The Second Part of "Illumination of the True Thought," the Great Commentary on the Classical Commentary Entitled "Ascertaining Accurate Perception"

, ,BSTAN BCOS TSAD MA RNAM NGES KYI t'IKA CHEN DGONGS PA RAB GSAL GYI SMAD CHA BZHUGS SO,,

, ,RJE BTZUN BLA MA RNAMS LA PHYAG 'TSAL LO, ,GNYIS PA RANG GIS GZHAL BYA RTOGS NAS GDUL BYA GZHAN RJES SU 'DZIN PA'I THABS LA GNYIS, GZHUNG DNGOS DANG, LE'U'I MTSAN NO,, DANG PO LA GNYIS, MTHA' GNYIS SU DOGS PA'I THE TSOM SEL BA'I YAN LAG SGRUB NGAG DANG, MTHA' GCIG TU 'DZIN PA'I LOG RTOG ZIL GYIS GNON PA'I YAN LAG SUN 'BYIN GYI NGAG BSHAD PA'O, ,DANG PO LA GSUM, SGRUB PA YANG DAG DANG, SGRUB PA LTAR SNANG DANG, DPE SGRUB BYED KYI YAN LAG LOGS PA YIN PA DGAG PA'O, ,DANG PO LA GNYIS, RJOD BYED NGAG GI RANG BZHIN BSHAD PA DANG, BRJOD BYA DON GYI RANG BZHIN BSHAD PA'O, ,DANG PO LA GNYIS, GZHAN DON RJES DPAG GI MTSAN NYID DANG, MTSAN NYID STON PA'I TSIG GI RNAM BCAD RGYAS PAR BSHAD PA'O, ,DANG PO LA GNYIS, RTZA BA DANG, 'GREL PA'O, ,DANG

, ,PO NI, DE LA 'DIR TSUL GSUM PA'I RTAGS SHES KYANG BRJOD TSUL LA MI MKHAS PA'I BYIS PA DAG RJES SU BZUNG BA'I PHYIR TU GZHAN DON RJES DPAG GI MTSAN NYID 'CHAD DO, ,GZHAN DON RJES SU DPAG PA'I MTSAN NYID NI GANG ZHE NA, PHYIR RGOL SHES 'DOD DANG LDAN PA'I DOR SKABS DANG MTHUN PAR RGOL BA YANG DAG GIS GANG BYAS PA YIN NA MI RTAG PA YIN PAS KHYAB, DPER NA BUM PA BZHIN SGRA YANG BYAS SO, ZHES PA'I NGAG CHOS CAN; GZHAN DON RJES SU DPAG PA YIN TE, RGOL BA RANG GI TSAD MAS MTHONG BA'I TSUL GSUM DON LA GRUB PA PHYIR RGOL GYI BLO NGOR RAB TU GSAL BAR BYED PA'I LHAG CHAD DANG BRAL BA'I YAN LAG GNYIS LDAN GYI NGAG YIN PA'I PHYIR; RANG GIS MTHONG BAS RGYU'I KHYAD PAR DANG, DON SMOS PAS BRJOD BYA'I KHYAD PAR DANG, RAB GSAL BYED SMOS PAS NGO BO'I KHYAD PAR DANG, BYED LAS KYI KHYAD PAR BSTAN TO, ,BCAD BYA TSUL GSUM DON LA YOD KYANG RGOL BA RANG GIS MA NGES PA DANG, TSUL GSUM DON LA MED PA DANG, DON LA YOD CING RGOL BAS NGES KYANG, LHAG CHAD DANG BRAL BAR TSUL GSUM GSAL BAR BYED PA'I NUS PA MED PA DAM BCA' BRJOD PA DANG GTAN TSIGS BRJOD

PA RNAMS RIM PA BZHIN DU SEL BAR BYED PA YIN NO, ,RAB RJOD BYED CES MA SMOS PAR RAB GSAL BYED CES SMOS PA NI, KHYAB PA GCIG DNGOS SU BSTAN PA NA CIG SHOS SHUGS BSTAN YIN PA GO BAR BYA BA'I CHED YIN GYI, SGRA'I SHUGS KYI BSTAN BYA YIN NA SGRA'I BRJOD BYA MA YIN PAS KHYAB PAR STON PA NI MA YIN NO, ,RTAGS DANG BSGRUB BYA GNYI GA RGOL BAS MTHONG BA'I DON YIN MOD KYI 'DIR NI RTAGS NYID LA BYA STE, PHYIR RGOL GYI DOR LKOG GYUR GO BYED KYI YAN LAG STON PA YIN LA, DAM BCA' SGRUB BYED KYI YAN LAG DANG, DE BRJOD PA SGRUB DAG GI YAN LAG YIN PA 'GOG PAR 'GYUR BA'I PHYIR RO, ,PHYOGS CHOS SNGAR NGES ZIN MA BRJOD PA LA KHYAB PA SGRUB PA'I CHED DU KHYAB PA BRJOD PA DANG, KHYAB PA NGES ZIN MA BRJED PA LA PHYOGS CHOS SGRUB PA'I CHED DU PHYOGS CHOS BRJOD PA DANG, GNYIS KA SNGAR SHES ZIN BRJOD PA LA GNYIS KA BRJOD PA DANG, SGRUB NGAG DANG POR BKOD NAS TSUL GSUM GZHI NAS SGRUB DOGS PA GANG YIN YANG TSUL GSUM KA PHYIR RGOL GYIS MA NGES PA DE SRID DU GTAN TSIGS YANG DAG DANG, DE STON PA'I SGRUB NGAG DE YANG PHYIR RGOL GYI SGRUB NGAG YANG DAG TU MI 'GYUR BA YIN NO, ,SGRUB NGAG GNYIS RTAGS 'GAL BA'I DOGS PA SHAS CHE BA LA CHOS MTHUN SBYOR DANG, MA NGES PA'I DOGS PA SHAS CHE BA LA CHOS MI MTHUN SBYOR 'GOD LA, PHYIR RGOL SHIN TU RMONGS PA LA NI GNYIS KA BRJOD DGOS PA DAG KYANG SRID PAR SHES PAR BYA'O, ,GNYIS PA NI, TSUL GSUM RTAGS NI GSAL BYED PA'O, ,ZHES SMOS BAS CHOG MOD, RANG GIS MTHONG DON ZHES SMOS PA JI LTAR YIN ZHE NA, RANG GIS MTHONG DON ZHES SMOS

, ,PA DGOS PA DANG BCAS PA YIN TE, GZHAN GYI DON GYI RJES SU DPAG PA NI, JI LTAR RGOL BA RANG NYID TSUL GSUM PA'I RTAGS LAS RTAGS CAN LKOG GYUR GYI DON LA DMIGS BA'I RJES SU DPAG PA'I SHES PA SKYES PA DE KHO NA LTAR PHYIR RGOL GZHAN LA RTAGS CAN GYI SHES PA BSKYED PAR 'DOD PAS KUN NAS BSLANGS NAS DON LA GRUB PA'I TSUL GSUM PA'I RTAGS STON PAR BYED PA DGOS PAR SHES PA'I CHED YIN PA'I PHYIR, 'DI LA GZHAN DON RJES DPAG GI MTSAN NYID BKOD KYANG CHOG GO ,'DOD PAS ZHES PA YAN CHAD KYIS RGOL BA RANG GI TSUL GSUM TSAD MAS MTHONG BA DANG, GZHAN LA RTOGS PA SKYED 'DOD KYI RGYU'I KHYAD PAR BSTAN LA, DE MAN CHAD KYIS BRJOD BYA DANG NGO BO DANG BYED BA'I KHYAD PAR BSTAN TO, ,RJES DPAG SHES PA MA YIN NAM, TSIG RJES DPAG TU JI LTAR 'GYUR ZHE NA, BTAGS MING YIN TE, 'DI LTAR GZHAN DON RJES DPAG LA RJES DPAG GI MING GIS 'DOGS PA'I RGYU MTSAN YOD DE, DE'I RGYU YIN PA'I PHYIR, BTAGS PA LA DGOS PA YOD DE, BSAMS BYUNG GI SHES RAB LA THOS BYUNG GI SHES RAB SNGON DU 'GRO DGOS PAR SHES PA'I CHED DANG, PHYIR RGOL GYI RGYUD LA LKOG GYUR GYI RTOGS PA YANG DAG BSKYED PA GZHAN GYIS BSTAN PA LA BLTOS PAR SHES PA'I CHED YIN PA'I PHYIR, DE RJES DPAG DNGOS MA YIN TE, DE LA RJES DPAG GIS SGRAS BSTAN PA RGYU LA 'BRAS BU'I MING GIS BTAGS PA'I PHYIR RO, ,GNYIS PA LA GNYIS, RANG GIS MTHONG DON SMOS PA'I DGOS PA DANG, RAB GSAL BYED SMOS PA'I DGOS PA'O, ,DANG PO LA GNYIS, THUN MONG DU BSHAD PA DANG, SO

SOR BSHAD PA'O, ,DANG PO LA GSUM, MTSAMS SBYAR BA DANG, RTZA BA DANG, DGOS PA BTUS TE BSTAN PAR GO BAR BYA BA'O, ,DANG PO NI, GAL TE MTHONG BA GSAL BAR BYED PA'O, ZHES PA TZAM ZHIG SMOS PAS CHOG MOD RANG SMOS PA DANG DON SMOS PA DGOS PA MED DO ZHE NA, GZHAN DON RJES DPAG GI MTSAN NYING STON PA'I SKABS 'DIR RANG GIS MTHONG ZHES RANG GIS KHYAD PAR DU BYAS PA DANG, DON ZHES SMOS PA NI DGOS PA DANG BCAS PA YIN TE, GNYIS PA NI, GZHAN DON RJES DPAG GI MTSAN NYID STON PA'I SKABS 'DIR CHOS CAN, RANG GIS MTHONG BA SMOS PA DGOS PA DANG BCAS PA YIN TE, TSUL GSUM RGOL BA RANG GI TSAD MAS MA MTHONG BAR LUNG LAS PHYIR RGOL GZHAN GYIS MTHONG BA TZAM NI GZHAN DON SKABS KYI SGRUB BYED YANG DAG DANG, DE BRJOD PA SGRUB NGAG YANG DAG MIN PAR SHES PA'I CHED YIN PA'I PHYIR, DON SMOS PA DGOS PA DANG BCAS PA YIN TE, TSUL GSUM DON LA MED PA RTOG PAS SPRUL PA TZAM RTAGS SU BKOD PA LAS KYANG GZHAN DON SKABS KYI RTAGS YANG DAG TU 'GYUR BA MIN PAR SHES PA'I CHED YIN PA'I PHYIR, GSUM PA NI, RANG GIS MTHONG BA DANG DON SMOS PA DGOS PA YOD DE, RNAM BCAD KYI GNAS DE DAG LAS PHYIR RGOL GYIS LKOG GYUR GYI DON 'GRUB PA MIN NO, ZHES SHES PAR BYA BA'I PHYIR RO, ,GNYIS PA LA GNYIS, RANG GIS MTHONG BA SMOS PA'I DGOS PA RGYAS PAR BSHAD PA DANG, DON SMOS PA'I DGOS PA RGYAS PAR BSHAD PA'O, ,DANG PO LA GNYIS, PHYOGS SNGA MA BRJOD PA DANG, DE LEGS PAR SUN DBYUNG BA'O, ,DANG PO NI, JI LTAR TE DPER NA GRANGS CAN PA KHA CIG NA RE,

, ,ZER BA YIN NO, ,DON GANG JI LTAR ZER NA PHYIR RGOL GZHAN GYI BLO DOR RTOGS PA BSKYED PAR 'DOD NAS SGRUB BYED BKOD BA'I SGRUB BYED NI, PHYIR RGOL DE NYID LA GRUB PAS CHOG GI RANG LA GRUB PAS CI ZHIG BYA STE, RANG LA RTOGS PA SKYED 'DOD MED PA'I PHYIR, DES NA PHYIR RGOL GZHAN GYIS LKOG GYUR RTOGS PAR BYA BA YIN PA'I PHYIR, DE SGRUB PA'I TSUL GSUM RGOL BA RANG GIS TSAD MAS MTHONG BA MA YIN YANG PHYIR RGOL GZHAN GYIS KHO RANG LA GRAGS PA'I LUNG LA BRTEN NAS MTHONG BA SGRUB PAR BYED BA YANG DAG YIN TE, DPER NA BLO DANG BDE BA DANG SDUG BSNGAL DANG BTANG SNYOMS LA SOGS PA NI CHOS CAN, SEMS BA MED BA BEM PO YIN TE, SKYE BA CAN NAM MI RTAG PA YIN PA'I PHYIR, DPER NA, GZUGS LA SOGS PA DE TZAM LNGA BZHIN NO,, ZHES ZER TO, ZHES BYA BA LTA BU'O, ,ZHES PA NI DPE DE 'DRA BA ZHES PA'I DON TO, ,'DIR GRANGS CAN GYI SBYOR BA 'DI'I BSAM PA CUNG ZAD BRJOD NA, SEMS PA CAN NI SHES RIG GI SKYES BU GCIG PU LAS MED PAS NGE NI BCINGS GROL KUN GYI GZHIR GYUR PA'I PHYIR, SKYE 'JIG BYED PA NAM YANG MI SRID PAS RTAGS MI MTHUN PHYOGS LAS LDOG PA GRUB SNYAM PA DANG, SNGAR MED GSAR DU SKYE BA DANG SNGAR YOD MED PAR 'GYUR BA'I 'JIG PA RANG LUGS LA MA GRUB KYANG DE RTZOD GZHI'I STENG DU GRUB PA SANGS RGYAS PA RANG GIS KHAS BLANGS PA'I LUNG LA BRTEN NAS GRUB LA, DE DANG BEM PO YIN PA'I RTAGS CHOS KYI GZHI MTHUN DE TZAM LNGA'I STENG DU SANGS RGYAS PA RANG GI LUNG LAS BSHAD PAS PHYOGS CHOS DANG RJES 'GRO PHYIR RGOL SANGS RGYAS PA RANG GI LUNG GIS GRUB PA YIN NO SNYAM PA'O,,

GRANGS CAN SHES BYA NYER LNGAR GRANGS NGES PAR 'DOD CING NYER BZHI BEM POR 'DOD LA, BLO DANG GTZO BO LA SOGS PA BEM POR SGRUB PA'I GTAN TSIGS YIN NO, ,MGON PO KLU SGRUB KYI DGONGS PA 'GREL BAR 'DOD PA KHA CIG ,NGO BO NYID MED PAR SMRA BAS DNGOS POR SMRA BA'I LOG RTOG DGAG BA'I TSAD DU GANG ZAG CHOS CAN BDEN PAR MED DE, RTEN 'BREL YIN PA'I PHYIR, CES PA'I GTAN TSIGS LTA BU'I TSUL GSUM NGO BO NYID MED PAR SMRA BA RANG LUGS KYI TSAD MAS MA GRUB CING, PHYIR RGOL GYI KHAS BLANGS TZAM GYIS GRUB PA GZHAN GRAGS KYI GTAN TSIGS YIN NO, ZHES ZER BA YANG MGON PO KLU SGRUB KYI DGONGS PA LAS PHYI ROL TU GYUR CING GRANGS CAN GYI 'DOD PA 'DI DANG KHYAD PAR CUNG ZAD KYANG MED PAR SHES PAR BYA'O, ,RANG GI TSAD MAS MA GRUB BZHIN DU PHYIR RGOL GZHAN LA DE KHO NA NYID KYI RTOGS PA SKYED PAR 'DOD PA'I SHING RTA CHEN PO NI SU YANG MED BAS RANG NYID YANG DAG PA'I LAM LAS NYAMS PAR BYED CING, DAM PA RNAMS LA SKUR PA 'DEBS PA'I PHYIN CI LOG TU SHES PAR BYA'O, ,GNYIS PA LA GNYIS, DNGOS PO STOBS ZHUGS KYI SKABS SU PHYIR RGOL GYI KHAS BLANGS TZAM SGRUB BYED DU MI RUNG BA DANG, THAL 'GYUR GYI NGAG DANG MTSUNGS PA SPANG BA'O, ,DANG PO LA GNYIS, SPYI'I DON DANG, YAN LAG GI DON TO, ,DANG PO NI, RANG GIS MTHONG BA ZHES SMOS PA GZHAN DON GYI RTAGS RGOL BAS BKOD PA LA BRTEN NAS TSUL GSUM PHYIR RGOL GYI TSAD MAS GRUB NA BSGRUB BYA LA RTOGS PA SKYE BA'I PHYIR, NGES CHOG MOD RGOL BA'I RGYUD KYI TSAD MAS GRUB PA CI ZHIG DGOS, RGOL BAS GO BYED DU TSAD MAS MA GRUB PAR PHYIR RGOL GYI BLO NGOR GO BYED MI 'GYUR NA, DMUS LONG GIS

, ,LAG DU MAR ME BZUNG PA NA MIG LDAN GYI GANG ZAG LA SGRON MES GZUGS GSAL BAR BYED MI NUS PAR 'GYUR RO ZHE NA, 'DI LA LAN BSHAD PAR BYA STE, TSAD MAS GRUB PA'I RNAM GZHAG CI YANG MI SHES PA'I 'CHAD PA POS GZHUNG LUGS RNAM DAG BSHAD PA LA BRTEN NAS SLOB MA RNAM DPYOD DANG LDAN PA'AM, MI LDAN YANG RUNG DE 'DRA BA'I GANG ZAG LA TSAD MA 'AM YID DPYOD KYI GO BA BSKYED PA SRID MOD KYI, DE TZAM ZHIG 'DIR GTAN LA DBAB BYA'I GTZO BO MA YIN GYI 'DIR NI RNAM DPYOD DANG LDAN PA'I RNAM GROL DON GNYER GYI PHYIR RGOL RTOG LDAN LA THAR PA DANG THAMS CAD MKHYEN PA'I LAM 'BRAS BU DANG BCAS PA RANG RGYUD LA DNGOS STOBS KYI TSAD MAS LEGS PAR GRUB NAS GDUL BYA 'KHRID PAR BYED PA'I RGOL BA RTOG LDAN GYI GZHAN DON BYED PA'I TSUL GTAN LA 'BEBS PA YIN LA, DE LA NI GZHAN DON SKABS KYI RTAGS YANG DAG GI TSUL GSUM RGOL PHYIR RGOL GNYIS KAR GYI TSAD MAS GRUB PA NGES PAR DGOS PAR SHES PAR BYA STE, 'DI LTAR PHYIR RGOL GYI RGYUD LA 'DUS BYAS RTAG PA DANG, ZAG PA DANG BCAS PA BDE BA DANG, GANG ZAG GI BDAG YOD PAR 'DZIN PA'I SGRO 'DOGS DANG THE TSOM GZHI CHOS CAN LA BLO KHA PHYOGS PA'I TSUL GYIS LEGS PAR CHOD PA LA NI, SGRO 'DOGS KYI ZHEN YUL RNAM PAR BCAD PA TSAD MAS GRUB PA DGOS TE, MA RTOGS PA DANG LOG PAR RTOG PA DANG THE TSOM SOGS KYIS SGRO 'DOGS LEGS PAR GCOD MI NUS PA'I PHYIR RO, ,PHYIR RGOL GYI RGYUD LA TSAD MA DGOS MOD, DES CI ZHIG GRUB PA YIN ZHE NA, RGOL BAS SGRUB NGAG BKOD PA LA BRTEN NAS, PHYIR RGOL GYI RGYUD LA 'DUS BYAS

MI RTAG PAR RTOGS PA'I TSAD MA SKYES PA NA, RGOL BA'I TSIG DE NGO BO NYID KYIS GRUB PA'I TSAD MA YIN PAS DE THOS PA TZAM GYIS RTOGS PA SKYES PA YIN NAM, 'ON TE RGOL BA'I TSIG TSAD MAR KHAS BLANGS PA TZAM LAS SAM, 'ON TE RGOL BA'I RGYUD LA TSAD MA MED KYANG RGOL BA'I TSIG DE'I DON LA RANG NYID KYIS BSAMS SHING GZHIGS PA NA TSUL GSUM TSAD MAS KHONG DU CHUD NAS RTOGS PA SKYES PA'AM, 'ON TE DE LAS GZHAN DU YIN, DANG PO LTAR NA, TSIG RANG GI BRJOD BYA DANG 'BREL MA 'BREL DANG, BRJOD BYA DON LA GNAS MI GNAS SOGS MA BRTAGS PAR TSIG NGO BO NYID KYIS GRUB PA'I TSAD MA YIN NA, SANGS RGYAS PA DANG GRANGS CAN GYI TSIG LA TSAD MA YIN MIN GYI KHYAD PAR CUNG ZAD KYANG MI 'THAD PAS, BLO BDE SEMS MED KYI GNOD BYED BKOD PA NUS PA MED PAR 'GYUR TE, DE GRANGS CAN GYI TSIG TZAM GYIS GRUB PA'I PHYIR, BLO BDE SEMS PA CAN LA SGRUB BYED BKOD PA LA DGOS PA MED PAR 'GYUR TE, DE SANGS RGYAS PA'I TSIG TZAM GYIS GRUB PA'I PHYIR RO, ,DE BZHIN DU DAM BCA' GANG DANG GANG BSGRUB PA'I CHED DU RTAGS BKOD PA LA DGOS NUS CUNG ZAD KYANG MED PAR 'GYUR TE, DAM BCA' GANG DANG GANG RANG RANG GI TSIG TZAM GYIS GRUB PA'I PHYIR, GNYIS PA LTAR NA, RGOL BA'I SGRUB BYED KYI TSIG TSAD MAR KHAS BLANGS PA TZAM GYIS BSGRUB BYA LA TSAD MA'I RTOGS PA SKYED NUS NA RNAM PA KUN TU MTSUNGS PAS RGOL BA'I DAM BCA'I TSIG LAS KYANG BSKYED NUS PA'I PHYIR, SGRUB BYED BKOD PA DGOS PA MED PAR 'GYUR RO, ,GAL TE SGRUB BYED 'GOD NA YANG, SGRA MI RTAG STE, MI RTAG PAR KHAS BLANGS PA'I PHYIR, CES PA'I DON LAS CUNG ZAD KYANG MA 'DAS PA LA DGONGS NAS 'OG NAS

, ,'DIS NI NGAS KHAS BLANGS PA'I PHYIR CES BYA BA LA SOGS PA'I GTAN TSIGS KYI SBYOR BA DANG, ZHES SOGS GSUNGS SO, ,GSUM PA LTAR NA YANG, PHYIR RGOL RNAM DPYOD DANG LDAN PAR 'GYUR GYI PHYIR RGOL GYI RGYUD KYI TSAD MA DE RGOL BA'I RGYUD KYI TSAD MA'I 'BRAS BU MA YIN PA'I PHYIR, RGOL BA RTOG LDAN GYIS BYAS PA'I GZHAN DON DU MI 'GYUR TE, DE LA NI, PHYIR RGOL RTOG LDAN GYI RGYUD KYI BSGRUB BYA RTOGS PA'I TSAD MA DE RGOL BA RTOG LDAN GYI RGYUD KYI TSAD MA LAS NGES PAR SKYES PA DGOS PA'I PHYIR RO, ,DE YANG, THUB RNAMS SDIG PA CHU YIS MI BKRU ZHING, ,'GRO BA'I NYON MONGS PHYAG GIS MI SEL LA, ,NYID KYI RTOGS PA GZHAN LA SPO MIN GYI, ,CHOS NYID BDEN PA BSTAN PAS GROL BAR MDZAD, CES BSHAD PA'I DON DU SHES PAR BYA'O, ,BZHI PA LTAR NA NI, PHYIR RGOL GYI RGYUD KYI TSAD MA RGOL BA'I RGYUD KYI TSID MA'I 'BRAS BUR GRUB PA LAS MA 'DAS PAS GZHAN DON SKABS KYI RTAGS YANG DAG GI TSUL GSUM RGOL PHYIR RGOL GNYIS KAS GRUB PA DGOS PAR BSHAD PA'I TSUL LA NGES PA GTING TSUGS PA RNYED PAR BYAS NAS MKHAS PA GZHAN DON BYED 'DOD PA DAG GIS THAR PA DANG THAMS CAD MKHYEN PAR BGROD PA'I LAM 'BRAS BU DANG BCAS PA GRUB PA'I TSAD MA RANG RGYUD LA 'DUG MI 'DUG LEGS PAR BRTAGS NAS YOD NA DE GONG NAS GONG DU JE 'PHEL DU 'GYUR BA LA 'BAD PAR BYA'I, RANG NYID CI YANG MI SHES PA'I BLUN POR BYAS NAS GZHAN PAS BYAR MI BYA'O, ,SDE SNOD LA LEGS PAR SBYANGS PA LAS LUG RDZI GDAMS NGAG THEBS PA SLA'O ZHES ZER BA NI, SANGS RGYAS KYI BSTAN PA NYAM CHUNG BA'I DUS SU SLEB PA'I RTAGS SU SHES PAR BYAS LA MKHAS PAS MCHI LA MA'I THAL BA BZHIN

DU RGYAD RING DU DOR BAR BYA BA KHO NA'O, ,RANG GIS MTHONG BA SMOS PA'I DGOS PA'I DAG LA NGES PA GTING TSUGS PA MA RNYED PA'I RTAGS SU GZHUNG 'DI DAG LA RING DU 'DRIS PAR BYAS PA DAG KYANG CI YANG MI SHES PA'I BLUN PO DAG LA RNAM GROL GYI 'BRAS BU STER BA'I BLA MAR 'DZIN PA SNANG BA'I PHYIR RO, ,RE SHIG LAM LA TSAD MA'I NGES PA DRANGS PA'I SGO NAS BKRIR MI RUNG BA'I GDUL BYA DMAN PA DAG JI LTAR 'KHRID PA'I TSUL YANG YID CHES BSAL BA LA GNOD PA'I SEL BYED YID CHES KYI SKABS SU 'CHAD PAR 'GYUR RO, , GNYIS PA LA GNYIS, RTAGS KYI TSUL SGRUB BYED KYI TSAD MA LA BRTAGS TE DGAG PA DANG, RTAGS RANG GI NGO BO DNGOS PO'I STOBS LA GNAS MI GNAS BRTAGS LA DGAG PA'O, ,DANG PO LA GSUM, DNGOS PO STOBS ZHUGS KYI SKABS SU LUNG SGRUB BYED DU MI RUNG BA DANG, PHYIR RGOL GYI KHAS BLANGS TZAM SGRUB BYED DU MI RUNG BA DANG, DES NA GZHAN DON SKABS KYI RTAGS YANG DAG TU 'GYUR BA TSUL GSUM RGOL BA'I TSAD MAS GRUB PA LA BLTOS PA'O, ,DANG PO LA GNYIS, DNGOS PO STOBS ZHUGS KYI SKABS SU LUNG SGRUB BYED DU MI RUNG BA SPYIR BSTAN PA DANG, RTAGS 'DI'I TSUL SGRUB BYED DU MI RUNG BA BYE BRAG TU BSHAD PA'O, ,DANG PO LA GSUM, DNGOS STOBS KYI SKABS SU TSIG TZAM SGRUB BYED DU MI RUNG BA DANG, TSIG GI KHYAD PAR SGRUB BYED DU MI RUNG BA DANG, SKABS DER LUNG SGRUB BYED DU MI RUNG BA'I RGYU MTSAN NO, ,DANG PO NI, SANGS RGYAS PA'I LUNG BLO BDE SKYE 'JIG CAN DU BSGRUB PA'I SGRUB BYED DU 'DOD PA DE NI MI RIGS TE, DNGOS PO STOBS ZHUGS KYI RJES SU DPAG PA'I BYED PA 'JUG PA'I YUL LA LUNG GI TSIG SGRUB BYED TSAD MA MA YIN

, ,PA'I PHYIR RO, ,RTAGS MA GRUB CE NA, BLO BDE SEMS MED LA DNGOS PO STOBS ZHUGS KYI RJES SU DPAG PA 'JAL BYED DU MI 'JUG PAR 'GYUR TE, DE'I TSE LUNG SGRUB BYED TSAD MA YIN PA'I PHYIR, DNGOS PO STOBS ZHUGS KYI BYED PA 'JUG PA'I TSE LUNG GI DON LA DPYAD PA MA DAG PAS, DE'I TSE LUNG SGRUB BYED YIN NA, KHAS BLANGS TZAM GYIS GRUB PAR 'GYUR RO, ,KHYAB PA YOD PAR THAL, DNGOS STOBS KYI TSE LUNG SGRUB BYED YIN NA BLO BDE SEMS MED DU SGRUB PA'I DNGOS STOBS KYI GTAN TSIGS DANG DPE LA SOGS PA DON MED PA'I PHYIR RO, ,DER THAL, DE YIN NA DAM BCA'I TSIG TZAM GYIS DAM BCA'I DON GRUB PAS KHYAB PA'I PHYIR, LUNG SGRUB BYED YIN NA, DPE DANG GTAN TSIGS DON MED PA SPYIR STON PA YIN GYI, YID CHES PA'I GTAN TSIGS YANG DAG SNGAR BSTAN CING 'OG TU YANG GNOD BYED DU BSTAN PA'I PHYIR DANG, MA BSTAN YANG RIGS PAS 'THAD PA'I PHYIR RO, ,'DIS KYANG LUNG SGRUB BYED DU KHAS LEN PA'I DUS DON GYIS BSTAN MOD KYI, GSAL BAR 'OG TU 'CHANG NGO, ,GNYIS PA LA GNYIS, RTZOD PA DANG, LAN NO, ,DANG PO NI, TSIG GI KHYAD PAR DON THAMS CAD MNGON SUM DU GZIGS PA'I NYES ZAD KYI TSIG SGRUB BYED TSAD MA YIN PA'I PHYIR, LUNG PHYOGS CHOS SGRUB BYED DU MI RUNG BA'I NYES PA MED DO ZHE NA, RTZOD PA 'DI'I BSAM PA NI; DA LTA MANG PO DAG LA GRAGS PA LTAR, DGE SLONG DAG KO MKHAS RNAMS KYIS, ,BSREGS BCAD BRDAR BA'I GSER BZHIN DU, ,LEGS PAR RTAGS LA NGA YI BKA', ,BLANGS BAR BYA YI GUS PHYIR MA NI, ZHES GSUNGS PA LTAR LUNG GI DON LA RIGS PA'I

BRTAG DPYAD MI BYED PAR STON PAS GSUNGS PA TZAM RGYU MTSAN DU BYAS NAS DAM BCA' 'JOG PA DAG DANG 'DRA BA YIN NO, ,GNYIS PA LA GNYIS, SKYES BU KHYAD PAR CAN GYI TSIG DNGOS STOBS KYI SKABS SU SGRUB BYED DU MI RUNG BA BSHAD ZIN DRAN PAR BYED PA DANG, BLO BDE SKYE 'JIG CAN DU STON PA'I SANGS RGYAS PA'I LCANG DE'I SGRUB BYED DU MI RUNG BA'O, ,DANG PO NI, SKYES BU KHYAD PAR CAN GYI TSIG DANG SKYES BUS MA BYAS PA'I TSIG LA SOGS PA DNGOS STOBS KYI SKABS SU SGRUB BYED DU MI RUNG BAR THAL, DE LTAR 'DOD PA 'DI LA SNGAR LUNG GI TSAD MA BSAM PAR DGAG PA BSHAD ZIN PA'I PHYIR, ,GNYIS PA NI, LUNG 'DI ZHEN PA'I BRJOD BYA LA MI SLU BAR SGRUB PA'I DNGOS STOBS KYI TSAD MA YOD DAM MED GRANGS CAN LA DRIS PAS, TSAD MA MED DE, BLO BDE SKYE 'JIG CAN DU KHYED KYIS KHAS BLANGS PA TZAM YIN GYI DON LA MI GNAS PA'I PHYIR RO ZHE NA, BLO BDE SKYE 'JIG CAN DU STON PA'I LUNG DE PHYIN CI LOG GI LUNG GZHAN LAS RTAGS 'DI'I PHYOGS CHOS SGRUB NUS PA'I KHYAD PAR 'GA' ZHIG YOD PAR YANG MI 'GYUR BAR THAL, LUNG 'DI LA ZHEN PA'I BRJOD BYA LA MI SLU BA'I RGYAB RTEN TSAD MA MED PA'I PHYIR, DANG PO LTAR NA LUNG DES GRUB PA BLO BDE SKYE 'JIG CAN PHA ROL SANGS RGYAS PA 'BA' ZHIG LA GRUB PA MA YIN PAR THAL, LUNG GI ZHEN PA'I BRJOD BYA LA MI SLU BA YOD PAR GRANGS CAN GYIS KYANG DNGOS STOBS KYIS GRUB PA'I PHYIR, 'DI LA MI SLU BA'I TSAD MA YOD NA DNGOS PO STOBS ZHUGS KYI TSAD MA DGOS KYI, LUNG TZAM GYIS MI NUS SO, ,GSUM PA LA GNYIS, LUNG SGRUB BYED DU KHAS LEN PA'I DUS NGOS GZUNG BA DANG, DNGOS STOBS KYI SKABS SU PHYIR RGOL GYIS KHAS

, ,BLANGS PA'I LUNG SGRUB BYED DU MI RUNG PA'O, ,DANG PO NI, DNGOS PO STOBS ZHUGS KYI SKABS SU LUNG SGRUB BYED DU MI RIGS PAR THAL, DE'I TSE LUNG DON LA BRTAG PA BYED PA'I DUS YIN GYI, TSIG GI KHYAD PAR TSAD MA MIN PA DES NA'I PHYIR, KHYAB PAR THAL, SNGAR LUNG TSAD MAR KHAS BLANGS NAS DE'I RJES SU LUNG GI DON LA BRTAG PA 'JUG PA NI RIGS PA MA YIN GYI 'ON KYANG SNGAR LUNG GI DON LA BRTAGS NAS DPYAD PA DAG PA NA DPYAD PA GSUM GYIS DAG PA'I LUNG DE SHIN TU LKOG GYUR GYI SKABS SU SGRUB BYED DU KHAS LEN PA RIGS PA YIN PA'I PHYIR, GNYIS PA NI PHYIR RGOL GZHAN GYIS KHAS BLANGS PA'I LUNG GIS NI BLO BDE SKYE 'JIG CAN DU 'GRUB PA MA YIN PAR THAL, DNGOS STOBS KYI SKABS SU LUNG SGRUB BYED DU MI RUNG BA DE'I PHYIR, DNGOS PO STOBS ZHUGS KYI SKABS SU LUNG TSAD MA YIN PA RTAGS YANG DAG GI BSGRUB BYAR YANG MI BZUNG STE, DGOS NUS CUNG ZAD KYANG MED PA 'OG TU 'CHAD PAR 'GYUR RO, ,DBER NA, 'DUS BYAS MI RTAG PAR STON PA'I LUNG RANG GI BSTAN BYA'I DON LA MI SLU BA RTAGS YANG DAG GI BSGRUB BYAR 'DZIN PA LTA BU'O, ,GNYIS PA LA GNYIS, RGOL BA'I NGOR SANGS RGYAS PA'I LUNG SGRUB BYED MA YIN PA DANG, PHYIR RGOL GYI SNGAR KHAS BLANGS KYANG DOR BA'O, ,DANG PO NI, BLO BDE SEMS MED DU SGRUB PA DE'I TSE SANGS RGYAS PA'I LUNG 'DI BLO BDE SKYE 'JIG CAN DU SGRUB BYED KYI TSAD MA MA YIN PAR THAL, SANGS RGYAS PA'I LUNG DE LA GNOD PAR BYA BA'I PHYIR GZHAN BLO BDE SEMS MED LA SGRUB PAR BYED PA BRJOD PA'I PHYIR, RTAGS BSAL KHAS BLANGS SO, ,'DOD PA LA

GNOD PA GZHAN YANG BSTAN PA NI, SKYE 'JIG CAN DE LAS BLO BDE SEMS MED 'GRUB PAR JI LTAR 'GYUR TE MI 'GYUR BAR THAL, SANGS RGYAS PA'I LUNG DES GRUB PA NI RTAGS TSAD MAS GRUB PA MA YIN PA'I PHYIR, BLO BDE SEMS PA CAN BKAG PAS BLO BDE SEMS PA CAN GYI RTEN DU GYUR PA'I LUNG TSAD MA YIN PA KHEGS PAR BSAMS NAS GRANGS CAN GYIS GTAN TSIGS BKOD PA YIN LA, SANGS RGYAS PA'I LUNG TSAD MA YIN PA KHEGS NA BLO BDE SKYE 'JIG CAN GYI SGRUB BYED KHEGS PAS BLO BDE SEMS MED KYANG MI 'GRUB PAR STON PA YIN NO; ;RTAGS DON LA MI GNAS KYANG BSGRUB BYA DON LA GNAS PA'I LAN NI 'OG TU 'GOG PAR 'GYUR RO, ,GNYIS PA LA GSUM, GZHAN DANG LHAN CIG LUNG DON LA BRTAG PA 'JUG PA'I TSE LUNG TSAD MAR KHAS LEN PA DOR BA DANG, GZHAN GYI SUN 'BYIN LA RNA BA GTOD PAR BZOD PA'I TSE DOR BA DANG, LUNG DON DANG 'GAL BA KHAS LEN PA'I TSE DOR BA'O, ,DANG PO LA GNYIS, RTZOD PA DANG, LAN NO, ,DANG PO NI, RGOL BA LA LUNG NGES MA GRUB KYANG PHYIR RGOL LUNG DE TSAD MAR KHAS BLANGS PA DANG LNGA PA LA LUNG NGES PHYOGS CHOS 'GRUB PA YIN NO, ZHE NA, GNYIS PA NI, PHYIR RGOL SANGS RGYAS PA'I DOR LUNG DE RTAGS DE'I PHYOGS CHOS SGRUB BYED DU MI RUNG BAR THAL, BLO BDE SKYE 'JIG CAN GYI SGRUB BYED DU GYUR PA'I SANGS RGYAS PA GANG GI LUNG GANG YIN TE DE 'DRA MED PA'I PHYIR; DE MED PAR THAL, DE DANG NGO BO NYID KYI 'BREL PA YANG MED KHAS BLANGS KYI 'BREL PA YANG MED PA'I PHYIR, KHAS BLANGS KYI 'BREL PA MED DE, DE'I TSE TSAD MAR KHAS BLANGS PA MED PA'I PHYIR, NGO BO NYID KYI 'BREL PA YANG MED DE, LUNG MED KYANG SKYE

, ,'JIG CAN DNGOS STOBS KYI TSAD MAS GRUB PA'I PHYIR, GNYIS PA NI, DE'I TSE MA DOR YANG GZHAN GYIS LUNG DON LA GNOD PA BRJOD PA'I TSE RNA BA GTOD PAR BZOD PA NA DOR BA YIN TE, SANGS RGYAS PA'I LUNG BLO BDE SKYE 'JIG CAN SGRUB BYED NYID DU YANG JI LTAR 'GYUR TE MI 'GYUR BAR THAL, SANGS RGYAS PA'I LUNG GI DON LA TSAD MAS GNOD PA YIN PA'I PHYIR, 'DI YANG BLO BDE SEMS PA CAN LA TSAD MAS GNOD NA DE'I RTEN DU GYUR PA'I LUNG TSAD MA YIN PA KHEGS PAS SKYE 'JIG CAN GYI SGRUB BYED DU YANG MI RUNG BAR STON PA YIN NO, ,TSAD MAS GNOD KYANG RANG GI STON PA'I LUNG YIN PAS 'DOR BAR MI RIGS SO ZHE NA, LUNG DANG DANG PO NAS NGO BO NYID KYIS 'BREL BA'I RGYU MTSAN GYIS, LUNG SGRUB BYED TSAD MAR MI 'DOD BZHIN DU KHAS LEN DGOS PA MA YIN PAR THAL, DANG POR SKYE BO LUNG GI YAN LAG MED PA'I RENG BUR SKYES PAR GYUR BA YIN PA'I PHYIR, LUNG DON LA BRTAG PA BYED PA'I TSE, LUNG DON RIGS PAS GRUB NAS KHAS LEN PA YANG MI RIGS PAR THAL, DE'I TSE LUNG DON RIGS PAS GRUB PA'I YON TAN DANG RIGS PAS GNOD PA'I NYES PA GANG YANG MA MTHONG BA'I PHYIR, GDON GYIS BTAB PA'I SKYES BU NI BRTZE BAR BYA BA YIN LA DE DANG 'DRA BAS NA KYE MA ZHES SO, ,MI 'DOD BZHIN DU DBRAL BAR DKA' BA'I GRUB MTHA' STE LUNG MI BZAD PA'I GDON DANG 'DRA BA 'DI GRANGS CAN KHYOD LA DBANG PHYUG LA SOGS PA SU YIS BA GOS PA YIN TE GTAD PA YIN ZHES PA'O, ZHES BYA BA NI BAR SKABS KYI TSIGS SU BCAD PA'O, ,GSUM PA NI, RANG GI LUNG DE NYID KYIS GRUB PA'I

RTAGS LAS LUNG DE DANG 'GAL BA BLO BDE SEMS MED KHAS LEN PAR YANG JI LTAR RIGS PAR 'GYUR TE MI 'GYUR BAR THAL, BLO BDE SEMS MED DE KHAS BLANGS NA BLO BDE SEMS PA CAN DU STON PA'I LUNG LAS PHYOGS CHOS RTOGS PAR MI RUNG BA'I PHYIR RO,, DER THAL, DE KHAS BLANGS NA SANGS RGYAS PA'I LUNG TSAD MA YIN PA SPANG BAR BYA BA'I YAN LAG TU 'GYUR GYI LUNG SGRUB BYED TSAD MA MA YIN PA'I PHYIR, KHYOD LTAR NA BLO BDE SEMS MED DU KHAS LEN PAR RIGS PAS BLO BDE SEMS PA CAN DU STON PA'I LUNG SNGAR TSAD MAR KHAS BLANGS PA YOD KYANG DE'I TSE 'DOR DGOS SO, ,GNYIS PA PHYIR RGOL GYI KHAS BLANGS TZAM SGRUB BYED DU MI RUNG BA LA GNYIS, DNGOS PO LA GNAS PA'I DAM BCA' MI SRID PAR THAL PA DANG, SGRUB BYED YANG DAG DANG LTAR SNANG GI RNAM DBYE DES PA MI SRID PAR THAL BA'O, ,DANG PO NI, DAM BCA'I DNGOS PO BLO BDE SEMS MED LEGS PAR RNAM PAR GNAS PA YIN PA STE, DNGOS PO LA MI GNAS PAR THAL, PHYIR RGOL GYI KHAS BLANGS TZAM DE LAS NI DAM BCA'I DNGOS PO DE 'JOG PA'I PHYIR, DER THAL; SGRUB BYED GZHAN MED PAR PHYIR RGOL DES KHAS BLANGS PA TZAM GYIS LUNG TSAD MAR 'GYUR PA YIN LA LUNG DE LAS KYANG SGRUB PAR BYED PA'I CHOS SKYE 'JIG CAN 'JOG PA YIN PA'I PHYIR, DAM BCA' RTAGS KYIS SGRUB CING, RTAGS LUNG GIS SGRUB PA LA LUNG 'DOD PAS BYAS PA'O, ,GNYIS PA NI, GTAN TSIGS YANG DAG DANG GTAN TSIGS DER SNANG BA DAG GI DE NYID CHOS CAN, SKYES BU'I 'DOD PA TZAM GYIS RNAM PAR 'JOG PAR THAL, 'DOD PA TZAM GYIS BZHAG PA'I LUNG GIS 'JOG PA'I

, ,PHYIR; 'DOD NA DA NI DNGOS PO LA GTAN TSIGS DANG GTAN TSIGS MA YIN PA YANG SO SOR NGES PA CI YOD DE MED PAR THAL, 'DOD PA DE'I PHYIR, KHYAB PAR THAL, SKYES BU'I 'DOD PA DE NYID DNGOS PO LA MTHA' GCIG TU 'JUG PAR MA NGES PA'I PHYIR RO, ,GSUM PA DES NA GZHAN DON SKABS KYI RTAGS YANG DAG TU 'GYUR BA TSUL GSUM RGOL BA'I TSAD MAS GRUB PA LA BLTOS PA NI, GZHAN DON SKABS KYI RTAGS YANG DAG GI TSUL GSUM RGYU MTSAN GANG LAS PHYIR RGOL GZHAN GYIS LUNG LAS KHAS BLANGS PA TZAM GYIS 'GRUB PAR 'GYUR BA MA YIN PAR THAL, GZHAN DON SKABS KYI RTAGS YANG DAG YIN NA TSUL GSUM DON STENGS SU YOD PA'I DON NI RGOL BAS CHAD MAS RTOGS PA LA BLTOS NAS BSGRUB PAR BYED PAR 'GYUR BA YIN PA'I PHYIR, 'DOD NA, DON DANG MA 'BREL BA RTOG PA TZAM GYIS BZHAG PA NI SGRUB BYED YANG DAG TU 'GYUR BA MA YIN PAR THAL, 'DOD PA DE'I PHYIR RO, ,GZHUNG 'DI NI GZHAN DON SKABS KYI RTAGS KYI TSUL RGOL BA'I TSAD MAS GRUB PA MI DGOS PAR PHYIR RGOL LA GRAGS PA'I LUNG TZAM GYIS GRUB PAR 'DOD PA MTHA' GZHAN 'GOG PA'I RIGS PAS KHEGS NAS RGOL BA'I TSAD MAS GRUB PA LA BLTOS PAR GRUB PA'I DON BSDUS PA YIN LA, RGOL BAS JI LTAR GRUB PA JI 'DRA BA DE 'DRA BA ZHIG GI THABS LA BRTEN NAS GRUB DGOS PAR YANG GRUB PAS, RGOL PHYIR RGOL GNYIS KAR GYI TSAD MAS MA GRUB NA, GZHAN DON SKABS KYI RTAGS YANG DAG TU MI 'GYUR BAR BSTAN PA YIN NO, ,GNYIS PA RTAGS RANG GI NGO BO DNGOS PO'I STOBS LA GNAS MI GNAS BRTAGS LA DGAG

PA LA GSUM, BLO BDE SEMS MED DU SGRUB PA'I RTAGS YANG DAG MED PA DANG, SNGAR BKOD PA'I RTAGS 'BRAS RANG MA DMIGS PA'I RTAGS GSUM PO GANG YANG MA YIN PA DANG, DNGOS KYI DON TO, ,DANG PO NI, BLO BDE SKYE 'JIG CAN GYI SGRUB BYED MED PAS DON LA MI GNAS KYANG, BSGRUB BYA BLO BDE SEMS MED DNGOS PO'I STOBS LA GNAS SO ZHE NA, BLO BDE SEMS MED DU RTOGS PA'I BLO CHOS CAN, BLO BDE SEMS MED YOD DU CHUG KYANG MED PAR RTOGS PA DANG KHYAD PAR YOD PA MA YIN TE, BLO BDE SEMS MED DU ZHEN PA GANG ZHIG DE YOD PAR YID CHES PA'I RGYU MTSAN YANG DAG MED PA'I PHYIR RO, ,DER THAL, SGRUB BYED DNGOS PO LA GNAS PAS MA BYAS PA'I RTOGS PA MED BZHIN DU 'KHRUL BA'I RGYU 'GA' ZHIG LAS BLO BDE SEMS MED DU ZHEN PA TZAM YIN PA'I PHYIR, CHOS CAN DANG SNGA MA'I RTAGS ZUR SNGA MA YANG KHAS BLANGS SO, ,'DIS SNGAR BSHAD PA'I RTAGS LA 'BREL PA MED PAR YANG BSTAN PA YIN NO, ,GNYIS PA NI, SKYE 'JIG CAN CHOS CAN, BLO BDE SEMS MED DU SGRUB PA'I RTAGS YANG DAG MA YIN PAR THAL, DE SGRUB KYI GTAN TSIGS GSUM PO GANG YANG MA YIN PA'I PHYIR, KHYAB PAR THAL, 'BRAS BU DANG RANG BZHIN DANG MI DMIGS PA'I KHYAD PAR DAG LAS LKOG GYUR RTOGS PA'I YAN LAG RTAGS YANG DAG GZHAN NI MED DO ZHES BSHAD ZIN PA'I PHYIR, GSUM PA NI, BLO BDE'I STENG DU RTAGS SKYE 'JIG CAN DE DON LA GRUB BAM MA GRUB, DANG PO LTAR NA, RTAGS DE'I PHYOGS CHOS CI LTAR GRANGS CAN BDAG NYID LA MA GRUB PAR 'GYUR TE GRANGS CAN LA GRUB RIGS PAR THAL, GRANGS CAN RTAGS DE 'GOD MKHAN GYI RGOL BA GANG

, ,ZHIG SKYE 'JIG CAN DE BLO BDE'I STENG DU DNGOS PO'I GNAS LUGS LA GRUB PA'I MTSAN NYID CAN YIN PA'I PHYIR, GNYIS PA LTAR NA, RTAGS DE LA BRTEN NAS SANGS RGYAS PAS KYANG BSGRUB BYA RTOGS PA MI 'THAD PAR THAL, DE'I PHYOGS CHOS MA GRUB PA'I PHYIR, KHYAB PAR THAL, RTAGS RTZOD GZHI LA GRUB PA LAS GZHAN GYIS NI PHA ROL SANGS RGYAS PA LA YANG LKOG GYUR RTOGS PA MI 'THAD PA NYID KYI PHYIR, GNYIS PA THAL 'GYUR GYI NGAG DANG MTSUNGS PA SPANG BA LA GNYIS, SPYI'I DON DANG; YAN LAG GI DON TO, ,DANG PO LA GSUM, SGRUB PA'I THAL 'GYUR NGOS BZUNG BA DANG, SGRUB PA'I THAL 'GYUR DANG CHOS MI MTHUN SBYOR GYI SGRUB NGAG KHYAD MED DU THAL BA SPANG BA DANG, DPER SMOS PA'I THAL BA'I CHOS CAN NGOS BZUNG BA'O, ,DANG PO NI, RANG RGYUD 'PHEN PA'I THAL 'GYUR GYI DAM BCA' TSAD MAS BSAL BA YIN DGOS TE, DE LTA MA YIN PAR TSAD MA'I GZHAL BYA YIN NA, RANG RGYUD KYI PHYOGS CHOS MI 'GRUB PA'I PHYIR RO, ,RTAGS PHYIR RGOL GYIS KHAS BLANGS PA DGOS TE, DE LTA MA YIN PAR TSAD MAS GRUB NA, RANG RGYUD KYI DAM BCA' TSAD MAS BSAL BAR 'GYUR BA'I PHYIR RO, ,KHYAB PA TSAD MAS GRUB PA DGOS TE, DE LTA MA YIN NA RANG RGYUD KYI KHYAB PA YANG MI 'GRUB PA'I PHYIR RO, ,DES NA CHOS GSUM DANG LDAN PA'I THAL BA NI SGRUB PA'I THAL BA ZHES BYA'O, ,GNYIS PA NI, DE LTA NA SGRUB PA'I THAL BAS KYANG BSGRUB BYA LA NGES PA BSKYED PAR BYED PAS CHOS MI MTHUN PA'I SBYOR BA DANG KHYAD PAR CI ZHIG YOD CE NA, SGRUB PA'I THAL BA'I DAM BCA' TSAD MAS BSAL BAR BSTAN PAS RANG RGYUD KYI PHYOGS

CHOS 'PHEN ZHING KHYAB PA TSAD MAS GRUB PAS BSGRUB BYA LA BRGYUD NAS NGES PA BSKYED PAR BYED MOD KYI, THAL BA'I RTAGS BLO YUL DU SONG BA'I DNGOS KYI 'BRAS BU NI, MI 'DOD PA 'PHEN PA YIN LA RANG RGYUD KYI RTAGS BLO YUL DU SONG BAS NI, BSGRUB BYA LA DNGOS SU NGES PA BSKYED PAR BYED PA YIN NO, ,DE YANG KHYAB PA NGES PA SNGON DU SONG NA YIN GYI, MTHA' GCIG TU NI MA NGES SO, ,GSUM PA NI, 'THAD LDAN DU, CHOS CAN MA GRUB PA'I PHYIR DU MA LA YOD PA LA SOGS PA KHYAB PAR BYA BA'I CHOS MA GRUB PA DES NA, KHYAB PAR BYED PA'I CHOS SU THAL BAR GA LAS 'GYUR TSAD MA MED PA NI BRJOD PAR MI 'THAD PA NYID DO ZHE NA, DE'I PHYIR 'DIR KHYAB PAR BYED PA MED PA'I PHYIR, KHYAB PAR BYA BA MED PAR BRJOD PAR 'DOD PA YIN NO, ,KHYAB PAR BYED PA MED PA DE NI SPYI LA SOGS PA MED PA LA YANG GRUB PA NYID DO, ZHES GSUNGS PAS BYE BRAG PAS BRTAGS PA'I SHAR PHYOGS KYI BA LANG GI GSAL BA LA 'PHROD PA 'DU BA DE NYID NUB PHYOGS KYI BA LANG GI GSAL BA LA YANG 'PHROD PA 'DU BA'I BA LANG GI SPYI RTAG PA'I RDZAS SU GYUR PA CHA SHAS THAMS CAD KYIS STONG BA DE NYID CHOS CAN DU BZUNG NGO, ,DE NI MI 'THAD DE, CHOS CAN DE NYID MA GRUB NA RANG RGYUD KYI RTAGS DANG BSGRUB BYA'I CHOS BRTEN PAR 'GAL BAS PHYOGS CHOS DANG DAM BCA' TSAD MAS MA GRUB PAR 'GYUR RO ZHE NA, BYE BRAG PA'I RTZOD PA DE NI DA LTA RIGS PA SMRA BAR KHAS 'CHE BA DAG KYANG DE NYID 'THAD PAR SEMS PAS DE LA LAN BSHAD PAR BYA STE, TSAD MA KUN LAS BTUS SU, MNGON SUM DON DANG RJES DPAG DANG, ,YID CHES GRAGS PAS RANG RTEN LA'O, ZHES GSUNGS PA'I

, ,RANG RTEN LA ZHES SMOS PA'I DGOS PA BSHAD NA RTOGS PAR 'GYUR PAS BYE BRAG PA'I LOG RTOG DGOD PA DANG, GNOD PA SLOB DPON GYIS JI LTAR SPANGS PA'I TSUL GNYIS KYIS SHES PAR BYA'O, ,DANG PO NI, BYE BRAG PAS NAM MKHA' RTAG PA'I RDZAS DANG SGRA LA SOGS PA DE LA BRTEN PA'I YON TAN DON GZHAN DU KHAS BLANGS PA NA, BYE BRAG PA NAM MKHA' DGAG BYA BCAD PA LA MI LTOS PA'I SGRUB PA RANG DBANG BA'I RTAG RDZAS SU 'DOD LA, SANGS RGYAS PA THOGS PA'I REG BYA BCAD TZAM LA 'DOD PAS NAM MKHA'I MING TZAM MA GTOGS DON MTHUN SNANG DU GRUB PA MED CANG, BYE BRAG PAS BRTAGS PA CHOS CAN DU BZUNG NAS LOG RTOG BKAG PAS SKABS DON 'GRUB PAR DGONGS NAS, DNGOS POR GYUR PA'I NAM MKHA' CHOS CAN, RTAG PA'I RDZAS MA YIN TE, SGRA LA SOGS PA'I YON TAN DON GZHAN DUS CIG CAR DU MI SKYED PA'I PHYIR CES BKOD PA NA, BYE BRAG PA NA RE, KHYED KYI RTAGS GNAS CHOS CAN DNGOS POR GYUR PA'I NAM MKHA' 'PHAGS PA NA YA GYAL BKAG NA TSOGS PA KHEGS PAS SKABS KYI BSGRUB BYA YANG KHEGS PA'I RTAGS SKYON CAN DU 'GYUR RO ZHES ZER TO, ,GNYIS PA NI, RTAGS DES CHOS CAN 'BA' ZHIG PA BKAG PAS SKYON DU 'GYUR BA MA YIN GYI, RTAGS DANG BSGRUB BYA'I CHOS GANG LA BRTEN PAR GYUR PA'I GZHI CHOS CAN KHEGS NA DAM BCA' LA GNOD PA'I SKYON DU 'GYUR BAS DAM BCA' YANG DAG YIN NA RANG GI RTEN CHOS CAN LA TSAD MAS MA BSAL BA GCIG DGOS SO, ZHES SHES PA'I CHED DU RANG RTEN LA ZHES SMOS PA YIN NO, ,CHOS CAN 'BA' ZHIG PA NI RTAGS CHOS DANG

RTEN DANG BRTEN PAR MA GYUR PA SNGAR BZUNG BA LTA BU YIN TE, DE BKAG NA BSGRUB BYA 'GRUB PA'I GROGS SU 'GYUR GYI, DE LA MI GNOD DE, DNGOS POR GYUR PA'I NAM MKHA' KHEGS NA RTAG RDZAS YIN PA KHEGS PAS RTAG RDZAS KYIS STONG PA 'GRUB PA LA PHAN PA'I PHYIR, RO; ;RANG GI RTEN CHOS CAN NI, MI RTAG PA BRTEN PA'I GZHA SGRA LTA BU YIN TE, SGRA KHEGS NA SGRA DANG MI RTAG PA'I TSOGS DON KHEGS PAS SKABS KYI BSGRUB BYA LA GNOD PA'I PHYIR RO, ,DES NA RNAM BCAD TZAM GYI DGAG PA RTAGS DANG BSGRUB BYA'I CHOS SU SONG BA KHA CIG LA NI GZHI MA GRUB PA RTZOD GZHIR BZUNG BAS SKYON DU MI 'GYUR LA, THA SNYAD SGRUB RE RE TZAM MA GTOGS BYAS PA LTA BU'I SGRUB RTAGS LA DE MI RUNG BA'I PHYIR RO, ,GAL TE RTAGS GANG LA BRTEN PA'I GZHI CHOS CAN TSAD MAS GRUB PA GCIG MED NA PHYOGS CHOS MI 'GRUB PAR 'GYUR RO ZHE NA, BDEN MOD KYI RTOG PA LA DNGOS POR GYUR PA'I NAM MKHA'I SNANG BA CHAD MAS GRUB CING DE SNGAR GYI RTAGS DE NGES PA'I GZHI CHOS CAN YIN LA, RTOG PA LA SGRAR SNANG BA BYAS PAR NGES PA'I GZHIR MI RUNG BA'I PHYIR, MI MTSUNGS SO, ,GZHAN GYI GRUB MTHA' 'BA' ZHIG GIS SGRO BTAGS PA RANG GI NGO BO'I SGO NAS DGAG PA BYED PA LA NI DE NYID RTZOD GZHIR BZUNG DGOS PA DU MA YOD PA SHES PAR BYA'O, ,'O NA DON BYAD NUS STONG GI RTAGS KYIS 'DUS MA BYAS KYI NAM MKHA' DNGOS MED DU SGRUB PA RTAGS YANG DAG MA YIN PAR 'GYUR TE, DNGOS MED DU MA NGES PA'I SNGA ROL NAM MKHA'I DON MTHUN SNANG DU GRUB PA MED PA'I PHYIR RO ZHE NA, BYE BRAG SMRA BA'I BLO NGOR RTAGS DE 'GOD NA NI SKYON DE MED LA, PHYIR RGOL GZHAN KHA CIG LA YANG DE DANG 'DRA ZHING BYE BRAG PA LA NI

, ,RIMS DANG CIG CAR GYI DON BYED PA BKAG PA'I SGO NAS 'DUS MA BYAS KYI NAM MKHA' DANG DNGOS PO'I GZHI MTHUN 'GOG PAS SKYON MED DO, ,'DI DAG GI DON RGYAS PAR SHES PAR 'DOD NA RNAM 'GREL MDZAD PA'I BZHED PA BYANG CHUB SEMS DPA' K'A MA LA SH'I LA'I ZHAL SNGA NAS DBU MA SNANG BAR BKOD PA LAS SHES PAR BYA'O, ,'O NA RNAM 'GREL DU, CHOS KYI RTEN NI BSAL BA'I PHYIR, ,TSOGS PA BSGRUB BYAR MI 'GYUR LA, ZHES PA DANG, RANG 'DOD BRTAGS PA'I KHYAD PAR CAN, ,DNGOS PO RNAMS RTZOD MED PHYIR RO, ZHES SOGS GSUNGS PA JI LTAR YIN ZHE NA, GZHUNG SNGA MA'I DON NI SNGAR BSHAD ZIN PA LTAR, BSGRUB BYA'I CHOS BRTEN PA'I GZHI CHOS CAN MI SRID NA TSOGS PA BSGRUB BYAR MI 'GYUR BA 'DOD PA'I DON YIN LA GZHUNG PHYI MA'I DON NI GRUB MTHA' 'BA' ZHIG GIS SGRO BTAGS PA'I DON YOD MED LA RTZOD PA BYED DGOS PA'I TSE DE GZHIR GZUNG NAS MI RTAG PA LA SOGS PA'I KHYAD PAR GYI CHOS GZHAN LA DPYAD PA MI BYED PA'I DON YIN GYI, DE LA YANG RTZOD PA MED PA NI MA YIN NO, ,GZHUNG 'DIR KHA CIG RANG RGYUD 'BA' ZHIG BSTAN PA DANG, GZHAN DAG THAL 'GYUR 'BA' ZHIG BSTAN PAR 'DOD PA SOGS NI DON MA YIN TE, THAL 'GYUR DANG RANG RGYUD GNYIS KA DNGOS SU BSTAN PA YIN TE, DPER NA DU MA LA YOD PA'I GCIG BU NI ZHES PAS THAL 'GYUR BSTAN TE, 'THAD LDAN DU, 'DIS NI THAL BAR 'GYUR BA'I DON STON PAR BYED DE, DU MA LA YOD PAR 'DOD PA'I GCIG PO GANG YIN PA DE LA THAL BA 'DIR 'GYUR RO, ZHES BYA BA'I DON TO, ZHES BSHAD DO, ,DE MAN CHAD KYIS RANG RGYUD STON

TE BSTAN BYA'I GTZO BO THAL 'GYUR YIN YANG RANG RGYUD DNGOS SU BSTAN PA'I DGOS PA NI THAL BA DE NYID ZLOG PA'I MTHA' CAN DU SHES PAR BYA BA'I CHED YIN NO, ,GNYIS PA LA GSUM, THAL BA SMOS PA'I DGOS PA MDOR BSTAN PA DANG, RGYAS PAR BSHAD PA DANG; SNGON GYI SLOB DPON GYI BZHED PA DANG SBYAR BA'O, ,DANG PO LA GSUM, THAL 'GYUR DANG RANG RGYUD NGOS BZUNG BA DANG, THAL 'GYUR SMOS PA'I DGOS PA DANG, DE GRUB PA'I DGOS PA'O, ,DANG PO NI, RANG RGYUD KYI RTAGS TSAD MAS GRUB PA DGOS NA THAL 'GYUR GYI RTAGS KYANG TSAD MAS GRUB PA DGOS PA MA YIN PAR THAL, THAL 'GYUR GYI RTAGS TSAD MAS MA GRUB KYANG PHYIR RGOL GZHAN GYIS SPYI RTAG DNGOS CHA MED DE PHYOGS BCU MTHA' YAS PA NA YOD PA'I GSAL BA DU MA DANG DUS CIG CAR DU 'PHROD 'DU RDZOGS PAR 'BREL BAR KUN BRTAGS SHING KHAS BLANGS PA RTAGS SU BKOD PAS MI 'DOD PA'I CHOS GZHAN THAL BAR SGRUB PA DGOS PA DANG BCAS PA'I PHYIR, DPER NA BA LANG GI SPYI RTAG DNGOS CHA MED GCIG PO NI CHOS CAN, DU MA YIN PAR THAL, PHYOGS BCU MTHA' YAS PA'I BA LANG GI GSAL BA DU MA LA RE RE NAS 'PHROD 'DU RDZOGS PAR 'BREL BA'I TSUL GYIS YOD PA'I PHYIR, CES PA THAL BA'O, ,CHA MED DU KHAS LEN PA GZHAN LA NI, CHA DU MA DANG BCAS PAR THAL, GSAL BA DU MA DANG 'BREL BA'I PHYIR CES BKOD PAS KYANG CHOG GO ,THAL BA DES 'PHANGS PA'I RANG RGYUD NGOS BZUNG BA NI, DE CHOS CAN, YUL DANG DUS DANG GNAS SKABS LA SOGS PA'I KHYAD PAR CAN BA LANG GI GSAL BA GCIG LAS GZHAN DU MA DANG 'PHROD 'DU RDZOGS PAR 'BREL BA DANG LDAN

, ,PA MA YIN TE, YUL SHAR DANG DUS SNGA DRO DANG NYAL BA'I GNAS SKABS KYI KHYAD PAR SO SOR NGES PA'I GSAL BA GCIG KHO NA DANG 'BREL BAS RNAM PAR MA BCAD CING KHYAD PAR DU MA BYAS PA'I GCIG GI RANG BZHIN LAS GZHAN DU MA NYID KYIS STONG BA'I PHYIR, RNAM PAR MA BCAD PA'I ZHES PA NI RTAGS KYI LOG PHYOGS DU MA'I KHYAD PAR DU SBYAR TE, GSAL BA GCIG KHO NA DANG 'PHROD 'DU RDZOGS PAR 'BREL BAS KHYAD PAR DU BYAS NA GCIG TU 'GYUR LA DES KHYAD PAR DU MA BYAS PAR GSAL BA DU MA DANG 'PHROD 'DU RDZOGS PAR 'BREL NA DU MAR 'GYUR BAS GCIG KHO NA DANG 'BREL BAS KHYAD PAR DU MA BYAS PA'I DU MAS STONG ZHES PA'O, ,DON BSDUS NA DE CHOS CAN, PHYOGS BCU MTHA' YAS PA'I GSAL BA DU MA DANG RE RE NAS 'PHROD 'DU RDZOGS PAR 'BREL BA MA YIN TE, DU MAS STONG PA'I PHYIR CES PA'O, ,ZLOG NA KHYAB PA LA GNOD PA CAN GYI TSAD MA BSTAN PA'I SGO NAS KHYAB PA NGES PAR BYED PA NA, RTZA BA'I RTAGS DE LA KHYAB PA YOD PAR THAL, DU MAS STONG NA DE LTA BU'I RANG BZHIN NI YUL DANG DUS DANG GNAS SKABS LA SOGS PA SO SOR NGES PA THA DAD PA CAN DANG RE RE NAS 'PHROD 'DU RDZOGS PA'I 'BREL BA DANG LDAN PAR 'GAL BA'I PHYIR RO, ,'DIS NI CHA DU MAS STONG PA DANG, GSAL BA DU MA DANG 'BREL BA'I GZHI MTHUN LA GNOD PA CAN GYI TSAD MA BSTAN PA'I SGO NAS SNGAR GYI THAL BA DES RANG RGYUD 'PHEN PA'I RGYU MTSAN YANG STON PAR BYED PA YIN NO, ,GNYIS PA LA GSUM, DGOS PA DNGOS DANG, THAL BA DES RANG RGYUD 'PHEN PA'I RGYU MTSAN DANG, RTAGS CHOS MI 'KHRUL PAR SGRUB PA'O, ,DANG PO NI,

ZHES BYA BA LTA BU GANG YIN PA RANG RGYUD DE 'PHEN PAR BYED PA'I THAL 'GYUR DE NI CHOS CAN, SMOS PA LA DGOS PA YOD DE, CHOS GCIG GSAL BA DU MA DANG 'PHROD 'DU 'BREL BAKHAS BLANGS NA CHOS GZHAN CHA DU MA DANG BCAS PAS KHAS BLANGS DGOS PAR BSTAN PA'I PHYIR YIN PA'I PHYIR, GNYIS PA NI, THAL BA DES RANG RGYUD 'PHEN PA YIN TE, DAM BCA' TAD MAS BSAL BA YIN RTAGS PHYIR RTOL GYIS KHAS BLANGS CHA DU MAA DAN BCAS PA DE KHAS MI LEN NA NI CHA DU MA DANG BCAS PA DAN,G GSAL BA DU MA DANG 'BREL BA'I CHOS GNYIG KHAS LEN PA LDOG PAR 'GYUR PHYIR PHYIR, GSUM BA NI, BA LANG GI SPYI DE GSAL BA DU MA DANG 'BREL BAR KHAS BLANGS NA CHA DU MA DANG BCAS PAR YANG KHAS BLANG DGOS PAR THAL, GSLA BA DU MA DNAG 'BREL BAR KHAS BLANGS NAS CIG SHOS KHAS LEN MI DGOS PA'I RNAM PAR DBYE BAR BYA MI NUS PA'I PHYIR, DER THAL, GNYIS PO DE NI GZHI GZHAN DU DNGOS SU BDAG GCIG TU 'BREL BA'I PHYIR RO, ,GSAL BA RE RE NAS 'PHROD 'DU RDZOGS PAR 'BREL BA GZHI MA GRUB PAS DE DANG DU MA 'MCHA DU MA DNAG BCAS PA BDAG GCIG TU 'BREL BAR STON BA MA YIN GYI; GSLA BA DU MA DANG 'BREL BA DANG CHA DUM DANG BCAS PA BDAG GCIG TU 'BREL BA NGES PAR BYAS PA[' SGO NAS CIG SHOS KYI SKYI THAL BA'I RTAGS DNAG DGAG BYA'I CHOS KYI GZHI MTHUN LA GNOD PA STON PAR BYED PA YIN NO, ,GSUM PA LA GNYIS, RTZOD PA DANG, LAN NO, ,DANG PO NI, DE GNYIS 'BREL PA GRUB PA DE LTAR YIN PA DE NI JI LTAR RTAG DNGOS KYI SPYI MI SRID NA DE DU MAR YANG MA GRUB PAS DE LA MI SRID PA[I DON DU MA 'AM CHA DU MA DANG BCAS PA 'GRUB PAR 'GYUR ZHE NA, GNYIS PA NI, SBYI RTAGS DNGOS DE GSLA BA DU MA DANG,

, ,'PHROD 'DU RDZOGS PAR 'BREL BAS STONG BAR GRUB PAR THAL, DU MAS STONG BA GANG ZHIG DE YIN NA DU MA GANG ZHIG MI SRID PAS KHYAB PA GSAL BA DU MA DANG 'BREL BA DE YANG SBYI DE LA MI SRID PA'I PHYIR RO, ,SNGAR GYI THAL BA DE BYE BRAG PAS BZLOG PAR DKA' STE LAN GDAB MI NUS PAR THAL, BYE BRAG PAS THAL BA'I RTAGS DE KHAS BLANGS DU MAR KHAS MA BLANGS PA GANG ZHIG ,THAL BA'I RTAGS DE KHAS LEN NA GZHAN DU MA'AM CHA DU MA DANG BCAS PA GDON MI ZA BAR KHAS LEN DGOS PAR 'GYUR BA'I PHYIR, GNYIS PA LA GSUM, THAL BA'I RTAGS KYI PHYOGS CHOS MA GRUB PA LA SOGS PA'I SGO NAS SKYON DU 'GYUR BA SPANG BA DANG, RANG RGYUD 'PHEN PA'I TSUL DANG, GRANGS CAN GYIS SNGAR BKOD PA DE DANG MI MTSUNGS PA'O, ,DANG PO LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, DU MAR KHAS MI LEN NA, CHOS GNYIS KA LDOG PAR BSTAN PA'I DON DU THAL BA BKOD PA DE LHA NA YANG SANGS RGYAS PA KHYED RANG LA NYES PA DU MAR 'GYUR TE, RTAG DNGOS KYI SPYI CHA MED BKAG PAS SPYI DE LA THAL BA'I GTAN TSIGS MA GRUB NGAS THAL BA'I PHYOGS CHOS MA GRUB PA DANG SANGS RGYAS PA KHYED RANG GIS BA LANG GI SBYI GCIG TU KHAS BLANGS PA DANG NGED KYIS SBYI CHA MED GCIG TU KHAS BLANGS PAS SPYI DU MAR DAM BCA' BA LA 'U BU CAG GNYIS GAR GYI KHAS BLANGS PAS GNOD PA DANG, LA SOGS PAS BA LANG GI GSAL BA DU MA MTHONG BA NA BA LANG NGO SNYAM PA'I GCIG GZUNG YUL DU BYED PA'I SBYI BLO SKYE BAR MTHONG BA'I RTAGS LAS DU MA LA RJES SU 'GRO BA'I SPYI CHA MED GCIG YOD PAR RJES SU DPAG NUS LA DES

SPYI DU MAR DAM BCAS PA LA GNOD PA YIN NO, ,MNGON SUM GYIS KYANG GNOD DE, GZHI GANG GI STENG DU YANG DU MA LA 'PHROD 'DU RDZOGS PAR KHAS BLANGS NA, DU MAR KHYED KYIS THAL BA 'PHANGS PAS YAN LAG GYI RDZAS DU MAR THAL BA LA YAN LAG DU MA LA 'PHROD 'DU RDZOGS PAR 'BREL YANG CHA MED KYI YAN LAG CAN GCIG MNGON SUM GYIS GRUB PAS GNOD PA'I PHYIR, DES NAS SANGS RGYAS PA RANG GI KHAS BLANGS PA SKYON MED PA LAS ZHAN DU 'GAL BA KHAS LEN PAR GNAS PA'I PHYIR KHYED KYI THAL BA DE LA GNOD PA DU MA YOD PA MA YIN NAM ZHE NA, GNYIS PA LA GSUM, SANGS RGYAS PA'I THAL BA DE LA LUNG GIS MI GNOD PA DANG, RJES DPAG GIS MI GNOD PA DANG, PHYOGS CHOS MA GRUB PA LA SOGS PA'I SGO NAS SKYON MED PA'O, ,DANG PO NI, SANGS RGYAS PA'I THAL BA'I DAM BCA' LA SANGS RGYAS BA DANG BYE BRAG PA GANG GI YANG KHAS BLANGS PA'I LUNG GIS GNOD PA MA YIN TE, BYE BRAG PA'I LUNG DON LA BRTAG PA BYED PA'I SKABS YIN PA'I PHYIR, KHYAB PAR THAL, LUNG DON LA BRTAG PA BYED PA'I DUS NA SANGS RGYAS PA'I LUNG 'GA' YANG SGRUB BYED DU KHAS BLANGS PA MED PA'I PHYIR RO, ,GNYIS PA LA GSUM, KHYAB BYA KHAS BLANGS NA KHYAB BYED KHAS LEN DGOS PAR MTHONG NAS GNOD PA BRJOD PA YIN PA DANG, GRUB MTHA' MI MTHUN PA TZAM RGYU MTSAN DU BYAS NAS GNOD PA BRJOD PA MA YIN PA DANG, KHYAB BYA KHAS BLANGS NA KHYAB BYED TSAD MAS GNOD BZHIN DU YANG KHAS LEN DGOS PA'O, ,DANG PO NI, GSAL BDU MA DANG 'BREL BA'I DON GANG GZHI GANG GI STENG DU RTOGS NAS KHAS LEN PAR BYED PA DE NI DE RTOGS SHING KHAS BLANGS PA'I

, ,SHUGS KYIS 'ONGS PA'I DE'I KHYAB KYI DON GZHAN YANG KHAS BLANGS PA DGOS PA YIN TE, KHYAB BYA KHAS BLANGS NA KHYAB BYED MI 'DOD BZHIN DU YANG KHAS LEN DGOS PA'I PHYIR, DPER NA SGRON ME'I 'OD KHAS BLANGS NA SGRON ME KHAS BLANGS PA DGOS PA BZHIN NO, ,GNYIS PA NI, THAL BA DE'I RTAGS KHAS BLANGS KHYAB PA TSAD MAS GRUB PA DE'I PHYIR LTA BA STE, SPYI RTAG PA CHA MED GCIG TU KHAS LEN PA'I GRUB MTHA' LAS GZHAN DU GNAS PA DE DANG MI MTHUN PA TZAM GYIS SKYON BRJOD PA NI MA YIN TE; BYE BRAG PAS SPYI DU MAR KHAS BLANG DGOS PA DE NI GSAL BA DU MA DANG 'BREL BA KHAS LEN PA DE'I KHAS BLANGS SU RIGS PAS RTOGS NAS BKOD PA NYID YIN PA'I PHYIR, GSUM PA NI, CI'I PHYIR DON GANG RTOGS PA DE LAS DON GZHAN YANG RTOGS ZHE NA, BA LANG GI SPYI DE'I STENG DU GSAL BA DU MA DANG 'BREL BA KHAS BLANGS PA'I DUS DER CHA DU MA DANG BCAS PA LA SOGS PA DE'I KHYAB BYED KYI DON JI SNYED RIGS PA'I STOBS KYIS DE'I KHYAB BYED DU NYE BAR GNAS PA DE MTHA' DAG KHAS BLANGS PAR BYA BA RIGS PAR THAL, SPYI DE GSAL BA DU MA DANG DUS GCIG TU 'PHROD 'DU 'BREL BAR KHAS BLANGS PA'I PHYIR, KHYAB PAR THAL, KHYAB BYA KHAS BLANGS PA DE NI DE'I KHYAB BYED KHAS LEN DGOS PA'I DUS YIN PA'I PHYIR, 'AM SMOS PAS YANG NA NI KHYAB BYA KHYAB BYED 'GA' YANG KHAS BLANG BAR BYA BA MA YIN PAR THAL, KHYAB BYED KHAS LEN MI DGOS PA'I PHYIR, GSUM PA LA GSUM, SANGS RGYAS PA LA MA GRUB PA'I RTAGS SU THAL BA'I SKYON MED PA DANG, RANG RGYUD DU KHAS BLANGS NA SKYON YOD PA DANG, KHAS BLANGS KYIS RIGS PA LA MI GNOD

PA'O; ;DANG PO NI, THAL BA DE PHYOGS CHOS MA GRUB PA DANG DAM BCA' LA GSAL BA ZHUGS PA LA SOGS PAR SONG BA'I SGO NAS SANGS RGYAS PA LA SKYON DU 'GYUR BA YANG MA YIN TE, GZHAN GYI KHAS BLANGS RTAGS SU BKOD NAS PHA ROL PO'I BLO NGOR RTAGS CHOS GNYIS KYI 'BREL PA NYE BAR STON PA YIN PA'I PHYIR, DER THAL, PHA ROL POS SPYI GSAL BA DU MA DANG 'BREL BAR KHAS BLANGS PA GANG ZHIG GAL TE DE LTAR YIN NA CHA DU MA DANG BCAS PA 'DIR YANG 'GYUR BA'AM CHA DU MA DANG BCAS PA MA YIN NA NI GNYIS KA YANG KHAS LEN PA RIGS PAR MI 'GYUR RO ZHES STON PA YIN PA'I PHYIR, GNYIS PA LA GNYIS, DNGOS DANG, DAM BCA' LA TSAD MAS BSAL BA'I SGO NAS SKYON DU MI 'GYUR PA'O, ,DANG PO NI, THAL BA DE'I RTAGS DANG DAM BCA' TSAD MAS MTHA' GCIG TU NGES PA NYID DU YONGS SU 'DZIN CING KHAS LEN NA PHYOGS CHOS MA GRUB PA DANG DAM BCA' LA TSAD MAS BSAL BA'I SKYON 'DIR 'GYUR BAR THAL, THAL BA DE'I RTAGS DANG DAM BCA' GNYIS KA TSAD MAS KHEGS PA'I PHYIR, GNYIS PA NI, 'AM GYI SGRAS THAL BA DE'I KHYAB BYA TSAD MAS GRUB CING GTAN TSIGS TSAD MA'I GZHAL BYAR YOD NA NI PHYOGS CHOS MA GRUB PA DANG DAM BCA' LA BSAL BA'I SKYON YOD PA MA YIN PAR THAL, RIGS PAS THOB PA NI GDON MI ZA BAR KHAS BLANGS PAR 'OS PA'I PHYIR RO, ,GSUM PA NI, BYE BRAG PAS SPYID DU MAR KHAS LEN RIGS PA LA SPYI GCIG TU KHAS BLANGS PAS GNOD PA MA YIN PAR THAL, KHAS BLANGS PAS RIGS PA LA GNOD PAR MI NUS SO ZHES PHYOGS KYI MTSAN NYID KYI SKABS SU BSHAD PAR BYA BA YI PA'I PHYIR, THAL BA'I RTAGS MA GRUB STE, RIGS PAS THOB PAR MI RUNG NGO ZHE NA, BA LANG GI SPYI RTAG PA GCIG

, ,PU CHA MED DE DU MAR KHAS LEN PA RIGS PAS THOB PA'I DBANG DU BYAS PA MA YIN TE, DE GSAL BA DU MA DANG DUS GCIG TU 'PHROD 'DU RDZOGS PAR 'BREL BAR KHAS BLANGS PA GANG ZHIG KHYAB BYA'I CHOS GCIG KHAS LEN PAS GDON MI ZA BAR KHYAB BYED GZHAN KHAS BLANGS PA DGOS PA NI RIGS PAS BYAS PA YIN PA'I PHYIR RO, ,GNYIS PA NI, GAL TE SNGAR BKOD PA'I THAL BA DE'I GTAN TSIGS GRUB NA TSAD MAS MTHA' GCIG TU NGES PAR 'DZIN PAR 'GYUR GYI, TSAD MAS MA GRUB PA'I GTAN TSIGS BKO PAS CI BYA ZHE NA, THAL BA 'DI'I GTAN TSIGS TSAD MAS GRUB PA MED KYANG BKOD PA LA DGOS PA YOD DE, THAL BA 'DI NI RTZA BA'I STE 'DIS 'PHAGS PA'I RANG RGYUD KYI GTAN TSIGS KYI KHYAB BAR BYA BA DU MAS STONG BA DANG KHYAB PAR BYED PA GSAL BA DU MA DANG RE RE NAS DUS GCIG TU 'PHROD 'DU RDZOGS PAR 'BREL BA GRUB PA MED PA'I DNGOS PO DANG, PHYOGS CHOS DRAN PA'I YUL DU BRGYUD NAS BSGRUB PAR BYED PA'I RNAM PA YIN PA'I PHYIR, RANG RGYUD LAS BZLOG PA THAL BA'I RTAGS KYIS BA LANG GI SBYI CHA DU MA DANG BCAS PAR BSGRUB PAR BYED PA NI MA YIN TE THAL BA'I GTAN TSIGS LA BSGRUB PAR BYED PA'I TSAD MA MED PA'I PHYIR RO, ,GSUM PA LA GNYIS, RTZOD PA DANG, LAN NO, ,DANG PO NI, GRANGS CAN PA NA RE, GAL TE KHO BO CAG GI SBYOR BA 'DIR YANG KHYED KYIS BYE BRAG PA LA BKOD PA LTAR, BZLOG PA LA RANG RGYUD 'PHANGS PA NYID KYIS MI RTAG PA NYID DANG SKYE BA DANG LDAN PA BLO BDE'I STENG DU SEMS CAN GYI RTAGS KYIS 'GOG PAR BYED PA YIN NO ZHE NA ZHANG YI KHAS BLANGS RTAGS SU MI RUNG NA THAL 'GYUR GYI NGAG LA MTSUNGS PA BYED PA PO

NI GRANGS CAN YIN PAS 'DI'I LAN NI DKYUS KYI DON TO, ,GNYIS PA LA GSUM, DE LTAR BYED PA SU YANG MED PA DANG, BYED 'DOD KYANG MI NUS PA DANG, BYE BRAG PA LA BRJOD PA'I THAL BAS RANG RGYUD 'PHEN PA LA SKYON DE MED PA'O, ,DANG PO NI, GRANGS CAN GYIS BKOD PA'I SBYOR BA DE ZLOG PHYOGS LA RANG RGYUD 'PHEN PA'I THAL 'GYUR YANG DAG MA YIN PAR THAL, RANG RGYUD KYI GTAN TSIGS DE LTAR BYED PA NI SKABS 'DIR RGOL PHYIR RGOL SU YANG MED PA'I PHYIR, DER THAL, SANGS RGYAS PA BLO BA DE SKYE 'JIG GIS STONG BAR MI 'DOD GRANGS CAN PA BLO BDE SEMS PA CAN DU MI 'DOD PA'I PHYIR, GNYIS PA LA GNYIS, LDOG NA GNOD PA CAN GYI TSAD MA MED PA DANG, DE'I RGYU MTSAN NO, ,DANG PO NI, SEMS PA CAN DE BLO BDE SKYE 'JIG GIS STONG BAR SGRUB PA'I RANG RGYUD KYI GTAN TSIGS YANG DAG TU BYED 'DOD KYANG DE LTAR BYED PAR NUS PA NYID KYANG MA YIN TE, THAL BA DANG BZLOG PA'I SGRUB PAR BYED PA DAG GNYIS KA GO BAR BYED PAR BYED PA YANG DAG PA MA YIN PA'I PHYIR RO, ,DER THAL, SEMS PA CAN DANG SKYE 'JIG CAN DE GNYIS 'GAL BAR MA GRUB PA'I PHYIR, GNYIS PA NI, SKYE BA CAN DANG MI RTAG PA DAG DANG SEMS PA YOD PA GNYIS LA NI 'GAL BA DE GRUB PA MA YIN PAR THAL, 'GAL BA RNAM PA GNYIS GANG DU YANG MA GRUB PA'I PHYIR, DER THAL, 'GAL BA YIN NA SNGAR GNOD BYA RGYU MA TSANG BA MED PA CAN GYI RGYUN 'BYUNG BA LAS GCIG GNOD BYED NYE BAR YOD PAS GNOD BYA'I RGYUN PHYI MA MED PAR SONG BA'I PHYIR RAM MTSAN NYID PHAN TSUN SPANGS TE GNAS PA'I MTSAN NYID KYIS 'GAL BAR RTOGS DGOS PA YIN NA LHAN CIG MI GNAS 'GAL DANG PHAN TSUN SPANGS 'GAL GANG

, ,DU YANG MI 'GYUR BA'I PHYIR, GSUM PA NI, BYE BRAG PA LA BRJOD PA'I THAL BAS RANG RGYUD 'PHEN MI NUS PA'I SKYON MED PAR THAL, BA LANG GI SPYI RTAG DNGOS CHA MED GCIG PU LA NI JI SKAD BSHAD PA'I RANG BZHIN GZHAN DU MA DANG BRAL BA TSAD MAS GRUB CING BYED PAS KHAS BLANGS PA KHO NA'I PHYIR, PHYOGS BCU MTHA' YAS PA'I YUL LA SOGS PA THA DAD PA CAN DANG RE RE NAS 'PHROD 'DU RDZOGS PAR 'BREL BA DANG LDAN PA YOD PA MA YIN PA SGRUB PA NUS PA'I PHYIR, DER THAL, DE'I KHYAB PA DANG PHYOGS CHOS GNYIS KA GRUB PA'I PHYIR, KHYAB PA GRUB PAR THAL, DU MA DER MED PA DANG DU MA DER YOD PA NI PHAN TSUN SPANGS TE GNAS PA'I MTSAN NYID KYIS DNGOS SU 'GAL BA'I PHYIR RO, ,PHAN TSUN SPANGS 'GAL NI SNGAR BSHAD PA LTAR MTSAN NYID KYIS 'GAL BA YIN TE, GZHI DE LA BUM PA'I MTSAN NYID ZHUGS NA BUM PA MA YIN PA'I MTSAN NYID MA ZHUGS PA DANG, BYAS PA'I MTSAN NYID ZHUGS NA RTAGS PA'I MTSAN NYID MA ZHUGS PA DANG, SNGON PO'I MTSAN NYID ZHUGS NA SER PO'I MTSAN NYID MA ZHUGS PA DANG, GRANG REG GI MTSAN NYID ZHUGS NA TSA REG GI MTSAN NYID MA MA ZHUGS PA'I DON YIN PAS 'GAL BA THAMS CAD PHAN TSUN SPANGS 'GAL DU 'DUS LA, SNGO SER THA DAD TZAM YIN GYI 'GAL BA MTSAN NYID PA MA YIN TE, DE DANG 'GAL NA 'GOG NUS DGOS TE, DE'I PHYIR BSGRUB PAR BYA BA LA GNOD PAR BYED PA KHO NA 'GAL BA YIN NO, ZHES BSHAD PA'O, ZHES ZER BA NI CHES MI RIGS TE, DE NI BSGRUB BYA LA GNOD BYED KYI GTAN TSIGS KHO NA 'GAL RTAGS SU STON PA YIN GYI, 'GAL NA 'GOG PAS KHYAB PA

GZHUNG 'DI'I DON GTAN NAS MA YIN NO, ,SNGO SER MI 'GAL NA BYAS PA DANG RTAG PA YANG MI 'GAL LO ZHES SMRAS NA LAN CI YOD BYAS PAS SGRA LA RTAG PA 'GOG NUS PA'I PHYIR 'GAL LO ZHE NA, 'O NA SNGON POS KYANG BEE d'U R+YA'I KHA DOG GI STENG DU SER PO 'GOG NUS PAS DE GNYIS CI'I PHYIR MI 'GAL, GZHI DE LA SNGON PO RTOGS PA'I TSAD MA DE NYID KYIS SER POR MA GRUB PAR RTOGS PAS NGE LA RTAGS DANG RTAGS CAN MED DO ZHE NA, 'O NA RTAG MI RTAG YANG MI 'GAL BAR 'GYUR TE, SGRA LA MI RTAG PA NGES PA'I TSAD MA DE NYID KYIS SGRA RTAG PAS STONG PAR RTAGS PA'I PHYIR, DE LA YANG RTAGS DANG RTAGS CAN MED DO, DES NA THA DAD GZHI MTHUN MI SRID PA NYID 'GAL BA'I DON LDOG TU, TSAD MAS GNOD PA'I PHYIR YANG STE, ZHES PA'I SKABS SU BSGRUBS TE DE NYID KYI CHED DU RTAGS DANG DGAG BYA'I CHOS KYI GZHI MTHUN SRID PA BKAG PA'I SGO NAS 'GAL BA NGES PAR MDZAD DO, ,SNGO SER 'GAL BAR MI 'DOD PA NI RIGS PA'I RTAGS PA CUNG ZAD KYANG MI BZOD PAS BLO GROS LDAN PA RNAMS KYIS DPYAD PAR BYA'O, ,GSUM PA SNGON GYI SLOB DPON GYI BZHED PA DANG SBYAR BA LA GSUM, BZHED PA DGOD PA DANG, DE RIGS PAS BSGRUB PA DANG, DE LA MA GRUB PA LA SOGS PA'I SKYON SPANG BA'O, ,DANG PO NI, SNGON GYI SLOB DPON DBYIG GNYEN DANG PHYOGS KYI GLANG PO LA SOGS PA DAG GIS KYANG DU MA DANG 'BREL BA YANG YIN LA CHA DU MAS STONG BA YANG YIN PA'I GZHI MTHUN DE LTA BU'I RANG BZHIN 'GOG PAR MDZAD PA YIN TE, BYE BRAG PAS YAN LAG CAN CHA MED GCIG TU KHAS BLANGS NAS YAN LAG TU MA LA KHYAB PAR 'DOD PA DANG, SBYI CHA MED GCIG TU KHAS BLANGS NAS GSAL BA DU MA LA 'PHROD 'DU 'BREL

, ,BA 'DOD PA DGAG PA LA SOGS PA RNAMS SU RANG RGYUD 'PHEN PA'I THAL BA'I DON 'DI NYID RNAM PA DU MA'I SGO NAS NYE BAR BKOD PA MDZAD PA'I PHYIR, GNYIS PA NI, YAN LAG DU MA LA KHYAB PA DANG, CHA MED GCIG YIN PA'I GZHI MTHUN 'GOG NUS PAR THAL, CHA MED KYI GCIG NYID DANG DU MA LA YOD PA NI 'GAL BA'I PHYIR RO, ,DER THAL, CHA MED KYI GCIG DANG CHA DU MA LA YOD PA GNYIS THA DAD CHOS GNYIS KA GZHI MTHUN DU YOD PA MA YIN PA'I PHYIR RO, ,DER THAL, PHAN TSUN SPANGS PA'I DNGOS SU 'GAL BA'AM, BRGYUD PA'I 'GAL BA DAG NI GZHI GCIG GI STENG DU BYAS PA LTA BU GCIG KHAS BLANGS PA YIN NA GZHAN MA BYAS PA'AM RTAG PA LTA BU KHAS BLANGS PA BTANG BA MED NA BYAS BA KHAS LEN PA RIGS PAR MED PA'I PHYIR, GSUM PA NI, RAGS PA YAN LAG CAN GYI RDZAS CHA MED KHAS BLANGS NA KHYED RANG GI BSTAN BCOS KYIS GNOD LA KHAS MI LEN NA GZHI CHOS CAN MA GRUB PAS PHYOGS CHOS MA GRUB PA'I SKYON DU 'GYUR RO ZHE NA, BYE BRAG PA'I YAN LAG CAN GYI RDZAS DANG SBYI DON GZHAN SOGS 'GOG PA'I TSE SANGS RGYAS PA DANG BYE BRAG PA GANG GI YANG LUNG GNOD BYED DU MI 'JUG PAR THAL, DE'I TSE GRUB PA'I MTHA' LUNG PHYIS SGRUB BYED DU KHAS LEN PA'I RGYU MTSAN LUNG DON LA DBYAD PA'I SKABS SU BAB PA'I TSE YIN PA'I PHYIR, KHYAB PA YOD PAR THAL, LUNG DON LA DPYOD PA'I TSE LUNG GNOD BYED DU MI 'JUG PA DE LTA MA YIN NA NI LUNG KHAS BLANGS PA'I RJES SU LUNG DON LA DPYOD DGOS NA LUNG SNGAR KHAS BLANGS NAS PHYIS LUNG DON LA RNAM PAR DPYOD PA MI 'THAD BA'I PHYIR RO, GNYIS PA DON SMOS PA'I DGOS PA LA

GSUM, DGOS PA DNGOS DANG, RNAM BCAD KYI GNAS DPER BRJOD PA DANG, DE RTAGS YANG DAG YIN PA DGAG PA'O, ,DANG PO NI, GZHAN DON RJES DPAG GI MTSAN NYID STON PA'I TSIG GI ZUR DU DON ZHES SMOS PA CHOS CAN, DGOS PA YOD DE, TSUL GSUM DON RANG MTSAN DANG 'BREL PA MED PA RTOG PAS SGRO BTAGS PA RTAGS YANG DAG TU 'DOD PA YANG RTAGS YANG DAG MA YIN PAR RTOGS PA'I CHED YIN PA'I PHYIR 'DI NI TSUL GSUM PO'I RANG LDOG RTOG RTAGS SU 'DOD PA DANG, DON BYED NUS STONG LTA BU'I RTAGS YANG DAG GI GZHI LDOG RTOG BTAGS SU 'DOD PA 'GOG PA MA YIN GYI, DNGOS PO'AM DNGOS MED GANG RTAGS SU 'GOD KYANG RUNG TSUL GSUM GYI GZHI MTHAR RANG MTSAN LA 'BREL PA CAN YIN NA RTAGS YANG DAG TU 'GYUR BA MI SRID PAS RTAGS YANG DAG LA DE LTA BU GCIG DGOS PAR BSGRUB PAR BYA BA'I CHED DU YIN NO, ,GNYIS PA NI, DPER NA SGRA NI CHOS CAN, RTAG PA YIN TE, PHYOGS DANG MTHUN PA'I PHYOGS DAG LAS GANG YANG RUNG BA YIN PA'I PHYIR RO, ,DPER NA 'DUS MA BYAS KYI NAM MKHA' BZHIN, 'AM SMOS PAS MI RTAG PA YIN TE, RTAGS DE'I PHYIR, DPER NA BUM PA BZHIN, ZHES BYA BA LTA BU'O, ,GANG RUNG GI SPYI RTAGS SU BKOD PA NA, SGRA PHYOGS BTAGS PA BA YIN PAS PHYOGS CHOS GRUB LA MTHUN PHYOGS YIN PAS RJES 'GRO GRUB CING, MI MTHUN PHYOGS LA GNYIS KA MED PAS LDOG PA'I TSUL YANG GRUB PA BSAMS PA'O, ,GSUM PA LA GSUM, 'DOD PAS MA BZHAG PA'I GANG RUNG GI RTAGS SU MI RUNG BA DANG, 'DOD PA TZAM GYIS BZHAG PA RTAGS SU MI RUNG BA DANG, DON

, ,BSDU BA'O, ,DANG PO LA GNYIS, SGRUB BYED DGOD PA DANG, ZLOG PA'I DPE'O, ,DANG PO LA GSUM, SKYES BU'I 'DOD PAS BYAS PAR SGRUB PA DANG, 'DOD PAS MA BYAS PA LA GNOD PA BSTAN PA DANG, DNGOS PO'I GNAS LUGS 'DOD PA TZAM GYIS GZHAN DU 'GYUR BA DGAG BA'O, ,DANG PO NI, SGRA MI RTAG PAR SGRUB PA LA PHYOGS DANG MTHUN PHYOGS GANG RUNG RTAGS SU BKOD BA 'DIR GANG RUNG DE 'DOD PAS MA BZHAG PAR DNGOS PO LA NI SGRA DANG BUM PA GNYIS LA PHYOGS DANG MTHUN PHYOGS GANG RUNG STE SGRA DANG NAM MKHA' GNYIS LA BSKAL BA'I TSUL DU YOD PA MA YIN PAR THAL, 'ON KYANG NYE RING DE SMRA BA PO'I BRJOD PAR 'DOD PAS BYAS PA YIN PA'I PHYIR, DE BZHIN DU SGRA RTAG PAR BSGRUB PA'I TSE PHYOGS DANG MTHUN PHYOGS GANG RUNGS SGRA DANG BUM PA LA BSKAL SGRA DANG NAM MKHA' GNYIS LA THUN MONG DU DNGOS PO'I DBANG GIS NYE BAR YOD PA MA YIN PAR THAL, CIG SHOS LA THUN MONG DU 'JUG PA DE BSKAL 'DI LA THUN MONG DU 'JUG PA DE NYE BA BRJOD 'DOD TZAM GYIS BZHAG PA'I PHYIR, GNYIS KA'I RTAGS SGRUB PA NI, RTAGS GRUB PAR THAL, BRJOD 'DOD DE MED NA BRJOD BAR 'DOD PA GCIG LA NYE BA DANG, CIG SHOS DAG GI BSKAL BA NYID MED PA'I PHYIR RO, ,GNYIS PA NI, SNGAR BUM PA MTHUN PHYOGS SU BRJOD NAS YANG GZHAN DU BUM PA MI MTHUN PHYOGS SU BRJOD PAR 'DOD PAS GZHAN DU MI MTHUN PHYOGS SU 'GYUR BA MI RIGS PAR THAL, BUM PA MTHUN PHYOGS YIN PA DE 'DOD PAS MA BZHAG PAR DNGOS BO'I RANG BZHIN YIN PA'I PHYIR, DE BZHIN DU NAM MKHA' SNGAR MTHUN PHYOGS SU BRJOD NAS YANG MI MTHUN PHYOGS SU

BYED 'DOD PAS MI MTHUN PHYOGS SU 'GYUR BA MA YIN PAR THAL, NAM MKHA' MTHUN PHYOGS YIN PA DE 'DOD PAS BZHAG PA MA YIN PAR DNGOS BO'I DBANG GIS GRUB PA'I PHYIR, DON NI PHYOGS DANG MTHUN PHYOGS GANG RUNG DE SGRA MI RTAG PAR SGRUB PA'I RTAGS YANG DAG YIN NA MI MTHUN PHYOGS LA LDOG PA NGES SHING MTHUN PHYOGS KHO NA LA YOD PA'I RJES 'GRO NGES DGOS PAS DUS NAM YANG NAM MKHA' MTHUN PHYOGS DANG BUM PA MI MTHUN PHYOGS SU 'GYUR BA MI SRID LA, SGRA RTAG PAR SGRUB PA'I RTAG YANG DAG YIN NA, RTAG PA KHO NA LA YOD DGOS PAS BUM PA MTHUN PHYOGS DANG NAM MKHA' MI MTHUN PHYOGS SU 'GYUR BA MI SRID DO, ,GNYIS KA SGRUB PA'I RTAGS YANG DAG YIN NA, RTZOD GZHI DANG DPE GNYIS DANG GSUM KA RTAG MI RTAG GNYIS KAR 'GYUR DGOS SO, ,GSUM PA LA GNYIS, DNGOS DANG, SPYI'I DON BSDU PA'O, ,DANG PO NI, PHYOGS DANG MTHUN PHYOGS GANG RUNG DE SGRA LA RTAG PA DANG MI RTAG PA GNYIS KA SGRUB PA'I RTAGS YANG DAG YIN NO ZHE NA, DE MI 'THAD PAR THAL, PHYOGS DANG MTHUN PHYOGS GANG RUNG DE GZHI GCIG LA DUS CIG CAR NYE BA DANG RING BA GNYIS KA YIN PA'I YON TAN 'GAL BA GZHI MTHUN DU BSDU BAR MI 'THAD PA'I PHYIR RO, ,DE BZHIN DU DPE GNYIS DANG RTZOD GZHI LA RTAG MI RTAG GNYIS KA NYE BA'ANG YIN BSKAL PA'ANG YIN PA'I GZHI MTHUN DU 'GYUR DGOS NA DE MI 'THAD PA'I PHYIR RO, ,GNYIS PA NI, JI SKAD BSHAD PA'I RTAGS DE LTAR SNANG YIN PA DE'I PHYIR, PHYOGS DANG MTHUN PHYOGS GANG RUNG BUM PA LA NYE BA DANG NAM MKHA' LA BSKAL PA'I CHOS 'DI DAG NI CHOS CAN, DNGOS PO'I RANG BZHIN GYI RJES SU BYED PA NI MA YIN TE,

, ,SMRA BAR BYED PA PO'I 'DOD PA'I RJES SU BYED BA TZAM YIN PA'I PHYIR, KHYAB PAR THAL, SKYES BU'I 'DOD PA DE NI DNGOS PO DANG MTHUN PA DE KHO NA LTAR MI 'JUG PA'I PHYIR RO, ,PHYOGS DANG MTHUN PHYOGS GANG RUNG DE LAS NI SGRA LA RTAG PA'AM MI RTAG PA'I DON MI 'GRUB STE, DNGOS PO'I RANG BZHIN DAG LA MTHUN DPE DANG MI MTHUN DPE LA NYE BA DANG BSKAL BAR MA GRUB PA'I PHYIR RO, ,GNYIS PA NI, 'ON RNAM PAR BRTAG PA'I SPYI GO BYED DU GTAN NAS MI 'GYUR RAM ZHE NA, GO BYED DU 'GYUR BA MI SRID PA MA YIN PAR THAL, GANG RUNG GI SPYI CHOS 'GA' ZHIG SGRUB PA'I TSUL GSUM DU 'GYUR BA GANG ZHIG TSUL GSUM GRUB NA NI GO BYED YANG DAG TU 'GYUR BA'I PHYIR, DPER NA GZHI 'GA' ZHIG TU BA LANG DE DANG 'DRA BA'I RANG BZHIN GYI RVA LA MI 'KHRUL BA'I CHOS MTHUN PA MTHONG NAS BA LANG DANG BA MEN GANG DU YANG MA NGES SHING DE GNYIS LA YOD CING GZHAN LA MED PA'I RVA LA MI 'KHRUL BA'I CHOS MTHUN 'GA' ZHIG MTHONG BA'I MGO BO RTZIG BA'I PHAG TU SONG BA'I GONG BU 'DI NI CHOS CAN, RVA CAN YIN TE, BA LANG DANG PA MEN GANG YANG RUNG BA ZHIG YIN PA'I PHYIR RO, ZHES BRJOD PA BZHIN NO, ,GNYIS PA LA GNYIS, BRJOD 'DOD YOD PA TZAM LAS ZHEN DON MI 'GRUB PA DANG, DES RIGS CAN GZHAN YANG SHES PAR BYA'O, ,DANG PO NI, SNGAR BKOD PA'I RTAGS DE SGRA RTAG STE, RTAG PAR NGES BRJOD PAR 'DOD PA'I PHYIR, CES PA'I DON DU SONG BAS SO, ,DE LTAR SONG MOD DE LAS CIR 'GYUR ZHE NA, CI STE YANG NGAS SGRA RTAG PA DE LTAR BRJOD PAR 'DOD PA YIN NO, ZHES SMRA BDE'I TSE, TSIG DE LAS RANG PHYOGS KYI CHOS SU GRUB PA'I GZHIR

ZHEN DON GYIS STONG BA'I BRJOD PAR 'DOD PA TZAM ZHIG 'GRUB KYI ZHEN DON 'GRUB PA MA YIN PAR THAL, SNGA MA DANG 'BREL PA NGES KYI PHYI MA DANG 'BREL BA MA GRUB PA'I PHYIR, RTAGS PHYI MA DER THAL, SKYES BU DE'I 'DOD PA NI 'DOD BYA'I DNGOS PO LA JI LTA BA BZHIN DU 'JUG PAR NGES PA MED PA'I PHYIR RO, ,DE'I RGYU MTSAN 'DI LTAR SKYES BU'I 'DOD PA 'DOD BYA DON GYI DNGOS PO LA 'KHRUL PAR 'GYUR BAR THAL, SKYES BU'I 'DOD PA YOD NA 'DOD BYA DON GYI DNGOS PO YOD PA'I KHYAB PA MA GRUB PA'I PHYIR, DER THAL, 'DOD BYA GANG LA SKYES BU DE'I 'DOD PA YOD PA DER 'DOD BYA'I DNGOS PO YOD PA YIN NO ZHES DE LTAR NI BLTA BAR NUS PA MA YIN PA'I PHYIR, GNYIS PA NI, SKYES BU'I 'DOD PA 'DOD BYA DON GYI DNGOS PO LA 'KHRUL BAR BSTAN PA 'DIS NI CHOS CAN, SGRA MI RTAG STE MI RTAG PAR NGAS KHAS BLANGS BA'I PHYIR CES BYA BA LA SOGS PA'I GTAN TSIGS KYI SBYOR BA DANG, SBYIN SOGS LAS BDE BA 'BYUNG BAR GRUB PA YIN TE, DE LTAR LUNG LAS GSUNGS PA'I PHYIR, CES SOGS BKOD PA YANG GTAN TSIGS LTAR SNANG DU BSHAD PA YIN TE, DE DAG KYANG 'DOD PA TZAM GYIS RTAGS SU KHAS BLANGS PA GANG ZHIG ,SKYES BU'I 'DOD PA 'DOD BYA DON GYI DNGOS PO LA 'KHRUL BAR BSTAN PA'I PHYIR, 'DOD PAS BYAS PA BSAL MOD LUNG LAS GRUB PA JI LTAR BSAL ZHE NA, PHYI MA RTAGS YANG DAG YIN PA YANG BSAL BAR THAL, LUNG GI TSIG NI SMRA BA PO'I 'DOD PA TZAM GYIS 'JUG PA'I PHYIR RO, ,GSUM PA NI, DON RANG MTSAN DANG 'BREL BA MED PA'I RTOG PA TZAM DANG, LUNG DES BYAS PA NI 'DOD BYA DON GYI DNGOS PO LA 'KHRUL PA YIN TE, DE DAG RTOG PAS SGRO 'DOGS PAR BYED

, ,BA PO DANG LUNG DAG BYED PA BO'I 'DOD BA TZAM DANG RJES SU 'BREL BA'I PHYIR, KHYAB PAR THAL, 'DOD BYA'I DNGOS PO'ANG SKYES BU'I 'DOD PA DANG MTHUN BA LAS GZHAN DU YOD SRID PA'I PHYIR, CES BYA BA NI BSDU BA'I TSIGS SU BCAD BA'O, ,GNYIS PAR BA GSAL BYED RGYAS BSHAD LA GSUM, MTSAN NYID KYI TSIG GIS PHYOGS TSIG SGRUB NGAG GI YAN LAG MA YIN PAR BSHAD PA'I TSUL DANG, PHYOGS TSIG SGRUB NGAG GI YANG LAG MA YIN PAR SGRUB PA DANG, PHYOGS DNGOS SU BSTAN PA DGOS PA MED PA'O; ;DANG PO NI, BSGRUB BYA DANG SGRUB BYED GNYIS KA RGOL BA RANG GIS MTHONG BAR KHYAD PAR MED PA LA RANG GIS MTHONG BA'I SGRAS SGRUB BYED 'BA' ZHIG BZUNG BA JI LTAR YIN ZHE NA, GZHAN DON RJES DPAG GI MTSAN NYID STON PA'I TSIG GIS DON GYI SHUGS KYIS NA PHYOGS KYI TSIG NI BSGRUB PAR BYED PA BRJOD PA'I YAN LAG MA YIN NA ZHES BSHAD BAR RIG PAR BYA STE, TSUL GSUM BA'I RTAGS LHAG CHAD DANG BRAL BAR STON PAR BYED PA'I YAN LAG GNYIS LDAN GYI NGAG GZHAN GYI DON GYI RJES SU DPAG PA YIN PA'I PHYIR, TSUL GSUM MGRUB NA PHYOGS BRJOD KYANG NUS PA MED LA, TSUL GSUM GRUB NA PHYOGS BRJOD PA LA DGOS PA MED PAS GZHAN DAG PHYOGS TSIG SGRUB NGAG GI YAN LAG TU 'DOD PA DGAG PAR BYA BA KHO NA YIN NO, ,GNYIS PA LA GNYIS, DRI BA DANG, LAN NO, ,DANG PO NI, JI LTAR PHYOGS BRJOD PA BSGRUB PAR BYED BA BRJOD PA'I YAN LAG MA YIN ZHE NA, GNYIS PA LA GSUM, MDOR BSTAN PA DANG, RGYAS PAR BSHAD PA DANG, PHYOGS TSIG SGRUB NGAG GI YAN LAG YIN PA'I SGRUB BYED DGAG

BA'O; ;DANG PO NI, PHYOGS TSIG SGRUB BYED MTSAN NYID PA DANG BTAGS PA BA GANG DU YANG MI RUNG STE, DNGOS SAM BRGYUD PAS PHYOGS TSIG DE LAS BSGRUB BYA RTOGS SHING GRUB PA RJES DPAG MI SKYE BA'I PHYIR RO, ,GNYIS PA LA GSUM, PHYOGS TSIG DANG RTAGS TSIG DNGOS SU SGRUB BYED MA YIN PAR MTSUNGS PA DANG, PHYOGS TSIG DNGOS SU SGRUB BYED MA YIN PA MYONG BAS GRUB PA DANG, SGRUB BYED DU 'DOGS PA'I RGYU MTSAN DANG BTAGS PA'I DGOS PA YOD MED MI MTSUNGS PA'O, ,DANG PO NI, PHYOGS BRJOD PA DANG GTAN TSIGS BRJOD PA'I TSIG CHOS CAN, RE SHIG DNGOS SU NI BSGRUB BYA SGRUB PA'I NUS PA MED DE, BSGRUB BYA DANG 'BREL PA NGES PA MED PA'I PHYIR, KHYAB PA YOD PAR THAL, LKOG GYUR RTOGS PAR BYED PA'I CHO KHYAB BYA'I DON GYIS RANG PHYOGS KYI CHOS SU GRUB PA'I GZHIR KHYAB BYED KYI DON RTOGS DGOS PA'I PHYIR, DE DAG CHOS CAN, RANG NYID LAS TE RANG GI NGO BO'I SGO NAS PHYOGS BSGRUB BAR BYED PAR GNAS BA MA YIN TE, BSGRUB BYA DNGOS SU SGRUB PA'I NUS BA MED PA DES NA'I PHYIR, DE NYID BSHAD PA NI, BYAS PA'I DON NYID KYIS RANG PHYOGS KYI CHOS SU GRUB PA'I GZHIR MI RTAG PA'I DON GO BAR BYED DE, MI RTAG PA LA 'KHRUL PA MED PA'I PHYIR RO, ,BYAS BAS SGRA MI RTAG PAR SGRUB PA'I PHYOGS DANG GTAN TSIGS BRJOD PA NI CHOS CAN, SGRA MI RTAG BA DNGOS SU SGRUB BYED MA YIN TE, 'BREL BA NGES PA MED PA'I PHYIR RO, ,DE NYID DON BSDUS PA NI, PHYOGS DANG GTAN TSIGS KYI TSIGS CHOS CAN, RANG GI NGO BO NYID KYIS PHYOGS KYI DON 'GRUB PA'I PHYIR NI BSGRUB PAR BYED PA MA YIN TE, PHYOGS DNGOS SU SGRUB PA'I NUS PA MED PA DES NA'I PHYIR, GNYIS PA NYI, SGRA MI RTAG

, ,CES PA'I PHYOGS KYI TSIG SGRA MI RTAG PA DNGOS SU BSGRUB PAR BYED PA MA YIN TE, DE LAS NI SGRA MI RTAG PA'I DON LA THE TSOM ZA BAR MTHONG GI NGES BA 'DREN PA MA YIN PAR MYONG BAS GRUB PA'I PHYIR, SGRA RTAG MI RTAG THE TSOM ZA NAS DRIS PA NA, RGOL BAS MI RTAG CES BRJOD PA'I TSE SMONGS PA LA NGES PA LTAR SNANG 'DREN PA SRID KYANG PHYIR RGOL RTOG LDAN LA THE TSOM DE NYID LAS MA 'DAS PA'I DON TO, ,GSUM PA NI, SGRA MI RTAG CES PA'I PHYOGS KYI TSIG CHOS CAN, BRGYUD PA YIS KYANG SGRA MI RTAG PA SGRUB PA'I NUS PA MED DE, BSGRUB BYA MI RTAG PA KHO NA BRJOD BA'I PHYIR, DE'I KHYAB PA NI GZHUNG SNGA MA LA BRTEN NAS NGES PAR BYED PA YIN NO, ,BYAS PAS SGRA MI RTAG PAR SGRUB PA'I GTAN TSIGS BRJOD PA'I TSIG CHOS CAN, RANG NYID LA SGRA MI RTAG PA BSGRUB PA'I NUS PA MED KYANG SGRA MI RTAG PA'I SGRUB BYED DU 'DOGS PA'I RGYU MTSAN YOD DE, SGRA MI RTAG PA SGRUB NUS KYI TSUL GSUM PA'I RTAGS STON BYED KYI LHAG CHAD DANG BRAL BA'I NGAG YIN PA'I PHYIR, DE NYID BSHAD BA NI, CHOS SNGA MA LA BRGYUD PAS KYANG SGRA MI RTAG PA SGRUB BYED MA YIN TE, BSGRUB PAR BYA BA SGRA MI RTAG PA KHO NA BRJOD PA'I PHYIR RO, ,BSHAD MA THAG PA'I GTAN TSIGS KYI TSIG NI CHOS CAN, RANG NYID SGRA MI RTAG PA SGRUB BA'I NUS BA MED KYANG BSGRUB PAR BYED BAR NYE BAR BTAGS NAS 'DOD PA YIN TE, SGRA MI RTAG PA SGRUB PA'I NUS PA CAN TSUL GSUM PA'I RTAGS BRJOD PAR BYED PA LA LHAG CHAD DANG BRAL BA'I DAG YIN PA'I PHYIR, KHA CIG RTAGS TSIG BRGYUD NAS SGRUB BYED YANG DAG TU 'DOD BA MI RIGS TE, BUD SHING GIS ME DANG DU BA BSKYED PA LTAR 'DI LA BYAR MED DE, TSUL GSUM PA

CAN GYI RTAGS GTAN TSIGS BRJOD PA'I TSIG GIS DNGOS SU SGRUB MI NUS PA'I PHYIR RO, ,BRGYUD PA'I TSUL GZHAN YANG MI 'THAD LA, BRGYUD PA YIS KYANG NUS PA MED CES PA'I, TSIG GI NUS PAS RTAGS TSIG BRGYUD NAS SGRUB BYED YIN PA 'PHEN PAR BYED PA YANG MA YIN TE, DE NI PHYOGS TSIG LA SGRUB BYED DU 'DOGS PA'I RGYU MTSAN DANG, BTAGS PA'I DGOS PA YANG MED PAR STON PA YIN NO, ,GTAN TSIGS KYI TSIG GIS TSUL GSUM LA DRAN PA BSKYED PAR BYED PAS SGRUB BYED YIN NO ZHE NA, TSUL GSUM LA DRAN PA BSKYED PAR BYED PA'I DON CI, TSUL GSUM NGES ZIN MA BRJOD PA LA BAR BAR DU GTAN TSIGS KYI TSIG BRJOD PAS TSUL GSUM GYI DON SPYI SHAR NAS DRAN PAR BYED PA LA ZER RAM, TSUL GSUM NGES ZIN PAR DU BRJOD NAS TSIG GIS DRAN PAR BYED PA LA ZER, DANG PO LTAR NA, SGRA MI RTAG PAR NGES ZIN MA BRJOD PA LA PHYOGS KYI TSIG BAR BAR DU BRJOD PA LAS DRANG PAR BYED PA;'I PHYIR, PHYOGS TSIG KYANG SGRUB BYED DU 'GYUR RO, ,GNYIS PA LTAR NA YANG MTSUNGS TE, SNGAR SGRA MI RTAG PA NGES ZIN BAR DU BRJOD PA PHYOGS TSIG LA BRTEN NAS DRAN PA MI SRID PA SUS KYANG BRJOD MI NUS PA'I PHYIR RO, MI MTSUNGS TE, SGRA MI RTAG PA BRJOD PA DRAN PA YANG TSUL GSUM DRAN PA LA BLTOS PAS DE'I MTHU YIN GYI PHYOGS TSIG GI MTHU MA YIN NO ZHE NA, 'O NA TSUL GSUM BRJOD PA DRAN PA YANG TSUL GSUM SGRUB BYED LTOS MED DANG GNOD BA CAN GYI RTAGS LA SOGS PA DRAN PA'I MTHU YIN GYI, RTAGS TSIG GI MTHU MA YIN PAR KUN NAS MTSUNGS SO, ,'O NA 'DIR PHYOGS TSIG DANG RTAGS TSIG GNYIS LA KHYAD PAR DE TZAM PHYE BA JI LTAR YIN ZHE NA, LKOG

, ,GYUR GO BYED KYI RTAGS RNAMS NI GZUGS LA SGRON ME BZHIN DU GSAL BAR BYED PA MA YIN LA, PHYOGS TSIG SGRUB BYED YIN NA, TSUL DE LTAR 'GYUR DGOS TE, TSIG DON GYI 'BREL PA NGES PA SNGON DU SONG BA NI MED SGRA MI RTAG CES BA'I TSIG THOS PA TZAM GYIS SGRA MI RTAG PA TSAD MA'I YUL DU 'GYUR BA'I PHYIR, TSIG TZAM GYIS GO BAR NUS NA, SGRA RTAG MI RTAG THE TSOM ZA BA'I GANG ZAG GIS DRIS BA NA SGRA MI RTAG CES BRJOD PA TZAM MA GTOGS SGRUB BYED GZHAN YANG MA BRJOD PAR SGRA MI RTAG BA TSAD MA'I YUL DU 'GYUR NA, SGRA'I STENG DU MI RTAG PA GO BA MI RTAG PA LAS LDOG PA GZHAN DU GYUR PA'I DON CHOS GCIG BLO YUL DU SONG BA LA BRTEN NAS GO DGOS PAS SGRA RANG NYID BLO YUL DU SONG BAS RANG NYID MI RTAG PAR GO BAR 'GYUR LA, DE LTA NA NYAN SHES KYIS SGRA THOS TZAM GYIS MI RTAG BAR RTOGS PAR 'GYUR RO, ,DES NA LKOG GYUR RTOGS BA TSUL GSUM NGES PA SNGON DU SONG BA LA BLTOS LA, MA BRJED NA NI, DE MA THAG BSGRUB BYA LA DMIGS PA'I RTOGS PA SKYE LA BRJED BA DRAN DU RUNG NA NI TSUL GSUM STON PA'I TSIG LA BRTEN NAS DRAN PAR BYED NUS LA, SBYOR BSKOR GCIG PO'I RTAGS DANG BSGRUB BYA GNYIS SGRUB BYED NGES PA LA BLTOS NAS BSGRUB BYA NGES PAR BYED PA YIN GYI, SGRUB BYED NGES PA SNGON NA BSGRUB BYA GO BA'I NUS PA ME DPAS PHYOGS TSIG SGRUB DAG GI YAN LAG TU 'DOD PA NI, DOGS PA'I GNAS MED PA'I TSOD TZAM DU SHES PAR BYA'O, ,GSUM PA LA GNYIS, PHYOGS TSIG GIS RTAGS 'JUG PA'I RKYEN BYED PAS SGRUB DAG GI YAN LAG TU 'DOD PA DGAG PA DANG, GTAN TSIGS KYI BYED BA 'JUG BA'I YUL STON BAS SGRUB NGAG GI YAN LAG TU 'DOD PA DGAG PA'O, ,

DANG PO LA GNYIS, RTZOD BA DANG, LAN NO, ,DANG BO NI, RTAGS TSIG DE TSUL GSUM DRAN PA'I RGYU YIN PA'I PHYIR SGRUB BYED DU GDAGS SU RUNG NA PHYOGS TSIG DE LAS KYANG GTAN TSIGS KYI TSIG 'JUG LA, DE LAS DRAN LAM DU 'GYUR LA, DE LAS BSGRUB BYA RTOGS PA'I PHYIR, PHYOGS TSIG DE YANG RJES DPAG BSKYED PAR NUS PA NYID DO ZHE NA, GNYIS PA LA GSUM, THE TSOM SOGS KYANG SGRUB BYED KYI YAN LAG TU THAL BA DANG, DGAG BYA'I TSIG SGRUB BYED KYI YAN LAG TU THAL BA DANG, BSGRUB BYA SGRUB NUS DANG DE LA DRAN PA SKYED BYED NGOS BZUNG BA'O, ,DANG PO NI, SGRA RTAG MI RTAG GI THE TSOM DANG, SHES 'DED DANG, SGRUB BYED 'GOD BA'I SKABS DE DAG LA YANG SGRUB BYED KYI YAN LAG TU THAL BAR 'GYUR TE, SGRA RTAG GAM MI RTAG GAM SNYAM PA'I THE TSOM LAS MTHA' GCIG TU SHES BAR 'DOD PA SKYE BA DANG DE LAS SGRUB BYED 'DRA BA DANG DE LAS SGRUB BYED 'GOD PA'I SKABS 'JUG PA'I PHYIR, GNYIS PA NI, SGRA RTAG CES PA'I TSIG DE YANG GTAN TSIGS KYI TSIG DE DANG LHAN CIG BSGRUB BYA BSGRUB PAR BYED PAR 'GYUR BAR THAL, RGOL BAS GZHAN LA RGAM PA'I PHYIR, SGRA RTAG CES MI MTHUN PA DGAG BYA BRJOD PA'I TSIG LAS KYANG PHYIR RGOL THE TSOM ZA BA NA GNYEN PO GTAN TSIGS KYI TSIG 'JUG PA SRID PA'I PHYIR, GSUM PA NI, JI SKAD BSHAD PA LTAR KHAS BLANGS NA HA CANG THAL BAR 'GYUR BA DE'I PHYIR, PHYOGS TSIG DANG RTAGS TSIG GNYIS KA LA BSGRUB BYA SGRUB PA'I NUS PA MED DE, NANG GI YAN LAG GI DON BSGRUB BYA GRUB PA'I NUS PA NI TSUL GSUM PA'I RTAGS KHO NA NYID LA GNAS PA YIN PA'I PHYIR, PHYOGS TSIG LA TSUL GSUM LA DRAN PA BSKYED PA'I NUS PA YANG MED DE, DE LA DRAN PA 'JOG BAR BYED

, ,PA NI GTAN TSIGS KYI TSIG DANG PHYOGS TSIG GNYIS KYI NANG NAS GTAN TSIGS DE'I TSIG 'BA' ZHIG LA GNAS PA'I PHYIR, DES NA TSUL GSUM PA CAN GYI RTAGS DE NYID BSGRUB PAR BYED PA MTSAN NYID PA DANG, RTAGS TSIG SGRUB BYED BTAGS PA PA YIN NO, ,GNYIS PA LA GNYIS, RTZOD PA DANG, DE'I LAN BSHAD ZIN DRAN PAR BYED PA'O, ,DANG PO NI, GTAN TSIGS KYI BYED PA 'JUG PA'I YUL MA BSTAN NA GANG LA GTAN TSIGS 'GOD PA YANG MI SHES SHING THOG 'BAB PA LTAR GTAN TSIGS 'JUG PA MI SRID PAS PHYOGS TSIG NGES GTAN TSIGS KYI BYED PA 'JUG PA'I YUL STON PA NYID KYIS BRGYUD NAS RJES DPAG BSKYED CING BSGRUB BYA SGRUB NUS PA YIN NO ZHE NA, GNYIS PA NI, RTAGS TSIG 'JUG PA'I RKYEN BYED PA LAS MA 'DAS LA RTAGS TSIG 'JUG PA'I RKYEN BYED PAS SGRUB DAG GI YAN LAG TU MI RIGS PAR THAL, RTZOD PA 'DI LA THE TSOM SOGS KYANG SGRUB BYED KYI YAN LAG TU 'GYUR BA'I HA CANG THAL BA'I LAN BSHAD ZIN PA'I PHYIR, GSUM PA NI, GZHAN YANG BYAS PAS SGRA MI RTAG PAR SGRUB PA'I SGRUB DAG YANG DAG GIS PHYOGS DNGOS SUM BSTAN NA GTAN TSIGS KYI BYED PA 'JUG PA'I YUL MI RTOGS PA'I SKYON MED PAR THAL, PHYOGS DNGOS SU BSTAN PA DE MED KYANG SGRA MI RTAG PA'O ZHES DON GYIS GO BA NYID KYI PHYIR RO, ,DER THAL, GANG CUNG ZAD BYAS PA DE THAMS CAD NI MI RTAG PA YIN LA SGRA YANG BYAS PA YIN NO ZHES BRJOD PAS KYANG SGRA MI RTAG PA SHUGS LA BSTAN PAR GO BA'I PHYIR, PHYOGS NI PHYOGS CHOS DANG KHYAB PA GNYIS GANG RUNG DNGOS SU BSTAN PA'I SHUGS LA STON PAR BYED PA YIN GYI, TSUL GSUM RTOGS PA'I SHUGS LA BSGRUB BYA RTOGS

PA MA YIN TE, TSUL GSUM MNGON SUM TSAD MAS GRUB PA'I RTAGS KYI BSGRUB BYA PHYIR RGOL DE LA GZHAL BYA MNGON GYUR DU THAL BA'I PHYIR RO, ,DON BSDUS PA NI, SGRA MI RTAG PA 'DI NI GDON MI ZA BAR SGRUB NGAG YANG DAG NGES DNGOS SU BSTAN PAR BYA BA MA YIN PAR THAL; DE LA DGOS NUS CUNG ZAD KYANG MED PA DE'I PHYIR, RGYU MTSAN DES NA PHYOGS TSIG SGRUB NGAG GI YAN LAG TU DGOS PA MA YIN PAR THAL, SGRUB NGAG YANG DAG GIS PHYOGS NI DNGOS SUM BRJOD KYANG BSGRUB BYA 'GRUB PA LA GEGS MED PA'I PHYIR RO, ,YAN LAG LNGA LDAN PA DAG PHYOGS DNGOS SUM BRJOD NA SGRUB NGAG YAN LAG MA TSANG BA'I SKYON DU 'DOD PA MI RIGS PAR THAL, TSUL GSUM LAS TSUL GANG YANG RUNG BA ZHIG MA SMRAS SHING MA BSTAN NA SGRUB PA NGAG YANG DAG YAN LAG MA TSANG BA'I SKYON DU 'GYUR GYI PHYOGS DNGOS SUM BSTAN YANG SKYON DU MI 'GYUR RO ZHES BSHAD PAR RIG PAR BYA BA YIN PA'I PHYIR, 'DI YAN CHAD KYIS BLO SKYON DANG DON SKYON DANG SGRA SKYON ZHUGS PA'I NGAG SGRUB NGAG YANG DAG TU 'DOD PA BSAL NA GZHAN DON RJES DPAG GI MTSAN NYID RGYAS PAR GTAN LA PHAB PA YIN NO, ,DON SKYON ZHUGS PA SGRUB BYED DU 'GOD NA BLO SKYON ZHUGS PA YIN MOD KYI, DON SKYON MA ZHUGS KYANG TSUL GSUM RGOL BA RANG GI TSAD MAS MA MTHONG BAR SGRUB BYED 'GOD PA NI PHYIR RGOL RTOG LDAN LA GZHAN DON BYED PA'I RGOL BA'I BLO SKYON CHE SHOS SU GO BA'I CHED YIN NO, ,DE 'DRA'I BLO SKYON MA ZHUGS NA DON SKYON ZHUGS PA MI SRID MOD KYI DON SKYON ZHUGS PA SGRUB BYED YANG DAG TU 'DOD PA DAG GI LOG RTOG DGAG PA'I CHED DU DON SKYON SEL BYED ZUR DU SMOS SO, ,BLO DON GYI SKYON GNYIS KA MA ZHUGS KYANG BRJOD TSUL

, ,LA MI MKHAS NA DA DUNG YAN LAG GI DPYAD PA MA DAG PAS RTZOD PA'I SKABS SU PHAM PA BSKYED PA'I PHYIR, SGRA SKYON SEL BYED ZUR DU SMOS PA YIN NO, ,GZHAN DON RJES DPAG GI MTSAN NYID STON PA NA RANG GIS MTHONG DON RAB GSAL BYED, CES SMOS KYI PHYOGS CHOS DANG KHYAB PA GNYIS GANG RUNG DNGOS SU STON CING CIG SHOS SHUGS LA STON PA SOGS MA SMOS KYANG DON GYIS GO BAR 'GYUR BA YIN NO, ,DES NA PHYOGS DNGOS SU STON PA DANG TSUL GSUM GSAL BAR MI BYED PA SGRUB NGAG YANG DAG YIN PA BKAG PA NA GANG BYAS PA YIN NA MI RTAG PA YIN PAS KHYAB DPER NA BUM PA BZHIN, SGRA YANG BYAS SO ZHES PA LTA BU'I BRJOD TSUL LAS GZHAN MI RUNG PAR RTOGS PAR 'GYUR BA YIN NO, ,RANG GIS MTHONG BA ZHES SMOS PA DOGS PA'I GNAS SHIN TU CHE BAS RGYAS PAR SMOS LA DE TZAM DU DOGS PA MI CHE BAS DON ZHES SMOS PA'I DGOS PA CUNG ZAD BSDUS SO, ,'CHAD PAR 'GYUR BA'I BSGRUB BYA DANG PHYOGS CHOS KYI RAB DBYE NI GZHAN DON RJES DPAG GI MTSAN NYID STON PA 'DI LAS 'PHROS PA YIN TE, PHYOGS SGRUB NGAG GIS DNGOS SU BSTAN BYA MA YIN NA BSTAN BCOS SU PHYOGS KYI MTSAN NYID BSTAN PA DGOS PA MED SNYAM PA DANG, SGRUB NGAG GI BSTAN BYA'I TSUL GYI BRJOD TSUL SOGS RGYAS PAR GTAN LA 'BEBS PA YIN PA'I PHYIR RO, ,GNYIS PA BRJOD BYA DON GYI RANG BZHIN BSHAD PA LA GNYIS, SHUGS LA BSTAN BYA DAM BCA'I MTSAN NYID BSHAD PA DANG, DNGOS SU BSTAN BYA PHYOGS CHOS KYI RAB DBYE SNGON DU 'GRO BA CAN GYI GTAN TSIGS KYI DBYE BA BSTAN PA'O, ,DANG PO LA GNYIS, PHYOGS KYI MTSAN NYID BSTAN BCOS

SU BSHAD PA DGOS MED DU THAL BA'I RTZOD PA SPANG BA DANG, PHYOGS KYI MTSAN NYID BSHAD PA DNGOS SO, ,DANG PO LA GNYIS, RTZOD PA DANG, LAN NO, ,DANG PO NI, PHYOGS SGRUB NGAG GIS DNGOS SU BSTAN PAR BYA BA MA YIN PA 'O NA DA NI SGRUB DAG GI MTSAN NYID GTAN LA 'BEBS PA'I SKABS SU PHYOGS KYI MTSAN NYID BRJOD PAR MI BYA BA STE BRJOD PA DGOS PA MED PAR THAL, PHYOGS DE DNGOS SU BSTAN PA MED NA SGRUB BYED YANG DAG BSTAN PA MED PA MA YIN NAS SGRUB DAG GI YAN LAG TU MI DGOS PA'I PHYIR RO ZHE NA, GNYIS PA NI, BSTAN BCOS SU PHYOGS KYI MTSAN NYID BRJOD PAR BYA BA RIGS PA YIN TE, PHYOGS KYI MTSAN NYID LA LOG PAR RTOG PA DE BZLOG PA'I DON DU YIN PA'I PHYIR, LOG PAR RTOG PA MTHONG STE, BSGRUB PAR BYA BA YIN PA ZHE PAS 'DOD PA'I DAG TU MA SMRAS PA LA BSGRUB BYA MA YIN PA DANG LUNG DON RTAG PA NAM MKHA'I YON TAN CAN LA SOGS PA BSGRUB PAR BYA BA MA YIN PA LA BSGRUB BYA YANG DAG TU PHYIN CI LOG TU LOG PAR RTOG PA MTHONG BA'I PHYIR, GNYIS PA LA GNYIS, SPYI'I DON DANG, YAN LAG GI DON TO, ,DANG PO LA GSUM, PHYOGS YANG DAG GI MTSAN NYID DANG, GTAN TSIGS YANG DAG GI MTSAN NYID LA HA CANG THAL BA SPANG BA DANG, PHYOGS KYI MTSAN NYID KYI RNAM BCANG SO SOR BSHAD PA'O, ,DANG PO LA GNYIS, DNGOS DANG, RTZOD SPANG NGO, ,DANG PO NI, PHYIR RGOL GYI DOR BSGRUB PAR BYA BAR 'OS PA RGOL BAS BSGRUB BYAR KHAS BLANGS PA ZHES PA NI RIGS SGO NAS BSHAD PA LTAR RIGS MI MTHUN SEL BA'I DBANG DU DBANG DU BYAS NAS BSDUS TE BSTAN PA YIN LA, NGO BO'I DON SOGS CHOS LNGA TSANG BA ZHES PA NI TSAD MA KUN LAS BTUS LAS 'BYUNG BA LOG RTOG SEL BA'I DBANG DU BYAS NAS TSIG GI

, ,ZUR PHYIN PAR SMOS PA TZAM MA GTOGS DON LDOG MI 'DRA BA SO SO GNYIS SU 'GYUR BA MA YIN TE, SNGA MA LA YANG PHYI MA'I DON TSANG BAR YOD CING, DON DE NYID BSHAD NA PHYI MA LTAR 'GYUR BA'I PHYIR RO, ,TSAD MA KUN LAS BTUS SU BSTAN BYA BA ZHES SMOS PA NI, PHYOGS SGRUB NGAG GI YAN LAG TU DNGOS SU BSTAN PAR BYA BA MA YIN MOD KYI, GAL TE STON NA YANG MTSAN NYID 'DI LTA BU DANG LDAN PA ZHIG BSTAN PAR BYA BA YIN NO, ZHES YAN LAG LNGA LDAN DU 'DOD PA RIGS PA CAN PA LA SOGS PA DAG GI LOG RTOG DGAG PA'I CHED DU SMOS SO, ,BSTAN BCOS MTSAN NYID 'CHAD PA NA BRTAG PA MTHA' GZUNG GA LA DGOS, SGRUB DAG GI YAN LAG TU STON NA ZHES BRTAG PA MTHA' GZUNG DU MDZAD PA YIN NO, ,PHYOGS YANG DAG YIN NA MTSAN NYID 'DI LTA BU DANG LDAN PA GCIG DGOS PAR RTOGS PA NA PHYOGS SGRUB NGAG GIS DNGOS SU BSTAN MI RIGS PA YANG KHONG DU CHUD PAR 'GYUR RO, ,GNYIS PA NI, SGRA DANG MI RTAG PA'I TSOGS DON LTA BU TSAD MAS MA GRUB NA GZHI CHOS CAN MA GRUB PAS BSGRUB BYAR MTSON PA MI 'THAD LA TSAD MAS GRUB NA DE LA NGO BO'I DON SOGS CHOS LNGA TSANG BA MI 'THAD PAS PHYOGS CHOS MA GRUB PA'I PHYIR, DAM BCA'I MTSAN NYID DE MI 'THAD DO ZHE NA, SGRA MI RTAG PAR SGRUB DGOS KYI PHYIR RGOL DE'I NGOR, NGO BO'I DON SOGS CHOS LNGA TSAR BAS DE'I DOR BSGRUB BYA YIN PA DE SGRA MI RTAG PA TSAD MAS GRUB ZIN GYI GANG THAG GZHAN GCIG GI NGOR SGRUB PA YIN PAS SKYON DE DAG MED LA, THA SNYAD 'BA' ZHIG SGRUB KYI DBANG DU BYAS NA GANG ZAG MI 'DRA BA SO SO LA MA SBYAR YANG SKYON MED DE, SGRA MI RTAG

PA GRUB ZIN MA BRJED PA'I GANG ZAG DE'I NGOR NGO BO'I DON SOGS CHOS LNGA MA TSANG BA'I RGYU MTSAN DRI BAR BYA'O, ,NGO BO'I DON NI PHYIR RGOL GYI TSAD MAS MA GRUB PA'I DON YIN LA, SGRA DANG MI RTAG PA'I TSOGS DON PHYIR RGOL DE'I TSED MAS GRUB PAS SGRA DANG MI RTAG PA'I TSOGS DON PHYIR RGOL GYI TSAD MAS MA GRUB PA PHYIR RGOL DE'I TSAD MA'I YUL DU MA TSANG BA'I PHYIR RO ZHE NA, 'ON TSAD MA'I NGOR BUM PA GZHI MA GRUB PA YOD DAM MED, DANG PO LTAR NA, BUM PA GZHI MA GRUB PAR 'GYUR LA, GNYIS PA LTAR NA BUM MED GZHI MA GRUB PAR 'GYUR TE, TSAD MA'I NGOR BUM PA GZHI MA GRUB PA MED PA'I PHYIR, CES SMRAS NA LAN CI YOD, TSAD MA'I DOR BUM PA GZHI MA GRUB PA YOD KYANG BUM PA TSAD MAS MA GRUB MI DGOS TE, BUM MED YOD PA DANG BUM PA YOD PA 'GAL BA MED PA'I PHYIR RO ZHE NA; 'O NA SGRA DANG MI RTAG PA'I TSOGS DON GZHAN DON BSGRUB BYAR MTSON DGOS KYI PHYIR RGOL DE'I TSAD MA'I NGOR SGRA DANG MI RTAG PA'I TSOGS DON YOD PA DANG, SGRA DANG MI RTAG PA'I TSOGS DON TSAD MAS MA GRUB PA YOD PA LA 'GAL BA MED PA'I PHYIR TE, SGRA DANG MI RTAG PA'I TSOGS DON YOD PA DANG, SGRA DANG MI RTAG PA'I TSOGS DON MED PA YOD PA LA 'GAL BA MED PA'I PHYIR DANG, YANG DE'I TSAD MA'I NGOR SGRA DANG MI RTAG PA'I TSOGS DON YOD PA DANG, SGRA DANG MI RTAG PA'I TSOGS DON PHYIR RGOL GYI TSAD MAS MA GRUB PA YOD PA LA 'GAL BA MED PA'I PHYIR TE, SGRA DANG MI RTAG PA'I TSOGS DON DE'I TSAD MAS GRUB PA DANG, SGRA DANG MI RTAG PA'I TSOGS DON PHYIR RGOL GYI TSAD MAS MA GRUB PA DE'I TSAD MAS GRUB PA 'GAL BA MED PA'I PHYIR, SGRA DANG MI RTAG PA'I TSOGS DON SGRA DANG

, ,MI RTAG PA'I TSOGS DON GZHAN DON BSGRUB BYAR SGRUB DGOS KYI PHYIR RGOL DE'I TSAD MA'I DOR NGO BO'I DON SOGS CHOS LNGA TSANG YANG DE'I TSAD MA'I DOR GZHAN DON BSGRUB BYA MA YIN TE, DES SGRA DANG MI RTAG PA'I TSOGS DON GZHAN DON BSGRUB BYAR MA GRUB CING GZHAN DON BSGRUB BYA'I THA SNYAD KYANG MA THOGS PA'I PHYIR, GZHAN DON BSGRUB BYAR TSAD MAS GRUB NA, RJES DPAG SKYES ZIN PAS SO, ,DE'I DOR NGO BO'I DON SOGS CHOS LNGA TSANG NA DE'I DOR GZHAN DON BSGRUB BYA MIN PA 'GAL LO ZER BA NI, MTSAN MTSON GYI RNAM DBYE LA RMONGS PAR ZAD DO, ,DES NA SNGAR GYI RTAGS YANG DAG DE LA SGRA DANG MI RTAG PA'I TSOGS DON TSAD MAS GRUB ZIN NA BSGRUB BYA MA YIN PAR 'GYUR RO ZHES ZER BA YANG DE DANG 'DRA STE, DE'I NGOR SGRA DANG MI RTAG PA'I TSOGS DON BSGRUB BYA MA YIN YANG DE BSGRUB BYAR SGRUB DGOS PA CI ZHIG 'GAL, DE'I NGOR SGRA MI RTAG PA MA YIN PA SGRA MI RTAG PAR SGRUB DGOS PA BZHIN NO, ,DES NA BLO GROS KU SHA'I RTZE MO LTAR RNO BA RNAMS KYIS ZHIB TU DPYAD PAR BYA'O, ,GNYIS PA NI, BSGRUB BYAR KHAS BLANGS PA, DAM BCA'I MTSAN NYID KYI ZUR DU SMOS RIGS NA RGOL BAS SGRUB BYED YANG DAG TU KHAS BLANGS PA RTAGS YANG DAG GI MTSAN NYID DU YANG CI'I PHYIR MI BZHAG CE NA, SHIN TU MI MTSUNGS TE, DAM BCA' RGOL BA'I KHAS BLANGS LA BLTOS PA YIN TE; RGOL BAS KHAS BLANGS PAS RGOL BA'I DAM BCAR 'GYUR GYI, RGOL BAS DAM MA BCAS PA RGOL BA'I DAM BCAR MI 'GYUR BA'I PHYIR RO, ,RGOL BAS KHAS MA BLANGS KYANG RGOL BA'I DAM BCAR 'GYUR NA, SHES BYA MTHA' DAG RGOL BA'I DAM BCA'

'GYUR BA'I PHYIR RO, ,PHYIR RGOL GYI TSAD MAS GRUB BSAL ZHUGS MA ZHUGS BRTZI BA'I GZHI YANG RGOL BAS KHAS BLANGS PA 'BA' ZHIG YIN NO, ,RTAGS YANG DAG GI TSUL GSUM PHYIR RGOL GYI TSAD MAS MA GRUB NA NI, RGOL BAS RTAGS YANG DAG TU 'DOD KYANG, PHYIR RGOL GYI DOR RJES DPAG BSKYED MI NUS LA, DE TSAD MAS GRUB NA NI RGOL BAS SGRUB BYED YANG DAG TU MI 'DOD KYANG PHYIR RGOL GYI NGOR RJES DPAG BSKYED NUS PAS RTAGS YANG DAG GI MTSAN NYID KYI ZUR DU RGOL BA'I KHAS BLANGS SMOS PA LA DGOS PA CUNG ZAD KYANG MED PAR SHES PAR BYA'O, ,GZHAN YANG RTAGS KYI TSUL PHYIR RGOL GYI TSAD MAS MA GRUB NA, RGOL BAS SGRUB BYED YANG DAG TU KHAS BLANGS KYANG RGOL BA LA SUN 'BYIN YANG DAG 'JUG LA, RGOL BAS KHAS BLANGS SHING PHYIR RGOL GYIS MA GRUB PA DAM BCA'I YON TAN DU 'GYUR BA YIN NO, ,GSUM PA NI, NGO BO'I DON NI, SKABS KYI PHYIR RGOL DE'I TSAD MAS MA NGES PA DANG, KHO NA'I DON NI, RGOL BAS DPAG BYAR 'DOD PA YIN GYI SGRUB BYED DU MA BZUNG BA'O, ,RANG NYID KYI DON NI, BSTAN BCOS MKHAN PO'I 'DOD PA YIN PA RGYU MTSAN DU MA BYAS PAR SKABS KYI RGOL BA DES 'DOD PA'O, ,'DOD PA'I DON NI, DAG TU SMRAS SAM MA SMRAS KYANG RUNG RTAGS KYI DPAG BYAR 'DOD PA'O, ,MA BSAL BA NI RGOL BAS DPAG PAR 'DOD PA LA PHYIR RGOL GYI TSAD MA'I BSAL BA MA ZHUGS PA'O,, DE YANG RIGS MI MTHUN SEL BA DANG LOG RTOG SEL BA GNYIS SU 'DUS TE, GCAD BYA RIGS MI MTHUN LA GNYIS YOD PAS RGOL BAS PHYOGS SUM BZUNG BA DANG, BZUNG YANG GRUB BSAL GANG RUNG ZHUGS PA'O, ,DANG PO NI 'DOD PAS GCOD LA, PHYI MA GNYIS

, ,NI NGO BO DANG MA BSAL BA GNYIS KYIS GCOD DO, ,GCAD BYA LOG RTOG LA YANG GNYIS TE, SGRA NAM MKHA'I YON TAN LTA BU RGOL BAS DPAG 'DOD MED KYANG RANG GIS SNGAR TSAD MAR KHAS BLANGS PA'I BSTAN BCOS MKHAN PO'I 'DOD PA YIN PAS RTZOD PA'I TSE YANG DE DANG MI 'GAL BA GCIG BSGRUB BYAR BYED DGOS SNYAM PA'I LOG RTOG BSAL BA'I CHED DU RANG NYID SMOS SO, ,'DI BSHAD PA'I GZHI SHIN TU CHE ZHING RTOGS PAR SHIN TU DKA' LA ZHIB TU BSHAD KYANG LEGS PAR GO BA SHIN TU NYUNG BA'I GNAS SU SNANG LA, GZHUNG LUGS 'DI DAG LA RING DU 'DRIS PAR BYAS PA DAG KYANG PHYOGS SNGA MA'I GSEB TU ZHUGS PA SHA STAG TU SNANG BAS 'OG TU BSHAD PAR BYA'O, ,DA LTA RGOL BAS SGRUB BYED DU BKOD PA PHYIR RGOL GYIS MA GRUB NA RGOL BAS SGRUB DGOS PAS SGRUB BYED DU BKOD BZHIN PA'I TSE YANG BSGRUB BYAR GZUNG DGOS SAM SNYAM PA'I LOG RTOG DGAG PA'I CHED DU KHO NA'I TSIG SMOS SO, ,GNYIS PA LA GNYIS, PHYOGS YANG DAG GI MTSAN NYID MDOR BSTAN PA DANG, RGYAS PAR BSHAD PA'O, ,DANG PO LA GNYIS, TSAD MA MDO'I TSIG DGOD PA DANG, DE'I DON BSHAD PA'O, ,DANG PO NI, LOG RTOG DGAG PA'I DGOS PA CAN GYI RJES SU DPAG PAR BYA BA PHYOGS YANG DAG DE YANG CHOS CAN, MTSAN NYID GANG YANG RUNG BA DANG LDAN PA ZHIG TU BSHAD PAR BYA BA MA YIN TE, BSGRUB BYA'I NGO BO KHO NAR RGOL BA RANG NYID 'DOD PA DANG PHYIR RGOL GYI TSAD MAS MA BSAL BA'I MTSAN NYID CAN DU BSTAN PAR BYA BA YIN PA'I PHYIR, GNYIS PA LA GNYIS, YONGS GCOD KYI DGOS PA NGOS BZUNG BA DANG, RNAM

PAR GCAD BYA NGOS GZUNG NAS DE BSAL BAR BSTAN PA'O, ,DANG PO NI, PHYOGS YANG DAG GI MTSAN NYID 'CHAD PA'I SKABS 'DIR CHOS CAN, RANG GI NGO BO SMOS PA LA DGOS PA YOD DE, SGRA DANG MI RTAG PA'I TSOGS DON LTA BU PHYOGS YANG DAG TU 'GYUR BA LA SKABS KYI PHYIR RGOL GYI TSAD MAS MA GRUB PA DGOS SO ZHES SHES PAR BYA BA'I CHED YIN PA'I PHYIR, RTAGS KYI ZUR SNGA PHYI 'OG MA RNAMS LA YANG SBYAR TE, TSIG PHRAD SMOS PA LA DGOS PA YOD DE, DE LTAR 'GYUR BA LA RGOL BAS SGRUB BYED DU BKOD BZHIN PA MIN PA GCIG DGOS ZHES DANG, 'DOD PA SMOS PA LA DGOS PA YOD DE, DE LTAR 'GYUR BA LA DON GYIS TE ZHE BAS BSGRUB BYAR BRJOD PA GCIG DGOS SO ZHES DANG, RANG NYID KYI TSIG SMOS PA LA DGOS PA YOD DE, DE LTAR 'GYUR BA LA BSTAN BCOS MKHAN PO'I 'DOD PA YIN PA RGYU MTSAN DU MA BYAS PAR RTZOD PA'I SKABS KYI RGOL BAS KHAS BLANGS PA GCIG GZUNG NGO ZHES RIG PAR BYA BA'I CHED YIN PA'I PHYIR, SKABS 'DIR TSIG BZHIS YONGS GCOD STON TSUL TZAM 'CHAD PA'I RGYU MTSAN NI, KHA CIG NA RE, 'OG TU MA BSAL BA RGYAS PAR 'CHAD PAS MA BSHAD DO ZER BA NI MI 'THAD DE, 'DOD PA DANG RANG NYID LA YANG MTSUNGS PAS SO, ,DES NA 'DIR NI MTSAN GZHI LA MTSAN NYID 'JUG MI 'JUG DPYOD PA YIN LA, MTSAN GZHI LA TSAD BSAL ZHUGS NA DE LA MTSAN NYID 'JUG MI 'JUG DPYOD MI DGOS PA'I PHYIR RO, ,'O NA NGO BO'I TSIG LA YANG MTSUNGS SO ZHE NA, TSAD MAS GRUB ZIN BSGRUB BYAR BYED PA LA NI MTSAN GZHI LA TSAD MAS BSAL BA BSTAN NAS MED PAS DE LA MTSAN NYID 'JUG MI 'JUG DPYOD DGOS PAS MI MTSUNGS

, ,SO, ,DAM BCA' YANG DAG YIN NA TSAD MA GANG YIS KYANG MA BSAL BA ZHIG DGOS PAS TSAD MA MDOR MA BSAL BA SMOS SO, ,GNYIS PA NI, DES NA PHYOGS YANG DAG GI MTSAN NYID KYI ZUR DU NGO BO SMOS PA LA DGOS PA YOD DE, SGRA DANG MI RTAG PA'I TSOGS DON LTA BU PHYOGS YANG DAG TU 'GYUR BA LA PHYIR RGOL GYI TSAD MAS GRUB ZIN PA DPER NA SGRA NI MNYAN PAR BYA'O ZHES BYA BA LTA BU MA YIN PA GCIG DGOS SO ZHES SHES PA'I CHED DU YIN PA'I PHYIR, TSIG PHRAD SMOS PA LA DGOS PA YOD DE, DE LTAR 'GYUR BA LA PHYIR RGOL GYIS MA GRUB KYANG RGOL BAS BSGRUB PAR BYED PA NYID DU 'DOD PA DPER NA MA GRUB PA'I GTAN TSIGS DANG DPE DAG TU BKOD BZHIN PA MA YIN PA GCIG DGOS SO, ZHES DANG, 'DOD PA SMOS PA LA DGOS PA YOD DE, DE LTAR 'GYUR BA LA RTZOD PA'I SKABS KYI RTEN ZHE BAS BSGRUB BYAR 'DOD CING SMRAS CHOS TZAM MA YIN PA GCIG DGOS SO ZHES DANG, RANG NYID KYI TSIG SMOS PA LA DGOS PA YOD DE, DE LTAR 'GYUR BA LA SNGAR BSTAN BCOS KHAS BLANGS KYANG NAM MKHA'I YON TAN LA SOGS PA BSGRUB BYAR GZUNG BA MED NA RGOL BA'I SKABS KYI BSGRUB BYA MI 'BYUNG BA YANG MA YIN PA'I RGOL PAS KHAS BLANGS PA MA YIN PA SKABS KYI BSGRUB BYA YIN PA BSAL ZHIG DGOS SO ZHES SHES PAR BYA BA'I CHED DU YIN PA'I PHYIR, GNYIS PA LA GSUM, 'DOD PA RGYAS PAR BSHAD PA DANG, RANG NYID RGYAS PAR BSHAD PA DANG, MA BSAL BA RGYAS PAR BSHAD PA'O, ,NGO BO LOG RTOG GI GNAS NYUNG BAS DE LA RGYAS BSHAD MED LA, NGES GZUNG RANG NYID KYI ZHAR LA BSDUS NAS STON PAS RGYAS BSHAD

DON TSAN GSUM DU BSDUS PAS CHOG PA YIN NO, ,DANG PO LA GNYIS, NGAG TU MA SMRAS KYANG ZHE 'DOD BSGRUB BYAR RTOGS PA'I DPE DANG, 'DOD PA SMOS PA'I DGOS PA BSHAD PA'O, ,DANG PO LA GNYIS, DRI BA DANG, LAN NO, ,DANG PO NI, NGAG TU MA SMRAS KYANG BSGRUB BYAR 'GYUR BA DE NI SGRAS MA ZIN PA'I PHYIR, JI LTAR BSGRUB BYAR 'DOD PA NYAN SHES KYIS MA THOS NA BSGRUB PAR BYA BA NYID DU 'DOD PA YIN NO ZHES RGYU MTSAN GANG LAS RTOGS SHE NA, GNYIS PA NI, GRANGS CAN GYIS SANGS RGYAS PA LA MIG SOGS CHOS CAN, GZHAN DON BYED PA YIN TE, 'DUS SHING BSAGS PA YIN PA'I PHYIR, CES BKOD PA'I TSE 'DUS SHING BSAGS PA DE CHOS CAN, MIG SOGS BDAG DON BYED PA DE DAG TU DNGOS SU MA SMRAS KYANG DE KHYOD KYI BSGRUB BYAR MI RTOGS PA'I SKYON MED DE, DE DAG TU DNGOS SU MA SMRAS KYANG SANGS RGYAS PA DANG GRANGS CAN PA GNYIS BDAG YOD MED RTZOD PA'I SKABS SU, SANGS RGYAS PA LA GRANGS CAN GYIS MIG SOGS BDAG RTAG PA'I DON BYED PA DE 'GRUB PA'I CHED DU DE'I SGRUB BYED DU KHYOD BKOD PA'I SKABS KYIS RTOGS PA'I PHYIR, DPER NA SANGS RGYAS PAS MIG LA SOGS PA 'DUS SHING BSAGS PA RNAMS GZHAN GYI DON BYED PA YIN PA GRUB PA NA 'OS MED KYI RIGS PAS BDAG GI DON NYID BYED PAR SGRUB PA'I CHED DU, MIG SOGS CHOS CAN GZHAN GYI DON BYED DE ZHES BKOD PA BZHIN NO, ,DE LA YANG MIG SOGS BDAG DON BYED PA DE DAG TU MA SMRAS KYANG RTAGS DE'I ZHE 'DOD KYI BSGRUB BYA YIN TE, DE MA SMRAS KYANG DE 'GRUB PA'I CHED DU GRANGS CAN GYIS RTAGS DE BKOD PA'I PHYIR, CES SBYAR RO,,

, ,GNYIS PA LA GNYIS, 'DOD PA SMROS PA'I YONGS GCOD KYI DGOS PA DANG, 'DOD PA SMOS PA'I RNAM BCAD KYI DGOS PA BSHAD PA'O, ,DANG PO LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, PHYOGS YANG DAG GI MTSAN NYID STON PA'I ZUR DU 'DOD PA SMOS PA CHOS CAN, DGOS PA YOD DE, ZHE 'DOD KYI BSGRUB BYA DE NI NGAG TU MA SMRAS SU ZIN KYANG RGOL BA'I DAM BCAR ZHE BAS 'DOD PAS KHYAB PA'I BSGRUB PAR BYA BA YIN NO ZHES BSTAN PA'I CHED DU SMOS PA'I PHYIR, ,GNYIS PA LA GSUM, RGOL BA'I ZHE 'DOD BSGRUB BYAR GZUNG BA'I TSUL DANG, SMRAS TZAM KHO NA BSGRUB BYA YIN PA LA GNOD PA BSTAN PA DANG, ZHAR LA RGYANG PAN GYI GNYIS BCAS KYI SBYOR BA'ANG SKYON MED YIN PA KHEGS PA'O, ,DANG PO LA GNYIS, SPYI'I DON DANG, TSIG GI DON TO, ,DANG PO NI, GRANGS CAN GYIS SANGS RGYAS PA LA MIG SOGS CHOS CAN, GZHAN DON BYED DE, 'DUS SHING BSAGS PA YIN PA'I PHYIR, DPER NA MAL CHA DANG STAN LA SOGS PA'I YAN LAG BZHIN NO, ZHES RTZOD GZHI'I STENG DU CHOS KYI NGO BO LA GNOD PA 'BAB PA DANG, 'DUS PA MA YIN PA'I YUL CAN MIG SOGS CHOS CAN, GZHAN DON BYED DE, ZHES PA'I DAM BCA' LA RTAGS DANG DPE SNGAR BZHIN BKOD PA CHOS CAN GYI KHYAD PAR LA GNOD PA DANG, MIG SOGS CHOS CAN; 'DUS PA MA YIN PA'I YUL CAN GZHAN GYI DON BYED DE, ZHES PA CHOS KYI KHYAD PAR LA GNOD PA'I ZOL SBYOR GSUM BKOD PA NI RNAM GZHAG THA DAD PA TZAM DU ZAD KYI, ZHE 'DOD KYI BSGRUB BYA NI 'DRA BA YIN NO, ,'DI LA GZHAN DAG GIS MIG GI

SOGS KHONGS NAS DBANG PO GZUGS CAN GZHAN BZHI 'DON PA YIN GYI, BEM PO NYER GSUM 'DON PA MA YIN NO ZHES ZER BAS NI, GRANGS CAN GYIS ZOL SBYOR BKOD NAS CI BYED PA YIN PA MA SHES PA'I SKYON NO, ,'O NA RIGS THIGS KYI 'GREL BAR SLOB DPON CHOS MCHOG GIS, MIG LA SOGS PAS NI RNA BA LA SOGS PA BZUNG NGO, ZHES PA DANG 'GAL LO ZHE NA, DER RNA BA LA SOGS PA SOGS SGRAS SDUD PAR GSUNGS KYI, DBANG PO GZUGS CAN BZHI LAS GZHAN SDUD PA MA BKAG PA'I PHYIR RO,, DER MIG GI SOGS KHONGS NAS DE MA THAG RKYEN DANG DMIGS RKYEN GNYIS SDUD PA'I ZOL SBYOR LA BRTAG PA BYED TSUL BSHAD DE, 'OG SGRUB PA LTAR SNANG GI SKABS SU 'CHAD PAR 'GYUR RO, ,DES NA MAL CHA DANG STAN LA SOGS PA DANG MIG LA SOGS PAS SKYES BU'I DON BYED PAR 'JIG RTEN NA GRAGS SHING GRAGS PA LTAR BSGRUBS PAS BDAG RTAG PA 'GRUB PAR BSAMS PA YIN LA, SKYES BU DE YANG RDUL DANG SKAD CIG GANG YANG 'DUS PA MA YIN PA DANG, BCING GROL KUN GYI GZHIR GYUR PAS RTAG PAR 'DOD LA; DE YANG SHES BYA NYI SHU RTZA LNGAR GRANGS NGES SHING, BEM PO NYER BZHI PAS RDZAS GZHAN GYI DON BYED PAR BSGRUBS PAS SHES RIG GI SKYES BU'I DON BYED PA 'GRUB PAR BSAMS SHING DNGOS SU GZHAN DON BYED DE, ZHES SMOS PA NI SANGS RGYAS BA RDZAS GZHAN GYI DON BYED PA LA 'BRAS BU BSKYED PA'I DON DU 'DOD PAS PHYIR RGOL GYI BLO DOR DPE LA RJES 'GRO MED PA'I SKYON DU MI 'GYUR SNYAM DU BSAMS SO, ,'DUS PA MA YIN PA'I YUL CAN NI, RDUL 'DUS PA YANG MA YIN, SKAD CIG 'DUS PA YANG MA YIN

, ,PA'I RNAM 'GYUR RNAMS LA LONGS SPYOD PA'I YUL CAN SHES PA DANG RIG PA DANG MYONG BA DANG, SEMS PA CAN GYIS BSDUS PA'I BDAG RTAG PA DE NYID DO, ,DE NYID RES 'GA' CHOS CAN DANG, RES CHOS KYI KHYAD PAR DU GZUNG BA YIN TE; BUM PA'I GZUGS PA LANG GI RVA ZHES BRJOD PA'I CHA, GZUGS DANG RVA KHYAD GZHI DANG, BUM PA DANG BA LANG KHYAD PAR GYI CHOS SU 'GYUR BA BZHIN DU 'DUS PA MA YIN PA'I YUL CAN MIG SOGS CHOS CAN, ZHES BRJOD PA'I CHE, MIG SOGS KHYAD GZHI DANG, BDAG RTAG PA KHYAD PAR GYI CHOS SU SGRAS BKOD PA YIN LA, 'DUS PA MA YIN PA'I YUL CAN GZHAN GYI DON BYED DE, ZHES BRJOD PA'I TSE, GZHAN DON BYED PA KHYAD GZHI DANG, BDAG RTAG PA KHYAD PAR GYI CHOS SU SGRAS BKOD PAS CHOS CAN DANG CHOS KYI KHYAD PAR DU BKOD PA YIN NO, ,MIG GI SOGS SGRAS BEM PO NYER GSUM SDUD PA MI 'THAD DE, GTZO BO DANG BEM POS BSDUS PA'I BLO LA SOGS PA TSAD MAS MA GRUB PA'I PHYIR, SANGS RGYAS PA RANG GI LUGS LA 'DUS SHING BSAGS PA YIN PA'I PHYOGS CHOS MI 'GRUB LA, DE LTA NA RTAGS DE MA GRUB PA'I RTAGS SU KHAS LEN DGOS PAS 'OG NAS BSGRUB BYA 'GOG NUS SU BSGRUBS PA DANG 'GAL LO ZHE NA, 'O NA SOGS SGRAS RNA BA'I DBANG PO SDUD PA YANG MI 'THAD PAR THAL; GRANGS CAN PA RNA BA'I DBANG PO RANG DANG PHRAD NAS SGRA 'DZIN PA'I RANG BZHIN DU 'DOD LA DE SANGS RGYAS PA LA TSAD MAS MA GRUB PA'I PHYIR, PHYOGS CHOS MA GRUB PAR 'GYUR RO, ,GRUB MTHAS BTAGS PA'I KHYAD PAR TSAD MAS MA GRUB KYANG, RNA BA'I

DBANG PO'I DON TSAD MAS GRUB PAS SKYON MED DO ZHE NA, 'O NA GRUB MTHAS BTAGS PA'I KHYAD PAR TSAD MAS MA GRUB KYANG, BDE BA DANG SDUG BSNGAL DANG BTANG SNYOMS GSUM SHAS CHE CHUNG MED BAR CHA MNYAM PA'I GNAS SKABS LA GTZO BOR 'DOD PAS DE'I YANG DON DE TSAD MAS GRUB BO ZHES CI'I PHYIR MI SMRA, DE BZHIN DU ME LONG NGOS GNYIS PA DANG, BLO DANG CHEN PO RNAMS RNAM GRANGS SU 'DOD PA'I DON GZUNG RNAM NYID LA 'DOD PA YIN PAS DE'I DON YANG TSAD MAS GRUB BO ZHES SMRA RIGS PAS RANG LUGS LA PHYOGS CHOS MA GRUB PA'I SKYON CUNG ZAD KYANG MED DO, ,'GAL RTAGS BZHIR DBYE BA NI, 'OG TU 'CHAD DO, ,GNYIS PA LA GSUM, ZHE 'DOD LA KHYAD PAR MED PA DANG, GTAN TSIGS DPER BKOD PA DANG, SGRA'I BRJOD TSUL GYI RNAM GZHAG THA DAD TZAM DU ZANG PA'O, ,DANG PO NI, SMRAS CHOS TZAM BSGRUB BYA MA YIN PAR ZHE 'DOD GCIG PU BSGRUB BYA YIN NA, CHOS CAN GYI KHYAD PAR LA GNOD PA DANG, CHOS KYI KHYAD PAR LA GNOD PA'I TSUL GNYIS SU DBYE BA MI 'THAD DO ZHE NA, ZHE 'DOD GCIG PU BSGRUB BYA YIN NA, CHOS KYI KHYAD PAR DANG CHOS CAN GYI KHYAD PAR LA GNOD PA'I SGO NAS ZHE 'DOD KYI BSGRUB BYA PHYIN CI LOG TU SGRUB PA'I 'GAL RTAGS GNYIS SU DBYE BA MI 'THAD PA'I SKYON MED PAR THAL, ZHE 'DOD KYI BSGRUB BYA LA GNOD PA'I ZHE 'DOD KYI BSGRUB BYA'I CHOS BDAG RTAG PA'I DON BYED PA 'DI NYID SGRA'I BRJOD TSUL MI 'DRA BA LA BLTOS PA LAS CHOS DANG CHOS CAN GYI KHYAD PAR DU BSHAD PA'I SGO NAS GNYIS SU PHYE BA YIN PA'I PHYIR, GNYIS PA NI, DPER NA MIG SOGS 'DI DAG NI CHOS CAN, 'DUS PA MA

, ,YIN PA'I YUL CAN GZHAN GYI DON BYED PA YIN TE, 'DUS SHING BSAGS PA YIN PA'I PHYIR, CES BRJOD PA NA CHOS CAN BDAG DON BYED PA BSGRUB BYA'I CHO SA DE'I KHYAD PAR DU BKOD PA YIN TE, BSGRUB BYA'I CHOS KYI KHYAD PAR DU SGRAS BKOD CING RTOG PAS NYE BAR GZUNG BA'I PHYIR, 'DUS PA MA YIN PA'I DON MIG LA SOGS PA DAG NI CHOS CAN, GZHAN GYI DON DU GYUR PA YIN TE, 'DUS SHING BSAGS PA YIN PA'I PHYIR, CES BYA PA NI BDAG DON BYED PA DE CHOS CAN GYI KHYAD PAR DU BKOD PA YIN TE, DE'I KHYAD PAR DU SGRAS BKOD CING RTOG PAS GZUNG BA'I PHYIR, GSUM PA NI, DE LTAR ZHE 'DOD KYI BSGRUB BYA'I DON MI 'DRA BA GNYIS PHYIN CI LOG TU BYED PA'I SGO NAS 'GAL BA GNYIS SU 'GYUR BA NI MA YIN TE, ZHE 'DOD KYI BSGRUB BYA'I CHOS GCIG NYID SGRAS CHOS CANG CHOS CAN GYI KHYAD PAR DU RNAM PAR BZHAG PA TZAM ZHIG THA DAD PAR ZANG BA'I PHYIR, GNYIS PA LA GSUM, SMRAS CHOS TZAM BSGRUB BYA YIN NA HA CANG THAL BA'I NYES PA DANG, NGAG TU MA SMRAS PA ZHE 'DOD KYI BSGRUB BYA MA YIN PA'I RGYU MTSAN DU MI 'THAD PA DANG, NGAG TU MA SMRAS KYANG ZHE 'DOD KYI PHYOGS BSGRUB BYAR GRUB PA'I DON BSDU BA'O, ,DANG PO LA GSUM, RTAGS THAMS CAD 'GAL BA DANG, DPE THAMS CAD BSGRUB BYA'I CHOS KYIS STONG BA DANG, SMRAS CHOS 'BA' ZHIG SKYON YOD MED BRTZI BA'I GZHIR MI 'THAD PA DANG, ZHE 'DOD KYI BSGRUB BYA LA GNOD NA SKYON DU NGES BAR 'DOD DGOS PA'O, ,DANG PO NI, DON BYED PA TZAM LAS KHYAD PAR DU GYUR BA'I BSGRUB PAR BYA BA'I CHOS SKABS SU BAB PA BDAG RTAG PA'I DON BYED

PA LAS DON GZHAN GZHAN DON BYED PA TZAM BSGRUB BYA'I CHOS YIN NA DRIS PA'I SKABS DON GANG GIS 'PHEN PA YIN, RTZOD GZHI MIG SOGS KYIS 'PHEN PA YIN NO ZHE NA, DE MI 'THAD DE, DE'I KHYAD CHOS SOGS GANG DU YANG MED PA'I PHYIR, SMRAS CHOS GZHAN DON BYED TZAM GYIS 'PHEN NO ZHE NA, 'OG NAS 'CHAD PA'I RGYU MTSAN GANG GIS DE LTAR SMRAS PA'I BSGRUB BYA'I CHOS KYIS BDAG RTAG PA'I DON BYED PA DE BSGRUB BYA'I CHOS SU 'PHEN PAR 'GYUR BA MA YIN PAR THAL, DE GNYIS LA 'BREL BA CI ZHIG YOD DE 'BREL PA MED PA'I PHYIR, KHYAB PAR THAL, 'BREL MED BSGRUB BYA'I CHOS SU 'PHEN NA HA CANG THAL BAR 'GYUR BA'I PHYIR RO, ,HA CHANG THAL BCI STE ZHE NA, GTAN TSIGS THAMS CAD 'GAL BA DANG DPE THAMS CAD BSGRUB PAR BYA BA'I CHOS KYIS STONG BAR 'GYUR BAR THAL, 'BREL MED BSGRUB BYA'I CHOS SU 'PHEN PA DE LTA YIN DANG STE DE'I PHYIR, KHYAB PAR THAL, MTHA' MTHONG BA MED PA'I 'BREL MED KYI CHOS KYI TSOGS DE NYID NI 'GAR YANG RJES SU 'GRO BA MED PA'I PHYIR, ,THAL BA SNGA MA 'DOD NA RTAGS GANG LAS KYANG BSGRUB BYA RTOGS PA'I MA 'GYUR BAR THAL, 'DOD PA DE'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, SMRAS PA'I CHOS DPE LA RJES SU 'GRO BA MED NA BSHANG MA THAG PA'I SKYON 'DIR 'GYUR GYI CHOS GZHAN RJES SU 'GRO BA MED PA LA NI SKYON YOD PA MA YIN NO ZHE NA, GNYIS PA NI, ZHE 'DOD KYI BSGRUB BYA'I CHOS DANG SMRAS CHOS KYI BSGRUB BYA'I CHOS GNYIS DPE LA RJES 'GRO MED PA LA SKYON DU 'GYUR BA DANG MI 'GYUR BA'I KHYAD PAR YOD PA MA YIN TE, ZHE 'DOD DANG SMRAS CHOS

, ,KYI BSGRUB BYA GNYIS BSGRUB PAR BYA BA NYID DU KHYAD PAR MED PA'I PHYIR RO, ,ZHE BAS 'DOD PA LA GNOD PAR BYED PA'I GTAN TSIGS 'DI 'GAL BAR YANG MI 'GYUR BAR THAL, ZHE 'DOD KYI BSGRUB BYA'I CHOS DPE LA RJES 'GRO MED PA LA SKYON MED PA'I PHYIR, 'DOD MI RIGS TE, ZHE 'DOD KYI BSGRUB BYA LA GNOD BA'I GTAN TSIGS DE NI CHOS CAN, 'GAL BA'I GTAN TSIGS SU THAL, ZHE 'DOD KYI BSGRUB BYA DE LAS BZLOG PA SGRUB PA'I MTSAN NYID CAN GYI TSUL GSUM YIN PA'I PHYIR RO, ,DER THAL; PHYOGS KYI CHOS SU GRUB DE SGRUB PAR BYA BA'I CHOS KYI MI MTHUN PA'I PHYOGS KHO NA NYID LA 'JUG PA'I PHYIR, GSUM PA NI, SNGAR BSHAD PA'I RTAGS DE'I ZHE 'DOD KYI BSGRUB BYA'I CHOS DPE LA RJES 'GRO MED PA SKYON DU 'GYUR BAR THAL, JI SKAD BSHAD PA'I CHOS DANG CHOS CAN GYI KHYAD PAR LA GNOD PA LA NI ZHE 'DOD KYI BSGRUB BYA'I CHOS DPE LA RJES SU 'GRO BA MED PA'I SKYON CAN DU 'DOD PA NYID YIN PA'I PHYIR, DER THAL, SLOB DPON DBYIG GNYEN GYIS GRANGS CAN LA JI SKAD DU BDAG DE SGRA GANG GIS BSTAN PA YIN DRIS PAS BDAG DE GZHAN DON BYED PA'I SGRAS BSTAN PA YIN NO ZHE NI NA BDAG DE DPE LA MA GRUB BO ZHES BSHAD PA BZHIN YIN PA'I PHYIR, ZHE 'DOD KYI BSGRUB BYA LA GNOD PA'I GTAN TSIGS YIN NA, 'GAL BA'I GTAN TSIGS YIN DGOS PAR THAL, 'GAL BA'I GTAN TSIGS SU 'JOG PA'I RGYU MTSAN GYI CHOS KYANG ZHE BAS 'DOD PA'I BSGRUB BYA NYID LA GNOD PA BYAS PA YIN PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, NGAG TU DNGOS SU MA BRJOD PA'I PHYIR, MIG SOGS BDAG

DON BYED PA DE YANG BSGRUB PAR BYA BA MA YIN NO ZHE NA, GNYIS PA LA GSUM, NGAG TU MA SMRAS PA BSGRUB BYA MA YIN NA MI 'DOD BA GRUB CING 'DOD PA MA GRUB PAR THAL BA DANG, DE'I DPE DANG, DE DON LA SBYAR BA'O, ,DANG PO NI, DA NI 'DUS SHING BSAGS PAS MIG SOGS GZHAN DON BYED PAR SGRUB PA'I ZHE 'DOD KYI BSGRUB PAR BYA BA CI ZHIG YIN TE MED PAR THAL, MIG SOGS BDAG DON BYED PA DE ZHE 'DOD KYI BSGRUB PAR BYA BA MA YIN DE MA YIN PA'I ZHE 'DOD KYI BSGRUB BYA MED PA'I PHYIR, RTAGS PHYI MA DER THAL, GAL TE GRANGS CAN PA GANG LA SANGS RGYAS PAS BDAG YOD MED BRTZAD PAS GRANGS CAN GYIS BDAG YOD PA'I SGRUB PAR BYED PA RTAGS DE BKOD PA YIN PA'I PHYIR, GZHAN MED PA MA GRUB STE, SMRAS CHOS GZHAN DON BYED PA PA BSGRUB BYA YIN NO ZHE NA, RTAGS DES RGOL BA'I ZHE 'DOD PHYIN CI LOG TU GRUB PA'AM PHYIR RGOL GYI NGOR SGRUB BYED BKOD PA DON MED PAR 'GYUR BAR THAL, RGOL BAS MI 'DOD CING PHYIR RGOL GYIS GRUB ZIN PA'I SMRAS CHOS GZHAN DON BYED TZAM BSGRUB BYA YIN PA DE LTA YIN PA'I PHYIR, GNYIS PA NI, DPER NA BRDA SPROD BA'I STON PA BHA TRI HA RI ZHES PA NA RE, SHES PAR LDAN DANG PHYI DON DANG, ,RANG GI NGO BO NYID KYANG STE, ,DE DE SGRAS BRJOD PAS RTOGS PA, ,SPYI NI 'BREL PAR RAB TU GNAS, ZHES GOO ZHES PA LTA BU'I SGRA GCIG BRJOD PA LAS BRJOD 'DOD KYI RTOG PA DANG RANG GI BRJOD BYA'I DON DANG GA DANG AO DANG AU LA SOGS BA DON GSUM GSUM GO BA'I NUS PA YOD DO ZHES ZER TO, ,SGRA LA'ANG LHA SBYIN ZHES PA'I MING GI SGRA DANG, BA LANG ZHES PA'I RIGS KYI SGRA GNYIS 'DOD LA, DE'I SLOB MA SGRA BYE BRAG TU BSHAD DU

, ,YOD PAR SMRA BA DANG, SGRA BYE BRAG TU BSHAD DU MED PAR SMRA BA GNYIS YOD PA LAS, SNGA MA NA RE, SGRA NGO BO NYID KYIS DON LDAN MA YIN GYI, SGRA GNYIS KA YANG DON LA BRDA MA BYAS PA'I SNGON ROL NAS LHAS BYIN PA'I DON GYIS NA LHAS BYIN ZHES PA DANG, 'GRO BA'I DON GYIS NA BA LANG ZHES PHYI ROL GYI DON GYIS DON LDAN DU MTSUNGS ZHES ZER TO, ,PHYI MA NA RE, RIGS KYI SGRA PHYI ROL GYI DON LDAN YIN YANG MING GI SGRA MING CAN DANG 'BREL BA'I SNGON ROL NAS NGO BO NYID KYIS DON LDAN YIN GYI, PHYI ROL GYI DON LDAN MA YIN NO ZER TO, ,DE LA SGRA BYE BRAG TU BSHAD DU MED PAR SMRA BAS YOD PAR SMRA BA LA, MING GI SGRA NGO BO NYID KYIS DON LDAN DU GRUB PA NA ZHE 'DOD DNGOS SU SMRAS NA DPAL RJES 'GRO MED DOGS NAS LHAS BYIN ZHES PA'I MING GI SGRA'I NGO BO NI CHOS CAN, MING CAN DANG 'BREL BA'I STE BRDA MA BYAS PA'I SNGON ROL NAS DON DANG LDAN PA YIN TE, SGRA'I GNAS BRGYAD KYI RNAM PAR DBYE BA DANG LDAN PAR MTHONG BA'I PHYIR, DPER NA RIGS KYI SGRA BZHIN NO, ZHES BYA BA LA MING GI SGRA RANG GI NGO BO TZAM GYIS DON DANG LDAN PA NI BSGRUB PAR BYA BA MA YIN PAR THAL, DE NGAG TU MA SMRAS PA'I PHYIR, KHYAB PA KHAS BLANGS, 'DOD NA RGOL BA MI 'DOD PA PHYI ROL GYI DON DANG LDAN PA NYID 'GRUB PAR 'GYUR BA'AM DON LDAN TZAM BSGRUB BYA YIN PAR THAL, NGO BO'I DON LDAN BSGRUB BYA MA YIN DON LDAN GSUM PA MED PA'I PHYIR, DON LDAN TZAM BSGRUB BYA MA YIN PAR THAL, MING GI SGRA DON DANG LDAN PAR YANG PHYIR RGOL GYIS MTHONG BA DE'I PHYIR, SGRA'I GNAS BRGYAD NI, DANG PO GANG YANG RUNG BA'I NGO BO TZAM STON PA, GNYIS PA LAS SU BYA BA,

GSUM PA BYED PA PO, BZHI PA DGOS CHED, LNGA PA 'BYUNG KHUNGS, DRUG PA 'BREL PA, BDUN PA GNAS GZHI, BRGYAD PA BOD PA'O, ,GSUM PA NI, DPE DE BZHIN DU MIG LA SOGS PA NI CHOS CAN, GZHAN GYI DON BYED PA YIN TE, 'DUS SHING BSAGS PA YIN PA'I PHYIR CES BYA BA LA GZHAN GYI DON BYED PA TZAM GNYIS KAS KHYAD PAR MED PAR GRUB KYANG BDAG GI DON BYED PA NI BSGRUB BYA MA YIN PAS RGOL BA'I 'DOD YUL PHYIN CI LOG TU 'GYUR BA BZHIN NO, ,RTAGS DE LAS RGOL BA'I 'DOD YUL MIG SOGS BDAG DON BYED PA MI 'GRUB PAR THAL, DE DE'I SGRUB BYA MA YIN PA'I PHYIR, PHYIR RGOL SANGS RGYAS PA'I BLO NGOR SGRUB PAR BYED PA BKOD PA 'BRAS BU MED PA YIN PAR THAL, RDUL DANG SKAD CIG DE DAG 'DUS PA MIG LA SOGS PAS RNAM PAR SHES PA GZHAN GYI DON BYED PAR NI SANGS RGYAS PAS KHAS BLANGS SHING GRUB ZIN MA BRJED PA'I PHYIR, GSUM PA NI, DAG TU DNGOS SUM SMRAS KYANG RGOL BA'I ZHE BAS 'DOD PAS KHYAB PA'I PHYOGS NI BSGRUB PAR BYA BA YIN PAR THAL, DE LTAR GONG DU BSGRUBS PA DE'I PHYIR, 'DOD NA MTHUN DPE BSGRUB PAR BYA BA'I CHOS KYIS STONG BA DANG DE RTZOD GZHI LA PHYIN CI LOG TU SGRUB PA LA SOGS PA'I GTAN TSIGS NYES PA DANG BCAS PA YIN TE, ZHE 'DOD KYI BSGRUB BYA'I CHOS DE MTHUN DPE LA MA TSANG BA DE DPE'I SKYON DANG LA SOGS PA RTZOD GZHI LA PHYIN CI LOG TU SGRUB PA YANG GTAN TSIGS KYI SKYON YIN PA'I PHYIR, GSUM PA DES GNYIS BCAS KYI SBYOR BA'ANG SKYON MED YIN PA KHEGS PA LA GSUM, BSAL BYA DPER BRJOD PA'I SGO NAS DGAG PA MDOR BSTAN PA DANG, RGYAS PAR BSHAD PA DANG,

, ,RANG LA MTSUNGS PA SPANG BA'O, ,DANG PO NI, NGAG TU DNGOS SU MA SMRAS KYANG ZHE 'DOD KYI BSGRUB BYA'I CHOS DPE LA RJES 'GRO MED PA SKYON CAN DU BSTAN PA 'DIS NI TSU ROL MDZES PA BAS BKOD PA'I GNYIS PA DANG BCAS PA'I SBYOR BA RNAMS LA YANG ZHE 'DOD KYI BSGRUB BYA'I CHOS MTHUN DPE LA RJES SU 'GRO BA MED PA'I NYES PA BSHAD PA YIN TE, DE LA YANG JI SKAD BSHAD PA'I SKYON RNAMS MTSUNGS PAR DON GYIS BSTAN PA'I PHYIR, DPER NA RGYANG PAN GYIS LUS SEMS RDZAS GCIG TU BSGRUBS NA SKYE BA SNGA PHYI KHEGS PAR BSAMS NAS SKYE BA SNGA MA NAS 'DIR 'ONG BA MED KYI CHAN DANG PHABS DANG DROD LA SOGS PA 'DUS PA SMIN PA LAS MYOS PA'I NUS PA 'BYUNG BA LTAR PHA MA'I 'BYUNG BA 'DUS PA MNGON PAR MI GSAL BA'I SEMS BA CA SMIN PA LAS MNGON PAR GSAL BA'I SEMS PA CAN 'BYUNG BA YIN NO ZHES ZER TO, ,LUS SEMS RDZAS GCIG PA'I SGRUB BYED DRIS PAS BUM PA NI CHOS CAN, MNGON PAR GSAL BA'I SEMS BA CAN LUS DANG RDZAS GCIG PA LUS KYI MTSAN NYID KYI SKYES BU DANG BUM PA GANG YANG RUNG BAS GNYIS BA STE ZLA DANG BCAS PA YIN TE, AUTPAL MA YIN PA'I DNGOS PO YIN PA'I PHYIR, DPER NA BUM LDAN RTZIG PA BZHIN NO ZHES BYA BA LA ZHE 'DOD KYI BSGRUB BYA'I CHOS DPE LA RJES 'GRO MI BYED PA'I NYES PA GNAS PAR THAL, BUM LDAN RTZIG PA NI DE LTA BUR GYUR PA'I LUS SEMS RDZAS GCIG PA'I SKYES BUS GNYIS PA DANG BCAS PAR MA GRUB PA YIN PA'I PHYIR, DPE DE BZHIN NO, ,GNYIS PA LA GNYIS, BUM PA'I STENG DU KHYAD PAR BSGRUB BYAR 'GYUR BA DANG, GANG RUNG BSGRUB BYAR MI 'THAD

PA'O; ;DANG PO LA GNYIS, RTZOD PA DANG, LAN NO, ,DANG PO NI, 'ON TE GANG RUNG GI SPYI BUM PA LA BSGRUB PAR BYA BAR 'DOD PA'I PHYIR, KHYAD PAR BSGRUB BYAR 'PHEN PA MA YIN PAS KHYAD PAR LA BKOD PA'I SKYON YOD PA MA YIN NO ZHE NA, GNYIS PA LA GSUM SGRAS SPYI BRJOD KYANG KHYAD PAR BSGRUB BYA'I CHOS SU KHAS BLANG DGOS PA DANG, DE DPE LA RJES 'GRO MED PA DANG, RTAGS KYI NUS PA 'JUG PA'I YUL DU KHAS BLANGS NAS DPE LA RJES 'GRO YOD MED SKYON YON BRTZI BA'I GZHIR KHAS MI LEN PA 'GAL BA'O, ,DANG PO NI; RGYANG PAN GYIS GNYIS BCAS SBYOR BA'I SGRUB PAR BYED PA BKOD PA'I 'BRAS BU CI YIN TE, MED PAR THAL, GNYIS BCAS SBYOR BA 'DI LA NI BUM PA LA LUS SEMS RDZAS GCIG PA'I SKYES BU'I ZLA BCAS BSGRUB 'DOD PA GANG ZHIG DE BSGRUB BYAR MI 'PHEN PA'I PHYIR, YANG NA NI MI 'DOD PA'I DON BUM PA BUM PA LAS DON GZHAN YIN PA 'GRUB PAR 'GYUR BAR THAL, SNGA MA DE SGRUB 'DOD NAS BKOD PA GANG ZHIG DE BSGRUB BYAR MI 'PHEN PA'I PHYIR NYES PA BSHAD ZIN TO, ,PHYIR RGOL GYI NGOR SGRUB BYED BKOD PA DGOS PA MED PA DANG, RGOL BA'I RANG 'DOD MI 'GRUB PA'I NYES PA BSHAD ZIN PA'I DON YIN NO, ,GNYIS PA LA GNYIS, RTAGS KYI NUS YUL YIN MIN BRTAG PA DANG, NUS YUL YIN NA NYES PA DER 'GYUR BA'O, ,DANG PO NI, GAL TE RTAGS DES BUM PA SEMS DANG RDZAS GCIG PA'I LUS LAS RDZAS GZHAN YIN PA NUS YUL DU BYAS SAM MA BYAS, GNYIS PA LTAR NA CI LTAR AUTPAL MA YIN PA'I DNGOS BO YIN PA'I RTAGS DES BUM PA'I STENG DU SEMS DANG RDZAS GCIG PA'I LUS LAS RDZAS GZHAN DE 'GRUB PA MI 'THAD

, ,PAR THAL, DE SGRUB PAR BYED PA DES NUS PA 'JUG PA'I YUL DU BYAS PA MA YIN PA'I PHYIR, GAL TE RTAGS DES BSGRUB BYA DE 'GRUB NA YANG JI LTAR NUS PA 'JUG PA'I YUL MA YIN TE YIN PAR THAL, GNYIS PA NI, DANG PO LTAR NUS PA'I YUL YIN NO ZHE NA NI BSGRUB BYA'I CHOS RANG LA BRTEN PA'I NYES PA'I RNAM PA DPE LA RJES 'GRO MED PA JI LTAR MI REG PAR 'GYUR TE NYES PA DES REG PAR THAL, SEMS DANG RDZAS GCIG PA'I LUS DPE GANG LA YANG RJES 'GRO MI BYED PA'I PHYIR, THAL BA KHAS BLANGS SO, ,GSUM PA NI, DE NI SHUGS KYI BSGRUB BYA YIN GYI, SGRAS ZIN PA MA YIN LA SGRAS ZIN PA NI GANG RUNG GI SBYI YIN PA'I PHYIR RO, ,SUN 'BYIN 'JUG PA SGRAS ZIN GYI DON YIN PAS SHUGS KYI BSGRUB BYA'I CHOS DPE LA RJES 'GRO MED PA SUN DBYUNG BAR BYA BA MA YIN NO ZHE NA, RGYANG PAN GYI DAM BCA' 'DI NI GSAL BAR RIGS PA MED PAR NAN GYIS 'JUG PA'I RGYAL PO'I GRA SA'I RNAM PAR BZHAG PA DANG MTSUNGS PA YIN PAR THAL, RGYANG PA NA DES BUM PA DE LA BRTEN PA'I LUS KYI ZLA BCAS 'GRUB PA NI SNGAR BKOD PA'I SGRUB PAR BYED PA LAS RNYED PAR 'GYUR ZHING BSGRUB BYA'I CHOS DE DPE LA RJES 'GRO MED CES GZHAN SUN 'BYIN PA'I TSE NA NI BSGRUB BYA'I CHOS MA YIN NO ZHES BYA BA BDEN ZHEN GYIS 'DOD PA'I PHYIR, RGYU MTSAN DES NA BSGRUB PAR BYED PA'I NUS PAS KHYAB PA'I DON GYI RNAM PA RGOL BAS BSGRUB BYAR KHAS BLANGS PA JI SNYED PA DE THAMS CAD NI PHYIR RGOL GYIS SUN 'BYIN PA BRJOD PA'I YUL YIN PAS KYANG KHYAB PA YIN TE, GANG RTAGS YANG DAG TU KHAS BLANGS PA DES NUS YUL GYI BSGRUB BYA 'GRUB PA

'PHEN PAR KHAS LEN DGOS PA'I PHYIR, GNYIS PA LA GSUM, BUM PA LUS BUM GANG RUNG GI SPYI LAS RDZAS GZHAN DU BSGRUB PA MI 'THAD PA DANG, SHUGS KYIS LUS LAS RDZAS GZHAN BSGRUB BYAR KHAS LEN DOGS PA DANG, DON BSDU BA'O, ,DANG PO LA GSUM, YA GYAL GANG RUNG LAS RDZAS GZHAN BKAG PAS GANG RUNG GI SPYI LAS RDZAS GZHAN KHEGS PA DANG, YA GYAL GNYIS LAS RDZAS GZHAN BKAG PAS GANG RUNG GI SPYI LAS RDZAS GZHAN KHEGS PA DANG, DES PHYOGS DANG MTHUN PHYOGS GANG RUNG RTAGS YANG DAG YIN PA'ANG KHEGS PA'O, ,DANG PO LA GNYIS, BUM PA LUS BUM GANG RUNG LAS RDZAS GZHAN RIGS PAS MI 'THAD PA DANG, RGOL BAS KYANG KHAMS MA BLANGS PA'O, ,DANG PO LA GNYIS, MDOR BSTAN PA DANG, DE NYID BSHAD PA'O, ,DANG PO NI, BUM PA'I STENG DU SPYI LUS BUM GANG RUNG LAS RDZAS GZHAN DU RTAGS YANG DAG GIS SGRUB PA YANG MI SRID PAR THAL, SEMS DANG RDZAS GCIG PA RNAM PA DE LTA BU'I LUS BUM PA LAS DON GZHAN GYI NGO BO KHAS MI LEN CING RIGS PAS MI 'THAD PA'I PHYIR, LUS LAS DON GZHAN MA YIN MOD GANG RUNG GI SPYI LAS RDZAS GZHAN CI LTAR BSGRUB BYAR MI 'GYUR ZHE NA, KHYAB PA YOD PAR THAL, LUS BUM PA LAS DON GZHAN DU MA GRUB NA, BUM PA LA BLTOS TE LUS BUM GANG YANG RUNG BA'I DON GZHAN GYI NGO BO MED PA'I PHYIR RO, ,GAL TE BUM PA DE BUM PA LAS RDZAS GZHAN DU MED KYANG KA BA LAS RDZAS GZHAN DU YOD PAS KA BUM GANG RUNG LAS RDZAS GZHAN DU YOD PA LTAR LUS LA YANG YIN PAS LUS LAS RDZAS GZHAN DU MED PAS LUS BUM GANG RUNG LAS RDZAS GZHAN RTAGS KYIS SGRUB MI NUS

, ,ZHES JI LTAR BRJOD CE NA, DON 'DI LA RIGS PA SMRA BA KHA CIG KYANG 'KHRUL SNANG BAS THOG MAR DPE LA BSHAD PAR BYA STE, BUM PA CHOS CAN, KA BUM GANG RUNG LAS RDZAS GZHAN MA YIN TE, BUM PA LAS RDZAS GZHAN MA YIN PA'I PHYIR, CES PA SGRUB BYED YANG DAG TU KHAS BLANGS NA NYES PA CIR 'GYUR, 'O NA KA BUM GANG RUNG LAS RDZAS GZHAN YIN NA BUM PA LAS RDZAS GZHAN YIN DGOS PAR THAL, BUM PA LAS RDZAS GZHAN MA YIN NA KA BUM GANG RUNG LAS RDZAS GZHAN MA YIN DGOS PA'I PHYIR, RTAGS KHAS BLANGS 'DOD NA, BUM PAS MA NGES LA, MA NGES PA MED DE DE'I RTAGS MA GRUB CE NA, BUM BA CHOS CAN, KA BUM GANG RUNG LAS RDZAS GZHAN YIN TE, KA BA LAS RDZAS GZHAN YIN PA'I PHYIR, CES PAS GRUB BO ZHE NA, MI RIGS TE; BUM PA CHOS CAN, KA BUM GANG RUNG DANG RDZAS THA DAD MA YIN PAR THAL, KA BUM GANG RUNG GI BYE BRAG YIN PA'I PHYIR RO, ,KA BUM GANG RUNG RDZAS SUM GRUB NA BUM PA DE DANG RDZAS THA DAD PAR 'GAL LA, RDZAS SU GRUB NA RDZAS GRUB RANG NYID KYI BYE BRAG DANG RANG GI CHA SHAS SU GYUR PA RANG LAS RDZAS GZHAN THA DAD PA SHIN TU 'GAL BA'I PHYIR RO, ,DES NA BUM PA KA BA LAS RDZAS THA DAD DU MA GRUB NA KA BUM GANG RUNG LAS RDZAS THA DAD DU MA GRUB PAS KHYAB CING BUM PA LAS RDZAS THA DAD DU MA GRUB NA YANG KA BUM GANG RUNG LAS RDZAS THA DAD DU MA GRUB PAS KHYAB PAS KA BUM GANG RUNG LAS RDZAS THA DAD YIN NA, KA BA LAS KYANG RDZAS THA DAD, BUM PA LAS KYANG RDZAS THA DAD YIN DGOS PA YIN NO, ,'DI DAG GI DON MGO BAR KA BUM GANG RUNG YIN NA BUM PAR YANG

MI 'GAL KA BAR YANG MI 'GAL BA GZHUNG 'DI DAG GIS BSTAN PAR BSAMS NAS BUM PA DE KA BUM GANG RUNG YIN NA KA BA DANG BUM PA GNYIS KAR MI 'GAL BA KHAS LEN DGOS PAR MTHONG NAS BUM PA YIN NA KA BUM GANG RUNG MA YIN PAS KHYAB LA DE'I SHES BYED DU 'OG NAS, 'DI LTAR RNAM PA DE LTA BU'I SGRA DE NI PHYOGS NYID YIN GYI PHYOGS DANG MTHUN PA'I PHYOGS DAG LAS GANG YANG RUNG BA NI MA YIN TE, ZHES PA 'DREN PA NI RIGS PA'I RNAM DBYE PHRA MO ZHIB TU MA RTOGS PAS NONGS SO, ,DPE DE LTAR YA GYAL GNYIS KA GZHI GRUB PA LA YA GYAL GCIG LAS RDZAS GZHAN DU MED NA GANG RUNG LAS RDZAS GZHAN DU MED DGOS NA, SEMS DANG RDZAS GCIG PA'I LUS GZHI MA GRUB PA'I PHYIR, BUM PA DE LUS BUM GANG RUNG LAS RDZAS GZHAN DU MA GRUB PAR KHAS LEN DGOS PA LTA CI SMOS, YA GYAL BKAG NA TSOGS PA KHEGS DGOS PA YIN GYI, YA GYAL YOD NA TSOGS PA YOD DGOS PA MA YIN NO, ,GNYIS PA NI, BUM PA CHOS CAN, KHYOD LUS BUM GANG RUNG LAS RDZAS GZHAN MA YIN PAR THAL, LUS BUM GNYIS KA KHYOD DANG RDZAS GZHAN DE LTA BU'I DNGOS POR SRID NA LUS BUM GANG YANG RUNG BAR RDZAS GZHAN DU BRJOD PAR NUS PA YIN NA YANG LUS BUM GNYIS KA DER MA GRUB PA'I PHYIR, DER THAL, LUS KYANG DER MA GRUB BUM PA YANG DER MA GRUB PA'I PHYIR, 'DOD NA, RTAGS YANG DAG GI BSGRUB BYA YIN PA NYAMS SO, ,DPER NA LHA SBYIN DANG MCHOD SBYIN GNYIS KA ZAS ZA BA SRID PAR KHAS LEN NA LHA SBYIN DANG MCHOD SBYIN GANG YANG RUNG BA ZHIG ZA'O ZHES BYA BA LTA BU GANG RUNG GI SPYI DAM 'CHA' BA RIGS PA YIN GYI LHA SBYIN LTA BU YA GYAL

, ,GANG YANG RUNG BA GCIG ZA BAR MI SRID PA'AM GANG RUNG GCIG ZA BA LA SMRA BA PO'I BRJOD PAR 'DOD PA MED NA NI LHA MCHOD GANG RUNG GCIG ZA'O ZHES GANG RUNG GI SBYI DAM 'CHA' BA RIGS BA MA YIN TE, LHA MCHOD GANG RUNG GCIG ZA BA STON 'DOD NAS LHA MCHOD GANG RUNG GCIG ZA'O ZHES DAM 'CHA' BA'I SKYES BU CHOS CAN, LHA MCHOD GANG RUNG GCIG ZA'O ZHES RNAM PAR BRTAG PA'I SPYI DAM 'CHA' BA MI RIGS PAR THAL, LHA SBYIN ZA BA YANG MI SRID DE ZA BAR STON PA'I BRJOD 'DOD MED CING, DE BZHIN DU MCHOD SBYIN LA YANG MED BA'I PHYIR, KHYAB PAR THAL, DE LTAR DAM 'CHA' BA RIGS NA YA GYAL ZA BA MA BKAG PA DGOS PA'I PHYIR, GNYIS PA LA GSUM, RGOL BA RANG GIS KYANG KHAS MA BLANGS PA DANG, SHUGS KYIS LUS LAS DON GZHAN DU KHAS LEN DGOS PA DANG, DE KHAS LEN PA LA GNOD PA BSTAN PA'O, ,DANG PO NI, 'CHAD PAR 'GYUR BA'I GTAN TSIGS 'DI LAS KYANG LUS BUM GANG YANG RUNG BA'I SPYI BUM PA LAS DON GZHAN GYI NGO BOR MED PA YIN TE BUM PA RGYANG PAN RANG NYID KYIS BUM PA LAS DON GZHAN GYI NGO BOR KHAS MA BLANGS PA'I PHYIR DANG DE DE LAS RDZAS GZHAN DU 'GAL BA'I PHYIR RO, ,'DIS BUM PA LAS RDZAS GZHAN DU MA GRUB NA LUS BUM GANG RUNG LAS RDZAS GZHAN DU MA GRUB PAS, BYAB PAR STON PA YIN NO, ,GNYIS PA LA GNYIS, GANG RUNG GI TSIG SMOS PA DON MED PA DANG, DAM BCA'I TSIG 'GAL BAR 'GYUR BA'O, ,DANG PO NI, RGYANG PAN GYIS BUM PA LUS BUM GANG YANG RUNG BA LAS RDZAS GZHAN YIN NO, ZHES NGAG TU SMOS PA NI DON MED PAR THAL, BUM PA BUM PA LAS RDZAS

GZHAN DU 'GAL BA'I SHUGS KYIS LUS NYID BUM PA LAS DON GZHAN DU GYUR PA YIN NO ZHES NGAG GI DON DU RNAM PAR GNAS PA'I PHYIR, GNYIS PA NI, BUM PA BUM PA LAS DON GZHAN DU DAM BCAS PAR THAL, LUS BUM GANG RUNG BUM PA LAS DON GZHAN DU DAM BCAS PA GANG ZHIG SEMS DANG RDZAS GCIG PA'I LUS BUM PA LAS DON GZHAN DE LTA MA YIN PA'I PHYIR, 'DOD NA RGYANG PAN PA'I DAM BCA'I TSIG 'DI 'GAL BAR 'GYUR ZHING TSAD MAS GNOD PAR THAL, BUM PA BUM PA LAS DON GZHAN DU DAM BCAS PA GANG ZHIG BUM PA'I BDAG NYID NI DE MA YIN PA RANG LAS DON GZHAN GYI NGO BOR 'GAL BA'I PHYIR RO, ,GSUM PA NI, BUM PA DE LUS LAS RDZAS GZHAN YIN PA RTAGS DE'I BSGRUB BYA MA YIN PAR THAL, GAL TE BUM PA'I STENG DU LUS KHO NA NYID KYIS DON GZHAN GYI NGO BO KHO NA BSGRUB BYA YIN NA NI BUM PA DE NYID CHOS CAN, LUS LAS DON GZHAN YIN TE, ZHES DE SKAD DU BRJOD RIGS PAR 'GYUR NA DE SKAD DU MA BRJOD PA'I PHYIR, 'DOD NA BUM PA BUM PA LAS DON GZHAN YIN PA BSGRUB BYAR THAL, BUM PA LUS BUM GANG RUNG LAS DON GZHAN YIN PA BSGRUB BYAR DAM BCAS PA GANG ZHIG ,BUM PA SEMS DANG RDZAS GCIG PA'I LUS LAS DON GZHAN YIN PA TSAD MAS KHEGS SHING, DE BSGRUB BYA MA YIN PA'I PHYIR, 'DOD NA, RGYANG PA NA GYA RIM BCA'I TSIG DE'I DON LA TSAD MAS GNOD CING 'GAL BA YIN PAR THAL, BUM PA DE LUS BUM GANG YANG RUNG BA LAS DON GZHAN YIN NO ZHES SMOS PA'I SHUGS KYIS BUM PA YANG RDZAS GZHAN DER 'GYUR BA'I PHYIR, GNYIS PA LA GNYIS, BUM PA DE LUS BUM GANG RUNG LAS RDZAS GZHAN

, ,SMRAS PA LTAR SGRUB PA RGOL BAS KYANG MI 'DOD PA DANG, RIGS PAS KYANG MI 'THAD PA'O, ,DANG PO LA GNYIS, RGYAS PAR BSHAD PA DANG, DON BSDU BA'O, ,DANG PO LA GSUM, BUM PA LUS BUM GANG RUNG LAS DON GZHAN DU MI 'THAD PA DANG; KHYAD PAR MED PA'I GANG RUNG GI SPYI SGRA MI 'THAD PA DANG, GANG RUNG LAS DON GZHAN GYI SPYI NUS YUL DU MED KYANG KHYAD PAR NGES PA SGRUB PAR MI 'THAD PA'O, ,DANG PO LA GSUM, GSAL BA MED PA'I SPYI MI SRID PA MDOR BSTAN PA DANG, DPE DON GYIS RGYAS PAR BSHAD PA DANG, DON BSDU BA'O, ,DANG PO NI, BUM PA DE SEMS LAS RDZAS GCIG PA'I LUS LAS KYANG DON GZHAN DU MED BUM PA LAS KYANG DON GZHAN DU MED PA'I RGYU MTSAN 'DI'I PHYIR YANG LUS BUM GANG RUNG LAS RDZAS GZHAN GYI SPYI RTAGS YANG DAG GI BSGRUB BYAR YOD PA LA BRTEN PA CAN MA YIN TE, GSAL BA THAMS CAD DAM BCAR YOD PA MI SRID NA GSAL BA BKAG PA DE'I SPYI BSGRUB PAR MI 'THAD PA'I PHYIR RO, ,GNYIS PA LA GNYIS, DPE DANG, DON TO, ,DANG PO LA GSUM, RIGS LA BRTEN PA DANG, DBANG PO LA BRTEN PA DANG, DE BSGRUB PA'O, ,DANG PO NI, DPER NA LAM PO CHE'I MI CHOS CAN, MI'I RIGS NYID BZANG NGAN GANG DU YANG 'THAD PA MA YIN PAR THAL, BRAM ZE LA SOGS PA RIGS BZHI PO GANG RUNG MA YIN PA NYID KYI PHYIR, GNYIS PA NI, RTOG PA'I SHES PA CHOS CAN, DBANG PO GZUGS CAN PA BDAG RKYEN DU YOD PA LA BRTEN PA NYID MA YIN PAR THAL, DBANG PO GZUGS CAN PA GANG YANG BDAG RKYEN DU YOD PA LA BRTEN BA MA YIN PA'I PHYIR, CES PA BZHIN NO, ,DAM SMOS PA NI DPE GZHAN STON PA'O, ,

GSUM PA NI, 'DI LTAR GZUGS 'DZIN RTOG PA DE CHOS CAN, MIG DBANG GZUGS CAN PA BDAG RKYEN DU YOD PAS KHYAD PAR DU BYAS PA LA BRTEN PA NI MA YIN TE, GZUGS RTOGS PA'I SHES PA GANG ZHIG GZUGS 'DZIN PA'I DBANG PO DE'I SHES PA BZHIN DU GZUGS DE'I DON GSAL BAR RTOGS PA MED PA'I PHYIR DANG MIG DBANG DE 'GYUR BA'I RJES SU 'GYUR BAR MI BYED PA'I PHYIR DANG, MIG DBANG DE MED KYANG KHYOD YOD PA'I PHYIR RO, ,DE BZHIN DU DBANG PO GZUGS CAN PA LA BDAG RKYEN GYI SGO NAS BRTEN PA NYID MA YIN PAR THAL, RNA BA'I DBANG PO LA SOGS PA DBANG PO GZUGS CAN PA GANG LA YANG BDAG RKYEN GYI SGO NAS BRTEN PA MA YIN PA'I PHYIR, DE DAG LA YANG RGYU MTSAN GSUM PO DE DGOD DO, GNYIS PA NI, DPE DE BZHIN DU BUM PA DE LUS BUM GANG RUNG LAS RDZAS GZHAN PA RTAGS YANG DAG GI BSGRUB BYAR 'GYUR BA DE LTAR NI MA YIN TE, SEMS DANG RDZAS GCIG PA'I LUS DPE LA RJES SU 'GRO BA MED PAR DOGS PA STE RJES 'GRO MED BA DANG BUM PA YANG BUM PA LAS RDZAS GZHAN DU 'GAL BA'I PHYIR RO, ,KHYAB PAR THAL; LUS DANG BUM PA DE GNYIS GCIG BUM PA LAS RDZAS GZHAN PA DE BZHIN DU KHAS LEN DU RUNG NA DE'I SGO NAS BUM PA DE BUM PA DANG LUS DAG LAS, GANG YANG RUNG BA'I DON GZHAN DU GYUR PA ZHES SPYI GANG YANG RUNG BA'I DON GZHAN GYI NGO BOR 'GYUR BA YIN PA'I PHYIR, GZHUNG GONG MA 'DI 'OG MA'I LDOG KHYAB SGRUB BYED YIN PAS LUS BUM GANG RUNG LAS DON GZHAN YIN NA LUS LAS KYANG DON GZHAN BUM PA LAS KYANG DON GZHAN DU STON PA YIN PAS KHAS LEN NA ZHES PA YAN CHAD KHYAB BYED STON PA DANG, BUM

, ,PA DANG ZHES PA MAN CHAD KYIS KHYAB BYA STON PA YIN GYI DE BZHIN DU KHAS LEN NA ZHES PAS LUS BUM PA LAS DON GZHAN DU KHAS LEN NA LUS BUM GANG RUNG BUM PA LAS DON GZHAN ZHES DANG, BUM PA BUM PA LAS DON GZHAN YIN NA, LUS BUM GANG RUNG LAS DON GZHAN YIN ZHES BSTAN PAR MI GZUNG STE, 'OG MA'I KHYAB SGRUB TU MI RUNG ZHING RIGS PAS KYANG GNOD PA'I PHYIR RO, ,KA BUM GANG RUNG YIN NA KA BA DANG BUM PA GNYIS KAR MI 'GAL BA KHAS LEN PA NI RNAM PA THAMS CAD DU MI RUNG NGO, ,GSUM PA NI, BUM PA DE LUS BUM GANG ZUNG LAS RDZAS GZHAN YIN PA'I SPYI RTAGS YANG DAG GI BSGRUB BYAR 'GYUR BA SRID BA MA YIN BAR THAL, BUM PA DE LUS LAS KYANG DON GZHAN DU MED BUM PA LAS KYANG DON GZHAN DU MED PA DE'I PHYIR YANG SMOS PE NI SNGAR YA GYAL GANG RUNG BKAG PAS RNAM PAR BRTAG PA'I SPYI 'GOG PA'I RIGS PAR MA ZAD CES PA'O, ,GNYIS PA LA GSUM, DNGOS DANG, DE'I LAN DGAG PA DANG, DON BSDU BA'O, ,DANG PO NI, LHA SBYIN DANG MCHOD SBYIN DAG LAS GANG YANG RUNG BA GCIG LA GZAN SBYIN PAR BYA BA YIN TE, LHA SBYIN LA YANG MA YIN ZHING MCHOD SBYIN LA YANG MA YIN NO ZHES BYA BA 'DI LTA BU 'JIG RTEN NA GRAGS PA DANG RIGS PAS 'THAD PA YOD PA SRID DAM STE MI SRID PAR THAL, YA GYAL KHEGS PA'I GANG RUNG GI SPYI MI SRID PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, TSIG PHYI MA DES LHA MCHOD GNYIS GZAN SBYIN BYA YIN PA BZLOG PAR BYED PA MA YIN GYI, MCHOD SBYIN 'BA' ZHIG LA YANG GZHAN SBYIN PAR BYA BA MA YIN LA LHA SBYIN 'BA' ZHIG LA YANG MA YIN

NO SNYAM DU YA GYAL RE RE KHON GZAN SBYIN BYAR NGES PA BZLOG PA'I DON DU BSAMS PA'I PHYIR, 'GAL BA'I SKYON MED DO ZHE NA, GNYIS PA NI, YA GYAL RE RE KHO NA GZAN SBYIN BYAR NGES PA BZLOG PA'I DON DU DGAG TSIG PHYI MA GNYIS SMOS DGOS PA MA YIN TE, LHA MCHOD GANG YANG RUNG BA GCIG LA GZAN SBYIN PAR BYA'O ZHES SMOS PA NYID KYIS YA GYAL RE RE KHO NA GZAN SBYIN BYAR NGES BAR THAL BA MED CING GANG LA BYIN KYANG CHOG BAR RTOGS PA'I PHYIR RO, ,GSUM PA NI, GANG YANG RUNG BA'I SGRA NYE BAR GZUNG NA YA GYAL RE RE KHO NAR NGES PAR THAL BA MED PA DE'I PHYIR YA GYAL GNYIS KA KHEGS PA'I BUM PA LUS BUM GANG RUNG LAS RDZAS GZHAN SGRUB PA MI 'THAD PAR THAL, YA GYAL GNYIS KAR MA ZAD YA GYAL GCIG YONGS SU BZUNG YANG BUM PA LAS RDZAS GZHAN DU MI 'GAL BA YIN NA BUM PA DE LUS BUM GANG YANG RUNG BA LAS RDZAS GZHAN NO ZHES SMOS PA 'DI NUS PAR 'GYUR BA'I PHYIR, DPER NA LHA SBYIN LTA BU GCIG ZA YANG LHA MCHOD GANG YANG RUNG BA ZA'O ZHES BRJOD BA BZHIN NO, ,GSUM PA NI, GAL TE SKABS SU BAB PA'I YA GYAL GNYIS LAS LHA SBYIN LTA BU GCIG LA GZAN SBYIN PAR BYA BA MI SRID NA GNYIS KA'I YUL CAN GANG YANG RUNG BA'I SGRA MI 'THAD PA MA YIN NAM MCHOD SBYIN ZA BA YIN NA LHA MCHOD GANG RUNG ZA'O ZHES JI LTAR BRJOD, LHA SBYIN MI ZA BA'I MCHOD SBYIN ZA BA SRID BA'I PHYIR RO ZHE NA, MCHOD SBYIN ZAN LHA MCHOD GANG RUNG ZA BAS KHYAB NA GANG YANG RUNG BA'I SGRA GNYIS KA'I YUL CAN YIN PA MI 'THAD PA'I SKYON MED PAR THAL, SNGA MA LA KHYAB PA YOD CING, LHA MCHOD GANG RUNG GCIG ZA'O ZHES BRJOD PA'I SGRA 'DI'I YUL NI MTHA' GCIG TU NGES PA MA YIN PAR RNAM PAR

, ,BRTAG PA YIN PA'I PHYIR RO, ,RNAM PAR BRTAG PA NI LHA SBYIN ZA BA YANG MI 'GAL MCHOD SBYIN ZA BA YANG MI 'GAL BA'O, ,GNYIS PA NI, RGYAD PAN GYI GNYIS BCAS SBYOR BA DE LA CHOS CAN, BUM PA DE BUM PA KHO NA 'AM SEMS DANG RDZAS GCIG PA'I LUS KHO NAS GNYIS PA DANG BCAS PA STE, ZLA DANG BCAS PA DANG RDZAS GZHAN PAR NI RGYANG PAN RANG NYID KYANG MI 'DOD DE, BUM PA LUS BUM GANG RUNG LAS RDZAS GZHAN DU DAM BCAS PA'I PHYIR, GANG YANG RUNG BA'I SGRA SBYAR BA NI GANG SRID PA DE KHO NA GZUNG BAR BYA'O, ZHES BYA BAR 'GYUR NA SNGAR BSHAD PA'I TSUL GYIS GCIG KYANG SRID PA MA YIN NO, ,GNYIS BA NI, BUM PA LUS BU MA GANG RUNG LAS RDZAS GZHAN DU RGYANG PAN GYIS SGRUB PAR MI 'OS PA TZAM DU ZAD PA MA YIN TE, DES SGRUB PA RIGS PAS MI 'THAD PA'I YANG PHYIR, DE BSGRUB BYA DE CI ZHIG SGRUB BAR NUS TE MI NUS PAR THAL, LUS LAS RDZAS GZHAN DANG BUM BA LAS RDZAS GZHAN GNYIS GANG RUNG BUM BA GCIG LA SGRUB PA LA LUS SAM BUM PA LAS RDZAS GZHAN YIN NO ZHES RNAM PAR BRTAG PA DANG LUS LAS KYANG RDZAS GZHAN BUM PA LAS KYANG RDZAS GZHAN NO ZHES BSDU BA'I TSUL GYIS SGRUB PA YANG MI 'THAD PA YIN PA'I PHYIR, DES NA RGYANG PAN BA'I DAM BCA'I TSIG GI TSUL NI GSOG DANG RDZUN PA DANG MI SHES PAS KUN NAS BSLAD PA YIN TE, ZHE NA PA'I BRJOD BYAS STONG BZHIN DU BDEN ZHEN GYIS DAM 'CHA' BA'I TSIG YIN PA DE'I PHYIR, GSUM PA LA GSUM, MDOR BSTAN PA DANG, RNAM PAR BRTAG PA'I TSIG NANG TSAN GNYIS KA LA THE TSOM ZA BA DANG, NGES PA DANG THE TSOM ZA BA 'GAL BA'O, ,DANG PO NI

GANG YANG RUNG BA'I SGRA RNAM PAR BRTAG PA'I DON CAN DU BSGRUBS PA 'DI NI CHOS CAN, PHYOGS DANG MTHUN PA'I PHYOGS GANG YANG RUNG BA SGRA RTAG BA'AM MI RTAG PAR SGRUB PA'I RTAGS YANG DAG YIN PA NYID KYANG BSAL BA YIN TE, DE LA PHYOGS CHOS MTHA' GCIG TU NGES PA MED PAR BSTAN PA'I PHYIR, DE 'GOG PA LA SNGA MA KHA CIG NA RE, PHYOGS DPE LA RJES 'GRO MED PAS RTAGS SU MI RUNG MTHUN PHYOGS RTZOD GZHI LAM GRUB BAS RTAGS SU MI RUNG BAS PHYOGS DANG MTHUN PHYOGS GANG RUNG RTAGS SU MI RUNG NGO ZER BA NI MI RIGS TE, SNGAR BA LANG NGAM BA MEN GANG RUNG ZHI 'GAR RVA CAN DPOG PA'I RTAGS YANG DAG TU BZHAG PA RANG NYID KYIS KHAS BLANGS PA DANG 'GAL BA'I PHYIR DANG, DE YANG RTAGS YANG DAG MA YIN PAR KHAS BLANG DGOS PA'I PHYIR RO, ,GZHI SGRA TSAD MAS NGES KYANG PHYOGS SU MA NGES PA LA PHYOGS DANG MTHUN PHYOGS GANG RUNG GI SGRA YA GYAL GNYIS KA LA THE TSOM ZA BA YIN PAS PHYOGS LA THE TSOM ZA BA NA MA GRUB PA'I GTAN TSIGS SU 'GYUR BA YIN NO, ,GNYIS PA NI, SKYON GZHAN YANG PHYOGS DANG MTHUN PHYOGS GANG RUNG DE SGRA LA PHYOGS CHOS MTHA' GCIG TU MA GRUB PA NYID YIN TE, SGRA DE PHYOGS DANG MTHUN PHYOGS GNYI GAR SRID PAR MI 'GAL NA SGRA DE LA GANG RUNG GI PHYOGS CHOS MTHA' GCIG TU GRUB PA DE LTAR 'GYUR NA YANG, GNYIS KAR SRID PAR MI 'GAL BA DE LTA MA YIN PA'I PHYIR, GSUM PA NI, SGRA DE PHYOGS SU MTHA' GCIG TU TSAD MAS NGES PA'I PHYIR PHYOGS DANG MTHUN PHYOGS GANG YANG RUNG BA JI LTAR MA YIN ZHE NA, 'DI LTAR PHYOGS SU MTHA' GCIG TU NGES PA RNAM PA DE LTA BU'I SGRA DE NI CHOS CAN, YA GYAL LA THE TSOM ZA BA'I PHYOGS

, ,DANG MTHUN PA'I PHYOGS DAG LAS GANG YANG RUNG BA NI MA YIN PAR THAL, PHYOGS NYID DU MTHA' GCIG TU TSAD MAS DES PA YIN PA'I PHYIR, KHYAG PAR THAL, YA GYAL GNYIS SU THE TSOM ZA BAS RNAM PAR BRTAG PA DANG MTHA' GCIG TU SO SOR NGES PA 'GAL BA'I PHYIR RO, ,MTHA' GCIG TU NGES PA NI YA GYAL LA THE TSOM ZA BA MED PA YIN LA RNAM PAR BRTAG PA NI YA GYAL LA THE TSOM DANG BCAS PAS 'GAL BA YIN NO, ,GZHUNG 'DIS SGRA DE PHYOGS KHO NAR TSAD MAS NGES NA PHYOGS SAM MTHUN PHYOGS GANG RUNG YIN ZHES YA GYAL LA THE TSOM ZA BA 'GAL BAR BSTAN PA YIN GYI, PHYOGS YIN NA PHYOGS DANG MTHUN PHYOGS GANG RUNG MA YIN PAS KHYAB PAR BSTAN PA NI MA YIN TE, BUM PA YIN NA KA BUM GANG RUNG MA YIN PAS KHYAB PA NI SNGON MED PA ZHIG GO ,KA BUM GANG YIN MA NGES PAR KA BUM GANG RUNG GCIG YIN NO ZHES BRJOD PAS KYANG YA GYAL GNYIS KA LA THE TSOM 'DREN PAR BYED CING KA BA LA 'JUG PAR YANG MI 'GAL, BUM PA LA 'JUG PAR YANG MI 'GAL BA'I DON YIN GYI, KA BUM GANG RUNG GCIG YIN NA KA BA YIN PAR YANG MI 'GAL, BUM PA YIN PAR YANG MI 'GAL BA DNGOS PO LA GNAS PA'I DON NI MA YIN NO, ,YA GYAL LA THE TSOM ZA YANG GANG RUNG TSAD MAS NGES PA YOD DE, PHYOGS CHOS CAN GYI MNYAN BYA SGRA MI RTAG PAR SGRUB PA'I MTHUN PHYOGS MI MTHUN PHYOGS GANG RUNG GCIG LA YOD BAR TSAD MAS NGES KYANG YA GYAL GNYIS LA YOD BAR THE TSOM ZA BA BZHIN NO, ,'O NA 'DIR YANG YA GYAL LA THE TSOM ZA YANG GANG RUNG TSAD MAS NGES PAS PHYOGS CHOS GRUB BO ZHE NA, MI MTSUNGS TE, 'DIR YA

GYAL PHYOGS SAM MTHUN PHYOGS SU THE TSOM ZA NA GANG RUNG DU TSAD MAS NGES PA'I GZHI TSAD MAS MI 'GRUB PA'I PHYIR RO, ,SGRA PHYOGS YIN MIN THE TSOM ZAN RTZOD GZHI YIN MIN YANG THE TSOM ZA BAS GANG RUNG GI RTAGS KYI GZHIR MI NGES PA'I PHYIR RO, ,GNYIS PA KHYAD PAR LUS LAS RDZAS GZHAN BSGRUB BYAR KHAS LEN DGOS PA LA GSUM, SHUGS KYIS LUS LAS RDZAS GZHAN BSGRUB BYA YIN PA DANG, SPYI SGRAS BYE BRAG GO BA'I DPE DANG, SPYI SGRAS BYE BRAG GO BA KHYAD BAR GYI SGRAS ZIN PA MI DGOS PA'O, ,DANG PO NI, BUM PA DE LUS BUM GANG RUNG LAS RDZAS GZHAN BSGRUB BYAR DAM BCAS PAS BUM PA LA LUS NYID RDZAS GZHAN RTOGS PAR 'GYUR GYI BUM PA RDZAS GZHAN NI RTOGS PAR 'GYUR BA MA YIN TE, LUS BUM GANG RUNG LAS RDZAS GZHAN YIN TE ZHES DON RNAMS LA SPYIR BRJOD KYANG BUM PA BUM PA LAS DON GZHAN DU 'GAL BA'I SHUGS KYIS KHYAD PAR BUM PA LA LUS RDZAS GZHAN BSGRUB BYAR GNAS PA'I PHYIR, YANG NI GNOD PA GZHAN STON PA'O, ,GNYIS PA NI, DPER NA 'GA' ZHIG ZAS LA 'ONGS SO ZHES BYA BAS RI 'AM SHING 'ONGS PA LA NI DOGS PAR 'GYUR BA MA YIN PA BZHIN NO, ,GSUM PA NI, KHYAD PAR GYI SGRA DANG MA 'BREL BAS SPYI SGRAS KHYAD PAR MI GO'O ZHE NA, KHYAD PAR GYI SGRA DNGOS SU SBYAR BA NYE BAR BYAS PA KHO NA NYID NI SPYI'I SGRA RNAMS KYI KHYAD PAR BLO YUL DU RNAM PAR 'JOG CING GO BAR BYED PA'I RGYU MA YIN PAR THAL, KHYAD PAR GYI SGRA DNGOS SU MA SBYAR BA 'ON KYANG SKABS DANG SHUGS LA SOGS PA LA YANG BRTEN NAS SPYI SGRAS BYE BRAG GO BA YIN PA'I PHYIR, GSUM PA NI, GNYIS BCAS SBYOR BA LA NYES PA DU MA

, ,DANG BCAS PA DE'I PHYIR, BUM PA SEMS DANG RDZAS GCIG PA'I LUS DANG BUM PA GANG YANG RUNG BA'I SPYI LAS DON GZHAN DU 'GYUR BA NI MA YIN TE, DON GZHAN DU GYUR PA YA GYAL GNYIG MI 'THAD PA'I PHYIR RO, ,DON GZHAN DU GYUR PA YA GYAL 'GA' ZHIG YOD PA YANG MA YIN TE, YA GYAL GNYIS LAS GCIG KYANG RDZAS GZHAN DU RIGS PAS MI 'THAD CING KHAS MA BLANGS PA'I PHYIR RO, ,GSUM PA LA GNYIS, RTZOD PA DANG, LAN NO, ,DANG PO NI, BUM PA RANG NYID RANG GI ZLA BOR 'GAL BAS BUM PA'I STENG DU BUM PA'I GNYIS BCAS SGRUB TU MI RUNG, LUS DPE LA RJES 'GRO MED PAS BSGRUB BYAR MI RUNG BAS GANG YANG RUNG BA'I SPYI BSGRUB BYAR MI RUNG NA, SGRA LA MI RTAG PA SGRUB PA NA YANG SGRA'I MI RTAG PA DPE BUM BA LA RJES 'GRO MED PAS KHYAB PA MI 'GRUB BUM PA'I MI RTAG PA SGRA LA MED PAS PHYOGS CHOS MI 'GRUB BO ZHES SGRA DANG BUM PA'I KHYAD PAR GYIS RTOG NA MI RTAG BA TZAM YANG BSGRUB BYAR MI 'GYUR BAS SGRA LA MI RTAG PA TZAM SGRUB PA LA YANG NYES PA MTSUNGS SO ZHE NA, GNYIS PA NI, DE GNYIS NYES PA MTSUNGS PA MA YIN TE, SGRA DANG BUM PA GANG GI YANG 'JIG PA MA YIN PA'I MI RTAG PA TZAM NYID TSAD MAS GRUB PAS NI SGRA MI RTAG PA DE DANG LDAN PAR BYAS PA'I RTAGS KYIS SGRUB NUS PA'I PHYIR RO, ,DPE DE BZHIN DU DON LA KHAS LEN MI NUS TE, BUM PA DE LUS SEMS RDZAS GCIG PA'I LUS DANG BUM PA GANG RUNG GI SPYI LAS RDZAS GZHAN DU RTAGS KYI SGRUB MI NUS PAR THAL, BUM PA DE DE GNYIS 'GA' ZHIG LAS DON GZHAN DU GYUR BAR KHAS LEN NUS NA DE GNYIS GANG YANG RUNG BA LAS DON GZHAN GYI NGO BOR

GYUR PA SGRUB NUS PA YIN NA YANG YA GYAL GANG LAS KYANG RDZAS GZHAN MA YIN PA'I PHYIR, GNYIS PA 'DOD PA SMOS PA'I RNAM BCAD KYI DGOS PA BSHAD PA LA GSUM, MDOR BSTAN PA DANG, RGYAS PAR BSHAD PA DANG, ZHE 'DOD KYI BSGRUB BYA NGOS GZUNG BA'O, , DANG PO NI, RGOL BA'I ZHE BAS 'DOD PA'I PHYOGS BSGRUB BYAR BRJOD PA 'DIS NI CHOS CAN, DGOS PA GZHAN YANG BSTAN PA YIN TE, BYE BRAG PAS GRANGS CAN BA LA SGRA MI RTAG PAR BSGRUBS PA NA GRANGS CAN PAN RE, GZHI SGRA'I STENG DU CHOS CAN SGRA'I SBYI DON GZHAN DAG GIS KHYAD PAR DU BYAS PA'I CHOS DON GZHAN DANG CHOS DON GZHAN GYIS KHYAD PAR DU BYAS PA'I CHOS CAN SGRA SPYI DON GZHAN DAG 'GOG PAS ZHE 'DOD LA GNOD PA'I 'GAL BAR 'DOD PA YANG BSAL BA YIN PA'I PHYIR, GNYIS PA LA GSUM, RGOL BA DES TSOGS SPYI DON GZHAN MI SGRUB PA'I DPE DANG, DE BKAG PAS RGOL BA'I ZHE 'DOD LA MI GNOD PA DANG, DE'I RGYU MTSAN NO, ,DANG PO NI, DPER NA SGRA NI CHOS CAN, MI RTAG PAS KHYAD PAR DU BYAS PA'I SGRA'I SPYI DON GZHAN DANG LDAN PA MA YIN PA'AM SGRA LA SGRA'I SPYI DON GZHAN GYIS KHYAD PAR DU BYAS PA'I MI RTAG PA DON GZHAN DANG LDAN PA MA YIN NO, ZHES BYA BA LTA BU STE 'DI NI RNAM BCAD KYI GNAS NYE BAR GZUNG BA YIN TE, BYE BRAG PAS SGRA LA RTAG PA TZAM BKAG PA NA SPYI RTAG PA YANG BKAG PAS SGRA'I STENG DU MI RTAG PAS KHYAD PAR DU BYAS PA'I SGRA'I SPYI DON GZHAN DANG SGRA'I SPYI DON GZHAN GYIS DKHYAD PAR DU BYAS PA'I MI RTAG PA YANG BKAG PAS ZHE 'DOD KYI BSGRUB BYA BKAG CING DE DAG DANG LDAN PA MA YIN PAR BSGRUB SO ZHES GRANGS CAN ZER TO, ,SGRA SKAD CIG GIS 'JIG BA MA YIN PAR

, ,GNYIS KA YANG 'DOD MOD KYI GRANGS CAN LA RGYUN GYI MI RTAG PA BSGRUBS PA YIN NO, ,DE LA SLOB DPON GYIS ZUR NA GNAS PAS DGAG PA MDZAD DO, ,GNYIS PA NI, BYE BRAG PAS SGRA LA MI RTAG PA TZAM BSGRUBS PA'I TSE CHOS CAN SGRA LA TSOGS SPYI DON GZHAN BKAG PA NI STE TSOGS SPYI DON GZHAN BKAG PA'I SGO NAS ZHE 'DOD KYI BSGRUB BYA LA GNOD PA'I 'GAL BAR SONG BA MA YIN PAR THAL, DE'I TSE BYE BRAG PAS SGRA LA TSOGS SPYI DON GZHAN BSGRUB BYAR BZUNG BA MED PA'I PHYIR, DER THAL, SGRA LA MI RTAG PA TZAM BSGRUB BYAR BZUNG BA YIN GYI SGRA MI RTAG PA'I SGRA DON GZHAN DANG LDAN PA BSGRUB BYAR BZUNG BA MA YIN PA'I PHYIR, GSUM PA NI, DE LTA NA SGRA MI RTAG PAR BSGRUBS PA'I TSE SGRA MI RTAG PAR BSGRUBS PAR MI 'GYUR GYI SGRA DE MI RTAG PA'I SGRA'I SPYI DON GZHAN DANG LDAN PAR BSGRUBS PAR 'GYUR BAR THAL, DE'I TSE SGRA LA MI RTAG PA'I SGRA'I SPYI DON GZHAN DANG LDAN PAR SGRUB PA'I PHYIR, RTAGS KHAS BLANGS PA DE NYID GSAL BAR BYED PA NI SGRA LA MI RTAG PA TZAM BSGRUBS PA NA YANG TSOGS SPYI DON GZHAN BSGRUBS PA DE LTA BUR GYUR PAR 'DOD PA'I PHYIR, DES NA BYE BRAG PAS SGRA MI RTAG PAR BSGRUBS PA'I TSE NA, TSOGS SPYI DON GZHAN BKAG PA'I SGO NAS ZHE BAS 'DOD PA LA GNOD PA 'GA' YANG MED PAR THAL, DE'I TSE TSOGS SPYI DON GZHAN DE YANG BSGRUB BYAR 'DOD PA MA YIN PA'I PHYIR, 'DIS NI RGOL BAS RTZOD PA'I TSE DAM BCAS TSOD DE NYID LA TSAD MAS GNOD NA 'GAL BAR 'GYUR BA YIN GYI, DE'I TSE BSGRUB BYAR MA BZUNG YANG BSGRUB BYAR BZUNG BA DE'I KHYAB BYED LA SOGS PA'I CHOS GZHAN LA GNOD PAR MTHONG NAS

SKABS KYI BSGRUB BYA LA YANG GNOD PA YIN NO ZHES SMRA BA DAG KYANG PHYOGS KYI MTSAN NYID KYI ZUR DU 'DOD PA SMOS PAS BSAL BA YIN NO, ZHES PA'I DON DU SHES PAR BYA'O, ,GSUM PA LA GSUM, YANG DAG DANG 'GAL BAR 'GYUR BA BSGRUB BYA LA BLTAS PA DANG, 'GAL RTAGS LA TSOGS SPYI PHYIN CI LOG TU BYED PAS KHYAB PA DANG, 'GAL RTAGS KYI DBYE BA'O, ,DANG PO NI, TSOGS SPYI DON GZHAN BKAG PAS ZHE 'DOD LA MI GNOD PA DE'I PHYIR, BYAS PA CHOS CAN, CHOS CAN SGRA LA 'DOD PA'I SPYI MI RTAG PA GRUB PA'I SGO NAS DE LA GTAN TSIGS YANG DAG TU SONG BA YIN TE, SGRA LA CHOS MI RTAG PA 'BA' ZHIG KHO NA SGRUB PA LA TSUL GSUM TSANG BA'I SGO NAS RGOL BA'I 'DOD PA GRUB PA DE LTA YIN PA'I PHYIR, SGRA LA RTAG PA BSGRUB 'DOD NA RGOL BA'I 'DOD YUL LA GNOD PA BYAS PA 'GAL BA'I GTAN TSIGS YIN TE, DE BSGRUB 'DOD NA RGOL BA'I 'DOD YUL PHYIN CI LOG TU BYA BA'AM BYAS PA'I SGO NAS PHYOGS CHOS GRUB KYANG RJES KHYAB PHYIN CI LOG TU GYUR PA DE LTA YIN PA'I PHYIR, YANG NA GZHUNG SNGA MA LA BYAS PA SGRA MI RTAG PA DANG RTAG PAR SGRUB PA LA RTAGS YANG DAG DANG 'GAL RTAGS SU BSGRUBS NAS TSOGS SPYI SGRUB NA RTAGS YANG DAG DANG 'GOG NA 'GAL RTAGS SU 'GYUR BA MA YIN NAM, CHOS 'BA' ZHIG SGRUB PA'AM PHYIN CI LOG TU BYED PAS DE LTAR 'GYUR ZHE NA, RTZOD GZHI'I STENG DU DE LTAR BYED PAS SKYON MED DO ZHES GZHUNG PHYI MA SKYON SPONG DU BSHAD DO, ,GNYIS PA NI, CHOS CAN GYI KHYAD PAR LA GNOD PA LA SOGS PA'I 'GAL RTAGS GZHAN YANG YOD PA MA YIN NAM, TSOGS SPYI PHYIN CI LOG TU BYED PA KHO NA 'GAL BA YIN ZHE NA, TSOGS SPYI PHYIN CI LOG TU BYED PA

, ,KHO NA 'GAL RTAGS YIN NA, CHOS CAN GYI KHYAD PAR LA GNOD PA LA SOGS PA'I 'GAL RTAGS MI RUNG BA'I SKYON MED PAR THAL, 'GAL BA'I GTAN TSIGS NI CHOS CAN GYI KHYAD PAR LA GNOD PA LA SOGS PA THAMS CAD DU TSOGS SPYI DE PHYIN CI LOG TU BYED PA KHO NAS KHYAB PA'I PHYIR RO, ,'GAL RTAGS YIN NA RGOL BA'I ZHE 'DOD PHYIN CI LOG TU BYED PA'I DES PA MED DE, GRANGS CAN GYIS MIG SOGS BDAG DON BYED PAR SGRUB PAR BYED PA LTA BU, ZHE 'DOD KYI BSGRUB BYA YIN YANG 'DUS SHING BSAGS PAS DE MI SGRUB CING DE LAS PHYIN CI LOG SGRUB PAS RGOL BA'I 'DOD YUL PHYIN CI LOG TU BYED PA YIN YANG, SANGS RGYAS PAS SGRA MI RTAG PA ZHE 'DOD KYI BSGRUB BYAR GZUNG BA'I TSE BYAS PA SGRA MI RTAG PAR SGRUB PA'I 'GAL RTAGS YIN YANG RGOL BA'I ZHE 'DOD LA GNOD PA'I 'GAL RTAGS MA YIN TE, SGRA RTAG PA ZHE 'DOD KYI BSGRUB BYAR MA GZUNG BA'I PHYIR RO, ,GSUM PA LA GNYIS, SPYI'I DON DANG, TSIG GI DON TO, ,DANG PO LA GSUM, 'GAL RTAGS KYI MTSAN NYID DANG, DBYE BA DANG, RTAGS YANG DAG LA MTSUNGS PA'I SKYON SPANG BA'O, ,DANG PO NI, PHYOGS CHOS GRUB NAS RJES SU 'GRO LDOG GI KHYAB PA PHYIN CI LOG TU NGES PA'O, ,BSGRUB BYA 'GOG NUS KYI GTAN TSIGS ZHES SAM, BSGRUB BYA LA GNOD PA'I GTAN TSIGS ZHES PA RNAMS DANG DON GCIG TU SHES PAR BYA'O, ,GNYIS PA LA DBYE BA DNGOS DANG, CHOS CAN GYI NGO BO LA GNOD PA 'BAB PA'I GTAN TSIGS BYE BRAG TU BSHAD PA'O, ,DANG PO NI, NAM MKHA' DNGOS PO BA CHOS CAN, DNGOS PO YIN TE, DON BYED NUS PAS STONG BA'I PHYIR CES SAM, MI RTAG STE, BYAS PAS STONG BA'I PHYIR,

CES PA STE, TSIG LA 'CHEL BA BLO GROS CHUNG DU DAG KYANG RJES SU BZUNG BA'I PHYIR BSHAD DO, ,RTAGS YANG DAG TU 'GOD BA'I TSE MI RTAG BAS STONG STE ZHES BYA'O, ,CHOS CAN GYI KHYAD PAR LA GNOD PA NI DPER NA, 'DUS PA MA YIN PA'I YUL CAN MIG SOGS CHOS CAN; GZHAN DON BYED DE, 'DUS SHING BSAGS PA'I PHYIR CES PA LTA BU'O, ,CHOS KYI NGO BO LA GNOD PA NI DPER NA, SGRA CHOS CAN, RTAG STE, BYAS PA'I PHYIR CES PA LTA BU'O, ,CHOS KYI KHYAD PAR LA GNOD PA NI DPER NA, MIG SOGS CHOS CAN, 'DUS PA MA YIN PA'I YUL CAN GZHAN GYI DON BYED DE, 'DUS SHING BSAGS PA'I PHYIR CES PA LTA BU'O, ,KHYAD PAR DU 'GYUR PA'I TSUL NI SNGAR BSHAD ZIN TO, ,GNYIS PA NI, BYE BRAG PA DAG 'DUS MA BYAS KYI NAM MKHA' DGAG BYA BA CAD PA LA MI LTOS PA'I DNGOS POR 'DOD CING; SANGS RGYAS PA DANG BYE BRAG PA GNYIS, NAM MKHA'I DON MTHUN SNANG DU GRUB PA MED LA, GZHAN GYIS BTAGS PA LTAR NAM MKHA' DNGOS POR GYUR PA CHOS CAN DU BZUNG NAS BKAG NA YANG TSAD MAS KHEGS PAS RTAGS DE'I ZHE 'DOD KYI BSGRUB BYA NYID CHOS CAN DU GZUNG BA YIN NO, ,NAM MKHA' DNGOS POR GYUR PA KHEGS PA'I GZHI MI SRID NA NAM MKHA' DNGOS POR GYUR BA YOD DGOS LA, GZHI YOD NA DE NYID RTZOD GZHIR BZUNGS NAS NAM MKHA' DNGOS POR GYUR BA BKAG PAS CHOG MOD ZHE 'DOD KYI BSGRUB BYA RTZOD GZHIR BZUNG BAS CI BYA ZHE NA, SKYON MED DE, NAM MKHAR SNANG PA'AM NAM MKHA' CHOS CAN DU BZUNGS NAS DNGOS PO MA YIN TE ZHES BKAG NA YANG RUNG MOD KYI, BYE BRAG PA NAM MKHA' DANG NAM MKHAR SNANG BA DON GCIG TU 'DOD CING NAM MKHA' SNANG BA'I RTOG PA

, ,SGRUB 'JUG TU 'DOD CING 'DUS MA BYAS KYI NAM MKHA' SNANG BA TSAD MAS GRUB DUS NA DNGOS PO TSAD MAS GRUB PAR 'DOD PAS THOG MAR DE LA SHES 'DOD 'TSOL BA LAS NAM MKHA' DNGOS POR GYUR PA CHOS CAN GYI NGO BOR GZUNGS NAS DE DON BYED NUS PA YIN PA BKAG PA'I SGO NAS DNGOS PO YIN PA BKAG NA TSEGS CHUNG NGO, ,NAM MKHAR SNANG BA RTZOD GZHIR BZUNGS NA YANG SHES 'DOD MI RNYED PA'I SKYON MED DE, SANGS RGYAS PAS DE DNGOS PO YIN PA LA LAN MED KYI SUN 'BYIN DU MA BRJOD PA NA DNGOS PO YIN MIN THE TSOM ZA ZHING MTHA' GCIG TU SHES PAR 'DOD PA'I SHES 'DOD RNYED PAR 'GYUR BA YIN NO, ,DPER NA 'OG NAS 'CHAD PAR 'GYUR BA'I MTSAN NYID LNGA LDAN GYI GTZO BOR SNANG BA RTZOD GZHIR GZUNG BA LA SHES 'DOD 'JUG PA BZHIN NO, ,DE DAG LA MTSAN NYID NI DE SGRUB KYI PHYOGS CHOS GRUB CING RJES SU 'GRO LDOG GI KHYAB PA PHYIN CI LOG TU NGES PA GANG ZHIG ZHE 'DOD KYI BSGRUB BYA CHOS CAN DU SGRAS BKOD PA ZHES DANG, YANG NA CHOS CAN GYI NGO BO SGRUB PA LA PHYOGS CHOS GRUB CING KHYAB PA PHYIN CI LOG TU NGES PA ZHES BSHAD DO, ,GZHAN RNAMS LA RTZOD GZHI'I STENG DU CHOS CAN GYI KHYAD PAR DANG CHOS KYI NGO BO DANG KHYAD PAR SGRUB PA LA ZHES SBYAR RO, ,GSUM PA NI, 'GAL BA'I GTAN TSIGS LA CHOS CAN GYI NGO BO DANG KHYAD PAR DANG CHOS KYI NGO BO DANG KHYAD PAR BSGRUBS PAS 'GAL RTAGS SU SANG BA BZHI DBYER YOD NA, GTAN TSIGS YANG DAG LA YANG DE BZHIN BSGRUBS PAS YANG DAG TU SONG BA BZHI CI'I PHYIR DBYER MI RUNG ZHE NA, SKYON MED DE, 'DIR NI GRANGS CAN RANG NYID KYIS ZHE 'DOD KYI BSGRUB BYA'I CHOS CHOS CAN DANG CHOS KYI NGO BOR

BZUNGS NAS YANG DAG TU 'DOD PA'I ZOL SBYOR RNAMS 'GAL RTAGS SU BSTAN PA DANG, BYE BRAG PA'I 'DOD PA RTAGS YANG DAG GI CHOS CAN GYI NGO BOR BZUNGS NAS BKAG PAS PHA ROL PO'I LOG RTOG KHEGS PA'I DGOS PA YOD PA YIN GYI, DGOS PA YOD NA GTAN TSIGS YANG DAG LA YANG DBYER RUNG BA MI 'GOG STE, SGRA CHOS CAN, MI RTAG PA'I DNGOS PO YIN TE, BYAS PA'I PHYIR CES PA RTZOD GZHI LA CHOS KYI KHYAD PAR SGRUB PA'I YANG DAG DANG, SGRA CHOS CAN, MI RTAG STE, ZHES PA CHOS KYI NGO BO SGRUB PA DANG, SGRA MI RTAG PAR SGRUB 'DOD PA LA SGRA MI RTAG PA CHOS CAN, DNGOS PO YIN TE, ZHES DANG, MI RTAG PA'I SGRA CHOS CAN ZHES PA LTA BU CHOS CAN GYI NGO BO SGRUB PA DANG, RTZOD GZHI LA CHOS CAN GYI KHYAD PAR SGRUB PA STE, SGRA'I SBYOR TSUL TZAM MO, ,GNYIS PA NI, TSOGS SPYI PHYIN CI LOG TU BYED PA KHO NA 'GAL BA YIN NA, CHOS CAN GYI KHYAD PAR LA GNOD PA LA SOGS PA'I 'GAL BA BZHIR JI LTAR DBYER RUNG ZHE NA, 'GAL RTAGS SU BKOD PA DE NI CHOS CAN, TSOGS SPYI PHYIN CI LOG TU BYED PA DES 'GAL RTAGS SU THA SNYAD DU BYED KYANG BZHIR DBYE BA MI 'GAL TE, ZHE 'DOD KYI TSOGS SPYI PHYIN CI LOG TU BYED PA DE NYID RES 'GA' BSGRUB BYA'I CHOS KYI NGO BO'I SGO NAS SAM RES 'GA' CHOS CAN GYI NGO BO'I SGO NAS SAM CHOS DANG CHOS CAN DE'I KHYAD PAR GYI SGO NAS ZHE 'DOD PHYIN CI LOG TU BYED PA'I PHYIR, GNYIS PA RANG NYID RGYAS PAR BSHAD PA LA GSUM, RANG NYID SMOS PA'I DGOS PA DANG, TSAD MA KUN LAS BTUS SU SMOS PA'I RANG NYID 'DOD PA KHO NA'I NGES GZUNG LA BLTOS PA DANG, RANG NYID 'DOD PA SMOS PAS LOG RTOG GZHAN YANG KHEGS PA'O, ,DANG PO LA GSUM, RANG NYID

, ,SMOS PA'I DGOS PA MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO LA GNYIS, DGOS PA BSTAN PA DANG, DE LA RTZOD PA SPANG BA'O, ,DANG PO NI, PHYOGS KYI MTSAN NYID KYI ZUNG DU RANG NYID KYI SGRA SMOS PA NI CHOS CAN; DGOS PA YOD DE, CHOS CAN SGRA LTA BU GCIG LA RANG RANG GIS KHAS LEN PA'I BSTAN BCOS LAS RTAG MI RTAG DANG NAM MKHA'I YON TAN YIN MIN SOGS CHOS DU MA RNAM PAR BZHAG KYANG RTZOD PA'I TSE RGOL BA RANG NYID DAM BDAG NYID KYIS ZHE BAS 'DOD PA PHYOGS SU GZUNG BA DE KHO NA BSGRUB PAR BYA BA YIN GYI BSTAN BCOS TSAD MAR KHAS BLANGS SU ZIN KYANG RGOL BA'I 'DOD PA LAS GZHAN NI MA YIN NO ZHES BSTAN PA'I CHED YIN PA'I PHYIR RO, ,BYE BRAG TU BSHAD NA 'DI LTAR SBYAR TE, RANG SGRA SMOS PA LA DGOS PA YOD DE, SGRA MI RTAG PAR SGRUB PA'I TSE RANG GIS SNGAR KHAS BLANGS PA'I BSTAN BCOS LAS SGRA DE'I KHYAD CHOS MI RTAG PA DANG STONG BDAG MED LA SOGS PA DU MA RNAM PAR BZHAG KYANG SGRA MI RTAG PA KHO NA SKABS DE'I BSGRUB BYA YIN GYI GZHAN DAG MA YIN NO ZHES SHES PA'I CHED YIN PA'I PHYIR, YANG SGRA MI RTAG PA DANG SGRA NAM MKHA'I YON TAN GNYIS KA RANG GIS KHAS BLANGS PA'I BSTAN BCOS GCIG LAS RNAM PAR BZHAG KYANG SGRA MI RTAG PAR SGRUB PA'I TSE, NAM MKHA'I YON TAN BKAG KYANG SKABS KYI BSGRUB BYA LA GNOD PA MED DO ZHES SHES PA'I CHED YIN PA'I PHYIR CES SBYAR RO, ,GNYIS PA NI, RGOL BA RANG NYID 'DOD PA ZHES SMOS PA LA BRTEN NAS RGOL BA'I 'DOD YUL MA YIN PA PHYOGS MA YIN PAR RTOGS ZIN PA'I PHYIR, BSTAN BCOS MKHAN PO'I 'DOD PA YANG PHYOGS

MA YIN PAR RTOGS PAS DE RTOGS PA'I CHED DU RANG NYID SMOS PA DON MED DO ZHE NA, TSAD MA KUN LAS BTUS PA DER PHYOGS KYI MTSAN NYID KYI ZUR DU 'DOD PA SMOS PA LA BRTEN NAS RGOL BA LAS GZHAN 'DOD PA RGOL BA'I 'DOD YUL MA YIN PA THAMS CAD PHYOGS YANG DAG YIN PA BZLOG TU ZIN KYANG RANG NYID KYI SGRA SMOS PA LA DGOS PA YOD DE, DE ZIN KYANG RANG NYID KYI SGRAS BSTAN BCOS MKHAN PO'I 'DOD PA DE NYID RGOL BA'I 'DOD YUL DU BYED DGOS SAM SNYAM PA'I DOGS PA'I GNAS BZLOG PAR BYA BA'I CHED DU BSHAD PA'I PHYIR, DER THAL, MDO MDZAD PAS RANG NYID CES PA'I DON 'CHANG PA'I SKABS KYI RANG GI 'GREL PAR RANG NYID CES BYA BA NI BSTAN BCOS LA MI LTOS PAR KHAS BLANGS PA STON PAR BYED PA'O ZHES PAS BSTAN PA'I PHYIR DE LA DOGS PA NI GANG YIN DOGS PA'I GNAS NI JI LTA BU ZHE NA; SGRA RTAG MI RTAG RTZOD PA'I TSE SGRA MI RTAG PAR SGRUB PA'I RGOL BAS KYANG SGRA MI RTAG PAR STON PA'I BSTAN BCOS SNGAR TSAD MAR KHAS BLANGS PAS SGRA MI RTAG PA BSTAN BCOS MKHAN PO'I 'DOD PA YIN PAS DE DANG MI 'GAL BA GCIG BSGRUB BYAR BYED DGOS SNYAM DU ZHE LA BZHAG NAS SGRA MI RTAG PA BSGRUB BYAR GZUNG DGOS SNYAM PA NI DOGS PA'O, ,RANG GIS SNGAR TSAD MAR KHAS BLANGS PA YIN PAS RTZOD PA'I TSE DE DOR DU MI RUNG SNYAM PA NI, DOGS PA SNGA MA DE'I GNAS TE DOGS PA DE SKYE BA'I RGYU'O, ,RANG NYID SMOS PAS DOGS PA DANG DOGS PA'I GNAS GNYIS KA SEL BAR BYED PA YIN NO, ,'DOD PA SMOS PAS NI RIGS MI MTHUN SEL BAR BYED PA YIN TE, RGOL BAS 'DOD YUL DU MA BYAS PA RTZOD PA'I SKABS KYI PHYOGS YANG DAG MA YIN PAR 'DOD PA LA BRTEN NAS RTOGS SHING DE PHYOGS YANG DAG TU

, ,'DZIN PA'I LOG RTOG KHEGS KYANG RGOL BA MI 'DOD PA RGOL BA'I 'DOD YUL MA YIN MOD, RGOL BA'I 'DOD YUL GANG YIN PA DE NYID BSTAN BCOS MKHAN PO'I 'DOD YUL YIN PA GCIG DOGS SNYAM DU GNYIS KA'I GZHI MTHUN LA DOGS PA SKYE BAS DE RANG NYID LA BRTEN NAS SEL BAR BYED PA YIN NO, ,GNYIS PA LA GNYIS, ,BSAL BYA LOG RTOG NGOS GZUNG BA DANG, DE SEL TSUL RGYAS PAR BSHAD PA'O, ,DANG PO LA GSUM, LOG RTOG SRID PAR BSTAN PA DANG, LOG RTOG GI 'BRAS BU DNGOS SU MTHONG BAR BSTAN PA DANG, BSAL BYA'I LOG RTOG DNGOS SO, ,DANG PO NI, LOG PAR RTOG PA SNGAR BSHAD PA LTA BU SRID DE, ,KHA CIG BSTAN BCOS TSAD MAR KHAS BLANGS PA'I PHYIR DE LAS BSHAD PA MTHONG BA THAMS CAD RGOL BA'I BSGRUB PAR BYA BA YIN NO SNYAM DU DOGS PA SRID PA'I PHYIR, GNYIS PA NI, DOGS PA SRID PA TZAM DU MA ZAD SNGAR BSHAD PA'I LOG PAR RTOG PA YANG TSAD MAS MTHONG BA NYID DE DE'I 'BRAS BU DNGOS SU MTHONG BA'I PHYIR, DE GNYI GA RANG LUGS LA BSGRUB PA YIN NO, ,GSUM PA NI, BYE BRAG PA DANG SPYOD PA PA KHA CIG NA RE SGRA NAM MKHA'I YON TAN LA SOGS PA RANG GIS KHAS BLANGS PA'I BSTAN BCOS LAS BSHAD PA MTHONG BA NI RGOL BA'I BSGRUB PAR BYA BA KHO NA YIN LA LUNG DON DE LA GNOD NA YANG SKABS KYI GTAN TSIGS 'GAL BA DANG SKABS KYI DAM BCA' BA TSAD MAS BSAL BA DAG GI SKYON YIN NO ZHES ZER TO, ,SGRA MI RTAG PAR BSGRQB PA'I TSE SGRA RTAG PA NAM MKHA'I YON TAN X[N PA KHEGS NA RANG GIS KHAS BLANGS PA'I LUNG DON BKAG PAS LUNG DE TSAD MA YIN PA KHEGS LA DE KHEGS NA BSTAN BCOS DE LAS BSHAD

PA'I SGRA MI RTAG PA YANG KHEGS PAS GTAN TSIGS DES RGOL BA'I 'DOD YUL BKAG PAS RTAGS 'GAL BA DANG, DAM BCA' LA TSAD MAS BSAL BAR 'GYUR BA YIN NO, ,DES NA GANG 'DOD YUL DU BYED KYANG BLANGS PA'I BSTAN BCOS DE'I LUNG DON MTHA' DAG DANG MI 'GAL ZHING DE'I ZUR GCIG KYANG MA BKAG PA GCIG 'DOD YUL DU BYED DGOS PA YIN NO, ZHES ZER BA YIN GYI, LUNG DON MTHA' DAG BSGRUB BYAR KHAS BLANGS PA'I LUGS SU BYAS NAS DE LA DGAG PA BYED PA NI DON MA RTOGS BZHIN DU 'U THUG PA'I GTAM YIN TE, SHES BYA LA SRID TSAD KYI LUNG DON BSGRUB BYAR 'DOD PA'I RANG SDE DANG GZHAN SDE SU YANG MI SRID PA'I PHYIR RO, ,GNYIS PA LA GSUM, GZHAN SDE LUNG DON BSGRUB BYAR 'DOD PA DGAG PA DANG, RANG SDE LUNG DON BSGRUB BYAR 'DOD PA DGAG PA DANG; LUNG DON BSGRUB BYA YIN NA RANG NYID KYI SGRA SMOS PA DON MED DU THAL PA'O, ,DANG PO LA GSUM, GTAN TSIGS DES DGAG BYA GZHAN BKAG PAS SKABS KYI BSGRUB BYA LA GNOD PAR THAL BA DANG, GTAN TSIGS GZHAN GYIS BKAG PAS SKABS KYI BSGRUB BYA LA GNOD PAR THAL BA DANG, DON BSDU BA'O, ,DANG PO LA GSUM, 'BREL MED GZHAN BKAG PAS SKABS KYI BSGRUB BYA LA MI GNOD PA RGYAS PAR BSHAD PA DANG, HA CANG THAL BA'I DON BSDU BA DANG, SKABS KYI NBSGRUB BYA LA GNOD PA KHO NA 'GAL RTAGS SU BSTAN PA'O, ,DANG PO LA GSUM, HA CANG THAL BA DANG, 'BREL MED LA RGOL BA'I DPAG 'DOD YOD PA'I SGRUB BYED DGAG PA DANG, DNGOS STOBS KYI SKABS SU LUNG GNOD SGRUB TU 'GYUR BA DGAG PA'O, ,DANG PO LA GSUM, BYAS PAS DRIL SA'I YON TAN

, ,BKAG PAS SGRA MI RTAG PAR SGRUB PA'I RTAGS 'GAL BAR THAL BA DANG, SKABS YIN MIN MTSUNGS PA DANG, MI MTSUNGS PA'I LAN DGAG PA'O, ,DANG PO NI, RANG GIS TSAD MAR KHAS BLANGS PA'I BSTAN BCOS LAS BSHAD PA MTHONG BA THAMS CAD DANG MI 'GAL BA GCIG SKABS KYI BSGRUB BYAR BYED DGOS ZHES SMRA BA DE DAG GI LTAR NA BYAS PA'I RTAGS NYID KYIS SGRA MI RTAG PAR SGRUB PA NA DRI LA RTAG PA SA'I YON TAN BZLOG PA'I SGO NAS SGRA MI RTAG PAR SGRUB PA'I GTAN TSIGS 'GAL BAR 'GYUR BAR THAL, DE'I SGO NAS LUNG DON GCIG BKAG PA'I PHYIR, KHYAB PA KHAS BLANGS BYAS PAS MI RTAG PA SGRUB CING RTAG PA 'GOG PA NA SGRA LA RTAG PA NAM MKHA'I YON TAN YANG 'GOG NUS, DRI LA RTAG PA SA'I YON TAN YANG 'GOG NUS PA BYE BRAG PAS DRI LA RTAG PA SA'I YON TAN BRTEN PA DANG, SGRA LA RTAG PA NAM MKHA'I YON TAN BRTEN PAR 'DOD LA, SGRA DANG DRI NAM MKHA' DANG SA'I RDZAS LAS BRTEN PA'I YON TAN DON GZHAN DANG, ,TAN LA YON TAN GNYIS PA MI BRTEN PAR KHAS LEN YANG RTAG PA NAM MKHA'I YON TAN DANG RTAG PA SA'I YON TAN SGRA DANG DRI LA BRTEN PAR 'DOD PA KHAS BLANGS 'GAL BA'O, ,BYAS PAS SGRA LA RTAG PA TZAM BKAG PA NA RTAG PA NAM MKHA' YON TAN YANG BKAG PAS SGRA NYID KYANG BKAG PA'I PHYIR, SKABS KYI BSGRUB BYA LA GNOD PA'I RTAGS 'GAL BAR 'GYUR TE, DE'I TSE LUNG DON GCIG BKAG PA'I PHYIR RO ZER TO, ,DE LHA NA DRI LA RTAG PA SA'I YON TAN BKAG PAS KYANG SGRA MI RTAG PAR SGRUB PA'I RTAGS 'GAL BAR 'GYUR BA'O, ,GNYIS PA LA GNYIS, RTZOD PA DANG, LAN NO, ,DANG PO NI, SGRA'I

KHYAD CHOS LA RTZOD PA'I SKABS YIN GYI, DRI'I KHYAD CHOS LA RTZOD PA'I SKABS MA YIN PA'I PHYIR DE BKAG PAS SGRA MI RTAG PA LA GNOD PAR MI 'GYUR RO ZHE NA, GNYIS PA NI, BYAS PA CHOS CAN, SGRA LA RTAG PA NAM MKHA'I YON TAN BKAG PAS KYANG SGRA MI RTAG PA LA GNOD PA MA YIN PAR THAL, SKABS SUM BAB PA DE NI GZHAN SGRA RTAG PA NAM MKHA'I YON TAN LA YANG MTSUNGS PA'I PHYIR, GSUM PA LA GNYIS, RTZOD PA DANG, LAN NO, ,DANG PO NI, MI MTSUNGS TE 'DIR CHOS CAN SGRA'I KHYAD PAR GYI CHOS LA MIN THUN PAR RTZOD PA CAN GYI SKABS YIN PA'I PHYIR RO ZHE NA, GNYIS PA LA GNYIS, SGRA DANG DNGOS PO LA 'BREL PA MED PAR MTSUNGS PA DANG, LUNG DON BKAG PAR YANG MTSUNGS PA'O, ,DANG PO NI, CHOS CAN SKABS SU BAB PAS CHOS THAMS CAD SKABS SU BAB PAR MTSUNGS PA MA YIN TE; SKABS 'DIR CHOS CAN SGRA SKABS SU BAB PA YIN YANG RTAG PA NAM MKHA'I YON TAN SGRA'I CHOS SU DNGOS PO LA 'BREL PA MED PA'I PHYIR RO, ,GNYIS PA NI, 'ON KYANG NAM MKHA'I YON TAN LA SOGS PA 'DI DAG NI SGRA'I CHOS SU DNGOS PO LA 'BREL PA MED KYANG BYE BRAG PA'I BSTAN BCOS KHAS BLANGS PA'I SGO NAS BSGRUB BYAR 'BREL PA YIN PAS DE BKAG NA SKABS KYI BSGRUB BYA LA GNOD PAR 'GYUR RO ZHE NA, SGRA LA RTAG PA NAM MKHA'I YON TAN BKAG PA DANG, DRI LA RTAG PA SA'I YON TAN BKAG PA 'DI GNYIS LA SGRA MI RTAG PA'I BSGRUB BYA LA GNOD MI GNOD KYI BYE BRAG MED PAR THAL, DE GNYIS BKAG NA LUNG DON BKAG PA DE NI GNYIS PO SOGS THAMS CAD LA MTSUNGS PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, 'ON TE SGRA NAM MKHA'I

, ,YON TAN YANG SGRA MI RTAG PAR SGRUB PA'I RGOL BAS KYANG DPAG PAR 'DOD PAS YUL DU BYAS NAS SGRUB PAR BYED DE SGRUB PAR BYA BA SGRA MI RTAG PA'I SPYI'I PHYOGS GCIG TU GYUR PA'I KHYAD PAR YIN PA'I PHYIR, BSGRUB PAR BYA'I CHOS MI RTAG PA BZHIN NO ZHE NA, ,GNYIS PA LA GNYIS, RGYAS PAR BSHAD PA DANG, BSDUS TE BSTAN PA'O, ,DANG PO LA GSUM, RTAGS DE'I KHYAB PA MA NGES PA DANG, RGOL BA'I DPAG 'DOD SKYE BA DANG RTOGS PA'I TSUL DANG, DAM BCA' LA MNGON SUM GYIS BSAL BA'O; ;DANG PO NI, BSGRUB PAR BYA BA'I SPYI'I PHYOGS GCIG TU GYUR PA'I KHYAD PAR YIN PA ZHES BYA BA RTAGS SU BKOD PA TZAM GYIS NI SKABS SU BAB PA MA YIN PA LA RGOL BA'I DPAG 'DOD YOD PAR SGRUB NUS PAR MI 'GYUR TE, DE'I KHYAB PA MA NGES PA'I PHYIR, MA NGES PA DE NYID STON PAR BYED PA NI SGRA MI RTAG PAR SGRUB PA'I RGOL BA SGRA LA NAM MKHA'I YON TAN DPAG PAR 'DOD PA DANG SGRUB BYED 'GOD PA'I NGAG 'JUG PA DAG DU NAM YANG LDOG PA MED PAR THAL, NAM MKHA'I YON TAN GYI DON NI DUS NAM YANG SGRA MI RTAG PAR SGRUB PA'I BSGRUB BYA'I SPYI'I PHYOGS GCIG TU GYUR PA'I KHYAD PAR YIN PA DE'I NGO BO MI 'DOD PA'I PHYIR, RTAGS DANG KHYAB PA KHAS BLANGS SHING, 'DOD PA LA MNGON SUM GYIS BSAL LO, ,GNYIS PA NI, BSGRUB BYA'I SPYI'I PHYOGS GCIG TU GYUR PA'I KHYAD PAR YIN PAS RGOL PA'I DPAG 'DOD RTOGS MI NUS PA DE'I PHYIR NA RGOL PA'I DPAG 'DOD 'DI NI CHOS CAN, TSAD MAS MI RTOGS PA'I SKYON MED PAR THAL, SGRUB BYED 'DRI BA'I SKABS 'GA' ZHIG LAS KHYOD SKYE BAR 'GYUR BA

DANG SKABS DANG MTHUN PAR SGRUB BYED 'GOD PA'I SKABS DE NYID KYIS KHYOD SHES PAR BYA BA YIN PA'I PHYIR, PHYIR RGOL GYIS SGRA RTAG MI RTAG MTHA' GCIG TU SHES PAR 'DOD NAS DRIS PA NA RGOL PAS SKABS DANG MTHUN PAR SGRUB BYED BKOD PA'I TSE SGRA BYAS PA YIN PA DANG; BYAS NA MI RTAG PA'I KHYAB PA STON PA'I NGAG MNGON SUM GYIS GRUB PA NA RTAGS DE LAS RGOL BA 'DI SGRA MI RTAG PAR 'DOD PAR 'DUG SNYAM DU RJES DPAG GIS RTOGS PAR 'GYUR BA YIN NO, ,BSGRUB BYA SHUGS LA BSTAN PA DANG MI 'DRA STE, NGAG NGES BSGRUB BYA SHUGS LA BSTAN PA YIN YANG DE SHUGS RTOGS MA YIN LA, RGOL BA'I DPAG 'DOD YOD PA YANG SHUGS RTOGS MA YIN GYI, 'BRAS RTAGS LA BRTEN NAS RJES DPAG GIS DNGOS SU RTOGS PA'I PHYIR RO, ,GSUM PA NI, RTZOD PA'I SKABS DANG MI LDAN PA SGRA NAM MKHA'I YON TAN DE NAN GYIS RGOL BA'I DPAG 'DOD YOD DO ZHES SGRUB PA NI MNGON SUM DANG 'GAL BAR SPYOD PAR THAL, SGRA NAM MKHA'I YON TAN LA DPAG 'DOD YOD PA LAS BZLOG PA DPAG 'DOD MED PAR RGOL PAS MNGON SUM DU NYAMS SU MYONG BAS GRUB PA'I PHYIR, DPAG 'DOD YOD PA LA DGAG PA 'JUG KYANG BLA ZHING BZOD PAR BYA STE ZHES PA'O, ,GNYIS PA LA GSUM, RIGS PA MED PAR DAM 'CHA' BA BLUN PO'I KUN SPYOD YIN PA DANG, DAM BCA' LA MNGON SUM GYIS GNOD PA DANG, 'BREL MED LA GNOD PAS SKABS KYI BSGRUB BYA LA MI GNOD PA'O, ,DANG PO NI, SGRA NAM MKHA'I YON TAN DE LA DPAG 'DOD MED BZHIN DU NAN GYIS KHYOD 'DI LA DPAG 'DOD YOD CES PA GSAL BAR DBANG PHYUG NGAN PA'I SPYOD PA DANG MTSUNGS PA YIN PAR THAL, SGRUB

, ,BYED 'DRI BA'I GNAS SKABS 'GA' YIS RGOL BA'I RGYUD LA DPAG 'DOD SKYE BAR 'GYUR ZHING DPAG 'DOD DE RTOGS PA YANG SGRUB BYED 'GOD PA'I TSIG DE DAG GIS RTOGS PA GANG ZHIG NAM MKHA'I YON TAN LA DPAG 'DOD YOD PA LA SGRUB BYED DE 'DRA DANG, GZHAN YANG MED PA'I PHYIR, GNYIS PA NI, 'BRAS BU'I RTAGS CAN MIN PA'I KHYED KYIS SGRUB BYED DU BRJOD PA DE YANG DAG MA YIN PAR THAL, DAM BCA' DE LA BZLOG PHYOGS MNGON SUM GYIS GRUB PA'I 'KHRUL PA YIS NI GNOD PAR 'GYUR BA'I PHYIR, RGOL BA GANG LA DPAG 'DOD YOD PA PHYIR RGOL GYIS 'BRAS RTAGS YANG DAG LA BRTEN NAS RTOGS DGOS PAR STON PA YIN NO, ,GSUM PA NI, BYAS PAS SGRA NAM MKHA'I YON TAN YIN PA'I DON LA GNOD KYANG GZHAN SGRA MI RTAG PA LA CI ZHIG GNOD DE MI GNOD PAR THAL, SGRA MI RTAG PA SGRA NAM MKHA'I YON TAN LAS THA DAD SGRA NAM MKHA'I YON TAN MED NA SGRA DANG MI RTAG PA DANG TSOGS DON MI 'BYUNG BA MIN PA'I PHYIR, KHYAB BYED BKAG NA SKABS KYI BSGRUB BYA LA GNOD PA DPER NA GANG ZAG GI BDAG MED BKAG NA DNGOS PO LA MI RTAG PAS KHYAB PA YANG KHEGS PAR 'GYUR TE, GANG ZAG GI BDAG YOD NA RTAG PA'I DNGOS POR 'GYUR DGOS PA'I PHYIR RO, ,GSUM PA LA GSUM, DNGOS PO STOBS ZHUGS KYI SKABS SU LUNG GNOD BYED DU MI 'JUG PA DANG, LUNG GNOD BYED DU 'JUG PA'I DUS NGOS GZUNG BA DANG, DNGOS STOBS KYI SKABS SU LUNG GNOD BYED DU MI 'JUG PA'I RGYU MTSAN BSTAN PA'O, ,DANG PO LA GNYIS, SPYI'I RNAM GZHAG DANG, TSIG DON SO SOR BSHAD PA'O, ,DANG PO NI, DNGOS PO STOBS ZHUGS KYI SKABS SU BSTAN BCOS TSAD MA RNAM

PAR NGES PA LTA BU BRJOD BYA LA MI SLU BA'I TSAD MA YIN NO ZHES GZHAN GYIS RTZOD PA NA BSTAN BCOS GZHIR BZUNGS NAS BSTAN BYA'I DON LA MI SLU BA DNGOS PO STOBS ZHUGS KYI SKABS SU YANG BSGRUB BYA YIN NO ZHES RANG SDE KHA CIG 'DOD MOD KYANG SLOB DPON GYI BZHED PA DANG 'GAL BA YIN TE, SNGA ROL TU 'DUS BYAS THAMS CAD MI RTAG PA YIN PA DNGOS STOBS KYI TSAD MAS MA GRUB NA NI, DE STON PA'I LUNG BSTAN BYA LA MI SLU BAR SGRUB PA'I SGRUB BYED GZHAN CUNG ZAD KYANG MED LA, DE TSAD MAS GRUB NA NI BSGRUB BYA DE GRUB ZIN PAS BSGRUB BYAR BZUNG BA DGOS PA MED PA'I PHYIR DANG, DPYAD GSUM GYIS DAG PA'I LUNG GIS BSGRUB PA YANG MA YIN TE, DE NYID DPYOD PA'I SKABS YIN PA'I PHYIR, BDAG CAG GI STON PAS DNGOS PO THAMS CAD MI RTAG PAR GSUNGS PA YANG THOS, GZHAN GYI STON PAS RTAG PA'I DNGOS PO SMRAS PA YANG THOS NAS GANG ZAG RMONGS PA DAG NI DE GNYIS GANG KHAS BLANG BAR BYA BA YIN SNYAM DU THE TSOM ZA BA TZAM NAS DNGOS PO THAMS CAD MI RTAG PA YIN PA 'DI NI RANG GI STON PA'I BZHED PA YIN PAS KHAS BLANG BAR BYA BA YIN LA, GZHAN DAG NI PHYIN CI LOG YIN NO SNYAM DU SEMS PAR 'GYUR RO, ,DE NI DE YIN TE YIN PAR STON PAS GSUNGS PA'I PHYIR, CES SGRUB BYED DU DNGOS SUM BKOD KYANG DON DE LTAR 'GYUR BA YIN TE, SGRUB BYED GZHAN MA MTHONG BZHIN DU STON PA'I GSUD TSAD MA YIN PAS DES GSUNGS PA LTAR KHAS LEN DGOS PA 'OS MED KYI RIGS PA YIN LA, STON PA'I GSUNG TSAD MA MA YIN NA DNGOS PO THAMS CAD MI RTAG PAR YANG MI 'GRUB PAR 'GYUR RO SNYAM DU BSAMS NAS RANG GI STON PA'I LUNG LAS

, ,GSUNGS PA'I RGYU MTSAN GYIS KHYAD PAR DU BYAS PA ZHE LA BZHAG NAS DNGOS PO THAMS CAD MI RTAG PA DNGOS PO STOBS ZHUGS KYI RTAGS YANG DAG GI BSGRUB BYA YIN NO, ZHES SMRA BA LUNG DON BSGRUB BYAR 'DOD PA'I DON DANG GZHAN SDE KHA CIG RANG GZHAN GYI SDE PA PHAN TSUN RTZOD PA RNAMS RANG GI RTZA BA'I STON PA'I LUNG TSAD MA YIN MIN RTZOD PA YIN PAS RANG GI RTZA BA'I STON PA'I LUNG TSAD MA YIN PA RGOL BA'I DAM BCA' YIN LA, PHYIR RGOL GYI BLO NGOR SGRA NAM MKHA'I YON TAN YIN PA SOGS DAM BCAS PA NA LUNG TSAD MA DE'I PHYOGS GCIG GZHAN LA BSTAN PAR BYA BA'I CHED DU DAM BCAS PA YIN LA, YANG LUNG DE LAS BSHAD PA'I SGRA MI RTAG PA LTA BU DAM BCAS NAS DE LA SGRUB BYED BKOD PA NA GTAN TSIGS DES SGRA NAM MKHA'I YON TAN YIN PA LA GNOD PA BYAS NA LUNG TSAD MA DE'I PHYOGS GCIG BKAG PAR 'GYUR LA, DE BKAG NA YA GYAL BKAG NA TSOGS PA KHEGS PA DANG, MTSAN NYID DANG LDAN PA GCIG LA GNOD NA DE'I RIGS CAN THAMS CAD SUN PHYUNG BAR 'GYUR BAS TSAD MAR KHAS BLANGS PA'I LUNG DE TSAD MA YIN PA BKAG PAR 'GYUR RO, ,DE BKAG NA SKABS SU BAB PA'I DAM BCA' LUNG DE LAS BSHAD PA'I SGRA MI RTAG PA BKAG PAR 'GYUR PAS RTAGS 'GAL BA DANG, DAM BCA' LA TSAD MAS BSAL BAR 'GYUR RO, ,DES NA CHOS GANG DAM BCAS NAS SGRUB BYED 'GOD PA NA, SGRUB BYED DES TSAD MAR KHAS BLANGS PA'I LUNG GI DON DE'I CHA SHAS GCIG LA YANG GNOD BA MA BYAS PA GCIG DGOS SO, ,ZHES SMRA BA LUNG DON BSGRUB BYAR 'DOD PA'I DON YIN GYI,

DNGOS STOBS RTAGS KYI BSGRUB BYA YIN NA LUNG GI DON YIN PAS KHYAB PAR 'DOD PA DANG, LUNG DON THAMS CAD BSGRUB BYAR 'DOD PA SOGS NI 'DIR RIGS PA'I TSOGS RGYA CHEN POS DGAG DGOS PA'I PHYOGS SNGAM MA YIN NO, ,RIGS PA SHES PA'I RGOL BA RTOG LDAN MKHAS PA DAG NI DE TZAM NAS DNGOS PO LA MI RTAG PAS KHYAB PA KHAS LEN PA MA YIN GYI, STON PA NYID KYIS, DGE SLONG DAG KO MKHAS RNAMS KYIS, ,BSREG BCAD BRDAR BA'I GSER BZHIN DU, ,LEGS PAR BRTAGS LA NGA YI BKA', ,BLANG BAR BYA YI GUS PHYIR MIN, ZHES MAN NGAG BYIN PA LTAR, STON BA SO SOS GSUNGS PA'I TSIG THOS PA NA 'DI DAG LAS GANG NI LEGS PAR BSHAD PA YIN LA, GANG ZHIG NI NYES PAR BSHAD PA YIN SNYAM DU, RTOG PAR BYED PA YIN LA, RTOG PAR BYED PA'I THABS KYANG STON PA MI 'DRA BA'I GZHUNG LAS SO SOR 'BYUNG BAS DE DAG LAS GANG 'THAD LEGS PAR BRTAGS PA NA, DA LTA RANG GI DBANG PO'I SHES PAS MTHONG ZHING NGES BA 'DI GZHIR BZUNG NAS KHYAB BYA KHYAB BYED KYI 'BREL PA DANG, KHYAB BYED KYI DON LA BRTAGS PA NA MTHAR DNGOS PO LA MI RTAG PAS KHYAB PA DNGOS PO STOBS BZHUGS KYI TSAD MAS GRUB BAR 'GYUR ZHING, DE BZHIN DU GZHAL BYA'I GNAS GNYIS DANG, YANG GZHAL BYA'I GNAS GSUM KA STON PA'I LUNG RNAMS LA SNGA PHYI 'GAL BA DANG, DNGOS SHUGS 'GAL BA MED PAR DNGOS STOBS KYI RIGS PAS GRUB NAS DPYAD PA GSUM DAG PAR 'GYUR LA, DE NAS SHIN TU LKOG GYUR GYI DON LA YANG DES GSUNGS PA LTAR MI SLU BAR RTOGS PAR 'GYUR RO, ,TSUL DE LTAR BSTAN PA TSAD MAR BSGRUB NAS STON PA TSAD MAR GRUB PAR

, ,BYED PA YIN NO, ,DE 'DRA'I GANG ZAG DES DNGOS PO LA MI RTAG PAS KHYAB PA DNGOS PO STOBS ZHUGS KYI RTAGS YANG DAG GI BSGRUB BYAR KHAS LEN PA NA, PHYIR RGOL DE'I BLO NGOR RANG GI STON PA'I LUNG TSAD MA YIN PA BSGRUB BYA DANG SGRUB BYED DU KHAS LEN PA BTANG SNYOMS SU BYA GNAS SKABS KYI SGRUB BYED 'GOD PA DES SKABS KYI BSGRUB BYA DE LEGS PAR GRUB NA DES CHOG PA YIN GYI, 'BREL MED KYI LUNG DON GZHAN LA GNOD PAS SKABS KYI BSGRUB BYA LA GNOD PAR 'DOD PA NI BLUN PO'I RNAM THAR YIN NO, 'DI ZHIB TU BSHAD NAS GO BA'I LUGS SU BYAS PA DU MA YANG LUNG DON BSGRUB BYAR 'DOD PA'I SKYE DRI MA BSANGS PAR SNANG NGO, ,DA DUNG 'OG TU 'CHAD PAR 'GYUR RO, ,GNYIS PA LA GNYIS, DNGOS STOBS KYIS SKABS SU LUNG GI SGRUB BYED DGOS NUS MED PA DANG DGOS NUS YOD PA'I RTZOD PA SPANG PA'O, ,DANG PO NI, DNGOS PO STOBS ZHUGS KYI SKABS SU LUNG SGRUB BYED DU BYED PA MI RIGS PAR THAL, SGRA MI RTAG PA LTA BU DNGOS STOBS RJES DPAG RANG GI SPYOD YUL 'GRUB PA LA SGRUB BYED LUNG LA DGOS NUS CUNG ZAD KYANG MED PAS DE LA BLTOS PA MED PAR BSHAD ZIN PA'I PHYIR, GANG DU NA GRANGS CAN 'GOG PA'I SKABS SU'O, ,LUNG GI SGRUB BYED DGOS PA MED PAR THAL, DNGOS STOBS RJES DPAG DES GRUB PA DE NI LUNG GI SGRUB BYED LA MI LTOS PAR SNGA ROL NAS LEGS PAR GRUB PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, DNGOS PO STOBS ZHUGS KYI YUL LA DPYOD PA 'JUG PA DE'I TSE BSTAN BCOS SGRUB BYED DU YOD PA LA BLTOS PA MA YIN DE'I TSE RTZOD PA DOR BAR 'GYUR TE, RANG GI STON PA'I LUNG

TSAD MA YIN MIN 'BA' ZHIG LA RTZOD PA YIN PA'I PHYIR RO ZHE NA, RANG GI STON PA'I LUNG TSAD MAR KHAS MI LEN NA GRUB MTHA' BZANG NGAN SOGS KYI RTZOD PA BYED PA'I DON MED SNYAM PA'O, ,SLOB DPON LHA DBANG BLOS RKANG PA SNGA MA RTZOD PA'I GZHUNG DU MA SBYAR TE, DE'I DON NI GZHAN DU BSHAD ZIN TO, ,GNYIS PA NI, DNGOS PO STOBS ZHUGS KYI YUL LA SPYOD PA DE'I TSE LUNG TSAD MAR KHAS LEN PA RIGS PA'I RGYU MTSAN GYIS LUNG TSAD MAR KHAS MA BLANGS NA LUNG GI DON LA RTZOD PA DOR BAR 'GYUR BA MIN PAR THAL, DE'I TSE RIGS PA SHES PA'I MKHAS PAS LUNG TSAD MAR KHAS BLANGS PA MED PA'I PHYIR, DNGOS PO STOBS ZHUGS KYI YUL LA SPYAD PA DE'I TSE LUNG TSAD MAR KHAS BLANGS PA YOD KYANG LUNG DE GNOD BYED DANG SGRUB BYED KYI RGYU STE YAN LAG YIN PAR THAL, DNGOS STOBS KYI YUL LA SPYOD PA 'DI NI DPYAD GSUM GYIS DAG PA'I LUNG SHIN TU LKOG GYUR GYI SKABS SU SGRUB BYED DU KHAS LEN PA'I THABS YIN PA'I PHYIR, GNYIS PA LA GSUM, SHIN TU LKOG GYUR GYI SKABS SU DPYAD PA GSUM GYIS DAG PA'I LUNG GNOD BYED DU 'JUG PA DANG, DE'I 'THAD PA DANG, DER YANG 'BREL MED LA GNOD PAS SKABS KYI BSGRUB BYA LA MI GNOD PA'O, ,DANG PO NI, GAL TE LUNG DON LA DPYOD PA'I DUS NA LUNG GNOD BYED DU MI 'JUG NA DUS NAM GYI TSE BSTAN BCOS KYIS GNOD PAR 'GYUR ZHE NA, DE LTAR MNGON SUM DANG DNGOS PO STOBS ZHUGS RJES DPAG GI YUL GNYIS LA DPYAD PA RNAM PAR DAG NA DE'I TSE DPYAD PA GSUM GYIS DAG PA'I BSTAN BCOS GZHAL BYA SHIN TU LKOG GYUR LA SGRUB BYED DANG, BZLOG PHYOGS LA GNOD BYED DU YONGS SU 'DZIN PAR RIGS

, ,SHING 'DOD PA'I DUS YIN TE, GZHAL BYA'I GNAS GSUM PAR NI DPYOD PA 'PHO BA NA DPYAD PA GSUM GYIS DAG PA'I BSTAN BCOS SGRUB BYED DU LEN PA RIGS PA DANG LDAN PA YIN PA'I PHYIR, LUNG GNOD BYED DU KHAS LEN PA LA DPYAD PA GSUM GYIS DAG BA DGOS PA MA YIN NAM, YUL GNYIS RNAM PAR DAG PA NA DE'I TSE KHAS LEN PA'I DUS YIN NO ZHES JI LTAR BRJOD CE NA, SKYON MED DE, DPYAD PA GSUM PA NI, SHIN TU LKOG GYUR STON PA'I SKABS LA SOGS PA LA SNGA PHYI 'GAL BA DANG DNGOS SHUGS 'GAL BA YOD MED DPYOD PA YIN LA, SHIN TU LKOG GYUR STON PA'I NGAG LA SNGA PHYI 'GAL BA DANG DNGOS SHUGS 'GAL BA MED PA NI DNGOS PO STOBS ZHUGS KYI TSAD MA'I GZHAL BYA YIN PAS YUL GNYIS RNAM PAR DAG PA NA DPYAD PA GSUM GA DAG PAR 'GYUR BA YIN NO, ,'O NA DPYAD PA GSUM GYIS DAG PA ZHES CI DGOS ZHE NA, BSREGS BCAD BRDAR BA'I GSER BZHIN DU, ZHES DPE LA RIM PA GSUM GSUNGS PA DE BZHIN DU GZHAL BYA SHIN TU LKOG GYUR TSAD MAS MA GRUB PA'I SNGA ROL TU SHIN TU LKOG GYUR STON PA'I LUNG LA RTOG TSUL GZHAN DGOS PA'I DBANG DU BYAS PA YIN NO, ,GNYIS PA NI, DPYAD PA GSUM GYIS DAG PA DE'I TSE DPYAD PA GSUM GYIS DAG PA'I BSTAN BCOS KYIS NI SBYIN BAS LONGS SPYOD KHRIMS KYIS BDE ZHES PA'I LUNG GIS BSTAN PA LTAR MI GNAS PAR DAM BCAS PA'I DON LA GNOD PAR 'GYUR TE, DPYAD PA GSUM GYIS DAG PA'I LUNG DES GRUB PA'I BSGRUB BYA'I DON LA DE DANG NI 'GAL BAR SEMS PA MI RUNG ZHING 'GAL BA DAM BCAS NA LUNG DES 'GOG NUS PA'I

PHYIR, DON GYI 'BREL DBANG BTZAN PAR BYAS NAS GZHUNG GI RIM PA DE LTAR BSHAD KYI, YANG GZHUNG GI RIM PA DANG MTHUN PAR BYED NA 'DI LTAR BSHAD DE, LUNG GNOD BYED DANG SGRUB BYED DU NAM YANG 'JUG PA MI SRID PA MA YIN PAR THAL, DPYAD PA GSUM GYIS DAG PA'I TSE DE 'DRA'I LUNG DE SHIN TU LKOG GYUR GYI DON LA SGRUB BYED DANG SHIN TU LKOG GYUR DAM BCAS PA'I BZLOG PHYOGS KYI DON LA GNOD BYED DU 'JUG PA'I PHYIR, DER THAL, DPYAD PA GSUM GYIS DAG PA'I LUNG GIS GRUB PA'I BSGRUB BYA LAS 'GAL BAR SEMS SHING DAM 'CHA' BAR MI RUNG DAM BCAS NA DES 'GOG PA'I PHYIR, SHIN TU LKOG GYUR GYI SKABS SU DPYAD GSUM GYIS DAG PA'I LUNG SGRUB BYED DU RIGS TE, SHIN TU LKOG GYUR LA DPYOD PA 'PHO BA DPYAD GSUM GYI DAG PA'I BSTAN BCOS MIN BA'I SGRUB BYED MED, DE SGRUB BYED DU LEN PA RIGS PA DANG LDAN PA'I PHYIR, SKABS 'DIR BSTAN BCOS GNOD BYED DU BSHAD PA NI RTAG PA MTHA' GZUNG DU BYAS NAS BSTAN BCOS GNOD BYED DU 'JUG PA MI SRID MOD, GAL TE KHAS LEN NA YANG SHIN TU LKOG GYUR GYI SKABS SU KHAS BLANG BAR BYA BA YIN NO, ZHES ZER BA NI MA 'ONGS PA'I MNGON MTHO LA SKUR PA 'DEBS SHING NGES LEGS SGRUB PA'I LUS RTEN KHYAD PAR CAN LA SKUR PA BTAB NAS DON GYIS NGES LEGS LA YANG SKUR BA BTAB PAR 'GYUR BAS BDAG LEGS SU 'DOD PA RNAMS KYIS RGYANG RING DU SPANG BAR BYA BA YIN NO, ,GSUM PA NI, DPYAD PA GSUM GYIS DAG PA'I LUNG SGRUB BYED DU KHAS LEN PA'I DUS DER YANG CHOS CAN, BSGRUB BYA'I CHOS DANG NI MED NA MI 'BYUNG BA'I 'BREL YUL LA GNOD PA'I RTAGS NYID SPANG BAR BYA

, ,YI GZHAN 'BREL MED LA GNOD PAS SKABS KYI BSGRUB BYA LA GNOD PA MIN TE, DE LA GNOD NA THUG PA MED PA'I NYES PAR THAL BA'I PHYIR RO, ,GZHUNG 'DIS KYANG YID CHES KYI GTAN TSIGS YANG DAG YOD PA GSAL BAR BSTAN PA YIN NO, ,GSUM PA LA GNYIS, DNGOS STOBS KYI SKABS SU LUNG TSAD MAR KHAS LEN PA BSGRUB BYA NGES PA'I YAN LAG MA YIN PA DANG, LUNG TSAD MAR KHAS MA BLANGS PAS BSGRUB BYA NGES PA'I GEGS SU MI 'GYUR BA'O, ,DANG PO LA GNYIS, DNGOS STOBS KYI SKABS SU LUNG KHAS LEN PA LA BLTOS NA HA CANG THAL BA DANG, DPE'I STENG DU RTAGS LA LUNG DON GYIS KHYAB PA NGES PAR BYAS PA SGRUB BYED DU KHAS LEN MI DGOS PA'O, ,DANG PO NI, MIG LAS KYANG YID CHES PA'I GNAS SU GYUR PA'I LUNG GIS GNOD NA GTAN TSIGS MA YIN PAS YUL KUN LA LUNG GI SGRUB BYED DGOS SO ZHE NA, GZHAL BYA'I GNAS LA DPYOD PA KUN LA BSTAN BCOS DAG SGRUB BYED DU GZUNG DGOS SO, ZHES PA'I LUGS 'DI RIGS PA GANG GIS BYAS TE RIGS PAS MA BYAS PAR THAL, RGYA RTEN RIGS PA DANG BRAL BA'I DAM BCA' LTAR SNANG YIN PA'I PHYIR, DE NI GNAG RDZI RNAMS KYIS CHOS CAN DU BA'I RTAGS LAS DU LDAN LA'I STENG DU ME NI 'DZIN CING RTOGS PAR MI 'GYUR BAR THAL, GRUB MTHA' STE LUNG KHAS LEN PA MED PA'I PHYIR, GNYIS PA LA GNYIS, RTAGS LA TSAD MAR KHAS BLANGS PA'I LUNG DON KUN GYIS KHYAB PA GRUB PA SGRUB BYED DU KHAS LEN MI DGOS PA DANG, CHOS CAN DE'I CHOS SU TSAD MAR KHAS BLANGS PA'I LUNG LAS BSHAD PA KUN GYIS KHYAB PA GRUB PA SGRUB BYED DU KHAS LEN

MI DGOS PA'O, ,DANG PO LA GNYIS, RTZOD PA DANG, LAN NO, ,DANG PO NI, GAL TE DPE LA SGRUB PAR BYED PA GTAN TSIGS GCIG NYID LA TSAD MAR KHAS BLANGS PA'I BSTAN BCOS KYI DON KUN DANG MI 'GAL ZHING KUN GYIS KHYAB PA BSTAN PA SGRUB BYED YANG DAG TU 'GYUR DGOS SO ZHE NA, GNYIS PA LA GSUM, DE 'DRA'I SGRUB BYED MI SRID PA DANG, 'BREL MED MA GRUB PAS SKABS KYI BSGRUB BYA MA GRUB PA MI 'THAD PA DANG, SKABS KYI BSGRUB BYA MA YIN PA BKAG PAS GTAN TSIGS SKYON CAN DU MI 'GYUR BA'O, ,DANG PO NI; DE 'DRA'I GTAN TSIGS 'DI NI 'JIG RTEN LAS 'DAS PA'I LUGS YIN ZHING 'JIG RTEN NA MI SRID PAR THAL, DE 'DRA'I BSGRUB BYAR RIGS PAS KHEGS PA'I PHYIR, TSAD MAR KHAS BLANGS PA'I BSTAN BCOS DE LAS DU BA LA SOGS PA'I GTAN TSIGS DE DANG 'GAL BA DU MA KHAS LEN DGOS PA'I PHYIR, BSTAN BCOS DE LAS BSHAD PA'I 'DUS MA BYAS KYI NAM MKHA' LTA BU DANG MA'I 'GAL BA'I DU BA LTA BU'I SGRUB BYED SUS KYANG BRJOD MI NUS SO, ,GNYIS PA NI, BYAS PA CHOS CAN, KHYOD KYIS SGRA LA NAM MKHA'I YON TAN MA GRUB PAS MI RTAG PA MA GRUB PAR NI JI LTAR 'GYUR TE MI 'GYUR BAR THAL, SGRA MI RTAG PA NAM MKHA'I YON TAN GYI CHOS DANG THA DAD DE DANG 'BREL MED YIN PA'I PHYIR, GSUM PA NI, DE CHOS CAN, SGRA MI RTAG PA DE GRUB PA YIN NA NAM MKHA'I YON TAN BKAG KYANG SGRA MI RTAG PAR SGRUB PA'I GTAN TSIGS SKYON LDAN CI LTAR YIN TE MA YIN PAR THAL, DE SGRUB BYED DU BRJOD KYI CIG SHOS SGRUB BYED DU MA BRJOD PA'I PHYIR, GNYIS PA NI, RTAGS LA LUNG DON KUN GYIS KHYAB PA GRUB PA MI

, ,DGOS KYANG CHOS CAN SGRA LTA BU DE'I CHOS SU LUNG DE LAS BSHAD PA KUN DANG MI 'GAL ZHING KUN GYIS KHYAB PA GCIG SGRUB BYED DU KHAS LEN DGOS SO ZHE NA, TSAD MAR KHAS BLANGS PA'I LUNG DE LAS BSHAD PA'I CHOS CAN DE'I CHOS NI MA LUS PAS KHYAB PA DPER TE DPE'I STENG DU BSTAN PA SGRUB BYED DU KHAS LEN DGOS PA MA YIN PAR THAL, RTAGS LA CHOS CAN DE'I CHOS SU BSHAD PA KUN GYIS KHYAB PA BSTAN PA MED PA KHO NAR NI LUNG MI SHES PA'I 'GRO BAS TSIG DANG DUD SOGS KYI RTAGS LAS RANG PHYOGS KYI CHOS SU GRUB PA'I GZHIR SEMS LDAN DANG ME SOGS RJES SU DPOG PAR BYED NUS PA'I PHYIR, GNYIS PA LA GNYIS, LUNG TSAD MAR KHAS MA BLANGS KYANG RTAGS KYI BSGRUB BYA SGRUB PA'I NUS PA MI LDOG PA DANG, PHYIR RGOL GYIS BSGRUB BYA RTOGS PA'I NUS PA MI LDOG PA'O, ,DANG PO NI, DON BYAS PA CHOS CAN, BYE BRAG PA 'GA' YI SMRA BA SGRA NAM MKHA'I YON TAN YIN PA LA GNOD PAS RANG PHYOGS KYI CHOS SU GRUB PA'I GZHIR MI RTAG PA SGRUB PA NUS PA'I NGO BO NYID LAS LDOG PAR MI 'GYUR BAR THAL, RANG PHYOGS KYI CHOS SU GRUB PA'I GZHIR RANG DANG BDAG GCIG PA'I KHYAB BYED KYI NGO BO SGRUB PAR BYED PA'I TSUL GSUM YIN PA'I PHYIR, DER THAL, MI RTAG PA LA MI 'KHRUL BA'I PHYIR, DU BA CHOS CAN, 'GA' YI SMRA BA ME MED BRGYA BYIN GYI SPYI BO LAS SKYE BA BKAG PAS RANG PHYOGS KYI CHOS SU GRUB PA'I GZHIR RGYU ME DAG SGRUB NUS PA'I NGO BO NYID LAS LDOG PAR MI 'GYUR BAR THAL, GZHI DER ME SGRUB PA LA TSUL GSUM TSANG BA'I PHYIR, DER THAL, ME LA MI 'KHRUL BA'I PHYIR, GNYIS PA NI, LUNG MI SHES PA'I GANG ZAG

GI NGOR LUNG KHAS MA BLANGS KYANG BSGRUB BYA LA RTOGS PA SKYE YANG SHES PA'I GANG ZAG GI NGOR LUNG KHAS MA BLANGS SHING LUNG DON LA GNOD NA RJES DPAG SKYE BA'I GEGS BYED DO ZHE NA, LUNG SHES PA'I GANG ZAG BYAS MI RTAG GI 'BREL PA SHES ZIN MA BRJED PA GZHAN DAG CHOS CAN, GTAN TSIGS BYAS PA DES SGRA NAM MKHA'I YON TAN YIN PA LA GNOD CING KHYOD KYIS LUNG KHAS MA BLANGS KYANG DE LA BRTEN NAS RANG PHYOGS KYI CHOS SU GRUB PA'I GZHIR MI RTAG PA CI STE RTOGS PAR 'GYUR BA MA YIN TE RTOGS PAR 'GYUR BAR THAL, KHYOD KYIS BYAS PA DE NI 'DOD PA'I BSGRUB BYA YI CHOS KYI DON MI RTAG PA DANG MED NA MI 'BYUNG BA'I 'BREL BA GRUB PAR RTOGS PA YIN PA'I PHYIR, GNYIS PA HA CANG THAL BA'I DON BSDU BA LA GNYIS, LUNG DON LA GNOD PA RTAGS SU KHAS MI LEN PA RIGS PA'I RNAM GZHAG TU MI RUNG BA DANG, LUNG DON KUN DANG MI 'GAL BA'I SGRUB BYED DGOD DGOS NA RTAGS KYI RNAM GZHAG NYAMS PA'O, ,DANG PO NI, GAL TE LUNG SHES PA'I GANG ZAG LUNG DON LA GNOD PA'I GTAN TSIGS YANG DAG KHAS LEN PAR MI BYED DO ZHE NA, BYE BRAG PA CHOS CAN, KHYOD MI RIGS PA GCIG GI ZHAR LA RIGS PA BRGYA 'GOG PAR BYED PA'I RGYAL RIGS NGAN PA'I LUGS DANG MTSUNGS PA YIN PAR THAL, GAL TE KHYOD KYIS BSTAN BCOS LA LAR RIGS PA MIN PA 'GA' DAM 'CHA' BAS DE BKAG NA RIGS PAR SMRA BA GZHAN PA DAG KYANG DGAG BYA YIN NO, ZHES BYA BA DAM 'CHA' BA YIN PA'I PHYIR, GNYIS PA NI, LUNG SHES PA'I GANG ZAG GI NGOR GTAN TSIGS KUN LA BSGRUB BYA DANG SGRUB BYED YANG DAG GI RNAM PAR BZHAG PA 'DI NYAMS PAR 'GYUR BAR THAL, LUNG SHES PA'I GANG ZAG GI NGOR

, ,LUNG DON KUN DANG MI 'GAL ZHING LUNG DON KUN GYIS KHYAB PA GCIG SGRUB BYED DU KHAS LEN DGOS PA'I PHYIR, RTAGS BSAL KHAS BLANGS KHYAB PA YOD PAR THAL, TSAD MAR KHAS BLANGS PA'I BSTAN BCOS GCIG PO DE'I DON RNAMS THAMS CAD GTAN TSIGS GCIG GI KHYAB BYED DU MTSUNGS PAR BYAS NAS SGRUB BYED YANG DAG SUS KYANG BRJOD PAR NUS PA MA YIN PA'I PHYIR, CES BYA BA NI BAR BSKABS KYI TSIGS SU BCAD PA DAG GO, ,GSUM PA NI, BYAS PA CHOS CAN, SGRA RTAG PAR BSGRUB BA'I 'GAL BA'I GTAN TSIGS YIN TE, DE SGRUB KYI BSGRUB PAR BYA BA LA GNOD PAR BYED PA KHO NA YIN PA'I PHYIR, KHYAB PAR THAL, SKABS KYI BSGRUB BYA LA GNOD PAR BYED PA KHO NA 'GAL RTAGS SU BSGRUBS ZIN PA DE'I PHYIR, KHA CIG 'GAL NA 'GOG PAS KHYAB PA GZHUNG 'DI'I DON DU 'DOD PA NI MI RIGS PAR BSHAD ZIN TO, ,GNYIS PA GTAN TSIGS GZHAN GYIS BKAG PAS SKABS KYI BSGRUB BYA LA GNOD PAR THAL BA LA GNYIS, GTAN TSIGS KYI SKYON DU 'JOG PA'I RGYU MTSAN MTSUNGS PA DANG, DAM BCA'I SKYON DU 'JOG PA'I RGYU MTSAN MTSUNGS PA'O, ,DANG PO LA GSUM, THAL BA DGOD PA DANG, DE'I LAN DGAG PA DANG, DON BSDU PA'O, ,DANG PO NI, SGRA MI RTAG PA GNOD BYA DANG SGRA NAM MKHA'I YON TAN YIN PA BKAG PA GNOD BYED MA YIN PAR THAL, SGRA MI RTAG PA DANG SGRA NAM MKHA'I YON TAN YIN PA BKAG PA DAG SGRA LTA BU'I GZHI GCIG LAS GZHI MTHUN DU GRUB PA 'GAL BA MED PA'I PHYIR, 'GAL BA MED KYANG GAL TE SGRA NAM MKHA'I YON TAN YIN PA BKAG NA BSTAN BCOS KYI BRJOD BYA LA GNOD PAS SKABS KYI

BSGRUB BYA BKAG PA'I 'GAL BAR 'DOD NA BYAS PAS DRI LA RTAG PA SA'I YON TAN BKAG PAS SGRA MI RTAG PAR SGRUB PA'I RTAGS 'GAL BAR 'GYUR BAR THAL, LUNG DON BKAG PA DE NIGTAN TSIGS KYI YUL GZHAN RTZOL BYUNG GI DE LTAR BKAG BA LA YAN MTSUNGS PA'I PHYIR, RTZOL BYUNG GIS DUNG SGRA LA RTAG PA NAM MKHA'I YON TAN BKAG PAS KYANG BYAS PAS SGRA MI RTAG PAR SGRUB PA'I RTAGS 'GAL BAR 'GYUR PAR THAL, LUNG DON BKAG PA DE NI GTAN TSIGS KYI YUL GZHAN RTZOL BYUNG GI DE LTAR BKAG PA LA YANG MTSUNGS PA'I PHYIR, GNYIS KA'I RTAGS DANG KHYAB PA KHAS BLANGS SO, ,GNYIS PA LA GNYIS, RTZOD PA DANG, LAN NO, ,DANG PO NI, BYAS PA DES SGRA NAM MKHA'I YON TAN YIN PA LA GNOD NA BYAS PAS SGRA MI RTAG PAR SGRUB PA'I RTAGS 'GAL BAR 'GYUR GYI DE LTA MA YIN PAR RTZOL BYUNG GIS GNOD BAS MI 'GYUR RO, ,SGRA LA RTAG PA NAM MKHA'I YON TAN YIN PA DE NYID LA GNOD NA BYAS PAS MI RTAG PAR SGRUB PA'I RTAGS 'GAL BAR 'GYUR GYI DE LTA MA YIN PAR DRI LA RTAG PA SA'I YON TAN YIN PA BKAG PAS NI MI 'GYUR RO ZHE NA, GNYIS PA NI, BYAS PA CHOS CAN, KHYOD KYIS SGRA LA RTAG PA NAM MKHA'I YON TAN BKAG PAS KYANG SGRA MI RTAG PAR SGRUB PA'I ZHE 'DOD KYI BSGRUB BYA LA GNOD PA MA YIN TE, DE ZHE 'DOD KYI BSGRUB BYA MA YIN PA'I PHYIR, KHYAB PAR THAL, GTAN TSIGS THAMS CAD KYI SKYON DANG YON TAN NI RANG GI BSGRUB PAR BYA BA LA BLTOS NAS BSAM PAR BYA BA YIN PA'I PHYIR, DER THAL, RANG GI BSGRUB BYA SGRUB NUS NA YON TAN CAN DANG, RANG GI BSGRUB BYA SGRUB MI NUS PA DANG, MI NUS PA TZAM DU MA ZAD RANG GI BSGRUB BYA 'GOG

, ,NA SKYON CAN YIN PA'I PHYIR, GZHUNG 'DIS BSGRUB BYA SGRUB NUS NA GTAN TSIGS YON TAN CAN DU BSTAN GYI, GTAN TSIGS YON TAN CAN YIN NA YANG DAG YIN PAS KHYAB PA MA BSTAN PAS GTAN TSIGS YON TAN CAN DANG YANG DAG DON GCIG PA GZHUNG 'DI'I DON DU BYED PA NI MI RIGS PAR SHES PAR BYA'O, ,GSUM PA NI, BYAS PA DE RANG GI BSGRUB PAR BYA BA 'GOG PA MA YIN PA YANG SGRA NAM MKHA'I YON TAN YIN PA BKAG NA BSTAN BCOS KYI DON LA GNOD PA'I PHYIR, SGRA MI RTAG PAR SGRUB PA LA 'GAL BA'I GTAN TSIGS SU 'DOD PA YIN NA RTZOL BYUNG LA SOGS PA GZHAN GYIS DUNG SGRA NAM MKHA'I YON TAN YIN PA LA GNOD PA BYAS NA YANG BYAS PA SGRA MI RTAG PAR SGRUB PA'I 'GAL BAR 'GYUR BAR THAL, LUNG DON LA GNOD PA DE NI DE LA YANG MTSUNGS PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, RTZOL BYUNG LA SOGS PA GZHAN GYIS NAM MKHA'I YON TAN LA GNOD PA BYAS NA YANG BYAS PAS SGRA MI RTAG PAR SGRUB PA'I DAM BCA' BA'I SKYON DU 'GYUR BA KHO NA'O ZHE NA, GNYIS PA NI; GTAN TSIGS KYI SKYON MA YIN NO ZHES BYA BAR 'GYUR MOD RTZOL BYUNG GIS CHOS CAN GYI YUL GZHAN DRI LA RTAG PA SA'I YON TAN YIN PA LA GNOD PA BYAS PAS KYANG BYAS PAS SGRA MI RTAG PAR SGRUB PA'I DAM BCA'I SKYON DE CI STE MI 'GYUR TE 'GYUR BAR THAL, DE GNYIS KA LUNG DON BKAG PAR MTSUNGS PA'I PHYIR, GSUM GA KHAS BLANGS SO, ,SKYON DGAG PA NI MTSUNGS PA MA YIN TE, GNOD PAR BYA BA'I CHOS NAM MKHA'I YON TAN DANG LDAN PA'I CHOS CAN SGRA NYID KYI CHOS SU GYUR PA GCIG BSGRUB BYAR BRJOD PA'I

PHYIR, NAM MKHA'I YON TAN 'DI NYID LA GNOD NA DAM BCA'I SKYON DU 'GYUR GYI, DRI LA RTAG PA SA'I YON TAN BKAG PA LTA BU KHYAD GZHI KHYAD CHOS GZHAN LA GNOD PAS NI SKABS KYI DAM BA'I SKYON DU 'GYUR BA MA YIN NO ZHE NA, DE TZAM GYIS DAM BCA'I SKYON DU 'GYUR MI 'GYUR GYI KHYAD PAR 'BYED NUS PA MA YIN TE, RTZOL BYUNG GIS DRI LA RTAG PA SA'I YON TAN BKAG PAS GZHAN DU SGRA MI RTAG PAR SGRUB PA'I DAM BCA'I SKYON DU YANG 'GYUR BAR KHAS LEN DGOS PA'I PHYIR TE, RTZOL BYUNG GIS GNOD PAR BYA BA'I DON NAM MKHA'I YON TAN DANG SA'I YON TAN STON PA CAN GYI BSTAN BCOS KHAS BLANGS PAS NA DE'I DON LA GNOD PAS DAM BCA'I SKYON DU SONG BA YIN PA'I PHYIR, RTAGS DANG THAL BA KUN KHAS BLANGS SO, ,GSUM PA DON BSDU BA NI, 'BREL MED KYI LUNG DON LA GNOD PA 'DI NI GTAN TSIGS KYI SKYON DANG SKABS KYI DAM BCA' BA'I SKYON GYI MTSAN NYID DU MI RIGS TE, 'BREL MED KYI LUNG DON BKAG PAS SKABS KYI DAM BCA' LA MI GNOD PA NGES NA'I PHYIR, KHYAB PAR THAL, 'BREL MED LA GNOD PAS SKABS KYI BSGRUB BYA LA GNOD NA, HA CANG THAL BAR 'GYUR BA'I PHYIR RO, ,GNYIS PA RANG SDE LUNG DON BSGRUB BYAR 'DOD PA DGAG PA LA GNYIS, LUNG LAS BSHAD PA'I DPE RTAGS MA GRUB PA BRJOD PA DAM BCAR THAL BA DANG, DE'I LAN DGAG SPA'O, ,DANG PO NI, GZHAN YANG GAL TE RGOL BAS BSTAN BCOS KHAS BLANGS PA'I PHYIR, RANG GIS TSAD MAR KHAS BLANGS PA'I BSTAN BCOS LAS BSHAD PA MTHONG BA THAMS CAD BSGRUB BYA NYID DU 'DOD PA YIN NA RANG GIS TSAD MAR KHAS BLANGS PA'I LUNG LAS BSHAD PA'I DPE RTAGS MA GRUB PA'I GTAN TSIGS BRJOD PA

, ,YANG CHOS CAN, DAM BCA' BAR 'GYUR PAR THAL, KHAS BLANGS PA'I LUNG GI DON YIN PA'I PHYIR, KHYAB PA KHAS BLANGS, 'DI LA BRTEN NAS GZHAN SDE LA YANG GNOD PAR 'GYUR MOD KYI, 'DI'I PHYOGS SNGA MA SMRA BA GZHAN SDE 'BA' ZHIG LA 'CHANG PA MI 'THAD DE, GZHAN SDES 'OG NAS 'CHAD PA'I SKYON SPONG TSUL BYED PA MI RIGS PA'I PHYIR RO, ,DES NA RANG SDE BSTAN BCOS TSAD MA RNAM PAR NGES PA LTA BU RANG GI BSTAN BYA LA MI SLU BA DNGOS STOBS KYI SKABS SU YANG KHAS LEN PA GCIG GI 'DOD PA YIN NO, ,DA LTA YANG RIGS PA SMRA BAR KHAS 'CHE BA DE'I 'DOD PA DANG MTHUN PA DAG KYANG MCHOG TU SNANG STE, PHAL CHER DNGOS PO STOBS ZHUGS KYI SKABS SU LUNG SGRUB BYED DU 'DOD PAR SNANG BA'I PHYIR RO, ,GNYIS PA LA GNYIS, RTZOD PA DANG, LAN NO,, DANG PO NI, BSGRUB BYA KHO NA ZHES TSIG PHRAD SMOS PAS SGRUB BYED DU 'DOD PA DANG BSGRUB BYA GZHI MTHUN DU 'GYUR PA'I PHYOGS YANG DAG YOD PA SPANGS PA'I PHYIR, SGRUB BYED DU BKOD BZHIN PA DAM BCAR THAL BA'I SKYON MED DO ZHE NA, GNYIS PA NI, LUNG DON BSGRUB BYAR 'DOD PA DAG GIS SGRUB BYED DU BKOD PA'I DPE RTAGS MA GRUB PA BRJOD PA DAM BCAR THAL BA'I SKYON SPONG NUS PA MA YIN TE, DE'I LTAR NA SGRUB BYED DU BKOD PA'I DPE RTAGS MA GRUB PA BRJOD PA BSGRUB BYAR KHAS LEN PA RIGS PAS THOB PA'I PHYIR KHYAB PAR THAL, RIGS BAS THOB PA NI NGES GZUNG GI TSIG GIS BZLOG PAR MI NUS PA'I PHYIR RO, ,DE'I LTAR NA TSAD MAR KHAS BLANGS PA'I LUNG LAS DPE RTAGS MA GRUB PA BSHAD PA YANG BSHAD PA LTAR MI SLU BA BSGRUB BYAR KHAS LEN PA YIN LA, DES NA

RGOL PAS BSGRUB BYAR KHAS BLANGS PA DANG, PHYIR RGOL GYI DOR GRUB BSAL MA ZHUGS PA'I RIGS MI MTHUN SEL BA'I MTSAN NYID GSUM TSANG LA LUNG DON BSGRUB BYAR KHAS BLANGS PAS PHYOGS KYI MTSAN NYID DU RANG NYID SMOS PA LA RNAM BCAD CUNG ZAD KYANG MED CING KHAS BLANGS PA'I LUNG DON BSGRUB BYA YIN PAS KHAS BLANGS PA'I LUNG LAS BSHAD PA'I SGRUB BYED DU BKOD PA'I DPE RTAGS MA GRUB PA BSGRUB BYAR YANG 'GYUR PAS KHO NA'I NGES GZUNG GI BSGRUB BYA SGRUB BYED GZHI MTHUN GCOD MI NUS PA'I PHYIR, DES NA LUNG LAS BSHAD PA'I SGRUB BYED DU BKOD PA'I DPE RTAGS MA GRUB PA CHOS CAN, BSGRUB BYAR RIGS PAS THOB PAR THAL, RGOL BAS BSGRUB BYAR KHAS BLANGS PHYIR RGOL GYI DOR GRUB BSAL MA ZHUGS MTSAN NYID KYI ZUR GZHAN GNYIS LA DGOS PA MED PA'I PHYIR CES PA'O, ,GSUM PA LUNG DON BSGRUB BYA YIN NA RANG NYID SMOS PA DGOS PA MED PAR THAL BA LA GNYIS, THAL BA DNGOS DANG, DGOS PA GZHAN RTOG PA DGAG PA'O, ,DANG PO NI, PHYOGS KYI MTSAN NYID KYI ZUR DU SMOS PA'I RANG NYID KYI SGRA PHYOGS KYI MTSAN NYID KYI RNAM BCAD STON PA'I TSIG LAS PHYI ROL TU GYUR PA'I DON CAN YIN PAR THAL, TSAD MAR KHAS BLANGS PA'I LUNG LAS BSHAD TSAD BSGRUB BYA YIN PA'I PHYIR RANG NYID KYI SGRAS KYANG PHYOGS KYI MTSAN NYID KYI RNAM BCAD LA DGOS PA'I DON CUNG ZAD KYANG RGYAS PAR MI BYED PAR THAL; LUNG DON BSGRUB BYA YIN PA MI GCOD GCAD BYA GZHAN YANG MED PA'I PHYIR, GNYIS PA LA GSUM, BSTAN BCOS KHAS LEN PA LA 'DOD PA TZAM GYIS 'JUG PA SHES PA'I DON CAN DU 'DOD PA DGAG PA DANG, GRUB MTHAS THUN MONG MA YIN PAR SGRO

, ,BTAGS PA SPANGS NAS RGOL BA GNYIS KA LA THUN MONG DU GRUB ZIN RTZOD GZHIR GZUNG BA'I DON CAN DU 'DOD PA DGAG PA DANG, DGOS PA GZHAN DU RTOG PA DGAG PA'O, ,DANG PO LA GNYIS, RTZOD PA DANG, LAN NO, ,DANG PO NI, KHA CIG NA RE; RANG NYID KYI SGRA SMOS PA'I DGOS PA NI GAL TE RTZOD PA'I DUS SU SNGAR KHAS MA BLANGS PA'I BSTAN BCOS KHAS LEN 'DOD KYANG 'JUG BYA MA YIN NAM, SNGAR KHAS BLANGS PA'I BSTAN BCOS KHAS LEN MI 'DOD KYANG 'JUG BYA YIN NAM SNYAM PA'I DOGS PA BSAL NAS BSTAN BCOS LA 'DOD PAS 'JUG CING 'DOD PAS LDOG PAR SHES PA'I DON DU YIN NO ZHE NA, GNYIS PA LA GNYIS, DE 'DRA'I DOGS PA SKYE BA'I RGYU MED PA DANG, DE'I SGRUB BYED DO, ,DANG BO NI, BSTAN BCOS LA 'DOD PAS 'JUG LDOG BYED MI NUS SAM SNYAM PA'I DOGS PA BCAD PA'I CHED DU PHYOGS KYI MTSAN NYID KYI ZUR DU RANG NYID SMOS PA DGOS PA MED PAR THAL, RGYU MTSAN GANG GIS DE 'DRA'I DOGS PA BZLOG PA DE'I DON DU RANG NYID KYI TSIG LA BRTEN NAS 'BAD PAR BYED PA 'DOD BZHIN DU 'JUG BYA MA YIN NAM MI 'DOD BZHIN DU 'JUG BYA YIN NAM SNYAM PA'I DOGS PA 'DI RGYU GANG LAS YIN TE, DE 'DRA'I DOGS PA SKYE BA'I RGYU MED PA'I PHYIR, GNYIS PA NI, RGOL BA RTOG LDAN LA DE 'DRA'I DOGS PA SKYE BA'I RGYU MED PAR THAL, GAL TE RGOL BA RTOG LDAN BSTAN BCOS DE'I BRJOD BYA TSAD MAS MA BZLOG CING GRUB NA DE KHAS LEN PA LA 'JUG PA RANG NYID LA SOGS PA SUS BZLOG CING TSAD MAS BZLOG CING BKAG NA YANG SU'I TSIG GIS KHAS LEN PA LA 'JUG PAR BYED NUS TE MI NUS PA'I PHYIR, RMONGS PA'I

DOGS PA BZLOG PA'I DON DU SMOS PA DGOS PA MED PA'I TSUL RNAM 'GREL DU GSUNGS KYANG 'DIR CUNG ZAD BSDUS PA'I DBANG DU BYAS NAS MA GSUNGS SO, ,GNYIS PA LA GNYIS, PHYOGS SNGA MA BRJOD PA DANG, DE DGAG PA'O, ,DANG PO NI, GZHAN DAG NI RANG NYID KYI SGRAS PHYI DANG NANG GI GRUB MTHA' MI MTHUN PA'I GZHUNG LUGS KYI MTSAN NYID KYIS BSKYED PA'I KHYAD PAR GYI CHOS CAN BDAG DANG GTZO BO LA SOGS PA RTAGS CHOS BRTEN PA'I GZHI MTHAR THUG PA'I RTZOD GZHI YIN PA YONGS SU SPANGS NAS RGOL PHYIR RGOL GNYIS KA LA MTHUN SNANG DU RAB TU GRAGS PA'I CHOS CAN GYI MTHAR THUG PA RTZOD GZHIR YONGS SU GZUNG BA'I PHYIR YIN NO, ,ZHES 'DZER TO, ,GNYIS PA LA GSUM, RGOL PHYIR RGOL GNYIS KA LA GRUB ZIN GYI CHOS CAN GYI MTHAR THUG BA RTZOD GZHIR GZUNG BAR SHES PA'I CHED DU RANG NYID SMOS PA DGOS PA MED PA DANG, MTHAR THUG PA'I CHOS CAN TSAD MAS GRUB PA MED NA DGAG SGRUB GANG YANG MI NUS PA DANG, DE'I RGYU MTSAN NO, ,DANG PO NI, GRUB MTHAS BRTAGS PA'I CHOS CAN SPANGS NAS GNYIS KA LA GRUB ZIN GYI CHOS CAN GYI MTHAR THUG PA CAN GYI RTZOD GZHI DGOS PAR SHES PA'I DON DU RANG NYID SMOS PA 'DI NI DGOS PA CI YANG YOD PA MA YIN PAR THAL, DGOS PA GNYIS PO DA SGRUB PA DE LA YANG KHYAD CHOS LA RNAM PAR DPYOD PA'I SKABS YIN PA NYID KYIS GZHI GNYIS KA LA RAB TU GRAGS PA'I MTHAR THUG PA CAN YIN PAR GRUB PA'I PHYIR, 'DI DAG GI DON CUNG ZAD BSHAD NA, PHYOGS SNGA MA 'DI'I 'DOD PA 'THAD LDAN DU BKOD PA NI, 'DI SNYAM DU RANG NYID BDAG NYID KYIS GRUB PA GANG YIN PA DE CHOS CAN YIN GYI GZHAN NI MA YIN NO, ,NYAMS SU MYONG

, ,BA NI DON GYI NGO BO LA RAG LAS BA YIN NO, ,DES NA NYAMS SU MYONG BAS GRUB PA NI RANG GIS GRUB PA YIN NO, ,RTOG PA NI DON GYI NGO BO LA RAG LAS PA MA YIN TE, DES NA DES GRUB PA NI RANG GIS GRUB PA MA YIN NO, ,RANG GIS GRUB PA'I CHOS CAN LA 'DOD PA'I CHOS GANG YIN PA DE BSGRUB BYA YIN NO ZHES BYA BA'I DON 'DI BSTAN PA'I PHYIR RANG NYID KYI SGRA YIN NO ZHES GANG SMRAS PA NI, ZHES BSHAD PA'I DON NI, RANG NYID KYI SGRA SMOS PA'I DGOS PA NI RTZOD PA'I SKABS SU RTEN CHOS CAN MTHAR THUG PA MNGON SUM GYIS GRUB PA GCIG DGOS PA YIN GYI, RJES DPAG GIS GRUB PA TZAM DANG, DNGOS PO LA MI GNAS PA GRUB MTHAS SGRO BTAGS PA'I MTHA' CAN LAS MED NA DGAG SGRUB GANG YANG MI NUS PAS DGOS PA DE'I DON DU RANG NYID SMOS PA YIN NO ZHES ZER TO; ;SPYIR DE LTAR KHAS LEN PA 'GOG PA MA YIN TE, RANG NYID KYANG DE LTAR 'DOD PA'I PHYIR RO, ,'DIR NI RANG NYID SMOS PA DGOS PA DE'I DON DU YIN PA 'GOG PAR BYED PA YIN NO, ,PHYOGS SNGA MA SMRA BA'I 'DOD PA PHYOGS KYI MTSAN NYID DU SMOS PA'I RANG NYID CES PA'I DON NI, RANG NYID KYIS GRUB PA'I DON TE, DE YANG CHOS CAN MNGON SUM GYIS GRUB PA'I DON YIN LA, RJES DPAG GIS GRUB PA NI, RANG NYID KYIS GRUB PA MA YIN PAS RGOL PHYIR RGOL RTZOD PA'I SKABS SU CHOS CAN MTHAR THUG PA MTHUN SNANG DU MNGON SUM GYIS GRUB PA GCIG DGOS SO, ZHES SHES PA'I CHED DU RANG NYID SMOS PA YIN NO ZHES PA BSDUS PA'I DON TO, ,'DI TSAD MA KUN LAS BTUS KYI 'GREL PA MDZAD PA KHA CIG GI BZHED PAR MNGON NO, ,GZHUNG 'DI DAG GI DON LA SNGON GYI MKHAS PA CHEN

PO KHA CIG NA RE, GZHUNG DANG POS SHES BYA LA MI GNAS PA GRUB MTHAS THUN MONG MA YIN PAR SGRO BTAGS PA SGRAS ZIN GYI CHOS CAN DU GZUNG DU MI RUNG BA DANG, RGOL PA GNYIS KA'I TSAD MAS GRUB PA GCIG DGOS PAR SHES PA'I CHED DU RANG SGRA SMOS PAR 'DOD PA 'GOG PA DANG, GZHUNG GNYIS PAS GZHI MA GRUB CHOS CAN DU BZHAG PA LA KHYAD CHOS GZHI MA GRUB GZHAN SGRO 'DOGS NA DE DGAG PAR BYA BA MA YIN TE, DE 'GOG PAR BYED NA YA GYAL GANG RUNG GCIG KHAS BLANG DGOS LA DE MI RUNG BA DANG GZHUNG GSUM PA DE'I RGYA MTSAN LA 'CHAD DA GZHI MA GRUB PA KHYAD CHOS GANG GI YANG RTEN MA YIN PA'I PHYIR RO, ZHES GSUNG BA NI DPYAD PAR BYA STE, 'O NA GZHAN GYIS GANG ZAG GI BDAG GZHIR BZUNG NAS DE LA KHYAD PAR GYI CHOS RTAG PA'I DNGOS PO SGRO 'DOGS PAR BYED NA DGAG NUS SAM MI NUS, DANG PO LTAR NA KHAS BLANGS 'GAL TE, KHYAD PAR GYI CHOS RTAG DNGOS DANG KHYAD PAR GYI GZHI GANG ZAG GI BDAG GNYIS KA MA GRUB PA'I PHYIR, GNYIS PA LTAR NA, GZHI GRUB NA GZHAN GYIS KUN BRTAGS PA'I GANG ZAG GI BDAG GIS STONG PA SGRUB MI NUS PAR THAL, GANG ZAG GI BDAG RTAG DNGOS TSAD MAS DGAG MI NUS PA'I PHYIR, GAL TE GANG ZAG TZAM GZHIR BZUNG NAS RTAG DNGOS KYI BDAG 'GOG PAR BYED DO ZHE NA, 'O NA GZHUNG 'DI DAG GI DON YANG GZHI CHOS CAN MTHAR THUG PA GANG ZAG LTA BU'I DON BYED NUS PA LA BRTEN PA MED PAR GRUB MTHAS BTAGS PA 'BA' ZHIG TU SONG NA DGAG SGRUB MI NUS SO ZHES 'CHAD PAR RIGS KYI, GZHI MA GRUB CHOS CAN DU GZUNG NAS DE LA KHYAD CHOS GZHI MA GRUB SGRO 'DOGS PAR BYED NA BZLOG PAR BYA BA MA YIN NO, ZHES 'CHAD

, ,PA JI LTAR RIGS TE, DE'I YANG DGAG BYA DANG BKAG PA GANG RUNG GCIG KHAS BLANG DGOS SHING NUS PA'I PHYIR RO, ,'DI DAG GI DON SNGAR YANG CUNG ZAD BSHAD ZIN MOD KYI, 'DIR YANG BSHAD PAR BYA STE, SPYIR GRUB MTHA' BZANG NGAN ZHES PA GANG DAM BCAS PA DE GNOD PA MED PAR BAR MA CHAD DU GNYIS KA LA GRAGS PA'I DBANG PO'I SHES PA GNOD MED GZUNG YUL DANG BCAS PA'I DON BYED NUS PA LA MTHAR THUG PAR BSGRUB NUS PA DANG MI NUS PA'I KHYAD PAR YIN LA, GRUB MTHAS THUN MONG MA YIN PAR SGRO BTAGS PA RTZOD GZHIR DNGES SU GZUNG YANG DE 'GOG PA SNGAR GYI TSAD MA DE 'DRA GCIG LA THUG PA'I TSUL SHES NA, SKYON CUNG ZAD KYANG MED LA, DE 'DRA MED PA'I GZHI MA GRUB CHOS CAN DU 'DZIN PA SKYON DANG BCAS PA'O, ,'DIR YANG GZHI MA GRUB SGRAS ZIN GYI CHOS CAN DU GZUNG BA 'GOG PAR BYED PA MA YIN GYI, SNGAR BSHAD PA DE LTA BU MED PA'I CHOS CAN DU 'DZIN PA 'GOG PAR BYED PA YIN NO, ,DES NA GZHUNG 'DIS RGOL PHYIR RGOL KHYAD PAR GYI CHOS LA DPYAD PA BYED PA'I SKABS YIN PA NYID KYIS DE'I GZHI CHOS CAN MTHAR THUG PA DON BYED NUS PA GCIG YOD PA GNYIS KA LA GRUB ZIN PAS DE SGRUB PA'I DON DU RANG NYID SMOS PA DGOS PA MED PAR STON PA YIN NO, ,SGRAS ZIN GYI CHOS CAN DU GZHI GRUB PA'AM MA GRUB PA GANG 'DZIN PA DES KYANG CHOS CAN DE 'DRA GCIG LA BRTEN PAR KHAS LEN PA YIN TE, GANG ZAG GI BDAG CHOS CAN DU BZUNGS NAS RTAG DNGOS SU DAM 'CHA' BA NGES KYANG DE DAG GI GZHI MTHAR THUG PA DON BYED NUS PA GCIG LA BRTEN PAR KHAS LEN LA DE

'GOG PAR BYED PA RNAMS KYIS KYANG BKAG PA BRTEN PA'I GZHI DE 'DRA GCIG DGOS PAR KHAS LEN NO, ,DE 'DRA BZHAG PA MED NA DGAG SGRUB GANG YANG MI NUS PA RANG GI 'DOD PAS ZHES BAS STON LA, DE'I RGYU MTSAN DE LTAR ZHES PAS STON TO, ,PHYI NANG GI GRUB MTHA' SMRA BA SU YIN KYANG RTOG PA DANG LDAN PA'I RGOL PHYIR RGOL RTZOD PA NA GZHI CHOS CAN DE 'DRA GCIG MTHUN SNANG DU GRUB PA MED NA KHYAD PAR GYI CHOS LA RTZOD PA'I SNGA ROL TU KHYAD GZHI LA RTZOD DGOS PAS KHYAD PAR GYI CHOS LA RTOG LDAN DPYAD PA BYED PA'I SKABS SU 'DUG PA NYID KYIS GZHI CHOS CAN MTHUN SNANG DU GRUB PA GCIG YOD PAR SHES PA GZHUNG 'DIS STON PA YIN PAS BLO GROS DANG LDAN PA RNAMS KYIS ZHIB TU RTOGS PAR BYA'O, ,DON DE LA DGONGS NAS RNAL 'BYOR SPYOD PA'I DBU MA PA'I SHING RTA CHEN PO SLOB DPON ZHI BA 'TSOS DBU MA'I RGYAN DU, DE LTA MIN NA GZHI MA GRUB, ,LA SOGS LAN NI JI SKAD GDAB, CES SOGS GSUNGS SO, ,GNYIS PA NI, GANG ZAG GI BDAG LA SOGS PA GRUB MTHA' 'BA' ZHIG GIS NYE BAR BKOD PA'I RNAM PAR BZHAG PA NI BKAG PA'I RTEN MTHAR THUG PA DON BYED NUS PA MED NA 'GA' YANG BZLOG PAR BYA BA MA YIN PAR THAL, DE 'DRA'I RTEN MED NA GRUB MTHA' RANG RANG GI 'DOD PAS BRTAGS PA'I KHYAD PAR CAN SKYES BU'I DGOS PA'I DON LA GTZO BOR NYE BAR SBYOR PA MED PA'I DON DAG YIN PA'I PHYIR, DE BZHIN DU GRANGS CAN PA LA SOGS PAS GANG ZAG GI BDAG BSGRUB PAR MI RIGS PAR THAL, DE'I RTEN CHOS CAN SKYES BU'I DGOS PA SGRUB NUS KYI DON BYED NUS PA MI SRID PA'I PHYIR, CES PA YANG GZHUNG 'DI'I DON DU SBYAR BAR BYA'O, ,DE LTAR

, ,YANG 'THAD LDAN DU SKYES BU DON LA NYE BAR SBYOR BA'I DON GANG YIN PA DE DAG LA RTOG PA DANG LDAN PA RNAM PAR DPYOD PAR BYED PA YIN LA, DON BYA BA LA NYE BAR SBYOR PA YANG NYAMS SU MYONG BAS GRUB PA'I GRUB PA'I SGRA LA SOGS PA NYID YIN GYI RANG GI 'DOD PAS BTAGS PA'I KHYAD PAR DAG NI MA YIN NO, ZHES BSHAD DO, ,GZHI CHOS CAN MTHAR THUG PA'I DON BYED NUS PA MED NA DGAG SGRUB GANG YANG BYA MI NUS PAR THAL, DE LTAR GRUB MTHA' 'BA' ZHIG GIS RAB TU BKOD PA'I NGO BO RTEN MTHAR THUG PA GNYIS KA LA MTHUN SNANG DU MTSUNGS PAR MA GRUB PA CAN DAG NI KHYAD PAR GYI CHOS KYI RTEN CAN GYI THA SNYAD DON MTHUN 'JUG PA'I RTEN MA YIN PA'I PHYIR RO, ,'THAD LDAN DU, GNYIS KA LA DON BYA BA BZOD PAR GRUB PA RNAM PAR DPYAD PAR BYA BA YIN GYI GZHAN NI MA YIN NO, ZHES BSHAD DO, ,GSUM PA LA GNYIS, GRUB ZIN GYI CHOS CAN BSGRUB BYA MA YIN PAR SHES PA'I DON DU SMOS PA DGAG PA DANG, SO SOR NGES PA'I CHOS CAN RANG MTSAN BSGRUB BYA MA YIN PAR SHES PA'I DON DU SMOS PA DGAG PA'O, ,DANG PO LA GNYIS, RTZOD PA DANG, LAN NO, ,DANG PO NI, RANG NYID KYI SGRA SMOS PA'I DGOS PA NI, 'O NA TE RTZOD GZHI RGOL PHYIR RGOL GNYIS KAR GYI TSAD MA LA RAB TU GRAGS SHING GRUB PA DGOS PA NYE BAR BSTAN PA'I SGO NAS GRUB ZIN PA'I CHOS CAN BSGRUB PAR BYA BA MA YIN PAR SHES PA'I DON DU BSHAD PA YIN NO ZHE NA, GNYIS PA LA GNYIS, TSIG GZHAN LA BRTEN NAS RTOGS ZIN PA DANG, DE'I RGYU MTSAN

NO; ;DANG PO NI, PHYIR RGOL GYIS GRUB ZIN GYI CHOS CAN BSGRUB BYA YIN PA BCAD PA'I CHED DU, RANG NYID KYI TSIG SMOS PA MA YIN TE, DE MA SMOS KYANG BSGRUB BYA'I RANG GI NGO BO KHO NAR BSTAN PA ZHES BYA BA 'DI NYID KYIS RNAM BCAD KYI DON DE RTOGS PA'I PHYIR RO, ,GNYIS PA NI, DER THAL, PHYIR RGOL GYIS GRUB ZIN PA DANG, SGRUB PAR BYED PA'I NGO BOR BSTAN CING BKOD BZHIN PA BSGRUB BYA YIN PAR DOGS NA DE BCAD PA'I CHED DU BSGRUB PAR BYA BA KHO NAR BSTAN PA ZHES BYA BA 'DI SMOS PA 'BRAS BU DANG BCAS BAR 'GYUR BA'I PHYIR, ,GNYIS PA LA GNYIS, RTZOD PA DANG, LAN NO, ,DANG PO NI, RANG NYID KYI SGRAS PHYIR RGOL GYIS GRUB PA'I CHOS CAN RTZOD GZHIR YONGS SU GZUNG BAR MA BRJOD NA SO SOR NGES PA'I CHOS CAN RANG MTSAN NYID BSGRUB BYAR BYED PAR 'GYUR BAS RTZVA LAS BYUNG BA DANG SOG MA LAS BYUNG BA'I ME LTA BU SO SOR NGES PA'I RANG MTSAN PHYIR RGOL GYIS MA GRUB PA BSGRUB BYA MA YIN PAR SHES PA'I CHED DU SMOS SO ZHE NA, GNYIS PA LA GSUM, PHYIR RGOL GYIS MA GRUB PA'I SO SOR NGES PA'I CHOS CAN RANG MTSAN BSGRUB BYA YIN PA RJES DPAG SPYI'I YUL CAN DU BSHAD PAS BCAD ZIN PA DANG, DE PHYOGS KYI MTSAN NYID KYI GCAD BYA MA YIN PA DANG, PHYOGS KYI MTSAN NYID KYI RNAM BCAD NGOS GZUNG BA'O, ,DANG PO LA GNYIS, RGYAS PAR BSHAD PA DANG, DON BSDU BA'O, ,DANG PO NI, SO SOR NGES PA'I CHOS CAN RANG MTSAN BSGRUB BYA MA YIN PAR SHES PA'I CHED DU RANG NYID SMOS DGOS PA MA YIN TE, DE MA SMOS KYANG RJES SU DPAG PA SPYI'I YUL CAN YIN PAR BSHAD PA NYID KYIS DON DE RTOGS PA'I PHYIR RO, ,DE

, ,GANG DU BSHAD ZIN NA, DE MIN RANG BZHIN LAS LDOG PA'I, ZHES PA'I SKABS SU'O, ,DE'I DON NI, DU BA'I RTAGS LAS LA LA ME YOD PA TZAM ZHIG RTOGS KYI RTZA LAS BYUNG BA DANG SOG MA LAS BYUNG BA'I ME DANG, GSAL BA DANG CHER 'BAR BA LA SOGS PA'I KHYAD PAR SO SOR DES PA'I RANG MTSAN RTOGS MI NUS PA'I DON YIN NO, ,RNAM 'GREL DU, NGES NA LKOG GYUR DON THAMS CAD, ,KHYAD PAR DU NI RTOGS MI 'GYUR, ZHES BSHAD PA DANG DON GCIG CING DE'I 'GREL PAR SLOB DPON LHA DBANG BLOS KYANG DE LTAR GSUNGS SO, ,RJES DPAG SPYI MTSAN GYI YUL CAN DU BSHAD PAS RTOGS SO ZHES PA NI ZER RGYUS PHONGS PAR GSAL LO, ,SO SOR NGES PA'I CHOS CAN RANG MTSAN RTAGS YANG DAG GI BSGRUB BYA MA YIN PAR THAL, RTAGS KYI KHYAB BYED DU MA GRUB PA'I RTZOD GZHI CHOS CAN YOD PAR RTAGS YANG DAG GIS BSGRUB PAR BYA BA YIN NA SO SOR NGES PA'I RANG GI MTSAN NYID BSGRUB BYAR 'GYUR NA YANG CHOS CAN BSGRUB BYA YIN PA DE YANG RJES DPAG SPYI'I YUL CAN DU BSTAN PAS SPANGS ZIN PA'I PHYIR, 'DI NI TSAD MA KUN LAS BTUS SU, CHOS CAN BSGRUB BYA RTAGS DON MED, CES BSHAD PA'I DON BSTAN PA YIN TE, CHOS CAN BSGRUB BYA YIN NA GTAN TSIGS YANG DAG DON MED LA DE DON YOD NA CHOS CAN BSGRUB BYAR MI RUNG ZHES PA'O, ,GNYIS PA NI, PHYOGS KYI MTSAN NYID 'CHAD PA'I SKABS 'DIR CHOS CAN BSGRUB BYA YIN PA BCAD PA'I CHED DU RANG NYID KYI SGRA DE SKAD MA BRJOD KYANG PHYOGS KYI MTSAN NYID LA MA KHYAB KHYAB CHES LA SOGS PA'I 'GAL BA CUNG ZAD KYANG MED PAR THAL

DE BCAD PA'I CHED DU RANG NYID SMOS PA MA YIN PA DE'I PHYIR, GNYIS PA LA GNYIS, DRI BA DANG, DRIS PA'I LAN DGAG PA'O, ,DANG PO NI, CI STE SO SOR NGES PA'I CHOS CAN RANG MTSAN NYID BSGRUB BYAR BYAS NA DE LA NYES PA CIR 'GYUR DRIS PA'O, ,GNYIS PA LA GNYIS, DRIS PA'I GZHAN GYI LAN DANG, DE DGAG PA'O, ,DANG PO NI, SO SOR NGES PA'I CHOS CAN RANG MTSAN DE NI RTAGS KYIS SGRUB MI NUS SO CI'I PHYIR CE NA, SO SOR NGES PA'I CHOS CAN RANG MTSAN BSGRUB BYA YIN NA DE'I PHYOGS GCIG DPE LA RJES 'GRO BYED DGOS NA DE MI RUNG STE, GTAN TSIGS NI SO SOR NGES PA'I KHYAD PAR RANG MTSAN GYI CHA GCIG DANG LHAN CIG MTHUN DPE LA RJES SU 'GRO BA MED PA'I PHYIR RO ZHE NA, 'DI'I DON NI, SO SOR NGES PA'I RANG MTSAN GSAL LA 'BAR BA'I ME LTA BU RTAGS KYI BSGRUB BYA YIN NA, DE'I CHA GCIG BSGRUB BYA'I CHOS SU 'GYUR DGOS LA, DE YIN NA DE DANG GTAN TSIGS GNYIS KA DPE LA RJES 'GRO BYED DGOS PA LA DE MI RUNG BA'I PHYIR CES PA'O, ,GNYIS PA LA GNYIS, SPYI'I DON DANG, YAN LAG GI DON TO, ,DANG PO LA GNYIS, PHYOGS KYI SKYON GTAN LA DBAB PA DANG, GTAN TSIGS DANG DPE'I SKYON GTAN LA DBAB PA'O, ,DANG PO LA MTSAN NYID DANG, MTSAN GZHI'I DBYE BA'O, ,DANG PO NI, PHYOGS SU GZUNG BYA DE PHYOGS LTAR SNANG DU MTSON BYED THUN MONG MA YIN PA'O, ,GNYIS PA NI, PHYIR RGOL GYIS GRUB ZIN PA'I SGRA MNYAN BYAR DAM BCAS PA NA, RGOL BA'I DAM BCA' SKYON CAN DANG, PHYIR RGOL GYIS GRUB ZIN PA'I CHA DE'I SKYON NO, ,DE BZHIN DU PHYIR RGOL GYIS BSAL ZIN PA DAM BCAS PA NA SGRA RTAG PA'O ZHES DAM BCAS PA SKYON CAN DANG

, ,PHYIR RGOL GYIS BSAL ZIN PA SKYON NO, ,DE BZHIN DU GZHAN LA YANG SHES PAR BYA'O, ,GNYIS PA LA RTAGS SKYON GYI MTSAN NYID DANG, DBYE BA'O, ,DANG PO NI, RTAGS SU GZUNG BYA DE GTAN TSIGS LTAR SNANG DU MTSON PAR BYED PA'I MTSON BYED THUN MONG MA YIN PA'O, ,GNYIS PA NI, BYAS PA SGRA RTAG PAR SGRUB PA'I GTAN TSIGS SKYON CAN DANG KHYAB PA PHYIN CI LOG TU NGES PA NI DE'I SKYON DANG, DE BZHIN DU GZHAL BYA SGRA MI RTAG PAR SGRUB PA'I GTAN TSIGS SKYON CAN DANG, KHYAB PA MA NGES PA'I CHA SKYON NO, ,MIG GI GZUNG BYA SGRA'I STENG DU 'GOD TSUL DANG MTHUN PAR MA GRUB PA'I CHA MIG GI GZUNG BYAS SGRA MI RTAG PAR SGRUB PA'I GTAN TSIGS KYI SKYON DANG, GTAN TSIGS DE SKYON CAN DANG, DE SGRA'I STENG DU 'GOD TSUL DANG MTHUN PAR GRUB PA'I CHA SGRA MI RTAG PAR SGRUB PA'I MA GRUB PA'I RTAGS SU MTSON PAR BYED PA'I MTSAN NYID KYI BSAL BYA'O, ,SNGAR BSHAD PA DE DAG 'GAL BA DAD MA DES PA DANG, MA GRUB PA'I RTAGS SO SO'I SKYON DU YANG SHES PAR BYA STE, DE'I KHYAD CHOS DANG DE'I SKYON MI 'GAL BA'I PHYIR GANG DAG GTAN TSIGS YANG DAG GI SKYON 'DOD PA NI, MTSAN NYID KYI BSAL BYA DANG SKYON MA PHYED PAS NONGS LA GTAN TSIGS LTAR SNANG GSUM PO GTAN TSIGS YANG DAG GI SKYON DU 'DOD PA NI GTAN TSIGS YANG DAG SKYON DANG MI 'BRAL BAR 'DOD DGOS PA DANG, BSAL BYA SEL TSUL LA MI MKHAS PA'I SKYON NO, ,GTAN TSIGS YON TAN CAN DANG YANG DAG GCIG TU 'DOD PA YANG MI 'THAD DE, RTAGS KYI SKYON DANG YON TAN 'GAL YANG GTAN TSIGS SKYON CAN DANG YON TAN CAN MI 'GAL BA'I PHYIR RO,,

DPER NA MIG DANG RNA BA 'GAL YANG MIG LDAN DANG RNA BA DANG LDAN PA MI 'GAL BA BZHIN NO, ,RTAGS YON TAN CAN DANG SKYON CAN 'GAL NA, 'GAL RTAGS DE PHYOGS CHOS GRUB PA'I CHA NAS KYANG GTAN TSIGS SKYON CAN DU 'GYUR ZHING, PHYOGS CHOS YON TAN CAN DU NAM SONG BA'I TSE YANG DAG KHO NAR 'GYUR BAR KHAS BLANG DGOS SO, ,DE LTA NA MIG DANG LDAN ZHING RNA BA 'ON PA'I MI YON TAN CAN MA YIN PAR 'GYUR RO, ,SKYON YON GNYIS KA TSOGS PA'I MI YOD NA GTAN TSIGS LA YANG CI'I PHYIR KHAS LEN MI NUS, 'DI DAG LA BRTEN NAS RGYA CHER SHES PAR BYA'O, ,DPE SKYON RNAMS NI DPE LTAR SNANG GI SKABS SU BSHAD PAR BYA BAR RIGS PA KHO NA'O, ,GNYIS PA LA GSUM, GTAN TSIGS DPE LA RJES 'GRO MED PA PHYOGS SKYON DU MI RUNG BA DANG, PHYOGS SGRUB MI NUS PAS DE'I SKYON DU 'DOD PA DGAG PA DANG, DAM BCAS TZAM DANG RJES SU 'BREL BA KHO NA PHYOGS SKYON DU BSTAN PA'O, ,DANG PO NI, GTAN TSIGS DPE LA RJES 'GRO MED PA DANG, DPE BSGRUB BYA'I CHOS KYIS STONG BA 'DI NI CHOS CAN, SBYOR BA SKOR GCIG PO'I PHYOGS KYI NI SKYON MA YIN PAR THAL, SBYOR BA SKOR GCIG PO'I GTAN TSIGS DANG DPE DAG GI SKYON YIN PA'I PHYIR, KHYAB PAR THAL, SBYOR BA SKOR GCIG PO'I RTAGS SKYON YIN NA DE'I YAN LAG PHYI MA LA LTOS PA'I SKYON YIN PA'I PHYIR, YAN LAG SNGA MA DAM BCA' DANG PHYI MA DPE RTAGS TE, YAN LAG SNGA PHYI DE DAG LDAN PA'I YAN LAG CAN NI, SGRUB DAG YIN LA, DE YANG YAN LAG LNGA LDAN PA DANG MTHUN PA'I THA SNYAD BYAS PA TZAM MO, ,RANG LUGS LA DAM BCA' YAN LAG

, ,MAR MI 'DOD NA DE DANG THA SNYAD MTHUN PAR BYED PA CI YIN ZHE NA, SNGAR BSHAD PA LTAR, PHYOGS SGRUB DAG GI YAN LAG TU BSTAN BYA MA YIN MOD, STON NA YANG MTSAN NYID 'DI LTA BU DANG LDAN PA GCIG BSTAN PAR BYA'O ZHES BRTAG PA MTHA' GZUNG DU MDZAD PA'O, ,GNYIS PA NI, SKYON 'DIS KYANG PHYOGS 'GRUB PA'I GEGS BYED PA'I PHYIR, PHYOGS SKYON MA YIN PA DE LTA MA YIN PAR PHYOGS SKYON DU 'DOD NA GTAN TSIGS DANG DPE LA SOGS PA'I SKYON MTHA' DAG CHOS CAN, PHYOGS KYI SKYON YIN PAR 'GYUR PAR THAL, DE THAMS CAD DU PHYOGS NYID 'GRUB PA LA GNOD PA'I PHYIR RO, ,GSUM PA NI, GTAN TSIGS DANG DPE'I SKYON PHYOGS SKYON DU MI RUNG GI DAM BCAS PA DE TZAM RJES SU 'BREL PA KHO NA PHYOGS KYI SKYON YIN TE, DE LTAR GONG DU BSGRUBS PA DE'I PHYIR, DPER NA SGRA MNYAN BYA MA YIN NO, ,BUM PA RTAG GO, ,ZHES BRJOD PA TZAM NA MNGON SUM DANG RJES SU DPAG PA LA SOGS PA DANG 'GAL BA'I SKYON RJES SU 'BREL BA BZHIN NO, ,GSUM PA LA GNYIS, PHYOGS KYI MTSAN NYID KYI RNAM BCAD GCOD TSUL RGYAS PAR BSHAD PA DANG, BSDUS TE BSTAN PA'O, ,DANG PO LA GNYIS, PHYOGS KYI MTSAN NYID BSHAD PA'I DGOS PA BSDUS TE BSHAD PA DANG, SO SOR BSHAD PA'O, ,DANG PO NI, PHYOGS KYI MTSAN NYID KYI ZUR DU SMOS PA'I RANG NYID LA SOGS PA RTAGS KYI MTSAN NYID KYI GCAD BYA RNAMS KYANG SEL BAR BYED PA'I CHED DU SMOS PA MA YIN TE, SHES BYED KYI RGYU RTAGS DANG DPE LA SOGS PA'I MTSAN NYID KYI BSAL BYA SEL BA LA LTOS PA MED PAR PHYOGS LA MA KHYAB PA DANG LDOG PA KHYAB CHES

PA DAG NI SPANG BA'I PHYIR TU PHYOGS KYI MTSAN NYID BRJOD PA YIN PA'I PHYIR, GNYIS PA NI, TSIG GANG GIS MA KHYAB PA DANG KHYAB CHES PA GANG SEL BAR BYED CE NA, PHYOGS KYI MTSAN NYID KYI ZUR DU SMOS PA'I BDAG NYID DANG TSIG PHRAD DANG NGO BO'I SGRA MA BSAL BA DANG BCAS PA RNAMS SMOS PA CHOS CAN, DGOS PA YOD DE, PHYOGS KYI MTSAN NYID KYIS MA KHYAB PA LAS LDOG PA KHYAB CHES PA SGRA DANG MI RTAG PA'I TSOGS DON PHYOGS YANG DAG TU MTSON PAR BYED PA'I TSE NA, TSOGS DON DE RGOL PAS 'DOD YUL DU MA BYAS BA'I BSTAN BCOS MKHAN PO'I 'DOD PA KHO NA YIN PA DANG, SGRUB BYED DU BKOD BZHIN PA YIN PA DANG, PHYIR RGOL GYI NGOR GRUB BSAL ZHUGS PA YIN PA RNAMS SEL BAR BYED PA YIN PA'I PHYIR, TSIG TSOGS SKYUNG BA'I PHYIR PHYOGS KYI MTSAN NYID KYI ZUR DE RNAMS KYIS BSTAN BCOS MKHAN PO KHO NA'I 'DOD PA YIN PA SOGS SEL BAR BYED CES GSUNGS KYI, DON LA NI SGRA DANG MI RTAG PA'I TSOGS DON LTA BU PHYOGS YANG DAG TU MTSON PAR BYED PA'I TSE, NGO BO'I DON SOGS CHOS LNGA TSANG BA MTSAN GZHI DE'I STENG DU 'GOD TSUL DANG MTHUN PAR GRUB PAS MTSAN GZHI DE'I STENG DU BSAL BYA SO SOR SEL BAR BYED PA YIN NO, ,DPER NA SHES 'DOD CHOS CAN SGRA'I STENG DU 'GOD TSUL DANG MTHUN PAR YOD PAR NGES PA DES GZHI BYAS PA'I STENG DU SGRA MI RTAG PAR SGRUB PA'I MA GRUB PA'I GTAN TSIGS YIN PA SEL BAR BYED PA YIN GYI, MA GRUB PA'I RTAGS KYI STENG DU RTAGS YANG DAG YIN PA SEL BAR BYED PA MA YIN PA'I PHYIR RO, ,DE LTA MA YIN NA PHYOGS CHOS KYI MTSAN NYID MA GRUB PA'I RTAGS KYI STENG DU 'GOD TSUL DANG MTHUN PAR

, ,GRUB PAR KHAS LEN DGOS TE, BYAS PAS SGRA LA RTAG PA 'GOG BA NA, SGRA'I STENG DU GRUB DGOS LA, 'DUS MA BYAS KYI NAM MKHA' LAM GRUB PAS DE RTAG PA YIN PA MI 'GOG PA'I PHYIR RO, ,'DOD PA ZHES PA'I SGRA CHOS CAN, KHYOD SMOS PA LA DGOS PA YOD DE, DE LA BRTEN NAS SNGAR GYI TSOGS DON DE PHYOGS YANG DAG TU MTSON PAR BYED PA'I TSE, TSOGS DON DE RGOL BA'I ZHE 'DOD KYIS MA KHYAB PA'I SMRAS CHOS TZAM YIN PA SEL BAR BYED PA'I PHYIR, GNYIS PA NI, GAL TE TSIG 'DI DAG MA KHYAB PA DANG KHYAB CHES PA BCAD PA'I CHED YIN NA, SLOB DPON PHYOGS KYI GLANG POS, RIGS MI MTHUN SEL BA'I PHYOGS KYI MTSAN NYID DU GANG ZHIG MNGON PAR BZHED CE NA, RIGS MI MTHUN SEL PA LA LTOS PA'I PHYOGS YANG DAG GI MTSAN NYID MED PA'I SKYON MED PAR THAL, RIGS MI MTHUN GTZO BOR SEL BA LA BLTOS NAS SLOB DPON PHYOGS GLANG GIS, RGOL BA RTOG LDAN GYIS BSGRUB BYAR 'OS PA BSGRUB BYAR KHAS BLANGS PA PHYOGS YANG DAG GI MTSAN NYID DU BZHED PA'I PHYIR, DE LTAR RIGS PA'I SGO LAS, BSGRUB PAR BYA BA NYID DU 'DOD PA NI PHYOGS YIN NO, ZHES PHYOGS KYI MTSAN NYID BSHAD DO, ,'DI LA YANG 'DOD PA DANG NGO BO LA SOGS PA'I TSIG RE RE NAS ZUR PHYIN PAR SMOS PA MED KYANG DON LEGS PAR TSANG STE, DE LTA MA YIN NA RIGS MI MTHUN SEL BAR MI 'GYUR PA'I PHYIR RO, ,DES GZUNG GI TSIG ZUR PHYIN PAR SMOS MI DGOS PA NI 'CHAD PAR 'GYUR RO, ,'DIR SMOS PA RNAM 'GREL MDZAD PA'I BZHED PA DANG TSIG ZUR LNGA TSANG BAR SMOS PA MDO MDZAD PA'I BZHED PA YIN NO,

ZHES ZER BA NI PHYIN CI LOG TU SHES PAR BYA STE, MDO MDZAD PA'I BZHED PA NYID RNAM 'GREL MDZAD PAS 'KHRUL MED DU RGYAS PAR GTAN LA 'BEBS PA YIN PA'I PHYIR RO, ,CI'I PHYIR RIGS MI MTHUN SEL BA'I MTSAN NYID 'DI LA LOG RTOG LNGA PO'I ZHE NA YUL BCAD PA'I DON TSANG ZHE NA, TSAD MAS BSAL ZIN SOGS DE RNAMS LA NI PHYOGS YANG DAG NYID MED DE, PHYIR RGOL GYI TSAD MAS BSAL BA PHYOGS SU MTSON PA'I MTSAN GZHI LA TSAD MAS GNOD PA DANG, PHYIR RGOL GYIS GRUB ZIN PA DANG, SGRUB BYED DU BKOD BZHIN PA DANG, ZHE 'DOD MED PA'I SMRAS PA TZAM DANG, RGOL BA RANG NYID KYI 'DOD YUL MA YIN PA LHAG MA BZHI LA TSAD MA'I BSAL BA ZHUGS PA MED KYANG PHYOGS YANG DAG GI MTSAN NYID BSGRUB BYAR 'OS PA RGOL BA RTOG LDAN GYIS BSGRUB BYAR KHAS BLANGS PA DE 'JUG PA MED PA'I PHYIR RO, ,DANG GI SGRAS SO SOR BCAD PA NI, SNGA MA LA MTSAN GZHI LA TSAD MA'I BSAL BA ZHUGS PAS RTZA BA BCAD PA LTAR PHYOGS YANG DAG GI MTSAN NYID 'JUG MI 'JUG DPYAD MI DGOS PA'I DON YIN LA, PHYI MA BZHI TSAD MA'I BSAL BA ZHUGS PA MED PAS MTSAN NYID 'JUG PA BKAG PA'I SGO NAS PHYOGS YANG DAG YIN PA 'GOG PAR BYED PA YIN NO, ,GSUM PA DON BSDU BA NI, PHYOGS KYI MTSAN NYID 'DIR NI SLOB DPON PHYOGS KYI GLANG POS BDAG NYID KYI SGRA SMROS PAR MDZAD PA CHOS CAN, DGOS PA YOD DE, LOG PAR RTOG PA MTHONG BAS DE BSAL BA'I TSED YIN PA'I PHYIR, DE LA BRTEN NAS LOG RTOG SEL NUS PAR THAL, BYAS PAS SGRA NAM MKHA'I YON TAN YIN PA LA GNOD PAS SGRA MI RTAG PAR SGRUB

, ,PA'I RGOL BA'I ZHE 'DOD LA GNOD PA MED PAR STON PA DANG DE LA SOGS PA'I LUNG DON ZHE 'DOD KYI BSGRUB BYA MIN PAR STON PA DANG, DE LA GNOD PAS RGOL BA'I 'DOD YUL LA GNOD NA SKYON THUG PA MED PAR STON PA YIN PA'I PHYIR, CES BYA BA NI BAR SKABS KYI TSIGS SU BCAD PA DAG GO, ,GNYIS PA KUN LAS BTUS SU SMOS PA'I RANG NYID 'DOD PA NGES GZUNG LA LTOS PA LA GNYIS, NGES GZUNG SMOS PA'I DGOS PA DANG, KUN LAS BTUS DANG RIGS SGO GNYIS KYI STON TSUL GYI KHYAD PAR RO, ,DANG PO NI, GTAN TSIGS MA GRUB BA RGOL BA RANG NYID BSGRUB BYA NYID DU 'DOD PA MA YIN PA'I PHYIR, RANG NYID 'DOD PA'I TSIG DAG GIS GTAN TSIGS MA GRUB PA BRJOD PA SPANGS PA YIN PAS NGES GZUNG SMOS PA DON MED DO ZHE NA, KUN LAS BTUS KYI PHYOGS KYI MTSAN NYID STON PA'I SKABS 'DIR CHOS CAN, BSTAN BYA BA KHYAD GZHIR MA 'BREL NA RANG NYID DANG 'DOD PA'I SGRA DAG GIS NGES PAR GZUNG BA'I DON RTOGS PAR 'GYUR TE, TSIG DE DAG RGOL BA RANG KHO NA'I 'DOD YUL BSGRUB BYAR 'PHEN PA'I PHYOGS KYI MTSAN NYID KYI RNAM BCAD STON PA'I TSIG YIN PA'I PHYIR, DON DE RTOGS KYANG NGES GZUNG GI TSIG BSHAD PA DGOS PA DANG BCAS PA YIN TE, MA 'ONGS PA NA BSGRUB BYAR STON PAR 'GYUR BA BYAS PA LTA BU LA YANG SGRA MI RTAG PA'I SGRUB BYED DU BKOD PA'I TSE NA YANG BSGRUB BYA YIN NAM SNYAM PA'I LOG RTOG SKYE BAR THAL BAR 'GYUR BAS DE BCAD PA'I PHYIR BSHAD PA YIN PA'I PHYIR, NGES GZUNG MA SMOS NA SGRUB BYED DU BKOD PA'I DPE RTAGS MA SGRUB PA BSGRUB BYAR 'DOD DGOS

PA YIN NAM SNYAM PA'I DOGS PA SKYE BAR 'GYUR TE, MA 'ONGS PA LA YANG 'KHRID PA'I BYED PA DANG LDAN PA'I MTHA' CAN BSTAN BYA BA KHYAD GZHI DANG RANG NYID 'DOD PA KHYAD CHOS SU 'BREL BA'I PHYIR, KHYAD GZHI DANG KHYAD CHOS GNYIS KHYAD PAR GYI GZHI GTZO BO YIN LA BSTAN BYA BA'I SGRA YANG BYUNG ZIN PA DANG 'BYUNG BAR 'GYUR BA DANG, DA LTAR BSTAN PAR BYA BA LA YANG 'JUG PAS KHYAD GZHI DE'I DBANG GIS RANG NYID 'DOD PA'I DON YANG RANG NYID BSGRUB BYAR 'DOD PAR 'GYUR BA LA YANG 'JUG PAS DA LTA SGRUB BYED DU BKOD BZHIN PA'I MA 'ONGS PA NA BSGRUB BYAR 'DOD PAR 'GYUR PA YANG DA LTA PHYOGS YANG DAG YIN NAM SNYAM DU DOGS PAR 'GYUR BAS DE BCAD PA'I CHED DU NGES GZUNG SMOS PA YIN NO, ,'O NA KHO NA'I NGES GZUNG YANG DUS GSUM GA LA 'JUG PAR THAL, BSTAN BYA BA KHYAD GZHIR 'BREL BA'I PHYIR, 'DOD NA NGES GZUNG SMOS PAS KYANG DOGS PA MI KHEGS PAR 'GYUR RO ZHE NA, SKYON MED DE, BSGRUB BYA KHO NA ZHES PA'I NGES GZUNG GIS SGRUB BYED DU BKOD BZHIN PA DANG, PHYOGS YANG DAG GZHI MTHUN SHES BYA LA SRID PA BKAG PA NA DUS NAM YANG GZHI MTHUN SRID PA KHEGS PA YIN NO, ,GNYIS PA NI, DE LTA NA YANG KHO NA'I NGES GZUNG SMOS MI DGOS TE, 'DOD PA'I SKAD KYI BYINGS AI shA ZHES PA LA NI shtA ZHES PA KTA'I RKYEN BYIN PAS AIshtAR 'GYUR LA, DES NA 'DOD PAR GYUR PA ZHES PAR SONG BAS DES CHOD PAS SKYON MED DO ZHE NA, TSAD MA KUN LAS BTUS PA 'DIR NI CHOS CAN, 'DOD PA'I SKAD KYI BYINGS AI shA LA NI shtA'I RKYEN BYIN PAS MA 'ONGS PA GCOD BYED KYI YAN LAG TU YOD PA MA

, ,YIN PAR THAL, BSTAN BYA BA KHYAD GZHIR 'BREL BA'I RGOL BA'I 'DOD YUL BSGRUB BYAR STON PA'I TSIG YIN PA'I PHYIR, DON BSDUS NA KUN LAS BTUS KYI 'DOD PA ZHES PA'I TSIG CHOS CAN, BSGRUB BYAR 'DOD PAR GYUR ZIN 'BA' ZHIG LA 'JUG PA MA YIN TE, BSTAN BYA BA KHYAD GZHIR 'BREL BA'I PHYOGS KYI MTSAN NYID STON PA'I ZUR DU SMOS PA'I 'DOD TSIG YIN PA'I PHYIR, 'BAD PA MANG POS NYES PA SPANG DGOS PA'I BSTAN BYA BA SMOS PAS CI ZHIG BYA PHYOGS KYI MTSAN NYID KYI RNAM BCAD STON PA'I TSIG 'BA' ZHIG SMOS PAS CHOG MOD CE NA, SKYON MED DE, LUNG DON BSGRUB BYAR 'DOD PA DANG, BSGRUB BYA SGRUB BYED GZHI MTHUN 'DOD PA DANG, DAM BCA' SGRUB NGAG GI YAN LAG TU 'DOD PA DAG GI LOG RTOG DGAG PA'I CHED DU NGED KYI LTAR NA NI DAM BCA' SGRUB NGAG GI YAN LAG TU BSTAN PAR BYA BA MA YIN MOD KYI, STON PAR BYED NA YANG MTSAN NYID 'DI LTA BU DANG LDAN PA GCIG BSTAN PAR BYA'O ZHES LOG RTOG BSAL BA'I CHED YIN NO, ,'O NA RIGS PA'I SGOR YANG KHO NA'I NGES GZUNG DNGOS SU SMOS DGOS SAM SNYAM NA, RIGS SGOR PHYOGS KYI MTSAN NYID STON PA'I ZUR DU NGES GZUNG MA SMOS KYANG 'DOD PA'I TSIG DES GTAN TSIGS MA GRUB PA DANG DPE MA GRUB PA LA SOGS PA PHYOGS YANG DAG YIN PA 'GOG PAR BYED PAR THAL, RIGS SGOR SMOS PA'I 'DOD PA'I TSIG GI BYINGS AI shA LA NI, BSTAN BYA BA KHYAD GZHIR MA 'BREL BAS MA 'ONGS PA GCOD BYED KYI YAN LAG NYID YIN PA'I PHYIR, RIGS SGOR NI, 'DOD PA KHYAD GZHI DANG BSGRUB BYA KHYAD CHOS SU

YOD PA YIN NO, ,SLOB DPON RGYAN MKHAN POS GZHUNG PHYI MA GNYIS LA RIGS SGO 'BA' ZHIG GI DOGS GCOD LA 'CHAD PA DANG TSUL GSUM MDZAD DO, ,GSUM PA RANG NYID 'DOD PA SMOS PAS LOG RTOG GZHAN YANG KHEGS PA LA GNYIS, 'DOD PA SMOS PAS RGOL BA MI 'DOD PA DANG 'DRES PA'I DON RGOL BA'I 'DOD YUL YIN PA KHEGS PA DANG, RANG NYID KYI TSIG GIS SKABS SU MA BAB PA RGOL BA'I PHYOGS SU BYED PA'ANG KHEGS PA'O, ,DANG PO LA GNYIS, SEL BYED KYI RIGS PA DANG, BSAL BYA DPER BRJOD PA'O, ,DANG PO NI, RGOL BA BDAG NYID KYIS 'DOD PA'I YUL RJES SU DPAG PAR BYA BA PHYOGS YANG DAG NYID DU BRJOD PA 'DIS NI CHOS CAN, LOG RTOG GZHAN YANG BSAL BA YIN TE, RGOL BA MI 'DOD PA DANG 'DRES PA'I BSTAN BCOS MKHAN PO'I 'DOD PA YANG RGOL BA'I BSGRUB PAR BYA BA MA YIN PAR BSGRUBS SHING BSTAN PA'I PHYIR, RGOL BA MI 'DOD PA DANG 'DRES PA'I 'DOD YUL DE LA GNOD NA YANG RGOL BA'I PHYOGS BSAL BA DANG GTAN TSIGS 'GAL BA SOGS KYI SKYON DU 'GYUR BA MED PAR RIG PAR BYA STE, DE BKAG NA YANG RGOL BA'I 'DOD YUL CI LTAR BSGRUB PAR BYA BA YIN PA BKAG PA MED PAR GRUB PA'I PHYIR RO, ,GNYIS PA NI, RGOL BA'I MI 'DOD PA DANG 'DRES PA NI SGRA MI RTAG PAR SGRUB PA'I TSE SGRA'I STENG DU NAM MKHA'I YON TAN NYID DANG DON GCIG LA 'DU BA CAN GYI MI RTAG PA NYID BSGRUB BYA YIN NO ZHES PA NI MI 'DOD PA DANG 'DRES PA YIN LA DE TSAD MAS BKAG KYANG SGRA LA DE MED PAR YANG SGRUB PAR BYED PA BZHIN NO, ,SGRA NAM MKHA'I YON TAN YANG YIN MI RTAG PA YANG YIN PAS

, ,NAM MKHA'I YON TAN DANG MI RTAG PA GNYIS DON SGRA GCIG PO LA 'DU 'BREL GRUB PAR 'DOD CING, ,DE GSUM RDZAS THA DAD PA'I RTEN DANG BRTEN PAR 'DOD PAS GRUB ZIN GYI RTEN DON GZHAN MI SRID PAS DE BKAG KYANG SKABS KYI BSGRUB BYA LA GNOD PA MED PA YIN NO, ,GNYIS PA LA GSUM, MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO LA GNYIS, SKABS SU MA BAB PA PHYOGS SU BYED PA BSAL BA GRUB PA DANG, BSAL BYA'I DPE'O, ,DANG PO NI, RANG NYID CES PA'I TSIG LA BRTEN NAS DNGOS PO STOBS ZHUGS RJES SU DPAG PA'I DUS SU SGRUB BYED BSTAN BCOS LA MI BRTEN PAR BRJOD PA NYID KYIS CHOS CAN, RGOL PHYIR RGOL RTZOD PA'I SKABS SU GTOGS SHING BAB BA MA YIN PA RGOL BA'I PHYOGS SU BYED PA YANG BSAL BA YIN TE, DNGOS STOBS KYI SKABS SU LUNG DON BSGRUB BYAR BYED PA MI RUNG BAR BSGRUBS PA'I PHYIR, GNYIS PA NI, DPER NA CHOS CAN MYONG BAS GRUB PA'I SGRA LA MI RTAG PA'AM RTAG PA YIN ZHES BYA BA'I RTZOD PA BYED PA'I SKABS SU SGRA MI RTAG PA TZAM SGRUB 'DOD PA NA BYE BRAG PAS SGRA'I GSAL BA RNAMS LAS RDZAS THA DAD PA NYAN PA'I DBANG POS GZUNG BAR BYA BA'I SGRA NYID CES PA'I SPYI DANG DON GCIG LA 'DU BA CAN GYI MI RTAG PA NYID DANG, SGRA LDAN PAS DE YANG BSGRUB BYA YIN NO ZHES BYA BA LTA BU BSAL BA'O, ,SKABS SU MA BAB PA DAM 'CHA' BA'I LOG RTOG MED PA MA YIN TE, SGRA LA MI RTAG PA TZAM SGRUB PA'I SKABS SU BYE BRAG PAS SGRA'I GSAL BA LAS RDZAS THA DAD PA'I SGRA'I SPYI DANG DON GCIG LA 'DU BA'I MI RTAG PA YANG

BSGRUB BYA YIN NO ZHES 'DOD PA'I PHYIR, DBANG POS GZUNG BA ZHES SMOS PA NI, SGRA'I SPYI RDZAS GZHAN NYAN SHES KYIS GZUNG BA'I SGO NAS SGRA'I GSAL BA RNAMS LA SGRA BLO 'JUG PAR 'DOD PA YIN NO, ,GNYIS PA LA GSUM, SKABS SU MA BAB PA PHYOGS SU DAM 'CHA' BA MI RIGS PA'I TSUL DANG, DE'I LAN DGAG PA DANG, BSTAN BCOS LA BRTEN PA'I TSE YANG SKABS SU MA BAB PA DAM 'CHA' NA HA CANG THAL BA'O, ,DANG PO LA GNYIS, SPYIR BSTAN PA DANG, DNGOS STOBS KYI SKABS SU LUNG DON BSGRUB BYAR BYED PA SKABS SU MA BAB PA'O, ,DANG PO LA GNYIS, PHYIR RGOL GYI SHES 'DOD DANG MTHUN PAR RGOL PAS PHYOGS SU BYED PA RIGS PA DANG, PHYIR RGOL SHES 'DOD MED PA DAM 'CHA' BA MI RIGS PA'O, ,DANG PO NI, RGOL BAS LUNG GI DON DE PHYOGS SU BYED PAR 'GYUR BA RIGS PA'I SKABS YOD DE, SGRUB BYED BSTAN BCOS LA BRTEN PA'AM PHYIR RGOL PA DE BSTAN BCOS LAS JI LTAR BSHAD RTOGS PA DON DU GNYER BA YIN NA NI LUNG GI DON DE RGOL BAS KYANG PHYOGS SU BYED PA RIGS PA'I PHYIR, DPER NA BYE BRAG PA NA RE, KHYED KYI BSTAN BCOS LAS BSHAD PA'I MI RTAG PA DE CI 'DRA BA ZHIG JI LTAR BSHAD CES 'DRI BA LTA BU'O, ,GNYIS PA NI, LUNG GI SGRUB BYED LA BRTEN PA YANG MA YIN, PHYIR RGOL LUNG DON LA DON GNYER YOD PA DE LTA MA YIN PAR RGOL BAS LUNG DON PHYOGS SU BYED NA PHYIR RGOL GYIS RNA GTAD PAR MI BYA BAR 'GYUR TE, RGOL BA 'DI PHYIR RGOL GYI SHES 'DOD DANG MA 'BREL BA BRJOD PA NYID YIN PA'I PHYIR, GNYIS PA NI, RGOL PHYIR RGOL GNYIS KA SGRUB BYED DANG DE LAS

, ,BSHAD MA BSHAD SOGS BSTAN BCOS LA MI BRTEN PAR SGRA LA RTAG MI RTAG SOGS KHYAD CHOS 'GA' ZHIG YONGS SU RTOG PA NA RGOL BAS LUNG DON PHYOGS SU BYED PA'I GO SKABS CI ZHIG YOD DE, MI RIGS PAR THAL, DE 'DRA PHYOGS SU BYED PA SKABS SU BAB PA MA YIN PA'I PHYIR, GNYIS PA LA GSUM, KHYAD PAR GYI SPYI 'PHEN PA MI 'THAD PA DANG, SPYI LA DON GNYER YOD NA KHYAD PAR LA DON GNYER YOD PAR MA NGES PA DANG, KHYAD PAR SGRA NYID KYI SPYI DANG DON GCIG LA 'DU BA'I MI RTAG PA SGRUB MI NUS PA'O, ,DANG PO LA GNYIS, RTZOD PA DANG, LAN NO, ,DANG PO NI, GAL TE KHYAD PAR GYIS SPYI 'PHEN PA'I PHYIR, KHYAD PAR LUNG DON GYI MI RTAG PA DE GRUB NA 'DOD PA NYID KYI SPYI MI RTAG PA TZAM YANG 'GRUB PA MA YIN NAM, KHYAD PAR GRUB PAS SPYI GRUB NA YANG MI RTAG PA TZAM SHES PAR 'DOD PA NA MI 'DOD PA DANG 'DRES PA'I KHYAD PAR YANG SHES PAR 'DOD PAR 'GYUR RO ZHE NA, GNYIS PA LA GNYIS, PHYIR RGOL GYI SHES 'DOD DANG MTHUN PAR DAM 'CHA' BA SKABS SU BAB PA DANG PHYIR RGOL GYI SHES 'DOD DANG MTHUN PAR SGRUB BYED 'GOD PA'I NGAG LAS RGOL BA'I 'DOD PA RTOGS PA'O, ,DANG PO NI, KHYAD PAR GYIS SPYI 'PHEN ZHING SPYI LA DPAG 'DOD YOD NA KHYAD PAR LA DPAG 'DOD YOD DGOS PA MA YIN TE, RTOGS PAR 'DOD PA PO NYAN PA PO'I SHES 'DOD DANG MTHUN PAR DPAG PAR 'DOD PA NI SKABS SU BAB PA NYID YIN PA'I PHYIR RO, ,GNYIS PA NI, RGOL BAS SKABS DANG MTHUN PAR SGRA MI RTAG PAR SGRUB PA'I SGRUB BYED 'GOD PA'I TSIG GI SKABS KYIS RTZOD GZHI

SGRA'I STENG DU MI RTAG PA BSGRUB BYA'I CHOS SU 'DOD PA RTOGS PA YIN NO ZHES SNGAR BRJOD PA RIGS PA YIN TE, PHYIR RGOL GYI SHES 'DOD DANG MTHUN PAR RGOL BAS DAM 'CHA' BA SKABS SU BAB PA DE NYID KYI PHYIR, GANG DU BRJOD NA, GNAS SKABS 'GA' YIS 'DOD 'GYUR ZHING ZHES PA'I SKABS SU'O, ,GNYIS PA LA GSUM, KHYAB PA MA NGES PA DANG, SPYI LA RTZOD PA LA KHYAD PAR LA RTZOD PA'I NUS PA MED PA DANG, SGRA RTAG MI RTAG RTZOD PA BSTAN BCOS KHAS BLANGS PA'I SGO NAS RTZOD PA MA YIN PA'O, ,DANG PO NI; SPYIS DON BYED PA KHYAD PAR GYI MTHAR THUG PA YIN TE, DPER NA SHING GIS GTZO SREG LA SOGS PA'I DON BYED PA SHA PA LA SOGS PA'I MTHAR THUG PA BZHIN NO, ,DES NA SGRA LA MI RTAG PA'I DON GNYER YOD NA SGRA NYID KYI SPYI DANG DON GCIG LA 'DU BA'I MI RTAG PA LA'ANG DON GNYER YOD DO ZHEN, SGRA LA MI RTAG PA TZAM GYI DON GNYER YOD NA SGRA NYID KYI SPYI DANG DON GCIG LA 'DU BA'I MI RTAG PA LA DON GNYER YOD PA'I KHYAB PA MED PAR THAL, SPYI DON DU GNYER BA YIN NA NI GDON MI ZA BAR SO SOR NGES PA'I KHYAD PAR DON DU GNYER BAR 'GYUR PAS KHYAB PA MA YIN PA'I PHYIR, DE BZHIN DU SHING TZAM LA DON GNYER YOD NA SHA BA LA SOGS PA'I KHYAD PAR LA DON GNYER YOD PA'I KHYAB PA MA NGES PA DPE LA YANG SBYOR RO, ,GNYIS PA NI, SGRA RTAG MI RTAG RTZOD NA SNGAR BSHAD PA'I KHYAD PAR LA NGAS PAR RTZOD PA MA YIN TE, SGRA RTAG MI RTAG TZAM LA RTZOD NA SGRA NYID KYI SPYI DANG DON GCIG LA 'DU BA'I MI RTAG PA'I KHYAD PAR GZHAN LA RTZOD PA MED PA YANG SRID PA'I PHYIR RO, ,DE BZHIN DU DPE LA YANG BSHAD DO, ,GSUM PA NI, SGRA RTAG MI RTAG

, ,RTZOD PA SGRUB BYED BSTAN BCOS KYI SGO NAS RTZOD PA YANG RIGS PA MA YIN TE, SGRA RTAG MI RTAG RTZOD PA DE'I TSE BSTAN BCOS SGRUB BYED DU KHAS BLANGS PA DE MED NA RTZOD PA DANG, RTZOD PA BZLOG NUS PA MED PA MA YIN PA'I PHYIR RO, ,GSUM PA LA GNYIS, SGRA NYID KYI SPYI DANG DON GCIG LA 'DU BA'I MI RTAG PA LA DON GNYER YOD KYANG SGRUB MI NUS PA DANG, SGRUB BYED BKOD PA YANG SNGAR BSAL ZIN PA'O, ,DANG PO LA GNYIS, BSGRUB BYA'I CHOS DPE LA RJES 'GRO MED PA DANG, BSGRUB BYA'I CHOS DANG MI 'KHRUL BA'I GTAN TSIGS MED PA'O, ,DANG PO NI, SGRA'I STENG DU SGRA NYID KYI SPYI DANG DON GCIG LA 'DU BA'I MI RTAG PA SGRUB PA'I BSGRUB BYA'I CHOS DPE LA RJES SU 'GRO BA GRUB BA MA YIN PAR THAL, SGRA NYID KYI SPYI DANG DON GCIG LA 'DU BA'I MI RTAG PA RNAM PA DE LTA BU'I CHOS NI GZHUNG LUGS LA GRAGS PA TZAM YIN GYI DPE 'GAR YANG NI RJES 'GRO BYED PA MI GNAS PA YIN PA'I PHYIR, GNYIS PA NI, DE 'DRA'I BSGRUB BYA'I CHOS DANG MI 'KHRUL BA CAN GYI GTAN TSIGS YANG DAG KYANG YOD PA MA YIN PAR THAL, DE 'DRA'I BSGRUB BYA'I CHOS MI SRID PA'I PHYIR, SKABS SU MA BAB PA'I KHYAD PAR NYAN PA PO SHES 'DOD MED PA'I PHYIR DANG, SKABS DER RTZOD PA MI SRID PA'I PHYIR DANG, SRID KYANG MA GRUB PA'I PHYIR, KHYAD PAR GRUB NA SPYI GRUB KYANG SPYI LA DON GNYER YOD NA KHYAD PAR LA DON GNYER YOD PAS KHYAB PA MA YIN NO ZHES BSHAD DO, ,GNYIS PA NI, MI 'KHRUL BA'I GTAN TSIGS YOD DE, BUM PA CHOS CAN, BUM PA DANG GSAL BA LAS RDZAS THA DAD PA NYAN BA'I DBANG POS GZUNG BAR BYA BA'I SGRA NYID

KYI SPYI DANG DON GCIG LA 'DU BA'I MI RTAG PA DANG LDAN PA'I SGRA GANG RUNG GI GNYIS PA DANG BCAS PA YIN TE, BYAS PA'I PHYIR, DPER NA KA BA BZHIN NO, ,BYAS PA GANG RUNG GI SPYI DPE LA RJES 'GRO GRUB CING BUM PA BUM PA LAS DON GZHAN DU 'GAL BA'I SHUGS KYIS DE LTA BU DANG LDAN PA'I SGRA GRUB BO ZHE NA, DE 'DRA'I KHYAD PAR DE GNYIS BCAS SBYOR BA'I RTAGS KYIS MI 'GRUB PAR THAL, GNYIS PA DANG BCAS PA'I SBYOR BA DAG KYANG RTAGS YANG DAG YIN PA SNGAR BSAL ZIN PA'I PHYIR TE, YA GYAL KHEGS PAS GANG RUNG GI SPYI MI SRID PAR BSGRUBS ZIN TO, ,DE 'DRA'I GNYIS BCAS SBYOR BA MTHA' DAG BSAL ZIN PAR SHES PA'I CHED DU DAG KYANG ZHES MANG TSIG SMOS SO, ,GSUM PA NI, DNGOS STOBS KYI SKABS SU MA ZAD BSTAN BCOS SGRUB BYED DU YOD PA LA BRTEN PA'I DUS SU YANG SKABS SU MA BAB PA DAM 'CHA' BA MI RIGS TE, SGRUB BYED BSTAN BCOS LA BRTEN KYANG SKABS LAS 'DAS PA DAM 'CHA' NA HA CANG THAL BA'I NYES PA BSHAD ZIN PA'I PHYIR, GANG DU NA, DER YANG BSGRUB BYA'I CHOS DANG NI, ,MED NA MI 'BYUNG LA GNOD NYID, CES BYA BA LA SOGS PA'I SKABS SU'O, ,GSUM PA DON BSDU BA NI, SGRA RTAG MI RTAG RTZOD PA'I TSE SKABS SU GTOGS PA SNGAR BSHAD PA'I KHYAD PAR MED PA'I MI RTAG PA'I CHOS TZAM NYID RGOL BAS SGRA LA BSGRUB PAR BYA BA DANG PHYIR RGOL GYIS RNA BTAD PAR 'OS PA YIN TE, DE'I TSE SPYI LA SHES 'DOD YOD KYI KHYAD PAR LA SHES 'DOD MED PA DE'I PHYIR, PHYIR RGOL GYIS DRIS PA DANG MTHUN PAR DAM 'CHA' BA DE LTA MA YIN NA NI RGOL BA TSAR GCAD PAR BYA BA'I GNAS SU 'GYUR TE, MI 'DOD

, ,PA'I CHOS GZHAN DAM BCAS PAS DRIS PA'I SKABS DON LAN 'DEBS PA LAS DON GZHAN DU 'GRO BA'I PHYIR, GSUM PA MA BSAL BA RGYAS PAR BSHAD PA LA GNYIS, SPYI'I RNAM GZHAG MDOR BSTAN PA DANG, SO SO'I DON BSHAD PA'O, ,DANG PO LA GSUM, MA BSAL BA'I RANG BZHIN DANG, BSAL BA PHYOGS SU MI RUNG BA'I RGYU MTSAN DANG, BSAL BYA TSAD MAS GNOD PA'I DBYE BA'O, ,DANG PO LA GSUM, MTSAMS SBYAR BA DANG, RTZA BA DANG, 'GREL PA'O, , DANG PO NI, SNGAR GONG DU BSHAD MA THAG PA'I BSGRUB BYAR 'OS PA BSGRUB BYAR KHAS BLANGS PA DE YANG TSAD MA GANG GIS KYANG MA BSAL BA ZHIG DGOS TE, TSAD MAS BSAL BA PHYOGS SU MI RUNG BA'I PHYIR RO, ZHES PA'O, ,GNYIS PA NI, DON GANG YANG RUNG BA ZHIG PHYOGS YANG DAG TU BSTAN PAR BYA BA MA YIN TE, RGOL BAS BSGRUB BYAR KHAS BLANG BAR 'OS PA MNGON SUM GYIS DON RANG MTSAN GZHAL BA'I STOBS DANG DNGOS PO STOBS ZHUGS KYI RJES SU DPAG PAS LKOG GYUR DAG PA PA GZHAL BA'I STOBS DANG YID CHES RJES DPAG GIS SHIN TU LKOG GYUR GZHAL BA'I STOBS DANG GRAGS PA'I RJES DPAG GIS 'DOD PA TZAM GYIS BZHAG PA'I STOBS GANG GIS KYANG MA BSAL BA ZHIG PHYOGS SU BSTAN PAR BYA BA YIN PA'I PHYIR, YID CHES ZHAS BA'I TSIG GIS NGAG SMRAS TZAM NAS NGAG SKYON CAN YIN PAR YID DPYOD KYIS GO BA'I DAM BCA' DE 'DRA YANG MA YIN PA ZHIG DGOS TE, DE YIN NA KHAS BLANG GIS BSAL BAR 'GYUR BA LTAR RO, ,RTZA TSIG 'DI TSAD MA MDO'I TSIG SNA BSDUS PA YIN LA, TSAD MA

MDOR NI, MNGON SUM DON DANG RJES DPAG DANG, ,YID CHES GRAGS PAS RANG RTEN LA'O, ZHES 'BYUNG BSAM BSAL BA DON GYIS 'PHANGS SHING GZHI GANG LAM BSAL BA DGOS NA, BSGRUB BYA RANG GI RTEN CHOS CAN LAM BSAL BA ZHIG DGOS SO ZHES BSTAN PA 'DIR MA SMOS LA, RNAM 'GREL DU, RANG RTEN LA MA BSAL BA DGOS PA RGYAS PAR BSHAD KYANG 'DIR MA BSTAN PA NI CUNG ZAD BSDUS PA'I DBANG DU BYAS PA'O, ,SKABS DE DANG GZHAN YANG SKABS 'GA' RE MA GTOGS BSTAN BCOS 'DIR RGYAS PAR GZHAN DON GYI SKABS SU BSHAD PA NI RNAM 'GREL GYI RTZA TSIG GIS RGYAS BAR 'CHAD PA'I DBANG DU YANG BYAS PA'O, ,CUNG ZAD BSDUS PA'I DON NI RIGS PA DKYUS KYI DON RTZA TSIG LA BLTOS PA'O, ,GSUM PA LA GNYIS, TSIG DON DANG, GZHAN DAG 'DOD PA'I MNGON SUM LA DON SMOS PA'I DGOS PA'O, ,DANG PO NI, TSAD MA GANG GIS KYANG BSAL BA MA ZHUGS PA ZHIG PHYOGS YANG DAG TU BSTAN PAR BYA BA YIN TE, TSAD MAS BSAL BA PHYOGS YANG DAG TU MI RUNG BA'I PHYIR, DAM BCA' SGRUB NGAG YANG DAG GI YAN LAG TU BSTAN PAR BYA BA MA YIN MOD KYI, GAL TE BSTAN PAR BYA BA YIN DU CHUG NA YANG TSAD MAS BSAL BA LA SOGS BSTAN PAR BYA BA MA YIN TE, GAL TE STON NA YANG TSAD MA GANG GIS KYANG MA BSAL BA'I RGOL BAS SGRUB BYA KHAS BLANGS PA GTAN TSIGS YANG DAG GI BYED PA 'JUG PA'I YUL DU GYUR PA LA LTOS PA ZHIG BSTAN PAR BYA BA YIN PA'I PHYIR, PHYOGS YANG DAG YIN NA TSID MA GANG GIS KYANG MA BSAL BA ZHIG DGOS TE, PHYOGS YANG DAG YIN NA MNGON SUM

, ,GYIS GRUB PA'I DON DANG DNGOS PO STOBS ZHUGS KYI RJES SU DPAG PA DANG YID CHES BA DAG DANG GRAGS PAS MA BSAL BA DGOS PA'I PHYIR, YID CHES LA GNYIS TSIG SMOS PA NI, LUNG DANG RANG TSIG GNYIS KAR GYIS MA BSAL BA DGOS PAR SHES PA'I CHED YIN NO, ,DAM BCA' YANG DAG YIN NA YID CHES KYI TSIG DANG GRAGS PA DANG MI 'GAL BA ZHIG DGOS PAR STON PA YIN GYI, YID CHES KYI TSIG DANG GRAGS PA GNOD BYED DU STON PA NI MA YIN TE, GZHAL BYA SHIN TU LKOG GYUR GYI BZLOG PHYOGS KYI DON DAM 'CHA' BA LA NI, YID CHES RJES DPAG GIS GRUB PA'I DON 'BA' ZHIG GIS GNOD PA'I PHYIR RO, ,DPER NA RGOL BAS BDEN ZHEN GYIS GZHAL BYA'I DON CAN GYI TSAD MA DAG MED DO ZHES DAM BCAS PA NA; RANG TSIG 'GAL BZHUGS PA'I DAM BCA' SKYON CAN YIN KYANG RANG TSIG 'GAL BA ZHUGS PA DE NYID DNGOS STOBS KYI TSAD MAS NGES PAR BYED PA YIN GYI GZHAL BYA'I DON CAN GYI TSAD MA DAG YOD DO ZHES PA'I TSIG GNOD BYED DU KHAS LEN MI DGOS PA BZHIN NO, ,DES NA YID CHES KYI SKABS 'DIR SEL BYED TSUL GSUM PA'I RTAGS LA BRTEN PA'I YID CHES RJES DPAG LA BRTEN PA DANG, SEL BYED DNGOS STOBS KYI TSAD MA YIN KYANG TSIG RANG NYID SMRAS CAM NAS TSIG DNGOS SHUGS DANG SNGA PHYI 'GAL BAR YID DPYOD KYIS NGES PA'I DAG SKYON CAN DE 'DRA YANG MIN PA ZHIG DGOS PAR STON PA YIN NO, ,DE LTAR 'THAD LDAN DU YANG, 'DIR TSAD MAM YIN PA YID CHES PA'I TSIG DANG GRAGS PA YANG GNOD PAR BYED PAR BRJOD LA, ZHES BSHAD DO,

GNYIS PA NI, NYAN SHES DBANG PO'I MNGON SUM MNYAN BYA MA YIN PA DANG MI 'GAL ZHING, MNYAN BYA MA YIN PA'I RANG BZHIN LA ZHUGS PA'I PHYIR, SGRA'I STENG DU MNYAN BYA MA YIN PA LA MI GNOD PA BZHIN DU TSAD MA THAMS CAD DON GYI SGO NAS DON GZHAN LA GNOD PAR BYED PA YIN GYI, RANG GI NGO BOS NI MA YIN PA MA YIN NAM, CI'I PHYIR MNGON SUM GCIG PU LA DON ZHES SMOS SHE NA, MNGON SUM LA DON SMOS PA NI CHOS CAN, DGOS PA YOD DE, ZLA BA GNYIS SNANG LA SOGS PA'I DBANG PO'I SHES PA KHA CIG LA MNGON SUM GYI SGRA BSHAD DU YOD KYANG GZUNG YUL GYI DON LA 'KHRUL PA'I PHYIN CI LOG YIN PAS SEL BYED MA YIN PAR SHES PA'I CHED YIN PA'I PHYIR DANG, DE SEL BYED YIN PA DE SPANGS NAS MNGON SUM TSAD MA'I YUL GNOD BYED DU YONGS SU GZUNG BA'I CHED YIN PA'I PHYIR RO, ,'DI SNGON GYI RNAM BSHAD BYED PA PHAL CHER GYIS SLOB DPON GYI RANG LUGS SU MDZAD MOD, SLOB DPON CHOS MCHOG GIS SLOB DPON DBANG PHYUG SDE'I 'DOD PA YIN PAS SLOB DPON GYIS DE SUN DBYUNG BA'I CHED DU BKOD PA YIN NO ZHES GSUNG BA LTAR BDAG GI BLA MA RNAMS KYANG BZHED PAS DE LTAR 'DOD PAR BYA'O, ,'OG TU DE'I PHYIR YANG DON CES BSHAD PA YIN NO, ZHES PA'I YANG SGRA NI MA DAG PAR GSAL TE, CHOS MCHOG GI 'GREL PA DAG PA KHA CIG LAS MI 'BYUNG ZHING, RNAM 'GREL DU YANG YANG GI DON MED PA'I PHYIR, KHA CIG GIS DON SMOS PA'I DGOS PA SNGA MA MI 'THAD PAR THAL, DGOS PA PHYI MA 'DI LTAR 'THAD PA'I PHYIR, CES PA GZHUNG PHYI MA 'DI'I DON DU BYAS NAS YANG GI SGRAS SNGA MA SDUD PAR 'DOD PA NI RANG GIS RANG

, ,LA CO 'DRI BA YIN NO, ,DE LTAR YANG 'THAD LDAN DU, DE LTA NA YANG DE'I PHYIR YANG DON SMOS PA YIN NO, ZHES DON SMOS PA'I DGOS PA GZHAN NYID 'CHAD PAR 'GYUR BA MA YIN NAM ZHE NA, BDEN MOD KYI 'ON KYANG GZHAN DAG GIS DON SMOS PA'I DGOS PA 'DI LTAR BSHAD PA DE YANG 'THAD PA MA YIN NO ZHES BSTAN PA'I PHYIR 'DI BKOD BA YIN TE, DPER NA MED PA LA MED PA NYID DO ZHES TSUL GSUM PA GZHAN DAG GIS NGES PAR BYA BA'I MTSAN NYID KYI DGOS PA CAN YIN PAR BSHAD PA NYE BAR BKOD NAS SUN PHYUNG BA DE BZHIN NO, ZHES SLOB DPON DBANG PHYUG SDES TSUL GNYIS PA'I NGES GZUNG GIS MI MTHUN PHYOGS LAS LDOG PA GRUB KYANG MED LA MED PAR DES PA ZHES TSUL GSUM PA LOGS SU SMOS PA'I DGOS PA NI LDOG YUL NGOS GZUNG BA'I SGO NAS SNGA MA DE NYID NGES PAR BYA BA'I CHED DU YIN NO ZHES ZER BA'I PHYOGS SNGA MA BKOD NAS SUN PHYUNG BA DANG 'DRA BAR BSHAD DO, ,GNYIS PA LA GNYIS, DRI BA DANG, LAN NO, ,DANG PO NI, PHYOGS YANG DAG TSAD MAS MA BSAL BA ZHIG DGOS NA YANG CI'I PHYIR TSAD MAS BSAL PA PHYOGS MA YIN GTAN TSIGS KYIS SGRUB MI NUS PA'I PHYIR RO ZHE NA NI, 'ON GTAN TSIGS KYI SKYON YIN GYI DAM BCA'I SKYON MA YIN PAS GTAN TSIGS KYI MTSAN NYID KHO NAS BZLOG PAR BYA BA YIN GYI PHYOGS KYI MTSAN NYID KYIS BZLOG PAR BYA BA MA YIN NO ZHE NA, GNYIS PA LA GSUM, RTZA BA DANG, 'GREL PA DANG, DON BSDU BA'O, ,DANG PO NI, TSAD MAS BSAL BA CHOS CAN, PHYOGS YANG DAG MA YIN TE, GTAN TSIGS YANG DAG GI BYED PA 'JUG PA'I RTEN MA YIN PA'I PHYIR, DER THAL, THE TSOM

GYI YUL DU MI RUNG BA'I PHYIR, KHYAB PAR THAL, GTAN TSIGS YANG DAG GI BYED PA BSGRUB BYA LA DMIGS PA'I THE TSOM CAN LA 'JUG PAR BRJOD RIGS PA'I PHYIR, 'DIS GTAN TSIGS YANG DAG GI BYED PA 'JUG PA'I DUS BSGRUB BYA LA THE TSOM ZA BA'I DUS NA YIN PAR BSTAN GYI GTAN TSIGS YANG DAG TU SONG BA'I GANG ZAG DE'I NGOR BSGRUB BYA LA THE TSOM DGOS PAR STON PA YIN TE, DE LTA NA SU GANG GI NGOR YANG GTAN TSIGS YANG DAG TU 'GYUR PA MI SRID PAR 'GYUR TE, BSGRUB BYA LA THE TSOM YOD PA'I DOR NI SGRUB BYED MA DES PAS GTAN TSIGS YANG DAG TU MI 'GYUR, GTAN TSIGS YANG DAG TU SONG BA'I DOR NI KHYOD LTAR NA PHYOGS CHOS SU SONG BAS BSGRUB BYA LA DMIGS PA'I THE TSOM DGOS PA'I PHYIR, GNYIS PA NI, TSAD MAS BSAL BA NI CHOS CAN, RANG NYID SEL BYED KYI TSAD MA DE'I BZLOG PHYOGS ZLA BO'I TSAD MA'I BYED PA 'JUG PA'I RTEN MA YIN TE, KHYOD TSAD MA DAG GIS BZLOG PA YIN PA'I PHYIR, DER THAL, KHYOD RANG LAS BZLOG PA LA TSAD MA ZHUGS PA'I PHYIR RO, ,SNGA MA LA KHYAB PA YOD PAR THAL, SGRA MI RTAG PA DANG RTAG PA DNGOS SU 'GAL BA DAG NI SGRA MI RTAG PA TSAD MAS GRUB NA CIG SHOS LA YANG DAG PA'I SHES PA 'JUG PAR MI 'THAD PA'I PHYIR RO, ,TSAD MAS BSAL BA LA NI CHOS CAN, DE PHYOGS YANG DAG MA YIN PA NYID DE YUL CAN GTAN TSIG YANG DAG GI BYED PA 'JUG PA MI SRID PA'I PHYIR, BZLOG KHYAB YOD PAR THAL, GTAN TSIGS YANG DAG GI BYED PA 'JUG PA'I YUL RAB TU BSTAN PA'I PHYIR RAM YUL YIN PA'I SGO NAS PHYOGS YANG DAG TU BRJOD PA YIN PA'I PHYIR, GSUM PA NI, TSAD MAS BSAL BA PHYOGS

, ,YANG DAG TU MI RUNG BAR THAL, THE TSOM GYI YUL DU GYUR PA'I BSGRUB BYA NI GTAN TSIGS KYI BYED PA 'JUG PA'I YUL YIN PA'I PHYIR, DER THAL, DE LTAR GONG DU BSGRUBS PA DE'I PHYIR, MNGON SUM DON DANG RJES DPAG DANG, YID CHES GRAGS PAS MA GRUB PA, ,GTAN TSIGS THE TSOM LA BRJOD PHYIR, ,GRUB PA GTAN TSIGS RTEN MA YIN, ,RJES SU DPAG PA'I DBYE BA YIS, ,GRUB PA DE NI RNAM BZHIR BSHAD, CES PA YANG DON GYIS 'THOB PA YIN NO, ,GSUM PA LA GNYIS BSAL BYA LA TSAD MAS GNOD PA'I DBYE BA DNGOS DANG, RJES DPAG GNYIS KYI RTEN BYE BRAG TU BSHAD PA'O, ,DANG PO LA GNYIS, RTZA BA DANG, 'GREL PA'O, ,DANG PO NI, GZHI GANG LA 'GAL ZLA TSAD MAS BSGRUBS PA'I SGO NAS CIG SHOS SEL BAR BYED DGOS LA, SEL BYED GNYIS SU MA NGES NA TSAD MA GNYIS KYI GRANGS NGES NYAMS LA, GNYIS SU NGES NA BSAL BYA BSAL BA BZHIR YOD PA NYAMS SO ZHE NA, BSDUS NA GNYIS SU 'DUS KYANG DBYE NA BZHIR 'GYUR BA MI 'GAL LO, ,GNOD PA ZHES PA GNOD BYED KYIS GNOD BYA BKAG PA BYA PA'I NGO BOR GYUR PA YIN LA, DE YANG 'DIS GNOD PA BYED PA DANG 'DI LA GNOD PA LAS SU GYUR PA GNYIS LA 'JUG KYANG 'DIR GNOD BYA TSAD MA'I BSAL BA LA BZHIR DBYE BA MA YIN TE, DE SHES BYA LA MED PAS DE LA BZHIR MED PA'I PHYIR RO, ,DES NA BYED PA DANG BYA BA LA BZHIR DBYE BA YIN LA, DE 'GRUB PA YANG DGAG BYA MI 'DRA BA BZHI'I SPYI RTOG PA LA LEGS PAR SHAR BA LA BLTOS DGOS TE, DGAG BYA'I SPYI LEGS PAR MA SHAR NA BKAG PA TSAD MAS MI NGES PA'I

PHYIR RO, ,'O NA BSAL BA PHYOGS YANG DAG MA YIN PAR SGRUB PA'I TSE YANG DGAG BYA SEL BAR BYED PA BYED PA BYED PA'I NGO BO DANG, DGAG BYA BSAL BA BYA BA'I NGO BO 'BA' ZHIG LA BSGRUBS PAR 'GYUR RO ZHE NA, DE GNYIS PHYOGS YANG DAG MA YIN PAR BSGRUBS PA LA SHES 'DOD MED PA'I PHYIR RO, ,GNOD PA ZHES PA YANG GNOD BYA LA TSIG GI BRJOD TSUL MI 'DRA BA BZHIR NI 'DOD PA KHO NA'O, ,DES NA TSAD MA'I GNOD BYA LA TSAD MAS GNOD PA DE NI CHOS CAN, RNAM PA BZHIR BSHAD DU RUNG STE, MNGON SUM TSAD MA DANG, RJES SU DPAG PA'I TSAD MA LA GSUM DU DBYE BA YIS DE LTAR DBYER RUNG BA'I PHYIR, GNYIS PA NI, TSAD MA'I DGAG BYA LA PHYOGS KYI GNOD PA DE CHOS CAN, RNAM PA BZHIR BSTAN TE, MNGON SUM TSAD MA DANG, RJES SU DPAG PA'I TSAD MA LA RNAM PA GSUM DU PHYE BAS NA RNAM PA BZHIR YOD PA'I PHYIR, RJES DPAG GSUM DU 'BYED PA DE'I RTEN GTAN TSIGS KYI DBYE BA LA RAG LAS NA, GSUM PO DE BSGRUB BYA'I SGO NAS SAM SGRUB BYED KYI SGO NAS YIN CE NA, SNGA MA LTAR YIN GYI, PHYI MA LTAR MA YIN TE, DE YIN NA GTAN TSIGS YANG DAG KUN DNGOS PO STOBS ZHUGS KYI RTAGS SU 'GYUR DGOS TE, DE DAG MTHAR DNGOS PO STOBS ZHUGS KYI TSAD MAS TSUL RNAMS GRUB PA LA BLTOS DGOS PA'I PHYIR RO, ,GRAGS PA'I RTAGS KYI TSUL GRAGS PA'I RJES DPAG GIS GRUB DGOS NA, TSUL SGRUB BYED KYI RJES DPAG DE'I RTEN GTAN TSIGS KYI TSUL RNAMS KYANG GRAGS PA'I RJES DPAG GIS GRUG DGOS PAS 'KHOR BA MA STONGS PAR DU GRAGS PA'I RTAGS KYI BSGRUB BYA MI RTOGS PAR 'GYUR RO, ,'O NA DNGOS PO STOBS ZHUGS KYI RTAGS

, ,KYI TSUL DNGOS PO STOBS ZHUGS KYI TSAD MAS NGES DGOS NA YANG THUG PA MED PA'I NYES PA MTSUNGS SO ZHE NA, TSUL SGRUB BYED RJES DPAG 'BA' ZHIG GIS SGRUB DGOS NA BDEN YANG MTHAR MNGON SUM TSAD MA LA THUG PAS SKYON MED DO; ;'O NA GRAGS PA'I GTAN TSIGS KYI TSUL YANG SGRUB BYED MNGON SUM TSAD MA LA THUG PAS SO ZHE NA, BDEN MOD KYI SGRUB BYED KYI SGO NAS YID CHES DANG GRAGS PA DANG DNGOS PO STOBS ZHUGS KYI GTAN TSIGS GSUM GYI RIGS SO SOR MI 'BYED PAR GRUB PA KHO NA'O, ,DES NA GRAGS PA DANG YID CHES KYI GTAN TSIGS LA YANG PHYOGS CHOS DANG KHYAB PA DNGOS PO STOBS ZHUGS KYI TSAD MAS GRUB PA YOD PAR SHES PAR BYOS SHIG ,DE'I PHYIR BSGRUB BYA'I SGO NAS GSUM DU DBYE STE, SHIN TU LKOG TU GYUR PA DANG LKOG GYUR TZAM LA YANG 'DOD PA TZAM GYI RJES SU BYED PA DANG, MI BYED PA GNYIS SU YOD PAR SHES PAR BYA'O, ,GNYIS PA LA GNYIS, SPYI'I DON DANG, YAN LAG GI DON TO, ,DANG PO LA KHAS BLANGS 'BRAS RTAGS KYI RNAM GZHAG DANG, GRAGS PA'I GTAN TSIGS KYI RNAM GZHAG MDO TZAM BRJOD PA'O, ,DANG PO LA KHAS BLANGS 'DRAS RTAGS KYI DBYE BA DANG, YID CHES KYI RTAGS 'DIR SMOS PA'I DGOS PA DAN,G GZHAN GYI LOG PAR RTOG PA BSAL BA'O, ,DANG PO NI, RGOL BA YANG DAG GAM LTAR SNANG GANG YIN KYANG RUNG STE, RANG GI ZHE 'DOD KYI DON DE GZHAN LA BSTAN PAR 'DOD NAS BDEN ZHEN GYIS TSIG SMRAS BA NA KHO BOS DON 'DI JI LTA BA BZHIN DU TSAD MAS RTOGS PAS KUN NAS BSLANGS NAS SMRAS BA YIN PAS KHO BO'I TSIG 'DI DON LA 'BREL ZHING

MI SLU BA'I TSIG TSAD MA YIN PAR KHAS LEN PA YIN LA, DE LTAR SMRAS PA NA PHYIR RGOL KHA CIG NI TSIG SMRAS PA'I RTAGS LA BRTEN NAS DON DE 'DI KHO NA YIN NO SNYAM DU NGES PA SKYE BAR 'GYUR LA RGOL PA RTOG LDAN MKHAS PA'I TSIG YIN NA ZHEN PA'I BRJOD BYA LA 'BREL ZHING MI SLU BA'I TSIG TSAD MAR 'GYUR MOD KYI, TSIG DE BRJOD BYA'I DON DPOG PA'I GTAN TSIGS YANG DAG TU 'DOD PA DANG, DE RTAGS SU BKOD PA LA BLTOS BA NI MA YIN NO, ,RGOL BAS TSIG DE BRJOD BYA'I DON LA MI 'KHRUL BAR KHAS BLANGS SHING PHYIR RGOL GYIS KYANG TSIG DE LA BRTEN NAS BRJOD BYA'I DON DE KHONG DU CHUD PAR RLOM PA LA DGONGS NAS, 'THAD LDAN DU, DE 'DRA BA YANG SMRA BA PO'I NGA RGYAL GYI RJES SU DPAG PA'I TSANG MA YIN NO, ZHES GSUNGS PA YIN GYI, DE YID CHES KYI RTAGS KUN LA SBYOR BA NI LOG PAR RTOG PA CHEN PO YIN NO, ,DE 'DRA BA'I YID CHES PA'I GTAN TSIGS LTAR SNANG BA ZHEN NGO LA BLTOS NAS YANG DAG TU SNANG BA YANG KHAS BLANGS 'BRAS RTAGS SU SKABS 'DIR BSTAN NO, ,DE YANG SNGAR RGYAL BA RTOG LDAN MKHAS PAS PHYIR RGOL RTOG LDAN LDOG GYUR GYI DON RNAMS SGRUB BYED TSUL GSUM TSAD MAS NGES PAR BYAS PA'I SGO NAS BKRIR RUNG BA DE LAM SLEB PA'I SNGA ROL TU RGOL BRTOG LDAN MKHAS PAS GDUL BYA RNAMS LA CHOS BSTAN PA NA DON DE DAG KHONG DU CHUD PA'I YID DPYOD TZAM ZHIG SKYED PAR BYED PA'I GZHAN DON SGRUB TSUL YANG SKABS 'DIR ZHAR BYUNG GI TSUL DU STON PA MDZAD BZHED PA YIN NO, ,RGOL BA RTOG PA DANG MI LDAN PAS SMRAS PA'I TSIG ZHE NA PA'I BRJOD BYA LA MI 'KHRUL BA'I NGES PA MED KYANG SMRAS BA POS NI MI 'KHRUL BAR ZHEN PAR BYED PA

, ,YIN NO, ,GZHAL BYA SHIN TU LKOG GYUR SGRUB BYED KYI GTAN TSIGS YANG DAG TSUL GSUM TSAD MAS NGES PAR BYAR YOD PA YANG 'DIR STON PAR BYED PA YIN TE, PHYOGS YANG DAG YIN NA YID CHES KYIS MA BSAL BA DGOS PA'I GTZO BO'I DON NI 'DI NYID DO, ,GNYIS PA NI, YID CHES PA'I GTAN TSIGS YANG DAG SKABS 'DIR BSHAD PA NI, PHYOGS YANG DAG YIN NA TSAD MA GANG GIS KYANG MA BSAL BA ZHIG DGOS PAR BSTAN BZHED PAS SEL BYED KYI DBYE BA SHES PA'I YAN LAG DANG, TSAD MA BZHIS BSAL BYA SEL TSUL RGYAS PAR SHES PA'I YAN LAG TU SMOS PA YIN GYI, RTAGS YANG DAG GI MTSAN NYID TSUL GSUM GTAN LA 'BEBS PA DANG, MTSAN GZHI'I DBYE BA NGES PAR BYED PA DANG, MTSAN GZHI LA MTSAN NYID NGES BYED KYI TSAD MA RGYAS PAR GTAN LA 'BEBS PA NI, RANG DON LE'U'I SKABS SU BABS PAS YID CHES DANG GRAGS PA'I RTAGS YANG DAG GI MTSAN GZHI JI LTAR GTAN LA PHAB PA NI SKABS DER BLTA BAR BYA'O, ,DE GNYIS LA RTAGS YANG DAG YOD NA RANG DON GYI SKABS SU BSTAN DGOS SAM MI DGOS SNYAM PA'I THE TSOM TZAM YANG MI 'JUG PA NI RIGS PA SPYI'I RNAM GZHAG MA CHAGS PA'O, ,GSUM PA NI, BDAG NYID CHEN PO'I RIGS PA'I RJES SU 'BRANGS NAS MNGON PAR MTHO BA DANG DES PAR LEGS PA RIGS PAS BSGRUB PA'I TSUL PHYIN CIM LOG PA MI SHES SHING SKABS 'DI'I GZHUNG RNAMS KYI DON LEGS PAR MA RTOGS PAS YID CHES KYI GTAN TSIGS YANG DAG YOD NA LUNG RNAM DAG YIN PHYIN CHAD RANG GI BSTAN BYA'I DON SGRUB BYED DANG BZLOG PHYOGS LA

GNOD BYED DU KHAS LEN PA'OS MED DU BYAS NAS KHA CIG LUNG RNAM DAG DE LAS RANG GI BRJOD BYA'I DON RTOGS PA'I TSAD MA DANG, LUNG TAN TSIGS YANG DAG TU 'DOD DE, DE YANG GTAN TSIGS 'GOD PA'I TSE NI SBYIN PA BTANG BA LAS LONGS SPYOD 'BYUNG STE, DE 'BYUNG BAR LUNG RNAM DAG LAS GSUNGS PA'I PHYIR CES BCOM LDAN 'DAS KYI GSUNG LA SGRA JI BZHIN PA MA YIN PA MED PAR 'DOD DGOS PA'I RTAGS 'GOD PAR BYED LA, KHA CIG LUNG RNAM DAG LAS DON MTHUN DU GSUNGS PA'I PHYIR CES BSGRUB BYA DE NYID SGRUB BYED DU 'GOD PAR BYED DO, ,GZHAN DAG NI, DPYAD PA GSUM GYIS DAG PA'I LUNG TSAD MAR 'JOG PA YANG KHAS BLANGS TZAM GYIS 'JOG PA YIN LA, DE NI RANG TSIG LA YANG MTSUNGS PAS LUNG GNOD BYED DU 'GYUR BA'I SKABS MI SRID CING GNOD BYED DU BSHAD PA RNAMS KYANG LUNG GNOD BYAD MA YIN MOD, GNOD BYED YIN NA YANG SHIN TU LKOG GYUR GYI SKABS SU KHAS BLANG BAR BYA'O ZHES BRTAG PA MTHA' GZUNG GI TSUL DU MDZAD PA YIN NO, ,SHIN TU LKOG GYUR STON PA'I LUNG RANG GI BRJOD BYA DANG 'BREL BA NGES BYED KYI TSAD MA YID CHES KYI RTAGS LAS GZHAN MED PA'I PHYIR DANG, YID CHES KYI GTAN TSIGS YANG DAG YOD NA YANG SNGAR GZHAN DAG ZER BA LTAR RTAGS 'GOD DGOS LA DE 'DRA RTAGS YANG DAG TU 'DOD PA BLUN PO MIN PA SU YANG MED DO, , DES NA LUNG YANG DAG DANG LTAR SNANG GANG YIN YANG RANG GI BRJOD BYA'I BZLOG PHYOGS LA GEGS BYED TZAM YIN NO ZHES ZER TO, ,YID CHES PA'I TSAD MA YOD PAR 'DOD KYANG SGRUB PA 'GOD TSUL MI MKHAS PA DE DAG NI DGAG PAR SLA BAS RE SHIG BZHAG GO,

, ,GANG DAG YID CHES KYI TSAD MA MED PAR 'DOD PA DE DAG LA 'DI 'DRI BAR BYA STE, BCOM LDAN 'DAS KYIS SHIN TU LKOG GYUR GYI DON 'OG RLUNG GI DKYIL 'KHOR NAS RI RAB KYI BAR GYI GNAS PA'I RIM PA DANG, TSAD LA SOGS PA GSUNGS PA DANG; 'DOD LHA RIGS DRUG DANG SUM CU RTZA GSUM YAN CHANG KYI 'DOD PA'I LHA DANG DE'I GNAS KYI TSAD DANG MI'I 'JIG RTEN NA YANG BYANG GI SGRA MI SNYAN LA SOGS PA'I GLING GI TSAD GSUNGS PA DANG, DE BZHIN DU GZUGS KHAMS GNAS RIGS BCU DRUG GAM, BCU BDUN DANG, DER GNAS PA'I LHA'I LUS KYI TSAD DANG GZUGS MED KHAMS BA'I TSE'I TSID LA SOGS PA GSUNGS PA DE DAG TSAD MAS MA DMIGS KYANG YOD DO ZHES SMRA PAR BYED BA YIN NAM, 'ON TE RANG NYID DU MA ZAD SU GANG GIS KYANG DE DAG YOD MED THE TSOM ZA BAR RIGS SO ZHES KHAS LEN PAR BYED PA YIN NAM, CIS TE DE DAG YOD PAR GSUNGS PA NI GDUL BYA RE SHIG DRANG BA'I DON TZAM DU GSUNGS PA YIN GYI, DON DNGOS PO LA DE DAG MED PA YIN NO ZHES KHAS LEN PAR BYED, DANG PO LTAR NA, RANG NYID SHIN TU BLUN PAR STON PA YIN TE, KHO BOS SMRAS PA THAMS CAD RDZUN 'BA' ZHIG YIN GYI RGYU MTSAN YANG DAG CI YANG MED DO ZHES KHAS LEN DGOS PA'I PHYIR TE, RTOG LDAN MKHAS PA DAG NI YOD BAR KHAS LEN NA RANG GI TSAD MAS DMIGS NAS KHAS LEN PA YIN LA MED DO ZHES KHAS LEN PAR BYED NA YANG DMIGS BYED KYI TSAD MA BKAG PA'I SGO NAS KHAS LEN BAR BYED DE, RNAM 'GREL LAS, TSAD MAS GRUB PAR SMRA RNAMS KYI, ,DON GYIS BZLOG PA NYID LAS YIN, CES GSUNGS PA LTAR RO, ,TSAD MAS

MA DMIGS BZHIN DU YOD CES KHAS LEN PAR RIGS NA TSAD MAS DMIGS PA YOD PA'I 'JOG BYED YIN PA LA SKUR PA 'DEBS DGOS PAR 'GYUR TE, MTSAN NYID KHAS MA BLANGS PAR MTSON BYA DAM 'CHA' BAR RIGS PA'I PHYIR, DE LTA NA MTHAR KUN NAS NYON MONGS DANG RNAM BYANG GI CHOS THAMS CAD LA SKUR PA 'DEBS DGOS PAR 'GYUR RO, ,RANG GI TSAD MAS MA DMIGS KYANG YOD CES DAM 'CHA' BAR RIGS NA MI SNANG BA MA DMIGS PA'I GTAN TSIGS LA SKUR PA BTAB PAS, GTAN TSIGS YANG DAG MTHA' DAG LA SKUR PA 'DEBS DGOS PA'I PHYIR, TSAD MA MNGON SUM GCIG PUR ZAD DO ZHES RGYANG PAN GYI GZHUNG BTZUGS PAR 'GYUR RO, ,DES NA RANG NYID MKHAS PAR RLOM PA DAG DON GANG DANG GANG YOD DO ZHE'AM MED DO ZHES DAM 'CHA' BAR BYED PA NA RANG RGYUD LA DE DAG YOD PAR RTOGS PA'I TSAD MA SOGS 'DUG MI 'DUG LEGS PAR RTOGS LA SMROS SHIG ,BRTAG PA GNYIS PA LTAR NA DGE BA DANG MI DGE BA'I LAS BYAS PA LAS 'BRAS BU BDE BA DANG SDUG BSNGAL 'BYUNG MI 'BYUNG THE TSOM ZA BAR RIGS SHING LAS 'BRAS PHYIN CI MA LOG PAR TSAD MAS NGES SHING YID CHES PA'I 'JIG RTEN PA'I YANG DAG PA'I LTA BA KHYOD LTAR NA BSKYED PA'I THABS MED PA'I PHYIR, YOD BA PA NI BDE 'GROR 'GRO ,MED PA PA NI NGAN 'GROR 'GRO ,ZHES GSUNGS PA LTAR RGUD PA 'BA' ZHIG TU 'GYUR GYI MNGON BAR MTHOB NI MA YIN NO, ,SLOB DPON BDAG NYID CHEN POS NI, RNAM 'GREL DU, GTZO BO'I DON LA MI SLU'I PHYIR, ,GZHAN LA RJES SU DPAG PA NYID, CES BDEN BZHI DNGOS STOBS KYI RIGS PAS GRUB PA'I RJES SU SHIN TU KLOG GYUR

, ,GYI DON TSAD MAS RTOGS PAR BYA BAR GSUNGS KYI, SHIN TU LKOG GYUR LA SGRUB BYED CI YANG MED PAS YOD MED THE TSOM ZA BAR RIGS SO ZHES NI MA GSUNGS SO, ,DES NA BDAG LEGS SU 'DOD PA RNAMS KYIS LAS 'BRAS LA TSAD MA'I NGES PA RNYED PAR BYAS TE, 'DOR LEN TSUL BZHIN DU BYAS NAS THAR PA DANG THAMS CAD MKHYEN PA SGRUB PA'I LUS RTEN KHYAD BAR CAN GZHI TSUGS PA LA 'BAD PAR BYA'O, ,BRTAG PA GSUM BA LTAR NA NI, RNAR MI 'ONG BA'I TSIG STE, GSUNG RAB KYI DGONGS PA 'BREL BAR BYED PA'I SHING RTA CHEN PO RNAMS KYIS NI RGYAD PAN GYI 'DOD PA SUN 'BYIN PAR BYED PA'I RIGS PA'I TSOGS DU MA LA 'BAD PAR MDZAD LA, KHYOD NI RGYAD PAN GYI GZHUNG BTZUGS NAS PHYI MA'I MNGON MTHO MTHA' DAG LA SKUR PAR BYED PA'I PHYIR RO; ;SBYIN SOGS DKAR PO'I CHOS SPYAD PA LAS BDE BA CUNG ZAD KYANG MI 'BYUNG BAR KHAS LEN PAS SKYE BA SNGA PHYI MTHA' DAG LA SKUR PA BTAB PAR 'GYUR RO, ,THE TSOM ZA BAR 'DOD NA YANG SANGS RGYAS PAS SBYIN SOGS DKAR CHOS SPYAD PA LAS BDE BA 'BYUNG BAR DAM BCAS PA DANG, RGYAD PAN GYIS MI 'BYUNG BAR DAM BCAS PA GNYIS SNGAR RGYAB RTEN TSAD MA YOD MED KYI KHYAD PAR CUNG ZAD KYANG MED PA'I PHYIR, DE GNYIS LA DAM BCA' BZANG NA MED PAR KHAS LEN PA KHYOD THUB PA'I BSTAN PA LA ZHUGS NAS CI ZHIG SGRUB PAR 'DOD PA YIN, YANG SHIN TU LKOG GYUR GYI DON DAG YOD MED THE TSOM ZA NA TSAD MAS DMIGS MA DMIGS THE TSOM ZA DGOS LA, DE LTA NA KUN MKHYEN GYIS GZIGS MA GZIGS KYANG THE TSOM ZA BAR KHAS LEN DGOS PAS GZHAL

BYA'I GNAS DANG PO GNYIS 'BA' ZHIG MNGON SUM DU GZIGS PAS KUN MKHYEN DU KHAS LEN DGOS PAR 'GYUR RO, ,KUN MKHYEN GYIS GZIGS MOD, KHO BOS TSAD MAS MA GRUB BO ZHE NA, MI SNANG BA MA DMIGS PA'I GTAN TSIGS LA SKUR PA 'DEBS DGOS PA'I NYES PA DE NYID SLAR YANG 'ONG BA YIN NO, ,NGES NA BDAG LEGS SU 'DOD PA RNAMS KYIS RIGS PA SMRA BAR KHAS 'CHE BZHIN DU SHIN TU LKOG GYUR RTOGS PA'I TSAD MA MED PAR SMRA BA NI MCHIL MA'I THAL BA BZHIN DU RGYANG RING DU DOR BAR BYA'O, ,DES NA SNGAR LE'U GNYIS PAR BSHAD ZIN PA LTAR RTOGS PAR BYA ZHING YANG NA GANG SANGS RGYAS KYI GSUNG YIN NA RANG GI BSTAN BYA'I DON LA MI SLU BAS KHYAB STE, DPER NA 'PHAGS PA'I BDEN PA BZHI STON PA'I SANGS RGYAS KYI GSUNG LTA BU'O, ,GLING BZHI RI RAB KYI TSAD LA SOGS PA STON PA'I BCOM LDAN 'DAS KYI GSUNG DE YANG SANGS RGYAS KYI GSUNG YIN NO, ZHES PA'I GTAN TSIGS LAS NGES PAR BYA'O, ,KUN MKHYEN DAG SMRA BA MI SRID NA NI SPYOD PA PAS NGAG SMRA BA'I RTAGS KYIS NGAG SMRA BA'I SKYES BU PHA ROL PO KUN MKHYEN MIN PAR BSGRUB PA'I GTAN TSIGS YANG DAG TU KHAS LEN DGOS PAR 'GYUR BAS KUN MKHYEN DNGOS PO STOBS ZHUGS KYI TSAD MAS GRUB CING DES CHOS LEGS PAR GSUNG BA YANG DNGOS PO STOBS ZHUGS KYI TSAD MAS GRUB STE, MNGON SUM LE'U'I SKABS SU MDO TZAM BRJOD ZIN TO, ,GNYIS PA GRAGS PA'I GTAN TSIGS NI, 'DOD PA TZAM GYIS RJES SU BYED PA'I BSGRUB BYA SGRUB PAR BYED PA STE, RI BONG CAN ZLA BA'I SGRAS BRJOD RUNG DU BSGRUB PA'I PHYOGS CHOS RANG RIG MNGON SUM TSAD MAS 'GRUB CING KHYAB PA GRAGS PA'I

, ,GTAN TSIGS LA BRTEN NAS 'GRUB STE, GANG 'DOD BA TZAM GYI RJES SU BYED PA YIN NA, DON THAMS CAD LA 'JUG TU RUNG BAS KHYAB STE, DPER NA RNAM RTOG RANG DGA' BA BZHIN, ZLA BA ZHES PA'I SGRA YANG 'DOD PA TZAM GYI RJES SU BYED BA YIN NO; ZHES PA LA BRTEN NAS 'GRUB CING, GTANTSIGS 'DI'I TSUL GSUM NI RANG RIG PA'I MNGON SUM TSAD MAS GRUB BA YIN NO, ,GNYIS PA LA GNYIS, RTZA BA DANG, 'BREL PA'O, ,DANG PO NI, DE LA RJES DPAG GZHAN GNYIS KYI RTEN GTAN TSIGS RIGS GANG DU SDUD PA YIN SNYAM NA RGOL BA RTOG LDAN MKHAS BAS SMRAS PA'I TSIG CHOS CAN, RANG GI BRJOD BYA'I DON DPOG PA'I KHAS BLANGS PA'I 'BRAS RTAGS ZHES GDAGS SU RUNG STE, RANG GI ZHEN PA'I BRJOD BYA LA MI 'KHRUL ZHING DON DE NYID GZHAN LA BSTAN PA'I CHED DU BDEN ZHEN GYIS SMRAS PA'I TSIG YIN PA'I PHYIR, 'DI DNGOS PO STOBS ZHUGS SAM GRAGS BA'I RTAGS GANG LA RTZOD PA'I SKABS YIN KYANG 'DRA'O, ,'DI NI DNGOS PO LA YID CHES KYI GTAN TSIGS LTAR SNANG YIN KYANG SNGAR BSHAD PA LTAR GDUL BYA BKRI BA'I RIM BA LA NGES PAR DGOS PA YIN NO, ,SANGS RGYAS KYI GSUNG CHOS CAN, GLING BZHI RI RAB LA SOGS PA'I TSAD STON PA'I SANGS RGYAS KYI GSUNG DE RANG GI BSTAN BYA'I DON LA MI SLU BAR SGRUB PA'I KHAS BLANGS PA'I 'BRAS RTAGS YIN TE, DE SGRUB KYI TSUL GSUM GANG ZHIG DE SGRUB KYI GRAGS BA DANG DNGOS PO STOBS ZHUGS GANG YANG MA YIN BA'I PHYIR, ZHEN PA'I BRJOD BYA RTOGS PA'I TSAD MA LAS SKYES SHING DE ZHEN PA'I BRJOD BYA LA MI 'KHRUL BA YIN NO, ,ZHEN PA'I BRJOD BYA DNGOS PO BA SNGA MA LAS SKYES

PAS 'BRAS BUR YANG 'GYUR ZHING BSTAN BYA'I DON LA MI SLU BA NI 'GOD TSUL YIN NO, ,ZHEN PA'I BRJOD BYA KHA CIG MED DGAG KYANG YOD PAS DE'I LTAR NA ZHEN PA'I BRJOD BYA RTOGS PA'I 'BRAS BU LA DE'I 'BRAS BUR BTAGS PA'O, ,'GRO BA LA GRAGS PA SGRA RTOG YIN LA, RTOG PA'I YUL NA YOD PA CHOS CAN, RI BONG CAN ZLA BA'I SGRAS BRJOD RUNG DU SGRUB PA'I RANG BZHIN GYI RTAGS YANG DAG YIN TE, DE SGRUB LA SGRUB PA'I TSUL GSUM GANG ZHIG ZLA BA'I SGRAS BRJOD RUNG DANG DON GZHAN PA YIN PA'I PHYIR, 'THAD LDAN DU, BTAGS BA'I 'BRAS BU DANG RANG BZHIN LA BRTEN NAS KHAS BLANGS PA'I DBYE BA RNAM PA GNYIS KYIS SO, ZHES PA NI 'BREL PA MTSAN NYID PA MA GRUB PAR STON PA MA YIN GYI, BSGRUB BYA'I CHOS DANG DNGOS BO'I STOBS KYIS ZHUGS PA'I 'BREL PA GRUB PA'I TSUL GYIS NGES PAR MI GNAS PA STE, DNGOS PO'I DBANG GIS GNOD BYED DU MI 'JUG PA'I DON TO, ,GNYIS PA NI, DPYAD PA GSUM GYIS DAG BA'I YID CHES BA'I TSIG NI CHOS CAN, SBYIN BAS LONGS SPYOD KHRIMS KYIS BDE, ZHES PA'I LUNG RANG GI BSTAN BYA'I DON LA MI SLU BAR SGRUB PA'I 'BRAS BU'I MTSAN NYID CAN GYI RTAGS YANG DAG YIN TE, DE SGRUB PA LA 'BRAS BU'I MTSAN NYID CAN GYI TSUL GSUM YIN PA'I PHYIR, RTZA BAR BSHAD PA LTAR CIG SHOS LA YANG SBYAR RO, ,GRAGS PA RTOG PA'I YUL NA YOD PA NI CHOS CAN RI BONG CAN ZLA BA'I SGRAS BRJOD RUNG DU SGRUB PA'I RANG BZHIN GYI MTSAN NYID CAN GYI RTAGS YANG DAG YIN TE, DE SGRUB LA RANG BZHIN GYI TSUL GSUM TSANG BA YIN PA'I PHYIR, GNYIS PA SO SO'I DON BSHAD PA LA BZHI, YID CHES PAS MA BSAL BA'I TSUL DANG,

, ,GRAGS PA DANG, MNGON SUM DANG, DNGOS PO STOBS ZHUGS KYI RJES DPAG GIS MA BSAL BA'I TSUL LO, ,DANG PO LA GSUM, YID CHES KYI BSAL BYA SEL TSUL SPYIR BSTAN PA DANG, LUNG DANG RANG TSIG GNOD GEGS THA DAD DU BZHAG PA'I TSUL DANG, LUNG DANG RANG TSIG GNOD GEGS MTSUNGS PAR BZHAG PA'I TSUL LO, ,DANG PO LA GSUM, LUNG DANG RANG TSIG 'JUG PA'I TSUL DANG, DE GNYIS MTSUNGS PAR BSHAD PA'I RGYU MTSAN DGOS PA DANG BCAS PA DANG, DE GNYIS KYI DPER BRJOD 'DRA BAR MDZAD PA'I RGYU MTSAN NO, ,DANG PO LA GSUM, YID CHES KYI GNAS NGOS GZUNG BA DANG, DES SMRAS PA'I TSIG DON GYI 'BRAS BUR BZHAG PA'I TSUL DANG, DE RANG 'GAL DAM BCA'I DON GYI BZLOG PHYOGS LA GEGS BYED DU BSTAN PA'O, ,DANG PO NI, RANG TSIG SMRA BA'I RTOG LDAN MKHAS PA BDAG GAM DPYAD PA GSUM GYIS DAG PA'I LUNG RTZOM PA'I SKYES BU GZHAN NI CHOS CAN, YID CHES PA'I GNAS SU GZUNG BAR BYA BA YIN TE, BRJOD BYA'I DON JI LTA BA BZHIN DU TSAD MAS RTOGS SHING MTHONG BA'I SGO NAS NGAG 'JUG PAR 'DOD PA STE, DE'I SGO NAS NGAG SMRA BA PO YIN PA'I PHYIR, GNYIS PA NI, SKYES BU DE'I TSIG NI CHOS CAN, BRJOD BYA'I DON DE'I 'BRAS BUR GDAGS SU RUNG BA YIN TE, DE LTA BU'I DON GYI DNGOS PO MED NA DE RTOGS PA'I TSAD MA MED TSAD MA DE PHAN BYED DU MED NA, KHYOD MI 'JUG PAS DON GYI 'BRAS BUR BTAGS NAS BZHAG BA'I PHYIR, 'THAD LDAN DU, GANG GI PHYIR DE'I TSIG NI DE LTA BU'I DON GYI DNGOS PO PHYIN CI MA LOG PA NYID MED NA MI 'JUG PA DE'I PHYIR, DON DE'I 'BRAS BUR 'DOD PA YIN NO,

ZHES BSHAD PA NI, TSIG LA DON GYI 'BRAS BUS KHYAB PAS DON GYI 'BRAS BUR DAM 'CHA' RIGS PA MA YIN TE, RTOG LDAN MKHAS PA'I TSIG KYANG DON GYI 'BRAS BUR MA NGES TE, MED DGAG STON PA DU MA YOD PA'I PHYIR, DES NA BRJOD BYA'I DON MED NA DE RTOGS PA'I TSAD MA MI 'BYUNG DE MED NA DE LAS SKYES PA'I TSIG MI 'BYUNG BAS DON GYI DNGOS PO MED NA DE'I KHYAB BYA'I TSIG MI 'BYUNG BA LA DE'I 'BRAS BUR BTAGS PA'I DON YIN NO, ,BRJOD BYA'I DON RTOGS PA'I TSAD MA LAS TSIG SKYES KYANG BRJOD 'DOD DANG MI MTSUNGS TE; BRJOD BYA'I DON MNGON SUM GYIS RTOGS PA DU MA YOD PA'I PHYIR RO, ,TSIG LTAR SNANG RNAMS LA NI SMRA BA POS BDEN ZHEN GYIS SMRAS KYANG DON MED NA MI 'BYUNG BA SRID MTHA' TZAM DU ZAD PA YIN NO, ,GSUM PA NI, BRJOD BYA'I DON DNGOS PO BA RANG GI 'BRAS BU YID CHES PA'I TSIG GIS YANG DAG BAR BSTAN PA TSUL KHRIMS BDE 'GRO'I RGYU YIN PA TSAD MAS MA GRUB BZHIN DU DAM BCAS PA DE NI CHOS CAN, RANG LAS PHYIN CI LOG TU KHAS BLANGS SHING DAM BCAS PA'I DON LA GEGS BYED YIN TE, GZHI GCIG GI STENG DU KHYAD CHOS DNGOS 'GAL DAM BCAS PA'I DAM BCA' STOBS MTSUNGS YIN PA'I PHYIR, 'DIR 'THAD LDAN DU, 'DIR GEGS BYED PA NYID GNAS PAR 'GYUR BA'I PHYOGS YIN TE, DA LTA NI RE SHIG GNOD BA CES BYA BA'I DON 'DOD PA YIN NO, ZHES GSUNGS PA'I DON DU BYAS NAS LUNG RNAM DAG YIN KYANG GEGS BYED TZAM YIN GYI RANG 'GAL DAM BCA'I DON LA GNOD BYED DU 'GYUR BA MI SRID LA, 'OG NAS GNOD BYED DU BSHAD PA YANG SLOB DPON PHYOGS KYI GLANG PO'I SLOB MA SNGA RABS PA DAG GI LUNG

, ,BKOD PA YIN NO ZHES BSTAN BCOS 'DI'I t'IKKA BYED PA SNGON GYI SLOB DPON MKHAS PA DU MAS MDZAD PA NI, 'THAD PAR MI SEMS TE, GZHAL BYA SHIN TU LKOG GYUR GYI DON TSAD MAS MA GRUB NA SNGAR BSHAD PA'I NYES BDE DAG TU 'GYUR BA'I PHYIR DANG, TSAD MAS GRUB NA DPYAD PA GSUM GYIS DAG PA'I LUNG RTAGS YANG DAG TU NGES PAR KHAS LEN DGOS SHING, DES RTAGS KYI DGAG BYA LA MI GNOD PA MI SRID PA'I PHYIR RO, ,'DIR 'THAD LDAN DU BSHAD PA NI, SBYIN PAS LONGS SPYOD KHRIMS KYIS BDE, ZHES PA LTA BU LUNG RNAM DAG YIN NA YANG RANG GI BRJOD BYAR BSTAN TSOD DE'I SGRUB BYED RTAGS YANG DAG DANG, LDOG PHYOGS KYI DON LA GNOD BYED DU MI 'GYUR ZHING, GEGS BYED TZAM YIN TE, RGYU MTSAN YANG DAG GZHAN MA MTHONG BAR GNOD BYED YIN NA NI SGRA MI RTAG CES PA'I TSIG GIS KYANG, SGRA RTAG PA LA GNOD PAR 'GYUR RO, ,LUNG DE RANG GI BRJOD BYA'I DON DANG 'BREL PA TSAD MAS BSGRUBS NAS LUNG DE GNOD BYED DU 'GYUR RO ZHE NA, 'BREL PA SGRUB BYED MNGON SUM NI MED PAS GTAN TSIGS YANG DAG DGOS LA LUNG DE NYID SGRUB BYED YIN NA NI SBYIN PA LAS LONGS SPYOD DANG, TSUL KHRIMS LAS MTHO RIS 'BYUNG STE, DE LTAR STON PA'I LUNG YIN PA'I PHYIR, CES PAR 'GYUR LA DE NI 'DIR NI NGAS KHAS BLANGS PA'I PHYIR CES BYA BA LA SOGS PA'I GTAN TSIGS KYI SBYOR BA DANG LUNG LAS GRUB PA YANG BSHAD PA YIN NO, ZHES SOGS KYI SKABS SU LEGS PAR BKAG ZIN TO, ,DE 'DRA'I LUNG DE RTZOD GZHIR GZUNG NAS RANG GI BRJOD BYA'I DON DANG 'BREL ZHING DE LA MI SLU BA

BSGRUB BYAR BYAS NAS DPYAD GSUM GYIS DAG BA'I LUNG YIN PA SOGS DE SGRUB BYED KYI GTAN TSIGS SU 'DOD NA NI DE LTAR RIGS MOD KYI, RTZOD GZHIR GZUNG BA'I LUNG DE RANG GI BRJOD BYA'I SGRUB BYED DANG BRJOD BYA'I BZLOG PHYOGS LA GNOD BYED YIN PA BKAG ZIN PA YIN TE, SGRA LA MI RTAG PA RTAGS YANG DAG GIS SGRUB DGOS PAR BSTAN PA NYID KYIS SGRA MI RTAG CES PA'I TSIG DES SGRA RTAG PA BKAG ZIN PA MA YIN PAR KHAS BLANG DGOS PA BZHIN NO, ,LUNG RNAM DAG DE RANG GI BRJOD BYAR BSTAN TSOD DE SGRUB BYED YANG DAG DANG, LDOG PHYOGS LA GNOD BYED YANG DAG MA YIN NA LUNG RNAM DAG YIN NA SHIN TU LKOG GYUR GYI DON SGRUB BYED DANG, DE'I LDOG PHYOGS LA GNOD BYED MA YIN PAS KHYAB PAR MA GZUNG ZHIG ,DPER NA BYAS PA DU LDAN LA LA ME SGRUB PA'I RTAGS YANG DAG MA YIN NA BYAS PA YIN NA DE MA YIN PAS KHYAB PAR 'DOD PA DANG, SGRA LA MI RTAG PA SGRUB PA'I RTAGS YANG DAG YIN NA BYAS PA YIN NA DE YIN PAS KHYAB PAR 'DOD PA SOGS DANG 'DRA STE, RANG LDOG GZHI LDOG MA PHYED PA 'DIS RIGS PA SMRA BA DU MA LA 'KHRUL BA BSKYED SNANG NGO, ,DES NA SLOB DPON PHYOGS KYI GLANG PO'I SLOB MA LUNG GNOD BYED DANG GEGS BYED DU 'DOD PA'I PHYOGS GNYIS BYUNG BA YANG SNGAR DRANGS PA'I LUNG DE LTA BU RANG GI BRJOD BYA'I LDOG PHYOGS LA GNOD BYED DANG GEGS BYED DU 'DOD PA'I LUGS GNYIS SO SOR GYES PA YIN GYI, LUNG YIN NA GZHI GANG LA YANG GNOD BYED DU MI 'JUG PAR 'DOD PA SU YANG MED PA'I PHYIR RO, ,LUGS DE GNYIS NI, GEGS BYED DU 'DOD PA'I PHYOGS 'THAD LDAN YIN LA, DE KHAS LEN PA YIN NA YID CHES KYI

, ,GTAN TSIGS YANG DAG KHAS LEN DU MI RUNG BA 'BREL PA CI YANG MED PA'I PHYIR RO, ,'DI YAN CHAD SPYI 'GROR BYAS NAS MTSAMS 'DI NAS LUNG GNOD BYED DU 'DOD PA'I PHYOGS SU 'CHAD PA NI DON MA YIN NO, ,GNYIS PA LA GNYIS BSTAN BCOS DANG RANG TSIG GNYIS SEL BYED PHYOGS GCIG TU SDUD PA'I RGYU MTSAN DANG, BSDUS PA'I DGOS PA'O, ,DANG PO NI, RGOL BA RANG GI TSIG RNAM DAG DANG DPYAD PA GSUM GYIS DAG PA'I BSTAN BCOS CHOS CAN, KHYOD KYIS BSAL BA DE LA YID CHES BSAL BA ZHES BSDUS TE YID CHES BSAL BA SEL BYED CES PHYOGS GCIG TU BRJOD PA'I RGYU MTSAN YOD DE, BRJOD BYA'I DON MED NA MI 'BYUNG BAR KHAS BLANGS PA'I SGO NAS GNOD BYED DU KHAS LEN PA'I YID CHES KYI TSIG TU DE LTAR MTSUNGS PAS GCIG TU BSDUS PA YIN PA'I PHYIR, DE LTAR MTSUNGS PAR THAL, DE LTAR GONG DU BSGRUBS PA DE'I PHYIR, RANG TSIG NI DNGOS STOBS DANG GRAGS PA DANG SHIN TU LKOG GYUR GYI SKABS SU YANG SGRUB BYED 'GOD PA LA SOGS PA'I RGOL PA'I TSIG RNAMS LA YANG 'DRA'O, ,GNYIS BA NI; DPYAD PA GSUM GYIS DAG PA'I BSTAN BCOS 'DI RGOL BA RANG GI TSIG DANG LHAN CIG TU YID CHES BSAL BA SEL BYED CES PHYOGS GCIG TU BRJOD BAR MDZAD PA LA DGOS PA YOD DE, JI LTAR RGOL BA BDAG NYID KYI TSIG TSAD MAR KHAS LEN PA MA YIN NA RTZOD PA'I SKABS SU TSIG MI 'JUG PA DE BZHIN DU BSTAN BCOS TSAD MAR KHAS BLANGS BA LAM BRTEN PAR BSTAN BCOS DER GRAGS PA SHIN TU LKOG GYUR GYI DON LA DE RTOGS PA'I DON DU DPYOD PA MI 'JUG GO ZHES MTSUNGS PAR BSTAN NAS RTOGS PA'I

CHED YIN PA'I PHYIR, RTOG LDAN MKHAS PA'I TSIG YIN NA RANG GI BRJOD BYA'I DON LA 'BREL ZHING MI SLU BA LA TSAD MAR BYAS PA DE YIN LA DE LTA NA YANG SGRUB BYED DU KHAS LEN DGOS PA MA YIN PAR SHES PAR BYA'O, ,RTZOD PA'I SKABS SU TSIG TSAD MAR KHAS MI LEN NA TSIG MI 'JUG PA BZHIN DU, SHIN TU LKOG GYUR RTOGS PA'I DON DU BSTAN BCOS TSAD MAR KHAS MI LEN NA DE LA DPYOD PA MI 'JUG PA MTSUNGS PAR BSTAN PA LA DGOS PA YOD DE, SKABS KYI RTEN CHOS CAN SBYIN SOGS NYID LA BDE BA MI STER BAR DAM BCAS PA LA DPYAD PA GSUM GYIS DAG PA'I BSTAN BCOS GNOD PAR BYED PA YIN NO ZHES BYA BA'I DON 'DI BRJOD NAS RTOGS PA'I DON DU YIN PA'I PHYIR, 'DI LA'U YUG PA RIGS PA'I SENGGE LA SOGS PAS GNOD PAS TE GEGS BYED YIN NO ZHES SHES PA'I CHED DANG, GNOD BYED YIN PA MI BDEN NO ZHES RTOGS PA'I CHED DU YIN NO ZHES PA NI MKHAS PA'I GZHUNG LOG BAR 'CHAD PA'I KHA NA MA THO BA CHEN PO YIN NO, ,'DIR KHA CIG MTSUNGS PA DGU SKOR BYED BA NI RMONGS PA NGO MTSAR BSKYED PA'I RNAM GZHAG YIN NO; ;GSUM PA LA GSUM, GNYIS KA'I DPE THUN MONG BA DANG, DE GNYIS KA'I DPER RUNG BA'I RGYU MTSAN DANG, DE LA RTZOD PA SPANG BA'O, ,DANG PO NI, SEL BYED RANG TSIG DANG LUNG TSIG GNYIS PO 'DI LA GZHAL BYA'I DON CAN GYI TSAD MA DAG MED DO ZHES BSAL BA'I DPER BRJOD PA YANG THUN MONG DU 'DRA BAR BRJOD PA'I RGYU MTSAN YOD DE, 'DI GNYIS SKABS KYI RTEN CAN DU MTSUNGS PAR GO BA'I CHED DU YID CHES BA'I SEL BYED DU GSUNGS BA RGYU MTSAN DANG DGOS PA DANG BCAS PA DE NYID KYI PHYIR, 'DIR

, ,'THAD LDAN DU, GZHAL BAR BYA BA'I DON CAN GYI TSAD MA DAG MED DO, ZHES BYA BA NI, GZHAL BYA'I DON CAN DON DANG LDAN PA'I TSAD MA DAG MED PA'O, ,DE DAG GIS RTOGS PA'I DON GANG YIN PA DE MED DO, ZHES DON 'GOG PA YIN GYI, RANG GI NGO BO TZAM NI MA YIN TE, DE NI NYAMS SU MYONG BA'I PHYIR RO, ZHES GSUNGS PA'I DON DU BSAMS NAS TSAD MAS GZHAL BAR BYA BA'I DON MED DO ZHES DAM BCAS NA YID CHES BSAL BA YIN LA GZHAL BYA'I DON CAN GYI TSAD MA DAG MED DO, ZHES DAM BCAS NA YID CHES BSAL BAR MI RUNG STE, DE YOD PAR RANG RIG MNGON SUM GYIS GRUB PA'I PHYIR RO, ZHES ZER BA NI MKHAS PA'I DBANG PO'I DGONGS PA MA RTOGS SHING RIGS PA MI SHES PA'I RNAM 'GYUR DU GSAL TE, DE LTA NA SNGA MA YANG YID CHES BSAL BAR MI RUNG BAR THAL, DE YOD PAR DNGOS STOBS KYI TSAD MAS GRUB PA'I PHYIR, BSKAL BA'I BAR DU MTSUNGS SO, ,DES NA 'DI'I DPE NI, TSAD MA RTZOD GZHI YIN LA GZHAL BYA'I DON CAN GYI TSAD MA DAG MED PA BSGRUB BYA'I CHOS SU DAM BCAS PA YIN PAS, TSAD MCHOS CAN, GZHAL BYA 'JAL BYED DU MED DE, ZHES PA DPER SMOS PA YIN GYI, GZHI CHOS CAN TSAD MA MED DO, ZHES PA'I DAM BCA' DPER SMOS PA MA YIN TE, DE LTAR DAM BCAS PA LA NI LUNG DANG 'GAL BA DANG, RANG TSIG SNGA PHYI DANG DNGOS SHUGS 'GAL BA'I SKYON GANG YANG MED CING RANG RIG MNGON SUM TSAD MA 'BA' ZHIG GIS BSAL BA'I PHYIR RO, ZHES PA'I DON YIN NO, ,'DI RANG TSIG 'GAL BAR 'GYUR BA'I RGYU MTSAN NI 'OG TU 'CHAD PAR 'GYUR RO, ,GNYIS PA NI, DPE DE

NYID RANG TSIG 'GAL BA DANG LUNG TSIG 'GAL BA GNYIS KA'I DPER RUNG STE, DAM BCA' DES TSIG BRJOD BYA'I DON DANG 'BREL BA NGES PAR BYED PA'I TSAD MA MED PAR SHUGS LA DAM BCAS PA GANG ZHIG TSIG BRJOD BYA'I DON DANG 'BREL PA NGES PAR BYED PA'I TSAD MA RNAMS MED NA BSTAN BCOS DANG TSIG DAG GANG YANG BRJOD BYA'I DON LA MI SLU BA'I TSAD MAR MI RUNG BA'I PHYIR RO, ,GSUM PA LA GNYIS, SPYI'I DON DANG, TSIG GI DON SO SOR BSHAD PA'O, ,DANG PO LA RANG TSIG DANG 'GAL BA DANG, LUNG DANG 'GAL BA DANG; 'GAL BA NGES BYED KYI TSAD MA NGOS GZUNG BA DANG, DE DAG SKABS GANG LA BRTEN NAS RNAM PAR BZHAG PA'O, ,DANG PO LA, MTSAN NYID DANG, DBYE BA'O, ,DANG PO NI, LUNG GI SGRUB BYED LA MI BRTEN PAR BDEN ZHE NA GYIS SMRAS PA NA SNGA PHYI DANG DNGOS SHUGS GANG RUNG GI 'GAL BA TSIG SMRAS TZAM GYI STOBS KYIS BLO YUL DU 'PHEN PAR BYED PA'O, ,'DI NI TSIG RANG NYID BDEN ZHEN GYIS SMRAS PA'I SNGA PHYI'AM DNGOS SHUGS LA DAM BCAS PA'I NGAG GI DAM BCA' 'GAL BA LA YID CHES BSAL BA ZHES BZHAG PA DE'I DON YIN GYI CHOS CAN TSAD MA'I STENG DU GZHAL BYA 'JAL BYED DU YOD PA DANG, MED PA GNYIS 'GAL BAR DNGOS PO STOBS ZHUGS KYI TSAD MAS NGES PAR BYED PA YIN PAS TSAD MA GZHAL BYA 'JAL BYED DU MED PA LTA BU'I TSAD MAS BSAL BA'I MTSAN NYID NI MA YIN TE, GZHI MA GRUB PA LA MTSAN NYID DANG MTSAN GZHI'I DBYE BA MI RUNG BA'I PHYIR RO, ,GNYIS PA LA, RANG TSIG DNGOS SHUGS 'GAL BA DANG, SNGA PHYI 'GAL BA'O, ,DANG PO NI, SNGAR DPER BRJOD PA STE, GZHI CHOS CAN TSAD

, ,MA'I STENG DU GZHAL BYA 'JAL BYED DU MED PA BDEN ZHE NA GYIS DAM BCAS PA NA, DNGOS KYI DAM BCA' DE DANG SHUGS LA GZHAL BYA 'JAL BYED DU MED PA DE TSAD MA'I GZHAL BYAR DAM BCAS PAS TSAD MA GCIG PO'I STENG DU GZHAL BYA 'JAL BYED DU MED PA DANG, GZHAL BYA 'JAL BYED DU YOD PA GNYIS DNGOS SHUGS KYI DAM BCA' 'GAL BA YIN NO, ,KHA CIG BRJOD BYA DNGOS SHUGS 'GAL BA ZHES ZER BA MI RIGS TE, SHUGS KYI DAM BCA' DE TSIG DE'I BRJOD BYA MA YIN PA'I PHYIR DANG, TSIG DE'I BSTAN BYA YANG YIN LA DE GNYIS 'GAL BA YANG YIN PA'I GZHI MTHUN SRID MOD KYI GANG ZAG SU SMRA MI MKHAS PA YIN KYANG DNGOS 'GAL TSIG DE'I SHUGS KYI BRJOD BYAR STON PA'I TSIG MED PA'I PHYIR RO ,GNYIS PA SNGA PHYI 'GAL BA DAM BCAS PA NI, BDEN ZHEN GYIS KHO BO'I MA MO GSHAM MO ZHES DAM BCAS PA NA CHOS CAN BUD MED GCIG PO DE LA BU SKYED PA'I NUS PA YOD PAR SNGAR DAM BCAS PA DANG NUS PA MED PAR PHYIS DAM BCAS PA GNYIS 'GAL BA YIN NO, ,GNYIS PA NI; BDEN ZHEN GYIS SBYIN SOGS DKAR PO'I CHOS NI BDE BSKYED BYED MA YIN NO, ZHES DAM BCAS PA STE, CHOS CAN SBYIN SOGS GCIG PO'I STENG DU BDE BA SKYED PA'I NUS PA YOD PA DANG, MED PA GNYIS SNGA PHYIR DAM BCAS PA 'GAL BA YIN NO; ;TSIG LTAR SNANG GSUM PO DE DAG SMRA BA PO RANG NYID KYIS YID CHES PA'I TSIG TU GZUNG NAS BDEN ZHAN GYIS SMRAS PA NA PHYIR RGOL GYI BLO NGOR TSIG DE DAG GI DON 'GAL BAR NGES PA'I TSAD MA MA SKYES KYANG TSIG SMRAS TZAM NAS 'GAL BA ZHUGS

'DUG SNYAM DU YID DPYOD TSUN CHOD KYIS NGES NUS PA'I CHA NAS YID CHES PA'I BSAL BA ZHES BYA LA PHYOGS YANG DAG YIN NA DAM BCAS PA'I TSE DE LTA BU'I 'GAL BA YANG MA ZHUGS PA ZHIG DOGS SO, ZHES SHES PA'I CHED DU YID CHES PAS MA BSAL BA STON PA'I SKABS SU YID CHES PA DAG DANG ZHES MANG TSIG GIS GSUNGS SO, ,'GAL BA NGES BYED KYI TSAD MA SKYES PA LA BLTOS PA'I DBANG GIS DE LTAR BZHAG PA NI MA YIN TE, 'PHYI MA YID CHES KYI BSAL BA YIN DU CHUG NA YANG SNGA MA GNYIS DNGOS PO STOBS ZHUGS KYI BSAL BAR 'GYUR BA'I PHYIR RO, ,SBYIN SOGS DKAR PO'I CHOS YIN PA YID CHES RJES DPAG GI GZHAL BYA YIN PAS DE'I LDOG PHYOGS YID CHES KYI BSAL BA YIN KYANG SBYIN SOGS KYI STENG DU BDE BA BSKYED PA DANG MI SKYED PA SNGA PHYIR DAM BCAS PA YIN NA KHYAD CHOS DNGOS 'GAL DAM BCAS PA DNGOS STOBS KYI TSAD MAS 'GAL BAR NGES PA YIN TE 'CHAD PAR 'GYUR RO, ,GSUM PA NI, GZHI CHOS CAN TSAD MA'I STENG DU GZHAL BYA 'JAL BYED DU YOD PA DNGOS STOBS KYI TSAD MAS YONGS SU BCAD PA'I STOBS KYIS GZHAL BYA 'JAL BYED DU MED PA SEL BAR BYED PA YIN LA, CHOS CAN BUD MED GCIG PO DE'I STENG DU BU SKYED PA'I NUS PA YOD PAR DNGOS STOBS KYI TSAD MAS YONGS SU BCAD PA'I STOBS KYIS BU SKYED PA'I NUS PA MED PA SEL BAR BYED PAS 'GAL BA NGES BYED NI DNGOS STOBS KYI TSAD MA KHO NA'O, ,'O NA DNGOS PO STOBS ZHUGS KYI BSAL BAR 'GYUR RO ZHE NA, 'GAL BA NGES BYED KYI TSAD MA LA BLTOS NAS 'DOD PA KHO NA'O, ,SBYIN PA GTONG BA DANG TSUL KHRIMS BSRUNG BRTZOD

, ,GZHIR GZUNG NAS TSE 'PHOS NAS BDE BA SKYED BYED YIN MIN RTZOD PA'I TSE NA NI DE GNYIS RTZOD GZHIR GZUNG BA'I STENG DU BDE BA SKYED BYED YIN PA YID CHES RJES DPAG GIS GRUB PAS DE LDOG PHYOGS YID CHES BSAL BA 'BA' ZHIG YIN GYI, , DNGOS PO STOBS ZHUGS KYI BSAL BA MA YIN NO, ,BZHI PA NI, SHIN TU LKOG GYUR STON PA'I SKABS YIN KYANG RUNG DE DAG GI DON LA RTZOD PA'I TSE YID CHES RJES DPAG GI BSAL BA MIN PA'I RGOL BA'I RANG TSIG DNGOS SHUGS 'GAL BA DANG SNGA PHYI 'GAL BA'I YID CHES PA'I BSAL BA DU MA 'BYUNG BAS GZHAL BYA'I GNAS GSUM KA GTAN LA 'BEBS PA'I SKABS SU DE DAG YOD PAR SHES PAR BYA'O, ,'O NA SBYIN PA DANG TSUL KHRIMS CHOS CAN, KHYOD LAS RANG 'BRAS BDE BA 'BYUNG STE, KHYOD LAS DE 'BYUNG BAR STON PA'I LUNG DE RNAM DAG YIN PA'I PHYIR, CES BKOD PAS CHOG MOD CE NA, ZHE 'DOD KYI DAM BCA' DE LTAR YIN KYANG ZHE 'DOD KYI CHOS CAN DNGOS PO STOBS ZHUGS KYIS GRUB PA RTZOD GZHIR GZUNG PA YID CHES KYI GTAN TSIGS MA YIN PA'I PHYIR RO, ,SBYIN PAS LONGS SPYOD KHRIMS KYIS BDE ZHES PA'I LUNG CHOS CAN, RANG GI BRJOD BYA'I DON DNGOS PO BA SNGA MA SNGON DU SONG STE, DPYAD PA GSUM GYIS DAG PA'I LUNG YIN PA'I PHYIR, CES ZER NA YANG 'GOD TSUL LA RUNG MOD KYI ZHE 'DOD NI SNGAR LTAR RO, ,GNYIS PA LA GNYIS, DPE DE LUNG 'GAL GYI DPER SMOS PA SKYON MED PA DANG, LUNG 'GAL GYI DPE DNGOS SO, ,DANG PO NI, TSAD MA CHOS CAN, GZHAL BYA 'JAL BYED DU MED DE, ZHES PA'I DAM BCA'I CHOS CAN TSAD MA DE, LUNG

GIS BZHAG PA MA YIN PAR DNGOS STOBS KYI TSAD MAS GRUB PA MA YIN NAM, CI LTAR LUNG 'GAL GYI DPER RUNG ZHE NA, RGOL BAS BDEN ZHEN GYIS GZHAL BYA'I DON CAN GYI TSAD MA DAG MED DO ZHES SMRAS PA'I TSIG CHOS CAN, RANG GI TSIG DANG 'GAL BA LA NI BSAL BA'I DPER BRJOD PA YIN TE, CHOS CAN DNGOS STOBS KYI TSAD MAS GRUB PA'I STENG DU DNGOS KYI DAM BCA' DANG 'GAL BA SHUGS LA 'DREN PAR BYED PA'I RGOL BA'I TSIG YIN PA'I PHYIR, DPE 'DI CHOS CAN, LUNG 'GAL LA NI GSAL BA'I DPER RUNG BA MA YIN TE, PHYOGS TZAM ZHIG 'DRA BAR MTSON NAS BSTAN PA'I DPE TZAM ZHIG YIN PA'I PHYIR, LUNG 'GAL GYI PHYOGS TZAM MTSON DU RUNG STE, LUNG 'GAL DNGOS MA YIN KYANG CHOS CAN BSTAN BCOS KYIS GRUB PA BSTAN BCOS DANG 'GAL BAR DAM BCAS PA DE, LUNG 'GAL DU KHYOD KYIS MTSON NUS PA'I PHYIR, GNYIS PA NI, LUNG 'GAL 'DI LA DPER BRJOD PA NI GANG ZHE NA, SBYIN SOGS DKAR PO'I CHOS NI CHOS CAN, TSE 'PHOS NAS BDE BA STER BAR BYED PA MA YIN NO, ZHES BYA BA LTA BU YIN NO, ,DAM BCA' DE CHOS CAN, LUNG 'GAL GYI BSAL BA'I DPE YIN TE, CHOS CAN DPYAD PA GSUM GYIS DAG PA'I LUNG GIS GRUB PA'I DON LA DES GNOD PA SNGA PHYIR DAM BCAS PA'I DAM BCA' YIN PA'I PHYIR, GNYIS PA LA GSUM DPYAD PA GSUM GYIS DAG PA'I LUNG GNOD BYED DU BSTAN PA DANG, RANG TSIG GEGS BYED DU BSTAN PA DANG, DPYAD PA GSUM GYIS DAG PA'I LUNG GNOD BYED DU SGRUB PA'O, ,DANG PO LA GSUM, SHIN TU LKOG GYUR GYI SKABS SU DE 'DRA'I LUNG GNOD

, ,BYED DU BSTAN PA DANG, CHOS CAN DNGOS STOBS KYIS GRUB PA'I SKABS SU LUNG GNOD BYED MA YIN PAR BSTAN PA DANG, RTZA BA'I SKABS SU YID CHES RJES DPAG RJES DPAG LAS LOGS SU BSTAN PA'I DGOS PA'O, ,DANG PO LA GNYIS, SHIN TU LKOG GYUR GYI SKABS SU BSTAN BCOS TSAD MAR KHAS LEN DGOS PA DANG, RTZOD PA SPANG BA'O, ,DANG PO NI, SBYIN SOGS DKAR PO'I CHOS NI 'PHOS NAS BDE BA STER BAR BYED PA MA YIN NO, ,ZHES BYA BA 'DIR CI LTAR BSTAN BCOS KYIS GNOD PA YIN CE NA, SBYIN SOGS DKAR PO['I CHOS YIN PA RNAM PA DE LTA BU'I YUL LA NI GDON MI ZA BAR DPYAD PA GSUM GYIS DAG PA'I BSTAN BCOS SGRUB BYED TSAD MAR 'GYUR DGOS TE, CHOS CAN SBYIN SOGS DKAR PO'I CHOS TSAD MA'I YUL DU RNAM PAR BZHAG PA NI NGES PAR DPYAD PA GSUM GYIS DAG PA'I BSTAN BCOS KYI SGRUB BYED YANG DAG DES BSGRUB PA DE LA BRTEN PA'I PHYIR, DPYAD PA GSUM GYIS DAG PA'I LUNG GNOD BYED DU MI RUNG NA SBYIN SOGS DKAR PO'I CHOS KYI STENG DU BDE BA STER BA DANG MI STER BA GNYIS GEGS BYED DU YANG MI RUNG BAR THAL, SBYIN SOGS DKAR PO'I CHOS DE LA TSAD MAS GNOD PA'AM TSAD MAS MA GRUB NA GEGS BYA SA'I GZHI MED PAS KHYAD PAR GYI CHOS LA DPYOD PA MI 'JUG PA'I PHYIR, 'DI NAS GZUNG STE BSTAN BCOS DE TSAD MA MA YIN NA ZHES PA LA THUG PA'I BAR LUNG GNOD BYED DU 'DOD PA'I LUGS STON PA GZHAN GZHUNG 'BA' ZHIG TU 'CHAD PA NI HA CANG RNAM PAR MI 'TSAM STE, SEL BYED RTZA BA'I DBYE BA STON PA'I SKABS KYI SEL BYED THA

DAD DU BSHAD PA'I DGOS PA STON PA SOGS 'GREL BA'I GZHUNG YIN PA'I PHYIR RO, ,BSHAD MA THAG PA'I GZHUNG 'DI YANG LUNG GANG YANG GNOD BYED DU MI RUNG NA CHOS CAN DKAR CHOS TSAD MAS MI 'GRUB PAS DNGOS 'GAL SNGA PHYIR DAM BCAS PA GNOD BYED YIN PA LTA ZHOG GEGS BYED DU YANG MI RUNG BA RANG LUGS LA YANG KHAS LEN DGOS PAR STON PA YIN PA'I PHYIR RO, ,'ON KYANG 'DI DAG LA BRTEN NAS LUNG DANG RANG TSIG GNOD GEGS MI MTSUNGS PA DANG MTSUNGS PAR 'DOD PA'I LUGS RTOGS PAR NUS SHING DE DAG RTOGS PA['I DON DU YANG BRTZAMS PA YIN PA'I PHYIR RO, ,DES NA LUNG GNOD BYED DU 'DOD NA SNGA RABS PA'I LUGS NI SBYIN PAS LONGS SPYOD KHRIMS KYIS BDE ZHES PA'I LUNG DE NYID RANG GI BRJOD BYA'I SGRUB BYED DANG, LDOG PHYOGS DAM BCAS PA LA GNOD BYED DU 'DOD PA'I RGYU MTSAN YANG LUNG GNOD BYED DU KHAS MA BLANGS NA DE MI RUNG SNYAM PA STE, MI 'THAD PAR BSHAD ZIN TO, ,GNYIS PA LA GNYIS, RTZOD PA DANG LAN NO, ,DANG PO NI, GAL TE BSTAN BCOS LAS GRUB PA'I CHOS CAN LA BSTAN BCOS DANG 'GAL BA DAM BCAS NA BSTAN BCOS KYIS GNOD PA DE NI JI LTAR SANGS RGYAS PA'I LUNG LAS, ,SEMS KYI NANG NA GNAS PA'I SKYON, ,'JUG NGOGS KHRUS KYIS DAG MI 'GYUR, ,DE NI LAN BRGYAR KHRUS BYAS KYANG, ,CHANG BUM BZHIN DU GTZANG MI 'GYUR, ZHES SOGS 'JUG NGOGS SU KHRUS BYAS PA DANG ME LNGA BSTEN PA DANG, MDUNG RTZE GSUM GYI KHA LA MCHOD BA LA SOGS PA CHOS MA YIN PA SDIG PA DAG PAR BYED PA MA YIN NO ZHES BYA BA KHAS BLANGS PAS DE LA NGED KYI LUNG

, ,LAS, ,GANGG'A'I SGO NA KU SHA 'KHYIL, ,SIL BA CAN DANG SNGON PO'I RIGS, ,KA NI KA LI'I 'JUG DOGS SU, ,KHRUS BYAS YANG 'BYUNG SRID MA YIN, ZHES KHRUS BYAS PAS YANG SRID MI LEN PAR BSHAD PA'I LUNG GIS KYANG GNOD PA MA YIN NAM ZHE NA, GNYIS PA LA GSUM, DE 'DRA'I LUNG GNOD BYED DU KHAS MA BLANGS PA DANG, KHAS BLANGS KYANG GNOD BYED DU MI RUNG BA DANG, GNOD BYED KYI LUNG NGOS GZUNG BA'O, ,DANG PO LA GNYIS, DE 'DRA'I LUNG DON BKAG KYANG SKYON MED PA DANG, RANG GIS KHAS BLANGS PA'I LUNG DANG 'GAL NA SKYON DU 'GYUR BA'O, ,DANG PO NI, KHRUS SDIG PA DAG BYED DU 'DOD PA BKAG PA LA TSAD MA GANG GIS KYANG GNOD PA'I SKYON YOD BAM YIN PAR THAL, DNGOS STOBS DANG GRAGS PAS MA MTHONG BA SHIN TU LKOG GYUR GYI DON RTOGS SHING STON PAR BYED PA'I BSTAN BCOS RNAM DAG THAMS CAD KHRUS SDIG PA DAG BYED YIN NO ZHES DE SKAD MI BRJOD PA'I PHYIR, GNYIS PA NI, BSTAN BCOS THAMS CAD LAS DE SKAD MI BRJOD KYANG 'GA' ZHIG LAS 'BYUNG BAS KHRUS SDIG PA DAG BYED YIN PA BKAG PA LA DES GNOD DO ZHE NA, SHIN TU LKOG GYUR STON PA'I SKABS SU SANGS RGYAS PA RANG GIS KHAS LEN PA'I RTEN GYI DPYAD PA GSUM GYIS DAG PA'I BSTAN BCOS DANG 'GAL BA KHAS BLANGS NA GNOD PAR 'GYUR TE, DE 'DRA'I BSTAN BCOS SHIN TU LKOG GYUR GYI DON SGRUB BYED DANG DE'I LDOG PHYOGS KYI DON LA GNOD BYED DU KHAS BLANGS PA'I PHYIR, KHRUS SDIG PA DAG BYED DU STON PA'I BSTAN BCOS GZHAN NI BKAG KYANG KHAS

BLANGS 'GAL BA'I SKYON YOD PA MA YIN TE, DE 'DRA'I BSTAN BCOS TSAD MAR KHAS MA BLANGS PA'I PHYIR RO, ,GNYIS PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, KHRUS SDIG PA DAG BYED DU STON PA'I BSTAN BCOS DE KHAS BLANGS PA'I CHOS CAN YIN KYANG, DE BKAG PA LA SKYON MED PAR THAL, KHRUS KYIS SDIG PA DAG PAR SMRA BA'I BSTAN BCOS DE'I RANG GI TSIG GIS KYANG KHAS BLANGS PA'I DON DE LA GNOD PA'I PHYIR RO, ,GNYIS PA NI, MNGON MTHO DANG THAR PA KHAS LEN PA'I PHYI ROL PA DANG, SANGS RGYAS PA'I BSTAN BCOS THAMS CAD LAS CHOS MA YIN PA SDIG PA NI CHAGS PA LA SOGS PA'I RTZA BA CAN DU RNAM PAR BZHAG PA YIN TE, DE LTAR DNGOS SHUGS CI RIGS LA BZHAG CING BSTAN PA'I PHYIR, KHRUS KYIS SDIG PA DAG PAR BSHAD PA'I BSTAN BCOS DE LAS CHAGS SOGS SDIG PA'I RTZA BAR MA BSHAD PA MA YIN NAM ZHE NA, DE LAS KYANG DON GYIS CHAGS SOGS SDIG PA'I RTZA BAR BSTAN PA YIN TE, DE LAS MA CHAGS PA DANG SDANG BA MED PA DANG MA RMONGS PA'I GANG ZAG RNAMS LA NI RGYU MTSAN DE NYID KYIS SDIG PA MED PAR KHAS LEN CING SDIG PAR KHAS MI LEN PA'I PHYIR RO, ,BSTAN BCOS DE'I RANG TSIG GIS RANG GI DON LA JI LTAR GNOD CE NA, RANG GIS KHAS BLANGS PA'I BSTAN BCOS GCIG GIS CHAGS SOGS SDIG PA'I RTZA BAR RNAM PAR BZHAG PA DES NI YANG KHRUS LA SOGS PAS SDIG PA DAG PAR BYED PAR SMRA BA LA GNOD PA YIN TE, KHRUS KYIS SDIG PA'I RGYU LA MI GNOD PA'I PHYIR, DON NI, KHRUS KYIS SDIG PA ZAD PAR BYED PA MA YIN TE, SDIG PA'I

, ,RGYUR KHAS BLANGS PA'I CHAGS SOGS NYON MONGS LA MI GNOD PA'I PHYIR, DE'I RTAGS RANG RIG PA'I MNGON SUM TSAD MAS GRUB STE, KHRUS BYAS PAS 'DOD CHAGS DANG ZHE SDANG CHUNG DU MI 'GYUR BAR RANG RIG MNGON SUM TSAD MAS GRUB PA'I PHYIR RO, ,SDIG PA'I GNYEN POR 'DOD PA DES SDIG PA'I RGYU LA MI GNOD PAR TSAD MAS GRUB PAS CHAGS SOGS SDIG PA'I RTZA BAR SMRA BA DANG KHRUS KYIS SDIG PA DAG PAR SMRA BA KHAS BLANGS NANG 'GAL BA YIN NO, ,SDIG PA'I RGYU LA MI GNOD NA SDIG PA ZAD BYED MA YIN PAS KHYAB PAR THAL, RGYU MA ZAD NA 'BRAS BU MI LDOG PA'I PHYIR, DPER NA BAD KAN DANG YON TAN MTSUNGS PA'I KHA ZAS MNGAR BA DANG, BSIL BA DANG SNUM PA ZOS PA DAG GIS BAD KAN BSKYED CING BAD KAN LAS GYUR PA'I NAD KYI RGYU LA MI GNOD PA'I PHYIR, NAD DE ZHI BAR BYED PA MA YIN PA BZHIN NO, ,GSUM PA LA GNYIS, LUNG GANG YANG RUNG BA GNOD BYED DU MI RUNG BA DANG, DPYAD GSUM GYIS DAG PA'I LUNG GNOD BYED DU GZUNG BAR BYA BA'O, DANG PO NI, LUNG GIS MTHONG BA'I DON SHIN TU LKOG GYUR STON PA'I BSTAN BCOS DAG LA NI NANG 'GAL YOD MED SEMS BA SKABS SU BAB CING DE YANG SKYON DU BSAM PAR BYA BA YIN TE, BSTAN BCOS PHAL CHER NANG 'GAL BA BRJOD PAR MTHONG BA'I PHYIR, DER THAL, SNGAR BSHAD PA LTAR SHIN TU LKOG GYUR STON PA'I BSTAN BCOS PHAL CHER GNOD BYED MA YIN PA DE NYID KYI PHYIR, GNYIS PA NI, YANG CI'I PHYIR DE LTAR SEMS PAR BYED CE NA, BSTAN BCOS RNAMS LA NANG 'GAL YOD MED BSAMS

PA LA DGOS PA YOD DE, BSTAN BCOS GANG ZHIG DPYAD PA GSUM GYIS DAG PA DE SHIN TU LKOG GYUR GYI SKABS SU GNOD BYED DU GZUNG BAR BYA BA'I CHED YIN PA'I PHYIR, DPYAD PA GSUM GYIS DAG PA'I TSUL JI LTA BU ZHE NA, 'PHAGS PA BRGYAD STONG PA CHOS CAN; DPYAD PA GSUM GYIS DAG PA YIN TE, MTHONG BA MNGON SUM DANG DNGOS PO STOBS ZHUGS KYI RJES DPAG STON PA'I YUL LA DNGOS PO'I STOBS KYIS ZHUGS PA'I TSAD MAS MI GNOD CING GRUB PA DANG MA MTHONG BA'I YUL SHIN TU LKOG GYUR STON PA'I SKABS DAG LA SNGA PHYI 'GAL BA DANG DNGOS SHUGS 'GAL BA'I RANG TSIG GIS MI GNOD PA'I LUNG YIN PA'I PHYIR, MNGON SUM GYI YUL LA MTHONG BA ZHES BRJOD PAR RIGS MDO DNGOS PO STOBS ZHUGS RJES DPAG GI YUL LA MTHONG BA ZHES JI LTAR BRJOD CE NA, ME BZHIN DU RES 'GA' MNGON SUM GYIS MTHONG BA'I PHYIR DANG, MIG DBANG BZHIN DU DBANG PO'I RTEN MTHONG BAS KYANG MTHONG BAR BRJOD DO, ,RANG GIS MNGON GYUR DU 'DOD PA SNGON PO LA SOGS PA MNGON GYUR DU BSTAN PA DANG GZHAN DAG GIS MNGON GYUR DU 'DOD PA SPYI DON GZHAN LA SOGS PA MNGON GYUR YIN PA BKAG PA LA MNGON SUM GYIS GNOD PA MED PA DANG, RANG GIS LKOG GYUR DU 'DOD PA BDAG MED PA LA SOGS PA LKOG GYUR DU BSTAN PA DANG, GZHAN DAG GIS LKOG GYUR DU 'DOD PA GTZO BO LA SOGS PA GZHAL BYA LKOG GYUR YIN PA BKAG PA LA DNGOS PO STOBS ZHUGS KYI RJES DPAG GIS GNOD PA MED PA DANG, SHIN TU LKOG GYUR STON PA'I SKABS LA SNGA PHYI DANG DNGOS SHUGS 'GAL BA MED PAR TSAD MAS GRUB PA'I

, ,LUNG DE GNOD BYED DU GZUNG BAR BYA BA YIN NO, ,SHIN TU LKOG GYUR STON PA'I SKABS SU YANG SBYIN SOGS DKAR CHOS LAS BDE BA 'BYUNG BA DANG, MI 'BYUNG BA LUNG GI RGYUN GCIG LA SNGA PHYIR DAM BCAS PA YIN NA, DE GNYIS 'GAL BAR DNGOS PO STOBS ZHUGS KYI TSAD MAS GRUB PA YIN TE, GZHI CHOS CAN DKAR CHOS KYI STENG DU BDE BA 'BYIN PA DANG MI 'BYIN PA'I YA GYAL GANG RUNG GCIG DNGOS STOBS KYI TSAD MAS MA GRUB KYANG GZHI CHOS CAN KHA ZAS ZOS PA LTA BU'I STENG DU BDE BA BSKYED PAR YONGS SU BCAD PA'I STOBS KYIS BDE BA MI SKYED PA RNAM BCAD LA KHEGS SHING, DE RNAM BCAD LA KHEGS PA'I STOBS KYIS CIG SHOS YONGS GCOD LA DNGOS STOBS KYI TSAD MAS GRUB PA'I SGO NAS BSTAN BCOS LA YANG SNGAR BSHAD PA LTA BU'I SNGA PHYI 'GAL BA YOD NA DNGOS STOBS KYI TSAD MAS RTOGS DGOS PA LA LUNG RNAM DAG GI STENG DU DE 'DRA'I 'GAL BA MED PAR DNGOS STOBS KYI TSAD MAS RTOGS NUS PA YIN NO, ,DE BZHIN DU RANG TSIG 'GAL BA MED PA LA YANG SHES PAR BYA'O, ,GNYIS PA LA GSUM, MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO LA GNYIS, CHOS CAN DNGOS STOBS KYIS GRUB PA'I SKABS SU LUNG DANG 'GAL BA DAM BCAS KYANG LUNG GIS MI GNOD PA DANG, DE'I DPE'O, ,DANG PO NI, CHOS CAN DNGOS STOBS KYIS GRUB PA'I SKABS SU LUNG DANG 'GAL BA DAM BCAS NA SKYON CIR 'GYUR ZHE NA, CHOS CAN LUNG GIS GRUB PA DE LA MI BRTEN PA'I DNGOS PO SGRA LTA BU LA NI SGRA RTAG PA NAM MKHA'I

YON TAN CAN DU STON PA'I BSTAN BCOS DANG LDAN PAS 'GAL BA SGRA MI RTAG PAR TSAD MAS MA GRUB BZHIN DU DAM BCAS PA LA BRJOD KYANG BSTAN BCOS DES CIG SHOS LA GNOD PA MA YIN TE, DE GNYIS PHAN TSUN DU GEGS BYED PAR 'GYUR BA TZAM YIN PA'I PHYIR, DER THAL, DAM BCA' DE GNYIS KA RGYAB RTEN TSAD MA MED PAR GZHI GCIG LA CHOS DNGOS 'GAL DAM BCAS PA'I STOBS MTSUNGS YIN PA'I PHYIR, GNYIS PA NI, DPER NA RGOL BAS BDEN ZHEN GYIS KHO BO'I MA MO GA SHAM MO ZHES SMRAS PA'I RANG GI TSIG SNGA PHYI GEGS BYED YIN PA BZHIN NO, ,GNYIS PA LA GSUM, RGYAB RTEN TSAD MA MED PAR MTSUNGS PA'I TSE RANG TSIG 'GAL BAR BSTAN PA DANG, RGYAB RTEN TSAD MA YOD PAS TSAD MA MED PA LA GNOD PA DANG, DES KHAS MI LEN PA LA GNOD PA BSTAN PA'O, ,DANG PO NI, CHOS CAN DNGOS STOBS KYIS GRUB PA DE'I TSE NI SGRA MI RTAG PA TSAD MAS MA GRUB BZHIN DU DAM BCAS PA LA SGRA NAM MKHA'I YON TAN CAN DU STON PA'I BSTAN BCOS KYANG KHAS BLANGS PAS GNOD PA MA YIN PAR THAL, DE'I TSE SGRA NAM MKHA'I YON TAN CAN DU STON PA'I BSTAN BCOS DANG NI 'GAL ZHING GNOD PA MA YIN PA'I PHYIR, DER THAL, DE'I TSE SGRA NAM MKHA'I YON TAN CAN DU STON PA'I BSTAN BCOS DE YANG GNYIS KA KHAS LEN PA'I GANG ZAG DE'I RANG GI TSIG DANG 'GAL BA YIN PA'I PHYIR, DON NI TSAD MAS MA GRUB BZHIN DU CHOS CAN DNGOS STOBS KYI TSAD MAS GRUB PA'I TSE, SGRA NAM MKHA'I YON TAN CAN DU STON PA'I BSTAN BCOS KYANG KHAS

, ,BLANGS DE'I RJES SU SGRA MI RTAG PAR YANG DAM BCAS NA 'GAL BA GNYIS SNGA PHYIR DAM BCAS PA'I DAM BCA' DE CHOS CAN, RGOL BA DE'I RANG GI TSIG DANG 'GAL BA YIN GYI, BSTAN BCOS DANG 'GAL BA NI MA YIN PAR THAL, CHOS CAN DNGOS PO STOBS ZHUGS KYI TSAD MAS GRUB PA DE'I TSE GZHI GCIG LA 'GAL BA SNGA PHYIR DAM BCAS PA'I TSIG YIN PA'I PHYIR, DAM BCA' GNYIS YA GYAL GANG RUNG RE RE LA ZER BA MIN NO, ,GNYIS PA NI, TSAD MAS MA GRUB BZHIN DU GNYIS KA DAM BCAS PA GEGS BYED DU 'GYUR NA, BYAS PA'I RTAGS KYIS SGRA NAM MKHA'I YON TAN MA YIN PAR GRUB PA LA SGRA NAM MKHA'I YON TAN CAN DU STON PA'I BSTAN BCOS KYIS CI LTAR GEGS BYED PAR 'GYUR ZHE NA, DES DE LA GEGS BYED PA MA YIN PAR THAL, SGRA NAM MKHA'I YON TAN CAN MA YIN PAR TSAD MAS GRUB PA'I PHYIR, KHYAB PAR THAL, CHOS DNGOS 'GAL DAM BCAS PA'I DAM BCA' DE DAG LAS GANG LA RGYAB RTEN TSAD MA YOD PA DE NI GZHAN TSAD MA MED PA LA GNOD PAR BYED PA YIN GYI, TSAD MA MED PAS TSAD MA CAN LA GEGS BYED PA YANG MI RUNG BA'I PHYIR, GSUM PA NI, SGRA NAM MKHA'I YON TAN CAN MA YIN PAR TSAD MAS GRUB NAS DAM BCAS PA DANG, SGRA NAM MKHA'I YON TAN CAN DU STON PA'I BSTAN BCOS GNYIS DAM BCA' BA STOBS MTSUNGS PA'AM BSTAN BCOS DES CIG SHOS LA GNOD PAR THAL, DE GNYIS GZHI GCIG GI STENG DU CHOS DNGOS 'GAL DAM BCAS PA GANG ZHIG TSAD MA CAN GYIS TSAD MA MED PA LA GNOD PA DE LTA MA YIN PA'I PHYIR,

RTAGS KHAS BLANGS, 'DOD NA, DAM BCA' STOBS MTSUNGS MA YIN PAR THAL, BYAS PA'I RTAGS LAS SGRA NAM MKHA'I YON TAN CAN MA YIN PA RGYAB RTEN RJES SU DPAG PA DANG LDAN PA DNGOS PO'I GNAS TSOD KYI DON JI LTA BA BZHIN DU 'JUG PA YIN PA'I PHYIR, DAM BCA' DE LA BSTAN BCOS DES JI LTAR GNOD PAR 'GYUR TE MI 'GYUR BAR THAL, BSTAN BCOS DE RGYAB RTEN RIGS PA MED PA'I DAM BCAS PA YIN PA'I PHYIR, GSUM PA LA GNYIS, DNGOS STOBS KYI SKABS SU LUNG GNOD BYED YIN PA BKAG PA DRAN PAR BYED PA DANG, LUNG GNOD BYED DU 'JUG PA'I TSE DE DANG 'GAL NA SKYON DU 'GYUR BA'O, ,DANG PO NI, DNGOS STOBS KYI SKABS SU LUNG GNOD BYED MA YIN PAR THAL, DE'I SKABS SU LUNG RNAMS GNOD BYED TSAD MA YIN PA YANG BKAG ZIN PA'I PHYIR, GANG DU NA LE'U GNYIS PAR RO, ,GNYIS PA NI, LUNG GNOD BYED DU KHAS BLANGS NAS DPYOD DGOS PA DAG LA LUNG DANG 'GAL BA KHAS BLANGS NA LUNG GIS GNOD PA'I SKYON 'DIR 'GYUR BAR THAL, DE LTAR GONG DU BSGRUBS PA DE'I PHYIR, GSUM PA NI, YID CHES RJES DPAG RJES DPAG LAS PHYI ROL TU GYUR PA MA YIN TE, DPYAD PA GSUM KYIS DAG PA'I LUNG MYONG BA'I STOBS KYIS GNOD BYED MA YIN CING, GNOD PAR BYED PAR 'OS PA GNOD BYED DU KHAS BLANGS PA'I PHYIR, DER THAL, DPYOD PA GANG DU BSTAN BCOS LA GDON MI ZA BAR BRTEN DGOS PA DE LA DPYAD GSUM GYIS DAG PA'I BSTAN BCOS GNOD BYED DU 'JUG PA DE NYID KYI PHYIR, KHAS BLANGS PA'I RJES DPAG RJES SU DPAG PA LAS PHYI ROL TU GYUR PA MA YIN KYANG DE

, ,LAS LOGS SHIG TU BYAS PA DGOS PA YOD DE, DE LTAR BYAS PA NI YUL GYI DBYE BA BSTAN PA'I CHED DU YIN PA'I PHYIR, YUL GYI KHYAD PAR NI DNGOS PO STOBS ZHUGS KYI RJES SU DPAG PA NI TSAD MAR KHAS BLANGS PA DANG MA BLANGS PA'I DUS KUN TU DES GRUB PA'I DON GNOD BYED DANG YID CHES RJES DPAG GIS GRUB PA'I DON NI GNOD BYED DU 'GYUR BA BSTAN BCOS KHAS BLANGS PA'I DUS LA BLTOS PAS GNOD YUL GYI KHYAD PAR DANG, YANG YID CHES RJES DPAG GI GZHAL BYA NI LUNG KHAS BLANGS PAS BSGRUBS PAS KHYAD PAR DU BYAS PA DANG, DNGOS STOBS RJES DPAG GI YUL NI DE 'DRA LA MI LTOS PAS KHYAD PAR DU BYAS PA YANG YUL GYI KHYAD PAR YIN NO, ,YUL GYI DBYE BA SHES PA'I CHED DU BSTAN PA DE LTA MA YIN PAR GSAL BA'I DBYE BA SHES PA'I CHED DU BSTAN PA YIN NA, SEL BYED RTZA BA'I DBYE BA 'CHAD PA'I SKABS DER DNGOS PO STOBS ZHUGS KYI 'BRAS RANG MA DMIGS PA'I RTAGS LA BRTEN PA'I RJES DPAG GI GSAL BA'I DBYE BA YANG BSTAN DGOS PA HA CANG THAL BA'I NYES PAR 'GYUR BAR THAL, SKABS DER YID CHES RJES DPAG RJES DPAG LAS LOGS SU BYAS PA DE YUL GYI DBYE BA SHES PA'I CHED DU BSTAN PA DE LTA MA YIN PAR RJES DPAG GI GSAL BA'I DBYE BA SHES PA'I CHED DU BSTAN PA YIN PA'I PHYIR, HA CANG THAL BA'I SKYON MED DE, RJES DPAG GSUM PO DNGOS PO STOBS ZHUGS RJES DPAG GI NANG DU 'DUS PA'I PHYIR LOGS SU BSTAN MI DGOS SO ZHE NA, 'AM SMOS PAS SKYON SPONG GI LAN STON PA NI SKABS DER YID CHES RJES DPAG CHOS CAN,

RJES DPAG LAS LOGS SHIG TU BYAS PA DON MED PAR 'GYUR BAR THAL, KHYOD KYANG RJES DPAG GI NANG DU 'DUS PA'I PHYIR, GSUM GA KHAS BLANGS SO, ,YID CHES KYI GONG DU BSTAN PA DNGOS STOBS RJES DPAG YIN MOD KYI DANG PO NAS DNGOS STOBS RJES DPAG LAS LOGS SHIG TU BYAS PA DGOS PA YOD PAR SGRUB PA'I TSIG DNGOS SU SBYOR BA NI MA 'BREL LO, ,LOGS SHIG TU MA BYAS NA NI DNGOS STOBS RJES DPAG DANG GNOD TSUL GCIG PAR DOGS PAR 'GYUR RO, ,GNYIS PA RANG TSIG GEGS BYED DU BSTAN PA NI, GAL TE LOGS SU BYAS PA RGYU MTSAN LA NGES PAR BLTOS NA RIGS SGOR RANG TSIG BSTAN BCOS LAS LOGS SU BYAS PA LA RGYU MTSAN CI YOD CE NA, RIGS SGOR RANG GI TSIG BSTAN BCOS LAS LOGS SHIN TU BYED PA'I RGYU MTSAN YOD DE, DE LTAR BYAS PA YANG RGYAB RTEN TSAD MA MED PA'I TSIG TZAM BRJOD PA RANG GI LDOG PHYOGS LA GEGS BYED PA YIN GYI GNOD BYED MA YIN PAR SHES PA'I CHED YIN PA'I PHYIR, GSUM PA LA GNYIS, RTZOD PA DANG, LAN NO, ,DANG PO NI, TSAD MA MED PA'I TSIG GNOD BYED MA YIN NA TSAD MA MA YIN BA NYID NI BSTAN BCOS LA YANG MTSUNGS PA'I PHYIR, DER YANG RANG 'GAL DAM BCA'I DON LA GEGS BYED PAR 'GYUR RO ZHE NA, GNYIS PA LA GSUM, GEGS BYED PA GZHI LA BLTOS PA'I DPE DANG; GEGS BYAS PA'I GZHI MED NA GEGS BYED DU MI 'THAD PA DANG, DES NA BSTAN BCOS GNOD BYED YIN PA'O, ,DANG PO NI, DAM BCA' PHAN TSUN GEGS BYED YIN NA GZHI TSAD MAS GRUB PA LA BLTOS DGOS TE, GEGS BYAS PA'I GZHI TSAD MAS

, ,GRUB PA YOD NA DAM BCA' PHAN TSUN GEGS SU 'GYUR BA 'THAD PA YIN GYI, DE MDAN DE LTAR MI 'THAD PA'I PHYIR, DPER NA MYONG BAS GRUB PA'I CHOS CAN GCIG GI STENG DU BDEN ZHEN GYIS DAM BCAS PA'I GZHAL BYA'I DON CAN GYI TSAD MA DAG MED DO ZHES PA'I TSIG LA DNGOS SU DAM BCAS PA'I TSAD MA GZHAL BYA 'JAL BYED DU MED PA DANG SHUGS LA DAM BCAS PA'I TSAD MA GZHAL BYA 'JAL BYED DU YOD PA DAG PHAN TSUN GEGS BYED PA DANG MNGON SUM GYIS GRUB PA'I BUD MED GCIG LA BRTEN PA'I CHOS KHO BO'I MA MO GSHAM MO ZHES BU SKYED PA'I NUS PA YOD PA DANG CIG SHOS KYI CHOS BU SKYED PA'I NUS PA MED PA DAG PHAN TSUN GEGS BYED PA BZHIN NO, ,'DIR YANG DAM BCA' GNYIS 'GAL BAR 'JOG PA 'DRA'O, DPE SNGA PHYI GNYIS LA GZHI TSAD MAS MA GRUB BZHIN DU GEGS BYED DU 'GYUR BA MA YIN TE, GZHI CHOS CAN MYONG BAS GRUB PA'I PHYIR, CES BSHAD DA, ,GNYIS PA NI, KHYAD CHOS LA SPYOD PA GANG DU GZHI CHOS CAN NYID MA GRUB PA DER GANG LA GANG GIS GEGS BYA STE GEGS BYED PA MI RIGS PAR THAL, DER GEGS BYED PA'I SKABS CHOS CAN NYID MED PA'I PHYIR RO, ,GSUM PA NI, GZHI MED NA GEGS BYED DU MI 'THAD CING SHIN TU LKOG GYUR GYI SKABS SU GEGS BYED YIN NA BSTAN BCOS GNOD BYED DU KHAS BLANG DGOS PA DES NA DPYAD PA GSUM GYIS DAG PA'I BSTAN BCOS SGRUB BYED CHAD MAR RNAM PAR 'JOG PA RIGS PA YIN PAR THAL, CHOS CAN SBYIN SOGS DKAR PO'I CHOS YOD PAR RNAM PAR 'JOG PA RIGS PA'I PHYIR,

'DOD NA DPYAD PA GSUM GYIS DAG PA'I BSTAN BCOS DE NI CHOS CAN SHIN TU LKOG GYUR GYI LDOG PHYOGS DAM BCAS PA'I DON LA GNOD PAR BYED PA YIN PAR THAL, 'DOD RIGS PA DES NA'I PHYIR, DES NA SBYIN PA BTANG BA LAS LONGS SPYOD MI 'BYUNG TSUL KHRIMS BSRUNGS PA LAS MTHO RIS MI THOB PAR KHAS LEN PA'AM THE TSOM ZA NA NI SNGAR GONG DU BSHAD PA DE RNAMS KYI LAN LEGS PAR THOB CIG ,DE DAG 'BYUNG BAR KHAS LEN NA NI, BSHAD ZIN PA'I GZHUNG 'DI DAG RANG LUGS STON PA MA YIN NO ZHES MA SMRA ZHIG ,KHYED LTAR NA SEL BYED KYI DBYE BA STON PA'I RTZA TSIG KYANG SLOB DPON GYI RANG GZHUNG MA YIN PAR 'GYUR TE, DE'I RANG 'GREL RANG GZHUNG MIN PA'I PHYIR, PHYOGS TZAM MTHONG BA KHA CIG NA RE, 'DI DAG RANG GZHUNG YIN TE, GZHAN GZHUNG PHYOGS GCIG TU TSIG GI TSOGS 'DI TZAM MI 'BYUNG BA'I PHYIR RO, ZHES ZER BA NI MANG DU THOS PA DANG MI LDAN PA STE, DBU MA SNANG BAR GZHAN GYI LUGS PHYOGS GCIG TU BAM PO GCIG BKOD NAS DE LA DGAG PA MDZAD PA'I PHYIR RO, ,GSUM PA LUNG DANG RANG TSIG GNOD GEGS MTSUNGS PAR BZHAG PA'I TSUL LA GSUM, LUNG DANG RANG TSIG GNOD GEGS THA DAD DU 'DOD PA DGAG PA DANG, PHYOGS SKYON DU 'JOG PA MI 'GAL BA DANG, BYED PA'I DBYE BA MED NA YUL GYI DBYE BA MED PAR THAL BA SPANG BA'O, ,DANG PO LA GSUM, DGAG PA DNGOS DANG, DBYE BA SO SOR BZHAG PA'I DGONGS PA BSTAN PA DANG, GEGS BYED DU BZHAG PA'I RGYU MTSAN NO, ,DANG PO LA GNYIS, BSTAN BCOS GNOD BYED DU 'JOG PA'I RGYU MTSAN DRI BA DANG, DRIS PA'I

, ,LAN DGAG PA'O, ,DANG PO NI, 'DIR 'THAD LDAN DU, DE NI BSTAN BCOS RANG GI TSIG DANG MTSUNGS PAR BYA BA'I PHYIR SKABS RTZOM PAR BYED PA NI, ZHES BSHAD PA'I DON DU BYAS NAS 'DI MAN CHAD RANG LUGS STON PA LA 'CHAD PA NI MI 'THAD PAR BSHAD ZIN TO, ,DES NA DE'I DON NI, GZHUNG DE YAN CHAD LA BRTEN NAS, SBYIN PAS LONGS SPYOD KHRIMS KYIS BDE, ZHES PA LTA BU'I LUNG RANG GI ZHEN PA'I BRJOD BYA SGRUB BYED DANG, LDOG PHYOGS LA GNOD BYED DU 'DOD PA'I LUGS RTOGS ZIN NAS DA DE LA DGAG PA BYED PA'I SKABS RTZOM PAR BYED PA'I DON YIN NO, ,LUNG DE SGRUB BYED DU BKOD NAS RANG GI ZHEN PA'I BRJOD BYA BSGRUB BYAR BYED NA NI DE 'DRA'I RTAGS YANG DAG MI 'THAD PA SNGAR BSHAD ZIN LA LUNG DE RANG GI ZHEN PA'I BRJOD BYA LA TSAD MA YIN PA BSGRUB BYAR BYAS NAS, DPYAD PA GSUM GYIS DAG PA'I BSTAN BCOS LTA BU SGRUB BYED DU 'GOD NA NI, RGYU MTSAN DE NYID KYIS LUNG DE RANG GI ZHEN PA'I BRJOD BYA SGRUB BYED DANG LDOG PHYOGS KYI DON LA GNOD BYED MA YIN PAR GRUB ZIN LA DE LTAR KHAS LEN PA'I RIGS PA GZHAN YANG MED PAS DE LTA BU'I BSTAN BCOS DE RANG GI ZHEN PA'I BRJOD BYA SGRUB BYED DANG LDOG PHYOGS KYI DON LA GNOD BYED TSAD MA MA YIN NA STE TSAD MAR MI RIGS PA'I PHYIR; KHAS BLANGS TZAM GYIS TSAD MAR 'JOG DGOS PA YIN NO, ,'JOG DGOS PA 'O NA NI JI LTAR CHOS CAN SBYIN SOGS DKAR CHOS TSAD MA GANG GIS RNAM PAR 'JOG PAR BYED PA YIN CES 'DRI NA KHYED LA LAN CI YOD LUNG DE DPYAD PA GSUM GYIS DAG

PA'I LUNG YIN CING TSAD MAR KHAS BLANGS PA'I PHYIR RANG GI ZHEN PA'I BRJOD BYA SGRUB BYED DANG LDOG PHYOGS KYI DON LA GNOD BYED YIN NO ZHE NA, TSUL DE LTAR BSHAD PAR BYA BA YIN GYI SNGAR DRANGS PA'I LUNG DE LTA BU DPYAD PA GSUM GYIS DAG PA'I LUNG DANG ZHED PA'I BRJOD BYA LA 'BREL ZHING MI SLU BA RANG LUGS LA YANG KHAS LEN PAS DE DANG PHYOGS SNGA MA'I LUGS LEGS PAR PHYED PAR BYA'O, ,'DI DAG GI DON MA RTOGS PA LA BRTEN NAS DAM BCA' LTAR SNANG GI DON LA GNOD BYED KYI LUNG MI SRID PAR KHAS LEN PA NI RANG GI STON PA DANG BSTAN PA LA SKUR PA 'DEBS PAR ZAD DO, ,GNYIS PA NI, LUNG TSAD MAR KHAS BLANGS PA TZAM GYIS TSAD MAR 'JOG PAR BYED PA 'O NA NI YOD PAR KHAS BLANGS PA TZAM NYID KYIS CHOS CAN SBYIN SOGS DKAR CHOS YIN PA RNAM PAR 'JOG PAR BYED PA YIN PAR THAL, CHOS CAN DE NYID RANG NYID BRJOD BYAR BYED PA'I LUNG GIS SGRUB CING, SGRUB BYED KYI LUNG TSAD MAR KHAS BLANGS PA TZAM GYIS TSAD MAR BYED PA'I PHYIR, RTAGS KHAS BLANGS, 'O NA RGOL BAS BDEN ZHEN GYIS SMRAS PA'I RANG TSIG DANG DE'I DON YANG TSAD MAR KHAS BLANGS PA CAM GYIS TSAD MAR 'JOG NUS PAR THAL, SBYIN SOGS DKAR CHOS DANG NGA STON PA'I LUNG KHAS BLANGS PA TZAM GYIS TSAD MAR BZHAG PA GANG ZHIG KHAS BLANGS PA TZAM GYI RGYU MTSAN 'DI LA YANG YOD PA'I PHYIR, 'DOD NA SBYIN SOGS DKAR CHOS SPYAD PA LAS BDE BA MI 'BYUNG ZHES DAM BCAS PA'I BSTAN BCOS DANG 'GAL BA RANG GI TSIG DANG 'GAL BA LAS THA MI DAD PAR RANG GI TSIG DANG 'GAL BA YIN PAR THAL, CHOS CAN SBYIN SOGS DKAR CHOS LUNG RNAM DAG GI

, ,RTAGS LA BRTEN NAS MA GRUB CING CHOS GZHAN RANG TSIG DE YANG TSAD MAR KHAS BLANGS PA TZAM DE NYID KYIS TSAD MAR 'JOG PA'I PHYIR, RTAGS SNGA PHYI DANG THAL BA KHAS BLANGS SO, ,DE NAS SNGAR DRANGS PA'I LUNG LTA BU RANG GI BRJOD BYA'I DON GYI LDOG PHYOGS LA GEGS BYED PA YIN GYI GNOD PAR BYED PA NI MA YIN PAR THAL, GNOD BYED DU 'DOD PA LA RGYU MTSAN KHAS BLANGS PA TZAM LAS MED KHAS BLANGS PA TZAM LA JI SKAD BSHAD PA'I NYES PAR 'GYUR BA DES NA'I PHYIR, YANG THAL BSNGA MA 'DOD PA LA 'DI LTAR BSHAD DE; CHOS CAN SBYIN SOGS DKAR CHOS KYI STENG DU CHOS GZHAN BDE BA MI STER BA YANG KHAS BLANGS TZAM DE NYID KYIS 'JOG NUS PAR THAL, GZHI CHOS CAN KHAS BLANGS TZAM GYIS 'JOG NUS PA'I PHYIR, 'DOD NA BSTAN BCOS DANG 'GAL BA RANG GI TSIG DANG 'GAL BA LAS THA MI DAD PAR THAL, DKAR CHOS LAS BDE BA MI STER BA TSIG TZAM GYIS 'JOG NUS PHYIS KYANG RANG TSIG TZAM GYIS DE SEL BAR YANG NUS PA'I PHYIR, CES BSHAD DO, ,RTAGS SNGA PHYI GNYIS KA KHAS BLANGS SO, ,t'IKA BYED PA DAG GIS RANG TSIG DANG BSTAN BCOS GNYIS DANG, RANG TSIG DANG 'GAL BA DANG BSTAN BCOS DANG 'GAL BA KHYAD PAR MA PHYED SNANG BAS LEGS PAR BSAM PAR BYA BA KHO NA YIN NO, ,GNYIS PA LA GNYIS, GNOD GEGS KYI KHYAD PAR MED PA DANG DE GNYIS LA KHYAD PAR YOD PAR BSTAN PA'O, ,DANG PO NI, RGOL BAS BDEN ZHEN GYIS SGRA MI RTAG CES DAM BCAS PA'I RANG CHIG DANG, SBYIN PAS LONGS SPYOD KHRIMS KYIS BDE, ZHES PA'I LUNG GNYIS RANG 'GAL DAM BCA'I DON LA GEGS BYED YIN

GYI GNOD BYED MA YIN PA'O NA DA 'DI DAG LA DBYE BA CI YOD DE DBYE BA MED PAR THAL LO, ZHE NA, DE GNYIS RANG 'GAL DAM BCA'I DON LA GNOD BYED YIN MIN GYI KHYAD PAR CUNG ZAD KYANG MED DE, DE LA GEGS BYED TZAM DU MTSUNGS PA'I PHYIR, GNYIS PA LA GNYIS, DRI BA DANG, LAN NO, ,DANG PO NI, GEGS BYED DU MTSUNGS PA'O NA JI LTAR BSTAN BCOS LAS RANG TSIG LOGS SHIG TU SO SOR BRJOD CE NA, GNYIS PA LA GNYIS, MDOR BSTAN PA DANG, SO SOR BSHAD PA'O, ,DANG PO NI, DE GNYIS GEGS BYED DU MTSUNGS NA KHYAD PAR CUNG ZAD KYANG MED PA MA YIN PAR THAL, DE GNYIS KYI BSAL BYA DAG GI 'GAL TSUL GYI DBYE BAS MI 'DRA BA DE LTAR 'GYUR BA'I PHYIR, 'DIR 'THAD LDAN DU, DAG THA DAD PA LAS NI BSTAN BCOS DANG 'GAL BA YIN LA, NGAG GCIG LA NI RANG GI TSIG DANG 'GAL BA YIN NO, ZHES GSUNGS PA'I DON NGAG SNGA PHYI THA DAD PA'I 'GAL BA YIN NA, BSTAN BCOS DANG 'GAL BAS KHYAB PAR STON PA MA YIN TE, NGAG SNGA PHYI 'GAL BA'I RANG TSIG 'GAL BA YOD PA'I PHYIR RO, ,BSTAN BCOS DANG 'GAL BA LA KHAS BLANGS SNGA PHYI 'GAL BAS KHYAB PAR STON PA YANG MA YIN TE, DNGOS SHUGS 'GAL BA YANG SRID PA'I PHYIR RO, ,DES NA RANG TSIG DANG 'GAL BA DANG KHAS BLANGS DANG 'GAL BA ZHES GNYIS SU PHYE BA'I KHYAD PAR STON PA YIN TE, GNYIS SU PHYE BA'I YA GYAL GYI KHAS BLANGS 'GAL BA LA CHOS CAN DNGOS STOBS SAM LUNG GANG GIS GRUB KYANG RUNG SNGA PHYI 'GAL BAS KHYAB PAR STON PA YIN TE, DE LTA MA YIN PAR KHAS BLANGS 'GAL BA LA LUNG 'GAL GYIS KHYAB PAR STON PA YIN NA RGYAS BSHAD DU

, ,RANG TSIG SNGA PHYI 'GAL BA'I DPE MI STON PAR DNGOS SHUGS 'GAL BA'I DPE 'BA' ZHIG STON PA MI RIGS PA'I PHYIR RO, ,GNYIS PA LA GNYIS, KHAS BLANGS 'GAL BA SHES BYED DANG BCAS PA DANG, RANG TSIG 'GAL BA DPE DANG BCAS PA'O, ,DANG PO NI, BDEN ZHEN GYIS KHO BO'I MA MO GSHAM MO ZHES SMRAS PA DANG, SBYIN SOGS DKAR CHOS LAS BDE BA MI 'BYIN NO ZHES SMRAS PA'I TSIG CHOS CAN, KHAS BLANGS PA DANG 'GAL BA YIN TE, NGAG SNGA MAS BZHAG PA PHYI MAS NYAMS PAR BYED PA'I DAM BCA' 'GAL BA YIN PA'I PHYIR, TSAD MA MDOR, SNGAR KHAS BLANGS PA DANG 'GAL BA ZHES KHAS BLANGS 'GAL BA'I DPE STON PA NA SNGAR GYI SGRA BSHAD PA'I RGYU MTSAN YOD DE, GNYIS SU PHYE BA'I KHAS BLANGS 'GAL BA LA SNGA PHYI 'GAL BAS KHYAB PAS SNGAR GYI SGRA GSUNGS PA DE NYID KYI PHYIR, GNYIS PA NI, NGAG SNGA PHYI 'GAL BA'I DBYE BA MED KYANG GZHAL BYA'I DON CAN GYI TSAD MA DAG MED DO ZHES PA'I TSIG CHOS CAN, RANG GI TSIG DANG 'GAL BA YIN TE, NGAG DE NYID KYI STE KHYOD KYI SHUGS LA 'ONGS PA'I DAM BCA' DE DNGOS SU DAM BCAS PA'I RANG GI DON DANG 'GAL BA DAM BCAS PA'I TSIG YIN PA'I PHYIR, DPER NA RJES SU DPAG PA TSAD MA MA YIN NO ZHES BYA BA BZHIN NO, ,DE LTAR BDEN ZHEN GYIS DAM BCAS PA'I NGAG DE BRJOD PA NA SHUGS KYIS RANG GI DON LA MI 'KHRUL BAR BSTAN PA YIN LA, TSIG DE LA BRTEN NAS DON DE DPOG PA'I BLO DE 'DRA BA YANG SMRA BA PO'I NGA RGYAL GYIS RJES SU DPAG PA'I TSAD MAR KHAS BLANGS PA YIN NO, ,GSUM PA LA GSUM, GEGS BYED DU BZHAG PA'I RGYU

MTSAN DANG, LUNG YUL KUN LA GNOD BYED YIN PA DGAG PA DANG, 'DOD PA TZAM GYIS TSAD MAR 'JOG PA SMAD PA'I GNAS SO, ,DANG PO LA GNYIS, DRI BA DANG, LAN NO, ,DANG PO NI, SNGAR DRANGS PA'I LUNG DE LTA BU RANG GI BRJOD BYA'I DON SGRUB BYED KYI TSAD MA MA YIN NA GZHI DKAR CHOS TSAD MAS MA GRUB PA'I PHYIR, BDE BA BSKYED PA DANG MI SKYED PA GNYIS DAM BCAS PA GEGS BYED PAR JI LTAR 'GYUR ZHE NA, GNYIS PA LA GNYIS, BRJOD BYA'I DON TSAD MAS MA GRUB PAS GEGS BYED DU BSTAN PA DANG, TSAD MAS GRUB NA LDOG PHYOGS LA GNOD BYED YIN PA'O, ,DANG PO NI, TSAD MAS MA GRUB BZHIN DU SBYIN SOGS DKAR CHOS SU DAM BCAS PA DANG, DE LAS BDE BA MI 'BYUNG BAR DAM BCAS PA CHOS CAN, PHAN TSUN GEGS BYED YIN TE, GZHI GCIG GI STENG DU CHOS DNGOS 'GAL DAM BCAS PA'I DAM BCA' STOBS MTSUNGS PA YIN PA'I PHYIR, DER THAL, GZHI GCIG GI STENG DU CHOS DNGOS 'GAL DAM BCAS PA'I DAM BCA' THA DAD GANG ZHIG ,GNYIS KA RGYAB RTEN TSAD MA MED PAR MTSUNGS PA DE NYID KYI PHYIR, RTAGS KYANG KHAS BLANGS TE DE MA GRUB NA KHAS BLANGS TZAM GYIS 'JOG PA 'GAL LO, ,GNYIS PA NI, GAL TE DE GNYIS GANG RUNG GCIG TSAD MAS GRUB NA GEGS BYED DU MI 'GYUR TE, GAL TE DE LA SBYIN SOGS DKAR CHOS SPYAD PA LAS BDE BA 'BYUNG BA DANG MI 'BYUNG BA GNYIS GNOD BYED DANG GNOD BYAR GRUB PA KHO NAR 'GYUR GYI, PHAN TSUN GEGS BYED PAR NI MI 'GYUR BAR THAL, CIG SHOS DANG DNGOS 'GAL SBYIN SOGS DKAR CHOS SPYAD PA LAS BDE BA 'BYUNG PA GCIG TSAD MAS GRUB PA YIN PA'I PHYIR RO, ,KHYAB

, ,PAR THAL, TSAD MAS GRUB PA'I DON GYIS DE DANG DNGOS 'GAL TSAD MA MA YIN PA'I DON LA GNOD PA'I PHYIR RO, ,GNYIS PA LA GNYIS, RTZOD BA DANG, LAN NO, ,DANG PO NI, RGOL BA DES GZHAL BYA'I GNAS GSUM KA STON PA'I BSTAN BCOS TSAD MAR KHAS BLANGS PA'I PHYIR, GZHAL BYA'I DNGOS PO THAMS CAD LA BSTAN BCOS TSAD MA YIN PAS GZHAL BYA'I GNAS GSUM KA'I LDOG PHYOGS DAM BCAS PA LA LUNG GIS GNOD PAR BYED PA KHO NA'O ZHE NA, GNYIS PA NI, TSAD MAR KHAS BLANGS PAR KHYAD PAR MED KYANG JI LTAR GCIG BSTAN BCOS NI GZHAL BYA'I GNAS KUN LA TSAD MA DANG, LDOG PHYOGS LA GNOD PAR BYED PA YIN LA GZHAN RANG TSIG NI DE LTAR MA YIN TE YIN PAR THAL, BSTAN BCOS KHAS BLANGS PA TZAM GYIS YUL KUN LA TSAD MAR 'GYUR BA GANG ZHIG RANG TSIG KYANG TSAD MAR KHAS BLANGS PA'I PHYIR, BSTAN BCOS YUL KUN LA TSAD MA YIN NO ZHES PA'I DAM BCA' 'DI NI GYI NA STE RDZUN PA YIN PAR THAL, ZHEN PA'I BRJOD BYAS STONG PA'I TSIG YIN PA DES NA'I PHYIR, GSUM PA NI, BSTAN BCOS DE YUL KUN GYI LDOG PHYOGS LA GNOD BYED DU KHAS MA BLANGS KYANG NGO BO NYID KYIS GNOD BYED YIN NAM, 'DOD PA TZAM GYIS GNOD BYED DU BZHAG ,DANG PO MI 'THAD PA NI BSTAN ZIN LA, GNYIS PA LTAR NA, BSTAN BCOS 'DI'I TSAD MA NYID TSAD MA'I MTSAN NYID YONGS SU RDZOGS PA YIN PA STE, LTAR SNANG DU THAL, SKYES BU'I 'DOD PAS TSAD MAR BYAS BA TZAM YIN PA'I PHYIR, GNYIS PA PHYOGS SKYON DU BZHAG PA MI 'GAL BA LA GNYIS, RTZOD PA DANG, LAN NO, ,DANG PO NI, GAL TE RANG GI TSIG DANG

BSTAN BCOS 'GAL BDAG LA RANG GI BRJOD BYA'I DON LA GEGS BYED PA'I SKYON YOD PA DE LTA YIN NA YANG DE LAS RANG GI BRJOD BYA'I DON LA THE TSOM DU 'GYUR BA KHO NAR ZAD LA DE LTA YIN NA GNYIS PO JI LTAR PHYOGS KYI SKYON YIN TE MA YIN PAR THAL, RANG GI BRJOD BYA'I DON LA THE TSOM SKYED PA TZAM DU ZAD PA'I PHYIR, KHYAB PAR THAL, RANG GI BRJOD BYA'I DON LA THE TSOM SKYED PA DE NI PHYOGS KHA NA MA THO BA MED PAR BSTAN PA PHYOGS YANG DAG LA YANG MTSUNGS PA'I PHYIR CE NA, GNYIS PA LA GSUM, BRJOD BYA LA THE TSOM BSKYED PA'I CHA NAS PHYOGS SKYON DU BZHAG PA MA YIN PA DANG, DON SKYON ZHUGS PA'I SGO NAS SKYON CAN DU BSTAN PA DANG, SGRAS SKYON ZHUGS NA YANG NGAG SKYON CAN DU 'GYUR BA'O, ,DANG PO NI, GZHAL BYA'I DON CAN GYI TSAD MA DAG MED DO ZHES SMRAS PA DANG, DKAR PO'I CHOS LAS BDE BA STER BA MA YIN NO ZHES SMRAS PA DE'I TSIG LAS BRJOD BYA'I DON LA NGES PA MI SKYE BA'I PHYIR TE, NGES PA MI SKYE BA'I RGYU MTSAN GYIS DAM BCA'I TSIG SKYON CHAGS PAR BZHAG PA NI MA YIN TE, 'O NA JI LTAR ZHE NA DON GANG ZHIG DAM BCA'I TSIG GI CHA JI TZAM GYIS BSTAN PA'I BSGRUB PAR BYA BA DE SGRUB MI NUS SHING MI SGRUB PA'I RGYU MTSAN GYIS TSIG DE SKYON CAN DU BSTAN PA'I PHYIR RO, ,GNYIS PA NI, DAM BCA'I TSIG GNYIS PO DE PHYOGS TSIG YANG DAG MA YIN PAR THAL, TSIG DE GNYIS KYI DON DE RTAGS KYIS SGRUB MI NUS PA'I PHYIR, KHYAB PAR THAL, DAM BCAS PA'I TSIG YANG DAG GIS NI SMRA BA PO RANG GI BSAM PA'I DON TSAD MA'I YUL DU SRID PAR BSTAN PAR BYA BA YIN CING BSTAN PAR NUS PAS KHYAB PA'I PHYIR, RTAGS SNGA MA DER THAL, DAM BCA'I TSIG GNYIS PO DE NI GZHI

, ,GCIG GI STENG DU CHOS DNGOS 'GAL SDUD PA'I TSIG YIN PA'I PHYIR, KHYAB PAR THAL, SGRA RTAG PAR DAM BCAS BA LA JI LTAR TSAD MAS GNOD NA DAM BCA' YANG DAG TU MI SRID PA BZHIN DU GZHI GCIG LA 'GAL BA NYE BAR SDUD NA YANG DAM BCA' YANG DAG TU SRID PA MA YIN PA'I PHYIR, GSUM PA NI, SGRA'I SKYON ZHUGS KYANG DON LA SKYON MA ZHUGS NA DAM BCA'I TSIG SKYON MED DU 'GYUR RAM ZHE NA, GZHAN GYI RJES SU DPAG PAR NI DON GYI SKYON ZHUGS PA TZAM GYIS NI SKYON DU 'GYUR BA MA YIN TE, TSIG GI SKYON YON GTZOR BYED PA STE, DE'I CHA NAS SKYON YON DU 'GYUR BA RIGS BA YIN PA'I PHYIR, DER THAL, DON SKYON MA ZHUGS KYANG BRJOD TSUL LHAG CHAD CAN GYI DON JI LTA BA BZHIN MA YIN PA BRJOD PAS SMRA BA PO LA GZHAN GYI SUN 'BYIN GYI KLAN KAR 'GYUR BA'I PHYIR RO, ,TSIG GI SKYON YON GTZO BOR BYED PA GZHAN DON LE'U'I SKABS KUN LA ZER BA MA YI NE GYI, GZHAN DON RJES DPAG LA YIN TE, DON SKYON MA ZHUGS KYANG DAG LHAG CHAD CAN DU BRJOD PA LAS SGRUB NGAG 'GOD PA'I RGOL BA PHAM PAR 'GYUR BA'I PHYIR RO; ;TSIG SKYON DANG DON SKYON GNYIS KYI NANG NAS TSIG SKYON GTZO BO YIN PAR STON PA MA YIN GYI, SGRUB NGAG 'GOD PA'I TSE SGRA SKYON ZHUGS NA DON SKYON LA RTOG PA'I SNGA ROL GTZO BO'AM JE THOG MAR SGRA SKYON ZHUGS BAR BSTAN PA NYID KYIS SUN PHYUNG BAR 'GYUR BA'I DON YIN NO, ,GANG DAG GZHAN GYIS SUN 'BYIN BRJOD PA'I TSE TSIG SKYON YIN GYI SKYON RNAL MA MIN NO ZHES SMRA BA NI DPYAD PA MA DAG PA'I RNAM 'GYUR DU GSAL TE, RIGS BA'I DBANG PHYUG GIS, DAM BCA' YANG DAG KUN DON SKYON DANG SGRA SKYON KUN DANG BRAL

BA GCIG DGOS PAR GSUNGS LA, RANG NYID KYIS KYANG DE LTAR SHES PAR BYED DGOS PA'I PHYIR RO, ,GSUM PA LA GNYIS, RTZOD BA DANG, LAN NO, ,DANG PO NI, GAL TE RANG GI TSIG DANG 'GAL BA DANG KHAS BLANGS BA DANG 'GAL BA DAG LA GEGS BYED TZAM DU MTSUNGS PAS GNOD BYED YIN MIN GYI BYE BRAG CI YANG MED NA 'O NA RANG TSIG DANG 'GAL BA DANG SNGAR KHAS BLANGS PA DANG 'GAL BA'I GEGS BYAS SA'I YUL LA DNGOS STOBS KYI TSAD MAS GRUB PA DANG LUNG GIS GRUB PA'I BYE BRAG CI ZHIG YOD DE CUNG ZAD KYANG MED PAR 'GYUR RO ZHE NA, RTZOD PA DE'I DON NI DE GNYIS LA GEGS BYED YIN MIN GYI BYED PA'I KHYAD PAR MED PA'I PHYIR, GEGS BYAS SA'I YUL GYI KHYAD PAR YANG MED PAR THAL, ZHES PA'O, ,GNYIS PA LA GNYIS, GEGS BYA SA SA'I YUL GYI KHYAD PAR 'DOD PA'I MDO'I 'GREL BYED SNGA MA'I LUGS BRJOD PA DANG, RANG GI LUGS RNAM PAR BZHAG PA'O, ,DANG PO NI, CHOS CAN 'GRUB PA GZHUNG LUGS 'GA' ZHIG KHAS BLANGS PA LA MA BRTEN PAR KHYAD PAR GYI CHOS GANG LA DPYOD PA MI 'JUG PA DE NI CHOS CAN, GEGS BYED PA GDON MI ZA BAR LUNG KHAS BLANGS PA LA BRTEN PAR BYA BA YIN TE, LUNG KHAS BLANGS PA MED NA DPYOD PA MI 'BYUNG BA YIN PA'I PHYIR, RGYU MTSAN NGES NA RANG TSIG DANG 'GAL BA DANG LUNG DANG 'GAL BA'I GEGS BYAS SA'I GZHI KHYAD PAR MED PA MA YIN TE, LUNG DANG 'GAL BA 'DI'I GEGS BYED PA'I YUL NI CHOS CAN LUNG GIS GRUB PA DE NYID YIN LA RANG GI TSIG DANG 'GAL BA NI CHOS CAN TSAD MAS GRUB PA DANG LUNG GIS GRUB PA THAMS CAD DU GEGS BYED DU BRJOD PA RIGS PA

, ,YIN PA'I PHYIR, DE NI SNGA RABS PA'I LUGS BRJOD PA YIN GYI, RANG GI LUGS DANG 'GAL BAS DGAG PAR BYA BA KHO NA YIN NO, ,GNYIS PA NI, KHAS BLANGS BA DANG 'GAL BA 'DI LA YANG GEGS BYED DU 'GYUR BA GZHAN LUNG GIS GRUB PA KHO NA LA GDON MI ZA BAR BRTEN PA CI ZHIG YOD DE MED PAR THAL, CHOS CAN DNGOS STOBS KYI TSAD MAS GRUB PA'I SKABS SU YANG GEGS BYED DU 'GYUR PA'I PHYIR, DER THAL, RGOL BA DE NYID KYIS KHO PO'I MA MO GSHAM MO ZHES DAM BCAS PA'I DON DE GZHAN GYI KHA NAS BYUNG BA'I LUNG KHAS BLANGS BA LA BRTEN NAS SNGAR 'THAD LDAN DU RNAM BAR BZHAG NAS PHYIS YANG RANG TSIG GIS 'GOG PAR BYED PA YOD PA'I PHYIR, BSTAN BCOS DANG 'GAL BA CHOS CAN LUNG GIS GRUB PA KHO NA LA BLTOS NAS GEGS BYED DU 'GYUR BA MA YIN TE, MYONG BAS GRUB PA'I GZHI LA YANG GEGS BYED DU 'GYUR BA'I PHYIR, DON BSDUS NA DE TZAM GYIS KYANG DE'I NGAG DON DU 'GYUR BA YIN NO, ,SNGAR GYI RTZOD PA DE'I LAN RANG GI LUGS NI KHAS BLANGS DANG 'GAL BA DANG RANG TSIG DANG 'GAL BA GEGS BYAS SA'I GZHI CHOS CAN LUNG GIS GRUB BA LA BLTOS MI LTOS KYI KHYAD PAR MED KYANG GEGS BYAS SA'I YUL GYI KHYAD PAR MED PA MA YIN TE, SNGA MA DAG SNGA MAS BZHAG PA PHYI MAS NYAMS PAR BYED PA'I GZHI LA GEGS BYED DU 'GYUR LA PHYI MA DAG GCIG DNGOS SHUGS 'GAL BA'I GZHI LA GEGS BYED DU 'GYUR BA'I PHYIR, LAN 'DI GONG DU BSHAD ZIN PAS GO BAR DGONGS NAS DNGOS SU MA GSUNGS LA, 'THAD LDAN DU, LAN DE LTAR MDZAD DO, ,PHYOGS YANG DAG LA YID CHES

PAS MA BSAL BA'I TSUL RGYAS PAR BSHAD ZIN TO, ,GNYIS PA GRAGS PAS MA BSAL BA'I TSUL LA GNYIS, SPYI'I DON DANG, YAN LAG GI DON TO, ,DANG PO LA GZHAN GYI LUGS DGAG PA DANG, RANG GI LUGS RNAM PAR BZHAG PA DANG, RTZOD PA SPANG BA'O; ;DANG PO NI, GANG DAG GRAGS PA'I GTAN CHIGS YANG DAG KYANG MED PAR 'DOD PA DE DAG NI RIGS BA DU MA DANG 'GAL TE, RI BONG CAN ZLA BA ZHES PA'I SGRAS BRJOD RUNG DU GRUB BAM MA GRUB, PHYI MA LTAR NA DON GANG LA YANG DNGOS MING DANG BTAGS MING GANG YANG GDAGS SU MI RUNG BAS MING GANG LAS KYANG DON GO BA MED PA'I PHYIR, THA SNYAD THAMS CAD RGYUN CHAD PAR 'GYUR RO, ,DANG PO LTAR NA BRJOD RUNG DE NYI DE 'DOD PA TZAM GYIS BYED DAM MI BYED, PHYI MA LTAR NA DNGOS PO STOBS ZHUGS KYI TSAD MA'I GZHAL BYAR 'GYUR BAR THAL, TSAD MAS GRUB LUNG DANG 'DOD PA TZAM GYI RJES SU MI BYED PA'I PHYIR, 'DOD NA RI BONG CAN DE ZLA BA ZHES PA'I SGRA'I BRJOD BYA YIN PA'I CHA DANG ZLA BA ZHES PA'I SGRA DON DE'I RJOD BYED YIN PA'I CHA GNYIS DON DANG SGRA GNYIS KYI THUN MONG MA YIN PA'I RANG GI MTSAN NYID KYIS GRUB PA'I SDOD LUGS SU 'GYUR BAS SGRA'I BRJOD BYA DON DAM PAR GRUB PA DANG SGRA RTOG DNGOS PO'I DBANG GIS 'JUG PAR THAL BAR 'GYUR RO, ,BRJOD RUNG 'DOD PA TZAM GYI RJES SU BYED NA 'DOD PA TZAM GYI RJES SU BYED PA'I BRJOD RUNG DE NYID MYONG BAS MI GRUB PA'I PHYIR RTAGS LA BRTEN DGOS LA RTAGS GZHAN GNYIS LA BRTEN NAS MI 'GRUB PA'I PHYIR, GRAGS PA'I GTAN TSIGS NGES PAR KHAS LEN DGOS PA YIN NO, ,GRAGS PA DNGOS STOBS SU KHAS LEN PA LA YANG GNOD PA

, ,DE DAG TU 'GYUR RO, ,DNGOS PO'I STOBS LA GNAS PA'I GZHAL BYA MED NA RTOG PAS BTAGS PA'I GZHAL BYAS DBUL BA SU YANG MED PAS SO ZHES GSUNG BA YANG DPYAD PAR BYA BA KHO NA YIN TE, GZHUNG LUGS 'DIR MDO SDE PA DANG SEMS TZAM PA'I LUGS RNAM PAR 'JOG PA'I TSE RTOG PAS BTAGS PA TZAM GYI DON BYED NUS PA BZHAG TU MI RUNG MOD, RTOG PAS BTAGS PA TZAM LA TSAD MAS GRUB PA'I RNAM GZHAG LEGS PAR 'JOG MI SHES NA LUGS DE GNYIS KYI DON DAM PAR GRUB PA DANG KUN RDZOB TU GRUB PA'I RNAM GZHAG RI BONG GI RVA'I GNYER MA BZHIN DU 'GYUR RO, ,DPER NA 'BRAS BU SKYED PA DANG RTOG PAS BTAGS PA TZAM GYI GZHI MTHUN RANG LUGS LA TSAD MAS LEGS PAR 'JOG MI SHES NA, MGON PO KLU SGRUB KYI DGONGS PA LEGS PAR MI RTOGS PA BZHIN NO, ,DES NA GRUB MTHA' GONG 'OG GI LUGS MI 'DRA BA PADMA'I 'DAB MA LTAR MA 'DRES PAR PHYED PAR BYA'O, ,GRAGS PA'I GTAN TSIGS YANG DAG KYANG RANG DON GYI LE'U'I SKABS SU RGYAS PAR BSHAD PA LAS SHES PAR BYA ZHING, 'DIR NI GRAGS PA'I RTAGS KYIS GRUB PA'I DON BSAL BYA SEL BYED DU RGYAS PAR SHES PAR BYED PA YIN NO, ,KHA CIG GRAGS PA LA BRNGA'I GRAGS PA DANG THA SNYAD KYI GRAGS PA GNYIS SU PHYE NAS MTSAN NYID KYIS MTSON BYA SGRUB PA'I RTAGS THAMS CAD GRAGS RTAGS SU 'DOD PA NI 'THAD PAR MI SEMS TE, DNGOS PO STOBS ZHUGS KYI RTAGS LA GSUM DU PHYE BA'I MA DMIGS PA'I RTAGS KYI DPER RANG BZHIN MA DMIGS PA'I GTAN TSIGS DNGOS SMOS PA'I PHYIR RO, ,SHING SHA PA SHING

MA YIN PAR DAM BCAS PA'I DON LA GRAGS PAS GNOD PAR GSUNGS PA YANG SHING GI SGRAS BRJOD MI RUNG LA GNOD PA'I DON YIN GYI DE LTA MA YIN NA SHING SHA PA SHING DU MNGON SUM GYIS DNGOS SU RTOGS PA MI SRID PAR THAL BA'I PHYIR RO, ,GNYIS PA NI, GRAGS PA NI 'JIG RTEN GYI TSUL LUGS LA GRUB PA'I BRJOD PA'I THA SNYAD DON MTHUN YIN LA, DE YANG NANG GI BRJOD PA RNAM PAR RTOG BA'I SHES PA GTING TSUGS PA RNAMS DANG, ZLA BA ZHES BRJOD PA'I SGRA LA SOS PA RNAMS SO, ,LDOG PHYOGS LA GNOD BYED NI BRJOD RUNG NYID YIN LA DE GRAGS PAS GRUB PAS DES GNOD PA LA GRAGS PAS GNOD PAR BTAGS PA'O, ,ZLA BA ZHES PA'I SGRA RI BONG CAN GYI RJOD BYED YIN PA'I CHA DE 'DOD PA TZAM GYIS BZHAG PA YIN GYI SGRA DE'I RANG GI MTSAN NYID KYIS GRUB PA'I SDOD LUGS MA YIN TE, DE LTA YIN NA ZLA BA ZHES PA'I SGRA THOS PA'I NYAN SHES KYIS KYANG GZUNG DON DU BYAS SHING YID GTAD NA NGES RUNG GI DON YIN PAS NYAN SHES NGES DRANGS PA'I BCAD SHES LA RI BONG CAN GYI DON SPYI 'CHAR DGOS PAR 'GYUR RO, ,DON DE DAG MA RTOGS PAR RNAM 'GREL DU, TSIG SOGS KUN BRTAGS DNGOS MED LA, ZHES PAS TSIG YIN NA DNGOS MED YIN PAS KHYAB PA BSTAN 'DUG SNYAM NAS PHYIN CI LOG TU RTOG PAR BYED DO, ,RGYU MTSAN DE NYID KYIS RI BONG CAN SGRA NGES BRJOD DU RUNG BA YANG 'DOD PA TZAM GYI RJES SU BYED PA YIN TE, SGRA BYUNG GRAGS PA'I SPYI LEGS PAR 'CHAR BA NA NGES PAR SGRA'I SPYI SHAR NAS RTOG YUL GYI DON GANG YANG RUNG BA'I YUL CAN DU RUNG BA'I SPYI NGES PAR 'CHAR DGOS PA'I PHYIR RO, ,DE SGRUB PA LA RTOG PA'I YUL NA YOD

, ,PA TZAM GYIS GRUB PA YIN PAS LTO LDIR ZHABS ZHUM PA LA DNGOS MING GZHAN YANG MED CING BUM PA ZHES PA'I DNGOS MING YANG MA BTAGS PA'I TSE BUM PA ZHES PA'I SGRAS BRJOD RUNG DU 'GYUR BA LA RTOG PA'I YUL NA YOD PA TZAM GYI RGYU MTSAN GYIS CHOG BAS BRNGA'I GRAGS RTAGS DANG DUS PHYIS DNGOS MING BTAGS NAS BUM PA'I THA SNYAD BYA RUNG SGRUB PA LA RGYU MTSAN NGES PA CAN RTAGS SU DGOD DGOS PAS THA SNYAD KYI GRAGS RTAGS SO ZHES ZER BA YANG RIGS PAR MI SEMS SO, GRAGS PA'I GTAN TSIGS BSGRUBS PA'I DGOS PA NI GZHAN SDE NGAG SGRA DNGOS PO'I DBANG GIS 'JUG PAR 'DOD PA DANG, RANG SDE KHA CIG SGRA'I DNGOS KYI BRJOD BYA MING RANG MTSAN DU 'DOD PA BKAG NAS SHES BYA MTHA' DAG RTOG PA'I YUL DU RUNG ZHING RTOG PA'I SNANG BA NGES MED DU SHES PA'I CHED DU YIN NO, ,GSUM PA NI, 'DOD RGYAL BA'I SGRA DANG RGYU MTSAN CAN GYI SGRA ZHES GNYIS SU PHYE BA MA YIN NAM ZHE NA, SKYON MED DE, BUM PA ZHES PA'I SGRA DE LTO LDIR ZHABS ZHUM PA LA LTOS TE, RGYU MTSAN CAN GYI SGRA DANG DON GZHAN LA 'DOD RGYAL BA'I SGRAR RUNG BA'I PHYIR RO, ,DPER NA SENGGE ZHES PA'I MING DE RI DVAGS KYI RGYAL PO LA DNGOS MING DANG DON GZHAN LA BTAGS MING DU 'JUG PA BZHIN NO, ,GNYIS PA LA GSUM, MDOR BSTAN PA DANG, TSAD MA MDO'I LUNG GI SGO NAS RGYAS PAR BSHAD PA DANG, DON BSDU BA'O, ,DANG PO LA GNYIS, SGRA BYUNG GRAGS PA GNOD BYED DU BSTAN PA DANG, DE DON THAMS CAD LA DGAG MI NUS PAR SGRUB BA'O, ,DANG PO LA GSUM, DAM BCA' DANG, DE'I SGRUB BYED DGOD

PA DANG, SGRA BYUNG GRAGS PA LA GRAGS PA'I SGRAS BSTAN PA'I RGYU MTSAN NO, ,DANG PO NI, SGRA LAS BYUNG BA'I GRAGS PA RI BONG CAN ZLA BA'I SGRAS BRJOD RUNG YANG CHOS CAN RANG DANG 'GAL BA'I DON GYI DAM BCA' PA LA GNOD PAR BYED PA YIN TE, KHYOD RTOG YUL NA YOD PA'I GTAN TSIGS KYIS LEGS PAR GRUB PA'I PHYIR, GNYIS PA NI, ZLA BA ZHES SOGS 'DOD PA'I SGRA'I BRJOD PAR BYA BAR RUNG BA NYID NI CHOS CAN, BRJOD BYA'I DON RNAMS LA KHYAB BYED DU YOD DE, BRJOD BYA'I DON RNAMS LA KHYAB BYED DU YOD PA DGAG PAR MI NUS PA'I PHYIR RO, ,DER THAL, SKYES BU'I 'DOD PA TZAM DANG RJES SU 'BREL BA'I SGO NAS DON KUN LA KHYAB BYED DU YOD PA'I PHYIR, GSUM BA NI, RI BONG CAN ZLA BA'I SGRAS BRJOD RUNG DE NI CHOS CAN, KHYOD KYIS SGRA BYUNG GRAGS BA'I LDOG PHYOGS LA GNOD PA LA GRAGS PAS GNOD CES STON PA'I RGYU MTSAN YOD DE, KHYOD SGRA BYUNG GRAGS PA'I LDOG PHYOGS LA GNOD BYED YIN PA LA KHYOD LA GRAGS PA'I SGRAS BTAGS NAS BRJOD PA'I PHYIR, KHYOD LA GRAGS PA'I SGRAS BRJOD PA LA RGYU MTSAN YOD DE, KHYOD GRAGS BA MTSAN NYID PA SGRA'I THA SNYAD LAS SKYES PA'I RNAM PAR RTOG PA'I YUL GYI CHOS YIN PAS DE LTAR BRJOD PA'I PHYIR, RNAM 'GREL DU, MNGON SUM SOGS KYI GZHAL BYA YANG, ,'JAL BYED SGRA SGRO BTAGS NAS BRJOD, CES GSUNGS PA RNAMS KYI DON GNOD BYED KYI NGO BO GZHAL BYA YUL CAN GYI MING GIS BTAGS NAS DE SA GNOD PA LA MNGON SUM DANG RJES DPAG GIS GNOD CES GSUNGS PA LTAR, 'DIR YANG BRJOD RUNG GIS GNOD PA'I GRAGS PAS GNOD

, ,CES BTAGS NAS BSTAN PA YIN NO, ,KHA CIG YUL CAN MNGON SUM SOGS LA GNOD BYED KYI MING GIS BTAGS PA'O ZHES 'CHAD PA NI PHYIN CI LOG TU 'CHANG BA'O, ,GSUM PA NI, CI LTAR SGRAS BRJOD RUNG DON THAMS CAD LA YOD PA DGAG MI NUS ZHE NA, BA LANG ZHES PA DANG ZLA BA ZHES PA'I SGRA THAMS CAD CHOS CAN, NGO BO NYID KYIS SNGAR BRNGA BYAS PA DANG MA BYAS PA'I DON THAMS CAD BRJOD PAR BYED PA'I SGRAR 'GYUR DU RUNG BA YIN TE, 'DOD PA TZAM GYIS 'JUG PA'I SGRA YIN PA'I PHYIR, RI BONG CAN ZLA BA ZHES BRJOD PA LTA BU SNGAR BRDA BYUNG BA'AM BUM PA ZHES BRJOD PA LTA BU BRNGA 'BYUNG BAR 'GYUR BA'I SGRA'I RUNG BA NYID DE CHOS CAN, KHYOD 'GOG PA LA RTOG YUL GYI DON TZAM DANG RJES SU 'BREL PA DES GNOD PA YIN TE, DE KHYOD SGRUB BYED KYI RTAGS YANG DAG YIN PA'I PHYIR, GNYIS PA LA GSUM, LUNG GI 'BREL DGOD PA DANG, LUNG DRANG BA DANG, LUNG GI DON BSHAD PA'O, ,DANG PO NI, ZLA BA ZHES SOGS KYI SGRA THAMS CAD CHOS CAN, RTOG YUL DANG DE LA RJOD BYED DU DNGOS SU GRAGS PA MED KYANG KHYOD KYIS DA BRJOD RUNG DU GRUB PAR SLOB DPON PHYOGS KYI GLANG POS BSHAD PA'I RGYU MTSAN YOD DE, DNGOS SU NA DON DE LA BRJOD RUNG DU 'BREL PA YIN PAS DE LTAR BSHAD PA YIN PA'I PHYIR, DE LA 'BREL BAR THAL, RTOG YUL GYI DON DE KHYOD KYIS BRJOD DU RUNG BA'I STOBS NYID KYIS DE LA 'BREL BA'I PHYIR, GNYIS PA NI, KUN LAS BTUS SU GANG LA THUN MONG MA YIN PA'I PHYIR RJES SU DPAG PA MED LA, SGRA LAS BYUNG BA'I GRAGS PA DANG

'GAL BA'I DON GYIS NA BSAL BA DE YANG PHYOGS MA YIN NO, ZHES SO, ,LUNG SNGA PHYI 'DI GNYIS KYI DON LA SLOB DPON CHOS MCHOG GIS LUNG DANG POS SGRA BYUNG GRAGS PA LA 'GRAN ZLA'I TSAD MA MED PAR DNGOS SU BSTAN PAS SHUGS LA DNGOS PO STOBS ZHUGS KYI RJES DPAG TSAD MA'I GZHAL BYA MTHA' GCIG TU NGES PAR BSTAN LA, LUNG GNYIS PAS SGRA BYUNG GRAGS PA LA SGRUB BYED YOD PAR BSTAN PAR BZHED LA, SLOB DPON LHA DBANG BLO, LUNG SNGA MA DANG POS SGRA BYUNG GRAGS PA LA GNOD BYED MED PA DANG; LUNG GNYIS PAS SGRUB BYED YOD PAR BSTAN PAR BZHED LA, SLOB DPON RGYAN MKHAN POS, LUNG SNGA MAS GNOD BYED MED PA GTZO BO DANG, SGRUB BYED YOD PA PHAL PA'I TSUL DU BSTAN LA, GNYIS PAS DE LAS BZLOG STE BSTAN PAR BZHED DO; ;SGRUB BYED YOD PAR BSTAN NA GNOD BYED MED PA DES GRUB PAS LOGS SU BSTAN PA DGOS PA MED DO ZHE NA, SGRUB BYED YOD KYANG LDOG PHYOGS SGRUB BYED KYI 'GAL ZLA'I TSAD MA YANG YOD DAM SNYAM DU DOGS PA BCAD PA'I CHED DU, GNOD BYED MED PA LOGS SU BSTAN LA, GNOD BYED MED KYANG SGRUB BYED KYANG MED DAM SNYAM PA'I DOGS PA BCAD PA'I CHED DU SGRUB BYED YOD PA LOGS SU SMOS SO, ,DES NA LUNG DANG PO CHOS CAN, DGOS PA DANG BCAS PA YIN TE, DNGOS SU SGRA BYUNG GRAGS PA LA 'GRAN ZLA'I TSAD MA MED PAR BSTAN PA'I SGO NAS SHUGS LA DNGOS PO STOBS ZHUGS RJES DPAG GI GZHAL BYA MTHA' GCIG TU NGES PAR BSTAN PA'I PHYIR, LUNG GNYIS PA CHOS CAN, DGOS PA DANG BCAS TE SGRA BYUNG GRAGS PA'I LDOG PHYOGS TSAD

, ,MA'I BSAL BAR BSTAN PA'I SGO NAS SGRA BYUNG GRAGS PA LA SGRUB BYED YOD PAR BSTAN PA'I PHYIR, GSUM PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO LA GSUM, MDO MDZAD PA RI BONG CAN ZLA BAR SGRUB PA'I DON GRAGS RUNG LA BZHED KYI GRAGS ZIN LA MI BZHED PA DANG, LUNG DANG POS SGRA BYUNG GRAGS PA LA GNOD BYED MED PAR BSTAN PA DANG, LUNG DANG POS SGRA BYUNG GRAGS PA LA DNGOS SU 'GRAN ZLA'I TSAD MA MED PAR BSTAN PA'I SGO NAS SHUGS LA DNGOS PO STOBS ZHUGS KYI RJES DPAG GI GZHAL BYA MTHA' GCIG TU NGES PAR BSTAN PA'O, ,DANG PO NI, RI BONG CAN ZLA BA'I SGRAS BRJOD RUNG GIS GNOD PA'I PHYOGS CHOS CAN GYI GTAN TSIGS NI MTHUN PHYOGS LA MI 'JUG PA'I THUN MONG MA YIN PA YIN TE; RTOG YUL GYI DON GANG LA YANG ZLA BA'I SGRAS BRJOD RUNG MA YIN PAR MA GRUB PA'I PHYIR RO, ,DER THAL, MDO MDZAD PA DON THAMS CAD LA SGRA THAMS CAD KYIS BRJOD RUNG GIS KHYAB PAR BZHED KYI, GRAGS ZIN DU MI BZHED PA DE NYID KYI PHYIR, YANG NA BSGRUB BYA'I CHOS SNGA MA BRDA SPROD PAS SGRA BYUNG GRAGS PA LA GNOD PA'I GTAN TSIGS RI BONG CAN 'DOD RGYAL BA'I ZLA BA'I SGRAS BRJOD DU MI RUNG STE, RTOG YUL NA YOD PA'I PHYIR CES PA BKOD PA NI MTHUN PHYOGS LA MI 'JUG PA'I THUN MONG BA MA YIN TE, ZHES BSHAD NAS RTAGS DANG RTAGS SGRUB SNGA MA LTAR RO, ,GZHUNG 'DI BKOD PA'I DGOS PA NI SLOB DPON GYIS DAM BCA' LTAR SNANG GI DON LA GRAGS PAS GNOD PAR GSUNGS PA NI, GRAGS RUNG NGAM BRJOD RUNG LA DGONGS PA YIN GYI GRAGS ZIN LA BZHED PA MA YIN TE,

DE LTA YIN NA BRDA SPROD PAS SGRA BYUNG GRAGS PA LA GNOD BYED DU BKOD PA'I GTAN TSIGS 'DI MTHUN PHYOGS LA MI 'JUG PA'I THUN MONG MA YIN PAR MI 'GYUR RIGS PA LA THUN MONG MA YIN PA YIN PA'I PHYIR TE, ZLA BAR GRAGS MA ZIN PA'I DON DU MA YOD PA'I PHYIR RO, ZHES PA'I DON YIN NO, ,BRJOD RUNG GI DON LA SLOB DPON BZHED PAR SNGAR BSGRUBS ZIN PAS TSIG DON DE LTAR BSHAD KYI, BSGRUBS ZIN PA DE LTA MA YIN NA DE NYID KYI PHYIR CES PA DE NYID KYI CHED DU ZHES PAR BSHAD NAS GRAGS PAS GNOD PA'I DON GRAGS RUNG LA BZHED KYI GRAGS ZIN LA MI BZHED PA BSGRUB BYAR BYAS NAS GZHUNG GI DUM BU PHYI MA GNYIS DE'I SGRUB BYED DU DGOD DO, ,GTAN TSIGS DE NI BRDA SPROD PAS RI BONG CAN 'DOD RGYAL BA'I ZLA BA'I SGRAS BRJOD RUNG LA GNOD BYED DU BKOD PA YIN LA RI BONG CAN CHOS CAN, ZLA BA YIN TE, YOD PA'I PHYIR, CES PA NI DNGOS DBANG GIS ZLA BA'I SGRAS BRJOD RUNG DU SGRUB PA'I GTAN TSIGS SU BKOD PA YIN NO, ,SLOB DPON GYIS NI BSGRUB BYA LA GRAGS PAS GNOD PA'I GTAN TSIGS LTAR SNANG GI DPER BKOD PA YIN LA DPE DE GNYIS LA RTZOD PA'I LAN YANG 'CHAD PAR 'GYUR RO, ,DAM BCA' LTAR SNANG GI DPE 'CHAD PA'I SKABS SU GTAN TSIGS LTAR SNANG GI DPE SMOS PA'I DGOS PA NI 'CHAD PAR 'GYUR RO, ,GZHUNG 'DIS KYANG LUNG DANG PO'I DON DON GYIS BSHAD PA YIN NO, ,GNYIS PA NI, SGRA LAS BYUNG BA'I GRAGS PA DANG 'GAL BA'I DON GYIS NA BSAL BA DE YANG PHYOGS MA YIN NO ZHES SMOS PA RIGS KYI LUNG DANG PO SMOS PA LA DGOS PA CI YOD CE NA, GANG LA THUN MONG MA YIN PA'I PHYIR RJES SU DPAG PA MED LA

, ,ZHES DE SKAD DU BRJOD PAS NI CHOS CAN, DGOS PA YOD DE, SGRA BYUNG GRAG PA 'DI DGAG PAR MI NUS PA NYID DU BSTAN PA'I PHYIR, DER THAL, 'DI LA 'GOG BYED YOD NA RJES DPAG GIS 'GOG PA LA 'DI 'GOG BYED KYI RJES DPAG MED PAR BSTAN PA'I PHYIR, GZHUNG 'DIS LUNG DANG PO'I DON SGRA BYUNG GRAGS PA LA GNOD BYED MED PA MDOR BSHAD PA YIN NO, ,DAM SMOS PA NI DGOS PA 'OG MA SDUD PA YIN NO, ,GSUM PA NI, LUNG DANG PO DE SKAD DU BRJOD PAS NI CHOS CAN DGOS PA YOD DE, SGRA BYUNG GRAGS PA LA LDOG PHYOGS SGRUB BYED KYI ZLA BA'I TSAD MA MED PA DNGOS SU BSTAN PA'I SGO NAS DNGOS PO STOBS ZHUGS RJES DPAG GI GZHAL BYA MTHA' GCIG TU NGES PAR SHUGS LA BSTAN PA'I PHYIR RO, ,GZHUNG 'DI'I DON LA SLOB DPON CHOS MCHOG GIS RNAM 'GREL DU, RJES SU DPAG PAS BSGRUBS RNAMS LA, ,'GAL BA 'KHRUL PA MED PA CAN, ,MED PA STON YIN DE LTA BU'I, ,GRAGS PA'I RJES DPOG YIN PHYIR RO, ZHES PA DANG THUN MONG PA DON GCIG TU MDZAD NAS, DE'I DON SLOB DPON LHA DBANG BLOS, SGRA BYUNG GRAGS PA LA 'GRAN ZLA'I TSAD MA MED PAR BSTAN PAS GRAGS PA'I RJES DPAG GI GZHAL BYA MTHA' GCIG TU NGES PA'I DON DU BSHAD PA LA DGAG PA MDZAD DE, DE LTA YIN NA GZHUNG 'DI'I RGYAS BSHAD NGES NA TSAD MAS NGES PAR BRJOD PA'I PHYIR, CES SOGS DANG SHIN TU 'GAL BAS MI 'THAD LA, DE BZHIN DU TSAD MA MDO'I 'GREL BYED KHA CIG GIS GZHAN DU 'CHAD PA SOGS KYANG MI 'THAD PAR BSTAN NAS, RANG GI LUGS NI LUNG DANG POS SGRA BYUNG GRAGS PA LA

'GAL BA LA MI 'KHRUL PA'I GTAN TSIGS MED PAR DNGOS SU BSTAN CING, SGRA BYUNG GRAGS PA LA GNOD BYED YOD NA DNGOS PO STOBS ZHUGS KYI GTAN TSIGS KYIS GNOD DGOS PA LA DES MI GNOD PAR BSTAN PAS SHUGS LA DNGOS PO STOBS ZHUGS RJES DPAG GI GZHAL BYA MTHA' GCIG TU NGES PA BSTAN PA YIN TE, SHUGS BSTAN YIN PA LA DGONGS NAS BSTAN PA'I PHYIR RO, ZHES SMOS PA YIN NO, ZHES GSUNG NGO, ,RNAM 'GREL GYI GZHUNG DE'I DON YANG DE LTAR RO, ,GNYIS PA LA GSUM, LUNG DANG PO'I DON SGRA BYUNG GRAGS PA LA GNOD BYED MED PAR BSHAD PA DANG, LUNG GNYIS PA'I DON SGRA BYUNG GRAGS PA LA SGRUB BYED YOD PAR BSHAD PA DANG, LUNG DANG PO'I SHUGS BSTAN GYI DO RGYAS PAR BSHAD PA'O, ,DANG PO LA GNYIS, SGRA BYUNG GRAGS PA LA GNOD BYED YOD NA RJES DPAG GIS 'GOG DGOS PA DANG, DAM BCA' LTAR SNANG GI DPE 'CHAD PA'I SKABS SU GTAN TSIGS LTAR SNANG GI DPE SMOS PA'I DGOS PA'O, ,DANG PO NI, RI BONG CAN ZLA BA'I SGRAS BRJOD RUNG 'GOG BYED YOD NA DE 'GOG PA NI RJES SU DPAG PA LAS YIN PAR 'GYUR TE; MNGON SUM GYIS NI DE 'GOG NA ZLA BA ZHES PA'I SGRAS BRJOD RUNG YOD NA MNGON SUM LA SNANG DGOS PA LA MNGON SUM LA MI SNANG BAS DGAG DGOS PA RI BONG CAN ZLA BA ZHES PA'I SGRAS BRJOD DU RUNG BA NYID YOD KYANG MNGON SUM LA SNANG BAR MA NGES PA'I PHYIR RO; ;MNGON SUM GYIS DE 'GOG NA DON GZHAN DNGOS SU RTOGS PA'I SHUGS LA DGAG PAR BYAR MED PAS YOD NA SNANG DU RUNG BA LA MI SNANG BAS DGAG DGOS NA SNANG RUNG DU MA GRUB PA'I PHYIR TE, RNAM PAR RTOG PA'I SNANG BA TZAM DU ZAD PA'I PHYIR RO, ZHES PA'I DON

, ,YIN GYI, SGRA DON MNGON SUM GYI SHUGS RTOGS SU YANG MI RUNG BAR STON PA MI 'THAD DO, ,RJES DPAG GIS 'GOG GO ZHE NA, DES MI 'GOG STE, DE 'GOG PA'I PHYOGS CHOS CAN GYI GTAN TSIGS NI MTHUN PHYOGS LA MI 'JUG PA'I THUN MONG MA YIN PA YIN PA'I PHYIR RO ZHES BSHAD ZIN PA'I PHYIR RO, ,GNYIS PA NI, RI BONG CAN ZLA BA MA YIN TE, YOD PA'I PHYIR, CES PA'I GTAN TSIGS DES MI GNOD KYANG GTAN TSIGS GZHAN GYIS GNOD DO ZHE NA, BSGRUB BYA'I CHOS GANG LA RTOG YUL NA YOD PA NYID RJES SU 'GRO BA MED PA'I GTAN TSIGS DPER SMOS PA DE LA NI CHOS CAN, DGOS PA YOD DE, BSGRUB BYA LA GRAGS PAS GNOD PA'I PHYOGS CHOS CAN GYI GTAN TSIGS THAMS CAD MTHUN PHYOGS LA RJES 'GRO MED PA'I THUN MONG MA YIN PA YIN NO ZHES BYA BA RTOGS PA 'DI NI KHYOD KYIS BSTAN PA'I DPE DE DPER BRJOD PA'I 'BRAS BU YIN PA'I PHYIR, DAM BCA' LTAR SNANG GI DPE 'CHAD PA'I SKABS SU GTAN TSIGS LTAR SNANG GI DANG, SMOS PA DGOS PA 'DI YIN CES RTOGS PA'I DON DU YIN NO, ,GNYIS PA NI, TSAD MA MDOR SGRA LAS BYUNG BA'I GRAGS PA DANG 'GAL BA'I DON GYIS NA BSAL BA DE YANG PHYOGS MA YIN NO ZHES GSUNGS PA LA DGOS PA YOD DE, RJOD BYED KYI SGRAS BRJOD RUNG DU GRUB PA DAG NI RTOG YUL GYI DON GANG LA YANG MA GRUB PA MA YIN NO ZHES BSTAN NAS RTOGS PA'I CHED YIN PA'I PHYIR, RJOD BYED SGRA'I BRJOD RUNG DON GANG LA YANG MA GRUB PA MA YIN PAR THAL, RJOD BYED KYI SGRA NI DON BRJOD PA BRDA LA BRTEN PA YIN LA BRDA SBYOR BA DE YANG 'DOD PA TZAM LA BRTEN PA YIN PA DES NA'I PHYIR, GSUM PA LA GSUM, DNGOS STOBS RJES DPAG GI YUL LA 'GAL BA MI 'KHRUL BA MED PA SHUGS LA

BSTAN PA'I DON BSHAD PA DANG, RI BONG CAN DNGOS DBANG GIS ZLA BA'I SGRAS BRJOD RUNG DU SGRUB PA'I RJES DPAG MED PAR SHUGS LA BSTAN PA BSHAD PA DANG, DE LTAR BSHAD PAS GRUB PA'I DON TO, ,DANG PO LA GSUM, MDOR BSTAN PA DANG, RGYAS PAR BSHAD PA DANG, DON BSDU PA'O, ,DANG PO NI, LUNG DANG PO CHOS CAN, KHYOD KYIS DON GYI SHUGS KYIS GO BAS DNGOS STOBS RJES SU DPAG PA'I YUL LA 'GAL BA MI 'KHRUL BA CAN MED PAR STON PA YIN TE, KHYOD KYIS DNGOS STOBS RJES DPAG GI GZHAL BYA MTHA' GCIG TU TSAD MAS NGES PAR BRJOD PA'I PHYIR, DER THAL, KHYOD KYIS SGRA BYUNG GRAGS PA LA GNOD BYED YOD NA DNGOS STOBS RJES DPAG GIS GNOD PAR BSTAN PA'I SGO NAS GNOD BYED STOBS LDAN DU BRJOD PA DES NA'I PHYIR, SNGA MA LA KHYAB PA YOD PAR THAL, LDOG PHYOGS SGRUB BYED KYI GEGS YOD PAR DOGS PA RNAMS NI RTAGS MI MTHUN PHYOGS LA 'JUG PAR THE TSOM ZA BAS GZHAL BYA MTHA' GCIG TU NGES PA MI 'GRUB PA'I PHYIR, KHA CIG NA RE, TSUL GSUM PA'I RTAGS LA BRTEN PA'I RJES DPAG LA 'GRAN ZLA DANG BCAS PA DANG 'GRAN ZLA MED PA GNYIS LAS 'GRAN ZLA MED PA'I GZHAL BYA MTHA' GCIG TU NGES PA YIN NA YANG CIG SHOS LA NGES PA MED PAS RJES DPAG YIN NA 'GAL BA LA MI 'KHRUL PA MED PAS KHYAB PAR CI LTAR BRJOD CE NA, TSUL GSUM PA'I RTAGS LA BRTEN PA'I RJES DPAG LA 'GRAN ZLA YOD MED GNYIS SU DBYE BA MI 'THAD PAR THAL, DE 'DRA'I RJES DPAG GCIG LA 'GAL BA MI 'KHRUL BA SRID PA YIN NA MTSAN NYID DE DANG LDAN PA'I RJES DPAG GZHAN LA YANG KUN MKHYEN MA YIN PA'I SKYES BU TZAM GYIS

, ,'GAL BA MI 'KHRUL BA DE MED PAR MA NGES PA'I PHYIR, RJES DPAG GZHAN LA 'GAL BA MI 'KHRUL BAM MTHONG BAS MED PAR 'GRUB BO ZHE NA, DE MI 'GRUB PAR THAL, YUN RING POR MA MTHONG BA RNAMS LA YANG DUS PHYIS MNGON SUM LA SNANG BA SKYE BA MTHONG BA'I PHYIR, GNYIS PA LA GSUM, MNGON RJES GNYIS KA GZHAL BYA MTHA' GCIG TU NGES PAR GRUB PA DANG, DE'I LAN DGAG PA DANG, 'GRAN ZLA'I GTAN TSIGS GCOD BYED TSUL GSUM LAS GZHAN PA'I RTAGS KYI TSUL YOD PA DGAG PA'O, ,DANG PO NI; DNGOS STOBS RJES DPAG GI GZHAL BYA MTHA' GCIG TU NGES PAS 'GAL BA MI 'KHRUL PA MED PAR BSTAN PA 'DIS NI CHOS CAN, MNGON SUM DANG RJES SU DPAG PA DAG KYANG 'GAL BA MI 'KHRUL PA MED PAR BSHAD PA YIN TE, GNYIS KA YANG GZHAL BYA MTHA' GCIG TU NGES PA'I TSAD MAR GRAGS PA DANG KHYAD PAR MED PAR DON GYIS BSTAN PA'I PHYIR RO, ,MNGON SUM GYIS GZHAL BYA MTHA' GCIG TU NGES KYANG RJES DPAG LA DE LTAR MA NGES SO ZHE NA, MNGON SUM YANG 'GAL BA MI 'KHRUL BA CAN DE LTAR 'GYUR BAR THAL; MNGON SUM DANG TSAD MA'I MTSAN NYID ZHUGS PAR KHYAD PAR MED PA DANG LDAN PA GCIG LA 'GRAN ZLA MTHONG BA'I PHYIR, GNYIS PA NI, TSAD MA'I MTSAN NYID ZHUGS PAR KHYAD PAR MED KYANG MNGON SUM GYIS GZHAL BYA MTHA' GCIG TU NGES PAR 'JOG PA'I KHYAD PAR GZHAN YOD DO ZHE NA, RJES SU DPAG PA CHOS CAN, TSAD MA MA YIN PAR 'GYUR BAR THAL, GANG GI PHYIR NA GZHAL BYA MTHA' GCIG TU NGES PAR 'JOG PA'I KHYAD PAR DE LAS PHYI ROL TU GYUR PA YIN PA'I PHYIR, KHYAB PA YIN PAR THAL, MNGON

SUM GANG ZHIG GZHAL BYA MTHA' GCIG TU NGES PAR SGRUB PAR BYED PA'I MTSAN NYID DANG LDAN PA'I TSAD MAR 'JOG PA LA TSAD MA'I MTSAN NYID LAS THA DAD PA'I KHYAD PAR GZHAN YOD PA MA YIN PA'I PHYIR, GSUM PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, BRJOD PAR 'DOD PA'I GRANGS GCIG PA CAN GCIG PU GNYIS SU MED PA TSUL GSUM LAS GZHAN PA'I RTAGS KYI MTSAN NYID KYI ZUR YOD PA NYID KYIS RTAGS YANG DAG LA 'GAL BA MI 'KHRUL PA GCOD PA'I PHYIR, 'GRAN ZLA'I GTAN TSIGS MA BSTAN PA STE, BSTAN PAR MI NUS PA'I RTAGS LA BRTEN PA'I RJES DPAG TSAD MA YIN PA'I PHYIR, RJES DPAG TZAM LA 'GRAN ZLA YOD NA MNGON SUM LA YANG YOD PAR THAL BA'I NYES PA MED DO ZHE NA, GNYIS PA LA GSUM, TSUL GSUM LAS GZHAN PA'I RTAGS KYI MTSAN NYID YOD PA DGAG PA DANG, RANG LA MTSUNGS PA SPANG BA DANG, TSUL GSUM PA'I RTAGS LA BRTEN PA'I RJES DPAG LA 'GRAN ZLA'I TSAD MA MI SRID PA'O, ,DANG PO LA GNYIS, BRJOD PAR 'DOD PA'I GRANGS GCIG PA CAN GYI DON BRTAGS NA MI 'THAD PA DANG, MTSAN NYID LA THE TSOM ZA BA GTAN TSIGS YANG DAG TU MI 'THAD PA'O, ,DANG PO LA GNYIS, 'GRAN ZLA DON LA MED PA DE'I DON DU MI 'THAD PA DANG, 'GRAN ZLA MA MTHONG BA DE'I SGRUB BYED DU MI 'THAD PA'O, ,DANG PO NI, BRJOD PAR 'DOD PA'I GRANGS GCIG PA CAN GYI DON DE 'GRAN ZLA'I GNYEN PO MED PA YIN NAM, MA MTHONG BA YIN, GNYIS KA LTAR YANG DE TSAD MAS NGES DGOS SO, ,DANG PO NI, KHYOD LTAR NA NGES MI NUS TE, RJES DPAG TSAD MA'I KHYAD PAR 'DI LA 'GRAN ZLA MED DO ZHES 'DI 'DRA BA'I NGES PA

, ,SRID PA YOD DAM STE 'GRAN ZLA MI SRID PAR NGES PA MED PAR THAL, RJES DPAG CHAD MA'I MTSAN NYID ZHUGS PA GCIG LA 'GRAN ZLA MTHONG BA'I PHYIR, RTAGS BSAL KHAS BLANGS, KHYAB PA YOD PAR THAL, MTSAN NYID KHYAD PAR MED PA GCIG LA NYES PA MTHONG BA NI DE DANG MTSAN NYID KHYAD PAR MED PA GZHAN LA SKYON LDOG PAR NGES PAR BYED MI NUS PA'I PHYIR RO ZHES LE'U GNYIS PAR BSHAD ZIN PA'I PHYIR, GNYIS PA NI, BRTAG PA GNYIS PA LTAR 'GRAN ZLA MA MTHONG BA NGES NUS KYANG DE 'GRAN ZLA MED PA'I SGRUB BYED DU MI RIGS PA NI, 'GRAN ZLA MA MTHONG BAS MED PAR MI 'GRUB PAR THAL, SKYES BU'I BLO'I NUS PA CHE CHUNG GI SPOBS PA'I DBANG GIS TSAD MA DAG GI MTSAN NYID BRJOD PA YANG RIGS PA MA YIN PA'I PHYIR, 'O NA CI ZHE NA, DER THAL, GSAR DU MI SLU'I SHES PA YIN PA DNGOS PO LA GNAS PAS TSAD MAR 'GYUR BA YIN PA'I PHYIR, MI SLU BA'I MTSAN NYID ZHUGS PA DNGOS PO LA GNAS PA DE YANG DE LTAR NGES PAR NUS PA MA YIN PAR THAL, TSUL GSUM PA'I RTAGS LA BRTEN PA'I RJES DPAG LA 'GRAN ZLA'I TSAD MA MTHONG BA'I PHYIR, RTAGS BSAL KHAS BLANGS, GNYIS PA NI, RGYU MTSAN DES NA BRJOD PAR 'DOD PA'I GRANGS GCIG PA NYID KYI MTSAN NYID DANG LDAN PA'I RTAGS DE NI CHOS CAN, RTAGS YANG DAG GI THA SNYAD DU BYAR MI RUNG STE, RTAGS YANG DAG TU MTSON PAR BYED PA'I MTSAN NYID KYI PHYOGS GCIG LA THE TSOM ZA BA YIN PA'I PHYIR, DPER NA, PHYOGS KYI CHOS LA SOGS PA LA THE TSOM ZA BA BZHIN NO, ,DES NA TSUL GSUM TSANG BA'I RTAGS YANG DAG LA 'GRAN ZLA'I RTAGS MI SRID PAR THAL, RTAGS

YANG DAG GI MTSAN NYID TSUL GSUM LA NGES PA'I SHES PA ZUR DU SMOS PA'I YANG PHYIR RO, ,YANG NA RTAGS KYI TSUL LA THE TSOM ZA BA RTAGS YANG DAG TU MI RUNG BAR THAL BA LA GTAN TSIGS DE NYID DGOD DO, ,SNGA MA KHA CIG GIS GZHUNG 'DI RTAGS KYI MTSAN NYID TSUL DRUG TU 'DOD PA DAG GIS TSUL DRUG PA TSUL LNGA PO TSAD MAS SHES PA NYID STON PA LA 'CHAD PA NI 'BREL BA MED DE, 'DI NI RTAGS YANG DAG GI MTSAN NYID TSUL GSUM TSANG BA TZAM GYIS KYANG THE TSOM DANG BRAL BAR STON PA YIN TE, GANG DU SMOS NA GANG ZHIG GNYIS KA LA NGES PA BRJOD PA ZHES DANG, MED LA MED PAR NGES PA ZHES PA DER RO, ,GNYIS PA NI, 'GRAN ZLA'I TSAD MA MED PAR NGES MI NUS NA KHYED KYI RJES DPAG LA YANG MTSUNGS SO ZHE NA, RJES SU DPAG BA'I TSAD MA LA 'GAL BA MI 'KHRUL BA CAN MED PA YIN TE, TSUL GSUM PA'I RTAGS LA BRTEN PAR JI SKAD DU BSHAD PA'I MTSAN NYID CAN GYI RJES SU DPAG PA LA NI TSUL GSUM PA'I RTAGS LA BRTEN PA DE'I MTSAN NYID ZHUGS PA CAN GYI 'GRAN ZLA MI SRID PA'I PHYIR, TSUL GSUM TSANG BA'I GTAN TSIGS YIN NA DE'I LDOG PHYOGS LA TSUL GSUM TSANG BA MI SRID PA'I DON YIN NO, ,GSUM PA NI, BRJOD PAR 'DOD PA'I GRANGS GCIG PA CAN GYI BSAL BYA 'GAL BA MI 'KHRUL BA'I GTAN TSIGS SLOB DPON GYIS BSHAD PA MA YIN NAM ZHE NA, BRJOD PAR 'DOD PA GRANGS GCIG PA CAN NYID KYANG DNGOS PO STOBS ZHUGS RJES DPAG GI YUL 'DI LA SLOB DPON MI 'DOD CING 'DOD PA MI RIGS PA NYID DE DE'I GZHAL BYA MTHA' GCIG TU NGES PA DE'I PHYIR DNGOS STOBS KYI YUL LA MI SRID KYANG 'GAL BA MI 'KHRUL BA'I GTAN TSIGS KYI DPE MED PA MA

, ,YIN TE, GTAN TSIGS 'DI'I YUL NI TSUL GSUM LUNG LA BRTEN PA'I SKABS SU SRID PAR GTAN TSIGS LTAR SNANG GI SKABS SU BSHAD PAR BYA BA YIN PA'I PHYIR, GSUM PA DON BSDU BA NI, DNGOS PO STOBS ZHUGS KYI RJES DPAG DE LA GZHAL BYA MTHA' GCIG TU NGES PAR BRJOD PA RIGS PA YIN PAR THAL, SNGAR BSHAD PA DE LTAR, DNGOS PO STOBS ZHUGS KYI RJES DPAG TSAD MA DAG STOBS DANG LDAN PA'I GNOD PAR BYED PAR BRJOD PA RIGS PA YIN PA'I PHYIR, DER THAL, TSAD MAS GRUB PA LA DNGOS 'GAL SGRUB BYED MED CING BRJOD PAR 'DOD PA GRANGS GCIG PA CAN RTAGS KYI MTSAN NYID DU MI RUNG BA DE'I PHYIR, THAL BA SNGA MA 'DOD NA, DNGOS PO STOBS ZHUGS RJES DPAG YUL LA 'JUG PA GNYEN PO LDOG PHYOGS SGRUB BYED TSUL GSUM TSANG BA'I RTAGS LA BRTEN NAS LHAN CIG TU 'JUG PA DANG BCAS PA SRID PA SEL BAR BYED PA RIGS PA YIN TE, DE'I GZHAL BYA MTHA' GCIG TU NGES PAR BYED PA RIGS PA DES NA'I PHYIR, DES NA LUNG DANG PO LA BRTEN NAS MNGON SUM TSAD MA LTAR DNGOS STOBS KYI RJES SU DPAG PA'I YUL LA 'GAL BA MI 'KHRUL BA CAN NI MED PAR RTOGS PA YIN TE, DE LA LDOG PHYOGS SGRUB BYED MED PAR RTOGS PA DE'I PHYIR, GNYIS PA LA GSUM, RI BONG CAN DNGOS DBANG GIS ZLA BA'I SGRAS BRJOD RUNG DU SGRUB PA'I GTAN TSIGS MED PAR BSHAD PA'I DGOS PA DANG, GTAN TSIGS LTAR SNANG GI DPE GNYIS LA RTZOD PA SPANG BA DANG, DES GRUB PA'I DON TO, ,DANG PO LA GNYIS, DGOS PA DAM BCA' BA DANG, DE SGRUB PA'O, ,DANG PO NI, LUNG DANG PO'I DON SNGAR

BSHAD PA LAS YANG NA DON GZHAN STON PA NI, LUNG DANG PO CHOS CAN, SMOS PA LA DGOS PA YOD DE, RI BONG CAN DNGOS DBANG GIS ZLA BA ZHES PA'I 'JIG RTEN GYI SGRAS BRJOD RUNG SGRUB PA LA RJES SU DPAG PA MED PAR BRJOD PA RTOGS PA'I CHED YIN PA'I PHYIR, GNYIS PA NI, DE LTAR BRJOD PA 'DIS NI CHOS CAN, DGOS PA YOD DE, GRAGS PA'I RJES DPAG DNGOS PO STOBS ZHUGS KYI RJES SU DPAG PA LAS YUL THA DAD PA YIN NO ZHES BRJOD PA RTOGS PAR 'GYUR BA'I CHED YIN PA'I PHYIR, RGYU MTSAN DES NA GRAGS PA'I RJES DPAG YUL LA DNGOS PO'I DBANG GIS 'JUG PA MA YIN NO ZHES BSTAN NAS RTOGS PA RIGS PA YIN TE, DNGOS PO'I STOBS KYIS ZHUGS PA DNGOS KYI GZHAL BYAR YOD PA DANG MED PA'I RJES SU BYED PA'I RJES SU DPAG PA LAS GRAGS PA'I RJES DPAG YUL THA DAD PA CAN NYID DU LUNG DANG PO 'DIS BSTAN PA DGOS PA DANG BCAS PA YIN PA'I PHYIR, LUNG GNYIS PAS KYANG, RI BONG CAN CHOS CAN, ZLA BA YIN TE, YOD PA'I PHYIR, CES PA'I RTAGS 'DI'I BSGRUB BYA 'GOG PA'I DON 'CHAD PA LA SBYOR NA JI LTAR ZHE NA, LUNG GNYIS PAS RI BONG CAN DNGOS DBANG GIS ZLA BA'I SGRAS BRJOD RUNG DU SGRUB PA'I SGRUB BYED MED DE, DE YOD NA RJES DPAG GIS SGRUB DGOS PA LA DES MI SGRUB PA'I PHYIR, CES STON PA DE 'GOG PA NI RJES SU DPAG PA LAS 'GYUR TE, ZHES PA DE SGRUB PA NI ZHES PAR BSGYUR LA BSHAD DO, ,RTAGS DES MI SGRUB KYANG GZHAN GYIS SGRUB PO ZHE NA, GANG LA YOD PA NYID CES SOGS DANG DE LA GNOD BYED YOD PA NI SGRA NI BRDA LA BRTEN PA YIN LA ZHES SOGS LUNG GNYIS PA LA SBYAR NAS

, ,BSHAD PAR BYA'O, ,GNYIS PA LA GNYIS, RTZOD SPANG DNGOS DANG, BRDA'I DBANG GIS 'JUG PA LA DON GCIG KHO NA LA 'JUG PA'I THUN MONG MA YIN PA MED PAR BSTAN PA'O, ,DANG PO LA GNYIS, DPE DANG PO LA RTZOD PA'I LAN DU SBYAR BA DANG DPE GNYIS PA LA RTZOD PA'I LAN DU SBYAR BA'O, ,DANG PO LA GSUM, DNGOS DANG, DE LA RTZOD PA SPANG BA DANG, ZLA BAR GRAGS ZIN DPER DGOS NA YANG DPE MED PA MA YIN PA'O, ,DANG PO NI, RI BONG CAN CHOS CAN, ZLA BA MA YIN TE, YOD PA'I PHYIR, CES PA'I RTAGS 'DI MI MTHUN PHYOGS KHO NA LA 'JUG CING MTHUN PHYOGS LA MED PA'I 'GAL RTAGS MA YIN NAM, CI'I PHYIR RTAGS THUN MONG MA YIN PAR BSHAD CE NA, RTOG YUL NA YOD PA DE RI BONG CAN 'DOD RGYAL BA'I ZLA BA'I SGRAS BRJOD MI RUNG DU SGRUB PA'I RTAGS THUN MONG MA YIN PAR BSHAD PA'I RGYU MTSAN YOD DE, RTAGS DE LA MTHUN PHYOGS LA RJES SU 'GRO BA'I DPE DON LA MED CING MI MTHUN PHYOGS LA RJES SU 'GRO BA'I RJES SU DPAG PA'I DPE BRDA SPROD PA'I BLO NGOR MED PA LA BSAMS NAS RTAGS THUN MONG MA YIN PAR BSHAD PA YIN PA DES NA'I PHYIR, CI'I PHYIR BRDA SPROD PA'I BLO NGOR DPE DE MED CE NA, DE'I NGOR RI BONG CAN 'DOD RGYAL BA'I ZLA BA'I SGRAS BRJOD RUNG DU SGRUB PA'I MTHUN DPE MED PAR THAL, BRDA SPROD PA DE ZLA BAR CHES SHIN TU GRAGS PA'I RI BONG CAN YANG 'DOD RGYAL BA'I DBANG GIS ZLA BAR MI 'DOD PA GANG ZHIG DE 'DOD RGYAL BA'I ZLA BA'I SGRAS BRJOD RUNG DU MI 'DOD NA GRAGS PA'I DBANG GIS ZLA BA'I SGRAS BRJOD RUNG GZHAN GANG ZHIG 'DOD PAR 'GYUR TE CUNG ZAD KYANG MI 'DOD PA DE'I PHYIR, GNYIS PA NI,

GAL TE 'JIG RTEN NA ZLA BA GNYIS MED PAS RI BONG CAN ZLA BA'I SGRAS BRJOD RUNG DU SGRUB PA'I RTAGS THUN MONG MA YIN PAR BSHAD PA MA YIN NAM, CI LTAR NA GRAGS PA MTHA' DAG LA LOG PAR ZHUGS PA'I BRDA SPROD PA'I BLO NGO LA BLTOS NAS RTAGS THUN MONG MA YIN PA YIN NO ZHES BRJOD CE NA, RI BONG CAN ZLA BA'I SGRAS BRJOD MI RUNG DU DAM BCAS PA'I DAM BCA' GCIG PO 'DI KHO NA LA GRAGS PAS GNOD PA'I DBANG DU BYAS NAS LUNG DANG PO SMOS PAR THAL, 'JIG RTEN NA ZLA BA GNYIS MED PA'I RGYU MTSAN GYIS RI BONG CAN ZLA BA'I SGRAS BRJOD RUNG DU SGRUB PA'I RTAGS THUN MONG MA YIN PA LUNG DANG POS BSHAD PA'I PHYIR, RTAGS KHAS BLANGS 'DOD NA, DAM BCA' LTAR SNANG GI DPE GCIG PO DE KHO NA LA GRAGS PAS GNOD PA NYID KYI DBANG DU BYAS NAS GANG LA THUN MONG MA YIN PA'I ZHES SOGS DE SKAD BRJOD PA NI MA YIN TE, GANG GI PHYIR NA DE LA GRAGS PAS GNOD PA BZHIN DU DAM BCA' LTAR SNANG GZHAN LA YANG GRAGS PAS GNOD DO ZHES GRAGS PAS GNOD PA'I SPYI'I MTSAN NYID BSTAN PA'I CHED DU SMOS PA YIN PA'I PHYIR RO, ,DAM BCA' LTAR SNANG GZHAN LA YANG GRAGS PAS GNOD PAR THAL, 'DI LTAR SHING SHA PA SHING ZHES PA'I SGRAS BRJOD RUNG MA YIN NO ZHES BYA BA DAM BCAS PA LA YANG GRAGS PAS GNOD PA'I PHYIR RO, ,GSUM PA NI, RI BONG CAN ZLA BA'I SGRAS BRJOD RUNG DU SGRUB PA'I MTHUN DPER, ZLA BAR GRAGS ZIN DGOS SO ZHES SMRA BA 'DIR YANG CHOS CAN, RTOG YUL NA YOD PA DE MTHUN DPE MED PA'I RTAGS THUN MONG MA YIN PA NYID DU MI 'GYUR BAR THAL, 'JIG RTEN NA GA BUR DANG DNGUL LA

, ,SOGS PA LA SPOS SBYOR DANG GSER 'GYUR RTZI'I BSTAN BCOS LAS ZLA BA'I BRDA BYED PAR MTHONG BA'I PHYIR, DPE DANG PO LA BRGAL BA'I LAN GYIS KYANG GZHUNG GI TSIG DON RDZOGS PAR 'GYUR MOD KYI, GNYIS PA DPE GNYIS PA LA RTZOD PA'I LAN DU SBYAR BA LA YANG SNGA MA LTAR GSUM LAS DANG PO NI, RI BONG CAN CHOS CAN, ZLA BA YIN TE, YOD PA'I PHYIR, DPER NA GRUB PA'I BRJOD BYA BZHIN, ZHES MTHUN DPE YOD PA MA YIN NAM, CI LTAR RI BONG CAN ZLA BAR SGRUB PA'I RTAGS THUN MONG MA YIN PAR BSTAN CEN, RTOG YUL NA YOD PA DE RI BONG CAN DNGOS DBANG GIS ZLA BA'I SGRAS BRJOD RUNG DU SGRUB PA'I RTAGS THUN MONG MA YIN PAR BSHAD PA'I RGYU MTSAN YOD DE, RTAGS DE LA RJES SU DPAG PA'I MTHUN DPE MED PA YIN PAS RTAGS THUN MONG MA YIN PAR BSHAD PA DES NA'I PHYIR, RI BONG CAN DNGOS DBANG GIS ZLA BA'I SGRAS BRJOD RUNG DU SGRUB PA'I MTHUN DPE MED PAR THAL, SANGS RGYAS PA DE ZLA BAR CHES SHIN TU GRAGS PA'I RI BONG CAN YANG DNGOS DBANG GIS ZLA BA'I SGRAS BRJOD DU RUNG BAR MI 'DOD PA GANG ZHIG ,DE MI 'DOD NA DNGOS DBANG GIS ZLA BA'I SGRAS BRJOD RUNG DU GRAGS PA GZHAN GANG ZHIG 'DOD PAR 'GYUR TE CUNG ZAD KYANG MI 'DOD PA DE'I PHYIR, GNYIS PA DANG GSUM PA NI SNGA MA LTAR BSHAD DO, ,GNYIS PA LA GNYIS, DNGOS DANG, DE'I LAN DGAG PA'O, ,DANG PO NI, RJOD BYED KYI SGRA DON GCIG KHO NA LA 'JUG PA'I THUN MONG MA YIN PA 'GA' YANG MED PAR THAL, BRDA LAS 'JUG CING BRDA 'DOD PA LA BRTEN NAS 'JUG PA'I PHYIR, GAL TE DE LA ZLA BA'I SGRA DE

DNGOS PO'I DBANG GIS 'DUG RUNG DU GRUB PA YIN PAR THAL, DE DON 'GA' ZHIG KHO NA NYID DU 'JUG RUNG DU GRUB PA'I PHYIR, KHYAB PAR THAL, GA BUR SOGS LA ZLA BA'I SGRA GRAGS PAS GRUB PAR KHAS LEN NA NI RI BONG CAN LA YANG GRAGS PA'I DBANG GIS 'JUG PA MI LDOG PA'I PHYIR RO, ,GNYIS PA NI, GA BUR SOGS LA DKAR BA DANG BSIL BA DANG YID TSIM PA LA SOGS PA'I ZLA BA'I SGRA 'JUG PA'I RGYU MTSAN DE DAG YOD PAS GRAGS DBANG GIS ZLA BA'I SGRAS BRJOD RUNG DU SGRUB PA'I MTHUN DPER MI RUNG NGO ZHE NA, 'O NA RI BONG CAN LA RGYU MTSAN DE DAG YOD DAM MED, DANG PO LTAR NA, RI BONG CAN LA YANG ZLA BA'I SGRA DE RGYU MTSAN GYI DBANG GIS 'JUG PA BZLOG TU MED PA NYID YIN PAR THAL, RI BONG CAN GYI DNGOS PO LA ZLA BA'I SGRA 'JUG PA'I RGYU MTSAN DKAR BA DANG BSIL BA DANG YID TSIM PA DE GRUB PA'I PHYIR, GNYIS PA LTAR NA, RI BONG CAN ZLA BA'I SGRA 'JUG PA BZLOG KYANG GRAGS PAS GNOD PA'I SKYON 'GA' YANG MED PAR THAL, ZLA BA'I SGRA DE RGYU MTSAN CAN GYI SGRA YIN PA GANG ZHIG RI BONG CAN GYI DNGOS PO LA ZLA BA'I SGRA 'JUG PA'I RGYU MTSAN DKAR PO SOGS DE MED PA'I PHYIR, SNGA MA 'DOD NA, RGYU MTSAN CAN GYI SGRA ZLA BAR GRAGS ZIN SGRUB NA YANG MTHUN DPE MED PA'I SKYON MED PAR MI 'GYUR LA, PHYI MA 'DOD NA, SGRA BYUNG GRAGS PA BKAG PA LA SKYON MED PAR THAL BA'O, ,GSUM PA DES GRUB PA'I DON NI, DNGOS PO LA MTHA' GCIG TU NGES PA MA YIN PA'I BRDA DANG LDAN PA'I RJOD BYED KYI SGRA LAS BYUNG BA'I CHOS RNAMS KYI BRJOD DU RUNG BA NI CHOS CAN, DON THAMS CAD LA KHYAB BYED DU YOD PA YIN

, ,TE, DNGOS PO STE RTOG YUL GYI DON THAMS CAD LA KHYAB BYED DU 'JUG PA LA GEGS BYED PA MED PA'I PHYIR RO, ,DER THAL, RGYU MTSAN CAN GYI SGRA YUL NGES PA YIN YANG 'DOD RGYAL BA'I SGRA YUL NGES PA MED PA DE'I PHYIR, GSUM PA DE LTAR BSHAD PAS GRUB PA'I DON NI, RI BONG CAN DNGOS DBANG GIS ZLA BA'I SGRAS BRJOD RUNG DU SGRUB PA'I RJES DPAG MED PAR BRJOD PA 'DIS NI CHOS CAN, BRJOD BYED KYI SGRA RNAMS DON LA MTHA' GCIG TU NGES PA 'GA' YANG MED LA BRJOD BYED KYI SGRA 'DI DAG RTOG YUL GYI DON DE LA 'JUG RUNG 'GOG NA YANG GRAGS PA DANG 'GAL BA YIN NO ZHES BSHAD PA YIN TE, RJOD BYED KYI SGRA RNAMS NI BRDA'I RJES SU BYED PAS DON GANG LA YANG 'JUG TU RUNG BAR DON GYIS BSTAN PA'I PHYIR, GSUM PA DON BSDU BA LA GNYIS, SGRA'I BRJOD BYA DON DAM PAR GRUB PA KHEGS PAR BSTAN PA DANG, GRAGS PA'I RJES DPAG RJES DPAG LAS LOGS SU BSTAN PA'I DGOS PA'O, ,DANG PO NI, RGYU MTSAN CAN GYI SGRA'I BRJOD BYA'I DON NAM 'DOD RGYAL BA'I SGRA RNAMS KYI NI BRJOD BYA'I DON DON DAM PA NYID DU GRUB PA 'GOG PA LA GNOD PA MED PAR BRJOD PA YIN TE, BRDA'I DBANG GIS 'JUG PA'I RJOD BYED RNAMS KYI BRJOD BYA'I DON MTHA' GCIG TU NGES PA 'GAL BAR BSTAN PA DES NA'I PHYIR, SGRA'I BRJOD BYA 'DOD PA TZAM GYIS RJES SU BYED PA YIN GYIS, DON DAM PAR GRUB PA MA YIN TE, DE LTA NA GZUGS ZHES BRJOD PA'I SGRA'I RJES SU 'BRANG BA'I RTOG PAS KYANG GZUGS RANG MTSAN GZUNG YUL DU BYED PA'I PHYIR, GZUGS GSAL BAR MTHONG BA LA MIG GI DBANG PO DGOS PA MED PA NYID DU

THAL BAR 'GYUR RO, ,SGRA'I BRJOD BYA DON DAM PAR MA GRUB PA DANG RJOD BYED KYI SGRA RNAMS SEL PAS 'JUG PA 'DI NI, GZHAN GYI SDE PA LAS KHYAD ZHUGS PA'I RIGS PA'I GSANG CHEN PO YIN TE, 'DI'I DON LEGS PAR MA RTOGS NA SGRO 'DOGS MCHOD PA LA CHOD SNYAM PA DANG, CHOD PA LA MCHOD SNYAM DU DOGS NAS THAR LAM LA 'JUG PA'I GEGS CHEN POR 'GYUR BA YIN NO, ,'DI LA TSAD MAS GRUB PA'I RNAM GZHAG LEGS PHAR MA SHES PAS NI MTHA' DAG LA SKUR PA 'DEBS DGOS PAR BSHAD ZIN TO, , GNYIS PA NI, GRAGS PA'I RJES DPAG CHOS CAN, RJES DPAG LAS PHYI ROL TU GYUR PA MA YIN TE, GNOD BYED TSAD MA GANG ZHIG MNGON SUM DANG 'GAL BA DES NA'I PHYIR, GRAGS PA'I RJES DPAG RJES DPAG LAS PHYI ROL TU GYUR PA MA YIN YANG SEL BYED RTZA BA'I DBYE BA 'CHAD PA'I SKABS DER RJES DPAG LAS LOGS SU THA DAD DU BYAS PA LA DGOS PA YOD PA MA YIN TE, DE GNYIS YUL GYI KHYAD PAR NI BSTAN PA'I PHYIR TU LOGS SU BSHAD PA'I PHYIR, SNGA MA YID CHES RJES DPAG RJES DPAG LAS LOGS SU BSHAD PA BZHIN NO, ,YUL GYI KHYAD PAR NI GRAGS PA'I RJES DPAG GI GZHAL BYA NI 'DOD PA TZAM GYI RJES SU BYED PA YIN LA, DNGOS STOBS RJES DPAG GI GZHAL BYA NI DNGOS PO'I DBANG GIS GRUB PA'O, ,DE LTAR BYAS NA GZHAL BYA GNYIS KYI KHYAD PAR GYI CHOS MI 'DRA BA BSTAN PAR SONG GI ,GSAL BA'I DBYE BA BSTAN PA'I PHYIR MA SONG BAS GSAL BA'I DBYE BA BSTAN PA'I CHED YIN NA, HA CANG THAL BA DANG LOGS SU BYAS PA DON MED PAR THAL BA GNYIS 'DIR YANG SBYAR BAR BYA'O, ,YID CHES

, ,DANG GRAGS PA GNYIS KA BSHAD PA'I DGOS PA GZHAN RNAM 'GREL DU 'DI'I 'JUG TU GSUNGS KYANG CUNG ZAD BSDUS PA'I DBANG DU MDZAD NAS 'DIR MA GSUNGS SO, ,GRAGS PA'I GTAN TSIGS 'DI NI PHYI ROL PA KHA CIG RIG BYED KYI YI GE DANG MING TSIG SOGS RTAG PAR 'DOD CING, DE DAG DON DANG DON DAM PAR GRUB PA'I 'BREL BA YOD PA DANG, SGRA'I TSINGS PA RTAG PAR SMRA BA SOGS DANG, RANG SDE KHA CIG SGRA'I BRJOD BYA RANG MTSAN DU 'DOD PA SOGS 'GOG PA DANG, BKAG PAS GRUB PA'I DON GYI GNAD SHIN TU CHEN PO ZHIG STE, MKHAS PA RNAMS KYIS ZHIB TU DPYAD PA LAS SHES PAR BYA'O, ZHES BYA BA NI BAR SKABS KYI TSIGS SU BCAD PA DAG GO, ,PHYOGS YANG DAG LA GRAGS PAS MA BSAL BA'I TSUL BSHAD ZIN TO,, GSUM PA MNGON SUM GYIS MA BSAL BA LA GSUM, MNGON SUM BSAL BA'I DPE DANG, DON SMOS PA'I DGOS PA DANG, MNYAN BYA SMOS PA'I DGOS PA'O, ,DANG PO NI, MNGON SUM DANG 'GAL BAR GRAGS PA'I DON DAM 'CHA' BA YANG MTHONG STE, DPER NA SGRA NI MNYAN PAR BYA BA MA YIN NO ZHES BYA BA LTA BU DAM 'CHA' BA MTHONG BA'I PHYIR, YID CHES DANG GRAGS PA DANG 'GAL BA DAM BA'I BAR MA ZAD CES PA'O, ,DE BSHAD PA LA GNYIS, SGRA'I STENG GI LDOG CHOS SNA TSOGS BKAG PA LA MNGON SUM GYIS MI GNOD PA DANG, THUN MONG MA YIN PA'I RANG MTSAN BKAG NA GNOD PA'O, ,DANG PO NI, SGRA'I STENG GI BYAS MI RTAG GI THA DAD KYI CHA SOGS LDOG CHOS KYI RANG BZHIN SNA TSOGS DANG, SGRA'I STENG DU DON DAM PAR GRUB PA'I RANG BZHIN GANG ZHIG GNYIS

SU MED PAR NYAN SHES KYI GZUNG NGOR GCIG TU 'DRES PA MA YIN PAR THAL, NYAN SHES KYI GZUNG DOR SGRA DANG BYAS MI RTAG SOGS CHOS DANG CHOS CAN DU 'BREL BA CAN GYI SPYI THA DAD PA GZHAN SNANG BA MED PA'I PHYIR, DER THAL, SPYI GSAL THA DAD PA GCIG TU 'DRES PAR SNANG BA'I NYAN SHES KYI BLO MTHONG BA MED PA'I PHYIR, GNYIS PA NI, NYAN PA'I SHES PA LA SPYI GSAL GNYIS SU SNANG BA MED PAR SNANG BA MNYAN BYA DE NYID MED DO ZHES SPONG NA MNGON SUM DANG 'GAL BA YIN TE, SGRA LA MNYAN BYA MNGON SUM GYIS MI GNOD PA DANG, THUN MONG MA YIN PA'I RANG MTSAN BKAG GNOD PA'O, ,DANG PO NI, SGRA'I STENG GI BYAS MI RTAG GI THA DAD KYI CHA SOGS LDOG CHOS KYI RANG BZHIN SNA TSOGS DANG, SGRA'I STENG DU DON DAM PAR GRUB PA'I RANG BZHIN GANG ZHIG GNYIS BSHAD PA'I RGYU MTSAN YOD PA YIN TE, MNYAN BYA DE NYID SGRA'I STENG DU MED DO ZHES SPONG NA MNGON SUM GYIS GNOD DO ZHES BSTAN PA'I CHED DU SMOS PA DE'I PHYIR, 'DIR CHOS MCHOG GI 'GREL PA CI RIGS PAR YANG GI SGRA SMOS PA NI MA DAG PAR GSAL TE, DON SMOS PA'I DGOS BA SNGAR BSHAD PA NI RANG LUGS MA YIN PAR SLOB DPON DBANG PHYUG SDE'I 'DOD PAR BSHAD PA'I PHYIR DANG, YANG GI SGRAS GZHAN YANG BSTAN DU MED PA'I PHYIR RO, ,GNYIS PA NI, SGRA'I RANG BZHIN MNYAN BYA DE NYID CHOS CAN, DON ZHES PA'I SGRAS STON PA'I RGYU MTSAN YOD DE, NYAN SHES KYIS GZUNG ZHING GZHAL BA'I SGO NAS SGRA DE LA DON DAM PAR GRUB PA'I PHYIR, LHAG MA SGRA DANG MNYAN BYA THA DAD PA'I CHI DANG SGRA'I BYAS MI RTAG THA DAD PA'I CHA RNAMS CHOS CAN, SGRA LA MED DO ZHES SPONG NA MNGON

, ,SUM GYIS DNGOS SU GNOD PA MA YIN TE, LOGS THA DAD LAS LDOG PA'I MTSAN NYID CAN RTOG PAS BTAGS PA'I SPYI'I CHOS YIN PA'I PHYIR, SPYI DE DAG NI CHOS CAN, DBANG PO'I MNGON SUM GYIS GZUNG DON DU BYAS PA'I SPYOD YUL MA YIN TE, DNGOS POR MED PA'I NGO BO CAN YIN PA DE'I PHYIR, SGRA 'DZIN MNGON SUM GYI GZUNG BA'I NGOR SGRA BYAS MI RTAG PA GSUM GA SNANG YANG GCIG THA DAD GANG DU YANG SNANG BA MA YIN TE, THA DAD DU SNANG NA RDZAS THA DAD DU 'GYUR DGOS LA GCIG TU SNANG NA GCIG TU 'GYUR DGOS PAS RANG BZHIN GYI RTAGS DANG PHYOGS CHOS LAS NYAMS PAR 'GYUR RO, ,RIGS PA PHRA MO LA ZHIB TU MA SBYANGS PA'I BLO GROS KYI 'JUG PA SHIN TU RTZING BA KHA CIG 'DI DAG GIS SPYI YIN NA DNGOS MED YIN PAS KHYAB PA BSTAN 'DUG SNYAM DU BSAMS NAS RANG NYID DE SKAD SMRA ZHING GZHAN LA YANG DE LTAR STON PA NI, BDAG NYID CHEN PO'I RIGS PA LA CO 'DRI BAR ZAD DE DGAG PA GONG DU BSHAD ZIN TO, ,GSUM PA LA GNYIS, DGOS PA DNGOS DANG DE LA RTZOD PA SPANG BA'O, ,DAD PA NI, MNGON SUM BSAL BA'I DPER SGRA NI MNYAN BYA MA YIN NO ZHES MNYAN BYA'I SGRA SMOS PA LA DGOS PA YOD DE, SGRA LA NYAN SHES KYIS GZUNG ZHING GZHAL BA DE SGRA LA MED DO ZHES SPONG NA MNGON SUM GYIS GNOD PA YIN GYI, SGRA LA SKAD CIG MA DANG KHYAB PA DANG BDAG MED PA SOGS MED DO ZHES SPONG YANG NYAN SHES MNGON SUM GYIS GNOD BA MED DO ZHES MNYAN BYA SMOS PAS BSTAN NAS RTOGS PA'I CHED DU YIN PA'I PHYIR, SGRA LA DAG MED DO ZHES SPONG YANG NYAN SHES DBANG PO'I MNGON SUM GYIS DE'I LDOG PHYOGS GZHAL

BA'I SGO NAS GNOD PA MA YIN PAR THAL, MI RTAG PA DANG BDAG MED DANG DE DAG THA DAD PA'I CHA LA SOGS PA SPYI'I CHOS RNAMS NI NYAN SHES DBANG PO'I MNGON SUM GYI YUL MIN PAR GRUB PA'I PHYIR, DER THAL, DE LTAR GONG DU BSGRUBS PA NGES NA'I PHYIR, SGRA'I CHOS MED DO ZHES SMOS NA SGRA SKAD CIG MA DANG BDAG MED SOGS SU MED PA YANG MNGON SUM BSAL BAR DOGS PA SKYE BAS MNYAN BYAR MED DO ZHES SMOS SO, ,SGRA MED DO ZHES SMOS NA YANG KHYAD GZHI KHYAD CHOS THAMS CAD 'GOG PA LA MNGON SUM GYIS GNOD PAR DOGS PAR 'GYUR LA, SGRA MNYAN BYAR MED DO ZHES SMOS NA NYAN SHES KYIS GZUNG ZHING GZHAL BYA DE 'GOG NA MNGON SUM GYIS GNOD PA YIN GYI SPYI'I CHOS 'GOG PA LA NI MA YIN NO ZHES BSTAN PAR 'GYUR RO, ,GNYIS PA NI, MNYAN BYA'I SGRAS KYANG SPYI BRJOD PA MA YIN NAM, NYAN SHES DBANG PO'I MNGON SUM GYI SPYOD YUL BRJOD PAR 'GYUR RO ZHE NA, DE'I DON NI MNYAN BYA BKAG PA LA GNOD NA SGRA'I SPYI BKAG PA LA YANG GNOD PAR 'GYUR TE, SGRAS BSDUS PA'I SPYI DANG GSAL BA THAMS CAD MNYAN BYA ZHES PA'I SGRA'I BRJOD BYA YIN PA'I PHYIR CES PA'O, ,SGRA MNYAN BYAR MED DO ZHES DAM BCAS PAS SGRAS BSDUS PA'I SPYI DANG GSAL BA KUN MED DO ZHES DAM BCAS PA MNGON SUM BSAL BAR 'GYUR BA'I SKYON MED PAR THAL, MNYAN BYA ZHES BRJOD PA'I SGRAS SGRAS BSDUS PA'I SPYI DANG GSAL BA'I RNAM PA KUN BRJOD BYA'I DNGOS POR BYAS PA'I SGO NAS SGRA'I THUN MONG MA YIN PA'I RANG BZHIN BRJOD PA MIN PA'I PHYIR, 'O NA SGRA RANG GI MTSAN NYID DU MED DO ZHES SMOS PAS CHOG MOD CE NA, MNYAN BYA'I SGRA SMOS PA'I DGOS PA

, ,GZHAN STON PA NI SGRA MNYAN BYAR MED DO ZHES MNYAN BYA'I SGRAS NYAN SHES DBANG PO'I YUL DU SGRA MNYAN BYA YIN PA BSHAD PA'I RGYU MTSAN YOD DE, NYAN SHES DBANG PO'I MNGON SUM DE LA BRTEN NAS GRUB PAS NA DE LTAR BSHAD PA'I PHYIR, MNYAN BYA'I SGRAS BSTAN PA LA DGOS PA YOD DE, SGRA MNYAN BYA MA YIN PA LA NYAN SHES DBANG PO'I MNGON SUM DE'I STOBS KYIS GNOD PAR SHES PA'I CHED YIN PA'I PHYIR, RKANG PA DANG PO RANG MTSAN SGRA'I BRJOD BYA MA YIN PA LA 'CHAD PA NI DON MA RTOGS PA'I RNAM 'GYUR DU GSAL LO, ,SGRA'I STENG DU MNYAN BYA MA YIN PA LA DNGOS SU GNOD BYED KYI PHAN TSUN SPANG 'GAL NI MNYAN BYA DE NYID YIN GYI, NYAN SHES NI MA YIN TE, MNYAN BYA MA YIN PA DANG PHAN TSUN SPANG 'GAL LA BRTEN PA'I DNGOS 'GAL MA YIN PA'I PHYIR RO, ,GZHUNG GI DKYUS DANG DE'I RNAM BSHAD DU DAM BZA' LTAR SNANG DI DON LA, MNGON SUM RJES DPAG SOGS KYIS GNOD PAR BSTAN PA NI GZHAL BYA DE NYID GNOD BYED KYI GTZO BO YIN PAS YUL LA YUL CAN GYI MING GIS BTAGS PAR SHES PAR BYA'O, ZHES BYA BA NI BAR SKABS KYI TSIGS SU BCAD PA DAG GO ,PHYOGS YANG DAG LA MNGON SUM GYIS MA BSAL BA'I TSUL BSHAD ZIN TO, ,BZHI PA RJES DPAG GIS MA BSAL BA'I TSUL BSHAD PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO LA GSUM, RJES DPAG GI BSAL BA'I DPE DANG, RTAG PAR 'KHRUL PA'I RGYU DANG, 'KHRUL PA SEL BYED KYI RIGS PA'O, ,DANG PO NI, DPER NA BUM PA RTAG GO ZHES BYA BA LTA BU DAM BCAS PA'I DON RJES SU DPAG PA DANG 'GAL

BA STE; LDOG PHYOGS RJES DPAG GIS GZHAL BA'I SGO NAS DAM BCAS PA'I DON DE MED PAR RTOGS PA'I PHYIR, YANG SMOS PA NI BSAL BA GZHAN GYI DPER MA ZAD CES PA'O, ,GNYIS PA NI, BUM PA CHOS CAN, GRANGS CAN PA KHYOD RTAG PA DE LTAR 'KHRUL PAR 'GYUR PA'I RGYU MTSAN YOD DE, KHYOD LA DBYU GU LA SOGS PA CUNG ZAD BRDEGS PA BZOD PAR MTHONG BA DAG LAS GRANGS CAN PA RTAG PAR 'KHRUL PA'I PHYIR, GSUM PA NI, BUM PA DE YANG CHOS CAN, RTAG PA YIN MI SRID DE, SKYE BA DANG LDAN PA DANG BYAS PA LA SOGS PA'I PHYIR, DPER NA BUM PA SNGAR MNGON SUM GYIS MTHONG BA 'GAGS PA'I ZHIG NAS MED PA BZHIN DU'O, ,DON NI BUM PA LA SOGS PA SKYE BA DANG LDAN PA NI, DUS GNYIS PAR BZHIG NAS GTAN MED DU 'GYUR BAS KHYAB PAS, RTAG PAR 'GYUR BA MI SRID PA BZHIN NO ZHES PA'O, ,DANG PO LA GNYIS, DPE MA GRUB PA'I RTZOD PA DANG, DE DGAG PA'O, ,DANG PO NI, GAL TE SNGAR YOD DUS GNYIS PAR MED PAR 'GYUR PA'I MI RTAG PA'I BUM PA NI 'GAL YANG MED DE, BUM PA YIN NA RTAG PA YIN PAS 'BRAS KYI RNAM GZHAG DGAG PA'O, ,DANG PO LA GNYIS, DPE MA GRUB PA'I RTZOD PA DANG, DE DGAG PA'O, ,DANG PO NI, GAL TE SNGAR YOD DUS GNYIS PAR MED PAR 'GYUR PA'I MI RTAG PA'I BUM PA NI 'GA' YANG MED DE, BUM PA YIN NA RTAG PA YIN PAS KHYAB BO, ,'O NA BUM PA SNGAR YOD GYO DUM DU SONG NAS MA MTHONG BA DANG 'GAL LO ZHE NA, GYO DUM DU SONG BA'I GNAS SKABS DER YANG MNGON SUM LA MNGON PAR GSAL BA PHYIS BSKAL BA YIN GYI, BUM PA'I RANG BZHIN CUNG ZAD KYANG NYAMS PA MED PAS DPE MA

, ,GRUB PO ZHE NA, GNYIS PA LA GNYIS, BUM PA SNGAR YOD MED PA'I DON GRANGS CAN GYIS KHAS BLANGS PA DANG, ZHIG BSKAL GYI MID THA DAD TZAM LA ZHEN PA MI RIGS PA'O, ,DANG PO NI, GRANGS CAN GYI BUM PA SNGAR YOD MED PA'I DON KHAS BLANGS PAR THAL, BUM PA SNGAR SNANG RUNG DANG CHU SKYOR GYI DON BYED NUS PAR YOD PA DE BTANG NAS DE'I GNAS SKABS MA YIN PA NI BUM PA MI RTAG PA'I DON YIN PAR SMRA BA'I PHYIR, RTAGS BSAL KHAS BLANGS KHYAB PAR THAL, BUM PA DE'I GNAS SKABS NI MNGON SUM LA BLTAR RUNG ZHING CHU SKYOR BA'I DON BYED NUS PA DE NYID YIN PA'I PHYIR, GNYIS PA NI, BUM PA BZHIG PA'I PHYIR RAM BSKAL BA'I PHYIR CES BYA BA MID THA DAD TZAM LA NI 'DIR MNGON PAR ZHEN NAS BUM PA GYO DUM DU SONG BA'I DUS NA BUM PA'I RANG BZHIN MNYAMS PAR KHAS LEN PA RIGS PA MA YIN PAR THAL, BUM PA'I GNAS SKABS DE NI BUM PA BZHIG CING 'GAGS PA DAG LA YOD PA MA YIN PA'I PHYIR, GNYIS PA LA GSUM, TSIG DON LA GNOD PAR BSTAN PA DANG, DE'I RGYU MTSAN DANG, DMIGS RUNG MA DMIGS PAS MED NGES SU 'GRUB PA'O, ,DANG PO LA GNYIS, DAM BCA' DANG, DE NYID GSAL BAR BSTAN PA'O, ,DANG PO NI, GRANGS CAN GYIS BUM PA 'DI'I DMIGS PAR BYA BA DBUS DA LTAR GYI RANG BZHIN DE YANG SNGON 'JIM DUS DAD GYO DUM DU SONG BA'I PHYI MA'I MTHAR YANG MA DMIGS KYANG YOD DO ZHES SMRA BAS NI RANG GI DAM BCA' LA GNOD PA SMRAS PAR THAL, DE LTAR SMRA BAS NI SHES BYA NYER LNGA'I TSIG GI DON GYI NANG NAS GTZO BO DANG SKYES BU RDZAS THA DAD DU RNAM

PAR BZHAG PA LA GNOD PA'I PHYIR, GNYIS PA NI, KHO BO CAG RDZAS THA DAD PA'I RNAM PAR BZHAG PA MI 'DOD DO ZHE NA, RDZAS THA DAD PA MI 'DOD PA DE LTAN NI SNYING STOBS BDE PA DANG RNGUL SDUG BSNGAL DANG MUN PA BTANG SNYOMS GSUM CHA MNYAM PA'I GTZO BO DANG SEMS PA YOD PA SHES RIG GI SKYES BU DAG SNGA MA BEM PO DANG PHYI MA RIG PAR BZHAG PA MI 'THAD PAR THAL, DE GNYIS PHAN TSUN RDZAS KYI RANG BZHIN THA DAD PA RNAM PAR BZHAG PAR MI RUNG BA'I PHYIR RO, ,RTAGS BSAL KHAS BLANGS, GNYIS PA NI, GTZO BO DANG SKYES BU RDZAS THA DAD PA RNAM PAR BZHAG PA MI RUNG BAR THAL, GTZO BO DANG SKYES BU DE LA YANG RDZAS SU GRUB PHAN TSUN GCIG LA GCIG MI DMIGS PA LAS MA GTOGS PA RDZAS THA DAD DU RNAM PAR BZHAG PA'I RGYAB RTEN TSAD MA GZHAN NI 'GA' YANG MED LA SNANG RUNG MA DMIGS PAS MED PA MI 'GRUB PA'I PHYIR, RTAGS PHYI MA DANG THAL BA KHAS BLANGS SO, ,GSUM PA NI, 'JIG RTEN GYI THA SNYAD GRANGS CAN GYIS KYANG KHAS LEN DGOS PA DE'I PHYIR, DE LTAR ZHO DANG BUM PA LA SOGS PA CHOS CAN, 'O MA DANG 'JIM GONG GI RANG BZHIN DAG LA MED DE, YOD NA DMIGS PA'I MTSAN NYID DU GYUR PA'I MA DMIGS PA YIN PA'I PHYIR, 'O MA YANG ZHO DE LA RDZAS GCIG TU MED DO ZHES BYA BA 'DI NI RIGS PA YIN TE, DE LTAR YOD NA DMIGS SU RUNG BA LAS MA DMIGS PA'I PHYIR, GSUM PA LA GSUM, RGYU'I RANG BZHIN DU YOD PA'I 'BRAS BU SKYE BA DGAG PA DANG, RGYU'I RANG BZHIN DU MED PA'I 'BRAS BU SKYE NA RI BONG GI RVA SKYE BA DANG MTSUNGS PA DGAG PA DANG, GTZO BO'I MING CAN GYI NUS PA'I RANG BZHIN

, ,LA BRTAGS LA DGAG PA'O, ,DANG PO LA GNYIS, RTZOD PA DANG, DE'I LAN NO, ,DANG PO NI, ZHO LA SOGS PA'O MA LA SOGS PA RGYU'I RANG BZHIN DAG LA DMIGS PA'I RJES SU DPAG PA YOD PA NYID DE ZHO DANG RDZA BUM 'O MA DANG 'JIM GONG GI RANG BZHIN DU YOD DE, DE GNYIS LAS DE DAG 'BYUNG BA'I PHYIR, RGYU'I RANG BZHIN DU MED NA 'BRAS BU SKYED MI NUS LA 'BRAS BU SKYED MI NUS PA LAS MI 'BYUNG BA'I PHYIR RO ZHE NA, GNYIS PA LA GSUM, DE RTAGS KYI NUS YUL DU MI 'THAD PA DANG; SNANG RUNG GI RANG BZHIN BTAGS PA TZAM 'JIG PA'I DON YIN NA KHAS BLANGS 'GAL BA DANG, DE'I LAN DGAG PA'O, ,DANG PO NI, ZHO 'O MA'I RANG BZHIN DU YOD NA DMIGS SU RUNG BA LAS MA DMIGS PA YIN BZHIN DU ZHO 'O MA'I RANG BZHIN DU YOD PA DE 'DRA BA'I DNGOS PO NI RJES SU DPAG PA'I NUS PA'I YUL MA YIN PAR THAL, DE 'DRA MI SRID PA'I PHYIR, ZHO DE NI 'O MA'I RANG BZHIN DU YOD NA BLTAR RUNG BA NYID YIN TE, GAL TE YOD NA ZHO'I DBUS KYI GNAS SKABS BZHIN DU 'O MA'I DUS NA YANG MNGON SUM GYIS DMIGS PAR 'GYUR BA'I PHYIR, THA SNYAD 'BA' ZHIG SGRUB NA, ZHO CHOS CAN, 'O MA'I RANG BZHIN DU MED DE, 'O MA'I RANG BZHIN DU YOD NA DMIGS SU RUNG BA LAS MA DMIGS PA'I PHYIR, DE'I DUS NA ZHO YONG NA DMIGS RUNG DU GRANGS CAN MI 'DOD PAS PHYOGS CHOS JI LTAR GRUB CE NA, RANG RGYUD KYI RTAGS KYI PHYOGS CHOS PHYIR RGOL GYI KHAS BLANGS KYIS SGRUB PA MA YIN GYI, TSAD MAS SGRUB PA YIN NO, ,TSAD MA JI LTAR ZHE NA, MNGON DU GYUR PA'I ZHO YOD NA DMIGS RUNG

DU MNGON SUM GYIS GRUB PA NA DE DANG KHYAD PAR CUNG ZAD KYANG MED PA'I ZHO SNGA DUS NA YOD NA YANG MNGON SUM LA SNANG RUNG DU GRUB PA YIN NO, ,GRANGS CAN GYIS KYANG MNGON GSAL GYI ZHO YOD NA SNANG RUNG DU KHAS BLANGS LA DE DANG MNGON PAR MI GSAL BA'I ZHO GNYIS KYI RANG BZHIN CHA MED GCIG TU KHAS BLANGS PAS GRANGS CAN LA KHAS BLANGS KYIS SGRUB DGOS NA YANG GRUB PA YIN NO, ,GRANGS CAN LA 'JIM DUS NA BUM PA MED PAR SGRUB PA'I PHYOGS CHOS SGRUB PA LA YANG DE BZHIN DU SHES PAR BYA'O,, GNYIS PA NI, ZHO'I DUS NA YANG 'O MA'I SNANG RUNG GI RANG BZHIN BTANG BA YIN GYI, GTAN BZHIG PA MA YIN NO ZHE NA, ZHO'I DUS NA'O MA BZHIG PAR THAL, DE'I DUS NA 'O MA DE'I SNANG RUNG GI MTSAN NYID GSAR DU BTANG BA GANG ZHIG DE BTANG BA NYID 'O MA DE'I 'JIG PA STE BZHIG PA YIN PA'I PHYIR, DES NA ZHO DANG 'O MA RDZAS GZHAN YIN TE, RDZAS KYI MTSAN NYID MI MTHUN PA SO SOR MNGON SUM LA SNANG BA'I PHYIR, KHYAB PAR THAL, DE YANG RDZAS THA DAD PA NI RDZAS 'GAL BA'I RANG BZHIN GYI MTSAN NYID CAN YIN PA'I PHYIR RO ZHES MANG DU BSHAD ZIN PA'I PHYIR, GSUM PA NI, 'BRAS BU DE SKYED NUS PAS DE'I BDAG NYID YIN ZHES BSHAD ZIN TO ZHE NA, 'O MA LAS SKYES NA'O MA'I RANG BZHIN YIN PA'I KHYAB PA MED PAR THAL, 'O MA DE LAS SKYES PA NI RGYU 'O MA DE ZHO DE SKYED PA'I RANG BZHIN YIN PAR 'GRUB KYI ZHO 'O MA DE'I NGO BOR NI 'GRUB PA MA YIN PA'I PHYIR, GNYIS PA LA GNYIS, 'DOD PA BRJOD PA DANG, DE DGAG PA'O, ,DANG PO NI, GAL TE 'BRAS BU RGYU'I DUS NA MED PA LAS SKYE

, ,NA CI'I PHYIR 'O MA LAS ZHO SKYE LA, RI BONG GI RVA SKYE BA MA YIN TE, RGYU'I DUS NA MED PAR KHYAD PAR MED PA LA SKYE MI SKYE'I KHYAD PAR CI ZHIG YOD CE NA BDE BAR GSHEGS PA PA DAG NI SA BON GYI DUS NA MED PA'I MYU GU SKYE BAR 'DOD KYI DE'I DUS NA YOD PA DE LAS SKYE BAR MI 'DOD PA'I PHYIR RO, ,GNYIS PA LA GSUM, RGYU'I DUS NA MED PAR MTSUNGS KYANG SKYE MI SKYE RNAM DBYE SO SOR NGES PA DANG, DE YANG RGYU SNGA MA NYID LAS GRUB PA DANG, RI BONG GI RVA MI SKYED PA'I RGYU MTSAN NO, , DANG PO NI, 'O MA'I DUS NA ZHO DANG RI BONG GI RVA MED PAR MTSUNGS NA SKYE MI SKYE YANG MTSUNGS PA MA YIN TE, DE'I DUS NA MED PAR MTSUNGS KYANG ZHO SKYED LA RI BONG RVA MI SKYED PA'I RGYU 'O MA'I NUS PA'I RANG BZHIN THA DAD PA'I PHYIR RO, ,DER THAL, 'O MA ZHO DE'I BDAG NYID MA YIN YANG ZHO SKYED PAR BYED LA RI BONG GI RVA SKYED PAR MI BYED PA GANG YIN PA DE NI 'O MA DE'I RANG BZHIN YIN PA'I PHYIR, GNYIS PA NI, 'BRAS BU'I RANG BZHIN GYIS RGYU'I RANG BZHIN KHYAD PAR DU 'GYUR PA MA YIN NA RGYU DE'I NUS PA SO SOR NGES PA DE GANG LAS ZHE NA RGYU'I NUS PA SO SOR NGES PA DE CHOS CAN, RGYU MED DANG MI MTHUN PA'I RGYU LAS BYUNG BA MA YIN TE, RANG GI RGYU LAS SO SOR SKYED PA YIN PA'I PHYIR, SKYED BYED DE YANG RGYU MED DANG MI MTHUN PA'I RGYU LAS BYUNG BA MA YIN TE, DE YANG DE LTAR DE'I RGYU'I RANG BZHIN THOG MA MED PA NAS BRGYUD PA LAS SKYES PA YIN PA'I PHYIR, GSUM PA NI, 'O MA SOGS GANG LAS KYANG RI BONG GI RVA MI SKYE STE, DE SKYED PAR BYED PA'I RANG BZHIN GYI RGYU NYID MED PA'I PHYIR,

ZHO LA SOGS PA RANG GI RGYU LAS SKYES TE, ZHO LA SOGS PA GZHAN LA NI RANG GI RGYU DE YOD PA'I PHYIR RO, ,DE DAG SO SOR NGES PA 'THAD DE, RANG GI RGYU LAS SO SOR SKYES PA DE'I PHYIR, GSUM PA LA GNYIS, DRI BA DANG, DRIS PA'I LAN DGAG PA'O, , DANG PO NI, CIS DE YANG 'BRAS BU SKYED PA'I NUS PA ZHES BYA BA 'DI CI ZHIG 'BRAS BU'I DNGOS PO DE NYID YIN NAM 'O NA TE DE LAS RDZAS GZHAN CUNG ZAD GCIG YIN 'DI LTAR DRIS PA NI GRANGS CAN PA 'BRAS BU SKYED PA'I NUS PA MTHAR THUG PA DANG, GTZO BO MING GI RNAM GRANGS SU 'DOD LA DE NYID LA RNAM 'GYUR RNAMS KYI RANG BZHIN DANG GNAS LUGS DANG DON DAM PAR 'DOD CING, DE YANG MI THONG BA'I YUL DU NAM YANG MI 'GRO ZHING DE NYID RTAG DNGOS DANG CHA MED GCIG PU DANG BYED PA POR 'DOD DO,, DES NA ZHO SKYED PA'I NUS PA ZHO DANG RANG BZHIN GCIG GAM THA DAD DRIS PA'O, ,GNYIS PA LA GSUM, RANG BZHIN DE NYID DGAG PA DANG, RANG BZHIN GZHAN DGAG PA DANG, DES ZHO LA 'O MA'I RANG BZHIN YOD PA YANG KHEGS PA'O, ,DANG PO NI, 'O MA'I STENG GI ZHO SKYED PA'I NUS PA ZHO'I RANG BZHIN DE NYID DO ZHE NA, ZHO MNGON SUM GYIS DMIGS PA CI LTA BDE BZHIN DU ZHO SKYED PA'I NUS PA YANG ZHO DE KHO NA LTAR DMIGS PAR 'GYUR PAR THAL, ZHO SKYED PA'I NUS PA DANG ZHO'I RANG BZHIN GNYIS KHYAD PAR MED PA'I CHA MED GCIG YIN PA'I PHYIR RO, ,RTAGS DNGOS SU KHAS BLANGS 'DOD NA NUS PA NAM YANG MTHONG BA'I LAM DU MI 'GYUR PA NYAMS SO, ,DE GNYIS LA MTSAN NYID MI MTHUN PA'I KHYAD PAR GZHAN YOD NA YANG DE GNYIS RANG BZHIN CHA MED GCIG TU MI 'THAD PAR THAL, RDZAS KYI

, ,MTSAN NYID MI MTHUN PA NA RDZAS GZHAN YIN PAR BRJOD ZIN PA'I PHYIR, GNYIS PA NI, ZHO SKYED PA'I NUS PA ZHO LAS RANG BZHIN GZHAN YIN NO ZHE NA, CI LTAR 'O MA LA ZHO DANG 'BREL MED KYI NUS PA DON GZHAN YOD NA ZHO DE YONG PAR 'GYUR TE, YOD PA MI RIGS PAR THAL, 'BREL MED DON GZHAN GCIG YOD NA GZHAN YOD PAR MA NGES PA'I PHYIR, 'O MA LA ZHO YOD PA NYE BAR BTAGS PA TZAM DU MI 'GYUR TE, ZHO SKYED PA'I NUS PA YOD PA LA ZHO YOD PAR GDAGS SU RUNG BA'I PHYIR, GSUM PA NI, 'O MA ZHO'I RANG BZHIN DU YOD PA 'DIS NI CHOS CAN, PHYI MA ZHO LA 'O MA RANG BZHIN GCIG TU YOD PA YANG BSAL BA YIN TE, GNOD BYED KYI RIGS PA MTSUNGS PAS SNGA MA DE LA BRTEN NAS PHYI MA 'DI YANG RTOGS PAR NUS PA'I SGO NAS BSAL BA'I PHYIR, DAM BCA' LTAR SNANG GI GZHI CHOS CAN GYI STENG DU BSGRUB BYA'I CHOS KYI NGO BO LA GNOD PA 'BAB TSUL RGYAS PAR BSHAD PA 'DI LA BRTEN NAS CHOS KYI KHYAD PAR LA GNOD PA 'BAB TSUL SOGS KYANG BLO GROS DANG LDAN PA DAG GIS RTOGS PAR 'GYUR PAS 'DIR MA BRJOD LA, RANG RTEN LA ZHES SMOS PA'I DGOS PA PHYOGS YANG DAG YIN NA GZHI CHOS CAN GANG LA MA BSAL BA RGYAS BAR BSHAD PA YANG RNAM 'GREL DU GSUNGS KYANG CUNG ZAD BSDUS PA'I DBANG DU MDZAD NAS 'DIR MA GSUNGS SO, ,DES NA GRANGS CAN GYI 'DOD PA 'GOG PA'I RIGS PA LA SOGS PA RTAG DNGOS 'GOG PA'I RIGS PA GONG 'OG KUN TU BSTAN PA LA MKHAS PAR BYAS NAS LTA BA DKAR RTAGS KYI PHYAG RGYA BZHI'I NANG NAS KYANG THOG MAR DNGOS

PO THAMS CAD MI RTAG PAR RTOGS PA LA MKHAS PAR BYA'O, ,DGAG BYA BCAD PA LA BLTOS PA'I RTAG PA DON BYED NUS PA RANG SDE KHA CIG 'DOD MOD KYANG DGAG BYA BCAD PA LA MI LTOS BA'I SNGO SER LTA BU SGRUB PA RANG DBANG BA'I RTAG DNGOS 'DOD PA NI CHOS 'DI LAS PHYI ROL TU GYUR PA 'BA' ZHIG GI LUGS YIN PAS MKHAS PA RNAMS KYIS DON LA DPYAD PAR BYA'I MING MI 'DRA BA TZAM LA 'KHRUL PAR MI BYA'O, ,SHING RTA CHEN PO KUN GYI BZHED PA LAS PHYI ROL TU GYUR PA KHA CIG NA RE, RNAM 'GREL DU, TSAD MA RTAG PA NYID YOD MIN, ZHES PAS THA SNYAD PA'I TSAD MA RTAG PA BKAG PA YIN GYI, DON DAM PA'I TSAD MA NI RTAG PA'I DNGOS PO'O, ZHES ZER BA NI ZER RGYUS PHONGS PAR GSAL TE, MU STEGS DBANG PHYUG PAS DBANG PHYUG RTAG PA RANG BYUNG GI THAMS CAD MKHYEN PA DON DAM PAR GRUB PA'I TSAD MAR KHAS BLANGS PA LAS PHA ROL TU GYUR PA'I DON DAM PA'I TSAD MA RTAG PA'I DNGOS PO KHAS BLANGS PA SU ZHIG YOD BSAM PAR BYA BA YIN NO, ,PHYOGS YANG DAG LA RJES SU DPAG PAS MA BSAL BA'I TSUL BSHAD ZIN TO,, ` GNYIS PA DNGOS SU BSTAN BYA PHYOGS CHOS KYI RAB DBYE SNGON DU 'GRO BA CAN GYI GTAN TSIGS KYI DBYE BA BSTAN PA LA GSUM, PHYOGS CHOS CAN GYI DBYE BA BSHAD PA DANG, PHYOGS CHOS CAN DGUR DBYE BA'I DGOS PA DANG, TSUL GSUM PA'I GTAN TSIGS GSUM DU GRANGS NGES PAR BSGRUB PA'O, ,DANG PO LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, TSAD MA MDOR, GANG PHYIR GTAN TSIGS DAG DANG NI, ,DER SNANG PHAL CHER PHYEGS CHOS NYID, ,DES NA GTAN

, ,TSIGS LTAR SNANG GI ,SNGON DU DE DBYE BSTAN PAR BYA, ZHES GSUNGS PA LTAR, PHYOGS CHOS CAN GYI DBYE BA BSTAN PA'I DGOS PA NI GTAN TSIGS KYI SKABS KYI MDO MDOR BSDUS NAS BRJOD PA LA DGOS PA YOD DE, PHYOGS CHOS CAN GYI GTAN TSIGS GANG LA GTAN TSIGS YANG DAG SRID PA PHYOGS CHOS CAN GYI GTAN TSIGS DGUR RAB TU DBYE BAS MTSON PAR BYED PA'I PHYIR, PHYOGS CHOS CAN DGUR BSDUS NAS BRJOD PA LA DGOS PA YOD DE, GZHAN DON RJES DPAG GI BSTAN BYA MTHUN PHYOGS LA KHYAB BYED DU YOD PA DANG CHA GNYIS SU YOD PA'I GTAN TSIGS YANG DAG GNYIS SU NGES PA BDE BLAG TU GZUNG BA'I CHED DU YIN PA'I PHYIR, DON BSDUS NA PHYOGS CHOS KYI RAB TU DBYE BAS GTAN TSIGS KYI SKABS KYI MDO MDOR BSDUS NAS BRJOD PA LA DGOS PA YOD DE, RTAGS YANG DAG LA GSUM DU NGES PA DANG DE MTHUN PHYOGS LA KHYAB PA DANG CHA GNYIS SU 'JUG PA GNYIS SU NGES PA BDE BLAG TU GZUNG BA'I CHED DU YIN PA'I PHYIR, SNGAR GZHAN DON RJES DPAG GI MTSAN NYID DAG, SHUGS BSTAN GYI DON RNAMS BSHAD NAS DNGOS BSTAN GYI DON MA BSHAD PAS DE LA PHYOGS CHOS CAN GYI DBYE BA 'CHAD PA YIN NO, ,DE LA PHYOGS CHOS CAN GYI RAB DBYE BSHAD PA LA DGOS PA CI YOD SNYAM NA, PHYOGS CHOS CAN GYI GTAN TSIGS KYI SKABS GANG LA GTAN TSIGS YANG DAG SRID PA DANG, GTAN TSIGS YANG DAG GI TSUL GSUM DU GRANGS NGES PA LA SOGS PA'I CHED DU YIN TE 'CHAD PAR 'GYUR RO, ,GNYIS PA NI, PHYOGS CHOS CAN GYI GTAN TSIGS CHOS CAN, RNAM PA GSUM DU NGES TE, MTHUN PHYOGS

LA KHYAB BYED DU YOD PA DANG KHYAB BYED DU MED PA DANG RNAM GNYIS SU 'JUG PA RNAMS SU YOD PA'I PHYIR, GSUM PO RE RE DAG LA YANG CHOS CAN, RNAM PA GSUM GSUM YOD DE, MI MTHUN PHYOGS LA KHYAB BYED DU YOD PA DANG MED PA DANG RNAM PA GNYIS SU 'JUG PA RNAMS SU YOD BA'I PHYIR RO, ,GSUM PA LA GSUM, PHYOGS CHOS KYI DON BSHAD PA DANG, PHYOGS CHOS CAN DGU'I GRANGS KYI DBYE BA DANG, SO SO'I SBYOR BA DPER BRJOD PA'O, ,DANG PO LA GNYIS, PHYOGS CHOS KYI PHYOGS NGOS GZUNG BA DANG, GTAN TSIGS DE'I CHOS YIN NA THUN MONG MA YIN PA 'BA' ZHIG TU THAL BA SPANG BA'O, ,DANG PO LA GNYIS, DNGOS DANG, DGOS MED KYI RTZOD PA SPANG BA'O, ,DANG PO NI, GAL TE PHYOGS NI CHOS DANG CHOS CAN GYI TSOGS DON YIN PAS DE'I CHOS GANG YIN PA DE GTAN TSIGS YANG DAG YIN NA, CHOS DON MA GRUB NA GTAN TSIGS MA GRUB PAR GYUR LA, DE GRUB NA YANG BSGRUB BYA SGRUB PA'I CHED DU GTAN TSIGS BRJOD PA DGOS PA MED PAS CI LTAR YIN CE NA, TSUL DANG PO 'CHAD PA'I SKABS KYI PHYOGS KYI SGRA TSIGS DON LA 'JUG NA NYES PA DER 'GYUR YANG DE'I SKABS KYI PHYOGS NI CHOS CAN, SHES 'DOD CHOS CAN YIN TE, DE DANG TSOGS DON DANG BSGRUB BYA'I CHOS GSUM GANG RUNG YIN PA LA PHYI MA GNYIS GANG DU YANG MI 'THAD PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, SHES 'DOD CHOS CAN LA PHYOGS KYI MING BTAGS PA DOGS PA MED PA'I PHYIR, DGOS PA MED PAR GTZO BO YI, ,SGRA DON LAS 'DAS 'DOD MA YIN, CES BSHAD PA LTAR DE'I MING NYE BAR GDAGS PAR MI BYA'O ZHE NA, GNYIS PA LA GNYIS

, ,PHYOGS KYI MING GIS 'DOGS PA'I RGYU MTSAN DGOS PA DANG BCAS PA DANG, DE NYID BRGAL LAN GYIS GTAN LA DBAB PA'O, ,DANG PO NI, SHES 'DOD CHOS CAN LA PHYOGS KYI MING GIS BTAGS PA DGOS PA MED PA MA YIN TE, PHYOGS DER NYE BAR GDAGS SU RUNG BA'I CHOS CAN DU RTOGS PAR BYA BA'I CHED YIN PA'I PHYIR RO, ,DE LA PHYOGS KYI MING GIS 'DOGS PA'I RGYU MTSAN YOD DE, PHYOGS DE'I PHYOGS GCIG YIN PA'I PHYIR, SNAM BU'I PHYOGS GCIG TSIG PAS SNAM BU TSIG PAR 'DOGS PA BZHIN NO, ,PHYOGS KYI MING GIS BTAGS RUNG GI CHOS CAN DU RTOGS PA LA DGOS PA YOD DE, RTZOD GZHI DANG MTHUN DPE DANG MI MTHUN DPE'I CHOS CAN THAMS CAD KYI STE GANG RUNG GI CHOS SU GRUB NA TSUL DANG PO GRUB BAM SNYAM PA DGAG PA'I CHED DU YIN PA'I PHYIR, SGRA MI RTAG PAR SGRUB PA LA MIG GIS GZUNG BAR BYA BA'I PHYIR CES BYA BA LA SOGS PA RTAGS SU BKOD PA TSUL DANG PO GRUB PA SPANGS PA YIN TE, SHES 'DOD CHOS CAN LA PHYOGS KYI MING GIS BTAGS PA RNAM BCAD YONGS GCOD KYI DGOS PA DANG BCAS PA DE LTA YIN DANG STE YIN PA'I PHYIR, RNAM BCAD KYI GNAS NYE BAR GZUNG BAS TE, RTAGS RTZOD GZHI LA MED KYANG MTHUN DPE LA YOD PAS PHYOGS CHOS GRUB BAM SNYAM PA'I DOGS PA SPANGS BA'O, ,GNYIS PA LA GNYIS, NYE BA'I RIGS PAS RTZOD GZHI LAS GZHAN LA GO BA SEL MI NUS PA DANG, ZLOS PA'I RIGS PAS RTZOD GZHI LAS GZHAN LA GO BA SEL MI NUS PA'O, ,DANG PO LA GNYIS, RTZOD PA DANG, LAN NO, ,DANG PO NI, GAL TE CHOS ZHES BRJOD PA'I SGRA NI GZHI CHOS CAN

DANG 'BREL BA GO BAR BYED PAS CHOS CAN DNGOS SU MA BRJOD PAR CHOS ZHES BRJOD PAS KYANG GZHI CHOS CAN GCIG LA BRTEN PA YIN PAR LTA 'GRUB STE 'DIR CHOS CAN GYI CHOS ZHES SMOS PA NA CHOS CAN ZHES TSIG LHAG PO SMOS PA'I SHUGS KYIS RTZOD GZHI KHO NA LA NYE BA'I PHYIR, CHOS CAN RANG MING GIS SMOS PAS KYANG BSGRUB PAR BYA BA'I CHOS CAN YIN PAR GRUB PO ZHE NA, PHYOGS KYI MING GIS BTAGS PA DGOS PA MED BA'I NYES PA SO NA GNAS ZHES PA'O, ,GNYIS PA NI, RTAGS KYI TSUL GTAN LA 'BEBS PA'I SKABS SU CHOS CAN GYI CHOS ZHES PA'I CHOS CAN GYI MING RTZOD GZHI KHO NA LA NYE BA MA YIN TE, DPE'I CHOS CAN YANG DE'I MING CAN DU NYE BA'I PHYIR RO, ,DES NA DE YANG GZUNG BAR THAL PAS MIG GI GZUNG BYA SGRA MI RTAG PAR SGRUB PA'I PHYOGS CHOS GRUB PAR THAL BAR 'GYUR RO; ;GNYIS PA LA GNYIS, RTZOD PA DANG, LAN NO, ,DANG PO NI, DE MTSUNGS LA YOD CES MTHUN BA'I PHYOGS LA RTAGS YOD PAR BRJOD PAS MTHUN DPE'I CHOS CAN LA YOD PAR GRUB ZIN PA'I PHYIR, YANG CHOS CAN GYI CHOS ZHES PAS MTHUN DPE LA YOD PAR BRJOD NA, ZLOS PAR 'GYUR BA'I PHYIR, ZLOS PAR GO BA'I SHUGS KYIS CHOS CAN GYI CHOS ZHES RANG MING GIS BRJOD PAS BSGRUB BYA'I CHOS CAN YIN PAR YONGS SU GZUNG NGO ZHE NA, GNYIS PA LA GNYIS, BSHAD DKA' BA YANG PHYOGS KYI MING GIS SPANGS PA DANG, RTOGS DKA' BA YANG PHYOGS KYI MING GIS SPANGS PA'O, ,DANG PO NI, SHES 'DOD CHOS CAN LA TSUL DANG PO 'CHAD BA'I SKABS SU PHYOGS KYI MING GIS GDAGS RIGS KYI CHOS CAN RANG MING GIS SMOS PAR MI RIGS PAR THAL, CHOS CAN RANG MING

, ,GIS SMOS PA LA SGRA 'GAL BA DANG ZLOS PA LA SOGS PAS CHOS CAN GZHAN LA YOD PA SEL BA DE LTAR BSHAD PAR BYA BA LA 'BAD PA MANG PO DGOS PA DE NI PHYOGS ZHES BRJOD PAS BDE BLAG TU SPANGS PA YIN PA'I PHYIR, GNYIS PA NI, THAL CHOS SNGA MA LA CHOS CAN ZHES PA'I TSIG LHAG PO BRJOD PA'I SHUGS KYIS RTZOD GZHI CHOS CAN LA DON GO DGOS NA RTOGS DKA' BAR 'GYUR BAS RTOGS DKA' BA YANG PHYOGS ZHES BRJOD PAS BDE BLAG TU YONGS SU SPANGS BA'I PHYIR RO, ,'DIR RNAM 'GREL GYI RANG 'GREL DU, GRUB ZIN PA LAN DU MI RUNG STE, GRUB ZIN BSNAN NAS STON PA MTHONG BA'I PHYIR, MTHUN PHYOGS KHO NA LA YOD CES PAS MI MTHUN PHYOGS LA MED PA GRUB ZIN KYANG, YANG MED LA MED PAR NGES PA ZHES SMOS PAS GRUB ZIN PA LAN DU MI RUNG STE, DER NI DGOS PA GZHAN YOD PA YIN LA, 'DIR NI DGOS PA GZHAN MED PA'I PHYIR, MTHUN DPE LA YOD PA GRUB ZIN PAS RTZOD GZHI KHO NA LA GO BA MI 'THAD PA'I DON DU GSUNGS SO, ,YANG RTZOD GZHI CHOS CAN DANG MTHUN DPE CHOS CAN DANG MI MTHUN DPE CHOS CAN GSUM LA CHOS CAN GYI SGRA 'JUG PAS CHOS CAN GYI CHOS ZHES SMOS NA MTHUN DPE CHOS CAN DANG MI MTHUN DPE CHOS CAN GYI CHOS SU GRUB PA'I MA GRUB PA'I GTAN TSIGS 'GA' ZHIG LA YANG TSUL DANG PO GRUB PAR DOGS PA SKYE NA PHYOGS KYI SGRA YANG TSOGS DON DANG RTZOD GZHI DANG BSGRUB BYA'I CHOS GSUM LA 'JUG PAS TSOGS DON GYI CHOS DANG BSGRUB BYA'I CHOS KYI CHOS SU GRUB PA'I MA GRUB PA'I GTAN TSIGS 'BA' ZHIG LA YANG PHYOGS CHOS GRUB PAR THAL BA'I RTZOD PA BKOD NAS LAN

'DEBS PA NI DOGS PA'I GNAS SHIN TU CHUNG BAS 'DIR MA BSHAD DO, ,BSTAN BCOS KYI GDUL BYA NI SGRA'I SKYON YON LEGS PAR BRTZI SHES SHING BSTAN BCOS DE NAS BSHAD PA'I DON GYI 'GAL 'BREL YANG DPYOD PA'I NUS PA DANG LDAN PA DAG YIN LA, TSUL GSUM GYI MTSAN NYID BSTAN BCOS SU GTAN LA PHAB PA'I TSE PHYOGS KYI SGRA RTZOD GZHI CHOS CAN LA 'BAD MAD SU RTOGS PAR 'GYUR BA'O, ,GNYIS PA LA GNYIS, RTZOD PA DANG, LAN NO, ,DANG PO NI, GAL TE RTAGS PHYOGS KYI CHOS NYID DU GRUB PA GCIG TSUL DANG PO YIN NA RTZOD GZHI DE'I KHYAD PAR LA BLTOS PAS RTZOD GZHIS KHYAD PAR DU BYAS PA RTZOD GZHI LAS GZHAN LA MI 'JUG PA'I PHYIR, TSUL DANG PO GRUB NA RTAGS THUN MONG MA YIN PA NYID DU 'GYUR RO ZHE NA, GNYIS PA NI, BYAS PA CHOS CAN, SGRAS KHYAD PAR DU BYAS NA SGRA LAS GZHAN LA RJES 'GRO MED PA MA YIN TE, DPER NA NAG PA 'PHOD SKYEN NO ZHES BYA BA LTA BUR SGRAS MA 'BREL BA RNAM PAR GCOD PAS NI KHYAD PAR DU BYAS PA YIN GYI, DPER NA SRID SGRUB 'PHONG SKYEN NO ZHES BYA BA LTA BUR SGRAS GZHAN DANG LDAN PA RNAM PAR GCOD PAS NI KHYAD PAR DU BYAS PA MA YIN NO ZHES MANG DU BSHAD ZIN PA'I PHYIR, GNYIS PA LA GSUM, DNGOS DANG, RTAGS KYI LTOS GZHI NGOS GZUNG BA DANG, GTAN TSIGS SU 'GYUR BA PHYOGS KHYAB TSAD MAS NGES PA LA BLTOS MI LTOS DPYAD PA'O, ,DANG PO NI, PHYOGS KYI CHOS DE NI CHOS CAN, RNAM PA GSUM DU DBYE RUNG STE, MTHUN PA'I PHYOGS LA KHYAB BYED DU YOD PA DANG KHYAB BYED DU MED PA DANG RNAM PA GNYI GA STE CHA GNYIS SU 'JUG PA RNAMS SU YOD PA'I PHYIR, RNAM PA

, ,GSUM PO DE NI CHOS CAN, RE RE YANG RNAM PA GSUM GSUM DU 'GYUR TE, 'DI LTAR MI MTHUN PA'I PHYOGS LA KHYAB BYED DU YOD PA DANG KHYAB BYED DU MED PA DANG GNYI GA CHA GNYIS SU 'JUG PA RNAMS SU YOD PA'I PHYIR, GNYIS PA LA GNYIS, DNGOS DANG, RTZOD PA SPANG BA'O, ,DANG PO LA GNYIS, SPYI'I DON DANG, YAN LAG GI DON TO, ,DANG PO LA MTHUN PHYOGS MI MTHUN PHYOGS KYI MTSAN NYID DANG, MI MTHUN PHYOGS KYI DBYE BA'O, ,DANG PO NI, SGRUB TSUL DANG MTHUN PA'I BSGRUB BYA'I CHOS SU GZUNG RUNG GI SPYIS CHOS MTSUNGS PA MTHUN PHYOGS KYI MTSAN NYID DANG, DE LTAR CHOS MI MTSUNGS PA MI MTHUN PHYOGS KYI MTSAN NYID DO, ,KHA CIG GZHAL BYA'I RTAGS KYIS SGRA RTAG PAR SGRUB PA'I MTHUN PHYOGS RNAL MA MED DE, PHYOGS DANG BSGRUB BYA'I CHOS LDAN DU MTSUNGS PA MED PA'I PHYIR TE, SGRA DANG RTAG PAR CHOS MTSUNGS PA MED PA'I PHYIR RO, ZHES ZER BA NI SGRA BSHAD 'JUG GI KHYAD PAR MA PHYED PA YIN TE, SGRA BSHAD NA PHYOGS RTZOD GZHI DANG BSGRUB BYA'I CHOS LDAN DU MTSUNGS PA ZHES PAR 'GYUR GYI, SGRA 'JUG PA LA BSHAD DU YOD PA'I NGES PA MED DE, SKAM LAS SKYES PA'I MTSO SKYES BZHIN NO, ,DES NA 'DUS MA BYAS KYI NAM MKHA' LTA BU RTAGS DE'I MTHUN PHYOGS SU SHES PAR BYA'O, ,BSGRUB BYA'I CHOS KYI SPYI ZHES PA BSGRUB BYA'I CHOS LA RJES SU 'GRO BA'I SPYI LA MI SBYAR GYI BSGRUB BYA'I CHOS SU GZUNG RUNG YANG YIN LA, SPYI YANG YIN PA'I GZHI MTHUN NGES BSGRUB TSUL DANG MTHUN PAR STONG PA DANG MI STONG BA LA BYA'O, ,GNYIS PA NI, RANG BZHIN GYI

RTAGS LA DPER MTSON NA MI RTAG PAS STONG BA BYAS PAS SGRA MI RTAG PAR SGRUB PA'I MED PA MI MTHUN PHYOGS DANG, 'DUS MA BYAS KYI NAM MKHA' LA SOGS PA 'GAL BA MI MTHUN PHYOGS DANG, SHES BYA GZHAL BYA LA SOGS PA GZHAN PA MI MTHUN PHYOGS SO 'BRAS BU'I GTAN TSIGS LA DPER MTSON NA, MES STONG BA NI DU BAS DU LDAN LA LA ME SGRUB PA'I MED PA MI MTHUN PHYOGS DANG, GRANG REG 'GAL BA MI MTHUN PHYOGS DANG, REG BYA BTANG SNYOMS PA GZHAN PA MI MTHUN PHYOGS SO, ,MDOR NA GTAN TSIGS GCIG PO DE'I RTZOD GZHI'I STENG DU GANG ZHIG BKAG PA TZAM GYIS BSGRUB BYA'I CHOS LDAN DU NGES NUS PA'I DGAG BYA'I CHOS DE NI MED PA MI MTHUN PHYOGS DANG, DE LTAR NGES MI NUS KYANG DGAG BYA'I CHOS SU GZUNG RUNG DE YIN GYI, BSGRUB BYA'I CHOS SU GZUNG RUNG DE MA YIN PA NI 'GAL BA MI MTHUN PHYOGS DANG, SGRUB TSUL DANG MTHUN PA'I BSGRUB BYA'I CHOS KYIS STONG BA YIN YANG, DE YIN NA SGRUB TSUL DANG MTHUN PAR BSGRUB BYA'I CHOS KYIS STONG BA YIN PA'I NGES PA MED PA'I RIGS SU GNAS PA NI, GZHAN PA MI MTHUN PHYOGS SO, ,GNYIS PA NI, BUM PA CHOS CAN, BYAS PAS SGRA MI RTAG PAR SGRUB PA'I MTHUN PA'I PHYOGS YIN TE, DE SGRUB KYI SGRUB TSUL DANG MTHUN PA'I BSGRUB PAR BYA BA'I CHOS KYI PHYIS DON MTHUN PA YIN PA'I PHYIR, MI RTAG PA DE NYID MI RTAG PA BRTEN PA'I GZHIR MED PAS BSGRUB BYA'I CHOS KYI RANG LDOG NI, MI MTHUN PA'I PHYOGS SO ZHES SNGON GYI MKHAS PA DAG GSUNG BA NI CUNG ZAD MI BDE'O, ,'DUS MA BYAS KYI NAM MKHA' CHOS CAN, DE SGRUB KYI MI

, ,MTHUN PA'I PHYOGS YIN TE, DE SGRUB KYI SGRUB TSUL DANG MTHUN PA'I BSGRUB BYA'I CHOS KYIS DON MTHUN PA DER MED PA YIN PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, DA NI JI LTAR BSGRUB BYA'I TSES BKAG PA MI MTHUN PHYOGS YIN NA DE NI MED PAR DGAG PA YIN PA'I PHYIR, BSGRUB BYA'I CHOS MED PA LA GTAN TSIGS GZHAL BYA LA SOGS PA YOD DO ZHES JI LTAR BRJOD CE NA, RTZOD PA 'DI'I BSAM BA NI BSGRUB BYA'I CHOS KYIS STONG PA MI MTHUN PHYOGS SU BSTAN PA NA BSGRUB BYA'I CHOS BKAG TZAM 'BA' ZHIG MI MTHUN PHYOGS SU MTHONG NAS GZHAL BYA DE SGRA MI RTAG PAR SGRUB PA'I BSGRUB BYA'I CHOS BKAG TZAM 'BA' ZHIG LA YOD NA 'DUS MA BYAS KYI NAM MKHA' SOGS LA MED PAR 'GYUR BA DANG, DU BAS DU LDAN LA'I STENG DU GRANG REG YOD PAR SGRUB PA'I MI MTHUN PHYOGS LA MED PAR 'GYUR TE, GRANG REG RNAM PAR BCAD PA TZAM NI DNGOS MED YIN PAS DE 'BA' ZHIG LA DU BA YOD PA MI SRID PA'I PHYIR RO SNYAM PA STE, RANG LDOG GZHI LDOG MA PHYED PA'I RTZOD PA DANG DNGOS MED RTAGS YOD PA'I GZHIR MI RUNG BA'I RTZOD PA STE, YOD NA MI RTAG PA YIN PAS KHYAB PA RIGS PA'I DBANG PHYUG GI BZHED PAR 'DOD PA YANG PHYOGS SNGA MA 'DI NYID LA GNAS PA'O, ,GNYIS PA NI, BSGRUB BYA'I CHOS DE BKAG PA TZAM 'BA' ZHIG NI MI MTHUN PA'I PHYOGS MA YIN PAR THAL, 'O NA CI ZHE NA BSGRUB BYA'I CHOS MTSUNGS LAS BZLOG PA'I MED PAR DGAG PA DANG MA YIN PAR DGAG PA THAMS CAD MI MTHUN PA'I PHYOGS YIN PA'I PHYIR, DER THAL, MI MTHUN PA'I PHYOGS KYI MTSAN

NYID NI BSGRUB BYA'I CHOS MTSUNGS SU GRUB PA DE NYID MA YIN PA'I MTSAN NYID CAN DU BSHAD ZIN PA YIN PA'I PHYIR RO, ,BSGRUB TSUL DANG MTHUN PA'I BSGRUB BYA'I CHOS SU GZUNG RUNG GI SPYIS DON MI MTHUN PA DE NI MTHUN PHYOGS SU YOD PAR 'DOD PA'I MTHUN PHYOGS LAS BZLOG PA THAMS CAD LA MTSUNGS PAR YOD PA YIN TE, DE NI BSGRUB BYA'I CHOS LDAN LAS DNGOS SAM SHUGS KYIS LDOG PAR RTOGS PA MED DGAG DANG MA YIN DGAG THAMS CAD LA MTSUNGS PA'I PHYIR RO, ,GSUM PA LA GSUM, YANG DAG DANG 'GAL BA BSGRUB BYA GO BA'I NUS PA DANG BSGRUB BYA 'GOG PA'I NUS PA TSUL GSUM TSAD MAS NGES PA DANG PHYOGS CHOS NGES SHING KHYAB PA PHYIN CI LOG TU NGES PA LA BLTOS PA DANG, MA NGES PA'I GTAN TSIGS KYIS BSGRUB BYA LA THE TSOM 'DREN PA PHYOGS CHOS NGES PA LA BLTOS SHING PHYOGS GNYIS LA YOD MED DU NGES PA LA MI LTOS PA DANG, DON SKYON MA ZHUGS KYANG BLO SKYON ZHUGS PA'I GTAN TSIGS SKYON CAN DU 'GYUR BA'O, ,DANG PO NI, GTAN TSIGS YANG DAG DAG LA CHOS CAN, RANG NYID BSGRUB BYA RTOGS PAR BYED PA'I RTAGS YANG DAG TU 'GYUR BA SGRUB PAR BYED PA TSUL GSUM TSAD MA JI LTAR BU DAG GIS NGES PAR GZUNG BA LA BLTOS TE, RANG NYID BSGRUB BYA GO BA'I RTAGS YANG DAG TU 'GYUR BA PHYOGS KYI CHOS DGU PO 'DI'I DE KHO NA NYID DE, PHYOGS CHOS NGES PA DANG MTHUN PA'I PHYOGS KHO NA LA YOD PAR NGES PA DANG MI MTHUN PA'I PHYOGS LA MED PAR NGES PA LA BLTOS PA'I PHYIR, DER THAL, KHYAB PA LA THE TSOM DANG PHYIN CI LOG GI RANG BZHIN LA NGES PA SKYES NA 'DOD PA GSAL BAR BYED PA DAG GI BSGRUB BYA JI LTA BA BZHIN DU

, ,RTOGS PA SGRUB PAR BYED PA MA YIN PA'I PHYIR, DPER NA BRDA PHYIN CI LOG DANG THE TSOM GYI RTOGS PA CAN GYI SGRA SBYAR BA BZHIN NO, ,LA SOGS PA 'GAL BA'I GTAN TSIGS DAG LA CHOS CAN, RANG NYID BSGRUB BYA PHYIN CI LOG TU RTOG PAR BYED PA'I SGRUB PAR BYED PAR 'GYUR BA PHYOGS CHOS NGES SHING KHYAB PA PHYIN CI LOG TU TSAD MA JI LTA BU DAG GIS NGES PAR GZUNG BA LA BLTOS TE, BSGRUB BYA PHYIN CI LOG TU BSGRUB BYED DU 'GYUR BA PHYOGS KYI CHOS 'DI'I DE KHO NA NYID NGES PA DANG MTHUN PA'I PHYOGS LA MED PAR NGES PA DANG MI MTHUN PA'I PHYOGS KHO NA LA YOD PAR NGES PA LA BLTOS PA'I PHYIR, DER THAL, TSUL GSUM LA THE TSOM DANG KHYAB PA PHYIN CI LOG GI RANG BZHIN DU NGES PA MI 'DOD PA GSAL BAR BYED PA DAG NI BSGRUB BYA JI LTA BA BZHIN DU RTOGS PA SGRUB PAR BYED PA MA YIN PA'I PHYIR, DPER NA BRDA PHYIN CI LOG DANG THE TSOM GYI RTOGS PA CAN GYI SGRA SBYAR BAS DON RNAL MA MI GO BA BZHIN NO, ,GTAN TSIGS YANG DAG DANG PHYOGS CHOS CAN GYI GTAN TSIGS LTAR SNANG GNYIS PO JI LTAR RIGS PAR GO BYED KYI NUS PA NGES PAR SHES PAR BYA STE YANG DAG GI BSGRUB BYA RNAL MAR GO BA DANG, 'GAL RTAGS LA BRTEN NAS LOG PAR GO BA DANG, MA NGES PAS THE TSOM 'DREN PAR BYED PA'I PHYIR, GNYIS PA LA GSUM, BSGRUB BYA LA THE TSOM SKYED PA PHYOGS CHOS LA BLTOS PA DANG, PHYOGS GNYIS LA YOD MED DU NGES PA LA MI LTOS PA DANG, GNYIS KA LA MA MTHONG PA'I PHYOGS CHOS THE TSOM GYI RGYUR BSTAN PA'O, ,DANG PO NI, MA NGES PA'I GTAN TSIGS NI CHOS CAN, BSGRUB BYA LA THE TSOM 'DREN

PA PHYOGS KYI CHOS NYID GRUB PA LA BLTOS TE, RTZOD GZHI DANG MA 'BREL BA PHYOGS CHOS MA GRUB PA LAS BSGRUB BYA LA THE TSOM GYIS RTOGS PAR MI RUNG BA'I PHYIR RO, ,GNYIS PA LA GSUM, NGES PA YOD KYANG THE TSOM GYI RGYU LAS MA 'DAS PA DANG, MA NGES PA'I SKYON YOD PA SUN 'BYIN YANG DAG TU 'GYUR BA DANG, MI 'GYUR NA HA CANG THAL BA'O, ,DANG PO NI, MA NGES PA'I GTAN TSIGS KYIS BSGRUB BYA LA THE TSOM SKYED PA MTHUN PA'I PHYOGS DANG MI MTHUN PA'I PHYOGS LA YOD PAR NGES PA'AM MED PA NYID DU NGES PA LA BLTOS PA NI MA YIN TE, PHYOGS GNYIS LA YOD MED DU NGES PA LA YANG BSGRUB BYA LA THE TSOM ZA BA NYID KYI SGO NAS SKYON DU 'GYUR BA YIN LA BSGRUB BYA LA THE TSOM SKYED PA DE NI PHYOGS GNYIS LA YOD MED KYI KHYAD PAR MA NGES PA LA YANG MTSUNGS PA'I PHYIR RO, ,GNYIS PA NI, PHYOGS GNYIS LA YOD MED DU MA NGES PA'I PHYOGS CHOS CAN GYI GTAN TSIGS LA MA NGES PA'I SKYON GYI RNAM PA DE LTA BU BRJOD PA YANG CHOS CAN, 'DIR SUN 'BYIN YANG DAG PA YIN TE, KHYAB PA MA TSANG BA LA MTSANG BA'I SKYON RNAL MAR BRJAD PA'I SUN 'BYIN YIN PA'I PHYIR, GSUM PA NI, DE SUN 'BYIN YANG DAG YIN PA LAS GZHAN DU MA YIN NA PHYIR RGOL SHES 'DOD DANG LDAN PAS DRIS PA NA RGOL BAS PHYOGS GNYIS KA LA THE TSOM ZA BA'AM MI MTHUN PHYOGS GCIG PU LA THE TSOM ZA BA'AM TSUL GCIG PHYIN MI CI LOG TU GYUR PA RJES 'GRO LA THE TSOM ZA BA BRJOD PA'I SGRUB NGAG NI CHOS CAN, PHYIR RGOL SHES 'DOD DANG LDAN PA'I NGOR SGRUB NGAG TU BKOD PA MA YIN PAR THAL, SGRUB PA YANG DAG PA MA YIN ZHING SUN

, ,'BYIN PA 'JUG PA'I YUL DU GYUR PA'I SGRUB PA LTAR SNANG BA YANG MA YIN PA'I PHYIR, THAL BA DANG RTAGS PHYI MA KHAS BLANGS, DE SGRUB PA YANG DAG MA YIN TE, SGRUB PA'I YAN LAG DE LTA BU NI BSGRUB BYA SGRUB PA'I NUS PA MED PA STON PA YIN PA'I PHYIR RO, ,GSUM PA LA GSUM, THE TSOM GYI RGYUR RIGS PAS BSGRUB PA DANG, LUNG DANG SBYAR BA DANG, DES GRUB PA'I DON TO, ,DANG PO LA GNYIS, DON DNGOS DANG, DPE'O, ,DANG PO NI, SGRA MI RTAG PAR SGRUB PA LA PHYOGS CHOS SU SONG BA'I THUN MONG MA YIN PA MNYAN BYA YANG CHOS CAN, RTAG PA DANG MI RTAG PA YA GYAL GNYIS KA LA LDOG PAR NGES PA MI 'THAD PAR THAL, RTAG PA LAS KYANG PHYI ROL TU GYUR MI RTAG PA LAS KYANG PHYI ROL TU GYUR PA'I GNYIS KA LAS PHYI ROL TU GYUR MI SRID PA'I PHYIR, SGRA MI RTAG PAR SGRUB PA'I THE TSOM GYI RGYU NYID DE PHYOGS CHOS GRUB MTHUN PHYOGS LA 'JUG PA DANG MI MTHUN PHYOGS LAS LDOG PA DAG LA THE TSOM ZA BA NYID KYI PHYIR, GNYIS KA THE TSOM ZA BAR THAL, PHYOGS CHOS GRUB GNYIS KA LAS LDOG PAR MA NGES YA GYAL GNYIS LAS MI RTAG PA LTA BU GCIG LA YANG YOD PAR RTOGS PA'I SGRUB PAR BYED PA MED PA'I PHYIR, MTHUN PHYOGS MI MTHUN PHYOGS GANG RUNG GCIG LA YOD PAR NGES PA YIN YANG YA GYAL GNYIS GANG LA YANG YOD PAR MA NGES PA YIN NO, ,DE NI 'GAL TE YA GYAL BKAG PA'I GANG RUNG GI SPYI MI SRID PA'I PHYIR RO ZHE NA, SKYON MED DE, MTHUN PHYOGS LA YOD PAR NGES PAR THAL, MTHUN PHYOGS MI MTHUN PHYOGS GANG RUNG GCIG LA YOD PAR NGES PAR GANG ZHIG ,MI MTHUN

PHYOGS LA YOD PAR MA NGES PA'I PHYIR CE NA NI, KHYAB PA MA NGES PA DPE NYID KYIS GSAL LO, ,MTHUN PHYOGS LA YOD PAR THAL, GANG RUNG LA YOD PA GANG ZHIG MI MTHUN PHYOGS LA MED PA'I PHYIR, CE NA YANG KHYAB PA MA NGES SHING RTAGS PHYI MA THE TSOM ZA NAS MA GRUB PA YIN NO, ,GNYIS PA NI, GZUGS DANG LANG CHO DANG BUD MED LA MNGAL 'JOG PA'I NUS PA DANG CHAGS CAN LA SOGS PA'I YON TAN MTSUNGS PA'I SKYES BU GNYIS SU NGES PA LAS YA GYAL GANG GIS MNGAL BZHAG PAR MA NGES SHING SKYES BU RNAMS LA GNYIS PO LAS GZHAN LAS MNGAL LA BYUNG BAR NGES PA YIN ZHING MNGAL CHAGS PAR NGES PA SRID PA'I BUD MED KYI MNGAL BZHIN NO, ,YA GYAL GANG GYIS BZHAG PAR MA NGES KYANG GANG RUNG GCIG GIS BZHAG PAR NGES PA BZHI NO, ,GNYIS PA LA GNYIS LUNG DRANG BA DANG, LUNG GI DON BSHAD PA'O, ,DANG PO NI, JI SKAD DU TSAD MA MDOR BSGRUB PAR BYA BA'I CHOS CAN GYI CHOS SU GYUR PA'I THUN MONGS PA YIN PA'I MA NGES PA'I GTAN TSIGS GANG YIN PA DE NI CHOS CAN, MTHUN PHYOGS MI MTHUN PHYOGS KYI KHYAD PAR JI SNYED KYIS SHES BYA THAMS CAD BSDUS PA DE LA THE TSOM ZA BA'I RGYU NI YIN TE, PHYOGS CHOS GRUB SGRA RTAG PA'AM MI RTAG PA GANG SGRUB PA LA THUN MONG MA YIN PAR SONG BA DE DANG LDAN PA RTAG MI RTAG DES SHES BYA THAMS CAD BSDUS PA'I PHYIR DANG, RTAG PA'AM MI RTAG PA GCIG TU 'JUG PA TSAD MAS NGES PA LDOG PA'I PHYIR RO, ZHES BSHAD PA LTA BU'O, ,GNYIS PA NI, DE DANG LDAN PA DES BSDUS PA'I PHYIR CES BYA BAS NI CHOS CAN, RTAG MI RTAG GANG YANG MA YIN PA'I PHUNG PO GSUM PA GANG LA DNGOS PO'I

, ,CHOS MNYAN BYA 'DI GNAS PAR 'GYUR BA MA YIN PAR THAL, RTAG PA DANG MI RTAG PA'I RNAM PA'I KHYAD PAR DAG LAS PHYI ROL TU GYUR PA'I SHES BYA MED PAR BSHAD PA YIN PA'I PHYIR, CES PA'I DON BSTAN PA YIN NO, ,GCIG TU NGES PA LDOG PA'I PHYIR RO ZHES BYA BAS NI CHOS CAN MTHUN PHYOGS SAM MI MTHUN PHYOGS LA RJES SU 'GRO BA MED PAR BSHAD PA YIN TE, MTHUN PHYOGS SAM MI MTHUN PHYOGS GCIG GI DNGOS POR RTOGS PA'I SGRUB PAR BYED PA MED PAR BSHAD PA YIN PA'I PHYIR, SNGA MAS GNYIS KA LAS LDOG PA MA NGES PA DANG, PHYI MAS GNYIS KA LA RJES 'GRO MED PAR BSHAD PA YIN NO, ,GSUM PA LA GNYIS, THE TSOM GYI RGYUR GRUB BA DANG, LDOG PA NGES NA GTAN TSIGS YANG DAG TU THAL BA ZLOG GI MI NUS PA'O, ,DANG PO NI; SGRA RTAG PA'AM MI RTAG PAR SGRUB PA'I GTAN TSIGS GNYIS PO 'DI THUN MONG MA YIN PA'I CHOS MNYAN BYA LTA BU GCIG LA BSDUS PAS NI CHOS CAN, BSGRUB BYA LA THE TSOM 'DREN PAR GRUB PA YIN TE, PHYOGS CHOS GRUB PHYOGS GNYIS KYI RNAM PA'I KHYAD PAR THAMS CAD LA THE TSOM ZA BA YIN PA'I PHYIR, GNYIS PA NI, MNYAN BYAS SGRA LA RTAG PA'AM MI RTAG PA SGRUB PA'I LDOG KHYAB GRUB BA MA YIN PAR THAL, DE SGRUB KYI PHYOGS CHOS GRUB LDOG PA NGES NA KHYAD PAR RTAG MI RTAG GNYIS KA SGRA'I STENG DU RNAM PAR GCOD PA'I GTAN TSIGS NYID YIN PA GANG GIS ZLOG CES ZLOG MI NUS PAR LE'U GNYIS PAR BSHAD ZIN PA'I PHYIR, GSUM PA LA GSUM, DNGOS KYI DON DANG, SUN 'BYIN YANG DAG LA RGOL BA'I 'DOD YUL PHYIN CI LOG TU BYED BAS MA KHYAB PA DANG, TSUL

GSUM PA'I GTAN TSIGS KHO NA SGRUB BYED YANG DAG DANG 'GAL RTAGS KHO NA 'DOD YUL PHYIN CI LOG TU 'GYUR BA'O, ,DANG PO LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, MTHUN PHYOGS MI MTHUN PHYOGS GNYIS LA YOD MED GANG DU YANG MA NGES KYANG THE SOM GYI RGYU YIN PA TZAM GYIS MA NGES PAR 'GYUR NA BYAS PAS SGRA MI RTAG PAR SGRUB PA LTA BU DON LA GO BYED DU NGES PA'I GTAN TSIGS LA YANG RGOL BAS PHYIR RGOL GYI NGOR TSUL GSUM SGRUB PA LA NGES PA BSKYED PA'I SPOBS PA MED PA'I PHYIR, DE YANG MTHUN PHYOGS MI MTHUN PHYOGS LA THE TSOM DU 'GYUR BAS MA NGES PA'I GTAN TSIGS SU 'GYUR BAR THAL, 'DOD MI RIGS TE, DE YANG DON DAM PAR YANG DAG PA'I GTAN TSIGS YIN PAS MTHA' GCIG TU NGES PAR MA NGES PA'I GTAN TSIGS NYID NI MA YIN NO, ,THE TSOM GYI RGYU YIN PA TZAM GYIS MA NGES PA YIN NA HA CANG THAL BA DE'I PHYIR, MA NGES PA'I GTAN TSIGS DE'I NGO BO NGES PA NI SNGAR BSTAN PA'I MA NGES PA'I YON TAN NGES PA NYID LAS YIN PA'I PHYIR, THUN MONG BA LA NI MTHUN PHYOGS DANG MI MTHUN PHYOGS DAG LA YOD PA MA NGES PA'I YON TAN YIN LA, THUN MONG MA YIN PA LA NI DE GNYIS LA MED PA YON TAN YIN ZHING RJES SU 'GRO LDOG LA THE TSOM ZA BA LA NI DE GNYIS KYI GZHI LA THE TSOM ZA BA YON TAN YIN NO, ,YON TAN DE YANG TSAD MAS NGES PA LA BLTOS PAS YON TAN TSAD MAS NGES PA MED PAR MA NGES PA'I GTAN TSIGS NYID MA YIN NO ZHE NA, GNYIS PA LA GSUM, GZHAN DON RJES DPAG TU KHAS BLANGS PA LA DON SKYON 'BA' ZHIG GIS SUN 'BYIN 'JUG PAR MA NGES PA DANG, BLO SKYON GYIS KYANG SUN 'BYIN 'JUG PA'I YUL DU

, ,'GYUR BA DANG, RTZOD PA SPANG BA'O, ,DANG PO NI, GZHAN GYI DON GYI RJES SU DPAG PAR KHAS BLANGS NAS SGRUB NGAG BKOD PA LA DNGOS PO'I CHOS NYID LA BRTEN NAS SGRUB PA'I DON SKYON ZHUGS PA 'GA' ZHIG GI SGO NAS SKYON BRJOD PAR NI MA ZAD DE 'ON KYANG SMRA BA PO'I SKYON ZHUGS PAS KYANG SUN 'BYIN YANG DAG 'JUG PA YIN PA'I PHYIR, RANG DON RJES DPAG LA NI DON SKYON 'BA' ZHIG BSAM PAR BYA BA YIN NO, ,DPER NA SGRUB BYED YANG DAG 'GOD PAR KHAS BLANGS NAS TSUL GSUM MA TSANG PA BRJOD PA DANG RJES SU 'GRO BA YOD KYANG BRJOD PA MED PA DANG RJES SU 'GRO BA PHYIN CI LOG PA BRJOD PA BZHIN NO, ,GNYIS PA NI, RGOL PAS SGRUB BYED YANG DAG 'GOD PAR KHAS BLANGS NAS MA NGES PA'I GTAN TSIGS BRJOD PA CHOS CAN, SUN 'BYIN YANG DAG GI SKYON 'JUG PA NYID YIN TE, RGOL BA DES TSUL GSUM TSAD MAS NGES PAR BYA BA'I YON TAN BRJOD PAR KHAS BLANGS NAS GZHAN DU MA NGES PA'I GTAN TSIGS KHYOD BRJOD PA'I PHYIR, GSUM PA LA GNYIS, RTZOD PA DANG, LAN NO, , DANG PO NI, 'O NA PHYOGS KYI CHOS LA THE TSOM ZA BA DANG RGOL BA GANG YANG RUNG BA LA MA GRUB PA BRJOD PA LA YANG SUN 'BYIN 'JUG PAR 'GYUR RO ZHE NA, GNYIS PA NI, DE LA NI SUN 'BYIN YANG DAG 'JUG PA DE LTAR YIN TE, RGOL BA'I 'DOD YUL SGRUB NUS KYI GTAN TSIGS BRJOD PAR KHAS BLANGS NAS 'DOD PA MA GRUB PA BRJOD PA'I PHYIR RO, ,GNYIS PA LA GNYIS, RTZOD PA SPANG BA DANG, DE'I LAN DGAG PA'O, ,DANG PO LA GNYIS, RTZOD PA DANG, LAN NO, ,DANG PO NI, PHYOGS CHOS LA THE TSOM ZA BA DANG RGOL BA

GNYIS GANG RUNG LA MA GRUB PA'I GTAN TSIGS BRJOD PA LA SUN 'BYIN BRJOD PAS NI, RGOL BA'I 'DOD YUL PHYIN CI LOG TU GRUB PAR BYED PA'I NUS PA YANG MED PA MA YIN NAM CI'I PHYIR DE SUN 'BYIN YANG DAG YIN ZHE NA, GNYIS PA NI, SUN 'BYIN GYIS RGOL BA'I 'DOD YUL PHYIN CI LOG TU GRUB PA 'BA' BZHIG GIS NI SUN 'BYIN PA YANG DAG TU 'GYUR BA MA YIN TE, 'O NA CI ZHE NA, RGOL BAS SGRUB BYED LTAR SNANG GANG BKOD KYANG BA'I BLO NGOR BSGRUB BYA SGRUB PAR BYED PA'I NUS PA BCOM PA'I SGO NAS SUN 'BYIN YANG DAG TU 'GYUR BA'I PHYIR RO, ,SGRUB NGAG GI RTEN RGOL BA DANG SUN 'BYIN GYI RTEN PHYIR RGOL YIN PAS RGOL BAS PHYIR RGOL GYI NGOR SGRUB NGAG LTAR SNANG GANG BRJOD KYANG RGOL BA'I BLO NGOR PHYIR RGOL GYIS SUN 'BYIN YANG DAG BRJOD NUS PA YIN NO, ,PHYIR RGOL GYIS BRJOD PA'I SUN 'BYIN YANG DAG GIS RGOL BA'I 'DOD YUL PHYIN CI LOG TU BYED PAS MA KHYAB STE, 'DI LTAR SGRA RTAG PA'AM MI RTAG PAR SGRUB PA LA GZHAL BYA NYID LA SOGS PA DAG MA NGES PA'I GTAN TSIGS BKOD PA LA YANG SUN 'BYIN YANG DAG 'JUG KYANG RGOL BA'I 'DOD YUL PHYIN CI LOG TU GRUB PA YONG PA MA YIN LA MIG GI GZUNG BYA NYID RTAGS SU BKOD PA MA GRUB PA'I GTAN TSIGS LA YANG SUN 'BYIN 'JUG KYANG RGOL BA'I 'DOD YUL PHYIN CI LOG TU GRUB PA CI ZHIG YOD DE CUNG ZAD KYANG MED PA'I PHYIR, RGOL BA'I 'DOD YUL PHYIN CI LOG TU BYED NUS PA 'GAL RTAGS KHO NA LA YOD KYANG 'GAL RTAGS YIN NA NGES MA KHYAB STE, SANGS RGYAS PAS SGRA MI RTAG PA 'DOD YUL DU BYAS PA'I RTAGS YANG ADAG GANG BKOD KYANG SGRA MI RTAG PAR SGRUB PA'I

, ,'GAL RTAGS SU 'GYUR BA SNGAR BSHAD ZIN TO, ,GNYIS PA LA GNYIS, RTZOD PA DANG, DE DGAG PA'O, ,DANG PO NI, MA DES PA DANG MA GRUB PA'I GTAN TSIGS DER YANG RGOL BAS TSUL GSUM RGOL PHYIR RGOL GNYIS KA LA GRUB PAR BSTAN PAR BYA BA RIGS PA LA GNYIS KA LA MA GRUB PA'I NYES PA PHYIR RGOL GYIS BRJOD PAS NI RGOL BA'I 'DOD YUL PHYIN CI LOG TU BYAS PA YIN NO ZHE NA, GNYIS PA NI, 'O NA NI RGOL BAS PHYOGS CHOS LA THE TSOM ZA BA DANG, PHYOGS CHOS GANG RUNG LA MA GRUB PA'I SGRUB BYED BKOD PA 'DIR YANG CHOS CAN, PHYIR RGOL GYI SUN 'BYIN GYIS RGOL BA'I 'DOD YUL PHYIN CI LOG TU BYED NUS PA YIN PAR THAL, PHYOGS CHOS RGOL BA GNYIS KA LA NGES PAR BSTAN PAR BYA BA RIGS PA LA RGOL BAS MA NGES PA BRJOD PA YIN PA'I PHYIR, GSUM PA NI, GTAN TSIGS YANG DAG KHO NA RGOL BA'I 'DOD YUL SGRUB NUS PA DANG 'GAL BA'I GTAN TSIGS KHO NA RGOL BA'I 'DOD YUL PHYIN CI LOG TU BYAS PA'I SGO NAS SUN 'BYIN PAR 'GYUR BA YIN PAR THAL, SUN 'BYIN YANG DAG LA RGOL BA'I 'DOD YUL PHYIN CI LOG TU BYED PAS MA KHYAB PAR BSTAN PA DE'I PHYIR, DE YANG THE TSOM TZAM LAS 'GYUR BA MA YIN TE, RTAGS YANG DAG TU 'GYUR BA TSUL GSUM TSAD MAS NGES PA DANG, 'GAL RTAGS SU 'GYUR BA PHYOGS CHOS NGES SHING KHYAB PA PHYIN CI LOG TU NGES PA LAS YIN PA'I PHYIR, GSUM PA SO SO'I SBYOR BA DPER BRJOD PA LA GNYIS, DNGOS DANG, RTZOD PA SPANG BA'O, ,DANG PO LA GSUM, MTHUN PHYOGS LA KHYAB BYED DU YOD PA'I PHYOGS CHOS KYI DBYE BA DANG, KHYAB BYED DU

MED PA'I PHYOGS CHOS KYI DBYE BA DANG, MTHUN PHYOGS LA CHA GNYIS SU 'JUG PA'I PHYOGS CHOS KYI DBYE BA'O, ,DANG PO NI, PHYOGS KYI CHOS DGU BSTAN PA'I SGO NAS GTAN TSIGS KYI RAB DBYE RGYA CHEN PO TSIG NYUNG DUS BDE BLAG TU KHONG DU CHUNG NUS PA'I PHYOGS CHOS CAN DGU PO DE DAG NI GANG ZHE NA, MTHUN PHYOGS LA KHYAB BYED DU YOD PA'I PHYOGS CHOS CAN GYI GTAN TSIGS CHOS CAN, RNAM PA GSUM DU YOD DE, SGRA GZHAL BYA YIN PA'I PHYIR RTAG GO ,BYAS PA'I PHYIR MI RTAG GO, ,DUNG SGRA MI RTAG PA'I PHYIR RTZOL BA LAS BYUNG BA'O, ZHES PA MI MTHUN PHYOGS LA KHYAB BYED DU YOD PA DANG, KHYAB BYED DU MED PA DANG, MI MTHUN PHYOGS LA CHA GNYIS SU 'JUG PA'I PHYOGS CHOS RNAMS SU YOD PA'I PHYIR, GNYIS PA NI, MTHUN PHYOGS LA KHYAB BYED DU MED PA'I PHYOGS CHOS CAN GYI GTAN TSIGS CHOS CAN, RNAM PA GSUM DU YOD DE, SGRA BYAS PA'I PHYIR RTAG GO ,GSON PA'I LUS NI BDAG DANG BCAS PA YIN TE, SROG LA SOGS PA DANG LDAN PA'I PHYIR RO, ,DUNG SGRA RTZOL BA LAS BYUNG BA'I PHYIR RTAG GO ,ZHES PA PHYOGS CHOS ZHES PA MAN CHAD SNGA MA LTAR RO, ,GSUM PA NI, MTHUN PHYOGS LA CHA GNYIS SU 'JUG PA'I PHYOGS CHOS CAN GYI GTAN TSIGS CHOS CAN, RNAM PA GSUM DU YOD DE, DUNG SGRA MI RTAG PA'I PHYIR RTZOL BA LAS MA BYUNG BA'O, ,MI RTAG STE RTZOL BA LAS BYUNG BA'I PHYIR RO, ,RTAG STE LUS CAN MA YIN PA'I PHYIR RO, ZHES BYA BA LTA BU MI MTHUN PA'I PHYOGS LA ZHES PA SNGA MA LTAR RO, ,DE LTAR BYAS NA DANG PO MTHUN PHYOGS MI MTHUN PHYOGS GNYIS KA LA KHYAB BYED DU 'JUG PA DANG, LNGA PA GNYIS KA LA KHYAB BYED DU MI 'JUG PA DANG, DGU PA

, ,GNYIS KA LA CHA GNYIS SU 'JUG PA'O, ,DNGOS PO LA GNAS PA'I GNYIS KA LA CHA GNYIS SU 'JUG PA YANG YOD MOD KYI, 'DI NI PHYIR RGOL GYI 'DOD PA LA YANG BLTOS PA STE, MTHUN PHYOGS KYI PHYOGS GCIG NAM MKHA' LA 'JUG KYANG, 'BYUNG BZHI'I RDUL PHRAN RTAG PA LA MI 'JUG PA DANG, MI MTHUN PHYOGS KYI PHYOGS GCIG SEMS PA'I LAS LA 'JUG KYANG BUM PA LA MI 'JUG PA LTA BU'O, ,MA NGES PA'I GTAN TSIGS GZHAN YANG YOD MOD KYI, DNGOS KYI MA NGES PA'I GTAN TSIGS BZHI DANG ,THUN MONG MA YIN PA DANG, RTAGS YANG DAG GNYIS DANG, 'GAL BA'I GTAN TSIGS GNYIS SMOS PA NI GZHAN DON RJES DPAG GI BSTAN BYA PHYIN CI MA LOG PA RTOGS PA'I YAN LAG TU YIN TE, 'CHAD PAR 'GYUR RO, ,GNYIS PA LA GNYIS, MI MTHUN PHYOGS LA BLTOS NAS DBYE BA MI 'THAD PA'I RTZOD SPANG DANG, MTHUN PHYOGS KYI MTSAN NYID LA HA CANG THAL BA'I RTZOD SPANG NGO, ,DANG PO LA GNYIS, RTZOD PA DANG, LAN NO, ,DANG PO NI, PHYOGS CHOS CAN GYI DBYE BA LA MI MTHUN PA'I PHYOGS LA BLTOS NAS YOD PA'AM MED PAR DBYE BA JI LTAR RIGS PAR 'GYUR TE, DNGOS POR MED PA NI GZHI STE CHOS GZHAN BRTEN PA'I RTEN GYI NUS PA DANG LDAN PA MA YIN PA'I PHYIR RO ZHE NA, GNYIS PA NI, MI MTHUN PHYOGS DNGOS MED LA RTAGS YOD MED KYI DBYE BA MI RUNG BA'I SKYON MED PAR THAL, DNGOS MED RTAGS 'JUG PA DANG LDOG PA GANG DU YANG MI RUNG BA'I RTZOD PA 'DI LA SNGAR MED PA LA CI LTAR 'GOG PA ZHES PA'I SKABS SU BKAG ZIN PA'I PHYIR DANG, MI MTHUN PA'I PHYOGS NI MTHUN PHYOGS DE MA YIN PA'I MTSAN NYID CAN YIN NO ZHES BSHAD ZIN PA'I PHYIR, GZHAN PA DANG

'GAL BA MI MTHUN PHYOGS LA YANG MI MTHUN PHYOGS KYI MTSAN NYID ZHUGS PAS MI MTHUN PHYOGS LA DNGOS MED KYIS MA KHYAB CING KHYAB KYANG SKYON DE DAG MED PA'I DON TO, ,GNYIS PA LA GNYIS, RTZOD PA DANG, LAN NO, ,DANG PO NI, GAL TE BSGRUB BYA'I CHOS KYI SPYIS DON MTHUN PA MTHUN PHYOGS KYI MTSAN NYID YIN NA DE KHO NAS MTHUN PA MTHUN PHYOGS SU 'GYUR ZHING, DE LAS ZLOG PA MI MTHUN PHYOGS SU 'GYUR BAS BSGRUB BYA'I CHOS LAS LDOG PA THA DAD PA 'DI MI MTHUN PA'I PHYOGS YIN NA MI MTHUN PHYOGS LAS LDOG PA NGES PA'I GTAN TSIGS YANG DAG MED PAR THAL BAR 'GYUR TE, BYAS PA LA SOGS PA'I GTAN TSIGS YANG DAG THAMS CAD BUM PA LA SOGS PA'I LDOG CHOS GZHAN LA RJES SU 'GRO BA DANG LDAN PA'I PHYIR RO ZHE NA, GNYIS PA LA GSUM, LDOG CHOS GZHAN DANG LDAN PAS MI MTHUN PHYOGS SU MI 'GYUR BA'I DPE DANG, DE LTAR 'GYUR NA MTHUN PHYOGS GTAN MED DU THAL BA DANG, DES NA BSGRUB BYA'I CHOS KYI LDOG PA YIN PA KHO NA MTHUN PHYOGS SU MI 'GYUR BA'O, ,DANG PO LA GNYIS, BRAM ZE YIN MIN GZHI MTHUN DU GRUB PAR THAL BA DANG, BRAM ZE'I RIGS LDAN GYI SKYES BU BRAM ZE'I LDOG PA YIN PA 'GOG NUS KYANG BRAM ZE YIN PA 'GOG MI NUS PA'O, ,DANG PO NI, BSGRUB BYA'I CHOS LAS LDOG PA THA DAD YIN NA MI MTHUN PHYOGS SU MI 'GYUR TE, BRAM ZE LAS LDOG PA THA DAD YIN NA BRAM ZE MA YIN PA ZHES BYA BAR 'GYUR BAS MA KHYAB PA BZHIN DU YIN PA'I PHYIR, BRAM ZE LAS LDOG PA THA DAD NA BRAM ZE MA YIN PAR 'GYUR RO ZHE NA, BRAM ZE'I RIGS MA NYAMS PA'I SNA TSOGS BRTZON 'GRUS DE NYID CHOS CAN, BRAM ZE YIN PAR THAL, BRAM ZE DE'I RIGS

, ,DANG LDAN PAS KHYAD PAR DU BYAS PA'I SKYES BU YIN PA'I PHYIR, THAL BA KHAS BLANGS KYANG 'DOD NA, DE CHOS CAN, BRAM ZE MA YIN PA YANG YIN PAR THAL, BRAM ZE LAS LDOG CHOS GZHAN GTZANG SBRA CHE BA SOGS DANG 'BREL BA'I PHYIR, 'DOD MI RIGS PAR THAL, BRAM ZE YIN MIN GNYIS KA'I GZHI MTHUN 'JIG RTEN NA RTOGS PA MED CING TSAD MAS KHEGS PA'I PHYIR, 'O NA CI ZHE NA BRAM ZE LAS LDOG PA THA DAD YIN NA BRAM ZE MA YIN PAS MA KHYAB PAR THAL, BRAM ZER BRJOD PAR 'DOD PA'I RIGS KYI CHOS BRAM ZE'I MTSAN NYID MI BRTEN PA'I DNGOS PO YIN NA BRAM ZE MA YIN PAS KHYAB PA'I PHYIR, GNYIS PA NI, BRAM ZE'I RIGS MI BRTEN PA DE YANG BRAM ZE'I LDOG PA BKAG PA'I YUL YIN NO ZHE NA, BRAM ZE LAS LDOG PA THA DAD PA YIN NA BRAM ZE'I LDOG PA YIN PA KHEGS KYANG BRAM ZE YIN PA KHEGS PAS MA KHYAB PAR THAL, BRAM ZE'I LDOG PA DGAG PA'I YUL BRAM ZE LAS LDOG PA GZHAN YIN YANG BRAM ZE MA YIN ZHES PA'I SGRA SBYOR BA NI LDOG PA DGAG PA'I YUL LAS RNAM PAR PHYE NAS BRAM ZE'I MTSAN NYID ZHUGS PA DGAG PA'I YUL DU GYUR PA LA 'JUG PA'I PHYIR RO, ,GNYIS PA NI, BSGRUB BYA'I CHOS LAS LDOG PA THA DAD YIN NA, MI MTHUN PHYOGS SU 'GYUR BA DE LTAR YANG TSAD MAS RTOGS PA MA YIN TE, DE LTA NA MTHUN DPE LA MTHUN PA'I PHYOGS KYI MTSAN NYID ZHUGS PA 'GAL BA'I PHYIR, MTHUN PHYOGS KYI MTSAN NYID BSGRUB PAR BYA BA'I CHOS KYI SPYIS MTSUNGS PA ZHES BYA BA 'DI LA GAL TE BSGRUB PAR BYA BA'I CHOS KYI SPYI LDOG KHO NAS MTSUNGS PA YIN CES BYA BA YIN NA ZHES KHAS BLANGS RJES SU

BRJOD NAS MTHUN PA'I PHYOGS 'GA' YANG MED PAR 'GYUR BAR THAL, GZHI THA DAD PA GNYIS BSGRUB BYA'I CHOS KYI LDOG PA KHO NAR MTSUNGS PA'I RNAM PA DE LTA BU NI MI SRID PA'I PHYIR RO, ,GSUM PA LA GNYIS, MTHUN DPE MTHUN PHYOGS SU 'GYUR BA DANG, BSGRUB BYA'I CHOS LAS LDOG PA THA DAD PA YIN NA MI MTHUN PHYOGS SU 'GYUR BAS MA KHYAB PA'O, ,DANG PO NI, BSGRUB BYA'I CHOS LAS LDOG PA GZHAN YIN PA MA SPANGS PA BUM PA LA SOGS PA NI CHOS CAN, BYAS PAS SGRA MI RTAG PAR SGRUB PA'I MTHUN PA'I PHYOGS SU BYED RIGS TE; DE SGRUB KYI SGRUB TSUL DANG MTHUN PA'I BSGRUB BYA'I CHOS KYI SPYI DANG 'BREL BA'I CHOS KYIS MI STONG BA YIN PA'I PHYIR, BUM SOGS DER THAL, BSGRUB BYA'I CHOS LAS LDOG PA THA DAD YIN NA MI MTHUN PHYOGS SU 'GYUR NA MTHUN PHYOGS MI SRID PA DE'I PHYIR, GNYIS PA NI, DE SGRUB KYI MI MTHUN PA'I PHYOGS YIN PA ZHES BYA BAS NI BSGRUB BYA'I CHOS LAS LDOG PA GZHAN DANG LDAN PA THAMS CAD MI MTHUN PHYOGS SU TSAD MAS RTOGS PA NI MA YIN TE, 'O NA CI ZHE NA BSGRUB BYA'I CHOS LAS LDOG PA GZHAN MA SPANGS PA'I BUM PA LA SOGS PA MTHUN PA'I PHYOGS SU 'GYUR BA DES NA'I PHYIR, SGRUB TSUL DANG MTHUN PA'I BSGRUB BYA'I CHOS LAS GZHAN MI MTHUN PHYOGS SU GZUNG YANG LDOG PA CAN GYI RTAGS MED PA'I SKYON MED PAR THAL, MI MTHUN PHYOGS YIN NA SGRUB TSUL DANG MTHUN PAR BSGRUB BYA'I CHOS DES STONG PA YIN PA'I PHYIR, DE DAG NI TSAD MA KUN LAS BTUS KYI 'GREL BYED KHA CIG GI 'DOD PA BKAG PA'O, ,GNYIS PA PHYOGS CHOS CAN DGUR DBYE BA'I DGOS PA LA GNYIS, DRI BA DANG, LAN NO, ,DANG PO NI, YANG RGYU MTSAN CI'I PHYIR DE LTAR PHYOGS KYI CHOS

, ,RNAMS LA DU MAR YOD BZHIN DU SKABS 'DIR DGUR PHYE ZHE NA, GTAN TSIGS KYI SKABS MDOR BSDUS NAS BRJOD PA NA GO BYED YANG DAG JI SNYED YOD PA BSTAN PAR BYA'I GZHAN BSTAN PA LA DGOS PA MED SNYAM PA'O, ,GNYIS PA LA GNYIS, DGUR DBYE BA'I DGOS PA RTZA BAS MDOR BSTAN PA DANG, DGOS PA 'PHROS DANG BCAS PA RGYAS PAR BSHAD PA'O, ,DANG PO NI, GTAN TSIGS YANG DAG GNYIS DANG LDOG PA 'GAL BA'I GTAN TSIGS GNYIS SMOS PA CHOS CAN, DGOS PA YOD DE, RANG BZHIN DANG 'BRAS BU'I GTAN TSIGS YANG DAG GNYIS LA MI 'KHRUL BA'I 'BREL PA BSGRUBS PA'I SGO NAS RTAGS YANG DAG GI MTSAN GZHI LA 'BRAS RANG MA DMIGS PA'I GTAN TSIGS YANG DAG GSUM DU GRANGS NGES PA BSGRUB PA'I DON DU YIN PA'I PHYIR, DE LA PHYOGS CHOS CAN BZHI SMOS CI DGOS ZHE NA, RANG BZHIN DANG 'BRAS BU'I GTAN TSIGS GNYIS DNGOS PO'I STOBS KYIS ZHUGS PA'I DBANG GIS 'BREL PA GRUB PA YIN GYI, GO BYED KYI NUS PA 'DOD PA TZAM GYIS 'JUG LDOG BYED PA MA YIN TE, 'DOD PA TZAM GYIS 'JUG NA 'GAL RTAGS GNYIS PO YANG DAG TU 'DOD NA, YANG DAG TU 'GYUR DGOS PA LA DE MI 'THAD DE, DE GNYIS KYIS BSGRUB BYA SGRUB MI NUS PA TZAM DU MA ZAD BSGRUB BYA PHYIN CI LOG TU BYED PA'I PHYIR RO, ,'DOD PA TZAM GYIS LDOG NA GTAN TSIGS YANG DAG GNYIS PO DE SGRUB BYED LTAR SNANG DU 'DOD PA TZAM GYIS SGRUB BYA GO BA'I NUS PA LDOG PAR 'GYUR NA, DE MI 'THAD PAS 'DOD PA TZAM GYIS MI LDOG PAR SHES PA'I DON DU YANG DAG GNYIS SMOS SO, ,'BRAS RANG GI GTAN TSIGS GNYIS

GRUB MOD KYI RTAGS KYI MTSAN GZHI GSUM DU NGES PA JI LTAR GRUB CE NA, RNAM 'GREL DU, RGYU DANG NGO BO LDOG NYID KYIS, ,DON LDOG PAR NI BRJOD PA LAS, ,MI DMIGS DPE NI GRUB PA'I PHYIR, ,THA DAD PAR NI MA BSHAD DO, ,DE LA'ANG SKYES BU MTHONG MED LA, , SROG SOGS LDOG PA MED PA'I PHYIR, ,GTAN TSIGS THE TSOM ZA BSHAD PAS, ,BLTAR RUNG DON LA DE ZHES BSTAN, ZHES GSUNGS PA LTAR, 'BRAS RANG GI GTAN TSIGS GNYIS DNGOS PO'I DBANG GIS 'JUG LDOG BYED PA YIN GYI, 'DOD BA'I DBANG GIS 'JUG LDOG BYED PA MA YIN PA'I RANG BZHIN 'BREL PA BSGRUBS PA'I SHUGS LA RGYU DANG KHYAB BYED MA DMIGS PA'I GTAN TSIGS GNYIS 'BAD MED DU RTOGS PAR 'GYUR BAS DE GNYIS KYI DPE 'DIR DNGOS SUM BSTAN PA YIN NO, ,RANG BZHIN MA DMIGS PA'I GTAN TSIGS KYI DPE YANG DNGOS SUM BSTAN YANG SHUGS LA BSTAN PA YIN TE, 'CHAD PAR 'GYUR RO, ,DE GNYIS LA SHUGS RTOGS DANG SHUGS BSTAN GYI KHYAD PAR YOD PAR SHES PAR BYA'O, ,SGRUB RTAGS GNYIS PO RNAL MA SGRUB NA YANG DAG DANG, ZLOG PA SGRUB NA 'GAL BA YIN NO ZHES SHES PA'I CHED DU PHYOGS CHOS CAN BZHI SMOS ZHES PA TZAM GYIS NI TSIG DON RDZOGS PA MA YIN ZHING, SKABS 'DIR PHYOGS CHOS CAN DGU 'BA' ZHIG SMOS PAS CI ZHIG BYED PA MA SHES PA'I RNAM 'GYUR RO, ,SGRUB RTAGS GNYIS KYI 'BREL PA BSGRUBS PAS DGAG RTAGS 'BAD MED DU JI LTAR GRUB CE NA, 'DI NI RNAM 'GREL DU, GTAN TSIGS DE NI RNAM GSUM NYID, ,MED NA MI 'BYUNG NGES PHYIR RO, ZHES 'BREL PA GNYIS SU NGES PA GTAN TSIGS GSUM DU NGES PA'I SGRUB BYED DU GSUNGS

, ,PA DANG DON GCIG STE, DE YANG 'DI LTAR BYAS PA MI RTAG PA DANG 'BREL TE, MI RTAG PA DANG THA DAD MI RTAG PA LOG PA'I STOBS KYIS LDOG PA'I PHYIR, RTAGS ZUR PHYI MA SGRUB BA NA, MI RTAG PA LOG PA CHOS CAN, BYAS PA LOG PA YIN TE, RIMS DANG CIG CAR GYI DON BYED PAS STONG PA'I PHYIR, CES PA'I RTAGS LAS SGRUB DGOS PAS RANG BZHIN RTAGS KYI 'BREL PA'I DON LDOG BSGRUBS PA NA KHYAB BYED MA DMIGS PA'I GTAN TSIGS MI 'DOD BZHIN DU YANG KHAS LEN DGOS PA YIN NO, ,DE BZHIN DU 'BRAS RTAGS KYI 'BREL PA'I DON LDOG BSGRUBS PA LAS RGYU MA DMIGS PA'I GTAN TSIGS 'BAD PA MED PAR GRUB PA YIN NO, ,KHYAD PAR SROG LDAN DANG SPYI GZHAL BYA DAG STE PHYOGS CHOS CAN GNYIS SMOS PA CHOS CAN, DGOS PA YOD DE, KHA CIG PHYOGS CHOS GRUB NA RJES 'GRO MED KYANG LDOG PA GCIG PUS 'GRUB PA DANG, YANG KHA CIG RJES 'GRO GCIG PUS 'GRUB PAR RTZOD PA'I PHYIR LOG RTOG DE BKAG NAS RTAGS YANG DAG TU MTSON PAR BYED PA'I MTSAN NYID TSUL DE LA GSUM DU GRANGS NGES BSGRUB PA'I CHED YIN PA'I PHYIR, PHYOGS CHOS MTSAN NYID KYI ZUR DU DGOS PA LA RTZOD PA MED LA, KHYAB PA GNYIS PHAN TSUN MI 'KHRUL BAR BSGRUBS PA'I SGO NAS TSUL GSUM GA DGOS PAR SHES PA'I CHED DU YIN NO, ,LHAG MA DNGOS KYI MA NGES PA'I GTAN TSIGS GSUM SMOS PA CHOS CAN, DGOS PA YOD DE, RTAGS YANG DAG LA LDOG KHYAB GTZO BOR GRUB PA DGOS PA'I SGRUB BYED DU BSTAN PA'I SGO NAS RTZOD GZHI'I STENG DU MI MTHUN PHYOGS MTHA' DAG BCAD PA RTAGS YANG DAG GI NUS PA 'JUG PA'I YUL DU SHES

BA'I CHED DU YIN PA'I PHYIR, BAR PA GNYIS GTAN TSIGS LTAR SNANG GI SKABS SU RGYAS PAR 'CHAD LA LHAG MA GSUM 'DI'I RGYAS BSHAD DU 'CHAD PAR 'GYUR RO, ,DON BSDUS NA RTAGS YANG DAG GI MTSAN GZHI LA GSUM DU GRANGS NGES BSGRUB BA DANG, MTSAN NYID KYI TSUL LA GSUM DU GRANGS NGES BSGRUB PA DANG, RTZOD GZHI LA MI MTHUN PHYOGS MTHA' DAG BCAD PA NUS YUL DU SHES PA'I CHED DU PHYOGS CHOS CAN BZHI DANG GNYIS DANG LHAG MA GSUM SMOS DGOS KYI DE LAS MANG PA MI DGOS PAS DON DE DAG LA PHYOGS CHOS CAN DGUR GRANGS NGES PA YIN NO, ,DES NA LKOG GYUR GO BAR BYED PA'I SGRUB NGAG YANG DAG 'GONG PA RNAMS KYIS MTSAN GZHI GSUM DU NGES PAR BYAS NAS MTSAN NYID DE DANG LDAN PA GCIG SGRUB NGAG GIS LHAG CHAD DANG BRAL BAR BSTAN PAR BYAS NA RTAGS KYI NUS YUL GO BAR BYED PA'I DON YIN NO, ,SGRUB RTAGS GNYIS DNGOS SU SMOS PA NI GZHAN DON RJES DPAG GI BSTAN BYA GTAN TSIGS DE YANG MTHUN PHYOGS LA CHA GNYIS SU 'JUG PA DANG KHYAB BYED DU 'JUG PA GNYIS SU NGES PAR SHES PA'I CHED DU YANG YIN PAR SHES PAR BYA'O, ,GNYIS PA LA GSUM, YANG DAG GNYIS DANG 'GAL BA GNYIS SMOS PA'I DGOS PA BSHAD PA DANG, SPYI DANG KHYAD PAR SMOS PA'I DGOS PA RGYAS PAR 'OG TU KHA 'PHANGS PA DANG, LHAG MA GSUM SMOS PA'I DGOS PA BSHAD PA'O,, DANG PO LA GSUM, MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO NI, SGRA CHOS CAN, MI RTAG STE BYAS PA'I PHYIR DANG, DUNG SGRA CHOS CAN, MI RTAG STE, BRTZAL MA THAG TU 'BYUNG BA'I PHYIR RO ZHES BYA BA'I GTAN TSIGS YANG DA

, ,GNYIS DANG RTAGS BYAS PA'I PHYIR BRTZAL MA THAG TU 'BYUNG BA'I PHYIR RO ZHES BYA BA'I 'GAL BA'I GTAN TSIGS GNYIS BSTAN PA CHOS CAN, DGOS PA YIN DE, GTAN TSIGS YANG DAG GNYIS BSGRUB BYA RNAL MA GO BAR BYED PA DANG, BZLOG NA PHYIN CI LOG TU BYED PA YIN NO, ZHES BSTAN NAS RTOGS PA'I CHED DU YIN PA'I PHYIR, GTAN TSIGS YANG DAG GNYIS BSGRUB BYA GO BYED DANG BZLOG NA PHYIN CI LOG TU BYED PA YIN PAR THAL, RANG BZHIN DANG 'BRAS BU NGAG KHO NA KHYAB BYED DANG BDAG NYID DAM RANG BZHIN 'BREL PA NGES PA'I PHYIR, GNYIS PA LA GNYIS, DNGOS SHUGS LA BSTAN PA'I GTAN TSIGS GSUM SMOS PA'I DGOS PA DANG, RANG BZHIN GYI GTAN TSIGS LA RTZOD PA SPANG PA'O, ,DANG PO LA GNYIS, SGRUB RTAGS GNYIS SMOS PA'I DGOS PA DANG, RANG BZHIN MA DMIGS PA'I GTAN TSIGS KYI DPE MA BSTAN PA'I SKYON MED PA'O, ,DANG PO LA GSUM, MTHUN PHYOGS LA CHA GNYIS PA'I GTAN TSIGS SMOS PA'I DGOS PA DANG, GNYIS KA SMOS PA'I DGOS PA SO SOR BSHAD PA DANG, GNYIS KA SMOS PA'I DGOS PA BSDUS TE BSTAN PA'O, ,DANG PO LA GSUM, MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO LA GNYIS, 'BRAS RTAGS MTHUN PHYOGS LA KHYAB BYED DU MI 'JUG PA'I RGYU MTSAN DANG, RTZOL BYUNG 'BRAS RTAGS KYANG MTHUN PHYOGS LA CHA GNYIS SU 'JUG PA'O, ,DANG PO NI, RANG BZHIN GYI GTAN TSIGS LAS GZHAN 'BRAS BU'I GTAN TSIGS YANG DAG NI MTHUN PA'I PHYOGS LA KHYAB BYED DU YONGS PA MI SRID DE RGYU TZAM NI 'BRAS BU LA 'KHRUL PA'I PHYIR

RO; ;'BRAS BU DU BA NI CHOS CAN, DU LDAN LA LA ME SGRUB PA'I MTHUN PA'I PHYOGS LA RNAM PA GNYIS SU 'JUG PA YIN TE, DE LA 'JUG PA GANG ZHIG KHYAB BYED DU MI 'JUG PA DE'I PHYIR, GNYIS PA NI, RTZOL BYUNG NYAN SHES DE NI DUNG SGRA NYAN PA'I SHES PA RANG RGYU SGRA MI RTAG PA SNGON DU SONG BAR SGRUB PA'I MTHUN PA'I PHYOGS LA CHA RNAM PA GNYIS GNAS PA YIN TE, SGRA MI RTAG PA YIN PA TZAM GYIS NI THAMS CAD DU 'BRAS BU RKYEN BRTZAL MA THAG TU 'BYUNG BA CAN GYI SHES PA RTZOM PA MA YIN PA DES NA'I PHYIR, GNYIS PA LA GNYIS, 'BRAS RTAGS MA NGES PA SPANG BA DANG, RANG BZHIN GYI RTAGS MA GRUB PA SPANG PA'O, ,DANG PO LA GSUM, KHYAB PA NGES BYED KYI TSAD MA MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO LA GNYIS, RTZOD PA DANG, LAN NO, ,DANG PO NI, RTZOL BYUNG GIS MI RTAG BSGRUB PA 'BRAS BU'I GTAN TSIGS MA RANG BZHIN GYI GTAN TSIGS GANG YIN, DANG PO LTAR NA, NYAN SHES NI DMIGS RKYEN MI RTAG PA SNGON DU SONG BAS KHYAB PAR SGRUB DGOS NA DE NI RTAG PA SNGON SONG LA YANG SRID PAS RKYEN BRTZAL MA THAG TU 'BYUNG BA'I DUNG SGRA THOS PA'I NYAN PA'I SHES PA RANG RGYU SGRA MI RTAG PA'I 'BRAS BU YIN NO ZHES BYA BA 'DI CI LTAR RTOGS TE MI RTOGS PAS KHYAB PA MA NGES LA RANG BZHIN GYI GTAN TSIGS SU YANG MI 'THAD DE, RTZOL BAS SGRA'I NGO BO SNGAR YOD GSAL BAR BYAS PA TZAM YIN GYI, SNGAR MED GSAR DU SKYED PA MIN PAS RTZOL BYUNG YIN PA'I GTAN TSIGS MA GRUB BO ZHE NA, GNYIS PA NI, DUNG SGRA THOS PA'I NYAN SHES NI CHOS CAN, NGES PA KHO NAR RKYEN BRTZAL MA THAG TU 'BYUNG BAR RIGS PA MA YIN

, ,PAR THAL, RTZOL BA'I SNGAR RTAG DNGOS SU YOD PA'I SGRA THOS PA'I SHES PA YIN PA'I PHYIR, DE LTAR THAL BA LAS DUNG SGRA THOS PA'I NYAN SHES CHOS CAN, RANG RGYU SGRA MI RTAG PA SNGON DU SONG STE, RTZOL BAS PHAN BTAGS PA'I SGRA RES 'GA' THOS PA'I NYAN SHES YIN PA'I PHYIR, CES PA'O, ,KHYAB PA MA GRUB STE, SGA'I NGO BO RTAG KYANG NYAN SHES RES 'GA' SKYED PA RTZOL BA RES 'GA' BA'I RJES SU BYED PAS SO ZHE NA, RTZOL BAS SGRA RTAG PA THOS PA'I 'GAL RKYEN SGRIB PA SEL BAR BYED DAM, SGRA DE NYAN SHES SKYED RUNG DU PHAN 'DOGS PAR BYED, DANG PO MI 'THAD DE, RKYEN RTZOL BAS SGRA RTAG PA THOS PA'I SGRIB BYED SEL BAR BYED BA MA YIN PAR THAL, SGRA RTAG PAS NYAN SHES SKYED PA LA GEGS BYED PA'I SGRIB PA MI SRID PA'I PHYIR, GNYIS PA LTAR NA, RTZOL PAS SGRA RTAG PA NYAN SHES SKYED RUNG DU DNGOS SU BSKYED DAM DBANG PO SGRA THOS RUNG DU DNGOS SU BSKYED NAS BRGYUD NAS PHAN 'DOGS, GNYIS KA MI 'THAD PAR THAL, SGRA RTAG PA THOS PA'I NYAN SHES KYI BDAG RKYEN RNA BA'I DBANG PO DANG SGRA'I NGO BO DAG LA RTZOL BAS PHAN PA NYE BAR SBYOR BA MED PA'I PHYIR RO, ,GNYIS PA LA GNYIS, RKYEN RTZOL BAS SGRA RTAG PA THOS PA'I SGRIB BYED LA KHYAD PAR MI SKYED PA DANG, DBANG PO DANG SGRA'I NGO BO LA PHAN MI 'DOGS PA'O, ,DANG PO LA GSUM, SGRA RTAG PA THOS PA'I SGRIB BYED MI SRID PA DANG; SGRA MI RTAG PA THOS PA'I SGRIB BYED SRID KYANG KHYAB PA MA NGES PA'I SKYON MED PA DANG, SGRA RTAG PA THOS PA'I SGRIB BYED MI SRID PA'I DON BSDU BA'O, ,DANG PO LA GSUM, SGRA RTAG PA THOS PA'I SGRIB BYED MI SRID PA DANG, SRID KYANG NYAN SHES BSKYED PA'I NUS PA ZLOG TU

MI RUNG BA DANG, KHYAD PAR MI SKYED PA GEGS DANG MTHUN RKYEN GANG DU YANG MI RUNG BA'O, ,DANG PO NI, SGRA RTAG PA DE LA DMIGS PA'I NYAN SHES KYIS THOS PA'I SGRIB PA NI SRID PA MA YIN PAR THAL, SGRA RTAG PA'I NUS PA LA GEGS BYED PA MI SRID PA'I PHYIR, GNYIS PA NI; SGRIB BYED 'GA' ZHIG YOD DU CHUG KYANG SGRA RTAG PAS NYAN SHES SKYED PA'I NUS PA ZLOG TU MI RUNG BAR THAL, DE'I NGO BO NYAMS BAR BYED MI NUS BA'I PHYIR, KHYAB PAR THAL, RTAG PA DE'I BDAG NYID NYAMS PAR MA BYAS PAR 'BRAS BU BSKYED PA'I NUS PA BZLOG PAR MI RUNG BA'I PHYIR RO, ,GSUM PA NI, SGRIB BYED RTZIG SOGS CHOS CAN, SGRA RTAG PA LA PHAN GNOD KYI KHYAD PAR CUNG ZAD KYANG BYED PA ZHES BYA BA MA YIN PAR THAL, DE LA KHYAD PAR SKYED PA MED PA'I PHYIR, 'DOD NA, SGRA RTAG PA GANG GIS SGRIB PAR BYED PA 'AM GZHAN MTHUN RKYEN YIN TE MA YIN PAR THAL, DE LA PHAN GNOD KYI KHYAD PAR CUNG ZAD MI BYED PA YANG YIN PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, RTAG PA LA SGRIB BYED MI SRID PA'I RGYU MTSAN GANG GIS SGRIB PAR BYED PAR 'DOD PA'I RTZIG PA LA SOGS PAS BUM PAS BUM 'DZIN DBANG SHES SKYED PA LA GEGS BYED PA MI 'THAD PAR THAL, BUM PA LA SOGS PA DAG LA BUM 'DZIN DBANG SHES SKYED PA'I KHYAD PAR CI ZHIG SKYED PA'AM NYAMS PAR BYED DE MI BYED PA'I PHYIR, 'DOD NA MI RTAG PAS DBANG SHES BSKYED PA LA SGRIB BYED MI SRID PAR 'GYUR RO ZHE NA, GNYIS PA LA GNYIS, SGRIB BYED KYI THA SNYAD 'THAD PA DANG, SGRIB BYED KYI DON 'THAD PA'O, ,DANG PO LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, RTZIG PA LA SOGS

, ,PAS RANG DANG DUS MNYAM PA'I BUM PA LA SOGS PA DE DAG LA PHAN GNOD KYI KHYAD PAR CUNG ZAD BYED PAR NI MI SMRA'I 'ON KYANG SGRIB BYED MI 'THAD PA'I SKYON MED PAR THAL, SGRIB BYED YOD PA'I TSE BUM PAS BUM 'DZIN DBANG SHES MI SKYED PAS BUM PA'I SKAD CIG BAR CHOS YOD MED THAMS CAD RANG 'DZIN DBANG PO'I SHES PA'I RGYU MA YIN PA'I PHYIR, BAR CHOD MED PA'I TSE DBANG SHES BSKYED BAR CHOD YOD PA'I TSE MI SKYED PAS SGRIB BYED KYIS KHYAD PAR BSKYED PAR GRUB BO, ,GNYIS PA LA GSUM, RTZIG PA SOGS KYI SGRIB BYED MED PA'I TSE DBANG SHES BSKYED PA DANG, SGRIB BYED YOD PA'I TSE MI SKYED PA DANG, DES NA SGRIB BYED KYIS KHYAD PAR BSKYED PAR GRUB PA'O, ,DANG PO NI, PHAN TSUN LHAN CIG TU GYUR PA'I YUL BUM PA DANG MIG GI DBANG PO DANG YUL DBANG PAR GYI SNANG BA DAG CHOS CAN, BUM 'DZIN RNAM PAR SHES PA'I RGYU YIN TE, PHAN TSUN KHYAD PAR CAN GYI RIGS 'DRA SKAD CIG GZHAN BSKYED PA'I SGO NAS BUM 'DZIN RNAM SHES LA PHAN 'DOGS PA'I PHYIR, DBANG POS DBANG SHES SKYED PA YUL DANG SNANG BAS PHAN 'DOGS PAR MA GRUB BO ZHE NA, MIG GI DBANG PO CHOS CAN, GZUGS 'DZIN DBANG SHES SKYED PA YUL DANG SNANG BA LA BLTOS PAR MI RUNG BAR THAL, DE BSKYED PA DE GNYIS KYIS PHAN GDAGS PAR BYA BA MA YIN PA'I PHYIR RO, ,'DOD NA, MIG DBANG GIS GZUGS 'DZIN DBANG SHES SKYED PA'I NUS PA'I RANG BZHIN YUL DBANG GNYIS MED PA'I DUS RTAG TU DBANG SHES BSKYED PA'AM YANG NA DE GNYIS YOD PA'I TSE YANG MI SKYED PAR 'GYUR BAR THAL, DBANG SHES SKYED PA'I BDAG RKYEN GANG ZHIG DE SKYED PA YUL DANG

SNANG BA LA BLTOS PA DE LTA MA YIN PA'I PHYIR, YUL DANG DBANG PO DANG SNANG BA DE DAG KYANG THOGS PAR BYED PA GZHAN GYIS BAR DU MCHOD NA DBANG SHES SKYED BA LA PHAN TSUN PHAN 'DOGS PA YIN TE, BAR DU MCHOD PA'I YUL RUNG BA NA GNAS PA DBANG SHES SKYED PA'I NUS PA KHYAD PAR CAN DE DAG GI LHAN CIG BYED PA YIN PA'I PHYIR RO, ,GNYIS PA NI, YUL DBANG BAR GYI RTZIG PA LA SOGS PA YUL GYIS YUL 'DZIN SHES PA SKYED PA'I SGRIB BYED DU THAL, RTZIG PA LA SOGS PA'I BAR CHOD YOD NA YUL GZUGS LA DMIGS PA DE'I DBANG PO'I RNAM PAR SHES PA MI SKYE BA'I PHYIR, DER THAL, DE YOD NA DBANG SHES SKYED NUS PA'I RKYEN GSUM GYI SKAD CIG GZHAN MI SKYE BA'I PHYIR, DER THAL, DE YOD NA DE LTAR SKYE BA'I RGYU MED PA'I PHYIR, GSUM PA NI, YUL DBANG BAR GYI RTZIG PA LA SOGS PA DBANG SHES SKYED PA'I SGRIB PAR 'DOD DE, DE BAR DU ZHUGS PA'I DBANG GIS DBANG SHES BSKYED PA'I RGYU MTSANG BAS DBANG PO'I SHES PA MI SKYE BA'I PHYIR, DER THAL, RTZIG PA LA SOGS PA'I BAR CHOD GSAR DU ZHUGS NA SNGAR SKYES PA'I NUS PA KHYAD PAR CAN 'GAGS PA'I PHYIR DANG BAR CHAD MED PA'I RGYU MED PAS DE GDOD SKYE BAR 'DOD PA'I NUS PA KHYAD PAR CAN GZHAN YANG MA SKYES PA'I PHYIR, DUS MNYAM PA'I YUL DBANG PAR GYI RTZIG PAS DBANG SHES DNGOS SU BSKYED PA'I RUNG BA'I GEGS BYED PA'I PHYIR NI SGRIB BYED DU SONG BA MA YIN TE, DBANG SHES DNGOS SU SKYED RUNG DE NI DBANG SHES MA SKYES BAR DU DBANG SHES SKYED PA'I NUS PA'I RANG GI NGO BO LAS MI 'PHO BA'I PHYIR RO, ,GNYIS PA LA GSUM, MDOR BSTAN PA DANG, RGYAS PAR BSHAD PA DANG, SGRIB PAS KHYAD

, ,PAR SKYED PA'I DON BSDU BA'O, ,DANG PO LA GNYIS, RGYU 'BRAS KYI GNAS MA LUS PA THAMS CAD MKHYEN PA'I MNGON SUM GYI SPYOD YUL YIN PA DANG, SGRIB BYED KYIS BSGRIB BYA LA PHAN GNOD SKYED PAR SGRUB PA'O, ,DANG PO NI, YUL DBANG DANG DE'I BAR GYI RTZIG PA SOGS DUS MNYAM PA RNAMS PHAN TSUN KHYAD PAR MI SKYED PA DANG, YUL RUNG BA NA MI GNAS PA'I YUL DBANG GIS DBANG SHES SKYED PA LA PHAN GNOD KYI KHYAD PAR MI SKYED BA LAS YANG NA DNGOS BO SKAD CIG MA RNAMS NI RES 'GA' PHAN TSUN BAN 'DOGS PA SRID PA YANG YIN TE, PHAN 'DOGS PA SRID KYANG RGYU DANG RKYEN GYI NUS PA MA LUS PA NI THAMS CAD MKHYEN PA MA YIN PAS MNGON SUM GYIS BSAM GYIS MI KHYAB PA'I PHYIR RO, ,GNYIS PA NI, DES NA GAL TE DBANG PO DANG YUL GYI BAR NA GNAS PA'I RTZIG PA LA SOGS PA'I SGRIB PAS DE GNYIS LA DBANG PO'I RNAM PAR SHES PA BSKYED PA DANG MI MTHUN PA'I KHYAD PAR CHES CHER BYED PA YANG YIN TE, SGRIB PA'I SRAB MA THUG GI BYE BRAG GIS SGRA LA SOGS PA GSAL BA DANG MI GSAL BAR THOS PA'I PHYIR RO, ,SGRIB PA NI RE LDE DANG SNAM BU DANG RTZIG PA LA SOGS PA'O, ,'DIR SGRIB BYED KYIS KHYAD PAR SKYED PA DANG MI SKYED PA'I 'CHAD TSUL GNYIS MDZAD PA'I SNGA MA NI YUL DBANG GNYIS DE'I BAR GYI SGRIB BYED DANG DUS MNYAM PA LA NI SGRIB PAS KHYAD PAR SKYED PA MA YIN TE, RGYU 'BRAS DUS MNYAM RIGS PAS MI 'THAD PA'I PHYIR RO, ,'CHAD TSUL SNGA MA'I GTZO BO NI 'DI LTAR YIN TE, YUL DANG DBANG PO GNYIS KYIS DBANG SHES SKYED PA'I NUS PA MED PA'I YUL DBANG GNYIS KYI BAR NI RA BO LA SOGS PA

ZHUGS PA LTA BU STE, DE LTA BU'I SKABS SU BAR GYI SGRIB BYED NGES YUL DBANG GNYIS KYIS DBANG SHES SNGAR SKYED RUNG DU YOD PA GSAR DU SKYED MI RUNG DU BYAS PA'I SGO NAS SGRIB BYED DU SONG BA MA YIN GYI, RDZAS MTHUG PO DE GNYIS KYI BAR DU ZHUGS TZAM LA SGRIB PAR BRJOD PA YIN NO, ,YUL DBANG DE GNYIS SNGAR DBANG SHES SKYED MI RUNG GI NGO BOR GNAS PA LAS MA 'PHOS PA YIN NO, ,'CHANG TSUL GNYIS PA NI BAR DU SGRIB BYED MTHUG POS CHOD PA'I YUL DBANG PHAN TSUN PAN 'DOGS PA DANG, SGRIB BYED KYIS DE DAG LA PHAN GNOD BSKYED PA'I NUS BA SRID MOD KYANG NUS PA YOD PA SO SO SKYE BO'I DNGOS STOBS KYI TSAD MAS GRUB PA MA YIN LA NUS PA YOD NA KUN MKHYEN GYI MNGON SUM GYI SPYOD YUL DU 'GYUR BA BRTAG PA MTHA' GZUNG YIN GYI, NUS PA YOD PAR KUN MKHYEN GYI MNGON SUM GYIS GZIGS PAR KHAS BLANGS NAS RANG GI TSAD MAS MA GRUB PAR 'DOD PA NI RIGS PA DANG 'GAL BA'O, ,RGYU RKYEN GYI NUS PA MA LUS PA KUN MKHYEN GYI MNGON SUM GYI SPYOD YUL YIN PA RANG LUGS LA YANG KHAS LEN DGOS PA RANG LDOG GZHI LDOG GI KHYAD PAR RNAMS PHYED PA LA MKHAS PAR BYA'O, ,DES NA 'CHAD TSUL GNYIS PA NI BAR CHOD YOD NA YUL DBANG GNYIS KYIS DBANG SHES MI SKYED LA MED NA BSKYED PA'I SGRIB BYED DES YUL DBANG BLA KHYAD PAR SKYED PA 'THAD PAR STON PA YIN NO, ,GNYIS PA LA GNYIS, KHYAD PAR MI SKYED NA GEGS YOD KYANG MED PA DANG KHYAD PAR MED PA DPE DANG BCAS PA DANG, PHAN GNOD BSKYED PA SGRIB BYED DU 'THAD PA'O, ,DANG PO NI, BAR GYI SGRIB BYED KYIS KHYAD PAR SKYED PA DE LTA MA YIN NO ZHES KHAS BLANGS RJES SU BRJOD NAS

, ,YUL DBANG BAR GYI RTZIG PA SOGS CHOS CAN, YUL DBANG GNYIS KYIS DBANG SHES SKYED PA'I SGRIB BYED DU YOD KYANG MED PA DANG KHYAD PAR MED PAR THAL, YUL DBANG GNYIS KYIS DBANG SHES SKYED PA LA PHAN GNOD GANG YANG CUNG ZAD KYANG MI BYED PA'I PHYIR, 'DOD NA YUL DBANG GNYIS KYIS DBANG SHES SKYED PA 'DI'I SGRIB BYED 'DI STE KHYOD YIN NO ZHES BSGRIB BYA SGRIB BYED KYI 'BREL BA NYE BAR BSDU BA NI RNAM PAR RTOG PAS SBRUL PA NYID DU 'GYUR GYI DNGOS PO LA BRTEN PA'I SGRIB BYED NI MA YIN PAR THAL, ,YUL DBANG GNYIS KYIS RNAM SHES SKYED PA'I SGRIB BYED DU BZHAG PA GANG ZHIG SGRIB BYED DU YOD KYANG MED PA DANG MTSUNGS PA'I PHYIR, SGRO BTAGS PA 'DOD NA SGRIB BYED KYI DON BYED PAR YANG YOD PA MA YIN PAR THAL, RTOG PAS SGRO BTAGS PA'I RJES SU BYED PA CAN YIN PA'I PHYIR, DPER NA BRAM ZE'I KHYE'U LA MED NYE BAR BTAGS PAS NI BRAM ZE'I KHYE'US 'BRAS LA SOGS PA 'TSED PA SGRUB PAR BYED PAR MI 'GYUR BA BZHIN NO, ,GNYIS PA NI, SGRIB BYED DU RTOG PAS BTAGS PA DE YOD KYANG DES SGRIB BYED KYI DNGOS POR 'GYUR BA MA YIN PAR THAL, SGRO BTAGS KYIS DON BYED MI NUS PA DE'I PHYIR, DNGOS PO RNAMS NI RANG GI NGO BO JI LTA BA BZHIN PHAN GNOD SKYED PA'I RANG BZHIN DU GNAS PA NYID YIN PAR THAL, PHAN GNOD GANG YANG MI BYED PA DNGOS POR MI RUNG BA'I PHYIR, GSUM PA NI, BAR GYI SGRIB PA YOD KYANG YUL DBANG GNYIS KYIS DBANG PO LA SOGS PA'I SHES PA SKYED PAR 'GYUR BAR THAL, SGRIB PAS PHAN GNOD KYI KHYAD PAR CUNG ZAD KYANG MI BYED PAR YUL DBANG GNYIS KYIS NUS LDAN LA 'GYUR

PA MED PA NGES NA'I PHYIR, SGRIB BYED DES KHYAD PAR BYAS PAR RTOGS PA YIN TE, PHAN GNOD KYI KHYAD PAR MA BYAS NA DE MED PAR YANG DBANG SHES BSKYED PAR 'GYUR NA DE LTA YANG MA YIN PA DE'I PHYIR, GSUM PA SGRA RTAG PA THOS PA'I SGRIB BYED MI SRID PA'I DON BSDU BA NI, DE LTAR SGRA RTAG PA THOS PA'I SGRIB BYED MI SRID BAR THAL, SGRA RTAG PA RNAMS NI 'GYUR BA MED PAS RKYEN 'GA' ZHIG YOD NA YANG KHYAD PAR NYAMS PA'I SKYE BA NUS PA MA YIN PA'I PHYIR, RTAG PA LA 'GAL RKYEN GYI BYED PA MI 'JUG PA NGES NA GAL TE SGRA DE DAG CHOS CAN, SKYES BU THAMS CAD LA DUS THAMS CAD KYI TSE RANG GI YUL CAN GYI SHES PA THAMS CAD BSKYED PAR THAL, RTAG PA GANG ZHIG RANG 'DZIN SHES PA BSKYED PA'I RANG BZHIN YIN PA'I PHYIR, RTAGS PHYI MA MA GRUB NA DUS NAM YANG SKYES BU GANG LA YANG YUL CAN GYI SHES PA 'GA' YANG SKYED PA MA YIN PAR THAL, RTAG PA GANG ZHIG RANG 'DZIN SHES PA BSKYED PA DE LTA MA YIN PA'I PHYIR, CES BYA BA 'DI NI RTAG PA LA MTHA' GCIG TU NGES PA YIN PAR THAL, RTAG PA LA 'GYUR BA MED PA'I PHYIR, GNYIS PA DBANG PO DANG SGRA LA PHAN MI 'DOGS PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, 'DI SNYAM DU BAR GYI SGRIB PAS SGRAS NYAN SHES SKYED BA'I NUS PA GSAR DU NYAMS PAR BYAS PA'I PHYIR, RES 'GA' THOS KYANG RTAG TU SGRA THAMS CAD MA THOS PA NI MA YIN GYI, 'ON KYANG SGRA DE DAG RTOGS PA'I NYAN SHES SKYED PA LA RTZOL BAS DBANG PO LA PHAN 'DOGS PA'AM LHAN CIG BYED RKYEN RTZOL BA LAS GZHAN YANG RUNG LHAN CIG BYED PA SGRA SO SO LA BLTOS NAS SO SOR NGES PA CUNG ZAD GCIG YOD PA YIN LA

, ,LHAN CIG BYED RKYEN NYEN SGRA THAMS CAD DUS GCIG TU THAL BA SPONG BA LA SO SOR NGES PA ZHES SMOS SO, ,LHAN CIG BYED RKYEN DE RES 'GA' SGRA 'GA' ZHIG LA PHAN BYED DU 'GYUR BA'I PHYIR, SGRA 'DI DAG GI DUS RES 'GA' YUL 'GA' ZHIG TU THOS PA NI LHAN CIG BYED RKYEN TSANG MA TSANG DES BYAS PA YIN NO SNYAM NA SGRA'I NGO BO LA KHYAD PAR MI SKYED KYANG RES 'GA' THOS PA MI 'GAL LO SNYAM PA SPYOD PA PA'I 'DOD PA'O, ,GNYIS PA LA GSUM, RKYEN RTZOL BAS SGRA RTAG PA LA DNGOS SU PHAN 'DOGS PA MI 'THAD PA DANG, DES DBANG PO SGRA RTAG PA'I 'BRAS BU DANG BCAS PA KHEGS PA DANG, DBANG PO LAS BRGYUD NAS PHAN 'DOGS PA MI 'THAD PA'O, ,DANG PO LA GNYIS, RGYAS PAR BSHAD PA DANG, DON BSDU BA'O, ,DANG PO LA GNYIS, RGYUS 'BRAS BU SKYED PA LHAN CIG BYED RKYEN LA BLTOS PA 'THAD PA DANG, RTAG PA LHAN CIG BYED RKYEN LA BLTOS PA MI 'THAD PA'O, ,DANG PO NI, KHO BO CAG NAS KYI SA BON LA SOGS PA'I RGYU RNAMS KYIS NAS KYI MYU GU SKYED PA'I LHAN CIG BYED PA'I RKYEN CHU LUD LA SOGS PA MED DO ZHES SPONG BA NI MA YIN TE, 'ON KYANG NAS KYI SA BON LA SOGS PA'I RGYU RNAMS NI NAS KYI MYU GU DE'I GNAS SKABS KYI KHYAD PAR LA PHAN 'DOGS PA'I DON LHAN CIG BYED RKYEN LA BLTOS PA NYID 'THAD PA'I PHYIR, DER THAL, LHAN CIG BYED RKYEN DE LAS KHYAD PAR THOB PA'I NYER LEN NAS KYI SA BON DAG 'BRAS BU NAS KYI MYU GU LA PHAN PA NYE BAR SBYOR BA'I PHYIR RO, ,GNYIS PA LA GSUM, LHAN CIG BYED RKYEN GYIS KHYAD PAR SKYED NA MI RTAG PAR THAL BA DANG, KHYAD PAR MI SKYED NA RKYEN DON GZHAN LA BLTOS BAR MI

'THAD PA DANG PHAN PA DON GZHAN BYED PA LA NYES PA BSHAD ZIN PA'O, ,DANG PO NI, SA BON GYIS MYU GU SKYED PA LHAN CIG BYED RKYEN LA BLTOS PA DE BZHIN DU GAL TE SGRA YANG CHOS CAN, LHAN CIG BYED RKYEN LA BLTOS NAS 'BRAS BU BYED NA BYE BRAG LA RAG STE SNGAR GYI RTAG PA YIN PA'I RANG BZHIN LA NGES PA ZHES PA ZHES PA DE LTAR NI MI 'GYUR BAR THAL, LHAN CIG BYED RKYEN 'GA' ZHIG LA BLTOS NAS 'BRAS BU BYED PA'I PHYIR, RTAG DNGOS KYI RANG BZHIN DU MA NGES PAR THAL, RTAG DNGOS YIN PA'I RANG BZHIN DE NI NYAMS PA'I PHYIR, DER THAL, LTOS PAR BYA BA'I RKYEN RTZOL BA'AM RTZOL PAS SGRA THOS RUNG DU LEGS PAR BYAS PA'I DBANG PO'AM LHAN CIG BYED RKYEN GZHAN LAS SNGAR MED KYI RANG BZHIN THOB PA'I PHYIR RO, ,RIGS PA 'DI DAG GIS NI DON DAM BDEN BRTAG DNGOS SU KHAS BLANGS NAS MNYAM GZHAG GIS MTHONG BA RES 'GA' BAR 'DOD PA YANG LEGS PAR BKAG PAR SHES PAR BYA'O, ,GNYIS PA NI, SGRA'I NGO BO LA PHAN MI 'DOGS KYANG RKYEN LA BLTOS PA CI 'GAL ZHE NA, SGRA CHOS CAN, 'BRAS BU SKYED PA RKYEN DON GZHAN LA BLTOS PAR BYA BA MA YIN PAR THAL, RKYEN GYIS PHAN 'DOGS PA MA YIN PA'I PHYIR, CES BYA BA DE YANG LE'U GNYIS PAR BSHAD ZIN TO, ,GSUM PA NI, RKYEN GYIS SGRA'I NGO BO LA KHYAD PAR MI SKYED KYANG PHAN PA DON GZHAN BYED PAS SKYON MED DO ZHE NA, PHAN PA 'DI NI SGRA DE'I YIN NO, ZHES PA'I 'BREL PA MED PA DANG PHAN PA THUG PA MED PAR THAL, SGRA DE'I PHAN PA SGRA LAS DON GZHAN NYID YIN PA'I PHYIR, KHYAB PAR THAL, PHAN PA DON GZHAN BYED NA 'BREL BA MED PA DANG THUG PA MED PA LA SOGS

, ,PA'I NYES PA YANG LE'U GNYIS PAR BSHAD ZIN PA'I PHYIR, SGRA 'DZIN NYAN PA'I SHES PA CHOS CAN, SGRA DE KHYOD KYI GZUNG DON GYI SGO NAS SHES BYA MA YIN PAR YANG 'GYUR BAR THAL, SGRA DE LAS KHYOD DNGOS SU MI SKYE BAR PHAN PA DON GZHAN NYID LAS SKYE BA'I PHYIR RO, ,GNYIS PA NI, RKYEN GYIS KHYAD PAR SKYED NA MI RTAG PAR 'GYUR LAM SKYED NA BLTOS PAR MI 'THAD CING PHAN PA DON GZHAN BYED NA HA CANG THAL BA DE'I PHYIR, SGRA 'DI NI CHOS CAN, DBANG BO'AM DBANG DON PHRAD PA'AM GANG ZAG GI BDAG GAM GZHAN RTZOL BA YANG RUNG STE, RANG GI SHES PA BSKYED PA LA SHES PA SKYED PA'I LHAN CIG BYED RKYEN 'GA' ZHIG LA BLTOS PA NI MA YIN TE, DE THAMS CAD KHYOD LA PHAN PA'I KHYAD PAR CUNG ZAD KYANG MI BYED PA'I PHYIR RO, ,GNYIS PA NI, SGRA RTAG PAS SGRA 'DZIN SHES PA BSKYED PA'I LHAN CIG BYED RKYEN BKAG PA 'DIS NI CHOS CAN, RTZOL BAS DBANG PO DANG SGRA LA PHAN PA NYE BAR SBYOR BA'I PHYIR RKYEN RTZOL BA SGRA RTAG PA'I 'BRAS BU DANG BCAS PA YANG BSAL BA YIN TE, RTAG PA RKYEN LA BLTOS PA BKAG PA'I PHYIR, GSUM PA NI, RTZOL BAS SGRA LA DNGOS SU PHAN MI 'DOGS KYANG DBANG PO LA PHAN 'DOGS PAS SGRA'I LHAN CIG BYED RKYEN DU 'GYUR RO ZHE NA, CHOS CAN SNGA MA LA RTZOL BAS DBANG PO LA PHAN BTAGS PA'I SGO NAS SGRA RTAG PA DE'I LHAN CIG BYED RKYEN DU 'GYUR BA DE YANG BSAL BA YIN TE, DBANG PO LA PHAN BTAGS PAS KYANG RTAG PAR GYUR PA'I SGRA'I LHAN CIG BYED PAR 'GYUR NA RTAG BA RKYEN LA BLTOS DGOS PA LA LTOS BA MED PAR BSTAN ZIN PA'I PHYIR, GSUM PA DON BSDU PA LA GNYIS,

SGRA RTAG TU THOS PAR THAL BA DANG, KHYAB PA SGRUB PA'O, ,DANG PO NI, RTZOL BAS SGRA RTAG PA THOS PA'I 'GAL RKYEN SEL BA DANG, DNGOS DANG BRGYUD PA'I SGO NAS MTHUN RKYEN SGRUB PA GNYIS PA GNYIS KA MI 'THAD PA DE'I PHYIR, SGRA DE CHOS CAN, NYAN SHES KYIS RTAG TU DMIGS PAR 'GYUR BAR THAL, NYAN SHES KYI GZUNG DON GYI SGO NAS DMIGS PAR BYA BA'I RANG BZHIN GANG ZHIG DUS NAM YANG RANG GI RANG BZHIN LAS MA 'PHOS PA'I PHYIR, GNYIS PA NI, KHYAB PA YOD PAR THAL, GAL TE NYAN SHES SKYED PA GANG ZHIG RKYEN 'GA' ZHIG LAS NUS PA GSAR DU 'THOB PA'AM NYAMS PAR MI 'GYUR BA DE LTA NA DE RTAG PAR NYAN SHES SKYED PAR 'GYUR BA YIN PAS KHYAB PA'I PHYIR, DER THAL, NYAN SHES BSKYED PA GANG ZHIG NYAN PA'I SHES PA BSKYED PA'I NUS PA DE LAS DON GZHAN MA YIN PA'I PHYIR RO, ,RTAGS PHYI MA DER THAL, SGRAS NYAN SHES SKYED PA'I NUS PA SGRA LAS DON GZHAN YIN NA YANG SGRA DE'I GZUNG DON MA YIN PA LA SOGS PA'I SKYON DU 'GYUR BA'I PHYIR RO, ,GNYIS PA RANG BZHIN GYI RTAGS MA GRUB PA SPANG PA NI, DUNG SGRA RTZOL BYUNG DU MA GRUB PA'I SKYON MED PAR THAL, DUNG SGRA DE'I BDAG NYID LA RTZOL BA 'DI PHAN PA'I KHYAD PAR CUNG ZAD BYED PAR RTOGS PA YIN PA'I PHYIR, DE YIN TE, RTZOL BA 'DI DUNG SGRA'I BYED PA PO YIN PA'I CHOS MTHONG BA'I PHYIR RO, ,DE MTHONG STE, DUNG SGRA 'DI DUNG 'BUD PA'I RTZOL BA SNGAR MA BRTZAMS PA DANG GSAR DU CHAD PA NA NI NAM YANG SKYE BAR MA DMIGS LA, RES 'GA' RTZOL BA LAS SKYE BAR MTHONG BA DES NA'I PHYIR, GSUM PA DON BSDU BA LA GNYIS, BSGRUB BYA GRUB PA'I DON BSDU BA DANG, SPYI'I DON BSDU

, ,PA'O, ,DANG PO NI, BRTZAL MA THAG TU 'BYUNG BA'I SGRA THOS PA'I NYAN PA'I SHES PA RANG RGYU MI RTAG PA'I RANG BZHIN CAN GYI SGRA'I 'BRAS BUR GRUB STE, DE SGRUB KYI PHYOGS KHYAB TSAD MAS GRUB PA DE'I PHYIR, GNYIS BA NI, DON TSAN BZHIS 'CHAD PAS THAL BA DGOD BA NI, DUNG SGRA THOS PA'I NYAN SHES CHOS CAN, RKYEN BRTZAL MA THAG TU 'BYUNG BAR NGES PA YIN PAR THAL, RTZOL BA'I SNGAR RTAG PAR YOD PA'I SGRA THOS PA'I SHES PA YIN PA'I PHYIR, DE'I KHYAB PA MA NGES PA SPANG BA NI, KHYAB PAR THAL; RKYEN RTZOL BA DE SGRA RTAG PA THOS PA'I SGRIB BYED SEL BA DANG, DBANG PO DANG SGRA LA RNAM PA KUN TU PHAN PA NYE BAR SBYOR BA MED PA'I PHYIR RO, ,NGES GRUB PA'I THAL BA BSDUS PA NI, DUNG SGRA CHOS CAN, DUS RES 'GA'I TSE 'BRAS BU MI BYED PA 'GAL BAR THAL, NYAN SHES SKYED PA GANG ZHIG DE SKYED PA RKYEN LA BLTOS PA MED PA'I PHYIR, RTAGS YANG DAG TU GRUB PA'I DON BSDU BA NI, RTZOL BYUNG NYAN SHES DE DUNG SGRA THOS PA'I NYAN SHES DE RANG RGYU SGRA MI RTAG PA SNGON DU SONG BAR BSGRUB PA'I RTAGS YANG DAG YIN TE; DE SGRUB KYI PHYOGS CHOS GRUB RTZOL BA LAS BYUNG BA'I NYAN PA'I SHES PA 'DI 'DRA RES 'GA' BA'I SGRA'I 'BRAS BUR GRUB PA'I PHYIR, CES BYA BA NI BSDU PA'I TSIGS SU BCAD PA DAG GO, ,RTZOL BYUNG 'BRAS RTAGS RGYAS PAR GTAN LA PHAB PA'I DGOS PA NI, GZHAN SDE DAG YI GE'I SKAD DOD AA KshAR ZHES BA 'GYUR MED LA 'JUG PA YIN PA LA GDANGS KYI RNAM PA MI 'DRA BA GZHAN DU MI 'GYUR BA'I DON YIN PA MA GO BAR NGO BO MI 'GYUR BA'I DON DU BZUNG NAS SGRA RTAG PAR 'DOD CING, SGRA'I TSANGS PA SMRA BA

KHA CIG NI, YI GE NYID BCINGS GROL KUN GYI GZHIR GYUR PA'I RTAG DNGOS SU 'DOD DO, ,DE DAG BKAG PA LA BRTEN NAS RIGS PA MTSUNGS PAS DNGOS PO RTAG PA MTHA' DAG KHEGS PAR 'GYUR BA'I CHED DU YIN NO, ,DE YANG DANG YANG DU GTAN LA PHAB PA NI 'DUS BYAS THAMS CAD MI RTAG PAR GTAN LA PHEBS PA GROL BA DON GNYER GYIS GZHI SHES RGYUD LA SKYED PA GTZO BO BYI YOD PA'I NANG NAS THOG MA'I RGYU YIN TE BSHAD ZIN TO, ,GANG DAG DON DAM PA'I SANGS RGYAS RTAG DNGOS KHAS BLANGS NAS DE'I SKU GSUNG THUGS KYI YI GE 'BRU GSUM RTAG DNGOS SU KHAS LEN PA YANG MI THA DAD TZAM MA GTOGS DON GZHAN SDE DE DAG DANG KHYAD PAR CUNG ZAD KYANG MED PAR SHES PAR BYA'O, ,GNYIS PA GNYIS KA SMOS PA'I DGOS PA SO SOR BSHAD PA LA GSUM, MTHUN PHYOGS LA KHYAB PA'I RANG BZHIN GYI DPE LOGS SU SMOS PA'I DGOS PA DANG, KHYAB BYED DANG CHA GNYIS SU 'JUG PA GNYIS KA SMOS PA'I DGOS PA DANG, MTHUN PHYOGS LA CHA GNYIS PA'I RANG BZHIN GYI DPE DNGOS SU MA SMOS PA'I RGYU MTSAN NO, , DANG BO NI, GAL TE RANG BZHIN DANG 'BRAS BU'I GTAN TSIGS GNYIS KA'I DPER BRJOD RTZOL BYUNG LA RUNG BAR 'OG NAS 'CHAD BZHIN DU BYAS PA LOGS SU SMOS PAS CI BYA ZHE NA, 'BRAS BU'I GTAN TSIGS KYI DPER BRJOD PA 'DI NYID KYIS YANG DAG PA'I GTAN TSIGS KYI MTSAN NYID KYI YUL MTSAN GZHI BSTAN PA YIN TE, MTHUN PHYOGS LA CHA GNYIS PA'I GTAN TSIGS YANG DAG RTOGS PA'I DON DU BSTAN PA'I PHYIR, DE LTAR YIN YANG 'BRAS BU'I DPER BRJOD PA LAS RANG BZHIN GYI GTAN TSIGS BYAS PA

, ,LOGS SHIG TU DPER BYAS PA NI CHOS CAN, DGOS PA YOD DE, DPER MA SMOS NA RTAGS YANG DAG THAMS CAD MTHUN PHYOGS LA CHA GNYIS PAR DOGS PAR 'GYUR BAS RTAGS YANG DAG THAMS CAD MTHUN PHYOGS LA CHA GNYIS SU 'JUG PA DE'I BDAG NYID DU RTOGS PAR MI 'GYUR BAR BYA BA'I CHED DU YIN PA'I PHYIR RO, ,GNYIS PA NI, RANG DON DU TSUL GSUM DANG MTSAN NYID DE DANG LDAN PA'I GTAN TSIGS KYI DBYE BA SMOS PAS YANG 'DIR SMOS PA MI RIGS LA, DBYE BA 'CHAD NA MTSAN NYID KYANG 'CHAD DGOS SHING DE RANG DON LAS NGES NA DBYE BA YANG NGES PAS DBYE BA SMOS PA DGOS PA MED DO, ZHE NA, RANG DON DU RTAGS YANG DAG GI DBYE BA DANG MTSAN NYID KYI DON BSHAD KYANG GZHAN DON DU DBYE BA BSHAD PA DGOS PA YOD DA, GZHAN GYI DON GYI RJES SU DPAG PAR GTAN TSIGS YANG DAG GI DBYE BA BRJOD PA'I DBANG DU BYAS PA NI BRJOD TSUL LA MI MKHAS PA'I BYIS PAS MTHUN PHYOGS LA CHA GNYIS PA DANG KHYAB BYED DU 'JUG PA'I GTAN TSIGS STON PA'I SGRUB NGAG GI BRJOD TSUL BYE BRAG TU RTOGS PAR BYA BA'I CHED DU YIN PA'I PHYIR, ,DES NA 'DIR GTAN TSIGS KYI DBYE BA TZAM ZHIG BSHAD KYI MTSAN NYID MA BSHAD PA'I RGYU MTSAN YOD DE, BRJOD TSUL LA MI MKHAS PAS DE LA MKHAS PA'I YAN LAG TU SMOS KYI MTSAN NYID NI MI MKHAS PAS KYANG DE NYID LA BRTEN NAS RTOGS PA YIN PAS MA SMOS PA'I PHYIR, DES NA 'DIR SLOB DPON YAB SRAS KYIS MTSAN NYID NI RANG DON DU BSHAD PA DE NYID YIN LA, MI MKHAS PAS KYANG DE LA BRTEN NAS RTOGS PAR 'GYUR

ZHING; BRJOD TSUL PHYIN CI MA LOG PA GZHAN DON LE'U'I GTAN LA DBAB BYA'I GTZO BO GCIG YIN PAS 'DIR SMOS SO, ,GSUM PA NI, MTHUN PHYOGS LA KHYAB PA'I RANG BZHIN DPER BRJOD KYANG MTHUN PHYOGS LA CHA GNYIS PA'I RANG BZHIN DPER MA BRJOD PAS BRJOD PA'I TSE DE GO BYED MA YIN PAR DOGS PAR 'GYUR RO ZHE NA, SKABS 'DIR MTHUN PHYOGS LA CHA GNYIS PA'I RANG BZHIN GYI DPE MA SMOS PA'I SKYON MED PAR THAL, 'BRAS BU'I GTAN TSIGS KYI DPER RTZOL BYUNG BRJOD PA 'DIS NI MTHUN PHYOGS KYI PHYOGS GCIG LA BRTEN PA'I RANG BZHIN YANG BSHAD PAR RIG PAR BYA BA'I PHYIR, GNYIS KA'I DPER BRJOD PA YANG 'DRA BAR TE THUN MONG DU GSUNGS TE RTZOL BYUNG GNYIS KA'I DPER SMOS PA DE NYID KYIS NA STE DE'I PHYIR, RTZOL BA LAS BYUNG BA DE GNYIS KA GO BA'I DPER RUNG STE, BRTZAL MA THAG TU 'BYUNG BA'I GSAL BA SHES PA'I CHOS DANG BRTZAL MA THAG TU SKYE BA DAG LA THUN MONG DU GO BA'I CHED DU RTZOL BA LAS BYUNG BA ZHES DE LTAR BRJOD PA'I PHYIR RO, ,DUNG SGRA RTZOL BA LAS BAR CHAD MED PAR 'BYUNG BA'I PHYIR, BRTZAL MA THAG TU BYUNG BA YIN LA, BYUNG BA YANG DUNG SGRA'I RANG GI NGO BO'AM DUNG SGRA GSAL BA GNYIS LA 'JUG STE, MA GSAL BA NI MA BYUNG BA DANG MTSUNGS PA'I PHYIR RO, ,DES NA BRTZAL MA THAG TU BYUNG BA NI SHES PA DANG SKYE BA GNYIS LAS, SKYE BA NI DUNG SGRA'I RANG BZHIN YIN LA SHES PA NI 'BRAS BU YIN PAS GNYIS KA BSTAN PA YIN NO, ,GSUM PA GNYIS KA SMOS PA'I DGOS PA BSDUS TE BSTAN PA LA GSUM, YONGS GCOD KYI DGOS PA DANG, RNAM BCAD KYI DGOS PA DANG, 'GREL

, ,PA GNYIS SU 'DUS NA GZHAN KHAS BLANGS PA DON MED PA'O, ,DANG PO NI, DU BA YOD PA CHOS CAN, GANG MED NA MI 'BYUNG BA ME LA MI 'KHRUL BA YIN TE, DE LA RANG BZHIN 'BREL BA NGES PA'I PHYIR, BYAS PA GANG YIN PA DE NI CHOS CAN; MI RTAG PA DANG 'KHRUL BAR MI GYUR TE, DE RANG DANG BDAG NYID RNAM PAR DBYER MED PA CAN GYI KHYAB BYED YIN PA'I PHYIR, SGRUB RTAGS GNYIS SU PHYE BA LA DGOS PA YOD DE, BDAG GCIG DANG DE BYUNG GI 'BREL BA NGES PA DE RANG PHYOGS KYI CHOS SU GRUB PA'I GZHIR BSGRUB BYA'I CHOS DANG 'KHRUL BAR MI 'GYUR ZHES BYA BA'I DON DU DE GNYIS RAB TU PHYE BA'I PHYIR, GNYIS PA NI, LDAN PA CAN DANG 'DU BA CAN LA SOGS PA'I 'BREL BA GZHAN YANG YOD PA MA YIN NAM ZHE NA, 'BREL BA GNYIS DANG BRAL BA'I LDAN PA CAN DANG 'DU BA CAN SOGS GANG DAG LA BRTEN PA'I GTAN TSIGS DE DAG YANG DAG MIN ZHES DON GYIS BSHAD PA YIN TE, DE DAG BSGRUB BYA'I CHOS LA 'KHRUL PA SRID PAR DON GYIS BSTAN PA'I PHYIR, DE DAG BSGRUB BYA'I CHOS LA 'KHRUL BA SRID PAR THAL, GNYIS PO DE 'DRA'I 'BREL BA MA GTOGS 'BREL PA GZHAN YOD PA MIN PA'I PHYIR, GSUM PA NI, LDAN 'DU SOGS LA YANG 'BREL BA GNYIS PO DE YOD DO ZHE NA, 'BREL PA GNYIS PO YOD PA YIN NA YANG 'BREL BA PHUNG GSUM BTAGS PA DON MED PAR THAL, 'BREL PA GNYIS PO DE NYID KHO NA LKOG GYUR RTOGS PA'I SGRUB BYED KYI YAN LAG TU GYUR PA'I 'BREL BA YIN PA'I PHYIR, 'BREL BA GNYIS PO LAS MA GTOGS PA'I 'BREL BA MED PAR THAL, GO BYED YANG DAG TU NGES

PA DE YANG MED NA MI 'BYUNG BA'I 'BREL BA GNYIS PO LAS YIN LA, 'BREL PA GNYIS PO GANG YANG NGES PA MED PA SGRUB BYED YANG DAG MIN PA'I PHYIR, RKANG PA DANG PO BZHIS YONGS GCOD KYI DOGS PA DANG, DE NAS BZHIS 'BREL PA GZHAN GYIS MI NUS PA DANG; DE NAS GNYIS KYIS GNYIS LAS GZHAN MI DGOS PA DANG, DE NAS GNYIS KYIS DE DAG GI RGYU MTSAN STON TO, ZHES BYA BA NI BAR SKABS KYI TSIGS SU BCAD PA DAG GO ,GNYIS PA RANG BZHIN MA DMIGS PA'I GTAN TSIGS KYI DPE MA BSTAN PA'I SKYON MED PA LA GNYIS, DRI BA DANG, LAN NO, ,DANG PO NI, GAL TE JI SKAD BSHAD PA'I TSUL GSUM PA'I MTSAN NYID CAN GYI MI DMIGS PA 'GA' ZHIG KYANG 'BRAS RANG LAS GZHAN GTAN TSIGS YANG DAG GSUM PA MA YIN NAM DE CI'I PHYIN PHYOGS CHOS KYI DBYE BA STON PA'I SKABS 'DIR DPER MA BRJOD CE NA, GNYIS PA LA GSUM, MTSAMS SBYAR BA DANG, RGYAS PAR BSHAD PA DANG, DON BSDU BA'O, ,DANG PO NI, RGYU DANG KHYAB BYED MA DMIGS PA'I GTAN TSIGS GNYIS NI SHUGS LA RTOGS PA'I TSUL BSHAD ZIN LA, RANG BZHIN MA DMIGS PA'I GTAN TSIGS DNGOS DE YANG CHOS CAN, PHYOGS CHOS KYI DBYE BA'I SKABS 'DIR DON GYIS DPER BRJOD PA KHO NA STE RANG BZHIN GYI GTAN TSIGS KYI KHONGS SU 'DUS PA'I TSUL GYIS SHUGS LA BSTAN PA'I PHYIR, GNYIS PA LA GSUM, SHUGS BSTAN MA DMIGS PA'I GTAN TSIGS GTAN LA PHAB BA DANG, PHEBS NAS GZHAN LA RTAGS SU SBYOR BA'I TSUL DANG, BSGRUB BYA LA BLTOS NAS DGAG RTAGS GNYIS SU NGES PA MI 'THAD PA'I RTZOD PA SPANG

, ,BA'O, ,DANG PO LA GNYIS, SNANG RUNG MA DMIGS PA'I GTAN TSIGS DANG, SNANG RUNG DANG MI SNANG BAM DMIGS PA'I GTAN TSIGS KYI KHYAD BAR RO, ,DANG PO LA GSUM, RANG BZHIN MA DMIGS PA'I GTAN TSIGS KYI DPE RANG BZHIN GYI GTAN TSIGS LAS LOGS SU DNGOS SU SMOS MI DGOS PA'I RGYU MTSAN DANG, MA DMIGS PA'I RTAGS KYI TSUL NGES BAR BYED PA'I TSAD MA BSHAD PA DANG, DGAG GZHI DANG BRAL BA'I DGAG PA 'JAL BA'I TSAD MA RANG RGYUD PAS GRUB PAR 'DOD PA DGAG PA'O, ,DANG PO LA GNYIS, RGYAS PAR BSHAD PA DANG, SPYI'I DON BSDU BA'O, ,DANG PO LA GNYIS, THA SNYAD 'BA' ZHIG BSGRUB BYAR BSTAN PA DANG, KHYAB PA MI 'KHRUL BAR SGRUB PA'O, ,DANG PO LA GSUM, MTSAMS SBYAR BA DANG, RTZA BA DANG, 'GREL BA'O, ,DANG PO NI, RANG BZHIN DU 'DUS PAS DPE DNGOS SU SMOS MI DGOS PA 'DI LTAR, GNYIS PA NI, LTO LDIR BA YOD NA DMIGS RUNG MI DMIGS PA DE RGYU MTSAN DU YOD PA LAS RANG PHYOGS KYI CHOS SU GRUB PA'I GZHIR DE'I RGYU MTSAN CAN GYI BUM PA MED PA'I SGRA SHES 'JUG RUNG 'BA' ZHIG BSGRUB PA YIN TE, YOD NA DMIGS RUNG GI BUM PA MED PA DAG LA NI LTO LDIR BA YOD NA DMIGS RUNG MI DMIGS PA LAS GZHAN SNANG RUNG GI BUM PA MED PA NYID GO BAR BYED PA'I DON LDOG GZHAN MED PA DES NA'I PHYIR, THA SNYAD 'BA' ZHIG SGRUB TU GO BAR BYED PA TZAM YIN GYI, SGRUB PA'I TSE BUM PA MED PA RKYANG PAS CHOG PAS SBYOR BA 'CHANG PA DANG DON MI GCIG GO ,GNYIS PA NI, YOD NA BLTAR RUNG BA'I RANG BZHIN BUM PA MED PA NI LTO

LDIR BA DMIGS RUNG MA DMIGS PA'I RNAM PAR BZHAG BYA YIN TE, DE'I DON LDOG YOD LTO LDIR BA DMIGS RUNG MI DMIGS PA LAS GZHAN DE'I DON LDOG MA YIN PA'I PHYIR, DON LDOG DE RTAGS SU GRUB PAS NI RANG PHYOGS KYI CHOS SU GRUB PA'I GZHIR DE'I RGYU MTSAN CAN BUM PA MED PA'I SHES PA DANG SGRA'I THA SNYAD BYA RUNG BSGRUB PAR BYA BA YIN TE, DE LTAR YIN NO ZHES BYA BA 'DI NI BSHAD ZIN PA'I PHYIR, GNYIS PA LA GNYIS, DRI BA DANG, LAN NO, ,DANG PO NI, DMIGS RUNG MA DMIGS PA'I SA PHYOGS NI RGYU YIN LA, THA SNYAD 'BRAS BU YIN PAS RGYU MTSAN YOD KYANG RGYU MTSAN CAN YOD PAR DES PA MED PA'I PHYIR, RGYU 'BRAS BU LA 'KHRUL BAS RGYU LAS 'BRAS BU DE LTAR RTOGS PAR JI LTAR 'GYUR ZHE NA, ,GNYIS PA LA GSUM, RTZA BA DANG, 'GREL PA DANG; DON BSDU BA'O, ,DANG PO NI, BUM PA MED PA DE LTO LDIR BA DMIGS RUNG MA DMIGS BA'I RNAM PAR BZHAG BYA'I 'BRAS BU YIN YANG DMIGS RUNG MA DMIGS PA DE LAS NI BUM PA MED PA'I BLO SGRA 'JUG RUNG THE TSOM MED PAR 'GRUB PAR 'GYUR TE, YOD NA BLTAR RUNG MA MTHONG BA LA MED CES BYA BA'I THA SNYAD 'JUG PAS KHYAB PA 'DI GNAG RDZI'I BAR LA GRUB PA'I PHYIR, GNYIS PA LA GSUM, SPYI KHYAB DPE LA GRUB ZIN PA DANG, DPE LA GRUB NA RTZOD GZHI LA GRUB PAR THAL BA SPANG BA DANG, NGES NA SPYI KHYAB BSGRUB MI DGOS PA'O, ,DANG PO NI, RGYU MTSAN GANG GI KHYAB PA NGES BA MED PAR 'GYUR BA DPE'I STENG DU MED PA'I THA SNYAD LA GDOD GZHUG PAR BYA BA NI MA YIN TE, 'ON KYANG BLTAR RUNG BA'I DNGOS PO MA MTHONG BA LA MED DO ZHES BYA BAR DPE LA LAN

, ,CIG MA YIN PAR GRUB ZIN PA NYID KYI PHYIR, GNYIS PA NI, DPEL GRUB NA RTZOD GZHI LA YANG GRUB PAR 'GYUR RO ZHE NA, DPE LA SNANG RUNG GI DON YOD PAR NYE BAR BRJOD PA MED PAR GRUB PA'I DPE DAG LA MED PA'I THA SNYAD GRUB NA RTZOD GZHI LA GRUB PAS MA KHYAB PAR THAL, DPE LA MED PA'I THA SNYAD DE RTOGS KYANG RTZOD GZHI LA RNAM PA CI ZHIG LTAR MED PA'I THA SNYAD 'JUG PA'I DMIGS RUNG MA DMIGS PA GRUB ZIN DU YOD YANG YUL CAN MED PA'I THA SNYAD MI DRAN PA DE RTAGS LA BRTEN NAS DRAN PAR BYED DGOS PA'I PHYIR, RANG BZHIN MA DMIGS PA'I GTAN TSIGS KYI PHYIR RGOL LA RTAGS CHOS 'DI DAG GI 'BREL PA MA GRUB PA BSGRUB PAR BYA BA NI MA YIN TE, MED PA'I THA SNYAD LA GANG DU YANG DMIGS RUNG MA DMIGS PA LAS DON LDOG GI RGYU MTSAN GZHAN NI YOD PA MA YIN LA, DE YANG 'DIS SNGAR LAN CIG MA YIN PAR DPE LA DPYAD ZIN PA'I PHYIR, ,GSUM PA NI, RTZOD GZHI LA BLTAR RUNG BA MA MTHONG BAR GRUB NA DE'I RGYU MTSAN CAN MED PA'I SHES PA DANG SGRA DAG GI THA SNYAD DU RUNG BA NYID RTZOD GZHI DE LA YANG THE TSOM MED PA 'GRUB PA NYID DE 'BREL PA DPE LA YANG DANG YANG DU GRUB ZIN PA DE'I PHYIR, DPER NA BA LANG CHEN PO DANG KHRA BO LA SOGS PA LA BA LANG GI THA SNYAD ZHUGS SU ZIN KYANG RMONGS PAS CHEN PO LA SOGS PA BA LANG GI RGYU MTSAN GYI KHYAD PAR YIN PAR SGRO BTAGS NAS BA LANG CHUNG DU LA BA LANG GI RGYU MTSAN MED PAR BSAMS TE, BA LANG GI THA SNYAD 'JUG PAR MI BYED PA NGE'I TSE, BA LANG CHUD DU LA LKOG SHAL LA SOGS PA GRUB NA BA LANG GI THA

SNYAD RTAGS KYIS DRAN PAR BYED PA BZHIN NO, ,GNYIS PA LA GSUM, THA SNYAD 'BA' ZHIG SGRUB TU BSTAN PA DANG, DE'I DPE DANG, GTZO BO'I DON BSDU BA'O, ,DANG PO NI, GRANGS CAN PA GZHAN DAG 'JIM GONG 'DIR BUM PA MED PA'I THA SNYAD 'JUG PA'I YUL BUM PA DMIGS RUNG MA DMIGS PA GRUB ZIN DU YOD NA YANG BUM PA MED PA'I THA SNYAD RJES SU MI BRJOD PA'I RGYU MTSAN YOD DE, GZHI DER DE DE'I RGYU MTSAN DU RMONGS PAS MA SHES PA YIN PA'I PHYIR, DES NA 'JIM GONG DER DPE LA BUM PA DMIGS RUNG MA DMIGS PA GRUB PA DANG NI CHOS MTHUN DU BSTAN PA LAS BUM PA MED PA'I BRDA DRAN PAR BYED PA 'BA' ZHIG YIN TE, SPYI KHYAB DPEL GRUB ZIN KYANG BUM PA MED PA'I THA SNYAD RTZOD GZI LA RTAGS KYIS BSGRUB DGOS PA YIN PA PHYIR, GNYIS PA NI, CI LTAR ME DU MDON SUM GYIS MTHONG BA DAD MA MTHONG BA'I DAG 'DZIN MNGON SUM LAS PHAN 'DOGS BYED DU YOD MED KYI RJES SU 'GRO LDOG BYAS SA DANG BYED PA PO RTAGS SU BKOD PA LAS RGYU DANG 'BRAS BU NYID BSGRUB PA BZHIN NO, ,DE GNYIS KYI RTAGS LAS RGYU 'BRAS DPOG PA THA SNYAD 'BA' ZHIG SGRUB TU THAL, RJES SU 'GRO LDOG BYAS SA DANG BYED PA PO DE GNYIS LA NI RGYU DANG 'BRAS BU SOGS KYI DNGOS MING GI SGRA THA SNYAD ZOR YANG BA'I DON DU BKOD PA YIN PA'I PHYIR, GSUM PA LA GNYIS DNGOS DANG, DE NYID BSDUS TE BSTAN PA'O, ,DANG PO NI, RNAM 'JOG GI RGYU LAS RNAM GZHAG GI 'BRAS BU RAB TU SGRUB PA RANG BZHIN MA DMIGS PA'I GTAN TSIGS DNGOS 'DI NI CHOS CAN, PHYOGS CHOS CAN GYI GTAN TSIGS KYI RAB DBYE BSHAD PA

, ,LA RANG BZHIN LAS THA DAD PAR NI DPER DNGOS SUM BRJOD PA'I RGYU MTSAN YOD DE, RANG BZHIN GYI GTAN TSIGS KYI NANG DU 'DUS PAS SHUGS LA BSTAN PA'I PHYIR, CES BYA BAS NI BAR SKABS KYI TSIGS SU BCAD PA DAG GO GNYIS PA NI; RGYU LAS 'BRAS BU GRUB PA LA THE TSOM MED DU CHUG MOD, RANG BZHIN GYI NANG DU 'DUS PAR JI LTAR 'GYUR ZHE NA, RANG BZHIN MA DMIGS PA'I GTAN TSIGS DNGOS RANG BZHIN GYI RTAGS KYI NANG DU MA 'DUS BA'I SKYON MED PAR THAL, SNANG RUNG GI BUM PA MI DMIGS PA LAS NI RANG PHYOGS KYI CHOS SU GRUB PA'I GZHIR KHYAB PAR BYAD PA'I RANG BZHIN BUM PA MED PA'I THA SNYAD DU RUNG BA NYID BSGRUB BA MTSAN NYID KYIS MTSON BYA SGRUB PA'I RTAGS YANG DAG YIN PA'I PHYIR, KHYAB PA TSANG MAS MA GRUB PA'I SKYON MED PAR THAL, KHYAB PA YANG GZHAN DU DPE LA BUM PA SNANG RUNG MA DMIGS PA LA BUM PA MED PA'I THA SNYAD DE TZAM LAS GRUB BAS DE DANG RTZOD GZHI LA GRUB PA KHYAB BYED DU GRUB PAR KHYAD PAR MED PA'I PHYIR RO, ,DPE LA MNGON SUM GYIS GRUB NA RTZOD GZHI LA YANG MNGON SUM GYIS GRUB PA MA YIN NAM ZHE NA, MA YIN PAR THAL, BUM PA SNANG RUNG MI RIGS PA'I BDAG NYID DU GYUR PA'I MED PA GRUB NA DON GRUB PAS RTZOD GZHI LA BUM PA MED PA'I THA SNYAD RTAGS KYIS BSGRUBS PA YIN NO ZHES BSHAD ZIN PA'I PHYIR, GNYIS PA LA GSUM, RANG BZHIN MA DMIGS PA'I RTAGS KYI PHYOGS CHOS MNGON SUM GYIS GRUB PA DANG, DE'I RGYU MTSAN DANG, MA DMIGS PA'I RTAGS GZHAN GYIS SGRUB DGOS NA THUG MED DU THAL BA'O, ,DANG PO LA

GNYIS, DRI BA DANG, DE'I LAN NO, ,DANG PO NI, RANG BZHIN MA DMIGS PA'I RTAGS SU LTO LDIR BA DMIGS RUNG MA DMIGS PA'AM, BUM PA DMIGS RUNG MA DMIGS PA ZHES RTAGS SU JI LTAR 'GOD KYANG YUL CAN GYI SHES PA BKAG PA'I MED DGAG RTAGS SU SONG BA LEGS PAR KHONG DU CHUNG NAS 'DRI BA YIN NO, ,SNANG RUNG MA DMIGS BA DE NYID TSAD MA GANG GIS CI LTAR GRUB CING RJES DPAG GIS GRUB NA RTAGS THUG MED DU BRGYUD DGOS LA MNGON SUM GYIS GRUB NA MED DGAG DE MNGON SUM GYI GZUNG DON DU BYAS PA'I SGO NAS GRUB DGOS NA DNGOS POR MED PA DE MNGON SUM 'GA' ZHIG GI RGYUR YANG JI LTAR 'GYUR ZHE NA, GNYIS PA LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, RANG BZHIN MA DMIGS PA'I GTAN TSIG DNGOS KYI PHYOGS CHOS TSAD MAS GRUB PA LA NYES PA GNYIS PO DE NI MED DE RTAGS SU BKOD PA'I MED PAR DGAG BA DE MNGON SUM TSAD MAS SHUGS LA RTOGS PA'I PHYIR, 'DI LTAR, GNYIS PA NI, LTO LDIR BA DMIGS RUNG MA DMIGS PA RTAGS SU BKOD PA DE MNGON SUM TSAD MAS GRUB PAR THAL, GCIG LTO LDIR BAS DAG PA'I SA PHYOGS DNGOS SU DMIGS BA'I DBANG PO'I MNGON SUM DE DANG NYAMS SU MYONG BA'I RANG RIG PA'I MNGON SUM LAS LTO LDIR BAS DAG BA'I SA PHYOGS 'DI NI DMIGS SO ZHES BYA BA'AM LTO LDIR BA 'DI NI MI DMIGS SO ZHES RTOG PA CAN GYI SGRUB PA DANG DGAG PA'I RNAM PA SHAR BA'I RTOG BLO GNYIS NI RANG STOBS KYIS SKYE BAR 'GYUR BA YIN PA'I PHYIR, DGAG SGRUB KYI RNAM PAR RTOGS PA GNYIS NI RANG LA SHAR BA'I RNAM PA DE DGAG PA'I RNAM

, ,PA SHAR BAS KHYAD PAR DU BYAS PA DANG, SGRUB PA'I RNAM PA SHAR BAS KHYAD PAR DU BYAS PA ZHES BYA'I RTOG PA GANG ZHIG DGAG PA'I RNAM PA SHAR BA DANG SGRUB PA'I RNAM PA SHAR BA ZHES PAS MTSON MI NUS TE, KHYAB PA MI NGES PA'I PHYIR RO, ,KHA CIG RANG BZHIN MA DMIGS PA'I RTAGS SU SA PHYOGS DANG MNGON SUM SONG BAR BSAMS NAS RGYU TSOGS PA GRANGS TSANG GIS 'BRAS BU 'BYUNG RUNG SGRUB PA'I GTAN TSIGS YIN NO ZHES ZER BA NI HA CANG RNAM PAR MI 'TSAM STE, DGAG RTAGS GANG YIN ZHES 'DRI NA SGRUB RTAGS 'DI'O ZHES PAR 'GYUR BA'I PHYIR DANG, PHYOGS CHOS CAN GYI DBYE BA'I SKABS SU MTHUN PHYOGS LA KHYAB BYED DU 'JUG PA'I RANG BZHIN GYI NANG DU 'DUS PAS DPE DNGOS SUM SMOS PA LA 'CHAD DGOS KYI CHA GNYIS PA'I RANG BZHIN GYI NANG DU 'DUS PAR BSHAD NA MI 'BREL BA'I PHYIR RO, ,SA PHYOGS MNGON SUM DANG BCAS PA DANG DGAG SGRUB KYI RTOG PA GNYIS RGYU 'BRAS SU BSGRUBS PA NI PHYOGS CHOS 'JAL BYED KYI TSAD MA GTAN LA 'BEBS PA LA NGES PAR DGOS PA'I PHYIR RO, ,GSUM PA LA GNYIS, DGAG PA 'GRUB PA DGAG GZHI DMIGS PA'I TSAD MA LA BLTOS DGOS PA DANG, DE LA MA LTOS PAR DGAG PA RANG DBANG DU MI 'GRUB BA'O, ,DANG PO LA GSUM, DAG 'DZIN MNGON SUM LA MA LTOS PAR DGAG BYA DMIGS PA'I BLO BKAG TZAM GYIS PHYOGS CHOS MI 'GRUB PA DANG, DAG 'DZIN MNGON SUM RANG RIG GIS GRUB PA DANG, SGRUB BYED GZHAN LA BLTOS NA THUG MED DU 'GYUR BA'O, ,DANG PO LA GNYIS, DGAG BYA 'DZIN PA'I

BLO BKAG TZAM GYIS MI 'GRUB PA DANG, DAG 'DZIN MNGON SUM GYIS GRUB BA'O, ,DANG PO NI, RGYU MTSAN GANG LAS LTO LDIR BA MED PA'I THA SNYAD DU 'GYUR BA LTO LDIR BA LA SOGS PA'I DNGOS PO RNAMS RANG GI YUL CAN GYI SHES PA MED BA TZAM GYIS NI LTO LDIR BA 'DI MA DMIGS SO ZHES BYA BA'I NGES PA DE LTAR SKYE BAR 'GYUR BA MA YIN TE, 'O NA CI ZHE NA LTO LDIR BA RANG LAS KHYAD PAR CAN GYI DES DAG PA'I DBANG PO'I MNGON SUM GYI SHES PA YOD BA LAS SKYE BAR 'GYUR BA YIN PA'I PHYIR, DER THAL, GNYID MTHUG LA SOGS PA'I GNAS SKABS 'GA' ZHIG TU LTO LDIR BA SOGS DON THAMS CAD MA RTOGS SHING RTOGS PA'I BLO MED NA YANG LTO LDIR BA'I DNGOS PO MED PAR MI RTOGS PA'I PHYIR RO, ,GNYIS BA NI, RANG BZHIN MA DMIGS PA'I RTAGS KYI PHYOGS CHOS NGAG 'DZIN MNGON SUM GYIS GRUB PAR THAL, LTO LDIR BAS DAG PA'I SA PHYOGS 'DZIN PA'I DBANG PO'I MNGON SUM DANG DE MYONG GI RANG RIG MNGON SUM 'GA' ZHIG MNGON SUM DU GYUR NA MNGON SUM DE'I TSAD MA'I STOBS KYIS SA PHYOGS DAG PA BA 'DI NI DMIGS SO ZHE'AM GZHAN LTO LDIR BA MA DMIGS SO ZHES BYA BA'I DGAG SGRUB KYI RNAM PAR RTOG PA GNYIS 'DREN ZHING 'BYUNG BAR 'GYUR BA'I PHYIR, DER THAL, DE'AM DGAG BYA DMIGS PA'I BLO BKAG TZAM GANG RUNG LAS PHYI MA MI 'THAD PA DE'I PHYIR, GNYIS PA NI, GCIG DMIGS PA LAS RTOGS SO ZHES BRJOD PAS CHOG MOD, NYAMS SU MYONG BA LAS RTOGS SO ZHES JI LTAR BRJOD CE NA, LTO LDIR BA 'DZIN PA'I YUL CAN GYI BLO MED PA RANG RIG MNGON SUM GYIS SHUGS LA RTOGS PA'I DON YIN NO,,

, ,GCIG DMIGS PA LAS SKYE'O ZHES BRJOD PA TZAM DU MA ZAD NYAMS SU MYANG BA LAS SKYED DO ZHES BRJOD PA LA DGOS PA YOD DE, GANG GI PHYIR NA LTO LDIR BA LAS DON GYI KHYAD PAR DES DAG PA'I SA PHYOGS RTOGS PA NI MYONG BA'I KHYAD PAR DAG 'DZIN DBANG PO'I MNGON SUM LAS YIN LA MYONG BA'I KHYAD PAR RTOGS PA NI DAG 'DZIN DBANG PO'I MNGON SUM GYIS RNAM PA DE LTA BU'I BDAG NYID NYAMS SU MYONG BA'I RANG RIG MNGON SUM LAS YIN ZHING DES DGAG BYA 'DZIN PA'I BLO MED PA SHUGS LA RTOGS PA'I PHYIR, RANG NYID NYAMS SU MYONG BA'I RANG RIG MNGON SUM GYIS GRUB PA'I KHYAD PAR DAG 'DZIN DBANG PO'I MNGON SUM NI LTO LDIR BAS DAG PA'I DON GYIS LTO LDIR BAS DAG PA'I SA PHYOGS KYI DON KHYAD PAR DU BYAS NAS 'JAL BAR BYED PA YIN TE, SA PHYOGS DAG PA BA DBANG PO'I MNGON SUM GYIS GRUB STE DE MYONG RANG RIG MNGON SUM GYIS GRUB PA DES NA'I PHYIR, GSUM PA NI, DAG 'DZIN MNGON SUM RANG RIG GIS GRUB PA DE LTA MA YIN NA SA PHYOGS DAG PA BA DANG DE 'DZIN PA'I MNGON SUM 'JAL BYED THUG PA MED PAR 'GYUR BAR THAL, MYONG BA'I KHYAD PAR DAG 'DZIN MNGON SUM YANG RANG RIG GIS MA GRUB PAR MYONG BA RDZAS GZHAN GYI KHYAD PAR LAS GRUB DGOS PA YIN LA DE LTA NA DE'I YANG 'JAL BYED MYONG BA RDZAS GZHAN LAS YIN PA'I PHYIR, 'DOD NA, SA PHYOGS DANG YUL CAN GYI KHYAD PAR 'GA' YANG MTHAR THUG PAR GRUB PAR MI 'GYUR BAR THAL, 'DOD PA DE'I PHYIR, GNYIS PA NI, GZHI DAG 'DZIN RANG GIS GRUB PA LTAR, GZHI DAG PA BA YANG RANG GIS GRUB BO ZHE

NA; SA PHYOGS DAG PA BA RANG DBANG DU GRUB PA MA YIN TE, DAG 'DZIN MNGON SUM LA MA LTOS PAR PHYI ROL GYI DON NI RANG GI YOD PA TZAM DANG DON GYI KHYAD PAR DAG GIS DE DAG RANG DBANG DU GRUB PA MA YIN PA'I PHYIR, DON YOD PA TZAM RANG LAS MI 'GRUB NA KHYAD PAR LTA GA LA 'GRUB CES PA'O, ,'ON CI ZHE NA DER THAL, SA PHYOGS TZAM GYI RANG GI DBANG PO'I MNGON SUM GYI SHES PA YOD PA DANG KHYAD PAR SA PHYOGS DAG PA BA 'JAL BA'I DBANG PO'I MNGON SUM DAG GIS GRUB PA DES NA'I PHYIR, DON GYI YOD PA DANG KHYAD PAR RANG GIS MA GRUB PAR GZHAN GYIS RTOGS DGOS PA DE BZHIN DU MYONG BA MNGON SUM NI MYONG BA RDZAS GZHAN GYI YOD PA DANG KHYAD PAR DAG LAS DE GRUB PA MA YIN TE, SHES PA RANG RIG GIS MA GRUB PAR RDZAS GZHAN GYIS SGRUB DGOS NA DON DANG SHES PA THAMS CAD MI RTOGS PAR THAL BAR 'GYUR BA'I PHYIR RO, ,GNYIS PA LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI DON GYI YOD BA DANG KHYAD PAR RANG LAS MI 'GRUB CING, SHES PA'I YOD PA DANG KHYAD PAR RANG MYONG LAS GRUB PA DE'I PHYIR RANG BZHIN MA DMIGS PA'I PHYOGS CHOS MNGON SUM GYIS GRUB CES BA'O, ,GNYIS PA NI, SA PHYOGS TZAM DANG BUM PA LAS RANG BZHIN KHYAD PAR CAN LHO LDIR BAS DAG PA'I SA PHYOGS MYONG BA'I DBANG PO'I MNGON SUM GYIS DMIGS PA'I SA PHYOGS DAG PA PA LAS GZHI DER GZHAN LTO LDIR BA BSAL BA NI GRUB BDE GZHAN MA YIN TE, DE GNYIS BDAG NYID THA MI DAD CING TSAD MA GCIG GI BYED PA 'JUG PA'I YUL DU MI 'BRAL BA YIN PA'I PHYIR, LTO LDIR BA DE MI

, ,DMIGS PA DE DMIGS BYED MED PA YANG LTO LDIR BA DE LAS KHYAD PAR CAN DES DAG PA DMIGS PA'I DBANG PO'I MNGON SUM NYID GRUB PA DE GZHAN MA YIN TE, SNGA MA GNYIS GRUB BDE GZHAN MA YIN PA DE'I PHYIR LTO LDIR BA DMIGS RUNG MI DMIGS PA 'DI NI MNGON SUM NYID KYIS GRUB PA YIN TE, LTO LDIR BAS DAG PA'I SA PHYOGS 'DZIN PA'I DBANG PO'I MNGON SUM MYONG BA'I RANG RIG MNGON SUM GYIS SHUGS LA RTOGS PA DES NA'I PHYIR, LTO LDIR BA YOD NA RANG RIG MNGON SUM GYIS DMIGS RUNG MA YIN YANG DE YOD NA DMIGS SU RUNG BA LAS DE DMIGS BYED MED PA RANG RIG MNGON SUM GYIS SHUGS LA RTOGS PA YIN NO, ,GSUM PA LA GSUM, TSIG DON BSHAD PA DANG, RTZOD PA SPANG BA DANG, DON BSDU BA'O, ,DANG PO LA GNYIS, RGYAS PAR BSHAD PA DANG, RANG RIG MNGON SUM GYIS GRUB PA'I DON BSDU BA'O, ,DANG PO NI, LTO LDIR BA DANG MA 'BREL BA DES DAG PA'I SA PHYOGS NYAMS SU MYONG BA DES DAG PA'I SA PHYOGS KYI RNAM PA GCIG TU SO SOR NGES PA'I DBANG PO'I MNGON SUM GYI GZHAL BYA LTO LDIR BAS DAG PA'I SA PHYOGS DANG DE LAS GZHAN LTO LDIR BA BSAL BA NI GRUB BDE GZHAN MA YIN TE, GANG GI PHYIR NA BDAG NYID THA MA DANG CING TSAD MA GCIG GI BYED PA 'JUG PA'I YUL DU GYUR BA'I PHYIR, DE BZHIN DU LTO LDIR BA 'DZIN PA'I MNGON SUM DANG MA 'BREL BA LTO LDIR BAS DAG PA'I SA PHYOGS 'DZIN PA'I DBANG PO'I MNGON SUM ZHES JI LTAR 'OS PAR SBYAR TE, DON BSDUS NA LTO LDIR BAS DAG PA'I SA PHYOGS 'DZIN PA'I DBANG PO'I MNGON SUM DANG LTO LDIR BA 'DZIN PA'I DBANG PO'I MNGON

SUM MED PA GRUB BDE GZHAN MA YIN TE, BDAG NYID THA MI DANG CING TSAD MA GCIG GI BYED PA 'JUG PA'I YUL DU GYUR PA'I PHYIR, LTO LDIR BAS DAG PA'I SA PHYOGS 'DZIN PA'I DBANG PO'I MNGON SUM CHOS CAN, SA PHYOGS DE NYID YOD DO ZHES DES PA 'DREN PAR BYED PA NA GZHAN GZHI DER LTO LDIR BA MED PA SHUGS KYIS RTOGS PA'I TSUL GYIS NGES PA YANG 'DREN PAR BYED DE, SA PHYOGS DE NYID NI DNGOS SU RTOGS PA'I SGO NAS NGES PA 'DREN PA'I MNGON SUM YIN PA'I PHYIR, DE MYONG RANG RIG MNGON SUM CHOS CAN, DAG 'DZIN DBANG PO'I MNGON SUM DE NYID YOD DO ZHES NGES PA 'DREN PAR BYED PA NA GZHAN MYONG BA LTO LDIR BA 'DZIN PA'I DBANG PO'O MNGON SUM MED PA SHUGS KYIS RTOGS PA'I TSUL GYIS DE MED DO ZHES NGES PA 'DREN PAR BYED DE, DAG 'DZIN DBANG PO'I MNGON SUM DE NYID NI DNGOS SU RTOGS PA'I SGO NAS DES PA 'DREN PA'I MNGON SUM YIN PA'I PHYIR, GANG DAG MNGON SUM LA SHUGS RTOGS MED PAR 'DOD PA DE DAG GIS NI MNGON SUM LA MED DGAG GI RNAM PA SHAR BA KHAS LEN DGOS LA, YANG NA SA PHYOGS MA YIN PA'I SA PHYOGS SUM PAS STONG ZHES PA'I MED DGAG TSAD MAS GRUB PA CI YANG MED DE ZHES YOD NA MI RTAG PAS KHYAB PA KHAS LEN ZHING MKHAS PA LA GRAGS PA'I RTAG PA TSANG MAS GRUB PA'I RNAM GZHAN LEGS PAR MI SHES PA RIGS PA'I LAM MTHA' DAG LAS NYAMS PAR 'GYUR RO, ,GNYIS PA NI, DON GZHAN DNGOS SU DMIGS PA'I MNGON SUM GYIS MI DMIGS PA SHUGS LA GRUB PA DE'I PHYIR, LTO LDE BA DMIGS RUNG MA DMIGS PA DE YANG RANG RIG PA'I MNGON SUM GYIS

, ,SHUGS LA GRUB PA YIN TE, SA PHYOGS DAG PA GCIG TU NGES PA'I TSUL DU DMIGS PA'I DBANG PO'I MNGON SUM DANG DE MYONG BA'I RANG RIG PA'I MNGON SUM NI GZHAN LTO LDIR BA DMIGS RUNG MI DMIGS PA DES PA DANG LTO LDIR BA DE MED PA'I THA SNYAD 'GRUB PA'I RGYU YIN PA'I PHYIR, GNYIS PA LA GNYIS, GZHI DAG PA BA DMIGS PA MED PAR MUN KHUNG BUM PA MED PAR RTOGS PA DGAG PA DANG, GZHI DAG PA BA DMIGS PA MED PAR RKYEN GZHAN GNYIS NUS LDAN DU CHAD BA'I BUM PA DMIGS RUNG MA DMIGS PA LAS BUM PA MED PAR RTOGS PA DGAG PA'O, ,DANG PO LA GNYIS, RTZOD PA DANG, LAN NO, ,DANG BO NI, GAL TE SA PHYOGS TZAM DANG BUM PA RANG LAS KHYAD PAR CAN GYI DAG 'DZIN MNGON SUM GYI SHES PA MED KYANG BUM PA MED PA'I BLOR 'GYUR BA MIN NAM STE YIN PA'I PHYIR, BUM MED RTOGS PA DAG 'DZIN MNGON SUM LA LTOS CI DGOS DPER NA MUN KHUNG DU BUM PA YOD MED RTOG PA'I CHED DU LAG PA BYUGS PA LAS BUM PA MED PAR RTOGS PA BZHIN NO ZHE NA, GNYIS PA LA GNYIS, DNGOS DANG, DE'I LAN DGAG PA'O, ,DANG PO NI, MUN KHUNG DU LAG PA BYUGS PA LAS BUM PA MED PAR RTOGS PA DAG 'DZIN MNGON SUM LA LTOS PA MED PA MA YIN TE, MUN KHUNG DER YANG DE LTAR BYUGS PA'I LAG PA'I NANG GI REG PA'I KHYAD PAR BUM PA LA SOGS PA'I THOGS PA'I REG PAR RAGS PA DANG BRAL PA'I RLUNG GI REG BYA 'DZIN PA'I DBANG PO'O MNGON SUM GYIS DMIGS PA LAS GZHI DER GZHAN BUM PA MED PAR RTOGS PA'I PHYIR RO, ,'DI LTA BU'I DBANG PO'I MNGON SUM GYIS NI

'DUS MA BYAS KYI NAM MKHA' SHUGS LA RTOGS PA YIN NO, ,GNYIS PA NI, LAG PA BYUG DGOS SNYAM PA'I BLO LA GNAS PA'I RTZOL BA LAS LAG PA BYUGS PAR RTOGS PA YIN LA, DE LAS BUM PA MED PAR RTOGS PA YIN GYI DAG 'DZIN MNGON SUM LA LTOS PA MA YIN NO ZHE NA, RTZOL BA YOD DAM MED KYANG SLA STE MUN KHUNG DU LAG PA BYUGS PA LAS BUM PA MED PAR RTOGS PA DAG 'DZIN MNGON SUM LA BLTOS PAR THAL, BUM PA YOD MED RTOG PA'I CHED DU NGA'I LAG PA BYUGS SO ZHES BYA BAR 'GYUR BA DE NYID LAS BUM PA MED PAR RTOGS PA LAG PA'I NANG GI REG PA'I KHYAD PAR DMIGS PA REG 'DZIN MNGON SUM GANG LAS GZHAN BUM PA MED PAR RTOGS PA YIN PA'I PHYIR, DER THAL, DAG 'DZIN MNGON SUM DU DMAN GZHI DER BUM PA MED PAR MYONG BA'I STOBS KYIS MI RTOGS PA'I PHYIR RO, ,MUN KHUNG DU LAG PA BYUGS PA LA RTZOL BA NGES PAR DGOS PA MA YIN PAR THAL, RTZOL BA MED KYANG MUN KHUNG DU LAG PA GYEN DU 'GRENG STE GNYID RTZOM PA'I DUS SU LAG PA THUR DU LTUNG BA DMIGS PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, GAL TE BUM PA MED PAR RTOGS PA DGAG GZHI DMIGS PA LA LTOS PA MA YIN TE BUM PA DMIGS PA'I RKYEN DBANG PO DANG YID BYED RNAMS NUS LDAN DU YOD PA NA BUM PA DMIGS SU RUNG BA MA DMIGS PAS MED PAR GRUB PO GRUB PA DE'I PHYIR GNYID LOG PA DANG NGA RGYAL BA LA SOGS PA'I GNAS SKABS SU BUM PA LA SOGS PA 'GA' ZHIG MED PAR RTOGS PAR MI 'GYUR TE, DE'I RGYU MTSAN DUS DE NA DBANG PO NUS PA MA NYAMS PA LA SOGS PA BUM PA

, ,DMIGS PA'I RKYEN NYID MED PA'I PHYIR RO, ,DES NA KHYAD PAR GYI DGAG GZHI DMIGS PA MED PA'I PHYIR, DUS DER BUM PA 'GA' YANG MED PAR MA RTOGS PA NI MA YIN NO, ,MA RTOGS PA'I RGYU MTSAN 'O NA CI ZHE NA, DE 'DRA PA'I RKYEN GZHAN GNYIS NUS LDAN DU YOD PA DANG, BUM PA DMIGS RUNG MA DMIGS PA NYID MED PAS BUM PA MED PAR MA RTOGS PA YIN PA'I PHYIR RO ZHE NA, GNYIS PA LA GNYIS, RKYEN GZHAN NUS LDAN DU YOD PA LA BLTOS PAS DGAG GZHI DMIGS PA LA BLTOS PAR GRUB PA DANG, BUM MED 'GRUB PA BUM PA DMIGS RUNG MA DMIGS PA LA BLTOS PAS DGAG GZHI DMIGS PA LA BLTOS PAR GRUB PA'O, ,DANG PO NI, BUM MED 'GRUB PA DGAG GZHI DMIGS PA MED KYANG BUM PA DMIGS PA'I RKYEN GZHAN GNYIS NUS LDAN DU YOD CING BUM PA DMIGS RUNG MA DMIGS PA DANG TSOGS PA LAS GRUB PO ZHES 'DOD PA 'DIR YANG CHOS CAN BUM PA DMIGS PA'I RGYU SU LDAN DU YOD PA NA ZHES BYA BAS DGAG ZHI DMIGS PA YUL LA 'JUG PA YOD PAR STON PAR BYED PA YIN TE, DBANG PO DANG YID BYED LA SOGS PA DE DAG DBANG PO'I SHES PA BSKYED PA LA NUS PA NYAMS PA MED PA GANG ZHIG DE'I TSE BUM PA MED PAR RTOGS PA'I PHYIR, RTAGS PAS LA KHAS BLANGS SO, ,KHYAB PA YOD PAR THAL, GANG GI TSE DBANG PO GZUGS CAN PA DANG, YID BYED DE DAG GI 'BRAS BU DBANG SHES YUL LA 'JUG PA DE'I TSE DE DAG NUS PA NYAMS PAR 'GYUR BA'I PHYIR, DE'I TSE BUM PA MED PAR RTOGS PA DE YANG DGAG GZHI DMIGS PA NYID

YIN PAR THAL, BUM PA MED PAR RTOGS PA GANG ZHIG DBANG PO'I MNGON SUM BSKYED PA'I RKYEN NUS PA MA NYAMS PAR YOD PA'I PHYIR, RTAGS PAS LA KHAS BLANGS, GNYIS PA NI, BUM PA DMIGS SU RUNG BA MA DMIGS PAS BUM MED 'GRUB PAR KHAS BLANGS PAS KYANG SA PHYOGS TZAM DANG BUM PA LAS KHYAD PAR BUM PAS DAG PA'I SA PHYOGS DMIGS PA'I MNGON SUM DE NYID KYI RNAM PA DGAG GZHI LA MTHA' GCIG TU NGES PA KHAS BLANG DGOS PA YIN PAR THAL, GTAN TSIGS LA LTOS PA MED PAR RKYEN GZHAN NUS LDAN DU TSANG BA DANG, BUM PA DMIGS RUNG BA DMIGS PA TZAM LA BRTEN NAS BUM MED RTOGS PAR KHAS BLANGS PA'I PHYIR, GSUM PA DON BSDU BA NI, BUM PA LAS RANG BZHIN KHYAD PAR CAN BUM PAS DAG PA'I SA PHYOGS DMIGS PA'I DBANG PO'I MNGON SUM NYID KYIS GZHAN BUM PA MI DMIGS PA'I BUM PA MED PA RTOGS PA DANG, DE MYONG BA'I RANG RIG MNGON SUM GYIS DE DANG BUM 'DZIN MED PAR RTOGS PA YIN PAR THAL, DE LTAR GONG DU BSGRUBS PA DE'I PHYIR, THA SNYAD ZOR YANG BA'I CHED DU BUM PA MED PA RTOGS PA ZHES BSHAD KYI DON DU NA LTO LDIR BA DMIGS RUNG MA DMIGS RUNG MA DMIGS PA RTOGS ZHES SAM BUM PA DMIGS RUNG MA DMIGS PA RTOGS ZHES BSHAD DO, ,BUM PA DMIGS RUNG MA DMIGS PA RTOGS NA BUM PA MED PAR RTOGS PA 'GAL LO, ZHE NA, MI 'GAL TE, SA PHYOGS 'BA' ZHIG GI RNAM PA SHAR BA'I DBANG PO'I MNGON SUM MYONG BA'I RANG RIG MNGON SUM GYIS BUM PA'I RNAM PA CAN GYI DBANG PO'I MNGON SUM MED PA SHUGS LA RTOGS KYANG BUM PA MED PA

, ,SHUGS LA MA RTOGS PAS BUM PA DMIGS RUNG MA DMIGS PA'I RTAGS KYIS BUM MED BSGRUB DGOS PA BYUNG NA DE NYID KYI PHYIR THA SNYAD 'BA' ZHIG SGRUB PA ZHES BYA'O, ,DE LA NI RTZOD GZHIR YANG SA PHYOGS 'BA' ZHIG GI RNAM PA CAN GYI DBANG PO'I MNGON SUM GYI GZUNG BYAR GYUR PA'I SA PHYOGS RTZOD GZHIR BYA'O, ,GZHUNG 'DI DAG GIS NI, MNGON SUM GYIS DGAG PA BYED PA DANG MED DGAG 'GRUB PA DGAG GZHI DMIGS PA LA NGES PAR BLTOS PAR BSTAN TE, DE LTA MA YIN NA MED DGAG YAN 'GAR BA MNGON SUM GYI GZUNG YUL DU 'GYUR DGOS PAS DNGOS POR THAL BA'I PHYIR RO, ,RANG DON DU MA BSTAN PA'I DGAG RTAGS KYI GNAD DU MA SKABS 'DIR BSTAN TO, ,GSUM PA LA GNYIS, RTZA BA DANG, 'GREL PA'O, ,DANG PO NI; SA PHYOGS SU BUM MED SGRUB PA'I PHYOGS CHOS MNGON SUM GYIS GRUB PA LAS GZHAN DU RTAGS KYIS SGRUB DGOS NA ZHES KHAS BLANGS RJES SU BRJOD NAS PHYOGS SU BUM MED SGRUB PA SGRUB BYED THUG MED DU 'GYUR BAR THAL, BUM PA'I DON MED PA LTO LDIR BA DMIGS RUNG MA DMIGS PA NYID NI LTO LDIR BA'I YUL CAN BKAG PA RTAGS SU BKOD PA'I MI DMIGS PA LAS RTOGS PAR 'GYUR DGOS PA GANG ZHIG DE LTA NA LTO LDIR BA'I YUL CAN BKAG PA'I DMIGS PA MED PA NYID KYANG DE NYID KYI YUL CAN BKAG PA RTAGS SU BKOD PAS MA DMIGS PA GZHAN GYIS BSGRUB DGOS PA'I PHYIR, RTAGS SNGA MA KHAS BLANGS SO, ,GNYIS PA LA GNYIS, THUGS MED DU THAL BA DANG, MYONG BA MED PA RANG GIS GRUB NA HA CANG THAL BA'O, ,DANG PO NI,

LTO LDIR BA 'DZIN PA'I SHES PA MED PA YANG MYONG BA MED PA DE'I YUL CAN BKAG PA'I GTAN TSIGS GZHAN GYIS GRUB DGOS PAR THAL, LTO LDIR BA MED PA MNGON SUM GYIS GRUB PA DE LTA MA YIN PAR GAL TE LTO LDIR BA RANG GI YUL CAN GYI SHES PA MED PA RTAGS SU BKOD PAS LTO LDIR BA'I DNGOS PO MED PA 'GRUB DGOS PA'I PHYIR 'DOD NA, SA PHYOGS SU BUM PA MED PA'I SGRUB BYED THUG PA MED PAR 'GYUR PHAR THAL, LTO LDIR BA DE MED PA YANG MI DMIGS PA'I GTAN TSIGS GZHAN GYIS SGRUB DGOS PA'I PHYIR, 'DOD NA LTO LDIR BAS DAG PA'I SA PHYOGS SU BUM PA'I DNGOS PO MED PA MI RTOGS PA NYID DU 'GYUR BAR THAL, 'DOD PA DE'I PHYIR, GNYIS PA NI, LTO LDIR BA 'DZIN PA'I BLO MED PA NI RANG GIS GRUB PAS THUG MED DU MI 'GYUR RO ZHE NA, ,LTO LDIR PA 'DZIN PA'I MYONG BA MED PA NI RANG NYID KYIS 'GRUB PA MA YIN TE, DE DANG RANG GIS GRUB MA GRUB KYI KHYAD PAR MED PAS YUL LTO LDIR BA MED PA LA YANG RANG GIS GRUB PA'I SKYON DU THAL BAR 'GYUR BA'I PHYIR RO, ,LTO LDIR BA 'DZIN PA'I MNGON SUM DANG DE MED PA GNYIS RANG GIS GRUB MA GRUB KYIS KHYAD PAR MED PA MA YIN PAR THAL, MYONG BA MNGON SUM NI BDAG NYID KYI KHYAD PAR RANG MYONG BA'I RANG RIG MNGON SUM GYIS GRUB PAS DE LAS SGRUB PAR BYED PA GZHAN MED PA YIN GYI MYONG BA MED PA NI RANG RIGS GIS GRUB PA DE LTA MA YIN PA'I PHYIR, GSUM PA DGAG GZHI DANG BRAL BA'I DGAG PA 'JAL BA'I TSAD MA RANG RGYUD PAS GRUB PAR 'DOD PA DGAG PA LA GNYIS, PHYOGS SNGA MA DANG, DE SU NA DBYUNG BA'O, ,DANG PO NI, GAL TE RGYU MTSAN GANG LAS THUG PA MED PA'I

, ,SKYON 'DIR 'GYUR BA LTO LDIR BA RANG GI YUL CAN GYI SHES PA MED PA'I RTAGS LAS LTO LDIR BA'I DNGOS MED PAR GRUB PA YANG MA YIN LA, KHYOD 'DOD PA LTAR SA PHYOGS TZAM DANG LTO LDIR BA RANG LAS KHYAD PAR CAN GYI DAG 'DZIN MNGON SUM GYI SHES PA YOD PA LAS KYANG LTO LDIR BA MED PAR 'GRUB PA MA YIN NO, ,'O NA CI ZHE NA, BUM PA DMIGS PA MED CES BYA BA BUM PA'I DNGOS PO MED PA LA DMIGS PA BUM PA MED PA'I RNAM PA CAN GYI RTOG PA GANG YIN PA DE NYID LAS BUM PA MED PA 'GRUB PA YIN LA MED DGAG GI RNAM PA CAN GYI RTOG PA DE YANG GNYIS PO DER MA 'DUS PA'I TSAR MA RANG RGYUD PA YIN NO ZHE NA, GNYIS PA LA GNYIS, RGYAS PAR BSHAD PA DANG, DON BSDU BA'O, ,DANG PO LA GSUM, DNGOS MED GZUNG DON DU BYED PA'I TSAD MA RANG RGYUD PA MI 'THAD PA DANG, MNGON SUM GYI RIGS 'DRA PHYI MA TSAD MA RANG RGYUD PAR MI 'THAD PA DANG, DRAN PA BCAD SHES DOR MI 'THAD PA'O, ,DANG PO LA GNYIS, RGYAS PAR BSHAD PA DANG, DON BSDU BA'O, ,DANG PO LA GSUM, DNGOS MED KYIS 'BRAS BU BSKYED PA MI 'THAD PA DANG, RKYEN LA BLTOS PA MI 'THAD PA DANG, DNGOS MED LAS SKYEN DNGOS PO LAS SKYE BA BKAG PAR 'GYUR BA'O, ,DANG PO NI, TSAD MA RANG RGYUD PA DE RTAGS LA MI BRTEN PAS RJES DPAG MIN LA MED DGAG GI RNAM PA SHAR BAS MNGON SUM YANG MIN PAS DE RGYU GANG LAS SKYE DRIS PAS MED DGAG GZUNG DON DU BYAS PA LAS SKYE'O ZHE NA, DE LTA NA NI 'O NA DNGOS PO MED PA MED DGAG RTOGS PA DE CHOS CAN, RGYU MTSAN GANG LAS MED DGAG GZUNG DON DU

BYAS PA LAS SKYE BAR 'GYUR TE MI 'GYUR BAR THAL, DNGOS PO MED PA NI 'BRAS BU 'GA'I YANG RGYU MA YIN PA'I PHYIR, DER THAL, DNGOS MED LA DON BYED PA'I NUS PA MED PA'I PHYIR, DER THAL, DON BYED NUS PA NI DNGOS PO'I MTSAN NYID YIN PA'I PHYIR, DE CHOS CAN, KHYOD DNGOS MED DE LAS KYE BA RTAG TU 'BYUNG BAR THAL, DE LAS 'BYUNG BA GANG ZHIG DE NUS PA NYAMS PA MED PA'I PHYIR RO, ,GNYIS PA NI, RANG GI NGO BO RTAG KYANG RKYEN LA BLTOS NAS 'BRAS BU SKYED DO ZHE NA, DNGOS MED CHOS CAN, RKYEN LA BLTOS NAS 'BRAS BU SKYED PA MA YIN PAR THAL, RKYEN LA LTOS PA MED PA'I PHYIR, MA GRUB NA, DNGOS PO MED PAR MI 'GYUR BAR THAL, RKYEN LA BLTOS NAS 'BRAS BU SKYED PA'I PHYIR, KHYAB PAR THAL, RKYEN LA BLTOS PA NI NGO BO SNGAR MED KYI KHYAD PAR GSAR DU THOB PA'I MTSAN NYID CAD YIN PA'I PHYIR DANG, NGO BO SNGA MA 'DOR ZHING PHYI MA GSAR DU THOB PA DE YANG DNGOS PO MTSAN NYID CAN YIN PA'I PHYIR, GSUM PA NI, DNGOS PO MED PA LA 'BRAS BU SKYE'O ZHES BA BA DAM BCAS PAS NI DNGOS PO LAS MI SKYE'O ZHES RGYU TZAM LA DGAG PA BYAS PAR 'GYUR BAR THAL, DNGOS MED KYIS 'BRAS BU SKYED PA GANG ZHIG DNGOS PO MED PA ZHES BYA BA YANG DNGOS PO BKAG PA DES NA'I PHYIR, DE YANG DNGOS PO MED PAS 'BRAS BU BYED CES PAS NI DON BYAD MI NUS PAS DON BYED CES PAR 'GYUR LA DON BYED MI NUS PAS DON BYED PA MI SRID PAS RGYU TZAM LA DGAG PA BYAS PAR 'GYUR LA, GAL TE DON BYED NUS NA DNGOS PO MED PA ZHES BYA BA YANG CHOS CAN, DNGOS PO NYID 'GA' ZHIG MING GZHAN GYIS BRJOD PAR 'GYUR BAR

, ,THAL, DNGOS MED GANG ZHIG DON BYED MI NUS PA DE LTA MA YIN PA'I PHYIR, GNYIS PA NI, DGAG GZHI DANG BRAL BA'I MED DGAG RTOGS PA DE NI CHOS CAN, TSAD MA RANG RGYUD PAR SRID PA MA YIN TE, MI SLU BAR MI RUNG BA DE'I PHYIR, GNYIS PA NI; GAL TE MNGON SUM GYI RIGS 'DRA PHYI MA LA ZER NA SNGON PO MNGON SUM GYIS MTHONG BA'I DE MA THAG PA SNGO 'DZIN MNGON SUM GYI RIGS 'DRA PHYI MA YANG CHOS CAN, TSAD MA RANG RGYUD PAR MI 'GYUR BAR THAL, RANG 'DREN BYED KYI TSAD MA SNGA MAS RTOGS ZIN GYI DON LA 'JUG PA'I PHYIR, MTHA' GZHAN 'GOG PA'I RIGS PAS DE LTAR BSHAD KYI, BCAD SHES LA 'CHAD NA YANG MI RUNG BA MED DO, ,GSUM PA LA GNYIS, RANG STOBS KYI YUL DPYOD PA'I MTHU MED PA TSAD MAR MI RUNG BA DANG, MYONG BA DANG RTAGS LA MI BRTEN PA CHAD MAR MI RUNG BA'O, ,DANG PO NI, LTO LDIR BAS DAG PA'I SA PHYOGS 'DZIN PA'I DBANG PO'I MNGON SUM GYI STOBS KYIS DRANGS PA'I BCAD SHES CHOS CAN, TSAD MA MA YIN PAR THAL, RANG DBANG DU YUL GCOD PA'I MTHU MED PAR TSAD MA DE'I STOBS LAS SKYES PA YIN PA'I PHYIR, KHYAB PA BSGRUB PA NI, 'DREN BYED MNGON SUM DE NYID SA PHYOGS KYI STENG GI BUM MED LA TSAD MAR 'GYUR BAR THAL, DE NYID DE LA SGRO 'DOGS GSAR DU GCOD NUS PA'I MI SLU BA'I SHES PA YIN PA'I PHYIR, DER THAL; BUM PAS DAG PA'I SA PHYOGS 'JAL BA'I DBANG PO'I MNGON SUM DES SA PHYOGS DE'I RNAM PAR GZHAL ZHING RANG STOBS KYIS GZHI DER BUM MED NGES PA'I SHUGS KYIS GZHAN GZHI DER BUM PA YOD PAR 'DZIN PA'I SGRO 'DOGS GSAR DU SPONG BA'I

PHYIR, KHYAB PA YOD PAR THAL, SA PHYOGS DER BUM PA'I RNAM PA GZHAN DANG 'DRES NAS PHYOGS DER BUM PA YOD PAR 'DZIN PA'I SGRO 'DOGS GSAR DU GCOD PA DE MED PA'I PHYIR RO, ,GNYIS PA NI, MNGON SUM GYI STOBS KYIS DRANGS PA'I BUM PA MED DO SNYAM PA'I MI DMIGS PA'I RNAM PAR RTOG PA 'DI NI CHOS CAN, TSAD MA YIN PAR THAL, RANG DBANG DU YUL GCOD PA DBANG PO STE MYONG BA MNGON SUM DANG RTAGS LA MI BRTEN PA'I PHYIR, DER THAL, TSAD MA GZHAN GYI STOBS LAS SKYES PA TZAM DU ZAD PA'I PHYIR, DER THAL, RTOGS ZIN GYI DON LA 'JUG PA DE'I PHYIR, RGYU MTSAN GANG GIS BUM PAS DAG PA'I SA PHYOGS MTHONG BA'I MNGON SUM GYI DE MA THAG PAR SA PHYOGS 'DI NI DMIGS SO SNYAM PA DANG, BUM PA 'DI MA DMIGS SO SNYAM PA'I SGRUB PA DANG DGAG PA'I RNAM BAR RTOG PAR 'GYUR BA DE LTAR SKYES PA'I RTOG PA DE NI CHOS CAN, RJES DPAG GIS DRANGS PA'AM TSAD MA RANG RGYUD PA MA YIN TE, SA PHYOGS MTHONG BA'I MNGON SUM DE NYID LAS SKYES PA'I BCAD SHES YIN PA'I PHYIR, DPER NA G-YU'I KHA DOG SNGON PO MNGON SUM GYIS MTHONG BA NA KHA DOG 'DI NI SNGON PO YIN GYI SER PO NI MA YIN NO ZHES BYA BA BCAD SHES KYIS NGES PA LTA BU'O, ,GNYIS PA NI, SNGAR BSHAD PA'I BLO GSUM PO DE DAG NI CHOS CAN, TSAD MA MA YIN TE, GSAR DU MI SLU BAR MI RUNG BA DE'I PHYIR, GNYIS PA SNANG RUNG DANG MI SNANG BA MA DMIGS PA'I GTAN TSIGS KYI KHYAD PAR LA GNYIS, MI SNANG BA MA DMIGS PAS MED NGES SGRUB MI NUS PA DANG, CIG SHOS KYIS NUS PA'O, ,DANG PO NI, MI SNANG BAM DMIGS PA'I GTAN TSIGS

, ,KYIS MED NGES LAS GZHAN DU PHYIR RGOL GYI NGOR YOD NGES SU DAM BCA' BAR RIGS PAR BZHAG PA 'GOG PA TZAM DU 'GYUR GYI, CIG SHOS SGRUB MI NUS PAR THAL, MI SNANG BA MA DMIGS PA'I RTAGS KYIS RANG PHYOGS KYI CHOS SU GRUB PA'I GZHIR MED PAR NGES PA BSGRUB PAR MI RUNG BA'I PHYIR, DPER NA SEMS CAN GZHAN LA MED NGES SU SGRUB PA'I RTAGS MED PA'I 'DONG CHAGS LA SOGS PA'I RNAM RTOG DANG YON TAN LA SOGS PA MA DMIGS PAS MED NGES SU MI 'GRUB PA BZHIN NO, , 'DIS MI SNANG BA MA DMIGS PA'I GTAN TSIGS GSUNGS PA'I DGOS PA KHYAD PAR CAN BSTAN PAR SHES PAR BYA'O, ,MED NGES SGRUB MI NUS PA'I RGYU MTSAN NI, MI SNANG BAM DMIGS PA'I GTAN TSIGS DE DAG CHOS CAN, YOD NGES LAS LDOG PA MED NGES SGRUB PAR NUS PA MA YIN PAR THAL, 'BRAS BU BSKAL DON YOD MED GANG DU YANG NGES PA MED PA CAN YIN PA'I PHYIR, GNYIS PA NI, 'O NA MED NGES SGRUB PAR GANG GIS NUS ZHE NA MA DMIGS PA'I GTAN TSIGS LA MED NGES SGRUB BYED YOD PAR BSHAD PA DANG MI 'GAL TE, MED NGES SGRUB PA MA DMIGS PA DANG PO'I DBANG DU BYAS PA YIN PA'I PHYIR, DER THAL, DES MED PAR NGES PA SGRUB NUS PA'I PHYIR, CES BYA BA NI BAR SKABS KYI TSIGS SU BCAD PA DAG GO ,GNYIS PA GTAN LA PHEBS NAS GZHAN LA MA DMIGS PA RTAGS SU SBYOR BA'I TSUL LA GNYIS, LHAN CIG MI GNAS 'GAL LA BRTEN PA'I DGAG RTAGS SBYOR TSUL DANG, PHAN TSUN SPANGS 'GAL LA BRTEN PA'I DGAG RTAGS SBYOR TSUL LO, ,DANG PO LA GNYIS, RTZA BA DANG, 'GREL

PA'O; ;DANG PO NI, MA DMIGS PA RANG GI GTAN TSIGS KYI SBYOR BA DAG LA CHOS CAN, RNAM PA GNYIS SU YOD DE, MA DMIGS PA DE'I 'BREL YUL BKAG PA'I DGAG PA RANG GI NGO BO RTAGS SU SBYOR BA'AM DGAG BYA'I CHOS KYI DON LA GNOD BYED KYI 'GAL ZLA'I NGO BO RTAGS SU SBYOR BA RNAMS SU YOD PA'I PHYIR, DANG PO LA GSUM YOD DE, RGYU DANG KHYAB BYED DANG RANG BZHIN MA DMIGS PA'I GTAN TSIGS RNAMS SU YOD PA'I PHYIR, PHYI MA YANG DGAG RTAGS SU 'GYUR TE, GNOD BYA GRANG REG RGYU MA TSANG BA MED PAR YOD PA NA GNOD BYED ME NYE BAR YOD PA LAS GNOD BYA'I RGYUN MED PAR SONG BA LAS 'GAL BAR MTHONG BA'I PHYIR RAM SMOS PAS DGAG RTAGS SNGA MA DANG, GNOD TSUL GZHAN SDUD DO, ,GNYIS PA LA GNYIS, 'BREL YUL MA DMIGS PA RTAGS SU SPYOR BA'I TSUL DANG, 'GAL DMIGS RTAGS SU SBYOR BA'I TSUL LO, ,DANG PO NI, GANG GI TSE MED PAR NGES PA'I 'BRAS BU CAN DGAG BYA'I CHOS LA YOD NGES LAS LDOG PA SGRUB PA'I 'BREL YUL MI DMIGS PA'I GTAN TSIGS CHOS CAN, RTAGS SU RAB TU SBYOR BA DE'I TSE DGAG PA RANG GI NGO BO RTAGS SU SBYOR TE, 'BREL YUL BKAG PA'I SGO NAS DGAG BYA RANG NYID MED PA SGRUB PA'I TSUL GSUM YIN PA'I PHYIR, DPER NA SNGO 'PHYUR BAS DAG PA'I GZHI 'DI NA CHOS CAN, DU BA MED DE, YOD NA DMIGS SU RUNG BA LAS MI DMIGS PA'I PHYIR RO, ZHES PA RANG BZHIN MA DMIGS PA DANG, SHING GIS DAG PA'I GZHI 'DI NA CHOS CAN, SHING SHA BA MED DE, SHING MED PA'I PHYIR RO, ZHES PA KHYAB BYED MA DMIGS PA DANG, ME MED KYI MTSO 'DI NA CHOS CAN, DU BA MED

, ,DE, ME MED PA'I PHYIR RO ZHES BYA BA LTA BU RGYU MA DMIGS PA'O, ,SPROS PA GZHAN NI BSHAD ZIN TO, ,GNYIS PA NI, 'BREL YUL BKAG PA LAS YANG NA DGAG RTAGS DE TZAM DU ZAD PA MA YIN TE, DGAG PAR BYA BA'I CHOS KYI DON LA GNOD PAR BYED PA'I 'GAL ZLA'I NGO BO RTAGS SU NYE BAR BKOD PA'I SGO NAS GTAN TSIGS RAB TU SBYOR BA YOD PA'I PHYIR, DPER NA MES KHYAB PAR NON PA'I GZHI 'DI NA CHOS CAN, GRANG BA'I REG PA RGYUN CHAGS SU GNAS PA MED DE, MES KHYAB PAR NON PA'I TSUL DU YOD PA'I PHYIR RO ZHES BYA BA LTA BU STE SNGAR LE'U GNYIS PAR DPER BRJOD PA BZHIN NO, ,LHAN CIG MI GNAS PA'I 'GAL BA DE YANG JI LTAR RTOGS SHE NA, GZHI 'GA' ZHIG TU GNOD BYA RGYU MA TSANG BA MED PAR 'BYUNG BA LAS DE NAS GZHAN GNOD BYED NYE BAR YOD NA DE'I STOBS KYIS GNOD BYA'I RGYUN MED PAR SONG BA'I PHYIR 'GAL BAR RTOGS TE, DPER NA GRANG BA'I REG PA DANG DRO BA'I REG PA BZHIN NO, ,TSA GRANG LHAN CIG MI GNAS 'GAL DU THAL, RGYUN GCAD BYA GCOD BYED LAS GYUR PA'I 'GAL BA YIN PA'I PHYIR, RGYU 'BRAS NGES PAR BYED PA BZHIN DU TSA GRANG GNYIS KA SNANG RUNG GI GZHIR DANG POR GRANG REG RGYUN LDAN DU 'BYUNG BA MNGON SUM GYIS DMIGS, DE'I RJES SU ME DANG PHRANG PA DMIGS, DE'I RJES SU GRANG REG STOBS CHUNG BA DANG ME STOBS CAN DU SONG BA DMIGS DE'I RJES SU GRANG REG ZLOG CING MES KHYAB PA DMIGS PA LAS LHAN CIG MI GNAS 'GAL DU GRUB PA NI, NGO BO TZAM LHAN CIG TU GNAS PA SRID KYANG RGYUN LA BLTOS NAS LHAN CIG MI GNAS 'GAL DU NGES PAR BYED PA YIN LA, SNANG MUN DANG

MTHONG LAM SDUG BSNGAL LA CHOS BZOD DANG, DE'I NGO SKAL GYI SPANG BYA'I SA BON NI SKAD CIG GCIG TZAM YANG LHAN CIG TU GNAS PA MI SRID KYANG DNGOS KYI GNOD BYA GNOD BYED DU 'THAD PAS 'DI DAG RGYUN GNOD PAR 'DOD PA NI MTHA' MA CHOD PAR SHES PAR BYA'O; ;YANG MNGON PA KUN LAS BTUS SU SNANG MUN DPER BZHAG NAS SPANG GNYEN GYI RNAM GZHAG BYED PA NA DUS GSUM GYI BRTAG PA BYED PA MNGON GYUR LA YIN GYI, SA BON LA MA YIN TE, DE LA NI BAR CHAD MED LAM DANG LA BON DUS GCIG TU YOD PAS DA LTAR BA LAM DANG MNYAM DU MI 'JUG PA RTAGS MA GRUB BO ZHES ZER BA YANG RIGS PA MA YIN TE, DE'I DON NI GNOD BYA'I MTSAN GZHI NGOS 'DZIN PA MA YIN GYI GNOD PA BYED TSUL LA BRTAG PA BYED BA YIN LA, SA BON LA GNOD PA LA YANG GNOD PA BYED PA'I TSUL GSUM GA KHAS LEN MI DGOS PA'I PHYIR RO, ,'DI DAG GI RNAM PAR BZHAG PA RGYAS PAR NI DUS GSUM GYI SANGS RGYAS KYI NGO BO RJE RIN PO CHE THAMS CAD MKHYEN PA BLO BZANG GRAGS PA'I DPAL BZANG PO'I ZHAL SNGA NAS KYIS MDZAD PA'I DBU MA RTZA BA SHES RAB KYI RNAM BSHAD DU BLTA BAR BYA'O, ,GNYIS PA LA GNYIS, PHAN TSUN SPANGS 'GAL LA BRTEN PA'I DNGOS 'GAL GYI DPE DANG, BRGYUD 'GAL LA BRTEN NAS 'GAL KHYAB DMIGS PA'I DGAG RTAGS KYI DPE'O, ,DANG PO LA GNYIS, RTZA BA DANG, 'GREL PA'O, ,DANG PO NI, ME YOD CHOS CAN, ME MED DANG PHAN TSUN SPANGS 'GAL LA BRTEN PA'I DNGOS 'GAL YIN TE, KHYOD DE DANG THA DAD KHYED GNYIS GCIG GI MTSAN NYID ZHUGS PA DER CIG SHOS KYI MTSAN NYID MA ZHUGS PAS MTSAN NYID THA DAD DU GRUB PA'I

, ,SGO NAS BLO NGOR PHUNG GSUM GYI DOGS PA KHEGS PA'I PHYIR, DPER NA BRTAN DNGOS DANG NI 'JIG BA BZHIN NO, ,DON GYI STENG NA GNYIS MA YIN GYI PHUNG GSUM MED PA TZAM GYIS MI CHOG GI GZHI 'GAR GCIG RNAM BCAD LA KHEGS PA'I STOBS KYIS CIG SHOS YONGS GCOD LA RTOGS NUS BA BLO NGOR PHUNG GSUM GYI DOGS LA ZLOG PA GCIG DGOS PA YIN NO, ,TSA GRANG LTA BU PHAN TSUN SPANGS 'GAL TZAM DANG, DNGOS 'GAL TZAM ZHIG YIN MOD KYANG, PHAN TSUN SPANGS 'GAL GYI DNGOS 'GAL MA YIN TE, GZHI DE GRANG REG YIN PA RNAM BCAD LA KHEGS KYANG TSA REG YIN PA YONGS GCOD LA RTOGS MI NUS TE, REG BYA BTANG SNYOMS PA SOGS GNYIS MA YIN GYI PHUNG GSUM DU MA YOD PA'I PHYIR RO, ,GNYIS PA NI, LHAN CIG MI GNAS 'GAL LAS YANG NA DE CHOS CAN, ME MED DANG PHAN TSUN SPANGS TE GNAS PA'I MTSAN NYID KYIS DNGOS SU 'GAL BA YIN TE, GTAN TSIGS NI RTZA BA LTAR RO, ,DPER NA, RTAG BA DANG MI RTAG BA BZHIN NO, ,DNGOS 'GAL 'DI LA NI GCIG RTAGS SU BKOD NAS CIG SHOS 'GOG PA'I RTAGS YANG DAG MI SRID DO, ,GNYIS PA LA GNYIS, RTZA BA DANG, 'GREL PA'O, ,DANG PO NI, MI RTAG PA CHOS CAN, SGRA KHYOD DU SGRUB BA'I RTAGS YANG DAG YIN NA KHYOD MA YIN DANG TSAD MAS GNOD 'GAL YIN TE, SGRA KHYOD DU RTOGS PA'I TSAD MAS SGRA KHYOD MA YIN DU 'DZIN PA'I SGRO 'DOGS KUN BRTAGS LA DNGOS SU GNOD PA'I PHYIR, YANG NI 'GAL BA SNGA MAR MA ZAD PA'O, ,GZHUNG 'DIS BSTAN BA'I 'GAL KHYAB DMIGS PA'I DGAG RTAGS NI DPER NA SGRA CHOS CAN, RTAG PAS

STONG STE, BYAS PA'I PHYIR CES PA LTA BU'O, ,DPER NA SER POR 'GYUR BA PHYIS BYUNG GI TSON DON GZHAN LA BLTOS BCAS DANG NI GRUB TZAM NAS SER POR NGES PA'I DNGOS PO BZHIN NO, ,PHYIS BYUNG GI TSON SER PO LA BLTOS NAS SER POR 'GYUR RUNG GI SNAM BU DKAR PO RTZOD GZHING GZUNG NAS BLTOS BCAS KYIS NGES DNGOS 'GOG PA RTAGS YANG DAG YIN LA 'JIG PAR 'GYUR BA PHYIS BYUNG GI RGYU LA BLTOS PAS 'JIG NGES 'GOG PA MA YIN YANG 'JIG NGES DANG DE TSAD MAS GNOD 'GAL DU SHES PAR BYA'O, ,TSAD MAS GNOD 'GAL NI LDOG NA GNOD PA CAN GYI TSAD MA BSTAN PA'I SGO NAS 'GAL BAR NGES DGOS PAS BRGYUD PA'I 'GAL BA YIN GYI, 'DI DANG THUN MONG BA'I RNAM 'GREL GYI 'GYUR CUNG MI 'DRA BA'I TSIG TZAM LA BRTEN NAS CHED MAS GNOD PA'I 'GAL BA DANG, TSAD MA GZHAN GYIS GNOD PA'I 'GAL BA GNYIS SU PHYE NAS SNGA MA DNGOS 'GAL DANG PHYI MA BRGYUD 'GAL LA BYED PA NI RMONGS PA NGO MTSAR SKYED PA'I RNAM GZHAG YIN NO, ,LHAN CIG MI GNAS 'GAL LA BRTEN PA'I RTAGS DANG DGAG BYA'I CHOS KYI 'GAL BA YANG BRGYUD 'GAL 'BA' ZHIG YIN TE, GRANG REG RGYUN CHAGS SU GNAS PA MED PAS STONG PA DANG, ME'AM MES KHYAB PAR NON PA 'GAL BA GNYIS GANG LA YANG BRTEN PA'I DNGOS 'GAL MA YIN PA'I PHYIR RO, ,GNYIS PA LA GSUM, MDOR BSTAN PA DANG, RGYAS PAR BSHAD PA DANG, 'GAL BA GZHAN DU PHYE BA'I DGOS PA LA RTZOD PA SPANG BA'O, ,DANG PO NI, PHAN TSUN SPANGS 'GAL GYI DNGOS 'GAL LAS YANG NA SGRA MI RTAG PAR SGRUB PA'I MI RTAG PA DE'I RTAG YANG DAG DANG YANG MI RTAG PA MA YIN PA 'GAL

, ,BAR 'GYUR TE, GAL TE SGRA RTAG 'DZIN GYI SGRO 'DOGS KUN BRTAGS DE NYID LA SGRA MI RTAG PAR RTOGS PA'I RJES DPAG TSAD MAS DNGOS SU GNOD PAR BYED PA YIN PA'I PHYIR, RJES DPAG TSAD MAS GNOD PA BYED PA'I TSUL NI, RANG DRAN PA'I 'DU BYED MA NYAMS BAR DU RANG GI GNOD BYA SGRO 'DOGS MNGON GYUR SKYE BA'I GO SKABS BCOM PA'I DON YIN LA, SGRA MI RTAG RTOGS KYI RJES DPAG GI DRAN PA'I 'DU BYED MA NYAMS KYANG SGRA RTAG 'DZIN LHAN SKYES MNGON GYUR SKYE BA MI 'GAL LO, , RTAG 'DZIN KUN BRTAGS NI, RIGS PA'I DPYAD PA ZHUGS NAS SGRA RTAG SNYAM PA DANG, SGRA RTAG PAR 'THAD SNYAM PA'O, ,DPER NA PHYIS BYUNG GI 'JIG RGYU LA BLTOS PA DANG GRUB TZAM NAS 'JIG PAR NGES PA'I DNGOS PO BZHIN NO, ,GNYIS PA LA GSUM, TSAD MAS GNOD 'GAL GYI THAL BA DGOD PA DANG, KHYAB PA MA GRUB PA SPANG BA DANG, RIGS CAN GZHAN LA YANG SBYAR BA'O, ,DANG PO LA GNYIS, DNGOS DANG, KHYAB PA SGRUB PA'O, ,DANG PO NI, TSAD MAS GNOD 'GAL GYI KHYAB PA NGES PAR BYED PA'I TSAD MA YANG GANG ZHE NA, DNGOS PO 'JIG PA DE'I RGYU PHYIS BYUNG DU SMRA BA RNAMS KYI LTAR NA SKYE BA DANG LDAN PAR KHAS BLANGS PA'I DNGOS PO DAG NI CHOS CAN, 'JIG PAR NGES PA MED PAR THAL, 'JIG PA DE'I NGO BOR 'GYUR BA PHYIS BYUNG GI RGYU GZHAN LA BLTOS PAR KHAS BLANGS PA'I PHYIR RO, ,SNGA MA KHA CIG GIS RANG RGYUD 'PHEN PA'I THAL PAR BYAS NAS 'JIG NGES KYIS BLTOS BCAS 'GOG PAR 'DOD PA NI 'THAD PAR MI SEMS TE, 'JIG NGES TSAD MAS GRUB PA'I SNGA ROL TU PHYIS BYUNG GI 'JIG RGYU LA BLTOS BA KHEGS

DGOS PA'I PHYIR RO, ,'DI NI BZLOG NA GNOD PA CAN GYI TSAD MA YOD PA'I THAL THAL BA'I DBE TZAM YIN GYI, RTAGS YANG DAG 'DOD NA RTZA BAR BKOD PA'I DPE BSHAD PA LTAR SHES PAR BYA'O, ,GNYIS PA NI, KHYAB PA YOD PAR THAL, GANG ZHIG GANG GI NGO BOR 'GYUR BA PHYIS BYUNG GI RGYU GZHAN LA BLTOS PAR KHAS BLANGS PA RIGS PA DE LA NI GRUB TZAM NAS DE'I NGO BOR NGES PAR 'GYUR BAM YIN PAS KHYAB PA'I PHYIR, DPER NA GOS SER POR 'GYUR BA LA PHYIS BYUNG GI TSON LA BLTOS NA GRUB TZAM NAS SER PO'I NGO BOR MA NGES PA BZHIN NO, ,GNYIS PA LA GNYIS, RTZOD PA DANG, LAN NO, ,DANG PO NI, PHYIS BYUNG GI 'JIG PA DE'I RGYU RNAMS KYANG 'JIG PA DER BSKYED PAR NGES PA'I PHYIR, BLTOS BCAS YIN YANG NGES DNGOS MA YIN PA'I SKYON MED DO ZHE NA, GNYIS PA LA GSUM, DGAG PA DNGOS DANG DE'I LAN DGAG PA DANG, RANG LA NYES PA MED PA'O, ,DANG PO NI, DNGOS PO'I RGYU LAS PHYIS BYUNG GI RGYU DE DAG CHOS CAN, DNGOS PO'I 'JIG BSKYED NGES MA YIN TE, DE SKYED PA'I MTHUN RKYEN TSAD BA DANG 'GAL RKYEN GYI GEGS MED PAR MA NGES PA'I PHYIR RO, ,DNGOS PO 'JIG PA PHYIS BYUNG GI RGYU LA LTOS PA MA YIN TE, DNGOS PO DE YOD NA RANG GI SKYED PAR BYED PA'I RGYU'I TSOGS PA SNGON DU SONG BA LA RAG LAS PA DNGOS PO'I 'JIG PA DE SKYED PA LA MNGON DU PHYOGS PA PHYIS BYUNG GI 'JIG RGYU GZHAN DAG KYANG YOD PAR 'GYUR BA NI YIN PA'I PHYIR ,DER THAL, PHYIS BYUNG GI 'JIG RGYU RNAMS DNGOS PO'I RGYU LA RAG MA LAS PA'I PHYIR RO, ,YANG NA DNGOS PO 'JIG PA PHYIS BYUNG GI RGYUL RAG MAS LAS PA'I PHYIR RO, ,GNYIS PA NI, 'JIG BYED GZHIG BYA SKYES PA LA RAG LAS PAS GZHIG BYA'I RGYU SNGON DU

, ,SONG BA LA RAG LAS SO ZHE NA, DNGOS PO'I RGYU DE NYID LAS DNGOS PO DE SKAD CIG MA NYID DU GRUB PAR 'DOD PAR 'GYUR PAR THAL, SKAD CIG MA DNGOS PO DE'I KHYAB MNYAM GRUB BDE RDZAS GCIG PA'I CHOS YIN PA'I PHYIR, GZHIG BYA GRUB DUS NA 'JIG PA GRUB NA SKAD CIG MAR JI LTAR 'GYUR TE, DNGOS PO GNAS PA'I DUS MED PA'I PHYIR RO ZHE NA, DNGOS PO CHOS CAN, PHYIS KYANG 'JIG PA MED PAR THAL, SNGAR RANG RGYU LAS 'JIG PAR SKYES PA MED PA'I PHYIR RO, ,KHYAB PAR THAL, DNGOS PO DE NYID LA SNGAR MI 'JIG PA'I RDZAS YIN LA PHYIS 'JIG PA'I KHYAD PAR MED PA'I PHYIR, GSUM PA NI, SKAD CIG LAS MI GNAS NA 'JIG PA'I RGYU MI 'DOD PAR THAL PAR 'GYUR RO ZHE NA, KHYED KYI LTAR MI 'DOD PA YIN GYI 'JIG PA'I RGYU CUNG ZAD KYANG MI 'DOD PA NI MA YIN TE, BUM PA 'JIG PA DE'I NGO BO'AM BUM PA'I RGYU BUM PA'I 'JIG PA DE SKYED PAR BYED PAR CI STE MI 'DOD DE, 'DOD DGOS PAR THAL, BUM PA DE 'JIG PA'AM BUM PA DE'I RGYU BUM PA'I MI RTAG PA SKYE BYED YIN PA NYID KYIS RGYU DE NYID BUM PA MI RTAG PAR NGES PAR BYED PA'I RANG BZHIN YIN PA'I PHYIR, BUM PA'I RGYU LAS BUM PA DANG DE LAS 'JIG RGYU DANG DE LAS 'JIG PA SKYE BA'I BRGYUD PAS CI ZHIG BYA STE BUM PA SKYES TZAM NAS 'JIG PA'I NGO BOR KHAS LEN DGOS PAR THAL, MTHAR BUM PA DE'I RANG GI NGO BO NYID RGYU LAS 'JIG PA DE'I NGO BOR NUS PA'I PHYIR RO, ,KHYAB BAR THAL, MI 'JIG PA'I NGO BOR SKYES NA MTHAR YANG 'JIG PA MI SRID PA'I PHYIR, GNYIS PA NI, 'JIG PAR NGES MA NGES DNGOS SU 'GAL

ZHING BLTOS BCAS DANG NGES DNGOS BRGYUD 'GAL DU BSGRUB PA'I RIGS PA 'DIS NI CHOS CAN, DON GZHAN DAG KYANG RTOGS PAR BYA BAR BSHAD DE, 'JIG PA RES 'GA' BA'I NGO BO DANG, PHYIS BYUNG GI RGYU LA LTOS PA MED PA DAG 'GAL BAR NGES PA'I TSAD MA YANG RTOGS PAR BYA BAR BSHAD PA YIN PA'I PHYIR, LHAN CIG MI GNAS 'GAL LA BRTEN PA'I 'GAL KHYAB DMIGS PA'I GTAN TSIGS KYANG RTOGS PAR SHES PAR BYA'O, ,GSUM PA LA GNYIS, RTZOD PA DANG, LAN NO, ,DANG PO NI, GAL TE BLTOS BCAS DANG NGES DNGOS KYI 'GAL BA DE LTA BU DAG KYANG 'GAL BAR 'DOD NA PHAN TSUN SPANGS TE GNAS PA'I MTSAN NYID KHO NAS 'GAL BA YIN TE, CI STE ZHE NA, 'JIG PA NGES BA MED PAR RTOGS PA'I TSAD MAS 'JIG NGES SU 'DZIN PA'I SGRO 'DOGS LA DNGOS SU GNOD PAS 'JIG PA NGES PA MED PAS NGES PA LA GNOD PA'I PHYI ROR, ,TSAD MA DE BLTOS PA BCAS KYI RTAGS KYIS NI 'JIG NGES KYI 'GAL ZLA 'JIG PAR MA DES PA SGRUB PAR BYED PA YIN NO, ,'JIG NGES LA DNGOS SU GNOD PA NI BA LTOS BCAD KYI RTAGS KYIS BSGRUBS PA'I 'JIG PAR MA NGES PA DE NYID KYIS YIN TE, DE'I PHYIR BLTOS BCAS DANG NGES DNGOS TSAD MAS GNOD PAS 'GAL BA NI MA YIN PAS PHAN TSUN SPANGS 'GAL LAS LOGS SU TSAD MAS GNOD 'GAL PHYE BA LA DGOS PA MED PA YIN NO ZHE NA, PHYOGS SNGA MA 'DI NI TSAD MAS GNOD 'GAL LA DNGOS 'GAL GYIS KHYAB PAR 'DOD PA DAG DANG 'DOD PA GCIG PA YIN PAS BDAG NYID CHEN PO'I RIGS PA KHAS LEN PA DAG PHYOGS SNGA MA'I NANG NA 'DUG MI 'DUG LEGS PAR RTOGS SHIG ,

, ,GNYIS PA NI, 'GAL ZLA 'DZIN PA'I SGRO 'DOGS LA DNGOS 'GAL NGES PA'I TSAD MAS GNOD PA BDEN TE PHAN TSUN SPANGS 'GAL GYI DNGOS 'GAL LAS LOGS SU TSAD MAS GNOD 'GAL DBYER MI RUNG BA MA YIN PAR THAL, DGAG BYA'I CHOS DANG DNGOS SU 'GAL BA BSGRUB BYA'I CHOS KYIS KHYAB PA'I RANG BZHIN GYI GTAN TSIGS KYIS KYANG DON DU NA DGAG BYA'I CHOS DANG BRGYUD NAS 'GAL BA YIN PA'I PHYIR, PHAN TSUN SPANGS 'GAL GYI DNGOS 'GAL LAS LOGS SU TSAD MAS GNOD 'GAL DBYE 'DOD NAS, TSAD MAS GNOD PA'I PHYIR YANG STE, ZHES DE SKAD BRJOD PA LA DGOS PA YOD DE, DES 'PHANGS PA'I RTAGS DE NYE BAR BKOD PAS DGAG RTAGS BCU GCIG PA PHAN TSUN SPANGS 'GAL LA BRTEN PA'I, 'GAL KHYAB DMIGS PA'I RTAGS KYI MI DMIGS PA'I SBYOR BAR 'GYUR RO ZHES BSTAN NAS RTOGS PA'I CHED YIN PA'I PHYIR, DPER NA DPER BRJOD MA THAG PA'I BLTOS BCAS KYI SBYOR BA DE NYID BZHIN NO, ,RANG LUGS KYI RTAGS YANG DAG GI DPE NI RTZA BAR SMOS ZIN LA, BLTOS BCAS KYIS 'JIG NGES 'GOG PA RTAGS YANG DAG TU 'DOD BA NI GNAS MA BU PA'I SDE PA LA SOGS PA YIN GYI, RANG LUGS LA NI THAL BA'I SBYOR BA DPER BRJOD PA DANG, THAL ZLOG DANG THAL BA'I GTAN TSIGS TSAD MAS GNOD 'GAL DU 'DOD PA YIN NO, ,MA NGES PA'I RTAGS KYI GNYEN POR RTAGS YANG DAG GI KHYAB PA LA ZLOG NA GNOD PA CAN GYI TSAD MA STEN PA NI, RTAGS DANG DGAG BYA'I CHOS KYI 'GAL BA STON PA 'DI NYID YIN LA, DE YANG SGRUB TSUL DANG MTHUN PA'I RTAGS DANG

DGAG BYA'I CHOS KYI GZHI MTHUN LA GNOD PA STON PA 'DI NYID YIN PAS THA DAD GZHI MTHUN MI SRID PA 'GAL BA'I DON LDOG TU RIGS PA'I GSANG LA LEGS PAR GNAS PA YIN PAS 'GAL BA DANG GNOD BYED DON GCIG TU 'DOD PA'I RIGS PA RTZING POR SMRA BA'I RJES SU 'BRANG BAR MI BYA'O, ,GSUM PA BSGRUB BYA LA BLTOS NAS RTAGS GNYIS SU NGES PA MI 'THAD PA'I RTZOD PA SPANG BA LA GNYIS, RTZOD PA DANG, LAN NO, ,DANG PO NI, 'DI NI SNGAR LE'U GNYIS PAR BSTAN PA DAG GI YANG RTZOD SPANG DU BSHAD LA; DGAG BYA 'GOG TSUL DANG, BSGRUB BYA SGRUB TSUL LA BLTOS NAS KHYOD KYIS MA DMIGS PA'I RTAGS KUN YOD NGES 'GOG BA DANG, MED NGES SGRUB PA GNYIS SU 'DUS PAR KHAS BLANGS PA KHAS BLANGS NANG 'GAL LO ZHES RTZOD PA YIN PAS MA DMIGS PA'I RTAGS SPYI'I RTZOD SPANG DU SBYAR RO, ,GRANGS CAN PA NA RE, CI STE RTAGS GNYIS SU NGES NA SLOB DPON PHYOGS KYI GLANG POS GTZO BO LA SOGS PA DE DAG NA CHOS CAN, YOD PA MA YIN TE, MI DMIGS PA'I PHYIR RO ZHES BYA BA GNYIS PO DER NGES PA MI 'THAD DE, RTAGS DE LA CI LTAR MED PA'I THA SNYAD GRUB PA'AM YOD PAR NGES PA'I THA SNYAD BKAG PAR 'GYUR TE DE GNYIS GANG DU YANG MI 'GYUR RO, ,CI LTAR MI 'GYUR ZHE NA GTZO BO YOD DAM MED, DANG PO LTAR NA, DAM BCA'I TSIG DE RANG TSIG 'GAL BAR 'GYUR LA, GNYIS PA LTAR NA, GTZO BO'I DON DE YOD PA MA YIN TE ZHES DGAG PA LA CHOS CAN GTZO BO BRJOD PA'I TSIG SBYAR BA RIGS PAR MED PA'I PHYIR TE, GTZO BO GZHI MA GRUB PA'I PHYIR, DES NA GTZO BO YOD PA DE MA BKAG PA'I PHYIR TE, DGAG MI NUS PA'I PHYIR, DE YANG YUL

, ,DGAG GZHI MED PA'I BKAG PA MI RUNG BA'I PHYIR RO ZHE NA, 'DI'I PHYOGS SNGA MA LONGS NAS DE LEGS PAR KHEGS PA NI MNGON PO KLU SGRUB KYI DGONGS PA 'GREL BA'I SKABS SU YANG SHIN TU GNANG CHE BAR YOD DO, ,GNYIS PA LA GNYIS, GTZO BO LA SOGS PA'I SGRA SBYOR BA LA SGRA DON KHAS BLANGS PAS CHOG GI GTZO BO RANG MTSAN MI DGOS PA DANG, SGRA DON DGAG PAR MI RIGS PA'O, ,DANG PO LA GSUM, MTSAMS SBYAR BA DANG, RTZA BA DANG, DE'I DON RGYAS PAR BSHAD PA'O, ,DANG PO NI, GTZO BO MED NA GTZO BO ZHES PA'I SGRA SBYOR PA MI 'THAD PA'I SKYON 'DI NI MED DE 'DI LTAR, GNYIS BA LA GSUM, RANG MTSAN MED KYANG SGRA DON LA BRTEN NAS SGRA SBYOR BA DANG, SGRA DON GYI DBYE BA DANG, CHOS CAN MED PAS PHYOGS CHOS MA GRUB PA'I SKYON MED PA'O; ;DANG PO NI, GTZO BO RANG MTSAN MED NA GTZO BO ZHES PA'I SGRA SBYOR BA MI 'THAD PA'I SKYON MED PAR THAL, DE MED KYANG THOG MA MED PA'I RTOG PA'I BAG CHAGS LAS BYUNG BA'I RNAM BAR RTOG PAS YONGS SU BSGRUBS SHING SGRO BTAGS PA'I SGRA DON BRJOD BYAR TSAD MAS GRUB PA LA BRTEN NAS SGRA SBYOR BA'I PHYIR, RTOG PA'I GZUNG YUL SGRO BTAGS SU 'JOG PA'I TSUL LA KHA CIG ,GZUNG RNAM LA PHYI ROL TU SGRO BTAGS PA YIN NO ZHES ZER BA NI SLOB DPON CHOS MCHOG GIS BKAG PA LTAR MI 'THAD PAR SHES PAR BYA'O, ,RTOG PA LA RGYANGS CHAD DU SNANG BA 'DI RTOG PA'I GZUNG YUL DANG SGRA DON DANG, SGRO BTAGS YIN LA RTOG PA RANG RGYU LAS SGRO BTAGS 'DZIN BYED DU SKYES PA YIN NO, ,'DIS SGRA DON SGRA'I BRJOD BYAR STON PA YIN GYI SGRA DON CHOS CAN ZER DGOS

BAR STON PA MIN NO, ,GNYIS PA NI, SGRA DON CHOS CAN, CHOS NI RNAM PA GSUM DU YOD DE, DNGOS POR YOD PA BUM PA DANG DNGOS POR MED PA BUM MED DANG, SA PHYOGS BUM MED LTA BU GNYIS KA LA BRTEN PA'I RTOG PA'I GZUNG YUL RNAMS SU YOD PA'I PHYIR, RTOG PA LA GTZO BO MTSAN NYID LNGA LDAN DU SNANG BA DE MTSAN NYID LNGA LDAN GYI GTZO BO'I DNGOS PO'I RNYE LEN CAN MIN PAR SGRUB PA LA CHOS CAN MA GRUB PAS PHYOGS CHOS MA GRUB PA'I SKYON MED PAR THAL, MTSAN NYID LNGA LDAN GYI GTZO BOR JI LTAR SNANG BA DE LTA BUR DMIGS RUNG MI DMIGS PA DE MTSAN NYID LNGA LDAN GYI GTZO BOR SNANG BA DE NI GTZO BO DNGOS PO BA'I NYER LEN CAN DU MED PAR SGRUB PA'I TSUL GSUM PA'I GTAN TSIGS YIN PA'I PHYIR, NYER LEN DANG NYER LEN CAN GYI DON NI, GTZO BO MTSAN NYID LNGA LDAN GYI SNANG BA 'DI GTZO BO MTSAN NYID LNGA LDAN PHYI ROL NA YOD PA DE'I RNAM PA NYE BAR BLANGS BA MA YIN PA STE, GTZO BO RNAM PA GTONG BYED NYE BAR LEN RGYU DANG GTZO SNANG DE NYE BAR LEN PA CAN MA YIN PA'I DON TO, ,GRANGS CAN RANG GI ZHE 'DOD 'GOG PAR BYED NA NI, GTZO BO CHOS CAN, RNAM 'GYUR SNA TSOGS KYI NYER LEN DU MED DE, NYER LEN DU YOD NA DMIGS SU RUNG BA LAS MA DMIGS PA'I PHYIR, CES BRJOD PAR BYA'O, ,GTZO SNANG DE NYID NI MED PA MA YIN TE, GTZO BO ZHES PA'I SGRA SBYOR BA MTHONG BA'I PHYIR, GSUM PA LA GSUM, GTZO BO'I SGRA DON SGRO BTAGS SU BSGRUB PA DANG, RANG MTSAN YIN PA DGAG PA DANG, CHOS CAN MA GRUB PAS PHYOGS CHOS MA GRUB PA'I SKYON MED BA'O, ,DANG PO LA GSUM, SGRUB BYED KYI RIGS PA DANG, SGRA DON GYI DBYE BA DANG

, ,CHOS CAN MED PAS GTAN TSIGS MI 'THAD PA SPANG BA'O, ,DANG PO LA GSUM, GTAN TSIG DGOD BA DANG, DE'I SGRUB BYED DANG, RTOG PA LA MI SNANG BA SGRA DON DU MI 'THAD PA'O, ,DANG PO NI, GTZO BO ZHES BRJOD PA'I SGRA 'DI DAG CHOS CAN, MTSAN NYID LNGA LDAN GYI GTZO BO RANG GI MTSAN NYID KYI YUL CAN NI MA YIN TE, THOG MA MED PA'I DUS CAN GYIS RTOG PA'I BAG CHAGS LAS BYUNG BA'I RNAM PAR RTOG BA LA SNANG BA'I GTZO BO'I SGRA DON 'BA' ZHIG BRJOD BYA'I YUL NYID DU BDAG GIR BYED PA'I PHYIR, GNYIS PA NI, GTZO BO'I SGRA DON GYIS MTSON PA'I SGRA DON DE NI 'CHAD PA BO DANG NYAN PA PO'I RNAM BAR RTOG PAR LA BRTEN PA'I GZUNG BYA YIN TE, 'CHAD PA PO'I RTOG PA LA JI LTAR SNANG BA'I DNGOS PO BSTAN PAR 'DOD PAS SGRA SBYOR PA'I PHYIR DANG, NYAN BA PO'I RGYUD LA 'CHAD PA PO'I RTOGS PA LA SNGAN BA DE'I RNAM PA CAN GYI RNAM BAR RTOG PA BSKYED PA'I PHYIR RO, ,GSUM PA NI, KHYAB PA YOD PAR THAL, NYE BAR LEN PA 'CHAD PA PO DANG 'BRAS BU'I SHES PA NYAN PA PO'I RTOG PA LA SNANG BA MA YIN PA'I RANG BZHIN NI RTOG PA DE'I GZUNG YUL NYID DU NGES PAR NUS PA MA YIN PA'I PHYIR, GNYIS BA NI, SGRA DON DE NI DNGOS PO DANG DNGOS PO MED BA DANG GNYI GA'I RNAM PAR SHAR BA'I CHOS ZHES BRJOD PA RNAM PA GSUM DU YOD DE, RTOG PA DE LA SNANG BA'I RNAM PAR ZHEN PA'I SNANG TSUL MI 'DRA BA'I DBANG GIS GSUM DU YOD PA'I PHYIR, DER THAL, RNAM PAR RTOG PA DE NI DNGOS POR YOD BA DANG MED BA DANG GNYIS KYI RNAM PA CAN GYI SHES PAS BSKYED PA'I BAG CHAGS LAS BYUNG BA YIN PA'I PHYIR,

DNGOS POR YOD PA GZUGS SGRA LA SOGS PA DANG, DNGOS POR MED PA 'DUS MA BYAS KYI NAM MKHA' SOGS DANG GNYIS KA TSOGS PAS PHYOGS BUM STONG SOGS SO, ,GSUM PA NI, SGRA DON 'CHAD NYAN BYED PA PO DANG RGOL PHYIR RGOL GNYIS KA LA MTHUN SNANG DU GRUB PA DE'I PHYIR, MTSAN NYID LNGA LDAN GYI GTZO BO'I NYER LEN CAN DU MED PAR SGRUB PA'I SHES 'DOD DANG LDAN PA'I GZHI CHOS CAN MED PA'I SKYON MED PAR THAL, CHOS CAN GTZO SNANG DE MTHUN SANG DU GRUB PA LA GNAS PA RNAMS NI SPYI GTZO ZHES PA'I SGRA'I BDAG RKYAN LAS RTOG PA LA SNANG BA'I DON GTZO SNANG 'DI GTZO BO DNGOS PO'I NYE BAR LEN BCAN YIN NAM 'ON TE MA YIN ZHES DE YOD PA DANG MED PA NYID DU SEMS PAR BYED PA'I SHES 'DOD CHOS CAN YIN PA'I PHYIR, GTZO BO'I SGRA DON DE NI CHOS CAN, GTZO BO DNGOS PO'I NYE BAR LEN PA CAN MA YIN PAR BSGRUB BA LA SHES 'DOD CHES CAN YIN TE, PHYIR RGOL SHES 'DOD DANG LDAN BA'I NGOR RGOL BAS DE SGRUB KYI BSGRUB BYA'I CHOS KYI DPAG GZHIR GZUNG BA YIN PA'I PHYIR, GTZO SNANG DANG GTZO BO RANG MTSAN GRANGS CAN PA GCIG TU ZHEN PAS SHES 'DOD KYI GZHIR 'THAD PA YIN NO, ,SGRA DON DE MED DO ZHES SPANG BAR 'OS PA MA YIN PAR THAL, RTOG PA SO SOR RANG NYAMS SU MYONG BA'I RANG RIG MNGON SUM GYIS SHUG LA RIG PA YIN PA'I PHYIR, YANG NA DE SPANG 'OS PA MA YIN TE, BSGRUB BYA'I CHOS BRTEN PA'I GZHI YIN PA'I PHYIR, GNYIS PA LA GNYIS, RANG MTSAN YIN PA RANG RGYUD KYIS DGAG PA DANG, THAL 'GYUR LA BRTEN NAS DGAG PA'O, ,DANG PO NI, SGRA DON DE NYID RANG GI MTSAN NYID YIN NO ZHES

, ,NI BRJOD PAR MI NUS TE, MA THOB PA MA 'ONGS PA DANG 'GAGS PA'I DON LA RTOG PA DAG LA YANG SGRA DON GZUNG YUL DU BYED PA DE MI LDOG PA'I PHYIR, CHOS SNGA MA LA RTAGS KYI RNAM GRANGS GZHAN STON BA NI GNAS TSOD KYI DNGOS PO LA PHYIN CI LOG GI RNAM PAR MNGON PAR ZHEN PA MU STEGS BYED GZHAN GYI SGRA RTAG 'DZIN GYI SHES PA LA YANG DE'I SGRA DON GZUNG YUL DU SNANG BA'I PHYIR RO, ,GNYIS PA LA GNYIS, THAL BA SO SOR DGOD BA DANG, DON BSDU BA'O, ,DANG PO NI, LTA BA'I BYE BRAG MI MTHUN PA GZHAN DAG GIS SGRA LA SOGS PA'I DON RNAMS LA NI RTAG BA DANG MI RTAG CES BRJOD PA'I SGRA RNAMS DAG 'JUG PA GZUNG DON GYI RGYU MED PA CAN DU MI 'GYUR BAR THAL, 'DAS BA DANG MA SKYES PA LA YANG RTOG PA MI 'JUG PAR THAL, TSIG 'GA' ZHIG KYANG RDZUN PA YI DON CAN NYID DU MI 'GYUR BAR THAL, RTOG PA THAMS CAD MTHA' GCIG TU DON DAM PAR GRUB PA'I GZUNGS YUL 'DZIN PA LA 'JUG PA'I PHYIR, THAL BA SO SO LA RTAGS DE NYID BKOD NAS RANG RGYUD 'PHEN PAR SHES PAR BYA'O, ,GNYIS PA NI, RTOG PA 'DI DAG CHOS CAN, BLO RNAM PAR RTOG PAS BTAGS BA'I DON GYI GZUNG YUL CAN DU 'DOD RIGS YIN TE, GZUNG YUL 'DZIN PA GANG ZHIG DE LAS GZHAN DU NA SNGAR BSHAD PAS GNOD PA'I PHYIR, CES BYA BA NI SDUS BA'I TSIGS SU BCAD PA DAG GO, ,GSUM PA NI, DE LA JI LTAR 'DOD PA'I RANG BZHIN GYI GTZO SNANG DE GTZO BO DNGOS PO BA'I NYE BAR LEN PA CAN MA YIN PA BSGRUB PAR BYA BA LA CHOS CAN MED PAS SGRUB PAR BYED PA'I PHYOGS

CHOS MA GRUB PA'I SKYON YOD PA MA YIN PAR THAL, DE LTAR YOD NA DMIGS SU RUNG BA LAS MI DMIGS PA'I GTAN TSIGS KYI CHOS SHES 'DOD CHOS CAN TSAD MAS MA GRUB PA DE'I STENG DU 'GOD TSUL DANG MTHUN PA'I PHYOGS CHOS SU YOD PA'I PHYIR, GNYIS PA LA GSUM, SGRA DON DGAG MI NUS PA DANG, BKAG PA LA DGOS PA MED PA DANG, LUNG DANG 'GAL BA SPANG BA'O, DANG PO NI, MTSAN NYID LNGA LDAN GYI GTZO BO YOD MED DU DPYOD PA'I SKABS 'DIR SGRA'I BDAG RKYEN LA BRTEN PA'I RNAM PAR RTOG PA LA SNANG BA'I SGRA DON DE NYID LA MANG DO ZHES BSNYON BA YANG RIGS PA MA YIN TE, RTOG PA LA SNANG BA'I DON DE BLO LA BZHAG PA'I DON DU SGRA SBYOR BA'I PHYIR, KHYAB PAR THAL, SGRA DON DE MED NA SGRA SBYOR BA MI RUNG BA'I PHYIR RO, ,GNYIS PA LA GSUM, MTSAMS SBYAR BA DANG, RTZA BA DANG, 'GREL BA'O, ,DANG PO NI, RANG RIG MNGON SUM GYIS GRUB PA DANG, SGRA SBYOR BA MTHONG BA'I RTAGS LAS SGRA DON 'GOG PA MI 'THAD PA LAS GZHAN YANG DGAG SGRUB BYED PA'I SKABS SU SGRA DON YOD PA LA BSNYON DU MED PA STON PA'O, ,GNYIS PA NI, DGAG SGRUB BYED PA RNAMS KYIS SGRA DON MED DO ZHES BSNYON MI RIGS PAR THAL, RTOG PA LA SNANG BA'I DON MTHUN SNANG DU MA GRUB NA KHYAD PAR GYI CHOS LA DPYOD PA MI RUNG BA'I PHYIR, BTZO BSREG DON GNYER GYI SKYES BU ME'I SGRA DON MED DO ZHES BSNYON PA MED PA RNAMS KYIS ME'I SGRA DON YOD MED DPYAD DGOS PA MA YIN TE, MED YOD MED DPYOD BA'I SNGA ROL NAS RTOG PA LA MER SNANG BA GRUB ZIN MA BRJOD PA'I PHYIR, ME'I SGRA DON LA MI BSNYON PA

, ,RNAMS KYIS ME YOD MED KYI PHYOGS GNYIS KYI BYE BRAG GIS PHYE NAS ME'I DNGOS PO NYID NI DPYAD PAR BYA STE, BTZO BSREG DON DU GNYER BA GANG ZHIG ME DE LAS BTZO BSREG GI 'BRAS BU 'BYUNG BA RAG LAS PA'I PHYIR, SNGON GYI MKHAS PA KHA CIG GZHAL BYA LA DNGOS POS KHYAB STE, DGAG RTAGS LA BRTEN PA'I TSAD MA NI DNGOS PO 'GOG PA LA MI SLU BA DANG, SGRUB RTAGS LA BRTEN PA'I TSAD MA NI DNGOS PO SGRUB PA LA MI SLU BA YIN PAS SNGA MA'I GZHAL BYA MA KHEGS NA BSLU BAR 'GYUR ZHING PHYI MA'I GZHAL BYA MA GRUB NA BSLU BAR 'GYUR BAS DNGOS PO NYID LA YOD MED KYI PHYOGS GNYIS SU PHYE NAS DPYOD PA'I DON NI DE YIN NO, ZHES GSUNG BA NI RIGS PA'I DPYAD PA CUNG ZANG KYANG MI BZOD PA GCIG SNANG STE, RNAM 'GREL GYI RNAM BSHAD DU BSHAD ZIN TO, ,MTSON BYED TZAM BRJOD NA, RGYU MA DMIGS PA'I RTAGS LA BRTEN PA'I RJES DPAG DES ME MED KYI MTSO LA DU BA MED DO SNYAM DU NGES NA NI DE NYID GZHAL BYA YIN GYI, DGAG BYA 'JAL BAS CI ZHIG BYA, DE LA DU BA YOD DO SNYAM DU ZHEN NA NA GCAD BYA SGRO 'DOGS DANG ZHE NA STANGS MTHUN PA GNOD BYA GNOD BYED DU SUS KYANG SGRUB MI NUS PA'I PHYIR RO, ,ZHE NA TSUL GYI KHYAD PAR GZHAN YANG KHEGS PAS SHIN TU BZHAG PAR DKA'O, ,GSUM PA LA GSUM, SGRA DON GYIS SKYES BU LA PHAN GNOD MI SKYED PA DANG, 'BRAS BU 'DOD NA DNGOS PO DON DU GNYER RIGS PA DANG, DON BYED MI NUS PA DON DU GNYER MI RIGS PA'I DPE'O, ,DANG PO NI, SGRA'I DON NI YOD KYANG BTZO BSREG DON GNYER GYI SKYES BU'I DON CUNG ZHIG KYANG 'GRUB PA,

MA YIN TE, CI LTAR MER MNGON PAR ZHEN PA'I RANG BZHIN RTOG PA LA MER SNANG BA ME'I DE KHO NA NYID MA YIN PA'I PHYIR, YOD DAM MED KYANG RUNG BTZO BSREG DON GNYER GYI SKYES BU'I DGOS PA'I GTZO BO CUNG ZAD KYANG NYAMS PA MA YIN TE, SGRA DON GYIS DON BYED MI NUS PA GANG ZHIG DON BYED MI NUS PA DE KHO NA NYID CI LTA BA BZHIN 'DOD PA MED PA'I PHYIR RO, ,YANG NA ME'I DE KHO NA NYID CI LTA BA BZHIN GZHAN DANG MA 'DRES PAR RTOG PA LA SNANG BA MED PA'I PHYIR RO, ,GNYIS PA NI, SGRA DON BKAG PA LA DGOS NUS MED PA DE'I PHYIR, DUS DANG GNAS SKABS THAMS CAD KYI TSE, BTZO BSREG DON GNYER GYIS ME 'DI YOD PA DANG MED PAR DPYOD PA 'JUG PA NA MER RNAM PAR RTOG PA'I SNANG BA ME RTOGS PA'I TSAD MA'I 'JUG YUL YIN PA SPANGS TE ME YOD MED DPYAD PAR RIGS TE, GANG LA SKYES BU'I BTZO BSREG GI DON 'DI 'BREL ZHING BSGRUB NUS PA ME'I DNGOS PO NYID LA RAG LAS NAS GNAS PAR BYED RIGS PA'I PHYIR, CI LTAR GRANG BA SEL BA LA SOGS PA LA ME BZHIN NO, ,DE LA SGRA'I DON NI BTZO BSREG GI DON BYED NUS PA MA YIN TO, DE RANG RIG MNGON SUM GYIS SHUGS LA NYAMS SU MYONG BA STE RTOGS PAR GYUR KYANG DE DNGOS POR MED PA'I PHYIR RO, ,GSUM PA NI, BTZO BSREG GI DON BYA BA DON DU GNYER BA'I SKYES BU 'DIS CHOS CAN, BTZO BSREG GI DON DE MI NUS PA LA CHED DU GNYER BAR RIGS PA MA YIN TE, DES KHYOD KYI 'DOD DON SGRUB PAR MI NUS PA DE'I PHYIR, 'KHRIG PA DON GNYER GYI 'DOD PA DANG LDAN PA BUD MED DAG GIS CHOS CAN, 'KHRIG PA'I 'DOD DON DE SGRUB PA'I CHED DU SKYES PA'I CHA BYAD 'DRA BA'I MA NING KHYAD

, ,GZHIR GZUNG NAS KHYAD CHOS GZUGS BZANG BA DANG NGAN PA BRTAG PA LA LHUR LEN PA NI RIGS PA MA YIN PAR THAL, DES KHYOD KYI 'KHRIG PA'I 'DOD DON DE SGRUB MI NUS PA'I PHYIR, GSUM PA LA GNYIS, DRI BA DANG, LAN NO, , DANG PO NI, GANG YANG KHYED SGRA DON DGAG BYAR MI 'DOD NA MDO MDZAD PAS 'DI SKAD DU BTAGS PA'I CHOS MI DMIGS PA ZHES SGRA DON MED PAR BSHAD PA DE'I DON CI YIN ZHE NA, GNYIS PA NI, SGRA'I DON NYID CHOS CAN, BTAGS PA NYID DU STON PA'I RGYU MTSAN YOD DE, RTOG PA'I SHES PA'I GZUNG YUL YIN PA NYID KYIS BTAGS PA'I CHOS SU GSUNGS PA'I PHYIR, BTAGS PA'I CHOS MI DMIGS PA ZHES GSUNGS PA'I DGONGS PA NI SGRA DON MED PAR STON PA'I DON MA YIN TE, DNGOS PO'I NYER LEN LA BRTEN PAR DMIGS RUNG MI DMIGS PA NYID NI SGRA DON DE'I CHOS YIN NO ZHES PA'I DON 'DI YIN PA'I PHYIR, RIGS PA'I DBANG PHYUG GIS, LUNG 'DI'I DON SGRA DON MED PAR GO BA LA DMIGS PHUG PA'I DGAG PA MDZAD BZHIN DU RTOG BTAGS TSAD MA'I GZHAL BYA RNAL MA MIN ZHING TSAD MA'I GZHAL BYA YIN NA RANG MTSAN YIN PAS KHYAB PAR 'DOD PA DGONGS PA LAS PHYI ROL TU GYUR PA CHES GSAL BA YIN NO, ,GSUM PA DON BSDU BA LA GNYIS, DNGOS DANG, RANG BZHIN GYI GTAN TSIGS KYI DBYE BA BSHAD ZIN DRAN PAR BYED PA'O, ,DANG PO NI, PHYOGS CHOS KYI RAB DBYE STON PA'I SKABS SU, RANG BZHIN MA DMIGS PA'I GTAN TSIGS KYI DPE DNGOS SUM SMOS PA'I RGYU MTSAN YOD DE, DE NI RANG BZHIN GYI GTAN TSIGS DPER BRJOD PA NYID

KYIS DE YANG DON GYI SHUGS KYIS DPER BRJOD PA YIN PAS DNGOS SU MA SMOS PA'I PHYIR, CIG SHOS DPER BRJOD PAS DE'I DRI BA YANG GO BAR THAL, RANG BZHIN MI DMIGS PA RANG BZHIN GYI GTAN TSIGS KYI NANG DU 'DUS PA YIN NO, ZHES BYA BA 'DI NI DON LA GNAS PA YIN PA'I TSUL GYIS CIG SHOS KYI DPE GO BA DE'I PHYIR, GNYIS PA NI, RANG BZHIN MA DMIGS PA'I GTAN TSIGS DNGOS NANG DU 'DUS PA'I RANG BZHIN GYI GTAN TSIGS DE YANG CHOS CAN, RNAM PA GNYIS SU YOD DE, RTAGS KYI NGO BO BRJOD PA'I SGRAS KHYAD PAR GYI BYE BRAG BLO YUL DU 'PHANGS PA LA BLTOS PA'AM DE LA MI LTOS PA'I 'BA' ZHIG PA GNYIS SU BSTAN PAR BYA BA YIN NO ZHES LE'U GNYIS PAR BRJOD ZIN PA'I PHYIR, DPER NA SGRA 'JIG PAR SGRUB PA LA BYAS PA DANG DNGOS POR YOD PA NYID RTAGS SU BKOD PA BZHIN DU'O, ,'DI SNGA MA'I DON BSDU'I 'PHROS DANG, RTZOD PA 'OG MA'I SKABS DGOD PA GNYIS KA LA SBYAR BAR BYA'O, ,GNYIS PA RANG BZHIN GYI GTAN TSIGS LA RTZOD PA SPANG BA LA GNYIS, PHYOGS SNGA MA BRJOD PA DANG, DE SUN DBYUNG BA'O, ,DANG PO LA MTSAMS SBYAR BA NI, RANG BZHIN GYI GTAN TSIGS DE LTAR YIN PA DE LA ZHES PA'O, ,RTZA BA NI, GRANGS CAN PA NA RE, GAL TE YOD PA SGRA MI RTAG PAR SGRUB PA'I GTAN TSIGS KYI RANG BZHIN YIN NA GTZO BO YOD PA JI LTAR BSGRUB BYA MIN TE MTSUNGS PA'I PHYIR RO, ,GTZO BO YOD PA BSGRUB BYA YIN PA LA KHYED KYIS YOD TZAM GRUB ZIN YOD PA'I KHYAD PAR DPE LA RJES 'GRO MED PA'I SKYON GTAN TSIGS LA YANG MTSUNGS TE, YOD TZAM GRUB ZIN YOD PA'I BYE BRAG DPE LA RJES 'GRO MED PA NI

, ,GTAN TSIGS LA YANG MTSUNGS PAS YOD PA GTAN TSIGS DANG BSGRUB BYA GNYIS KA DAG TU 'GAL BA NYID DU 'GYUR LA, GAL TE YOD PA GTAN TSIGS YIN NA GTZO BO CHOS CAN, YOD DE, KHYAD PAR RNAMS RJES SU 'GRO BA MTHONG BA'I PHYIR RO, ZHES PA'I RTAGS LAS GTZO BO YOD PA YANG RTAGS KYIS SGRUB NUS PAR 'GYUR RO ZHES ZER TO, ,GRANGS CAN GYI GZHUNG LAS, KHYAD PAR TSAD PHYIR RJES 'GRO'I PHYIR, ,NUS PA 'JUG PA'I BDAG NYID PHYIR, ,RGYU DANG 'BRAS BU'I BDAG NYID PHYIR, ,'JIG RTEN SNA TSOGS DBYER YOD PHYIR, ,MI GSAL BA YI RGYU YOD DO, ZHES GTZO BO SGRUB PA'I GTAN TSIGS LNGA BKOD PA'I GCIG YIN NO, ,KHYAD PAR NI BDE SDUG BTANG SNYOMS GSUM CHA MI MNYAM PA YIN LA DE DE TZAM LNGA LA RJES 'GRO BYED PA MTHONG BAS DE GSUM CHA MNYAM PA'I GTZO BO YOD PAR SGRUB PA YIN LA, SNGA MA KHA CIG GIS KHYAD PAR RNAMS LA RJES 'GRO BYED PA MTHONG ZHES 'GOD PA NI, GRANGS CAN GYI 'DOD PA MA YIN NO, ,DE'I DON 'GREL PA NI, GRANGS CAN PA NA RE, GAL TE YOD PA DE SGRA LA MI RTAG PA NYID DAM BSGRUB BYA GZHAN LA GTAN TSIGS YIN NA YOD PA GTZO BO LA BSGRUB PAR BYA BAR YANG CI STE MI 'DOD, 'DOD RIGS PA LA KHYED SANGS RGYAS PAS GTZO BO DE YOD PA DE LTAR BSGRUB PAR BYA BA YIN NA YOD TZAM BSGRUB PA LA DGOS PA MED PAS GTZO BO DE RTAG GCIG SOGS MTSAN NYID LNGA LDAN KHYAD PAR CAN DU BSGRUB DGOS PAR 'GYUR NA DE 'DRA'I KHYAD PAR NI GTZO BO'I STENG DU BSGRUB PAR NUS PA NI MA YIN TE, DPE LA RJES SU 'GRO BA MED PA'I PHYIR RO ZHES KHYED SANGS

RGYAS PAS SKYON BRJOD PAR GRAG STE, CI LTAR GRAG NA, TSAD MA'I YUL MA SHES PA'I PHYIR, ,BSGRUB BYA'I CHOS KYANG SGRUB PAR BYED, ,RGYAS PA'I TSIG YIN MA BRJOD DO, ,GTZO DANG RJES 'GRO RJES 'GRO MIN, ZHES CI SKAD DU GRANGS CAN GYIS RJES DPAG CHAD MA'I YUL SPYI YIN PA MI SHES PAR RTAG GCIG SOGS MTSAN NYID LNGA LDAN GYI KHYAD PAR RJES DPAG GI GZHAL BYAR 'DOD PA'I PHYIR RO ZHES BSHAD PA THOS PA YIN NO, ZHES ZER TO, ,DE LTA YIN NA KHYAD PAR DE BSGRUB BYA NYID DU 'GAL BAR NI MA ZAD DO, ,'O NA CI ZHE NA KHYAD PAR SGRA'I YOD PA'AM SGRA'I DNGOS PO GTAN TSIGS SU BYED DGOS NA KHYAD PAR GTAN TSIGS SU YANG MI RUNG STE, RJES 'GRO MED PA'I SKYON MTSUNGS PA'I PHYIR RO, ,GTAN TSIGS RJES SU 'GRO BA MED PA NI BSGRUB BYA SGRUB PA'I YAN LAG MA YIN TE; DE LAS BSGRUB BYA LA THE TSOM ZA BA'I PHYIR RO ZHE NA, RTZOD PA 'DI'I DON BSDUS NA GTZO BO ZHES PA YUL GYI RGAN PO BYED PA PO RNAMS LA 'JIG RTEN NA DNGOS MING DU GRAGS LA DE LA BRTEN NAS GRANGS CAN GYIS RNAM 'GYUR THAMS CAD KYI BYED PA PO LA GTZO BO ZHES BTAGS TE, DE YANG RTAG PA'I DNGOS PO DANG CHA MED KYI GCIG PU DANG BDE BA DANG SDUG BSNGAL DANG BTANG SNYOMS KYI RANG BZHIN CAN SGRUB 'DOD NAS GTAN TSIGS BKOD PA YIN LA, DE 'DRA'I KHYAD PAR RTZOD GZHI DANG BSGRUB BYA'I CHOS SU GANG DU YANG MA GZUNG BAR SPYIR GTZO BO YOD DO ZHES BSGRUBS PA TZAM GYIS GRANGS CAN GYI 'DOD DON MI 'GRUB CING SANGS RGYAS PAS YUL GYI GTZO BO YOD PAR GRUB ZIN PA'I PHYIR, YANG GRANGS CAN MTSAN NYID LNGA LDAN GYI GTZO BO DANG GCIG TU ZHE NA NAS RTOG PA LA MTSAN

, ,NYID LNGA LDAN GYI GTZO BOR SNANG BA CHOS CAN, YOD DE, ZHES BSGRUBS PAS KYANG GRANGS CAN GYI 'DOD DON CUNG ZAD KYANG MI 'GRUB STE, GTZO BO'I SGRA DON YOD PAR BSGRUBS PAS GRANGS CAN 'DOD PA'I GTZO BO 'GRUB PA LA MKHAN PA'I PHYIR DANG, SANGS RGYAS PAS KYANG GTZO BO'I SGRA DON YOD PAR GRUB ZIN MA BRJED PA'I PHYIR, DES NA MTSAN NYID LNGA LDAN GYI GTZO BO YOD PAR BSGRUB DGOS PA YIN LA, ,DES NA MTSAN NYID LNGA LDAN GYI GTZO BOR SNANG BA CHOS CAN, DNGOS PO YIN TE, ZHES SGRUB NA DNGOS PO'I KHYAD PAR BSGRUB BYAR 'GYUR BAS RTAGS DE'I PHYOGS CHOS GRUB NA RJES KHYAB MI 'GRUB RJES KHYAB GRUB NA PHYOGS CHOS MI 'GRUB PA'I GNOD PA STON PA YIN NO, ,GTZO BO CHOS CAN DU GZUNGS NAS MTSAN NYID LNGA LDAN GYI YOD PA BSGRUB BYA'I CHOS SU BYED NA, DPE LA RJES 'GRO MED PA'I GNOD PA STON PA YIN NO, ,RANG LA SGRA'I DNGOS PO GTAN TSIGS SU MA BZUNG BAR DNGOS PO TZAM GTAN TSIGS SU GZUNG NA YANG SKYON MED PA'O, ,GNYIS PA LA GNYIS, BSGRUB BYA'I NGOS NAS BRTAGS LA DGAG PA DANG, SGRUB BYED KYI NGOS NAS BRTAGS LA DGAG PA'O, ,DANG PO LA GSUM, ,DNGOS PO'I KHYAD PAR BSGRUB BYAR 'DOD DGOS PA DANG, KHYAD PAR BSGRUB BYA YIN PA LA GNOD PA BSTAN PA DANG, DNGOS PO TZAM SGRUB BYED YIN PA LA SKYON MED PA'O, ,DANG PO LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, BSGRUB BYA DANG GTAN TSIGS GNYIS MTSUNGS PA'I SKYON 'DI NI MED DE, 'DI LTAR, GNYIS PA NI, MTSAN NYID LNGA LDAN GYI GTZO BOR SNANG BA DNGOS POR SGRUB PA'AM, GTZO BOR SNANG BA MTSAN NYID LNGA LDAN GYI DNGOS POR SGRUB KYANG RUNG, DNGOS PO'I

KHYAD PAR GTZO BO MTSAN NYID LNGA LDAN TZAM ZHIG NI BSGRUB BYA YIN PAR THAL, GRANGS CAN GYIS DE SGRUB 'DOD NAS SGRUB BYED BKOD PA GANG ZHIG MTSAN NYID LNGA LDAN GYI GTZO BOR SNANG NGAM, GTZO SNANG TZAM YOD PAR BSGRUBS PA LA DGOS PA MED PA'I PHYIR, DER THAL, SPYI'I CHOS CAN GTZO SNANG LA YOD PA TZAM SGRUB NA RGOL BA'I MNGON PAR 'DOD PA'I DON 'GA' ZHIG KYANG 'GRUB PAR MI 'GYUR LA, SGRA DON DE 'DRA BA NI PHYIR RGOL SANGS RGYAS PAS KYANG BKAG PA MED PAR GRUB ZIN PA'I PHYIR, GSUM PA LA GSUM, YOD PA BSGRUB BYA YIN NA YOD PA'I KHYAD PAR SGRUB DGOS PA SPYIR KHAS LEN PA MA YIN PA DANG, DE'I RGYU MTSAN DANG, GRANGS CAN GYIS KHAS LEN DGOS PAR STON PA'O, ,DANG PO NI, GTAN TSIGS THAMS CAD DU YOD PA SGRUB NA YOD PA'I KHYAD PAR BSGRUBS PAR 'GYUR BA DGOS SO ZHES KHAS LEN PA NI MA YIN TE, GRANGS CAN GYI GTAN TSIGS 'DIR YOD PA BSGRUBS PA LA DGOS PA MED PAS YOD PA'I KHYAD PAR BSGRUB DGOS SO ZHES THAL BA 'PHEN PA YIN PA'I PHYIR, GNYIS PA NI, GRANGS CAN GYI GTAN TSIGS 'DIR YOD PA'I SGRUB BYED BKAG PA'I SGO NAS BSGRUB BYA 'GOG PA NI MA YIN TE, GTZO SNANG GI CHOS 'GA' ZHIG YOD DO ZHES DNGOS PO TZAM GYI KHYAD PAR MA BSTAN PA SGRA DON 'GA' ZHIG YOD PA TZAM LA 'GAL BA MED PAS BSGRUB BYA LA BRTAGS NAS 'GOG PA YIN PA'I PHYIR, GSUM PA NI, 'ON KYANG DE LTAR RTAG PA DANG GCIG PU YIN PA'I GTZO BO 'GA' ZHIG YOD DO ZHES GTZO BO 'DI'I KHYAD PAR 'GA' LA YANG MA REG PAR DAM 'CHA' BA MI RIGS PAR THAL, DE LTAR

, ,SMRAS PAS RGOL BA RANG GI 'DOD DON DANG PHYIR RGOL GYI MI 'DOD PA'I DON CI ZHIG RGYAS PAR 'GYUR TE CUNG ZAD KYANG MI 'GRUB PA'I PHYIR, DES NA GTZO SNANG DAM GTZO BO'I STENG DU RTAG GCIG SOGS KYI KHYAD PAR GYIS ZIN PA NYID SKABS 'DIR BSGRUB PAR BYA BA YIN PAR THAL, DE LTAR GONG DU BSGRUBS PA DE'I PHYIR, YANG NA GRANGS CAN 'DIS ZHES BSHAD DO, ,GNYIS PA LA GNYIS, RTZA BA DANG, DE'I DON RGYAS PAR BSHAD PA'O, ,DANG PO NI, GRANGS CAN GYIS GTZO BO YOD PAR BSGRUB PA'I SKABS 'DIR RTAGS GCIG SOGS KYI KHYAD PAR GYIS ZIN PA BSGRUB BYAR BYED DGOS PAR THAL, GRANGS CAN DE LTAR SGRUB 'DOD NAS SGRUB BYED BKOD PA GANG ZHIG MIG SOGS GZHAN DON BYED PAR SGRUB PA LTA BU SHUGS LA 'PHEN PA'I TSIG KYANG MED PA'I PHYIR, 'DOD NA, GRANGS CAN GYIS BKOD PA'I GTAN TSIGS 'DIR BSGRUB BYA'I CHOS DPE LA RJES 'GRO MED PAR 'GYUR BAR THAL, RTAG GCIG SOGS MTSAN NYID LNGA LDAN GYI DNGOS PO DPE SU LA YANG RJES 'GRO MI BYED PA'I PHYIR, YANG MTSAN NYID LNGA LDAN GYI GTZO SNANG DNGOS POR SGRUB NA YANG KHYAD PAR BSGRUBS PAR 'GYUR BAS GTAN TSIGS DE LA RJES 'GRO'I KHYAB PA MED PAR 'GYUR BAR THAL, GTAN TSIGS DE'I PHYOGS CHOS GRUB DAM BCA' LA TSAD MAS BSAL BA'I PHYIR, THAL BA DANG RTAGS SNGA MKHAS BLANGS SO, ,SKABS 'DIR GTZO BO'AM GTZO SNANG LA YOD PA BSGRUB BYAR BYED NA KHYAD PAR BSGRUB BYAR KHAS LEN DGOS PAR 'GYUR PA YIN ZHES 'PHEN PA'I RGYU MTSAN YOD DE, GRANGS CAN DE LTAR SGRUB 'DOD PA GANG ZHIG YOD TZAM BSGRUBS

PA DGOS PA MED PA DES NA'I PHYIR, GSUM PA LA GSUM, MDOR BSTAN PA DANG, RANG GI DAM BCA' LA MTSUNGS PA SPANG BA RGYAS PAR BSHAD PA DANG, MI MTSUNGS PA'I DON BSDU BA'O, ,DANG PO LA GNYIS, DNGOS PO'I KHYAD PAR RJES 'GRO MED PA DANG, YOD TZAM RJES 'GRO GRUB PAS DGOS PA MED PA'O, ,DANG PO NI, GRANGS CAN GYIS GTZO BO YOD PAR SGRUB PA'I SKABS 'DIR BSGRUB BYA'I CHOS DE NI DPE LA DE LTAR RJES SU 'GRO BA MED PAR THAL, GRANGS CAN GTZO BO'I GTZO SNANG LA GTZO DE'I RANG GI NGO BO NYID RTAG DNGOS RNAM BA CI LTA YANG RUNG BAS KHYAD PAR DU GYUR PA BSGRUB PAR 'GYUR BA'I PHYIR, KHYAB PA YOD PAR THAL, CHOS CAN GTZO BO'AM GTZO SNANG GI STENG DU GTZO BO'I MTSAN NYID GTZO BO DE GCIG PU DANG RTAG PA DANG BDE BA DANG SDUG BSNGAL DANG BTANG SNYOMS LA SOGS PA'I BDAG NYID DAM KHYAD CHOS GZHAN YANG RUNG STE DE LTAR BSGRUBS PA'I KHYAD CHOS DE DAG DPE LA RJES 'GRO MED PA'I PHYIR, GNYIS PA NI, GANG YANG YOD PA TZAM DPE LA RJES SU 'GRO BA DE GRUB PAS NI 'DOD DON CUNG ZAD KYANG BYAR MED PAR THAL, RGOL BA'I 'DOD DON DANG PHYIR RGOL GYI MI 'DOD PA GANG YANG MI 'GRUB PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, GAL TE GTZO BO YOD PAR SGRUB PA LA BRTAG PA LA BYAS PA DE BZHIN DU DU LDAN LA LA ME LA SOGS PA BSGRUB PA LA YANG SKYON DU THAL BAR 'GYUR BA MA YIN NAM GTAN TSIGS DE LA YANG ME TZAM YOD PA LA NI RTZOD PA 'GA' YANG MED PAR GRUB ZIN LA MNGON PAR 'DOD PA KHYAD PAR CAN GYI RTZOD GZHI'I KHYAD PAR DANG

, ,LDAN PA LA ME'I TSOGS PA BSGRUB BYA'I CHOS SU BYED NA NI DPE LA RJES SU 'GRO BA MED PA'I PHYIR, BSGRUB BYA MI 'GRUB PO ZHE NA, GNYIS PA LA GSUM, RTZOD GZHI'I STENG DU ME TZAM BSGRUB BYA YIN PA DANG, GRANGS CAN GYI SBYOR BA LA DE MI RUNG BA DANG, TSOGS DON BSGRUB BYA'I CHOS SU BYED PA MI RIGS PA'O, ,DANG PO NI, DU BA DU LDAN LA'I STENG DU RTZOD GZHI DES ME DE KHYAD PAR DU BYED PA BSGRUB PA NI MA YIN TE, DU LDAN LA'I STENG DU ME TZAM MI LDAN PA RNAM PAR GCOD PAS KHYAD PAR DU BYAS PA BSGRUB PA'I PHYIR RO, ZHES BSHAD ZIN PA'I PHYIR, DU LDAN LA DER NI ME DE DANG MI LDAN PA RNAM PAR BCAD PAS SPYI NYID BSGRUB PAR BYA BA YIN GYI, DU LDAN LA LA ME'I TSOGS DON BSGRUB BYA MA YIN PAR THAL, DA BSGRUB BYA MA YIN PA GONG DU BSHAD ZIN PA DE'I PHYIR, GNYIS PA LA GSUM, GRANGS CAN LA TSAD MAS GRUB PA'I GZHI CHOS CAN MED PA DANG, SGRA DON DNGOS PO RANG MTSAN GYI RTEN DU MI RIGS PA DANG, LA LA ME SGRUB PA LA SKYON DE MED PA'O, ,DANG PO LA GNYIS, DNGOS DANG; DE'I LAN DGAG PA'O, ,DANG PO NI, DU LDAN LA LA ME TZAM SGRUB PA DE BZHIN DU GRANGS CAN GYI GTAN TSIGS 'DIR YANG CHOS CAN TSAD MAS GRUB PA 'GA' ZHIG LA YOD PA TZAM SGRUB PA NI MA YIN TE, MTSAN NYID LNGA LDAN GYI GTZO BO RTZOD GZHIR GZUNG BA GANG ZHIG DE NI BSGRUB BYA DANG KHYAD PAR MED PA KHO NA YIN PA'I PHYIR, DER THAL, GTZO BO LA SOGS PA'I SGRAS BRJOD PAR BYA BA'I MTSAN NYID LNGA LDAN GYI DON NYID 'GA' YANG MED PA'I PHYIR, GNYIS PA LA GNYIS, RTZOD PA DANG, LAN NO, ,

DANG PO NI, RTZOD GZHI DE CI LTAR MED DE DE YANG CI ZHIG LTAR SHES PAR BYA BA YIN LA SHES NAS SGRAS BRJOD PAR BYA BA YIN ZHING BRJOD NAS TSAD MAS NGES PAR BYA BA YIN PAS SHES BYA DANG GZHAL BYA DANG BRJOD BYA NYID DU GRUB PA KHO NA YIN NO, ,DE DANG DON 'GA' ZHIG MA 'BREL RNAM GCOD DU BSGRUB PAR BYA BA YIN NO ZHE NA, GNYIS PA NI, CI DE NI GTZO BO ZHES PA'I SGRA'I BRJOD BYA SHES BYAR YOD DO ZHES TE, DE SHES BYAR 'GRUB PAR 'GYUR RAM GRUB PA LA DGOS PA MED PAR THAL, DE LTAR NA YANG RGOL BA'I 'DOD DON CI ZHIG 'GRUB PAR 'GYUR CUNG ZAD KYANG MI 'GRUB PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, GAL TE BLOS SKYED CING BTAGS PA'I RNAM PAR RTOG PA LA SNANG BA NI SGRA'I DON YIN LA DE NI RTZOD GZHIR GZUNG GTZO BO RANG GI MTSAN NYID KYI NYE BAR LEN PA CAN NYID DU BSGRUB PAR BYA BA YIN PAS 'DOD DON MI 'GRUB PA'I SKYON MED DO ZHE NA, GNYIS PA LA GNYIS, RGYAS PAR BSHAD PA DANG, DON BSDU BA'O, ,DANG PO LA GNYIS, DES KYANG GRANGS CAN GYI 'DOD DON MI 'GRUB PA DANG, GTZO BO'I SGRA DON GTZO BO RANG MTSAN GYI NYER LEN CAN DU MA GRUB PA'O, ,DANG PO NI, DE BSGRUB PAR BYA BA YIN DU ZAD MOD 'ON KYANG GTZO BO ZHES PA'I SGRA'I BRJOD BYA DE YANG SGRA'I DON TZAM DU RNAM PAR GNAS PA YIN PAR THAL, DE DANG GTZO BO MTSAN NYID LNGA LDAN GYI RTEN GANG RUNG YIN PA GANG ZHIG GTZO BO LA SOGS PA MTSAN NYID LNGA LDAN GYI KHYAD PAR GYI RTEN MA YIN PA'I PHYIR, 'DOD NA SNGA MA BZHIN DU GTZO BO ZHES PA'I SGRA'I BRJOD PAR BYA BA 'GA' ZHIG YOD DO ZHES BSGRUB PAR BYA BAR 'GYUR GYI, MTSAN NYID LNGA LDAN GYI GTZO BO MI

, ,'GRUB PAR THAL, DE MI SRID PA GANG ZHIG SGRA DE'I BRJOD BYA SGRA DON TZAM DU GNAS PA DE LTA YIN PA'I PHYIR, GNYIS PA NI GTZO BO'I SGRA'I DON RANG NYID NI CHOS CAN, RTAG DNGOS SOGS YON TAN GYI KHYAD PAR 'GA' ZHIG LA BRTEN PA MA YIN TE, RTOG PAS BTAGS TZAM YIN PA'I PHYIR, RTOG PAS BTAGS TZAM YIN NA TSAD MAS MA GRUB PA'I SKYON MED PAR THAL, NYE BAR LEN PA'I CHOS GTZO BO RANG MTSAN DU ZHEN PA'I RTOG PA'I GZUNG BYA DE DAG LA 'DOGS PA YIN ZHING RANG RIG MNGON SUM GYIS SHUGS LA GRUB PA'I PHYIR, DE CHOS CAN, MTSAN NYID LNGA LDAN GYI GTZO BO'I RTEN DU MI SRID DE, NYE BAR LEN PA MTSAN NYID LNGA LDAN GYI GTZO BO MA GRUB PA DAG YIN PA'I PHYIR DANG, KHYOD RTOG PAS BTAGS TZAM YIN PA DE'I PHYIR, GNYIS PA NI, MTSAN NYID LNGA LDAN GYI GTZO BO MA GRUB PA DES NA GTZO BO'I SGRA DON DE DAG LA MTSAN NYID LNGA LDAN GYI GTZO BO'I DON GYI NYE BAR LEN PA CAN NYID DU BSGRUB PA NI DON MED PAR THAL, GTZO BO'I SGRA DON YOD PA TZAM NYID DU SGRUB NUS PA YIN GYI DON GYI KHYAD PAR MTSAN NYID LNGA LDAN GYI GTZO BO SGRUB NUS PA NI MA YIN PA'I PHYIR, DER THAL, SGRA DON 'DI DAG NI MTSAN NYID LNGA LDAN GYI GTZO BO'I KHYAD PAR MED PA YIN PA'I PHYIR, GSUM PA NI, GTZO BO YOD PAR SGRUB PA LAS GZHAN DU NI DU LDAN LA LE MA'I SPYI MA TZAM DE NYID BSGRUB PAR BYA BA YIN PA LA GRUB ZIN BSGRUBS PA'I SKYON MED PAR THAL, GZHI DER ME MA GRUB PA BSGRUB DGOS PA'I PHYIR, GSUM PA LA GNYIS, RTZOD PA DANG, LAN NO, ,DANG PO NI, YOD PA'I KHYAD PAR RJES 'GRO MED PAS SGRUB MI NUS NA GAL TE LA ME LDAN DU SGRUB PA DER YANG LA DE DANG MI LDAN PA MA YIN PA'I LA ME'I TSOGS SPYI DANG RJES SU 'GRO BA MA GRUB PA NYID MA YIN ZHE NA, GNYIS PA LA GSUM, ,CHOGS DON

RTAGS KYI KHYAB BYED DU BSTAN BYA MA YIN PA DANG, DE STON NA DAM BCA' SGRUB NGAG GI YAN LAG TU THAL BA DANG, LUNG DANG SBYAR BA'O, ,DANG PO LA GSUM, TSOGS DON RTAGS KYI KHYAB BYED DU STON MI RIGS PA DANG, BSGRUB BYA'I CHOS TZAM RTAGS KYI KHYAB BYED DU BSTAN PAS SKABS DON 'GRUB PA DANG, TSOGS DON RTAGS KYI KHYAB BYED DU BSTAN PA DGOS PA MED PA'O, ,DANG PO NI, DU LDAN LA'I STENG DU DU LDAN LA DANG ME'I TSOGS DON BSGRUB BYA MA YIN PAR THAL, TSOGS DON DE LTA BUS NI RTAGS DPA' DPE 'GA' LA YANG RJES SU 'GRO BA BYED PA MED PA'I PHYIR, GNYIS PA NI, PHYIR RGOL GZHAN LA DU BA'I RTAGS LAS DU LDAN LA LA ME SGRUB PAR BYED PAS NI SGRUB NGAG 'GOD PA'I TSE TSOGS DON RTAGS KYI KHYAB BYED DU BSTAN PAR BYA BA MA YIN PAR THAL, KHYAB PA STON PA'I TSE GANG NA DU BA YOD PA DE NA ME YOD DO ZHES DU BA ME MED NA MI 'BYUNG BAR BSTAN PAR BYA BA TZAM YIN PA'I PHYIR, BSGRUB BYA'I CHOS TZAM GYIS KHYAB PA BSTAN PAS SKABS DON GRUB PAR THAL, DE LTAR PHYOGS CHOS DANG ME TZAM GYIS KHYAB PA GRUB PA DES GZHI GANG DU DU BA RANG NYID SNANG BA DE NYID DU ME RTOGS PA'I BLO SKYED PAR BYED PA'I PHYIR, GSUM PA LA GNYIS, DNGOS DANG, LA ME'I TSOGS DON BSGRUB BYAR RIGS PA'O, ,DANG PO NI, DE LA SGRUB NGAG 'GOD PA'I TSE BSGRUB PAR BYA BA RTAGS KYI KHYAB BYED DU BSTAN PAS NI CI YANG MI DGOS SHING DGOS PA MED DE, RTZOD GZHI DE LA RTAGS MTHONG BA PHYOGS CHOS DANG 'BREL BA BSTAN PA TZAM GYIS BSGRUB BYAR 'DOD PA 'GRUB PA'I PHYIR RO, ,BSGRUB BYA DE MA BSTAN NA YANG RJES 'GRO MA GRUB

, ,PA'I SKYON MED PAR THAL, CI LTAR RTAGS TSOGS DON DE'I KHYAD PAR CAN GYIS RJES SU 'GRO BA YIN TE MA YIN PA'I PHYIR, GNYIS PA NI DU LDAN LA DE ME TZAM DANG LDAN PA DE LTAR BSGRUB BYA YIN PAR BRJOD RIGS TE, DU BAS LA LA ME SGRUB PA'I PHYOGS CHOS DANG DU BA 'DI ME MED NA MI 'BYUNG BAR GRUB PA'I SHUGS NYID KYIS ME PHYOGS DU BA DANG LDAN PA'I LA DE DANG MI LDAN PA RNAM PAR GCOD PA'I TSUL DU RTOGS PA'I PHYIR, DER THAL, RIM PA DE LTAR GONG DU GRUB PA DE'I PHYIR, GNYIS PA NI; SGRUB NGAG YANG DAG 'DI'I KHYAB PA NI RTAGS LA BSGRUB BYAS KHYAB PA DE LTAR NYE BAR BKOD PA SNGON DU 'GRO BA CAN MA YIN TE, BSGRUB BYA BRJOD PA NI SGRUB NGAG YANG DAG 'DI LA YAN LAG TU DGOS PA MA YIN PA'I PHYIR RO, ,RTAGS MA GRUB NA, DAM BCA' BSGRUB PAR BYED PA YANG DAG GI YAN LAG YIN PA LAS SUS ZLOG PAR BYED DE BZLOG MI NUS PAR THAL, SGRUB NGAG YANG DAG YIN NA BSGRUB BYA DE BRJOD PA SNGON DU 'GRO BA CAN YIN PA'I PHYIR, DAM BCA' SGRUB NGAG GI YAN LAG YIN NA SGRA RANG NYID SGRA MI RTAG PA'I SGRUB BYED DU KHAS BLANG DGOS SO, ,GSUM PA NI, DE SKAD DU YANG SLOB DPON PHYOGS KYI GLANG POS BSGRUB BYA RTAGS KYI KHYAB BYED DU STON PA MI RIGS KYI, BSGRUB BYA'I CHOS RTAGS KYI KHYAB BYED DU BSTAN PAS BSGRUB BYA LA RTOGS PA SKYED NUS PA BSTAN TE, BSGRUB BYA'I CHOS KYIS KHYAB PA BSTAN PAR BYA BA YIN PAR THAL, DU BA'I RTAGS NI CHOS ME DANG MI 'KHRUL BAR GZHAN DU DPE LA BSTAN PAR BYA BA STE ZHES GSUNGS PA'I PHYIR DANG, DE DANG DU BA DU LDAN LA DE LA RAB TU GRUB PA'I PHYOGS CHOS

GNYIS LAS CHOS CAN DU LDAN LA ME DE DANG LDAN PAR RTOGS PAR 'GYUR BA YIN PA'I PHYIR, CES BSHAD DO, ,GSUM PA MI MTSUNGS PA'I DON BSDU BA NI, DU LDAN LA LA ME LA SOGS PA SGRUB PA BZHIN DU GTZO BO YOD PAR SGRUB PA LA YANG SKYON GYI KHA NA MA THO BA MED PA NI MA YIN PAR THAL, DE LTAR GONG DU MI MTSUNGS PAR RGYAS PAR BSTAN ZIN PA DE'I PHYIR, GSUM PA DNGOS PO TZAM SGRUB BYED DU BKOD PA LA SKYON MED PA LA GNYIS, RTZA BA DANG, 'GREL PA'O, ,DANG PO NI, DNGOS PO DE'I KHYAD PAR SGRA'I DNGOS PO SOGS RTAGS SU GZUNG BA MED PAR DNGOS PO TZAM ZHIG SGRA MI RTAG PA'I SGRUB BYED DU BKOD PA LA RTAGS LA BSGRUB BYA YI CHOS KYIS KHYAB PA'I RJES SU 'GRO BA NYAMS PA'I SKYON MED PAR THAL, MI RTAG PA DE DNGOS PO TZAM GYI KHYAB BYED YIN PA'I PHYIR, GNYIS PA NI, SGRA'I DNGOS PO LA SOGS PA'I RANG BZHIN GYI KHYAD PAR RTAGS SU YONGS SU MA GZUNG BAR DNGOS PO TZAM LA MI RTAG PAS KHYAB PA BSTAN PA LA RJES SU 'GRO BA NYAMS PA'I SKYON MED PAR THAL, SGRA LA SGRUB PAR BYED PA'I CHOS MI RTAG PA SGRUB PA LA DNGOS POR YOD PA SGRUB PAR BYED PA NYID YIN PA'I PHYIR, SGRA MI RTAG PAR SGRUB PA DE LA GDON MI ZA BAR SGRA'I DNGOS PO LA SOGS PA'I KHYAD PAR RTAGS SU YONGS SU GZUNG BAR BYA BA NI MA YIN TE, DNGOS POR YOD TZAM RTAGS SU BKOD PA LA BRTEN NA YANG DE SGRUB PAR BYED PA'I NUS PA YOD PA'I PHYIR RO, ,GTZO BO LA YOD PA TZAM BSGRUB PAR BYA BA NYID NI MA YIN TE, DE BSGRUB PA LA 'BRAS BU MED PA'I PHYIR RO, ,GNYIS PA SGRUB BYED KYI NGOS NAS BRTAGS LA DGAG PA LA GSUM,

, ,MTSAMS SBYAR BA DANG, RTZA BA DANG, DE'I DON RGYAS PAR BSHAD PA'O, ,DANG PO NI, GTZO BO YOD PAR SGRUB PA LA SGRUB BYED KYI NGOS NAS NYES PA GZHAN YANG STON PA NI, GNYIS PA NI, GTZO BO YOD PAR SGRUB PA LA GTAN TSIGS SU YOD CHOS DANG MED CHOS DANG GNYIS KA'I CHOS GANG 'GOD, YOD CHOS DON BYED NUS PA SOGS 'GOD NA GZHI DNGOS PO DANG DNGOS MED GANG LA 'GOD, GNYIS PA MI RUNG STE PHYOGS CHOS MI 'GRUB PA'I PHYIR, DANG PO LTAR NA DNGOS POR NGES PA'I GZHI LA SGRUB NA SHES 'DOD MED PA'I MA GRUB PAR 'GYUR LA, DNGOS POR MA NGES NA DNGOS PO MA GRUB PAR DNGOS PO'I CHOS GRUB PA MI 'THAD PAR STON PA NI, DNGOS POR YOD PA'I CHOS GTZO BO DNGOS POR SGRUB PA'I RTAGS YANG DAG TU MED PAR THAL, DE SGRUB KYI PHYOGS CHOS MA GRUB PA'I PHYIR, YANG NA MTSAN NYID LNGA LDAN GYI GTZO BO'AM GTZO SNANG GNYIS KA DNGOS POR SGRUB PA LA DON BYED NUS PA LA SOGS PA'I DNGOS PO'I CHOS PHYOGS KYI CHOS SU MA GRUB PAR THAL, DON BYED NUS PA YIN NA DE GNYIS GANG GI STENG DU YANG 'GOD TSUL DANG MTHUN PAR MA GRUB PA'I PHYIR, DNGOS POR YOD MED GNYIS KA LA BRTEN PA'I CHOS SHES BYA DANG, LUS CAN MA YIN PA RTZOD GZHI DE GNYIS KA LA DNGOS PO SGRUB PA'I RTAGS YANG DAG MA YIN PAR THAL, KHYAB PA 'KHRUL PA CAN YIN PA'I PHYIR, RTAGS DE YIN NA 'KHRUL PA'I NGES PA MED DO, ,GZHI DNGOS POR YOD MED GNYIS LA DE DAG TU SHES NA GRUB BSAL BYUNG BAS SHES 'DOD MED LA DE DAG TU MA SHES NA CHOS CAN MA GRUB PA'I SGO NAS PHYOGS CHOS

MA GRUB LA RTOG PA LA SNANG TZAM GZHIR BZHAG NAS DE LA PHYOGS CHOS GRUB NA KHYAB PA 'KHRUL PAR 'GYUR BA YIN NO, ,DNGOS POR MED PA'I CHOS DON BYED NUS PAS STONG BA DE SGRUB KYI RTAGS YANG DAG MA YIN TE, DE KHYAB PA 'GAL BAR 'GYUR BA YIN PA'I PHYIR, DES NA MTSAN NYID LNGA LDAN GYI GTZO BO'AM GTZO SNANG DNGOS POR YOD PA DE CI LTAR RTAGS YANG DAG GI BSGRUB BYA YIN TE MA YIN PAR THAL, DE LA RTAGS SU GANG BKOD KYANG 'GAL MA NGES MA GRUB PA'I GTAN TSIGS GSUM PO GANG RUNG LAS MI 'DA' BA'I PHYIR, 'O NA KHYED KYI SGRA MI RTAG PAR SGRUB PA LA YANG MI RTAG PA'I CHOS RTAGS SU 'GOD NA MA GRUB RTAG MI RTAG GNYIS KA'I CHOS MA NGES, RTAG PA'I CHOS 'GAL BAS SGRA MI RTAG PA RTAGS YANG DAG GI BSGRUB BYAR 'GAL LO ZHE NA, MI MTSUNGS TE, MI RTAG PA'I CHOS BYAS PA DANG DNGOS PO LA SOGS PA RTAGS SU 'GOD PAS MA GRUB PA'I SKYON MED LA, CIG SHOS LA DE MI RUNG BA'I PHYIR RO, ,GSUM PA LA GNYIS, RTZOD GZHI GNYIS PO GANG LA YANG DNGOS PO RTAGS YANG DAG GI BSGRUB BYAR MI RUNG BA DANG, DNGOS PO SGRA MI RTAG PA'I SGRUB BYED YANG DAG TU RUNG BA'O, ,DANG PO LA GSUM, MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO NI, RTZOD GZHI GNYIS DNGOS PO DANG TSOGS PA RTAGS YANG DAG GI BSGRUB BYA MA YIN PAR THAL, DE GNYIS DNGOS POR YOD PA BSGRUB PAR BYA BA LA DE'I GTAN TSIGS SU GANG BKOD PA THAMS CAD SKYON GYI RIGS GSUM GANG RUNG YOD PA LAS MI 'DA' BA'I PHYIR, DER THAL, PHYOGS CHOS MA GRUB PA DANG KHYAB PA 'KHRUL BA DANG

, ,'GAL BA GSUM GANG RUNG LAS MI 'DA' BA'I PHYIR, GNYIS PA LA GSUM, DNGOS PO'I CHOS RTAGS SU MI RUNG BA DANG, GNYIS KA'I CHOS RTAGS SU MI RUNG BA DANG, DNGOS POR MED PA'I CHOS RTAGS SU MI RUNG BA'O, ,DANG PO LA GNYIS, DNGOS PO'I CHOS SU GRUB NAS DNGOS POR GRUB PA MI 'THAD PA DANG, DE LA RTZOD PA SPANG BA'O, ,DANG PO NI, DE LA GAL TE DNGOS PO'I RDZAS SU GYUR PA'I CHOS GTAN TSIGS SU BRJOD NA NI ZHES KHAS BLANGS RJES SU BRJOD NAS DNGOS PO'I RDZAS SU GYUR PA'I CHOS RTZOD GZHI GNYIS GANG RUNG LA DNGOS PO DE SGRUB PA'I RTAGS YANG DAG TU CI LTAR 'GYUR TE MI 'GYUR BAR THAL, DE GNYIS LA DNGOS POR YOD PA MA GRUB PA'I PHYIR, KHYAB PAR THAL, GANG ZHIG DNGOS PO'I RDZAS SU GYUR PA'I CHOS GTAN TSIGS SU BRJOD PA GRUB PA'I GZHI DE CI LTAR DNGOS POR GRUB PAR MI 'DOD DE DNGOS POR GRUB PA'I PHYIR, GNYIS PA NI, LHAS BYIN GYI RIL BA ZHES PA LTAR CHOS DANG CHOS CAN GYI SGRA RDZAS THA DAD PA KHO NA LA SBYOR BA MA YIN NAM, DNGOS PO'I RDZAS SU GYUR PA DNGOS PO'I CHOS SU JI LTAR 'THAD CE NA DNGOS PO'I RDZAS SU GYUR PA DNGOS PO'I CHOS SU MI RUNG BA'I SKYON MED PAR THAL, RDZAS GCIG YIN KYANG LDOG PA THA DAD PA'I KHYAD PAR 'GA' ZHIG LA BLTOS NAS DNGOS PO'I RANG GI NGO BO NYID DU GYUR PA 'GA' ZHIG LA DNGOS PO'I CHOS ZHES CHOS CAN LAS THA DAD PA LTA BUR BSTAN PA YIN PA'I PHYIR, RDZAS GCIG LA CHOS DANG CHOS CAN GYI RNAM DBYE MI RUNG BA MA YIN PAR THAL, GZHI GCIG GI CHOS DANG CHOS CAN BRJOD PA'I SGRA DAG GI

BRJOD PAR BYA BA LA NI KHYAD PAR GZHAN SPONG MI SPONG MA GTOGS PA RDZAS LA KHYAD PAR 'GA' YANG YOD PA MA YIN NO ZHES 'DI NI TSAD MA RNAM 'GREL DU BSTAN ZIN PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, CI STE GNYIS KA'I CHOS GTAN TSIGS SU BRJOD DO ZHE NA YANG, GNYIS PA LA GSUM, GNYIS KA'I CHOS SU GYUR PA'I DGAG PA RTAGS SU MI RUNG BA DANG, SGRUB PA RTAGS SU MI RUNG BA DANG, GNYIS KA'I CHOS SU KHAS BLANGS PA NYID KYIS MI 'KHRUL BA DOR BA'O, ,DANG PO LA GNYIS, RGYAS PAR BSHAD PA DANG, DON BSDU BA'O, ,DANG PO LA GNYIS, GNYIS KA'I CHOS DNGOS MED LA YANG 'JUG PA DANG, DGAG SGRA DON LNGA KHO NA LA 'JUG PAR 'DOD PA DGAG PA'O, ,DANG PO LA GNYIS, DNGOS DANG, RTZOD PA SPANG BA'O, ,DANG PO NI GNYIS KA'I CHOS DNGOS PO LA MI BRTEN PA'I LDOG PA TZAM LUS CAN MA YIN PA NI RTZOD GZHI LA DNGOS PO SGRUB PA'I RTAGS YANG DAG MA YIN PAR THAL, DE DNGOS POR MED PA LA YANG 'JUG PA MI 'GAL PA'I PHYIR TE, DNGOS POR MED DGAG MA YIN PA MA YIN PA'I PHYIR, DPER NA LUS CAN MA YIN PA ZHES BYA BA'I LUS MED PA NYID NI NYE BAR BRJOD PA MED PA DNGOS MED LA YANG 'JUG PAR 'GYUR BA BZHIN NO, ,DPE CAN DE NYID DPER BZHAG PA'O, ,GNYIS PA LA GNYIS, RTZOD PA DANG, LAN NO, , DANG PO NI, NYE BAR BRJOD PA MED PA NI DNGOS POR MED PA'I PHYIR, 'DI LAS LDOG CES PA'I 'BYUNG KHUNGS DANG, 'DI LA MED CES PA'I DGAG SGRA GANG YANG MI RUNG BA'I PHYIR, DGAG PA'I SGRA 'JUG PA'I YUL MA YIN NO ZHE NA, GNYIS PA NI, CI DA NI

, ,DNGOS POR MED PA DE DNGOS POR YOD DO ZHES PA'I SGRUB PA'I SGRA 'JUG PA'I YUL YIN NAM STE YIN PAR THAL, DNGOS POR MED PA'I SGRA MI 'JUG PA'I PHYIR, DE YANG MA YIN NO ZHE NA, DA NI CI LTAR DGAG PA'I SGRA 'JUG PA'I YUL MA YIN TE YIN PAR THAL, SGRUB PA'I SGRA MI 'JUG PA'I PHYIR, KHYAB PAR THAL, DGAG PA YIN NA NI SGRUB BA LOG PA'I RANG BZHIN YIN PAS KHYAB PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, GAL TE DGAG PA'I SGRA NI YONGS SU CHAD PA GLU MI LEN PA SHING ZAS MI ZA BA TSVA MI ZA BA, RGYAL PO'I BTZUN MO'I GDONG NYI MA MI MTHONG BA, MA NING MA YIN PA LA AA THO ZHES PA LNGA KHO NA LA GNAS PAR 'DOD PA DE'I PHYIR, NYE BAR BRJOD PA DNGOS PO LA NI LUS CAN NYID MA YIN PA LA SOGS PA'I DGAG SGRA 'JUG PA MA YIN NO ZHE NA, GNYIS PA LA GSUM, 'JIG RTEN DON GZHAN LA YANG DGAG SGRA SBYOR BA BZLOG MI NUS PA DANG, BRDA SBYAR BA'I DGOS PA DON RTOGS PA YIN PA DANG, DE 'GOG NA BRDA'I YUL DU 'DOD PA LA YANG MTSUNGS PA'O, DANG PO NI, RJES SU BRTZE BA DANG SMAD PA'I GNAS SU GYUR PAS NA KYE MA ZHES SO, ,BRDA SPROD PA BRDA LAS BYUNG BA 'DOD PA TZAM GYI RJES SU BYED PA'I DGAG SGRA 'JUG PA'I DON LNGA KHO NAR NGES PAR 'DOD PA'I 'BAD PA CHEN PO BYED PA'I NYON MONGS PA 'DI NI 'DOD DON MI 'GRUB BZHIN DU TSEGS CHEN POS SGRUB DGOS PA'I DGA' BAS 'TSO BA KHO NA STE BRDA SPROD PA DE'I BRANG BRDUNGS SHING CHO NGES BTAB KYANG 'JIG RTAN LNGA LAS GZHAN LA DGAG SGRA SBYOR BA MI LDOG PA'I PHYIR RO, ,GNYIS PA NI, DER THAL, RTA

LA YANG BONG BUM YIN PA ZHES PA'I DGAG SGRA BRDA JI LTAR SBYAR BA BZHIN DON RTOGS PA'I PHYIR, KHYAB PAR THAL, SGRA SBYAR BA'I DGOS PA YANG DON GO BA DE TZAM DU ZAD PA'I PHYIR RO, ,GSUM PA NI, BRDA 'DOD PAS 'JUG KYANG LNGA PO KHO NA LA DGAG SGRA SBYAR BAS DON RTOGS KYI, GZHAN LA DGAG SGRA'I BRDA BYAS KYANG DON MI RTOGS SO ZHE NA, DGAG SGRA LNGA PO DANG LUS CAN MA YIN PA'I SGRA GNYI GAR YANG DON MI RTOGS PAR KHYAD PAR MED PAR THAL, LUS CAN MA YIN PA'I DGAG SGRA LAS DON MI RTOGS PA GANG ZHIG DGAG SGRA LAS DON RTOGS PAR 'DOD PA DANG, BRDA DANG 'DOD PA TZAM GYIS 'JUG PAR KHYAD PAR MED PA'I PHYIR, NGES NA LNGA LAS GZHAN LA DGAG SGRA SBYOR BAS DON MI RTOGS PA MI 'THAD PAR THAL, DE LTA NA SGRA GANG LAS KYANG DON MI RTOGS PAR THAL BAR 'GYUR BA'I PHYIR RO, ,THAL BA SNGA MA LA KHYAB PA YOD PAR THAL, DGAG SGRA LNGA PO DE LAS DON RTOGS PA YANG BRDA LA BRTEN PA'I PHYIR YIN LA, DON LA BRDA SBYOR BA DE NI GZHAN DU LUS CAN MA YIN PA'I DGAG SGRA LA YANG MTSUNGS PA'I PHYIR RO, ,GNYIS PA NI, DGAG SGRA DON DU MA LA 'JUG PA NGES NA LUS CAN MA YIN PA DE MTSAN NYID LNGA LDAN GTZO BO DNGOS BOR SGRUB PA'I MI MTHUN PA'I PHYOGS LA 'JUG SRID PA'I DGOS PA RNAM PAR BCAD PA'I SGO NAS BSGRUB BYA THAB PA'I GO BAR BYED PA NYID BDAG GIR BYED PAR TE, GO BYED YANG DAG TU JI LTAR 'GYUR TE MI 'GYUR BAR THAL, LUS CAN MA YIN PA ZHES PA'I SGRAS BRJOD PAR BYA BA LUS CAN DE RNAM PAR BCAD PA TZAM DE NI DNGOS PO DNGOS MED GNYIS KA LA YANG YOD SRID PA'I PHYIR, GNYIS

, ,PA NI, SHES BYA NYID DANG GZHAL BYA LA SOGS PA'I CHOS RNAM PAR BCAD PA DGAG PA'I RANG BZHIN MA YIN PA SGRUB PA DE DAG KYANG CHOS CAN, GTZO BO DNGOS POR SGRUB PA'I RTAGS YANG DAG MA YIN PAR THAL, DNGOS PO DNGOS MED GNYIS KA LA 'JUG PA'I THUN MONG BA YIN PA'I PHYIR, DNGOS MED LA 'JUG PAR THAL, CI ZHIG LTAR DNGOS PO MED PA DAG LA YANG 'DZIN STANGS MA 'KHRUL BA'I BLOS RNAM PAR 'JOG PA'I PHYIR, GNYIS CHOS DGAG PA GO BYED YANG DAG MA YIN PAR BSHAD PA LA DGOS PA YOD DE, GNYIS CHOS DGAG PA GO BYED YANG DAG MA YIN PAR BSHAD PA 'DIS GNYIS CHOS SGRUB PA DE DAG KYANG GO BYED MA YIN PAR BSHAD PA YIN PA'I PHYIR, GSUM PA LA GNYIS, RANG TSIG 'GAL BA DANG, DE LA RTZOD PA SPANG BA'O; ,DANG PO NI, GRANGS CAN PA DE CHOS CAN, CI LTAR SMYON PA MA YIN TE YIN PAR THAL, DNGOS PO DNGOS MED GNYIS KA'I CHOS GTZO BO DNGOS POR SGRUB PA'I RTAGS YANG DAG TU KHAS BLANGS PA'I PHYIR, KHYAB PAR THAL, DE LTAR DAM 'CHA' BA'I RANG GI TSIG GIS DNGOS PO YOD MED GNYI GA'I CHOS SU SMRAS PAS RTAGS 'DI DNGOS POR YOD PA LAS GZHAN LA YANG 'JUG PA DANG DNGOS POR YOD PA LA YANG MI 'KHRUL BAR BDEN ZHEN GYIS BRJOD PA'I PHYIR, GNYIS PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, MTHUN PHYOGS MA YIN PA LA RTAGS 'JUG PAS 'KHRUL BAR 'GYUR BA MA YIN GYI, RTAGS KYI 'KHRUL PA NI MI MTHUN PA'I PHYOGS LA 'JUG PAS YIN TE, MI MTHUN PHYOGS LA MI 'JUG NA MTHUN PHYOGS MA YIN PA

LA RTAGS ZHUGS KYANG MI 'KHRUL BAR 'GYUR BA NGES NA SGRA CHOS CAN, MI RTAG STE, MI RTAG PAR SGRUB PA'I PHYOGS DANG MTHUN PHYOGS GANG RUNG YIN PA'I PHYIR, CES PA DANG, RTAG STE, RTAG PAR SGRUB PA'I PHYOGS DANG MTHUN PA'I PHYOGS GANG YANG RUNG BRTAGS SU BKOD PA LA SOGS PA DAG NI MTHUN PHYOGS MA YIN PA'I RTZOD GZHI GNYI GA'I CHOS YIN YANG RTAGS 'KHRUL PA'I SKYON MED DE, MI MTHUN PA'I PHYOGS LA MI 'JUG PA'I PHYIR, RTZOD GZHI MTHUN PHYOGS MA YIN NA DE LA RTAGS ZHUGS PAS 'KHRUL PAR 'GYUR RO ZHE NA, YANG SKYON MED DE, MTHUN PHYOGS MA YIN PA'I RTZOD GZHI LA RTAGS ZHUGS KYANG PHYOGS NYID NI 'KHRUL BA'I YUL MA YIN NO ZHE NA, GNYIS PA LA GNYIS, MI MTHUN PHYOGS DRI BA DANG, DRIS PA'I LAN DGAG PA'O, ,DANG PO NI, GANG LA RTAGS ZHUGS PAS 'KHRUL PAR 'GYUR BA 'DIR GANG ZHIG MI MTHUN PA'I PHYOGS SU GTOGS ZHES DRIS PAS BSGRUB PAR BYA BA'I DNGOS PO LA MED PA'O, ,GNYIS PA LA GNYIS, MI MTHUN PHYOGS LA MI 'JUG PA GNYIS KA'I CHOS SU 'GAL BA DANG, PHYOGS SU GZUNG BA DE LA RTAGS ZHUGS KYANG MI 'KHRUL BAR 'DOD PA DGAG PA'O, ,DANG PO NI, 'O NA CI LTAR PHYOGS DANG MTHUN PHYOGS GANG RUNG GI GTAN TSIGS MTHUN PHYOGS DANG MTHUN PHYOGS MA YIN PA GNYIS KA'I CHOS SU 'GYUR TE MI 'GYUR BAR THAL, MI MTHUN PA'I PHYOGS LA MI 'JUG PA'I PHYIR, RTZOD GZHI MTHUN PHYOGS DANG MI MTHUN PHYOGS GNYIS KA MA YIN PAS DE LA ZHUGS KYANG MI MTHUN PHYOGS LA ZHUGS PAR MI 'GYUR SNYAM PA STE, MTHUN

, ,PHYOGS MA YIN PA LA ZHUGS NA MI MTHUN PHYOGS LA MA ZHUGS PA 'GAL TE, DE GNYIS PHAN TSUN SPANGS 'GAL GYI DNGOS 'GAL YIN PA'I PHYIR, GNYIS PA LA GNYIS, RGYAS PAR BSHAD PA DANG, DON BSDU BA'O, ,DANG PO LA GSUM, DON LA GNAS PA PHYOGS SU GZUNG BA'I PHYOGS LA RTAGS ZHUGS PA MI 'KHRUL PA'I SKYON MED PAR 'DOD PA DGAG PA DANG, 'DOD PAS PHYOGS SU GZUNG BA LA RTAGS ZHUGS KYANG MI 'KHRUL BAR THAL BA DANG, 'DOD PA LA GNOD PA DGOD PA'O; ;DANG PO LA GNYIS, KHYAB PA PHYOGS GZUNG BA LA MI LTOS PA DANG, RTZOD GZHI LAS GZHAN PA'I RTAGS KHO NA LA KHYAB PA NGES PA RTAGS YANG DAG TU MI RUNG BA'O, ,DANG PO NI, GTAN TSIGS KYI MI 'KHRUL BA SOGS DANG MTHUN PHYOGS KYI RNAM DBYE LA BLTOS PAR THAL, PHYOGS LAS GZHAN PA'I MI MTHUN PHYOGS LA MI 'JUG PA TZAM GYIS GTAN TSIGS MI 'KHRUL BAR 'GYUR BA'I PHYIR, RTAGS KHAS BLANGS 'DOD NA, GTAN TSIGS KYI MI 'KHRUL BA 'DOD PAS BYAS PA'I PHYOGS DANG MTHUN PA'I PHYOGS KYI RNAM PAR DBYE BA LA LTOS PA NI MA YIN TE, KHYAB BYA KHYAB BYED KYI MI 'KHRUL BA DNGOS POR TE, DNGOS PO'I STOBS LA GNAS PA YIN PA'I PHYIR RO, ,NGES NA PHYOGS LAS GZHAN PA'I MI MTHUN PHYOGS LA MI 'JUG PAS MI 'KHRUL BA MI 'THAD DO, ,GNYIS PA NI, KHYAB PA STON PA'I TSE PHYOGS MA GTOGS PA'I RTAGS LA BSGRUB BYA'I CHOS KYIS KHYAB PA ZHES BSTAN PAR BYA BA YIN PAR THAL, RTZOD GZHI MTHUN PHYOGS MA YIN YANG DE LA RTAGS ZHUGS PAS KHYAB PA 'KHRUL BAR MI 'GYUR BA'I

PHYIR, RTAGS KHAS BLANGS 'DOD MI RIGS TE, GTAN TSIGS KYI MED NA MI 'BYUNG BA RNAM PAR BZHAG PA PHYIR RGOL LA STON PA'I TSE, PHYOGS MA GTOGS PA'I BYAS PA YIN NA MI RTAG PA YIN PAS KHYAB BO, ZHES BSTAN PAR BYA BA NI MA YIN TE, 'ON CI ZHE NA GANG CUNG ZAD BYAS PA THAMS CAD MI RTAG PA YIN NO ZHES DNGOS PO'I STOBS KYIS 'ONGS PA'I KHYAB PA NYID TSAD MAS GRUB 'GYUR GYI GZHAN DU RTZOD GZHI MA YIN PA'I RTAGS LA CHOS KYI GRUB NA RTZOD GZHI LA BSGRUB BYA'I CHOS DE'I GO BAR BYED PAR 'GYUR GYI GZHAN DU RTZOD GZHI MA YIN PA'I RTAGS LA CHOS KYI KHYAB PA GO BYED YANG DAG TU 'GYUR BA MA YIN PAR THAL, DE LTA YIN NA GO BYED 'DOD PA TZAM GYIS BZHAG PAR 'GYUR BA'I PHYIR, GNYIS PA NI, PHYOGS LAS GZHAN PA'I MI MTHUN PHYOGS LA MI 'JUG BAS RTAGS MI 'KHRUL BAR 'GYUR NA RGOL BA LA RTAGS 'KHRUL BA'I GNOD PA SUS KYANG BSTAN MI NUS PAR THAL, RGOL BAS PHYOGS SU GZUNG BA DE LA RTAGS ZHUGS KYANG 'KHRUL BAR MI 'GYUR BA GANG ZHIG GANG ZHIG RGOL BA'I SKYES BUS SGRUB PAR 'DOD PA'I GZHI PHYOGS YIN PAS NA GANG RTAGS 'KHRUL BA'I YUL DU MTHONG BA DE NYID RGOL BA NGES PHYOGS SU BYED PAR 'GYUR BA'I PHYIR, RTAGS SNGA MA KHAS BLANGS, RTZOD GZHI LA RTAGS ZHUGS KYANG 'KHRUL BAR MI 'GYUR NA 'KHRUL BA'I YUL DE RGOL BAS PHYOGS SU BYED PAR 'GYUR BAR THAL, SKYES BU'I 'JUG PA NI DNGOS PO GZHAN GYI DBANG MA YIN PA'I PHYIR RO, ,DON NI, RTAG PA CHOS CAN, MI RTAG STE, GZHAL BYA YIN PA'I PHYIR, ZHES PA'I RTAGS DE MI 'KHRUL BAR THAL, PHYOGS SU GZUNG BA LAS GZHAN

, ,PA'I MI MTHUN PHYOGS LA MI 'JUG PA YIN PA'I PHYIR, 'DOD NA DE RTAGS YANG DAG TU THAL, PHYOGS CHOS GRUB MI 'KHRUL BA'I 'BREL PA GRUB PA'I PHYIR, GSUM PA LA GNYIS, RJES DPAG TSAD MA'I GZHAL BYA LA TSAD MAS GNOD PAR THAL BA DANG, GNOD PA MED PA'I YUL CAN MA TSAD BA'I TSUL GSUM PA'I RTAGS LA GNOD PA SRID PA DGAG PA'O, ,DANG PO NI, RJES DPAG TSAD MA'I GZHAL BYA LA TSAD MA'I GNOD PA YOD PAR THAL, GZHAL BYA DE RTAG PA MI RTAG PAR SGRUB PA'I RTAGS YANG DAG YIN PA'I PHYIR, PHYOGS 'KHRUL YUL MA YIN PAR KHAS BLANGS NA GNOD PA DER 'GYUR ZHES PA'O, ,'DOD NA, RJES SU DPAG PA'I YUL LA NI MNGON SUM LA SOGS PAS GNOD PA YOD PA MA YIN TE, TSAD MA LA TSAD MA GZHAN GYIS GNOD NA GNOD BYA DE TSAD MA MA YIN PAR THAL BA'I PHYIR RO, ,DER THAL, MTSAN NYID DANG LDAN PA GCIG LA GNOD NA DE'I MTSAN NYID ZHUGS PA THAMS CAD SUN PHYUNG BAR 'GYUR RO ZHES LE'U GNYIS PAR BSHAD ZIN PA'I PHYIR, 'DIS NI SO SO SKYE BO'I RGYUD KYI TSAD MA'I GZHAL BYA LA GNOD PA YOD NA THAMS CAD MKHYEN PA'I RGYUD LA YANG TSAD MA MED PAR BSTAN PA YIN NO, ,GNYIS PA LA GNYIS, BSGRUB BYA LA GNOD MED MI NGES PA DANG, NGES NA SHES 'DOD MED PA'O, ,DANG PO NI, TSUL GSUM TZAM LA BRTEN PA'I RJES DPAG LA GNOD PA SRID KYANG TSUL DRUG LA BRTEN PA'I RJES DPAG LA GNOD PA MI SRID DO ZHE NA, TSAD MAS GNOD PA MED PA'I YUL CAN YANG RTAGS KYI MTSAN NYID KYI ZUR DU DGOS PA YIN NA NI ZHES KHAS BLANGS RJES SU BRJOD NAS DE

LTA NA YANG RTAGS DE PHYIR RGOL DE'I NGOR GO BAR BYED PA YANG DAG MA YIN PAR THAL, PHYIR RGOL GYIS DE'I MTSAN NYID DAM BCA' LA GNOD PA MED PA MA NGES PA CAN YIN PA'I PHYIR, KHYAB PA KHAS BLANGS, GNYIS PA NI, BSGRUB BYA MA GRUB PA GANG GI DON DU MI 'KHRUL BA'I SGRUB BYED BSAM PA MI 'THAD PAR THAL, PHYIR RGOL GYIS BSGRUB BYA LA GNOD PA MED PAR MA NGES NA RTAGS SU MI RUNG, NGES NA SGRUB MI DGOS PAS RTAGS GANG ZHIG GANG GI SGRUB PAR BYED PA YIN TE GO BYED YANG DAG TU MA GRUB PA'I PHYIR, GNYIS PA DON BSDU BA LA GNYIS, KHYAB PA YOD MED DON LA GNAS PA DANG, 'DOD PA LA BLTOS NA MI 'KHRUL BA'I RTAGS SU MI RUNG BA'O, ,DANG PO NI, SKYES BU'I 'DOD PA TZAM GYIS GO BYED YANG DAG GI DNGOS PO'I CHOS RNAM PAR GNAS PA MA YIN PAR THAL; DNGOS PO LA RTAGS GANG ZHIG PHYOGS CHOS DANG BSGRUB BYA'I CHOS GANG GIS KHYAB PA GRUB PA DE BSGRUB BYA DE'I GO BAR BYED PA YANG DAG YIN LA, MA KHYAB PA DE GO BAR BYED PA YANG DAG MA YIN PA'I PHYIR, DER THAL, PHYOGS 'KHRUL YUL MA YIN NA SNGAR BSHAD PA'I SKYON DU 'GYUR BA DE'I PHYIR, GNYIS PA NI, GANG RUNG GI RTAGS LA BRTEN PA'I TSAD MA NI SHIN TU RNAM PAR DAG PA'I TSAD MA STE BZHAD GAD DU BYA BAR 'OS PA YIN PAR THAL, GANG GI TSE RTAGS BSGRUB BYA'I CHOS LA 'KHRUL PA'I YUL 'DI PHYOGS SU BYED PA DE'I TSE MI 'KHRUL LA GZHAN GYI TSE PHYOGS SU GZUNG BA NI NGES 'KHRUL PA'I PHYIR, 'DOD PA TZAM GYIS TSAD MAR 'GYUR ZHES PA'O, ,GSUM PA DNGOS POR MED PA'I CHOS RTAGS SU MI RUNG BA NI DNGOS PO TZAM KHYAB PA'I DON DNGOS PO MTHA' DAG RNAM PAR

, ,BCAD PA DNGOS POR MED PA'I CHOS GTZO BO DNGOS POR YOD PA SGRUB PA LA GTAN TSIGS SU BRJOD NA NI ZHES KHAS BLANGS RJES SU BRJOD NAS DE'I GTAN TSIGS KHYAB PA 'GAL BAR 'GYUR TE, DNGOS PO RNAM PAR BCAD PA DNGOS MED DE NI DNGOS PO 'GA' LA YANG MI SRID PA'I PHYIR DANG, DNGOS PO MED PA MTHA' DAG LA YOD PA'I PHYIR RO, ,GSUM PA DON BSDU BA NI, MTSAN NYID LNGA LDAN GYI GTZO BO DNGOS POR YOD PA RTAGS YANG DAG GI BSGRUB BYA MA YIN PAR THAL, YOD CHOS SOGS RNAM PA 'DI GSUM GA YANG GTZO BO DNGOS POR YOD BSGRUB PA LA YANG DAG PA'I GTAN TSIGS KYI MTSAN NYID BRTEN PA MA YIN PA'I PHYIR, DER THAL, RGYAS PAR BSGRUBS ZIN PA DE'I PHYIR, THAL BA SNGA MA LA KHYAB PA YOD PAR THAL, GSUM LAS RNAM PA GZHAN YANG DE SGRUB PA'I GTAN TSIGS YANG DAG MI SRID PA'I PHYIR, GNYIS PA DNGOS PO TZAM SGRA MI RTAG PA'I SGRUB BYED DU RUNG PA NI, DNGOS PO DE TZAM NI SGRA LA RANG LA KHYAB PA'I DNGOS PO'I CHOS SKAD CIG MA SGRUB PA LA DNGOS PO 'DI SGRUB PAR BYED PA NYID YIN PA LA NI BSGRUB MI NUS PA'I THAL BA DER MI 'GYUR BAR THAL, DE SGRUB KYI RTAGS SU BKOD PA GANG ZHIG MA GRUB PA YANG MA YIN 'GAL BA DANG MA NGES PA YANG MA YIN PA'I PHYIR, DANG PO GRUB PAR THAL, DNGOS PO YOD PAR GRUB PA'I CHOS CAN SGRA LA SPYI DNGOS PO TZAM 'GOD TSUL DANG MTHUN PAR YOD PA KHO NAR MA GRUB BA MA YIN PA'I PHYIR, RTAGS PHYI MA GNYIS GRUB PAR THAL, DNGOS PO GAL TE RNAM PA CI ZHIG LTAR SGRUB PA'I CHOS SKAD CIG MA NGES KHYAB PA RNAL MAR NGES PA'I PHYIR, GSUM PA DON BSDU

BA NI; DE LTAR PHYOGS CHOS CAN DGU'I DBYE BA 'CHAD PA'I SKABS SU YANG DAG GNYIS DANG 'GAL BA GNYIS TE PHYOGS KYI CHOS RNAM BZHI BSHAD PA LA DGOS PA YOD DE, RANG BZHIN GYI MTSAN NYID DANG 'BRAS BU'I MTSAN NYID CAN GYI RTAGS YANG DAG GI RNAM PA 'DI GNYIS NI RANG GI BSGRUB BYA LA BLTOS NAS GTAN TSIGS YANG DAG YIN LA GNYIS PO DE NYID RANG GI KHYAB PAR BYED PA LAS ZLOG PA BSGRUB PAR BYA BA LA 'GAL BA YIN NO ZHES BSTAN NAS RTAGS YANG DAG GI MTSAN GZHI GSUM DU GRANGS NGES BSGRUB PA'I CHED YIN PA'I PHYIR, GNYIS PA KHYAD PAR DANG SPYI SMOS PA'I DGOS PA RGYAS PAR 'OG TU KHA 'PHANGS PA NI, KHYAD PAR DANG SPYI MA NGES PA GNYIS PO DAG KYANG SMOS PA LA DGOS PA YOD DE, RJES SU 'GRO LDOG GI KHYAB PA YA GYAL RE RE KHO NA NGES PAR SMRA BA BSAL NAS RTAGS YANG DAG GI MTSAN NYID KYI TSUL LA GSUM DU GRANGS NGES SGRUB PA'I CHED YIN PA'I PHYIR, DE YANG RGYAS PAR 'OG TU BSHAD PAR BYA STE, RGYAS PAR 'CHAD PA GTAN TSIGS LTAR SNANG BA'I SKABS SU BAB PA YIN PA'I PHYIR, GSUM PA LHAG MA GSUM SMOS PA'I DGOS PA BSHAD PA LA GSUM, MDOR BSTAN PA DANG, RGYAS PAR BSHAD PA DANG, RTZOD GZHI LA MI MTHUN PHYOGS MTHA' DAG RNAM PAR BCAD PA RTAGS KYI NUS YUL DU GRUB PA'I DON TO, ,DANG PO NI, PHYOGS CHOS CAN DGU'I DBYE BA'I SKABS SU PHYOGS KYI CHOS LHAG MA RNAM PA GSUM DU BSHAD PA LA DGOS PA YOD DE, GTAN TSIGS KYI LDOG PA GTZO BOR BSGRUBS NAS RTZOD GZHI LA MI MTHUN PHYOGS MTHA' DAG RNAM PAR BCAD PA GTAN TSIGS KYI NUS YUL DU SHES

, ,PA'I CHED DU YIN PA'I PHYIR, GNYIS PA LA GSUM, LHAG MA GSUM TZAM LA BRTEN NAS BSGRUB BYA MI RTOGS PA DANG, LDOG KHYAB GTZO BOR GRUB PA LA BRTEN NAS RTOGS PA DANG, LDOG KHYAB GTZO BOR GRUB PA LA BRTEN NAS RTAGS PA'I DPE'O, ,DANG PO LA GSUM, RJES 'GRO GRUB TZAM GO BYED DU MI RUNG BA DANG, RJES SU 'GRO LDOG CHA MNYAM PA GO BYED DU MI RUNG BA DANG, RJES 'GRO GTZO BOR GRUB PA GO BYED DU MI RUNG BA'O, ,DANG PO NI, 'DI LTAR MTHUN PHYOGS LA MTHONG BA'I RJES SU 'GRO BA GRUB TZAM GYI SGO NAS NI GTAN TSIGS BSGRUB BYA 'KHRUL MED DU GO BAR BYED PA MA YIN TE, DE LTA NA MI RTAG PA DUNG SGRA RTZOL MA BYUNG DU SGRUB PA'I GO BYED YANG DAG TU 'GYUR DGOS PA LA MI RTAG PA NYID LAS DUNG SGRA RTZOL BA LAS BYUNG BA MA YIN PA NYID DU MI RTOGS PA'I PHYIR RO, ,DE NI MI MTHUN PHYOGS LA KHYAB BYED DU 'JUG PAS DE LA 'JUG PA'I DOGS PA MI KHEGS PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, GTAN TSIGS 'DI LAS NI RTZOL MA BYUNG RTOGS PAR MI 'GYUR TE, LDOG PA MED PAS RJES SU 'GRO BA 'BA' ZHIG YIN PA'I PHYIR, RJES SU 'GRO LDOG CHA MNYAM PA LAS RTOGS PAR 'GYUR RO ZHE NA, GNYIS PA NI, 'O NA REG PAR BYA BA LUS CAN MA YIN PA'I PHYIR, SGRA RTAG GO ZHES BYA BA 'DI LA PHYOGS CHOS DANG RJES SU 'GRO LDOG CHA MNYAM PA TSANG BA'I PHYIR, GO BYED YANG DAG TU 'GYUR BAR THAL LO, ,GSUM PA LA GNYIS, RTZOD PA DANG, LAN NO, ,DANG PO NI, DE LAS NI RTOGS PA MA YIN TE, DE LA YANG RJES SU 'GRO BA

GTZO BOR GRUB PA MA YIN PA'I PHYIR RO, ,RJES 'GRO GTZO CHE BA LAS RTOGS SO ZHE NA, GNYIS PA NI, DPER NA BRTZAL MA THAG TU 'BYUNG BA YIN TE, MI RTAG PA'I PHYIR RO ZHES BYA BA LTA BU GO BYED YANG DAG TU 'GYUR BAR THAL, GTAN TSIGS 'DIR PHYOGS CHOS GRUB RJES SU 'GRO BA STOBS DANG LDAN ZHING LDOG PA STOBS CHUNG BA YIN PA'I PHYIR, DER THAL, MTHUN PA'I PHYOGS LA KHYAB PA'I PHYIR DANG MI MTHUN PA'I PHYOGS 'DUS MA BYAS KYI NAM MKHA' SOGS 'GA' LA MED KYANG RI BO SOGS LA YOD PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, GTAN TSIGS DE YANG MI MTHUN PA'I PHYOGS MTHA' DAG LAS MA LOG PA'I PHYIR, GO BYED YANG DAG TU MI 'GYUR RO ZHE NA, GNYIS PA LA GNYIS, DNGOS DANG, SPYI'I DON BSDU BA'O, ,DANG PO NI, DE LTA NA NI 'O NA GANG BYAS PA DE NI MI RTAG PA NYID DO ZHES MI MTHUN PHYOGS RTAG PA MTHA' DAG LA RNAM PAR BCAD PAS GO BAR BYED PA YIN PAR 'GYUR TE, LHAG MA GSUM PHYOGS CHOS GRUB KYANG LDOG KHYAB GTZO BOR MA GRUB PAS GO BYED YANG DAG TU MI 'GYUR BA YIN PA'I PHYIR, KHYAB PAR THAL, MI MTHUN PHYOGS MTHA' DAG LAS RNAM PAR BCAD PA DE LTA MA YIN NA LDOG KHYAB GTZO BOR GRUB PA'I MI MTHUN PA'I PHYOGS MTHA' DAG LAS LDOG PAR BSTAN PAR MI NUS PA'I PHYIR RO, ,GNYIS PA NI, GO BYED YANG DAG TU 'GYUR BA 'DI RJES 'GRO YOD PA TZAM DANG RJES SU 'GRO LDOG CHA MNYAM PA DANG, RJES 'GRO GTZO CHI BAS RTOGS PA MA YIN PAR THAL, GO BYED YANG DAG TU 'GYUR BA LDOG KHYAB GTZO BOR GRUB PA LA BLTOS PA DES NA'I PHYIR, GSUM PA NI, RJES SU 'GRO BA GTZO

, ,BO MA YIN YANG PHYOGS CHOS GRUB LDOG PAS KHYAB PA GRUB NA GO BYED YANG DAG TU 'GYUR BA YOD PA YIN TE, DPER NA DUNG SGRA MI RTAG STE, RTZOL BA LAS BYUNG BA'I PHYIR RO ZHES BYA BA LTA BU GO BYED YANG DAG TU 'GYUR BA'I PHYIR, GSUM PA LA GNYIS, DNGOS DANG, RTZOD PA SPANG BA'O, ,DANG PO NI, GANG RTZOL BA LAS BYUNG BA DE NI MI RTAG PA NYID DO ZHES DE LTAR DUNG SGRA LA RTAG PA RNAM PAR BCAD PA NYID KYIS RTZOL BYUNG GI GTAN TSIGS GO BAR BYED PA YANG DAG TU 'GYUR BA YIN TE, BSGRUB BYA GO BA'I NUS PA RJES 'GRO GTZO BOR GRUB PA'I RJES SU MI BYED PAR LDOG PA KHYAD PAR CAN GYI RJES SU BYED PA DE'I PHYIR, RTZOD GZHI DGAG BYA'I CHOS DANG, TSOGS PA KHEGS NA BSGRUB BYA 'GRUB STE, RTZOD GZHI DGAG BYA'I CHOS DANG TSOGS PA KHEGS PA BSGRUB BYA'I CHOS DANG TSOGS PA LA MI 'KHRUL BA'I PHYIR, DER THAL, SGRA DANG DU BA DANG LDAN PA'I SA PHYOGS LA SOGS PAR RTAG PA DANG ME MED PA LA SOGS PA RNAM PAR BCAD PAS RTZOD GZHI MI MTHUN PHYOGS MTHA' DAG LAS LDOG PA RTOGS NA SGRUB BYED 'GOD PA'I NGAG 'DI'I NUS PA YONGS SU RDZOGS PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, RTZOD GZHI LA DGAG BYA'I CHOS BCAD PA TZAM GYIS DGAG BYA'I CHOS DE DAG LAS THA DAD PA TZAM NI GO BAR BYA BA MI YIN TE; GCAD BYA KHEGS KYANG YONGS GCOD MI RTOGS PA'I PHYIR RO, ,'ON KYANG SGRA 'DI LA MI RTAG PA 'DI NYID GRUB PA YIN GYI GZHAN RTAG PA NI GRUB PA MA YIN NO ZHES SGRA MI RTAG PA'I TSOGS SPYI DE NYID MI MTHUN PA SGRA RTAG PA DANG MA 'DRES PAR DNGOS SU

GO BAR BYA BA YIN NO ZHE NA, SGRA LA MI RTAG PA BSGRUBS PA TZAM GYIS RTAG PA MI KHEGS PA DANG, RTAG PA BKAG TZAM GYIS MI RTAG PA MI 'GRUB PA DGAG BYA'I CHOS DANG BSGRUB BYA'I CHOS RNAM BCAD YONGS GCOD KYI DNGOS 'GAL BA YIN PAR 'DOD PA'O, GNYIS PA NI, SGRA LA RTAG PA RNAM PAR BCAD PA TZAM RTOGS PA TZAM GYIS SGRA LA MI RTAG PA RTOGS NUS PAR THAL, BYAS PA'I RTAGS KYIS GAL TE SGRA DE DAG GDON MI ZA BAR GZHAN RTAG PA DANG MA 'DRES PAR GO BAR BYA BA YIN PA'I PHYIR, KHYAB PAR THAL, SGRA LA RTAG PA DANG MA 'DRES PA GO BA DE TZAM GYIS MI RTAG PAR GO BA'I 'BRAS BU YONGS SU RDZOGS PA'I PHYIR, BYAS PA'I RTAGS LAS SGRA DE DAG GI GZHAN RTAG PA DANG MA 'DRES PA NYID GO BAR BYA BAR 'GYUR MOD, DE GO YANG SGRA MI RTAG PAR MI GO BA MA YIN PAR THAL, SGRA LA MI RTAG PA DANG RTAG PA RNAM BCAD YONGS GCOD KYI DNGOS 'GAL YIN PA'I PHYIR, SGRA RTAG PA LAS LOG PAR GO YANG MI RTAG PAR MGO BA'I BAR DE NA THE TSOM LA SOGS PA'I BLO 'JUG PA YOD NA DNGOS 'GAL NYAMS PAR 'GYUR RO, ,DES NA SGRA RTAG PA DANG MA 'DRES PAR GO BA DE NYID KYIS SGRA MI RTAG PAR GO NUS PAR THAL, SGRA RTAG PA DANG MA 'DRES PAR GO YANG CIG SHOS GO MI NUS PA'I BAR GYI SGRA MI RTAG PA'I TSOGS PA'I SPYIS CI ZHIG BYA ZHES LDOG PA STOBS LDAN RTAGS KYI MTSAN NYID DU BSGRUB BA'I RIGS PA PHYOGS CHOS CAN GSUM PO DON DE YANG STON PAR BYED PA'I PHYIR, YANG NA SGRA RTAG PA DANG MA 'DRES PAR GO YANG SGRA MI RTAG PAR MI GO BA GNYIS KA LA MI THE PA'I BAR GYI SPYIS CI ZHIG BYA ZHES LDOG PA GTZO

, ,BOR SGRUB PA'I RIGS PAS STON PAR BYED PA'I PHYIR RNAM BCAD YONGS GCOD KYI BAR NA PHUNG GSUM KHAS LEN PA MI RIGS PAR THAL ZHES PA'O, ,GSUM PA TSUL GSUM PA'I RTAGS GSUM GRANGS NGES PAR SGRUB PA LA GNYIS RGYAS PAR BSHAD PA DANG, DON BSDU BA'O, ,DANG PO LA GNYIS, RANG BZHIN GYI RTAGS KYI KHYAD PAR 'GA' ZHIG GSUM DU MA 'DUS PA DGAG PA DANG, 'BRAS BU'I RTAGS KYI KHYAD PAR 'GA' ZHIG GSUM DU MA 'DUS PA DGAG PA'O, ,DANG PO LA GNYIS, DRI BA DANG, LAN NO, ,DANG PO NI, RTAGS GSUM DU GRANGS NGES PA 'O NA TSOGS PA TSANG BA'I RGYU NUS PAS 'BRAS BU SKYE BAR RJES SU DPOG PAR BYED PA GANG YIN PA DE CI LTAR GTAN TSIGS RNAM PA GSUM GYI NANG DU 'DU STE 'DU BA MI 'THAD DE; RGYU RTAGS SU BKOD PAS 'BRAS RTAGS MA YIN LA RTAGS CHOS RDZAS THA DAD PAS GTAN TSIGS GZHAN GNYIS KYANG MA YIN PA'I PHYIR RO ZHE NA, GNYIS PA LA GNYIS, RTZA BA DANG, DE'I DON 'PHROS DANG BCAS PA RGYAS PAR BSHAD PA'O, ,DANG PO NI, NUS PA'I RGYU NAS KYI SA BON DANG CHU LUD DROD GSHER GYI TSOGS PA TSANG BA YIS RANG PHYOGS KYI CHOS SU GRUB PA'I GZHIR RANG 'BRAS NAS KYI MYU GU SKYE RUNG BAR RJES SU DPAG PA GANG YIN PA DE NI RANG BZHIN GYI GTAN TSIGS YIN PAR BRJOD DE, TSOGS PA TSANG BA DES RANG 'BRAS NAS KYI MYU GU BSKYED PA RGYU RKYEN DON GZHAN LA NI MI LTOS PA'I PHYIR, YANG NA RUNG BA TSOGS PA DE TZAM LAS GZHAN LA MI LTOS PA'I DON TO, ,'DIR RGYU TSOGS GRANGS TSANG GI LDOG PA RTAGS SU BKOD NA GZHI DE NAS KYI MYU GU'I RGYU YIN

PAR NGES NAS NAS KYI MYU GU SKYED BYED DU MA NGES PA MI SRID PAS SHES 'DOD RNYED PAR DKA'O, ,DES NA NAS KYI SA BON DANG CHU LUNG DROD GSHER GYI TSOGS PA TSANG BA'I DPYID DUS KYI ZHING SHAR MA LTA BU CHOS CAN, RANG 'BRAS NAS KYI MYU GU SKYER RUNG STE, NAS KYIS BON LA SOGS PA'I TSOGS PA GRANGS TSAD DE YIN PA'I PHYIR, CES PA RTAGS SU 'DOD PAR BYA'O, ,'O NA TSOGS PA TSANG BA'I SA BON BYA ROG GIS ZOS PA LAS MYU GU MI SKYE BA MNGON SUM GYIS MTHONG BA'I PHYIR KHYAB PA MA NGES SO ZHE NA, SKYON MED DE, DE NI MYU GU SKYES PA'I SNGA ROL NA MYU GU'I RGYU MED PAS NAS KYI SA BON SOGS KYIS NAS KYI MYU GU SKYE RUNG DGAG MI NUS SHING DUS KYIS KHYAD PAR DU BYAS PA'I GNOD PA LTAR SNANG NGO, ,TSOGS PA TSANG NA SKYE RUNG YIN PAS KHYAB KYI SKYE RUNG DU SGRUB PA LA TSOGS PA TSANG BA RTAGS SU DGOD DGOS PA MA YIN TE, TSOGS PA MA TSANG BAR SKYE RUNG BA DU MA MTHONG BA'I PHYIR RO, ,'DI MA SHES PAR SO SO SKYE BO THAMS CAD LA THAR PA'I RGYU TSOGS TSANG BA MED PAS THAR PA THOB RUNG TZAM DU YANG SGRUB MI NUS SNYAM DU 'KHRUL PA DU MA SNANG NGO, GNYIS PA LA GSUM, TSOGS PAS 'BRAS BU SKYE RUNG DPOG PA RANG BZHIN DU 'DUS PA DANG, TSOGS PAS 'BRAS BU DBOG MI NUS PA DANG, RGYU KHA YAR BAS 'BRAS BU SKYE RUNG DPOG PA LHAG LDAN DU BSTAN PA'O, ,DANG PO NI, NAS KYI MYU GU SKYE RUNG 'DI YANG CHOS CAN, NAS KYI MYU GU'I RGYU SA BON LA SOGS PA'I TSOGS PA CHANG BA'I NGO BO DE TZAM DANG RJES SU 'BREL BA'I RANG BZHIN YIN TE, CI LTAR TSOGS PA NYE BA LAS GZHAN LA MI LTOS PAS DE'I BDAG GCIG PA'I KHYAB BYED YIN PA'I PHYIR, DE LA NI NAS

, ,KYI SA BON LA SOGS PA'I RGYU TSOGS PA RNAMS KYIS 'BRAS BU NAS KYI MYU GU SKYED PAR GYUR PA NYID 'BA' ZHIG RJES SU DPOG PA'I GTAN TSIGS DE YANG CHOS CAN, RANG PHYOGS KYI CHOS SU GRUB PA'I GZHIR DE DPOG PA'I BSGRUB BYA'I CHOS KYI RANG BZHIN DU 'GYUR BA KHO NA'I GTAN TSIGS YIN TE, NAS KYI MYU GU BSKYED PAR RUNG BA NYID KYANG NAS KYI SA BON SOGS TSOGS PA TZAM DANG RJES SU 'BREL PA DE'I BDAG GCIG PA'I KHYAB BYED YIN PAS KHYAB PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, 'BRAS BU BSKYED PA'I NUS PA TSOGS PA DE TZAM DANG RJES SU 'BREL BA YIN NA 'BRAS BU SKYED PAR NGES PA'I PHYIR, YANG CI'I PHYIR RGYU TSOGS PA GRANGS TSANG BA LAS RUNG BA TZAM DBOG PAR BYED KYI, 'BRAS BU KHO NA RJES SU DPOG PAR MI BYED CE NA, GNYIS PA LA GNYIS, 'BRAS BU DPAG MI NUS PA DANG, RUNG BA DE DANG MI MTSUNGS PA'O, ,DANG PO NI, NAS KYI SA BON LA SOGS PA'I RGYU'I RDZAS TSOGS PA DAG KHO NAR TE, NAS KYI SA BON LA SOGS PA'I RDZAS TSOGS PA YIN NA RANG GI 'BRAS BU NAS KYI MYU GU SKYED PAR BYED PAS KHYAB PA MA YIN TE, GANG GI PHYIR NA 'BRAS BU NAS KYI MYU GU DNGOS SU SKYE BA NI TSOGS PA RIGS 'DRA SNGA MA LAS RIGS 'DRA PHYI MA SKYE BA CAN GYI NUS PA RNAMS KYI CHA SHAS GONG NAS GONG DU 'PHEL BAR 'GYUR BA LA BLTOS PA'I PHYIR RO, ,KHYAB PAR THAL, NUS PA 'GYUR BA'I BAR 'DIR GEGS BYED PA STE, NAS KYI MYU GU'I TSOGS PA TSANG BA YANG YIN NAS KYI MYU GU MI SKYED PA YANG YIN PA'I GZHI MTHUN SRID PA'I PHYIR, DES NA RTAGS DE LAS

'BRAS BU MYU GU RJES SU DPAG PA MA YIN TE, KHYAB PA MI NGES PA'I PHYIR RO, ,GANG DAG NAS KYI MYU GU'I RGYU'I TSOGS PA TSANG BAS NAS KYI MYU GU SKYED PAR KHAS BLANGS NAS, SKYED NGES SU KHAS MI LEN PA NI RIGS PA DANG 'GAL TE, DE SKYED NGES SU THAL, DE SKYED PAR TSAD MA'I STOBS KYIS NGES PA'I PHYIR, MA GRUB NA, DE SKYED PA NYAMS SO, ,KHYAB PA MED DE, TSAD MA'I STOBS KYIS SKYED PAR NGES KYANG DON LA SKYED PAR MA NGES SO ZHE NA, TSAD MA ZHEN YUL LA 'KHRUL BA'I LOG SHES SU KHAS LEN DGOS PAR 'GYUR RO, ,'O NA RGYU TSOGS PA TSANG BA DES NAS KYI MYU GU SKYED PA LA 'GAL RKYEN GYI GEGS MI SRID PAR THAL, DE SKYED NGES MIN PA'I PHYIR CE NA, KHYAB PA CUNG ZAD KYANG MED DE, GEGS SRID PA'I DON NI, NAS KYI SA BON LA SOGS PA'I TSOGS PA TSAD BA YANG YIN NAS KYI MYU GU MI SKYED PA YANG YIN PA'I GZHI MTHUN SRID PA'I DON YIN PAS DES SKYED PAR NGES PA YANG YIN LA, DE YIN NA SKYED PA'I KHYAB PA MA NGES PA CI ZHIG 'GAL, GANG DAG NAS KYI MYU GU'I RGYU TSOGS GRANGS TSAD GI RANG LDOG RTAGS SU 'DOD PA DE'I LTAR NA DE NYID RANG PHYOGS KYI CHOS SU SGRUB PA'I GZHIR NAS KYI MYU GU DPOG PA'I RTAGS YANG DAG TU KHAS LEN DGOS PAR 'GYUR TE, PHYOGS CHOS GRUB NAS KHYAB PA RNAL MAR NGES PA'I PHYIR, RTAGS PHYI MA MA GRUB STE, NAS KYI MYU GU'I RGYU TSOGS GRANGS TSAD YANG NAS KYI MYU GU SKYES PA'I SNGA ROL SA BON BYA ROG GIS ZOS PA'I GZHI MTHUN MNGON SUM DU MTHONG BA'I PHYIR RO ZHE NA, GTAN TSIGS SHIN TU MA GRUB STE, NAS KYI MYU GU SKYES PA'I SNGA ROL SA BON BYA ROG GIS 'DON PAR 'GYUR BA'I NAS DANG CHU

, ,LUD DROD GSHER GYI TSOGS PA TSANG BA DE CHOS CAN, KHYOD NAS KYI MYU GU'I RGYU MA YIN PAR THAL, NAS KYI MYU GU MI SKYED PAR NGES PA'I PHYIR, RTAGS BSAL GNYIS KA KHAS BLANGS SO, ,KHYED KYIS KYANG DE RTAGS YANG DAG TU KHAS LEN DGOS PAR 'GYUR RO ZHE NA, SHES 'DOD MED PAS PHYOGS CHOS MA GRUB PAR BSHAD ZIN TO, ,'O NA NAS LA SOGS PA'I TSOGS PA TSANG BA YIN NA NAS KYI MYU GU SKYER RUNG YIN PA'I KHYAB PA YANG MA NGES PAR 'GYUR TE, TSOGS PA TSANG BA YANG YIN NAS KYI MYU GU MI SKYED PA YANG YIN PA'I GZHI MTHUN TSAD MAS GRUB PAS GZHI MTHUN NGES NAS KYI MYU GU SKYED PA KHEGS PA NA SKYED PAR RUNG BA YANG KHEGS PAR 'GYUR RO ZHE NA, 'O NA RTOG YUL NA YOD NA ZLA BA ZHES PA'I SGRAS BRJOD RUNG GI KHYAB PA KHEGS PAR THAL, ZLA BA ZHES PA'I SGRAS BRJOD PA'I KHYAB PA KHEGS PA'I PHYIR, DES NA TSOGS PA TZAM NI RANG GRUB TZAM NAS SKYED RUNG RANG CHAS SU RJES SU 'BREL BA YIN NO, ,'DI DAG GI SPROS PA GZHAN NI RNAM 'GREL GYI RNAM BSHAD DU BSHAD ZIN TO, ,GNYIS PA LA GSUM, TSOGS PA TZAM GYIS RUNG BA DPOG NUS PA DANG, RGYU MTSAN DANG, DE'I DON BSHAD PA'O, ,DANG PO NI, NAS KYI SA BON LA SOGS PA TSOGS PA TSANG BAS RANG PHYOGS KYI CHOS SU GRUB PA'I GZHIR NAS KYI MYU GU SKYE RUNG RJES SU DPOG PA LA 'GAL BA MED DE, NAS KYI MYU GU SKYE RUNG BA NYID NI TSOGS PA TSANG BA TZAM NAS NGO BO GRUB KYI TSOGS PA TSANG BA LAS RDZAS GZHAN LA MI LTOS PA'I PHYIR, GNYIS PA NI, NAS KYI SA BON LA SOGS PA'I

RGYU TSOGS PA 'DI NUS PA SNGA MA SNGA MA LAS PHYI MA PHYI MA 'GYUR BAS 'BRAS BU NAS KYI MYU GU BSKYED PAR NUS PA YIN TE, NUS PA 'GYUR BA'I RKYEN LA TSOGS PA TSANG BA TZAM LAS BLTOS PAR BYA BA DON GZHAN MED PA'I PHYIR RO, ,GSUM PA NI, RGYU TSOGS PA'I RUNG PA NYID NI TSOGS PA TSANG BA TZAM LAS GZHAN LA MI LTOS PA ZHES BYA STE, NUS PA PHYI MA SKYE BA NI RANG GI RIGS SNGA MA TZAM KYI RGYU CAN NYID YIN PA'I PHYIR, GSUM PA LA GSUM, DNGOS KYI DON DAG, DPE DGOD PA DANG, DPE DE NYID SGRUB PA'O, , DANG PO NI, NAS KYI MYU GU SKYER RUNG BA NYID KYANG RGYU NAS KYI SA BON LA SOGS PA TSOGS PA DAG KHO NAS RANG PHYOGS KYI CHOS SU GRUB PA'I GZHIR RJES SU DPOG PAR BYED DE DE KHO NA LA TSUL GSUM TSANG BA'I PHYIR, NAS KYI SA BON NAM CHU LUD GANG RUNG DANG BRAL BA'I MA TSOGS PA DE LAS 'BRAS BU NAS KYI MYU GU MI DPOG PA TZAM DU MA ZAD NAS KYI MYU GU SKYE RUNG YANG RJES SU DPOG PA MA YIN TE, TSOGS PA DE LA NI NAS KYI MYU GU SKYED PA LA SHIN TU NUS PA MED PA'I PHYIR, GNYIS PA NI, RTAGS DE MI MTHUN PA'I PHYOGS LA 'JUG PA MA MTHONG YANG GO BYED YANG DAG MA YIN TE, LHAG MA DANG LDAN PA YIN PA'I PHYIR, DPER NA LUS RGYAS PA DANG DBANG PO DVANGS PA DANG BLO GSAL BA DAG LAS DE DAG DANG LDAN PA'I GANG ZAG LHAS BYIN LA 'DOD CHAGS LA SOGS PA RJES SU DPOG PA BZHIN NO, ,GSUM PA LA GNYIS, BDAG 'DZIN DANG BRAL BA'I LUS SOGS 'DOD CHAGS KYI RGYU MA YIN PAR BSGRUB PA DANG, MI MTHUN PA'I PHYOGS LA 'JUG PA MA MTHONG YANG LHAG LDAN DU BSGRUB PA'O, ,DANG PO NI, BDAG 'DZIN DANG

page missing

page missing

page missing

page missing

page missing

page missing

page missing

page missing

page missing

page missing

, ,PA GANG ZHIG LDAN PA DON GZHAN RTAG PA'I PHYIR, 'DOD NA, GZHI CHU LDAN PA DON GZHAN DANG LDAN PAS GZHI'I STENG GI CHU MI G-YO BAR GNAS PA DE DANG LDAN PAR MI 'GYUR BAR THAL, DE GNYIS SO SOR NUS PA MED PA GANG ZHIG TSOGS KYANG NUS PA MED PA DE 'DRA BA KHO NA YIN PA'I PHYIR, KHYAB PAR THAL, GZHI CHU TSOGS PA DANG YA GYAL GANG GIS KYANG LDAN PA DON GZHAN LA PHAN 'DOGS PAR BYED PA MA YIN PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, GZHI CHU KHA YAR BA DE LAS GZHAN PA'I GZHI CHU DUS LHAN CIG PA NI PHAN TSUN PHAN 'DOGS PAR BYED PA LAS CHU MI G-YO BAR GNAS PA'I NUS PA'I KHYAD PAR SKYED PA'I PHYIR, LDAN PA DON GZHAN LA PHAN PAR NUS PA YIN NO ZHE NA, GNYIS PA LA GSUM, RGYU 'BRAS MA YIN PA PHAN 'DOGS BYED DU MI 'THAD PA DANG, DE LAS DON GZHAN GYI PHAN PA BYED NA DE LA PHAN PAR MI 'THAD PA DANG, PHAN PA DON GZHAN DANG DON GZHAN MA YIN PA GANG YANG MI BYED NA PHAN 'DOGS PAR MI 'THAD PA'O, DANG PO NI, DUS MNYAM PA'I GZHI CHU CHOS CAN, PHAN TSUN PHAN BTAGS PAS CHU MI G-YO BAR GNAS PA'I PHAN PA DE GANG ZHIG YIN TE MA GRUB PAR THAL, BSKYED PAR BYA BA DANG SKYED PAR BYED PA MA YIN PA'I PHYIR, DER THAL, DUS MNYAM PA'I PHYIR, KHYAB PAR THAL, DUS MNYAM DU RANG GI NGO BO GRUB ZIN PAS BSKYED PAR BYA BA MA YIN PA'I PHYIR RO, ,GNYIS PA NI, 'OG GZHIS CHU LA PHAN PA DON GZHAN BYED DO ZHE NA, DE YANG MI 'THAD PAR THAL, CHU'I PHAN PA CHU LAS RDZAS GZHAN GYI NGO BO BYED NA YANG

CHU DE LA PHAN 'DOGS PA MED PA'I PHYIR RO, ,GSUM PA NI, DUS MNYAM PA'I GZHIS CHU LA PHAN PA CUNG ZAD KYANG MI BYED PAR THAL, CHU'I PHAN PA CHU LAS DON GZHAN DANG DON GZHAN MA YIN PA GNYIS KA LTAR BYED PA PO MA YIN PA'I PHYIR, 'DOD NA, GZHIS CHU LA PHAN MI 'DOGS PAR THAL, 'DOD PA DE'I PHYIR, KHYAB PA YOD PAR THAL, PHAN PA CUNG ZAD MI BYED PA NYID KYIS PHAN 'DOGS PAR BYED PA MA YIN PA'I PHYIR RO, ,ZHES MANG DU BSHAD ZIN PA'I PHYIR, GSUM PA LA GSUM, DNGOS DANG, DES RIGS CAN GZHAN YANG RTOGS PAR BYA BA DANG, LDAN PA DON GZHAN KHAS BLANGS PA DGOS PA MED PA'O, ,DANG PO NI, RGYU 'BRAS KYI 'BREL PA LAS MA GTOGS PA'I RDZAS GZHAN GYI 'BREL PA MED PAR THAL, DNGOS PO THA DAD KYI 'BREL PA THAMS CAD NI RGYU DANG 'BRAS BU'I DNGOS PO LAS RNAM PAR BZHAG PA 'BA' ZHIG YIN PA'I PHYIR, DER THAL, RGYU 'BRAS SU MA GYUR PA'I PHAN 'DOGS PA MI SRID PA DE'I PHYIR, DON GZHAN GYI RTEN BRTEN PA DANG, GSAL BYA GSAL BYED SOGS GZHAN YANG YOD PA MA YIN NAM ZHE NA, RGYU 'BRAS LAS MA GTOGS PA'I DON GZHAN GYI GSAL BYA GSAL BYED SOGS MED PAR THAL, SKYED PAR BYED PA NYID KYI PHAN PA MI 'DRA BA NYE BAR SBYOR BA'I KHYAD PAR GYI DBANG GIS RNAM PAR DBYE BA TZAM DU ZAD PA'I PHYIR, GNYIS PA NI, 'KHAR GZHONG DANG SA GZHI LA SOGS PA RNAMS KYI GZHI'I DNGOS PO 'DI YANG CHOS CAN, RANG NANG GI RGYA SHUG DANG CHU LA SOGS PA SKYED PAR BYED PA'I SGO NAS RTEN GYI DON BYED NUS PA NYID YIN TE, DE'I DON GZHAN GYI RTEN YIN PA DE'I PHYIR,

, ,GSUM PA NI, 'KHAR GZHONG DANG RGYA SHUG GNYIS DANG 'OG GZHI DANG DE'I STENG GI CHU MI G-YO BA GNYIS LA SOGS PA 'DI DAG LA DON GZHAN GYI RTEN DANG BRTEN PA DE'I BDAG NYID KYI THA SNYAD LA SOGS PA GDAGS SU RUNG BA NI BSKYED PAR BYA BA DANG SKYED PAR BYED PA'I DNGOS PO YIN PA NYID KYIS BYAS PA YIN TE, LDAN PA DON GZHAN YOD KYANG DON GZHAN GYI RTEN DANG BRTEN PA DE DAG RGYU 'BRAS SU GRUB PA DE MED NA MI 'BYUNG BA CAN YIN PA'I PHYIR DANG RGYU 'BRAS LA LDAN PA DON GZHAN DE LAS RTEN DANG BRTEN PAR KHAS LEN PA'I BRGYUD PAR RTOG PA DON MED PA'I PHYIR RO, ,DER THAL, RGYU YIN PA'I RGYU MTSAN GYIS DON GZHAN GYI RTEN YIN PA DE'I PHYIR, GSUM PA LA GNYIS, RTZOD PA DANG, LAN NO, ,DANG PO NI, CHU GRUB ZIN GNAS PAR BYED PA'I PHYIR GZHI YIN GYI SNGAR MA GRUB PA GSAR DU SKYED PAR BYED PA'I PHYIR NI GZHI NI MA YIN NO ZHE NA, GNYIS PA LA GNYIS, SNGAR BSHAD PA'I RIGS PAS KHEGS PA DANG, DE'I LAN DGAG PA'O, ,DANG PO NI, 'OG GZHIS CHU GRUB ZIN GNAS PAR BYED PA MA YIN PAR THAL, DUS MNYAM PA'I GZHIS CHU'I GNAS PA CHU LAS DON GZHAN DANG GZHAN MA LIN PA GANG YANG BYED PA MI 'THAD PHA NYID NI PHAN PA DON GZHAN DGAG PAR BSHAD ZIN PA YIN PA'I PHYIR, GNYIS PA LA GNYIS, RTZOD PA DANG; LAN NO, ,DANG PO NI, 'OG GZHIS CHU LA KHYAD PAR CUNG ZAD MI SKYED KYANG CHU 'THUR DU LTUNG BA'I GEGS BYED PA'I PHYIR GNAS PAR BYED PA YIN GYI, GNAS PA SKYED PA'I PHYIR NI MA YIN NO, ,GEGS KYANG DNGOS PO MA YIN PAS CHU LAS RDZAS GCIG DANG

THA DAD DU BRTAGS PAR BYA BA MA YIN NO ZHE NA, GNYIS PA LA GSUM, MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO NI, GEGS ZHES BYA BA CI ZHIG CHU'I DNGOS PO'AM CHU LAS RDZAS GZHAN GYI DNGOS PO'AM 'ON TE CHU 'THUR DU LTUNG BA BKAG PA'I MED DGAG YIN LA, DE 'OG GZHIS BYED, DANG PO LTAR NA, 'OG GZHIS CHU'I GNAS BA SKYED PAR THAL, CHU GNAS PAR BYED PA BOS CHU 'THUR DU LTUNG BA'I GEGS BYAS PA GANG ZHIG DE'I LTUNG BA'I GEGS BYAS PA GANG YIN PA DE NI CHU LAS DON GZHAN MA YIN PA CHU DANG GRUB BDE RDZAS GCIG PA NYID YIN PA'I PHYIR, GNYIS PA LTAR DON GZHAN NYID YIN NA NI, 'OG GZHIS CI LTAR CHU LTUNG BA'I GEGS BYED BA YIN TE MA YIN PAR THAL, CHU LAS RDZAS GZHAN GYI GEGS DE NYID KHO NA LA PHAN BA NYE BAR SBYOR BA'I PHYIR, GNYIS PA LA GSUM, GEGS KYI DON LA BRTAGS NA MI 'THAD PA DANG, 'OG GZHIS CHU THUR DU LTUNG BA BKAG PA'I MED DGAG BYED PA MI 'THAD BA DANG, 'OG GZHIS CHU 'THUR DU LTUNG BAR MI BYED PA 'DOD PA GRUB PA'O, , DANG PO LA GSUM, GEGS BYAS KYANG GEGS MED PA'I CHU THUR DU LTUNG BA DANG BRGAL BRTAG MA TSUNGS PA DANG, GEGS LAS CHU LA KHYAD PAR GRUB PA MI 'THAD PA DANG, CHU THUR DU MI LTUNG BAR BYAS PA GZHAN GYIS GEGS BYAS PA'I DON DU KHAS MA BLANGS PA'O, ,DANG PO NI, 'OG GZHIS CHU THUR DU LTUNG BA'I GEGS BYAS PA NYID KYIS THUR DU MI LTUNG BAR 'DOD BA'I LUGS LA YANG 'OG GZHI DES GEGS ZHES BYA BA'I DNGOS PO BYAS SU ZIN KYANG CHU DE GO STE CHU DE NI CI STE THUR DU MI LTUNG ZHES CHU THUR DU LTUNG

, ,BA DANG BRGAL ZHING BRTAG BA MTSUNGS PAR THAL, CHU'I DNGOS PO GEGS MED NA THUR DU 'GRO BA'I CHOS CAN GANG ZHIG 'OG GZHIS CHU'I BDAG NYID DU GYUR PA'I THUR DU LTUNG BA'I KHYAD PAR NYAMS PA DANG MI G-YO PAR GNAS PA'I KHYAD PAR SKYES PA MED PA'I PHYIR, GZHUNG SNGA MA'I 'PHROS DANG SBYAR NA 'OG GZHIS CHU THUR DU LTUNG BA'I GEGS BYAS KYANG CHU THUR DU LTUNG BAR THAL, 'OG GZHIS CHU THUR DU LTUNG BA'I GEGS CHU LAS RDZAS GZHAN KHO NA LA PHAN BTAGS PA'I PHYIR, KHYAB PAR THAL, DE LTA NA CHU GNAS BYED KYIS CHU LAS DON GZHAN KHO NA LA PHAN BTAGS NA CHU GNAS PAR MA BYAS PAR THUR DU LTUNG BAR THAL BA DANG, BRGAL ZHING BRTAG PA MTSUNGS PA'I PHYIR, GNYIS PA NI, GEGS ZHES BYA BA'I DNGOS PO LAS CHU THUR DU LTUNG BA LAS KHYAD PAR GRUB BO ZHE NA, GEGS LAS CHU THUR DU LTUNG BA LAS KHYAD PAR 'GRUB TU CHU GA NA YANG GEGS YOD KYANG CHU THUR DU LTUNG BAR THAL, CHU'I DNGOS PO GEGS MED NA THUR DU LTUNG BA DE'I BDAG NYID KHO NA YIN PA GANG ZHIG GEGS DE YANG CHU LAS BDAG NYID RDZAS GZHAN YIN PA'I PHYIR, GEGS KYIS BYAS PA'I KHYAD PAR GYIS KYANG KHYAD PAR GZHAN BYED NA, 'OG GZHIS CHU THUR DU LTUNG BA'I GEGS BYED PA THUG PA MED PAR 'GYUR BAR THAL, 'OG GZHIS CHU LAS RDZAS GZHAN GYI GEGS BYED DES KYANG DON GZHAN GYI GEGS BYED PA'I PHYIR, GSUM PA NI, 'OG GZHIS CHU THUR DU MI LTUNG BA'I DNGOS MED BSKYED DO ZHE NA, SANGS RGYAS PA GZHAN DAG CHU THUR DU MI LTUNG BA'I DNGOS MED DE LTA BUR GYUR PA'I BDAG NYID GSAR DU BYAS PA LA NI

GEGS SU KHAS MI LEN TE, THUR DU MI LTUNG BA SKYED NA, CHU'I SKYED BYED DU THAL BA'I PHYIR RO, ,GNYIS PA LA GSUM, MED DGAG RGYUS BYED NA DNGOS POR THAL BA DANG, GEGS DNGOS MED BYED NA NYES PA SNGA MAR 'GYUR BA DANG, DNGOS MED RGYUS BYED NA DNGOS PO'I BYA BA BKAG PAR THAL BA'O, ,DANG PO NI, CHU THUR DU LTUNG BA MED PA'I MED DGAG BYED PA GEGS BYED PAR KHAS LEN PA YIN NA CHU THUR DU LTUNG BA MED PA DE CHOS CAN, CI LTAR RGYU 'GA' ZHIG GIS BYED DE MI BYED PAR THAL, DNGOS POR MED PA DE'I PHYIR, DNGOS PO MED PAR MI 'THAD PAR THAL, RNAM PA 'GA' ZHIG LTAR RGYUS BYAS PA YIN PA'I PHYIR, GNYIS PA NI, CHU THUR DU LTUNG BA MED PA ZHES BYA BA 'GA' ZHIG 'OG GZHI'I BSKYED BYAR YOD PA NI MA YIN PAR THAL, GEGS YOD KYANG CHU THUR DU LTUNG BA DANG THUG PA MED PA'I NYES PA SNGA MA BZHIN DU THAL BAR 'GYUR BA'I PHYIR, GSUM PA NI, CHU THUR DU LTUNG BA MED PA'I MED DGAG RGYUS BYED DO ZHES BYA BA 'DI NI DNGOS PO RGYU'I BYA BA'I YUL YIN PA 'GOG PA YIN PAR THAL, RGYUS DNGOS MED BYED DE ZHES KHAS BLANGS NA DNGOS PO MI BYED DO ZHES BYA BA'I DON DU 'GYUR BA'I PHYIR, DNGOS MED MI BYED PAR THAL, DNGOS MED BYA BA'I YUL DU MI RUNG BA DE'I PHYIR, GSUM PA NI, 'OG GZHIS CHU DE THUR DU LTUNG BAR BYED PA MA YIN NO ZHES DE LTAR BRJOD PAR BYA BAR 'GYUR BAR THAL, 'OG GZHIS CHU THUR DU LTUNG BA'I GEGS CHU LAS RDZAS GCIG DANG THA DAD DANG, DNGOS MED GANG YANG MI BYED PA DES NA'I PHYIR, 'DOD NA, 'OG GZHIS CHU THUR DU LTUNG BAR MI BYED PA DED KYI YANG 'DOD PA GRUB PAR THAL, DE

, ,YANG DED 'DOD PA NYID YIN PA'I PHYIR, CHU DE'I LTUNG BA 'OG GZHI DES BYAS PA NI MA YIN TE, GEGS MED NA RANG NYID LTUNG BA'I PHYIR, DER THAL, GEGS MED NA THUR DU LTUNG BA'I CHOS CAN NYID YIN PA'I PHYIR, DPER NA BONG BA GNAM DU 'PHANGS PA RANG SHUGS KYIS THUR DU LTUNG BA BZHIN NO, ,GSUM PA DON BSDU BA LA GNYIS, DNGOS DANG, NYER LEN SNGA MA DANG YUL GO SA MTSUNGS PAR SKYED PA THUR DU LTUNG BA'I GEGS BYED BA'I DON YIN PA'O, ,DANG PO NI, 'OG GZHI DE CHOS CAN, CHU DE LA PHAN PA CUNG ZAD KYANG MI BYED PAR THAL, PHAN PA CHU LAS RDZAS GCIG DANG THA DAD GANG YANG MI BYED PA DE LTA YIN PA'I PHYIR, 'DOD NA CI LTAR CHU DE MI G-YO BAR GNAS PAR BYED PA YIN TE MA YIN PAR THAL, 'DOD PA DE'I PHYIR 'DOD NA CHU 'DI NAM YANG GNAS PAR MI 'GYUR BAR THAL, GEGS MED NA THUR DU LTUNG BA'I CHOS CAN GANG ZHIG THUR DU LTUNG BA LA GANG GIS KYANG GEGS BYAS PA MED PA'I PHYIR, RTAGS PHYI MA DER THAL, 'OG GZHIS CHU GNAS PAR MA BYAS PA DE'I PHYIR, GNYIS PA NI, 'OG GZHIS CHU THUR DU LTUNG BA'I GEGS BYED DO ZHES BYA BAS KYANG CHU LA PHAN 'DOGS PAR BRJOD PA YIN TE, CHU'I DNGOS PO'I SKAD CIG MA RNAMS KYI NYE BAR LEN PA SNGA MA DANG YUL GO SA MTSUNGS PAR CHU'I SKAD CIG PHYI MA RNAMS SKYE BAR BRJOD PA'I DON YIN PA'I PHYIR, DER THAL, GEGS BYED PA 'THAD PA GANG ZHIG DON GZHAN DU MI 'THAD PA DE'I PHYIR, GSUM PA DON BSDU BA NI, CHU'I MI G-YO BAR GNAS PA DE 'DRA BA NI 'OG GZHI LAS SKYE BAR GRUB STE, DE LTAR BSGRUBS ZIN PA DE'I PHYIR, GSUM

PA LA GSUM, RTZA BA DANG, 'GREL PA DANG, RIGS CAN GZHAN LA SBYAR BA'O, ,DANG PO NI, CHU SKYAR CHU'I 'BRAS BUR THAL, DON GZHAN GANG ZHIG DE LAS CHU DPOG PA'I PHYIR RO ZHE NA, DPYID KYI DUS KYI DPAG TSAD DU MAR CHAD PA'I MYA NGAM GYI MTHAR LUS MA NYAMS PAR RANG DBANG DU YUN RING DU NAM MKHA' LA LDING BA'I CHU SKYAR GNAS PA'I SA PHYOGS CHOS CAN, CHU YOD DE, DE 'DRA'I CHU SKYAR YOD PA'I PHYIR, CES PA'I RTAGS DE 'BRAS RTAGS YANG DAG TU THAL, PHYOGS CHOS GRUB PA GANG ZHIG DE 'DRA'I CHU SKYAR YANG GNAS PA DON GZHAN GYI CHU LA BRTEN PA'I PHYIR, RO, ,GNYIS PA NI, SNGAR GZHI BRTAN PA DPOG PA'I SKABS SU BSHAD PA'I DE'I 'BRAS BU ZHES BSHAD PA 'DIR YANG RJES SU 'JUG PAR BYA BA YIN TE, 'DI 'BRAS RTAGS SU GO BA'I CHED DU DE LTAR SBYAR BAR BYA BA'I PHYIR, DE 'DRA'I CHU SKYAR GYI GNAS PA NI CHU LA BRTEN PA YIN TE, CHU DE LAS CHU SKYAR GYI LUS GNAS PA THOB PA'I PHYIR, SNGAR BSHAD PA'I YUL LA SOGS PAS KHYAD PAR DU BYAS PA'I CHU SKYAR LA BLTOS NAS RANG PHYOGS KYI CHOS SU GRUB PA'I GZHIR CHU GO BAR BYED PA YIN TE, DE 'DRA'I CHU SKYAR CHU DE'I 'BRAS BU NYID DU 'BREL BA'I PHYIR, GSUM PA NI, SNGAR BSHAD PA'I GO BYED YANG DAG DE TZAM DU ZAD PA MA YIN TE, PHYOGS DANG RIGS PA 'DIS 'DIR DPER MA BRJOD PA'I GO BAR BYED PA GZHAN DAG LA YANG 'BREL PA NGES PA LA BRTEN NAS GO BYED YANG DAG TU BSGRUB PAR BYA BA'I PHYIR, GNYIS PA DON BSDU BA NI, GTAN TSIGS YANG DAG RNAM PA GSUM LAS GZHAN PA'I GO BAR BYED PA NI MED DE, 'BREL PA GNYIS SU NGES PA DE'I PHYIR, KHYAB PAR

, ,THAL, 'BREL PA MED PA'I RANG BZHIN NI BSGRUB BYA'I CHOS DANG MED NA MI 'BYUNG BAR NGES PA MED PA'I PHYIR RO, SGRUB PA YANG DAG BSHAD ZIN TO,, ,,GNYIS PA SGRUB PA LTAR SNANG LA GNYIS, GTAN TSIGS LTAR SNANG SPYIR BSTAN PA DANG; SO SOR BSHAD PA'O, ,DANG PO LA GNYIS, RTZA BA DANG, 'GREL PA'O, ,DANG PO NI, DE LTAR SGRUB PA YANG DAG BSHAD NAS GTAN TSIGS GANG ZHIG BKOD NA PHYIR RGOL GYI BLO NGOR RTOGS PA BSKYED MI NUS PA CHOS CAN DANG RTAGS KYI NGO BO MA GRUB PA GNYIS DANG, DE GNYIS KYI 'BREL PA MA GRUB PA DANG, DE GSUM LA THE TSOM ZA BA'I MA GRUB PA'I GTAN TSIGS LTAR SNANG DRUG DANG, MTHUN PHYOGS LA MTHONG YANG MI MTHUN PHYOGS LA THE TSOM ZA BA DANG, DE LAS GO LDOG PA DANG, GNYIS KA LA THE TSOM ZA BA DANG, GNYIS KA LA KHYAB BYED DU 'JUG PA DANG, MTHUN PHYOGS LA KHYAB CING MI MTHUN PHYOGS LA CHA GNYIS PA DANG, DE LAS GO LDOG PA DANG, GNYIS KA LA CHA GNYIS PA DANG, MI MTHUN PHYOGS KHO NA LA MTHONG ZHING MTHUN PHYOGS LA MED PAR MTHONG BA GANG YIN YANG LKOG GYUR GO BA'I NUS PA MED PAR BSDUS TE BSTAN PA NI, PHYIR RGOL GYI BLO NGOR BKOD PA'I GTAN TSIGS KYI TSUL GSUM GA'AM GANG RUNG DON LAM GRUB BAM MA GRUB KYANG THE TSOM ZA NA LKOG GYUR RTOGS PAR 'DOD PA PO'I BLO NGOR SGRUB BYED YANG DAG MIN TE, LKOG GYUR SHES BYED KYI YAN LAG TSUL GSUM TSAD MAS MA GRUB NA GZHAL BYA LKOG GYUR SHES PAR BYED PA'I NUS PA YOD PA MIN PA'I PHYIR, GNYIS PA LA GSUM, TSUL GSUM MA GRUB PA GTAN TSIGS YANG DAG

TU MI RUNG BA DANG, DE'I SGRUB BYED DANG, DON BSDU BA'O, ,DANG PO NI, TSUL GSUM PO DE MA GRUB PA'AM THE TSOM ZA NA LKOG GYUR SHES PAR BYED PA'I GTAN TSIGS YANG DAG MA YIN TE, LKOG GYUR SHES PAR BYED PA'I GTAN TSIGS YANG DAG YIN NA TSUL GSUM TSAD MAS GRUB PA'I BDAG NYID GANG GIS SHES PAR BYED PA YIN PAS KHYAB PA'I PHYIR, DPER NA BRDA MA BYAS PA DANG, BRDA PHYIN CI LOG TU SBYAR BA DANG, THE TSOM ZA BA'I SGRA LAS DON RNAL MAR MI GO BA BZHIN NO, ,GNYIS BA NI, GTAN TSIGS YANG DAG NI TSUL GSUM GYIS LKOG GYUR GYI DON GO BAR BYED PA YIN TE, DE GO BA PHYOGS CHOS DANG 'BREL PA GNYIS KA LA BLTOS PA'I PHYIR, PHYOGS CHOS LA BLTOS TE, PHYOGS CHOS MA GRUB NA TSAD MANG DU MTHONG BA'I DU BA LAS RGYA MTSOR MA MI RTOGS PA BZHIN DU RTZOD GZHI DANG RTAGS MA 'BREL BA LAS MI RTOGS PA'I PHYIR, 'BREL PA LA BLTOS TE, LKOG GYUR RTOGS PA'I GTAN CHIGS YOD PA GANG ZHIG 'BREL PA MED PA LAS KYANG RTOGS PA MA YIN PA'I PHYIR RO, ,DER THAL, 'BREL MED LAS RTOGS NA 'BREL PA GRUB PA LA BRTEN NAS NAM YANG RTOGS PAS DON THAMS CAD LAS THAMS CAD RTOGS PAR THAL BAR 'GYUR BA'I PHYIR, GSUM PA NI, CHOS CAN DANG 'BREL BA PHYOGS CHOS DANG RJES SU 'GRO BA DANG LDOG PA'I KHYAB PA BSGRUB PAR BYA BA PHYIR RGOL BA DANG SGRUB PAR BYED PA RGOL BA DAG LA MA GRUB PA'AM THE TSOM ZA BA'I CHOS GTAN TSIGS NI GTAN TSIGS LTAR SNANG BA YIN TE, LKOG GYUR GO BA'I GTAN TSIGS KYI NUS PA TSUL GSUM DON LA GRUB CING TSAD MAS RTOGS PA LA BLTOS

, ,PA DE'I PHYIR, GNYIS PA LA GSUM, MTSAMS SBYAR BA DANG, RTZA BA DANG, DE'I DON RGYAS PAR BSHAD PA'O, ,DANG PO NI, TSUL GSUM YOD PA DE LA MA GRUB PA'AM THE TSOM ZA NA LTAR SNANG DU STON PA'O, ,GNYIS PA NI, GTAN TSIGS YANG DAG YIN NA PHYOGS CHOS TSAD MAS GRUB PA LA BLTOS TE, GCIG PHYOGS CHOS RAB TU MA GRUB PA'AM THE TSOM ZA NA MA GRUB PA'I GTAN TSIGS LTAR SNANG YIN PA'I PHYIR, GTAN TSIGS YANG DAG YIN NA LDOG PA GRUB PA LA BLTOS TE, DANG GI SGRAS PHYOGS CHOS GRUB GCIG LDOG PA RAB TU MA GRUB PA'AM THE TSOM ZA NA 'KHRUL PA CAN MA NGES PA'I GTAN TSIGS SU 'GYUR BA'I PHYIR, GTAN TSIGS YANG DAG YIN NA RJES SU 'GRO LDOG GI KHYAB PA TSAD MAS GRUB PA LA BLTOS TE, PHYOGS CHOS GRUB RJES SU 'GRO LDOG GI KHYAB PA GNYIS MA GRUB PA STE, PHYIN CI LOG TU GRUB NA 'GAL BA'I GTAN TSIGS SU 'GYUR BA'I PHYIR, SGRUB CHOS SNGA MA LA GTAN TSIGS NI, PHYOGS CHOS GRUB 'AM GYI SGRAS RJES SU 'GRO LDOG GNYIS KA THE TSOM ZA NA 'KHRUL PA CAN THUN MONG MA YIN PA'I MA NGES PA'I GTAN TSIGS SU 'GYUR BA'I PHYIR, DANG GI SGRAS CHOS SNGA MA LA GTAN TSIGS NI PHYOGS CHOS GRUB MI MTHUN PHYOGS LA MTHONG YANG MTHUN PHYOGS LA THE TSOM ZA NA 'GAL BA'I LHAG LDAN DU 'GYUR BA'I PHYIR, GSUM PA LA GSUM, GTAN TSIGS LTAR SNANG SO SOR BSHAD PA DANG, SPYI DANG KHYAD PAR GYI MA NGES PA'I GTAN TSIGS BYE BRAG TU BSHAD PA DANG, DNGOS PO STOBS ZHUGS KYI SKABS SU 'GAL BA LA MI 'KHRUL BA'I

GTAN TSIGS KYI DPE MI STON PA'I RGYU MTSAN NO, ,DANG PO LA GNYIS, TSUL RE RE'I SKYON CHAGS PA'I GTAN TSIGS DANG, TSUL GNYIS GNYIS KYI SKYON CHAGS PA'I GTAN TSIGS SO, ,DANG PO LA GNYIS, MDOR BSTAN PA DANG, RGYAS PAR BSHAD PA'O; ;DANG PO NI, GTAN TSIGS YANG DAG YIN NA PHYOGS CHOS DANG LDOG PA TSAD MAS GRUB PA LA BLTOS TE, TSUL RE RE PHYOGS CHOS MA GRUB PA'AM THE TSOM ZA NA MA GRUB PA'I GTAN TSIGS LTAR SNANG DU 'GYUR LA, PHYOGS CHOS GRUB LDOG PA GCIG PU MA GRUB PA'AM MTHUN PHYOGS LA MTHONG YANG MI MTHUN PHYOGS LA THE TSOM ZA NA MA NGES PA'I GTAN TSIGS LTAR SNANG BAR 'GYUR BA'I PHYIR, GNYIS PA LA GNYIS, PHYOGS CHOS MA GRUB PA'I GTAN TSIGS LTAR SNANG BSHAD PA DANG, LDOG PA MA GRUB PA'I GTAN TSIGS LTAR SNANG BSHAD PA'O, ,DANG PO LA GSUM, PHYOGS CHOS DON DANG KHAS BLANGS KYIS MA GRUB PA'I GTAN TSIGS LTAR SNANG BSHAD PA DANG, THE TSOM ZA BA'I MA GRUB PA'I GTAN TSIGS BSHAD PA DANG, DON BSDU BA'O, ,DANG PO LA GSUM, DAM BCA'I DON DU MA 'DUS PA'I MA GRUB PA'I GTAN TSIGS BSHAD PA DANG, DNGOS STOBS KYI SKABS SU LUNG LA BRTEN PA'I GANG RUNG LA MA GRUB PA MA SMOS PA'I RGYU MTSAN DANG, DAM BCA'I DON DU 'DUS PA'I MA GRUB PA'I GTAN TSIGS BSHAD PA'O, , DANG PO LA GSUM, PHYOGS CHOS RGOL BA GNYIS KA LA MA GRUB PA DANG, PHYIR RGOL LA MA GRUB PA DANG, DES RIGS CAN GZHAN YANG RTOGS PAR BYA BA'O, ,DANG PO NI, SHES 'DOD CHOS CAN DANG RTAGS KYI 'BREL PA DON LA MA GRUB NA PHYOGS CHOS MA GRUB PA

, ,YIN TE, DPER NA SGRA CHOS CAN MI RTAG STE MIG GI GZUNG BYA YIN PA'I PHYIR RO ZHES BYA BA LTA BU MA GRUB PA'I GTAN TSIGS LTAR SNANG YIN PA'I PHYIR, GNYIS PA LA GNYIS, RGYAS PAR BSHAD PA DANG, DON BSDU BA'O, ,DANG PO LA GSUM, SHING GI 'CHI BA PHYIR RGOL SANGS RGYAS PAS KHAS MA BLANGS PA DANG, 'CHI BA KHAS LEN NA SEMS PA CAN DU BSGRUB MI DGOS PA DANG, DE'I LAN DGAG PA'O, ,DANG PO NI, SANGS RGYAS PA LA GCER BU PAS SHING RNAMS NI CHOS CAN; SEMS PA CAN YIN TE, SHUN PA THAMS CAD BSHUS NA 'CHI BA'I PHYIR, DPER NA SKYES BU BZHIN ZHES BYA BA NI RTAGS PHYIR RGOL SANGS RGYAS PAS KHAS MA BLANGS TE, SANGS RGYAS PA NI SNGON GYI LAS KYIS 'PHANGS PA'I RNAM PAR SHES PA DANG DBANG PO DANG TSE'I RIS MTHUN GSAR DU 'GAGS PA SHI BA DANG 'GAG PA 'CHI BA'I MTSAN NYID DU KHAS LEN PA YIN PA'I PHYIR RO, ,TSE NI RNAM PAR SHES PA LA MI 'KHRUL BA'I DROD RIS MTHUN GYI RNAM SHES GNAS PA'I RTEN NO, ,'DI LTAR SMOS PA NI LUNG LAS GRANGS PA'I GZUGS MED KHAMS PA'I 'CHI BA LA MA KHYAB PA GCOD PAR BYED PA'I MTSAN NYID STON PA MA YIN TE, GCER PU PA DANG 'JIG RTEN RANG DGA' BA LA THUN MONG DU GRAGS PA'I 'CHI BA'I MTSAN NYID STON PA YIN LA, PHA ROL PO'I LOG RTOG 'GOG PA LA DE TZAM GYIS NUS PA'I PHYIR RO, ,GNYIS PA NI, SHING 'CHI BAR SANGS RGYAS PAS KYANG KHAS LEN NA LJON SHING SANGS RGYAS PAS SEMS PA CAN DU JI LTAR KHAS MI LEN TE SEMS PA CAN DU RTAGS KYIS BSGRUB MI

DGOS PAR THAL, LJON SHING 'CHI BA KHAS LEN PA'I PHYIR RTAGS KHAS BLANGS, GSUM PA LA GNYIS, RTZOD PA DANG, LAN NO, ,DANG PO NI, 'CHI BA'I SGRA SHING LA 'JUG PAR SANGS RGYAS PA LA GRUB PA NYID DO ZHE NA, GNYIS PA LA GNYIS, SGRA 'JUG PAS DON GRUB NA HA CANG THAL BA DANG, SKAM PA LA 'CHI BAR MING BTAGS KYANG SROG CHAGS KYI 'CHI BA SHING LA MA GRUB PA'O, ,DANG PO NI, SHING LA 'CHI BA ZHES PA'I SGRA SBYOR DU CHUG KYANG DE'I DBANG GIS 'CHI BA'I DNGOS PO GRUB CING RNAM PAR GNAS PA MA YIN TE, SGRA NI 'DOD PAS 'JUG PA'I PHYIR, KHYAB PAR THAL, SGRA TZAM GYIS DON GRUB NA HA CANG THAL BAR 'GYUR BA'I PHYIR RO, ,GNYIS PA NI, 'JIG RTEN PA 'DI SHING 'CHI BAR THA SNYAD 'DOGS SU CHUG KYANG SKAM PA LA 'CHI BAR BRJOD PA YIN GYI SROG CHAGS KYI 'CHI BA LA BRJOD PA MA YIN PAR THAL, SGRA TZAM LAS DON MI 'GRUB PA DE'I PHYIR, SROG CHAGS KYI 'CHI BA 'DI NI SHING DAG LA MA GRUB STE, SROG CHAGS KYI 'CHI BA NI SNGAR BSHAD PA'I MTSAN NYID CAN YIN GYI SKAM PA TZAM DE LTA BU MA YIN PA DES NA'I PHYIR, GNYIS PA NI, MING TZAM LA BRTEN NAS DNGOS POS GO BAR BYA BA'I DON GYI DNGOS BO 'GRUB PA NI MA YIN PAR THAL, DON GYI DNGOS PO LA BLTOS PA MED PA 'DOD PAS 'JUG PA'I SGRA TZAM YOD PA'I PHYIR, GSUM PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, SGRA 'JUG PAR GRUB PA TZAM GYIS DON 'GRUB PA'I NGES PA MED PAR BSTAN PA 'DIS NI CHOS CAN, GTAN TSIGS LTAR SNANG GZHAN DAG KYANG BSHAD PA YIN TE, GRANGS CAN GYIS BLO

, ,DANG BDE BA CHOS CAN, SEMS PA MED PA BEM PO YIN TE, SKYE BA CAN DANG MI RTAG PA NYID YIN PA'I PHYIR CES BKOD PA DANG BYE BRAG PAS 'JIG RTEN GYI GNAS DANG LUS DANG LONGS SPYOD LA SOGS PA RNAMS CHOS CAN, KHYAD PAR DU 'PHAGS PA'I SKYES BUS BLO SNGON DU 'GRO BA CAN NYID KYIS BYAS PA YIN TE, DBYIBS KYI KHYAD PAR DANG LDAN PA DANG, SDOD CING 'JUG PA DANG, DON BYED NUS PA LA SOGS PA SGRUB PAR BYED PAR BKOD PA RNAMS MING TZAM GRUB KYANG DON MTHUN SNANG MA GRUB PA'I GTAN TSIGS LTAR SNANG DU BSTAN PA'I PHYIR, GTAN TSIGS GNYIS PO DER YANG PHYOGS CHOS MA GRUB PAR THAL, RTZOD GZHI LA RTAGS KYI SGRA TZAM 'BA' ZHIG GRUB KYI DON NI GRUB PA MA YIN LA SKYES BUS BLO SNGON DU BTANG NAS BYAS PA LA MI 'KHRUL BA'I DBYIBS KYI KHYAD PAR YANG MA GRUB PA'I PHYIR, GNYIS PA LA GNYIS, GRANGS CAN GYIS BKOD PA'I GTAN TSIGS DGAG PA DANG, BYE BRAG PAS BKOD PA'I GTAN TSIGS DGAG PA'O, ,DANG PO LA GNYIS, DGAG PA DNGOS DANG, RTZOD PA SPANG BA'O, ,DANG PO NI, GRANGS CAN GYIS BKOD PA'I RTAGS DE SANGS RGYAS PA'I BLO NGOR PHYOGS CHOS MA GRUB PAR THAL, RANG BZHIN NYAMS PA MED PA'I BDAG NYID YIN LA, GNAS SKABS GTZO BO'I KHUG MAR NYE BAR ZHI BA NI MI RTAG PA NYID DU SANGS RGYAS PA GZHAN DAG MI 'DOD CING TSAD MAS MA GRUB PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, GAL TE SNGAR YOD GTAN MED DU 'GYUR BA'I MI RTAG PA DANG, GNAS SKABS MI GSAL BAR

SONG BA TZAM GYI MI RTAG PA'I KHYAD PAR BRJOD PAR 'DOD PA MED PA'I PHYIR, MI RTAG PA'I SPYI GRUB PA NYID MA YIN NAM DE GRUB NA KHYAD PAR RNAM PAR RTOG PA'I SGO NAS MA GRUB PAR RTZOD PA 'DI SLAR YANG RANG NYID LA NYES PA MA LUS PAR 'JUG PA'I 'BRAS MTSUNGS KYI LTAG CHOD YIN PAS LAN LOG PA NYID YIN NO ZHE NA, GNYIS PA LA GSUM, LTAG CHOD KYI YUL NGOS GZUNG BA DANG, SNGAR GYI LAN DE LTAG CHOD DU 'GYUR BA'I SGRUB BYED DGAG PA DANG, SANGS RGYAS PA'I GTAN TSIGS LA KHYAD PAR LA BRTAGS NAS SKYON BRJOD PA LTAG CHOD DU 'GYUR YANG GRANGS CAN GYI GTAN TSIGS LA SUN 'BYIN YANG DAG TU 'GYUR BA'O, ,DANG PO NI, GAL TE SGRA MI RTAG SGRUB LA BYAS PA NYID LA SOGS PA GTAN TSIGS SU BKOD PA LA SGRA'I BYAS PA DANG BUM PA'I BYAS PA PHAN TSUN RJES 'GRO MI BYED PAS BYAS PA RTZOD GZHI DANG DPE LA RJES 'GRO MI BYED CES PA'I RTZOD PA DE 'BRAS MTSUNGS KYI LTAG CHOD YIN PAR THAL, BYAS PA TZAM SGRA MI RTAG PAR SGRUB PA'I TSUL GSUM YIN PA'I PHYIR, DPE DE LTAR GRANGS CAN GYIS BKOD PA'I GTAN TSIGS LA MI RTAG PA'I KHYAD PAR LA BRTAGS NAS NYES PA BRJOD PA DE SUN 'BYIN LTAR SNANG DU 'GYUR BA MA YIN PAR THAL, MI RTAG PA'I SGRA 'DI DON GANG DANG 'BREL BA'I MI RTAG PA'I DNGOS PO MTHUN SNANG DU GRUB PA CUNG ZAD CIG RGOL BA GNYI GAS KYANG SPYIR 'DOD PA YIN NA SNGAR NYES PA BRJOD PA DE LAN LOG PAR 'GYUR BA NYID YIN NA YANG MI RTAG PA TZAM GYI DON MTHUN SNANG DU GRUB PA MED PA'I PHYIR, GNYIS PA LA GSUM, MNGON GSAL DU SMRA BA'I GRANGS CAN DGAG

, ,PA DANG, GNAS SKABS LDOG PA MI RTAG PA'I DON DU SMRA BA'I GRANGS CAN DGAG PA DANG, GNYI GA THUN MONG DU DGAG BA'O, ,DANG PO LA GNYIS, BLO YUL DU BSKAL BA TZAM MI RTAG PA'I DON DU SANGS RGYAS PA MI 'DOD PA DANG, DE MI RTAG PA'I DON YIN NA HA CANG THAL BA'O, ,DANG PO LA GNYIS, RTZOD PA DANG, LAN NO, ,DANG PO NI, SNGAR YOD PA MNGON SUM GYI YUL DU BSKAL BA NYID MI RTAG PA'I DON DU GNYI GA LA YOD PA MA YIN NAM ZHE NA, GNYIS PA NI, DE LA NI SANGS RGYAS PA GZHAN DAG MI RTAG PAR MI 'DOD DE, 'O NA CI ZHE NA RANG GRUB DUS LAS DUS GNYIS PAR MED PAR 'GYUR BA'I 'JIG PA LA MI RTAG PAR 'DOD PA'I PHYIR, GNYIS PA LA GSUM, RTZOD PA DANG, LAN DANG, DE'I LAN DGAG PA'O, ,DANG PO NI, GAL TE KHYOD 'DOD PA'I BZHIG PA DANG KHO BO CAG 'DOD PA'I BSKAL PA DAG BLO YUL DU MI GSAL BA NYID DU 'DRA BA'I PHYIR, GNYIS KA LA YANG MI GSAL BA NYID KYI SPYI MTHUN SNANG DU GRUB PA YOD PA NYID MA YIN NAM ZEH NA, GNYIS PA LA GNYIS, DRI BA DANG, DRIS PA'I LAN DGAG PA'O, ,DANG PO NI, CI STE MI RTAG PA'I DON MI GSAL BA ZHES BYA BA 'DI CI ZHIG CES DRIS PAS MNGON SUM GYIS MI MTHONG BA'I BDAG NYID DO ZHE NA, GNYIS PA NI, GRANGS CAN PA MI RTAG PA'I MTSAN NYID DE LTAR KHAS LEN PA 'DIS GTZO BO DANG SKYES BU LA SOGS PA YANG CHOS CAN, MI RTAG PAR THAL BAR 'GYUR BA STE DER THAL, MNGON SUM GYIS MA MTHONG BA'I PHYIR, GSUM GA KHAS BLANGS SO, ,GSUM PA LA GNYIS, RTZOD PA DANG, LAN NO, ,DANG PO NI, GTZO

BO DANG SKYES BU DUS NAM YANG MTHONG BA'I LAM DU MI 'GYUR LA SNGAR CHOS GZHAN GSAL BAR YOD PA YIN PA PHYIS MI GSAL BA MI RTAG PA YIN NO ZHE NA, GNYIS PA NI, BLO BDE CHOS CAN, NYAMS PA MED PA'I RTAG PA'I RDZAS KYI BDAG KYANG YIN NO ZHES LEGS PAR THA SNYAD BYAS TE PHYIN CI LOG TU THAL, SNGAR CHOS GZHAN YANG YIN LA PHYIS MI RTAG PAR SONG BA YIN PA'I PHYIR, GNYIS PA LA GNYIS, DGAG PA MDOR BSTAN PA DANG, DE'I LAN DGAG PA'O, ,DANG PO NI, MI GSAL BA MI RTAG PA'I DON DU 'DOD PA BKAG PA 'DIS NI CHOS CAN, GNAS SKABS LDOG PAR SMRA BA YANG BKAG PA YIN TE, DNGOS PO DE'I GNAS SKABS LDOG PA MI RTAG PA'I DON DU 'DOD PA LA YANG DGAG PA BSHAD PA YIN PA'I PHYIR, GANG ZHIG GNAS SKABS LDOG PA BLO YUL DU BSKAL BA DANG 'DRA BAR MI RTAG PA'I SGRA'I DON DU SMRA BA DE LA YANG BLO BDE CHOS CAN, GNAS SKABS LDOG PA MI 'THAD PAR THAL, RANG BZHIN NYAMS PA MED PA'I RTAG DNGOS YIN PA'I PHYIR, KHYAB PAR THAL, DE JI LTAR GNAS SKABS LDOG PA YANG YIN LA RANG BZHIN NYAMS PA MED PA YANG YIN PA MI 'THAD PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, KHYAB PA MED DE, GNAS SKABS LDOG GI GNAS SKABS CAN RANG BZHIN NI NYAMS PA MA YIN NO ZHE NA, GNYIS PA LA GNYIS, DRI BA DANG; DRIS PA'I LAN DGAG PA'O, ,DANG PO NI, GNAS SKABS ZHES BYA BA 'DI CI ZHIG CES DRIS PAS CHU 'DZIN PA DANG LEN PA DANG LTO LDIR BA LA SOGS PA DON BYED PA NYE BAR SGRUB PA GANG YIN PA STE, DE 'DRA BA DE YANG GANG ZHE NA, 'DI BUM PA'O ZHES

, ,'JIG RTEN 'DI SGRA DANG 'DRES PAR GANG LA MNGON SUM DU LHAG PAR ZHEN PA 'DI YIN TE, GNAS SKABS DE LOG NA GZHAN GNAS SKABS CAN MA LOG KYANG CHU SKYOR GYI DON BYED NUS PA DANG, MNGON SUM GYI TSAD MAS GRUB PA DANG, BUM PA'I THA SNYAD KYIS MTSON PA 'DI THAMS CAD MED PA'I PHYIR RO ZHE NA, GNYIS PA LA GSUM, GNAS SKABS CAN GYI BUM PA MI SRID PA DANG, YOD KYANG BUM PAR MI 'GYUR BA DANG, DE'I LAN DGAG PA'O, ,DANG PO NI, CHOS GSUM LDAN DE BUM PA YIN PA DE LTA NA NI 'O NA BUM PA'I GNAS SKABS DE NYID KHO NA BUM PA YIN PAR THAL, BUM PA DE NI MNGON SUM GYIS MTHONG BA LA SOGS PA CHOS GSUM PO JI SKAD BSHAD PA'I MTSAN NYID CAN YIN PA'I PHYIR RO, ,BUM PA'I GNAS SKABS DE YANG LOG LA GNAS SKABS CAN MA LOG PAR GNAS PA NI BRGAL ZHING BRTAG PAR BYA BA YIN PAR THAL, GRANGS CAN GYIS DE LTAR KHAS BLANGS PA GANG ZHIG ,DE MA GRUB PA'I PHYIR, GNYIS PA NI, DE 'DRA YOD KYANG BUM PA' DNGOS POR MI 'GYUR BAR THAL, BUM PA'I DNGOS PO DE'I MTSAN NYID ZHUGS PA MED PA'I PHYIR RO, ,GSUM PA LA GNYIS, RTZOD PA DANG, LAN NO, ,DANG PO NI, BUM PA'I DNGOS PO GCIG NYID 'JIM GONG DANG CHU SKYOR GYI DON BYED NUS PA DANG, GYO DUM DU SONG BA LA SOGS PA GNAS SKABS GZHAN DANG 'BREL BA'I PHYIR THA DAD PAR MNGON PA YIN GYI RANG BZHIN GCIG YIN NO ZHE NA, GNYIS PA LA GNYIS, DGAG PA DNGOS DANG, DE'I LAN DGAG PA'O, ,DANG PO NI, GNAS SKABS THA DAD PA DE NYID DNGOS PO THA DAD PA'I MTSAN NYID

CAN DU CI STE MI 'DOD DE 'DOD RIGS PAR THAL, GNAS SKABS GSUM PO THA DAD PA DE NYID RDZAS SO SOR MNGON SUM GYIS MTHONG BA YIN GYI, DE LAS GZHAN PA'I DE GSUM GYI RANG BZHIN MA MTHONG BA'I PHYIR, 'DOD NA BDE BA DANG SDUG BSNGAL DANG GTI MUG LA SOGS PA RNAMS RANG BZHIN THA DAD PAR 'GYUR BAR GDON MI ZA BAR THAL, RDZAS KYI GNAS SKABS THA DAD PA YIN NA DNGOS PO THA DAD PA DE LTA YIN PA'I PHYIR, RTAGS BSAL KHAS BLANGS 'DOD NA, DE GSUM GYI RANG BZHIN GTZO BO CHA MED GCIG PU YIN PA NYAMS SO, ,GNYIS PA LA GNYIS, RTZOD PA DANG, LAN NO, ,DANG PO NI, DE GSUM GNAS SKABS THA DAD KYANG GTZO BO CHA MED KYI RANG BZHIN 'GA' ZHIG RJES SU BYED PA'I PHYIR, RANG BZHIN THA MI DAD DO ZHE NA, GNYIS PA NI, BDE BA DANG SDUG BSNGAL DANG GTI MUG LA SOGS PA RNAMS CHOS CAN, THA MI DAD DU THAL, CHA MED KYI RANG BZHIN RJES SU 'BREL BA 'DI NI MTSUNGS PA MA YIN NAM STE MTSUNGS PA'I PHYIR, GANG ZAG SO SO'I BDAG SHES RIG GI SKYES BU RNAMS CHOS CAN, THA MI DAD DU THAL; KHYAD LA YANG LONGS SPYOD PA PO YIN PA DANG, BYED PA PO MA YIN PA DANG, RNAM 'GYUR CAN MA YIN PA'I RANG BZHIN GCIG RJES SU BYED PAR MTSUNGS PA MA YIN NAM STE MTSUNGS PA'I PHYIR, SNGA PHYI GNYIS KA'I RTAGS BSAL KHAS BLANGS, BDE BA'I RANG BZHIN DANG SDUG BSNGAL GYI RANG BZHIN GCIG YIN NA BDE SDUG THA MI DAD DU KHAS LEN DGOS PA YIN NO, ,GSUM PA LA GNYIS, 'JIM GONG LA SOGS PA'I GNAS SKABS GSUM RIMS KYIS MNGON PAR GSAL BAS RANG BZHIN GCIG

, ,TU GRUB PA DGAG PA DANG, PHYI MA PHYI MA SNGA MA SNGA MA'I 'BRAS BU YIN PAS RANG BZHIN GCIG TU BSGRUB PA DGAG PA'O, ,DANG PO LA GNYIS, RTZOD PA DANG, LAN NO, ,DANG PO NI, 'JIM GONG DANG BUM PA DANG GYO MO'I GNAS SKABS GSUM RANG BZHIN GCIG YIN TE, RIMS KYIS MNGON PAR GSAL BA'I PHYIR, RANG BZHIN THA DAD NA RIMS KYIS MNGON PAR GSAL BA 'GAL BA'I PHYIR RO ZHE NA, GNYIS PA LA GSUM, CIG CAR GSAL BA'I ZHO BUM RANG BZHIN DU MAR THAL BA DANG, RTAGS DANG DGAG BYA'I CHOS LA 'GAL BA NGES BYED MED PA DANG, GNAS SKABS GSUM LA SNGA PHYI'I RIM PA MI 'THAD PAR THAL BA'O, ,DANG PO NI, DE CI DA NI DUS MNYAM PA'I BUM PA DANG ZHO LA SOGS PA CHOS CAN, RANG BZHIN DU MA YIN NAM STE RANG BZHIN DU MAR THAL, RIM PA MA YIN PAR CIG CAR MNGON PAR GSAL BA'I PHYIR, GNYIS PA NI, RIMS KYIS MNGON PAR GSAL BA DANG, RANG BZHIN THA DAD PA 'GAL BA YANG CI YIN TE 'GAL BA GNYIS KA MED PAR THAL, RIMS KYIS MNGON PAR GSAL BA LA RANG BZHIN THA MI DAD PAS KHYAB PA MA GRUB PA'I PHYIR, DES NA GSUM PO DE RIM BA CAN DU 'BYUNG BA'I RGYU MTSAN YOD DE, 'JIM PA SOGS SNGA MA SNGA MA DE SNGON DU SONG BA MA GRUB PAR PHYI MA PHYI MA DE MI 'GRUB PA'I PHYIR RO,, DER THAL, PHYI MA PHYI MA DE SNGA MA SNGA MA DE'I 'BRAS BU YIN PA'I PHYIR, GSUM PA NI, GNAS SKABS GSUM PO DE CHER SNGA PHYI'I RIM PA MED PAR THAL, RANG BZHIN THA DAD PA MED PA NYID KYI GCIG YIN PA'I PHYIR, DPER NA BUM PA GCIG GI BDAG

NYID BZHIN NO, ,GNYIS PA LA GNYIS, RTZOD PA DANG, LAN NO, ,DANG PO NI, PHYI MA PHYI MA SNGA MA SNGA MA'I 'BRAS BU YIN PA NYID KYI PHYIR RANG BZHIN THA MI DAD PA YIN NO ZHE NA, GNYIS PA NI, GAL TE 'BRAS BU YIN NA RANG GI RGYUD NGA RANG BZHIN GCIG YIN PAS MA KHYAB PAR THAL, DE YIN NA RANG GI RGYU DANG RANG BZHIN GCIG PA'I 'BREL PA GRUB PA RIGS PA YIN NA YANG 'BREL PA MA GRUB PA'I PHYIR, DER THAL, 'BRAS BU RANG GI RGYU DANG RANG BZHIN GCIG PA'I TSUL GYIS RJES SU 'GRO BA MED PA'I PHYIR, KHYAB PAR THAL, 'BREL BA DE NI RJES SU 'GRO BA MED PA LA MI 'GRUB BO ZHES 'OG NAS BSHAD PAR BYA BA'I PHYIR, GSUM PA LA GNYIS, DNGOS DANG, GZHAN LA YANG SBYAR BA'O, ,DANG PO NI, BYAS PAS SGRA MI RTAG PAR SGRUB PA'I KHYAD PAR LA BRTAGS NAS SKYON BRJOD PA 'BRAS MTSUNGS KYI LTAG CHOD DU THAL, JI LTAR 'BREL PA'I KHYAD PAR SGRA DANG SGRA MA YIN GYI BYAS PA GNYIS PO SGRA MI RTAG PAR SGRUB PA'I PHYOGS CHOS YIN PA SPANGS KYANG SGRA BUM GNYIS KA LA THUN MONG DU RJES SU 'GRO BA'I RANG GI RGYU DAG LAS SKYES PA LA BYAS PA'I SPYI SGRA 'JUG PA YIN LA, DE NYID PHYOGS KYI CHOS SU GRUB PA'I PHYIR, DPE DE LTAR MI RTAG PA'I KHYAD PAR THA DAD PAR RTOG PA MED KYANG BZHIG PA DANG CIG SHOS BSKAL PA DAG LA KHYAD PAR MED PAR RJES SU 'GRO BA'I THUN MONG GI CHOS MI RTAG PA TZAM NI RNAM PA THAMS CAD DU YOD PA MA YIN PAR THAL, GZHI GANG LA MI RTAG PA'I SGRA 'DI RGOL BA GNYIS KA LA MTHUN SNANG DU 'JUG PAR 'GYUR BA MI RTAG PA TZAM MA GRUB PA'I PHYIR, GNYIS PA LA GNYIS,,

, ,GCAR BU PA'I GTAN TSIGS LA YANG NYES PA DE 'JUG PA DANG, SKAM PA LA 'CHI BA'I MING 'DOGS NA SEMS PA CAN DANG 'BREL PA MA GRUB PA'O, ,DANG PO NI, GRANGS CAN LA SKYON BSTAN PA DE BZHIN DU GCER BU PAS BKOD PA'I GTAN TSIGS LA YANG KHYAD PAR LA BRTAGS NAS SKYON BRJOD PA SUN 'BYIN YANG DAG TU 'GYUR BAR THAL, SHING DANG SKYES BU DAG LA 'CHI BA'I SPYI YANG THUN MONG DU GRUB PA MED PA'I PHYIR, SHING LA 'CHI BA MA GRUB PAR THAL, GAL TE RNAM PAR SHES PA 'GAGS PA SOGS GANG ZHIG MTHONG BAS SROG CHAGS GZHAN LA SHI BAR RTOG PA DE 'DRA BA SHING DAG LA DMIGS NA YANG SHING 'CHI'O SHING SHI'O, ZHES PA'I THA SNYAD DON MTHUN RIGS PA DE LTAR 'GYUR NA YANG 'CHI BA DANG SHI BA'I DON SHING LA MA GRUB PA'I PHYIR, GNYIS PA NI, CI STE SKAM PA LA SOGS PA NYID 'CHI BA'I SGRAR BRJOD NA SKAM PA DE LA YANG GTAN TSIGS GANG LAS LJON SHING SEMS PA CAN DU 'GRUB PAR 'GYUR BA MA YIN PAR THAL, SKAM PA DE SEMS PA CAN DANG 'BREL PA NGES PAR BRTAG PAR BYA STE 'BREL PA MA GRUB PA'I PHYIR, GNYIS PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, GRANGS CAN GYIS BKOD PA'I MI RTAG PA RTAGS SU MA GRUB PA DE BZHIN DU BYE BRAG PAS BKOD PA DE YANG RTAGS YANG DAG TU MA GRUB PAR THAL, SKYES BUS BYAS PA LA MI 'KHRUL BA'I DBYIBS KYANG GNAS LUS SOGS LA KHYAB BYED DU MA GRUB PA'I PHYIR, GAL TE DBYIBS KHYAD PAR CAN CI 'DRA BA ZHIG SKYES BU'I BLO SNGON DU 'GRO BA CAN DU MTHONG BA YONG

DE; DPE KHANG BZANG DANG RA BA LA SOGS PA'I DBYIBS KYI BYE BRAG LA SKYES BUS BLO SNGON DU BTANG NAS BYAS PA RJES SU 'JUG PA CAN DU MTHONG BA'I PHYIR, DBYIBS KYI KHYAD PAR DANG LDAN PA DANG, SDOD CING 'JUG PA DANG, DON BYED PA LA SOGS PA'I GTAN TSIGS THAMS CAD 'JIG RTEN GYI GNAS LUS LONGS SPYOD RNAMS SKYES BU KHYAD PAR CAN GYIS BLO SNGON DU BTANG NAS BYAS PAR SGRUB PA'I RTAGS YANG DAG MA YIN PAR THAL, DBYIBS KYI KHYAD PAR GANG ZHIG MTHONG NA BYED PA PO DNGOS SU MA MTHONG BA RNAMS LA YANG SKYES BUS BYAS PA'I BLO SKYE BAR 'GYUR BA KHANG BZANG LA SOGS PA DE 'DRA BA 'JIG RTEN GYI GNAS LUS SOGS KYANG YIN NA DE LTAR RIGS PAR 'GYUR NA YANG DPE DE DANG 'DRA BAR MA GRUB PA'I PHYIR, GNYIS PA LA GSUM, DBYIBS SOGS BRTAGS LA DGAG PA DANG, NGO BO DANG KHYAD PAR GNYIS KYI NGO BO GTZO BA'I DPE DANG, MING DANG DON GNYIS KYI DON GTZO BA'I DPE'O, ,DANG PO LA GNYIS, DBYIBS KHYAD PAR CAN RTZOD GZHI LA KHYAB BYED DU MA GRUB PA DANG, DBYIBS TZAM KHYAB PA MA NGES PA'O, ,DANG PO NI, SNGAR BSHAD PA'I DON DE SGRUB PA'I RIGS PA GZHAN YANG STON PA NI, DBYIBS SOGS CI 'DRA BA RANG BYIN GYIS RLOB CING SKYED PA PO SKYES BU'I BLO SNGON DU GTONG BA YOD MED KYI RJES SU 'JUG PA CAN DU 'GRUB PA DE LA SKYES BU LHAS BYIN GYIS BYAS PA'I GZHAL YAS KHANG GI DBYIBS CHOS CAN, SKYES BUS BLO SNGON DU BTANG NAS BYAS PA YIN TE, GZHAL YAS KHANG GI DBYIBS YIN PA'I PHYIR CES RJES SU DPOG PA GANG YIN PA DE NI RIGS PA NYID YIN TE, DE SGRUB KYI TSUL

, ,GSUM TSANG BA'I PHYIR, SKYES BUS BYAS PA'I DBYIBS DE 'DRA BA 'JIG RTEN GYI GNAS LUS SOGS SKYES BUS BLO SNGON DU BTANG NAS BYAS PAR SGRUB PA'I RTAGS YANG DAG MA YIN TE, RTZOD GZHI LA KHYAB BYED DU MA GRUB PA'I PHYIR, GNYIS PA LA GNYIS, DBYIBS TZAM GYI DON RTAGS SU MI RUNG BA DANG, DBYIBS TZAM GYI SGRA RTAGS SU MI RUNG BA'O, ,DANG PO LA GSUM, DBYIBS TZAM RTAGS SU MI RUNG BA'I DPE DANG, RUNG BA KHAS LEN NA HA CANG THAL BA DANG, 'BRAS MTSUNGS KYI LTAG CHOD NGOS GZUNG BA'O, ,DANG PO NI, DBYIBS ZHES PA'I SGRA MTSUNGS PA'I BRJOD BYA DBYIBS LDAN TZAM DU THA DAD MED PA'I RTAGS LAS 'JIG RTEN GYI GNAS LUS SOGS SKYES BUS BLO SNGON DU BTANG NAS BYAS PAR RJES SU DPOG RIGS PA MA YIN TE; DE SKYES BUS BYAS PA'I DBYIBS DANG RGYU RIGS THA DAD KYI DNGOS PO LAS RAB TU GRUB PA YIN PA'I PHYIR, SKYA BO'I RDZAS LAS ME DPOG PA BZHIN NO, ,GNYIS PA NI, DBYIBS LDAN TZAM DU GRUB PA 'KHRUL PA DE LTA MIN NA GROG MKHAR YANG RDZA MKHAN DES BYAS PAR 'GRUB PAR 'GYUR BAR THAL, RDZA MKHAN GYIS BUM PA LA SOGS PA 'JIM PA YI RNAM 'GYUR 'GA' ZHIG BYED PA DANG DBYIBS LDAN TZAM DU MTSUNGS PA'I PHYIR, GSUM PA NI, SPYI RTAGS SU BKOD PA LA SPYI DANG KHYAD PAR LA BRTAGS NAS SKYON BRJOD PA 'BRAS MTSUNGS KYI LTAG CHOD YIN NO ZHE NA, 'BRAS BU'I SPYIS KYANG STE RTZOL BYUNG CHOS CAN, DUNG SGRA MI RTAG PAR SGRUB PAR BYED PA'I RTAGS YANG DAG YIN TE, DE SGRUB KYI PHYOGS CHOS GRUB BSGRUB BYA'I CHOS MI RTAG PA RJES

'GRO'I KHYAB PA TSAD MAS GRUB PA'I PHYIR, RTZOL BA LAS GRUB ZIN GSAL BA DANG RTZOL BA LAS SKYES PA'I KHYAD PAR LA BRTAGS NAS RTZOL BYUNG TZAM DE SGRUB KYI RTAGS YANG DAG TU MI RUNG BAR RTZOD PA CHOS CAN, 'BRAS MTSUNGS KYI LTAG CHOD DU 'DOD DE, RTZOL BA LAS GSAL BA DANG RTZOL BA LAS SKYE BA'I 'BREL BA CAN THA DAD PAS THA DAD LA BRTAGS NAS RTAGS YANG DAG YIN BZHIN DU 'KHRUL PA DANG MA GRUB PA'I SKYON BRJOD PA'I LAN LOG YIN PA'I PHYIR, DE BZHIN DU BYAS PAS SGRA MI RTAG PAR SGRUB PA LA YANG SBYAR RO, ,MA GRUB PA DANG MA NGES PA LA DE'I SKYON NAS BRJOD NA SUN 'BYIN YANG DAG TU 'GYUR PA'O, ,PHAR LA 'PHANGS PA'I NYES PA JI LTA BA BZHIN DU RANG NYID LA MTSUNGS PAR 'JUG PA NI SUN 'BYIN GYI THA CHAD 'BRAS BU DANG MTSUNGS PA'I LTAG CHOD DU SHES PAR BYA'O, ,GNYIS PA LA GNYIS, DBYIBS KYI SGRA TZAM RTAGS SU MI RUNG BA'I DPE DANG, RUNG BAR KHAS LEN NA HA CANG THAL BA'O, ,DANG PO NI, SKYES BUS BYAS PA DANG MA BYAS PA'I RIGS GZHAN LA NI RAB TU GRUB PA'I DBYIBS ZHES PA'I SGRA YI SBYI NI 'JUG PAR MTHONG BA LAS SKYES BUS BYAS PA'I SGRUB BYED DU MI RIGS PAR THAL, KHYAB PA 'KHRUL BA'I PHYIR, DPER NA, NGAG PHYOGS SA DANG 'OD ZER DANG, ,PHYUGS DANG MIG DANG RDO RJE DANG, ,MTHO RIS CHU LA SOGS DON DGU LA, GO'U'I SGRA NYID 'JUG PA'I PHYIR NA RVA CAN DPOG PA BZHIN NO, ,GNYIS PA NI, RJOD BYED KYI SGRA THAMS CAD KYIS NI DON THAMS CAD 'GRUB PAR THAL, SGRA DE YOD PA TZAM GYIS NI DON 'GRUB PA'I PHYIR, YANG NA SKYES BU THAMS CAD KYIS NI ZHES

, ,SO, ,KHYAB PAR THAL, RJOD BYED KYI SGRA RNAMS DON GANG NA'ANG 'JUG PA MED PA MA YIN PA'I PHYIR, DER THAL, BRJOD PAR 'DOD PA'I GZHAN DBANG TZAM YIN PA'I PHYIR, GNYIS PA NI, RTAGS KYI NGO BO DANG KHYAD PAR GNYIS KYI NANG NAS NGO BO GTZO BO YIN TE, RTAGS KYI DNGOS PO'I RANG BZHIN RTZOD GZHI LA MA GRUB NA MA GRUB PA'I TSUL 'DIR 'GYUR GYI, RTAGS KYI NGO BO RTZOD GZHI LA GRUB NA KHYAD PAR MA GRUB KYANG PHYOGS CHOS 'GRUB PA LA GNOD BYED MA YIN PA'I PHYIR, DPER NA, SGRA NI DE'I STENG DU BYAS PA TZAM 'GOD CHUL DANG MTHUN PAR GRUB NA NAM MKHA' LA BRTEN PA STE, NAM MKHA'I YON TAN DANG DON GCIG LA 'DU BA'I BYAS PA 'GOD TSUL LTAR MA GRUB KYANG PHYOGS CHOS GRUB PA LA MI GNOD PA BZHIN NO,, GSUM PA NI, MING DANG DON GNYIS KYI NANG NAS DON GTZO BOR GYUR PA YIN TE, BYAS PA ZHES PA'I SGRA STE MING SGRA LA 'GOD TSUL LTAR MA GRUB KYANG BYAS PA'I DNGOS PO NI SGRA LA 'GOD TSUL DANG MTHUN PA YOD PA KHO NAR GRUB NA PHYOGS CHOS 'GRUB PAR 'GYUR BA'I PHYIR, SGRA LA BYAS PA ZHES PA'I SGRA DNGOS SU MI 'JUG PA'I DON MA YIN TE, GSAL BA THAMS CAD LA SPYI SGRA DNGOS SU 'JUG PA'I PHYIR RO, ,DPER NA, BUM PA BYAS SO ZHES PA'I SGRA THA SNYAD DON MTHUN YIN PA BZHIN NO,, DES NA BYAS PA ZHES PA'I MING SGRA'I DNGOS MING MA YIN PA'I DON TE, DE YIN NA BRDA SHES PAS KYANG MING DE LAS SGRA 'KHRUL MED DU GO BAR THAL BA'I PHYIR RO, ,DES NA SGRA DNGOS SU 'JUG PA DANG DE'I DNGOS MING MA YIN PA'I KHYAD PAR SHES PAR BYA'O,,

DPER NA 'UG PA PA BYE BRAG PA LA SANGS RGYAS PAS 'BYUNG BZHI'I RDUL PHRAN CHOS CAN, MI RTAG STE, LUS CAN YIN PA'I PHYIR CES SOGS SGRUB BYED DU BSHAD PA BZHIN NO, ,BYE BRAG PAS TSIG DON DRUG GI RDZAS LA BDAG DUS PHYOGS NAM MKHA' STE KHYAB PA'I RDZAS BZHI DANG 'BYUNG BA BZHI DANG YID DE MA KHYAB PA'I RDZAS LNGA 'DOD DO, ,TSAD LA CHUNG DU DANG CHEN PO DANG RING PO DANG THUNG DU BZHIR 'DOD CING, DE RE RE LA YANG RTAG PA DANG MI RTAG PA GNYIS GNYIS SU YOD PAR 'DOD DO, ,TSAD NI TSIG DON DRUG GI NANG NAS YON TAN DU 'DOD LA, LUS CAN ZHAS PA'I DNGOS MING DE THAMS CAD DU SONG BA MA YIN PA'I RDZAS 'BYUNG BA BZHI LA BRTEN PA'I TSAD KYI DNGOS MING DU 'DOD KYI, REG BYA CAN GYI DNGOS MING DU MI 'DOD KYANG SANGS RGYAS PAS DON GANG GI DNGOS MING DU 'DOD PA'I DON REG BYA CAN DE 'BYUNG BZHI'I RDUL PHRAN GYI STENG DU 'GOD TSUL DANG MTHUN PAR BYE BRAG PA'I BLO NGOR GRUB PAS PHYOGS CHOS 'GRUB PA BZHIN NO, ,BYE BRAG PA'I BLO DOR 'BYUNG BZHI'I RDUL PHRAN LUS CAN DU 'GRUB KYANG LUS CAN ZHES PA'I MING DE 'BYUNG BZHI'I RDUL PHRAN GYI DNGOS MING DU MA GRUB PA SNGAR BSHAD PA'I DON DANG 'DRA BAR SHES PAR BYA'O, ,SOGS PAS THOGS BCAS GZUNG STE, BYE BRAG PAS RDUL PHRAN LA THOGS BCAS KYI MING MI 'DOGS KYANG DON GZUGS CAN GZHAN GYI GO 'GEGS PA GRUB PA BZHIN NO, ,DE DAG GI SPROS PA RGYAS PAR NI RNAM 'GREL GYI RNAM BSHAD DU BSHAD PA LAS SHES PAR BYA'O, ZHES BYA BA NI BAR SKABS KYI TSIGS SU BCAD PA DAG GO ,GNYIS PA LA GSUM,

, ,TSUL GSUM LUNG LA BRTEN PA'I RGOL PHYIR RGOL GANG RUNG LA MA GRUB BA RJES DPAG GI YUL THAMS CAD LA SBYAR RIGS PA MA YIN PA DANG, DE'I YUL NGOS GZUNG BA DANG, YUL GZHAN LA GSAL BA'I DPE MA SMOS PA'I RGYU MTSAN NO; ;DANG PO LA GNYIS, DNGOS STOBS KYI SKABS SU LUNG GI GNOD BYED NUS PA MED PA DANG, DGOS PA MED PA'O, ,DANG PO NI, DPER NA, SGRA MNGON PAR GSAL BAR SMRA BA SPYOD PA BA DANG BRDA SPROD PA LA BYE BRAG PAS SGRA CHOS CAN MI RTAG STE BYAS PA'I PHYIR, CES BKOD PA NA GNYIS PO NA RE, BSTAN BCOS LAS SGRA GRUB ZIN RKYEN GYIS GSAL BAR BSHAD KYI, GSAR DU BYAS PAR MA BSHAD PAS BYAS PA NYID KYI GTAN TSIGS PHYIR RGOL LA MA GRUB PO ZHES BSTAN BCOS SGRUB BYED DU KHAS BLANGS PA LA BRTEN NAS PHYOGS CHOS RGOL PHYIR RGOL GANG YANG RUNG BA LA MA GRUB PAR BRJOD PA GANG YIN PA DE NI CHOS CAN, RJES SU DPAG BA THAMS CAD LA SBYAR BAR RIGS PA MA YIN TE, DNGOS STOBS KYI TSAD MAS MTHONG BA LA LUNG SGRUB BYED DU KHAS BLANGS PAS MA GRUB PAR RTZOD PA MI 'THAD PA'I PHYIR DANG, DNGOS STOBS RJES SU DPAG PA LA BSTAN BCOS SGRUB BYED DU 'JUG PA'I SKABS MA YIN PA'I PHYIR RO, ,GNYIS PA NI, SGRA BYAS PA YIN PA LA TSAD MAS GNOD PAS PHYOGS CHOS PHYIR RGOL LA MA GRUB BO ZHE NA, PHYOGS CHOS MA GRUB PA'I SGRUB BYED DU MNGON PAR GSAL BAR SMRA BAS BSTAN BCOS BKOD PA CI ZHIG BYA DGOS PA MED PAR THAL, DNGOS STOBS KYI TSAD MA NYID KYIS GNOD PA'I PHYIR, RTAGS KHAS BLANGS, SGRA BYAS PA DE'I NGO BOR

DNGOS STOBS KYI TSAD MAS MA RTOGS NA YANG LUNG LA BRTEN PA'I MA GRUB PA BRJOD PA DGOS PA MED PAR THAL, DNGOS PO STOBS ZHUGS LA BRTEN PA'I NYES PA YIN PA'I PHYIR, GNYIS PA NI, TSUL GSUM SGRUB BYED BSTAN BCOS LA BRTEN PA'I RJES SU DPAG PA NYID LA SGRUB BYED BSTAN BCOS KYI SGO NAS PHYOGS CHOS RGOL PHYIR GANG YANG RUNG BA LA MA GRUB PA'I GTAN TSIGS LTAR SNANG SRID PAR 'GYUR PAR THAL, DNGOS STOBS DANG LUNG GI SKABS GANG RUNG LA SRID PA GANG ZHIG DNGOS STOBS KYI SKABS SU LUNG GI SGRUB BYED DGOS NUS MED PA DE'I PHYIR, GSUM PA LA GNYIS, DNGOS DANG, MDO MDZAD PAS PHYOGS MTSON GYI DPE BRJOD PA'O, ,DANG PO NI, DNGOS STOBS KYI SKABS SU RGYAB RTEN LUNG LA BRTEN PA'I GANG RUNG LA MA GRUB PA'I GSAL BA'I DPER BRJOD PA MA SMRAS PA'I RGYU MTSAN YOD DE, LUNG LA BRTEN PA LAS GZHAN DNGOS STOBS LA NI SGRA BYAS PA TSAD MAS GRUB NA SKYON MED LA MA GRUB NA NI, DNGOS STOBS KYI TSAD MAS MA SHES PA'I PHYIR SKYON DU SONG GI LUNG LA BRTEN NAS SKYON DU SONG BA MA YIN PA DES NA MA SMRAS PA'I PHYIR, 'O NA SNGAR GCER BU PA DANG GRANGS CAN PAS DNGOS STOBS KYI SKABS SU LUNG LA BRTEN PA'I GTAN TSIGS BKOD PA PHYIR RGOL LA MA GRUB PAR BSHAD PA JI LTAR YIN ZHE NA, GTAN TSIGS LTAR SNANG GNYIS PO DE YANG RGYAB RTEN LUNG LA NGES PAR BRTEN DGOS PA'I GANG RUNG LA MA GRUB PA MA YIN TE, GCER BU PA SDANG GRANGS CAN GYIS GTAN TSIGS KYI RANG BZHIN MA SHES PA'I SGO NAS PHYOGS CHOS RGOL PHYIR RGOL GNYIS KA LA MA

, ,GRUB PA'I GTAN TSIGS BRJOD BA'I PHYIR, GNYIS BA NI, 'O NA MDO MDZAD PAS BYE BRAG PAS BKOD PA'I BYAS PA MNGON GSAL DU SMRA BA LA MA GRUB PA'I DPER BRJOD PA JI LTAR ZHE NA, SLOB DPON PHYOGS KYI GLANG PO NYID KYIS NI DNGOS STOBS KYI SKABS SU LUNG LA BRTEN NAS GANG RUNG LA MA GRUB PA'I GSAL BA'I DPE GSUNGS PA MA YIN TE, DPER BRJOD PA'I PHYOGS TZAM ZHIG BSHAD PA YIN PA'I PHYIR, GSUM PA DAM BCA'I DON DU 'DUS PA'I MA GRUB PA'I GTAN TSIGS BSHAD PA LA GNYIS, DNGOS DANG, RANG LA MTSUNGS PA SPANG BA'O, ,DANG PO LA GSUM, RTZOD GZHI DANG BSGRUB BYA'I CHOS RTAGS SU BKOD PA LA PHYOGS CHOS MA GRUB PA DANG, MI MTHUN PHYOGS LAS GZHAN RTAGS SU BKOD PA LA PHYOGS CHOS MA GRUB PA DANG, DNGOS MED GZHAN LAS GROL BA GTZO BO DNGOS POR SGRUB PA'I SGRUB BYED YIN PA DGAG PA'O, ,DANG PO LA GNYIS, SHES 'DOD CHOS CAN SGRUB BYED DU BKOD PA LA PHYOGS CHOS MED PAR BSGRUB PA DANG, DES CIG SHOS KYANG GRUB PA'O, , DANG PO LA GSUM, RGYAS PAR BSHAD PA DANG, RTZOD PA SPANG BA DANG, DON BSDU BA'O, ,DANG PO LA GSUM, SHES 'DOD MED NAS MA GRUB PA DANG, DE'I LAN DGAG PA DANG, 'BREL BA LA MA LTOS PAR GO BYED DU 'DOD PA DGAG PA'O, ,DANG BO LA GSUM, RTZOD GZHI DANG LDOG BA THA MI DAD SGRUB BYED DU MI RUNG BA DANG, DE YIN NA SGRUB BYED BKOD PA DON MED BA DANG, DAM BCAS TZAM NAS BSGRUB BYA GRUB PAR THAL BA'O, ,DANG PO NI, GANG YANG DPER NA SGRA MA RTAG STE, SGRA YIN PA'I PHYIR RO, ,

ZHES BYA BA LTA BU DAM BCAS PA'I DON GYI PHYOGS GCIG SHES 'DOD CHOS CAN GYI LDOG PA RTAGS SU BKOD PA MA GRUB PA'I GTAN TSIGS YIN PAR BRJOD PA DE YANG RIGS PAR THAL, PHYOGS CHOS YIN NA BSGRUB PAR BYA BA SHES 'DOD CHOS CAN DANG SGRUB PAR BYED PA DAG NI LDOG PA THA DAD PA YIN DGOS PA'I PHYIR RO, ,BSGRUB PAR BYA BA'I CHOS CAN SGRA RANG NYID MI RTAG PAR BSGRUB PA LA SGRA DE NYID GTAN TSIGS KYI NGO BOR MA GRUB PAR BRJOD RIGS TE, THABS DANG THABS BYUNG GI TSUL GYIS RTOGS PA SKYED PA'I SGRUB PAR BYED PA NYID DU MA GRUB BA'I PHYIR, GNYIS BA NI, SGRA DE NYID SGRA MI RTAG PA DE'I SGRUB PAR BYED PA NI MA YIN TE, DE SGRA MI RTAG PA'I SGRUB BYED DU BSTAN PA DON MED PA'I PHYIR RO, ,DER THAL, SGRA MI RTAG PA DE'I NGO BO GRUB TZAM DANG RJES SU 'BREL PA SKABS DE'I DAM BCA' YIN PA'I PHYIR, SNGAR BSGRUB BYA'I RANG BZHIN DU BSTAN LA PHYIS SGRUB BYED DU BKOD PAS DON MED PAR GA LA 'GYUR ZHE NA, DE DE'I SGRUB BYED DU BKOD PA DON MED PAR THAL, DE LA RTZOD GZHI NYID SGRUB BYED DU BKOD KYI RTZOD GZHI LAS KHYAD PAR GZHAN SGRUB BYED DU BSTAN BA NI MED BA'I PHYIR, GSUM PA NI, SGRA MI RTAG CES PHYOGS BSTAN PA NYID NA SGRA MI RTAG BA DE LTAR 'GRUB PAR 'GYUR BAR THAL, SGRA MI RTAG PA DE SGRA RTAGS SU BKOD PA NYID KYIS 'GRUB PA DE LTAR 'GYUR BA'I PHYIR, KHYAB PAR THAL, PHYIS KYANG GTAN TSIGS 'GOD PA'I DUS SU RANG NYID KHO NAS MI RTAG PA 'GRUB PA DE LTAR 'GYUR BA'I PHYIR RO, ,SGRA DE RANG NYID BDAG NYID KYI MI RTAG PA SGRUB PA'I GTAN TSIGS SU MA GRUB

, ,BAR THAL, PHYOGS CHOS MA GRUB PA DE'I PHYIR, GNYIS PA LA GNYIS, RTZOD BA DANG, LAN NO, ,DANG PO NI, SGRA STE SGRA ZHES PA'I MING SGRA LA 'GOD TSUL DANG MTHUN PAR CI LTAR MA GRUB CE NA, GNYIS PA LA GSUM, NGO BO GRUB KYANG GO BYED DU MI RUNG BA DANG, LDOG PA GCIG LA GZHI RTAGS MI RUNG BA DANG, DE'I LAN DGAG PA'O, ,DANG PO NI, SGRA'I STENG DU SGRA GRUB KYANG SGRA MI RTAG PAR SGRUB PA'I MA GRUB PAR BRJOD RIGS TE, DE BDAG NYID KYI PHYOGS CHOS CAN GYI GTAN TSIGS KYI RANG BZHIN DU MA GRUB PA'I PHYIR, GNYIS PA LA GNYIS, SGRUB BYED BGOD PA DON MED PAR THAL BA DANG, RTZOD PA MED PAR THAL BA'O, ,DANG PO NI, SGRA DE NI PHYOGS SU BYAS LA GANG ZHIG PHYOGS CHOS CAN GYI GTAN TSIGS SU 'GYUR BA'I SGRA GZHAN YANG YOD PA MA YIN PAR THAL, RTZOD GZHI LAS KHYAB CHUNG BA DANG RTZONG GZHI DANG LDOG PA THA MI DAD PA PHYOGS CHOS SU MI RUNG BA'I PHYIR, KHYAB PAR THAL, SGRA DE NYID SGRA MI RTAG PAR SGRUB PA'I GTAN TSIGS YIN NA NI DAM BCAS TZAM GYIS GRUB PAS SGRUB BYED YANG BSTAN PAR MI BYA'O ZHES BRJOD ZIN PA'I PHYIR, GNYIS PA NI, SGRA RTAG MI RTAG RTZOD PA MED BAR YANG 'GYUR BAR THAL, SGRA GRUB TZAM NAS RTAG TU MI RTAG PA DE'I NGO BOR GRUB PA'I PHYIR, GSUM PA LA GNYIS, RTZOD PA DANG, LAN NO, , DANG PO NI, DPE LA RJES SU 'GRO BA MA MTHONG BA'I PHYIR, SGRA GRUB TZAM NAS MI RTAG PA MI 'GRUB BO ZHE NA, GNYIS PA NI, SGRAS SGRA MI RTAG PAR SGRUB PA'I RTAGS CHOS GNYIS LDAN GYI MTHUN DPE YANG DAG MA GRUB PAR THAL, DE CI RTAGS YANG DAG GI SHES

'DOD CHOS CAN GTAN TSIGS DE NYID KYI MTHUN DPE CHOS CAN GZHAN LA RJES SU 'GRO'AM STE RJES SU MI 'GRO BA'I PHYIR, GSUM PA LA GSUM, SGRON MES GZUGS GSAL BA 'BREL BA LA MI LTOS PA DANG, RTAGS DANG RTAGS CAN DE DANG MI MTSUNGS PA DANG, RTZOD GZHI SGRUB BYED YIN NA RANG NYID RTOGS TZAM GYIS BSGRUB BYA GRUB PAR THAL BA'O, ,DANG PO NI, SGRON ME LA SOGS PA NI GZUGS GSAL BAR BYED PA 'BREL PA LA LTOS PA MA YIN TE, SGRON ME RANG NYID BLO YUL DU DE LTAR GSAL BAS GZUGS DANG RANG GI BDAG NYID CIG CAR GSAL BAR BYED PA ZHES BRJOD PA'I PHYIR, DER THAL, SGRON ME RANG GI NGO BO RUNG BA STE BLO YUL DU SONG BA NYID KYIS GZUGS DANG BDAG NYID KYI RNAM PA CAN GYI RNAM PAR SHES PA CIG CAR SKYED PA'I PHYIR, GNYIS PA NI, RTAGS DANG RTAGS CAN NI SGRON MES RANG YUL GSAL BAR BYED PA DE LTAR MA YIN TE, DE'I DNGOS PO NI RTAGS CHOS THA DAD PA'I 'BREL PA NGES PA LA BRTEN DGOS PA'I PHYIR RO, ,KHYAB PAR THAL, SGRON ME RANG NYID MNGON SUM GYIS MTHONG BA TZAM DE'I YUL DU GZUGS GSAL BAR BYED LA RTAGS RANG NYID KYI YUL CAN RNAM PAR SHES PA'I YUL DU RANG NYID GYUR PAS NI DE'I YUL DU RTAGS CAN RTOGS PAR BYED PA MA YIN PA'I PHYIR, GSUM PA NI, SGRA RTOGS PA'I TSAD MA DE NYID KYIS SGRA MI RTAG PA RTOGS PA'I THAL BA 'DIR 'GYUR PAR THAL, CHOS CAN GYI RANG GI NGO BO SGRA DE NYID SGRA MI RTAG PA'I SGRUB PAR BYED PA YANG DAG YIN PA'I PHYIR, GTAN TSIGS GZHAN LA MA BRTEN PAR SGRA DANG MI RTAG PA'I 'BREL PA NGES PAR BYAR MED LA SGRA DE NYID KYIS SGRA MI

, ,RTAG PA GO BAR BYED NA KHYAB PA NGES PA'I TSAD MA DE NYID KYIS BSGRUB BYA NGES DGOS PAS SGRA NGES PA'I TSAD MA DE NYID KYIS SGRA MI RTAG PAR NGES PA MA GTOGS NGES BYED GZHAN MED PAR KHAS LEN DGOS PA YIN NO, ,GNYIS PA LA GNYIS, RTZOD PA DANG, LAN NO, ,DANG PO NI, SGRA BYAS MI RTAG PA LTA BU GRUB BDE RDZAS GCIG GI DNGOS PO THAMS CAD LA RDZAS LA CHA SHAS MED PAS CHOS DANG CHOS CAN GYI DBYE BA THA DAD PA MA GRUB PA'I PHYIR, DAM BCA'I PHYOGS GCIG RTAGS SU BKOD PA'I SKYON 'DI MTSUNGS SO ZHE NA, GNYIS PA LA GNYIS, RGYAS PAR BSHAD PA DANG, DON BSDU BA'O, ,DANG PO LA GNYIS, LDOG PA THA DAD LA BRTEN PA'I RNAM GZHAG TU BSHAD ZIN PA DANG, DE LTAR KHAS LEN DGOS PA'I RGYU MTSAN NO, , DANG PO NI, SGRA BYAS MI RTAG PA 'DI LA RDZAS GCIG KYANG BSGRUB PAR BYA BA DANG SGRUB PAR BYED PA THA DAD PA'I RNAM GZHAG 'THAD PA YIN TE, DNGOS PO RNAMS KYI LOG SA THA DAD LAS LOG PA'I LDOG PA THA DAD LA BRTEN PA'I RNAM GZHAG TU BSHAD ZIN PA'I PHYIR, GNYIS PA NI, SGRA BYAS MI RTAG PA GSUM GYI THA DAD PA'I CHA DANG, CHOS DANG CHOS CAN SOGS KUN RDZOB PA'I DON RNAMS CHOS CAN, RDZAS DE NYID DANG RDZAS GZHAN NYID 'GOG PA RIGS PA YIN TE, DON DAM PA RNAM PAR DPYAD NA NI RDZAS SU GRUB PA DE LTA BUR GYUR PA MA GRUB PA'I PHYIR, 'O NA CI LTAR CHOS CHOS CAN THA DAD KYI THA SNYAD 'THAD CE NA, DE GSUM DBANG SHES MA 'KHRUL BA'I GZUNG NGOR THA DAD DU SNANG BA LA BRTEN NAS CHOS DANG CHOS CAN DU BZHAG PA MA YIN TE, RJES SU DPAG PA DANG RJES

SU DPAG PAR BYA BA'I THA SNYAD NI RTOG PA'I SHES PA LA SNANG TZAM DU GRUB PA'I THA DAD PA LA BRTEN NAS 'JOG PA YIN PA'I PHYIR, GNYIS PA LA GNYIS, RTOG PAS BTAGS PA'I THA DAD LA BRTEN NAS RANG MTSAN THOB PA 'THAD PA DANG, 'DIR RTOG PAS BTAGS PA'I THA DAD KYANG MED PAS MA GRUB PAR 'GYUR BA'O, ,DANG PO NI, RTOG PAS BTAGS PA'I CHOS CHOS CAN LA BRTEN NAS RANG MTSAN MI THOB PA'I SKYON MED PAR THAL, SGRA BYAS MI RTAG PA BDAG NYID JI LTA'I LOG SA THA DAD LAS LOG PA NYID KYI RANG MTSAN THOB PA'I MTHAR THUG PA CAN GYI RTOG SHES LA LDOG PA THA DAD PAR CHOS DANG CHOS CAN SNANG BAR GYUR PA DE NI CHOS CHOS CAN GYI THA SNYAD 'JUG PA'I RTEN YIN BA'I PHYIR, GNYIS BA NI, SGRA MI RTAG SGRUB LA SGRA RTAGS SU BKOD PA 'DIR NI CHOS CAN, PHYOGS CHOS MA GRUB PAR BSTAN PA'I RGYU MTSAN YOD DE, LDOG PA THA DAD PA'I THA SNYAD KYIS BZHAG PA THA DAD DU RTOG BLO LA SNANG BA DANG 'BREL PA MED PA CAN BSGRUB BYA'I CHOS CAN GYI LDOG PA DE NYID SGRUB BYED DU GZHAG PAR NGES NA'I PHYIR, CES BYA BA NI BSDU BA'I TSIGS SU BCAD PA DAG GO ,GSUM PA NI, CHOS CAN NI LKOG GYUR GO BYED KYI GTAN TSIGS SU RGOL BA GNYIS KA LA MA GRUB STE, PHYOGS CHOS MA GRUB PA DE'I PHYIR, GNYIS PA LA GSUM, DNGOS DANG, DAM BCA' TZAM GYIS GRUB PAR THAL BA DANG, RJES 'GRO MA GRUB PA LAN DU MI RUNG BA'O, ,DANG PO NI, RTZOD GZHI SGRUB BYED DU MI RUNG BAR BSTAN PA 'DIS NI BSGRUB BYA'I CHOS KYANG MI RUNG BAR BSHAD PA YIN TE, DER YANG PHYOGS CHOS MA GRUB PAR DON GYIS BSTAN PA'I PHYIR, GNYIS PA NI, SGRA MI RTAG

, ,PAR SGRUB PA LA MI RTAG PA RTAGS SU BKOD PA DER YANG SNGA MA BZHIN DAM BCAS TZAM NAS BSGRUB BYA GRUB PAR THAL PAR 'GYUR BAR BRJOD RIGS PAR THAL, GAL TE MI RTAG PA DE NYID LAS SGRA MI RTAG PA GRUB PA'I PHYIR, RTGAS KHAS BLANGS KHYAB PA YOD PAR THAL, MI RTAG PA DE NI SNGA MA KHO NA DAM BCAS YAN LAG TU BSTAN PA'I PHYIR, GSUM PA NI, RJES SU 'GRO BA MA GRUB PAR DE SGRUB PA'I CHED DU MI RTAG PA SGRUB BYED DU BRJOD PA LA YANG 'BREL BA MED DE, MI RTAG PA DE NYID BDAG NYID LA RJES SU 'GRO BA'I 'BREL PA MED PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, DE DAG LA MA GRUB BA'I SKYON BRJOD PA 'O NA GANG GI TSE SGRA MI RTAG PAR SGRUB PA LA DE SGRUB KYI MI MTHUN PA'I PHYOGS LAS GZHAN PA GTAN TSIGS SU BRJOD PA DE'I TSE CI LTAR ZHE NA, GNYIS PA LA GNYIS, RGYAS PAR BSHAD PA DANG, DON BSDU BA'O, ,DANG PO LA GSUM, BSGRUB BYA'I CHOS MED PA LAS GZHAN YIN PA PHYOGS CHOS MA GRUB PA DANG, BSGRUB BYA'I CHOS MED PAR NGES PA LAS GZHAN YIN PA KHYAB PA 'KHRUL BA DANG, RGYU MTSAN DES NA MI MTHUN PHYOGS LAS GZHAN YIN PA RTZOD GZHI LA MTHUN PHYOGS SGRUB PA'I RTAGS SU MI RUNG BA'O, ,DANG PO LA GSUM, SHES 'DOD MED PA'I MA GRUB PA DANG, DE'I LAN DGAG PA DANG, GRUB ZIN BSGRUBS PA'I SKYON BSTAN PA'O, ,DANG PO NI, SGRA MI RTAG PAR SGRUB PA LA DE SGRUB KYI MI MTHUN PHYOGS LAS GZHAN YIN PA RTAGS SU BKOD PA DE LA YANG SHES 'DOD MED PA'I MA GRUB PAR 'GYUR BAR THAL, BSGRUB PAR BYA BA'I

CHOS MED PA NI MI MTHUN PA'I PHYOGS YIN LA DE LAS GZHAN PA NI BSGRUB BYA'I CHOS KYI LDOG PA DE NYID YIN PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, GAL TE PHYOGS DANG MTHUN PA'I PHYOGS DANG MI MTHUN BA'I PHYOGS LA SOGS PA RNAMS 'GAL BA PHAN TSUN THA DAD PA'I PHYIR MI MTHUN PA'I PHYOGS MA YIN PA NYID PHYOGS RTZOD GZHI LA 'GOD TSUL DANG MTHUN PAR YOD PA KHO NA YIN PAS PHYOGS CHOS YOD PA MA YIN NA MA ZHE NA, GNYIS PA LA GNYIS, DRI BA DANG, DRIS PA'I LAN DGAG PA'O, ,DANG PO NI, LTOS GZHI GSUM 'GAL BA THA DAD PA'I PHYOGS GANG ZHIG YIN LA GANG LAS GZHAN PA'I MI MTHUN PA'I PHYOGS KYANG GANG ZHIG YIN DRIS PAS GZHI GANG LA CHOS 'GA' ZHIG SGRUB PAR 'DOD PA'I GZHI DE NI PHYOGS YIN LA GZHI DANG CHOS DE MED PA NI MI MTHUN PA'I PHYOGS YIN NO ZHE NA, GNYIS PA LA GNYIS, RTAGS KYI BSGRUB BYAS DGAG BYA LA MI GNOD PAR THAL BA DANG, 'DOD PAS BZHAG KYANG GNOD NA MA NGES PA'I GTAN TSIGS MI SRID PAR THAL BA'O, ,DANG PO NI; DE LTAR YIN PA 'O NA NI PHYOGS DANG BSGRUB BYA'I CHOS TSOGS PAS DNGOS PO'I DBANG GIS RNAM PAR GNAS PA'I MI MTHUN PHYOGS LAS GZHAN YIN ZHING DE SEL PAR JI LTAR 'GYUR TE MI 'GYUR BAR THAL, PHYOGS DE 'DOD PAS BZHAG PA'I MTSAN NYID CAN YIN PA'I PHYIR, GNYIS PA NI, GTAN TSIGS 'GA' YANG MA NGES PAR MI 'GYUR BAR THAL, 'DOD PAS BZHAG PA'I PHYOGS DANG MTHUN PHYOGS KYIS MI MTHUN PHYOGS SEL BA YIN PA DE LTA NA'I PHYIR, LTOS GZHI GSUM PO 'GAL BA SO

, ,SOR NGES PA MA YIN PAR THAL, LTOS GZHI GSUM DU BYAS PA'I MI MTHUN PA'I PHYOGS KYANG 'DOD PAS BYAS PA'I PHYIR RO ZHES MANG DU BSHAD ZIN PA'I PHYIR, GSUM PA NI, GAL TE BSGRUB BYA GANG GI DON DU GTAN TSIGS BRJOD PA BSGRUB BYA MA GRUB PA'I SNGAR MA GRUB PA CI ZHIG YOD DE MED PAR THAL, BSGRUB PAR BYA BA'I CHOS MA YIN PA MI MTHUN PHYOGS YIN PA DE LAS GZHAN PA YANG CHOS CAN LA PHYOGS CHOS 'JAL BA'I TSAD MAS GRUB PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, BSGRUB PAR BYA BA'I CHOS MA GRUB PA TZAM GYIS NI THAMS CAD DU MI MTHUN PA'I PHYOGS MA YIN NO, ,'O NA CI ZHE NA BSGRUB BYA'I CHOS DE MED PAR RGOL PHYIR RGOL GNYIS KA LA NGES PA MI MTHUN PHYOGS YIN NO, ,RTZOD GZHI LA BSGRUB BYA'I CHOS MED PAR PHYIR RGOL GYIS MA NGES PA'I PHYIR CHOS CAN LA NI MI MTHUN PA'I PHYOGS MA YIN PA NYID RE SHIG GRUB PO DES NA MI MTHUN PA'I PHYOGS LAS GZHAN YIN PA GRUB NA DE NAS CI ZHIG SGRUB TU YOD CES BRJOD PA MI RIGS SO ZHE NA, GNYIS PA LA GSUM, LDOG KHYAB MA NGES PA'I RTAGS KYIS SGRUB BYA BSGRUB MI NUS PA DANG, DGAG BYA 'GOG MI NUS PA DANG, RTZOD PA SMRA BA PO BZHAD GAD KYI GNAS SU BSTAN PA'O, ,DANG PO NI, DE LTA NA BSGRUB PAR BYA BA'I CHOS DNGOS PO LA MED KYANG MED PAR MA NGES PA YOD MED THE TSOM ZA BA'I GZHI 'DUS MA BYAS KYI NAM MKHA' LTA BU YANG CHOS CAN, SGRA MI RTAG PAR SGRUB PA'I MI MTHUN PA'I PHYOGS MA YIN PAR 'GYUR BAR THAL, BSGRUB BYA'I CHOS MED PA LA MED PAR TSAD MAS

NGES PA DE MA YIN PA'I PHYIR, KHYAB PA KHAS BLANGS, 'DOD NA SGRA MI RTAG PAR SGRUB PA'I GTAN TSIGS SU BKOD PA'I MI MTHUN PA'I PHYOGS MA YIN PA NYID CHOS CAN, BSGRUB PAR BYA BA'I CHOS DNGOS PO LA MED PA LAS LDOG PAR MA NGES PA'I RANG BZHIN CAN DU THAL, BSGRUB BYA'I CHOS DNGOS PO LA MED PA YOD MED THE TSOM ZA BA'I GZHI LA ZHUGS PA DES NA'I PHYIR, 'DOD NA RTAGS 'DI SGRA MI RTAG PA JI LTAR SGRUB PAR BYED PAR 'GYUR TE SGRUB MI NUS PAR THAL, RTAGS YANG DAG DE'I MTSAN NYID KYI PHYOGS GCIG LDOG KHYAB MA NGES PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, LDOG PA MA NGES PA'I RTAGS DE NYID KYIS RTZOD GZHI BSGRUB BYA'I CHOS LDAN DU NGES PAR BYED DO ZHE NA, GNYIS PA NI, JI LTAR LDOG KHYAB MA NGES PA LAS BSGRUB BYA NGES PAR 'GYUR TE MI 'GYUR BAR THAL, MI MTHUN PHYOGS LA YOD PA DANG THE TSOM ZA BA RTAGS YANG DAG TU MI RUNG BA'I PHYIR, SGRA MI RTAG PAR SGRUB PA'I RTAGS SU BKOD PA'I MI MTHUN PA'I PHYOGS MA YIN PA DE NYID KYIS CHOS CAN, RANG PHYOGS KYI CHOS SU GRUB PA'I GZHIR JI LTAR BSGRUB BYA'I CHOS MED PA LAS LDOG PAR NGES TE MA NGES PAR THAL, KHYOD STON PA'I SGRAS NI DNGOS PO LA BSGRUB BYA'I CHOS MED PA'I GZHI LA KHYOD ZHUGS PAR BSTAN PAS BSGRUB BYA'I CHOS MED PA LAS LDOG PA MA NGES PAR BRJOD PA'I PHYIR, GSUM PA NI, BSGRUB BYA'I CHOS MED PAR NGES PA LAS GZHAN YIN PA SGRA MI RTAG BA'I GTAN TSIGS SU KHAS LEN PA'I RGOL BA CHOS CAN, LEGS PAR BRJOD PA YIN PAS TE BZHAD GAD KYI GNAS SU THAL, GANG GI PHYIR NA, GTAN TSIGS

, ,'DI'I BSGRUB BYA'I CHOS DON LA MED KYANG YOD MED THE TSOM ZA BA'I GZHI 'DIR YOD MED THE TSOM ZA BA DE'I PHYIR, GTAN TSIGS 'DI MI MTHUN PA'I GZHI 'DI NA MED DO ZHES BYA BA YANG BDEN ZHEN GYIS SMRAS PA'I PHYIR, GSUM PA LA GSUM, MTHUN PHYOGS DANG MI MTHUN PHYOGS DNGOS 'GAL DU SGRUB PA DANG, RTZOD PA SPANG BA DANG, RTZOD GZHI LA BSGRUB BYA'I CHOS KYIS KHYAB PA DPE'I STENG DU BSTAN PAR BYA BA MA YIN PA'O, ,DANG PO LA GNYIS, PHUNG GSUM MED PA DANG, RTZOD GZHI LA MI MTHUN PHYOGS KHEGS NA BSGRUB BYA GRUB PA'O, ,DANG PO NI, BSGRUB BYA'I CHOS MED LAS GZHAN PA DANG CHOS MED DU NGES PA LAS GZHAN GTAN TSIGS YIN NAM GRUB PA DANG MA NGES BAR 'GYUR BA DE'I PHYIR, BYAS PA LA SOGS PA'I GTAN TSIGS KYI CHOS RNAMS KYI MTHUN PHYOGS LA 'JUG PA DANG MTHUN PHYOGS LA LDOG PA LA RTZOD GZHI PHUNG GSUM DU 'GYUR BA MA YIN PAR THAL, PHYOGS RNAM PAR BZHAG PA LA MI LTOS PA STE, RTZOD GZHI MTHUN PHYOGS SU GZUNG NGAM MA BZUNG YANG PHUNG GSUM KHEGS PA'I 'GAL BA YIN PA'I PHYIR, GTAN TSIGS DE'I MTHUN PHYOGS DANG MI MTHUN PHYOGS DE DAG NI CHOS CAN, DGAG PHYOGS DANG SGRUB PHYOGS KYI PHUNG PO GSUM PA LDOG PAR BYED PA YIN TE, PHAN TSUN SPANGS TE GNAS PA'I MTSAN NYID KYI DNGOS SU 'GAL BA YIN PA'I PHYIR, GNYIS PA NI, SGRA MI RTAG SGRUB KYI MI MTHUN PHYOGS LAS GZHAN PA SGRA MI RTAG PAR SGRUB PA'I RTAGS YANG DAG MA YIN PAR THAL, RTZOD GZHI LA MI RTAG PAR MED PA LAS LDOG PA NGES PA YIN

NA MI RTAG PA BSGRUB PAR BYA BA'I CHOS CAN LA 'GRUB PA CI LTAR MA YIN TE YIN PA'I PHYIR, DER THAL, GZHI GANG LA MTHUN PHYOGS MI MTHUN PHYOGS DE DAG LAS GCIG LDOG PA NI GZHAN 'JUG PA YIN PA'I PHYIR, KHA CIG RTAGS YANG DAG GI MTHUN PHYOGS MI MTHUN PHYOGS DNGOS 'GAL MA YIN PAR 'DOD PA NI 'DIR BSTAN PA'I RIGS PA 'DI DAG DANG 'GAL ZHING DNGOS 'GAL MI SRID PAR KHAS LEN DGOS PAR 'GYUR TE, ME YOD MED DNGOS 'GAL DU KHAS LEN PA LA YANG RIGS PA DE MTSUNGS PA'I PHYIR RO, ,DGAG PHYOGS SAM SGRUB PHYOGS KYI PHUNG GSUM TSAD MA'I YUL DU BYUNG NA PHAN TSUN SPANGS 'GAL GYI DNGOS 'GAL 'DOR BA YIN GYI, DNGOS 'GAL GYI YA GYAL GANG DU YANG MA DES PA'I GZHI TSAD MAS GRUB PAS DNGOS 'GAL GA LA 'JIG , GNYIS PA LA GNYIS, DRI BA DANG, DE'I LAN NO, ,DANG PO NI, RTZOD GZHI LA MI MTHUN PHYOGS MA YIN PA MA GRUB NA CI DE NI SHES 'DOD KYI BYE BRAG DANG LDAN PA'I PHYOGS KYANG BSGRUB BYA'I CHOS KYIS STONG BA'I MI MTHUN PA'I PHYOGS SU 'GYUR RAM ZHE NA, GNYIS PA NI; PHYOGS KYANG MI MTHUN PHYOGS SU RNAM GRANGS KYIS NA 'GYUR BA YANG YIN TE, SGRA DE BYAS PAS SGRA RTAG PAR SGRUB PA'I MI MTHUN PHYOGS PHYOGS SU 'GYUR BA'I PHYIR, 'O NA MTSAN NYID 'CHOL BAR 'GYUR RO ZHE NA, PHYOGS DANG MI MTHUN PHYOGS KYI MTSAN NYID 'CHOL BAR 'GYUR BA MA YIN PAR THAL, SGRUB TSUL DANG MTHUN PA'I BSGRUB BYA'I CHOS KYIS STONG BA MI MTHUN PHYOGS DANG SHES 'DOD KYI BYE BRAG DANG LDAN PA'I GZHI PHYOGS SU 'JOG PA'I MTSAN NYID KYI DBYE BA NI MA 'CHOL BAR BRJOD ZIN PA NYID KYI

, ,PHYIR, RTZOD GZHI LA BSGRUB BYA'I CHOS MED PA BCAD PA'I DON DU GTAN TSIGS BRJOD PA RIGS PA MA YIN PAR THAL, RTZOD GZHI MI MTHUN PA'I PHYOGS SU THE TSOM MI ZA BA'I PHYIR, RTAGS MA GRUB NA, RTZOD GZHI RNAM GRANGS KYIS MI MTHUN PHYOGS SU MI 'GYUR BA 'GAL LO, ,GSUM PA LA GSUM, DNGOS DANG, TSUL GSUM BSTAN PAS DAM BCA' SHUGS LA 'PHEN PA DANG, DES 'PHANGS PA'I PHYOGS NGOS GZUNG BA'O, ,DANG PO NI, RTZOD GZHI MI MTHUN PHYOGS MA YIN PAR MA NGES NA RTZOD GZHI LA ZHUGS PA'I RTAGS LA BSGRUB BYA'I CHOS KYI KHYAB PA MI NGES PAR 'GYUR RO ZHE NA, RTZOD GZHI PHUNG GSUM DU 'GYUR BA'I RGYU MTSAN GANG LAS RTZOD GZHI LA RTAGS ZHUGS NA KHYAB PA MI 'GRUB PA'I SKYON 'DIR 'GYUR BA MA YIN PAR THAL, SGRUB NGAG YANG DAG GIS GTAN TSIGS KYI 'BREL PA STON PA'I DUS NA PHYOGS RTZOD GZHI DANG DAM BCAS KHYAB PA STON PA LA SOGS PA'I RNAM BAR BZHAG PA YOD BA MA YIN PA'I PHYIR, GNYIS PA NI, GTAN TSIGS KYI 'BREL PA STON PA'I DUS NA RTZOD GZHI DANG DAM BCAS KHYAB PA BSTAN PAR BYA BA MA YIN PAR THAL, GTAN TSIGS DE 'BA' ZHIG BSGRUB BYA'I CHOS 'GA' ZHIG YOD PA DAG TU 'JUG PA DANG MED PA DAG TU LDOG PA CAN DU BSTAN PA TZAM DU ZAD LA DE DANG RTAGS DE RANG NYID RTZOD GZHI LA YOD PA'I SHUGS KYIS RTZOD GZHI DE BSGRUB BYA'I CHOS LDAN DE LTA BUR SGRUB PAR BYED PA'I PHYIR, GSUM PA NI, SGRUB DAG YANG DAG DE'I SHUGS KYI YUL TSUL GSUM BSTAN PA'I RJES THOGS PA DE NI PHYOGS ZHES BRJOD DE,

SGRUB NGAG YANG DAG GNYI GAR GYIS DAM BCA' SHUGS LA 'PHEN PAR BYED KYI, DNGOS SU MI STON PA DE'I PHYIR, GNYIS PA DON BSDU BA NI, DAM BCA' SGRUB NGAG GI YAN LAG MA YIN PAR THAL, NGO BO'I DON SOGS CHOS LNGA TSANG BA DE'I MTSAN NYID KYI SGO NAS 'ONGS PA'I CHOS DAM BCA' NI 'BREL PA STON PAR BYED PA'I DUS NA DNGOS KYI BSTAN BYAR MED PA'I PHYIR, DER THAL, DE LTAR LAN CIG MA YIN PAR BSTAN PA DES NA'I PHYIR, MI MTHUN PHYOGS LAS GZHAN YIN PA RTAGS YANG DAG TU KHAS BLANGS NA DAM BCA' SGRUB NGAG YANG DAG GI YAN LAG TU KHAS LEN DGOS PAS TSUL DE LTAR BSHAD DO, ,GSUM PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, GRANGS CAN PA NA RE, MI MTHUN PHYOGS LAS GZHAN PA GTAN TSIGS SU MI RUNG BA 'O NA GTZO BO CHOS CAN, DNGOS PO YIN TE, GTZO BO DE LAS ZLOG PA'I DNGOS MED GZHAN LAS RNAM BAR GROL BA'I PHYIR CES BYA BA GANG YIN PA 'DI GTAN TSIGS YANG DAG YIN NO, ,GTAN TSIGS DE LA NI BSGRUB BYA'I CHOS RTAGS SU BKOD PA'I SKYON 'DI MED DE GTZO BO LAS GZHAN PA'I DNGOS MED LAS GROL BA ZHES PA'I GZHAN SMOS PA'I PHYIR RO, ,DNGOS PO TZAM DE LAS LDOG PA DANG BRAL BA 'BA' ZHIG NI BSGRUB BYA'I CHOS SU 'GYUR GYI; DNGOS POR MED PA 'GA' ZHIG DANG BRAL BA NI RTAGS YIN GYI BSGRUB BYA'I CHOS MA YIN NO, ,DES NA BSGRUB PAR BYA BA DANG SGRUB PAR BYED PA DAG KHYAD PAR YOD DO ZHE NA, GNYIS PA LA GNYIS, DGAG PA RGYAS PAR BSTAN PA DANG, DES RIGS

, ,CAN GZHAN YANG KHEGS PA'O, ,DANG PO LA GSUM, GZHAN GYI KHYAD PAR GYIS GRANGS CAN RANG GI 'DOD PA LA GNOD PA DANG, GZHAN GYI KHYAD PAR PHA ROL POS KHAS MA BLANGS PA DANG, GZHAN GYI KHYAD PAR DNGOS PO LA MA GRUNG PA'O,, DANG PO NI, GRANGS CAN GYI GTAN TSIGS 'DI LA YANG GZHAN GYI KHYAD PAR NYE BAR BZUNG BA NI, GTZO BO DNGOS PO YIN PA'I GRANGS CAN GYI 'DOD PA NYID LA GNOD PAR BYED PAR THAL, RTAGS KYI KHYAD PAR GYIS GTZO BO DNGOS MED DU 'PHEN PA'I PHYIR, RTAGS MA GRUB CE NA, GTZO BO LAS GZHAN PA'I DNGOS MED LAS GROL BA ZHES PA'I GZHAN SMOS PA'I RTAGS KYIS BSGRUB BYA SGRUB PAR NUS PA MA YIN PAR THAL, GTZO BO DE DNGOS PO MED PAR KHAS MI LEN PA'I PHYIR, DPER NAM THA RA'I BU BRAM ZE YIN NA MA THA RA'I BU LAS GZHAN PA'I BRAM ZE LA GZAN BYIN CIG CES BYA BA LTA BU RIGS TE, DE BRAM ZE YIN PA'I PHYIR, DE MIN NA BRAM ZE LA GZAN BYIN CIG CES BYA BA NYID BRJOD PA RIGS PAR 'GYUR GYI DE'I BU LAS GZHAN PA ZHES PA'I KHYAD PAR DON MED PAR THAL, MA THA RA'I BU BRAM ZE MA YIN PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, RTAGS DES GTZO BO DNGOS MED DU 'PHEN YANG GTZO BO DNGOS POR MED PA ZHES BYA BA 'DI NI PHA ROL PO SANGS RGYAS PA'I BSAM PA YIN TE, DE'I BSAM PA'I DBANG GIS GTZO BO LAS GZHAN PA'I DNGOS MED LAS GROL BA ZHES DE SKAD CES BRJOD DO, ,DES NA GTZO BO DNGOS BO MED PA GZHAN DANG BRAL BAR PHYIR RGOL KHYOD KYIS KHAS BLANGS PA'I PHYIR RO ZHES BYA BA'I DON TO ZHE

NA; GNYIS PA LA GNYIS, GZHAN GYI DON LA BRTAGS LA DGAG PA DANG, DE LTAR BRTAGS PAS RTAGS DE MA GRUB BA'AM 'KHRUL PAR 'GYUR BA'O, ,DANG PO LA GSUM, DNGOS MED LA RDZAS GZHAN GYI RNAM DBYE MED PA DANG, YOD NA DNGOS POR THAL BA DANG, RTOG BTAGS KYI DNGOS MED GZHAN LAS GROL BAS GTZO BO DNGOS POR MI 'GRUB PA'O, ,DANG PO NI, GTZO BO LA SOGS PA'I DNGOS MED DE LA YANG CHOS CAN, PHAN TSUN RDZAS THA DAD PA'I RNAM PAR DBYE BA CI ZHIG YOD DE MED PAR THAL; DON DAM PAR MED PA'I PHYIR, KHYAB PAR THAL, RDZAS GCIG GI RANG BZHIN RDZAS GZHAN LA MA MTHONG ZHING MNGON SUM GYIS SO SOR MTHONG BAS 'DI 'DI LAS RDZAS THA DAD PA YIN NO ZHES TSAD MA'I BLOS RTOGS PA YIN NA DNGOS PO MED PA DE 'DRAG LA YOD DE MED PA'I PHYIR, GNYIS PA NI, DE CHOS CAN, DNGOS PO MED PAR MI 'GYUR BAR THAL, RDZAS GZHAN GYI DBYE BA YOD PA'I PHYIR, KHYAB PAR THAL, RDZAS GZHAN DE NI DNGOS POR YOD PA'I MTSAN NYID CAN YIN PA'I PHYIR RO, ,GSUM PA LA GSUM, RTOG PAS BTAGS PA'I THA DAD NI BRJOD TSUL THA DAD TZAM DU ZAD PA DANG, DES DNGOS PO GRUB NA HA CANG THAL BA DANG, DNGOS POR GRUB NA DNGOS MED 'JIG PA'O, ,DANG PO NI, RNAM PAR RTOG PAS BKOD PA'I THA DAD BA 'DI DAG CHOS CAN, BDAG NYID RDZAS SU MED PA YIN YANG GZHAN DANG GZHAN GYI RNAM PAR DBYE BA DE DANG LDAN PA LTA BUR STON PAR BYED PA'I RGYU MTSAN YOD DE, SMRA BA PHO DAG GI BRJOD PA 'TSUL MI 'DRA BA GZHAN DANG GZHAN GYIS THA DAD PA TZAM DU STON PAR BYED PA 'BA'

, ,ZHIG TU ZAD PA'I PHYIR, GNYIS PA NI, SGRA DANG RTOG PA DES BYAS SHING BTAGS PA'I THA DAD PA'I RNAM PAR DBYE BA NI DNGOS PO THA DAD RNAM PAR 'JOG PA'I RTEN MA YIN TE, DE YIN NA 'DOD PA TZAM GYIS 'DOD DON 'GRUB PAR HA CANG THAL BAR 'GYUR RO ZHES BSHAD ZIN PA'I PHYIR, GSUM PA NI, DNGOS MED LA DON GZHAN GYI RNAM DBYE 'DOD PA 'DIS NI GTZO BO DANG RI BONG GI RVA LA SOGS PA THAMS CAD DU DNGOS PO MED PA 'JIG PAR 'GYUR BAR THAL, DNGOS MED LA GCIG LAS GCIG RDZAS THA DAD BA YOD PA DANG RJES SU 'BREL BAR STON PA YIN PA'I PHYIR, GNYIS PA NI, DE LTA NA YANG DNGOS PO MED PA GZHAN DANG BRAL BA'I PHYIR CES BYA BA'I GTAN TSIGS 'DI MA GRUB PA NYID DAM 'KHRUL BAR 'GYUR BAR THAL, RTOG PAS BTAGS PA'I GZHAN LAS GROL BA RTAGS SU 'GOD NA 'KHRUL, RDZAS GZHAN LAS GROL BA RTAGS SU 'GOD NA PHYOGS CHOS MA GRUB PA'I PHYIR, GSUM PA NI, GRANGS CAN 'DOD BA'I DNGOS MED MTHA' DAG LAS GROL BA GTAN TSIGS YIN NO ZHE NA; CI STE YANG GRANGS CAN PA DE'I DNGOS MED DU MNGON PAR 'DOD PA 'GA' ZHIG LAS THA DAD PA GTAN TSIGS YIN NA STE YIN PAS GTZO BO DNGOS PO DE LTAR 'GRUB PAR 'GYUR NA ZHES KHAS BLANGS RJES SU BRJOD NAS DE DGAG PA LA GSUM, GRANGS CAN 'DOD PA'I DNGOS MED LAS GROL BA GTAN TSIGS MA YIN PA DANG, GRANGS CAN GYI 'DOD PA GTAN TSIGS SU SONG BA DANG, DNGOS MED GZHAN LAS GROL BA'I RTAGS DON MED PA'O, ,DANG PO NI, 'O NA NI GTZO BO GRANGS CAN 'DONG

PA'I DNGOS MED DE LAS DON LA THA DAD PAR 'GYUR BA'I PHYIR DNGOS PO DE LTAR 'GRUB PAR 'GYUR BA NI MA YIN PAR THAL, 'ON KYANG GRANGS CAN PA DE'I 'DOD PA LAS 'GRUB BA YIN PA'I PHYIR, RTAGS BSAL KHAS BLANGS, KHYAB PAR THAL, YANG GRANGS CAN PA DE'I 'DOD PA GZHI GZHAN DU GYUR NA GTZO BO LAS GZHAN RI BONG GI RVA LA YANG RTAGS DES DNGOS BO DE LTA BU YIN PAR SGRUB 'DOD NA SGRUB NUS PA'I PHYIR RO, ,RTAGS KHAS BLANGS, GNYIS BA NI, 'DOD PA TZAM SGRUB BYED DU SONG BA DE'I PHYIR, GRANGS CAN DE NYID KYI 'DOD PA NI DNGOS PO'I GNAS TSOD KYI RANG BZHIN GYI SGRUB BYED DU BRJOD PAR 'GYUR PAR THAL, GRANGS CAN GYI GTAN TSIGS 'DIR 'DOD BA NYID LA BSGRUB BYA SGRUB PA'I NUS PA RNAM PAR GNAS PA'I PHYIR, RTAGS BSAL KHAS BLANGS, GSUM PA LA GNYIS, DNGOS DANG, 'DOD PA RTAGS SU MI 'THAD BA'O, ,DANG BO NI, DNGOS MED GZHAN LAS GROL BA SOGS 'DI DAG GI PHAN TSUN DBEN PA RTAGS SU BKOD PAS CI ZHIG BYA STE, 'DOD PA DE NYID GTAN TSIGS SU BRJOD RIGS PAR 'GYUR BAR THAL, GRANGS CAN GYIS DE LTAR 'DOD PA NYID GTAN TSIGS SU SONG BA DE'I PHYIR, GNYIS PA NI, 'DOD PA GTAN TSIGS YIN NO ZHE NA, 'DOD PA RTAGS SU BYED PA DE LA YANG BSGRUB BYA'I CHOS DNGOS PO DANG 'BREL PA BRJOD PAR BYA STE 'BREL PA GRUB PA DE LTA MA YIN NA RTZOD GZHI LA BSGRUB BYA'I CHOS DNGOS PO BA MI 'GRUB PA'I PHYIR RO, ,GNYIS PA LA GNYIS, 'DOD BA TZAM GYIS BZHAG BA'I GTAN TSIGS THAMS CAD DNGOS PO LA 'KHRUL BAR BSTAN PA DANG,

, ,'DOD PA TZAM GYIS BZHAG PA'I GTAN TSIGS SPANGS TE TSUL GSUM DON LA GNAS PA'I GTAN TSIGS KYI RJES SU 'BRANG RIGS BAR BSTAN PA'O, ,DANG PO NI, GRANGS CAN GYI 'DOD BA TZAM GYIS BZHAG PA'I GTAN TSIGS LTAR SNANG DU STON PA'I RIGS PA 'DI NI CHOS CAN, SKYES BUS 'DOD PA TZAM GYIS RNAM PAR BZHAG PA LA BRTEN PA'I GTAN TSIGS THAMS CAD 'KHRUL PAR BRJOD PA YIN TE, DE LTAR YIN PAR BDAG DANG GZHAN GYIS KHAS BLANGS PA'I PHYIR CES BYA BA LA SOGS PA DANG, DPER NA SGRA MI RTAG STE DE SGRUB KYI MI MTHUN PA'I PHYOGS MA YIN PA'I PHYIR RO, ZHES BYA BA DANG, SGRA MI RTAG PAR SGRUB PA'I RGOL BAS BSGRUB BYAR 'DOD DE, DE'I BSGRUB BYA SPYI DE'I PHYOGS GCIG YIN PA'I PHYIR CES BYA BA LA SOGS BA LTA BU DON LA 'KHRUL PA'I GTAN TSIGS LTAR SNANG DU BSTAN PA'I PHYIR, GNYIS PA NI, 'DOD PA TZAM GYIS BZHAG PA'I GTAN TSIGS 'KHRUL PAR BSTAN PA'I PHYOGS 'DIS CHOS CAN, LKOG GYUR GO BAR BYED BA'I SBYOR BA THAMS CAD LA TSUL GSUM DON LA RNAM PAR GNAS PA'I TSUL GYI GTAN TSIGS KYI RJES SU 'BRANG BAR BYA STE, DON DANG MA 'BREL BAR BRJOD PA YONGS SU 'GYUR BAS BYAS PA'I GTAN TSIGS 'KHRUL PA SPANGS TE GTAN TSIGS SKYON MED KYI RJES SU 'BRANG RIGS PA'I PHYIR, GNYIS PA RANG LA MTSUNGS PA SPANGS PA LA GNYIS, RTZOD PA DANG, LAN NO, ,DANG PO NI, DAM BCA'I PHYOGS GCIG RTAGS SU BKOD PA MA GRUB PAR 'GYUR NA RTZOL BA LAS BYUNG BA'I SGRA NI CHOS CAN, MI RTAG STE RTZOL BA LAS BYUNG BA'I PHYIR

RO ZHES BYA BA 'DI CI LTAR DAM BCA' BA'I DON GYI PHYOGS GCIG RTAGS SU BKOD PA MA YIN ZHE NA, GNYIS BA LA GSUM, DAM BCA'I PHYOGS GCIG RTAGS SU BKOD PA'I MA GRUB PA NGOS BZUNG BA DANG, GTAN TSIGS 'DI LA SKYON DE MED PA DANG, DE NYID BSHAD PA'O, ,DANG PO NI, SGRA MI RTAG SGRUB LA SGRA RTAGS SU BKOD PA 'DIR NI DAM BCA' BA'I DON GYI PHYOGS GCIG NYID RTAGS SU BKOD BA YIN PAR BRJOD DE, RTOG BLO LA DON SBYI THA MI DAD BA'I YUL GCIG CES BA'I THA SNYAD KYIS NYE BAR BZHAG PA BSGRUB PAR BYA BA'I CHOS CAN DE NYID SGRUB PAR BYED PA RTAGS SU BKOD BA YIN PA'I PHYIR, DER THAL, RTAGS DANG RTZOD GZHI LDOG BA THA MI DAD BA LA BRTEN PA'I PHYIR, GNYIS PA NI, GTAN TSIGS 'DIR RTAGS DANG RTAGS CAN MI 'GAL ZHING, RTZOD GZHI'I LDOG PA RTAGS SU BKOD PA MA YIN PAR THAL, RTAGS DANG RTZOD GZHI LDOG CHOS THA DAD PA'I PHYIR, DER THAL, KHYAD PAR BSGRUB BYA'I CHOS CAN DU BYAS SPYI GTAN TSIGS SU BRJOD PA YIN BA'I PHYIR, GSUM PA LA GSUM, MA GRUB PA'I GTAN TSIGS SU MI 'GYUR BA'I DPE DANG, DAM BCA'I YAN LAG LA BRTAGS NAS MA GRUB PA'I GTAN TSIGS KYI SKYON SPANG BA DANG, THUN MONG MA YIN PA LA RTZOD GZHI RTAGS SU BKOD BA'I SKYON MED PA'O, ,DANG PO NI, DPER NA RTZOL BA LAS BYUNG BA'I SGRA CHOS CAN, MI RTAG STE, RTZOL BYUNG NYID YIN PA'I PHYIR, CES PA BZHIN GYI GTAN TSIGS NI RTZOD GZHI RTAGS SU BKOD PA'I MA GRUB PA MA YIN PAR THAL, DE RTAGS DANG RTAGS CAN SO SO THA DAD YIN BAR 'DOD RIGS BA'I PHYIR, DER

, ,THAL, KHYAD PAR DANG SPYI LDOG CHOS THA DAD PA'I PHYIR, GNYIS PA NI, RTZOL BYUNG DE GTAN TSIGS DE'I PHYOGS TE DAM BCA'I YAN LAG YIN DU CHUG NA'ANG RTZOD GZHI CHOS CAN DANG THA DAD DU MA GRUB PA'I GTAN TSIGS MIN PAR THAL, RTAGS DES RANG GI BSGRUB BYA 'GRUB PA LA GNOD PA MED PA'I PHYIR, DPER NA GONG BU RVA CAN 'DI CHOS CAN RTA MIN TE, RVA CAN NYID KYI PHYIR CES PA BZHIN NO, ,DAM BCA'I YAN LAG TU 'DUS PA LAS YANG NA CHOS RTZOL BYUNG GI RTAGS KYIS RTZOL SGRA MI RTAG PAR SGRUB PA'I BSGRUB BYA RJES DPAG GIS 'JAL BA'I DUS SU RTZOL BYUNG DE DAM BCA'I YAN LAG MIN PAR THAL, RTZOL BYUNG DES PHYOGS CHOS 'JAL BA'I TSE RTZOL BA LAS BYUNG BA'I SGRA MTSON PA'I BYA BA BYAS NAS RJES DPAG GI NGOR LDOG PA'I PHYIR, RTZOL BA LAS SKYES PAR MTHONG BA'I SGRA GANG YIN PA DE NI MI RTAG GO ZHES SGRA'I NGO BO MTSON PAR BYAS NAS BYA BA'I DUS SU GDON MI ZA BAR NYE BAR GNAS PA MA YIN TE, DPER NA GOS DKAR CAN GYI MI DE KHRID SHOG CES BRJOD PA'I TSE GOS DKAR PO 'ONG DAM MI 'ONG YANG BLA KHRID 'ONG BA'I BYA BA'I NANG DU MI 'DU BA BZHIN NO, ,SLOB DPON LHA DBANG BLO'I BZHED PA NI, RNAM 'GREL GYI RNAM BSHAD DU BSHAD ZIN TO, ,GSUM PA NI, DE'I PHYIR KHYAD PAR MNYAN BYA SGRA MI RTAG PAR SGRUB PA'I DAM BCA' YI DON GYI PHYOGS GCIG RTZOD GZHI RTAGS SU BKOD PA'I MA GRUB PA MIN PAR THAL, SGRA DANG MNYAN BYA LDOG CHOS THA DAD PA'I PHYIR RO, ,'DI SNGA MA KHA CIG GIS SBYOR BA SNGA MA'I 'PHROS 'BA' ZHIG LA SBYOR BA MI 'THAD DE, THUN

MONG MA YIN PA'I GTAN TSIGS LA DOGS PA GCOD PA YIN PA'I PHYIR RO, ,DES NA CHA GNYIS KA BSHAD PAR BYA LA, DE LTAR NA RTZOL BYUNG TZAM GYI SPYI DE KHYAD PAR DAM BCA' YI DON DU 'DUS PA MIN TE, RTAGS DANG RTZOD GZHI LDOG CHOS THA DAD PA'I PHYIR RO; ;THUN MONG MA YIN PA LA DOGS PA BCAD DGOS PA NI SGRA DANG MNYAN BYA DE NA SPYI SO SOR MI 'CHAR BAS PHYOGS CHOS MA GRUB SNYAM PA'O, ,DE GNYIS LDOG PA THA DAD DE, MNYAN BYA YUL CAN GYI NGOS NAS DANG, SGRA YUL GYI NGOS NAS LOG SA THA DAD LAS LOG PAR 'CHAR BA YIN NO, ZHES BYA BA NI BAR SKABS KYI TSIGS SU BCAD PA DAG GO ,GNYIS BA THE TSOM ZA BA'I MA GRUB PA'I GTAN TSIGS LTAR SNANG BSHAD PA LA GNYIS, DPE DNGOS DANG, CHOS CAN MA GRUB PAS MA GRUB PA'I DPE'O, ,DANG PO NI, PHYOGS CHOS DON LA MA GRUB NA MA GRUB PA DE BZHIN DU RTAGS RANG RANG NYID DAM DE'I RTZOD GZHI LA THE TSOM ZA NA GTAN TSIGS MA GRUB PA YIN TE, PHYOGS CHOS LA THE TSOM ZA BA'I LTAR SNANG DU 'GYUR BA'I PHYIR, RTAGS KYI NGO BO LA THE TSOM ZA BA MA GRUB PA'I GTAN TSIGS SU 'GYUR BA YOD DE, DPER NA ME SGRUB PA LA DU BA YIN NAM RLANGS PA YIN SNYAM DU RLANGS PA'I DNGOS POR THE TSOM ZA BA'I 'BYUNG BA 'DUS PA LA THE TSOM ZA BZHIN DU DU BA YOD PA'I PHYIR CES PA LTA BU RTAGS KYI NGO BO LA THE TSOM ZA BA'I PHYIR, GZHI LA THE TSOM ZA BA'I MA GRUB PA'I GTAN TSIGS YOD DE, YANG DPER NA RI SUL DBUS MA NA RMA BYA'I SGRA YOD MED THE TSOM ZA BZHIN DU RMA BYA'I SGRA YOD PA'I RI SUL DBUS MA 'DI NA CHOS CAN, RMA BYA YOD DE RMA BYA'I SGRA GRAGS PA'I PHYIR CES

, ,BYA BA LTA BU'I GZHI LA THE TSOM ZA BA'I MA GRUB PA YIN PA'I PHYIR, SGRA DE GRAG PA'I YUL MI RTOGS PA THE TSOM ZA BA LTA BU'O, ,GZHI RTAGS KYI 'BREL PA LA THE TSOM ZA BA YOD DE, SGRA BYAS PA YIN MIN THE TSOM ZA BZHIN DU SGRA CHOS CAN MI RTAG STE BYAS PA'I PHYIR CES PA LTA BU'O, ,GNYIS PA NI, CHOS CAN MA GRUB NA YANG MA GRUB PA'I GTAN TSIGS SU 'GYUR BA YOD DE, DPER NA BDAG NI KHYAB PA YIN TE, BDAG DE'I BDE BA LA SOGS PA'I YON TAN STONG SMAD BAR GSUM THAMS CAD NA DMIGS PA'I PHYIR RO ZHES BYA BA LTA BU'O, ,GSUM PA DON BSDU BA NI, GTAN TSIGS KYI TSUL GCIG PHYOGS KYI CHOS NYID MA GRUB BAM THE TSOM ZA BA'I GTAN TSIGS YIN NA MA GRUB PA'I GTAN TSIGS LTAR SNANG BA YIN TE; GONG DU BSTAN ZIN PA DE LTAR NA'I PHYIR, GNYIS PA LDOG PA MA GRUB PA'I GTAN TSIGS LTAR SNANG BSHAD PA LA GNYIS SBYIR BSTAN PA DANG, SO SOR BSHAD PA'O, ,DANG PO NI, DE BZHIN DU PHYOGS CHOS GRUB MTHUN PHYOGS MI MTHUN PHYOGS GNYIS KA LA MTHONG BA'I SGO NAS GCIG LDOG PA MA GRUB BAM THE TSOM ZA NA MA NGES PA YIN TE, GTAN TSIGS YANG DAG LA TSUL GSUM TSANG DGOS PA'I PHYIR, GCIG PO GANG ZHE NA MTHUN PHYOGS MI MTHUN PHYOGS GNYIS KA LA MTHONG BA'I SGO NAS LDOG PA MA GRUB PA'O, ,GNYIS PA LA GNYIS, LDOG PA DON LAM GRUB PA DANG, LDOG PA LA THE TSOM ZA BA'O, ,DANG PO NI, LDOG PA DON LAM GRUB PA NI DPER NA PHYOGS CHOS KYI RAB TU DBYE BAR BSTAN PA RNAM PA BZHI LTA BU YIN TE, DER BSTAN PA'I

PHYOGS CHOS CAN MTHUN PHYOGS MI MTHUN PHYOGS GNYIS KA LA KHYAB BYED DU YOD PA DANG, MTHUN PHYOGS LA KHYAB CING MI MTHUN PHYOGS LA CHA GNYIS PA DANG, DE LAS ZLOG PA DANG, GNYIS KA LA CHA GNYIS SU 'JUG PA'I THUN MONG GI MA DES PA BZHI LTA BU YIN PA'I PHYIR, GNYIS PA LA GNYIS, DPE BSHAD PA DANG, DE GNYIS KYI DON SO SOR BSHAD PA'O, ,DANG PO NI, LDOG KHYAB DON LA MA GRUB PA DE BZHIN DU LDOG PA LA THE TSOM ZA BA NI DPER NA BRJOD PAR 'DOD PA'I LAM PO CHEN GNAS PA'I DAG SMRA BA'I SKYES BU 'GA' ZHIG NI CHOS CAN, THAMS CAD MKHYEN PA MA YIN PA ZHES PA'AM 'DOD CHAGS LA SOGS PA DANG LDAN PA YIN TE, DAG SMRA BA LA SOGS PA'I PHYIR RO ZHES BYA BA LTA BU'O, ,SOGS PAS LUS DANG LDAN PA DANG LAG PA DANG LDAN PA DANG BLO DANG LDAN PA SOGS SO, ,GNYIS PA LA GNYIS, DGAG RTAGS LDOG PA LA THE TSOM ZA BAR SGRUB PA DANG, SGRUB RTAGS LDOG PA LA THE TSOM ZA BAR BSGRUB PA'O, ,DANG PO LA GSUM, MDOR BSTAN PA DANG, RGYAS PAR BSHAD PA DANG; DON BSDU BA'O, ,DANG PO NI, KUN MKHYEN YOD MED THE TSOM ZA BA'I GANG ZAG GI BLO NGOR DAG SMRA BAS RANG PHYOGS KYI CHOS SU GRUB PA'I GZHIR KUN MKHYEN MIN PAR SGRUB PA'I GTAN TSIGS 'DIR LDOG PA LA THE TSOM ZA BA YIN TE, THAMS CAD MKHYEN PA SMRA BA MA DMIGS PAS MED DO, ZHES BYA BA MI DMIGS PA'I RNAM PA 'DI LTA BU NI THE TSOM GYI RGYU YIN NO ZHES BSHAD ZIN PA'I PHYIR, THE TSOM GYI RGYU YIN PAR THAL, PHYIR RGOL DE LA YUL THAMS CAD MKHYEN PA YOD KYANG BLTAR MI RUNG BA'I

, ,BDAG NYID KYIS THE TSOM ZA BA'I PHYIR, GNYIS PA LA GSUM, NGAG SMRA BA DANG THAMS CAD MKHYEN PA GZHI MTHUN MI SRID PA LA SGRUB BYED MED PA DANG, GZHI MTHUN SRID PA LA GNOD BYED MED PA DANG, BDAG LA MTHONG BAS GZHAN LA DPOG MI NUS PA'O, ,DANG PO LA GSUM, MDOR BSTAN PA DANG, MA DMIGS PA MED PAR SGRUB PA LA HA CANG THAL BA DANG, DE MI 'GRUB PA'I RGYU MTSAN NO, ,DANG PO NI, DAG SMRA BA DANG THAMS CAD MKHYEN PA'I GZHI MTHUN KHAS BLANGS PA 'DI LA 'GAL BA CI ZHIG YOD DE MED PAR THAL, GAL TE SMRA BA YANG YIN LA THAMS CAD MKHYEN PAR 'GYUR MOD DE GZHI MTHUN YOD PA'I PHYIR, GNYIS PA NI, DE GNYIS LHAN CIG GNAS PA MA MTHONG BAS 'GAL BA YIN TE, GANG MI 'GAL BA DE NI LHAN CIG GNAS PAR MTHONG NGO ZHE NA, GAL TE 'JIG RTEN 'DIR BLO DANG MI GZHAN PA SPYOD PA PA KHYED KYIS MA DMIGS PA'I DON MED DO ZHES SPONG NA 'O NA SBYOD PA PA KHYED MNGAL SKYES KYI SKYES BU LAS NYAMS PAR 'GYUR BAR THAL, KHYOD KYI PHAS MA LA MNGAL 'JOG PA'I NUS PA KHYOD KYIS MA MTHONG BAS KHYOD KYI PHA DE PHA'I THA SNYAD KYI RGYU MTSAN LDOG PAR THAL BA'I PHYIR, GSUM PA NI, SMRA BAS THAMS CAD MKHYEN PA MA YIN PA SGRUB MI NUS PAR THAL, SMRA BA DANG THAMS CAD MKHYEN PA NYID LA LHAN CIG MI GNAS PA DANG PHAN TSUN SPANGS PA'I 'GAL BA RNAM PA GNYIS GANG YANG MED PA'I PHYIR RO, ,GANG DAG SANGS RGYAS KYI GZUGS KYI SKU SANGS RGYAS MA YIN PAR 'DOD PA DE DAG SPYOD PA PA'I LUGS 'DI DANG

KHYAD PAR CUNG ZAD MED PAR SHES PAR BYA'O, ,BDAG NYID CHEN PO YAB SRAS NI RANG GI RTZA BA'I STON PA TSAD MA'I SKYES BU DANG, DE'I GSUNG TSAD MAR SGRUB PA LA RIGS PA'I TSOGS MTHA' YAS PAS NGAL BA MANG PO MDZAD LA KHYOD NI DE 'GOG MA THUB PAS SBYANGS PAS SANGS RGYAS KYI BSTAN PA LA CO 'DRI BAR 'DOD PA MIN NA SEMS RNAL DU ZHOG LA SMROS SHIG ,KHA CIG NYAN RANG 'PHAGS PA TZAM DANG NYAN RANG DGRA BCOM PA 'PHAGS PA DANG DGRA BCOM PA RNAL MA MIN NO, ,ZHES ZER BA YANG KHA NA MA THO BA SHIN TU CHE ZHING TSOGS PAR DBYUNG DU MI RUNG BA'I GTAM DU SHES PAR BYA'O, ,DE LTA NA NYAN RANG DGRA BCOM PA'I RGYUD LA THAR PA MTSAN NYID PA MED PAR KHAS LEN DGOS PAS BCOM LDAN 'DAS KYIS NYAN THOS KYI THEG PA LA ZHUGS PA RNAMS LA BDEN BZHI'I CHOS KYI 'KHOR LO BSKOR BAS PHYI ROL BA'I STON PA DANG 'DRA BAR RNAM GROL GYI 'BRAS BU LA BKOD PA CUNG ZAD KYANG MED DO ZHES KHAS LEN DGOS PAR 'GYUR RO, ,'DI DAG DGAG PA DANG THAR PA DANG THAMS CAD MKHYEN PA SGRUB PA'I TSUL PHYOGS TZAM ZHIG NI MNGON SUM GYI SKABS SU BSHAD ZIN TO, ,THAMS CAD MKHYEN PA NGAG SMRA BA MA MTHONG DU ZIN KYANG THAMS CAD MKHYEN PA GANG YIN PA DE SMRA BA MA YIN NO ZHES BYA BA'I NGAG SMRA BA THAMS CAD MKHYEN PA LAS LDOG PA MI 'GRUB STE THAMS CAD MKHYEN PA SMRA BA YOD MED THE TSOM ZA BA'I PHYIR RO, ,GZHAN GYIS BKOD PA'I RTAGS DE'I PHYIR RGOL LA BLTOS PA YIN GYI, RANG LUGS LA KUN MKHYEN DAG SMRA BA DNGOS STOBS KYI TSAD MAS 'GRUB PA YIN NO, ,GNYIS PA LA GSUM, RJES

, ,DPAG GIS MI GNOD PA DANG, MNGON SUM GYIS MI GNOD PA DANG, GNOD NA DE NYID KUN MKHYEN DU THAL BA'O, ,DANG PO NI, TSIG SMRA BA'I RTAGS LAS TSIG SMRA BA'I SKYES BU PHA ROL PO KUN MKHYEN YIN PA LA GNOD BYED MA YIN PAR THAL, DE KUN MKHYEN YIN PA LA GNOD PAR BYED PAR YOD NA NI GZHAN KUN MKHYEN DE LA MED PAR NGES PAR BYED NUS NA YANG DE LA GNOD BYED DU MED PA'I PHYIR, TSIG SMRA BAS KUN MKHYEN LA GNOD PA NI SHES PAR SLA BA MA YIN TE, KUN MKHYEN DBANG PO'I MNGON SUM GYI YUL LAS 'DAS PA'I PHYIR, SGRA RTAG PA DBANG PO'I YUL LAS 'DAS KYANG SGRA MI RTAG PA DE LA GNOD BYED DU SHES PA MA YIN NAM ZHE NA, MI MTSUNGS TE, TSIG SMRA BAS KUN MKHYEN LA GNOD PA MA YIN PAR THAL; DE GNYIS PHAN TSUN SPANGS TE GNAS PA'I MTSAN NYID KYIS MI 'GAL BA YIN PA'I PHYIR, SMRA BA THAMS CAD DE SMRA BA YIN NA THAMS CAD MKHYEN PA MA YIN NO ZHES KHYAB PA MA GRUB PAR THAL, DE GNYIS GZHI MTHUN MI SRID PA'I SGRUB BYED DANG, GZHI MTHUN SRID PA LA GNOD BYED MED PA DE'I PHYIR, GNYIS PA NI, SMRA BA LA KUN MKHYEN MIN PAS KHYAB PA MNGON SUM GYIS NGES PA'I SHUGS LA GZHI MTHUN SRID PA LA GNOD DO ZHE NA, DE'I SHUGS KYIS MI GNOD PAR THAL; SMRA BA PO THAMS CAD KYI SEMS KYI GNAS TSOD KYI CHOS NYID MA LUS PA KUN MKHYEN MIN PA'I MNGON SUM GYIS YONGS SU GCOD PAR YANG MI NUS PA'I PHYIR RO, ,GSUM PA NI, GTAN TSIGS MA GRUB BO ZHE NA, GANG ZAG DE NYID THAMS

CAD MKHYEN PAR 'GYUR BAR THAL, DES SMRA BA PO THAMS CAD KYI SEMS KYI GNAS TSOD MA LUS PA MNGON SUM GYIS SHES PA DE LTA NA'I PHYIR, 'DOD NA KUN MKHYEN DGAG RIGS PA MA YIN PAR THAL, 'DOD PA DE'I PHYIR, GSUM PA LA GSUM, RANG LA MTHONG BAS GZHAN LA DPOG PA HA CANG THAL BA DANG, DE'I LAN DGAG PA DANG, RANG LA MTHONG BA GZHAN LA DPOG PA BZHAD GANG KYI GNAS SU BSTAN PA'O, ,DANG PO LA GNYIS, RTZOD PA DANG, LAN NO, ,DANG PO NI, SKYES BU BDAG NYID LA SMRA BA DANG KUN MKHYEN MIN PA GNYIS LHAN CIG TU RANG GIS RIG PA DES GZHAN LA YANG DE LTAR YONGS SU GCOD DO ZHE NA, GNYIS PA NI, GAL TE DE LTAR NA RANG LA SMRA BA DANG SNGO BSANGS LHAN CIG TU MTHONG BAS GZHAN LA YANG DE LTAR DPOG PA HA CANG THAL BAR 'GYUR BA MA YIN NAM STE YIN PAR THAL, BDAG LA MTHONG BA JI LTAR BZHIN DU GZHAN LA SGRUB RIGS PA'I PHYIR, GNYIS PA LA GNYIS, 'GAL BA MTHONG BAS MI SGRUB PA MI 'THAD PA DANG, LDOG PA MED PAS MI SGRUB PA MI 'THAD PA'O,, DANG PO LA GNYIS, RTZOD PA DANG, LAN NO, ,DANG PO NI, SMRA BAS SNGO BSANGS DPOG PA LA SMRA BA DANG DKAR SHAM GZHI MTHUN MNGON SUM GYIS MTHONG BA DANG 'GAL BAS SMRA BAS SNGO BSANGS MI SGRUB PO ZHE NA, GNYIS PA NI, SMRA BAS SNGO BSANGS SU CI STE MI SGRUB STE SGRUB RIGS PAR THAL, RANG LA LHAN CIG MTHONG BA'I RIGS PA SMRA BA DANG SNGO BSANGS LA YANG MTSUNGS PA'I PHYIR, YANG NA RANG LA MTHONG BA GZHAN LA DPOG PA DE RIGS PA MA YIN TE, RANG LA SMRA BA DANG SNGO BSANGS LHAN CIG TU MTHONG

, ,YANG GZHAN LA DE LTAR DPOG PA LA MNGON SUM GYIS GNOD PA'I PHYIR, KHYAB PAR THAL, MTSAN NYID DANG LDAN PA GCIG LA GNOD PA YOD NA DE'I RIGS CAN KUN LA GNOD PA SRID PA'I PHYIR RO, ,GNYIS PA LA GNYIS, RTZOD PA DANG; LAN NO, ,DANG PO NI, RANG LA SMRA BA DANG KUN MKHYEN MIN PA LHAN CIG MTHONG BA TZAM GYI NI GZHAN LA DPOG PA MA YIN NO, ,'O NA CI ZHE NA SMRA BA KUN MKHYEN LA MTHONG BA LDOG PA LAS KYANG YIN TE, SMRA BA SNGO BSANGS MA YIN PA LA LDOG PA DE MED PA'I PHYIR GZHAN LA MI SGRUB BO ZHE NA, GNYIS PA LA GNYIS, MI MTHUN PHYOGS LA ZHUGS PA DANG YOD MED THE TSOM ZA BA LDOG KHYAB MA GRUB PAR MTSUNGS PA DANG, 'DI LA RTAGS DANG DGAG BYA'I CHOS KYI 'GAL BA MED PA'O, ,DANG PO NI, SMRA BAS KUN MKHYEN MIN PAR SGRUB PA DANG, DKAR SHAM MIN PAR SGRUB PA GNYIS SGRUB PAR BYED PA'I RTAGS YANG DAG MA YIN PAR MTSUNGS PAR THAL, DE GNYIS MI MTHUN PHYOGS LA MED PAR NGES PA'I LDOG KHYAB MA GRUB PAR MTSUNGS PA'I PHYIR DER THAL, PHYI MA MI MTHUN PHYOGS LA ZHUGS PA DANG SNGA MA MI MTHUN PHYOGS DER YOD MED THE TSOM ZA BA DAG GI PHYIR, GNYIS PA NI, DKAR SHAM DANG DKAR SHAM MA YIN PA DE DAG NI BLTAR MI RUNG BZHIN DU 'GAL BAR NGES PA MA YIN PAR THAL; BDAG NYID BLTAR RUNG BA NYID KYIS 'GAL BAR DMIGS PA'I PHYIR, TSIG SMRA BA DANG KUN MKHYEN DE DAG NI BDAG NYID BLTAR RUNG BA NYID GYIS 'GAL BAR DMIGS PA'I PHYIR TSIG SMRA BA'I RTAGS LAS KUN MKHYEN MA YIN PAR BSGRUB

PAR BYA BA MA YIN PAR THAL, DE LA RTAGS DANG DGAG BYA'I CHOS KYI 'GAL BA MED PA'I PHYIR, KUN MKHYEN NI RANG GI MI MTHUN PA'I PHYOGS KUN MKHYEN MA YIN PA DAG DANG 'GAL BAR YANG MNGON SUM GYIS NGES PAR MI 'GYUR BAR THAL, MNGON SUM GANG GIS KUN MKHYEN DE YOD KYANG RANG GIS MI MTHUN PA'I PHYOGS BSAL NAS GCIG TU NGES PAR BYED PA MNGON SUM LA BLTAR MI RUNG BA'I PHYIR, YANG TSIG SMRA BA GANG GIS RANG PHYOGS KYI CHOS SU GRUB PA'I GZHIR MI MTHUN PA'I PHYOGS KUN MKHYEN BSAL NAS MTHA' GCIG TU KUN MKHYEN MA YIN PA NGES PAR BYED PAR NUS PA MA YIN PAR THAL, RANG GI MI MTHUN PA'I PHYOGS KUN MKHYEN DAG DANG YANG 'GAL BAR MI 'GYUR BA'I PHYIR, DER THAL, KUN MKHYEN YOD KYANG PHYIR RGOL LA BLTAR MI RUNG BA'I PHYIR, YANG GI SGRAS KUN MKHYEN MA YIN PA THAMS CAD RANG GI NGO BO NGES PA MED PA 'BA' ZHIG TU MA ZAD, NGES PA YOD DU CHUG KYANG KUN MKHYEN DANG 'GAL BAR MNGON SUM GYIS MI NGES PA'O, ,GSUM PA NI; BDAG NYID KYI NANG GI CHOS KUN MKHYEN MIN PA DANG 'DOD CHAGS DANG LDAN PA DANG, MA RIG PA LA SOGS PA GANG ZAG GZHAN GYIS MNGON SUM DU RIG PAR BYA BA MA YIN PA 'GA' ZHIG DANG TSIG SMRA BA LHAN CIG TU LDAN PAR RIG PAS GANG ZAG GZHAN THAMS CAD LA KUN MKHYEN MIN PA DE NYE BAR BSGRUB PAS SMRA BA THAMS CAD KUN MKHYEN MIN PAR THA SNYAD BYED PA'I SKYES BU SPYOD PA BA 'DI CHOS CAN, BSTAN BCOS LA SOGS PA RIG PA'I GNAS LA SBYANGS PA NGAL BA'I 'BRAS BU TZAM

, ,ZHIG YONGS SU RDZOGS PAR GRUB PAR THAL, RIG GNAS LA SBYANGS KYANG BSTAN BCOS SHES PA DANG BRAL BA'I BUD MED DANG DMANGS RIGS RNAMS DANG THUN MONG BA'I GZHAL BYA'I KHYAD PAR BDAG LA MTHONG YANG GZHAN LA MED PAR MTHONG BA DE TZAM YANG MI RTOGS PA'I PHYIR, YANG NA DE RNAMS KYANG BDAG LA MTHONG BA GZHAN LA MI DPOG PA LA KHYOD DPOG PAS DE DANG THUN MONG BA'I SHES BYA RTOGS PA'I NUS PA YANG MED CES PA'O, ,GSUM BA DON BSDU BA LA GSUM, RANG LA MTHONG BA GZHAN LA SGRUB MI NUS PA DANG, RTZA BA'I RTAGS LDOG PA LA THE TSOM ZA BA DANG, DE'I RGYU MTSAN NO, ,DANG PO NI, BDAG LA MTHONG BA TZAM GYIS NI GZHAN LA NYE BAR SGRUB PA NUS PA MA YIN TE, DE TZAM GYIS GZHAN LA YOD PA'I KHYAB PA MA GRUB PA'I PHYIR RO, ,DER THAL, KHYAB PA GRUB PA LA GNOD PA BSTAN ZIN PA DE'I PHYIR, GNYIS PA NI, GZHAN GYIS BKOD PA'I RTAGS DE LDOG PA LA THE TSOM ZA BA YIN TE, SMRA BA KUN MKHYEN LA YOD MED THE TSOM ZA BA DE'I PHYIR, GSUM PA NI, 'DI 'DRA BA'I SBYOR BA RNAMS BSGRUB BYA LA THE TSOM GYI RGYU YIN PAR RTOGS PAR BYA STE, DGAG BYA'I CHOS LA YOD KYANG SNANG DU MI RUNG BA'I SNGAR BSHAD PA'I MI DMIGS PA'I MTSAN NYID LAS KYANG LDOG PA LA THE TSOM DU BSTAN PA'I PHYIR, GNYIS PA LA GSUM, MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO NI, TSIG LAS 'DOD CHAGS LA SOGS PA DANG LDAN PA YANG RJES SU DPAG PA'I MTSAN NYID KYIS MI RTOGS PAR SHES PAR BYA STE, 'DOD

CHAGS DANG 'BREL PA MED PA'I PHYIR RO, ,DER THAL, DE BYUNG 'BREL PA MED PA GANG ZHIG DON GZHAN YIN PA'I PHYIR, GNYIS PA LA GSUM, TSIG 'DOD CHAGS KYI 'BRAS BUR MI 'GRUB PA DANG, MTHUN PHYOGS LA MTHONG TZAM GYIS TSIG LAS 'DOD CHAGS SGRUB MI NUS PA DANG, 'DOD CHAGS SKYE RUNG DANG BRAL BA LA MA MTHONG BA TZAM GYIS SGRUB MI NUS PA'O, ,DANG PO LA GSUM, LDOG PA MA GRUB PA DANG, 'DOD CHAGS KYI 'BRAS BUR DNGOS SU MI 'GRUB PA DANG, DON GYIS MI 'GRUB PA'O,, DANG PO NI, TSIG LAS 'DOD CHAGS SGRUB MI NUS PAR THAL, 'DOD CHAGS MED NA TSIG MED DO ZHES LDOG PA NGES PA NI MED PA'I PHYIR, GNYIS PA LA GNYIS, TSIG TZAM LAS 'DOD CHAGS MI RTOGS PA DANG, KHYAD PAR 'KHRIG TSIG LAS MI RTOGS PA'O; ;DANG PO LA GNYIS, BRJOD 'DOD KYI 'BRAS BUR BSGRUB PA DANG, BRJOD 'DOD DANG 'DOD CHAGS GCIG PA DGAG PA'O, ,DANG PO NI, TSIG SMRA BAR 'DOD NAS MCHU G-YO BA DANG TSIG LA SOGS PA NI CHOS CAN, 'DOD CHAGS DANG ZHE SDANG LA SOGS PA NYID KYI 'BRAS BU MA YIN TE, DE DAG DANG LDOG PA MA GRUB CING BRJOD PAR 'DOD PA'I SPYI'I RGYU CAN YIN PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, BRJOD 'DOD DE NYID YUL LA DON GNYER YOD PAS 'DOD CHAGS YIN NO ZHE NA, GNYIS PA LA GSUM, BTAGS MING BYED NA GRUB ZIN BSGRUB PA DANG, BRJOD 'DOD LA 'DOD CHAGS GCIG PA RIGS PAS MI 'THAD PA DANG, TSIG LAS 'DOD CHAGS MI RTOGS PA'I RGYU MTSAN NO, ,DANG PO NI, BRJOD 'DOD LA 'DOD

, ,CHAGS KYI MING 'DOGS NA MI 'DOD PA BSGRUBS PA'I SKYON MED DE, TSIG BRJOD 'DOD KYI 'BRAS BUR 'DOD PA'I PHYIR, GNYIS PA LA GNYIS, DUG GSUM NGOS GZUNG BA DANG, SNYING RJES KUN NAS BSLANGS NAS KYANG SMRA BAS SNYING RJE DANG DUG GSUM MI MTSUNGS PA'O, ,DANG PO NI, ZAG PA DANG BCAS PA'I GZUGS SDUG PA LA SOGS PA'I CHOS KYI YUL CAN YANG DAG PA MA YIN PA'I YON TAN ZAG BCAS KYI GZUGS SDUG PA SOGS LA RANG GI NGO BO'I SGO NAS YID 'ONG DU MTHONG NAS DE LA MNGON PAR DGA' BA'I DON GNYER GYI 'DUN PA NI CHOS CAN, 'DOD CHAGS ZHES BRJOD DE, ZAG BCAS KYI KHYAD PAR LA SDUG PAR SGRO BTAGS NAS DON GNYER GYI SRED PA YIN PA'I PHYIR, RGYU MED DANG MI MTHUN PA'I RGYU LAS BYUNG BA MA YIN TE, RNAM PA SNGA PHYI GCIG TU 'DZIN PA DANG ZAG BCAS KYI KHYAD PAR 'GA' ZHIG LA RANG GI NGO BO NYID KYIS BDE BAR 'DZIN PA DANG TSOGS RGYUN LA BTAGS PA TZAM MA YIN PA'I RANG DBANG BA'I BDAG DANG DE'I DBANG BSGYUR BYA'I BDAG GIR LTA BA'I 'PHANGS PA YIN PA'I PHYIR, DGA' BA DE'I YUL DANG MI MTHUN PA LA MI MTHUN PA DES BYAS PA'I SEMS KYI 'KHRUG PA NI CHOS CAN, ZHE SDANG YIN TE, KUN NAS MNAR SEMS SKYE BA'I GZHI LA NGO BO NYID KYIS RGYAB KYIS PHYOGS PA'I RNAM PA CAN GYI SEMS KYI 'KHRUG PA YIN PA'I PHYIR, CHAGS SDANG GNYI GA'I SNGON DU 'GRO BA CAN GYI RTEN PHYIN CI LOG GANG ZAG GI BDAG 'DZIN DE NYID NI CHOS CAN, GTI MUG YIN TE, NYON MONGS CAN GYI MI SHES PA YIN PA'I PHYIR, GANG ZAG

GI BDAG 'DZIN NYON MONGS CAN GYI MA RIG PAR BZHED PA'I LUGS TE, 'DI NI SLOB DPON CHEN PO ZLA BA GRAGS PA DANG BZHED PA MTHUN PA YIN NO, ,GNYIS PA NI, BYAMS PA DANG SNYING RJE LA SOGS PA NI DUG GSUM DANG DMIGS RNAM MTSUNGS PA DE LTA BU MA YIN TE, RGYU'I KHYAD PAR DANG DMIGS RNAM LA SOGS PA DE LAS GZHAN DU SRID PA'I PHYIR CES RNAM 'GREL DU RGYAS PAR BSHAD ZIN PA'I PHYIR, GSUM PA NI, TSIG TZAM GYI RTAGS LAS TSIG SMRA BA'I GANG ZAG PHA ROL PO LA 'DOD CHAGS YOD PAR MI RTOGS PAR THAL, DE LA CI LTAR 'DOD CHAGS DANG BCAS PA'I GANG ZAG SMRA BA LTAR 'DOD CHAGS DANG BRAL BA DGRA BCOM PA YANG SMRA BA'I PHYIR, GNYIS PA NI, TSIG GI KHYAD PAR 'KHRIG TSIG LAS KYANG 'DOD CHAGS RTOGS PA MA YIN TE, NGAG GI THA SNYAD THAMS CAD DE 'KHRIG TSIG 'DOD CHAGS LA 'KHRUL PA'I PHYIR RO, ,DER THAL, 'KHRIG TSIG GI THA SNYAD CHAGS BCAS DANG CHAGS BRAL GANG LA YANG 'TSOL BAR 'JUG PA'I PHYIR, DER THAL, CHAGS PA MED KYANG CHAGS PA DANG BCAS PA LTAR BCOS NAS SMRA BA SRID PAS SMRA BA PO'I BSAM PA RTOGS PAR DKA' BA'I PHYIR, GSUM PA LA GNYIS, RTZOD PA DANG, LAN NO, ,DANG PO NI, BDAG 'DZIN SPANGS PA 'DOD PA CUNG ZAD KYANG MED PAS TSIG SMRAS PA LA DGOS PA MED PA'I PHYIR MI SMRA BAS TSIG LAS 'DOD CHAGS DPOG PA'O ZHE NA, GNYIS PA LA GSUM, DGOS PA MED PA MA GRUB PA DANG, SNYING RJE NYID 'DOD CHAGS YIN PA DGAG PA DANG, SNYING RJE CAN GYI RTZOM PA PHYIN CI LOG LAS GRUB PA

, ,DGAG PA'O, ,DANG PO LA GNYIS, RTAGS MA GRUB PA DANG, DE'I LAN DGAG PA'O, ,DANG PO NI, CHAGS BRAL GYIS SMRAS PA DGOS PA MED PA MA YIN TE, GZHAN GYI DON DU SMRA BA YIN PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, BDAG LTA ZAD PAR SPANGS PA GANG LA YANG 'DOD CHAGS DANG BRAL BA'I PHYIR, GZHAN DON LA CHAGS PA YANG MI 'THAD DO ZHE NA, GNYIS PA NI, 'DOD CHAGS 'BA' ZHIG GIS KUN NAS BSLANG NAS TSIG SMRA BA MA YIN TE, SNYING RJES KYANG TSIG SMRA BA LA 'JUG PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, SNYING RJE DE NYID SEMS CAN LA DON GNYER YOD PAS 'DOD CHAGS YIN NO ZHE NA, GNYIS PA LA GSUM, SNYING RJE LA 'DOD CHAGS KYI BTAGS MING BYED NA MI DGAG PA DANG, RANG BZHIN GCIG TU MI RIGS PA DANG, RGYU DANG DMIGS RNAM SOGS KHYAD PAR MI 'DRA BAR SGRUB PA'O, ,DANG PO NI, SNYING RJE LA 'DOD CHAGS KYI MING DU 'DOGS PAR 'DOD BA MI DGAG STE, DON GANG LA YANG MING GANG YANG GDAGS SU RUNG BA'I PHYIR, GNYIS PA NI, SNYING RJE DANG 'DOD CHAGS RANG BZHIN NI THA DAD DE MI SDUG PA LA SDUG PAR SGRO BTAGS NAS MNGON PAR DGA' BA'I SRID PA NI YANG SRID PHYI MAR NYID MTSAMS SU 'BREL BAR BYED PA'I LHAN CIG BYED RKYEN YIN PA'I PHYIR RO, ,SNYING RJE CHEN PO DE NI YANG SRID PHYI MA'I LHAN CIG BYED RKYEN BYED PA'I SKYON MED DE, RGYU PHYIN CI MA LOG PA LAS BYUNG BA'I PHYIR DANG, SRED PAS YANG SRID PHYI MA'I RKYEN BYED PA DE NYID KYI PHYIR, GSUM PA LA GSUM

DNGOS DANG, LUNG DANG SBYAR BA DANG, SNYING RJE DANG CHAGS SDANG MI MTSUNGS PA'O, ,DANG PO NI, SNYING RJE DANG 'DOD CHAGS RGYU MI 'DRA BA LAS SKYES PAR THAL, 'DOD CHAGS NI BDAG 'DZIN LAS SKYES LA SNYING RJE CHEN PO NI BDAG TU 'DZIN PA MED KYANG DMIGS RKYEN KHYAB PA 'DU BYED KYI SDUG BSNGAL GYI KHYAD PAR GYIS SEMS CAN GDUNGS PAR MTHONG BA TZAM GYIS SKYE LA NYER LEN RANG GI RIGS 'DRA SNGA MA GOMS PA'I STOBS LAS SKYE BA YIN PA'I PHYIR, MTHUN RKYEN GOMS PA LAS SKYE BA DANG, NYER LEN RIGS 'DRA SNGA MA LAS SKYE BRTZOD SPANG DANG BCAS PA RGYAS PAR RNAM 'GREL DU GSUNGS BA LAS SHES PAR BYA'O, ,GNYIS PA NI, SNYING RJE CHEN PO BDAG 'DZIN GYI RGYU LA BLTOS PA MA YIN TE, 'DI LTAR BLO GROS MI ZAD PA'I MDO LAS BYAMS PA LA SOGS PA TSAD MED BA BZHI DANG SKABS SU BABS PA SNYING RJE CHEN PO NI SEMS CAN LA DMIGS PA DANG CHOS LA DMIGS PA DANG DMIGS PA MED PA'I SNYING RJE LA SOGS PAR BSTAN LA PHYI MA GNYIS BDAG 'DZIN GYI RGYU LA NGES PAR MI LTOS PA'I PHYIR, SNYING RJE GSUM NI RIM PA BZHIN DU SNYING RJE GZHAN GNYIS KYI DMIGS PA'I KHYAD PAR GYIS KHYAD PAR DUM BYAS PA SEMS CAN TZAM LA DMIGS NAS SDUG BSNGAL DANG BRAL BAR 'DOD PA'I RNAM PA CAN DANG, RTAG DNGOS KYIS STONG BA DANG, GANG ZAG GI BDAG GIS STONG PAR RTOGS PA'I RNAM PAR SHAR BAS KHYAD PAR DU BYAS PA'I SEMS CAN LA DMIGS NAS SDUG BSNGAL DANG BRAL BAR 'DOD PA'I RNAM PA CAN DANG, GZUNG 'DZIN RDZAS THA DAD KYIS STONG BAR RTOGS PA'I RNAM PA SHAR

, ,BAS KHYAD PAR DU BYAS PA'I SEMS CAN LA DMIGS NAS SDUG BSNGAL DANG BRAL BAR 'DOD PA'I RNAM PA CAN NO, ,SNYING RJE GSUM DMIGS PA'I SGO NAS KHYAD PAR MI 'BYED PAR RNAM PA'I SGO NAS KHYAD PAR 'BYED PA NI LAM BGROD PA'I RIM PA LA MI MKHAS PA'I BAB COL DU SMRA BA YIN NO, ,GSUM PA NI, SNYING RJE CHEN PO DE DAG KYANG CHOS CAN, RGYU MED DANG MI MTHUN PA'I RGYU LAS BYUNG BA MA YIN TE, RIGS MTHUN PA SNGA MA GOMS PA LA SOGS PA LAS 'JUG PA CAN YIN PA'I PHYIR, 'O NA 'DOD CHAGS KYANG DE LTAR YIN NO ZHE NA, 'DOD CHAGS LA SOGS PA NI CHOS CAN, BDAG 'DZIN MED PAR GOMS PA TZAM LAS SKYE BA DE LTA MA YIN TE, PHYIN CI LOG BDAG 'DZIN RGYUR MED NA MED PA'I PHYIR RO, ,GSUM PA LA GNYIS, RTZOD PA DANG, LAN NO, ,DANG PO NI, SNYING RJE CAN GYI RTZOM PA YANG BDAG MED PAR MTHONG BAS RANG DON GRUB PA MED BZHIN DU RANG DON LA 'JUG PA'I 'BRAS BU MED PA YANG RGYU PHYIN CI LOG 'KHRUL SHES LAS GRUB PA YIN NO ZHE NA, GNYIS PA NI, SNYING RJE CHEN PO DANG 'DOD CHAGS MTSUNGS PA MA YIN TE, SNYING RJE CHEN PO NI GZHAN GYI DON NYID 'BRAS BU NYID DU 'DOD PA'I PHYIR, DE NYID 'BRAS BU JI LTAR YIN ZHE NA, DE 'BRAS BUR THAL, SNYING RJE BSGOMS PA'I 'DOD BYA'I 'BRAS BU'I MTSAN NYID NI GZHAN DON GRUB PA DE YIN PA'I PHYIR RO, ,GNYIS PA LA GSUM, NYES PA BSHAD ZIN DRAN PAR BYED PA DANG, 'GAL BA NGES BYED KYI TSAD MA MED PA DANG, RANG LA MTSUNGS PA SPANG BA'O, ,DANG PO LA GNYIS, HA

CANG THAL BA DANG, MI MTSUNGS PA DGAG PA'O, ,DANG PO NI, SMRA BA PO BDAG NYID LAS 'DOD CHAGS LA SOGS PA LHAN CIG MTHONG BAS DE GZHAN LA RJES SU DPOG MI RIGS PAR THAL, DE LTA NA RANG LA SMRA BA DANG SNGO BSANGS LHAN CIG MTHONG PAS GZHAN LA DPOG DGOS PAR HA CANG THAL BAR 'GYUR BAR BSHAD ZIN PA'I PHYIR, GNYIS PA NI, 'KHRUL PA'I PHYIR GZHAN SMRA BAS SNGO BSANGS RJES SU MI DPOG NA SMRA BAS 'DOD CHAGS KYANG SGRUB MI RIGS PAR THAL, 'DI LA MI 'KHRUL LO ZHES BYA BA'I NGES PA CI ZHIG YOD DE CUNG ZAD KYANG MED PA'I PHYIR, CHAGS BRAL LA MA MTHONG BAS 'DOD CHAGS SGRUB PA LA NI NYES PA BRJOD ZIN PAR THAL, MI MTHUN PHYOGS LA ZHUGS PA DANG YOD MED THE TSOM ZA BA LDOG KHYAB MA GRUB PAR MTSUNGS PAR BSHAD ZIN PA'I PHYIR, GNYIS PA LA GNYIS, DNGOS DANG, SGRUB NUS PA'I KHYAD PAR RO, ,DANG PO NI, TSU ROL MTHONG BA 'DIS YOD NA BLTAR RUNG BA'I BDAG NYID DAG NI LHAN CIG TU GNAS PAR 'GYUR PA'AM DE LTA MA YIN PAR LHAN CIG MI GNAS PA'I 'GAL BAR MNGON SUM GYIS MTHONG GI SMRA BA DANG CHAGS BRAL 'GAL BAR NGES PA MA YIN PAR THAL, TSU ROL MTHONG BA'I MNGON SUM GYIS MTHA' GCIG TU NGES PAR LDOG TU GYUR PA'I DON MA MTHONG BA TZAM GYIS MED PAR NI NGES PA MIN PA'I PHYIR, GNYIS PA NI, TSIG GIS NI CHOS CAN, RANG PHYOGS KYI CHOS SU GRUB PA'I GZHIR LCE RKAN PHRAD PA LA SOGS PA'I BYED PA'I YON TAN DANG BRJOD PAR NYID 'DOD PA NYID DAG RJES SU DPOG PAR BYED DE, DE DAG GI 'BRAS BUR NGES PA DE'I

, ,PHYIR, GSUM PA LA GNYIS, RTZOD PA DANG, LAN NO, ,DANG PO NI, TSIG GIS BRJOD 'DOD DPOG PA 'DIR YANG BDAG LA MTHONG BAS GZHAN LA RJES SU DPOG PA RIGS PA MA YIN PA ZHES BYA BA'I THAL BA 'DI MTSUNGS SO ZHE NA, GNYIS PA LA GNYIS, BRJOD 'DOD DPOG NUS PA DANG, 'DOD CHAGS DPOG MI NUS PA'O, ,DANG PO NI, THAL BA MTSUNGS PA MA YIN TE, RANG LA TSIG BRJOD 'DOD KYI 'BRAS BUR GRUB PAS TSIG SMRA BA GZHAN LA BRJOD 'DOD RJES SU DPOG NUS PA'I PHYIR RO, ,DER THAL, TSIG DANG BRJOD 'DOD DE DAG 'DIR PHAN BYED DU YOD MED KYI RJES SU 'GRO BA DANG LDOG PA DAG LAS RGYU DANG 'BRAS BU'I DNGOS PO NYID DU GRUB PA'I PHYIR, GNYIS PA NI, MI SDUG PA LA SDUG PAR SGRO BTAGS NAS DGA' BA 'DOD CHAGS DANG BDAG LTA PHYIN CI LOG DANG TSIG NI TSIG DANG BRJOD 'DOD DE LTAR DE GNYIS RGYU 'BRAS SU GRUB PA MA YIN TE, BDAG NYID LA GZHAN DU GNYIS PO MED PAR BRJOD 'DOD LAS TSIG SKYE BA MTHONG BA'I PHYIR RO, ,GSUM PA LA GSUM, TSIG DANG 'DOD CHAGS LDOG PA MA GRUB PA DANG, LDOG PA GRUB PAR 'DOD PA DGAG PA DANG, 'DOD CHAGS KYI NUS PA LAS SKYE BA DGAG PA'O, ,DANG PO NI, 'DOD CHAGS BSKYED PAR RUNG BA NYID DANG BRAL BA LA TSIG SMRA BA MA MTHONG BA'I PHYIR, TSIG SMRA BA LAS 'DOD CHAGS DE RJES SU DPOG NA TSIG DANG 'DOD CHAGS SKYE RUNG CHOS CAN, RGYU DANG 'BRAS BU NYID DU MA GRUB PAR THAL, GCIG LOG PA'I STOBS KYIS CIG SHOS LDOG PA'I LDOG PA MA GRUB PA'I PHYIR, GNYIS PA LA GNYIS, RTZOD PA DANG,

LAN NO, ,DANG PO NI, SEMS MED PA RDO BA'I DUM BU LA SOGS PA 'DOD CHAGS SKYE RUNG LOG PAS TSIG LDOG PA'I YUL YIN NO ZHE NA, GNYIS PA LA GSUM, DE TZAM GYIS LDOG PA MI 'GRUB PA DANG, LDOG PA 'GRUB PA'I NUS PA'I KHYAD PAR DANG, DE CIG SHOS LA MED PA'O, ,DANG PO NI, 'DOD CHAGS SKYE RUNG DANG BRAL BA'I RDO BA'I DUM BU LA TSIG SMRA BA MA MTHONG BA'I RNAM PA 'DI LTA BU'I LDOG PAS NI RGYU'I NUS PA MI 'GRUB PAR THAL, MA MTHONG BA TZAM GYIS MED PAR MI 'GRUB PA'I PHYIR, GNYIS PA NI; GZUGS 'DZIN MIG SHES LA YUL DBANG LAS RGYU GZHAN YOD PA RJES SU DPOG PAR BYED NUS TE, YID BYED DE LAS GZHAN PA'I YUL DBANG NUS PA CAN DAG YOD NA YANG 'BRAS BU GZUGS 'DZIN DBANG SHES MI SKYE BA GANG ZHIG RES 'GA' SKYE BA'I PHYIR, GSUM PA NI, SEMS BA MED PA DAG LA CHOS CAN, 'DOD CHAGS SKYE RUNG LOG PA'I TSIG LDOG PA'I RNAM PA DE LTA BU'I LDOG PA NI MI SRID DE, TSIG SMRA BA MA MTHONG BA TZAM YIN NAM TSIG GI RGYU LOG PA'I STOBS KYIS LOG PA YIN SNYAM DU THE TSOM ZA BA'I PHYIR, DER THAL, SEMS MED DE DAG LA NI SEMS PA DANG BYED PA'I YON TAN LA SOGS PA TSIG 'JUG PA LA NUS PA MTHONG BA'I RGYU DMIGS RUD MA DMIGS PA NYID MED PA'I PHYIR, GSUM PA NI, 'DOD CHAGS KYIS PHAN MI 'DOGS KYANG 'DOD CHAGS SKYE RUNG GI NUS PAS PHAN 'DOGS SO ZHE NA, TSIG CHOS CAN, CI LTAR 'DOD CHAGS DE'I NUS PAS PHAN 'DOGS PAR 'GYUR TE MI 'GYUR BAR THAL, 'DOD CHAGS KYIS PHAN MI 'DOGS PA'I PHYIR, KHYAB PAR THAL,

, ,'DOD CHAGS DE'I RANG GI NGO BO'I YON TAN RANG DANG GRUB BDE RDZAS GCIG CING 'BRAS BU SKYED PA'I NUS PA LA DE'I NUS PA ZHES NYE BAR BTAGS PA'I PHYIR RO, ,GANG LA 'DOD CHAGS DES PHAN MI NUS PA DE LA DE'I NUS PA KYANG PHAN NUS PA MA YIN TE, DE DANG DE'I NUS PA GRUB BDE RDZAS GCIG PA'I PHYIR, GSUM PA DON BSDU BA LA GSUM, DPAG PAR NUS PA DANG MI NUS PA'I KHYAD PAR DANG, BDAG 'DZIN CAN 'DOD CHAGS CAN DU GRUB PA DANG, SPYI'I DON BSDU PA'O; ;DANG PO LA GSUM, 'BREL PA 'GRUB PAS GO NUS PA DANG, PHYOGS GNYIS LA MTHONG BA'ANG MA MTHONG BA TZAM GYIS GO MI NUS PA DANG, DPE BSTAN PA'O, ,DANG PO NI, RGYU MED NA MI 'BYUNG BA'I 'BRAS BU KHO NAS RANG GRUB PA'I GZHI LA RGYU RJES SU DPOG PAR BYED DE, DER 'BREL BA'I PHYIR RO, ,GNYIS PA NI, DE LAS GZHAN MTHUN PHYOGS LA MTHONG BA DANG MI MTHUN PA'I PHYOGS LA MA MTHONG YANG DPOG NUS PA MA YIN TE, KHYAB PA 'KHRUL PA'I PHYIR, THAMS CAD GZIGS PA'I GZIGS PA LOG PAS NI THAMS CAD NA MED PA GO BAR BYED DE, YOD NA KUN MKHYEN GYI MNGON SUM GYIS GZIGS DGOS PA'I PHYIR, DE LAS GZHAN PA'I GANG ZAG GI MNGON SUM GYIS MA MTHONG BAS MED PAR 'GRUB PA MA YIN NO, ,GSUM PA NI; MA MTHONG BAS MED PAR MI 'GRUB PAR THAL, YUL LA LA NA SKYU RU RA RO MNGAR BA MA MTHONG ZHING SKYUR BA DE LTAR MTHONG BA RNAMS KYANG YUL DANG DUS DANG SO NAM GYI 'DU BYA BA'I KHYAD PAR LAS GZHAN DU MNGAR BAR MNGON SUM LA

SNANG BA'I PHYIR, DER THAL, DPER NA SKYU RU RA'I SHING DAG 'O MAS BCUS NA 'BRAS BU MNGAR POR 'CHAGS LA PHAL CHER NI DE LTAR MI SNANG BA LTA BU MTHONG BA'I PHYIR, GNYIS PA NI, DES NA 'DI SKAD DU BDAG 'DZIN CAN GYI SKYES BU SMRA BA PO CHOS CAN; 'DOD CHAGS CAN YIN NO ZHES BRJOD PAR RIGS PA YIN TE, 'DOD CHAGS SKYE BA'I RKYEN GYI KHYAD PAR GTZANG BA DE RTAG BDAG TU BLTA BA DANG MI SDUG PA LA SDUG PAR SGRO 'DOGS PA'I TSUL BZHIN MA YIN PA YID LA BYED PA DANG LDAN PA'I PHYIR RO,, DPER NA BDAG LTA BU'I SMRA BA PO BZHIN NO, ,DE'I TSE YANG SMRA BA TZAM MTHUN DPER BRJOD PA NI DON MED DE, RTAGS CHOS GNYIS LDAN DU MA GRUB PA'I PHYIR, GSUM PA LA GNYIS, LDOG PA LA THE TSOM ZA BA DANG, MA NGES PAR GRUB PA'O, ,DANG PO NI, NGAG SMRA BA 'DI YANG CHOS CAN, NGAG SMRA BA'I SKYES BU PHA ROL PO CHAGS LDAN DU SGRUB PA'I MI MTHUN PA'I PHYOGS LA MA MTHONG BA TZAM GYIS LDOG PA LA THE TSOM ZA BA YIN TE, DE LTAR RIGS PAS GRUB PA DE'I PHYIR, GNYIS PA NI, RTAGS 'DI YANG CHOS CAN; MA NGES PA NYID YIN TE, PHYOGS CHOS GRUB LDOG PA'I TSUL GCIG LA THE TSOM ZA BA'I PHYIR, DER THAL, DE LTAR BSTAN ZIN PA DE BAS NA'I PHYIR, GNYIS PA TSUL GNYIS GNYIS KYI SKYON CHAGS PA'I GTAN TSIGS BSHAD PA LA GNYIS, RJES SU 'GRO LDOG 'GAL NAS MA GRUB PA'I GTAN TSIGS BSHAD PA DANG, RJES SU 'GRO LDOG GNYIS LA THE TSOM ZA BA'I GTAN TSIGS LTAR SNANG BSHAD PA'O, ,DANG PO LA GNYIS, RTZA BA DANG, 'GREL PA'O, ,DANG PO NI, BYAS PA CHOS CAN, SGRA RTAG

, ,PAR SGRUB PA'I 'GAL BA'I GTAN TSIGS YIN TE, DE SGRUB KYI PHYOGS CHOS GRUB RJES SU 'GRO LDOG GI KHYAB PA GNYIS DON LA MA GRUB NA STE PHYIN CI LOG TU NGES PA'I PHYIR DANG GI SGRAS LDOG PA MA GRUB CING RJES 'GRO LA THE TSOM ZA BA SDUD DO, ,MDOR BSTAN GYI GNYIS MA GRUB PA MI ZHES PA'I SGRAS BSTAN PA'O, ,GNYIS PA LA GSUM, 'GAL RTAGS KYI DPE DANG, DE 'GAL RTAGS SU BSGRUB PA DANG, DANG SGRAS BSDUS PA'I DON BSHAD PA'O, ,DANG PO NI, DPER NA DUNG SGRA RTAG PAR SGRUB PA LA BYAS PA NYID DANG RTZOL BA LAS BYUNG BA NYID RTAGS SU BKOD PA BZHIN NO, ,GNYIS PA LA GSUM, SGRUB BYED DGOD PA DANG, ZHE 'DOD LA GNOD PA'I 'GAL RTAGS KYI DPE DNGOS SUM SMOS PA'I RGYU MTSAN DANG; ZHE 'DOD LA GNOD PA'I GTAN TSIGS 'GAL RTAGS SU SGRUB PA'O, ,DANG PO NI, GTAN TSIGS GNYIS PO DE DAG NI CHOS CAN, RJES SU 'GRO LDOG GI TSUL GNYIS RNAL MAR MA GRUB PA YIN TE, PHYIN CI LOG TU GRUB PA YIN PA'I PHYIR, DER THAL, PHYOGS CHOS GANG ZHIG MTHUN PA'I PHYOGS LA GTAN MED PA DANG MI MTHUN PA'I PHYOGS KHO NA LA YOD PA'I PHYIR, CES BYA BA'I DON TO, ,DES NA GTAN TSIGS GNYIS PO 'DI DAG CHOS CAN, 'GAL BA'I GTAN TSIGS YIN TE, BSGRUB BYA PHYIN CI LOG TU SGRUB PAR BYED PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, SMRAS CHOS LA GNOD PA GNYIS LAS GZHAN PA'I ZHE BAS 'DOD PA LA GNOD PAR BYED PA'I 'GAL BA GSUM PA YANG YOD PA

MA YIN NAM YOD DE, DPER NA MIG LA SOGS PA NI CHOS CAN, GZHAN GYI DON YIN TE, 'DUS SHING BSAGS PA YIN PA'I PHYIR, MAL CHA DANG STAN LA SOGS PA'I YAN LAG BZHIN NO, ZHES BYA BA LTA BU'O, ,GTAN TSIGS DE NI ZHE 'DOD LA GNOD PA'I 'GAL BA YIN TE, SMRAS CHOS GZHAN GYI DON BYED PA LAS PHYIN CI LOG TU ZHE BAS 'DOD PA RDUL DANG SKAD CIG 'DUS PA MA YIN PA BDAG RTAG PA'I DON BYED PA SGRUB PA'I PHYIR, DE LTAR 'GAL RTAGS YIN NA DE CI'I PHYIR MA SMOS ZHE NA, GNYIS PA LA GSUM, MDOR BSTAN PA DANG, RGYAS PAR BSHAD PA DANG, DPE LOGS SU MA SMOS PA'I DON BSDU BA'O, ,DANG PO NI, SMRAS CHOS PHYIN CI LOG TU BYED PA'I DPE GNYIS LAS LOGS SU ZHE 'DOD PHYIN CI LOG TU BYED PA'I DPE MA SMOS PA'I RGYU MTSAN YOD DE, DE GNYIS KYI SMRAS CHOS DANG ZHE 'DOD KYI BSGRUB BYA RNAMS ZHE 'DOD KYI BSGRUB PAR BYA BA NYID DU KHYAD PAR MED PAS DPE LOGS SU MA SMOS PA'I PHYIR RO, ,GNYIS PA LA GSUM, ZHE 'DOD DANG SMRAS PA GNYIS BSGRUB BYAR KHYAD PAR MED PA DANG, KHYAD PAR YOD NA HA CANG THAL BA DANG, 'GAL RTAGS LA BZHIR DBYE BA'I DGOS PA'O, ,DANG PO NI, SMRAS CHOS PHYIN CI LOG TU BYED PA DE DAG LAS ZHE 'DOD LA GNOD PA 'DI BSGRUB PAR BYA BA PHYIN CI LOG TU SGRUB PA NYID DU NI BYE BRAG YOD PA MA YIN TE, ZHE BAS 'DOD PA DANG SMRAS PAS BSGRUB BYA DAG BSGRUB PAR BYA BA NYID DU NI KHYAD PAR 'GA' YANG MED DO ZHES 'DOD PA RGYAS BSHAD DU BSHAD ZIN PA'I PHYIR, GNYIS PA LA GSUM, DNGOS DANG, SGRUB NGAG YANG DAG GCIG

, ,GIS GNYI GA BSGRUB BYAR BSTAN PA DANG, 'GAL RTAGS LA YANG GNYI GA BSGRUB BYAR MTSUNGS PA'O, ,DANG PO NI, 'GAL BA BZHIN DU ZHE BAS 'DOD PA SGRUB PAR BYED PA'I GTAN TSIGS YANG DAG KYANG SMRAS CHOS SGRUB PA LAS LOGS SHIG TU BRJOD DGOS PAR 'GYUR BAR THAL, ZHE 'DOD DANG SMRAS CHOS PHYIN CI LOG TU BYED PA GNYIS BSGRUB BYA PHYIN CI LOG TU BYED MI BYED KYI KHYAD PAR YOD PA'I PHYIR, GNYIS PA NI, DE LOGS SU BRJOD MI DGOS PAR THAL, SGRUB DAG YANG DAG GCIG NYID KYI TSIG GIS GNYIS KA BSGRUB PAR BYA BA NYID DU KHYAD PAR MED PAR BSTAN PA'I PHYIR, GSUM PA NI, ZHE 'DOD DANG SMRAS CHOS PHYIN CI LOG TU BYED PA GNYIS BSGRUB BYA DE PHYIN CI LOG TU SGRUB PA'I 'GAL BAR YANG GCIG PA NYID DE, ZHE 'DOD DANG SMRAS CHOS SGRUB PA'I RTAGS YANG DAG GNYIS BSGRUB BYA SGRUB NUS SU MTSUNGS PA DE NYID KYI PHYIR, GSUM PA LA GSUM, 'GAL RTAGS THA DAD DU 'BYED PA'I TSUL DANG, DGOS PA YOD NA GTAN TSIGS YANG DAG LA YANG DBYER RUNG BA DANG, 'GAL RTAGS LA PHYE BA'I DGOS PA'O, ,DANG PO NI, 'GAL RTAGS BZHIR DBYE BA ZHE 'DOD BSGRUB BYA YIN MIN GYIS PHYE BA MA YIN TE, 'GAL RTAGS DE'I THA DAD PA NI SBYOR BA'I 'GOD TSUL GYI BYE BRAG LAS PHYE BA YIN PA'I PHYIR, DER THAL, LA LAR NI BSGRUB BYAR DNGOS SU BRJOD PA DANG LA LAR NI SHUGS DAG GIS DANG GNYIS PA LA YANG LA LAR NI BRJOD PAR 'DOD PAS RGYU BYAS PA'I SGRAS CHOS DANG CHOS CAN GYI KHYAD PAR DU NYE BAR BZHAG PA

YIN PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, 'GAL BA LA BZHI YOD PA BZHIN DU GTAN TSIGS YANG DAG KYANG CI STE THA DAD PA BZHIR MED PAR THA MI DAD CE NA, GNYIS PA NI, GTAN TSIGS YANG DAG LA YANG SGRA'I SBYOR TSUL GYIS BZHIR RNAM PAR DBYE BA LA SU ZHIG 'GOG STE DGAG MI RIGS PAR THAL, DGOS PA YOD NA BZHIR DBYER RUNG BA'I PHYIR, GSUM PA NI, 'O NA 'GAL BA KHO NA BZHIR 'BYED PA CI ZHE NA, 'GAL RTAGS BZHIR PHYE BA LA DGOS PA YOD DE, SMRAS CHOS PHYIN CI LOG TU BYED PA DANG ZHE 'DOD PHYIN CI LOG TU BYED PA GNYIS SMRAS CHOS DPE LA RJES 'GRO MED NA SKYON DU 'GYUR GYI, ZHE 'DOD DPE LA RJES 'GRO MED PA SKYON DU MI 'GYUR RO ZHES 'DOD PA GRANGS CAN PA DE'I BSAM PA'I DBANG GIS ZHE BAS 'DOD PA LA GNOD PAR BYED PA YANG 'GAL BA YIN NO ZHES BRJOD KYI BSGRUB BYA PHYIN CI LOG TU BYED MI BYED KYI MTSAN NYID THA DAD PA'I PHYIR NI PHYE BA MA YIN PA'I PHYIR, ZHE 'DOD PHYIN CI LOG TU BYED NA YANG 'GAL RTAGS SU 'GYUR TE, DON GYIS 'PHANGS PA'I BSGRUB BYAR 'DOD PA DAG TU DNGOS SUM BRJOD PA GRANGS CAN PA PHA ROL POS BSGRUB BYAR 'DOD PA YIN PA'I PHYIR, DON BSDUS NA 'GAL RTAGS BZHIR DBYE BA'I SKABS SU ZHE 'DOD LA GNOD NA YANG 'GAL BA YIN NO ZHES SMOS PA SMRAS CHOS LA GNOD PA DANG 'GAL RTAGS SU MI MTSUNGS PA LOGS SHIG TU PHYE BA MA YIN TE, SMRAS CHOS LA GNOD NA 'GAL BAR 'GYUR GYI, ZHE 'DOD LA GNOD PAS 'GAL BAR MI 'DOD PA'I GRANGS CAN GYI LOG

, ,RTOG DGAG PA'I CHED DU SMOS PA'I PHYIR, 'DI NI, 'GAL RTAGS BZHIR DBYE BA'I SKABS SU DOGS PA GCOD PA YIN GYI, SKABS 'DIR 'GAL BA GSUM PA MA SMOS PA'I RGYU MTSAN BSTAN PA DANG DON MI GCIG GO, GSUM PA NI, ZHE 'DOD LA GNOD PA'I 'GAL BA SKABS 'DIR LOGS SHIG TU BSTAN PAR BYA BA MA YIN PAR BSHAD PA'I RGYU MTSAN YOD DE, SMRAS CHOS DANG MTSAN NYID MTSUNGS PAS, DE DPER BRJOD PAS 'DI YANG GO BAS DNGOS SU MA BSTAN PA DE NYID KYI PHYIR, GSUM PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, GRANGS CAN PA NA RE, GAL TE, RDUL DANG SKAD CIG 'DUS PA RNAMS 'DUS PA MA YIN PA BDAG SHES RIG GI SKYES BU RTAG PA GCIG PU'I DON BYED PAR SGRUB PA'I 'GAL RTAGS SU 'GYUR NA, RNAM SHES MI RTAG PA DU MA'I DON BYED PAR SGRUB PA'I RTAGS YANG DAG TU 'GYUR DGOS NA RNAM SHES MI RTAG PA DU MA GZHAN LA PHAN 'DOGS PAR NGES PA MED PA'I PHYIR, DE SGRUB KYI MA NGES PA YIN DGOS LA; DE LTA NA LDOG PA SGRUB PA'I YANG MA NGES PA YIN PAS 'GAL BA MA YIN NAM DE YANG MIG LA SOGS PA'I 'DUS PA RNAMS RKYEN KHA YAR BA YIN PAS 'DUS PA RNAM SHES MI RTAG PA GZHAN LA PHAN 'DOGS PAR BYED PA YIN NO ZHES BYA BA 'DI LA NGES PA CI ZHIG YOD, GAL TE LAR RKYEN KHA YAR BAS MI SKYED KYANG 'BRAS BU 'GA' ZHIG SKYED PA LA MNGON DU PHYOGS PA'I RKYEN GSUM GYI DON RNAMS TSOGS SHING 'DUS PAS SKYED PA YIN PA DE LTA NA YANG TSOGS PAS 'BRAS BU

SKYED PA LA GEGS BYED PA LA SOGS PA SRID PA'I PHYIR RGYU RNAMS GDON MI ZA BAR 'BRAS BU DANG LDAN PA MA YIN PAS 'DUS SHING BSAGS PA YIN NA RNAM SHES MI RTAG PA DU MA'I DON BYED PA'I KHYAB PA MA DES PA'I PHYIR 'KHRUL PA NYID DO, ,RKYEN GSUM NUS PA THOGS MED LA 'BRAS BU BSKYED PAS KHYAB KYANG 'DUS PA RIGS 'DRA GZHAN LA PHAN 'DOGS PA'I NGES PA MED BA NI, RNAM SHES SKAD CIG MA GCIG SKYED PA LA THOGS PA MED PAR PHAN 'DOGS PA'I MIG LA SOGS PA RNAM SHES GZHAN LA PHAN 'DOGS PA YIN NO ZHE NA, DE LA YANG 'DUS PA RKYEN GSUM RIGS 'DRA PHYI MA GZHAN LA PHAN 'DOGS PA NYID DO ZHES 'BREL PA NGES PA CI ZHIG YOD DE MED PAS RNAM SHES MI RTAG BA DU MA'I DON MI BYED PA'I PHYIR, RNAM SHES RTAG PA GCIG GI DON BYED PAR SGRUB PA'I 'GAL BAR MI 'GYUR RO ZHE NA, GNYIS PA LA GNYIS, RGYAS PAR BSHAD PA DANG, DON BSDU BA'O, ,DANG PO LA GSUM, RNAM SHES SKAD CIG DU MA LA PHAN 'DOGS PA'I TSUL DANG, PHAN PA DON GZHAN BYED PA DGAG PA DANG, GNYIS KA MA YIN PA BYED PA DON BYED PAR 'GAL BA'O, ,DANG PO NI, GZUGS 'DZIN MIG GI RNAM SHES LA PHAN PA DE LTAR NYE BAR SBYOR BA MIG SOGS RKYEN GSUM PO RNAMS GZUGS 'DZIN MIG SHES KYI RANG BZHIN SKAD CIG SNGA PHYI DU MA'I PHAN PA SGRUB PAR BYED PA 'DI YIN PAR THAL, MIG SOGS RKYEN GSUM PO DE DAG LAS 'BRAS BU LA PHAN PA NYE BAR SBYOR BA RIGS 'DRA SKAD CIG SNGA PHYI RE RE ZHING PHAN GDAGS PAR BYA BA GZUGS 'DZIN MIG SHES

, ,LA RANG BZHIN GZHAN DANG GZHAN SKYE BA'I PHYIR, MIG SOGS RKYEN GSUM PO CHOS CAN, GZUGS 'DZIN MIG SHES LA DUS GCIG TU RDZAS THA DAD DU MA'I PHAN PA SGRUB PAR BYED PA NI MA YIN TE, MIG SHES KYI RDZAS GCIG PO LA LAG RJES MI 'DRA BA GSUM BYAS PA'I SGO NAS MIG SHES GCIG KHO NA BSKYED PA'I PHYIR, YANG GZHUNG SNGA MA LA RKYEN GSUM GYIS RDUL DANG SKAD CIG 'DUS PA GZHAN GYI DON MI BYED PA MA YIN TE, RKYEN GSUM GYIS RIGS 'DRA PHYI MA GZHAN DANG GZHAN BSKYED PA'I PHYIR, GNYIS PA NI, RKYEN GSUM GYIS RNAM SHES LA PHAN PA DON GZHAN BYED PA MI 'THAD PAR THAL, PHAN PA DON GZHAN NYID BYED PA YIN NA NI RNAM SHES DE'I PHAN PA BYED PA MA YIN PA ZHES BYA BA YANG BSHAD ZIN PA'I PHYIR, GSUM PA NI, 'DUS SHING BSAGS PA RNAM SHES RTAG PA'I DON BYED PA DE'I DON DU SGRUB PAR BYED PA 'GAL BA YIN TE, RNAM SHES RTAG PA'I DON BYED PA MED PA YIN PA'I PHYIR, DER THAL, DE'I PHAN PA DON GZHAN DANG DON GZHAN MA YIN PA GNYIS MA YIN PA BYED PA'I PHYIR, RTAGS KHAS BLANGS MIG LA SOGS PA RANG GI RIGS 'DRA DANG RNAM SHES LA PHAN 'DOGS PA NI KHYAD PAR SKYED PA NYID KYIS PHAN 'DOGS PA YIN TE, RNAM SHES RTAG PA'I DON BYED PA 'GAL BA DE'I PHYIR, GNYIS PA NI, 'DUS SHING BSAGS PA DE RNAM SHES RTAG PA'I DON BYED PA 'GAL BA YIN TE, DE KHYAD PAR SKYED DU MED PA'I RANG BZHIN GCIG TU MI 'GYUR BA'I PHYIR, DER THAL, KHYAD PAR SKYED PAS PHAN

'DOGS PA DE BAS NA'I PHYIR, GSUM PA DANG SGRAS BSDUS PA'I DON BSHAD PA NI, GNYIS MA GRUB NA 'GAL BA DANG, ZHES PA'I DANG GI SGRAS NI GNYIS MA GRUB PA'I LTAR SNANG GZHAN YANG BSTAN PA YIN TE, PHYOGS CHOS GRUB RJES SU 'GRO LDOG GNYIS LAS GCIG LOG PA MA GRUB LA GZHAN RJES 'GRO LA THE TSOM ZA NA KHYAB PA 'KHRUL PA CAN YIN NO ZHES DON GYIS BSTAN PA'I PHYIR, DPER NA DAG SMRA BA'I SKYES BU PHA ROL PO CHOS CAN, 'DOD CHAGS DANG BRAL BA'AM THAMS CAD MKHYEN PA YIN TE, SMRA BA'I PHYIR RO ZHES BYA BA LTA BU'O, ,GTAN TSIGS 'DI LA LDOG PA MA GRUB STE, MI MTHUN PHYOGS LA MTHONG BA'I PHYIR, RJES SU 'GRO BA LA NI THE TSOM ZA BA MA YIN TE, THAMS CAD MKHYEN PA DANG 'DOD CHAGS DANG BRAL BA DE LA TSIG LA SOGS PA YOD PA'AM MED PA NYID DU THE TSOM ZA BA'I PHYIR, DER THAL, DE DAG PHYIR RGOL DE'I NGOR BSKAL BA'I DON YIN PA'I PHYIR, GNYIS PA GNYIS LA THE TSOM ZA BA'I MA DES PA LA GNYIS, RTZA BA DANG, 'GREL PA'O; ;DANG PO NI, SROG LDAN CHOS CAN, GSON LUS BDAG BCAS SU SGRUB PA'I 'KHRUL PA CAN MA NGES PA'I GTAN TSIGS YIN TE, PHYOGS CHOS GRUB RJES SU 'GRO LDOG GNYIS KA LA THE TSOM ZA BA'I PHYIR, GNYIS PA LA GNYIS, SBYOR BA DPER BRJOD PA DANG, THE TSOM GYI RGYUR BSGRUB PA'O, ,DANG PO NI, RTAGS DE RJES SU 'GRO LDOG GNYIS KA LA THE TSOM ZA BA YIN TE, RTZA BAR BSTAN PA'I GNYIS ZHES PA 'GAL RTAGS SU MA ZAD 'DI LA YANG BSNYEGS SHING DRANG

, ,BAR BYA BA'I PHYIR, GANG LAS RJES SU 'GRO BA DANG LDOG PAR THE TSOM ZA BA YOD DE, DPER NA GSON PO'I LUS NI CHOS CAN, BDAG DANG BCAS PA YIN TE, SROG LA SOGS PA DANG LDAN PA'I PHYIR RO ZHES BYA BA LTA BU GNYIS KA LA THE TSOM ZA BA'I PHYIR, GNYIS PA LA GSUM, 'JUG LDOG MTHA' GCIG TU MA NGES PAS THE TSOM GYI RGYUR SGRUB PA DANG, BSGRUB BYA MI RTOGS PA'I RGYU YIN ZHING THE TSOM GYI RGYU MIN PA DGAG PA DANG, 'BREL PA LA BLTOS NAS THE TSOM GYI RGYUR BSGRUB PA'O; ;DANG PO LA GNYIS, RGYAS PAR BSHAD PA DANG, DON BSDU PA'O, ,DANG PO LA GSUM, BDAG YOD MED DNGOS 'GAL DU SGRUB PA DANG, SROG YA GYAL DE GNYIS GANG LA YANG GNAS PAR MA GRUB PA DANG, DES NA RJES SU 'GRO LDOG GANG DU YANG MA GRUB PA'O, ,DANG PO NI, GZHI GANG LA SROG LA SOGS PA GNAS PAR 'GYUR BA'I GZHI BDAG DANG BCAS PA DANG BDAG MED PA LAS GNYIS MA YIN GYI PHUNG PO GZHAN NI MED DE, BDAG YOD CING GNAS PA DANG, BDAG RNAM PAR GCOD PA BKAG PA GANG RUNG DAG GIS SHES BYA THAMS CAD BSDUS PA'I PHYIR RO, ,GNYIS PA NI, SROG LDAN BDAG YOD MED 'DI GNYIS LAS GCIG LA GNAS PAR YANG NGES PA MED DE, BDAG BCAS BDAG MED DE'I BDAG NYID DU GRUB PA LA SROG TSAD MAS MA GRUB PA'I PHYIR RO, ,GSUM PA LA GNYIS, LDOG PA MA GRUB PA DANG, RJES 'GRO MA GRUB PA'O, ,DANG PO NI, GSON PO'I LUS DANG 'BREL PA CAN GYI PHYOGS CHOS SROG LA SOGS PA NI CHOS CAN, BDAG YOD MED DE DAG

LAS LDOG PA DES PA MA YIN TE, DE GNYIS KYA BDAG NYID LAS PHYI ROL TU GYUR PA MED PA'I PHYIR, DER THAL, DE GNYIS PHUNG GSUM MED PA'I 'GAL PA YIN PA DE BAS NA'I PHYIR, GNYIS PA NI, BDAG BCAS BDAG MED DE LA RJES SU 'GRO BA NGES PA MA YIN TE, BDAG BCAS BDAG MED GCIG LA YANG TSAD MAS MA GRUB PA'I PHYIR RO, ,GNYIS PA NI, DE CHOS CAN, GSON LUS BDAG BCAS SU SGRUB PA'I MA NGES PA YIN TE, PHYOGS CHOS GRUB DE LA BSGRUB PAR BYA BA BDAG BCAS DANG CIG SHOS BDAG MED DAG TU YOD PA'I NGES PA MED PA'I PHYIR RO, ,RTAGS PHYI MA DER THAL, BDAG BCAS LA RJES SU 'GRO BA DANG LDOG PA DAG LA THE TSOM ZA BA'I PHYIR, DER THAL, BDAG YOD MED DANG, DE GNYIS LAS GZHAN GANG LA YANG YOD PAR MA NGES PA DE NYID KYI PHYIR, GNYIS PA LA GSUM, MI RTOGS PA'I RGYU YIN PA DGAG PA DANG, THE TSOM GYI RGYUR DPES SGRUB PA DANG, MI RTOGS PA'I RGYU NGOS GZUNG BA'O, ,DANG PO NI, SROG LDAN CHOS CAN, GSON LUS BDAG BCAS SU SGRUB PAR BYED PA'I BSGRUB BYA LA MI RTOGS PA STE BLO CI YANG MI SKYED PA YANG MA YIN TE, DE SGRUB KYI RTZOD GZHI 'GA' ZHIG DANG 'BREL BA'I PHYOGS CHOS GRUB PA'I PHYIR RO, ,ZLOG PA'I DPE NI RTZOD GZHI DANG MA 'BREL PA LAS NI THE TSOM GYI DPYOD PA YANG MI SKYE STE, PHYOGS CHOS MA GRUB PA'I PHYIR, DPER NA SGRA LA MIG GI GZUNG BYA RTAGS SU BKOD PA BZHIN NO, ,KHA CIG LTAR SNANG GSUM POS BSGRUB BYA LA MA RTOGS LOG RTOG THE TSOM GSUM SKYED PAS 'GAL RTAGS KYIS BSGRUB BYA LA LOG RTOG SKYED

, ,PA YIN NO ZHES ZER PA MI 'THAD DE, 'GAL RTAGS SU GANG SONG BA DE ZLOG PHYOGS SGRUB PA'I RTAGS YANG DAG TU 'GYUR PAS GZHI GCIG LA BLTOS PA'I LOG RTOG DANG YANG DAG SHES PA CIG CAR DU SKYE BA MI 'THAD PA'I PHYIR RO, , GNYIS PA NI, PHYOGS CHOS GRUB PA LAS BSGRUB BYA LA BLO GANG YANG MI SKYED PA MI 'THAD DE, KHYAB PA RNAL LOG GANG DU YANG MA NGES SHING, RTZOD GZHI DANG 'BREL PA'I PHYOGS CHOS GRUB PA LAS NI RTZOD GZHI 'DI CI ZHIG DANG 'BREL ZHES CI LTAR MI DPYOD DE DPYOD PA'I PHYIR DPER NA LHAS BYIN DANG MCHOD SBYIN GANG DANG YANG MA 'BREL PAR MI RUNG BA'I PHYIR MNGAL 'JOG BYED DE GNYIS LAS GZHAN DU MA NGES LA DE GNYIS GANG DANG YANG 'BREL PA YONGS SU SHES PA MED PA'I MNGAL CHAGS PA LAS SKYES BU'I KHYAD PAR GANG DANG 'BREL BAR THE TSOM ZA PA DE BZHIN DU'O, ,DON BSDUS NA, LHA MCHOD LAS GZHAN PA'I MNGAL 'JOG BYED MED DE GNYIS GANG GIS BZHAG MA NGES SHING MNGAL CHAGS PAR NGES PA'I BUD MED CHOS CAN, LHA SBYIN GYIS BZHAG GAM MCHOD SBYIN GYIS BZHAG SNYAM DU THE TSOM ZA BAR RIGS TE, MNGAL CHAGS PAR NGES SHING YA GYAL GNYIS LAS GZHAN GYIS MA BZHAG YA GYAL GANG GIS BZHAG MA NGES PA'I PHYIR, GTAN TSIGS 'DIR YANG CHOS CAN, THE TSOM ZA STE, PHYOGS CHOS GRUB BDAG YOD MED GANG DU YANG MA NGES SHING DE LAS PHYI ROL TU GYUR PA MED PA'I PHYIR, RTAGS PHYI MA DER THAL, SHES BYA THAMS CAD BDAG YOD PA'AM MED PA'I NANG DU MA 'DUS PAR MI RUNG PA'I PHYIR, GSUM PA LA GSUM,

DNGOS DANG, RTZOD PA SPANG PA DANG, SROG LDAN THE TSOM GYI RGYUR BSGRUB PA'O, ,DANG PO NI, SROG LDAN CHOS CAN, GSON LUS BDAG BCAS SU SGRUB PA'I BSGRUB BYA LA CI LTAR MI RTOGS PA SKYED PAR 'GYUR TE MI 'GYUR PAR THAL, DE SGRUB KYI PHYOGS CHOS GRUB PA'I PHYIR, KHYAB PAR THAL, DE SGRUB KYI MA RTOGS PA SKYED PA DE NI BDAG YOD MED GNYIS LAS PHYI ROL TU GYUR PA YOD NA 'GYUR GYI NANG DU 'DUS NA MI 'GYUR PA'I PHYIR, MIG GI GZUNG BYA CHOS CAN, SGRA MI RTAG PAR SGRUB PA'I BSGRUB BYA LA MA RTOGS PA SKYED BYED YIN TE, DE SGRUB KYI RTAGS SU BKOD PA GANG ZHIG SGRA RTAG PA DANG MI RTAG PA GNYI GAR TE YA GYAL LA RTOGS PA SKYED PA DANG THE TSOM SKYED PA MED PA'I RANG BZHIN YIN PA'I PHYIR, YANG NA BDAG YOD MED GNYI GAR TE YA GYAL DU NGES PA'I TSUL GYIS RTOGS PA SKYED BYED DU YANG MED THE TSOM ZA BA YANG MED PA'I RANG BZHIN MI RTOGS PA SKYED BYED KYI GTAN TSIGS DE NI SROG LDAN GYIS GSON LUS BDAG BCAS SU SGRUB PA LA MED DE, SROG LDAN BDAG YOD MED GNYIS LAS PHYI ROL TU GYUR PA DE LTAR YOD NA 'GYUR NA YANG DE GNYIS KYI NANG DU 'DUS PA'I PHYIR, CI LTAR BSGRUB BYA LA MI RTOGS PA SKYED PAR 'GYUR TE MI 'GYUR PAR THAL, THE TSOM SKYED PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, DE LTA NA NI 'O NA RTAG MI RTAG GNYIS LAS PHYI ROL TU GYUR PA YANG MED YA GYAL LA NGES PA SKYED PA YANG MED PA'I PHYIR MIG GIS GZUNG BA NYID LAS KYANG SGRA MI RTAG PAR SGRUB PA THE TSOM GYI RGYUR 'GYUR RO ZHE NA, GNYIS PA NI, RTAGS DE BSGRUB BYA LA THE TSO

, ,SKYED PA MA YIN TE, RTZOD GZHI DANG MA 'BREL BA'I PHYIR RO ZHES BSHAD ZIN PA'I PHYIR, THUN MONG MA YIN PA'I MNYAN BYA NI CHOS CAN, SGRA MI RTAG PAR SGRUB PA'I BSGRUB BYA LA THE TSOM GYI RGYU YIN TE, PHYOGS CHOS GRUB MTHUN PHYOGS MI MTHUN PHYOGS GNYIS KA LA THE TSOM ZA BA DE'I PHYIR, GSUM PA NI, SROG LA SOGS PA NI KHYAD PAR DU THE TSOM GYI RGYU YIN TE, ZHES DAM BCAS NAS SROG LA SOGS PA YANG CHOS CAN, GSON LUS BDAG BCAS SU SGRUB PA'I BSGRUB BYA LA THE TSOM GYI RGYU YIN TE, PHYOGS CHOS GRUB BDAG DE LA 'JUG PA DANG LDOG PAR MA GRUB PA'I PHYIR RO, ,DER THAL, BDAG LA 'JUG PA RJES 'GRO DANG LDOG PA MA GRUB PA'I PHYIR, DER THAL, PHYIR RGOL DE'I NGOR BDAG BSKAL PA'I DON YIN PA'I PHYIR, GSUM PA NI, DE RTAGS YANG DAG MA YIN TE, BSGRUB BYA'I CHOS DANG DON GZHAN GANG ZHIG DE'I 'BRAS BU MA YIN PA'I PHYIR, KHYAB PAR THAL, BSGRUB BYA'I CHOS LAS DON GZHAN DANG DE'I 'BRAS BU MA YIN PA LAS BSGRUB BYA MI 'GRUB PA'I YANG PHYIR RO, ,SROG LA SOGS PA DANG BDAG NI CHOS CAN, RGYU DANG 'BRAS BU'I DNGOS POR MI 'GRUB STE, RGYU 'BRAS BU NGES PA'I TSAD MA MED PA'I PHYIR, DER THAL, RGYU 'BRAS DE NI GNYIS KA MNGON SUM GYIS DMIGS PA DANG GNYIS KA YOD NA DMIGS SU RUNG BA LAS MI DMIGS PA'I DAG 'DZIN MNGON SUM LA BRTEN NAS NGES DGOS PA GANG ZHIG DE LA DE MED PA'I PHYIR RO, ,SROG YOD NA BDAG YOD PAS MA KHYAB PAR THAL, SROG BDAG DANG THA DAD 'BREL PA MED PA'I PHYIR, KHYAB PAR THAL,

THA DAD 'BREL PA MED PA YOD NA YANG YOD PA YANG MA YIN PA'I PHYIR, DES NA BSGRUB BYA LA THE TSOM ZA BA YIN TE, PHYOGS CHOS GRUB PHYOGS GNYIS GANG LA YANG MA MTHONG PA'I PHYIR, GNYIS PA KHYAD PAR DANG SBYI MA NGES PA'I GTAN TSIGS BYE BRAG TU BSHAD PA LA GNYIS, KHYAD PAR LDOG KHYAB GCIG BU CAN DU 'DOD PA DGAG PA DANG, SPYI RJES KHYAB GCIG PU CAN DU 'DOD PA DGAG PA'O, ,DANG PO LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, SPYOD PA PA DANG RIGS PA CAN PA LA SOGS GZHAN DAG SROG LA SOGS PA NI GSON PO'I LUS LA BDAG GO BAR BYED PA NYID YIN TE, PHYOGS CHOS DANG DE'I LDOG PA NI GCIG TU NGES PA'I PHYIR RO, ,DE'I RGYU MTSAN SROG LA SOGS PA NI MI MTHUN PA'I PHYOGS BDAG MED KHO NA LAS LDOG PA YIN GYI MTHUN PA'I PHYOGS BDAG LAS NI LDOG PA MA YIN TE, KHYED SANGS RGYAS PA BDAG DNGOS MED DU 'DOD PAS DNGOS MED LA RTAGS MED PA DANG DNGOS MED LAS RTAGS LDOG CES PA'I GNAS GZHI DANG 'BYUNG KHUNGS KYI LDOG SGRA GANG YANG SBYAR DU MI RUNG BA'I PHYIR TE, SGRA'I BRJOD BYA LA DNGOS POS KHYAB PA'I PHYIR, DE BAS NA BDAG DNGOS POR MED PA LAS LDOG PA MI RUNG BA'I PHYIR RO, ,DE BAS NA GZHAL BYA LA SOGS PA RJES SU 'GRO BA GCIG TU NGES PA GO BYED YIN PA LTAR LDOG PA GCIG TU NGES PA YANG GO BAR BYED PA NYID DO, ,MNYAN BYA YANG GO BYED DU 'GYUR RO ZHE NA, MNYAN BYA NYID NI DE LTAR MA YIN TE, MTHUN PHYOGS MI MTHUN PHYOGS GNYI GA LAS LDOG PA'I PHYIR RO ZHE'O, ,GNYIS PA LA GNYIS, RGYAS PAR BSHAD PA DANG,

, ,DON BSDU BA'O, ,DANG PO LA GSUM, SROG MNYAN BYA DANG MTSUNGS PAR SGRUB PA DANG, MI MTSUNGS PAR 'DOD PA DGAG PA DANG, DES NA SROG BDAG GI GO BYED DU MI RUNG PA'O, ,DANG PO LA GNYIS, RGYAS PAR BSHAD PA DANG DON BSDU PA'O, ,DANG PO LA GSUM, DNGOS 'BREL MED PAS LDOG KHYAB MA GRUB PA DANG, ZLOG 'BREL MED PAS LDOG KHYAB MA GRUB PA DANG, RANG RGYUD 'PHEN PA'I THAL 'GYUR YANG DAG MED PAS LDOG KHYAB MA GRUB PA'O, ,DANG PO LA GSUM, LDOG KHYAB 'GRUB PA 'BREL PA LA BLTOS PA DANG, 'BREL PA MED NA LDOG KHYAB MI 'GRUB PA DANG, RTZOD PA SPANG BA'O, ,DANG PO LA GSUM, 'BREL PA GRUB PAR THAL BA DANG, 'DOD NA LDOG KHYAB GCIG BU CAN 'GAL BA DANG, 'BREL PA MED PAS LDOG KHYAB MA GRUB PA'O, ,DANG PO NI, RIGS PA CAN PA DES NI CHOS CAN, SROG DE BDAG MED NA MI 'BYUNG BA NYID BRJOD PAR 'GYUR PAR THAL, SROG GIS BDAG SGRUB PA LA ME MTHUN PHYAGS LA MED NGES KYI LDOG PA'I RNAM PA DA LTA BU SMRA BA'I PHYIR, KHYAB PAR THAL, 'DI LTAR SROG BDAG MED PA NYID LA MED DO ZHES DAM BCAS PAS NI DON GYIS BDAG LA GNAS PA DANG GZHAN BDAG MED DANG MA 'BREL PAR BSTAN PAR 'GYUR PA'I PHYIR, GNYIS PA NI, SROG LDAN CHOS CAN, GSON LUS BDAG BCAS SU SGRUB PA'I RJES 'GRE GRUB PAR THAL, BDAG DANG 'BREL BA 'GRUB PA DE NYID KYIS NA'I PHYIR, 'DOD NA, LDOG PA'I KHYAB PA KHO NA CAN MA YIN PAR THAL, RJES SU 'GRO BA GRUB PA'I PHYIR, GSUM PA LA GSUM,

'BREL PA GNYIS SU NGES PA DANG, DE BDAG SROG LA MED PA DANG, DES NA LDOG KHYAB MA GRUB PA'O, ,DANG PO NI, BDAG NYID 'BREL PA DE NI CHOS CAN, GNYIS SU NGES TE, DE'I BDAG NYID DANG DE LAS BYUNG BA'I 'BREL PA MED NA MI 'BYUNG BA'I YANG 'BREL PA YIN LA DE GNYIS LAS GZHAN MED DO ZHES BSHAD ZIN PA'I PHYIR, GNYIS PA NI, SROG LA SOGS PA BDAG MED NA MI 'BYUNG BA CAN MA YIN PAR THAL, BDAG DE GZHI GANG DU YANG MTHONG RUNG DU MED PA'I PHYIR, KHYAB PAR THAL, BDAG SROG GI 'BREL PA DE DAG KYANG BDAG MTHONG PA MED PAR MI 'GRUB PA'I PHYIR, GNYIS PA NI, SROG GANG LA LDOG PA GCIG PU CAN ZHES BRJOD PA BDAG LOG KYANG SROG 'DI NGES PAR LDOG PA YANG MA YIN PAR THAL, BDAG SROG 'BREL PA MA GRUB PA DE NYID KYI PHYIR, GNYIS PA LA GNYIS, LDOG PA MED PA DANG, DES NA RJES SU 'GRO LDOG GNYIS KA MED PA'O, ,DANG PO NI, THA DAD PA'I BDAG 'GA' ZHIG LOG NA SROG NGES PAR LDOG PA MA YIN PAR THAL, BDAG SROG 'BREL PA MED PA'I PHYIR, GNYIS PA NI, KHYAD PAR SROG LDAN NI CHOS CAN, DE SGRUB KYI RTAGS YANG DAG GI TSUL DU GYUR PA'I LDOG PA MED PA DANG RJES SU 'GRO BA MED PA YIN TE, LDOG KHYAB MA GRUB PA DE BAS NA'I PHYIR, GSUM PA LA GNYIS, MDO MDZAD PA'I DGONGS PA BSHAD PA DANG, MA MTHONG TZAM THE TSOM GYI RGYUR BSTAN PA'O, ,DANG PO NI, LDOG KHYAB 'GRUB PA 'BREL PA LA BLTOS NA MDO MDZAD PAS MNYAN BYA LDOG PA CAN DU GSUNGS PA DANG 'GAL LO ZHE NA, SLOB DPON GYIS MNYAN PAR BYA PA NYID SGRA MI RTAG

, ,BAR SGRUB PA'I LDOG PA CAN DU BSHAD PA CHOS CAN, MI MTHUN PHYOGS LA MED NGES KYI LDOG KHYAB GRUB PA LA DGONGS PA MA YIN TE, GZHAN GYI LOG RTOG DGAG PA'I CHED DU MI MTHUN PHYOGS LAM MTHONG PA TZAM LA BRTEN NAS LDOG PA CAN DU BSHAD PA'I PHYIR, KHYAB PAR THAL, MA MTHONG PA DE TZAM GYIS MED PAR RTOGS PA NI MA YIN NO ZHES BSHAD ZIN PA'I PHYIR, GNYIS PA NI, MI MTHUN PHYOGS LA MA MTHONG PA TZAM THE TSOM GYI RGYU NYID DU MI 'GYUR PAR THAL, MA MTHONG TZAM GYIS LDOG KHYAB MI 'GRUB PA DE LTA MA YIN PA'I PHYIR, KHYAB PAR THAL, RTAGS GANG ZHIG DGAG BYA'I CHOS GANG LA MI SRID PA DE TSAD MAS DMIGS PAS DGAG BYA'I CHOS DE LA THE TSOM ZA BAR NI MI RIGS PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, BDAG LDOG NA SROG LA SOGS PA LDOG PAR 'GYUR TE, SROG LA SOGS PA MED PAS BDAG MED PA LA KHYAB PA'I PHYIR RO ZHE NA, GNYIS PA LA GSUM, LDOG KHYAB MED PA DANG, LDOG KHYAB NGES BYED MED PA DANG, LDOG KHYAB NGES PA'I GZHI MED PA'O, ,DANG PO LA GNYIS, 'BREL BA MED PAR LDOG KHYAB MI 'GRUB PA DANG, LDOG KHYAB PA 'GRUB PA 'GREL BA LA BLTOS PA'O, ,DANG PO NI, ZLOG 'BREL GRUB PAS LDOG KHYAB GRUB PA DE YANG MA YIN TE, SROG MED PAS BDAG MED PA LA KHYAB PA MA GRUB PA'I PHYIR RO, ,DER THAL, BDAG SROG THA DAD MA 'BREL BA'I PHYIR, DER THAL, DON GZHAN GANG ZHIG PHAN PA NYE BAR MI SBYOR BA'I PHYIR, GNYIS PA NI, LDOG KHYAB SGRUB PAR BYED PA DE'I

TSE SROG LA SOGS PA MED PAS BDAG MED PA LA KHYAB PAR 'GYUR RO ZHES PA DE YANG MI 'THAD PAR THAL, GAL TE SROG LA SOGS PA BDAG DE'I BDAG NYID DAM DE LAS BYUNG BAS BDAG DANG 'BREL BA YIN NA SROG SOGS DE DAG BDAG DE LOG NA LDOG PAR 'GYUR PAS KHYAB NA YANG 'BREL PA MED PA'I PHYIR, BDAG DE MED NA SROG MED PAR GRUB PAS BDAG MED LA SROG MED KYIS KHYAB PA GRUB PA'I PHYIR, LDOG KHYAB DE YANG MI GRUB STE, ZLOG PA BDAG SROG LA 'BREL PA MA GRUB PA'I PHYIR RO, , GNYIS PA NI, BDAG SROG DE DAG NI RGYU 'BRAS SU MI 'GRUB PAR THAL, BDAG DE SHIN TU LKOG TU GYUR PA'I PHYIR, KHYAB PAR THAL, RGYU 'BRAS DE DAG GI 'BREL BA NI RGYU 'BRAS KYI NGO PO DMIGS PA DANG MI DMIGS PA DAG 'DZIN MNGON SUM LAS SHES PA YIN PA'I PHYIR, SHIN TU LKOG GYUR NI BSKAL BA'I DON YIN LA, DE YANG PHYIR RGOL LA BLTOS PA SOGS LE'U GNYIS PAR BSHAD ZIN TO, ,GSUM PA LA GNYIS, DRI BA DANG, DRIS PA'I LAN DGAG PA'O, ,DANG PO NI, SROG LA SOGS PA MED PAS KHYAB PA'I BDAG MED PA NGES PA'I GZHI DE YANG GANG YIN DRIS PAS BUM PA LA SOGS PA'O ZHE NA, GNYIS PA LA GSUM, BDAG LDOG PA MI 'GRUB PA DANG, DES NA LDOG KHYAB MI 'GRUB PA DANG, BDAG SROG YOD MED MI MTSUNGS PA'O, ,DANG PO NI, BUM PA LA SOGS PA LA CHOS CAN, BDAG MED DO ZHES BYA BA TSAD MA GANG LAS YIN TE MI 'GRUB PAR THAL, BDAG DE GZHI GZHAN DU YANG YOD KYANG MTHONG BAR RUNG BA DER MED PA'I PHYIR, GNYIS PA NI, RGYU

, ,MTSAN DES NA BDAG LOG PAS SROG LDOG PA'I KHYAB PA YANG MI 'GRUB PAR THAL, BDAG LDOG PA SHES PA MED PA'I PHYIR, GSUM PA NI, SROG LA SOGS PA YANG CHOS CAN, GZHI LA LAR YOD PA DANG GZHI GZHAN DU MED PAR RTOGS PA YIN TE, DNGOS PO'I BYE BRAG 'GA' ZHIG KHO NAR MTHONG BA NYID LAS GRUB PA'I PHYIR, BDAG DE LA LAR YOD PA DANG GZHAN DU MED PAR MI RTOGS TE, BDAG NI GZHI GANG DU YANG MTHONG RUNG DE LTA MA YIN PA'I PHYIR, GSUM PA LA GSUM, BDAG SROG RGYU 'BRAS SU MI GRUB PA MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO NI, GANG YANG GAL TE GSON PO'I LUS BDAG DANG BCAS PA MA YIN NA SROG LA SOGS PA DANG MI LDAN PAR THAL BAR 'GYUR TE, BDAG MED PA'I PHYIR, BUM PA LA SOGS PA BZHIN NO ZHES BRJOD PA DE YANG RTAGS CHOS DON GZHAN GYI RANG RGYUD 'PHEN PA'I THAL 'GYUR YANG DAG TU MI 'GRUB PAR THAL, RTAGS CHOS RGYU DANG 'BRAS BU'I DNGOS POR MED PA'I PHYIR, KHYAB PAR THAL, DON GZHAN RGYU DANG 'BRAS BU MA YIN PA BKAG PA NI DON GZHAN BKAG PA GO BAR BYED PA MA YIN NO ZHES MI DMIGS PAR SNGAR BSHAD ZIN PA'I PHYIR, GNYIS PA LA GSUM, BDAG SROG RGYU 'BRAS BU SU 'GRUB PA DANG, RGYU 'BRAS SU MI 'GRUB PA NUS PA'I RGYU GZHAN TSANG BA'I LDOG PA LA BLTOS PA DANG, BUM SOGS LA DE MED PA'O, ,DANG PO NI, BDAG SROG GI RGYU'I DNGOS PO DE YANG MI 'GRUB PAR THAL, BDAG GZHI GANG DU YANG MTHONG BA MED PA'I PHYIR, KHYAB PAR

THAL; YA GYAL MED PAR RGYU 'BRAS SU MI 'GRUB BO ZHES LAN CIG MA YIN PAR BSHAD ZIN PA'I PHYIR, BDAG MTHONG DU CHUG KYANG RGYU 'BRAS SU MI 'GRUB PAR THAL, BDAG LDOG PA'I GZHI MA GRUB PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, BDAG LDOG PA'I GZHI MED PA MA GRUB STE, BUM PA LA SOGS PHA BDAG LDOG PA'I YUL YIN NO ZHE NA, GNYIS PA NI, BUM PA LA BDAG MA MTHONG BA TZAM RNAM PA DE LTA BU'I LDOG PA MA YIN PA LAS NI BDAG DES SROG LA PHAN 'DOGS PA'I RGYU'I NUS PA MI 'GRUB PAR THAL, RGYU NUS PA MTHU CAN GZHAN DAG YOD KYANG 'BRAS BU DE SKABS 'GAR MI SKYE BAS RGYU GZHAN GCIG YOD PA DE MED PAR TE MA TSANG BAR RTOGS PAR BYED DO ZHES LAN CIG MA YIN PAR BSHAD ZIN PA'I PHYIR, GSUM PA LA GNYIS, BUM PA LA SROG GI NUS PA'I RGYU GZHAN TSANG BA'I LDOG PA MA GRUB PA DANG, NUS PA'I RGYU GZHAN TSANG BA'I YA GYAL BDAG TU MA GRUB PA'O, ,DANG PO NI, BUM PA LA SOGS PA LA SROG LA SOGS PA'I RGYU NUS PA MTHU CAN GZHAN TSANG BA'I BDAG MA TSANG BAS SROG LDOG PA MA YIN PAR THAL, DE'I RGYU BLO LA SOGS PA YANG MED PA'I PHYIR, DE BAS NA BUM PA LA BDAG LDOG PA NI BDAG SROG GI RGYUR NGES BYED MA YIN PAR THAL, BDAG DE SROG LA PHAN 'DOGS NUS PAR THE TSOM ZA BA YIN PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, SROG GI RGYU GZHAN BLO LA SOGS PA DE DAG KYANG BDAG GI 'BRAS BU YIN PAS BDAG MED PAS BU MA PA LA SOGS PA LA BDAG LOG PA'I STOBS KYIS BLO LA SOGS PA YONG PAR MI 'GYUR

, ,BAS SROG LDOG PA YIN NO ZHE NA, GNYIS PA LA GSUM, BLO LA SOGS PA LA BDAG LAS GZHAN GYI NUS PA MTHONG BA SPYIR BSTAN PA DANG, SO SOR BSHAD PA DANG, DON BSDU BA'O, ,DANG PO NI, BUM PA LA BLO LA SOGS PA'I RGYU BDAG LOG PA'I STOBS KYIS BLO LA SOGS PA LOG PA MA YIN TE, BLO LA SOGS PA DE LA RGYU GZHAN NYID KYI NUS PA BDAG LA BLTOS PA MED PAR MTHONG BA'I PHYIR RO, ,GNYIS PA LA GSUM, DBANG BLO MA 'KHRUL BA'I RGYU MA YIN PA DANG, YID SHES KYI RGYU MA YIN PA DANG, DBANG PO LA SOGS PA'I RGYU MA YIN PA'O, ,DANG PO NI, RE SHIG MIG LA SOGS PA'I DBANG BLO MA 'KHRUL BA CHOS CAN, GANG ZAG GI BDAG KHYOD KYI RGYU NI MA YIN TE, BDAG RKYEN BDAG NYID JI LTA BU'I DBANG PO DANG DMIGS RKYEN YUL DANG NUS PA NYAMS PA MED PA'I RNAM PAR SHES PA SNGA MA YANG DE MA THAG RKYEN DU YOD PA LAS SKYES PA YIN PA'I PHYIR, DBANG SHES DE DE MA THAG RKYEN YID SHES SNGA MA LA SKYES TE, YID KYI SHES PA DE SGRA LA SOGS PA'I YUL GZHAN LA YENGS SAM MYA NGAN LA SOGS PAS 'KHRUGS PA LA SOGS PAR GYUR NA GZUGS 'DZIN MIG GI RNAM PAR SHES PA PHYI MA MI SKYE BA DANG DBANG SHES 'KHRUL ZHING 'CHOL BA LA SOGS PA MTHONG BA'I PHYIR RO, ,GNYIS PA NI, YID KYI RNAM PAR SHES PA NI CHOS CAN, GANG ZAG GI BDAG LAS SKYES PA MA YIN TE, SNGA MA BZHIN RANG GI NYER LEN NUS PA NYAMS PA MED PA'I RNAM PAR SHES PA SNGA MA LA SKYES PA'I PHYIR, GSUM PA NI, DBANG PO LA SOGS PA'I NYE BAR

LEN PA'I RGYU YANG CHOS CAN, GANG ZAG GI BDAG MA YIN TE, NYER LEN SKAL BA MNYAM PA'I GNAS SKABS KYI KHYAD PAR SNGA MA SNGA MA YIN LA, DE DAG DANG TSOGS PA GCIG PA'I BLO NI LHAN CIG BYED PA'I RKYEN YIN PA'I PHYIR, GSUM PA NI, DE LTAR DBANG PO DANG BLO 'DI DAG LA SNGAR RGYUR BSHAD PA DE NYID RGYU YIN TE, 'DI'I BDAG NYID 'GRUB PA NI SNGAR BSHAD PA'I RGYU DE TZAM DANG PHAN 'DOGS BYED DU YOD MED KYI RJES SU 'GRO BA DANG, LDOG PA LA BRTEN PA YIN PA'I PHYIR, KHYAB PAR THAL, SKYED PA'I NUS PA MA MTHONG BA GZHAN RGYUR BRTAG NA NI THUG PA MED PAR 'GYUR BA'I PHYIR, GSUM PA DON BSDU BA NI, 'BRAS BU THAMS CAD LA RGYU RNAMS THUG PA MED PAR 'GYUR BAR THAL, RGYU GANG ZHIG YOD NA 'BRAS BU GANG SKYE BAR 'GYUR BA NYID DE LAS GZHAN PA SKYED PA'I NUS PA MA MTHONG BA DE YI RGYUR RTOG PA RIGS PA YIN PA'I PHYIR, RTAGS KHAS BLANGS, ZHES BYA BA NI BSDU BA'I TSIGS SU BCAD PA'O, ,GNYIS PA DON BSDU BA NI, SROG LA SOGS PA CHOS CAN, DE SGRUB KYI LDOG KHYAB MA GRUB PAR THAL; MNYAN BYA NYID SGRA MI RTAG PAR SGRUB PA DANG LDOG PA 'KHRUL BAR MTSUNGS PA'I PHYIR, GNYIS PA MI MTSUNGS PAR 'DOD PA DGAG PA LA GNYIS, RTZOD PA DANG, LAN NO, ,DANG PO NI, MNYAN BYA DANG MTSUNGS PA MA YIN TE, SROG LDAN LDOG PA MA 'KHRUL LA MNYAN BYA DE'I LDOG PA 'KHRUL BA'I PHYIR RO ZHE NA, CI LTAR 'KHRUL DRIS PAS MNYAN BYA DE NI MTHUN PA'I PHYOGS MA YIN PA KHO NA LAS LDOG PA MA YIN PA'I PHYIR RO ZHE NA, GNYIS PA LA GNYIS, LDOG PA 'KHRUL PAR MTSUNGS PAR THAL BA

, ,DANG, LDOG PA'I NGES GZUNG GIS RJES 'GRO 'PHEN PA'O, ,DANG PO NI, JI LTAR SROG LA SOGS PA DANG MNYAN BYA LDOG PA 'KHRUL PAR MI MTSUNGS TE MTSUNGS PAR THAL, MTHUN PHYOGS LA MI 'JUG PA DE NI GZHAN SROG LDAN LA YANG MTSUNGS PA'I PHYIR, KHYAB PA KHAS BLANGS PAR THAL, MNYAN BYA MI MTHUN PHYOGS KHO NA LAS LDOG PA MA YIN PAR BRJOD PA'I TSIG DES NI MNYAN BYA 'DI MTHUN PA'I PHYOGS LA 'JUG PA MED PAR GRUB PA'I RGYU MTSAN GYIS LDOG PA 'KHRUL BAR BRJOD PA MA YIN NAM STE BRJOD PA'I PHYIR, RTAGS KHAS BLANGS, GNYIS PA LA GSUM, RGYU MTSAN DANG, RJES 'GRO'I NGES GZUNG GIS LDOG PA 'PHEN PA DANG, DES NA RJES SU 'GRO LDOG PHAN TSUN MI 'KHRUL BA'O, ,DANG PO LA GNYIS, DNGOS DANG, RJES 'GRO MI 'PHEN NA NGES GZUNG DON MED PA'O, ,DANG PO NI, SROG LDAN MTHUN PA'I PHYOGS MA YIN PA NYID KHO NA LA MED DO ZHES BYA BAS NI SROG LDAN 'DI MTHUN PA'I PHYOGS LA YOD PAR BRJOD PA YIN TE, DGAG PA GNYIS KYIS RNAL MA GO BA'I PHYIR RO, , GNYIS PA NI, LDOG KHYAB STON PA'I NGES PAR GZUNG BA'I 'BRAS BU CIR 'GYUR 'BRAS BU MED PAR THAL, RNAM PAR GCAD PAR BYA BA MED PA'I PHYIR TE, GCAD BYA GZHAN MED RJES 'GRO 'PHEN PA DE LTA MA YIN PA'I PHYIR, KHYAB PAR THAL, LDOG PA STON PA'I TSIG GCIG LA NGES PAR GZUNG BA MED NA NI LDOG PA MI 'KHRUL BAR MI 'GRUB PA'I PHYIR RO, ,GNYIS PA NI, MTHUN PA'I PHYOGS NYID KHO NA LA YOD PAS MTHUN PA'I PHYOGS MA YIN PA NYID LA MED PA ZHES DON GYI SHUGS KYIS GO BAR

THAL; NGES GZUNG GNYIS KYIS RJES SU 'GRO LDOG PHAN TSUN 'PHEN PA DE NYID KYI PHYIR, SGRUB NGAG YANG DAG GNYIS KYI KHYAB PA STON PA'I DPE GNYIS LAS GANG YANG RUNG BAS KHYAB PA GNYI GA BSTAN PAR BRJOD PA'I RGYU MTSAN YOD DE, RJES SU 'GRO LDOG GI NGES GZUNG RE RES CIG SHOS DON GYIS GO BAS DE LTAR BRJOD PA'I PHYIR, GSUM PA NI, LDOG KHYAB GCIG PU CAN GYI RTAGS YANG DAG MA GRUB PAR THAL, RTAGS YANG DAG DE'I LDOG PA MI 'KHRUL BA 'DI 'DRA BA NI RJES SU 'GRO BA MED PAR MI 'GRUB PA'I PHYIR, DER THAL, LDOG KHYAB GRUB NA NI NAN GYIS RJES SU 'GRO BA 'GUGS PAR BYED PA'I PHYIR, DER THAL, DGAG PA BKAG PA'I NGO BO NI BSGRUB PA'I RANG BZHIN YIN PA'I PHYIR RO, ,GSUM PA DES NA SROG LDAN BDAG GI GO BYED DU MI RUNG BA LA GNYIS, DNGOS MED DGAG SGRUB GANG GI YANG GZHIR MI RUNG BAR 'DOD PA LA DGAG BA BSHAD ZIN DRAN PAR BYED PA DANG, DNGOS KYI DON TO, ,DANG PO LA GNYIS, RTZOD PA DANG, LAN NO, ,DANG BO NI, DRANG SRONG RKANG RKANG MIG PA NA RE MTHUN PA'I PHYOGS BDAG DNGOS POR MED PA LAS RTAGS SROG LDAN LDOG PA MED PA'I PHYIR MTHUN PA'I PHYOGS MA YIN PA NYID KHO NA LA MED PA YIN NO ZHE NA, GNYIS PA LA GSUM, RMONGS PA MGU BYED DU BSTAN PA DANG, DE'I RGYU MTSAN BSHAD PA DANG, DGAG PA RGYAS PAR MI SPRO BA'I RGYU MTSAN NO, ,DANG PO NI, BDAG DNGOS POR MED PA LAS SROG LDAN LDOG PA DE NYID CHOS CAN, KHYOD BDAG DNGOS MED LA MED CES DNGOS MED LAS LDOG PA CI LTAR 'DOD DE 'DOD MI RIGS PAR THAL, DNGOS MED 'JUG LDOG GI YANG GZHIR MI RUNG BA'I PHYIR,

, ,DRANG SRONG RKANG MIG PA NI CHOS CAN, LHA RNAMS DGA' BA SHES RAB 'KHRUL PA MED PA CAN TE RMONGS PA MGU BAR BYED PA YIN TE, SROG MED PA BKAG PA'I SROG GI DNGOS PO NI BDAG DNGOS POR MED PA LA YANG YOD LA SROG GI DNGOS PO BKAG PA NI BDAG DNGOS MED LA MI SRID DO ZHES BYA BA BDEN ZHEN GYIS DAM 'CHA' BA'I PHYIR, GNYIS PA NI, RANG TSIG SNGA PHYI DANG DNGOS SHUGS 'GAL BA DU MA SMRAS PAR THAL, YUL DNGOS MED DE LA DGAG PA'I SGRA 'JUG PAR MI 'DOD PA YIN BZHIN DU DNGOS MED LA RTAGS LDOG PA YOD PA MA YIN NO ZHES SMRA BA DANG, DNGOS PO MED PA ZHES BYA BA DNGOS PO BKAG PA DE LTA BU LA SOGS PA THA SNYAD BYED PA GANG YIN PA DE'I PHYIR, GSUM PA NI, DNGOS MED DGAG SGRUB GANG GI YANG GZHIR MI RUNG BA'I DON 'DI NI 'DIR DGAG PA RGYAS PAR MI SPRO BA'I RGYU MTSAN YOD DE, MED PA LA MED PA ZHES BYA BA TSUL GSUM PA RGYAS PAR BSHAD PA DE'I NANG DU BSAL ZIN PA DES NA MI SPRO BA'I PHYIR, GNYIS PA LA GSUM, BDAG MED LAS LDOG PA MA GRUB PAS BDAG GI GO BYED DU MI RUNG BA DANG, BDAG MED DANG 'GAL BAR MA GRUB PAS BDAG GI GO BYED DU MI RUNG BA DANG, BDAG MED BKAG PA LA MI LTOS PAR RANG GI NGO BO'I SGO NAS BDAG GI GO BYED DU MI RUNG BA'O, ,DANG PO LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, SROG LDAN CHOS CAN, BDAG MED PA LA YOD PA DANG MED PA GANG RUNG DU YANG NGES PA NI MA YIN GYI BDAG YOD MED THE TSOM DU 'GYUR BAR THAL, KHYOD GSON PO'I THUN MONG MA YIN PA'I CHOS YIN PA

GANG ZHIG GSON PO'I LUS LA BDAG YOD PA'I PHYOGS CHOS CAN GYI SGRUB BYED DU 'JUG PA'I PHYIR, THUN MONG MA YIN PA'I MA NGES PA BSGRUB BYA LA THE TSOM ZA BA DE SRID DU RJES SU 'GRO LDOG LA THE TSOM ZA BA'I SGO NAS GNOD PA BSTAN GYI SGRUB BYED 'JUG NA RTAGS DGAG BYA'I CHOS LA THE TSOM ZA BA DANG, DGAG BYA'I CHOS MI SRID PAS KHYAB PAR STON PA MA YIN NO, ,GNYIS PA LA GSUM, LDOG KHYAB GZHAN GYI KHAS BLANGS KYIS GRUB BA MI 'THAD PA DANG, RJES SU 'GRO LDOG LA THE TSOM ZA BA DANG, DES NA LDOG KHYAB MA GRUB PA'O, ,DANG PO LA GNYIS, HA CANG THAL BA DANG, DNGOS STOBS RJES DPAG GIS MA GRUB PAR THAL BA'O, ,DANG PO NI, SANGS RGYAS PAS SROG LDAN BDAG MED DU GYUR PA'I BUM SOGS LA MED PAR KHAS BLANGS PAS BDAG MED LAS LDOG PA'I LDOG PA GRUB BO ZHE NA, LDOG KHYAB SANGS RGYAS PA GZHAN GYIS DE LTAR KHAS BLANGS PA'I PHYIR NA LDOG KHYAB GRUB PA DE LTAR 'GYUR BA YANG MA YIN TE, SANGS RGYAS PAS KHAS BLANGS PA TSAD MA MA YIN PA'I PHYIR, RTAGS BSAL KHAS BLANGS, SANGS RGYAS PAS BDAG MED DU KHAS BLANGS PAS BDAG MED DU 'GRUB PA MA YIN PAR THAL, DE LTA NA GSEN LUS KYANG BDAG MED DU HA CANG THAL BAR 'GYUR BA'I PHYIR RO, ,GNYIS PA NI, SANGS RGYAS PA'I KHAS BLANGS KYIS MI MTHUN PA'I PHYOGS DANG, RIGS PA CAN PAS KHAS BLANGS PA'I STOBS KYIS MTHUN PA'I PHYOGS RNAM PAR BZHAG NAS GSON LUS BDAG BCAS SU SGRUB PA'I DNGOS STOBS KYI TSAD MA 'JUG PAR NI MI RIGS PAR THAL, DE LTAR NA BDAG LUNG GIS GRUB PAR 'GYUR GYI DNGOS STOBS RJES SU

, ,DPAG PAS GRUB PA NI MA YIN PA'I PHYIR, RTAGS BSAL KHAS BLANGS, GNYIS PA NI, SROG LA SOGS PA CHOS CAN, MTHUN PA'I PHYOGS BDAG DNGOS PO MED PA LAS LDOG PA MED PA LDOG PAR THE TSOM ZA BAR 'GYUR TE, BDAG YOD MED THE TSOM ZA BAS DE'I PHYIR, MI MTHUN PA'I PHYOGS BDAG MED LAS KYANG LDOG PAR THE TSOM ZA STE, MTHUN PHYOGS BDAG LAS LDOG PAR THE TSOM ZA BA DE NYID KYI PHYIR, KHYAB PAR THAL, BDAG GAM BDAG MED GCIG KHO NA LA YOD PAR NGES PAR GRUB NA GZHAN LAS LDOG PA GRUB PA'I PHYIR RO, ,GSUM PA NI, SROG LDAN DE MTHONG BA'I BDAG MED 'GA' ZHIG LA MED PAR 'GRUB KYANG MA MTHONG BA'I BDAG MED RNAMS LA YAD MED THE TSOM DU 'GYUR BAR THAL, BDAG GAM BDAG MED LA YOD PAR NGES PA DE LTA MA YIN PA'I PHYIR, BDAG MED 'GA' ZHIG LA MED PAS BDAG MED MTHA' DAG LA MED PAR MI 'GRUB PAR THAL, 'DI LTAR BDAG MED KYI GSAL BA'I BYE BRAG MTHA' DAG LA KHYAB PAR YOD PA MA YIN PA'I DON YANG BDAG MED DE'I RIGS CAN 'GA' ZHIG LA SRID PA MTHONG BA'I PHYIR, DPER NA SRA BA'I RDZAS 'GA' ZHIG MTSON GYIS CHOD PA MED KYANG SRA BA LA MTSON GYIS MI CHOD PAS MA KHYAB PA BZHIN NO, ,GNYIS PA LA GSUM, MDOR BSTAN PA DANG, BDAG MED LAS LDOG PAS BDAG BCAS SU MI 'GRUB PA DANG, DON BSDU BA'O, ,DANG PO NI, SROG LDAN CHOS CAN, BDAG MED LA YOD MED KYANG THE TSOM NYID ZA STE, BDAG MED LA YOD PA'I SGRUB BYED DANG, BDAG MED LA YOD PA

LA 'GAL BA MTHONG BA MED PA'I PHYIR, SROG LDAN BDAG MED PA LAS LOG PAR THE TSOM ZA STE, DE LA YOD PA'I SGRUB BYED MA MTHONG BDAG MED PA DANG, SROG LA SOGS PA BSHAD ZIN PA'I MTSAN NYID KYIS 'GAL BA RNAM PA GNYIS GANG YANG MA GRUB PA'I PHYIR, SROG LA SOGS PA BDAG MED DANG 'GAL BAR MA GRUB PAR THAL, SROG LA SOGS PA BDAG DE'I 'BRAS BU'AM BDAG NYID KYIS BDAG LA 'BREL PA NGES PA YIN NA BDAG MED PA DANG LHAN CIG 'GAL BAR 'GYUR NA YANG 'BREL PA DE NI MA GRUB PO ZHES BSHAD ZIN PA'I PHYIR, GNYIS PA NI, SROG LA SOGS PA BDAG MED PA LAS LDOG PA DANG SROG SOGS DE YOD PA'I GZHIR BDAG MED PA LDOG TU CHUG PA DE LTA NA YANG BDAG MED PA MED PAS GSON PO'I LUS BDAG DANG BCAS PAR NI MI 'GRUB PAR THAL, BDAG LA LDOG PA MED PA BDAG LA YOD PAR MI 'DOD PA'I PHYIR, RTAGS BSAL KHAS BLANGS, GSON PO'I LUS BDAG MED PA MED PAS BDAG YOD PAR 'GYUR BA MA YIN PAR THAL, GANG GIS NA RIGS PA CAN PA 'DI SROG BDAG LA LDOG PA MED PA YIN YANG DNGOS POR TE YOD PAR 'DOD PA NA MA YIN PA'I PHYIR, DPER NA BDAG LA LDOG PA MED KYANG MTHUN PA'I PHYOGS LA SROG LA SOGS PA YOD PAR MI 'DOD PA BZHIN NO, ,GSUM PA NI, GSON LUS BDAG MED MA YIN YANG BDAG BCAS SU 'GRUB PA MIN PAR THAL, GAL TE SROG LDAN BDAG LA LDOG PA MED KYANG RJES 'GRO CAN MIN PA'I PHYIR, DER THAL, GAL TE GTAN TSIGS SROG LDAN MTHUN PHYOGS LAS LDOG PA MED PA DE'I PHYIR RJES

, ,'GRO CAN DU 'DOD DGOS NA MI 'DOD PA'I PHYIR, CES BYA BA NI BSDU BA'I TSIGS SU BCAD PA'O, ,GSUM PA LA GNYIS, RTZOD PA DANG, LAN NO, ,DANG PO NI, GAL TE SROG LA SOGS PA YOD PAS BDAG MED PA ZLOG PA'I PHYIR, BDAG YOD PA RTOGS PA NI MA YIN NO, ,'O NA CI ZHE NA, DGAG BYA BDAG MED BCAD PA LA MI LTOS PAR SROG LA SOGS PA NI RANG BLO YUL DU SHAR BA TZAM GYIS RANG DBANG PA'I SGRUB PA'I SGO KHO NA NAS BDAG RTOGS PAR BYED BA YIN NO ZHE NA, GNYIS PA LA GSUM, GTAN TSIGS BKOD PA 'BRAS BU MED PAR THAL BA DANG, BDAG MED PA LAS LDOG PAS BDAG GRUB PA LA MI PHAN PAR THAL BA DANG, BDAG SGRUB MI NUS PA'O, ,DANG PO NI, DE NI SROG LDAN BDAG MED PA LA LDOG PA LAS 'BRAS BU CI YOD CUNG ZAD KYANG MED PAR THAL, BDAG MED BKAG PA LA MA BLTOS BAR BDAG YOD PAR GRUB PA'I PHYIR, KHYAB PAR THAL, SROG LDAN DE BDAG MED DE LA MI SRID PAS RANG YOD PA'I GZHIR BDAG MED DE MED PAR SGRUB PAR BYED PA'I PHYIR RTAGS DE LAS LDOG BA CAN DU BRJOD PA YIN PA'I PHYIR, GNYIS PA NI, BDAG MED PA LAS LDOG PAS BDAG GRUB PA CI LA PHAN TE MI PHAN PAR THAL, BDAG YOD PAR GRUB PA BDAG MED BKAG PA LA BLTOS PA DE LTA MA YIN PA'I PHYIR, GSUM PA NI, YANG NA SROG LA SOGS PAS GSON LUS LA BDAG CI LTAR SGRUB CES BRJOD PAR BYA RIGS TE, BDAG NYID NGES PAR MA GRUB PA'I PHYIR, KHYAB PA YOD PAR THAL, 'BREL MED LAS DON GZHAN GRUB BA DE LTAR NA NI THAMS CAD LAS THAMS CAD

GRUB PAR HA CANG THAL BAR 'GYUR BA'I PHYIR, GNYIS PA DON BSDU BA NI, SROG LA SOGS PA NI CHOS CAN, GSON LUS BDAG BCAS SU SGRUB PA'I THUN MONG MA YIN PA'I MA NGES PA NYID YIN TE, PHYOGS CHOS GRUB MTHUN PHYOGS MI MTHUN PHYOGS GNYIS KA LA THE TSOM ZA BA DE BAS NA'I PHYIR, GNYIS PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, DNGOS MED DGAG SGRUB GANG GI YANG GZHIR MI RUNG BAR 'DOD PA'I RIGS PA CAN PA LA SOGS PA NA RE GZHAL BYA NYID RTAG MI RTAG GNYIS KA'I KHYAB BYED THUN MONG BA YIN YANG SGRA MI RTAG PAR SGRUB PA LA RJES SU 'GRO BA'I KHYAB PA KHO NA DANG LDAN PA NYID KYI GTAN TSIGS SU SMRA'O, ,RJES SU 'GRO BA 'KHRUL PA MED PA YIN TE, MTHUN PA'I PHYOGS NYID DAG KHO NA LA YOD PA YIN PAS SO,, 'DUS MA BYAS LA GZHAL BYA MED DO ZHES SKUR BA 'DEBS PA'I TSUL GYIS DNGOS POR MED PA LA GZHAL BYA RJES SU 'GRO BA MI RUNG BA'I PHYIR MI MTHUN PHYOGS LA RJES SU 'GRO BA MED CING LDOG PA YANG MED DO ZHES ZER TO, ,PHYOGS SNGA MA 'DI NI GZHAL BYA YIN NA RANG MTSAN YIN PAS KHYAB PA PHYOGS GLANG YAB SRAS KYI DGONGS PAR 'DOD PA DANG DON GCIG TU SHES PAR BYA'O, ,GNYIS PA LA GNYIS, LDOG KHYAB DANG BRAL BA'I RJES KHYAB SPYIR DGAG PA DANG, GZHAL BYAS SGRA MI RTAG PAR SGRUB PA LA BYE BRAG TU DGAG PA'O, ,DANG PO LA GNYIS, RGYAS PAR BSHAD PA DANG, DON BSDU BA'O, ,DANG PO LA GSUM, DNGOS 'GAL LA YA GYAL GNYIS KA 'DOR BA MI 'THAD PA DANG, GZHAL BYA RTAG PA LA RJES SU 'GRO LDOG GANG YANG MI BYED PA MI 'THAD PA

, ,DANG, DNGOS MED LA GZHAL BYA RJES SU 'GRO BAR BSGRUB PA'O, ,DANG PO LA GNYIS, DNGOS DANG, MTHUN PHYOGS KHO NA LA YOD PA'I NGES GZUNG DON MED PA'O, ,DANG PO NI, RJES 'GRO GCIG PU CAN GYI GTAN TSIGS DE LA YANG JI LTAR MI MTHUN PA'I PHYOGS LAS LDOG BA MED PA YIN TE LDOG PA CAN DU THAL, MTHUN PHYOGS KHO NA LA YOD PA'I PHYIR, CI LTAR MTHUN PA'I PHYOGS NYID KHO NA LA YOD PA YIN TE MA YIN PAR THAL, MI MTHUN PA'I PHYOGS LAS LDOG PA MED PA'I PHYIR, GNYIS PA NI, GAL TE MTHUN PHYOGS KHO NA LA YOD CES NGES PAR GZUNG BA 'DI'I 'BRAS BU CI YIN TE 'BRAS BU MED PAR THAL, NGES GZUNG DES MI MTHUN PA'I PHYOGS LA YOD PA NYID RNAM PAR BCAD PA MA YIN PA GANG ZHIG RNAM GCAD GZHAN YANG MED PA'I PHYIR, RNAM PAR GCOD DO ZHE NA YANG CI LTAR MI MTHUN PA'I PHYOGS LAS MI LDOG STE LDOG PAR THAL, RJES 'GRO'I NGES GZUNG GIS MI MTHUN PHYOGS LA YOD PA RNAM PAR BCAD PA'I PHYIR, KHYAB PAR THAL, MI MTHUN PA'I PHYOGS LAS LDOG BA NI DE LA YOD PA RNAM PAR BCAD PA LAS GZHAN MA YIN PA'I PHYIR RO, ,GNYIS PA LA GNYIS, DNGOS DANG, SNGAR GYI RTZOD PA LTAR SNANG DE NYID SLAR YANG 'ONGS PA YIN PAS LAN YANG DE NYID BRJOD RIGS PA'O, ,DANG PO NI, GZHAL BYA CHOS CAN, KHYOD RTAG PA LA RJES SU 'GRO BA YANG MA YIN LA LDOG PA YANG MA YIN NO ZHES BYA BA 'DI NI 'GAL BA YIN TE, RTAG PA LA RJES SU 'GRO BA BKAG PA GANG ZHIG RTAG PA LA MED DO ZHES RJES SU 'GRO BA BKAG PA GANG YIN PA DE

NYID RTAG PA LAS LDOG PA YIN PA'I PHYIR RO, ,GNYIS PA NI, RTAG PA DNGOS MED YIN PAS GZHAL BYA DE LAS LDOG PA MI SRID CES SMRA BA DE NI 'GOG PA NA JI LTAR DNGOS POR MED PA LAS GZHAL BYA RJES SU 'GRO BA DGAG STE DGAG MI RIGS PAR THAL; DNGOS MED DGAG SGRUB GANG GI YANG GZHIR MI RUNG BA'I PHYIR, CES 'DIR YANG LAN DE NYID BRJOD PAR BYA BA YIN TE, DNGOS MED DGAG SGRUB GANG GI YANG GZHIR MI RUNG BAS DNGOS POR MED PA LAS RTAGS LDOG PA MI RUNG BA'I PHYIR CES BYA BA'I RTZOD PA DE NYID YANG 'ONGS PA YIN PA'I PHYIR, GSUM PA LA GNYIS, DNGOS DANG, DE'I LAN DGAG PA'O, ,DANG PO NI, DNGOS MED DGAG SGRUB GANG GI YANG GZHIR MI RUNG BA'I PHYIR, RTAG PA DNGOS MED LA DGAG PA MI RUNG BAS GZHAL BYA LDOG PA YANG MI 'THAD DO ZHE NA, DNGOS MED LA DGAG PA RJES SU MI 'GRO BA MA YIN PAR THAL, DNGOS PO'I RANG BZHIN 'PHEN PA'I DGAG PA DNGOS PO MED PA LA RJES SU 'GRO BA MI SRID DU CHUG KYANG MA YIN PAR DGAG PA GCIG BU NI DGAG PA'I YUL MTSAN GZHI MA YIN NO, ,'O NA CI ZHE NA MED PAR DGAG PA YANG YIN LA MED DGAG DE NI DNGOS POR MED PA LA RJES SU 'GRO BA MI 'GAL BA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, DNGOS MED LA BDUN PA GNAS GZHI DANG LNGA PA 'BYUNG KHUNGS KYI LDOG SGRA LA SOGS PA'I DON CAN DGAG PA'I YUL STON PA'I SGRA'I RNAM PAR DBYE BA RNAMS 'JUG PA DANG MI LDAN PA'I PHYIR TE DNGOS MED SGRA'I BRJOD BYAR MI RUNG BA'I PHYIR, MED DGAG DE YANG DNGOS

, ,MED LA RJES SU 'GRO BA MI SRID DO ZHE NA, GNYIS PA NI, SGRA'I BRJOD BYA YIN NA RANG MTSAN YIN BAR MA KHYAB PAR THAL, KHYAB PAR 'DOD PA 'DI LA, DE PHYIR DNGOS DNGOS MED RTEN CAN, ZHES SOGS KYI SKABS SU LAN BTAB ZIN PA'I PHYIR, GNYIS PA NI, RJES SU 'GRO BA GCIG PU CAN ZHES BYA BA'I GTAN TSIGS YANG DAG NI 'GA' YANG MED PAR THAL, KHYAB PA GNYIS PHAN TSUN MI 'KHRUL BA DE'I PHYIR, GNYIS PA LA GSUM, GZHAL BYA DNGOS MED LA RJES SU 'GRO BA 'THAD PA DANG, DNGOS MED TSAD MA'I GZHAL BYAR 'THAD PA DANG, DNGOS MED SHES BYA LA MI SRID PA DGAG PA'O, ,DANG PO LA GSUM, GZHAL BYA RTAG MI RTAG GNYIS KA'I CHOS SU 'THAD PA DANG, RTZOD PA SPANG BA DANG, CHOS DANG CHOS CAN GANG LA BZHAG PA'O, ,DANG PO NI, GZHAL BYA NYID NI CHOS CAN, SGRA MI RTAG PAR SGRUB PA'I MI MTHUN PA'I PHYOGS LA RJES SU 'GRO BA DANG MI LDAN PA YANG MA YIN TE, RTAG MI RTAG GNYIS KA LA RJES SU 'GRO BA'I THUN MONG BA'I CHOS YIN PA'I PHYIR, DNGOS MED LA RJES SU 'GRO BA YIN TE, KHYOD KYI NANG TSAN DU GYUR PA'I DNGOS PO DANG DNGOS PO MED PA DANG, GNYI GA LA BRTEN PA'I CHOS SGRA DON RNAM PA GSUM YOD DO, ZHES BSHAD ZIN PA'I PHYIR, GNYIS PA LA GNYIS, RTZOD PA DANG; LAN NO, ,DANG PO NI, CHOS NI RTEN LA BRTEN PA'I DON YIN LA DNGOS MED RTEN YIN NA DNGOS POR THAL BAS DNGOS POR MED PA LA NI CHOS CAN 'GA' YANG MED DO ZHE NA, GNYIS PA LA GSUM, CHOS DANG BRAL BA DE'I CHOS SU KHAS BLANGS PA

DANG; DNGOS PO KHO NA'I CHOS MI 'THAD PA DANG, DNGOS MED LA THA SNYAD CHAD PAR THAL BA'O, ,DANG PO NI, DE SKAD SMRA BA DES CHOS DANG BRAL BA DE NYID DNGOS MED DE'I CHOS SU KHAS BLANGS PA MA YIN NAM STE YIN PAR THAL, DNGOS MED CES BRJOD PA'I RTOG YUL GYI DON DE CHOS CAN DANG, CHOS DANG BRAL BA DE'I KHYAD CHOS SU KHAS BLANGS PA'I PHYIR, GNYIS PA NI, DNGOS PO'I RANG BZHIN NYID KHO NA NI CHOS MA YIN TE, DNGOS POR MED DU ZIN KYANG THA SNYAD KYI RNAM PA 'GA' ZHIG GIS GNOD MED KYI CHOS DANG CHOS CAN DE'I THA SNYAD DU BYED PA YIN PA'I PHYIR, GSUM PA NI, DNGOS MED DE LA THA SNYAD GANG YANG BYAR MED PA NYID DU 'GYUR BAR THAL, CHOS DANG CHOS CAN GANG GI YANG THA SNYAD RUNG BA DE LTA MA YIN PA'I PHYIR, GSUM PA LA GNYIS, CHOS DANG CHOS CAN DON DAM PAR MA GRUB PA DANG, RTOG PAS BTAGS PA'I CHOS DANG CHOS CAN DNGOS MED LA YANG DGAG MI NUS PA'O, ,DANG PO NI, DON DAM PAR NI DNGOS POR YOD PA LA YANG CHOS DANG CHOS CAN GYI DNGOS PO 'GA' YANG YOD PA MA YIN TE, CHOS CHOS CAN GYI 'BREL PA 'DI DAG NI RTOG PA'I BLOS BKOD PA 'BA' ZHIG TU ZAD DO ZHES RNAM 'GREL DU BSHAD ZIN PA'I PHYIR, SGRA DANG MI RTAG PA DON DAM BAR GRUB NA CHOS DANG CHOS CAN DU STON PA MA YIN GYI, CHOS DANG CHOS CAN GYI RANG LDOG DANG THA DAD PA'I CHA DANG, 'BREL BA'I RANG LDOG RNAMS RTOG BTAGS SU STON PA YIN NO, ,RNAM 'GREL DU RIG BYED 'GOG PA'I SKABS LAS SHES PAR BYA'O, ,GNYIS PA NI, CHOS DANG CHOS CAN GYI 'BREL PA BLOS BYAS PA

, ,NI CHOS CAN, DNGOS POR MED PA LA YANG RIGS PA GANG GIS BZLOG STE BZLOG MI NUS PAR THAL, DNGOS MED LA YANG 'THAD PA'I PHYIR, GNYIS PA LA GSUM, YOD MED DU NGES PA'I THA SNYAD TSAD MA LA BLTOS PA DANG, DNGOS MED 'JAL BA'I TSAD MA LA TSAD MA'I MTSAN NYID ZHUGS PA DANG, DES NA DNGOS MED GZHAL BYAR 'THAD PA'O, ,DANG PO LA GNYIS, RGYAS PAR BSHAD PA DANG, DON BSDU BA'O, ,DANG PO NI, TSAD MA NI GZHAL BYA'I 'BRAS BU YIN LA DNGOS MED NI 'GA' YANG RGYU MA YIN PAS DNGOS MED 'JAL BA'I TSAD MA MED PA'I PHYIR, GZHAL BYA MA YIN NO ZHE NA, G-YU RDOG GI KHA DOG SNGON POR YOD PA DE'I BRDA CAN RNAMS KYIS G-YU RDOG GI KHA DOG SNGON POR RNAM PAR GNAS PA CHOS CAN, SNGON POR MTHA' GCIG TU NGES PAR 'DZIN PAR MI 'GYUR BAR THAL, SNGON POR SGRUB PAR BYED PA SNGOM YIN RNAM PAR BCAD PA MA NGES PA'I PHYIR, DE BZHIN DU DE MA YIN PA'I BRDA CAN RNAMS KYIS RNAM PAR GNAS SHING BZHAG PA SNGON PO MED PA CHOS CAN MTHA' GCIG TU NGES PAR 'DZIN PAR MI 'GYUR BAR THAL, SGRUB PAR BYED PA TSAD MAS MA NGES PA'I PHYIR, DE BZHIN DU SNGON PO DANG SNGO MA YIN GNYI GA DANG SNGO SER GNYI GA MA YIN PA'I RNAM PAR GNAS PA RNAMS LA YANG SBYAR RO, ,DON BSDUS NA DNGOS MED TSAD MAS MA GZHAL NA SNGON PO YOD MED SOGS MTHA' GCIG TU MI NGES PA YIN NO, ,GNYIS PA NI, DNGOS MED DE CI LTAR YANG RUNG STE GZHAL BYA YIN PAR BRJOD PAR BYA BA YIN TE, DNGOS POR MED PA TSAD MAS NGES PAR BYED PA

DES GRUB PA'I PHYIR, DER THAL, DNGOS POR YOD MED SOGS MTHA' GCIG TU NGES PA DE'I PHYIR, GNYIS PA NI, DNGOS BO'I YUL CAN NYID NI TSAD MA'I MTSAN NYID MA YIN TE, TSAD MA'I MTSAN NYID NI GSAR DU MI SLU BA'I SHES PA YIN PA'I PHYIR, RO; ;DE LTAR YANG 'THAD LDAN DU, GAL TE DNGOS PO'I YUL CAN NYID TSAD MAR SNGAR BRJOD PA MA YIN NAM, DE CI LTAR MED PA GZHAL BYA YIN ZHE NA, BSHAD PA, GANG GI PHYIR DNGOS PO'I YUL CAN NYID NI TSAD MA MA YIN NO, ,CI LTAR ZHE NA, TSANG MA'I MTSAN NYID NI NGES PA'I DON THOB PAR BYED PA'I RANG BZHIN YIN PA'I PHYIR RO, ,DON DAM PAR MED KYANG RUNG STE THOB PAR BYA BA NGES PA'I YUL YIN GYI, DNGOS PO NYID NI MA YIN NO ZHES BSHAD DO, ,RTZA 'GREL 'DI DAG GIS NI TSAD MA'I GZHAL BYA LA DNGOS POS KHYAB PAR 'DOD PA LEGS PAR BKAG PA YIN TE, TSAD MA'I 'JUG YUL NI TSAD MA'I BYED PA 'JUG PA'I YUL DANG DON GCIG PA YIN PAS DNGOS MED KYANG TSAD MA'I 'JUG YUL YIN PA'I PHYIR, TSAD MA'I 'JUG YUL LA DNGOS POS KHYAB PA YANG BKAG PAR SHES PAR BYA'O, ,RANG MTSAN KHO NA GZHAL BYAR 'DOD PA DAG GIS NI 'DI DAG GI DON LA NGAL BA MANG PO MA BYAS PAR ZAD DO, ,DNGOS POR MED PA LA TSAD MA'I MI SLU BA LAS SU BYA BA DE'I NGO BOR 'JOG PA RIGS PA YIN TE, MI SLU BA DE NI GAL TE RANG GIS BCAD PA'I YUL LA TSAD MA GANG GIS KYANG GNOD PA MED PA'I PHYIR, DNGOS POR MED PA GZHAL BYA YIN TE, DNGOS MED RTOGS PA'I TSAD MA 'DI LA TSAD MA'I MTSAN NYID YOD PA'I PHYIR, DER THAL, DE LTAR BZHAG PA

, ,LA GNOD PA MED PA DE BAS NA'I PHYIR, GSUM PA LA GNYIS, RTZOD PA DANG, LAN NO, ,DANG PO NI, MU STEGS GSAL BYED PA NA RE, GAL TE SHES BYA THAMS CAD KYANG DNGOS POR YOD DE, YUL DUS DE NA MED KYANG YUL DUS GZHAN NA RNAM PA 'GA' ZHIG LTAR YOD LA RI BONG GI RVA DANG MGO BO SO SO NA YOD PA'I PHYIR, RI BONG GI RVA LA SOGS PA 'GA' YANG DNGOS PO MED PA MA YIN NO, ,DES NA SANGS RGYAS PA KHYED CAG NI CHOS CAN, DNGOS POR MED DE, MA DMIGS PA'I PHYIR, RI BONG GI RVA BZHIN NO, ZHES ZER BA NI BZHAD GAD KYI GNAS YIN NO ZHEN, GNYIS PA LA GNYIS, MDOR BSTAN PA DANG, RGYAS BAR BSHAD PA'O, ,DANG PO NI, DNGOS MED TSAD MA'I GZHAL BYAR THAL, RI BONG GI RVA LA SAGS PA DE DAG NI CI LTAR RI BONG GI MGO BO DANG 'BREL BAR MED PA'I RNAM PA DE DNGOS PO MED PA YIN PA'I PHYIR, GNYIS PA LA GSUM, RVA TZAM DGAG BYA MA YIN PA DANG, 'BREL PA CAN RVA DANG RVA CAN THA DANG DU GRUB PAS RI BONG GI RVA MED PAR GRUB PA DANG, 'BREL BA CAN GYI RVA'I RDZAS BKAG PAS RI BONG GI RVA MED PAR GRUB PA'O, ,DANG PO LA GNYIS, GSAL BYED PA RANG NYID LA BZHAD GANG BYED PA YIN PA DANG, RI BONG DANG 'BREL BA'I RVA BKAG PA YIN PA'O, , DANG PO NI, GSAL BYED PA DE NI CHOS CAN, BDAG NYID LA BZHAD GAD BYED PA YIN PAR THAL, RO BONG DANG RVA DAG GZHI SO SON YOD PA'I PHYIR RI BONG GI RVA MED PAR SMRA BA LA BZHAD GANG BYED PA GANG ZHIG KHYOD RANG LAS GZHAN PA'I SANGS RGYAS

PA LA SOGS GZHAN BZHAD GAD KYI GNAS SU MI RUNG KHYOD RANG GI DAM BCA' DE NYID BZHAD GAD KYI GNAS YIN PA'I PHYIR, SANGS RGYAS PAS RI BONG GI RVA MED DO ZHES SMRAS PA LA RI BONG DANG RVA YANG YONG DO ZHES BYA BA'I LAN GYI SKABS CI ZHIG YOD DE MED BAR THAL, RI BONG GI YAN LAG TU GYUR PA'I RVA MED DO ZHES BRJOD PA YIN GYI RI BONG DANG RVA MED PAR KHAS MA BLANGS PA'I PHYIR, GNYIS PA NI, 'OG NAS 'CHANG BA'I RGYU MTSAN GANG GIS RTZOD PA NGES SANGS RGYAS PA LA GNOD PAR 'GYUR BA MA YIN PAR THAL; SANGS RGYAS PA DE RVA TZAM LA MED DO ZHES BSNYON PA NI MA YIN GYI, 'ON CI ZHEN RI BONG DANG 'BREL PA CAN GYI RVA MED DO ZHES 'DOD PA YIN PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, GAL TE DE LTAR NA RI BONG DANG RVA'I 'BREL PA MED CES BRJOD PAR BYA'I RI BONG GI RVA NI MED DO ZHES BRJOD PAR BYA BA MA YIN NO ZHEN, GNYIS PA LA GNYIS, DRI BA DANG, DRIS PA'I LAN DGAG PA'O, ,DANG PO NI, RI BONG GI RVA MED CES PAS DE GNYIS KYI 'BREL TZAM KHEGS KYI, RI BONG GI RVA'I NGO BO MI KHEGS NA GZHAN GYI RVA YANG RI BONG GI RVA NYID DU KHAS LEN NA 'THAD PAS DRI BA NI, CI RVA CAN RNAMS KYI RVA LA 'BREL PA TZAM LA KHYAD PAR YOD KYI RVA'I RDZAS KYI RANG BZHIN LA KHYAD PAR MED PAR 'GYUR BA MA YIN NAM DRIS PAS, BA LANG DANG MA HE LA SOGS PA RNAMS KYI LUS RTZOM BYED KYI RVA YANG RANG BZHIN THA DAD DE DES BRTZAMS PA'I 'BRAS BU LUS SO SOR GRUB PA'I PHYIR, KHYAB BA YOD DE, 'BRAS BU SO SO LA RGYU'I RANG BZHIN THA DAD PA'I PHYIR RO, ZHEN, GNYIS PA LA GSUM,

, ,JI SKAD BSHAD PA'I KLAN KA MI 'THAD PA DANG, RVA CAN RNAMS KYI RVA LAS GZHAN DU MED PAS RI BONG GI RVA MED PAR 'GRUB PA DANG, 'BREL PA CAN YOD LA 'BREL PA MED PA 'DOD PA TZAM GYIS BZHAG PA'O, ,DANG PO NI, RI BONG GI RVA MED CES BRJOD PAR BYA BA MA YIN LA, RI BONG DANG RVA'I 'BREL PA MED CES BRJOD PAR BYA'O, ZHES BYA BA'I KLAN KA 'DI GA LA YOD DE MED PAR THAL, RVA CAN RNAMS KYI RVA RDZAS THA DAD DU GRUB LA RI BONG GI RVA RDZAS SU MED PA DE'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, GAL TE RVA CAN RNAMS KYI RVA'I RANG BZHIN THA DAD PA DE BZHIN DU RI BONG GI RVA RVA CAN RNAMS KYI RVA LAS RANG BZHIN THA DAD DU GRUB PA NI MED DO ZHE NA, GNYIS PA NI, SANGS RGYAS PA KHO BO YANG RVA CAN RNAMS KYI RVA LAS RI BONG GI RVA RANG BZHIN THA DAD DU GRUB PA MED PA DE NYID DU SMRA STE, DE LTAR ZHE BAS 'DOD PA'I PHYIR, YANG NA DGAG PAR BYA BA'I RI BONG DANG RVA'I 'BREL PA GANG YIN PA DE NYID KYANG DNGOS PO MED PA YIN PAR THAL, 'BREL PA CAN RO BONG GI RVA MED PA'I PHYIR, GSUM PA NI, 'BREL PA CAN RI BONG GI RVA YOD LA RI BONG DANG RVA'I 'BREL PA NI MED DO ZHES BYA BA'I TSIG GI TSUL YANG GSAL BYED PAS BTAGS PA YIN PAR THAL, GSAL BYED PA'I 'DOD PA TZAM GYIS BZHAG PA'I PHYIR, GSUM PA LA GNYIS, RTZOD PA DANG, LAN NO, ,DANG PO NI, KHAS BLANGS PA'I RI BONG DANG 'BREL PA CAN GYI RVA'I RDZAS KYANG MED DO ZHE NA, GNYIS PA NI, RI BONG GI RVA'I RDZAS MED PA SANGS RGYAS PA LA MI 'DOD PA BSGRUB PA'I SKYON MED PAR THAL

SANGS RGYAS PAS 'DOD PA BSGRUBS PA'I PHYIR, GSAL BYED PA CHOS CAN, GAL TE RI BONG GI RVA'I RDZAS MED PA 'DI NYID DANG POR BRJOD RIGS PAR THAL, DE LTA NA SUN 'BYIN DU MAS NYON MONGS PAR MI 'GYUR BAR BYA BA ZHIG YIN PA'I PHYIR, GSUM PA DNGOS PO STOBS ZHUGS KYI SKABS SU 'GAL BA MI 'KHRUL BA'I GTAN TSIGS KYI DPE MA SMOS PA'I RGYU MTSAN LA GSUM, SPYIR BSTAN PA DANG, LUNG GI YUL LA SRID PA RGYAS PAR BSHAD PA DANG, DON BSDU BA'O, ,DANG PO LA GSUM, DNGOS STOBS KYI YUL LA MI SRID PA DANG, LUNG LA BRTEN PA'I SKABS SU SRID PA'I RGYU MTSAN DANG, DNGOS STOBS KYI SKABS SU MI SRID PA BSDUS TE BSTAN PA'O, ,DANG PO NI, 'GAL BA MI 'KHRUL BA CAN YANG THE TSOM GYI RGYUR TSAD MA MDOR BSHAD NA DE 'DIR MA BSHAD PA CI YIN ZHE NA, DNGOS STOBS KYI SKABS 'DIR MA BSHAD PA'I RGYU MTSAN YOD DE, DNGOS STOBS RJES SU DPAG PA'I YUL LA MI SRID PAS MA BSHAD PA'I PHYIR RO, ,MI SRID PAR THAL LE'U GNYIS PAR JI SKAD BSHAD PA'I TSUL GSUM PA'I MTSAN NYID CAN RANG BZHIN DANG 'BRAS BU DAG GAM MI DMIGS PA LA NI 'GAL BA MI 'KHRUL BA CAN MI SRID LA, GTAN TSIGS BZHI PA GZHAN NI MED PA'I PHYIR, GNYIS PA NI, DNGOS PO MA MTHONG BA'I STEBS KYIS ZHUGS PA TSUL GSUM LUNG LA BRTEN PA'I RJES SU DPAG PA LA BRTEN TE 'GAL BA MI 'KHRUL BA'I GTAN TSIGS LTAR SNANG SRID DE, DE LA SRID PAR 'OG NAS 'CHAD CING DNGOS STOBS LA MI SRID PA DE'I PHYIR, LUNG DE'I DON LA DPYOD PA NA 'GAL BA MI 'KHRUL BA CAN

, ,SGRUB PA'I GTAN TSIGS LTAR SNANG GI SKYON DU BSHAD PA'I RGYU MTSAN YOD DE, BSTAN BCOS BYED PA RNAMS NI DNGOS PO'I GNAS TSOD LA 'KHRUL BAS DON RNAMS LA KHYAB BYA'I RANG BZHIN 'GAL BA GZHI MTHUN DU BSDUS NAS BSTAN BCOS SU LOG PAR STON PA MTHONG BAS SKABS DER SRID PA'I PHYIR RO, ,GSUM PA NI, DNGOS PO JI LTA BA BZHIN 'DUG PA DNGOS PO STOBS ZHUGS KYI SKABS LA MI SRID PAR THAL, DNGOS STOBS KYI BDAG DANG 'BRAS BU DANG MI DMIGS PA'I GTAN TSIGS RNAMS LA NI MI SRID PA'I PHYIR, GNYIS PA LA PHYI ROL PA'I STON PA DRANG SRONG GZEGS GZAN GYIS RANG GI BSTAN BCOS LAS BA LANG GI SPYI RDZAS GZHAN CHA SHAS THAMS CAD KYIS STONG PA CIG PHYOGS BCU MTHA' YAS PA'I RANG GI GSAL BA RNAMS LA DUS CIG CAR DU GSAL BA RE RE NAS 'PHROD 'DU RDZOGS PAR 'BREL BA YANG BSHAD KYANG SPYI DE YOD NA DMIGS RUNG DANG GSAL BA MED PA'I BAR DU MA MTHONG BAR YANG BSHAD PAS BA LANG GIS BYI GCIG BU'I STENG DU KHYAB BYA 'GAL BA GNYIS BSHAD PA RGYU MTSAN DU BYAS NAS GZEGS GZAN SHI BA'I 'OG TU ZANGS BU'I BU PE LUG DANG GLANG BU'I BU PE THA RA GNYIS BYUNG BA LAS SNGA MAS BSHAD PA SNGA MA MTHONG BA RGYU MTSAN DU BYAS NAS GSAL BA MED PA'I BAR NA PA LANG GI SPYI YOD PAR SGRUB LA PHYI MAS BSTAN BCOS LAS PHYI MA BSHAD PA MTHONG NAS GSAL BA'I BAR NA MED PAR SGRUB PA'I RGYAB RTEN LUNG TZAM LA BRTEN CING BSTAN BCOS LA 'GAL BA YOD PA MA RTOGS PA YIN PAS DE DGAG PA NI, PE LU GA'I LUGS

BKOD NAS DGAG PA DANG, PE THA RA'I LUGS BKOD NAS DGAG PA'O, ,DANG PO LA GNYIS, LUGS DGOD PA DANG, DE DAG DGAG PA 'O, ,DANG PO NI, 'DI LA SBYOR BA DPER BRJOD PA NI BA LANG GI SPYI NI CHOS CAN, GSAL BA MED PA'I BAR THAMS CAD NA YOD PA YIN TE, PHYOGS BCU'I YUL THAMS CAD NA GNAS PA RANG DANG 'BREL PA CAN BA LANG GI GSAL BA DAG DANG DUS CIG CAR 'PHROD 'DU RDZOGS PAR MNGON PAR 'BREL BA'I PHYIR, DPER NA NAM MKHA' BZHIN NO ZHES BYA BA NI'O, ,KHYAB PA SGRUB PA NI GSAL BA DE DANG 'BREL PA CAN GYI RANG BZHIN CHA SHAS MED PA GSAL BA THAMS CAD YOD TZAM DANG RANG CHAS SU 'PHROD 'DU RDZOGS PAR RJES SU 'BREL BA YIN NA GSAL BA DE'I YUL NA 'DUG PA'I RANG BZHIN YIN PAS KHYAB PA NYID DO, ,LDOG KHYAB NI GANG ZHIG GANG NA MED PA DE NI DE'I YUL DU BDAG NYID THAMS CAD KYIS KHYAB PAR BYED PA MA YIN NO, ,GNYIS PA NI, LAN GYI SKABS 'DIR DRI BA BYAS NAS SUN 'BYIN BRJOD PA PO PE THA RA YIN LA DES SUN 'BYIN BRJOD PA RNAMS YANG DAG TU 'GYUR BAR RANG LUGS LA YANG KHAS LEN PA YIN NO, ,PE THA RA NA RE, GAL TE GZUGS DRI RO REG BYA LA SOGS PA YON TAN BZHI PO BUM PA GNAS PA'I YUL NAM MKHA' LA MED KYANG NAM MKHA' DE'I YUL NA YOD PA CAN GYI BUM PA LA SOGS PA LA KHYAB PAR BYED PA MA YIN NAM ZHE NA, LUGS DE LA LAN BTAB NAS RANG LUGS SGRUB PA NI GO SA THA DAD DANG THA MI DAD KYI 'BREL PA LDAN PA DANG 'DU BA DAG LAS GANG NA GNAS PA'I

, ,YUL DANG DE NA GNAS PA'I YUL CAN GYI DNGOS PO GANG YIN PA BSTAN BCOS LA BRTEN PA'I BRDA 'DI NI RE SHIG BZHAG STE BUM PA DANG SNAM BU LTAR RNAM PAR CHAD PA DANG DUNG DANG DE'I DKAR PO LTAR RNAM PAR MA CHAD PAR SNANG BA'I RNAM PAR SHES PA SKYED PAR RUNG BA'I MTSAN NYID 'JIG RTEN PA'I GRAGS PA'I YUL LA BRTEN NAS BRJOD DO, ,THA RA NA RE, BSTAN BCOS KYI DON LA RTZOD PA'I SKABS SU DE DOR NAS 'JIG RTEN GYI GRAGS PAS CI BYA ZHE NA, LU GA NA RE, SNGAR BSHAD PA DE BSTAN BCOS KYI YANG RNAM PAR BZHAG PA YIN NO, ,DE YANG SKYES BU DANG DBYUG PA LTA BU GO SA SO SO BAR GRUB PA'I 'BREL BA DAG LAN LDAN PA'I 'BREL PA DAG GO ZHES BYA BA DANG, BUM PA'I DBYIBS DANG KHA DOG LTA BU GO SA SO SO BA MA YIN PAR GRUB PA DAG LA NI 'DU BA'I 'BREL PA DAG GO ZHES BYA BA RANG GI BSTAN BCOS LAS BSHAD PA'I PHYIR, LU GAS KHYAB PA GRUB PA'I DON BSDU BA NI, KHYAB PA 'JIG RTEN GYI GRAGS PA DANG BSTAN BCOS GNYIS GAS GRUB PA DE'I PHYIR, GSAL BAR RANG YOD PA TZAM DANG RANG CHAS SU 'BREL PA CAN BA LANG GI SPYI DE GSAL BA DE'I YUL NA GNAS PAR BSGRUB PAR BYA BA LA GSAL BA DE DANG DUS CIG CAR DU 'PHROD 'DU RDZOGS PAR 'BREL BA NYID 'DI NI GTAN TSIGS YIN NO, ,PE THA RA MI 'DOD PA'I DON MA BSGRUBS PA'I NYES PA SPANG BA NI, ZUR NA GNAS PA KHA CIG NA RE, GAL TE RANG GI RTEN GSAL BA KHO NA LA KHYAB PAR SMRA BA THA RAS KYANG GSAL BA DE'I YUL NA SPYI GNAS PAR 'DOD PA NYID MA YIN NAM DE'I PHYIR, LU GAS THA RA

LA MI 'DOD PA BSGRUBS PA CI YOD CE NA, DE'I BLO NGOR MI 'DOD PA BSGRUBS PA'I SKYON YOD PA RANG LUGS DANG LU GA GNYIS KA MTHUN PAR STON PA NI, PHYOGS BCU MTHA' YAS PA'I YUL THA DAD PA NA GNAS PA'I GSAL BA DAG DANG DUS CIG CAR 'PHROD 'DU RDZOGS PAR 'BREL BA YIN NA NI GSAL BA DE'I BAR THAMS CAD DU KHYAB PA MA YIN PAR MI 'GRUB PAR THAL, DE YIN NA NGES PAR GSAL BA'I BAR NA YOD DGOS PA DE'I PHYIR, DER THAL, SHAR PHYOGS KYI YUL GZHAN DU SNGA NA MED PA'I BA LANG GI GSAL BA GSAR DU SKYES PA NA SPYI CHA GCIG SNGAR YOD KYI GSAL BA LA GNAS, CHA GCIG GSAR BYUNG GI GSAL BA LA GNAS PA MA YIN TE, SPYI CHA MED DU KHAS BLANGS PA'I PHYIR, NUB PHYOGS KYI BA LANG GI GSAL BA GCIG DANG 'BREL BA CAN GYI SPYI GSAR BYUNG GI GSAL BA DE DANG 'BREL BAR MI RUNG BA YIN TE, SPYI 'GRO 'OD GI BYA BA MED PAR KHAS BLANGS PA'I PHYIR, SHAR PHYOGS KYI GSAL BA MA SKYES PA'I SNGON DE NA SPYI MED PA YIN TE, SPYI MED PA'I BAR NA GSAL BA MED PAR KHAS BLANGS PA'I PHYIR, DES NA NUB PHYOGS KYI GSAL BA GCIG DANG 'BREL BA CAN SPYI CHA MED GCIG NI YUL GZHAN BAR STONG DU MA SONG BAR NUB PHYOGS KYI GSAL BA DE'I YUL CAN MA YIN PA SHAR PHYOGS SU SNGA NA MED PA DAG DANG 'PHROD 'DU RDZOGS PAR MNGON PAR 'BREL BA NI GSAL BA GNYIS PO DE'I BAR NA KHYAB PA MED NA MED PA YIN TE, DPER NA NYI MA DANG NAM MKHA' LA SOGS PA BUM PA LA SOGS PA DAG GI BAR STONG PA NA MED NA SNGAR YOD KYI BUM PA DANG GSAR

, ,SKYES KYI BUM PA RNAMS LA DUS GCIG TU KHYAB PA MI RUNG BA BZHIN NO, ,BYA BA MED PA ZHES PA NAS MI 'GRUB PO ZHES PA'I BAR GYI DON BSDUS NA, BA LANG GI SPYI CHOS CAN, SNGAR YOD KYI BA LANG GI GSAL BA DANG GSAR BYUNG GI BA LANG GI GSAL BA DE GNYIS GANG NA GNAS PA'I YUL DANG, DE GNYIS KYI BAR NA YANG YOD PAR THAL, DE GNYIS LA DUS GCIG TU 'PHROD 'DU RDZOGS PAR 'BREL BA'I SPYI GANG ZHIG 'GRO 'ONG GI BYA BAS STONG BA'I PHYIR, DES NA ZHES PA MAN CHAD LA KHYAB PA YOD PAR THAL, PHYOGS BCU MTHA' YAS BA'I BUM PA DU MA LA NYI MA'I 'OD DANG NAM MKHAS DUS CIG CAR DU KHYAB NA DE'I BAR NA YANG YOD DGOS PA BZHIN DU YIN PA'I PHYIR, CES PA'O, ,GNYIS PA PE THA RA'I LUGS BKAD NAS DE DGAG PA LA SBYOR BA DPER BRJOD PA NI, SBYOR BA GNYIS PA YANG BA LANG GI SPYI NI CHOS CAN, GSAL BA DANG DE'I BAR THAMS CAD DU SONG BA MA YIN TE, GSAL BA'I BAR NA YOD NA DMIGS PA'I MTSAN NYID DU GYUR PA LAS GSAL BA'I BAR DAG TU MA DMIGS PA'I PHYIR RO, ,SPYI YOD NA DMIGS RUNG DU BSGRUB PA NI, SPYI YOD NA DMIGS PA'I MTSAN NYID DU GYUR PA YIN TE, BA LANG GI GSAL BA 'DZIN PA'I MIG SHES KYI DMIGS RKYEN DU MNGON PAR GSAL BA STE ZHES PA'O, ,PE LU GA DANG MTHUN PAR RANG LUGS KYIS KYANG DGAG PA LA, THAL BA RNAL MA DANG THAL BA LOG PA'O, ,DANG PO NI, DKAR ZAL LA BRTEN PA'I SPYI GSAL YANG GZHAN LA BRTEN PA MI GSAL LA LO ZHE NA, GCIG LA GSAL BAS THAMS CAD LA GSAL

PAR THAL, BA LANG GI SPYI CHA THA DAD PA MED PA'I GCIG YIN PA'I PHYIR, 'DOD NA YUL DUS GANG NA YANG MI GSAL BA'I RANG BZHIN DANG BRAL BAR THAL, RTEN GSAL BA GCIG LA GSAL BAS THAMS CAD GSAL BA'I PHYIR, BAR MCHOD PA GSAL YANG CHOD PA MI GSAL LO ZHE NA, DE LTAR MI 'THAD PAR THAL, BAR MCHOD PA DANG BAR CHOD PA'I BA LANG GI SPYI GCIG YIN PA'I PHYIR, THAG NYE BA NA GNAS PA GSAL YANG RING BA NA GNAS PA MI GSAL LO ZHE NA, DE YANG MI 'THAD PAR THAL, THAG RING POR GNAS PA MA YIN PA DANG THAG RING POR GNAS PA'I BA LANG GI SPYI GCIG YIN PA'I PHYIR, DE BZHIN BLTAR RUNG BA'I BA LANG GI SPYI GSAL LA BLTAR MI RUNG BA'I BA LANG GI SPYI MI GSAL BA MI 'THAD PAR THAL, BLTAR RUNG BA'I BDAG NYID DANG BLTAR MI RUNG BA'I BA LANG GI GSAL BA DE'I SPYI GCIG YIN PA'I PHYIR, BA LANG GI SPYI RANG GI RTEN PA LA GI GSAL BA DANG MIG GI DBANG PO SBYOR BA'I 'BREL PA GRUB PA'I SPYI GSAL BA DANG MA 'BREL BA'I SPYI MI GSAL BA'I KHYAD PAR MED PAR THAL; DE GNYIS GCIG YIN PA'I PHYIR, BA LANG GI SPYI RTEN GSAL BA DANG 'DU BA'I 'BREL PA MED PA'I RANG BZHIN DANG BRAL BA'I SPYI GSAL LA, 'DU 'BREL MED PA'I SPYI MI GSAL BA'I KHYAD PAR YANG MI 'THAD PAR THAL, DE GNYIS THA DAD PA MED PA NYID KYI PHYIR RO, ,GNYIS PA NI, YUL MTSUNGS PA'I RTEN GSAL BA DBANG PO DANG SBYOR BA'I 'BREL PA GRUB PA LA BLTOS NAS SPYI BLO YUL DU GSAL DGOS PA YIN NI NA BA LANG GI SPYI CHOS CAN, CHA THA DAD PA MED PAR 'GAL BAR THAL, RTEN GSAL

, ,BA DANG DBANG PO YUL MTSUNGS PA DANG MTSUNGS PA MA YIN PA'I RANG BZHIN GNYIS KA LA RJES SU 'GRO BA'I PHYIR, DE BZHIN DU GZHAN LA YANG CHA THA DAD MED PAR 'GAL BA'I NYES PA YANG BRJOD PAR BYA BAR THAL, BLTAR RUNG BA DANG BLTAR MI RUNG BA'I BDAG NYID KYI GSAL BA GNYIS KA LA RJES SU 'GRO BA'I PHYIR, LA SOGS PA'I SGRAS CHA THA DAD MED PA 'GAL BAR THAL, BAR MCHOD PA DANG BAR CHOS PA'I GSAL BA GNYIS PA LA RJES SU 'GRO BA'I PHYIR, DE BZHIN DU GZHAN RNAMS LA YANG SBYAR BAR BYA'O, ,GSUM PO DON BSDU BA LA GSUM, BSGRUB BYA LA THE TSO MA SKYED PA DANG 'GAL BA'I MI 'KHRUL BA SRID PA DANG MI SRID PA'I YUL NGOS GZUNG BA DANG, MDO MDZAD PAS BYAS PA 'GAL BA MI 'KHRUL BA'I DPER SMOS PA'I DGOS PA'O, ,DANG PO NI, GZEGS GZAN GYI SLOB MAS BKOD PA'I MI DMIGS PA 'DI DANG RANG BZHIN NI CHOS CAN, BSGRUB BYA LA THE TSOM SKYED PAR BYED DE, BA LANG GI SPYI GCIG PO LA GSAL BA'I BAR NA YOD PA DANG MED PA'I PHAN TSUN DNGOS SU 'GAL BA'I DON TSUL GSUM LUNG LA BRTEN NAS BSGRUB PA'I PHYIR, DER THAL, DE LTAR SGRUB PA'I TSUL GSUM LUNG TZAM LA BRTEN PA'I BRGYUD 'GAL RTAGS SU BKOD NAS DNGOS 'GAL SGRUB PA'I GTAN TSIGS GNYIS BYUNG BA DE BAS NA'I PHYIR, GNYIS PA LA GSUM, LUNG GI YUL LA SRID PA'I RGYU MTSAN DANG, DNGOS STOBS KYI YUL LA MI SRID PA'I RGYU MTSAN DANG, KHAS BLANGS LA BLTOS PA'I DON BSDU BA'O, ,DANG PO NI, TSUL GSUM LUNG LA BRTEN PA LA

'GAL BA MI 'KHRUL BA CAN SRID PA YIN TE, GZEGS GZAN LA SOGS PA'I BSTAN BCOS BYED PAS NI RTAGS SU BKOD PA'I DON GNYIS PO DE DAG BA LANG GI SPYI LA GZHI MTHUN DU 'DU BA MI 'GAL BAR MTHONG NAS GNYIS KA BA LANG GI SPYI'I CHOS SU BSHAD PA'I PHYIR, DE GNYIS MI 'GAL BAR MTHONG BAR THAL, MTHA' YAS PA'I BA LANG GI GSAL BA RNAMS LA DUS GCIG TU 'PHROD 'DU RDZOGS PAR 'BREL BA DANG, GSAL BA MED PA'I BAR NA YOD NA DMIGS SU RUNG BA LAS MI DMIGS PA GNYIS PO DAG GI BYED DNGOS SU 'GAL BA'I CHOS GSAL BA'I BAR NA YOD PA DE MNGAN KHYAB BYA SNGA MA MI 'BYUNG BA DANG GSAL BA'I BAR NA MED PA DE MED NA KHYAB BYA PHYI MA MI 'BYUNG BA'I 'BREL PA MA THONG BAS BA LANG GI SPYI LA KHYAB BYA 'GAL BA GNYIS PO GZHI MTHUN DU BSDUS NAS BSHAD PA'I PHYIR, GNYIS PA NI, DNGOS STOBS RJES DPAG DE LA 'GAL BA MI 'KHRUL BA CAN MI SRID DE, 'GAL BA DE DAG GZHI GCIG LA 'DUS PA DNGOS STOBS LA YOD PA MA YIN PA DES NA'I PHYIR, DER THAL, TSUL GSUM DNGOS PO DANG RJES SU 'BREL BA'I RJES SU DPAG PA LA NI CI LTAR DNGOS SU 'GAL BA DAG GCIG LA 'DU BA MI SRID PA DE BZHIN DU DES KHYAB PA'I BRGYUD PA'I 'GAL BA DAG KYANG GZHI MTHUN DU MI 'DU BA YIN PA'I PHYIR, GSUM PA NI, 'GAL BA MI 'KHRUL BA'I GTAN TSIGS 'DI NI CHOS CAN, TSUL GSUM KHAS BLANGS PA'I STOBS KYIS 'JUG PA YIN TE, TSUL GSUM LUNG TZAM LA BRTEN PA DE BAS NA'I PHYIR, GSUM PA LA GSUM, DPE SMOS PA'I

, ,DGOS PA DANG, DPE DNGOS DANG, DE GNYIS STOBS MI MTSUNGS PA'O, ,DANG PO NI, MDO MDZAD PA'I SLOB DPON GYIS NI 'GAL BA MI 'KHRUL BA'I GTAN TSIGS KYI DPER BRJOD PA BYAS PA DANG MNYAN BYA 'DI GSUNGS PA'I RGYU MTSAN YOD DE, GSAL BA'I DPE MA YIN PAR PHYOGS TZAM MTSON PA'I DPER BSTAN PA'I PHYIR, GNYIS PA NI, SGRA MI RTAG STE, BYAS PA'I PHYIR RO, ZHES PA DANG SGRA RTAG STE MNYAN BYA'I PHYIR RO, ZHES BYA'O, ,GNYIS PA LA GSUM, RTAGS PHYI MA STOBS CHUNG BA DANG, SNGA MA STOBS DANG LDAN PA DANG, DE'I RGYU MTSAN NO, ,DANG PO NI, TSUL GSUM SGRUB BYED BYE BRAG PA'I BSTAN BCOS LA BRTEN NAS MNYAN BYA SGRA RTAG PAR SGRUB PA'I RTAGS YANG TU KHAS LEN PA 'DI LA NI CHOS CAN, RGYAB RTEN TSAD MA CAN MA YIN PA'I DAM BCA' LTAR SNANG GSUM KHAS BLANG BAR BYA BA DGOS PA YIN TE, RTZOD GZHI DPER MI RUNG BAS SGRA'I SPYI NYID RANG GI GSAL BA LAS RDZAS THA DAD PA DANG RTAGS DPE LA RJES 'GRO BYED DGOS PAS SGRA'I SPYI DON GZHAN NYAN PA'I DBANG POS RTOGS PAR BYA BA DANG SGRA RTAG PA STE GSUM KHAS LEN DGOS PA'I PHYIR, DER THAL, DAM BCA' LTAR SNANG GSUM KHAS LEN PA DE LA MNYAN BYAS SGRA RTAG PAR SGRUB PA'I TSAD MA 'DI 'JUG PA YIN PA'I PHYIR, GNYIS PA NI, MNYAN BYAS SGRA RTAG PAR BSGRUBS PA 'DI NI CHOS CAN, TSUL GSUM DNGOS PO'I STOBS KYIS 'ONGS PA'I BYAS PA SGRA MI RTAG PAR SGRUB PA NYID KYI GEGS BYED PA MA YIN TE, KHYOD RTAGS YANG DAG TU KHAS BLANGS NA DAM BCA' LTAR SNANG

GSUM KHAS LEN DGOS PA DES NA'I PHYIR, GSUM PA NI, BYAS PA NYID KYI SKABS SU NI CHOS CAN, TSUL GSUM SGRUB BYED KYI LUNG NYE BAR DGOD PA MA YIN TE, RGYAB RTEN LUNG LA BRTEN PA MED PA'I PHYIR RO, ,GANG MNYAN BYA YIN PA DE NI RTAG PA YIN NO ZHES BSGRUB BYA'I CHOS DANG 'BREL PA MI 'KHRUL BA YANG LUNG LA BRTEN NAS KYANG MA GRUB PAR THAL, LUNG LA BLTOS PA DANG MI LTOS PA GANG DU YANG KHYAB PA MA GRUB PA'I PHYIR, 'DIS BYAS PA LA GEGS BYED MI NUS PAS MDO MDZAD PA'I DPE DE PHYOGS MTSON GYI DPE YIN NO, ,GSUM PA DPE SGRUB BYED KYI YAN LAG LOGS PA YIN PA DGAG PA LA GNYIS, GTAN TSIGS KYI MTSAN NYID KYI NANG DU 'DUS PAS SGRUB BYED KYI YAN LAG LOGS PA MA YIN PA DANG, DPE RANG RGYUD DU LKOG GYUR SGRUB BYED YIN PA DGAG PA'O, ,DANG PO LA GNYIS, RTZA BA DANG, 'GREL PA'O, ,DANG PO NI, DPE NI GTAN TSIGS YANG DAG LAS LOGS SHIG TU LKOG GYUR SGRUB BYED YANG DAG TU BRJOD PAR BYA BA MIN PAR THAL, LKOG GYUR SGRUB BYED KYI GTAN TSIGS YANG DAG GI MTSAN NYID TSUL GSUM KHO NA YIN PA'I PHYIR, DPE DE KHYAB PA DRAN PAR BYED PAS SGRUB BYED KYI YAN LAG YIN NAM, RANG RGYUD DU LKOG GYUR SGRUB BYED KYI YAN LAG YIN, DANG PO LTAR NA, KHYAB PA'I NANG DU 'DUS PA 'GREL PAS 'CHAD LA, GNYIS PA LTAR NA DGOS NUS MED PAR 'OG NAS 'CHAD DO, ,GZHUNG 'DI DAG BRTZAM DGOS PA'I PHYIR RGOL GYI BSAM PA NI, LKOG GYUR GO BAR BYED PA LA TSAD MA GSUM YOD DE, LUNG LA BRTEN PA'I TSAD MA DANG, LUNG LA MI BRTEN

, ,PAR TSUL GSUM GYI RTAGS LA BRTEN PA'I TSAD MA DANG DPE NYER 'JAL GYI TSAD MA GSUM LAS 'DI NI PHYOGS CHOS DANG KHYAB PA DRAN PA MED KYANG DPE DANG CHOS MTSUNGS PA CAN DU NYE BAR 'JAL PAS DPE TZAM SGRUB BYED LOGS PAR 'DOD PA'O, ,GNYIS PA LA GSUM, DPE YANG DAG GIS RJES SU 'GRO LDOG GI KHYAB PA STON PA'I TSUL DANG, DPE SKYON CAN GYIS KHYAB PA SKYON MED BSTAN MI NUS PA DANG, DPE YANG DAG GI MTSAN NYID KYIS DE'I LDOG PHYOGS BSAL BA'O, , DANG PO LA GSUM, MDOR BSTAN PA DANG, RJES SU 'GRO LDOG SPYIR STON PA'I TSUL DANG, BYE BRAG TU STON PA'I TSUL LO, ,DANG PO NI, DPE ZHES BYA BA SGRUB PA'I YAN LAG TSUL GSUM DU MA GTOGS PA GZHAN NI YOD PA MA YIN TE, YANG DAG PA'I GTAN TSIGS KYI MTSAN NYID TSUL GSUM BSHAD PA DE TZAM GYIS RTAGS CHOS GNYIS LDAN GYI DPE YANG DAG GI DON DANG LKOG GYUR GYI DON RTOGS PA'I PHYIR, DPE YANG DAG DE'I MTSAN NYID RTAGS YANG DAG GI MTSAN NYID LAS LOGS SHIG TU MA BSHAD DE DE'I MTSAN NYID BSHAD PA DE TZAM GYIS DON GO BA NGES NA'I PHYIR RO, ,GNYIS PA NI, GNOD PA CAN GYI TSAD MA DPE LA BRTEN PAR BSHAD PAS DPE'I MTSAN NYID LOGS SHIG TU BSHAD PAR BYA'O ZHE NA, GTAN TSIGS YANG DAG GI MTSAN NYID LAS LOGS SU DPE YANG DAG GI MTSAN NYID BSHAD PAR BYA BA MA YIN PAR THAL, GTAN TSIGS YANG DAG NI MTHUN PA'I PHYOGS KHO NA LA YOD PA DANG MI MTHUN PA'I PHYOGS THAMS CAD LAS LDOG PA'I TSUL DU BYE BRAG MED PAR DPE YANG

DAG LA BSHAD PAR BYA BA YIN LA DE LAS ZUR DU GTAN TSIGS YANG DAG GI KHYAB PA BSTAN PAR BYA BA MA YIN PA'I PHYIR, GSUM PA NI, YANG BYE BRAG TU NI 'BRAS BU DANG RANG BZHIN GYI RTAGS YANG DAG GI DPE DAG KHYAB PA LAS LOGS SU BSTAN PAR BYA BA MA YIN PAR THAL, SKYE BA DE BYUNG GI 'BREL BA DANG BDAG GCIG PA'I DE TZAM GYIS RJES SU 'BREL BAR DPE YANG DAG GIS BSHAD PAR BYA BA TZAM DU ZAD PA'I PHYIR, SBYOR BA DPER BRJOD PA NI, DE YANG RGOL BAS PHYIR RGOL LA 'BREL PA STON PAR BYED PAS KHYAB PA GNYIS DPE LA STON PA NI GANG NA DU BA YOD PA DE NA ME YOD LA DPER NA TSAD MANG BZHIN DANG, ME MED NA NI GANG NA YANG DU BA YOD PA MA YIN TE, DPER NA GZHAN PA CHU KLUNG DAG BZHIN NO, ,RANG BZHIN RTAGS KYI KHYAB PA STON PA NA GANG BYAS PA DE MI RTAG PA NYID YIN LA, DPER NA BUM PA DANG, MI RTAG PA NYID MED NA NI BYAS PA MI SRID DE DPER NA NAM MKHA' BZHIN NO ZHES BSTAN PAR BYA BA YIN NO, ,DE'I DON BSDUS NA RJES SU 'GRO LDOG GI KHYAB PA DPES BSTAN PAR BYA BA YIN PAR THAL, SGRUB NGAG YANG DAG GIS TSUL DE LTAR BSTAN PAR BYA BA YIN PA'I PHYIR, GNYIS PA NI, GTAN TSIGS YANG DAG MTHUN PA'I PHYOGS KHO NA LA YOD PA DANG MI MTHUN PA'I PHYOGS DAG LA MED PAR SPYIR JI SKAD BSHAD PA'I RNAM PA DAG GAM BYE BRAG TU GTAN TSIGS BSGRUB BYA'I CHOS DE'I 'BRAS BU NYID DU NGES PA DANG RANG GI NGO BO'I KHYAB PA GZHI LA TSAD MAS NGES PA'I TSUL GYIS BSTAN PAR MI NUS PAR THAL, RJES SU 'GRO LDOG GI KHYAB PA DPE YANG DAG

, ,GIS BSTAN PAR BYA BA DE LTA MA YIN PA'I PHYIR, RJES SU 'GRO LDOG GI KHYAB PA'I DON 'DI BSTAN NA YANG DPE GNYIS PO BSTAN PA NYID DU 'GYUR BA NYID DE DPE GNYIS PO'I MTSAN NYID DE'I TSUL NI RJES SU 'GRO LDOG GI KHYAB PA STON PA DE TZAM DU ZAD PA'I PHYIR RO, ,GSUM PA LA GSUM, MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO NI, DPE YANG DAG GI MTSAN NYID 'DIS NI CHOS CAN, DPE YANG DAG GI MTSAN GZHI'I STENG DU DPE'I NYES PA RNAMS KYANG BSAL BA YIN TE, DE LA GNOD BYED YANG DAG YIN PA'I PHYIR RO, ,GNYIS PA DPE LTAR SNANG LA GNYIS, MTHUN DPE LTAR SNANG DANG, MI MTHUN DPE LTAR SNANG NGO, ,DANG PO LA GSUM, DON SKYON ZHUGS PA DANG, BLO SKYON ZHUGS PA DANG, SGRA SKYON ZHUGS PA'O, ,DANG PO NI, DPER NA SGRA RTAG STE LUS CAN MA YIN PA'I PHYIR, DPER NA SEMS PA'I LAS BZHIN DANG BUM PA BZHIN NO ZHES BYA BA NI RIM PA BZHIN DU BSGRUB PAR BYA BA'I CHOS DANG, LA SOGS PAS GTAN TSIGS DANG RTAGS CHOS GNYIS KAS STONG PA YIN PA GANG ZHIG MTHUN DPER BKOD PA'I PHYIR, DON SKYON ZHUGS PA'I MTHUN DPE LTAR SNANG DU THAL ZHES TSAN PA GSUM DU SBYAR RO, ,DE YANG BYE BRAG PAS SEMS PA'I LAS MI RTAG CING LUS CAN MA YIN PA DANG RDUL PHRAN RTAG CING REG BYA CAN DU 'DOD PA DANG, BUM PA GNYIS KAR DU MI 'DOD PAS DE'I BLO LA BLTOS PA YIN NO, ,GNYIS PA NI, NGAG SMRA BA'I SKYES BU PHA ROL PO CHOS CAN, 'DOD CHAGS LA SOGS PA DANG LDAN PA YIN TE, SMRA BA'I PHYIR,

LAM PO CHE'I MI BZHIN NO ZHES BYA BA DANG, LA SOGS PA RTZOD GZHI DANG DPE DE LA 'CHI BA'I CHOS CAN YIN TE, CHAGS LDAN YIN PA'I PHYIR, CES BA DANG, KUN MKHYEN MA YIN TE, CHAGS LDAN YIN PA'I PHYIR CES BKOD PA NI RIM PA BZHIN DU CHOS DANG GTAN TSIGS DANG GNYIS KA THE TSOM ZA BA YIN NO, ,GSUM PA NI, RJES SU 'GRO BA MED PA NI DPER NA GANG SMRA BA DE NI 'DOD CHAGS DANG LDAN PA YIN TE, RTAGS CHOS GNYI GA DANG LDAN PAR 'DOD PA'I MI BZHIN NO ZHES BYA BA DANG RJES SU 'GRO BA YOD KYANG RAB TU MA BSTAN PA NI DPER NA SGRA NI MI RTAG STE BYAS PA'I PHYIR BUM PA BZHIN NO ZHES BYA BA LTA BU'O, ,DE BZHIN DU RJES SU 'GRO BA BSTAN YANG PHYIN CI LOG TU BSTAN PA NI DPER NA GANG MI RTAG PA DE NI BYAS PA YIN TE, BUM PA BZHIN NO ZHES BYA BA LTA BU STE CHOS MTHUN PAS BSTAN PA'I DPE LTAR SNANG YIN NO, ,DE DAG LA DPE GSUM PO DE CHOS CAN, MTHUN DPE LTAR SNANG YIN TE, MTHUN DPER BKOD PA GANG ZHIG RIM PA BZHIN DU RJES 'GRO MA TSANG BA BSTAN PA DANG, RJES 'GRO MA BSTAN PA DANG, RJES 'GRO PHYIN CI LOG TU BSTAN PA'I PHYIR, GNYIS PA LA GSUM, DON SKYON ZHUGS PA DANG, BLO SKYON ZHUGS PA DANG, SGRA SKYON ZHUGS PA'I DPE LTAR SNANG NGO, ,DANG PO NI, CHOS MI MTHUN DPES KYANG DPE LTAR SNANG DU 'GYUR BA YOD DE, SGRA CHOS CAN; RTAG STE LUS CAN MA YIN PA'I PHYIR, DPER NA RDUL PHRA RAB BZHIN DANG LAS BZHIN DANG NAM MKHA' BZHIN NO ZHES BYA BA NI RIM PA BZHIN DU BSGRUB PAR BYA BA'I CHOS LAS LDOG PA MED PA DANG, LA SOGS PA RTAGS LAS LDOG PA MED PA DANG

, ,RTAGS CHOS GNYIS KA LAS LDOG PA MED PA'O, ,DE DAG GI DON BSDUS NA, DPE GSUM PO DE CHOS CAN, MI MTHUN DPE LTAR SNANG YIN TE, MI MTHUN DPER BKOD PA GANG ZHIG RIM PA BZHIN DU BSGRUB BYA'I CHOS DANG RTAGS DANG GNYIS KA LAS LDOG PA MED PA'I PHYIR RO, ,GNYIS PA NI, DE BZHIN DU LDOG PA LA THE TSOM ZA BA'I MI MTHUN DPE LTAR SNANG NI, DRANG SRONG SER SKYA CHOS CAN, NYES PA ZAD PA MA YIN TE, SKAR MA ZHES PA'I BSTAN BCOS MA BRTZAMS PA'I PHYIR, DPER NA GCER BU BA'I STON PA KHYU MCHOG BZHIN ZHES PA BSGRUB BYA'I CHOS LDOG PAR THE TSOM ZA BA DANG, DE CHOS CAN, GSUM RIG PA'I BRAM ZES TSIG TSAD MAR GZUNG BAR MI 'OS TE, CHAGS LDAN YIN PA'I PHYIR, DPER NA GCER BU PA'I STON PA GO'U TA MA BZHIN ZHES PA RTAGS LDOG PAR THE TSOM ZA BA DANG, DE CHOS CAN CHAGS LDAN YIN TE, YONGS 'DZIN DANG KUN 'DZIN GNYIS DANG LDAN PA'I PHYIR DPER NA, GCER BU PA'I STON PA LDONG RIS BZHIN ZHES PA GNYIS KA LDOG PAR THE TSOM ZA BA'O, ,DPE GSUM PO CHOS CAN, MI MTHUN DPE LTAR SNANG YIN TE, MI MTHUN DPER BKOD PA GANG ZHIG CHOS LDOG PAR THE TSOM ZA PA ZHES RIM PA BZHIN DU SBYAR RO, ,GSUM PA NI, LDOG PA YOD KYANG RAB TU MA BSTAN PA DPER NA SGRA MI RTAG STE BYAS PA'I PHYIR, NAM MKHA' BZHIN ZHES PA DANG LA SOGS PA LDOG PA MA TSANG BA BRJOD PA CHAGS LDAN LOG NA SMRA BA LDOG STE, DPER NA RNGO'I DUM BU BZHIN NO, ZHES BA DANG, LDOG PA PHYIN CI LOG TU BRJOD PA GANG MA BYAS PA DE NI

RTAG PAR NGES TE, NAM MKHA' BZHIN NO ZHES PA YANG BRJOD PAR BYA'O, ,DPE GSUM PO CHOS CAN, MI MTHUN DPE LTAR SNANG YIN TE, MI MTHUN DPER BKOD PA GANG ZHIG RIM PA BZHIN DU LDOG PA YOD KYANG MA BSTAN PA DANG LDOG PA MA TSANG BA BRJOD PA DANG, LDOG PA PHYIN CI LOG TU BRJOD PA'I PHYIR RO, ,GSUM PA NI, DPE LTAR SNANG BCO BRGYAD PO 'DI DAG GIS NI CHOS CAN, GTAN TSIGS YANG DAG GI KHYAB PA RNAL MAR BSTAN PAR MI NUS TE, YANG DAG PA'I GTAN TSIGS KYI SPYI'I MTSAN NYID DAM BYE BRAG GI MTSAN NYID KYI KHYAB PA RNAL MAR BSTAN PAR MI NUS PA'I PHYIR, DPE YANG DAG GI MTSAN GZHI'I STENG DU DON GYIS GO BAS DPE LTAR SNANG 'DI DAG BSAL BAR RIG PAR BYA STE, 'DI DAG GIS GTAN TSIGS SPYI DANG BYE BRAG GI KHYAB PA SKYON MED RNAL MAR BSTAN PAR MI NUS PA DE'I PHYIR, GNYIS PA LA GNYIS, KHAS BLANGS BRJOD PA DANG, DE DGAG PA'O, ,DANG PO NI, GAL TE GTAN TSIGS KYI KHYAB PA'I TSUL LA MA REG PAR RANG RGYUD NYID DU DPE NYER 'JAL LKOG GYUR SGRUB PAR BYED PA'I YAN LAG YANG DAG YIN NA NI DE'I TSE DGOS PA MED PA DANG, NUS PA MED PAR STON PA NI, GNYIS PA LA GNYIS, RTZA BA DANG, 'GREL PA'O, ,DANG PO NI, NYE BAR 'JAL BA'I DPE CHOS CAN, LKOG GYUR SGRUB BYED YANG DAG TU DON MED PAR 'GYUR BAR THAL, GTAN TSIGS YANG DAG DE'I TSUL LA MA REG NA'ANG STE DE LA MA REG PA'I GO BYED GANG ZHIG BSGRUB BYA'I CHOS DANG MA 'BREL BA'I PHYIR, GNYIS PA LA GSUM, KHYAB PA DRAN BYED MA YIN NA LKOG GYUR GO BA LA DGOS PA

, ,MED PA DANG, PHYOGS GCIG 'DRA BAS LKOG GYUR GO NA HA CANG THAL BA DANG, KHYAB PA DAN BYED YIN PAS RANG RGYUD PAS SGRUB BYED DU MI 'THAD PA'O, ,DANG PO NI, GAL TE DPES CHOS CAN, BSGRUB BYA LKOG GYUR BSGRUB PA LA NYE BAR MKHO BO CI ZHIG YOD DE MED PAR THAL, DPER BKOD PA GANG ZHIG GTAN TSIGS KYI MI 'KHRUL BA NYID KHYAB PA GNYI GA STON PA MA YIN PA'I PHYIR DANG, BSGRUB BYA'I CHOS DANG 'BREL PA MED PA'I PHYIR RO, ,GNYIS PA NI, TSUL GSUM LA MI BLTOS PA'I DPE NYE BAR 'JAL BA LAS LKOG GYUR RNAL MAR SGRUB BYED DU 'GYUR BA MA YIN PAR THAL, RGYU MTSAN GANG GIS NA BUM PA LA SOGS PA'I DON 'GA' ZHIG DANG RNAM PA 'GAS 'DRA BA TZAM GYIS NI LKOG GYUR GYI BDAG NYID GZHAN DU 'KHRUL MED DU NGES NUS PA MA YIN PA'I PHYIR, RTAGS MA GRUB NA, THAMS CAD THAMS CAD KYI GO BYED KYI BDAG NYID DU 'GYUR BAR THAL, CHA 'GAS 'DRA BA NGES NA GZHAN DE'I GO BYED KYI BDAG NYID YIN PA'I PHYIR, 'DOD PA DE LTAR NI MI RIGS PAR THAL, 'DOD PA LA MNGON SUM RJES DPAG DU MAS GNOD PA'I PHYIR, SNGA MA LA KHYAB PA YOD PAR THAL, CHA 'GA' ZHIG DANG RNAM PA 'GAS MI MTSUNGS PA'I DON NI MED PA'I PHYIR, GSUM PA NI, RANG RGYUD DU SGRUB BYED YIN NA NYES PA DER 'GYUR BA DE'I PHYIR, RTAGS YANG DAG 'DI'I KHYAB PA DPES BSTAN PAR BYA BA YIN PAR THAL, PHYOGS CHOS DANG DPE YANG DAG DE BSGRUB BYA'I CHOS DES KHYAB PA'I RTAGS CHOS GNYIS DANG LDAN PA NYID LAS RTZOD GZHI DE BSGRUB BYA'I CHAS KYI DNGOS

PO DE DANG LDAN PAR GO BAR 'GYUR BA'I PHYIR, DPE YANG DAG 'DI CHOS CAN, LKOG GYUR GO BYED RANG RGYUD PA MA YIN TE, KHYAB PA DRAN BYED KYI YAN LAG YIN PA DES NA'I PHYIR, 'BREL PA MI STON PA'I DPE CHOS CAN, LKOG GYUR GO BYED DU DON MED PAR THAL, DPE GANG ZHIG DGAG BYA'I CHOS DANG BSGRUB BYA'I CHOS DE DANG MA 'BREL BA'I PHYIR, LKOG GYUR GO BA LA TSUL GSUM LA MA BLTOS PA'I DPE NYER 'JAL DON MED PAR THAL, TSUL GSUM PA CAN GYI GTAN TSIGS DE NYID KYIS LKOG GYUR GYI DON YONGS SU RDZOGS PAR GRUB PA'I PHYIR RO, ,GNYIS PA MTHA' GCIG TU 'DZIN PA'I LOG RTOG ZIL GYIS GNON PA'I YAN LAG SU NA 'BYIN BSHAD PA LA GNYIS, SUN 'BYIN YANG DAG DANG, SUN 'BYIN LTAR SNANG NGO, ,DANG PO LA GNYIS, RTZA BA DANG, 'GREL PA'O, ,DANG PO NI, RGOL BAS SGRUB BYED YANG DAG 'GOD PAR KHAS BLANGS NAS DON SKYON SOGS ZHUGS PA DANG KHYAB PA SOGS BRJOD PA MA TSANG BA DANG, LHAG PA BRJOD PA LA PHYIR RGOL GYIS KHYAB PA MA TSANG BA SOGS KYI NYES PA SKABS DANG 'TSAM PAR BRJOD PA'I NGAG CHOS CAN, SUN 'BYIN YANG DAG YIN TE, RGOL BA'I MNGON PAR 'DOD PA 'GRUB PA LA GEGS BYED PA'I PHYIR RGOL GYI NGAG YIN PA'I PHYIR, GNYIS PA LA GNYIS, DNGOS DANG, RTZOD PA SPANG BA'O, ,DANG PO NI, RGOL BA'I NGOR PHYIR RGOL GYIS PHYOGS CHOS MA TSANG BA NYID LA SOGS PA SGRUB PAR BYED PA'I NYES PA DON SKYON ZHUGS PA SOGS SNGAR BSHAD PA GANG YIN PA DE DAG JI LTAR 'OS PAR BRJOD PA NI CHOS CAN, SUN 'BYIN

, ,PA YANG DAG PA YIN TE, DES PHA ROL PO RGOL BA'I MNGON BAR 'DOD PA'I DON GRUB PA'I GEGS BYED PA'I PHYIR RO, ,GNYIS PA LA GSUM, SUN 'BYIN GYI NGAG DGOS PA MED PA'I RTZOD SPANG DANG, NUS PA MED PA'I RTZOD SPANG DANG, SUN 'BYIN BRJOD PA'I DUS NGOS GZUNG BA'O, ,DANG PO LA GNYIS, RTZOD PA DANG, LAN NO, ,DANG PO NI, GAL TE RGOL BAS SGRUB BYED LTAR SNANG BKOD PA LA PHYIR RGOL GYIS SKYON MA BRJOD KYANG GTAN TSIGS LTAR SNANG GI DON NYID LA BSGRUB BYA SGRUB PA'I NUS PA MED PAS RGOL BA'I 'DOD DON 'GRUB PAR MI 'GYUR PA MA YIN NAM STE YIN PAS RGOL BA'I 'DOD DON 'GRUB PA'I GEGS BYED PA LA PHYIR RGOL GYI SUN 'BYIN MI DGOS SO, ZHE NA, GNYIS PA NI, DON GYI GNAS TSOD DE NI DE LTAR YIN MOD KYI 'ON KYANG GTAN TSIGS YANG DAG DANG LTAR SNANG GI DON RNAMS KYI BSGRUB BYA GRUB PA DANG MA GRUB PA BSGRUB PA'I NGAG DANG SUN 'BYIN PA DAG GIS GSAR DU BYED PA NI MA YIN TE, BYAS PA LA SOGS PA'I RTAGS YANG DAG DE DAG NI THAMS CAD DU SGRA MI RTAG PA SOGS SGRUB NUS PA DE'I RANG BZHIN NYID YIN PA'I PHYIR DANG, GTAN TSIGS LTAR SNANG RNAMS NI BSGRUB BYA SGRUB MI NUS PA DE'I RANG BZHIN YIN PA'I PHYIR RO, ,'O NA SGRUB NGAG DANG SUN 'BYIN BRJOD PA LA DGOS PA CI ZHE NA, PHYIR RGOL GYI NGOR SGRUB DAG YANG DAG BRJOD PA LA DGOS BA YOD DE, PHYIR RGOL GYI DOR RGOL BA'I SKYES BU'I BSGRUB BYA SGRUB PA'I NUS PA YOD PA GRUB PA STEGS LA BAR BYED PA YIN PA'I PHYIR, SUN 'BYIN YANG DAG BRJOD PA LA DGOS PA

YOD DE, RGOL BA'I SKYES BU'I BLO NGOR BSGRUB BYA SGRUB PA'I NUS PA MED PA GRUB PA STE GSAL BAR BYED PA YIN PA'I PHYIR, DER THAL, RGOL BAS SGRUB BYED BKOD PA LA BSGRUB BYA SGRUB PA'I NUS PA YOD PA DANG NUS PA MED PA GANG ZAG GNYIS KYI BLO NGOR GRUB PA DE NI SGRUB DAG DANG SUN 'BYIN GYI TSIG MED PAR MI 'GRUB PA'I PHYIR, RGOL BAS PHYIR RGOL LA RJES DPAG SKYED PA DANG, PHYIR RGOL GYIS RGOL BA'I RLOM PA ZHI BAR BYED PA DE'I BYED BA POR BRJOD PA'I RGYU MTSAN YOD DE, RGOL BAS SGRUB BYED BKOD PA LA BSGRUB BYA SGRUB PA'I NUS PA YOD PA DANG MED PA DE LTA BU NYID DU GYUR PA STE GANG ZAG GNYIS KYI TSAD MA'I NGOR RNAM PAR 'JOG PA NI TSIG DE GNYIS KYI BYED PA LA BLTOS PAS DE LTAR BRJOD PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, GAL TE RGOL BAS PHYIR RGOL GYI NGOR SGRA BYAS PAR THE TSOM ZA BZHIN DU SGRUB DAG BKOD PA NA PHYIR RGOL GYIS PHYOGS CHOS MTSANG NGO ZHES NYES PA BRJOD PA NA YANG RGOL BAS TSUL GSUM MA TSANG PA MED PA LA SOGS PA'I TSIG GIS KYANG LAN BTAB PA NA PHYIR RGOL GYI TSIG DE NI SUN 'BYIN PAR MI 'GYUR BAR THAL, RGOL BA'I MNGON PAR 'DOD PA'I GEGS MA YIN PAR PHYIR RGOL GYI BLO DOR RJES DPAG SKYES PA'I PHYIR RO ZHE NA, GNYIS BA NI, PHYIS RGOL BAS SGRUB BYED YANG DAG BKOD NAS PHYIR RGOL GYI NGOR RJES DPAG SKYES PAS SNGAR PHYIR RGOL GYIS PHYOGS CHOS MA TSANG BAR BRJOD PA'I DAG SUN 'BYIN YANG DAG TU MI 'GYUR BA MA YIN TE, PHYIS KYI RGOL BA'I SGRUB NGAG DE NI SNGA MA SUN PHYUNG RJES

, ,SU SGRUB PAR BYED PA YANG DAG GZHAN BKOD PA YIN PA'I PHYIR RO, ,GSUM PA NI, 'O NA RGOL BAS GANG BYAS MI RTAG DPER NA BUM PA BZHIN ZHES SMRA 'PHRO LA PHYIR RGOL GYIS PHYOGS CHOS MA TSANG NGO, ZHES BRJOD PA SUN 'BYIN YANG DAG TU THAL, PHYOGS CHOS MA TSANG BA LA MA TSANG BAR BRJOD PA'I PHYIR CE NA, GAL TE DE 'DRA'I PHYIR RGOL GYI NGAG CHOS CAN, SUN 'BYIN YANG DAG MA YIN PAR THAL, SUN 'BYIN BA'I SKABS MA YIN PA LA SUN 'BYIN BRJOD PA'I PHYIR, DE SUN 'BYIN PA'I SKABS MA YIN PAR THAL, RGOL BA'I NGAG MA RDZOGS PA NYID KYIS PHYOGS SNGA MA SMRA BA LHAG MA LA BLTOS PA DANG BCAS PA YIN PA'I PHYIR, 'ON KYANG SUN 'BYIN SKABS SU BAB PA'I DUS MED PA MA YIN TE, RGOL BA'I SGRUB BYED 'GOD BA'I NGAG RDZOGS PAR KHAS LEN PA NA DE LA PHYIR RGOL GYIS SKYON BRJOD PAR BYED PA DE SUN 'BYIN PAR BYED PA'I DUS YIN PA'I PHYIR, GNYIS PA LA GNYIS, SUN 'BYIN LTAR SNANG SPYI'I MTSAN NYID DANG, GSAL BA'I DBYE BA RGYAS PAR MI SPRO BA'I RGYU MTSAN NO, ,DANG PO LA GNYIS, RTZA BA DANG, 'GREL PA'O, ,DANG PO NI, SKYON DU MI 'GYUR BA'AM SPYIR SKYON DU 'GYUR YANG SKABS SU BAB PA'I SKYON DU MI 'GYUR BA PHYIR RGOL GYIS RGOL BA LA SKYON DU BRJOD PA'I NGAG CHOS CAN, DER SNANG BA STE SUN 'BYIN LTAR SNANG YIN TE, SKYON MIN SKYON DU BRJOD PA'I SGO NAS RGOL BA'I 'DOD PA 'GRUB PA'I GEGS MI BYED BA'I PHYIR RGOL GYI LTAG CHOD KYI TSIG YIN PA'I PHYIR, GNYIS PA NI, SUN 'BYIN

PA LTAR SNANG BA NI LTAG CHO DA DO, ZHES PA LA YANG DE LTAR RO, ,LTAG CHOD NI 'DRA BA'I DON DE SUN 'BYIN YANG DAG DANG 'DRA BA'I TSIG GO ,GNYIS PA LA GNYIS, RTZA BA DANG, 'GREL BA'O, ,DANG PO NI, SUN 'BYIN LTAR SNANG GI GSAL BA'I DBYE BA DE DAG MA LUS PA SKABS 'DIR NI SPRO BAR BYA BA MIN TE, LOG PA'I LAN LA MTHA' MED PAS MI SPRO BA'I PHYIR, GNYIS PA LA GSUM, RGYAS PAR MI SPRO BA'I RGYU MTSAN DANG, RTZOD PA SPANG BA DANG, DE'I LAN DGAG PA'O, ,DANG PO NI, LAN LOG PA SUN 'BYIN LTAR SNANG NI SNGAR BSHAD PA'I LTAG CHOD YIN LA, DE'I GSAL BA'I DBYE BA MA LUS PA 'DIR MI SBRO BA'I RGYU MTSAN YOD DE, DE DAG NI MTHA' MED PAS MI SPRO BA'I PHYIR, MTHA' MED PAR THAL, LTAG CHOD KYI RGYU TSUL BZHIN MA YIN PA'I RNAM PAR RTOG PA RNAMS KYI GSAL BA'I DBYE BA 'DI TZAM DU ZAD DO ZHES MUR THUG PA'I TSUL GYIS GNAS PA MED PA'I PHYIR RO, ,GNYIS PA NI, 'BRAS MTSUNGS KYI LTAR CHOD DANG RGYUS 'BRAS BU SKYED NA PHRAD NAS SAM MA PHRAD PAS SKYED, DANG PO LTAR NA DUS MNYAM DU 'GYUR LA, GNYIS PA LTAR NA MA PHRAD PA THAMS CAD KYIS THAMS CAD BSKYED PAR 'GYUR RO, ZHES PHRAD PA MTSUNGS PA'I LTAG CHOD GNYIS SU 'DU BA MA YIN NAM ZHE NA, DE GNYIS SUM 'DUS PA'I SUN 'BYIN LTAR SNANG LA DAM BCA'I SKYON MIN PA SKYON DU BRJOD PA'I DPE DANG, RTAGS KYI SKYON MIN PA SKYON DU BRJOD PA'I DPE DANG, DE SUN 'BYIN LTAR SNANG MIN NA SUN 'BYIN YANG DAG TU NAM YANG MI RUNG BA'O, ,DANG PO NI, DPER

, ,NA RIGS PA CAN PA NA RE, SANGS RGYAS BAS BDAG MED DO ZHES BYA BA DAM BCAS PA NI DAM BCAS PA DANG RANG GI TSIG 'GAL BA ZHES BYA BA DAM BCA' BA'I SKYON YIN TE, BDAG GI DON LA MED DO ZHES SKUR PA 'DEBS NA BDAG CES PA'I SGRA SBYOR BA MI SRID PA'I PHYIR, BDAG CES SGRA SBYOR BAS NI BDAG GI DON YOD NYE BAR 'JOG PA YIN LA MED DO ZHES SKUR PA YANG YIN PA'I PHYIR, DAM BCAS PA'I TSIG DAG 'GAL BAS DAM BCA' BA'I SKYON YIN NO ZHES BRJOD PA DANG, GNYIS PA NI, DPER NA RTZOL BA LAS BYUNG BA'I SGRA NI MI RTAG STE, RTZOL BA LAS BYUNG BA'I PHYIR CES BYA BA NI DAM BCAS PA'I DON GYI PHYOGS GCIG RTAGS SU BKOD PA YIN TE, RTAGS CHOS CAN GYI KHYAD PAR NYID DU NYE BAR BKOD PA'I PHYIR RO, ZHES ZER BA LTA BU'O, ,GSUM PA LA GNYIS, DE DAG SNGAR BSHAD PA'I LTAG CHOD DU MI 'DU BA DANG, SUN 'BYIN YANG DAG MA YIN PA'O, ,DANG PO NI, DAM BCA' SKYON MED SKYON DU BRJOD PA DANG, RTAGS SKYON MED SKYON DU BRJOD PA DE LTA BU LA SOGS PA RNAMS NI CHOS CAN, JI SKAD BRJOD PA'I MTSAN NYID KYI LTAG CHOD KYI NANG DU 'DU BAM YIN PAR THAL, DE DAG LAS GZHAN PA'I LTAG CHOD YIN PA'I PHYIR, GNYIS PA NI, 'O NA SUN 'BYIN YANG DAG YIN NO ZHE NA, SKYON BRJOD DE DAG SUN 'BYIN PA YANG DAG KYANG MA YIN TE, SANGS RGYAS PAS BDAG GI SGRA'I DON LA MI BSNYON PAR BDAG GI RANG GI MTSAN NYID 'GOG PA'I PHYIR DANG, PHYI MA YANG BSGRUB BYA'I CHOS CAN LAS PHYI ROL TU GYUR PA'I PHYOGS CHOS YIN PA'I PHYIR RO ZHES BSHAD ZIN PA'I PHYIR,

GSUM PA LA GNYIS, RTZOD PA DANG, LAN NO, ,DANG PO NI, GAL TE GNYIS PO DE DAG KYANG CHA 'GAS LTAG CHOD DE DAG NYID KYI NANG DU 'DU'O ZHE NA, GNYIS PA LA GSUM, HA CANG THAL BA DANG, SPYI'I MTSAN NYID RTOGS PA'I TSUL DANG, GSAL BA'I DBYE BAM LUS BA MA BSTAN PA'I RGYU MTSAN NO, ,DANG PO NI, SUN 'BYIN LTAR SNANG 'DI DAG KYANG CHOS CAN, PHAN TSUN GCIG GI NANG DU GCIG 'DUS PA DE LTAR THAL BAR 'GYUR BAR THAL, SKYON MIN SKYON DU BRJOD PA TZAM DU 'DRA BA'I PHYIR, RTAGS DANG KHYAB PA KHAS BLANGS, GNYIS PA LA GSUM, KHYAD PAR GYI MTSAN NYID MA SMOS BA'I RGYU MTSAN DANG, SPYI'I MTSAN NYID BSHAD ZIN BA DANG, DE SGRUB NGAG YANG DAG DANG SUN 'BYIN YANG DAG GI MTSAN NYID BSHAD PA LAS SHES PA'O, ,DANG PO NI, CHA 'GA' ZHIG 'DRA BAS NANG DU 'DUS NA HA CANG THAL BA DE'I PHYIR SUN 'BYIN LTAR SNANG SPYI'I MTSAN NYID BRJOD RIGS KYANG KHYAD PAR GYI MTSAN NYID MI BRJOD PA'I RGYU MTSAN YOD DE, SPYI'I MTSAN NYID GCIG NYID DU CUNG ZAD BRJOD PAR BYA BA YIN YANG KHYAD PAR GYI MTSAN NYID BRJOD PA YIN NA DE'I NANG DU GSAL BA'I DBYE BA MTHA' YAS PA RNAMS MI 'DU BA'I STE 'DUS PA'I MTSAN NYID SHES PAR DKA' BA'I PHYIR RO, ,GNYIS PA NI, SUN 'BYIN LTAR SNANG SPYI'I MTSAN NYID DE NI BRJOD ZIN PA NYID DE SUN 'BYIN PA LTAR SNANG BA NI LTAG CHOD DO ZHES BSHAD ZIN PA'I PHYIR, GSUM PA NI, SUN 'BYIN LTAR SNANG SPYI'I MTSAN NYID DE NI MI RTOGS PA'I SKYON MED DE, SGRUB PA YANG DAG DANG SUN 'BYIN YANG DAG PA'I MTSAN NYID SHES PA NYID LAS

, ,RTOGS PAR 'GYUR BA'I PHYIR, DER THAL, SUN 'BYIN 'JUG PA'I YUL MA YIN PA LA SUN 'BYIN YANG DAG MI 'JUG PA'I PHYIR DANG DE LA SUN 'BYIN BRJOD KYANG BSGRUB BYA RTOGS PA'I GEGS MA YIN PA'I PHYIR, SUN 'BYIN GYI YUL MA YIN PA LA SUN 'BYIN BRJOD PA'I DAG DE CHOS CAN, SUN 'BYIN YANG DAG MIN PA'I LAN LTAR SNANG BA BDE BLAG TU SHES TE, SUN 'BYIN DU BRJOD PA GANG ZHIG RGOL BA'I MDON PAR 'DOD PA'I DON 'GRUB PA'I GEGS KYI MTSAN NYID DANG MI LDAN PA'I PHYIR, GSUM PA NI, SUN 'BYIN LTAR SNANG GI RAB TU DBYE BA MTHA' YAS PA'I MTSAN NYID DANG MTSAN GZHI'I DBYE BA NI MA BSTAN TE, BSTAN PAR MI NUS PA'I PHYIR, GNYIS PA LE'U'I MTSAN NI, THEG PA GSUM GYI LAM DU BGROD PA'I LAM RGYAL BA'I DGONGS PA RAB TU GSAL BAR BYED PA LAS GZHAN GYI DON GYI RJES SU DPAG PA STE, LE'U GSUM PA'I 'GRAL PA'O, ,GSUM PA BRTZAMS PA MTHAR PHYIN PA'I YAN LAG NI, GAL TE TSAD MA KUN LAS BTUS PA 'CHAD PAR 'DOD NA DE'I 'GREL PAR TSUL GSUM PA LOGS SU SMOS PA NGES PA'I DON CAN YIN PA BKAG NAS SBYOR BA'I DBYE BA BSTAN PA'I DON CAN DU 'CHAD CE NA, KUN LAS BTUS KYI 'GREL PA KHA CIG BKAG PA DANG; TSAD MA KUN LAS BTUS KYI MDO'I DGONGS PA JI LTA BA BZHIN DU 'CHAD PA MI 'GAL TE, SLOB DPON DBANG PHYUG SDE LA SOGS PAS BYAS PA'I 'GREL PA SKYON CAN GYI LUNG YANG SHES BYED DU BYED PA DOR NAS MDO MDZAD PA'I DGONGS PA RIGS

PA YANG DAG LA BRTEN NAS CHOS KYI GRAGS PA NGAS BSHAD PA'I PHYIR, MDO MDZAD PA'I DGONGS PA RIGS PA YANG DAG LA BRTEN NAS BSHAD DE, DON YOD PA'I LUGS THAR PA DANG THAMS CAD MKHYEN PA'I LAM 'BRAS BU DANG BCAS PA DNGOS STOBS KYI RIGS PAS GZIGS PA'I SLOB DPON DES MDZAD PA'I MDO'I DON 'DI KHO NAR RIGS SO ZHES SKYON MED KYI RIGS PA LA BRTEN NAS BSHAD PA'I PHYIR, 'O NA BSAM PA 'DI KHYOD NYID KYI YIN GYI, SLOB DPON GYI MA YIN TE, SLOB MA BRGYUD PA BAR MA CHAD BA MED PA'I PHYIR RO ZHE NA, KHO BOS BSHAD PA MDO MDZAD PA'I DGONGS PA DANG 'GAL BA'I SKYON MED DE, RNAM PAR DAG PA'I THUGS TSAD MAS GRUB PA'I RTOGS PA 'BA' ZHIG MNGA' BA MDO MDZAD PA DE'I DGONGS PA'ANG NGES PAR NI KHO BOS BSHAD PA 'DI NYID KHO NA YIN PA'I PHYIR, 'DI DAG GIS NI MDO MDZAD PA'I RANG 'GREL LA SLOB DPON GZHAN GYIS LHAD BCUG PAR BSTAN TO, ,CI LTAR 'GREL PA BYED PA GZHAN GYIS MA RTOGS ZHE NA, MDO MDZAD PA'I DGONGS PA DE MI GSAL BA'I BLO CAN GYI SKYE BOS RTOGS PA MA YIN TE, SHES RAB GSAL BA KHO NAS SLOB DPON GYI DGONGS PA JI LTA BA BZHIN DU RTOGS PA'I PHYIR RO, ,BZHIN PA MJUG GI DON LA GNYIS, MDZAD PA PO GANG GIS MDZAD PA DANG, SGYUR BYED GANG GIS BSGYUR BA'O, DANG PO NI, SLOB DPON BDAG NYID CHEN PO CHOS KYI GRAGS PAS TSAD MA MDO'I DON RDZOGS PAR 'CHAD PA'I SDE BDUN MDZAD PA LAS RIGS PA'I GNAD CUNG ZAD BSDUS PA TSAD MA RNAM PAR NGES PA RDZOGS SO,, ,,GNYIS PA NI, RGYA GAR KHA CHE'I

, ,MKHAN PO BAndI TA GZHAN LA PHAN PA BZANG PO LA SOGS PA DANG, DAM PA'I CHOS 'DZIN PA'I SMON LAM LEGS PAR GRUB PA BOD KYI SHING RTA CHEN PO LOTZTSA BA SH'AKYA'I DGE SLONG BLO LDAN SHES RAB KYIS KHA CHE'I GRONG KHYER DPE MED DU RGYA GAR GYI SKAD LAS BOD KYI SKAD DU BSGYUR TE 'CHAD NYAN GYIS LEGS PAR GTAN LA PHAB PA'O,, ,,GSUNG RAB DGONGS PA 'GREL BA'I THABS KYI MCHOG ,MDO DANG RNAM 'GREL MDZAD PA'I RIGS PA'I LAM, ,GZHUNG LUGS GDAMS PAR 'CHAR BA'I MAN NGAG GIS, ,RGYAL RDA BDUN PAS BKRAL BA'I LUGS BZHIN BSHAD, ,SER SKYA GZEGS BZAN SOGS KYIS BSTAN PA'I LAM, ,'BRAS MED SBUN PA 'PHYAR BA BZHIN MTHONG NAS, ,BSTAN PA'I DE NYID KHONG DU CHUNG 'DOD NA, ,GRAGS PA'I GZHUNG BZANG 'DI LA 'JUG PAR RIGS, MKHAS MCHOG KUN GYIS RTOGS PAR BYA BA'I GZHI, ,'PHAGS PA'I BDEN PA BZHI DNGOS STOBS RIGS PA YIS, ,TSUL BZHIN RTOGS NAS RNAM GROL THOB 'DOD NA, ,GRAGS, PA'I GZHUNG BZAD 'DI LA 'JUG PAR RIGS, ,GANG ZHIG RTOGS NA NYES TSOGS DRUNGS 'BYIN ZHING, ,YON TAN RGYA MTSO'I PHA ROL PHYIN BYED PA, ,BDAG MED LTA BA'I DE NYID RTOGS 'DOD NA, ,GRAGS PA'I GZHUNG BZANG 'DI NYID BSTEN PAR RIGS, ,GZHUNG LUGS GDAMS PAR 'CHAR BA'I MAN NGAG MED, ,LUNG DON RIGS PAS DPYOD PA'I MTHU MED PAR, ,GZHAN LA STON DANG RNAM BSHAD RTZOM BYED PA'I, ,SMRA BA DE DAG MUN PA'I RDO 'PHEN YIN, ,DAL 'BYOR SHIN TU RNYED PAR

DKA', ,BSHES GNYEN BZANG PO PHRAD PAR DKA', ,RIGS LAM PHRA MO RTOGS DKA' NA, ,GZHUNG 'DI 'DOR BAR GA LA RIGS, ,SNGAGS DANG PHA ROL PHYIN PA'I LAM GYI SROL, ,DRI MED RIGS PA'I MIG GIS LEGS BLTAS NAS, ,TSUL BZHIN SGRU BA LA DGA' BA BSKYED MDZAD PA, ,BLA MA DE LA BDAG NI PHYAG 'TSAL LO, ,RGYAL BA'I GSUNG RAB KUN GYI DRANG NGES DON, ,THUB PA'I BSTAN PA TSAD MAR BSGRUB PA YI, ,RIGS PA'I LAM GYIS KHOD DU CHUD MDZAD PA, ,RNAM 'GREL MDZAD PA DE LA BDAG PHYAG 'TSAL, ,RNYED DANG BKUR STI'I BSAM PAS 'DI MA BRTZAMS, ,PHYI MA'I DUS NA KUN GYI MIG GCIG TU, ,RGYAL SRAS 'JAM PA'I DBYANGS KYIS LUNG BSTAN PA, ,PHYOGS GLANG GRAGS PA'I LUGS 'DI GNAS PHYIR BYAS, BDAG KYANG DE NAS TSE RABS THAMS CAD DU, ,DRI MED RIGS PA'I MIG DANG MI 'BRAL ZHING, ,THUB PA'I BSTAN PA PHYOGS BCUR RGYAS BYED PAS, ,RGYAL BA RNAMS KYI DAM CHOS 'DZIN GYUR CIG ,BLA MA LHAG PA'I LHA LA GSOL BTAB NAS, ,TSUL BZHIN SEMS PA'I RIGS PAS 'DI BYAS MOD, ,MA BSHAD LOG PAR BSHAD PA'I NONGS PA GANG, ,YE SHES SPYAN LDAN RNAMS KYIS BZOD PAR RMDZOD, ,DE LTAR BRTZAMS PA'I DGE BA CI YOD DES, ,SRID PA'I BTZON RAR BSDAMS PA'I 'GRO BA RNAMS, ,YANG DAG RIGS PA'I SNANG BAS LEGS BRGYAN NAS, ,KUN MKHYEN RGYAL BA'I GRONG KHYER 'JUG PAR SHOG ,RGYAL BA'I GSUNG RAB MTHA' DAG DANG KHYAD PAR DU MNGON PA'I SDE SNOD KYI DGONGS PA GTZO BOR 'GREL PA LHAG PA SHES RAB KYI

, ,BSLAB PA DNGOS STOBS KYI RIGS PAS GTAN LA 'BEBS PA NANG RIG PA'I BSTAN BCOS TSAD MA RNAM PAR NGES PA'I RNAM BSHAD THEG PA GSUM GYI LAM DU BGOD PA RGYAL BA'I DGONGS PA RAB TU GSAL BAR BYED PA ZHES BYA BA 'DI NI, RGYAL BA'I RING LUGS PA CHEN PO RJE BTZUN DAM PA RED MDA' PA KU MA RA MA TI'I ZHAL SNGA NAS LAS THOS SHING, THOG MAR MKHAS GRUB CHEN PO KUN DGA' DPAL BA'I ZHAL SNGA NAS LAS GZHUNG 'DI YONGS SU RDZOGS PA'I GDAMS NGAG MNOS PA DANG, SDE SNOD GSUM DANG RGYUD SDE BZHI DGONGS 'GREL DANG BCAS PAM LUS PA'I LAM GYI GNAD YONGS SU RDZOGS PAR THUGS SU CHUD NAS, THUGS BRTZE BA CHEN POS THUB PA'I BSTAN PA RGYAS PA 'BA' ZHIG GI CHED DU GZHAN LA 'DOMS PAR MDZAD PA THUGS RJE DANG SMON LAM GYI DBANG GIS THA MAL PA'I SKU'I BKOD PA BZUNG NAS GDUL BYA 'OS SU GYUR PA RNAMS RGYAL BA RNAMS KYI DAM PA'I CHOS 'DZIN PA LA 'GOD PAR MDZAD PA, SA GSUM NA 'GRAN PA'I ZLA DANG BRAL BA RJE RIN PO CHE THAMS CAD MKHYEN PA BLO BZANG GRAGS PA'I DPAL BZANG PO'I ZHAL SNGA NAS KYI ZHABS KYI RDUL RNYOG PA MED PA DUS YUN RING PO'I BAR DU BSTEN CING GSUNG RAB DGONGS 'GREL DANG BCAS PA GDAMS NGAG TU 'CHAR BA'I BKA' DRIN LEGS PAR MNOS NAS, SNGAGS MTSAN NYID KYI GZHUNG GDAMS NGAG DANG BCAS PA LA RING DU 'DRIS PAR BYAS PA RIGS PA SMRA BA DAR MA RIN CHEN GYIS, 'OD GSAL LHA'I RIGS KYI GDUNG RGYUD DU 'KHRUNGS SHING LHAG PA TSUL KHRIMS KYI BSLAB PA

LA GCES SPRAS SU BYED PA GZHUNG 'DI DANG DGONGS 'GREL GYI BSTAN BCOS GZHAN LA YANG LEGS PAR SBYANGS PA 'BRONG RTZE BA SNGOM BRTZON RIN CHEN RGYA MTSO'I BLO GROS ZHES BYA BAS 'BUL BA ME TOG DANG BCAS TE SHIN TU RGYAS PA GCIG GYIS ZHES BSKUL BA DANG, GZHAN YANG SNGOM BRTZON SDE SNOD 'DZIN PA DU MAS BSKUL NAS, ^RJE RIN PO CHE DE NYID KYI GRUB PA'I GNAS 'BROG RI BO CHE DGE LDAN RNAM PAR RGYAL BA'I GLING DU DBU BRTZUGS TE, KO'U YE SHES 'BYUNG GNAS LA SOGS PA DAM PA MANG PO BYON PA'I GNAS DMU LA SHAM 'BAR GYI MGUL DGE 'PHEL DU, RIGS BA RGYUD CHO 'BRANG PHUN SUM TSOGS PA DANG LDAN PA THUB PA'I BSTAN LA MI PHYED PA'I DAD PA CAN, GNYER CHEN DBON PO KUN RDOR BAS SBYIN BDAG MDZAD DE YONGS SU RDZOGS PAR SBYAR BA'O,, ,,YI GE PA NI MDO SNGAGS KYI GZHUNG LA SBYANGS PA SDE SNOD 'DZIN PA BYANG CHUB DPAL LDAN NO, ,'DIS KYANG THUB PA'I BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUL RING DU GNAS PAR GYUR CIG, ` AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHE RE, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA MNGGA LAm, ,