The First Part of "Illumination of the True Thought," the Great Commentary on the Classical Commentary Entitled "Ascertaining Accurate Perception"

, ,BSTAN BCOS TSAD MA RNAM NGES KYI t'IKA CHEN DGONGS PA RAB GSAL GYI STOD CHA BZHUGS SO, ,

RJE BTZUN BLA MA RNAMS LA PHYAG 'TSAL LO, ,'GRO BA'I BLA MA THUB PA'I DBANG PO ZHES, ,LHAG BCAS KUN GYI GTZUG NA LHAM ME BA, ,DE YI BSTAN PA MI NUB RGYAL MTSAN 'DZIN, ,RJE BTZUN BLA MA RNAMS LA PHYAG 'TSAL LO, ,BLO GROS CHEN POS NYES PA'I TSOGS KUN BCOM, ,BZANG PO'I SPYOD PAS CHOS KUN JI BZHIN GZIGS, ,GRANGS PA'I 'OD KYIS 'GRO BLO'I RMONGS PA SEL, , GDUL BYA'I DPAL GYUR BZANG PO'I ZHABS LA 'DUD, ,GSUNG RAB DGONGS PA 'GREL BA'I GZHUNG LUGS MCHOG ,KLU SGRUB YAB SRAS PHYOGS GLANG GRAGS PA SOGS, ,SHING RTA CHEN PO RNAMS KYIS BZHED PA'I GZHUNG, ,GDAMS PA'I MCHOG TU GZIGS NAS 'DOMS MDZAD PA'I, ,BLA MA DE LA LHAG PAR BDAG PHYAG 'TSAL, ,KUN TU DGA' BA'I BAS MTHA'I NAGS KHROD DU, ,TSOGS GNYIS 002A *, ,DPAL GYI DGA' STON ROL MDZAD CING, ,LHAG PAR 'GRO LA SNYING RJE'I DBANG GYUR PA, ,MKHAS SHING GRUB PA BRNYES PA DE LA 'DUD, ,RGYAL DANG DE SRAS BGROD PA'I LAM BZANG DE, ,MA RTOGS LOG RTOG THE TSOM MUN BSAL ZHING, ,DNGOS STOBS RIGS PA'I SGRON MES GSAL MDZAD PA, ,PHYOGS GLANG GRAGS PA'I ZHABS LA GUS PA'I 'DUD, ,SDE BDUN MDZAD PA'I RIGS PA'I DE NYID RNAMS, ,DAM CHOS 'DZIN PA'I KHUR GYIS MI NGAL BA'I, ,RNAM DPYOD BLO CHEN LDAN PA DU MA YIS, ,GANGS RI'I KHROD 'DIR RING DU GSAL MDZAD MOD, ,DING SANG PHAL CHER TSIG TZAM MTHONG BAS KHENGS, ,DON RAB 'BYED PA'I RIGS LAM RING GU 'DOR, ,GSUNG RAB GDAMS PAR 'CHAR BA'I MAN NGAG MED, ,THUB BSTAN DRI MAS SBAGS PA BSAL PHYIR DANG, ,DAD BRTZON SHES RAB LDAN PAS RING NAS BSKUL, ,GZHUNG 'DI 'BYED LA BDAG CAG SPRO BA SKYES, ,BDAG NI DE NYID BLTA BA'I MIG BRAL YANG, ,BSHES GNYEN DAM PA YUN RING BSTEN BYAS PAS, ,GZHUNG LUGS GDAMS PAR 'CHAR BA'I MAN NGAG RNAMS, ,LEGS PAR BSHAD KYI RTZE GCIG GUS 002B PAS NYON, ,DE LA 'DIR TSE 'DI'I BDE BA BSGRUB PA DANG, SDUG BSNGAL SEL BA TZAM LA 'BAD PA NI DUD 'GRO'I SPYOD PA LAS MA 'DAS PA YIN PAS RNAM DPYOD DANG LDAN PA DAG 'JIG RTEN PHYI MA PHAN CHAD KYI DON BSGRUB PA LA BRTZON PAR RIGS PA YIN LA, DER YANG RE SHIG PA DANG GTAN DU BA'I PHAN GNOD LA 'DOR LEN BYED PA NI DE'I THABS LA 'DOR LEN PHYIN CI MA LOG PAR BYAS PA LAS YIN LA, DE YANG YANG DAG PA'I SHES PAS GTAN LA PHAB PA LA RAGS LAS PA YIN TE, PHAN PA DANG ZHES SOGS 'CHAD PAR 'GYUR RO, ,SLOB DPON RGYAL DBANG BLO'I GSUNG NAS, GZUGS GSAL PO BLTA BA LA SHES 'DOD ZHUGS NAS DE'I THABS SU MIG GI RAB RIB LA SOGS PA'I SKYON SEL BA LA 'BAD PA BZHIN, GNAS SKABS DANG MTHA'I THOB BYA LA DON GNYER ZHUGS PA DAG DE'I THABS LA RMONGS PA'I BLO'I SKYON SEL BA LA 'BAD DGOS PAS TSAD MA KUN LAS BTUS BLO'I SKYON SEL BA'I THABS PHYIN CI MA LOG PAR STON PA YIN NO, ZHES GSUNGS PA LTAR RO, ,SLOB DPON 'DI RNAM 'GREL MDZAD PA'I SNGA ROL TU BYUNG BAR SEMS DPA' CHEN PO GRO LUNG BZHED DO, ,YANG DAG PA'I SHES PA DE NYID SLOB DPON PHYOGS KYI GLANG POS DON TSAN DRUG TU BTUS NAS PHYIN CI MA LOG PAR GTAN LA 'BEBS PA TSAD MA KUN LAS BTUS PA MDZAD DE, DER NI MNGON SUM DANG RANG DON DANG, DE LA 'PHROS PA GZHAN SEL BA DANG, GZHAN DON DANG, DE'I YAN LAG DPE DANG, LTAG CHOS KYI LE'U STE DRUG GO ,DE YANG BDAG CAG GI STON PA THUB PA SANGS RGYAS BCOM LDAN 'DAS RNAM GROL DON GNYER LA TSAD MA'I SKYES 003A *, ,BUR DNGOS STOBS KYI RIGS PAS BSGRUB PAS GSUNG RAB MTHA' DAG GI DGONGS PA RDZOGS PAR RTOGS PAR GZIGS NAS THOG MAR THUB PA TSAD MAR GYUR PA'I SGO NAS BSTOD PA MDZAD DO, ,DE'I BRJOD BYA RNAMS KYANG RIGS PA'I SKOR, MNGON SUM DANG NI RJES SU DPAG ,LTAR SNANG BCAS PA BDAG RIG BYED, ,SGRUB PA DANG NI SUN 'BYIN NGAG, LTAR SNANG BCAS PA GZHAN RTOGS BYED, CES GSUNGS PA LTAR, DE DAG KYANG BRGYAD DU DBYE STE, MNGON SUM DANG MNGON SUM LTAR SNANG DANG, RJES DPAG DANG RJES DPAG LTAR SNANG DANG, SGRUB NGAG DANG SGRUB NGAG LTAR SNANG DANG, SUN 'BYIN DANG SUN 'BYIN LTAR SNANG NGO, ,DE DAG GI DON, SA BCU'I DBANG PHYUG RGYAL SRAS KUN TU BZANG PO NYID DU GRAGS PA SLOB DPON CHOS KYI GRAGS PAS RAB TU BYED PA SDE BDUN GYI SGO NAS GSAL BAR MDZAD DO, ,DE RNAMS LAS LUS LTA BU'I BSTAN BCOS GSUM LAS, RNAM 'GREL DANG, RNAM NGES DANG, RIGS THIGS SO, ,DANG POS NI, RANG NYID KYIS SHES BYA'I GNAS MTHA' DAG NGES NAS GDUL BYA GZHAN RJES SU 'DZIN PA'I THABS RTOG GE'I TSIG DON BRGYAD, TSAD MA KUN LAS BTUS PA'I GZHUNG GI CHA DANG SBYAR NAS RGYAS PAR GTAN LA 'BEBS SHING, DE LAS KYANG MNGON SUM LE'U DON RNAL 'BYOR MNGON SUM THAMS CAD MKHYEN PA BSGRUB PA DKA' BA'I GNAS DANG, GTZO BO'I DON DU GZIGS PA DANG, SLOB DPON PHYOGS KYI GLANG POS, THUB PA TSAD MAR SGRUB PA'I SGO NAS GSUNG RAB KYI DGONGS PA 'GREL PA'I TSUL LA NGO MTSAR BSKYED PA'I CHED DU BSTAN PA DANG, STON PA TSAD MAR DNGOS PO STOBS ZHUGS KYI RIGS PAS RGYAS PAR GTAN LA 'BEBS PA'I LE'U ZUR PA MDZAD DO, ,DE YANG THAMS CAD MKHYEN PA SKYED 003B BYED KYI RGYU MED PA DANG, LAM 'DI 'DRA GOMS PAS THAMS CAD MKHYEN PAR 'GYUR BA'I SHES BYED KYI RGYU'AM SGRUB BYED YANG DAG MED DO ZHES LOG PAR RTOG PA GNYIS LAS DANG PO BSAL NAS, STON PA LAM GANG NAS GSHEGS PA RTOGS PA'I CHED DU KUN LAS BTUS KYI MCHOD BRJOD KYI TSIGS BCAD PHYED SNGA MA LA JI LTAR 'BYUNG BA'I RIM PA DANG MTHUN PA'I BSHAD PA MDZAD, ,LOG RTOG GNYIS PA BSAL NAS STON PA LAM DE NAS 'BRAS BU DER BYON PA'I SGRUB BYED YANG DAG RTOGS PA'I CHED DU TSIGS BCAD DE LA LUGS LAS LDOG PA'I BSHAD PA MDZAD DO, ,TSAD MA RNAM PAR NGES PA LAS NI, SLOB DPON PHYOGS KYI GLANG PO LA RTOG GE MI SHES SO ZHES RGOL BA DAG GI SDUG BSNGAL GYI RGYU BZLOG PA'I DON DU SNYING RJE CHEN POS KUN NAS BSLANG NAS DE DAG GI LOG RTOG BSAL BA'I CHED DANG, TSAD MA DANG GZHAL BYA'I DE KHO NA NYID TSAD MA KUN LAS BTUS KYI GZHUNG GI CHA DANG YANG SBYAR ZHING SNGA MA LAS CUNG ZAD BSDUS PA TZAM GYIS RIG PA'I DE KHO NA NYID RTOGS PAR 'DOD PA DAG RJES SU GZUNG BA'I CHED DU MDZAD DO, ,CHA KUN NAS YONGS SU RDZOGS PA SNGA MA LAS MI RGYAS MOD, RTOG GE'I TSIG DON BRGYAD TSANG BAR STON CING, GZHAN DON NI SNGA MA LAS KYANG CHES CHER RGYAS SO, ,RIGS THIGS NI SPROS PA RGYAS PA'I RJES SU 'JUG MI NUS PA DANG, TSIG NYUNG DUS DON RGYA CHEN PO KHONG DU CHUD NUS PA'I GANG ZAG GNYIS KYI DBANG DU BYAS NAS RTOG GE'I LUS BSDUS NAS BSTAN PA YIN NO, LUS DE DAG GI CHA SHAS GSAL BAR BYED PA NI, BZHI STE, GTAN TSIGS THIGS PA DANG, 'BREL PA BRTAG PA DANG, RGYUD GZHAN SGRUB PA DANG, RTZOD PA'I RIGS PA'O, ,DE LA DANG PO GNYIS NI, RANG DON RJES DPAG GI YAN LAG STE, DANG PO NI, LKOG GYUR RTOGS PA

, ,GTAN TSIGS LA RAG LAS SHING, DE YANG MTHA' CHOD PAR RTOGS BRTAGS KYI TSUL GTAN LA PHEBS PA LA RAG LAS PAS TSUL DRUG LA SOGS PA YOD PA DANG, GCIG TU ZAD PA'I LOG PAR RTOG PA BSAL NAS TSUL GSUM DU NGES PAR SGRUB PA'I CHED DU, PHYOGS CHOS DE CHOS KHYAB PA YI, ZHES PA'I GZHUNG SPROS NAS 'CHAD PA YIN NO, ,TSUL GSUM GYI RTZA BA YANG 'BREL PA LA RAG LAS SHING GZHAN DAG LDAN 'DU LA SOGS PA'I 'BREL PA RDZAS GRUB 'DOD PA DAG GI LOG PAR RTOG PA BSAL NAS, 'BREL BA'I NGO BO DANG, GRANGS LA SOGS PA NGES PA'I CHED DANG, THAR PA THOB PAR BYED PA'I THABS NI BDAG MED RTOGS PA'I SHES RAB YIN ZHING 'KHOR BA'I RTZA BA NI BDAG 'DZIN YIN LA, DE'I ZHEN YUL GANG ZAG GI BDAG 'BREL PA RDZAS GRUB BKAG PAS KHEGS PAR DGONGS NAS 'BREL PA BRTAG PA MDZAD DE, MED NA MI 'BYUNG NGES PHYIR RO ZHES PA'I GZHUNG RGYAS PAR 'CHAD PA YIN NO, ,GZHAN DON GYI YAN LAG NI PHYI MA GNYIS TE, PHYI ROL DON DBEN PA'I RNAM RIG TZAM YIN NA, GZHAN DON BYED PA'I YUL GZHAN GYI RGYUD TSAD MAS MA GRUB PAS DE'I DON BYED PA MI 'THAD PAR RGOL BA LA, LUS NGAG GI BYA BA LAS DE'I KUN SLONG DPAGS NAS DE RANG GI RGYUD DANG 'BREL PA BKAG PAS RGYUD GZHAN SGRUB PA'I CHED DU RGYUD GZHAN SGRUB PA MDZAD DE, RNAM RIG TZAM DU MNGON SUM GYI SKABS SU GTAN LA PHABS PAS DOGS PA SKYE BA'I GZHI NI, MNGON SUM LE'U LAS YIN LA, LOG PAR RTOG PA'I NGO BO SEL BA NI GZHAN DON GYI YAN LAG GO ,GZHAN DAG RNAM 'GREL LE'U GNYIS PA LAS, THAMS CAD MKHYEN PA'I RTZA BA'I RGYU SNYING RJER BRJOD LA, DE'I DMIGS

PA YOD PAR SGRUB PA'I CHED DU YIN PAS, LE'U DE LAS 'PHROS PAR 'CHAD DO, ,RTZOD PA'I RIGS PA NI, GZHAN GYI DON SGRUB PA'I TSE, ZANG ZING GI SBYIN PA SOGS KYIS RE SHIG PA'I BDE PA LA SBYOR YANG GTAN DU BA MIN LA, GTAN GYI BDE BA BSGRUB PA NI, GZHI DANG, LAM DANG 'BRAS BU RNAMS LA MTHA' GCIG TU 'DZIN PA'I LOG RTOG DANG, MTHA' GNYIS SU DOGS PA'I TSE TSOM TSAD MA'I MTHA' CAN GYI SUN 'BYIN DANG, SGRUB NGAG GIS BSAL NAS YANG DAG PA'I LAM LA SBYAR BA KHO NAS 'GRUB PA'I RTZOD PA'I TSUL SHES PA'I YAN LAG TU MDZAD DO, ,DES NA, TSAD MA SDE BDUN POS NI, THEG PA CHEN PO'I RIGS CAN YANG DAG PAR RDZOGS PA'I SANGS RGYAS SU BGROD PA'I LAM DANG, SANGS RGYAS NAS RIGS CAN GSUM GYI DON BYED PA'I LAM RNAMS STON PA YIN LA, DE YANG DGE SLONG DAG GAM MKHAS RNAMS KYIS, ,BSREG BCAD BRDAR BA'I GSER BZHIN DU, ,LEGS PAR BRTAGS LA NGA YI BKA', ,BLANG BAR BYA YI GUS PHYIR MIN, ZHES GSUNGS PA LTAR GZHAL BYA'I GNAS DANG PO GNYIS DNGOS PO STOBS ZHUGS KYI RIGS PAS DPYAD PA DAG PAR BYED PA DANG, SHIN TU LKOG GYUR STON PA'I SKABS LA YANG, SNGA PHYI 'GAL BA DANG DNGOS SHUGS 'GAL BA YOD MED DNGOS STOBS KYI RIGS PAS DPYOD PAR BYED LA, SHIN TU LKOG GYUR GYI DON NYID DPYAD PA GSUM GYIS DAG PA'I LUNG GI RTAGS LA BRTEN NAS DPOG PA'I TSUL GTAN LA 'BEBS PA YIN LA, DE RNAMS KYI DANG PO RNAM 'GREL DANG, THA MA RTZOD RIGS YIN NO, ,RTOG PA'I DRA BA RNAMS BSAL CING ZHES PA'I SPYI'I MCHOD BRJOD YIN GYI, RGYAN GYI 'GREL BSHAD BYED PA DAG ,LE'U'I GO RIMS LDOG NAS TSAD MA GRUB PA LE'U DANG POR

, ,BYED PA NI, RE SHIG BZHAG GO ,DON BSDUS NA BSTAN BCOS SDE BDUN PO 'DI, BDAG MED GNYIS RIGS PAS RTZAL DU BTON NAS 'CHAD PA NAD RIG GI BSTAN BCOS KYI NANG NAS KYANG MNGON PA'I BSTAN BCOS YIN PAS NANG RIG PA'I GSEB NAS 'DON PA DANG, THAR PA DANG THAMS CAD MKHYEN PA SGRUB PA'I SGRUB PA SNYING POR BYED PA'I GDAMS NGAG GI GTZO BO MI STON PAR PHYI'I GO RGYA GCOD PA TZAM MO ZHES PA RANG YANG PHUNG BAR BYED LA GZHAN YANG PHUNG BAR BYED PA'I BYA BA LA 'BAD PAR MI BYA'O, ,NGES PAR LEGS PA LUNG GI SGRUB BYED LA MI BRTEN PA'I RIGS PAS THOG MAR BSGRUBS NAS, DE'I RJES SU LUNG LA BRTEN NAS MNGON MTHO SGRUB PA'I RIM PA LA NI, KLU SGRUB YAB SRAS DANG, PHYOGS GANG CHOS GRAGS SOGS BZHED PA MTHUN TE, RNAL 'BYOR SPYOD PA BZHI BRGYA PA LAS, SANGS RGYAS KYIS GSUNGS LKOG GYUR LA, ,GANG ZHIG THE TSOM SKYE 'GYUR BA, ,DE YIS STONG PA NYID BSTEN TE, ,'DI NYID KHO NAR YID CHES BYA, ZHES GSUNGS PA DANG, RNAM 'GREL LAS, BLANG DANG DOR BYA'I DE NYID NI, ,THABS BCAS RAB TU NGES PA YIS, ,GTZO BO'I DON LA MI SLU'I PHYIR, ,GZHAN LA RJES SU DPAG PA NYID, CES GSUNGS PA RNAMS DON MTSUNGS PA'O, ,SDE BDUN PO DE RNAMS LAS 'DIR CUNG ZAD BSDUS PA TSAD MA RNAMS PAR NGES PA 'CHAD PA YIN LA, DE LA YANG SLOB DPON CHOS MCHOG MDO SDE PA DANG SEMS TZAM PA GNYIS KYI LUGS GTAN LA 'BEBS PA LA, 'KHRUL PA DANG BRAL BAR RJE THAMS CAD MKHYEN PA NYID KYI ZHAL SNGA NAS BZHED PAS, DE'I 'GREL PA DON SMRA BA DANG SEMS TZAM PA'I LUGS GANG YIN LA TSAD MAR BYAS NAS 'CHAD MOD, 'ON KYANG BDAG

DANG SHIN TU KHYAD ZHUGS PA'I SHES RAB KYIS SBYAR BA'I 'GREL PA YIN PAS RTOGS PAR DKA' BA DU MA BOD KYI SHING RTA CHEN PO BLA MA LOTZTSA BA SOGS KYI 'GREL PA LA BRTEN NAS KYANG 'CHAD CING GTZO BOR DAM PA'I MAN NGAG LA BRTEN NAS 'CHAD PA YIN NO, ,SLOB DPON ZHI BA 'TSO YAB SRAS DANG SLOB DPON RGYAN MKHAN PO RNAM 'GREL GYI GZHUNG GI CHA 'GAS RNAM PAR SHES PA YANG KUN RDZOB TZAM DU YOD KYI DON DAM PAR MA GRUB PA DBU MA'I LTA BA'I DMIGS PA BSTAN PAR BZHED CES GSUNG BA YANG RANG DON GYI SKABS SU 'CHAD PAR 'GYUR RO, ,RNAM PAR NGES PA 'DI LA DON BZHI STE, MTSAN GYI DON DANG, 'GYUR GYI PHYAG DANG, GZHUNG GI DON DANG, MJUG GI DON TO, ,DANG PO NI, RGYA GAR GYI SKAD DU PRA M'A nA DANG BI DANG NI SHTZA YA RNAMS BOD KYI SKAD TSAD MA DANG RNAM PAR DANG NGES PA'O, ,PRA RAB DANG DANG PO SOGS LA YANG NGES TSIG GI BSHAD PA BYAS NAS 'JUG PA DANG M'A nA YID LA SOGS PA LA 'JUG KYANG 'DIR NI DON 'GYUR DU MDZAD NAS DANG POR 'JAL BA DANG, GSAR DU 'JAL BA SOS KYI DON LA BSAMS NAS TSAD MAR BSGYUR RO, ,GNYIS PA NI, 'JAM DPAL ZHES SOGS TE BSTAN BCOS PHYOGS GANG DU GTOGS PA DANG MTHUN PAR LOTZTSA BAS 'DOD PA'I LHA LA PHYAG 'TSAL MDZAD PA'O, ,MCHOD BRJOD KYI NI SKYABS 'GRO'I DON STON PA YIN PAS NGAG TU BRJOD PA'I TSE RJE BTZUN 'JAM PA'I DBYANGS KYI YON TAN DRAN PA'I SGO NAS SDUG BSNGAL LAS SGROL BA'I RTEN DU YID KYI 'DZIN CING NGAG GIS KYANG KHAS BLANGS PA'I SGO NAS MCHOD BRJOD BYA'O, ,GSUM PA LA GSUM, RTZOM PA LA 'JUG PA'I YAN LAG DANG, BRTZAM BYA BSTAN BCOS KYI RANG BZHIN DNGOS DANG, BRTZAMS PA MTHAR PHYIN PA'I YAN LAG GO ,DANG PO LA GNYIS,

, ,RANG GI BSTAN BCOS RTZOM PA'I RGYU DANG, BSTAN BCOS LA GZHAN 'JUG PA'I YAN LAG DGOS 'BREL LO, ,DANG PO LA BZHI, DGOS PA'I DON DANG, BSDUS PA'I DON DANG, TSIG GI DON DANG, DOGS PA BCAD PA'I, ,DANG PO NI, SER SKYA DANG GZIGS ZAN SOGS SLOB DPON PHYOGS KYI GLANG POS RTOG GE MI SHES SO ZHES SMOD PA'I SDANG ZHUGS DOR NAS GUS PA BSKYED PA'O, ,GNYIS PA NI, SNYING RJE CHEN POS KUN NAS BSLANGS NAS BSTAN BCOS RTZOM PA YIN TE, DE LA SNYING RJE'I DMIGS PA DANG, RNAM PA DANG, BYED LAS GSUM STE, 'GYUR BA YIN PAS YAN CHAD DANG BRTZE BAS ZHES DANG DE'I ZHES SO, ,SNYING RJE CHEN PO'I DMIGS PA NI SPYIR SEMS CAN THAMS CAD YIN LA, 'DIR SLOB DPON PHYOGS KYI GLANG PO LA SMOD PA'I GANG ZAG SDUG BSNGAL GYI RGYU LA LHAG PAR GNAS PA STE DE LA SMOD PA PO DANG, SMAD PA'I YUL DANG, SMOD PA'I RGYU DANG, SMOD PA'I RNAM PA DANG, SMAD PA'I 'BRAS BU DANG, SMOD PA MI RIGS PA'I RGYU MTSAN DRUG 'JIG RTEN DANG, NYER BSTEN DANG, DE TSIG DANG, RMONGS PAS DANG, CUNG ZAD DANG GONG GI GANG LA ZHES PA STE SNGA MA LNGA LA SMAD CES RE RE NAS SBYAR RO, ,GSUM PA NI, SLOB DPON PHYOGS KYI GLANG PO LA SMOD PA PO DE DAG SDUG BSNGAL DANG SDUG BSNGAL GYI RGYU DANG BRAL NA SNYAM PA'I BRTZE BAS KUN NAS BSLANGS NAS PHYOGS GLANG DE'I RIGS LAM PHYIN CI MA LOG PA'I LUGS NI GSAL BAR BYA BAR RIGS TE SER KYA SOGS KYIS SLOB DPON PHYOGS GLANG GI CHE BA DANG, TSAD MA KUN LAS BTUS KYI DON LA BLTOS PAS MGO ZHING RMONGS PAS PHYOGS GLANG LA RTOG GE'I 'JUG PA MA SHAR RO ZHES SMAD PA'I PHYIR, DAM BCA' DE'I RGYU MTSAN DNGOS SU GSAL BAR

'CHAD PA NI, SER SKYA SOGS KYIS SMAD PA'I YUL CHE BA'I YON TAN DANG LDAN PA ME DANG MA YIN TE, GDUL BYA RIGS CAN GSUM ZANG ZING GI SBYIN PAS 'KHOR DU BSDUS SHING NYE BAR BSTEN NAS CHOS KYI SBYIN PAS 'JIG RTEN RIGS CAN GSUM GYI RGYUD LA RNAM GROL GYI SA BON RGYAS PAR MDZAD PA DE LA SMAD PA'I PHYIR, DE NI NYER BSTEN DANG RGYAS MDZAD GZHI MTHUN DU BYAS NAS BYED PA PO NYID LA SBYAR BA'I BSHAD PA'O, ,YANG NA 'JIG RTEN PA GANG GIS NYE BAR BSTEN NA THAR PA'I SA BON RGYAS PAR MDZAD CES GZHI THA DAD LA BSHAD DO, , NYER BSTEN STEN PA PO DANG, STEN BYED GNYIS KA LA SLOB DPON CHOS MCHOG GIS BSHAD DO, ,SMOD PA'I RNAM PA NI SLOB DPON DANG DE'I BSTAN BCOS KYI CHE BA LA RMONGS PAS NYES PA LHAG PAR SGRO BTAGS NAS SMOD PA'O, ,SMAD PA SDUG BSNGAL GYI 'BRAS BU DANG BCAS PA YIN TE, BDAG NYID CHEN PO DE LA CUNG ZAD CIG GIS SMAD PA BYAS NA'ANG SKYES BU'I 'DOD BYA DANG BTANG SNYOMS SU BZHAG BYA'I DON MIN PA NGAN 'GRO'I SDUG BSNGAL SKYE BAR 'GYUR BA YIN NA CHEN POS SMAD NA LTA CI SMOS PA YIN PAS SO, ,SMOD PA PO'I GANG ZAG MED PA MA YIN TE, 'JIG RTEN PA BLO GROS BLUN PO SHES RAB DMAN PA SER SKYA SOGS 'DIS NI SMAD PA'I PHYIR RO, ,SMOD PA'I RGYU MED PA MA YIN TE, NANG GI RGYU BLO GROS BLUN PA DANG, PHYI'I RKYEN KUN LAS BTUS PA DE'I TSIG 'GREL DKA' ZHING MTSAMS SBYOR NYUNG BAS BSHAD KYANG RTOGS DKA' BAS BRLING BA'I RGYU GNYIS LAS DE'I DON GSAL BAR MI SHES PAS SO, ,'ANG GI SGRAS PHYI NANG GI MI SHES PA'I RGYU GNYIS PHAN TSUN SDUD PA'I DON YIN NO, ,DPE KHA CIG LA'ANG GI SGRA CHAD PA NI MA DAG PAR GSAL TE, SLOB DPON CHOS MCHOG

, ,GIS DKYUS NA YOD PA'I DBANG DU BYAS NAS BSHAD PA MDZAD PA'I PHYIR RO, ,SER SKYA SOGS LA SMAD KYANG MI RIGS PA MED PA BZHIN DU PHYOGS GLANG LA SMAD KYANG MI RIGS PA MED DO ZHE NA, DE LA SMOD PAR SHIN TU MI RIGS TE, PHYOGS KYI GLANG PA GANG LA 'PHAGS PA 'JAM DPAL DE NYID SLOB DPON GYIS DE'I TSE GSOL BA MA BTAB KYANG, SPRUL PA DANG 'KHOR BTANG BA MA YIN PAR RANG NYID DNGOS SU BYON NAS SLOB DPON 'KHOR BA LA YID BYUNG NAS SEMS CAN GYI DON LAS GZHAN DU PHYOGS TE GCIG PU GROL BAR 'DOD PA NA THEG PA CHEN PO'I LAM LAS MI NYAMS PAR DNGOS SU RJES SU BZUNG BA'I PHYIR, SLOB DPON DE NI YANG DAG PAR RDZOGS PA'I BYANG CHUB LA ZHUGS PA DANG SEMS DPA' CHEN POS BYIN GYIS BRLABS PAS NA BSOD NAMS KYI TSOGS KYI DPAL DANG LDAN PA DANG, BDAG MED PA'I DON LA LOG PAR RTOG PA'I DRI MA MED PA'I BLO YE SHES KYI TSOGS MNGA' BA STE TSOGS GNYIS RGYA CHEN PO MNGA' BAS SO, ,SLOB DPON DE DBEN PA'I GNAS RI'I PHUG CIG NA BZHUGS TE SGRUB PA MDZAD PA NA, DUS RE SHIG CIG TSAD MA KUN LAS BTUS PA BRTZAM PAR BZHED NAS, BRAG GI NGOS LA, TSAD MA YANG DAG 'GRO LA PHAN BZHED PA ZHES BYA BA LA SOGS PA'I NGAG DANG PO BKOD PA DANG, SA G-YO BA LA SOGS PA'I LTAS CHEN PO BYUNG BAS, RI 'BIGS BYED KYI PHUG NA PHYI ROL PA'I DRANG SRONG NAG PO ZHES BYA BA MNGON SHES CAN ZHIG GNAS PAS SHES TE BAR CHAD BYA'O SNYAM NAS KHA NAS ME PHYUNG BA LA SOGS PAS SLOB DPON LA GNOD PA CHEN PO BYAS PA DANG, MA RUNGS PA'I SEMS CAN DE LTA BU MTHONG BAS THUGS SHIN TU SKYO NAS RANG NYID MYUR DU GROL BAR BZHED DE, THOD LO

KOR NAM MKHAR BSKYUR NAS DE SA LA LTUNG MA THAG THEG PA DMAN PAR GZHOL BAR BZHED PA DANG RJE BTZUN DNGOS SU BYON NAS, MA BYED MA BYED THEG PA DMAN DANG PHRAD PA LAS NI BLO GROS NGAN SKYE BAS, ,JI SRID SA MA THOB KYI BAR DU KHYOD KYI DGE BA'I BSHES SU NGA 'GYUR GYI, ,KHYOD KYI BSTAN BCOS 'DI LA MU STEGS SOGS KYIS GNOD MI NUS PAR SHES BYA STE, ,PHYI MA'I DUS DAG TU'ANG 'JIG RTEN KUN GYI MIG GCIG TU NI 'DI 'GYUR RO, ZHES GSUNGS SHING, THEG PA DMAN PA'I SEMS LAS LOG NAS, THEG PA CHEN PO LA BRTAN PAR BZHAG STE DE NYID DU MI SNANG BAR GYUR TO ZHES 'BYUNG NGO, ,DON 'DI LA BRTZAMS NAS SLOB DPON RGYAN MDZAD PAS KYANG BSTOD PA MDZAD DO, ,DES NA SLOB DPON TSOGS GNYIS KYI DPAL KHYAD PAR CAN DANG LDAN PAS SMAD PAR MI RIGS SO, ,BZHI PA NI, KHA CIG NA RE TSIGS BCAD PHYED SNGA MAS TSAD MA KUN LAS BTUS DANG ZLOS PA'I NYES PA SPANGS TE, BLO GROS BLUN POS TSIG DON BRLING PO GZHAN LA MA BRTEN PAR NGES MI NUS PAS ZLOS SKYON MED PA DANG PHYED 'OG MAS RANG RGYUD DU BRTZAMS PA SPANGS SO ZER BA MI 'THAD DE, BRTZE BAS KYANG ZHES SNGA MA BSDU BA'I TSIG MED PA'I PHYIR DANG, KUN LAS BTUS KYI 'GREL PA YIN PAR BSGRUBS PAS ZLOS PA'I NYES PA SPANGS PA'I PHYIR, KHA CIG TSIGS BCAD 'DIS RNAM NGES KYI DGOS PA BSTAN LA PHAN PA DANG ZHES SOGS TSAD MA SPYI'I DGOS 'BREL STON PA YIN NO, ZER BA YANG MI 'THAD DE, RNAM NGES KYI DGOS PA NI 'DI LA BRTEN NAS BRJOD BYA RTOGS PA YIN LA, RNAM NGES BRTZAMS PA DGOS PA MED PA'I DOGS PA NI KUN LAS BTUS KYI BSHAD PAR BSGRUBS PAS SPANGS ZIN PA'I PHYIR, BSTAN BCOS 'DIR BRTZAMS PAR DAM BCA' GNYIS BYED PA MI

, ,'THAD DE, DE LTA NA DGOS 'BREL STON PA'I GZHUNG TSAN PA GNYIS KYANG DGOS PAS BSTAN BCOS KYI LUS GNYIS SU THAL BAR 'GYUR RO ZHE NA, SKYON MED DE, SNGA MA TSAD MA KUN LAS BTUS KYI 'GREL PAR GSAL BAR GO BAR BYED PA YIN LA PHYI MA NI DE'I TSIG DON RTOGS PA'I NUS PA 'DI LA YOD PAS DE'I CHED DU RTZOM ZHES PA'O, ,GNYIS PA LA GSUM, DGOS 'BREL GYI DAG BKOD PA'I DGOS PA DANG, TSIG DOR BSHAD PA DANG, MTHA' DPYAD PA'O, ,DANG PO NI RNAM 'GREL LAS, 'BREL PA DANG NI RJES MTHUN THABS, ,SKYES BU'I DON NI BRJOD BYED DAG ,CES PA LTAR, BSTAN BCOS RNAM PAR DAG PA NI SKYES BU'I DGOS PA'I DON MNGON PAR MTHO BA DANG NGES PAR LEGS PA STON PA DANG, DGOS PA DE SGRUB NUS PA'I RJES MTHUN GYI THABS DAM PA STON PA DANG, DE YANG 'BREL CHAGS SU STON PA DGOS PA LA 'DIS SKYES BU'I 'DOD BYA'I DON MI STON NAM SNYAM PA LA PHAN PA DANG, ZHES SOGS KYIS NYING DGOS STON LA, DGOS PA DE YOD KYANG SGRUB MI NUS SAM SNYAM PA LA, YANG DAG PA'I SHES PA ZHES SOGS BRJOD BYA DANG, RJES MTHUN GYI THABS DAM PA YIN PA 'BREL PA BSTAN PA SOGS KYIS GO BAR BYED DE, MDOR NA BSTAN BCOS 'DI BRTZAMS PA LA DGOS PA PHAL CHER MED SNYAM PA DANG, DGOS PA YOD KYANG SKYES BU'I DON DU GNYER BYA MA YIN SNYAM PA DANG, DE YIN YANG DGOS PA DE SGRUB MI NUS SNYAM PA DANG, SPYIR SGRUB NUS KYANG 'DIR BSTAN PA'I THABS DANG MA 'BREL SNYAM PA'I DON DU MI 'GYUR BA'I THE TSOM DANG 'GAL BA DGOS SOGS BZHI LA DON 'GYUR GYI THE TSOM BSKYED PA'I 'JUG PA'I YAN LAG STON PA YIN NO, ,GNYIS PA NI, TSAD MA RNAM PAR

NGES PA 'DI BRTZAM MO ZHES DRANG NGO, ,'DI ZHES PA'I NYE TSIG SMO BA MI RIGS TE, DA DUNG BSTAN BCOS KYI LUS MA GRUB PA'I PHYIR RO ZHE NA, SKYON MED DE SLOB DPON GYI THUGS YUL DU RDZOGS PAR GRUB PA LA DGONGS PAS SO, ,YANG NA 'DI BRTZAMS PA YIN GYI RDZEGS PA NI MA YIN NO ZHES PA'I THA TSIG GO ,DGOS PA CI'I DON DU RTZOM ZHE NA, BSTAN PA STE KUN LAS BTUS LAS BSTAN PA'I YANG DAG PA'I SHES PA 'KHOR BA DANG BCAS PA 'DI LA BRTEN NAS RTOGS PA'I DON DU'O, ,RTOGS PA LA BSTAN PA'I MING GIS BTAGS PA YIN TE, BSTAN PA DNGOS YIN NA, BSTAN PA'I DON DU 'DI BSTAN ZHES PA 'BREL PA MED PAS BSTAN BCOS DANG, DE LA BRTEN NAS BRJOD BYA RTOGS PA THABS DANG THABS BYUNG MA YIN PAR 'GYUR RO, ,'DOGS PA'I RGYU MTSAN YOD DE, BSTAN PA'I 'BRAS BU YIN PA'I PHYIR DANG, BTAGS PA LA DGOS PA YOD DE, THOS PA'I SHES RAB LA THOS PA SNGON DU 'GRO DGOS PA SHES PA'I CHED YIN PA'I PHYIR, GANG LA BSTAN TZA NA, DON DAM PA'I TSAD MA THOB PA'I THABS SU GYUR PA'I KUN TU THA SNYAD PA'I TSAD MA'I NGO BO DANG DBYE BA DANG, 'JUG TSUL SOGS LA YANG RMONGS PA'I MI MKHAS PA RNAMS LA BSTAN NAS RTOGS PA'I DON DU YIN NO, ,'OG NAS 'DI NI KUN TU THA SNYAD PA'I TSAD MA'I RANG BZHIN BRJOD PA YIN TE ZHES PA DANG, RNAM 'GREL LAS, BSTAN BCOS RMONGS PA ZLOG BYED YIN ZHES PA LTAR RO, ,DE DAG GIS DGOS PA BSTAN TE, ,GANG RTOGS PAS RMONGS PA BZLOG PA'I RTOGS BYA DE GANG YIN ZHE NA, BRJOD BYA STON PA NI, DON DAM PA'I TSAD MA MDO TZAM DU STON CING, THA SNYAD PA'I TSAD MA RGYAS PAR GTAN LA 'BEBS PAS YANG DAG PA'I SHES PA 'KHOR DANG BCAS PA DE'O,,

, ,DE RTOGS PA DGOS PA GANG GI DON DU YIN ZHE NA, NYING DGOS STON PA NI, GNAS SKABS DANG MTHAR THUG GI PHAN PA MNGON MTHO DES LEGS THOB PA DANG MI PHAN PA TSE 'DI PHYIS BSDUS PA'I NYES DMIGS SPONG BA NI YANG DAG PA'I SHES PA LA RAG LAS PAS DE SNGON DU 'GRO BA CAN YIN PAS NA, DGOS PA DE'I DON DU YIN NO, ,THE TSOM LA BRTEN NAS KYANG DON THOB PAS DE LA YANG DAG PA'I SHES PA SNGON DU 'GRO CI DGOS SNYAM NA, BUM PA'AM SNAM BU ZHES THE TSOM GYIS GNYIS KA'I CHA LA DMIGS PAS DON GCIG GNYIS KA'I DNGOS POR GYUR PA THOB PA MI SRID CING, YID DPYOD KYIS KYANG DE MA YIN DU 'DZIN PA'I SGRO 'DOGS SEL MI NUS PAS DE DAG GIS GZHAL BYA RTOGS PA'I TSAD MA BSKYED PA TZAM SRID KYANG RANG DBANG DU DON RTOGS PA DANG THOB PA'I NUS PA MED PAS DE LA NI NGES PAR YANG DAG PA'I SHES PA SNGON DU 'GRO DGOS PA YIN NO, ,NGES PAR SNGON DU 'GRO ZHES PA DANG DON DU ZHES SOGS KYIS 'GREL PA 'PHANGS PA YIN NO, ,BSTAN BCOS RNAM NGES CHOS CAN, KHYOD LA BRJOD BYA DANG DGOS PA YOD DE, KHYOD KYIS YANG DAG PA'I SHES PA 'KHOR BCAS BRJOD PA LA BRTEN NAS DE BDE BLAG TU RTOGS NUS PA'I PHYIR, NYING DGOS YOD DE, KHYOD LA BRTEN NAS MNGON MTHO NGES LEGS THOB NUS PA'I PHYIR, KHYOD LA 'BREL PA YOD DE, KHYOD DANG KHYOD KYI DGOS PA DANG NYING DGOS RNAMS PHYI MA PHYI MA SNGA MA SNGA MA LA 'BREL BA'I PHYIR PHAN PA DANG MI PHAN PA GNYIS SU MA 'DUS PA'I SKYON MED DE BTANG SNYOMS SU BYA BA YANG YAL BAR DOR BYA YIN PAS MI PHAN PA YIN PA'I PHYIR, SKABS 'DIR SLOB DPON CHOS MCHOG GIS TSAD MA LA GTAN LA DBAB BYA YIN MIN GNYIS SU PHYE BA'I LUGS

SU BYAS NAS BOD SNGA MA RNAMS KYIS DGAG PA MDZAD PA NI MI 'THAD PA 'CHAD PAR 'GYUR RO, ,GSUM PA NI, PHAN PA DANG MI PHAN PA THOB PA DANG SPONG BA LA NGES PAR YANG DAG PA'I SHES PA SNGON DU 'GRO BA JI LTAR YIN ZHE NA, 'KHOR BA'I SDUG BSNGAL NYE BAR ZHI BA'I MYANG 'DAS THOB PA LA NI BDAG MED MNGON SUM DU RTOGS PA'I RNAL 'BYOR MNGON SUM GOMS PA SNGON DU 'GRO DGOS LA, DE LA YANG BDAG MED DON SPYI'I TSUL GYIS BSGOM PA SNGON DU 'GRO DGOS SHING DE DAG LA 'KHOR BA'I RTZA BA GANG ZAG GI BDAG 'DZIN GYI ZHEN YUL SUN PHYUNG BA GANG ZAG GI BDAG MED DNGOS STOBS RJES DPAG GIS RTOGS PA SNGON DU 'GRO DGOS SO, ,DE SKYE BA LA BDAG MED SGRUB PA'I GTAN TSIGS KYI TSUL RNAMS THA SNYAD PA'I DBANG PO'I MNGON SUM TSAD MA DANG, RANG RIG MNGON SUM TSAD MA LA THUG PAR 'BREL CHAGS SHING BAR MA CHAD PAR SGRUB DGOS PA YIN NO, ,DES NA 'KHOR BA'I SDUG BSNGAL SPONG BA LA YANG DAG PA'I SHES PA SNGON DU 'GRO DGOS PA GSAL BAR GRUB PA YIN NO, ,DE BZHIN DU NGAN 'GRO'I SDUG BSNGAL CHE CHUNG DANG, TSE RING THUNG SOGS SHIN TU LKOG GYUR GYI DON RNAMS KYANG DPYAD PA GSUM GYIS DAG PA'I LUNG GI RTAGS LA BRTEN NAS GRUB CING DE'I TSUL RNAMS KYANG SNGAR LTAR 'GRUB PA YIN NO, ,NGAN 'GRO'I RGYU BKAG NAS PHYI MA LA MNGON MTHO SGRUB PA SOGS KYANG YANG DAG PA'I SHES PA LA RAG LAS PA YIN NO, ,'DI DAG GI TSUL LA GTING TSUGS PA'I NGES PA DRANG DGOS TE, THAR PA DON GNYER GYI GANG ZAG DBANG PO RNO RTUL GNYIS LAS, SNGA MAS NI THAR PA THOB DGOS PA DANG, NUS PA GNYIS TSAD MAS GRUB NAS THAR PA SGRUB PAR DAM 'CHA' ZHING DON DU GNYER BA YIN LA, GANG ZAG PHYI MAS NI DANG POR 'KHOR

, ,BA'I NYES DMIGS PAS MAS NAS THAR PA DON GNYER GYI BLO SKYE ZHING DE'I RJES SU BDAG MED RTOGS PAR BYED PA YIN YANG DE DAG LA YANG YANG DAG PA'I SHES PA SNGON DU 'GRO DGOS PA YIN NO, ,SNGAR BSHAD PA DE DAG THAMS CAD MKHYEN PA BSGRUB PA LA YANG SBYAR BAR BYA STE, RIGS PA'I BSTAN BCOS 'DIR THAR BA DANG THAMS CAD MKHYEN PA DNGOS PO STOBS ZHUGS KYI TSAD MAS SGRUB PA'I TSUL THA SNYAD PA'I MNGON SUM TSAD MA LA THUG PA'I BAR GTAN LA 'BEBS PA YIN NO, ,GRUB MTHAS BLO MA BSGYUR BA'I GANG ZAG RNAMS KYANG 'DOD DON THOB PA DANG MI 'DOD PA'I DON SPONG BA LA YANG YANG DAG PA'I SHES PA SNGON DU 'GRO DGOS TE, THE TSOM DRANGS NAS 'JUG PA LA YANG THE TSOM 'DREN PA'I TSAD MA SNGON DU 'GRO DGOS PA'I PHYIR RO, ,GNYIS PA LA GNYIS, TSAD MI SPYI'I RNAM PAR BZHAG PA DANG, SO SO'I RNAM PAR BZHAG PA'O, ,DANG PO LA MTSAN NYID RNAM PAR DAG PA RTOGS PA'I DON CAN GYI MTSAN GZHI'I DBYE BA DANG, MTSAN NYID DNGOS DANG, GRANGS LA LOG PAR RTOG PA BSAL BA'O, ,DANG PO LA GNYIS, TSIG DON DANG, MTHA' DPYAD PA'O, ,DANG PO NI, GANG ZHIG THOB PA DANG SPANG BA'I RGYU 'KHRUL MED GANG YIN SNYAM DU RNAM PAR DPYAD PA'I SKABS KYI 'DUG BYED KYI YANG DAG PA'I SHES PA DE NI DBYE GZHI, DE LA DBYE NA RNAM PAR GNYIS TE, 'DIS KYANG GRANGS LA LOG PAR RTOG PA MDO TZAM BSAL MOD KYI 'OG NAS SPYOD YUL LA LOG RTOG BSAL BA'I SGO NAS GRANGS LA LOG PAR RTOG PA RGYAS PAR SEL BA YIN NO, ,DE NI GRANGS KYI DBYE BA YIN LA, MING GI DBYE BA NI, RANG MTSAN GZUNG YUL DU BYAS PA'I SGO NAS SGRO 'DOGS GSAR DU GCOD BYED KYI BLO

MNGON SUM TSAD MA DANG NI SPYI MTSAN GZUNG YUL DU BYAS PA'I SGO NAS SGRO 'DOGS GSAR DU GCOD PA'I BLO RJES SU DPAG PA'I TSAD MA ZHES BYA'O, ,DANG GI SGRA NI, YANG DAG PA'I SHES PAS RJES DPAG SDUD PA'I DON YIN TE, MNGON SUM DANG RJES DPAG GNYIS KA TSAD MA'O ZHES PA'I DON TO, GZHUNG 'OG MAS KYANG GRANGS GRUNG MOD, GONG DU GNYIS TE ZHES SMOS PA 'GAL BA MED DE, 'JIG RTEN NA YANG SNUM 'KHUR DAG NI GNYIS SO ZHES PA BZHIN TE, NGAG GNYIS TSIG YIN PAS GNYIS GRUB KYANG GRANGS RTOGS PA'I DON DU YANG GNYIS SMOS SO,, YANG NA, 'O ZHES BYA BA'I RDZOGS TSIG GIS TSAD MA LA MA BON RJES GNYIS KHO NAR NGES PA YIN GYI GZHAN NI MED DO ZHES GRUB ZIN MA RNAM PA'I DON DU SMOS SO, ,YANG TSAD MA GNYIS SO ZHES PA TZAM GYIS GNYIS PO SU YIN MI SHES PAS NGO BO NGES PA'I CHED DU YANG GZHUNG PHYI MA SMOS PAR SHAS PAR BYA'O, ,TSAD MA CHOS CAN, GNYIS SU NGES TE, MNGON SUM TSAD MA DANG, RJES DPAG TSAD MA GNYIS SU NGES PA'I PHYIR, GNYIS PA NI, 'DIR TSAD MA'I DBYE BA SMOS PA'I DGOS PA NI SPYI'I MTSAN NYID DANG, BYE BRAG GI MTSAN NYID RNAM PAR DAG PA RTOGS PA'I DON DU YIN TE, GSAR DU MI SLU BA'I SHES PA RANG NYID 'JUG PA'I GZHI RANG MTSAN GZUNG YUL DU BYED PA DANG, SPYI MTSAN GZUNG YUL DU BYED PA GNYIS YOD PA RANG RIG MNGON SUM TSAD MAS RTOGS SHING, GNYIS LAS GZHAN YOD PA RANG RIG MNGON SUM TSAD MAS KHEGS PAS MTSAN GZHI MTHA' CHOD PAR RTOGS LA, DE LA BRTEN NAS MTSAN NYID KYANG MTHA' CHOD PAR RTOGS SO, ,GSAR DU MI BSLU BA'I SHES PA GANG ZHIG RANG MTSAN GZUNG YUL DU BYED PA DANG, SPYI MTSAN GZUNG YUL DU BYED PA GNYIS SU NGES PAS DE

, ,GNYIS KYI TSAD MA GNYIS KYANG SO SOR 'JOG NUS PA'I PHYIR, BYE BRAG GI MTSAN NYID KYANG RNAM PAR DAG PAR RTOGS PA YIN NO, ,SLOB DPON CHOS MCHOG GIS 'DIR 'JUG PAR BYED PA'I YANG DAG PA'I SHES PA DE RNAM PA GNYIS YIN GYI, DON BYED PAR SNANG BA NI MA YIN TE, DE NI MNGON SUM TZAM DU ZAD PA'I PHYIR RO ZHES BSTAN PA'I DON DU DE ZHES SMOS SO ZHES DANG, GONG DU YANG DAG PA'I SHES PA NI GNYIS TE, GCIG NI 'DOD PA THOB PA'I RANG BZHIN DON BYED PAR SNANG BA YIN LA, DE'ANG DPYAD PAR BYA BA MA YIN TE ZHES SOGS KYI DON DU BSAMS NAS, SNGON GYI DGE BA'I BSHES GNYEN CHA PA LA SOGS PAS, SLOB DPON CHOS MCHOG LA DON BYED SNANG CAN GYI MNGON SUM TSAD MA DON THOB PA'I DUS CAN YIN PAS TSAD MAR NGES ZIN PA'I PHYIR, ,BSTAN BCOS SU DPYAD BYA MA YIN LA TSAD MA LA GNYIS LAS MED PAS DE'I SGRUB BYED DU SNANG BA BSTAN BCOS SU DPYAD BYA YIN ZHING DE NYID SKABS 'DIR DBYE GZHIR BYED PA YIN NO ZHES ZER BA MI 'THAD DE, ZHES MGO MTSUNGS KYI DGAG PA DU MA BYED PA NI, CHOS MCHOG CHEN PO'I DGONGS PA CI YIN MA RTOGS BZHIN DU DGAG PA BYED PA NI RNAM PA THAMS CAD DU MI RIGS PAR SHES PAR BYA'O, ,'O NA CI YIN ZHE NA, YUL LA 'JUG PAR BYED PA TZAM YIN KYANG BCAD SHES KYIS BSDUS PA'I MNGON RJES KYI RIGS 'DRA PHYI MA RNAMS TSAD MA YIN PA SPANGS NAS TSAD MA SNGA MAS DRANGS PA LA BLTOS PA MED PAR, DANG PO'I 'JUG BYED NYID DANG, SGRUB BYED NYID TSAD MAR GO BA'I CHED DU 'JUG PAR BYED PA'I YANG DAG PA'I SHES PA NYID DBYE GZHIR BZHAG PA YIN GYI, TSAD MA YIN NA DANG PO'I 'JUG BYED YIN PAS MA KHYAB PAR STON PA GTAN MIN PAR SHES PAR

BYA'O, ,TSAD MA SPYI'I MTSAN NYID STON PA'I SKABS SU YANG SLOB DPON CHOS MCHOG GIS GANG GI PHYIR SHES PA LA 'JUG PAR BYED PA LAS THOB PAR BYED PA'I BYA BA GZHAN MED LA, 'JUG PA YANG KHONG DU CHUD PA LAS GZHAN MA YIN TE, DE'I PHYIR TSAD MA THAMS CAD NI MA RTOGS PA'I DON CAN KHO NA YIN NO, ,DE NYID KYI PHYIR DANG PO'I MNGON SUM DANG RJES SU DPAG PA'I SKAD CIG MA NYID KYIS DON BYED PAR NUS PA'I DNGOS PO'I RGYUN NGES PAS, 'JUG PA'I YUL DU BYED PAR NUS PA'I PHYIR, DE'I RGYUN DU GYUR PA GRUB PA DANG BDE BA THA MI DAD PA PHYI MA RNAMS TSAD MA YIN PA SPANGS PA YIN NO, ZHES PA'I DON LEGS PAR KHONG DU CHUD PAR BYA BA YIN NO, ,MNGON RJES GNYIS SU GRANGS NGES PA SGRUB PA'I TSAD MA MDOR BZHAG PA NI, SGRA 'DZIN MNGON SUM TSAD MA GZHIR GZUNG NAS DE YIN PA YOD PA DANG, DE TSAD MAR NGES PA DANG, DE YIN PA'I RJES DPAG TSAD MA YOD PA RNAM BCAD LA KHEGS PA'I STOBS KYIS DE MNGON SUM TSAD MAR YONGS GCOD LA RTOGS NUS PAS GNYIS MIN GYI PHUNG GSUM SEL BA YIN ZHING, DE MNGON SUM TSAD MAR YONGS SU BCAD PA'I STOBS KYIS RJES DPAG TSAD MA YIN PA RNAM BCAD LA KHEGS PAS GNYIS YIN GYI PHUNG GSUM SEL BA YIN NO, ,DE BZHIN DU, DU LDAN GYI LA ME YOD DU RTOGS PA'I RJES DPAG TSAD MA GZHIR BYAS NAS, DE YIN PA YOD PA DANG, DE TSAD MAR RTOGS PA DANG, DE YIN PA'I MNGON SUM YOD PA RNAM BCAD LA KHEGS PA'I STOBS KYIS DE RJES DPAG TU YONGS GCOD LA RTOGS NUS PAS GNYIS MA YIN GYI PHUNG GSUM SEL LA, GNYIS YIN GYI PHUNG GSUM SEL BA NI GO BAR ZAD DO, ,PHUNG GSUM YIN MIN TSAD MAS SGRO 'DOGS GCOD PA'I TSUL LA

, ,BLTA DGOS PA YIN GYI, TSAD MA TSAD MA YIN NA, GRANGS NGES 'JAG PAS TSAD MA MIN NO ZHES PA DANG, YANG TSAD MA YIN YANG PHUNG PO GSUM PA'O ZHES ZER BA NI PHUNG GSUM SEL BA'I TSUL GYI BRDA RAGS PA TZAM YANG MA CHAGS PA'I BLUN PO'I GTAM MO, ,GNYIS PA LA GNYIS, TSIG DON DANG, MTHA' DPYAD PA'O, ,DANG PO NI, DBYE BA NGES PA'I YAN LAG TU SPYI'I MTSAN NYID BSTAN PA NI, 'DI GNYIS KHO NA TSAD MA YIN GYI, GZHAN MA YIN PA'I RGYU MTSAN SPYI'I MTSAN NYID GANG YIN ZHE NA, TSAD MA GNYIS PO 'DI DAG GIS TE 'DI GNYIS KHO NAS GZHAL BYA'I DON LA SGRO 'DOGS GSAR DU YONGS SU BCAD NAS GZHAL BYA'I DON LA SKYES BU 'JUG PA NA BTZO SREG LA SOGS PA'I DON BYA BA BYED PA LA BSLU BA MED PA'I PHYIR RO, ,LOTZTSA BA CHEN POS YONGS SU BCAD NAS ZHES PA'I TSIG GIS KHYAB CHES PA GCOD LA, 'JUG PA NA ZHES PAS MI SRID PA BCAD NAS MA KHYAB PA GCOD PA SHUGS LA GO BAR BYED CES GSUNG NGO, ,MI SLU BA MED PAR MI 'GYUR BA'I DGAG PA GNYIS KYIS MI SLU BA GO BAR BYED PA SLOB DPON CHOS MCHOG GIS BSHAD DO, ,MNGON SUM DANG RJES DPAG CHOS CAN, TSAD MA YIN TE GSAR DU MI SLU BA'I SHES PA YIN PA'I PHYIR, CES PA DANG, YANG TSAD MA MNGON RJES GNYIS KHO NAR GRANGS NGES TE, GNYIS PO KHO NAS SGRO 'DOGS GSAR DU BCAD NAS 'JUG PA NA MI SLU BAR BYED PA DE YIN PA'I PHYIR, GNYIS PA NI, SLOB DPON CHOS MCHOG GIS TSAD MA LA RANG LAS NGES PA DANG, GZHAN LAS NGES PA GNYIS SU PHYE BA NI, MTSAN GZHI LA MTSAN NYID NGES BYED KYI TSAD MA LA SBYAR TE, DE LA SPYIR TSAD MA DE'I GZHAL BYA LA RANG

STOBS KYIS NGES PA 'DREN PA RANG NGES DANG, GZHAN STOBS KYIS NGES PA GZHAN NGES SU BYED PA DANG, YUL CAN LA MTSAN MTSON GZHI GSUM GYI MTSAN GZHI SNGO 'DZIN MNGON SUM LTA BU RANG GZHAN GYI STOBS KYIS NGES PA DANG, DE TSAD MA YIN PA'I CHA RANG GZHAN GYI STOBS KYIS NGES PA DANG, DE MI SLU BA YIN PA RANG GZHAN GYI STOBS KYIS NGES PA DANG, GZHAL BYA'I BDAG NYID MED NA TSAD MA RANG NYID MI 'BYUNG BA'I CHA LA RANG STOBS KYIS NGES PA RANG NGES DANG, TSAD MA GZHAN GYI STOBS KYIS NGES DGOS PA 'DI DAG LAS RANG NGES DANG GZHAN NGES KYI TSAD MA'I DON GANG ZHIG YIN, DANG PO MI RIGS TE, GZHAL BYA RANG STOBS KYIS NGES PA MI 'DREN PA TSAD MAR MI RUNG BA'I PHYIR, GNYIS PA YANG MI RIGS TE, DBANG PO'I MNGON SUM RANG RIG MNGON SUM GYIS RTOGS DGOS PA YIN GYI, DBANG MNGON GYI GZHAL BYAR MI RUNG BA'I PHYIR DBANG MNGON LA RANG LAS NGES KYI TSAD MA BZHAG TU MED PAR 'GYUR RO, ,GSUM PA YANG MI RIGS TE, BRDA LA MA BYANG BA'I BYIS PA SOGS DANG, RGYANG PAN GYIS RJES DPAG LA TSAD MA'I THA SNYAD MA THOGS PAS RJES DPAG RANG LAS NGES KYI TSAD MA MA YIN PAR 'GYUR LA, BZHI PA YANG MI 'THAD DE, GZHAL BYA'I DON RANG STOBS KYIS NGES NAS DE MED NA, TSAD MA RANG NYID MI 'BYUNG BA'I 'BREL PA MA NGES PA MI SRID DO ZHE NA, DE LA PHYOGS DANG PO GSUM GYI SGO NAS MI 'BYED PAS SKYON MED LA, PHYOGS BZHI PA LA KHYAD PAR PHYE NAS 'JOG STE, 'OG NAS RGYANG PAN 'GOG PA'I SKABS SU MI SLU BA'I DON GZHAL BYA'I DON MED NA TSAD MA RANG NYID MI 'BYUNG BA LA SLOB DPON CHOS MCHOG GIS MDZAD PA'I PHYIR DANG, RANG NGES GZHAN NGES KYI DBYE BA 'DI DAG TSAD MA'I

, ,MTSAN GZHI LA MTSAN NYID NGES BYED KYI TSAD MA GTAN LA 'BEBS PA YIN PA'I PHYIR, DE LA RANG LAS NGES DANG GZHAN LAS NGES KYI TSAD MA'I MTSAN NYID DANG, DBYE BA'O, ,DANG PO NI, GSAR DU MI SLU BA'I SHES PA GANG ZHIG RANG GI GZHAL BYA'I BDAG NYID YUL STENG DU GNAS PA MED NA TSAD MA RANG NYID MI 'BYUNG BA LA RANG STOBS KYIS NGES PA 'DREN PA DANG, TSAD MA GZHAN GYI STOBS KYI NGES DGOS PA'O, ,SLOB DPON CHOS MCHOG GIS MNGON SUM GOMS PA CAN STON PA NA DE'I PHYIR GANG ZHIG RMI LAM LA SOGS PAS SHES PA MA BSLAD PA DANG, YUL NYE BA DANG, GSAL BYED MI MTHUN PA MA YIN PAS DNGOS PO BZUNG BA NI, DE'I RANG BZHIN MYONG BA NYID KYIS DON BDEN PAR NGES PAR 'GYUR TE, DE LTA BUR GYUR PA NI 'KHRUL PA MED PAR LAN CIG MA YIN PAR MTHONG NAS THA SNYAD GOMS PA LAS MTSON PA'I PHYIR RO, ,DES NA RANG GI NGO BO LAS DON MED NA MI 'BYUNG BAR 'GRUB BO ZHES PA DANG, GZHAN LAS NGES KYI SKABS SU DE'I SHING SHA PA NYID KYI KHYAD PAR MED NA MI 'BYUNG BAR NGES PA NI GZHAN LAS YIN NO ZHES BSHAD DO, ,DE YANG RANG NYID GANG LA TSAD MAR SONG BA'I GZHAL BYA DE MED NA RANG NYID MI 'BYUNG BA NGES PA DANG MI NGES PA'I DON MA YIN GYI DNGOS PO 'JAL BA'I TSAD MA YIN NA RANG GIS DNGOS SU MA GZHAL YANG RANG GIS GZHAL BA'I DNGOS PO DE'I RDZAS SU GYUR PA GSAL BA RANG MTSAN GYI MTHAR THUG PA GCIG MED NA TSAD MA RANG NYID MI 'BYUNG BA'I DON DANG, DNGOS MED RTOGS PA'I TSAD MA YIN NA RANG GI GZHAL BYA DE'I BDAG NYID YUL STENG DU LEGS PAR GNAS PA GCIG MED NA TSAD MA RANG NYID MI 'BYUNG BA'I DON TO, ,SLOB DPON

CHOS MCHOG GI 'GREL PAR NUS PA NGES PA DANG, DON BDEN PA NGES PA DANG, DON MED NA MI 'BYUNG BA NGES PA'I THA SNYAD KYIS GSUNGS PA RNAMS NI SKABS 'DIR DON GCIG GO ,GNYIS PA LA SNANG BA RANG LAS NGES SHING, BDEN PA GZHAN LAS NGES PA NI, RGYANG RING PO'I KHA DOG DMAR 'BAR BA MNGON SUM GYIS GZUNG ZHING NGES PA DRANGS NAS DE'I RJES SU CI 'DI ME'AM 'ON TE GZHAN YIN ZHES THE TSOM DRANGS NAS ME'I LDOG PA TSAD MA GZHAN GYIS 'JAL BA LTA BU STE, SNANG BA NGES PA'I 'OG ROL TU THE TSOM 'DREN PA YIN GYI THE TSOM DNGOS SU 'DREN PA'I TSAD MA MI SRID CING, THE TSOM GYIS TSAD MA'I BYA BA MI 'GOG PAR BSHAD PA YANG THE TSOM 'DREN PA'I MNGON SUM NGES RANG GI GZHAL BYA LA NGES PA DRANGS PA'I RJES SU LDOG PA GZHAN LA THE TSOM DRANGS TE SKYES BU ZHUGS PAS TSAD MA GZHAN SKYES NAS GZHAL BYA THOB PAR BYED PA'O, ,SGRO 'DOGS KYIS TSAD MA'I BYA BA 'GOG PA YIN TE, MIG RGYU'I KHA DOG SNANG BA LA CHU 'DUG SNYAM DU ZHEN NAS ZHUGS PAS DON MI THOB PA BZHIN NO, ,DE LTAR YANG t'IKKA 'THAD LDAN DU SNANG BA YANG RANG NYID RTOG PA MED PAR NGES PA'I RANG BZHIN DE KHO NA BZHIN DU NGES PA'I PHYIR, MED NA MI 'BYUNG BA'I THE TSOM NI, PHYI NAS 'BYUNG BAS MNGON SUM GYI BYA BA MI 'GOG GO ,ZHES DANG DE'I PHYIR SNANG BA NGES PAS MNGON SUM GYI BYA BA RDZOGS PA YIN NO, ZHES DANG GANG YANG SNANG BA DANG 'GAL BA'I RNAM PA NGES PAS GNOD PA BSKYED PA DE NI TSAD MA'I BYA BA MA RDZOGS PA'I PHYIR TSAD MA MA YIN TE, DPER NA MIG RGYU 'DZIN PA'I SHES PA LA CHUR NGES PAS 'JUG PA BZHIN NO, ZHES BSHAD DO, ,SPYIR RANG LAS NGES SHING KHYAD PAR GZHAN LAS NGES PA NI, RGYANG RING PO'I YAL GA LO 'DAB DANG

, ,LDAN PA MNGON SUM GYIS GZUNG ZHING NGES PA DRANGS NAS DE'I RJES SU 'DI DHA PA'AM PA LA SHA YIN SNYAM DU THE TSOM DRANGS NAS ZHUGS PAS KHYAD PAR PA LA SHA MNGON SUM TSAD MAS RTOGS SHING THOB PA BZHIN TE, SNGAR GYI SHING 'JAL BA'I TSAD MA DE'I GZHAL BYA SHING DE'I RDZAS PA LA SHA MED NA SNGAR GYI THE TSOM 'DREN PA'I TSAD MA DE MI 'BYUNG BA'I 'BREL PA TSAD MA PHYI MA NGES RTOGS PAR BYED PA YIN NO, ,DE BZHIN DU GZHAN LA YANG SHES PAR BYA'O, ,TSAD MAR SONG SA YANG RANG GIS GANG BZUNG KUN LA TSAD MAR 'GYUR PA MA YIN GYI RTOGS BYA'I DON ZHEN YUL LA TSAD MA YIN LA DE LA YANG RNAM PAR SHAR NAS RTOGS PA'I DNGOS SU RTOGS PA DANG RNAM PA MA SHAR BZHIN DU RTOGS PA'I SHUGS LA RTOGS PA GNYIS TSAD MA KUN LA YOD LA, MNGON SUM TSAD MA LA ZHEN YUL SLOB DPON CHOS MCHOG BZHED DE, DE DANG TSAD MA GNYIS KA DNGOS PO'I YUL CAN DU BSHAD PA'I DON RANG DON GYI SKABS SU 'CHAD PAR 'GYUR RO, ,RNAM 'GREL LAS TSAD MA'I MTSAN NYID MI SLU BA DANG, MA SHES DON GSAL GNYIS BSHAD PA DON LDOG MI 'DRA BA RE STON PA MA YIN GYI, TSAD MA BSLU MED CAN SHES PA, ZHES PAR DANG PO DANG GSAR PA'I DON KHONG NA GNAS KYANG GSAL POR MED PAS PHYI MAS MTSAN NYID KYI KHYAD PAR DE LA DOGS PA GCOD PA YIN TE, RNAM 'GREL GYI RNAM BSHAD DU RGYAS PAR BSHAD ZIN PA LAS SHES PAR BYA'O, ,'DIR BSTAN PA'I TSAD MA'I MTSAN NYID 'DI DON SMRA BA DANG SEMS TZAM PA THUN MONG BA'I DBANG DU BYAS SAM, DON SMRA BA 'BA' ZHIG GI DBANG DU BYAS ZHE NA, SNGA MA LTAR YIN NO, ,'O NA DE LA MNGON RJES GNYIS SU GRANGS NGES SGRUB MI NUS PAR 'GYUR TE, RTOG BRAL MA 'KHRUL

BA MNGON SUM GYI DON DU BZHAG PA MDO SDE PA KHO NA'I DBANG DU BYAS PA'I PHYIR RO ZHE NA, SKYON MED DE, TSAD MA LA MNGON RJES GNYIS SU NGES PA THUN MONG BA YIN KYANG MNGON SUM GYI DON LDOG SO SOR NGES PA 'GAL BA CUNG ZAD KYANG MED DE, RTOG PA DANG BRAL ZHING GSAR DU MI SLU BA'I SHES PA MNGON SUM TSAD MA'I DON DU RNAL 'BYOR SPYOD PA BAS KHAS LEN PA'I PHYIR RO, ,'OG TU YANG 'CHAD PAR 'GYUR ZHING, 'DIR YANG 'THAD LDAN DU RAB TU BYED PA 'DIR GANG CUNG ZAD BSHAD PA DE THAMS CAD RNAM PAR SHES PAR SMRA BA LA YANG, SBYAR BAR BYA BA MA YIN TE, DON GYI MTHU YIS NI, YANG DAG SKYE BA YIN PHYIR RO, ZHES BYA BA DE LTA BU LA SOGS PA RNAM PAR SHES PAR SMRA BA'I TSUL DANG MTHUN PA MA YIN PA'I PHYIR RO, ZHES BSHAD DO, ,MNGON SUM GOMS PA CAN DANG, RJES DPAG LA RANG LAS NGES KYIS KHYAB CING, GZHAN RNAMS LA MTHA' GCIG TU NGES PA MED DO, ,TSAD MA SPYI'I RNAM GZHAG 'CHAD PA'I SKABS 'DIR, 'THAD LDAN DU, DBYE GZHI DANG, DBYE GRANGS DANG, GRANGS DE NYID MTSAN NYID RNAM PAR DAG PA RTOGS PA'I DON CAN YIN PA DANG, MNGON RJES GNYIS KYI SGRA BSHAD PA DANG, TSAD MA SPYI'I MTSAN NYID DANG, MI SLU BA DE NYID TSAD MAR RANG GZHAN GANG GIS NGES PA DANG DRUG GIS GTAN LA PHAB CING SGRA BSHAD PA SOGS TSIG MANGS SU DOGS PAS MA SPROS SO, ,GSUM PA LA GNYIS, GRANGS MANG BA DGAG PA DANG, GRANGS NYUNG BA DGAG PA'O, ,DANG PO LA GNYIS, PHYOGS SNGA MA DGOD PA DANG, DE SUN DBYUNG BA'O, ,DANG PO NI, KHA CIG RNAM PA GNYIS ZHES GRANGS NGES PA MA BZOD NAS GAL TE GNYIS PO GANG YANG MA YIN PA'I BUM PA YOD PA DANG MED PAR BRJOD PA'I SGRA LAS LKOG GYUR

, ,GYI DON GO BA SGRA BYUNG GI TSAD MA DANG BA GLANG MTHONG BA LAS BA MEN 'DI DANG 'DRA BA'I TSUL BSHAD PA NA, MGO LA RVA YOD PA SOGS BA GLANG DANG 'DRA BAR GO BA MTHONG BA'I DPE LAS MA MTHONG BA'I LKOG GYUR GYI DON GO BA DPE NYE BAR 'JAL BA'I TSAD MA DANG LA SOGS PA RJES KHYAB MED KYANG PHYOGS CHOS DANG LDOG PA TZAM LAS LKOG GYUR RTOGS PA DON GYIS GO BA DANG, DGAG GZHI DANG MA 'BREL BA'I DGAG PA RANG RGYUD PA 'JAL BA DNGOS MED 'JAL BA'I TSAD MA DANG, BRGYUD PA'I SGRA LAS LKOG GYUR GYI DON RTOGS PA ZHES GRAGS PA DANG, RGYU MTSAN MA MTHONG BAR KHRON PA RNYING PA NA CHU YOD SNYAM PA SNYAM SEMS PA LA SOGS PA TSAD MA GZHAN YANG YOD PA MA YIN NAM, STE YOD PAS GNYIS SU NGES PA MI 'THAD DO, ZHE NA, GNYIS PA LA GNYIS, DGAG PA DNGOS DANG, DON BSDU BA'O, ,DANG PO LA GNYIS, SPYIR DGAG PA DANG, BYE BRAG TU DGAG PA'O, ,DANG PO LA GNYIS, DAM BCA' BRJOD PA DANG, SGRUB BYED DGOD PA'O, ,DANG PO NI, DPE NYER 'JAL SOGS CHOS CAN, KHYED RNAMS PHUNG PO GSUM PA'I TSAD MAR NGES PA MA YIN PAR THAL, KHYED RNAMS PHAL CHER TSAD MA MA YIN LA, 'GA' ZHIG TSAD MA YIN NA NI MNGON SUM RJES DPAG 'DI GNYIS KHO NAR 'DUS PA'I PHYIR, PHUNG GSUM SEL BA'I GTAN TSIGS DON GYI SHUGS KYIS BSTAN KYANG DNGOS SU GTAN TSIGS 'GOD PA MA YIN TE, 'DUS PA'I PHYIR TE, 'DUS PA'I TSUL GYIS TSAD MA LA GNYIS SU GRANGS NGES PA DAM BCAS PA YIN NO, ,SPYIR TSAD MA YIN NA MNGON RJES GANG RUNG GCIG YIN DGOS PAR STON PA MA YIN GYI DPE NYER 'JAL SOGS TSAD MA YIN NA MNGON RJES

GANG RUNG GCIG YIN DGOS KYI TSAD MA PHUNG GSUM DU MI 'THAD PAR STON PA YIN NO, ,GNYIS PA LA GSUM, RTAGS DGOD PA DANG, TSUL SGRUB PA DANG, GRUB PA'I DON BSDU BA'O, ,DANG PO NI, TSAD MA CHOS CAN, RNAM PA GNYIS KHEN STE KHYOD LA MNGON RJES LAS GZHAN PA'I TSAD MA PHUNG PO GSUM PA MED DE, KHYOD KYI GZHAL BYA LA MNGON LKOG LAS GZHAN PA'I GZHAL BYA PHUNG PO GSUM PA MED PA'I PHYIR, DPER NA MO GSHAM GYI BU BZHIN, PHUNG GSUM SPYIR BKAG PA 'DIS, DGAG PHYOGS DANG SGRUB PHYOGS KYI PHUNG GSUM GNYIS KA SEL BAR BYED PA YIN NO, ,'DI'I DON YANG RNAM 'GREL LAS, GZHAL BYA GNYIS PHYIR TSAD MA GNYIS, ZHES BSHAD PA LTAR, 'JAL TSUL GNYIS KYI DBANG GIS TSAD MA GNYIS SU NGES PAR SGRUB PA YIN GYI, MNGON SUM GYI GZHAL BYA LA RANG MTSAN DANG RJES DPAG GI GZHAL BYA LA SPYI MTSAN GYIS KHYAB PAR STON PA MIN NO, ,GNYIS PA LA GNYIS, PHYOGS CHOS SGRUB PA DANG, KHYAB PA SGRUB PA'O, ,DANG PO NI, GZHAL BYA GNYIS SU NGES PA MI 'THAD DE, KHA DOG MI RTAG PA LTA BU RANG SPYI 'DRES PA DANG, DBANG SHES 'KHRUL BA LA SNANG BA'I SKRA SHAD DU SNANG BA SOGS GNYIS GANG YANG MA YIN PA'I GZHAL BYA YOD PA'I PHYIR RO, ZHE NA, TSAD MAS GZHAL BAR BYA BA'I DON NI CHOS CAN, RNAM PA GNYIS NYID DU NGES TE, DE LA RANG MTSAN GZUNG YUL DU BYAS PA MYONG BA'I STOBS KYIS RTOGS PAR BYA BA GZHAL BYA MNGON SUM PA DANG, SPYI MTSAN GZUNG YUL DU BYAS PA RTAGS STOBS KYIS RTOGS PAR BYA BA GZHAL BYA LKOG TU GYUR BA GNYIS SU NGES PA'I PHYIR, 'O NI RDZOGS PA'I TSIG STE DER ZAD PA'I DON TO, ,'DI DAG GI PHYOGS KHYAB NGES PA'I TSAD MA MDOR BSDUS PA NI, SNGAR GRANGS NGES

, ,SGRUB PA BSHAD PA'I SKABS DRAN PAR BYA'O, ,GNYIS PA LA GSUM, LKOG GYUR LA RIS SU CHAD PA'I TSAD MA LA RJES DPAG GIS KHYAB PA MDOR BSTAN PA DANG, MNGON GYUR LA RIS SU CHAD PA'I TSAD MA LA MNGON SUM GYIS KHYAB PA DANG, SNGA MA RGYAS PAR BSHAD PA'O, ,DANG PO NI, KHYAB PA MA GRUB STE, GZHAL BYA PHUNG GSUM MED KYANG TSAD MA PHUNG GSUM YOD PA LA 'GAL BA CI YOD RTAGS DANG DGAG BYA'I CHOS KYI GZHI MTHUN LA GNOD PA CAN GYI TSAD MA MED PAS RTAGS DE MA NGES PAR 'GYUR RO ZHE NA, LDOG NA GNOD PA CAN GYI TSAD MA STON PA NI, 'O NA TSAD MA PHUNG GSUM DES GZHAL BYA MA RTOGS SAM, GNYIS PO GANG RUNG GCIG RTOGS, DANG PO MI RUNG STE, GZHAL BYA LA MI SLU BA MED PA TSAD MAR MI RUNG BA'I PHYIR, 'DI 'GOG PA DOGS PA CHUNG BAS GZHUNG DU MA BKOD DO, ,GNYIS PA LTAR NA, DES MNGON GYUR 'JAL LAM, LKOG GYUR 'JAL, DANG PO LTAR NA, MNGON SUM DU KHAS LEN DGOS PA YANG DOGS PA SHAS CHUNG BAS MDOR BSTAN MA MDZAD LA, GNYIS PA LTAR NA, LKOG GYUR LA RIS SU CHAD PA'I TSAD MA LA RJES DPAG GIS KHYAB PA STON PA NI, SHES BYA CHOS CAN, MNGON SUM MA YIN PA GZHAL BYA LKOG GYUR LA RIS SU CHAD PA'I TSAD MA YIN NA, RJES DPAG TSAD MA YIN DGOS PAR THAL, DE YIN NA GZHAL BYA LKOG GYUR DE BSGRUB BYA'I CHOS DANG 'BREL PA NGES PA'I GTAN TSIGS NI BSGRUB BYA'I CHOS LAS GZHAN PHYOGS CHOS DANG BCAS PA'I TSUL GSUM LAS DPE LA YOD PA DANG 'DRA BA'I BDAG NYID DU RTZOD GZHI LA BSGRUB BYA'I CHOS RTOGS PAS KHYAD PAR DU BYAS PA'I TSAD MA YIN DGOS PA'I PHYIR RO, ,GZHAN

LAS ZHES PA YAN LAG GZHAN PHYOGS CHOS LA BLTOS PAR BSTAN PA YIN YANG BSGRUB BYA'I CHOS LAS GZHAN ZHES BRJOD PA DANG, DON 'DRA STE BSGRUB BYA'I CHOS MED DE, LA'I STENG DU RANG GI NGO BO MYONG BA'I STOBS KYIS RTOGS MI NUS PAR DE LAS GZHAN PA'I DU BA LTA BU BLO YUL DU SONG NAS RTOGS DGOS PA'I DON TO, ,GNYIS PA NI, GZHAL BYA MNGON GYUR LA RIS SU CHAD PA'I TSAD MA'O, ,ZHE NA, DE LA MNGON SUM TSAD MAS KHYAB PAR STON PA NI, GZHAL BYA GNYIS YOD PA DE LA GZHAL BYA MNGON GYUR LA RIS SU CHAD PA'I TSAD MA YIN NA MNGON SUM TSAD MA YIN PAS KHYAB PAR THAL, SNGON PO LA SOGS PA GANG ZHIG RANG 'DZIN SHES PA'I GZUNG BA'I SNANG BA DE'I LAG RJES BZHAG PA'I SGO NAS SHES PA DE BDAG NYID KYI RJES SU 'GRO BA DANG RANG 'DRA'I RNAM PA DNGOS SUM GTAD NA SHES PA DE LDOG PA'I RJES SU MTHUN PAR BYED PA'I DON DE NI MNGON SUM PA DANG, DE LA RIS SU CHAD PA'I TSAD MA DE MNGON SUM TSAD MA YIN PAS KHYAB PA'I PHYIR, THAL CHOS KHAS BLANGS SHES PA DANG, SNANG BA DANG BDAG NYID DANG RJES SU 'GRO LDOG DANG, RJES SU MTHUN PAR BYED PA RNAMS KYIS RIM PA BZHIN DU, PHYI ROL DANG GRUB DE RDZAS GCIG PA'I SNANG BA LAS KHYAD PAR DU BYED PA DANG, GZUNG RNAM GYI RGYU BYED PA DANG, DE MA THAG PA'I RGYU BYED PA DANG, RGYU TZAM BYED PA DANG, 'DRA BA'I RGYU BYED PA RNAMS BSTAN TO, ,PHYI ROL DON GYIS BSDUS PA'I GZHAL BYA MNGON GYUR LA RIS SU CHAD PA'I TSAD MA LA MNGON SUM TSAD MAS KHYAB PAR SGRUB PA NYID KYIS MNGON GYUR GZHAN LA RIS SU CHAD PA'I TSAD MA LA YANG MNGON SUM TSAD MAS KHYAB PA GO NUS PAR DGONGS SO, ,RNAM NGES KYI t'IKA BYED PA SNGA MA KHA

, ,CIG GIS MDO SDE PAS DON LKOG NA MO KHAS BLANGS PAR 'CHAD PA NI DE'I LUGS MIN TE MNGON SUM DA LTAR BA'I YUL CAN DANG, RANG 'DRA'I RNAM PA DNGOS SU GTOD PA'I PHYI ROL MNGON DU GYUR PAR 'DOD KYI LKOG TU GYUR PAR MI 'DOD DO, ,SLOB DPON GYIS SEMS TZAM PA'I RNAM GZHAG MDZAD PA'I CHE, RNAM RDZUN PA'I LUGS DANG, PHYI ROL GYI RNAM GZHAG MDZAD PA'I TSE MDO SDE PA'I LUGS MDZAD DO, ,GAL TE RTOG PA LA YANG RANG MTSAN GYI RNAM PA SNANG BA'I PHYIR RANG MTSAN GYI RNAM PA SHAR BAS YUL MNGON GYUR DANG, YUL CAN MNGON SUM DU JI LTAR 'GRUB CE NA, RTOG PA DANG MNGON SUM GNYIS RANG MTSAN SNANG BAR MTSUNGS KYANG SNANG BA'I TSUL MI MTSUNGS PAR THAL, RTOG PA LA 'DRES PAR SNANG MNGON SUM LA SNANG BA'I DON SNGON PO LTA BU DE NI YUL DUS GZHAN DANG MA 'DRES PAR THUN MONG MA YIN PA'I DNGOS PO'I RANG BZHIN TE, RANG BZHIN DU MNGON SUM LA SNANG BA'I PHYIR, DE LA SNANG BA'I DON SNGON PO CHOS CAN, RANG GI MTSAN NYID DU GRUB PA YIN TE, RTOG PAS BTAGS PA MA YIN PAR DNGOS PO RANG GI SDOD LUGS KYI NGOS NAS GRUB PA'I PHYIR RANG 'DZIN MNGON SUM LA RANG GI SDOD LUGS KYI NGOS NAS RTOG PAS MA BTAGS PA'I SNANG BA BYIN PA YIN PA'I PHYIR, KHYAB MNYAM GRUB DE RDZAS GCIG GI CHOS THAMS CAD KYI RNAM PA 'CHAR DGOS PA YIN NO, ,RANG MTSAN GYI DON LDOG JI LTAR YIN LA SOGS PA'I TSUL NI RANG DON GYI SKABS SU 'CHAD PAR 'GYUR RO, ,GSUM PA LA GSUM, LKOG GYUR RTOGS PA PHYOGS CHOS LA BLTOS PA DANG, KHYAB PA LA BLTOS PA DANG, DES GRUB PA'I DON TO, ,DANG PO NI, MNGON GYUR LAS GZHAN

GZHAL BYA LKOG GYUR NI CHOS CAN, RANG DNGOS SU 'JAL BA'I TSAD MA DES GZUNG DON DU BYAS PA'I SGO NAS RTOGS PAR MI 'THAD PA NYID DE, DE 'DRA'I TSAD MA'I BLO LA DNGOS SU RANG 'DRA'I NGO BO STE RNAM PA 'JOG CING GTOD PA'I NUS PAS STONG PA'I PHYIR, DPER NA MIG SHES LA SGRA BZHIN NO ZHES PA KHYAB BYED MA DMIGS PA'I RTAGS SO, ,DES NA, KHYOD RTOGS PA PHYOGS CHOS GRUB PA LA BLTOS TE TSAD MA'I GZHAL BYA GANG ZHIG MYONG BA'I STOBS KYIS RTOGS MI NUS PA'I PHYIR, GNYIS PA NI, LKOG GYUR DNGOS SU MA MTHONG YANG GZHAN MTHONG BA NA, RTOGS PAR 'GYUR LA, DE MI RTOGS NA RJES DPAG TSAD MAR MI RIGS PAR 'GYUR RO ZHE NA, MTHONG BA'I DON DE MTHONG BYA'I DON DANG 'BREL LAM MA 'BREL, PHYI MA LTAR NA, DON GZHAN MTHONG BA NA DE DANG 'BREL MED GZHAN RTOGS PA NI RIGS PA MA YIN TE, DE LTA NA, BUM PA'I MCHU LTA BU CUNG ZAD CIG MTHONG BA NA, MA MTHONG BA THAMS CAD RTOGS DGOS PAS HA CANG THAL BAR 'GYUR BA'I PHYIR RO, ,DANG PO LTAR NA, MTHONG BA'I DON DE YANG MTHONG BYA'I DON DANG, MED NA MI 'BYUNG BA'I 'BREL PA GRUB PA NYID YIN NA NI, PHYOGS CHOS GRUB PA'I GZHI 'GAR DE RTOGS PAR 'GYUR TE, TSUL GSUM PA'I RTAGS LAS LKOG GYUR NGES PAR RTOGS PA'I PHYIR, DNGOS PO 'DI DAG THAMS CAD DNGOS PO SNGA MA GZHAN GYI 'BRAS BU YIN PAS 'BREL BA GRUB PA'I PHYIR THUG PA MED PA'I RGYU RNAMS KYANG RTOGS PAR THAL BAR 'GYUR RO ZHE NA, DON GCIG MTHONG BA TZAM GYIS DE DANG 'BREL BA THAMS CAD RTOGS PAR THAL BA'I SKYON MED DE, DU BA DE NI BTZO SREG GI DON BYED PA JI LTA BU'I RNAM PA DANG, DPE'I STENG DU RANG BZHIN 'BREL BA TSAD

, ,MAS GRUB PA DU BA DE LTA BU'I RNAM PA DPE LA GRUB PA DANG 'DRA BAR DU BA NYE BA'I GZHI DE NYID DU ME DE GO BAR BYED PA'I PHYIR, TSUL GSUM TSAD MAS NGES PA LA BLTOS DGOS PA'I DON TO, ,GSUM PA NI, GZHAL BYA LKOG GYUR LA RIS SU CHAD PA'I TSAD MA PHUNG GSUM MED PAR THAL, RTAGS BSGRUB BYA'I CHOS DANG, 'BREL PA TSAD MAS GRUB PA LAS LKOG GYUR SPYI'I TSUL DU GSAR DU RTOGS PAS KHYAD PAR DU BYAS PA'I TSAD MA YANG RJES SU DPAG PA YIN PAS KHYAB PA'I PHYIR, GSUM PA NI, DES NA, TSAD MA GNYIS KHO NAR GRANGS NGES PA YIN TE, DE LTAR GONG DU GTAN TSIGS YANG DAG GIS SGRUB PA'I PHYIR, TSUL GSUM PA'I RTAGS LAS LKOG GYUR RTOGS PA RJES DPAG YIN YANG RNAM PA GZHAN GYI SGO NAS LKOG GYUR RTOGS PA'I TSAD MA GZHAN YOD DO ZHE NA, RTAGS LA MI BRTEN PAR LKOG GYUR RTOGS PA'I TSAD MA MED PAR THAL, RTAGS LA BLTOS PA LAS, GZHAN DU MI LTOS NA LKOG GYUR LA RIS SU CHAD NAS GSAR DU RTOGS PAR MI 'THAD PA'I PHYIR RO, ,SNGA MA KHA CIG 'DI GZHUNG SNGA MA'I SGRUB BYED DU BYED PA NI DON MIN NO, ,GNYIS PA SO SOR DGAG PA LA GNYIS, SGRA BYUNG GI TSAD MA PHUNG GSUM MI 'THAD PA DANG, DON GYIS GO BA'I TSAD MA PHUNG GSUM MI 'THAD PA'O, ,DANG PO LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, TSAD MA GNYIS SU GRANGS NGES PA SGRA DON LA 'BREL PA 'DOD PA DAG MA BZOD NAS, DE YI RTAGS CHOS KYI 'BREL PA KHO NA NI RTAGS KYI MTSAN NYID MA YIN GYI 'O NA CI ZHE NA, 'ON KYANG BSGRUB BYA'I CHOS SU GZUNG BAR BYA BA'I CHOS DANG LDAN PA'I SHES 'DOD CHOS CAN LA MTHONG BA'I PHYOGS

CHOS GRUB PA YANG RJES DPAG GI RTEN GTAN TSIGS KYI MTSAN NYID KYI PHYOGS GCIG YIN LA PHYOGS CHOS DE NI BUM PA YOD DO ZHES SAM, MED DO ZHES PA'I SGRA LA BRTEN NAS LKOG GYUR DPOG PA LA, YOD PA MA YIN PA'I PHYIR, JI LTAR DE TSAD MA GNYIS LAS GZHAN MA YIN ZHE NA, GNYIS PA LA GNYIS, RJES BYED LAS ZHEN PA'I BRJOD BYA RTOGS MI NUS PA DANG, BRJOD 'DOD DPAGS PA'I STOBS KYIS DON SPYI GO BA RJES DPAG TU 'DUS PA'O, ,DANG PO LA GNYIS, PHYOGS CHOS MA GRUB PA DANG, 'BREL PA MA GRUB PA'O, ,DANG PO LA GSUM, DNGOS DANG, LAN DGAG PA DANG, DON BSDU BA'O, ,DANG PO NI, PHYOGS CHOS MA GRUB PA 'O NA, RGYAL PO'I KHAB NA, BUM PA YOD DO ZHES PA DANG, MED DO ZHES PA'I SGRA DE DAG CHOS CAN, KHYOD KYIS LKOG GYUR GYI DON SNGAR MA GRUB PA CI ZHIG GSAR DU SGRUB PA'AM SNGAR MA BKAG PA CI ZHIG GSAR DU 'GOG PAR BYED DE MI NUS PAR THAL, RTZOD GZHI RGYAL PO'I KHAB DE LA YOD PA'I PHYOGS CHAS TSAD MAS MA MTHONG BA'I PHYIR, THAL BA DANG RTAGS GNYIS KHAS BLANGS SO, ,GNYIS PA NI, SNGAR MA RTOGS PA GSAR DU GO BAR MI BYED KYANG GANG SNGAR MTHONG BA BRJED PA DE LA SGRA LA BRTEN NAS DRAN PAR BYED DO ZHE NA, SHES BYA CHOS CAN, SNGAR RTOGS ZIN GYI DON DRAN PA LA SGRA DANG RTAGS LA NGES PAR BLTOS DGOS PA MA YIN PAR THAL, SGRA DANG RTAGS MED PAR RTOGS ZIN GYI DON DE RANG NYID YID LA BSAMS PA TZAM GYIS KYANG CI ZHIG LTAR DRAN PAR MI 'GYUR RAM CI STE 'GYUR BA'I PHYIR, THAL BA KHAS BLANGS TE, RTAGS LA BLTOS NAS KYANG LKOG GYUR DRAN PA 'DIS KHAS BLANGS PA'I PHYIR, RTOGS ZIN GYI DON YID LA BSAMS NAS DRA PAR DPYAD SHES

, ,YIN PAS TSAD MA MA YIN NO ZHE NA, SGRA DANG RTAGS LA MA BRTEN PAR RTOGS ZIN DRAN PA DANG, SGRA LA BRTEN NAS RTOGS ZIN DRAN PA'I GNAS SKABS 'DI GNYIS LA TSAD MA YIN MIN GYI BYE BRAG KYANG CI ZHIG YOD DE MED PAR THAL, RTOGS ZIN GYI DON DRAN PAR KHAS BLANGS PA'I PHYIR, RTAGS BSAL KHAS BLANGS, GSUM PA NI, GZHAL BYA GSAR DU MA RTOGS PA TSAD MAR MI RUNG BA DE'I PHYIR BUM PA YOD MED DU BRJOD PA'I SGRA 'DI CHOS CAN, GZHI 'GA' ZHIG TU CI LTAR LKOG GYUR GYI CHOS 'GA' ZHIG GSAR DU SGRUB PAR BYED PA YIN TE MA YIN PAR THAL, GZHI DER SNGAR MA GRUB PA 'GA' ZHIG GSAR DU SGRUB PA'AM SNGAR MA BKAG PA 'GA' ZHIG GSAR DU 'GOG PAR MI BYED PA'I PHYIR, RTAGS BSAL KHAS BLANGS, RTAGS NI, PHYOGS CHOS LA MI LTOS PAR KHAS BLANGS PAS BSAL LO, ,GNYIS PA NI, RJOD BYED KYI SGRA DE DAG LAS ZHEN PA'I DON NGES PAR 'GRUB PA YANG MA YIN TE, RJOD BYED DE DAG ZHEN PA'I BRJOD BYA DER 'BREL PA MA GRUB PA'I PHYIR RO, ,RJOD BYED YOD PA TZAM GYIS ZHEN DON NGES PAR YOD NA, 'GA' YANG 'DOD DON GYIS PHONGS PA MED PAR 'GYUR TE, NGAG LAS BRJOD PA TZAM GYIS CHOG PA'I PHYIR, GNYIS PA NI, GNAS SKABS LNGA DANG BRAL BA'I RJOD BYED KYI NGAG CHOS CAN, RANG PHYOGS KYI CHOS SU GRUB PA'I GZHIR SMRA BA PO'I MNGON PAR 'DOD PA BRJOD 'DOD DPAGS PA'I STOBS KYIS DE LA SNANG BA'I DON SPYI GO BAR RUNG STE, BRJOD 'DOD LA 'BREL BA'I STOBS KYIS DE LA DON SPYI SNANG PA LA YANG 'BREL PA GRUB PA'I PHYIR, 'DI NI RNAM 'GREL LAS, DON GANG BLO LA RAB GSAL BA, ,DE LA SGRA NI TSAD MA NYID, CES

PA DANG DON GCIG PAS BRJOD 'DOD LA DON SPYI SNANG BA DPOG PA YIN GYI BRJOD 'DOD DPAGS PA TZAM GYIS PHA ROL PO'I DOGS PA MI KHEGS LA KHA CIG BUM PA'I RNAM PA CAN GYI BLO DPOG ZER BA YANG DON SPYI SHAR BA LA BYED NA BRJOD 'DOD LAS MA 'DAS SHING RANG MTSAN GZUNG YUL DU BYED PA LA ZER NA GZUNG YUL LA MA 'KHRUL BA'I BLO DPOG MI NUS SHING, ZHAN YUL RTAGS PAR KHAS BLANG DGOS PAS MA BRTAGS NA NYAMS DGA' BA TZAM MO, ,KHO BO CAG GI RTAGS 'DI LA KHYOD KYIS SGRA LAS DON DPOG PAR 'DOD PA LTAR GZHI CHOS CAN MA GRUB PAS PHYOGS CHOS MA GRUB PA'I SKYON MED PAR THAL, BRJOD 'DOD LA DON SPYI SNANG BA DE LTAR RTOGS PAR BYA BA'I GZHI CHOS CAN NI GNAS SKABS LNGA BRAL GYI NGAG SMRA BA PO DE NYID YIN PA'I PHYIR, GNYIS PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, TSAD MA GNYIS SU GRANGS NGES PA LA MU STEGS TZI RAN TA PA MA BZOD NAS 'O NA RGYU DE YOD NA 'BRAS BU DE YOD PA'I RJES SU 'GRO BA DANG DE LOG NA LDOG PA'I RJES SU BYED PA PO DANG, YOD NA DMIGS SU RUNG BA'I MI DMIGS PA'I RTAGS LAS RAB TU SKYE BA 'BRAS BU DANG MED PA'I THA SNYAD SGRUB PA LA, RJES SU DPAG PA MA YIN TE RTAGS LA RJES DPAG GIS BTAGS PA'O, ,DE LA RJES SU 'GRO BA MED PA'I PHYIR RO, ,RJES 'GRO SGRUB PA LA, KHYED RANG 'DOD PA LTAR RIM DANG CIG CAR GYI DON BYED PAS STONG PA'I RTAGS LAS SKAD CIG MAS STONG PA BYAS PAS STONG BAR SGRUB PA'I GNOD PA CAN GYI TSAD MAS 'BREL PA BSGRUBS NAS DE DPE LA BSTAN DGOS PA LA RTAGS 'DI LA DPE YANG DAG YOD PA MA YIN TE, DPE SGRUB BYED KYI TSAD MA MED PA'I PHYIR, DE

, ,YANG DPE LA MNGON SUM GYIS GRUB NA RTZOD GZHI LA YANG GRUB DGOS PAS RTAGS DON MED PA'I PHYIR DANG DPE SGRUB PAR BYED PA MNGON SUM LAS GZHAN MED PA'I PHYIR, RJES 'GRO MED PA BSTAN ZIN NAS KYANG DPE MED PAR BSTAN NAS CI BYA ZHE NA, RJES 'GRO DPE LA BSTAN DGOS KYI RTZOD GZHI LA MA YIN PAR SHES PA'I DON DU'O, ,RJES DPAG DE NYID DPE SGRUB PAR BYED PA YIN NA YANG MI RUNG STE DE'I DPE SGRUB BYED LA RJES DPAG GZHAN DANG DE LA'ANG GZHAN DGOS PAS THUG PA MED PAR THAL BAR 'GYUR BA'I PHYIR, DES NA PHYOGS CHOS 'KHRUL BA MED PA 'BA' ZHIG LAS DU BA ME'I 'BRAS BU DANG, SA PHYOGS NA BUM PA MED PA DON GYIS GO BAS TSAD MA GNYIS SU NGES PA JI LTAR YIN ZHE NA, SNGA MA KHA CIG RJES 'GRO MED PA'I PHYOGS CHOS DANG LDOG PA 'KHRUL BA MED PA TZAM LAS LKOG GYUR GO BA LA 'CHAD PA NI PHYOGS SNGA MA'I DON MA YIN PAR 'THAD LDAN LAS GSAL LO, ,GNYIS PA LA GNYIS, SPYIR DGAG PA DANG, SO SOR DGAG PA'O, ,DANG PO NI, RTAGS DE GNYIS KYI DPE SGRUB BYED KYI TSAD MA MED PA'I RGYU MTSAN GYIS RTAGS DE LA BRTEN PA'I TSAD MA RJES DPAG TU MI 'GYUR BA MA YIN TE, RTZOD GZHI LA RTAGS MTHONG YANG GZHI THA DAD PAS 'KHRUL NAS DU BA ME'I 'BRAS BU DANG, BUM PAS DBEN PA'I GZHIR BUM PA MED PAR RTAGS KYIS SGRUB DGOS PA'I GANG ZAG DE LA THA SNYAD DE GNYIS 'JUG PA'I YUL ME PHAN BYED DU YOD MED KYI RJES SU 'GRO LDOG BYED PA PO DANG, BUM PA YOD NA DMIGS RUNG MA DMIGS PA MNGON SUM TSAD MA LA BSTAN PAS SNGAR LAN CIG MA YIN PAR YUL DE GNYIS LA THA SNYAD GNYIS PO DE MTHUN DPE'I STENG DU MNGON SUM TSAD MA'I STOBS KYIS ZHUGS

ZIN PA'I YUL DANG YUL CAN THA SNYAD GNYIS KYI 'BREL PA RTZOD GZHI LA DRAN PA'I PHYIR, DON BSDUS NA RTAGS DE'I DPE SGRUB BYED KYI TSAD MA MED PA MA YIN PAR THAL, SNGAR MTHUN DPE'I STENG DU YANG DANG YANG DU MNGON SUM TSAD MAS GRUB ZIN DE NYID RTZOD GZHI'I STENG DU RTAGS KYIS SGRUB PA YIN PA'I PHYIR, CES PA'O, ,DUD 'GRO YOD NA MTHONG DGOS PA LA MA MTHONG BA RGYU MTSAN DU BYAS NAS DUD 'GRO MI 'DUG GO ZHES PA GNAG RDZI'I BAR LA YANG DANG YANG DU GRUB ZIN PA'I DON TO, ,'DI THA SNYAD 'BA' ZHIG SGRUB PA'I GTAN TSIGS YIN PAS KHYAB PA NI MING DON GYI 'BREL PA NGES PA LAS GRUB PA YIN NO, ,DPER NA GSER LAS BYAS PA'I LTO LDIR ZHABS ZHUM PA DE LTO LDIR ZHABS ZHUM PAR MNGON SUM TSAD MAS GRUB PA NA GZHI DE LTO LDIR ZHABS ZHUM PA MA YIN PA LAS LOG PAR MNGON SUM TSAD MAS GRUB LA, DE GRUB PA NA LTO LDIR ZHABS ZHUM MA YIN PAS KHYAD PAR DU BYAS PA'I SNAM BU SOGS RIGS MI MTHUN MTHA' DAG GIS DBEN PAR GRUB CING DON DE LA BUM PAR BRDA SBYAR BA NA BUM PAR ZHEN PA'I BLO PHYIN CI LOG PA LA GNOD PA MED CING BUM PAR ZHEN PA'I BLO RANG RIG PA'I MNGON SUM GYIS GRUB PAS LTO LDIR BA LA BUM PAS KHYAB PA MNGON SUM TSAD MAS GRUB PA YIN NO, ,GNYIS PA LA GNYIS, RTAGS GNYIS THA SNYAD 'BA' ZHIG SGRUB TU BSTAN PA DANG, MI SNANG BA MA DMIGS PA'I RTAGS LA BRTEN PA'I TSAD MA RJES DPAG TU 'DU BA'O, ,DANG PO NI, DON GZHAN SNGA MA PHAN BYED DU YOD MED KYI RJES SU 'GRO LDOG BYA SA DANG BYED PA PO'I RTAGS LAS RGYU DANG 'BRAS BUR SGRUB PA DON SGRUB KYI RTAGS YANG DAG MA YIN PAR THAL, RGYU DANG 'BRAS BU DAG GI DE'I NGO BO GZHAN DANG THUN MONG MA YIN

, ,PA MTSAN NYID NI DON GZHAN SNGA MA PHAN BYED DU YOD NA YOD PA'I RJES SU 'GRO BA DANG MED NA LDOG PA'I RJES SU 'GRO LDOG BYAS DANG BYED PA PO DAG LAS GZHAN MA YIN PAR DE NYID YIN PA'I PHYIR, DE BZHIN DU LTO LDIR BA YOD NA DMIGS SU RUNG BA LAS MA DMIGS PA DE GZHI 'GAR BUM PA MED PAR SGRUB PA'I DON SGRUB KYI RTAGS YANG DAG MA YIN PAR THAL, LTO LDIR BA YOD NA DMIGS PAR RIGS PA LAS MI DMIGS NA YANG BUM PA MED DO ZHES PA'I DNGOS MING BRJOD RIGS PA'I PHYIR, RGYU MTSAN DE'I PHYIR RTAGS DE RMONGS PA LA THA SNYAD 'BA' ZHIG SGRUB PAR BYED DE LTO LDIR BA YOD NA DMIGS SU RUNG BA LAS MI DMIGS NA BUM PA MED DO ZHES THUN MONG MA YIN PA'I RGYU MTSAN DON LDOG NYE BAR BSTAN PAS BUM PA MED PA SGRUB PAR BYED PA YIN PA'I PHYIR, DPER NA MNGAL SKYES KYI MI LUS BSKYED PAR BYED PA'I SKYES BU LA PHA'I THA SNYAD BRJOD PA LA PA'I THA SNYAD ZHUGS SU ZIN KYANG 'GA' ZHIG TU BRJOD PA NA PHA NYID KYI THA SNYAD KYI RGYU MTSAN NI 'DI TZAM YIN NO ZHES DRAN PAR BYED PA BZHIN NO, ,DE LA 'DIR THA SNYAD 'BA' ZHIG SGRUB KYI DON MI SGRUB PA'I DON NI GANG YIN THA SNYAD NI GANG YIN ZHE NA, BUM PA DMIGS RUNG MA DMIGS PA DON YIN LA BUM PA MED PA LA DMIGS PA'I RTOG PA DANG DES KUN NAS BSLANG BA'I BUM PA MED DO ZHES PA'I SGRA DANG LUS KYI THA SNYAD RNAMS SO, ,BUM PA MED PA DON DU BYED PA MI 'THAD DE, BUM MED GRUB ZIN MA BRJED NAS SGRUB DGOS PA'I THA SNYAD MED DO, ,DES NA DON GRUB ZIN NAS BUM MED RTAGS KYIS SGRUB DGOS PA LA THA SNYAD 'BA' ZHIG SGRUB CES BYA'O, ,SBYOR BA 'GOD PA'I TSE THA SNYAD BYAR RUNG DNGOS SU SBYOR BA NI SBYOR BA 'CHAD PA DANG 'GOD

PA'I SKABS SO SOR MA SHES PAR ZAD DO, ,GNYIS PA NI, MI SNANG BA MI DMIGS PA'I RTAGS LA BRTEN PA'I TSAD MA YANG TSAD MA PHUNG GSUM MA YIN TE RJES DPAG TU 'DUS PA'I PHYIR, DE GANG YIN NA SHA ZA GANG LA BSKAL DON DU SONG BA'I GANG ZAG DE'I RGYUD LA SHA ZA YOD PAR 'JOG PA'I RGYU MTSAN TSAD MAS DMIGS PA DE MED PA'I PHYIR YOD PA'I THA SNYAD DE DES SHA ZA YOD CES DAM 'CHA' BAR RIGS PA 'GOG PA YIN TE, DPER NA LUS BSKYED PAR BYED PA MA YIN PAR BRJOD PA LA MNGAL SKYES KYI SKYES BU'I PHA NYID KYI THA SNYAD DON MTHUN 'JUG PA MA YIN PA BZHIN NO, ,DON NI MDUN GYI GZHI 'DI CHOS CAN, SHA ZA RANG GANG LA BSKAL DON DU SONG BA DES YOD CES DAM 'CHA' BA MI RIGS TE, SHA ZA DE'I RGYUD KYI TSAD MAS MA DMIGS PA'I PHYIR CES PA'I DON YIN GYI, SHA ZA SPYIR TSAD MAS MA DMIGS PA RTAGS SU 'GOD PA DANG, SHA ZA YOD NGES 'GOG PA SOGS NI 'KHRUL PA YIN PAR SHES PAR BYA STE, RGYAS PAR RNAM 'GREL GYI RNAM BSHAD DU BSHAD ZIN PA LAS SHES PAR BYA ZHING 'OG TU YANG 'CHAD PAR 'GYUR RO, ,GSUM PA DON BSDU BA NI, SGRA BYUNG DANG DON GYIS GO BA LA SOGS PA'I TSAD MA PHUNG GSUM MED PA DE'I PHYIR RANG GI MYONG BA'I STOBS KYIS GRUB PA MA YIN PA'I GZHAL BYA THAMS CAD NI BSGRUB BYA'I CHOS KYI BDAG NYID DANG 'BREL BA'I SGRUB PAR BYED PA MI 'KHRUL BA TSUL GSUM TSANG BA'I GTAN TSIGS GZHAN LA BLTOS NAS RTOGS DGOS PA'I PHYIR MNGON SUM MA YIN PA'I TSAD MA LKOG GYUR LA RIS SU CHAD PA NI RJES SU DPAG PA LAS GZHAN YOD PA MA YIN NO, ,DES NA TSAD MA MNGON RJES GNYIS SU GRANGS NGES TE, GZHAL BYA MNGON LKOG GNYIS SU GRANGS NGES PA'I PHYIR, CES PA'I DON

, ,BSDUS PA YIN NO, ,GNYIS PA GRANGS NYUNG BA DGAG PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, TSU ROL MDZES PA PA GZHAN DAG THAMS CAD MKHYEN PA DANG 'JIG RTEN PHA ROL SOGS LA SKUR PA 'DEBS 'DOD NAS, KHYED KYIS TSAD MA GZHAN BKAG PA RIGS MOD KYI, KHYED 'DOD PA'I RJES DPAG KYANG TSAD MAR MI RIGS TE, RTAGS PHAL CHER BSLU BAR MTHONG BA'I PHYIR DANG, DNGOS PO RANG MTSAN 'DZIN PA TSAD MA'I MTSAN NYID YIN LA DE RJES DPAG LA MED PA'I PHYIR MNGON SUM MA YIN PA'I TSAD MA GZHAN MED DO ZHES ZER TO, ,GNYIS PA LA GNYIS, KHAS BLANGS NANG 'GAL BSTAN PA DANG, DE'I LAN DGAG PA'O, ,DANG PO LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, MNGON SUM KHO NA TSAD MA YIN GYI RJES DPAG TSAD MA MI RUNG ZER BA DE NI RIGS PA MA YIN TE, KHAS BLANGS DANG RIGS PA DANG 'GAL BA SOGS NYES PA DU MA'I 'BYUNG KHUNGS SU GYUR PA'I PHYIR, RGYU MTSAN GANG GI PHYIR NA MI SLU BA'I TSAD MA MNGON SUM LAS GZHAN NI SRID PA NYID DE 'BRAS RANG GI RTAGS LA BRTEN PA'I RJES DPAG YOD PA'I PHYIR, RTAGS MA GRUB NA RANG BZHIN GYI RTAGS LA BRTEN PA'I RJES DPAG TSAD MA YOD PAR THAL, SNGO 'DZIN TSAD MA DANG DU BA'I RTAGS LAS ME DPOG PA'I BLO CIG SHOS TSAD MA MA YIN PA'I TSAD MA TSAD MIN GYI SPYI'I RNAM GZHAG YOD PA'I PHYIR, RTAGS BSAL GNYIS KA DNGOS SU KHAS BLANGS PA 'OG MA GNYIS LA YANG SHES PAR BYA'O, ,SNGA MA KHA CIG GIS, RGYAD PAN GYIS RTAGS GSUM LA BRTEN PA'I RJES DPAG TSAD MAR KHAS BLANGS PAS KHAS BLANGS NANG 'GAL LO ZHES SMRA BA NI

KHAS BLANGS PA DANG KHAS BLANG DGOS PA GNYIS KYI KHYAD PAR MA PHYED PA YIN TE DE MA PHYED NA SKABS GZHAN DU YANG DON DU MA 'PHYUGS PA YIN NO, ,YANG GNOD PA BRJOD PA'I TSE RJES DPAG TSAD MA KHAS BLANG DGOS PAR THAL BA BRJOD MI DGOS KYI RJES DPAG TSAD MAR THAL BA 'PHANGS PA NYID KYIS 'DOD NA KHAS BLANG DNGOS SU 'GAL BA YIN NO, ,'BRAS RTAGS LA BRTEN PA'I RJES DPAG TSAD MA YOD PAR THAL, SLOB MA GZHAN GYI BLO RANG GIS 'KHRUL MED DU RTOGS PAR BYED PA'I PHYIR, 'DI'I KHYAB PA SGRUB PA 'OG NAS RGYAD PAN GYIS GZHAN GYI BLO MNGON SUM GYIS GRUB PA BKAG PAS 'GRUB PA YIN NO, ,DGAG RTAGS LA BRTEN PA'I RJES DPAG TSAD MA YOD PAR THAL, YOD KYANG MNGON SUM LA SNANG DU MI RUNG BA'I DGAG BYA'I CHOS 'GA' ZHIG GZHI 'GAR 'GOG BAR BYED PA'I PHYIR YANG DANG, DANG PHAN TSUN SDUD PA'O, ,GNYIS PA LA GSUM, RANG BZHIN RTAGS LA BRTEN PA'I RJES DPAG DANG, 'BRAS RTAGS LA BRTEN PA'I RJES DPAG DANG, DGAG RTAGS LA BRTEN PA'I RJES DPAG TSAD MAR BSTAN PA'O, ,DANG PO NI, RGYANG PHAN DE MNGON SUM KHO NA TSAD MA YIN GYI RJES SU DPAG PA NI TSAD MA MA YIN ZHES MNGON SUM DE'I MTSAN NYID DE RIGS KUN LA TSAD MAS KHYAB PAR SMRA BA'O, ,RJES DPAG DE'I MTSAN NYID ZHUGS PA KUN LA TSAD MA MA YIN PAS KHYAB PAR SMRA'O, ,RGYU MTSAN CI MTHONG NAS DE LTAR SMRA BA YIN ZHE NA, YID KYI SHES PA'I GSAL BA 'GA' ZHIG GI 'JUG PA'I TSUL LA BRTAGS PA NA BSLU BA DANG DBANG PO'I SHES PA'I GSAL BA 'GA' ZHIG GI 'JUG PA LA BRTAGS PA NA MI SLU BA DAG DMIGS PA RGYU MTSAN DU BYAS NAS SMRA'O, ,DGOS PA CI MTHONG NAS SMRA BA YIN ZHE NA, TSAD MA TSAD

, ,MIN GYI RNAM GZHAG RGYAD PAN RANG GIS JI LTAR NYE BAR BSTAN PA LA SLOB MA 'JUG PA NA MI 'KHRUL BAR BYA BA'I PHYIR RGYAD PAN MNGON SUM TSAD MA DANG RJES DPAG TSAD MIN DU SMRA BA'I 'KHRUL GZHI YOD DE, YID SHES 'GA' ZHIG BSLU BA DANG, DBANG SHES 'GA' ZHIG MI SLU BAR MTHONG NAS DE LTAR SMRA BA'I PHYIR, YANG SMRAS PA LA DGOS PA LTAR SNANG YOD DE, RGYAD PAN RANG GIS BSTAN PA'I DON LA RANG GI SLOB MA MI 'KHRUL PA'I CHED DU SMRA BA'I PHYIR, RGYAD PAN NA RE, TSAD MA TSAD MIN GYI RNAM GZHAG DE LTAR SMRA MOD NYES PA CI YOD CE NA, KHAS BLANGS NANG 'GAL TE, TSAD MA DANG TSAD MIN GYI RNAM GZHAG RANG GIS NGES PA DE GZHAN LA BSTAN PA'I CHED DU SNGO 'DZIN MNGON SUM TSAD MA DANG, YID SHES 'GA' ZHIG TSAD MA MA YIN PAR DAM BCAS PA'I DON DE NI RJES SU DPAG PAR BYA BA RJES DPAG TSAD MA'I GZHAL BYA LAS MA 'DAS PAR THAL, SER 'DZIN DBANG SHES DANG, SNGO 'DZIN DBANG SHES GNYIS MI SLU BAR CHOS MTHUN PA MTHONG BA LAS SER 'DZIN DBANG SHES DPER BYAS NAS DPE CI LTA BA DE LTAR SNGO 'DZIN DBANG SHES TSAD MAR RAB TU SGRUB PA YIN PA'I PHYIR, RTAGS BSAL KHAS BLANGS SO, ,DE BZHIN DU LHA SBYIN GYI BU'I RTAGS LAS KHA PHAR BLTAS KYI SKYES BU SNGO BSANGS SU DPOG PA'I BLO DPER BYAS NAS YID SHES LHAG MA RNAMS TSAD MA MIN PAR DAM BCAS PA'I DON YANG RJES DPAG TSAD MA'I GZHAL BYAR THAL BA 'PHEN PA YIN NO, ,RJES DPAG TSAD MA MA YIN NA TSAD MA MA YIN NA TSAD MA TSAD MIN GYI RNAM GZHAG GZHAN LA STON PAR 'GAL BA NI, RANG RGYUD LA SNGON PO LA SOGS PA'I YUL NYAMS SU MYONG BA'I GZHAN GYI MNGON SUM LA BSTAN DU MED PA'I RANG RGYUD KYI SHES PA'I GSAL

BA RNAMS LAS MA GTOGS PAR SHES PA CUNG ZAD KYANG TSAD MA'AM TSAD MA MA YIN PAR MI 'GYUR ZHING GZHAN LA TSAD MA DANG TSAD MIN CUNG ZAD KYANG BSTAN DU MI RUNG BAR THAL, RJES DPAG DE YANG TSAD MAR MA GRUB PA'I PHYIR, RANG GI RGYUD LA YOD PA'I SHES PA'I GSAL BA RNAMS TSAD MA'AM TSAD MA MA YIN PAR GZHAN LA STON CING DE BSTAN PA'I PHYIR TU BSTAN BCOS KYANG RTZOM MO ZHE NA, DE YANG MI RIGS TE RANG GI RGYUD LA YOD PA'I SHES PA'I GSAL BA GZHAN LA TSAD MA DANG TSAD MA MA YIN PAR BSTAN PA'I CHED DU BSTAN BCOS BYA BA RIGS PA MA YIN PA NYID DU THAL, RANG RGYUD KYI SHES PA DE DAG GI SGO NAS KYANG 'DI TSAD MA YIN LA GZHAN TSAD MIN NO ZHES GANG ZAG GZHAN LA THA SNYAD DU BYED PAR MI DBANG ZHING MI NUS PA'I PHYIR, DER THAL RANG GI RGYUD LA YOD PA'I SHES PA'I GSAL BA GZHAN GYI TSAD MA'I YUL DU MTSON PAR BYA BA NUS PA MA YIN PA'I PHYIR, GONG 'OG DE DAG GI RTAGS BSAL RNAMS KHAS BLANGS SO, ,RANG RGYUD LA SHES PA YOD KYANG GZHAN GYI MNGON SUM LA BSTAN DU MI RUNG ZHING RJES DPAG KYANG KHYED KYIS TSAD MA YIN PA BKAG PA'I PHYIR, TSAD MA DANG TSAD MIN GYI RNAM GZHAG STON PA'I BSTAN BCOS BYED NA YANG RGYAD PAN RANG GI TSAD MA TSAD MIN GYI RNAM GZHAG STON PA'I BSTAN BCOS RTZOM PA'I RANG GI 'JUG PA LA RJES DPAG TSAD MA MI SRID DO ZHES PA'I RANG GI TSIG GIS CO 'DRI BAR BYED PA YIN NO, ,RGYAD PAN RANG GI 'JUG PA LA RANG GI TSIG GIS CO 'DRI BA YIN PAR THAL, TSAD MA TSAD MIN GYI RNAM GZHAG STON PA'I BSTAN BCOS RTZOM ZHING RJES DPAG TSAD MA MI SRID DO ZHES BDEN ZHEN GYIS SMRA BA'I PHYIR, GNYIS PA LA GNYIS, DGAG PA DNGOS DANG, SKYON SPONG DGAG

, ,PA'O, ,DANG PO NI, RJES SU DPAG PA TSAD MA YIN PA YANG 'DOR RO ZHES BYA BA NI MI RIGS PAR THAL, GZHAN GYIS RGYAD PAN GYI 'DOD PA KHONG DU CHUD PAR BYA BA'I PHYIR BSTAN BCOS KYANG RTZOM PAR BYED PA'I PHYIR DANG RJES DPAG DE TSAD MA MA YIN NA BSTAN BCOS RTZOM PA'I 'JUG PA 'BRAS BU MED PAR 'GYUR BA'I PHYIR RO, ,THAL BA LTAG SPROD DAM GZHUNG PHYI MA THAL BA DANG SNGA MA RANG RGYUD DU SBYAR YANG RUNG NGO, ,DE LTA NA BSTAN BCOS BYAS PA 'BRAS BU MED PAR THAL, RJES DPAG TSAD MA MA YIN PA'I PHYIR, DES 'PHANGS PA'I RANG RGYUD SNGA MAS DNGOS SU BRJOD PA NI RJES DPAG TSAD MAR RIGS TE, BSTAN BCOS BYAS PA 'BRAS BU YOD PA'I PHYIR CES PA'O, ,DE YANG RJES DPAG TSAD MA MIN PA SOGS SLOB MAS GO BA'I CHED DU BSTAN BCOS RTZOM NA SLOB MA'I RGYUD LA BLO YOD PAR TSAD MAS RTOGS DGOS LA RJES DPAG TSAD MA MIN NA DE MI RUNG BAS RTZOM PA 'BRAS BU MED PAR 'GYUR BA YIN NO, ,GNYIS PA NI, LUS BLO GRUB DE RDZAS GCIG YIN PAS SLOB MA'I LUS MNGON SUM GYIS MTHONG BA NA DES BLO YANG MTHONG BAS RJES DPAG DGOS PA MED DO ZHE NA, RGYAD PAN PA'I SLOB MA'I LUS NYID NI BLO DANG GRUB DE RDZAS GCIG MA YIN TE, DE'I LUS 'DZIN PA'I DBANG PO'I MNGON SUM GYIS LUS DE GRUB KYANG 'DOD CHAGS LA SOGS PA'I BLO'I RNAM PAR BRTAG PA KHYAD PAR LA THE TSOM ZA BA'I PHYIR DE LA KHO NA RE, SHING RTOGS KYANG SHA PA MA RTOGS PA MTHONG YANG DE GNYIS RDZAS GCIG PA 'GOG MI NUS PA DANG, SNGON PO DANG SKAD CIG MA RDZAS GCIG KYANG SNGON PO RTOGS NAS SKAD CIG MA MA RTOGS PA MTHONG BAS KHYAB PA MED DO ZHE NA, MI MTSUNGS TE

'DOD CHAGS DANG BDE BA LA SOGS PA YID GTAD NA NGES DGOS PAS LUS DANG GRUB DE RDZAS GCIG NA LUS 'JAL BA'I MNGON SUM DES YID GTAD PA TZAM GYIS NGES NUS PA'I CHAGS SOGS KYANG NGES DGOS PA LA MA NGES PA'I PHYIR DANG, SKAD CIG MA YID GTAD PA TZAM GYIS MI NGES PA'I PHYIR RO, ,SHING DE NYID SHA BA DANG RDZAS GCIG LA LUS BLO RDZAS GCIG PA NAM YANG MA GRUB PA'I PHYIR RO, ,GTAN TSIGS KYI DON BSDUS NA LUS BLO GRUB DE RDZAS GCIG MA YIN TE, LUS 'DZIN MNGON SUM GYIS LUS GRUB KYANG BLO YI BDAG NYID GANG YANG MA DMIGS PA'I PHYIR RO ZHES PA'O, ,DE LA GTAN TSIGS MA GRUB STE, RGYAD PAN GYI SLOB MA'I LUS 'DZIN MYONG BA'I RANG RIG GIS LUS BLO GNYIS KA GRUB LA, SKYES BU KHYAD PAR CAN GYIS GZHAN GYI LUS GRUB PA NA BLO YANG GRUB PAS LUS BLO GNYIS KA TSAD MA GCIG GIS GRUB BO ZHE NA, GZHAN RGYUD KYI BLO DE GANG ZAG GZHAN DANG 'BREL PA NI THA MAL PA'I SKYES BU TZAM GYIS MNGON SUM DU MI RTOGS PAR THAL, GZHAN GYI BLO DE YOD KYANG DE LAS RGYUD THA DAD PA'I THA MAL PA'I MNGON SUM GYIS DMIGS SU MI RUNG BA'I PHYIR, SKYES BU KHYAD PAR CAN GYIS GZHAN GYI LUS DANG BLO 'BREL PAR GRUB PA TZAM GYIS LUS BLO RDZAS GCIG TU 'GRUB PA MA YIN PAR THAL, KHYAD PAR CAN DE'I GZHAN GYI LUS 'DZIN MNGON SUM DES GZHAN GYI BLO MA GZUNG BA'I PHYIR, GSUM PA LA GNYIS, DGAG PA DNGOS DANG, SKYON SPONG DGAG PA'O, ,DANG PO NI, RGYAD PAN BA 'DI TSE SNGA PHYI DANG KUN MKHYEN SOGS DGAG GZHI SNANG MI RUNG 'GA' ZHIG TU DE DAG LA DGAG PA BYED PA YANG DBANG PO'I MNGON SUM GYIS NI BYA BAR 'OS PA MA

, ,YIN PAR THAL, DNGOS POR MED PA MNGON SUM DE'I GZUNG YUL NYID DU 'GAL BA'I PHYIR, DER THAL, DBANG PO'I MNGON SUM GZUNG DON GYI NUS PA LA LTOS PA'I PHYIR, DBANG MNGON GYIS DGAG GZHI SNANG MI RUNG DU DGAG PA BYED NA, DGAG GZHI DNGOS SU RTOGS NAS DGAG PA SHUGS LA RTOGS PAR BYAR MED PAS DGAG GZHI DANG BRAL BA'I MED DGAG YAN GAR BA MNGON SUM GYI GZUNG YUL DU 'GYUR DGOS NA DE MI 'THAD PA YIN LA MED DGAG DBANG MNGON GYI SHUGS LA YANG MI RTOGS PA NI BAB COL 'BA' ZHIG YIN NO, ,SNGAR GYI RTAGS MA GRUB NA, DBANG PO'I MNGON SUM CHOS CAN, YUL BAR CHOD PA DANG LA SOGS PAS SHIN TU BSKAL BA LA SOGS PA'I DNGOS PO LA YANG DMIGS NAS SKYE BAR THAL, DBANG PO'I MNGON SUM TSAD MA GANG ZHIG RUNG YUL NA YOD PA'I GZUNG YUL GYI NUS PA NYE BA LA MI LTOS PA'I PHYIR, GNYIS PA NI, TSE SNGA PHYI MED PA LA DBANG PO'I MNGON SUM 'JAL BYED DU ZHUGS PAS DE MI RTOGS KYANG TSE SNGA PHYI LA DBANG PO'I MNGON SUM 'JAL BYED DU 'JUG PA LDOG PA LAS DBANG PO'I MNGON SUM NYID KYIS TSE SNGA PHYI'I DNGOS PO MED PAR NGES PA YIN NO ZHE NA, TSE SNGA PHYI LA DBANG PO'I MNGON SUM 'JAL BYED DU 'JUG PA LOG PA TZAM DES TSE SNGA PHYI MED PAR RTOGS PA'I DON YIN NAM, TSE SNGA PHYI MED DE, DE DBANG PO'I MNGON SUM GYIS MA DMIGS PA'I PHYIR CES PA'I DON YIN, DANG PO LTAR NA, TSE SNGA PHYI LA DBANG PO'I MNGON SUM 'JAL BYED DU 'JUG PA LOG PA TZAM DE CHOS CAN, KHYOD KYIS TSE SNGA PHYI MED PA MI RTOGS PAR THAL, KHYOD DNGOS POR MED PA'I PHYIR, KHYAB PAR THAL DNGOS POR MED PA YANG YIN LA DES GZHAL BYA

RTOGS SO ZHES KYANG BYA BA 'DI NI DAM BCA' NYAMS SHING 'GAL BA YIN PA'I PHYIR, PHYI MA LTAR NA, DBANG PO'I MNGON SUM 'JAL BYED DU 'JUG PA DE LOG PA RTAGS SU BKOD NA YANG RGYU MTSAN GANG LAS DON DE MED DO ZHES BYA BAR 'GYUR TE, MI 'GYUR BAR THAL, DBANG MNGON GYIS MA DMIGS NA MED PA'I KHYAB PA NGES PA MED PA'I PHYIR RO, ,YANG NA 'DI LTAR BSHAD DE, TSE SNGA PHYI MED PAR NGES PA NI DBANG PO'I MNGON SUM LDOG PAR NGES PA SNGON DU 'GRO BA CAN YIN NO ZHE NA, DBANG PO'I MNGON SUM DE LOG NA YANG TSAD MA GANG LAS TSE SNGA PHYI MED DO ZHES BYA BAR NGES PAR 'GYUR TE MI 'GYUR BAR THAL, DBANG PO'I MNGON SUM MIN PA'I TSAD MA MED PAS DON GANG YANG MED PAR NGES PA MED PA'I PHYIR RO, ,DON GANG LA DBANG PO'I MNGON SUM LOG NA DON DE MED PA'I NGES PA YOD NA NI DON GANG LA DBANG PO'I MNGON SUM 'JAL BYED DU LOG PA DE NYID DON DE MED PA LA MI 'KHRUL BA'I MI DMIGS PA'I TSUL GSUM TSANG BA YIN PA'I PHYIR, DE NI RGYU MTSAN DES TSE SNGA PHYI'I DNGOS PO MED PA SGRUB PA'I RTAGS YANG DAG NYID DU THAL LO, ,GNYIS PA DE'I LAN DGAG PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, RJES DPAG TSAD MA MED PAR 'DOD PA LA, KHAS BLANGS NANG 'GAL GYI SGO NAS GNOD PA BRJOD PA NA SNGAR BSHAD PA'I RJES DPAG GSUM PO LTA BU 'GA' ZHIG MI SLU BA YIN YANG LHA SBYIN GYI BU'I RTAGS LAS SNGO BSANGS DPOG PA LTA BU RJES DPAG DE'I RANG BZHIN CAN TSUL GSUM PA'I RTAGS LAS SKYES PA 'GA' ZHIG LA 'KHRUL PA MTHONG BA'I PHYIR, MTSAN NYID DE TZAM DANG LDAN PA LA YID BRTAN DU MED DO ZHE NA, GNYIS PA LA GNYIS, LAN MDOR BSTAN PA DANG, MNGON SUM

, ,TSAD MA DANG TSAD MAR MTSUNGS PAR BSGRUBS PAS BSHAD PA'O, ,DANG PO NI, RGYANG PAN CHOS CAN, RJES DPAG TSAD MA'I MTSAN NYID ZHUGS PA LA YID BRTAN MI RUNG BA MA YIN PAR THAL, KHYOD RJES DPAG LTAR SNANG 'GA' ZHIG LA RJES DPAG TU 'KHRUL NAS RJES DPAG RNAL MA DE'I RANG BZHIN KHYOD KYI TSAD MA'I YUL DU MA MTSON PAS RJES DPAG TSAD MA LA SKUR PA BTAB PA YIN PA'I PHYIR, RJES DPAG TSAD MA LA ZHEN YUL LA 'KHRUL BA MI SRID PAR THAL, PHYOGS CHOS DANG LDAN ZHING BSGRUB BYA'I CHOS DANG RANG BZHIN 'BREL PA NGES PA NI YANG DAG PA'I RTAGS KYI MTSAN NYID YIN LA DE LA 'KHRUL PA MED PA'I PHYIR TSUL GSUM PA'I RTAGS DE LA NI BSGRUB BYA'I CHOS LA 'KHRUL PA YOD PA MA YIN TE, BSGRUB BYA'I CHOS DE MED NA RTAGS RANG GI NGO BO MED PAR 'GYUR BA'I PHYIR RO, ,GNYIS PA LA GNYIS, RTZA BA DANG, 'GREL PA'O, ,DANG PO NI, RJES DPAG TSAD MA YIN PA'I RGYU MTSAN 'DI LTAR DNGOS PO RANG MTSAN GZUNG DON DU BYAS NAS 'DZIN PA TSAD MA'I MTSAN NYID DU GZUNG NAS MNGON SUM KHO NA TSAD MA'I MTSAN GZHIR KHAS LEN PA MI RIGS PAR THAL, MNGON SUM TSAD MA YANG NI GZHAL BYA'I DON MED NA MI 'BYUNG ZHING DE LA MI SLU BA LAS TSAD MA NYID DU 'JOG DGOS PA'I PHYIR, MNGON SUM DANG RJES DPAG GNYIS KA TSAD MAR MTSUNGS PAR THAL RANG GI GZHAL BYA DANG 'BREL PA YI NI RANG BZHIN GYI SGO NAS GSAR DU MI SLU BA'I SHES PA DE TSAD MAR 'JOG PA'I RNAM 'JOG GI RGYU YIN LA DE GNYIS KA LA MTSUNGS PAR YOD PAS NA STE YOD PA'I PHYIR, GNYIS PA LA GNYIS, TSIG DON DANG, DE'I LAN DGAG PA'O, ,DANG PO NI, MNGON

SUM TSAD MAR 'JOG PA YANG GZHAL BYA'I DON LA MI SLU BA NYID LAS TSAD MAR 'GYUR BA YIN GYI DNGOS PO RANG MTSAN GZUNG DON DU BYAS PA'I SGO NAS TSAD MAR 'JOG PA MA YIN TE DE LTA YIN NA MNGON SUM GYIS PHRA BA'I SKAD CIG MA GZUNG BAS DE YANG MNGON SUM GYIS GZHAL BAR KHAS BLANG DGOS PAR 'GYUR RO, ,DES NA SNGO 'DZIN MNGON SUM CHOS CAN, TSAD MAR THAL, SNGON PO DANG MED NA MI 'BYUNG BA'I 'BREL PA GRUB PA'I SGO NAS DE LA GSAR DU MI SLU BA'I SHES PA YIN PA'I PHYIR, DER THAL, KHYOD SNGON PO LA MI SLU BA YANG SNGON PO DE LAS SGRO 'DOGS GSAR DU GCOD NUS KYI RNAM PA SHAR BA'I TSUL GYIS KHYOD KYI BDAG NYID THOB CING SKYES PA'I PHYIR, DER THAL, GZUNG DON GZHAN LAS BYUNG BA SGRA 'DZIN LTA BU'AM GZUNG DON LAS MA BYUNG BA'I ZLA BA GNYIS 'DZIN LTA BU'I YOD PA DE NI GZUGS DE LA NGES PAR MI SLU BA MI RIGS PA'I PHYIR RO, ,SNGA MAS LDOG PA MED PA LA MI SLU BA MED PAR BSTAN LA MA BYUNG BA ZHES PAS RJES 'GRO MED PA LA MI SLU BA MED PAR BSTAN TO, ,NGES PAR ZHES BYA BA NI 'BREL PA MED PA LA MI SLU BA MI RIGS PAR NGES PA'I DON TE, BYA ROG DANG TA LA TZAM YANG MED PA'O, ,GNYIS PA LA GSUM, PHYOGS SNGA MA DANG, DE SUN DBYUNG BA DANG, DES NA RJES DPAG TSAD MAR GRUB PA'O, ,DANG PO NI, RGYANG PAN NA RE, GAL TE DBANG PO'I MNGON SUM GYI DON LA MI SLU BA NI DON MED NA MI 'BYUNG BA LAS MA YIN GYI 'ON KYANG DON RNAM MED THUG PHRAD DU MTHONG BA LAS MI SLU BA'I TSAD MAR 'JOG PA YIN NO ZHE NA, 'DI LA SNGA MA KHA CIG GIS ZUR NA GNAS PA'I RGOL BA GZHAN GYIS LAN BTAB PA LA 'CHAD DE, 'DIS BYE BRAG SMRA BA'I 'DOD PA YANG KHEGS MOD, ,RGYANG PAN RANG NYID KYI 'DOD PA

, ,BRJOD PA YIN NO, ,GNYIS PA LA GNYIS, BRTAGS LA DGAG PA DANG, DE'I LAN DGAG PA'O, ,DANG PO NI, SLOB DPON GYIS DRIS PA KHYOD DBANG PO'I MNGON SUM 'BA' ZHIG TSAD MAR 'JOG PA'I 'JOG BYED DBANG MNGON LA MNGON SUM DU SNANG BA'I DON MTHONG BA DE YANG MTHONG BYA PHYI ROL GYI DON YIN NAM MTHONG BYED MNGON SUM GYI SHES PA YIN DE GNYIS LAS GZHAN MED PAR KHYOD KYIS KHAS BLANGS PA'I PHYIR, DON YIN NO ZHE NA, SHES BYA CHOS CAN, GZUGS SGRA LA SOGS PA'I PHYI ROL GYI DON THAMS CAD LONG BA DANG MA LONG PA'I SHES PA THAMS CAD KYIS NGES MED DU MTHONG BAR 'GYUR BAR THAL, PHYI ROL GYI DON THAMS CAD MNGON SUM DU MTHONG BA DANG GRUB DE RDZAS GCIG TU SKYES PA YIN PA'I PHYIR, MNGON SUM GYIS MTHONG BA DANG, PHYI ROL GRUB DE RDZAS GCIG NA PHYI ROL YOD PA TZAM GYIS MIG BTZUMS KYANG MNGON SUM DU MTHONG BA YOD PAR 'GYUR RO, ,MNGON SUM DU GYUR PA'I MTHONG BYED SHES PA YIN NO ZHE NA, JI LTAR GZHAN DBANG PO'I MNGON SUM YOD NA GZHAN PHYI ROL GYI DON NGES PAR YOD PAR 'GYUR TE MI 'GYUR BAR THAL, DE GNYIS RDZAS GZHAN 'BREL PA MED PA YIN PA'I PHYIR, 'DOD NA DE LA MI SLU BA YIN PAR 'GAL LO, ,GNYIS PA NI, SNGON PO LA SOGS PA'I DON MNGON SUM DU BSNYON MI NUS PAR MTHONG BA'I PHYIR, DON YOD PAR GRUB BO ZHE NA, SLAR YANG DBANG PO'I MNGON SUM GYIS DON MTHONG BA DON YOD PA'I SGRUB BYED DU BRJOD MI RIGS PAR THAL, SGRUB BYED DE NYID BRGAL ZHING BRTAG PAR BYA BA MA YIN NAM, STE DPYOD PA'I SKABS YIN PA'I PHYIR, DER THAL, DBANG PO'I MNGON SUM KHO NA TSAD MAR 'JOG PA'I 'JOG BYED DON MTHONG

BA ZHES BYA BA 'DI CI ZHIG DON NAM SHES PA YIN CES DPYOD PA'I SKABS YIN PA'I PHYIR, GSUM PA NI, RGYANG PAN GYIS KHAS BLANGS PA'I TSAD MA'I MTSAN NYID PHYIN CI LOG YIN PA DE'I PHYIR DBANG PO'I MNGON SUM GYI SHES PA PHYI ROL GYI DON DE DANG 'BREL PAR BRJOD PAR BYA ZHING KHAS BLANG BA RIGS PA YIN PAR THAL, DBANG PO'I MNGON SUM GYI SHES PA YOD PA LAS PHYI ROL GYI DON YOD PAR 'DOD PAS TE DE LA TSAD MAR KHAS BLANGS PA'I PHYIR, DES NA RANG GI GZHAL BYA DANG 'BREL PA LAS TSAD MAR 'GYUR BA DE NI 'BRAS BU DANG RANG BZHIN GYI RTAGS LA BRTEN PA DAG GI RJES SU DPAG PA LA YANG MTSUNGS PAR YOD PA'I PHYIR RJES SU DPAG PA TSAD MA'I MTSAN NYID MI SLU BA DANG MI LDAN PA MA YIN NO, ,DON BSDUS NA MNGON SUM TSAD MAR 'JOG PA YANG RANG GI GZHAL BYA DANG MED NA MI 'BYUNG BA'I 'BREL PA GRUB PA'I SGO NAS YIN LA, DE NI RJES DPAG LA YANG MTSUNGS PA'I PHYIR MNGON SUM TSAD MA DANG TSAD MA YIN MIN GYI KHYAD PAR MED LA GNYIS LAS GZHAN YANG KHEGS PA'I PHYIR, TSAD MA GNYIS SU GRANGS NGES PA LEGS PAR GRUB PA YIN NO, ,GNYIS PA SO SO'I RNAM GZHAG LA GNYIS, RANG GIS GZHAL BYA RTOGS PA'I THABS DANG, RTOGS NAS GDUL BYA GZHAN RJES SU 'DZIN PA'I THABS SO, ,DANG PO LA GNYIS, GZHAL BYA MNGON GYUR RTOGS PA'I THABS DANG, LKOG GYUR RTOGS PA'I THABS SO, ,DANG PO LA GNYIS, LE'U'I GZHUNG BSHAD PA DANG, LE'U'I MTSAN NO, ,DANG PO LA GSUM, MNGON SUM DANG, MNGON SUM LTAR SNANG DANG, MNGON SUM GYI TSAD MA DANG 'BRAS BU'I RNAM PAR BZHAG PA'O, ,DANG PO LA GNYIS, MNGON SUM SPYI'I MTSAN NYID

, ,DANG, MTSAN GZHI SO SO'I DON TO, ,DANG PO LA GNYIS, SPYI'I DON DANG, YAN LAG GI DON TO, ,DANG PO NI, MNGON SUM GYI MTSAN NYID LA LOG RTOG BSAL BA LA SLOB DPON CHOS MCHOG GI BZHED PA MDO TZAM DGOD PA DANG, DE LA GZHAN GYIS 'THAD MI 'THAD DPYAD PA JI LTAR BYUNG BA'I TSUL DANG, SLOB DPON CHOS MCHOG GI BZHED PA NYID 'THAD PAR SGRUB PA GSUM GYIS RIG PAR BYA'O, ,DANG PO NI 'THAD LDAN DU MNGON SUM ZHES BYA BA NI MTSAN GZHI RJES SU BRJOD PAS TE, MNGON SUM GYIS BRJOD PAR BYA BA MNGON SUM DU BYED PA'I SHES PA RAB TU GRAGS PA DE NI RTOG PA DANG BRAL ZHING MA 'KHRUL BA'O, ZHES DE LTAR MNGON SUM RJES SU BRJOD NAS RTOG PA DANG BRAL BA NYID LA SOGS PA'I MTSAN NYID SGRUB PAR BYED PA YIN NO ZHES MTSAN GZHI GRUB ZIN PA'I DON DE NYID SLAR YANG RJES SU BRJOD PA'I SGRA NI MTSAN GZHI'AM MTSON BYA RJES BRJOD KYI SGRA ZHES ZER LA, MTSAN NYID RTOG BRAL MA 'KHRUL BA SNGAR MA GRUB PA SGRUB PA'I CHED DU BRJOD PA YIN PAS DE BRJOD PA'I SGRA LA MTSAN NYID SGRUB PA'I SGRA ZHES ZER TO, ,GNYIS PA NI SLOB DPON CHOS MCHOG GI 'BREL PAR BKOD PA'I RANG LUGS BZHAG PA MI 'THAD, GZHAN LUGS BKAG PA MI 'THAD, DES NA LOTZTSA BA CHEN PO'I BZHED PA NYID RTZA BA'I DGONGS PAR 'THAD PA'I BRGAL LAN RGYAS PA NI BLA MA GRO LUNG PA CHEN POS MDZAD PA'I RNAM NGES KYI RNAM BSHAD CHEN POR BLTA BAR BYA'O, ,YANG CHOS MCHOG GI LUGS 'THAD PAR SGRUB PA'I BOD SNGA MA DAG GI SGRUB BYED RNAMS LTAR SNANG YIN PAR RNAM BSHAD DER GTAN LA PHAB PA DE DAG PHAL CHER GYIS SLOB DPON CHOS MCHOG GI BZHED PA LEGS PAR MA RTOGS

'DUG CES RJE RIN PO CHE THAMS CAD MKHYEN PA'I ZHAL SNGA NAS GSUNG NGO, ,GSUM PA LA, RANG LUGS NI SLOB DPON CHOS MCHOG GI BZHED PA NYID SKYON MED PAR GNAS TE, 'DI LTAR RNAM PAR BZHAG 'JOG LA MTSAN MTSON DU BYAS NAS MTSON BYA RJES BRJOD DANG MTSAN NYID SGRUB PAR BZHED PA MA YIN TE, RNAM PAR 'JOG BYED MA NGES PAR RNAM PAR BZHAG BYA NGES PAR SLOB DPON CHOS MCHOG MI BZHED CING, DE'I RNAM PAR BZHAG BYA MA YIN PAR THAL BAR 'GYUR RO, ,DES NA 'DIR RTOG BRAL MA 'KHRUL BA'I SHES PA'I RNAM PAR BZHAG BYA NI MNGON SUM TSAD MA YIN LA 'DIR NI SPYOD PA PA LA SOGS PAS DON MNGON DU BYED PAS NA MNGON SUM ZHES PA'I SGRA'I DON NGES KYANG DE RTOG PAR SGRO 'DOGS PAS RTOG BRAL MA 'KHRUL BA SNGAR MA GRUB PA SGRUB PAR SHIN TU GSAL BA'I PHYIR RO, ,DES NA RJES BRJED KYI SGRA'I DON NI DON MNGON DU BYED PAS MNGON SUM ZHES PA DE YIN LA DE LA MTSAN GZHI GZUGS 'DZIN PA'I DBANG PO'I SHES PA SOGS DANG, KHO RANG GI RANG LDOG RNAMS SU YOD PAS RTOG BRAL MA 'KHRUL BA'I SHES PA MA GRUB PAR YANG DON DE DAG NGES NUS PA MNGON SUM GYIS GRUB PA'I PHYIR RO, ,DES NA SLOB DPON CHOS MCHOG GIS MING DANG MING CAN 'BREL PAR 'DOD PA LA GNOD PA STON PA'I SKABS SU MING DON GYI 'BREL PA NGES PAR BYED PA TZAM YIN NA MING CAN RTOG BRAL MA 'KHRUL BA GZHI LA MA BRTEN PAR GRUB PA MI SRID CING, SNGAR BSHAD PA'I GZHI GNYIS PO GANG RUNG GI STENG DU GRUB NA DBANG SHES RTOG BRAL DU SGRUB PA'I GZHUNG RGYUN PHYI MA 'DI DAG GIS SNGAR MA GRUB PA'I DON CI ZHIG SGRUB PAR BYAR YOD, CES PA'I BRTAG PA RNAMS 'JUG PA KHO NA'O, ,MTSAN NYID MA GRUB PA'I SNGAR MTSON BYA GRUB PA SLOB DPON

, ,CHOS MCHOG GI BZHED PAR 'DOD PA DE'I LTAR NA SGRUB BYED GANG YANG MED PA NI SGRUB PA MI 'THAD LA, DON MNGON DU BYED PA'I SHES PA 'JOG BYED DU BYAS NAS DES GRUB PAR 'DOD PA YANG MI 'THAD DE, MNGON SUM LA RTOG BRAL MA 'KHRUL BAS KHYAB LA DE LA RTOG BRAL DANG MA 'KHRUL BA GANG GIS KYANG KHYAB PA MI 'GRUB PA'I PHYIR RO, ,DES NA CHOS MCHOG GI DGONGS PA NI t'IKKA'I TSIG DON LEGS PAR BSHAD PA LAS RTOGS PAR 'GYUR TE, 'DI LTAR, MNGON SUM RTOG BRAL MA 'KHRUL BA, ZHES BSHAD PA'I MNGON SUM GYI SGRA'I DON NI LKOG TU MA GYUR PA'I DON MNGON SUM DU BYED PA'I SHES PA SPYOD PA PAS KYANG GRUB ZIN PA KHYAD GZHI SGRA 'DZIN NYAN SHES MA 'KHRUL BA LTA BU YIN LA, RTOG BRAL MA 'KHRUL BA NI DE'I STENG DU MA GRUB PA SGRUB PAR BYA BA MI RTAG PA LTA BU YIN PAR CHES SHIN TU GSAL BAS MTSAN NYID MA GRUB PA'I SNGAR MTSON BYA GRUB PA LA GNOD PA BRJOD PA NI PHYOGS SNGA MA MA LON PA'O, ,DE LA SGRUB PA DANG RJES BRJOD KYI SGRA'I SKABS GNYIS LAS MTSAN GZHI DON MNGON DU BYED PA'I SHES PA DANG, MTSAN NYID RTOG BRAL MA 'KHRUL BA GRUB ZIN PA LA NI MTSAN NYID RJES SU BRJOD NAS MTSAN GZHI STE MTSON BYA MNGON SUM SHES PAR BYED LA, DE DANG MTSAN NYID SNGAR MA GRUB PA LA NI MTSAN NYID SGRUB PAR BYED DO, ,DE'I DPE NI DPER NA ZHES SO, ,DPE 'DI'I DON YANG MTSAN MTSON DU MI BZHED PAR CHES SHIN TU GSAL LO, ,GZHAN LUGS DGAG PA NI MING DANG ZHES SOGS TE, SLOB DPON ZHI BA BZANG PO LTAR MING 'DI'I DON GANG YIN ZHES PA DANG, DON 'DI'I MING GANG YIN ZHES PA LA MING DON 'BREL PAR BYED PA YIN NO ZHES PA YANG SKABS SU MA BAB STE, SPYIR TSAD

MA'I GRANGS SOGS DANG BYE BRAG TU MNGON SUM RTOG PA DANG 'KHRUL PAR LOG PAR RTOG PA SEL BA'I SKABS YIN PA'I PHYIR, KHYAB PA YOD DE, MING DANG MING CAN 'BREL PAR BYED PA LA MING CAN DA DUNG MA GRUB PA'I PHYIR, DGOS PA YANG CUNG ZAD KYANG MED DE, MTSAN NYID LA LOG RTOG BSAL DGOS PA MA BSAL BA'I PHYIR, RANG GI 'DOD PAS MNGON SUM GYI SGRA'I DON SNGAR BSHAD PA KHYAD GZHIR BZUNG NAS DE'I STENG DU MTSAN NYID SGRUB PAR BYED PA LA MING DANG MING CAN 'BREL PAR BYED PA ZHES PA'I MING BTAGS NA YANG 'DOD PA'I DON LA LOG RTOG MA BSAL BAR 'GYUR BA'I PHYIR, 'THAD PA'I DNGOS PO DE LA PHA ROL POS MING GZHAN DU BTAGS NA YANG RTOG BRAL MA 'KHRUL BA NI MNGON SUM ZHES PA'I SGRA'I DON MA YIN LA, DON MNGON DU BYED PA'I SHES PA NYID MNGON SUM GYI SGRA'I BRJOD BYA YIN LA, SNGA MA DE'I KHYAD PAR YIN TE, DPER NA SGRA RNA BAS ZHES SO, ,DPE DE BZHIN DU MNGON SUM GYI SHES PA SOGS BZHI [?] MNGON SUM GYI SGRA'I DON DU GRAGS SHING GRUB PAR GYUR PA RJES SU BRJOD NAS KHYAD PAR RTOG BRAL MA 'KHRUL BA SGRUB PAR BYED PA YIN GYI SNGAR MED KYI MING DANG MING CAN 'BRAL BAR SGRUB PAR BYED PA MA YIN NO, ,GANG YANG PHYOGS GZHAN DON MNGON DU BYED PA'I SHES PA GRUB ZIN LA MTSAN NYID GRUB ZIN PA RJES SU BRJOD PAR BTAGS NAS MTSON BYA MNGON SUM SGRUB PAR RTOG PA DE YANG DON PHYIN CI LOG LA BRTEN PA YIN TE, MNGON SUM GYI SGRA'I DON DANG MTSAN NYID SGRUB PA'I NGAG 'JIG RTEN NA YANG DE LTAR MA MTHONG NGO ZHES BSTAN ZIN PA'I PHYIR RO, ,RIGS PAS KYANG MI 'THAD DE, PHYOGS GZHAN DU KHYAD PAR RTOG BRAL MA 'KHRUL PA DE DAG MNGON SUM GYI DON MNGON DU BYED PA'I SHES PA LA GRUB BAM, GZHI MED PAR GRUB

, ,PHYI MA MI SRID LA, DANG PO LTAR NA, NGAG 'DIS SNGAR MA GRUB PA'I DON CI ZHIG GRUB PAR 'DOD, DES NA KHO BO CAG LTAR 'THAD PA MDOR BSTAN GYI NGAG 'DI NYID KYI NGAG RGYUN PHYI MA RGYAS BSHAD KYI TSIG RNAMS KYIS 'THAD PAR BRJOD PAS GRUB PA DANG RJES BRJOD TSUL 'DI NYID RIGS SO, ,MTSAN NYID NYE BAR GZUNG BA'I DGOS PA STON PA NI 'DIR YANG ZHES SO, ,SPYIR MTSAN NYID LA RIGS MI MTHUN SEL BA DANG, LOG RTOG SEL BA GNYIS LAS MTSAN NYID GNYIS NGES PAR SMOS PA RIGS MI MTHUN RNAM PAR BCAD PA'I DON MA YIN GYI LOG RTOG BSAL BA'I DON YIN NO, ,RIGS MI MTHUN SEL BA'I DBANG DU BYAS NA TSAD MA MA YIN PA NI YANG DAG SHES PAR GRUB ZIN PA NYID KYIS BSAL LA, DE GZHIR BYAS NA RTOG BRAL SMOS PA'I BSAL BYA RJES DPAG NYID LA, MA 'KHRUL BA SMOS PA'I YANG BSAL BYA RJES DPAG NYID YIN TE, YANG DAG SHES PAR GYUR PA'I RTOG PA DANG 'KHRUL BA DE LAS MED PA'I PHYIR, DES NA YANG DAG SHES PAR GRUB PA LA RIGS MI MTHUN SEL BA'I DBANG DU BYAS NA YA GYAL RE RES GRUB KYANG, LOG RTOG SEL BA'I CHED DU GNYIS SMOS TE, DBANG PO MIG SER GYIS NYAMS PAR BYAS PA'I SHES PA LTA BU 'KHRUL PA KHA CIG MNGON SUM DU 'DOD PA DANG, MNGON SUM 'GA' ZHIG RTOG PAR 'DOD PA DGAG PA'I CHED YIN NO, ,SPYI'I DON 'DI DAG LA DON TSAN BZHI YOD PA'I RJES BRJOD KYI SGRA DANG SGRUB PA'I SGRA GTAN LA DBAB PA NI TSUL 'DI NYID RIGS PA YIN NO ZHES PA YAN CHAD YIN LA, RIGS MI MTHUN DANG LOG RTOG SEL BA'I MTSAN NYID DU 'GRO TSUL NI 'DIR YANG ZHES PA NAS THAMS CAD SPANGS PA YIN NO ZHES PA'I BAR RO, ,SKABS 'DIR MTSON BYA STON PA'I

TSIG YOD DAM MED CE NA, NGES PAR DNGOS SU SMOS DGOS PA MA YIN TE, MTSAN NYID RTOG BRAL MA 'KHRUL BA RGYAS PAR GTAN LA PHAB PA NYID KYIS MTSON BYA BDE BLAG TU GO BA'I PHYIR DANG, BSTAN DGOS NA'ANG MA BSTAN PA MIN TE, 'DI'I PHYI 'GREL DU SHES PA GANG YIN PA DE NI MNGON SUM MO ZHES PAS BSTAN TO, ,MTSAN MTSON GNYIS GANG RUNG GCIG DNGOS SU BSTAN NA GNYIS KA DNGOS SU BSTAN DGOS PA MA YIN TE, RNAM 'GREL DU MTSON BYA DNGOS SU BSTAN KYANG MTSAN NYID SPYIR BTANG DMIGS BSAL DU MA'I SGO NAS SHUGS LA GO DGOS PA YOD PA'I PHYIR, DE LA TSAD MA SPYI'I MTSAN NYID DANG DE LA MNGON RJES GNYIS SU GRANGS NGES GRUB ZIN NAS BYE BRAG MNGON SUM TSAD MA'I MTSAN NYID SGRUB PAR BYED PA LA RTOG BRAL MA 'KHRUL PA TZAM GYIS RDZOGS PA MA YIN LA, MNGON SUM TSAD MA'I BSAL BYA LA TSAD MA DANG TSAD MA MA YIN PA GNYIS KYI PHYI MA NI MI SLU BAR GRUB PA NYID KYIS BSAL ZIN LA, MNGON SUM MA YIN PA'I TSAD MA NI RJES DPAG NYID DU NGES PAS RTOG BRAL SMOS PAS KYANG RJES DPAG BSAL NAS, MNGON SUM TSAD MAR MTSON NUS LA, MA 'KHRUL BAS KYANG DE LTAR NUS PAS YA GYAL RE RES KYANG RIGS MI MTHUN SEL NUS LA, RTOG BRAL GYIS DE LTAR NUS NA MA 'KHRUL BA SMOS CI DGOS SNYAM NA, LOG RTOG SEL BA'I CHED DU SMOS LA, PHYI MAS DE LTAR NUS NA SNGA MA DGOS PA MED DO SNYAM NA YANG LOG RTOG SEL BA'I CHED DU SMOS PAS YA GYAL GANG RUNG RE RIGS MI MTHUN SEL BA'I TSE CIG SHOS LOG RTOG SEL BA LA SBYAR BA DE LTAR GNYIS KA YIN PAS GNYIS KA BSDOMS PA SMOS PA NI LOG RTOG BSAL BA'I DON DU YIN NO, ,MA 'KHRUL BA SMOS NA MIG SER GYIS NYAMS PA'I MIG GI

, ,SHES PA GZUNG YUL LA 'KHRUL BAS MNGON SUM MA YIN PAR SHES LA, TSUL GSUM PA'I RTAGS LA MA BRTEN PAS RJES DPAG MA YIN ZHING SNANG ZHEN GANG LA YANG MI SLU BA MED PAS TSAD MA GZHAN YANG MA YIN PAR GRUB BO, ,MA 'KHRUL BA SMOS PA MED NA KHA CIG DE 'DRA'I SHES PA RTOG PAR ZHEN NAS MNGON SUM TSAD MA MA YIN PAR 'JOG PA DANG, KHA CIG DON TZAM LA MI SLU BA DANG, RTOG MED DU ZHEN PAS MNGON SUM TSAD MAR 'JOG PA'I LOG RTOG DE DAG MA 'KHRUL PA SMOS PAS SPANGS PA YIN NO, ,DON TSAN GSUM PA MTSAN NYID 'DI DON SEMS GNYIS KA'I DBANG DU BYAS SAM, MDO SDE PA KHO NA'I DBANG DU BYAS SNYAM PA'I DOGS PA GCOD PA NI, GZHAN DAG CES SOGS TE, KHA CIG MDO SDE PA BZHIN SEMS TZAM PA'I YANG MNGON SUM GYI MTSAN NYID THUN MONG BA BSTAN PA'I PHYIR MA 'KHRUL BA'I DON MI SLU BA LA 'DOD LA, SLOB DPON DUL BA LHA YANG DE LTAR 'DOD DO, ,DE DGAG PA LAM 'KHRUL BA'I SGRA'I DON GZUNG YUL LA MA 'KHRUL BA YIN PAR SGRUB PA DANG, MI SLU BA LA 'DOD PA DGAG PA'O, ,DANG PO NI GANG GI PHYIR CES TE, SLOB DPON GYIS MA 'KHRUL BA'I DON DE LTAR MI BZHED DE, DE'I LDOG ZLA 'KHRUL PA DE'I MTSAN NYID NI, PHYIN CI LOG TU SNANG BA YIN NO ZHES SNANG BA LA 'KHRUL BAR DE DANG DER GSUNGS PA'I PHYIR RO, ,YANG RNAM PAR RTOG PA NI MNGON SUM MIN TE, DNGOS PO RANG MTSAN MI SNANG BA'I SHES PA YIN PA'I PHYIR, CES BYA BA NA YANG MNGON SUM YIN NA, DNGOS PO JI LTAR GNAS PA DANG MTHUN PAR SNANG BA GZUNG YUL DON BYED NUS PA LA MA 'KHRUL BA YIN PAR BRJOD PA'I PHYIR YANG RJES DPAG DE MA YIN LA DER 'DZIN PAS 'KHRUL PAR YANG DANG YANG DU GSUNGS PA NA

MNGON SUM DE LAS LDOG PAR MI BZHED NA RJES DPAG 'BA' ZHIG 'KHRUL PAR BSTAN PA DGOS PA MED LA, BZHED NA DE NI GZUNG YUL LA 'KHRUL PA YIN GYI ZHEN YUL LA 'KHRUL BA MA YIN LA, 'KHRUL TSUL DE LAS LDOG PAS MNGON SUM MA 'KHRUL BA YIN PA'I PHYIR MNGON SUM GZUNG YUL LA MA 'KHRUL BA YIN PAR GRUB BO, ,GNYIS PA NI MNGON SUM TSAD MA YANG DAG PA'I SHES PAR GONG DU BSGRUBS ZIN PAS NA 'KHRUL PA'I DON MI SLU BA LA BYED NA MNGON SUM TSAD MA'I MTSAN NYID YANG DAG PA'I SHES PA RTOG PA DANG BRAL ZHING MI SLU BA ZHES PAR 'GYUR BAS MA 'KHRUL BA'I DON DE LA BYED PA DON MED DO, ,RNAM RIG PA'I LUGS MGO MJUG KUN LA SBYAR BAR BYA BA MA YIN TE, RJES DPAG 'BA' ZHIG GZUNG YUL LA 'KHRUL PA DANG DBANG PO'I MNGON SUM GZUNG DON GYI MTHU LAS SKYES PAS RTOG BRAL DU SGRUB PA SOGS RNAM RIG PA LA SBYAR DU MI RUNG BA'I PHYIR RO, ,'O NA RNAM RIG PA'I MNGON SUM GYI MTSAN NYID GANG DU YANG MA BSTAN PAR 'GYUR RO ZHE NA, SKYON MED DE, RTOG PA DANG BRAL BA LA BAG CHAGS BRTAN MI BRTAN GYI DBANG GIS 'JOG PA TSAD MA RNAM PAR NGES PA 'DI NYID DU GSUNGS PA'I PHYIR RO, ,DES NA MA 'KHRUL BA'I DON GZUNG YUL LA MA 'KHRUL BAR GRUB NA MDO SDE PA 'BA' ZHIG LA SBYAR DGOS PAR LEGS PAR GRUB PA YIN NO, ,KHA CIG NA RE, ZLA BA GNYIS LA SOGS PA'I SHES PA MNGON SUM TSAD MA YIN PA LDOG PA'I DON DU MA 'KHRUL PA SMOS PA MI RIGS TE, DE CHA 'GA' ZHIG LA MI SLU BAS TSAD MA YIN PA'I PHYIR DANG, PHYOGS GLANG GIS KYANG MNGON SUM GYIS MTSAN NYID DU MI 'KHRUL BA SMOS PA MA MDZAD PAR, RTOG PA DANG BRAL MNGON SUM MO ZHES GSUNGS SO, ,NGES SHES KYI YUL

, ,THAMS CAD LA MI SLU BA TSAD MAR RTOGS PA'I DON DU MI SLU BA SMOS NA YANG MI RIGS TE, DON GYI BDAG NYID THAMS CAD LA MI SLU BA'I SHES PA 'GA' YANG MED DO ZHES ZER RO, ,DE DGAG PA NI SLOB DPON PHYOGS GLANG GIS MNGON RJES GNYIS KHO NA TSAD MAR GSUNG BA MI RIGS PAR THAL, KHYED LTAR NA BYIS PA'I RTOG PA YAN CHAD CHA 'GA' ZHIG LA MI SLU BA MA YIN PA MED LA, BDAG NYID THAMS CAD LA MI SLU BA 'GA' YANG MED PA'I PHYIR RO, ,DES NA TSAD MA GNYIS SU NGES PAR BSTAN PA'I PHYIR, RTOG PA 'GA' ZHIG BSLU BAR BZHED PA YIN NO, ,KHYED LTAR NA SHES PA THAMS CAD MI SLU BAR KHAS BLANG NUS PAR 'GYUR RO, ,DES NA SLOB DPON GYI DGONGS PA NI DON BYED NUS PA'I DON GANG 'JUG YUL DU GYUR PA'I DON DE THOB PA LA BRTEN NAS MI SLU BAR 'JOG LA, DE YANG NGES SHES KYI YUL DU GYUR PA'I BDAG NYID THAMS CAD LA MI SLU BA YIN NO, ,THUN MONG BA'I CHOS GANG LA MI SLU BA DE YANG KHYAD PAR LA MI SLU BA YIN LA, TSAD MA'I STOBS KYIS DRANGS PA'I NGES SHES DE KHYAD PAR GCIG LA BSLUS NA SPYI LA MA SLUS PA ZHES BYA BA MED LA, DES NA BDAG NYID THAMS CAD LA BSLUS PA YIN NO, ,SMIG RGYU LA CHU'I RANG BZHIN SPANGS PA YIN PAS CHU'I CHA GANG LA YANG MI SLU BA SPANGS LA, NOR BU PHUG DANG 'OD SGO GSEB NA 'DUG PA LA NOR BU 'DUG SNYAM PA YANG NOR BU YOD PA'I YUL SPANGS PA YIN PAS NOR BU'I CHA DANG CHA CAN GANG LA YANG TSAD MA MA YIN LA, MTSAN PHYED KYI DUS NA NYIN PHYED KYI BU BYUNG BAR RMIS PA YANG DUS LA 'KHRUL PAS TSAD MA MA YIN PAS, CHA GZHAN LA BSLUS NAS PHYOGS GCIG LA MI SLU BA ZHES BYA BA'I TSAD MA MI SRID DO, ,DES NA RJES DPAG

LAS THA DAD PA'I RTOG PA TSAD MA YIN PA SPANGS PA BZHIN DU, SLOB DPON 'DI DAG KYANG MNGON SUM YIN PA SPANGS PAR BZHED PAS DE'I DON DU MA 'KHRUL PA SMOS PA YIN NO, ,BZHI PA NI, YUL LA 'KHRUL BA MNGON SUM TSAD MAR MI RUNG BA NI, NOR BU SGRON ME'I 'OD DAG LA ZHAS PA'I SKABS SU RTOGS LA, DUS LA 'KHRUL BA DER MI RUNG BA NI, DOGS PA'I GNAS CHUNG BAS MA SMOS LA, RANG BZHIN LA 'KHRUL BA LA DOGS PA BSKYED PA NI, GAL TE DNGOS PO'I GNAS TSOD DANG 'GAL BA 'DZIN PA 'KHRUL BAS TSAD MAR MI RUNG NA, SNGO 'DZIN DBANG SHES 'KHRUL BAR THAL, RDUL PHRA RAB MA 'DRES PA RNAMS LA 'DRES PAR 'DZIN PA'I PHYIR CE NA, PHYI ROL GZUNG DON DU BYAS NAS 'DZIN PA'I LUGS LA, RDUL PHRA RAB PHYOGS KYI CHA BCAS SU MI RUNG BA'I LUGS JI LTAR 'THAD PA'I TSUL GYIS LAN GDAB PAR BYA'O, ,SNGOR SNANG DBANG SHES RANG BZHIN 'DRES PA 'DZIN PA'I DON DE, RDUL PHRA RAB RNAMS RANG BZHIN THA DAD PA MA 'DRES PA'I DON YIN PA LA RANG BZHIN THA DAD MED PAR 'DZIN PA 'DRES PAR 'DZIN PA'I DON YIN PA'AM, GO SA SO SOR GNAS PA, GO SA GCIG TU 'DZIN PA'AM, BAR STONGS DANG BCAS PAR GNAS PA, BAR STONGS MED PAR 'DZIN PA'AM, DBANG SHES RIGS MI MTHUN GYI GZUNG DON GYIS BAR BCAD NAS GNAS PA LA, BAR MA CHAD DU 'DZIN PA, MA 'DRES PAR GNAS PA 'DRES PAR 'DZIN PA'I DON YIN, SKYON DANG PO MED DE, DE LTA NA GONG BU RDUL PHRAN TZAM DU SNANG BAR THAL BA'I PHYIR, SKYON GNYIS PA MED PA YANG DES GRUB LA, SKYON GSUM PA YANG MED DE, BAR STONGS DANG BAR STONGS MED PA GNYIS KA DNGOS POR MED PAS DBANG MNGON GYI GZUNG DON MA YIN

, ,NO, SKYON BZHI PA YANG MED DE, KHA DOG DANG, REG BYA'I RDUL PHRA RAB BAR MA CHAD PAR MIG SHES LA MI SNANG ZHING, REG RDUL GYIS STONG BAR KHA DOG GI RDUL SNANG BA 'DRES PA'I DON YIN NA, 'DOD DE, DE LA REG BYA MI SNANG BA'I PHYIR, DE MI SNANG YANG RANG BZHIN 'GAL BA 'DZIN PAR MI 'GRUB BO, ,KHA DOG REG BYA'I YUL NA GNAS PAR MTHONG BAS YUL 'KHRUL LO ZHE NA, MI RIGS TE, REG BYA LAS RDZAS THA DAD PA'I YUL 'GA' YANG MIG SHES LA MI SNANG LA, DE MI SNANG NA, DE'I YUL NA KHA DOG YOD PAR JI LTAR SNANG, DES NA 'DRES PAR 'DZIN PA NI YID BLO RTOG PA YIN GYI DBANG MNGON MA YIN NO, ,DES NA DBANG MNGON NI, 'KHRUL TSUL RNAM PA GSUM KAR DU MED PAS MA 'DRES PA LA 'DRES PAR 'DZIN PA JI LTAR 'THAD, PHYI DON RAGS PA DANG, PHYOGS CHA THA DAD PA NI 'GAL BA CUNG ZAD KYANG MED LA, GANG LA MNGON SUM DU SONG BA'I DON DE'I CHA GZHAN LA 'KHRUL PA DANG, CHA GZHAN DNGOS POR MED PA YIN NA, RNAM PA THAMS CAD DU MNGON SUM TSAD MAR MI RUNG LA, CHA GZHAN TSAD MA DES MA GZHAL NA, TSAD MA GZHAN LAS KHONG DU CHUD PAR BYA BA YIN LA, 'KHRUL SHES NI, RANG YUL GYI CHA THAMS CAD LA 'KHRUL BAS, DE MNGON SUM YIN PA BZLOG PA'I DON DU MA 'KHRUL BA SMOS PA YIN NO, ,SLOB DPON RGYAL DBANG BLO LA SOGS PA GZHAN DAG ,DUNG SER 'DZIN GYI DBANG SHES, KHA DOG GI CHA LA TSAD MA MIN YANG, DBYIBS KYI CHA LA TSAD MA YIN LA, DE CHA THAMS CAD LA TSAD MA YIN PA BZLOG PA'I DON DU, MA 'KHRUL BA SMOS SO ZHES ZER BA YANG MI RIGS TE, CHA GCIG LA TSAD MA YIN NA, CHA GZHAN LA TSAD MA MA YIN PAR SGRUB PA DGOS

PA MED LA, 'JUG YUL LA TSAD MA MI 'KHRUL BA'I CHED DU SMOS PA MI 'THAD DE, THA SNYAD LAS THA SNYAD LA TSAD MA MA YIN PA RANG KHO NA LAS RTOGS SO, ,DBYIBS NI, KHA DOG LAS RDZAS THA DAD PA'I DON BYED NUS PA MA YIN PAS, KHA DOG LA 'KHRUL NA DBYIBS LA MA 'KHRUL BAR GA LA 'GYUR, DUNG GI SGRA YANG, DBYIBS KYI KHYAD PAR CAN GYI KHA DOG LA 'JUG LA, DUNG THOB PA YANG TSAD MA GZHAN LA BRTEN PA YIN GYI, SER POR 'DZIN PA LAS NI MA YIN NO, ,DES NA RANG BZHIN 'GAL BA 'DZIN PA NI, YUL GYI CHA THAMS CAD LA BSLU BA YIN PAS MNGON SUM TSAD MAR MI RUNG NGO, ,RNAM 'GREL DU, BSAGS PA DAG NI TSOGS PA YIN ZHES PA'I SKABS SU LUNG 'GAL SPONG BA NA, MDO SDE PA'I LUGS KYI DBANG SHES KYIS PHYI ROL GYI DON 'DZIN PA NA CHOGS PA'I SPYI DANG BYE BRAG GANG YANG GZUNG DON DU MI BYED LA RDUL PHRAN SIL LE BAR SNANG BA YANG MA YIN ZHING RAGS PA'I RNAM PA YANG MI SNANG LA SNGA MA'I RGYU RKYEN LA BRTEN NAS DBANG SHES BSKYED NUS KYI RDUL PHRAN KHYAD PAR CAN DU GYUR PA NA DE'I NANG GI RDUL PHRAN RE RE NAS KYANG BSAGS PA ZHES BYA BA'I SGRA 'JUG PAS RNAM PAR SHES PA'I TSOGS LNGA BSAGS PA LA DMIGS ZHES BSHAD PA YIN GYI SPYI'I SPYOD YUL CAN MA YIN NO, ZHES BSHAD DE DBANG SHES RTOG PAR 'DOD PA DAG NA RE, KHYED RANG GI LUNG LAS RNAM PAR SHES PA'I KHAMS LNGA RDUL BSAGS PA LA DMIGS PAR BSHAD PAS DE LA DMIGS NA TSOGS PA LA DMIGS DGOS LA DE LTA NA SPYI LA DMIGS PAS RTOG PAR 'GYUR RO ZHES THAL BA RIM PA GSUM 'PHANGS PA'I DANG PO LA KHYAB PA MA GRUB PA'I LAN BTAB PA YIN NO, ,DON SMRA MKHAS PA'I LUGS 'DI DAG ,RIGS PA'I DBANG PHYUG BSTEN BYAS NAS, ,BLO GROS KU SHA'I RTZE MO LTAR, ,SHIN TU

, ,PHRA BAS RTOGS PAR BYA, ,BAR SKABS KYI TSIGS SU BCAD PA'O, ,GNYIS PA YAN LAG GI DON LA GNYIS, BSTAN PA DANG, BSHAD PA'O, ,DANG PO NI, DE LA ZHES PA SGRA'I RNAM DBYE BRGYAD KYI NANG NAS BDUN PA GNAS GZHI'I SGRA YIN TE, YANG DAG PA'I SHES PA GZHIR BYAS PA DE LA GNYIS YOD PA'I MNGON SUM THOG MAR 'CHAD CES PA'O, ,'JIG RTEN NA MNGON SUM DU GRAGS PA'I GZUGS MTHONG BA'I DBANG SHES LA SOGS PA DON RANG MTSAN MNGON DU BYED PA'I MNGON SUM NI RTOG PA DANG BRAL ZHING MA 'KHRUL BA YIN TE DE LTAR 'OG NAS RIGS PAS SGRUB PA'I PHYIR, 'DIS MTSON BYA MNGON SUM GYI RANG LDOG KYANG BSTAN MOD KYI ZHE 'DOD KYI GTZO BO NI 'JIG RTEN LA YANG GRAGS SHING RTOG PAR 'DOD PA'I SPYOD PA PA SOGS LA YANG GRUB PA'I MNGON SUM GYI MTSAN GZHI BSTAN PA YIN NO, ,RTOG BRAL MA 'KHRUL BA NI MNGON SUM GYI MTSAN NYID YIN LA, MNGON SUM TSAD MA'I MTSAN NYID NI GSAR DU MI SLU BA'I SHES PA GANG ZHIG RTOG BRAL ZHES SAM MA 'KHRUL BA ZHES RIGS MI MTHUN SEL BA'I DBANG DU BYAS NA GANG RUNG RE RE DANG LOG RTOG SEL BA'I DBANG DU BYAS NA MI SLU BA GZHIR BYAS PA LA GNYIS KA BSNAN PA DGOS PAR MDO SDE PA BZHED LA, RNAM RIG PA'I BZHED PA NI SNGAR LTAR YIN NO, ,SLOB DPON CHOS MCHOG GIS GNYIS KA SMOS PA LOG RTOG SEL BA'I CHED YIN PAR GSUNGS PA LA DGE BA'I BSHES GNYEN CHA PA LA SOGS PA'I SLOB MA KHA CIG MKHAS PA'I DBANG PO'I DGONGS PA MA RTOGS BZHIN DU GNYIS KA SMOS PA LOG RTOG SEL BA'I MTSAN NYID YIN NA, RIGS MI MTHUN SEL BA'I MTSAN NYID GANG YIN SOMS SHIG CES ZER BA NI

RANG GI MTSANG SGROG PA STE KHYOD RANG LEGS PAR SOMS SHIG CHOS MCHOG CHEN PO'I DGONGS PA NI SNGAR BSHAD PA LTAR MNGON SUM TSAD MA'I MTSAN NYID YANG DAG PA'I SHES PA GZHIR BYAS PA LA RIGS MI MTHUN SEL BA'I DBANG DU BYAS NA RTOG BRAL SMOS PAS GRUB BO, ,'O NA MA 'KHRUL BA DON MED DO ZHE NA, LOG RTOG SEL BA'I CHED YIN NO, ,YANG MA 'KHRUL BA SMOS PAS KYANG GRUB LA, 'O NA RTOG BRAL SMOS PA DON MED DO ZHE NA, LOG RTOG SEL BA'I CHED DU YIN ZHES PA'O, ,GNYIS PA LA MA 'KHRUL BA RTZA BAR RJES SU BSHAD KYANG BRJOD BYA NYUNG PAS 'GREL PAR DANG POR BSHAD PA NI MIG GI DBANG PO RAB RIB KYIS 'KHRUGS PA STE, DES DBANG PO LA GNOD PA BYAS PA 'KHRUL RGYU RTEN LA YOD PA DANG, MGAL ME MYUR DU BSKOR BAS 'KHOR LO'I RNAM PAR SNANG BA YUL LA YOD PA DANG GRUR ZHUGS PAS LJON SHING 'GRO BAR SNANG BA GNAS LA YOD PA'I SGO NAS 'KHRUGS PA DANG LA SOGS PAS MIG SER DANG MGAL ME YAN MAN DU DBYUGS PA DANG, RTA'I BZHON PA DANG LDAN PA LA SOGS PA'O, ,'KHRUGS PA ZHES PA YID LA YOD PA'I 'KHRUL RGYU STON PA LA 'CHAD PA GZHUNG GI DON MIN TE, SNGAR GYI 'KHRUL RGYU GSUM PO DES DBANG PO LA 'GYUR BA BSKYED PA'I DON YIN TE, 'THAD LDAN DU RAB RIB DANG MYUR DU BSKOR BA DANG GRUR ZHUGS PA RNAMS KYIS BYAS PA DBANG PO'I 'GYUR BA NI 'KHRUGS PA STE ZHES SO, ,'KHRUL RGYU BZHI PA YID MYA NGAN GYIS BRLABS PA LA SOGS PA STE, DES KYANG DBANG PO BSLAD PA DGOS SO, ,'KHRUL PA'I RGYU DE DANG DE DAG GIS 'KHRUL PAR MA SKYED CING RNAM PAR RTOG PA MED PA'I SHES PA NI MNGON SUM MO, ,GZUGS MTHONG BA'I DBANG SHES CHOS CAN, MNGON SUM YIN TE RTOG BRAL

, ,MA 'KHRUL BA'I SHES PA YIN PA'I PHYIR, KHA CIG GZUNG 'DZIN DBANG SHES SOGS SEMS TZAM PAS KYANG RTOG BRAL DANG 'KHRUL BA'I RGYU BZHI POS MA SKYED PAR 'DOD PAS SEMS TZAM PA'I MNGON SUM GYI MTSAN NYID KYANG BSTAN TO ZER BA MI 'THAD DE, 'DI'I MA 'KHRUL BA NI 'KHRUL RGYU DE DAG GIS MA SKYED PA'I SGO NAS GZUNG YUL LA MA 'KHRUL BAR SGRUB PA YIN LA, SEMS TZAM RNAM RDZUN PA RNAMS NI DBANG SHES LA PHYI ROL GYI DON MED BZHIN DU PHYI ROL GYI DON DU SNANG BAR BZHED PA'I PHYIR RO, ,TSAD MA SDE BDUN PO 'DIR SEMS TZAM PA'I LUGS 'CHAD PA NA RNAM BDEN PA'I LUGS KHAS MI LEN PA NI 'CHAD PAR 'GYUR RO, ,DES RTZA BA'I TSIG DON TZAM RDZOGS NAS BRAL BYA RTOG PA 'CHAD PA NI, BRAL BYA RTOG PA DE YANG GANG ZHE NA, RTOG PA NI YID KYIS MNGON PAR BRJOD PA CAN GYI SHES PA STE BRJOD PA NI SGRA YIN LA DE DANG DON GNYIS 'DI'I YUL DU 'DRER RUNG BAS BRJOD PA CAN ZHES SO, ,MNGON PAR ZHES PA NI SGRA SPYI DANG DON SPYI LHAG MA MA LUS PAR SMRAS BRJOD CING YID KYI YUL DU 'GYUR BA'I DON TO, ,BUM 'DZIN RTOG PA CHOS CAN, KHYOD SKABS 'DI'I BRAL BYA RTOG PA YIN TE, KHYOD BRJOD BYA RJOD BYED 'DRES RUNG 'DZIN PA'I SHES PA YIN PA'I PHYIR, DE BSHAD PA NI, RTOG PA NI BRJOD PA SGRA DANG 'DRER RUNG BAR SNANG BA'I SHES PA STE, MNGON SUM NI SGRA SPYI DANG DON SPYI GANG YANG GZUNG YUL DU MI BYED PAS RTOG PA DE DANG BRAL BA'O, ,DBANG PO'I MNGON SUM CHOS CAN, RTOG BRAL YIN TE, BRJOD BYA RJOD BYED 'DRER RUNG MI 'DZIN PA'I SHES PA YIN PA'I PHYIR, BRJOD BYA RJOD BYED 'DRES PA'I DON DANG 'DRER RUNG BA'I DON GANG YIN RUNG BA SMOS PA LA DGOS PA CI YOD CE NA, BRDA LAM BYANG BA'I GANG

ZAG GI RTOG PA GCIG GI GZUNG YUL DU SGRA SPYI DANG DON SPYI GNYIS KA DUS GCIG TU TSOGS PA STE BUM PA ZHES BRJOD PA NA SGRA RANG MTSAN PA DE'I RJES SU 'GAGS KYANG GRAG PA'I RNAM PA CAN SHAR BA DE NYID SGRA SPYI DANG SGRA SPYI GZUNG YUL DU BYED PA'I RTOG PA DE NYID LA LTO LDIR ZHABS ZHUM PA'I DON SPYI SHAR BA DANG, YANG THOG MAR DON SPYI SHAR NAS RTOG PA DE LA SGRA SPYI SHAR BA STE GZHI GCIG GI SGRA SPYI DANG DON SPYI GNYIS RTOG PA GCIG GI GZUNG YUL DU GYUR PA NI BRJOD BYA RJOD BYED 'DRES PA'I DON YIN LA, DE GNYIS GANG RUNG RE RE SHAR BA BRDA LAM BYANG BA DANG, BYIS PA'I RTOG PA SOGS NI 'DRER RUNG BA YIN LA DE DAG SDUD PA'I DON DU RUNG BA SMOS SO, ,BRDA LA BYANG BA'I RTOG PA GANG YIN THAMS CAD LA SGRA DON GYI SPYI GNYIS KA GZUNG YUL DU 'TSOG PA'I NGES PA MED DE, MI RTAG PA DANG BDAG MED LA SOGS PA'I DON LEGS PAR GOMS PA 'GA' ZHIG LA SGRA SPYI LA BLTOS PA MED PAR DON SPYI LEGS PAR 'CHAR BA YIN NO, ,DES NA RTOG PA LA DE GNYIS GANG RUNG GCIG NGES PAR SNANG DGOS TE, RNAM 'GREL LAS, SHES GANG GANG LA SGRA DON 'DZIN, ,DE NI DE LA RTOG PAR BRJOD CES SO, ,GNYIS PA MTSAN GZHI SO SO'I DON LA BZHI, DBANG PO'I MNGON SUM DANG, YID KYI MNGON SUM DANG, RANG RIG PA'I MNGON SUM DANG, RNAL 'BYOR PA'I MNGON SUM MO, ,DE YANG MNGON SUM NI GZUNG YUL LA MA 'KHRUL BA YIN PAS SHES PA RANG GI RDZAS GZUNG YUL DU BYED PA DANG, DE LAS GZHAN GZUNG YUL DU BYED PA GNYIS SU NGES SHING, DANG PO'I DBANG DU BYAS NAS RANG RIG MNGON SUM BZHAG LA, GNYIS PA LA GSUM DU DBYE STE, DBANG PO GZUGS CAN PA DANG, YID DBANG BDAG RKYEN DU BYAS PA DANG, TING NGE 'DZIN BDAG RKYEN DU YOD PA'I DBANG DU

, ,BYAS NAS GSUM MO, ,MDO SDE BA'I BZHED PAS RNAL 'BYOR MNGON SUM YANG RANG MTSAN GZUNG YUL DU BYED PAR 'DOD DE 'CHAD PAR 'GYUR RO, ,YANG NA, YID TZAM DANG DE KHO NA GOMS PA'I YID BDAG RKYEN DU YOD PA LAS YID MNGON DANG, RNAL 'BYOR MNGON SUM GNYIS SU DBYE'O, ,DANG PO LA GSUM, MTSAN NYID LA LOG PAR RTOG PA BSAL BA DANG, SPYOD YUL LA LOG PAR RTOG PA BSAL BA DANG, DBANG SHES RTOG BRAL DANG BRJOD BRAL DU BSTAN PA MI 'THAD PA'I RTZOD SPANG NGO, ,DANG PO LA GNYIS, DBANG SHES RTOG BRAL DU RJES DPAG GIS SGRUB PA DANG, MNGON SUM GYIS SGRUB PA'O, ,DANG PO LA GNYIS, RANG RGYUD DNGOS SU BKOD NAS SGRUB PA DANG, DON GYI SHUGS KYIS 'PHANGS PAS SGRUB PA'O, ,DANG PO LA GNYIS, MING SBYOR RTOG PA YIN PA DGAG PA DANG, DON SBYOR RTOG PA YIN PA DGAG PA'O, ,DANG PO LA GNYIS, MING RANG MTSAN DANG DON SBYOR BA'I RTOG PA YIN PA DGAG PA DANG, MING SPYI DANG DON SBYOR BA'I RTOG PA YIN PA DGAG PA'O, ,DANG PO LA GSUM, GZUNG DON GYI MTHU LAS SKYES PA'I RTAGS KYIS RTOG BRAL DU SGRUB PA DANG, SGRA LA DBANG SHES GZHAN BSKYED PA'I NUS PA MED PA'I RTAGS KYIS SGRUB PA DANG, SNANG TSUL NGES PA MED PA'I RTAGS KYIS SGRUB PA'O, ,DANG PO LA GNYIS, RTAGS DGOD PA DANG, TSUL SGRUB PA'O, ,DANG PO NI, GZUGS 'DZIN PA'I DBANG PO'I SHES PA MA 'KHRUL PA LA NI CHOS CAN BRJOD BYA RJOD BYED 'DRER RUNG 'DZIN PA DER SRID PA MA YIN TE RANG GI GZUNG DON GYI MTHU YIS YANG DAG PAR SKYE BA YIN PA'I PHYIR RO, ,BDAG RKYEN GYI SGO NAS THA SNYAD BTAGS PA NI SGO LNGA'I RNAM SHES THUN MONG MA YIN PAR GO BA'I CHED YIN TE, GZUGS SHES ZHES SMOS NA GZUGS DE DBANG

PO GZUGS CAN PA LA BRTEN NAS SHES PA YIN NAM, 'ON TE YID LA BRTEN NAS YIN SNYAM DU THE TSOM DANG BCAS PAR 'GYUR PAS SNGAR LTAR SMOS TE, RNGA'I SGRA DANG NAS KYI MYU GU ZHES PA BZHIN NO, ,GNYIS PA LA GNYIS, KHYAB PA SGRUB PA DANG, DES GRUB PA'I DON TO, ,DANG PO NI, KHO NA RE, GZUNG DON GYI MTHU LAS SKYES KYANG MING DON 'BREL BAR SNANG BA LA 'GAL BA MED PAS KHYAB PA LA BZLOG NA GNOD PA CAN GYI TSAD MA MED PA'I PHYIR KHYAB PA MA GRUB BO ZHE NA, DBANG SHES KYIS GZUGS 'DZIN PA'I TSE GZUGS RANG MTSAN GYI STENG NA GZUGS KYI MING RANG MTSAN PA MED KYANG GZUGS 'DZIN PA'I TSE MING DANG SBYAR NAS 'DZIN NAM, 'ON TE DON LA YANG MING RANG MTSAN YOD CING YOD PA LTAR DBANG SHES KYIS KYANG SBYAR NAS 'DZIN, YANG THOG MAR MING RKYANG GZUNG DON DU BYAS NAS DE'I RJES SU DON DANG SBYOR, DANG PO MI RIGS TE, GZUGS 'DZIN DBANG SHES DE CHOS CAN, KHYOD GZUNG DON GYI MTHU LAS SKYES PA YIN NA 'DRER RUNG 'DZIN PA MA YIN DGOS TE, RGYU MTSAN GANG GI PHYIR NA KHYOD GZUGS KYI GZUNG DON GYI NUS PA LAS SKYES PA NA GZUGS DE'I RNAM PA GSAL BAR SNANG BA'I RANG BZHIN KHO NA'I RJES SU BYED PA'I PHYIR RO, ,GNYIS PA YANG MI RIGS TE, DE CHOS CAN RGYU MTSAN GANG GIS GZUGS DE GZUNG DON DU SNANG BA NA GZUGS KYI MING RANG MTSAN DE YANG GZUNG DON DU SNANG BAR 'GYUR BA MA YIN PAR THAL, DE LTAR YIN NA GZUGS DE LA MING TSOGS PA GCIG PA'AM, MI GCIG KYANG YUL 'DAB 'BYAR PA'AM, YANG NA BDAG GCIG GANG RUNG DU YOD DGOS PA LA DON GZUGS LA SGRA TSOGS PA GCIG TU YOD PA'AM YUL 'DAB 'BYAR BA TZAM MAM SGRA DE'I BDAG NYID DU YOD PA MA YIN PA'I PHYIR, GSUM PA LTAR YANG MI RIGS TE, DE'I DON PHYOGS SNGA MA KHAS LEN MKHAN GYI

, ,'DOD PA JI LTAR YIN BSHAD NA, KHO NA RE, SHES PA MTHA' DAG LA MID SNANG BA YIN LA SNANG BA DE YANG RANG GI NYER LEN LAS BYUNG BA YIN GYI PHYI ROL GYI DON LA BLTOS PA MA YIN PAS SNGAR GYI RTAGS LA KHYAB PA MED CES PA'O, ,RIG PA'I CHOS TE BLO'I CHOS DBANG SHES LA SHAR BA'I MING RANG MTSAN PA'I RNAM PA 'DI NI CHOS CAN, PHYI ROL GYI DON LA REG PA DANG MI LDAN PA DON GYIS MA GTAD PA YANG MA YIN TE, KHYOD KYIS MING RANG MTSAN GZUNG DON DU BYAS PA'I SGO NAS MING DE DON DAG TU 'BRAL BAR SBYOR BA'I BLO BSKYED PA'I PHYIR, RANG RGYUD 'PHEN PA'I THAL BA NI, MING SBYOR GYI BLO CHOS CAN, MING DE LAS KYANG DON RNAMS MI RTOGS PAR THAL, MING DON 'BREL BAR MI SNANG BA'I PHYIR, YANG NA GZHUNG SNGA MA LA PHYI ROL GYI DON DANG MING 'BREL BAR RIG PA'I BLO CHOS CAN, DON LA REG PA STE DON GYI RNAM PA MA SHAR BA MA YIN TE, PHYI ROL GYI DON DANG MING 'BREL BAR BYED PA'I SHES PA YIN PA'I PHYIR, 'DIS NI SHES PA THAMS CAD LA MING GI RNAM PA SNANG LA DE YANG NYER LEN GYI LAG RJES YIN GYI PHYI ROL DON GYIS BYAS PA'I RNAM PA MED PAR 'DOD PA BKAG PA'O, ,GNYIS PA LA YUL LA SBYAR BA NI GZUGS MING RANG MTSAN GYI BDAG NYID DANG RTEN KYANG MA YIN LA, MING RANG MTSAN GYI RNAM PA 'DI PHYI ROL GYIS MA BYAS PA MA YIN PA DE'I PHYIR GZUGS 'DI CHOS CAN, KHYOD KYIS GZUGS 'DZIN DBANG SHES LA GZUGS KYI SKYE MCHED KYI BDAG NYID MA YIN PA DE MED NA MING 'DZIN PA'I SHES PA MI 'BYUNG BA MING RANG MTSAN MDUN DU RNAM PA GTOD PAR BYED PAR RIGS PA MA YIN TE, KHYOD GZUNG DON DU NYE BAR GYUR PAS GZUGS 'DZIN DBANG PO'I RNAM PAR SHES PA BSKYED PA YIN PA'I PHYIR,

DPER NA RO DANG DRI LA SOGS PA PHAN TSUN RANG 'DZIN DBANG PO'I BLO BSKYED KYI DBANG SHES GZHAN GYI GZUNG DON MI BYED PA BZHIN NO, ,YUL CAN LA SBYAR BA NI GZUGS 'DZIN DBANG PO'I RNAM PAR SHES PA YANG CHOS CAN SGRA LA SOGS PA'I DON GZHAN GYI GZUNG DON GYI RJES SU 'BRANG BA MA YIN TE, GZUGS DE'I GZUNG DON GYI STOBS KYIS SKYES PA'I DBANG SHES YIN PA'I PHYIR DPER NA RO DANG DRI LA SOGS PA'I SHES PA RANG RANG GI GZUNG DON MA GTOGS DBANG SHES GZHAN GYI DMIGS RKYEN GZUNG DON DU MI BYED PA BZHIN NO, ,GNYIS PA NI, MING CHOS CAN, GZUGS DRI LA SOGS PA DON BZHI PO DE'I BDAG NYID MA YIN MOD, YIN DU CHUG KYANG MIG LA SOGS PA'I DBANG PO GZHAN GYI SHES PA LA RNAM PA GTOD PAR MI RIGS TE, GZUGS 'DZIN LA SOGS PA'I DBANG SHES GZHAN GZUNG DON GYI SGO NAS BSKYED PAR MI NUS PA'I PHYIR, PHYOGS CHOS SGRUB PA NI BDAG RKYEN DBANG PO THAMS CAD KYIS KYANG DBANG SHES THAMS CAD NGES MED DU BSKYED PAR THAL, DON LNGAS SGO LNGA'I DBANG SHES NGES MED DU BSKYED PA'I PHYIR, RTAGS KHAS BLANGS, 'DOD NA, DE MI RIGS PAR THAL, DE YIN NA, DBANG SHES GCIG LA YANG DBANG SHES LNGA KA'I MING THOB PA DANG DBANG SHES LNGA SO SOR 'JOG PA'I RGYU MTSAN MED PAR HA CANG THAL BAR 'GYUR PA'I YANG PHYIR RO, ,YANG GI SGRAS NI SGRA LA DBANG SHES GZHAN BSKYED PA'I NUS PA MED PA DANG HA CANG THAL BA'I GTAN TSIGS GNYIS KYIS GZUGS 'DZIN DBANG SHES SOGS KYI GZUNG DON MI BYED PA PHAN TSUN BSDU BA'I DON TO, ,DON BSDUS NA GZUGS 'DZIN DBANG SHES CHOS CAN, MING SBYOR RTOG PA MA YIN TE, GZUGS GZUNG DON DU BYED PA GANG ZHIG DE'I TSE MING

, ,MI 'DZIN PA'I PHYIR CES PA'O, ,GSUM PA NI, RNAM PAR RTOG PA CAN GYI SHES PA NI CHOS CAN, MNGON SUM MA YIN TE, 'DRER RUNG 'DZIN PA'I YID KYI RNAM PAR SHES PA YIN PA'I PHYIR, NI'I SGRAS NI MNGON SUM LAS KHYAD PAR DU BYED PA STE, MNGON SUM MA YIN PA KHO NA'I ZHES PA'I DON TE, ,GZHUNG 'DIS DBANG SHES 'KHOR DU RTOG PA MI 'BYUNG BAR BSTAN CING, RIGS PA MI SHES PA KHA CIG SDE BDUN GYI LUGS LA SEMS SEMS BYUNG RDZAS THA DAD YIN PA BKAG PAR SHES PAR BYA STE, GTZO BO RNAM PAR RTOG PA GCIG GI 'KHOR DU SEMS BYUNG MTHA' [?] NA'ANG KUN 'GRO LNGA 'BYUNG BAS SKYES BU GCIG GI RGYUD LA RNAM RTOG RDZAS THA DAD DRUG CIG CAR DU SKYE DGOS LA DE LTA NA YID KYI RNAM SHES RDZAS THA DANG DRUG CIG CAR DU SKYE DGOS PAS RNAM SHES RIGS MTHUN RDZAS THA DAD DU MA CIG CAR SKYE BA'I PHYIR SEMS CAN RNAMS NI RNAM PAR SHES PA'I RGYUD RE RE BA'O ZHES SOGS NYES PA DU MA'I 'BYUNG KHUNGS SU 'GYUR RO, ,RNAM 'GREL DU YANG RNAM SHES RIGS MTHUN DU MA CIG CAR MI 'BYUNG BA'I SGRUB BYED DU, 'DI LTAR RNAM PAR RTOG PA RNAMS RIMS KYIS 'BYUNG BAR YANG DAG RTOGS ZHES GSUNGS SO, ,DE NI GTZO BOR GYUR PA'I RNAM SHES RIGS MTHUN DU MA CIG CAR MI SKYE BA LA DGONGS SO ZHES ZER BA NI RIGS PA MI SHES PA'I MU COR SMRA BA YIN TE RANG RGYUD LA RNAM RTOG SKYES PA MNGON SUM TSAD MAS 'GRUB PAS RTAGS DE MNGON SUM GYIS GRUB PAR BZHED PA YIN LA RNAM RTOG RDZAS THA DAD DRUG CIG CAR SKYES NA GCIG GTZO BO DANG GZHAN RNAMS 'KHOR DANG GTZO BO GCIG LAS MI 'DUG PA SOGS MNGON SUM GYIS JI LTAR 'GRUB KHA NANG DU LOG LA SOMS SHEG ,

TSIG TZAM MTHONG BAS MKHAS PAR RLOM, ,RIGS PA'I RNAM GZHAG THAMS CAD BSHIG ,GZHUNG LUGS GDAMS PAR 'CHAR BAS DBEN, ,KYE MA GNAS SKABS 'DI 'DRAR GYUR, ,BAR SKABS KYI TSIGS SU BCAD PA'O, ,GAL TE RNAM PAR RTOG PA DANG MNGON SUM 'GAL NA YUL GANG 'DZIN PA YIN ZHE NA, RTOG PA CHOS CAN, DON RANG MTSAN GZUNG DON DU BYED PA MA YIN TE, GZUNG DON GYI NUS PA NYE BA LA BLTOS PA MED PAR DBANG PO'I MNGON SUM GYIS GZUNG BA'I DON GYI SPYI MA NGES PAR 'DZIN PA CAN YIN PA'I PHYIR, GZUNG RNAM NGES MED DU 'CHAR BA RGYU GANG LAS YIN ZHE NA, DE CHOS CAN, KHYOD LA GZUNG RNAM NGES MED DU 'CHAR BA RGYU LA MI LTOS PA MA YIN TE, RNAM PAR RTOG PA'I BAG CHAGS KYIS KUN NAS BSLANGS PA LAS BYUNG BA'I PHYIR, RTOG PA'I BAG CHAGS LAS BYUNG NA DON GYI RNAM PA SNANG BA 'GAL LO ZHE NA, DE CHOS CAN, KHYOD LA PHYI ROL RANG MTSAN GYI RNAM PA SNANG BA'I RGYU MTSAN YOD DE, PHYI ROL GZUNG DON DU BYAS NAS NYAMS SU MYONG BA'I DBANG SHES 'GA' ZHIG DANG DE MA THAG RKYEN DANG RKYEN CAN DU 'BREL BA LAS DE LTAR SNANG BA'I PHYIR, RTOG PA THAMS CAD LA DON SPYI THAMS CAD SNANG BAR THAL BA SPANG BA'I CHED DU 'GA' ZHIG DANG ZHES SMOS SO, ,RTOG PA LA DON SPYI SNANG BAR 'DOD CING RANG MTSAN GYI RNAM PA MI SNANG BAR 'DOD PA MI RIGS TE, DE LTA NA LKOG GYUR RANG MTSAN DNGOS SU RTOGS PA'I RJES DPAG MI SRID PAR 'GYUR LA, DE LTA NA RJES DPAG GIS RANG MTSAN RTOGS PA MI SRID PA'AM SHUGS RTOGS 'BA' ZHIG TU 'GYUR LA DANG PO MI RIGS TE PHRA BA'I MI RTAG PA SO SKYE 'GA' ZHIG GIS RJES DPAG GIS RTOGS PA'I PHYIR, GNYIS PA YANG MI

, ,RIGS TE, GANG ZHIG DNGOS SU RTOGS PAS RANG MTSAN SHUGS LA RTOGS PA'I DNGOS RTOGS KYI DON DE SKABS DER DON SPYI LAS GZHAN MED LA, DON SPYI DNGOS SU RTOGS PAS RANG MTSAN SHUGS LA RTOGS PA MI 'THAD PA'I PHYIR, DES NA RANG MTSAN GYI RNAM PA SHAR YANG DON SPYI DANG 'DRES NAS DBANG SHES LTAR GSAL BAR MI SNANG BA YIN NO, ,GAL TE RTOG PA LA GANG SNANG NGES PA MED PA YIN NA RTOG PA KUN LA MING DON 'DRES PAR SNANG BAR 'GYUR RO ZHE NA, SKYON MED DE, BRDA LA BYANG BA 'GA' ZHIG LA MING DANG DON LHAN CIG GAM BRDA LA MA BYANG BA 'GA' ZHIG GIS DE GNYIS SO SOR 'DZIN PAR BYED PA'I PHYIR, GZHUNG 'DIS NI RTOG PA LA GZUNG RNAM GYI SNANG BA NGES PA MED PA'I RTAGS LAS PHYI ROL GZUNG DON DU MI BYED PAR BSGRUBS NAS DBANG PO'I MNGON SUM LA SNANG BA SO SOR NGES CAN DU 'CHAR BAR GRUB PAS RTOG BRAL DU SGRUB PA STON PA YIN NO, ,GNYIS PA LA GSUM, RTZA BA DANG, 'GREL PA DANG, DBANG SHES RTOG MED DU GRUB PA'I DON BSDU PA'O, ,DANG PO NI, DBANG SHES MING RANG MTSON DANG DON SBYOR BA MI 'THAD PAR BSTAN PA LAS GZHAN YANG MING SPYI DANG DON SBYOR BA MI 'THAD PA NI GAL TE DBANG PO'I MNGON SUM GYI BLO CHOS CAN, GZUNG DON RANG MTSAN NI 'DZIN CING DES PHAN PA NYE BAR SBYOR BA NA'ANG DON LAS GZHAN YANG SGRA SBYOR ZHING DRAN PA LA BLTOS PAR THAL, DBANG SHES GANG ZHIG MING DON SBYAR NAS 'DZIN PA'I PHYIR, 'DOD NA KHYOD KYI GZUNG DON DE DANG KHYOD KYI BAR DU DRAN PAS CHOD PAR 'GYUR BA YIN PAR THAL, GZUNG DON 'DZIN PA'I BLO GANG ZHIG DE 'DZIN PA BRDA DRAN PA LA BLTOS PA'I PHYIR, THAL BA GNYIS PO'I DON NI DBANG SHES KYIS MING

DON SBYAR NAS 'DZIN NA MING SPYI SHAR BA SNGON DU 'GRO DGOS LA, DE LTA NA DON LAS DNGOS SU MI SKYE BAR THAL BA'O, ,GNYIS PA LA GNYIS, THAL BA SNGA PHYI'I KHYAB PA SGRUB PA DANG, THAL BA GNYIS PA'I KHYAB PA LA MA NGES PA SPANG BA'O, ,DANG PO NI, DBANG SHES CHOS CAN, MING SBYOR RTOG PA YIN NA MING DRAN PA SNGON DU SONG DGOS PAR THAL, GANG GA PHYIR NA BRDA SBYAR BA'I DUS NA GOMS PA'I BRJOD PA'I SPYI MA DRAN PAR TE MING SPYI DRAN PA SNGON DU MA SONG BAR NI MING DON DE SBYOR BA MI SRID PA'I PHYIR, DPER NA LTO LDIR ZHABS ZHUM PA LA BUM PA ZHES PA'I SGRA LAS GZHAN SNAM BU ZHES PA'I BRDA MA BYAS SHING MING DE MA DRAN PAS DE GNYIS MING DON DU SBYAR NAS MI 'DZIN PA BZHIN NO, ,THAL BA GNYIS PA LA KHYAB PA MED DE BRDA DRAN PA LA BLTOS KYANG DON DANG BRDA DRAN PA DUS MNYAM PAS DON LAS KYANG DNGOS SU SKYE'O ZHE NA, DE CHOS CAN, DON RANG MTSAN 'DZIN PA DE'I BRDA DRAN PA LA BLTOS NA DE'I GZUNG DON LAS DNGOS SU MI SKYE BAS KHYAB PAR THAL, DON GYI NYE BAR SBYOR BA RUNG YUL NA YOD PA'I DON RANG MTSAN MTHONG BA'I DBANG SHES KYIS PHAN BTAGS SHING BYAS PA'I NANG GI RNAM PAR 'GYUR BA BRDA DRAN PA'I BAG CHAGS SAD PA MED PAR YANG SGRA'I KHYAD PAR RANG GI SGO NAS MING GI SGRA SPYI DRAN PAR MI RIGS PA'I PHYIR, DER THAL, DON RANG MTSAN GYI MING DON SBYAR NAS 'DZIN PA DE DON RANG MTSAN MTHONG BA SNGON DU SONG BA DES MA BYAS NA DON RANG MTSAN DE'I SGO NAS MING MI 'DZIN PAR THAL BAR 'GYUR BA'I PHYIR RO, ,DON NI THOG MAR DON DAG PA BA MNGON SUM GYIS MTHONG DE'I RJES SU BRDA SBYAR PHYIS THA SNYAD KYI DUS SU DON RANG MTSAN MTHONG BAS BAG CHAGS SAD BYED KYI RKYEN BYAS NAS THOG MAR MING SPYI DRAN, DE NAS MING DON SBYAR NAS

, ,'DZIN PA YIN PAS BLO GCIG GIS PHYI ROL GZUNG DON DU YANG BYED DE'I MING DON SBREL NAS 'DZIN SHES PA YANG YIN PA MI SRID PA'I PHYIR RO, ,DON RANG MTSAN BRDA DRAN PA LA DNGOS SU PHAN GYI DBANG SHES LA DNGOS SU MI PHAN PAR KHYOD KYIS DNGOS SU KHAS BLANG DGOS PA NGES NA DES GRUB PA'I DON NI, DE CHOS CAN, GZUNG DON GYI PHAN PA DNGOS SU NYE BAR SBYOR BA'I DE MA THAG PA'I BYED PA'I 'BRAS BUR MI 'GYUR BAR THAL, KHYOD DANG DON RANG MTSAN BRDA DRAN PAS BAR DU CHOD PA'I PHYIR, GNYIS PA LA GNYIS, DNGOS DANG, HA CANG THAL BA'O, ,DANG PO NI, GAL TE DON GYI SKAD CIG DANG POS BRDA DRAN BSKYED KYANG BRDA DRAN DANG DUS MNYAM PA'I SKAD CIG GNYIS PAS DBANG SHES BSKYED PAS BRDA DRAN PA LA BLTOS KYANG DON LAS DNGOS SU SKYE BA MI 'GAL LO ZHE NA, DON MTHONG BA BRDA DRAN PA LA BLTOS NA DON DANG SHES PA'I BAR DU DRAN PAS CHOD DGOS PA DE'I PHYIR DBANG PO'I MNGON SUM GYI GZUNG DON DE NI CHOS CAN DUS PHYIS KYANG DRAN PA SANG BYED DU 'GYUR GYI DBANG BLO DNGOS SU SKYED BYED MA YIN PAR SKAD CIG DANG PO DANG MTSUNGS PAR THAL, KHYOD GANG SNGON SKAD CIG DANG PO'I TSE DNGOS SU DBANG BLO'I SKYED BYED MIN ZHING BRDA DRAN SAD BYED YIN PA GANG ZHIG ,KHYOD KYI SKAD CIG SNGA PHYI LA DBANG SHES LA PHAN PA NYE BAR SBYOR BA'I NUS PA KHYAD PAR MED PA'I PHYIR, DON NI DBANG SHES KYIS MING DON SBYAR NAS 'DZIN NA DON GYI SKAD CIG SNGA PHYI GANG 'DZIN YANG MING DON SBYAR NAS 'DZIN DGOS PAS DON GYI SKAD CIG GNYIS PAS KYANG MING DRAN PA'I DNGOS KYI RKYEN BYED PA MA GTOGS DBANG SHES DNGOS SU BSKYED PA MI SRID DO, ,PHYI ROL RANG MTSAN GYI SKAD CIG SNGA PHYI LA DBANG SHES

GZUNG DON GYI SGO NAS DNGOS SU BSKYED MI SKYED KYI NUS PA KHYAD PAR MED PAR THAL, DBANG SHES LA MING DON SBREL BA'I RNAM PA GTOD BYED KYI BDAG NYID DU THA DAD PA MED PA'I PHYIR, RTAGS KHAS BLANGS, 'DOD NA, PHYI ROL GYI SNGON PO LTA BU ZHIG NYID KYI CHA SHAS SNGA PHYI DBANG SHES GCIG LA DNGOS SU PHAN PA BYED PA DANG MI BYED PA MI 'THAD PAR MI 'GYUR BAR THAL, BRDA DRAN GCIG LA DNGOS SU PHAN PA BYED PA DANG MI BYED PAR 'THAD PAR MI 'GYUR BAR THAL, SNGA PHYI NUS PA KHYAD PAR MED PA'I PHYIR, RTAGS BSAL GNYIS KA KHAS BLANGS, DON SKAD CIG SNGA MAS BRDA DRAN BSKYED PA LA BDAG RKYEN DBANG PO DANG YID LA BYED PA DANG LHAN CIG TU TSOGS PA TZAM GYIS CHOG PAR 'DOD LA, DE NI SKAD CIG GNYIS PA LA YANG MTSUNGS PAR YOD PA'I PHYIR DON SKAD CIG SNGA PHYI DRAN PA DANG DBANG SHES BSKYED PA'I NUS PA KHYAD PAR MED PAR 'DOD DGOS PA YIN NO, ,GNYIS PA NI, DON GYIS DBANG BLO DNGOS SU MI SKYED PA 'DOD DO ZHE NA, HA CANG THAL BA NI DON GYIS DNGOS SU MI SKYED PA NGES NA PHYI ROL GYI DON MED NA YANG MIG BLOS MTSON PA'I DBANG SHES MA 'KHRUL BA DNGOS SU SKYE BAR 'GYUR BAR THAL DBANG SHES MA 'KHRUL BA GZUNG DON GYI NUS PA LA MI LTOS DON GYIS DE DNGOS SU MI SKYED PA'I PHYIR, RTAGS BSAL GNYIS KA KHAS BLANGS SO, ,YANG GI SGRAS RES 'GA' DON YOD KYANG DBANG SHES MI SKYE DON MED NA YANG SKYE BAR 'GYUR BA'O, ,DES NA DBANG PO'I BLO MA 'KHRUL BA NI CHOS CAN, PHYI ROL GYI DON DE GZUNG DON DU YOD PA LA MI LTOS PA NYID DU THAL, DES KHYOD LA DNGOS SU PHAN PA MED PA'I PHYIR, DER THAL, DON DES BLO KHYOD LA DNGOS SU PHAN PA MI SBYOR BA'I PHYIR DANG, BRDA DRAN PA SAD PAR BYED PA LA SBYOR BA DE DRAN PA DNGOS

, ,SU SAD BYED YIN PA'I PHYIR, DON NI DRAN PA SAD PA DON LA BLTOS PAS DON MED NA YANG MIG BLOR 'GYUR, ZHES CI'I PHYIR BRJOD CE NA, DON GYIS DRAN PA SAD PAR BYAS NAS NUS PA LOG CING DBANG SHES PHYIS DRAN PA'I RGYUN GYIS BSKYED PA YIN PAS GZUNG DON DGOS PA MED PA'O, ,GSUM PA NI, MING DRAN PA LA BLTOS NA SNGAR GYI GNOD PA DE DAG TU 'GYUR BAS GZUNG DON GYIS DNGOS SU BSKYED PA'I RTOG PA MED PAR GRUB PA NI, GZUGS 'DZIN DBANG PO'I BLO CHOS CAN, KHYOD DANG GZUGS GNYIS LA GZUGS KYI MING GI BRJOD PA DRAN PA'I BAR CHAD MED PAR THAL, GZUNG DON GYI PHAN PA DNGOS SU NYE BAR SBYOR BAS SKYED PAR BYED PA'I PHYIR, RTAGS BSAL KHAS BLANGS, 'DOD NA, KHYOD KYIS MTSON PA'I MNGON SUM RTOG PA MED PAR GRUB PA YIN PAR THAL, DON DAG PA BA GZUNG DON DU BYAS PA LAS SKYE'I BRDA DRAN MI DGOS PA'I PHYIR, THAL BA YANG KHAS BLANGS SO, ,DON BSDUS NA, DON RANG MTSAN 'DZIN PA MING GI SPYI SHAR BA LA MI LTOS NA MING SBYOR RTOG PA MA YIN LA, DE YIN NA MING GI SPYI SHAR DGOS PAS DON RANG MTSAN GSAL BAR MI SNANG ZHING, NGES GZUNG DON DU BYED PAR 'GAL BA YIN NO, ,SPYOD PA PAS DBANG SHES DON RANG MTSAN GZUNG DON DU BYAS NAS GSAL BAR SNANG BAR YANG KHAS BLANGS LA, MING SBYOR RTOG PAR YANG KHAS BLANGS PA LA KHAS BLANG DANG 'GAL BA DANG RIGS PA DANG 'GAL BA BSTAN PA YIN NO, ,GNYIS PA DON SBYOR RTOG PA YIN PA DGAG PA LA GSUM, RTZA BA DANG, 'GREL PA DANG, DON BSDU BA'O, ,DANG PO NI, MING SBYOR RTOG PA YIN PA DGAG PA LAS GZHAN YANG DON SBYOR RTOG PA YIN PA DGAG PA NI DBANG SHES DON SBYOR

RTOG PA YIN NA RANG NYID GTZO BO MA YIN YANG SKYES BU GZHAN GO BA'I YAN LAG TU DON DU GNYER BYA KHYAD PAR DU BYED CHOS DBYIG PA LTA BU DANG NI RANG NYID GTZO BAR DON DU GNYER BYA KHYAD PAR CAN SKYES BU LTA BU DANG, DE GNYIS BLTOS SA BLTOS CHOS KYI 'BREL PA DANG, 'JIG RTEN GYI CHOS LUGS SKYES BU DBYUG PA CAN NO ZHES PA'I SGRA'I THA SNYAD NI DANG POR SO SOR BZUNG STE DE NAS SKYES BU 'DI NI DBYUG PA CAN NO SNYAM DU DE DAG PHYOGS GCIG TU BSDOMS PA BYAS NA DBYUG PA CAN LA SOGS PA DE LTAR RTOGS KYI SO SOR 'DZIN NUS PA LAS GZHAN DU MI NUS NA BSDOMS NAS KYANG 'DZIN PA MIN NO, ,DBANG SHES CHOS CAN, KHYAD GZHI KHYAD CHOS BSDOMS NAS 'DZIN MI SHES TE, DE DAG SO SOR 'DZIN PA'I NUS PAS STONG PA'I PHYIR, KHYAB PA YOD DE, DE DAG SO SOR GZUNG BA BYAS PA'I SGO NAS DE'I RJES SU BSDOMS NAS 'DZIN DGOS PA'I PHYIR, 'DIS RTZA BA'I RTAGS KYI PHYOGS CHOS SGRUB PA'I RTAGS BKOD MA THAG PA DE'I LDOG KHYAB BSTAN PA YIN TE, DE YANG SO SOR 'DZIN SHES NA BSDOMS NAS 'DZIN PAS KHYAB PAR BSTAN PA MA YIN GYI, BSDOMS NAS 'DZIN NA SO SOR 'DZIN NUS PA'I SGO NAS DE'I RJES SU BSDOMS PA SHES DGOS PA'I DON TO, ,DES NA RTZA BA'I RTAGS BKOD PA DE NI CHOS CAN, DON SBYOR RTOG PA MA YIN TE, KHYAD GZHI KHYAD CHOS BSDOMS NAS 'DZIN PA'I NUS PAS STONG BA'I PHYIR, DPER NA MO GSHAM GYI BU BZHIN NO, ,GNYIS PA LA GNYIS, RTZA BA'I TSIG DON BSHAD PA DANG, RTZOD PA SPANG BA'O, ,DANG PO LA GSUM, LDOG KHYAB KYI DPE DANG, PHYOGS CHOS SGRUB PA DANG, DE'I KHYAB PA'I DPE'O, ,DANG PO NI, KHYAD PAR DU BYED CHOS DANG KHYAD PAR CAN DANG RVA DANG RVA CAN

, ,LTA BU GOS THA MI DAD KYI 'BREL PA 'DU BA'I 'BREL PA DANG, DBYUG PA DANG DBYUG PA CAN LTA BU'I LDAN PA DE'I 'BREL PA DANG 'JIG RTEN PA'I RNAM PAR BZHAG PA KHYAD GZHI KHYAD CHOS SOGS KYI SGRA LAS BYUNG BA'I THA SNYAD SO SOR 'DZIN SHES NA NI DE DAG BSDOMS NAS 'DZIN NUS PAS KHYAD GZHI 'GA' ZHIG KHYAD CHOS 'GA' ZHIG GIS KHYAD PAR DU BYAS PA CAN DU 'DZIN PA YIN TE, DPER NA SKYES BU DBYIG PA LA SOGS PA BZHIN NO, ,DE DAG GI DON YANG SO SOR 'DZIN SHES PA'I NUS PA SNGON DU SONG NA BSDOMS NAS KYANG 'DZIN SHES PAS BSDOMS NAS 'DZIN NA SO SOR 'DZIN NUS PA'I SGO NAS 'DZIN DGOS ZHES LDOG KHYAB KYI DPE BSTAN PA'O, ,KHYAD CHOS DBYUG PAS KHYAD GZHI SKYES BU LA PHAN BTAGS NAS RTOG PAS KHYAD GZHI KHYAD CHOS SU SBYOR BA YIN NO, ,RJES 'GRO BSTAN PA NI KHYAD GZHI KHYAD CHOS KYI DON DANG DE DAG GI 'BREL PA DANG BRJOD PAR BYED PA'I GTZUG LAG SGRA BYUNG GI THA SNYAD RNAMS SO SOR MI SHES NA BSDOMS NAS 'DZIN PAR MI 'GYUR BA'I PHYIR SO SOR 'DZIN NUS PA LAS GZHAN DU NI BSDOMS NAS 'DZIN PA MA YIN NO, ,DBANG SHES CHOS CAN, DON SBYOR RTOG PA MA YIN TE, KHYAD GZHI KHYAD CHOS BSDOMS NAS 'DZIN PA'I NUS PAS STONG BA'I PHYIR, DES STONG STE, SO SOR 'DZIN PA'I NUS PAS STONG PA'I PHYIR, PHYI MA LA KHYAB PA YOD DE, BSDOMS NAS 'DZIN NA SO SOR 'DZIN PA'I NUS PA DANG BCAS PA'I SGO NAS 'DZIN DGOS PA'I PHYIR, GNYIS PA NI DBANG SHES 'DI LA CHOS CAN, KHYOD KYIS BA LANG NYID CES PA'I RIGS DON GZHAN DANG DKAR PO LA SOGS PA'I YON TAN DON GZHAN DANG 'GRO 'ONG LA SOGS PA'I BYA BA DON GZHAN DAB DE

DAG DANG LDAN PA RDZAS BA LANG DAG NI KHYAD GZHI KHYAD CHOS SU 'DZIN NUS PA MI SRID PA NYID DE, KHYAD GZHI KHYAD CHOS KYI LDOG CHOS KYI RANG BZHIN THA DAD PA DANG DE DAG GI 'BREL PA DAG KHYOD LA MI SNANG BA'I PHYIR, GSUM PA NI, DE CHOS CAN, KHYAD GZHI KHYAD CHOS BSDOMS SHING SBYOR BAR MI RIGS TE, SNGAR BSHAD PA DE LTAR SO SOR RTOGS PA MED PA'I PHYIR, DPER NA CHU DANG 'O MA DAG SNGAR RDZAS THA DAD DU YOD PA MI SHES NA SNGAR DE LTAR YOD PA PHYIS RDZAS GCIG TU 'DRES PA MI SHES PA BZHIN NO, ,GNYIS PA LA GNYIS, PHYOGS CHOS MA GRUB PA SPANG BA DANG, KHYAB PA MA GRUB PA SPANG BA'O, ,DANG PO LA GSUM, RTZOD PA KHONG NA GNAS PAS MTSAMS SBYAR BA DANG, RTZA BA DANG, 'GREL PA'O, ,DANG PO NI, DBYUG PA DANG SKYES BU LA SOGS PA RDZAS THA DAD PAR MNGON SUM GYIS GRUB PA'I PHYIR, SO SOR 'DZIN MI SHES PA'I RTAGS MA GRUB PO ZHE NA, DBYUG PA DANG SKYES BU SOGS GANG LA RDZAS THA DAD PAR MNGON SUM GYIS RTOGS PA YOD DE LA YANG KHYAD GZHI KHYAD CHOS KYI LDOG PA BZHI SO SOR 'DZIN PA NI DBANG SHES KYIS MI NUS TE, DE LTAR SGRUB PAR 'GYUR BA'I PHYIR, GNYIS PA NI, GZUGS 'DZIN MIG SHES LA NI CHOS CAN, KHYAD GZHI KHYAD CHOS SO SOR 'DZIN NUS PAR JI LTAR 'GYUR MI NUS TE, SNGA PHYI GCIG TU 'DZIN PA'I NUS PAS STONG PA YI PHYIR RO, ,KHYAB STE, KHYAD GZHI KHYAD CHOS SO SOR 'DZIN SHES NA BRDA DRAN PA'I RGYU CAN GYI THA SNYAD KYI DUS KYI DON MTHONG BA DANG BRDA DUS KYI DON GCIG TU SDUD NUS PA'I BDAG NYID CAN DE YIN DGOS PA'I PHYIR, YANG NA BRDA DANG THA SNYAD KYI DON GCIG TU 'DZIN PA'I NUS PAS STONG PA RTZA BA'I GTAN TSIGS SU BYAS NAS SNGA PHYI GCIG TU 'DZIN PA'I NUS PAS STONG BA DE SGRUB PA'I KHYAB BYED

, ,MA DMIGS PA'I GTAN TSIGS SU SBYAR RO, ,GSUM PA NI, DBANG SHES 'DI LA CHOS CAN, KHYAD GZHI KHYAD CHOS SBYOR BA 'DI TZAM BYED PA'I NUS PA YOD PA MA YIN TE, GANG GI PHYIR NA SNGA PHYI GCIG TU DPYOD PA'I NUS PA MED PA'I PHYIR RO, ,YUL GYI ZHES PA THAL BA 'OG MA DU MA LA 'DOD PA'I GNOD BYED DU SBYOR RO, ,RTAGS MA GRUB CE NA, DBANG PO'I SHES PA DAG CHOS CAN, YID KYI SHES PA RTOG PA DANG YUL 'DZIN TSUL THA DAD PA MED PAR THAL, SNGA PHYI GCIG TU DPYOD PAR BYED PA NYID YIN PA'I PHYIR, 'DOD NA, DE CHOS CAN, 'DAS PA DANG MA 'ONGS PA DANG MI RTAG PA DANG SDUG BSNGAL BA LA SOGS PA LDOG PA'I RGYU MTSAN CAN GYI DNGOS PO'I RAB TU DBYE BA 'DZIN PAR THAL BA DANG, LKOG GYUR DPOG NUS PA DANG GZUNG DON LA MI LTOS PA DANG 'DOD PA TZAM GYIS 'JUG PA LA SOGS PAR THAL, YID SHES RTOG PA DANG YUL 'DZIN TSUL THA DAD PA MED PA NYID YIN PA'I PHYIR RO, ,THAL BA RIM PA LNGA YOD PA DE DAG LA BSAL BA STON PA NI GONG DU YUL GYI ZHES SO, ,THAL BA DE DAG 'DOD MI NUS PAR THAL, GZUNG YUL GYI DON RANG MTSAN GZUNG DON DU NYE BA'I STOBS LAS SKYES PA'I PHYIR, YANG YID SHES RTOG PA CHOS CAN, 'DAS MA 'ONG DANG DNGOS PO'I RAB TU DBYE BA MI 'DZIN PA DANG LKOG GYUR MI DPOG PA DANG GZUNG DON YOD PA LA BLTOS PA DANG 'DOD PA TZAM GYIS MI 'JUG PAR THAL, DBANG SHES DANG YUL 'DZIN TSUL THA DAD MED PA'I PHYIR, THAL BA DE DAG GI DAM BCA' LA RANG RIG MNGON SUM TSAD MAS GNOD PAS THAL BA SNGA PHYI DE DAG GI LDOG PHYOGS LA RTAGS YANG DAG 'PHEN PAR BYED PA YIN NO, ,GNYIS PA LA GNYIS, RTZOD PA DANG,

LAN NO, ,DANG PO NI, DBANG SHES KYIS CHOS BZHI SO SOR 'DZIN MI SHES PAS BSDOMS NAS KYANG 'DZIN MI SHES PA'I KHYAB PA MA NGES TE, YID KYI RNAM PAR SHES PAS BRDA SBYAR NAS YANG DANG YANG DU GOMS PA'I 'DZIN BDE MO SO SOR MNGON PAR 'DUS BYAS PA LA DBANG PO'I SHES PAS BSDOMS NAS 'DZIN PAR BYED DO ZHE NA, GNYIS PA NI, DE RIGS PA MA YIN TE, DE LTAR YID SHES KYIS SO SOR GZUNG YANG DBANG SHES KYIS BSDOMS NAS RTOGS PAR MI RIGS PA'I PHYIR, DER THAL, CHOS BZHI PO JI SKAD BSHAD PA SO SOR MI 'DZIN PA'I PHYIR, DER THAL, RIGS DANG LA SOGS PA BYA BA DANG YON TAN DON GZHAN DANG DE DAG GI 'BREL PA DANG 'DAS PA DANG SGRA'I DNGOS MING GI THA SNYAD DANG LA SOGS PA MA 'ONGS PA DANG DNGOS PO'I RAB TU DBYE BA RNAMS NI DBANG PO'I SHES PA'I STE KHYOD KYI YUL MA YIN PA'I PHYIR, KHYAB PA YOD PAR THAL, YUL MA YIN PA LA 'DZIN BYED DU MI 'JUG PA'I PHYIR, GSUM PA NI, YID KYI RNAM PAR SHES PAS SO SOR 'DUS BYAS PA YANG DBANG SHES KYIS BSDOMS NAS MI 'DZIN PA DE'I PHYIR DBANG PO'I SHES PA NI CHOS CAN, KHYAD GZHI KHYAD CHOS KYI DON SBYOR BAR BYED PA'I RTOG PA RNAMS KYI NANG DU GTOGS PA MA YIN TE, KHYAD GZHI KHYAD CHOS 'DZIN PA'I NUS PAS STONG BA'I PHYIR, GNYIS PA LA GNYIS, DON SBYOR RTOG PA YIN PA DGAG PA DANG, SGRA SBYOR RTOG PA YIN PA DGAG PA'O, ,DANG PO LA GNYIS, DGAG PA DNGOS DANG, DBANG SHES RTOG PA YIN PA BKAG PA LA RTZOD PA SPANG BA'O, ,DANG PO LA GNYIS, RTZA BA DANG, 'GREL PA'O, ,DANG PO NI, GZUGS 'DZIN DBANG PO'I RNAM PAR SHES PA'I BLO DE NI CHOS CAN, 'DOD PA TZAM GYIS 'DOGS SHING 'DOD PA

, ,TZAM GYIS 'JUG PAR THAL BA DANG RUNG YUL NA NYE BA YI DON RANG MTSAN 'DZIN PA LA BLTOS PA MED PAR 'GYUR BAR THAL, RTOG PAS BSLAD NA STE BTAGS PA TZAM GYI DON 'DZIN PA'I RTOG PA YIN PA'I PHYIR, THAL BA GNYIS KAS LDOG PHYOGS LA RANG RGYUD 'PHEN PAR BYED PA YIN NO, ,YANG GI SGRAS RIGS LA SOGS PA 'DZIN NA 'DIR SNGAR BSTAN PA LAS SKYON GZHAN YANG GSOG PAR BYED PA'O, ,GNYIS PA NI, NYES PA GZHAN GSOG PAS GZHAN YANG ZHES SO, ,THAL BA DANG PO NI, GZUGS 'DZIN DBANG PO'I RNAM PAR SHES PA 'DI CHOS CAN, RKYEN GSUM GYI TSOGS PA TSANG BA CAN GYI RGYUN 'JUG PA YANG 'DOD PA TZAM GYIS 'JUG CING 'DOD PAS LDOG PAR 'GYUR BAR THAL, KHYAD PAR BYED CHOS DANG KHYAD GZHI LA RTOG PA LA SOGS PA'I RTOG PAS BSLANG PA YIN NA NI STE RTOG PA DES BCUG CING BTAGS PA TZAM 'DZIN PA YIN PA'I PHYIR, THAL BA'I RTAGS SU DON SBYOR RTOG PA YIN PA'I PHYIR RAM BTAGS PA TZAM 'DZIN PA GANG RUNG NGO, ,RTAGS KHAS BLANGS, KHYAB PA TSAD MA, DAM BCA' LA TSAD MAS BSAL NAS KHYAB BYED MA DMIGS PA'I RTAGS YANG DAG 'PHEN NO, ,THAL BA'I MTHUN DPE DANG, RANG RGYUD KYI MI MTHUN DPE NI, DBANG SHES DE LAS GZHAN PA'I TSUL MIN YID BYED KYI RNAM PAR RTOG PA BZHIN NO, ,YANG NI DUS PHYIS ZHES PA'O, ,'DOD PAS 'JUG LDOG BYED PAR THAL BA 'DOD PAS DAM BCA' TSANG MA'I BSAL BA MA YIN TE, GZUGS BLTA BAR BYA'O SNYAM NAS MIG PHYE BA NA GZUGS MTHONG DBANG SHES SKYE LA, BLTA BAR MI BYA'O SNYAM NAS MIG BTZUMS PA NA LDOG PA'I PHYIR RO ZHE NA, SKYON MED DE DE NI BDAG

RKYEN YOD MED KYI DBANG LAS YIN GYI 'DOD PA'I DBANG GIS 'JUG LDOG BYED PA MIN PAS SO, ,DOGS PA DE BCAD PA'I CHED DU TSOGS PA TSANG BA CAN GYI ZHES SMOS SO, ,THAL LDOG GNYIS KA'I KHYAB PA SGRUB PA NI, KHYAB PA YOD PAR THAL, 'JUG LDOG BYED PA'I RNAM PAR RTOG PA RNAMS NI YUL LA SO SOR BRTAGS PAS 'JUG PA DANG BZLOG PAR NUS PA YIN PA'I PHYIR, THAL BA'I DAM BCA' TSAD MA'I BSAL BAR BSTAN NAS RANG RGYUD KYI PHYOGS CHOS SGRUB PA NI BA GLANG MTHONG BA'I DBANG PO'I BLO NI CHOS CAN, 'DOD PA TZAM GYIS 'JUG LDOG BYED PA MA YIN TE, BA GLANG MTHONG BA'I RKYEN GSUM GYI TSOGS PA TSANG BA'I TSE BA GLANG LA BA GLANG MA YIN NO SNYAM DU BA GLANG GI BLO BZLOG CING RTA YIN NO SNYAM DU RTAR RNAM PAR BTAGS KYANG RTAR MA MTHONG BAR BA GLANG DU MNGON SUM GYIS MTHONG BA'I PHYIR RO, ,SNGA MA LA 'DOD PAS MI LDOG PA DANG, PHYI MA'I 'DOD PAS MI 'JUG PAR BSTAN TO, ,THAL BA GNYIS PA BSTAN PA NI, DBANG PO 'KHRUL BA 'DI CHOS CAN, GZUNG DON NYE BA LA MI LTOS PAR YANG 'GYUR BAR THAL, BTAGS PA TZAM GYI DON 'DZIN PA'I PHYIR, LDOG PHYOGS LA 'GAL KHYAB DMIGS PA'I GTAN TSIGS 'PHEN NO, ,RANG RGYUD 'PHEN PA'I THAL BA KUN GYI RTAGS PHYIR RGOL GYI KHAS BLANG DANG, KHYAB PA TSAD MA DANG DAM BCA' TSAD MAS BSAL BA YIN LA, 'DI DANG SKABS KUN TU SHES PAR BYA'O, ,THAL BA GNYIS PA'I DAM BCA' MNGON SUM TSAD MAS BSAL BA YIN PA SPYOD PA PA RANG LA GRUB ZIN PAS 'DIR DNGOS SUM SMOS SO, ,THAL LDOG GNYIS KA'I KHYAB PA YOD PAR THAL, GANG GI PHYIR NA 'DI BA GLANG NGO SNYAM PA LA SOGS PA'I RNAM PAR RTOG PA

, ,RNAMS NI GZUNG DON NYE BA NYID LA BLTOS PAR 'GYUR BA MA YIN PAS KHYAB PA'I PHYIR, GNYIS PA LA GNYIS, PHYOGS SNGA MA DANG, DE SUN DBYUNG BA'O, ,DANG PO LA RTZA BA NI, SPYOD PA PA NA RE, RTOG PA LA DE'O SNYAM PA RGYANG RING PO LA RTOG PA DANG, 'DI'O SNYAM PA MDUN NA NYE BA LA RTOG PA GNYIS LAS DBANG SHES DE'O SNYAM PA'I RTOG PA YIN PA LA BSAMS NA RTAGS MA GRUB LA, 'DI'O SNYAM PA LA BRJOD NA KHYAB PA MA GRUB STE, 'DI BA GLANG NGO SNYAM PA LA SOGS PA'I RTOG PA NI 'DI'O SNYAM DU GZUNG DON NYE BAR YOD PA NYID KYIS YUL LA 'JUG PA YIN GYI DE LAS GZHAN DE'O SNYAM PA'I 'JUG PA MIN PAS MNGON SUM MO ZHE NA, DE BSHAD PA NI 'DI'O SNYAM PA LA MNGON SUM YIN PAS KHYAB PA 'GAL NAS MA GRUB STE, GANG GI PHYIR NA 'DI BA GLANG NGO ZHES BYA BA NI GZUNG DON NYE BA MA YIN PA LA DMIGS NAS SKYE BAR MI 'GYUR LA SPYOD PA PA KHO BO CAG GI MNGON SUM YANG 'DI'O SNYAM PA KHO NA NYID YIN TE, MNGON SUM NI, GZUNG DON NYE BA NGES PA'I MTSAN NYID CAN YIN PA'I PHYIR RO ZHE NA, RIGS PA CAN PA NI SPYOD PA BAS MNGON SUM GYI MTSAN NYID DU 'DOD PA 'DI MTSAN GZHIR BYAS NAS DBANG PO DANG DON PHRAD PA LAS SKYES PA'I SHES PA 'KHRUL PA MED PA ZHEN PA'I BDAG NYID CAN YIN PA MTSAN NYID DU KHAS LEN CING DBANG SHES RTOG PAR 'DOD PA LA GNYIS KA 'DRA'O, ,GNYIS PA LA GNYIS, DGAG PA DNGOS DANG, LAN DGAG PA'O, ,DANG PO LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, GZUNG DON NYE BA 'DZIN PA DE NI RTOG PA LA YOD PA MA YIN TE, ZHES DAM BCAS NAS RGYU MTSAN BDEN PA NI GANG GI PHYIR CES SO, ,

GNYIS PA NI, 'DI'O SNYAM PA'I RTOG PA YIN NA GZUNG DON NYE BA 'DZIN PAS MA KHYAB PAR THAL, MIG GI BYED PA MED PAR MUN KHUNG DU BUM PA LA LUS SHES KYIS REG PA LAS KYANG 'DI DI RING GI BUM PA SNGON PO'O SNYAM PA'I KHA DOG LA DMIGS PA'I BLO DER 'GYUR BA'I PHYIR, THAL BA KHAS BLANGS SHING RTAGS TSAD MA'O, ,KYANG GI SGRAS MIG SHES KYIS BUM PA MTHONG BA'I RJES SU MIG BTZUMS NAS 'DI BUM PA'O SNYAM PA'I RTOG PA SDUD DO, ,MA GRUB STE DE'I TSE GZUNG DON MED PA MA YIN TE, 'DI BUM PA'O ZHES RTOG PAS BUM PA GZUNG DON DU 'DZIN NO ZHE NA, MUN KHUNG GI 'DI DI RING GI BUM PA SNGON PO'O SNYAM PA'I BLO CHOS CAN, BUM PA DANG DE'I KHA DOG DANG REG BYA SOGS KHYOD KYI GZUNG DON DU MED PAR THAL, DE RNAMS KHYOD KYI GZUNG DON DU MED PAR RI BONG GI RVA LA SOGS PA'I YE MED DANG THA DAD PA'I KHYAD PAR MED PA'I PHYIR, LA'ANG ZHES PA NI GZUNG DON MED PA'I 'DI'O SNYAM PA MNGON SUM DU THAL BA 'PHEN PA YIN NO, ,DER THAL, KHYOD KYI GZUNG DON 'DZIN NA KHA DOG SNGON PO DE 'DZIN DGOS PA LA DE'I TSE KHA DOG DE DBANG PO'I MNGON SUM GYI SPYOD YUL MA YIN PA'I PHYIR YANG NA MUN KHUNG DU LUS SHES KYIS REG BYA LA REG PA LAS 'DI DI RING GI BUM PA SNGON PO'O SNYAM PA SKYES PA'I TSE KHA DOG DE DBANG MNGON GYI GZUNG DON DU BYED NA LUS SHES DES GZUNG DGOS PA LA DE'I GZUNG DON DU MED PA RI BONG GI RVA DANG MTSUNGS TE DE'I SPYOD YUL MA YIN PA'I PHYIR CES BSHAD DO, ,GNYIS PA NI, BSHAD PA SNGA MA LTAR SNGAR SBYAR ZHING PHYI MA LTAR BSHAD NA KHA DOG DE'I TSE DBANG SHES KYI GZUNG DON DU BYED NA GZHAN MED PAS LUS SHES KYIS YGZUNG DGOS NA DE MI 'THAD PA NI, MUN KHUNG GI BUM PA'I KHA DOG

, ,SNGON PO DE CHOS CAN, LUS KYI DBANG PO'I SHES PA GZUNG DON GYI SGO NAS BSKYED PAR BYED PA LA MED PA RI BONG GI RVA LAS THA DAD PA CI ZHIG YOD DE MED PAR THAL, BDAG RKYEN LUS LA BRTEN PA'I DBANG PO'I MNGON SUM GYI SPYOD YUL MA YIN PA'I DON YIN PA'I PHYIR, RTAGS TSAD MA THAL BA KHAS BLANGS SO, ,RTAGS KYI RNAM GRANGS GZHAN BSTAN PA NI KHA DOG DE RANG GANG GI YUL DU NYE BA'I SHES PA BSKYED CING MI NYE BA'I SHES PA MI SKYED KYANG GZUNG DON GYI RANG BZHIN DU GNAS PAS GZUNG DON DU MED PA RI BONG GI RVA DANG JI LTAR MTSUNGS ZHE NA, KHA DOG DE LUS SHES DE'I GZUNG DON DU MED PA RI BONG GI RVA DANG MTSUNGS PAR THAL, KHA DOG DE'I NUS PA NI LUS SHES DE LA DNGOS SU PHAN PA'I NUS PA THAMS CAD DU BZLOG PA YIN PA'I PHYIR, KHA DOG DANG REG BYA TSOGS PA GCIG PAS KHA DOG GI REG BYA LAS BRGYUD NAS LUS SHES BSKYED PAS DE'I GZUNG YUL YIN NO ZHE NA BRGYUD PAS PHAN PA NYE BAR SBYOR BA NI GZUNG DON DU MI RUNG BAR THAL, RANG GI GZUNG DON DU MI RUNG BA RANG GI DNGOS RGYU'I DUS NA 'DAS PA LAS KYANG DBANG SHES SKYE BA MTHONG BA'I PHYIR RO, ,SNGA PHYI GNYIS KA'I RTAGS TSAD MA THAL BA KHAS BLANGS SO, ,DON BSDU BA NI, KHA DOG GIS LUS SHES LA RNAM PA MI GTONG CING DE'I SPYOD YUL MA YIN PA DE'I PHYIR 'DI'O SNYAM PA TZAM GYIS MNGON SUM GYI MTSAN NYID DANG LDAN PAR RIGS PA MA YIN PAR THAL, MUN KHUD DU REG BYA LA REG PA LAS KYANG 'DI BUM PA SNGON PO'O ZHES RTOGS PA'I PHYIR, KHYAB PAR THAL, 'DI'O SNYAM PA DE TZAM GYIS NI MNGON SUM DU MI RIGS PA'I PHYIR, SNGA PHYI GNYIS KA'I RTAGS TSAD MA THAL BA KHAS BLANGS SO, ,MUN KHUNG GI BUM PA'I KHA DOG CHOS

CAN, RANG 'DZIN DBANG PO'I MNGON SUM GYI GZUNG DON DU MED PA RI BONG GI RVA DANG KHYAD PAR MED PAR THAL, RANG 'DZIN DBANG PO'I MNGON SUM GYI YUL MA YIN PA NYID KYI PHYIR, YANG NI RTZA BA LTAR RO, ,GNYIS PA LA GNYIS, PHYOGS SNGA MA DANG, DE SUN DBYUNG BA'O, ,DANG PO LA RTZA BA NI, SPYOD PA PA DANG RIGS PA CAN DANG BYE BRAG PA NA RE, GAL TE KHA DOG DANG REG BYA GNYIS YON TAN THA DAD YIN YANG BUM PA YAN LAG CAN GYI RDZAS DE GNYIS KA'I RDZAS YIN PAS REG PA'I RDZAS DE KHA DOG GI RDZAS KYANG YIN PAS NA LUS SHES KYIS KHA DOG GI RDZAS REG PA LA BRTEN NAS KHA DOG 'DZIN ZHES PA'O, ,DE BSHAD PA NI, YANG NA 'DI'O SNYAM PA'I KHA DOG GI BLO LA REG BYA GZUNG DON DU BYED PA'I SGRUB BYED DU PHYOGS SNGA MAS KHAS LEN PA LA SBYAR TE, BSHAD PA GNYIS KA KHAS LEN CING GZHUNG GI TSIG DON LA YANG BSHAD DU RUNG BA'I PHYIR, BSHAD PA PHYI MA LTAR NA 'DI DI RING GI BUM PA SNGON PO'O SNYAM PA'I GZUNG DON DU REG BYA MI NYE BA DE NI MA YIN TE, KHA DOG GI RDZAS NI REG PA YANG YIN PAS REG BYA'I RDZAS LA REG NAS REG BYA 'DZIN TO ZHE NA, GNYIS PA LA RTZA BA NI, KHA DOG GZUNG DON DU MI BYED DE DON SPYI TZAM SNANG BA'I PHYIR DANG, REG BYA GZUNG DON DU MI BYED DE, LUS DBANG GI BDAG RKYEN LAS MA SKYES PA'I PHYIR, DES NA TSAD MA SNGA MAS DRANGS PA'I DPYAD SHES YIN PAR STON PA YIN NO, ,'DI NI DI RING GI BUM PA SNGON PO'I ZHES SHES PA'I BLO CHOS CAN REG BYA GZUNG DON DU BYED PA MA YIN TE, KHA DOG GI RNAM PA SNANG BA'I PHYIR RO, ,YANG KHYOD KYIS KHA DOG GZUNG DON DU BYED PA MA YIN TE DE'I DON SPYI SNANG BAS KHYAD PAR DU BYAS PA'I PHYIR RO, ,'GREL PA NI 'DI BUM PA SNGON PO'O SNYAM PA'I SHES

, ,PA NI CHOS CAN, REG BYA'I RDZAS GZUNG DON DU BYED PA MA YIN TE, REG PA'I DBANG PO BDAG RKYEN DU YOD PA LAS SKYES PAR MI RIGS PA'I PHYIR, DER THAL, KHYOD BUM PA SNGON PO'O SNYAM PA DE LTAR SEMS PA NA, KHYOD LA KHA DOG KYANG SNANG BA'I PHYIR RO, ,'O NA SHES PA DE GANG YIN ZHE NA, 'DI'O SNYAM PA MNGON SUM DU MI RUNG BA DES NA BUM PA SNGON PO'O SNYAM PA 'DI NI CHOS CAN, KHYOD MNGON SUM MA YIN PAR THAL, TSAD MA SNGA MAS DRANGS PA'I KHA DOG DRAN PA'I RNAM PAR RTOG PA YIN PA'I PHYIR, DER THAL, NYIN PAR GZUGS DANG REG BYA TSOGS PA GCIG PA DBANG SHES SO SOS GZUNG BA'I GZUGS DANG REG PA'I RNAM PAR SHES PA DAG GI RGYU CAN GYI YID KHA DOG DRAN PA'I DPYAD SHES YIN PA'I PHYIR, MUN KHUNG DU 'DI DI RING GI BUM PA'O SNYAM PA TZAM NI NYIN PAR GYI DBANG SHES GNYIS KAS DRANGS PA YIN LA, SNGON PO'O SNYAM PA NI, KHA DOG 'DZIN PA'I MNGON SUM GYI LAG RJES SO, ,GNYIS PA SGRA SBYOR RTOG PA YIN PA DGAG PA LA GSUM, RTZA BA DANG, 'GREL PA DANG, DON BSDU BA'O, ,DANG PO NI, DBANG SHES DON SBYOR RTOG PA YIN PA DGAG PA LAS GZHAN YANG SGRA SBYOR RTOG YIN PA DGAG PA NI, SPYOD PA PA NA RE, SGRA YI RJES 'JUG MA GTOGS PA, ,SHES DE 'JIG RTEN LA YOD MIN, ,SHES PA THAMS CAD SGRA DANG NI, ,LDAN PA NYID DU MTHONG BA YIN, ZHES SHES PA THAMS CAD KYI DON 'DZIN PA'I TSE MING GI KHYAD PAR YID KYIS DON DANG SBYAR NAS 'DZIN PA YIN NO ZHE NA, DON DAG PA BA MTHONG BA MED PAR DON THAMS CAD MING GIS KHYAD PAR DU BYAS NAS 'DZIN PA MI RIGS PAR THAL, LTO LDIR BA LTA BU'I DON DAG PA BA GANG ZHIG YOD LA YOD PA DE DBANG PO'I MNGON SUM GYIS

MTHONG NAS DE LA BUM PA ZHES PA'I MING GANG BRDA BYED PAR MTHONG BA DE PHYIS THA SNYAD KYI TSE YANG DON DE MTHONG BA LAS DE'I MING GI SGRA DRAN PAR RIGS PA'I PHYIR DON NI, DON THAMS CAD SHES PA THAMS CAD KYIS MING GI KHYAD PAR DU BYAS NAS 'DZIN PA MA YIN PAR THAL, DON DAG PA PA MNGON SUM GYIS MTHONG BA LAS BRDA SBYAR BA SNGON DU SONG NAS DE'I MING DRAN PAR RIGS PA'I PHYIR CES PA'O, ,'DIS DON DAG PA PA MTHONG BA DANG, DE LA BRDA BYED PA DANG, DE'I MING DRAN PA RNAMS SNGA MA SNGA MA LAS PHYI MA PHYI MA SKYE BA'I RJES 'GRO BSTAN PA YIN NO, ,SNGA MA SNGA MA MED NA PHYI MA PHYI MA MI 'BYUNG BA'I LDOG PA STON PA NI, LTO LDIR ZHABS ZHUM PA LA BUM PA ZHES PA'I MING GI SGRA'I KHYAD PAR BTAGS PA JI LTAR DRAN TE DRAN PA MI 'THAD PAR THAL, LTO LDIR BA DE MING GIS KHYAD PAR DU MA BYAS PAR SNGAR MNGON SUM GYIS RTOGS PA MED PA'I PHYIR, 'DOD NA, DBANG SHES KYIS BUM PA ZHES PA'I MING DE DANG DON LTO LDIR BA BSRES NAS 'DZIN CING RIG PA DE JI LTAR MI 'THAD PAR THAL, BRDA DE MA DRAN PA'I PHYIR, DON DAG PA PA MTHONG BA SNGON DU MA SONG BA'I MING 'DZIN PA MI SRID PAR SGRUB PA LA DON DAG MTHONG SNGA MA DANG, MING 'DZIN PA BRGYUD PA'I RGYU 'BRAS DANG DAG MTHONG PHYI MA DANG BRDA DRAN PA DNGOS KYI RGYU 'BRAS SU SGRUB PA LAS YIN NO, ,GNYIS PA LA GNYIS, KHAS BLANG BRJOD PA DANG, DE DGAG PA'O, ,DANG PO NI, GAL TE DON GANG YUL DU BYED PA NA YANG RANG GI BRJOD PAR BYED PA'I KHYAD PAR MING BLO YUL DU SONG BA LA BLTOS PA'I SGO NAS DON DE NYID DBANG PO'I SHES PAS MTSON PA'I SHES PA THAMS CAD KYIS NGES PAR BYA BA YIN GYI SGRAS KHYAD PAR DU MA BYAS PAR DON NGES PA MI SRID DO ZHES DE LTAR NGES PAR KHAS LEN PA YIN NA ZHES

, ,KHAS BLANG BRJOD NAS, GNYIS PA LA GNYIS, HA CANG THAL BA DANG, DE'I LAR DGAG PA'O, ,DANG PO NI, DE LTAR KHAS LEN PA DE NI DBANG PO'I SHES PA ZHES PA'I SGRA BRJOD PA THOS PA YANG LDOG PAR 'GYUR BAR THAL, SGRA DANG DON DANG SHES PAS 'DZIN PA NA YANG RANG MING GIS KHYAD PAR DU BYAS NAS 'DZIN DGOS PA GANG ZHIG DE'I TSE SGRA DE'I MING SGRA GNYIS PA MED PA'I PHYIR TE DBANG SHES YOD DO ZHES PA'I SGRA GCIG PO LAS MA THOS PA'I PHYIR, RTAGS BSAL KHAS BLANGS, YANG DBANG SHES YOD DO ZHES PA'I SGRA THOS PA MI SRID PAR THAL, DON DAG PA BA MTHONG BA MED PA GANG ZHIG DE MED NA DON GANG GI YANG MING BRJOD PAR BYED PA'I KHYAD PAR DRAN PAR MI RIGS PA'I PHYIR, RTAGS SNGA MA DANG THAL BA KHAS BLANGS, RTAGS PHYI MA DER THAL GANG GI PHYIR NA BRDA DUS SU DON DAG PA BA MTHONG BA, SNGON DU SONG BA YOD NA NI DE LAS THA SNYAD KYI DUS SU DON GYI KHYAD PAR RUNG YUL NA NYE BA LA SNGAR MTHONG BA'I SGRA DRAN PAR 'GYUR BA YIN PA'I PHYIR, DPER NA, ME DANG DU BA'I 'BREL PA NGES PA LA ME YANG NGES DU BA YANG NGES PA SNGON DU 'GRO DGOS PA BZHIN NO, ,BRDA GOMS PA'I SKYES BU 'DIS DON GANG GI YANG MING GI SGRA'I KHYAD PAR MI DRAN PAR THAL, SGRA GZUNG BA MED PAR DON MI MTHONG ZHING DON DAG PA BA MA MTHONG NA YANG SGRA MI DRAN PA'I PHYIR, RTAGS SNGA MA DANG THAL BA KHAS BLANGS, 'DOD NA, MING DON SBYOR BA MI SRID PAR THAL, MING DRAN PA MI SRID DE MA DRAN NA YANG MING DON SBYOR BAR MI BYED PA'I PHYIR, KHAS BLANG SNGA MA LTAR RO, ,'DOD NA, 'GRO BA MA LUS PA LONG BA NYID DU 'GYUR BAR THAL, MING DON SBYOR BA MI SRID DE MA SBYAR NA DON GANG YANG RTOGS PAR 'GYUR BA'I PHYIR, GNYIS PA LA GNYIS,

PHYOGS SNGA MA DANG, DE SUN DBYUNG BA'O, ,DANG PO NI, MING 'DZIN PA BRDA DRAN PA LA BLTOS KYANG BRDA DRAN PA DON RKYANG PA MTHONG BA SNGON DU 'GRO MI DGOS TE, DON MA MTHONG YANG DON RUNG YUL DE NA NYE BAR YOD PA NYID KYIS NANG GI 'DU BYED BRDA DRAN PA'I BAG CHAGS SAD PAR BYAS PA DES BRDA DRAN PAR 'GYUR GYI DON DAG PA BA MTHONG BAS NI MA YIN NO ZHE NA, GNYIS PA NI, DON RUNG YUL NA NYE BA MA MTHONG BZHIN DU, MING DON GYI 'BREL BA DNGOS SU DRAN BYED MA YIN TE MING DON DE'I 'BREL BA NI RTOG PAS BTAGS TZAM MIN PAR RANG GI NGO BO THUN MONG MA YIN PA'I SDOD LUGS SU GRUB PA MED PA'I PHYIR RO, ,PHYOGS CHOS SGRUB PA NI, DE MED DE DE YOD NA BRDA MI SHES PAS KYANG MING DON GYI 'BREL PA GRUB DGOS PA LA BRDA MA MTHONG BA LA MING DON GYI 'BREL BA GRUB PA DE MED PA'I PHYIR, BRDA MA SBYAR BA'I SNGA ROL TU MED KYANG BRDA BYAS PA'I DUS SU 'BREL PA DNGOS PO BA GCIG SKYES TE GOS LA TSON BZHIN NO ZHE NA, BRDA'I DUS SU SKYES PA'I SGRA DON GYI 'BREL BA'I RANG GI NGO BO NI DNGOS POR YOD PA MA YIN PAR THAL, SKYES BU'I 'DOD PAS NI PHYI ROL GYI DON GYI GNAS TSOD RNAMS GZHAN DU YONGS SU 'GYUR BA NUS PA MA YIN PA'I PHYIR, RTAGS MA GRUB STE SKYES BU'I 'DOD PAS DON GYI GNAS LUGS YONGS SU 'GYUR RO, ZHE NA NI GZHAN BRDA MA BYAS PA'I GANG ZAG RNAMS LA YANG SGRA DON GYI 'BRAL PA GRUB PAR 'GYUR PAR THAL, BRDA BYAS PHYIN CHAD PHYI ROL GYI DON DE RANG GI MING DANG 'BREL BA DE'I BDAG NYID DU GRUB DE RDZAS GCIG TU SKYES PA YIN PA'I PHYIR, SNGA PHYI GNYIS KA'I RTAGS DANG THAL BA KHAS BLANGS SO, ,KHYAB PA MA GRUB STE BRDA BYAS PA'I SKYES BU'I DBANG SHES LA DON DE MING DANG 'BREL BAR SNANG, MA BYAS PA LA DE LTAR MI SNANG NGO ZHE NA,

, ,SKYES BU SO SO'I DBANG SHES MA 'KHRUL BA LA PHYI ROL GYI DON RNAMS KYI BDAG NYID SNANG TSUL MI 'DRA BA THA DAD PA 'GAL BAR SNANG BA MA YIN TE DE YIN NA PHYI ROL RANG GI BDAG NYID MTHA' GCIG TU GNAS PA MED PAR THAL BAR 'GYUR BA'I PHYIR, DER THAL, DE LTA NA DON GYI BDAG NYID MING DANG 'BREL BA DANG 'BREL BA MED PA GANG DU YANG GNAS PA MED PAR 'GYUR BA'I PHYIR RO, ,YANG NA RDZAS SU GRUB PA MED PAR THAL, BDAG NYID MTHA' GCIG TU GNAS PA MED PA'I PHYIR CES BSHAD DO, ,GSUM PA NI, DON DAG PA BA MTHONG BA MED NA 'GRO BA MA LUS PA LONG LKUGS SU 'GYUR BA DE'I PHYIR, DBANG SHES MA 'KHRUL BA 'DI CHOS CAN, SGRA SBYOR RTOG PA MA YIN TE SGRA MA SBYAR BA'I DON NYID MTHONG BA YIN PA'I PHYIR, DON DAG PA BA MTHONG BAR GRUB PA'I PHYIR, GNYIS PA DBANG SHES RTOG BRAL DU MNGON SUM GYIS SGRUB PA LA GNYIS, SGRUB BYED DNGOS DANG, DBANG SHES RTOG PAR KHAS BLANGS PA LA MNGON SUM GYIS MI GNOD PA'I RTZOD PA SPANG BA'O, ,DANG PO LA GSUM, DAM BCA' BA DANG, DPE BSTAN PA DANG, DPE'I SGRUB BYED DO, ,DANG PO NI, DBANG SHES RTOG BRAL DU RJES DPAG GIS SGRUB PA LAS, YANG NA MNGON SUM GYIS GRUB PA'I TSUL NI GANG ZAG THAMS CAD LA DBANG SHES RTOG BRAL DU RTAGS KYIS SGRUB DGOS PA MA YIN PAR THAL, SPYOD PA BA LA SOGS PA DANG BRDA LAM BYANG BAS THA SNYAD MA THOGS PA MA GTOGS GANG ZAG PHAL CHER LA DBANG PO'I BLO RTOG PA DANG BRAL BAR SGRUB PAR BYED PA'I TSAD MA NI MNGON SUM TSAD MA NYID YIN PA'I PHYIR, GNYIS PA LA GNYIS, TSIG DON DANG MTHA' DPYAD PA'O, ,DANG PO NI, DBANG PO'I SHES PA RTOG BRAL DU MNGON SUM GYIS JI LTAR GRUB CE NA,

'DI'O SNYAM PA'I RTOG PA DANG BRAL BA'I DBANG SHES NGES PAR 'DOD DGOS TE, GANG GI PHYIR NA 'DI'O SNYAM DU BRTAG PAR BYA BA THAMS CAD LAS NI RTOG PA'I SEMS NANG DU BSDUS NAS NANG GI BDAG NYID 'DI'O SNYAM PA'I RTOG PA'I RLUNG GIS G-YO BA MED PAS GNAS PA NA'ANG MIG GI SHES PAS GZUGS DAG NI MTHONG BA GANG ZHIG MTHONG BA'I BLO DE DBANG SKYES KYI SHES PA YIN PA'I PHYIR, SEMS BSDUS PA'I RGYUS G-YO BA MED PA YIN GYI, G-YO BA MED PA'I RGYU LAS SEMS BSDUS PA MA YIN NO, ,'DIS NI SPYOD PA PA DBANG SHES LA 'DI'O SNYAM PA'I RTOG PAS KHYAB PAR 'DOD PA MI 'THAD PA'I DPE BSTAN PA YIN GYI GZHAN DAG RTOG PA NANG DU BSDUS PA'I TSE DBANG SHES RTOG BRAL DU MNGON SUM GYIS GRUB PA DANG TING NGE 'DZIN LAS LANGS PA'I TSE RJES DPAG GIS GRUB PAR 'DOD PA NI RNAM PA THAMS CAD DU MI RIGS TE, ZHI GNAS LA RTZE GCIG TU GNAS PA'I TSE RTOG PA MNGON GYUR DU RGYU BA DU MA YOD PA'I PHYIR TE, DE'I NGANG NYID NAS LHAG MTHONG GIS BSDUS PA'I RTOG PAS DPYAD SGOM DU MA BYED PA'I PHYIR, BDAG MED PA'I DON LA MNGON SUM DU MNYAM PAR BZHAG PA 'DIR SEMS BSDUS PA'I DON YIN TE, DE'I TSE DBANG SHES 'GAG PA'I PHYIR DANG, DE SPYOD PA BA LA DPE DANG RTZOD GZHI GANG DU GZUNG YANG DON MED PA'I PHYIR RO, ,ZHI GNAS LA GNAS BZHIN PA'I MNGON SHES SOGS KYANG 'DIR DPER DGOD PA DON MED LA SPYOD PA BA LA GRUB PA'I SEMS NANG DU BSDUS PA DE NI PHAL CHER YUL DON SPYI 'DZIN PA YIN PAS RTOG PA YIN LA 'DIR NI DBANG SHES 'DI'O SNYAM PA'I RTOG PA DANG BRAL BA DPER STON PA YIN NO, ,MNYAM GZHAG LAS LANGS PA'I TSE DBANG SHES RTOG BRAL DU RJES DPAG GIS SGRUB DGOS PA MA NGES TE DE'I TSE YANG MNGON SUM GYIS GRUB PA

, ,DU MA YOD PA'I PHYIR, GNYIS PA NI, DBANG SHES RTOG PA DANG BRAL BA DE GZHAL BYA MNGON GYUR YIN NA SNGAR GYI RTAGS BKOD PA THAMS CAD DGOS PA MED PAR 'GYUR LA, LKOG GYUR YIN NA 'DIR MNGON SUM GYIS GRUB PAR BSHAD PA LA NUS PA MED PAR 'GYUR RO ZHE NA, DE'I LAN LA KHA CIG DON MNGON GYUR DANG, THA SNYAD LKOG GYUR YIN PAS SKYON MED CES PA'I LAN 'DEBS PA NI MI RIGS TE, SNGAR GYI RTAGS PHAL CHER DON SGRUB TU SNANG BA'I PHYIR DANG, RTOG BRAL GYI THA SNYAD MNGON SUM GYIS GRUB PA DU MA YOD PA'I PHYIR, YANG KHA CIG ,DBANG SHES DANG RTOG PA DUS MNYAM DU YUL LA 'JUG PA'I TSE LKOG GYUR DANG, DBANG SHES RKYANG PA YUL LA 'JUG PA NA MNGON GYUR DU 'DOD PAS KYANG KHYAD PAR DBYE MI NUS PA SNGAR BSHAD PAS RTOGS NUS SO, ,YANG DGAG GZHI DANG, DGAG BYA'I CHOS YOD NA MNGON SUM LA SNANG DU RUNG BA'I TSE DGAG BYA'I CHOS MA DMIGS NA RTOG BRAL DU MNGON SUM GYIS GRUB PA DANG, DGAG BYA'I CHOS RTOG PA SNANG DU MI RUNG BA'I TSE LKOG GYUR DU 'DOD PAS KYANG KHYAD PAR DBYE MI NUS TE DGAG BYA'I CHOS DGAG GZHI DE'I STENG DU YOD NA SNANG RUNG LA YANG DES DPEN PA RTAGS KYIS SGRUB DGOS PA YOD PA'I PHYIR DANG, YOD NA SPYIR MNGON SUM GYI SNANG RUNG LA 'DOD NA, DE DANG BRAL BA RGYU MA DMIGS PA'I RTAGS KYIS SGRUB DGOS PA SOGS DU MA YOD PA'I PHYIR, DES NA 'DI LTAR SHES PAR BYA STE, MNGON GYUR DANG LKOG GYUR DU 'GYUR BA'I TSUL DANG, SPYOD PA BA DBANG SHES RTOG PAR 'KHRUL BA'I RGYU DANG, DBANG SHES RTOG BRAL DU NGES BYED KYI TSAD MA NGOS GZUNG BA'O, ,DANG PO NI, SROG CHAGS DBANG PO'I MNGON SUM RGYUD LA YOD PA

RNAMS KYIS KYANG SGRA SPYI DANG DON SPYI GNYIS KA'AM GANG RUNG RE RE YANG MI SNANG ZHING DON RANG MTSAN GSAL BAR SNANG BA'I BLO RANG RIG MNGON SUM GYIS GRUB PAS GRUB MTHAS MA BSLAD PA'I SO SO SKYE BO RANG DGA' BAS KYANG DBANG SHES SGRA DON 'DRES PA 'DZIN PA'I RTOG PA DANG BRAL BAR MNGON SUM TSAD MAS GRUB PA YIN NA RTOG LDAN GZHAN GYIS LTA CI SMOS, SGRA SPYI RKYANG PA DANG DON SPYI RKYANG BA 'DZIN PA'I RTOG PA BRJOD BYA RJOD BYED 'DRES RUNG 'DZIN PA YIN ZHING DBANG SHES RTOG PA DE GNYIS DANG BRAL BAR GRUB KYANG BRJOD BYA RJOD BYED 'DRES RUNG 'DZIN PA DANG BRAL BAR GRUB MTHAS MA BSLAD PA RNAMS KYI MNGON SUM TSAD MAS MI RTOGS SO, ,GNYIS PA NI, RNAM 'GREL LAS, RTOG BCAS RTOG PA MED PA'I YID, ,CIG CAR NYID DU 'JUG PHYIR RAM, ,'JUG PA MYUR PHYIR BLUN PO DAG ,DE DAG LA NI GCIG TU ZHE NA, ZHES GSUNGS PAS DBANG SHES DANG 'DI'O SNYAM PA'I RTOG PA GNYIS YUL LA DUS MNYAM DU 'JUG PA DANG RIMS KYIS 'JUG KYANG 'JUG PA MYUR BAS 'KHRUL RGYU BYAS NAS DBANG SHES RTOG PAR 'KHRUL BA YIN TE DE YANG SGRA DON 'DRES PA 'DZIN PA'I RTOG PAR 'DOD PAS DBANG SHES DE DANG BRAL PAR RTAGS KYIS SGRUB DGOS NA 'DRES RUNG 'DZIN PA'I RTOG PA DANG BRAL BAR RTAGS KYIS SGRUB DGOS PA LTA CI SMOS, DON RANG MTSAN GSAL BAR SNANG BA'I BLO MNGON SUM GYIS GRUB KYANG 'DI NYID RTOG PAR 'DOD PAR SNANG BAS GRUB MTHAS BSLAD PA'I DBANG GIS RTOG BRAL GYI DON DANG THA SNYAD GNYIS KA RTAGS KYIS SGRUB DGOS PAR SHES PAR BYA'O, ,BSGRUB BYA'I GTZO BO NI, SNGAR MNGON SUM GYI MTSAN NYID STON PA'I SKABS KYI BRAL BYA RTOG PA'I MTSAN NYID BRJOD BYA RJOD BYED 'DRES RUNG 'DZIN PA LA BSHAD PAS DE DANG BRAL BAR RTAGS KYIS SGRUB

, ,DGOS PA YIN NO, ,GSUM PA NI, DBANG SHES NYID RTOG PA DANG BRAL BAR MNGON SUM GYIS GRUB PA'I TSE DBANG SHES MYONG BA'I RANG RIG MNGON SUM GYIS GRUB PA YIN LA, DBANG SHES RTOG PA'I RDZAS YIN PA RTAGS KYIS 'GOG PA'I TSE RTAGS LA SNANG RUNG GI KHYAD PAR SBYAR MI DGOS SHING GZHI 'GAR RTOG PA DON GZHAN YOD PA RTAGS KYIS 'GOG NA, RTAGS LA SNANG RUNG GI KHYAD PAR SBYAR DGOS PA YIN NO, ,RTOG PA DON GZHAN YOD KYANG DBANG SHES NYAMS MYONG GI RANG RIG MNGON SUM LA SNANG DU MI RUNG BAS SPYIR RTOG PA SNANG RUNG MA DMIGS PA RTAGS SU 'GOD PA YIN NO, ,RTOG PA MED NA DE MYONG BA'I RANG RIG KYANG MED PAS DE LA SNANG RUNG DU MA GRUB LA SHES PA GZHAN LA YANG SNANG RUNG DU MI 'GRUB PAS RTOG PA SNANG RUNG MA DMIGS PA'I GTAN TSIGS JI LTAR GRUB CE NA, SKYON MED DE, RTOG PA MED DE, DE YOD NA DE MYONG GI RANG RIG YOD DGOS PA LA DE MED PA'I PHYIR CES PA'I DON TO, ,YUL GSAL BAR SNANG BA'I SHES PA SGRA DANG DON GYI SPYI DANG DE GNYIS 'DRES PA 'DZIN PA DANG BRAL BAR PHAL CHER GYI MNGON SUM GYIS GRUB PA LA DGONGS NAS SLOB DPON PHYOGS KYI GLANG POS MNGON SUM RTOG BRAL DU SGRUB PA'I RIGS PA RGYAS PAR MA GSUNGS PA YIN NO, ,DE LTAR 'THAD LDAN DU, 'DIS NI BDAG NYID GCIG PA 'GOG PA LA KHYAD PAR MED PA'I MI DMIGS PA'I GTAN TSIGS NYID DU NYE BAR BKOD PA YIN NO,, DE RNAM PAR RTOG PA DE'I BDAG NYID DU MA DMIGS PA'I PHYIR, MNGON SUM GYI SHES PA 'DI NI, RNAM PAR RTOG PA'I BDAG NYID MA YIN NO, ,BDAG NYID GCIG PA 'GEG PA LA NI SNANG BA'I BDAG NYID KYIS KHYAD PAR DU BYAS PA LA DGOS PA 'GA' YANG YOD PA MA YIN LA,

GANG GZHAN 'GOG PA LA NI DGOS PA YOD PA YIN NO, ,'DI LTAR MI SNANG BA SHA ZA LA SOGS PA SNANG BA'I SNGON PO LAS RNAM PA THA DAD PAR DAM BCAS PA RNAMS KYANG CI SRID DU SNANG BA'I RANG BZHIN DE LA BDAG NYID YIN PA'I 'GOG PAR BYED PA DE SRID DU DMIGS PA'I MTSAN NYID DU GYUR PA KHAS BLANGS PA NYID LAS YIN TE, GAL TE SNANG BA'I DON 'DI SHA ZA YIN NA NI RANG GI RNAM PA KHO NAR DMIGS PAR 'GYUR BA YIN NO, ,DES NA SNANG BA'I RANG BZHIN LA SHA ZA 'GOG PA NI SNANG BA NYID KYIS BYED PA YIN NO, ZHES DANG, DES NA PHYOGS GCIG LA 'JUG PA DE NYID DBANG PO'I SHES PA THAMS CAD LA RTOG PA SPONG BAR BYED PA YIN NO, ,DE NYID KYI PHYIR SLOB DPON PHYOGS KYI GLANG POS RNAM PAR RTOG PA MED PA SGRUB PA'I 'THAD PA MA BKOD DE, DES NI MNGON SUM GYIS GRUB PA YIN NO, ZHES KYANG GSUNGS SO ZHES DANG, G-YO BA MED PA'I MTHONG BA LA NI RNAM PAR RTOG PA'I BDAG NYID DAM, RNAM PAR RTOG PA GZHAN DANG YUL GCIG PA NYID DU PHA ROL GYIS BRTAGS PA YIN PA DES NA RNAM PAR RTOG PA MA DMIGS KYANG THE TSOM ZA BAS 'THAD PAS SGRUB PA DANG MED PA'I THA SNYAD DU YANG BYA BA YIN NO ZHES BSHAD DO, ,GSUM PA LA GNYIS, MNGON SUM GYIS GRUB PA'I TSUL DANG, RTZOD PA SPANG BA'O, ,DANG PO NI, DBANG SHES SGRA DON GYI SPYI RE RE BA DANG, GNYIS KA 'DRES PA 'DZIN PA'I RTOG PA DANG BRAL BA SGRUB PA 'DI LA SGRUB PAR BYED PA'I TSAD MA MNGON SUM LAS GZHAN GYIS CI ZHIG BYA NGES PAR DGOS PA MA YIN PAR THAL, DBANG SHES BRJOD PA SGRA SPYI DANG DON SPYI DANG DE GNYIS 'DRES PA'I SNANG BA MED PA'I RANG MTSAN GSAL BAR SNANG BA NI GRUB MTHAS MA BSLAD CING DBANG SHES RGYUD LDAN GYI SROG CHAGS THAMS CAD KYI

, ,MNGON SUM TSAD MA NYID KYIS GRUB PA YIN PA'I PHYIR 'THAD LDAN DU THAMS CAD SMOS PA NI SROG CHAGS THAMS CAD KYI RGYUD MNGON SUM GYIS MA GRUB KYANG, RANG RGYUD LA MNGON SUM GYIS GRUB PA DANG GZHAN LA YOD PA RNAMS REGS MTSUNGS PAR RTOGS PA'I DON DU BSHAD DO, ,BRJOD PA'I SNANG BA MED PA MNGON SUM TZAM LA BYAS NA DBANG SHES MED PA'I SROG CHAGS LA YANG BSHAD PAR BYA'O, ,GNYIS PA LA GSUM, DAM BCA' DANG, DE'I SGRUB BYED DANG, DGAG BYA'I DBANG GIS RTAGS KYI KHYAD PAR BSHAD PA'O, ,DANG PO NI, GAL TE DBANG SHES LA RTOG PA YOD KYANG DE MYONG BA'I RANG RIG MNGON SUM GYIS MI RTOGS PAS MA DMIGS PAS MED PAR MI 'GRUB STE SHA ZA'I BUM PA BZHIN NO ZHE NA, 'O NA RTOG PA DE RANG RIG LA SNANG DU MI RUNG BA'AM RUNG YANG NGES PA MI SKYED PA'AM BSKYED KYANG MA MTHONG BA GSAL PO GZHAN GYIS ZIL GYIS MNAN NAS MA RTOGS PA YIN, DANG PO MI 'THAD DE, RANG RIG LA MI SNANG NA SHES PAR MI RUNG BA'I PHYIR DANG, DBANG SHES DANG GRUB DE RDZAS GCIG TU YOD NA DE MYONG RANG RIG LA SNANG DGOS TE, SNANG MI SNANG KHYAB MNYAM GRUB DE RDZAS GCIG LA 'DU BA 'GAL BA'I PHYIR RO, ,GNYIS PA YANG MI 'THAD DE, 'OG NAS 'BYUNG BA'I RGYU MTSAN GANG GIS DBANG SHES LA RTOG PA YOD KYANG MI RTOG PAR 'GYUR BA MI 'THAD PAR THAL, RNAM PAR RTOG PA 'DI DAG SKYE BA DANG 'GAG PAR RANG RIG MNGON SUM TSAD MA'I STOBS KYIS RIG PAR MI 'GYUR BA YANG MA YIN ZHING NGES PAR RIG PA'I PHYIR, GNYIS PA LA GNYIS, RTZA BA DANG, 'GREL PA'O, ,DANG PO NI, GSUM PA YANG MA YIN TE, MTHONG BA GSAL POS

ZIL GYIS MNAN NAS MA RTOGS PA YANG MI 'THAD, DE YIN NA, SEMS BSDUS PA LAS LANGS PA'I TSE YANG MI RTOGS PAR 'GYUR NA DE MI RIGS TE 'DI LTAR RTOG PA BSDUS PA'I CHE 'DI'O SNYAM PA'I RTOG PA YOD BZHIN DU MI RTOGS PA DE MA YIN PAR THAL, SNGAR YANG BSDUS PA LAS LANGS TE KHO BO LA DE'I BAR LA RTOG PA JI LTAR BYUNG SNYAM DU CUNG ZAD RNAM PAR RTOG CING BRTAGS PA'I CHE NA, RTOG PA SKYES NA KHO BO'I RNAM RTOG 'DI 'DRA BAR GYUR TO, CES RIG DGOS PA GANG ZHIG THAMS CAD LAS NI ZHES PA'I SKABS SU SNGAR BSHAD PA'I RANG BZHIN GYI DBANG PO LAS SKYES PA'I RTOG PA LA 'DI'O SNYAM PA'I RTOG PA YOD PA RIG PA MIN PA'I PHYIR, YANG NA SNGAR BSHAD PA'I RTOG PA BSDUS PA TING NGE 'DZIN LA MNYAM PAR BZHAG PA DPER MA GZUNG BAR MIG PHYE ZHING RTOG PA GANG YANG MI 'PHRO BA'I THO MA ME BA LA BYA STE, DE LTA NA DE'I TSE RTOG PA GANG YANG MED PAR TSAD MAS GRUB BO, ,KHA CIG RTOG PA NANG DU BSDUS PA'I TSE RTOG BRAL DU GRUB MA GRUB YOD PA NI DOGS PA CHUNG BAS 'DI LTAR BYA STE, RTOG PA BSDUS PA'I TSE DBANG SHES YOD PAR NGES SAM MA NGES DANG PO LTAR NA RTOG BRAL DU MI 'GYUR LA, GNYIS PA LTAR NA, RTOG PAS DBEN PA'I DBANG SHES DPER BKOD PA DON MED DO ZHE NA, DE'I TSE RTOG PA MED PA DANG, DBANG SHES YOD PA LA LANGS PA'I TSE NGES SHES SKYE BAS SKYON MED DO, ,GNYIS PA NI, DE'I TSE RTOG PA YOD BZHIN DU MI RTOGS PA MA YIN PAR THAL, YANG DE'I SEMS NANG DU DMIGS PA LA BSDUS PA LAS LANGS TE RNAM RTOG JI LTAR GYUR SNYAM DU CUNG ZAD RNAM PAR RTOG PA NA DE'I TSE RNAM RTOG SKYES NA KHO BO'I RNAM PAR RTOG PA 'DI DANG 'DI 'DRA BAR GYUR TO ZHES RIG DGOS PA LA MA RIG PA'I PHYIR, SEMS BSDUS PA'I

, ,TSE CHA GCIG LA BRTAGS PA TZAM GYIS DE'I TSE RNAM RTOG MED PAR MI 'GRUB PAR THAL, DE'I TSE RANG GI SEMS KYI RGYUN TE RGYUD SNGA PHYI KUN CHA SHAS SU LDAN PA'I CHA CAN YID KYI YUL DU SDEM [?] PAR BYED PA LAS BRTAGS PAS RTOG PA MED PAR GRUB PA'I PHYIR, NANG DU BSDUS PA'I TSE RTOG PA YOD NA DMIGS RUNG DU GRUB PA DE'I PHYIR RNAM PAR RTOG PA 'DI DAG CHOS CAN RNAM PAR RTOG PA MI 'PHRO BAR BSDUS PA'I MTHONG BA DBANG SHES LA YOD BZHIN DU JI LTAR RTOGS PAR MI 'GYUR ZHES BYA BA MI RTOGS PA MI RIGS PAR THAL, YOD NA MNGON SUM GYIS NGES PAR GRUB PA YIN PA'I PHYIR, RTOG BRAL GYI SGRUB BYED NGES PAR MA BYAS PAR DBANG SHES LA RTOG PA YOD NA DMIGS RUNG DU DPYOD PA BAS MNGON SUM GYIS GRUB KYANG GRUB MTHA' DES BSLAD PA'I DBANG GIS DE LA RTOG PA MA DMIGS PA LA NGES PA 'DREN MA NUS PAS RTOG MED DU MA GRUB PA YIN NO, ,GSUM PA NI, RTOG PA YOD NA DMIGS RUNG GIS KHYAB PA DES NA PHYI ROL MTHONG BA'I BDAG NYID DBANG SHES 'DI CHOS CAN, RTOG PA'I RDZAS DANG MA 'DRES PA NI MNGON SUM GYIS GRUB PA YIN PAR THAL, DE DE LTAR RANG NYID MYONG BA'I RANG RIG MNGON SUM GYIS GRUB PA'I PHYIR, 'AM GYI SGRAS MTHONG BA DBANG SHES LA SNANG BA'I BDAG NYID KYI RNAM PAR RTOG PA DON GZHAN MED PA DBANG SHES NYAMS SU MYONG BA'I RANG RIG MNGON SUM GYIS MA GRUB STE DE'I TSE GZHI 'GAR RTOG PA YOD NA DMIGS SU RUNG BA LAS MI SNANG BAS NI STE SNANG RUNG MA DMIGS PA'I GTAN TSIGS KYIS DBANG PO'I SHES PA LA RNAM PAR RTOG PAR RTOG CING 'DOD PA SPANGS PA YIN PA'I PHYIR, SKYEL GRAGS PA SENGGE NA RE, GZHUNG SNGA MAS MKHAS PA LA RTOG BRAL MNGON SUM GYIS GRUB PA DANG, PHYI

MAS RMONGS PA LA THA SNYAD RJES DPAG GIS GRUB PAR BSTAN PAR 'CHAD PA NI MI RIGS TE, SNGA MA DBANG SHES RTOG PA'I RDZAS YIN PA 'GOG PA LA KHYAB BYED MA DMIGS PA'I GTAN TSIGS BKOD NAS DE'I RTAGS LA SNANG RUNG GI KHYAD PAR SBYAR MI DGOS SHING DE'I PHYOGS CHOS DBANG SHES NYAMS MYONG GI RANG RIG MNGON SUM GYIS GRUB PAR BSTAN PA YIN LA, RTAGS NI, GZUGS MTHONG DBANG SHES CHOS CAN, RTOG PA MA YIN TE, RTOG PA'I BDAG NYID DU MA DMIGS PA'I PHYIR, CES PA'O, ,PHYI MAS NI, RTOG PAS DBEN PA'I GZHI 'GAR DBANG SHES LA RTOG PA DON GZHAN YOD PA 'GOG PA DMIGS RUNG MA DMIGS PA'I RTAGS KYIS 'GOG CING DE'I TSE RTAGS LA SNANG RUNG GI KHYAD PAR SBYAR BAR BSTAN PA YIN NO, ,DE LTAR YANG 'THAD LDAN DU 'BYUNG BA SNGAR DRANGS PA DANG, YANG SKABS 'DIR, 'DIS KYANG DBANG PO'I SHES PA LAS THA DAD PA'I RNAM PAR RTOG PA YOD PAR DAM BCAS PA LA MI DMIGS PA KHYAD PAR CAN 'GOG PA'I GTAN TSIGS SU BKOD PA YIN NO, ,GCIG PA 'GOG PA LA NI KHYAD PAR MED PAS BYED PA YIN NO, ,THA DAD PA'I BDAG NYID LA NI RNAM PAR RTOG PA MTHONG BA'I BDAG NYID CAN DU MI 'GYUR GYI, DE LA YOD PAR 'GYUR BA YIN TE, DPER NA BLTAR MI RUNG BA 'GA' ZHIG SA PHYOGS LA BRTEN PAR 'GYUR BA BZHIN NO, ,DES NA THA DAD PA 'GOG PA LA DMIGS PA'I MTSAN NYID KYIR GYUR PA MI DMIGS PA GTAN TSIGS SU BSTAN PA YIN NO, ,JI LTAR BUM PA DANG SA PHYOGS DAG DBANG PO GCIG GIS GZUNG BA YIN PAS PHAN TSUN 'KHRUL PA MED PAR DMIGS PA NA, SHES PA GCIG LA 'DRE BA NYID YIN PA DE BZHIN DU 'DI LA YANG MTHONG BA DANG RNAM PAR RTOG PA DAG RGYUD GCIG LA YOD PA'I

, ,RANG RIG PA LA 'KHRUL BA MED PAR DMIGS PA NA SHES PA GCIG LA TSOGS PA YIN NO ZHES BSHAD DO, ,GNYIS PA LA GSUM, PHYOGS SNGA MA DANG, DE SUN DBYUNG BA DANG, DBANG SHES RTOG BRAL DU GRUB PA'I DON BSDU BA'O, ,DANG PO NI, SPYOD PA PA NA RE, SNGAR BSHAD PA'I RGYU MTSAN RNAMS KYIS DBANG SHES RTOG BRAL DU MI 'GRUB STE, BLO YOD NA DMIGS RUNG YIN PA GANG GIS DBANG PO'I SHES PA RNAM PAR RTOG PAR KHAS BLANGS PA LA DMIGS RUNG MI DMIGS PAS GNOD PAR 'GYUR BA MA YIN PAR THAL, DON MNGON SUM DU GSAL BA'I BLO YOD KYANG MNGON SUM DU GYUR PA NI MA YIN CING LKOG TU GYUR PA'O ZHE NA, SHING RTA CHEN PO THUB PA'I DGONGS PA PHYIN CI MA LOG PAR 'GREL PAR BYED PA NGAG GIS RANG RIG ZHAL GYIS MA BZHES KYANG BLO MNGON GYUR DU KHAS BLANGS PAS CHOG PA'I RNAM GZHAG RNAMS NI RNA BAS MA THOS SHING RANG RIG ZHAL GYIS BZHES PA'I SHING RTA CHEN PO 'GA' ZHIG GI BZHED PA CUNG ZAD THOS KYANG MA BZOD NAS RANG RIG MED PAR KHAS BLANGS SHING BLO LKOG GYUR DU KHAS BLANGS PA'O, ,GNYIS PA LA GSUM, RANG RGYUD LA RIG PA'I RNAM PAR RTOG PA 'DI MED PAR THAL BA DANG, RANG RGYUD LA BDE SDUG GIS PHAN GNOD MI BYED PAR THAL BA DANG, RANG RGYUD LA BLO TSAD MAS MI 'GRUB PAR THAL BA'O, ,DANG PO LA GNYIS, DRI BA DANG, BRTAGS LA DGAG PA'O, ,DANG PO NI, BLO LKOG TU GYUR CING RANG RIG MED PA DE LTAR NA BKAG PA RIM CAN DU STON PAS NA RE SHIG CES PA'O, ,RANG RGYUD LA SKYE BA DANG 'GAG PAR RIG PA'I RNAM PAR RTOG PA 'DI PHYI ROL GYI DON NAM BLO GANG GI NANG DU 'DU NA GANG RUNG GCIG TU 'DU DGOS TE, RANG RGYUD LA 'DZIN PA'I CHAR MYONG BA'I PHYIR, GNYIS PA LA GSUM, DON YIN PA DGAG

PA DANG, BLO YIN NA MNGON GYUR DU KHAS LEN DGOS PA DANG, DE KHAS MI LEN NA GTAN MED DU THAL BA'O, ,DANG PO NI PHYI ROL GYI DON YIN NO ZHE NA, RANG RGYUD KYI RNAM RTOG 'DI CHOS CAN, PHYI ROL GYI DON NI MA YIN TE NANG DU PHYI ROL GYI DON LAS RDZAS THA DAD PAR BDAG TU 'DZIN PA'I GNAS SU YONGS SU GSAL BA'I PHYIR, DPER NA BDE SDUG BZHIN RTAGS DE DANG RTAGS GZHAN YANG BSGRUB BYA'I CHOS SNGA MA LA RTAGS NI 'DOD PA'I DBANG GIS SKYE 'GAG BYED PA'I PHYIR, KHYAB PA YOD PAR THAL, PHYI ROL GYI DON YIN NA 'DOD PA'I DBANG GIS SKYE BA DANG 'GAG PAR RIGS PA MA YIN PA'I PHYIR, NGA'O SNYAM DU 'DZIN PA'I BYED PA PO'I SKYES BUR 'DOGS PA'I GZHI 'DZIN RNAM YIN KYANG RTOG PAS BSDUS PA'I GZUNG RNAM YANG DE DANG GRUB DE RDZAS GCIG PAS BDAG TU 'DZIN PA'I GZHIR GYUR PA YIN TE, RTAGS SNGA MA'I DON BSDUS NA NANG DU 'DZIN CHAR GSAL BA'I PHYIR, CES PA'I DON TO, ,GNYIS PA NI, BLO YIN NO ZHE NA, BLO YIN NA NI NANG DU 'DZIN CHAR GSAL BA 'DIR 'GYUR BA YIN DGOS NA ZHES GNAS TSOD RJES SU BRJOD NAS 'GAL BA STON TE, 'DI THAL BA 'OG MA'I KHYAB SGRUB TU YANG SBYAR RO, ,DE CHOS CAN, YUL LA RGYUN 'JUG TU ZIN KYANG NANG DU 'DZIN PA'I CHAR GSAL BA MA YIN PAR THAL, MNGON SUM MA YIN PA LKOG TU GYUR PA DE NI YIN PA'I PHYIR, KHYAB PAR THAL, NANG DU 'DZIN CHAR GSAL BA'I DON YANG LKOG GYUR DE LTAR GYUR BA MA YIN DGOS PA'I PHYIR, THAL BA GONG MA LA KHYAB PA YOD PAR THAL, BLO YIN NA 'DZIN CHAR GSAL BA YIN DGOS, DE YIN NA MNGON GYUR YIN DGOS PA'I PHYIR, YANG NA GZHUNG PHYI MA 'DI'I DON 'DI BZHIN DU BSHAD DE, GSAL BAR SNANG BA 'DI GZUNG BYA'I DON YIN NO ZHE NA,

, ,DE MI RIGS PAR THAL, 'DOD PA'I DBANG GIS SKYE 'GAG BYED PAR GSAL BA'I PHYIR, KHYAB PA YOD PAR THAL, GZUNG BYAR GSAL BA'I DON KYANG 'DOD PA'I DBANG GIS SKYE 'GAG BYED PA DE LTAR GYUR PA MA YIN PA'I PHYIR, GSUM PA NI, BLO YANG MA YIN NO ZHE NA NI, NYAMS SU MYONG BA'I BDAG NYID KYI RNAM PAR RTOG PA NI CHOS CAN, MED PAR 'GYUR BAR THAL, DON DANG SHES PA GANG YANG MA YIN DE MA YIN PA'I DON GZHAN 'GA' ZHIG DANG RJES SU 'BREL BA DER YANG BZHAG NUS PA MA YIN PA'I PHYIR, 'DOD PA LA GNOD PA BSTAN PA NI, 'DOD MI RIGS PAR THAL, DON SPYI DANG BRJOD PA'I SPYI 'DRES RUNG 'DZIN PA'I RJES SU BYED PA'I PHYIR, GNYIS PA NI, BDE BA DANG SDUG BSNGAL LA SOGS PA MYONG BA DE YANG CHOS CAN, LKOG GYUR DU THAL, BLO YIN PA'I PHYIR, KHYAB PA KHAS BLANGS SO, ,THAL BA SNGA MA RNAMS KYI RTAGS BSAL KHAS BLANGS PA'I TSUL YANG RTOGS PAR SLA'O, ,'DOD NA DE LAS TE KHYOD MYONG BA LAS RANG RGYUD LA PHAN PA DANG GNOD PAR MI 'GYUR BAR THAL, LKOG TU GYUR PA'I PHYIR SKYES BU GZHAN GYIS BDE SDUG MYONG BA BZHIN NO, ,GSUM PA LA GNYIS, RANG RGYUD LA BLO TSAD MA GANG GIS GRUB DRI BA DANG, DRIS PA'I LAN DGAG PA'O, ,DANG PO NI, BLO 'DI DAG RANG RGYUD LA YOD PA MNGON SUM GYIS SHES PA MA YIN NA BDAG NYID LA BLO YOD PAR TSAD MAS RTOGS PAR YANG JI LTAR 'GYUR TE MI 'THAD PAR THAL, MNGON SUM GYIS SHES PA MA YIN RJES SU DPAG PAS KYANG SHES PA MA YIN PA'I PHYIR, RTAGS SNGA MA KHAS BLANGS SO, ,GNYIS PA LA GNYIS, PHYOGS MA DANG, DES SUN DBYUNG BA'O, ,DANG PO NI, SPYOD PA PA NA RE, SNGON PO LA SOGS

PA'I DON MA SHES PAR BLO MI 'GRUB PAS NA DON DE SHES PAS NA STE DON MTHONG BA'I RTAGS LAS BLO YOD PAR GRUB PAS RANG RGYUD LA BLO YOD PA RJES SU DPAG PA LAS KHONG DU CHUD PA YIN NO ZHE NA, GNYIS PA LA GNYIS, SPYOD PA PA BLUN POR BSTAN PA DANG, SGRUB BYED GZHAN DGAG PA'O, ,DANG PO NI, 'JIG RTEN GYI MDUN DU KHO BO RGYAL LO ZHES RGYAL BA'I SGRA BSGRAGS PA TZAM GYIS RANG GIS SMRAS PA'I DON YANG MI GO BA'I BLUN PO SPYOD PA PA RGYAL BA YIN PAR THAL, RGYU MTSAN GANG GIS 'DI SKAD SMRA BA'I 'GAL BA 'BA' ZHIG STON PA'I SPYOD PA PA'I TSIG LA YANG 'JIG RTEN NA RNA BA GTOD PAR BYED PA YOD PA'I PHYIR, 'GAL BA CI SMRAS ZHE NA, 'GAL BA SMRAS PAR THAL, DON SHES PA ZHES BYA BA BLO'I SGRUB PAR BYED PAR BKOD PA NI BLO'I MING GI RNAM GRANGS RTOGS PA STE SHES PA YIN KYANG DE MNGON SUM GYIS GRUB LA BLO NI MNGON SUM GYIS GRUB PA MA YIN NO ZHES ZER BA'I PHYIR, DES NA SPYOD PA PA BSNGAGS PAR 'OS PA'I SHES RAB CAN, LHA RNAMS DGA' BAR BYED PA YIN, ZHES PA BSTING PA'I TSIG STA, BSNGAGS PAR BYA ZHING BSTOD PAR 'OS PA DER 'DUG ,SNGA PHYI DANG DNGOS SHUGS 'GAL BA DU MA SMRAS KYANG MKHAS PAR RLOM PA'I PHYIR RO, ,GNYIS PA LA GSUM, DBANG PO DANG DON RTAGS SU MI RUNG, YID RTAGS SU MI RUNG, YUL GSAL BA RTAGS SU MI RUNG BA'O, ,DANG PO NI, DON SHES PA NI BLO'I RTAGS MA YIN GYI 'ON KYANG DBANG PO DANG DON DAG YIN NO ZHE NA, MI 'THAD DE, DBANG DON CHOS CAN, RANG RGYUD LA BLO SGRUB PA'I RTAGS YANG DAG MA YIN PAR THAL, BLO LA MI 'KHRUL NA NI GTAN TSIGS YIN DU CHUG KYANG DE LA 'BREL PA MED PA'I PHYIR TE, 'BREL PA NGES BYED KYI TSAD MA MED PA'I PHYIR, GNYIS

, ,PA NI, YID RANG RGYUD LA BLO SGRUB PA'I RTAGS YIN NO ZHE NA, MI 'THAD DE YID DE YANG RIGS 'DRA GZHAN GYIS BAR DU MA CHOD PA'I SHES PA'I RGYUR GYUR PA RANG GI DE MA THAG PA'I SHES PA MYONG BA'I NGO BOR LAG RJES 'JOG PA'I DE'I DE MA THAG RKYEN DU GYUR PA'I RNAM PAR SHES PA SNGA MA NYID YIN PAR RIGS TE YID DE SGRA LA SOGS PA'I YUL GZHAN LA SEMS GTAD CING GZUGS LA DMIGS PA'I DBANG SHES BSKYED PA'I NUS PA NYAMS PAR GYUR NA YUL GZHAN GZUGS LA DMIGS PA'I DBANG PO'I SHES PA MI SKYE BA'I PHYIR RO, ,DE LTAR GYUR NA SKYON CI YOD CE NA, BLO'I DE MA THAG RKYEN YANG RANG RGYUD LA BLO SGRUB PA'I RTAGS YANG DAG MA YIN PAR THAL, BLO TSAD MAS MA GRUB PA'I SNGA ROL TU DE YANG MA GRUB PA'I PHYIR, GSUM PA LA GSUM, DON GSAL BYED RTAGS SU MI RUNG, GSAL BYA'I DON RTAGS SU MI RUNG, DES NA RANG BLO LKOG GYUR DU MI RUNG BA'O, ,DANG PO NI, RANG RGYUD LA BLO SGRUB PA'I RTAGS NI YUL GSAL BA YIN NO ZHE NA, DE 'DIS GSAL BAR BYED PA YIN NAM, 'DI GSAL BAR BYA BA YIN, DANG PO LTAR NA, DON GSAL BYED DE RANG RGYUD LA BLO SGRUB PA'I RTAGS YANG DAG MA YIN PAR THAL, BLO MA GRUB PA'I SNGA ROL TU BLO DE'I KHYAD PAR CAN DON GSAL BYED DE YANG MA GRUB PA'I PHYIR, DER THAL, DON GSAL BAR BYED PA DE NYID BLO MA YIN NAM STE YIN PA'I PHYIR, GNYIS PA NI, BLO SGRUB BYED GSAL BA NI BLO MA YIN TE, GSAL BYA DON GYI BDAG NYID YIN NO ZHE NA, PHYI ROL GYI DON DE CHOS CAN, RANG PHYOGS KYI CHOS SU GRUB PA'I GZHIR JI LTAR BLO'I GO BAR BYED PA YIN TE MA YIN PAR THAL, BLO DANG 'BREL PA MED PA'I PHYIR, DER THAL, BLO DANG

RDZAS THA DAD BLOS MA SKYED PA'I PHYIR, GSAL BYA'I DON DES GZHAN GYI BLO YANG RJES SU DPOG PAR THAL, RANG RGYUD KYI BLO DPOG PA GANG ZHIG RANG GZHAN GYI BLO LA 'BREL PA GRUB MA GRUB KYI KHYAD PAR MED PA'I PHYIR, DER THAL, PHYI ROL DON GYI BDAG NYID KYANG RANG GZHAN LA NYE RING GI KHYAD PAR MED PA'I THUN MONG BA YIN PA'I PHYIR, GSUM PA NI, DES NA RANG RGYUD LA BLO SGRUB PA'I GTAN TSIGS YANG DAG MED PAR THAL, RTAGS KYI MTSAN GZHI GRUB KYANG BLO DANG 'BREL PA MA GRUB PA'I PHYIR, DER THAL, 'BREL YUL BLO TSAD MAS MA GRUB PA'I PHYIR, THAL RTAGS PHAL CHER KHAS BLANGS SO, ,DES NA RANG RGYUD LA BLO YOD PA RTAGS LA BRTEN NAS RJES SU DPOG PA RIGS PA MA YIN TE, PHYOGS CHOS GRUB PA'I RTAGS GANG BKOD PA DE YANG BLO DANG 'BREL PA MED PA'I PHYIR, GSUM PA NI BLO LKOG GYUR DANG, DBANG SHES RTOG PA YIN PA LA NYES PA DU MAS GNOD PA DE'I PHYIR, DES NA DBANG SHES 'DI'I BRJOD BYA SGRA SPYI DANG 'DRES PA'I DON 'DZIN PA MED PA'I RTOG BRAL YANG MNGON SUM DU SNANG BA YIN TE, DE LTAR RANG RIG MNGON SUM LA SNANG BA'I PHYIR, DBANG BLO RTOG PA RANG BLO LKOG GYUR SOGS, ,RGOL BA NGAN PA'I GRUB MTHA' LTAR SNANG RNAMS, ,LEGS PAR 'JOMS MDZAD BDAG NYID CHEN PO'I GZHUNG, ,DGONGS PA JI BZHIN RIGS PA'I LAM NAS DRANGS, ,BAR SKABS KYI TSIGS SU BCAD PA'O, ,GNYIS PA SPYOD YUL LA LOG PAR RTOG PA BSAL BA LA GNYIS, DBANG PO'I MNGON SUM GYIS SGRA DON GZUNG YUL DU BYED PA DGAG PA RGYAS PAR BSHAD PA DANG, RANG MTSAN GZUNG YUL DU BYED PAR GRUB PA'I DON BSDU BA'O, ,DANG PO LA GNYIS, DBANG MNGON GYI GZUNG DON SGRA BYUNG SHES PA LA MI SNANG BA'I RTAGS KYIS DGAG PA DANG,

, ,DBANG SHES LA GZUNG YUL RJES 'GRO BYED PAR MI SNANG BA'I RTAGS KYIS DGAG PA'O, ,DANG PO LA GTUM, RTZA BA DANG, 'GREL PA DANG, DON BSDU BA'O, ,DANG PO NI, DBANG PO'I MNGON SUM DE NI CHOS CAN, RJOD BYED SGRA'I BDAG RKYEN TZAM LAS MTSAN NYID RDZOGS PAR RTOGS PAR BYAR MED PA'I DON RTOGS BYED YIN TE DON RTOGS BYED KYI SHES PA GANG ZHIG KHYOD LA SNANG BA'I DON DE KHYOD KYIS MTHONG BA BZHIN SGRA'I BDAG RKYEN TZAM GYIS BYUNG BA'I BLO LA SNANG BA MED PA'I PHYIR, RTAGS MA GRUB NA DBANG PO'I BYA BA MED DUS SAM YOD DUS KYI RTOG PA LA SNANG, DANG PO MI 'THAD DE, MIG GI DBANG PO'I BYA BA MED PA'I DUS KYI RTOG PA CHOS CAN, KHYOD LA SGRA YI BDAG RKYEN TZAM GYIS GZUGS KYI DON NI DBANG SHES KYIS MTHONG BA BZHIN SNANG BA MA YIN TE, YUL DUS 'DRES PA 'DZIN PA'I SHES PA YIN PA'I PHYIR, GNYIS PA MI 'THAD PA 'GREL PAR 'CHAD DO, ,SPYIR RANG MTSAN SGRA'I BRJOD BYA MA YIN PAR SMRA BA NI RANG TSIG 'GAL BA YIN PAS MI RIGS SHING, 'DIR BSTAN PA DANG, RNAM 'GREL DU SGRA YI YUL DANG YUL MIN PHYIR, CES PA'I SKABS SU BSTAN PA RNAMS DON 'DRA BAS, RJOD BYED SGRA'I BDAG PO'I RKYEN TZAM LA BRTEN NAS MTSAN NYID YONGS SU RDZOGS PA 'CHAR NUS KYI DE LAS GZHAN DU RANG GI SDOD LUGS THUN MONG MA YIN PA RTOGS PAR BYED PA'I RTOG MED KYI SHES PA GZHAN BTZAL MI DGOS PA SGRA'I YUL DANG DE LAS GZHAN PA'I DON SGRA'I YUL MA YIN PA ZHES BYA STE, RNAM 'GREL DU, RANG MTSAN SGRA'I BRJOD BYA YIN PA BKAG PA SOGS KYI DON YANG DE BZHIN DU SHES PAR BYA'O, ,RANG MTSAN DANG SPYI MTSAN SGRA'I DNGOS KYI BRJOD BYA YIN

MIN SOGS KYI KHYAD PAR 'BYED PA NI MA BRTAGS GCIG PUR NYAMS DGA' BA TZAM DU ZAD DO, ,GNYIS PA LA GSUM, DAM BCA' BRJOD PA DANG, SGRUB BYED DGOD PA DANG, DBANG MNGON GYI GZUNG DON SGRA BYUNG SHES PA'I RGYU MA YIN BZHIN DU GZUNG DON DU 'DOD PA DGAG PA'O, ,DANG PO NI, DBANG PO'I MNGON SUM DE NI CHOS CAN, RJOD BYED SGRA'I BDAG RKYEN TZAM GYIS MTSAN NYID RDZOGS PAR BRJOD DU MED PA'I YUL CAN YIN TE, KHYOD LA RANG MTSAN SNANG BA GANG ZHIG KHYOD LA SNANG BA'I DON DE KHYOD LA SNANG BA LTAR SGRA BYUNG SHES PA LA MI SNANG BA'I PHYIR, YANG GI SGRAS SNGAR BKAG PA LAS LOG RTOG GZHAN SEL BA'I DON TO, ,RTAGS MA GRUB CE NA, GNYIS PA LA GNYIS, DBANG PO'I BYA BA MED DUS KYI SGRA BYUNG LA MI SNANG BA DANG, YOD DUS KYI SGRA BYUNG LA MI SNANG BA'O, ,DANG PO NI, DBANG MNGON LA SNANG BA LTAR SGRA BYUNG GI SHES PA LA SNANG NA DBANG PO'I BYA BA MED DUS LA SNANG NGAM, YOD DUS LA SNANG, DANG PO MI 'THAD DE, MIG GI DBANG PO'I BYA BA MED PA'I DUS KYI RTOG PA CHOS CAN, DBANG PO'I MNGON SUM GYI GZUNG DON DE KHYOD KYI GZUNG YUL DU BYED PA MA YIN TE, DE DBANG MNGON GYIS MTHONG BA BZHIN DU SGRA'I BDAG RKYEN TZAM GYIS BLO KHYOD LA SNANG BA MED PA'I PHYIR RO, ,KHYAB PA YOD PAR THAL, GANG GI PHYIR NA SGRA LAS BYUNG BA'I SHES PA LA MI SNANG BA GANG YIN PA DE NI SGRA'I DON MA YIN PA'I PHYIR, DON NI DBANG SHES LA SNANG BA LTAR SGRA BYUNG SHES PA LA SNANG NA DE'I SNANG YUL DU 'GYUR LA SGRA BYUNG GI SNANG YUL YIN NA SGRA DON YIN DGOS PA'O, ,GZHUNG 'DIS 'OG MA DANG GNYIS KA'I KHYAB SGRUB STON PA YIN NO, ,SGRA BYUNG SHES PA'I SNANG YUL NYID NI CHOS CAN, DNGOS PO MA YIN TE RANG 'DZIN SHES PA LA 'DRES PAR SNANG GI

, ,GSAL BAR SNANG BA MI SRID PA'I PHYIR, GZUGS CHOS CAN, SGRA DON MA YIN TE, MTHONG BA DBANG SHES LA SGRA BYUNG LA SNANG TSUL LAS RNAM PA GZHAN DU MA 'DRES LA GSAL BAR SNANG BA'I PHYIR RO, ,BLO SO SO LA SNANG TSUL SO SO YIN KYANG DON GCIG YIN NO ZHE NA, DBANG SHES KYI GZUNG YUL DANG SGRA BYUNG SHES PA'I GZUNG YUL DON GCIG MA YIN PAR THAL, DON BYED NUS PA DANG MI NUS PA SO SOR NGES PA'I PHYIR, KHYAB PA YOD PAR THAL, DON GCIG PA DE NYID MA YIN PA'I RGYU MTSAN YANG DON BYED NUS MI NUS SO SOR NGES PA 'DI TZAM DU ZAD PA'I PHYIR RO, ,YANG NI GTAN TSIGS GZHAN SDUD PA'I DON TO, ,GNYIS PA NI, DBANG PO'I SHES PA YOD DUS KYI SGRA BYUNG GI SHES PA LA SNANG NGO ZHE NA, DBANG PO'I SHES PA YOD DUS KYI SGRA BYUNG GI SHES PA DE NI CHOS CAN, DBANG MNGON GYI GZUNG DON DE YOD KYANG DE'I BDAG NYID KHYOD KYI GZUNG DON DU BYAS NAS 'DZIN PA MA YIN TE, KHYED DE PHAN 'DOGS BYED DU YOD PA DANG MED PA'I RJES SU 'GRO BA DANG LDOG PA MI BYED PA'I PHYIR MTHUN DPE NI, DRI LA RO'I BLO BZHIN TE, RO 'DZIN CHOS CAN, DRI GZUNG DON DU MI BYED DE, DRI PHAN BYED DU YOD MED KYI RJES SU 'GRO LDOG MI BYED PA'I PHYIR, MI MTHUN DPE NI GZUGS LA MIG GI BLO BZHIN TE, GZUGS 'DZIN MIG SHES CHOS CAN, GZUGS PHAN BYED DU YOD MED KYI RJES SU 'GRO LDOG BYED PAR THAL, DE GZUNG DON DU BYED PA'I PHYIR, DPE LA LDOG 'BREL BSTAN PA TZAM YIN GYI SGRUB BYED BKOD PA NI MA YIN NO, ,RTAGS KYI RNAM GRANGS GZHAN BSTAN PA NI SGRA BYUNG SHES PA CHOS CAN, DBANG MNGON GYI GZUNG DON YOD KYANG KHYOD KYI GZUNG DON DU BYAS NAS 'DZIN PA MA YIN TE, KHYOD LA YUL SNANG BA GANG ZHIG ,SHES BYA LA MED PA'I

DON SNANG BA DANG SNANG TSUL KHYAD PAR MED PA'I PHYIR, SHES BYA CHOS CAN, SGRA BYUNG LA SNANG BA DE DANG SNANG TSUL KHYAD PAR MED PAR THAL, DNGOS PO MED KYANG SGRA LAS BYUNG BA'I SNANG BA MI NYAMS PAR DON SPYI TZAM ZHIG SNANG BA'I PHYIR, GSUM PA NI, DBANG MNGON GYI GZUNG DON SGRA BYUNG SHES PA'I RGYU MA YIN KYANG GZUNG DON YIN PA LA 'GAL BA CI YOD RTOG PA LA RANG MTSAN SNANG BAR KHYED KYIS KHAS BLANGS PA'I PHYIR RO, ZHE NA, GZUNG 'DZIN DBANG PO'I SHES PA'I GZUNG YUL NI CHOS CAN, GZUNG 'DZIN DBANG SHES KYI GZUNG DON YIN PA'I SGO NAS RGYU YIN TE, DE LA RANG 'DRA'I RNAM PA DNGOS SU GTOD PAR NUS PA'I PHYIR, DE CHOS CAN, SGRA BYUNG SHES PA'I RGYU MA YIN PAR THAL, DE LA PHAN BYED DU YOD MED KYI RJES SU 'GRO BA DANG LDOG PA'I RJES SU MI BYED PA'I PHYIR, THAL BA KHAS BLANGS KYIS GRUB MOD KYI GNOD PA 'OG MA BSTAN PA'I TSAD DU BRJOD DO, ,'DOD NA, SGRA BYUNG SHES PA'I GZUNG DON GYI SGO NAS YUL MA YIN PAR THAL, DE'I RGYU MA YIN PA'I PHYIR, GSUM GA KHAS BLANGS SO, ,GSUM PA NI, SGRA LAS BYUNG BA'I RNAM PAR RTOG PA NI CHOS CAN, DNGOS PO'I GZUNG YUL CAN MA YIN TE, DBANG PO'I BYA BA YOD MED KYI DUS KUN TU DNGOS PO GZUNG DON DU MI BYED PA DE'I PHYIR, GNYIS PA LA GNYIS, RTAGS DGOD PA DANG, DE SGRUB PA'O, ,DANG PO NI, DBANG PO'I MNGON SUM GYI GZUNG DON NI CHOS CAN, SGRA BYUNG SHES PA'I GZUNG YUL MA YIN TE, RANG 'DZIN DBANG PO'I SHES PA LA YUL DUS GZHAN DU RJES SU 'GRO BA DANG LDAN PAR SNANG BA YANG MA YIN CING MA 'DRES PAR SNANG BA'I PHYIR, KHYAB PA YOD PAR THAL, GANG LAS TE GANG GI PHYIR DON GANG LA BRDA DUS SU SGRA DANG 'BREL BAR MTHONG BA DE NYID THA SNYAD KYI TSE YUL DUS 'DRES PAR

, ,SNANG BA'I SGO NAS RTOGS PAR 'GYUR BA YIN PA'I PHYIR, DER THAL, BRDA DUS SU, SGRA SBYAR BA'I DGOS PA YANG THA SNYAD KYI DUS SU NGON RTOGS PAR BYA BA'I PHYIR YIN LA DE LA DUS GNYIS KAR DU RJES 'GRO BYED PA DANG, DE LTAR SNANG BA DGOS PA'I PHYIR, DBANG MNGON GYI GZUNG DON YIN NA YUL DUS GZHAN DU RJES 'GRO MI BYED PA GZHUNG 'DIS BSTAN PAR 'DOD PA NI HA CANG RNAM PAR MA BRTAGS PA YIN TE, RIGS PA DU MA DANG 'GAL BA'I PHYIR RO, ,GZHUNG 'DI DAG MNGON SUM GYI SPYOD YUL LA LOG RTOG SEL BAR 'THAD LDAN DU BSHAD LA, DE YANG SGRA DON DNGOS PO YIN PA 'GOG PA YIN TE, DE DNGOS PO YIN NA DBANG MNGON LA YANG YUL DUS 'DRES PAR SNANG DGOS PA LA DE MED PAS BKAG PAR SHES PAR BYA'O, ,DBANG SHES 'BA' ZHIG RTOG BRAL DU SGRUB PA NI MDO MDZAD PAS GSUNGS PA'I RIM PA LTAR YIN PA 'THAD LDAN DU BSHAD LA, MNGON SUM GZHAN LA YANG GO NUS PA DANG LOG RTOG SHAS CHE BAS KYANG YIN NO, ,GNYIS PA LA GNYIS, SPYI GSAL RDZAS GCIG PA DGAG PA DANG THA DAD PA DGAG PA'O, ,DANG PO LA GNYIS, RTZA BA DANG, 'GREL PA'O, ,DANG PO NI, DBANG SHES LA RANG GI GZUNG YUL RJES 'GRO BYED PAR MI SNANG BA'I RGYU MTSAN 'DI LTAR DBANG PO'I MNGON SUM CHOS CAN, KHYOD LA GSAL BA RNAMS YUL DUS GZHAN DU RJES 'GRO BYED PAR MI SNANG STE, DE SNANG NA BRDA DUS KYI DON RANG MTSAN THA SNYAD KYI DUS SU RJES SU 'GRO BA'AM GNYIS GA LA RJES SU 'GRO BA'I SPYI DON GZHAN GANG RUNG YOD DGOS PA GANG ZHIG DE GNYIS GANG YANG MI 'THAD PA'I PHYIR, SNGA MA MI 'THAD PAR THAL, BRDA'I DUS GCIG TU MTHONG BA'I KHYAD PAR RANG MTSAN NI THA SNYAD KYI DUS GZHAN 'GA' ZHIG TU RJES 'GRO BYED PA

TSAD MAS MA MTHONG BA'I PHYIR, DBANG SHES LA BA GLANG BRDA DANG THA SNYAD KYI DUS GNYIS KA LA RJES 'GRO BYED PAR SNANG NA DBANG MNGON GZUNG YUL LA MA 'KHRUL BAS CHA CAN SNANG BA MI SRID LA, DE LTA NA BRDA DANG THA SNYAD KYI DUS KYI DON GNYIS GCIG TU 'DRE BA'AM, YANG NA DE GNYIS LA RJES SU 'GRO BA'I SPYI DON GZHAN GCIG NGES PAR DGOS PA YIN NO, ,GNYIS PA NI, DON BYED NUS PA'I GSAL BA'I BDAG NYID RNAMS NI CHOS CAN, KHYED RNAMS RANG 'DZIN DBANG PO'I MNGON SUM LA PHAN TSUN RJES SU 'GRO BAR SNANG BA MA YIN TE, KHYED RNAMS 'BRAS BU BSKYED PA'I NUS PA DANG SHES PA LA YOD PA'I SNANG BA'I TSUL DANG, SKYE GNAS 'JIG PA LA SOGS PA THA DAD PA'I PHYIR RO, ,DE LA NUS PA NI, GSAL BA RNAMS KYI SREG PA LA SOGS PA'I DON BYED NUS PA'I DNGOS PO'I GNAS TSOD MI 'DRA BAR BSTAN PA YIN LA SNANG BA THA DAD PA NI, SHES PA LA YOD PA'I SNANG TSUL MI 'DRA BA'I GZUNG RNAM THA DAD PA BSNGAN [?] PA YIN TE, MDOR NA SNGA MAS RNAM PAR BZHAG BYA DNGOS PO RNAMS KYI YOD TSUL BSTAN LA, PHYI MAS DE 'JOG BYED KYI TSAD MA BSTAN PA YIN NO, ,SNGA MA KHA CIG ,DE LAS GZHAN DU BSHAD NAS SLOB DPON CHOSE MCHOG LA DGAG PA BYAD PA NI GZHUNG DON LEGS PAR MA RTOGS PA'O, ,GNYIS PA LA GNYIS, SPYI DON GZHAN SNANG RUNG MA DMIGS PAS DGAG PA DANG, YOD KYANG SNANG DU MI RUNG BA'I LAN DGAG PA'O, ,DANG PO LA GNYIS, RTZA BA DANG, 'GREL PA'O, ,DANG PO NI, GSAL BA DE LAS RDZAS THA DAD PA'I SPYI GZHAN NI YOD PA MIN TE, SPYI GSAL RDZAS THA DAD PA'I RNAM PA CAN GYI DBANG BLO MED PA'I PHYIR, SPYI GSAL RDZAS THA DAD DU 'DOD PA BYE BRAG PA'I LUGS YIN TE, BA GLANG NYID CES PA'I SPYI DKAR ZAL LA RJES SU 'GRO BA DE NYID NAG SGUR LA YANG RJES

, ,SU 'GRO BA'I CHA MED DU KHAS LEN PA YIN NO, ,SPYI GSAL RDZAS GCIG TU 'DOD PA GRANGS CAN GYI LUGS YIN TE, DNGOS SU MTHONG BA'I BA GLANG RNAMS GSAL BA DANG RNAM 'GYUR YIN LA, SPYI NI GSAL BA'I RANG BZHIN DANG GTZO BOR 'DOD DE, DKAR ZAL GYI RANG BZHIN DANG NAG SGUR GYI RANG BZHIN CHA MED GCIG TU 'DOD PA YIN TE, RGYAS PAR SHES 'DOD NA, RNAM 'GREL GYI RNAM BSHAD DU BRIS YOD PAS DER BLTA BAR BYA'O, ,GNYIS PA NI, GSAL BA GANG LA 'DI BA GLANG ZHES GCIG GI SPYI SGRA 'JUG PAR 'GYUR BA'I RGYU BA GLANG GI GSAL BA'I BDAG NYID RNAMS LAS RDZAS THA DAD PA'I SPYI MED DE, GSAL BA RNAMS LA RJES SU 'GRO BA'I SPYI DON GZHAN NI TSAD MAS MA MTHONG BA'I PHYIR RO, ,MDOR NA, SPYI RDZAS GZHAN MED DE, YOD NA DMIGS SU RUNG BA LAS MA DMIGS PA'I PHYIR CES PA'O,, KHYAB PA YOD PAR THAL, YOD NA SNANG RUNG GI DON RDZAS THA DAD PA NYID LA NI DMIGS BYED KYI BLO RDZAS THA DAD PA'I RNAM PA CAN SKYE BAR MTHONG BA'I PHYIR, DPER NA, BCING BYA 'BYUNG PO DU MA DANG 'CHING BYED MGUL CHINGS ME TOG GI 'PHRENG BA DBYANGS PA'I THA GU GCIG GIS BCINGS PA BZHIN NO, ,LDOG KHYAB DPE LA BSTAN PA'O, ,DE SGRUB PA NI, DMIGS RUNG GI RDZAS THA DAD DU YOD NA DE LTAR DMIGS DGOS PAR THAL, DON DE DMIGS BYED RDZAS THA DAD PA'I RNAM PA CAN MED KYANG DON RDZAS THA DAD PAR RTOG NA NI HA CANG THAL BAR 'GYUR BA'I PHYIR, DE BSHAD PA NI THAMS CAD KYI BDAG NYID LA STE GZHI GANG LA YANG GCIG TU NGES PAR BYED PA'I TSAD MA MED PAR THAL, YOD NA SNAD RUNG THA DAD DU MA DMIGS PAS THA DAD MED PAR MI 'GRUB PA'I PHYIR, 'DOD NA, 'GRO BA SHES BYA 'DI LA GCIG YIN PA MA GRUB PAR THAL, GZHI GANG LA YANG

GCIG TU NGES PA MED PA'I PHYIR, BUM SNAM LTA BU GZHI GANG YANG DU MAR GRUB PAR MI 'GYUR BAR THAL, SNANG RUNG TSAD MAS THA DAD PAR MA RTOGS PAS THA DAD MED PAR MI 'GRUB CING RDZAS THA DAD DU GNAS PA YOD PA'I PHYIR, GNYIS PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, BYE BRAG PA NA RE, YOD NA SNANG RUNG GI THA DAD MA DMIGS NA MED NGES SU GRUB PA RIGS PA DE LTA MOD KYI SPYI RDZAS GZHAN MNGON SUM LA SNANG DU ZIN KYANG RDZAS THA DAD DU NGES SHES 'DREN NUS KYI TSUL GYIS MA RTOGS PA'I PHYIR, RDZAS THA DAD PAR NGES PAR MI 'GYUR BAS SKYON MED DO ZHE NA, BYE BRAG PA BA GLANG GI GSAL BA RNAMS LA BA GLANG DO SNYAM PA'I BLO DANG BA GLANG ZHES PA'I SGRA 'JUG PA SPYI RDZAS GZHAN DBANG SHES KYIS MTHONG BA'I SGO NAS 'JUG PAR RTZA BA'I GRUB MTHA' LA 'DOD PA YIN PAS RDZAS THA DAD YOD BZHIN DU MI RTOGS PA LA 'GAL BA STON PA YIN NO, ,BYE BRAG PAS YOD PA NYID CES PAS SPYI CHEN MO DANG, BA GLANG NYID LA SOGS PA'I SPYI RDZAS GZHAN DANG CHA MED DU KHAS BLANGS PA YIN GYI DE DAG SPYI CHA BCAS SU 'DOD SNYAM PA NI GRUB MTHA'I RGYUS CUNG ZAD KYANG MED PAR GSAL LO, ,SPYI GSAL RDZAS GCIG PA GRANGS CAN GYI LUGS LA YANG CHA MED YIN NO, ,DNGOS PO DANG BUM PA RDZAS GCIG PA SPYI GSAL RDZAS GCIG PA'I DON DU BYAS NAS DE LA DGAG PA BYED PAR 'DOD PA NI CHOS KYI GRAGS PA'I RIGS PA'I RJES SU 'BRANG BAR RLOM PA LA DE LAS LOG RTOG GI THA CHAD PA BTZAL YANG RNYED PAR DKA'O, ,GNYIS PA LA GNYIS, RTZA BA DANG 'GREL PA'O, ,DANG PO NI, BSHAD MA THAG PA'I LAN DE NI MI RIGS TE GANG GI PHYIR NA SPYI RDZAS GZHAN YOD BZHIN DU MI RTOGS PA MIN PAR THAL, SPYI RDZAS GZHAN BLO YUL DU SONG BA DE LAS GSAL BA GZHAN LA 'DI'O SNYAM PA'I BLO DANG NI

, ,MI RTOGS PA, SGRA 'JUG DGOS PA YIN PA'I PHYIR, GNYIS PA NI, SPYI DON GZHAN BLO YUL DU SONG BA LA MA LTOS PAR BLO DANG SGRA RJES SU 'GRO BA LA MI BRTEN PA'I KHYAD PAR GSAL BA 'DI RNAMS CHOS CAN, KHYOD LA RJES SU 'GRO BA'I SPYI DON GZHAN YOD BZHIN DU CI LTAR MI RTOGS ZHES BYE MI RIGS PAR THAL, SPYI DON GZHAN MNGON SUM GYIS MTHONG BA'I STOBS KYIS KHYOD LA SGRA BLO RJES SU 'GRO BA YIN PA'I PHYIR, SNGA PHYI KUN GYI RTAGS BSAL KHAS BLANGS SO, ,KHYAB PA YOD PAR THAL, RGYU MTSAN GANG LAS GANG LA SGRA DANG BLO 'JUG PA'I RGYU MTSAN DE MA RTOGS PAR NI RGYU MTSAN CAN DE DE LTAR RTOGS PAR MI 'GYUR BA'I PHYIR, DPER NA KHYAD PAR DU BYED CHOS DBYIG PA MA RTOGS PAR KHYAD PAR DU BYAS GZHI DBYIG PA CAN MI RTOGS PA LA SOGS PA BZHIN NO, ,GNYIS PA LA GNYIS, RTZA BA DANG 'GREL PA'O, ,DANG PO NI, DBANG PO LAS SKYES PA'I BLO MA 'KHRUL BA THAMS CAD CHOS CAN, KHYAD PAR RANG MTSAN GYI YUL CAN NYID YIN TE, DBANG SHES GANG ZHIG ,DNGOS MED GSAL SNANG DANG, SPYI MTSAN GZUNG YUL DU MI BYED PA DE'I PHYIR, GNYIS PA NI, DBANG PO'I SHES PA DE LA SPYI DON GZHAN MI SNANG BA'I PHYIR DANG, GSAL BA RNAMS KYANG PHAN TSUN RJES SU MI 'GRO BA'I PHYIR, DBANG PO'I BLO MA 'KHRUL BA NI CHOS CAN, SGRA'I BDAG RKYEN TZAM GYIS MTSAN NYID RDZOGS PAR RTOGS PA'I TSUL GYIS BRJOD DU MED PA'I DNGOS PO'I RANG BZHIN KHYAD PAR RANG MTSAN NYID MNGON SUM DU GZUNG YUL DU BYED PA YIN TE, KHYOD LA ZHES SNGA MA RTAGS SU SBYOR RO, ,GSUM PA DBANG SHES RTOG BRAL DANG BRJOD BRAL DU BSTAN PA LA RTZOD PA SPANG BA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, SPYOD PA PA

SOGS NA RE, DBANG PO'I MNGON SUM RTOG MED DU KHAS LEN PA'O NANG NI DBANG PO'I MNGON SUM MA NGES PA'I BDAG NYID DE, DON GANG YANG MA NGES PAR THAL, RTOG MED YIN PA'I PHYIR, 'DOD NA KHYOD LAS JI LTAR 'JUG LDOG GI THA SNYAD DU 'GYUR TE MI 'GYUR BAR THAL, DON GANG 'DI'O ZHES BYA BAR NGES NA NI, DE LAS BDE BA DANG SDUG BSNGAL GYI SGRUB PAR BYED PA DEG RIM PA BZHIN DU 'THAD PA DANG SPONG BA'I DON DU 'JUG PA'I PHYIR RO, ZHE NA, GNYIS PA LA GNYIS, RTZA BA DANG, 'GREL BA'O, ,DANG PO NI, NGES SHES MA YIN NA YUL LA 'JUG LDOG GI RGYUR MI 'GYUR BA'I SKYON 'DI NI MED DE GANG GI PHYIR NA, NGES SHES MA YIN KYANG DE LAS 'JUG LDOG GI THA SNYAD DU 'GYUR BA'I PHYIR, DBANG PO'I MNGON SUM CHOS CAN, KHYOD NGES SHES MA YIN KYANG KHYOD LA BRTEN NAS YUL LA 'JUG LDOG GI THA SNYAD RAB TU 'JUG PA YIN TE, THOB PA DANG SPONG BAR MNGON PAR 'DOD PA YI RGYU BYAS PA LAS 'GYUR BA'I PHYIR, MNGON PAR 'DOD PA DE CHOS CAN, RGYU MED DANG MI MTHUN PA'I RGYU LAS BYUNG BA MA YIN TE, BDE SDUG GI SGRUB BYED DANG BCAS PAR MYONG BA'I DON DRAN PA LAS BYUNG BA'I PHYIR, DRAN PA DE YANG CHOS CAN, BSGRUB BYA'I CHOS SNGA MA LA, RTAGS NI BDE SDUG GI SGRUB BYED DANG BCAS PAR MYONG BA'I BAG CHAGS BZHAG PA'I MTHU LAS BYUNG BA YI PHYIR RO, ,BAG CHAGS SAD PA'I RKYEN DANG 'JUG LDOG GI THA SNYAD KYI YUL MED PA MA YIN TE, SNGAR MTHONG BA'I DON DANG RIGS 'DRA'I DON DE MTHONG BA NYID NA RIGS 'DRA MTHONG BA RNAMS LA THA SNYAD DU 'GYUR BA'I PHYIR, GNYIS PA NI, DBANG PO'I MNGON SUM CHOS CAN, NGES SHES MA YIN PAR DON LA BLTA BA TZAM YIN KYANG KHYOD

, ,LA BRTEN NAS 'JUG LDOG GI THA SNYAD DU 'GYUR BA YIN TE, SNGAR GYI DON DE DANG RIGS 'DRA BA'I DEN DE MTHONG BA NYID NA YUL LA BLANG BYAR MNGON PAR 'DOD PA DANG CIG SHOS DOR BYAR MNGON PAR 'DOD PA DAG GI RGYU BYAS PA'I SGO NAS 'JUG LDOG GI THA SNYAD DU 'GYUR BA'I PHYIR, MNGON PAR 'DOD PA DE DAG CHOS CAN, RGYU MED DANG MI MTHUN PA'I RGYU LAS BYUNG BA MA YIN TE, SNGAR MTHONG BA'I DON DANG RIGS 'DRA MTHONG BA RNAMS LA BDE SDUG SGRUB BYED DANG BCAS PA GSAL POR MYONG BA SNGA PHYI MTSAMS SBYOR BA'I DRAN PA LAS 'BYUNG BA'I PHYIR, DRAN PA DE YANG CHOS CAN, BSGRUB BYA'I CHOS SNGA MA LA, RTAGS NI, SNGAR BDE SDUG GI SGRUB BYED DANG BCAS PA GSAL POR NYAMS SU MYONG BA'I MTHU LAS BYUNG BA YIN PA'I PHYIR, BDE SDUG SGRUB BYED KYI NGO BO DANG NUS PA GANG YANG MA NGES NA, BAG CHAGS SAD PA DANG 'JOG PA YANG MI 'THAD DO ZHE NA, DBANG PO'I MNGON SUM CHOS CAN, KHYOD NGES SHES MA YIN NA BDE SDUG SGRUB BYED DANG BCAS PA DRAN PA'I BAG CHAGS 'JOG PA MI 'THAD PA'I SKYON MED DE, BDE SDUG GI RGYU NGES SHES 'DREN NUS KYI TSUL DU GSAL BAR KHYOD KYIS NYAMS SU MYONG BA LAS DRAN PA'I SA BON 'JOG PA GANG YIN PA 'DI NI DNGOS PO'I STA RTEN 'BREL GYI CHOS NYID YIN PA'I PHYIR, DE CHOS CAN, NGES SHES MA YIN NA 'JUG LDOG GI THA SNYAD DU 'GYUR BA'I BAG CHAGS SAD PA'I RKYEN BYED PA MI 'THAD PA MA YIN PAR THAL, KHYOD NGES SHES MA YIN KYANG SNGAR MTHONG BA'I DON DE DANG 'DRA BA KHYOD KYIS MTHONG BA LAS BAG CHAGS 'DI SAD PA'I RKYEN BYAS NAS THOB PA DANG SPONG BAR MNGON PAR 'DOD PA'I BAG CHAGS 'BRAS BU BSKYED PA LA MNGON DU PHYOGS PA'I TSUL GYIS 'JUG CING MNGON 'DOD DE LAS

KYANG 'JUG LDOG GI THA SNYAD 'JUG PA YIN PA'I PHYIR, DBANG PO'I MNGON SUM GYI MTSAN NYID RGYAS PAR GTAN LA PHAB PA'I DGOS PA NI, THAR PA DANG THAMS CAD MKHYEN PA'I LAM 'BRAS BU DANG BCAS PA DNGOS PO STOBS ZHUGS KYI RJES DPAG GIS SGRUB PAR BYED PA'I GTAN TSIGS KYI TSUL GYI RTZA BA DBANG PO'I MNGON SUM DANG RANG RIG MNGON SUM LA THUG CING 'DI SKYON MED CIG GTAN LA MA PHEBS NA, MNGON PAR 'DOD PA'I DON CHEN PO RIGS PAS NGES PAR BYED PA'I RTZA BA CHAD PA LTAR 'GYUR BAS 'DI LA SHIN TU MKHAS PAR BYA'O, , RIGS PA'I BSTAN BCOS 'DIR YANG THAR PA DANG THAMS CAD MKHYEN PA BSGRUB BYAR BYAS NAS DE'I SGRUB BYED 'DI LA BAR MA CHAD PAR THUG PA'I TSUL GTAN LA 'BEBS PA YIN NO, ,GANG ZHIG BLUN SGOM BYED PA DE DAG LA, ,SHING RTA CHEN PO'I GZHUNG LUGS MI DGOS KYANG, ,MKHAS MANG RIGS PA'I LAM GYIS BGROD BYED CING, ,TSUL BZHIN SGRUB PA DE DAG CHED DU BSHAD, ,BAR SKABS KYI TSIGS SU BCAD PA'O, ,GNYIS PA YID KYI MNGON SUM LA GNYIS, SPYI'I DON DANG, YAN LAG GI DON TO, ,DANG PO NI, KHA CIG MDZOD LAS DRUG PO 'DAS MA THAG PA YI, ,RNAM SHES GANG YIN DE YID DO, ZHES PA'I DON YID DBANG YIN NA, 'DAS PA YIN PAS KHYAB PA BSTAN PAR BSAMS NAS, 'DAS PA LAS 'DAS PA MI SKYE BA'I PHYIR, YID DBANG LAS YID DBANG MI SKYE BAS YID KYI MNGON SUM LA RIGS 'DRA'I RGYUN MED CING, DBANG MNGON SKAD CIG BCU SKYE BA'I TSE YID MNGON KYANG DE DANG GRANGS MNYAM DU SKAD CIG BCU SKYE LA, SNGON DU DBANG MNGON SKAD CIG GCIG SKYE BA DES YID MNGON SKAD CIG DANG PO'I DE MA THAG RKYEN BYED LA, DBANG MNGON SKAD CIG BCU PA DANG, YID MNGON

, ,SKAD CIG DGU PA DUS MNYAM ZHING, DE'I RJES SU YID MNGON SKAD CIG GCIG SKYE LA, DE DAG KYANG DNGOS STOBS KYI RIGS PAS GRUB PAR BZHED PA DAG KYANG 'THAD PAR MI SEMS TE, BDAG RKYEN GYIS DON BYED MI NUS PA DE 'DRA BA SDE BDUN 'GREL PA DANG BCAS PA KHUNGS MA GANG NAS KYANG MA BSHAD CING, RIGS PAS KYANG MI 'THAD PA'I PHYIR RO, ,MDZOD KYI GZHUNG 'DI'I DON YANG 'JUG PA'I RNAM PAR SHES PA RANG DUS NA 'DAS MA THAG PA'I YID BDAG RKYEN DU STON PA YIN GYI, YID DBANG YIN NA 'DAS PAS KHYAB PAR STON PA MIN NO, ,GZHAN YANG YID KYI MNGON SUM CHOS CAN, YID KYI RNAM PAR SHES PA MA YIN PAR THAL, KHYOD LA KHYOD RANG GI BDAG RKYEN GYIS BSKYED PA'I BYA BA CUNG ZAD KYANG MA BYAS PA'I PHYIR MA GRUB NA YID DBANG YIN NA 'DAS PA YIN PAS KHYAB PA'ANG NYAMS SO, , KHYAB PA MED NA, DBANG PO'I RNAM PAR SHES PA LA YANG RANG GI BDAG RKYEN GYIS BYA BA CI YANG MA BYAS PAR MTSUNGS SO, ,KHA CIG RGYAN MKHAN PO'I LUGS SU BYAS NAS DON NYE BA YUL DU BYED PA'I 'DI'O SNYAM PA'I NGES SHES KYI KHYAD PAR 'GA' ZHIG YID KYI MNGON SUM DU 'DOD PA YANG, SGRA RTOG SGRUB 'JUG TU 'DOD PA LA, PHAR LA 'PHANGS PA'I GNOD PA THAMS CAD RANG NYID LA 'JUG PAR 'GYUR ZHING, DE DAG LA TSAD MA'I BSAL BA CUNG ZAD KYANG BSTAN DU MED PAR 'GYUR RO, ,DES NA SLOB DPON CHOS MCHOG GI BZHED PA 'BA' ZHIG 'THAD PAR SEMS TE, DE LA RKYEN GSUM NGOS GZUNG BA DANG, NGES BYED KYI TSAD MA DANG, DE LA RTZOD PA SPANG BA'O, ,DANG PO NI, GZUGS 'DZIN DBANG PO'I MNGON SUM LTA BU, SKYE THEBS GCIG GI DBANG MNGON SKAD CIG THA MA DE LA YOD PA'I YID MNGON

RANG DBANG DU BSKYED PA'I CHA BDAG RKYEN DANG, MYONG BAR BSKYED PA'I CHA DE MA THAG RKYEN YIN PAS RDZAS GCIG LA LDOG PA 'GAL BA YIN NO, ,DBANG MNGON THA MA DE'I GZUNG DON GYI RIGS 'DRA SKAD CIG GNYIS PA NI, YID MNGON DE'I DMIGS RKYEN YIN NO, ,DES NA, DBANG MNGON RDZOGS PA'I RJES DER YID MNGON DUS KYI THUNG BA'I MTHAR THUG PA'I SKAD CIG MA GCIG SKYE BA YIN NO, ,'O NA DBANG PO'I MNGON SUM LNGA DUS GCIG TU 'GAGS PA'I TSE YID MNGON LNGA CIG CAR DU SKYE 'AM, GCIG KHO NA SKYE, DANG PO LTAR NA GANG ZAG GCIG RGYUD DU MAR 'GYUR LA, PHYI MA LTAR NA, 'BRAS BU'I 'PHEL 'GRIB, RGYU'I 'PHEL 'GRIB KYI RJES SU MI BYED PAR 'GYUR RO ZHE NA, PHYOGS DANG PO KHAS MI LEN LA, GNYIS PA LTAR NA YANG SKYON MED DE, DBANG MNGON GYI GZUNG DON GYI SKAD CIG GNYIS PA LA GTOD PAR BYED PA'I YID GCIG LAS MED PAS YID KYI MNGON SUM DU MA CIG CAR DU MI SKYE'O, ,GNYIS PA NI, SLOB DPON CHOS MCHOG GIS 'THAD LDAN DU, GRUB PA'I MTHA' LAS GRAGS PA'I MING GIS THA SNYAD DU BYAS PA NI YID KYI MNGON SUM GRUB PA'I MTHA' LAS GRAGS PAR STON PAR BYED DE, YID KYI MNGON SUM SGRUB PA LA TSAD MA GZHAN NI BTZAL BAR BYA BA MA YIN NO ZHES BSTAN PA YIN NO, ,'O NA CI'I PHYIR MNGON SUM GYI DBYE BAR BKOD CE NA, GAL TE YID KYI MNGON SUM YOD NA, DE'I MTSAN NYID NI 'DI LTA BU YIN NO, ZHES MDO MDZAD PAS GRUB PA'I MTHA' LAS GRAGS PA'I YID KYI MNGON SUM KHAS BLANGS PA LA RTZOD PA BYAS PA LDOG PA'I DON DU'O, ZHES GSUNGS PAS, SLOB DPON CHOS MCHOG YID KYI MNGON SUM 'JAL BYED KYI TSAD MA MED PAR BZHED PA YIN NO, ZHES ZER BA NI, SKYES BU DAM PA

, ,RNAMS LA SKUR PA 'DEBS PA YIN TE, RIGS PA'I DBANG PHYUG SU YANG TSAD MAS MA GRUB BZHIN DU MNGON SUM GYI DBYE BAR BZHED PA MI SRID PA'I PHYIR RO, ,DES NA DPYAD PA GSUM GYIS DAG PA'I LUNG GI RTAGS YANG DAG LA BRTEN NAS DPOG DGOS PAS SO SO SKYE BO RNAMS LA YID KYI MNGON SUM SHIN TU LKOG GYUR DU BZHED PA YIN NO, ,DES NA SO SO SKYE BO RNAMS KYIS YID KYI MNGON SUM YID CHES RJES DPAG GIS 'GRUB PA YIN GYI DNGOS STOBS KYI TSAD MA SOGS KYIS MI 'GRUB BO, ,SLOB DPON CHOS MCHOG GIS 'DI LA TSAD MA GZHAN BTZAL BAR BYA BA MA YIN CES GZHAN ZHES KHYAD PAR DU BYAS PAS KYANG TSAD MA GCIG BZHED PAR GO BAR BYA'O, ,GSUM PA NI, 'O NA SO SO SKYE BO'I RGYUD KYI GZUGS 'DZIN YID KYI MNGON SUM DE SHES PA MIN NA MNGON SUM DU MI RUNG BAS SHES PAR 'GYUR LA, DE LTA NA, RANG MYONG BYED RANG RIG MNGON SUM GYIS MYONG DGOS PAS MNGON SUM TSAD MAS GRUB PAR 'GYUR LA, DE LTA NA, GANG ZAG DE LA SHIN TU LKOG GYUR DU 'GAL LO ZHE NA, 'O NA DE SKAD SMRA BA'I GANG ZAG KHYOD RANG GI RGYUD KYI SHES PA YANG YIN LA DUS KYI THUNG BA'I MTHAR THUG PA YIN PA'I GZHI MTHUN DE KHYOD RANG GI RGYUD KYI RANG RIG MNGON SUM TSAD MAS GRUB PAR THAL, DE KHYOD RANG GI RGYUD KYI SHES PA YIN PA'I PHYIR, 'DOD NA 'PHAGS PAR THAL LO, ,GZHAN YANG KHYOD RANG GI RGYUD KYI SHES PA YANG YIN LA GANG ZAG GI BDAG MED KYANG YIN PA'I GZHI MTHUN DE RANG RIG MNGON SUM TSAD MAS GRUB PAR THAL, GAL TE SHES PA DE RANG RIG GIS MYONG BA TZAM YIN GYI RANG RIG MNGON SUM TSAD MAS GRUB PA MIN NO ZHE NA, DE NI YID MNGON LA YANG MTSUNGS SO, ,GAL

TE YID KYI MNGON SUM RANG RGYUD KYI MNGON SUM TSAD MAS MA GRUB KYANG, RANG RGYUD KYI MNGON SUM GYIS MYONG DGOS LA DE LTA NA SHIN TU LKOG GYUR DU 'GAL LO ZHE NA, 'O NA NYIN ZHAG GCIG LA DUS KYI THUNG BA'I MTHAR THUG PA'I RNAM RTOG GRANGS JI TZAM PA RGYU BA'I GRANGS DE SNYED KYIS BSDUS PA'I SHES PA DE DAG RANG RGYUD LA MA MYONG NA, RANG RGYUD KYI SHES PAR 'GAL LA, MYONG NA SHIN TU LKOG GYUR MIN PAS KHYAB PA KHYOD KYIS KHAS BLANGS PAS RANG RGYUD LA DNGOS STOBS KYIS GRUB PAR KHAS LEN DGOS PAR 'GYUR RO, ,DES NA RANG RGYUD LA YID KYI MNGON SUM MYONG ZHES PA YANG, MYONG BA DE 'DRA SKYES PA'I DON YIN GYI, RANG RIG MNGON SUM TSAD MAS GRUB PA'I DON MIN NO, ,'O NA RANG RGYUD LA YID KYI MNGON SUM YOD PA TSAD MA GANG GIS GRUB CE NA, RANG RGYUD LA DBANG MNGON SKYE BAR DNGOS STOBS KYI TSAD MAS GRUB PA NA, DBANG MNGON GYI RJES SU YID KYI MNGON SUM NGES PAR SKYE BAS KHYAB PA DPYAD PA GSUM GYIS DAG PA'I LUNG GI RTAGS LA BRTEN NAS YID CHES RJES DPAG GIS GRUB PA YIN NO, ,'O NA RANG BLO LKOG GYUR DU 'GYUR RO ZHE NA, SPYOD PA PA DAG RANG RGYUD LA BLO YOD TZAM RTAGS LAS RTOGS DGOS PA LA DGAG PA RGYAS PAR MDZAD PA YIN GYI, RANG RGYUD KYI BLO YIN NA RANG GI GZHAL BYA MNGON GYUR YIN PAS KHYAB PA BRGYA BYIN GYIS KYANG SGRUB MI NUS SO, ,SO SO SKYE BO'I RGYUD LA YID KYI MNGON SUM TSAD MA YOD DAM MED, DANG PO LTAR NA, MNGON SUM GYIS NGES PAR GRUB DGOS PAS, DUS KYI THUNG BA'I MTHAR THUG PA SO SO SKYE BO'I MNGON SUM TSAD MAS RTOGS PAR 'GYUR RO, ,PHYI MA LTAR NA YID KYI MNGON SUM TSAD MA MI SRID PA'AM, 'PHAGS PA KHO NA'I RGYUD KYI TSAD MAR 'GYUR RO ZHE NA, RANG RGYUD KYI TSAD MA YIN NA, NGES

, ,PAR RANG GI MNGON SUM TSAD MAS GRUB DGOS PAS, SO SO SKYE BO'I RGYUD LA YID KYI MNGON SUM YOD KYANG YID KYI MNGON SUM TSAD MA MED LA, YID KYI MNGON SUM SHIN TU LKOG TU GYUR PA NA, DES KHYAD PAR DU BYAS PA'I DE'I RKYEN GSUM YANG SHIN TU LKOG TU GYUR PA LUNG LA BRTEN NAS DPOG PA YIN NO, ,DBANG MNGON SKAD CIG THA MA DNGOS STOBS KYIS GRUB NA, DES YID MNGON GYI DE MA THAG RKYEN BYED PA'I CHA YANG DNGOS STOBS KYIS GRUB DGOS ZHES SMRA BA NI, RIGS PA MI SHES PA'I RNAM 'GYUR RO, ,GZHUNG 'DI DANG RNAM 'GREL DU YID KYI MNGON SUM TSAD MAR SGRUB PA'I SGO NAS GZHAN GYI LOG PAR RTOG PA BKAG PAS SO SO SKYE BO'I RGYUD LA YID KYI MNGON SUM YOD KYANG YID KYI MNGON SUM TSAD MA MED PAR 'DOD PA MI RIGS SO ZHE NA, DE NI MTSAN NYID KYIS MTSON BYA MTSON PA'I TSUL LA SOGS PA MI SHES PA'I RNAM 'GYUR DU GSAL TE, YID KYI MNGON SUM MTSAN GZHIR BZUNG NAS TSAD MAR MTSON MI NUS PA KHO BO CAG KYANG MI 'DOD DE, DE'I MTSON TSUL KHYAB BYED DU YOD PA MTSON PA MA YIN GYI RTEN TZAM DU YOD PA MTSON PA YIN TE, DPER NA, BYAS PA MTSAN GZHIR GZUNG NAS SGRA MI RTAG PAR SGRUB PA'I RTAGS YANG DAG TU MTSON PA BZHIN NO, ,DE BZHIN DU DBANG PO'I MNGON SUM TZAM GZHIR BYAS NAS TSAD MAR MTSON PA LA YANG SHES PAR BYA STE MTSAN GZHI'I ZUR DU TSAD MA TSIG GIS ZIN PAR SBYAR DGOS PA MA YIN NO, ,DE LTA MA YIN NA SO SO SKYE BO'I MNGON SUM TSAD MAS DUS KYI THUNG BA'I MTHAR THUG PA 'JAL BA LA GNOD PA BSTAN PA DE RNAMS KYI LAN LEGS PAR THOB CIG ,KHO BO YANG KHYOD LTAR KHAS LEN NO, ,'O

NA 'DI NYID KYI YANG RANG DON GYI SKABS NAS 'BYUNG BA DANG RNAM 'GREL GYI MNGON SUM LE'UR, 'DI LTAR MAR ME LA SOGS KYI, ,'JIG PA MTHONG BAS YONGS GCOD NYID, CES MAR ME'I SKAD CIG THA MA SO SO SKYE BO'I MNGON SUM GYIS GRUB PAR BSHAD PA DANG 'GAL LO ZHE NA, DE NI 'JIG RTEN NA MI RTAG PAR GRAGS PA DUS KYI THUNG BA'I MTHAR THUG PA'I SKAD CIG MA DU MA CHA SHAS SU LDAN PA'I CHA CAN YIN GYI, DUS KYI THUNG MTHA' MA YIN NO, ,'DI SO SO SKYE BO'I MNGON SUM TSAD MA'I GZHAL BYAR SONG TSOD DE RIGS 'DRA PHYI MA MTSAMS MI SBYOR BAS RTAG PAR 'KHRUL PA'I 'KHRUL RGYU MA TSANG BAS MI RTAG PAR RTOGS PA YIN LA, MI RTAG PAR NGES PA'I NGES SHES KYANG DE NYID BZHIG DUS SU SKYE BA YIN GYI, DE MA ZHIG PAR GNAS PA'I DUS SU MA YIN NO, ,DES NA DE RIGS 'DRA PHYI MA MTSAMS MI SBYOR BA'I DNGOS PO YIN PAS THA MA ZHES BYA'I, DON RAGS PA'I MI RTAG PA YIN NO, ,DE BZHIN DU DBANG PO'I MNGON SUM SKAD CIG DANG PO TSAD MAR BZHAG PA LA YANG SHES PAR BYA'O, ,'PHAGS PA'I RGYUD LA NI, YID KYI MNGON SUM TSAD MA YOD PAR GO BAR BYA STE, 'THAD LDAN DU, GTAN TSIGS THIGS PA DRANGS PA DANG, TSAD MA SPYI'I RNAM GZHAG GI SKABS SU GSUNGS PA LTAR RO, ,DE LTAR YANG 'THAD LDAN DU GTAN TSIGS THIGS PA LAS MNGON SUM GYI SKAD CIG MA PHYI MA RNAMS NI GRUB PA DANG BDE PA THA MI DAD PA'I PHYIR RO ZHES BSHAD DO, ,DE LTAR NA YANG YID GZUNG BA 'DZIN PA YIN KYANG DBANG PO LAS SKYES PA'I SKAD CIG MA PHYI MA BZHIN DU RGYUN GYIS SGRUB PAR BYA BA'I DON LA TSAD MA MA YIN LA, RNAL 'BYOR PA RNAMS KYI SKAD CIG MA'I KHYAD PA SGRUB PAR 'DOD PA LA TSAD MA YIN PAR

, ,RIGS PA YIN NO ZHES DANG, DE NYID KYI PHYIR DANG PO'I MNGON SUM DANG RJES SU DPAG PA'I SKAD CIG MA NYID KYIS DON BYED PAR NUS PA'I DNGOS PO'I RGYUN NGES PAS, 'JUG PA'I YUL DU BYED PAR NUS PA'I PHYIR, DE'I RGYUN DU GYUR PA GRUB PA DANG BDE BA THA MI DAD PA PHYI MA RNAMS TSAD MA YIN PA SPANGS PA YIN NO ZHES BSHAD DO, ,GNYIS PA LA GNYIS, RTZA BA DANG, 'GREL PA'O, ,DANG PO NI, MDO LAS, GZUGS SHES PA'I SHES PA NI GNYIS TE, MIG LA BRTEN PA DANG, YID LA BRTEN PA'O, ZHES PAS YID KYI MNGON SUM BSTAN PA LA MU STEGS RNAM PHUG PA NA RE, YID KYI MNGON SUM DE DBANG PO'I MNGON SUM GYIS GZUNG ZIN PA'I DON 'DZIN NAM, MA GZUNG BA'I DON 'DZIN, DANG PO LTAR NA, TSAD MAR MI RUNG LA, GNYIS PA LTAR NA, LONG BA DANG 'ON PA SOGS KYIS KYANG GZUGS MTHONG BA DANG SGRA THOS PAR 'GYUR RO ZHES ZER BA'I LOG RTOG ,TSAD MA MDOR GSAL BA'I DON RGYAS PAR BSHAD PA NI, YID KYI MNGON SUM DE GANG ZHE NA, RKYEN GSUM LAS SKYES PAR STON PA NI DE MA THAG RKYEN GYI KHYAD PAR GZUGS 'DZIN DBANG PO'I RNAM PAR SHES PA DES DE MA THAG RKYEN BYAS PA LAS BYUNG ZHING DMIGS RKYEN GYI KHYAD PAR NI DE'I GZUNG DON GYI DE MA THAG PA SLAD CIG GNYIS PA'I GZUGS GZUNG DON DU BYAS NAS 'DZIN PAR BYED PA'I YID CHOS CAN, MNGON SUM YIN TE, RTOG BRAL MA 'KHRUL BA'I SHES PA YIN PA'I PHYIR, KYANG NI DBANG PO'I MNGON SUM DU MA ZAD CES PA'O, ,YID KYANG NGO ZHES PAS DNGOS SU YID KYI MNGON SUM GYI MTSAN GZHI BSTAN PA YIN KYANG BDAG PO'I RKYEN GYI KHYAD PAR MING DON GYIS 'PHANGS PA YIN NO, ,GNYIS PA LA GSUM, RKYEN

GSUM LAS SKYES PA'I YID MNGON SUM DU BSTAN PA DANG, RKYEN GSUM NGOS GZUNG BA DANG, LOG PAR RTOG PA BSAL NAS MTSAN NYID SGRUB PA'O, ,DANG PO NI, RKYEN GSUM LAS SKYES PA'I YID KYANG MNGON SUM YIN TE, RNAL 'BYOR MNGON SUM GYI MJUG TU 'BYUNG BA'I, RTOG MED DE NI MNGON SUM MO ZHES PA'I MNGON SUM ZHES BYA BA NI YID KYANG NGO ZHES BYA BA'I MTHAR SBYAR BAR RIGS PA'I PHYIR, GNYIS PA NI DMIGS RKYEN GYI KHYAD PAR NI DBANG PO'I MNGON SUM RANG GI GZUNG YUL GYI DE MA THAG PA'I SKAD CIG MA GNYIS PAS BSKYED PA'O, ,DE MA THAG RKYEN GYI KHYAD PAR NI GZUNG DON SKAD CIG GNYIS PA DE'I LHAN CIG BYED PA CAN GYI DBANG PO'I RNAM PAR SHES PA MTSUNGS PA DE MA THAG PA'I RKYEN DU YOD PA CAN GYIS BSKYED PA'I YID KYANG CHOS CAN, MNGON SUM YIN TE, RTOG BRAL MA 'KHRUL BA'I SHES PA YIN PA'I PHYIR, MTSUNGS PA DE MA THAG PA ZHES SMOS PA NI LUNG LAS GRAGS PA'I THA SNYAD KYIS BSTAN PA YIN NO, ,BDAG RKYEN GYI KHYAD PAR NI SNGAR BSHAD PA LTAR RO, ,GSUM PA LA GSUM, MTSAN GZHI LA LOG PAR RTOG PA BSAL BA DANG, LHAN CIG BYED RKYEN LA LOG PAR RTOG PA BSAL BA DANG, SPYOD YUL LA LOG PAR RTOG PAR BSAL BA'O, ,DANG PO NI, GZUGS 'DZIN YID KYI MNGON SUM GYIS DBANG MNGON GYIS MA GZUNG BA'I DON 'DZIN NA MIG GI DBANG PO'I BYED PA MED PAR GZUGS MTHONG BA MA YIN PAR THAL, GZUGS 'DZIN DBANG PO'I MNGON SUM GYIS DE MA THAG RKYEN GYIS BSKYED NAS GZUGS MTHONG DGOS PA DE NYID KYI PHYIR, GZUGS 'DZIN DBANG PO'I MNGON SUM GYI GZUNG YUL LAS RIGS GZHAN PA NYID KYANG GZUNG DON DU BYED PA MA YIN TE, DBANG PO'I MNGON SUM GYI GZUNG

, ,DON GYI RIGS 'DRA SKAD CIG GNYIS PA GZUNG DON DU BYED PA'I PHYIR, GNYIS PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, YID KYI MNGON SUM GYI GZUNG DON RANG GI YUL CAN SHES PA'I DUS NA YOD PA DE DANG, 'BRAS BU BYED PA'I DUS MTSUNGS PA MA YIN PA'I YID MNGON GYI GZUNG DON NI DBANG MNGON GYIS YID MNGON BSKYED PA'I LHAN CIG BYED PA'I RKYEN DU 'THAD PA MA YIN NO ZHE NA, GNYIS PA NI, GZUGS 'DZIN YID KYI MNGON SUM GYI GZUNG DON DANG DE'I DE MA THAG RKYEN DUS MI MTSUNGS PAS 'BRAS BU GCIG LA BLTOS PA'I LHAN CIG BYED RKYEN DANG NYER LEN DU MI 'THAD PA MA YIN TE GNYIS KA YANG 'BRAS BU BYED PA'I DUS MTSUNGS PA'I PHYIR RO, ,RTAGS MA GRUB STE, YID MNGON DANG DE'I GZUNG DON DUS MNYAM YIN NO ZHE NA, 'BRAS BU SKYES PA'I SNGAR CHOS CAN, 'BRAS BU BSKYED PA'I NUS PA MED PAR THAL, RGYU MED PA'I PHYIR DANG 'BRAS BU LA PHAN 'DOGS PA'I NUS PA'I DUS NA YANG CHOS CAN, 'BRAS BU LA PHAN PA NYE BAR SBYOR BA DGOS PA MED PAR THAL, 'BRAS BU RDZOGS ZIN PA'I PHYIR, RGYU MTSAN DES NA RTOG BRAL MA 'KHRUL BA'I GZUGS 'DZIN YID KYI SHES PA'I GZUNG YUL NI CHOS CAN, GZUGS 'DZIN YID KYI MNGON SUM DANG DUS LHAN CIG 'BYUNG BAR 'GAL TE DE'I RGYU YIN PA'I PHYIR, DE'I KHYAB PA LA GNOD PA CAN GYI TSAD MA SNGA MAS BSTAN TE, DE YANG RGYU 'BRAS DUS MNYAM NA 'BRAS BU BSKYED PA'I NUS PA MED PA TSIG GONG MAS BSTAN LA, DGOS PA MED PA 'OG MAS BSTAN TO, ,RGYU 'BRAS DUS MNYAM 'GOG PA'I RIGS PA 'DI DAG DON SEMS GNYIS KA'I THUN MONG

BA YIN PAS SEMS TZAM PA'I BZHED PA LA DMIGS RKYEN DANG DMIGS RKYEN CAN RDZAS GCIG TU 'DOD PA YIN ZER BA NI RGYU 'BRAS RDZAS GCIG PA GRANGS CAN GYI LUGS YIN PAS RIGS PA 'DIS KYANG LEGS PAR BKAG PAR SHES PAR BYA'O, ,DON RNAM MED THUG PHRAD DU 'DZIN PAR SMRA BA DAG NA RE, GZUNG 'DZIN YIN NA LAG PA DANG KYU RU RA BZHIN DU DUS MNYAM PA DGOS PAS DUS SNGA PHYI THA DAD PA JI LTAR GZUNG 'DZIN DU 'THAD CE NA, GZUGS CHOS CAN, KHYOD KHYOD RANG GZUNG DON DU BYED PA'I YID KYI MNGON SUM DE DANG DUS MI MNYAM YANG GZUNG 'DZIN DU 'THAD DE, DE LA RANG 'DRA'I RNAM PA DNGOS SU GTOD BYED YIN PA'I PHYIR, KHYAB PAR THAL, GZHAN RIG MA 'KHRUL BA'I SHES PA LA RKYEN GSUM GYIS BZHAG PA'I LAG RJES MI 'DRA BA GSUM YOD PA'I YUL GYI RNAM PA'I LAG RJES NI 'JOG PAR NUS PA'I RGYU NYID LA GZUNG BA'I DON DU 'THAD PA RIGS PA SHES PA'I MKHAS PAS RIG PA'I PHYIR, RKYEN GSUM GYI LAG RJES MI 'DRA BA GSUM YOD PA'I YUL GYI RNAM PA'I CHA DANG, MYONG BA'I CHA DANG, YUL 'DZIN NUS KYI CHA RNAMS RIM PA BZHIN DU DMIGS RKYEN DANG DE MA THAG RKYEN DANG, BDAG PO'I RKYEN GYIS BZHAG PA'O, ZHES BYA BA NI BAR SKABS KYI TSIGS SU BCAD PA'O ZHES PA NI, RTZA BA'I TSIG GIS MA ZIN PA'I 'PHROS DON TSIGS BCAD DU BSDEBS PA STE, 'OG MA RNAMS LA'ANG SHES PAR BYA'O, , GSUM PA NI, YUL LA LOG RTOG BSAL BA NYID KYIS RNAM PHUG PA'I RTZOD PA'I PHYOGS GCIG BSAL TE, YID KYI MNGON SUM 'DI CHOS CAN, RANG 'DREN BYED KYI TSAD MA SNGA MA'I YUL GZUNG ZIN 'DZIN PA YANG MA YIN TE, TSAD MA YIN PA'I PHYIR, KHYAB PAR THAL, TSAD

, ,MA YIN NA NI SNGAR MA RTOGS PA'I YUL CAN YIN PAS KHYAB PA NYID KYI PHYIR, DER THAL, SNGAR MA RTOGS 'JAL BA LAS GZHAN DU RTOGS ZIN LA 'JUG PA YANG TSAD MA YIN NA DRAN PA DPYAD SHES KYANG TSAD MAR HA CANG THAL BAR 'GYUR BA'I PHYIR RO, , DER THAL, RANG 'DREN BYED KYI TSAD MA SNGA MAS RTOGS SHING MTHONG BA'I DRAN PA'I 'DU BYED MA NYAMS PA'I GZUNG ZIN PA 'DZIN PA'I SHES PA NI DRAN PA DPYAD SHES LAS YUL RTOGS TSUL KHYAD PAR MED PA'I PHYIR RO, ,DPYAD SHES KYI DON NI, RANG 'DREN BYED KYI TSAD MA SNGA MAS RTOGS ZIN BYED PA MA NYAMS PA'I DON DE NYID RTOGS PAR BYED PA YIN GYI TSAD MA SNGA MAS SGRO 'DOGS BCAD ZIN GYI DON GCOD PA DPYAD SHES KYI DON MA YIN TE, DE LTA NA RTZOL BYUNG LA MI RTAG PA'I KHYAB PA NGES PA'I TSAD MA DES RTZOL PA LAS BYUNG BA'I SGRA LA RTAG 'DZIN GYI SGRO 'DOGS CHOD PA'I PHYIR, RTAGS DE LA BRTEN NAS BSGRUB BYA RTOGS PA'I BLO TSAD MA MA YIN PAR 'GYUR RO, ,'DI 'OG TU 'CHAD PAR 'GYUR RO, ,SLOB DPON CHOS MCHOG GIS DBANG PO'I MNGON SUM SKAD CIG PHYI MA RNAMS DPYAD SHES SU BZHED PA NI GTAN TSIGS THIGS PA'I DGONGS PA YIN CING RIGS PAS LEGS PAR 'THAD PAS MNGON SUM DPYAD SHES MED PAR 'DOD PA NI PHYIN CI LOG TU SHES PAR BYA'O, ,SKYON GZHAN YANG BSTAN PA NI, RTOGS ZIN LA 'JUG PA TSAD MAR MI 'THAD PAR THAL, RANG 'DREN BYED KYI TSAD MA SNGA MAS GZHAL ZHING SGRO 'DOGS GCOD PA'I BYA BA RDZOGS PA'I LAS GZHAL BYA LA GSAR DU 'JAL BA'I KHYAD PAR DU BYED PA MA YIN PA DE NYID LA BSNAN NAS 'JAL BA SGRUB PAR BYED PA TSAD MA YIN NO ZHES BYA BA YANG GZHAL BYA SGRUB PAR BYED PA'I TSAD

MA'I TSUL LAS 'DAS PA YIN PA'I PHYIR, SNGAR BSHAD PA LTAR YID KYI MNGON SUM TZAM TSAD MAR KHAS BLANGS NAS TSAD MA MIN PA 'GOG PAR RIGS PA DE DANG SO SO SKYE BO'I RGYUD LA YID KYI MNGON SUM TSAD MA MED PA RNAM PA THAMS CAD DU 'GAL BA MED PAR SHES PAR BYA'O, ,DE LTA MA YIN PAR DBANG PO'I MNGON SUM DANG YID KYI MNGON SUM GZUNG DON GCIG LAS SKYE BA LA GNOD PA BSTAN PA NI, DBANG MNGON DANG YID MNGON GYI BLO RNAMS CHOS CAN, KHYED GNYIS RIMS KYIS 'BYUNG BA 'GAL BA YANG YIN PAR THAL, DBANG MNGON GYI GZUNG DON DE KHYED GNYIS KA'I DNGOS KYI RGYUR GYUR PA CAN YIN PA'I PHYIR, DNGOS RGYU GCIG LAS SKYES PA'I 'BRAS BU RIM CAN BSKYED PA LA 'GAL BA CI YOD CE NA, DE LTA NA, DNGOS RGYU GCIG PU DE PHYI DUS SU YANG GNAS PA'I RTAG PAR 'GYUR LA, DE LTA NA, RKYEN LA MI LTOS PAS 'BRAS BU RIM GYIS BSKYED PA MI 'THAD PA NI DBANG MNGON GYI GZUNG DON CHOS CAN, RKYEN GZHAN GYIS KHYAD PAR DU BYAR MED PAR THAL, RTAG PA YIN PA'I PHYIR, 'DOD NA RKYEN LA BLTOS PA MI 'THAD PAR THAL, 'DOD PA DE'I PHYIR, 'DOD NA KHYOD LAS 'BRAS BU RIM GYIS SKYE BA MI 'THAD PAR THAL, RKYEN LA MI LTOS PA'I PHYIR, DE DAG KUN GYI RTAGS BSAL KHAS BLANGS SO, ,YANG GI SGRA SNGA PHYI NI GTAN TSIGS 'DI'I PHYIR YANG YID KYI MNGON SUM GZUNG ZIN 'DZIN PA MI 'THAD CES PA'O, ,RKYEN GYIS KHYAD PAR DU BYAR YOD NA NI, YID MNGON GYI GZUNG DON DE DBANG MNGON GYI GZUNG DON LAS GZHAN NYID YIN PAR THAL, RKYEN GYIS KHYAD PAR DU BYAS NAS GZUNG DON GZHAN GYIS BSKYED PAR BYA BA NYID YIN PA'I PHYIR, DES NA YID KYI MNGON SUM CHOS CAN, KHYOD KYIS DBANG MNGON

, ,KYI GZUNG DON RNAMS GZUNG DON DU BYAS NAS 'DZIN PA MA YIN PAR THAL, DE KHYOD KYI DNGOS RGYU'I DUS NA MED PA'I PHYIR, DER THAL, DE'I DUS NA 'DAS PA'I PHYIR, DER THAL, DE KHYOD KYI DE MA THAG RKYEN DBANG MNGON DE'I DNGOS RGYUR GYUR PA'I SKAD CIG MA YIN PA NYID KYI PHYIR, DBANG MNGON GYI GZUNG DON DE NYID GZUNG DON DU BYED PA YIN NA NYES PA DU MAR 'GYUR BA DE'I PHYIR, YID KYI MNGON SUM CHOS CAN, KHYOD KYIS DBANG PO'I MNGON SUM GYI GZUNG DON LAS DON GZHAN NYID RTOGS PA YIN TE, DBANG PO'I MNGON SUM GYI DE MA THAG RKYEN GYI KHYAD PAR GYIS BSKYED PA'I GZHAN RIG MA 'KHRUL BA YIN PA'I PHYIR RO, ,GNYIS PA RANG RIG MNGON SUM LA, SPYI'I DON DANG, YAN LAG GI DON TO, ,DANG PO NI, 'DIR BDE SOGS RANG RIG TU BSTAN PA LTAR SNANG YANG 'THAD LDAN DU 'DIS RIG PAR BYED PA'I PHYIR RIG PA STE RIG PAR RUNG BA NYID BRJOD PA YIN TE, DE NI MNGON SUM YIN NO ZHES BSHAD PA LTAR KHA PHYI NANG DU BLTAS PA'I SHES PA KUN GNYIS SNANG NUB CING CHU LA CHU BZHAG PA'I TSUL GYIS RIG PAR BYED PA NGA'O SNYAM DU 'DZIN PA'I BYED PA PO SKYES BUR 'DOGS PA'I GZHI 'DZIN PA'I RNAM PA DE NYID RANG RIG MNGON SUM DU BSTAN PA YIN GYI RIG PA GANG YIN LA ZER BA MIN NO, ,SLOB DPON LHA DBANG BLO'I 'GREL PAR DRANGS PA'I 'DOD CHAGS DANG ZHE SDANG DANG GTI MUG DANG BDE BA DANG SDUG BSNGAL LA SOGS PA NI RANG RIG PA DANG, DBANG PO LA BLTOS PA MED PA NYID KYI PHYIR CES BYA BA DE NI, BDE SOGS BDAG NYID GZHAN MI BRTEN, ZHES BYA BA LA SOGS PAS 'CHAD PAR BYED DO, ZHES 'BYUNG BA'I TSAD MA MDO'I DON YANG DUG GSUM RANG RIG TZAM DANG RANG RIG MNGON SUM DU

STON PA MA YIN GYI, DE DAG GI 'DZIN PA'I RNAM PA RANG RIG TU STON PA YIN NO, ,DBANG PO LA BLTOS PA MED PA ZHES PAS KYANG SHES TE, 'DZIN PA'I RNAM PA DE MA THAG RKYEN GYI LAG RJES YIN GYI, DBANG PO GZUGS CAN PA'I LAG RJES MIN NO, ,YID KYI DBANG PO LA 'DOD PA DANG, DUG GSUM RANG RIG TU STON PA LA 'CHAD PA MI 'THAD DE, DE DAG YID DBANG GI BDAG RKYEN LAS SKYE DGOS PA'I PHYIR DANG, 'DIR DE DAG YID DBANG LAS SKYE MI SKYE DPYAD PA LA DGOS PA MED PA'I PHYIR RO, ,RNAM 'GREL DU, RANG GI NGO BO SGRA DON MIN, ,DE PHYIR DE LA KUN MNGON SUM, ZHES PAS KHA PHYI NANG DU BLTAS PA'I SHES PA KUN 'DZIN PA'I RNAM PA LA MNGON SUM DU SNANG BAR BSTAN PA'I DON MA GO BAR SHES PA THAMS CAD RANG GI NGO BO LA MNGON SUM YIN PA'I DON DU GZUNG NAS, GANG DAG SHES PA GANG YIN RANG GI NGO BO LA RANG RIG MNGON SUM DU 'DOD PA NI MI 'THAD DE, DPER NA SGRA MI RTAG RTOGS KYI RJES DPAG LTA BU RANG GI NGO BO LA MNGON SUM ZHES PA DE RANG GI NGO BO 'DZIN PA'I RNAM PA DE RJES DPAG LA MNGON SUM DU SNANG ZHING, RJES DPAG KYANG DE LA MNGON SUM DU 'GYUR BA YIN NAM, YANG RANG GI NGO BO GZUNG BA'I RNAM PA LA MNGON SUM YIN NAM, YANG NA 'DZIN RNAM YANG MA YIN GZUNG RNAM YANG MIN PA'I RJES DPAG GI NGO BO GZHAN ZHIG YOD PA DE LA MNGON SUM YIN, PHYI MA MI 'THAD PA NI RTOGS PAR SLA LA, DANG PO LTAR NA, RJES DPAG DE CHOS CAN, KHYOD KHYOD RANG GI GZUNG BA'I RNAM PA DE LA MNGON SUM DU THAL, KHYOD KHYOD RANG GI 'DZIN RNAM LA MNGON SUM GANG ZHIG ,DE GNYIS YUL DANG, DUS DANG, NGO BO GANG LA BLTOS KYANG, KHYAB MNYAM GRUB DE RDZAS GCIG YIN PA'I PHYIR, KHYAB PA MED NA, DON GYI RANG GI NGO BO GCIG ,

, ,CES PA'I RIGS PA LA KHYAD PAR JI TZAM YOD PA DE TZAM 'DI LA YANG YOD DO, ,'DOD NA, RTOG BRAL DU THAL LO, ,GNYIS PA LTAR NA, YANG NYES PA DE NYID DU 'GYUR RO, ,YANG KHA NANG BLTA LA RANG RIG MNGON SUM DANG, PHYI BLTA LA RJES DPAG YIN NO ZHE NA, DE'I DON KHA NANG PA LTA'I CHA RANG RIG MNGON SUM DANG, PHYI BLTA'I CHA RJES DPAG YIN NO ZHES PA'I DON YIN NA DE SKAD SMRA BAR RIGS KYI, PHYI BA LTA THAMS CAD NANG DU BLTAS PA YIN NO ZHES SMRA BAR MI RIGS SO, ,KHO BO CAG GIS DE SKAD DU MA SMRAS SO ZHE NA, KHA PHYIR BLTA'I SHES PA THAMS CAD KYANG RANG GI NGO BO 'DZIN RNAM LA RANG RIG MNGON SUM YIN PA NYAMS SO, ,YANG RJES DPAG GIS KHA PHYI NANG DU RIM GYIS BLTA BA YIN NAM CIG CAR BLTA BA YIN, DANG PO LTAR NA, KHA NANG DU MI LTA BA'I SHES PA CUNG ZAD CIG YOD PA'AM, SHES PA RTAG PA KHAS LEN DGOS PAR 'GYUR RO, ,GNYIS PA LTAR NA YANG, RANG GI GZUNG RNAM DANG 'DZIN RNAM GNYIS KA GSAL BAR SNANG NA RTOG BRAL GYI NYES PA DE NYID DU 'GYUR RO, ,'DZIN RNAM GSAL BAR SNANG, GZUNG RNAM MI GSAL BAR SNANG NGO ZHE NA, RJES DPAG DE NYID RTOG PA YANG YIN LA, RTOG MED KYANG YIN NO ZHES KHAS BLANGS PA LA GNOD BYED DRI ZA'I RGYAL POS KYANG BRJOD MI NUS SO, ,YANG DBANG PO'I MNGON SUM TSAD MA RANG GI NGO BO LA RANG RIG MNGON SUM TSAD MAR 'DOD PA YANG, DBANG PO'I SEMS NI NGES PHYIR DANG ZHES GZUGS LA SOGS PA KHO NA'I YUL CAN DU BSHAD PA'ANG 'GAL LO, ,DE CHOS CAN, RANG GE NGO BO 'DZIN RNAM DE MNGON SUM DU RTOGS PAR THAL, DE LA RANG RIG MNGON SUM TSAD MA YIN PA'I PHYIR, 'DOD NA 'DZIN RNAM GZHAL BYA, GZUNG

RNAM TSAD MA, RANG RIG 'BRAS BU, ZHES TSAD 'BRAS KYI RNAM GZHAG PHYIN CI LOG TU KHAS LEN DGOS PAR 'GYUR RO, ,DES NA, SHES PA KUN GYI 'DZIN PA'I RNAM PA RANG RIG MNGON SUM YIN LA DE RTOG PA DANG RTOG MED KYI GZUNG RNAM LA PHAR MNGON SUM DU 'GYUR BA YIN GYI KHA PHYIR BLTA'I SHES PA 'DZIN RNAM LA TSUR MNGON SUM DU 'GYUR BA GA LA SRID, 'O NA RJES DPAG GI 'DZIN RNAM LA DE'I GZUNG RNAM GSAL BAR SNANG BAR THAL, DE GZUNG RNAM LA MNGON SUM YIN PA'I PHYIR CE NA, 'DOD PA YIN NO, ,'O NA RTOG PA'I GZUNG RNAM MA YIN PAR THAL, GSAL BAR SNANG BA'I PHYIR CE NA, RJES DPAG DE NYID LA GSAL BAR SNANG BA'I PHYIR CE NA NI, RTAGS MA GRUB LA, DE MYONG RANG RIG MNGON SUM LA GSAL BAR SNANG BA'I PHYIR CE NA NI, KHYAB PA MED DE, RTOG PA'I GZUNG RNAM RTOG PA LA MI GSAL BAR SNANG BAS, DE GSAL BAR SNANG BA'I BLO MI SRID PA SUS KYANG SGRUB MI NUS SO, ,KHYOD RANG LTAR NA, RTOG PA'I GZUNG RNAM MYONG BA'I RANG RIG MNGON SUM MI SRID NA, DE BEM POR KHAS BLANGS PA LA GNOD PA CUNG ZAD KYANG MED LA, SRID NA DE NYID LA GSAL BAR SNANG BAS KHYOD RANG LA YANG RTOG PA'I GZUNG RNAM MA YIN PAR THAL BA'I NYES PAR CI STE MI 'GYUR, DES NA RIGS PA DANG BRAL BA'I DON KHAS BLANG BAR MI BYA'O, ,GNYIS PA LA GSUM, RANG RIG MNGON SUM GYI MTSAN GZHI NGOS BZUNG BA DANG, MTSAN NYID SGRUB PA DANG, MTSAN GZHI LA LOG PAR RTOG PA BSAL BA'O, ,DANG PO LA GNYIS, RTZA BA DANG, 'GREL PA'O, ,DANG PO NI, BDE BA DANG SDUG BSNGAL LA SOGS PA'I 'DIS RIG PAR BYED PA'I CHAR GYUR PA'I RANG RIG 'DZIN PA'I RNAM PA RNAMS CHOS CAN,

, ,MNGON SUM YIN TE, RTOG BRAL MA 'KHRUL BA'I SHES PA YIN PA'I PHYIR, 'DI YANG TSAD MAR MTSON PA LA GSAR DU MI SLU BA'I SHES PA KHYAD PAR DU SBYAR ZHING, 'DI LA SNGAR DBANG PO'I MNGON SUM LTAR MTSAN NYID LA LOG RTOG GI GNAS CHUNG BAS RTOG BRAL DANG MA 'KHRUL BA SNGAR LTAR RGYAS PAR SGRUB MI DGOS LA, MTSAN GZHI LA LOG PAR RTOG PA MANG BAS RGYAS PAR STON PA YIN NO, ,DON SEMS GNYIS KA RANG RIG MNGON SUM GYI MTSAN GZHI 'DZIN TSUL LA KHYAD PAR MED KYANG, SEMS TZAM PA DBANG PO'I MNGON SUM LA RIG BYA RDZAS GZHAN MI 'DOD PAS RANG RIG TZAM DU 'DOD LA, MDO SDE PA NI DE LTAR MI 'DOD DO, ,GNYIS PA LA GSUM, MTSAN GZHI NGOS GZUNG BA DANG, DE DPER SMOS PA'I DGOS PA DANG, DPES MTSON PA'I DON TO, ,DANG PO NI, BDE BA DANG SDUG BSNGAL LA SOGS PA'I 'DIS RIG PAR BYED PA'I CHAR GYUR PA'I RANG RIG PA 'DZIN PA'I RNAM PA RNAMS KYANG CHOS CAN, MNGON SUM YIN TE, RTOG BRAL MA 'KHRUL BA'I SHES PA YIN PA'I PHYIR, KYANG GI SGRAS MNGON SUM SNGA MA GNYIS SU MA ZAD PA'O, ,GNYIS PA NI, CI'I PHYIR DE 'BA' ZHIG DPER SMOS SHE NA, BDE BA LA SOGS PA'I MYONG BA'I CHA RANG RIG MNGON SUM GYI DPER SMOS PA NI CHOS CAN, DGOS PA YOD DE, NYAMS SU MYONG BA'I CHA GSAL BA RANG RIG MNGON SUM GYI MTSAN GZHIR BSTAN PAS SHES PA KUN GYI MYONG BA'I CHA RANG RIG MNGON SUM DU RTOGS PA'I DON DU YIN PA'I PHYIR, GSUM PA NI, NYAMS MYONG GSAL PO DPER SMOS PA LA DGOS PA YOD DE, SHES PA THAMS CAD KYI BDAG NYID RIG PA'I 'DZIN PA'I RNAM PA NYID MNGON SUM YIN PAR

RTOGS PA'I CHED DU YIN PA'I PHYIR RO, ,RTZA BA'I TSIG DES RTOG BRAL YIN PA SOGS KYANG DON GYIS 'PHANGS KYANG SGRAS ZIN GYI DBANG DU BYAS NAS MTSAN GZHI NGOS 'DZIN PA LA BSHAD DO, ,GNYIS PA LA GSUM, RTOG BRAL GYI SGRUB BYED DANG, DE'I PHYOGS CHOS SGRUB PA DANG, RTOG BRAL DU GRUB PA'I DON BSDU BA'O, ,DANG PO NI, YANG CI'I PHYIR BDE SOGS MYONG BA'I 'DZIN RNAM MNGON SUM YIN CE NA, BDE BA LA SOGS PA RNAMS KYI BDAG NYID RIG PA 'DZIN PA'I RNAM PA LA NI CHOS CAN, RNAM PAR RTOG PA YIN SRID PA MA YIN TE, GANG GI PHYIR NA BRJOD BYA RJOD BYED 'DRES RUNG 'DZIN PA'I SHES PA MA YIN PA'I PHYIR TE, BRDA DANG BRAL BA'I RANG MTSAN GZUNG YUL DU BYED PA'I SHES PA YIN PA'I PHYIR, RANG MTSAN GZUNG YUL DU BYED PAS MA 'KHRUL BAR YANG GRUB PA LA MNGON SUM DU GRUB PA YIN NO, ,GNYIS PA LA GNYIS, RTZA BA DANG, 'GREL PA'O, ,DANG PO NI, BDE SOGS MYONG BA'I 'DZIN PA'I RNAM PA CHOS CAN, KHYOD KYIS KHYOD RANG GI MYONG BYA BDE SOGS RNAMS LA BRDA BYA BAR NUS PA MIN TE, KHYOD KYI MYONG BYA DE YUL DUS GZHAN LA RJES 'GRO BYED PA LA BRTEN PA MIN PA'I BDAG NYID DE DE KHYOD LA RJES 'GRO BYED PAR MI SNANG BA'I PHYIR, RANG RIG GI MYONG BYA LA BRDA BYED MI NUS PA SPYIR SGRUB PA NI GZHUNG GI DON MA YIN TE RIGS PAS KYANG MI 'THAD DE, SPYIR BRDA'I YUL MA YIN PAR SGRUB MI NUS PA'I PHYIR DANG, DE BSGRUBS KYANG 'DZIN RNAM RTOG PA YIN PA'I DOGS PA MI CHOD PA'I PHYIR RO, ,DES NA RANG RIG MNGON SUM GYI GZUNG NGOR RGYUN DANG, CHA CAN DANG, RJES 'GRO BYED PAR MI SNANG BAS DES RANG GI MYONG BYA LA BRDA BYA BAR MI NUS PAS RTOG BRAL DU SGRUB PA YIN NO, ,DE LTAR YANG

, ,'THAD LDAN DU, 'DI LTAR GANG ZHIG RANG RIG PAS GZUNG BA SKAD CIG MA'I BDAG NYID DE DAG NI THUN MONG MA YIN PA YIN LA SGRA DGOD PA YANG YUL DU BYAS PA LA BRJOD PAR GZO BA SNGON DU 'GRO BA CAN YIN NA SKAD CIG MA GCIG LA NI RIM PA DANG LDAN PA YUL DU BYED PA DANG, BRJOD PAR GZO BA DANG 'GOD PA RNAMS MI SRID DO ZHES BSHAD DO, ,GNYIS PA LA GNYIS, BRDA MI NUS PA DANG, BRDA BYAS PA LA DGOS PA MED PA'O, ,DANG PO LA GNYIS, 'DZIN RNAM RANG GIS MI NUS PA DANG, GZHAN GYIS KYANG MI NUS PA'O, ,DANG PO LA GSUM, MYONG BYA MA SKYES PA LA MI NUS PA DANG, DA LTAR BA LA MI NUS PA DANG, BRDA SBYOR BA'I TSUL MI 'THAD PAS 'GAGS PA LA YANG MI NUS PA'O, ,DANG PO NI, BDE SOGS MYONG BA'I 'DZIN PA'I RNAM PA NGES RANG GI MYONG BYA MA SKYES PA LA BRDA BYED DAM, SKYES LA MA 'GAGS PA LA BYED DAM, 'GAGS PA LA BYED, DANG PO MI 'THAD DE, BDE BA LA SOGS PA MYONG BA'I 'DZIN PA'I RNAM PA DE NI CHOS CAN, KHYOD RANG GI MYONG BYA BDE BA LA SOGS PA SO SOR NGES PA'I BDAG NYID MA SKYES PA LA KHYOD KYIS BRDA DNGOS SU BYA BAR NUS PA MA YIN PAR THAL, DE RNAMS NI RIG PAS TE KHYOD KYI YUL DU BYED PA MA YIN PA'I PHYIR, DER THAL, KHYOD KHYOD RANG GI MYONG BYA BDE SOGS DE'I BDAG NYID KYI RANG BZHIN DE DANG GRUB DE RDZAS GCIG PA NYID YIN PA'I PHYIR RO, ,SO SOR NGES PA ZHES SMOS PA NI MA 'ONGS PA SPYI'I TSUL GYIS SHES PA'I RTOG PA YOD PAS NGE BCAD PA'I CHED DU YIN NO, ,GNYIS PA NI, BRTAG PA GNYIS PA YANG MI 'THAD DE, BDE SOGS MYONG BA'I 'DZIN PA'I RNAM PA 'DI CHOS CAN, MYONG BYA BDE SOGS SKYES LA MA 'GAGS PA 'DI

DAG LA KHYOD KYIS BRJOD PAR BYED PA BRDA DNGOS SU SBYOR BA NI NUS PA MA YIN TE, DE DAG KHYOD LA GZUNG BYA THA DAD PA'I TSUL DU MI SNANG BA'I PHYIR, KHYAB PA YOD PAR THAL, RANG GI BDAG NYID LA RANG GIS GZUNG BYA THA DAD PA DE LTAR SNANG BA'I TSUL GYIS BRDA 'JUG PA 'GAL BA'I PHYIR RO, ,YANG NA GZHUNG DE NYID SNGA MA'I GTAN TSIGS SU SBYOR RO, ,'THAD LDAN DU GZUNG BA'I CHAR GNAS PA'I BDAG NYID NI RANG RIG PA LAS THA DAD PA'I GZUNG BAR BYA BA NYID DU MI SNANG NGO ZHES BSHAD DO, ,GTAN TSIGS GZHAN BSTAN PA NI, CHOS CAN DANG BSGRUB BYA'I CHOS SNGA MA LA, RTAGS NI KHYOD RANG GI MYONG BYA DE'I RANG BZHIN KHYOD KYI SNGON DU MA MTHONG BA'I PHYIR, SNGON MA MTHONG YANG DA LTAR MTHONG BA LA BRTEN NAS PHYIS BRDA BYED DO ZHE NA, GSUM PA NI BRTAG PA GSUM PA YANG MI 'THAD DE, BDE SOGS MYONG BA'I 'DZIN RNAM CHOS CAN, KHYOD RANG GI MYONG BYA DA LTAR MTHONG NAS, PHYIS KHYOD KYIS DE LA BRDA BYED PA MI 'THAD PAR THAL, SKAD CIG DANG PO LA MTHONG, GNYIS PA LA BRDA BRJOD PAR GZO, GSUM PA LA BRDA SBYOR DGOS PA GANG ZHIG ,KHYOD RANG GI SKAD CIG GNYIS PA'I DUS NA KHYOD KYI MYONG YUL DANG MYONG BYED RIG PA KHYOD RANG YANG 'GAGS PA'I PHYIR, DER THAL, KHYOD DANG DE GNYIS RDZAS THA DAD PA MED PA'I GRUB DE RDZAS GCIG YIN PA'I PHYIR, SNGA MA LA KHYAB PA YOD PAR THAL, GZUNG BA BRDA BYAS DANG 'DZIN PA BRDA BYED MKHAN MED PAS BRDA MED PA'I YANG PHYIR RO, ,'THAD LDAN DU, BRJOD PA NI SMRA BAR BYED PA'I SGRA'O, ,GZO BA NI MNGON DU PHYOGS PA'O ZHES BSHAD DE, BRDA JI LTAR MYUR YANG, SKAD CIG DANG PO LA MTHONG, GNYIS PA LA GZO BA STE, BRJOD 'DOD SKYES, SKAD CIG GSUM PA LA BRDA SBYOR DGOS PA YIN NO, ,

, ,GNYIS PA NI, PHYIS BYUNG BA'I 'DZIN RNAM GZHAN GYIS SNGAR GYI MYONG BYA BDE SOGS LA BRDA BYED DO ZHE NA, PHYIS BYUNG BA'I 'DZIN RNAM GZHAN GYIS KYANG SNGAR GYI MYONG BYA BDE SOGS LA BRDA BYA BAR NUS PA MA YIN PAR THAL, NGES RANG DUS NA 'DAS PA'I RANG BZHIN GYI BDE SOGS GNYIS SNANG NUB PA'I TSUL GYIS RIG PA MA YIN PA'I PHYIR RO, ,PHYIS BYUNG GI RTOG PAS BRDA BYA BAR MI NUS PAR SGRUB MI NUS SHING SGRUB PA LA DGOS PA YANG MED DE, RANG RIG RTOG BRAL DU SGRUB PA'I RIGS PA YIN PA'I PHYIR, 'THAD LDAN DU RANG RIG PA NI SGRA DANG MA 'DRES PA'I DON RIG PA'I PHYIR, RNAM PAR RTOG PA MED PA NYID YIN NO, ,BRDA MI NUS PA 'DI NYID NI RANG RIG PA RTOG PA MED PAR SGRUB PA NYID KYI DON DU BKOD PA YIN TE ZHES DANG, BDE BA LA SOGS PA'I RANG BZHIN RANG RIG PA'I YUL SGRA DGOD PAR RUNG PA NI, SHES PA GZHAN GYIS RIG PA MA YIN NO, ,ZHES BYA BA'I DON 'DI 'DIR BZHED PA YIN GYI BDE BA LA SOGS PA LA DMIGS PA'I SHES PA MED PA'I PHYIR RO ZHES BYA BA'I DON 'DI NI MA YIN TE ZHES BSHAD DO, ,GNYIS PA NI BRDA MI NUS PAR MA ZAD, BRDA BYAS PA'I DGOS PA YANG MI 'GRUB PAS YANG ZHES SO, ,BDE SOGS MYONG BA'I 'DZIN RNAM CHOS CAN, KHYOD KYIS KHYOD RANG GI MYONG BYA BDE SOGS LA BRDA NUS SU ZIN KYANG, BRDA BYAS PA LA DGOS PA MED PAR THAL, KHYOD LA DE THA SNYAD KYI DUS SU RJES 'GRO BYED PAR MI SNANG BA'I PHYIR, KHYAB PA YOD PAR THAL, THA SNYAD KYI DUS SU 'BYUNG BA MA YIN PA LA NI BRDA BYAS PA DON MED PA'I PHYIR RO, ,GSUM PA LA GNYIS, RTZA BA DANG, 'GREL PA'O, ,DANG PO NI, 'DZIN RNAM GYIS RANG GI MYONG BYA LA BRDA MI NUS PA DANG, DGOS PA MED PA

DE'I PHYIR BDE SOGS DE DAG MYONG BA'I RANG RIG NI CHOS CAN, RTOG PA MA YIN TE, BRJOD PA SGRA DANG RJES SU 'BREL PA CAN 'DRER RUNG 'DZIN PA MA YIN PA'I PHYIR, GNYIS PA NI, BDE BA LA SOGS PA RNAMS KYI BDAG NYID RIG PA 'DZIN RNAM DE NI CHOS CAN, MNGON SUM GYI TSAD MA YIN TE RTOG PA DANG BRAL ZHING GSAR DU MI SLU BA'I SHES PA YIN PA'I PHYIR, SNGA MA DER THAL, BRJOD PA SGRA DANG MA 'BREL BA 'DRER RUNG 'DZIN PAS DBEN PA'I SHES PA YIN PA'I PHYIR, ,DER THAL, RANG GIS BRDA MI NUS PA'I RANG MTSAN GZUNG YUL DU BYED PA'I SHES PA YIN PA'I PHYIR, GSUM PA LA GSUM, BDE SOGS NANG GI BEM POR 'DOD PA DGAG PA DANG, PHYI ROL GYI BEM POR 'DOD PA DGAG PA DANG, NANG MYONG BA'I BDAG NYID DU GRUB PA'I DON BSDU BA'O, ,DANG PO LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, MU STEGS DBANG PHYUG PA LA GRANGS CAN PA'I PHYOGS GCIG DANG RIGS PA CAN PA DANG BYE BRAG PA RNAMS YOD PA'I RIGS PA CAN PA KHA CIG NA RE BDE BA DANG SDUG BSNGAL LA SOGS PA RNAMS NI KHYED 'DOD PA LTAR RIG PA'I RANG BZHIN MA YIN GYI 'O NA CI YIN ZHE NA, SHES BYA LA RDZAS DANG YON TAN DANG, SPYI DANG BYE BRAG DANG, LAS DANG 'DU BA STE, TSIG GI DON DRUG TU NGES PA YIN LA, RDZAS NI DGU STE, KHYAB PA'I RDZAS BDAG DANG DUS DANG PHYOGS DANG NAM MKHA' BZHI'O, ,MA KHYAB PA'I RDZAS NI, 'BYUNG BA BZHI DANG YID DANG LNGA'O, ,YON TAN NI, RDZAS LA BRTEN PA'I CHOS NYI SHU RTZA LNGA STE, DE YANG GZUGS SGRA LA SOGS PA LNGA 'BYUNG BA LNGA'I YON TAN YIN TE, SGRA NAM MKHA'I YON TAN DANG, REG BYA RLUNG GI YON TAN YIN PAS DE GNYIS YON TAN RE RE PA DANG, ME KHA

, ,DOG DANG REG BYA'I YON TAN GNYIS DANG LDAN PA DANG, CHU DE GNYIS DANG RO'I YON TAN GSUM DANG LDAN PA DANG, SA DE GSUM DANG DRI'I YON TAN BZHI DANG LDAN NO, ,PHYOGS DANG DUS NI GRANGS DANG BONG TSOD DANG LDAN PA DANG RNAM PAR PHYE BA DANG GZHAN DANG GZHAN MA YIN PA DANG SO SO BA STE YON TAN BDUN DANG LDAN NO, ,BDAG LA BRTEN PA'I YON TAN BCU GSUM STE BLO LNGA DANG BDE BA DANG SDUG BSNGAL DANG 'DOD PA DANG SNGANG BA DANG 'BAD PA DANG SHUGS DANG CHOS DANG CHOS MA YIN PA'O, ,YID KYI RDZAS LA BRTEN PA'I YON TAN NI MA BSHAD DO, ,LAS NI DRUG STE, 'DEGS PA DANG 'JOG PA DANG BRKYANG PA DANG BSKUM PA DANG 'GRO BA DANG 'ONG BA'O, ,SPYI LA KHYAB PA DANG NYI TSE BA GNYIS TE, DANG PO NI YOD PA NYID LA SOGS PA DANG, GNYIS PA NI BA GLANG NYID LA SOGS PA'O,, BYE BRAG NI SPYI GANG LA 'DU BA'I GZHI GSAL BA PHAN TSUN MA 'DRES PA'O, ,'DU PA NI 'BREL PA STE 'BREL PA DE YANG GNYIS TE, RTEN DANG BRTEN PA GOS THA DAD KYI 'BREL PA LDAN PA DANG, GO SA THA MI DAD KYI 'BREL PA 'DU BA'O, ,DE LTAR BLO LA SOGS PA BDAG DANG 'DU 'BREL YOD PA DE SRID DU 'KHOR BAR 'KHOR BA YIN LA, LAM BSGOM PA LA BRTEN NAS BDAG GI YON TAN DE RNAMS BDAG DANG 'DU BA'I 'BREL PA BCAD NAS BDAG YAN GAR BAR GNAS PA DE'I TSE THAR PA THOB PA YIN NO, ,BDE SOGS RIG PA MA YIN PA 'ON KYANG RIG PA LTAR TSOR BA NI BDAG GI DON GCIG LA BDE SOGS DANG MTSUNGS PAR 'DU BA'I 'BREL PA GRUB PA CAN GYI YID KYI SHES PAS RIG PAR BYA BA YIN PA LA BDE SOGS KYANG RIG PA LTAR TSOR BA YIN NO, ,ZHES ZER TO, ,GNYIS PA LA GSUM, MTSAMS

SBYAR BA DANG, RTZA BA DANG, 'GREL PA'O, ,DANG PO NI, ZHES ZER BA DE DAG GI 'DOD PA YANG MI RIGS PA'O, ,GNYIS PA NI, GZUGS 'DZIN DBANG SHES 'KHOR GYI BDE SOGS CHOS CAN CI'I PHYIR SHES PA MA YIN TE, SHES PA YIN PAR THAL, GZUGS 'DZIN DBANG PO'I SHES PA DANG RKYEN GSUM THA DAD MED PA'I DNGOS RGYUS BSKYED PA'I PHYIR, KHYAB PAR THAL, DNGOS 'BRAS 'DRA BA DE DANG 'DRA BA DE MIN PA'I RANG BZHIN CAN GYI 'BRAS BU NI, 'DRA BA DE DANG DE MIN PA'I DNGOS RGYU LAS SKYES PA'I PHYIR, GSUM PA LA GSUM, KHYAB PA SGRUB PA DANG, PHYOGS CHOS SGRUB PA DANG, RTAGS KYI TSUL MA GRUB PA'I RTZOD PA SPANG BA'O, ,DANG PO LA GNYIS, KHYAB PA DPE LA BSTAN PA DANG, LDOG NA GNOD PA CAN GYI TSAD MA BSTAN PA'O, ,DANG PO NI, GTAN TSIGS KYI DON NI, RKYEN GSUM GYI TSOGS PA GCIG LAS SKYES PAR MTSUNGS PA YIN GYI NYER LEN GCIG LAS SKYES PA DANG LHAN CIG BYED RKYEN GCIG LAS SKYES PA DANG, DE GNYIS KA LAS SKYES PA DANG NYER LEN GYI KHYAD PAR LAS SKYES PA SOGS NI DON MIN NO, ,RIGS PA CAN PA DE DAG KYANG CHOS CAN, SA LU'I MYU GU GNYIS LA SOGS PA 'BRAS BU 'DRA BA DE'I RANG GI NGO BO CAN GYI DNGOS PO RNAMS KYI RIGS 'DRA BA DE'I RANG BZHIN CAN DU 'BYUNG BA'I RGYU MTSAN GANG YIN CAS RGYU MTSAN LA BRGAL ZHING BRTAGS BRTZAD CING DRIS PA NA KHYOD KYIS KYANG DNGOS RGYU 'DRA BA DE'I RANG BZHIN GYI RGYU LAS SKYES PA'I 'BRAS BU NI 'DRA BA DE'I RANG BZHIN CAN DU 'BYUNG NGO ZHES RGYU'I RANG BZHIN LA BRTEN TE LAN 'DEBS DGOS TE DPER NA SA LU'I SA BON LA SOGS PA RIGS MTSUNGS PA DAG LAS NI SA LU'I MYU GU LA SOGS PA RIGS MTSUNGS PA DE BSKYED PA YIN PA LTA BU'O,,

, ,RIGS PA CAN PA DE DAG KYANG CHOS CAN, SA LU'I MYU GU DANG NAS KYI MYU GU LA SOGS PA DNGOS 'BRAS 'DRA BA DE MA YIN PA'I RANG GI NGO BO CAN GYI DNGOS PO RNAMS KYI 'DRA BA DE MA YIN PA'I RANG BZHIN CAN DU 'BYUNG BA'I RGYU MTSAN GANG YIN CES DE LA BRGAL ZHING BRTAGS BRTZAD CING DRIS PA NA KHYOD KYIS KYANG RIGS 'DRA BA DE'I RANG BZHIN MA YIN PA'I RGYU LAS SKYES PA NI 'BRAS BU 'DRA BA DE'I RANG BZHIN MA YIN PA ZHES RGYU'I RANG BZHIN LA BRTEN TE LAN 'DEBS DGOS TE DPER NA SA LU'I SA BON DANG NAS KYI SA BON LA SOGS PA RIGS 'DRA BA DE LAS GZHAN PA DAG LAS NI, 'BRAS BU YANG SA LU'I MYU GU DANG NAS KYI MYU GU LA SOGS PA RIGS 'DRA BA DE LAS GZHAN 'BYUNG NGO, ZHES BYA BA LTA BU'O, ,DON BSDUS NA RIGS PA CAN PA CHOS CAN, DNGOS 'BRAS 'DRA BA DANG MI 'DRA BAR 'BYUNG BA'I RGYU MTSAN DRIS PA NA DNGOS RGYU 'DRA BA DANG MI 'DRA BA LAS SKYES PA YIN NO ZHES KHYOD KYIS KYANG LAN 'DEBS DGOS TE, KHYOD DNGOS 'BRAS 'DRA BA DANG MI 'DRA BA'I KHYAD PAR KHAS LEN PA GANG ZHIG ,RGYU MTSAN DE SPANGS NAS RGYU MTSAN GZHAN MED PA'I PHYIR, DPE'I NGOS NAS DON BSDUS NA, GZHUNG PHYED SNGA MA LA SA LU'I MYU GU GNYIS CHOS CAN, RIGS 'DRA BAR 'BYUNG BA'I RGYU MTSAN YOD DE, DNGOS RGYU 'DRA BA LAS SKYES PA'I PHYIR, PHYED PHYI MA LA NAS KYI MYU GU CHOS CAN, SA LU'I MYU GU DANG SA LU'I MYU GUR MI MTSUNGS PA'I RGYU MTSAN YOD DE, SA LU'I MYU GU'I NYER LEN DANG RIGS MI 'DRA BA'I NYER LEN LAS SKYES PA'I PHYIR, DES NA, DNGOS RGYU 'DRA BA LAS SKYES NA DNGOS 'BRAS 'DRA BAS KHYAB, MI 'DRA BA LAS SKYES NA MI 'DRA BAS KHYAB PA YIN GYI DE LTA MA YIN

NA, GNYIS PA NI, DNGOS 'BRAS 'DRA BA CHOS CAN, KHYOD DNGOS RGYU 'DRA BA LAS MA SKYES PAR THAL, DE LA RJES SU 'GRO LDOG 'KHRUL BA'I PHYIR, RTAGS KHAS BLANGS, 'DOD NA, GLO BUR BA NYID DE RGYU MED DU THAL, DNGOS RGYU 'DRA BA LAS KYANG MA SKYES MI 'DRA BA LAS KYANG MA SKYES PA'I PHYIR, RTAGS PHYI MA TSAD MA'O, ,'DOD NA, YUL DANG DUS DANG RANG BZHIN GYI RGYU LA MI LTOS PAR THAL, 'DOD PA DE'I PHYIR, 'DOD NA YUL DUS RANG BZHIN SO SOR NGES PA MI 'THAD PAR THAL, 'DOD PA DE'I PHYIR RO, ,GNYIS PA LA GSUM, DBANG SHES 'KHOR GYI BDE SOGS RKYEN GSUM LAS SKYES PAR SGRUB PA DANG, DE'I GTZO BO YANG RGYU DE TZAM DU ZAD PA DANG, DES GRUB PA'I DON BSDU BA'O, ,DANG PO NI, DE'ANG DANG PO'I CHOS CAN 'OG MA GNYIS LA YANG SBYAR ZHING BAR PA'I RJES 'GRO THOG MTHA' GNYIS LA YANG SBYAR, THA MA'I RKYEN GZHAN GNYIS NUS PA MNYAMS PAR SNGA MA GNYIS LA YANG SBYAR TE SHES PAR BYA'O, ,DE LA GZUGS 'DZIN DBANG SHES 'KHOR GYI TSOR BA BDE BA LA SOGS PA CHOS CAN, YUL MED PA NI SKYE BA MA YIN CING RANG GI DMIGS RKYEN LAS SKYES PA YIN TE, KHYOD RANG GI RGYUD DANG PO DANG YID BYED GNYIS KA TSOGS KYANG DMIGS RKYEN DE TSOGS PA MED PAR MI 'BYUNG STE NUS PA NYAMS PA MED PA NYE BAR GNAS PA NA YANG 'BYUNG BA'I PHYIR RO, ,BDE SDUG JI LTA BU ZHE NA, YID DU 'ONG BA DANG MI 'ONG BA LA SOGS PA 'DOD MI 'DOD DU SNANG BA BLO BDAG NYID JI LTA BA'I YUL DANG YU YUL CAN DU RJES SU 'BREL BA'I BDE BA LA SOGS PA RNAMS SO, ,'DI CHOS CAN GYI BSHAD PA YIN PAS RTZOD GZHI'I KHYAD PAR DU SBYOR RO, ,YANG CHOS CAN SNGA MA LA DBANG PO MED

, ,PAR YANG MA YIN PAR RANG GI BDAG RKYEN DBANG PO GZUGS CAN PA LAS SKYES TE, DMIGS RKYEN DANG, YID BYED GNYIS KA TSOGS KYANG DMIGS RKYEN DE'I YUL CAN GYI DBANG PO DANG BRAL BA LA SKYE BA MA MTHONG BA'I PHYIR LA DBANG PO GZUGS CAN NUS PA NYAMS PA MED PAR NYE BAR GNAS PA NA YANG 'BYUNG BA'I PHYIR RO, ,BDE SDUG JI LTA BU ZHE NA, GZUGS LA SOGS PA DANG, DMIGS RKYEN DANG DMIGS RKYEN CAN DU RJES SU 'BREL PA CAN RNAMS SO, ,'DIS DBANG SHES 'KHOR DU BDE SDUG 'BYUNG BAR BSTAN CING 'DI YANG RTZOD GZHI'I KHYAD PAR DU BYA'O, ,YANG CHOS CAN SNGA MA LA YID LA BYED PA MED PAR YANG SKYE BA MA YIN PAR RANG GI DE MA THAG RKYEN LAS SKYES TE, DMIGS RKYEN DANG BDAG RKYEN GNYIS KA TSOGS KYANG GNYID MTHUG DANG BRGYAL BA LA SOGS PAS BSLAD PA'I BLO CAN LA KHYOD SKYE BA MED DE MA THAG RKYEN NUS PA NYAMS PA MED PA NYE BAR GNAS PA NA YANG 'BYUNG BA'I PHYIR RO, ,GNYID MTHUG GI SKABS NA YID KYI SHES PA GTAN MED DU 'DOD PA MI 'THAD DE, DE LTA NA GNYID MTHUG SAD MA THAG PA'I YID SHES KYI DNGOS KYI DE MA THAG RKYEN MED PAR 'GYUR RO, ,DANG PO'I 'GAG KHA MA SKAD CIG DU MAS BAR DU CHOD PA NYER LEN DU 'DOD PA YANG MI 'THAD DE, DNGOS KYI NYER LEN DANG LHAN CIG BYED RKYEN GNYIS DNGOS KYI 'BRAS BU BSKYED PA'I DUS MI MTSUNGS PA RNAM 'GREL DU, DE TSE MED PHYIR DON LAS MIN, ZHES SOGS KYI RIGS PAS LEGS PAR BKAG PAR SHES PAR BYA'O, ,DES NA DBANG SHES KYI DE MA THAG RKYEN BYED PA'I NUS PA NYAMS PA TZAM YIN GYI DE'I TSE YANG YID KYI SHES PA MI GSAL BA YOD

PA BYANG CHUB SEMS DPA' KA MA LA SH'I LA BZHED PA LTAR KHAS BLANG BAR BYA'O, ,DES MTSON NAS 'DOD PA NAS GZUGS MED DU SKYE DE NAS 'DOD PAR SKYE BA'I 'DOD PAR SKYES MA THAG GI MIG SOGS DBANG PO'I DNGOS KYI RGYU DANG PO'I 'DOD PA NAS 'CHI 'PHO KHA'I MIG SOGS DBANG PO THA MA LA 'DOD PA YANG RIGS PA DANG SHIN TU 'GAL TE, RNAM 'GREL LE'U GNYIS PA'I, TSE 'DI NYID KYI SKYE MCHED LNGA ZHES PA'I SKABS NA RGYAS PAR BSHAD YOD PAS DER BLTA BAR BYA'O, ,GNYIS PA NI, GZUGS 'DZIN DBANG PO'I RNAM PAR SHES PA DANG DE'I 'KHOR GYI BDE SOGS RKYEN GSUM GYI TSOGS PA GCIG LAS SKYES PAR THAL, DE'I 'KHOR GYI BDE SOGS RKYEN GSUM LAS SKYES PAR GRUB, GZUGS 'DZIN DBANG PO'I RNAM PAR SHES PA SKYE BA LA YANG SNGAR BSHAD PA'I RKYEN GSUM GYI RGYU'I TSOGS PA 'DI DAG TZAM KHO NAR ZAD PA'I PHYIR, GSUM PA NI, GZUGS 'DZIN DBANG SHES 'KHOR GYI BDE BA LA SOGS PA CHOS CAN, DMIGS PA MED PA BEM PO'I BDAG NYID MA YIN TE, RANG GI GTZO BO DANG RKYEN GSUM GYI TSOGS PA CIG LAS SKYES PA DES NA'I PHYIR, KHYAB PAR THAL, RGYU'I RANG GI NGO BO 'DRA BAS DE'I 'BRAS BU'I RANG GI NGO BO YANG 'DRA BA KHO NA BSKYED PAR NGES PA'I PHYIR, GSUM PA LA GNYIS, PHYOGS CHOS MA GRUB PA'I RTZOD SPANG DANG, KHYAB PA MA NGES PA'I RTZOD SPONG NGO, ,DANG PO LA GNYIS, RTZOD PA DANG, LAN NO, ,DANG PO NI, BDE SOGS DANG DBANG SHES RKYEN GSUM GYI TSOGS PA GCIG LAS SKYES PA MA GRUB STE, DBANG SHES BDAG LA GNAS PA'I YON TAN 'DUS BYAS PA'I SHUGS ZHES BYA BA ZHIG YOD PA LAS NGES PA KHO NAR RIG PAR SKYE BA YIN

, ,LA BDE SOGS LA RGYU DE MA TSANG BA YIN NO ZHE NA, GNYIS PA NI, GZUGS 'DZIN DBANG SHES CHOS CAN, RKYEN GSUM GANG GI YANG NANG DU MA GTOGS PA'I BDAG GI YON TAN 'DU BYED LAS SKYE BA MA YIN TE, BDAG GI YON TAN 'DU BYED DE'I PHAN 'DOGS PA'I NUS PA TSAD MAS MA MTHONG BA'I PHYIR RO, ,DER THAL, RANG GI RKYEN GSUM TZAM LAS SKYE BAR MTHONG BA'I PHYIR, KHYAB PAR THAL, RKYEN GSUM DE TZAM LAS 'BYUNG BA LA DE LAS GZHAN RGYUR RTOG NA NI HA CANG THAL BAR 'GYUR BA'I PHYIR, RJES SU 'GRO LDOG GI NUS PA MA NGES PA RGYUR KHAS LEN NA, 'GRO BA THAMS CAD THAMS CAD KYI RGYUR HA CANG THAL BAR 'GYUR RO, ,GNOD PA GZHAN YANG DE MA THAG RKYEN LA MING GZHAN GYIS BSTAN PA NI MI 'THAD DE, KHYOD 'DOD PA'I BDAG GI YON TAN 'DUS BYAS PA ZHES BYA BA DE YANG CHOS CAN, RNAM PAR SHES PA PHYI MA'I NYER LEN GYI RGYUR RUNG BA'I RNAM PAR SHES PA SNGA MA NYID YIN PAR CHOS KYI GRAGS PA KHO BOS RTOGS TE RNAM SHES PHYI MA MYONG BA'I NGO BOR LAG RJES 'JOG BYED YIN PA'I PHYIR, RTAGS DE'I PHYOGS CHOS PHYIR RGOL GYIS GRUB ZIN PA YIN NO, ,YANG NA THAL BAR BKOD NAS RTAGS KHAS BLANGS LA GTONG NGO, ,BDE BA LA SOGS PA RNAMS CHOS CAN, KHYOD KYANG NANG GI BYED PA YID BYED SNGA MA LAS BYUNG BA YIN TE RNAM PAR SHES PA SNGA MA YUL GZHAN LA GOMS PA'I G-YER BA GSAL BA DANG YUL LA GOMS PA MTSUNGS PAS ZHAN PA MI GSAL BA NYID LA SOGS PA'I KHYAD PAR GYI RJES SU KHYOD KYANG BYED PA'I PHYIR RO, ,DON NI BDE SDUG BAR MA CHAD PAR GOMS PAR BYAS PA LAS NI SHIN TU GSAL ZHING G-YER BA'I BDE BA DANG SDUG

BSNGAL 'BYUNG BA LA GOMS PA SHAS CHUNG BA LA DE TZAM MI 'BYUNG BAS YID BYED LAS SKYE BAR GRUB STE, BEM PO YIN NA SNGON PO LA JI TZAM GOMS KYANG SNGON PO'I BLO SKYE'I SER PO'I BLO MI SKYE BA BZHIN NO, ,GNYIS PA LA GNYIS, RTZOD PA DANG, LAN NO, ,DANG PO NI, KHYAB PA MA NGES TE, BDE BA DANG SDUG BSNGAL LA SOGS PA BDE SDUG MI 'DRA BA'I KHYAD PAR YANG MED PAR THAL BAR 'GYUR TE, RKYEN GSUM GYI RGYU MTSUNGS PA'I PHYIR RO ZHE NA, GNYIS PA NI, DBANG SHES 'KHOR GYI TSOR BA BDE SDUG CHOS CAN, RKYEN GSUM LAS SKYES PA TZAM DU MTSUNGS KYANG BDE SDUG GI KHYAD PAR MED PA MA YIN TE, RKYEN GSUM LAS SKYES PAR MTSUNGS KYANG, RKYEN GSUM DE'I TSOGS PA NYID KYI NANG GI KHYAD PAR SIM GDUNG SO SOR BSKYED PA'I NYER LEN GYI KHYAD PAR GYIS BDE SDUG THA DAD DU BYAS PA NYID KYI PHYIR DPER NA KHYOD RANG RGYU BDAG DANG YID DANG 'DUS BYAS PA LA SOGS PA SHES PA'I RGYU MTSUNGS PA LAS SKYES KYANG YUL THAG RING BA DANG, NYE BA'I KHYAD PAR GYIS THE TSOM DANG GTAN LA PHEBS PA NGES SHES DANG LA SOGS PA YANG DAG SHES PA DANG LOG SHES SU 'GYUR BAR 'DOD PA BZHIN DU SHES PA SNGA MA'I RGYU LAS SKYES PAR MTSUNGS KYANG BDE SDUG SO SOR 'GYUR BA LA 'GAL BA MED PA YIN NO, ,GNYIS PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, GRANGS CAN PA GZHAN DAG NA RE BDE BA LA SOGS PA NI RIGS PA CAN PA 'DOD PA LTAR NANG GI BEM PO YANG MA YIN LA SANGS RGYAS PA 'DOD PA LTAR SEMS PA CAN YANG MA YIN GYI 'O NA CI ZHE NA, SHES BYA NYER LNGAR 'DUS PA YIN LA, NYER BZHI BEM PO DANG, NYER LNGA PA SHES PA DANG RIG PA DANG MYONG BA DANG SEMS PA CAN

, ,DE BDAG GI MING GI RNAM GRANGS SO, ,BEM PO LA BDE SDUG BTANG SNYOMS GSUM CHA MNYAM PA'I GNAS SKABS GTZO BO DANG CHOS RNAMS KYI GNAS LUGS DANG DON DAM PA DANG, RANG BZHIN TE GTZO BO'I RNAM GRANGS SU 'DOD LA, DE SEMS PA MED CING 'BRAS BU BSKYED PA'I BYED PA DANG LDAN PA YIN LA, BDAG NI ZA SHES KYANG BYED MI SHES PA'O, ,RANG BZHIN DE LAS CHEN PO ZHES PA BLO DANG ME LONG NGOS GNYIS PA LTA BU PHYI NAS DE TZAM LNGA'I RNAM PA SHAR, NANG NAS SKYES BU'I RNAM PA SHAR BA STE DE LAS NGA RGYAL DANG DE LAS RNAM 'GYUR GYI TSOGS RNAM PA BCU DRUG 'BYUNG STE, BLO'I DBANG PO LNGA DANG, LAS KYI DBANG PO LNGA DANG, DE GNYIS LA DBANG BYED PA YID KYI DBANG PO STE, DBANG PO BCU GCIG DANG SGRA SOGS DE TZAM LNGA DANG, DE TZAM LNGA LAS 'BYUNG BA LNGA'O, ,RGYAS BAR BSHAD NA, RTZA BA'I RANG BZHIN RNAM PAR 'GYUR MIN LA, ,CHEN PO SOGS BDUN RANG BZHIN RNAM 'GYUR ZHING, ,BCU DRUG PO NI RNAM PAR 'GYUR BA STE, ,SKYES BU RANG BZHIN MA YIN RNAM 'GYUR MIN, ZHES SMRA BAR BYED DO, ,RNAM 'GYUR MIN LA ZHES PA NI, 'BRAS BU RAB TU BYED PA KHO NA YIN GYI, CHEN PO LA SOGS PA LTAR RNAM PAR 'GYUR BA YANG NI MA YIN NO, ,CHEN PO LA SOGS PA BDUN NI RAB TU BYED PA'ANG YIN LA RNAM PAR 'GYUR BA YANG YIN NO, ,CHEN PO LA SOGS PA YANG RANG GI RNAM 'GYUR LA BLTOS NAS RANG BZHIN YIN LA, RTZA BA'I RANG BZHIN LA BLTOS NAS RNAM PAR 'GYUR BA YIN NO, ,BLO'I DBANG PO LA SOGS PA BCU DRUG NI RNAM 'GYUR KHO NA'O, ,SKYES BU NI RAB TU BYED PA'ANG MA YIN LA, RNAM PAR 'GYUR BA YANG MA YIN NO, ,RNA BA LA SOGS PA'I DBANG PO

LNGA YID KYIS BYIN GYIS BRLABS PAS YONGS SU GZUNG BA'I YUL SGRA LA SOGS PA DAG LA BLOS ZHEN PAR BYED LA, DE NAS BLOS ZHEN PAR BYAS PA'I DON LA SKYES BUS SEMS PAR BYED DO, ,DE LTAR YUL LA SPYOD 'DOD PAS YUL NYE BAR LONGS SPYOD CING, GANG GI TSE YUL LA CHAGS PA CHUNG BA NYID KYIS SKYES BUS YUL LA NYES DMIGS SU BLTAS PAS, CHAGS PA DANG BRAL BAR GYUR PA DE'I TSE RIM GYIS BSAM GTAN BSGOM ZHING, DE LA BRTEN NAS LHA'I MIG GI MNGON SHES THOB PA NA, MIG DE'I SGO NAS GTZO BO LA BLTA BAR BYED LA, DES BLTAS PA DANG, GTZO BO DE GZHAN GYI BUD MED LTAR NGO TSA BAR GYUR PAS, BDAG LA MI 'GRO ZHING 'BRAL BAR 'GYUR RO, ,RNAM 'GYUR GYI TSOGS THAMS CAD KYANG SKYE BA'I RIM PA LAS BZLOG PA'I SGO NAS GTZO BO DE NYID DU RAB TU THIM PA'I PHYIR, MI GSAL BA'I NGO BOR GYUR PA DE'I TSE SKYES BU NYAG GCIG GNAS TE, DE PHYIR GROL BA ZHES BYA'O, ,BDAG DE NI RTAG TU YAN GAR BA'I NGO BOR GNAS PA'I PHYIR RTAG PA CES BYA'O, ,GANG ZHIG NI BYED PA PO YIN LA GANG ZHIG NI BYED PA PO MA YIN CE NA, 'DI LA RDUL MUN SNYING STOBS RNAMS NI YON TAN GSUM MO, ,DE LA RDUL NI G-YO BA DANG 'JUG PA'I BDAG NYID CAN NO, ,MUN PA NI LCI BA DANG G-YOGS PA'I BDAG NYID CAN NO, ,SNYING STOBS NI YANG PA DANG RAB TU GSAL BA'I BDAG NYID CAN NO, ,BDE BA DANG SDUG BSNGAL DANG GTI MUG CES PA NI 'DI DAG KHO NA'I RNAM GRANGS SO, ,'DI DAG CHA MNYAM PA'I SKABS NI GTZO BO STE, 'DIR YON TAN DAG GTZO BOR RAB TU ZHI BAR GYUR PA'I PHYIR RO, ,DE DAG RNAM PAR MI 'GYUR BA'I SKABS NI RANG BZHIN NO, ,RANG BZHIN LAS NI CHEN PO STE,

, ,CHEN PO DANG BLO GNYIS NI RNAM GRANGS TE PHYI YUL DANG NANG GI SKYES BU'I GZUGS BRNYAN GNYIS KA 'CHAR BA ZHIG GO ,CHEN PO LAS NI NGA RGYAL LO, ,NGA RGYAL NI GSUM STE RNAM PAR 'GYUR BA CAN DANG, SNYING STOBS CAN DANG, MUN PA CAN NO, ,DE LA RNAM PAR 'GYUR BA'I NGA RGYAL LAS NI DE TZAM LNGA STE, GZUGS DANG SGRA DANG DRI DANG RO DANG REG PA DAG GO ,DE TZAM DAG LAS NI 'BYUNG BA RNAMS TE, SA DANG CHU DANG ME DANG RLUNG DANG NAM MKHA' ZHES BYA BA DAG GO ,SNYING STOBS CAN GYI NGA RGYAL LAS NI LAS KYI DBANG PO LNGA PO DAG DANG LAG PA DANG RKANG PA RKUB DANG, 'DOMS KYI DBANG PO DANG, BLO'I DBANG PO LNGA PO MIG DANG RNA BA DANG SNA DANG LCE DANG PAGS PA'AM LUS KYI DBANG PO DANG, GNYIS KA'I BDAG NYID CAN GYI YID DE DE LTAR NA BCU GCIG GO ,MUN PA CAN GYI NGA RGYAL NI NGA RGYAL GZHAN GNYIS KA'I 'JUG PAR BYED PA'O, ,DE LA CHEN PO DANG NGA RGYAL DANG DE TZAM LNGA STE BDUN NI RANG BZHIN DANG RNAM 'GYUR GNYIS KA'O, ,DBANG PO BCU DANG YID DANG 'BYUNG BA LNGA NI RNAM 'GYUR KHO NA DANG, RTZA BA'I RANG BZHIN GTZO BO NI RANG BZHIN KHO NA'O ZHES PA NI GZHUNG LUGS SO, ,BDE SOGS PHYI ROL GYI BEM PO YIN KYANG RIG PA LTAR TSER BA NI YID DU 'ONG MI 'ONG DE'I BDAG NYID DU GYUR PA'I SGRA LA SOGS PA DE TZAM LNGA SHES RIG GI SKYES BUS LONGS SPYAD CING NYAMS SU MYONG BA LAS PHYI NAS BDE BA'I GZUGS BRNYAN DANG NANG NAS SKYES BU'I GZUGS BRNYAN GNYIS BLO'I STENG DU 'DRES PA NA BDE BA DE NYAMS SU MYONG BAR GYUR PA NA DE NYID BDE BA'I NGO BOR 'KHRUL NAS BDE BAR ZHEN CING RTOGS PA YIN NO, ZHES ZER TO, ,GNYIS PA LA GSUM, BDE SOGS NANG YIN PAR SGRUB PA DANG,

SEMS PA CAN DU SGRUB PA DANG, BDE SOGS RNAM PA GTOD BYED KYI PHYI ROL YIN PA DGAG PA'O, ,DANG PO LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, BDE SOGS PHYI ROL GYI DON YIN NO ZHES ZENG [?] BA DE'I LTAR NA YANG RIGS PA DU MAS GNOD DE, GNYIS PA NI, BDE SOGS CHOS CAN, PHYI ROL DON GYI RANG BZHIN MIN TE, YUL GYI PHYI ROL SGRA LTA BU ZHIG LA DMIGS PAR KHYAD PAR MED NA YANG DGA' BA DANG YONGS SU GDUNG BA DAG GOMS PA LAS KHYAD PAR DU 'GYUR BA'I PHYIR, 'GREL PAR 'CHAD PA'I THAL BA YANG 'PHANGS PAR SHES PAR BYA'O, ,GNYIS PA NI, GAL TE PHYI ROL GYI DON YIN NA BDE BA LA SOGS PA CHOS CAN, SGRA LA SOGS PA YUL KHYAD PAR MED PA ZHIG LA DMIGS NAS GOMS PA'I KHYAD PAR LAS DGA' BA DANG YONGS SU GDUNG BA'I BDE SDUG GI KHYAD PAR DU MI 'GYUR BAR THAL, GANG GI PHYIR NA SGRA LA SOGS PA'I BDAG NYID DE DANG GRUB DE RDZAS GCIG PA YIN PA'I PHYIR, DPER NA SNGON PO LA SOGS PA'I SNANG BA'I KHYAD PAR BZHIN TE, SNGON PO LA JI TZAM GOMS PAR BYAS KYANG SNGON PO'I RNAM PAR SNANG GI SER PO'I RNAM PAR MI SNANG BA BZHIN NO, ,'DOD PA LA MNGON SUM TSAD MAS GNOD PAS RANG RGYUD KYI PHYOGS CHOS 'PHEN PAR BYED PA YIN NO, ,BDE SOGS DE DAG NI CHOS CAN BLO NYID YIN TE, SGRA LA SOGS PA DE'I KHYAD PAR LA MI LTOS PAR GOMS PA'I KHYAD PAR DANG RJES SU 'BREL BA LAS, DGA' GDUNG SO SOR 'GYUR BA'I PHYIR, DPER NA SHES RAB DANG BRTZE BA LA SOGS PA BZHIN NO, ,RTAGS CHOS GNYIS LDAN GYI MTHUN DPER BYED NA, GOMS PA LAS GONG NAS GONG DU KHYAD PAR DU 'GYUR BA'I

, ,PHYIR CES SBYAR RO, ,GNYIS PA LA GNYIS, KHAS BLANGS NANG 'GAL BSTAN PA'I SGO NAS SGRUB PA DANG, BDE SOGS SEMS PA CAN YIN PA'I DON MNGON SUM GYIS GRUB PAR BSTAN NAS THA SNYAD RTAGS KYIS SGRUB PA'O, ,DANG PO LA GNYIS, RTZA BA DANG, 'GREL PA'O, ,DANG PO NI, BDE SOGS CHOS CAN, SEMS PA CAN YIN PAR THAL, YUL GYI RNAM PA MA SHAR BA'I RIG PA DE'I DNGOS SU MYONG BYA YIN PA'I PHYIR, 'ANG GI SGRAS NANG YIN PAR MA ZAD CES PA'O, ,KHYAB PA YOD PAR THAL, SEMS PA CAN DE'I RANG BZHIN MA YIN NA RANG RIG MNGON SUM GYIS MYONG BA MIN DGOS PA'I PHYIR RO, ,YANG NA KHAS BLANGS NANG 'GAL 'DI LTAR SBYAR TE, GRANGS CAN GYIS SHES RIG GI SKYES BU LA BDE SOGS KYI RNAM PA MA SHAR YANG DES DE GZUNG DON DU BYAS NAS MYONG BAR 'DOD LA, BLO LA RNAM PA SHAR YANG GZUNG DON DU MI BYED PAR 'DOD PA 'GAL TE SEMS PA CAN SHES RIG GI SKYES BU CHOS CAN, DE TZAM LNGA'I BDAG NYID BDE SOGS DE'I RNAM PA SHAR BA'I RANG BZHIN DU THAL, DE GZUNG DON DU BYAS NAS MYONG BA'I PHYIR, KHYAB PAR THAL, DE'I RNAM PA SHAR BA MA YIN NA DE GZUNG DON DU BYAS NAS MYONG BA MIN DGOS PA'I PHYIR RO, ,SNGA MA'I RTAGS BSAL KHAS BLANGS SO, ,DON GYI SHUGS KYIS 'PHANGS PA NI, BLO CHOS CAN, BDE SOGS KHYOD KYI GZUNG DON DU BYAS PAR THAL, DES KHYOD LA RANG 'DRA'I RNAM PA DNGOS SU GTAD PA'I PHYIR, RTAGS BSAL KHAS BLANGS SO, ,'DI 'GREL BA'I SKABS SU RGYAS PAR 'CHAD PAR 'GYUR RO, ,GNYIS PA LA GSUM, MDOR BSTAN PA DANG, GNOD PA CAN GYI TSAD MA RGYAS PAR BSHAD PA DANG, BDE SOGS SEMS PA CAN

DU 'GRUB PA'O, ,DANG PO NI, BDE BA LA SOGS PA 'DI DAG NI CHOS CAN, NANG YIN PAR MA ZAD SEMS PA CAN YANG YIN TE RANG RIG MNGON SUM GYIS DNGOS SU MYONG BAR BYA BA YIN PA'I PHYIR RO, ,YANG NA THAL BAR BKOD NAS RTAGS BSAL KHAS BLANGS LA SBYAR RO, ,KHYAB PAR THAL, GANG GI PHYIR NA SHES PA GANG ZHIG YUL GANG GI RNAM PA MYONG ZHING SHAR BA MA YIN PA DE NI YUL DE DE'I GZUNG DON DU BYAS NAS MYONG BAR BYED PA MA YIN PAS KHYAB PA'I PHYIR, DPER NA PHAN TSUN RANG BZHIN TE RNAM PA SHAR BA MED PA'I BDE BA DANG SDUG BSNGAL LA SOGS PA PHAN TSUN GZUNG DON DU BYAS NAS MYONG BA MED PA BZHIN NO, ,GNYIS PA LA GSUM, MNGON PAR GSAL BA PHYI ROL GZUNG DON DU BYED PA'I MTSAN NYID DU MI RUNG, RIG TZAM MTSAN NYID DU MI RUNG, DES NA GZUNG DON GYI RNAM PA SHAR BA KHAS LEN DGOS PA'O, ,DANG PO NI, GRANGS CAN PA NA RE, YUL CAN GYI MTSAN NYID YUL DANG 'DRA BA MA YIN GYI, SHES RIG GI SKYES BU MNGON PAR GSAL BA'I NGO BOR RTAG TU GNAS PA YIN LA, GSAL BAR 'JOG PA YANG YUL LA BLTOS NAS BZHAG DGOS PAS MNGON PAR GSAL BA YUL CAN GYI MTSAN NYID YIN PAS SNGAR GYI THAL BA LA KHYAB PA MED DO ZHE NA, GSAL BA'I DON 'DIS PHYI ROL GZUNG DON DU BYAS NAS GSAL BAR BYED PA YIN NAM, 'DI LA BRTEN NAS PHYI ROL GSAL PA YIN, DANG PO LTAR NA, PHYI ROL GZUNG DON DU BYAS NAS GSAL BAR BYED PA DE RNAM PA MA SHAR YANG PHYI ROL GZUNG DON DU BYED PA'I 'JOG BYED DU MI RUNG BAR THAL, SHES RIG GI SKYES BU 'DI PHYI ROL 'DI'I GZUNG DON DU BYAS PA'I SGO NAS MYONG BAR BYED PA YIN NO ZHES BYA BA'I GZUNG DON DANG GZUNG DON CAN DU 'BREL BA'I 'JOG BYED KYI RGYU MTSAN NI

, ,MNGON PAR GSAL BAR BYED PA YIN LA, DE BSGRUB BYA DANG MTSUNGS PAR MA GRUB PA MA YIN PA'I PHYIR, RTAGS SNGA MA KHAS BLANGS SO, ,GNYIS PA LTAR NA, DBANG PO DANG YID DANG BLO LA SOGS PA CHOS CAN, KHYED RNAMS LA YANG SHES RIG GI SKYES BUS GZUNG DON DU BYAS NAS 'DZIN PAR THAL, KHYED RNAMS LA BRTEN NAS PHYI ROL GZUNG DON DU GSAL DGOS PA'I PHYIR, GSUM GA KHAS BLANGS SO, ,DES NA SKYON DER 'GYUR BAS MNGON PAR GSAL BA PHYI ROL GZUNG DON DU BYED PA'I MTSAN NYID DU MI RUNG BAR THAL, PHYI ROL DE'I GZUNG DON DU BYAS NAS MYONG BA'I MTSAN NYID NI DE'I RNAM PA SHAR BA'I 'DRA BA NYID LA RAG LAS PA YIN PA'I PHYIR, ZUR NA GNAS PA KHA CIG SLOB DPON GYIS GRANGS CAN LA SHES PA YUL DANG 'DRA BA SGRUB PA MI 'THAD PAR MTHONG NAS SHES RIG GI SKYES BU SNGAR PHYI ROL DANG 'DRA BA DE'I BDAG NYID MA YIN NA NI PHYIS KYANG RTAG DNGOS YIN PA DE'I BDAG NYID NYAMS PA MED PA'I PHYIR, PHYI ROL DE DANG 'DRA BA YANG SEMS PA CAN LA JI LTAR THAL BA 'PHEN PA 'THAD PAR 'GYUR TE GRANGS CAN GYIS SHES RIG GI SKYES BU RTAG DNGOS SU KHAS BLANGS PA'I PHYIR RO ZHE NA, YANG NA SEMS PA CAN SNGAR PHYI ROL DANG MI 'DRAN, PHYIS 'DRA BAR JI LTAR 'GYUR ZHES BSHAD DO, ,ZUR NA GNAS PA'I RGOL BA CHOS CAN, GRANGS CAN GYIS SHES RIG RTAG DNGOS SU KHAS BLANGS PAS PHYI ROL DANG 'DRA BA KHAS LEN DGOS PA'I THAL BA 'PHEN MI RIGS PA'I SKYON MED PAR THAL, DE LTAR 'PHANGS PAS GRANGS CAN GYIS RTAG MI RTAG 'GAL BA GZHI GCIG LA KHAS LEN DGOS PA 'DI NI GRANGS CAN 'DI'I NYES PA RNAM PA SHAR MA SHAR GZHI

GCIG LA KHAS LEN DGOS PA LAS GZHAN PA'I NYES PA YIN LA PHYI ROL GYI RNAM PA SHAR BA'I 'DRA BA MED PAR NI PHYI ROL GZUNG DON DU BYAS NAS MYONG BA MA YIN PA'I PHYIR GRANGS CAN 'DOD PA'I SHES RIG RTAG PA YIN PA ZHAR LA NYAMS PAR 'GYUR BA KHO RANG GI GRUB MTHA'I SKYON YIN GYI RNAM PA MA SHAR BAR PHYI ROL GZUNG DON DU BYED PA MI 'THAD PA NI DNGOS PO'I GNAS TSOD YIN CES PA'O, ,GNYIS PA NI, MNGON PAR GSAL BA YUL CAN GYI MTSAN NYID DU MI RUNG YANG 'DRA BA KHAS BLANGS MI DGOS TE, RNAM PA MA SHAR YANG SKYES BU RIG PA YIN PA NYID KYIS DE TZAM LNGA GZUNG DON DU BYAS NAS 'DZIN PAR 'JOG PA'I PHYIR RO ZHE NA, RIG PAR YOD PA NYID NI DE TZAM LNGA PO DE'I STENG DU GZUNG DON DU BYAS NAS MYONG BAR 'JOG BYED DU RIGS PA MA YIN PAR THAL, GANG GI PHYIR NA 'CHAD PAR 'GYUR BA'I HA CANG THAL BA'I NYES PAR 'GYUR BA'I PHYIR, HA CANG THAL BA NI, SHES RIG GI SKYES BU CHOS CAN, BEM PO NYER BZHI PO THAMS CAD GZUNG DON DU BYAS NAS NGES MED DU RIG PAR THAL, BEM PO NYER BZHI PO THAMS CAD LA RIG PAR KHYAD PAR MED PA'I PHYIR RO, ,GSUM GA KHAS BLANGS SO, ,RIG PAR RTAG PA'I DNGOS PO YIN NA YUL DUS RANG BZHIN THAMS CAD LA RTAG KHYAB TU KHAS LEN DGOS SHING DE LTAR KHAS BLANGS PAS THAL BA 'PHEN RIGS PA YIN NO, ,GSUM PA NI, SHES PA DE LA PHYI ROL DANG 'DRA BA YOD NA NI 'DRA BAR BYED PA PHYI ROL GYI DON LA GZUNG DON DU BYAS NAS SBYOR ZHING 'BREL PA 'THAD PA YIN TE, GRANGS CAN GYIS SNGAR BKOD PA DE RNAMS PHYI ROL GZUNG DON DU BYED PA'I MTSAN NYID DU MI RUNG ZHING RANG 'DRA'I RNAM PA DNGOS SU GTOD BYED GZUNG DON GYI MTSAN NYID

, ,YIN PA'I PHYIR, DES PHYI ROL GZUNG DON DU BYAS NAS 'DZIN PA'I MTSAN NYID KYANG SHES PAR BYA'O, ,GSUM PA LA GNYIS, DNGOS KYI DON DANG, BDE SOGS BEM POR THAL BA SPANG BA'O, ,DANG PO NI, BDE BA LA SOGS PA NI CHOS CAN, SEMS PA CAN YIN PAR GRUB STE, SIM PAR MYONG BA'I SGO NAS MYONG BA'I NGO BOR GYUR PA YIN PA'I PHYIR, KHYAB PAR THAL, SIM PAR MYONG BA GANG YIN PA 'DI NYID KYANG KHO BO CAG GI BDE BA'I 'JOG BYED YIN PA'I PHYIR, YANG NA THAL BAR BKOD NAS RTAGS BSAL KHAS BLANGS LA BTANG NGO, ,GNYIS PA LA GNYIS, RTZOD PA DANG, LAN NO, ,DANG PO NI, GRANGS CAN NA RE, KHYOD MI 'DOD PA'I DON BDE BA LA SOGS PA MYONG BA MA YIN PAR BEM POR GRUB PAR 'GYUR TE, MYONG BA SHES RIG LA BDE SOGS DE'I RNAM PA SHAR BA'I BDAG NYID YIN PA'I PHYIR, KHYAB PA KHAS BLANGS TE, YUL DANG 'DRA BA YUL CAN GYI MTSAN NYID DANG, RANG 'DRA'I RNAM PA DNGOS SU GTOD BYED GZUNG DON GYI MTSAN NYID DU KHAS BLANGS PA YIN PA'I PHYIR RO ZHE NA, MYONG BA LA BDE SOGS KYI RNAM PA SHAR BAR KHAS BLANGS PAS DE LTA NA RNAM PA DE BDE SOGS KYIS GTAD DGOS PAS GZUNG DON GYI MTSAN NYID ZHUGS PA'I PHYIR, KHYED MI 'DOD PA'I DON BDE SOGS PHYI ROL TU GRUB PAR 'GYUR SNYAM PA'O, ,GNYIS PA NI, MYONG BA LA BDE BA'I RNAM PA SHAR BAS BDE BA PHYI ROL GYI DON DU KHAS LEN DGOS PA MA YIN PAR THAL, MYONG BA LA BDE BAS RANG 'DRA'I RNAM PA DNGOS SU GTAD PA RANG RGYUD DU KHAS LEN PA MA YIN GYI SHES RIG DANG BDE SOGS RNAM PA MA SHAR YANG GZUNG DON DANG GZUNG DON CAN DU 'DOD PA GRANGS CAN KHYED KYI PHYOGS

LA YANG BDE BA LA SOGS PA SHES RIG GIS GZUNG DON DU BYAS NAS NYAMS SU MYONG BA YIN NA NI DE'I RNAM PA SHAR BA YANG YOD PAR KHAS LEN DGOS PA YIN NO ZHES KHAS BLANG NANG 'GAL BSTAN PA'I DON DU MYONG PHYIR SEMS PA'ANG DE RANG BZHIN, ZHES PA'I THAL BA BKOD PA YIN PA'I PHYIR, YANG NA, KHO BO LA BDE BA PHYI ROL TU THAL BA GNOD BYED DU 'JUG PA YIN TE, GRANGS CAN KHYOD KYI LUGS LA YANG MYONG BA'I RANG BZHIN GYI BDE BA KHAS BLANG DGOS SO ZHES SNGAR GYI SKYON DE DAG BKOD PA YIN PA'I PHYIR CES SBYOR RO, ,GNYIS PA NI, BDE SOGS MYONG BAR 'DOD PA'I LUGS DE LA YANG CHOS CAN, MYONG BAR TSAD MAS MA GRUB PA'I SKYON MED DE, MYONG BA NYID DU MNGON SUM TSAD MAS MTHONG BA'I PHYIR, DER THAL, DGA' BA DANG YONGS SU GDUNG BAR MTHA' GCIG TU NANG DU MNGON SUM TSAD MAS MYONG ZHING MTHONG BA'I PHYIR, GCIG TU ZHES PA NI PHYI ROL GYI LAG RJES YIN PA 'GOG PA'O, ,GRANGS CAN GYIS MYONG BA'I DON MNGON SUM GYIS GRUB NAS, THA SNYAD 'BA' ZHIG RTAGS KYIS SGRUB DGOS PAS PHYIR RGOL SHIN TU BLUN PAR STON PA YIN NO, ,GSUM PA LA GNYIS, RTAGS DGOD PA DANG, DE'I LAN DGAG PA'O, ,DANG PO NI, GRANGS CAN PA NA RE, BDE SOGS MYONG BA'I NGO BO LTAR SNANG BA 'DI NI BDE SOGS MTSAN NYID PA MA YIN GYI 'DI NI BDE SOGS MTSAN NYID PA PHYI ROL DE TZAM LNGA'I BDAG NYID DU GNAS PA DES GTAD CING BZHAG PA'I BLO LA YOD PA'I BDE SOGS KYI GZUGS BRNYAN RNAM PA DE YIN LA DE DANG MYONG BA SHES RIG GI RNAM PA BLO LA YOD PA GNYIS 'DRES PAS 'KHUL NAS BDE SOGS KYANG MYONG BA'I NGO BO YIN NO SNYAM DU ZHEN PA SKYE BA YIN NO ZHE NA, MYONG

, ,BA'I RANG BZHIN 'DI'I BDE BA LA SOGS PA'I RNAM PA'I BDAG NYID 'DI 'JOG PAR BYED PA PHYI ROL DON GYI BDE SOGS RDZAS GZHAN YIN PAR NI RIGS PA MA YIN TE, DMIGS YUL GZUGS LA SOGS PA'I PHYI ROL GYI DON DE KHYAD PAR MED KYANG SROG CHAGS KYI RANG BZHIN RIGS KYI KHYAD PAR DANG GOMS PA CHE CHUNG LA SOGS PA'I KHYAD PAR LAS BDE SDUG DE'I BDAG NYID DGA' BA DANG GDUNG BA DANG CHE CHUNG LA SOGS PA'I KHYAD PAR DU 'GYUR BAR MYONG BAS GRUB PA'I PHYIR RO, ,RIGS KYI KHYAD PAR LAS LAN TSVA'I RDZAS GCIG NYID RNGA MO DANG SBAL PA SOGS LA BDE SDUG THA DAD DU BSKYED PA BZHIN DANG, GOMS PA'I KHYAD PAR LAS BDE SDUG SO SOR 'GYUR BA MYONG BAS GRUB BO, ,GNYIS PA LA GNYIS, RTZOD PA DANG, LAN NO, ,DANG PO NI, GRANGS CAN NA RE, GOMS PA'I KHYAD PAR SOGS LAS DGA' BA DANG GDUNG BA'I KHYAD PAR DANG LDAN PAR SNANG BA NI BLO LA YOD PA'I BDE SDUG GI GZUGS BRNYAN YIN GYI MYONG BA DANG DBYER MED DU GRUB PA'I BDE SDUG NI MA YIN TE DE LTA BU MI SRID PA'I PHYIR RO, ,ZHE NA, GNYIS PA LA GNYIS, BLO DANG MYONG BA'I KHYAD PAR DRI BA DANG, DRIS PA'I LAN DGAG PA'O, ,DANG PO NI, KHYOD 'DOD PA'I BLO ZHES BYA BA 'DI CI ZHIG MYONG BA ZHES BYA BA 'DI CI ZHIG 'DI GNYIS LA KHYAD PAR CI YOD CES DRIS PA'O, ,GNYIS PA LA GNYIS, PHA ROL PO'I LAN DANG, DE DGAG PA'O, ,DANG PO NI, GRANGS CAN NA RE, YUL SO SO LA SO SO DANG CHAGS BYA DANG SKYES BU GCIG TU ZHEN PAR BYED PA'O, ,MYONG BA NI GSAL GSAL RIG RIG POR NYAMS SU MYONG BA 'DI'O, ,MTSAN GZHI DE YIN MOD DE GNYIS LA

MTSAN NYID KYI KHYAD PAR CI YOD DRIS PAS SGRA LA SOGS PA'I YUL GYI RNAM PA SHAR BA CAN GYI DON BEM PO NI MYONG BA MED PA BLO'I MTSAN NYID YIN LA YUL GYI RNAM PA SHAR BA DANG BEM PO LAS GZHAN RIG PA RNAM MED NI MYONG BA SEMS KYI MTSAN NYID YIN NO ZHE NA, GNYIS PA LA GSUM, BLO MYONG RDZAS THA DAD YIN PA DGAG PA DANG, RDZAS GCIG TU SGRUB PA DANG, RDZAS THA DAD YIN KYANG 'DRES PAS MA PHYED PA'I LAN DGAG PA'O, ,DANG PO LA GNYIS, RGYAS PAR BSHAD PA DANG, DON BSDU BA'O, ,DANG PO LA GSUM, BLO'I MTSAN NYID 'KHRUL BA DANG, BAM POS DON RTOGS 'JOG PAR MI 'THAD PA DANG, GOMS PAS KHYAD PAR 'GYUR BA'I BDE SOGS BEM POR GYUR PA'I BLO'I BDAG NYID YIN PA 'GAL BA'O, ,DANG PO LA GNYIS, MTSAN NYID 'KHRUL BA DANG, DE'I LAN DGAG PA'O, ,DANG PO NI, MYONG BA MED PA'I 'DRA BA BLO'I MTSAN NYID YIN NA NI ZHES KHAS BLANGS RJES SU BRJOD NAS ME LONG DANG SHEL DANG RDO BA DVANGS PA LA SOGS PA 'DRA BA GZHAN YANG CHOS CAN BLO DER 'GYUR BAR THAL, MYONG BA MED PA'I 'DRA BA YIN PA'I PHYIR, GRANGS CAN CHOS CAN, MA NGES PA DE DAG GCOD PA'I BLO'I MTSAN NYID KYI KHYAD PAR GZHAN YOD NA YANG BRJOD DGOS PAR THAL, KHYOD KYIS KHYAD PAR GNYIS LDAN BLO'I MTSAN NYID DU SMRAS PA GANG ZHIG DE LA SNGAR GYI SKYON DER 'GYUR BA'I PHYIR, THAL BA SNGA MA'I KHYAB PA DANG THAL BA KHAS BLANGS PHYI MA'I THAL BA DANG RTAGS SNGA MA KHAS BLANGS SO, ,GNYIS PA NI, GRANGS CAN NA RE, KHYAD PAR GNYIS PO DE TZAM BLO'I MTSAN NYID MA YIN GYI, SKYES BU YUL LA LONGS SPYOD PA'I TSE BYA BYED CHOS BZHI YOD DE, BYED PA PO SKYES BU DANG, SKYES BU YUL LA LONGS SPYOD

, ,PA'I BYED PA BLO DANG, LONGS SPYOD PA BYA BA DANG, LONGS SPYAD BYA LAS SU GYUR PA GZUGS SOGS DE TZAM LNGA'O, ,DES NA BEM PO YIN PA DANG DON DANG 'DRA BA YIN PA DANG, SKYES BU YUL LA LONGS SPYOD PA'I NANG GI BYED PA YIN PA DANG, SEMS CAN GYI RGYUD KYIS BSDUS PA DANG KHYAD PAR BZHI LDAN BLO'I MTSAN NYID YIN NO ZHE NA, SKYES BU YUL LA LONGS SPYOD PA'I NANG GI BYED PA NYID LA SOGS PA KHYAD PAR BZHI TSOGS PA YANG CHOS CAN BLO'I MTSAN NYID MA YIN PAR THAL, BLO DE'I RGYU MTSAN CAN YIN PA STE BLO MA GRUB PA'I SNGAR MA GRUB PAS BSGRUB BYA DANG MTSUNGS PA'I PHYIR, BLO RGYU MTSAN DANG CHOS BZHI TSOGS PA RGYU MTSAN CAN YIN NO ZHES KHYOD KYIS KHAS BLANG DGOS ZHES PA'O, ,YANG NA NANG GI BYED PA'I SOGS PAS SHIN TU DANG BA NYID DANG NANG NYID DANG, SKYES BU YUL LA LONGS SPYOD PA'I RGYU YIN PA RNAMS BSDUS NAS SNGAR LTAR GNOD PA BRJOD DO, ,'AM GYI SGRAS NYES PA 'OG MA SDUD DO, ,CHOS BZHI TSOGS PA CHOS CAN, BLO'I MTSAN NYID YIN NO ZHES BSGRAG PAR BYA BA MA YIN TE, BLO BYE BRAG TU THUN MONG MA YIN PAR GO BAR BYED PA'I RTOGS PA'I YAN LAG THABS MA YIN PA'I PHYIR, SHIN TU DAD PA LA SOGS PA'I KHYAD PAR GZHAN YANG RUNG, KHYAD CHOS DE DAG TSOGS PA BLO'I MTSAN NYID DU MI RUNG BAR THAL, RNAM PA DE LTA BU'I SHIN TU DANG BA LA SOGS PA'I KHYAD PAR DE DANG MIG GI DBANG PO LA SOGS PA GZHAN LA YANG YOD PA'I PHYIR RO, ,MIG GI DBANG PO YANG BLOR THAL ZHES PA'O, ,GNYIS PA NI, BLO DES DON RTOGS PAR RNAM PAR 'JOG PAR JI LTAR 'GYUR TE MI 'GYUR BAR THAL, SEMS PA MED PA BEM PO'I RANG BZHIN YIN PA'I

PHYIR, KHYAB PAR THAL, BEM POS DON RTOGS 'JOG NA HA CANG THAL BAR 'GYUR BA'I PHYIR DANG YUL RTOGS PAR RNAM PAR 'JOG PA YANG MYONG BA'I MTHAR THUG PA YIN DGOS PA'I PHYIR, HA CANG THAL BA NI, BEM POS DON RTOGS 'JOG NA ME LONG LA SOGS PAS KYANG 'JOG NUS PAR THAL BA'O, ,GSUM PA NI, GOMS PAS KHYAD PAR DU 'GYUR BA BDE SOGS MTSAN NYID PA MA YIN GYI BLO'I BDAG NYID DU GYUR PA'I GZUGS BRNYAN YIN NO ZHES ZER BA YANG BRJOD BYAS STONG PA YIN TE, SGRA LA SOGS PA'I BDAG NYID BDE BA MTSAN NYID PA GOMS PAS KHYAD PAR DU 'GYUR BA MED KYANG BLO'I BDAG NYID KYI BDE BA'I GZUGS BRNYAN GOMS PAS KHYAD PAR DU 'GYUR BA CAN YIN NO ZHES BYA BA YANG BRJOD BYAS STONG PA'I TSIG TZAM YIN TE BDE BA 'DI DAG GCIG LA GOMS PAS KHYAD PAR DU 'GYUR MI 'GYUR CIG CAR GZHI MTHUN DU 'DU BA 'GAL BA'I PHYIR RO, ,GNYIS PA NI, BLO MYONG RDZAS THA DAD YIN NA NYES PA DE DAG TU 'GYUR BA DE'I PHYIR, SEMS PA YOD PA LAS RDZAS GZHAN DAG LA YANG GOMS PAS KHYAD PAR DU 'GYUR BA CAN GYI BLO BEM PO NI YOD PA MA YIN TE, BLO MYONG RDZAS THA DAD PA TSAD MAS KHEGS PA'I PHYIR, GNYIS PA LA GSUM, RTAGS DGOD PA DANG, PHYOGS CHOS MA GRUB PA SPANG BA DANG, DON BSDU BA'O, ,DANG PO LA GNYIS, RTZA BA DANG, 'GREL PA'O, ,DANG PO NI, BLO DANG MYONG BA RDZAS THA DAD DU MED DE MYONG BA DE'I RANG BZHIN LAS LDOG CING DE LAS RDZAS THA DAD PA'I BLO NI YOD NA TSAD MAS RTOGS DGOS PA LA TSAD MAS RTOGS PA MED PA'I PHYIR RO, ,PHYOGS CHOS MNGON SUM GYIS GRUB BO, ,GNYIS PA NI, BLO MYONG RDZAS THA DAD PA MA YIN TE, BLO 'DI NI DGA' BA DANG ZHUM PA LA SOGS PA'I RNAM

, ,PAR 'GYUR BA RNAM PA DU MAR MTHA' GCIG TU MYONG BA MA YIN PA DANG BRAL BA MYONG BA NYID YIN PAR MNGON SUM GYIS MTHONG BA'I PHYIR BLO DE LA CHOS CAN, CHEN PO LA SOGS PA MING NI JI LTAR 'DOD PAR BYED LA REG GI DON MYONG BA LAS RDZAS THA DAD MA YIN PAR THAL, MYONG BA'I NGO BOR MNGON SUM TSAD MAS MTHONG BA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, BLO MYONG RDZAS THA DAD DU DMIGS RUNG MA DMIGS PAS RDZAS THA DAD MI KHEGS TE, RDZAS THA DAD DU YOD KYANG DMIGS RUNG MA YIN PA'I PHYIR, DPER NA SA PHYOGS DANG SHA ZA BZHIN DU MYONG BA NI SHIN TU PHRA BA NYID KYIS MNGON SUM GYIS GRUB PA MA YIN LA BLO'I RNAM PAR 'GYUR BA YUL GYI RNAM PA SHAR BA NI MNGON SUM GYIS GRUB PA YIN NO, ,NGO BO DBYER MED YIN KYANG MNGON SUM GYIS MI 'GRUB STE, DPER NA, KHYOD RANG 'DOD PA'I SNGON PO DANG SKAD CIG MA BZHIN NO ZHE NA, GNYIS PA LA GSUM, YUL DMIGS PA THAMS CAD MNGON SUM DU MA GRUB PAR THAL BA DANG, RTAGS KYIS GRUB PA DGAG PA DANG, BLO LAS RDZAS THA DAD PA'I MYONG BA KHAS BLANGS PA DON MED PA'O, ,DANG PO NI, YUL LONGS SPYOD PA NI, YUL DMIGS PA'I DON YIN LA, YUL KHYAD GZHI DANG, DMIGS PA KHYAD PAR GYI CHOS YIN PAS, YUL DMIGS DA MNGON SUM GYIS MA GRUB NA, YUL MNGON SUM GYIS MI 'GRUB PAS, DE TZAM LNGA PO YANG MNGON SUM DU MA GRUB PAR THAL BA DANG, YUL DMIGS PA MNGON SUM GYIS GRUB NA, DMIGS BYED MNGON SUM GYIS MA GRUB PAR 'GAL BA STON PA YIN NO, ,DES NA GZUGS SGRA LA SOGS PA'I YUL DMIGS

SHING LONGS SPYOD PA NI MNGON SUM GYIS GRUB PA YIN TE, YUL MNGON SUM GYIS GRUB PA'I PHYIR, DMIGS PA MNGON SUM MA YIN NA, ,DON MTHONG RAB TU 'GRUB MI 'GYUR, ZHES 'CHAD PAR 'GYUR BA'I RIGS PAS SO, ,DE LTA MA YIN NA GZUGS SGRA LA SOGS PA'I YUL MYONG BA THAMS CAD MNGON SUM GYIS GRUB PA MA YIN PAR THAL, YUL LONGS SPYOD PA DE MNGON SUM GYIS GRUB PA MA YIN PA'I PHYIR, DPER NA SKYES BU GZHAN GYIS MNGON SUM DU BYAS PA'I YUL LONGS SPYAD PA DE RANG LA MNGON SUM MA YIN PA BZHIN NO, ,YUL LONGS SPYOD PA NA LONGS SPYAD BYA DANG SPYOD BYED GNYIS KA'I CHOS SU GYUR PA'I BYA BA'I NGO BO'O, ,KHYAB PA SGRUB PA NI, YUL DMIGS PA LA MA LTOS PAR YUL YOD PA TZAM LAS YUL LA LONGS SPYOD PAR 'GYUR BAR THAL, YUL LA LONGS SPYOD PA MNGON SUM DU MA GRUB PAR, YUL MNGON SUM DU GRUB PA'I PHYIR, RTAGS BSAL KHAS BLANGS, YUL YOD PA LAS ZHES PA NI DE'I PHYIR CES PA'I DON TE, DE TZAM GYIS ZHES PA'O, ,YANG GI SGRAS SKYON GZHAN SDUD PA YIN NO, ,DON NI YUL LONGS SPYOD PA MNGON SUM GYIS GRUB NA, LONGS SPYOD BYED MYONG BA SHES RIG TU KHAS BLANGS PA MNGON SUM GYIS MA GRUB PAR 'GAL LO, ,DON BSDUS NA YUL DMIGS PA MNGON SUM GYIS MA GRUB NA, YUL MNGON SUM GYIS GRUB PAR 'GAL LA MNGON SUM GYIS GRUB NA DMIGS BYED MNGON SUM GYIS MA GRUB PAR 'GAL BA'O, ,YUL DMIGS PA MNGON SUM GYIS MA GRUB KYANG, YUL MNGON SUM GYIS GRUB PAS SKYON MED DO, ZHE NA, YUL DMIGS PA MNGON SUM DU MA GRUB PAR THAL, YUL MNGON SUM GYIS MA GRUB PA'I PHYIR CES STON

, ,PA NI LONGS SPYAD BYA YUL YOD KYANG MED PA DANG KHYAD PAR MED PAR THAL, KHYAD PAR YUL LONGS SPYOD PA MNGON SUM GYIS MA GRUB PA'I PHYIR RTAGS KHAS BLANGS TE, YUL DA'I LONGS SPYOD PA NI MNGON SUM GYIS GRUB PA MA YIN PA'I PHYIR, GNYIS PA NI, YUL LONGS SPYOD PA MNGON SUM GYIS MA GRUB KYANG RTAGS LA BRTEN NAS GRUB BO ZHE NA, YUL LA NYE BAR LONGS SPYOD PA YANG CHOS CAN, RANG RGYUD KYI YUL LA LONGS SPYOD PA MA YIN PAR THAL, RANG RGYUD LA RTAGS KYIS SGRUB DGOS PA CAN YIN PA'I PHYIR, SKYES BU GZHAN GYIS LONGS SPYOD PA BZHIN NO, ,RTAGS DE LAS KYANG YUL LA LONGS SPYOD PA MI 'GRUB PAR THAL, RANG RGYUD LA BLO SGRUB PA'I RTAGS YANG DAG MA GRUB PA'I PHYIR SNGAR SPYOD PA PA DGAG PA'I SKABS SU JI SKAD BSHAD PA BZHIN NO, ,PHYOGS CHOS MI 'GRUB CING GRUB KYANG 'BREL PA MA GRUB PA'O, ,GSUM PA NI, BLO'I ME LONG LA SKYES BU'I GZUGS BRNYAN DANG YUL GYI GZUGS BRNYAN TSOGS PA'I LONGS SPYOD PA DE NI MNGON SUM GYIS GRUB LA, SKYES BU MNGON SUM GYIS MA GRUB BO ZHE NA, DE LTA NA YUL LONGS SPYOD PA LA BLO LAS RDZAS THA DAD PA'I SHES PA YOD PA ZHES PA'I BDAG SHES RIG GI SKYES BU GZHAN NI BRTAGS PA DON MED PAR THAL, BLOS YUL DMIGS PA MNGON SUM GYIS GRUB PA YIN PA'I PHYIR, KHYAB PAR THAL, BLOS YUL DMIGS PA DE TZAM GYIS YUL LA LONGS SPYOD PA'I YUL YUL CAN GYI THA SNYAD RDZOGS PA'I PHYIR, GSUM PA NI, BLO YANG RDZAS GZHAN LA NYAMS SU MYONG BA YANG RDZAS GZHAN PA NI MA YIN PAR THAL, BLO DE YANG MYONG BA DANG RANG BZHIN GCIG NYID DU MNGON SUM GYIS MTHONG BA'I

PHYIR, YUL DMIGS PA LA GRANGS CAN GYIS YUL LA LONGS SPYOD PAR THA SNYAD BTAGS PA YIN PAS MING MI 'DRA BA TZAM LA 'KHRUL BAR MI BYA'O, ,GSUM PA LA GNYIS, PHYOGS SNGA MA DANG, DE SUN DBYUNG BA'O, ,DANG PO LA RTZA BA NI, LCAGS GONG DMAR 'BAR BAR GYUR PA'I TSE ME LCAGS RDZAS THA DAD YIN YANG, YUL DUS GCIG TU 'DRES PAS MA PHYED PA'I LCAGS GONG DANG NI ME BZHIN DU, BLO MYONG GNYIS RDZAS THA DAD KYANG 'DRES PAS 'KHRUL NAS MNGON SUM GYIS SO SOR RNAM PAR DBYER MED PA NYID DO ZHE NA, 'GREL PA NI SHES RIG GI SKYES BUR GYUR PA'I SEMS PA DANG LONGS SPYAD BYA DANG SKYES BU GCIG TU ZHEN PA BLO DAG RDZAS THA DAD KYANG 'DRES PAS RNAM PAR BSLAD PA LA RDZAS SO SO THA DAD PA BYE BRAG TU RTOGS PAR MI 'GYUR TE, DPER NA LCAGS KYI GONG BU DANG ME BZHIN TE, DPE MA GRUB PA MA YIN TE, ME DE'I GZUGS DANG LCAGS KYI REG PA NI SO SOR NGES PA'I PHYIR RO, ,DON NI GZUGS BRNYAN 'JOG PAR BYED PA'I SKYES BU DANG, DES BZHAG PA'I GZUGS BRNYAN CAN GYI BLO GNYIS RNAM PA MTSUNGS PAS 'DRES NAS MA PHYED PA YIN NO ZHE NA, GNYIS PA LA GSUM, GCIG DANG THA DAD KYI RNAM GZHAG THAMS CAD NYAMS PAR THAL BA DANG, DE'I DON BSDU BA DANG, ME LCAGS RDZAS THA DAD DGAG PA'O, ,DANG PO LA GNYIS, RTZA BA DANG, 'GREL PA'O, ,DANG PO NI, DNGOS PO KUN LA RDZAS THA DAD DANG RDZAS THA DAD MED PA'I RNAM GZHAG NYAMS PAR THAL, BLO MYONG GNYIS RDZAS GCIG TU MNGON SUM GYIS DMIGS KYANG RDZAS THA DAD GCIG TU 'DRES PAR DOGS PAS MA PHYAD PA DE LTA YIN PA'I PHYIR, GNYIS PA NI, AE MA'O RDZAS THA DAD PA MA YIN PA 'DI DAG RGYU GCIG LA BRTEN

, ,NAS RDZAS THA DAD PAR RNAM PAR 'JOG STE, 'JOG BYED MED PAR THAL, LCAGS GONG DMAR 'BAR BA LA SOGS PA'I DON RDZAS GCIG TU MNGON SUM GYIS DMIGS PA THAMS CAD LA RDZAS THA DAD 'DRES PAR DOGS PAS 'KHRUL NAS RDZAS GCIG TU NGES PA MED PA'I PHYIR DANG, AE MA'O RDZAS THA DAD PA 'DI DAG RGYU GCIG LA BRTEN NAS RNAM PAR 'JOG STE 'JOG BYED MED PAR THAL, BDE BA DANG SNGON PO LA SOGS PA BLO MA 'KHRUL BA LA RNAM PA THA DAD PAR SNANG ZHING MNGON SUM GYIS RDZAS THA DAD PAR DMIGS PA DAG KYANG RDZAS THA DAD PA MA YIN PA'I PHYIR, GNYIS PA NI, RDZAS THA DAD SGRUB BYED TSAD MAS 'GRUB PAR MI 'GYUR BAR THAL, RDZAS THA DAD MED PAR RDZAS GCIG TU MNGON SUM GYIS RIG PA RDZAS GCIG GI SGRUB BYED YIN NA DE LTAR GANG MIN PA MNGON SUM GYIS DE RDZAS THA DAD DU DMIGS PAS KYANG RDZAS THA DAD DU 'GRUB PAR 'GYUR BA GANG ZHIG SNGA MA DE SGRUB BYED MIN PA'I PHYIR, RDZAS THA DAD PA'I RGYAB RTEN TSAD MA CI YOD DE MED PAR THAL, DKAR PO DANG SDUG BSNGAL LA SOGS PA MNGON SUM LA RDZAS THA DAD PAR SNANG YANG RDZAS THA DAD MA YIN PA'I PHYIR, RDZAS THA DAD MED PA'I RGYAB RTEN TSAD MA CI YOD DE MED PAR THAL, BLO MYONG NI MNGON SUM LA RDZAS THA DAD MED PAR SNANG YANG RDZAS THA DAD YIN PA'I PHYIR, CES BYA BA NI BSDU BA'I TSIGS SU BCAD PA DAG GO ,STE SNGAR BSHAD PA'I DON BDE BLAG TU BSDUS NAS RTOGS PAR BYA BA'I PHYIR LEGS PAR BSDEBS NAS YANG DAG PAR BSDU BA'I DON TO, ,GSUM PA NI, MNGON SUM LA SO SOR MI SNANG BA RDZAS GCIG GI RGYU MTSAN YIN NA LCAGS GONG DMAR 'BAR BAR GYUR PA'I ME LCAGS RDZAS THA DAD JI LTAR YIN CE NA, KHYOD KYIS DPER BLANGS PA

DE'I DON MI 'THAD DE, LCAGS GONG DMAR 'BAR BAR GYUR PA'I TSE DE GNYIS RDZAS THA DAD MA YIN PAR THAL, DE'I CHE LCAGS KYI GONG BU LA YANG RANG GI NYER LEN DE LHAN CIG BYED RKYEN ME DANG 'BREL BA LAS DE LTAR LCAGS DE KHA DOG DMAR BA DANG REG BYA TSA BA'I RDZAS SU SKYES PA'I DON GZHAN GCIG NYID MNGON SUM GYIS MTHONG BA YIN GYI RANG BZHIN THA DAD PA'I RDZAS DAG 'DRES PAS RNAM PAR MA PHYED PA MA YIN PA'I PHYIR, YANG GI SGRAS BLO MYONG RDZAS THA DAD 'DRES NAS MA BYED PA MA YIN PAR MA ZAD CES PA'O, ,YANG NA RANG BZHIN ZHES PA MAN CHAD BSGRUB BYA'I CHOS KYI KHYAD PAR DU SBYAR TE, DE'I TSE ME LCAGS RDZAS GCIG YIN GYI RANG BZHIN ZHES SO, ,RNAM 'GREL GYI BSHAD PA BYED PA KHA CIG ,LCAGS GONG DMAR 'BAR BAR GYUR PA'I TSE, MI LCAGS RDZAS THA DAD PA YIN TE, DNGUL CHU DANG GSER 'DRES PA RDZAS THA DAD PAS SO,, SNYAM PA NI RNAM PAR NGES PA'I GZHUNG 'DI NYID MA MTHONG BAR ZAD DE, DE GNYIS MI 'DRA BA YANG 'DI'I 'GREL PA 'THAD LDAN DU BSHAD PA LTAR YIN NO, ,DES NA RNAM 'GREL LE'U GNYIS PAR YAN LAG CAN GYI RDZAS 'GOG PA'I DPE SNGA PHYI GCIG TU 'KHRUL PAR MI BYA'O, , LCAGS ME'I NGO BOR SKYES PA YIN NA YANG GLO BUR DU LDOG PA JI LTAR YIN CE NA, LCAGS DE REG BYA TSA BA DANG KHA DOG DMAR BA'I RDZAS SU GNAS PA DE PHYIS LDOG PA'I RGYU MTSAN YOD DE YANG ME RDZAS DE'I RGYU RNAM PAR GNAS PA'I ME'I RGYU RGYUN CHAD PAS LDOG PA YIN PA'I PHYIR, YANG NA LCAGS PHYI MA ME'I NGO BOR GNAS PA'I RGYU ME RGYUN CHAD PA'I PHYIR CES BSHAD DO, ,YANG PHYIS LCAGS GONG GRANG REG GI NGO BOR GYUR PA'I RDZAS GZHAN SKYE BA YANG YIN TE, LCAGS DE'I NYE BAR LEN PA LA BLTOS PA CAN GYI LHAN CIG BYED RKYEN GRANG BA'I REG PA LA SOGS PA RNAMS

, ,LAS KYANG REG BYA GRANG MOR SKYE BA'I PHYIR, SOGS PAS CHU BTAB PA SDUD DO, ,KYANG GI SGRAS TSA REG GI RGYU RGYUN CHAD PAS SNGA MA LDOG PA YANG YIN LA, GRANG REG GI RGYU YOD PA'I PHYIR RDZAS GZHAN SKYE BA YANG YIN NO, ZHES PA'O, , GSUM PA NI, BDE BA LA SOGS PA NI CHOS CAN, GRANGS CAN 'DOD PA LTAR PHYI ROL GYI DON MA YIN PAR NANG YIN CING RIGS PA CAN PA DANG GNYIS KA 'DOD PA LTAR BEM PO MA YIN PAR MYONG BA YANG YIN TE, GOMS PA TZAM GYIS GONG NAS GONG DU KHYAD PAR DU 'GYUR BA TSAD MAS GRUB PA DE'I PHYIR, GNYIS PA RNAL 'BYOR MNGON SUM LA GNYIS, SPYI'I DON DANG, YAN LAG GI DON TO, ,DANG PO LA MTSAN GZHI NGOS GZUNG BA DANG, GRUB MTHA' GANG GI DBANG DU BYAS PA'O, ,DANG PO NI, TSAD MA MDOR, RNAL 'BYOR RNAMS KYI BLA MAS BSTAN, ,MA 'DRES PA YI DON TZAM MTHONG, ZHES PAS BSTAN TE, SDUG BSNGAL MI RTAG PA SOGS DNGOS PO STOBS ZHUGS KYI RIGS PAS GRUB PA'I DON RNAL 'BYOR RNAMS KYI BLA MA SANGS RGYAS BCOM LDAN 'DAS KYIS BSTAN PA LTAR SGRA SPYI DANG DON SPYI GANG DANG YANG MA 'DRES PAR GSAL BAR MTHONG BA'I SHES PA STE, RNAL 'BYOR MNGON SUM 'DI'I GZUNG NGOR YANG RANG MTSAN 'BA' ZHIG YOD KYI GANG ZAG GI BDAG BKAG PA'I MED DGAG GZUNG NGOR KHAS LEN PA MA YIN TE, MED DGAG DNGOS MED YIN CING RANG MTSAN MA YIN LA, BLO MA 'KHRUL PA'I GZUNG YUL YIN NA DNGOS PO YIN PAS KHYAB PAR MDO SDE PAS ZHAL GYIS BZHES PA'I PHYIR, BDAG MED DON SPYI'I TSUL GYIS SGOM PA'I TSE DNGOS SU RTOGS KYANG RNAL 'BYOR MNGON SUM DU GYUR PA'I TSE BDAG MED SHUGS LA

RTOGS PA YIN NO, ,'DI'I BDAG RKYEN NI, MTHONG LAM SKAD CIG DANG POS BSDUS PA YIN NA SBYOR LAM CHOS MCHOG GI GNAS SKABS NA YOD PA'I BDEN PA'I RNAM PA CAN GYI LHAG MTHONG DANG ZUNG DU 'BREL BA'I ZHI GNAS KYI TING NGE 'DZIN TO, ,DE BZHIN DU GZHAN LA YANG SHES PAR BYA'O, ,GNYIS PA NI, 'DI DON SEMS GNYIS KA'I THUN MONG BA'I DBANG DU BYAS PA YIN NAM, MDO SDE PA 'BA' ZHIG GI DBANG DU BYAS PA DANG PO LTAR NA, SDE BDUN GYI SKABS PHAL CHE BA DANG, KHYAD PAR DU RNAM 'GREL DU GZHAL BYA GNYIS PHYIR TSAD MA GNYIS, ZHES PA'I TSAD MA'I GRANGS NGES SGRUB PA YANG THUN MONG BAR 'GYUR DGOS NA DE NI MI RIGS TE, DER DON BYAD NUS PA DANG, BDAG RKYEN SGRA LA MI LTOS PA'I GZUNG YUL DON GCIG TU BSTAN PA LTAR SEMS TZAM PAS MI 'DOD PA'I PHYIR, DE YANG GZUNG 'DZIN RDZAS THA DAD KYIS STONG BA RNAL 'BYOR MNGON SUM GYI GZUNG YUL DU BZHED KYANG DON BYED NUS PAR MI BZHED PA'I PHYIR RO, ,SDE BDUN GYI SKABS PHAL CHE BAR PHYI ROL DON GYI RNAM GZHAG MDZAD PAS DE THUN MONG BAR MI RIGS SO, ,GNYIS PA LTAR NA, SEMS TZAM PA BZHED PA'I RNAL 'BYOR MNGON SUM SKABS GANG DU YANG MA BSTAN PAR 'GYUR RO ZHE NA, SKYON MED DE, 'DIR DNGOS SU BSTAN PA NI MI RTAG SOGS RTOGS PA'I RNAL 'BYOR MNGON SUM TZAM ZHIG BSTAN PAS DON SEMS GNYIS KAS THUN MONG DU ZHAL GYIS BZHES PA YIN LA, CHOS KYI BDAG MED KYI RNAM PA CAN GYI RNAL 'BYOR MNGON SUM 'DI LA BRTEN NAS RTOGS PAR NUS MOD KYI 'DIR DNGOS SU MA BSTAN TE, 'DI'I RNAL 'BYOR MNGON SUM RNAM 'GREL LE'U GNYIS PA LA ZHAL 'PHANGS MDZAD PA'I PHYIR DANG, LE'U DER RIGS CAN

, ,GSUM KA LA THUN MONG DU NYE BAR MKHO BA'I STON PA'I MTSAN NYID DANG BDEN BZHI'I GNAS LUGS GTAN LA PHAB KYI CHOS KYI BDAG MED DER ZUR TZAM YANG MA BSHAD PA'I PHYIR RO, ,DE BZHIN DU RNAM 'GREL LE'U GSUM PAR TSAD MA'I GRANGS NGES SGRUB PA'I SKABS SU YANG CHOS KYI BDAG MED KYI DBANG DU BYAS NAS MA BSHAD CING, CHOS KYI BDAG MED TSAD 'BRAS LA SOGS PA'I SKABS SU BSHAD MOD KYANG SEMS TZAM PA'I RANG LUGS KYI TSAD MA'I GRANGS NGES SGRUB PA'I TSUL YANG DE DAG LA BRTEN NAS RTOGS PAR NUS PA YIN NO, ,'DI DANG TSAD MA'I GRANGS NGES SGRUB PA'I SKABS GNYIS MI 'DRA STE, 'DIR BSTAN PA'I RNAL 'BYOR MNGON SUM SEMS TZAM PAS KYANG RANG LUGS LA ZHAL GYIS BZHES KYANG, TSAD MA'I GRANGS NGES SGRUB PA'I SGRA ZIN LTAR KHAS BLANG BA MI RUNG BA'I PHYIR RO, ,GNYIS PA LA GNYIS, RTZA BA DANG, 'GREL PA'O, ,DANG PO NI, SDUG BSNGAL MI RTAG SOGS MNGON SUM DU RTOGS PA'I SHES PA GANG YIN PA DE NI CHOS CAN, RNAL 'BYOR MNGON SUM TSAD MA YIN TE, MI RTAG SOGS YANG DAG PA'I DON LA BSLU BA CAN MIN PA'I RTOG MED KYI SHES PA YIN PA'I PHYIR, RTOG BRAL YIN TE, BSGOM PA YI STOBS KYIS RANG YUL GSAL BAR SNANG BAR GYUR PA'I SHES PA YIN PA'I PHYIR, KHYAB PA PHYI MA'I DPE [?] NI 'JIGS PA DANG CHAGS YUL SOGS GOMS PA LAS GSAL SNANG 'BYUNG BA BZHIN DU'O, ,GNYIS PA LA GSUM, MTSAN NYID DANG MTSAN GZHI'I NGO BO DANG, MTSAN GZHI GZHAN LAS SHES DGOS PAR BSTAN PA DANG, RTOG BRAL GYI SGRUB BYED DGOD PA'O, ,DANG PO NI, RGYU'I KHYAD PAR BSTAN PA NI, 'PHAGS PA'I BDEN

PA BZHI PHYIN CI MA LOG PAR THOS PA LAS BYUNG BA'I SHES PAS GZUNG BA'I DON BSAMS PA LAS BYUNG BA'I SHES RAB KYIS RIGS PAS NGES PAR SEMS PA LAS BYUNG BAS ZHI LHAG ZUNG 'BREL GYI TING NGE 'DZIN GYI YUL DU RNAM PAR BZHAG NAS LEGS PAR GOMS PAR BYAS PA NA DE LTAR BSGOM PAR BYED PA'I RNAL 'BYOR PA RNAMS KYI BSGOM PA DE RDZOGS PA NA 'JIGS PA GOMS PA LA SOGS PA BZHIN DU GOMS YUL GSAL BAR SNANG ZHING RNAM PAR RTOG PA MED PA MI RTAG SOGS PHYIN CI MA LOG PA'I YUL CAN GANG YIN PA DE YANG RNAL 'BYOR PA'I MNGON SUM GYI TSAD MA YIN NO, ,MI RTAG SOGS BCU DRUG PO MNGON SUM DU RTOGS PA'I YE SHES CHOS CAN, KHYOD RNAL 'BYOR MNGON SUM TSAD MA YIN TE, ZHI LHAG ZUNG 'BREL GYI TING NGE 'DZIN LA BRTEN NAS BDEN PA'I RNAM PA LA RTOG PA DANG BRAL ZHING MA 'KHRUL BA'I SHES PA YIN PA'I PHYIR, RTOG MED KYI SHES PA YIN PAR THAL, RANG YUL GSAL BAR SNANG BA'I SHES PA YIN PA'I PHYIR, DE CHOS CAN, RGYU MED DANG MI MTHUN PA'I RGYU LAS BYUNG BA MA YIN TE, YANG DAG PA'I DON LA DMIGS PA'I THOS BSAM GYI SHES RAB DANG 'JIG RTEN PA'I SGOM BYUNG GI SHES RAB LA BRTEN NAS BYUNG BA'I PHYIR, GSAL SNANG SKYES PA RNAL 'BYOR MNGON SUM DU 'GYUR BA'I BSGOM PA RDZOGS PA'I DON YIN GYI, BSGOM PA RDZOGS NAS DE'I RJES SU GSAL SNANG SKYE DGOS PA MA YIN NO, ,'DI MI RTAG PA SOGS LA MNGON SUM DU SONG NAS NGES PA MI 'DREN PA MED DE 'PHAGS PA'I RGYUD LA SKAD CIG MA LA SOGS PA LA SNANG LA MA NGES PA MED DO, ,GNYIS PA LA GNYIS, SPYI'I DON DANG, TSIG GI DON TO, ,DANG PO LA GNYIS,

, ,'PHAGS PA'I BDEN PA BZHI GTAN LA DBAB PA DANG, THAR PA DANG THAMS CAD MKHYEN PA SGRUB PA'I TSUL LO, ,DANG PO LA BZHI, BDEN PA BZHI'I GRANGS NGES PA DANG, GO RIMS NGES PA DANG, MTSAN GZHI DANG, DE NYID NGES BYED KYI TSAD MA'O, ,DANG PO NI, THAR PA DON GNYER RNAMS KYI GTAN LA DBAB BYA'I GTZO BO NI, 'KHOR BA DANG MYA NGAN LAS 'DAS PAS BSDUS PA'I PHYOGS GNYIS SU NGES LA, 'KHOR BA LA YANG RGYU 'CHING BYED KUN 'BYUNG BDEN PA DANG, 'BRAS BU BCINGS PA SDUG BSNGAL GYI BDEN PA GNYIS SU NGES SO, ,RNAM BYANG LA YANG 'KHOR BA LAS GROL BAR BYED PA'I THABS, RGYU LAM GYI BDEN PA DANG, GROL PA 'BRAS BU'I NGO BO 'GOG PA'I BDEN PA GNYIS SU NGES PAS 'KHOR BAR 'JUG LDOG GI RGYU 'BRAS BZHIR NGES SO, ,GNYIS PA NI, DON GYI RIM PA'I DBANG DU BYAS NA, KUN 'BYUNG DANG LAM GYI BDEN PA DANG POR BSTAN PAR BYA BA YIN LA, SDUG BSNGAL DANG 'GOG PA PHYIS BSTAN PAR BYA BA YIN NO, ,'DIR NI YUL CAN MNGON PAR RTOGS PA'I RIM PA DANG MTHUN PAR GO RIMS GZHAN DU BSTAN PAR BYA STE, 'DI LTAR, SDUG BSNGAL GYI BDEN PA DANG KUN 'BYUNG DANG, 'GOG PA DANG, LAM STE, THOG MAR 'KHOR BA SPYI DANG BYE BRAG GI NYES DMIGS LEGS PAR BSAMS PA'I SGO NAS, DE LA 'BRAL 'DOD KYI BLO SKYED PAR BYED DGOS TE, DE SNGON DU MA SONG NA, DE'I RGYU LA SPONG 'DOD SKYE BA MI SRID PA'I PHYIR RO, ,SDUG BSNGAL LA 'BRAL 'DOD SKYES PA NA, 'DI DANG 'BRAL PAR BYED NUS SAM MI NUS, 'DI LA RGYU YOD DAM MED, RGYU DE YANG RTAG GAM MI RTAG SNYAM DU KUN 'BYUNG LA RTOG PAR BYED DE, SDUG BSNGAL RANG GI NGO BO TSER MA 'DON PA BZHIN DU SPONG

MI NUS PAR MTHONG BA'I PHYIR RO, ,DE LTAR BRTAGS PA NA LAS DANG NYON MONGS PA GNYIS DE'I RGYUR KHONG DU CHUD NAS DE LA SPONG 'DOD KYI BLO SKYE BAS KUN 'BYUNG DUS GNYIS PAR BSTAN TO, ,KUN 'BYUNG SPONG NUS SU MTHONG BA NA, SDUG BSNGAL 'GOG NUS SU MTHONG BAR 'GYUR LA, DE NAS SDUG BSNGAL 'GAGS PA'I 'GOG PA MNGON DU BYA NUS SU MTHONG BAS 'GOG PA DUS GSUM PAR BSTAN TO, ,DE MNGON SUM DU BYED PA YOD LAM BSTEN CING GOMS PAR BYAS PA LA RAG LAS PAR MTHONG BAS, LAM GYI BDEN PA DUS BZHI PAR BSTAN TO, ,GAL TE, DUS DANG POR SDUG BSNGAL 'GOG NUS SU MTHONG NA, SDUG BSNGAL 'GAGS PA MNGON DU BYA NUS SU MTHONG BAS KHYAB BAS 'GOG PA DUS GNYIS PAR BSTAN RIGS LA, YANG KUN 'BYUNG SPONG NUS SU MTHONG NAS, SDUG BSNGAL 'GOG NUS SU MTHONG DGOS PAS, KUN 'BYUNG SDUG BSNGAL GYI SNGAR BSTAN PAR RIGS SO, ,KUN 'BYUNG SPONG NUS SU MTHONG BA BDAG MED PAR RTOGS PA LA RAG LAS PAS, THOG MAR DE NYID BSTAN PAR BYA BA YIN PAS JI SKAD BSHAD PA'I BDEN BZHI'I GO RIMS MA NGES SO ZHE NA, BSHAD PAR BYA STE, SPYIR BYA BA GANG LA YANG DE LA 'JUG PA LA PHAN YON MTHONG ZHING, DE LAS LDOG PA LA NYES DMIGS MTHONG BA LA RAG LAS PAS, 'KHOR BA SPYI DANG BYE BRAG GI NYES DMIGS BSAMS PAS 'KHOR BA LA ME'I DONG LTAR DU MTHONG NAS DE DANG 'BRAL 'DOD KYI BLO TZAM ZHIG DANG POR BSKYED PA YIN GYI 'BRAS NUS SO GO BA MIN NO, ,DE NAS DUS GNYIS PAR KUN 'BYUNG BSPONG NUS SU TSAD MAS MTHONG BA YIN LA, DE MTHONG BA NA 'GOG PA MNGON SUM DU BYA NUS SU MTHONG BAS, KUN 'BYUNG DUS GNYIS PA DANG 'GOG

, ,PA DUS GSUM PAR BSTAN RIGS SO, ,LAM THA MAR BSTAN PAR BYA BA NI SNGAR LTAR RO, ,DES NA RNAL 'BYOR PA'I RGYUD LA BDEN PA BZHI LA DMIGS PA'I MTHONG LAM SKYE BA NA YANG GO RIMS DE DAG DANG MTHUN PAR SKYE BA YIN NO, ,GSUM PA NI, DA LTAR MKHAL MA'I ZUG GZER LA SOGS PA'I TSOR BA NI, SDUG BSNGAL GYI SDUG BSNGAL DANG, ZAS YID DU 'ONG BA LA LHAG PAR SRED NAS RO MYANG BA'I TSOR BA SOGS 'GYUR BA'I SDUG BSNGAL DANG, LAS NYON GYIS LAG RJES BZHAG PA'I ZAG BCAS KYI PHUNG PO GANG YIN THAMS CAD 'DU BYED KYI SDUG BSNGAL TE, DE DAG THAMS CAD SDUG BSNGAL GYI BDEN PA'O, ,ZAG PA DANG BCAS PA'I LAS DANG, NYON MONGS THAMS CAD KUN 'BYUNG GI BDEN PA YIN LA, SDUG BSNGAL 'GAGS PA'I BRAL BA NI 'GOG PA'I BDEN PA DANG, BDAG MED MNGON SUM DU RTOGS PA'I SHES RAB LAM GYI BDEN PA'O, ,BZHI PA LA GNYIS, LOG RTOG BCU DRUG NGOS BZUNG BA DANG, DE DANG 'GAL BA BDEN PA'I RNAM PA BCU DRUG NGOS BZUNG BA'O, ,DANG PO NI, SDUG BSNGAL LA LOG PAR ZHUGS PA GTZANG BA DANG, BDE BA DANG, RTAG PA DANG, BDAG TU 'DZIN PA BZHI DANG, KUN 'BYUNG LA LOG PAR ZHUGS PA, SDUG BSNGAL RGYU MED DU 'DZIN PA, MI MTHUN PA RGYUR 'DZIN PA GNYIS, PHYI MA LA'ANG, RGYU GCIG KHO NAS BYAS PAR 'DZIN PA DANG, DBANG PHYUG LA SOGS PA GZHAN GYIS BLO SNGON DU BTANG NAS BYAS PAR 'DZIN PA DANG, RANG BZHIN RTAG LA, GNAS SKABS 'GYUR BAR 'DZIN PA'O, ,'GOG PA LA LOG ZHUGS NI, THAR PA YE MED DU 'DZIN PA DANG, ZAG BCAS KYI

KHYAD PAR 'GA' ZHIG THAR PAR 'DZIN PA DANG, SDUG BSNGAL GYI KHYAD PAR 'GA' ZHIG GYI NOM PA'I THAR PAR 'DZIN PA DANG, SDUG BSNGAL ZAD PA YOD KYANG, YANG LDOG PAR 'DZIN PA'O, ,LAM LA LOG ZHUGS NI, THAR LAM YE MED DU 'DZIN PA DANG, BDAG MED GOMS PA LAM DU MI RIGS PAR 'DZIN PA DANG, BSAM GTAN GYI KHYAD PAR 'GA' ZHIG TZAM THAR LAM DU 'DZIN PA DANG, SDUG BSNGAL MI LDOG PA'I CHOS CAN DU BYED PA'I LAM MED PAR 'DZIN PA'O, ,GNYIS PA NI, SDUG BSNGAL GYI SDUG BSNGAL CHOS CAN, MI RTAG PA YIN TE RES 'GA' SKYE BA'I PHYIR DANG, SDUG BSNGAL BA YIN TE LAS NYON GYI GZHAN DBANG CAN YIN PA'I PHYIR, STONG PA YIN TE, DBANG BSGYUR BA PO'I BDAG DON GZHAN MED PA'I PHYIR, BDAG MED PA YIN TE, RANG DBANG BA'I BDAG GI NGO BOR MA GRUB PA'I PHYIR, KUN 'BYUNG GI RNAM PA NI, ZAG PA DANG BCAS PA'I LAS DANG SRED PA CHOS CAN, RGYU'I RNAM PA YIN TE, RANG 'BRAS SDUG BSNGAL GYI RTZA BA YIN PA'I PHYIR, KUN 'BYUNG YIN TE, DE RNAM PA THAMS CAD PA YANG DANG YANG DU BSKYED PA'I PHYIR, RAB SKYE YIN TE, DE SHUGS DRAG BSKYED PA'I PHYIR, SRID PA'I SRED PA CHOS CAN, RKYEN GYI RNAM PA YIN TE, RANG 'BRAS SDUG BSNGAL GYI LHAN CIG BYED RKYEN YIN PA'I PHYIR, 'GOG PA'I RNAM PA NI, GNYEN PO'I STOBS KYIS SDUG BSNGAL GTAN ZAD PA'I BRAL BA CHOS CAN, KHYOD 'GOG PA'I RNAM PA YIN TE, SDUG BSNGAL SPANGS PA'I BRAL BA YIN PA'I PHYIR, ZHI BA'I RNAM PA YIN TE, NYON MONGS SPANGS PA'I BRAL PA YIN PA'I PHYIR, GYA NOM PA'I RNAM PA YIN TE, PHAN PA DANG BDE BA'I THAR PA YIN PA'I

, ,PHYIR, NGES PAR 'BYUNG BA'I RNAM PA YIN TE, SLAR MI LDOG PA'I CHOS CAN GYI THAR PA YIN PA'I PHYIR, LAM GYI RNAM PA NI, BDAG MED MNGON SUM DU RTOGS PA'I SHES RAB CHOS CAN, LAM GYI RNAM PA YIN TE, THAR PAR BGROD BYED KYI LAM YIN PA'I PHYIR, RIGS PA'I RNAM PA YIN TE, NYON MONGS KYI DNGOS GNYEN BYED PA'I PHYIR, SGRUB PA'I RNAM PA YIN TE, SEMS KYI GNAS LUGS MTHAR THUG PA MNGON SUM DU RTOGS PA'I YE SHES YIN PA'I PHYIR, NGES PAR 'BYIN PA'I RNAM PA YIN TE, SDUG BSNGAL SLAR MI LDOG PA'I CHOS CAN DU BYED PA'I GNYEN PO YIN PA'I PHYIR, CES SO, ,GNYIS PA LA GNYIS, THAR PA SGRUB PA'I TSUL DANG, KUN MKHYEN SGRUB PA'I TSUL LO, ,DANG PO NI, GANG RANG GI RGYU'I RIGS LA GNOD BYED STOBS LDAN DANG BCAS PA YIN NA, GNYEN PO'I STOBS KYIS RANG GI RGYUN ZAD PA'I RIGS YOD PAS KHYAB STE, DPER NA GRANG REG LA GNOD BYED STOBS LDAN MTHONG BAS GRANG 'BRAS SPU LONG BYED KYI RGYUN ZAD PA MTHONG BA BZHIN, THA MAL PA'I PHUNG PO 'DI'I YANG RGYU'I RIGS LA GNOD BYED STOBS LDAN MTHONG BA YIN NO ZHES BYA BA NI DNGOS PO STOBS ZHUGS KYI GTAN TSIGS YANG DAG STE, 'DI'I KHYAB PA MNGON SUM TSAD MAS GRUB LA, PHYOGS CHOS SGRUB PA NI, GANG DNGOS PO'I GNAS LUGS LA LOG PAR ZHUGS PA DE LA, DE'I RIGS LA GNOD BYED STOBS LDAN YOD PAS KHYAB STE, DPER NA DU BA DANG LDAN PA'I LA LA ME MED PAR 'DZIN PA'I SGRO 'DOGS BZHIN, GANG ZAG GI BDAG TU 'DZIN PA 'DI YANG DNGOS PO'I GNAS LUGS LA LOG PAR ZHUGS PA YIN NO ZHES BYA BA'O, ,GANG ZAG GI

BDAG 'DZIN LA GNOD BYED MTHONG BAS SDUG BSNGAL GYI RGYU LA GNOD PAR GANG GIS GRUB CE NA, DE GNYIS RGYU 'BRAS SU NGES PAR BYED PA'I TSAD MA LAS SO, ,DE GANG ZHE NA, GANG ZHIG BDAG MTHONG DE LA NI ZHES PAS BSTAN PA LTAR GANG ZAG GI BDAG TU 'DZIN PA LAS, BDAG DANG MI 'BRAL BA'I SRED PA RANG STOBS KYIS 'DREN PA MNGON SUM GYIS GRUB LA, DE LAS BDAG GI BDE BA LA SRED PA DANG, DE LAS BDAG GI BDE BA'I SGRUB BYED DBANG SOGS DANG PHYI ROL GYI ZAS GOS SOGS LA SRED PA DANG, DE LAS BDAG GI BDE BSGRUB PA'I CHED DU SGO GSUM GYI LAS MNGON PAR 'DU BYED PA DANG, DE LAS 'DOD PA'I DON MA THOB PA DANG, MI 'DOD PA'I DON THOB PA'I TSOR BA SDUG BSNGAL SKYE BA MNGON SUM TSAD MAS GRUB PA'I PHYIR RO, ,TSE 'DI'I SDUG BSNGAL DANG BDAG 'DZIN RGYU 'BRAS SU MNGON SUM TSAD MAS GRUB LA, 'CHI KHA'I SRED PA LAS RIGS 'DRA PHYI MA MTSAMS SBYOR BA DNGOS STOBS RJES DPAG GIS GRUB PA NA, MTSAMS SBYAR BA'I RIGS 'DRA PHYI MA DE NYID KYANG SDUG BSNGAL ZHES THA SNYAD DU BYA BA YIN PAS, PHYI MA'I SDUG BSNGAL DANG, RGYU 'BRAS SU DNGOS STOBS RJES DPAG GIS NGES SO, ,RIGS 'DRA PHYI MA DE DON LA SDUG BSNGAL YIN KYANG, TSE 'DI'I LAS NYON DANG, DE GNYIS RGYU 'BRAS SU NGES PA TZAM GYIS DE'I STENG DU SDUG BSNGAL GYI LDOG PA DNGOS STOBS KYIS JI LTAR NGES NUS SHE NA, LAS NYON GYIS 'DUS BYAS PA SDUG BSNGAL GYI DON LDOG TU DNGOS PO STOBS ZHUGS KYI TSAD MAS NGES NUS LA, DE NGES ZIN MA BRJED PA NA 'CHI KHA TSUN CHOD DU LAS DANG SRID PA MNGON SUM TSAD MAS GRUB LA, DE LAS RIGS 'DRA PHYI MA MTSAMS SBYOR BAR RJES

, ,DPAG GIS GRUB PA NA, RIGS 'DRA PHYI MA DE NYID LAS DANG NYON MONGS PA'I GZHAN DBANG CAN DU GRUB PAS SDUG BSNGAL GYI DON LEGS PAR GRUB PA'I PHYIR, THA SNYAD KYANG THOGS PAR 'GYUR BA YIN NO, ,'O NA GANG ZAG GI BDAG 'DZIN DNGOS PO'I GNAS LUGS LA LOG PAR ZHUGS PA YIN PAR GANG LAS 'GRUB TZA NA, DE NI GANG ZAG GI BDAG MED PAR NGES PA LAS 'GRUB BO, ,DE LA DGAG BYA NGOS BZUNG BA DANG, DE 'GOG PA'I RIGS PA DANG, BDAG MED JI LTAR NYAMS SU LEN PA'I TSUL LO, ,DANG PO NI, RNAM 'GREL LAS MCHOG GZHAN DON DU GNYER PHYIR DANG, ZHES GSUNGS PA LTAR BLO LHAN SKYES 'DI LA, PHUNG PO'I TSOGS PA DANG, YA GYAL DANG, RGYUN GANG YANG MIN PA'I RANG DBANG BA'I GANG ZAG DANG BYED PA POR ZHEN PA YOD DE, ZHEN PA DES PHUNG PO'I TSOGS PA 'DI TZAM LA GANG ZAG TU BTAGS PA MA YIN TE, DA LTAR GYI PHUNG PO 'DI DANG, LHA'I LUS LTA BU'I PHUNG PO KHYAD PAR CAN BRJE SA BYUNG NA, NGES PAR SNGA MA 'DOR ZHING, PHYI MA LEN PA POR MNGON PAR ZHEN PA 'DUG PA'I PHYIR, DES YID KYI SHES PA TZAM LA GANG ZAG TU ZAD PAR BTAGS PA'ANG MIN TE, DA LTAR GYI BLO MI GSAL BA DANG, KUN MKHYEN GYI BLO LTA BU BRJE SA BYUNG NA TSONG PA TSONG BYED PA BZHIN DU ZHE THAG PA NAS BRJE PHOD PA'I BRJE BA POR MNGON PAR ZHEN PA 'DUG PA'I PHYIR, TSONG PA LA, TSONG ZONG DE NYID LA TSONG BAR BTAGS PA TZAM DU ZAD PAR SHES SHING, DE LAS GZHAN MED PAR 'DZIN PA YOD NA, RANG NYID GZHAN GYI TSONG ZONG GI GTAR SHOR DOGS BYED CING, RANG GI TSONG ZONG DE LAS LHAG PA'I GZHAN GYI TSONG ZONG

THOB NA, DE NYID DE'I DOD DU MA SONG DOGS BYED PA 'DI 'GAL BA'I PHYIR RO, ,DES NA PHUNG PO'I TSOGS PA DANG, YA GYAL GANG LA'ANG BTAGS PA TZAM DU ZAD PA MIN PA'I GANG ZAG RANG DBANG BAR ZHEN PA YOD LA, DES ZHEN PA'I GANG ZAG RANG DBANG BA DE NYID GANG ZAG GI BDAG CES THA SNYAD DU BYAS PA'I RTAGS KYI DGAG BYA'O, ,GNYIS PA NI, GANG ZAG CHOS CAN, KHYOD PHUNG PO LA BTAGS PA TZAM MIN PA'I RANG DBANG BA'I TSUL DU MED DE, DE LTAR YOD NA TSAD MAS DMIGS SU RUNG BA LAS MA DMIGS PA'I PHYIR CES PA TZAM GYIS KYANG NGES PAR 'GRUB LA, YANG NA PHUNG PO DANG RANG BZHIN GCIG DANG THA DAD DU MED PA DE, RANG BZHIN MED PAS KHYAB STE, DPER NA RI BONG GI RVA BZHIN, GANG ZAG RANG DBANG BA DE YANG PHUNG PO DANG RANG BZHIN GCIG DANG THA DAD GANG DU YANG MA GRUB BO ZHES BYA BA'O, ,KHYAB PA NGES SLA LA, PHYOGS CHOS NI GANG ZAG RANG DBANG BA DANG, GRUB DE GCIG GI RANG BZHIN DU MED DE, KHYOD RGYU'I GZHAN DBANG CAN YIN PA'I PHYIR, KHYOD DE LAS RANG BZHIN GZHAN DU MED DE, YOD NA DMIGS SU RUNG BA LAS MA DMIGS PA'I PHYIR, RTAGS DE GNYIS LA BRTEN NAS KUN BRTAGS KYI BDAG 'DZIN GYI ZHEN YUL RNAM PAR BCAD PA SDUG BSNGAL BDEN PA'I KHYAD CHOS SU GYUR PA'I STONG PA DANG BDAG MED 'GRUB LA, RTZA BA'I RTAGS LA BRTEN NAS, BDAG 'DZIN LHAN SKYES KYI ZHEN YUL RNAM PAR BCAD PA'I BDAG MED 'GRUB BO, ,GSUM PA NI, DE LTAR DGAG BYA LEGS PAR NGOS ZIN NAS, JI LTAR 'TSAM PA'I RIGS PA RE LA BRTEN TE, GANG ZAG RANG DBANG BA'I TSUL DU GRUB PA CUNG ZAD KYANG MI 'DUG SNYAM DU RTZE GCIG TU YANG DANG YANG DU

, ,MNYAM PAR BZHAG PAR BYA'O, ,DE LTAR GOMS PAS MNYAM GZHAG LAS LANGS PA NA, DE'I STOBS KYIS GANG ZAG CES BYA BA PHUNG PO LA BTAGS PA TZAM DU ZAD DO SNYAM DU NGES PAR 'GYUR BA DE LTAR YANG DANG YANG DU YID LA BYA'O, ,DE LTAR MDOR BSDUS NA GNYEN PO'I STOBS KYIS SDUG BSNGAL GYI RGYUN GTAN ZAD PA YOD PAR DNGOS PO STOBS ZHUGS KYI RTAGS KYIS GRUB LA, ZAD PA DE NYID LA 'GOG BDEN ZHES KYANG BYA, THAR PA ZHES KYANG BYA'O, ,GNYIS PA NI, GANG GNOD BYED STOBS LDAN YIN PA DE LA RANG GI RIGS LA GNOD BYA MTHA' DAG ZAD PA DANG LHAN CIG TU TSOGS PA'I RIGS YOD PAS KHYAB STE, DPER NA ME STOBS LDAN NYE BA'I GZHIR, GNOD BYA GRANG REG GI RIGS MTHA' DAG ZAD PA DANG LHAN CIG TU TSOGS PA MTHONG BA BZHIN, BDAG MED PA SOGS BDEN BZHI'I GNAS LUGS RTOGS PA'I BLO 'DI YANG GNOD BYED STOBS LDAN YIN NO, ZHES BYA BA'I RTAGS LAS BDEN BZHI'I GNAS LUGS RTOGS PA'I BLO RANG GI GNOD BYA BDEN BZHI'I GNAS LUGS LA GOL BA'I DRI MA MTHA' DAG ZAD PA DANG LHAN CIG TU TSOGS PA YOD PAR GRUB LA, DRI MA MTHA' DAG GIS DBEN PA DANG TSOGS PA'I BDEN BZHI'I GNAS LUGS RTOGS PA'I BLO DE LA KUN MKHYEN ZHES BYA'O, ,GNYIS PA NI, RNAL 'BYOR MNGON SUM NI DPER NA 'PHAGS PA'I BDEN PA BZHI MNGON SUM DU MTHONG BA'I YE SHES BZHIN TE, DE TZAM GYIS GO BAR MI 'GYUR BAS MTSAN GZHI SOGS CI LTAR ZHE NA, CHOS KYI GRAGS PA KHO BOS TSAD MA RNAM 'GREL DU THUB PA'I BSTAN PA TSAD MAR SGRUB PA'I SGO NAS STON

PA TSAD MA'I SKYES BUR SGRUB PA'I YAN LAG TU RGYAS PAR GTAN LA PHAB PA BZHIN NO, ,SHING RTA CHEN PO'I GZHUNG LA NGAL BA MANG PO MA BYAS PA KHA CIG NA RE, 'PHAGS PA'I BDEN PA BZHI DANG THAMS CAD MKHYEN PA LA SOGS PA SHIN TU LKOG GYUR YIN NO ZHES SMRA BA NI, BSTAN PA DANG STON PA LA SKUR BA 'DEBS SHING RIGS PA'I TSOGS DRI MA MED PA'I RNAM GZHAG 'JIG PAR BYED PA THAR PA DON DU GNYER BA LAM LOG PAR 'KHRID PA TSOGS PAR DBYUNG DU MI RUNG BA'I GTAM YIN TE, GZHAN GYI SDE PA DAG GIS KHYED KYI BSTAN PA DANG STON PA TSAD MAR MI RUNG NGO ZHES ZER BA LA, LAN CUNG ZAD KYANG GDAB MI NUS PAR 'GYUR TE GZHAN GYIS RANG GI LUNG TSAD MAR KHAS MI LEN ZHING RIGS PA'I SGRUB BYED CUNG ZAD KYANG MED PA'I PHYIR, THAR PA DANG THAMS CAD MKHYEN PA SOGS DNGOS PO STOBS ZHUGS KYI RIGS PAS SGRUB PA'I TSUL CUNG ZAD MI SHES KYANG RNAM 'GREL DU, MTHONG DANG MA MTHONG DNGOS PO YI ZHES PA'I RANG 'GREL DU LUNG LA BLTOS PA MED PA'I RJES SU DPAG PAS RTOGS PAR BYA BA DPER NA 'PHAGS PA'I BDEN PA BZHI LTA BU'O ZHES SOGS KYI TSIG TZAM MTHONG BA'I SKAL PA DANG YANG BRAL BAR ZAD DO, ,'DIR 'THAD LDAN DU 'BRAS BUR GYUR BA'I NYE BAR LEN PA'I PHUNG PO LNGA NI SDUG BSNGAL LO, ,DE DAG NYID SRED PA DANG LHAN CIG PAS RGYUR GYUR PA NI KUN 'BYUNG NGO, ,NGES PAR LEGS PA'I RANG BZHIN DU GYUR PA'I SEMS NI 'GOG PA'O, ,RANG BZHIN DE NYID THOB PA'I RGYUR GYUR PA BDAG MED PA LA SOGS PA'I RNAM PA CAN GYI SEMS KYI KHYAD PAR NI LAM MO ZHES PA'I DON DU BYAS NAS 'GOG BDEN

, ,YIN NA SEMS YIN PAS KHYAB PAR 'DOD PA SHIN TU MI RIGS TE, GNYEN PO'I STOBS KYIS SPANG BYA'I SA BON ZAD PA'I BRAL BA RGYUD LA THOB PA NAS BZUNG STE, 'KHOR BA MA STONGS BAR DU RES 'JOG TU 'GYUR BA MIS RID PA'I PHYIR, SEMS NI 'PHAGS PA RGYUN DU ZHUGS PA LTA BU'I THUGS RGYUD LA 'DOD CHAGS LTA BU MNGON DU GYUR PA'I TSE BDAG MED RTOGS PA'I SHES RAB KYANG MNGON GYUR DU MED NA 'GOG BDEN YIN PA'I SEMS LTA CI SMOS, SPANG BYA'I SA BON DANG BRAL BA TZAM DE 'DUS BYAS YIN PA LA RIGS PA DU MAS GNOD PA'I PHYIR DANG, DE YOD NA NI DE NYID 'GOG BDEN DU KHAS BLANGS PAS CHOG MOD NYES PA DANG BCAS PA'I SEMS LA BZHAG PAS CI ZHIG BYA, DE MED NA NI, SPANG BYA'I SA BON DANG BRAL BA'I SEMS KYANG KHAS BLANG DU MI RUNG NGO, 'GREL PA 'DI'I DON NI SEMS RGYUD KYI STENG NA YOD PA'I NGES LEGS KYI RANG BZHIN GLO BUR DRI BRAL DE NYID 'GOG BDEN DU STON PAS GLO BUR DRI BRAL GYI KHYAD GZHI NGOS 'DZIN PA YIN GYI, SEMS 'GOG BDEN GYI MTSAN GZHIR STON PA MIN NO, ,DON NI, SEMS KYI STENG GI NGES PAR LEGS PA NI 'GOG PA'O ZHES PA'I DON YIN PAS TSIG TZAM LA 'CHEL BAR MI BYA'O, ,'DI NI YOD PA YIN NA MI RTAG PA YIN PAS KHYAB LA SDE BDUN GYI DGONGS PAR BSAMS NAS RTOG PAS BTAGS TZAM GYI TSAD MA'I GZHAL BYA MTHA' DAG LA SKUR BA 'DEBS PA NYES PA DU MA'I 'BYUNG KHUNGS SU GYUR PA DE NYID SLAR YANG 'ONGS PA YIN PAS DE DGAG PA RE SHIG BZHAG GO ,GSUM PA LA GNYIS, GSAL SNANG GI SHES PA LA RTOG BRAL GYIS KHYAB PA SGRUB PA DANG, KHYAB PA MA NGES PA

SPANG BA'O, ,DANG PO LA GSUM, RGYAS PAR BSHAD PA DANG, DES GRUB PA'I DON BSDU BA DANG, RTZOD PA SPANG BA'O, ,DANG PO LA GNYIS, RTOG PA GOMS PA LAS GSAL SNANG 'BYUNG BA'I DPE DANG, DE SGRUB PA'O, ,DANG PO NI, RTOG PA GOMS PA LAS GOMS YUL LA GSAL SNANG 'BRAS BUR 'BYUNG STE, 'DOD CHAGS CAN CHAGS YUL YANG DANG YANG DU YID LA BYED PA DANG 'JIGS PA GOMS DANG, BU SHI BA LA SOGS PA'I MYA NGAN GYIS BRLAMS PA DANG RMI LAM DU CHOM RKUN MNGON DU LHAG PAR MTHONG BA CHOM RKUN GYI RMI LAM SOGS KYIS BSLAD PAS YANG DAG PA MIN YANG MDUN NA NI GNAS PA BZHIN DU GSAL BAR MTHONG BAR 'GYUR BA'I PHYIR, CHOM RKUN DANG RMI LAM SO SOR BYED PA GZHUNG GI DON MIN NO, ,GNYIS PA NI, DE DAG GOMS PA LAS GSAL SNANG 'BYUNG BAR MTHONG STE, BU MTHONG BAR 'KHRUL BA SOGS RANG RANG GI BSLAD PA JI LTA BA BZHIN BSLAD PA DE DANG MTHUN PAR LUS NGAG GIS GUS PAR NI SGRUB PA RAB TU MTHONG BA'I PHYIR RO, ,GUS PAR NI BSGRIMS PA STE LUS 'DAR BA DANG YID DU SDUG PA SOGS LAG PAS 'DREN PA DANG, 'DI NA SU SU ZHES SMRA BA DANG, NGA RGYAL DANG BCAS PAS RAL GRI LA 'JU BA SOGS SO, ,KHYAB PA YOD PAR THAL, LKOG GYUR GYI DON LA DE'O SNYAM PA'I LKOG GYUR RTOGS PA'I 'DU SHES LA GUS PAR SGRUB PA DE LTA BU'I LUS NGAG GI 'JUG PA MA MTHONG BA'I PHYIR, GNYIS PA NI, RTOG PA GOMS PA LAS GSAL SNANG 'BRAS BUR 'BYUNG BA DPE DANG BCAS PA BSTAN PA DE'I PHYIR MI RTAG PA SOGS YANG DAG PA DANG MI SDUG PA BSGOM PA SOGS YANG DAG PA MIN PA'I DON GANG DANG GANG SBYOR BA GNYIS LDAN

, ,GYIS BSGOM PAR GYUR BA DE BSGOM PA YONGS SU RDZOGS PA NA GOMS YUL DE GSAL LA MI RTOG PA'I BLO 'BRAS BUR YOD PA CAN YIN NO, ,RTOG PA GOMS PA LAS GSAL SNANG 'BRAS BUR 'BYUNG STE, DON BDEN RDZUN GANG YIN KYANG SBYOR BA GNYIS LDAN GYIS GOMS PAR BYAS PA LAS GOMS BYED KYI RTOG PA DE LA GSAL SNANG CAN GYI BLO 'BRAS BUR 'BYUNG BA DPE DANG BCAS PAS GRUB PA'I PHYIR, SNGAR TSOGS SBYOR GYI SKABS SU 'PHAGS PA'I BDEN PA BZHI PO DON SPYI'I TSUL GYIS YANG DANG YANG DU GOMS PAR BYAS PA LAS, GOMS YUL LA GSAL SNANG THOB PA'I TSE RNAL 'BYOR MNGON SUM DU 'GYUR BA YIN NO, ,'DI DAG GIS NI GZHUNG LUGS LA SBYANGS PA'AM, MA SBYANGS PA YANG RUNG STE, SGRUB PA BYED PA'I TSE RTOG SGOM KHYAD DU GSOD CING SGRUB PA BYED PA LA GZHUNG CHEN MO RNAMS LA SBYANGS PA MI DGOS PAR 'DOD PA DE DAG LEGS PAR BKAG PAR SHES PAR BYA'O, ZHES BYA BA NI BAR SKABS KYI TSIGS SU BCAD PA'O, ,DON NI SNGAR BSHAD PA LTAR RO, ,GSUM PA NI, CHAGS YUL GOMS PA KHA CIG LA GSAL SNANG 'BYUNG DU CHUG KYANG LAM SGOM PA'I TING NGE 'DZIN GYIS BSDUS PA'I RTOG SGOM BYAS PA LAS BYUNG BA'I 'BRAS BU GSAL SNANG CAN GYI SHES PA DE MI BDEN PA'I DON CAN DU JI LTAR 'GYUR ZHE NA, TING NGE 'DZIN GOMS PA'I 'BRAS BU GSAL SNANG CAN GYI SHES PA LA GOMS YUL BDEN PA'I DON CAN YIN PA'I NGES PA MED PAR THAL, RGYU MTSAN 'DI LTAR KENG RUS LA SOGS PA MI SDUG PA BSGOM PA DANG ZAD PAR SA'I TING NGE 'DZIN LA SOGS PA YANG DAG PA MA YIN

PA'I YUL CAN LA YANG SGOM PA'I STOBS KYIS GOMS YUL GSAL BAR SNANG BA DANG RNAM PAR RTOG PA MED PAR GRUB PA KHYOD RANG YANG 'DOD PA YIN CING DON LA YANG 'THAD PA'I PHYIR, DANG GI SGRAS SO SOR BCAD PA NI GSAL SNANG BYUNG YANG RTOG PAR 'DOD PA'I LOG RTOG DGAG PA DANG, RTOG BRAL DU SGRUB PA'I RTAGS DANG BSGRUB BYA'I CHOS SO SOR GO BA'I CHED DU'O, ,GNYIS PA LA GNYIS, RTZOD PA DANG, LAN NO, ,DANG PO NI, RTOG PA SGOM PA'I STOBS KYIS YUL GSAL BAR SNANG BA YIN DU BA NA KYANG RTOG PA MED PAR CI LTAR 'GYUR RTOG PA DANG RTOG MED KYI SHES PA RIGS THA DAD PA'I PHYIR DANG, RIGS MI 'DRA BA RGYU 'BRAS SU MI RUNG BA'I PHYIR, GSAL SNANG GIS RTOG BRAL SGRUB PA'I KHYAB PA LA LDOG NA GNOD PA CAN GYI TSAD MA MED PAS MA NGES PA YIN NO ZHE NA, GNYIS PA LA GSUM, DGAG BYA'I CHOS LA RTAGS GRUB PA 'GOG PA'I GNOD PA CAN GYI GTAN TSIGS DANG, DE LA RTZOD PA SPANG BA DANG, DON BSDU BA'O, ,DANG PO LA GNYIS, RTZA BA DANG, 'GREL PA'O, ,DANG PO NI, GANG GI PHYIR CES PA NI RGYU MTSAN 'DREN PA'O, ,BRJOD BYA RJOD BYED 'DRES RUNG 'DZIN PA DANG, RJES SU 'BREL BA RNAM PAR RTOG PA LA CHOS CAN, DON GZUNG YUL GSAL BAR SNANG BA YOD PA MA YIN TE, 'DRER RUNG 'DZIN PA'I SHES PA YIN PA'I PHYIR DANG, 'DAS MA 'ONGS KYI DON YANG 'DZIN PA'I PHYIR, GNYIS PA NI, RTAGS SNGA MA LA KHYAB PA YOD PAR THAL, RKYEN GNYIS KYIS RNAM PAR BSLAD PA'I BLO YIN KYANG RUNG STE BRJOD PA DANG 'DRES PA'I SHES PA THAMS CAD LA NI DON GSAL BAR SNANG BA NYID LDOG CING MI SRID PA'I PHYIR RO, ,RNAM PAR RTOG PA

, ,CAN 'DI NI CHOS CAN, RANG YUL GSAL BAR SNANG BAR 'OS PA MA YIN TE, 'DRAR RUNG 'DZIN PA'I SHES PA YIN PA DES NA'I PHYIR, GNYIS PA LA GNYIS, RTZA BA DANG, 'GREL PA'O, ,DANG PO NI, RTOG PA RANG GI NGO BO YUL LA GSAL SNANG GI TSUL DU MI 'JUG KYANG GNYID LA SOGS PA'I GSAL SNANG GI RKYEN STOBS LDAN DANG PHRAD PA LAS GSAL SNANG CAN DU 'BYUNG STE, RMI LAM DU 'DAS PA DRAN PA BZHIN NO ZHE NA, DE MI 'THAD PA NI 'DI LTAR RMI LAM NA YANG 'DAS PA DRAN PA DE CHOS CAN, GSAL BAR SNANG BA DE 'DRA'I DON DANG LDAN PA MIN PA MI GSAL LA 'DRES PAR DRAN PA'I PHYIR, RANG YUL GSAL BAR SNANG BA MA YIN NO, ,GNYIS PA NI, RKYEN GNYID KYIS BSLAD PA RNAMS LA YANG SNGON NYAMS SU MYONG BA 'DAS PA DRAN PA'I RNAM PA CAN GYI RNAM PAR RTOG PA NI 'BYUNG LA ZHES TE MTSAN GZHI SGRUB PA'O, ,RMI LAM NA 'DAS PA DRAN PA'I BLO DE DAG CHOS CAN, DE LTAR YUL GSAL BAR SNANG BA CAN DU NI DRAN PA MED DE, 'DRER RUNG 'DZIN PA'I SHES PA YIN PA'I PHYIR DANG 'DAS PA 'DZIN PA'I SHES PA YIN PA'I PHYIR RO, ,GSUM PA NI, RKYEN GNYID KYIS BSLAD PA'AM RKYEN GZHAN GYIS KYANG RUNG RNAM PAR RTOG PA NI CHOS CAN, RANG GI NGO BOR MA ZAD RKYEN GYIS KYANG YUL GSAL BAR SNANG BA CAN DU BYED PA MA YIN TE, SGRA SPYI DANG DON SPYI 'DRER RUNG 'DZIN PA DE'I PHYIR, SNGAR GYI RTOG BRAL SGRUB PA'I RTAGS LA BZLOG NA GNOD PA CAN GYI TSAD MA MED PA MA YIN PAR THAL, GSAL BAR SNANG BA LA NI RNAM PAR RTOG PA MED PA NYID YIN PAS KHYAB PAR TSAD MAS LEGS PAR GRUB PA'I PHYIR, GNYIS PA MNGON

SUM LTAR SNANG LA GNYIS, SPYI DON DANG, YAN LAG GI DON TO, ,DANG PO LA GSUM, MNGON SUM LTAR SNANG SMOS PA'I DGOS PA DANG, MNGON SUM LTAR SNANG GI DBYE BSDU DANG, BSLAD PA MNGON SUM LTAR SNANG LOGS SU BKAR BA'I DGOS PA'O, ,DANG PO NI, BYE BRAG TU SMRA BA RNAMS DBANG PO NYID LTA BA POR KHAS LEN PA DANG SLOB DPON PHYOGS GLANG GIS LUNG LA BRTEN PA'I YID KYI MNGON SUM BKOD PA LA, GZHAN GYIS SKYON BRJOD PA DANG, KHA CIG RANG RIG DANG RNAL 'BYOR MNGON SUM KHAS MI LEN PA DE DAG GI LOG RTOG BSAL BA'I DON DU MNGON SUM RNAM PA BZHI RTOG PA DANG BRAL ZHING MA 'KHRUL BA'I MTSAN NYID DANG BCAS PAR BSHAD NAS, SLOB DPON PHYOGS KYI GLANG POS MA 'KHRUL BA MNGON SUM GYI MTSAN NYID KYI ZUR DU SGRAS ZIN LA MA SMOS KYANG SPYIR BTANG DMIGS BSAL DU MA'I SGO NAS BSTAN PAS SLOB DPON RANG NYID KYIS SNGAR JI LTAR BSTAN PA DANG DGONGS PA GCIG TU SHES PA'I CHED DU MA 'KHRUL BA'I RNAM BCAD NGOS BZUNG BA'I SGO NAS MNGON SUM LTAR SNANG GI DBYE BA BSHAD PA YIN NO,, DE LA SPYIR RTOG GE'I TSIG DON BRGYAD KYI LTAR SNANG BZHI SMOS PA'I DGOS PA NI DE DAG GI RJES SU ZHUGS SHING DE DAG TSAD MAR 'KHRUL NAS GZHAL BYA GTAN LA PHAB NA 'DOD PA'I DON MI THOB CING MI 'DOD PA'I DON THOB PAR 'GYUR BAS LAM GYI GOL SAR SHES PA'I CHED DU SMOS PA YIN NO, ,GNYIS PA NI, TSAD MA MDOR, MNGON SUM LTAR SNANG LA BDUN DU DBYE BA NGOS BZUNG BA DANG, RNAM 'GREL DU BZHIR BSTAN PA'I DGOS PA DANG, 'DIR GNYIS SU BSDUS PA'I DGOS PA DANG, GSUM GYIS RIG PAR

, ,PAR BYA'O, ,DANG PO NI, TSAD MA MDOR, 'KHRUL DANG KUN RDZOB SHES PA DANG, ,RJES DPAG RJES SU DPAG LAS BYUNG, ,DRAN DANG MNGON 'DOD CES BYA'O, ,MNGON SUM LTAR SNANG RAB RIB BCAS ZHES BSHAD DE, DE DAG NI RIM PA BZHIN DU, SMIG RGYU LA CHUR 'DZIN SOGS DANG 'DI BUM PA'O SNYAM PA'I RTOG PA SOGS DANG, RTAGS 'DZIN RTOG PA DANG, RTAGS CAN RJES DPAG DANG, 'DAS PA'I DON DRAN PA DANG, MA 'ONGS PA'I DON MNGON PAR 'DOD PA'O, ,DE LA RJES SU DPAG PA RTOG PA NI, RTAGS 'DZIN RTOG PA DANG, RJES SU DPAG PA LAS BYUNG BA'I RTOG PA NI, RTAGS CAN RJES DPAG LA SLOB DPON RGYAL DBANG BLOS TSAD MA KUN LAS BTUS KYI 'GREL BSHAD DU GSUNGS SO, ,RAB RIB KYIS MTSON PA'I BSLAD PA MNGON SUM LTAR SNANG DANG BDUN DU DBYE BA'I DGONGS PA NI 'DI DANG RNAM 'GREL DU BSHAD PA NYID KYIS GO BAR 'GYUR RO, ,GNYIS PA NI, RTOG PA MNGON SUM LTAR SNANG DRUG YOD PA GSUM DU BSDUS PA'I DGOS PA NI RIGS PA CAN PA LA 'KHRUL PA RTOG PA DANG KUN RDZOB PA'I RTOG PA GNYIS DBANG SHES MA YIN PAR SGRUB PA'I RTZOD GZHI LA RIGS GNYIS YOD PAR SHES PA'I CHED DU GNYIS SU DBYE BA DANG, RTOG PA PHYI MA BZHI SDE TSAN GCIG TU BSDUS PA NI SNGA MA GNYIS DBANG SHES MA YIN PAR SGRUB PA'I MTHUN DPE YANG DAG TU GO BA'I CHED DU BSTAN LA, BSLANG PA MNGON SUM LTAR SNANG LOGS SU BKAR BA'I DGOS PA BSTAN PA DANG BCAS PAS MNGON SUM LTAR SNANG BZHIR BSDUS SO, ,DBANG PO'I MNGON SUM DANG, YUL DUS NYE BAR 'JUG PAS 'KHRUL RGYU BYAS NAS MIG

RGYU LA CHUR 'DZIN MNGON SUM MA YIN KYANG DBANG SHES SU 'DOD LA 'DI BUM PA'O SNYAM PA NI MNGON SUM DU YANG 'DOD DO, ,GSUM PA NI, MA 'KHRUL BA'I GCAD BYA RTOG PA DANG BSLAD PA MNGON SUM LTAR SNANG GNYIS SU 'DOD PAS, MNGON SUM LTAR SNANG GI DBYE BA GNYIS SU SHES PAR BYA BA'I CHED DU YIN NO, ,GSUM PA NI, TSAD MA MDOR, MNGON SUM GYI MTSAN NYID STON PA NI, MING DANG RIGS SOGS SBYOR BA YI, ,RTOG PA DANG BRAL MNGON SUM MO, ZHES SMOS PA SPYIR BTANG GI TSIG YIN LA, DE TZAM GYIS MNGON SUM GYI MTSAN NYID RDZOGS PA MA YIN PAR SHES PA'I CHED DU BSLAD PA MNGON SUM LTAR SNANG RTOG PA'I SDE TSAN LAS LOGS SU BKAR BA YIN TE, DE LAS LOGS SU BKAR BA'I RTOG PA MA YIN PAR SHES LA, MNGON SUM LTAR SNANG DU BSTAN PA NA RTOG MED KYI SHES PA YIN PA TZAM GYIS MNGON SUM MA YIN PAR GO BAS MA 'KHRUL BA MNGON SUM GYI MTSAN NYID KYI ZUR DU DGOS PAR RTOGS PAR 'GYUR RO, ,RTOG PA LA MING SBYOR BA DANG, RIGS SOGS SBYOR BA GNYIS SU PHYE BA NI RANG LUGS KYI RTOG PA'I MTSAN NYID DANG GZHAN DAG 'DOD PA'I RTOG PA'I MTSAN NYID BSTAN PA DANG, MING SBYOR RTOG PA DANG, DON SBYOR RTOG PA'I DBYE BA SHES PAR BYA BA DANG, SPYOD PA PA DANG RIGS PA CAN PA MNGON SUM RTOG PA DE DAG TU 'DOD PA DGAG PA'I CHED DU YIN NO, ,RANG SDE KHA CIG DES MNGON SUM GYI MTSAN NYID YONGS RDZOGS BSTAN PAR BSAMS NAS ZLA BA GNYIS SNANG GI SHES PA SOGS RTOG PAR 'DOD PA 'GOG PA LA RNAM NGES MDZAD PA'I RIGS PA DU MA DANG, MDO MDZAD PA'I DGONGS PA LAS KYANG PHYI ROL TU GYUR PAR

, ,'DIR 'CHAD PA YIN NO, ,GNYIS PA LA GSUM, MDO MDZAD PA DANG RANG NYID DGONGS PA GCIG TU SHES PA'I CHED DU MNGON SUM LTAR SNANG GI DBYE BA DANG, BSLAD PA MNGON SUM LTAR SNANG BYE BRAG TU BSHAD PA DANG, ZLA BA GNYIS SNANG SOGS RTOG PA YIN PA DGAG PA'O, ,DANG PO LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, TSAD MA MDO'I SPYIR BTANG GI TSIG MNGON SUM GYI MTSAN NYID YONGS RDZOGS SU 'KHRUL NAS RNAM NGES MDZAD PA'I MNGON SUM GYI MTSAN NYID LA SMOD PA'I RANG GI SDE PA KHA CIG NA RE GSAL SNANG GI SHES PA YIN NA RTOG MED YIN PAS KHYAB PA 'O NA NI, GSAL BAR SNANG BA'I RMI LAM GYI SHES PA CHOS CAN, MNGON SUM DU 'GYUR BAR THAL, RNAM PAR RTOG PA MED PA'I SHES PA YIN PA'I PHYIR CE NA, GNYIS PA LA GNYIS, DGAG PA MDOR BSTAN PA DANG, RGYAS PAR BSHAD PA'O, ,DANG PO NI, KHO BO CAG LA RTOG MED KYI SHES PA YIN NA MNGON SUM DU THAL BA 'PHEN PA RIGS PA MA YIN TE, MNGON SUM RTOG BRAL MA 'KHRUL PA ZHES MA 'KHRUL BA MNGON SUM GYI MTSAN NYID KYI ZUR DU BSTAN PA'I PHYIR RO, ,RTZOD PA 'DI GZHUNG 'DI NYID KYI DBANG DU BYAS NA DOGS PA SKYE BA'I GZHI MED KYANG TSAD MA KUN LAS BTUS KYI DON LOG PAR BZUNG NAS SLOB DPON GYI MNGON SUM GYI MTSAN NYID LA MI 'THAD PAR RTZOD PA YIN NO, ,'O NA KHO BO LA SKYON MED DE MA 'KHRUL BA SMOS PA'I PHYIR RO, ,ZHES PA'I LAN MI RIGS TE, 'DIR MA 'KHRUL BA SMOS PA PHYOGS SNGA MA SMRA BAS KYANG GRUB ZIN PA'I PHYIR RO ZHE NA, SKYON MED DE, TSAD MA MDO'I BZHED PA YANG 'DIR BSTAN PA DANG DON GCIG

TU 'GYUR TE, DER YANG DON GYI SHUGS KYIS MA 'KHRUL BA ZHES BSTAN PA'I PHYIR RO ZHES SHES PAR BYA'O, ,GNYIS PA LA GSUM, RTZA BA DANG, 'GREL PA DANG, DON BSDU BA'O, ,DANG PO NI, MNGON SUM LTAR SNANG CHOS CAN, RNAM PA GNYIS SU BRJOD RIGS TE, RTOG PA MNGON SUM LTAR SNANG DANG, BSLAD PA MNGON SUM LTAR SNANG GNYIS SU YOD PA'I PHYIR, DE GNYIS SU YOD DE, RMI LAM GSAL SNANG GI SHES PA GSAL BAR SNANG YANG MNGON SUM MA YIN PA DE NYID KYI PHYIR, RNAM RTOG CHOS CAN, MNGON SUM LTAR SNANG YIN TE, DNGOS PO MI SNANG BA STE, DE SNANG YUL DU MI BYED PA'I SHES PA YIN PA'I PHYIR DANG, BDAG RKYEN DBANG PO NYE BAR BSLAD PA'I SHES PA CHOS CAN, MNGON SUM LTAR SNANG YIN TE, PHYIN CI LOG GSAL BAR SNANG BA'I SGO NAS BSLU BA'I SHES PA YIN PA'I PHYIR, GZHUNG THOG MTHA' GNYIS, RTZA TSIG MA YIN KYANG DON GYI 'BREL DBANG BTZAN BAR BYAS NAS DE'I NANG DU BSDUS NAS BZHAG GO ,GNYIS PA NI, MNGON SUM NI DNGOS PO SNANG BA'I YUL DU BYED PAS KHYAB PA YIN TE, GANG GI PHYIR NA RANG MTSAN GZUNG YUL DU BYED PA DE MED NA MNGON SUM DE'I SNANG BA NYAMS PA'I PHYIR RO ZHES KYANG RJES SU 'GRO BA DANG LDOG PA'I RJES SU MI BYED PA NI RGYU MA YIN CES PA'I SKABS DER BRJOD ZIN PA'I PHYIR, RNAM PAR RTOG PA NI CHOS CAN, RANG MTSAN GZUNG YUL DU BYED PA DE LTAR MA YIN TE, DE'I STE KHYOD KYI SNANG BA DE DNGOS PO KHO NA DANG MTHUN PA MA YIN PAR SPYI DANG 'DRES PAR SNANG BA'I SHES PA YIN PA'I PHYIR RO, ,GSUM PA NI, RTOG PA CHOS CAN, MNGON SUM LTAR SNANG BA YIN TE, RANG MTSAN GZUNG YUL DU MI

, ,BYED PA'I SHES PA YIN PA DE'I PHYIR, GNYIS PA LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, BDAG RKYEN DBANG PO NYE BAR BSLAD PA LA YANG MNGON SUM LTAR SNANG GI MTSAN NYID ZHUGS TE, MED PA GSAL SNANG GI SHES PA YIN PA'I PHYIR, GNYIS PA NI, RTAGS SNGA MA LA, ZLA BA GNYIS SNANG GI SHES PA CHOS CAN, DBANG SKYES KYI SHES PA YIN KYANG MNGON SUM LTAR SNANG YIN TE, BSGRUB BYA'I CHOS SO, ,DBANG SHES SU MA GRUB BO ZHE NA, DE DBANG SHES YIN TE, DBANG SHES SU 'DOD PA GZHAN LAS DBANG SHES SU 'JOG PA'I RGYU MTSAN KHYAD PAR MED PA'I PHYIR RO, ,GSUM PA LA GNYIS, DBANG SHES 'KHRUL PA MNGON SUM LTAR SNANG DU BSTAN PA DANG, DES GSAL SNANG CAN GYI YID BSLAD PA YANG MNGON SUM LTAR SNANG DU BSHAD PA'O, ,DANG PO NI, ZLA BA GNYIS SNANG GI SHES PA SOGS DBANG PO GZUGS CAN PA NYE BAR BSLAD PA LAS SKYES PA'I SHES PA GANG YIN PA 'GA' ZHIG NI CHOS CAN, DBANG PO LAS SKYES PA'I SHES PA YANG YIN TE, DE LAS GZHAN PA'I DBANG PO LAS SKYES PA SNGOR SNANG DBANG SHES SOGS DANG DBANG SHES SU 'JOG PA'I RGYU MTSAN KHYAD PAR MED PA'I PHYIR RO, ,SHES PA 'DI YANG CHOS CAN, MNGON SUM LTAR SNANG BA YIN TE, DNGOS PO KHO NA DANG MTHUN PAR SNANG BA MA YIN PA'I SHES PA YIN PA'I PHYIR, DER THAL, LOG PA GSAL SNANG CAN GYI BSLU BA'I SHES PA YIN PA'I PHYIR, GNYIS PA NI, LOG PA GSAL SNANG CAN GYI DBANG PO'I SHES PA MNGON SUM LTAR SNANG DU BSTAN PA 'DIS NI CHOS CAN, RMI LAM GSAL SNANG GI SHES PA SOGS

YID KYI RNAM PA BSLAD PA CAN GYI SHES PA YANG MNGON SUM LTAR SNANG DU BSHAD PA YIN TE, LOG PA GSAL SNANG CAN GYI SHES PA KUN MNGON SUM LTAR SNANG DU RGYU MTSAN MTSUNGS PAR BSTAN PA'I PHYIR, GSUM PA LA GNYIS, 'DOD PA BRJOD PA DANG, DE DGAG PA'O, ,DANG PO NI, RTOG BRAL MNGON SUM GYI MTSAN NYID YONGS RDZOGS SU 'KHRUL PA KHA CIG NA RE, ZLA BA GNYIS LA SOGS PAR 'KHRUL BA NI MIG GI DBUS NA RAB RIB GNAS PAS MIG GI ZUR GNYIS SU RIM GYIS MTHONG BA LA CIG CAR MTHONG SNYAM PA'I YID KYI 'KHRUL PA YIN GYI DBANG PO LAS SKYES PA MA YIN PA NYID DO ZHES ZER TO, ,ZLA BA'I YUL LA NI, GRANGS LA 'KHRUL PA YIN LA, 'GAL ME LA NI DBYIBS LA 'KHRUL PA DANG, LJON SHING LA NI BYA BA LA 'KHRAL PA YIN LA, GRANGS LA SOGS PA SGRO BTAGS YIN PAS DE 'DZIN PA RTOG PA'O SNYAM PA'O, ,GNYIS PA LA GNYIS, RIGS PA RGYAS PAR BSHAD PA DANG, DE RTOG PAR 'DOD PA SLOB DPON PHYOGS GLANG GI DGONGS PA DANG 'GAL BAR BSTAN PA'O, ,DANG PO NI, ZLA GNYIS GSAL SNANG GI SHES PA DE NI CHOS CAN, RTOG PAR RIGS PA MA YIN TE, DBANG PO GZUGS CAN PA BDAG RKYEN DU YOD MED KYI RJES SU 'GRO LDOG BYED PA'I PHYIR, KHYAB PAR THAL, DBANG PO GZUGS CAN PA LAS BYUNG BA DBANG SHES SU 'JOG PA LA NI DBANG PO GZUGS CAN PA BDAG RKYEN DU YOD PA DANG MED PA'I RJES SU BYED PA DE NYID KYI MTSAN NYID CAN DU GNAS PA'I PHYIR LA MTSAN NYID DE NI ZLA BA GNYIS SNANG 'DI LA YANG ZHUGS PAR MTSUNGS PA'I PHYIR, DE CHOS CAN, DBANG SHES YIN TE, DBANG PO GZUGS

, ,CAN PA 'GYUR NA YANG 'GYUR BA'I RJES SU BYED PA'I SHES PA YIN PA'I PHYIR, KHYAB PAR THAL, DBANG PO GZUGS CAN PA BDAG RKYEN GYI SGO NAS RTEN DU YOD PA'I DBANG SHES SU 'JOG PA'I RGYU MTSAN NI DE TZAM YIN PA'I PHYIR RO, ,DE CHOS CAN, THAG PA LA SBRUL LA SOGS PAR 'KHRUL BA LTAR, DBANG PO'I RNAM PAR 'GYUR BA YOD KYANG ZLA BA GNYIS MED PAR NGES PA TZAM GYIS LDOG PAR THAL BA DE BZHIN DU DBANG PO'I RNAM PAR 'GYUR BA LOG KYANG 'DI NA SBRUL 'DUG CES BRJOD PA TZAM GYIS SBRUL 'DZIN SKYE BA LTAR MI LDOG PAR THAL, ZLA BA GNYIS 'DZIN GYI YID KYI 'KHRUL BA RTOG PA YIN PA'I PHYIR, MJUG BSDU BA NI, MA 'KHRUL BA SMOS PAS BSAL BA'I ZLA BA GCIG LA GNYIS SU 'KHRUL BA 'DI NI CHOS CAN, DBANG PO LAS SKYES KYANG MNGON SUM MA YIN TE, DBANG SHES SU RIGS PA DE DAG GIS GRUB CING YUL LOG PAR SNANG BA DE'I PHYIR, GNYIS PA LA GNYIS, TSAD MA MDO'I MNGON SUM GYI MTSAN NYID STON PA'I SKABS KYI RIGS PA DANG 'GAL BAR BSTAN PA DANG, TSAD MA MDO'I RTZOD SGRUB LA BRTAG PA BYED PA'I SKABS NAS BSHAD PA DANG 'GAL BAR BSTAN PA'O, ,DANG PO NI, TSAD MA MDOR DRAN DANG MNGON 'DOD CES BYA'O, ZHES PA'I 'O ZHES BYA BA'I RDZOGS TSIG DES BSLAD PA MNGON SUM LTAR SNANG RNAM PAR RTOG PA'I SDE TSAN LAS LOGS SHIG TU RNAM PAR BCAD DE GSUNGS PA LA RGYU MTSAN YOD DE, ZLA BA GNYIS SNANG GI SHES PA LA SOGS DBANG SHES YIN KYANG MNGON SUM LTAR SNANG DU BSTAN PA DE NYID KYI PHYIR YIN PA'I PHYIR, LOGS SHIG TU BCAD NAS BSTAN PA LA DGOS PA YOD DE,

MING DANG RIGS SOGS SBYOR BA YI, ZHES SOGS KYI MTSAN NYID STON PA'I TSIG 'DI CHOS GZHAN DMIGS KYIS BSAL BA DANG BCAS PAR BSTAN NAS MA 'KHRUL BA MNGON SUM GYI MTSAN NYID LHAG MAR RTOGS PA'I DON DU YIN PA'I PHYIR, 'O NA RAB RIB KYIS BSLAD PA 'BA' ZHIG STON PA CI YIN CE NA, RAB RIB KYIS BSLAD PA'I SHES PA 'BA' ZHIG MNGON SUM LTAR SNANG DU STON PA MA YIN TE, RAB RIB KYIS BSLAD PAS MTSON PA'I DBANG PO DANG YID BSLAD PA LAS SKYES PA'I GSAL SNANG CAN GYI SHES PA KUN BSLAD PA MNGON SUM LTAR SNANG BAR DON GYI SHUGS KYIS GSUNGS PA'I PHYIR, RAB RIB KYIS BSLAD PA GZHAN RNAMS KYI MTSON BYED YIN PA'I DON TO, ,GNYIS PA NI, ZLA BA GNYIS SNANG GI SHES PA SOGS YID SHES RTOG PAR 'DOD PA SLOB DPON PHYOGS GLANG GI BZHENG PA MA YIN PAR THAL, TSAD MA MDO'I RTZOD SGRUB LA BRTAG PA BYED PA'I SKABS MNGON SUM GYI MTSAN NYID STON PA'I SKABS LAS GZHAN DU YANG MIG LA SOGS PA'I RDUL PHRA RAB RNAMS ZLA BA GNYIS SU SNANG BA'I RNAM PAR SHES PA'I BDAG PO'I RGYU NYID DU GSUNGS PA'I PHYIR RO, ,THAL CHOS SNGA MA LA, RTAGS NI MIG GI DBANG PO DE ZLA BA GNYIS SNANG GI SHES PA DANG SNGON PO LA SOGS PAR SNANG BA'I RNAM PAR SHES PA'I BDAG PO'I RGYU NYID DU MTSUNGS PAR GSUNGS PA'I PHYIR RO, ,SNGA MA SKABS DON GYI LUNG DANG, PHYI MA DBANG SHES SU MTSUNGS PA'I DPE'O, ,t'IKA BYED PA SNGA MA DAG GIS GZHAN DU YANG ZHES PA DMIGS RTAG LA SBYOR BA DANG, RTZOD SGRUB NYID LA SBYOR BA NI LOG PAR BSHAD PA YIN TE, DMIGS PA BRTAG PA DANG DON GCIG TU 'CHAD NA MA

, ,GTOGS DMIGS BRTAG GI LUNG MA YIN CING, RTZOD SGRUB KYI LUNG YANG MA YIN NO, ,'DI NI TSAD MA KUN LAS BTUS PAR, RTZOD SGRUB SLOB DPON GYI MA YIN, ,SNYING PO NGES PAR MA DGONGS TE, ,CHA SHAS GZHAN DU BKOD PA'I PHYIR, ,DES NA KHO BOS BRTAG PAR BYA, ZHES RTZOD SGRUB LA DGAG PA BYED PA'I SKABS KYI KUN LAS BTUS KYI GZHUNG DRANGS PA YIN PA'I PHYIR, DE'I SKABS SU RTZOD SGRUB MKHAN POS PHYI ROL GYI DON DBANG PO'I MNGON SUM GYI DMIGS RKYEN DU KHAS BLANGS PA LA, SLOB DPON GYIS JI LTAR SNANG BA'I PHYI ROL GYI DON DE LAS DMIGS RKYEN GYI SGO NAS SKYES SAM, SNANG TSUL DE LAS GZHAN PA'I SGO NAS SKYES, DANG PO MI RIGS PAR THAL, RNAM SHES LNGA LA YUL RAGS PAR SNANG ZHING RAGS PA RDZAS SU MED PA'I PHYIR, GNYIS PA'ANG MI 'THAD PAR THAL, JI LTAR SNANG BA DE LAS GZHAN PA'I DON MA MTHONG BA'I PHYIR, GAL TE, RNAM PA GZHAN DU SNANG YANG RGYU YIN PA'I PHYIR, RDUL PHRAN DBANG SHES KYIS DMIGS PA YIN NO ZHE NA, MIG LA SOGS PA'I RDUL PHRA RAB KYANG DBANG SHES KYIS DMIGS PAR THAL, ZHES BRJOD PA'O, ,DER RDUL PHRAN RANG LUGS KYI TSAD SGRUB MDZAD BZHED PA MA YIN GYI DE YOD NA RGYU YIN DU CHUG KYANG DMIGS RKYEN DU MI RIGS SO ZHES BRTAG PA MTHA' BZUNG DU KHAS BLANGS NAS DMIGS RKYEN LA DGAG PA MDZAD PA YIN NO, ,BRTAG PA MTHA' BZUNG RANG LUGS LA'ANG KHAS LEN PAS NYES PA MTSUNGS SO ZHE NA, SKYON MED DE, RDUL PHRAN DBANG SHES KYI DMIGS RKYEN YIN PA RANG RGYUD DU KHAS BLANGS PA LA DGAG PA MDZAD PA YIN PA'I PHYIR, KUN LAS BTUS

KYI TSIG DES MIG GI DBANG PO ZLA BA GNYIS SNANG GI YID SHES RTOG PA'I BRGYUD PA'I RGYUR STON PA YIN NO ZHE NA, RDUL PHRAN DBANG SHES KYI RGYU YIN PAS DMIGS RKYEN DU KHAS BLANGS PA LA MIG GI DBANG PO YID SHES RTOG PA'I DMIGS RKYEN DU THAL BA 'PHEN PA SKABS SU JI LTAR BAB PA SOMS SHIG ,GSUM PA TSAD MA DANG 'BRAS BU'I RNAM PAR BZHAG PA LA GNYIS, SPYI'I DON DANG, YAN LAG GI DON TO, ,DANG PO LA GSUM, TSAD 'BRAS 'DI GANG LAS 'PHROS PA DANG, GZHAN DAG GI 'DOD PA DGOD PA DANG, RANG GI LUGS BZHAG PA'O, ,DANG PO NI RNAM 'GREL LE'U GNYIS PAR GSUNGS PA LTAR TSAD MAS CHOD PA DANG, MCHOD PA'I 'BRAS BU SGRUB PAR BYED PA GCIG LA, TSAD MA ZHES BYA LA, CHOD PA'I 'BRAS BU NI, BLANG DOR GYI DON PHYIN CI MA LOG PAR RTOGS NAS ZHUGS PAS MI 'DOD PA'I DON SPANGS NAS, 'DOD PA'I DON THOB PA LA MDZAD LA, DE'I 'BRAS BU SGRUB TSUL NI, GNAS SKABS KYI MNGON MTHO DANG, MTHAR THUG GI NGES PAR LEGS PA THOB PA'I TSUL LA BRTZAMS PA ZHIG DGOS PAR SHES PAR BYA'O, ,DE LA YANG TSAD MAS MCHOD PA'I 'BRAS BU GRUB PA SNGON DU 'GRO DGOS PA YIN LA, DE NI TSAD MA'I MTSAN NYID MI SLU BA MA NGES PA'I SNGON ROL TU DE GANG LA BRTEN PA'I GZHI DES DGOS PAS DE NI 'DIR TSAD MA ZHES PA'I THA SNYAD KYIS BSTAN PA'I RANG RANG GI GZHAL BYA LA NGES PA GSAR DU 'DREN NUS PA'I YUL GYI RNAM PA YIN LA, DE GRUB PA'I SGO NAS RANG RANG GI GZHAL BYA RTOGS PAR 'JOG CING THAG CHOD PA DGOS LA, DES BZHAG PAR BYA BA'I GZHAL BYA GSAR DU RTOGS PA NI TSAD

, ,MAS CHOS PA'I 'BRAS BU ZHES BSNYAD PA YIN NO, ,DBANG PO'I MNGON SUM GYIS GZHAL BYA RTOGS PA'I TSUL YANG GONG DU BSTAN ZIN MOD KYI, DE LTA NA YANG, TSAD 'BRAS LA LOG PAR RTOG PA BYE BRAG TU DGAG BZHED NAS MDZAD PAS 'DIR DBANG PO'I MNGON SUM GYI TSAD 'BRAS GCO BAR STON LA, DE GANG LAS 'BYUNG BA YANG, DBANG PO'I MNGON SUM LA 'PHROS PA YIN NO, ,GNYIS PA NI, CHED MA 'DI'I 'BRAS BU GANG YIN CE NA, GZHAL BYA RTOGS PA STE, GZHAL BYA RTOGS PA NI TSAD MA LA RAG LAS PA RIGS PA SMRA BA KUN GYI LUGS YIN LA, TSAD MA DE GANG YIN CE NA, BYE BRAG BDAG NI, DBANG DON PHRAD CING 'BREL PA TSAD MA'O ZHES ZER TO, ,SPYOD PA PA DAG NI, DANG POR DON LA BLTA BA'I SHES PA RTOG PA MED PA NYID TSAD MA'O ZHES ZER TO, , RIGS PA CAN PA RNAMS NA RE, SPYI SOGS KHYAD PAR GYI CHOS 'DZIN PA, TSAD MA DANG, KHYAD PAR CAN RDZAS 'DZIN PA 'BRAS BU'O ZHES ZER TO, ,GRANGS CAN PA NI, RNA BA LA SOGS PA DBANG PO'I 'JUG PA TSAD MA DANG, BYE BRAG SMRA BA RTEN BCAS KYI DBANG PO TSAD MA YIN NO ZHES ZER TO, ,GSUM PA NI, SLOB DPON RGYAN MKHAN POS PHYI ROL GYI DON KHAS BLANGS PA'I RNAM GZHAG DANG, DON KHAS MA BLANGS SHING, RNAM PA RDZAS GRUB MA BKAG PA'I RNAM GZHAG DANG, DE YANG BKAG NAS, RNAM PA RDZUN PA'I RNAM GZHAG GSUM MDZAD PA SNGA MA GNYIS KUN RDZOB KYI RNAM GZHAG DANG, PHYI MA DON DAM PA'I RNAM GZHAG TU MDZAD PAR BZHED PA NI DE'I DGONGS PA MIN TE, RANG LUGS LA PHYI ROL GYI DON THA SNYAD DU YANG GRUB PAR ZHAL GYIS BZHES PA'I RNAM RIG

PA'I SHING RTA CHEN PO SU YANG MED DE, RANG LUGS KYI KUN RDZOB BDEN PA BKAG NAS DON DAM BDEN PA 'JOG PA NI RIGS PA MI SHES PA'I MU COR SMRA BA 'BA' ZHIG YIN TE, RANG LUGS KYI KUN RDZOB KHAS BLANGS NA RANG NYID 'DOD PA'I DON DAM DE, BZHAG PA MA BDE BAR GZHAN GYIS GNOD PA BRJOD PA'I SGO NAS BDEN GNYIS LA 'GAL BA MTHONG BA SRID KYI, RANG LUGS KYI DON DAM 'JAL BA'I TSAD MA DANG, KUN RDZOB 'JAL BA'I TSAD MA GNYIS, GCIG GI YUL CIG SHOS KYIS SUN 'BYIN PA YIN NO, ZHES DANG PO NYID NAS GRUB MTHA' 'CHA' BA'I MKHAS PA'I SKYE BO SU YANG MI SRID DO, ,THA SNYAD DU GRUB KYI DON DAM PAR MA GRUB PA'I PHYI ROL GYI DON DE DON BYED NUS PA YIN NAM, 'ON TE DE MA YIN KYANG 'GYUR MED YONGS GRUB LTAR CHOS THAMS CAD KYI GNAS LUGS SU GRUB PA ZHIG GAM, 'ON TE BYAS MI RTAG GI THA DAD LTAR, RTOG PAS BTAGS TZAM ZHIG YIN, PHYI MA LTAR NA, DON BYED NUS STONG THA SNYAD DU YOD PA LA, PHYI ROL GYI DON THA SNYAD DU YOD PA'O SNYAM DU MA BZUNG ZHIG ,GNYIS PA LTAR NA YANG KHAS BLANGS DANG 'GAL LA, DANG PO LTAR NA, 'BRAS BU BSKYED PA'I BYA BA BYED PA DANG, BDEN STONG GZHI MTHUN DU SDUD PA RNAM RIG PA'I LUGS SU 'DOD PAS NI, KHO BOS NI, DBU SEMS GNYIS KA'I LUGS MI SHES SO ZHES GSAL BAR BSGRAGS SO, ,DES NA, SLOB DPON RGYAN MKHAN POS PHYI ROL DON GYI RNAM GZHAG MDZAD PA YANG SNGAR BSHAD PA DANG 'DRA BAR SHES PAR BYA'O, ,GZUNG RNAM GZHAL BYA 'DZIN RNAM TSAD MA RANG RIG 'BRAS BUR BYAS PA 'BRAS RTOG GNYIS PA'I RNAM GZHAG TU BZUNG NAS, RNAM RIG

, ,PA KHO NA'I LUGS SU SMRA BA DANG, PHYI ROL GYI DON GZHAL BYAR BYAS NAS, GZUNG RNAM TSAD MA LA MA DPYAD PA'I TSE, PHYI ROL GYI DON RIG PA 'BRAS BU, DPYAD NA RANG RIG 'BRAS BUR BYED CING DE 'BRAS RTOG GSUM PA'I RNAM GZHAG TU BYED PA DANG, YANG DE NYID MDO SDE PA KHO NA'I LUGS SU KHA CIG SMRA ZHING, YANG KHA CIG RNAM RIG PA KHO NA'I LUGS YIN NO ZHES SMRA BA, DE DAG GIS NI TSAD MA DANG, ,TSAD MA'I 'BRAS BU LEGS PAR BKAG ,RIGS PA SMRA BA'I DGONGS PA'ANG DOR, ,RANG NYID MI SHES GSAL BAR BSGRAGS ZHES SO, ,YANG MDO SDE PAS GZUNG RNAM RANG RIG MNGON SUM TSAD MA'I GZHAL BYAR KHAS MI LEN PA NI, RNAM PA THAMS CAD DU MI RUNG LA, KHAS LEN NA, GZUNG RNAM GZHAL BYA DANG, 'DZIN RNAM TSAD MAR BYED PA'I TSAD 'BRAS KYI RNAM GZHAG RNAM RIG PA KHO NA'I LUGS YIN PA NYAMS SO, ,'BRAS RTOG GSUM PA'I SKABS SU YANG, MA DPYAD PA NA PHYI ROL GZHAL BYA YIN PA DANG, DPYAD NA RANG RIG 'BRAS BUR 'DOD PA YANG, BDEN PA GNYIS KYI RNAM DBYE MI SHES PA'I LOG PAR RTOG PA DE NYID SLAR YANG 'ONGS PA YIN PAS, LAN YANG SNGAR BSHAD PAS SHES PAR BYA'O, ,DE 'DRA'I TSAD 'BRAS KYI LUGS DE, MDO SDE PA'I RANG LUGS SU MI 'THAD PAR THAL, DON DAM DPYOD BYED KYI RIGS PAS LEG SPAR DPYAD NAS DBANG PO'I MNGON SUM GYI GZHAL BYA PHYI ROL GYI DON 'GOG PA DANG, PHYI ROL GYI DON DON DAM DPYOD BYED KYI RIGS PAS DPYAD MI BZOD DU 'DOD PA'I MDO SDE PA SU YANG MED PA'I PHYIR RO, ,DE 'DRA RNAM RIG PA'I LUGS SU YANG MI 'THAD PAR THAL, PHYI ROL GYI DON DBANG MNGON GYI GZHAL BYAR 'DOD

PA'I RNAM RIG PA SU YANG MED PA'I PHYIR RO, ,DPYAD NA DBANG PO'I MNGON SUM GYIS SHES PA RANG NYID 'JAL LA, MA DPYAD NA PHYI ROL GYI DON 'JAL LO ZHES PA YANG RNAM GZHAG MA CHAGS PA'I GTAM STE, MIG SMAN SOGS BSKUS PAS MIG SHES LA YUL GYI KHYAD PAR PHRA MO RANG STOBS KYIS NGES SHES 'DREN NUS KYI TSUL DU MTHONG BA SRID KYI, DPYAD PA CUNG ZAD CIG BYAS PAS, MIG SHES KYI GZHAL BYA'I RIGS SO SOR 'PHO BA GA LA SRID, DPYAD PA BYED PA PO KHYOD RANG GI MIG SHES KYIS DPYAD PA MA BYAS PA'I GONG DU GZUGS LA NGES PA 'DREN PA DE NYID DPYAD PA BYAS MA THAG MIG SHES LA NGES PA 'DREN PA YIN MIN KHA NANG DU PHYOGS LA SOMS SHIG ,SNGAR MIG SHES KYIS PHYI ROL GYI DON 'JAL BAR MNGON PAR ZHEN PA DE NYID DPYAD PA BYAS PA NA, DE LAS LOG PAR SHES PA 'JAL BAR RTOGS PA'I DON YIN NO ZHE NA, 'O NA SNGAR DPYAD PA MA BYAS PA'I GONG NAS MIG SHES KYIS SHES PA 'JAL BA DE LTAR MA RTOGS PA LA PHYIS DPYAD PA BYAS PAS RTOGS SO ZHES KHAS BLANG GI ,DPYAD PA BYAS MA BYAS KYI DBANG GIS MIG SHES KYI GZHAL BYA LOG PAR KHAS MI BLANG NGO, ,SLOB DPON RGYAN MKHAN POS, RNAM 'GREL DU, DNGOS RNAMS THA DAD GNAS PA 'DI, ,DE THA DAD LA BRTEN PA YIN CES SOGS KYIS SEMS TZAM RNAM RDZUN PA DANG, RNAM BDEN PA'I LUGS BSTAN PAR BZHED DO, ZHES ZER BA YANG LEGS PAR BSHAD PA MA YIN TE, SDE BDUN GYI SKABS 'DIR SEMS TZAM RNAM BDEN PA'I GRUB MTHA' RANG LUGS SU ZHAL GYIS BZHES PA MED PA'I PHYIR DANG, SLOB DPON RGYAN MKHAN PO YANG BZHED PA MTHAR THUG PA RNAM SHES BDEN PAS STONG PA DBU MA PA'I LUGS ZHAL GYIS

, ,BZHES PA'I PHYIR RO, ,SEMS TZAM RNAM BDEN RDZUN GYI KHYAD PAR DANG, SEMS TZAM PA'I LUGS KHAS LEN PA'I TSE RNAM RDZUN NYID ZHAL GYIS BZHES PAR 'CHAD PAR 'GYUR RO, ,GNYIS PA YAN LAG GI DON LA GSUM, PHYI ROL DGAG PA GTZO BOR MA MDZAD PA'I TSAD 'BRAS KYI RNAM GZHAG DANG, SHES BYA NANG GI TSAD 'BRAS KYI RNAM GZHAG DANG, RNAM GZHAG DE NYID 'THAD PAR RIGS PAS SGRUB PA'O, ,DANG PO LA GNYIS, MDOR BSTAN PA DANG, RGYAS PAR BSHAD PA'O, ,DANG PO LA GSUM, TSAD 'BRAS SPYI'I RNAM GZHAG DANG, RNAM GZHAG DANG PO'I TSAD 'BRAS NGOS BZUNG BA DANG, BYA BYED SPYI'I RNAM PAR BZHAG PA'O, ,DANG PO NI, DBANG PO'I MNGON SUM GYI NGO BO DANG, SPYOD YUL LA LOG PAR RTOG PA BSAL NAS TSAD 'BRAS LA LOG PAR RTOG PA BSAL BAR BZHED PAS KYANG ZHES SMOS SO, ,TSAD 'BRAS RDZAS THA DAD DU 'DOD PA DAG NA RE DBANG PO'I MNGON SUM TSAD MA 'DI'I 'BRAS BU GANG YIN ZHES ZER TO, ,LAN NI, ,GZHAL BYA RTOGS PA'O, ,DE LA PHA ROL PO NA RE, GZHAL BYA RTOGS PA DE NI SHES PA YIN LA DE YANG 'BRAS BU YIN PA'I PHYIR DE NI DE LAS RDZAS THA DAD PA'I TSAD MA GANG ZHIG YIN CES ZER NA, SHES BYA CHOS CAN, TSAD MA DANG 'BRAS BU RDZAS THA DAD PA NGES PAR DGOS PA MA YIN PAR THAL, DON LDOG GANG TSAD MA'I YUL DU SONG BA LAS DE'I RJES SU CHOS GZHAN ZHIG BLO'I YUL DU SONG BA LA BLTOS PA'I BAR CHAD MED PAR GZHAL BYA RTOGS PA'I TSAD MA 'DI'I DE NYID DE RANG LDOG TSAD MA'I YUL DU 'GRUB PA'I DON LDOG DE NYID TSAD MA YIN PA'I PHYIR, DE TSAD 'BRAS RDZAS THA DAD PA LA MI

'THAD PAR SHES PAR BYA'O, ,GNYIS PA NI, DE BDEN DU CHUG NA DE NYID GANG YIN CE NA, SNGAR BSHAD PA LTAR YIN PA DE LA GZHAL BYA DNGOS SU RTOGS PA YI TSAD MA 'JOG BYED KYI TSAD MA NI SGRO 'DOGS GCOD NUS KYI GZHAL BYA'I RNAM PA SHAR BA'I RANG BZHIN NYID MA YIN PA MED DE, SNGO 'DZIN MNGON SUM 'DI'I DON SNGON PO DANG YUL YUL CAN DU 'BREL BAR BYED PA SNGON PO DNGOS SU RTOGS PA'I TSAD MAR 'JOG BYED NI SGRO 'DOGS GSAR DU GCOD NUS KYI SNGON PO'I DON GYI RNAM PA SHAR BA'I RANG BZHIN MIN PA MED PA DE'I PHYIR, DON NI SNGON PO'I RNAM PA SHAR NAS SNGON PO LA GSAR DU MI SLU BA'I SHES PA CHOS CAN, SNGON PO DNGOS SU RTOGS PA'I TSAD MA'I 'JOG BYED YIN TE, DE'I 'JOG BYED YOD, KHYOD LAS THA DAD NA DE'I 'JOG BYED DU 'GAL BA'I PHYIR CES PA'O, ,GSUM PA NI, DON RTOGS PA'I BYA BA BSKYED PAR NUS NA 'JOG PAR YANG NUS LA, 'JOG PAR NUS NA BSKYED PAR YANG NUS PAS, SKYED BYED KYI RGYU BOR NAS 'JOG BYED KYI TSAD MA 'TSOL BA DON MED DO ZHE NA, SGRUB PAR BYA BA YIN PA'I PHYIR CES PA DE TZAM GYIS BYED PA THAMS CAD KYI BYA BAR 'GYUR BA MA YIN PAR THAL, GANG GI PHYIR NA DE MA YIN PA 'ON KYANG THUN MONG MA YIN PA'I BYED PA GANG LAS BYA BA GANG 'GRUB PA'I BYA BA DE BYED PA DE'I BYA BA YIN PA'I PHYIR, YANG SGRUB PAR BYED PA YIN PA'I PHYIR CES PA DE TZAM GYIS BYA BA THAMS CAD KYI SGRUB PAR BYED PA NI MA YIN PAR THAL, DE MA YIN PA 'ON KYANG BYED PA GANG LAS BYA BA GANG THUN MONG MA YIN PAR 'GRUB PA'I BYED PA DE BYA BA DE'I BYED PA YIN PA'I PHYIR, DON NI, SKYED BYED YIN PA TZAM GYIS BSKYED BYA DANG, BZHAG BYA

, ,DANG, BSGRUB BYA SOGS BYA BA THAMS CAD KYI BYED PAR 'GYUR BA MA YIN LA, BSKYED BYA YIN PA TZAM GYIS SKYED BYED DANG 'JOG BYED DANG, SGRUB BYED DANG, 'JAL BYED THAMS CAD KYI BYA BAR 'GYUR BA MA YIN PA'O, ,SKABS 'DI'I BYA BYED NI, DPER MTSON NA, SNGON PO LAS DANG, SNGON PO RTOGS PA BYA BA DANG, SNGON PO'I RNAM PA DANG, SNGO 'DZIN MNGON SUM GNYIS KA BYED PA DANG, SNGO 'DZIN MYONG BA'I 'DZIN RNAM NI BYED PA PO SKYES BUR 'DOGS PA'I GZHI'O, ,GNYIS PA LA GNYIS, RANG LUGS KYI TSAD 'BRAS SGRUB PA DANG, GZHAN GYIS BRTAGS PA DGAG PA'O, ,DANG PO LA GSUM, DON SNANG GI SHES PA RANG NYID KYI NGO BO'I KHYAD PAR GCIG TSAD MAR SGRUB PA DANG, DE YANG DON 'DRA BA LAS GZHAN LA MI RUNG BA DANG, DES NA DON DANG 'DRA BA TSAD MAR GRUB PA'O, ,DANG PO LA GSUM, MTSAN GZHI DEN SNANG GI SHES PA GZHAL BYA RTOGS PAR 'JOG BYED MTSAN GZHI DANG BDAG GCIG PA DGOS PA DANG, MTSAN GZHI DANG RDZAS THA DAD PA 'JOG BYED DU MI RUNG BA DANG, DES GRUB PA'I DON BSDU BA'O, ,DANG PO NI, BYA BYAD KYI TSUL DE LTAR YIN PA DE LA SNGO 'DZIN DBANG PO'I MNGON SUM NYAMS SU MYONG BA TZAM DU GNAS SHING SNGO SER SOGS KYI RNAM PA SHAR MA SHAR 'DRA BA'I BDAG NYID KYI SHES PA SNGO 'DZIN MYONG BA'I 'DZIN PA'I RNAM PA NI CHOS CAN, SNGON PO 'DZIN PA'I MNGON SUM GYIS SNGON PO DNGOS SU RTOGS LA SER PO DNGOS SU MA RTOGS PAR 'JOG NUS PA MA YIN PAR THAL, SNGO SER SOGS LAS THAMS CAD LA BLTOS NAS DE RNAMS GANG GI YANG RNAM PA MA SHAR BA'I PHYIR, DES NI SNGO 'DZIN MNGON SUM GYIS SNGON PO

DNGOS SU RTOGS PAR 'JOG BYED DE LA NGES PAR SNGON PO'I RNAM PA SHAR BA ZHIG DGOS PAR BSTAN TO, ,'JOG BYED DE YANG MTSAN GZHI SNGO 'DZIN DANG BDAG GCIG PA DGOS KYI RDZAS THA DAD PAS 'JOG MI NUS PAR STON PA NI, SNGON PO'I RNAM PA SHAR NAS SNGON PO LA GSAR DU MI SLU BA'I SHES PA CHOS CAN, MTSAN GZHI SNGO 'DZIN DBANG SHES DE'I BDAG NYID DU 'GYUR BAR BYA DGOS TE, RGYU MTSAN GANG GIS SNGO 'DZIN DBANG SHES 'DI NI SNGON PO 'DI'I DNGOS SU RTOGS BYED KYI TSAD MA YIN LA SER PO DNGOS SU RTOGS BYED MA YIN NO, ZHES LAS SO SO LA SNGO 'DZIN DBANG SHES TSAD MA YIN MIN SO SOR RNAM PAR 'BYED PA STE 'JOG BYED YIN PA'I PHYIR, GNYIS PA LA GNYIS, MTSAN GZHI DANG RDZAS THA DAD PAS 'JOG MI NUS PA SPYIR BSTAN PA DANG, DBANG POS 'JOG MI NUS PA BYE BRAG TU BSHAD PA'O, ,DANG PO NI, DBANG PO DANG DON DANG DBANG DON PHRAD PA LA SOGS PA SNGO 'DZIN DBANG SHES KYI RGYU RNAMS LA NI CHOS CAN, KHYED RNAMS SNGO 'DZIN LA NYE LA SER 'DZIN LA MI NYE BA'I BYE BRAG YOD DU ZIN KYANG SNGO SER SOGS LAS KYI BYE BRAG LA RNAM PA SHAR BA'I BDAG NYID THA DAD PA MED PA'I SHES PA SNGO 'DZIN MYONG BA'I 'DZIN RNAM DE DANG SNGO 'DZIN DBANG SHES GANG YANG SNGON PO RTOGS LA SER PO MA RTOGS PAR BYE BRAG TU NGES PAR BYED PA PO MA YIN TE, SHES PA GNYIS PO DE'I BDAG NYID MA YIN PA'I PHYIR, RANG GI MTSAN GZHI DANG BDAG MI GCIG NA MTSAN GZHI LA MTSON BYA MTSON BYED MA YIN PAS KHYAB PAR THAL, MTSAN GZHI LA MTSON BYA MTSON PAR BYED PA'I DE NYID NI SGRUB PAR BYA BA MTSAN GZHI DANG BDAG GCIG PA'I MTSON BYA'I THUN MONG MA YIN PA'I RGYU MTSAN YIN PA'I PHYIR RO,,

, ,'THAD LDAN GYI 'GYUR LA, RGYU MTSAN YIN PA ZHES PA MA GTOGS RGYU MTSAN CAN GYI TSIG MED CING DE LA BSHAD PA YANG MA MDZAD DO, ,DON NI, DON RTOGS SO SOR 'BYED NUS PA DE SKABS 'DIR TSAD MA YIN LA, DE MTSAN GZHI DANG BDAG GCIG PA DGOS ZHES PA'O, ,CAN GYI TSIG YOD PA'I DBANG DU BYAS NA, MTSON BYA LA MI 'DRA BA'I KHYAD PAR MED KYANG MTSAN NYID LA MI 'DRA BA'I KHYAD PAR YOD NA NYES PA CI YOD CE NA, DE MI 'THAD PAR THAL, 'JOG BYED KYI DE NYID NI MTSON BYA LA BLTOS NAS MTSAN NYID DU BZHAG DGOS PA'I MTSON BYA LA BLTOS PA'I RGYU MTSAN CAN YIN PA'I PHYIR RO, ,GNYIS PA NI, MIG GI DBANG PO CHOS CAN, SNGO 'DZIN DBANG SHES DES SNGON PO RTOGS LA SER PO MA RTOGS PA'I KHYAD PAR YANG THUN MONG MA YIN PA KHYOD KYIS MI 'GRUB PAR THAL, KHYOD SNGON PO LA LTA BYED YIN LA SER PO LA LTA BYED MA YIN PA DE'I KHYAD PAR MED PA'I PHYIR, SNGON PO DANG 'PHRAD PA'I MIG DBANG CHOS CAN, SNGO SER DANG PHRAD MA PHRAD KYI KHYAD PAR YOD DU CHUG KYANG SNGO 'DZIN DBANG SHES DES SNGON PO RTOGS LA SER PO MA RTOGS PAR 'JOG PAR BYED PA MA YIN PAR THAL, SNGO 'DZIN DBANG SHES DES SNGON PO RTOGS PA DE'I THUN MONG MA YIN PAR GO BA'I YAN LAG MA YIN PA'I PHYIR RO, ,BYED PA PO ZHES PA 'THAD LDAN GYI 'GYUR LA MED CING MED KYANG CHOG GO , YANG NA SHES PA'I CHOS MA YIN KYANG PHYI ROL GYI RDZAS SU GYUR PA'I DON GYI RNAM PA'I KHYAD PAR MI 'DRA BA YOD PAS DES DON RTOGS SO SOR 'JOG GO ZHE NA, SHES PA LAS RDZAS THA DAD PA'I DON RNAM GYIS DON RTOGS SO SOR 'JOG MI NUS PAR THAL, DE 'DRA'I

KHYAD PAR MED PA'I PHYIR, CES PA GZHUNG SNGA MA DANG, YOD DU CHUG KYANG DON RTOGS 'JOG BYED MA YIN PAR THAL, DE'I THUN MONG MA YIN PA GO BYED KYI YAN LAG MA YIN PA'I PHYIR, CES PA PHYI MA'O, ,GSUM PA NI, DON 'DRA BA LAS GZHAN PA DANG, MTSAN GZHI DANG BDAG MI GCIG PA MTSAN NYID DU MI RUNG BA DE'I PHYIR, SNGO 'DZIN DBANG SHES 'DI'I BDAG NYID KYI 'DZIN STANGS KYI BYE BRAG GANG LAS SNGON PO RTOGS PAR BZHAG DGOS TE, MTSAN GZHI DANG BDAG MI GCIG PA DANG RNAM PA SHAR BA MED NA DON RTOGS 'JOG MI NUS PA'I PHYIR, YUL GYI RNAM PA SHAR BA LA NGES PAR BLTOS PAR THAL, SNGON PO 'DIS DNGOS SU RTOGS PA'I TSAD MA NI SNGO 'DZIN DBANG SHES 'DI YIN NO ZHES SNGO 'DZIN DBANG SHES 'DI LAS SNGON PO LA SNGO 'DZIN DBANG SHES DANG GZUNG YUL DANG GZUNG YUL CAN DU NGES PA 'DIR 'GYUR BA SNGON PO'I RNAM PA DE NI SNGON PO RTOGS PA'I SGRUB PAR BYED PA YIN PA'I PHYIR, GNYIS PA LA GSUM, 'DRA BA LAS GZHAN GYIS DON RTOGS 'JOG MI NUS PA SPYIR BSTAN PA DANG, DBANG PO GSAL MI GSAL DANG YID BYED GOMS PA CHE CHUNG SOGS KYIS 'JOG MI NUS PA DANG, DON GYIS BYAS PA'I KHYAD PAR 'JOG BYED DU MI RUNG BA'O, ,DANG PO NI, SNGO 'DZIN SHES PA'I DON SNGON PO DANG YUL YUL CAN DU 'BREL PA 'DI DON SNGON PO DANG 'DRA BA LAS GZHAN LAS NI DON RTOGS 'JOG NUS PA SRID PA MA YIN TE, DE LAS GZHAN DBANG PO SOGS GANG GIS KYANG 'JOG MI NUS PA SNGAR BSGRUBS SHING 'OG NAS KYANG SGRUB PAR 'GYUR BA'I PHYIR, GNYIS PA NI, MIG DBANG GSAL MI GSAL GYI KHYAD PAR DANG, YID BYED GOMS PA CHE CHUNG DANG YUL

, ,THAG NYE RING GI KHYAD PAR LAS SHES PA LA YUL GSAL MI GSAL GYI KHYAD PAR DU 'GYUR BA MTHONG BAS, DES DON RTOGS SO SOR 'JOG GO ZHE NA, SNGO 'DZIN DBANG SHES KYI BDAG RKYEN MIG GI DBANG PO DANG YID BYED DANG DMIGS RKYEN LA SOGS PA GSAL BA DANG MI GSAL BA NYID DANG GOMS PA CHE CHUNG DANG THAG NYE RING LA SOGS PA'I SNGO 'DZIN DBANG SHES KYI RKYEN GSUM PO CHOS CAN, KHYED RNAMS RANG GI BYE BRAG GIS SNGO 'DZIN DBANG SHES GSAL MI GSAL SOGS BYE BRAG TU BYED PA PO YIN KYANG DE LTAR TE DE TZAM GYIS SNGO 'DZIN DBANG SHES DON SNGON PO DANG YUL YUL CAN DU THUN MONG MA YIN PAR 'BREL BAR BYED PA NI MA YIN TE KHYED RNAMS KYI KHYAD PAR DE LA SNGO 'DZIN DBANG SHES DE LA SER PO YUL DU MI NYE LA SNGON PO YUL DU NYE BA'I RGYU MTSAN DU MED PA'I PHYIR RO, ,DON NI MIG GI DBANG PO GSAL PO YOD NA SNGO SER SOGS KUN GSAL POR MTHONG BAS DE RNAMS LA BLTOS NAS GSAL MI GSAL GYI KHYAD PAR MED PAR KUN GSAL POR MTHONG BA'I THUN MONG BA'I RGYU YIN PA'I PHYIR, THUN MONG MA YIN PA'I 'JOG BYED DU MED PA'O, ,DE BZHIN DU GZHAN GNYIS LA'ANG SHES PAR BYA'O, ,GSUM PA LA GNYIS, 'DOD PA BRJOD PA DANG, DE DGAG PA'O, ,DANG PO NI, SHES PA LA DON GYIS BYAS PA'I NYAMS SU MYONG BA'I BYE BRAG PHRA MO YOD PAS PHRA MO YOD PA GANG LAS SNGO 'DZIN GYIS SNGON PO LA NGES PA 'DREN PA'I RTOGS PA 'DIR 'GYUR BA YIN GYI DON DANG 'DRA BA LAS DON RTOGS 'JOG PA NI MA YIN NO ZHE NA, DBANG SHES LA GZUNG RNAM DANG 'DZIN RNAM GNYIS KHAS MI LEN PA'I BYE BRAG TU SMRA BA LA SOGS

'GA' ZHIG GI 'DOD PA'O, ,GNYIS PA NI, DE LTAR KHAS LEN PA DE NI SHES PAS DON RTOGS PAR 'JOG BYED DON GYIS BYAS PA'I KHYAD PAR PHRA MO YOD PA'I RANG BZHIN JI LTAR MI STON STON RIGS PAR THAL, DE DON RTOGS KYI 'JOG BYED YIN PA'I PHYIR, NOR BU DANG DNGUL LA SOGS PA'I GZUGS RNAMS MI 'DRA BA'I KHYAD PAR MI MKHAS PAS MTHONG DU ZIN KYANG KHYAD PAR BRJOD MI NUS PA BZHIN DANG, RTAGS KYIS DPAGS PA'I MIG GI DBANG PO 'DI'O ZHES MNGON SUM DU BSTAN MI NUS PA BZHIN DU DON GYIS BYAS PA'I KHYAD PAR PHRA MO DE NI YOD KYANG 'DI'O ZHES MNGON SUM NYID DU RVA NAS BZUNG NAS BSTAN PAR NUS PA MA YIN NO ZHE NA, DON GYIS BYAS PA'I KHYAD PAR PHRA MO DES SNGO 'DZIN DBANG SHES 'DI NI SNGON PO 'DI'I YUL CAN YIN GYI SER PO 'DI'I YUL CAN NI MA YIN NO ZHES SNGON PO RTOGS PA'I DNGOS PO RNAM PAR 'JOG PAR BYED PA DE NI LAGS PAR RNAM PAR BZHAG PA YIN TE MA YIN PAR THAL, DON GYIS BYAS PA'I KHYAD PAR PHRA MO 'DI'I BDAG NYID TSAD MAS NGES PAR RTOGS PA MED PA'I PHYIR, GSUM PA LA GNYIS, DNGOS KYI DON DANG BYA BYED MI 'THAD PA'I RTZOD SPANG NGO, ,DANG PO NI, DON GYI RNAM SHAR DON RTOGS KYI 'JOG BYED DU GRUB PA NI SNGO 'DZIN DBANG SHES DES GZHAL BYA SNGON PO DNGOS SU RTOGS PA YI SGRUB BYED TSAD MA NI SNGON POS BSDUS PA'I GZHAL BYA'I RNAM PA SHAR BA'I RANG BZHIN NYID KYI SGO NAS GSAR DU MI SLU BA'I SHES PA YIN TE, DE LTAR GONG DU SGRUB PA DE'I PHYIR, MTSAN GZHI DANG BDAG MI GCIG PA MTSAN NYID DU MI RUNG BAR GRUB PA NI, SNGO 'DZIN DBANG SHES SGRUB PAR BYED PA MIG DBANG LTA BUS DE YI LAS SNGON PO DANG YUL YUL CAN

, ,GYI 'BREL PA MI 'GRUB PAR THAL, SNGO 'DZIN DBANG SHES LAS RDZAS GZHAN YIN PA'I PHYIR, DON NI MIG DBANG CHOS CAN, SNGO 'DZIN DBANG SHES DES, SNGON PO RTOGS PAR 'JOG MI NUS PAR THAL, SNGO 'DZIN DBANG SHES DANG RDZAS THA DAD YIN PA'I PHYIR CES PA'O, ,MTSAN MTSON GZHI GSUM NGO BO GCIG TU GRUB PA NI, TSAD MA'I 'BRAS BU DON RTOGS TSAD MA LAS DON GZHAN MIN TE DON GYI RNAM SHAR DE YANG DON RTOGS DE YI BDAG NYID YIN PA DES NA'I PHYIR, GNYIS PA NI, DON GYI RNAM PA DANG DON RTOGS BYA BYED DU MI RUNG BAR THAL, BYA BYED KYI CHOS GSUM MA TSANG BA'I PHYIR, DPER NA STA RE SHING GCOD PA LA 'JUG PA NA, SKYES BUS LAG TU BZUNG BA LA BLTOS PA, BYED PA PO GZHAN GYI DBANG DU 'GYUR BA DANG, 'PHAR BA DANG 'BAB PA LA SOGS PA'I RANG NYID BYA BA'I LAS DANG LDAN PA DANG, SHING DUM BUR SONG BA SOGS GTZO BOR GYUR PA'I BSGRUB BYA LA NYE BAR SBYOR BA LTA BU CHOS GSUM MA TSANG NGO ZHE NA, DON LA SGRO 'DOGS GCOD NUS KYI GZUNG BA'I RNAM PA CHOS CAN, KHYOD BYED PA PO GZHAN GYI DBANG DU GYUR PA YIN TE, KHYOD SNGON PO LA SOGS PA'I YUL LA 'JUG PA'I TSE SNGON PO DE YI BDAG NYID DE SNGON PO'I RNAM PA LA SOGS PA'I KHYOD RANG MYONG BA'I BYED PA PO 'DZIN PA'I RNAM PA DES GZUNG ZHING MYONG BA'I DBANG GIS LAS LA 'JUG DGOS PA'I PHYIR, 'DZIN PA'I RNAM PA LA BYED PA POR 'JOG PA'I DON NI, SLOB DPON CHOS MCHOG GIS 'THAD LDAN DU DE LA SHES PA'I 'DZIN PA'I RNAM PA GZUNG BA'I RNAM PA LAS THA DAD PAR BDAG TU 'DZIN PA'I GZHIR GYUR PA DGA' BA LA SOGS PA'I RANG

BZHIN GYI 'DZIN PA LA NI NGAS MTHONG NGO ZHES BYED PA POR ZHEN PA YIN CING, DE YANG DON RTOGS PA'I RANG BZHIN DU ZHEN PA NA SGRUB PAR BYA BA'I RANG BZHIN DU ZHEN PAR 'GYUR BA YIN NO ZHES BSHAD PA LTAR, NGA'O SNYAM PA'I GANG ZAG TU 'DOGS PA'I GZHI 'DZIN RNAM YIN PAS 'DZIN RNAM DE NYID LA BYED PA PO ZHES BYA STE, DPER NA, NGAS SNGAR SNGON PO MTHONG NGO ZHES DRAN PA'I TSE, SNGAR SNGON PO MTHONG ZHES PA'I YUL DRAN PA DANG, NGAS SNGAR MTHONG ZHES PA'I YUL CAN DRAN PA GNYIS, DRAN PA'I 'DZIN STANGS LA YOD PAS DES DPAG PAR BYA BA'I MYONG BA LA YANG, YUL MYONG BA DANG, YUL CAN MYONG BA GNYIS YOD LA SNGAR YUL MYONG BA SNGO 'DZIN DANG, YUL CAN SNGO 'DZIN DE MYONG BA 'DZIN RNAM YIN PAS NGAS MYONG ZHES PA BZHIN NO, ,DE NI CHOS CAN, RANG NYID BYA BA'I LAS DANG LDAN PA YANG YIN TE, SNGON PO LA SOGS PA'I GZHAL BYA RTOGS PA'I BYA BA BYED PA'I PHYIR, 'DIS BYED PA PO GZHAN GYI DBANG DANG, BYA BA'I LAS DANG LDAN PA GNYIS KA BSTAN PAR 'THAD LDAN DU BSHAD DO, ,GTZO BOR GYUR PA'I BSGRUB BYA LA NYE BAR SBYOR BA DANG LDAN TE, SNGON PO LA SOGS PA'I DON RTOGS PA'I BDAG NYID KYI SGO NAS DE MA YIN DU 'DZIN PA'I SGRO 'DOGS GCOD PA'I BYA BA BYED PA'I PHYIR, KHYOD KYIS SNGON PO LA SOGS PA'I RANG GI LAS LA NI BYA BA BYED PA'I BYA BYED DON DAM PAR MA GRUB PAR THAL, KHYOD KYIS SNGON PO SOGS RTOGS PA'I TSE SNGON PO LA SOGS PA'I NGO BO SNGAR MED GSAR DU BYED PA DANG BCAS PA LTA BUR SNANG YANG SNANG BA LTAR MA GRUB PA'I PHYIR, YUL CAN GYIS YUL GYI NGO BO SNGAR MED GSAR DU GRUB PA LTAR SNANG LA,

, ,SNANG BA LTAR GRUB NA YUL BSKYED DGOS PAS 'THAD LDAN DU LTA BU'I SGRA SBYAR BA NI, CHOS THAMS CAD BYED PA MED PA'I PHYIR RO ZHES BSHAD DO, ,'JIG RTEN NA NGAS GZUGS RTOGS SO ZHES BYED PA PO DANG, GZUGS DNGOS SU RTOGS PA PO GZHI MTHUN DU GRAGS PA DANG KHYED KYIS BYED PA PO 'DZIN RNAM LA BYAS NAS DES GZUGS DNGOS SU MA RTOGS GZUNG RNAM GYIS DNGOS SU RTOGS KYANG BYED PA POR MI 'JOG PAR 'GAL LO ZHE NA, SKYON MED DO, GZUGS 'DZIN DBANG PO'I MNGON SUM GYI 'DZIN PA'I RNAM PA CHOS CAN, KHYOD RANG NYID GZUGS DNGOS SU RTOGS PAR BYED PA PO MIN NA YANG DES GZUGS RTOGS SO ZHES ZHEN PA SKYE BA'I RGYU MTSAN YOD DE, GZUGS DNGOS SU RTOGS PA GZUGS 'DZIN MNGON SUM DE MYONG BA YI DBANG GIS DER BZHAG CING ZHEN PA SKYE BA'I PHYIR, DE NI BYED PA PO'I NGOS NAS LAN BTAB PA YIN LA, BYED PA'I NGOS NAS BSHAD NA GZUGS 'DZIN DBANG PO'I MNGON SUM CHOS CAN, KHYOD RANG NYID NGAS GZUGS RTOGS ZHES PA'I BYED PA PO MIN NA YANG NGAS GZUGS RTOGS ZHES ZHEN PA SKYE BA'I RGYU MTSAN YOD DE, KHYOD LA GZUGS DE YI SGRO 'DOGS GCOD NUS KYI RNAM PA SHAR BA'I DBANG GIS KHYOD KYIS GZUGS RTOGS PA DER BZHAG CING ZHEN PA SKYE BA YIN PA'I PHYIR, GZUGS KYI RNAM PA RTOGS PA'I DBANG GI GZUGS RTOGS ZHES ZER BA DANG, SHES PA DANG DON GYI BAR DU RNAM PAS CHOD PAR 'DOD PA NI, RIGS PA MKHYEN PA'I BZHED PA DANG, RGYA MTSO'I PHA ROL TSU ROL BZHIN NO, ZHES BYA BA NI BAR SKABS KYI TSIGS SU BCAD PA DAG GO ,GNYIS PA LA GNYIS,

SPYIR DGAG PA DANG, SO SOR DGAG PA'O, ,DANG PO NI, SNGAR BSHAD PA'I TSAD 'BRAS KYI RNAM GZHAG THUN MONG MA YIN PA SGRUB PA 'DIS NI CHOS CAN, RTEN BCAS KYI DBANG PO DANG DBANG DON PHRAD PA DANG RTOG MED KYI SHES PA DON LA BLTA BA DANG, SPYI DANG YON TAN SOGS 'DZIN PA'I KHYAD PAR GYI SHES PA YANG DON RTOGS KYI TSAD MA YIN PA SPANGS PA YIN TE, DON RTOGS 'JOG PA LA DON GYI RNAM PA SHAR BA DGOS PAR BSTAN PA'I PHYIR, 'DI SNGAR DE'I BDAG NYID MA YIN PA ZHES PA'I SKABS SU BSHAD ZIN PA DANG ZLOS PA MA YIN NAM ZHE NA, SKYON MED DE, SNGAR MTSAN GZHI DANG BDAG MI GCIG PA MTSAN NYID DU MI RUNG BAR BSTAN LA, 'DIR NI, DBANG PO SOGS THUN MONG BA'I RGYU LA SOGS PA YIN PAS MTSAN NYID DU MI RUNG BAR BSTAN TO,, RTEN BCAS KYI DBANG PO SOGS DE DAG LAS DBANG PO'I MNGON SUM GZUGS SGRA LA SOGS PA'I LAS DANG YUL YUL CAN GYI THUN MONG MA YIN PA'I 'BREL PA MI 'GRUB PAR THAL, DON RTOGS TSAD MA DANG DE RNAMS KYI BAR DU 'JOG NUS GZHAN GYIS MA CHOD PA MA YIN PA'I PHYIR, THAL BA KHAS BLANGS, KHYAB PA YOD PAR THAL, 'JOG NUS GZHAN GYIS BAR DU CHOD NA DON RTOGS TSAD MA 'JOG NUS KYI BYED PA PO KHYAD PAR CAN DU MA GRUB PA'I PHYIR, GZHUNG SNGA PHYI GNYIS, RTAGS DANG THAL BA GO LOG NAS SBYOR BA NI GZHUNG GI DON MA YIN NO, ,RTAGS DER THAL, MIG GI DBANG PO SOGS BYED PA PO THAMS CAD SGRUB PAR BYA BA LA BSKYED PA DANG, SGRUB PA SOGS KYI SGO NAS CI RIGS PAR NYE BAR SBYOR BA YIN KYANG, DON RTOGS TSAD MA'I RAGS MI MTHUN

, ,PAS THUN MONG MA YIN PAR 'BYED PA'I THA MA'I BYE BRAG TU BYED PA PO 'DI NYID KHO NA SGRUB PAR BYED PA DAM PA YIN PA'I PHYIR RO, ,DON DE BLO YUL DU SONG BA TZAM GYIS RIGS MI MTHUN GZHAN LAS PHYE NAS THA SNYAD THUN MONG MA YIN PAR 'JOG NUS PA DE 'JOG NUS GZHAN GYIS BAR MCHOD PA'I DON YIN LA MIG GI DBANG PO SOGS BLO YUL DU SONG BA TZAM GYIS DON RTOGS LA THUN MONG MA YIN PAR GO BA BSKYED MI NUS PA YIN NO, ,DBANG PO LA SOGS PA YOD KYANG DON RTOGS TSAD MA'I 'JOG BYED DU MI RUNG BAR THAL, DE RNAMS YUL SO SO LA BLTOS TE NYE RING GI BYE BRAG MED PA'I PHYIR, KHYAB PAR THAL, DON RTOGS 'DI'I RIGS MI MTHUN LAS BYE BRAG TU 'BYED PAR BYED PA PO NI 'DI'I BYED PA PO DAM PA YIN PA'I PHYIR, GNYIS PA LA GNYIS, DBANG PO SOGS TSAD MA YIN PA DGAG PA DANG, DBANG DON PHRAD PA TSAD MA YIN PA DGAG PA'O, ,DANG PO LA GSUM, RTEN BCAS KYI DBANG PO TSAD MA YIN PA DGAG PA DANG, DON LA BLTA BA TSAD MA YIN PA DGAG PA DANG, KHYAD PAR GYI SHES PA TSAD MA YIN PA DGAG PA'O, ,DANG PO NI, DBANG PO LA SOGS PA CI'I PHYIR TSAD MA MA YIN CE NA, RTEN BCAS KYI DBANG PO NI CHOS CAN, DON SNANG GI SHES PA 'DIS GZUGS RTOGS LA SGRA MA RTOGS PA LA SOGS PA DON RTOGS BYE BRAG TU BYED PA PO MA YIN TE, DBANG PO'I RNAM PAR SHES PA THAMS CAD KYI THUN MONG BA'I RGYU YIN PA'I PHYIR RO, ,GNYIS PA SPYOD PA PA'I 'DOD PA DGAG PA NI, RTOG PA MED CING RNAM PA DANG BRAL BA DANG POR DON LA BLTA BA YANG CHOS CAN, DON RTOGS 'JOG BYED MA YIN TE, DON GYI

RNAM PA MA SHAR BA'I PHYIR, KHYAB PAR THAL, DON DE'I RNAM PA SHAR BA'I RANG BZHIN MA YIN NA DE'I DON LA BLTA BA DE NYID MA GRUB PA'I PHYIR RO, ,YANG NA DON RTOGS KYI RANG BZHIN MA YIN NA ZHES BSHAD DO, ,GSUM PA LA GSUM, DGAG PA DNGOS DANG, RANG LA MTSUNGS PA SPANG BA DANG, BYA BYED LA RDZAS THA DAD KYIS KHYAB PA DGAG PA'O, ,DANG PO NI, RIGS PA CAN PA NA RE, KHYAD PAR MA BZUNG BAR KHYAD PAR CAN GYI BLOR MI 'GYUR BAS SPYI SOGS KHYAD PAR GYI BLO TSAD MA DANG KHYAD PAR CAN RDZAS 'JAL GYI BLO 'BRAS BU'O ZHES ZER TO, ,RNAM PA MA SHAR NA, DON LA BLTA BA MI 'GRUB PA DE BZHIN DU SPYI SOGS KHYAD PAR GYI SHES PA YANG CHOS CAN, KHYOD TSAD MA DANG KHYAD PAR CAN RDZAS 'JAL GYI BLO 'BRAS BUR BYAS PA'I TSAD 'BRAS KYI RNAM PAR BZHAG PA MI 'GRUB PAR THAL, YUL GYI RNAM PA MA SHAR BA'I PHYIR, KHYAB PAR THAL, YUL GYI RNAM PA SHAR BAS KHYAD PAR DU MA BYAS NA KHYAD PAR GYI SHES PA DANG KHYAD PAR CAN GYI SHES PA'I YUL CAN GYI KHYAD PAR BZHAG TU MED PA'I PHYIR SLOB DPON LHA DBANG BLO'I 'GREL PA LTAR NA, BUM PA'I SPYI 'DZIN DANG SNAM BU'I SPYI 'DZIN CHOS CAN, KHYOD GNYIS YUL CAN SO SOR BZHAG TU MED PAR THAL, YUL GYI RNAM PA MA SHAR BA'I PHYIR, 'DOD NA, BUM PA'I RDZAS 'DZIN DANG SNAM BU'I RDZAS 'DZIN SO SOR 'JOG BYED MA YIN PAR THAL LO ZHES PA'O, ,KHYAD PAR GYI SHES PA DANG KHYAD PAR CAN GYI SHES PA CHOS CAN, GZHI GCIG GI TSAD 'BRAS SU MI RUNG BAR THAL, BYED PA 'JUG PA'I YUL RDZAS THA DAD PA YIN PA'I PHYIR, KHYAB PAR THAL, TSAD 'BRAS KYI SGRUB PAR BYA BA DANG SGRUB PAR BYED PA

, ,DAG BYED PA 'JUG PA'I YUL RDZAS THA DAD PA 'GAL BA'I YANG PHYIR RO, ,GAL TE GZUNG DON GCIG 'DZIN PA YIN NA KHYAD PAR GYI SHES PAS CHOG GI YUL 'JAL BA LA YANG KHYAD PAR GYI SHES PA DANG BCAS PA'I CHAD MA GNYIS DAG DON MED PAR THAL, DE GNYIS KYI GZUNG YUL THA DAD PA MED PA NYID YIN PA'I PHYIR, DE GNYIS RIMS KYIS 'BYUNG BA MI 'THAD PAR THAL, GZUNG DON GCIG LAS SKYES PA'I PHYIR, DNGOS RGYU THA DAD MED PA LAS SKYES PA DAG NI RIMS KYIS 'BYUNG BA YID KYI MNGON SUM GYI SKABS SU BKAG PA YANG YIN PA'I PHYIR DANG DUS CIG CAR 'BYUNG BA LA NI BSKYED BYA SKYED BYED KYI SGRUB PAR BYA BA DANG SGRUB PAR BYED PA NYID YOD PA 'THAD PA MA YIN PA'I PHYIR, GNYIS PA NI, DUS CIG CAR BA LA BSGRUB BYA SGRUB BYED MED NA KHYED RANG LA YANG NYES PA MTSUNGS SO ZHE NA, KHO BO CAG LA DUS GCIG YIN KYANG TSAD 'BRAS KYI SGRUB PAR BYA BA DE SGRUB PAR BYED PA'I DNGOS PO 'THAD PA YIN TE DON SNANG GI SHES PA'I RDZAS GCIG PU DE'I LOGS THA DAD LAS LOG PA'I LDOG PA THA DAD PA'I CHA DAG NI THUN MONG MA YIN PA'I GO BYA GO BYED KYI RNAM PAR BZHAG PA LA BRTEN NAS TSAD 'BRAS SU 'THAD PA'I PHYIR, GSUM PA LA GNYIS, RTZOD PA DANG, LAN NO, ,DANG PO NI, BYA BYED DON DAM PAR GRUB PAR 'DOD PA DAG NA RE, KHYED 'DOD PA LTAR NA DON 'DRA BA DANG DON RTOGS DON DAM PAR DNGOS PO THA DAD PA MED PA'I PHYIR, THA DAD MED PAR 'GYUR LA, DE LTA NA CHAD 'BRAS KYI SGRUB PAR BYA BA DANG SGRUB PAR BYED PA DAG GCIG PAS BYA BYED DU 'GAL LO ZHE NA, 'DI NI BRDA SPRAD PA'I 'DOD PA YIN LA DA LTAR BDAG NYID CHEN PO YAB SRAS KYI RIGS PA'I

RNAM GZHAG GI RJES SU 'BRANG BAR 'DOD KYANG PHYOGS TZAM YANG KHONG DU MA CHUD NAS RTOG PAS BTAGS TZAM LA TSANG MA'I GZHAL BYA SKYON MED 'JOG MI SHES SHING TSOGS PA DANG RGYUN GYI RNAM GZHAG KYANG 'JOG MI SHES PAS RANG MTSAN GYI MTSAN GZHI RANG RGYUD DU KHAS LEN MI NUS PA'I BLO GROS BLUN PO DE DAG 'DI DANG DON GCIG TU SHES PAR BYA'O, ,DNGOS PO DNGOS POR KHAS BLANGS NA SGRA DON YANG DNGOS POR THAL BA SPANG MA NUS NAS DNGOS PO RANG MTSAN DANG DNGOS POR 'JOG MI SHES PA 'DI NI, MGON PO KLU SGRUB KYI BZHED PAR 'GREL PAR RLOM PA DAG RTEN 'BREL RANG LUGS LA KHAS BLANGS NA BDEN GRUB TU 'GYUR BA DANG, BDEN GRUB BKAG NA, RTEN 'BREL RANG LUGS LA 'JOG MI SHES PA'I RTAG CHAD KYI MTHAR LTUNG BA DE DAG DANG 'DRA BAR SHES PAR BYA'O, ,GNYIS PA NI, TSAD 'BRAS KYI BYA BYED THA DAD MED PA RIGS PA MA YIN TE, LDOG CHOS THA DAD PA RTOG PAS BTAGS PA'I THA DAD KHAS BLANGS PA YIN CING DE THA DAD DU RIGS PA'I PHYIR RO, ,TSAD 'BRAS KYI THA DAD PA'I THA SNYAD 'DI RTOG PAS BTAGS PA MIN PA'I DNGOS PO LA GNAS PA NI MA YIN TE, RANG GI MTSAN NYID KYIS THA DAD DU MED PA'I PHYIR, DON 'DRA BA DANG DON RTOGS DNGOS PO THA DAD PA MED KYANG BYA BYED MI 'THAD PA'I SKYON MED PAR THAL, RDZAS GCIG KYANG RTOGS DKA' SLA DANG DE GNYIS RTOGS PA'I TSAD MAS SGRO 'DOGS GCOD PA'I NUS PA'I BYE BRAG GIS BYA BYAD KYI RNAM PAR BZHAG PA THA DAD PA MTHONG BA'I PHYIR RO, ,DPER NA BYAS PA DANG MI RTAG PA LTA BU'O, ,GNYIS PA LA GNYIS, TSIG DON DANG, MTHA' DPYAD PA'O, ,DANG PO NI, BYE BRAG PA NA RE, DBANG DON PHRAD

, ,PA'AM 'BREL PA TSAD MA YIN LA, DE LA BSDU NA GNYIS TE SBYOR BA'I 'BREL PA DANG, 'DU BA'I 'BREL PA'O, ,DBYE NA DRUG STE, MIG GI DBANG PO DE BUM PA YAN LAG CAN GYI RDZAS DANG, DE LA YOD PA'I YON TAN GZUGS DRI SOGS DANG, GZUGS NYID LA SOGS PA'I SPYI DANG, SA PHYOGS BUM MED RNAMS DANG RIM PA BZHIN DU SBYOR BA DANG, SBYOR BA LA 'DU BA DANG, SBYOR BA LA 'DUS PA LA 'DU BA DANG, SBYOR BA LA KHYAD PAR DANG KHYAD PAR CAN GYI 'BREL PAS PHRAD PA YIN LA, 'DU BA DANG, 'DUS PA LA 'DU BA GNYIS DANG DRUG GO ZHES ZER TO, ,DBANG DON PHRAD PA YANG DON RTOGS 'JOG BYED KYI TSAD MA MA YIN TE, MIG GI DBANG PO DE GZUGS DANG GRUB SDE RDZAS GCIG GI CHOS KUN BDAG NYID THAMS CAD KYIS PHRAD KYANG MIG LA BRTEN PA'I GZUGS 'DZIN MIG SHES DES GZUGS KYI MI RTAG PA MA RTOGS SHING, GZUGS MA YIN PA LAS LOG PA'I CHOS 'GA' ZHIG KHO NA RTOGS PA'I PHYIR RO, ,DON BSDUS NA, GZUGS 'DZIN DBANG SHES KYIS GZUGS RTOGS PAR GANG GIS BZHAG DRIS PAS BDAG RKYEN MIG GI DBANG PO DANG, GZUGS 'BREL BA'I PHYIR RO ZHE NA, 'O NA GZUGS KYI MI RTAG PA'ANG RTOGS PAR THAL ZHES PA'O, ,MIG GI DBANG PO DE GZUGS DANG GZUGS KYI MI RTAG PA KUN DANG 'BREL BAR KHYAD PAR MED NA'ANG RANG YUL GYI RNAM PA SHAR BA'I SGO NAS GZUGS LA GSAR DU MI SLU BA'I SHES PA DE KHO NA GZUGS RTOGS PA'I TSAD MA DE'I 'JOG BYED TSAD MAR RIGS TE, GZUGS 'DZIN DBANG SHES KYIS GZUGS RTOGS LA, SGRA MA RTOGS PA 'DI NI SGRO 'DOGS GCOD NUS KYI RNAM PA SHAR MA SHAR GYI BLO'I

SNANG BA'I DBANG GIS BYAS PA'I PHYIR, SLOB DPON RGYAN MKHAN PO'I BZHED PA LTAR NA, DBANG DON 'BREL PA DON RTOGS KYI 'JOG BYED MA YIN PAR THAL, MIG GI DBANG PO SNGAR BSHAD PA DE DAG DANG 'BREL BAR KHYAD PAR MED KYANG, MIG SHES KYIS GZUGS RTOGS LA, BUM PA'I DRI LA SOGS PA MA RTOGS PA'I PHYIR CES 'CHAD DO, ,GNYIS PA NI, t'IKA BYED PA SNGA MA KHA CIG GIS, RGYAN GYI BZHED PA DE 'THAD PA YIN GYI, SLOB DPON CHOS MCHOG GI BZHED PA MI 'THAD DE, BYE BRAG PA NA RE, KHYED RANG LTAR NA YANG GZUGS DANG DE'I MI RTAG PA THAMS CAD KYI RNAM PA SHAR BAS THAMS CAD RTOGS PAR THAL LO ZHE NA, MA YIN TE, DON RTOGS PA TZAM GYI MTSAN NYID RNAM PA SHAR BA TZAM YIN LA, DON RTOGS TSAD MA'I MTSAN NYID RANG NGES PA'I RKYEN TSANG BA'I RNAM PA SHAR BA YIN PAS SKAD CIG MA RTOGS TZAM DU THAL BA NI 'DOD LA, NGES PA MI 'DREN PAS SNANG LA MA NGES PA'I YUL DU BYAS PA'I PHYIR, DES NA, SKAD CIG MA TSAD MAS RTOGS PAR THAL, RNAM PA SHAR BA'I PHYIR ZER NA KHYAB PA MA GRUB LA, RANG NGES PA'I RKYEN TSANG BA'I RNAM PA SHAR BA YOD PA'I PHYIR ZER NA RTAGS MA GRUB, CES 'CHAD PA NI MI RIGS TE, 'O NA BYE BRAG PAS KYANG, DBANG DON PHRAD PA DON RTOGS TZAM GYI SGRUB BYED YIN KYANG, DON RTOGS TSAD MA'I SGRUB BYED RANG NGES PA'I RKYEN TSANG BA'I PHRAD PA YIN PAS KHYED JI LTAR ZER BA LTAR LAN THEBS PAS SKYON SPONG MI NUS SO, ZHES BYA BRAG PAS KYANG JI LTAR ZER BA LTAR LAN THEBS PAS MI LEGS SO ZHES ZER BA NI, CHOS MCHOG CHEN PO'I BZHED PA CUNG ZAD KYANG MA GO BAR DGAG PA BYED PAR ZAD DE, SLOB DPON CHOS MCHOG GIS TSAD MAS MA RTOGS KYANG

, ,RTOGS PA TZAM GYI GO CHOD PA SKABS GANG DU YANG MA SGRUB PA'I PHYIR DANG, SLOB DPON CHOS MCHOG GI BZHED PA RE SHIG PHAR ZHOG RTZA BAS GZUNG RNAM DON RTOGS KYI 'JOG BYED DU BSTAN PA LA MIG SHES KYIS GZUGS KYI MI RTAG PA RTOGS PAR THAL BA BRJOD NA LAN 'DEBS LUGS JI LTAR BYED SOMS SHIG ,SLOB DPON CHOS MCHOG GIS MIG SHES LA GZUGS DANG GZUGS KYI MI RTAG PA'I RNAM PA SHAR BAR KHYAD PAR MED KYANG GZUGS RTOGS PA'I TSAD MAR 'JOG LA CIG SHOS RTOGS PA'I TSAD MAR MI 'JOG PA NI GANG GI RNAM PA SHAR BA'I RNAM PA DE NYID LA RANG RIG MNGON SUM TSAD MA'I STOBS KYIS NGES PA 'DREN MI 'DREN GYI KHYAD PAR YIN GYI GANG GI RNAM PA SHAR BA'I DON DE LA NGES PA 'DREN PA DANG MI 'DREN PA'I KHYAD PAR MA YIN TE, DE YIN NA TSAD MA MA NGES PA'I SNGA ROL NAS 'BRAS BU NGAS DGOS NA, SKYON RAGS PA DE TZAM SLOB DPON CHOS MCHOG DANG, MDO SDE PAS SEL MI NUS SNYAM PA NI, HA CANG 'JUG PA RTZID BA'O, ,RTOGS PA PHAN TSUN BRTEN PA'I NYES PA BYE BRAG PA'I 'DOD PA DE LA YOD CING, SLOB DPON CHOS MCHOG GIS KYANG SKYON BRJOD DE, DON RTOGS NGES PA'I SNGA ROL TU DBANG PO DANG DON PHRAD PA NGES DGOS LA, DE'I SNGA ROL TU PHRAD RGYU'I DBANG PO DANG DON RTOGS PA SNGON DU 'GRO DGOS PA'I PHYIR, GNYIS PA SHES BYA NANG GI TSAD 'BRAS LA GSUM, GZUNG 'DZIN RDZAS THA DAD KYIS STONG BAR SGRUB PA DANG, DES NA RANG RIG GI TSAD 'BRAS GRUB PA DANG, DE LA RTZOD PA SPANG BA'O, ,DANG PO LA GSUM, DON RIG GI MTSAN NYID MI 'THAD PA DANG, MTSAN NYID MTSAN GZHI LA MA GRUB PA DANG, DES NA GZUNG 'DZIN RDZAS THA DAD KYIS

STONG BA 'THAD PAR GRUB PA'O, ,DANG PO LA GNYIS, DON RIG GI MTSAN NYID DRI BA DANG, DRIS PA'I LAN DGAG PA'O, ,DANG PO NI, MDO SDE PA LA GRAGS PA'I TSAD 'BRAS KYI RNAM GZHAG BSHAD PA'I RJES DE NAS SLOB DPON PHYI ROL GYI DON 'GOG BZHED NAS, MDO SDE PA LA DON RIG GI MTSAN NYID DRIS PA NI, MDO SDE PA KHYOD GANG DON RIG TSAD MA'I 'BRAS BU PHYI ROL DON DU GYUR PA'I GZUGS LA SOGS PA RIG PAR 'DOD PA'I DON RIG PA 'DI GANG ZHIG YIN CES DRIS PA'O, ,BSTAN BCOS 'DIR CHOS KYI BDAG MED BSTAN DU MI RUNG BA'I NYAN THOS KYI RIGS CAN RJES SU BZUNG BA'I DON DU PHYI ROL DON GYI RNAM GZHAG MDZAD NAS DE KHO NA NYID DE TZAM DU ZAD DAM SNYAM NA MA YIN TE, RNAM MKHYEN DU BGROD PA LA, GZUNG 'DZIN RDZAS THA DAD KYIS STONG PA'I CHOS KYI BDAG MED 'GYUR BA MED PA'I YONGS GRUB NGES PAR RTOGS DGOS PA SGRUB BZHED NAS 'DI MAN CHAD DU DE'I RIGS PA RGYAS PAR STON PA YIN NO, ,NYAN THOS KYI BYANG CHUB TU RIGS NGES PA'I GANG ZAG GI BLO NGOR SGRUB PA LA DGOS PA MED KYI NYAN THOS RIGS MA NGES PA DANG THEG PA CHEN PO'I RIGS CAN RJES SU BZUNG BA'I CHED DU YIN NO, ,GNYIS PA NI, MDO SDE PAS MTSAN NYID 'DRI BAR MA GO ZHING MTSAN GZHI 'DRI BAR GO NAS, CI ZHIG DRIR YOD SNGON PO LA SOGS PA MNGON SUM DU GYUR PA'I RIG PA MYONG BAS GRUB PA'I YUL CAN GANG YIN PA 'DI NYID DO, ,'DI MED DO ZHES BSNYON NA MNGON SUM DANG 'GAL BA YIN NO ZHE NA, SNGON PO MNGON SUM DU GRUB PA'I TSAD MA YOD PA BDEN MOD KYI SNGON PO MNGON SUM DU MYONG BA YOD PA 'DI PHYI ROL GYI DON DU GYUR PA'I SNGON PO RIG PA YIN PAR 'JOG BYED GANG GIS BZHAG CES DRIS PA'O, ,GANG DAG

, ,SEMS TZAM PAS SNGON PO KHAS BLANGS NA PHYI ROL GYI DON KHAS LEN PA 'OS MED DU BYAS NAS KHA CIG SNGON PO YANG KHAS MI LEN ZER BA DANG GZHAN DAG THA SNYAD DU PHYI ROL GYI DON KHAS LEN ZHES ZER BA NI RE SHIG SEMS TZAM PA'I GRUB MTHA'I RNAM DBYE LA THUGS LAS CHUNG NGUR BYAS NA MDZES SO, ,DE DGAG PA LA, SKYES 'DRA BA DGAG PA DANG, NGES PA 'DREN NUS DANG GSUM TSOGS DGAG PA'O, ,DANG PO NI, DON LAS SKYES PA DANG 'DRA BA DAG GIS DON RTOGS PAR 'JOG GO ZHE NA, PHYOGS SNGA KHONG DU CHUD PAS 'O NA NI YUL SNGON PO'I RNAM PA SHAR BAR MTSUNGS PA'I DBANG PO'I SHES PA SKAD CIG GNYIS PA DE CHOS CAN, KHYOD RANG GI DE MA THAG PA'I RKYEN SNGOR SNANG DBANG SHES SKAD CIG DANG PO DE KHYOD KYIS GZUNG YUL DU 'GYUR BAR THAL, DE LAS SKYES SHING DE DANG 'DRA BA'I PHYIR, RTAGS ZUR PHYI MA NI SNGON PO'I RNAM PA CAN DU MTSUNGS SO, ,'DOD NA BLO PHYI MA PHYI ROL GYI DON LA MI 'PHO BAR THAL BA SOGS KYIS GNOD PA BRJOD DO, ,'THAD LDAN DU YUL MA YIN PA GZUNG DON DU THAL BA 'PHANGS PA YIN LA, SLOB DPON LHA DBANG BLOS YUL TZAM YIN KYANG GZUNG DON MA YIN PA GZUNG DON DU THAL BA BRJOD BZHED NAS DRAN PA DPYAD SHES KYIS RANG 'DREN BYED KYI MYONG BA GZUNG DON DU THAL BA BRJOD DO, ,MDO SDE PA NA RA, 'JIG RTEN PA RNAMS SNGON PO'I RNAM PA CAN GYI RNAM PAR SHES PA SNGON PO LAS SKYES PAR THA SNYAD MI BYED PAS SKYES PA NI THA SNYAD KYI RGYU MTSAN MA YIN GYI THA SNYAD KYI YAN LAG YIN LA THA SNYAD KYI RGYU MTSAN NI 'DRA BA YIN NO, ,'O NA SKYES PA THA SNYAD LA NYE BAR MKHO BA CI YIN CES 'DRI BA LA, 'DRA BA LAS NI THA SNYAD 'GRUB LA, 'DRA BA YANG SKYES PA

LAS YIN NO ZHES ZER TO, ,MDO SDE PA NA RE, PHYI ROL GYI DON MA BZUNG BA'O NA DE SNGO 'DZIN DBANG PO'I SHES PA 'DIS YUL GANG ZHIG NYAMS SU MYONG ZHES ZER NA, SKABS 'DIR SNGON 'DZIN DBANG PO'I SHES PAS PHYI ROL GYI DON MA BZUNG NA YUL GANG ZHIG GZUNG ZHES MDO SDE PA KHYED KYIS SEMS TZAM PA KHO BO CAG LA 'DRI BA MI RIGS PAR THAL, SEMS TZAM PA KHO BO CAG KYANG KHYOD KYIS DON RIG BZHAG PA'I TSUL 'DI NYID SKYON MED GCIG YOD NA DE'I RJES SU ZHUGS NAS RTOGS PAR 'DOD PA MA YIN NAM, STE RTOGS PAR 'DOD PA YIN LA, DE MED NA KHYOD KYIS KYANG 'DOR DGOS SO ZHES KHYOD KYIS BZHAG PA'I DON RIG GI MTSAN NYID LA DPYOD PA'I SKABS YIN PA'I PHYIR, DON NI, PHA ROL POS DON RIG BZHAG PA 'THAD MI 'THAD DPYOD PA'I SKABS SU PHA ROL POS DON RIG MED NA DBANG SHES KYIS YUL GANG RIG PA YIN CES 'DRI BA SKABS SU MA BAB STE, PHA ROL PO LOG RTOG MNGON GYUR DANG LDAN PA'I SKABS SU SUN 'BYIN BRJOD PA'I DUS YIN LA, THE TSOM DU GYUR NAS SHES 'DOD ZHUGS PA'I TSE SGRUB PA 'GOD PA'I DUS YIN NO, ,DES NA 'DIR YANG PHA ROL PO PHYI ROL GYI DON YOD PA'I SGRUB BYED 'GOD PA'I DUS SU RANG NYID KYIS PHYI ROL GYI DON MED PA'I SGRUB BYED 'GOD PA SKABS LAS 'DAS PAR STON PA YIN GYI, SEMS TZAM PAS PHYI ROL MED PA TSAD MAS MA NGES PAR STON PA MIN NO, ,GNYIS PA NI, KHO BO LA SGRUB BYED SKYON MED YOD DE, GZUGS MTHONG BA DANG SGRA THOS PA'I TSE KHO BOS NGZUGS 'DI BLTAS PA'AM, SGRA 'DI MNYAN NO ZHES GZUGS DANG SGRA MTHONG BA DANG THOS PA DAG LAS YUL GANG LA NGES PA'I SHES PA SKYE BAR 'GYUR BA'I YUL DE DAG NI GZUNG DON DU BYAS NAS NYAMS SU MYONG BA

, ,YIN TE, GANG MTHONG ZHING THOS PA'I DON LA NGES PA SKYE BAR MTHONG GI RANG GI DE MA THAG RKYEN LA NGES PA 'DREN PAR MA MTHONG BAS DES NA SKYES PA DANG 'DRA BA DANG, GANG LAS SKYES PA DANG 'DRA BA'I DON DE NYID LA NGES PA 'DREN NUS PA DANG GSUM TSOGS PA PHYI ROL GYI DON RIG PA'I RGYU MTSAN YIN NO ZHE NA, DE DGAG PA NI, PHYI ROL GYI DON LAS SKYES DON DANG 'DRA, DON LA NGES SHES 'DREN NUS DANG GSUM TSOGS PA PHYI ROL GYI DON GZUNG DON DU BYAS NAS 'DZIN PA'I 'JOG BYED DU MI RIGS PAR THAL, RGYU MTSAN JI LTAR DBANG PO'I MNGON SUM DE PHYI ROL GYI DON DE'I GZUNG DON DU BYAS NAS MTHONG BA'I YID MNGON YIN CES DBANG PO'I MNGON SUM DANG PHYI ROL GYI DON DE DAG GI GZUNG DON DANG GZUNG DON CAN DU NYE BA DE NYID 'THAD MI 'THAD DPYOD PA MA YIN NAM STE DPYOD PA'I SKABS YIN PA'I PHYIR, RTAGS KYI DON BSDUS NA, DBANG PO'I MNGON SUM GYIS PHYI ROL GYI DON GZUNG DON DU BYAS NAS 'DZIN PA DE NYID MA GRUB PAR DPYOD PA'I SKABS YIN PA'I PHYIR CES PA'O, ,KHYAB PA YOD PAR THAL, GZUGS BLTA BA PO'I GZUGS MTHONG SNYAM PA'I NGES PA 'DI NI PHYI ROL GYI DON NGES PA'I NGES SHES YIN MIN GZUGS 'DZIN MNGON SUM DANG GZUGS DE DAG GI 'BREL PA PHYI ROL GYI GZUGS GZUNG DON DU BYAS NAS 'DZIN PAR TSAD MAS GRUB PA LA BRTEN NAS SKYE BAR 'GYUR BA YIN PA'I PHYIR, PHYI ROL DON GYIS KHYAD PAR DU BYAS NA RTAGS PA ROL POS KHAS BLANGS SHING, DON GYIS KHYAD PAR DU MA BYAS NA RTAGS TSAD MAS KYANG GRUB BO, ,DON BSDUS NA, PHYI ROL GYI DON NGES PA'I NGES SHES 'DREN NUS DBANG MNGON GYIS PHYI ROL GYI DON GZUNG DON DU BYAS NAS 'DZIN

PA'I MTSAN NYID KYI PHYOGS GCIG TU MI RIGS PAR THAL, MTSON BYAR 'DOD PA DE TSAD MAS RTOGS PA SNGON DU MA SONG BAR MTSAN NYID KYI ZUR DE TSAD MAS MI RTOGS PA'I PHYIR CES PA'O, ,GZUGS NGES PA'I NGES SHES GZUGS 'DZIN LA BRTEN NAS SKYE DGOS PA SGRUB BYED DU 'GOD PA NI 'BREL PA MED DE, DU BA ME'I SGRUB BYED MA YIN PAR THAL, ME LA BRTEN NAS DU BA SKYE DGOS PA'I PHYIR CES PA DANG 'DRA'O, ,SNGAR GYI RTAGS DER THAL, DBANG MNGON GYIS PHYI ROL GZUNG DON DU BYAS NAS 'DZIN PAR TSAD MAS NGES PA DE SNGON DU SONG BA MED NA NI DBANG PO'I MNGON SUM GYIS DRANGS PA'I NGES SHES DE PHYI ROL GYI DON NGES PA'I NGES SHES SU TSAD MAS GRUB PA DER MI 'GYUR BA'I PHYIR, GNYIS PA LA GNYIS, DBANG SHES PHYI ROL GYI DON DANG 'DRA BA DGAG PA DAM BCA' BA DANG, RIGS PA RGYAS PAR BSHAD PA'O, ,DANG PO NI, GZUGS 'DZIN DBANG PO'I RNAM PAR SHES PA CHOS CAN, PHYI ROL GYIS RNAM PA GTAD PA'I SGO NAS PHYI ROL GYI YUL DANG 'DRA BA YANG MA YIN TE, PHYI ROL GYI DON PHRA BA DANG RAGS PA GANG DANG YANG MI 'DRA BA'I PHYIR RO, ,SNGAR MTSAN GZHI LA MTSAN NYID MI SRID PA BTANG SNYOMS SU BYAS NAS MTSAN NYID LA DGAG PA MDZAD LA, 'DIR MTSAN NYID MTSAN GZHI LA MI SRID PA'I GNOD PA BRJOD PA YIN NO, ,GNYIS PA LA GNYIS, RDUL PHRA MO DANG 'DRA BA DGAG PA DANG, RAGS PA DANG 'DRA BA DGAG PA'O, , DANG PO LA GNYIS, RDUL PHRAN CHA MED RE RE BA DANG 'DRA BA DGAG PA DANG, CHA MED DU MA TSOGS PA DANG 'DRA BA DGAG PA'O, ,DANG PO NI, DBANG PO'I MNGON SUM DE LA CHOS CAN, RDUL PHRAN CHA MED SO SO RE RE BAS RANG 'DRA'I RNAM PA DNGOS SU GTAD PA MA YIN PAR THAL,

, ,KHYOD LA RAGS PA'I RNAM PA SNANG BA'I PHYIR KHYAB PAR THAL, KHYOD LA SNANG BA RIGS PA'I RNAM PA NI RDUL PHRA RAB ZLA MED SO SO BA RNAMS LA GTOD PA'I NUS PA MED PA'I PHYIR RO, ,DE'I DON BSDUS PA NI, DBANG SHES KYI RNAM PA 'DI RDUL PHRAN ZLA MED KYIS GTAD PA MA YIN TE, DBANG PO'I SHES PA LA GNAS PA'I RNAM PA 'DI 'ANG LINGS PO GCIG GI RNAM PA YIN PAS RDUL PHRAN GYI GNAS TSOD DANG 'GAL BA YIN PA'I PHYIR CES PA'O, ,GNYIS PA LA GNYIS, CHA MED DU MA DANG 'DRA BA DGAG PA DANG, CHA MED DU MA'I STENG GI THUN MONG GI RANG BZHIN GCIG DANG 'DRA BA DGAG PA'O, ,DANG PO NI, ZLA BCAS KYI RDUL PHRAN CHA MED DU MAS RANG 'DRA'I RNAM PAR GTAD CING, RIGS MI MTHUN GZHEN GYIS BAR MA CHOD PAS LINGS PO GCIG GI RNAM PAR SNANG BA YIN NO ZHE NA, RDUL PHRAN CHA MED KYI RANG BZHIN MANG PO TSOGS PA RNAMS LA RAGS PA DE LTAR SNANG BA YIN NO ZHES BYA BAR YANG RIG PA MA YIN TE, RANG BZHIN GCIG NI DU MA DANG 'GAL BA'I PHYIR RO, ,LINGS PO GCIG GI RNAM PA 'DI RDUL PHRAN CHA MED DU MAS GTAD PA YIN NA, GCIG DANG DU MA GZHI MTHUN DU KHAS LEN DGOS PAR 'GYUR RO, ,GNYIS PA NI, GCER BU PA 'DOD PA LTAR RDUL PHRAN DU MA RNAMS LA, GCIG GI RANG BZHIN THUN MONG BA YOD PAS DES LINGS PO GCIG GI RNAM PA GTAD PA YIN NO ZHE NA, CHA MED GCIG PU DE RAGS PA YIN NA, 'OG TU 'GOG PA DES GNOD LA, PHRA MO YIN NO ZHE NA, RDUL PHRA RAB MANG PO RNAMS LA, THUN MONG GI RANG BZHIN GCIG YOD PAS DE DANG 'DRA BA YANG MA YIN PAR THAL, DE RNAMS LA THUN MONG GI RANG BZHIN CHA SHAS MED PA'I RDUL GYI RNAM PA DE LTA BU YOD PA MA YIN

PA'I PHYIR, GNYIS PA LA GSUM, YAN LAG CAN GYI RDZAS 'GOG PA'I DAM BCA' BA DANG, DE'I SGRUB BYED RGYAS PAR BSHAD PA DANG, DON BSDU BA'O, ,DANG PO NI, BYE BRAG PA NA RE, 'BYUNG BZHI'I RDUL PHRAN MTHONG BA DANG, THEGS PA DANG, SGRIB PA LA SOGS PA'I BYA BA MI BYED PAS DBANG SHES KYIS MTHONG BA 'DI NI PHRA BA'I YAN LAG MA YIN GYI RAGS PA'I YAN LAG CAN YIN LA, RAGS PA DE YANG CHA CAN YIN NA CHA DANG CHAR PHYE BA'I TSE RDUL PHRAN LAS MA 'DAS PAS RAGS PA CHA MED YIN NO ZHES ZER RO, ,PHYI ROL GYI YUL RAGS PA CHA MED GCIG DE LTAR DBANG SHES DANG 'DRA BAR SNANG BA YANG MA YIN TE, 'DRA BYED PHYI ROL GYI DON RAGS PA'I CHA MED MI SRID PA'I PHYIR, GNYIS PA LA GSUM, BYA BA LA BRTEN PA'I 'GAL 'DU BSTAN PA DANG, MTHONG BA LA BRTEN PA'I 'GAL 'DU DANG, YON TAN LA BRTEN PA'I 'GAL 'DU BSTAN PA'O, ,DANG PO NI, SKYES BU'I LUS YAN LAG CAN CHOS CAN, LAG PA LA SOGS PA GCIG GI YAN LAG CAN, G-YO BA NA LUS THAMS CAD KYI YAN LAG CAN G-YO BAR 'GYUR BAR THAL, LAG PA'I STENG GI YAN LAG CAN DANG, RKANG PA LA SOGS PA'I STENG GI YAN LAG CAN CHA MED GCIG YIN PA'I PHYIR, KHYAB PA LA GNOD PA CAN GYI TSAD MA BSTAN PA NI, GAL TE LAG PA'I STENG GI YAN LAG CAN G-YO YANG RKANG PA LA SOGS PA'I STENG GI YAN LAG CAN MI G-YO BAR 'DOD NA YANG DE CHOS CAN, KHYOD G-YO BA DANG MI G-YO BA DAG GI CHA SO SOR GRUB PAR THAL BAR 'GYUR TE, LAG PA'I STENG GI KHYOD G-YO YANG RKANG PA LA SOGS PA'I STENG GI KHYOD MI G-YO BAR GNAS PA'I PHYIR, DPER NA RAS LA CHU BTZAGS PA'I TSE CHU G-YO YANG RAS MI G-YO BA'I

, ,RAS DANG CHU CHA SO SOR GRUB PA BZHIN NO, ,GNYIS PA LA GNYIS, DGAG PA DNGOS DANG, CHA GNYIS MTHONG BA YAN LAG LA BRTEN PA'I LAN DGAG PA'O, ,DANG PO NI, SKYES BU'I LUS GDONG LTA BU GCIG BSGRIBS PA NA YANG LUS THAMS CAD KYI YAN LAG CAN BSGRIBS PAR THAL BSGRIBS PA DANG MA SGRIB PA'I YAN LAG CAN CHA THA DAD PA MED PA'I GCIG YIN PA'I PHYIR RO, ,DAM BCA' LTAG SPROD BSTAN PA NI, YANG NA NI YAN LAG CAN 'GA' YANG MA SGRIBS PAR THAL, GDONG LAS GZHAN PA'I YAN LAG CAN MA SGRIBS PAR MNGON SUM GYIS MTHONG BA GANG ZHIG BSGRIBS PA DANG MA SGRIBS PA'I CHA GNYIS MED PA'I PHYIR, 'DOD NA, GDOD BSGRIBS KYANG LUS YAN LAG CAN MA TSANG BA MED PAR MTHONG BAR 'GYUR BAR THAL, MNGON SUM GYIS MTHONG BA'I YAN LAG CAN CHA MED GANG ZHIG CHA 'GA' YANG MA SGRIBS PA'I PHYIR, GNYIS PA NI, BSGRIBS MA SGRIBS CHA GNYIS MTHONG BA DE YAN LAG YIN GYI YAN LAG CAN LA CHA GNYIS MED PAS GDONG GOS KYIS BSGRIBS PA'I TSE YAN LAG GI GDONG BSGRIBS KYI YAN LAG CAN GYI GDONG NI BSGRIBS PA MA YIN NO ZHE NA, GANG DAG DNGOS PO DANG BUM PA RDZAS GCIG YIN NA YAN LAG CAN GYI RDZAS DGAG MI NUS PAR 'GYUR RO ZHES ZER BA DE DAG GIS NI, RANG NYID KYIS YAN LAG CAN GYI RDZAS RIGS PA YANG DAG GIS MA KHEGS PAR GOR MA CHAG STE, BYE BRAG PAS YAN LAG CAN GYI RDZAS JI LTAR KHAS BLANGS PA'I PHYOGS SNGA MA CUNG ZAD TZAM YANG MA GO BAR SNANG BA'I PHYIR, BYE BRAG PAS NI, YAN LAG DANG DE'I YAN LAG CAN RDZAS THA DAD DU KHAS BLANGS KYI RDZAS GCIG TU KHAS MA BLANGS PA'I

PHYIR DANG, YAN LAG CAN YANG CHA MED DU KHAS BLANGS PAS, YAN LAG CAN DANG DE'I CHA RDZAS GCIG DANG THA DAD GANG DU YANG KHAS MA BLANGS PA'I PHYIR RO, ,GNOD PA BSTAN PA NI MNGON SUM GYIS MTHONG BA'I DON 'DI YAN LAG CAN YIN PAR 'DOD LA, DE CHA MED DU 'DOD CING BSGRIBS MA SGRIBS TSAN PA GNYIS MNGON SUM GYIS MTHONG BA YANG KHAS BLANGS PAS RIGS PA'I 'GAL 'DU STON PA YIN NO, ,DNGOS PO BUM SNAM GNYIS KA DANG RDZAS GCIG KYANG BUM PA LA RJES SU 'GRO BA'I CHA SNAM BU LA RJES SU MI 'GRO ,SNAM BU LA RJES SU 'GRO BA'I CHA BUM PA LA RJES SU MI 'GRO YANG DNGOS PO BUM SNAM GNYIS KA LA RJES SU 'GRO BAR KHAS BLANGS PAS CHOG PA NI BUM SNAM GNYIS KA DANG RDZAS GCIG KYANG CHA BCAS SU 'DOD PAS YIN LA, RDZAS GCIG YIN NA CHA MED KYI RDZAS GCIG YIN PAS KHYAB PA BYE BRAG PA'I LUGS DE KHYED RANG GIS KHAS BLANGS PA MA YIN NAM, LEGS PAR BSAMS PAR BYA'O, ,RJE RIN PO CHE THAMS CAD MKHYEN PA BLO BZANG GRAGS PA'I DPAL BZANG PO'I ZHAL SNGA NAS, PHYI ROL PA RNAMS 'KHRUL PA DER, DA LTAR GYI RIGS PA SMRA BAR RLOM PA RNAMS KYANG 'KHRUL BA SHIN TU MANG BAR 'DUG GSUNG BA SHIN TU MED PAR SNANG NGO, ,LUS KYI SMAD GOS KYIS MA SGRIBS PAR STOD BSGRIBS PA'I TSE LUS KYI STOD KYI YAN LAG CAN 'DI MA SGRIBS PA'I DUS SNGA MA KHO BZHIN DU MNGON SUM GYIS MTHONG BAR THAL, LUS KYI PHYED STOD GOS KYIS BSGRIBS KYANG STOD KYI YAN LAG CAN GOS KYIS MA SGRIBS PAR SMAD KYI YAN LAG CAN MNGON SUM GYIS MTHONG BA DE DANG GCIG TU YOD PA'I PHYIR, DE'I LAN DGAG PA NI STOD GOS KYIS BSGRIBS PA'I TSE YAN LAG BSGRIBS KYI YAN LAG CAN MA SGRIBS KYANG YAN

, ,LAG CAN MTHONG BAR THAL BA'I SKYON MED DE, YAN LAG CAN RANG DBANG DU MTHONG MI NUS PAR MNGON SUM GYIS MTHONG BA'I YAN LAG GI SGO NAS YAN LAG CAN DE MTHONG BA'I PHYIR MNGON SUM GYIS LUS KYI STOD KYI YAN LAG MA MTHONG BA LA NI STOD KYI YAN LAG CAN RTOGS PAR THAL BAR MI 'GYUR RO ZHE NA, JI SKAD BSHAD PA'I LAN DE NI RIGS PA MA YON TE, 'CHAD PA'I RIGS PA 'DIS GNOD PA'I PHYIR, DE'I TSE BSGRIBS PA'I YAN LAG DANG 'BREL BA DANG, MA SGRIBS PA'I YAN LAG DANG 'BREL BA'I YAN LAG CAN GYI PHYOGS GANG YANG RNAM PA THAMS CAD DU MNGON SUM GYIS MI RTOGS PAR THAL, SKYES BU'I LUS YAN LAG CAN DE BSGRIBS NAS MA MTHONG BA'I YAN LAG CAN DANG CHA THA DAD PA MED PA'I GCIG YIN PA'I PHYIR RO, ,GZHAN YANG YAN LAG CAN MTHONG BA LA YAN LAG THAMS CAD MTHONG DGOS SAM, YAN LAG CUNG ZAD GCIG MTHONG BAS CHO GA [?] ,DANG PO LTAR NA, DUS THAMS CAD KYI TSE YAN LAG CAN 'DI MI MTHONG BAR THAL, YAN LAG THAMS CAD KYANG CIG CAR MTHONG BAR MI NUS PA'I PHYIR, KHYAB PA KHAS BLANGS, MDUN MTHONG BA DES RGYAB MI MTHONG, RGYAB MTHONG BA DES MDUN MI MTHONG BAS SO, ,GNYIS PA LTAR, YAN LAG CUNG ZAD GCIG RTOGS PA NA, YAN LAG CAN DE MTHONG BA YIN NA NI SOR MO'I RTZE MO LTA BU'I YAN LAG CUNG ZAD GCIG MTHONG BA NA YANG MA SGRIBS PA'I GNAS SKABS DE BZHIN DU LUS RAGS PA YAN LAG CAN RDZOGS PAR MNGON SUM GYIS MTHONG BAR 'GYUR BAR THAL, YAN LAG CUNG ZAD GCIG MTHONG BA'I SGO NAS YAN LAG CAN DE MTHONG BA GANG ZHIG YAN LAG CAN

LA MTHONG MA MTHONG CHA GNYIS MED PA'I PHYIR, GSUM PA NI, SKYES BU'I GDONG LTA BU GCIG TSON SNGON POS KHA BSGYUR NA YANG LUS THAMS CAD TSON GYIS KHA BSGYUR BAR THAL, SKYES BU'I LUS YAN LAG CAN DE LA TSON GYIS BSGYUR MA BSGYUR CHA GNYIS MED PA'I PHYIR, 'AM GYI SGRAS KHYAB PA LA LDOG NA GNOD PA CAN GYI TSAD MA STON PA NI, YANG NA GDONG YANG TSON SNGON POS KHA MA BSGYUR BAR RTOGS PAR 'GYUR BAR THAL, GDONG GI YAN LAG CAN DANG, GDONG LAS GZHAN PA'I TSON GYIS KHA MA BSGYUR BA'I YAN LAG CAN GCIG YIN PA'I PHYIR, KHA BSGYUR MA BSGYUR CHA GNYIS MTHONG BA DE YAN LAG LA YOD PA YIN GYI, YAN LAG CAN LA CHA GNYIS YOD PA MA YIN NO ZHE NA, 'O NA DE'I TSE TSON SNGON POS KHA BSGYUR BA'I YAN LAG GI GDONG SNGON PO GCIG DANG TSON GYIS KHA MA BSGYUR BA'I YAN LAG CAN GYI GDONG MI SHA KHA GCIG GZHI GCIG TU SO SOR SNANG BAR 'GYUR BAR THAL, YAN LAG GI GDONG TSON SNGON POS KHA BSGYUR NA YANG YAN LAG CAN RAGS PA'I CHA MED TSON GYIS KHA MA BSGYUR BA MNGON SUM GYIS MTHONG BA'I PHYIR 'GAL BA 'DI DAG KYANG PHAL CHER MNGON SUM DANG 'GAL BA STON PA YIN NO, ,GSUM PA NI, YAN LAG CAN GANG ZHIG DBANG PO'I SHES PA LA 'DRA BAR BYED PA'I DON RAGS PA CHA MED GCIG PU NI 'GA' YANG YOD PA MA YIN TE, RAGS PA CHA MED KHAS BLANGS PA LA 'GAL 'DU GSUM STON PA'I TSAD MA DE DAG GIS GNOD PA DE'I PHYIR, GSUM PA LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, PHYI ROL GYI DON RIG PA'I MTSAN NYID MI MTHONG BA DANG, MTSAN GZHI LA MI SRID PA SOGS KYIS PHYI ROL

, ,GYI DON KHEGS PA DE NYID KYI PHYIR GZUNG 'DZIN RDZAS THA DAD KYIS STONG PAR GRUB PA YIN NO, ,GNYIS PA NI, SNGOR SNANG DBANG PO'I MNGON SUM GYI BLO YI NYAMS SU MYONG BYA RDZAS GZHAN MED DE, PHYI ROL GYI DON TSAD MAS KHEGS PA'I PHYIR, DON RIG GI MTSAN NYID CHOS GNYIS TSOGS DANG GSUM TSOGS KHEGS PA'I PHYIR, SNGON PO DE'I MYONG BA SNGON 'DZIN MNGON SUM DE YANG MYONG BYA RDZAS GZHAN 'GA' ZHIG GI MYONG BYED DU YOD PA MIN TE, DE LA YANG GZUNG DANG 'DZIN PA RDZAS GZHAN MED PA'I PHYIR, DES NA DBANG PO'I MNGON SUM DE NI CHOS CAN, RANG NYID KYI RDZAS SU GYUR PA GCIG RANG GI GZUNG BYAR GSAL BA YIN TE, SNGON PO GZUNG BYAR GSAL BA GANG ZHIG DE LTAR GZUNG 'DZIN RDZAS GZHAN KHEGS PA'I PHYIR, RKANG PA DANG POS PHYI ROL LA BLTOS PA'I GZUNG BYA DON GZHAN KHEGS PA'I DON BSDUS PA DANG, DE NAS GNYIS KYIS NANG BLO LA BLTOS PA'I GZUNG BYA DON GZHAN KHEGS PA DANG, RKANG PA THAMS GZUNG BYA DON GZHAN MED NA CI'I PHYIR GZUNG 'DZIN DU GSAL SNYAM PA'I DOGS PA BCAD NAS GZUNG 'DZIN RDZAS THA DAD TZAM GYIS STONG PA'I DON BSDUS PA'O, ,GSUM PA LA GSUM, TSIG DON DANG, GRAGS PA DANG 'GAL BA SPANG BA DANG, DON BSDU BA'O, ,DANG PO NI, DBANG PO'I MNGON SUM CHOS CAN, MYONG BYA RDZAS GZHAN 'GA' ZHIG KYANG NYAMS SU MYONG BA MA YIN TE, KHYOD KYI GZUNG BYAS MTSON PA'I PHYI ROL GYI YUL GYI MTSAN NYID 'KHRUL BA DANG MI SRID PA LA SOGS PA'I SGO NAS BKAG PA'I PHYIR SNGON PO PHYI ROL GYI DON MA YIN KYANG MNGON SUM GYI GZUNG DON GZHAN DU SNANG BA LA SUS KYANG BSNYON MI NUS PA'I PHYIR, SHES PA'I RDZAS YIN KYANG

RUNG STE GZUNG 'DZIN RDZAS GZHAN YOD DO ZHE NA, SNGON PO SHES PA YIN KYANG RUNG SNGO 'DZIN 'DI YANG MYONG BYA RDZAS GZHAN 'GA' ZHIG GI MYONG BYED MA YIN TE, SHES PA'I GZUNG 'DZIN DON GZHAN KHAS LEN PA DE LA YANG SKYES PA DANG 'DRA BA SOGS RDZAS THA DAD PA'I GZUNG BA DANG 'DZIN PA'I MTSAN NYID MED PA'I PHYIR RO, ,'DI RNAM 'GREL DU, DER YANG BRTZAD PA MTSUNGS PHYIR TE ZHES PA DE NYID DANG THUN MONG BA YIN NO, ,DES NA NYAMS SU MYONG BA SNGON PO NI SNGO 'DZIN MNGON SUM GYI BLO'I BDAG NYID KHO NA YIN LA SNGO 'DZIN DE YANG MYONG BYA RDZAS GZHAN 'GA' ZHIG GI NI MYONG BYED MA YIN TE, GZUNG 'DZIN RDZAS GZHAN KHEGS PA DE'I PHYIR, RNAL 'BYOR SPYOD PA PA RNAMS KYIS RNAM 'GREL DU, DBANG PO'I SEMS NI DES PHYIR DANG, ZHES SOGS KYI RIGS PAS SNGON PO SOGS SHES PA'I RDZAS YIN KYANG SHES PA MA YIN PAR 'DOD PAR SHES BYA'O, ,t'IKA BYED PA SNGA MA KHA CIG GIS GZHUNG 'DI DAG GIS SEMS TZAM RNAM BDEN PA DANG, RNAM RDZUN PA'I 'DOD PA SO SOR BSTAN PAR 'CHAD PA NI, RNAM BDEN RDZUN GYI KHYAD PAR THUGS SU MA CHUD PAR GSAL TE, 'CHAD PAR 'GYUR RO, ,YANG KHA CIG PHYI ROL DON LA BLTOS PA'I GZUNG 'DZIN RDZAS GZHAN BKAG PA RANG SANGS RGYAS KYI BLTA BA'I YUL DANG, NAD BLO LA BLTOS PA'I GZUNG 'DZIN RDZAS GZHAN BKAG PA SEMS TZAM PA'I LTA BA'I YUL DU 'DOD PA YANG MI RIGS PAR SHES PAR BYA STE, SNGON PO PHYI ROL YIN PA KHEGS NAS DER R'DZIN GYI DBANG SHES DE DANG RDZAS THA DAD MI KHEGS PA'I MKHAS PA SU YANG MI SRID PA'I PHYIR DANG, YANG SNGON PO SHES PA'I RDZAS SU GYUR PA'I SNGO 'DZIN DBANG SHES LAS RDZAS GZHAN YIN PA KHEGS

, ,NAS SNGO 'DZIN DE DANG RDZAS GZHAN MA KHEGS PA YANG MI SRID PA'I PHYIR DANG, SNGON PO TSAD MAS GRUB PA GZHIR BZHAG NAS DE BDEN GRUB KHEGS KYANG SNGO 'DZIN BDEN GRUB MA KHEGS PA MI SRID PA'I PHYIR, RANG SANGS RGYAS DANG SEMS TZAM PA'I LTA BA MTSUNGS PAR 'DOD PA LA BZHAD GANG BYED PA NI GSAL BYED PA'I BZHAD GAD DANG, MI MTSUNGS PAR 'DOD PA MA BRTAGS GCIG PUR NYAMS DGA' BA KHO NA YIN NO, ,DE LA BRTEN NAS RNAL 'BYOR GYI SA BZHI RIM PA GONG 'OG MI 'DRA BA BZHIR BYED PA MNGON RTOGS RGYAN RTZA 'GREL GYI DGONGS PAR 'DOD PA YANG BRTAG PAR BYA BA KHO NA YIN NO, ,GAL TE PHYI ROL GYI DON MED NA SNGON PO LA SOGS PA DON DU MNGON SUM GYIS MYONG BA DANG 'GAL LA DON DU SNANG YANG DON DU MA GRUB NA SNGON POR SNANG YANG SNGON POR MI 'GRUB PAS MNGON SUM DU GRUB PA'I DON GANG YANG MED PAR 'GYUR RO ZHE NA, RTZOD PA 'DI NI GRUB MTHAS BLO MA BSGYUR BA'I 'JIG RTEN RANG DGA' BA'I BLO PHYIN CI LOG LA THOG MA MED PA NAS GOMS PA'I SNGON PO 'DOD NA PHYI ROL GYI DON 'DOD DGOS SNYAM PA'O, ,SNGO 'DZIN MNGON SUM 'DI'I MNGON SUM DU SO SOR RIG PAR BYA BA SNGON PO NYID KYANG SNANG LUGS RDZAS THA DAD DU SNANG YANG SNANG BA LTAR GRUB PA MA YIN PAR THAL, SNGON PO DE SNGO 'DZIN MNGON SUM DE'I BDAG NYID KHO NA YIN PA'I PHYIR, 'DIS NI SNGON PO SHES PA MA YIN KYANG SHES PA'I BDAG NYID DU BSTAN PA YIN NO, ,SNGO 'DZIN MNGON SUM DE NI SNGON PO LA SOGS PA BZHIN DU GSAL BYED GZHAN LA BLTOS MI DGOS PAR RANG NYID GSAL BA DE'I BDAG NYID YIN PA'I PHYIR RANG NYID GZHAN LA

BLTOS MED DU RAB TU GSAL BA YIN PA DES NA BDAG NYID SNGON PO LA SOGS PA GSAL BAR BYED PA ZHES KYANG BRJOD DE, DPER NA SGRON ME RANG GSAL BA'I NGO BOR SKYES PA'I SGO NAS BUM PA LA SOGS PA GSAL BAR BYED PAS GSAL BA ZHES BRJOD PA BZHIN NO, ,DON NI, SNGO 'DZIN MNGON SUM CHOS CAN, GSAL BA ZHES BRJOD PA'I RGYU MTSAN YOD DE, GSAL BYED GZHAN LA BLTOS MED DU GSAL BA DE YIN PA'I PHYIR, SNGON PO CHOS CAN, KHYOD GSAL BA ZHES BRJOD PA'I RGYU MTSAN YOD DE, SNGO 'DZIN MNGON SUM GYIS GSAL BAR BYAS PA'I SGO NAS GSAL BA DE YIN PA'I PHYIR, SGRON ME RANG GSAL BA MA YIN NA SGRON ME GSAL BA'I CHED DU SGRON ME GNYIS PA 'DEGS DGOS PAR 'GYUR RO, ,GNYIS PA NI, SNGON PO SHES PA'I BDAG NYID YIN NA 'JIG RTEN NA DON MYONG ZHES GRAGS PA DANG 'GAL LO ZHE NA, SKYON MED DE, 'JIG RTEN NA, SNGON PO LA SOGS PA MYONG BA LA, SHES PA MYONG ZHES MA GRAGS PAR DON MYONG ZHES SNGON PO LA SOGS PA NYAMS SU MYONG BA ZHES BYA BA GRAGS PA YANG MYONG BYA RDZAS THA DAD MYONG BA MA YIN TE, SNGO 'DZIN MNGON SUM DE'I RANG GI NGO BO NYID NYAMS SU MYONG BA NYID YIN PA'I PHYIR, GSUM PA NI, PHYI ROL GYI DON MED NA RI BONG GI RVA BZHIN DU GSAL BAR SNANG BA CUNG ZAD KYANG MED PAR 'GYUR RO ZHE NA, SNGON PO DANG DE 'DZIN PA'I MNGON SUM GYIS RIG BYA RIG BYED KYI RNAM PA THA DAD DU SNANG BA 'DI RDZAS THA DAD DU MED PAR THAL, GZUNG 'DZIN RDZAS GZHAN KHEGS PA'I PHYIR, GZUNG BYA DON GZHAN MED NA GSAL BAR SNANG BA MI 'THAD PA'I SKYON MED PAR THAL, SKRA SHAD SOGS GSAL BAR

, ,SNANG BA'I SHES PA'I GZUNG BYA SKRA SHAD RDZAS THA DAD DU MED KYANG RDZAS THA DAD DU SNANG BA BZHIN DU GRUB PA'I PHYIR, MNGON SUM LA GZUNG 'DZIN RDZAS THA DAD DU SNANG BA'I RGYU MTSAN YOD DE, MNGON SUM LA GZUNG 'DZIN SO SOR RNAM PAR PHYE NAS SNANG BA'I MTSAN NYID CAN GYI BLO 'DI MA RIG PAS RNAM PAR BSLAD PA CAN YIN PA'I PHYIR, CI LTAR MA RIG PA'I 'KHRUL PAS MTHONG BAR GYUR PA DE LTAR SNGON PO GZUNG BYA DANG, SNGON 'DZIN 'DZIN BYED DU BYAS PA'I TSAD 'BRAS KYI RNAM GZHAG 'DI NI BZHAG PAR BYAS PA LA 'GAL BA MED PAR THAL, MA RIG PAS BSLAD PA'I DBANG GIS SNANG YUL LA 'KHRUL BA YIN KYANG TSAD MA DANG GZHAL BYA'I GZUNG 'DZIN KHAS BLANGS PA LA TSAD MA SU GANG GIS KYANG GNOD PA MED PA'I PHYIR, GANG GI TSE SNGON PO MNGON SUM GYIS GZUNG ZHING GZHAL BYA DANG SNGO 'DZIN MNGON SUM DE 'DZIN BYED KYI TSAD MAR BZHAG PA DE'I TSE TSAD MA GANG GIS KYANG GNOD PA MED PAR THAL, THA SNYAD PA'I MNGON SUM TSAD MA'I GZUNG BA DANG 'DZIN PA YI MTSAN NYID CAN LA THA SNYAD PA'I TSAD MAS KYANG MI GNOD, DON DAM PA'I TSAD MAS KYANG BRTZAD CING DGAG PAR BYA BA MIN PA'I PHYIR, 'DI DAG GIS NI DBANG PO'I MNGON SUM SNANG YUL LA 'KHRUL BA YIN KYANG TSANG 'BRAS GZHAL GSUM DANG GZUNG 'DZIN RIG GSUM GYI RNAM GZHAG LA TSAD MA GANG GIS KYANG MI GNOD PAR BSTAN TE, DE LA GNOD NA THAMS CAD MKHYEN PA'I YE SHES LA YANG TSAD MA GZHAN GYIS GNOD PAR 'GYUR BAS SO, ,'DI DAG GIS NI THA SNYAD PA'I TSAD MA'I GZHAL BYA LA DON DAM PA'I TSAD MAS GNOD PA'I LOG PAR RTOG PA

RNAMS BKAG PA'O, ,KHA CIG GZHUNG SNGA MA RNAMS KYIS RNAM BDEN PA'I LUGS BSTAN PA DANG, TSIGS BCAD 'DI RNAM RDZUN PA'I LUGS LA SBYOR BA NI MI RIGS PAR SHES PAR BYA'O, ZHES BYA BA NI 'PHROS DON TSIGS BCAD DU BSDEBS PAS NA BAR SKABS KYI TSIGS SU BCAD PA'O, ,GNYIS PA LA GNYIS, RTZA BA DANG, 'GREL PA'O, ,DANG PO NI, PHYI ROL GYI DON TSAD MAS KHEGS PA DE'I TSE DBANG PO'I MNGON SUM GYIS SNANG YUL RDZAS GZHAN RIG PA MED PA'I PHYIR, RANG NYID KYI RDZAS SU GYUR PA GCIG RIG PA 'BRAS BUR 'DOD RIGS PA YIN NO, ,PHYI ROL DON KHEGS PA DE'I TSE CHOS CAN, SNGO 'DZIN MNGON SUM LAS RDZAS GZHAN DU MED PA'I SNGON PO RIG PA'I TSAD MA 'BRAS BUR RIGS TE, SNGO 'DZIN MNGON SUM DE SNGON PO MNGON SUM DU 'JAL BA'I TSAD MA GANG ZHIG RANG GI GZUNG BYA DON GZHAN MED PA'I PHYIR, SNGAR BSHAD PA LTAR GZUNG RNAM GZHAL BYA, 'DZIN RNAM TSAD MA, RANG RIG 'BRAS BUR BYAS PA'I TSAD 'BRAS KYI RNAM GZHAG 'DI'I SKABS KYI THUN MONG MA YIN PA'I TSANG 'BRAS KYI RNAM GZHAG TU 'DOD PA MI RIGS TE, DE MDO SDE PAS KYANG KHAS LEN PA'I PHYIR RO, ,DES NA SHES PA'I BDAG NYID DU GYUR PA'I SNGON PO'I RNAM PA GZHAL BYA, GSAR DU MI SLU BA'I 'DZIN PA'I RNAM PA TSAD MA, RANG RIG MNGON SUM TSAD MA 'BRAS BU SLOB DPON CHOS MCHOG GIS SKABS 'DIR, 'BRAS BU LA THUN MONG MA YIN PA'I KHYAD PAR SBYAR YANG, 'OG TU GZHAL BYA'I KHYAD PAR DU BSHAD DO, ,GNYIS PA NI, RNAM PAR SHES PAR SMRA BA GANG DAG GIS LUGS LA SNGO 'DZIN MNGON SUM GYI BLO NYID MA RIG PAS BSLAD PA'I DBANG GIS GZUNG BYA

, ,DON GZHAN MA YIN KYANG DON GZHAN GYI GZUNG BA DON GZHAN LTA BU DANG, 'DZIN BYED DON GZHAN MA YIN KYANG DON GZHAN GYI 'DZIN PA'I RNAM PAR NYE BAR STON PAR SKYE BA SNGO 'DZIN DBANG PO'I MNGON SUM DE DAG LA NI CHOS CAN, RANG GI BDAG NYID DU GYUR PA'I SNGON PO RIG PA 'BRAS BU YIN TE, SNGON PO RIG PA'I MNGON SUM GANG ZHIG RIG PAR BYA BA RDZAS GZHAN MED PA'I PHYIR, NGAS PHYI ROL GYI DON RIG GO SNYAM DU NGES KYI RANG RIG GO SNYAM DU MA NGES LA, RIG PA YANG NGES SHES LA BLTOS NAS 'BRAS BUR BRJOD DGOS PAS BSHAD MA THAG PA MI 'THAD DO ZHE NA, SKYON MED DE, SNGON 'DZIN MNGON SUM GYIS RANG NYID RIG PAS RANG RIG 'BRAS BUR BZHAG PA MA YIN TE, SNGON PO'I DON RTOGS PA RTOGS BYA SNGON PO NI SNGO 'DZIN MNGON SUM DE'I NGO BO YIN PAS RANG GI BDAG NYID DU GYUR PA'I SNGON PO RIG PA 'BRAS BU ZHES BRJOD PA YIN PA'I PHYIR RO, ,DE NYID SGRUB PA NI NGAS DON RTOGS SO SNYAM DU ZHEN YANG PHYI ROL GYI DON RTOGS PA MA YIN PAR THAL, GANG GI PHYIR NA GAL TE SNGON PO NYAMS SU MYONG BA DE SIM PA'I RNAM PA CAN GYI 'DOD PA'I RNAM PA'AM GDUNG BA'I RNAM PA CAN GYI MI 'DOD PA'I RNAM PAR MYONG BAR GYUR NA SIM PA DANG GDUNG BA'I RNAM PAR MYONG BA DE TZAM GYIS 'DOD PA DANG MI 'DOD PA'I YUL SNGON PO 'DOD MI 'DOD SO SOR RIG PAR 'GYUR BA YIN GYI PHYI ROL GYIS RNAM PA BZHAG PA'I DBANG GIS MA YIN PA'I PHYIR, SLOB DPON CHOS MCHOG GIS SKABS 'DIR, DE LTAR RNAM PAR SHES PAR SMRA BA LA GZUNG BA'I RNAM PA DON DU ZHEN PAR BYAS PA NI GZHAL BYA, 'DZIN PA'I RNAM PA NI TSAD MA GZUNG BA'I RNAM PA RIG PA RANG GI RANG BZHIN

RIG PA'I BDAG NYID YIN KYANG GZUNG BA RIG PA NYID DU NGES PA NI 'BRAS BU YIN NO ZHES BSHAD PA NI, SHES PA'I BDAG NYID YIN KYANG DON DU ZHEN PAR BYAS PA'I SNGON PO'I RNAM PA GZHAL BYAR GZUNG BA'O, ,GSUM PA LA GNYIS, SPYI'I DON DANG, YAN LAG GI DON TO, ,DANG PO NI, RNAM GZHAG 'DI GNYIS PAR PHYI ROL GYI DON BKAG PA LAS 'PHROS PA'O, ,PHYI ROL GYI DON MI SRID NA, DBANG PO'I MNGON SUM GYI TSAD 'BRAS 'JOG PA'I TSE, DBANG PO'I MNGON SUM DE NYID SNGON PO YONGS SU GCOD PA'I GZUNG RNAM YIN PAR KUN GYIS 'DOD DGOS PAS, DE'I TSE RANG RIG 'BRAS BUR THAL, PHYI ROL GYI DON RIG PA MED PA'I PHYIR, 'DOD NA, 'DZIN RNAM TSAD MAR THAL, RANG RIG 'BRAS BU YIN PA'I PHYIR, KHYAB PA MED NA, TSAD 'BRAS YUL SO SO KHO NA LA 'JUG PAR THAL, ZHES PA'O, ,MTHA' DPYAD PA NI, 'BRAS BU DPYAD PA DANG GZHAL BYA DPYAD PA GNYIS KYIS RIG PAR BYA'O, ,DANG PO NI, RANG RIG 'BRAS BU ZHES PA DE SNGO 'DZIN MNGON SUM GYIS SNGO 'DZIN MNGON SUM DE NYID RIG PA TSAD MA'I 'BRAS BUR 'GYUR BA YIN NAM, 'ON TE SNGO 'DZIN RANG GI BDAG NYID DU GYUR PA'I SNGON PO RIG PA 'BRAS BUR BRJOD PA'AM, 'ON TE 'BRAS BU DE NYID LA, MYONG BYED RANG RIG YOD DO ZHES PA'I DON YIN, GSUM PA MI 'THAD DE, RNAM GZHAG GSUM PA'I 'BRAS BU'I NGO BO NGOS MA BZUNG BAR THAL BA'I PHYIR, DANG PO LTAR NA, TSAD 'BRAS YUL SO SO KHO NA LA 'JUG PA'I THAL BA SUS KYANG LDOG MI NUS LA, GNYIS PA LTAR NA, GZUNG 'DZIN RDZAS THA DAD 'GOG PA LA, LHAN CIG DMIGS NGES LA SOGS PA'I RTAGS DON MED PAR THAL BA DANG, GNYIS

, ,STONG BYIS PA RNAMS KYIS KYANG MNGON SUM DU RTOGS PAR THAL, SNGON PO RANG GI BDAG NYID YIN PA LA, DBANG PO'I MNGON SUM RANG NYID KYIS NGES BA 'DREN PA'I PHYIR RO ZHE NA, SKYON MED DE, SHES PA RANG NYID KYIS RANG NYID RIG PA 'BRAS BUR BZHAG PA MA YIN TE, TSAD 'BRAS YUL THA DAD PA'I NYES PA DE NYID DU 'GYUR BA'I PHYIR RO, ,PHYOGS GSUM PA YANG MA YIN TE, 'BRAS BU NGOS MA BZUNG BAR, DE NYID LA RANG RIG YOD DO ZHES PAS CIR YANG MI 'GYUR BA'I PHYIR RO, ,DES NA, SNGO 'DZIN GYIS SNGON PO RIG PA 'DI RDZAS GZHAN RIG PA MA YIN GYI, RANG GI BDAG NYID DU GYUR PA'I SNGON PO RIG PA YIN NO ZHES PA'I DON TE, DE LTA NA YANG, SNGO 'DZIN SNGON PO LAS DON GZHAN DU MED PA SNGO 'DZIN GYIS RTOGS PA MA YIN TE, SNGO 'DZIN GYIS RANG LAS DON GZHAN DU MED PA'I SNGON PO RTOGS PA YIN KYANG, SNGON PO DE LAS DON GZHAN DU MED PA DANG, SNGON 'DZIN GYIS RANG LAS DON GZHAN DU MED PA'I SNGON PO RTOGS PA YIN PA LHAN CIG DMIGS NGES KYI RTAGS SOGS LA BRTEN PA'I RANG BZHIN SEMS PA'I BLO LA BLTOS PA'I PHYIR, DE LTAR BZHAG PA NA, SHES PA RANG NYID KYIS RANG NYID RIG PA 'BRAS BUR BZHAG GO SNYAM DU BSAMS NAS SNGO 'DZIN RIG PA 'BRAS BU YIN NA, SNGO 'DZIN YONGS SU DPYOD BYED 'DZIN PA'I RNAM PA YIN PAS 'DZIN PA'I RNAM PA NYID TSAD MAR 'JOG RIGS PAR 'GYUR RO, ,GAL TE GZUNG BA'I RNAM PA SNGO 'DZIN NYID TSAD MAR 'JOG NA, DE NI SNGON PO KHO NA LA 'JAL BYED DU 'JUG PAS TSAD 'BRAS YUL SO SO KHO NAR 'GYUR TE, SNGO 'DZIN MNGON SUM GYIS SNGON

PO YONGS SU BCAD PA NA, DE'I 'BRAS BU LA, SNGON PO LA NGES PA MA DRANGS SNGON 'DZIN DE NYID RIG CING NGES PA'I PHYIR RO SNYAM PA'O, ,DES NA RNAM GZHAG GSUM PA'I GZHUNG 'DI DAG GIS SNGON PO GZHAL BYAR BYAS PA'I TSE, RANG RIG 'BRAS BUR MI RIGS PA DANG, RANG RIG 'BRAS BU YIN NA 'DZIN RNAM TSAD MAR THAL BA DANG, GZUNG RNAM TSAD MA YIN NA, TSAD 'BRAS YUL THA DAD DU THAL BA'I RTZOD PA GSUM PO 'DI NYID SPONG BAR MDZAD PA'O, ,GNYIS PA NI, GAL TE PHYI ROL GYI DON GZHAL BYA YIN NAM MIN, PHYI MA MI 'THAD DE, DON NI GZHAL BYA NYID DU 'DOD CES PA DANG 'GAL LA, DANG PO LTAR NA, RANG GI 'BRAS BU RNAM PAR BZHAG PA DANG 'GAL LO ZHE NA, RANG LUGS LA PHYI ROL GYI DON GZHAL BYAR SGRUB BZHED PA MA YIN TE, MDO SDE PA LA, KHAS BLANGS NANG 'GAL BSTAN PA'I CHED YIN TE, 'DRA BA SKYED BYED GZHAL BYA PHYI ROL DON GYI MTSAN NYID DU BZHAG PA LA, PHYI ROL DANG 'DRA BA NI GONG DU RGYAS PAR BKAG ZIN PA'I PHYIR, DON RGYU YIN PA'I SGO NAS GZHAL BYAR 'GYUR PAR THAL ZHES PA'O, ,SLOB DPON CHOS MCHOG GIS, GANG GI PHYIR DON RGYU YIN PA DE'I PHYIR, DON DE GZHAL BYA YIN PAR 'DOD PAR 'GYUR RO, ,DGONGS PA NI 'DI YIN TE, 'DRA BAR NGES PA NI, GNYIS KA MTHONG BA LA RAG LAS PA YIN LA, RNAM PA DANG BCAS PA'I PHYOGS LA, DON NI, SNGAR GANG GIS KYANG MTHONG BA MA YIN NA, DE JI LTAR 'DRA BAR BRTAG CES SO, ,RNAM GZHAG GSUM PA 'DI, RNAM RIG PA KHO NA'I LUGS YIN GYI, MDO SDE PA LA SBYOR BA NI 'GREL BSHAD BYED PA SU GANG GI YANG LUGS MA YIN TE, SLOB DPON LHA DBANG BLOS MYONG BA NYID NI 'BRAS

, ,BU YIN CES PA'I RJES SU DON MED PA LA, 'BRAS BU'I RTOG PA 'DI NI GCIG YIN NO ZHES PA DANG, RNAM GZHAG GSUM PA LA, DE LTAR NA RNAM PAR RTOG PA GNYIS PA BSHAD PA YIN NO ZHES SOGS GSUNGS PA LTAR RO, ,PHYI ROL DON NI YOD NA YANG ZHES PA NI, PHYI ROL GYI DON MED MOD KYI, YOD DU CHUG NA YANG ZHES BRTAG PA MTHA' BZUNG GI TSUL DU KHAS BLANGS NAS, THOG MAR 'BRAS BU LA DPYAD PA MDZAD BZHED PA YIN NO, ,RANG LUGS NI MDO SDE PAS PHYI ROL DON DU 'DOD PA'I DON SNGON PO GZHAL BYAR BYAS PA'I TSE NA'ANG, RANG GI BDAG NYID DU GYUR PA'I SNGON PO RIG PA 'BRAS BU YIN GYI DON GZHAN RIG PA 'BRAS BUR MI RIGS ZHES PA'O, ,GNYIS PA LA GSUM, 'BRAS BU GTAN LA DBAB PA DANG, TSAD MA GTAN LA DBAB PA DANG, GZHAL BYA GTAN LA DBAB PA'O, ,DANG PO LA GSUM, TSAD MA RANG GI BDAG NYID DU GYUR PA'I DON RIG PA 'BRAS BUR SGRUB PA DANG, RTZOD PA SPANG BA DANG, DON BSDU BA'O, ,DANG PO NI, PHYI ROL GYI DON 'GOG PA BTANG SNYOMS SU BYAS NAS, PHYI ROL GZHAL BYAR BYED PA'I TSE NA'ANG, SNGO 'DZIN RANG GI BDAG NYID DU GYUR PA'I SNGON PO RIG PA 'BRAS BUR KHAS LEN DGOS TE, 'DRA BAR SKYED BYED GZUNG DON GYI MTSAN NYID DU KHYOD KYIS KHAS BLANGS PAS SNGAR BSHAD PA LTAR 'DRA BA MI SRID PAS RANG LAS RDZAS THA DAD PA'I 'BRAS BU RIG PA MI 'THAD DO ZHES DON KHAS LEN PA LA KHAS BLANGS NANG 'GAL STON PA YIN NO, ,PHYI ROL GYI DON SNGON PO LA SOGS PA MED MOD KYI YOD DU CHUG KYANG SNGO 'DZIN RANG GI RANG BZHIN DU GYUR PA'I SNGON PO DE NYID RTOGS PA'I TSAD MA

'BRAS BUR RIGS SO, ,NANG DU 'DZIN PA'I RNAM PAS SIM PA DANG GDUNG BA'I RNAM PAR NYAMS SU MYONG BA'I DBANG GIS, SNGON PO 'DOD BYA DANG 'DOD BYA MA YIN PAR 'JOG GI ,PHYI ROL GYI SNGON POS RNAM PA GTAD PA'I DBANG GIS MA YIN PAS RANG RIG PA CI LTA BA BZHIN DU DON SNGON PO 'DOD BYA DANG 'DOD BYA MA YIN PAR 'GRUB PA'I PHYIR, DE NYID SGRUB PA NI, SNGON PO 'DOD MI 'DOD DU MAR SNANG BA DE MYONG BA'I DBANG GIS BZHAG PA MIN PAR SNGON PO'I DON GYI NGO BO CI LTA BA BZHIN GYIS RNAM PA GTAD PA'I SGO NAS RNAM PAR 'JOG PA NI MA YIN TE, DE LTA NA SNGON PO LA BLTA BA'I SHES PA THAMS CAD 'DOD MI 'DOD KYI RNAM PA GCIG TU THAL BA LAS RNAM PA DU MAR SNANG BA'I PHYIR RO, ,SNGON PO LA BLTA BA'I DBANG SHES LA SNANG BA'I RNAM PA NI, 'DOD MI 'DOD DU MAR SNANG BAR RNAM PAR RIG STE GANG GI PHYIR NA SNGON PO'I RANG BZHIN GCIG NYID LA GNYEN LTA BU GCIG GI YID DU 'ONG BA LA GZHAN GYI YID DU MI 'ONG BAR MTHONG BA'I PHYIR RO, ,'DI DAG GIS NI SIM PA DANG GDUNG BA'I RNAM PA SOGS GOMS PA'I RJES SU BYED PA DANG DE YANG DE MA THAG RKYEN GYIS BZHAG PA'I LAG RJES YIN GYI PHYI ROL GYIS GTAD PA'I LAG RJES MA YIN TE, PHYI ROL GYIS GTAD PA'I LAG RJES LA GOMS PA'I DBANG GIS RNAM PA GZHAN DU 'GYUR BA MI SRID PAS SO, ,GNYIS PA LA GNYIS, RTZOD PA DANG, LAN NO, ,DANG PO NI, GAL TE 'DOD PA DANG MI 'DOD PAR SNANG BA'I NGANG TSUL CAN DE DAG NI RTOG PA LA SNANG BA'I 'DZIN STANGS YIN GYI DBANG PO'I BLO LA 'DOD MI 'DOD DU SNANG BA NI RIGS PA MA YIN NO ZHE NA, DBANG SHES LA 'DOD MI 'DOD KYI RNAM PAR SNANG BA MI SRID

, ,DO ZHES SMRA BAR RIGS PA MA YIN TE, DBANG SHES DE LA YANG ZAS LA SOGS PA SNGAR YID DU 'ONG BAR SNANG BA DE 'CHI LTAS LA SOGS PAS ZIN PA'I TSE YID DU 'ONG BAR MTSAMS SBYOR BA MED PAR MTHONG BA'I PHYIR DANG, RGYUD THA DAD PA GZHAN LA YANG YUL THA DAD PA MED PA'I SGRA DANG DRI DANG RO LA SOGS PA'I KHYAD PAR SROG CHAGS KYI RANG BZHIN THA DAD PA'I PHYIR KHYAD PAR GYIS SROG CHAGS KYI BYE BRAG RNAMS KYI DBANG PO NYID KYI SHES PA'I 'KHOR DU BDE BA DANG MI BDE BA BSKYED PA'I PHYIR RO, ,GZHUNG SNGA MA'I SOGS SGRAS NAD KYIS THEBS PA SOGS SDUD LA, SNGA MA RGYUD GCIG GI DBANG SHES LA YUL GCIG 'DOD MI 'DOD DU MAR SNANG BA STON LA, PHYI MAS RGYUD THA DAD KYI DBANG SHES LA YANG YUL GCIG 'DOD MI 'DOD DU MAR SNANG BA STON PA YIN NO, ,GLU LEN PA'I SGRA RI DVAGS KYI DBANG SHES LA BDE BAR SNANG YANG GZHAN LA MI SNYAN PAR SNANG BA DANG, MI GTZANG BA'I DRI MA DANG PHAG GI DBANG SHES LA SO SOR SNANG BA DANG, LAN TSVA'I RO RNGA MO DANG MI'I DBANG SHES LA SO SOR SNANG BA DANG, MI YIN YANG BAD KAN SHES CHE BA DANG MKHRIS PA SHAS CHA BA'I DBANG SHES LA BDE SDUG SO SOR SNANG BA BZHIN NO, ,GSUM PA NI, SNGO 'DZIN DBANG SHES KYIS SNGON PO'I DON RTOGS PA NI RANG GI RANG BZHIN DU GYUR BA'I SNGON PO RIG PA KHO NA'I RANG BZHIN YIN TE, DBANG SHES MYONG BA'I 'DZIN PA'I RNAM PA DES SIM PA DANG GDUNG BA'I RNAM PA MYONG BA'I DBANG GIS SNGON PO 'DOD PA DANG MI 'DOD PAR BZHAG GI ,SNGON POS 'DOD MI 'DOD KYI RNAM PA GTAD PA'I DBANG GIS SNGON PO 'DOD MI 'DOD DU SNANG BA MA

YIN PA DE'I PHYIR, DE LTAR 'THAD LDAN DU, GANG GI PHYIR 'DZIN PA'I RNAM PA NYID SIM PA DANG SIM PA MA YIN PA BDE BA DANG SDUG BSNGAL BAR RIG GI GZUNG BA'I RNAM PAR GTOGS PA NI MA YIN NO, ,DE LA YANG DGA' BA DANG YONGS SU GDUNG BA'I RANG BZHIN DU GCIG TU NANG DU MYONG BA NYID DU MTHONG NGO, ,'DI'I BDAG NYID 'DI 'JOG PAR BYED PA GZHAN YIN PAR NI RIGS PA MA YIN NO ZHES BSHAD ZIN PA YIN NO, ,DE LTA NA YANG GAL TE BDE BA LA SOGS PA'I RANG BZHIN 'DZIN PA'I RNAM PAR GYUR PA NA PHYI ROL GYIS BYAS PA MA YIN TE, GZUNG BA'I RNAM PAR GTOGS PA'I RANG BZHIN DE NYID PHYI ROL GYIS BYAS PA YIN NO, ,'DI LA TSAD MA NI NYAMS SU MYONG BA YIN TE, GANG GI PHYIR GZUNG BA'I RNAM PA BDE BA'AM SDUG BSNGAL BAR NGES PA NI 'GA' YANG MED KYI 'ON KYANG GZUNG BA'I RNAM PA LAS RNAM PAR CHAD PA NYID DU GZUNG BA'I RNAM PA'I 'DZIN PA BDAG TU 'DZIN PA'I GZHI NYID BDE BA DANG SDUG BSNGAL BAR MTHONG NGO, ,SNGON PO NYID 'DOD BYA'AM 'DOD BYA MA YIN PA'AM GNYIS KA DANG GRUB SDE RDZAS GCIG TU RANG GI RIGS 'DRA SNGA MAS LAG RJES BZHAG PA MA YIN TE, DE YIN NA SNGON PO 'DOD PAR SNANG BA'I DBANG SHES LA YANG 'DOD MI 'DOD GNYIS KA SNANG BAR THAL BAR 'GYUR RO, ,SNGON PO 'DOD PA DANG MI 'DOD PAR SNANG BA NI TSE 'DI'AM, GZHAN DU GOMS PA'I DBANG GIS BYUNG BA'I DE MA THAG RKYEN GYI LAG RJES YIN NO, ,SNGON PO DE DBANG SHES LA YID DU 'ONG BAR SNANG BA'I TSE SNGON PO DE YID DU 'ONG BA MA YIN NA DBANG SHES DE 'KHRUL BAR 'GYUR LA, YID DU 'ONG BA YIN NA DGRAS BLTAS PA'I TSE NA YANG YID DU 'ONG

, ,BAR SNANG BAR 'GYUR LA, YID DU 'ONG MI 'ONG GNYIS KA YIN NA NI CHOS GANG YANG GANG DANG YANG MI 'GAL BAR 'GYUR LA, DE GNYIS GANG YANG MA YIN NA, YUL GANG YANG YID DU 'ONG BAR BZHAG TU MED PAR 'GYUR RO ZHE NA, 'O NA KHYOD NYID LA DRI BAR BYA STE, SNGON PO GCIG LA, SKYES BU GNYIS KYIS THAG NYE RING SO SO NAS BLTAS PA'I TSE SNGON PO DE THAG NYE BA YIN NA RING BAR SNANG BA'I DBANG SHES 'KHRUL BAR 'GYUR LA, THAG NYE BA MA YIN NA, NYE BAR SNANG BA'I DBANG SHES 'KHRUL BAR 'GYUR LA, GNYIS KA YIN NA, 'GAL BA MI SRID PAR 'GYUR ZHING, GNYIS KA MA YIN NA, YUL THAG NYE RING BZHAG TU MED PAR 'GYUR RO, ZHES SMRAS NA LAN CI YOD, MU PHYI MA GNYIS KHAS MI LEN ZHING, MU DANG PO GNYIS LTAR NA, YANG SKYON MED DE, LTA BYED YUL THAG NYE RING NA GNAS PA'I DBANG GIS DBANG SHES LA YUL THAG NYE RING DU SNANG BA YIN GYI, YUL RANG GI RIGS 'DRA SNGA MAS LAG RJES BZHAG PA'I DBANG GIS THAG NYE RING DU SNANG BA MA YIN NO, ZHE NA CIG SHOS LA YANG MTSUNGS SO, ,SKABS 'DIR NI DBANG SHES 'KHRUL PAR KHAS BLANGS PA LA YANG 'GAL BA MED LA, YUL GCIG GIS BDE SDUG GNYIS KYI NYER LEN BYAS NA 'GAL BA YIN GYI, BDE SDUG 'GAL BA'I LHAN CIG BYED RKYEN BYED PA LA GNOD PA CUNG ZAD KYANG MED PAR RNAM 'GREL DU RGYAS PAR BSHAD DO, ,DBANG SHES LA 'DOD MI 'DOD SNANG BA YANG RANG RGYUD LA MNGON SUM GYIS GRUB LA, GZHAN RGYUD LA SKYE BA DE NYID LAM GOMS PA'I KHAR RO KHA MO BCUG MA THAG TU BZHIN GYI RNAM PAR 'GYUR BA LAS SDUG BSNGAL BSKYED PAR RJES SU

DPOG NUS LA, PHYIS GOMS PA NA BZHIN GYI RNAM 'GYUR GSAL BA SOGS LAS BDE BAR SNANG BA RJES SU DPAG NUS SO, ,GNYIS PA LA GSUM, TSAD MA NGOS GZUNG BA DANG, TSAD 'BRAS YUL THA DAD PA SPANG BA DANG, RANG RIG 'BRAS BUR GSUNGS PA'I DON BSHAD PA'O, ,DANG PO NI, KHYED KYIS SNGON PO GZHAL BYAR BYAS PA'I TSE NA'ANG, RANG RIG 'BRAS BUR BYED NA, 'DZIN PA'I RNAM PA TSAD MAR BYED DGOS LA, DE LTA NA RANG RIG MNGON SUM GNYIS SNANG DANG BCAS PAR 'GYUR RO ZHE NA, SKYON MED DE, TSAD MA RANG GI BDAG NYID DU GYUR PA'I SNGON PO RTOGS PA'I TSAD MA 'DI'I SGRUB PAR BYED PA TSAD MA NI YUL GYI RNAM PA NYID SHAR BA'I DBANG GIS SNGON PO LA GSAR DU MI SLU BA'I SHES PA DE YIN TE, SNGON PO DE RNAM PAR 'JOG PA DE 'DZIN PA'I RNAM PAS SIM PA DANG GDUNG BAR MYONG BA JI LTA BA BZHIN DU SNGON PO DE 'DOD MI 'DOD DU SNANG BA'I PHYIR RO, ,'O NA DON RIG 'BRAS BUR BZHAG PA JI LTAR YIN CE NA, SNGO 'DZIN MNGON SUM GYIS RANG GI BDAG NYID DU GYUR PA'I SNGON PO RIG PA 'BRAS BUR BZHAG PA DANG, KHO BOS DON RIG GO SNYAM PA'I NGES PA SKYE BA 'GAL BA MED PAR THAL, SNGON PO 'DI SNGO 'DZIN RANG GI BDAG NYID DU GYUR PA RIG PA YIN KYANG MNGON SUM GYIS SAD PAR BYAS PA'I DON DU ZHEN PA'I BAG CHAGS KYI 'BRAS BU LAS SNGO 'DZIN 'DI NI DON RIG PA YIN PAR ZHEN PAR BLTA BAR BYA BA YIN PA'I PHYIR, RANG GI BDAG NYID DU GYUR PA'I SNGON PO RIG PA YIN TE, SNGON PO'I DON GYI GNAS TSOD BSAM PA NA NI RANG GI BDAG NYID DU GYUR PA RIG PA'I RANG BZHIN YIN PA NYID KYI PHYIR, DON DU ZHEN PA BLO PHYIN CI LOG GI DBANG GIS YIN LA, DON

, ,GYI GNAS TSOD LA SNGON PO SNGO 'DZIN GYI BDAG NYID DU BSTAN PA YIN NO, ,GNYIS PA NI, SNGON PO GZHAL BYAR BYAS PA'I TSE NA GZUNG RNAM TSAD MA YIN NA TSAD 'BRAS YUL THA DAD PAR 'GYUR TE, KHYED KYIS RANG RIG 'BRAS BUR KHAS BLANGS PA'I PHYIR RO ZHE NA, SNGON PO GZHAL BYAR BYAS PA'I TSE TSAD MA DANG 'BRAS BU DAG BYED PA 'JUG PA'I YUL RIGS SO SO THA DAD PA YOD [?] MA YIN TE, DE'I TSE TSAD MA DANG 'BRAS BU GNYIS KA'I BYED PA 'JUG PA'I YUL SNGON PO YIN PA DE NYID KYI PHYIR RGYAS PAR SPYI DON GYI SKABS SU BSHAD PA LAS SHES PAR BYA'O, ,GSUM PA NI, 'O NA RANG RIG 'BRAS BUR BSHAD PA'I DON CI YIN CE NA, SNGON PO GZHAL BYAR BYAS PA'I TSE RANG GI BDAG NYID RIG PA 'BRAS BUR BSHAD PA'I RGYU MTSAN YOD DE, DON SNGON PO RIG BYED DE'I BDAG NYID YIN PA'I PHYIR, DER THAL, SNGON PO DANG SNGO 'DZIN MNGON SUM RDZAS GCIG GAM THA DAD RANG BZHIN SEMS PA YIN NA NI DE GNYIS RDZAS THA DAD KYIS STONG PAR RTOGS PA'I PHYIR, GSUM PA LA GNYIS, DNGOS DANG, RTZOD SPANG NGO, ,DANG PO NI, SNGO 'DZIN MNGON SUM DE SNGON PO DE DANG 'DRA BA'AM GZHAN DANG 'DRAR 'ANG RUNG STE, DON SNGON PO NI STO 'DZIN MNGON SUM GYI RGYU YIN PA'I SGO NAS GZHAL BYA NYID DU 'DOD RIGS PAR THAL, SNGO 'DZIN DBANG PO'I SHES PA LA RNAM PA DE LTAR SNANG BA YI RGYU NI DAN SNGON PO YANG YIN PA GANG ZHIG PHYI ROL GYI DON DANG 'DRA BA MI SRID PA'I PHYIR, RTAGS SNGA MA KHAS BLANGS SO ,MDO SDE PAS 'DRA BAR SKYED BYED GZUNG DON GYI MTSAN NYID DU KHAS BLANGS PA LA PHYI ROL GYI DON DANG 'DRA BA MI SRID PAS RGYU YIN PA'I SGO NAS GZUNG DON DU KHAS LEN

DGOS LA, DE LTA NA YANG GI SGRAS MIG GI DBANG PO YANG GZUNG DON DU THAL BA 'PHANGS NAS KHAS BLANGS NAD 'GAL STON PA YIN NO, ,GNYIS PA NI, KHO NA RE, 'O NA CI LTAR SKRA SHAD 'DZAG SNANG SOGS RNAM PA 'GA' ZHIG LTAR, SNGON PO'I DON GYI RNAM PA'I DNGOS PO MED PAR SNANG BA CAN DE CI LTAR DON SNGON PO GZUNG DON DU BYAS NAS 'DZIN CE NA, SNGON PO'I RNAM PA SHAR BA MED NA, SNGON PO GZUNG DON DU BYAS NAS MI 'DZIN PA'I THAL BA 'PHEN MI RIGS PAR THAL, SNGON PO'I RNAM PA MA SHAR BAR SNGON PO GZUNG DON DU MI BYED PA BDEN SEMS TZAM PA NGAS KYANG RNAM PA MA SHAR BAR GZUNG DON 'DZIN PA DE 'DRA MI SHES PA'I PHYIR, GZUNG DON DU MI BYED PAR THAL BA 'DOD PA'I DON YIN NO ZHES BYA BA NI 'PHROS DON TSIGS BCAD DU BSDEBS PAS BAR SKABS KYI TSIGS SU BCAD PA'O, ,GSUM PA RNAM GZHAG DE NYID 'THAD PAR RIGS PAS NGES PAR BYA BA LA GSUM, PHYI ROL GYI DON MED NA TSAD 'BRAS KYI RNAM GZHAG MI 'THAD PA SPANG BA DANG, PHYI ROL GYI DON 'GOG PA'I RIGS PA DANG, DES NA BLO TSUL GNYIS SU GRUB PA'O, ,DANG PO LA GNYIS, SPYI'I DON DANG, YAN LAG GI DON TO, ,DANG PO LA GSUM, PHYI ROL GYI DON MED KYANG DBANG SHES KYI TSAD 'BRAS 'THAD PA'I TSUL DANG, SEMS TZAM RNAM BDEN PA DANG RNAM RDZUN PA'I 'DOD TSUL THUN MONG MA YIN PA'I KHYAD PAR DANG, ZHAR LA 'PHROS PA'I DON TO, ,DANG PO NI, BDAG MED PA'I DON GANG LA DMIGS NAS BSGOMS PAS SHES SGRIB MTHA' DAG ZAD CING THAMS CAD MKHYEN PA THOB PAR 'GYUR BA'I CHOS KYI BDAG MED DE NYID SKABS 'DI NAS BZUNG STE,

, ,LE'U MA RDZOGS KYI BAR GYIS STON TE, DE LA DGAG BYA CHOS BDAG NGOS BZUNG BA DANG, DE BKAG PA'I BDAG MED NGOS BZUNG BA GNYIS KYIS RIG PAR BYA'O, ,DANG PO NI, DBANG PO'I RNAM PAR SHES PA LA, GZUNG 'DZIN RDZAS THA DAD DU SNANG ZHING SNANG BA LTAR GRUB PAR DE'I RJES KYI RTOG PAS GRUB PAR ZHEN PA'I BLO NI CHOS KYI BDAG 'DZIN DANG DES ZHEN PA'I DBANG SHES LA SNANG BA'I GZUNG 'DZIN RDZAS THA DAD NI, CHOS KYI BDAG YIN GYI RTOG PA LA GZUNG 'DZIN RDZAS THA DAD DU SNANG BA CHOS BDAG DANG, DE LTAR SNANG BA LTAR DU GRUB PAS STONG BAR RTOGS PA CHOS KYI BDAG MED RTOGS PA MA YIN TE, DE THA SNYAD PA'I TSAD MAS KYANG RTOGS PA'I PHYIR RO, ,GNYIS PA NI, DBANG SHES LA SNANG BA'I GZUNG 'DZIN RDZAS THA DAD BKAG TZAM GYI MED PAR DGAG PA DE NYID 'GYUR BA MED PA'I YONGS GRUB DANG DON DAM PA'I BDEN PA DANG, CHOS KYI BDAG MED CES GRAGS PA DE NYID YIN GYI, GNYIS STONG GI SHES PA 'PHAGS PA'I MNYAM GZHAG GI DNGOS KYI RTOGS BYAR 'DOD PA NI SPANG GNYEN GYI RNAM GZHAG SPYI DANG, KHYAD PAR LUGS 'DI LA ZHIB TU MA SBYANGS PA'O, ,BDAG MED DE NYID SO SO SKYE BOS RTAGS LA BRTEN NAS RTOGS DGOS LA, RTAGS KYI TSUL BAG CHAGS BRTAN BYUNG GI DBANG PO'I RNAM PAR SHES PA DANG, DE MYONG BA'I RANG RIG MNGON SUM TSAD MA LA BRTEN DGOS PAS DBANG PO'I MNGON SUM GYI TSAD MA DANG GZHAL BYA GNOD MED 'JOG SHES DGOS PA YIN NO, ,PHYI ROL GYI DON KHEGS KYANG DBANG PO'I MNGON SUM GYI TSAD 'BRAS KYI RNAM GZHAG 'THAD CING SNGON PO PHYI ROL GYI DON YIN

PA BKAG KYANG SNGON PO MNGON SUM GYI GZHAL BYAR BYED PA GZHUNG 'DIR LEGS PAR SGRUB PA'I PHYIR RO, ,DBANG PO'I MNGON SUM SNANG YUL LA 'KHRUL NA DE LA MNGON SUM GYI TSAD 'BRAS KYI RNAM GZHAG MI RIGS SO ZHE NA, KHYOD LOG PA'I BSHES GNYEN GYIS BSLUS PA'I DAM PA MA YIN PA'I SKYE BO 'JIG RTEN PHYI MA'I NGAN 'GRO'I NYES DMIGS LA CUNG ZAD KYANG MI SEMS PA KHA CIG LTAR, GROL BA DON DU GNYER BA THAR PA'I LAM LA BGRAD PA'I MIG ,TSAD MA SDE BDUN LA SKUR PA 'DEBS 'DOD PA MIN NA NI, MIG LEGS PAR PHYIS LA GZHUNG 'DI DAG LA BLTOS SHIG ,NYAN THOS MDO SDE PA KHA CIG DE LTAR SMRA BA NI 'KHOR BAS YID LEGS PAR SUN ZHING THAR PA LA THUGS RTZE GCIG TU GZHOL LA CHOS KYI BDAG MED KYANG RE SHIG BSTAN PA'I SNOD DU MI RUNG BA YIN LA, SDE BDUN LA SKUR BA 'DEBS PA'I GANG ZAG SNGA MA DE DAG DANG NI RI RAB DANG YUNGS 'BRU'I KHYAD PAR SHES PAR BYA'O, ,GNYIS PA LA GNYIS, GZHAN GYIS BZHAG PA'I KHYAD PAR SUN DBYUNG BA DANG, RANG GI LUGS RNAM PAR BZHAG PA'O, ,DANG PO LA GZUGS KYI PHUNG PO BSDUS PA'I SNGON PO LA SOGS PA KHAS LEN MI LEN GYI KHYAD PAR MI 'THAD PA DANG, DE DAG RTOG PAS BTAGS TZAM MIN PA'I YOD PAR KHAS LEN PA DANG MI LEN PA'I KHYAD PAR MI 'THAD PA DANG, DBANG SHES LA SNANG BA'I RNAM PA KHAS LEN PA DANG MI LEN PA'I KHYAD PAR MI 'THAD PA GSUM GYIS RIG PAR BYA'O, ,DANG PO MI 'THAD PA NI, KHA CIG NA RE, SEMS TZAM PA GZHIR BYAS PA LA SNGO SER SOGS KHAS BLANGS NA DE DAG DNGOS POR KHAS LEN DGOS, DE LTA NA BDEN GRUB TU 'GYUR BAS DE LTAR KHAS

, ,LEN PA RNAM BDEN PA DANG, SNGO SER SOGS KHAS MI LEN PA RNAM RDZUN PA'O ZHES ZER BA MI 'THAD DE, RNAM RDZUN PA'I LUGS 'JOG PA LA TSAD MAR GYUR PA SLOB DPON CHOS MCHOG LA SOGS PAS SNGON PO LA SOGS PA DNGOS PO YIN PA GANG DU YANG MA BKAG CING DE DAG GZHAL BYAR BYAS PA'I DBANG MNGON GYI TSAD 'BRAS LEGS PAR SGRUB PA'I PHYIR DANG, DBANG MNGON SOGS TSAD MA YIN PA BKAG NAS BDEN PA GNYIS KYI RNAM GZHAG BYED PA'I RNAM RDZUN PA LA SOGS PA'I GRUB MTHA' SMRA BA MKHAS PA SU YANG MI SRID PA'I PHYIR RO, ,GNYIS PA MI 'THAD PA YANG DE NYID KYIS SHES PAR 'GYUR ZHING, SNGON PO LA SOGS PA KHAS MI LEN PA'I RNAM RDZUN PA MI SRID CING, DE DAG DNGOS POR KHAS BLANGS NAS RTOG PAS BTAGS TZAM DU KHAS LEN PA'I DNGOS POR SMRA BA'I MKHAS PA SU YANG MI SRID PA'I PHYIR RO, ,DE BZHIN DU KHYAD PAR GSUM PA YANG MI 'THAD DE, MNGON SUM LA SNANG BA'I GZUNG BA'I RNAM PA DNGOS PO MA YIN PA DANG, SGRO BTAGS SU KHAS BLANGS NA DBANG PO'I RNAM PAR SHES PA GZUNG RNAM DU KHAS LEN DU MI RUNG BAR 'GYUR LA, DE LTA NA 'DZIN RNAM DU KHAS LEN DGOS PAS GNYIS SNANG DANG BRAL BA DANG, KHA PHYIR PHYOGS PA MA YIN PAR 'GYUR ZHING, KHA PHYIR BLTA'I SHES PA YIN NA 'DRER RUNG 'DZIN PA'I SHES PA YIN PAS KHYAB PA SOGS NYES PA DU MA'I 'BYUNG KHUNGS SU 'GYUR RO, ,'O NA RI KHANG KHYIM SOGS KYANG KHAS LEN DGOS LA, DE LTA NA, PHYI ROL DON GYIS STONG PA'I SHES PAR KHAS LEN DGOS PAR 'GYUR RO, ,DE KHAS BLANGS NA SHES PA'I SHAR PHYOGS KYI NGOS LA LJON

SHING GI TSOGS DU MA SKYE ZHING, LHO PHYOGS KYI NGOS LA CHU 'BAB PA DANG, NUB PHYOGS KYI NGOS LA BO RDZA MTHUG PO DKRIGS PA SOGS SHIN TU NGO MTSAR BA'I GNAS SU 'GYUR RO ZHE NA, RI KHANG KHYIM DANG, SNGON PO LA SOGS PA SHES PA'I RDZAS SU KHAS BLANGS KYANG DE DAG SHES PAR KHAS MI LEN LA, SNGON PO LA SOGS PA GZUGS KYI PHUNG POR LEN GYI MTSUNGS LDAN GYI 'DU BYED DANG, RNAM SHES KYI PHUNG POR KHAS MI LEN NO, ,PHUNG PO LNGA'I RNAM GZHAG DANG, DPAG TSAD DANG, RGYANG GRAGS SOGS DANG, SNOD KYI 'JIG RTEN SOGS 'JOG MI SHES PA'I SEMS TZAM PA MA KHAS PA YOD NA, DE LAS KYANG SHIN TU NGO MTSAR CHE'O, ,GNYIS PA RANG GI LUGS NI, GZHUNG 'DI DAG DANG, RNAM 'GREL DU, MA RIG GIS BSLAD BDAG NYID LA, ,JI LTA'I RANG RKYEN LA BLTOS NAS, ,RNAM RIG DE BZHIN MIN RNAM PA, ,SKYE 'GYUR RAB RIB LA SOGS BZHIN, ZHES SOGS DANG, GONG DU RIG BYA RIG BYED RNAM PA MED, CES SOGS LA BRTEN NAS, SEMS TZAM RNAM RDZUN PA'I BZHED PA GSAL BAR SHES TE, DE LA DON DAM PA DANG THA SNYAD PA'I TSAD MA'I DBYE BA DANG, RNAM BDEN RDZUN GYI RNAM PA NGOS BZUNG BA DANG, BDEN PA DANG RDZUN PA'I DON GANG YIN PA DANG, RNAM RDZUN GYI LUGS DE NYID BZHED PA YIN PAR SGRUB PA'O, ,DANG PO NI, GZUNG 'DZIN RDZAS THA DAD KYIS STONG BAR RTOGS PA'I RIGS SHES RJES DPAG YAN CHAD DON DAM PA'I TSAD MA DANG, DE LAS GZHAN YANG TSAD MA RNAMS THA SNYAD PA'I TSAD MAR BYAS PA'I DBYE BA YANG RUNG MOD KYI SKABS 'DIR NI SO SO SKYE BO'I RGYUD KYI TSAD MA RNAMS THA SNYAD PA'I TSAD MA DANG, BDAG MED MNGON SUM DU RTOGS PA'I THEG CHEN 'PHAGS PA'I

, ,MNYAM GZHAG YE SHES SOGS DON DAM PA'I TSAD MAR BSHAD DO, ,BSTAN BCOS 'DIR, BAG CHAGS BRTAN BYUNG GI DBANG SHES SOGS KUN TU THA SNYAD PA'I TSAD MA RNAMS DON DAM PA'I TSAD MA THOB PA'I THABS SU SHAS CHER GTAN LA PHAB BO, , GNYIS PA NI, DBANG SHES LA, SNGO SER DKAR DMAR SOGS RAGS PAR SNANG BA DANG, KHA DOG GI RNAM PAR SNANG BA DANG, CHA DU MA 'DUS PA'I GO SA GNON PA'I TSUL DU SNANG BA 'DI DAG BDEN PA DANG RDZUN PAR RTZOD PA'I GZHI YIN TE, RNAM 'GREL DU, RNAM BDEN PA'I 'DOD PA 'GOG PA NA, DE PHYIR DON DANG SHES PA LA, ,RAGS SNANG YOD MIN DE BDAG NYID, ,GCIG LA BKAG PA NYID PHYIR DANG, ZHES SOGS LAS GSAL BA'I PHYIR DANG, SLOB DPON CHOS MCHOG GIS KYANG, DBANG SHES LA RAGS PAR SNANG BA BDEN PAR GRUB PA, BYE BRAG PA 'DOD PA'I YAN LAG CAN GYI RDZAS DANG, MTSUNGS PAS LEGS PAR BKAG PA'I PHYIR DANG, LUS CAN ZHES BYA BA RVA ZED NGE BA MED KYI ZHES GSUNGS PA NI, RAGS SNANG BDEN PAR GRUB NA PHYI ROL GYI DON MED PA MING TZAM DU GSUNGS PA'O,, GSUM PA NI, SEMS TZAM RNAM BDEN PA RNAMS DBANG PO'I MNGON SUM LA PHYI ROL DON DU SNANG BA'I CHA LA BSLAD PA ZHUGS KYANG, RAGS PAR SNANG BA'I CHA LA MA RIG PA'I BSLAD PA CUNG ZAD KYANG MA ZHUGS PAR 'DOD PA YIN NO, ,SEMS TZAM RNAM RDZUN PA RNAMS NI RANG RIG PA'I MNGON SUM TSAD MA NI, RANG GI MYONG BYA DANG, YUL YUL CAN GNYIS SU SNANG BA NUB CING CHU LA CHU BZHAG PA'I TSUL DU RIG PA YIN PAS, DE'I 'DZIN STANGS LA MA RIG PA'I BSLAD PA CUNG ZAD KYANG MA ZHUGS PAS DE MA GTOGS PA'I SO SO SKYE BO'I

RGYUD LA MA RIG PA'I BSLAD PA MA ZHUGS PA'I SHES PA MED PAR BZHED DO, ,DES NA, RNAM BDEN RDZUN PHAN TSUN RTZOD PA'I BDEN PA DANG RDZUN PA'I KHYAD PAR NI MA RIG PAS BSLAD PA'I DBANG GIS BZHAG PA MIN PA'I SHES PA'I GZUNG YUL NI, BDEN PA'I DON DANG, MA RIG PA'I BSLAD PA'I DBANG GIS BZHAG PA'I SHES PA'I SNANG YUL NI, RNAM PA BDEN PA DANG RDZUN PAR RTZOD PA'I RDZUN PA'I DON TO, ,DE YANG SNGAR, RNAM 'GREL GYI LUNG DRANGS PA SOGS LAS GSAL BAR SHES PAR BYA ZHING, SLOB DPON CHOS MCHOG GIS KYANG RDZUN PA'I DON DE LA MDZAD DO, ,DES NA, SO SO SKYE BO'I DBANG PO'I MNGON SUM LA MA RIG PA'I BSLAD PA CUNG ZAD KYANG MED NA, RANG RIG MNGON SUM DU MI RUNG ZHING, 'OS MED KYI RIGS PAS DON DAM PA'I BDEN PA 'JAL BA'I MNGON SUM TSAD MAR 'GYUR DGOS LA, DE LTA NA 'PHAGS PA'I CHOS KYI BDAG MED 'JAL BA'I MNYAM GZHAG BZHIN DU, KHA DOG DANG DBYIBS LA SOGS PA'I CHOS MI MTHUN PA DU MA SNANG BA MI 'THAD PAR 'GYUR RO, ,DES NA, 'DIR BSHAD PA'I BDEN RDZUN, DON BYED NUS PA DANG MI NUS PA DANG, DBU SEMS RTZOD PA'I BDEN RDZUN SOGS LA BYED PA NI, SEMS TZAM RNAM BDEN RDZUN GYI KHYAD PAR LA RE SHIG BTANG SNYOMS SU MDZAD NA LEGS SO, ,LUGS RNAM PAR DAG PA 'DI NI, SDE SNOD GSUM DANG RGYUD SDE BZHI DGONGS 'GREL DANG BCAS PA MTHA' DAG THUGS SU CHUD CING SEMS CAN THAMS CAD LA BU GCIG PA LTAR BRTZE BAS KUN NAS BSLANGS NAS RNAM GROL DON DU GNYER BA RNAMS LA LEGS PAR 'DOMS PA'I SGO NAS, RGYAL BA RNAMS KYI DAM PA'I CHOS 'DZIN PA'I SMON

, ,LAM LEGS PAR GRAB [?] PA'I SEMS DPA' CHEN PO SNYING RJE DANG SMON LAM GYI DBANG GIS SKU'I BKOD PA SNA TSOGS PA BZUNG NAS SEMS CAN SRID PA'I RGYA MTSO LAS SGROL BAR BYED PA, ` RJE RIN PO CHE THAMS CAD MKHYEN PA BLO BZANG GRAGS PA'I DPAL BZANG PO'I ZHAL SNGA NAS, LEGS PAR GSUNGS PA'I PHYOGS TZAM BKOD PA STE, RGYAS PAR GZHAN DU SHES PAR BYA'O, ,BZHI PA NI, RTAGS DGOD PA DANG, TSUL SGRUB PA GNYIS KYIS SHES PAR BYA'O, ,DANG PO NI, RAGS PAR SNANG BA CHOS CAN, BDEN PAR MED DE, BDEN PA'I GCIG DANG DU MA DANG BRAL BA'I PHYIR, CES 'GOD PAR RIGS MOD KYI, KHYAB BYED KYI NGOS NAS BKAG NA, RTOGS PAR SLA STE, SNGAR BSHAD PA LTAR, SO SO SKYE BO'I DBANG SHES LA RAGS PAR SNANG BA 'DI RANG RIG MNGON SUM GYI GZUNG YUL MA YIN CING, MA RIG PAS MA BSLAD PA'I MNGON SUM GYI GZUNG YUL YIN CING RANG 'JAL BA'I MNGON SUM DE, DON DAM BDEN PA 'JAL BA'I MNGON SUM LAS GZHAN DU MI 'THAD PAR YANG THAL BA 'PHEN NUS PAS 'DI LTAR SHES PAR BYA STE, SO SO SKYE BO'I DBANG PO'I MNGON SUM LA SNGON PO LA SOGS PA RAGS PAR SNANG BA 'DI CHOS CAN, KHYOD DON DAM BDEN PA YIN PAR THAL, KHYOD RANG RIG MNGON SUM GYI GZUNG YUL MA YIN PA GANG ZHIG KHYOD 'JAL BAR BYED PA'I SO SO SKYE BO'I RGYUD KYI MNGON SUM YOD, DE LA MA RIG PAS CUNG ZAD KYANG MA BSLAD PA'I PHYIR, DE LA 'DOD NA, DE CHOS CAN, KHYOD DON DAM BDEN PA MA YIN TE, KHYOD DON DAM PA'I BDEN PA GCIG TU YANG MA GRUB, DON DAM PA'I BDEN PA DU MAR YANG MA GRUB PA'I PHYIR, DPER

NA GZUGS BRNYAN BZHIN ZHES PA'O, ,GNYIS PA LA GNYIS, KHYAB PA SGRUB PA DANG, PHYOGS CHOS SGRUB PA'O, ,DANG PO NI, GZHI GZUGS BRNYAN GYI STENG DU, GCIG DANG DU MA PHAN TSUN SPANG 'GAL LA BRTEN PA'I DNGOS 'GAL DU NGES PA'I TSAD MA DES, GCIG DANG DU MA GNYIS KA LA PHUNG GSUM GNYIS KA MI SRID PAR NGES PA NA, GZHI GZUGS BRNYAN GYI STENG DU, DON DAM PA'I BDEN PA GCIG DANG DU MA GNYIS KA YIN PA DANG, DE GNYIS GANG YANG MIN PA'I DON DAM PA'I BDEN PA PHUNG PO SUM PA MI SRID PAR NGES PA YIN NO, ,GNYIS PA NI, DE CHOS CAN, DON DAM PA'I BDEN PA GCIG MA YIN TE, RANG 'JAL BA'I MNGON SUM TSAD MA DE LA, KHA DOG DANG DBYIBS LA SOGS PA'I 'GAL BA DU MA 'DUS PAR SNANG BA'I PHYIR, RTAGS 'DI'I KHYAB PA LA GNOD PA CAN GYI TSAD MA STON PA NI, SLOB DPON CHOS MCHOG GIS, YAN LAG CAN GYI RDZAS 'GOG PA DANG MTSUNGS PAR BSHAD PA LAS SHES PAR BYA'O, ,DON DAM PA'I BDEN PA GCIG TU GRUB PA BKAG PA LA BRTEN NAS DU MA 'GOG PA NI RTOGS PAR SLA BAS MA BRIS SO, ,SEMS TZAM RNAM RDZUN PA RNAMS DBANG PO'I MNGON SUM LA RAGS PA GSAL BAR SNANG BA DANG, GSAL BAR SNANG BA DE YANG SHES PA'I RDZAS SU BZHED PAS DNGOS POR YOD MED SOGS SKABS 'DI'I BDEN RDZUN GYI KHYAD PAR MA YIN PA SHES PAR BYA'O, ,'THAD LDAN DU, RAGS PAR SNANG BA RNAM PAR RTOG PAS SPRUL PAR YANG RIGS PA MA YIN TE, GSAL BAR SNANG BA'I PHYIR DANG, RNAM PAR RTOG PA RNAMS NI GSAL BAR SNANG BA MA YIN PA'I PHYIR RO, ZHES SOGS GSUNGS SO, ,GSUM PA NI, SLOB DPON RGYAN MKHAN POS, GAL TE THAMS

, ,CAD NUS MED NA, ZHES SOGS KYI 'GREL PAR CHOS THAMS CAD BDEN STONG DU SGRUB PA'I RNAM GZHAG RTZA BA'I DGONGS PA YIN PAR MDZAD CING SNGAR DRANGS PA'I, DE PHYIR DON DANG SHES PA LA, ZHES SOGS KYI SKABS SU YANG DBU MA PA'I STONG PA NYID KYI DON GTAN LA PHAB BO, ,SLOB DPON ZHI BA 'TSO'I DGONGS PA DANG MTHUN PAR MKHAS PA'I DBANG PO KA MA LA SH'I LAS KYANG DON DAM DON BYED NUS PA GANG, ZHES SOGS NI, DNGOS SU DON DAM PA'I RGYA MTSO LA 'JUG PAR MI NUS PA RNAMS RIM GYIS DRANG BA'I CHED DU GSUNGS PA YIN GYI, RTZA BA'I DGONGS PA MTHAR THUG PA 'DUS BYAS MTHA' DAG BDEN PAS STONG PA BSTAN PAR BZHED DE, GAL TE DE KUN RDZOB, ,'DOD NA CI STE DE LTAR 'GYUR, ZHES SOGS KYI BSHAD PA DBU MA SNANG BAR 'BYUNG BA LAS SHES PAR BYA'O, ,YANG DBU MA PA'I STONG NYID ZUR TZAM BSTAN PA MA GTOGS MGO MJUG KUN TU DBU MA PA'I LUGS 'BA' ZHIG BSTAN PAR MI BZHED CING, DE LTAR GZHUNG GI THOG MTHA' KUN GYIS DBU MA PA'I LUGS BSTAN PAR 'CHAD PA NI, KHO BO LA GRUB MTHA' GONG 'OG GANG GI YANG RNAM GZHAG MA 'DRES PA SO SOR 'BYED PA'I NUS PA MED PA GSAL BAR BSGRAGS PA YIN NO, ,GNYIS PA YAN LAG GI DON LA GNYIS, PHYI ROL GYI DON MED NA DBANG MNGON GYI TSAD 'BRAS KYI RNAM GZHAG MI 'THAD PA SPANG BA DANG, RNAM RIG TZAM MA GRUB PA SPANG BA'O, ,DANG PO LA GNYIS, RTZOD PA DANG, LAN NO, ,DANG PO NI, PHYI ROL GYI DON MED NA DBANG PO'I MNGON SUM LA RDZAS THA DAD DU SNANG BA'I GZUNG BYA 'DI GZHAL BYA MA YIN PAR 'GYUR LA, DE LTA NA DBANG PO'I MNGON SUM YANG TSAD MA MIN PAR 'GYUR

RO, ,DE LTA YIN PA 'O NA CI LTAR DBANG PO'I MNGON SUM GYI TSAD MA DANG GZHAL BYA DANG 'BRAS BU THA DAD PA GSUM JI LTAR RNAM PAR GNAS SHE NA, GNYIS PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO LA GSUM, DBANG MNGON GYI TSAD 'BRAS KYI RNAM GZHAG 'KHRUL PA LA JI LTAR SNANG BA BZHIN YIN PA BSHAD ZIN DRAN PA LA SBYAR BA DANG, DON DE NYID BSHAD PA DANG, DON BSDU BA'O, ,DANG PO NI, PHYI ROL GYI DON MED NA DBANG MNGON GYI TSAD 'BRAS MI 'THAD PA'I SKYON MED PAR THAL, DBANG PO'I MNGON SUM 'DI LA RDZAS GCIG LA TSAD 'BRAS GZHAL GSUM THA DAD PA GSUM RNAM PAR BZHAG PA 'DI NI 'KHRUL PA LA JI LTAR SNANG BA BZHIN BYAS PA YIN GYI DE KHO NA NYID KYIS GZIGS PA JI LTA BA BZHIN NI MA YIN NO ZHES, RIG BYA RIG BYED RNAM PA MED CES PA'I SKABS SU BSHAD ZIN PA'I PHYIR, GNYIS PA NI, DBANG PO'I MNGON SUM GYI RDZAS GCIG LA THA DAD PA'I GZHAL BYA MI 'THAD PA'I SKYON MED PAR THAL, SGRO 'DOGS GCOD NUS KYI SNGON PO LA SOGS PA'I YUL GYI RNAM PA 'GA' ZHIG SHAR BA SNGON PO DE GZHAL BYAR 'KHRUL PA'I BLOS MTSON PAR 'GYUR ZHING DE'I ZHEN YUL LA GNOD PA MED PA'I PHYIR, DBANG MNGON GYI RDZAS GCIG LA GZHAL BYA LAS THA DAD PA'I TSAD MA MI 'THAD PA'I SKYON MED PAR THAL, PHYI ROL MED KYANG NANG GI RANG BZHIN DU GYUR PA'I SNGON PO LA GSAR DU MI SLU BA'I SHES PAR GYUR PA'I SGO NAS YONGS SU GCOD PA NI TSAD MAR 'KHRUL BA'I BLOS MTSON PAR 'GYUR ZHING DE LA TSAD MA'I GNOD PA MED PA'I PHYIR, DBANG MNGON GYI RDZAS GCIG LA TSAD MA DANG GZHAL BYA LAS THA DAD PA'I 'BRAS BU MI 'THAD PA'I SKYON MED

, ,PAR THAL, SNGO 'DZIN DE RANG RIG PA'I RANG BZHIN DU SKYE BA NA RANG GI BDAG NYID DU GYUR PA'I SNGON PO RTOGS PA'I TSAD MA 'BRAS BUR MTSON PAR 'GYUR ZHING DE LA TSAD MA'I GNOD PA MED PA'I PHYIR, 'THAD LDAN GYI SGRAS ZIN LTAR NA SKABS 'DI KHA NANG BLTA'I TSAD 'BRAS KYI RNAM GZHAG 'KHRUL BA'I BLOS JI LTAR MTSON PA LTAR YIN PA LA BSHAD PA LTAR SNANG YANG GONG 'OG GI 'PHROS DANG BCAS NA SNGA MA LTAR GSAL LA NANG LTA'I DBANG DU BYAS NA 'DI LTAR SBYAR TE, PHYI ROL GYI DON MED NA, TSAD 'BRAS KYI RNAM GZHAG MI 'THAD PA'I SKYON MED PAR THAL, RANG RIG MNGON SUM GYI RDZAS GCIG LA YANG TSAD MA DANG GZHAL BYA DANG 'BRAS BU THA DAD PA GSUM 'THAD PA'I PHYIR, DER THAL, RANG RIG MNGON SUM GYI RDZAS GCIG LA YANG YUL GYI RNAM PA 'GA' ZHIG GZHAL BYA DANG NANG DU YONGS SU GCOD PA 'DZIN PA'I RNAM PA NI TSAD MA DANG RANG RIG 'BRAS BUR BZHAG PA'I THA DAD PA GSUM 'KHRUL PA'I BLOS MTSON PAR 'GYUR ZHING DE LA GNOD PA MED PA'I PHYIR, CES PA'O,, GSUM PA NI, DBANG PO'I MNGON SUM GYI RDZAS GCIG PO DE LA TSAD MA DANG GZHAL BYA DANG 'BRAS BU GSUM RNAM PAR BZHAG PA 'DI NI CHOS CAN, DE KHO NA NYID GZIGS PA DANG MTHUN PA 'BA' ZHIG GI DBANG DU BYAS PA MA YIN TE, 'KHRUL PA'I BLOS JI LTAR MTSON PA KHO NA LTAR BYAS PA YIN PA'I PHYIR, GNYIS PA LA GSUM, DBANG MNGON GYI TSAD 'BRAS KYI RNAM GZHAG 'KHRUL PA LA JI LTAR SNANG BA BZHIN YIN PA DANG, DE KHO NA NYID KYIS GZIGS PA DANG MTHUN PAR MI 'THAD PA DANG, 'KHRUL

PA DANG MTHUN PA MI 'THAD PA SPANG PA'O, ,DANG PO LA GSUM, DNGOS KYI DON DANG, DE NYID DPES BSHAD PA DANG, DON BSDU BA'O, ,DANG PO NI, SNGO 'DZIN DBANG PO'I MNGON SUM GYI BLO'I BDAG NYID GCIG LA RDZAS SO SOR RNAM PAR DBYER MED KYANG TSAD 'BRAS GZHAL GSUM MI 'THAD PA'I SKYON MED PAR THAL, SNGON PO MTHONG BA DBANG MNGON MI RIG PAS BSLAD PA'I PHYIN CI LOG RNAMS KYIS GZUNG BYA SNGON PO DANG 'DZIN PA SNGO 'DZIN DANG SNGON PO RIG PA RNAMS RDZAS THA DAD PA MA YIN KYANG RDZAS THA DAD DANG BCAS PA BZHIN DU RTOGS PAR 'GYUR BA'I PHYIR, DBANG MNGON LA GZUNG BYA RDZAS THA DAD DU SNANG YANG RDZAS THA DAD DU RTOGS PA MA YIN GYI, RDZAS GCIG DANG THA DAD KYI CHA LA 'JAL BYED DU MI 'JUG PAR SNGON PO NYID RTOGS PAR BYED PA YIN NO, ,GNYIS PA LA GNYIS, BSTAN BCOS LA GRAGS PA'I DPE DANG, 'JIG RTEN LA GRAGS PA'I DPE'O, ,DANG PO LA GNYIS, DPE DANG, DE SGRUB PA'O, ,DANG PO NI, SNANG LUGS DANG GRUB LUGS JI LTA BA BZHIN DU MI MTHUN PA NI, DPER NA 'JIM DUM SOGS CHOS CAN, RTA DANG GLANG PO SOGS DE'I GZUGS DANG BRAL NA YANG RNAM PA GZHAN DU RTA DANG GLANG PO SOGS SU SNANG BA'I RGYU MTSAN YOD DE MIG GI DBANG PO SNGAGS DANG SGYU MA BSKYED PA'I RDZAS SOGS KYIS BSLAD PA RNAMS LA DE LTAR SNANG BA'I PHYIR, CES PA BZHIN NO, ,GNYIS PA NI, 'JIM DU MA SOGS LA RTA GLANG SOGS SU SNANG BA'I DBANG SHES 'KHRUL PA YIN TE, SGYU MA'I LTAD MO BA RNAMS LA DE LTAR SNANG YANG SNANG BA LTAR MA GRUB PA'I PHYIR, DE DE LTAR MA GRUB PAR THAL, 'JIM DUM SOGS RTA GLANG DU YOD NA, MIG MA BSLAD PA RNAMS

, ,KYIS NI 'JIM DUM SOGS DE DAG RTA GLANG DU MTHONG DGOS PA LA RTA GLANG DE LTAR MA MTHONG BA'I PHYIR, SGYU MA 'DI 'JIG RTEN NA YANG RDZUN PAR GRAGS LA, 'JIM DUM RTA GLANG DU SNANG BA BDE BLO 'KHRUNG PA LA SNANG BA'I DBANG GIS BZHAG PA MA YIN PAR 'JIM DU MA RANG GI SDOD LUGS KYI NGOS NAS DE LTAR GRUB NA, RANG GI RIGS 'DRA SNGA MA'I LAG RJES KYIS BZHAG PAR 'GYUR LA, DE LTA NA SHES PA MA 'KHRUL BAS KYANG MTHONG DGOS PA YIN NO, ,GNYIS PA NI, CI LTAR TE DPER NA THANG RING PO'I MYA NGAM GYI THANG NA CHUNG DU LCI BA'I DUM BU LA YANG RI'I TSAD TZAM CHEN POR SNANG BA BZHIN DU DBANG PO'I MNGON SUM LA YANG GZUNG BYA RDZAS THA DAD DU MED KYANG RDZAS THA DAD DU SNANG BAS 'KHRUL PA'O, ,GANG DAG SEMS TZAM PA THA SNYAD DU PHYI ROL GYI DON YOD PAR 'DOD PA NI ZHIB TU MA BRTAGS PA STE, DRUG GIS CIG CAR SBYAR BA NA, ZHES PA'I RIGS PAS PHYI ROL GYI DON CHA MED KHEGS NAS PHYI ROL GYI DON TZAM MA KHEGS PAR 'DOD PA'I RNAM RIG PA MKHAS PA SU YANG MI SRID PA'I PHYIR RO, ,DBANG PO'I MNGON SUM LA, SNGON PO PHYI ROL GYI DON DU SNANG BA LTAR PHYI ROL GYI DON DU GRUB NA PHYI ROL DON GYI CHA LA DBANG SHES MA 'KHRUL BAS PHYI ROL GYI DON THA SNYAD DU YOD LA DON DAM PAR MED DO ZHES PA'I TSIG BRJOD BYAS STONG LA, SEMS TZAM PA GZUNG 'DZIN RDZAS THA DAD KYI STONG PA YANG KHAS MI LEN PAR 'GYUR RO, ,CHUNG DU CHEN POR SNANG BA'I DPE 'DI DANG, ZLA BA'I DKYIL 'KHOR LA RGYA CHUNG DU MTHONG BA LTA BU DBANG SHES KYIS RGYA CHEN PO LA CHUNG NGU MTHONG BA DANG MI 'DRA STE, CHUNG NGU MTHONG BA'I DON DE CHEN PO'I GO SA NA GNAS PA'I PHYIR DANG, RI'I TSAD

TZAM LCI BA'I DU MA BU'I GO SA NA MI GNAS PA'I PHYIR, GSUM PA NI, RGYU MTSAN DES NA, GZUNG BA SNGON PO DANG, 'DZIN PA SNGON PO MTHONG BA'I MNGON SUM DANG SNGON PO RIG PA RNAMS THA DAD PA'I CHA DON DAM PAR YOD PA MIN YANG GZHAL BYA DANG 'JAL BYED DANG 'BRAS BU THA DAD PA GSUM DU GNAS SHING SNANG BA 'DI 'KHRUL PA LA CI LTAR SNANG BA BZHIN DU RNAM GZHAG BYAS PA YIN GYI DON DAM PA'I DBANG DU BYAS PA MA YIN TE, BLO MA 'KHRUL BA'I NGOR THA DAD PA GSUM DU MED PA'I PHYIR, GNYIS PA LA GNYIS, DE KHO NA NYID DU 'THAD PA LA GNOD PA BSTAN PA DANG, DE KHO NA NYID DU MI 'THAD PA'I RTAGS DGOD PA'O, ,DANG PO NI, BLO RDZAS GCIG LA GZUNG 'DZIN RIG GSUM THA DAD PA GSUM DU GNAS PA DANG DBANG PO'I MNGON SUM LA SNGON PO LA SOGS PA RAGS PAR SNANG BA DE DE KHO NA NYID DU MA GRUB PA LAS GZHAN DU NA SNGON PO LA SOGS PA GCIG GI NGO BO LA RAGS PA'I RNAM PAR SNANG BA 'DI CHOS CAN, GCIG KYANG YIN DE KHO NA NYID DU GRUB PA YANG YIN PA'I GZHI MTHUN DU JI LTAR BDEN PAR 'GYUR TE RANG 'JAL BA'I MNGON SUM TSAD MA LA BONG TSOD CHE CHUNG LA SOGS PA 'GAL BA'I RANG BZHIN DU MAR SNANG BA YI PHYIR RO, ,KHYAB PA LA GNOD PA CAN GYI TSAD MA BSTAN PA NI, DON DAM PA'I BDEN PA YIN NA RANG 'JAL BA'I MNGON SUM TSAD MA RANG GI SNANG YUL GYI CHA GANG LA YANG MA 'KHRUL DGOS LA, DE LTA NA RANG BZHIN DU MAR SNANG BA DANG, GCIG TU GYUR PA'I DON DAM BDEN PA YIN PA 'GAL BA YIN NO, ,DES NA RANG 'JAL BA'I MNGON SUM TSAD MA MA 'KHRUL BA LA RANG BZHIN DU MAR SNANG NA DON DAM PA'I BDEN PAR GYUR PA'I GCIG

, ,MA YIN DGOS PAR THAL, DE YIN NA GCIG YIN PA NYID DE NYAMS PA'I PHYIR, RTAGS MA GRUB NA, DU MA GZHAN GYI GZHAN DU MA NYID NYAMS PAR THAL, BLO MA 'KHRUL BA'I GZUNG NGOR DU MAR SNANG YANG GCIG YIN PA NYAMS PA MED PA'I PHYIR RO, ,GNYIS PA LA GNYIS, RANG BZHIN MA DMIGS PA'I GTAN TSIGS DGOD PA DANG, KHYAB BYED MA DMIGS PA'I GTAN TSIGS DGOD PA'O, ,DANG PO NI, GZUNG 'DZIN RIG PA GSUM CHOS CAN, GCIG MA YIN TE, GCIG YIN NA GCIG TU TSAD MAS MTHONG DGOS PA LA GCIG GI DNGOS PO DER MTHONG BA MED PA'I PHYIR, RTAGS PHYI MA SGRUB PA NI THA DAD MED PAR NGES PAR 'GYUR BAR THAL, BLOS DNGOS PO DE THA DAD MED PA MTHONG BA GANG ZHIG YID GTAD NA NGES RUNG YIN PA'I PHYIR, RTAGS SNGA MA KHAS BLANGS SO, ,YANG NA RAGS PAR SNANG BA 'DI CHOS CAN, DON DAM PA'I BDEN PA GCIG MA YIN TE, BLO MA 'KHRUL BAS GCIG TU MTHONG BA MED PA'I PHYIR CES SBYAR RO, ,GNYIS PA NI, RAGS PAR SNANG BA DE DAG LA CHOS CAN, DE KHO NA NYID DU NA DE DON DAM BDEN PAR MED DE, GANG GI PHYIR NA RIGS PA GANG GIS RNAM PAR DPYAD PA NA DON DAM PA'I BDEN PA GCIG DANG DU MA'I RANG BZHIN GANG DU YANG MED PA'I PHYIR, DE'I DON BSDU BA NI, DBANG SHES LA SNGON PO RAGS PAR SNANG BA CHOS CAN, DE KHO NA NYID DU MED DE, DE KHO NA NYID GCIG TU YANG MED, DE KHO NA NYID DU MAR YANG MED PA'I PHYIR, DE KHO NA NYID NI DON DAM PA'I BDEN PA'O, ,GZUNG 'DZIN RIG GSUM THA DAD PA'I CHA CHOS CAN, BDEN PAR MED DE BDEN PA'I GCIG DANG DU MA DANG BRAL BA'I PHYIR

CES PA GNYIS KA SBYAR BAR BYA'O, ,YANG RTAGS 'DI YANG THA SNYAD 'BA' ZHIG BSGRUB TU BYA STE, BDEN PA'I GCIG TU YANG SGRO MI 'DOGS DU MAR YANG SGRO MI 'DOGS PA'I BDEN GRUB PHUNG PO GSUM PA'I DON GYI SGRO 'DOGS SKYES MED PA'I PHYIR RO, ,GSUM PA NI, 'JIG RTEN NA NYA PHYIS DANG DNGUL DKAR BAR CHOS MTHUN PA NI MTHONG BA LAS NYA PHYIS DE DNGUL DE'I BDAG NYID MIN PA LA DE'I BDAG TU ZHEN PA YIS NI 'JIG RTEN NA NYA PHYIS LA DNGUL DU 'KHRUL PA SKYE BA LA PHYI ROL DON GYIS STONG PA 'DIR NI CHOS MTHUN PA MTHONG BA DE MED DE 'GRO BA DNGOS PO 'DI LA GZUNG 'DZIN RDZAS THA DAD PA DE'I BDAG NYID CIG KYANG MTHONG BA MED PA'I PHYIR RO, ,DON NI, GZUNG 'DZIN GNYIS SU MED PA LA GNYIS SU 'KHRUL BA'I 'KHRUL PA SKYE SA MED PAS SO SO SKYE BO RNAMS LA YANG 'KHRUL BA MED PAR THAL ZHE NA ZHES PA'O, ,DE'I SKYON MED PA'I LAN NI, BDEN RDZUN CHOS MTHUN PA LA BLTOS NAS GCIG TU ZHEN PA'I RTOG PA 'KHRUL BA DE YANG KHYOD LTAR YOD NA YANG 'KHRUL BA DE TZAM DU ZAD PA MA YIN TE, BDEN RDZUN PHAN TSUN CHOS MTHUN PA MTHONG BA DANG, 'DRA BA SOGS CAN NYID LA BLTOS PA MED PA'I 'KHRUL BA SKYE BA YANG YOD PA'I PHYIR, DPER NA, RAB RIB CAN LA SKRA SHAD DU SNANG BA LA SOGS PA BZHIN NO, ,NANG GI MA RIG PAS BSLAD PA LAS BYUNG BA'I DBANG SHES GANG YIN PA DE CHOS CAN, RANG BZHIN GYIS GZUNG BYA RDZAS THA DAD PA'I PHYIN CI LOG TU SNANG BAR 'GYUR BA'I RGYU MTSAN YOD DE, NYON MONGS CAN MA YIN PA'I MA RIG PA'I NYES PAS PHYIN CI LOG DE LTAR BSKYED PA'I PHYIR, GONG GI 'KHRUL PA DE NI ZHEN YUL LA 'KHRUL PA'I RTOG PA YIN LA DE TZAM DU MA ZAD RTOG MED 'KHRUL PA 'DI YANG

, ,YOD CES PA'O, ,DE NI GZUNG 'DZIN RDZAS THA DAD DU ZHEN PA'I CHOS KYI BDAG 'DZIN GYIS BSLAD PA YIN LA, RTOG PA LA GZUNG BYA DON GZHAN DU SNANG BA YANG DES BSLAD PA YIN NO, ,RTOG PA'I GZUNG BYA RTOG PA LAS RDZAS THA DAD DU MED PA DANG SKRA SHAD DU SNANG BA DBANG SHES LAS RDZAS THA DAD DU MED PA NYAN THOS MDO SDE PAS KYANG GRUB MOD KYANG CHOS KYI BDAG MED RTOGS DGOS PA MA YIN NO, ZHES BYA BA NI 'PHROS DON TSIGS BCAD DU BSDEBS PA BAR SKABS KYI TSIGS SU BCAD PA'O, ,GNYIS PA LA GNYIS, RTZOD PA DANG, LAN NO, ,DANG PO NI, DBANG PO'I MNGON SUM 'DI PHYI ROL DON GYIS STONG PA'I RNAM PAR RIG PA TZAM NYID DU GRUB PA YIN NA NI TSAD MA LA SOGS PA'I RNAM PAR BZHAG PA 'KHRUL PA LA JI LTAR SNANG BA BZHIN DU GRUB PAR 'GYUR NA RNAM RIG TZAM DE NYID JI LTAR GRUB CE NA, GNYIS PA NI, DBANG PO'I MNGON SUM 'DI LA CHOS CAN, PHYI ROL DON GYIS STONG PA'I RNAM RIG TZAM MA GRUB PA'I RGYU MTSAN GYIS TSAD 'BRAS GZHAL GSUM GYI RNAM GZHAG 'KHRUL PA LA JI LTAR SNANG BA BZHIN MI 'GRUB PA MA YIN PAR THAL, KHYOD KYI GZUNG BA DANG 'DZIN BYED KHYOD GNYIS RDZAS THA DAD PA'I MTSAN NYID DANG MI LDAN PA'I PHYIR RO, ZHES SNGAR BSHAD ZIN TO, ,GNYIS PA LA GSUM, LHAN CIG DMIGS NGES KYI RTAGS DANG, GSAL ZHING RIG PA'I RTAGS DANG, DE DAG GI DON BSDU BA'O, ,DANG PO LA GNYIS, SPYI'I DON DANG, YAN LAG GI DON TO, ,DANG PO LA GSUM, RTAGS DGOD PA DANG, TSUL SGRUB PA DANG, MTHA' DPYAD PA'O, ,DANG PO LA GSUM, CHOS CAN NGOS BZUNG BA DANG, BSGRUB BYA NGOS BZUNG BA DANG, GTAN TSIGS KYI RIGS NGOS BZUNG BA'O, ,DANG PO NI, SNGON

PO'I RNAM PA RTZOD GZHIR GZUNG BAR BYA BA MA YIN TE, RTAGS 'DI DGOD DGOS KYI PHYIR RGOL LA NYAN THOS SDE GNYIS YOD LA, BYE BRAG SMRA BA'I NGOR SNGON PO'I RNAM PA MA GRUB PA'I PHYIR DANG, MDO SDE PA LA SNGON PO'I RNAM PA DANG SNGO SNANG DBANG PO'I SHES PA RDZAS THA DAD KYIS STONG BAR SGRUB MI DGOS TE, GRUB ZIN MA BRJED PAR YOD PA'I PHYIR, KHA CIG SNGON POR SNANG BA YANG RTZOD GZHIR 'DZIN PA MI RIGS TE, NYES PA DE DAG YOD PA'I PHYIR RO, ,ZER BA MI RIGS TE, NYAN THOS SDE GNYIS KAS DBANG SHES MA 'KHRUL BA LA SNGON POR SNANG BA SNGON PO NYID DU KHAS BLANGS PA'I PHYIR, DE NI SNGON PO SNANG BA DANG, SNGON POR SNANG BA KHYAD MA PHYED PA'I GTAM MO, ,DE LTA NA YANG SNGON PO RTZOD GZHIR BZUNG NGO, ,GNYIS PA NI, SNGON PO DE SNGO SNANG DBANG SHES DANG RDZAS THA DAD RNAM PAR BCAD TZAM GYI MED PAR DGAG PA SGRUB PA YIN GYI, MA YIN DGAG DANG RDZAS GCIG PA SOGS DNGOS KYI BSGRUB BYAR 'DZIN PA MIN NO, ,DE LA MED PAR DGAG PA DANG, MA YIN PAR DGAG PA'I MTSAN NYID DANG, MA YIN DGAG GI DBYE BA'O, ,DANG PO NI RIM PA BZHIN DU DGAG BYA TSIG GIS ZIN PAR BCAD PA'I SGO NAS DNGOS SU RTOGS PAR BYA BA GANG ZHIG DGAG BYA BCAD PA'I STOBS KYIS CHOS GZHAN BLO YUL DU MI 'PHEN PA DANG, DE GANG ZHIG 'PHEN PA'O, ,GNYIS PA LA, CHOS GZHAN DNGOS SU 'PHEN PA DANG, SHUGS LA 'PHEN PA DANG, DNGOS SHUGS GNYIS KA LA 'PHEN PA DANG, SKABS STOBS KYIS 'PHEN PA RNAMS SHES PAR BYA'O, ,GSUM PA LA GNYIS, DNGOS KYI DON DANG, GTAN TSIGS KYI DON TO, ,DANG PO NI, 'GAL ZLA BSGRUBS NAS 'GOG PA 'GAL DMIGS

, ,DANG, DE'I NANG NAS KYANG KHYAB BYED 'GAL DMIGS KYI GTAN TSIGS YIN LA, DON DANG THA SNYAD GNYIS KA SGRUB PAR SHES PAR BYA'O, ,GNYIS PA NI, LHAN CIG PA NI DUS GCIG PA DANG DMIGS PA NI RTOGS PA DANG NGES PA NI SNGON PO RTOGS NA SNGO 'DZIN RTOGS PA DANG GRUB SDE RDZAS GCIG LA SNGO 'DZIN RTOGS NA SNGON PO RTOGS PA DANG GRUB SDE RDZAS GCIG TU SKYES PA NGES PAR DE'I RIGS LA GNAS PAS KHYAB PA'I DON YIN GYI, SNGON PO RTOGS NA SNGO 'DZIN RTOGS PA DANG SNGO 'DZIN RTOGS NA SNGON PO RTOGS PAS KHYAB PA'I DON DU BYED PA NI LOG PAR 'CHAD PA YIN TE, DE NI RNAM 'GREL DU DBANG PO'I SEMS NI DES PHYIR DANG, ZHES SOGS DBANG PO'I MNGON SUM KHA PHYIR BLTA 'BA' ZHIG TU SGRUB PA DANG 'GAL BA'I PHYIR DANG, SNGO 'DZIN MYONG BA'I RANG RIG MNGON SUM GYIS SNGO 'DZIN RTOGS KYANG SNGON PO RTOGS PA RNAM PA THAMS CAD DU MI RIGS PA'I PHYIR RO, ,GNYIS PA LA GNYIS, PHYOGS CHOS SGRUB PA DANG, KHYAB PA SGRUB PA'O, ,DANG PO NI, SNGON PO DMIGS BYED MYONG BA'I RANG RIG MNGON SUM DANG SNGO 'DZIN DMIGS BYED MYONG BA'I RANG RIG MNGON SUM GNYIS KA CHA SHAS SU LDAN PA'I CHA CAN RANG RIG MNGON SUM TSAD MA DES SNGON PO DMIGS PA DANG SNGO 'DZIN DMIGS PA YI BRAL DU YOD PA KHEGS SHING DUS GCIG TU DMIGS PA LA BRTEN NAS 'GRUB PA YIN NO, ,SNGON PO RANG RIG MNGON SUM GYIS MA GRUB NA DE GNYIS LHAN CIG TU DMIGS PA DES GRUB PA 'GAL LO ZHE NA, SNGON PO DMIGS PA DE RTOGS NA SNGON PO RTOGS DGOS PAR 'DOD PA NI SNGAR GYI PHYIN CI LOG DE NYID SLAR YANG 'ONGS PA YIN NO, ,GNYIS PA NI,

RDZAS THA DAD CHOS CAN, LHAN CIG DMIGS NGES SU MA GRUB STE, DUS MNYAM PA DANG 'BREL BA GRUB PA GNYIS KA'I GZHI MTHUN DU MED PA'I PHYIR, DE NI DGAG BYA'I CHOS LA RTAGS 'GOG PA'I BZLOG NA GNOD PA CAN GYI RTAGS YIN LA, RJES SU 'GRO LDOG GI KHYAB PA NGES PA LA DE DANG, RTAGS KYI MTSAN GZHI NGES PA'I TSAD MA DANG BSGRUB BYA'I CHOS DANG DGAG BYA'I CHOS DNGOS 'GAL DU NGES PA'I TSAD MA GNYIS KYANG DGOS PAR SHES PAR BYA'O, ,KHA CIG ,MTHUN DPE GZHUNG DU GSUNGS PA SOR BZHAG TU BYAS NAS DBANG SHES 'KHRUL PA LA SNANG BA'I ZLA BA GNYIS DPER BYED PA MI 'THAD DE, MTHUN PHYOGS LA RTAGS MTHONG BA TZAM YANG MED PA'I PHYIR TE, DE GNYIS TSAD MAS MA GRUB PA'I PHYIR DANG, 'BREL PA MED PA'I PHYIR RO, ,DES NA RDZAS THA DAD DUS MNYAM LA 'BREL PA DANG SNGA PHYI LA LHAN CIG PA MED PAS KHYAB PA 'GRUB PA YIN NO, ,GSUM PA NI, MA NGES PA DANG, MA GRUB PA'I SKYON SPONG BA'I TSUL DANG, 'THAD LDAN DU BSHAD PA'I 'PHROS LA SOGS PA RNAMS NI TSIG MANGS SU DOGS PAS 'DIR MA BRIS SHING, GZHAN DU BSHAD PAR BYA'O, ,GNYIS PA YAN LAG GI DON LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, SNGAR BSHAD PA'I GZUNG 'DZIN RDZAS THA DAD 'GOG PA'I RIGS PA LAS GZHAN YANG STON TE, GNYIS PA NI, SNGON PO CHOS CAN, KHYOD DANG KHYOD 'DZIN PA'I BLO DBANG PO'I MNGON SUM RDZAS GZHAN MA YIN TE, KHYOD DANG DE LHAN CIG DMIGS PA NGES PA'I PHYIR, DPER NA DBANG SHES 'KHRUL PA LA ZLA BA GNYIS SU SNANG BA BZHIN NO, ,GSUM PA LA GSUM, RTAGS DGOD PA DANG, TSUL SGRUB PA DANG, PHYOGS

, ,CHOS MA GRUB PA SPANG BA'O, ,DANG PO NI, SNGON PO NI CHOS CAN, RANG NYAMS SU MYONG BA SNGO 'DZIN MNGON SUM LAS DON GZHAN PA'I RANG BZHIN NYID MA YIN TE, GANG GI PHYIR NA KHYOD DANG SNGO 'DZIN MNGON SUM DE DAG LHAN CIG DMIGS PA NGES PA'I PHYIR, DPER NA DBANG SHES 'KHRUL PA LA ZLA BA GNYIS SU SNANG BA LA SOGS PA BZHIN NO, ,ZLA BA GNYIS MED KYANG ZLA BA GNYIS SU SNANG BA YOD DE, DE LTA MA YIN NA 'GA' YANG 'KHRUL PA MI SRID PAR 'GYUR BA'I PHYIR RO, ,DES NA ZLA BA GNYIS SNANG GI DBANG SHES NYID ZLA BA GNYIS SU SNANG BA YIN NO, ,SNGON PO DBANG SHES LAS RDZAS THA DAD DU MED NA RDZAS THA DAD DU SNANG BA DANG 'GAL LO ZHE NA, SNANG LUGS RDZAS THA DAD PAR SNANG BA NYID YIN KYANG SDOD LUGS RDZAS THA DAD DU MED DE, BSHAD PA DANG 'CHAD PAR 'GYUR BA'I RIGS PAS GNOD PA'I PHYIR RO, ,'DI BSGRUB BYA'I CHOS BSHAD PA TZAM YIN PAS 'GOD PA'I TSE CHOS KYI KHYAD PAR DU MI SBYOR RO, ,GNYIS PA LA GSUM, PHYOGS CHOS SGRUB PA DANG, KHYAB PA SGRUB PA DANG, KHYAB SGRUB KYIS RTAGS MA NGES PA SPANG BA'O, ,DANG PO NI, SNGON PO DANG SNGO 'DZIN MNGON SUM LHAN CIG DMIGS NGES YIN TE, GNYIS PO 'DI DAG LAS GANG RUNG GI RNAM PA GCIG MA DMIGS PA STE DMIGS PA'I BDAG NYID DU MED NA CIG SHOS GZHAN DMIGS PA NI MED PA'I PHYIR, DON NI SNGAR SPYI DON GYI SKABS SU BSHAD PA LTAR RO, ,GNYIS PA NI, RDZAS KYI RANG BZHIN THA DAD PA LA NI CHOS CAN, LHAN CIG DMIGS NGES KYI RTAGS 'DI ZHUGS PA 'THAD PA MA YIN TE, DUS MNYAM PA DANG 'BREL BA'I RGYU MTSAN GNYIS KA'I GZHI MTHUN DU MED

PA'I PHYIR RO, ,SNGA PHYI BA LA 'BREL PA YOD KYANG LHAN CIG PA MED PA'I RGYU MTSAN ZUR DU BSHAD NAS 'DIS RDZAS THA DAD DUS MNYAM PA GCIG PU LA LHAN CIG DMIGS NGES 'GOG PA'I RGYU MTSAN DU SBYOR BA MI RIGS TE, DGAG BYA'I CHOS TZAM LA RTAGS ZHUGS PA 'GOG BYED DU BSHAD KYI, DE'I PHYED LA RTAGS ZHUGS PA 'GOG PA LA MA BSHAD PA'I PHYIR RO, ,GSUM PA LA GSUM, SNANG GZUGS KHYAD PAR BA LA LHAN CIG DMIGS NGES ZHUGS KYANG 'BREL MED KYI RTAGS MA ZHUGS PAS MA NGES PA MED PA DANG, SNANG GZUGS TZAM LA 'BREL MED ZHUGS KYANG LHAN CIG DMIGS NGES MA YIN PAS MA NGES PA'I SKYON MED PA DANG, RTAGS KYI TSUL GRUB PA'I DON BSDU BA'O, ,DANG PO NI, KHYAB PA SGRUB PA'I RTAGS MA NGES TE, SNANG GZUGS 'BREL PA GNYIS KA MED KYANG LHAN CIG DMIGS NGES YIN PA'I PHYIR RO ZHE NA, SKYON MED DE, GZUGS DMIGS PA SNANG BA LA NGES PAR BLTOS PA'I MIG LA SOGS PA LA BLTOS NAS DBANG SHES LA GCIG GZUNG YUL DU RUNG ZHING GZUGS DANG BAR MA CHAD PA'I SNANG BA DANG GZUGS GNYIS CHOS CAN, LHAN CIG DMIGS NGES YIN KYANG 'BREL MED KYI RTAGS ZHUGS PA MA YIN TE, 'BREL PA YOD PA'I PHYIR, MA GRUB CE NA, DBANG SHES GCIG GI GZUNG YUL DU RUNG ZHING GZUGS SNANG BAR MA CHAD PA'I GZUGS DANG SNANG BA DAG LA NI CHOS CAN, 'BREL PA MED PA MA YIN TE, GZUGS DE 'DZIN PA'I DBANG PO'I SHES PA BSKYED PAR RUNG BA'I MTSAN NYID DAM MIG GI DBANG PO GZUGS 'DZIN DBANG SHES SKYED BYED DU RUNG BAR BSKYED PA'I MTSAN NYID KYI 'BREL PA YOD PA'I PHYIR, DE MA GRUB NA, GZUGS

, ,DMIGS PA SNANG BA LA BLTOS PA'I SKYES BU CHOS CAN, SNANG BA MED PAR GZUGS DMIGS PAR MI 'GYUR TE, 'BRAS BU GZUGS 'DZIN DBANG SHES BSKYED PA'I GZUGS DANG MIG RGYU SNANG BA LA 'KHRUL PA MED PA'I PHYIR RO, , 'DI DAG GIS LHAN CIG DMIGS NGES SU GYUR PA'I SNANG GZUGS RGYU 'BRAS SU STON PA MA YIN TE, RGYU 'BRAS RDZAS GCIG PA GRANGS CAN GYI LUGS YIN GYI SEMS TZAM PA DANG DON SMRA BA'I MKHAS PA SU YANG MI 'DOD PA'I PHYIR RO, ,DES NA SNANG GZUGS BAR MA CHAD PA LHAN CIG DMIGS NGES SU STON PA NA DE GNYIS RDZAS GCIG PA DGOS LA, GZUGS SNANG BA'I NGO BOR SKYE BA LA SNANG BA SNGA MAS PHAN BTAGS PA LA BLTOS DGOS PAS DE LTAR SGRUB PA'I DON YIN NO, ,LHAN CIG DMIGS NGES SU GYUR PA'I SNANG GZUGS KYI KHYAD PAR 'CHAD PA NI STENG GI DU BA DANG 'OG GI ME LTAR BAR DU CHOD PA LHAN CIG DMIGS NGES SU MI RUNG BAS SNANG BA DANG BAR CHAD MED PA'I GZUGS DES GZUGS 'DZIN DBANG SHES BSKYED PA DANG RO GZUGS LTAR SKYE MCHED THA DAD YIN NA YANG DBANG SHES GCIG GI GZUNG YUL DU MI 'GYUR BAS GZUGS DANG SNANG BA LHAN CIG GZUGS 'DZIN DBANG SHES KYIS GZUNG BA'I MTSAN NYID CAN YIN PA'I PHYIR, DBANG SHES DES GNYIS KA GZUNG BAR 'GYUR RO, ,GZUGS DMIGS PA SNANG BA LA BLTOS PA'I GZUGS 'DZIN DBANG SHES CHOS CAN, SNANG GZUGS GNYIS LHAN CIG TU 'DZIN PA'I RGYU MTSAN YOD DE, GZUGS MTHONG BA SNANG BA'I RDZAS SU SKYES PA LA BLTOS NAS GZUNG DGOS PA YIN PA'I PHYIR, GNYIS PA NI, SNANG BA DANG GZUGS TZAM GYI DBANG DU BYAS NA 'BREL

PA MED PA'I RTAGS ZHUGS KYANG LHAN CIG DMIGS NGAS MA YIN PAS NGES MA NGES PA MED PA NI, YANG NA ZHES SO, ,SNANG BA DANG GZUGS LHAN CIG DMIGS NGES MA YIN PAR THAL, GZUGS GZHAN MED PA'I SNANG BA 'BA' ZHIG KYANG MTHONG BA'I PHYIR DANG, SNANG BA MED PA'I GZUGS KYANG BYI LA LA SOGS PA'I SROG CHAGS KYI BYE BRAG 'GA' ZHIG GIS MTHONG BA'I PHYIR, SNANG GZUGS TZAM DE DAG LA NI CHOS CAN, 'BREL MED KYI RTAGS ZHUGS KYANG LHAN CIG DMIGS NGES MA YIN PAR THAL BA 'DOD RIGS PA YIN TE, LHAN CIG DMIGS PA NGES PA YOD PA MA YIN PA'I PHYIR, GSUM PA NI, LHAN CIG DMIGS NGES KYI RTAGS PHYOGS CHOS MA GRUB PA'I SKYON MED PAR THAL, ,SNGON PO'I RNAM PA SNGON PO DANG DE RIG PA SNGO 'DZIN MNGON SUM DAG NI LHAN CIG DMIGS PA NGES PA NYID MNGON SUM TSAD MAS GRUB PA'I PHYIR RDZAS THA DAD PA LA NI LHAN CIG DMIGS NGES DE RIGS MA YIN TE, DE LTAR GONG DU BSGRUBS ZIN PA'I PHYIR, DPER NA SNGON PO DANG SER PO BZHIN NO, ,DES KHYAB PA GRUB PA'I DON BSDUS PA YIN NO, ,SNGAR GYI KHA CIG ,LHAN CIG DMIGS NGES KYI RTAGS KYI KHYAB BSGRUB KYI RTAGS MA NGES PA SPANG BA'I LAN SNGA PHYI GNYIS LA 'THAD MI 'THAD KYI KHYAD PAR 'BYED PA NI RANG NYID BLUN PAR STON ZHING TSOGS PAR DBYUNG DU MI RUNG BA'I GTAM MO, ,GSUM PA LA GNYIS, 'DOD PA BRJOD PA DANG, DE SUN DBYUNG BA'O, ,DANG PO NI, SNGON PO DANG DE 'DZIN PA'I DBANG SHES GNYIS LHAN CIG DMIGS NGES SU MA GRUB STE, YUL SNGON PO NI SNGO 'DZIN RNAM PAR SHES PA'I RGYUR NYE BAR GNAS PA'I PHYIR, DE LAS SNGAR DMIGS LA SNGON PO RIG PA

, ,NI PHYIS DMIGS PA YIN NO ZHE NA, 'DI MDO SDE PA'I 'DOD PA MA YIN TE, SNGON PO DANG SNGO 'DZIN SNGA PHYI BA YIN KYANG DMIGS BYED GNYIS GRUB BDE RDZAS GCIG PAR 'DOD PAS GRUB DUS MI GCIG KYANG DMIGS DUS GCIG TU 'DOD PA YIN LA, 'OG NAS 'CHAD PA'I RIGS PAS DE YANG 'GOG PA YIN NO, ,'DOD PA 'DI NI SNGON PO DANG SNGO 'DZIN BYE BRAG SMRA BA LTAR GRUB DUS GCIG PA DANG MDO SDE PA LTAR GRUB DUS MI GCIG PAR 'DOD PA YIN KYANG RUNG DMIGS DUS MI GCIG PAR RANG RIG KHAS MI LEN PA'I 'DOD PA'O, ,GNYIS PA LA GSUM, RTZA BA DANG, 'GREL PA DANG, DON BSDU BA'O, ,DANG PO NI, SNGON PO DMIGS PA'I TSE SNGO 'DZIN MA DMIGS SNGO 'DZIN DMIGS PA'I TSE SNGON PO MA DMIGS PA YIN NA, SNGON PO DMIGS PA'I DUS DE'I TSE CHOS CAN, DON SNGON PO MTHONG BA RAB TU 'GRUB PAR MI 'GYUR BAR THAL, SNGON PO DMIGS PA MNGON SUM GYIS GRUB PA MA YIN PA'I PHYIR, SNGON PO MA GRUB PAR THAL ZHES PA'O, ,DMIGS BYA DANG DMIGS BYED DANG DMIGS PA STE LAS DANG BYED PA DANG BYA BA GSUM GYI BYA BAR GYUR PA'I SNGON PO DMIGS PA DE'I TSE MA GRUB NA SNGON PO MA GRUB PAR 'GYUR LA, SNGON PO DMIGS PA GRUB NA SNGON PO DMIGS BYED KYANG GRUB DGOS PAS DMIGS DUS MI GCIG PA NYAMS SO, ,DON BSDUS NA, SNGON PO DMIGS PA'I TSE SNGON PO DMIGS PA DE MA DMIGS NA SNGON PO DMIGS PA MED PAS SNGON PO MA GRUB PAR 'GYUR LA, DE DMIGS NA RANG RIG MNGON SUM GYIS DMIGS DGOS PAS DMIGS DUS MI GCIG PA NYAMS PA'I DON YIN NO, ,DMIGS DUS GCIG TU NGES

PA NYID KYIS DMIGS BYA GNYIS PO SNGA PHYI BA YIN PA YANG 'GOG PA YIN NO, ,GNYIS PA LA GNYIS, DMIGS DUS GCIG TU BSTAN PA DANG, RIG PA BLO PHYI MA GZHAN GYIS DMIGS PA DGAG PA'O, ,DANG PO LA GNYIS, RANG RGYUD 'PHEN PA'I THAL BA DANG, DON BSDU BA'O, ,DANG PO NI, SNGON PO DMIGS PA'I TSE CHOS CAN, SNGON PO DMIGS PA DE YANG TSAD MA DANG MI LDAN PAS TE TSAD MAS MA GRUB PAR THAL, RANG RIG MNGON SUM GYIS MA GRUB TSAD MA GZHAN GYIS KYANG MA GRUB PA'I PHYIR, 'DOD NA, SNGON PO DMIGS PA CHOS CAN, YOD PA'I RGYU MTSAN CAN GYI THA SNYAD 'JUG PAR MI 'GYUR BAR THAL, TSAD MAS MA GRUB PA'I PHYIR, KHYAB PAR THAL, YOD KYANG TSAD MAS MA GRUB PA LA YOD PA'I THA SNYAD MI RIGS PA'I PHYIR RO, ,THAL BA SNGA MA 'DOD NA, SNGON PO DMIGS PA'I TSE CHOS CAN, DON SNGON PO RAB TU MI 'GRUB PAR THAL, SNGON PO DMIGS PA DE TSAD MAS RAB TU MA GRUB PA'I PHYIR, KHYAB PAR THAL, DMIGS BYED MED PAR YUL YOD PA TZAM GYIS NI YUL DMIGS PA 'JOG NUS PA MA YIN GYI 'ON KYANG YUL DE'I DMIGS PA YOD PAS YIN PA'I PHYIR, DON MA GRUB PA 'DOD NA, 'DI NI SNGON PO'O 'DI NI SNGON PO 'DZIN PA'O ZHES PA'I THA SNYAD THAMS CAD NUB PAR 'GYUR BAR THAL, DE GNYIS KA TSAD MAS MA GRUB PA'I PHYIR, GNYIS PA NI, SNGON PO DMIGS PA'I TSE BYA BA'I NGO BO SNGON PO DMIGS PA TSAD MAS MA GRUB NA, SNGON PO MI 'GRUB LA GRUB NA SNGON PO DMIGS BYED KYANG GRUB DGOS PAS DMIGS DUS GCIG TU KHAS LEN DGOS PA DE'I PHYIR, SNGON PO DMIGS PA'I TSE CHOS CAN, SNGON PO RIG PAR BYED PA ZHES

, ,BYA BA CUNG ZAD KYANG TSAD MAS GRUB PA YOD PA MA YIN PAR THAL, SNGON PO RIG PA 'GA' YANG TSAD MAS MI DMIGS PA'I PHYIR, RTAGS MA GRUB NA, SNGON PO RIG BYED TSAD MAS MA GRUB PA NYAMS SO, ,GONG GI THAL BA PHAL CHER GYIS RANG RGYUD 'PHEN PAR BLTA'O, ,GNYIS PA LA GNYIS, RTZOD PA DANG, LAN NO, ,DANG PO NI, SNGON PO DMIGS PA'I TSE, SNGO 'DZIN MA DMIGS KYANG TSAD MAS MA GRUB PA'I SKYON MED DE, PHYIS KYI RIG PA GZHAN GYIS DMIGS SO ZHE NA, DON NI, RANG RIG MNGON SUM GYIS MA GRUB KYANG DON BZHIN DU PHYIS 'BYUNG GI SHES PA GZHAN GYIS MNGON SUM DU GRUB CES PA'O, ,GNYIS PA LA GSUM, GRUB DUS PHYIN CI LOG TU THAL BA DANG, SKYES BUS DON 'GA' YANG MI RTOGS PAR THAL BA DANG, DMIGS BYA DMIGS BYED DMIGS DUS GCIG PA'I DUS KHAS LEN NA SNGA MA RNAMS LA YANG KHAS LEN RIGS PA'O, ,DANG PO NI, NYES PA DU MA YOD PA RIM CAN DU STON PAS RE SHIG CES PA'O, ,YUL SNGON PO DE RANG MNGON SUM GYIS DMIGS PA'I TSAN NI SNGON PO MA GRUB PAR THAL, SGRUB PA SNGON PO DMIGS BYED TSAD MAS MA GRUB PA'I PHYIR, SNGON PO MED PA'I DUS SKAD CIG GSUM PA NA SNGON PO GRUB PAR THAL, GZHAN SNGO 'DZIN DMIGS PA'I DUS SU NI SNGON PO DMIGS BYED TSAD MAS GRUB PA'I PHYIR, DES NA SNGON PO GRUB DUS LEGS PAR THA SNYAD DU BYAS PA STE PHYIN CI LOG TU THAL, SNGON PO RANG NYID TSAD MAS DMIGS KYANG DMIGS BYED YOD PA DE'I TSE NI RANG MA GRUB LA PHYIN CI LOG TU RANG NYID MED PA'I DUS GZHAN GYI TSE NI RANG NYID GRUB BO ZHES SMRAS PA'I PHYIR, GNYIS

PA NI, SNGO 'DZIN DMIGS BYED DE YANG DMIGS PA PHYI MA GZHAN GYI RJES SU 'BRANGS NAS RTOGS DGOS PAR THAL, SNGON PO RIG PA YANG RANG RIG MNGON SUM GYIS MA GRUB PAR TSAD MA PHYI MA GZHAN GYIS DMIGS DGOS LA SNGO 'DZIN DMIGS BYED DE YANG TSAD MAS MA GRUB NA NI SNGON PO RIG PA'I SGRUB PAR BYED PA TSAD MA MA YIN PA'I PHYIR, 'DOD NA, SNGON PO RTOGS PA'I SKYES BU 'DI CHOS CAN, KHYOD KYIS SNGON PO RTOGS PA RE SHIG DMIGS PA PHYI MA RANG MTHAR THUG PA TSAD MAS GRUB PA LA SDOD CING LTOS PAR THAL, SNGON PO RTOGS PA SNGO 'DZIN RTOGS PA LA LTOS DE RTOGS PA SHES PA PHYI MA GZHAN RTOGS PA LA LTOS DGOS PA DE'I PHYIR, 'DOD NA, DON 'GA' YANG RTOGS PAR MI 'GYUR BAR THAL, 'DOD PA DE'I PHYIR, KHYAB PA YOD PAR THAL, BLO SNGA MA LA BRTEN NAS PHYI MA SKYE BA'I DMIGS PA THAMS CAD KYI SKYE BA LA YANG DE PHYIN CHAD MI SKYE BA'I MTHAR THUG PA MED PA'I PHYIR, 'DOD NA, 'GRO BA MA LUS PA LONG BA DANG LKUG PAR 'GYUR BAR THAL, 'DOD PA DE'I PHYIR, THAL BA GONG MA'I KHYAB PA YOD DE, SHES PA GCIG RANG RIG MNGON SUM GYIS MA GRUB NA SHES PA THAMS CAD MI 'GRUB PA'I PHYIR RO, ,GSUM PA NI, THUG MED DU THAL BA'I SKYON MED DE, SHES PA PHYI MA GCIG GI YUL DANG YUL CAN GNYIS KA'I DMIGS BYED RDZAS GCIG TU SKYE BAS SHES PA PHYI MA 'GA' ZHIG TU DMIGS BYED PHYI MA LA LTOS MI DGOS PAR MTHAR THUG PA YIN NO ZHE NA NI, 'O NA SHES PA SNGA MA GZHAN YANG YUL DMIGS PA DANG YUL CAN DMIGS PA GRUB BDE RDZAS GCIG PA DE BZHIN DU 'GYUR TE, SHES PA PHYI MA DE RANG GI

, ,BDAG NYID DANG YUL GYI RNAM PA CIG CAR GRUB BDE RDZAS GCIG TU DMIGS PA'I PHYIR, KHYAB PAR THAL, SHES PA SNGA PHYI LA RANG RIG YOD MED SO SOR 'BYED PA'I BYE BRAG GI RGYU MTSAN MED PA'I PHYIR RO, ,GSUM PA NI, SNGON PO DANG SNGO SNANG SHES PA CHOS CAN, LHAN CIG DMIGS PA NGES PAR 'GRUB STE, DE LTAR MIN PA LA SNGAR BSHAD PA'I NYES PA DE DAG TU 'GYUR BA DE'I PHYIR, SNGON PO SNGAR RTOGS LA SNGO 'DZIN PHYIS RTOGS PA'I SNGA PHYI'I RIM PA MI RIGS PAR THAL, DE GNYIS SHES PA RDZAS GCIG GI MYONG BYA DANG SGRO 'DOGS GCAD PAR BYA BA YIN PA'I PHYIR, KHYAB PAR THAL, DE LA RTOGS PA SNGA PHYI'I KHYAD PAR MED PA'I PHYIR RO, ,GNYIS PA LA GSUM, GSAL ZHING RIG PA'I RTAGS KYI KHYAB PA BSGRUB PA DANG, RTAGS DGOD PA DANG, RNAM RIG PA'I TSAD 'BRAS LEGS PAR GRUB PA'O, ,DANG PO NI, SNGO 'DZIN MNGON SUM GYIS SNGON PO RIG PA ZHES BYA BA YANG RANG MYONG BYED KYI BDAG NYID DU GYUR PA DE LTAR GSAL BA YIN TE, RANG MYONG BYED DE'I BDAG NYID DU GYUR PA'I SGO NAS GSAL BA THUN MONG MA YIN PA'I SGO NAS CHOS YIN PA'I PHYIR, DON BSDUS NA, SNGON PO CHOS CAN, SNGO 'DZIN GYI BDAG NYID DU GYUR PA DE LTAR GSAL BA YIN TE, SNGON 'DZIN LA GSAL BA GANG ZHIG RANG LAS DON GZHAN LA GSAL BA MI 'THAD PA'I PHYIR, RIG PA DE NYID GSAL BA'I NGO BO YIN KYANG MYONG BYA MYONG BYED DE'I BDAG NYID KHO NAR GSAL GYI RDZAS GZHAN MA YIN PA DE GA LAS SHES SHE NA, GSAL ZHING RIG PA DE CHOS CAN, RANG LAS RDZAS GZHAN 'GA' ZHIG GI NI MYONG BYED MA YIN TE,

KHYOD KYI MYONG BYA KHYOD RANG LAS DON GZHAN DU MI 'THAD PA'I PHYIR, DPER NA MDO SDE PA KHYOD RANG LA GRAGS PA'I SHES PA RANG GI BDAG NYID RIG PA 'DZIN PA'I RNAM PA DE'I MYONG BYAR GSAL BA DE MYONG BYED RANG GI BDAG NYID DU GSAL BA BZHIN NO, ,GNYIS PA LA GNYIS, DNGOS DANG, DES GRUB PA'I DON TO, ,DANG PO NI, SNGON PO DE NI CHOS CAN, SNGO 'DZIN DBANG SHES LAS DON GZHAN DU RIGS PA MA YIN TE, SNGO 'DZIN DBANG SHES DES GSAL BAR MYONG ZHING RIG PA DE'I PHYIR, DPER NA DBANG SHES LA ZLA BA GNYIS SU GSAL BAR SNANG BA BZHIN NO, ,YANG GI SGRAS LHAN CIG DMIGS NGES SU MA ZAD GSAL ZHING RIG PA'I GTAN TSIGS 'DIS KYANG GZUNG 'DZIN RDZAS THA DAD KHEGS PA'O, ,GNYIS PA NI, SNGON PO LA SOGS PA CHOS CAN, SNGO 'DZIN LAS RDZAS GZHAN MA YIN TE, SNGO 'DZIN GYIS GSAL BAR NYAMS SU MYONG BAR 'GYUR BA'I PHYIR, KHYAB PAR THAL, SNGON PO LA SOGS PA MYONG BA SNGO 'DZIN LAS DON GZHAN MA YIN PAR DE'I BDAG NYID YIN NA NI, SNGO 'DZIN DE'I BDAG NYID DU GYUR PA DE LTAR GSAL BA 'THAD KYI RDZAS GZHAN YIN NA GSAL BAR MYONG BA MI 'THAD PA'I PHYIR, GNYIS SNANG GI SHES PA CHOS CAN, DE LTAR YUL SNANG BA NA YANG RANG DANG GZHAN GSAL BAR BYED PAR 'GYUR BA'I RGYU MTSAN YOD DE, MA RIG PAS BSLAD PA GANG ZHIG GSAL BA DE'I BDAG NYID YIN PA'I PHYIR, 'THAD LDAN DU MA RIG PAS BSLAD PAS GNYIS KA GSAL BAR BYED PAR SNANG BA YIN NO ZHES BSHAD PA LTAR PHYI ROL LA SOGS PA MED PA GSAL BAR SNANG BA NI MA RIG PAS BSLAD

, ,PA'I DBANG GIS YIN LA, MA RIG PA'I BSLAD PA DANG BRAL NA SHES PA RANG GI RDZAS MA GTOGS PA DNGOS PO LA MI GNAS PA GZUNG YUL DU GSAL BA MI SRID PAR SHES PAR BYA'O, ,GSAL BA'I NGO BOR SKYES NA RANG DANG GZHAN GNYIS KA GSAL BAR BYED NUS PA NI DPER NA SGRON ME GSAL BA BZHIN NO, ,GSUM PA LA GSUM, RANG RIG GI TSAD 'BRAS NGOS BZUNG BA DANG, RANG RIG GI TSAD 'BRAS 'THAD PA GZHAN LA GRAGS PA'I DPE BSTAN PA DANG, RANG RIG GI TSAD MA'I MING GI RNAM GRANGS BSTAN PA'O, ,DANG PO NI, GTAN TSIGS GNYIS LA BRTEN NAS GZUNG BYA DON GZHAN KHEGS PA DE'I PHYIR, GSAR DU MI SLU BA'I SHES PAR GYUR PA'I 'DZIN PA'I RNAM PA DE CHOS CAN, RANG RIG PA'I MNGON SUM TSAD MA DE'I SGRUB PAR BYED PAR 'DOD DE, 'DZIN PA'I RNAM PA DE LAS SNGO 'DZIN DBANG SHES SOGS LA YOD PA'I MYONG BA'I CHA 'DI RANG RIG MNGON SUM TSAD MA DE'I DNGOS POR RNAM PAR 'JOG PA'I PHYIR RO, ,GNYIS PA NI, KHYED RNAM PAR SHES PAR SMRA BA LA GZUNG 'DZIN RDZAS THA DAD PA MED PAS SHES PA GCIG LA GZUNG 'DZIN RIG PA GSUM MI 'THAD DO ZHE NA, SHES PA RDZAS GCIG LA TSAD 'BRAS GZHAL GSUM MI 'THAD PA'I SKYON MED PAR THAL, DPER NA MDO SDE PA KHYOD RANG 'DOD CHAGS SOGS GZHAL BYAR BYAS PA'I TSE DE TSOR ZHING MYONG BA'I 'DZIN PA'I RNAM PA TSAD MA DANG RANG RIG 'BRAS BUR 'DOD PA BZHIN DU, RNAM RIG PA'I LUGS LA YANG 'THAD PA'I PHYIR, DER THAL, MDO SDE PA'I LUGS DER SHES PA RANG GI BDAG NYID YUL DU BZHAG

PA NA RDZAS GCIG LA GZHAL BYA DANG 'JAL BYED DANG 'BRAS BU GSUM DU GNAS PA 'DI NI RNAM RIG PA'I LUGS LA YANG SHES PA KUN LA'ANG SBYAR BAR BYA BA YIN PA'I PHYIR, MDO SDE PA'I LUGS DE NYID SGRUB PA NI MDO SDE PA'I LUGS DE LA'ANG 'DOD CHAGS SOGS DE DAG CHOS CAN, RANG GI BDAG NYID 'DZIN PA'I RNAM PA DES MYONG BAR RUNG STE, MYONG BYED 'DZIN PA'I RNAM PA DES NYAMS SU MYONG BA'I BDAG NYID YIN PA'I PHYIR, GTAN TSIGS DE'I PHYIR 'DOD CHAGS MYONG BAR BYED RUNG NYID DE TSAD MA 'DOD CHAGS RANG GI BDAG NYID GZHAL BYA 'DOD CHAGS RIG PA'I RANG RIG 'BRAS BU YIN PA BZHIN NO, ,YANG NA RNAM PAR SHES PAR SMRA BA'I LUGS DE LA'ANG BSHAD DE TSIGS BCAD DANG POS MDO SDE PA LA GRAGS PA'I DPE BKOD NAS, RNAM RIG PA'I BZHED PA LA YANG SHES PA KUN LA SBYAR RIGS PAR BSTAN NAS, TSIGS BCAD GNYIS PA'I RKANG PA DANG PO GNYIS KYIS SHES PA RDZAS GCIG LA TSAD 'BRAS 'THAD PAR BSGRUB PA DANG, RKANG PA PHYI MA GNYIS KYIS TSAD 'BRAS KYI RNAM GZHAG NGOS 'DZIN PA RNAM RIG PA'I LUGS BSHAD PA DANG 'CHAD TSUL GNYIS LA 'THAD LDAN DU SBYAR RO, ,GSUM PA NI, GSAR DU MI SLU BA'I SHES PAR GYUR PA'I 'DZIN PA YI NI RNAM PA DANG SHES PA RANG GI BDAG NYID LA DMIGS NAS MYONG BAR BYED PAR RUNG BAR BRJOD PA YI SHES PA DANG NANG DU YONGS SU GCOD PA'I BDAG NYID DE CHOS CAN, KHYOD RNAMS MING THA DAD TZAM MA GTOGS RDZAS THA DAD MA YIN TE, RANG BDAG RIG PAR TE RANG RIG MNGON SUM TSAD MA DE'I 'JOG BYED TSAD MAR BRJOD RIGS PA'I PHYIR, SLOB DPON

, ,PHYOGS KYI GLANG POS RANG RIG TSAD MAR BSHAD PA DANG 'DIR RANG RIG 'BRAS BUR BZHAG PA 'GAL LO ZHE NA, RANG RIG LA BYA BYED GSUM DU YOD PAS 'DI RIG PAR BYA BA DANG 'DIS RIG PAR BYED PA DANG RIG BYED 'DIS RIG BYA 'DI RIG PA GSUM GYI DANG PO NI KHA PHYI NANG DU BLTAS PA'I SHES PA KUN YIN LA DE NI LAS SU GYUR PA'I GZHAL BYA'O, ,GNYIS PA NI, SHES PA KUN 'JAL BYED 'DZIN RNAM DE'I BYED PA'I CHA STE, SLOB DPON PHYOGS KYI GLANG POS TSAD MAR BSHAD PA NI DE YIN LA, 'DIR 'BRAS BUR BZHAG PA NI DES SHES PA KUN RIG CING RTOGS PA'I BYA BA'I CHA DE NYID YIN PAS RDZAS GCIG LA BYA BYED THA DAD PA GSUM MI 'GAL ZHING 'THAD PAR BSHAD PA'I PHYIR RO, ZHES BYA BA NI 'PHROS DON TSIGS BCAD DU BSDEBS PAS BAR SKABS KYI TSIGS SU BCAD PA'O, ,GSUM PA DE DAG GIS GRUB PA'I DON LA GNYIS, RTZA BA DANG, 'GREL PA'O, ,DANG PO NI, PHYI DON MED MOD KYI YOD DU CHUG KYANG SNGO 'DZIN MNGON SUM LA SNANG BA'I DON SNGON PO DANG DE 'DZIN PA'I BLO SNGO 'DZIN DAG RDZAS THA DAD MIN TE, DE DAG RDZAS THA DAD PA SNGAR BSHAD PA'I GTAN TSIGS GNYIS KYIS KHEGS PA DE'I PHYIR, PHYI ROL YOD PA RANG RGYUD DU BYAS PA MA YIN TE, DE LTA NA PHYI ROL YOD KYANG PHYI ROL MED CES 'BREL MED DU 'GYUR BAS SO, ,DES NA MDO SDE PAS PHYI ROL DON DU 'DOD PA'I SNGON PO DE ZHES PA DANG, PHYI ROL DON YOD DU CHUG NA YANG ZHES DE BRTAG PA MTHA' BZUNG GI TSUL BYIS RE SHIG BTANG SNYAMS SU BYAS NAS SNGON PO DANG DE'I BLO RDZAS THA DAD BKAG STE PHYI ROL GYI DON YOD MED SOMS SHIG CES PA'I DON TO, ,GNYIS PA

NI, PHYI ROL GYI DON MED MOD YOD DU CHUG KYANG SNGON PO LA SOGS PA DANG DE RIG PA DBANG PO'I MNGON SUM DAG RDZAS THA DAD PA MED PAR GRUB STE, DE LTAR LHAN CIG DMIGS PA NGES PA'I RTAGS DANG GSAL ZHING RIG PA'I RTAGS DAG GIS GRUB PA'I PHYIR, GANG DAG SEMS TZAM PA THA SNYAD DU PHYI ROL GYI DON YOD PAR 'DOD CES SMRA BA NI CHES MI RIGS TE, PHYI ROL GYI DON THA SNYAD DU YOD PA DE DON BYED NUS PA YIN NAM, RTOG PAS BTAGS TZAM YIN, DANG PO LTAR NA, SGRO MA BTAGS PAR 'BRAS BU SKYED NUS PA DE NYID BDEN PAR YOD PAR ZHAL GYIS BZHES KYI, DE THA SNYAD TZAM DU YOD LA DON DAM PAR MED DO ZHES GANG DU YANG MA GSUNGS PA'I PHYIR RO, ,GNYIS PA LTAR NA, DON BYED NUS STONG GI KHYAD PAR LA PHYI ROL DON DU 'DOD PA NI RANG NYID SHIN TU BLUN PAR STON PA YIN NO, ,GZHAN YANG THA SNYAD DU YOD PAR 'DOD PA'I PHYI ROL GYI DON DE'I MTSAN GZHI GANG YIN, SNGON PO LA SOGS PA'O ZHE NA, ,DE LTA NA SNGO 'DZIN DBANG PO'I MNGON SUM GYI GZUNG NGOR SNGON PO PHYI ROL GYI DON DU SNANG LA, SNANG BA LTAR PHYI ROL GYI DON DU GRUB NA, GZUNG BYA GZHAN LA DE LAS KYANG MA 'KHRUL BAS DE GZUNG YUL LA CUNG ZAD KYANG MA 'KHRUL BAR 'GYUR LA, DE LTA NA BLO MA 'KHRUL BA'I GZUNG NGOR YOD PA DE THA SNYAD TZAM DU YOD KYI DON DAM PAR MED DO ZHES ZER BA NI RANG NYID RNAL 'BYOR SPYOD PA PA'I GRUB MTHA' CUNG ZAD KYANG MI SHES PA GSAL BAR BSGRAGS PA YIN NO, ,DES NA PHYI ROL GYI DON THA SNYAD DU YANG MI SRID PAR ZHAL GYIS BZHES PA YIN NO, ,BLO 'KHRUL PA'I NGO TZAM DU YOD PA LA THA SNYAD DU YOD PA'I DON DU BYAS

, ,NAS THA SNYAD PA'I TSAD MA'I GZHAL BYA LA DON DAM PA'I TSAD MAS GNOD PAR 'DOD PA NI BDEN GNYIS KYI RNAM DBYE LA MI MKHAS PA KHYI GCONG RO 'DON PA DANG 'DRA BA YIN NO, ,GSUM PA DES NA BLO TSUL GNYIS SU BSGRUB PA LA GSUM, DNGOS KYI DON DANG, PHYI ROL YOD PA'I SGRUB BYED DGAG PA DANG, ,THA SNYAD PA'I TSAD MA'I RNAM GZHAG BYAS PA'I DGOS PA BSTAN PA'O, ,DANG PO LA GNYIS, RTZA BA DANG, ,'GREL PA'O, ,DANG PO NI, SNGO 'DZIN MNGON SUM LA SOGS PA'I BLO NI RANG NYID KYI RDZAS LA GZUNG BYA DANG 'DZIN BYED THA DAD PA'I TSUL GNYIS PA CAN DU GRUB PA YIN TE, SNGAR BSHAD PA'I RTAGS GNYIS KYIS PHYI ROL GYI DON KHEGS PA DES NA'I PHYIR, TSAD MA MDOR, YUL SHES PA YI SHES PA YI, ,BYE BRAG LAS NI TSUL GNYIS NYID CES BSHAD PA'I DON YANG RANG RIG MNGON SUM LA TSUL GNYIS YOD PAR STON PA DANG, YANG KHA CIG RANG RIG GI TSUL DANG GZHAN RIG GI TSUL GNYIS SU BYED PA YANG SKABS KYI DON MA YIN TE, DRAN SHES LA YUL GYI RNAM PA DANG BLO'I RNAM PA GNYIS SHAR NAS DRAN SHES SNGA MA SNGA MA LAS PHYI MA PHYI MA GZUNG RNAM RE RE LHAG PAR RNAM 'GREL LAS BSHAD PA NI DRAN YUL LA GZUNG 'DZIN GYI TSUL GNYIS YOD PA'I RGYU MTSAN STON PA YIN NO, ,DES NA PHYI ROL GYI DON MED NA SNGON PO GZUNG BYAR LOGS SU CHAD PA DANG SNGO 'DZIN 'DZIN BYED DU LOGS SU CHAD PAR SNANG BA 'DI JI LTAR YIN CE NA, SHES PA GCIG GI RDZAS LA GZUNG 'DZIN GYI TSUL GNYIS PA CAN DU GRUB PA YIN NO, ,GNYIS PA NI, PHYI ROL GYI DON MED NA GZUNG 'DZIN MI 'THAD PA'I SKYON MED PAR

THAL, PHYI ROL GYI DON MED KYANG SNGON PO LA SOGS PA'I YUL DANG SNGO 'DZIN LA SOGS PA'I SHES PA'I RANG BZHIN DAG GI BLO'I RDZAS GCIG LA GZUNG 'DZIN GYI TSUL GNYIS SU GRUB PA YIN PA'I PHYIR, DER THAL, SNGON PO GZUNG BYA DANG SNGO 'DZIN 'DZIN BYED DU TSAD MAS 'THAD LA PHYI ROL GYI DON KHEGS PA DE'I PHYIR, ,GNYIS PA LA GSUM, SLOB DPON GYIS GZU BOR GNAS PA'I MDO SDE PA'I LUGS BRJOD PA DANG, DMIGS RKYEN KHAS LEN PA PHYI ROL KHAS LEN PA LA BLTOS MI DGOS PA DANG, DGOS PA'I RTZOD SPONG NGO, ,DANG PO NI, GAL TE SNANG BA'I YUL GYI RNAM PA SNGON PO LA SOGS PA SNGO 'DZIN LA SOGS PA'I BLO LAS RDZAS THA MI DAD RIGS PAS GRUB PAS DE LA MDO SDE PA KHYOD KYIS LAN GDAB MI NUS LA, DE LTA NA YANG KHYOD LA SNGO 'DZIN DE LAS RDZAS THA DAD PA SNGON PO YOD DO ZHES BYA BA RGYU MTSAN GANG LAS SHES ZHES GZHAN GYIS 'DRIN, KHYOD KYI LAN 'DIR ZAD PA PHYI ROL YOD DE, SNGO 'DZIN DBANG SHES RES 'GA' SKYE YANG DBANG PO DANG YID BYED NUS LDAN DU YOD PA'I SKABS 'GAR SKYE BA LDOG PA'I RTAGS LAS 'GRUB PAR 'GYUR TE, RTAGS DE LAS RGYU GZHAN GCIG YOD PAR GRUB LA DE YANG PHYI ROL GYI DON YIN NO, ,DE NYID BSHAD PA NI SNGO 'DZIN DBANG SHES BSKYED NUS PA'I RGYU GZHAN NUS LDAN DU YOD KYANG SKABS 'GAR 'BRAS BU SNGO 'DZIN DBANG PO'I SHES PA MI SKYE NA DE LA RGYU GZHAN ZHIG YOD PA MA TSANG BAR STON PA YIN LA RGYU GZHAN DE YANG PHYI'I DON YIN NO, ,DE'I RGYU MTSAN SNGO 'DZIN DBANG SHES DE LA RKYEN GSUM GYIS BZHAG PA'I LAG RJES GSUM LAS MED LA, YUL GYI RNAM PA'I CHA DE DBANG PO'I LAG RJES YIN NA MIG DBANG GCIG GIS KHA

, ,DOG MI 'DRA BA DU MA 'DZIN PA'I DBANG SHES KYI BDAG RKYEN BYED MI NUS PAR 'GYUR LA, DE MA THAG RKYEN GYIS BZHAG PA'I LAG RJES YIN NA MYONG BA'I CHA'I LAG RJES 'JOG BYED MED PAR 'GYUR ZHING, YID SHES GCIG GIS DBANG SHES LNGA DUS GCIG TU SKYE BA'I DE MA THAG RKYEN BYED MI NUS PAR 'GYUR BAS, DES NA PHYI ROL GYIS BZHAG PA'I LAG RJES SU KHAS LEN DGOS PAS PHYI ROL YOD PAR GRUB BO SNGON PO SNGO 'DZIN DBANG SHES KYI DMIGS RKYEN MA YIN NA DE LA DMIGS RKYEN MED PAR 'GYUR LA, YIN NA RGYU 'BRAS RDZAS THA DAD KYIS STONG PA GRANGS CAN GYI LUGS KHAS BLANGS PAR 'GYUR ZHES ZER TO, ,GZHUNG 'DI DAG NI RANG LUGS MA YIN GYI SLOB DPON GYIS GZU BOR GNAS PA'I MDO SDE PA'I PHYI ROL YOD PA'I SGRUB BYED 'DI TZAM DU ZAD LA, RGYU MTSAN DE DAG NI MA NGES SO ZHES STON PA YIN NO, ,GNYIS PA LA GNYIS, TSIG DON DANG, RKYEN GSUM NGOS BZUNG BYA'O, ,DANG PO NI, GAL TE KHYOD KYIS BKOD PA'I RTZOD PA DE LA 'DIR RNAM PAR SHES PAR SMRA BA 'GA' ZHIG DBANG YID NUS LDAN DU YOD PA'I SKABS 'GAR DBANG SHES MI SKYE BA DE DON SNANG GI BAG CHAGS SAD BYED KYI NYE BAR LEN PA'I KHYAD PAR TSANG BA MED PAS 'BRAS BU DBANG SHES SKYE BA LDOG PAR MI SMRA NA NI PHYI ROL 'GRUB PAR 'GYUR NA YANG PHYI ROL MED PAS DBANG SHES SKYE BA LOG PA MA YIN GYI, DON SNANG GI BAG CHAGS SAD BYED KYI NYER LEN GYI KHYAD PAR MA TSANG BAS YIN NO, ,DBANG YID NUS LDAN DU YOD PA'I SKABS 'GAR SNGO 'DZIN DBANG SHES MI SKYE BA'I RTAGS LAS PHYI ROL GYI SNGON PO 'GRUB PA MA YIN PAR THAL,

PHYI ROL MED KYANG DBANG YID NUS LDAN DU YOD PA'I SKABS 'DIR [?] DE MA SKYES PA DON SNANG GI BAG CHAGS SAD BYED KYI NYER LEN GYI KHYAD PAR MA TSANG BAS MA SKYES PA YIN PA'I PHYIR, GNYIS PA NI, DMIGS BRTAG TU, GCIG CHA 'ANG MI 'KHRUL PHYIR NA RKYEN, ZHES DANG, YANG NA NUS PA 'JOG PHYIR RIMS KYIS YIN, CES SNANG BA'I DMIGS RKYEN DANG, NUS PA 'JOG PA'I DMIGS RKYEN GNYIS BSHAD DE, DANG PO NI, SNGO 'DZIN DBANG SHES LA DNGOS SU SNANG BA'I SNGON PO YIN TE, DE LA DMIGS NAS RJES SU 'GRO LDOG MI 'KHRUL BA LA DMIGS RKYEN DU BTAGS PA YIN GYI, DE'I DMIGS PA YIN KYANG RKYEN MIN NO, ,GNYIS PA NI, SNGO 'DZIN DBANG SHES DE'I DE MA THAG RKYEN GYI STENG NA YOD PA'I SNGON PO'I RNAM LDAN DU BSKYED PA'I LAG RJES 'JOG BYED YIN TE, DE MA THAG RKYEN DANG NGO BO GCIG LA LDOG PA THA DAD PA YIN TE, MYONG BA'I CHA'I LAG RJES 'JOG PA DANG YUL GYI RNAM PA'I CHA'I LAG RJES 'JOG PA'I KHYAD PAR RO, ,BDAG RKYEN NI MIG DBANG GZUGS CAN PA STE GZUGS KYI PHUNG PO KHAS BLANGS NA PHYI ROL GYI DON KHAS LEN DGOS SO ZHES SMRA BA NI SEMS TZAM PA'I LUGS LA MI MKHAS PA'I MU COR SMRA BA YIN NO, ,GSUM PA LA GNYIS, RTZOD PA DANG, LAN NO, ,DANG PO NI, RIGS PA SMRA BA DE YANG DBANG SHES 'KHRUL PA LA DMIGS RKYEN KHAS MI LEN PA BDEN YANG DBANG SHES MA 'KHRUL PA'I RKYEN YANG BKAG NAS SHES PA THAMS CAD KYI DMIGS YUL BZLOG PA NA BSLAD PA DANG CIG SHOS SU STE TSAD MA DANG TSAD MA MA YIN PA'I KHYAD PAR DBANG SHES LA YOD PA JI LTAR SMRA STE KHYAD PAR MED PA'I PHYIR RO ZHE NA, GNYIS PA NI, ZLA BA GNYIS

, ,SNANG GI DBANG SHES LA SOGS PA TSAN PA GCIG NI TSAD MA MA YIN PAR BRJOD RIGS TE, GRUB MTHAS BLO MA BSGYUR BA'I MI MKHAS PAS KYANG DBANG SHES DE DAG GIS BZHAG PA'I ZLA BA GNYIS YOD PA LA SOGS PA'I THA SNYAD LA YID BRTAN DU MED PAR MNGON SUM GYIS MTHONG BA'I PHYIR, GRUB MTHAS BLO MA BSGYUR BAS KYANG THA SNYAD DE DAG LA YID BRTAN MI RUNG BAR RTOGS PA'I RGYU MTSAN YOD DE, 'PHRAL GYI 'KHRUL RGYUS NYE BAR BSLAD PA'I SKYON GYIS DER SNANG GI BAG CHAGS KYI MTSAMS SBYOR BA BRTAN PO MED PA'I RGYU MTSAN GYIS YIN PA'I PHYIR, DE NI NYON MONGS CAN MA YIN PA'I MA RIG PA THOG MA MED PA NAS GCIG NAS GCIG TU BRGYUD DE 'ONGS PA DES BSLAD PA TZAM DU MA ZAD PAR GLO BUR BA'I 'KHRUL RGYUS BSLAD PA'I STOBS KYIS DE MA THAG PHYIN CI LOG TU NGES NUS PAS CHAD MA MA YIN PAR BZHAG GO ,GZHAN CHU 'DZIN DBANG SHES CHOS CAN, SKABS 'DIR TSAD MA YIN TE, DES BZHAG PA'I CHU YOD PA'I THA SNYAD LA JI LTAR BZHAG PA LTAR MI SLU BA LA BLTOS NAS DE TSAD MAR BZHAG PA'I PHYIR, DES JI LTAR BZHAG PA'I DON LA MI SLU BA YIN TE, DE SGRO 'DOGS GSAR DU GCOD NUS KYI BAG CHAGS BRTAN PA'I DBANG SHES YIN PA'I PHYIR, BAG CHAGS BRTAN PA YIN TE, 'KHOR BA JI SRID PAR SANGS RGYAS MA THOB BAR DU DE TSAD MAR YID BRTAN DU RUNG BA'I BAG CHAGS MI 'BRAL BAR RJES SU 'BREL PA YIN PA'I PHYIR, GSUM PA LA GSUM, DNGOS KYI DGOS PA DANG, BRGYUD PA'I DGOS PA DANG, DGOS PA DE YANG ZUR TZAM BSTAN PA'O, ,DANG PO NI, BSTAN BCOS TSAD MA

RNAM PAR NGES PA 'DIR DON DAM PA'I TSAD MA 'BA' ZHIG GI DBANG DU BYAS PA MA YIN TE, 'DIR BSHAD PA 'DI NI KUN TU THA SNYAD PA'I TSAD MA'I RANG BZHIN BRJOD PA YIN PA'I PHYIR, 'DIR THA SNYAD PA'I TSAD MA RGYAS PAR BSHAD PA LA DGOS PA YOD DE, DON DAM PA'I TSAD MA THOB PA'I THABS SU GYUR PA'I THA SNYAD PA'I TSAD MA 'DI LA YANG PHA ROL GRANGS CAN LA SOGS PA RANG NYID RMONGS PA TZAM DU MA ZAD RNAM GROL DON GNYER GYI 'JIG RTEN BSLU BAR BYED PA RJES SU BZUNG BA'I CHED DU YIN PA'I PHYIR RO, ,'DIR 'THAD LDAN DU DON DAM PA'I TSAD MA MI RTAG SDUG BSNGAL SOGS MNGON SUM DU RTOGS PA'I RNAL 'BYOR MNGON SUM GYI ZLAS DRANGS PA LA BLTOS NAS SO SO SKYE BO'I TSAD MA KUN LA MDZAD LA, BDEN PA GNYIS GTAN LA 'BEBS BYED SO SOR NGES PA'I DBANG DU BYAS NA GZUNG 'DZIN RDZAS THA DAD KYIS STONG BAR RTOGS PA'I TSAD MA DON DAM PA'I TSAD MA DANG, DE LAS GZHAN PA'I TSAD MA THA SNYAD PA'I TSAD MA'O, ,THA SNYAD PA'I TSAD MA GTAN LA PHAB PAS RNAM GROL DON DU GNYER BA'I SKYES BU BSLU BAR BYED PA'I GRUB MTHA' LTAR SNANG RNAMS JI LTAR BZLOG PAR NUS SHE NA, DE LA SPYIR RTZA BA SHES RAB LAS, THA SNYAD LA NI MA BRTEN PAR, ,DAM PA'I DON NI RTOGS MI 'GYUR, ,DAM PA'I DON NI MA RTOGS NA, ,MYA NGAN 'DAS PA THOB MI 'GYUR, ZHES GSUNGS PA DANG, DBU MA SNYING POR, YANG DAG KUN RDZOB RNAMS KYI SKAS, ,MED PAR YANG DAG KHANG PA YI, ,STENG DU 'GRO BAR BYA BA NI, ,MKHAS LA RUNG BA MA YIN NO, ZHES BSHAD PA DANG, RNAM 'GREL DU, CHOS DANG CHOS CAN RNAM GZHAG DANG, ,THA DAD THA DAD MIN CI 'DRA, ,DE

, ,NYID DON NI MA BRTAGS PAR, ,'JIG RTEN JI LTAR GRAGS DE LA, ,DE BZHIN KHO NAR BRTEN NAS NI, ,BSGRUB BYA BSGRUB PA KUN BZHAG PA, ,DAM PA'I DON LA 'JUG BYA'I PHYIR, ,MKHAS PA RNAMS KYIS BYAS PA YIN, ZHES GSUNGS PA RNAMS SPROS PA GCOD PA'I DGAG BYA LA PHRA RAGS KYI KHYAD PAR YOD PA MA GTOGS PA DON DAM PA'I TSAD MA THOB PA'I THABS THA SNYAD PA'I TSAD MA PHYIN CI MA LOG PA KHONG DU CHUD PA LA BLTOS DGOS PA SHING RTA CHEN PO KUN GYI BZHED PAR 'DRA BA YIN NO, ,DES NA 'DIR YANG THA SNYAD PA'I TSAD MA PHYIN CI MA LOG PA RGYAS PAR GTAN LA PHAB PA YIN LA, SLOB DPON PHYOGS KYI GLANG POS, GZHAN SDES BTAGS PA'I TSAD MA DANG GZHAL BYA'I NGO BO DANG GRANGS DANG 'JUG TSUL RNAMS RIGS PAS LEGS PAR BKAG NAS DON DAM PA'I TSAD MA DON DU GNYER BA'I RNAM GROL DON GNYER DAG THA SNYAD PA'I TSAD MA 'DI LTA BU'I RJES SU 'JUG PAR BYA'O ZHES GSUNGS PA'I DGONGS PA 'DIR GSAL BAR GTAN LA 'BEBS PA YIN NO, ,THA SNYAD TSAD MA'I PHYOGS TZAM ZHIG ,MA MTHONG KHONG DU MA CHUD PAR, ,RNAM GROL DON DU GNYER RO ZHES, ,SMRA BA MUN PA'I RNGO 'PHEN YIN, ,BAR SKABS KYI TSIGS SU BCAD PA'O, ,GNYIS PA NI, THA SNYAD PA'I TSAD MA RGYAS PAR GTAN LA PHAB PA LA DGOS PA YOD DE, ,DON DAM PA'I TSAD MA MNGON DU BYED PA'I CHED DU YIN PA'I PHYIR, DON DAM PA'I TSAD MA JI LTA BU ZHE NA, MI RTAG PA DANG SDUG BSNGAL BA DANG STONG PA DANG BDAG MED PA RNAMS LA BLTOS NAS DE MA YIN LA DER 'DZIN GYI RNAM PAR 'KHRUL PAS DBEN ZHING RNAM

PAR RTOG PA'I DRI MA MED LA SPANG BYA KUN BRTAGS KYI SA BON SPANGS PAS LDOG PA MED PA'O, ,NYAN RANG 'PHAGS PA RNAMS KYIS NYON SGRIB KUN BRTAGS DANG LHAN SKYES KYI SA BON CI RIGS SU SPANGS PA YIN LA, SA DANG PO NAS BZUNG STE SHES SGRIB KYI SA BON YANG CI RIGS SU SPANGS LA THEG PA GSUM KAR GYI GANG ZAG GIS NYON SGRIB KYI SA BON ZAD PAR SPANGS NAS SLAR 'KHOR BAR LDOG PA MED PA YIN NO, ,DON DAM PA'I TSAD MA DE YANG CHOS CAN, RGYU MED PA DANG MI MTHUN PA'I RGYU LAS SKYES PA MA YIN TE, MI RTAG PA DANG SDUG BSNGAL DANG BDAG MED SOGS DON SPYI'I TSUL GYIS RTOGS PA'I BSAM PA LAS BYUNG BA NYID KYI SHES RAB GOMS PAR BYAS PAS 'BYUNG BA'I PHYIR, DBANG PO'I MNGON SUM DANG RANG RIG PA'I MNGON SUM GYIS RTAGS KYI TSUL RNAMS MTHAR THUG PAR GRUB PAR BYAS, 'DUS BYAS MI RTAG PA DANG ZAG PA DANG BCAS PA SDUG BSNGAL BA DANG MYA NGAN LAS 'DAS PA THAMS CAD ZHI BA DANG CHOS THAMS CAD BDAG MED PA RNAMS DNGOS PO STOBS ZHUGS KYI RJES DPAG GIS KHONG DU CHUD PA'I BSAM PA LAS BYUNG BA'I SHES RAB DANG, DON 'DI NYID GOMS PAR BYAS PA LAS BYUNG BA'I 'JIG RTEN PA'I SGOM PA LAS BYUNG BA'I SHES RAB RNAMS LA BRTEN NAS 'BYUNG BA YIN NO, ,GSUM PA NI, DON DAM PA'I TSAD MA DE YANG CHOS CAN, BSTAN BCOS 'DIR MA BSTAN PA'I SKYON MED DE, RNAL 'BYOR MNGON SUM GYI SKABS SU MTSAN GZHI NGOS BZUNG BA'I SGO NAS CHA TZAM ZHIG BSTAN PA YIN PA'I PHYIR, RGYAS PAR MA GSUNGS PA NI RNAM 'GREL LA ZHAL 'PHANGS MDZAD PA BZHIN DU DER RGYAS PAR

, ,GTAN LA PHAB PA LAS SHES PAR BYA DGOS PA'I DON BSDU YIN NO, ,GNYIS PA LE'U'I MTSAN NI, THEG PA GSUM GYI LAM DU BGROD PA'I LAM RGYAL BA'I DGONGS PA RAB TU GSAL BAR BYED PA LAS, MNGON SUM GTAN LA DBAB PA LA 'JUG PA STE LE'U DANG PO'I 'GREL PA'O,, ` ,,RJE BTZUN BLA MA RNAMS LA PHYAG 'TSAL LO, ,GNYIS PA LKOG GYUR RTOGS PA'I THABS RANG DON RJES DPAG LA GNYIS, LE'U'I GZHUNG BSHAD PA DANG, LE'U'I MTSAN NO, ,DANG PO LA GNYIS, RJES DPAG GI SGRAS BRJOD PAR RIGS PA TZAM GYI DBYE BA DANG, RANG DON RJES DPAG BYE BRAG TU BSHAD PA'O, ,DANG PO LA GSUM, DNGOS DANG, DE GNYIS KYI KHYAD PAR DANG, GZHAN DON LE'U LOGS SU BRTZAMS PA DON MED DU THAL BA SPANG PA'O,, DANG PO NI, DGOS PA'I DBANG GIS RJES DPAG GI SGRAS BRJOD PAR RIGS PA CHOS CAN, RNAM PA GNYIS SU YOD DE, RANG GI DON GYI RJES SU DPAG PA DANG GZHAN GYI DON GYI RJES SU DPAG PA RNAMS SU YOD PA'I PHYIR, DE GNYIS MTSAN GZHIR BZHAG NAS RJES DPAG TU MTSON DU MI RUNG STE, SGRA RJES DPAG TU MI RUNG BA'I PHYIR, SGRUB BYED DANG BSGRUB BYA GNYIS SAM RGOL BA DANG PHYIR RGOL BA GNYIS LA BLTOS NAS DGOS PA'I DBANG GIS PHYE BA YIN NO, ,SHES BRJOD GNYIS RANG DON DANG GZHAN DON SO SOR MA NGES TE, RANG GZHAN PHAN TSUN LTOS PA'I PHYIR DANG, SHES PA RANG DON KHO NAR MA NGES TE, SHES PAS KUN NAS BSLANGS NAS SGRA BRJOD PAS GZHAN LA RTOGS PA SKYE BA'I PHYIR DANG, SGRA GZHAN DON KHO NAR MA NGES TE, TSUL GSUM PA'I RTAGS BRIS PA

MTHONG BA DANG SBYOR BA GOMS PA'I NGAG LAS KYANG RANG LA RTOGS PA SKYE BA'I PHYIR RO ZHE NA, SKYON MED DE, RGOL PHYIR RGOL RTZOD PA'I SKABS LAS PHYIR RGOL LA LKOG GYUR RTOGS PA'I THABS SBYOR BA SKOR GCIG LA BLTOS NAS BZHAG PA YIN LA, RJES DPAG SKYES PA'I TSE GZHAN DON GYI BYA BA RDZOGS NAS DAG BKOD PA DGOS PA MED PA'I PHYIR RO, ,GNYIS PA NI, RANG DON RJES DPAG CHOS CAN, GZHAN PHYIR RGOL GYIS BSGRUB BYA DNGOS SU RTOGS PA'I RGYU MA YIN TE, LKOG GYUR DNGOS SU RTOGS PA'I SHES PA'I RANG BZHIN YIN PA'I PHYIR, GZHAN DON RJES DPAG CHOS CAN, GZHAN MA YIN PA RGOL BAS BSGRUB BYA DNGOS SU RTOGS PA'I RGYU MA YIN TE, TSUL GSUM STON PA'I BRJOD PA'I RANG BZHIN YIN PA'I PHYIR, GSUM PA LA GNYIS, LE'U GNYIS KYI DGOS PA KHYAD MED DU THAL BA SPANG BA DANG, BRJOD BYA KHYAD MED DU THAL BA SPANG BA'O, ,DANG PO LA GNYIS, RTZOD PA DANG, LAN NO, ,DANG PO NI, SGRA GZHAN DON RJES DPAG RANG DON LE'U LAS LE'U LOGS SHIG TU MI BRJOD CING BRJOD MI RIGS PAR THAL, RANG DON LE'U LA BRTEN NAS RTAGS DANG LKOG GYUR LA RTOGS PA SKYED PA'I BYA BA BYED PA DE LAS KHYAD PAR GZHAN CUNG ZAD KYANG MED PA'I PHYIR CE NA, GZHAN DON RJES DPAG RANG DON LE'U LAS LE'U GZHAN GYIS BRJOD PA DGOS PA MED PA MA YIN TE, TSUL GSUM PA'I RTAGS DANG LKOG GYUR LA RTOGS PA SKYED PA TZAM DU MTSUNGS KYANG DE GNYIS KYI DNGOS KYI NUS PA 'JUG PA'I GZHI DANG BYA BA SO SO THA DAD PA'I PHYIR RO, ,DER THAL, RANG DON LE'U'I BRJOD BYA'I DON TSUL GSUM PA'I RTAGS BLO YUL DU SONG BA'I

, ,DNGOS KYI 'BRAS BU NI RTAGS CAN BSGRUB BYA GO BAR BYED PA YIN LA BSGRUB BYA DE'I GO BYED KYI RTAGS NI GZHAN DON LE'US BSTAN PA'I SGRA GZHAN DON RJES DPAG GIS BSTAN PA YIN CING SGRA BLO YUL DU SONG BA'I 'BRAS BU TSUL GSUM LA DRAN PA BSKYED PA YIN PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, DGOS PA LA KHYAD PAR CUNG ZAD YOD KYANG LE'U LOGS SU BRTZAM PAR BYA BA MA YIN TE, LE'U GNYIS PA LAS MA BRJOD PA'I MTSAN NYID GZHAN BRJOD PAR BYAR MED PA'I PHYIR TE, RANG DON LE'US BYAS PA LA SOGS PA RTAGS GANG SGRA LA SOGS PA'I GZHI 'GA' ZHIG TU MNGON SUM MA MA RJES SU DPAG PAS MTHONG BA'I PHYOGS CHOS DANG RTAGS DE MI RTAG PA LA SOGS PA BSGRUB BYA'I CHOS GANG DANG 'BREL PA RJES SU 'GRO LDOG GI KHYAB PA DE SHES PA'I GANG ZAG LA BSGRUB BYA'I CHOS DE RTAGS DES RTZOD GZHI DE NYID DU GO BAR BYED PA YIN NO, ZHES RANG DON LE'U LA BRTEN NAS GZHAN DON RJES DPAG GI BRJOD BYA TSUL GSUM PA'I RTAGS KYI DNGOS PO RTOGS PA YIN NO, , TSUL GSUM PA'I RTAGS BSTAN KYANG DE STON PA'I NGAG GI BRJOD TSUL PHYIN CI MA LOG PA 'DIR MA BRJOD PA MA YIN NAM SNYAM NA YANG, DE LA GO BAR BYED PA'I MTSAN NYID TSUL GSUM PHYIN CI MA LOG PA BRJOD PAS GZHAN DON LE'U LAS RTOGS PAR 'DOD PA'I TSUL GSUM STON PA'I NGAG GI BRJOD TSUL YANG BSTAN PAR BYAS PA NYID DE BRJOD TSUL GZHAN DU PHYIN CI LOG TU BRJOD NA GO BAR BYED PA'I CHOS TSUL GSUM PHYIN CI MA LOG PA MA BSTAN PAR 'GYUR RO, ,DE LTA NA YANG DON 'DI GZHAN LA

STON PAR BYED PA NA 'DI LTAR BSTAN PAR BYA'O ZHES TSIG GI BRJOD TSUL BSLAB DGOS PA MA YIN NAM ZHE NA, SGRA PHYIN CI MA LOG PA RIG PA DE SGRA'I DON PHYIN CI MA LOG PA SHES PA LA BLTOS SHING GZHAN DON RJES DPAG GIS BRJOD PAR BYA BA'I DON GANG TSUL GSUM JI LTA BAR SHES PA'I SGO NAS DE STON PA'I TSIG KYANG JI LTA BAR LE'U 'DIR SHES ZIN PA DE DAG NI DE RTOGS PAR BYA BA'I PHYIR YANG NYE BAR BSTAN PA LE'U GZHAN LA BLTOS PA NI MA YIN NO ZHE NA, GNYIS PA NI, MKHAS PA LA BLTOS NAS TSUL GSUM PHYIN CI MA LOG PAR RTOGS NA DE'I BRJOD TSUL YANG PHYIN CI MA LOG PAR KHONG DU CHUD PA DE LTAR BDEN MOD KYI, 'ON KYANG GZHAN DON RJES DPAG STON PA'I LE'U LOGS SU BRTZAMS PA DGOS PA MED PA MA YIN TE, GZHAN DON LE'U 'DI NI BRJOD TSUL LA MI MKHAS PA'I BYIS PAS LHAG CHAD DANG BRAL BA'I TSUL GSUM GYI BRJOD TSUL RTOGS PAR BYA BA'I RGYUR BRTZAMS PA YIN PA'I PHYIR, BRJOD TSUL MI MKHAS PA DAG GI DON DU LE'U LOGS SU BRTZAMS PA DGOS PA YOD DE, TSUL GSUM PA'I RTAGS KYI DNGOS PO JI LTA BA BZHIN RTOGS KYANG GZHAN LA STON PA NA GO BYED DE'I CHOS TSUL GSUM MA KHYAB PA CHAD PA DANG LDOG PA LHAG PA DAG GIS SMRA BA MTHONG BA'I PHYIR, DER THAL, SGRUB NGAG YAN LAG LNGA LDAN DU SMRA BA KHA CIG ,SBYOR BA 'GOD PA'I TSE MED NA MI 'BYUNG PA'I 'BREL PA MI BRJOD PA'I PHYIR DANG, RTAGS DPE DANG RTZOD GZHI LA BSTAN ZIN PA DE'I RJES SU YANG RTAGS RTZOD GZHI LA NYE BAR GTOD PA DANG BSGRUB PAR BYA BA DNGOS SU BRJOD PA DANG YANG MJUG BSDUS NAS BSGRUB BYA DE ZLOS PA'I TSIG DAG SBYOR BA'I

, ,PHYIR RO, ,DPER NA SGRA CHOS CAN, MI RTAG STE, BYAS PA'I PHYIR, DPER NA BUM PA BZHIN, BUM PA BYAS PA DE BZHIN DU SGRA YANG BYAS, DE'I PHYIR SGRA MI RTAG CES PA'O, ,'BREL PA BRJOD PA CHAD DE BYAS NA MI RTAG PAS KHYAB CES DANG, RTAG NA, MA BYAS PAS KHYAB CES 'BREL PA'I RANG LDOG DANG DON LDOG GANG YANG MA BRJOD PA'I PHYIR RO, ,BSGRUB BYA DNGOS SU BRJOD PA DGOS PA MED PA LAN GNYIS BRJOD PA'I PHYIR DANG, RTAGS RTZOD GZHI LA BSTAN ZIN PA'I RJES SU YANG DPE LA YOD PA DANG 'DRA BAR RTZOD GZHI LA YANG YOD DO ZHES PHYOGS CHOS NYE BAR SDUD PA'I NYER GTOD LHAG PA'I PHYIR RO, ,KHA CIG PHYOGS CHOS NYER GTOD CES ZER BA NI BRDA TSAD MA CHAGS PA YIN TE, SGRA YANG BYAS ZHES PHYOGS RTZOD GZHI LA RTAGS NYE BAR GTOD PA LHAG PA'I DON YIN NO, ,GNYIS PA LA GNYIS, RANG DON RJES DPAG GI MTSAN NYID DANG, DE'I RTEN GTAN TSIGS GTAN LA DBAB PA'O, ,DANG PO LA GSUM, RJES DPAG GI MTSAN NYID LA LOG PAR RTOG PA BSAL BA DANG, 'BRAS BU LA LOG PAR RTOG PA BSAL BA DANG, SPYOD YUL LA LOG PAR RTOG PA BSAL BA'O, ,DANG PO LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, DGOS PA'I DBANG GIS RJES DPAG GI SGRAS BRJOD PAR RIGS PA GZHIR BYAS PA LA GNYIS YOD PA DE LA RANG DON BYE BRAG TU BKAR NAS STON ZHES PA'O, ,GNYIS PA NI, RANG DON RJES DPAG NI TSUL GSUM PA'I RTAGS LAS LKOG TU GYUR PA'I DON MTHONG ZHING GSAR DU NGES PA'I SHES PA YIN NO, ,BYAS PA'I

RTAGS LAS SGRA MI RTAG PAR RTOGS PA'I RJES DPAG CHOS CAN, KHYOD RJES DPAG TSAD MA YIN TE, TSUL GSUM PA'I RTAGS LAS LKOG GYUR LA GSAR DU MI SLU BA'I SHES PA YIN PA'I PHYIR, GSUM PA NI, MTSAN NYID TSUL GSUM PA'I RTAGS LAS RJES SU DPAG PAR BYA BA LKOG GYUR GSAR DU RTOGS PA'I SHES PA GANG YIN PA DE NI RANG GI DON GYI RJES SU DPAG PA YIN NO, ,TSUL GSUM 'JAL BA'I TSAD MAS DRANGS PA'I BCAD SHES LAS RJES DPAG DNGOS SU SKYE BA YIN NO, ,GNYIS PA NI, RJES DPAG TSAD MA 'DI'I 'BRAS BU'I RNAM PAR BZHAG PA NI CHOS CAN, MI 'THAD PA'I SKYON MED DE, SNGAR MNGON SUM LA BSHAD PA BZHIN DU SHES PAR BYA BA YIN PA'I PHYIR, DPER NA SGRA MI RTAG PA GZHAL BYA, RANG YUL GYI RNAM PA SHAR PA'I SGO NAS DE LA GSAR DU MI SLU BA'I SHES PA TSAD MA, DE RTOGS PA'I TSAD MA 'BRAS BU'O, ,GSUM PA LA GSUM, RJES DPAG 'KHRUL PA DANG TSAD MA GZHI MTHUN PAR BSGRUB PA DANG, DES GRUB PA'I DON DANG, DE LA RTZOD PA SPANG BA'O, ,DANG PO LA GNYIS, RGYAS PAR BSHAD PA DANG, DON BSDU BA'O, ,DANG PO LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, RJES DPAG GZUNG YUL LA 'KHRUL YANG ZHEN YUL LA TSAD MAR BSGRUB PAS DE NI ZHES SO, ,GNYIS PA NI, RJES DPAG TSAD MA'I GZUNG YUL SGRO BTAGS YIN PAS TSAD MAR MI 'THAD DE, TSAD MA NI ZHEN PAR BYAS PA'I DON THOB PAR BYED PA YIN NA, DE NI THOB PAR MI NUS PA'I PHYIR RO ZHE NA, YUL RANG MTSAN THOB PAR NUS PAS DE LA TSAD MA YIN NA 'KHRUL BAR MI 'THAD DO

, ,ZHES 'KHRUL BA DANG TSAD MA GZHI MTHUN DU MI RUNG BA'I LOG RTOG BSAL BA'I DON DU GZHUNG 'DI DAG BKOD PA YIN NO, ,RJES DPAG GI GZUNG YUL DNGOS MED YIN PA NI MNGON SUM GYI GZUNG YUL GTAN LA 'BEBS PA'I SKABS SU BSTAN ZIN YANG SNGAR GYI RTZOD PA DE DAG BSAL BA'I DON DU BSHAD PA YIN PAS SPYOD YUL LA LOG PAR RTOG PA SEL BA LA SBYAR BAR BYA BA KHO NA YIN NO, ,BYAS PA'I RTAGS LA BRTEN NAS SGRA MI RTAG PAR RTOGS PA'I RJES DPAG CHOS CAN, 'KHRUL SHES YIN TE, RANG MTSAN DE MA YIN PA LA RANG MTSAN DER 'DZIN PA'I SHES PA YIN PA'I PHYIR, ,'KHRUL KYANG TSAD MA NYID DU RIGS TE, ZHEN YUL LA 'BREL BA'I SGO NAS GSAR DU MI SLU BA'I SHES PA YIN PA'I PHYIR, GANG DAG RJES DPAG TSAD MA DE ZHEN YUL SGRA MI RTAG PA LA 'KHRUL SHES YIN NAM MA 'KHRUL BA'I SHES PA YIN, DANG PO LTAR NA, ZHEN YUL LA LOG SHES SU 'GYUR LA, DE LTA NA ZHEN YUL LA YANG DAG SHES PA MA YIN PAR 'GYUR BAS TSAD MA MA YIN PAR 'GYUR RO, ,GNYIS PA LTAR NA, 'KHRUL SHES SU BSHAD PA JI LTAR YIN ZHES PA'I RTZOD PA BKOD NAS 'KHRUL SHES SU BSHAD PA NI SNANG YUL LA 'KHRUL BAR BSHAD PA YIN LA, SNANG YUL LA 'KHRUL BAS 'KHRUL PAR THAL BAR MI 'GYUR TE, DE LTA NA ZHEN YUL LA MA 'KHRUL BAS MA 'KHRUL BAR YANG GDON MI ZA BAR KHAS LEN DGOS PAS 'KHRUL MA 'KHRUL GNYIS KA'I GZHI MTHUN KHAS LEN DGOS PAR 'GYUR RO, ,DES NA RANG GI LUGS NI RJES DPAG MA 'KHRUL BA YIN NO ZHES ZER BA NI LEGS PAR BSHAD

PA MA YIN TE, 'DI NYID SNGAR MNGON SUM RTOG BRAL MA 'KHRUL BA ZHES PA'I SKABS SU RJES DPAG MNGON SUM GYI MTSAN NYID KYI ZUR GNYIS KA'I RIGS MI MTHUN DU BSTAN PA'I ZUR PHYI MA'I RIGS MI MTHUN DU 'GYUR TSUL 'CHAD PA YIN LA, DER MA 'KHRUL PA NI SNANG BA LA MA 'KHRUL BA YIN PAR 'THAD LDAN DU RGYAS PAR BSHAD PA RTZA BA'I DGONGS PA PHYIN CI MA LOG PA YIN NO, ,DE LTAR YIN DU ZAD MOD, KHO BO CAG LA NYES PA CI YOD CE NA, MNGON SUM SNANG BA LA MA 'KHRUL BAS MA 'KHRUL BAR KHYOD KYIS KYANG KHAS LEN DGOS LA, DE LTA'O ZHE NA, 'O NA RJES DPAG SNANG BA LA 'KHRUL PAS 'KHRUL PAR YANG CI'I PHYIR KHAS MI LEN, RJES DPAG SNANG YUL LA 'KHRUL BAR BSGRUB PA LA SNANG YUL LA BLTOS NAS DE MA YIN LA DER 'DZIN PA MA GTOGS RGYU MTSAN GZHAN MED LA, DE LTA NA RJES DPAG KYANG ZHEN YUL LA 'KHRUL BAR THAL, ZHEN YUL DE MA YIN LA DER SNANG BA'I PHYIR CE NA, KHYAB PA DE GNYIS CUNG ZAD KYANG MI MTSUNGS TE, PHYI MA 'DI ZHEN YUL LA 'KHRUL BAR THAL, SNANG YUL LA 'KHRUL PA'I PHYIR, CES PA'I DON DU SONG MA SONG LEGS PAR SOMS SHIG ,RJES DPAG LA RANG GI ZHEN YUL DE MA YIN PA LA DER SNANG BA YIN MOD KYI, DE NI SNANG YUL LA 'KHRUL BA'I DON DU SONG GI ZHEN YUL LA 'KHRUL BA LA NI SGRA MI RTAG PA LA RTAG PA'O SNYAM DU ZHEN PA SOGS RGYU MTSAN DU DGOD DGOS SO, ,'O NA RJES DPAG ZHAN YUL LA 'KHRUL BAR 'GYUR TE, RANG GI GZUNG YUL PHYI ROL MA YIN PA LA PHYI ROL LO SNYAM DU ZHEN PA'I PHYIR, MA GRUB NA, DE MA THAG TU 'CHAD PA'I 'GREL PA'I GZHUNG DANG YANG

, ,'GAL BA'I PHYIR RO ZHE NA, RTAGS MA GRUB STE, GZHUNG DE'I DON KHYOD 'DOD PA LTAR MA YIN PA 'CHAD PAR 'GYUR RO, ,GZHAN YANG ZHEN YUL DE MA YIN LA DER SNANG BAS ZHEN YUL LA 'KHRUL BAR BSGRUB NUS SU CHUG NA YANG LOG SHES SU THAL BAR MI 'GYUR TE, 'KHRUL SHES LA LOG SHES KYIS KHYAB PA'I BRDA RNAM 'GREL MDZAD PAS GANG DU YANG MA GSUNGS PA'I PHYIR RO, ,'O NA RTOG MED LOG SHES MI SRID PAR 'GYUR RO ZHE NA, GZHI MTHUN MI SRID PAR KHAS MA BLANGS MOD KYI, MNGON SUM TSAD MA RANG NYID YUL LA ZHEN BYED MA YIN KYANG ZHEN PA DRANGS PA LTAR MI SLU BA LA BLTOS NAS ZHEN YUL LA TSAD MAR 'THAD LDAN DU BSHAD PA LTAR RIGS PAS 'THAD LA, DBANG SHES LA NAM MKHAR ZLA BA GNYIS SNANG BA LA RTOG PAS ZLA BA GNYIS 'DUG GO SNYAM DU GZUNG NA YANG DE 'DREN BYED RTOG MED LOG SHES YIN LA, RTOG PA PHYIN CI LOG MI SKYED KYANG RTOG MED LOG SHES SU KHAS BLANGS PA LA SNGAR GYI GNOD PA MI 'JUG STE, DE YANG DAG SHES PA MA YIN PAR THAL BA NI 'DOD PA YIN NO, ,DES NA MDO SDE PA'I LUGS RNAM PAR 'JOG PA NA MNGON SUM MA 'KHRUL BA DANG, RJES DPAG 'KHRUL PA YIN PA SPYIR KHAS BLANG BAR BYA BA RIGS PA KHO NA'O, ,ZHEN YUL LA 'BREL PA LA BSAMS NAS MA 'KHRUL BA'I SHES PAR KHAS LEN NA NI, RJES SU 'GRO LDOG MI 'KHRUL BA DANG SHES PA MA 'KHRUL BAR 'JOG PA'I DON RNAM PA THAMS CAD DU MI GCIG GO ,GSUM PA LA GSUM, 'KHRUL PA DANG TSAD MA YIN PA SPYIR BSTAN PA DANG, TSAD MAR BSGRUB PA DANG, 'KHRUL BAR BSGRUB

PA'O, ,DANG PO NI, SGRA MI RTAG RTOGS KYI RJES DPAG CHOS CAN, 'KHRUL SHES YIN TE, RANG GI SNANG BA DON RANG MTSAN DU MED PA LA DMIGS NAS DON DU MNGON PAR ZHEN NAS 'JUG PA'I SHES PA YIN PA'I PHYIR, 'KHRUL PA YIN KYANG TSAD MA YIN TE, ZHEN DON DE LA MI 'KHRUL BA'I SGO NAS GSAR DU MI SLU BA'I SHES PA YIN PA'I PHYIR, DE LA MI 'KHRUL BAR THAL, ZHEN DON DANG 'BREL BAS SO, ,RTOG PA RNAMS RANG GI SNANG BA DON MED PA LA DON DU ZHEN PA 'DIR BSHAD PA DANG, RNAM 'GREL LE'U DANG PO'I RANG 'GREL DU, RTOG PA RANG GI GZUNG RNAM LA PHYI ROL TU ZHEN PAR BSHAD PA DANG 'THAD LDAN DU GAL TE DON BYED PA MI 'DZIN NA CI LTAR RANG GI MTSAN NYID NGES PA YIN CES BYA BA 'DI BRJOD DGOS SO ZHE NA, BRJOD PA ZHES PA DE NI BDAG NYID KYI RNAM PA LA MI MA YIN PA LAS LOG PA DANG YUL GZHAN DANG 'BREL BA LAS LDOG PA MNGON PAR 'DOD PA'I YUL GYI ME'I RANG BZHIN DU SGRO BTAGS PA YIN NO, ,DES NA DON CI 'DRA BA SGRO BTAGS PA RANG GI MTSAN NYID KYANG DE 'DRA YIN TE, DE'I PHYIR SGRO BTAGS PA'I DON NYID NGES PA NA RANG GI MTSAN NYID NGES PA YIN GYI, RANG GI MTSAN NYID NGES PA ZHES BYA BA SGRO 'DOGS PA LAS BYA BA GZHAN DU GYUR BA MA YIN NO, ,RANG GI MTSAN NYID DE YANG GANG LA CI LTAR NGES PA YOD PA DE LAS 'JUG PAS DE THOB PAR BYED PA YIN PA'I PHYIR TSAD MA YIN TE, DPER NA RTAGS MTHONG BA LAS SKYES PA'I SHES PA BZHIN NO, ZHES BSHAD PA DANG, DE BZHIN DU SLOB DPON LHA DBANG BLO'I 'GREL PAR YANG BSHAD PA RNAMS KYI DON LA MANG PO DAG NA RE, RTOG PAS RANG GI GZUNG RNAM LA

, ,PHYI ROL MA YIN BZHIN DU PHYI ROL LO SNYAM DU ZHEN PA YIN NO, ZHES ZER BA NI, RANG RGYUD KYI RTOG PA YUL LA 'JUG TSUL JI LTAR 'DUG SNYAM DU MA BRTAGS PA'I GTAM YIN TE, BUM PA'O SNYAM PA'I RTOG PA DES BUM PA 'DUG GO SNYAM PA TZAM ZHIG ZHEN STANGS LA YOD DAM, RANG GI GZUNG RNAM 'DI NYID BUM PA'O SNYAM PA ZHEN STANGS LA YOD SNYAM DU BSAMS NA DE MA THAG SHES PAR 'GYUR RO, ,DE LTA MA YIN NA, SGRA MI RTAG RTOGS KYI RJES DPAG TSAD MA CHOS CAN, KHYOD ZHEN YUL LA 'KHRUL BA'I LOG SHES SU THAL, RANG GI GZUNG RNAM DE NYID PHYI ROL LO SNYAM DU ZHEN PA'I BLO YIN PA'I PHYIR, DE LA KHYAB PA MED NA, SGRA RTAG 'DZIN GYI SGRO 'DOGS ZHEN YUL LA 'KHRUL BA'I LOG SHES SU CUNG ZAD BSGRUB MI NUS PAR 'GYUR RO, ,YANG KHYOD LA ZHEN STANGS MI 'DRA BA GNYIS YOD PAR THAL, SGRA MI RTAG PA'O SNYAM DU ZHEN PA YANG YOD RANG GI GZUNG RNAM DE NYID PHYI ROL YIN NO SNYAM DU ZHEN PA YANG YOD PA'I PHYIR, 'DOD NA, RJES DPAG DES KUN NAS BSLANG PA'I SGRA MI RTAG CES BRJOD PA'I SGRA DE LA YANG BRJOD TSUL MI 'DRA BA DE GNYIS DNGOS SU YOD PAR THAL LO, ,SLOB DPON CHOS MCHOG GI BZHED PA YANG, DE LTAR MA YIN TE, RTOG PAS RANG GI GZUNG RNAM LA PHYI ROL LO SNYAM DU ZHEN NA RTAG PAR THAL BA LA SOGS PA'I SGO NAS LEGS PAR BKAG NAS RTOG PA RANG RGYU LAS PHYI ROL MA YIN PA PHYI ROL TU SGRO BTAGS TE, SGRO BTAGS 'DZIN BYED DU SKYES PA YIN PA'I PHYIR, 'DI PHYI ROL LO SNYAM PA YOD KYANG RANG LA SNANG BA'I GZUNG RNAM DANG GZUNG YUL

'DI PHYI ROL LO SNYAM PA MED PA'I PHYIR RO, ,DES NA TSAD MA KUN LAS BTUS KYI 'GREL BSHAD SLOB DPON RGYAL DBANG BLOS MDZAD PA DANG, RNAM 'GREL LE'U GSUM PA'I 'GREL BAR, SLOB DPON LHA DBANG BLOS, DPE MDZAD PA LTAR RANG GI BYAD BZHIN LA NAG NOG LA SOGS PA'I SKYON YON RTOGS PA'I CHED DU ME LONG GI NANG DU BLTAS PA NA, BYAD BZHIN GYI SKYON YON JI LTA BA BZHIN DU RTOGS NUS LA, DNGOS SU BYANG BZHIN GYI GZUGS BRNYAN SNANG BA YIN KYANG, MIG LA SKYON DANG YON TAN 'DI 'DUG GO SNYAM PA DANG BZHIN LA NAG NOG LA SOGS PA'I SKYON 'DI DANG 'DI 'DRA BA 'DUG GO SNYAM DU RTOG PA'I TSE BYAD BZHIN ZHEN PA'I GZHIR BYAS NAS DE'I KHYAD PAR GYI CHOS LA ZHEN PAR BYED KYI, BRDA LA BYANG BA YIN NA ME LONG NANG DU SHAR PA'I GZUGS BRNYAN 'DI SKYON CAN DANG YON TAN CAN NE SNYAM DU CUNG ZAD KYANG ZHEN PAR MI BYED PA'I PHYIR RO, ,BYAD BZHIN GYI GZUGS BRNYAN LA DMIGS NAS BYAD BZHIN RANG MTSAN PA'I KHYAD PAR GYI GZHI DANG KHYAD PAR GYI CHOS LA ZHEN PAR BYED PA BZHIN DU, SGRA MI RTAG PAR RTOGS PA'I RJES DPAG TSAD MAS KYANG DNGOS SU SGRA MI RTAG PA'I GZUGS BRNYAN GZUNG YUL DU BYED CING GZUGS BRNYAN DE SHAR BA LA BRTEN NAS DNGOS PO LA GNAS PA'I SGRA MI RTAG PA LA RTOG PAR BYED CING SGRA MI RTAG PA'O SNYAM DU ZHEN PAR BYED KYI, SGRA MI RTAG PA'I GZUGS BRNYAN 'DI SGRA MI RTAG PA'O SNYAM DU ZHEN PAR MI BYED DE, DE LTA NA TSAD MA MIN PAR THAL BAR 'GYUR RO, ,DES NA SKABS 'DIR BSHAD PA YANG RANG GI SNANG BA DON MED PA LA DMIGS NAS DON RANG MTSAN

, ,LA ZHEN PA'I DON YIN NO, ,GNYIS PA NI, RJES DPAG TSAD MA RANG GI GZHAL BYA DANG 'BREL BA'I RGYU MTSAN 'DI LTAR RANG BZHIN CAN BYAS PA CHOS CAN, RANG GI NGO BO MI RTAG PA MED NA MED PA YIN TE, MI RTAG PA DE KHYOD KYI GRUB BDE RDZAS THA MI DAD PA'I KHYAB BYED YIN PA'I PHYIR DANG, 'BRAS BU DU BA NI CHOS CAN, RGYU ME MED NA MED PA YIN TE, DE KHYOD KYI BDAG NYID SNGAR MED GSAR DU BSKYED CING 'GRUB PAR BYED PA YIN PA'I PHYIR RO, ,DES NI KHYAB PA 'DZIN PA'I RTAGS 'DZIN SEMS KYI DMIGS YUL BSTAN PA YIN LA DES MTSON NAS PHYOGS CHOS 'DZIN PA'I RTAGS 'DZIN SEMS KYANG SHES PAR BYA'O, ,RTAGS BSGRUB BYA'I CHOS LA 'BREL BA DE BZHIN DU TSUL GSUM PA'I RTAGS DE LA DMIGS NAS SKYES PA'I SHES PA RTAGS 'DZIN SEMS CHOS CAN, TSUL GSUM PA'I RTAGS DE DAG MED NA KHYOD MED PA YIN TE, DE LOG PA'I STOBS KYIS KHYOD LDOG DGOS PA'I PHYIR, RTAGS 'DZIN SEMS RTAGS YANG DAG GI MTSAN GZHI LA 'BREL BA TZAM GYIS MI CHOG STE, RTAGS BSGRUB BYA LA 'BREL BAR BSGRUB DGOS NA BYAS PA LTA BU SGRA MI RTAG PA LA 'BREL BAR BSGRUB MI NUS PA'I PHYIR RO, ,MTHAR BSGRUB BYA LA 'BREL BA'I TSUL MI STON NA RTAGS CAN GYI BLO RANG GI GZHAL BYA LA 'BREL BA'I SGO NAS TSAD MAR BSGRUB PA'I SKABS DON STOR BAR 'GYUR BA'I PHYIR RO, ,RTAGS KYI MTSAN GZHI 'DZIN PA TZAM RTAGS 'DZIN SEMS MA YIN TE, 'THAD LDAN DU DE LAS SKYES PA'I SHES PA YANG RANG GI BSGRUB PAR BYA BA LA MI 'KHRUL BA NYID KYI YUL CAN YIN GYI, RTAGS KYI

RANG GI MTSAN NYID 'DZIN PA NI MA YIN NO ZHES BSHAD PA LTAR RO, ,DES NA RTAGS 'DZIN SEMS LA TSUL GSUM GA 'JAL BA'I BLO YOD PAS RTAGS 'DZIN SEMS TSUL GSUM LA 'BREL DE BSGRUB BYA LA 'BREL BA'I DON TE, SGRA BYAS PA YANG YIN BYAS NA MI RTAG PA'I KHYAB PA YANG YIN PA'I GZHI MTHUN PA DE SGRA MI RTAG PA LA 'BREL BA'I DON DU SHES PAR BYA'O, ,RTAGS CAN GYI BLO RTAGS 'DZIN SEMS LA 'BREL BA NI NGO BO DANG RGYU RTOGS PA RTAGS CAN RJES DPAG CHOS CAN, RTAGS 'DZIN SEMS MED NA MED PA YIN TE, RTAGS 'DZIN SEMS DE LAS BYUNG BA'I PHYIR, SGRUB RTAGS KYI 'BREL PA YIN PAR GRUB PA DE BZHIN DU DGAG RTAGS LA BRTEN PA'I RTAGS CAN GYI BLO BSGRUB BYA LA 'BREL BA NI DGAG RTAGS LA BRTEN PA'I RJES DPAG RANG GI GZHAL BYA LA 'BREL BA YIN TE, YOD NA RANG 'DZIN MNGON SUM LA NGES PAR SNANG BA'I DNGOS PO BUM PA YOD PA NA DE LAS GZHAN PA'I RGYU DBANG PO DANG YID BYED MA TSANG BA MED PA CAN GYI BUM PA MTHONG BA'I MNGON SUM SKYE BA LDOG PA MI SRID PA'I PHYIR, DE DAG GI BAR GYI JI LTAR 'BREL BA'I TSUL NI SNGA MA LTAR SHES PAR BYA'O, ,LDOG 'BREL BSGRUBS PA'I SGO NAS DNGOS 'BREL GO BAR BYA'O, ,GSUM PA NI, SGRA MI RTAG RTOGS KYI RJES DPAG TSAD MA'I SNANG BA DE NYID NI DON DANG LDAN PA RANG MTSAN MA YIN TE, SGRA MI RTAG PA DE NI MNGON SUM GYIS RJES DPAG LA SNANG TSUL LAS GZHAN DU GSAL LA MA 'DRES PAR MTHONG BA'I PHYIR RO, ,RTOG PA LA RANG MTSAN MA YIN PA RANG MTSAN LTAR SNANG BA DANG 'DRES NAS 'DZIN PAS 'KHRUL BA YIN NO, ,'DRES PAR SNANG BA'I DON YANG

, ,RANG MTSAN GYI MTSAN GZHIR RUNG BA'I SGRA MI RTAG PA YANG SNANG DER MI RUNG BA'I SGRA MI RTAG PA'I DON SPYI YANG SNANG ZHING, DE GNYIS SNANG TSUL MTSUNGS PAR SNANG BAS 'DRES PAR SNANG BA ZHES BYA'O, ,GNYIS PA LA GSUM, RJES DPAG TSAD MAR BSGRUB PA DANG, 'KHRUL PAR BSGRUB PA DANG, 'KHRUL PA LA BRTEN NAS DON RANG MTSAN THOB PA'I DPE'O, ,DANG PO NI, RTAGS CAN GYI BLO BSGRUB BYA LA MI SLU BA'I RGYU MTSAN 'DI LTAR ZHES SAM, YANG NA 'DI LTAR GYI SGRA MI SLU BA'I RGYU MTSAN GANG GI PHYIR GYI DON TO, ,ME DANG MI RTAG PA LA SOGS PA'I BSGRUB BYA'I CHOS KYI DNGOS PO GANG JI LTA BA DE NI DE 'DRA'I BSGRUB BYA'I CHOS DANG RTAGS MI 'KHRUL BA LA DMIGS PA'I RANG 'BRAS RTAGS 'DZIN SEMS KYI RGYU YIN TE, DE LA PHAN 'DOGS BYED YIN PA'I PHYIR, RTAGS 'DZIN SEMS DE LAS RTZOD GZHI'I STENG DU BSGRUB BYA'I CHOS DE LTA'I DNGOS PO'I TSOGS DON LA DMIGS PA'I RTAGS CAN GYI BLO 'BYUNG STE, DES DE BSKYED PA'I PHYIR, JI SKAD BSHAD PA'I TSUL GYIS RTAGS CAN GYI BLO RANG MTSAN GSAL BA DER SNANG BA YIS STONG YANG ZHEN YUL LA BSLU BA NYID MA YIN TE, JI SKAD BSHAD PA'I TSUL DE LTAR RTAGS DANG RTAGS 'DZIN GYI SEMS DANG RTAGS CAN GYI BLO RIMS KYIS BRGYUD PA YIS NI BSGRUB BYA'I DNGOS PO DANG 'BREL BA'I SGO NAS MI SLU BA'I PHYIR, RTAGS CAN GYI BLO RTAGS 'DZIN GYI SEMS LA JI LTAR 'BREL BA'I TSUL DANG, RTAGS 'DZIN SEMS KYI DBYE BA DANG, MTSAN NYID RNAMS KYIS SHES PAR BYA'O, ,DANG PO NI, SGRA 'DZIN MNGON SUM TSAD

MA SGRA MI RTAG PA GZUNG DON DU BYAS PA LAS SKYE ZHING DE LA BRTEN NAS SGRA BYAS PAR RTOGS PA'I PHYOGS CHOS 'JAL BA'I TSAD MA SKYE LA, DE DANG BYAS PA DANG MI RTAG PA'I 'BREL PA 'JAL BA'I TSAD MA LA BRTEN NAS PHYOGS CHOS DANG KHYAB PA 'JAL BA'I BCAD SHES SKYE ZHING, DE DAG LA BRTEN NAS BSGRUB BYA RTOGS PA'I RJES DPAG SKYE BA YIN PAS, SGRA MI RTAG RTOGS KYI RJES DPAG DE RANG GI GZHAL BYA CHOS CAN 'JAL BA'I TSAD MAS GZUNG BA'I SGRA MI RTAG PA LA 'BREL BA YIN NO, ,DON BSDUS NA SNGAR BSHAD PA LTAR RTAGS CAN RJES DPAG TSUL GSUM 'JAL BA'I RTAGS 'DZIN LA 'BREL, RTAGS 'DZIN TSUL GSUM LA 'BREL, DE BSGRUB BYA LA 'BREL BAS RTAGS CAN BSGRUB BYA LA MI SLU BA YIN NO, ,GNYIS PA NI, 'THAD LDAN DU, RTAGS MI 'KHRUL BAR 'DZIN PA NI RNAM PA GNYIS TE, GCIG NI CHOS CAN LA MI BLTOS PAR KHYAB PA SPYIR 'DZIN PA YIN LA, GZHAN NI PHYOGS KYI CHOS GZUNG BA NA GZUNGS ZIN PA NYID KYI MI 'KHRUL BA GANG YIN PA DRAN PA STE, GZUNGS ZIN PA'I MI 'KHRUL BA MA DRAN NA NI BSGRUB BYA RTOGS PA MED PA'I PHYIR RO, ,'DI LTAR DU BA MTHONG NAS 'DI NI THAMS CAD DU ME LAS SKYE BA'I PHYIR 'DIR YANG ME LAS SKYE BA YIN NO ZHES RTOGS PAR BYED DO, ,THAMS CAD DU ME LAS SKYE BA DRAN PA GANG YIN PA 'DI NI RTAGS SHES PA YIN LA, 'DIR YANG MES BSKYED PA YIN NO ZHES BSGRUB BYA'I CHOS LA MI 'KHRUL BA NYID DRAN PA GANG YIN PA 'DI NYID NI LKOG TU GYUR PA'I DON RTOGS PA YIN NO, ,DE YANG SPYIR KHYAB PA 'DZIN PA SNGON DU 'GRO BA CAN YIN NO, ,DES NA 'DI SKAD DU RTAGS SHES PA NI RTAGS CAN

, ,SHES PA'I RGYU YIN CES BRJOD PA YIN TE, SPYIR MI 'KHRUL BAR 'DZIN PA NI CHOS CAN LA MI 'KHRUL BA DRAN PA'I YAN LAG YIN NO ZHES BYA BA'I DON TO, ZHES RTAGS CHOS KYI MI 'KHRUL BA'I 'BREL PA SPYIR DRAN PA RTAGS 'DZIN SEMS DANG RTZOD GZHI'I STENG DU DRAN PA RTAGS CAN RJES DPAG TU GSUNGS PA SGRA BYAS PA YIN PA DRAN PA SNGON DU SONG NAS DE'I PHYIR SGRA MI RTAG SNYAM DU SHES PA'I DON YIN GYI, SGRA GZHIR BZUNG NAS BYAS NA MI RTAG PAS KHYAB PA'O SNYAM PA'I DON MA YIN NO, ,'DIR SNGON GYI BLA MA KHA CIG GIS, SLOB DPON CHOS MCHOG LA DGAG PA 'DI LTAR MDZAD DE, RTAGS CAN GYI BLO MI SLU BAR BSGRUB PA'I SKABS SU RTAGS 'DZIN GYI SEMS MI SLU BAR BSGRUB PA SKABS SU MA BAB CING 'BREL PA MED DE, RTAGS CAN LA MI SLU BA YIN NA RTAGS CAN GYI BLO NYID YIN GYI DE'I RGYUR MI 'THAD LA, RTAGS LA MI 'KHRUL BA YIN NA RTAGS CAN LA MI SLU BAR BSGRUB PA'I SKABS SU DE LA MI SLU BAR BSGRUB [?] PA 'BREL PA MED PA'I PHYIR RO ZHES GSUNG BA SHIN TU MI RIGS TE, RTAGS 'DZIN SEMS RJES DPAG TSAD MA YIN NA SBYOR BA SKOR GCIG PO DE'I BSGRUB BYA LA MI SLU BA MA YIN KYANG RANG RTAGS GANG LA BRTEN PA'I BSGRUB BYA DE LA MI SLU BA NGES PAR KHAS LEN DGOS PA'I PHYIR, DE BZHIN DU RTAGS 'DZIN MNGON SUM TSAD MA YIN NA YANG RANG GI GZHAL BYA LA MI SLU BA KHAS LEN DGOS PA'I PHYIR RO, ,GAL TE RTAGS 'DZIN GYI SEMS YIN PA'I TSAD MA MI 'DOD NA YANG TSAD MA'I STOBS KYIS DRANGS PA'I BCAD SHES NGES PAR KHAS LEN DGOS LA, DE DAG GZHAL BYA LA RANG STOBS KYIS MI SLU BA MA YIN

KYANG SPYIR MI SLU BA TZAM DU 'GYUR BA YIN NO, ,RTAGS 'DZIN SEMS LA MI SLU BA MI SRID NA RTAGS CAN MI SLU BA RNAM PA THAMS CAD DU BSGRUB MI NUS PA'I PHYIR RO, ,DES NA RTAGS 'DZIN LA DBYE NA, PHYOGS CHOS 'JAL BA'I RTAGS 'DZIN SEMS DANG, KHYAB PA 'JAL BA'I RTAGS 'DZIN SEMS GNYIS YOD LA, DE RE RE LA YANG MNGON SUM TSAD MA DANG RJES DPAG TSAD MA DE DAG GIS DRANGS PA'I BCAD SHES DANG BCAS PA YOD PAR SHES PAR BYA'O, ,'O NA RTAGS 'DZIN GYI SEMS TSAD MA KUN LAS BTUS SU, RTOG PA'I SDE TSAN DU BSHAD PA DANG 'GAL LO ZHE NA, DES NI RTAGS 'DZIN LA RTOG PA YOD PAR STON GYI RTOG PAS KHYAB PAR STON PA MA YIN NO, ,'DIR BSHAD PA YANG RTAGS KYI BLO DANG RTAGS 'DZIN RTOG PA LA MI SLU BA MI SRID PAR 'DOD PA'I GZHAN SDE 'GA' ZHIG GI LOG RTOG DGAG PA'I CHED DU GSUNGS PA YIN GYI RTAGS 'DZIN MNGON SUM MI SRID PA MA YIN NO, ,GSUM PA NI, RANG 'BRAS RTAGS CAN RJES DPAG GI RGYUR GYUR PA'I RTAGS YANG DAG GI TSUL 'JAL BA'I BLO'O, ,GNYIS PA NI, GAL TE MI SLU BA YIN NA 'KHRUL PA NYID DU JI LTAR RNAM PAR BZHAG CE NA, SGRA MI RTAG RTOGS KYI RJES DPAG DE CHOS CAN, ZHEN YUL GYI DNGOS PO LA BSLU BAR BYED PA NYID MIN YANG 'KHRUL PAR RNAM GZHAG BYAS PA LA 'GAL BA MED PA YIN TE, RANG MTSAN LA MI SLU BA YIN KYANG RANG MTSAN GSAL BAR SNANG BA DE YI NGO BOS STONG PA'I RANG MTSAN GYI GZUGS BRNYAN DE LA DMIGS NAS RANG MTSAN DE YI NGO BOR ZHEN PA'I PHYIR, SNGON GYI SKYEL GRAGS PA SENGGE LA SOGS PAS RJES DPAG SNANG YUL DANG ZHEN YUL GNYIS

, ,KA LA 'KHRUL BAR 'DOD PA NI PHYOGS GLANG YAB SRAS KYI BZHED PA'I ZLOG PHYOGS 'DZIN PA YIN TE, ZHEN YUL LA 'KHRUL BA'I BLO RGYAB RTEN TSAD MAR BYAS NAS THAR PA DANG THAMS CAD MKHYEN PA'I LAM GTAN LA PHAB KYANG PHYIN CI LOG 'BA' ZHIG TU 'GYUR BA'I PHYIR, DES NA MKHAS PA RNAMS KYIS DON GYI RJES SU 'BRANGS NAS LEGS PAR DPYAD PAR BYA'O, ,GSUM PA LA GNYIS, TSIG DON DANG, DE NYID GTAN LA DBAB PA'O, ,DANG PO LA GNYIS, DPE DANG, DON TO, , DANG PO NI, RJES DPAG GIS SGRO BTAGS GZUNG YUL DU BYED NA RANG MTSAN MI 'DZIN PAS DE THOB MI NUS PAR 'GYUR LA, RANG MTSAN BZUNG NA MA 'KHRUL BAR 'GYUR GYI 'KHRUL BAR 'DOD PA 'GAL LO ZHE NA, SKYON MED DE, NOR BU'I 'OD DANG SGRON ME'I 'OD DAG LA NOR BU'O SNYAM PA'I BLO YIS SKYES BU MNGON PAR RGYUG PA'I BLO GNYIS PO CHOS CAN, ,'KHRUL PA YIN NA RANG MTSAN THOB PAR 'GAL BA MA YIN PAR THAL, KHYED GNYIS LOG PA'I SHES PAR KHYAD MED KYANG CI LTAR NOR BU THOB PA'I DON BYED PA LA KHYAD YOD PA'I PHYIR, GNYIS PA NI, DPE DE BZHIN DU RJES DPAG DANG RJES DPAG DER SNANG BA'I RTOG PA LTAR SNANG DAG CHOS CAN, JI BZHIN DON CAN MA YIN PA SNANG YUL LA 'KHRUL PAR MTSUNGS PA YIN KYANG RJES DPAG TSAD MA NYID DU RNAM PAR BZHAG RIGS KYI CIG SHOS MI RIGS TE, CIG SHOS ZHEN YUL LA MI SLU BAR MI RUNG LA, RJES DPAG TSAD MA GZHAL BYA DON BYED PA DANG RJES SU 'BREL BAS GSAR DU MI SLU BA'I SHAS PA YIN PA'I PHYIR, CES BYA BA NI 'PHROS DON TSIGS BCAD DU BSDEBS PAS

BAR SKABS KYI TSIGS SU BCAD PA'O, ,GNYIS PA LA BZHI, NOR BU'I 'OD LA NOR BU'I SHES PA SLOB DPON GYIS RJES DPAG TU DGONGS NAS DPER BKOD PAR 'DOD PA MI 'THAD PA DANG, NOR BU DANG NOR BU'I 'OD GANG RUNG GI RTAGS LA BRTEN PA'I RJES DPAG TU MI 'THAD PA DANG, TSAD MA TZAM DU MI 'THAD PA DANG, RTZOD PA SPANG BA'O, ,DANG PO NI, KHA CIG NA RE, NOR BU'I 'OD LA NOR BUR SHES PA RJES DPAG TU DGONGS NAS SLOB DPON GYIS DPER BKOD PA YIN NO ZHES ZER BA MI RIGS TE, GZHUNG 'DI DAG GIS DGAG DGOS KYI RGOL BA NI RJES DPAG GZUNG YUL LA 'KHRUL BAS BSLU BA'I PHYIR TSAD MA MA YIN NO ZHES RJES DPAG TZAM TSAD MA YIN PA LA SKUR BA 'DEBS PA YIN PAS DE LA RJES DPAG BYE BRAG PA GCIG DPER BKOD PA SHIN TU MI RIGS PA'I PHYIR RO, MIG GI DBANG PO NI RANG GI NGO BO MA MTHONG BZHIN DU DON GSAL BAR BYED PA YIN LA, SGRON ME NI RANG GI NGO BO BLO YUL DU GSAL BA'I SGO NAS DON GSAL BAR BYED PA YIN ZHING, GTAN TSIGS RNAMS NI BSGRUB BYA'I CHOS DANG RJES SU 'GRO LDOG NGES PA'I SGO NAS LKOG GYUR GO BAR BYED PA YIN NA, 'DI LA 'BREL PA NGES PA CUNG ZAD KYANG MED PA'I PHYIR RO, ,GO SKABS 'DI NA NOR BU YOD DE, NOR BU'I 'OD YOD PA'I PHYIR CES PA'I RTAGS LA BRTEN PA'O ZHE NA, GZHI 'DI NA NOR BU YOD DO SNYAM DU LKOG TU GYUR PA'I TSUL GYIS MA ZHEN GYI, MNGON SUM GYIS MTHONG BA'I NOR BU'I 'OD LA NOR BU'O SNYAM DU ZHEN PAS ZHEN YUL LA SHIN TU 'KHRUL BA'I PHYIR RO, ,GNYIS PA NI, GZHI 'DI NA NOR BU YOD DE, MTHONG BA 'DI NOR BU'AM NOR BU'I 'OD GANG RUNG ZHIG YIN PA'I PHYIR

, ,CES PA'I RTAGS LA BRTEN PA'O ZHE NA, DE NI THE TSOM ZA BA'I MA GRUB PA'I GTAN TSIGS LTAR SNANG BA YIN TE, 'DI NI GDON MI ZA BAR LHA SBYIN NAM MCHOD SBYIN GANG RUNG ZHIG YIN NO SNYAM DU ZHEN PA NA LHA SBYIN LA YANG THE TSOM ZA LA MCHOD SBYIN LA YANG THE TSOM ZA BA BZHIN DU, MNGON SUM LA SNANG BA'I DON DE NOR BUR YANG THE TSOM ZA LA NOR BU'I 'OD DU YANG THE TSOM ZA BA'I PHYIR RO, ,GSUM PA NI, 'DI RJES DPAG MA YIN TE, DE LTA NA NOR BU'I 'OD RTAGS SU 'GYUR DGOS NA, NOR BU'I 'OD LA NOR BU'I 'OD DU MA RTOGS PAR NOR BUR ZHEN PA'I PHYIR, MNGON SUM TSAD MA YANG MA YIN TE, NOR BU'I 'DI TZAM ZHIG MNGON SUM GYIS GZUNG YANG NOR BU DNGOS SHUGS GANG LA YANG MA RTOGS PA'I PHYIR, 'OD SGO GSEB TU MTHONG LA NOR BU RA BA'I PHUG LTA BUR THOB PA'I PHYIR, MNGON SUM GYIS RANG GI GZUNG YUL DE'I YUL DANG DUS SPANGS TE GNAS PA LA TSAD MAR MI RUNG BA'I PHYIR RO, ,RNAM 'GREL LAS, BSAM PA LA NI BSLU MED PHYIR, ,'KHRUL BA YIN KYANG TSAD MA NYID, CES GSUNGS PA LTAR, BSAM DON NAM BCAD PA'I DON LA TSAD MA YIN LA, 'DIR NI GANG BSAMS DER MA THOB PA LA GANG THOB PA DER YOD PAR MA BSAMS PA'I PHYIR TE, SGO GSEB TU 'OD MTHONG BA NA DER NOR BU 'DUG GO SNYAM DU BSAMS KYANG RA BA'I PHUG TU THOB PA'I PHYIR, NOR BU DANG DE'I 'OD GOS THA MI DAD DU GNAS PA MNGON SUM GYIS MTHONG BA'I TSE 'DI NA NOR BU 'DUG GO SNYAM PA'I NGES PA NI MNGON SUM TSAD MA'I STOBS KYIS DRANGS PA YIN KYANG DE SKABS 'DI'I DPER MA BZUNG BA'I

PHYIR RO, ,BZHI PA LA GNYIS, RGYUN DANG SKAD CIG GIS MA NGES PA SPANG BA DANG, RAGS PA DANG PHRA BAS MA NGES PA SPANG BA'O, ,DANG PO NI, 'O NA SNGON PO 'DZIN PA'I MNGON SUM YANG TSAD MA MA YIN PAR 'GYUR TE, SNGON PO RTOGS KYI SKAD CIG MA MA RTOGS KYANG THOB PA'I TSE SKAD CIG MA THOB STE, DE LTA MA YIN NA, RTAG PA THOB PA NYID DU 'GYUR RO ZHE NA, SKYON MED DE, SNGON PO SKAD CIG MA YIN KYANG SNGON PO THOB PAS SKAD CIG MA THOB PAR 'JOG MI NUS SHING, 'JIG RTEN NA YANG SKAD CIG MA THOB PAR THA SNYAD MI BYED PA'I PHYIR DANG, 'JOG NUS SU CHUG KYANG SKAD CIG MA THOB PAS SNGON PO LAS RDZAS GZHAN THOB PAR 'GYUR BA MA YIN TE, SNGON PO SKAD CIG MA LAS RDZAS GZHAN MA YIN PA'I PHYIR RO, ,RA BA'I PHUG TU THOB PA'I NOR BU NI SGO GSEB TU MTHONG BA'I NOR BU'I 'OD LAS YUL SPANGS PA'I RDZAS THA DAD PA YIN PA'I PHYIR RO, ,GNYIS PA NI, YANG RTOGS PA'I SNGON PO NI RAGS PA YIN LA THOB PA NI PHRA MO THOB CING RAGS PA DANG PHRA BA YANG 'GAL BAS SNGON PO 'DZIN PA TSAD MA MA YIN PAR 'GYUR RO ZHE NA, SNGON PO RTOGS KYI RDUL PHRA RAB MA RTOGS KYANG MTHONG BA'I SNGON PO RDUL PHRA RAB DU MA'I RANG BZHIN YIN LA, THOB PA'I TSE YANG RDUL PHRA RAB DU MA'I RANG BZHIN DU GYUR PA'I SNGON PO THOB PAS GANG BCAD PA DE MA THOB PAR THAL BA'I SKYON MED LA, RDUL PHRA RAB THOB PAR KHAS MA BLANGS KYANG GNOD PA CUNG ZAD KYANG MED DO, ,GNYIS PA DES GRUB PA'I DON LA GNYIS, TSAD MA GNYIS KA DNGOS PO'I YUL CAN DU BSTAN PA DANG, DE LA TSAD MA MDO'I GNOD PA SPANG BA'O, ,DANG PO LA GSUM, MTSAMS SBYAR BA

, ,DANG, RTZA BA DANG, 'GREL PA'O, ,DANG PO NI, RJES DPAG RANG MTSAN GZUNG YUL DU BYED PA MA YIN NA DE LA TSAD MA MA YIN PAR 'GYUR ZHING, SGRO BTAGS 'BA' ZHIG LA TSAD MAR KHAS LEN DGOS PAR 'GYUR RO ZHE NA, SNGAR ZHE NA YUL LA 'BREL PA'I SGO NAS TSAD MAR BSGRUBS PA DE NYID KYI PHYIR MNGON SUM DANG RJES SU DPAG PA'I TSAD MA CHOS CAN, RANG GI ZHEN YUL LA 'BREL BA'I SGO NAS MI SLU BA YIN TE, DE LTAR GONG DU BSGRUBS PA'I PHYIR, GNYIS PA NI, MNGON SUM DANG RJES SU DPAG PA'I TSAD MA GNYIS KA CHOS CAN, ZHEN YUL DNGOS PO YI YUL CAN YIN TE, DE LA GSAR DU MI SLU BA'I SHES PA YIN PA'I PHYIR, GZHUNG 'DI DANG, RNAM 'GREL DU, RANG GI MTSAN NYID CIG GZHAL BYA ZHES SOGS KYIS TSAD MA'I GZHAL BYA YIN NA RANG MTSAN YIN PAS KHYAB PA BSTAN PA DANG, TSAD MA YIN NA RANG MTSAN 'JAL BAS KHYAB PA BSTAN PAR 'DOD PA NI RGYANG PHAN GYI LUGS YIN TE, SPYI MTSAN SOGS GZHAL BYAR MI RUNG BAR KHAS BLANGS PA'I PHYIR, KHYOD LA 'DI 'DRI BAR BYA STE, SPYI MTSAN GZHAL BYA YIN PA TSAD MAS MA KHEGS NA RTZA BA'I DAM BCA' DANG 'GAL LA, KHEGS SHING DE GZHAL BYA MA YIN PAR 'DOD NA, SPYI MTSAN GZHAL BYA MA YIN PA DE CHOS CAN, RANG MTSAN DU THAL, GZHAL BYA YIN PA'I PHYIR, GSUM KA KHAS BLANGS SO, ,SPYI MTSAN GZHAL BYA MA YIN PAR BSGRUB PA LA SGRUB BYED GANG BKOD KYANG NYES PA DE NYID LAS MA 'DAS LA, 'DI NI DPER NA BYANG CHUB SEMS DPA' K'A MA LA SH'I LAS, DNGOS MED LA GO BYA GO BYED MI RUNG BAR

'DOD PA NI, RANG NYID 'JOMS PAR BYED PA MTSON CHA'I THABS BSLAB NYES PA DANG 'DRA BAR GSUNGS PA DE DANG 'DRA BA YIN TE, GANG DNGOS MED YIN PA DE LA GO BYA GO BYED MI RUNG BAS KHYAB STE, DPER NA 'DI BZHIN ZHES DNGOS SU GO BYA GO BYED KHAS BLANGS PA'I PHYIR RO, ,DE BZHIN DU SPYI MTSAN GZHAL BYA MA YIN CES DAM BCAS PA NI, SPYI MTSAN GZHAL BYA MA YIN PA DE NYID TSAD MA'I GZHAL BYANG SHUGS LA KHAS BLANGS PA'I PHYIR, GZHAN YANG BUM PA LA SOGS PA'I DNGOS PO BZHIG PA MI SRID NA DNGOS PO GANG YIN RTAG PAR 'GYUR LA, SRID NA RANG MTSAN DU KHAS LEN DGOS PAR 'GYUR RO, ,GZHAL BYA YIN NA RANG MTSAN YIN PA'I KHYAB PA DE NYID GZHAL BYAR KHAS BLANGS NAS YANG RANG MTSAN MA YIN PA MI SRID PAR 'DOD PA NYAMS SO, ,DES NA RTOG PAS BTAGS TZAM LA TSAD MA'I GZHAL BYA RANG LUGS LA LEGS PAR 'JOG MI SHES PA NI SDE BDUN GYI DGONGS PA PHYIN CI LOG TU GYUR PA YIN TE, DPER NA RTOG PAS BTAGS TZAM YANG YIN 'BRAS BU SKYED PA YANG YIN PA'I GZHI MTHUN RANG LUGS LA LEGS PAR 'JOG MI SHES PA NI MGON PO KLU SGRUB KYI DGONGS PA PHYIN CI MA LOG PAR RTOGS PA'I GRANGS SU MI 'GRO BA BZHIN NO, ,DES NA RNAM 'GREL DU, RANG GI MTSAN NYID CIG GZHAL BYA, ZHES PA'I SGRUB BYED DU, YOD MED NYID DU DPYOD RNAMS KYI, ,DON BYA DE LAS GRUB PHYIR RO, ZHES BKOD PA DE NYID KYIS DNGOS MED TSAD MA'I GZHAL BYAR GSAL BAR BSTAN PA'I PHYIR RO, ,DES NA 'DIR BSHAD PA DANG RNAM 'GREL DU BSHAD PA SOGS KYI DON NI, TSAD MA'I SGO NAS DNGOS PO DANG DNGOS MED GANG LA

, ,DPYOD KYANG DPYOD PA'I RTEN MTHAR THUG PA RANG MTSAN DU BSTAN PA YIN GYI, TSAD MA'I GZHAL BYA LA RANG MTSAN GYIS KHYAB PA NI RIGS PA'I GNOD PA DU MA DANG BCAS PA'I PHYIR RO, ,DPYOD PA'I RTEN MTHAR THUG PA RANG MTSAN DU BSTAN PA'I DON YIN PAR YANG, 'DI'I PHYI 'GREL DANG, SLOB DPON LHA DBANG BLO'I 'GREL PA SOGS SU CHES GSAL LO, ,RANG MTSAN GYI MTHAR THUG PA CAN MA YIN NA RTZA BA CHAD PA LTAR 'GYUR BAS GZHAL BYA GANG YANG RTOGS PA MI SRID DO, ,DPER NA 'DUS MA BYAS KYI NAM MKHA' RTOGS PA'I TSAD MA LA YANG GZHI CHOS CAN MIG SHES KYI GZUNG DON DU GYUR PA'I MNGON PAR SKABS YOD KYI GZUGS LA BRTEN DGOS PA BZHIN NO, ,GSUM PA LA GSUM, TSAD MA GNYIS KA DNGOS PO'I RTEN CAN DU BSGRUB PA DANG, RJES DPAG GI GZUNG YUL DNGOS PO YIN PA DGAG PA DANG, ZHEN YUL LA BLTOS NAS DNGOS PO'I YUL CAN DU BSTAN PA'O, ,DANG PO NI, MNGON SUM DANG RJES SU DPAG PA'I TSAD MA GNYIS KA CHOS CAN, DNGOS PO'I RTEN CAN YIN TE, RTOG LDAN BLANG DOR GYI DON LA DPYOD PA'I THABS KYI GTZO BO YIN PA'I PHYIR, KHYAB PA YOD PAR THAL, RTOG LDAN BLANG DOR GYI DON LA DPYOD PA NI PHAN PA'AM GNOD PA'I DON BYED PAR RUNG BA'I YUL CAN YIN PAS KHYAB PA'I PHYIR RO, ,DE NYID BSGRUB PA NI, BLANG DOR GYI DON LA RTOG PA SNGON DU GTONG BA PHAN PA'AM GNOD PA SKYED PA YIN SNYAM DU CUNG ZAD YONGS SU RTOG PA 'BRAS BU DON GNYER GYI RTOG LDAN NI CHOS CAN, TSAD MA'I SGO NAS BLANG DOR GYI DON LA DPYOD PA GNAS SKABS DANG MTHAR THUG GI PHAN GNOD LA MI LTA BAR

RTZOD PA LA CHAGS SHING ZHEN PA TZAM GYIS DPYOD PA NI MA YIN TE, GNAS SKABS DANG MTHA'I BDE BA DANG SDUG BSNGAL GYIS SGRUB PAR BYED PA'I NUS PA YOD PAR SHES NAS PHAN PA SGRUB CING MI PHAN PA SPONG BA'I DON DU DPYOD PA YIN PA'I PHYIR, GNAS SKABS KYI PHAN PA LHA DANG MI'I GO 'PHANG DANG MTHAR THUG GI PHAN PHA ZAG PA MED PA'I BDE BA BSGRUB PA DANG, GNAS SKABS KYI GNOD PA NGAN 'GRO'I SDUG BSNGAL DANG MTHA'I GNOD PA 'KHOR BA MTHA' KLAS PAR 'KHYAMS PA'I SDUG BSNGAL SPONG BA YANG NGES PAR TSAD MA LA RAG LAS PA YIN PAS, DE DAG GI DON DU DPYOD PA YANG DNGOS PO'I RTEN CAN KHO NA YIN NO, ,DE LTA MA YIN PAR GZHAL BYA LA DNGOS POS KHYAB PA KHAS LEN NA THAR PA MYA NGAN LAS 'DAS PA 'DUS BYAS SU KHAS LEN DGOS PAS PHYIN CI LOG 'BA' ZHIG TU 'GYUR RO, , GNYIS PA NI, RJES SU DPAG PA'I SNANG BA DE NYID NI CHOS CAN, DON SGRUB PAR BYED PA DNGOS PO MA YIN TE, DON SGRUB PAR BYED PA'I DNGOS PO 'GAGS KYANG KHYOD MI 'GAG PA'I PHYIR DANG, KHYOD LAS KYANG SNANG BA LTAR GYI DON CUNG ZAD 'GRUB PA MED PA'I PHYIR RO, ,DON NI, ME MED KYANG RTOG PA LA MER SNANG BA MI LDOG PAS LDOG PA MA GRUB PA DANG, RTOG PA LA MER SNANG BA YOD KYANG ME YOD PA'I NGES PA MED PAS RJES 'GRO MA GRUB PA'O, ,DON BSDU BA NI, ME'I DON SPYI NI CHOS CAN, TSAD MA'I GZHAL BYAR YOD KYANG DON RANG MTSAN MA YIN TE, GONG DU BSGRUBS PA DE NYID KYI PHYIR, GSUM PA NI, TSAD MA GNYIS KA DNGOS PO'I YUL CAN DU GRUB PA DES NA RJES DPAG TSAD MA CHOS CAN, DNGOS PO 'JAL BA'I TSAD MA YIN TE, DNGOS PO'I RANG BZHIN LA GSAR DU MI SLU BA NYID KYI SHES PA

, ,YIN PA'I PHYIR, KHYAB PAR THAL, DNGOS PO LA GSAR DU MI SLU BA'I SHES PA NI MNGON SUM DU MA ZAD RJES DPAG 'DI'I YANG DNGOS PO LA TSAD MAR GRUB PA'I SGRUB BYED YIN PA'I PHYIR DANG, DNGOS PO DE DANG 'BREL PA'I TSUL GSUM PA'I DNGOS PO'I RTAGS LA BLTOS PA'I YANG PHYIR RO, ,GNYIS PA LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, KHYED TSAD MA GNYIS KA DNGOS PO'I YUL CAN DU MTSUNGS PAR 'DOD NA, TSAD MA KUN LAS BTUS LAS, 'BRAS BU SNGAR BZHIN 'DI DAG GI ,YUL DANG RANG BZHIN 'DRA MA YIN, ,RANG DANG SPYI YI SPYOD YUL CAN, ZHES YUL SO SOR NGES PAR GSUNGS PA DANG 'GAL LO ZHE NA, MDO MDZAD PA'I SLOB DPON GYIS NI RJES DPAG GIS DNGOS PO MI 'JAL BAS YUL SO SOR NGES PAR GSUNGS PA MA YIN NO, ,GNYIS PA NI, SLOB DPON PHYOGS KYI GLANG POS, TSAD MA GNYIS DNGOS PO 'JAL BA DANG MI 'JAL BA'I RNAM DBYE SO SOR NGES PA'I RGYU MTSAN GYIS SPYOD YUL THA DAD DU BSHAD PA MA YIN TE, SNGAR BSHAD PA DE GZUNG YUL GYI DON GYI DBYE BA BSHAD PA TZAM YIN PA'I PHYIR, TSAD MA GNYIS KYI GZUNG YUL SO SOR NGES PA YIN TE, YUL MI GSAL ZHING 'DRES PAR SNANG BA DANG GSAL LA MA 'DRAS PAR SNANG BA'I SNANG BA THA DAD PAS SO SOR NGES PA'I PHYIR, KHYAB PAR THAL, GZHI GCIG LA 'DRES MA 'DRES DANG GSAL MI GSAL DE GZHI MTHUN DU 'DU BA MI 'THAD PA'I PHYIR, 'THAD LDAN DU, SHES PA RNAMS KYI YUL NI RNAM PA GNYIS TE, GZUNG BA DANG ZHEN PA'O, ,RNAM PAR RTOG PAS NI SGRO BTAGS PA'I RANG BZHIN

'DZIN CING, DE DANG 'DRA BA'I RANG GI MTSAN NYID NI NGES PAR BYED PA YIN NO, ,DBANG PO'I SHES PAS NI, SKAD CIG MA 'DZIN CING DE'I STOBS KYIS SKYES PA'I NGES PA NI SKAD CIG MA DE'I CHA SHAS RGYUN MTHONG NGO SNYAM DU NGES PA YIN NO, ,DE LA GZUNG BA'I YUL THA DAD KYANG 'JUG PA'I YUL NI MA YIN TE, GNYIS KAS KYANG DER ZHEN PAS RANG GI MTSAN NYID KHO NA LA 'JUG PA'I PHYIR RO, ,DE NYID KYI PHYIR MNGON SUM GYIS GZUNG BA'I YUL GANG YIN PA DE NI THOB PAR BYA BA MA YIN TE, SKAD CIG MA DE NI THOB PAR MI NUS PA'I PHYIR RO, ,'ON KYANG MNGON SUM GYI STOBS LAS SKYES PA'I NGES PAS GZUNG BA'I SKAD CIG MA GANG YIN PA DE'I RGYUN YUL DU BYED PA LA, DE YANG NGES PAR BYAS PA'I DON YIN PA DES NA MNGON SUM DANG RJES SU DPAG PA DAG GI ZHEN PAR BYA BA'I 'JUG PA'I YUL KHYAD PAR MED PA YIN NO, ZHES BSHAD DO, ,DE DAG GIS MNGON SUM DANG RJES SU DPAG PA'I TSAD MAS DNGOS PO 'JAL BA'I TSE MNGON SUM TSAD MAS DNGOS PO PHRA BA'I MTHAR THUG PA RDUL PHRAN DANG SKAD CIG MA CHA SHAS DANG BRAL BA'I SGO NAS GZUNG YANG DE LA RANG STOBS KYIS NGAS PA MI 'DREN LA, SNGON PO MA YIN PA LAS LOG PA'I SNGO TZAM LA SOGS PA'I RAGS PA DANG RGYUN LA NGES PA 'DREN PA YIN NO, ,YANG SKABS 'DIR 'THAD LDAN DU, GANG GI PHYIR MNGON SUM GYI TSAD MA'I YUL YANG GZUNG BA'I SKAD CIG NYID NI MA YIN GYI, 'ON KYANG ZHEN PA YIN NO, ZHES BSHAD PA LTAR, ZHAN PHUL LA TSAD MA YIN GYI GZUNG NGOR YIN GYI GZUNG NGOR 'DZIN LTAR SHAR BA LA TSAD MA MA YIN NO, ,MNGON SUM GYI GZUNG YUL YIN NA DE'I GZHAL BYAR 'GAL BA MA YIN TE, SNGON

, ,PO DE SNGO 'DZIN MNGON SUM GYI GZUNG DON DANG GZHAL BYA GNYIS KA YIN PA'I PHYIR RO, ,MNGON SUM GYIS GZHAL BA'I DNGOS PO GANG YIN PA DE RJES DPAG GIS 'JAL BA MA YIN KYANG, SPYIR DE GNYIS KAS DNGOS PO 'JAL BA NA MNGON SUM LA GZHAN DANG MA 'DRES PAR RANG MTSAN GYI THUN MONG MA YIN PA'I NGO BO SNANG BA'I SGO NAS 'JAL LA, RJES DPAG LA DE LAS GZHAN SPYI MTSAN YANG SNANG BA'I SGO NAS 'JAL BA YIN NO, ,GSUM PA NI, TSAD MA GNYIS KYI GZUNG YUL DE DAG NI CHOS CAN, GCIG PAR 'THAD PA MA YIN TE, GSAL MI GSAL DANG 'DRES PA DANG MA 'DRES PAR SNANG BA PHAN TSUN RNAM PA MI MTHUN PA'I PHYIR, DES NA SLOB DPON PHYOGS KYI GLANG POS, TSAD MA GNYIS KYI DMIGS PA'I YUL GZUNG YUL DON BYED NUS PA DANG MI NUS PA 'GAL BA THA DAD PAS TSAD MA'I YUL THA DAD DU BSHAD KYI TSAD MA GNYIS KYIS SGRO 'DOGS GCOD PA'I BYA BA'I YUL DON BYED NUS PA DANG MI NUS PA 'GAL BA THA DAD PA LAS NI TSAD MA'I YUL THA DAD DU BSHAD PA MA YIN TE, DE LTAR GONG DU BSGRUBS PA DE'I PHYIR, TSAD MA GNYIS KYI GZUNG YUL THA DAD CES BYA BA YANG CHOS CAN, SKABS 'DIR THA MI DAD PA YIN PA BKAG PA LHUR LEN PA NYID DU BLTA'I YUL RDZAS DU MAR BSGRUB PA LHUR LEN PA NYID NI MA YIN TE, RTOG PAS BTAGS PA'I THA DAD TZAM YIN PA'I PHYIR, KHA CIG ,THA DAD LA RDZAS THA DAD DANG LDOG PA THA DAD DANG GCIG PA BKAG PA'I THA DAD GSUM DU BYED PA MI 'THAD DE, SNGA MA GNYIS MA GTOGS PA'I GSUM PA CUNG ZAD KYANG MI RNYED PA'I PHYIR, 'DIR BSHAD PA NI GCIG YIN

PA 'GOG PA LHUR BLANGS PA YIN GYI, RANG DBANG BA'I THA DAD DU BSGRUB PA LHUR BLANGS PA MA YIN PA'I DON TO, ,LA ME LDAN DU 'JAL BA'I RJES SU DPAG PA'I RNAM PAR RTOG PA NI CHOS CAN, KHYOD KYI GZUNG YUL DNGOS POR MED PA CAN NYID YIN TE, SNGO 'DZIN MNGON SUM RANG LA SNANG BA'I DON YOD MED KYI RJES SU 'GRO LDOG BYED PA BZHIN DU KHYOD KYI SNANG BA'I YUL RANG GI YUL DU 'DOD PA'I SNANG BYA'I PHYI ROL YOD PA DANG MED PA'I RJES SU 'GRO BA DANG LDOG PA'I RJES SU MI BYED PA'I PHYIR DANG, KHYOD KYI SNANG YUL NI SPYIR YANG ME DANG RDZAS GCIG TU MED ME'I DNGOS PO LAS RDZAS GZHAN DU YANG BRJOD DU MED PA NYID KYI PHYIR RO, ,GSUM PA DE LA RTZOD PA SPANG BA LA GNYIS, RTZOD PA DANG, LAN NO, ,DANG PO NI, GAL TE BLO GNYIS KA'I TSAD MA'I YUL DNGOS PO NYID DU MTSUNGS PA YIN NA, JI LTAR RTAGS LA BRTEN PA'I RJES DPAG LAS SPYI RTOGS LA DE LAS GZHAN MNGON SUM LAS NI RANG GI MTSAN NYID RTOGS PA YIN CES PA'I DBYE BA MI 'THAD PAR THAL, TSAD MA GNYIS KA'I YUL DNGOS PO NYID DU MTSUNGS PA DE NI STE DE'I PHYIR CE NA, 'DI RJES DPAG GI GZUNG YUL SPYI MTSAN YIN PA LA BSAMS PA MA YIN TE, SPYIR GYUR PA'I ZHEN YUL RTOGS PA LA BSAMS NAS RTZOD PA YIN LA, RTZOD PA'I RGYU MTSAN NI, DA LTAR RIGS PA LTAR SNANG SMRA BA KHA CIG LTAR SPYI YIN NA DNGOS PO MA YIN PAS KHYAB SNYAM PA'O, ,GNYIS PA LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, SPYI'I SPYOD YUL CAN DANG DNGOS PO'I YUL CAN MI 'GAL BA'I LAN BSHAD PA'O, ,GNYIS PA NI, DU BA'I RTAGS LA BRTEN NAS DU BA DANG LDAN PA'I

, ,LA ME YOD DU RTOGS PA'I RJES DPAG CHOS CAN, SPYI'I SPYOD YUL CAN DU BSHAD PA'I RGYU MTSAN YOD DE, DU LDAN LA LA BTZO SREG SOGS BYED NUS KYI ME DE MIN PA'I RANG BZHIN LAS LDAG PA'I ME'I DNGOS PO TZAM ZHIG RAB TU BSGRUB CING 'JAL BAS DER BSHAD PA'I PHYIR, GZHUNG 'DI LA BRTEN NAS GZHAN DON GYI SKABS SU DAM BCA'I MTSAN NYID 'CHAD PA DANG, RJES DPAG SPYI'I SPYOD YUL CAN DU BSHAD PAS SO SOR NGES PA'I RANG MTSAN RTAGS KYI BSGRUB BYA MA YIN PA BCAD PA'I CHED DU DAM BCA'I MTSAN NYID KYI ZUR KHA CIG SMOS PA DGOS PA MED PAR BSTAN PA YANG SHES PAR BYA'O, ,SPYI YIN NA DNGOS PO MA YIN PAS KHYAB PAR 'DOD PA NI RJES DPAG LA SKUR PA 'DEBS PA RGYANG PHAN GYI LUGS YIN LA, YUL DUS RANG BZHIN MA 'DRES PAR GNAS PA RANG MTSAN GYI DON LDOG TU BYAS NAS RANG MTSAN RANG MTSAN MA YIN PAR KHAS LEN PA YANG DE DAG DANG 'DRA BAR SHES PAR BYA'O, ,ME MA YIN PA LAS LOG PA DNGOS PO MA YIN NA RJES DPAG DNGOS PO'I YUL CAN DU BZHAG MI NUS LA, DNGOS PO YIN NA RANG MTSAN YIN PAS JI LTAR SPYI'I SPYOD YUL CAN ZHES BYA ZHE NA, DE CHOS CAN, DU BA DANG LDAN PA'I LA'I ME DNGOS PO YIN KYANG KHYOD SPYI'I SPYOD YUL CAN DU BSHAD PA 'GAL BA MED DE, DE DNGOS PO YIN CING KHYOD KYIS 'JAL YANG RTZVA LAS BYUNG BA DANG SOG MA LAS BYUNG BA LA SOGS PA'I ME'I KHYAD PAR GRUB CING 'JAL BA'I NUS PA GNAS PA MED PAS SPYI'I SPYOD YUL CAN DU BSHAD PA YIN PA'I PHYIR RO, ,GSUM PA LA GNYIS, RGYAS PAR BSHAD PA DANG, GNYIS KA DNGOS PO'I YUL CAN DU

GRUB PA'I DON BSDU BA'O, ,DANG PO LA GSUM, RJES DPAG SPYI'I YUL CAN DU BSGRUB PA DANG, MNGON SUM RANG MTSAN GYI YUL CAN DU BSTAN PA'I DON BSHAD PA DANG, KHYAD PAR DE RJES DPAG LA MED PA'O, ,DANG PO NI, LA ME LDAN DU BSGRUB PA'I RTAGS DANG DE LA BRTEN PA'I RJES DPAG SPYI'I YUL CAN DU BSHAD PA'I RGYU MTSAN YOD DE, DU LDAN LA LA ME MA YIN PA DE LAS LDOG PA ME MA YIN LAS THA DAD PA'I ME'I DON TZAM DU BA'I RTAGS KYIS NUS PA'I YUL DU NYE BAR 'JOG PAR BYED CING RTAGS DE LA BRTEN PA'I RJES DPAG GIS KYANG 'JAL BAS SPYI'I SPYOD YUL CAN DU BSHAD PA'I PHYIR, LA LA ME TZAM BSGRUBS PA LA DGOS PA MED PA MA YIN TE, BTZO BA DANG BSREG PA LA SOGS PA'I DGOS PA BSGRUB NUS KYI DON GANG DANG LDAN PA'I ME'I DON SHES PAR 'DOD PA LA BSGRUB DGOS PA'I PHYIR, DE CHOS CAN, DNGOS PO YUL DU YOD PA BSKAL ZHING SPANGS PA'I DNGOS MED 'BA' ZHIG 'JAL BA'I PHYIR NI SPYI'I SPYOD YUL CAN DU BSHAD PA MA YIN TE DNGOS POR GYUR PA'I LA ME'I TSOGS DON SGRUB CING 'JAL BA YIN KYANG ME MA YIN DE LAS THA DAD PA'I KHYAD PAR RTZVA LAS BYUNG BA DANG SOGS MA LAS BYUNG BA DANG GSAL ZHING 'BAR BA LA SOGS PA SO SOR NGES PA'I RANG MTSAN BSGRUB CING 'JAL BA'I NUS PA GNAS PA MED PA'I PHYIR SPYI'I SPYOD YUL CAN DU BSHAD PA YIN PA'I PHYIR, 'THAD LDAN DU, 'DI SKAD BRJOD PA YIN TE, 'DIR RANG GI MTSAN NYID NYE BAR 'JOG PAR MI BYED PA NI MA YIN TE, 'ON KYANG GANG ZHIG DE'I SO SOR NGES PA'I RANG GI MTSAN NYID KYI RANG BZHIN GCIG PU DE NGES PAR KHONG DU CHUD PAR MI NUS PA YIN TE, 'DI'I DON BYED PAR RUNG BA

, ,'DI KHO NA DE'I RANG BZHIN YIN GYI, GZHAN NI ZHES RANG BZHIN GZHAN YONGS SU SPANGS NAS SO SOR NGES PA'I RANG BZHIN MA NGES PA'I KHYAD PAR GNAS PA MED PA YIN NO, ZHES BSHAD DO, ,SO SOR NGES PA'I RANG MTSAN GYI YUL CAN MA YIN PAR BSGRUB PA NI RTAGS DANG RJES DPAG RTAGS DU BA RTOGS SHING NGES PA YANG SPYI'I YUL CAN DANG DU BA YANG DU BA MA YIN PA LAS THA DAD PA'I SPYI DE LTA BU YIN PA'I PHYIR DANG, DES LKOG GYUR GYI ME BSGRUB PA DPE DANG RTZOD GZHI GNYIS KA LA THUN MONG DU RJES SU 'GRO BA LA BLTOS PA'I PHYIR RO, ,DE GNYIS KA RTAGS KYI RNAM GRANGS YIN LA ME DANG DU BA'I SPYI 'BREL NGES PAR BYED PA'I TSE DU BAS KHYAD PAR DU BYAS PA'I DU BA'I GSAL BA MTHA' DAG ME MED DU 'DZIN PA'I SGRO 'DOGS CHOD DGOS PA YIN NO, ,DE LTA MA YIN NA GNOD PA CAN GYI TSAD MA BSTAN PAR DKA'O, ,GNYIS PA NI, CIG SHOS, ME 'DZIN MNGON SUM CHOS CAN, SO SOR NGES PA'I RANG GI MTSAN NYID KYI YUL CAN YIN TE, RTZVA LAS BYUNG BA DANG SENG LDENG LAS BYUNG BA SOGS YUL DUS SO SOR MA 'DRES PAR ME'I RANG BZHIN GYI RNAM PA GSAL PAR SNANG BA CAN YIN PA'I PHYIR, DER THAL, YUL DUS KYI KHYAD PAR GZHAN 'DRES PA 'DZIN PAS DBEN PA'I TSAD MA YIN PA'I PHYIR, YANG DAM BCA' SNGA MA LA RTAGS KYI KHYAB PAR NI RTAGS LA BLTOS MI DGOS PAR RANG GI NGO BO MYONG BA LAS DON RANG MTSAN RTOGS PA YIN PA'I PHYIR RO, ,GSUM PA NI, YAN LAG GZHAN RTAGS LAS BSGRUB BYA RTOGS PA RJES DPAG NI CHOS CAN, SO SOR NGES PA'I RANG MTSAN GYI YUL CAN DE LTA MA YIN TE, DE LA STE KHYOD LA DE

'JAL BA DANG KHYOD KYI RTEN RTAGS LA DE BSGRUB PA'I NUS PA MED PA'I PHYIR RO, ,GNYIS PA NI, MNGON SUM DANG RJES SU DPAG PA'I TSAD MA NI DNGOS PO'I YUL CAN NYID DU MTSUNGS PA YIN TE, DON RANG MTSAN LA MI SLU BAR NI TSAD MA GNYIS KA YANG MTSUNGS PA'I PHYIR, RJES DPAG DNGOS PO'I YUL CAN DANG DE'I RTEN MTHAR THUG PA DNGOS POR STON PA YIN GYI RANG GI GZHAL BYA LA DNGOS POS KHYAB PA MNGON SUM LA YANG BSGRUB MI NUS SO, ,GNYIS PA DE'I RTEN GTAN TSIGS GTAN LA DBAB PA LA GNYIS, GTAN TSIGS KYI SPYI'I MTSAN NYID DANG, DBYE BA'O, ,DANG PO LA GNYIS, SPYI'I DON DANG, YAN LAG GI DON TO, ,DANG PO LA GNYIS, GTAN TSIGS YANG DAG GTAN LA DBAB PA DANG, GTAN TSIGS LTAR SNANG GTAN LA DBAB PA'O, ,DANG PO LA GSUM, MTSAN NYID DANG, DBYE BA DANG, GRANGS NGES PAR BSGRUB PA'O, ,DANG PO LA GNYIS, DNGOS DANG, LOG RTOG DGAG PA'O, ,DANG PO NI, TSUL GSUM YIN PA'O, ,GNYIS PA NI, RTAGS YANG DAG GI MTSAN NYID TSUL GSUM TSAD MA'I STOBS KYIS NGES PA, ZHES 'CHAD PA NI MI RIGS TE, TSAD MA KUN LAS BTUS KYI GZHUNG 'DIR BSHAD BYAR BKOD PA DANG, DE'I DON 'GREL PA NA, THA MAR SMOS PA'I NGES PA NYID NI TSUL GSUM GA LA BLTA BAR BYA'O, ZHES PA NI TSUL GSUM PO'I MTSAN NYID KYI ZUR DU NGES PA SMOS DGOS PA'I DON YIN GYI, RTAGS YANG DAG GI MTSAN NYID KYI ZUR DU NGES PA SMOS DGOS PAR STON PA MA YIN TE, RTAGS RTZOD GZHI LA 'GOD TSUL DANG MTHUN PAR YOD PA KHO NAR NGES PA'I SGO NAS PHYOGS CHOS MTSON PAR BYED PA YIN GYI, PHYOGS CHOS NGES PA

, ,MTSON PAR BYED PA MA YIN PA'I PHYIR, BLOS NGES PA'I DON MA YIN GYI DON GYI GNAS TSOD LA GRUB PA'I DON YIN NO ZHE NA, DON GYI GNAS TSOD LA GRUB KYANG TSAD MAS MA GRUB CING THE TSOM ZA NA PHYOGS CHOS SU MI 'GYUR TE, THE TSOM ZA BA'I MA GRUB PA'I GTAN TSIGS LTAR SNANG YIN PA'I PHYIR RO, ,DE BZHIN DU TSUL GZHAN GNYIS LA YANG SHES PAR BYA'O, ,GANG DAG SBYOR BA SKOR GCIG GI CHOS MTHUN SBYOR GYIS RJES KHYAB DNGOS SU BSTAN ZHING, LDOG KHYAB DNGOS SU MA BSTAN PA DANG, CHOS MI MTHUN PA'I SBYOR BAS DE LAS LDOG NAS BSTAN PAS RJES SU 'GRO LDOG GI KHYAB PA 'GAL BAR 'DOD PA NI SGRA SEL 'JUG GI KHYAD PAR MA PHYED PA STE, DE LTAR NA BYAS PA DANG MI RTAG PA YANG 'GAL BAR 'GYUR TE, DE GNYIS DNGOS SU BRJOD PA'I SGRAS DE GNYIS DNGOS SU BRJOD PA DANG MI BRJOD PA'I KHYAD PAR SO SOR NGES PA'I PHYIR, YANG RTAG NA MA BYAS PAS KHYAB PA MI MTHUN DPE LA BSTAN PA LA BSAMS NAS LDOG KHYAB MI MTHUN PHYOGS KHO NA DANG, RJES KHYAB MTHUN PHYOGS KHO NAR 'DOD PA YANG MI 'THAD DE, RTAGS KYI TSUL DU GYUR PA'I LDOG KHYAB KYI MTSAN NYID KYI ZUR DU MI MTHUN PHYOGS LA MED PA SMOS PAS LDOG KHYAB MI MTHUN PHYOGS KHO NA LA YOD PA 'GAL BA'I PHYIR RO, ,YANG RJES SU 'GRO LDOG GI KHYAB PA PHAN TSUN SPANG 'GAL GYI DNGOS 'GAL DU 'DOD CING, LDOG KHYAB YIN NA MI MTHUN PHYOGS YIN PAS KHYAB PAR 'DOD NA BLO'I YUL DU BYAR RUNG GI RTAGS KYIS BUM PA SHES BYAR BSGRUB PA'I RTAGS YANG DAG MI SRID NA GTAN TSIGS KUN LA SKUR PA 'DEBS DGOS PAR 'GYUR LA, SRID NA

RTAGS DE'I LDOG KHYAB MI SRID PAR THAL, DE'I MI MTHUN PHYOGS MA GRUB PA'I PHYIR TE, SHES BYA MA YIN PA MI SRID PA'I PHYIR RO, ,GNYIS PA NI, 'BRAS BU DANG, RANG BZHIN DANG, MA DMIGS PA'I GTAN TSIGS SO, ,DANG PO LA GNYIS, MTSAN NYID DANG, RGYU 'BRAS NGES BYED KYI TSAD MA GTAN LA DBAB PA'O, ,DANG PO NI, TSUL GSUM GANG ZHIG RANG GI BSGRUB BYA'I CHOS SU DNGOS SU GZUNG BYA YIN NA RANG DANG RDZAS THA DAD YIN PA'O, ,GNYIS PA NI, ME DU GNYIS KA YOD NA DMIGS RUNG GI GZHIR ME DU GNYIS KA MA DMIGS PA'I NGAG 'DZIN MNGON SUM ZUNG GCIG DANG, DE'I RJES SU ME DMIGS, DE'I RJES SU DU BA DMIGS PA'I RGYU 'BRAS GNYIS KYI NGO BO 'DZIN PA'I MNGON SUM ZUNG GCIG DANG, DE'I RJES SU ME MA DMIGS DE'I RJES SU DU BA MA DMIGS PA'I DAG 'DZIN MNGON SUM ZUNG GCIG STE TSAD MA PHRUGS GSUM GYIS RGYU 'BRAS SU NGES TE, MNGON SUM GYIS DU BA DUS NAM YANG MED PA DANG DUS RTAG TU YOD PA KHEGS PA'I STOBS KYIS RES 'GA' 'BYUNG BA'I DNGOS POR GRUB PAS RGYU MED PA KHEGS LA, ME YOD NA DE'I RJES SU 'BYUNG ZHING ME LOG NA DE'I RJES SU LDOG PAR MNGON SUM GYIS GRUB PA DANG, MES DBEN PA'I RJES SU 'GRO LDOG BYED PA'I RGYU GZHAN YOD PA MNGON SUM GYIS KHEGS PAS MI MTHUN PA'I RGYU LAS SKYE BA YANG KHEGS PA YIN NO, ,RGYU 'BRAS KYI GNAS LA LOG RTOG RGYAS PAR 'GOG PA'I DBANG DU BYAS PA YIN GYI, DBANG PO RNON POS DU BA ME LAS SKYE BZHIN PAR MTHONG BA'I DBANG PO'I MNGON SUM GCIG GIS ME DANG DU BA RGYU 'BRAS SU 'GRUB PA YIN NO, ,DE LTA MA YIN NA 'KHAR GZHONG GI NANG NA

, ,RGYA SHUG YOD PA SOGS KYANG MNGON SUM GCIG GIS MI 'GRUB PAR 'GYUR RO, ,RGYAS PAR NI 'OG TSIG DON GYI SKABS SU 'CHAD PAR 'GYUR RO, ,GNYIS PA LA GSUM, MTSAN NYID DANG, DBYE BA DANG, MTSAN NYID NGES BYED KYI TSAD MA GTAN LA DBAB PA'O, ,DANG PO NI, DE SGRUB KYI TSUL GSUM GANG ZHIG RANG GI BSGRUB BYA'I CHOS SU DNGOS SU GZUNG BYA YIN NA RANG DANG RDZAS THA MI DAD CING SGRUB PA YIN PAS KHYAB PA'O, ,GNYIS PA NI, KHYAD PAR BLTOS PA BA DANG, DAG PA BA GNYIS TE 'CHAD PAR 'GYUR RO, ,GSUM PA NI, BSTAN BCOS 'DIR LTA BA DKAR RTAGS KYI PHYAG RGYA BZHI'I NANG NAS KYANG 'DUS BYAS THAMS CAD MI RTAG PAS KHYAB PA RGYAS PAR GTAN LA 'BEBS SHING DE LA BRTEN NAS GANG ZAG GI BDAG YOD PAR GRUB MTHA' 'CHA' BA YANG KHEGS PA YIN TE, GANG ZAG GI BDAG RTAG PA'I DNGOS POR KHAS LEN PA DNGOS PO LA MI RTAG PAS KHYAB PA GRUB PA DE NYID KYIS KHEGS PA'I PHYIR, DES NA BYAS PAS SGRA MI RTAG PAR BSGRUB PA LA DPER MTSON NA RTAGS DGOD PA DANG, TSUL BSGRUB PA'O, ,DANG PO NI, GANG BYAS PA YIN NA MI RTAG PA YIN PAS KHYAB, DPER NA BUM PA BZHIN, SGRA YANG BYAS ZHES PA'O, ,GNYIS PA LA, PHYOGS CHOS BSGRUB PA DANG, KHYAB PA BSGRUB PA'O, ,DANG PO NI, SGRA SKYES PAR MNGON SUM TSAD MAS GRUB PA'I TSAD MA DE NYID KYIS SGRA BYAS PA YIN PA RTOGS NUS LA, DE MA NUS NA THA SNYAD 'BA' ZHIG RTAGS KYIS BSGRUB PA YIN NO, ,GNYIS PA LA, RJES SU 'GRO LDOG GI KHYAB PA NGES PA LA TSAD MA DU DGOS DPYAD PA DANG,

RJES SU 'GRO LDOG GI KHYAB PA NGES PA LA 'BREL PA NGES PA SNGON DU 'GRO DGOS PAR BSTAN PA DANG, 'BREL PA NGES BYED KYI TSAD MA BSHAD PA'O, ,DANG PO NI, GTAN TSIGS KYI MTSAN GZHI NGES PA'I TSAD MA DANG, DGAG BYA'I CHOS LA RTAGS 'GOG PA'I TSAD MA DANG, BSGRUB BYA'I CHOS DANG DGAG BYA'I CHOS PHAN TSUN SPANG 'GAL LA BRTEN PA'I DNGOS 'GAL DU NGES PA'I TSAD MA DANG GSUM NGES PAR DGOS LA, GSUM LAS MANG BA MI DGOS PAS GSUM KHO NAR GRANGS NGES SO, ,DANG PO NI, MI RTAG PA DANG RTAG PA DNGOS 'GAL DU NGES PA'I TSAD MA DANG, RTAG PA LA BYAS PA 'GOG PA'I TSAD MA YOD KYANG MTSAN GZHI BYAS PA NGES PA'I TSAD MA TSAD MI DGOS NA, SHES BYA MA YIN PA MI RTAG PA KHO NA LA YOD PAR THAL, RTAG PA LA KHEGS SHING RTAG PA DANG MI RTAG PA DNGOS 'GAL DU NGES PA'I TSAD MA YOD PA'I PHYIR, DE 'DOD MI NUS PA NI, SHES BYA MA YIN PA NGES PA'I TSAD MA MA TSANG BAS YIN NO, ,YANG RTAGS KYI MTSAN GZHI NGES PA'I TSAD MA DANG, DGAG BYA'I CHOS LA RTAGS 'GOG PA'I TSAD MA GNYIS KYIS CHOG NA DUNG DE SNGON PO KHO NA LA 'JUG PAR THAL, DUNG NGES PA'I TSAD MA YOD SER PO LA 'JUG PA KHEGS PA'I PHYIR, DE 'DOD MI NUS PA NI SNGO SER PHAN TSUN SPANG 'GAL GYI DNGOS 'GAL DU MA GRUB PAS YIN NO, ,YANG MTSAN GZHI NGES PA'I TSAD MA DANG, DNGOS 'GAL NGES PA'I TSAD MA GNYIS KYIS CHOG NA, GZHAL BYA DE MI RTAG PA KHO NA LA YOD PAR THAL, GZHAL BYA NGES PA'I TSAD MA DANG, RTAG MI RTAG DNGOS 'GAL DU NGES PA'I TSAD MA YOD PA'I PHYIR, DE 'DOD MI NUS PA NI, RTAG

, ,PA LA GZHAL BYA 'GAG PA'I TSAD MA MED PAS YIN NO, ,DE BZHIN DU GTAN TSIGS YANG DAG GZHAN LA YANG TSAD MA GSUM PO DE DGOS PA JI LTAR RIGS PAR SHES PAR BYA'O, ,BLTOS MED KYI RTAGS LA BRTEN PA'I RJES DPAG GCIG PUS BYAS PA 'JIG NGES SU GRUB PA MA YIN NAM ZHE NA, DE LA YANG TSAD MA GSUM PO DE'I DOD THUB PA NGES PAR DGOS PAR SHES PAR BYA'O, ,GNYIS PA NI, RNAM 'GREL DU, DE DAG MED NA DE MED CES, ,BRJOD PA LAS KYANG DE RTOGS PHYIR, CES DANG, 'OG NAS 'BREL PA MED PAR NI RJES SU 'GRO BA DANG LDOG PA NGES PA MED PAR BSHAD PA RNAMS NI, RJES SU 'GRO LDOG GI KHYAB PA NGES PA 'BREL PA SNGON DU SONG BA LA BLTOS DGOS PA'I DON YIN NO, ,DE YANG BYAS PA MI RTAG PA LA 'BREL PA'I DON DU MI RTAG PA DANG THA DAD MI RTAG PA LOG PA'I STOBS KYIS LDOG PA'I MTSAN NYID KYI ZUR SNGA MA NI MNGON SUM TSAD MAS BSGRUB LA, PHYI MA NI 'OG NAS 'CHAD PA'I GNOD PA CAN GYI RTAGS LA BRTEN PA'I RJES DPAG GIS NGES PA YIN NO, ,MI RTAG PA LOG NA BYAS PA LOG PA DANG RTAG NA MA BYAS PAS KHYAB PA SOGS DON GCIG PAS CHOS MI MTHUN PA'I SBYOR BAS MI MTHUN DPE LA BSTAN PA NI, 'BREL PA'I DON LDOG GI PHYOGS GCIG LDOG KHYAB NGES PA'I SNGON DU NGES PAR BYA BA'I CHOS YIN GYI, RTAGS DE'I LDOG KHYAB MA YIN TE, DE NI MI MTHUN DPE LA GRUB PAR BSTAN PAR BYA BA YIN LA, RTAGS DE'I LDOG KHYAB YIN NA DE'I MI MTHUN PHYOGS LA MED NGES YIN DGOS PA'I PHYIR RO, ,RTAG NA MA BYAS PAS KHYAB PA TZAM RTAGS DE'I LDOG KHYAB

YIN NA, DE LA 'DI 'DRI BAR BYA STE, TZANDAN GYI KHYAD PAR 'GA' ZHIG SHING YANG YIN TZANDAN YANG YIN PA'I GZHI MTHUN DU TSAD MAS NGES NAS SHING DU MA NGES PA YOD DAM MED, DANG PO LTAR NA, GZHI DE SHING DU NGES NAS SHING DU MA NGES PA YOD PAR 'GYUR LA, GNYIS PA LTAR NA, GZHI DER SHING MED PAR NGES NAS SHING YANG YIN SHA PA'ANG YIN PA'I GZHI MTHUN MI SRID PAR NGES DGOS PAS, SHING MED DE SHING MED KYI GZHI 'GAR SHING SHA PA MED PAR BSGRUB PA'I RTAGS YANG DAG TU BZHAG TU MED PAR 'GYUR RO ZER NA LAN CI YOD, DE NI 'DOD PA YIN TE, SHA PA MED PAR SGRUB PA'I RTAGS SU 'GYUR BA YIN GYI, SHING SHA PA MED PAR SGRUB PA'I GTAN TSIGS SU MI 'GYUR TE, GZHI DER SHING MED PAR NGES NAS SHING YANG YIN SHA PA YANG YIN PA'I GZHI MTHUN MED PAR MA NGES PA MI SRID DO ZHE NA, DE LTAR NI SHIN TU RIGS PA KHO NA'O, ,DNGOS PO'I RTAGS KYIS MNYAN BYA'I DNGOS PO MI RTAG PAR SGRUB PA'I RJES KHYAB 'JAL BA'I TSAD MA YIN NA BSGRUB BYA 'JAL BA'I TSAD MA YIN DGOS PAR THAL, DNGOS PO YIN NA MI RTAG PA YIN PA'I KHYAB PA NGES PA'I BLO YIN NA, RTAG NA DNGOS PO MA YIN PA'I KHYAB PA NGES PA'I BLO YIN DGOS, RTAG NA DNGOS PO MA YIN PA'I KHYAB PA NGES PA'I BLO YIN NA, RTAG NA MNYAN BYA'I DNGOS PO MA YIN PA'I KHYAB PA NGES PA'I BLO YIN DGOS RTAG NA MNYAN BYA'I DNGOS PO MA YIN PA'I KHYAB PA NGES PA'I BLO YIN NA, MNYAN BYA'I DNGOS PO YIN NA MI RTAG PA YIN PA'I KHYAB PA NGES PA'I BLO YIN DGOS PA'I PHYIR, GTAN TSIGS KYI ZUR GSUM YOD PA'I SNGA PHYI GNYIS MA GRUB NA, DPE 'DUS MA BYAS KYI

, ,NAM MKHA'I STENG DU BSTAN PA'I RTAG NA MA BYAS PAS KHYAB PA TZAM BYAS PA'I RTAGS KYIS SGRA MI RTAG PAR BSGRUB PA'I LDOG KHYAB YIN PA NYAMS SO, ,RTAGS GCIG PU DE'I RJES SU 'GRO LDOG GI KHYAB PA GANG RUNG GCIG NGES PA'I TSAD MA DES CIG SHOS MA NGES PA BRGYA BYIN GYIS KYANG BSGRUB MI NUS SO, ,SGRA MI RTAG PA YIN KYANG SGRA NGES PA'I TSAD MAS MI RTAG PA NGES MI DGOS PA BZHIN DU, DE LDOG KHYAB YIN KYANG DE NGES PA'I TSAD MAS LDOG KHYAB NGES PAR KHAS LEN MI DGOS ZHES KYANG BYAR MED DE, KHYOD LA DON GANG ZHIG NGES NA RTAGS KYI TSUL GSUM GYI YA GYAL DU GYUR PA'I LDOG KHYAB NGES PAR 'JOG PA'I NGES RGYU'I LDOG KHYAB KYI GTZO BO DE MIN PA KHYOD LA 'DZIN RGYU MI 'DUG PA'I PHYIR, RTAGS ZUR BAR PA MA GRUB NA, SHING GIS DAG PA'I GZHIR SHING MI SRID PAR NGES NA, SHING YANG YIN SHA PA YANG YIN PA'I GZHI MTHUN MED PAR NGES PAS KHYAB PA NYAMS SO, ,RTZA BA'I THAL BA 'DOD NA, DE RTAGS YANG DAG MA YIN PAR 'GYUR LA, DE 'DOD NA, RTZOL BYUNG YANG RTZOL BA LAS BYUNG BA'I SGRA MI RTAG PAR BSGRUB PA'I RTAGS YANG DAG MA YIN PAR 'GYUR BAS, GTAN TSIGS KUN LA SKUR PA 'DEBS DGOS PAR 'GYUR RO, ,'O NA CHOS MI MTHUN SBYOR GYIS LDOG KHYAB DNGOS SU MA BSTAN PAR 'GYUR TE, RTAG NA MA BYAS PAS KHYAB PA LDOG KHYAB MA YIN LA, DE LAS GZHAN PA'I KHYAB PA CUNG ZAD KYANG MA BSTAN PA'I PHYIR RO ZHE NA, SKYON MED DE, BYAS PA GANG YIN DE NYID MI MTHUN PHYOGS LA MED PA KHO NAR NGES PA LDOG KHYAB SGRUB NGAG GIS DNGOS SU BSTAN PAR BYA BA

DE NYID YIN GYI, MI MTHUN DPE LA BSTAN PA DE NI SNGAR BSHAD PA LTAR 'BREL PA'I DON LDOG GI PHYOGS GCIG YIN GYI LDOG KHYAB MA YIN PAS DE DNGOS SU STON PA DANG RTAGS KYI MTSAN GZHI BYAS PA DNGOS SU STON PA TSOGS PA LAS LDOG KHYAB DNGOS SU BSTAN PAR SHES PAR BYA'O, ,RTAG PA LA BYAS PA MED PAR STON PA'I SGRA DES BYAS PA RTAG PA LA MED PAR STON YANG RTAG PA BYAS STONG DU RTOGS PA'I TSAD MA DES, BYAS PA RTAG PA LA MED PAR RTOGS NUS PA MA YIN PAS GZHI BYAS PA DANG TSOGS DGOS PA YIN NO, ,'O NA LDOG KHYAB 'BA' ZHIG DNGOS SU STON PA'I SGRUB NGAG YANG DAG MI SRID PAR 'GYUR RO ZHE NA, 'DOD PA YIN NO, ,PHYIR RGOL LA PHYOGS CHOS BSTAN MI DGOS KYANG LDOG KHYAB 'BA' ZHIG STON DGOS PA SRID LA, DE STON PA'I NGAG DE TSUL GSUM STON PA'I SGRUB NGAG YANG DAG MA YIN KYANG SBYOR NGAG TZAM ZHIG TU 'DOD LA, DES BYAS PA BRJOD KYANG SGRA NI BYAS ZHES BRJOD MI DGOS PA'I PHYIR RO, ,DES NA BYAS PA GZHIR BZUNG NAS SGRA MI RTAG PAR SGRUB PA'I RJES KHYAB DANG LDOG KHYAB TU MTSON PA LA MI RTAG PA DANG 'BREL STOBS KYIS MTHUN PHYOGS KHO NA LA YOD PAR NGES PA DANG, MI MTHUN PHYOGS LA MED PA KHO NAR NGES PA MTSAN NYID DO, ,GSUM PA LA, 'BREL PA'I RANG LDOG SGRUB BYED LTOS MED KYE GTAN TSIGS DANG, 'BREL PA'I DON LDOG SGRUB BYED GNOD PA CAN GYI GTAN TSIGS SO, ,DANG PO LA GNYIS, GTAN TSIGS DGOD PA DANG, TSUL BSGRUB PA'O, ,DANG PO NI, BYAS PA CHOS CAN, RANG NYID YOD TZAM NAS 'JIG PA RANG CHAS SU RJES SU 'BREL PA YIN TE, SKYES PA GANG

, ,ZHIG KHYOD SKYED BYED MA YIN PA'I KHYOD KYI 'JIG PA SKYED PA'I RGYU MED PA'I PHYIR, GNYIS PA LA, KHYAB PA BSGRUB PA DANG, PHYOGS CHOS BSGRUB PA'O, ,DANG PO NI, SNGAR BSHAD PA BZHIN DU RTAGS KYI MTSAN GZHI NGES PA'I TSAD MA DANG, YOD TZAM NAS 'JIG PA RANG CHAS SU RJES SU MA 'BREL BA DE SKYES PAS KHEGS PA NYID KYIS, SKYES PA YANG YIN SKYED BYED KYI RGYU MA YIN PA'I 'JIG RGYU MED PA'I GZHI MTHUN KHEGS PAS DGAG BYA'I CHOS LA RTAGS 'GOG PA'I TSAD MA DE DANG, YOD TZAM NAS 'JIG PA RANG CHAS SU RJES SU 'BREL BA DANG DE MA YIN DNGOS 'GAL DU NGES PA'I TSAD MA GSUM LA BRTEN NAS NGES PAR BYED PA YIN NO, ,GNYIS PA NI, BYAS PA SKYED BYED MA YIN PA'I RGYU CHOS CAN, BYAS PA'I 'JIG PA SKYED BYED MA YIN TE, BYAS PA'I 'JIG PA DNGOS POR GYUR PA DANG DNGOS MED DU GYUR PA GANG YANG MI SKYED PA'I PHYIR RO, ,BYAS PA'I 'JIG PA DNGOS MED MI SKYE DE, BYAS PA DNGOS PO MED PAR MI SKYED PA'I PHYIR TE, DNGOS MED KHYOD KYI BYED PA 'JUG PA'I YUL DU MI RUNG BA'I PHYIR, DE MA GRUB NA, DNGOS MED DNGOS POR THAL BA NI, DE RGYU NUS PA MED PHYIR YANG, ZHES PA'I YANG GI SGRAS BSTAN TO, ,BYAS PA'I 'JIG PA DNGOS POR GYUR PA MI SKYED DE, BYAS PA DANG RDZAS GCIG DANG THA DAD GANG YANG MI SKYED PA'I PHYIR, BYAS PA'I 'JIG PA BYAS PA DANG RDZAS GCIG MI SKYED DE, BYAS PA LA PHAN PA'I KHYAD PAR CUNG ZAD MI SKYED PA'I PHYIR, BYAS PA'I 'JIG PA BYAS PA LAS RDZAS THA DAD BSKYED NA BYAS PA LA KHYAD PAR CUNG ZAD KYANG MI SKYED PAS, BYAS PA LAS RDZAS GZHAN KHO NA

LA PHAN BTAGS PAR 'GYUR LA, DES NA BYAS PA'I 'JIG PA BYAS PA LAS RDZAS THA DAD MI SKYED DE, BYAS PA 'JIG PAR BSKYED PA MA YIN PA'I PHYIR TE, BYAS PA LAS DON GZHAN KHO NA LA PHAN BTAGS PA'I PHYIR, DES NA BYAS PA 'JIG PAR 'GYUR PA YUL DANG DUS DANG RANG BZHIN BYE BRAG PA'I RGYU LA BLTOS PA MA YIN PAR BYAS PA YOD TZAM DU LAG RJES 'JOG PA'I RIGS KYI RGYU NUS PA THOGS MED DE, BYAS PA'I 'JIG PA'I LAG RJES 'JOG BYED KYI RIGS KYI RGYU NUS PA THOGS MED YIN PAS, YOD TZAM NAS 'JIG PA RANG CHAS SU RJES SU 'BREL BA GRUB PA YIN NO, ,GNYIS PA LA GSUM, RTAGS DGOD PA DANG, TSUL BSGRUB PA DANG, MTHA' DPYAD PA'O, ,DANG PO NI, RTAG PA CHOS CAN, BYAS PAS STONG STE, RIMS DANG CIG CAR GYI DON BYED PAS STONG PA'I PHYIR, GNYIS PA LA KHYAB PA BSGRUB PA NI, SNGAR BSHAD PA LTAR GYI TSAD MA GSUM MO, ,PHYOGS CHOS BSGRUB PA NI, RIMS DANG CIG CAR GYI DON BYED PAS STONG STE, SKAD CIG MA GCIG DANG DU MAS STONG PA'I PHYIR, DES STONG STE, SKAD CIG MAS STONG PA'I PHYIR, CES PA LA BRTEN NAS SHES PAR BYA'O, ,GNOD PA CAN GYI RTAGS LA BRTEN PA'I RJES DPAG 'DIS SNGAR BSHAD PA'I 'BREL BA'I DON LDOG GI PHYOGS GCIG NGES PA YIN KYANG, BYAS PA GZHIR BZUNG NAS RTAG PA LA MED NGES SU RTOGS PA MA YIN TE, DE'I RTEN GTAN TSIGS DE BYAS PA LA 'GOD TSUL LTAR MA GRUB PA'I PHYIR RO, ,GSUM PA NI, RTAG PA BYAS STONG DU NGES PA'I TSAD MA DES RTAG PA'I GSAL BA'I DBYE BA MTHA' DAG LA BYAS STONG GIS KHYAB PA NGES SAM MA NGES, DANG PO LTAR NA, RTZOL BYUNG LA MI

, ,RTAG PA'I KHYAB PA NGES PA'I TSAD MA DES, RTZOL BYUNG GI GSAL BA'I DBYE BA MTHA' DAG LA RTAG PAS STONG PA'I KHYAB PA NGES PAR THAL, 'DOD NA, RTZOL BA LAS BYUNG BA'I SGRA LA RTAG PAS STONG PA'I KHYAB PA NGES PAR THAL, DE 'DOD NA, RTZOL BYUNG GI RTAGS LA BRTEN PA'I RJES DPAG BCAD SHES SU THAL, RANG 'DREN BYED KYI TSAD MA SNGA MAS RTOGS ZIN BYED PA MA NYAMS PA'I DON DE NYID BSNAN NAS RTOGS PA'I SHES PA YIN PA'I PHYIR, GNYIS PA LTAR NA, RTAG PA BYAS STONG DU RTOGS PA'I GANG ZAG DE, RTAG PA'I GSAL BA'I DBYE BA 'GA' ZHIG LA BYAS PA 'JUG PAR DOGS SAM MI DOGS, DANG PO LTAR NA, RTAGS MI MTHUN PHYOGS LA 'JUG PAR DOGS PAS MI MTHUN PHYOGS LA RTAGS YOD PA MA KHEGS PAR 'GYUR LA, GNYIS PA LTAR NA, DOGS PA GCOD BYED KYI TSAD MA GZHAN MED PAS DE NYID KYIS DOGS PA CHOD PAR 'GYUR LA, DE LTA NA, RTZOL BYUNG LA MI RTAG PA'I KHYAB PA NGES PAR TSAD MA DE NYID KYIS RTZOL BYUNG GI GSAL BA'I DBYE BA MTHA' DAG LA RTAG PA 'JUG PAR DOGS PA'I SGRO 'DOGS CHOD PAR 'GYUR LA, DE LTA NA RTZOL BA LAS BYUNG BA'I SGRA LA RTAG 'DZIN GYI SGRO 'DOGS CHOD PAR 'GYUR RO, ,DE LTA NA RTZOL BYUNG GI RTAGS LA BRTEN PA'I RJES DPAG BCAD SHES SU THAL TE, RANG 'DREN BYED KYI TSAD MA SNGA MAS SGRO 'DOGS BCAD ZIN BYED PA MA NYAMS PA'I DON LA BSNAN NAS SGRO 'DOGS GCOD PAR BYED PA'I SHES PA YIN PA'I PHYIR, DES NA GZHI RTAG PA LA BYAS PA 'GOG PA'I KHYAD GZHI'I NGOS NAS GNOD PA CAN GYI RTAGS LA BRTEN PA'I RJES DPAG GIS SGRO 'DOGS GCOD TSUL,

DE DPYAD MI BZOD LA, BSGRUB BYA'I CHOS BYAS PAS STONG PA'I NGOS NAS BRTAGS NA YANG DPYAD MI BZOD DE, 'DI LTAR RTAG PA BYAS STONG DU NGES PA'I TSAD MA NGES GZHI RTAG PA'I STENG DU, BYAS PA'I GSAL BA'I DBYE BA MTHA' DAG GIS STONG PAR NGES SAM MA NGES, PHYI MA LTAR NA, BYAS PA'I GSAL BA'I DBYE BA 'GA' ZHIG RTAG PA LA 'JUG PAR DOGS SAM MI DOGS, DOGS NA, RTAGS MI MTHUN PHYOGS LA 'JUG PAR DOGS PAS DOGS PA GCOD BYED GZHAN YANG MED PAS LDOG KHYAB MI 'GRUB PAR 'GYUR LA, DOGS PA MED PA YANG MI 'THAD DE, TSAD MA NGES DOGS PA MA CHOD LA DOGS PA GCOD BYED GZHAN YANG MED PA'I PHYIR, DANG PO LTAR NA, BYAS NA MI RTAG PA'I KHYAB PA NGES PA'I TSAD MA DES GZHI BYAS PA'I STENG DU, RTAG PA'I GSAL BA'I DBYE BA MTHA' DAG GIS STONG PA'I KHYAB PA NGES PAR 'GYUR LA, DE LTA NA, SGRA'I RTAG PAS STONG PA'I KHYAB PA YANG NGES DGOS PAS RJES KHYAB NGES PA NA BYAS PAS SGRA MI RTAG PAR SGRUB PA'I BSGRUB BYA GRUB PAR 'GYUR RO, ZHE NA, DE DAG GI LAN BRJOD PAR BYA STE, RTAG PA BYAS STONG DU NGES PA'I TSAD MA DES, RTAG PA'I GSAL BA'I DBYE BA MTHA' DAG LA BYAS PA 'JUG PAR 'DZIN PA'I SGRO 'DOGS CHOD KYANG BYAS PAS STONG PA'I KHYAB PA MI NGES LA, GAL TE NGES DGOS NA BYAS NA MI RTAG PA'I KHYAB PA NGES PA'I TSAD MA DES BYAS PA'I GSAL BA'I DBYE BA MTHA' DAG LA, RTAG PAS STONG PA'I KHYAB PA NGES DGOS PAR 'GYUR LA, DE LTA NA, BYAS PAS SGRA MI RTAG PAR SGRUB PA'I RTAGS KYI TSUL 'JAL BA'I TSAD MA NGES BSGRUB BYA GRUB PAR 'GYUR TE, BYAS PA'I GSAL BA'I DBYE BA MTHA' DAG

, ,LA MI RTAG PA'I KHYAB PA SGRA'I BYAS PA DANG TSOGS PA GZHAL BA'I PHYIR, YANG BYAS NA MI RTAG PA'I KHYAB PA NGES PA'I TSAD MA DES BYAS PA'I GSAL BA'I DBYE BA MTHA' DAG LA MI RTAG PA'I KHYAB PA NGES SU CHUG KYANG, SGRA'I BYAS PA LA MI RTAG PA'I KHYAB PA NGES MI DGOS TE, SGRA DANG SGRA'I BYAS PA LA DNGOS SHUGS GANG LA YANG BLO KHA PHYOGS PA MED PA'I PHYIR RO, ,DE BZHIN DU RTZOL BYUNG LA MI RTAG PA'I KHYAB PA NGES PA'I TSAD MA DES, RTZOL BYUNG GI GSAL BA'I DBYE BA MTHA' DAG LA RTAG PAS STONG PA'I KHYAB PA NGES KYANG, RTZOL BA LAS BYUNG BA'I SGRA LA RTAG PAS STONG BA'I KHYAB PA DES MI DGOS PAS RTAGS DE LA BRTEN PA'I BLO BCAD SHES SU THAL BA'I SKYON MED DO, ,RANG 'DREN BYED KYI TSAD MA SNGA MAS SGRO 'DOGS BCAD ZIN GYI DON LA BSNAN NAS SGRO 'DOGS GCOD PAR BYED PA BCAD SHES KYI DON MIN PAS SKYON GZHAN YANG MED DO, ,'O NA SNGAR GYI GNOD PA CAN GYI TSAD MA NGES RTAG PA'I GSAL BA'I DBYE BA MTHA' DAG LA, BYAS PA 'JUG PAR 'DZIN PA'I SGRO 'DOGS MI CHOD PAR 'GYUR TE, RTAG PA'I GSAL BA'I DBYE BA MTHA' DAG LA DNGOS SHUGS GANG LA YANG BLO KHA MA PHYOGS PA'I PHYIR CE NA, MI MTSUNGS TE, RTAG PA TZAM LA MI SRID PAR NGES NA RTAG PA'I GSAL BA'I DBYE BA 'GA' ZHIG LA YOD PA KHEGS KYANG, DGAG BYA'I CHOS RTAG PA'I GSAL BA'I DBYE BA MTHA' DAG LA MI SRID PA'I KHYAB PA NGES MI DGOS PA'I PHYIR RO, ,YOD MED DNGOS 'GAL DU NGES PA NA GZHI GANG GI STENG NA YANG DE GNYIS GZHI MTHUN SRID PA'I DOGS PA MED KYANG SHES BYA MTHA' DAG GI STENG DU DE GNYIS 'GAL BAR NGES

MI DGOS PA'I PHYIR RO, ,GZHAN YANG BYAS NA MI RTAG PA'I KHYAB PA NGES PA'I TSAD MA DES, GZHI BYAS PA'I STENG DU SGRA'I RTAG PAS STONG PA NGES SU CHUG KYANG SGRA KHYAD GZHIR BZUNG BA'I STENG DU RTAG PAS STONG PA MI NGES PAS SKYON MED DO, ,GAL TE BYAS PA'I GSAL BA'I DBYE BA MTHA' DAG LA MI RTAG PA'I KHYAB PA DANG, SGRA'I BYAS PA TSOGS PA NGES PA'I TSAD MA DE NYID KYIS BSGRUB BYA NGES DGOS NA BYAS PAS SGRA MI RTAG PAR BSGRUB PA'I TSUL 'JAL BA'I TSAD MA NGES KYANG BSGRUB BYA GRUB PAR 'GYUR RO ZHE NA, MI MTSUNGS TE, BYAS PA'I GSAL BA'I DBYE BA MTHA' DAG LA MI RTAG PA'I KHYAB PA NGES PA'I TSAD MA DE NYID KYIS SGRA'I BYAS PA LA MI RTAG PA'I KHYAB PA MI NGES KYANG, SGRA'I BYAS PA LA BLO KHA PHYOGS NAS BYAS PA'I GSAL BA'I DBYE BA MTHA' DAG LA MI RTAG PA'I KHYAB PA DANG TSOGS PA TSAD MA'I YUL DU SONG BA NA BSGRUB BYA GRUB DGOS PAR SEMS SO, ,YANG NA 'DI LTAR SHES PAR BYA STE, RTZOL BYUNG GIS RTZOL BA LAS BYUNG BA'I SGRA MI RTAG PAR BSGRUB PA'I RTAGS KYI TSUL 'JAL BA'I TSAD MA NGES RTZOL BYUNG LA MI RTAG PA'I KHYAB PA 'JAL BA'I TSAD MA DES RTZOL BA LAS BYUNG BA'I SGRA LA RTAG 'DZIN GYI SGRO 'DOGS CHOD, PHYOGS CHOS 'JAL BA'I TSAD MAS RTZOL BA LAS BYUNG BA'I SGRA LA BLO KHA PHYOGS KYANG RTZOL BA LAS BYUNG BA'I SGRA DE RTAG PAS STONG PA'I KHYAD GZHI'I TSUL DU BLO KHA PHYOGS PA MED PAS RTZOL BA LAS BYUNG BA'I SGRA RTAG PAS STONG PA RTOGS PAR KHAS LEN MI DGOS PA BZHIN DU, BYAS PA'I GSAL BA'I DBYE BA MTHA' DAG LA MI RTAG PA'I KHYAB PA NGES PA DANG SGRA BYAS PA YIN PA TSOGS PA NGES KYANG SGRA DE MI RTAG PA'I KHYAD GZHI'I TSUL DU BLO KHA

, ,PHYOGS PA MED PAS BSGRUB BYA GRUB MI DGOS SO ZHES LAN 'DEBS NUS NA YANG GDAB PAR BYOS SHIG ,GSUM PA LA GSUM, MTSAN NYID DANG, DBYE BA DANG, DBYE BA DE LTAR NGES PA'I RGYU MTSAN NO, ,DANG PO NI, TSUL GSUM GANG ZHIG RANG GI BSGRUB BYA'I CHOS SU DNGOS SU BZUNG BYA YIN NA RTAGS RANG DANG RDZAS THA MI DAD CING SGRUB PA MA YIN PA'O, ,GNYIS PA NI, 'OG NAS DE LTAR NA MI DMIGS PA 'DI NI SBYOR BA'I BYE BRAG GIS RNAM PA BCU YIN NO, ZHES GSUNGS PAS LHAN CIG MI GNAS 'GAL LA BRTEN PA BCUR NGES PA DANG, 'OG NAS GTAN TSIGS LTAR SNANG GI SKABS SU PHAN TSUN SPANG 'GAL LA BRTEN PA'I 'GAL KHYAB DMIGS PA'I DGAG RTAGS DANG BCU GCIG TU GSUNGS KYI DE LAS MANG BA MA GSUNGS PAS, KHA CIG GIS, GRANG REG DANG GRANG REG GI 'BRAS BU DANG BDAG GCIG PA'I KHYAB BYA DANG, GRANG REG GI DNGOS RGYU NUS PA THA MA RGYUN CHAGS SU GNAS PA MED PAR BSGRUB PA RE RE LA YANG TSA REG DANG TSA REG GI 'BRAS BU DANG TSA REG GI BDAG GCIG PA'I KHYAB BYA DANG TSA REG GI DNGOS RGYU NUS PA THA MAS KHYAB PA BZHI BZHI RTAGS SU BKOD NAS LHAN CIG MI GNAS 'GAL LA BRTEN PA'I DGAG RTAGS BCU DRUG TU BZHED PA DANG, GZHAN DAG GIS DE'I NANG NAS BCU GNYIS YANG DAG YIN LA, BZHI LTAR SNANG YIN NO ZHES ZER BA YANG DGAG RTAGS 'JUG PA'I TSUL LA LEGS PAR DPYAD PA NA 'THAD PAR MI SEMS TE 'CHAD 'GYUR RO, ,GSUM PA LA GNYIS, DGAG PA BYED PA DGAG BYA DMIGS BYED KYI TSAD MA BKAG PA LA

BLTOS PA'I DON DANG, DBYE BA NGES PAR BSGRUB PA'O, ,DANG PO NI, 'OG NAS DGAG PA GANG JI SNYED PA DE THAMS CAD NI MI DMIGS PA LAS YIN NO ZHES GSUNGS PA'I DON, 'GAL DMIGS KYI GTAN TSIGS LTA BU DGAG BYA DMIGS BYED KYI TSAD MA BKAG PA'I NGO BO YIN PA NGES PA TZAM GYIS GRANG REG 'GOG PA MA YIN TE, DE LTA NA, PHYOGS CHOS GRUB PA TZAM GYIS BSGRUB BYA GRUB PAR 'GYUR PA DANG, DES DGAG BYA DMIGS BYED KYI TSAD MA THOG MAR BKAG NAS DE'I RJES SU DGAG BYA 'GOG PAR BYED PA MA YIN TE, DE LTA NA DGAG RTAGS THAMS CAD KYIS DGAG BYA 'GOG PA RANG BZHIN MA DMIGS PA'I GTAN TSIGS DNGOS KYIS DGAG BYA BKAG PA LA BLTOS PAR THAL BA DANG, YANG RTZOD GZHI'I STENG DU DGAG BYA DMIGS BYED KYI TSAD MA BKAG PA BSGRUB PA'I DON YIN NA DGAG RTAGS THAMS CAD DON SGRUB KYI RTAGS SU THAL BAR 'GYUR BAS DE'I DON GANG YIN CE NA, DGAG RTAGS THAMS CAD DGAG BYA DMIGS BYED KYI TSAD MA BKAG PA'I SGO NAS DGAG BYA 'GOG PA LA KHYAD PAR CUNG ZAD KYANG MED LA, DGAG BYA DMIGS BYED KYI TSAD MA BKAG PA RTAGS SU BKOD NAS DGAG BYA MED PA GO BAR BYED DGOS NA, PHYIR RGOL SHIN TU RMONGS PA'I DON CAN YIN PAS THA SNYAD 'BA' ZHIG SGRUB KYI MA DMIGS PA'I GTAN TSIGS SU 'GYUR BA YIN LA, DON GRUB KYI DGAG RTAGS RNAMS NI RTZOD GZHI'I STENG DU DGAG BYA DMIGS BYED KYI TSAD MA MED PA DANG, DGAG BYA MED PA DUS GCIG TU BSGRUB PA YIN NO, ,GZHI GANG YOD PAR 'JOG PA YANG TSAD MAS DMIGS PA'I SGO NAS BZHAG DGOS LA, GZHI GANG NA DON GANG MED PAR 'JOG PA YANG

, ,DE DMIGS BYED KYI TSAD MA BKAG PA'I SGO NAS 'JOG PA MA GTOGS 'JOG PA'I THABS GZHAN CUNG ZAD KYANG MED PAS DGAG PA 'GRUB PA DGAG BYA MA DMIGS PA LA BLTOS PA ZHES BYA BA YIN NO, ,'OG NAS DE LTA MA YIN NA DMIGS PA MA BKAG PA CAN MED PA MI 'GRUB PA'I PHYIR RO, ,DON GRUB KYI DGAG RTAGS RNAMS RTZOD GZHI'I STENG DU DGAG BYA MED PAR BSGRUB PA'I TSE DGAG BYA DMIGS BYED KYI TSAD MA MED PA BSGRUB KYANG, DGAG BYA YOD NA DMIGS SU RUNG BA LAS MA DMIGS PA BSGRUB PA'I NGES PA MED DE 'CHAD PAR 'GYUR RO, ,DES NA GANG ZAG 'DI'I RGYUD LA YON TAN 'DI DAG MED DO ZHES SMRA BA DAG GIS KYANG GANG ZAG DE'I RGYUD KYI YON TAN DMIGS BYED KYI TSAD MA YOD MED RTOGS LA SMROS SHIG ,DE'I YON TAN DMIGS BYED KYI TSAD MA KHYOD RANG GI RGYUD LA MED PA TZAM GYIS NI DE LTAR SMRA BAR NUS PA MA YIN TE, DE LTA NA CHOS DU MA LA SKUR BA 'DEBS DGOS PAR 'GYUR RO, ,GNYIS PA NI, DGAG PA BYED PA NA DGAG GZHI PHYIR RGOL GYI MNGON SUM LA SNANG DU RUNG BA DANG MI RUNG BA GNYIS SU NGES PA LAS SNANG DU MI RUNG NA MNGON SUM GYIS DGAG PA BYED MI NUS TE, DGAG GZHI DNGOS SU RTOGS NAS MED DGAG SHUGS LA RTOGS PAR MI BYED NA DGAG GZHI DANG BRAL BA'I MED DGAG YAN GAR BA TSU ROL MTHONG BA'I MNGON SUM GYI GZUNG YUL DU 'GYUR DGOS NA DE MI SRID PA'I PHYIR RO, ,DGAG GZHI MNGON SUM LA SNANG DU MI RUNG BA LA TSAD MA'I STOBS KYIS DGAG PA BYED NA, RJES DPAG GIS BYED DGOS PA YIN NO, ,DGAG GZHI MNGON SUM LA SNANG DU RUNG BA GZHIR

BYAS PA LA DGAG BYA'I CHOS YOD NA PHYIR RGOL DE'I MNGON SUM LA SNANG DU RUNG MI RUNG GNYIS SU NGES PA LAS, PHYI MA LTAR NA, MI SNANG BA MA DMIGS PA'I GTAN TSIGS 'JUG PA'I DUS YIN LA, JI LTAR 'JUG PA'I TSUL NI RGYAS BSHAD KYI SKABS SU STON PAR 'GYUR RO, ,DGAG BYA'I CHOS DE PHYIR RGOL DE'I MNGON SUM LA SNANG DU RUNG DU RUNG BA'I GZHIR BYAS PA LA, DGAG GZHI DE'I STENG DU YOD NA PHYIR RGOL DE'I MNGON SUM LA SNANG DU RUNG MI RUNG GNYIS SU NGES PA LAS, DANG PO LTAR NA, PHAL CHER MNGON SUM GYIS DGAG PA BYED LA, RJES DPAG 'JUG NA THA SNYAD 'BA' ZHIG BSGRUB DGOS PAS RANG BZHIN MA DMIGS PA'I GTAN TSIGS 'JUG PA'I DUS YIN NO, ,GNYIS PA GZHIR BYAS PA LA RTAGS KYIS DGAG PA BYED NA DGAG GZHI DE'I STENG DU DGAG BYA'I CHOS DE'I 'BREL YUL YOD NA SNANG RUNG DANG, 'GAL ZLA YOD NA SNANG RUNG GNYIS SU NGES LA, 'BREL YUL LA NGO BO RGYU 'BRAS GSUM DU NGES PA LAS, NGO BO LA KHYAB CHUNG BA DANG CHE BA DANG MNYAM PA GSUM LAS, KHYAB CHUNG BA BKAG PAS 'GOG MI NUS LA, KHYAB MNYAM PA BKAG PAS 'GOG PA NI RANG BZHIN MA DMIGS PA'I GTAN TSIGS DNGOS DANG DE DANG 'DRA BA RNAMS 'JUG PA'I DUS SO, ,KHYAB CHE BA BKAG PAS 'GOG NA KHYAB BYED MA DMIGS PA'I GTAN TSIGS 'JUG PA'I DUS YIN NO, ,DGAG BYA'I CHOS KYI RGYU YOD NA SNANG RUNG YIN NA RGYU MA DMIGS PA'I GTAN TSIGS 'JUG PA'I DUS YIN NO, ,DGAG BYA'I CHOS KYI DNGOS RGYU'I RANG LDOG BKAG PAS 'GOG PA LA NI PHYOGS CHOS MI 'GRUB BO, ,'O NA DNGOS 'BRAS MA

, ,DMIGS PA LA YANG NYES PA MTSUNGS SO ZHE NA, MI MTSUNGS TE, DGAG GZHI DE'I STENG DU DGAG BYA'I CHOS DE'I RANG LDOG YOD NA MNGON SUM GYIS DMIGS SU RUNG NA DGAG BYA'I CHOS DE YANG YOD NA MNGON SUM GYIS DMIGS SU RUNG LA, DGAG GZHI DE'I STENG DU DU BA YOD NA MNGON SUM GYIS SNANG DU RUNG NA, DU BA'I DNGOS RGYU NUS PA THA MA YOD NA SNANG DU RUNG BA'I NGES PA MED PA'I PHYIR RO, ,DGAG BYA'I CHOS DE'I 'BRAS BU YOD NA SNANG RUNG YIN NA 'BRAS BU GANG YANG RUNG BA BKAG PAS 'GOG MI NUS SHING, DNGOS 'BRAS BKAG PA RTAGS SU DGOD DGOS PAS DNGOS 'BRAS MA DMIGS PA'I GTAN TSIGS 'JUG PA'I DUS YIN NO, ,DE LTAR NA, RANG BZHIN MA DMIGS PA DANG RGYU DANG KHYAB BYED DANG DNGOS 'BRAS MA DMIGS PA STE 'BREL YUL MA DMIGS PA'I GTAN TSIGS BZHIR NGES PA YIN NO, ,DGAG GZHI DE'I STENG DU DGAG BYA'I CHOS DE'I 'GAL ZLA YOD NA SNANG RUNG YIN NA, 'GAL ZLA BSGRUBS NAS 'GOG PA YIN TE, RANG GI 'BREL YUL LA NGO BO RGYU 'BRAS GSUM DU NGES PA BZHIN DU DGAG BYA'I CHOS KYI 'GAL ZLA LA YANG NGO BO'I 'GAL ZLA DANG RGYU'I 'GAL ZLA DANG 'BRAS BU'I 'GAL ZLA GSUM LAS, NGO BO'I 'GAL ZLA LA 'GAL ZLA DNGOS DANG 'GAL ZLA DNGOS KYI 'BRAS BU YOD NA SNANG RUNG YIN NA, RANG BZHIN 'GAL DMIGS DNGOS DANG 'GAL 'BRAS DMIGS PA GNYIS 'JUG PA'I DUS YIN NO, ,RGYU'I 'GAL ZLA LA YANG RGYU'I 'GAL ZLA DNGOS DANG RGYU'I 'GAL ZLA'I 'BRAS BU YOD NA SNANG RUNG YIN NA RGYU 'GAL DMIGS DANG RGYU DANG 'GAL BA'I 'BRAS BU DMIGS PA 'JUG

PA'I DUS YIN NO, ,DGAG BYA'I CHOS KYI BDAG GCIG PA'I KHYAB BYED KYI 'GAL ZLA DANG DGAG BYA'I CHOS KYI DNGOS 'BRAS KYI 'GAL ZLA YOD NA SNANG RUNG YIN NA KHYAB BYED 'GAL DMIGS DANG 'BRAS BU 'GAL DMIGS GNYIS 'JUG PA'I DUS YIN PAS, 'GAL DMIGS DRUG DANG 'BREL ZLA MA DMIGS PA BZHI STE LHAN CIG MI GNAS 'GAL LA BRTEN PA'I MA DMIGS PA BCUR GRANGS NGES PA YIN NO, ,GSUM PA GRANGS NGES PAR BSGRUB PA NI, GZHAL BYA LKOG GYUR LA DGAG SGRUB GNYIS SU NGES LA, SGRUB PA SGRUB PAR BYED PA LA BSGRUB BYA'I CHOS DANG NGO BO GCIG DANG THA DAD RTAGS SU BKOD PA GNYIS SU NGES PAS RTAGS GSUM DU GRANGS NGES PA YIN NO, ,'BREL PA GNYIS SU NGES PAS KYANG RTAGS GSUM DU GRANGS NGES PA GRUB STE, 'BREL PA'I RANG LDOG GNYIS LAS 'BRAS RANG GI GTAN TSIGS GNYIS DANG, DON LDOG GNYIS BSGRUBS PA LAS MA DMIGS PA'I GTAN TSIGS 'GRUB PA YIN NO, ,GNYIS PA GTAN TSIGS LTAR SNANG GTAN LA DBAB PA LA GSUM, 'GAL BA DANG, MA NGES PA DANG, MA GRUB PA'O, , DANG PO NI, RJES KHYAB KYI MTSAN NYID STON PA NA MTHUN PHYOGS KHO NA LA YOD PAR NGES PA ZHES PA'I TSIG GI NUS PA LAS, MTHUN PHYOGS LA YOD PA DANG, DE KHO NA LA YOD PA DANG, DE LA YOD PAR NGES PA DANG, DE KHO NA LA YOD BAR NGES PA BZHI 'BYUNG LA DE DAG GIS RIM PA BZHIN DU MTHUN PHYOGS LA MED PA DANG MI MTHUN PHYOGS LA YANG YOD PA'I DON SKYON ZHUGS PA DANG, MTHUN PHYOGS LA MED PAR DOGS PA DANG, MI MTHUN PHYOGS LA YANG YOD PAR DOGS PA'I GTAN TSIGS BZHI SEL LA, DE DAG DANG

, ,LDAN PA'I GTAN TSIGS RNAMS LTAR SNANG YIN KYANG 'GAL BA'I GTAN TSIGS KHO NAR MA NGES TE, DE LA NI MI MTHUN PA'I PHYOGS KHO NA LA YOD PAR NGES PA DGOS PA'I PHYIR RO, ,'GAL BA'I GTAN TSIGS KYI MTSAN NYID DANG, DBYE BA DANG, 'GAL RTAGS LA BZHIR 'BYED NA GTAN TSIGS YANG DAG LA YANG BZHIR DBYE DGOS PA'I RTZOD SPANG SOGS NI GZHAN DON GYI SKABS SU 'CHAD PAR 'GYUR RO, ,GNYIS PA NI, LDOG KHYAB KYI MTSAN NYID STON PA NA, MI MTHUN PA'I PHYOGS LA MED PA KHO NAR NGES PA ZHES PA'I TSIG GI NUS PA LAS MI MTHUN PHYOGS LA MED PA DANG, DE LA MED PA KHO NA DANG, DE LA MED PAR NGES PA DANG, DE LA MED PA KHO NAR NGES PA BZHIS RIM PA BZHIN DU, MI MTHUN PHYOGS LA YOD PA DANG, DE LA YOD PA KHO NA'I DON SKYON ZHUGS PA DANG, DE LTAR DOGS PA'I BLO SKYON ZHUGS PA RNAMS SEL LA, DE DAG DANG LDAN PA'I GTAN TSIGS LTAR SNANG YIN KYANG MA NGES PA'I GTAN TSIGS KHO NAR MI 'GYUR TE, 'GAL BA'I GTAN TSIGS KYANG MI MTHUN PA'I PHYOGS LA YOD PA'I PHYIR RO, ,MA NGES PA'I GTAN TSIGS KYI MTSAN NYID DANG, DBYE BA DANG, LHAG LDAN KHYAB PA LA THE TSOM ZA BAS KHYAB PAR 'DOD PA'I LOG RTOG DGAG PA SOGS NI 'CHAD PAR 'GYUR RO, ,GSUM PA NI, PHYOGS CHOS KYI MTSAN NYID STON PA NA, RJES SU DPAG BYA LA YOD PA KHO NAR NGES PA ZHES PA'I TSIG GI NUS PA LAS, RJES SU DPAG BYA LA YOD PA DANG, DE LA YOD PA KHO NA DANG, DE LA YOD PAR NGES PA DANG, DE LA YOD PA KHO NAR NGES PA BZHIS RIM PA BZHIN DU, RJES SU DPAG BYA LA

GTAN MED PA DANG, DE LA YOD KYANG KHYAB BYED DU MED PA'I DON SKYON ZHUGS PA DANG, DE LTAR DOGS PA'I BLO SKYON ZHUGS PA RNAMS SEL LA, DE DAG DANG LDAN PA'I GTAN TSIGS RNAMS NI, PHYOGS CHOS MA GRUB PA'I GTAN TSIGS KHO NAR 'GYUR RO, , DON BSDUS NA, TSUL GSUM PO'I MTSAN NYID KYI RNAM BCAD KYI GNAS NYE BAR BZUNG BA LAS GTAN TSIGS LTAR SNANG GI MTSAN NYID DANG DBYE BA SHES PAR BYA DGOS BA YIN TE, TSUL GSUM PO GANG YANG RUNG BA RE RE'I MI MTHUN PHYOGS MA ZHUGS PA'I GTAN TSIGS RNAMS NI, YANG DAG KHO NAR NGES PA'I PHYIR RO, ,GNYIS PA YAN LAG GI DON LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, SPYOD YUL LA LOG PAR RTOG PA'I LHAG MA BSAL NAS, RJES DPAG GI RTEN GTAN TSIGS KYI MTSAN NYID LA LOG PAR RTOG PA BSAL BA NI, TSUL GSUM RTAGS LAS DON MTHONG YIN, CES BSHAD PA'I TSUL GSUM PO DE NI GANG YIN CE NA GNYIS PA NI, BYAS PA CHOS CAN, KHYOD SGRA MI RTAG PAR SGRUB PA'I PHYOGS CHOS YIN TE, DE SGRUB KYI RJES SU DPAG BYA SHES 'DOD CHOS CAN LA 'GOD TSUL DANG MTHUN PAR YOD PA KHO NAR NGES PA YIN PA'I PHYIR, DE SGRUB KYI RJES KHYAB YIN TE, DE SGRUB KYI BSGRUB BYA'I CHOS DANG 'BREL BA'I STOBS KYIS RJES SU DPAG BYA DANG DE DANG MTSUNGS PA KHO NA LA YOD PAR NGES PA YIN PA'I PHYIR, DE SGRUB KYI LDOG KHYAB YIN TE, DE SGRUB KYI BSGRUB BYA'I CHOS DANG 'BREL STOBS KYIS DE SGRUB KYI BSGRUB BYA'I CHOS MED PA'I MI MTHUN PHYOGS LA MED PA KHO NAR NI NGES PA YIN PA'I PHYIR DANG

, ,PHYI MA RJES SU 'GRO LDOG GI TSUL GNYIS SU PHYE BAS SPYER BA'I DBYE BA RTOGS PAR BYA BA'I CHED DU YIN NO, ,'DIS TSUL GSUM PO'I MTSAN NYID KYI ZUR DU NGES PA SMOS DGOS PAR STON PA YIN GYI GTAN TSIGS YANG DAG GI MTSAN NYID KYI ZUR DU NGES PA SMOS DGOS PA BSTAN PAR 'DOD PA NI RNAM PAR MA BRTAGS PA'O, ,GSUM PA LA GNYIS, TSUL DANG PO GNYIS BSHAD PA DANG, TSUL GSUM PA BSHAD PA'O, ,DANG PO LA GNYIS, TSUL GNYIS KYI NGO BO NGOS GZUNG BA DANG, NGES GZUNG LA RTZOD PA SPANG BA'O, ,DANG PO NI, RJES SU DPAG PAR BYA BA ZHES PA'I THA SNYAD NI GSUM LA YOD PA LAS PHYOGS CHOS KYI 'BREL PA STON PA'I SKABS 'DIR TSOGS DON LA 'JUG PA MA YIN TE, TSOGS DON TSAD MAS MA GRUB PAS DE LA RTAGS YOD PA MI 'GRUB PA'I PHYIR RO, ,BSGRUB BYA'I CHOS KYANG MA YIN TE, DE LA YOD PA PHYOGS CHOS KYI DON DU MI RUNG BA'I PHYIR DANG, KHYAB PA'I SKABS SU NYE BAR MKHO BA'I PHYIR RO, ,GZHI 'GAR MI RTAG PA LTA BU MA SHES PA SHES PAR 'DOD PA'I BYE BRAG MI RTAG PA LTA BU DANG LDAN PA'I CHOS CAN TE DE RGOL BAS BSGRUB BYA'I CHOS KYI DPAG GZHIR BZUNG BA'I PHYIR DANG, PHYIR RGOL GYI NGOR SGRUB CHOS GRUB BSAL MED PA'I GZHIR GYUR PA'I PHYIR, SHES 'DOD CHOS CAN DE LA RTAGS YOD PAR MNGON SUM MAM RJES SU DPAG PAS 'GOD TSUL DANG MTHUN PAR YOD PA KHO NAR MTHONG BA'O, ,DU BA DANG LDAN PA'I LA LA DU BA PHAL CHER MNGON SUM TSAD MAS GRUB LA DE MA GRUB NA TSANG MANG GI DU BA DANG SNANG BA KHYAD PAR MED PA'I RTAGS LAS RTOGS PA YIN NO, ,

SGRA LA BYAS PA MKHAS PAS MNGON SUM GYIS MA GRUB LA RMONGS PAS RJES DPAG GIS GRUB PA YIN NO, ,DE BZHIN DU SHES 'DOD CHOS CAN DE DANG MTHUN PA'I PHYOGS KHO NA NYID LA YOD PAR NGES PA RJES 'GRO'I KHYAB PA YANG TSAD MA GNYIS CI RIGS PAS GRUB PAR SHES PAR BYA'O, ,YANG GI SGRA NI PHAN TSUN SDUD PA'I DON YIN LA, NYID KYI SGRAS NI LDOG KHYAB 'PHEN PAR BYED PA YIN NO, ,GNYIS PA LA GNYIS, TSUL DANG PO'I NGES GZUNG GIS RJES KHYAB MI 'THAD PA'I RTZOD SPANG DANG, TSUL GNYIS PA'I NGES GZUNG KHAS BLANGS NA PHYOGS CHOS MI 'THAD PA'I RTZOD PA SPANG BA'O, ,DANG PO LA GNYIS, RTZOD PA DANG, LAN NO, ,DANG PO NI, RTAGS RJES SU DPAG PAR BYA BA CHOS CAN GYIS KHYAD PAR DU BYAS PA YIN NA DPE LA SOGS PA GZHAN NA YOD PAR 'GAL BAS RJES KHYAB MA GRUB PAR 'GYUR LA GAL TE YANG RTAGS DE CHOS CAN GYIS KHYAD PAR DU MI BYED NA YANG RJES SU DPAG PAR BYA BA'I CHOS MA YIN PAS PHYOGS CHOS MA GRUB PAR 'GYUR BA YIN NO ZHE NA, 'DI RANG LDOG DANG GZHI LDOG MA PHYED PA'I RTZOD PA YIN TE, BYAS PA SGRA LA MI RTAG PA SGRUB PA'I GTAN TSIGS YIN PAS SGRA LA YOD PA KHO NA YIN CING SGRAS KHYAD PAR DU BYAS PA YIN NA, SGRA'I BYAS PA GTAN TSIGS SU SONG BAS RJES 'GRO MED PAR 'GYUR LA SGRAS KHYAD PAR DU MA BYAS NA SGRA'I CHOS MA YIN PAS PHYOGS MA GRUB PAR 'GYUR SNYAM PA STE TSUL DANG PO'I NGES GZUNG KHAS BLANGS NA RJES KHYAB 'GRUB PA LA GNOD PA'I RTZOD PA'O, ,GNYIS PA LA GSUM, MI LDAN RNAM GCOD KYIS KHYAD PAR DU BYAS PA DANG, GZHAN LDAN RNAM GCOD KYIS KHYAD PAR DU BYAS

, ,PA MA YIN PA DANG, DE RIGS CAN GZHAN LA SHES PAR BYA BA'O, ,DANG PO LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, BYAS PA SGRA LA YOD PA KHO NAS KHYAD PAR DU BYAS PAS SGRA LAS GZHAN LA RJES 'GRO MED PA'I SKYON YOD PA MA YIN TE NGES GZUNG GI TSIG DES BYAS PA SGRA LAS GZHAN LA LDAN PA RNAM PAR GCOD PAS KHYAD PAR DU MA BYAS KYI SGRA LA MI LDAN PA RNAM PAR GCOD PAS KHYAD PAR DU BYAS PA'I PHYIR RO, ,GNYIS PA LA GSUM, NGES GZUNG DNGOS SU SBYAR BA LAS RNAM GCOD DU MAR 'GYUR BA DANG, NGES GZUNG DNGOS SU MA SBYAR YANG RNAM GCOD KYI DON GO BA'I DPE DANG, DES NA SKABS KYI NYES PA LAS GROL BAR BSTAN PA'O, ,DANG PO NI, MI LDAN PA RNAM PAR GCOD PA ZHES KHYAD PAR DU PHYE NAS STON PA RNAM GCOD DU MA YOD DAM ZHE NA, RNAM GCOD MI 'DRA BA DU MAR 'GYUR BA'I RGYU MTSAN YOD DE, RTEN CHOS CAN GYI GZHAN DBANG CAN BRTEN PA BYAS PA LA SOGS PA'I CHOS KYI TSIG PHRAD KHO NA BYAS PA SOGS SBYAR SA MI 'DRA BA THA DAD PAR SBYAR BA'I BYED PAS RNAM GCOD DU MAR 'GYUR BA'I PHYIR, DER THAL SBYAR SA MI 'DRA BA THA DAD PA'I BYED PAS RTEN CHOS CAN DE LA MI LDAN PA RNAM PAR GCOD PA DANG NI RTEN CHOS CAN DE LAS GZHAN PA DAG DANG LDAN PA RNAM PAR GCOD PA DANG RTEN CHOS CAN DE LA GTAN MI LDAN ZHING MI SRID PA NYID RNAM PAR GCOD PAR BYED PA'I PHYIR, NYID KYI SGRAS NI SGRA'I RNAM GCOD DE TZAM DU NGES PAR STON PA YIN NO, ,SGRA'I RNAM BCAD GCOD TSUL MI LDAN PA DANG GZHAN LA LDAN PA DANG, DE LA

MI SRID PA RNAM PAR GCOD PA GSUM DU NGES PA DE BZHIN DU, DON GYI RNAM BCAD KYANG MA KHYAB BA DANG, GZHAN LA KHYAB CHES PA DANG, DE LA MI SRID PA RNAM PAR BCAD PA GSUM DU NGES PA YIN NO, ,DE NYID SGRUB BA NI, TSIG PHRAD GCIG GIS BRJOD BYA'I DON 'GAL BA GSUM JI LTAR 'JOG PAR NUS SHE NA, GZHAN DANG MA 'BREL BA'I KHO NA'I NGES GZUNG 'BA' ZHIG GIS BLANG DOR GYI GNAS RDZOGS BAR STON MI NUS KYANG, SBYAR SA MI 'DRA BA LAS NUS TE, SGRA LA MNYAN BYA YOD PA KHO NA'O ZHES PA'I TSIG CHOS CAN, MI LDAN RNAM GCOD KYI NGAG YIN TE, KHYAD GZHI KHYAD CHOS GNYIS KYI NANG NAS KHYAD PAR DANG NGES GZUNG LHAN CIG SBYAR BA'I TSIG YIN PA'I PHYIR, SGRA KHO NA LA MNYAN BYA YOD DO ZHES PA'I TSIG CHOS CAN, GZHAN LDAN RNAM GCOD KYI NGAG YIN TE, KHYAD GZHI KHYAD CHOS GNYIS KYI NANG NAS KHYAD PAR CAN DAG DANG NGES GZUNG LHAN CIG TU SBYAR BA'I TSIG YIN PA'I PHYIR, BA LA BE'U 'BYUNG SRID PA KHO NA ZHES PA'I TSIG CHOS CAN MI SRID RNAM GCOD KYI NGAG YIN TE, BA LA BE'U 'BYUNG BA'I BYA BA DANG NI NGES GZUNG LHAN CIG BRJOD PA'I TSIG YIN PA'I PHYIR, GNYIS PA LA GSUM, NGES GZUNG DNGOS SU MA SBYAR YANG RNAM GCOD KYI DON RTOGS PA'I RGYU MTSAN DANG, ,DPE DANG, DPE DE NYID BSGRUB PA'O, ,DANG PO NI, TSIG PHRAD MA SBYAR BA DE'I TSE JI LTAR RNAM BCAD RTOGS PAR 'GYUR ZHE NA, RNAM BCAD KYI DON RTOGS PA LA NGES GZUNG DNGOS SU NGES PAR SBYAR DGOS PA MA YIN PAR THAL, NGES GZUNG DE DNGOS SU SBYAR BA MED KYANG SMRA BA PO'I BRJOD 'DOD LAS TSIG PHRAD DE YI

, ,DON GANG YIN PA NYID NI RTOGS PAR 'GYUR BA'I PHYIR, RGYU MTSAN GANG GI PHYIR NA DER THAL, NGAG RNAMS NI SMRA BA PO'I 'DOD PAS DMIGS PA'I 'GAL ZLA RNAM PAR GCOD PA'I 'BRAS BU CAN YIN PA'I PHYIR, BUM PAR CHU 'ON CIG CES SMRAS PA'I TSE SNOD GANG YANG RUNG BAR 'DOD NA BUM PA SMOS PA DON MED LA, CHU'AM GANG YANG RUNG BA 'DOD NA CHU SMOS PA DON MED CING, KHYER 'ONG BA MI 'DOD NA 'ON CIG CES SMOS PA DON MED PAS, BUM PA KHO NAR CHU KHO NA KHYER 'ONG DGOS PA KHO NA DON GYIS GNAS PA YIN NO, ,GNYIS PA NI, DPER NA, RGYAL PO SKYABS SENG LA LHA THU BO CHE LAS BLANGS PA'I BU DU MA YOD PA LAS, RGYU SKAR NAG PAS BYIN PA'I RGYAL BU NAG PA DE TZAM DU 'PHONGS SKYEN PAR MA GRAGS PAS NAG PA 'PHONGS SKYEN NAM ZHES DRIS PA NA, NAG PA LA 'PHONGS SKYEN PAS MA KHYAB PA'I DOGS PA BCAD 'DOD NAS NAG PA 'PHONGS SKYEN PA YIN NO, ZHES BRJOD PA DANG 'AM GYI SGRA NI DPE DE BZHIN GYI DON TO, ,DBANG PO BRGYA BYIN GYIS BYIN PA'I RGYAL BU SRID SGRUB 'PHONGS SKYEN PAR GRAGS KYANG, DE DANG MNYAM PA'AM DE LAS LHAG PA'I 'PHONGS SKYEN BA GZHAN YOD PA'I DOGS PA MCHOD PAS, SRID SGRUB LTA BU'I 'PHONGS SKYEN PA GZHAN YOD DAM DRIS PA NA DOGS PA DE BCAD 'DOD NAS SRID SGRUB 'PHONGS SKYEN ZHES BYA BA DANG, ME TOG MTSO SKYES LA SNGON PO'I KHA DOG GIS DBEN PA NI GRUB LA MTSO SKYES SNGON PO MA GRUB PAS, SNGON PO SRID DAM MI SRID SNYAM DU DOGS NAS DRIS PA NA DOGS PA DE BCAD PA'I CHED DU

SNGON PO YIN BA'I MTSO SKYES SU 'GYUR BA SRID PA YIN NO, ZHES PA NYID BZHIN NO, ,GSUM PA NI, SNGAR BSHAD PA LTAR NAG PA 'PHONGS SKYEN NO ZHES PA DER YANG 'GAL BA'I ZLA BO MI LDAN PA RNAM PAR GCOD PA'I DON RNAMS LA NI RTOGS PA SKYE BAR 'GYUR TE NGAG DE LA BRTEN NAS NAG PA 'PHONGS SKYEN PA DANG 'BREL PAR RTOGS PA'I SGO NAS DE DANG MA 'BREL PA RNAM PAR GCOD PA'I PHYIR, MI LDAN RNAM GCOD KYI NGAG GIS RANG GI 'GAL ZLA RNAM PAR GCOD KYI GZHAN MI GCOD PA CI YIN CE NA, MI LDAN RNAM GCOD KYI NGAG GIS RANG GI BRJOD BYA'I 'GAL ZLA RNAM PAR GCOD KYI DE LAS GZHAN THAMS CAD MI GCOD PA'I RGYU MTSAN YOD DE, NGAG DE'I 'JUG TSUL 'JIG RTEN NA DE LTAR GRAGS SHING GRAGS PA LTAR GNAS PA'I PHYIR, RANG GI BRJOD BYA'I 'GAL ZLA DANG GZHAN RNAMS RANG GI BRJOD BYA MA YIN PAR KHYAD BAR MED PA LA 'GAL ZLA NYID BZLOG PAR GRAGS KYI GZHAN BZLOG PAR MA GRAGS PA CI YIN CE NA, MI LDAN RNAM GCOD KYI NGAG GIS RANG GI BRJOD BYA'I 'GAL ZLA NYID BZLOG PAR GRAGS PA'I RGYU MTSAN YOD DE, RJOD BYED SGRA'I NUS PA'I DBANG LAS DE LTAR GRAGS PA'I PHYIR 'THAD LDAN DU SGRA'I NUS PA LAS SO ZHES 'BYUNG BAS SPYIR 'GAL ZLA GCOD NUS PAR STON BA TZAM MA YIN GYI, 'GAL ZLA GCOD KYI GZHAN MI GCOD PA DE BRJOD 'DOD DANG MTHUN PAR SBYAR BA'I SGRA'I NUS PA'I SHUGS YIN PAR STON PA YIN NO, ,SGRA'I NUS BA LAS SO ZHES JI LTAR BRJOD DE RJOD BYED THAMS CAD RANG GI BRJOD BYA GO BYED YIN GYI 'GAL ZLA RANG GI BRJOD BYA MA YIN NO ZHE NA, MI LDAN RNAM

, ,GCOD KYI NGAG SBYAR BA'I NUS PA'I DBANG LAS RANG GI BRJOD BYA'I 'GAL ZLA TZAM ZHIG BZLOG PAR BYED PA'I RGYU MTSAN YOD DE, RJOD BYED KYI SGRA NI NGAG GI DON BSTAN PAR 'DOD PA'I BSAM PA BRJOD 'DOD JI LTA BA'I RJES SU 'BRANGS NAS DON STON PA'I PHYIR DE BZHIN DU GZHAN LDAN RNAM GCOD DANG MI SRID RNAM GCOD GNYIS LA YANG JI LTA BAR SBYAR RO, ,SLOB DPON LHA DBANG BLOS MDZAD PA'I 'GREL PAR GTAN TSIGS GSUM PO 'DI PHYI MA PHYI MA SNGA MA SNGA MA'I RGYU MTSAN DU MI 'CHAD PAR DANG GI SGRAS RGYU MTSAN MI 'DRA BA GSUM SO SOR STON PA YIN NO ZHES 'CHAD PA LA 'THAD LDAN DU DE NI YI GE'I DON MA YIN PAS SLOB DPON GYI BZHED PA MA YIN NO, ,SKABS 'DI 'BA' ZHIG TU MA ZAD GZHAN DU YANG SLOB DPON LHA DBANG BLOS SLOB DPON GYI DGONGS PA PHYIN CI LOG TU BSHAD DE, DPER NA, 'TSE BA MED DANG YANG DAG DON, ,NGO BO NYID LA, ZHES BYA BA LA BDAG MED MNGON SUM DU RTOGS PA'I YE SHES NI 'TSE BA MED PA DANG, YANG DAG PA'I DON DANG, SEMS KYI NGO BO NYID YIN NO, ZHES SLOB DPON GYIS RANG GI 'GREL PAR BSHAD PA POR NAS LE'U GNYIS PA'I 'GREL PAR, 'TSE BA MED PA'I NGO BO NYID DANG, YANG DAG PA'I DON GYI NGO BO NYID, CES BSHAD PA'I PHYIR RO, ZHES GSUNG NGO, ,GSUM PA NI, SNGAR BSHAD PA'I RGYU MTSAN DES NA SGRA LA BYAS PA YOD PA KHO NA ZHES PAS SGRA LA BYAS PA MI LDAN PA RNAM PAR GCOD PAS CHOS CAN SGRA DE CHOS KYI KHYAD PAR BYED CHOS YIN PA DE'I PHYIR, SGRA DE YI KHYAD PAR CAN GYI CHOS

BYAS PA DPE LA RJES 'GRO MED PA'I SKYON BRTEN ZHING YOD PA MIN NO, ,BYAS PA SGRAS KHYAD PAR DU BYAS PAS SGRA LAS GZHAN LA RJES 'GRO MED PA'I SKYON MED PAR THAL, DE DES MI LDAN RNAM GCOD KYI KHYAD PAR DU BYAS KYI GZHAN LDAN RNAM GCOD KYI KHYAD PAR DU MA BYAS PA'I PHYIR CES PA'O, ZHES BYA BA NI 'PHROS DON TSIGS BCAD DU BSDEBS PAS BAR SKABS KYI TSIGS SU BCAD PA DAG GO ,GNYIS PA NI, BYAS PA SGRAS GZHAN DANG LDAN PA RNAM PAR GCOD PAS KHYAD PAR DU BYAS PA YIN NA SGRA LTA BU GCIG BYAS PA DER 'GYUR NA SGRA LAS GZHAN BUM SOGS BYAS PA DE NYID MA YIN PAR 'GYUR BAR THAL LO, ,KHYAD PAR DANG NGES GZUNG LHAN CIG TU SBYAR BA DANG KHYAD PAR CAN DANG NGES GZUNG 'BREL BA'I TSIG PHRAD SBYAR BA MI 'DRA BAR SBYAR BA DAG KYANG KHYAD MED PAR 'GYUR BAR THAL, BYAS PA SGRAS KHYAD PAR DU BYAS NA SGRA LAS GZHAN LA RJES 'GRE MED DGOS PA'I PHYIR, GSUM PA LA GSUM, BSGRUB BYA'I CHOS LA SBYAR BA DANG, DES GRUB PA'I DON DANG, MI LDAN RNAM GCOD KYI YON TAN GZHAN BSTAN PA'O, ,DANG PO NI, BYAS PA SGRAS MI LDAN RNAM GCOD KYI KHYAD PAR DU BYAS PAR BSTAN PA 'DIS NI CHOS CAN, BSGRUB PAR BYA BA'I CHOS MI RTAG PA LA YANG SGRA LA BLTOS TE KHYAD PAR CAN GYI DNGOS PO GANG DANG NGES GZUNG LHAN CIG TU SBYAR BAR BYA BA YANG DES PAR BYA STE MI RTAG PA SGRAS MI LDAN RNAM GCOD KYI KHYAD PAR DU BYAS KYI GZHAN LDAN RNAM GCOD KYI KHYAD PAR DU MA BYAS PAR SHES PAR BYA BA'I PHYIR, GNYIS PA NI, MI RTAG PA CHOS CAN, SGRA'I KHYAD PAR DU YOD KYANG SGRA LAS GZHAN

, ,LA RJES SU 'GRO BA MED PA MA YIN TE, SGRAS MI LDAN RNAM GCOD TZAM GYI KHYAD PAR DU BYAS PA DES NA'I PHYIR, GSUM PA NI, SGRA LAS GZHAN LA RJES 'GRO MED PA'I SKYON MED PA DE BZHIN DU SPYI MI RTAG PA TZAM CHOS CAN, SGRA LA BSGRUB PAR BYA BA YIN KYANG GRUB ZIN PA LA SGRUB PA NYID KYI SKYON YOD PA MA YIN TE, SGRA DE DANG MI LDAN PA RNAM PAR BCAD PA MA GRUB PA SGRUB DGOS PA'I PHYIR RO, ,MI RTAG PA TZAM SGRA LA SGRUB MI DGOS TE, SNGAR DPE BUM PA LA GRUB ZIN PA'I PHYIR RO, ZHES PA'I RTZOD SPANG DU YANG 'GYUR MOD KYI MI LDAN RNAM GCOD KYI TSUL BSHAD PA'I YON TAN GZHAN STON PAR 'THAD LDAN DU BSHAD DO, ,GNYIS PA LA GNYIS, RTZOD PA DANG, LAN NO, ,DANG PO NI, RTAGS SHES 'DOD CHOS CAN DE DANG MTSUNGS PA MTHUN PHYOGS KHO NA NYID LA YOD CES NGES PAR GZUNG BA'I PHYIR, RTAGS SHES 'DOD CHOS CAN LA MED PAR 'GYUR TE MTHUN PHYOGS KHO NA LA YOD PAR BSTAN PA'I PHYIR, SHES 'DOD CHOS CAN DANG MI MTHUN PHYOGS GNYIS KA LA MED PAR 'GYUR TE, DE GNYIS MTHUN PHYOGS MA YIN PA'I PHYIR RO, ,DES NA TSUL GNYIS PA'I NGES GZUNG GIS TSUL DANG PO'I NGES GZUNG LA GNOD PAS RJES 'GRO'I NGES GZUNG KHAS BLANGS NAS, PHYOGS CHOS MA GRUB PAR 'GYUR RO ZHE NA, GNYIS PA NI, RTAGS MTHUN PHYOGS KHO NA LA YOD PAR BSTAN PAS, SHES 'DOD CHOS CAN LA YOD PA 'GOG PA MA YIN TE, TSUL GNYIS PA'I NGES GZUNG DE RTAGS SHES 'DOD CHOS CAN LA YOD PA 'GOG PA'I DON CAN MA YIN GYI, MTHUN PHYOGS LAS GZHAN MI MTHUN PHYOGS LA

RTAGS YOD PA DGAG PA'I DON GYI CHED DU SMOS PA'I PHYIR RO, ,SHES 'DOD CHOS CAN DANG MTHUN PHYOGS KHO NA LA YOD CES PA'I NGES PAR GZUNG BAS NI CHOS CAN, GZHAN MI MTHUN PHYOGS LA RTAGS YOD PA RNAM PAR GCOD PA YIN GYI SHES 'DOD CHOS CAN LA YOD PA GCOD PA MA YIN TE RTAGS SHES 'DOD CHOS CAN DE LA YOD PAR GRUB ZIN PA SDUD PA'I NGES GZUNG YIN PA'I PHYIR, DPER NA DANG PO RANG LAS BU GNYIS SKYES PAR 'GYUR TE NA RA DANG NI SRED MED BU NYID DO, ZHES BYA BA LTA BU STE, SRED MED KYI BU KHO NA ZHES PA'I NGES GZUNG GIS NA RA GCOD PA MA YIN TE, NA RA DANG LHAN CIG TU BSDUS PA'I NGO BO BKAG PAR THAL BA'I PHYIR RO, ,LHA SBYIN DANG MCHOD SBYIN KHO NA LA ZAN BYIN CIG CES PA'I MCHOD SBYIN GYI NGES GZUNG GIS DE GNYIS LAS GZHAN ZAN SBYIN BYA YIN PA GCOD KYI, LHA SBYIN ZAN SBYIN BYA YIN PA GCOD PA MA YIN TE, DE LTA NA TSIG DES LHA MCHOD GNYIS KA LA ZAN SBYIN BYA YIN PA MA BSTAN PAR THAL BA'I PHYIR RO, ,GZHUNG 'DI DAG GI DON LA BSAMS NAS RIGS PA SMRA BA KHA CIG ,RTAGS YANG DAG GI RTZOD GZHI GTAN TSIGS DE'I MTHUN PHYOGS MA YIN TE, BSGRUB BYA'I CHOS LDAN DU PHYIR RGOL GYIS MA NGES PA'I PHYIR, DE NGES NA SGRUB MI DGOS PAR 'GYUR RO, ,RGYU MTSAN DE NYID KYIS MTHUN PHYOGS DANG MI MTHUN PHYOGS KYANG DNGOS 'GAL MA YIN TE, DU BA DANG LDAN PA'I LA LA ME YOD PAR SGRUB PA'I TSE, ME YOD DU NGES NA MTHUN PHYOGS DANG, ME MED DU NGES NA MI MTHUN PA'I PHYOGS DANG, GANG DU YANG MA NGES PA'I RTZOD GZHI PHUNG PO GSUM PA YIN NO ZHES ZER BA MI 'THAD DE, DE LTAR YIN NA ME YOD MED

, ,KYANG DNGOS 'GAL MA YIN PAR THAL, DU BA DANG LDAN PA'I LA LA ME YOD PAR SGRUB DGOS KYI PHYIR RGOL DES, ME YOD MED GANG DU YANG MA NGES PA'I GZHI TSAD MAS NGES PA YOD PA'I PHYIR, RTAGS DANG KHYAB PA GNYIS KA KHAS BLANGS, 'DOD NA DNGOS 'GAL MI SRID PAR 'GYUR RO, ,DES NA GZHI TSAD MAS NGES PA DE'I STENG DU ME YOD YONGS SU BCAD PA'I STOBS KYIS ME MED RNAM BCAD LAM KHEGS SHING, ME MED RNAM BCAD LA BKAG PA'I STOBS KYIS ME YOD YONGS GCOD LA RTOGS MI NUS NA, DGAG PHYOGS DANG SGRUB PHYOGS KYI PHUNG GSUM SEL ME NUS PAS, DNGOS 'GAL 'DOR BA YIN GYI YA GYAL GANG DU YANG MA NGES BA'I GZHI TSAD MAS GRUB PAS PHUNG GSUM GRUB PAR 'DOD PA NI, 'GAL BA'I RNAM DBYE PHRA MO MA SHES PAS 'GAL BA MTHA' DAG LA SKUR PA 'DEBS PA YIN NO, ,DES NA DU BA DANG LDAN PA'I LA TSAD MAS NGES KYANG GZHI DE RTAGS DE'I MTHUN PHYOGS DANG MI MTHUN PHYOGS GANG DU YANG MA NGES PAS RTAGS DE'I MTHUN PHYOGS DANG MI MTHUN PHYOGS PHAN TSUN SPANG 'GAL LA BRTEN PA'I DNGOS 'GAL DU 'DOD PA LA CUNG ZAD KYANG MI GNOD PAR SHES PAR BYA'O, ,RJES DPAG BYA DANG DE MTSUNGS LA, ,YOD CES PAS NI, GTAN TSIGS YOD PA'I GZHI GNYIS SU DBYE BAS TSUL DANG PO GNYIS GO BAR BYED PA YIN GYI, SHES 'DOD CHOS CAN DANG MTHUN PHYOGS KHO NA LA YOD CES PAS SHES 'DOD CHOS CAN MTHUN PHYOGS MA YIN PAR STON PA MA YIN PA NI, RTZOD PA 'DI NYID KYI LAN LAS SHIN TU GSAL ZHING RIGS PAS KYANG GRUB PAR SHES PAR BYA'O, ,GNYIS PA

LA GNYIS, LDOG KHYAB RGYAS PAR BSHAD PA DANG, LDOG TSUL LA RTZOD PA SPANG BA'O, ,DANG PO LA GSUM, TSUL GSUM PA NGOS BZUNG BA DANG, TSUL GSUM PA NGES BYED KYI TSAD MA DANG, TSUL GSUM PA LOGS SU SMOS PA'I DGOS PA BSHAD PA'O, ,DANG PO NI, BSGRUB PAR BYA BA SHES 'DOD CHOS CAN DANG RIGS MTHUN PA MTHUN PHYOGS KHO NA LA YOD PA'I GTAN TSIGS DE'I KHYAD PAR GYI CHOS BSGRUB YA'I CHOS MED PA STE MI MTHUN PHYOGS LA MED PA KHO NAR NGES PA NYID NI GTAN TSIGS KYI TSUL GSUM PA STE GANG ZHIG DNGOS SU RTOGS PAS RJES KHYAB SHUGS LA GO BAR BYED PA CHOS MI MTHUN SBYOR GYI SGRUB NGAG YANG DAG GIS DNGOS SU BSTEN PAR BYA BA YIN PA'I PHYIR, TSUL GSUM STON PA'I MTHAR NGES PA SMOS PA LA DGOS PA YOD DE, BSGRUB BYA GO BAR BYED PA'I TSE LDOG KHYAB DE YANG TSAD MAS NGES PA LA BLTOS DGOS PA YIN NO, ZHES SHES PA'I CHED YIN PA'I PHYIR, THA MAR SMOS PA'I DES PA NYID NI CHOS CAN, LDOG KHYAB KHO NA'I KHYAD PAR GYI CHOS MA YIN TE, TSUL GSUM KA LA DGOS BAR BLTA BAR BYA BA YIN PA'I PHYIR, GNYIS PA NI, SGRUB RTAGS KYI LDOG PA NGES BYED STON PA LA YOD NA MNGON SUM LA BLTAR RUNG BA'I YUL CAN RGYU ME MI DMIGS PAS DU BA MED PA'I LDOG PA GRUB PAR 'GYUR GYI YOD KYANG SNANG DU MI RUNG BA'I MA DMIGS PA GZHAN GYIS NI DU BAS DU LDAN LA'I STENG DU ME SGRUB PA'I LDOG KHYAB 'GRUB PA MA YIN TE, DE SGRUB KYI LDOG KHYAB 'GRUB PA DON GZHAN DU BA ME LAS RAB TU SKYE BA TSAD MAS GRUB PA LA BLTOS PA'I PHYIR, YOD NA BLTAR RUNG BA'I YUL CAN KHYAB PAR

, ,BYED PA'I NGO BO SHING MI DMIGS PAS SHA PA MED PA'I LDOG PA 'GRUB PAR 'GYUR GYI SHING YOD KYANG SNANG DU MI RUNG BA'I MA DMIGS PA GZHAN GYIS NI SHA PAS GZHI 'GAR SHING SGRUB PA'I LDOG KHYAB 'GRUB PA MA YIN TE, DE SGRUB KYI LDOG KHYAB 'GRUB PA SHING GI RANG BZHIN SHA PA DAG DE YOD TZAM [?] DANG SHING RANG CHAS SU RJES SU 'BREL PA GRUB PA LA BLTOS PA'I PHYIR, LDOG KHYAB NGES PA 'BREL PA NGES PA SNGON DU SONG BA LA BLTOS PA'I DON YIN GYI, 'BREL BA'I RANG LDOG RTAGS SU BKOD NAS DON LDOG BSGRUB PA DANG, DON LDOG RTAGS SU BKOD NAS RANG LDOG BSGRUB PA GZHUNG 'DIS STON PA NI MA YIN NO, ,'O NA KYANG 'BREL PA GRUB NA LDOG KHYAB NGES PAR GRUB PA YANG STON NO, ,MA DMIGS PA'I RTAGS KYI LDOG KHYAB NGES BYED NI, SNANG RUNG MA DMIGS PA'I GTAN TSIGS LA YANG CHOS CAN, LDOG PA NGES PA 'BREL PA NGES PA LA BLTOS PA YIN TE, LDOG PA NGES PA BSGRUB BYA'I CHOS LAS BZLOG PA DGAG BYA'I CHOS YOD NA DE LA MNGON SUM 'JUG PAS NGES DGOS PA'I PHYIR, GSUM PA LA GNYIS, SLOB DPON DBANG PHYUG SDE'I 'DOD PA BRJOD NAS DE TSAD MA MDO'I DGONGS PA MA YIN PAR BSTAN PA DANG, RANG GI LUGS RNAM PAR BZHAG PA'O, ,DANG PO LA GNYIS, 'DOD PA BRJOD PA DANG, DE TSAD MA MDO'I DGONGS PA MA YIN PAR BSTAN PA'O, ,DANG PO NI, MTHUN PHYOGS KHO NA LA YOD PAR NGES NA MI MTHUN PHYOGS LA MED PA GRUB ZIN PA'I PHYIR, RJES 'GRO'I NGES GZUNG SMOS PA'I RJES SU, MED LA MED PAR NI NGES PA, ZHES LOGS SU SMOS PA DON

MED DO ZHE NA, DE'I LAN LA SLOB DPON DBANG PHYUG SDE NA RE, TSAD MA MDOR, DE DANG MTHUN PA NYID LA YOD PA ZHES BYA BA'I DON NGES PAS RTAGS MI MTHUN PHYOGS LA MED PA'I LDOG PA GRUB MOD KYI YANG LOGS SU MED PA LA MED PA NYID BRJOD PA NI, DGOS PA MED PA MA YIN TE, RTAGS MI MTHUN PHYOGS GANG LAS LDOG PA NI, BSGRUB BYA'I CHOS MED PA MI MTHUN PHYOGS KHO NA LA MED PA NYID YIN GYI BSGRUB BYA'I CHOS LAS LDOG PA GZHAN PA LA YANG MED PA MA YIN LA 'GAL BA MI MTHUN PHYOGS KHO NA LA YANG MED PA MA YIN NO ZHES RJES 'GRO'I NGES GZUNG RTOGS PA'I SHUGS LA MI MTHUN PHYOGS LA MED PA GRUB ZIN KYANG LDOG YUL NGOS BZUNG STE, GRUB ZIN DE NYID BSNAN NAS NGES PAR BYA BA'I PHYIR YIN NO ZHES ZER TO, ,MED PA LA MED PA NYID BRJOD PA NI ZHES PA NAS 'GAL BA LA YANG MA YIN NO, ZHES PA'I BAR TSAD MA KUN LAS BTUS KYI RANG 'GREL GYI TSIG YIN PAS DE LA DGAG PA MDZAD PA MA YIN GYI RJES 'GRO'I NGES GZUNG SHES PA NA MI MTHUN PHYOGS LA MED PA NGES KYANG, RJES KHYAB KYI MTSAN NYID STON PA'I TSIG DES, RTAGS MI MTHUN PHYOGS LA MED PA SHUGS LA BSTAN PA NA GZHAN PA MI MTHUN PHYOGS KHO NA LA MED PA BSTAN NAM, 'GAL BA MI MTHUN PHYOGS KHO NA LA MED PA BSTAN NAM SNYAM PA'I DOGS PA GSAL POR BCAD NAS MI MTHUN PHYOGS TZAM LA MED PAR BSTAN PA YIN NO ZHES SLAR YANG NGES PAR BYA BA'I DON DU SMOS PA TSUL GSUM PA LOGS SU BSHAD PA'I DGOS PAR 'DOD PA LA DGAG PA MDZAD PA YIN NO, ,DES NA TSANG MA KUN LAS BTUS KYI RANG 'GREL LA 'DIR DGAG PA MDZAD PA MI SRID PAS TSAD MA

, ,KUN LAS BTUS KYI 'GREL BA'I TSIG DE NI DBANG PHYUG SDES BYAS PA'I 'GREL PA'I TSIG YIN GYI, SLOB DPON PHYOGS KYI GLANG PO RANG GI LUGS MA YIN NO ZHES ZER BA YANG SKABS 'DIR DBANG PHYUGS SDE'I 'DOD PA GANG LA DGAG PA BYAS PA SOGS ZHI BA TU MA RTOGS BA'I RNAM 'GYUR YIN NO, ,GZHAN BA DANG 'GAL BA DANG MED PA MI MTHUN PHYOGS GSUM DU PHYE BA'I PHYI MA NI RTAGS DE LA YOD PA BKAG PAS GZHAN PA DANG 'GAL BA MI MTHUN PHYOGS LA RTAGS YOD PA MI KHEGS PA'I MI MTHUN PHYOGS ZUR PA MA YIN GYI, MI RTAG PAS STONG BA LTA BU MED PA MI MTHUN PHYOGS YIN LA DE LA RTAGS YOD PA BKAG PAS MI MTHUN PHYOGS MTHA' DAG LA KHEGS PAR SHES PAR BYA'O, ,SLOB DPON DBANG PHYUG SDE YANG MED PA MI MTHUN PHYOGS SNGAR BSHAD PA DE NYID LA 'DOD DO, ,GNYIS PA LA GSUM, GZHAN PA KHO NA LA RTAGS LDOG PA MA YIN PAR RTOGS PA DGOS PA MA YIN PA DANG, 'GAL BA KHO NA LA RTAGS LDOG PA MA YIN PAR RTOGS PA DGOS PA MA YIN PA DANG, KHYOD KYI DE LTAR NA TSUL GSUM PA LOGS SU SMOS PA DGOS PA MED PAR THAL BA'O, ,DANG PO NI, RJES 'GRO'I NGES GZUNG SHES KYANG BSGRUB BYA'I CHOS LAS LDOG PA GZHAN LA RTAGS YOD PA BKAG PAR DOGS SHING DOGS PA DE BCAD PA'I CHED DU TSUL GSUM PA LOGS SU BRJOD PA YIN NA RJES 'GRO'I NGES GZUNG DES KYANG BSGRUB BYA'I CHOS KYI LDOG PA KHO NA LA RTAGS YOD PAR BSTAN PA YIN PAR GO DGOS NA, RJES 'GRO'I NGES GZUNG SHES PA'I GANG ZAG LA DE 'DRA MI SRID PA NI, RJES 'GRO'I NGES GZUNG LA BRTEN NAS DU BA ME KHO NA LA

YOD PAR NGES ZIN MA BRJED PA'I GANG ZAG DE CHOS CAN, KHYOD LA BSGRUB BYA'I CHOS LAS LDOG PA THA DAD YIN NA DE LAS RTAGS LDOG PAR BSTAN NAM SNYAM PA'I DOGS PA BCAD PA'I CHED DU TSUL GSUM PA LOGS SU SMOS PA DGOS PA MED PAR THAL, KHYOD LA RJES 'GRO'I NGES GZUNG DES BSGRUB BYA'I CHOS LAS LDOG CHOS THA DAD PA GZHAN YIN NA DE LA RTAGS YOD PA 'GOG PAR BYED DAM SNYAM PA'I DOGS PA NI MED PA'I PHYIR, DER THAL BSGRUB BYA'I CHOS KYI LDOG PA DE KHO NA LA RTAGS YOD PA MI SRID PAR KHYOD KYIS NGES SHING DON LA YANG MI SRID PA NYID KYI PHYIR, GNYIS PA NI, DE CHOS CAN, KHYOD KYIS RJES 'GRO'I NGES GZUNG DES 'GAL BA MI MTHUN PHYOGS KHO NA LA RTAGS YOD PA 'GOG PAR BYED DAM SNYAM PA'I DOGS PA BCAD PA'I CHED DU YANG TSUL GSUM PA LOGS SU SMOS PA DGOS PA MED PAR THAL, DE KHO NA LA 'GOG PA MA YIN PAR KHYOD KYIS GO BA'I PHYIR, RJES 'GRO'I NGES GZUNG DES RTAGS DE 'GAL BA MI MTHUN PHYOGS KHO NA LA 'GOG PA MA YIN PAR THAL, DE LTA NA NI 'OG NAS 'CHAD BA'I SKYON DU 'GYUR BA'I PHYIR, GZHUNG 'DI DAG 'GOD PA SLOB DPON DBANG PHYUG SDES 'GAL BA KHO NA LAS LDOG PA BSTAN PAR 'DOD PA MA YIN CING, DE 'GOG PA'I CHED DU MA YIN LA, 'O NA JI LTA BU ZHE NA, MTHUN PHYOGS KHO NA LA YOD PAR NGES KYANG MI MTHUN PHYOGS MTHA' DAG LA LDOG PA MI NGES NA RJES 'GRO'I NGES GZUNG DES RTAGS 'GAL BA MI MTHUN PHYOGS KHO NA LAS LDOG PAR BSTAN NAM SNYAM PA'I DOGS PA SKYES YOD PAS DOGS PA DE SKYES NA 'GOG TSUL STON PA YIN NO, ,SKYON JI LTA BU ZHE NA, DU BAS DU LDAN LA'I STENG DU ME

, ,DPAGS PAS DRO BA'I REG PA RTOGS PAR MI 'GYUR BAR THAL, RGYU MTSAN GANG GIS NA DU BA DE GRANG MIN GYI REG BYA BTANG SNYOMS PA LAS LDOG PA MA GRUB PAR GRANG REG DE KHO NA LAS LDOG PA'I PHYIR, DU BA DE REG BYA BTANG SNYOMS PA LA 'JUG PAR DOGS NA DRO REG KHO NA LA YOD PAR MA RTOGS PA YIN NO, ,DES NA DE CHOS CAN, DE DANG MTHUN PA KHO NA LA YOD PA ZHES BYA BA'I TSIG GIS 'GAL BA KHO NA DE DANG MTHUN PA MA YIN PAR NI, RTOGS PAR MI 'GYUR TE 'ON KYANG DE DANG MTHUN PA LAS LDOG PA BSGRUB BYA'I CHOS MED PA YANG RTAGS LDOG PA'I GZHIR GO BA YIN PA'I PHYIR, YANG GI SGRAS GZHAN PA MI MTHUN PHYOGS LAS LDOG PA YANG GO BAR BSTAN NO, ,GSUM PA NI, SNGAR BSHAD PA DES NA SLOB DPON DBANG PHYUG SDE CHOS CAN, KHYOD KYIS BSHAD PA'I DOGS PA DE DAG BCAD PA'I CHED DU TSUL GSUM PA NI MA BRJOD CING BRJOD PA DGOS PA MED PA NYID DU 'GYUR BAR THAL, RJES 'GRO'I NGES GZUNG LA MKHAS PA 'DI LA DOGS PA'I SKYON DE DAG MED PA'I PHYIR, YANG NA RJES 'GRO'I NGES GZUNG 'DI LA DE KHO NA LAS LDOG PAR BSTAN PA'I SKYON MED PA'I PHYIR BSHAD DO, ,GZHUNG 'DI DNGOS SU 'GAL BA KHO NA LA LDOG PAR BSTAN PA 'GOG PA LA SBYAR YANG THUN MONG DU BSHAD PA LA 'GAL BA MED DO, ,MED PA MI MTHUN PHYOGS LA RTAGS YOD PA BKAG PAS GZHAN GNYIS LA YANG YOD PA KHEGS PA NI, 'THAD LDAN DU 'GAL BA DANG GZHAN PA LDOG PA DAG KYANG MED PA TZAM DU NI KHYAD PAR MED DE, DE'I PHYIR NA GTAN TSIGS KYI MED PA TZAM LA MED PA NI TSUL GSUM

PAR BSHAD PA YIN NO, ZHES BSHAD DO, ,GNYIS PA LA GSUM, KHYAB PA GNYIS GANG RUNG GCIG DNGOS SU BSTAN PAS CIG SHOS SHUGS LA 'PHEN PA'I SBYOR BA'I DBYE BA SHES PA'I CHED YIN PA DANG, RJES SU 'GRO LDOG PHAN TSUN MI 'KHRUL BA MI 'THAD PA'I RTZOD SPANG DANG, 'THAD NA RTAGS TSUL GNYIS PAR THAL BA SPANG BA'O, ,DANG PO NI, RJES SU 'GRO BA DANG LDOG PA'I KHYAB PA DAG LAS KHYAB PA NGES PA DANG LDAN PA'I KHYAB PA'I TSUL GCIG SGRUB NGAG YANG DAG GIS DNGOS SU SBYAR BAS KYANG KHYAB PA GNYIS PA RTOGS PAR BYED PA YIN TE GANG RUNG GCIG DNGOS SU BSTAN PAS CIG SHOS DON GYI SHUGS KYIS GO BA'I PHYIR, DES NA RTAGS MTHUN PHYOGS KHO NA LA YOD PAR NGES PA'I SHUGS LA MI MTHUN PHYOGS LA MED PA NGES PA YIN KYANG, TSUL GSUM PA LOGS SU SMOS PA DGOS PA MED PAR THAL BA'I SKYON MED DE, KHYAB PA GNYIS GANG RUNG GCIG DNGOS SU BSTAN PAS CIG SHOS SHUGS LA 'PHEN PA YIN NO, ZHES SBYOR BA GNYIS KYI DBYE BA BSTAN PA'I DON DU YIN PA'I PHYIR, KHYAB PA GNYIS KA GO BA'I CHED DU CHOS MTHUN SBYOR DANG MI MTHUN SBYOR GNYIS KA NGES PAR BRJOD DGOS PA MA YIN PAR THAL, SBYOR PA GCIG KYANG KHYAB PA GNYIS KA STON PA'I SBYOR BA SKYON MED PAR 'GYUR BA YIN PA'I PHYIR, DER THAL, GONG DU BSGRUBS PA DE'I PHYIR, GANG BRJOD PAR BYA NA 'GAL BA DANG MA NGES PA'I DOGS PA SHAS CHE CHUNG LA BSAMS NAS SBYAR BAR BYA BA YIN NO, ,GNYIS PA LA GNYIS, RTZOD PA DANG, LAN NO, ,DANG PO NI, GAL TE RJES SU 'GRO LDOG GI KHYAB PA GANG RUNG GCIG DNGOS SU RTOGS PAS CIG SHOS

, ,SHUGS LA RTOGS PA MI 'THAD DE, MNYAN PAR BYA BA NYID SGRA MI RTAG PAR SGRUB PA'I LDOG PA GRUB PA YIN KYANG RJES 'GRO MA GRUB PA YIN PAS GO BAR BYED PA NYID MA YIN NO ZHE NA, GNYIS PA LA GSUM, MNYAN BYA LA LDOG KHYAB MA GRUB PA DANG LDOG PA CAN DU BSHAD PA'I DGONGS PA DANG, MI MTHUN PHYOGS LA MA MTHONG TZAM GO BYED KYI YAN LAG TU GYUR PA'I LDOG KHYAB MA YIN PA'O, ,DANG PO NI, SGRA MI RTAG PAR SGRUB PA LA PHYOGS CHOS CAN DU SONG BA'I MNYAN BYA CHOS CAN, KHYOD DE SGRUB KYI RJES 'GRO MED PA'I LDOG KHYAB CAN MA YIN TE, DE SGRUB KYI LDOG PA'I KHYAB PA GRUB PA MED PA'I PHYIR TE RJES 'GRO'I KHYAB PA MED PA'I PHYIR, MNYAN PAR BYA BA NYID NI CHOS CAN, DE SGRUB KYI LDOG PA'I KHYAB PA GRUB PA MA YIN TE, BSGRUB BYA LA DMIGS PA'I THE TSOM SGRUB PAR BYED PA'I PHYIR RO, ,'GA' LAS KYANG ZHES PA NI, RTAG PA DANG MI RTAG PA GANG LAS KYANG LDOG PA MA GRUB PA'O, ,GANG RUNG GCIG LAS LDOG PA NGES NA CIG SHOS GO BAR BYED CING DE YANG 'BREL PA NGES PA'I TSAD MA MED PAS GZUGS LA SGRON ME BZHIN DU RANG NYID BLO YUL DU SONG BA TZAM GYIS BSGRUB BYA GO BYED DU 'GYUR DGOS SO, ,SNGA MA LA KHYAB PA YOD PAR THAL, PHYOGS CHOS GRUB MI MTHUN PHYOGS LA MED NGES KYI LDOG PA DANG LDAN PA LA NI, BSGRUB BYA LA DMIGS PA'I THE TSOM MED PA'I PHYIR TE BYAS PA NYID LAS SGRA MI RTAG PA SGRUB PA NYID BZHIN NO, ,MNYAN BYA CHOS CAN, RTAG PA LAS KYANG LDOG MI RTAG PA LAS KYANG LDOG PA NGES PA MA YIN PAR THAL, DNGOS PO'I CHOS YIN PA'I PHYIR KHYAB PAR

THAL, DNGOS PO'I CHOS DNGOS PO THAMS CAD LAS LDOG PA NI 'GAL BA'I PHYIR RO, ,RIGS PA SMRA BA KHA CIG 'DI DANG RNAM 'GREL DU, MED PA RTAG NYID GA LAS YIN, CES PA'I DON DU BSAMS NAS RTAG NA DNGOS PO YIN PAS KHYAB CING YOD NA MI RTAG PAS KHYAB PAR 'DOD PA NI, RNAM 'GREL MDZAD PA'I DGONGS PA LAS CHES CHER RNAM PAR 'KHYAMS PA YIN TE, BUM PA ZHIG PA CHOS CAN, DNGOS POR THAL, RTAG PA'I PHYIR, KHYAB PA KHAS BLANGS, RTAGS MA GRUB NA, MI RTAG PAR THAL, YOD PA'I PHYIR, KHYAB PA KHAS BLANGS 'DI DANG THAL BA SNGA MA 'DOD NA, BUM PA MA 'ONGS PA'ANG DNGOS POR THAL LO, ,'DOD NA BUM PA MA 'ONGS PA CHOS CAN, DA LTAR BAR THAL, SKYES LA MA 'GAGS PA'I PHYIR, LEGS PAR SOMS SHIG ,THAL BA GNYIS PA'I RTAGS MA GRUB CING BUM PA BZHIG PA GZHI MA GRUB PAS CHOS CAN MA GRUB BO ZHE NA, BUM PA CHOS CAN, KHYOD RTAG PAR THAL, KHYOD RANG RGYU LAS SKYES KHYOD BZHIG PA MI SRID PA'I PHYIR, DNGOS PO YIN NA, RTAGS PA YIN PAS KHYAB PA KHAS LEN DGOS MI DGOS LEGS PAR SOMS SHIG ,KHO BO CAG BUM PA DNGOS POR MI 'DOD DO ZHE NA, LOG RTOG GI THA CHAD DE NI GZHAN DU DGAG CING KHYOD RANG DNGOS POR 'DOD PA LA SKYON DE DAG TU 'GYUR BA YIN NO, ,CHOS 'DI DANG NI GZHAN GYI SDE PA DANG, MKHAS DANG RMONGS LA GRAGS PA'I RTAG PA YI, ,KHYAD PAR CUNG ZAD 'BYED PA'I MTHU MED BZHIN, ,RIGS PA SMRA'O ZHES PA SHIN TU MTSAR, ,SNGAR BSHAD PA'I RGYU MTSAN DES NA DE CHOS CAN, DE SGRUB KYI BSGRUB BYA LA THE TSOM DU 'GYUR

, ,TE DE SGRUB KYI PHYOGS CHOS GRUB MTHUN PHYOGS MI MTHUN PHYOGS GNYIS KA LA YOD PAR DOGS PA NYID KYI PHYIR, GNYIS PA NI, 'O NA CI LTAR MDO MDZAD PAS LDOG PA DANG LDAN PAR BSHAD CE NA, MDO MDZAD PAS THUN MONG MA YIN PA'I MA NGES PA LDOG KHYAB GRUB PAS LDOG PA DANG LDAN PAR BSHAD PA MA YIN TE, MI MTHUN PHYOGS LA RJES SU 'GRO BA MA MTHONG BA DE YI PHYIR TE DE TZAM LA DGONGS NAS LDOG PA DANG LDAN PAR BSHAD PA YIN PA'I PHYIR, GSUM PA NI, MI MTHUN PHYOGS LA MA MTHONG TZAM GYI LDOG PA'I RNAM PA 'DI LTA BU NI YOD KYANG BSGRUB BYA GO BAR BYED PA'I YAN LAG MA YIN TE, GO BAR BYED PA'I YAN LAG GANG YIN PA DE NI MI MTHUN PHYOGS LA MED NGES DGOS PA BRJOD ZIN PA'I PHYIR, GO BYED KYI YAN LAG TU GYUR PA'I LDOG KHYAB DE YANG CHOS CAN, RJES SU 'GRO BA MED PAR BSTAN PAR MI NUS TE, RJES KHYAB LA MI 'KHRUL BA'I PHYIR, RJES KHYAB LA MI 'KHRUL TE, 'BRAS RANG GI LDOG KHYAB DE BSGRUB BYA'I CHOS DE RTAGS DE'I BDAG GCIG PA'I KHYAB BYED KYI NGO BO DANG RGYU'I DNGOS PO MTHONG BA YOD PA'I YUL CAN GYI TSAD MA BSGRUB PAR BYED PA YIN PA'I PHYIR RO, ,DE LA KHA CIG NA RE, MNYAN BYA MNGON SUM GYIS GRUB PA'I DUS SU NYAN SHES KYI GZUNG DON DU BYAS PA'I SGO NAS GRUB DGOS PAS MNYAN BYA LA DON BYED NUS PA'I KHYAB PA GRUB LA, RTAG PA'I DON BYED NUS PA MI SRID PAS RTAG PA CHOS CAN, MNYAN BYAS STONG STE, DON BYED NUS PAS STONG BA'I PHYIR, CES PA'I GNOD PA CAN GYI RTAGS LA BRTEN NAS LDOG KHYAB NGES PAR BYAR YOD PA'I PHYIR, PHYOGS

CHOS DANG LDOG KHYAB GNYIS KA TSANG BA'I MNYAN BYA CI LTAR SGRA MI RTAG PA'I GO BYED YANG DAG MA YIN CE NA, RTAGS DE'I PHYOGS CHOS MA GRUB NA GO BYED DU MI 'GYUR BAS DE SGRUB DGOS LA DE'I RJES SU MNYAN BYA SGRA'I DON LDOG YIN PAS, MNYAN BYA LA MI RTAG PA'I KHYAB PA NGES PA'I TSAD MA DE NYID KYIS SGRA LA MI RTAG PA'I KHYAB PA NGES DGOS PA'I PHYIR, DNGOS POS SGRA MI RTAG PAR SGRUB PA DANG MI 'DRA STE, DE LA PHYOGS CHOS NGES PA'I RJES SU KHYAB PA NGES PAR BYED PA'I TSAD MA YANG RTZOD GZHI DANG DE'I DON GANG YANG KHYAB PA NGES PA'I TSAD MA'I YUL DU MI 'GYUR BA'I PHYIR, KHYAB PA SNGON LA NGES NAS PHYOGS CHOS DE'I RJES SU NGES PAR BYED PA LA GO BYED DU 'GYUR MI 'GYUR 'OG TU BSHAD DO, ,GNYIS PA LA GNYIS, RTZOD PA DANG, LAN NO, ,DANG PO NI, RJES SU 'GRO LDOG GI KHYAB PA PHAN TSUN MI 'KHRUL BA YIN PA 'O NA RTAGS TSUL GNYIS PAR 'GYUR GYI GSUM MI DGOS PAR 'GYUR TE, PHYOGS CHOS DANG RJES SU 'GRO LDOG GANG RUNG GCIG GIS DGOS PA GRUB PA'I PHYIR RO ZHE NA, GNYIS PA NI, RTAGS TSUL GNYIS SU NGES PAR THAL BA'I SKYON YOD PA MA YIN TE, RJES SU 'GRO BA DANG LDOG PA'I KHYAB PA DAG KHYAB PA'I TSUL SO SO THA DAD PA YIN PA'I PHYIR RO, ,SBYOR NGAG GCIG GIS KHYAB PA GNYIS KA STON NUS PAS KHYAB PA'I TSUL GCIG TU 'GYUR BA MA YIN PAR THAL, SBYOR BA GCIG GIS GNYIS KA STON PA'I SBYOR BA BSDUS TE BRJOD KYI KHYAB PA'I TSUL GCIG TU BSDUS PA NI MA YIN PA'I PHYIR, DER THAL, KHYAB PA GNYIS PO DE DAG NI SBYOR NGAG GCIG GIS KYANG DNGOS SHUGS LA BSTAN PAR NUS PA'I PHYIR,

, ,DE SKAD DU SLOB DPON PHYOGS KYI GLANG POS YANG NA DON GYI SHUGS KYIS GO BAS SBYOR NGAG GNYIS PO GANG YANG RUNG BAS GNYIS KA RAB TU BSTAN PA'I PHYIR RO, ZHES BSHAD DO, ,KHYAB PA GNYIS GO BAR BYED PA LA SGRUB NGAG GNYIS KA NGES PAR SBYOR DGOS PA MA YIN TE, GANG RUNG GCIG SBYAR BAS KYANG GNYIS KA DNGOS SHUGS LA STON PA'I PHYIR RO, ZHES PA'O, ,'BREL PA DANG RTAGS KYI TSUL DU GYUR PA'I KHYAB PA GCIG TU 'DOD PA LA NI, RNAM 'GREL LAS, DPE LA DE YI NGO BO DANG, ,RGYU DNGOS DE DAG MI SHES LA, ,STON TE, ZHES PA DANG, DE NYID KYI PHYIR 'BREL SHES NA, ,GNYIS LAS GANG YANG RUNG SMRAS PAS, ZHES SOGS DANG 'GAL BAR DE'I RNAM BSHAD DU BSHAD ZIN PA LAS SHES PAR BYA'O, ,GNYIS PA LDOG TSUL LA RTZOD PA SPANG BA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, DRANG SRONG RKANG MIG PA LA SOGS PA'I GZHAN GYI SDE PA DAG NA RE, KHYED SANGS RGYAS PA 'DUS MA BYAS KYI NAM MKHA' DNGOS MED DU KHAS BLANGS NAS DE NYID RTAGS LDOG PA'I GZHIR 'DOD PA MI 'THAD DE, DNGOS PO MED PA LA RTAGS MED PA NYID MI 'GRUB STE DNGOS PO MED PA YIN NA NI 'DI LA RTAGS MED CES BDUN PA GNAS GZHI'I SGRA DANG 'DI LAS LDOG CES LNGA PA 'BYUNG KHUNGS KYI SGRA LA SOGS PAS LDOG TSUL BRJOD PAR MI 'THAD DE, DNGOS MED SGRA'I BRJOD BYAR MI RUNG BAS DE LA SGRA'I THA SNYAD GANG YANG MI 'THAD PA'I PHYIR RO, ZHE'O, ,GNYIS PA LA GSUM, DE LTAR 'DOD PA PHYUGS LAS BLUN PAR BSTAN PA DANG, PHYUGS LAS BLUN PA'I RGYU MTSAN DANG, DGAG

SGRUB KYI THA SNYAD 'JUG TSUL GTAN LA DBAB PA'O, ,DANG PO NI, GNOD PA DU MA STON PAS RE SHIG CES SO, ,THUB PA RKANG MIG PA 'DI NI CHOS CAN, PHYUGS PAS KYANG PHYUGS TE BLUN PA YIN TE GZHAN 'GOG PA'I DGAG PA STON PA'I TSIG DE NYID KYIS RANG GI 'DOD PA YANG 'GOG PAR BYED PA'I PHYIR, KHYAB PAR THAL, PHYUGS DAG KYANG GANG MI RIGS PA MTHONG BA DE'I TSE MI RIGS PA DE LA MI SPONG NA KHYOD SPYOD PA'I PHYIR, DE CHOS CAN BDAG NYID MI SHES SHING RMONGS PAS KUN NAS BSLANG BA LAS RGYU MTSAN GZHAN CI ZHIG YOD DE MED PAR THAL, SLOB DPON PHYOGS KYI BLANG PO LA SOGS CHEN PO'I YANG CHEN PO LA SMOD PA'I PHYIR, GNYIS PA LA GSUM, RANG TSIG 'GAL BAR BSTAN PA DANG, DNGOS MED LA RTAGS YOD MED GANG DU YANG KHAS MI LEN PA MI RIGS PA DANG, THA SNYAD GANG YANG SBYAR MI RIGS PAR THAL BA'O, ,DANG PO NI, THUB PA RKANG MIG PA 'DI CHOS CAN, RANG TSIG 'GAL BA DAM BCA' YANG DAG TU KHAS BLANGS PAR THAL, DNGOS MED RTAGS LDOG PA'I GZHIR MI RUNG NGO ZHES DNGOS MED RTAGS LDOG PA'I GZHI RUNG BA LAS LDOG PA'I DON STON ZHING BRJOD PAR BYED PA'I KHYOD KYI DAM BCA'I TSIG DE NYID KYIS DNGOS PO MED PA LA THA SNYAD GANG YANG MI 'THAD PAR STON CING GZHAN DAG DNGOS MED RTAGS LDOG PA'I GZHIR 'DOD PA DNGOS MED TSIG GIS ZIN PAR BRJOD NAS 'GOG PAR BYED PA'I PHYIR, DES NA RKANG MIG PA'I DAM BCA' 'DI NI GSAL BAR RGYAL PO'I CHOS LUGS NGAN PA DANG MTSUNGS PA YIN TE RANG GI TSIG DE NYID KYIS RANG GI DAM BCA' SUN 'BYIN PAR BYED PA'I PHYIR,

, ,DNGOS MED TSIG GIS ZIN PAR BRJOD PA'I SGO NAS THA SNYAD DU MI BYED DO ZHE NA, DE CHOS CAN, DNGOS MED RTAGS LDOG PA'I GZHIR MI RUNG BA'I KHYOD KYI DAM BCA' DE, KHYOD RANG GI NGAG LAS GZHAN GYIS DNGOS SU RTOGS PAR MI NUS PAR THAL, KHYOD BDAG NYID DNGOS MED TSIG GIS ZIN PAR MI SMRA BA'I PHYIR, RTAGS BSAL KHAS BLANGS, DAM BCA' GZHAN GYIS RTOGS MI NUS PA'I SKYON SPANG BAR 'DOD NAS DNGOS MED TSIG GIS ZIN PAR SMRA NA YANG DE CHOS CAN, RANG TSIG 'GAL BA'I SKYON 'DI SPANG BAR MI NUS PAR THAL, BDEN ZHEN GYIS DNGOS MED LA THA SNYAD GANG YANG MI 'THAD PAR SMRAS PA'I PHYIR, NYES PA 'DI DAG NI RANG MTSAN DGAG SGRUB KYI GZHIR MI RUNG BAR 'DOD PA DE DAG LA YANG RANG TSIG 'GAL BA'I GNOD PA 'BAB PAR BSTAN TE, RANG MTSAN DGAG SGRUB KYI GZHIR MI RUNG BAR DAM BCAS PA'I TSIG DE NYID KYIS, DGAG SGRUB KYI GZHIR RUNG BA DGAG PA'I GZHIR SHUGS LA DAM BCAS PA'I PHYIR, DE BZHIN DU RANG MTSAN SGRA'I BRJOD BYA MA YIN PAR 'DOD PA SOGS KYANG RIGS PA'I LAM LAS 'DAS PAR SHES PAR BYA'O, ,GNYIS PA LA GSUM, DNGOS MED LA RTAGS LDOG PA MED NA RTAGS ZHUGS PAR THAL BA DANG, RTAGS LA DGAG PA DANG, RTAGS ZHUGS PA 'GOG NA LDOG PA DGAG MI RIGS PA'O, ,DANG PO NI, DNGOS PO MED PA LA GTAN TSIGS ZHUGS SHING SGRUB PA THOB PAR 'GYUR BAR THAL, DE LA MI 'GOG CING LDOG PA'I THA SNYAD MI RUNG BA'I PHYIR, KHYAB PAR THAL, RTAGS KYI DNGOS PO DNGOS MED LA ZHUGS PA DE'I

MTSAN NYID NI DE LA MED PA LAS LDOG PA NYID YIN PA'I PHYIR RO, ,GNYIS PA NI, DNGOS MED LA RTAGS LDOG PA'I LDOG PA DE NYID RE SHIG CI LTAR TSIG GI SBYOR BA GANG GIS STON PAR 'DOD DRIS PAS DNGOS PO MED PA LAS RTAGS LDOG PA MED DO ZHES PA'I TSIG GIS STON PAR 'DOD DO ZHE NA, DE CHOS CAN, BLUN PO YI NI SPYOD LA BLTOS TE, GLEN PA'I KUN SPYOD CAN DU THAL, BYAS PA LDOG PA MED PA DE LA SGRUB PA YIN ZHING DNGOS PO YOD PA YIN KYANG DNGOS MED LA YANG YOD PA YIN LA BYAS PA LDOG PA DNGOS PO MED PA YIN KYANG DNGOS MED LA YOD PA MIN NO ZHES DAM BCAS PA'I PHYIR, GSUM PA NI, GAL TE DNGOS MED DE LAS RTAGS LDOG PA MED NA GTAN TSIGS BYAS PA 'JUG PAR 'DAD DAM CI DRIS PAS 'JUG PA DE YANG MIN NO ZHEN DNGOS MED LA BYAS PA LDOG PA CI STE 'GOG 'GOG MI RIGS PAR THAL, BYAS PA 'JUG PA 'DI NYID NI DGAG RIGS PA YIN PA'I PHYIR, GSUM PA LA GNYIS, DNGOS MED KYI GNAS TSOD DRIS PA'I TSE CUNG ZAD KYANG SMRA MI RIGS PAR THAL BA DANG, MED DGAG GI THA SNYAD DON MTHUN 'JUG PA'I GZHI MI SRID PAR THAL BA'O, ,DANG PO NI, DNGOS MED KYI GNAS TSOD DRIS PA'I TSE, 'DI LA CUNG ZAD KYANG MI SMRA BA 'THOB RIGS PAR THAL, DGAG PA'I THA SNYAD DANG SGRUB PA'I THA SNYAD DE YANG DNGOS PO MED PA LA 'JUG PA MED PA'I PHYIR, KHYAB PA MA GRUB STE THA SNYAD PHUNG PO GSUM PA GZHAN YOD DO ZHE NA, KHYAB PAR THAL, SGRUB PA DANG DGAG PA'I THA SNYAD MA GTOGS PA SGRA LAS BYUNG BA'I THA SNYAD PHUNG PO GSUM PA GZHAN YOD PA MIN PA'I PHYIR, GNYIS PA LA GNYIS, DNGOS

, ,DANG, NYES SPONG GI LAN LA YANG GNOD PA DE NYID 'JUG PA'O, ,DANG PO NI, DNGOS MED DGAG SGRUB GANG GI YANG GZHIR MI RUNG BAR 'DOD PA'I RIGS PA'AM TSUL 'DI YIS 'GRO BA SHES BYA 'DI LA MED PAR DGAG PA'I THA SNYAD 'JUG PA'I DON NI MED PAR 'GYUR BAR THAL, DNGOS POR YOD PA RNAMS LA MED PAR DGAG PA'I THA SNYAD DON MTHUN 'JUG PA MED PAR DGAG PA'I THA SNYAD DE NI DNGOS POR MED PA LA'ANG YOD PA MA YIN PA'I PHYIR, RTAGS PHYI MA KHAS BLANGS TE DNGOS MED DGAG SGRUB GANG GI YANG GZHIR MI RUNG BAR KHAS BLANGS PA'I PHYIR RO, ,GNYIS PA LA GNYIS, RTZOD PA DANG, DE DGAG PA'O, ,DANG PO NI, GAL TE YUL 'DI'I BUM PA GZHAN NA MED CING DUS PHYI MA'I BUM PA SNGA DUS NA MED DO ZHES YUL DUS LA BLTOS NAS 'GOG CING BKAG PA DE NYID LA MED DGAG GI THA SNYAD 'JUG GO CE NA, GNYIS PA NI, YUL DUS LA BLTOS NAS KYANG MED DGAG GI THA SNYAD DON MTHUN 'JUG PA'I GZHI MED PAR THAL, CI LTAR GZHI DE DNGOS POR YOD PA DE LTAR NA NI MI 'GOG PA STE, MED DGAG GI THA SNYAD 'JUG PAR MI 'OS CI LTAR GZHI DE DNGOS POR MED PA DE LTAR YIN NA YANG NI 'GOG MI 'GYUR TE, DE LA MED DGAG GI THA SNYAD MI RIGS PA'I PHYIR, RTAGS PHYI MA KHAS BLANGS SO, ,GZHUNG 'DI RNAMS SKABS 'DIR GTAN TSIGS YANG DAG GI LDOG TSUL LA RTZOD LAN DANG BCAS PA 'PHROS LA, RNAM 'GREL DU, GTAN TSIGS LTAR SNANG LAS 'PHROS KYANG, DON NI 'DRA BA YIN TE, DNGOS MED DGAG SGRUB KYI GZHIR MI RUNG BA BKAG NAS SGRA DON DGAG SGRUB KYI

GZHIR BSGRUB PA LA GNYIS KA GZHOL BA YIN NO, ,RNAM 'GREL DU, 'DI RNAMS GZHAN DON GYI SKABS SU 'BYUNG BA NI DER YANG LEGS PAR 'BREL ZHING, RANG DON DU SGRA RTOG GI 'JUG TSUL CHES SHIN TU RGYAS PA GTAN LA PHAB PAS ZOR LCI BA SPANG BA LA YANG DGONGS SO, ,GSUM PA LA GNYIS, SPYI'I DON DANG, YAN LAG GI DON TO, ,DANG PO LA GSUM, GZHAN SEL PA SHES PA'I DGOS PA DANG, GZHAN SEL GYI MTSAN NYID DANG, GZHAN SEL GYI DBYE BA'O, ,DANG PO NI, DPER NA SHING 'DZIN PA'I RNAM PAR RTOG PA LA SHING MA YIN LAS LOG PAR SNANG BA DE, RNAM 'GREL LAS, DE YIS JI LTAR KUN BRTAGS PA, ,DE NI DAM PA'I DON DU MED, ,GSAL BA RNAMS NI RJES MI 'GRO ,RJES 'GRO GZHAN NI SNANG BA MED, CES PA'I RIGS PAS DE PHYI ROL GYI SHING YIN PA BKAG PA NA, RIGS PA DE SHING SHING DU KHAS LEN PA LA YANG MTSUNGS PAR 'JUG PA LTAR GYUR NAS SHING GI MTSAN GZHI RANG LUGS LA TSAD MAS GRUB PA CUNG ZAD KYANG BZHAG TU MED PA DANG, YANG RANG LUGS LA SHING 'DI YIN CES KHAS BLANGS PA NA RTOG PA LA SHING DU SNANG BA YANG SHING DU THAL BA SPONG MA NUS PAR SPYI MTSAN DNGOS PO YIN PA BKAG PA NA, DNGOS PO MTHA' DAG LA SKUR PA 'DEBS SHING DNGOS PO KHAS BLANGS PA NA, SPYI MTSAN YANG DNGOS POR SGRO 'DOGS PA'I LTA BA CAN DU SONG NAS THA SNYAD DU YOD PA DANG DON DAM DU YOD PA GNYIS SHED MTSUNGS SU 'JOG MA SHES PAR THAGS MKHAN GYI RKANG PA BZHIN DU 'GYUR BA'I PHYIN CI LOG MTHA' DAG BSAL NAS RTOG PAS BTAGS TZAM LA TSAD

, ,MA'I GZHAL BYA SKYON MED 'JOG SHES PAR 'GYUR RO, ,'DI LEGS PAR MA SHES NA BSGRUB BYA SGRUB BYED DANG SPYI DANG GZHI MTHUN SOGS KYI RANG LDOG TSAD MAS GRUB PA MI SHES PAR GTAN TSIGS MTHA' DAG LA SKUR PA 'DEBS DGOS SHING, TSU ROL MTHONG BAS DNGOS STOBS RJES DPAG GIS RTOGS DGOS PA'I THAR PA DANG THAMS CAD MKHYEN PA RANG LUGS LA 'JOG MI SHES PAR DON CHEN PO LAS NYAMS PAR 'GYUR BA YIN NO, ,GNYIS PA NI, RANG GI BSAL BYA TSIG GIS ZIN PAR BSAL BA'I SGO NAS RTOGS PAR BYA BA'O, ,GSUM PA NI, DE KHO NA NYID BSDUS PA LAS, 'DIR NI SEL BA RNAM GNYIS TE, ,MA YIN PA DANG MED PA'O, ,MA YIN PA YANG RNAM GNYIS TE, ,BLO DANG DON GYI DBYE BAS SO, ZHES GSUNGS PA LTAR MED PAR DGAG PA'I SEL BA DANG, MA YIN PAR DGAG PA'I SEL BA'O, ,PHYI MA LA GNYIS TE, BLO'I SEL BA DANG, DON GYI SEL BA'O, ,DPER MTSON NA, SHING GI SHING MA YIN MED PA DE SHING GI MED DGAG GI GZHAN SEL YIN LA, SHING 'DZIN RNAM PAR RTOG PA LA SHING MA YIN LAS LOG PAR SNANG BA DE SHING GI BLO'I GZHAN SEL DANG, SHING MA YIN LAS LOG PA DE DON GYI GZHAN SEL YIN CING, SEL BA GSUM KA SHING GSAL MTHA' DAG LA THUN MONG DU RJES SU 'GRO BA'I SPYI YANG YIN NO, ,'O NA SHA PA CHOS CAN, KHYOD SHING MA YIN MED PA YIN PAR THAL, DE KHYOD LA RJES SU 'GRO BA'I KHYOD KYI SPYI YIN PA'I PHYIR, 'DOD NA, YOD NA SHING YIN DGOS PAR THAL, SHING MA YIN MED PA YIN PA'I PHYIR CE NA, RIGS PA ZHIB TU

MA PHYED PA STE, BYAS PA CHOS CAN, KHYOD KYIS SGRA MI RTAG PAR SGRUB PA'I MI MTHUN PHYOGS YIN NA DE LA KHYOD MED DGOS PAR THAL, KHYOD SGRA MI RTAG PAR SGRUB PA'I MI MTHUN PHYOGS LA MED PA YIN PA'I PHYIR, KHYAB PA LEGS PAR MTSUNGS SO, ,'DOD DO ZHE NA, SNGA MA YANG 'DOD NA SKYON CI YOD, 'O NA SHING CHOS CAN, DNGOS PO SHING DU THAL, DNGOS PO YOD PA'I PHYIR CE NA, 'O NA BYAS PA CHOS CAN, KHYOD SHES BYA LA MED PAR THAL, SHES BYA DE KHYOD KYIS SGRA MI RTAG PAR SGRUB PA'I MI MTHUN PHYOGS YIN PA'I PHYIR, RNAM PA KUN TU MTSUNGS SO, ,GNYIS PA YAN LAG GI DON LA GSUM, DGAG SGRUB KYI DNGOS RTEN SGRO BTAGS SU BSGRUB PA DANG, RANG MTSAN YIN PA DGAG PA DANG, SGRO BTAGS LA CHOS CAN GYI THA SNYAD 'THAD CING DE LA GNAS TSOD SEMS PA'I TSAD MAS MI GNOD PAR BSTAN PA'O, ,DANG PO LA GSUM, DAM BCA' DANG, DE'I SGRUB BYED DANG, SGRA DON 'JAL BYED KYI TSAD MA NGOS BZUNG BA'O, ,DANG PO NI, DGAG SGRUB BYED PA'I RNAM PAR RTOG PA 'DIR NI CHOS CAN, PHYI ROL RANG MTSAN GZUNG YUL DU YOD PA LA BRTEN PA CAN MIN TE PHYI ROL GYI DGAG SGRUB RIM CAN DANG 'BREL BAR SNANG ZHING, KHYOD LA SNANG BA LTAR MA GRUB PA DE'I PHYIR, SGRA DON LA BRTEN NAS KHYOD KYIS DON 'GA' ZHIG BSGRUB PA DANG 'GA' ZHIG DGAG PA THAMS CAD BYED PAR 'DOD PA YIN TE, DGAG SGRUB BYED PA'I BLO GANG ZHIG GZUNG YUL RANG MTSAN MI 'DZIN PA'I PHYIR, SGRA DON RNAM PA GSUM YOD DE, DNGOS PO LA BRTEN PA DANG DNGOS MED LA BRTEN PA DANG, GNYIS CHOS LUS CAN MA YIN PA SOGS KYI SGRA

, ,DON RNAMS SU YOD PA'I PHYIR, SGRA DON CHOS NI RNAM PA GSUM, ZHES 'CHAD PAR 'GYUR RO, ,GNYIS PA NI, DGAG SGRUB BYED PA'I RNAM PAR RTOG PA'I DNGOS KYI YUL DNGOS POR MED DE, SGRA DANG BYAS PA DANG MI RTAG PA RNAMS SNGA MA SNGA MA GRUB DUS SU PHYI MA PHYI MA MA GRUB PA DANG, SNGA MA SNGA MA'I ZLOG PHYOGS DANG BRAL DUS SU PHYI MA PHYI MA'I ZLOG PHYOGS DANG MA BRAL BA'I RIM CAN DE 'DRA MED KYANG CHOS CAN SGRA DE RIM CAN DE DAG DANG NI 'BREL BAR DGAG SGRUB BYED PA'I RTOG PA LA SNANG BA'I PHYIR, DGAG SGRUB BYED PA'I RTOG PA'I DNGOS YUL LAM DNGOS RTEN RANG MTSAN MIN PA DANG PHYI ROL RANG MTSAN DGAG SGRUB BYED PA'I RTOG PA'I DNGOS RTEN MIN PA GNYIS DON GCIG TU 'KHRUL NAS RANG MTSAN SGRA RTOG GI YUL DU MI RUNG ZHING RANG MTSAN LA MA REG PAR 'DOD PA NI SNGAR BSHAD PA'I RANG TSIG 'GAL BA'I NYES PA LAS MA 'DAS SHING, MI SMRA BA'I BRTUL ZHUGS 'DZIN DGOS PA'I GNOD PA MTHA' YAS TE RE SHIG BZHAG GO ,'DIS NI GZHI YIN LUGS KYI STONG PA SMRA BSAM BRJOD MED DANG TSAD MAS BSGRUBS PA'I STONG PA BLO BYAS KYI STONG PA ZHES PA'I SKYON CAN DU 'DOD PA DAG KYANG BSAL BA YIN TE, DE NI DNGOS PO'I DGAG SGRUB DANG TSAD MA'I DGAG SGRUB KYI KHYAD PAR MA PHYED PA YIN TE, TSAD MAS BSGRUBS PA'I DON YANG RDZA MKHAN GYIS BUM PA BZOS PA LTAR MA YIN GYI, DE LTAR YIN PA LA YIN PAR THIGS PA YIN NO, ,TSAD MAS BKAG PA'I DON YANG BUM PA THO BAS BCOM PA LTAR MA YIN GYI, DE LTAR MA YIN PA LA MA YIN PAR THIGS PA YIN CING, SGRO

'DOGS BSAL BA'I DON YIN NO, ,PHYIN CI LOG DE DAG LA GO BA BZHAG NA MANG DU THOS PA DANG CI YANG MI SHES PA'I BLUN PO GNYIS DA GZOD SGRUB PA BYED PA'I TSE, NYAMS LEN LA MANG NYUNG MI YOD ZHING GSUNG RAB DGONGS 'GREL DANG BCAS PA DBEN PAR SGRUB PA BYED PA LA MI DGOS PAR MTHONG NAS 'DOR BA'I LOG RTOG GI THA CHAD DE'I GZHAN DBANG DU 'GYUR PAS, MKHAS PAS MCHIL MA'I THAL BA BZHIN DU RGYANG RING DU DOR BAR BYA BA YIN NO, ,GSUM PA NI, GAL TE SGRA DON DE YOD NA DON DAM PA'I DNGOS POR 'GYUR RO ZHE NA, RTOG PA LA SHING MA YIN LAS LOG PAR SNANG BA CHOS CAN, BLO'I RDZAS MA YIN TE, RTOG PA'I SNANG BA TZAM DU ZAD PA'I PHYIR, SHING MA YIN LAS LDOG PA MA YIN TE SHING MIN PA'I PHYIR, DE PHYI ROL GYI DON MA YIN TE, LDOG PA GCIG KHO NAR GNAS PA'I PHYI ROL GYI DON MED PA'I PHYIR, DE CHOS CAN THA SNYAD BRTEN PAR TE THA SNYAD TZAM DU YOD PAR 'DOD RIGS TE, BTAGS PA TZAM DU YOD PA'I PHYIR, SGRA DON DE YANG DON DAM PAR MED KYANG YOD CES 'DOD RIGS TE RJOD BYED SGRA YI BDAG PO TZAM LA BRTEN NAS YOD PA'I THA SNYAD 'JUG PA NYID KYI PHYIR, RTOG PA LA SHING MA YIN LAS LOG PAR SNANG BA DE NYID SGRA DON YIN LA, DE TSAD MA GANG GIS GRUB PA NI, SHING ZHES PA'I SGRA'I BDAG PO'I RKYEN LAS SKYES PA'I SHING 'DZIN RNAM PAR RTOG PA MYONG BA'I RANG RIG MNGON SUM TSAD MAS GRUB PA LA DGONGS NAS 'THAD LDAN DU, 'DI LA TSAD MA GZHAN BRJOD PAR BYA BA NI MA YIN NO, ZHES GZHAN CES GSUNGS PA'I PHYIR DANG, DES NA DE DAG NI RNAM PAR RTOG PA'I YUL MA YIN GYI

, ,'ON KYANG DE DAG NI RANG RIG PA'I MNGON SUM NYID DO, ZHES BSHAD DO, ,GNYIS PA NI, DON GYI DGAG SGRUB LA BRTEN NAS BSHAD PA DANG, BLO'I DGAG SGRUB LA BRTEN NAS BSHAD PA GNYIS KYIS RIG PAR BYA'O, ,DANG PO NI, DGAG SGRUB BYED PA'I RNAM PAR RTOG PA'I SNANG BA SGRO BTAGS DE LTA MIN PAR RANG MTSAN YIN NA SGRA LA SOGS PA'I DON RNAMS KYI BYAS PA LTA BU'I CHOS GCIG BSGRUBS PA NA DE DANG GRUB BDE RDZAS GCIG PA'I BDAG NYID THAMS CAD BSGRUB PA DANG MA BYAS PA LTA BU'I CHOS GCIG 'GOG PA NA GRUB BDE RDZAS GCIG PA'I CHOS KYI ZLOG ZLA THAMS CAD BKAG PAR 'GYUR BAR THAL, SGRA BYAS PAR NGES PA'I RTOG PA LA SGRA'I BYAS PA'I NGO BO SNGAR MED GSAR DU GRUB PAR SNANG ZHING SNANG BA LTAR GRUB PA'I PHYIR, RTAGS KHAS BLANGS, KHYAB PAR THAL, SGRA DANG SGRA'I STENG GI BYAS MI RTAG SOGS DANG, SGRA MA YIN PA LAS LOG PA DANG, DE'I STENG GI BYAS PA MA YIN PA LAS LOG PA DANG, MI RTAG PA MA YIN PA LAS LOG PA RNAMS RDZAS KYI BDAG NYID GRUB BDE THA DAD MED PA'I GRUB BDE RDZAS GCIG YIN PA'I PHYIR, SGRA BYAS PAR NGES PA'I RTOG PAS SGRA'I BYAS PA'I NGO BO SNGAR MED GSAR DU BSGRUBS PA YIN NA, DE'I SKYED BYED DU 'GYUR LA DE LTA NA GRUB BDE RDZAS GCIG GI CHOS KUN GYI SKYED BYED DU 'GYUR TE, RDZAS LA CHA SHAS SU PHYE NAS BSKYED PA MI SRID PA'I PHYIR, SGRA BSKYED NAS SGRA'I 'JIG PA MA SKYED NA SGRA RTAG PA'I RDZAS SU BSKYED DGOS PAR 'GYUR RO, ,KHYAB SGRUB KYI GTAN TSIGS MA GRUB BO ZHE NA, BYAS PA DANG MI RTAG PA BSGRUBS PA DANG NI

MA BYAS PA DANG RTAG PA DGAG PA DAG CHOS CAN SGRA LTA BU GCIG LA GZHI MTHUN DU 'DU BAR MI 'GYUR BAR THAL, SGRA'I BYAS MI RTAG GNYIS 'BREL MED RDZAS THA DAD YIN PA'I PHYIR, DE BZHIN DU SGRA'I BYAS PA MA YIN PA LAS LOG PA DANG MI RTAG PA MA YIN PA LAS LOG PA GNYIS LA YANG SBYAR RO, ,DPER NA GZHAN LHA SBYIN BKAG PA DANG NI GZHAN MCHOD SBYIN BSGRUB PA GZHI MTHUN DU 'DU BA BZHIN NO, ,MI MTHUN PA'I DPE YIN TE, DE GNYIS GZHI MTHUN DU 'DU BA BZHIN DU, 'DIR GZHI MTHUN DU MI 'GYUR BAR THAL ZHES PA'O, ,GNYIS PA NI, DE LTA MIN NA ZHES PA SNGA MA LTAR RO, ,SGRA BYAS PAR NGES PA'I NGES SHES CHOS CAN, KHYOD GZUNG YUL LA SGRUB PAS 'JUG PA'I NGES SHES SU THAL, KHYOD NGES SHES GANG ZHIG KHYOD KYI GZUNG YUL DNGOS POR GRUB PA'I PHYIR, RTAGS PHYI MA KHAS BLANGS, 'DOD NA, KHYOD KYIS SGRA LA SOGS PA'I DON RNAMS KYI CHOS BYAS PA LTA BU GCIG BSGRUBS PA DANG MA BYAS PA LTA BU GCIG 'GOG PA NA GRUB BDE RDZAS GCIG GI BDAG NYID THAMS CAD BSGRUBS PA DANG DE'I LOG ZLA THAMS CAD BKAG PAR 'GYUR BAR THAL, KHYOD SGRA'I BYAS PA LA BSGRUB PAS 'JUG PA'I NGES SHES YIN PA'I PHYIR, RTAGS KHAS BLANGS, KHYAB PAR THAL, SGRA DANG SGRA'I BYAS MI RTAG DANG SGRA MA YIN PA LAS LOG PA DANG, DE'I BYAS PA MA YIN PA LAS LOG PA DANG, MI RTAG PA MA YIN PA LAS LOG PA RNAMS GRUB BDE RDZAS KYI BDAG NYID THA DAD MED PAR GRUB BDE RDZAS GCIG PA'I PHYIR, GCIG RTOGS NA KUN RTOGS PA DANG SGRO 'DOGS GCIG BSAL NA KUN BSAL BAR THAL BA'O, ,RTAGS

, ,MA GRUB NA, BYAS PA DANG MI RTAG PA BSGRUBS PA DANG NI MA BYAS PA DANG RTAG PA BKAG PA DAG CHOS CAN SGRA LTA BU GCIG LA GZHI MTHUN DU 'DU BAR MI 'GYUR BAR THAL, BYAS MI RTAG KYANG 'BREL MED RDZAS THA DAD YIN BYAS PA MA YIN PA LAS BZLOG PA DANG MI RTAG PA MA YIN PA LAS BZLOG PA GNYIS KYANG DE LTAR YIN PA'I PHYIR, MI MTHUN DPE SNGA MA BZHIN DU BSHAD DO, ,GSUM PA LA GSUM, SGRO BTAGS LA CHOS CHOS CAN GYI THA SNYAD 'THAD CING DGAG SGRUB 'JUG PA'I TSUL DANG, CHOS CHOS CAN GYI THA SNYAD SGRO BTAGS LA GNAS TSOD SEMS PA'I TSAD MAS MI GNOD PA DANG, DGAG SGRUB BYED PA'I RTOG PA LAS DON RANG MTSAN THOB CING BLO RANG DGA' BAS 'KHRUL PAR MI SHES PA'O, ,DANG PO NI, SGRO BTAGS LA CHOS DANG CHOS CAN GYI THA SNYAD 'JUG PAR THAL, SNA TSOGS PA'I LDOG CHOS KYI GZHIR GYUR PA CHOS CAN SGRA LTA BU GCIG GI DBANG DU BYAS TE DGAG SGRUB RIM CAN DU 'JUG PA 'THAD PA'I PHYIR, DER THAL, SGRA LA BYAS PA LTA BU GCIG SGRUB PA NA BYAS PA DE GSAR DU BRTEN PA LTA BUR SNANG BA DANG SHES BYA SOGS GZHAN RNAMS BTANG SNYOMS LTA BU DANG SGRA LA MA BYAS PA 'GOG PA NA DE YIS GSAR DU DBEN PA LTA BU DANG DE LAS GZHAN BYAS PA LA GSAR DU BLTOS PA LTA BUR DGAG SGRUB 'JUG PA'I PHYIR, 'DI DAG NI DBU MA BDEN GNYIS LAS, DGAG BYA YOD PA MA YIN NA, ,YANG DAG TU NA BKAG MED GSAL, ZHES SOGS DANG RIGS MTSUNGS PAS SGRA DE SNGAR THER ZUG TU YOD PAR SNANG BA SGRA MI RTAG PAR BSGRUBS PA NA SGRA THER ZUG TU YOD PAS GSAR DU

DBEN PA LTA BUR SNANG ZHING, SNANG BA DE NYID 'KHRUL PA YIN PAS SGRA RTAG PAR SNGAR YOD GSAR DU DBEN PA MA YIN TE, SGRA RTAG PAR YOD MA MYONG BA'I PHYIR CES PA'O, ,LTA BU'I SGRA SMOS PA NI SNANG BA LTAR MA GRUB PA'I DON YIN NO, ,SGRO BTAGS LA DGAG SGRUB KYI THA SNYAD 'JUG PA'I RGYU MTSAN YOD DE, SNANG BA LTAR MED PA YI DON CAN GYI THA SNYAD JI LTAR DGAG SGRUB BYED PA'I BLOS BRTAGS NAS BSTAN PA LTAR THA SNYAD 'JUG PA'I PHYIR, DON TSAN PHYI MA DANG 'GRIG PA LTAR SNANG YANG, 'THAD LDAN DU DON TSAN SNGA MA DANG SBYAR NAS BSHAD DO, ,GNYIS PA NI, 'JIG RTEN DGAG SGRUB BYED PA'I RTOG PA'I DON SNANG YUL LA GNAS TSOD SEMS PA'I TSAD MAS GNOD PA MED DE, DGAG SGRUB BYED PA'I RTOG PA'I SNANG YUL SGO BTAGS YIN PA DE BZHIN NYID JI LTA BA DE MA BRTAGS PAR KHAS LEN PA GANG ZHIG ZHUGS PA LA GNOD PA MED PA'I PHYIR, MIG RGYU LA CHUR 'DZIN GYI SHES PA LA RANG LAS SKYES PA'I SHES PAS GNOD PA BZHIN DU, DGAG SGRUB BYED PA'I RTOG PA RNAMS LA YANG YIN NO ZHE NA, SGRA BYAS PA DANG MI RTAG PA SOGS SU RTOGS PA'I RTOG PA CHOS CAN, RANG LAS SKYES PA'I SHES PA GZHAN GYIS GNOD PA MA YIN TE, THA DAD PA'I DON RANG MTSAN LA BRTEN PA'I THA SNYAD DON MTHUN YIN PA'I PHYIR, RANG MTSAN GZUNG YUL DU MI BYED KYANG RGYU MED DANG MI MTHUN PA'I RGYU LAS BYUNG BA MA YIN TE, THOG MA MED PA'I RANG RGYU RTOG PA'I BAG CHAGS LAS BYUNG BA YIN PA'I PHYIR, GSUM PA NI, CHU SKYOR BA LA SOGS PA'I DON MI BYED PA DANG, BGO BA LA SOGS PA'I DON BYED PA SOGS DE DANG DE LAS THA DAD PA DON

, ,GCIG LA 'DU BA CAN YIN TE, BUM PA DE CHUR SKYOR BA DE'I 'BRAS BU CAN DANG BGO BA LA SOGS PA'I DON BYED PA DE'I 'BRAS BU MED PA CAN YIN PA'I PHYIR, BYAS MI RTAG DANG MA BYAS PA DANG RTAG PA SOGS GSAR DU 'PHEL BA DANG, 'GRIB PA LTA BUR BYED PA YI BSLAD PA DE DANG DE DAG CHOS CAN, DON RANG MTSAN DANG 'BREL BA 'GA' LAS RANG MTSAN GZUNG YUL DU BYED PA DE DANG LDAN PA NYID NI RANG MTSAN MTHONG ZHING THOB PA LA SBYOR BAR BYED NUS TE, THA DAD PA'I RANG MTSAN LA BRGYUD NAS BRTEN PA CAN GYI THA SNYAD DON MTHUN YIN PA'I PHYIR, BSLAD PA DE DAG CHOS CAN, RANG NYID BSLAD PA'ANG RANG NYID KYIS SHES PA MA YIN TE, RANG GI GZUNG BYA SGRO BTAGS YIN KYANG DE LTAR MA BRTAGS PAR 'JUG PA'I THA SNYAD DON MTHUN YIN PA DES NA'I PHYIR, CES BYA BA NI BAR SKABS KYI TSIGS SU BCAD PA DAG GO ,GNYIS PA MTSAN GZHI'I DBYE BA LA GSUM, SPYI'I DBYE BA DANG, GTAN TSIGS GSUM BYE BRAG TU BSHAD PA DANG, KHYAB PA'I RTZA BA 'BREL PA LA BLTOS PAR SGRUB PA'O, ,DANG PO LA GNYIS, DBYE BA DNGOS DANG, DBYE BA NGES PA'I RGYU MTSAN NO, ,DANG PO LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, TSUL GSUM PA'I MTSAN NYID DE DANG LDAN PA'I GTAN TSIGS DU YOD CE NA, GSUM YOD CING DE LAS GZHAN MED PAR STON PA'O, ,GNYIS PA NI, GTAN TSIGS YANG DAG NI CHOS CAN, GSUM KHO NAR NGES TE, MI DMIGS PA DANG BSGRUB BYA'I CHOS DANG BDAG GCIG PA'I SGRUB RTAGS DANG 'BRAS BU'I GTAN TSIGS ZHES BYA BA

GSUM DU NGES PA'I PHYIR, GSUM PA LA GSUM, DBYE BA DANG, DPE DANG, BSGRUB BYA'I KHYAD PAR RO, ,DANG PO NI, RTAGS YANG DAG NI CHOS CAN, GSUM KHO NAR NGES TE, MI DMIGS PA DANG RANG BZHIN DANG 'BRAS BU'I GTAN TSIGS RNAMS SU NGES PA'I PHYIR, DANG GI SGRAS NI GSUM PO STOBS MTSUNGS PAR STON LA, 'O'I SGRAS DE TZAM DU ZAD PAR STON NO, ,DGAG RTAGS DANG SGRUB RTAGS GNYIS SU YANG 'DUS LA, SGRUB RTAGS LA GNYIS SU 'BYED NA, DGAG RTAGS LA YANG 'BREL YUL MA DMIGS PA DANG, 'GAL ZLA DMIGS PA GNYIS SU DBYER YOD PAS BZHIR YANG 'GYUR BA'I PHYIR, DES NA RTAGS GSUM GYI GRANGS NGES DAD PA TZAM DU ZAD DO ZHE NA, KHA CIG RNAM BCAD YONGS GCOD KYI SGO NAS GRANGS NGES BSGRUB PAR 'DOD PA NI LEGS PAR MA RTOGS PA'I RNAM 'GYUR RO, ,DES NA DGOS PA LA BLTOS PA'I GRANGS NGES YIN LA, DE YANG RNAM 'GREL LAS, GTAN TSIGS DE NI RNAM GSUM NYID, ,MED NA MI 'BYUNG NGES PHYIR RO, ZHES BSHAD PAS GTAN TSIGS YANG DAG TU 'GYUR PA NGES PAR 'BREL PA LA BLTOS LA, 'BREL PA GNYIS SU NGES PAS GTAN TSIGS GSUM DU BSGRUB PA YIN NO, ,DE YANG 'BREL BA'I RANG LDOG GNYIS LAS SGRUB RTAGS GNYIS SU 'GYUR ZHING GZHAN MED LA 'BREL PA'I DON LDOG BSGRUBS PAS MI 'DOD BZHIN DU YANG DGAG RTAGS SU 'GYUR BA YIN NO, ,RGYAS PAR GZHAN DON DU PHYOGS CHOS CAN DGU'I GRANGS NGES SGRUB PA'I SKABS SU 'CHAD PAR 'GYUR RO, ,GNYIS PA NI, MA DMIGS PA'I GTAN TSIGS NI DPER NA LTO LDIR ZHABS ZHUM

, ,PAS DAG PA'I SA PHYOGS KYI KHYAD PAR 'GA' ZHIG NA CHOS CAN, YOD NA DMIGS RUNG GI BUM PA MED DE, LTO LDIR BA YOD NA RKYEN GZHAN TSANG BAS DMIGS PA'I MTSAN NYID KYIR GYUR PA LTO LDIR BA MA DMIGS PA'I PHYIR RO, ,RTAGS KYI KHYAD PAR BSHAD PA NI GAL TE LTO LDIR BA YOD NA DMIGS SU RUNG BA'I YOD PA CAN GZHI 'GAR DPAG RIGS PA NYID DU 'GYUR GYI YOD NA DMIGS RUNG LAS GZHAN DU NI DGAG RIGS PA MA YIN TE, DBANG PO'I MNGON SUM GYI YUL NI YOD PA CAN GYI BUM PAS DAG PA'I SA PHYOGS NA BUM PA DGAG NUS KYI, BSKAL DON SHA ZA DGAG MI NUS PA'I PHYIR, DE YANG SA PHYOGS DER BUM PA YOD NA SA PHYOGS DANG DBANG SHES GCIG GI GZUNG YUL DU 'DRER RUNG BA YIN LA, SHA ZA YOD KYANG 'DRER MI RUNG BA'I PHYIR RO, ,RANG BZHIN RTAGS KYI DPE NI, SHA PA SGUR 'KHYOG PO 'DI NI CHOS CAN, SHING YIN TE, SHA PA YIN PA'I PHYIR, CES PA'O, ,SHING ZHES SMOS PA NI RTZA TSIG RGYAS PAR 'GREL PA'I DBANG DU BYAS NAS BSTAN BCOS SU BKOD PA YIN GYI, RTAGS YANG DAG TU 'GYUR BA MA YIN TE, GZHI DE SHING YANG YIN SHA PA YANG YIN PA'I GZHI MTHUN DU NGES NAS SHING DU MA NGES PA MI SRID PA'I PHYIR RO, ,'BRAS BU'I GTAN TSIGS NI, DPER NA, DU BA'I GTAN TSIGS LAS NI DU BA DANG LDAN PA'I LA 'DI NA ME YOD DO ZHES BYA BA LTA BU'O, ,GSUM PA NI, RTAGS GSUM YOD PA DE LA 'BRAS RANG GI GTAN TSIGS GNYIS NI CHOS CAN, DNGOS PO STE SGRUB PA SGRUB PA'I GTAN TSIGS TE, DE SGRUB LA TSUL GSUM TSANG BA'I PHYIR, GCIG MA DMIGS PA'I GTAN TSIGS NI

CHOS CAN, DGAG PA'I GTAN TSIGS YIN TE, DE SGRUB LA TSUL GSUM TSANG BA'I PHYIR, RNAM 'GREL GYI RANG 'GREL DU YANG TSIG 'DI DANG MTHUN PAR 'BYUNG LA, DE'I 'GREL BSHAD DU SLOB DPON SH'AKYA BLOS, DE LA GNYIS NI DNGOS PO SGRUB PA KHO NA ZHES BYA'I, DNGOS PO KHO NA SGRUB CES MI BYA STE, DGAG PA YANG SGRUB PA'I PHYIR RO, ,GCIG NI DGAG PA KHO NA'I GTAN TSIGS ZHES BSHAD PA'I DON NI, RNAM 'GREL GYI MJUG TU, SGRUB BYED SNGA MA DAG GIS NI, ,MA YIN SGRUB PAR BYED PHYIR RO, ZHES GSUNGS PA BYAS PAS SGRA LA MI RTAG PA MA YIN PA LAS LOG PA DANG, DU BAS LA LA ME MA YIN PA LAS LOG PA SGRUB PAS MA YIN DGAG SGRUB PA YIN LA, DE YANG RTAGS DE DAG GI SHUGS KYI BSGRUB BYA DANG, RJES DPAG GI SHUGS KYI RTOGS BYA YIN GYI DNGOS SU MA YIN TE, DGAG RTAGS DANG DGAG RTOG TU THAL BAR 'GYUR RO, ,GNYIS PA LA GNYIS, SGRUB RTAGS GNYIS RANG BZHIN 'BREL PA NGES PAR SGRUB PA DANG, RGYU MTSAN DE NYID KYIS RJES DPAG GNYIS TSAD MAR BSGRUB PA'O, ,DANG PO LA GNYIS, RANG BZHIN GYI GTAN TSIGS 'BREL PA NGES PAR SGRUB PA DANG, 'BRAS BU'I GTAN TSIGS DE LTAR BSGRUB PA'O, ,DANG PO LA GSUM, DNGOS DANG, RTZOD PA SPANG BA DANG, GRUB PA DE RDZAS GCIG LA LDOG PA THA DAD KYI RNAM GZHAG 'THAD PA'I RGYU MTSAN BSHAD PA'O, ,DANG PO NI, BYAS PA'I DON GYIS MI RTAG PA'I DON SGRA LA SGRUB PA LA BSGRUB BYA'I CHOS LA 'KHRUL PA MED DE DE LA RANG BZHIN 'BREL PA YOD PA'I PHYIR, DER THAL, BSGRUB BYA'I CHOS DE NI RTAGS DE'I BDAG NYID GCIG PA'I KHYAB

, ,BYED YIN PA'I PHYIR RO, ,GNYIS PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, MI RTAG PA BYAS PA DE'I BDAG GCIG PA'I KHYAB BYED YIN NA BYAS PA'I RDZAS DANG MI RTAG PA'I RDZAS RTAGS DANG BSGRUB BYA'I CHOS YIN NAM, RTOG PAS BTAGS TZAM RTAGS CHOS SU SONG, DANG PO LTAR NA, DE GNYIS THA DAD NA RDZAS SO SOR 'GYUR BAS BYAS PA RTAG PA DANG, MI RTAG PA MA BYAS PAR 'GYUR BAS, RDZAS KYI SGO NAS THA DAD MED PA'I GCIG YIN DGOS LA DE LTA NA BSGRUB PAR BYA BA'I CHOS DANG SGRUB PAR BYED PA THA DAD PA'I KHYAD PAR MED PAR 'GYUR BAS DAM BCA'I PHYOGS GCIG RTAGS SU BKOD PA'I MA GRUB PAR 'GYUR LA, GNYIS PA LTAR NA, BYAS MI RTAG RTOG PAS BTAGS TZAM DU 'GYUR ZHING, DE BZHIN DU DNGOS PO GZHAN YANG CUNG ZAD TZAM YANG BZHAG TU MED PAR 'GYUR RO ZHE NA, 'DI NI DNGOS PO'I GNAS TSOD DANG SGRA RTOG GI 'JUG TSUL MA PHYED PAS BDEN GNYIS KYI RNAM DBYE LA MI MKHAS PA'I RTZOD PA YIN LA, DA LTA RIGS PA SMRA BAR KHAS 'CHE BA PHAL CHER YANG PHYOGS SNGA MA 'DI DANG 'DOD PA GCIG TU SNANG NGO, ,GNYIS PA LA GSUM, CHOS DANG CHOS CAN GYI RANG LDOG RTOG BTAGS SU BSTAN PA DANG, DE LA SHES BYED DGOD PA DANG, DE'I DON BSHAD PA'O, ,DANG PO NI, SGRA DANG DE'I BYAS MI RTAG GRUB BDE RDZAS GCIG NA, DE LA CHOS CHOS CAN GYI RNAM DBYE MI 'THAD PA'I SKYON YOD PA MA YIN TE, DE GSUM GRUB BDE RDZAS GCIG KYANG LDOG CHOS KYI BYE BRAG DE GSUM THA DAD PA'I CHA DANG, RTAGS DANG CHOS DANG CHOS CAN

GYI RANG LDOG RNAMS RTOG PAS KUN BTAGS PA'I PHYIR RO, ,GNYIS PA NI, DE SKAD DU YANG TSAD MA MDO'I RANG 'GREL DU RJES SU DPAG PA RTAGS DANG RJES SU DPAG PAR BYA BA GTAN TSIGS KYI YUL CHOS CAN DANG, KHYAB PA'I YUL BSGRUB BYA'I CHOS DANG, BSGRUB BYA'I THA SNYAD 'DI THAMS CAD NI BLO RTOG PA'I GZUNG YUL LA YOD PA'I CHOS DANG CHOS CAN GYI KHYAD PAR KHO NAS BZHAG PA YIN NO ZHES BSHAD DO, ,RTAGS DANG BSGRUB BYA DANG CHOS DANG CHOS CAN RNAMS CHOS CAN, RTOG PAS BTAGS TZAM YIN TE, DGAG SGRUB BYED PA'I BLO'I SNANG YUL GANG ZHIG RDZAS SU MED PA'I PHYIR, SGRA RANG MTSAN YIN KYANG DE SHES 'DOD CHOS CAN YIN PA'I CHA RTOG PAS BTAGS PA YIN TE, BYAS PA SGRA LA BRTEN PAR SNANG BA RANG MTSAN YIN NA, DE GNYIS DON GZHAN DU 'GYUR BA'I PHYIR RO, SGRA'I MI RTAG PA RANG MTSAN YIN KYANG DE BSGRUB BYA YIN PA SGRO BTAGS YIN TE, BYAS PA LA BRTEN NAS SGRA MI RTAG PA'I NGO BO SDANG MED GSAR DU BSGRUB PAR SNANG BA RANG MTSAN YIN NA, BYAS PA DE'I SKYED BYED DU 'GYUR BA'I PHYIR RO, ,DE BZHIN DU BSGRUB BYA'I CHOS LA YANG SHES PAR BYA'O, ,RIGS PA'I RNAM DBYE PHRA MO LA RMONGS SHING, RANG LDOG DANG GZHI LDOG 'BYED PA'I NUS PA MED PAS BYAS PAS SGRA MI RTAG PAR SGRUB PA'I RTAGS DANG BSGRUB BYA'I CHOS RTOG BTAGS YIN NA BYAS MI RTAG KYANG RTOG PAS BTAGS PA TZAM YIN PA 'OS MED DU BYAS NAS, BYAS PA DANG MI RTAG PA RANG MTSAN MA YIN CES SMRA BA NI RIGS PA'I BSTAN BCOS LA RE SHIG BTANG SNYOMS SU BYAS NA SANGS RGYAS KYI BSTAN PA LA GNOD PA CHUNG NGO, ,'THAD LDAN DU, 'DI SKAD DU CHOS

, ,KYI BYE BRAG SGRO BTAGS PA NGES NA BSGRUB PAR BYA BA DANG SGRUB PAR BYED PA THA DAD PA YIN NO ZHES BSHAD PA YIN NO, ZHES DANG, 'DI NI CHOS DANG 'DI NI CHOS CAN NO ZHES BYA BA'I CHOS DANG CHOS CAN NYID DU THA DAD PA'I DU MA NYID GANG YIN PA KHO NA BLOS KUN BRTAGS PA YIN GYI, LDOG PA'I RANG BZHIN GYI DON KYANG NI MA YIN TE, ZHES BSHAD DO, ,GSUM PA NI, RTAGS DANG CHOS DANG CHOS CAN NYID DU THA DAD PA CHOS CAN, BLO RTOG PAS KUN BRTAGS PA YIN TE, RANG MTSAN GYI THUN MONG MA YIN PA'I SDOD LUGS SU MA GRUB PAR RTOG PA'I SNANG BA TZAM DU ZAD PA'I PHYIR, BYAS PA DANG MI RTAG PA LA SOGS PA'I DON KYANG NI CHOS CAN, RTOG PAS BTAGS TZAM MA YIN TE, RANG 'BRAS BSKYED NUS PA'I PHYIR, YANG BYAS MI RTAG RTOG PAS BTAGS TZAM MA YIN TE, DON RANG MTSAN GYI MTHAR THUG PA CAN MA YIN PA'I BLO'I BYE BRAG RANG DGA' BA RNAMS NI DON GYI RTEN TE DON RANG MTSAN THOB BYED KYI THABS DAM PA MA YIN PA'I PHYIR RO, ,DER THAL, DON RANG MTSAN LA BLTOS PA MED PA'I RTOG PA DE DAG GIS BTAGS PA'I YUL GYI DON GO DGOS NA NI DON MI 'THOB PA KHO NAR 'GYUR PA'I PHYIR RO, ,GZHUNG DE DAG GI DON NI BYAS MI RTAG RANG MTSAN MA YIN NA, RANG MTSAN GYI MTSAN GZHI CUNG ZAD KYANG MED PAR 'GYUR RO, ,DE LTA NA DNGOS PO RANG MTSAN GZUNG YUL DU BYED PA'I TSAD MA LA RGYAB RTEN BYA SA MED NA TSAD MAR MI RUNG BAS 'DUS MA BYAS KYI NAM MKHA' DNGOS MED DU RTOGS PA'I TSAD MA YIN NA YANG DON RANG MTSAN LA BRTEN DGOS PA YIN TE, GZUGS RAGS PA DANG

DBANG PO'I BAR NA YOD PA'I MNGON PAR SKABS YOD KYI GZUGS MIG SHES KYI GZUNG DON DU BYAS SHING RTOGS PA'I GZHI CHOS CAN DE'I STENG DU THOGS BCAS KYI GZUGS GZHAN 'JUG PA'I GO RNYED PA'I RTAGS LAS, THOGS BCAS KYI GZUGS BKAG PA BSGRUB PAR BYA BA YIN LA, BAR GYI MNGON PAR SKABS YOD KYI GZUGS KYI STENG DU THOGS BCAS KYI GZUGS BKAG PA DE LA 'DUS MA BYAS KYI NAM MKHA' ZHES BYA BA YIN PAS, DE RTOGS PA'I TSAD MA YANG RANG MTSAN LA BRTEN PAR SHES PAR BYA'O, RNAM 'GREL LE'U GNYIS PA'I, RANG GI MTSAN NYID DPYAD PHYIR RO, ZHES SOGS KYI 'GREL PAR SLOB DPON LHA DBANG BLOS RNAM PAR RTOG PA'I BLO NYID RTEN YIN PA DE BAS NA, THAMS CAD DU DNGOS PO LA REG PA YIN NO, ZHES PA'I DON YANG 'DUS MA BYAS KYI NAM MKHA' SGRA LA SOGS YON TAN DON GZHAN GYI RTEN BYED PA'I RTAG PA'I RDZAS MA YIN PAR RTOG PA'I TSAD MA YANG RANG MTSAN LA BRTEN PA'I DON YIN TE, RNAM PAR RTOG PA'I BLO NI RTAGS DE'I CHOS CAN 'JAL BA'I TSAD MA 'DUS MA BYAS KYI NAM MKHA' RTOGS PA'I RJES DPAG DE NYID YIN LA, DE RANG MTSAN LA BRTEN TSUL SNGAR BSHAD PA LTAR RO, ,GSUM PA LA GSUM, YUL DNGOS PO'I GNAS TSOD GTAN LA DBAB PA DANG, BLO DES YUL DE JI LTAR RTOGS PA'I TSUL DANG, YUL CAN BLO'I 'DZIN STANGS BSTAN PA'O, ,DANG PO LA GNYIS, RTOG PAS BTAGS TZAM MA YIN PA DON DAM DU YOD PA'I YUL GTAN LA DBAB PA DANG, DE LA BRTEN NAS THA SNYAD TZAM DU YOD PA'I RTOG PAS BTAGS TZAM GYI GZHAL BYA YANG 'BAD PA MED PAR GRUB

, ,PA'O, ,DANG PO NI, SGRA BYAS MI RTAG PA'I DNGOS PO KUN CHOS CAN, MTHUN DNGOS RIGS MTHUN DANG RIGS MTHUN LAS GZHAN GYI DNGOS RIGS MI MTHUN DAG LAS LDOG PA LA NI BRTEN PA CAN YIN TE, GANG GI PHYIR NA RTOG PAS BTAGS PA MIN PAR RANG BZHIN GYIS RANG RANG GI NGO BO GZHAN DANG MA 'DRES PA LA GNAS PA'I PHYIR, DE LA LUGS 'DI'I RANG MTSAN GYI DON LDOG DANG, DE LA 'PHROS PA'I DON GNYIS KYIS RIG PAR BYA'O, ,DANG PO NI, SGRA LTA BU GZHIR BZHAG NAS RANG MTSAN DU MTSON PA LA RTOG PAS BTAGS TZAM MIN PAR DNGOS PO RANG GI THUN MONG MIN PA'I SDOD LUGS KYI NGOS NAS GRUB PA STE, RANG BZHIN GYIS ZHES PA 'DIS RANG MTSAN GYI DON LDOG STON PA YIN LA, DE'I DON YANG DE KHO NA LTAR YIN NO, ,GRUB MTHA' GONG 'OG GI KHYAD PAR YANG ZHIB TU MA PHYED CING KHAS BLANGS TZAM DANG RIGS PA'I KHYAD PAR YANG MA PHYED PA'I BLO GROS SHIN TU RTZING PO KHA CIG ,YUL DUS RANG BZHIN MA 'DRES PAR GNAS PA'I DNGOS PO RANG MTSAN GYI DON LDOG DANG, SHAR NA YOD NA NUB NA MED PAS KHYAB PA YUL MA 'DRES PA DANG, SNGA DRO YOD NA PHYI DRO MED PAS KHYAB PA DUS MA 'DRES PA DANG, KHRA BO DANG RDZAS GCIG NA SER SKYA DANG RDZAS MI GCIG PAS KHYAB PA RANG BZHIN MA 'DRES PA'I DON DU BYAS NAS DE LA GZHAN GYIS GNOD PA BRJOD PA NA, KHA CIG SEL NGO DANG 'KHRUL DOR KHAS LEN ZHING SEL NGO DANG 'KHRUL NGO ZHES PA'I TSIG MA SBYAR BAR DAM BCA' BZHAG MI NUS PA DANG, KHA CIG KHYAD PAR DE DAG MA SBYAR YANG BYAS PA BYAS PA MA YIN PAR KHAS BLANGS PA SOGS KYIS

LAN THEBS PAR 'DOD DO, ,DES NA YUL 'DRES PAR 'DZIN PA'I BLO'I 'DZIN STANGS LA DBUS KYI BUM PAS SHAR NUB KYI BUM PA GNYIS LA DUS GCIG TU REG PA NA SHAR GYI BUM PA LA REG PA DES NUB KYI BUM PA LA REG PA DANG, NUB LA REG PA DES SHAR LA REG PAR 'DZIN PA YOD KYI, SHAR LA REG NA NUB LA REG PAS KHYAB PAR 'DZIN PA BLO DE'I 'DZIN STANGS LA 'DUG MI 'DUG LEGS PAR SOMS SHIG ,DES NA SHAR LA REG PA DES NUB LA MA REG PA YUL MA 'DRES PA'I DON YIN NO, ,'DI DAG MGO BA'I RTAGS SU BYE BRAG PAS BRTAGS PA'I YAN LAG CAN GYI RDZAS 'GOG PA YANG GNOD PA LTAR SNANG 'BA' ZHIG BRJOD PA MTHONG BA'I PHYIR RO, ,DE BZHIN DU DUS 'DRES PAR 'DZIN PA'I SNGA PHYI GCIG 'DZIN GYI RTAG 'DZIN LA DA NANG GI KA BA PHYI MA RED YOD PAR 'DZIN GYI, SNGA DRO YOD NA PHYI DRO YOD PAS KHYAB PAR 'DZIN PA DE'I 'DZIN STANGS LA CUNG ZAD KYANG MED PA'I PHYIR RO, ,DES NA DUS MA 'DRES PA YANG SNGA DRO'I KA BA PHYI DRO MED PA YIN PAS KA BA KA BA MA YIN PAR KHAS BLANG DGOS PA JI LTAR YIN SOMS SHIG ,RANG BZHIN 'DRES PAR 'DZIN PA BA LANG DE BA LANG KHRA BO DANG RDZAS GCIG PA'I CHA SER SKYA DANG RDZAS GCIG ,SER SKYA DANG RDZAS GCIG PA'I CHA KHRA BO DANG RDZAS GCIG TU 'DZIN PA YIN GYI, KHRA BO DANG RDZAS GCIG NA SER SKYA DANG RDZAS GCIG TU YOD PAS KHYAB PAR 'DZIN PA MED DE, DE LTA MA YIN NA, RNAM 'GREL LAS, KHRA BO YI NI NGO BO GANG, ,DE NI SER SKYA LA YOD MIN, ,DE 'BRAS CAN MIN LAS LOG PA, ,GNYIS KA LA YANG YOD PA YIN, CES PA'I GZHUNG SNGA PHYI GANG RUNG

, ,GCIG GIS CIG SHOS SUN 'BYIN PAR 'GYUR RO, ,YUL DUS RANG BZHIN MA 'DRES PA TZAM NI DNGOS PO RANG GI MTSAN NYID KYIS GRUB PA CUNG ZAD KYANG KHAS MI LEN PA'I DBU MA CHEN PO PA RNAMS KYIS KYANG DNGOS PO RNAMS LA ZHAL GYIS BZHES PA YIN NO, ,GNYIS PA NI, RTOG PAS BTAGS TZAM MA YIN PA'I YOD PA TZAM RANG MTSAN GYI DON LDOG MA YIN TE, DE GZHI CHOS CAN TSAD MAS GRUB PA GCIG GI STENG DU TSAD MAS LEGS PAR 'GOG NUS PA YIN NA, DBU MA'I LTA BA GO DGOS LA 'DIR BSHAD PA'I RANG MTSAN GYI DON LDOG MDO SDE PAS KYANG SGRA DON GYI STENG DU KHEGS PA'I PHYIR RO, ,BLO LA SNANG BA'I DBANG GIS BZHAG PA MIN PAR DON GYI SDOD LUGS SU YOD PA YANG 'DIR BSHAD PA'I RANG MTSAN GYI DON LDOG MA YIN TE, SNGAR BSHAD PA'I NYES PA DE NYID DU 'GYUR BA'I PHYIR RO, ,RANG GI MTSAN NYID KYIS GRUB PA MDO SDE PAS SGRA DON GYI STENG DU YANG TSAD MAS KHEGS PA MA YIN TE, DE LTA MA YIN NA MDO SDE PAS DBU MA PA'I LTA BA GO BAR 'GYUR RO, , DBU MA PAS BDEN GRUB KYI TSAD DU BYAS PA GZHI GCIG GI STENG DU TSAD MAS KHEGS NA RIGS PA SPOS PAS GZHI GZHAN GYI STENG DU YANG NGES PAR KHEGS PA'I PHYIR RO, ,'DIR BSHAD PA 'DI DAG LA BRTEN NAS GRUB MTHA' GONG MA'I LTA BA RTOGS PAR BYED PA'I TSUL YANG SHES PAR BYA'O, ,DE YANG 'DI LTAR RTOG PA LA SNANG BA DNGOS PO YIN PA BKAG PA NA DNGOS PO TZAM KHEGS PA DANG BUM PA SOGS DNGOS POR BSGRUBS PA NA, RTOG PA'I SNANG BA YANG DNGOS POR KHAS LEN DGOS PA BYUNG NA DON DAM

DU YOD PA DANG THA SNYAD DU YOD PA'I 'JOG MTSAMS PHYIN CI LOG TU 'GYUR PAS DE'I TSUL LA MKHAS DGOS PA BZHIN DU MGON PO KLU SGRUB KYI DGONGS PA GTAN LA 'BEBS PA NA, DNGOS PO RANG GI MTSAN NYID KYIS GRUB PA BKAG PA NA RGYU 'BRAS BZHAG SA MED PAR SONG ZHING RGYU 'BRAS KHAS BLANGS PA NA, RANG GI MTSAN NYID KYIS GRUB PA MA KHEGS NA BDEN GNYIS LEGS PAR 'JOG MI SHES PAS RANG GI MTSAN NYID KYIS GRUB PA KHEGS SHING RGYU 'BRAS RANG LUGS LA KHAS BLANGS PAS CHOG PA'I BDEN GNYIS LA MKHAS PAR BYA'O, ,DE BZHIN DU LUGS 'DIR RTOG PA LA RANG GI GZUNG BYA RANG GI MTSAN NYID KYIS GRUB PA'I DNGOS POR SNANG ZHING, SNANG BA LTAR GRUB PA KHEGS NAS RTOG PAS BTAGS TZAM LA TSAD MA'I GZHAL BYA LEGS PAR 'JOG SHES PA DGOS PA BZHIN DU MGON PO KLU SGRUB KYI DGONGS PA GTAN LA 'BEBS PA NA, GZUGS 'DZIN DBANG SHES LA GZUGS RANG GI MTSAN NYID KYIS GRUB PAR SNANG ZHING SNANG BA LTAR GRUB PA KHEGS NAS 'BRAS BU BSKYED NUS KYI GZUGS RANG LUGS LA KHAS LEN PA'I TSUL LA MKHAS PAR BYA DGOS PA SHES PAR BYA'O, ,GNYIS PA NI, DON DAM DU YOD PA'I GNAS TSOD GONG DU BSGRUBS PA DE'I PHYIR, RIGS MTHUN RIGS MI MTHUN GYI LOGS GANG DANG GANG LAS DON SGRA BYAS MI RTAG PA LDOG PA DE'I RGYU MTSAN CAN GYI RIGS TE, LDOG PA DU MA DBYE RUNG BA YIN NO, ,SGRA CHOS CAN, KHYOD LA LDOG PA DU MA DBYE RUNG STE, KHYOD KHYOD RANG GI RIGS MI MTHUN MA BYAS RTAG PA DANG, RIGS MTHUN BUM PA SOGS SGRA MA YIN PA LAS LOG PAR RANG

, ,RGYU LAS SKYES PA'I PHYIR, 'DIS CI ZHIG GRUB PA YIN CE NA, RANG MTSAN GYI GNAS TSOD GTAN LA PHAB PA NA KUN RDZOB TZAM DU YOD PA'I DON 'BAD PA MED PAR GRUB PA YIN TE, 'DI LTAR SGRA DANG BUM PA GNYIS RANG GI NGO BO MA 'DRES PAR GNAS PA NA, SGRA DE SGRA MA YIN PA LAS LOG CING SGRA LAS MA LOG PA DANG, BUM PA BUM PA MA YIN PA LAS LOG CING BUM PA LAS MA LOG PAS LDOG PA THA DAD PA DANG, BUM PA RDZA MKHAN SOGS GANG YANG RUNG BAS BYAS PA MTHONG ZHING, SGRA DE DAG GIS MA BYAS PA DANG, SGRA RNGA LA DBYU GU BSNUN PA SOGS RANG GI RKYEN GANG YANG RUNG BAS BYAS PAR MTHONG BAS DE GNYIS KA LA THUN MONG DU BYAS PA RJES SU 'GRO BAR MTHONG LA KHYAB CHE CHUNG DU YANG MTHONG ZHING, DE GNYIS DANG BYAS PA'I THA DAD RDZAS SU MA GRUB CING RTOG PAS BTAGS TZAM DU GRUB PA YIN NO, ,DE BZHIN DU BUM PA LA RAGS PA'I 'JIG PA MNGON SUM GYIS GRUB CING, SGRA LA YANG RIGS 'DRA'I RGYUN MED PAS RAGS PA'I 'JIG PA MNGON SUM GYIS GRUB PAS 'JIG PA DE GNYIS KA LA THUN MONG DU RJES SU 'GRO BAR MTHONG ZHING, SGRA'I 'JIG PA DANG BUM PA'I 'JIG PA SO SOR MA 'DRES PAR GNAS PAS SGRA BYAS MI RTAG PA RDZAS GCIG KYANG SGRA RTZOD GZHI DANG BYAS PA GTAN TSIGS DANG MI RTAG PA BSGRUB BYA'I CHOS SU 'THAD LA, MA BYAS PA DANG RTAG PA NI SGRA BUM PA GNYIS KYI RIGS MI MTHUN YIN LA SGRA MA YIN PA DANG BUM PA MA YIN PA'I SNAM BU SOGS NI DE GNYIS KYI RIGS MTHUN NO, ,GNYIS PA NI, RANG MTSAN GYI GNAS TSOD RTOGS PA LA GNAS TSOD JI LTA BA

BZHIN DU BSGRUB PA'I SGO NAS 'JUG CING, NGES PAR RTOGS DGOS PA MA YIN PAR THAL, BYAS PA LTA BU LDOG PA THA DAD PA DE'I KHYAD PAR GYIS SGRA LA MI RTAG PA RTOGS PAR 'GYUR PA DAG RAB TU BYED PA'I PHYIR, GSUM PA NI, SGRA BYAS MI RTAG PA RDZAS GCIG KYANG LDOG PA THA DAD PAR GNAS PA YIN TE, SGRA'I KHYAD PAR BYAS PA LTA BU 'GA' ZHIG BYAS PA CES PA'I MING GI CHOS GANG GIS GO BAR 'GYUR BA DE MI RTAG PA CES PA'I MING LTA BU SNGA MA DE LAS GZHAN GYIS GO BAR NUS PA MA YIN, KHYAD PAR MI RTAGS YANG DE BZHIN DU SHES PAR BYA BA'I PHYIR, DER THAL, RTAGS KYI BSGRUB BYA RTOGS PA RANG LAS GO SLA BA'I LDOG PA THA DAD PA'I KHYAD PAR GYIS RTOGS DGOS PA DES NA'I PHYIR, SGRA BYAS MI RTAG PA GO DKA' SLA'I KHYAD PAR DANG BCAS PA'I LDOG PA THA DAD DU RNAM PAR GNAS PAR THAL, DE LTAR GONG DU BSGRUBS PA DES NA'I PHYIR, 'DOD NA, BYAS PA SGRA MI RTAG PAR BSGRUB PA'I DAM BCA'I PHYOGS GCIG RTAGS SU BKOD PA'I MA GRUB PAR 'GYUR BA'I SKYON MED PAR GRUB PAR THAL LO, ZHES BYA BA NI BAR SKABS KYI TSIGS SU BCAD PA DAG GO ,GNYIS PA NI, RANG BZHIN GYI RTAGS SU MA ZAD 'BRAS BU DU BA YANG ME DANG RANG BZHIN 'BREL PA GRUB PA YIN TE DU BA DE'I RANG BZHIN ME DE LAS BYUNG BA'I PHYIR RO, ,'BRAS RANG GI GTAN TSIGS GNYIS PO RANG BZHIN 'BREL PA NGES PAR BSGRUBS PAS, GTAN TSIGS GSUM GYI DBYE BA NGES PAR GRUB PA YIN TE, 'BREL PA GNYIS KYI GRANGS NGES BSGRUBS PAS GTAN TSIGS GSUM MI 'DOD NA YANG NGES PAR KHAS BLANGS DGOS LA, GTAN TSIGS GSUM

, ,LAS GZHAN YOD PA YANG 'BREL PA GNYIS KYI GRANGS NGES BSGRUBS PAS KHEGS PA'I PHYIR RO, ,GSUM PA NI, SGRUB RTAGS LA BRTEN PA'I RJES SU DPAG PAR BYA BA'I SHES PA TSAD MA 'DI GNYIS NI CHOS CAN, DNGOS PO DE GZHAN DANG MA 'DRES PAR SNANG BA NYID MA YIN TE, RANG MTSAN GZUNG YUL DU MI BYED CING GZUNG YUL DE LAS MA SKYES PA'I PHYIR, DNGOS PO RANG MTSAN GZUNG YUL DU BYED PA MA YIN NA YANG RANG GI GZHAL BYA LKOG GYUR RANG MTSAN PA DE DANG 'KHRUL PA MED PA DAG YIN TE, DE LAS SKYES PA'I SGO NAS DE LA GSAR DU MI SLU BA'I SHES PA YIN PA'I PHYIR, DE LA TSAD MA YIN TE, MI 'KHRUL PA'I SGO NAS GSAR DU MI SLU BA'I SHES PA YIN PA DES NA'I PHYIR, DPER NA MNGON SUM TSAD MA BZHIN, ,GNYIS PA GTAN TSIGS GSUM BYE BRAG TU BSHAD PA LA GSUM, MA DMIGS PA DANG, RANG BZHIN DANG, 'BRAS BU'I GTAN TSIGS RGYAS PAR BSHAD PA'O, ,DANG PO LA GSUM, SNANG RUNG MA DMIGS PA'I GTAN TSIGS DANG, MI SNANG BA MA DMIGS PA'I GTAN TSIGS DANG, DE GNYIS KYI 'BRAS BU'I KHYAD PAR BSHAD PA'O, ,DANG PO LA GNYIS, SNANG RUNG MA DMIGS PA'I RTAGS KYI NUS PA 'JUG PA'I YUL NGOS GZUNG BA DANG, SBYOR BA'I DBYE BA BSHAD PA'O, ,DANG PO LA GNYIS, RTZA BA DANG, 'GREL PA'O, ,DANG PO NI, BUM PA YOD NA DMIGS SU RUNG BA LAS BUM PA MI DMIGS PA CHOS CAN, BUM PA MED PA LA MI 'KHRUL BA YIN TE, BUM PA MED PAR NGES PA'I RNAM

GZHAG GI 'BRAS BU CAN YIN PA'I PHYIR, GNYIS PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, BUM PA YOD NA DMIGS SU RUNG BA LAS BUM PA MI DMIGS PA NI CHOS CAN, BUM PA MED PA DE LA MI 'KHRUL PA YIN TE, BUM PA MED PA'I THA SNYAD 'JUG PA'I RNAM GZHAG GI 'BRAS BU CAN YIN PA'I PHYIR, GAL TE THA SNYAD NI 'BRAS BU YIN LA MA DMIGS PA NI RGYU YIN PAS RGYU 'BRAS BU LA MI 'KHRUL BA JI LTAR YIN CE NA, BSKYED BYA SKYED BYED KYI DNGOS POR GYUR PA NI MA YIN GYI, RNAM PAR 'JOG BYED DANG GZHAG BYA'I 'BRAS BU CAN YIN PA'I PHYIR SKYON MED DO, ,DES NA BUM PA YOD NA DMIGS SU RUNG BA LAS MA DMIGS PA DE BUM PA MED PA LA 'KHRUL PA'I SKYON MED DE, BUM PA MED PA'I THA SNYAD BYAR RUNG GRUB PA LA THA SNYAD 'JUG PA'I YUL BUM PA DMIGS RUNG MA DMIGS PA YOD PA 'KHRUL PA MED PA'I PHYIR RO, ,GNYIS PA LA GSUM, DON BSGRUB BYA YIN PA DGAG PA DANG, THA SNYAD BSGRUB BYAR SGRUB PA DANG, DE LA RTZOD PA SPANG BA'O,, DANG PO NI, MU STEGS SPYOD PA PA DAG BUM PA YOD NA DMIGS SU RUNG BA LAS MI DMIGS PA'I BUM 'DZIN BKAG PA'I RTAGS KYIS BUM PA MED PA'I DON BSGRUB PAR BYA BA YIN NO ZHE NA, 'DIR RNAM NGES KYI t'IKA BYED KHA CIG GIS LTO LDIR BA DMIGS BYED KYI YUL CAN BKAG PA RTAGS SU SONG NA PHYOGS SNGA MA'I 'DOD PAR SENG 'DUG SNYAM DU BSAMS NAS SA PHYOGS DAG PA PA DANG DAG 'DZIN MNGON SUM RTAGS SU BYED CING RGYU TSOGS PA LAS 'BRAS BU 'BYUNG RUNG SGRUB PA'I GTAN TSIGS SU 'DOD

, ,PA NI, DGAG RTAGS KYI MTHAR THUG PA RANG BZHIN MA DMIGS PA'I GTAN TSIGS DNGOS GANG YIN DRIS PA NA SGRUB RTAGS KYI KHYAD PAR 'GA' ZHIG LA 'DI YIN NO ZHES SMRA BA NI, RANG NYID SHIN TU BLUN PAR STON ZHING MKHAS PAS BRTAGS NA BZHAD GAD KYI GNAS SU 'GYUR BA YIN NO, ,'DI NI DPER NA GLEN PA GANG LA KHYU MCHOG RVA RINGS KYI 'BYUNG KHUNGS DRIS PA NA, KHYU MCHOG RA RINGS 'DI DAG NI, ,MA YI LTO NAS 'ONGS MIN GYI, ,'DI DAG TSONG DUS NAS 'ONGS PA, ,RIN GYIS NYOS PA TZAM DU ZAD, CES SMRA BA DANG MTSUNGS SO, ,YANG KHA CIG GIS, BUM MED DON DU BYAS NAS DE PHYIR RGOL GYIS GRUB ZIN PAS THA SNYAD 'BA' ZHIG BSGRUB BYA YIN NO, ,ZER BA YANG LEGS PAR MA BRTAGS PA YIN TE, PHYIR RGOL DES GZHI DE NA BUM PA MED DO SNYAM PA'I NGES PA MA SKYES SHING BUM PA MED DO ZHES PA'I THA SNYAD MA THOGS NA NI, BUM MED GRUB ZIN MA BRJED PAR 'GAL LA, THA SNYAD THOGS NA NI THA SNYAD GZHAN GANG SGRUB DGOS PA SOMS SHIG ,BUM PA MED PA'I SGRA BLO'I THA SNYAD 'JUG RUNG SGRUB PA YIN PAS SKYON MED DO ZHE NA, GZHI DER BUM PA MED DO SNYAM DU NGES NAS GZHI DE BUM MED DU RUNG MI RUNG THE TSOM ZA BA SRID DO ZHES ZER BA NI RANG NYID SHIN TU BLUN PAR STON PA TZAM YIN NO, ,DES NA 'DIR YUL CAN GYI BLO BKAG PA RTAGS SU SBYAR BAR BYA BA SLOB DPON CHOS MCHOG GIS GSUNGS PA LTAR RIGS PA KHO NA 'O, ,SPYOD PA PA'I 'DOD PA NI, LTO LDIR BA DMIGS BYED KYI YUL CAN BKAG PA RTAGS SU BYAS NAS LTA LDIR BA MED PA BSGRUB BYAR 'DOD PA 'GOG PA

YIN GYI, BUM MED GZHI DER BSGRUB BYA YIN PA 'GOG PA MIN NO, ,DES NA, LTO LDIR BAS DAG PA'I SA PHYOGS SU BUM PA MED PA'I SGRUB BYED THUG MED DU BRGYUD DGOS PAR THAL GZHI DER BUM PA MED PA LTO LDIR BA DMIGS RUNG MA DMIGS PAS SGRUB DGOS, LTO LDIR BA MED PA DE LTO LDIR DMIGS BYED KYI YUL CAN BKAG PA'I SGO NAS BSGRUB DGOS PA GANG ZHIG DE LTA NA, LTO LDIR BA DMIGS PA'I YUL CAN MED PA YANG YUL CAN BKAG PA DE 'JAL BA'I BLO MED PA RTAGS SU BKOD PA'I MI DMIGS PA'I RTAGS GZHAN GYIS BSGRUB PAR BYA DGOS PA YIN PA'I PHYIR, RTAGS PAR PA KHAS BLANGS SO, ,'DOD NA GZHI DER BUM PA MED PA TSAD MAS MI RTOGS PAR 'GYUR BAR THAL, DE'I SGRUB BYED MTHAR THUG PA MED PAR BRGYUD DGOS PAR 'GYUR BA'I PHYIR, CI STE DON NI SHES PA LA RAG LAS NAS GSAL BAR BYED DGOS LA SHES PA NI RANG NYID GSAL BA YIN PA DE BZHIN DU DON GYI MED PA GZHAN GYIS GSAL DGOS LA DMIGS PA YUL CAN MED PA MI DMIGS PA GNYIS PA LA BLTOS PA MED PAR RANG NYID KYIS GRUB PAR 'GYUR RO ZHE NA NI, DE BZHIN DU YOD NA SNANG RUNG DU YOD PA LTO LDIR BA MED PA YANG MI DMIGS PA'I RTAGS GZHAN GYIS SGRUB PA DON MED PAR THAL, RANG NYID KYIS GRUB PAR 'GYUR BA'I PHYIR, RTAGS KHAS BLANGS SO, ,DNGOS MED DU MTSUNGS PA LA RANG GIS GRUB MA GRUB KYI KHYAD PAR MED PA'I PHYIR RO, ,CI STE GZHAN LTO LDIR BAS DAG PA'I SA PHYOGS DMIGS PA'I MNGON SUM GYIS LTO LDIR BA MI DMIGS PA YUL CAN BKAG PA SGRUB PA'I PHYIR, YUL

, ,CAN MED PA MNGON SUM GYIS GRUB PA YIN GYI MI DMIGS PA MI DMIGS PA'I RTAGS GZHAN GYIS NI SGRUB DGOS PA MA YIN NO ZHE NA, DE BZHIN DU GZHAN SA PHYOGS DAG PA PA DNGOS SU DMIGS NAS YOD PAS BUM PA MED PA'I DON CI STE MI 'GRUB STE GRUB PAR THAL, LTO LDIR BAS DAG PA'I SA PHYOGS DMIGS PA'I YUL CAN DE YOD PA GRUB PAS LTO LDIR BA'I YUL CAN MED PA GRUB PA'I PHYIR, 'DOD NA, DGAG RTAGS GZHAN GYIS SGRUB DGOS PA NYAMS SO, , GNYIS PA LA GNYIS, THA SNYAD 'BA' ZHIG SGRUB PA'I RGYU MTSAN DANG, DPE MA GRUB PA'I DOGS PA'ANG KHEGS PA'O, ,DANG PO NI, LTO LDIR BA DMIGS BYED BKAG PA'I RTAGS KYIS LTO LDIR BA MED PA MI 'GRUB NA BUM PA MED PA'I THA SNYAD KYANG MI 'GRUB PAR 'GYUR RO ZHE NA, RTZOD PA 'DI DANG BUM MED SGRUB NA, DON SGRUB KYI RTAGS LAS 'OS MED SNYAM DU DA LTA KHA CIG 'DOD PA RNAMS DON GCIG PA YIN NO, ,GZHI DER BUM PA MED DE, BUM PA YOD NA DMIGS SU RUNG BA LAS MA DMIGS PA'I PHYIR, CES SAM LTO LDIR BA YOD NA DMIGS SU RUNG BA LAS MA DMIGS PA'I PHYIR CES PA RTAGS SU GANG BKOD KYANG DGAG BYA'I CHOS KYI YUL CAN BKAG PA RTAGS SU SONG BA YIN PAS, DON SGRUB KYI RTAGS SU 'GYUR BA'I DON MED DO, ,BUM PA DMIGS BYED MED PAR NGES NAS BUM PA MED PA MA DES PA MI SRID PAS DPE SNGA MA RTAGS SU MI RUNG NGO ZHE NA, DE NYID KYI PHYIR THA SNYAD 'BA' ZHIG SGRUB YIN TE, KHYOD LTAR NA BUM PA DMIGS RUNG MA DMIGS PA DES NAS BUM PA MED PA MA NGES PA MI

SRID PAR 'GYUR LA, DE LTA NA DE GNYIS MTSAN MTSON MA YIN PAR 'GYUR RO, ,RTAGS DE LA BUM PAS DAG PA'I SA PHYOGS RTZOD GZHIR GZUNG DGOS LA, DE LTA NA BUM PAS DAG PA NGES NAS BUM PA MED PA MA NGES PA MI SRID LA DE'I PHYIR RTAGS DE LA PHYOGS GRUB PA MI SRID DO ZHE NA, BUM PA DMIGS BYED KYI TSAD MAS DBEN PA'I GZHI RTZOD GZHIR 'JOG PAS SKYON MED DO, ,GANG GI TSE RNAM PA 'DI LTA BU'I LTO LDIR BA YOD NA DMIGS SU RUNG BA LAS LTO LDIR BA MI DMIGS PA NYID BUM PA MED PA RNAMS KYI BUM PA MED PA THUN MONG MA YIN PA GO BAR BYED PA'I DON LDOG YIN PA DE'I TSE LTO LDIR BA DMIGS RUNG MA DMIGS PA DES GZHI 'GAR BUM PA MED PA SGRUB MI NUS PA'I SKYON MED PAR THAL, GZHI 'GAR BUM PA MED PA'I THA SNYAD 'JUG PA'I YUL BUM PA DMIGS RUNG MA DMIGS PA GRUB PAS YUL CAN BUM PA MED DO SNYAM PA'I SHES PA DANG BUM PA MED DO ZHES PA'I SGRA DANG THE TSOM MED PAR 'GRO BA DANG 'OD PA'I LUS KYI THA SNYAD 'JUG RUNG DAG MKHAS PAS MNGON SUM GYIS RTOGS PAS RMONGS PA LA RTAGS KYIS SGRUB PAR BYED PA YIN PA'I PHYIR, BUM PA YOD MED LTA BA'I PHYIR TU 'GRO BA DANG 'OD BA'I LUS KYI THA SNYAD MA YIN GYI, BUM PA MED PAR THAG CHOD NAS 'GRO BA DANG 'ONG BA'I LUS KYI THA SNYAD DO, ,PHYIR RGOL 'DI BUM PA MED PA'I THA SNYAD LA ZHUGS MA ZIN PAS DMIGS RUNG MA DMIGS PA TZAM GYIS BUM PA MED PAR SGRUB DGOS NA, DE CI LTAR SGRUB PAR BYED CE NA, GZHI DER BUM PA MED PA'I THA SNYAD LA MA ZHUGS NA DER DE SGRUB MI NUS PA'I SKYON MED PAR THAL, SPYI KHYAB SNGAR TSAD

, ,MAS GRUB ZIN MA BRJED GZHI DER BUM PA MED PA'I THA SNYAD 'JUG PA'I YUL BUM PA DMIGS RUNG MA DMIGS PA'I PHYOGS CHOS RAB TU BSTAN PAS BUM PA MED PA'I BRDA NGES PA LA 'JUG PA'I PHYIR RO, ,THA SNYAD ZHUGS PA'I YUL RTOGS KYANG YUL CAN MA RTOGS PA YOD DAM ZHE NA, YOD DE BLO GROS RMONGS PA GANG DAG PA LANG CHUNG NGU LA BA LANG GI THA SNYAD ZHUGS KYANG MI 'DRA BAR MTHONG NAS BA LANG CHEN PO LA BA LANG GI THA SNYAD 'JUG PAR MI BYED PA DE LA BA LANG GI THA SNYAD NI LKOG SHAL LA SOGS PA 'DUS PA TZAM GYI RGYU MTSAN CAN YIN GYI, CHUNG NGU'I RGYU MTSAN CAN NI MA YIN NO, ZHES STON PAR BYED PA DPER NA NOG SOGS 'DUS PA'I GONG BU CHEN PO 'DI NI CHOS CAN, BA LANG YIN TE, LKOG SHAL LA SOGS PA 'DUS PA'I BDAG NYID YIN PA'I PHYIR RO ZHES BYA BA LTA BU'O, ,GNYIS PA NI, RTZOD GZHI LA MNGON SUM GYIS MA GRUB NA DPE LA YANG MNGON SUM GYIS MA GRUB PAS DPE SGRUB BYED KYI TSAD MA MED PA'I PHYIR RTAGS SU MI RUNG NGO ZHE NA, DPE MA GRUB PAS KHYAB PA SGRUB BYED KYI TSAD MA GRUB PAR RGOL BA YANG BSAL BA YIN TE, DPE LA KHYAB PA MNGON SUM GYIS GRUB PA DE LTA YIN DANG STE MNGON SUM GYIS GRUB PA'I PHYIR, DPE LA MNGON SUM GYIS GRUB NA RTZOD GZHI LA YANG MNGON SUM GYIS GRUB DGOS PA MA YIN PAR THAL, GZHI 'GAR BUM PA MED PA'I THA SNYAD KYI YUL RTOGS KYANG YUL CAN BUM PA MED PA'I THA SNYAD MA RTOGS PA DAG SNANG BA'I PHYIR RO, ,DMIGS RUNG MA DMIGS PA LA MED PA'I THA SNYAD RANG 'DOD KYIS 'JUG PA YIN CING, THA SNYAD LAN CIG

ZHUGS PA LAS KYANG 'BREL PA SHES PAS YUL DE LA CHOS GANG MED PA'I THA SNYAD 'DOD PAS ZHUGS PA LA GNOD PA YANG CUNG ZAD MED PA YIN NO, ,GSUM PA LA GSUM, BUM PA DMIGS RUNG MA DMIGS PA BUM PA MED PA'I DON DU MI RUNG BA'I RTZOD SPANG DANG, KHYAB PA 'KHRUL PA'I RTZOD SPANG DANG, PHYOGS CHOS SGRUB PA'I TSAD MA 'CHAD 'GYUR DANG SBYAR BA'O, ,DANG PO LA GNYIS, RTZOD PA DANG, LAN NO, ,DANG PO NI, KHO NA RE, GAL TE BSGRUB BYA'I CHOS SU GZUNG BA'I BUM PA'I DNGOS PO LOG PA NI BUM PA'I DNGOS PO MED PA YUL BKAG PA YIN LA, RTAGS SU BZUNG BA'I BUM PA DMIGS RUNG MI DMIGS PA NI DMIGS PA LOG PA YUL CAN BKAG PA YIN NA DE CI LTAR YUL GYI DNGOS PO MED PA'I DON LDOG YIN TE MA YIN PAR THAL, RTAGS DANG BSGRUB BYA'I CHOS GNYIS KYI LOG PHYOGS RDZAS THA DAD YIN PA'I PHYIR, DMIGS PA YUL CAN LOG PAS YUL GYI DNGOS PO MED PAR YANG JI LTAR 'GYUR TE, YUL RGYU YIN LA YUL CAN 'BRAS BU YIN PAS 'BRAS BU LOG KYANG RGYU MED PAR MI 'GRUB PA'I PHYIR RO ZHE NA, GNYIS PA NI, MNGON SUM LA SNANG RUNG GI BUM PA YOD NA MNGON SUM GYIS DMIGS PA LA 'KHRUL PA'I SKYON MED PAR THAL, MNGON SUM LA SNANG RUNG DE 'DRA BA'I YOD PA NI MNGON SUM GYIS DE DMIGS PA'I RGYU MTSAN CAN YIN PA'I PHYIR DANG, MNGON SUM GYIS MTHONG BA MED NA MNGON SUM LA SNANG RUNG GI YOD PA RNAM PAR BZHAG PA NI MI NUS PA'I PHYIR, YUL GYI YOD PA GANG YIN PA DE NYID LA TSAD MAS DMIGS PA NI MTSAN NYID YIN PAR BRJOD RIGS TE, DBANG

, ,YID LA SOGS PA'I RGYU GZHAN TSANG BA NA DMIGS PAR RUNG BA'I RANG BZHIN BUM PA YOD PA NI BUM PA TSAD MAS DMIGS PA DE LA MI 'KHRUL BA'I PHYIR, DES NA BUM PA YOD NA SNANG RUNG MA DMIGS PA BUM PA MED PA LA MI 'KHRUL BA YIN TE, TSAD MAS DMIGS PA YOD PA'I DON LDOG YIN PA'I PHYIR, GNYIS PA LA GSUM, TSOGS PA YONGS 'GYUR LA BLTOS PAS 'KHRUL BA'I RTZOD SPANG DANG, YOD KYANG SNANG MI RUNG DU BYIN GYIS BRLABS PAS 'KHRUL BA'I RTZOD SPANG DANG, GRUB ZIN BSGRUBS PA'I SKYON SPANG BA'O, ,DANG PO LA GNYIS, RTZOD PA DANG, LAN NO, ,DANG PO NI, DBANG PO DANG YID BYED DANG BUM PA GSUM KA TSOGS KYANG BUM 'DZIN MNGON SUM BSKYED PA TSOGS PA NUS PA GONG NAS GONG DU YONGS SU 'GYUR BA LA BLTOS PA'I PHYIR, RGYU GZHAN TSANG BA'I BUM PA YOD KYANG BUM 'DZIN SKYE BA'I NGES PA MED PAS, BUM PA YOD PA TSAD MAS DMIGS PA LA 'KHRUL BAR YANG 'GYUR RO ZHE NA, RGYU GZHAN TSANG BA'I BUM PA YOD NA TSAD MAS DMIGS PA LA 'KHRUL PA'I SKYON YOD PA MA YIN TE, BUM PAS DAG PA'I SA PHYOGS DER BUM PA YOD NA 'BRAS BU BUM 'DZIN SKYE BA'I DUS NA BUM PA MED PAR RTOGS PA'I PHYIR, DER THAL, GZHAN BUM PAS DAG PA'I SA PHYOGS DMIGS PA NA BUM PA DE MI DMIGS PAR GRUB PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, GAL TE RNAL 'BYOR PA MTHU DANG LDAN PAS SAM, SHA ZA LA SOGS PAS BUM PA YOD KYANG SNANG MI RUNG DU BYIN GYIS BRLABS PA'I PHYIR BUM PA

YOD KYANG MI DMIGS PAR 'GYUR BA'I PHYIR BUM PA YOD PA DMIGS PA LA 'KHRUL BAR 'GYUR RO ZHE NA, GNYIS PA LA GSUM, LAN DNGOS DANG, MI 'KHRUL BA'I DON BSDU BA DANG, DES GZHAN YANG KHEGS PA'O, ,DANG PO NI, RNAL 'BYOR PA MTHU LDAN LA SOGS PAS BUM PA MI MTHONG BAR BYIN GYIS BRLABS YOD NA SNANG RUNG GI BUM PA TSAD MAS DMIGS PA LA 'KHRUL PA'I SKYON YOD PA MA YIN TE, SNANG RUNG GI BUM PA YOD NA NGES PAR DMIGS DGOS PA'I PHYIR, DE YANG RNAL 'BYOR PA LA SOGS PAS YUL DANG DBANG PO DAG LAS GNYIS KA'AM GANG RUNG GZHAN DU BSGYUR RAM MA BSGYUR, GNYIS PA LTAR NA RNAL 'BYOR PAS BUM PA SNANG MI RUNG DU BYIN GYIS BRLABS PA NYID MI 'THAD PAR THAL, RNAL 'BYOR PA LA SOGS PA'I MTHUS YUL DANG DBANG PO DAG LAS GANG YANG RUNG BA ZHIG GIS, GNYIS KA GZHAN DU GYUR PA MED PA'I PHYIR RO, ,DANG PO LTAR NA RNAL 'BYOR PAS YUL BUM PA DANG DBANG SHES BUM PA MTHONG DU MI RUNG BAR 'DUS BYAS NA NI DBANG SHES DES BUM PA MI DMIGS PAR 'GYUR MOD KYI, SNANG RUNG GI BUM PA YOD NA DMIGS PA LA 'KHRUL PA'I SKYON MED PAR THAL, DE'I TSE YANG SA PHYOGS MTHONG BA'I RNAM PA DE LTA BU'I DBANG PO'I SHES PAS BUM PA YOD NA SA PHYOGS DE DANG SHES PA GCIG LA 'DRER RUNG DU BZUNG BAR BYA RUNG GI BUM PA MED PA NI YOD PA NYID YIN LA, SA PHYOGS DE DANG SHES PA GCIG LA 'DRER RUNG GI BUM PA YOD NA, SA PHYOGS DE MTHONG BA'I DBANG SHES KYIS NGES PAR DMIGS DGOS PA'I PHYIR, GNYIS PA NI, DE'I PHYIR TSAD MAS DMIGS PA DE

, ,LAS BZLOG PA'I BUM PA YOD NA SNANG DU RUNG BA LAS MI DMIGS PA NI BUM PA MED PA DE LA MI 'KHRUL BA YIN TE, SHES PA DANG 'DRER RUNG BA TSAD MAS DMIGS PA NYID NI BUM PA LA SOGS PA YOD PA 'DI'I YOD PAR 'JOG PA'I DON LDOG YIN PA'I PHYIR, BUM PA YOD NA DMIGS RUNG MA DMIGS PA DES KYANG GZHI 'GAR YUL CAN BUM PA MED PA'I THA SNYAD BSGRUB PAR BYED DE, DE DE LA MI 'KHRUL PA'I PHYIR, GSUM PA NI, SNGAR BSHAD PA'I RIGS PA 'DIS NI CHOS CAN, 'DIR RGYU 'BRAS BU LA 'KHRUL BAS 'BRAS BU LOG KYANG RGYU MED PAR MI 'GRUB PA YANG BSAL BA YIN TE, BUM PA YOD NA NGES PAR DMIGS PAS KHYAB PAR BSTAN PA'I PHYIR, GSUM PA NI, DMIGS RUNG MA DMIGS PA DANG MED PA'I 'BREL PA DPE LA MNGON SUM GYIS GRUB NA RTZOD GZHI LA YANG GRUB PAS RTAGS DON MED DO ZHE NA, MA DMIGS PA'I GTAN TSIGS DE LA YANG BUM PA MED PA'I THA SNYAD BUM PA DMIGS RUNG MI DMIGS PA DE'I RGYU MTSAN CAN YIN PAR DPE LA MNGON SUM GYIS GRUB KYANG RTZOD GZHI LA RTAGS KYIS SGRUB MI DGOS PA'I SKYON MED PAR THAL, BUM PA MED PA DE'I THA SNYAD 'JUG PA'I RGYU RTZOD GZHI LA YOD PA'I SGO NAS MI DMIGS PA'I RTAGS KYIS BSGRUB PAR BYA BA YIN PA'I PHYIR, DPER NA RGYU MTSAN CAN GZHAN NOG LKOG SHAL SOGS 'DUS PAS BA LANG GI THA SNYAD SGRUB PA BZHIN NO, ,GSUM PA LA GNYIS, DRI BA DANG, LAN NO, ,DANG PO NI, BUM PA DMIGS RUNG MA DMIGS PA TSAD MAS MA GRUB NA BUM

PA MED PA'I THA SNYAD SGRUB PAR MI BYED PAS RE ZHIG BUM PA DMIGS RUNG MI DMIGS PA DE NYID TSAD MAS CI LTAR 'GRUB CE NA, GNYIS PA NI, BUM PA DMIGS RUNG MA DMIGS PA TSAD MAS MA GRUB PA'I SKYON MED PAR THAL, DE TSAD MA GANG GIS GRUB PA 'DI NI 'OG TU, DES NA MI DMIGS PA 'DI NI, ,MNGON SUM NYID KYIS GRUB PA YIN, CES 'CHAD PAR 'GYUR BA'I PHYIR, GNYIS PA SBYOR BA'I DBYE BA LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, MI DMIGS PA'I GTAN TSIGS DE YANG DU YOD CE NA, GNYIS PA NI, MA DMIGS PA'I GTAN TSIGS DE YANG CHOS CAN, SGRA'I BYED PA 'JUG PA'I BYE BRAG GIS RNAM PA BZHI YOD DE, SBYOR BA'I BYE BRAG GIS RANG BZHIN 'GAL DMIGS DANG 'GAL 'BRAS DMIGS PA DANG RGYU MA DMIGS PA DANG RANG BZHIN MA DMIGS PA'I GTAN TSIGS RNAMS SU YOD PA'I PHYIR, DE YANG 'DIR DNGOS SU BZHI LAS MA SMOS PA'I RGYU MTSAN DANG, RGYAS PAR DBYE NA BCUR 'GYUR BA'I TSUL GNYIS KYIS SHES PAR BYA'O, ,DANG PO NI, MDO MDZAD PAS DNGOS SU GSUNGS PA DANG MTHUN PAR MDZAD PA YIN LA, MDO MDZAD PAS DE LTAR MDZAD PA'I RGYU MTSAN YANG MA DMIGS PA'I GTAN TSIGS BCU PO YANG, 'GAL ZLA BSGRUBS NAS 'GOG PA DANG, 'BREL YUL BKAG NAS 'GOG PA GNYIS SU 'DUS LA SDUD BYED KYI GTZO BO YANG RNAM PA BZHIR 'DUS PA YIN NO, ,DES NA SDUD BYED KYI GTZE PA'I DBANG DU BYAS NAS BZHIR BZHAG GO ,SLOB DPON BRAM ZE CHEN PO NI 'DIR BSHAD PA GTAN TSIGS KYI MTSAN GZHI'I DBYE BA GTAN

, ,LA 'BEBS PA'I DBANG DU BYAS PA YIN LA, DE PHYIR RGYU DANG RANG BZHIN DAG ,CES SOGS NI MTSAN GZHI LA MTSAN NYID NGES BYED KYI TSAD MA GTAN LA 'BEBS PA'I DBANG DU BYAS PAS YIN NO ZHES GSUNG NGO, ,GNYIS PA NI, MA DMIGS PA'I GTAN TSIGS 'DI 'JUG TSUL SHIN TU RTOGS PAR DKA' BAS MTHA' CHOD PAR BSHAD NA, TSAD MAS DGAG PA BYED PA'I TSE DGAG GZHI PHYIR RGOL SO SO SKYE BO'I MNGON SUM LA SNANG DU RUNG BA DANG MI RUNG BA GNYIS LAS PHYI MA LTAR NA MNGON SUM TSAD MAS DGAG PA BYED PA MI SRID DE, DE LTA NA DGAG GZHI DANG BRAL BA'I MED DGAG YAN 'GAR BA MNGON SUM GYIS GZUNG DGOS NA DE MI RUNG BA'I PHYIR RO, ,SO SO SKYE BO'I MNGON SUM GYIS DGAG GZHI DNGOS SU RTOGS PA'I SHUGS LA ME DGAG RTOGS PA NI NGES PAR KHAS BLANG DGOS TE, MNGON SUM LA SHUGS RTOGS MED PAR 'DOD PA NI RIGS PA DANG SHIN TU 'GAL BAR RTOGS SO, ,DES NA DGAG GZHI MNGON SUM LA SNANG DU MI RUNG BA LA TSAD MAS DGAG PA BYED PA'I TSE NGES PAR RJES DPAG 'JUG DGOS PA YIN NO, ,DANG PO GZHIR BYAS PA LA DGAG BYA'I CHOS PHYIR RGOL GYI MNGON SUM LA SNANG DU RUNG BA DANG MI RUNG BA GNYIS SU NGES PA LA SNANG DU MI RUNG BA LA, RTAGS KYIS DGAG PA BYED PA'I TSE MI SNANG BA MA DMIGS PA'I GTAN TSIGS 'JUG PA'I DUS YIN NO, ,DGAG BYA'I CHOS KYI YUL CES ZER MOD KYANG DON 'DRA BA YIN NO, ,DGAG BYA'I CHOS PHYIR RGOL GYI MNGON SUM LA SNANG RUNG GZHIR BYAS PA LA DGAG GZHI DE'I STENG DU PHYIR RGOL GYI MNGON SUM LA SNANG DU RUNG MI

RUNG GNYIS SU NGES PA LA SNANG DU RUNG NA, TSAD MAS DGAG PA BYED PA'I TSE PHAL CHER MNGON SUM GYIS DGAG PA BYED LA RJES DPAG GIS BYED NA RANG BZHIN MA DMIGS PA'I GTAN TSIGS DNGOS 'JUG PA'I DUS YIN NO, ,DGAG GZHI DE'I STENG DU YOD KYANG PHYIR RGOL GYI MNGON SUM LA SNANG DU MI RUNG BA YIN NA DGAG BYA'I CHOS DE'I 'BREL YUL YOD NA SNANG RUNG DANG 'GAL ZLA YOD NA SNANG RUNG GNYIS SU NGES LA DANG PO LTAR NA, 'BREL YUL BKAG NAS 'GOG PA 'BREL ZLA MA DMIGS PA'I GTAN TSIGS 'JUG PA'I DUS YIN NO, ,'BREL YUL LA NGO BO RGYU 'BRAS GSUM DU NGES PA LA NGO BO LA KHYAB CHUNG BA DANG CHE BA DANG MNYAM PA GSUM DU NGES PA LA KHYAB CHUNG BA BKAG PAS 'GOG MI NUS SHING, KHYAB CHE BA BKAG NAS 'GOG NA KHYAB BYED MA DMIGS PA'I GTAN TSIGS 'JUG PA'I DUS YIN NO, ,KHYAB MNYAM PA BKAG PAS 'GOG PA NI SNGAR BSHAD PA'I RANG BZHIN MA DMIGS PA'I GTAN TSIGS DANG, 'CHAD PAR 'GYUR BA'I DNGOS 'BRAS MA DMIGS PA'I GTAN TSIGS KYANG 'JUG PA'I DUS YIN NO,, RGYU YOD NA SNANG RUNG YIN NA, RGYU MA DMIGS PA 'JUG PA'I DUS YIN LA, DGAG BYA'I CHOS KYI 'BRAS BU YOD NA SNANG RUNG YIN NA, 'BRAS BU TZAM BKAG PAS 'GOG MI NUS PAS DNGOS 'BRAS BKAG PA'I SGO NAS 'GOG DGOS PAS DNGOS 'BRAS MA DMIGS PA'I GTAN TSIGS 'JUG PA'I DUS SO, ,DE LTAR NA 'BREL ZLA MA DMIGS PA'I GTAN TSIGS BZHIR GRANGS NGES PA YIN NO, ,DGAG CHOS DE'I 'GAL ZLA YOD NA SNANG RUNG YIN NA, 'GAL ZLA BSGRUBS NAS 'GOG PA 'GAL DMIGS

, ,KYI GTAN TSIGS 'JUG PA'I DUS YIN TE, 'BREL YUL LA GSUM DU NGES PA BZHIN DU 'GAL ZLA LA YANG GSUM DU NGES TE, DGAG BYA'I CHOS KYI NGO BO YI 'GAL ZLA DANG RGYU'I 'GAL ZLA DANG 'BRAS BU'I 'GAL ZLA'O, ,DANG PO LA DGAG BYA'I CHOS KYI NGO BO'I 'GAL ZLA DNGOS DANG, 'GAL ZLA DNGOS DE'I 'BRAS BU YOD NA SNANG RUNG YIN NA, RANG BZHIN 'GAL DMIGS DANG 'GAL 'BRAS DMIGS PA'I GTAN TSIGS GNYIS 'JUG PA'I DUS YIN NO, ,RANG BZHIN 'GAL DMIGS NGES RANG GI 'GAL ZLA DNGOS 'GOG PA NA DE DANG BDAG GCIG PA'I KHYAB BYA 'GOG NUS PAS KHYAB BYED 'GAL DMIGS DES 'PHANGS PAR SHES PAR BYA'O, ,DGAG BYA'I CHOS KYI RGYU'I 'GAL ZLA YOD NA SNANG RUNG YIN NA YANG RGYU'I 'GAL ZLA DNGOS DANG, RGYU'I 'GAL ZLA'I 'BRAS BU GNYIS BSGRUBS PAS 'GOG NUS PAS, RGYU 'GAL DMIGS DANG RGYU DANG 'GAL BA'I 'BRAS BU DMIGS PA 'JUG PA'I DUS YIN NO, ,DGAG BYA'I CHOS DE'I 'BRAS BU'I 'GAL ZLA YOD NA SNANG RUNG YIN NA, RTAGS SU BKOD PA DE'I 'GAL ZLA'I RGYU TZAM DGAG MI NUS PAS DNGOS RGYU 'GOG PA 'BRAS BU 'GAL DMIGS 'JUG PA'I DUS YIN NO, ,DE LAS GZHAN DU TZANDAN GYI MES GRANG REG 'GOG PA 'GAL KHYAB DMIGS PA'I GTAN TSIGS ZUR PA 'DOD PA NI TZANDAN GYI ME'I SPU RIS ZIN NA YANG MES GRANG REG 'GOG PA NYID LAS MA 'DAS PAS 'GAL DMIGS KYI GTAN TSIGS DNGOS KHO NA'O, ,DE LTAR DGAG RTAGS 'JUG TSUL LA DPYAD NA 'BREL ZLA MA DMIGS PA BZHI DANG,

'GAL ZLA DMIGS PA DRUG KHO NAR RIGS PAS 'THAD PAS DE LA DGONGS NAS SLOB DPON GYIS, DE LTAR NA MI DMIGS PA 'DI NI SBYOR BA'I BYE BRAG GIS RNAM PA BCU YIN NO, ZHES GSUNGS PAR GDON MI ZA'O, ,GSUM PA LA GSUM, DGAG PA BYED PA DGAG BYA DMIGS BYED KYI CHAD MA BKAG PA LA BLTOS PAR BSGRUB PA DANG, SBYOR BA'I DBYE BA DANG, GRANGS NGES PA'I DON BSDU BA'O, ,DANG PO LA GSUM, MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO NI, DGAG PA BYED PA GANG JI SNYED PA DE THAMS CAD NI DGAG BYA DMIGS BYED KYI TSAD MA MI DMIGS PA LAS YIN TE, DGAG BYA DMIGS BYED KYI TSAD MA MA BKAG PAR DGAG PA MI 'GRUB PA'I PHYIR DE'I RGYU MTSAN, 'DI LTAR DGAG BYA 'GOG PA DE NI CHOS CAN TSUL RNAM PA GNYIS KYIS BYED DE DGAG BYA'I CHOS KYI 'GAL ZLA 'GA' ZHIG BSGRUBS PAS SAM 'BREL YUL 'GA' ZHIG DGAG PAS BYED PA'I PHYIR, DGAG BYA DMIGS BYED KYI TSAD MA BKAG PAS DGAG PA BYED PA'I DON DE RTAGS SU 'BREL ZLA MA DMIGS PA DANG 'GAL ZLA DMIGS PA GANG BKOD KYANG DGAG BYA DMIGS BYED KYI TSAD MA BKAG PA DE NYID RTAGS SU SONG BA'I DON YIN NAM 'ON TE ME LA SOGS PA GRANG REG DMIGS BYED KYI TSAD MA MED PA'I NGO BOR GNAS PA'AM, 'ON TE DGAG RTAGS KUN GYIS DGAG BYA DMIGS BYED KYI TSAD MA MED PA THOG MAR BSGRUBS NAS DE'I RJES SU DGAG PA SGRUB PAR BYED PA YIN NAM, 'ON TE DGAG BYA DMIGS BYED KYI TSAD MA BKAG PA DE NYID BSGRUB BYAR BYED PA'I DON

, ,YIN, DANG PO LTAR NA, DGAG RTAGS THAMS CAD RANG BZHIN MA DMIGS PA'I RTAGS DNGOS SU THAL BAR 'GYUR RO, ,GNYIS PA LTAR YIN CING TSUL DE LTAR PHYOGS CHOS 'JAL BA'I DUS NA NGES PA YIN NA, 'GAL DMIGS KYI GTAN TSIGS THA SNYAD 'BA' ZHIG SGRUB TU THAL BAR 'GYUR RO, ,GSUM PA LTAR NA DGAG RTAGS THAMS CAD MTHAR THA SNYAD 'BA' ZHIG SGRUB TU THAL BAR 'GYUR LA, BZHI PA LTAR NA, DE THAMS CAD DON SGRUB TU THAL BAR 'GYUR BAS JI LTAR YIN BRJOD DGOS SO ZHE NA, BRJOD PAR BYA STE, RNAM 'GREL DU, TSAD MAS GRUB PAR SMRA RNAMS KYI, ,DON GYI ZLOG PA NYID LAS YIN, CES BSHAD PA LTAR DON GANG DANG GANG YOD PAR 'JOG PA RNAMS TSAD MA'I SGO NAS BZHAG DGOS PA LTAR DON GANG DANG GANG 'GOG PAR BYED PA YANG DE DMIGS BYED KYI TSAD MA BKAG PA'I SGO NAS 'GOG PA MA GTOGS THABS GZHAN MED PAS DGAG RTAGS THAMS CAD MTHAR RANG BZHIN MA DMIGS PAR 'DUS PA'I DON YANG DGAG BYA DMIGS BYED KYI TSAD MA BKAG PA'I SGO NAS DGAG BYA 'GOG PA LA KHYAD PAR MED PA LA DGONGS PA YIN LA, DGAG BYA DMIGS BYED KYI TSAD MA MED PA RTAGS SU SONG BA'I TSE RANG BZHIN MA DMIGS PA'I GTAN TSIGS DNGOS DANG THA SNYAD 'BA' ZHIG SGRUB TU 'GYUR BA YIN LA, DGAG BYA DMIGS BYED KYI TSAD MA MED PA DANG DGAG BYA MED PA GNYIS KA BSGRUB BYA'I CHOS SU SONG BA DE'I TSE DON DANG THA SNYAD GNYIS KA BSGRUB PAR SHES PAR BYA'O, ,GNYIS PA LA GNYIS, DNGOS KYI DON DANG, DON SGRUB DANG THA SNYAD SGRUB

TU DBYE BA'O, ,DANG PO LA GNYIS, 'GAL ZLA BSGRUBS NAS 'GOG PA DGAG BYA DMIGS BYED KYI TSAD MA BKAG PA LA BLTOS PAR BSGRUB PA DANG, 'BREL YUL BKAG NAS 'GOG PA DE LA BLTOS PAR SGRUB PA'O, ,DANG PO LA GNYIS, MI 'GAL BAS 'GOG MI NUS PA DANG, 'GAL BAS 'GOG NA DGAG BYA DMIGS BYED KYI TSAD MA BKAG PA LA BLTOS PAR SGRUB PA'O, ,DANG PO NI, GZHI 'GAR CHOS 'GA' ZHIG BSGRUBS NAS 'GOG NA YANG DGAG BYA'I CHOS DANG 'GAL BA'AM MI 'GAL BA ZHIG SGRUB GRANG NA PHYI MA MI RIGS TE, DGAG BYA'I CHOS DANG MI 'GAL BA'I GTAN TSIGS NI CHOS CAN, GZHI 'GAR DGAG BYA'I CHOS 'GOG PA MA YIN TE, DGAG BYA'I CHOS DANG GZHI MTHUN DU LHAN CIG YOD PAR 'GAL BA MED PA'I PHYIR, GNYIS PA LA GNYIS, LHAN CIG MI GNAS 'GAL 'GRUB PA DGAG BYA DMIGS BYED KYI TSAD MA BKAG PA LA BLTOS PA DANG, PHAN TSUN SPANGS 'GAL DE LA BLTOS PA'O, ,DANG PO LA GNYIS, SPYI'I DON DANG, TSIG GI DON TO, ,DANG PO LA GSUM LHAN CIG MI GNAS 'GAL GYI MTSAN NYID DANG, DBYE BA DANG, GNOD PA BYED TSUL LO, ,DANG PO NI, GNOD BYA RGYU MA TSANG BA MED PAR 'BYUNG BA NA, GEGS BYED GZHAN MED PAR RANG GI GNOD BYED NYE BAR YOD PA'I STOBS KYIS GNOD BYA'I RGYUN LDOG BYED KYI RIGS SU GNAS PA'O, ,GNYIS PA NI, RGYUN LHAN CIG MI GNAS PA TSA GRANG DANG NGO BO LHAN CIG MI GNAS PA SNANG MUN LTA BU'O, ,GSUM PA NI, TSA REG DANG GRANG REG GNYIS KA SNANG RUNG GI GZHIR DANG POR GRANG REG RGYU MA TSANG BA MED PA

, ,'BYUNG BA DMIGS, DE'I RJES SU TSA REG DMIGS NAS SKAD CIG DANG PO LA PHRAD, SKAD CIG GNYIS PA LA GRANG REG NUS CHUNG DU SONG, GSUM PA LA RGYUN LDOG PA MYUR BA'I DBANG DU BYAS PA YIN GYI, SKAD CIG DU MA'I BAR DU GNOD BYED NUS PA JE CHE DANG GNOD BYA NUS PA JE CHUNG DU 'GYUR BA SRID PA YIN NO, ,SNANG BA DANG MUN PA'I GNOD TSUL NI MUN PA SKAD CIG GSUM PA LA LDOG PAS KHYAB PA YIN NO, ,SNANG MUN GNOD BYA GNOD BYED DU NGES PA YANG RGYUN LA NGES DGOS PA YIN GYI, ,PHRA BA'I SKAD CIG LA NI MA YIN TE, DE LA SO SO SKYE BO'I MNGON SUM GYIS NGES MI NUS PA'I PHYIR DANG, 'THAD LDAN DU, DE NYID KYIS NA 'GAL BA SKAD CIG MA'I YUL CAN NI MA YIN GYI 'ON KYANG RGYUN GYI YUL CAN YIN TE, RGYU DANG 'BRAS BU SNGON DU 'GRO BA CAN YIN PA'I PHYIR RO, ZHES BSHAD DO, ,PHRAD DUS DANG GRANG REG NUS CHUNG NGU SONG BA'I CHA GNYIS CHA SHAS SU LDAN PA'I CHA CAN GRANG REG GNOD BYA YIN GYI, NUS CHUNG GI GRANG REG GNOD BYA PHRAD DUS KYI TSA REG GNOD BYED DU 'DOD PA NI DON MA YIN TE, DNGOS SU GNOD BYA GNOD BYED DANG DNGOS SU PHAN BYA PHAN BYED GZHI MTHUN DU 'DU BA MI SRID PA'I PHYIR RO, ,SNANG MUN GYI GNOD BYA GNOD BYA GNOD BYED KYI TSUL LA DPAGS NAS MTHONG LAM SDUG BSNGAL CHOS BZOD KYIS RANG GI SPANG BYA'I SA BON LA GNOD PA'I TSUL YANG SHES PAR BYA'O, ,GNYIS PA NI, LHAN CIG MI GNAS 'GAL LA BRTEN NAS DGAG BYA'I CHOS DANG 'GAL BA BSGRUBS NAS DGAG BYA 'GOG PA YANG DGAG BYA DMIGS BYED KYI TSAD

MA MI DMIGS PA MED PAR DGAG BYA'I CHOS DANG 'GAL BA MI RTOGS TE, 'DI LTAR GNOD BYA RGYU MA ZAD CING MA GTUGS PA CAN 'BYUNG BA LA GZHAN GNOD BYED NYE BAR YOD NA GNOD BYA'I RGYUN MED PAR SONG BA'I PHYIR 'GAL PAR RTOGS DGOS PA'I PHYIR, KHYAB PA YOD PAR THAL, GNOD BYA GNOD BYED 'GAL BAR RTOGS NAS 'GOG PA DE YANG DGAG BYA TSAD MAS MI DMIGS PA LAS YIN PA'I PHYIR, GNYIS PA LA GNYIS, SPYI'I DON DANG, TSIG GI DON TO, ,DANG PO LA GSUM, MTSAN NYID DANG, DBYE BA DANG, 'GAL BA NGES BYED DO, ,DANG PO NI, THA DAD GZHI MTHUN MI SRID PA GANG ZHIG ,GCIG GI MTSAN NYID ZHUGS PA DER CIG SHOS KYI MTSAN NYID MA ZHUGS PAR NGES PA'O, ,'THAD LDAN DU, 'DI NI MTSAN NYID PA'I 'GAL BA'I MTSAN NYID KYI RANG BZHIN LA RNAM PAR GNAS PA YIN NO, ,DE'I DON NI GZHI GANG LA MI RTAG PA'I MTSAN NYID ZHUGS PA DE LA RTAG PA'I MTSAN NYID MA ZHUGS PA DANG, SNGON PO'I MTSAN NYID ZHUGS PA DE LA SER PO'I MTSAN NYID MA ZHUGS PA SOGS MTSAN NYID SO SO THA DAD PA RNAMS NI PHAN TSUN SPANGS PA'I 'GAL BA YIN NO, ,GNYIS PA NI, RTAG MI RTAG DNGOS 'GAL DANG, SNGO SER SOGS BRGYUD PA'I 'GAL BA'O, ,TSAD MAS GNOD PA'I 'GAL BA YANG BRGYUD 'GAL DU NGES PA YIN GYI, TSAD MAS GNOD PA'I 'GAL BA DANG, TSAD MA GZHAN GYIS GNOD PA'I 'GAL BA GNYIS SU 'BYED PA NI RMONGS PA NGO MTSAR BSKYED PA'I RNAM GZHAG GO ,GSUM PA NI, SGRA LA MI RTAG PA YONGS SU BCAD PA NA RTAG PA RNAM BCAD LA KHEGS

, ,PA DANG RTAG PA RNAM BCAD LA KHEGS PA'I STOBS KYIS MI RTAG PA YONGS GCOD LA GRUB PA DANG G-YU'I KHA DOG SNGON POR TSAD MAS YONGS SU BCAD PA NA SER PO YIN PA RNAM BCAD LA KHEGS PA LAS 'GAL BAR NGES PA YIN NO, ,GNYIS PA NI, PHAN TSUN SPANGS TE GNAS PA'I MTSAN NYID KYANG 'GAL BAR NGES PA DGAG BYA DMIGS BYED KYI TSAD MA BKAG PA LA BLTOS PA YIN TE, DE LTAR 'OG NAS 'CHAD PAR 'GYUR BA'I PHYIR, DPER NA RTAG PA DANG MI RTAG PA NYID BZHIN NO, ,SGRA DE LA YANG CHOS CAN, GZHAN RTAG PA DMIGS BYED KYI TSAD MA BKAG PA'I SGO NAS RTAG PA MI DMIGS PAR BRJOD RIGS PA YIN TE, GCIG MI RTAG PAR TSAD MAS DMIGS PA'I PHYIR, SGRA LA RTAG PA DMIGS PA'I TSAD MA MA BKAG PA CAN YIN PAR THAL, DGAG BYA 'GOG PA DE DMIGS BYED KYI TSAD MA BKAG PA LA BLTOS PA DE LTA MA YIN PA'I PHYIR, RTAGS KHAS BLANGS 'DOD NA, SGRA LA RTAG PA MED PA MI 'GRUB PAR THAL, 'DOD PA DE'I PHYIR RO, ,KHA CIG NA RE, DGAG BYA'I CHOS YOD NA SNANG DU RUNG BA MA DMIGS PA LAS MED PA'I THA SNYAD DU 'GYUR BA YIN NA, BUM PA LA SOGS PA LA SHA ZA LA SOGS PA DANG MI RTAG PA LA RTAG PA DGAG MI NUS PAR 'GYUR TE, DE DAG SNANG DU MI RUNG BA'I PHYIR RO ZHE NA, BUM PA DANG SA PHYOGS SOGS SU DE DAG LAS RDZAS THA DAD PA'I SHA ZA MED PAR SGRUB PA MA YIN GYI SHA ZA DE DAG DANG GRUB BDE RDZAS GCIG PA SNANG RUNG MA DMIGS PAS 'GOG NUS PAS SKYON MED DO, ,DE BZHIN DU MI RTAG PA NYID RTAG PA YIN PA

'GOG PA YANG SHES PAR BYA'O, ,GNYIS PA LA GNYIS, SPYIR BSTAN PA DANG, TSAD MA SO SO'I BYED PA 'JUG PA'I YUL DU GYUR PA'I DON GZHAN BKAG PA RTAGS SU BYAS NAS DE LAS DON GZHAN 'GOG PA RGYU MA DMIGS PA'I GTAN TSIGS SU BSTAN PA'O, ,DANG PO NI, 'BREL YUL GCIG BKAG PAS DE DANG 'BREL BA PO GZHAN MED PAR SGRUB PA'I GTAN TSIGS LA NI DGAG BYA DMIGS BYED KYI TSAD MA MI DMIGS PA LA BLTOS PAR GRUB PA SLA BA NYID DE 'BREL YUL DU DGAG PA RTAGS SU BKOD PA NI SNANG RUNG MI DMIGS PA'I LDOG PA'I NGO BO NYID RTAGS SU BKOD PA YIN PA'I PHYIR RO, ,DE'I DON NI DU BA MED PAR SGRUB PA LA ME MED PA RTAGS SU BKOD PA NI ME DMIGS BYED KYI TSAD MA BKAG PA GSAL POR RTAGS SU BZUNG BA YIN CING DE LA ME MED KYI THA SNYAD MA THOGS NA NI THA SNYAD 'BA' ZHIG SGRUB DGOS SU SHES PAR BYA'O, ,GTAN TSIGS DE NI ME DMIGS BYED KYI TSAD MA BKAG PA'I SGO NAS DU BA DMIGS BYED KYI TSAD MA 'GOG PAR SHES PAR BYA'O, ,GNYIS PA LA GSUM, DON GZHAN 'BREL PA MED PA BKAG PAS CIG SHOS 'GOG MI NUS PA DANG, 'BRAS BU BKAG PAS RGYU GANG YANG RUNG BA 'GOG MI NUS PA DANG, DNGOS 'BRAS MA DMIGS PA RANG BZHIN MA DMIGS PA'I TSUL GTAN TSIGS SU 'DUS PAR BSTAN PA'O, ,DANG PO NI, DON GZHAN BKAG PA RTAGS SU BKOD NAS DON GZHAN DGAG PA BSGRUB PAR BYA BA DE LA YANG RTAGS DANG BSGRUB BYA'I CHOS KYI ZLOG PHYOGS GNYIS RGYU DANG 'BRAS BU DAG GAM RGYU 'BRAS GNYIS KA MA YIN PA'I DON

, ,GZHAN BKAG PA GTAN TSIGS YIN GRANG NA DE LA RDZAS THA DAD RGYU 'BRAS GNYIS KA MA YIN PA NI CHOS CAN, GCIG BKAG PAS CIG SHOS 'GOG NUS PA MA YIN TE, GCIG PO DE MED PAS CIG SHOS GZHAN MED PA MI RIGS PA'I PHYIR, DER THAL, DE DAG MA 'BREL BA'I PHYIR, GZHUNG 'DIS TSOGS PA GCIG PA'I RO GZUGS RTAGS DANG RTAGS CAN DU 'DOD PA YANG BKAG PAR SHES PAR BYA'O, ,GNYIS PA LA GNYIS, DNGOS DANG, DE RGYU 'BRAS KUN LA MTSUNGS PA SPANG BA'O, ,DANG PO NI, 'BRAS BU MI DMIGS PA RTAGS SU BKOD PA TZAM GYIS KYANG RGYU GANG YANG RUNG BA DE MED PAR SGRUB NUS PAR GA LA 'GYUR TE MI 'GYUR BAR THAL, RGYU ME NI YOD NA GDON MI ZA BAR 'BRAS BU DU BA SOGS DE DANG NGES PAR LDAN PA MA YIN PA'I PHYIR, GNYIS PA NI, RGYU KUN 'BRAS BU KUN DANG NGES PAR LDAN PAR YIN PA'I PHYIR, 'BRAS BU BKAG PAS RGYU GANG YANG RUNG BA 'GOG MI NUS PAR 'GYUR RO ZHE NA, RGYU KUN 'BRAS BU KUN DANG NGES PAR MI LDAN PA'I KHYAB PA MED PAR THAL, DNGOS SU PHAN 'DOGS NUS PA 'BRAS BUS KHYAB PA'I RGYU YIN GYI DNGOS SU PHAN 'DOGS MI NUS PA NI 'BRAS BUS KHYAB PA'I RGYU MA YIN PA'I PHYIR, DNGOS RGYU NUS PA THOGS MED KYI SKABS NA YANG SA BON BYA ROG GIS ZOS PA LA SOGS PAS GEGS BYAS PAS 'BRAS BU DANG LDAN PAR MA NGES SO ZHE NA, DNGOS RGYU NUS PA THOGS PA MED PA LA NI RANG GI DNGOS 'BRAS BSKYED PA LA SU GANG GIS KYANG GEGS BYA BAR YANG MI NUS TE, DNGOS RGYU THA MA'I GNAS SKABS NA DNGOS 'BRAS BSKYED PA

RGYUN YONGS SU 'GYUR BA LA BLTOS PA MED PA'I PHYIR, DER THAL DUS MTHA'I SKAD CIG GCIG LA RANG GI BDAG NYID DU GYUR PA'I SNGA PHYI'I CHA SHAS MED PA'I PHYIR RO, ,SNGA MA LA KHYAB PA YOD PAR THAL, SKAD CIG DANG PO LA GEGS BYA SA DANG BYED PA PO GNYIS TSOGS GNYIS PA LA 'BRAS BU SKYE BA DANG MI MTHUN PA'I KHYAD PAR BSKYED PA NI GEGS KYI MTSAN NYID YIN PA'I PHYIR RO, ,DE LTA MA YIN NA BYA ROG CHOS CAN, SA BON GYIS MYU GU BSKYED PA'I GEGS BYED PA MA YIN PAR THAL, SA BON GYIS MYU GU BSKYED PA LA NUS LDAN 'JOMS PA DANG NUS MED SKYED PA'I KHYAD PAR CUNG ZAD MI BYED PA'I PHYIR RO, ,GSUM PA LA GSUM, DNGOS DANG, 'GAL BA SPANG PA DANG, TSAD MA GCIG GI BYED PA 'JUG PA'I YUL DU MI RUNG BA'I DON GZHAN BKAG PAS DON GZHAN 'GOG PA RGYU MA DMIGS PAR 'DUS BA'O, ,DANG PO LA GSUM, DNGOS 'BRAS MA DMIGS PA'I RTAGS KYI DPE DANG, DE RANG BZHIN MA DMIGS PAR 'DUS PA'I RGYU MTSAN DANG, RIGS CAN GZHAN LA SBYAR BA'O, ,DANG PO NI, 'BRAS BU MED PA RTAGS SU BKOD PA LAS SNGAR BSHAD PA DE 'DRA BA'I DNGOS RGYU NI MED PAR RTOGS PAR 'GYUR BA NYID DE, DPER NA 'OG GI CHAR DU BA'I DNGOS RGYU NUS PA THA MA YOD KYANG PHYIR RGOL GYI MNGON SUM LA SNANG DU MI RUNG STENG GI CHAR DU BA YOD NA PHYIR RGOL GYI MNGON SUM LA SNANG DU RUNG BA'I DU BAS DAG PA'I KHYIM GYI GZHI 'GAR KUN NAS BSKOR BA'I BLA GAB MED PA 'DI NA CHOS CAN, DU BA'I RGYU THOGS PA MED PA DAG MED DE DU BA MED PA'I PHYIR RO ZHES BYA BA LTA BU'I GTAN TSIGS GO BYED YANG DAG TU 'GYUR BA'I

, ,PHYIR, GNYIS PA NI, DNGOS 'BRAS DE MI DMIGS PA'I GTAN TSIGS NI RANG BZHIN MI DMIGS PAR 'DUS PAR BSHAD PA'I RGYU MTSAN YOD DE, GTAN TSIGS DE DGAG BYA'I CHOS DNGOS RGYU NUS PA THA MA DE'I RANG GI NGO BO BKAG PA RTAGS SU SBYAR BA DANG KHYAD PAR MED PAS DE LTAR BSHAD PA'I PHYIR, RTAGS DE DGAG BYA'I CHOS KYI NGO BO BKAG PA RTAGS SU SBYAR BA DANG KHYAD PAR MED PAR THAL, 'BRAS BU DU BA DE NI DU BA'I DNGOS RGYU LA BLTOS TE, KHYAB CHES PA DANG LDOG PA MA KHYAB PA MED PA DANG DU BA'I DNGOS RGYU DE'I KHYAD PAR BYED CHOS DE RTOGS PA'I TSAD MA DE NYID KYIS DU BA YANG RTOGS PA'I PHYIR, 'DIS NI DGAG BYA'I CHOS RTOGS PA'I TSAD MA DE NYID KYIS RTAGS KYI ZLOG PHYOGS RTOGS SHING DE GNYIS KHYAB MNYAM YIN NA GCIG BKAG PAS CIG SHOS 'GOG PA RANG BZHIN MA DMIGS PAR 'DUS PAR BSHAD DO, ,GSUM PA NI, DE BZHIN DU DNGOS 'BRAS DE DANG 'GAL BA DMIGS PA DPER NA MES KHYAB PAR NON PA'I GZHI 'DI NA CHOS CAN, GRANG BA'I RGYU NUS PA THOGS PA MED PA DAG MED DE, ME YOD PA'I PHYIR RO, ZHES BYA BA LTA BU LA YANG SBYAR BAR BYA'O, ,GTAN TSIGS DE NYID 'BRAS BU 'GAL DMIGS SU BSGRUB PAR BYA'O, ,GNYIS PA NI, 'O NA SNGAR 'BRAS BU MED PA RGYU MED PA'I GO BYED MA YIN PAR BSHAD PA DANG 'GAL LO ZHE NA, MI 'GAL PAR THAL, SNGAR DU BA MED PAS ME MED PAR SGRUB PA LTA BU RGYU'I RDZAS SPYI LA BSAMS NAS 'BRAS BU MI DMIGS PA RGYU MED PA GO BAR BYED PA MA YIN PAR BRJOD PA YIN PA'I PHYIR, DPER

NA 'DE [?] NA ME MED DE DU BA MED PA'I PHYIR RO ZHES BYA BA LTA BU'O, ,GSUM PA NI, RGYU ME MI DMIGS PA NI CHOS CAN, RANG PHYOGS KYI CHOS SU GRUB PA'I GZHIR DU BA'I DNGOS PO MED PA GO BAR BYED PA LA RGYU MA DMIGS PA'I GTAN TSIGS YIN TE, TSAD MA SO SO KHO NA'I BYED PA 'JUG PA'I YUL DU GYUR PA'I DON GZHAN BKAG PA RTAGS SU BKOD NAS DON GZHAN 'GOG PA LA TSUL GSUM TSANG BA YIN PA'I PHYIR, GNYIS PA DON SGRUB DANG THA SNYAD SGRUB TU DBYE BA NI, RANG BZHIN MI DMIGS PA'I GTAN TSIGS DNGOS NI CHOS CAN, DON SGRUB KYI GTAN TSIGS MA YIN TE, DGAG BYA'I CHOS RANG NYID KYI DON MED PA KHO NA RTAGS SU BKOD PA YIN PA'I PHYIR, DE LA NI CHOS CAN, YUL CAN MED PA'I THA SNYAD SGRUB PA 'BA' ZHIG TU ZAD DE, DE SGRUB LA TSUL GSUM TSANG BA'I PHYIR, DU BA'I DNGOS RGYU NUS PA THA MA DE'I NGO BOS KHYAB PA'I 'BRAS BU DU BA MED PAS NI CHOS CAN, RANG PHYOGS KYI CHOS SU GRUB PA'I GZHIR DU BA'I DNGOS RGYU NUS PA THA MA MED PA'I DON DANG THA SNYAD GNYIS KA SGRUB PAR BYED PA YIN TE, DE SGRUB LA TSUL GSUM TSANG BA'I PHYIR, YANG GI SGRAS 'BRAS BU 'GAL DMIGS SDUD DO, ,GANG GI TSE KHYAB PAR BYED PA'I CHOS SHING MI DMIGS PAS KHYAB PAR BYA BA SHA PA MED PAR SMRA BA DE'I TSE YANG SHING MED CHOS CAN, RANG PHYOGS KYI CHOS SU GRUB PA'I GZHIR SHA PA'I DNGOS PO MED PA SGRUB PA'I DON DANG THA SNYAD GNYIS KA SGRUB PA YIN PA NYID DE, DE SGRUB LA TSUL GSUM TSANG BA'I PHYIR, RGYU DMIGS PA'I GTAN TSIGS KYANG DON DANG THA SNYAD GNYIS KA SGRUB PAR SHES PAR BYA'O, ,DE LA ME MED KYI MTSO'I STENG DU DU BA MED PA

, ,DANG DU BA DMIGS BYED KYI TSAD MA BKAG PA GNYIS KA SGRUB PAS DON THA SNYAD GNYIS KA SGRUB PAR SHES PAR BYA'O, ,GSUM PA NI, DES NA SNGAR BSHAD PA DE LTAR DGAG PA GO BAR BYED PA'I GTAN TSIGS THAMS CAD NI DGAG BYA DMIGS BYED KYI TSAD MA BKAG PA LA BLTOS PA'I MI DMIGS PA'I RANG BZHIN YIN TE, 'GAL ZLA SGRUB PA DANG, 'BREL YUL DGAG PA'I SGO NAS DGAG BYA 'GA' ZHIG 'GOG PA LA NI DGAG BYA DMIGS BYED KYI TSAD MA BKAG PA LA BLTOS PAR BSGRUBS ZIN PA'I PHYIR, DE GNYIS BLTOS KYANG GZHAN MI LTOS SAM SNYAM NA, KHYAB PAR THAL, DE GNYIS LAS DGAG PA'I GTAN TSIGS YANG DAG GZHAN NI MED PA'I PHYIR, GNYIS PA SBYOR BA'I DBYE BA LA GNYIS, DBYE BA DNGOS DANG, GRANGS GZHAN DU THAL BA SPANG BA'O, ,DANG PO LA GSUM, GRANGS KYI SGO NAS MDOR BSTAN PA DANG, DBYE BA'I SGO NAS RGYAS PAR BSHAD PA DANG, DON BSDU BA'O, ,DANG PO NI, DGAG PA NUS PA'I YUL DU BYED PA CAN GYI MI DMIGS PA'I GTAN TSIGS DE NI CHOS CAN, RNAM PA BZHIR 'GYUR TE, SBYOR BA'I 'GOD TSUL GYI BYE BRAG GIS DE LTAR 'GYUR BA'I PHYIR, GNYIS PA LA GNYIS, SBYOR BA DPER BRJOD PA DANG, DE THAMS CAD SNANG RUNG MA DMIGS PAR 'DUS PAR SGRUB PA'O, ,DANG PO NI, RANG BZHIN 'GAL BA GRUB PA NI DPER NA MES KHYAB PAR NON PA'I GZHI 'DI NA CHOS CAN, GRANG BA'I REG PA RGYUN CHAGS SU GNAS PA MED DE, ME YOD PAS KHYAB PAR NON PA'I PHYIR RO ZHES BYA BA LTA BU'O, ,DE SGRUB KYI RANG BZHIN 'GAL DMIGS KYI GTAN

TSIGS YIN TE, DE SGRUB KYI RANG BZHIN 'GAL DMIGS LA TSUL GSUM TSANG BA'I PHYIR, DE BZHIN DU 'OG MA RNAMS LA SBYAR RO, ,GRANG REG STOBS CAN RGYUN CHAGS SU GNAS PA MED PA BSGRUB BYA'I CHOS SU 'DZIN PA NI, DGAG RTAGS 'JUG PA'I TSUL JI LTAR YIN MA SHES PA'I SKYON YIN TE, ME LAS STOBS CHE BA'AM DE DANG STOBS MNYAM PA RTAGS KYIS 'GOG NA, RANG BZHIN MA DMIGS PA'I GTAN TSIGS DNGOS 'JUG PA YIN NO, ,STOBS PHRA BA 'GOG PA YIN KYANG TSIG GIS ZIN PAR SBYAR MI DGOS SO, DES 'PHANGS PA'I DON NI, RANG BZHIN 'GAL DMIGS KYI GTAN TSIGS 'DIS NI KHYAB PAR BYED PA 'GAL BA GRUB PA YANG BSHAD PAR RIG PAR BYA STE, DPER NA MES KHYAB PAR NON PA'I GZHI 'DI NA CHOS CAN, BA MO'I REG PA RGYUN CHAGS SU GNAS PA MED DE, ME YOD PAS KHYAB PAR NON PA'I PHYIR RO ZHES BYA BA LTA BU'O, ,GRANG REG BKAG PAS DE DANG BDAG GCIG PA'I KHYAB BYA 'GOG MI NUS PA MI SRID PAS SNGA MAS 'DI 'PHANGS PAR SHES PAR BYA'O, ,'GAL BA'I 'BRAS BU GRUB PA NI DPER NA, DU BAS KHYAB PAR NON PA'I GZHI 'DI NA CHOS CAN GRANG BA'I REG PA RGYUN CHAGS SU GNAS PA MED DE, DU BAS KHYAB PAR NON NAS YOD PA'I PHYIR RO ZHES BYA BA LTA BU'O, ,RGYU MA GRUB PA NI DPER NA ME MED KYI MTSO 'DI NA CHOS CAN, DU BA MED DE, ME MED PA'I PHYIR RO ZHES BYA BA LTA BU'O, ,RANG BZHIN MA GRUB PA NI DPER NA SNGO 'PHYUR BAS DAG PA'I GZHI 'DI NA CHOS CAN, DU BA MED DE, SNGO 'PHYUR BA YOD NA DMIGS PA'I RIG BYAR GYUR PA LAS MA DMIGS PA'I PHYIR CES BYA BA LTA BU'O, ,RANG BZHIN MA DMIGS PA'I

, ,GTAN TSIGS 'DIS NI KHYAB PAR BYED PA'I RANG BZHIN MA GRUB PA YANG BSHAD PA YIN TE, DPER NA, SHING GIS DAG PA'I GZHI 'DI NA CHOS CAN, SHING SHA PA MED DE, SHING MED PA'I PHYIR RO ZHES BYA BA LTA BU'O, ,TSIG RGYA CHER BSHAD PA'I DBANG DU BYAS PA YIN GYI, SGRUB PA'I CHE MA YIN PA NI SNGAR BSHAD PA LTAR RO, ,GNYIS PA NI, MED PA'I DON DANG THA SNYAD SGRUB PA'I RGYU DANG 'BRAS BU DANG KHYAB BYED MI DMIGS PA'I RTAGS ME DANG DU BA DANG SHING MED BKOD PA 'DI THAMS CAD LA YANG CHOS CAN, MI MTHUN DPE LA DGAG BYA'I CHOS YOD NA BLTAR RUNG BA'I BDAG NYID DAG KHO NA LA BLTOS PAR RIG PAR BYA STE, DGAG BYA'I CHOS DE'I 'BREL YUL ME LA SOGS PA DE DAG DMIGS PA'I RGYU GZHAN DBANG YID SOGS NYE BAR ME LA SOGS PA MA GRUB PA RTAGS SU RIG PAR BYA BA'I PHYIR, KHYAB PAR THAL, DGAG BYA'I CHOS GZHAN YOD KYANG BLTAR MI RUNG BA DAG LA NI RTAGS LOG DANG DGAG BYA'I CHOS RGYU ME DANG 'BRAS BU DU BA RGYU YOD NA YOD PA DANG RGYU MED NA 'BRAS BU MED PA'I RJES SU 'GRO LDOG DAG MI 'GRUB PA'I PHYIR RO, ,MED PA'I DON DANG THA SNYAD SGRUB PA'I MI DMIGS PA MES KHYAB PAR NON PA SOGS 'GAL DMIGS 'DI THAMS CAD LA YANG CHOS CAN, DGAG BYA'I CHOS YOD NA BLTAR RUNG BA'I BDAG NYID DAG KHO NA LA BLTOS PAR RIG PAR BYA STE, DGAG BYA'I CHOS DE DAG DANG 'GAL BA ME LA SOGS PA DAG DMIGS PA'I RGYU GZHAN DBANG YID NYE BAR ME LA SOGS PA GRUB PA RTAGS SU BKOD PAR RIG PAR BYA BA'I PHYIR, KHYAB PAR

THAL, DGAG BYA'I CHOS YOD KYANG GZHAN SNANG DU MI RUNG BA DAG LA NI DGAG BYA'I CHOS DANG RTAGS 'GAL BA DAG MI 'GRUB PA'I PHYIR RO, ,DON BSDUS NA, ME MED CHOS CAN, KHYOD KYIS ME MED KYI MTSO LA DU BA 'GOG PA DU BA YOD NA SNANG RUNG LA BLTOS PAR RIG PAR BYA STE, DU BA'I RGYU BKAG PA RTAGS SU BKOD PA LA TSUL GSUM TSANG BA YIN PA'I PHYIR, KHYAB PAR THAL, DU BA YOD KYANG BLTAR MI RUNG NA ME DU RGYU 'BRAS SU MI 'GRUB PA'I PHYIR, DE BZHIN DU 'BREL ZLA MA DMIGS PA'I GTAN TSIGS GZHAN LA YANG SBYAR NAS SHES PAR BYA'O, ,MES KHYAB PAR NON PA CHOS CAN, GZHI 'GAR GRANG REG RGYUN CHAGS SU GNAS PA 'GOG PA DGAG BYA'I CHOS YOD NA SNANG RUNG LA BLTOS PA YIN TE, DE SGRUB KYI DGAG BYA'I CHOS KYI 'GAL ZLA RTAGS SU BKOD PA LA TSUL GSUM TSANG BA YIN PA'I PHYIR, KHYAB PAR THAL, DGAG BYA'I CHOS YOD KYANG BLTAR MI RUNG NA RTAGS DANG 'GAL BAR MI 'GRUB PA'I PHYIR, DE BZHIN DU 'GAL DMIGS GZHAN LA YANG SBYAR BAR BYA'O, ,GSUM PA NI, LTO LDIR PAS DAG PA'I SA PHYOGS SU, BUM PA'I DNGOS PO MED PAR RTOGS PAR 'GYUR TE, GZHI DER LTO LDIR BA YOD NA SNANG DU RUNG BA LA LTO LDIR BA MTHONG BA MED PA'I PHYIR, MES KHYAB PAR NON PA'I GZHIR GRANG REG RGYUN CHAGS SU GNAS PA MED PAR RTOGS PAR 'GYUR TE, GRANG REG GI DNGOS PO MI DMIGS PA'I GRANG REG GI RGYU MI SRID PAR GYUR BA NA DE LTAR RTOGS PA'I PHYIR, CES BYA BA NI BSDU BA'I TSIGS SU BCAD PA'O, ,GNYIS PA LA GNYIS, RTZOD PA DANG, LAN NO, ,DANG PO NI, TSA REG GI

, ,RGYU DANG 'BRAS BU GNYIS GANG REG 'GOG NUS PA DANG MI NUS PA'I KHYAD PAR MI 'THAD PAS GAL TE DGAG BYA'I CHOS DANG 'GAL BA'I 'BRAS BU DMIGS PA RTAGS SU BKOD PAS KYANG GZHI 'GAR DGAG BYA'I CHOS MED PA 'GRUB NA DGAG BYA'I CHOS DANG 'GAL BA DE'I RGYU DMIGS PA RTAGS SU BKOD PAS DE MED PAR CI STE MI 'GRUB CE NA, 'GAL BA'I RGYU DMIGS PA RTAGS SU 'THAD PA 'DIR 'GOG LA, RGYU DMIGS PA RTAGS SU MI RUNG NA 'GAL BA'I 'BRAS BU DMIGS PA YANG RTAGS SU MI RUNG BAR THAL BA'I LAN 'OG TU 'CHAD DO, ,GNYIS PA LA GNYIS, DGAG BYA'I CHOS KYI RGYU DANG MI 'GAL BAS 'GOG MI NUS PAR BSTAN PA DANG, DGAG BYA'I CHOS KYI RGYU DANG 'GAL BAS 'GOG NUS PA'I DPE BSTAN PA'O, ,DANG PO LA GSUM, RGYU TZAM GYIS 'BRAS BU SGRUB MI NUS PA DANG, DNGOS RGYU NUS PA THA MAS 'BRAS BU SGRUB MI NUS PA DANG, DES NA RGYU LAS 'BRAS BU DPOG MI NUS PA'O, ,DANG PO NI, TSA REG GI RGYU TZAM RTAGS SU BKOD PAS GRANG REG 'GOG NUS PA MA YIN TE, DE NI TSA REG BSGRUBS PA'I SGO NAS GRANG REG 'GOG DGOS NA TSA REG LA 'KHRUL BA'I PHYIR, DPER NA LJON SHING STUG PO DKRIGS PA'I GZHI 'DI NA CHOS CAN, GRANG BA'I REG PA RGYUN CHAGS SU GNAS PA MED DE SHING GIS KHYAB PAR NON NAS YOD PA'I PHYIR RO ZHES BYA BA LTA BU'O, ,BUD SHING RTAGS SU BKOD PA GANG LAS GRANG REG 'GOG NUS KYI ME BSGRUBS PA'I SGO NAS GRANG REG DE RGYUN CHAGS SU GNAS PA MED PAR GO BAR 'GYUR BA MA YIN PAR THAL, RTAGS DE LA

BRTEN NAS GRANG BA BZLOG PA'I ME GDON MI ZA BAR GO BAR 'GYUR BA NI MA YIN PA'I PHYIR, DER THAL, SHING LA SOGS PA'I RGYU RNAMS NI YOD NA 'BRAS BU TSA REG RTZOM PAR MA NGES PAS KHYAB PA 'KHRUL BA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, RGYU TZAM GYIS 'GOG MI NUS KYANG ME'I DNGOS RGYU NUS PA THA MA'I GNAS SKABS KYI KHYAD PAR LA RANG GI 'BRAS BU DANG DE DANG 'GAL BA BKAG PA LA 'KHRUL PA MED PAS ME BSGRUBS NAS GRANG REG 'GOG PAR BYED DO ZHE NA, GNYIS PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, ME'I DNGOS RGYU NUS PA THA MAS ME BSGRUBS PA'I SGO NAS GRANG REG 'GOG PA MA YIN TE, DE LAS 'BRAS BU ME SKYE BA NI DUS MTHA'I SKAD CIG GNYIS PHAN CHAD DU SDOD PA MED PAS PHYOGS CHOS MI 'GRUB PA'I PHYIR RO, ,GNYIS PA LA GNYIS, ME DMIGS RUNG GI GZHI LA ME GO BYED DU MI RUNG, SNANG MI RUNG GI GZHI LA GO BYED DU MI RUNG BA'O, ,DANG PO NI, ME'I DNGOS RGYU NUS PA THA MA DE ME SNANG RUNG GI GZHI LA ME GO BYED YANG DAG TU MI 'GYUR BAR THAL, ME'I DNGOS RGYU NUS PA THA MA DE'I SKAD CIG GSUM PA'I SNGON ROL TU 'BRAS BU ME SKYES PA NYID MNGON SUM DU 'GYUR BA'I PHYIR, DER THAL, DNGOS RGYUR GYUR PA'I MTHA'I SKAD CIG MAS DUS GNYIS PAR ME BSKYED PA LA BAR CHAD MED PA'I PHYIR, DER THAL, DNGOS RGYU'I MTHA'I SKAD CIG GI BAR DU NI 'BRAS BU SKYE BA LA GEGS SRID KYI MTHA'I SKAD CIG MAS 'BRAS BU BSKYED PA LA NI GEGS MED PA'I PHYIR, THAL BA SNGA MA LA KHYAB PA YOD PAR THAL, DE DE SGRUB KYI RTAGS YANG DAG

, ,YIN NA SKAD CIG DANG PO LA RTAGS DE MTHONG BA LAS SKAD CIG GNYIS PA LA RTAGS CHOS KYI 'BREL PA DRAN PA LA BLTOS TE, SKAD CIG GSUM PA LA RJES SU DPAG PAR BYA BA ME SNANG RUNG GI GZHI LA ME RTOGS PA DGOS PA'I PHYIR, GNYIS PA NI, RGYU MTSAN GANG GIS ME SNANG MI RUNG GI GZHI LA ME'I DNGOS RGYU LAS ME DE RTOGS PAR 'GYUR BA MA YIN PAR THAL, 'BRAS BU ME MNGON SUM DU GYUR PA MA YIN PA'I GZHI LA NI ME'I DNGOS RGYU'I DNGOS PO MNGON SUM GYIS RTOGS PA MED PA'I PHYIR, GSUM PA NI, ME'I RGYU RTAGS SU BKOD PA LAS 'BRAS BU ME MI 'GRUB PAR THAL, RGYU TZAM RTAGS SU BKOD PA LAS KHYAB PA MI 'GRUB, DNGOS RGYU NUS PA THA MA RTAGS SU BKOD PA LAS PHYOGS CHOS MI 'GRUB PA DE'I PHYIR, GNYIS PA LA GSUM, DNGOS KYI DON DANG, DGAG BYA'I CHOS KYI RGYU DANG 'GAL BA'I 'BRAS BU DMIGS PAS KYANG 'GOG MI NUS PAR BSTAN PA DANG, DE DAG RGYU MA DMIGS PAR 'DUS PA'O, ,DANG PO NI, DGAG BYA'I CHOS DE'I RGYU MTSAN DAG DANG 'GAL BA DMIGS PA RTAGS SU BKOD NA NI, DGAG BYA'I CHOS MED PA GO BAR BYED PA KHO NA YIN TE, GDUNG BYED KYI MES KHYAB PAR NON PA RANG PHYOGS KYI CHOS SU GRUB PA'I GZHIR GRANG 'BRAS SPU LONG BYED RGYUN CHAGS SU GNAS PA MED PAR SGRUB PA'I TSUL GSUM YIN PA'I PHYIR, DPER NA, GDUNG BYAD KYI MES KHYAB PAR NON PA'I GZHI 'DI NA CHOS CAN, SPU LONG ZHES BYED PA DANG SO TAG TAG BYED PA LA SOGS PA'I GRANG REG GI 'BRAS BU'I BYE BRAG DAG RGYUN CHAGS SU GNAS PA MED DE, GDUNG BAR BYED PA'I BYE BRAG ME NYE BAS KHYAB PAR NON PA'I PHYIR RO ZHES BYA BA LTA BU'O, ,DES 'GOG NUS PA'I RGYU MTSAN NI, RTAGS DES DGAG BYA DE 'GOG NUS PAR

THAL, SPU LONG ZHES BYED PA LA SOGS PA'I BYE BRAG DANG 'GAL BA YONGS SU GDUNG BA'I RGYU MES KHYAB PAR NON PAS NI GRANG BA DANG 'GAL ZHING, GRANG REG RGYUN CHAGS SU GNAS PA MED PA GO BAR BYED PA'I PHYIR, KHYAB PAR THAL, GRANG BA RGYUN CHAD NA DE'I 'BRAS BU YANG MED PA'I PHYIR RO, ,TSAD MAS GZHI 'GAR GRANG REG MED PAR RTOGS NA, GRANG REG GI 'BRAS BU YANG MED PAR RTOGS DGOS SO, ,GNYIS PA NI, RGYU 'GAL DMIGS GO BYED DU BSTAN PA 'DIS NI CHOS CAN, DGAG BYA'I CHOS DE'I RGYU DANG 'GAL BA DE'I 'BRAS BU DMIGS PA LAS KYANG GNOD BYED DE DANG 'GAL BA'I 'BRAS BU RGYUN CHAGS SU GNAS PA MED PAR RTOGS PAR BSHAD PA RIG PAR BYA STE, DU BA DRAG 'PHYUR BAS KHYAB PAR NON PA DE RANG PHYOGS KYI CHOS SU GRUB PA'I GZHIR GRANG 'BRAS SPU LONG BYED RGYUN CHAGS SU GNAS PA DANG LDAN PA'I ME DANG LDAN PA MA YIN PA GO BYED DU BSHAD PA'I PHYIR, DPER NA DU BA DRAG 'PHYUR BAS KHYAB PAR NON PA'I PHYOGS KYI KHYAD PAR 'DI NA CHOS CAN, GRANG BA'I 'BRAS BU SPU LONG ZHES BYED PA LA SOGS PA'I BYE BRAG RGYUN CHAGS SU GNAS PA DANG LDAN PA'I ME DANG LDAN PA MA YIN TE, DU BA DRAG 'PHYUR BAS KHYAB PAR NON NAS YOD PA'I PHYIR RO ZHES BYA BA LTA BU'O, ,GSUM PA NI, SNGAR BSHAD PA'I SBYOR BA BZHI'I NANG DU MA 'DUS PA'I GTAN TSIGS GZHAN YIN NAM ZHE NA, DGAG BYA'I CHOS KYI RGYU DE DANG 'GAL BAR GRUB PA DANG RGYU DANG 'GAL BA'I 'BRAS BU DMIGS PA RTAGS SU BKOD PA GNYIS PO 'DI YANG CHOS CAN, SNGAR BSTAN PA'I GTAN TSIGS BZHI PO GANG GI YANG NANG DU MA 'DUS PA'I SKYON MED PAR THAL, RGYU MA GRUB CING MA DMIGS PA NYID KYI NANG DU 'DUS PA YIN PA'I PHYIR, MES GRANG REG

, ,'GOG NUS SHING DU BAS GRANG REG 'GOG NUS KYI ME SGRUB NUS PAS GTAN TSIGS GNYIS SU 'GYUR BA YIN NO, ,GSUM PA LA GNYIS, DNGOS DANG, DGAG BYA'I CHOS DANG 'GAL BA'I RGYU DMIGS PA GO BYED MA YIN NA DE DANG 'GAL BA'I 'BRAS BU DMIGS PA YANG GO BYED MA YIN PAR THAL BA SPANG BA'O, ,DANG PO NI, LHAN CIG MI GNAS 'GAL LA BRTEN PA'I MI DMIGS PA'I GTAN TSIGS YANG DAG 'DI NI CHOS CAN, SBYOR BA'I BYE BRAG GIS RNAM PA BCUR NGES PA YIN TE, 'BREL YUL MA DMIGS PA BZHI DANG, 'GAL ZLA DMIGS PA DRUG TU NGES PA DE LTAR NA'I PHYIR, LHAN CIG MI GNAS 'GAL LA BRTEN PA'I DGAG RTAGS BCU PO 'DI LAS MANG BAR 'DOD PA NI, RTOG PAS SGRO BTAGS PA 'BA' ZHIG GO ,GNYIS PA NI, DGAG BYA'I CHOS DANG 'GAL BA'I RGYU DMIGS PA GO BYED DU MI RUNG NA 'GAL BA'I 'BRAS BU DMIGS PA YANG GO BYED DU MI RUNG NGO ZHE NA, DU BAS GRANG REG RGYUN CHAGS SU GNAS PA 'GOG PA'I 'GAL 'BRAS DMIGS PA'I GTAN TSIGS LA YANG CHOS CAN, GRANG RAG DANG 'GAL BA'I 'BRAS BU YIN PA TZAM GYIS 'GOG NUS PA MA YIN TE, GRANG REG 'GOG PA ME'I DROD KYIS KHYAB PA'I YUL DANG NI DRAG TU 'PHYUR BZHIN PA'I RNAM PA DANG GRANG REG 'GOG NUS KYI ME LA MI 'KHRUL BA'I DUS LA SOGS PA LA BLTOS NAS 'GOG PAR 'DOD PA'I PHYIR, GRANG REG 'GOG PA YUL DUS GNAS SKABS KHYAD PAR CAN LA BLTOS DGOS PAR THAL, BLTOS PA LAS GZHAN DU NA KHYAB PA 'KHRUL PAR 'GYUR BA'I PHYIR, DPER NA MI GRANG BA GRANG REG MED PAR SGRUB PA LA NI THAL BA RTAGS SU BKOD PA BZHIN NO, ZHES BYA BA NI BAR SKABS KYI

TSIGS SU BCAD PA'O, ,GNYIS PA MI SNANG BA MA DMIGS PA'I GTAN TSIGS LA GNYIS, MI SNANG BA MA DMIGS PA MED NGES GO BYED MA YIN PAR BSHAD PA DANG, MED NGES GO BYED KYI KHYAD PAR NGOS BZUNG BA'O, ,DANG PO LA GSUM, RTZA BA DANG, 'GREL PA DANG, DNGOS STOBS KYI SKABS SU LUNG SGRUB BYED YIN PA DGAG PA'O, ,DANG PO NI, TSU ROL MDZES PA BA DAG NA RE, THAMS CAD MKHYEN PA DANG CHAGS BRAL DGRA BCOM PA MED DE, MA DMIGS PA'I PHYIR DANG, LHA LA SOGS PA'I 'GRO BA DAG MED DE, MA DMIGS PA'I PHYIR DANG, SKYE BA SNGA PHYI MED DE, MA DMIGS PA'I PHYIR CE NA, RGYANG PAN CHOS CAN, CHAGS BRAL DANG, LHA'I KHYAD PAR DANG TSE SNGA PHYI RNAMS LA NI KHYOD KYIS MED PAR NGES PA YOD PA MA YIN TE, DE DAG YOD KYANG KHYOD LA SNANG DU MI RUNG BA'I SHIN TU BSKAL PA YIN PA'I PHYIR, MI SNANG BA MA DMIGS PA'I GTAN TSIGS BKOD PA'I DGOS PA NI, SLOB DPON KA MA LA SH'I LAS, NGA DANG NGA 'DRA BAS GANG ZAG GI TSOD GZUNG GI GANG ZAG GIS GANG ZAG GI TSOD GZUNG BAR MI BYA STE, ZHES SOGS DRANGS PAS, GANG ZAG RANG NYID LA RGYU MTSAN YANG DAG MED BZHIN DU, PHA ROL PO LA NYES PA 'DI DANG 'DI DAG YOD DO ZHES PA DANG, YON TAN 'DI DANG 'DI DAG MED DO, ZHES DAM 'CHA' BAR RIGS PA 'GOG PA'I DON DU GSUNGS PAS, DON DE DAG RTOGS PA'I TSAD MA MED BZHIN DU PHA ROL PO LA NYES PA LHAG POR SGRO 'DOGS PA DANG, YON TAN LA SKUR PA 'DEBS PA MI RUNG BA'I DON CAN DU BSHAD DO, ,MI SNANG BA MA DMIGS PA'I GTAN

, ,CHAGS 'DI LA BRTEN NAS DON GANG YANG YOD PAR DMIGS BYED KYI TSAD MA DANG, LDOG PHYOGS LA GNOD BYED KYI TSAD MA MED PAR YOD CE'AM MED CES DAM 'CHA' MI RIGS PAR BSTAN TO, ,DES NA MDUN GYI GZHI 'DIR SHA ZA YOD NGES KYI SHES BYED DON MTHUN MI 'JUG STE, SHA ZA TSAD MAS MA DMIGS PA'I PHYIR, CES PA MI SNANG BA MA DMIGS PA'I GTAN TSIGS SU 'DOD PA MI RIGS TE, GZHI DER SHA ZA YOD NGES KYI THA SNYAD DON MTHUN MI 'JUG PAR SGRUB NUS NA YOD NGES KYI THA SNYAD DON MTHUN DGAG NUS PAR 'GYUR LA, DE LTA NA YOD NGES DGAG NUS PAR 'GYUR BAS MED NGES SGRUB NUS PAR 'GYUR RO, ,YOD NGES 'GOG NUS KYANG MED NGES MI SGRUB BO ZHE NA, YOD PA 'GOG NUS KYANG MED PA MI SGRUB CES PA DANG 'DRA BAS LHA RNAMS DGA' BA TZAM DU ZAD DO, ,YOD PA DANG YOD NGES DANG MED PA DANG MED NGES LA KHYAD PAR CUNG ZAD KYANG MED DO, ,YOD NGES 'GOG NUS NA TSAD MAS DMIGS PA TZAM 'GOG NUS DGOS LA, DE LTA NA KUN MKHYEN GYIS DMIGS PA YANG 'GOG NUS DGOS PAS MED NGES SU KHAS BLANG DGOS PAR 'GYUR RO, ,DE BZHIN DU SHA ZA TSAD MAS MA DMIGS PA TZAM RTAGS SU BKOD PA DANG, SHA ZA YOD DES MA YIN TE, SHA ZA TSAD MAS MA DMIGS PA'I PHYIR, CES PA RTAGS SU 'GOD PA LA YANG NYES PA DE DAG YOD PAR RIG PAR BYA'O, ,DES NA CHAGS BRAL CHOS CAN, KHYOD RANG GANG LA BSKAL DON DU SONG BA'I GANG ZAG DES KHYOD YOD CES DAM 'CHA' BA MI RIGS TE, KHYOD GANG ZAG DE'I RGYUD KYI TSAD MAS MA DMIGS

PA'I PHYIR CES PA DANG, YANG DE CHOS CAN, KHYOD RGYANG PAN GYIS MED CES DAM 'CHA' BAR MI RIGS TE, RGYANG PAN GYI RGYUD LA KHYOD 'GOG BYED KYI TSAD MA MED PA'I PHYIR, CES PA'O, ,GNYIS PA LA GSUM, BSTAN PA DANG, BSHAD PA DANG, MA MTHONG BAS MED PAR SMRA BA LA GNOD BYED DGOD PA'O, ,DANG PO NI, BSKAL PA'I DON NI RNAM PA GSUM STE, YUL DANG DUS DANG RANG BZHIN GYIS BSKAL PA RNAMS SU YOD PA'I PHYIR, DPER NA YUL GYIS BSKAL NAS MA GA TA PHYOGS KYI KHYAD PAR GANG NA DBYIBS KYI KHYAD PAR JI LTA BU SNYAM DU THE TSOM ZA BA DANG, DUS KYIS BSKAL NAS MA 'ONGS PA'I DUS SHIN TU RING PO NA GANG ZAG GI KHYAD PAR 'DI LTA BU 'BYUNG MI 'BYUNG THE TSOM ZA BA DANG, NGO BOS BSKAL PA GZHI 'DI NA SHA ZA YOD MED THE TSOM ZA BA LTA BU'O, ,BSKAL DON DE DAG LA NI RANG NYID KYIS MI DMIGS PA TZAM MED PA GO BAR BYED PA MA YIN TE, KHYAB PA 'KHRUL PA'I PHYIR, ,GNYIS PA LA GNYIS, GANG ZAG THAMS CAD KYIS MA DMIGS PA RTAGS SU MI RUNG BA DANG, GANG ZAG RANG NYID KYI TSAD MA GSUM GYIS MA DMIGS PA DGAG MI NUS PA'O, ,DANG PO LA GNYIS, RTZOD PA DANG, LAN NO, ,DANG PO NI, GAL TE BSKAL DON YOD PA YIN NA NI GDON MA ZA BAR SHA ZA LA SOGS PA RIGS MTHUN 'GA' ZHIG GIS DMIGS PA'AM, 'DAS PA DANG MA 'ONGS PA'I DUS KYI BSKAL PA YIN NA DUS DE DANG DE NA YOD PA RNAMS KYIS DMIGS PA YIN NA BSKAL DON DE JI LTAR MI DMIGS PA'I PHYIR MED PA MA YIN CE NA, GNYIS PA NI, SHA ZA YOD NA RIGS MTHUN NANG PHAN TSUN GYIS DMIGS PAS

, ,KHYAB PAS SHA ZA MA DMIGS PAS MED PA GO BAR BYED PA YIN NA, SHA ZA YOD NGES 'GOG PA LA SHA ZA DMIGS BYED KYI TSAD MA MED PA RTAGS SU DGOD DGOS NA, DE'I PHYOGS CHOS MI 'GRUB PA YIN NO, ,SHA ZA YOD NA RIGS MTHUN NANG PHAN TSUN GYIS DMIGS DGOS PAS SHA ZA MA DMIGS PAS MED PA GO BAR BYED PA MA YIN TE, GANG ZAG THAMS CAD KYI DMIGS PA LOG PA NI 'DIR SHA ZA YOD NGES 'GOG PA'I RTAGS YANG DAG MA YIN PA'I PHYIR TE, SHA ZA GANG ZAG THAMS CAD KYIS MA DMIGS PA DE RGOL BA BDAG DANG PHYIR RGOL GZHAN LA MA GRUB PA'I PHYIR RO, ,GZHUNG 'DI DAG GIS NI, SHA ZA CHAD MAS MA DMIGS PA TZAM MI SNANG BA MA DMIGS PA'I GTAN TSIGS SU 'GOD PA GZHUNG 'DI'I PHYOGS SNGA MA LA GNAS PAR BSTAN PA YIN NO, ,DE BZHIN DU RGYANG PAN CHOS CAN, CHAGS BRAL TSAD MAS MA DMIGS PAS KHYOD KYIS CHAGS BRAL 'GOG MI NUS PAR THAL, CHAGS BRAL TSAD MAS MA DMIGS PA KHYOD RANG LA YANG MA GRUB PHYIR RGOL LA YANG MA GRUB PA'I PHYIR, RGYANG PAN PA 'DI BDAG NYID KYI DMIGS PA LOG PA NYID TSAD MAR BYED PA NA CHAGS BRAL SPONG BA YIN PAR THAL, CHAGS BRAL MED PAR SGRUB PA'I RGYU MTSAN GZHAN MED RGYANG PAN RANG NYID KYIS MA MTHONG BA TZAM RGYU MTSAN DU BYAS NAS CHAGS BRAL MED DO ZHES SMRA BA DE'I PHYIR, RGYANG PAN RANG NYID KYIS MA DMIGS PA DE NI CHOS CAN, BSKAL DON DE DAG MED PA NYID NI GO BAR BYED PA MA YIN TE, KHYOD BSKAL PA DAG LA YANG YOD SRID PA'I PHYIR, GNYIS PA LA GNYIS, COD PA DANG

LAN NO, ,DANG PO NI, BSKAL PA'I DUS DER YANG YOD NA NI MNGON SUM DANG RJES SU DPAG PA DANG LUNG TSAD MA RNAMS LAS GANG RUNG GCIG 'JAL BYED DU 'JUG PA'I PHYIR, DES NA CHAGS BRAL CHOS CAN, MED DE, RGYANG PAN RANG GI TSAD MA GSUM GYIS MA DMIGS PA'I PHYIR RO ZHE NA, GNYIS PA LA GNYIS, SO SOR BSHAD PA DANG, BSDUS TE BSTAN PA'O, ,DANG PO LA GSUM, YOD NA LUNG GIS DMIGS PAS MA KHYAB PA DANG, MNGON SUM GYIS DMIGS PAS MA KHYAB PA DANG, RJES DPAG GIS DMIGS PAS MA KHYAB PA'O, ,DANG PO LA GNYIS, SHES BYA LA SRID TSAD BSTAN BCOS KYI BRJOD BYAR BYED PAS MA KHYAB PA DANG, BSKAL DON 'GA' ZHIG BRJOD BYAR BYED PA LA DGOS NUS MED PA'O, ,DANG PO NI, BSTAN BCOS LTAR SNANG STON BYED DU BZLOG KYANG MED NGES SU MI 'GRUB STE, RANG GI ZHEN PA'I BRJOD BYA LA 'BREL PA NGES PA MED PA'I PHYIR, DES NA BSTAN BCOS STON BYED DU BZLOG PAS MED NGES SU GRUB CING, YOD NA BSTAN BCOS KYI BRJOD BYAR BYED DGOS NA BSTAN BCOS RNAM DAG GI BRJOD BYAR BYED DGOS LA, DE MI 'THAD PA NI, BSKAL DON YIN NA BSTAN BCOS RNAM DAG GI BRJOD BYAR BYED PA'I KHYAB PA YOD PA MA YIN TE, BSKAL DON 'GA' ZHIG LA SKYES BU'I 'DOD DON PHYIN CI MA LOG PAR STON PA'I BSTAN BCOS KYI BRJOD BYA'I DBANG DU BYAS NAS STON PA'I NGES PA MED PA'I PHYIR, DER THAL, BSKAL DON 'GA' ZHIG SKYES BU'I DGOS PA SGRUB PA'I THABS MA YIN PA'I PHYIR, PHYI MA LA KHYAB PA YOD PAR THAL, BSTAN BCOS RNAM DAG GI 'JUG PA NI SKYES BU'I GNAS SKABS SAM MTHAR

, ,THUG GI DON BSGRUB PAR BYED PA'I THABS 'GA' ZHIG STON PA LA BRTEN NAS RTZOM PA 'JUG PA YIN PA'I PHYIR, RTAGS MA GRUB NA BSTAN BCOS CHOS CAN, SKYES BU'I 'DOD DON DANG 'BREL PA MED PA BRJOD PA YIN PAR THAL, BSTAN BCOS GANG ZHIG SKYES BU'I 'DOD DON STON PA DE LTA MA YIN PA'I PHYIR, 'DOD NA BSTAN BCOS TSAD MAR MI 'GYUR BAR THAL LO, ,GNYIS PA NI, SKYES BU'I 'DOD DON STON PAR BYED PA'I SKABS DER YANG BSTAN BCOS CHOS CAN, BSKAL DON MANG PO DAG GDON MI ZA BAR BRJOD BYAR BSTAN PAR BYA BA NI MA YIN TE, 'GA' ZHIG BSTAN PAR MI NUS KHA CIG BSTAN PA LA DGOS PA MED PA'I PHYIR, RTAGS SNGA MA DER THAL, DPER NA BDAG NYID SO SO LA NGES PA SKYES BU RNAMS KYI SEMS KYI 'JUG PA NYIN ZHAG GCIG LA RNAM RTOG GI GRANGS 'DI TSUN CHAD BYUNG GI DE PHAN CHAD DU MED PA RNAMS BRJOD BYAR BSTAN MI NUS PA'I PHYIR, SKYES BU SO SO LA NGES PA CES PA NI GANG ZAG DE DANG DE'I RGYUD LA BYUNG BA TZAM YIN GYI THUN MONG DU TSAD MAS MA GRUB PA'I DON TO, ,RGYU MTSAN NGES PA 'GA' ZHIG LA BRTEN NAS STON NO ZHE NA, RGYU MTSAN DES PA LAS BYUNG NA BRJOD BYAR STON DU TSUG KYANG BSKAL DON MTHA' DAG BRJOD BYAR STON NUS PA MA YIN PAR THAL, RGYU MTSAN NGES PA LAS BYUNG BA MA YIN PA CAN BSKAL DON 'GA' ZHIG BRJOD BYAR BSTAN MI NUS PA'I PHYIR, SKYES BU'I 'DOD DON SGRUB PA LA DGOS PA MED PA'I BSKAL DON DE DAG NI PHYIN CI MA LOG PA'I BSTAN BCOS KYIS YUL DU BYED PA MA YIN TE, YUL LAM DUS KYIS CHOD PA SKYES BU'I

'DOD DON SGRUB PA'I SKABS SU NYE BAR MKHO BA MED PA'I RDZAS KYI KHYAD PAR RGYA MTSO'I GTING GI RDO BA LTA BU BRJOD BYAR BYAS PA LA DGOS PA MED PA'I PHYIR, GNYIS PA NI, SHA ZA LA SOGS PA'I BSKAL DON YOD NA RNAL 'BYOR MNGON SUM GYIS DMIGS PA LA DGAG PA MA MDZAD PA NI, PHYIR RGOL RNAL 'BYOR MNGON SUM LA SKUR PA 'DEBS PAS DOGS PA MED PA'I PHYIR MA MDZAD LA, RANG RIG MNGON SUM GYIS DNGOS SU DMIGS PAS MA KHYAB PA NI, DE DAG SHES PAR MI RUNG BA'I PHYIR MA BKAG GO ,DES NA BSKAL DON YOD NA DBANG PO'I MNGON SUM GYIS DNGOS SU RTOGS PAS MA KHYAB PAR THAL, DE LTAR YUL DANG DUS DANG RANG BZHIN GYIS BSKAL PA DAG LA NI YOD KYANG RANG GI MTHUS NYE BAR GNAS SHING BZHAG PA'I DBANG PO'I MNGON SUM GYI SHES PA LA RANG 'DRA'I RNAM PA BSKYED PA'I NUS PA YANG YOD PA MA YIN PA'I PHYIR, SHA ZA YOD PA'I MTHU TZAM GYIS DBANG PO'I MNGON SUM BSKYED NA SHA ZA BSKAL DON DU 'GYUR MI SRID PAR THAL LO, ,RANG GI MTHUS ZHES PA NI, DBANG PO'I MNGON SUM DNGOS SU BSKYED PA 'GOG PA YIN NO, ,ZLA GCIG ZLA BA GNYIS SNANG GI DBANG SHES KYI DMIGS RKYEN DU 'DOD PA NI, SKABS 'DIR 'THAD LDAN DU BKAG STE, 'THAD LDAN DU, RAB RIB LA SOGS PAS DBANG PO NYAMS PA LAS SKYES PA LA NI PHYIN CI LOG GI RNAM PAR BZHAG PA'I PHYIR, SKYED PAR BYED PA YIN KYANG BZUNG BA MA YIN TE, ZLA BA GNYIS KYI SHES PA LA ZLA BA GCIG GIS RANG GI RNAM PA MA BZHAG PA'I PHYIR RO, ZHES BSHAD DO, ,GSUM PA NI, BSKAL DON YOD

, ,NA 'BRAS RTAGS LA BRTEN PA'I RJES DPAG GIS DMIGS SO ZHE NA, SKABS 'DIR SHA ZA YOD NA DGAG RTAGS DANG RANG BZHIN RTAGS LA BRTEN PA'I RJES DPAG GIS DMIGS PA DGAG MI DGOS PAS RGYU MTSAN GANG GIS BSKAL DON YOD NA 'BRAS RTAGS LA BRTEN PA'I RJES SU DPAG PAS RTOGS PAR 'GYUR BA MA YIN PAR THAL, YOD KYANG BSKAL DON DE DAG GI 'BRAS BU GDON MI ZA BAR DMIGS PA YANG MA YIN PA'I PHYIR, BSKAL DON GYI 'BRAS BU BSKAL DON DU SONG BA DES DMIGS PA YANG MA YIN LA RGYU 'BRAS KYI 'BREL PA SHES PA YANG MA YIN NO, ,BSKAL DON YOD NA RTAGS GNYIS LA BRTEN PA'I RJES DPAG GIS DMIGS PAR MI 'GOG PA'I DON CI YIN, PHYIR RGOL GYIS BSKAL DON SGRUB PA'I SKABS YIN GYI, 'GOG PA'I SKABS MA YIN PA DANG, SGRUB PA YIN CING DGAG PA MA YIN PAS YOD NA DGAG RTAGS LA BRTEN PA'I RJES DPAG GIS DMIGS PA'I DOGS PA CHUNG BA'I PHYIR DANG, BSKAL DON GYI NGO BO YOD NA MNGON SUM GYIS DMIGS PA BKAG PA NYID KYIS DE DANG BDAG GCIG PA'I KHYAB BYA YOD NA MNGON SUM LA SNANG DU RUNG BA YANG KHEGS PAS YOD NA RANG BZHIN GYI RTAGS LA BRTEN PA'I RJES DPAG GIS DMIGS PA LA DGAG PA ZUR DU MA SMOS SO ZHE NA, 'O NA BSKAL DON YOD MED THE TSOM ZA BA BZHIN DU DE'I 'BRAS BU YANG YOD MED THE TSOM ZA BAS BSKAL DON YOD NA 'BRAS RTAGS LA BRTEN PA'I RJES DPAG GIS DMIGS PA YANG DGAG MI DGOS PAR 'GYUR RO ZHE NA, SKYON MED DE, BSKAL DON YOD KYANG SNANG DU MI RUNG YANG 'BRAS BU'I KHYAD PAR

'GA' ZHIG MNGON SUM GYIS DMIGS PA NA, 'DI BSKAL DON GYI 'BRAS BU'O SNYAM DU DOGS PAR 'GYUR BA'I PHYIR RO, ,GNYIS PA NI, BSKAL DON GSUM PO DE DAG NI RANG GANG LA BSKAL DON DU SONG BA'I GANG ZAG DE'I RGYUD KYI TSAD MA GSUM LOG TU ZIN KYANG MED DO ZHES NGES PAR NUS PA MA YIN PAR THAL, YOD KYANG DE'I TSAD MA GSUM GANG RUNG LA SNANG DU RUNG BA MA YIN PA'I PHYIR, GSUM PA LA GNYIS, MA MTHONG BAS MED PAR SMRA BA'I LOG PAR RTOG PA DGOD PA DANG, DE DGAG PA'O, ,DANG PO NI, GANG YANG NGO BO LA SKUR PA 'DEBS PA DBANG PO LAS 'DAS PA'I DON SPONG BAR BYED PA, DPER NA SEMS 'DOD CHAGS DANG BRAL BA'I THAR PA MED DO ZHES PA'AM MNGON MTHOS BSDUS PA LHA'I KHYAD PAR DAG MED CES PA DANG, GTONG BA'I SEMS PA DANG SPONG BA'I SEMS PA'I NGO BO LA SKUR PA MI 'DEBS KYANG, DE GNYIS KYIS MNGON MTHO BSKYED PA'I NUS PAR RANG BZHIN GYI KHYAD PAR DAG SPONG BAR BYED PA DPER NA, SBYIN PA DANG 'CHE BA SPONG BA LA SOGS PA'I SEMS PA NI MNGON PAR MTHO BA'I RGYU MA YIN NO ZHES BYA BA LTA BU'O, ,SPONG BA'I RGYU MTSAN NI, MNGON SUM GYIS MA MTHONG BA RGYU MTSAN DU BYAS NAS DE DAG YOD PA LA SHES PAR BYED PA MED PA'I PHYIR, CES PA'O, ,GNYIS PA LA GSUM, DGAG PA MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO NI, MYU GU LA SOGS PA'I 'BRAS BU DE DANG LDAN PA MA YIN PA'I PHYIR RGYU MA YIN PA DANG MYU GU BRGYUD NAS BSKYED PA GNYIS MYU GU'I RGYU MA YIN PAR CHOS MTSUNGS PAR THAL, 'BRAS BU DANG DE DAG GI SHES

, ,BYED DE MA THAG PA MNGON SUM GYIS MA MTHONG BA TZAM GYIS NGO BO DANG NUS PA'I KHYAD PAR DAG MED DO ZHES SPONG RIGS PA'I PHYIR, DE 'DOD MI RIGS PAR THAL, PHYIS 'BRAS BU MNGON SUM GYIS GRUB PA'I DON LA YANG 'BRAS BU DANG SHES BYED DE MA THAG PA NYID 'BYUNG BA'I NGES PA MED PA'I PHYIR, DES NA RGYANG PAN GYIS RANG NYID KYIS SHES BYED MA MTHONG BA DANG 'BRAS BU DE MA THAG MA MTHONG BAS MNGON MTHO NGES LEGS KYI NGO BO DANG MNGON MTHO BSKYED PA'I NUS PA'I KHYAD PAR LA SKUR PA 'DEBS PA DE PHYIN CI LOG PA YIN TE, 'DOD MI RIGS PA'I RGYU MTSAN DE NYID RTAGS SU SBYAR RO, ,DAM BCA' GNYIS KYI RGYU MTSAN DU 'GOD PA'I RTAGS DE GRUB PAR THAL, RGYU LAS 'BRAS BU DUS RING POS CHOD PA DAG KYANG SKYE BA MTHONG BA'I PHYIR, DPER NA BYI BAS DGUN DMUGS NAS DUG ZHUGS PA'I DUG GI 'GYUR BA 'BRUG GI SGRA BYUNG BA'I DUS SU LDANG BA DANG, KHYI SMYON PAS DMUGS PA'I DUG GI 'GYUR BA DUS PHYIS RLUNG PHOG PA NA LDANG BA BZHIN NO, ,GNYIS PA LA GSUM, MA MTHONG BA TZAM MED NGES KYI SGRUB BYED DU MI RIGS PA DANG, SHES BYED MA MTHONG YANG THE TSOM ZA BA TZAM RIGS PA DANG, SHES BYED YANG DAG YOD PA'O, ,DANG PO NI, SBYIN PA DANG TSUL KHRIMS KYIS MNGON MTHO BSKYED PA'I NUS PA 'DI LA RGYANG PAN RANG NYID KYIS MI DMIGS PA TZAM NI NUS PA DE 'GOG PA'I TSAD MA MIN PAR THAL, SBYIN PA DANG TSUL KHRIMS LAS RANG GI 'BRAS BU MNGON MTHO DE 'BYUNG BA LA 'GAL BA MED PA'I PHYIR, DE BZHIN DU RGYANG PAN GYIS THAR PA MA DMIGS PAS MED PAR

MI 'GRUB PAR THAL, THAR PA YOD PA LA 'GAL BA MED PA'I PHYIR, GNYIS PA NI, 'O NA SBYIN PA DANG TSUL KHRIMS LAS MNGON MTHO DE 'BYUNG BA LA SGRUB BYED KYI TSAD MA CI YOD CE NA, RGYANG PAN CHOS CAN, SBYIN PA DANG TSUL KHRIMS LAS MNGON MTHO 'BYUNG MI 'BYUNG THE TSOM ZA BAR 'GYUR BA RIGS KYI, MI 'BYUNG NGO ZHES SKUR PA 'DEBS MI RIGS PAR THAL, DE LAS MNGON MTHO 'BYUNG MI 'BYUNG DPYOD PA ZHUGS PA GANG ZHIG DE 'BYUNG BA LA KHYOD KYIS SGRUB BYED KYANG MA MTHONG GNOD BYED KYANG MA MTHONG BA DE NYID KYI PHYIR, DE BZHIN DU KHYOD THAR PA YOD MED THE TSOM ZA BAR RIGS KYI, MED DO ZHES SKUR PA 'DEBS MI RIGS PAR THAL, THAR PA YOD MED DPYOD PA ZHUGS NAS THAR PA YOD PA LA GNOD SGRUB GANG YANG MA MTHONG BA'I PHYIR, GSUM PA NI, YANG NA RGYANG PAN CHOS CAN, MNGON MTHO DANG NGES LEGS MI SPANG ZHING SPONG MI RIGS PAR THAL, DE DAG LA SGRUB BYED KYI TSAD MA SRID PA'I PHYIR, GAL TE KHYED RANG LTAR NA YANG SBYIN PA DANG 'TSE BA SPONG BA LA SOGS PA'I SEMS PA LAS 'BRAS BU MNGON MTHO 'BYUNG BA LA SGRUB BYED TSAD MA YOD DAM MED, DANG PO LTAR NA 'THAD LDAN DU, DE LTAR NA GZHUNG GI DON NI SGRUB PAR BYED PA'I TSAD MA'I YUL NYID LA RTOG PA DANG LDAN PA THE TSOM ZA BAR RIGS KYI, YUL MED PAR NGES PA NI MA YIN NO, ZHES BYA BA 'DI YIN GYI SLOB DPON BDAG NYID LA TSAD MA YOD PA NI MA YIN TE, SLOB DPON GYIS NI PHYOGS GZHAN 'GA' ZHIG TU YANG MNGON PAR MTHO BA'I RGYU 'DI SGRUB PAR BYED PA'I TSAD MA NYE BAR BKOD PA MED PA'I PHYIR RO, ZHES BSHAD PA DANG, LUNG MA GTOGS PA'I SGRUB

, ,BYED MED CING LUNG TSAD MA YIN PA YANG 'OG NAS 'GOG PA'I PHYIR RO, ,PHYI MA LTAR NA SGRUB BYED MED PAR MTSUNGS BZHIN DU KHO BO CAG GI DAM BCA' PHYIN CI LOG YIN NO ZHES CI LTAR BRJOD CE NA, 'DI LA GNYIS, GZHAN GYI LAN DGAG PA DANG, RANG GI LUGS RNAM PAR BZHAG PA'O, ,DANG PO NI, TSIG DON LA 'BREL PA MED PAS LUNG SGRUB BYED TSAD MAR MI RIGS LA, RGYU MTSAN DE NYID KYIS YID CHES RTAGS YANG DAG MED PAS GZHAL BYA SHIN TU LKOG GYUR NI DAD PAR BYA BA TZAM DU ZAD KYI, SGRUB BYED KYI TSAD MA NI CUNG ZAD TZAM YANG MED DO, ZHES ZER BA NI, MNGON PAR MTHO BA DANG NGES PAR LEGS PA MTHA' DAG LA SKUR PA 'DEBS PA YIN TE, NGES PAR LEGS PA THAR PA DNGOS PO STOBS ZHUGS KYI TSAD MAS GRUB PA YIN KYANG, RANG RGYUD LA DE SGRUB PA NI MNGON MTHO KHYAD PAR CAN GYI LUS RTEN SKYE BA GCIG NAS GCIG TU BRGYUD PA TSAD MAS GRUB PA LA BRTEN NAS BSGRUB DGOS PA'I PHYIR, MNGON MTHO TSAD MAS MA GRUB NA NGES LEGS KYANG MI 'GRUB BO, ,SLOB DPON GYI TSIG RNAMS LA YANG CO 'DRI BA YIN TE, RGYANG PAN GYIS, SBYIN PA DANG TSUL KHRIMS MNGON MTHO'I RGYU MA YIN PAR DAM BCAS PA PHYIN CI LOG YIN NO ZHES GSUNGS LA, KHYOD LTAR NA DE PHYIN CI LOG TU BZHAG MI NUS PA'I PHYIR, GONG DU RTOG LDAN BSTAN BCOS RTZOM PA LA 'JUG PA GNAS SKABS DANG MTHAR THUG GI SKYES BU'I DON SGRUB PA'I THABS GTAN LA 'BEBS PA'I CHED DU GSUNGS PA'I PHYIR DANG, TSAD MAS MA GRUB PA SKYES BU'I 'DOD DON DU KHAS LEN PA'I RTOG LDAN

SU YANG MED PA'I PHYIR RO, ,DES NA BDAG LEGS SU 'DOD PA DAG SBYIN PA DANG TSUL KHRIMS LA SOGS PA LAS MNGON MTHO JI LTAR 'GRUB PA'I TSUL TSAD MAS NGES PAR BYAS NAS THABS DE NYID JI LTA BA BZHIN NYAMS SU BLANG BAR BYA'O, ,GNYIS PA NI, 'THAD LDAN DU BSHAD PA NI, RTOG LDAN YIN NA, SBYIN SOGS LAS BDE PA 'BYIN PA'I GNOD BYED DANG SGRUB BYED GANG YANG MA MTHONG BAR DU THE TSOM ZA BAR RIGS KYI, SGRUB BYED MA MTHONG BA TZAM GYIS THOG MA NYID NAS BDE BA MI 'BYIN NO ZHES SPONG BAR RIGS PA MA YIN NO, ZHES BSHAD PA YIN LA, SLOB DPON GYIS MNGON MTHO'I RGYU SGRUB PA'I TSAD MA MED PAR BSHAD PA YANG, SBYIN SOGS LAS MNGON MTHO DE MA THAG 'BYUNG BA'I NGES PA MED PAS MNGON SUM GYI SGRUB BYED MED PA DANG, SBYIN SOGS LAS MA 'ONGS PA NA MNGON MTHO SKYED PA'I NUS PA DNGOS PO STOBS ZHUGS KYI TSAD MAS MI 'GRUB PA'I DON YIN GYI, SPYIR TSAD MA MED PA LUNG DANG RIGS PA DU MA DANG 'GAL BA'I PHYIR DANG, DE SGRUB BYED KYI TSAD MA SLOB DPON GYIS SKABS 'DI NYID DU DON GYI SHUGS KYIS GSUNGS PA'I PHYIR DANG, RNAM 'GREL DU DNGOS SU GSAL BAR GSUNGS PA'I PHYIR RO, ,LUNG SGRUB BYED YIN PA BKAG PA YANG DNGOS PO STOBS ZHUGS KYI SKABS LA DGONGS KYI SHIN TU LKOG GYUR GYI SKABS SU SLOB DPON NYID KYIS SGRUB BYED DU GSUNGS PA'I PHYIR RO, ,RNAM 'GREL DU JI LTAR GSUNGS SHING 'DIR DON GYIS JI LTAR 'PHANGS SHE NA, RNAM 'GREL DU, 'BREL PA DANG NI RJES MTHUN THABS, ZHES SOGS KYI RKANG PA BZHIS TSAD MAR KHAS BLANGS BAR BYA BA'I LUNG

, ,GI MTSAN GZHI BSTAN LA, MTHONG DANG MA MTHONG DNGOS PO YI, ZHES PA'I RKANG PA PHYED DANG BZHIS DPYAD PA GSUM GYIS DAG PA'I GTAN TSIGS DANG RKANG PA PHYED KYIS BSTAN BYA'I DON LA MI SLU BA BSGRUB BYA'I CHOS SU BZUNG NGO,, DE NAS RKANG PA BZHIS SHIN TU LKOG GYUR GYI SKABS SU, DPYAD GSUM GYIS DAG PA'I LUNG SGRUB BYED DU BYED DGOS PA'I RGYU MTSAN BSTAN TO, ,DE NAS RKANG PA BZHIS THOG MAR BDEN BZHI DNGOS PO STOBS ZHUGS KYI RIGS PAS BSGRUBS NAS DE'I RJES SU SHIN TU LKOG GYUR GYI DON SGRUB PA'I RIM PA BSTAN TO, ,DES NA, RTAGS YANG DAG GI MTSAN NYID DANG, MTSAN GZHI'I DBYE BA RNAMS RANG DON LE'U'I GTAN LA DBAB BYA YIN PAS YID CHES DANG, GRAGS PA'I RTAGS YANG DAG 'DOD PA KUN GYIS KYANG SKABS DE NA YOD MED BRTAG PAR BYA BA YIN GYI, DE DAG RTAGS YANG DAG TU 'DOD PA DANG MI 'DOD PA KUN GYIS GZHAN DON LE'U'I SKABS 'BA' ZHIG LA RTOG PA NI, TSAD MA SPYI'I RNAM GZHAG MA CHAGS PA YIN TE, LE'U DER NI RGOL BA'I DAM BCA' YANG DAG YIN NA, TSAD MA GANG GIS KYANG MA BSAL BA GCIG DGOS SO ZHES SHES PA'I YAN LAG TU TSAD MA RNAMS KYI BSAL BYA SEL TSUL BSHAD PA YIN GYI, RTAGS YANG DAG GI MTSAN GZHI'I DBYE BA GTAN LA 'BEBS PA'I CHED DU GA LA YIN, SKABS 'DIR YANG SBYIN PA DANG TSUL KHRIMS MNGON MTHO'I RGYU MA YIN PAR DAM BCAS PA PHYIN CI LOG TU BSGRUBS PA NYID KYIS MNGON MTHO'I RGYUR SGRUB PA'I TSAD MA YOD PAR GSUNGS PA'I PHYIR DANG, TSAD MA SRID PAS MI

SPANG NGO ZHES PA YANG, GZHI DER SHA ZA SRID PA LTA BU'I DON MA YIN GYI, SGRUB BYED TSAD MA YOD PA'I DON YIN NO, ,DE YANG 'OG TU LUNG GI PHYOGS GCIG LA MI SLU BA TZAM GYIS TSAD MA YIN PA BKAG CING, GONG DU DGOS NUS MED PA LUNG RNAM DAG YIN PA BKAG NAS SKYES BU'I 'DOD DON LA NYE BAR MKHO BA PHYIN CI MA LOG PAR STON PA BSTAN BCOS SU GSUNGS PAS SHIN TU LKOG GYUR GYI DON SGRUB PA LA DPYAD PA GSUM GYIS DAG PA'I LUNG DGOS PAR GSUNGS PA YIN NO, ,GRAGS PA'I GTAN TSIGS YANG DAG LE'U 'DI NYID DU SLOB DPON GYIS JI LTAR BSGRUBS PA NI 'CHAD PAR 'GYUR RO, ,GSUM PA NI, RGYANG PAN CHOS CAN, MNGON MTHO'I RGYU LAS MNGON MTHO DE MA THAG 'BYUNG BA MA MTHONG BA DANG, PHYI MA'I MNGON MTHO DANG, THAR PA SHES PAR BYED PA'I SGRUB BYED YANG DAG KHYOD KYIS MA GRUB PA YIN KYANG DE TZAM GYIS DE DAG MED PAR NGES PA NI MA YIN TE, DBANG PO LAS 'DAS PA'I DON 'DI LA MNGON MTHO'I RGYU LA SOGS PA'I RANG BZHIN NAM THAR PA LA SOGS PA'I DON 'GA' ZHIG GI SGRUB BYED YOD KYANG KHYOD LA MTHONG BA GSAL BA MED PA'I PHYIR DANG RGYU RNAMS NI 'BRAS BU DE MA THAG BSKYED PA'I NGES PA MED PA'I PHYIR, RTAGS ZUR PHYI MA DER THAL, RGYU LAS 'BRAS BU DUS RING POS CHOD PA DAG KYANG SKYE BA DE'I PHYIR, NGO BO DANG NUS PA DA LTAR MA MTHONG BA TZAM GYIS MED PAR DAM 'CHA' BA MI RIGS PAR THAL, NGO BO DANG NUS PA DA LTAR MA MTHONG YANG RIMS KYIS 'GA' ZHIG GSAL BAR 'GYUR BA'I PHYIR RO, ,GSUM PA LA GSUM, DNGOS STOBS KYI SKABS SU LUNG SGRUB BYED YIN PA SO SOR

, ,DGAG PA DANG, SPYIR DGAG PA DANG, BKAG PA'I DON BSDU BA'O, ,DANG PO LA GNYIS, SKYES BUS BYAS PA'I TSIG SGRUB BYED YIN PA DGAG PA DANG, SKYES BUS MA BYAS PA'I RIG BYED TSAD MA YIN PA DGAG PA'O, ,DANG PO LA GNYIS, SKYES BU'I TSIG TZAM TSAD MA YIN PA DGAG PA DANG, SKYES BU KHYAD PAR CAN GYI LUNG TSAD MAR KHAS LEN PA'I TSUL DGAG PA'O, ,DANG PO NI, LUNG STON BYED BZLOG PAS DON LDOG GO ZHES SMRAS BA MI RIGS TE, TSIG 'JUG PA DON YOD PA LA NGES PAR BLTOS MI DGOS PA'I PHYIR RO, ,DE YANG SKYES BU'I TSIG DE DAG LAS BRJOD BYA'I DON GYI RANG BZHIN JI LTA BA BZHIN DU NGES PAR 'GYUR BA MA YIN PAR THAL, GANG GI PHYIR NA RJOD BYED KYI SGRA RNAMS BRJOD BYA'I DON GYI DNGOS PO JI LTA BA BZHIN DU 'JUG PA YANG MA YIN PA'I PHYIR, DER THAL, DE DAG NI SMRA BA PO'I BRJOD PAR 'DOD PA TZAM GYIS 'JUG PA'I PHYIR, KHYAB PAR THAL, SKYES BU'I 'DOD PA THAMS CAD NI 'DOD BYA'I DNGOS PO JI LTA BA NYID DU 'JUG PA MA YIN PA'I PHYIR, RJOD BYED KYI TSIG CHOS CAN, RANG PHYOGS KYI CHOS SU GRUB PA'I GZHIR BRJOD 'DOD DE NYID KYI GO BAR BYED PA YIN TE, BRJOD 'DOD DE LA 'KHRUL PA MED PAS 'BREL PA'I PHYIR, DE LA LDOG KHYAB YOD PAR THAL, DE DANG MA 'BREL BA'I RANG BZHIN GYI DNGOS PO NI 'BREL MED GZHAN GO BAR BYED PA MA YIN PA'I PHYIR, GNYIS PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, GAL TE SHES BYA'I DON THAMS CAD JI LTA BA BZHIN DU MTHONG BA'I YON TAN DANG LDAN PA DANG, DES NYES PA'I

RIGS MTHA' DAG SPANGS PA LA SOGS PA'I YON TAN DANG LDAN PA'I SKYES BU NI YID CHES PA YIN LA NYES PA KUN ZAD YON TAN KUN LDAN GYI SKYES BU THOG MAR TSAD MAS GRUB PAR BYAS NAS DES BSTAN PA'I LUNG NI MNGON MTHO NGES LEGS KYI DON LA MI SLU BAR KHAS LEN PA YIN NO ZHE NA, GNYIS PA LA GNYIS, RTZA BA DANG, 'GREL PA'O, ,DANG PO LA GNYIS, SPYI'I DON DANG, TSIG GI DON TO, ,DANG PO NI, GZHUNG 'DI DAG GIS NYES PA KUN ZAD YON TAN KUN LDAN GYI SKYES BU TSAD MAS RTOGS MI NUS PA BSTAN 'DUG SNYAM DU BSAMS NAS, RNAM NGES KYI BSHAD PA BYED PA PHAL CHER GYIS KYANG SOR BZHAG TU MDZAD CING, 'U YUG PA RIGS PA'I SENGGE LA SOGS PAS, RNAM 'GREL GYI, 'DI NI 'DI LTA'AM MIN NO ZHES SOGS KYI RKANG PA BZHI YON TAN KUN LDAN GYI SKYES BU TSAD MAS RTOGS MI NUS PA'I DON DU BSHAD LA, 'GRIB DANG PHUL BYUNG BRTEN PA KUN, ZHES SOGS KYI RKANG PA BZHI NYES PA ZAD PA SRID PA'I DON DU BSHAD PA NI PHYOGS SNGA MA'I 'DOD PA DANG SDE BDUN MDZAD PA'I DGONGS PA GNYIS KA MA GO BAR GZHUNG GI DON PHYIN CI LOG TU BSHAD PAR SHES PAR BYA'O, ,RANG GI RTZA BA'I STON PA THAMS CAD MKHYEN PA TSAD MAS MI 'GRUB BO ZHES SMRA BA NI STON PA'I BSTAN PA LA ZHUGS PAR RLOM YANG CHOS 'DI LAS PHYI ROL TU GYUR PA SPYOD PA PA LA SOGS PA'I 'DOD PA DANG KHYAD PAR CUNG ZAD KYANG MED PA YIN NO, ,DES NA, GZHUNG 'DI'I PHYOGS SNGA MA'I 'DOD PA NI TSAD MA'I SKYES BU'I TSIG LA BRTAG DPYAD SNGON DU MA SONG BAR THOG MAR NYES PA KUN ZAD YON TAN KUN LDAN GYI SKYES BU

, ,TSAD MAS GRUB PAR BYAS NAS, DE'I RJES SU DES SMRAS PA'I TSIG TSAD MAR KHAS BLANG PAR BYA BAR 'DOD PA YIN LA, DE LTA YIN NA, LUS NGAG GI THA SNYAD LAS DPOG DGOS NA, DE LA BRTEN NAS RTOGS MI NUS PAS TSAD MA'I SKYES BU LUGS DE'I LTAR NA SGRUB BYED CUNG ZAD KYANG MED PA'I GNOD PA STON PA YIN LA RANG LUGS LA NI BSTAN PA GSUNG RAB TSAD MA YIN MIN THOG MAR LEGS PAR BRTAGS NAS BSTAN PA TSAD MAR GRUB PA LA BRTEN NAS STON PA TSAD MA'I SKYES BUR RTOGS PAR BYED PA YIN NO, ,STON PA TSAD MA'I SKYES BUR SGRUB PA'I TSUL RNAMS BCOM LDAN 'DAS NYID KYI GSUNG RAB LAS GSUNGS PA RNAMS LA LEGS PAR BRTAGS PA NA, 'PHAGS PA'I BDEN PA BZHI DNGOS STOBS KYI RIGS PAS LEGS PAR GRUB CING, DE LA BRTEN NAS TSAD MA'I SKYES BU RTOGS PAR BYED PA YIN TE, NYES PA ZAD PA'I SKYES BU ZHIG GIS MA GSUNGS NA 'DUS BYAS MI RTAG PA SOGS LA RTOG DPYOD TZAM YANG MI 'JUG PA'I PHYIR RO, ,GNYIS PA NI, GSUNG RAB LA RTOG PA SNGON DU YE MA SONG BAR NYES PA KUN ZAD YON TAN KUN LDAN GYI SKYES BU TSAD MAS BSGRUBS NAS DE'I RJES SU DES SMRAS PA'I TSIG BSTAN BYA'I DON LA MI SLU BA'I TSAD MAR MI RUNG BAR THAL, GAL TE DE SNGON DU MA SONG BAR SKYES BU KHYAD PAR CAN DE NYID SHES PAR NUS NA DE'I RJES SU DES SMRAS PA'I TSIG TSAD MA YIN PA'I DON 'DI 'DOD RIGS NA YANG DE'I SNGON DU SKYES BU KHYAD PAR CAN DU SHES PAR MI NUS PA'I PHYIR, GNYIS PA LA GSUM, RTOG LDAN LUNG DON LA BRTAGS PA'I DGOS PA DANG, KHYOD LTAR NA DGOS PA DE MI 'GRUB PA DANG,

DE'I RGYU MTSAN NO, ,DANG PO NI, BLANG DOR GYI GNAS PHYIN CI MA LOG PA LA RTOG PA SNGON DU GTONG BA CAN TSAD MAR GYUR PA'I LUNG NGAM LUNG MA YIN PA GANG YIN SNYAM DU 'TSOL BA'I RTOG LDAN THAMS CAD NI CHOS CAN, LUNG GI DON LA BRTAGS PA LA DGOS PA YOD DE, LUNG GIS BSTAN PA'I GNAS SKABS DANG MTHA'I THOB BYA LA 'JUG PAR 'DOD PAS YIN GYI, RANG GI STON PA'I YIN PAS SNYAM PA TZAM GYI ZHEN PAS NI MA YIN PA'I PHYIR, GNYIS PA LA GNYIS, DNGOS DANG, RANG LA NYES PA MED PA'O, ,DANG PO NI, RTOG LDAN LUNG GI DON LA BRTAGS NAS GNAS SKABS DANG MTHAR THUG GI DON LA SKYON MED DU 'JUG PAR MI 'GYUR BA NYID DU THAL, TSIG LA BRTAG PA SNGON DU MA SONG BAR DE DANG POR SKYES BU TSAD MA YIN MIN BRTAGS NAS DE'I RJES SU DE'I TSIG TSAD MAR KHAS LEN PA LA 'JUG PA'I PHYIR, RTAGS BSAL KHAS BLANGS, KHYAB PAR THAL, TSIG LA BRTAG PA SNGON DU MA SONG BAR NYES PA KUN ZAD PA'I SKYES BU DE LTA BU NI SHES PAR MI NUS PA'I PHYIR, GNYIS PA NI, KHO BO CAG TSAD MA'I SKYES BU DANG DES SMRAS PA'I TSIG TSAD MAR MI 'DOD PA NI MA YIN TE, NYES ZAD KYI SKYES BU DE 'DRA BA NI, MNGON MTHO NGES LEGS THABS DANG BCAS PA PHYIN CI MA LOG PA NYID BRJOD PAR 'DOD PA'I PHYIR RO, ,GZHUNG SNGA MA'I DON GZHAN GYIS BSHAD PA LTAR BYAS NA GZHUNG PHYI MA 'DIS SUN PHYUNG BAR 'GYUR RO, ,GSUM PA LA GNYIS, RGYAS PAR BSHAD PA DANG, DON BSDU BA'O, ,DANG PO NI, GSUNG RAB LA RTOG PA SNGON DU MA SONG BAR NYES ZAD KYI SKYES BU TSAD MAS RTOGS MI NUS PAR THAL, 'DI LTAR DE 'DRA LA MA BRTEN PAR

, ,GANG ZAG PHA ROL PO GZHAN GYI SKYON DANG YON TAN JI LTA BA BZHIN DU NGES PA'I RTAGS YANG DAG NI MED CING DBANG PO STE MNGON SUM TSAD MA'I YUL LAS KYANG 'DAS PA'I PHYIR RO, ,RTAGS PHYI MA DER THAL, GZHAN GYI SEMS KYI SKYON YON DE DAG NI GZHAN GYI SEMS KYI CHOS DE DAG DANG RDZAS GCIG PA YIN PA'I PHYIR, GANG ZAG PHA ROL PO'I RGYUD KYI SKYON YON RANG LAS SKYES PA'I LUS DANG NGAG GI THA SNYAD LAS RJES SU DPOG GRANG NA SO SO SKYE BO RANG DGA' BA RNAMS KYIS LUS NGAG GI THA SNYAD LAS KYANG GZHAN GYI SKYON YON JI LTA BA BZHIN DU RTOGS NUS PA MA YIN PAR THAL, LUS NGAG GI THA SNYAD KYANG PHAL CHER BLO SNGON DU BTANG NAS GNAS TSOD LAS GZHAN DU YANG BYA BAR MI NUS PA'I PHYIR, DER THAL, LUS NGAG GI THA SNYAD SKYES BU'I 'DOD PAS 'JUG PA'I PHYIR, KHYAB PAR THAL, SKYES BU DE DAG KYANG BSAM PA SNA TSOGS PA CAN YIN PA'I PHYIR RO, ,GNYIS PA NI, LUS NGAG GI THA SNYAD LAS SEMS KYI SKYON YON JI LTA BA BZHIN DU CI LTAR RTOGS PAR BYED DE MI RIGS PAR THAL, RTAGS DE LAS NGES PA MED PA'I PHYIR, DER THAL, 'DI RTAGS 'TSOL ZHING 'KHRUL PA'I PHYIR, DER THAL, GONG DU BSGRUBS PA DES NA'I PHYIR, GNYIS PA LA GNYIS, SKYES BUS MA BYAS PA'I RIG BYED TSAD MA YIN PA DGAG PA DANG, RIG BYED PHYOGS GCIG LA MI SLU BAS TSAD MA YIN PA DGAG PA'O, ,DANG PO LA GNYIS, PHYOGS SNGA MA DGOD PA DANG, DE SUN DBYUNG BA'O, ,DANG PO NI, MU STEGS SPYOD PA PA NA RE, GAL TE SKYES BU NI, DON PHYIN CI LOG TU STON PA'I RGYU MA RIG PA DANG,

'DOD CHAGS LA SOGS PA SEMS KYI RANG BZHIN LA ZHUGS PAS BYED PA PO SKYES BU 'KHRUL ZAD MI SRID PAS SHES PAR DKA' BA'I PHYIR, DES NA SKYES BU LA BRTEN PA'I TSIG NI MI SLU BA'I LUNG MA YIN GYI 'O NA CI ZHE NA, SKYES BUS MA BYAS PA LA NI DON LOG PAR STON PA'I RGYU MED PA'I PHYIR, SKYES BUS MA BYAS PA'I SNYAN DNGAGS DANG NGES BRJOD DANG MCHOD SBYIN DANG SRID BSRUNG DANG RIG BYED BZHI'I TSIG RNAMS NI DON PHYIN CI MA LOG PA STON PA YIN PAS LUNG TSAD MA YIN NO ZHE NA, GNYIS PA LA GNYIS, DGAG PA MDOR BSTAN PA DANG, RGYAS PAR BSHAD PA'O, ,DANG PO NI, SKYES BUS MA BYAS PA'I RIG BYED KYI TSIG TSAD MAR RUNG BA MA YIN TE, TSIG SKYES BUS MA BYAS PA DE NI RIGS PAS MI 'THAD PA'I PHYIR, RIG BYED KYI TSIG LAS DON GO BA SKYES BU LA CUNG ZAD KYANG MI BLTOS PA YANG MI 'THAD PAR THAL, TSIG GIS DON BRJOD PA NI SKYES BU'I BRDA NYE BAR BSTAN PA LA BLTOS PA'I YANG PHYIR RO, ,GNYIS PA LA GSUM, RIG BYED SGRA'I NGO BO SKYES BUS MA BYAS PA'I RTAG PA YIN PA DGAG PA DANG, RIG BYED KYI SGRA LAS DON GO BA SKYES BU LA MI BLTOS PA DGAG PA DANG, RIG BYED SGRA DON GYI 'BREL PA DNGOS PO RGYAS PAR DGAG PA'O, ,DANG PO LA GNYIS, RGYAS PAR BSHAD PA DANG, DON BSDU BA'O, ,DANG PO LA GNYIS, RTAGS DGOD PA DANG, KHYAB PA SGRUB PA'O, ,DANG PO NI, RIG BYED KYI TSIG CHOS CAN, RES 'GA' NYAN SHES KYIS THOS SHING DMIGS PA DANG RES 'GA' MI THOS SHING MI DMIGS PA MED PAR THAL, RTAG TU 'GYUR MA'I [?] DE'I BDAG NYID YIN PA'I PHYIR, DE NI SGRUB PA'I THAL BA YIN PAS DES 'PHANGS PA'I GTAN

, ,TSIGS DE CHOS CAN MI RTAG STE, DNGOS PO RES 'GA' BA YIN PA'I PHYIR, CES PA'O, ,GNYIS PA LA GNYIS, RJES KHYAB SGRUB PA DANG, GNOD PA CAN GYI TSAD MA BSTAN PA'O, ,DANG PO NI, RNAL BZLOG GNYIS KA'I KHYAB PA YOD PAR THAL, ,SHES KYIS DMIGS PAR RUNG BA'I RANG BZHIN GSAR DU THOB PA DANG DMIGS PAR MI RUNG BA'I BDAG NYID GTONG BA DAG NI SNGAR MED KYI RANG BZHIN GZHAN SKYE BA DANG SNGAR YOD KYI RANG BZHIN GZHAN NYAMS PAR RUNG BA MI RTAG PAR MED NA MED PA'I PHYIR RO, ,GNYIS PA LA GNYIS, RTAG PA RKYEN LA BLTOS PA DGAG PA DANG, DE'I LAN DGAG PA'O, ,DANG PO NI, SGRA'I NGO BO RTAG KYANG NYAN SHES KYIS RES 'GA' THOS PA RKYEN RTZOL BA LA BLTOS PAS YIN NO ZHE NA, RIG BYED KYI SGRA CHOS CAN, RKYEN GZHAN LA BLTOS PA YANG MA YIN PAR THAL, RTAG PA'I PHYIR, KHYAB PAR THAL, RKYEN DES RTAG PA DE LA PHAN PA'I KHYAD PAR CUNG ZAD KYANG MA BYAS PA'I PHYIR RO, ,GNYIS PA LA GNYIS, RKYEN GYIS SGRA LA PHAN PA DON GZHAN BYED PA MI 'THAD PA DANG, SGRA DANG PHAN PA DON GZHAN YANG 'BREL MED DU THAL BA'O, ,DANG PO NI, RKYEN RTZOL BAS SGRA'I NGO BO LA PHAN MI 'DOGS KYANG SGRA LAS DON GZHAN GYI PHAN PA BYAS NAS SGRAS NYAN SHES BSKYED PAS RTAG PA RKYEN LA BLTOS SO ZHE NA, RKYEN RTZOL PA CHOS CAN, RIG BYED KYI SGRA DE'I NYAN SHES SKYED PA'I RKYEN YIN NO, ZHES RKYEN DANG RKYAN CAN GYI 'BREL PA MI 'THAD PAR THAL, SGRA LAS RDZAS GZHAN GYI PHAN PA BYED KYI SGRA'I NGO BO LA KHYAD PAR CUNG ZAD KYANG MI BYED PA'I PHYIR, GNYIS PA LA GNYIS, DNGOS DANG, DE'I LAN

DGAG PA'O, ,DANG PO NI, RTZOL BAS PHAN PA DON GZHAN BYAS PHAN PA DON GZHAN SGRA DANG 'BREL BAS RTZOL BA DANG SGRA RKYEN DANG RKYEN CAN GYI 'BREL PA YOD DO ZHE NA, PHAN PA DE DANG RKYAN RTZOL BA 'BREL PA YIN NA YANG RIG BYED KYI SGRA CHOS CAN, PHAN PA DON GZHAN DAG DANG CI ZHIG 'BREL TE, 'BREL PA MED PAR THAL, DE DANG PHAN GDAGS BYA 'DOGS BYED MA YIN RDZAS GZHAN YIN PA'I PHYIR, GNYIS PA LA GSUM, PHAN MI 'DOGS PA'I DON GZHAN GYI RTEN MI 'THAD PA DANG, PHAN PA DON GZHAN BYED NA DE LA YANG NYES PA MTSUNGS SHING THUG MED DU THAL BA DANG, NGO BOR GYUR PA'I PHAN PA BYED NA RTAG TU BSKYED PAR THAL BA'O, ,DANG PO LA GNYIS, RTZOD PA DANG, LAN NO, ,DANG PO NI, GAL TE SGRA DANG PHAN PA BSKYED BYA SKYED BYED MA YIN KYANG 'BREL MED DU MI 'GYUR TE, 'KHAR GZHONG DANG RGYA SHUGS BZHIN DU DUS MNYAM PA'I RTEN DANG BRTEN PA'I DNGOS PO YIN NO ZHE NA, GNYIS PA NI, SGRA CHOS CAN, PHAN PA DE DANG DON GZHAN GYI RTEN DANG BRTEN PA DE YANG MI 'GRUB PAR THAL, DE DANG DE'I BDAG NYID KYI PHAN PAR BYA BA DANG, PHAN BYED DU MED PA'I PHYIR, GNYIS PA NI, PHAN PA DES SGRA LA PHAN PA DON GZHAN BYED PA'AM SGRAS PHAN PA DE LA PHAN PA'I BDAG NYID GZHAN BYED PA YIN NO ZHEN NI, RIG BYED KYI SGRA CHOS CAN, PHAN PA DON GZHAN GNYIS PA DE'I RKYEN YIN NO ZHES BYA BA'I 'BREL PA MI 'THAD PA PHAN PA DON GZHAN DANG PO DANG BRGAL ZHING BRTAG PA MTSUNGS PAR THAL, PHAN PA DON GZHAN DANG PO BZHIN DU PHAN PA DON GZHAN GNYIS PA LA NGA [?] BO'I KHYAD PAR MI SKYED PA'I PHYIR, PHAN PA DON GZHAN GNYIS PA LA NGO BO'I KHYAD

, ,PAR MI SKYED KYANG PHAN PA DON GZHAN GCIG BYED DO ZHE NA, DE CHOS CAN, PHAN PA DANG PO PHAN PA THUG PA MED PAR YANG 'GYUR BAR THAL, PHAN PA DON GZHAN DANG PO DANG RTEN DANG BRTEN PA'I 'BREL PA 'GRUB PA'I CHED DU, PHAN PA GZHAN BYED PA KHAS BLANGS GZHAN DE DANG 'BREL MED SPANG BA'I CHED DU YANG PHAN PA GZHAN BYED DGOS PA'I PHYIR, RTAGS KHAS BLANGS, YANG PHAN PA DON GZHAN GNYIS PA RTZOD GZHIR BZUNG NAS RIG BYED KYI SGRA DANG SBYAR NAS SNGAR BSHAD PA'I GNOD PA GNYIS PO DE BRJOD DE, 'THAD LDAN DU PHYOGS GNYIS KA LA BSHAD PA'I PHYIR RO, ,GSUM PA NI, SGRAS PHAN PA DON GZHAN DANG PO DE BSKYED PAS BSKYED BYA SKYED BYED KYI DNGOS PO YIN NO ZHE NA NI, RIG BYED KYI SGRA CHOS CAN, PHAN PA DANG PO DE RTAG TU, BSKYED PAR 'GYUR BAR THAL, DE BSKYED PA GANG ZHIG RKYEN LA BLTOS PA MED PA'I PHYIR, RKYEN LA BLTOS SO ZHE NA NI, DE CHOS CAN, RKYEN LA BLTOS NAS PHAN PA DON GZHAN DE BSKYED PA MA YIN PAR THAL, THAL BA SNGA MA NYAN SHES BSKYED PA RKYEN LA BLTOS PAR KHAS BLANGS PA'I NYES PA DER 'GYUR BA'I PHYIR, GNYIS PA LA GNYIS, DNGOS DANG, SGRA LAS NGON RTOGS PA MI 'THAD PAR THAL BA'O, ,DANG PO NI, RIG BYED KYI SGRAS NYAN SHES RES 'GA' BSKYED PAS MI RTAG PAR GRUB PA DE'I PHYIR, RIG BYED KYI SGRA'I NYAN SHES KYIS DMIGS SU RUNG BA'I BDAG NYID RES 'GA' PA DE NI CHOS CAN, SKYES BUS BYAS PA YIN TE, SKYES BUS BYED PA LCE RKAN LA SOGS PA'I RTZOL BA'I RJES SU BYED PA DANG LDOG PA'I RJES SU BYED PA CAN YIN PA'I PHYIR,

GNYIS PA NI, RIG BYED KYI SGRA CHOS CAN, BRJOD BYA'I DON DANG MED NA MI 'BYUNG BA MED PAR THAL, MI RTAG PA DE LTA MA YIN PA'I PHYIR, 'DOD NA KHYOD LAS DON GZHAN NGES PA CAN DU RTOGS PAR YANG MI 'GYUR BAR THAL, 'DOD PA DE'I PHYIR, GNYIS PA LA GNYIS, DGAG PA RGYAS PAR BSHAD PA DANG, DON BSDU BA'O, ,DANG PO LA GNYIS, SGRA LAS DON GO BA DNGOS POR GYUR PA'I 'BREL PA LA BLTOS PA DGAG PA DANG, SGRON MES GZUGS BZHIN DU GO BYED YIN PA DGAG PA'O, ,DANG PO LA GSUM, BRDA LA MA BLTOS PA'I SGRA GRAGS PA TZAM DON GO BYED DU 'DOD PA DGAG PA DANG, SKYES BU LA MI BLTOS PA'I RUNG BA NGES PAS GO BYED DU 'DOD PA DGAG PA DANG, 'BREL PA LA MI BLTOS PA'I SHES BYED KYI NUS PA NGES PAS GO BYED DU 'DOD PA DGAG PA'O, DANG PO NI, MI SKYES TZAM NAS SREG BYED DU GNAS PA BZHIN DU, SGRA GRAG TZAM NAS DON GO BYED DU NGO BO NYID KYIS GNAS PA YIN GYI BRDA LA BLTOS PA MA YIN NO ZHE NA, RIG BYED KYI SGRA'I GRAG LDOG TU YOD PA NYID NI CHOS CAN, BRDA LA MI BLTOS PAR BRJOD BYA'I DON GYI KHYAD PAR DANG 'BREL PA MA YIN TE, DON THAMS CAD LA NYE RING GI KHYAD PAR MED PAS DON THAMS CAD DUS GCIG TU GO BAR THAL BA'I PHYIR RO, ,GNYIS PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, GAL TE MIG GI DBANG PO KHYAD PAR CAN GYIS GZUGS LA DMIGS PA'I SHES PA SKYED RUNG DANG YUL GZUGS KYANG KHYAD PAR CAN GYI DBANG POS GZUNG RUNG DU SKYES BU'I BRDA DANG 'BREL PA LA BLTOS PA MED PAR GNAS PA BZHIN DU RJOD BYED KYI SGRA DANG DON DAG KYANG BRDA DANG 'BREL

, ,PA LA BLTOS PA MED PAR BRJOD BYA'I DON YANG KHYAD PAR CAN GYI SGRA LA BRTEN NAS RTOGS PAR RUNG BA DANG, SGRA YANG KHYAD PAR CAN GYI DON YUL CAN GYIS RTOGS PAR RUNG BA NYID KYIS PHAN TSUN BRDA 'BREL LA MA BLTOS PAR GO BYA GO BYED DU RUNG BA NYID DU GNAS PAS DON NGES PAR BYED PA YIN NO ZHE NA, GNYIS PA LA GNYIS, DPE DGAG PA DANG, DON DGAG PA'O, ,DANG PO LA GNYIS, MIG GI DBANG POS MIG SHES BSKYED PA GZUGS KYIS PHAN BTAGS PA LA BLTOS PA DANG, DES PHAN 'DOGS PA RTEN 'BREL GYI CHOS NYID YIN PA'O, ,DANG PO NI, MIG GI DBANG PO DANG GZUGS GNYIS 'BREL PA MED BZHIN DU BLTA BYA LTA BYED DU SO SOR NGES PA MA YIN TE, MIG GI DBANG PO DANG GZUGS GNYIS PO DE LA YANG MIG LA BRTEN PA'I SHES PA GZUGS GCIG LA LTA BYED DU SO SOR NGES PA NI GZUGS DE LAS SKYES PA'I MTSAN NYID YIN PA'I PHYIR, DER THAL, GZUGS DES PHAN BTAGS PA'I MIG GI DBANG POS MIG GI RNAM PAR SHES PA BSKYED PA'I PHYIR RO, ,MIG GI DBANG PO CHOS CAN, GZUGS DE KHYOD KYIS MIG SHES SKYED PA'I BLTOS SA DON GZHAN MA YIN PAR THAL, DES KHYOD LA PHAN 'DOGS PA DE LTA MA YIN PA'I PHYIR, KHYAB PAR THAL, PHAN PA MI 'DOGS PA NI DON GZHAN GYI BLTOS PAR BYA BAR MI 'GYUR BA'I PHYIR, MIG GI DBANG PO DANG YUL GZHAN SGRA BZHIN NO, ,GNYIS PA LA GNYIS, DRI BA DANG LAN NO, ,DANG PO NI, GAL TE CI'I PHYIR MIG GI DBANG POS MIG SHES BSKYED PA LA SGRAS PHAN MI 'DOGS PAR GZUGS DE KHO NAS PHAN

'DOGS PAR BYED CE NA, GNYIS PA NI, MIG GI DBANG POS MIG SHES BSKYED PA DE LA SGRAS PHAN MI 'DOGS PAR GZUGS KYIS PHAN PA MI RIGS PA'I SKYON MED PAR THAL, GANG DE LTA BUR GYUR PA'I BSKYED MI SKYED SO SOR NGES PA RTEN CING 'BREL PAR 'BYUNG BA'I DNGOS PO'I RANG BZHIN GYI CHOS NYID YIN NO ZHES LAN 'DEBS PAR BYED PA RIGS PA YIN PA'I PHYIR, DPE 'DI LTAR SA LU'I SA BON LAS NI NAS KYI MYU GU NYER LEN GYI SGO NAS MI 'BYUNG GI 'ON KYANG NAS KYI SA BON LAS 'BYUNG BA'I RGYU MTSAN YOD DE, DE YANG RTEN 'BREL GYI GNAS TSOD YIN PA'I PHYIR, GNYIS PA LA GNYIS, MING DON GYI 'BREL PA MI 'GRUB PA DANG, BRJOD BYA'I DON LDAN DU MI 'THAD PA'O, ,DANG PO NI, DPE DE BZHIN DU GAL TE RIG BYED KYI SGRA RNAMS KYANG CHOS CAN, BRJOD BYA'I DON DANG BRDA LA BLTOS MED DU GO BYA GO BYED DU RUNG BA NGO BO NYID KYIS SO SOR NGES PA MA YIN PAR THAL, BRJOD BYA'I DON LAS SKYES PA YIN NA NI, DBANG PO BZHIN DU BRDA LA BLTOS MED DU RUNG BA NGES PAR 'GYUR BA YIN NA YANG DE LAS MA SKYES PA'I PHYIR, 'BREL PA DNGOS PO BA DMIGS YUL DU BYAS PA'I SGRA 'DI NI DON 'DI'I GO BAR BYED PA'O ZHES BYA BA'I 'BREL PA NGES PA MI 'GRUB PAR THAL, SGRA DON LAS SKYES PA DE MED PA'I PHYIR, GNYIS PA NI, RIG BYED KYI SGRA RNAMS BRJOD BYA'I DON DANG LDAN PAR YANG MI 'GYUR BAR THAL, DON LAS MA SKYES PA'I PHYIR, KHYAB PAR THAL, DON LAS NI DON MTHONG GI MNGON SUM SKYE DE LAS PHA ROL POS DON SHES PAR 'DOD PA DON STON 'DOD SKYE BA YIN LA STON 'DOD DES NI

, ,KUN NAS BSLANGS NAS DON SHES PA'I PHYIR TU SGRA RAB TU SBYAR BA YI SGO NAS BRDA DES SGRA BRJOD BYA'I DON DE DANG LDAN PAR 'GYUR BA YIN PA'I PHYIR, RTAGS PHAL CHER KHAS BLANGS, DPER NA DON MTHONG NAS BSTAN PAR 'DOD PA NA MIG BTZUMS LA SOGS PA'I LUS KYI RIG BYED LA SOGS PAS PHA ROL PO'I BLO NGOR DON GO BAR BYED PA BZHIN NO, ,RIG BYED KYI SGRA CHOS CAN, NGO BO NYID KYIS BRJOD BYA'I DON DE RTOGS PAR BYED PA MA YIN TE, DE LAS BYUNG BA MA YIN PA'I PHYIR, DPER NA, NAM MKHA' ZHES PA'I SGRAS BUM PA LA SOGS PA BRJOD BYAR MI STON ZHING DE LA BRTEN NAS MI GO BA BZHIN NO, GSUM PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, 'DI SNYAM DU GAL TE GANG GI PHYIR DON DE LAS SGRA SKYE BAR 'GYUR BA'I RGYU MTSAN GYIS SGRA'I RANG BZHIN NI DON RNAMS LA GO BYED SO SOR NGES PA SGRA'I NGO BO NGES PA MA YIN NO, ,'ON KYANG SGRA 'DIS DON 'DI KHO NA GO BAR BYED PA BYED PA'I MTSAN NYID DON SHES PAR BYED PA'I NUS PA NGES PA YIN NO, ,NUS PA NGES PA JI LTA BU ZHE NA, SGRA 'DI NI DON 'DI KHO NA'I RTOGS PAR BYED PA YIN GYI GZHAN GYI NI MA YIN NO ZHES BYA BA'O, ZHE NA, GNYIS PA LA GNYIS, RGYAS PAR BSHAD PA DANG, DON BSDU BA'O, ,DANG PO LA GSUM, SGRA'I NUS PA NGES PA DON GYI 'BRAS BU LAS MA 'DAS PA DANG, 'DAS NA NUS PA NGES PA MI 'THAD PA DANG, SGRA NUS PA LAS DON GZHAN YIN NA DON RJOD BYED MA YIN PAR THAL BA'O, ,DANG PO NI, RIG BYED SGRA'I NUS PA NGES PA DE YANG CHOS CAN, BRJOD BYA'I DON GYI 'BRAS BU NYID LAS MA 'DAS

PAR THAL, KHYOD KYI BLTOS SA DON GZHAN BRJOD BYA'I DON DE YOD NA KHYOD YOD PA DANG DE MED NA KHYOD KYANG MED PA DAG GIS BRJOD BYA'I DON DER 'BREL PA YIN PA'I PHYIR, SGRA RTAG PA YIN PAS DE'I NUS PA YANG RTAG PA'I PHYIR, DON GYI 'BRAS BUR THAL BA JI LTAR BRJOD CE NA, SGRA'I NUS PAS DON LA DMIGS PA'I SHES PA BSKYED PA NA, DON GYIS PHAN MA BTAGS NA KHYOD KYIS DON GO BAR BYED PA'I NUS PA MI 'THAD PA'I PHYIR RO, ,KHYAB PA YOD PAR THAL, DU BA SOGS GZHAN DAG LA YANG 'BRAS BU DE'I MTSAN NYID NI DON GZHAN SNGA MA PHAN BYED DU YOD MED KYI RJES SU 'GRO LDOG BYED PA DE TZAM DU ZAD PA'I PHYIR RO, ,GNYIS PA NI, RIG BYED KYI SGRA'I BRDA LA BLTOS MED KYI NUS PA NGES PA NYID MI 'THAD PAR THAL, DE 'THAD NA DON GYI 'BRAS BUR 'GYUR DGOS PA LA DON GYI 'BRAS BU DE LAS 'DAS PA'I PHYIR RO, ,RIG BYED SGRA'I BRDA LA BLTOS MED KYI DON GO BA'I NUS PA NGES PA DE NYID SGRA RANG GI NGO BO BRDA LA MA BLTOS PAR DON RJOD BYED DU NGES PA YIN PAR THAL, SNGAR BSHAD PA LTAR NUS PA NGES PA GANG ZHIG NUS PA NGES PA YANG SGRA LAS DON GZHAN MA YIN PAR GRUB BDE RDZAS GCIG PA'I PHYIR, THAL BA DANG RTAGS SNGA PHYI GNYIS KA KHAS BLANGS SO, ,GSUM PA NI, NUS PA DON GZHAN YIN NO ZHE NA, RIG BYED SGRA NI DON BRJOD PAR BYED PA MA YIN PAR 'GYUR BAR THAL, DON DE'I RJOD BYED YIN CES BRJOD BYA RJOD BYED KYI 'BREL PA YANG MI 'GRUB PAR THAL, SGRA'I NUS PA SGRA LAS DON GZHAN NYID YIN PA GANG ZHIG NUS PA NGES PA DE LAS DON RNAMS LA DMIGS NAS THUN MONG MA YIN PAR GO BA'I SHES PA SKYE BA'I

, ,PHYIR, GNYIS PA NI, SGRA'I NUS PA SGRA'I NGO BO LAS DON GZHAN MA YIN PA DE'I PHYIR, BRJOD BYA'AM GSAL BAR BYA BA'AM BZUNG BAR BYA BA'I YUL 'GA' ZHIG TU RJOD BYED DANG GSAL BYED DANG 'DZIN BYED KYI NUS PA NGES PA'I RANG BZHIN DE THAMS CAD NI CHOS CAN, DUS DANG GNAS SKABS KYI RNAM PA THAMS CAD DU BRJOD BYA SOGS NUS PA NGES PAR BYED PA KHYOD KYI SKYED PAR BYED PA NYID DU GSAL BAR GO BAR BYED PAR THAL, RANG GI BRJOD BYA RGYU'I NGO BO NYID DU GYUR PA LAS BYUNG BA YIN PA'I PHYIR, DON BSDUS NA BRJOD BYA'I DON DE RIG BYED KYI SGRA'I SKYED BYED DU THAL, DON GYIS PHAN BTAGS PAS NUS PA SO SOR NGES PA'I PHYIR, GNYIS PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, GAL TE DON DANG MED NA MI 'BYUNG BA'I 'BREL PA GRUB PA NYID KYIS SGRA LAS DON RTOGS PA MA YIN GYI 'ON KYANG GZUGS LAS MA SKYES KYANG GRUB TZAM NAS SGRON MES GZUGS GSAL BAR BYED PA BZHIN DU RIG BYED KYI SGRA DON LAS MA SKYES KYANG RUNG BA NYID KYIS DON GO BAR BYED PA YIN TE, NGES NA DON DANG 'BREL PA MED PA'I PHYIR, DON RTOGS PAR MI 'GYUR RO ZHES BYA BA'I SKYON 'DI MED DO ZHE NA, GNYIS PA LA GSUM, MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO NI, SGRON MES GZUGS GSAL BAR BYED PA DANG SGRAS DON GO BAR BYED PA GNYIS DPE DON MTSUNGS PA MA YIN TE, GZUGS LA SGRON ME BZHIN DU SGRA RANG GI NGO BOS BRDA LA BLTOS MED DU DON RTOGS PAR BYED PA MA YIN PA'I PHYIR RO, ,GNYIS PA LA

GNYIS, BRJOD BYA'I DON YOD PA DANG MED PAR BRDA SBYOR BA MTHONG BA DANG MA MTHONG BA'I RTAGS KYIS SGRA NGO BO NYID KYIS GO BYED DU 'DOD PA DGAG PA DANG, BRDA JI LTAR SBYAR BA BZHIN DON GO BA'I RTAGS KYIS SGRA NGO BO NYID KYIS GO BYED DU 'DOD PA DGAG PA'O, ,DANG PO NI, RIG BYED KYI SGRA BRDA LA BLTOS MED DU NGO BO NYID KYIS DON GO BAR BYED PA MA YIN TE, RJOD BYED KYI SGRA DAG NI BRJOD BYA'I DON DE YOD PA LA BRDA SBYOR BA MTHONG BA DANG MED PA LA BRDA SBYOR BA MA MTHONG BA DANG DE DAG DRAN PA LA BLTOS NAS RANG GI YUL BRJOD BYA RTOGS PAR BYED PA YIN PA'I PHYIR, RTAGS YANG DAG NI CHOS CAN, TSUL GSUM TSAD MAS MA GRUB BZHIN DU BSGRUB BYA GO BAR BYED PA MA YIN TE, RTZOD GZHI LA YOD PA DANG, MTHUN PHYOGS KHO NA LA YOD PA DANG, MI MTHUN PHYOGS LA MED PA DANG, DE DAG DRAN PA LA BLTOS NAS BSGRUB BYA GO BAR BYED PA'I PHYIR DE NI DPE YIN NO, ,RTAGS SGRUB PA NI, RJOD BYED KYI SGRA RNAMS CHOS CAN, DON GO BA BRJOD BYA'I DON YOD PAR BRDA SBYOR BA MTHONG, DE YANG DRAN PA LA BLTOS PAR THAL, BRJOD BYA'I DON YOD PAR BRDA SBYOR BA MA MTHONG BA DANG, MTHONG YANG BRJOD PA DAG GIS DON RTOGS PA MED PA'I PHYIR, DE CHOS CAN, SGRA LAS DON GO BA BRJOD BYA'I DON MED PAR BRDA SBYOR BA MA MTHONG BA DRAN PA BLTOS TE, BRJOD BYA'I DON MED PAR BRDA BYAS MA BYAS THE TSOM ZA BA'I SGRA DAG LAS DON LA THE TSOM DU 'GYUR BA'I PHYIR, KHYOD LAS DON GO BA BRJOD BYA'I DON MED PAR BRDA SBYOR BA MA MTHONG BA LA BLTOS TE, KHYOD KYIS DON GO BA GANG ZHIG ,DON MANG PO DAG LA MING

, ,GCIG GIS BRDA BYED PAR MTHONG BAS SGRA DAG LAS DON LA NI THE TSOM DU 'GYUR BA'I PHYIR, SGRA LAS DON LA THE TSOM DU 'GYUR BA DE SGRA'I NGO BO'I NYES PA YIN GYI BRDA'I NYES PA MA YIN NO ZHE NA, DE SGRA'I NGO BO'I NYES PA MA YIN PAR THAL, SGRA DES DON KHYAD PAR CAN GCIG KHO NA LA BRDA BYED PAR MTHONG BA LA THE TSOM DE MED PA'I PHYIR, THE TSOM MED PAR DON GO BA SKYES BU 'BA' ZHIG GI YON TAN YIN NO ZHE NA, SKYES BU THE TSOM MED PAR DON GO BA 'BA' ZHIG GIS KHYAD PAR DU BYAS PA MA YIN PAR THAL, YANG SGRA DES DON DU MA LA BRDA BYED PAR MTHONG NA SKYES BU THE TSOM DU 'GYUR BA'I PHYIR RO, ,GNYIS PA LA GNYIS, DON DANG, DPE'O, ,DANG PO NI, RJOD BYED KYI SGRA RNAMS CHOS CAN, BRDA LA BLTOS MED DU NGO BO NYID KYIS DON GO BAR BYED PA MA YIN TE, BRDA SBYAR BA MTHONG BA CI LTA BA BZHIN DU DON RTOGS PA'I PHYIR, DER THAL, NYAN PA POS KHYAD PAR GZHAN LA SNGAR NAS BRDA BYED PAR MTHONG NA 'CHAD PA POS RNAM PA GZHAN DU SBYAR YANG DE LAS LOG PAR RANG GIS MTHONG BA'I DON GO BAR 'GYUR BA'I PHYIR DANG, PHYIS BRDA BYED PAR MTHONG BA GZHAN DU GYUR NA NYAN PA POS KYANG SNGAR GYI DE LAS DON GZHAN YONGS SU 'DZIN PA'I PHYIR, GNYIS PA NI, RTAGS SNGA MA'I DPE NI, GA LI DANG MA RI ZHES BYA BA LA SOGS PA'I SGRA DAG LA LHO PHYOGS 'GRO LDING BA DAG GIS RIM PA BZHIN DU SNGAR NAS SMYO BA DANG CHAR 'BAB PA'I DON GO BA YIN NA YUL DBUS PA DAG GIS DUS KYI KHYAD PAR DANG GSOD PA LA BRDA SBYAR YANG 'GRO LDING BAS SNGAR JI LTAR SBYAR BA DE LTAR GA DE LAS

GZHAN DU MI GO ,RTAGS GNYIS PA'I DPE NI, DUS PHYIS 'GRO LDING PAS KYANG YUL DBUS PA DAG DUS KYI KHYAD PAR DANG GSONG PA LA BRDA BYED PA MTHONG NA 'GRO LDING BAS KYANG SNGAR GYI DE LAS GZHAN DU GYUR NAS SGRA DE GNYIS DUS KYI KHYAD PAR DANG GSOD PA LA SOGS PA DAG TU RTOGS PA BZHIN NO, ,DPE DE GNYIS SNGA PHYI GO LOG NAS KYANG SBYAR TE, DON 'DRA BAR ZAD DO, ,GSUM PA NI, BRDA LA BLTOS MED DU NGO BO NYID KYIS GO BYED DU MI RUNG BA DE'I PHYIR, RJOD BYED KYI SGRA 'DI DAG CHOS CAN, BRDA LA BLTOS MED DU NGO BO NYID KYIS DON GO BAR BYED PA MA YIN TE, BRJOD BYA'I DON YOD PAR BRDA SBYOR BA MTHONG BA RANG MED PAR BRDA SBYOR BA MA MTHONG BA DRAN PA LA BLTOS PA DE'I SGRUB PAR BYED PA CAN MI 'KHRUL PA NYID RTOGS PA LA BRTEN NAS DON GO BAR BYED PA YIN TE, DPER NA RTAGS YANG DAG BZHIN DU'O, ,DES NA RIG BYED KYI SGRA LAS DON GO BA SKYES BU LA NGES PAR BLTOS PA YIN PAR THAL, SKYES BUS BRDA NYE BAR BSTAN PA MED NA SGRA LAS DON GANG YANG MI RTOGS PA'I PHYIR DANG, SKYES BUS BRDA NYE BAR BSTAN NA NI SGRA RNAMS DON GANG LA YANG 'JUG PA BKAG PA MED PA'I PHYIR RO, ,GNYIS PA NI, BRDA LA BLTOS MED DU SGRA RNAMS DON GO BYED DU RNAM PAR GNAS PA SEL BA RIGS PA YIN TE, SNGAR BSHAD PA DE LTAR RJOD BYED RNAMS SKYES BU'I 'DOD PA'I RANG DBANG TZAM NYID KYIS DON GO BAR BYED PA'I PHYIR, DER THAL, BRDA'I DBANG TZAM GYIS DON GO BAR BYED PA DE'I PHYIR, RIG BYED KYI TSIG SKYES BUS MA BYAS PA DANG RTAG PA DANG 'BREL PA DNGOS POR GRUB PA'I RTZOD PA 'DI

, ,DGAG PA RGYAS PAR RNAM NGES 'DIR SLOB DPON GYIS MI SPRO BA'I RGYU MTSAN YOD DE, RGYAS PAR NI CHOS KYI GRAGS PA KHO BOS TSAD MA RNAM 'GREL DU BKAG ZIN PAS MA SPROS PA'I PHYIR, RNAM 'GREL DU, GANG PHYIR DNGOS KUN RANG BZHIN GYIS, ZHES PA NAS BZUNG STE, RNAM GCOD BRJOD PAR BYED PAR GRUB, CES PA'I BAR GYIS, RJOD BYED SGRA DANG RNAM PAR RTOG PA RNAMS, SGRUB PA KHO NA LA 'JUG PA BKAG NAS GZHAN SEL PA LA 'JUG PAR BSGRUBS PA YIN LA, RIG BYED 'GOG PA'I SKABS SU DNGOS PO'I DBANG GIS 'JUG PA BKAG NAS 'DOD PA TZAM GYIS 'JUG PAR BSGRUBS PA YIN NO, ,RJOD BYED SGRA 'DOD PA TZAM GYI RJES SU BYED PAR BSGRUBS PAS RTOG PA'I YUL DU BYUNG PHYIN CHAD RJOD BYED GANG GIS KYANG BRJOD DU RUNG BAR GRUB PAS GRAGS PA'I GTAN TSIGS LEGS PAR BSGRUBS PA YIN NO, ,DE BZHIN DU BSTAN BCOS 'DING YANG RIG BYED KYI TSIG SKYES BUS MA BYAS PA DANG RTAG PA YIN PA DANG, DE DANG DON GYI 'BREL PA DNGOS POR GRUB PA BKAG PA NYID KYIS GRAGS PA'I GTAN TSIGS YANG DAG 'BAD PA MED PAR GRUB PAR DGONGS SO, ,DES NA GRAGS PA'I GTAN TSIGS YANG DAG 'DOD PA DAG RANG DON LE'U'I SKABS NA 'DUG MI 'DUG LEGS PAR RTOGS SHIG ,GSUM PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, 'CHAD PAR 'GYUR BA'I GZHUNG 'DI DAG GIS SGRON ME MIG SHES KYIS MTHONG MA THAG GZUGS BLO YUL DU GSAL BAR BYED PA BZHIN DU BRDA LA BLTOS MI DGOS PAR

RIG BYED KYI TSIG THOS TZAM GYIS RANG GI DON 'KHRUL MED DU GO BAR BYED PA'I TSAD MA YIN PA DANG, DE DANG DON GYI 'BREL PA DNGOS POR GYUR PA 'GOG PAR BYED PA YIN NO, ,SGRA DON GYI 'BREL PA TSAD MAS GRUB CING RTOG PAS BTAGS TZAM GYI RNAM GZHAG LEGS PAR 'JOG MI SHES PAR 'BREL PA YOD NA DNGOS PO YIN DGOS LA DNGOS PO MA YIN NA MED DGOS SO ZHES SMRA BA NI, SDE BDUN GYI RIGS PA'I PHYOGS SNGA MA SMRA BA LA GNAS PA RGYAL DPOG PA DPON SLOB KYI LUGS LAS GAR YANG MA PHYAN PAR SHES PAR BYA'O, ,RGYAL DPOG PA DANG SPYOD PA PA LA SOGS PA'I SKYES BU BDAG NYID CHOS CAN, RIG BYED KYI TSIG BRDA LA MI BLTOS PAR DON GCIG KHO NA LA 'KHRUL MED DU 'JUG PA'I NGES PA DE KHYOD KYIS MI RTOGS PAR THAL, KHYOD MA RIG PA DANG ZHE SDANG DANG 'DOD CHAGS SOGS DANG LDAN PA'I PHYIR, GSUM KA KHAS BLANGS SO, ,'AM GYIS SGRAS 'OG MA GNYIS LA BRTEN NAS KYANG MI RTOGS PA SDUD PA'O, ,SKYES BU GZHAN CHOS CAN, KHYOD LAS KYANG RIG BYED DON NGES RIG PA MIN PAR THAL, KHYOD KYANG CHAGS SOGS DANG LDAN PA'I PHYIR, GSUM KA KHAS BLANGS SO, ,RIG BYED KYI TSIG CHOS CAN, KHYOD THOS TZAM GYIS KHYOD KYI DON NGES GANG ZAG GZHAN GYI NGOR RIG PAR BYED PA MIN PAR THAL, KHYOD THOS TZAM GYIS KHYOD RANG GI DON DES GZHAN LA GO BAR BYED PA'I NUS PA MED PA'I PHYIR, RIG BYED DON NGES NI THABS GANG LAS KYANG RTOGS PA MA YIN PAR THAL, DE RTOGS PA'I THABS MED PA'I PHYIR, MTHO RIS 'DOD NA ME LA SBYIN SREG SBYIN NO, ZHES PA'I SKAD DOD AAGNI HO TRAm DZU H'Um

, ,Y'AD CES PA'I TSIG DE THOS PA NA TSIG DE ME LA SBYIN SREG SBYIN PA KHO NA LA 'JUG LA KHYI SHA ZO ZHES BYA BA 'DI KHYOD KYI DON MIN ZHING DE LA 'JUG TU MI RUNG ZHES 'DIR TSAD MA GANG YOD DE MED PAR THAL, YI GE BSNAN PA'I NGES TSIG GIS BSHAD PA'I TSE DON DE LA YANG 'JUG PA'I PHYIR, DE LA SOGS PA'I RIG BYED KYI DON NGES MA GRUB PA NGES NA'O, ,GNYIS PA LA GSUM, RIG BYED KYI DON NGES 'JIG RTEN GYI GRAGS PAS MI 'GRUB PA DANG, DNGOS STOBS KYI RIGS PAS MI 'GRUB PA DANG, RGYAL DPOG PA DANG SPYOD PA PA BDAG NYID KYIS MI 'GRUB PA'O, ,DANG PO LA GSUM, 'JIG RTEN GYI GRAGS PA YANG DAG SHES PA KHO NA'I RGYU MA YIN PA DANG, LOG PAR RTOG PA'I RGYU YIN PA DANG, THE TSOM GYI RGYU YIN PA'O, , DANG PO LA GNYIS, DNGOS KYI DON DANG, RIG BYED KYI 'GREL PA'I TSIG GIS DON NGES MI 'GRUB PA'O, ,DANG PO NI, SNGAR GYI TSIG DE DON DE KHO NA LA 'JUG PA 'JIG RTEN PA'I TSIG LAS DE LTAR GRAGS PAS GRUB PO ZHE NA, 'JIG RTEN GYI GRAGS PA TZAM GYIS RIG BYED KYI DON NGES 'GRUB PA MA YIN PAR THAL, 'JIG RTEN THA MAL PA 'DIR DBANG PO LAS 'DAS PA'I DON MTHONG NAS SMRA BA GANG YIN PA DE MED PA'I PHYIR, 'JIG RTEN PA'I SGRA RNAMS LA RGYU MTSAN GANG GIS RIG BYED KYI TSIG DON 'DI KHO NA LA 'JUG GZHAN LA MI 'JUG GO ZHES RNAM PAR 'BYED NUS PA MA YIN PAR THAL, 'JIG RTEN NA GRAGS PA'I TSIG RE RE'ANG SNA TSOGS PA'I DON CAN YIN PA'I PHYIR, 'JIG RTEN GYI GRAGS PA RIG BYED KYI DON NGES SGRUB BYED YANG DAG MA

YIN PAR THAL, MTHO RIS DANG LHA MO LA SOGS PA'I SGRA RIG BYED LAS 'JIG RTEN NA GRAGS PA MA YIN PA'I DON PHYIN CI LOG BRJOD PAR MTHONG BA'I PHYIR, 'JIG RTEN NA LHA MI'I GO 'PHANG DANG LHA'I BU MO LA GRAGS PA LA RIG BYED LAS 'KHRIG PA DANG GTZUB GTAN LA BRJOD PAR MTHONG BA'I PHYIR, SOGS PAS ZLA BA'I SGRA GA BUR DANG DNGUL CHU SOGS LA SBYOR BAR MTHONG BAS SO, ,GNYIS PA NI, AAGNI SOGS RIG BYED KYI 'GREL PAS BSHAD PA'I CHE, ME LA SBYIN SREG SBYIN PA KHO NA LA 'JUG PAR GRUB BO ZHE NA, RIG BYED KYI RTZA TSIG DE 'DRA'I SGRA GZHAN RIG BYED KYI 'GREL PA'I TSIG DAG LA NI CHOS CAN, AAGNI BA'I SGRA'I DON DES SGRUB PA'I NUS PA MED PAR THAL, RTZA BA'I DON NGES SGRUB BYED LA BRTAGS PA DE 'DRA'I RNAM RTOG STE, DON NGES RANG GIS GRUB BAM GZHAN GYIS GRUB CES SOGS BRTAGS PA'I TSE GANG GIS KYANG MA GRUB PA'I SKYON KHYOD LA YANG 'JUG PA NYID DU 'GYUR BA'I PHYIR, DE NYID BSHAD PA NI, AAGNI BA'I SGRA DON NGES DANG LDAN PAR MA GRUB PA DE RAB TU MA GRUB PA 'GRUB PA'I SGRUB BYED DU BKOD PA'I 'GREL PA'I TSIG LA CHOS CAN, AAGNI BA'I DON NGES SGRUB PA'I NUS PA MED DE, KHYOD RANG GI DON NGES MA GRUB PA'I PHYIR, DER THAL, BRGAL ZHING BRTAG PA BYAS PA'I TSE KHYOD LA YANG, BDAG NYID CHAGS SOGS LDAN PA'AM, ZHES SOGS KYI SKYON MTSUNGS PAR 'JUG PA'I PHYIR RO, ,GNYIS PA NI, SPYOD PA PA CHOS CAN, 'JIG RTEN GYI GRAGS PA TSAD MA YIN PA LA SDANG 'DOD GNYIS KA BYED RIGS PAR THAL, 'JIG RTEN GYI GRAGS PA'ANG MI'I BRJOD PA

, ,YIN LA MI'I TSIG DE NI KHYOD TSAD MAR MI 'DOD 'JIG RTEN GRAGS PA DE LAS RIG BYED KYI DON NGES KYANG RTOGS PAR BYED PA'I PHYIR, 'DOD NA DE MI RIGS PAR THAL, 'JIG RTEN GYI GRAGS PA TSAD MA YIN PA LA SDANG 'DOD GNYIS KA BYED PA 'DI NI CI ZHIG YIN, 'DOD NA SDANG MI RIGS SDANG NA 'DOD MI RIGS PA'I PHYIR, GSUM PA LA GSUM, RGYU MTSAN MED PAR MTSUNGS PA DANG, DES NA THE TSOM GYI RGYU YIN PA DANG, 'JIG RTEN GYI TSIG KHYAD PAR SGRUB BYED DU MI RUNG BA'O, ,DANG PO LA GNYIS, RTZOD PA DANG, LAN NO, ,DANG PO NI, GAL TE 'JIG RTEN NA AAGNI BA'I SGRA ME LA SBYIN SREG SBYIN PA KHO NA LA 'JUG PAR GRAGS PA LAS BRGAL BA KHYI SHA ZA BA LA 'JUG PAR RTOG PA LA RGYU CI YOD CE NA, GNYIS PA NI, AAGNI BA'I SGRA'I DON ME LA SBYIN SREG SBYIN PA DER 'DZIN PA LA'ANG RGYU MTSAN CI YOD DE, MED PAR THAL, GRAGS PA LAS GZHAN PA'I SGRUB BYED MED 'JIG RTEN NA RAB TU GRAGS PA TSAD MA NYID MIN PA'I PHYIR, GNYIS PA NI, 'JIG RTEN GYI GRAGS PA NYID KYIS RIG BYED KYI SGRA YI DON GCIG KHO NAR NGES PAR 'DOD PA LA DOGS PA SKYED PAR BYED DE, RGYU MTSAN GANG GI PHYIR NA 'JIG RTEN GYI GRAGS PA DE LA SNA TSOGS KYI DON LA SGRA RE RE'ANG 'JUG PAR MTHONG BA'I PHYIR RO, ,GSUM PA LA GNYIS, RTZOD PA DANG, LAN NO, ,DANG PO NI, GAL TE 'JIG RTEN GYI TSIG KUN TSAD MAR BYED PA MA YIN GYI 'JIG RTEN PA'I TSIG GANG LA RIGS PAS DNGOS SU GNOD PA MED PA DE TSAD MAR GZUNG BAR BYA BA YIN NO ZHE NA, GNYIS PA NI, RLUNG GI BU SKYES BU

GSHOB CAN GYI TSIG MA MTHONG BZHIN DU LHA KHRI MTHONG ZHES PA'I TSIG DE TSAD MAR CIS MI 'DZIN TE, 'DZIN RIGS PAR THAL, DE LA YANG DNGOS SU RIGS PAS GNOD PA YOD PA MIN PA'I PHYIR, GNYIS PA LA GNYIS, LUNG DANG DNGOS STOBS KYIS MI 'GRUB PA DANG, GRAGS PAS GRUB PA'I LAN DGAG PA'O, ,DANG PO NI, AAGNI BA'I SGRA MTHO RIS KYI 'BRAS BU CAN GYI ME LA SBYIN SREG SBYIN PA KHO NA LA 'JUG PA 'DI LA RIGS PA SRID PA MA YIN PAR THAL, DBANG PO LAS 'DAS PA'I SHIN TU LKOG GYUR GYI DON LA DPYAD PA GSUM GYIS DAG PA'I LUNG DON GYI RTEN CAN GYI LUNG LAS GZHAN PA'I DNGOS STOBS SOGS KYI RIGS PA MED RIG BYED KYI LUNG DE'I DON YANG MI SLU BAR GNAS PA MED PA'I PHYIR, GANG DAG YID CHES KYI GTAN TSIGS YANG DAG MED PAR 'DOD PA DE DAG NI GZHAL BYA SHIN TU LKOG GYUR GZHAL BYA MA YIN PAR KHAS 'CHES PAS MA 'ONGS PA NA THOB PAR BYA BA'I MNGON MTHO MTHA' DAG LA SKUR PA 'DEBS SHING DE LA SKUR PA BTAB NA NGES LEGS LA YANG SKUR PA 'DEBS PAR 'GYUR TE, MTSAN NYID DANG LDAN PA GCIG LA GNOD NA DE'I RIGS CAN THAMS CAD SUN DBYUNG BAR 'GYUR RO, ,YID CHES KYI RTAGS LA TSUL GSUM DANG LDAN PA 'GREL BYED MKHAS PA SUS KYANG MA BSHAD DO, ZHES ZER BA NI MIG DANG LDAN BZHIN DU GZUGS BLTA BA'I NUS PA DANG BRAL PA YIN TE, 'DI'I THAD KYI 'THAD LDAN DU, DBANG PO LAS 'DAS PA'I DON LA GNOD PAR BYED PA'AM SGRUB PAR BYED PA'I RIGS PA NI DNGOS PO'I STOBS KYIS ZHUGS PA'I TSUL GSUM PA LA BRTEN PA MA YIN GYI,

, ,'ON KYANG LUNG GI DON GYI RGYU MTSAN CAN NYID DO ZHES GANG BSHAD PA NI, DBANG PO 'DAS LA ZHES BYA BA YIN NO, ,DBANG PO LAS 'DAS PA'I DON LA 'JUG PA'I RIGS PA GANG YIN PA DE NI LUNG GI DON NYID LA BRTEN PA TSUL GSUM PA RNAM PAR 'JOG PA'I RGYU MTSAN CAN YIN GYI GZHAN DNGOS PO'I STOBS KYIS ZHUGS PA'I TSUL GSUM NI YOD PA MA YIN TE, ZHES BSHAD DO, ,GNYIS PA NI, 'JIG RTEN GYI GRAGS PA LAS SGRA KHA CIG DON DU MA LA 'JUG KYANG LA LA DON GCIG KHO NA LA 'JUG PAR MTHONG BAS 'JIG RTEN GYI GRAGS PA LAS DON NGES MI 'GRUB CES CI'I PHYIR BRJOD CE NA, 'JIG RTEN GYI GRAGS PA LAS SGRA DON GCIG KHO NA LA 'JUG PA'I NGES BYED YANG DAG MTHONG BA MED PA'I MKHAS PA RNAMS AAGNI PA'I SGRA DON GCIG KHO NA LA 'JUG GAM DON DU MA LA 'JUG SNYAM DU GDON MI ZA BAR THE TSOM CAN DU 'GYUR RIGS KYI, ME LA SBYIN SREG SBYIN PA KHO NA LA 'JUG PAR MI 'GRUB PAR THAL, AAGNI BA'I SGRAS RANG NYID DON SNA TSOGS STON NUS PA CAN YIN PA'I PHYIR, DER THAL, BRJOD BYA'I DON STON PA GANG ZHIG DON GYI RNAM PA GZHAN LA 'JUG PA MI SRID PA'I RGYU MTSAN MED PA'I PHYIR, GSUM PA LA GNYIS, RIG BYED RANG NYID LA DON NGES STON PA'I NUS PA MED PAS DE LA BRTEN NAS RGYAL DPOG PA SOGS KYIS DON NGES MI 'GRUB PA DANG, RIG BYED SGRA'I DON NGES MI SRID PAS RGYAL DPOG PA SOGS KYIS MI 'GRUB PA'O, ,DANG PO NI, RIG BYED RANG NYID KYIS RANG GI DON NGES RGYAL DPOG PA LA BSTAN, DES DE SPYOD PA PA

LA BSTAN PAS RIG BYED RANG NYID LA BRTEN NAS DON NGES SHES PAR NUS SO ZHE NA, GANG ZAG KHA CIG GIS RDO RJE GDAN DU BGROD PA'I LAM GANG YIN DRIS PA NA SKYES BU G-YON CAN 'GA' ZHIG DER BGROD PA'I LAM NI G-YAS PHYOGS 'DI YIN TE, DE LTAR SDONG DUM 'DI SMRA'O ZHES ZER BA DANG SKYES BU GZHAN DAG GANG LA YANG SNYAD MA BTAGS PAR BDAG NYID LAM G-YAS PHYOGS 'DI YIN PAR SMRA BA DE DAG CHOS CAN, SKYES BU RANG GI 'DOD PAS SMRAS MA SMRAS KHYAD PAR MED PAR THAL, SKYES BU G-YON CAN GYIS SDONG DUM LA SNYAD BTAGS NAS SMRAS, G-YO MED KYIS GANG LA YANG SNYAD MA BTAGS PAR RANG NYID KYIS SMRAS PA GANG ZHIG ,SDONG DUM LA LAM STON PA'I NUS PA MED PA'I PHYIR, DPE DE LTAR SPYOD PA PAS RIG BYED KYI ZOL GYIS RIG BYED KYI DON DES YOD PAR SMRAS PA DANG, SKYES BU GZHAN GYIS GANG LA YANG SNYAD MA BTAGS PAR RIG BYED KYI DON NGES YOD CES SMRAS PA DE GNYIS 'DOD PA TZAM GYIS SMRAS MA SMRAS KYI BYE BRAG GAM KHYAD PAR YOD MED BRTAG PAR GYIS DANG STE KHYAD PAR MED PAR THAL, DE GNYIS KYIS DE LTAR SMRAS PA GANG ZHIG RIG BYED RANG NYID LA DON NGES STON PA'I NUS PA MED PA'I PHYIR, GNYIS PA LA GSUM, MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO NI, RIG BYED KYI NGAG CHOS CAN, DON GCIG GI GSAL BYED KHO NAR NGES PA GANG LAS YIN TE, MA YIN PAR THAL, DON THAMS CAD LA 'JUG TU RUNG BA'I PHYIR, GNYIS PA LA GSUM, BRJOD 'DOD KYIS BZHAG PA MA YIN PA'I DON MED PA DANG, SKYES BUS MA BYAS

, ,PA'I TSIG LA BRJOD BYA'I DON SO SOR NGES PA'I RGYU MED PA DANG, BRJOD BYA'I DON SO SOR NGES PA LA GNOD PA BSTAN PA'O, ,DANG PO NI, SKYES BUS MA BYAS PA'I RIG BYED KYI TSIG LA DON NGES MED PAR THAL, RJOD BYED RNAMS LA BRJOD 'DOD KYIS BZHAG PA'I DON BRJOD PAR BYED PA MA GTOGS PAR DON MI STON PA'I PHYIR DANG, 'JIG RTEN PA GANG GIS LUNG LA MI BRTEN PAR DBANG PO LAS 'DAS PA SHIN TU LKOG GYUR GYI DON SHES MI NUS PA'I PHYIR, GNYIS PA NI, BRJOD 'DOD CHOS CAN, BRJOD BYA'I DON SO SOR NGES PA'I RGYU YIN TE, KHYOD LA SNANG BA'I DON 'BA' ZHIG KHYOD KYIS KUN NAS BSLANGS NAS BRJOD PAR BYED PA'I PHYIR, MING DON 'BREL BAR BYED PA'I NGAG GI BRDA NI CHOS CAN, BRJOD BYA'I DON DE YI GSAL BYED YIN TE, PHA ROL PO'I BLO NGOR MING DON GYI 'BREL PA GSAL POR STON PAR BYED PA'I NGAG GI RIG BYED YIN PA'I PHYIR, SKYES BUS MA BYAS PA'I RIG BYED DE BRJOD BYA'I DON GCIG KHO NA CAN DE GANG LAS YIN TE MA YIN PAR THAL, BRJOD BYA'I DON SO SOR NGES PA'I RGYU DANG, DON GSAL BAR BYED PA DE NI SKYES BUS BYAS PA MIN PA'I TSIG LA MED PA'I PHYIR, GSUM PA NI, RIG BYED KYI TSIG CHOS CAN, RIG BYED 'CHAD PA PO GZHAN GYIS DON GZHAN DU BSHAD CING BRDA SBYOR BA'ANG DON MED PAR 'GYUR BAR THAL, TSIG 'DI DON 'DI LA 'JUG GO ZHES BRDA BYAS PA YANG DON MED PAR 'GYUR BA YIN PAR THAL, SKYES BU LA BLTOS MED DU DON GCIG KHO NA'I RJOD BYED DU NGO BO NYID KYIS NGES PA'I PHYIR, NGO BO NYID KYI 'BREL PA BRDAS GSAL

BAR BYED DO ZHE NA'ANG DON GCIG KHO NA'I RJOD BYED DU NGES PA GANG LAS YIN TE MA YIN PAR THAL, DON STON PA BRNGA LA BLTOS PA'I PHYIR, GSUM PA NI, RIG BYED KYI TSIG DE LA CHOS CAN, BRJOD BYA'I DON GCIG KHO NAR NGES PA ZHES BYA BA RGYU MTSAN GANG YANG MED PAR THAL, BRJOD BYA GANG LA 'DOD PAS RANG RGYUD PA STE RANG DGAR 'JUG PA'I PHYIR, DES NA RIG BYED KYI TSIG 'DI LA CHOS CAN, SPYOD PA PA MI 'DOD PA'I DON GYI YANG GSAL BYED DU 'GYUR BAR THAL, DON THAMS CAD LA 'JUG TU RUNG BA NYID KYANG YIN PA'I PHYIR, DES NA AAGNI BA'I SGRA CHOS CAN, DON GANG LA YANG 'JUG TU RUNG STE, 'DOD PA TZAM GYI RJES SU BYED PA'I PHYIR, RNAM RTOG RANG DGA' BA BZHIN ZHES PA DANG, KHYI SHA ZA BA CHOS CAN, AAGNI BA ZHES PA'I SGRAS KYANG BRJOD DU RUNG STE, RTOG YUL NA YOD PA'I PHYIR, CES SOGS GRAGS PA'I GTAN TSIGS YANG DAG SKABS 'DI DAG TU LEGS PAR BSGRUBS PA YIN NO, ZHES BYA BA NI BAR SKABS KYI TSIGS SU BCAD PA DAG GO ,GNYIS PA LA GNYIS, 'DOD PA BRJOD PA DANG, DE DGAG PA'O,, DANG PO NI, RIG BYED PA DAG ME KHA BA'I GNYEN PO YIN NO ZHES PA'I LUNG GI PHYOGS GCIG MI SLU BA BZHIN DU PHYOGS GCIG LA MI SLU BAS KYANG RTZOD PA'I GZHIR GYUR PA AAGNI BA'I SGRA ME LA SBYIN SREG SBYIN PA KHO NA LA MI SLU BAR BSGRUB PA YIN NO ZHES LUNG GI MTSAN NYID DU SMRA'O, ,GNYIS PA NI, LUNG GI PHYOGS GCIG MI SLU BAR MTHONG BA TZAM GYIS LUNG DE'I DON NI MTHA' DAG LA MI SLU BAR MA NGES PA NYID YIN TE, RTAGS MI MTHUN PA'I PHYOGS LA MA MTHONG BA TZAM GYIS BSGRUB BYA'I CHOS LA MI 'KHRUL BAR MI

, ,'GRUB PA'I PHYIR, GNYIS PA SPYIR DGAG PA LA GNYIS, RTZOD PA DANG, LAN NO, ,DANG PO NI, GAL TE SGRA THAMS CAD NI DON BSTAN PA'I CHED DU NGAG SBYOR BA'I SHUGS NYID LAS DON DANG 'BREL BAR GRUB PA YIN TE, DE CI STE ZHE NA, YUL MED NA SGRA MI SBYOR BA'I PHYIR RO ZHE NA, GNYIS PA NI, SGRA DON LA ZER NA DE LTAR NI RIGS MOD KYI STE RIGS PAR THAL, SGRA DON MED PAR NGAG 'JUG PA MI SRID PA'I PHYIR, 'ON KYANG SGRA DON LA BLTOS NAS BRJOD BYA'I DON MED PAR SGRA MI 'JUG PA DE LTA BU NYID RAB TU GRUB KYANG ZHEN PA'I BRJOD BYA YOD MED THE TSOM ZA BA NYID DU THAL, 'JIG RTEN NA BRJOD BYA DON DANG MTHUN PA LAS GZHAN DU YANG THA SNYAD BYED PAR MTHONG BA'I PHYIR, DER THAL, ZHEN PA'I BRJOD BYA MED PAR 'DOD PAS 'JUG PA BZLOG PA MED PA'I PHYIR, GSUM PA BKAG PA'I DON BSDU BA NI, LUNG STON BYED DU BZLOG KYANG DON MED PAR RTOGS PA MA YIN PAR THAL, YOD NA LUNG GI BRJOD BYAR BYED PA'I NGES PA MED PA DE'I PHYIR, GNYIS PA MED NGES SGRUB PA'I RTAGS KYI KHYAD PAR NGOS GZUNG BA LA GNYIS, YOD NA TSU ROL MTHONG BA'I MNGON SUM GYIS GZUNG RUNG GZHI 'GAR DGAG NUS PA DANG, YOD KYANG SNANG DU MI RUNG BA DGAG MI NUS PA'O, ,DANG PO NI, BUM PA YOD NA TSU ROL MTHONG BA'I MNGON SUM GYIS DMIGS DGOS PA LA TSU ROL MTHONG BA'I MNGON SUM 'JAL BYED DU LOG PA'I BUM PA MI DMIGS PA NYID GZHI 'GAR BUM PA'I DNGOS PO MED PA SGRUB PAR BYED PA YIN TE, DON YOD NA TSU ROL MTHONG BA'I MNGON SUM GYIS DMIGS PA'I RGYU DBANG PO DANG YID BYED MA TSANG BA MED PA DE

MNGON SUM GYI YUL DU MED PA MI SRID PA'I PHYIR RO, ,GNYIS PA NI, DE LA TSU ROL MTHONG BA BDAG NYID KYI MNGON SUM LOG PA GZHI 'GAR CHOS 'GA' ZHIG MED PA LA TSAD MAR BYED PAS NI CHOS CAN, YOD NA SNANG DU RUNG MI RUNG KUN DGAG PAR RIGS PA MA YIN TE, YOD NA MNGON SUM DES BZUNG BAR 'OS PA LA MA DMIGS PA TZAM NYID DGAG PAR RIGS PA'I PHYIR, TSU ROL MTHONG BA'I MNGON SUM CHOS CAN, KHYOD KYIS MA DMIGS PA THAMS CAD KHYOD KYIS 'GOG PA NI RIGS PA MA YIN PAR THAL, THAMS CAD NI YOD NA KHYOD LA SNANG RUNG DE LTAR MA YIN PA'I PHYIR, THAMS CAD MKHYEN PA'I MNGON SUM GYIS MA DMIGS NA MED DGOS TE, YOD NA THAMS CAD MKHYEN PA'I MNGON SUM GYIS DMIGS DGOS PA'I PHYIR RO, ,GSUM PA MA DMIGS PA GNYIS KYI 'BRAS BU'I KHYAD PAR LA GSUM, SO SOR BSHAD PA DANG, THUN MONG GI BYED LAS DANG, KHYAD PAR RNAM PAR BZHAG PA'O, ,DANG PO LA GNYIS, MI SNANG BA MA DMIGS PA'I RTAGS KYI 'BRAS BU DANG, SNANG RUNG MA DMIGS PA'I RTAGS KYI 'BRAS BU'O,, DANG PO LA GNYIS, RTZA BA DANG, 'GREL PA'O, ,DANG PO NI, SHA ZA BSKAL DON DU SONG BA'I GANG ZAG CHOS CAN, SHA ZA DE NI KHYOD KYI TSAD MAS MA DMIGS PA DES SHA ZA KHYOD KYI NGOR YOD NGES KYI THA SNYAD DON MTHUN 'JUG PA BKAG NAS KHYOD KYI NGOR YOD NGES KYI THA SNYAD DON MTHUN MI 'JUG PA'I 'BRAS BU CAN DU 'DOD RIGS PA YIN TE, SHA ZA KHYOD KYI NGOR YOD NGES KYI THA SNYAD DON MTHUN 'JUG PA YIN NA, KHYOD KYIS SHA ZA DMIGS PA'I BLO SNGON DU SONG BA CAN NYID YIN PAS KHYAB PA'I PHYIR, GNYIS PA NI, SHA ZA

, ,LA SOGS PA BSKAL PA'I YUL LA SHA ZA BSKAL DON DU SONG BA'I GANG ZAG GI MNGON SUM DANG RJES SU DPAG PA 'JAL BYED DU 'JUG PA MED PA DE NI GZHI 'GAR SHA ZA RANG GANG LA BSKAL DON DU SONG BA'I GANG ZAG DE'I NGOR SHA ZA YOD PA'I SHES PA DANG YOD CES PA'I SGRA DANG SHA ZA MTHONG NAS 'BROS PA'I LUS KYI THA SNYAD DON MTHUN 'GOG PA'I 'BRAS BU CAN YIN TE, YOD NGES KYI THA SNYAD DON MTHUN DE DAG NI TSAD MAS DMIGS PA SNGON DU 'GRO BA CAN YIN PA'I PHYIR RO, ,GNYIS PA LA GNYIS, RTZA BA DANG, 'GREL PA'O, ,DANG PO NI, GZHAN SNANG RUNG MA DMIGS PA'I GTAN TSIGS NI GZHI 'GAR CHOS 'GA' ZHIG MED PA'I THA SNYAD 'JUG PA'I 'BRAS BU CAN YIN TE, GZHI 'GAR CHOS 'GA' ZHIG MED PA DE YI RGYU MTSAN DMIGS RUNG MA DMIGS PA MTHONG BA'I PHYIR RO, ,GNYIS PA NI, MI DMIGS PA SNGA MA SNANG RUNG MA DMIGS PA'I GTAN TSIGS NI GZHI 'GAR CHOS 'GA' ZHIG MED PA'I NGES PA'I SHES PA DANG MED CES PA'I SGRA DANG LUS KYI THA SNYAD DON MTHUN 'JUG PA'I 'BRAS BU CAN YANG YIN TE, MED PA'I THA SNYAD 'JUG PA'I YUL DMIGS RUNG MA DMIGS PA RTZOD GZHI LA RAB TU BSTAN PAS DPE LA RAB TU GRUB PA'I MED PA'I THA SNYAD RTZOD GZHI LA BSGRUB PA'I PHYIR RO, ,GNYIS PA NI, MI DMIGS PA'I GTAN TSIGS 'DI GNYIS NI PHYIR RGOL DE'I NGOR DGAG BYA YOD PA'I THA SNYAD DGAG PA'I 'BRAS BU CAN NYID DU NI 'DRA STE GCIG MI SNANG BA MA DMIGS PA'I GTAN TSIGS LA GZHI DER DGAG BYA'I CHOS YOD MED THE TSOM ZA BA'I PHYIR LA GZHAN SNANG RUNG MA DMIGS PA'I GTAN TSIGS LA NI GZHI DER DGAG

BYA'I CHOS YOD PA DANG THE TSOM ZA BA LAS BZLOG NAS MED PAR NGES PA'I PHYIR RO, ,RTAGS SNGA MA DER THAL, MI SNANG BA MA DMIGS PA LA DGAG BYA'I CHOS RANG YOD NGES SU 'JOG PA'I RGYU TSAD MAS DMIGS PA DE MED PA YIN CING, MED NGES SU 'JOG PA'I RGYU YANG MED PA'I PHYIR, RTAGS PHYI MA DER THAL, SNANG RUNG MA DMIGS PA'I GTAN TSIGS LA DGAG BYA YOD DES LAS BZLOG PA MED PA'I RGYU DMIGS RUNG MA DMIGS PA YOD PA DAG GI PHYIR RO, ,DE GNYIS KYI KHYAD PAR GZHAN RNAMS NI BSHAD ZIN TO, ,GSUM PA NI, DE LA GNYIS PA MI SNANG BA MA DMIGS PA'I GTAN TSIGS NI PHYIR RGOL GYI BLO NGOR DGAG BYA YOD PA'I THA SNYAD DGAG PA LA NYE BAR MKHO BAS RTAGS DE LA BRTEN PA'I RJES DPAG TSAD MAR BSHAD KYI LDOG PA DGAG BYA MED DES MTHONG BA LA NYE BAR SBYOR BA NI MA YIN TE, GZHI DER BSKAL DON YOD MED THE TSOM ZA BA'I PHYIR, KHYAB PAR THAL, DGAG BYA MED NGES SHES PAR BYED PA'I YAN LAG DMIGS RUNG MA DMIGS PA MA NGES PA LAS NI MED NGES MI RTOGS PA'I PHYIR RO, ,DANG PO SNANG RUNG MA DMIGS PA'I RTAGS LA BRTEN PA'I RJES DPAG NI CHOS CAN, DGAG BYA MED PA DE LA TSAD MA YIN TE, DE RTOGS PA'I BLO GANG ZHIG DE NGES PA'I BCAD SHES RANG STOBS KYIS 'DREN PA'I 'BRAS BU CAN YIN PA'I PHYIR RO, ,TSIG 'DIS CHAD MA YIN NA NGES SHES MA YIN PAS KHYAB PAR BSTAN PAR 'DOD PA NI RJES DPAG TSAD MA'I 'DZIN STANGS CI 'DRA BA YIN PA MA SHES PA'I SKYON NO, ,BLANG DANG DOR BYA'I CHOS RNAMS LA, ,SGRUB DANG 'GOG PAR BYED PA NI, ,TSAD MA DAG LA RAG LAS PAS, ,DGAG PA'I GTAN

, ,TSIGS LEGS PAR BSHAD, ,GNYIS PA RANG BZHIN GYI GTAN TSIGS LA GSUM, RANG BZHIN GYI GTAN TSIGS KYI MTSAN NYID DANG, MTSAN GZHI'I DBYE BA DANG, MTSAN GZHI LA MTSAN NYID NGES BYED KYI TSAD MA BSHAD PA'O, ,DANG PO LA GNYIS, RTZA BA DANG, 'GREL PA'O, ,DANG PO NI, BYAS PA DE YOD TZAM DANG RANG CHAS SU RJES SU 'BREL PA CAN 'JIG PA'I BDAG NYID KYI GTAN TSIGS BYAS PA DE NI SGRA 'JIG PAR SGRUB PA'I RANG BZHIN GYI GTAN TSIGS YIN NO, ,BYAS PA CHOS CAN, KHYOD SGRA MI RTAG PAR SGRUB PA'I RANG BZHIN GYI GTAN TSIGS YIN TE, DE SGRUB KYI TSUL GSUM GANG ZHIG KHYOD YOD TZAM NAS MI RTAG PA RANG CHAS SU RJES SU 'BREL PA YIN PA'I PHYIR, GNYIS PA LA GNYIS, RGYAS PAR BSHAD PA DANG, DON BSDU BA'O,, DANG PO NI, RANG BZHIN GYI GTAN TSIGS STON PA NA, ,BDAG NYID GTAN TSIGS RANG BZHIN YIN, CES PA DE TZAM ZHIG SMOS PAS CHOG MOD, DE YOD TZAM DANG RJES 'BREL CAN, ZHES SMOS PA LA DGOS PA CI YOD CE NA, RANG BZHIN GYI GTAN TSIGS KYI MTSAN NYID 'CHAD PA NA, DE YOD TZAM DANG RJES 'BREL CAN ZHES SMOS PA DGOS PA YOD DE, 'DI LTAR DON GYI CHOS MI RTAG PA DE'I BDAG NYID BYAS PA GANG YIN PA DE NI RANG GRUB TZAM NAS MI RTAG PA DE TZAM DANG RJES SU 'BREL PA CAN KHO NA YIN GYI PHYIS 'BYUNG GI RGYU GZHAN LA RAG LAS PA NI MA YIN NO ZHES SHES PA'I CHED YIN PA'I PHYIR, BYAS PA DE RANG GRUB TZAM NAS MI RTAG PA RANG CHAS SU RJES SU 'BREL PAR THAL, BYAS PA DE YOD NA YOD PAR MA GYUR PA BYAS PA LAS PHYIS 'BYUNG BA NI BYAS PA

DE'I BDAG NYID DU 'GAL BA'I PHYIR RO, ,BDAG GCIG MA YIN KYANG GO BYA GO BYED DU JI LTAR MI 'GYUR ZHE NA, BYAS PA LAS MI RTAG PA PHYIS BYUNG YIN NA, BYAS PA SGRA LA GO BYED YANG DAG MA YIN DGOS PAR THAL, RGYU RNAMS KYANG YOD NA RANG GI 'BRAS BU NGES PAR YOD PAS MA KHYAB PAS DE LA 'KHRUL PA'I PHYIR RO, ,GNYIS PA NI, PHYIS RGYU GZHAN LAS BYUNG BA RANG GI BDAG NYID MA YIN CING, GO BYA YANG MA YIN PA DE'I PHYIR MI RTAG PA'I RANG BZHIN BYAS PA NI CHOS CAN, SGRA LA MI RTAG PA GO BAR BYED PA YIN TE, DE SGRUB KYI TSUL GSUM GANG ZHIG MI RTAG PA DE KHYOD YOD PA TZAM DANG RJES SU 'BREL PA NYID KYI BDAG NYID KYI PHYIR, GNYIS PA LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, RANG BZHIN DE YANG GTAN TSIGS NYID DU NYE BAR 'GOD PA NI DPER NA ZHES PA'O, ,GNYIS PA NI, RANG BZHIN GYI GTAN TSIGS CHOS CAN, KHYOD LA GNYIS SU YOD DE, SGRA 'JIG PAR SGRUB PA LA 'BRAS BU RTAGS SU BKOD PA KHYAD PAR BLTOS PA BA DANG DE SGRUB PA LA DNGOS POR YOD PA NYID RTAGS SU BKOD PA RANG BZHIN DAG PA BA GNYIS SU YOD PA'I PHYIR DE BZHIN DU RANG BZHIN GYI GTAN TSIGS GZHAN LA YANG SHES PAR BYA'O, ,YOD PA DANG DNGOS PO GCIG TU 'DOD PA MI 'THAD PA NI GZHAN DU BSHAD ZIN TO, ,KHA CIG BYAS PA DANG 'BRAS BU BLO YUL DU 'GYUR BA CHOS GZHAN BLO YUL DU 'GYUR BA LA BLTOS PA BLTOS PA'I DON YIN NA, DNGOS PO BLO YUL DU 'GYUR BA YANG MTSAN NYID DON BYED NUS PA BLO YUL DU 'GYUR BA LA BLTOS PAS DNGOS PO RTAGS SU BKOD PA YANG BLTOS PA BAR

, ,THAL LO ZHES PA'I RTZOD PA BKOD NAS LAN GZHAN 'DEBS PA SKAD BYED PA NI, SNYING PO CUNG ZAD KYANG MED DE, DNGOS PO TSAD MA'I YUL DU 'GYUR BA MTSAN NYID NGES PA BLO YUL DU SONG BA LA BLTOS KYANG, DNGOS PO ZHES BRJOD PA TZAM GYIS SGRA DE'I RJES SU 'BRANG BA'I RNAM PAR RTOG PA LA KHYAD PAR BYED CHOS BLO YUL DU MI 'PHEN PA'I PHYIR, DAG PA BA ZHES BYA LA, BYAS PA ZHES BRJOD TZAM GYIS BYED CHOS BLO YUL DU 'PHEN PA'I PHYIR, BLTOS PA BA ZHES BYA'O, ,GSUM PA LA GSUM, BLTOS PA BA DANG DAG PA BA'I KHYAD PAR BSHAD PA DANG, RIGS CAN GZHAN LA SBYAR BA DANG, GTAN TSIGS KYI NUS PA BSHAD PA'O, ,DANG PO NI, RANG BZHIN GYI GTAN TSIGS DE YANG NYE BAR 'GOD PA NI GNYIS YIN TE BLTOS PA DANG DAG PA BAR YOD PA'I PHYIR, SGRA CHOS CAN, BYAS PA YIN TE, RANG GI NGO BO SNGAR MED GSAR DU 'GRUB PAR BYA BA'I PHYIR TU RANG GI RGYU RKYEN GZHAN GYI BYED PA LA NYE BAR BLTOS PA'I DNGOS PO YIN PA'I PHYIR, RGYU MTSAN DES NA BYAS PA SGRA MI RTAG PAR SGRUB PA'I RANG BZHIN BLTOS PA BA'I GTAN TSIGS YIN TE, DE SGRUB KYI RANG BZHIN GYI TSUL GSUM GANG ZHIG BYAS PA CES BRJOD PA'I SGRA 'DIS NI BYAS PA'I RANG GI NGO BO BRJOD PA YIN KYANG BRJOD TZAM GYIS KHYAD PAR BYED CHOS GZHAN DE DAG BLO YUL DU 'PHEN PAR BYED PA YIN PA'I PHYIR, BLTOS PA BA'I GTAN TSIGS BSHAD PA 'DIS NI CHOS CAN, RANG BZHIN GYI GTAN TSIGS GZHAN DAG KYANG BSHAD PAR RIG PAR BYA STE, RKYEN GYI BYE BRAG GIS THA DAD PA NYID CAN DU SKYES PA LA SOGS PA BYED CHOS DON GZHAN DNGOS SU 'PHANGS PA LA BLTOS

PA YANG BSHAD PA YIN PA'I PHYIR, DE LTAR RANG BZHIN GYI GTAN TSIGS CHOS CAN, RNAM PA GNYIS SU YOD DE, KHA CIG TU NI BYED CHOS KYI KHYAD PAR LA BLTOS NAS BRJOD PA DANG, KHA CIG TU NI MI BLTOS PAR BRJOD PA RNAMS YOD PA'I PHYIR, PHYI MA NI DPER NA SGRA MI RTAG PA NYID LA DNGOS POR YOD PA RTAGS SU BKOD PA BZHIN NO, ,KHA CIG TU NI BYED CHOS RANG BZHIN DU GYUR PA'I CHOS YONGS SU BZUNGS NAS RTAGS SU 'GYUR BA YOD DE, DPER NA SGRA MI RTAG PA DE LA SKYE BA DANG LDAN PA RTAGS SU 'GYUR BA'I PHYIR, DPE DE BZHIN NO, ,GNYIS PA NI, SKABS 'DIR RANG BZHIN GYI GTAN TSIGS KYI DBYE BA SMOS PA LA DGOS PA YOD DE, 'DIR SMOS PA'I PHYOGS 'DIS GZHAN DU YANG RANG BZHIN GYI GTAN TSIGS KYI DBYE BA SHES PAR BLTA BAR BYA BA YIN PA'I PHYIR, GSUM PA LA GSUM, GTAN TSIGS YANG DAG TU 'GYUR BA TSUL GSUM NGES PA LA BLTOS PA DANG, DES SBYOR BA GNYIS KYI MTSAN NYID KYANG GO BAR BYA BA DANG, SBYOR BA'I DBYE BA BSHAD PA'O, ,DANG PO LA GSUM, DNGOS KYI DON DANG, DE YANG KHYAB BYA KHYAB BYED DU NGES PA LA BLTOS PA DANG, KHYAB BYA KHYAB BYED KYI NGES PA YANG LDOG BYA LDOG BYED DU NGES PA LA BLTOS PA'O, ,DANG PO LA GSUM, TSUL GSUM TSAD MAS NGES NA GO BYED DU 'GYUR BA DANG, MA NGES NA MI 'GYUR BA DANG, DE'I DPE'O, ,DANG PO NI, RANG BZHIN GYI GTAN TSIGS BYAS PA DE YANG CHOS CAN, GAL TE SGRA MI RTAG PAR SGRUB PA DE'I TSE SGRA MI RTAG PA GO BAR BYED PA YIN TE, SGRA MI RTAG PAR SGRUB PA'I RANG GI BSGRUB PAR BYA BA'I CHOS KYIS KHYAB PA DANG, PHYOGS CHOS TSAD MAS NGES PA'I PHYIR, GNYIS

, ,PA NI, MIG SHES KYI BZUNG BYA CHOS CAN, SGRA RTAG PAR SGRUB PA DE'I RANG BZHIN GYIS GO BAR BYED PA NYID MA YIN PAR 'GYUR TE, DE SGRUB KYI KHYAB PA'AM CHOS CAN LA BRTEN PA'I PHYOGS CHOS MA NGES PA'I PHYIR, GSUM PA NI, DPER NA RANG BLO YUL DU GSAL BA NYID KYIS GZUGS GSAL BAR BYED PA'I SGRON ME NI GSAL BA DE'I RANG BZHIN BLO YUL DU MA RTOGS NA GZUGS GSAL BA'I RANG GI DON BYA BA MI BYED LA SGRON ME GSAL BAR RTOGS NA GZUGS GSAL BA BZHIN NO, ,GNYIS PA NI, GO BYED YANG DAG TU 'GYUR BA YANG KHYAB BYA KHYAB BYED KYI NGES PA LA BLTOS TE, KHYAB PAR BYA BA NI RTZOD GZHI'I STENG DU SGRUB CHOS GO BAR BYED PA YIN LA KHYAB PAR BYED PA NI RTZOD GZHI'I STENG DU GO BAR BYA BA YIN PA'I PHYIR, DE'I PHYIR KHYAB BYA KHYAB BYED KYI NGES PA NYID KYI SGO NAS GO BYED DU 'GYUR BA YIN NO, ,GSUM PA NI, KHYAB BYA KHYAB BYED KYI NGES PA LA YANG LDOG BYA LDOG BYED DU GRUB PA LA BLTOS TE, KHYAB PAR BYED PA'I CHOS CAN MI RTAG PA DE NI RANG LDOG PA NA KHYAB PAR BYA BA BYAS PA DE LDOG PAR BYED PA YIN PA'I PHYIR, DER THAL, GAL TE KHYAB BYED 'DI MED NA KHYAB BYA MED PA YIN NA DE LTA NA NI KHYAB BYED 'DI KHYAB PAR BYA BA DE'I KHYAB PAR BYED PAR GRUB PA YIN PA'I PHYIR, GNYIS PA NI, GTAN TSIGS YANG DAG GI RTAGS DANG BSGRUB BYA'I CHOS GNYIS KHYAB BYA KHYAB BYED DANG LDOG BYA LDOG BYED DU NGES PAR BSTAN PA 'DIS NI CHOS CAN, GTAN TSIGS KYI MTSAN NYID STON PA'I CHOS MTHUN SBYOR DANG MI MTHUN SBYOR GYI SGRUB NGAG RNAM PA GNYIS KYI KHYAB PA GNYIS DNGOS SHUGS LA GO BAR BYA

BA DANG GO BAR BYED PA NYID KYI MTSAN NYID KYANG DON GYIS BSHAD PAR RIG PAR BYA STE, KHYAB PA GNYIS SGRUB NGAG GCIG GI DNGOS SHUGS KYI BSTAN BYA DANG TSAD MA GCIG GI BYED PA 'JUG PA'I YUL DU DON GYIS BSTAN PA DE'I PHYIR, GSUM PA LA GSUM, SBYOR BA'I DBYE BA DANG, KHYAB PA GNYIS PHAN TSUN 'PHEN PA'I RGYU MTSAN DANG, SBYOR BA DPER BRJOD PA'O, ,DANG PO LA GSUM, SGRA SBYOR TSUL GYIS GNYIS SU DBYE BA DANG, BRJOD BYA'I DON MTSUNGS PAR BSTAN PA DANG, SKABS 'DIR SGRUB NGAG GI DBYE BA BSTAN PA MI RIGS PA'I RTZOD PA SPANG BA'O, ,DANG PO NI, GTAN TSIGS YANG DAG GI MTSAN NYID STON PA'I SGRUB NGAG YANG DAG NI CHOS CAN, NGAG SBYOR BA'I DBANG GIS RNAM PA GNYIS YIN TE, DPE DANG RTZOD GZHI GNYIS RTAGS DANG BSGRUB BYA'I CHOS SU MTSUNGS PAR SBYOR BA CHOS MTHUN PA NYID CAN DANG DE GNYIS RTAGS BSGRUB BYA'I CHOS SU MI MTSUNGS PAR SBYOR BA CHOS MI MTHUN PA NYID CAN GYI NGAG RNAM DAG TU NGES PA'I PHYIR, GNYIS PA NI, SGRUB NGAG YANG DAG 'DI GNYIS CHOS CAN, BRJOD BYA'I DON LA MI 'DRA BA'I KHYAD PAR CHEN PO MED PAR THAL, SBYOR BA'I BYE BRAG GI TSUL MI 'DRA BA MA GTOGS PAR BRJOD PAR BYA BA'I DON DU NI TSUL GSUM TZAM STON PA LA BYE BRAG CI YANG MED PA'I PHYIR, GSUM PA NI, SGRUB NGAG GNYIS KYI DBYE BA NI GZHAN DON LE'U'I GTAN LA DBAB PAR BYA BA'I GTZO BO MA YIN NAM, SKABS 'DIR STON PA MI RIGS SO ZHE NA, SGRUB NGAG GNYIS KYI DBYE BA GZHAN DON GYI SKABS SU GTAN LA DBAB PAR BYA BA YIN KYANG RANG GI DON GYI RJES SU DPAG PA'I SKABS LA YANG DBYE BA BSTAN PA LA 'GAL

, ,BA MED DE, SGRUB NGAG YANG DAG DE BSTAN BCOS SU BRIS PA MTHONG BA GOMS PA LAS RGOL BAS BKOD PA LA MI BLTOS PAR GANG ZAG GCIG PU RANG NYID KYIS RTOGS PA NA YANG TSUL RNAM PA GNYIS KYI SGO NAS RTOGS PA DE LTAR 'GYUR BAR SHES PA'I CHED DU YIN PA'I PHYIR, GANG ZAG RANG NYID KYIS BSAMS PA'I TSE NA YANG LKOG GYUR RTOGS PA'I SGO SBYOR NGAG MI 'DRA BA GNYIS KYI SGO NAS RTOGS PAR 'GYUR BAS GANG ZAG GZHAN GYIS 'DUS BYAS MI RTAG PA LA SOGS PA'I LKOG GYUR SGRUB BYED KYI SGRUB NGAG YANG DAG GO BAR BYED PA MA RNYED NA RANG NYID KYIS BSTAN BCOS LA LEGS PAR BSAMS NAS RTOGS PAR BYA BA YIN LA, DE LA YANG SGRUB PA'I SGO NAS SAM DGAG PA'I SGO NAS RTOGS PA'I SGO RNAM PA GNYIS YOD DO ZHES SHES PA'I PHYIR TU YIN NO, ,GNYIS PA LA GNYIS, CHOS MTHUN SBYOR GYIS RJES KHYAB DNGOS SU BSTAN PAS LDOG KHYAB SHUGS LA 'PHEN PA'I TSUL DANG, CHOS MI MTHUN SBYOR GYIS DE LAS BZLOG STE STON PA'I TSUL LO, ,DANG PO NI, CHOS MTHUN PA NYID CAN GYI SBYOR BA YANG DAG LA YANG RJES KHYAB DNGOS SU BSTAN PAS DON GYI SHUGS KYIS CHOS MI MTHUN PA NYID KYIS DNGOS SU BSTAN PA'I LDOG KHYAB RTOGS PAR BYED DE, MI RTAG PA MED NA BYAS PA MED PA DE BSTAN PA MED NA BYAS PA YOD NA MI RTAG PA YOD PAS KHYAB PA BSGRUB PAR BYA BA'I CHOS KYIS GTAN TSIGS LA KHYAB PA'I GTAN TSIGS KYI RJES SU 'GRO BA'I KHYAB PA BSTAN PA MED PA'I PHYIR RO, ,MI RTAG PA MED NA BYAS PA MED PAS KHYAB PA MA 'PHANGS PAR BYAS PA MI RTAG PA MED PA LA YANG 'JUG PAR DOGS NA MI RTAG PA

KHO NA LA YOD PA'I RJES 'GRO MI 'GRUB PA'I PHYIR RO, ,GNYIS PA NI, DE BZHIN DU CHOS MI MTHUN PA'I SBYOR NGAG YANG DAG LA YANG LDOG KHYAB DNGOS SU BSTAN NAS RJES SU 'GRO BA'I KHYAB PA SHUGS LA 'PHEN PAR RTOGS TE, BYAS NA MI RTAG PA'I KHYAB PA BSTAN PA DE MED NA BSGRUB PAR BYA BA'I CHOS MI RTAG PA MED PA LA GTAN TSIGS BYAS PA MED PAR MI 'GRUB PAR MI MTHUN PHYOGS LA YOD MED THE TSOM ZA BA'I PHYIR RO, ZHES 'CHAD PAR 'GYUR RO, ,DE YANG MI MTHUN PHYOGS LA MA MTHONG TZAM LDOG KHYAB TU 'DOD PA 'GOG PA'I SKABS SU'O, ,GSUM PA LA GNYIS, CHOS MTHUN SBYOR GYI DPE DANG, MI MTHUN SBYOR GYI DPE'O, ,DANG PO LA GNYIS, DPE DGOD PA DANG, DAM BCA' DNGOS SU MI BRJOD PA'I RGYU MTSAN NO, ,DANG PO NI, GTAN TSIGS DE DAG KYANG GZHAN LA STON PAR BYED PA'I TSE NA NI GANG CUNG ZAD BYAS PA DE THAMS CAD NI MI RTAG PA YIN PAS KHYAB STE DPER NA BUM PA LA SOGS BZHIN NO, ,SGRA YANG BYAS PA YIN NO ZHES BYA BA NI LDOG PA SHUGS LA 'PHEN ZHING RJES SU 'GRO BA DNGOS SU STON PA CAN NO,, NGAG DA NI CHOS CAN, CHOS MTHUN SBYOR GYI SGRUB NGAG YANG DAG YIN TE, PHYOGS CHOS DANG RJES KHYAB DNGOS SU BSTAN NAS LDOG KHYAB SHUGS LA 'PHEN PA'I LHAG CHAD DANG BRAL BA'I YAN LAG GNYIS LDAN GYI SBYOR DAG YIN PA'I PHYIR, 'OG MA LA YANG DE DANG RIGS 'DRA BAR SHES PAR BYA'O, ,SGRA DANG BUM PA GNYIS SPYIR SGRA MI RTAG PAR NGES SLA BA YIN TE, GRUB MTHA'I BSLAD PA MA ZHUGS NA SGRA THOS TZAM NYID NAS RIGS 'DRA'I RGYUN MED PAR NGES PAR NUS LA BUM PA LA RIGS 'DRA'I RGYUN YOD CING

, ,DE LTAR NGES MI NUS PA'I PHYIR RO, ,DE'I RGYU MTSAN YANG SGRA SNYAN PA YID DU 'ONG BA THOS PAS YID 'BYUNG SKYED PAR BYED LA GZUGS MJES PA YID DU 'ONG BA MTHONG BAS YID 'BYUNG BA SKYED PAR MI BYED PA NI 'DOD BYAR MTSUNGS KYANG RIGS 'DRA'I RGYUN YOD MED KYI KHYAD PAR GYIS DE MA THAG TU 'BRAL BAR RTOGS MA RTOGS KYI KHYAD PAR GYIS YIN NO, ,'DIR SGRA RTZOD GZHIR GZUNG BA NI, RTAG PA'I RDZAS NAM MKHA' LA BRTEN PA'I RTAG DNGOS KYI YON TAN DON GZHAN DU 'DOD PA DAG GI LOG RTOG DGAG PAR BYA BA'I CHED DU YIN NO, ,GNYIS PA NI, CHOS MTHUN SBYOR GYI SGRUB NGAG 'DIR PHYOGS SGRA MI RTAG PA GDON MI ZA BAR DNGOS SU BSTAN PAR MI BYA STE, DE SGRUB KYI PHYOGS CHOS DANG RJES KHYAB DNGOS SU BSTAN PA'I SHUGS NYID KYIS SGRA MI RTAG PA'O ZHES BSTAN PAR GO BAR 'GYUR BA YIN PAS DNGOS SU BSTAN PAR MI RIGS PA DES NA'I PHYIR, GNYIS PA LA GNYIS, SBYOR BA DPER BRJOD PA DANG, DAM BCA' DANG RJES 'GRO SHUGS LA 'PHEN PA'I RGYU MTSAN NO, ,DANG PO NI, LDOG PA DNGOS SU STON PA CAN GYI SBYOR BA YANG DPER NA, MI RTAG PA NYID MED NA BYAS PA NYID DU 'GYUR BA MA YIN PAS KHYAB, DPER NA 'DUS MA BYAS KYI NAM MKHA' BZHIN, SGRA NI BYAS PA YIN NO ZHES BYA BA'O, ,GNYIS PA NI, BYAS PAS SGRA MI RTAG PAR SGRUB PA'I CHOS MI MTHUN SBYOR GYI SGRUB NGAG DES RJES SU DPAG PAR BYA BA SGRA MI RTAG PA DNGOS SU MI BRJOD CING BRJOD MI RIGS PAR THAL, DNGOS SU MA BRJOD KYANG SGRA'I DNGOS PO MI RTAG PA DE'I BDAG NYID DU YOD PA YIN NO ZHES SHUGS KYIS 'GRUB

PA'I PHYIR, DER THAL, MI RTAG PA DE MED NA BYAS PA MED PA NYID DANG SGRA LA YANG BYAS PA YOD PAR BSTAN PA'I SBYOR NGAG YIN PA'I PHYIR, MI RTAG PA MED NA BYAS PA MED PAR THAL, MI RTAG PA BYAS PA DE'I BDAG GCIG PA'I KHYAB BYED KYI NGO BOR GRUB PA NYID KYI PHYIR, CHOS MTHUN SBYOR GYI SGRUB NGAG DE LA BRTEN NAS RJES SU 'GRO BA YANG DON GYIS GO BAS 'GRUB STE 'DI LTAR MI RTAG PA BYAS PA DE'I BDAG NYID DU MA NGES PA YIN NA NI BYAS PA'I RANG BZHIN MI RTAG PA DE LOG PAS BYAS PA LDOG PAR NGES PAR MI 'GYUR BA'I PHYIR, DES NA 'BREL PA TSAD MAS NGES PAR BSGRUBS NAS LDOG PA BRJOD PAR BYA STE, 'BREL PA NGES PA SNGON DU MA SONG BAR LDOG KHYAB MI RTOGS PA'I PHYIR, GSUM PA MTSAN GZHI LA MTSAN NYID NGES PAR BYED PA'I TSAD MA BSHAD PA LA GNYIS, BYAS PA LA MI RTAG PA'I KHYAB PA NGES BYED KYI TSAD MA RGYAS PAR BSHAD PA DANG, DES MTSON NAS RANG BZHIN GYI GTAN TSIGS GZHAN LA YANG SHES PAR BYA'O, ,DANG PO LA GNYIS, DRI BA DANG, LAN NO, ,DANG PO NI, DA NI RGYU MTSAN GANG GIS GANG CUNG ZAD BYAS PA DE THAMS CAD MI RTAG PA'O, ZHES DE SKAD DU BRJOD PAR 'GYUR BA BYAS PA GDON MI ZA BAR MI RTAG PA'O ZHES TSAD MA GANG GIS TSUL JI LTAR SHES PAR BYA ZHE NA, GNYIS PA LA GNYIS, KHYAB PA DES BYED KYI TSAD MA BSHAD PA DANG, BLTOS MED KYI RTOGS KYI PHYOGS CHOS MA GRUB PA SPANG BA'O, ,DANG PO LA GNYIS, 'BREL PA SGRUB BYED GNOD PA CAN GYI GTAN TSIGS BSHAD PA DANG, PHUNG KHAMS SKYE MCHED KYI RANG BZHIN GYIS BYAS PA LA MI RTAG PA'I KHYAB PA SGRUB BYED BSHAD PA'O, ,DANG PO LA

, ,GNYIS, GNOD PA CAN GYI RTAGS KYI LAM SBYONG BLTOS MED KYI GTAN TSIGS BSHAD PA DANG, GNOD PA CAN GYI GTAN TSIGS DNGOS BSHAD PA'O, ,DANG PO LA GNYIS, MDOR BSTAN PA DANG, RGYAS PAR BSHAD PA'O, ,DANG PO LA GNYIS, SPYI'I DON DANG, YAN LAG GI DON TO, ,DANG PO LA GNYIS, GNOD PA CAN GYI GTAN TSIGS LAS LOGS SU BLTOS MED KYI GTAN TSIGS BKOD PA DGOS PA MED PA'I RTZOD PA DANG, DE'I LAN NO, ,DANG PO NI, BYAS PA'I RTAGS KYIS SGRA MI RTAG PAR SGRUB PA'I KHYAB PA SGRUB PA LA RTAG PA CHOS CAN, DNGOS PO'AM BYAS PAS STONG STE RIMS DANG CIG CAR GYI DON BYED PAS STONG PA'I PHYIR, CES PA'I GNOD PA CAN GYI GTAN TSIGS KYIS CHOG MOD, DE LAS LOGS SU BLTOS MED KYI GTAN TSIGS DGOS PA MED DE, BYAS PA LA 'JIG PA NGO BO NYID KYIS RJES SU 'BREL PA GRUB KYANG SKYES MA THAG TU 'JIG PA'I BYAS PA 'JIG PA'I NGANG CAN DU GRUB PAR 'GYUR GYI, BYAS PA THAMS CAD 'JIG PA'I DANG CAN DU GRUB PAR MI 'GYUR RO ZHE NA, GNYIS PA NI, RTAG PA RIMS DANG CIG CAR GYI DON BYED PAS STONG BAR BSGRUBS PA NA GZHAN GYI SDE PA KHA CIG NA RE RTAG PA RANG GI NGO BO LA LHAN CIG BYED RKYEN GYIS KHYAD PAR CUNG ZAD KYANG MI SKYED KYANG RTAG PAS LHAN CIG BYED RKYEN LA BLTOS NAS 'BRAS BU RIMS KYIS BSKYED DE, DPER NA THO BA LA SOGS PA BUM PA'I 'JIG RGYUS BUM PA'I NGO BO LA KHYAD PAR CUNG ZAD MI SKYED KYANG BUM PA'I 'JIG PA BYED PA BZHIN NO, ,DES NA RTAG PA RIMS KYIS DON BYED PAS STONG BA'I GNOD PA CAN

GYI PHYOGS CHOS MA GRUB PA YIN NO, ,PHYIS BYUNG GI 'JIG RGYUS 'JIG PA BYED PA'I TSUL YANG DPER NA, RGYUS 'BRAS BU LAG PAS BZUNG NAS BYED PA MA YIN GYI, RGYU YOD NA 'BRAS BU YOD PA DANG, RGYU MED NA 'BRAS BU MED PA'I RJES SU 'GRO LDOG MNGON SUM GYIS GRUB PA LAS RGYU 'BRAS SU 'GRUB PA BZHIN DU PHYIS BYUNG GI 'JIG RGYUS BUM PA'I DNGOS PO BSKYED NAS 'JIG PAR BYED PA MA YIN GYI, 'JIG RGYU NYE BAR YOD PA TZAM GYIS BUM PA'I DNGOS PO 'JIG PAR BYED PA YIN NO ZHES 'DOD PA'I DPE BKAG NAS DE'I RJES SU DON 'GOG PAR BYED PA YIN TE, BUM PA'I NGO BO LA KHYAD PAR CUNG ZAD MI SKYED KYANG BUM PA'I 'JIG PA BYED PA BLTOS MED KYI RTAGS KYIS BKAG NAS DPE LTAR SNANG DU BSTAN PA NA LHAN CIG BYED RKYEN GYIS RTAG PA'I NGO BO LA KHYAD PAR CUNG ZAD KYANG MI BYED KYANG LHAN CIG BYED RKYEN LA BLTOS NAS RTAG PAS 'BRAS BU RIMS KYIS BYED PA'I DAM BCA' LTAR SNANG DU BSTAN PA LA BRTEN NAS GNOD PA CAN GYI RTAGS KYI TSER MA 'BYIN PAR BYED PA LA LAM SBYONG BA ZHES BYA'O,, PHYIS BYUNG GI GYO MO LA SOGS PAS BUM PA'I 'JIG PA BYED PA'I DPE DGAG PA NI GYO MO'I GNAS SKABS SU SKYES PA'AM BUM PA'I DNGOS PO LOG PA TZAM BYAS PA'AM BUM PA'I DNGOS PO 'JIG PA'I DANG CAN DU BYAS PA LAS MA 'DAS LA GYO MO'I GNAS SKABS BUM PA'I 'JIG PA MA YIN PA'I PHYIR, BUM PA'I DNGOS PO LOG TZAM RGYU'I BYA BA'I YUL DU MI RUNG BA 'CHAD PAR 'GYUR BA'I PHYIR, GSUM PA LTAR YANG KHYOD KYI LUGS LA MI 'THAD DE, BUM PA RANG GI RGYU LAS 'JIG PA'I NGO BOR SKYES NA KHYOD 'DOD PA'I

, ,'JIG RGYU'I SNGA ROL TU GRUB ZIN PA'I PHYIR DES BSKYED PA MI 'THAD LA, RANG GI RGYU LAS MI 'JIG PA'I NGO BOR SKYES NA, RTAG PA'I DNGOS PO SU GANG GIS KYANG GZHIG PAR MI NUS PA'I PHYIR, KHYOD 'DOD PA'I 'JIG RGYU LA NUS PA CUNG ZAD KYANG MED PA YIN NO, ,'THAD LDAN DU LAM SBYONG TSAN PA GNYIS BSHAD DO, ,SLOB DPON CHOS MCHOG GIS BLTOS MED KYI GTAN TSIGS GNOD PA CAN GYI LAM SBYONG DU BSHAD PA LA DGAG PA BYED PA NI RNAM PAR NGES PA'I GZHUNG 'DI NYID ZHIB TU MA RTOGS PA'I SKYON DU SHES PAR BYA'O, ,GNYIS PA LA GSUM, RTAGS DGOD PA DANG, TSUL SGRUB PA DANG, DPE BSTAN PA'O, ,DANG PO LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, BYAS PA LA MI RTAG PA'I KHYAB PA NGES PA'I RGYU MTSAN 'DI LTAR, GNYIS PA NI, BYAS PA CHOS CAN, 'JIG PA NI RANG GI NGO BOS RANG CHAS SU RJES SU 'GREL PA NYID YIN TE, KHYOD SKYES PA GANG ZHIG KHYOD RANG SKYED BYED MA YIN PA'I KHYOD KYI 'JIG PA BSKYED PA'I RGYU MED PA'I PHYIR, KHA CIG PHYIS BYUNG GI 'JIG RGYU LA BLTOS MED DU 'JIG PA RTAGS SU BKOD NAS RTAGS SU BKOD PA RAGS PA'I MI RTAG PA DANG, BSGRUB BYA'I CHOS SU PHRA BA'I MI RTAG PA BZUNG BAR BYA BA YIN PAS SGRUB ZIN BSGRUBS PA'I SKYON MED PAR 'CHAD PA NI MI 'THAD DE, PHRA BA'I LDOG PA BSGRUB BYA'I CHOS SU DNGOS SU BZUNG NA NI KHYAB PA MI 'GRUB LA DNGOS SU MI 'DZIN PAR ZHE 'DOD KYI BSGRUB BYA'I CHOS DE LA 'DOD NA YANG, SGRUB ZIN BSGRUBS PA'I SKYON LAS MA 'DAS SO, ,GNYIS

PA NI, BYAS PA'I DNGOS PO DE 'JIG PA BYAS PA SKYED BYED KYI RGYU MA YIN PA LAS BYUNG NGAM, BYAS PA SKYED BYED KYI RGYU LAS BYUNG, DANG PO MI RIGS TE, BYAS PA CHOS CAN, KHYOD KYI 'JIG PA DE'I NGO BO NI KHYOD SKYED BYED MA YIN PA'I RGYU LA BLTOS PA MA YIN TE, KHYOD RANG GI RGYU KHO NA LAS 'JIG PA'I NGANG CAN DU 'BYUNG BA'I PHYIR RO, ,GNYIS PA LTAR NA, BYAS PA YOD TZAM DU BSKYED PA'I SPYI'I RGYUS 'JIG PA'I LAG RJES BZHAG PA YIN NAM, YUL DANG DUS DANG BYE BRAG GI RGYU LA BLTOS, GNYIS PA LTAR NA BOD KYI BUM PA'I BYAS PA DE MA GA TA'I YUL GYIS KHYAD PAR DU BYAS PA'I RGYU LA BLTOS NAS 'JIG DGOS NA 'DIR [?] MI 'JIG PAR THAL BA DANG, SNGA DUS KYI BUM PA'I BYAS PA PHYI DUS KYI BUM PA'I BYAS PA 'JIG PAR BYED PA LA BLTOS DGOS NA GTAN MI 'JIG PAR THAL BA DANG, RDZA'I BUM PA'I BYAS PA 'JIG PAR 'GYUR BA MDAS BUM 'JIG PAR BYED PA'I RGYU LA BLTOS NA YANG GTAN MI 'JIG PAR 'GYUR RO, ,DANG PO LTAR NA, GANG CUNG ZAD BYAS PA DE NI RANG BZHIN GYIS 'JIG PA'I NGANG CAN DU GRUB PA YIN TE, BYAS PA YOD TZAM DU LAG RJES 'JOG PA'I RGYU LAS BYAS PA'I 'JIG PA DE'I LAG RJES KYANG BZHAG PA DE BAS NA STE DE'I PHYIR, GNYIS PA LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, PHYOGS CHOS THAL 'GYUR LA BRTEN NAS SGRUB PA'I TSUL 'DI LTAR, GNYIS PA NI, SNAM BU DKAR PO DANG, RAS DKAR PO LA SOGS PA'I CHOS RNAMS NI CHOS CAN, SER PO'I NGO BOR NGES PAR 'GYUR BA MED PAR MTHONG RIGS PAR THAL, KHYOD SER POR 'GYUR BA

, ,PHYIS 'BYUNG BA'I MTSON DON GZHAL LA BLTOS PA DANG BCAS PA'I PHYIR, DON LA SBYAR NA, BYAS PA CHOS CAN, KHYOD NGES PAR 'GYUR ZHING 'JIG PA MED PAR MTHONG NAS 'JIG PAR NGES PAS MA KHYAB PAR THAL, KHYOD BYAS PA'I RGYU LAS SKYES PA GANG ZHIG KHYOD 'JIG PAR 'GYUR BA YUL DANG DUS DANG RANG BZHIN GYI BYE BRAG GI RGYU LA BLTOS PA DANG BCAS PA'I PHYIR, THAL BA DES ZLOG PHYOGS LA 'GAL KHYAB DMIGS PA'I RTAGS YANG DAG 'PHEN PA YIN NO, ,GSUM PA LA GSUM, THAL BA DGOD PA DANG, DE'I KHYAB PA LA 'KHRUL PA SPANG BA DANG, DON BSDU BA'O, ,DANG PO NI, BYAS PA'I DNGOS PO CHOS CAN, KHYOD 'JIG PA NI PHYIS BYUNG GI RGYU LA SOGS PA'I BYE BRAG GI RGYU LA BLTOS PA MED PA YIN TE, BLTOS NA 'CHAD PA'I SKYON DU 'GYUR BA'I PHYIR, SKYON JI LTA BU ZHE NA, BUM PA LA SOGS PA 'GA' ZHIG CHOS CAN, RTAG PAR YANG 'GYUR BAR THAL, KHYOD 'JIG PAR 'GYUR BA PHYIS BYUNG GI RGYU LA BLTOS PA DANG BCAS PA NYID YIN PA'I PHYIR, GNYIS PA NI, GAL TE THO BA LA SOGS PA 'JIG PA'I RGYU MANG PO YOD PAS 'GA' ZHIG DANG MA PHRAD KYANG GZHAN DANG PHRAD NAS GDON MI ZA BAR 'JIG PAR BYED DO ZHE NA, BUM PA 'JIG PA'I RGYU BUM PA LAS PHYIS BYUNG MANG PO YOD KYANG GDON MI ZA BAR BUM PA'I 'JIG RGYU SKYED BYED DU NYE BA MA YIN PAR THAL, 'JIG RGYUR 'DOD PA DE DAG KYANG SKYES BUS LAG TU LEN PA LA SOGS PA RANG GI RKYEN LA RAG LUS NAS BUM PA'I 'JIG PA BSKYED PA LA NYE BA YIN PA'I PHYIR, RTAGS BSAL KHAS BLANGS, 'DOD NA BUM SOGS 'GA'

ZHIG MI 'JIG PAR YANG 'GYUR BAR THAL LO, ,THAL BA SNGA MA'I KHYAB PA SGRUB PA NI, RGYU RNAMS NI CHOS CAN, GDON MI ZA BAR RANG GI 'BRAS BU MTHA' DAG DNGOS SU BSKYED PA DANG LDAN PA MA YIN TE, RANG GI 'BRAS BU 'GA' ZHIG LA BLTOS NAS MTHUN RKYEN MA TSANG BA DANG 'GAL RKYEN GYIS GEGS BYED PA SRID PA'I PHYIR RO, ,GTAN TSIGS DES 'BRAS BU BAR MA CHAD DU DNGOS SU BSKYED PA 'GOG PA YIN GYI, DE BSKYED NGES MA YIN TE, DE BSKYED PA LA 'GAL RKYEN GYI GEGS SRID PA'I PHYIR RO, ZHES SMRA BA NI, RIGS PA DANG 'GAL TE, DE LTAR NA BUM PA YOD NGES MA YIN PAR THAL, BUM PA YOD PA LA 'GAL RKYEN GYI GEGS SRID PA'I PHYIR, BSKYED PA LA 'GAL RKYEN GYI GEGS SRID PA'I DON NI, DE YANG YIN 'BRAS BU DE MI SKYED PA YANG YIN PA'I GZHI MTHUN SRID PA'I DON YIN PAS, BUM PA YANG YIN BUM PA MED PA YANG YIN PA'I GZHI MTHUN SRID PA'I PHYIR, CES ZER NA RTAGS MA GRUB BO ZHE NA, 'O NA BUM PA CHOS CAN, KHYOD YOD PA LA 'GAL RKYEN GYI GEGS MI SRID PAR THAL, KHYOD BUM PA YIN PA'I PHYIR, KHYAB PA KHAS BLANGS TE, DE KHAS MI LEN NA BUM PA YOD PA LA 'GAL RKYEN GYI GEGS YOD PAR KHAS BLANGS PA LA BUM PA YANG YIN MED PA YANG YIN PA'I GZHI MTHUN KHAS LEN DGOS PA JI LTAR YIN SOMS SHIG ,KHYOD KYI RTZA BA'I GTAN TSIGS KYI DON SNGAR BSHAD PA LTAR YIN NA, ME CHOS CAN, DU BA BSKYED NGES MA YIN PAR THAL, KHYOD KYANG YIN DU BA MI SKYED PA YANG YIN PA'I GZHI MTHUN SRID PA'I PHYIR, 'DOD NA, DU BA BSKYED PA TSAD MA'I STOBS KYIS MA NGES PAR

, ,THAL, DU BA BSKYED NGES MA YIN PA'I PHYIR, KHYAB PA MED NA, TSAD MA ZHEN YUL LA JI LTAR MI 'KHRUL BA BSAM PAR BYA'O, ,'DOD NA DU BA'I RGYU MA YIN PAR THAL LO, ,GSUM PA NI, RGYU RNAMS RANG GI 'BRAS BU 'GA' ZHIG LA 'KHRUL BAR BSTAN PA DES NA BUM PA 'JIG PA PHYIS BYUNG GI RGYU DANG LDAN PAR SMRA BA'I RGOL BA RNAMS KYI CHOS CAN, 'JIG PA'I RGYUR NI 'DOD PA THAMS CAD DAG NI 'BRAS BU 'JIG PA BSKYED PA LA KHYAB PA 'KHRUL PA NYID DU BSHAD PA RIGS PA YIN TE, 'JIG RGYUR 'DOD PA DE DAG YOD NA 'BRAS BU 'JIG PA GNAS PA'I NGES PA MED PA'I PHYIR, GSUM PA NI, DE'I PHYIR DNGOS PO GANG ZHIG CHOS DE'I NGO BOR 'GYUR BA LA RGYU GZHAN LA BLTOS PA MED PAR CHOS DE'I NGO BOR GYUR PA DE NI CHOS DE'I NGO BOR NGES PAS KHYAB PA YIN TE, DPER NA NAS KYI MYU GU'I RGYU TSOGS PA THA MAS RANG GI 'BRAS BU NAS KYI MYU GU BSKYED PA LA GEGS BYED PA MI SRID PA BZHIN NO, ,GNYIS PA RGYAS PAR BSHAD PA LA GSUM, RANG GI TSOGS PAS MA NGES PA SPANG BA DANG, GZHAN GYI TSOGS PAS MA NGES PA SPANG BA DANG, DE RTZOD GZHI DANG MI MTSUNGS PAR SGRUB PA'O, ,DANG PO LA GNYIS, RTZOD PA DANG LAN NO, ,DANG PO NI, GAL TE DNGOS PO 'GA' ZHIG CHOS 'GA' ZHIG TU 'GYUR BA LA DE TZAM LAS RGYU GZHAN LA BLTOS PA MED DU ZIN KYANG CHOS DE'I NGO BOR MA NGES PA YANG YOD PA MA YIN NAM, DPER NA, SA DANG SA BON DANG CHU'I TSOGS PA GRANGS CHAD NAS GRANGS GZHAN LA BLTOS PA MED PA DAG KYANG RES 'GA' MYU GU MI SKYED PA MTHONG BA'I PHYIR, BLTOS MED KYI

RTAGS KHYAB PA MA NGES SO, ZHE NA, GNYIS PA LA GSUM, TSOGS PA TZAM MI MTHUN PHYOGS YIN KYANG RTAGS MA ZHUGS PAS MA NGES PA'I SKYON MED PA DANG, RTZOD GZHI DE DANG MI MTSUNGS PA DANG, TSOGS PA THA MA LA RTAGS ZHUGS KYANG MI MTHUN PHYOGS KHO NA YIN PAS MA NGES PA'I SKYON MED PA'O, ,DANG PO NI, SA DANG NAS KYI SA BON DANG CHU'I TSOGS PA DER YANG CHOS CAN, NAS KYI MYU GU BSKYED PA GANG LA YANG BLTOS PA MED PA'I RTAGS ZHUGS PA MA YIN TE, DE BSKYED PA RGYUN YONGS SU 'GYUR BA LA BLTOS PA'I PHYIR RO, ,RGYUN 'GYUR BA NI NUS PA CHUNG NGU LAS CHEN POR 'PHEL BA'O, ,GNYIS PA NI, 'O NA BYAS PA LA YANG BLTOS MED KYI RTAGS MA ZHUGS PAR THAL, 'JIG PAR 'GYUR BA RGYUN 'GYUR BA LA BLTOS PA'I PHYIR CE NA, DE GNYIS DPE DON MI MTSUNGS PAR THAL, DE LTAR BYAS PA'I DNGOS PO NI RGYUN 'GYUR BA SOGS 'GA' LA YANG BLTOS PA MA YIN PA'I PHYIR, RGYUN 'GYUR BA NI NUS PA CHUNG NGU LAS CHEN POR 'PHEL BA YIN LA, NUS PA CHUNG NGU MA 'GAGS PAR CHEN POR 'PHEL BA MI SRID LA CHUNG NGU 'GAG PA NA 'GAG RGYU NUS PA THOGS MED TSANG BAS DE'I DUS NA 'JIG PA'I NGO BOR SKYES PA'I PHYIR, 'JIG PAR 'GYUR BA RGYUN 'GYUR BA LA BLTOS CI DGOS, GSUM PA NI, TSOGS PA GNYIS YOD PA DE LA YANG NAS KYI MYU GU'I RGYU TSOGS PA THA MA 'BRAS BU BSKYED PA LA BAR DU CHOD PA MED PA GANG YIN PA DE NI CHOS CAN, NAS KYI MYU GU BSKYED BA RGYUN 'GYUR BA SOGS LA BLTOS MED KYI RTAGS ZHUGS KYANG MI MTHUN PHYOGS SU THAL BA'I

, ,SKYON MED PAR THAL, 'BRAS BU MYU GU BAR MA CHAD DU BSKYED PA DANG LDAN PA NYID YIN PA'I PHYIR, TSOGS PA SNGA MA MYU GU'I RGYU MA YIN NA, MYU GU DON DU GNYER BA DAG TSOGS PA SNGA MA'I DON DU 'BAD PA BYED PA DON MED PAR 'GYUR RO ZHE NA, MYU GU'I TSOGS PA SNGA MA MYU GU'I RGYUR MI 'GYUR BA'I SKYON MED PAR THAL, DE LA MYU GU'I DNGOS KYI RGYU NI TSOGS PA THA MA DE NYID YIN LA TSOGS PA YONGS SU 'GYUR BA SNGA MA DAG NI TSOGS PA THA MA DE'I DON DU YIN PAS BRGYUD NAS BSKYED PA'I PHYIR, TSOGS PA THA MA DER NI MYU GU BSKYED PA DE LA GEGS BYED PA 'GA' YANG YOD PA MA YIN PAR THAL, DE LTAR DNGOS RGYU DNGOS 'BRAS DPOG PA'I RTAGS YANG DAG MA YIN PAR STON PA'I SKABS SU MANG DU BSHAD ZIN PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, GAL TE NAS KYI SA BON LA SOGS PA SA LU'I MYU GU SKYED NGES MA YIN PA YANG SA LU'I MYU GU BSKYED PAR BYA BA LA RKYEN GZHAN LA BLTOS PA MED PA'I RTAGS ZHUGS PA MA YIN NAM STE ZHUGS PAR MTHONG STE, SA LU'I MYU GU DE BSKYED PA'I RKYEN CHU LUD DROD GSHER DAG NI RES 'GA' NAS KYI SA BON DE LA YANG NYE BA'I PHYIR DANG MYU GU BSKYED PA'I LHAN CIG BYED RKYAN DE LAS GZHAN LA BLTAS MI DGOS PA'I PHYIR RO ZHE NA, GNYIS PA NI, NAS KYI TSOGS PA THA MA'I NANG NA SA LU'I MYU GU'I NUS PA THOGS MED KYI SA LU'I SA BON YOD DAM MED, DANG PO LTAR NA, SA LU'I MYU GU SKYED NGES SU 'GYUR BAS RTAGS ZHUGS KYANG MTHUN PHYOGS YIN PAS SKYON MED LA, GNYIS PA

LTAR NA, CHU LUD DROD GSHER SOGS DANG TSOGS PA'I NAS KYI SA BON CHOS CAN, JI LTAR KHYOD KYIS SA LU'I MYU GU BSKYED PA RKYEN GZHAN LA BLTOS PA MED PA'I RTAGS ZHUGS PA YIN TE, MA YIN PAR THAL, GANG GI PHYIR NA DE DAG STE KHYOD LA NI SA LU'I SA BON GYI CHOS SA LU'I MYU GU DE BSKYED PAR BYED PA'I RANG GI NGO BOS LU'I SA BON GYI NUS PA THA MA GANG YIN PA DE NYID MED PA'I PHYIR, KHYAB PAR THAL, SA LU'I MYU GU DE MA THAG SKYED PAS LU'I SA BON NUS PA THOGS MED DE'I RANG GI NGO BO LA BLTOS PA YIN PA'I PHYIR, GSUM PA LA GNYIS, MTSUNGS PA'I RTZOD PA DANG, MI MTSUNGS PA'I LAN NO, ,DANG PO NI, NAS KYI MYU GU'I RGYU TSOGS PA THA MA LA SA LU'I SA BON NUS PA THOGS MED YOD MED KYI RNAM DBYE GNYIS BYAR YOD PA DE LTA NA NI 'O NA BYAS PA'AM DNGOS POR YOD PA 'GA' ZHIG LA YANG 'JIG PA'I RGYU'I RANG GI NGO BO GANG YIN PA DE NYID GDON MI ZA BAR TSANG BA MED PAS 'JIG PAR 'GYUR BA 'JIG RGYU DE'I RANG GI NGO BO LA BLTOS PA'I PHYIR NA GDON MI ZA BAR 'JIG PA MA YIN PAR MTSUNGS SO ZHE NA, GNYIS PA LA GNYIS, MI MTSUNGS PA'I LAN RGYAS PAR BSHAD PA DANG, DON BSDU BA'O, ,DANG PO LA GSUM, 'BRAS BU'I RNAM DBYE RGYU'I RNAM DBYE LA BLTOS PA DANG, BYAS PA LA 'JIG MI 'JIG SO SOR BSKYED PA'I RGYU'I RNAM DBYE SO SOR NGES PA MED PA DANG, DE'I LAN DGAG PA'O, ,DANG PO NI, SA LU'I SA BON DANG NAS KYI SA BON LA SOGS PA'I RANG GI NGO BO YANG CHOS CAN, MI 'DRA BA SO SOR 'BYUNG BA'I RGYU MTSAN YOD DE, RANG GI RGYU RIGS MI 'DRA BA

, ,LAS BYUNG BA YIN PA'I PHYIR, GANG ZHIG SA LU'I MYU GU DE NI CHOS CAN, NAS KYI MYU GU DANG RIGS 'DRA BA DE'I RANG BZHIN DU MI 'GYUR BA'I RGYU MTSAN YOD DE, NAS KYI SA BON DE'I RGYU CAN MA YIN PAS LU'I SA BON GYI NYER LEN BYAS PA LAS BYUNG BA'I PHYIR, RGYU'I NUS PA SO SOR NGES PA SHES DKA' BA MA YIN NAM ZHE NA, RGYU'I NUS PA SO SOR NGES PA DE YANG CHOS CAN, TSAD MAS MI RTOGS PA'I SKYON MED PAR THAL, RANG GI NGO BO MYONG BA'I STOBS KYIS RTOGS PA NYID KYI PHYIR, 'BRAS BU SO SOR NGES PA MTHONG BA LAS RGYU'I NUS PA SO SOR NGES PA RTAGS KYIS DPAG DGOS PA MA YIN NAM, JI LTAR MNGON SUM GYIS GRUB CE NA, 'BRAS BUS RGYU DPAG DGOS PA YANG YOD MOD KYI SKABS 'DIR NI, THOG MAR RGYU MI 'DRA BA MTHONG DE'I RJES SU DE LAS 'BRAS BU MI 'DRA BA MTHONG BA'I RJES 'GRO DANG LDOG PA LA BLTOS PA'I MNGON SUM DANG MA DMIGS PAS RGYU 'BRAS NGES PAR BYED PA'I MNGON SUM STON PA YIN PAS SKYON MED DO, ,DNGOS PO RNAMS KYI MI 'DRA BA NI RANG GI NGO BO NYID KYIS SO SOR NGES PA YIN GYI RGYUS BYAS PA MA YIN NO ZHE NA, 'BRAS BU'I DON RNAMS KYI RANG BZHIN MI 'DRA BA SO SOR NGES PA YANG CHOS CAN, RGYU MED PA'I GLO BUR BAR NI MI RIGS TE, YUL DUS SO SOR NGES PA'I PHYIR RO, ,YANG YUL DANG DUS DANG RDZAS SO SOR NGES PA MI 'THAD PAR THAL, RGYU LA BLTOS PA MED PA'I PHYIR, GNYIS PA NI, DPE DE BZHIN DU BYAS PA 'DI LA YANG CHOS CAN, RGYU MTSAN GANG GIS 'DI DAG 'GA' ZHIG KHO NA 'JIG PA'I BDAG NYID DU SKYE BAR 'GYUR

PA YIN GYI BYAS PA 'GA' ZHIG DE LTAR MA YIN PA'I 'JIG MI 'JIG SO SOR BSKYED PA'I NGES PA'I RGYU 'GA' ZHIG BRJOD DGOS PAR THAL, SA LU'I MYU GU BSKYED PA LA RGYU TSANG MA TSANG GIS BSKYED MI SKYED SO SOR NGES PA BZHIN DU 'JIG RGYU TSANG MA TSANG GI DBANG GIS BYAS PA'I 'JIG MI 'JIG SO SOR NGES PA YOD PA'I PHYIR, RTAGS KHAS BLANGS SO, ,'JIG RGYU TSANG MA TSANG YOD KYANG KHO BO CAG GIS MDZUB BTZUGS SU BSTAN PAR MI NUS SO ZHE NA, 'JIG RTEN 'DIR CHOS CAN, BYAS PA 'JIG MI 'JIG SO SOR NGES PAR BYAS PA'I 'JIG RGYU'I RANG BZHIN NI SO SOR NGES PA 'GA' YANG MED DE, BYAS PA GANG YIN SKYES PAS KHYAB PA'I PHYIR, KHYAB PAR THAL, SKYE BA CAN THAMS CAD NI 'JIG PA RANG BZHIN DU YOD PA DANG LDAN PAR GRUB PA'I PHYIR RO, ,GSUM PA LA GNYIS, RTZOD PA DANG, LAN NO, ,DANG PO NI, NYAN THOS SDE PA KHA CIG NA RE, GAL TE 'DUS BYAS SKYED PAR BYED PA NA SKYE BA DANG RGA BA DANG 'JIG PA DANG GNAS PA DON GZHAN BZHI RGYUS SKYED PAR BYED PA YIN LA, GZUGS LA SOGS PA GANG DAG MI SKYE BA'I CHOS CAN DU SONG BA DE DAG NI 'JIG PA'I RANG BZHIN DU 'GYUR PA YANG MA YIN PAS SKYE BA DON GZHAN DANG LDAN PA CAN GYI RANG BZHIN 'JIG PA DANG LDAN PA YIN PAS, DNGOS PO GANG YIN 'JIG PAR NGES PA MA YIN NO ZHE NA, GNYIS PA NI, MA RANGS PAS [?] SKYE BA NI 'JIG PA DON GZHAN DANG LDAN PA'I 'DUS BYAS KYI RANG BZHIN GYI RGYU MA YIN PAR THAL, SKYE BA DON GZHAN GYI DBANG GIS DNGOS PO RNAMS KYI RANG BZHIN 'BYUNG BA MA YIN PA'I PHYIR, DNGOS PO RNAMS LA 'JIG

, ,MI 'JIG RANG BZHIN SO SOR NGES PA YOD PA MA YIN PAR THAL, 'DUS BYAS RNAMS LA 'JIG MI 'JIG SO SOR SKYED PA'I RGYU MED PA YANG YIN PA'I PHYIR, GNYIS PA NI, DNGOS PO GANG YIN 'JIG PAR NGES PA DE'I PHYIR, SA LU'I MYU GU'I RGYU TSANG MA TSANG SO SOR NGES PAS SA LU'I MYU GU BSKYED MI SKYED SO SOR NGES PA BZHIN DU BYAS PA LA 'JIG RGYU TSANG MA TSANG GI DBANG GIS 'JIG MI 'JIG SO SOR NGES PA'I DPE DON MI MTSUNGS PAR THAL, 'BRAS BU BYAS PA LA YANG 'JIG MI 'JIG SO SOR NGES PA MED PA'I PHYIR, DER THAL, DE LTAR YOD NA RGYUS BSKYED DGOS PA LA 'JIG MI 'JIG SO SOR BSKYED PA'I RGYU DE MED PA'I PHYIR, DNGOS PO 'DI LA 'JIG PAR BSKYED PA'I NYER LEN GYI RGYU'I RANG BZHIN GYI RNAM PAR DBYE BA TSANG MA TSANG 'GA' YANG MED PA'I PHYIR, GNYIS PA GNOD PA CAN GYI GTAN TSIGS DNGOS BSHAD PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, GAL TE RGYU RKYEN TSOGS PA LAS SKYE BA THAMS CAD 'JIG PA YIN NO ZHES BYA BA 'DI YANG NGES PA MED PA YIN TE NGES PAR MI NUS PA'I PHYIR TE, RGYU RKYEN TSOGS PA DANG DE LAS SKYE BA MTHONG BA RNAMS 'JIG PA YIN KYANG DE DAG MA LUS PAR MTHONG BA MED PA'I PHYIR, MA MTHONG BA 'GA' ZHIG MI 'JIG PAR BSKYED PA YANG SRID DO, ,MA MTHONG YANG 'JIG PAR BSKYED DO ZHE NA, 'DI LTAR DNGOS PO RNAMS KYI RGYU RKYEN GYI NUS PA SNA TSOGS PAR MTHONG STE, 'GA' ZHIG THOGS BCAS SU BSKYED KYANG BLO LA SOGS PA 'GA' ZHIG THOGS MED DU YANG BSKYED PA BZHIN DU

DE LA KHA CIG 'JIG PAR BSKYED KYANG 'GA' ZHIG MI 'JIG PA'I BDAG NYID DU BSKYED PA GANG YIN PAR YANG 'GYUR RO ZHE NA, GNYIS PA LA GNYIS, RGYAS PAR BSHAD PA DANG, DON BSDU BA'O, ,DANG PO LA GNYIS, DON BYED NUS PA KHO NA DNGOS POR BSTAN PA DANG, RTAG PA LA BYAS DNGOS 'GOG PA'I GNOD PA CAN GYI GTAN TSIGS DGOD PA'O, ,DANG PO LA GNYIS, DNGOS DANG, RTZOD PA SPANG BA'O, ,DANG PO NI, DNGOS PO YIN NA MI 'JIG PA'I BDAG NYID DU SKYES PA SRID PA MA YIN TE, DNGOS PO YIN NA DON BYED NUS PA YIN PAS KHYAB, RTAG PAS DON BYED NUS PA MI SRID PA'I PHYIR, RTAGS SNGA MA DER THAL, DON BYED NUS PA DNGOS PO'I MTSAN NYID YIN PA'I PHYIR, DER THAL, DON BYED NUS PAR BRJOD CING RNYED PA THAMS CAD DANG BRAL BA NI NYE BAR BRJOD PA DNGOS PO MED PA'I MTSAN NYID YIN PA'I PHYIR, GNYIS PA LA GSUM, RTZOD PA DANG, LAN DANG, DE LA RTZOD PA SPANG BA'O, ,DANG PO NI, DNGOS PO LA DON BYED RUS PAS KHYAB DON BYED NUS STONG LA DNGOS MED KYIS KHYAB PA 'O NA NI MTHA'I SKAD CIG DGRA BCOM PA PHUNG PO LHAG MED DU 'DA' KA MA'I YID KYI SHES PA SKAD CIG THA MA CHOS CAN, NYE BAR BRJOD PA DNGOS POR MED PAR THAL, DON BYED MI NUS PA'I PHYIR CE NA, GNYIS PA NI, DGRA BCOM PA PHUNG PO LHAG MED DU MYA NGAN LAS 'DA' KA MA'I SEMS KYI SKAD CIG THA MA DE 'BRAS BU CUNG ZAD KYANG MI SKYED PAS THA MAR BZHAG PA MA YIN TE, SEMS CAN DU BA GRANG BA'I SEMS KYI SKAD CIG GZHAN GYI NYE BAR LEN PA BYED PA'I NUS PA MED PA NI MTHA'I MTSAN NYID YIN PA'I PHYIR,

, ,RO, ,DGRA BCOM PA PHUNG PO LHAG MED DU MYA NGAN LAS 'DAS PA NA BEM RIG RGYUN CHAD PA SGRA SOR BZHAG YIN NA, YID KYI SHES PA YIN NA RIGS 'DRA PHYI MA MTSAMS SBYOR BA'I SKYE BA PHYI MA BSGRUB PA'I RTAGS KYI KHYAB PA MA NGES PAR 'GYUR LA, DE LTA NA SKYE BA PHYI MA SGRUB BYED KYI TSAD MA MED PAS SKYE BA DU MAR BRGYUD PA LAS THOB PA'I DGRA BCOM PA'I 'BRAS BU NYID KYANG TSAD MAS MI 'GRUB PAR 'GYUR RO ZHE NA, 'DI'I LAN LA SLOB DPON NYI MA SPAS PAS, PHUNG PO LHAG MED KYI GNAS SKABS NA BEM RIG RGYUN CHAD PAR BSHAD PA PHYI ROL GYI DON KHAS LEN PA'I NYAN THOS MDO SDE PA'I LUGS 'CHAD PA'I DBANG DU BYAS PA YIN GYI, RNAL 'BYOR SPYOD PA PA RANG GI LUGS LTAR NA DE'I GNAS SKABS NA YANG BDAG MED RTOGS PA'I SHES RAB KYI RIGS 'DRA RGYUN MI 'CHAD PAR 'DOD PA YIN NO ZHES BZHED PA LTAR LAN GDAB PAR BYA'O, ,'O NA RNAM 'GREL LE'U GNYIS PAR, NYAN THOS MDO SDE PA DANG THUN MONG BA'I SKYE BA PHYI MA SGRUB PA'I GTAN TSIGS JI LTAR ZHE NA, GANG CHAGS PA DANG BCAS PA'I SEMS YIN NA, RIGS 'DRA PHYI MA MTSAMS SBYOR BAS KHYAB STE, DPER NA DA LTAR 'DOD CHAGS DANG BCAS PA'I SEMS LAS ZHE SDANG DANG BCAS PA'I SEMS MTSAMS SBYOR BA MNGON SUM GYIS GRUB PA BZHIN, THA MAL PA 'CHI KA'I SEMS KYANG CHAGS PA DANG BCAS PA'I SEMS YIN NO ZHES PA'I DON DU, DBU MA'I DE KHO NA NYID BSDUS PA'I 'GREL PAR BYANG CHUB SEMS DPA' KA MA LA SH'I LAS GSUNGS PA LTAR SHES PAR BYA'O, ,DGRA BCOM PA THA MA'I

SEMS DE YANG CHOS CAN, RIGS 'DRA PHYI MA'I NYER LEN MI BYED KYANG DON BYED NUS STONG DU MI 'GYUR TE, THA NA SHES BYA MTHA' DAG LA KHYAB PA'I YE SHES LA NI GZUGS MED PA'I KHAMS SU YANG PHAN 'DOGS NUS PA NYID YIN PA'I PHYIR DANG, 'DOD PA DANG GZUGS KYI KHAMS GZHAN DU NI DGRA BCOM PA RANG GI LUS KYI BYA BA DANG, GZHAN RGYUD LA YOD PA'I GZHAN SEMS SHES PA'I MNGON SHES SOGS DU MA LA PHAN 'DOGS PAR 'GYUR BA'I PHYIR, GSUM PA LA GNYIS, RTZOD PA DANG, LAN NO, ,DANG PO NI, DGRA BCOM PA THA MA'I RIG PA CHOS CAN, KUN MKHYEN YE SHES KYI DMIGS RKYEN BYED MI NUS PAR 'GYUR TE, DE KHYOD LA GZIGS PA'I BSGRIM PA MED PA'I PHYIR RO ZHE NA, GNYIS PA LA GNYIS, MI GZIGS PA MI SRID PA DANG, DE'I RGYU MTSAN NO, ,DANG PO NI, DGRA BCOM PA THA MA'I SEMS KUN MKHYEN GYIS MA BSGRIMS PAS MA GZIGS PA MA YIN TE, DE GZIGS PA'I BSGRIM PA MED PA MI SRID PA'I PHYIR RO, ,GNYIS PA NI, RTAGS MA GRUB BO ZHE NA, KUN MKHYEN CHOS CAN, GZHAN GYI DON LA 'JUG PA NA SEMS CAN RNAMS KYI BLANG BAR BYA BA DANG BLANG BAR BYA BA MA YIN PA MTHA' DAG MNGON SUM DU MI RTOGS PAR 'GYUR BAR THAL, CHOS GCIG DGRA BCOM THA MA'I RIG PA YONGS SU MA SHES PA'I PHYIR, KHYAB PAR THAL, DE MA SHES NA BLANG DOR GYI GNAS THAMS CAD DU MKHYEN PA 'JUG MI 'JUG THE TSOM SKYE BA'I PHYIR, DE MA SHES KYANG GZHAN DON LA MI MKHO'O ZHE NA, DGRA BCOM THA MA'I RIG PA SHES PA GZHAN DON LA MI MKHO BA MA YIN PAR THAL, 'GA' ZHIG TU CI ZHIG LTAR DNGOS

, ,SAM BRGYUD PAS THAMS CAD GZHAN DON BSGRUB PA LA NYE BAR MKHO BA'I PHYIR RO, ,KUN MKHYEN GYIS DGRA BCOM THA MA'I RIG PA MA SHES PA MI 'THAD PAR THAL, DE MA SHES NA KUN MKHYEN SGRUB PAR BYED PA MA TSANG BA MED PA DE'I THABS KYI YAN LAG MA TSANG BAR 'GYUR BA GANG ZHIG DE MI 'THAD PA'I PHYIR RO, ,RTAG TU GZIGS PA'I BSGRIM PA MED KYANG RIG PA THA MA NUS PA MED PA NYID KYANG MA YIN TE, GZIGS PA'I BSGRIM PA DANG BCAS PA'I DUS SU BYUNG BA'I THA MA 'GA' ZHIG KUN MKHYEN GYI DMIGS RKYEN BYED PA'I PHYIR RO, ,DGRA BCOM PA'I RIG PA THA MA CHOS CAN, SKABS 'GAR 'BRAS BU MI BYED NA DON BYED NUS STONG DU THAL BA MA YIN TE, SKABS 'GAR MI BYED KYANG LHAN CIG BYED RKYEN DANG BRAL BAS YIN GYI DE DANG MA BRAL NA NI BYED PA NYID KYI PHYIR, GNYIS PA LA GNYIS, RTAGS DGOD PA DANG, TSUL BSGRUB PA'O, ,DANG PO NI, SKAD CIG MA MA YIN PA NI CHOS CAN, DNGOS PO'AM BYAS PA YIN PA DE LTA MA YIN TE, RNAM PA THAMS CAD DU DON BYED PA MI SRID PA'I PHYIR RO, ,RTAGS 'DI LA BRTEN PA'I RJES DPAG NI BYAS PA'I RTAGS KYIS SGRA MI RTAG PAR SGRUB PA'I RTAGS DANG DGAG BYA'I CHOS KYI GZHI MTHUN BKAG PA'I SGO NAS DE GNYIS TSAD MAS GNOD 'GAL DU NGES PAR BYED PA YIN TE, SGRUB PA YANG DAG 'CHAD PA'I SKABS SU, TSAD MAS GNOD PA'I PHYIR YANG STE, ZHES SOGS KYI SKABS NAS 'BYUNG BA YANG 'DI NYID LA BRTEN NAS SHES PAR BYA'O, ,GNYIS PA LA RTAGS 'DI'I KHYAB PA SGRUB PA NI DNGOS PO KHO NA DON BYED NUS PAR SNGAR BSGRUBS PA NYID KYIS

GRUB PA YIN NO, ,PHYOGS CHOS SGRUB PA LA GNYIS, RTAGS DGOD PA DANG, TSUL SGRUB PA'O, ,DANG PO NI, SKAD CIG MA MA YIN PA DE NI CHOS CAN, DON BYED PAR SRID PA MA YIN TE, RIMS DANG CIG CAR GYIS DON BYED PA 'GAL BA'I PHYIR RO, ,'DI'I KHYAB PA NI 'BRAS BU BYED PA LA RIM PAS BYED PA DANG DUS GCIG TU BYED PA GNYIS 'DUG PA MNGON SUM GYIS GRUB CING, GNYIS LAS GZHAN YOD PA MNGON SUM GYIS KHEGS PA LA BRTEN NAS 'GRUB PA YIN NO, ,PHYOGS CHOS DKYUS SU SGRUB PA NI, GNYIS PA LA GNYIS, RIMS KYIS DON BYED PA MI 'THAD PA DANG, CIG CAR DON BYED PA MI 'THAD PA'O, ,DANG PO NI, RTAG PA CHOS CAN, RIM GYIS NI DON BYED PA MIN TE, DUS GNYIS SU 'GOR BA'I SDOD PAR MI RIGS PA'I PHYIR, DER THAL, RKYEN LA BLTOS PA MED PAR RANG YOD PA TZAM GYIS BYED PA POR GYUR PA YIN PA'I PHYIR, RTAGS KHAS BLANGS, 'BRAS BU PHYI MA DE SNGAR BYED PA PO MA YIN NA NI PHYIS KYANG BYED PAR MI 'GYUR TE, RANG GI NGO BO 'GYUR BA MED PA'I PHYIR RO, ,'DOD NA RIMS KYIS DON BYED PAR 'GAL LO, ,RTAG PA LHAN CIG BYED RKYEN LA BLTOS PA YIN NO ZHE NA YANG MI 'THAD PAR THAL, DE MI 'THAD PA RIG BYED 'GOG PA'I SKABS SU BSHAD ZIN PA'I PHYIR, GNYIS PA NI, DE CHOS CAN 'BRAS BU CIG CAR BYED PA YANG MA YIN TE, SNGAR BYED PA DE'I RANG GI NGO BO NI, PHYIS KYANG MI BYED PAR MI 'THAD PA'I PHYIR RO, ,DES NA RTAG PA NI CHOS CAN, DNGOS POR YOD PA'I MTSAN NYID LAS 'DAS PA YIN TE, DON BYED NUS PA THAMS CAD LAS LOG

, ,PA YIN PA'I PHYIR, GNYIS PA NI, RTAG PA'I DNGOS PO MI SRID PAR THAL, DON BYED NUS PA GANG YIN PA DE KHO NA PHYI ROL GYI DON KHAS LEN PA'I SKABS 'DIR DON DAM PA SGRO MA BTAGS PA'I TSUL DU YOD PA YIN PA GANG ZHIG ,RTAG PAS DON BYED MI NUS PA'I PHYIR, SKAD CIG MA MA YIN PA DE LA CHOS CAN, DNGOS POR MED DE, RIM DANG RIM MA YIN PAR DON BYED PA 'GAL BA'I PHYIR, RKANG PA DANG PA GNYIS DNGOS PO LA DON BYED NUS PAS KHYAB PA'I DON BSDU BA DANG, PHYI MA GNYIS RTAG PA LA DON BYED PA KHEGS PA'I DON BSDU BA'O, ZHES BYA BA NI BSDU BA'I TSIGS SU BCAD PA'O, ,SKABS 'DIR 'THAD LDAN DU SHIN TU SKUR PA LHUR BYED PAS KYANG DON DAM PAR DON BYED NUS PA LA BSNYON PA DANG, KUN RDZOB TU YANG RNAM PAR BZHAG NAS DNGOS PO YOD PA BRJOD PAR BYA'I, DON DAM PAR DON BYED NUS PA NYID NI MA YIN NA ZHES BSHAD PA'I DON NI, 'DI'I PHYOGS SNGA MA SMRA BA NI, DNGOS PO KHAS BLANGS NAS DE RANG BZHIN GYIS MA GRUB PAR KHAS LEN PA'I NGO BO NYID MED PAR SMRA BA YIN TE, DE LA DNGOS PO KUN RDZOB TZAM DU DON BYED NUS PA YIN GYI DON DAM PAR NI MA YIN NO, ZHES SMRA BA NI DNGOS PO LA SKUR BA 'DEBS PA YIN TE, SGRO MA BTAGS PAR DON BYED NUS NA DON DAM PAR YOD PAR GRUB ZIN LA, DE MI NUS NA RIMS DANG CIG CAR GYIS DON BYED PA 'GAL BA'I PHYIR, SKAD CIG MAR BZHAG TU MI RUNG NGO ZHES DNGOS POR SMRA BA'I LUGS BZUNG NAS NGO BO NYID MED PA LA DGAG PA MDZAD PA

YIN NO, ,DGAG PA DE NI ZHAR BYUNG TZAM DU MDZAD PA YIN NO, ,RTAG PA LA BYAS PA DANG DNGOS PO 'GOG PA'I RIGS PA 'DI DAG LA SHIN TU MKHAS PAR BYA STE, SDE BDUN 'DIR SLOB DPON GYIS 'DUS BYAS THAMS CAD MI RTAG ,ZAG PA DANG BCAS PA THAMS CAD SDUG BSNGAL, CHOS THAMS CAD BDAG MED, MYA NGAN LAS 'DAS PA ZHI BA'I LTA BA DKAR RTAGS KYI PHYAG RGYA BZHIS GSUNG RAB RGYAS BTAB NAS GNAS PA'I DON DE NYID DNGOS PO STOBS ZHUGS KYI RIGS PAS PHYIN CI MA LOG PAR GTAN LA 'BEBS PA YIN LA, DE'I NANG NAS KYANG THOG MAR BYAS PA DANG DNGOS PO LA MI RTAG PAS KHYAB PAR RTOGS PA GAL CHE BAR GZIGS NAS, 'DI DANG RGYAS PA'I BSTAN BCOS RNAM 'GREL DU RGYAS PAR GTAN LA PHAB BO, ,DNGOS PO LA MI RTAG PA'I KHYAB PA NGES NA, GANG ZAG GI BDAG 'DZIN KUN BRTAGS MNGON GYUR LDOG STE, GANG ZAG GI BDAG YOD PAR KHAS LEN PA RNAMS KYIS RTAG PA DANG DNGOS PO'I GZHI MTHUN DU KHAS BLANGS PA'I PHYIR, CHOS KYI BDAG MED 'DI DANG RNAM 'GREL GNYIS KYI MNGON SUM LE'UR GTAN LA PHAB LA, GANG ZAG GI BDAG MED RNAM 'GREL LE'U GNYIS PAR RGYAS PAR GTAN LA BAB CING, ZAG PA DANG BCAS PA SDUG BSNGAL BA DANG, MYA NGAN LAS 'DAS PA ZHI BA YANG DER GTAN LA BAB [?] BO, ,'DI NAS BSTAN PA 'DI 'DRA BA GCIG RIGS PAS LEGS PAR MA DES NA MNGON PAR RTOGS PA'I RGYAN NAS MKHYEN PA GSUM BSHAD PA'I GZHI SHES LA RGYAL BA DGYES PA'I NGES PA CUNG ZAD KYANG MI RNYED PAS

, ,GNAS 'DI LA SHIN TU PHRA BA'I BLOS 'JUG PAR BYA'O, ,GNYIS PA PHUNG KHAMS SKYE MCHED KYI RANG BZHIN GYI BYAS PA LA MI RTAG PA'I KHYAB PA SGRUB BYED BSHAD PA LA GNYIS, DNGOS DANG, RTZOD PA SPANG BA'O, ,DANG PO LA GNYIS, BYAS PA LA MI RTAG PA'I KHYAB PA SGRUB PA DANG, DES DNGOS PO LA MI RTAG PA'I KHYAB PA'ANG BSHAD PA'O, ,DANG PO LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, LTOS MED DANG GNOD PA CAN LA BRTEN NAS BYAS PA LA MI RTAG PA'I KHYAB PA SGRUB PA LAS YANG NA PHUNG KHAMS SKYE MCHED KYI RANG BZHIN GYI DNGOS PO LA MI RTAG PAS KHYAB PA BSGRUBS PA NYID KYIS KHYAB PA SGRUB PA STON PA NI BYAS PA LA MI RTAG PAS KHYAB PA MA GRUB PA'I SKYON MED PAR THAL, PHUNG PO DANG KHAMS DANG SKYE MCHED KYI MTSAN NYID KYIS BSDUS PA'I BYAS PA YIN NA MI RTAG PA NYID DU TSAD MAS BSGRUB PA'I PHYIR, PHUNG KHAMS SKYE MCHED KYI MTSAN NYID KYI SGO NAS BYAS PA LA MI RTAG PA'I KHYAB PA JI LTAR GRUB CE NA, PHUNG KHAMS SKYE MCHED KYI RANG BZHIN GYI BYAS PA LA MI RTAG PAS KHYAB PA GRUB NA, BYAS TZAM LA MI RTAG PAS KHYAB PA GRUB PAR THAL, PHUNG PO DANG KHAMS DANG SKYE MCHED DE 'DI DE BZHIN MA YIN PA LA NI BYAS PA YIN PA'I RJES SU 'GRO BA BSGRUB PA MI 'THAD PA'I PHYIR, DER THAL, DE LA DE MA GRUB PA'I PHYIR TE, SGRUB BYED KYI TSAD MA MED PA'I PHYIR RO, ,GNYIS PA LA GNYIS, PHUNG PO LNGA'I RANG BZHIN GYIS BYAS PA LA MI RTAG PA'I KHYAB PA BSGRUB PA DANG, DES KHAMS DANG SKYE MCHED KYANG BSHAD PA'O, ,DANG PO LA GSUM, 'DUS BYAS LA PHUNG POS KHYAB PAR BSTAN PA DANG, PHUNG PO LA MI RTAG PAS KHYAB PAR

BSGRUB PA DANG, DES NA RANG RGYU LAS 'JIG PAR SKYES PAR GRUB PA'O, ,DANG PO NI, PHUNG PO LNGA PO TZAM ZHIG BYAS PAR BZUNG NA GRUB MTHA' DANG 'GAL LO ZHE NA, SANGS RGYAS PA KHO BO CAG GIS BYAS PA YIN NA NI PHUNG PO DE NYID YIN PAS KHYAB STE, JI SKAD DU CHOS MNGON PA'I MDO LAS 'DUS BYAS GANG ZHE NA, ZHES 'DRI BA LA PHUNG PO LNGA'O ZHES LAN GDAB PA RIGS PAR GSUNGS PA YIN LA, DE LA RIGS PA'I GNOD PA MED PA'I PHYIR, CES PA DANG, 'DUS BYAS LA PHUNG PO LNGAR NGES PA MDO LAS MA GSUNGS PA'I SKYON MED DE, CHOS MNGON PA'I MDO LAS GSUNGS PA'I PHYIR RO, ZHES PA'I DON YIN GYI, 'DUS BYAS LA PHUNG PO LNGAR NGES PA'I SGRUB BYED DU LUNG BKOD PA MA YIN TE, DNGOS PO STOBS ZHUGS KYI SKABS SU LUNG SGRUB BYED DU RNAM PA THAMS CAD DU MI RUNG BA'I PHYIR RO, ,GNYIS PA LA GNYIS, DBANG PO LNGA LA MI RTAG PAS KHYAB PA SGRUB PA DANG, LHAG MA MI RTAG PAR BSGRUB PA'O, ,DANG PO NI, PHUNG PO LNGA YOD PA DE LA MIG LA SOGS PA'I DBANG PO LNGA NI NUS PA SNGA PHYI 'PHO BA'I RANG BZHIN CAN YIN TE, DE'I 'BRAS BU RNAM PAR SHES PA SKABS 'GAR SKYE BA RNAM PAR CHAD PA DANG GSAL MI GSAL RNAM PAR 'GYUR BA MTHONG BA'I PHYIR RO, ,DE YANG DBANG SHES SPYIR SKYE BA MTHONG ZHING, DBANG YID YOD PA'I SKABS 'GAR SKYE BA CHAD PA MTHONG BA'I RTAGS LAS DBANG YID LAS GZHAN PA'I RGYU GCIG YOD PAR DPAG NUS LA DE LA DBANG PO ZHES THA SNYAD DU BYA ZHING YID BYED GOMS PA CHE CHUNG DANG YUL THAG NYE RING GI KHYAD PAR MED PAR YANG DBANG SHES GSAL MI GSAL GYI RNAM PAR 'GYUR BA MTHONG BA'I RTAGS

, ,LAS DBANG PO LA NUS PA 'PHO BA'I MI RTAG PAR GRUB PA YIN NO, ,DBANG SHES CHAD 'GYUR BYED PAR MTHONG BA'I RTAGS LAS DBANG PO MI RTAG PAR GRUB PAR THAL, DBANG PO DE DAG GI RANG BZHIN RTAG PA DE NYID YIN NA NI DE'I 'BRAS BU CHAD 'GYUR BYED PA DE MI 'THAD PA'I PHYIR, DER THAL, RTAG PAS 'BRAS BU BSKYED PA RKYEN LA BLTOS PAR YANG 'GAL BA'I PHYIR RO, ,GNYIS PA NI, DE BZHIN DU GZUGS SGRA LA SOGS PA'I YUL LNGA YANG CHOS CAN, MI RTAG PA NYID YIN TE, SKYE BA DANG 'GAG PAR MNGON SUM TSAD MAS SO SOR RIG PA NYID YIN PA'I PHYIR, TSOR BA BDE DANG SDUG BSNGAL BAS MTSON PA'I TSOR BA'I PHUNG PO DANG YUL GYI THUN MONG MA YIN PA'I MTSAN MA NYE BAR RTOG PA'I 'DU SHES KYI PHUNG PO DANG 'DOD CHAGS LA SOGS PA MTSUNGS LDAN GYI 'DU BYED KYI PHUNG PO DANG YUL LA NYE BAR DMIGS PA RNAM PAR SHES PA'I PHUNG PO RTZOD GZHIR BZUNG NAS RTAGS CHOS BSHAD MA THAG PA NYID SBYAR RO, ,LDAN PA MA YIN PA'I 'DU BYED KYI PHUNG PO CHOS CAN, MI RTAG PA YIN TE, SKYE BA DANG 'GAG PAR MNGON SUM DANG RJES DPAG CI RIGS PAS GRUB PA'I PHYIR, GSUM PA NI, PHUNG PO LNGA MI RTAG PAR GRUB PA DE LTA BU'I RANG BZHIN CAN DE DAG NI CHOS CAN, RANG NYID MI RTAG PAR BSGRUBS PA LA DGOS PA GZHAN YANG YOD DE, RANG GI RGYU'I RANG BZHIN DE DAG GIS RANG NYID 'JIG PA DE LTA BU'I NGO BOR BSKYED PA YIN PAR SGRUB PAR BYED NUS PA YIN PA'I PHYIR, RNAM PA DE LTA BU'I SKYE BA CAN GZHAN DAG KYANG CHOS CAN, RANG GI RGYU DES RANG GI NGO BO 'JIG PA DE LA SBYOR BAR BYED PA YIN TE, DES RANG NYID 'JIG PA'I NGO

BOR BSKYED PA'I PHYIR, GNYIS PA NI, PHUNG PO LA MI RTAG PAS KHYAB PA BSGRUBS PA 'DIS NI 'DUS BYAS KYIS BSDUS PA'I KHAMS DANG SKYE MCHED KYANG MI RTAG PAS KHYAB PA BSHAD PA YIN TE, SNGAR BSHAD PA'I GTAN TSIGS DE DAG LA BRTEN NAS MI RTAG PAR DON GYI SHUGS KYIS BSTAN PA'I PHYIR, GAL TE 'DUS MA BYAS KYI NAM MKHA' DANG SO SOR BRTAGS 'GOG DANG, SO SOR BRTAGS PA MA YIN PA'I 'GOG PA CHOS KYI SKYE MCHED DANG KHAMS KYIS BSDUS PA 'DUS MA BYAS DAG KYANG YOD PAS KHAMS DANG SKYE MCHED KYANG MI RTAG PAR GRUB BO ZHES CI LTAR BRJOD CE NA, 'DUS BYAS KYIS BSDUS PA'I KHAMS DANG SKYE MCHED DAG KYANG I RTAG PAR 'GAL BA MED DE, 'DUS BYAS KYIS BSDUS PA'I CHOS KYI SKYE MCHED DANG KHAMS KYANG TSOR BA DAN 'DU SHES DANG 'DU BYED KYI PHUNG PO DANG BCAS PA'I PHUNG PO BAR PA GSUM GYIS RANG BZHIN GYI RDZAS YIN PA'I PHYIR, 'DIR 'THAD LNGAN DU, 'DI LTAR PHUNG PO GSUM PO DE DAG NI MI RTAG PAR BSGRUBS PA YIN LA DE LAS THA DANG PAR NAM MKHA' LA SOGS PA NI MDO SDE PAS BKAG PA DANG KHAS MA BLANGS PA YIN NO, ZHES BSHAD PA NI, YOD TZAM LA MI RTAG PAS KHYAB PA BSGRUB PA'I DON YIN NO ZHES 'CHAD PA NI GZHUNG GI DON MA YIN CING RIGS PA DANG KHAS BLANGS DANG 'GAL BA YIN TE, MDO SDE PAS SO SOR BRTAGS 'GOG YOD PAR MI 'DOD NA 'GOG BDEN SEMS SU 'DOD PA YIN NO ZHES SMRA BA JI LTAR MI 'GAL BA BSAM PAR BYA BA YIN NO, ,RNAL 'BYOR MNGON SUM GYI SKABS SU BDEN BZHI'I NGOS 'DZIN BSHAD PA SEMS TZAM PA 'BA' ZHIG GI LUGS SU SMRA BA DANG,

, ,'GOG BDEN SEMS SU 'DOD PA LA SKABS DE NYID DU DGAG PA BSHAD ZIN TO, ,'DIR 'THAD LDAN DU BSHAD PA'I DON NI, DNGOS POR GYUR PA'I CHOS KYI KHAMS DANG, SKYE MCHED LA MI RTAG PAS KHYAB PA SGRUB BZHED PA YIN LA, DE NI PHUNG PO BAR PA GSUM GYI RANG BZHIN DU 'DUS PAS DE LA MI RTAG PAS KHYAB PA MA GRUB PA'I SKYON MED DO, ,'DUS MA BYAS GSUM CHOS KYI KHAMS DANG SKYE MCHED YIN KYANG, BYE BRAG SMRA BA LTAR DE GSUM DNGOS POR 'DOD PA MDO SDE PAS BKAG PA DANG DNGOS POR KHAS MA BLANGS PA'I PHYIR, DE DAG LA MI RTAG PAS KHYAB PA MA GRUB KYANG DNGOS PO LA MI RTAG PAS KHYAB PA MA GRUB PA'I SKYON MED DO, ,GNYIS PA NI, DNGOS PO LA MI RTAG PAS KHYAB PA MA BSGRUBS PA'I SKYON MED DE, PHUNG KHAMS SKYE MCHED KYI RANG BZHIN GYI BYAS PA LA MI RTAG PAS KHYAB PA BSGRUBS PA 'DIS NI DNGOS POR YOD PA LA YANG MI RTAG PAS KHYAB PA BSHAD PA YIN PA'I PHYIR, GNYIS PA RTZOD SPANG LA GSUM, LTOS MED KYI GTAN TSIGS DON MED DU THAL BA SPANG BA DANG, DE DON YOD NA 'JIG PA GTAN RGYU MED DU THAL BA SPANG BA DANG, 'JIG PA'I RGYU YOD NA 'JIG PA RGYU MED DU BSHAD PA DANG 'GAL BA SPANG BA'O, ,DANG PO LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, GAL TE MIG LA SOGS PA'I DBANG PO RNAMS GTAN TSIGS GZHAN LA BRTEN NAS MI RTAG PAR GRUB CING, TSOR BA LA SOGS PA MI RTAG PAR MNGON SUM GYIS GRUB PA 'O NA DA NI BYAS PA 'JIG PAR SGRUB PA LTOS PA MED PA'I GTAN TSIGS BKOD PA LA NUS PA CI ZHIG YOD DE, RGYU MTSAN GANG GI

PHYIR NA PHUNG PO LA SOGS PA DAG NI KHA CIG MNGON SUM DANG GZHAN DAG GTAN TSIGS GZHAN KHO NAS MI RTAG PAR GRUB PA'I PHYIR RO ZHE NA, GNYIS PA LA GSUM, LTOS MED KYI GTAN TSIGS BKOD PA'I DGOS PA DANG, LTOS MED MA GRUB NA BYAS PA LA 'JIG PAS MA KHYAB PAR 'GYUR BA DANG, LTOS MED KYI RTAGS KYI NUS PA'I KHYAD PAR RO, ,DANG PO NI, BYAS PA 'GA' ZHIG GTAN TSIGS GZHAN GYIS MI RTAG PAR GRUB KYANG, LTOS MED KYI GTAN TSIGS DGOS PA MED PA MA YIN TE, BYAS PA'I KHYAD PAR 'GA' ZHIG MI RTAG PAR GTAN TSIGS GZHAN GYIS GRUB KYANG BYAS PA'I RNAM PA DE LTA BU DAG MTHA' DAG LA MI RTAG PA DES KHYAB PA NI BLTOS PA MED PA'I GTAN TSIGS LAS RTOGS DGOS PA YIN PA'I PHYIR, GNYIS PA NI, 'JIG PA LA RGYU YOD PA YIN NA CI'I PHYIR 'JIG PAS MA KHYAB PAR 'GYUR ZHE NA, BYAS PA 'JIG PA LA SKYED BYED MA YIN PA'I RGYU YOD PA YIN NA NI, BYAS PA LA 'JIG PAS MA KHYAB PAR 'GYUR TE, PHYIS BYUNG GI 'JIG RGYU LA BLTOS NA 'JIG RGYU TSANG BA 'GA' ZHIG DE LTAR 'JIG PA YIN KYANG GZHAN LA 'JIG RGYU MA TSANG BAS MI 'JIG PAR YANG 'GYUR BA'I PHYIR, GSUM PA NI, PHYIS BYUNG GI 'JIG RGYU LA BLTOS PA MED PA NYID KYI GTAN TSIGS 'DIS NI CHOS CAN, GZHI BYAS PA'I STENG DU RES 'JIG RES MI 'JIG GI 'JIG PA RES 'GA' PA DE MED PA'I RANG GI NGO BO NYID DU SGRUB PAR BYED DE, DE'I STENG DU 'JIG PA RDZAS 'GA' ZHIG LA DUS 'GA' ZHIG GI TSE KHO NAR 'GYUR ZHING GZHAN GYI TSE MI 'GYUR BA 'GAL BA STE 'GOG PAR BYED PA'I PHYIR, PHYIS BYUNG GI RGYU LA BLTOS PA MED PA'I RANG BZHIN

, ,GYI 'JIG PA GANG MIN PA DE NI 'JIG PA RES 'GA' BA DANG 'GAL BAR THAL, GAL TE DUS RES 'GA' 'AM RDZAS 'GA' ZHIG KHO NA LA 'JIG PAS KHYAB PAR 'GYUR NA NI PHYAS BYUNG GI RGYU LA BLTOS PA MED PA NYID DU MI 'GYUR BA'I PHYIR, DER THAL, DE LTA NA 'JIG PAR 'GYUR BA DUS DANG RDZAS NYI TSE BA DE KHO NA LA BLTOS PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, 'JIG PA BYAS PA'I RGYU LAS GZHAN LA BLTOS MED DU KHAS LEN PA 'O NA NI 'JIG PA'I RANG GI NGO BO DE RGYU LA BLTOS PA MED PA'I PHYIR, GTAN RGYU MED PA CAN DU 'GYUR RO ZHE NA, GNYIS PA LA GNYIS, DNGOS PO'I RGYU LAS 'JIG PA SKYE BAR BSTAN PA DANG, RGYU MED KYI DNGOS PO DGAG PA'O, ,DANG PO NI, 'JIG PA RGYU MED PA CAN DU MI 'GYUR TE, DNGOS POR YOD PA'I RGYU'I DNGOS PO NYID LAS DNGOS PO 'JIG PA DE LTAR SKYE BA'I PHYIR, DER THAL, DNGOS POR YOD PA 'BYUNG BA NI 'JIG PA RANG CHAS SU RJES SU 'BREL BA DE 'DRA BA NYID DU 'GYUR BA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, GAL TE DNGOS PO'I RGYU LAS 'JIG PA SKYE NA DNGOS POR YOD PA NI GDON MI ZA BAR RGYU 'GA' ZHIG LAS 'BYUNG BA MA YIN TE, MA SKYES PA'I DNGOS PO YANG YOD PA'I PHYIR, 'JIG PA 'GA' ZHIG RGYU GTAN MED DU 'GYUR RO ZHE NA, GNYIS PA LA GNYIS, RGYAS PAR BSHAD PA DANG, DON BSDU BA'O, ,DANG PO NI, 'O NA NI MA SKYES PA'I DNGOS POR YOD PA 'DI CHOS CAN, DNGOS PO 'GA' ZHIG LA YUL 'GA' ZHIG TU DUS 'GA' ZHIG GI TSE YANG LDOG PAR MI 'GYUR BAR RTAG KHYAB TU YOD PAR

THAL, GLO BUR BA RGYU MED KYI DNGOS PO YIN PA'I PHYIR, RTAG PA'I DNGOS PO YIN NA NI, YUL DUS RANG BZHIN GANG NA YANG LDOG MI SRID PA YIN TE, GAL TE MA SKYES PA'I DNGOS POR YOD PA 'DI CHOS CAN, YUL DUS RANG BZHIN NGES PA DANG LDAN PAR MI 'GYUR BAR THAL, YUL DUS RDZAS KYI RGYU DANG 'BREL BA MA YIN PA'I PHYIR, KHYAB PAR THAL, GANG 'GA' ZHIG YUL DUS KYI RGYU LA NYE BAR BRTEN PA DE LA YUL DUS KYI RGYU LA CUNG ZAD 'BREL BAS KHYAB, YUL DUS KYI RGYU LA BRTEN PA MA YIN PA DE YUL DUS KYI RGYU LA 'BREL BA MA YIN PAS KHYAB PA'I PHYIR, 'AM GYI SGRAS RJES SU 'GRO LDOG PHAN TSUN SDUNG PA'O, ,GNYIS PA NI, DNGOS PO 'DI NI CHOS CAN, 'GAR YANG GLO BUR BA RGYU MED MA YIN PAR THAL, YUL DUS RANG BZHIN GYI RGYU LA BLTOS PA DE'I PHYIR, GSUM PA LA GNYIS, RTZOD PA DANG, LAN NO, ,DANG PO NI, 'JIG PA RGYU LA BLTOS PA 'O NA DA NI SNGAR 'JIG PA RGYU MED PAR BSHAD PA JI LTAR RIGS PAR 'GYUR ZHE NA, GNYIS PA LA GNYIS, RGYAS PAR BSHAD PA DANG, DON BSDU BA'O, ,DANG PO LA GSUM, DNGOS PO SKYED BYED MA YIN PA'I DNGOS PO'I 'JIG PA SKYED BYED MED PA DANG, DNGOS PO 'JIG PA DON GZHAN DANG LDAN PA DGAG PA DANG, ZHIG PA LA 'JIG PAR 'JIG RTEN NA GRAGS PA DANG 'GAL BA SPANG BA'O, ,DANG PO NI, DNGOS PO'I 'JIG PA BSKYED PA'I RGYU CUNG ZAD KYANG MED PAS 'JIG PA RGYU MED DU BSHAD PA MA YIN TE, DNGOS PO SKYES PA DE'I NGO BO 'JIG PAR SKYES PA SKYED BYED KYI RGYU LAS GZHAN PHYIS BYUNG GI RGYU LA MI LTOS PA LA BSAMS NAS, RGYU MED PHYIR NA 'JIG PA NI, ZHES BSHAD PA'I PHYIR RO, ,

, ,GNYIS PA NI, DNGOS PO 'JIG PA DON GZHAN DANG LDAN PAS 'JIG PAR BSHAD PA MA YIN NAM, DNGOS PO'I RGYU LAS RANG NYID 'JIG PAR JI LTAR SKYE ZHE NA, RIGS PA GZHAN YANG STON PA NI, DNGOS PO'I 'JIG PA CES BYA BA DNGOS PO LAS RDZAS GZHAN DU GYUR PA 'GA' YANG MED PAR THAL, DNGOS PO NYID 'JIG PA DANG GRUB BDE RDZAS GCIG PA YIN PA'I PHYIR RO, ,DE LTAR YIN TE, KHYAB MNYAM PA'I TSUL DU DNGOS PO DE NYID SKAD CIG MAR GNAS PA'I PHYIR RO, ,GSUM PA NI, 'JIG RTEN NA DNGOS PO GNAS PA'I DUS NYID 'JIG PAR MI BRJOD KYI DNGOS PO BZHIG PA LA MI RTAG PAR BRJOD PAS DNGOS PO NYID MI RTAG PAR 'DOD PA GRAGS PA DANG 'GAL LO ZHE NA, 'JIG RTEN NA BUM PA GYO DUM DU SONG BA'I DUS NA BUM PA MI RTAG PA'O SNYAM PA'I NGES PA SKYES PA DANG, BUM PA RANG DUS NA MI RTAG PAR KHAS BLANGS PA GNYIS 'GAL BA MED PAR THAL, NANG GI 'KHRUL RGYU BLO ZHAN PA RNAMS KYIS BUM PA 'DI'I RANG BZHIN MI RTAG PA DE RANG DUS NA MNGON SUM GYIS MTHONG YANG PHYIS GYO DUM DU SONG BA'I DUS NA BUM PA MI RTAG PA'O SNYAM PA'I NGES PA SKYE BAR 'GYUR GYI SNGAR RANG DUS NA MA YIN PA'I PHYIR, DNGOS PO RANG DUS SU MI RTAG PA MNGON SUM DU MTHONG YANG DE'I DUS SU MI RTAG PA MNGON SUM GYI STOBS KYIS MI NGES PAR THAL, DE'I DUS SU MTHONG YANG MI RTAG PAR NGES PA'I MTHONG BA GSAL BA MED PA'I PHYIR RO, ,RTAG PAR 'KHRUL PA'I RGYU GSUM STE, NANG GI 'KHRUL RGYU BLO ZHAN PA DANG, PHYI'I 'KHRUL RGYU YOD PA BAR MA CHAD PA DANG, 'DRA BA GZHAN 'BYUNG GSUM TSANG BA'I DUS NA SO SO SKYE BO'I MNGON SUM GYIS BUM PA LA

SOGS PA MI RTAG PAR MI RTOGS LA, 'DRA BA GZHAN 'BYUNG LTA BU MA TSANG BA'I BUM PA GYO DUM DU SONG BA'I GNAS SKABS SU BUM PA MI RTAG PAR RTOGS TE, DE YANG BUM PA GYO DUM DU SONG BA'I DUS NA BUM PA MI RTAG PA'O SNYAM PA'I NGES SHES SKYES PA'I DUS YIN GYI, GYO DUM 'DZIN PA'I MNGON SUM TSAD MA DES BUM PA'I MI RTAG PA RTOGS PA DANG BUM PA BZHIG PA RTOGS PA LA BUM PA MI RTAG PA'O SNYAM DU RTOGS PA MA YIN TE, SNGA PHYI GNYIS KA BUM PA'I MI RTAG PA RTOGS PAR 'JOG PA LA 'BREL PA CUNG ZAD KYANG MED PA'I PHYIR RO, ,DES NA BUM PA'I RJES SU GYUR PA'I MI RTAG PA RTOGS PA YIN KYANG BUM PA MI RTAG PA'O SNYAM PA'I NGES PA BUM PA GYO DUM DU SONG BA'I GNAS SKABS LTA BUR SKYE DGOS KYI BUM PA RANG NYID GNAS PA'I DUS SU NI MA YIN TE, DE LTA NA BUM PA THA MA'I SNGA ROL GYI BUM 'DZIN MNGON SUM GYIS BUM PA'I MI RTAG PA RTOGS DGOS NA DE NI MI RIGS TE, DE'I TSE RTAG PAR 'KHRUL BA'I RGYU GSUM KA TSANG BA'I PHYIR RO, ,'DI NI SLOB DPON LHA DBANG BLO DANG SLOB DPON CHOS MCHOG GNYIS KA'I LUGS KHA NA MA THOB MED PA YIN NO, ,RGYU MTSAN NGES NA BUM PA BZHIG PA'I GNAS SKABS NYID BUM PA'I MI RTAG PA YIN PAR 'JIG RTEN PA'I MNGON SUM TSAD MAS KYANG RTOGS PA MA YIN PAR THAL, BUM PA THA MA NYID MI RTAG PAR RTOGS PA YIN KYANG PHYIS BUM PA BZHIG PA NA BUM PA MI RTAG PA'O SNYAM PA'I NGES PA SKYES PA DE'I DBANG GIS 'JIG RTEN PA RNAMS BUM PA MI RTAG PAR RNAM PAR 'JOG CING THA SNYAD BYED PA'I PHYIR, MTHONG BA'I DUS SU MA NGES PAR PHYIS THA SNYAD BYED PA YOD DE, DUG GI RANG BZHIN MI SHES PA DAG ZA BA'I DUS SU 'CHI BA'I NUS PA DANG LDAN PAR MI NGES KYANG DUG

, ,GI RNAM PAR 'GYUR BA LUS SBRID PA DANG KHA CHU 'DZAG PA SOGS MTHONG NAS 'CHI BA'I NUS PA DANG LDAN PA'I DUG TU RNAM PAR 'JOG PA MTHONG BA'I PHYIR, DPE DE BZHIN NO, ,GNYIS PA NI, DNGOS PO DANG BYAS PA DE LA 'JIG PAS KHYAB PA YIN TE, 'JIG PA 'DI NI DNGOS POR YOD PA SKYED PAR BYED PA'I RGYU LAS SKYES PA MA GTOGS PAR PHYIS BYUNG GI RGYU GZHAN 'GA' ZHIG LA BLTOS PA MED PA'I PHYIR, DER THAL, DE LTAR GONG DU BSGRUBS PA DE BAS NA STE DE'I PHYIR, GNYIS PA LTOS MED KYI RTAGS KYI PHYOGS CHOS MA GRUB PA SPANG BA LA GNYIS, PHYOGS CHOS BSGRUB PA DANG, DE DAG GIS GRUB PA'I DON TO, ,DANG PO LA GNYIS, RTZOD PA DANG, LAN NO, ,DANG PO NI, YANG JI LTAR NA BYAS PA'I 'JIG PA BYAS PA SKYED BYED MA YIN PA'I RGYU LA BLTOS PA MED PA CES BYA BA 'DI TSAD MA GANG GIS RTOGS PAR BYA ZHE NA, GNYIS PA LA GNYIS, RTZA BA DANG, 'GREL PA'O, ,DANG PO NI, BYAS PA DE SKYED BYED MA YIN PA'I RGYU CHOS CAN, BYAS PA'I 'JIG PA SKYED BYED MA YIN TE, BYAS PA'I 'JIG PA BSKYED PA'I NUS PA MED PA'I PHYIR, BYAS PA'I 'JIG PA BSKYED PA'I NUS PA MED DE, BYAS PA'I 'JIG PA DNGOS POR GYUR PA DANG DNGOS PO MED PAR GYUR PA YANG BSKYED PA'I NUS PA MED PA'I PHYIR, RTAGS SNGA MA GRUB STE, BYAS PA'I 'JIG PA BYAS PA DANG RDZAS GCIG DANG THA DAD GANG YANG MI BSKYED PA'I PHYIR, RTAGS PHYI MA GRUB STE, DNGOS MED RGYU'I NUS PA'I YUL DU MI RUNG BA'I PHYIR, GNYIS PA LA GNYIS, RGYAS PAR BSHAD PA DANG, DON BSDU BA'O, ,DANG PO LA GSUM, YANG SGRA'I NUS PA DANG, SKYED BYED KYI RGYU

MA YIN PA LA 'JIG PA DNGOS PO BSKYED PA'I NUS PA MED PA DANG, DNGOS MED BYED NA RGYU'I BYA BA BKAG PAR BSTAN PA'O, ,DANG PO NI, RTZA BAR YANG GI SGRA SMOS PA LA DGOS PA YOD DE, YANG GI SGRAS NI 'JIG RGYUS BZHIG PA DNGOS PO MED PA BYED NA MNGON PAR 'DOD PA'I 'BRAS BU BYED PA'I BYA BA BKAG PAR BSTAN PA'I YANG PHYIR RO, ZHES BYA BA'O, ,GNYIS PA LA GNYIS, DRI BA DANG, LAN NO, ,DANG PO NI, CI LTAR 'JIG RGYU LA 'JIG PA DNGOS PO BYED PA'I NUS PA MED CE NA, GNYIS PA LA GNYIS, RGYAS PAR BSHAD PA DANG, DON BSDU BA'O,, DANG PO NI, 'JIG RGYUS 'JIG PA DNGOS POR GYUR BA BYED NA DNGOS PO DANG RDZAS GCIG BYED DAM RDZAS GZHAN BYED, DANG PO LTAR NA, DNGOS PO CHOS CAN, KHYOD KYI 'JIG PA DE KHYOD RANG LAS PHYIS BYUNG GI RGYUS BYED PA MA YIN TE, KHYOD RANG RGYU LAS 'JIG PA'I DNGOS POR GRUB PA'I PHYIR, GNYIS PA LTAR RDZAS GZHAN BYED NA YANG DNGOS PO LA PHAN BTAGS SAM MA BTAGS, DANG PO MI 'THAD DE, DNGOS PO'I PHYIS BYUNG BA'I PHYIR, GNYIS PA LTAR NA, PHYIS BYUNG GI 'JIG RGYU CHOS CAN, DNGOS PO 'JIG PAR BYED PA MA YIN PAR THAL, DNGOS PO DE LA BYA BA CUNG ZAD KYANG BYAS PA MED PA'I PHYIR, KHYAB PAR THAL, DES NA 'JIG PAR BYED PA'I RGYUS 'JIG PA DON GZHAN BYED PA NI MA YIN PA'I PHYIR, GNYIS PA NI, DES NA PHYIS BYUNG GI 'JIG RGYU 'DI CHOS CAN, DNGOS PO'I 'JIG PA DE'I DON GZHAN BLTOS PAR BYA BA MA YIN PAR THAL, DNGOS PO LA PHAN PA CUNG ZAD KYANG MI BYED PA'I PHYIR, DER THAL, DNGOS PO 'JIG PA DNGOS PO'I RDZAS DE DANG DE MA YIN PA'I RDZAS KYI RANG BZHIN CUNG ZAD KYANG MI BYED PA'I PHYIR, GSUM PA LA GNYIS, DRI BA DANG, LAN NO, ,DANG PO NI, BZHIG PA

, ,DNGOS MED BSKYED NA JI LTAR RGYUS 'BRAS BU BSKYED PA'I BYA BA 'GOG CE NA, GNYIS PA NI, 'DI LTAR, NYAN THOS MDO SDE PA SNGA RABS PA KHA CIG 'JIG PA CES BYA BA NI DNGOS PO'I RDZAS SU GYUR PA YIN PAR MI 'DOD DE, DNGOS PO MED PAR GYUR PA BZHIG PA DE NYID 'JIG PA YIN PAR SEMS PA'I PHYIR, DES NA BUM PA 'JIG PA'I RGYU 'DI NI CHOS CAN, BUM PA MED PA BYED DO ZHES PAR 'GYUR BAR THAL, BUM PA'I BZHIG PA BSKYED PA'I PHYIR, 'DOD NA DE LA GAL TE BUM PA BZHIG NAS MED PA CES BYA BA'I NGO BO 'GA' ZHIG CHOS CAN, DNGOS PO MED PA MA YIN PAR THAL, 'BRAS BUR 'GYUR BA'I PHYIR, KHYAB PAR THAL, 'BRAS BU DE NYID KHO NA DNGOS PO YIN PA'I PHYIR, RGYU MTSAN DE BAS NA 'JIG RGYUS BZHIG PA DNGOS PO MED PA BYED NA RGYUS 'BRAS BU BSKYED PA'I BYA BA LA DGAG PA BYAS PAR 'GYUR BAR THAL, 'JIG RGYUS DNGOS PO MED PA BZHIG PA BYED DO ZHES BYA BA NI DNGOS PO MI BYED DO ZHES BYA BA'I DON YIN PA'I PHYIR, GNYIS PA NI, PHYIS BYUNG GI 'JIG RGYU 'DI CHOS CAN, DNGOS PO 'JIG PA'I DON GZHAN BLTOS PAR BYA BAR JI LTAR 'GYUR TE, MI 'GYUR BAR THAL, DE LTAR NA YANG DE LA PHAN PA CUNG ZAD KYANG MI BYED PA YIN PA'I PHYIR, DNGOS PO 'JIG PA NI SKYED BYED MA YIN PA'I RGYU GZHAN LA BLTOS PA MED PAR GRUB STE, DE LTAR GONG DU BSGRUBS PA DES NA'I PHYIR, GNYIS PA LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, LTOS MED KYI RTAGS DANG GNOD PA CAN GYI RTAGS KYI PHYOGS KHYAB LEGS PAR GRUB PA DE'I PHYIR, BYAS PA LA MI RTAG PAS KHYAB PAS GRUB CES PA'O, ,

GNYIS PA NI, GLOG LA SOGS PA MNGON GYUR GANG LA 'JIG CING 'GYUR BAR GRUB PA DE NGO BO NYID KYIS 'JIG PAR 'GYUR BA YIN TE, PHYIS BYUNG GI RGYU LA BLTOS MED DU 'JIG PA'I PHYIR, MNGON GYUR DE LAS GZHAN LKOG GYUR GYI BYAS PA LA'ANG NGO BO NYID KYIS 'JIG PAR 'GYUR BAR GRUB STE, DE YANG RGYU GZHAN LA BLTOS MED DU 'JIG PAR GRUB PA'I PHYIR, GSUM PA NI, GLOG LA SOGS PA MNGON GYUR 'GA' ZHIG LA 'JIG CING 'GYUR BAR MTHONG BA 'DI NI NGO BO NYID KYIS 'JIG PAR 'GYUR BA YIN TE, SKYED BYED MA YIN PA'I RGYU LA BLTOS PA MED PAR 'JIG PA'I PHYIR RO, ,DE BZHIN DU GZHAN LKOG GYUR GYI BYAS PA LA YANG CHOS CAN, NGO BO NYID KYIS 'JIG PAR 'GYUR BA GRUB PA YIN TE, MNGON GYUR GYI BYAS PA DANG, 'JIG RGYU GZHAN LA BLTOS MED DU 'JIG PAR KHYAD PAR MED PA'I PHYIR RO, ,GNYIS PA DES MTSON NAS RANG BZHIN GYI GTAN TSIGS GZHAN LA YANG SHES PAR BYA BA LA GNYIS, TSIG GI DON DANG, SPYI'I DON BSDU BA'O, ,DANG PO LA GSUM, RJES KHYAB JI LTAR GRUB PA'I TSUL DANG, DE GRUB NA LDOG KHYAB KYANG GRUB PA DANG, DE'I RGYU MTSAN NO, ,DANG PO NI, BYAS PAS SGRA MI RTAG PAR BSGRUB PA'I KHYAB PA JI LTAR GRUB PA'I TSUL, DE BZHIN DU RANG BZHIN GYI GTAN TSIGS YANG DAG GZHAN DAG KYANG CHOS CAN, RANG YOD PA DE TZAM DANG RANG CHAS SU RJES SU 'BREL PA GRUB PA KHO NA'I BSGRUB BYA'I CHOS RTZOD GZHI LA GO BAR BYED PA YIN PAR RIG PAR BYA STE, DE SGRUB LA TSUL GSUM TSANG BA'I PHYIR, RJES KHYAB TSAD MAS MA GRUB PA'I SKYON MED DE, RANG BZHIN GYI GTAN TSIGS KYI BDAG NYID JI 'DRA YIN PA JI

, ,LTA BA'I BLTOS MED DANG GNOD PA CAN GYI TSAD MA DAG GIS RTOGS PAR BYA BA YIN PA'I PHYIR, GNYIS PA NI, RJES KHYAB GRUB NA LDOG KHYAB KYANG NGES PAR GRUB PA YIN TE, RTAGS KYI DNGOS PO RANG YOD PA DE TZAM DANG RJES SU 'BREL BA'I RANG BZHIN GANG YIN PA'I GTAN TSIGS DE NI BSGRUB BYA'I CHOS DE NYID LA BDAG CIG PA'I MED NA MI 'BYUNG BA'I 'BREL PA NGES PA YIN PA'I PHYIR, GSUM PA NI, DNGOS PO TZAM DANG RJES SU 'BREL BA'I RANG BZHIN ZHES BYA BA BYAS PA DE NYID CHOS CAN, DE YANG RANG GI BDAG NYID MI RTAG PA BOR NAS JI LTAR YOD PAR 'GYUR TE, MED PAR THAL, MI RTAG PA RANG GI BDAG GCIG PA'I KHYAB BYED DU DNGOS SU YOD PA YIN PA'I PHYIR, GNYIS PA LA GNYIS, BYAS DNGOS LA MI RTAG PA'I KHYAB PA GRUB PA MI SRID PA SPANG BA DANG, RTAGS CHOS GNYIS LDAN GYI DPE MA GRUB PA SPANG BA'O, ,DANG PO LA GNYIS, RTZOD PA DANG, LAN NO, ,DANG PO NI, GAL TE DNGOS PO DANG BYAS PA MTHONG BA'I TSAD MA DE NYID KYIS MI RTAG PA LA BLO KHAM PHYOGS PA'I PHYIR RTAG PA'I KHYAD PAR CAN DU NGES PA YIN LA, BYAS DNGOS RTAGS SU BYAS NA SGRA MI RTAG PAR SGRUB PA'I RTAGS SU MI 'GYUR TE, MI RTAG PA DANG 'GAL BA'I RANG BZHIN DU NGES PA'I PHYIR, RTAG PA DANG BRAL BA'I DNGOS PO RTAGS SU BYED NA YANG MI RIGS TE, DE LTA BU TSAD MAS MA GRUB LA MA GRUB PA NI RTAGS SU MI 'THAD PA'I PHYIR RO, ZHE NA, 'DI NI TSAD MA'I BYA BA MI SHES PA'I RNAM 'GYUR YIN TE, TSAD MA NI NGES PA'I YUL LA 'JUG PAR BYED PA YIN CING NGES PA'I CHA GANG LA MI SLU BAR RJES SU RTOGS PA DE NYID LA NI TSAD MA YIN LA,

GANG LA BSLU BA DE LA NI TSAD MA MA YIN NO, ,DNGOS PO 'JAL BA'I TSAD MA RTAG PA LA TSAD MAR SONG BA MI SRID CING, DNGOS PO DANG RTAG PA 'GAL BAR TSAD MA GZHAN GYIS GRUB PA'I PHYIR RO, ,SNGAR GYI RTZOD PA DE NI DNGOS PO RTAG PAR 'DOD CING, DNGOS PO 'JAL BA'I TSAD MA DE NYID RTAG PA LA TSAD MAR 'DOD PA'I GZHAN SDE 'GA' ZHIG GI 'DOD PA YIN NO, ,GNYIS PA LA GNYIS, RTZOD PA DANG, LAN NO, ,DANG PO NI, BYAS PA LA MI RTAG PAS KHYAB PA DPE'I STENGS SU GRUB PA MI 'THAD DE, BSGRUB BYA MA NGES PA'I SNGA ROL TU MI RTAG PA NGES BYED KYI TSAD MA MED PA'I PHYIR, LUNG GIS GRUB PA MA YIN TE, DNGOS PO STOBS ZHUGS KYI SKABS SU LUNG SGRUB BYED DU MI RUNG BAR KHAS BLANGS PA'I PHYIR, MNGON SUM GYIS MA GRUB STE, DE LTA NA RTZOD GZHI LA YANG MNGON SUM GYIS GRUB PAR THAL BA'I PHYIR RO, ,MI RTAG PA RJES DPAG GIS GRUB PA MA YIN TE, DE LTA NA SGRUB BYED THUG MED BRGYUD DGOS PAR 'GYUR RO, ,SLOB DPON GYIS DPE BZUNG BAR BSHAD PA'I DON YANG GNOD PA CAN GYI RTAGS LA BRTEN PA'I RJES DPAG GI GZHAL BYA DPE LA STON PA'I DON YIN GYI, PHYIR RGOL LA BSGRUB BYA'I CHOS DANG LDAN PAR GRUB PA NI MA YIN NO, ,GNOD PA CAN GYI TSAD MA DE NYID KYIS BSGRUB BYA'I CHOS LDAN DU GRUB NA RTZOD GZHI LA YANG GRUB PAS BSGRUB BYA GRUB PAR 'GYUR RO ZHE NA, GNYIS PA NI, BYAS PA DANG DNGOS PO GZHI 'GAR CHAD MAS GRUB CING, RTAG PA LA BYAS PA DANG DNGOS PO 'GOG PA'I TSAD MA DANG RTAG PA DANG MI RTAG PA DNGOS 'GAL DU NGES PA'I TSAD MA LA BRTEN NAS, GANG CUNG ZAD BYAS PA DE THAMS CAD MI RTAG PAS KHYAB PA NGES

, ,PAR BYED PAS BSGRUB BYA MA GRUB PA'I SNGA ROL TU MI RTAG PA TSAD MAS MA GRUB PA'I SKYON MED LA, RTZOD GZHI LAS GZHAN PA'I BYAS PA DANG DNGOS POR MTHONG BA'I GZHI DE LA MI RTAG PAS KHYAB PAR STON PAS RTAGS CHOS GNYIS LDAN GYI DPE MED PAR THAL BA'I SKYON MED DO, ,'O NA THAMS CAD KYI NANG DU SGRA YANG 'DUS PAS DE YANG SKAD CIG MAR GRUB PA'I PHYIR, PHYOGS CHOS NGES PA'I TSAD MA ZUR DU DON MED PAR 'GYUR RO ZHE NA, 'O NA GANG DNGOS PO THAMS CAD MI RTAG PAR NGES PA NA RI BONG GI RVA YANG MI RTAG PAR NGES SO ZHES SMRAS NAS JI LTAR BRJOD, RI BONG GI RVA MED PA'I PHYIR MI RTAG PAR MI SHES SO ZHE NA, 'O NA SGRA YANG DNGOS PO DANG BYAS PA MA YIN PAR DOGS PA'I PHYIR PHYOGS CHOS DANG BSGRUB BYA 'JAL BA'I TSAD MA GZHAN DGOS PAS SKYON MED DO, ,ZAG BCAS KHYAD PAR THAR PA DANG, ,BCINGS GROL KUN GYI GZHIR GYUR PA'I, ,SKYES BU RTAG PA SMRA BA RNAMS, ,'GOG BYED RIGS PA LEGS PAR BSHAD, ,GSUM PA 'BRAS BU'I GTAN TSIGS BSHAD PA LA GSUM, LKOG GYUR GTAN TSIGS DON GZHAN GYIS GO BA 'BRAS RTAGS SU BSGRUB PA DANG, RGYU 'BRAS GO BYA GO BYED DU 'DOD PA LA HA CANG THAL BA SPANG BA DANG, RGYU 'BRAS NGES BYED KYI TSAD MA GTAN LA DBAB PA'O, ,DANG PO LA GNYIS, DNGOS DANG, RTZOD SPANG NGO, ,DANG PO NI, RTZOD GZHI'I STENG DU BSGRUB BYA'I CHOS RTAGS LAS DON GZHAN RTOGS PAR BYA BA'I THABS LA NI 'BRAS BU'I GTAN TSIGS KHO NA 'JUG PA YIN TE, DE KHO NA BSGRUB BYA'I CHOS LA 'KHRUL PA MED PA'I PHYIR RO, ,RTAGS RNAMS NI SGRON ME LA SOGS PA BZHIN DU RUNG BA TZAM GYIS DON GO BAR BYED

PA MA YIN GYI MI 'KHRUL PA'I 'BREL PA SHES PA LA RAG LAS PA YIN NO, ,LDAN 'DU LA SOGS PA'I 'BREL PA GZHAN YANG YOD PA MA YIN NAM ZHE NA, RTAGS DER THAL, BSGRUB BYA'I CHOS DE LAS SKYES PA MA YIN PA NI BSGRUB BYA'I CHOS DON GZHAN LA MI 'KHRUL BA MA YIN PA'I PHYIR, DER THAL, DE LAS MA SKYES NA DE LA DON GZHAN GYI SGO NAS RAG LAS PA MA YIN PA'I PHYIR, KHYAB PAR THAL, DE LA RAG MA LAS PA'I DON GZHAN GYI NGO BO RNAMS NI DE DANG LHAN CIG 'BYUNG BAR NGES PA MED PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, GAL TE DON GZHAN GYI DU BA LA LA ME GO BAR BYED PA'I GTAN TSIGS YIN NA 'ON DU BA DU LDAN LA, DE'I CHOS SU JI LTAR 'GYUR CHOS DANG CHOS CAN NI RGYU 'BRAS SU MI 'THAD PA'I PHYIR RO ZHE NA, GNYIS PA LA GNYIS, LAN DNGOS DANG, RTEN DANG BRTEN PA LA RGYU 'BRAS MI 'THAD PA SPANG BA'O, ,DANG PO NI, DU BA CHOS CAN, KHYOD DU BA DANG LDAN PA'I LA DANG RDZAS THA DAD YIN NA KHYOD DE'I CHOS SU MI 'THAD PA'I SKYON MED PAR THAL, DU BA DANG LDAN PA'I LA DE KHYOD KYI RTEN DANG KHYOD DE LA BRTEN PA'I PHYIR RO, ,GNYIS PA LA GNYIS, DRI BA DANG LAN NO, ,DANG PO NI, RTEN DANG BRTEN PA YIN NA JI LTAR RGYU DANG 'BRAS BU'I DNGOS PO YIN TE, RTEN DANG BRTEN PA NI 'KHAR GZHONG DANG RGYA SHUG BZHIN DU DUS MNYAM PA'I PHYIR RO ZHE NA, GNYIS PA LA GNYIS, DON GZHAN GYI RTEN NYID RGYUR SGRUB PA DANG, RTEN DANG RGYU 'GAL BA'I RTZOD PA SPANG BA'O, ,DANG PO NI, DU BA CHOS CAN, DU BA DANG LDAN PA'I LA KHYOD KYI RGYU YIN PAR THAL, DE KHYOD KYI DON GZHAN GYI RTEN YIN PA DE NYID KYI PHYIR, KHYAB PAR THAL, RGYU YIN PA DE LTAR MA YIN

, ,NA DON GZHAN GYI RTEN NYID MI 'GRUB PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, RTEN DANG RGYU 'GAL BAR THAL, GAL TE DU BA'I RTEN NI DUS MNYAM PA'I SA PHYOGS YIN LA RGYU NI ME MA YIN NAM ZHE NA, GNYIS PA NI, DU BA DANG LDAN PA'I SA PHYOGS DE YANG CHOS CAN, DU BA DANG ME'I RGYU NYID YIN PAR THAL, DU BA'AM DE'I RGYU ME RNAMS KYI DNGOS SAM BRGYUD PAS DON GZHAN GYI RTEN GZHI YIN PA'I PHYIR, GNYIS PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, GAL TE 'BRAS BU DE RGYU DE LAS SKYES PA'I PHYIR, ME NI GO BYA DANG 'BRAS BU DU BA GO BAR BYED PA YIN NA, ME DANG GRUB BDE RDZAS GCIG PA DANG DU BA DANG GRUB BDE RDZAS GCIG PA'I CHA RNAM PA THAMS CAD DU GO BAR BYA BA DANG GO BAR BYED PA'I DNGOS PO YIN PAR 'GYUR TE, BSKYED PAR BYA BA DU BA YANG RDZAS LA CHA MED PA YIN CING, SKYED PAR BYED PA ME YANG RDZAS LA CHA MED PA YIN PAS RNAM PA THAMS CAD DU BSKYED PAR BYA BA DANG SKYED PAR BYED PA YOD PA'I PHYIR RO ZHE NA, DE'I BSAM PA NI ME DANG GRUB BDE RDZAS GCIG GI LDOG PA'I CHA DU MA YOD PA RNAMS KYIS DU BA DANG GRUB BDE RDZAS GCIG PA'I CHA DU MA YOD PA RNAMS CHA THAMS CAD KYIS THAMS CAD BSKYED KYI CHA SO SOR MI SKYED PAS CHA THAMS CAD GO BYA GO BYED DU 'GYUR RO SNYAM PA'O, ,DPER NA TZANDAN GYI MES TZANDAN GYI DU BA BSKYED PA'I TSE, TZANDAN GYI MES TZANDAN GYI DU BA'I STENG NA YOD PA'I DU BA'I CHA MA BSKYED PA MI SRID PAS DU BA DE TZANDAN GYI ME'I GO BYED DU THAL BA DANG, TZANDAN GYI ME DANG GRUB BDE RDZAS GCIG PA'I TZANDAN GYI DU BA MI SKYED PA MI SRID PAS ME DE TZANDAN GYI DU BA'I GO BYAR THAL BA'O, ,GNYIS PA LA GNYIS, LAN DNGOS

DANG, DE LA RTZOD PA SPANG BA'O, ,DANG PO LA GNYIS, BSTAN PA DANG, BSHAD PA'O, ,DANG PO NI, BSKYED BYA SKYED BYED YIN NA GO BYA GO BYED DU THAL BA'I SKYON YOD PA MA YIN TE, RGYU'I RIGS DE MED PAR 'BYUNG BA NI RGYU DE LAS SKYE BAR NGES PA MED PA'I PHYIR RO, DE'I DON NI 'BRAS BU DE MTHONG NA RGYU DE NGES PAR SNGON DU SONG BA'I BSKYED BYA SKYED BYED DUS NAM YANG BSKYED BYA SKYED BYED DU NGES PA DE GO BYA GO BYED DU 'GYUR BA YIN GYI THAMS CAD NI MA YIN NO, ,GNYIS PA LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, BSKYED BYA SKYED BYED KYI NGES PA YOD PA KHO NA GO BYA GO BYED YIN PA DE'I PHYIR, CES PA'O, ,GNYIS PA NI, ME DU'I RDZAS LA CHA SHAS MED PA'I LDOG PA THAMS CAD GO BYA GO BYED DU 'GYUR BA MA YIN PAR THAL, RGYU ME LA RNAM PAR GNAS PA'I CHA SHAS KYI RANG BZHIN JI SNYED CIG YOD PA'I CHA SHAS DE MED NA DU BA LA YOD PA'I CHA SHAS DE MI 'BYUNG BA'I 'BRAS BU NI GZHI 'GAR RGYU DE GO BYED MIN PA'I PHYIR, GSUM PA NI, BSHAD MA THAG PA'I 'BRAS BU DE DAG GZHI 'GAR RGYU DE DAG GI GTAN TSIGS YIN TE, DE DAG GI 'BRAS BU NYID DU NGES PA'I PHYIR RO, ,GTAN TSIGS ZHES PA RTZA TSIG YIN MOD KYI 'GREL PA DANG PHYOGS GCIG TU BSHAD DO, ,'BRAS BU GANG YANG RUNG BAS RGYU GANG YANG RUNG BA GO BAR BYED PA MA YIN TE, 'BRAS BU LA YOD PA'I CHOS GANG DAG RGYU LA YOD PA'I CHOS DE DAG MED NA MI 'BYUNG BA'I BSKYED BYA SKYED BYED DU DUS NAM YANG NGES PA'I 'BRAS BU'I CHOS DE DAG KHO NAS RGYU'I CHOS DE DAG GO BAR BYED PA YIN PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, GAL TE RJES

, ,LA CHA SHAS KYIS BSKYED PAR BYA BA NYID DU THAL TE, TZANDAN GYI DU BA DANG DU BA GRUB BDE RDZAS GCIG TU SKYES PA'I TSE TZANDAN GYI MES TZANDAN GYI DU BA BSKYED KYANG DU BA MA SKYED PA'I PHYIR, DE BSKYED NA TZANDAN GYI ME'I GO BYED DU THAL BAR 'GYUR RO, ,RDZAS LA CHA SHAS KYIS SKYED PAR BYED PA NYID THAL BAR 'GYUR TE, TZANDAN GYI MES TZANDAN GYI DU BA BSKYED KYANG MES TZANDAN GYI DU BA MA SKYED PA'I PHYIR, DE BSKYED NA ME DE TZANDAN GYI DU BA'I GO BYAR 'GYUR RO ZHE NA, GNYIS PA NI, GO BYA GO BYED KYI CHOS SO SOR NGES NA RDZAS LA CHA SHAS KYI BSKYED BYA SKYED BYED DU THAL BAR 'GYUR BA MA YIN TE, ME DES BSKYED PAR BYA BA'I KHYAD PAR SBU RIS NGES NAS RTAGS SU BZUNG NA GO BYED DU 'DOD PA'I PHYIR DANG, RTAGS KYI BYE BRAG DU BAS KHYAD PAR DU BYAS PA CAN GYI SPYI RNAMS RTAGS SU BZUNG NA GO BYED DU 'DOD PA'I PHYIR RO, ,SPYI KHYAD PAR DU MA BYAS PA RTAGS SU BRJOD PAR 'DOD NA NI GO BYED DU MI 'DOD DE, DE LA RJES SU 'GRO LDOG 'KHRUL PA'I PHYIR, GZHUNG SNGA MA LA KHA CIG TZANDAN GYI DU BA TZANDAN GYI ME DPOG PA'I RTAGS SU BSTAN PAR 'DOD PA MI 'THAD DE, TZANDAN GYI ME LKOG TU GYUR PA'I TSE TZANDAN GYI DU BA'I SBU RIS MI ZIN PA'I PHYIR DANG DU BA DANG LHAN CIG PA'I TZANDAN GYI DRI LAS TZANDAN YOD PA DANG ME YOD PA TZAM ZHIG DPAG NUS KYANG TZANDAN LAS BYUNG BA'I ME DPAG MI NUS TE, SOG MA LAS BYUNG BA'I ME DANG TZANDAN YUL NYE BAR TSOGS PA LAS DU BA DANG LHAN CIG PA'I TZANDAN GYI DRI BYUNG SRID PA YIN PA'I PHYIR, DU BA'I KHA DOG DANG TSOGS PA GCIG PA'I TZANDAN GYI DRI LAS TZANDAN GYI ME DPOG GO ZHE NA YANG TZANDAN GYI DU BAS TZANDAN GYI ME DPOG NUS PA'I SHES BYED DU MI 'GYUR RO, ,DES NA DU

BA LA SNGO BA DANG 'PHYUR BA DANG SHES BYA DANG GZHAL BYA LA SOGS PA'I LDOG PA DU MA YOD PAS DE'I TSE ME DES BSKYED PA'I KHYAD PAR DU BA YIN LA DE RTAGS SU BZUNG NA GO BYED DU 'DOD KYI SNGO BA LA SOGS PA'I RDZAS BSKYED KYANG DE TZAM RTAGS SU BKOD NA GO BYED DU MI 'DOD LA, YANG DU BA SNGON PO YIN PA'I PHYIR CES PA DANG, DU BA'I DNGOS PO YIN PA'I PHYIR CES RTAGS KYI BYE BRAG DU BAS KHYAD PAR DU BYAS PA'I SPYI RNAMS KYANG RTAGS SU 'DOD PA'I DON YIN NO, ,GSUM PA LA GSUM, 'BRAS RTAGS RJES SU 'GRO LDOG MI 'KHRUL BAR SGRUB PA DANG, RJES SU 'GRO LDOG MI 'KHRUL BA LA GNOD PA SPANG BA DANG, SPYI'I DON BSDU BA'O, ,DANG PO LA GSUM, DU BA ME'I RGYU CAN MA YIN PAR THAL BAS DGAG PA DANG, RGYU YE MID DU THAL BAS DGAG PA DANG, DON BSDU BA'O, ,DANG PO LA GNYIS, DRI BA DANG, LAN NO, ,DANG PO NI, GZHAN SDE KHA CIG NA RE DU BA ME LAS KYANG SKYES ME MED BRGYA BYIN GYI SPYI BO LAS KYANG SKYE BAS GAL TE DU BA ME LA MI 'KHRUL LO ZHES BYA BA 'DI TSAD MA GANG GIS TSUL JI LTAR RTOGS PAR BYA ZHE NA, GNYIS PA LA GNYIS, RTZA BA DANG, 'GREL PA'O, ,DANG PO NI, DU BA 'DI CHOS CAN, RGYU DANG LDAN PA LAS 'DAS PAR 'GYUR BAR THAL, DU BA GANG ZHIG ME DE LAS 'KHRUL BA'I PHYIR, GNYIS PA LA GNYIS, DU BA ME'I 'BRAS BU MA YIN PAR THAL BA DANG, BRGYA BYIN GYI SPYI BO LAS KYANG SKYE BA LA YANG NYES PA MTSUNGS PA'O, ,DANG PO LA GNYIS, RGYU 'BRAS NGES BYED KYI TSAD MA ME DU LA YOD PAR BSTAN PA DANG, DE MED PA'I RTZOD PA SPANG BA'O, ,DANG PO LA GNYIS, SPYI'I DON DANG, TSIG GI DON TO, ,DANG PO LA GNYIS, TSAD MA DU DGOS DPYAD PA DANG, SKAD CIG DANG RGYUN

, ,GANG LA NGES PAR BYED PA BSHAD PA'O, ,DANG PO NI, GRUB MTHAS BLO BSLAD PA MA YIN PA DANG, THA SNYAD 'BA' ZHIG RTAGS KYIS SGRUB DGOS PA MA YIN NA DU BA ME LAS SKYE BZHIN PAR MTHONG BA'I DBANG PO'I MNGON SUM TSAD MA GCIG GIS ME DU RGYU 'BRAS SU RTOGS PAR BYED PA YIN NO, ,DE MI 'THAD DE ME SNGAR MTHONG LA DU BA PHYIS MTHONG BA'I DBANG PO'I MNGON SUM GNYIS NGES PAR YOD PA'I PHYIR RO ZHE NA, 'O NA BUM PAS CHU SKYOR BZHIN PA'ANG MNGON SUM TSAD MA GCIG GIS MI 'GRUB PAR THAL, BUM PA 'DZIN PA'I MNGON SUM DANG, DE'I NANG GI CHU 'DZIN PA'I MNGON SUM GNYIS DE LA YANG YOD PA'I PHYIR TE, DE GNYIS SNGA PHYI RGYU 'BRAS YIN PA'I PHYIR DANG, KHANG PA'I STENG NA MI 'DUG PA YANG MNGON SUM GCIG GIS MI 'GRUB PAR 'GYUR TE, DE KHANG STENG NA GNAS PA KHANG PAS PHAN BTAGS PA LA BLTOS PA'I PHYIR, 'O NA RGYU 'BRAS NGES BYED KYI TSAD MA PHRUGS GSUM LA SOGS PA BSTAN BCOS SU GTAN LA PHAB PA DGOS PA MED PAR 'GYUR RO, ZHE NA, SKYON MED DE, RGYU 'BRAS KYI GNAS LA GRUB MTHAS BSLAD PA'I LOG RTOG DNGOS SU YOD DAM MED KYANG BLA'I, RGYU MED DU 'DZIN PA DANG MI MTHUN PA RGYUR 'DZIN PA'I LOG RTOG LA GNOD PA'I TSAD MA GTAN LA 'BEBS PA'I DBANG DU BYAS PA YIN GYI, 'JIG RTEN RANG DGA' BA RNAMS KYIS ME LAS DU BA SKYE BA RTOGS PA'I CHED DU MA YIN NO, ,RGYU 'BRAS KYI GNAS 'DI DAG LA MKHAS PAR BYA DGOS TE, DE LTA MA YIN NA, LAM BSLAB PA RIN PO CHE RNAM PA GSUM GYI SNGA PHYI'I GO RIMS NGES PA DANG, TSOGS LAM NAS SBYOR LAM DU 'PHO BA DANG, DE RAS MTHONG

LAM DU 'PHO BA LA SOGS PA'I LAM GYI RGYU 'BRAS RNAMS PHYIN CI MA LOG PAR MI SHES LA DE MA SHES NA LAM GONG MA RGYUD LA MA SKYES PA LA SKYES SO SNYAM PA DANG, LAM 'OG MA RGYUD LA SKYES PA LA MA SKYES SO SNYAM DU LAM MA YIN PA LA LAM DU 'DZIN PA DANG, LAM LA LAM MA YIN PAR 'DZIN PAS DUS 'DA' BA'I PHYIR RO, ,'DIR BSHAD PA'I RGYU 'BRAS DES BYED KYI TSAD MA RNAMS DPER BYAS NAS 'DUS BYAS MI RTAG PAR RTOGS PA LAS ZAG BCAS SDUG BSNGAL DU RTOGS PA SKYE BA DANG, DE LAS CHOS THAMS CAD BDAG MED DU RTOGS PA SKYE BA LA SOGS PA'I LAM GYI RGYU 'BRAS LA MKHAS PAR BYA DGOS TE, DE LTA MA YIN NA RIGS PA SHES PA'I SKABS DON STOR BA YIN NO, ,'DI DAG LA NGES PA MA RNYED PA'I RTAGS SU SGRUB PA BYED 'DOD SKYES PA'I TSE GZHUNG LUGS CHAN MO RNAMS RGYANG LA 'DOR BA DANG, DANG POR GZHUNG LUGS LA SBYANGS PA DANG CI YANG MI SHES PA'I BLUN PO GNYIS DA GZOD SGRUB PA BYED PA'I CHE NYAMS LEN LA MANG NYUNG MI YONG BA'I THUB PA'I BSTAN PA NYAMS PAR BYED PA'I LUGS NGAN PA RNAMS BRTAN CHAGS PAR BYUNG BA YIN NO, 'O NA RGYU 'BRAS NGES BYED KYI TSAD MA JI LTA BU ZHE NA, ME DU GNYIS KA YOD NA SNANG RUNG GI GZHIR ME DU GNYIS KA MA DMIGS PA'I DAG 'DZIN MNGON SUM ZUNG GCIG ,DE'I RJES SU ME DMIGS DE'I RJES SU DU BA DMIGS PA'I RGYU 'BRAS GNYIS KYI NGO BO 'DZIN PA'I MNGON SUM ZUNG GCIG ,DE'I RJES SU ME MA DMIGS DE'I RJES SU DU BA MA DMIGS PA'I ZUNG GSUM GYIS 'GRUB STE, DU BA MED PA'I DUS MI SRID PA LA DAG 'DZIN MNGON SUM GYIS GNOD CING, DUS NAM YANG MED PA LA DU BA 'DZIN PA'I MNGON SUM GYIS

, ,GNOD PAS TSAD MA DE GNYIS KYIS DU BA DE DNGOS PO RES 'GA' BAR GRUB PAS YUL DANG DUS KYI RGYU LA BLTOS PAR GRUB PA'I PHYIR, RGYU MED PA KHEGS LA TSAD MA ZUNG PHYI MA GNYIS KYIS DU BA ME'I RJES SU 'BYUNG ZHING ME LOG PA'I STOBS KYIS LDOG PAR GRUB CING, MES DBEN PA'I GZHI LAS SKYE BA YANG MNGON SUM GYIS KHEGS PAS MI MTHUN PA'I RGYU LAS SKYE BA KHEGS PA YIN NO, ,RTA DANG BONG BU'I DPES DU BA YUL GZHAN NAS 'ONGS PA YANG YUL 'DAB 'BYAR 'DZIN PA'I MNGON SUM TSAD MAS KHEGS PA YIN NO, ,GNYIS PA NI, RGYUN LA BLTOS NAS RGYU 'BRAS SU DES DGOS PA YIN GYI, DUS KYI THUNG BA'I MTHAR THUG PA LA BLTOS NAS NI MA YIN TE, TSU ROL MTHONG BA'I MNGON SUM DE LA 'JAL BYED DU MI 'JUG PA'I PHYIR, ME RGYUN LDAN DU GNAS PA MA YIN NA DU BA DMIGS PA'I DUS NA ME'I RIGS 'DRA CHAD PAS DU BA DMIGS PA DE'I RJES SU ME MA DMIGS ZHES PA'I SNGA PHYI'I RIM PA DON MED PA'I PHYIR DANG, DU BA'I RIGS RGYUN ME MA DMIGS PA'I DAG 'DZIN MNGON SUM GYI DUS NA MED NA ME MA DMIGS PA DE'I RJES SU DU BA MA DMIGS PA'I SNGA PHYI'I RIM PA DON MED PA'I PHYIR RO, ,DES NA 'GAL 'BREL GYI RTZA BA MNGON SUM TSAD MAS GRUB PAR BYAS NAS DE DPER BYAS TE, BDAG MED RTOGS PA'I SHES RAB KYIS BDAG 'DZIN LA GNOD PA DANG, DES BDAG 'DZIN DANG BRAL BA SGRUB PA'I TSUL RNAMS SHES PAR BYA'O, ,GNYIS PA NI, ME DU RGYU 'BRAS SU MNGON SUM TSAD MAS GRUB NAS GRUB MTHA'I LOG RTOG KYANG LDOG PAR BYED PA LA DAG 'DZIN MNGON SUM SNGON DU SONG BA LA BLTOS TE, ME

DU YOD NA DMIGS SU RUNG BA DE'I MTSAN NYID DU GYUR PA LAS ME DU GNYIS KA MI DMIGS PA'I DAG 'DZIN MNGON SUM ZUNG GCIG SNGON DU SONG BA LAS RTOGS DGOS PA'I PHYIR, DE'I RJES SU RGYU 'BRAS KYI NGO BO 'DZIN PA'I MNGON SUM ZUNG GCIG 'BYUNG BA LA BLTOS TE, THOG MAR ME GANG DAG MNGON SUM GYIS DMIGS LA DE DMIGS PA NA DE'I RJES SU DU BA DMIGS PA LA BLTOS PA'I PHYIR, DE'I RJES SU DAG 'DZIN MNGON SUM ZUNG GCIG LA BLTOS TE, DE'I RJES SU DE LAS GCIG ME MTSANG NA YANG DE'I RJES SU DU BA MI DMIGS PA LA BLTOS PA'I PHYIR, YANG NA GZHUNG PHYI MA RGYU 'BRAS DES BYED KYI TSAD MA GANG RUNG GCIG MA TSANG NA YANG RGYU 'BRAS SU MI 'GRUB PAR STON TO, ,DU BA DE NI ME'I 'BRAS BU YIN TE, RGYU 'BRAS NGES BYED DE YANG ME LA BLTOS NAS DU BA LA TSANG BAR YOD PA'I PHYIR RO, ,BYA ROG DANG TA LA'I TSUL DU LAN CIG SKYE BAR MTHONG BO TZAM GYIS RNAM PA KUN TU MI 'KHRUL BA'I RGYU 'BRAS SU MI 'GRUB BO ZHE NA, DU BA DE CHOS CAN, ME DE'I 'BRAS BUR 'GRUB STE, LAN CIG ME LAS SKYE BA DE LTAR MTHONG BA'I PHYIR, KHYAB PAR THAL, 'BRAS BU MA YIN PA NI RGYU MA YIN PA LAS LAN CIG KYANG MI 'BYUNG BA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, GAL TE GTZUB STAN LA GTZUB SHING GTZUBS PA LA SOGS PA DAG LAS ME MED KYANG DU BA 'BYUNG BAS DU BA ME'I 'BRAS BU MA YIN NO ZHE NA, GNYIS PA LA GNYIS, BSTAN PA DANG, BSHAD PA'O, ,DANG PO NI, GTZUB SHING GTZUBS PA LAS DU BA 'BYUNG BA'I RGYU MTSAN GYIS DU BA ME LA 'KHRUL PA'I SKYON YOD PA MA YIN TE, DE'I TSE DU BA SKYED PAR BYED PA'I BUD SHING GI 'GYUR BA'I RGYU

, ,DRO BA'I REG PA'I KHYAD PAR NI ME YIN PA'I PHYIR RO, ,BUD SHING GI 'GYUR BA NI THAL BA DANG SOL BA DANG SHING PHAN TSUN DRUD PAS CUNG ZAD NAG POR SONG BA SOGS SO, ,DE'I TSE YANG ME'I BYED PA'I KHYAD PAR DANG NGO BO'I KHYAD PAR GNYIS YOD PAR STON TO, ,GNYIS PA NI, 'BRAS BU DU BA YANG CHOS CAN, RGYU GTAN MED PA CAN DU 'GYUR BAR THAL, DU BA GANG ZHIG RGYU ME MED PAR 'BYUNG BA'I PHYIR, RGYU NGES PA MED PAR KHAS BLANGS NA RGYU YE MED DU THAL BAR 'GYUR BA YIN NO, ,GZHUNG 'DI NI GONG DU 'BYUNG YANG THAL BA 'OG MA 'PHANGS PA'I 'BRAS BU STON PA YIN NO, ,DU BA YANG CHOS CAN, ME DE'I RGYU CAN DU MI 'GYUR BAR THAL, ME MED PAR 'BYUNG BA DES NA STE DE'I PHYIR, KHYAB PAR THAL, GANG ZHIG GANG MED PAR 'BYUNG BA DE NI DE'I RGYU CAN MA YIN DGOS PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, GAL TE DU BA ME LAS MA SKYES KYANG ME MED BRGYA BYIN GYI SPYI BO LA SOGS PA GZHAN GYI RGYU CAN YIN PA'I PHYIR, RGYU GTAN MED PA CAN DU THAL BAR 'GYUR BA MA YIN NO ZHE NA, GNYIS PA NI, DU BA BRGYA BYIN GYI SPYI BO LAS SKYE BA'I RGYU MTSAN GYIS RGYU MED DU THAL BA'I SKYON SPONG NUS PA MA YIN TE, DU BA BRGYA BYIN GYI SPYI BO'I 'BRAS BU MA YIN PAR THAL BA'I SKYEN DE LA YANG MTSUNGS PA'I PHYIR, DER THAL, BRGYA BYIN GYI SPYI BO DE MED KYANG ME YOD NA DU BA 'BYUNG BA'I PHYIR RO, ,ME LOG KYANG MI LDOG ME LAS GZHAN LOG KYANG MI LDOG NA LDOG BYED KYI RGYU MED LA DE MED NA SKYED BYED KYI RGYU YANG KHAS BLANG DU MI RUNG BAS RGYU YE MED DU 'GYUR BA YIN NO, ,RGYU MED LA GNYIS TE, RGYU YE MED DANG, RGYU MA NGES PA'I RGYU MED GNYIS

LAS DANG PO NI DNGOS PO LA GNAS PA 'DUS MA BYAS SOGS DANG DNGOS PO LA MI GNAS KYANG KHAS BLANGS KYI DBANG GIS THAL BA 'PHEN PA DNGOS PO KHA CIG RGYU MED DU KHAS BLANGS PA LTA BU'O, ,GNYIS PA DNGOS PO LA MI GNAS PA KHAS BLANGS KYI DBANG GIS THAL BA 'PHEN PA YIN NO, ,GNYIS PA LA GNYIS, DU BA RGYU MED DU THAL BA DANG, 'DOD PA LA GNOD PA DGOD PA'O, ,DANG PO LA GNYIS, THAL BA DNGOS DANG, DE'I LAN DGAG PA'O, ,DANG PO NI, YANG NA DU BA DE CHOS CAN, ME DE'AM GZHAN YANG RUNG STE KHYOD BSKYED PA'I RANG BZHEN MA YIN PAR THAL, DE DAG LOG PA'I STOBS KYIS KHYOD LDOG PA MA YIN PA'I PHYIR, RTAGS KHAS BLANGS, 'DOD NA KHYOD DE LAS JI LTAR 'BYUNG BAR 'GYUR TE MI 'GYUR BAR THAL LO, ,SNGA MA LA KHYAB PA YOD PAR THAL, RANG GIS DE'I LOG STOBS KYIS LDOG PA'I RANG BZHIN MA YIN PA NI DE SKYED PAR BYED PA MA YIN PAS KHYAB PA'I PHYIR, SNGA MA 'DOD NA RGYU MED PA CAN DU 'GYUR BAR THAL, KHYOD ME LAS KYANG MI 'BYUNG ME LAS GZHAN LAS KYANG MI 'BYUNG BA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, GAL TE ME LAS 'BYUNG BA'I DU BA DE NYID BRGYA BYIN GYI SPYI BO LAS 'BYUNG BAR KHAS BLANGS NA, RGYU MED DU THAL BAR 'GYUR YANG DE NYID 'BYUNG BA NI MA YIN GYI DE RANG RIGS 'DRA BA 'BYUNG BA'I PHYIR RO, ,DE BZHIN DU CIG SHOS LA YANG YIN NO ZHE NA, GNYIS PA LA GNYIS, RGYAS PAR BSHAD PA DANG, DON BSDU BA'O, ,DANG PO LA GNYIS, RGYU MED KYI NYES PA SON GNAS PA DANG, 'BRAS BU THAMS CAD RGYU THAMS CAD LAS SKYE BAR THAL BA'O, ,DANG PO NI, ME LAS SKYES PA'I DU BA CHOS CAN, CI LTAR ME MED BRGYA BYIN GYI SPYI BO LAS SKYES PA'I

, ,DU BA DE DANG RIGS 'DRA BA YIN TE, MA YIN PAR THAL, DE DANG DNGOS RGYU RIGS MI 'DRA BA LAS 'BYUNG BA YIN PA'I PHYIR, KHYAB PA YOD PAR THAL, DE DANG DNGOS RGYU RIGS 'DRA BA LAS 'BYUNG BA'I SGO NAS DE DANG RIGS 'DRA BAR 'GYUR DGOS PA'I PHYIR RO, ,GAL TE THAL BA SNGA MA LA BZLOG NA GNOD PA CAN GYI TSAD MA MED DE, DNGOS RGYU MI 'DRA BA LAS KYANG DNGOS 'BRAS DE DANG 'DRA BA 'BYUNG NGO ZHE NA NI, DNGOS RGYU'I RIGS 'DRA MI 'DRA THA DAD PAS DNGOS 'BRAS KYI RIGS 'DRA MI 'DRA THA DANG BAR BYED PA MA YIN PAR THAL, RGYU DAG GI 'BRAS BU LA PHAN 'DOGS PA'I NUS PA MA NGES PA'I PHYIR, RTAGS KHAS BLANGS TE, RGYU'I NUS PA NI RJES SU 'GRO LDOG SO SOR NGES PA YIN NA, DE MA NGES PAR KHAS BLANGS PA'I PHYIR, 'DOD NA DNGOS PO MTHA' DAG GI 'DRA MI 'DRA SNA TSOGS KYI RANG BZHIN RGYU MED PAR 'GYUR BAR THAL, 'DOD PA DE'I PHYIR, RGYU MED DU THAL BA 'DOD MI RIGS PAR THAL, DNGOS PO RGYU MED DE LA YANG YUL DUS RANG BZHIN NGES PA MI RUNG BA'I NYES PA BSHAD ZIN PA'I PHYIR, GNYIS PA NI, 'BRAS BU THAMS CAD RGYU THAMS CAD LAS SKYE BAR YANG 'GYUR BAR THAL, RGYU LAS 'BRAS BU SKYE BA MTHONG BA GANG ZHIG RGYU SO SO LAS 'BRAS BU SO SO 'BYUNG BA'I RGYU MTSAN MED PA'I PHYIR, GNYIS PA LA GNYIS, RGYU 'DRA MI 'DRA LAS 'BRAS BU 'DRA MI 'DRA 'BYUNG BAR GRUB PA DANG, DU BA BRGYA BYIN GYI SPYI BO LAS MI SKYE BAR GRUB PA'O, ,DANG PO NI, RGYU RIGS THA DAD PA DANG THA DAD PA MA YIN PA LAS 'BRAS BU RIGS THA DAD PA DANG THA DAD PA MA YIN PAR 'GYUR BA YIN PAR THAL, DE LTAR GONG DU BSGRUB PA DE'I PHYIR, GNYIS

PA NI, RGYU MA DES NA RGYU MED DU THAL BAR 'GYUR BA DE'I PHYIR, DU BA NI RIGS KYI RGYUR MNGON SUM GYIS MTHONG BA'I ME'I RNAM PA DANG RIGS MI MTHUN PA'I DON ME MED LAS MI 'BYUNG STE, DE LTA NA RGYU MED PA NYID DU THAL BAR 'GYUR BA'I PHYIR RO, ,GNYIS PA LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, RGYU GTAN MED DAM MA NGES PA'I RGYU MED YIN KYANG RUNG STE RGYU MED DU 'DOD PA DE LTA NA YANG GNOD PA RGYAS PAR STON ZHES PA'O, ,DNGOS PO RGYU MED LA GNOD PA STON PA 'DI RGYU 'BRAS NGES BYED KYI RIGS PA'I GTZO BO GCIG TU SHES PAR BYA'O, ,GNYIS PA NI, DU BA CHOS CAN, KHYOD 'BYUNG BA YUL DANG DUS DON GZHAN LA MI LTOS PAR THAL, KHYOD KYI RGYU MED PA'I PHYIR, RTAGS KHAS BLANGS DAM BCA' LA TSAD MA'I BSAL BA BSTAN PA'I SGO NAS ZLOG PHYOGS LA 'PHANGS PA'I RANG RGYUD RTAGS YANG DAG GI PHYOGS CHOS NGES PAR BYED PA YIN NO, ,'DOD NA TSAD MA'I BSAL BA BSTAN PA NI, DE CHOS CAN DUS RTAG TU YOD PA DUS NAM YANG MED PA MI SRID PA'AM, DUS NAM YANG MED PAR 'GYUR BAR THAL, DNGOS PO GANG DAG GANG ZHIG RANG RGYU YUL DANG DUS DON GZHAN LA MI LTOS PA'I PHYIR, THAL BA DE'I DAM BCA' LA RES 'GA' SKYE BAR GRUB PA'I MNGON SUM TSAD MAS GNOD CING, RTAGS KHAS BLANGS, KHYAB PA TSAD MAS GRUB PA'I SGO NAS ZLOG PHYOGS LA RANG RGYUD 'PHEN PAR BYED PA YIN NO, ,KHYAB PA YOD PAR THAL, DU BA LA SOGS PA'I DNGOS PO RNAMS NI YUL DANG DUS RES 'GA' ZHIG 'BYUNG BA YUL DUS DON GZHAN GYI RGYU LA BLTOS PA LAS YIN PA'I PHYIR, RIGS PA SMRA BA SNGA MA KHA CIG RGYU MED DU SKYE BA'I GTAN TSIGS GCIG PO BKOD NAS RTAG TU

, ,YOD PAR THAL BA DANG, RTAG TU MED PAR THAL BA 'PHEN PA MA YIN GYI, DU BA RGYU MED DU KHAS BLANGS NA ME YOD NA DE'I RJES SU MI BYED CING RJES SU BYED PA'I RGYU GZHAN YANG KHAS MA BLANGS PAS DUS NAM YANG MED PAR THAL BA 'PHEN PA'I DUS YIN LA, ME LOG PA'I STOBS KYIS MI LDOG CING LDOG BYED KYI RGYU GZHAN YANG MED PAS DUS RTAG TU YOD PAR THAL BA 'PHEN PA'I DUS YIN PAS YA GYAL RGYU MED BKAG NAS TSOGS PA RGYU MED DU SKYE BA 'GOG PAR BYED PA YIN NO ZHES ZER BA NI BRTAG PA MTHA' BZUNG GI GNAD LEGS PAR MA RTOGS PA YIN TE, RGYU MED DU SKYE BA RTAGS SU BKOD NAS DUS NAM YANG MED PAR THAL BA DANG, MED PA'I DUS MI SRID PAR THAL BA GNYIS KAR DU 'GYUR BA YIN NO, ,RGYU MED PA DANG DNGOS PO YIN PA GZHI MTHUN KHAS BLANGS PA'I NYES PA YIN GYI RGYU MED KYI LDOG PA GCIG KYANG KHAS BLANGS PA RTAGS SU BKOD NAS THAL BA GNYIS KA TSANGS PAS KYANG 'PHEN PAR MI NUS SO, ,BRTAG PA MTHA' BZUNG GI TSUL 'DI MKHAS PAR MA SHES NA, SLOB DPON ZHI BA LHA LA SOGS PA'I DGONGS PA LEGS PAR MI RTOGS PA YIN NO, ,GSUM PA LA GSUM, THAL BA DGOD PA DANG, KHYAB PA BSGRUB PA DANG, DES GRUB PA'I DON TO, ,DANG PO NI, DU BA DE RGYU MED PA LAS 'BYUNG NA NI, ZHES KHAS BLANGS RJES SU BRJOD NAS DU BA CHOS CAN, YUL DUS DON GZHAN GYI RGYU LA YANG BLTOS PA MED PAR THAL, RGYU LA NAM YANG LTOS PA MED PA'I PHYIR, 'DOD NA RGYU RKYEN KHYAD PAR CAN MA TSANG BA MED PAS SAM, DNGOS POR MED NAS YIN, DANG PO LTAR NA DUS NAM YANG MI 'BYUNG BAR MI 'GYUR BAR THAL, KHYOD 'BYUNG BA LA

RGYU MA TSANG BA'I YUL DANG DUS MED PA'I PHYIR, DNGOS SU 'BYUNG BAR 'DOD PA'I DUS BZHIN NO, ,GNYIS PA LTAR YANG NA NI DE CHOS CAN, DNGOS RGYU NUS PA THOGS MED TSANG BA DE'I TSE YANG 'BYUNG BAR MI 'GYUR BAR THAL, MED PA'I DUS DANG DNGOS PO MED PAR KHYAD PAR MED PA'I PHYIR RO, ,GNYIS PA LA GNYIS, KHYAB PA SGRUB PA DANG, THAL BA DE DAG GIS 'PHANGS PA'I RANG RGYUD DO, ,DANG PO NI, DNGOS PO RES 'GA' BAR 'GYUR BA RNAMS NI CHOS CAN, YUL DUS DON GZHAN GYI DNGOS PO RGYUR YOD PA LA BLTOS PA DANG BCAS PA YIN TE, RGYU RKYEN YOD PA YI YUL DANG DUS DAG NA KHYOD 'BYUNG BAR RUNG BA DANG DE GNYIS MED PA'I DUS DAG NA KHYOD 'BYUNG BAR MI RUNG BA NYID DANG LDAN PA'I PHYIR RO, ,RTAGS MA GRUB CE NA, DE SGRUB PA NI DU BA'I RGYU RKYEN YOD PA'I YUL DUS DER DU BA DE DANG LDAN PA DANG DU BA'I RGYU RKYEN MED PA'I YUL DUS CIG SHOS MI LDAN PA DAG TU DU BA MI LDAN PA'I DES PA MI RUNG BAR THAL, DU BA'I RGYU RKYEN YOD PA'I YUL DANG DUS DER DU BA 'BYUNG BAR RUNG BA DANG RGYU RKYEN MED PA'I YUL DUS DER DU BA 'BYUNG BAR MI RUNG BA NYID 'DRA BA CAN DE 'DRA'I RNAM DBYE MED PA DAG YIN PA'I PHYIR RO, ,KHYAB PAR THAL, 'BYUNG BAR RUNG BA NYID KYI YUL DUS DON GZHAN DE YANG RGYU'I DNGOS PO LAS GZHAN YIN NAM CI STE MA YIN PA'I PHYIR, ,GNYIS PA NI, DU BA'I DNGOS PO NI CHOS CAN, YUL DUS KYI RGYU DE DAG LA BLTOS PA DANG BCAS PA CES BYA BA YIN TE, YUL DANG DUS 'GA' ZHIG SPANGS NAS YUL DANG DUS GZHAN DAG NA YOD PA'I RDZAS YIN PA'I PHYIR, DE YIN TE, DE LTAR GONG DU BSGRUBS PA DE'I PHYIR, KHYAB PA YOD DE, 'DI LTAR YUL DUS RES 'GA' BA DE LTAR

, ,YOD PA NYID YIN NA YUL DUS KYI RGYU LA BLTOS PA YIN DGOS PA'I PHYIR, DE LTA MA YIN NA DU BA CHOS CAN, YUL DUS RES 'GA' BA DER NGES PA MI RUNG BAR THAL, YUL DUS DE DAG GIS BYAS PA'I PHAN PA LA MI LTOS PA'I PHYIR RO, , GSUM PA NI, YUL DUS RES 'GA' BA YUL DUS KYI RGYU LA BLTOS PAS KHYAB PA DE BAS NA DU BA 'DI CHOS CAN, ME YOD PA'I YUL DUS DES SKYED PAR BYA BA'I NGO BO NYID YIN TE, ME YOD PA'I YUL DUS GANG NA KHYOD LAN CIG 'BYUNG BA MTHONG LA ME YOD PA'I YUL DUS MA TSANG NA KHYOD 'BYUNG BA MA MTHONG BA YIN PA'I PHYIR, DES NA YUL DUS KYI RGYU LA BLTOS PAR THAL, YUL DANG DUS NGES PA'I DNGOS PO YIN PA'I PHYIR, THAL BA SNGA MA LA KHYAB PA YOD PAR THAL, MES BSKYED PA LAS GZHAN DU NA ME LAS LAN 'GA' YANG SKYE BA MED PA'I PHYIR RO, ,GSUM PA DON BSDU BA LA GNYIS, DU BA ME LA MI 'KHRUL BAR GRUB PA'I DON BSDU BA DANG, RGYU DANG RGYU MIN GYI RNAM DBYE SO SOR NGES PA'I DON BSDU BA'O, ,DANG PO LA GSUM, DU BA MES STONG BA LAS SKYE BA MI 'THAD PA DANG, MES STONG BA DU BA'I SKYED BYED DU MI 'THAD PA DANG, DU BA ME LA MI 'KHRUL BAR GRUB PA'O, ,DANG PO NI, DU BA DE CHOS CAN, CI LTAR GZHAN MES DBEN PA LAS 'BYUNG BAR 'GYUR TE MI 'GYUR BAR THAL, ME'I 'BRAS BU DER NGES PA YIN PA'I PHYIR, YANG NA DE CHOS CAN, DU BA MA YIN PAR 'GYUR BAR THAL, MES DBEN PA LAS 'BYUNG BA'I PHYIR, KHYAB PAR THAL, DU BA NI ME DES BSKYED PA'I RANG BZHIN GYI KHYAD PAR YIN PA'I PHYIR RO, ,DE BZHIN DU RGYU ME YANG CHOS CAN, 'BRAS BU DU BA DE LTA BU BSKYED PA'I RANG BZHIN

YIN TE, DE LA PHAN 'DOGS BYED YIN PA'I PHYIR, GNYIS PA NI, ME DE DU BA DE'I SKYED BYED KYI RANG BZHIN MA YIN PAR THAL, DU BA DE GZHAN MES DBEN PA LAS KYANG 'BYUNG BA'I PHYIR, YANG NA MES DBEN PA LAS SKYES PA DE CHOS CAN, DU BA MA YIN TE, DU BA BSKYED PA'I RANG BZHIN MA YIN PA MES DBEN PA'I RGYU LAS BYUNG BA'I PHYIR RO, ,GSUM PA NI, DES NA DU BA ME LA 'KHRUL PA MED DE, DU BA SNGAR MED GSAR DU SKYED PA'I NYER LEN DE'I RANG BZHIN YIN NA NI DE NYID MA YIN PA'I PHYIR, GNYIS PA LA GSUM, DU BA'I NYER LEN YIN NA ME YIN PA DANG, ME MA YIN NA DU BA'I NYER LEN DU MI 'THAD PA DANG, RANG GI RGYU MA YIN PA LAS BYUNG NA RGYU MED DU 'GYUR BA'O, ,DANG PO NI, GAL TE BRGYA BYIN GYI SPYI BO DE NYID CHOS CAN, ME YI RANG BZHIN DU THAL, ME'I STE DU BA SNGAR MED GSAR DU BSKYED PA'I NYER LEN GYI RANG BZHIN YIN PA'I PHYIR, GNYIS PA NI, JI LTAR DE LAS DU BA NYER LEN GYI SGO NAS GSAR DU 'BYUNG BA MI 'THAD PAR THAL, 'ON TE DE ME'I RANG BZHIN MIN PA'I PHYIR, THAL BA GNYIS KA LA KHYAB PA YOD PAR THAL, DU BA'I NYER LEN GYI RGYU'I RANG BZHIN ME DE'I DU BA'I NYER LEN BYED PA'I NUS PA DANG LDAN PA'I SGO NAS ME MA YIN GZHAN LAS NUS PA MI 'DRA BA'I BYE BRAG DANG LDAN PA'I PHYIR, GSUM PA NI, DU BA DE NI CHOS CAN, RGYU MED DU 'GYUR BAR THAL, DU BA GANG ZHIG DU BA'I RGYU MIN PA LAS 'BYUNG BA'I PHYIR, ZHES BYA BA NI BSDU BA'I TSIGS SU BCAD PA'O, ,GNYIS PA RGYU 'BRAS RJES SU 'GRO LDOG MI 'KHRUL BA LA GNOD PA SPANG BA LA GSUM, RGYU DU MAS 'BRAS BU THUN MONG BA GCIG BSKYED PA MI 'THAD PAR THAL BA SPANG BA DANG, 'BRAS BU RIGS

, ,GCIG RGYU RIGS MI 'DRA BA LAS SKYE BAR MTHONG BA DANG 'GAL BA SPANG BA DANG, RTAGS KYIS DPAG PAR BYA BA RGYU'I KHYAD PAR NGOS BZUNG BA'O, ,DANG PO LA GNYIS, RTZOD PA DANG, LAN NO, ,DANG PO NI, RGYU RIGS MI 'DRA BA THA DAD PA LAS 'BRAS BU RIGS MI 'DRA BA THA DAD PA KHO NA 'BYUNG BAR KHAS BLANGS PA 'O NA DA NI CI LTAR 'BRAS BU GCIG LA LHAN CIG PHAN 'DOGS PAR BYED PA'I RGYU DANG RKYEN THA DAD PA DU MA LAS 'BRAS BU GCIG SKYES TE DPER NA MIG DANG GZUGS DANG YID LA BYED PA LA SOGS PA LAS MIG GI RNAM PAR SHES PA SKYE BA LTA BU 'DI MI RUNG BA NYID DU THAL BAR 'GYUR BA'O ZHE NA, GNYIS PA NI, MIG SOGS RKYEN GSUM LAS MIG GI RNAM PAR SHES PA GCIG SKYE BA'I RGYU MTSAN GYIS RGYU RIGS MI 'DRA BA LAS 'BRAS BU RIGS 'DRA BA 'BYUNG BAR THAL BA'I SKYON MED PAR THAL, RKYEN GZHAN DANG BRAL BA'I YID BYED KHO NA MIG GI RNAM PAR SHES PA DE'I RIGS 'DRA'I RGYU MA YIN PA'I PHYIR, DER THAL, RKYEN GZHAN DANG BRAL BA'I YID BYED GCIG PUS MIG SHES BSKYED PAR BYED PA'AM RGYU'I LDOG PA GCIG KHO NAS 'BRAS BU BSKYED PA DE'I RANG BZHIN YIN PA NI 'GA' YANG MED PA'I PHYIR, SNGA MAS BYE BRAG TU DGAG PA DANG PHYI MAS SPYIR DGAG PA BSTAN TO, ,YANG NA SNGA MAS RGYU GCIG KHO NAS BSKYED PAR BYA BA'I 'BRAS BU MI SRID PAR BSTAN LA, PHYI MAS DE 'DRA'I 'BRAS BU BSKYED PA'I NUS PA DANG LDAN PA'I RGYU MED PAR BSTAN TO, ,YID BYED KHA YAR BA MIG SHES BSKYED PA'I RIGS KYI RGYU MA YIN NA, MIG SHES BSKYED PA'I RIGS KYI RGYU MED PAR THAL BA'I SKYON MED PAR THAL, DE MA YIN PA 'ON

KYANG MIG SHES KYI RKYEN GSUM TSOGS PA MIG SHES BSKYED PAR BYED PA DANG MIG SHES BSKYED PA'I RIGS KYI RGYU DE'I RANG BZHIN YIN PA'I PHYIR, MIG SHES KYI RTAGS LAS RKYEN DANG BRAL BA'I RGYU KHA YAR BA DPOG PA MA YIN PAR THAL, RANG PHYOGS KYI CHOS SU GRUB PA'I GZHIR RKYEN GSUM TSOGS PA'I KHONGS SU GTOGS PA DE KHO NA RJES SU DPAG PAR BYA BA YIN PA'I PHYIR, MIG GI RNAM PAR SHES PA'I SKAD CIG DANG PO BSKYED PA'I RGYU RKYEN GSUM YIN NA RGYUN GNAS PA'I RTEN GANG YIN CE NA, GZUGS 'DZIN MIG GI RNAM PAR SHES PA'I RGYUN GNAS PA'I RTEN MED PA'I SKYON MED PAR THAL, DE'I RKYEN GSUM TSOGS PA DE NYID 'BRAS BU GZUGS 'DZIN MIG GI RNAM PAR SHES PA DE'I RANG GI NGO BO GNAS PA'I RTEN YIN PA'I PHYIR, GZUGS 'DZIN MIG GI RNAM PAR SHES PA'I RKYEN GSUM TSOGS PA'I NANG GI LHAN CIG BYED PA RNAMS KYANG RIM CAN DANG SKYED MI SKYED KYI RNAM DBYE SO SOR NGES PA'I RNAM GRANGS MED PAR DE SKYED PAR BYED PA'I RIGS KYI RGYU YIN TE, DE DE'I NGO BO SNGAR MED GSAR DU BSKYED PA DANG RGYUN GNAS PA'I RIGS KYI RGYU YIN PA DE NYID KYI PHYIR, GNYIS PA NI, AUTPA LA'I SA BON DANG BA LANG GI LCI BA MI 'DRA BA LAS AUTPA LA MTSUNGS PA SKYE BAR MTHONG BAS RGYU MI 'DRA BA LAS 'BRAS BU MI 'DRA BA KHO NA SKYED PAR MA NGES SO ZHE NA, GANG YANG CUNG ZAD AUTPA LA'I SA BON DANG RIGS MI MTHUN PA BA LANG GI LCI BA LA SOGS PA LAS ME TOG AUTPA LA LA SOGS PA 'BYUNG BAR MTHONG BA DE LA YANG AUTPA LA ZHES MING DE SKAD DU BRJOD KYANG AUTPA LA RANG GI SA BON LAS RAB TU SKYE BA CAN LAS 'BRAS BU'I RANG GI NGO BO MI 'DRA BA THA DAD PA YOD

, ,PA KHO NA STE, RGYU'I RANG GI NGO BO MI 'DRA BA THA DAD PA'I PHYIR, DPER NA CHU SHING RANG GI SA BON LAS SKYES PA'I CHU SHING DANG SDONG BU BTZUGS PA LAS SKYES PA'I CHU SHING LTA BU'O, ,DE GNYIS SNGA MA LAS CHU SHING GI 'BRAS BU MI 'BYUNG ZHING, PHYI MA LAS 'BRAS BU 'BYUNG BAS KYANG MING MTSUNGS KYANG DON MI MTSUNGS PA YIN NO, ,DE LTA BU GNYIS NI 'JIG RTEN NA GSAL BA KHO NAR RNAM PA MI 'DRA BA THA DAD PA'I SGO NAS RNAM PAR 'BYED PAR BYED DE, SDONG BU LAS SKYES PA'I CHU SHING SBOM PA DANG SNGO BA DANG, SA BON LAS SKYES PA'I CHU SHING SHUN PAGS SKYA BA DANG SDONG BU PHRA BAR 'JIG RTEN NA MNGON SUM DU GRAGS PA'I PHYIR, GSUM PA LA GSUM, DNGOS KYI DON DANG, 'BRAS BU MI 'DRA BAR 'JOG PA'I RNAM GRANGS BSTAN PA DANG, 'BRAS BU 'DRA MI 'DRA RGYU 'DRA MI 'DRA LA MI 'KHRUL BAR SGRUB PA'I DON BSDU BA'O, ,DANG PO LA GSUM, 'BRAS BU 'DRA MI 'DRAS DPAG PAR BYA BA'I RGYU YANG DE MA THAG PA YIN PA DANG, DE'I DPE DANG, MA NGES PA SPANG BA'O, ,DANG PO NI, 'BRAS BU 'DRA MI 'DRAS DUS RING POS BAR DU CHOD PA'I RGYU 'DRA MI 'DRA DPOG PAR BYED PA MA YIN TE, 'BRAS BU 'DRA MI 'DRAS RJES SU DPOG PAR BYED PA'I RGYU 'DRA MI 'DRA YANG DE MA THAG PA YIN PA'I PHYIR, GNYIS PA LA GSUM, DNGOS 'BRAS 'DRA BA LA DNGOS RGYU 'DRA BA'I DPE DANG, DNGOS RGYU MI 'DRA BA LAS DNGOS 'BRAS MI 'DRA BA 'BYUNG BA'I DPE DANG, DON BSDU BA'O, ,DANG PO NI, 'BRAS BU'I RDZAS RANG BZHIN MTSUNGS PA RNAMS LA DNGOS RGYU DE NI 'DRA BA YIN TE, DE LTAR MNGON SUM GYIS MTHONG BA YIN PA'I PHYIR,

DPER NA RGYUN RJES SU 'BREL ZHING RGYUN 'JUG PA'I CHU SHING GZUGS KHYAD PAR MED PA SDONG BU GCIG LAS SKYE BA RIGS 'DRA SNGA PHYI DAG BZHIN NO, ,GNYIS PA NI, GANG LA DNGOS KYI RGYU MI 'DRA BA THA DAD PA DE LA NI DNGOS 'BRAS DE'I RANG BZHIN MI 'DRA BA THA DAD PA YANG YOD PA YIN PAS KHYAB STE, DE LTAR MNGON SUM GYIS MTHONG BA'I PHYIR, DPER NA CHU SHING GI SA BON DANG SDONG BU LAS SKYE BA DE DAG NYID BZHIN NO, ,GSUM PA NI, GANG LAS DNGOS 'BRAS 'DRA MI 'DRA CI 'DRA BA MTHONG BA DE LAS NI RANG PHYOGS KYI CHOS SU GRUB PA'I GZHIR DNGOS RGYU 'DRA MI 'DRA DE 'DRA BA RJES SU DPOG PA YIN TE, DE LTAR GONG DU BSGRUBS PA DES NA'I PHYIR, GSUM PA NI, DNGOS RGYU MI 'DRA BAS DNGOS 'BRAS MI 'DRA BA BSKYED NA DES KYANG DNGOS 'BRAS MI 'DRA BA SKYED PAS MTHAR MI 'DRA BA 'BA' ZHIG TU 'GYUR ZHING, DNGOS RGYU MI 'DRA BAS DNGOS 'BRAS 'DRA BA BSKYED NA DNGOS 'BRAS 'DRA BA DNGOS RGYU 'DRA BA LA 'KHRUL BAR 'GYUR RO ZHE NA, SKYON MED DE, BAR SKABS SU RKYEN GYI DBANG GIS 'DRA MI 'DRA SNA TSOGS SU 'GYUR BA YIN NO, ,BRGYUD PA'I BRGYUD 'BRAS MI 'DRA BAS DNGOS 'BRAS 'DRA MI 'DRA DNGOS RGYU 'DRA MI 'DRA LA 'KHRUL PA'I SKYON MED PAR THAL, DNGOS 'BRAS 'DRA MI 'DRAS BAR DU CHOD PA'I RGYU BRGYUD PA DAG 'DRA MI 'DRA RJES SU DPOG PA MA YIN PA NYID KYI PHYIR, GNYIS PA NI, DNGOS RGYU MI 'DRA BA LAS SKYES PA'I 'BRAS BU DAG KYANG RES 'GA' RNAM PA 'DRA BA MTHONG STE DPER NA NAGS DANG LDUM RAR SKYES PA'I RGYAL MO GA GON LTA BU'O, ,DES NA DE MA THAG PA'I RGYU RJES SU DPOG PA LA 'KHRUL PA MED DO ZHES JI LTAR BRJOD CE NA, NAGS DANG LDUM RAR SKYES PA'I RGYAL MO GA

, ,GON RNAM PA 'DRA BA YIN YANG DE TZAM GYIS DNGOS RGYU 'DRA BA LAS SKYES PA'I DNGOS 'BRAS 'DRA BA 'BA' ZHIG TU KHAS LEN DGOS PA MA YIN PAR THAL, RNAM PA THA DAD PA 'BA' ZHIG NI RIGS 'DRA BA DE DANG 'DRA BA DE MA YIN PA'I RGYU MTSAN MA YIN PA'I PHYIR, DER THAL, RNAM PA 'DRA BA 'ON KYANG RANG BZHIN GZHAN YANG MI 'DRA BAR 'JOG BYED YIN PA'I PHYIR, DPER NA BCOS MA DANG BCOS MA MA YIN PA'I NOR BU DANG MU TIG DANG BYU RU LA SOGS PA BZHIN NO, ,DE DAG RNAM PA 'DRA BA YIN YANG RANG BZHIN GZHAN GYI SGO NAS MI MTSUNGS PAR BZHAG NUS TE, LCID CHE CHUNG DANG NUS PA MI 'OD PA'I PHYIR, GCIG TU NI ME TOG THA DAD PAS MI 'DRA BAR 'JOG NUS TE SNGON PO DANG CIG SHOS SER PO SOGS KYI ME TOG CAN GYI SHUR BA KA BZHIN NO, ,GCIG TU NI 'BRAS BU MI 'DRA BAS MI 'DRA BAR 'JOG STE, 'BRAS BU MED PA DANG CIG SHOS 'BRAS BU CAN GYI KAR KO tA BZHIN NO, ,KHA CIG TU NI RO MI 'DRA BA LAS MI 'DRA BAR 'JOG STE, NAGS DANG CIG SHOS LDUM RAR SKYES PA'I RGYAL MO GA GON BZHIN NO, ,KHA CIG TU NI NUS PA MI 'DRA BAS MI 'DRA BAR 'JOG STE, REG PA TZAM GYIS 'KHRU BA DANG MYANGS PAS 'KHRU BA'I AA RU RA BZHIN NO, ,GSUM PA NI, 'BRAS BU RIGS THA DAD DU 'JOG PA'I RGYU MTSAN DU MA YOD PA DE'I PHYIR, KHYAD PAR THA DAD PA SHIN TU RNAM PAR PHYE BA'I 'BRAS BU MI 'DRA BA NI DNGOS RGYU MI 'DRA BA LA 'KHRUL BA MED DE, DNGOS RGYU MI 'DRA BA'I KHYAD PAR YOD KYANG 'BRAS BU MI 'DRA BA'I KHYAD PAR MED NA 'BRAS BU MI 'DRA BA RGYU MED DU THAL BA'I SKYON DU 'GYUR BA'I PHYIR RO, ,

GSUM PA SPYI'I DON BSDU BA NI, RKANG PA GNYIS PAS RGYU MED KHEGS PA'I DON BSDUS LA GSUM PA DANG BZHI PAS MI MTHUN PA'I RGYU LAS SKYE BA KHEGS PA'I DON BSDUS SHING, RKANG PA DANG POS DES NA DON GZHAN GYI RJES SU 'GRO LDOG NGES PA LAS, RGYU 'BRAS SU GRUB PA'I DON BSDUS PA YIN NO, ,DU BA CHOS CAN, ME'I 'BRAS BU YIN TE, ME PHAN BYED DU YOD MED KYI RJES SU 'GRO BA DANG LDOG PA LAS BYUNG BA'I PHYIR, DU BA GANG ZHIG CHOS CAN, RGYU MED MA YIN TE, RGYU ME GANG GI RJES SU 'GRO BAR MTHONG BA'I PHYIR, DU BA DE ME DANG RIGS MI MTHUN PA ME MED BRGYA BYIN GYI SPYI BO SOGS LAS MI 'BYUNG STE, DU BA DE YI RANG BZHIN ME DE'I RGYU CAN DU TSAD MA PHRUGS GSUM GYIS GRUB PA DE'I PHYIR, RNAM 'GREL DU, TSIGS BCAD GCIG PO 'DI BSDU BA'I TSIGS BCAD DU BYAS KYI 'OG MA GNYIS MA BYAS KYANG DON 'DRA BA YIN NO, ,GSUM PA KHYAB PA'I RTZA BA 'BREL PA LA BLTOS PAR BSGRUB PA LA GSUM, MDOR BSTAN PA DANG, RGYAS PAR BSHAD PA DANG, 'BREL PA GNYIS SU GRANGS NGES PAS RTAGS GSUM GYI GRANGS NGES BSGRUB PA'O, ,DANG PO LA GNYIS, KHYAB PA 'GRUB PA 'BREL PA LA LTOS KYI MTHUN PHYOGS LA MTHONG TZAM DANG MI MTHUN PHYOGS LA MA MTHONG TZAM GYIS MI 'GRUB PA DANG, 'BREL PA LA MI LTOS NA HA CANG THAL BA'O, ,DANG PO NI, RTAGS MI MTHUN PHYOGS LA MA MTHONG TZAM LAS LDOG KHYAB 'GRUB PA MIN ZHING MTHUN PHYOGS LA MTHONG TZAM LAS RJES KHYAB 'GRUB PA MIN PAR THAL, RTAGS CHOS RGYU DANG 'BRAS BU'I DNGOS PO'AM RANG BZHIN DANG RANG BZHIN CAN DU NGES PAR BYED PA LAS MED NA MI 'BYUNG BAR NGES PA YI RJES SU 'GRO LDOG GI KHYAB PA 'GRUB PA'I

, ,PHYIR, GNYIS PA NI, GZHAN DU BA NI CHOS CAN, GZHAN ME DAG DANG LHAN CIG NGES PAR YOD PA'I NGES PA GANG YANG MED PAR THAL, ME DANG RDZAS THA DAD ME DANG 'BREL PA GRUB PA LAS GZHAN DU MA GRUB PA'I PHYIR, BYAS PA CHOS CAN, GOS SER PAR 'GYUR BA LA TSON DON GZHAN LA BLTOS PA BZHIN DU KHYOD MI RTAG PA'I NGO BOR NGES PA MA YIN PAR THAL, MI RTAG PA KHYOD LAS RGYU DON GZHAN GYI RGYU MTSAN CAN GYI CHOS TE, 'BRAS BU YIN PA'I PHYIR, CES BYA BA NI BSDU BA'I TSIGS SU BCAD PA'O, ,GNYIS PA LA GNYIS, BDAG GCIG 'BREL PA LA GZHAN GYI LOG RTOG DGAG PA DANG, RTAGS MI MTHUN PHYOGS LA MA MTHONG TZAM GYIS LDOG KHYAB GRUB PA RGYAS PAR DGAG PA'O, ,DANG PO LA GNYIS RGYU THA DAD LAS SKYES PA LA BDAG GCIG PA MI 'THAD PA DANG, RANG BZHIN GYI GO BYA GO BYED MI 'THAD PA'O, ,DANG PO LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, RGYU DON GZHAN LAS SKYES NA 'BREL PA MED PAR 'GYUR BA 'BA' ZHIG TU MA ZAD BDAG GCIG PAR MI RUNG BA'I GNOD PA GZHAN YANG STON ZHES PA'O, ,GNYIS PA NI, MI RTAG PA DE BYAS PA LAS RDZAS GZHAN NYID DU THAL, MI RTAG PA DE BYAS PA LAS 'BRAS BU'I CHOS RGYU DON GZHAN GYI RGYU MTSAN CAN 'BRAS BU YIN PAR GYUR PA'I PHYIR, 'DI DAG BYAS PA LA 'JIG NGES KYI KHYAB PA SGAB PA'I RANG BZHIN RTAGS KYI SKABS SU BSHAD PAR BYA BA MA YIN NAM CI LTAR SKABS 'DIR BSHAD CE NA, BDEN MOD KYI BYAS MI RTAG RGYU THA DAD LAS SKYE BA BKAG PA'I SGO NAS RDZAS THA DAD DU GRUB PA DGAG DGOS PA YIN LA, DE NI RGYU THA DAD LAS SKYES NA RDZAS THA DAD DU 'GYUR BA GRUB

PA LA RAG LAS SHING, DE YANG 'BRAS BU'I GTAN TSIGS KYI SKABS SU BSHAD PAR BYA BA YIN PAS DE'I ZHAR LA 'DI BSHAD PA YIN NO, ,GSUM PA LA GNYIS, BYAS MI RTAG BDAG GCIG TU MI 'THAD PAR THAL BA DANG, DE'I LAN DGAG PA'O, ,DANG PO LA GNYIS, THAL BA DGOD PA DANG, KHYAB PA BSGRUB PA'O, ,DANG PO NI, MI RTAG PA BYAS PA DE'I RANG BZHIN DU RIGS PA MA YIN PAR THAL, BYAS PA DE GRUB DUS NA DE'I MI RTAG PA MA GRUB PA'AM, DE GNYIS RGYU SNGA PHYI THA DAD PA LAS SKYES PA'I PHYIR, GNYIS PA LA GSUM, GRUB MA GRUB 'GAL BA'I CHOS LDAN DANG, RGYU MI 'DRA BA LAS SKYES PAS RDZAS THA DAD DU 'GRUB PA DANG, DES MI 'GRUB NA RIL RDZAS GCIG TU THAL BA DANG, 'DOD PA LA GNOD PA BRJOD PA'O, ,DANG PO NI, SNGA MA LA KHYAB PA YOD PAR THAL, DNGOS PO RNAMS KYI RDZAS THA DAD PA'AM THA DAD PA'I RGYU LAS SKYES PAR 'JOG PA'I RGYU MTSAN NI GRUB MA GRUB CHOS 'GAL BA GNAS PA'I DNGOS PO'AM RGYU THA DAD PA 'DI KHO NA YIN PA'I PHYIR, BYAS MI RTAG BDAG GCIG MA YIN PAR THAL BA 'PHEN PA'I RTAGS KYI GTZO BO NI GRUB MA GRUB 'GAL BA'I CHOS GNAS PA YIN GYI, RGYU THA DAD PAS BDAG GCIG MA YIN PA NI SNGAR BSGRUBS ZIN PA'I PHYIR, 'DIR ZHAR BYUNG TZAM MO, ,GNYIS PA NI, GAL TE DNGOS PO 'GA' YANG GANG LAS KYANG RDZAS THA DAD PA MED PAR THAL, GRUB MA GRUB KYI DUS 'GAL BA'I CHOS GNAS PA'I DNGOS PO THA DAD PA DES KYANG RDZAS THA DAD PAR MI 'GRUB PA'I PHYIR, 'DOD NA BUM PA DANG SNAM BU LA SOGS PA'I DNGOS PO RIL RDZAS GCIG TU 'GYUR BAR THAL, 'DOD PA DE'I PHYIR, GSUM PA NI, BUM PA DANG SNAM BU LA SOGS PA'I DNGOS PO THAMS CAD

, ,LHAN CIG SKYE BA DANG 'JIG PA DAG DANG RGYU THAMS CAD 'BRAS BU THAMS CAD LA PHAN PA NYE BAR SBYOR BAR 'GYUR BAR THAL, 'DOD PA DES NA'I PHYIR, 'DI DAG GIS YUL DANG DUS DANG RANG BZHIN GANG LA YANG KHYAB CHE CHUNG MED PA'I GRUB BDE RDZAS GCIG YIN NA SKYE GNAS 'JIG PA NGANG GCIG TU BYED PAR THAL BA SOGS 'PHEN PA YIN GYI, RDZAS GCIG TU KHAS BLANGS PA TZAM LA MA YIN LA RDZAS GCIG TZAM LA THAL BA DE 'PHANGS 'DUG SNYAM DU 'KHRUL NAS BUM PA DANG DNGOS PO RDZAS GCIG MA YIN PAR 'DOD PA DE DAG GIS NI DNGOS PO'I MTSAN GZHI CUNG ZAD KYANG BZHAG TU MED PAR 'GYUR RO, ,KHO BO CAG LTAR NA NI, BYAS PA DANG MI RTAG PA SOGS KYANG RANG MCHAN DU KHAS BLANGS PA LA GNOD PA CUNG ZAD KYANG MED CING KHYOD LA RANG MTSAN GYI MTSAN GZHI CUNG ZAD KYANG BZHAG TU MED PA YIN NO, ,KHYOD LA RDUL PHRAN CHA MED KYI MTSAN GZHI GZUNG DU YOD NA NI, KHO BO CAG KYANG RANG MTSAN GYI MTSAN GZHI 'DZIN TO ZHE NA, DON LA CUNG ZAD KYANG MI RTEN ZHING TSIG TZAM LA 'TSAL BA KHYOD GZHAN GYI KHAS BLANGS LA MA 'KHRIS PAR RANG LUGS LA TSAD MAS GRUB PA'I RANG MTSAN GYI MTSAN GZHI 'DZIN MI NUS PA DE NYID KYIS RANG GI GRUB MTHA' SKYON CAN YIN PA'I GNOD LAGS PAR KHUR BA YIN NO, ,RANG GI GSAL BA DU MA LA RJES 'GRO BYED PA DANG RANG MTSAN 'GAL BAR MKHAS PA'I DBANG PO SU GANG GIS KYANG KHAS MA BLANGS SHING, KHAS LEN PAR MI RIGS PAS RANG GI GSAL BA DU MA LA RJES 'GRO BYED PAS RANG MTSAN MA YIN PAR THAL BA 'PHANGS PA LA SNGO RDUL CHA MED CHA MED MA YIN PAR THAL, RANG GI GSAL BA

DU MA LA RJES 'GRO BYED PA'I PHYIR, CES PA'I THAL BA SU LA 'PHEN PA SEMS RNAL DU ZHOG LA LEGS PAR SOMS SHIG ,RDUL PHRAN CHA MED KYI DGAG BYA CHA BCAS NI BUM PA BZHIN DU CHA CAN BUM PA MIN PA'I BUM PA'I CHA RDZAS THA DAD DU MA 'DUS PA'I CHA CAN MIN PA LA RDUL PHRAN CHA MED KYI DON DU BZHAG MA BZHAG DON SEMS GNYIS JI LTAR BRTZAD PA LAS RTOGS PAR GYIS SHIG ,RTOG PAS BTAGS PA'I LDOG PA'I CHA YOD MED LA BYED PA YIN NA, DRUG GIS CIG CAR SBYAR BA NA, ZHES PA'I RIGS PA KHYOD LTAR NA GANG LA 'PHEN PA'I PHYOGS SNGA MA GO BAS 'BREL MED 'BA' ZHIG TU 'GYUR DGOS SO, ,GAL TE KHYOD RDUL PHRAN CHA MED CES SPYIR KHAS LEN PA LA GNOD PA BRJOD PA YIN NO ZHE NA, DE NYID KYI PHYIR KHO BOS KHYOD LA TSIG LA 'CHEL BA ZHES MA SMRAS SAM, KHO BOS KYANG TSIG LA 'CHEL BA KHYOD KYI BLO NGOR MDO SDE PAS JI LTAR KHAS BLANGS PA'I RDZAS KYI CHA SHAS DANG BRAL TSUL SGRA SKYON DANG BRAL BA'I SGO NAS LEGS PAR BRJOD PAR BYA'O, ,RNAM 'GREL GYI RANG 'GREL DU RIL RDZAS GCIG TU THAL BA 'PHANGS PA LA 'DOD PA YIN TE, YON TAN GSUM GYI RANG BZHIN DU KHYAD PAR MED PA'I PHYIR RO ZHE NA, ZHES SLOB DPON SH'AKYA BLOS 'GREL BSHAD DU GSUNGS PA'I DON NI, DNGOS PO THAMS CAD BDE SDUG BTANG SNYOMS GSUM PO CHA MNYAM PA'I GTZO BO'I RANG BZHIN DU KHAS BLANGS SHING, SNGON PO'I RANG BZHIN DANG SER PO'I RANG BZHIN GCIG TU GRANGS CAN GYIS KHAS BLANGS PA LA SKYE 'JIG GNAS GSUM DANG GCIG TU BYED PA'I THAL BA BRJOD PA YIN GYI RDZAS GCIG TZAM LA MA YIN NO, ,DNGOS PO RNAMS SKYE 'JIG SO SOR BYED CING RGYU SO SO LAS RDZAS SO SOR

, ,SKYES PA YIN NA, BUM SNAM DANG BYAS MI RTAG CHOS CAN, YUL DUS RANG BZHIN GANG GI SGO NAS KYANG KHYAB MNYAM PA'I GRUB BDE RDZAS GCIG CES BYA BA NYID DU MI 'GYUR BAR THAL, SKYE 'JIG DANG GCIG PA SOGS DE LTA MA YIN PAR SKYE 'JIG RIM CAN DU BYED CING RGYU SO SO LAS RDZAS SO SOR SKYES PA'I PHYIR, RTAGS DANG THAL BA GNYIS KA KHAS BLANGS SO, ,'AM GYI SGRAS DE CHOS CAN, GRUB BDE RDZAS GCIG CES MING TZAM THA DAD PAR ZAD PAR THAL, RDZAS THA DAD KYI DON KHAS BLANGS NAS GRUB BDE RDZAS GCIG PA DE SKAD DU BRJOD PA'I PHYIR RO, ,KHA CIG RGYUN DANG DNGOS PO 'GAL BAR 'DOD PA DE DAG NI SLOB DPON GYI GZHUNG 'DI DAG LA CO 'DRI BA YIN TE, SLOB DPON GYIS GCIG GRUB DUS NA CIG SHOS MA GRUB PA'I GRUB MA GRUB 'GAL BA'I CHOS LDAN GYI DNGOS PO SKAD CIG SNGA PHYI RDZAS THA DAD DU BSGRUBS PA'I PHYIR RO, ,GANG DAG ME DANG DU BA DNGOS POR KHAS MI LEN PA DE DAG GIS NI, RNAM 'GREL LAS, SA BON SOGS NI MYUG SOGS LA, ,NUS MTHONG ZHES SOGS KYI TSIG TZAM BLTA BA'I YANG SKAL PA DANG BRAL BAR ZAD DO, ,GNYIS PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, DNGOS PO DANG MI RTAG PA GNYIS RGYU MI 'DRA BA LAS SKYES PA'I SKYED BYED KYI RGYU DON RDZAS THA DAD PA NYID MED KYANG DNGOS PO GRUB PA'I DUS NA MI RTAG PA NYID MA GRUB PA'I PHYIR TE, DNGOS PO SKYES PA'I DUS NA MI RTAG PA YOD NA DNGOS PO SKAD CIG KYANG MI GNAS PAR 'GYUR RO, ,DES NA MI RTAG PA DNGOS PO DE'I RANG BZHIN MA YIN PAR RGYU RDZAS THA DAD LAS SKYES PA DANG, MTSUNGS PA MA YIN NAM ZHE NA, 'DI NI GNAS MA BU PA'I SDE

PA DANG, MDO SDE PA SNGA RABS PA KHA CIG GI YANG 'DOD PA YIN TE, BZHIG 'JIG GCIG TU BSAMS NAS 'JIG PA RGYU MED DU 'DOD PA STE RGYU MED PAS DNGOS PO DANG MI RTAG PA RGYU MI 'DRA BA LAS MA SKYES KYANG DNGOS PO GRUB DUS NA DE BZHIG PA MED PAS GRUB MA GRUB 'GAL BA'I CHOS LDAN YIN PA'I PHYIR, DE GNYIS RANG BZHIN GCIG MA YIN PAR KUN GYIS KHAS LEN DGOS PA MA YIN NAM ZHES PA'O, ,RANG LUGS LA BZHIG PA DANG 'JIG PA 'GAL BAR BZHED PA YIN GYI DE GNYIS DON GCIG TU GANG DU YANG BSGRUBS PA MED DO, ,RNAM 'GREL DU, DE LTA NA YANG SHING MTHONG 'GYUR ZHES SOGS KYI SKABS SU BZHIG 'JIG GCIG GI DBANG DU MDZAD PA YIN NO ZHES ZER BA NI, PHYIN CI LOG TU 'CHAD PA'O, ,GNYIS PA LA GSUM, BYAS MI RTAG BDAG GCIG TU BSGRUB PA DANG, MI RTAG PA MNGON SUM GYIS MTHONG BZHIN DU MI RTOGS PA'I RGYU DANG, DE GNYIS BDAG GCIG MA YIN PA LA GNOD PA BSTAN PA'O, ,DANG PO LA GNYIS, DNGOS PO DUS GNYIS PAR MI SDOD PA'I GNAS SKABS NYID MI RTAG PAR BSTAN PA DANG, CHOS CHOS CAN GYI RNAM DBYE MI 'THAD PAR THAL BA SPANG BA'O, ,DANG PO NI, MI RTAG PA NYID CES BYA BA GANG DNGOS PO GRUB DUS NA MA GRUB PAR DNGOS PO LAS PHYIS 'GRUB PAR 'GYUR BA RDZAS GZHAN NI 'GA' YANG MED DE DNGOS PO NYID MI RTAG PA'I RDZAS SU SKYES PA'I PHYIR, MI RTAG PA DNGOS PO BZHIG PA DANG DON GCIG PAS BYAS DNGOS DANG MI RTAG PA BDAG GCIG PA'I 'BREL PA MA GRUB PA'I SKYON MED PAR THAL, DNGOS PO SKAD CIG MAR GNAS PA'I CHOS CAN DE KHO NA MI RTAG PA NYID YIN NO ZHES MANG DU BSHAD ZIN PA'I PHYIR, GNYIS PA NI, DE

, ,GNYIS RDZAS GCIG NA DNGOS PO'I MI RTAG PA ZHES CHOS CHOS CAN GYI RNAM DBYE MI RUNG BAR 'GYUR TE, CHOS CHOS CAN GYI RNAM DBYE NI LHA SBYIN GYI RIL BA ZHES PA LTA BU RDZAS THA DAD PA KHO NA LA SBYOR BAR MTHONG BA'I PHYIR RO ZHE NA, CHOS DANG CHOS CAN GYI TSIG THA DAD PA LA YANG BRJOD BYA'I DON RDZAS THA DAD PA NGES PAR DGOS PA MA YIN PAR THAL, CHOS CHOS CAN SO SOR GO BA'I RGYU MTSAN BRJOD BYA'I DON GCIG NYID TSIG GI SBYOR TSUL MI 'DRA BAS KHYAD PAR GZHAN SPONG BA DANG MI SPONG BA'I CHOS CHOS CAN SO SOR GO BA'I PHYIR, DPER NA SGRA MI RTAG CES BRJOD PA'I TSE SGRA DE CHOS CAN DANG, SGRA'I MI RTAG CES BRJOD PA'I TSE SGRA DE CHOS SU BRJOD KYANG DON SGRA RTAG PA LAS LDOG PA GCIG GCIG BRJOD PA BZHIN NO, ,SGRA GNYIS KYI KHYAD PAR SKABS 'DIR RGYAS PAR MI STON PA'I RGYU MTSAN YOD DE, KHYAD PAR GZHAN NI SPONG BA DANG, ,MI SPONG BA DAG DE GNYIS KYI, ZHES BYA BA LA SOGS PA'I SKABS NI TSAD MA RNAM 'GREL DU GTAN LA PHAB ZIN PAS 'DIR MA SPROS PA'I PHYIR, GNYIS PA LA GNYIS, DNGOS PO RTAG PAR 'KHRUL BA'I RGYU NGOS BZUNG BA DANG, 'JIG RTEN PAS MI RTAG PAR THA SNYAD BYED PA'I DUS NGOS BZUNG BA'O, ,DANG PO NI, DNGOS PO DANG MI RTAG PA RDZAS GCIG NA BYIS PA RNAMS KYIS BUM PA LA SOGS PA'I DNGOS PO MNGON SUM GYIS RTOGS PA LTAR MI RTAG PA YANG RTOGS PAR THAL LO ZHE NA, BUM PA LA SOGS PA'I DNGOS PO MNGON SUM GYIS RTOGS PA NA BUM PA 'DI'I RANG BZHIN MI RTAG PA DE NI BYIS PA RNAMS KYI MNGON SUM GYIS MTHONG BZHIN DU YANG MI RTOGS PA'I RGYU MTSAN YOD DE, THOG MA MED PA NAS GOMS PA'I MA RIG

PA'I BAG CHAGS KYIS YID BSLAD PA'I NANG GI 'KHRUL RGYU BLO ZHAN PA'I DBANG GIS MA RTOGS PA'I PHYIR, MA RIG PA DNGOS PO RTAG PAR 'KHRUL PA'I RGYU YIN NA BUM PA BZHIG PA NA YANG BUM PA RTAG PAR 'KHRUL PA SKYE BAR 'GYUR TE, MA RIG PA CUNG ZAD KYANG MA NYAMS PA'I PHYIR RO ZHE NA, SKYON MED DE, PHYI ROL GYI 'KHRUL RGYU LA YANG BLTOS PAR STON PA NI, BLO ZHAN PA 'BA' ZHIG DNGOS PO RTAG PAR 'KHRUL BA'I RGYU MA YIN TE, YOD PA BAR MA CHAD DU DMIGS PAS RTAG TU SKAD CIG GNYIS PA LA SOGS PAR YANG SKAD CIG DANG PO DE LTAR YOD PAR DOGS PAS BSLUS SHING BRID PAS KYANG RTAG PAR 'KHRUL BA'I PHYIR, NANG GI 'KHRUL RGYU BLO ZHAN PA MED NA RTAG PAR 'KHRUL PA MI SKYE BA 'PHAGS PA'I GANG ZAG BZHIN NO, ,YOD PA BAR MA CHAD MA TSANG NA RTAG PAR 'KHRUL PA MI SKYE BA NI DPER NA, BAR CHOD PA'I GLOG SNGA PHYI BZHIN NO, ,YOD PA BAR MA CHAD DU DMIGS PA YOD KYANG BUM PAS DAG PA'I SA PHYOGS NA BUM PA MED PA'I THA SNYAD BYED PA BZHIN SKAD CIG GNYIS PA'I DUS NA SKAD CIG SNGA MAS STONG BAR MTHONG BAS SNGA MA MED PAR THA SNYAD BYED PA MA YIN NAM ZHE NA, BUM PAS DAG PA'I SA PHYOGS SU YOD PA BAR MA CHAD YOD KYANG BUM PA RTAG PAR 'KHRUL BA MI SKYE BA LTAR BUM PA MNGON SUM GYIS MTHONG BA'I TSE RTAG PAR 'KHRUL PA MI SKYE BA'I DPE DON MI MTSUNGS PAR THAL, BUM PA MNGON SUM GYIS MTHONG BA'I TSE RIGS 'DRA BA GZHAN 'BYUNG BAS BSLUS PAS MI RTAG PAR MI RTOGS PA YIN PA'I PHYIR 'AM ZHES SMOS PA NI PHYOGS SNGA MA GNYIS LA LAN THA DAD PAR STON PA'I DON YIN TE, PHYOGS SNGA MA SNGA MA LTAR NA RTAG PAR 'KHRUL BA'I RGYU 'DI YOD DO ZHE'AM,

, ,RTZOD PA PHYI MA LTAR NA RTAG PAR 'KHRUL PA'I RGYU GZHAN 'DI YOD CES 'KHRUL RGYU SO SOS RTZOD PA SO SOR SPONG BA YIN LA, SDOMS PA'I DBANG DU BYAS NA DE DANG DE ZHES PA LTAR GSUM GA RTAG PAR 'KHRUL BA'I RGYUR 'AM GYI SGRAS SDUD PA YANG YIN NO, ,'DRA BA GZHAN 'BYUNG MA TSANG NA RTAG PAR 'KHRUL PA MI SKYE BA BUM PA GYO DUM DU SONG BA BZHIN NO, ,'AM GYI SGRA RNAM PAR BRTAG PA'I DON 'BA' ZHIG TU BSAMS NAS 'KHRUL RGYU GSUM PO GANG RUNG GCIG MA TSANG NA YANG RTAG PAR 'KHRUL PA MI SKYE'O ZHES SHUGS LA 'ONGS PA'I DON SDUD PA YIN PAR SNGON GYI MKHAS PA KHA CIG BZHED DO, ,GNYIS PA NI, BUM PA BZHIG PA SOGS MTHONG BA NA BUM PA MI RTAG PA'O ZHES 'JIG RTEN NA THA SNYAD BYED PA MI 'THAD PAR 'GYUR TE, GYO DU MA MI RTAG PA'O SNYAM DU NGES PA SKYE RIGS PAR 'GYUR RO ZHE NA, 'JIG RTEN NA BUM PA MI RTAG PA'O SNYAM PA'I NGES PA 'DI BUM PA'I RIGS 'DRA RGYAN MA CHAD PA'I SKABS SU SKYE BA MA YIN TE, BUM PA'I SKAD CIG MA THA MA MTHONG BA RNAMS LA DE LTAR NGES PA SKYE'I SNGAR MA YIN PA'I PHYIR, BUM PA YOD PA'I PHYIS BUM PA MI RTAG PA'O SNYAM PA'I NGES PA SKYE BA'I RGYU YOD DE, BUM PA SNGAR YOD PHYIS 'DI MI DMIGS PAS MI GNAS PAR RTOGS PA'I PHYIR, BUM PA'I RIGS 'DRA GNAS PA'I DUS 'JIG RTEN PA RNAMS KYIS BUM PA MI RTAG PAR MA RTOGS KYANG BUM PA MI RTAG PAR THA SNYAD BYED PA MI 'GAL TE BUM PA BZHIG PA DE'I TSE BUM PA MI RTAG PA'O SNYAM DU NGES PA'I DUS YIN PAS 'JIG RTEN PAS BUM PA MI RTAG PA NYID DU RNAM PAR BZHAG GO ZHES KYANG SNGAR BSHAD ZIN PA'I

PHYIR, GSUM PA LA GSUM, DNGOS PO DANG MI RTAG PA RDZAS GZHAN DU THAL BA DANG, 'DOD NA RTAG PA LAS LOGS SU 'BYED MI NUS PAR THAL BA DANG, 'BYED NUS NA BDAG NYID GCIG TU GRUB PA'O, ,DANG PO NI, DNGOS PO CHOS CAN, MI RTAG PA NYID KHYOD LAS GZHAN GYI RGYU MTSAN CAN YIN NAM, RGYU MTSAN MED PA CAN NYID YIN YANG RUNG STE, KHYOD LAS DON GZHAN KHO NAR 'GYUR BAR THAL, DE KHYOD DANG RDZAS GCIG PA DE LTA MA YIN PAR KHYOD LAS DUS PHYIS BYUNG BA'I PHYIR, GNYIS PA NI, MI RTAG PA CHOS CAN, DNGOS PO RTAG PA LAS 'BYED PA DE LA MI DGOS SHING MI NUS PAR THAL, MI RTAG PA DANG RDZAS GZHAN DE LTA YIN PA'I PHYIR, 'DOD NA DNGOS PO KHYOD DANG LDAN PAR MI 'GYUR BAR THAL, 'DOD PA DE'I PHYIR RO, ,GSUM PA NI, DNGOS PO LA PHYIS BYUNG GI MI RTAG PA GZHAN GYIS CI ZHIG BYA STE DGOS PA MED PAR THAL, MI RTAG PA DE NYID DNGOS PO 'DI'I RANG BZHIN DU 'GYUR BA'I MI RTAG PA YIN PA'I PHYIR, DER THAL, DNGOS PO RTAG PA LAS 'BYED PA LA MI RTAG PA DGOS PA'I PHYIR, MI RTAG PA DNGOS PO'I NGO BOR MA GRUB KYANG MI RTAG PA DON GZHAN DANG LDAN PAS DNGOS PO RTAG PA LAS LOGS SU PHYED DO ZHE NA, DNGOS PO RANG BZHIN GYIS MI G-YO ZHING MI 'JIG NA NI DNGOS PO CHOS CAN, MI RTAG PA DON GZHAN DANG LDAN YANG RTAG PA DANG KHYAD PAR MI PHYED PAR THAL, MI RTAG PA DE'I NGO BOR MI 'THAD PA'I DNGOS PO YIN PA'I PHYIR RO, ,GNYIS PA RANG BZHIN GYI GO BYED DU MI RUNG BA LA GNYIS, DRI BA DANG, DRIS BA'I LAN DGAG PA'O, ,DANG PO NI, MI RTAG PA NYID DAM DNGOS PO'I RGYU LAS GZHAN

, ,BYUNG BA'I DNGOS PO'I CHOS GZHAN DE YANG DNGOS PO'I RGYU LAS DON GZHAN LAS 'BYUNG NA MI RTAG PA DE DNGOS PO'I RGYU YIN PA'AM 'BRAS BU YIN PA ZHIG TU 'GYUR GRANG RGYU 'BRAS GNYIS KA MA YIN NO ZHE NA, GNYIS PA LA GSUM, DON GZHAN RGYU 'BRAS GNYIS KA MA YIN PA DGAG PA DANG, SO SOR DGAG PA DANG, DON BSDU BA'O, ,DANG PO NI, BYAS PA CHOS CAN, MI RTAG PA DANG 'BREL PA MED PAR THAL, MI RTAG PA DANG RDZAS THA DAD MI RTAG PA KHYOD KYI RGYU DANG 'BRAS BU GANG YANG MA YIN PA'I PHYIR, 'DOD NA KHYOD YOD PA'I GZHI DE LA MI RTAG BA YOD PAR RJES SU DPAG PA MI SRID PAR THAL, MI RTAG PA DANG 'BREL PA MED PA'I PHYIR, GNYIS PA LA GSUM, MTSAMS SBYAR BA DANG, RTZA BA DANG 'GREL PA'O, ,DANG PO NI, BRTAG PA GNYIS BYAS PA DE LA RGYU 'AM 'BRAS BU YIN NO ZHE NA, GNYIS PA NI, MI RTAG PA CHOS CAN, BYAS PA'I RGYU NYID MIN PAR THAL, BYAS PA LAS PHYIS 'BYUNG GI SNGAR MA BYUNG BA'I PHYIR, 'BRAS BU YIN NO ZHE NA YANG BYAS PA CHOS CAN, KHYOD KYIS SGRA MI RTAG PAR BSGRUB PA'I BSGRUB BYA MA NGES PA'I SNGA ROL TU KHYAB PA GA LAS NGES TE MI NGES PAR THAL, MI RTAG PA DE KHYOD KYI 'BRAS BU YIN PA'I PHYIR, GSUM PA NI, MI RTAG PA DE CI LTAR BYAS PA DE'I RGYU YIN TE MA YIN PAR THAL, DNGOS PO GRUB ZIN NAS PHYIS RGYU DON GZHAN LAS 'BYUNG BA'I PHYIR, DNGOS RGYU DNGOS 'BRAS YIN NA PHYOGS CHOS MI 'GRUB LA MI RTAG PA BRGYUD PA'I 'BRAS BU YIN NO ZHE NA YANG, SGRA MI RTAG PAR SGRUB PA LA BYAS PA YOD PA'I GTAN TSIGS KHYAB PA MA NGES PA NYID DU THAL, MI RTAG PA BYAS PA'I

BRGYUD PA'I 'BRAS BU YIN PA'I PHYIR, KHYAB PA YOD PAR THAL, PHYIS RKYEN GZHAN GYI PHAN PA LA BLTOS PA'I 'BRAS BU YANG RGYU LA GDON MI ZA BAR YOD PA MA YIN PA'I PHYIR, DNGOS PO'I RGYU LAS BYUNG NA SKABS DON GRUB PA NI, MI RTAG PA DNGOS PO TZAM GYI RGYU LAS 'BYUNG BA YIN NA YANG BYAS PA CHOS CAN, MI RTAG PA PHYIS 'BYUNG GI RGYU BYED PA DAG RANG GRUB PA DE TZAM GYI RANG CHAS SU RJES SU 'BREL PAR GRUB PAR THAL, MI RTAG PA DE KHYOD KYI RIGS KYI RGYU NUS PA THOGS MED LAS BYUNG GI PHYIS 'BYUNG GI RGYU GZHAN LA LTOS PA MED PA'I PHYIR, GAL TE BYAS PA'I RGYU LAS BYAS PA 'BYUNG LA DE LAS 'JIG PA 'BYUNG BAS NYES PA GANG YANG MED DO ZHE NA, BYAS PA DE LA MI RTAG PA DON GZHAN 'GA' ZHIG 'BYUNG YANG BYAS PA DE LA RTAG PA LAS 'BYED PA LA MI DGOS SHING MI NUS PAR THAL, BYAS PA MI 'JIG PA'I NGO BOR GNAS PA'I PHYIR, 'DOD NA BYAS PA 'JIG PA DANG MI LDAN PA'I THAL BA SNGA MA YI SKYON DU 'GYUR BA YIN PAR THAL, BYAS PA'AM DNGOS PO'I NGO BO NYAMS PA MED PA'I PHYIR, GSUM PA NI, RGYU MTSAN DES NA BYAS PA'AM DNGOS PO LA SGRA MI RTAG PA DE RJES SU DPOG PA MA YIN PAR THAL, BYAS DNGOS MI 'JIG PA'I RANG BZHIN GYI PHYIR RO, ,GNYIS PA RTAGS MI MTHUN PHYOGS LA MA MTHONG TZAM GYIS LDOG KHYAB 'GRUB PA DGAG PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, MI 'JIG PA'I NGO BOR GYUR PA'I BYAS PA DANG DNGOS PO LAS MI RTAG PA JI LTAR RJES SU MI DPOG DPAG NUS TE RGYU MTSAN 'DI LTAR MI RTAG PA MA YIN PA'I DNGOS PO LA 'GAR YANG SKYE BA MA MTHONG LA PHYOGS CHOS GRUB CING BYAS PA

, ,DANG DNGOS PO RTAG PA LA MA MTHONG BA LAS NI MI MTHUN PA'I PHYOGS LAS LDOG PA GRUB PA DES NA GTAN TSIGS 'KHRUL PA MED PA YIN NO ZHE NA, GNYIS PA LA GNYIS, LDOG KHYAB 'GRUB PA 'BREL PA LA BLTOS PAR BSGRUB PA DANG, 'BREL PA LA MI LTOS PA DGAG PA'O, ,DANG PO LA GNYIS, PHYOGS CHOS GRUB CING MI MTHUN PHYOGS LA MA MTHONG TZAM LHAG LDAN DU 'GYUR BA DANG, DES NA 'BREL PA NGES PA LA BLTOS PA'O, ,DANG PO LA GNYIS, LHAG LDAN GYI DPE DANG, LHAG LDAN GYI MING DON TO, ,DANG PO LA GNYIS, RTZA BA DANG, 'GREL PA'O, ,DANG PO NI, RTAGS MI MTHUN PHYOGS LA MA MTHONG BA TZAM GYIS LDOG KHYAB 'KHRUL PA MED PA MA YIN TE, MI MTHUN PHYOGS LA MA MTHONG BA TZAM YIN YANG DE LA 'JUG PA'I 'KHRUL PA SRID PA CAN NYID KYI PHYIR, DPER NA TSOS PA'I 'BRAS DANG PHRU BA GCIG GI NANG DU CHUD PAR KHYAD PAR MED PA'I RTAGS KYIS PHRU BA'I 'BRAS LHAG MA RNAMS NI TSOS PAR SGRUB PA BZHIN NO, ,GNYIS PA NI, RTAGS MI MTHUN PHYOGS LA MA MTHONG TZAM GYIS LDOG PA MI 'GRUB PAR THAL, PHRU BA GCIG GI NANG DU CHUD PAR KHYAD PAR MED PA'I 'BRAS MANG PO ZHIG TSOS PAR MTHONG YANG DE DANG PHRU BA'I NANG DU CHUD PA KHYAD PAR MED PA TZAM GYIS NI TSOS PAR MI 'GRUB PA'I PHYIR, DER THAL, MA TSOS PA LA 'JUG PA'I 'KHRUL PA MTHONG BA'I PHYIR RO, ,RTAGS KHYAD PAR CAN 'GOD NA MI 'KHRUL BAR 'GYUR TE, 'DI LTAR 'BRAS TSOS PA ZOS PA 'DI TSOS PA'I RGYU 'DI 'DRA BA'I RANG BZHIN YIN LA 'DI DANG TSOS PA'I RGYU 'DRA BA DAG YIN PA'I PHYIR, 'BRAS LHAG MA 'DI RNAMS TSOS SO

ZHES BYA BA DPOG RIGS PAR NI 'GYUR TE, DE LA TSUL GSUM TSANG BA'I PHYIR, DE LTA MA YIN PAR PHRU BA GCIG GI NANG DU CHUD BAR KHYAD PAR MED PA RTAGS SU 'GOD NA RTAGS DE LA BRTEN PA'I RJES SU DPAG PA DE RJES DPAG LTAR SNANG DU THAL, RTAGS DE LHAG MA DANG LDAN PA'I 'KHRUL PA CAN YIN PA'I PHYIR, GNYIS PA LA GNYIS, DRI BA DANG, LAN NO, ,DANG PO NI, YANG LHAG MA LDAN PA ZHES BYA BA 'DI'I MING GI DON CI YIN CE NA, GNYIS PA LA GNYIS, LHAG LDAN GYI RTAGS KYI MTSAN GZHI NGOS BZUNG BA DANG, DE LHAG LDAN DU BSGRUB PA'O, ,DANG PO LA GNYIS, RTZA BA DANG, 'GREL PA'O, ,DANG PO NI, RTAGS GANG ZHIG PHYOGS CHOS GRUB MTHUN PHYOGS LA MTHONG YANG MI MTHUN PHYOGS LA MA MTHONG BA TZAM GYIS LDOG PA RAB TU STON PAR BYED PA'I GTAN TSIGS DE NI LHAG LDAN GYI GTAN TSIGS YIN TE, PHYOGS CHOS GRUB MTHUN PHYOGS LA MTHONG YANG MI MTHUN PHYOGS LA MA MTHONG TZAM YIN PA'I PHYIR, GNYIS PA NI, LHAG LDAN GYI GTAN TSIGS DE NI MI MTHUN PA'I PHYOGS LA 'JUG PAR THE TSOM ZA BAR 'GYUR TE, RTAGS DE LDOG PA SGRUB PA LA MI MTHUN PHYOGS LA MA MTHONG BA TZAM YIN GYI DE'I LDOG PA MA NGES PA'I PHYIR, GNYIS PA LA GNYIS, RTZA BA DANG, 'GREL PA'O, ,DANG PO NI, NGAG SMRA BA'I SKYES BU PHA ROL PO CHAGS LDAN DU SSGRUB PA'I RTAGS NGAG SMRA BA DE LA LHAG MA DANG LDAN PA ZHES BRJOD DE, RTAGS DE NI PHYOGS CHOS GRUB MTHUN PHYOGS LA MTHONG YANG LDOG PA LA THE TSOM GYI RGYU YIN PA'I PHYIR, KHYAB PA LA THE TSOM GYI ELHAG MA LAS PAS LHAG MA DANG LDAN PA ZHES BYA'O, ,KHA CIG MA NGES PA'I RTAGS YIN NA KHYAB PA LA THE TSOM ZA BAR 'DOD PA NI HA CANG RNAM

, ,PAR MA BRTAGS PA YIN TE, DNGOS KYI MA NGES PA'I GTAN TSIGS YIN NA KHYAB PA MED NGES YIN DGOS PA'I PHYIR RO, ,LHAG LDAN LA YANG NGES PA MED DE, 'GAL BA'I LHAG LDAN GYI GTAN TSIGS SU SONG BA'I GANG ZAG DES KHYAB PA MED PAR NGES PA'I PHYIR TE, DES RTAGS DANG DGAG BYA'I CHOS KYI GZHI MTHUN TSAD MAS MTHONG BA'I PHYIR, DE LTA MA YIN NA, RTAGS MI MTHUN PHYOGS LA 'JUG PA TSAD MAS MA MTHONG BAR 'GYUR RO, ,DES NA 'GAL BA'I LHAG LDAN NI, MTHUN PHYOGS LA YOD MED THE TSOM ZA BA YIN LA, YANG DAG LHAG LDAN NI MI MTHUN PHYOGS LA YOD MED THE TSOM ZA BA YIN NO, ,GNYIS PA LA GSUM, MA MTHONG TZAM GYIS MED NGES MI 'GRUB PA DANG, LDOG KHYAB 'GRUB PA 'BREL PA LA BLTOS PA DANG, 'BREL PA MED NA GO BYED MA YIN PA'O, ,DANG PO NI, MI MTHUN PHYOGS LA MA MTHONG BA YIN YANG CI LTAR THE TSOM ZA ZHE NA, YOD NA SNANG DU RUNG BA DANG MI RUNG BA'I MI DMIGS PA THAMS CAD NI YOD NA SNANG DU RUNG MI RUNG GI DON THAMS CAD MED PAR RTOGS PAR BYED PA MA YIN TE, YOD KYANG SNANG DU MI RUNG BA'I DON MA MTHONG YANG YOD MED THE TSOM ZA BA'I PHYIR, GNYIS PA NI, GCIG BSGRUB BYA'I CHOS LOG PAS GZHAN RTAGS LDOG PA'I LDOG KHYAB GRUB PAR 'DOD PAS NI RTAGS CHOS DE GNYIS RANG BZHIN 'BREL PA 'GA' ZHIG KYANG 'DOD PAR BYA DGOS TE, MI MTHUN PHYOGS LA MA MTHONG TZAM GYIS LDOG KHYAB MI 'GRUB PA DE'I PHYIR, GSUM PA NI, GTAN TSIGS BYAS PA CHOS CAN, SGRA RTAG PA GO BAR BYED PA MA YIN PAR 'GYUR TE, RTAG PA DANG 'BREL PA GRUB PA DE LTA MA YIN PA'I PHYIR,

GNYIS PA LA GNYIS, RTZA BA DANG, 'GREL PA'O, ,DANG PO NI, SLOB DPON PHYOGS KYI GLANG PO DE YIS GTAN TSIGS KYI NI TSUL GSUM PO'I MTSAN NYID KYI ZUR RNAMS LA'ANG NGES PA BRJOD PAR MDZAD PA DGOS PA DANG BCAS PA YIN TE, BYAS PA SGRA MI RTAG PAR SGRUB PA'I MA GRUB PA DANG ZLOG DON 'GAL BA DANG 'KHRUL PA CAN MA NGES PA RNAMS KYI GNYEN POR NI MDZAD PA'I PHYIR, 'GAL MA NGES MA GRUB PA'I GTAN TSIGS GSUM RTAGS YANG DAG YIN PA BCAD PA'I CHED DU RTAGS YANG DAG GI MTSAN NYID KYI ZUR DU NGES PA SMOS PA YIN NO ZHES ZER BA NI, RGYA MTSO'I PHA ROL DANG TSU ROL BZHIN NO, ,DES NA BYAS PA LTA BU SGRA MI RTAG PAR SGRUB PA'I LTAR SNANG GSUM PO YIN PA ZLOG PA'I CHED DU TSUL GSUM PA'I MTSAN NYID KYI ZUR DU NGES PA SMOS PA'I DON YIN NO, ,DE YANG MTSON NA BYAS PA SGRA MI RTAG PAR SGRUB PA'I MA GRUB PA'I GTAN TSIGS MA YIN TE, DE SGRUB KYI SHES 'DOD CHOS CAN GYI STENG DU 'GOD TSUL DANG MTHUN PAR YOD PA KHO NAR NGES PA'I PHYIR, CES BYA BA LTA BU'O, ,RTZA BA'I TSIG TU NI, RJES DPAG BYA DANG DE MTSUNGS LA, ZHES SOGS SNGAR DRANGS PA DE YIN LA, 'GREL TSIG TU 'BYUNG BA NI PHYI 'GREL GYI SKABS SU 'DREN PAR 'GYUR RO, ,'DI DAG GI DON GYI GTZO BO NI 'BREL PA TSAD MAS NGES PA SNGON DU BTANG NAS RJES SU 'GRO LDOG GI KHYAB PA SGRUB DGOS PA DE NYID KYI GZHUNG 'DZUGS PAR BZHED PA YIN NO, ,GNYIS PA LA GSUM, LUNG 'DREN PA'I RGYU MTSAN DANG, LUNG DRANG BA DANG, LUNG GI DON BSHAD PA'O, ,DANG PO NI, SLOB DPON PHYOGS KYI GLANG PO'I KUN LAS BTUS KYI TSIG SKABS 'DIR DRANGS PA DGOS PA DANG BCAS

, ,PA YIN TE, 'BREL PA NGES PA SNGON DU SONG BA MED PAR NI RJES SU 'GRO BA DANG LDOG PA NGES PA MED PA YIN PA DES NA DE NYID SGRUB PA'I CHED DU YIN PA'I PHYIR, ,GNYIS PA NI, SLOB DPON PHYOGS KYI GLANG PO KHYAB PA NGES PA 'BREL PA NGES PA LA BLTOS PAR BZHED PA YIN TE, DON DE NYID STON PAR MDZAD PA NA TSAD MA KUN LAS BTUS SU GNYIS KA LA RAB TU GRUB PA NI SGRUB PA YIN NO, ZHES TSUL GSUM GYI MTSAN NYID KYI ZUR DU NGES PA DGOS PAR BSHAD PA YIN PA'I PHYIR, GNYIS KA LA ZHES BYA BA NI GZHAN DON SKABS KYI RTAGS KYI TSUL GSUM RGOL BA DANG PHYIR RGOL BA GNYIS KAS NGES PA DGOS PA'I DON DANG, RAB TU GRUB PA ZHES BYA BA NI TSAD MAS NGES PA'I DON TO, ,SGRUB PA ZHES BYA BA NI GO BAR BYED PA'I TSIG GI DON YIN NO, GSUM PA NI, DE LA RJES SU 'GRO BA NGES PAS NI CHOS CAN, 'GAL BA DANG DE'I PHYOGS DANG MTHUN PA RJES 'GRO LA THE TSOM ZA BA RNAMS BSAL TE MTHUN PHYOGS KHO NA LA YOD PAR NGES PA BSGRUBS PA'I PHYIR, LDOG PA NGES PAS NI CHOS CAN, MA NGES PA'I GTAN TSIGS BSAL TE, MI MTHUN PHYOGS LA MED PA KHO NAR NGES PA GRUB PA'I PHYIR, GNYIS KA LA ZHES BYA BA NI CHOS CAN, DGOS PA DANG BCAS PA YIN TE, GZHAN DON SKABS KYI GTAN TSIGS KYI KHYAB PA RGOL PHYIR RGOL GANG RUNG GCIG KHO NA LA GRUB PA 'GOG PA'I DON CAN YIN PA'I PHYIR, RAB TU GRUB PA ZHES BYA BAS NI CHOS CAN, DGOS PA DANG BCAS PA YIN TE, MI MTHUN PA'I PHYOGS LA THE TSOM ZA BA LTAG MA DANG LDAN PA DANG MTHUN PA'I PHYOGS DANG MI MTHUN PA'I PHYOGS GNYIS,

DAG THE TSOM ZA BA THUN MONG MA YIN PA'I MA NGES PA DAG SEL BA'I DON CAN YIN PA'I PHYIR, GNYIS PA LA GNYIS, MA MTHONG TZAM GYIS LDOG PA GRUB PAR 'DOD PA'I RANG SDE BYE BRAG TU DGAG PA DANG, RANG GZHAN GYI SDE PA GNYIS KA LA THUN MONG DU RIGS PA'I GNOD PA BSTAN PA'O, ,DANG PO LA GNYIS, SPYI'I DON DANG, SO SO'I DON TO, ,DANG PO LA GSUM, PHYOGS SNGA MA'I BSAM PA BRJOD PA DANG, DE LA GNOD PA BRJOD PA DANG, GNOD PA DE DAG 'JUG PA'I RGYU MTSAN NO, ,DANG PO NI, SLOB DPON DBANG PHYUG SDE LA SOGS PA KHA CIG NA RE, PHYIR RGOL GYIS LDOG KHYAB GRUB PA'I TSE MI MTHUN PHYOGS MTHA' DAG LA RTAGS MED PAR NGES PA DGOS NA MI MTHUN PHYOGS MTHA' DAG LA RTAGS YOD NA PHYIR RGOL GYIS DMIGS RUNG DU 'GYUR DGOS LA, DE NI MI RIGS TE, MI MTHUN PHYOGS KYI KHYAD PAR 'GA' ZHIG LA RTAGS YOD KYANG PHYIR RGOL GYIS DMIGS SU MI RUNG BA'I PHYIR RO, ,DES NA RTAGS MI MTHUN PHYOGS MTHA' DAG LA MA MTHONG BA TZAM GRUB NA LDOG PA GRUB PA YIN PAS RTAGS DANG DGAG BYA'I CHOS KYI GZHI MTHUN MI SRID PAR TSAD MAS MTHONG BA MI DGOS KYI, GZHI MTHUN SRID PAR TSAD MAS MA MTHONG BA TZAM GYIS 'GRUB BO ZHES ZER TO, ,'O NA SNGAR LDOG PA LOGS SU SMOS PA'I DGOS PA 'GOG PA'I SKABS SU TSUL GSUM PA NGAS PA'I DON CAN DU KHAS BLANGS PA MA YIN NAM ZHE NA, SKYON MED DE, MTHUN PHYOGS KHO NA LA YOD CES SMOS PAS MI MTHUN PHYOGS LAS LDOG PA GRUB MOD KYI, DE LTA NA YANG LDOG YUL NGOS BZUNG BA'I SGO NAS LDOG TSUL LA NGES PA BRTAN PA'I CHED DU TSUL GSUM PA LOGS

, ,SU SMOS PA YIN NO ZHES SLOB DPON DBANG PHYUG SDE LA SOGS PAS KHAS BLANGS KYI, MI MTHUN PHYOGS LA MED PAR NGES PA'I CHED DU SMOS SO ZHES KHAS MA BLANGS PA'I PHYIR RO, ,GNYIS PA NI, GTAN TSIGS YANG DAG LTAR SNANG DU THAL BA DANG, LTAR SNANG YANG DAG TU THAL BA GNYIS KYI SGO NAS GNOD PA BRJOD DE, DANG PO NI, CHOS MI MTHUN SBYOR GYI SGRUB NGAG GTAN TSIGS YANG DAG MA NGES PA'I GTAN TSIGS YIN PA ZLOG PA'I DON CAN MA YIN NA, MA NGES PA LDOG PA BYED KYI GNYEN PO MED PAS LTAR SNANG DU THAL BA'O, ,GNYIS PA LA, LHAG LDAN GYI GTAN TSIGS GNYIS YANG DAG TU THAL BA DANG, THUN MONG MA YIN PA'I MA NGES PA'I GTAN TSIGS GNYIS YANG DAG TU THAL BA DANG, SNANG MI RUNG GI DON MA MTHONG BAS MED PAR 'GRUB PA KHAS BLANG DGOS PAS MI SNANG BA MA DMIGS PA'I GTAN TSIGS YANG DAG MI SRID PAR THAL BA RNAMS KYIS BKAG GO ,GSUM PA NI, RTAGS CHOS MED NA MI 'BYUNG BA'I 'BREL PA MA NGES PAR LDOG KHYAB 'GRUB PA MI SRID LA, 'BREL PA TSAD MA'I YUL DU STON PAR MI BYED NA SGRUB NGAG SMOS PA DGOS PA MED PAS CHOS MI MTHUN SBYOR GYI SGRUB NGAG GIS KYANG 'BREL PA'I DON LDOG DNGOS SU BSTAN PA'I SGO NAS LDOG KHYAB TSANG MA'I YUL DU STON PA YIN GYI 'BREL PA MI STON NA DON GZHAN GANG BRJOD KYANG DAG DE LA BRTEN NAS LDOG KHYAB GO BA'I NUS PA MED PAR BSGRUB PAR BYED PA YIN NO, ,GNYIS PA LA DRUG ,CHOS MI MTHUN SBYOR SMOS PA DGOS PA MED PAR THAL BA DANG, LHAG LDAN LDOG PA 'KHRUL PA MED PA CAN DU THAL BA DANG, LDOG PA CAN SROG LDAN GTAN

TSIGS YANG DAG TU THAL BA DANG, LDOG PA LA THE TSOM ZA BA LTAR SNANG DU BRJOD MI RIGS PAR THAL BA DANG, MNYAN BYA SGRA LA RTAG MI RTAG GNYIS KA GCOD PA'I GTAN TSIGS SU THAL BA DANG, SNANG MI RUNG GI DON LA MA MTHONG TZAM GYIS DGAG PA BYED RIGS PAR THAL BA'O, ,DANG PO LA GSUM, THAL BA DNGOS DANG, DGOS PA GZHAN DGAG PA DANG, DON BSDU BA'O, ,DANG PO NI, SLOB DPON PHYOGS KYI GLANG POS RE SHIG 'GAL BA DANG MA NGES PA'I GNYEN POR GNYIS KA BRJOD PAR BYA BA GANG YIN PA 'DI NI RIGS SO ZHES RTAGS YANG DAG MA NGES PA'I GTAN TSIGS YIN PA ZLOG PA'I DON DU CHOS MI MTHUN SBYOR GYI SGRUB NGAG SMOS DGOS PAR BSHAD PA GANG YIN PA DE MI RIGS PAR THAL, RTAGS CHOS 'BREL PA NGES PA MED PAR RTAGS MI MTHUN PHYOGS LA MA MTHONG BA TZAM GYIS LDOG KHYAB GRUB PA'I PHYIR, LUNG GI DON GYI SBYOR BA NI, MTHUN PHYOGS LA MTHONG TZAM DANG, MI MTHUN PHYOGS LA MA MTHONG TZAM GYIS RJES SU 'GRO LDOG GI KHYAB PA MI 'GRUB PAR THAL, KHYAB PA DE GNYIS 'GRUB PA'I CHED DU SGRUB NGAG GNYIS SMOS PA DGOS PA DANG BCAS PA'I PHYIR CES PA'O, ,'DI DAG LA MKHAS PA SNGA MA KHA CIG GIS, RANG SDE LA LUNG GI GNOD PA STON PA YIN NO ZHES ZER BA NI RIGS PA'I GNAD CHEN PO 'PHYUGS PA YIN TE, DNGOS PO STOBS ZHUGS KYI SKABS SU LUNG GNOD SGRUB TU BZHED PA'I SHING RTA CHEN PO SU YANG MED PA'I PHYIR RO, ,MNGON MTHO DANG NGES LEGS SGRUB PA'I RIGS PA'I GO RIMS KYANG 'PHYUGS NAS GSUNG RAB DGONGS 'GREL DANG BCAS PA'I DON LA NGES PA RNAL MA MI RNYED PA'I PHYIR, ,BYAS PAS SGRA MI RTAG

, ,PAR SGRUB PA'I CHOS MI MTHUN PA'I SGRUB NGAG SMOS PA NI CHOS CAN, DGOS PA DANG BCAS PA YIN TE, BYAS PA SGRA MI RTAG PAR SGRUB PA'I MA NGES PA'I GTAN TSIGS KYI GNYEN POR YIN PA'I PHYIR, GNYIS PA LA GNYIS, 'BREL PA MI STON NA LDOG KHYAB SGRUB PA'I RIGS PA MED PA DANG, RIGS PA GZHAN YOD NA BRJOD RIGS PA'O, ,DANG PO LA GSUM, MI MTHUN SBYOR GYI SGRUB NGAG MA MTHONG BA TZAM STON PA'I DON CAN DU MI 'THAD, MA MTHONG BA DRAN PA'I DON CAN DU MI 'THAD, 'BREL PA MI STON NA MED NGES SGRUB PA'I DON CAN DU MI 'THAD PA'O, ,DANG PO NI, GAL TE CHOS MI MTHUN SBYOR GYI SGRUB NGAG DES KYANG RTAGS MI MTHUN PA'I PHYOGS LA MA MTHONG BA TZAM STON PAR BYED PAR THAL, DE TZAM SGRUB NGAG GI BSTAN BYAR GYUR PA'I LDOG PA SKYON MED YIN PA'I PHYIR, 'DOD DO ZHE NA NI MI MTHUN PHYOGS LA MA MTHONG TZAM 'GRUB PA'I DON DU CHOS MI MTHUN SBYOR GYI SGRUB NGAG NGES PAR SMOS DGOS PA MA YIN PAR THAL, DE MA SMOS KYANG MA MTHONG TZAM RTOGS PAR 'GYUR BA'I PHYIR, PHYIR RGOL SNGAR RTAGS YANG DAG MI MTHUN PHYOGS LA MTHONG BA'I 'KHRUL PA YOD PAS DE LDOG PA'I DON DU SMOS SO ZHE NA, CHOS MI MTHUN SBYOR GYI SGRUB NGAG BRJOD PAS PHYIR RGOL GYIS RTAGS YANG DAG MI MTHUN PHYOGS LA TSAD MAS MTHONG BA'I 'KHRUL PA SNGAR YOD GSAR DU LDOG PAR 'GYUR BA MA YIN PAR THAL, PHYIR RGOL DE LA SNGAR DE LTAR MTHONG BA'I 'KHRUL PA GANG YIN PA NI MED PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, GAL TE KHYED RANG TSUL GSUM SNGAR TSAD MAS MTHONG BA BRJED PA DRAN PA'I DON DU SGRUB NGAG SMOS DGOS PAR 'DOD PA BZHIN DU, CHOS MI MTHUN PA'I TSIG GIS MI

MTHUN PHYOGS LA MA MTHONG BA LA MA MTHONG BA DE NYID DRAN PAR BYED DO ZHE NA, GNYIS PA NI, DPE DON MI MTSUNGS PA YIN TE, TSUL GSUM SNGAR TSAD MAS MTHONG BA BRJED PA DE LA NI DRAN PA'I DON DU SGRUB NGAG BRJOD PAR RIGS TE, TSUL GSUM SNGAR TSAD MAS MTHONG BA DA LTA BRJED NAS MA RTOGS PA NI BSGRUB BYA GO BA'I YAN LAG MA YIN PA'I PHYIR, MA MTHONG BA DRAN PA'I DON DU SGRUB NGAG BRJOD MI DGOS PAR THAL, RTAGS MI MTHUN PHYOGS LA TSAD MAS MA MTHONG BA NI TSAD MAS MTHONG BA MED PA YIN LA DE SNGAR NAS GRUB ZIN MA BRJED PA'I PHYIR, RTAGS MA GRUB STE SNGAR MTHONG NGO ZHE NA, RTAGS MI MTHUN PHYOGS LA MA MTHONG BA MI 'GRUB PAR THAL, RTAGS MI MTHUN PHYOGS LA MA MTHONG BA DE LA NI MI MTHUN PHYOGS LA TSAD MAS MTHONG BAS GNOD PAR 'GYUR BA'I PHYIR, GAL TE SNGAR RTAGS MI MTHUN PHYOGS LA MTHONG BA BYUNG BAR DOGS PA DE'I TSE, MA MTHONG BA MI 'GRUB PAS DOGS PA DE ZLOG PA'I DON DU SGRUB NGAG SMOS SO ZHE NA, RTAGS MI MTHUN PHYOGS LA MA MTHONG BA DE GRUB PAR BYA BA'I PHYIR SGRUB NGAG BRJOD PA DON MED PAR THAL, RTAGS YANG DAG MI MTHUN PHYOGS LA TSAD MAS MTHONG BA MED PA GANG ZHIG DE MED NA MA MTHONG BA GRUB PA KHO NA YIN PA'I PHYIR, GANG ZAG RANG NYID RTAGS MI MTHUN PHYOGS LA MA MTHONG BAR THE TSOM ZA BA DE ZHAN GYI TSIG GIS ZLOG PA'I SKABS MI SRID DO, ,GSUM PA LA GNYIS, RTZOD PA DANG, LAN NO, ,DANG PO NI, GAL TE MI MTHUN PHYOGS LA MI DMIGS PA DE TZAM GYIS MED DO ZHES BYA BA NGES PA MA YIN PA NYID PAS MED PAR NGES PA DE'I DON DU SGRUB NGAG BRJOD DO ZHE NA, GNYIS PA LA GSUM, MED

, ,NGES RTOGS PA MI 'THAD PA DANG, HA CANG THAL BA DANG, DE'I LAN DGAG PA'O, ,DANG PO NI, GAL TE RTAGS MI MTHUN PHYOGS LA MA DMIGS KYANG MED DO ZHES BYA BAR MI RTOGS NA SGRUB NGAG BRJOD PAS KYANG MI RTOGS PAR 'GYUR BAR THAL, SGRUB NGAG DE YANG 'BREL PA MI BRJOD PAR RTAGS MI MTHUN PHYOGS LA MI DMIGS PA TZAM KHO NA BRJOD PAR BYED PA'I PHYIR RO, ,GNYIS PA NI, CHOS MI MTHUN SBYOR GYIS RTAGS MI DMIGS PA TZAM STON PA MA YIN GYI, BSGRUB BYA'I CHOS MED PAS RTAGS MED PA RTOGS PAR BYED PA YIN NO ZHE NA, CHOS MI MTHUN SBYOR GYI SGRUB NGAG CHOS CAN, 'BREL MED GCIG MI DMIGS PAS NI GZHAN MED PA GO BAR BYED CING SGRUB PAR BYED PA YANG MA YIN TE, DE LTA NA GANG YANG RUNG BA ZHIG MED PAS THAMS CAD MED PAR HA CANG THAL BAR 'GYUR BA'I PHYIR RO, ,GSUM PA LA GNYIS, RTZOD PA DANG, LAN NO, ,DANG PO NI, BSGRUB BYA'I CHOS MED PA DES RTAGS MED PA SGRUB PA NI MA YIN TE 'ON KYANG RTAGS RANG NYID TSAD MAS MA DMIGS PAS MED PAR GRUB PA YIN NO ZHE NA, GNYIS PA NI, YOD NA SNANG RUNG GI SNANG BA MA MTHONG NA NI, DE MED PAR SGRUB RIGS KYI YOD NA SNANG RUNG DE MED NA NI DE MED PAR SGRUB MI RIGS TE, YOD MED THE TSOM ZA BA TZAM GYIS YOD PA DGAG MI RIGS PA'I PHYIR, SNANG MI RUNG LA MA MTHONG BAS MED PA MI 'GRUB KYANG SNANG RUNG GI GZHI LA MA MTHONG BAS MED PA 'GRUB BO ZHE NA, SNANG RUNG GI RTAG PA LA LAR 'DOD RGYAL DU BYAS PA MED PAR GRUB PA DE LTAR GYUR KYANG RTAG PA LA BYAS PA MED PA'I KHYAB PA MI 'GRUB PAR THAL, BYAS MI RTAG DE DAG 'BREL PA MED PA'I PHYIR RO, ,RGOL BA'I

TSIG GIS BSGRUB BYA'I CHOS MED PA LA RTAGS MED DO ZHES BSGRUB PAR BYED PA YIN NO ZHE NA, RGOL BA'I TSIG DES BSGRUB BYA'I CHOS MED PA LA RTAGS MED DO ZHES BRJOD PAS KYANG LDOG KHYAB 'GRUB PA DE LTAR 'GYUR BA MA YIN TE, DE LTA NA RGOL BA'I TSIG TZAM GYIS DON THAMS CAD GRUB PAR HA CANG THAL BAR 'GYUR BA'I PHYIR RO, ,GNYIS PA NI, TSIG TZAM GYIS DON MI 'GRUB PA DE BAS NA BSGRUB BYA'I CHOS LOG PAS RTAGS LDOG PAR 'DOD PA'I RGAL BA DES CHOS CAN DE LA RGYU MTSAN GANG GIS NA MI MTHUN PHYOGS LA RTAGS 'DI LDOG GO ZHES BYA BAR 'GYUR BA'I RIGS PA BRJOD DGOS PAR THAL, RTAGS YANG DAG GI LDOG KHYAB GRUB PAR SMRA BA'I PHYIR, GSUM PA LA GNYIS, DNGOS DANG, BSHAD ZIN DRAN PAR BYED PA'O, ,DANG PO NI, CHOS MI MTHUN SBYOR GYI SGRUB NGAG GIS 'BREL PA MI STON NA RTAGS MI MTHUN PHYOGS LA MED DO ZHES BYA BA'I TSIG TZAM GYIS GRUB PAR 'GYUR NA DE MI RIGS TE, RTAGS MI MTHUN PHYOGS LA MED CES BYA BA'I TSIG GIS KYANG RTAGS DE MI MTHUN PHYOGS LA MED PA KHO NA 'GRUB PA MIN PAR THAL, TSIG RANG GI ZHEN PA'I BRJOD BYA LA 'BREL PA'I NGES PA MED PA'I PHYIR, GAL TE CI LTAR CHOS MI MTHUN SBYOR GYI SGRUB NGAG GIS 'BREL PA BRJOD PA DE'I TSE RTAGS MI MTHUN PHYOGS LA MED CES BYA BAR RTOGS TE, DE'I TSE RTAGS MI MTHUN PHYOGS LA MED PAR SGRUB PA'I RIGS PA YANG DAG DE BRJOD PA'I PHYIR, LDOG KHYAB 'GRUB PA 'BREL PA NGES PA LA BLTOS PAR BSGRUBS PA YIN NO, ZHES BYA BA NI BSDU BA'I TSIGS SU BCAD PA'O, ,GNYIS PA LA GNYIS, DRI BA DANG, LAN NO, ,DANG PO NI, BSTAN BYA'I CHOS DE MED PA LA RTAGS MI DMIGS PA TZAM

, ,GYIS LDOG PA 'GRUB PA MA YIN NAM ZHE NA, GNYIS PA NI, MA MTHONG TZAM GYIS LDOG KHYAB 'GRUB PA MA YIN PAR THAL, DE LTAR 'DOD PA 'DI LA NYES PA CUNG ZAD BRJOD ZIN PA'I PHYIR, GNYIS PA LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, RTAGS MA MTHONG TZAM GYIS LDOG KHYAB 'GRUB PA SLOB DPON PHYOGS KYI GLANG PO'I BZHED PAR 'DOD PA LA SKYON GZHAN YANG STON PA NI, GNYIS PA NI, GAL TE RTAGS MI MTHUN PHYOGS LA MA MTHONG BAS LDOG KHYAB GRUB PAR 'GYUR BA SLOB DPON PHYOGS KYI GLANG PO BZHED NA CI LTAR 'OG NAS 'CHAD PA'I RTAGS LHAG LDAN 'KHRUL PA CAN YIN PAR BZHED PA MA YIN PAR THAL, SLOB DPON RTAGS MI MTHUN PHYOGS LA MA MTHONG TZAM GYIS LDOG KHYAB GRUB PAR BZHED PA'I PHYIR, GSUM PA LA GSUM, LHAG LDAN GYI SBYOR BA DPER BRJOD PA DANG, DE LA MI 'KHRUL PA'I LDOG KHYAB GRUB PAR THAL BA DANG, DON BSDU BA'O, ,DANG PO NI, DPER NA SHING 'DI LAS SKYES PA'I 'BRAS BU LHAG MA 'DI DAG THAMS CAD CHOS CAN, SMIN PA'AM RO SKYUR PO 'DI BRO BA YIN TE, SNGAR ZOS PA'I SHING THOG DE DANG GZUGS SMUG POR KHYAD PAR MED PA'I PHYIR DANG, SHING GCIG LA SKYES PAR KHYAD PAR MED PA'I PHYIR, DPER NA SHING DE LAS SKYES PA'I SHING THOG SMIN ZHING SGYUR BA SNGAR ZOS PA DANG 'DRA'O ZHES BYA BA LTA BU'O, ,GNYIS PA LA GNYIS, DNGOS DANG, DE'I LAN DGAG PA'O, ,DANG PO NI, LHAG LDAN GYI GTAN TSIGS 'DI LA YANG BSGRUB PAR BYA BA'I CHOS MED PA LA GTAN TSIGS MI DMIGS PA TZAM YOD PA'I PHYIR, RTAGS 'DI JI LTAR LDOG PA 'KHRUL PA

CAN YIN TE MA YIN PAR THAL LO, ,RTAGS MI MTHUN PHYOGS LA MA MTHONG BA TZAM 'DI LA YANG YOD PAR THAL, SHING THOG SNGAR ZOS PA LAS GZHAN LHAG MA THAMS CAD PHYOGS SU BYAS NA STE RTZOD GZHIR GZUNG BA'I PHYIR, SNGAR ZOS PA DE NI RO SKYUR BAR MTHONG LHAG MA THAMS CAD RTZOD GZHIR GZUNG NAS RO SKYUR MI SKYUR THE TSOM ZA BA NA RTAGS DE RO SKYUR BA LA MTHONG YANG DE DANG MI LDAN PA MI MTHUN PHYOGS LA YOD MED THE TSOM ZA BAS MA MTHONG BA TZAM YOD PA YIN NO, ,RTZOD GZHI SUN 'BYIN DU 'PHEN PA NI RIGS PA MI SHES PA'I MU COR SMRA BA YIN TE, RTZOD GZHI BSGRUB BYA'I CHOS LDAN DU THE TSOM ZA NA NI DAM BCA' LA TSAD BSAL DANG KHAS BLANGS KYI BSAL BA GANG YANG MED PAS MUN RDO 'PHAN PA 'BA' ZHIG YIN LA RTZOD GZHI BSGRUB BYA'I CHOS LDAN DU THE TSOM MI ZA BAR GRUB BSAL GANG RUNG ZHUGS PA YIN NA PHA ROL PO LA GRUB ZIN BSGRUBS PA'I SKYON NAM PHA ROL PO'I DAM BCA' LA GNOD BYED KYI GTAN TSIGS 'GOD PAR RIGS PAS RTZOD GZHI SUN 'BYIN DU 'PHEN PA NI ZER RGYUS PHONGS PAR GDON MI ZA'O, ,GNYIS PA LA GNYIS, 'DOD PA BRJOD PA DANG, DE DGAG PA'O, ,DANG PO NI, SLOB DPON DBANG PHYUG SDE LA SOGS PA KHA CIG NA RE RTAGS YANG DAG LA TSUL DRUG TSANG DGOS LA RTAGS 'DI LA PHYOGS CHOS DANG RJES 'GRO DANG LDOG PA DANG, BRJOD PAR 'DOD PA'I GRANGS GCIG PA CAN NYID DANG, DE DAG TSAD MAS NGAS PA DANG LNGA TSANG YANG DAM BCA' LA MNGON SUM GYI GNOD PA MED PA MA TSANG BAS RTAGS YANG DAG TU MI 'GYUR TE DAM BCA' LA MNGON SUM GYIS GNOD PAR DOGS PA'I GTAN TSIGS 'KHRUL PA YIN NO

, ,ZHES ZER TO, ,GNYIS PA LA GNYIS, GNOD PA MED PA'I YUL CAN RTAGS KYI MTSAN NYID DU MI RUNG BA DANG, LDOG KHYAB DANG MI MTSUNGS PA'O, ,DANG PO NI, TSAD MAS GNOD PA MED PA'I YUL CAN GYI DON DE DAM BCA' LA MNGON SUM GYI GNOD PA MI SRID PAR NGES PA YIN NAM, DAM BCA' LA GNOD PA MA MTHONG BA TZAM YIN, GNYIS PA LTAR NA, RTAGS 'DI LA GNOD PA MED PA'I YUL CAN YANG MA TSANG BA'I SKYON YOD PA MA YIN PAR THAL, PHYOGS SU BYAS PA'I YUL LA MNGON SUM GYIS GNOD PA MTHONG BA MED PA'I PHYIR RO, ,GAL TE NA SHING THOG LHAG MA 'DI NAS GCIG TZAM BLANGS NAS ZOS NA RO SKYUR PO DANG MI LDAN PAR MNGON SUM GYIS GRUB PA DAG SRID PAS DAM BCA' LA MNGON SUM GYIS GNOD PAR 'GYUR RO, ,DES NA DAM BCA' LA GNOD PA MI SRID PAR NGES PA GNOD PA MED PA'I YUL CAN GYI DON YIN NO ZHE NA, DAM BCA' LA GNOD PA 'JUG PA DE LTA BUR DOGS PAS LTAR SNANG DU 'GYUR NA NI HA CANG THAL BAR 'GYUR TE, GTAN TSIGS YANG DAG TU 'DOD PA GZHAN LA YANG BSGRUB BYA MA GRUB PA'I SNGA ROL TU DAM BCA' LA MNGON SUM GYIS GNOD PA MED PAR NGES PA MED PA'I PHYIR RO, ,DAM BCA' LA MNGON SUM GYIS GNOD PAR DOGS PA LA SGRUB BYED 'JUG NA DAM BCA' LA MNGON SUM GYIS GNOD PA ZHUGS PA LA YANG RJES DPAG 'JUG PAR 'GYUR RO, ZHE NA, RTAGS YANG DAG THAMS CAD LA YID BRTAN DU MED PAR THAL, GNOD BYED KYI TSAD MA ZHUGS PA LA GTAN TSIGS YANG DAG 'GOD PA LA GNOD PAR BYED PA YIN RIGS PA LA DAM BCA' LA GNOD PA MA ZHUGS PAR GNOD PA 'JUG PAR DOGS PAS 'KHRUL PAR

'GYUR BA'I PHYIR, GNYIS PA NI, DAM BCA' LA TSAD MAS GNOD PAR DOGS PA SKYON MA YIN PA LTAR MI MTHUN PHYOGS LA 'JUG PAR DOGS PA YANG LDOG PA'I SKYON DU MI 'GYUR RO ZHE NA, DE GNYIS DPE DON MI MTSUNGS PAR THAL, LDOG KHYAB DE LTA BU'I NGO BO NI TSAD MAS NGES PA LA BLTOS PA'I PHYIR, DER THAL, LDOG PA NI TSAD MAS GRUB ZIN PA KHO NA BSGRUB BYA SGRUB PAR BYED PA'I YAN LAG YIN PA DE'I PHYIR, GSUM PA NI, SNGAR GYI RTAGS DE LHAG MA DANG LDAN PA'I 'KHRUL PA CAN YIN PAR THAL, PHYOGS CHOS GRUB MTHUN PHYOGS LA MTHONG YANG MI MTHUN PHYOGS LA MA MTHONG TZAM GYIS LDOG PA MED PA'I PHYIR, RTAGS PHYI MA DER THAL, RTAGS MI MTHUN PHYOGS LA YOD MED THE TSOM ZA BA'I PHYIR, MI MTHUN PHYOGS LA MA DMIGS PAS MED PAR GRUB PO ZHE NA, RTAGS MI MTHUN PHYOGS LA MI DMIGS PAS SNANG RUNG GI GZHI 'GA' ZHIG LA MED PAR GRUB KYANG BSGRUB BYA'I CHOS DE MED PA THAMS CAD LA RTAGS MED PAR MI 'GRUB PAR THAL, RTAGS CHOS 'BREL PA MED PA'I PHYIR, GSUM PA LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, MA MTHONG TZAM GYIS LDOG KHYAB GRUB PAR 'DOD PA LA GNOD PA GZHAN YANG STON PA NI, GNYIS PA NI, MDO MDZAD PAS LDOG PA CAN DU BSHAD PA'I SROG LDAN YANG CHOS CAN, GSON LUS BDAG BCAS SU SGRUB PA'I LDOG KHYAB GRUB PAR THAL, MI MTHUN PHYOGS LA MA MTHONG TZAM YOD PA'I PHYIR, 'DOD NA GTAN TSIGS YANG DAG TU 'GYUR BAR THAL, PHYOGS CHOS GRUB CING LDOG KHYAB YANG GRUB PA'I PHYIR, RTAGS KYI TSUL DRUG TU KHAS LEN PA DAG LA THAL BA DE 'PHEN PA JI LTAR RIGS ZHE NA,

, ,RTAGS KYI TSUL GSUM LAS GZHAN YOD PA SNGAR GONG DU RGYAS PAR BKAG CING, GNOD PA MED PA'I YUL CAN LA DMIGS PHUG PA'I DGAG PA 'DIR MDZAD LA, BRJOD PAR 'DOD PA'I GRANGS GCIG PA CAN MNYAN BYA'I SKABS SU YANG 'GOG CING GZHAN DON DU YANG 'GOG PAR 'GYUR BA YIN NO, ,TSAD MAS NGES PA ZHES PA NI, TSUL GSUM LAS TSUL GZHAN DU MI 'THAD PA GONG DU BSGRUBS ZIN TO, ,DES NA GZHUNG 'DI DAG KYANG TSUL GSUM GYI GRANGS NGES SGRUB PA'I YAN LAG 'BA' ZHIG YIN PAS TSUL GSUM TSANG BAS GTAN TSIGS YANG DAG TU THAL BA GANG ZAG DE DAG GI BLO NGOR SHIN TU BRJOD RIGS PA YIN NO, ,GSUM PA LA GSUM, RIGS PA CAN PA'I RTAGS DANG THAL BA DPER BRJOD PA DANG, RANG SDE LA GTAN TSIGS DE YANG YANG DAG TU THAL BA BRJOD PA DANG, RANG LUGS LA RTAGS DE'I LDOG KHYAB MA GRUB PA'I RGYU MTSAN NO, ,DANG PO NI, RIGS PA CAN PA NA RE, GSON PO'I LUS 'DI NI CHOS CAN, BDAG MED PA MA YIN TE, BDAG DANG BCAS PA MIN NA SROG LA SOGS PA DANG LDAN PA MA YIN PA NYID DU THAL BAR 'GYUR BA'I PHYIR RO, ,SOGS PAS NI, BLO DANG MIG 'BYED 'DZUM SOGS SDUD DO, ,DON NI, GSON LUS CHOS CAN, SROG MED DU THAL, BDAG MED YIN PA'I PHYIR, DPER NA BUM PA BZHIN, DE LTAR THAL BA LAS BDAG BCAS YIN TE, SROG LDAN YIN PA'I PHYIR CES PA'O, ,GNYIS PA NI, BDAG MED PA BUM PA LA SOGS PA MNGON SUM GYIS MTHONG BA DANG MA MTHONG BA DAG LA SROG LA SOGS PA MED PAS KHYAB PA'I LDOG KHYAB GRUB PAR THAL, SROG LDAN DE

BDAG MED LA MA MTHONG BA TZAM YIN PA'I PHYIR, DE 'DOD NA SROG LDAN GYI RTAGS LA BRTEN NAS GSON LUS LA BDAG YOD PAR RTOGS PAR 'GYUR BAR THAL, PHYOGS CHOS GRUB KHYAB BYED SROG MED DE LOG NA KHYAB PAR BYA BA BDAG MED YANG LDOG PA'I KHYAB PA GRUB PA'I PHYIR, GSUM PA LA GNYIS, DNGOS DANG, LDOG KHYAB KHAS BLANGS KYIS GRUB PA DGAG PA'O, ,DANG PO NI, BUM SOGS LA BDAG LOG PA'I STOBS KYIS SROG LA SOGS PA LDOG PA'I KHYAB PA GRUB PA MED PAR THAL, BUM PA LA SOGS PA BDAG MED PAR MA GRUB PA'I PHYIR, BUM SOGS LA BDAG MNGON SUM GYIS MA DMIGS PAS MED PAR GRUB BO ZHE NA, BUM SOGS LA BDAG MNGON SUM GYIS MA DMIGS PAS MED PAR MA GRUB PAR THAL, BDAG YOD KYANG MNGON SUM GYIS BLTAR MI RUNG BA'I PHYIR, 'OG TU BDAG BSKAL DON DU BSHAD PA DANG 'DIR BDAG BLTAR MI RUNG DU BSHAD PA RNAMS NI RIGS PA CAN PA DANG BYE BRAG PA SOGS KYIS 'KHOR 'DAS KUN GYI RTZA BA MTHAR GTUGS PA BDAG TU 'DOD CING THOG MAR DE TSAD MAS NGES PA LA BRTEN NAS RNAM GZHAG THAMS CAD BYED PAR 'DOD LA DE LTA NA GRUB MTHA' BZANG NGAN THAMS CAD KYI RGYAB RTEN GYI RTZA BA MTHAR GTUGS PA DBANG PO'I MNGON SUM LA THUG PAR KHAS LEN DGOS PAS DE YOD NA DBANG PO'I MNGON SUM GYIS GRUB DGOS PA LA DE DBANG PO'I MNGON SUM LA BLTAR MI RUNG BA YIN GYI, SPYIR GZHAN GYIS BRTAGS PA'I BDAG MED PAR NGES SU MI RUNG BA'I BSKAL DON DU 'DOD PA NI MA YIN NO, ,GNYIS PA LA GNYIS, RTZOD PA DANG, LAN NO, ,DANG PO NI, GAL TE BUM SOGS BDAG MED DU SANGS RGYAS PAS

, ,KHAS BLANGS PA'I PHYIR BDAG MED DU 'GRUB BO ZHE NA, GNYIS PA NI, DE NI JI LTAR GSON LUS LA BDAG YOD PAR 'GRUB STE MI 'GRUB PAR THAL, SANGS RGYAS PAS GSON LUS KYANG BDAG MED DU KHAS BLANGS PA'I PHYIR, SANGS RGYAS PA'I TSIG TSAD MA MA YIN PAS DE MI 'GRUB BO ZHE NA, GZHAN BUM SOGS BDAG MED PA YANG SANGS RGYAS PA'I KHAS BLANGS KYI DBANG GIS JI LTAR 'GRUB PA YIN TE MA YIN PAR THAL, SANGS RGYAS PA'I KHAS BLANGS TSAD MA CAN MA YIN PA'I PHYIR, GSON LUS LA BDAG YOD PA LUNG LAS GRUB PAR KHAS BLANGS PAR 'GYUR GYI DNGOS STOBS KYIS RJES SU DPAG PAR BYA BA NI MA YIN PAR THAL, RGOL PHYIR RGOL GYI KHAS BLANGS PA TZAM GYIS BDAG DANG BCAS PA DANG, BDAG MED PA DAG RNAM PAR PHYE ZHING BZHAG PAS GSON LUS LA BDAG YOD PA DANG BUM SOGS DE LA BDAG MED PAR RTOGS PAR BYED PA NYID DU BRJOD PAR BYED CING RIGS PA'I PHYIR, BZHI PA LA GSUM, MTSAMS SBYAR BA DANG, RTZA BA DANG, 'GREL PA'O, ,DANG PO NI, MA MTHONG TZAM GYIS LDOG KHYAB GRUB PAR 'DOD NA, GANG YANG MA GRUB PA BZHI DANG PHYOGS CHOS CAN GYI GTAN TSIGS BZHI DPE DON DU SBYAR BA DE YANG MI 'THAD PAR STON TO, ,GNYIS PA LA GNYIS, TSAD MA MDO'I LUNG DRANG BA DANG, LUNG GI DON BSDUS TE RTZA BA DANG SBYAR BA'O, ,DANG PO NI, GZHAN DON SKABS KYI PHYOGS CHOS RGOL BA DANG PHYIR RGOL BA GNYIS KA DANG, DE GNYIS GANG RUNG DANG, THE TSOM ZA BA DANG, GZHI CHOS CAN MA GRUB NA PHYOGS CHOS MI 'GRUB PA DE BZHIN DU PHYOGS CHOS CAN DGU'I NANG GI MTHUN PA'I PHYOGS LA YOD PA DANG MED PA ZHES BYA BA

LA SOGS PA RJES SU 'GRO LDOG GI KHYAB PA RGOL PHYIR RGOL GNYIS KA DANG, GANG RUNG DANG, THE TSOM ZA BA DANG, LDOG YUL MI MTHUN PHYOGS TSAD MAS MA GRUB NA RJES SU 'GRO LDOG GI KHYAB PA MI 'GRUB PA BZHI LA YANG CI RIGS PAR DPE DON DU BRJOD PAR BYA'O ZHES BYA BA LDOG PA LA THE TSOM ZA BA GTAN TSIGS LTAR SNANG DU BSTAN PA DE YANG MI 'THAD PAR THAL, RTAGS MI MTHUN PHYOGS LA MA MTHONG TZAM GYIS LDOG KHYAB GRUB PA'I PHYIR, GNYIS PA NI, PHYOGS CHOS MA GRUB PA BZHI DANG PHYOGS CHOS CAN DGU'I NANG GI GTAN TSIGS BZHI DPE DON DU CI RIGS PAR SBYAR BA BYAS NAS LDOG PA LA THE TSOM ZA BA GTAN TSIGS LTAR SNANG DU BRJOD PAR BYA BA MIN PAR THAL, RTAGS MI MTHUN PHYOGS LA MA MTHONG TZAM GYIS LDOG KHYAB GRUB PA'I PHYIR, YANG NA DPE DON DU CI RIGS PAR BRJOD PAR BYA BA MA YIN PAR THAL, ZHES SBYAR RO, ,'DI DAG GI DON CUNG ZAD BSHAD NA, MTHUN PA'I PHYOGS LA YOD PA DANG, ZHES SOGS NI TSAD MA MDO'I PHYOGS CHOS CAN DGU'I DBYE BA STON PA'I TSIG SNA BSDUS PA YIN LA DE YANG TSAD MA MDOR, PHYOGS CHOS MTHUN PHYOGS YOD MED DANG, ,RNAM GNYIS RE RE DAG LA YANG, ,RNAM GSUM MI MTHUN PHYOGS LA YANG, ,YOD MED RNAM PA GNYIS PHYIR RO, ZHES GSUNGS PA 'DI YIN LA 'THAD LDAN DU YANG PHYOGS KYI CHOS DGU LA BSGRE BA'I PHYIR DE BZHIN DU ZHES SMOS PA YIN NO, ZHES BSHAD DO, ,CI RIGS PA ZHES PA'I DON NI DPE DON DU JI LTAR RIGS PAR SBYAR BA'I DON TE, DANG PO GSUM DPE DON DU SBYAR LA BZHI PA DPE DON DU MI SBYAR TE, MI RIGS PA'I PHYIR RO ZHES PA'I DON TO, ,'DI DAG GZHAN DON GYI SKABS KYI GTAN TSIGS

, ,GTAN LA 'BEBS PA'I DBANG DU BYAS NAS TSAD MA MDOR GSUNGS PA YIN PAS DE LTAR BYA'O, ,GZHAN DON SKABS KYI PHYOGS CHOS RGOL PHYIR RGOL GNYIS KA LA MA GRUB NA PHYOGS CHOS MI 'GRUB PA DE BZHIN DU, PHYOGS CHOS CAN DGU'I NANG GI 'GAL RTAGS GNYIS PO DE'I RJES SU 'GRO LDOG GI KHYAB PA RGOL PHYIR RGOL GNYIS KA LA MA GRUB PAS KHYAB PA MA GRUB PA DPE DON DU SBYAR RO, ,PHYOGS CHOS RGOL PHYIR RGOL GANG RUNG LA MA GRUB NA PHYOGS CHOS MA GRUB PA DE BZHIN DU, PHYOGS CHOS CAN DGU'I NANG GI DNGOS KYI MA NGES PA'I GTAN TSIGS BZHI'I RJES SU 'GRO LDOG GI KHYAB PA RGOL PHYIR RGOL GANG RUNG LA MA GRUB PAS KHYAB PA MA GRUB BO ZHES DPE DON DU SBYOR RO, ,PHYOGS CHOS LA THE TSOM ZA NA PHYOGS CHOS MA GRUB PA BZHIN DU, PHYOGS CHOS CAN DGU'I NANG GI THUN MONG MA YIN PA'I MA NGES PA'I GTAN TSIGS DE'I RJES SU 'GRO LDOG GNYIS KA LA THE TSOM ZA BAS KHYAB PA MI 'GRUB BO ZHES DPE DON DU SBYAR RO, ,CHOS CAN GZHI MA GRUB NA PHYOGS CHOS MA GRUB PA BZHIN DU, PHYOGS CHOS CAN DGU'I NANG GI RTAGS YANG DAG GNYIS PO DE'I LDOG YUL MI MTHUN PHYOGS MTHA' DAG PHYIR RGOL GYI TSAD MAS MA GRUB NA LDOG KHYAB DANG DE'I SHUGS KYIS RJES KHYAB YANG MI 'GRUB BO ZHES DPE DON DU MI SBYAR TE, CHOS CAN GZHI MA GRUB NA PHYOGS CHOS MI 'GRUB LA RTAGS YANG DAG GI LDOG YUL MI MTHUN PHYOGS MTHA' DAG PHYIR RGOL GYI TSAD MAS MA GRUB KYANG RJES SU 'GRO LDOG GI KHYAB PA GNYIS KA PHYIR RGOL GYIS NGES PAR BYAR YOD PA'I PHYIR RO, ,t'IK BYED PA SNGA MA DAG GIS BZHI PA 'DI SGRUB RTAGS GNYIS PO KHO NA LA SBYOR BA NI MA MTHONG

TZAM GYIS LDOG KHYAB GRUB PA 'GOG PA'I SKABS DON CI YIN NGO MA SHES PA'I BRLAB RDOL 'BA' ZHIG YIN NO, ,YANG GZHI MA GRUB CHOS CAN DU BZUNG NAS DGAG BYA 'GOG PA DGAG RTAGS LA SRID KYANG SGRUB RTAGS LA MI SRID DO SNYAM DU BZUNGS NAS SGRUB RTAGS KHO NA LA SBYAR BAR YANG MI BYA STE, RTAGS YANG DAG YIN NA SHES 'DOD CHOS CAN GZHI GRUB PAS KHYAB PA DGOS KYI RTAGS YANG DAG GI SHES 'DOD CHOS CAN YIN NA GZHI GRUB MI DGOS PA'I PHYIR DANG, GZHI MA GRUB CHOS CAN DU BZUNGS NAS THA SNYAD 'BA' ZHIG SGRUB PA'I SGRUB RTAGS YANG SRID PA'I PHYIR RO, ,GSUM PA LA GNYIS, DANG PO GSUM DPE DON DU SBYAR BAS MA MTHONG TZAM GYIS LDOG KHYAB MI 'GRUB PA BSTAN PAR BSGRUB PA DANG, CI RIGS PA'I DON GZHAN DU RTOG PA DGAG PA'O, ,DANG PO NI, NGAG SMRA BA CHOS CAN, NGAG SMRA BA'I SKYES BU PHA ROL PO CHAGS LDAN DU SGRUB PA'I LDOG PA LA THE TSOM ZA BAR THAL, MI MTHUN PHYOGS LA MI DMIGS PA TZAM KHO NAR ZAD PA'I PHYIR, KHYAB PAR THAL, MI MTHUN PHYOGS LA TSAD MAS DMIGS NA THE TSOM DE MED PA'I PHYIR RO, ,LDOG PA LA THE TSOM DU GYUR PA YANG LDOG KHYAB GRUB PA SLOB DPON PHYOGS KYI GLANG POS MI BZLOG PAR 'GYUR BAR THAL, LDOG PA YANG RTAGS MI MTHUN PHYOGS LA MI DMIGS PA TZAM NYID LAS GRUB PA YIN PA DES NA'I PHYIR, RTAGS KHAS BLANGS SO, ,GNYIS PA LA GNYIS, RTZOD PA DANG, LAN NO, ,DANG PO NI, GAL TE CI RIGS PAR ZHES SMOS PA'I DGOS PA NI DPE DON GANG LA 'GRIG PA DE DANG SBYAR BAR BYA'O ZHES GSUNGS PA'I DON YIN PA'I PHYIR, LDOG PA LA THE TSOM ZA BA LDOG KHYAB GRUB PA MA BZLOG PA KHO NA'O ZHE NA, GNYIS PA NI, LDOG PA LA

, ,THE TSOM ZA BA LDOG KHYAB GRUB PA SLOB DPON PHYOGS KYI GLANG POS MA BZLOG PA MA YIN TE, GANG ZHIG GNYIS KA LA KHYAB PA TSAD MAS NGES PA BRJOD PA DE KHO NA SGRUB PA'AM SUN 'BYIN PA YIN GYI, GANG YANG RUNG BA LA MA GRUB PA'AM THE TSOM ZA BA NI MA YIN TE, ZHES BYA BA LA SOGS PA GSUNGS PA'I PHYIR RO, ,DE'I PHYIR SLOB DPON PHYOGS GLANG GI TSIG DE DAG SNGAR BSHAD PA'I LDOG PA LA THE TSOM ZA BA'I RTAGS DE DAG LDOG KHYAB GRUB PA DGAG PAR BYA BA'I CHED DU BSHAD PA YIN TE, RTAGS DE DAG MI MTHUN PHYOGS LA MI DMIGS KYANG LDOG PA MED PAR DGONGS TE BSHAD PA'I PHYIR, LDOG PA MED PAR THAL, MI MTHUN PHYOGS LA YOD MED THE TSOM ZA BA'I PHYIR RO, ,MA GRUB PA SBYAR BAS LDOG PA LA THE TSOM ZA BA GTAN TSIGS YANG DAG YIN PA LA DGAG PA BSHAD PA YIN NO, ,LNGA PA LA GNYIS, MNYAN BYA SGRA LA RTAG MI RTAG GNYIS KA RNAM PAR GCOD PA'I GTAN TSIGS SU THAL BA DANG, DE'I LAN DGAG PA'O, ,DANG PO LA GNYIS, RGYAS PAR BSHAD PA DANG, DON BSDU BA'O, ,DANG PO LA GSUM, THAL BA DNGOS DANG, KHYAB PA SGRUB PA DANG, RANG LUGS LA SGRA LA RTAG MI RTAG GNYIS KA GCOD PA'I GTAN TSIGS MA YIN PA'I RGYU MTSAN NO, ,DANG PO NI, MA MTHONG TZAM GYIS LDOG KHYAB GRUB PA LA GNOD PA GZHAN YANG BSTAN PAR BYA STE, MNYAN PAR BYA BA NYID KYANG CHOS CAN, SGRA LA RTAG MI RTAG GNYIS KA SGRUB PA'I PHYOGS CHOS SU SONG BA'I TSE LDOG KHYAB KYANG GRUB PAR THAL, DE'I TSE RTAG PA DANG MI RTAG PA GNYIS KA DAG LA MA MTHONG BA'I PHYIR, 'DOD NA SGRA LA DE DAG RNAM PAR GCOD PA'I GTAN TSIGS SU 'GYUR BAR

THAL, PHYOGS CHOS GRUB RTAG MI RTAG DE LAS LDOG PAS KHYAB PA GRUB PA'I PHYIR, GNYIS PA NI, LDOG KHYAB GRUB MOD RNAM PAR GCOD PA'I GTAN TSIGS SU JI LTAR 'GYUR ZHE NA, THAL BA PHYI MA LA KHYAB PA YOD PAR THAL, RANG PHYOGS KYI CHOS SU GRUB PA'I GZHI LA DGAG BYA'I CHOS DE RNAM PAR GCOD PA NI DGAG BYA'I CHOS DE LAS LDOG PA GRUB PA LAS GZHAN MA YIN PA'I PHYIR, GSUM PA LA GNYIS, DNGOS DANG, SPYI'I DOGS PA BCAD PA'O, ,DANG PO NI, KHYOD KYI PHYOGS LA SGRA LA RTAG MI RTAG GNYIS KA GCOD PA'I GTAN TSIGS SU MI 'GYUR BA JI LTAR YIN ZHE NA, MNYAN BYA CHOS CAN, SGRA LA RTAG MI RTAG GNYIS KA RNAM PAR GCOD PA MA YIN PAR THAL, RTAG MI RTAG GANG LAS KYANG LDOG PA NYID DU MA NGES PA'I PHYIR RO, ,GNYIS PA NI, 'THAD LDAN DU, GAL TE MNYAN BYA NYID NI NYAN PA'I SHES PA SKYED PA YIN LA, DE YANG DON BYED PAR NUS PA NYID YIN PA DES NA, MNYAN PAR BYA BA NYID RTAG PA DAG LAS LDOG PA'I PHYIR MI RTAG PA NYID GO BAR BYED PA'I RTAGS NYID MA YIN NAM ZHE NA, CI STE MNYAN BYA NYID CI NYAN PA'I SHES PAS RTOGS PA'I DON BYED PA TZAM ZHIG YIN NAM, GAL TE DE LTA YIN NA NI GO BAR BYED PA NYID YIN NO, ,'ON KYANG DE NI THUN MONG BA NYID YIN TE, YOD PA TZAM NI THAMS CAD LA YOD PA'I PHYIR RO, ,CI STE NYAN PA'I SHES PA SKYED PA NYID MNYAN BYA YIN NA DE NI THUN MONG MA YIN PA YIN NA, GO BAR BYED PAR NI MI 'GYUR RO, ,DE NI SGRA NYID LA BRTEN PAS GNOD PAR BYED PAS SGRA LA KHYAB PA BSGRUB PAR BYA BA YIN NA, TSAD MA GANG GIS SGRA LA DE MI RTAG PAS KHYAB PA SGRUB PA DE NYID KYIS SGRA MI RTAG PAR GRUB PA'I PHYIR MNYAN BYA NYID KYIS

, ,CI ZHIG BYA, 'DIS NI THUN MONG MA YIN PA THAMS CAD GO BAR BYED PA YIN PA SPANGS PA YIN NO, ZHES BSHAD DO, ,DE'I DON NI MNYAN BYAS NYAN SHES SKYED PA'I BYA BA BYED PA'I PHYIR DON BYED NUS PAR NGES LA, DON BYED NUS PA YANG RTAG PA LAS LDOG PA NGES PA'I PHYIR, MNYAN BYA SGRA LA MI RTAG PA GO BYED CI LTAR MA YIN ZHE NA, DE'I LAN 'THAD LDAN DU MDZAD PA'I DON 'DI LTAR BSHAD NA YANG RUNG BA TZAM DU SEMS TE, SGRA DANG MNYAN BYA'I MING DON GYI 'BREL PA MA NGES PA'I SNGA ROL MNYAN BYA'I LDOG PA TSAD MAS NGES SHING, DES NYAN SHES SKYED PA'I BYA BA BYED PAR NGES PA NA MNYAN BYA DON BYED NUS PA YIN PA'I PHYOGS CHOS GRUB CING DON BYED NUS PA LA MI RTAG PA'I KHYAB PA NGES PAR BYAS NAS RTAGS DE LA BRTEN NAS MNYAN BYA LA MI RTAG PA'I KHYAB PA NGES NUS SO, ,TSUL DE LTAR NA, MNYAN BYA LA MI RTAG PA'I KHYAB PA NGES PAR BYED PA LA DPE DGOS PA'I DON MED DO, ,KHYAB PA GRUB ZIN MA BRJED PA DE'I RJES SU, SGRA DANG MNYAN BYA GNYIS KYI MING DON GYI 'BREL PA NGES PAR BYAS PAS MNYAN BYAS SGRA MI RTAG PAR SGRUB PA'I PHYOGS CHOS GRUB LA, DE'I RJES SU RTAGS DE LA BRTEN NAS SGRA MI RTAG PA GSAR DU NGES PAR BYAR YOD PA YIN NO, ,KHYAB PA NGES PA'I SNGA ROL TU PHYOGS CHOS NGES PA YIN NA NI, MNYAN BYA LA MI RTAG PA'I KHYAB PA NGES PA'I TSAD MA DE NYID KYIS SGRA LA MI RTAG PA'I KHYAB PA NGES NUS PAS DE'I TSE RTAGS YANG DAG TU 'GYUR BA MI SRID DO, ,'DI DANG GONG DU YANG SLOB DPON CHOS MCHOG GIS THUN MONG MA YIN PA THAMS CAD GO BYED YIN PA SPANGS PA YIN NO ZHES BSHAD PA MA YIN NAM ZHE NA, THUN MONG MA YIN PA'I MA NGES

PA'I GTAN TSIGS RTAGS YANG DAG YIN NO ZHES SU ZHIG SMRA, MNYAN BYA LA MI RTAG PA'I KHYAB PA MNGON SUM GYIS NGES NUS PA'I SKABS YOD PA NI SNGAR GONG DU BSHAD ZIN TO, ,'ON KYANG DON 'DI SHIN TU DKA' BA'I GNAS SU SNANG BAS RIGS PA LA ZHIB TU SBYANGS PA'I MKHAS PA RNAMS KYIS DPYAD PAR BYA BA KHO NA YIN NO, ,GNYIS PA NI CI LTAR MNYAN BYA DE RANG PHYOGS KYI CHOS SU GRUB PA'I GZHI LA RTAG MI RTAG DE MED PAR RTOGS PAR MI BYED DE BYED PAR THAL, MNYAN BYA GANG ZHIG RTAG MI RTAG GANG LA MED DO, ZHES BYA BAR LDOG KHYAB NGES PA DE YOD PA'I PHYIR, GNYIS PA LA GNYIS, PHYOGS SNGA MA DANG, DE SUN DBYUNG BA'O, ,DANG PO NI, GAL TE MNYAN BYA RTAG MI RTAG GNYIS KA LA MA MTHONG TZAM YOD KYANG SGRA LA GNYIS KA RNAM PAR GCOD PA NI MA YIN TE, DE LA DNGOS 'GAL NGES PA'I TSAD MA GZHAN GYIS GNOD PA'I PHYIR RO, ,'DI LTAR PHAN TSUN GZHI GANG LA GCIG GIS GCIG RNAM PAR GCOD PA'I DNGOS 'GAL GYI NGO BO CAN RNAMS NI SGRA LA RTAG PA LTA BU GCIG RNAM PAR BCAD PAS GZHAN MI RTAG PA SGRUB PA'I PHYIR DGAG PA MA YIN TE, GZHI GCIG LA CHOS GCIG DUS GCIG TU SGRUB PA DANG DGAG PA DAG NI 'GAL BA'I PHYIR RO ZHE NA, GNYIS PA LA GNYIS, GNOD PA DNGOS DANG, RANG LA MTSUNGS PA SPANG BA'O, ,DANG PO NI, DE LTAR YIN PA DA NI MNYAN BYAS SGRA LA RTAG MI RTAG GNYIS KA SGRUB PA'I MI MTHUN PHYOGS LA MA MTHONG BA DE LDOG KHYAB SGRUB BYED KYI TSAD MA MA YIN PAR THAL, DE LA DNGOS 'GAL NGES PA'I TSAD MAS GNOD PA SRID PA'I PHYIR RO, ,DE BZHIN DU RTAGS GZHAN LA YANG MI MTHUN PHYOGS LA MA MTHONG TZAM GYIS

, ,LDOG KHYAB MI 'GRUB PAR THAL, DE LA YANG TSAD MA GZHAN GYIS GNOD PA SRID PA'I PHYIR, DE GNYIS DPE DON MTSUNGS PAR THAL, MTSAN NYID DANG LDAN PA GCIG LA GNOD PA SRID NA DE DANG MTSAN NYID MTSUNGS PA THAMS CAD LA YID BRTAN DU MED PA'I PHYIR, DER THAL, DE LA GNOD NA DE'I MTSAN NYID MTSUNGS PA RNAMS SUN PHYUNG BA KHO NAR 'GYUR BA'I PHYIR, 'DIS TSAD MA GCIG GI GZHAL BYA LA TSAD MA'I GNOD PA YOD NA TSAD MA MTHA' DAG LA YID BRTAN MI RUNG BAR BSTAN PAS, THA SNYAD PA'I TSAD MA DANG DON DAM PA'I TSAD MA GNYIS TSAD MA YIN MIN GYI KHYAD PAR CUNG ZAD MED PAR BSTAN TO, ,DES NA SO SO SKYE BO RNAMS KYI DBANG PO'I MNGON SUM TSAD MAR MI RUNG NA THAMS CAD MKHYEN PA'I YE SHES KYANG TSAD MAR BZHAG MI NUS PAS THAR PA DANG THAMS CAD MKHYEN PA'I GO 'PHANG BSGRUB PAR 'DOD PA RNAMS KYIS THA SNYAD PA'I TSAD MA'I RNAM GZHAG LA MKHAS PAR BYA'O, ,GNYIS PA LA GNYIS, RTZOD PA DANG, LAN NO, ,DANG PO NI, MTSAN NYID DANG LDAN PA GCIG LA GNOD PAS DE'I RIGS CAN THAMS CAD LA YID BRTAN DU MED NA, LHA SBYIN GYI BU YIN PA'I RTAGS LAS KHA PAR BLTAS KYI SKYES BU SNGO BSANGS SU DPOG PA DANG, MNYAN BYA'I RTAGS LAS SGRA RTAG PAR DPOG PA'I RJES SU DPAG PA'I YUL LA YANG DKAR SHAM DU 'JAL BA'I MNGON SUM DANG SGRA MI RTAG PAR 'JAL BA'I RJES SU DPAG PA DANG 'GAL BA MTHONG BAS RJES DPAG THAMS CAD LA YID BRTAN DU MED PAR THAL LO ZHE NA, GNYIS PA LA GNYIS, DE DGAG PA DANG, DE LA RTZOD PA SPANG BA'O, ,DANG PO NI, RJES DPAG TSAD MA'I YUL LA

GNOD PA YOD PA MA YIN TE, 'BRAS RANG MA DMIGS PA'I GTAN TSIGS JI SKAD BSHAD PA LTA BU LA BRTEN PA'I RJES DPAG LA GNOD PA MI SRID PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, RJES DPAG LA RJES DPAG GZHAN GYIS GNOD PA MED NA, TSUL GSUM PA'I RTAGS LA TSUL GSUM PA CAN DU MTSUNGS PA NYID KYIS GNOD PA STON PA NA, 'GAL BA LA 'KHRUL PA MED PA CAN GYI GTAN TSIGS DPER MI BRJOD PAR 'GYUR RO ZHE NA, GNYIS PA NI, DNGOS STOBS RJES SU DPAG PA'I YUL LA 'GAL BA LA MI 'KHRUL BA'I GTAN TSIGS MA BRJOD PA 'DOD PA YIN TE, DE LA BRJOD MI RIGS SHING MA BRJOD PA'I PHYIR, 'GAL BA LA MI 'KHRUL BA'I DPE MI SRID PA MA YIN TE, 'GAL BA LA MI 'KHRUL BA'I GTAN TSIGS 'DI'I YUL NI RGYAB RTEN LUNG TZAM LA BRTEN PA'I SKABS SU SRID PAR SGRUB NGAG LTAR SNANG GI SKABS SU BSTAN PAR BYA BA YIN PA'I PHYIR, DRUG PA LA GNYIS, THAL BA DGOD PA DANG, 'DOD PA LA GNOD PA BSTAN PA'O, ,DANG PO NI, GANG YANG TSAD MA MDOR, GAL TE REG BYA BTANG SNYOMS PA MA MTHONG BA TZAM GYIS SA CHU ME GSUM MI SNANG BA DAG LA REG BYA BTANG SNYOMS PA 'GOG PAR BYED NA DE YANG RIGS PA MA YIN NO ZHES BSHAD PA 'DI JI LTAR RIGS PAR THAL, RTAGS MI MTHUN PHYOGS LA MI DMIGS PA TZAM GYIS MI MTHUN PHYOGS LA MED PA GRUB PA'I PHYIR RO, ,DE LA BYE BRAG PAS REG BYA BTANG SNYOMS PA 'BYUNG BZHI'I RDZAS KYI NANG NAS RLUNG GI YON TAN DU BSGRUB PAR 'DOD NAS, DE YANG 'BYUNG BA GZHAN GSUM GYI YON TAN YIN PA BKAG PAS 'GRUB PAR BSAMS NAS DE LA SLOB DPON PHYOGS

, ,KYI GLANG POS DGAG GZHI SNANG RUNG GI STENG DU DGAG BYA'I CHOS SNANG RUNG MA MTHONG BA TZAM GYIS 'GOG PA RIGS SU CHUG MOD, SNANG MI RUNG LA JI LTAR BYED DRIS PAS DE YANG MA MTHONG BAS 'GOG PAR BYED DO ZHE NA, DE MI RIGS PAR SLOB DPON GYIS BSGRUBS PA DANG, RTAGS MA MTHONG TZAM GYIS LDOG PA 'GRUB PA SLOB DPON GYI DGONGS PA YIN PA 'GAL BA'O, ,'DIR DRANGS PA KUN LAS BTUS KYI RANG 'GREL GYI DGOS KYI TSIG YIN LA RNAM 'GREL DU DGAG PA MDZAD PA NI RLUNG GI RAB BYED NAS 'BYUNG BA DANG MTHUN PAR DGAG PA MDZAD PA YIN NO, ,MTHONG BA'I RDZAS ZHES PA NI GZUGS YON TAN DU LDAN PAS SNANG DU RUNG MI RUNG GI SA CHU ME RLUNG KUN LA BYE BRAG PAS MTHONG BA'I RDZAS ZHES ZER BA YIN GYI SNANG RUNG RKYANG BA LA ZER BA MIN NO, ,DE LTA MA YIN NA SLOB DPON RANG NYID KYIS RANG NYID LA GNOD PA BRJOD PAR 'GYUR RO, ,KHA CIG KUN LAS BTUS KYI RLUNG GI RAB TU BYED PA LAS ZER BA NI DON MA RTOGS PA STE, SLOB DPON GYIS MDZAD PA'I RAB BYED THOR BU BA RLUNG GI RAB BYED KYI TSIG KUN LAS BTUS KYI 'GREL PAR DRANGS PA TZAM YIN PA'I PHYIR RO, ,GNYIS PA LA GNYIS, RTZOD PA DANG, LAN NO, ,DANG PO NI, REG PA BTANG SNYOMS PA YOD NA DMIGS PA'I MTSAN NYID KYIR [?] 'GYUR BA'I PHYIR, MA MTHONG BA TZAM GYIS DGAG PAR RIGS PA KHO NA MA YIN NAM ZHE NA, GNYIS PA NI, SA CHU ME GSUM LA REG BYA BTANG SNYOMS PA MA MTHONG TZAM GYIS YOD PA DGAG RIGS PA MA YIN TE, BYE BRAG PA DE DGAG BYA'I CHOS REG BYA BTANG SNYOMS PA SNANG DU RUNG BA TZAM DANG DGAG GZHI YOD NA SNANG RUNG DE'I RANG BZHIN GYI YUL YOD PA TZAM NI 'GOG PA MA

YIN PA'I PHYIR RO, ,DER THAL BYE BRAG PA DES NI SNANG DU RUNG MI RUNG GI SA LA SOGS PA SPYIR BZUNG NAS REG BYA BTANG SNYOMS PA YOD PA LA DGAG PA SMRAS PA'I PHYIR, SA CHU ME GSUM DE LA YANG REG BYA BTANG SNYOMS PA DGAG MI NUS PAR THAL, SHING BAL DANG RDO BA DANG LO MA LA SOGS PA LA SA'I RDZAS RE YOD KYANG REG PA 'JAM RTZUB BAR MA THA DAD PA MTHONG BA'I PHYIR RO, ,SNANG DU RUNG MI RUNG GIS CHU ME RLUNG THAMS CAD LA NI REG BYA BTANG SNYOMS PA MA MTHONG TZAM GYIS DGAG BYAR RIGS PA MA YIN PAR THAL, SNANG MI RUNG GIS CHU ME GSUM GYI KHYAD PAR 'GA' ZHIG LA REG BYA BTANG SNYOMS PA MA MTHONG YANG SRID PAR DGOS PAR 'GYUR BA'I PHYIR, GNYIS PA RANG GZHAN GYI SDE PA GNYIS KA LA THUN MONG DU RIGS PA'I GNOD PA BSTAN PA LA GNYIS, RTZOD PA DANG, LAN NO, ,DANG PO NI, GZHAN YANG GAL TE BSGRUB BYA'I CHOS DANG 'BREL PA MED PAR YANG CI ZHIG LTAR MI MTHUN PA'I PHYOGS LA MA MTHONG BA TZAM GYIS BSGRUB BYA'I CHOS DER 'KHRUL PA MED DO ZHE NA, 'DI'I DON NI, 'BREL PA MA NGES KYANG MI MTHUN PHYOGS LA MA MTHONG NA, ZHUGS PAS DON PHYIN CI MA LOG PAR GO BAR 'DOD PA'O, ,GNYIS PA LA GNYIS, MA MTHONG TZAM GYIS MED PAR SMRA BA LA MNGON SUM GYIS GNOD PA DANG, RJES DPAG GIS GNOD PA'O, ,DANG PO NI, YUL 'GA' ZHIG NA SKYU RU RA'I RDZAS KHA CIG CI ZHIG LTAR RO SKYUR BA MTHONG BA YIN ZHING RO SKYUR BA LAS GZHAN LA MA MTHONG BAS SKYU RU RA'I RTAGS KYIS RO SKYUR BA DPAG MI NUS PAR THAL, YUL GZHAN NA RO SKYUR BA LAS GZHAN DU MNGAR PAR YANG MNGON SUM LA SNANG BA'I PHYIR, DE LTAR SNOD PAR THAL, DPER NA SMAN SKYU RU RA KHA CIG ZHING KHYAD

, ,PAR CAN LAS 'O MAS BCUS PA LAS RO MNGAR BO DANG ZOS NAS ZHU BA NA GRANG DRO SOGS BYED NUS PA'I NUS PA DANG ZHU BA NA MNGAR POR 'GYUR BA'I SMIN PAR BYED PA KHYAD PAR CAN DU 'GYUR LA ZHING GZHAN LAS NI DE LTA BU MA YIN PA'I PHYIR DANG, DPYID DANG DBYAR GYI DUS DANG SO NAM GYIS LEGS PAR BYA BA'I KHYAD PAR LAS KYANG DE DANG 'DRA BAR RO NUS SOGS MI 'DRA BAR MTHONG BA'I PHYIR, GNYIS PA LA GSUM, YUL GCIG TU MTHONG BAS THAMS CAD DU DPAG MI NUS PA DANG, DPAG PAR NUS PA'I DON GYI KHYAD PAR DANG, DE LA GZHAN SDE'I LOG RTOG DGAG PA'O, ,DANG PO NI, YUL DE PA RNAMS KYIS SGYU RU RA RO SGYUR BA DE LTAR MTHONG ZHES TE RGYU MTSAN DE NYID KYIS SKYU RU RA YIN NA RO SGYUR BAS KHYAB PA DE LTA BU YIN PAR MI 'GYUR TE, MNGAR SKYUR DU BSKYED PA'I RGYU'I KHYAD PAR MI 'DRA BA SRID PA'I PHYIR, KHYAB PAR THAL, RGYU KHYAD PAR SRID PA RNAMS LA RO NUS LA SOGS PA 'BRAS BU'I YON TAN GZHAN DU MI 'DRA BA SRID PA'I PHYIR RO, ,GNYIS PA LA GNYIS, RTAGS DGOD PA DANG, KHYAB PA LA 'KHRUL PA SPANG BA'O, ,DANG PO NI, RGYU'I KHYAD PAR MED PAR MTSUNGS NA NI 'BRAS BU 'DRA BA RJES SU DPAG TU RUNG STE, 'BRAS BU'I 'PHEL 'GRIB RGYU'I 'PHEL 'GRIB KYI RJES SU BYED PA'I PHYIR, DPER NA BYED PA PO DA LTAR MNGON SUM GYIS MA MTHONG BA CAN GYI RIG BYED KYI TSIG KYANG CHOS CAN, SKYES BU'I KUN SLONG GI 'DU BYED PA SNGON DU 'GRO BA CAN TE, KHYOD DANG SKYES BUS BYAS PA'I TSIGS LA BRJOD BYA'I DON STON MI STON DANG TSIG YIN MIN GYI KHYAD PAR MED PA'I PHYIR RO ZHES BYA BA LTA BU'O, ,GNYIS PA NI, TSIG TU MTSUNGS KYANG NGO BO'I KHYAD PAR SMRA DKA' BA DANG

NUS PA'I KHYAD PAR MI RENGS DUG ZHI BA SOGS KYI KHYAD PAR GYIS RIG BYED KYI TSIG SKYES BUS MA BYAS SO ZHE NA, SMRA DKA' BA SOGS DANG LDAN PAS RIG BYED KYI TSIG SKYES BUS MA BYAS PAR MI 'GRUB PAR THAL, SMRA DKA' BA LA SOGS PA'I TSIG GI KHYAD PAR RNAM PA THAMS CAD SKYES BU DAG GIS BYED PA MTHONG BA'I PHYIR RO, ,GSUM PA LA GSUM, CHAGS BRAL SRID PA'I SGRUB BYED YOD PA DANG, CHAGS BRAL SRID PA LA GNOD BYED MED PA DANG, TSIG DANG MI MTSUNGS PA'O, ,DANG PO NI, SPYOD PA PA NA RE, SKYES BU RANG GI RGYUD LA TSIG KUN SLONG GI 'DU BYED LAS SKYE BAR MTHONG BAS TSIG THAMS CAD SKYES BUS BYAS PAR RJES SU DPOG NA, RANG RGYUD LA 'DOD CHAGS KYIS KUN NAS BSLANGS NAS TSIG SMRA BAR MTHONG BAS TSIG LAS 'DOD CHAGS RJES SU DPOG NUS PA DANG, TSIG SMRA BA'I SKYES BU THAMS CAD CHAGS LDAN DU RJES SU DPOG NUS PAS CHAGS BRAL DANG KUN MKHYEN MI SRID DO ZHE NA, TSIG SMRA BA DANG DBANG PO DANG LDAN PA LA SOGS PA CUNG ZAD TZAM CHOS MTHUN PAS SKYES BU RNAMS CHAGS PA YOD MED RNAM PA THAMS CAD MTHUN PAR RJES SU DPAG PAR 'GYUR PA MA YIN PAR THAL, RGYU MTSAN GANG GIS NA DE LTAR SKYES BU DAG NI CHAGS PA YOD MED DU BSKYED PA'I RGYU BYED PAR MED PA CAN MA YIN PA'I PHYIR, DER THAL, SKYES BU TZAM DU MTSUNGS KYANG BZO MKHAS MI MKHAS DANG SHES RAB CHE CHUNG LA SOGS PA LUS NGAG YID GSUM GYI YON TAN THAMS CAD LA KHYAD PAR MTHONG BA'I PHYIR RO, ,DE BZHIN DU SEMS CHAGS CAN LAS GZHAN DU CHAGS BRAL DU YANG 'GYUR SRID PAR THAL, BDAG MED RTOG PA'I SHES RAB GOMS PA'I LEGS PAR BYA BA'I BYE BRAG LAS

, ,GONG NAS GONG DU KHYAD PAR DU 'GYUR BAR RTOGS PA'I PHYIR RO, ,GNYIS PA LA GNYIS, CHAGS BRAL SRID PA LA RJES DPAG GIS MI GNOD PA DANG, MNGON SUM GYIS MI GNOD PA'O, ,DANG PO NI, CHAGS BRAL SRID PA BKAG NAS MI SRID PAR RJES SU DPAG MI NUS TE CHAGS BRAL MI SRID PAR RJES SU DPAG PA LA YANG CHAGS BRAL SRID PA LA GNOD BYED DGOS NA DE LA GNOD PAR BYED PA'I GTAN TSIGS MED PA'I PHYIR GNOD BYED YOD DE, CHAGS BRAL DANG CHAGS CAN LHAN CIG MI GNAS 'GAL DU GRUB BO ZHE NA, DE GNYIS LHAN CIG MI GNAS 'GAL DU SO SO SKYE BO'I MNGON SUM GYIS MI 'GRUB PAR THAL, SO SO SKYE BO'I MNGON SUM GYIS 'DOD CHAGS DANG BRAL BA MA MTHONG BA'I PHYIR, KHYAB PAR THAL, MNGON SUM GYIS MA MTHONG BA DANG NI GNOD PAR BYA BA DANG GNOD PAR BYED PA MNGON SUM GYIS MI 'GRUB PA'I PHYIR RO, ,CHAGS BRAL LA GNOD BYED KYI 'GAL 'BRAS DMIGS PA'I RTAGS YANG DAG KYANG MED PAR THAL, 'DOD CHAGS LA SOGS PA'I 'BRAS BU 'DOD CHAGS LA 'KHRUL PA MED PA CAN GYI 'BRAS RTAGS YANG DAG MED PA'I PHYIR RO, ,GNYIS PA NI, CHAGS BRAL MNGON SUM GYIS MA DMIGS PAS 'GOG GO ZHE NA, CHAGS BRAL DE LTA BU DAG NI MED DO ZHES SO SO SKYE BO'I MNGON SUM GYIS SPANG NGAR 'OS PA YANG MA YIN TE, CHAGS BRAL SRID KYANG SEMS KYI KHYAD PAR CHAGS BRAL RNAMS SO SO SKYE BO'I MNGON SUM LA BLTAR MI RUNG BA'I PHYIR RO, ,GSUM PA LA GNYIS, RGYAS PAR BSHAD PA DANG, DON BSDU BA'O, ,DANG PO LA GNYIS, TSIG GI KHYAD PAR BLTAR MI RUNG BA MI 'THAD PA DANG, DE'I LAN DGAG PA'O, ,DANG PO NI,

CHAGS BRAL YOD KYANG BLTAR MI RUNG BA BZHIN DU SKYES BUS MA BYAS PA'I TSIG GI KHYAD PAR YANG BLTAR MI RUNG NGO ZHE NA, TSIG RNAMS NI KHYAD PAR BLTAR MI RUNG BA DE LTA BU MA YIN TE, TSIG GI NGO BO DANG KHYAD PAR YOD NA BLTAR RUNG BA'I PHYIR RO, ,BLTAR MI RUNG BA NYID GCIG YIN NA YANG RIG BYED KYI TSIG RNAMS SKYES BUS BYAS PA'I TSIG DANG RIGS MI MTHUN PA NYID DU KHAS LEN PA 'GAL BAR THAL, SKYES BUS MA BYAS PA'I TSIG GI KHYAD PAR TSAD MAS MA MTHONG BA'I PHYIR RO, ,GNYIS PA LA GNYIS, SKYES BUS MA BYAS PA'I TSIG GI KHYAD PAR MI 'THAD PA DANG, KHYAD PAR YOD KYANG SNANG DU MI RUNG BA MI 'THAD PA'O, ,DANG PO NI, RIG BYED KYI TSIG LA NGO BO'I KHYAD PAR SMA DKA' BKLAG DKA' NUS PA'I KHYAD PAR MI RENGS DUG ZHI BA SOGS MTHONG BAS SKYES BUS BYAS PA'I TSIG DANG MI 'DRA'O ZHE NA, KHYAD PAR DE DAG DANG LDAN PAS SKYES BUS MA BYAS PAR MI 'GRUB PAR THAL, DE'I KHYAD PAR RNAMS NI SKYES BUS BYAS PA'I TSIG GZHAN LA YANG BYA BAR NUS PA'I PHYIR RO, ,GNYIS PA LA GSUM, RIG BYED KYI TSIG LA SNANG DU MI RUNG BA'I NGO BO MED PA DANG, DES NA TSIG DANG SKYES BU'I YON TAN MI MTSUNGS PA DANG, RIG BYED KYI TSIG LAS RDZAS GZHAN DE'I NGO BO'I KHYAD PAR DU MI 'THAD PA'O, ,DANG PO NI, RIG BYED KYI TSIG LA SKYES BUS MA BYAS PA'I KHYAD PAR YOD KYANG MI RTOGS PA DE MNGON SUM LA MI SNANG BAS SAM, SNANG YANG MA NGES PAS YIN, DANG PO MI 'THAD DE, SGRA MNGON SUM GYI GZUNG DON DU GYUR PA RNAMS LA MNGON SUM LA SNANG BA MA YIN PA'I NGO BO MED PA'I PHYIR, SNANG YANG MI NGES PA MI 'THAD PAR THAL, DE LTAR 'KHRUL PA'I RGYU MTSAN MED

, ,PA'I PHYIR, TSIG THAMS CAD SKYES BUS BYAS PAR 'DRA BAR 'DZIN PAS 'KHRUL LO ZHE NA, TSIG THAMS CAD SKYES BUS BYAS PAR RTOG PA'I BLO CHOS CAN, ZHEN YUL LA 'KHRUL PAR MI 'GRUB PAR THAL, KHYOD KYI ZHEN STANGS DANG MTHUN PAR KHAS BLANGS PA LA GNOD PAR BYED PA MED PA'I PHYIR RO, ,GNYIS PA NI, 'O NA SKYES BU THAMS CAD CHAGS LDAN DU 'DRA BAR 'DZIN PA YANG 'KHRUL PAR MI 'GRUB STE, GNOD BYED MED PA'I PHYIR RO ZHE NA, TSIG DANG SKYES BU MTSUNGS PA MA YIN PAR THAL, SKYES BU DAG LA NI CHAGS BRAL GYI KHYAD PAR TSAD MAS MTHONG BAS CHAGS LDAN GYIS KHYAB PA LA GNOD PAR BYED PA YIN PA'I PHYIR, GSUM PA NI, RIG BYED KYI TSIG LA YANG BLTAR MI RUNG BA'I KHYAD PAR DON GZHAN YOD DO ZHE NA, TSIG GI KHYAD PAR DE NI CHOS CAN, RIG BYED KYI TSIG DE'I NGO BO MA YIN TE, DE LAS GZHAN GYI NGO BOR GYUR PA DE DANG RDZAS THA DAD YIN PA'I PHYIR, GNYIS PA NI, KHYAD PAR GRUB PA MED PA'I TSIG GI RANG BZHIN THAMS CAD SKYES BUS BYED PAR THAL, DE LTAR GONG DU BSGRUBS PA DE'I PHYIR, YANG NA NI TSIG 'GA' YANG SKYES BUS BYAS PA MA YIN PAR THAL, SKYES BU'I BRJOD 'DOD LA BLTOS PA'I RIG BYED KYI TSIG KYANG SKYES BUS MA BYAS PA'I PHYIR, GSUM PA 'BREL PA GNYIS SU GRANGS NGES PAS GTAN TSIGS GSUM DU GRANGS NGES PAR BSGRUB PA LA GNYIS, 'BREL PA'I RANG LDOG LA BLTOS NAS SGRUB RTAGS GNYIS SU GRANGS NGES PA DANG, 'BREL PA'I DON LDOG BSGRUBS PA LA BRTEN NAS DGAG RTAGS 'BAD MED DU GRUB PA'O, ,DANG PO LA GSUM, RGYAS PAR BSHAD PA DANG, DON BSDU BA DANG, LDOG KHYAB 'GRUB PA GANG LAS LDOG PA'I

YUL MTHA' DAG TSAD MAS GRUB PA LA LTOS MI DGOS PA'O, ,DANG PO LA GNYIS, 'BREL PA'I RANG LDOG LAS RTAGS GNYIS SU 'GYUR TSUL DANG, 'BREL PA MED PAR RJES SU 'GRO LDOG 'GRUB PA LA GNOD PA BSTAN PA'O, ,DANG PO LA GSUM, BDAG GCIG 'BREL LAS RANG BZHIN GYI RTAGS SU 'GYUR BA DANG, DE BYUNG 'BREL LAS 'BRAS RTAGS SU 'GYUR BA DANG, GNYIS KA'I DON BSDU BA'O, ,DANG PO LA GNYIS, RTZA BA DANG, 'GREL PA'O, ,DANG PO NI, MI RTAG PA'I NGO BO LOG PA NYID KYIS BYAS PA'I NGO BO NYID LDOG PAR BYED PA YIN TE, BYAS PA DE RANG YOD TZAM DANG RANG CHAS SU 'JIG PA RJES SU 'BREL PA'I PHYIR, DES NA 'BREL PA GRUB PA LAS LDOG KHYAB 'GRUB PAR 'GYUR TE, MA MTHONG TZAM GYIS LDOG KHYAB 'GRUB PA SLOB DPON MI BZHED CING RIGS PAS MI 'THAD PA DE'I PHYIR 'AM SMOS PA NI 'BRAS BU'I GTAN TSIGS SDUD PA'O, ,GNYIS PA NI, DPER NA SHING GI NGO BO LOG PA NYID KYIS SHING SHA PA LDOG PA LTA BU STE, DE LOG PAS CIG SHOS LDOG PAR THAL, YAL GA LO 'DAB LA SOGS PA DANG LDAN PA'I KHYAD PAR 'GA' ZHIG KHO NA LA 'JIG RTEN NA SHING SHA PA ZHES DE SKAD DU GRAGS PA'I PHYIR RO, ,SHA PA RANG GI NGO BO SHING YONGS SU BOR NAS KYANG SHA PA JI LTAR YOD PAR 'GYUR TE MED PAR THAL, SHING DE NI SHA PA DE'I RANG GI BDAG GCIG PA'I KHYAB BYED KYI RANG GI NGO BO YIN PA'I PHYIR, SHA PA CHOS CAN, SHING DE LA NI 'KHRUL PA MED DE, DE LA RANG BZHIN 'BREL BA'I PHYIR, GNYIS PA LA GNYIS, RTZA BA DANG, 'GREL PA'O, ,DANG PO NI, RGYU ME LOG PA YIS KYANG 'BRAS BU DU BA LDOG PAR BYED PA YIN TE, DU BA ME LA 'KHRUL PA MED PA'I PHYIR RO, ,GNYIS

, ,PA NI, ME LOG PA NA DU BA LDOG PAR BYED PA YIN TE, RGYU LDOG PA NA YANG 'BRAS BU LDOG PAR BYED PA RGYU 'BRAS KYI CHOS NYID YIN PA'I PHYIR, GAL TE MI LDOG NA DU BA DE CHOS CAN, ME DE'I 'BRAS BU NYID DU MI 'GYUR BAR THAL, ME LOG NA KHYOD LDOG PA LAS GZHAN DUN MI LDOG PA'I PHYIR, RGYU DANG 'BRAS BU'I DNGOS PO YANG RANG BZHIN 'BREL PA NGES PAR BYED PA YIN TE, ME LOG PAS DU BA MI LDOG NA DU BA ME'I 'BRAS BUR MI 'GYUR BA DES NA'I PHYIR, GSUM PA NI, 'BRAS RANG GI GTAN TSIGS GYI GAR YANG RTAGS CHOS RANG BZHIN 'BREL PA KHO NAS LDOG KHYAB 'GRUB PAR BYED DE, DE LTAR GONG DU BSGRUBS PA DE'I PHYIR, GNYIS PA NI, GCIG MI RTAG PA LOG PAS JI LTAR GZHAN BYAS PA NI LDOG PAR 'GYUR TE MI 'GYUR BAR THAL, THA DAD 'BREL PA GRUB PA DE LTA MIN PA'I PHYIR, 'BREL PA MED KYANG LDOG PA GRUB NA MI LA RTA MI BDOG CES TE, RTA MED NA PHYUGS KYANG BDOG PA MIN NAM STE PHYUGS MED PAR 'GYUR RAM CI MED PAR 'GYUR BAR THAL, 'BREL MED DON GZHAN LA LDOG PA GRUB PA'I PHYIR, 'DOD NA MNGON SUM GYIS BSAL LO, ,DE BZHIN GCIG CIG BYAS PA NYE BA'I PHYIR, JI LTAR GZHAN MI RTAG PA NYE BAR 'GYUR TE MI 'GYUR BAR THAL, DE GNYIS THA DAD 'BREL MED PA'I PHYIR, 'BREL PA MED KYANG RJES 'GRO GRUB NA MI LA PHYUGS NI BDOG CES TE PHYUGS YOD NA DE BZHIN RTA YANG BDOG GAM CI STE RTA YOD PAS KHYAB PAR THAL, 'BREL MED DON GZHAN CIG YOD NA CIG SHOS YOD DGOS PA'I PHYIR, 'DOD NA MNGON SUM GYIS BSAL LO, ZHES BYA BA NI BAR SKABS KYI TSIGS SU BCAD PA DAG

GO ,GNYIS PA NI, RTAGS CHOS RANG BZHIN 'BREL PA GRUB PA KHO NAS GTAN TSIGS YANG DAG GIS BSGRUB PAR BYA BA GO BAR BYED PA YIN TE, 'BREL PA MED PAR MI MTHUN PHYOGS LA MA MTHONG TZAM GYIS BSGRUB BYA GO MI NUS PA DE'I PHYIR, RANG BZHIN 'BREL PA DE YANG CHOS CAN, GNYIS SU YOD DE, RTAGS CHOS DE'I NGO BO'I MTSAN NYID DANG DE LAS BYUNG BA'I MTSAN NYID SU NGES PA YIN PA'I PHYIR, GSUM PA LA GNYIS, DPE DON MED PAR THAL BA SPANG BA DANG, DNGOS KYI DON TO, ,DANG PO NI, RANG BZHIN 'BREL PA KHO NAS GTAN TSIGS GO BAR BYED PA YIN NA, DPE BKOD PA DON MED PAR 'GYUR TE, DPES NI RTZOD GZHI CHOS CAN DANG DPE GNYIS BSGRUB BYA'I CHOS LDAN DU 'DRA BA'AM MI 'DRA BA TZAM STON PA YIN NO ZHE NA, DPE DON MED DU THAL BA'I SKYON MED PAR THAL, MI RTAG PA MED NA BYAS PA MI 'BYUNG BA DE NYID MI MTHUN DPE YANG DAG GIS DNGOS SU RAB TU STON PA'I PHYIR, MI MTHUN DPES BSTAN PA'I RTAG NA MA BYAS PAS KHYAB PA, DE NI SNGAR BSHAD PA LTAR MI RTAG PA LOG PA'I STOBS KYIS BYAS PA LDOG PA 'BREL PA'I DON LDOG GI PHYOGS GCIG DE NYID DO, ,GNYIS PA LA GSUM, RTZA BA DANG, 'GREL PA DANG, DON BSDU BA'O, ,DANG PO NI, RTAGS YANG DAG CHOS MI MTHUN DPE STE MI MTHUN PHYOGS MTHA' DAG LA MED NGES SU 'GRUB PA 'DI LA RTAGS LDOG PA'I GZHI MTHA' DAG PHYIR RGOL GYI TSAD MAS NGES PAR GRUB PA MI 'DOD CING 'DOD MI DGOS TE, DPES 'BREL PA TSAD MA'I YUL DU BSTAN PA LA BRTEN NAS RJES SU 'GRO LDOG 'GRUB PA DE'I PHYIR, GZHUNG 'DI NI MA GRUB SBYAR BA BRJOD BYA MIN, ZHES PA'I SKABS LAS 'PHROS PA YIN PAS SNGAR

, ,BSHAD PA LTAR SGRUB RTAGS GNYIS KHO NA LA SBYOR BA NI DON LOG PAR BSHAD PA YIN TE, MI MTHUN DPE DNGOS POR GRUB PA'I SGRUB RTAGS DU MA YOD PA'I PHYIR DANG, PHYOGS CHOS CAN DGU'I DBYE BA STON PA'I SKABS SU DNGOS SU BSTAN PA'I SGRUB RTAGS GNYIS KHO NA LA SBYOR BA GTAN TSIGS YANG DAG SPYI'I LDOG KHYAB 'GRUB TSUL RANG SDE GZHAN GYIS BYIN CI LOG TU BZHAG PA'I DOGS PA MI KHEGS PA'I PHYIR RO, ,'THAD LDAN DU, GZHI CHOS CAN DNGOS POR GYUR BA MI 'DOD DO, ,ZHES PA NI RTAGS DGAG PA'I GZHI MTHA' DAG MNGON SUM GYIS MI 'GRUB PA'I DON YIN LA, RJES DPAG GIS 'GRUB PA LA SNGAR GNOD PA BSTAN ZIN TO, ,DE SKAD SMRA BA DE DAG GIS NI, GZHUNG 'DI DAG BKOD PA'I SKABS DON CI YIN PA MA SHES PA YIN TE, 'DI NI SLOB DPON DBANG PHYUG SDE LA SOGS PAS RTAGS KYI LDOG KHYAB 'GRUB PA MI MTHUN PHYOGS MTHA' DAG LA MED NGES PHYIR RGOL GYIS GRUB DGOS NA, MI MTHUN PHYOGS MTHA' DAG LA YOD NA DMIGS RUNG DU 'GYUR LA, MI MTHUN PHYOGS 'GA' ZHIG YOD KYANG PHYIR RGOL GYIS DMIGS SU MI RUNG BA'I PHYIR RO, ,MA MTHONG TZAM GYIS LDOG KHYAB GRUB PAR 'DOD PA LA MI MTHUN PHYOGS MTHA' DAG LA MED NGES SU 'GRUB PA LA MI MTHUN PHYOGS MTHA' DAG TSAD MAS GRUB MI DGOS KYI, RTAGS CHOS KYI 'BREL PA BSGRUBS PAS GRUB PAR STON PA YIN NO, ,GNYIS PA LA GNYIS, SO SOR BSHAD PA DANG, THUN MONG DU BSHAD PA'O, ,DANG PO NI, DPE BKOD PA LA DGOS PA YOD DE, DPE BUM PA LA NI BSGRUB PAR BYA BA'I CHOS MI RTAG PA BYAS PA DE'I NGO BOR BYAS PA DE YOD TZAM DANG RANG CHAS

SU RJES SU 'BREL PA LTOS MED KYI RTAGS LA BRTEN PA'I TSAD MA'I NGOR STON PA'I PHYIR, DER THAL, BYAS PA'I NGO BO NYID BSKYED PAR BYED PA GANG YIN PA'I RIGS KYI RGYU NUS PA THOGS MED DE NI MI RTAG PA'I NGO BOR GYUR PA BSKYED PA'I RIGS KYI RGYU NUS PA THOGS MED YIN NO ZHES LTOS MED KYI TSAD MA'I GZHAL BYA DPES RAB TU STON PA'I PHYIR, YANG NA DPES TSAD MA 'PHEN PAR BYED PA LA SBYAR RO, ,BDAG GCIG 'BREL PA DPES BRJOD PA TZAM GYIS 'GRUB PA MA YIN TE, LTOS MED KYI RTAGS LA BRTEN PA'I TSAD MA DES KYANG BSGRUB PAR BYA BA'I CHOS KYI KHYAB BYA BYAS PA DE YOD TZAM DANG 'JIG PA RANG CHAS SU RJES SU 'BREL PAR RTOGS PAR 'GYUR BA'I PHYIR, YANG NA ME DU BA'I RGYU'I NGO BOR DPES STON TE, ME DE PHAN 'DOGS BYED DU YOD PA NYID NA DE'I RJES SU DU BA YOD PA'I PHYIR RO ZHES DON GZHAN GYI 'BREL PA MNGON SUM GYI YUL DU DPES RAB TU STON PA'I PHYIR, GNYIS PA NI, MI RTAG PA NYID MED NA BYAS PA NYID MED DE, DE LTAR MI RTAG PA DE NI BYAS PA DE'I BDAG GCIG PA'I KHYAB BYED KYI NGO BOR RAB TU GRUB PA'I PHYIR, ME MED NA YANG DU BA MED DE, ME DU BA'I RGYU'I DNGOS POR RAB TU GRUB PA'I PHYIR, BYAS PA DE NI CHOS CAN, JI LTAR RANG GI NGO BO MI RTAG PA MED PAR YANG YOD PA MI 'THAD PAR THAL, 'DI LTAR MI RTAG PA RANG GI BDAG GCIG PA'I KHYAB BYED KYI NGO BO YIN PA'I PHYIR, DU BA CHOS CAN, RGYU ME MED PAR YANG YOD PAR 'GYUR BA MA YIN PAR THAL, ME DE KHYOD KYI RGYU YIN PA'I PHYIR, GSUM PA NI, RTAGS LDOG PA'I GZHI MTHA' DAG TSAD MAS GRUB PA MED PAR YANG CHOS MA MTHUN PA'I DPE LAS LDOG PA RAB TU GRUB STE, DE LTAR GONG DU

, ,BSGRUB PA DE'I PHYIR, GNYIS PA LA GSUM, 'BREL PA GNYIS KYI DON LDOG LAS RGYU DANG KHYAB BYED MA DMIGS PA GNYIS SU GRUB PA DANG, DON LDOG GNYIS BSGRUBS PA LAS RANG BZHIN MA DMIGS PA'I GTAN TSIGS GRUB PA DANG, DGAG RTAGS KYI DBYE BA'I GRANGS BSDUS TE BSTAN PA'O, ,DANG PO LA GNYIS, RTZA BA DANG, DANG PO NI, RGYU ME DANG KHYAB BYED KYI RANG BZHIN SHING DAG MED PA DE RANG PHYOGS KYI CHOS SU GRUB PA'I GZHIR DU BA DANG, SHA BA 'GA' ZHIG DGAG PA'I YANG GTAN TSIGS YIN TE, RANG BZHI 'BREL PA LAS CHOS 'GA' ZHIG LDOG PAR BYED PA DE'I PHYIR, 'DIR DGAG RTAGS GNYIS BSTAN PA NI, DU BA ME LA 'BREL BAR SGRUB PA NA ME DANG THA DAD ME LOG PA'I STOBS KYIS LDOG PA DON LDOG TU DGOS LA, DE TSAD MAS GRUB PA NA, ME MED PA'I GZHI 'GAR DU BA MED PA MNGON SUM GYIS MA GRUB PAR RTAGS KYIS SGRUB DGOS PA SRID PAS DE'I TSE RGYU MA DMIGS PA'I GTAN TSIGS KHO NAR 'GYUR RO, ,DE BZHIN DU BDAG GCIG 'BREL GYI DON LDOG LAS KHYAB BYED MA DMIGS PA'I GTAN TSIGS SU 'GYUR BA YANG SHES PAR BYA'O, ,GZHI DER ME MED DANG, SHING MED RTAGS KYIS SGRUB DGOS NA RANG BZHIN MA DMIGS PA'I GTAN TSIGS 'JUG PAS GZHUNG 'OG MA SMOS SO, ,DON 'DI LA DGONGS NAS PHYOGS CHOS CAN DGU'I DBYE BA 'CHAD PA'I SKABS SU DGAG RTAGS KYI DPE DNGOS SU MI SMOS PA'I RGYU MTSAN, RNAM 'GREL LAS, RGYU DANG NGO BO LDOG NYID KYIS, ,DON LDOG PAR NI BRJOD PA LAS, ,MI DMIGS DPE NI GRUB PA'I PHYIR, ,THA DAD PAR NI MA BSHAD DO, ,DE LA'ANG SKYES

BU MTHONG MED LA, ,SROG SOGS LDOG PA MED PA'I PHYIR, ,GTAN TSIGS THE TSOM BSHAD PAS, ,BLTAR RUNG DON LA DE ZHES BSTAN, ZHES BSHAD DO, ,BRAM ZE CHEN POS, MA DMIGS PA'I GTAN TSIGS GONG DU SMOS PA NI, GTAN TSIGS KYI MTSAN GZHI'I DBYE BA SHES PA'I YAN LAG TU SMOS LA, 'DIR BSTAN PA NI, MTSAN GZHI LA MTSAN NYID NGES BYED KYI TSAD MA GTAN LA 'BEBS PA'I DBANG DU BYAS NAS BSTAN PAS ZLOS PA'I SKYON MED PAR BZHED DO, ,GNYIS PA NI, 'BRAS BU DANG KHYAB BYA'I DON 'GA' ZHIG DGAG PA SGRUB PAR 'DOD PAS KYANG RGYU'AM RANG BZHIN GCIG PA'I KHYAB PAR BYED PA LDOG PA GTAN TSIGS NYID DU BRJOD PAR BYA RIGS TE, RGYU DANG KHYAB BYED DE DAG KHO NA LDOG PA NA RANG DANG 'BREL PA 'BRAS BU DANG KHYAB BYA LDOG PAR BYED PA DE'I PHYIR, DER THAL, 'BREL PA YOD PA DE LTA MA YIN NA 'BREL PA MED PA GCIG LOG PAS 'BREL MED GZHAN LDOG PA MI 'GRUB PA'I PHYIR RO, ,GNYIS PA LA GNYIS, RTZA BA DANG, 'GREL PA'O, ,DANG PO NI, DGAG RTAGS GNYIS PO KHO NAR ZAD PA MA YIN TE LTO LDIR BA YOD NA DMIGS PAR NI RIGS PA DANG LDAN PA LAS LTO LDIR BA DE MI DMIGS PA YANG RANG PHYOGS KYI CHOS SU GRUB PA'I GZHIR BUM PA MED PA GO BAR BYED PA'I TSUL GSUM YIN PA'I PHYIR, ,GNYIS PA LA GNYIS, PHYI MA THA SNYAD 'BA' ZHIG SGRUB TU BSTAN PA DANG, SNGA MA GNYIS DON DANG THA SNYAD GNYIS KA SGRUB PAR BSTAN PA'O, ,DANG PO NI, RTAGS DE YANG DGAG PA'I GTAN TSIGS YIN TE, DGAG PA DNGOS SU SGRUB PA LA TSUL GSUM TSANG BA'I PHYIR, RANG BZHIN MA DMIGS PA NI,

, ,PHYOGS CHOS 'JAL BA'I DUS NA DGAG PA GRUB ZIN PAS THA SNYAD 'BA' ZHIG SGRUB PA MA YIN NAM, CI'I PHYIR DGAG PA'I GTAN TSIGS ZHES BRJOD CE NA, 'DI'I LAN LA KHA CIG DGAG RTAGS MIN PAR 'DOD PA DANG, KHA CIG BUM MED PHYOGS CHOS 'JAL BA'I TSAD MAS GRUB ZIN PAS BUM MED SGRUB PA'I RTAGS YANG DAG MA YIN NO ZHES 'DOD PA DAG SNGA MA NI, 'BRAS RANG MA DMIGS PA'I GTAN TSIGS GSUM DU DBYE BA'I MA DMIGS PA'I RTAGS KYI DPER RANG BZHIN MA DMIGS PA'I GTAN TSIGS SLOB DPON GYIS SMOS PA LA CO 'DRI BAR BYED PA YIN LA, PHYI MA LTAR NA YANG GZHI 'DI NA BUM PA MED DO SNYAM DU NGES ZIN MA BRJED NAS BUM PA MED DO ZHES PA'I SGRA'I THA SNYAD MA THOGS PA PHYIR RGOL DE SMRA MI SHES PA YIN NAM, BSAM PAR BYA BA YIN NO, ,THA SNYAD 'BA' ZHIG SGRUB PA ZHES PA'I NGES GZUNG GIS BUM MED KYI DON SGRUB PA TZAM GCOD PA MA YIN PAR THAL, BUM MED SGRUB PA'ANG GCOD PA'I PHYIR, DES NA RANG BZHIN MA DMIGS PA'I GTAN TSIGS DNGOS LA DGAG PA'I GTAN TSIGS ZHES SMOS PA MI RIGS PA MA YIN TE, BUM PA MED PA'I DON LTO LDIR BA DMIGS RUNG MA DMIGS PA'I DGAG PA DE'I YUL CAN GYI BUM PA MED PA'I SGRA BLO'I THA SNYAD BYAR RUNG SGRUB PA'I GTAN TSIGS LA DGAG PA DE'I GTAN TSIGS ZHES BSHAD KYI, DGAG PA'I DON SGRUB PAS DGAG RTAGS ZHES BSHAD PA MA YIN PA'I PHYIR, DGAG PA NI SKABS 'DIR CHOS 'GA' ZHIG MED PA'I SGRA BLO'I YUL DU GYUR PA'I CHOS 'GA' ZHIG DMIGS RUNG MA DMIGS PA DE YIN LA, DE GNYIS KYI 'BREL PA

SNGAR LAN CIG MA YIN PAR GRUB ZIN KYANG GZHI DER MA GRUB PA RTAGS KYIS SGRUB PA YIN NO, ,BUM MED THA SNYAD GSUM PO GANG YANG MA YIN YANG DE SGRUB PA DANG THA SNYAD 'BA' ZHIG SGRUB PA LA 'GAL BA CUNG ZAD KYANG MED PAR SHES PAR BYA'O, ,RANG BZHIN MA DMIGS PA'I GTAN TSIGS DE DON SGRUB KYI GTAN TSIGS MA YIN TE, DE LTA BU'I MI DMIGS PA NI RANG NYID DGAG BYA DMIGS BYED KYI TSAD MA DGAG PA'I NGO BO RTAGS SU BKOD PA LA TSUL GSUM TSANG BA YIN PA'I PHYIR RO, ,GNYIS PA NI, RGYU DANG KHYAB PAR BYED PA MI DMIGS PA'I GTAN TSIGS NI CHOS CAN, DON SGRUB PA DANG THA SNYAD SGRUB PA GNYIS KA'I YANG GTAN TSIGS YIN TE, DGAG BYA DMIGS BYED KYI TSAD MA BKAG PA BSGRUB BYAR BYAS PA LA TSUL GSUM TSANG BA YIN PA'I PHYIR, 'DI DAG GI DON SNGAR BSHAD ZIN TE, ,'DIR 'THAD LDAN DU, 'BRAS BU DANG KHYAB BYA BLTAR MI RUNG BA LA NI RGYU DANG KHYAB PAR BYED PA MI DMIGS PAS DNGOS PO MED PA DANG MED PA'I THA SNYAD GNYIS KA GO BAR BYED LA, 'BRAS BU DANG KHYAB BYA BA LTAR RUNG BA LA NI, MED PA'I THA SNYAD 'BA' ZHIG TU ZAD DO, CES PA'I DON RGYU DANG KHYAB BYED MA DMIGS PA'I GTAN TSIGS LA THA SNYAD 'BA' ZHIG SGRUB KYI GTAN TSIGS YOD PAR STON PA MA YIN GYI, DU BA DANG SHA PA LTA BU GZHI DER YOD NA SNANG RUNG LA GZHI DER MED PA RTAGS KYIS SGRUB DGOS NA, THA SNYAD 'BA' ZHIG SGRUB PA RANG BZHIN MA DMIGS PA'I GTAN TSIGS 'JUG PA YIN LA, GZHI DER YOD KYANG SNANG DU MI RUNG BA YIN NA, DE GNYIS MED PAR SGRUB PA LA DON DANG THA SNYAD GNYIS KA SGRUB PA'I RGYU DANG KHYAB BYED MA DMIGS PA'I GTAN

, ,TSIGS 'JUG PA'I DON YIN NO, ,GSUM PA NI, DGAG PA'I GTAN TSIGS 'DI NI CHOS CAN, RNAM PA GSUM KHO NAR NGES TE, YOD NA DMIGS SU YOD PA'I RGYU DE LTAR NGES PA MI DMIGS PA DANG KHYAB PAR BYED PA MI DMIGS PA DANG RANG GYI BDAG NYID DON LDOG DE LTAR NGES PA MI DMIGS PA GSUM DU NGES PA'I PHYIR, SNGAR BSHAD PA LNGAR MTHAR GTUGS PA'I GRANGS NGES SO, ,DGAG RTAGS DE NI CHOS CAN, RNAM PA DU MAR BSHAD DU RUNG STE, SBYOR BA'I DBYE BA DE DAG GI DBANG GIS RNAM PA DU MAR YOD PA'I PHYIR, DER THAL, DGAG BYA'I CHOS DANG DNGOS DANG BRGYUD PA'I SGO NAS 'GAL BA RTOGS SHING DMIGS PA RTAGS SU BKOD PA'I RTAGS DRUG DANG LA SOGS PA 'BREL YUL MA RTOGS SHING MA DMIGS PA RTAGS SU BKOD PA BZHI RNAMS KHYOD LA DBYER RUNG BA'I PHYIR, DE DAG GI DON RNAMS RGYAS PAR GONG DU BSHAD ZIN TO, ,'KHOR BA'I YID 'BYUNG NGANG GIS BSKYED PA'I THABS, ,'DU BYED THAMS CAD SKYE ZHING 'JIG PA'I TSUL, ,DNGOS PO STOBS ZHUGS RIGS PA LA BRTEN NAS, ,GSAL LA MA 'DRES GO SLA'I NGAG GIS BSHAD, ,GNYIS PA LE'U'I MTSAN NI, THEG PA GSUM GYI LAM DU BGROD PA'I LAM RGYAL BA'I DGONGS PA RAB TU GSAL BAR BYED PA LAS RANG GI DON GYI RJES SU DPAG PA RNAM PAR NGES PA STE, LE'U GNYIS PA'I 'GREL PA'O,, ` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,MANGGA LAm,, ,,