Volume I of 'Fine Explanation, a String of Golden Beads,' being an Extensiv

, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RGYA CHER BSHAD PA'I LEGS BSHAD GIS 'PHRENG ? CHA BZHUGS SO, ,

GNYIS PA THOB BYED LAM SHES KYI YAN LAG RGYAS PAR BSHAD PA LA GSUM, 'BREL BRJOD PAS MTSAMS SBYAR, LAM SHES KYI CHOS RGYAS BAR BSHAD, SKABS BSDU BA'O, ,DANG PO NI, RNAM MKHYEN GYI 'OG TU LAM SHES 'CHAD DO; ;'BREL NI LAM YONGS SU SHES PA STE THOB PA MED PAR RNAM MKHYEN RTOGS PA STE THOB PA NI MED PA'I PHYIR TE RGYU YIN PAS SO, ,MDO 'BREL NI RNAM MKHYEN BSHAD ZIN PA DANG RGYAL CHEN BZHI NAS GNAS GTZANG MA'I BAR GYI LHA'I BU RNAMS 'KHOR DU 'DUS PA NA GSUNGS SO, ,GNYIS PA LA GNYIS, LAM GYI YAN LAG DANG, YAN LAG CAN GYI LAM MO, ,DANG PO LA GNYIS, RTZA BAS BSTAN, 'GREL PAS BSHAD PA'O, ,DANG PO LA GNYIS, LAM SHES KYI RTEN DANG, BRTEN PA LAM SHES KYI KHYAD PAR RO, ,DANG PO NI, DE BZHIN GSHEGS PA'I 'OD KYIS 'DOD GZUGS KYI LHA RNAMS KYI 'OD MOG MOG POR TE GZI MED PAR MDZAD PA NI, DE BZHIN GSHEGS PA'I RANG BZHIN GYI 'OD KYI DRUNG NA LHA RNAMS KYI RNAM PAR SMIN PA LAS SKYES PA'I 'OD DE NI LHAM ME MA YIN, LHAN NE MA YIN LHANG DE MA YIN GYI DE BZHIN GSHEGS PA'I 'OD 'BA' ZHIG RAB CES BYA'O, ZHES 'DZAM BU CHU BO'I GSER GYI DRUNG NA LCAGS NAG PO LHAM ME MA YIN PA SOGS DPE DON DU SBYAR NAS GSUNGS SO, ,'DOD GZUGS KYI LHA RNAMS KYI RGYUD SNOD DU RUNG BAR BYAS PA NI, BRGYA BYIN GYIS RAB 'BYOR LA LHA 'DI RNAMS KHYOD KYIS YUM BSTAN PA NYAN 'DOD NAS LHAGS

, ,NA; BYANG CHEN JI LTAR YUM LA GNAS PAR BYA, DE'I YUM GANG ZHES DRIS PA 'DI'I MDOR LE BRGYAD MAR SBYAR NAS RKANG PA 'DI GNYIS SO SO LA MDO SBYAR RO, ,DE'I DGONGS PA NI GONG DU 'OD ZIL GYIS MNAN PA NA NGA RGYAL CHAG STE, MTHU KHYAD CAN DE LA DAD NAS SANGS RGYAS THOB PHYIR DU SEMS BSKYED LA, DE'I TSE RAB 'BYOR LA LAM SHES KYI YUM NYAN PA'I SNOD DU GYUR PA LA DGONGS SO, ,NYI SNANG DANG RNAM 'GREL DU NGA RGYAL BCOM PA RTZA BA'I DGOS PA DANG LAM SHES SKYE RUNG DE'I DGOS PAR MDZAD DO, ,GNYIS PA LA GSUM SKYE TSUL DANG, NGO BO DANG, BYED LAS KYI KHYAD PAR RO, ,DANG PO LA GNYIS, GNAS SKABS DANG, MTHAR THUG GI SKYE TSUL LO, , DANG PO NI, GNAS SKABS SKYE BO'I YUL SO SOR NGES PA NI, LHA'I BU GANG DAG GIS BLA MED RDZOGS BYANG DU SEMS MA BSKYED PA DE DAG GIS KYANG BLA MED RDZOGS BYANG DU SEMS BSKYED PAR BYA'O, ,GANG YANG DAG PAR SKYON MED BAR ZHUGS BA DE LA NI BLA MED RDZOGS BYANG DU SEMS BSKYED PA'I MTHU MED DO, ,DE CI'I PHYIR ZHE NA, DE DAG GIS 'KHOR BA'I RGYUD KYIS MTSAMS BCAD PA'I PHYIR RO ZHES SO, ,'DIS BYANG CHUB TU SEMS MA BSKYED PA LA LAM SHES KYI YUM LA GNAS PA'I SKAL BA MED PAS, DE LA GNAS PA LA SEMS BSKYED DGOS PAR BSTAN PAS BYANG SEMS LA MA SHES KYI SNOD DANG NYAN RAB RNAMS DE MIN PAR GSUNGS SO, ,SNYING MCHOG TU YANG DAG PAR SKYON MED

PAR ZHUGS PA DMAN LAM GYIS MYANG 'DAS THOB PA DANG, MTSAMS BCAD PA 'KHOR BA'I ZAM PA BCAD PA STE, DPER NA RGYUN ZHUGS LAN BDUN PA DANG, RIGS NAS RIGS SKYES BLA MED BYANG CHUB THOB PAR BYED MI NUS TE NAM YANG BYANG CHUB LA 'DOD PA MED PA'I PHYIR TE NYAN THOS ZHI BA BGROD PA GCIG PU BA YIN PAS SO ZHES DANG, DAG LDAN LAS KYANG ZHI BGROD LA MI SKYE BA DE YI DON DU BSHAD CING KHYAB PA'I DON BYANG CHUB TU YONGS SU 'GYUR BA'I NYAN THOS LA 'DOD DE GRAGS CHAR YANG NGO, ,RGYUN SNANG DU YANG DAG PA NYID DU NGES PA'I DON NYAN THOS KYI MTHONG LAM LA SOGS PA'I LAM THAMS CAD DU RTOGS PA DANG, MTSAMS BCAD PA'I DON NYON MONGS MA LUS PAR SPANGS PAS 'KHOR BAR SKYE BA'I RGYU LOG PA LA BSHAD DO, ,GSUM GYI GNOD 'JOMS SU LOG PA NYID DU NGES PA'I SEMS CAN LA BSHAD PA NI SHIN TU NOR TE, DE LA MTSAMS BCAD PA MED PAS SO, ,GNOD 'JOMS CHUNG BAR RGYUN ZHUGS YAN CHAD YANG DAG PAR NGES PA LA BSHAD NAS MTSAMS BCAD PA'I DON NYAN THOS 'KHOR BA LA SKRAG NAS DE SPANGS TE ZHI BA DON DU GNYER BA LA 'DOD DO, ,GNYIS PA NI, MTHAR RIGS CAN GSUM GAS LAM SHES SGOM PAS KHYAB PA NI, 'ON KYANG GAL TE DE DAG KYANG BLA MED RDZOGS BYANG DU SEMS BSKYED NA DE DAG LA YANG RJES SU YI RANG BAR BYA'O ZHES SO, ,'DI SNGAR MI NUS PAR BSTAN PA NGES KYANG SEMS BSKYED PAR BSTAN PAS KHYAB PA'O,,

, ,GNYIS PA NI, 'KHOR BA MI 'DOR BA'I RANG BZHIN NI, KHO BO NI, DE DAG GI DGE BA'I PHYOGS LA BAR CHAD MI BYED DE, ZHES PA NI NYAN THOS DE DAG GI DGE BA SEMS BSKYED PA'I PHYOGS LA SKYED MI NUS ZHES PAR CHAD MI BYED DO ZHES PA'O, ,GSUM PA NI, LAM SHES DE YI BYED LAS NI, KHYAD PAR DU 'PHAGS PA'I CHOS RNAMS LAS MCHOG TU KHYAD PAR 'DU 'PHAGS PA'I CHOS RNAMS THOB PAR BYA'O ZHES SO ,KHYAD PAR DU 'PHAGS PA GNYIS NI RIM PA LTAR RGYU DUS KYI SEMS BSKYED DANG DE LAS BYUNG BA'I RGYU 'BRAS KYI THEG CHEN BZUNG BAR SNYING MCHOG DANG, DGE BA'I BSHES GNYEN DANG BYANG CHUB KYI SEMS SOGS LA RGYAN SNANG DU BSHAD DO, ,GNYIS PA LA GNYIS, LAM SHES SKYE BA'I RTEN, BRTEN PA LAM SHES KYI KHYAD PAR RO, ,DANG PO NI, MOG MOG POR TE DRI MA CAN LTA BUR MDZAD DO, ,GANG GIS NA, DE BZHIN GSHEGS PA'I RANG BZHIN GYI 'OD DE TSOGS GNYIS KYI RNAM SMIN GYI 'OD KYIS SO, ,GANG NA, LHA DANG SOGS PAS KLU DANG DRI ZA LA SOGS PA'I ZAG BCAS DAG PA'I RNAM SMIN GYI 'OD DO, ,GANG GI DON DU NA, LAM SOGS SO, ,MOG MOG POR BYAS PAS LAM SHES SKYE RUNG DU JI LTAR SGRUB NA, 'DOD LHA DRUG DANG GZUGS KHAMS PA RNAMS LA RIM PA LTAR 'JIG RTEN SKYONG BA DANG, LONGS SPYOD CHE BA DANG, LHA MA YIN DANG 'THAB MI DGOS PA DANG, BYAMS PA BZHUGS PA DANG, RANG?

GIS SPRUL PA DANG, GZHAN GYIS SPRUL PA LA LONGS SPYOD PA DANG, BSAM GTAN THOB PA LA SOGS PA'I RLOM PA SO SO BA DANG, THUN MONG DU RANG RANG GI GZUGS MDZES SHING 'OD DANG LDAN PAS DE LA BRTEN PA'I NGA RGYAL YOD PA RNAMS DE BZHIN GSHEGS PA'I 'OD KYIS ZIL GYIS MNAN PAS RLOM PA RNAMS ZHI BAR BYAS PA'I SGO NAS SO, ,GAL TE LAM SHES SKYE RUNG GI DON DU 'OD MOG MOG POR MDZAD PAR BSTAN PA NYID LA YANG DGOS PA CI ZHIG YOD CE NA; DE'I DON DU DE LTAR MDZAD PAR BSTAN PA'I DGOS PA NI, RJES 'JUG GI SKYE BO THAMS CAD KYANG NGA RGYAL BCOM PA'I RGYUD KHO NA LA LAM SHES KYI RTOGS PA SKYE BAS LAM SHES RGYUD LA SKYE BAR 'DOD NA NGA RGYAL SPANG DGOS SO ZHES SHES PAR BYA BA'I PHYIR MDZAD DE, DE YANG NGA RGYAL DANG ZHUM PA GNYIS KA BSAL DGOS KYI GANG RUNG GCIG DANG LDAN PA LA MI SKYE BA NI MNGON PAR 'BYUNG BA'I MDOR RGYAL PO ZAS GTZANG GIS LAM JI LTAR SKYED PA LTA BU'O, ,'DIR LHA RNAMS ZHUM BA MED CING NGA RGYAL DANG LDAN PAS DE SPANG DGOS PAR BSTAN TO ZHES 'CHAD DE, DE YANG MTSON PA YIN GYI CHAGS SOGS ? SHES CHE BA SPANG DGOS SO, ,'OD KYIS MOG MOG POR MDZAD PA LAM SHES KYI RTEN DU SGRUB PA'I CHED DANG, DE LTAR BSTAN PAS LAM SHES SKYE BA LA NGA RGYAL SPANG DGOS PAR SHES PAR 'GYUR BA DE'I PHYIR, 'OD KYI CHE BA STON PA'I MDOS LAM SHES KYI RTEN BRJOD PA YIN

, ,NO; ;JI LTAR NA TSIG ZUR GYIS TE SHUGS KYIS SO, ,GNYIS PA LA RTZA BA LTAR GSUM LAS, DANG PO LA GNYIS LAS, DANG PO NI, LAM SHES DE THEG PA CHE CHUNG GI YUL TE RTEN SO SOR NGES PA YIN TE, BYANG SEMS KHO NA'I RGYUD LA SKYE'I NYAN RANG GI RGYUD LA MI SKYE BAS SO, ,DE'I RGYU MTSAN NI STONG NYID SNYING RJE'I SNYING PO CAN GYI BYANG CHUB KYI MCHOG TU SEMS BSKYED PA KHO NA LA SKYE BA YIN PAS SO, ,KHYAB STE, DER SEMS MA BSKYED PA LA LAM SHES KYI YUM LA GNAS PA'I SKAL BA MED PAS SO, ,YANG NI NGA RGYAL BCOM PAR MA ZAD SEMS BSKYED KYANG DGOS PA'O, ,GNYIS PA NI, NANG PA'I LAM GYIS KHAMS GSUM LA 'DOD CHAGS DANG BRAL BA NYAN RANG DGRA BCOM PA DANG DE'I CIG SHES PHYI ROL PA'I RNAL 'BYOR PAS SANGS RGYAS NAS YIN TE, SKYE BO THAMS CAD MTHAR BLA NA MED PA YANG DAG PAR RDZOGS PA'I BYANG CHUB TU MTHAR THUG PA STE 'GRO BA CAN YIN TE DE'I PHYIR RO, ,KYANG NI SNGA MAS SGOM PAR MA ZAD PA'O, ,TSIG GSAL LAS, 'DOD CHAGS DANG BRAL BA 'PHAGS PA NYAN THOS DANG RANG SANGS RGYAS RNAMS KYIS NI ZHI BA'I DBYINGS NAS LANGS TE'O, ,CIG SHOS BYANG CHUB SEMS DPA' RNAMS KYIS NI DA LTA NYID NAS SO ZHES GANG ZAG DE GNYIS KYIS DUS DE DAG NAS SGOM PAR BSHAD KYANG BYANG SEMS LA DOGS PA MED CING SKYE BO THAMS CAD CES PA'I GNAD KYIS SNGAR LTAR BSHAD NA RTZOM PA PO'I DGONGS

PA'O; ;GAL TE NYAN RANG CHEN PO RNAMS THEG CHEN DU 'JUG NA THEG PA GSUM THA DAD PAR GSUNGS PA DANG 'GAL ZHE NA, NYAN RANG DANG THEG CHEN GYI THEG PA GSUM THA DAD PAR RNAM PAR BZHAG PA NI DGONGS PA CAN DRANG DON YIN GYI MTSAN NYID PA NGES PA'I DON MIN ZHES LUGS LAS 'BYUNG BA'I PHYIR, NYES PA MED DO, ,LUGS GANG LAS NA PAD DKAR LAS, MA 'ONGS DUS NA SH'A RI'I BU KHYOD KYANG, ,RGYAL BA DE BZHIN GSHEGS PAR 'BYUNG 'GYUR TE; ;PADMA'I 'OD CES BYA BA KUN TU SPYAN, ,SROG CHAGS BYE BA STONG DAG RNAM PAR 'DUL, ZHES DANG, THEG PA NI GCIG STE GNYIS PA MED DO, ZHES DANG, LANG GSHEGS LAS KYANG, BLO GROS CHEN PO NYAN THOS KYI THEG? PA BA RNAMS NYAN THOS KYI THEG PAS GROL BA MA YIN GYI 'ON KYANG DE DAG NI THEG PA CHEN PO'I MTHAR THUG PA CAN YIN NO, ZHES SO, ,'DI'I MTHA' DPYAD BA LA GSUM, THEG GSUM LA DRANG NGES SU 'DOD TSUL, NYAN RANG THEG CHEN DU GANG NAS 'JUG PA, 'KHOR BA LA MTHA' YOD MED DO, ,DANG PO LA GNYIS NGES DON DANG, DRANG DON DU 'DOD PA'I LUGS SO, ,DANG PO LA GNYIS, MDO GANG GI RJES SU 'BRANGS PA DANG, DE'I DON JI LTAR BSHAD PA'O; ;DANG PO NI, DGONGS 'GREL LAS, NYAN THOS KYI RIGS KYI GANG ZAG ZHI BA BGROD PA GCIG PU NI SANGS RGYAS THAMS CAD BRTZON PA DANG LDAN PAR GYUR KYANG, BYANG CHUB KYI SNYING PO LA BZHAG STE BLA MED RDZOGS

, ,BYANG THOB PAR BYAR MI NUS SO, ,DE CI'I PHYIR ZHE NA, 'DI LTAR DE NI SNYING RJE SHIN TU CHUNG BA DANG, SDUG BSNGAL GYIS SHIN TU 'JIGS PA'I PHYIR RANG BZHIN GYI RIGS DMAN PA KHO NA YIN PA'I PHYIR RO ZHES DANG, NYAN THOS BYANG CHUB TU YONGS SU 'GYUR BA GANG YIN PA DE NI NGAS RNAM GRANGS KYI BYANG CHUB SEMS DPA' YIN PAR BSTAN TE, 'DI LTAR DE NI NYON MONGS PA'I SGRIB PA LAS RNAM PAR GROL NAS, DE BZHIN GSHEGS PA RNAMS KYIS BSKUL NA SHES BYA'I SGRIB PA LAS SEMS RNAM PAR GROL PAR BYED PA'I PHYIR ZHES MDO DE LAS ZHI BA 'GROD PA DANG YONGS SU 'GYUR BA GNYIS THEG CHEN DU LDOG MI SRID PA DANG SRID PA DANG, THEG PA GCIG DANG GSUM DRANG DON DANG NGES DON DU GSUNGS PA DANG, CHOS BCU PA DANG DKON MCHOG SPRIN GNYIS KYI MNGO RNAMS KYI RJES SU 'BRANGS PAR 'CHAD DO, ,GNYIS PA LA GSUM, RANG GI LUGS DGOD PA DANG, DE LA NANG 'GAL SPANG BA, MDO GZHAN DANG 'GAL BA SPANG BA'O, ,DANG PO NI, BSDU BAR, NYAN THOS BYANG CHUB TU YONGS SU 'GYUR BA NI PHUNG PO LHAG MA DANG BCAS PA'I MYA NGAN LAS 'DAS PA'I DBYINGS LA GNAS SHING BLA NA MED PA YANG DAG PAR RDZOGS PA'I BYANG CHUB SGRUB PAR BYED DAM, 'ON TE PHUNG PO LHAG MA MED PA'I MYA NGAN LAS 'DAS PA'I DBYINGS LA GNAS SHING BYED CE NA, SMRAS PA, PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS

SHING BYED DE, 'DI LTAR PHUNG PO'I LHAG MA MED PA'I MYA NGAN LAS 'DAS PA'I DBYINGS LA GNAS PA NI, RTZOM PA THAMS CAD DANG 'BAD PA THAMS CAD RGYUN BCAD PA YIN NO ZHES LHAG MED NAS MI LDOG PA DANG, LHAG BCAS NAS LDOG PA'I TSUL YANG RDZU 'PHRUL GYI MTHUS TSE BSRINGS NAS BYANG CHUB BSGRUB LA, RANG GI LUS MYA NGAN LAS MI 'DA' BAR BYIN GYIS RLOB CING SPRUL PA'I LUS KYIS GZHAN NGOR LHAG MED DU 'DA' TSUL BSTAN NAS LUS SDE MA LHA RNAMS KYIS KYANG MI MTHONG BAR DBEN PAR GNAS TE TSOGS YONGS SU RDZOGS PAR BYED DO, ,DE'I TSE RANG DON LA DGA' BAS LAM SGOM PA LA BAG MED PAR GYUR PA DANG SANGS RGYAS BYANG SEMS KYIS BSKUL BAR BSHAD CING, LHAG MED NA RIG PA PHYI MA MTSAMS MI SBYOR PAS 'DUS MA BYAS KYI DBYINGS DRI MA MED PA 'BA' ZHIG LUS LA SGRIB PA MA LUS PA LOG PAR DE BZHIN GSHEGS PA DANG, KHYAD PAR MED KYANG SNGON SMON LAM MA BTAB PA DANG, LDANG BA'I BSAM PA MED PAR MYA NGAN LAS 'DAS PAS DE BZHIN GSHEGS PA'I MDZAD PA NI MI BYED DO, ZHES 'DUS BYAS RGYUN CHAD DU BSHAD CING, SH'ANTI PAS KYANG, THEG GSUM NGES DON YIN PAR SGRUB BYED DU MAS SGRUB PAR BYED DO, ,'O NA NGES DON YIN PA'I SGRUB BYED GANG ZHE NA, LUNG DANG RIGS PA GNYIS LAS, DANG PO NI SNGAR DRANGS PA DANG, LANG GSHEGS LAS RIGS LNGAR GSUNGS PA DANG, BLO GROS MI ZAD PAS BSTAN PA LAS KYANG

, ,GSUM PO 'DI DAG NI NGES PAR 'BYIN BAR BYED PA'I THEG PA YIN NO, ,'DI LTA STE, NYAN THOS KYI THEG PA DANG RANG SANGS RGYAS KYI THEG PA DANG THEG PA CHEN PO'O, ZHES PA DANG, KHAMS SNA TSOGS PA'I MDO LAS KYANG, SEMS CAN RNAMS KHAMS SNA TSOGS PAR BSTAN PA DANG, DE BZHIN DU MDO SDE GZHAN LAS KYANG THEG GSUM SO SOR GSUNGS PA RNAMS YIN NO, ,GNYIS PA NI, SEMS CAN KHA CIG NI GZHAN LA PHAN PA'I BSAM PA CAN DANG, GZHAN DAG NI PHA ROL PO SDUG BSNGAL PA LA MNGON PAR DGA' PA DANG, DE BZHIN DU KHA CIG NI SRID PA'I BDE BA TZAM 'DOD CING BSOD NAMS BYED LA, GZHAN DAG NI DE LAS BZLOG NAS BDAG THAR BAR BYA BA'I PHYIR BRTZON PA DANG, LA LA NI GZHAN KHO NA GROL BAR BYA BAR SEMS SHING RDZOGS BYANG GI RGYUR SBYIN SOGS SGRUB PA DMIGS LA, DES NI SEMS CAN LA DE'I RGYU 'DOD PA THA DAD YOD PAR DPE? ? STE, 'BRAS BU'I GCIG THA DAD NI RGYU'I NGES BYAS PA'I PHYIR RO, ,'DOD PA THA DAD PA DE YANG RIGS KYI BYE BRAG MED NA MED PAS RIGS THA DAD PAR GRUB LA, DE LTAR NA 'BRAS BU THEG PA YANG SNA TSOGS PA NYID YIN NO ZHES PA DANG, DGRA BCOM PAS SRID PA'I KUN SBYOR PA LUS PA SPANGS PAS DER SKYE BA MI LEN LA, DE'I PHYIR SKYE BA DU MA BRGYUD NAS THOB PAR 'DOD PA'I BYANG CHUB THOB PA MI SRID CES PA'O, ,GNYIS PA NI, GAL TES SDER DGRA BCOM PA SKYE PA MI LEN PA DANG, MTHAR

THUG RIGS THA DAD PAR BSHAD PA DANG, RGYUD BLA'I 'GREL PAR, DPAL PHRENG GI MDO DRANGS NAS BSAM GYIS MI KHYAB PA'I 'CHI 'PHO DANG, SKYE BA YOD PAR BSTAN PA DANG, DGRA BCOM PA DANG RANG SANGS RGYAS KYI MYA NGAN LAS 'DAS PA'I DBANG DU MDZAD NAS BCOM LDAN 'DAS MYA NGAN LAS 'DAS PA ZHES BGYI BA 'DI NI DE BZHIN GSHEGS PA RNAMS KYI THABS LAGS SO ZHES GSUNGS PA YIN TE, 'DIS NI LAM RING POS DUB PA RNAMS LA 'BROG DGON PA'I DBUS SU GRONG KHYER SPRUL PA BZHIN DU, 'DI NI CHOS KYI DBANG PHYUG DAM PA YANG DAG PAR RDZOGS PA'I SANGS RGYAS RNAMS KYI PHYIR MI LDOG PA'I THABS YIN NO ZHES BSTAN PA YIN NO, ZHES THEG PA GNYIS RE ZHIG PA'I LAM DU BSTAN PA DANG, RTZA BAR YANG, ZHI BA'I LAM LA RAB ZHUGS PA, ,MYA NGAN 'DAS THOB 'DU SHES CAN, ,DAM CHOS PADMA DKAR LA SOGS, ,CHOS KYI DE NYID BSTAN PA YIS, ,DE DAG SNGAR 'DZIN LAS BZLOG STE, ,THABS DANG SHES RAB YONGS BZUNG BAS, ,THEG PA MCHOG LA SMIN MDZAD DE, ZHES PAD DKAR DU, 'KHOR BA'I SDUG BSNGAL DAG LAS KHYED THAR YANG, ,KHYED NI DA DUNG? MYA NGAN YOD MA 'DAS, ,SANGS RGYAS THEG PA 'DI NI BTZAL BAR GYIS; ZHES PA'I TSIG GIS BSKUL NAS THEG CHEN LA 'DZUD PAR GSUNGS PA RNAMS DANG 'GAL ZHE NA, DANG PO DANG MI 'GAL TE, BSDU BA DANG RGYUD BLA'I 'GREL PA GNYIS KAS DGONGS 'GREL DANG DPAL PHRENG GI DON BKRAL

, ,PAS GNYIS KA YANG THEG CHEN GYI MDO'I RJES SU 'BRANGS PAR MTSUNGS LA, 'GAL BLTAR SNANG BA NI BSDU BAR BSHAD PA LAS NYON GYI SKYE BA MED PA DANG, RGYUD BLA'I 'GREL PA LAS NI LAS NYON GYI SKYE 'CHI DANG CHA MTSUNGS PA'I GZUGS BRNYAN TZAM YOD PA LA DGONGS PAS SO, ,YANG NA SNGAR YONGS SU 'GYUR BA'I NYAN THOS LA BSHAD PA LTAR SBRUL PA'I LUS KYIS 'DA' TSUL BSTAN CING, DBANG PO'I LUS KYIS DBEN PAR GNAS PA NA; KHAMS GSUM PA'I SKYE 'CHI LAS 'DAS KYANG SHES SGRIB KYI RTEN BAG LA NYAL DANG, DES KUN NAS BSLANG PA'I LAS DANG DE GNYIS LA BRTEN PA'I YID LUS YOD PA LA DGONGS NAS MA RIG BAG CHAGS KYIS DANG, ZAG MED KYI LAS KYIS RGYU RKYEN BYAS PA'I YID LUS KYI SKYE BA LEN PAR BSHAD KYI, DGRA BCOM PA SHI NAS RIG PA PHYI MA MTSAMS MI SBYOR BA 'DI DAG GI RTZA BA'I GRUB MTHA'O, ,GNYIS PA YANG MI 'GAL TE, MDO DE DRANGS NAS NYAN RANG LA SPANGS PA NYI TSE BA LAS MED PA'I PHYIR, MYANG 'DAS MTSAN NYID PA YOD PA DRANG DON DU BSTAN GYI NYAN RANG THAMS CAD THEG CHEN DU ZLOG PA'I SGO NAS THEG GSUM DRANG DON DU BSTAN PA MA YIN PA DANG, BYANG SEMS KYIS ZHI PA LA MTHA' GCIG TU MI GNAS PA'I MI MTHUN DPER ZHI BGROD KYI NYAN THOS DE NYID LAS BSHAD PAS SO, ,GSUM PA YANG MI 'GAL TE, DGONGS 'GREL DANG BSDU BA GNYIS KAR DE BZHIN GSHEGS

PAS THEG CHEN LA BSKUL BA'I NYAN THOS NI YONGS SU 'GYUR BA LA BSHAD KYI ZHI BGROD LA MIN LA, 'DIR YANG DMIGS BSAL MED PA'I PHYIR RO, ,DES NA 'DI PA'I LUGS LA, ZAG MED KYI DBYINGS LA GNAS PA'I NYAN RANG DGRA BCOM YID LUS KYI SKYE BA LEN PAR BSHAD PA DANG, DE LA GNAS PA LA SANGS RGYAS BYANG SEMS KYIS BSKUL BAR GSUNGS PA RNAMS SNGAR BSHAD PA LTAR YONGS SU 'GYUR BA LA YIN GYI, ZHI BGROD KYI LHAG MED KYI DBYINGS LA MI BZUNG NGO, ,GSUM PA NI, GAL TE THEG GSUM NGES DON YIN NA, PAD DKAR SOGS LAS THEG PA NI GCIG KHO NA'O, ZHES THEG PA GCIG NGES DON DANG, THEG GSUM DRANG DON DU GSUNGS PA DANG, SH'A RI'I BU LA SOGS PA NYAN THOS CHEN PO RNAMS SANGS RGYAS SU 'GYUR BAR GSUNGS PA RNAMS JI LTAR DRANG ZHE NA, MDO SDE RGYAN LAS, CHOS DANG BDAG MED GROL BA RNAMS, ,MTSUNGS PHYIR RIGS NI THA DAD PHYIR, ,BSAM GNYIS THOB PHYIR SPRUL PA'I PHYIR, ,MTHAR THUG PHYIR NA THEG GCIG NYID, CES PA 'DI'I SGO NAS 'GAL BA SPONG BAR BYED DE, DE LA THEG PA GCIG TU GSUNGS PA NI DGONGS GZHI BDUN PO 'DI LA DGONGS NAS YIN TE, BDUN NI BGROD BYA'I THEG PA GANG ZAG GSUM GYI CHOS KYI DBYINGS NAM MKHA' LTAR THA DAD MED PAR MTSUNGS PA DANG, BGROD PA PO'I THEG PA GANG ZAG GSUM BDAG MED PAR MTSUNGS PA DANG, GANG GI CHED DU BGROD PA'I THEG PA 'BRAS BU RNAM GROL

, ,RNAMS MTSUNGS PA DANG, RIGS THA DAD PAR MTSUNGS PA NI, NYAN THOS GYI RIGS MA NGES PA RNAMS THEG CHEN DU ZHUGS NAS SANGS RGYA BAR 'GYUR BAS RIGS THA DAD PA GNYIS KYANG LAM GCIG TU ZHUGS PA DANG, BSAM PA GNYIS THOB PA NI DE BZHIN GSHEGS PAS SA DANG PO NAS BDAG DANG SEMS CAN GYI RANG BZHIN LA GNYIS SU MED PA'I MNYAM PA NYID KYI DGONGS PA BRNYES PA DANG NYAN THOS SU RIGS NGES PA KHA CIG RE ZHIG BYANG SEMS KYI SPYAD PA SPYOD PA NA DE BTANG NAS NYAN THOS KYI THEG PAR ZHUGS TE DE'I MYANG 'DAS THOB PA NA, DE BZHIN GSHEGS PAS SNGON BDAG GIS BYANG SEMS KYI SPYOD PA SPYAD PAS SANGS RGYAS SO, ZHES DGONGS PA BZHIN DU DE LA YANG SANGS RGYAS KYI MTHUS BDAG SNGON BYANG SEMS KYI SPYOD PA SPYAD PAS 'TSANG RGYA BAR 'GYUR RO SNYAM PA'I BSAM PA MTSUNGS PA THANG CIG TZAM RNYED PA DANG, SPRUL PA NI GDUL BA'I DON DU NYAN THOS KYI THEG PAS LAN DU MAR MYA NGAN LAS 'DA' TSUL BSTAN PA DANG, MTHAR THUG PA NI THEG CHEN DE LAS KHYAD PAR DU 'PHAGS PA'I CHOS MED PA STE, DES NA BDUN PO DE LA DGONGS NAS THEG PA GCIG TU NGES PAR GSUNGS PA'I DGOS PA NI, DE NYID LAS; KHA CIG DAG NI DRANG PHYIR DANG, ,GZHAN DAG RJES SU GZUNG BA'I PHYIR, ,RDZOGS PA'I SANGS RGYAS RNAMS KYIS NI, ,MA NGES RNAMS LA THEG GCIG BSTAN, ZHES PA STE KHA CIG NI NYAN THOS DANG, GZHAN

DAG NI BYANG SEMS RIGS MA NGES PA'O, ,NYAN THOS SANGS RGYAS SU LUNG BSTAN PA DANG MI 'GAL TE, DE NI SPRUL PA'I NYAN THOS SAM YONGS SU 'GYUR BA'I NYAN THOS LA DGONGS PA'I PHYIR RO, ZHES ZER RO, ,GZHAN YANG 'DI DAG GIS YUL NGES KYI MDO NGES DON DANG, KHYAB PA'I MDO DRANG DON DANG, DE'I DON RIGS KYIS KHYAB PA LA 'DOD PAR RGYAN SNANG DU BSHAD CING, 'DOD MKHAN YANG DE NYID LAS 'PHAGS PA THOGS MED KYI ZHAL SNGA NAS DANG DE'I GZHUNG GI RJES SU 'BRANG BA THEG PA SNA TSOGS SU SMRA BA RNAMS NI GZHAN DU 'CHAD DE, ZHES SO, ,GNYIS PA LA GNYIS, MDO GANG GI RJES SU 'BRANG BA DANG, JI LTAR RNAM GZHAN? BYA BA'I TSUL LO, ,DANG PO NI, LANG GSHEGS LAS; LHA YI THEG DANG TSANGS PA'I THEG ,DE BZHIN DU NI NYAN THOS DANG, ,DE BZHIN GSHEGS DANG RANG RGYAL GYI, ,THEG PA 'DI DAG PAS BSHAD DO, ,JI SRID SEMS NI 'BYUNG GI BAR, ,THEG PA RNAMS LA THUG PA MED, ,SEMS NI YONGS SU GYUR PA NA, ,THEG PA MED CING 'GRO BA MED, ,THEG PA'I RNAM GZHAG YOD MIN NYID, ,THEG PA GCIG TU NGA SMRA'O, ,BYIS PA RNAMS YONGS DRANG DON DU, ,THEG PA THA DAD PA? SMRA'O, ZHES DANG, PAD DKAR, BDEN PA PO'I LE'U LA SOGS PA'I MDO RNAMS KYI RJES SU 'BRANG NGO, ,GNYIS PA LA GNYIS, SLOB DPON GYIS MDO'I DON JI LTAR BSHAD PA, RJES 'JUG GIS DE LA RTZOD PA SPANGS PA'I TSUL LO, ,DANG PO NI, BYANG CHUB SEMS

, ,'GREL LAS, THEG PA GNYIS PO DAG KYANG NI, ,THEG PA CHEN POR 'BYUNG BAS NA, ,SRID PA'I LAM GYIS DU BA RNAMS LA, ,NGAL BSO'I DON DE DE NYID MIN, ZHES DANG, DPE MED PAR BSTOD PA LAS KYANG CHOS KYI DBYINGS LA DBYER MED PHYIR, ,GTZO BO'I THEG DBYER MA MCHIS KYANG, ,KHYOD KYIS SEMS CAN GZHUG PHYIR DU, ,THEG PA GSUM DU GSUNGS PA'O, ZHES SO, ,DE LA SNGA MAS NI NYAN RANG RNAMS MTHAR THEG CHEN DU 'JUG DGOS PAS THEG GSUM DRANG DON DANG, PHYI MAS NI DE KHO NA NYID KYI DON MA RTOGS NA SRID PA LAS 'DA' BA'I THEG PA MTSAN NYID PAR MI RUNG LA, DE KHO NA NYID LA DBYER MED PAS DE RTOGS PA'I BLO LA YANG RTOGS TSUL THA DAD MED PA'I PHYIR, THEG CHEN DANG THEG DMAN GNYIS RTOGS TSUL THA DAD PA'I SGO NAS THEG GSUM DU GSUNGS PA DRANG DON DU BSTAN TE DRANG DON DU 'JOG TSUL GNYIS GSUNGS SO, ,PHYI MA 'DI NYAN RANG GI THEG PAS CHOS RANG BZHIN MED PAR RTOGS PA'I KHUNGS SU YANG 'GYUR RO, ,DE YANG PAD DKAR SOGS NAS GSUNGS PA NGES DON DANG, DGONGS 'GREL SOGS NAS GSUNGS PA DRANG DON DU 'GREL BA'I LUGS SO,, GNYIS PA NI, RNAM RIG PA RNAMS KYIS DRANGS PA'I LUNG GNOD BYED DU MI 'GYUR TE, THANG CIG TZAM RIGS SO SOR NGES PA LA DGONGS NAS THEG GSUM DU GSUNGS KYI GTAN DU NGES PA'I RGYU MTSAN GYIS MIN PA'I

PHYIR TE, LANG GSHEGS LAS, RIGS MED PAR GSUNGS PA LA YANG NAM ZHIG NAS SANGS RGYAS KYI MTHUS DGE RTZA SLONG BAR GSUNGS PA'I PHYIR RO, ,RIGS PAS KYANG SGRUB PAR MI NUS TE, SGRUB PA DANG MOS PA THA DAD PA'I SGO NAS THEG GSUM DU NGES PAR 'DOD NA, DE'I TSE SEMS CAN RNAMS LA BSGRUB TSUL DANG MOS TSUL BGRANG LAS 'DAS PA YOD PA'I PHYIR THEG PA'I BYE BRAG DPAG TU MED PA KHAS BLANG DGOS PAR 'GYUR RO, ,SGRUB TSUL DANG 'DOD PA'I BYE BRAG NGES PA YANG MA GRUB STE, GZHAN LA PHAN PAR 'DOD PA'I BSAM PA CAN KHA CIG SDIG GROGS DANG PHRAD PA LA SOGS PA'I SGO NAS GZHAN SDUG BSNGAL BA LA MNGON PAR DGA' BA CAN DU 'GYUR BAR SNANG LA, DE BZHIN DU GZHAN SDUG BSNGAL BA LA MNGON PAR DGA' BA DE DAG KYANG DGE BA'I BSHES GNYEN DANG PHRAD PA LA SOGS PA'I SGO NAS DE LAS BZLOG PA NYID DU 'GYUR BAR MTHONG BA'I PHYIR, JI LTAR NA MA NGES PA'I SGRUB TSUL 'DOD PA THA DAD PA LAS RIGS GSUM DANG DE LAS KYANG THEG PA GSUM DU NGES PA 'GRUB, DGRA BCOM PA'I SKYE BA CHAD PAR 'DOD PA YANG MI RIGS TE, YUM DANG DPAL PHRENG DU, LAS NYON GYI SKYE 'CHI CHAD KYANG BSAM GYIS MI KHYAB PAR BSGYUR BA'I SKYE 'CHI YOD PA DANG, DE DAG GI ZAD PA DANG MI SKYE BA SHES PA YANG DRANG DON DU GSUNGS PA'I PHYIR RO, ,DES NA SRID PA GSUM GYI NYON MONGS SPANGS PAS KHAMS GSUM DU SKYE BA LDOG GI DAG PA'I ZHING GI PADMA'I

, ,SPUBS SU RDZUS TE SKYES NAS ZAG MED KYI DBYINGS LA GNAS PA NI MI LDOG GO ,'DI DAG DANG MTHUN PAR 'PHAGS PAS KYANG KHYAB PA'I 'GREL PAR THEG GSUM DRANG DON DU GSUNGS LA, SLOB DPON 'DIS KYANG DE'I RJES SU 'BRANGS NAS MDO SNGA MA DRANG DON DANG PHYI MA NGES DON DU BZHED CING, 'PHAGS PA N'A GA RDZU NA'I ZHAL SNGA NAS DANG DE'I LUGS KYI RJES SU 'BRANG BA THEG PA GCIG GI TSUL DU SMRA BA RNAMS KYIS KYANG GSUNGS PA NI, BYANG CHUB RNAM PA GNYIS THOB NAS, ,SRID PAS SKRAG YID DE DAG NI, ,TSE ZAD LA DGA' MYA NGAN LAS, ,'DAS THOB 'DU SHES CAN DU 'GYUR, ,DE LA MYA NGAN 'DAS YOD MIN, ,'ON KYANG SRID GSUM KHAMS SU NI,, SKYE BA DE LA YOD MA YIN, ,ZAG MED DBYINGS NAS DE DAG KYANG, ,MI SHES NYON MONGS MI SPANG PHYIR, ,PHYIS NI SANGS RGYAS KYIS BSKUL NAS, ,BYANG CHUB KYI NI TSOGS BSAGS TE, ,DE YANG 'JIG RTEN 'DREN PAR 'GYUR, ZHES BSHAD PA YIN NO, ZHES DRANGS NAS DE NYID LA TSAD MAR MDZAD DO, ,DAG LDAN DANG GRAGS CHAR, MDO SNGA PHYI GNYIS RIM PA LTAR ZHI BGROD DANG, YONGS SU 'GYUR BA LA 'DOD PA NI MI 'GRIG STE, 'ON KYANG DE DAG CES GZHI GCIG LA GSUNGS PA DANG, KHO BO NI BAR CHAD MI BYED CES SNGAR GYI DE DRANG DON DU MDO NYID LAS GSAL BA'I PHYIR RO, ,DE LTAR THEG PA'I DRANG NGES LA NI SHING RTA CHEN PO RNAMS KYANG LUGS THA DAD PAR

SNANG ZHING BLO GSAL RNAMS KYIS BSAM PAR BYA BA'I GNAS YIN PA'I PHYIR 'DIR SA BON TZAM ZHIG BKOD KYI, RGYAS PAR NI DBU SEMS KYI GZHUNG LUGS RGYA MTSO LTA BU RNAMS DANG, MKHAS MCHOG PADMA'I NGANG TSUL GYI GSUNG LAS SHES PAR BYA'O, ,GNYIS PA NI, DGONGS 'GREL GYI 'GREL CHEN RGYA NAG MA LAS, DGRA BCOM PA THEG CHEN DU LDOG PA'I TSES BRGYAD PAR 'JUG PAR BSHAD KYANG TSOGS LAM NAS 'JUG PA 'THAD GSUNG PA LTAR, TSIG GSAL LAS KYANG NYAN THOS DANG RANG SANGS RGYAS DE DAG ZHI BA'I DBYINGS NAS LANGS TE, LAM MCHOG SHES BAR BYED PA NA SKABS DANG PO NAS BSTAN PA'I SEMS BSKYED PA THOG MA DANG GNYIS PA DANG GSUM PA DANG POR BYAS TE, ZHES PA LTAR KHAS BLANG NGO, ,'O NA 'DI DAG ZAG MED KYI DBYINGS NAS LDANG BA'I TSUL DANG, DUS JI TZAM GYIS BYANG CHUB THOB CE NA, LDANG TSUL NI, LANG GSHEGS LAS, TING NGE 'DZIN GYI LUS THOB NAS, ,BSKAL PA'I BAR DU MI SAD DO, ,DPER NA SKYES BU MYOS PA NI, ,MYOS 'GYUR MED NA SANGS PA LTAR, ,DE BZHIN DE DGANG YI SKU, ,SANGS RGYAS CHOS SHES BYA BA 'THOB, CES PA LTAR RO, ,DUS JI TZAM GYIS BYANG CHUB 'THOB PA NI; THUB DGONGS LAS, GNYIS PO DE DAG KYANG BSKAL PA GRANGS MED PA BZHI MNGON PAR RDZOGS NAS YANG DAG PAR RDZOGS PAR SANGS RGYAS PA NYID 'BA' ZHIG GO ,ZHES DANG, DGE BA'I LHAS, 'DI

, ,NI BYANG CHUB KYI SEMS KYI STOBS KYIS NYAN THOS DAG LAS KYANG BYANG CHUB SEMS DPA' THAN BSKAL PA GRANGS MED PA BZHI BCUS MYUR BAR 'GYUR RO ZHES TE, SNGA MA LTAR NA GRANGS MED GCIG DANG, PHYI MA LTAR NA GRANGS MED BZHI BCUS BYANG CHUB SEMS DPA' LAS PHUL LO, ,GSUM PA NI, RGYAN SNANG DU KHA CIG NA RE, GANG 'DI SANGS RGYAS KYI RIGS 'DI THOG MA MED PA YIN PA'AM SANGS RGYAS RE RE BYUNG BA NA SEMS CAN GRANGS MED PA YONGS SU MYA NGAN LAS 'DA' MOD KYI DE LTAR NA YANG 'KHOR BA LA ZAD PA MED PAS MTHA' YAS PA'I PHYIR NAM MKHA' DANG 'DRA STE, RI BO LA SOGS PA'I SGRIB G-YOGS DU MA YOD KYANG NAM MKHA' LA NI YONGS SU ZAD PA MED DO, ZHES ZER RO ZHES MTHA' MED KYI LUGS DANG, GZHAN DAG NA RE, GANG GNYEN BO'I CHOS DANG PHRAD PA NA 'BRI BA'I CHOS CAN DU SNANG BA DE NI GNYEN PO'I PHYOGS SHIN TU 'PHEL BA NA SHIN TU 'GRIB PAR 'GYUR BA SRID PA YIN TE, DPER NA GSER GYI DRI MA LA SOGS PA BZHIN NO, ,'KHOR BA YANG BDAG MED PA LA SOGS PA'I MTSAN NYID KYI GNYEN PO'I PHYOGS MNGON DU GYUR PA NA 'GRIB PA'I CHOS CAN YIN NO ZHES BYA BA'I RANG BZHIN GYI GTAN TSIGS KYI STOBS KYIS 'KHOR BA RGYUN CHAD PA YIN NO ZHES 'DOD DO ZHES MTHA' YOD KYI LUGS GNYIS MDZAD DO, ,'GREL PA CHE CHUNG GNYIS SU YANG SKYE BO THAMS CAD CES

'BYUNG BAS SLOB DPON 'DI NI PHYOGS PHYI MA BZHED PAR MNGON NO, ,AA BHYAS KYANG PHYI MA'I SBYOR BA 'DI BKOD NAS, 'GRO BA 'DI DAG THAMS CAD SANGS RGYAS 'GYUR, ZHES BYA BA LA SOGS PA'I LUNG LAS KYANG NGO, ZHES LUNG RIGS GNYIS KAS MTHA' YOD DU SGRUB PAR BYED DO, ,'DIR GANG GZUNG ZHE NA, PHYIS KYI MKHAS PA CHEN PO DAG 'KHOR BA LA MTHA' YOD MED GNYIS KA BCOM LDAN 'DAS KYIS GSUNGS SHING, DE LA BRTEN NAS GRUB MTHA' 'DZIN PA RNAMS KYIS MTHA' YOD MED GNYIS KA BSTAN BCOS SU BSHAD LA, PHYOGS GNYIS KA LA SGRUB BYED YOD KYANG 'KHOR BA LA MTHA' YOD MED 'DRI NA LAN MI GANG BCES MDO LAS GSUNGS PA DANG, THOG MA DANG THA MA MED PA STONG PA NYID KYI STONG RGYU CHOS CAN 'KHOR BA YIN PAR BSHAD PAS, SPYI MTSAN LA MTHA' MED KYI GRUB MTHA' SKYANG BDE BAR BZHED PA LTAR KHAS BLANG LA, 'O NA KYANG MTHA' YOD LA LAN MI GDAB PA BZHIN DU MTHA' MED LA YANG GSUNGS PAS DE NI SGRUB BYED DU YANG MI CHE'O, ,DE LA MTHA' YOD RNAMS KYIS BKOD PA'I RIGS PA NI, RNAM 'GREL LAS, 'GRIB DANG PHUL BYUNG BSTEN PA KUN, ,MI MTHUN PHYOGS DANG BCAS NYID PHYIR, ,DE GOMS PA LAS BDAG 'GYUR BAS, ,LA LAR ZAG BZAD PAR 'GYUR, ZHES PA'I DON DU SNANG LA, DE YANG SHES RGYUD LA LAR CHAGS SOGS KYI NYES BRAL 'BYUNG SRID PA TZAM DU SGRUB

, ,PA YIN ZHING, MTHA' YOD LA NI SEMS CAN RE RE ZHING 'TSANG RGYA NGES SU SGRUB DGOS LA, DE 'BYUNG DU RUNG BAS DER 'GYUR BAR MA NGES PA'I PHYIR SGRUB BYED DU MI 'GRO'O, ,DES NA 'KHOR BA LA MTHA' YOD PA'I SGRUB BYED MTHAR THUG PA NI DRI MA GLO BUR BA DANG SEMS KYI RANG BZHIN 'OD GSAL YIN PAS RKYEN DANG PHRAD NA SGRIB PA SPANG RUNG GNYEN PO SKYE RUNG TZAM ZHIG YIN LA DE TZAM GYIS 'KHOR BA LA MTHA' YOD PAR SGRUB MI NUS TE, 'BRAS BU 'BYUNG RUNG 'BYUNG NGES LA 'KHRUL PA'I PHYIR TE, DPER NA SA BON RTAGS SU BKOD NAS MYUR GU SKYE NGES SU SGRUB PA BZHIN NO, ,GZHAN YANG SANGS RGYAS BYANG SEMS RE RES KYANG SEMS CAN DU MA ZHIG MYANG 'DAS LA DGOD PA'I PHYIR, 'KHOR BA STONGS PAR 'GYUR TE, SNON PA MED LA 'GRIB PA DANG BCAS PA'I PHYIR DPER NA 'BRU'I PHUNG PO BZHIN ZHES SMRA BA YANG MI RIGS TE, SEMS CAN NYUNG DU SONG BA'I BRI BA MA GRUB PA'I PHYIR TE, MANG NYUNG DU 'GRO BA'I GZHI LA NI 'DI TZAM ZHES TSAD NGES PA CAN ZHIG DGOS LA, SEMS CAN GYI KHAMS LA NI DE MA GRUB PA'I PHYIR, DPER NA NAM MKHA' BZHIN NO, ,DON 'DI LA DGONGS NAS SDUD PAR, MA RIG 'KHRUL 'KHOR 'DI LA ZAD MED 'PHEL BA MED, CES DANG, BZANG SPYOD DU'ANG, NAM MKHA'I MTHAS GTUGS GYUR PA JI TZAM PAR, ,SEMS CAN MA LUS MTHA' YANG DE BZHIN NO, ZHES

SO; ;NGES NA 'GRO BA THAMS CAD 'TSANG RGYA BAR GSUNGS PA NI, RKYEN DANG PHRAD NA DER 'GYUR RUNG YOD BA LA DGONGS TE, THOGS MED KYIS, THOGS MED GYUR KYANG THA MA DANG LDAN PA, ZHES PA'I MDO SEMS CAN THAMS CAD LA KHYAD PAR MED PAR RNAM PAR DAG RUNG YOD PA LA DGONGS PA YIN PAR BSHAD PA BZHIN NO, ,GNYIS PA NI, BLA MED BYANG CHUB TU SEMS BSKYED PA'I BYANG CHUB SEMS DPA' NI, NYON MONGS PA RNAMS LA RANG DBANG THOB PAR BYAS NAS DUS YUN RING BAR BYANG CHUB SGRUB PAR BYED DE, LAM SHES KYIS 'KHOR BAR SKYE BA LEN PA'I RGYU NYON MONGS PA LAM GYI GNAS SKABS KYI RNAM PA THAMS CAD DU CHED DU GNYER NAS SPANGS BA MIN PA STE SPONG BAR MI BYED PA ZHES BYA BA NI DE'I RGYUD KYI LAM SHES KYI RANG BZHIN NAM DANG TSUL YIN PA'I PHYIR TE, 'KHOR BA JI SRID GNAS KYI BAR DU SEMS CAN GYI DAN BYED PAR ZHUGS PA NYID KYIS SO, ,SNGA MA LA KHYAB PA YOD DE, GZHAN DU NA BYANG CHUB KYI SPYOD PA YONGS SU RDZOGS PAR MI 'GYUR BA'I PHYIR RO, ,'DIR SEMS BSKYED PA ZHES PA SEMS BSKYED LA BZUNG NAS NGO BO DANG BYED LAS SEMS BSKYED DANG, RGYAN SNANG DU LAM SHES KYI RA BSHAD PA GNYIS PHAN TSUN MTSON PA'I DON DU 'CHAD PA NI MIN TE, 'DIR RUNG BA YUL DES KHYAB PA GSUM GA LA LAM SHES SBYAR BAS LHAG MA GNYIS LA YANG SBYAR DGOS TE, RGYU MTSAN KHYAD PAR MED PAS SO, ,BYANG CHUB

, ,TU SEMS BSKYED PA ZHES PAS SEMS BSKYED KYI YIN PAR SBYOR NA, RGYAN SNANG DU YANG BYANG CHUB TU SEMS BSKYED PA NI LAM SHES BA NYID KYIS NYON MONGS PA RNAM PA THAMS CAD DU SPONG BAR MI BYED BA ZHES BYA BA 'DI'I RANG BZHIN YIN PAS ZHES 'BYUNG BAS DE LA YANG THAL BAR 'GYUR RO, ,'O NA MI SPONG BA'I NYON MONGS DE GANG ZHE NA, 'DI'I LAN LA GNYIS, SKYE BA LEN PA'I RGYU BSTAN, DE BRGAL LAN GYIS GTAN LA DBAB PA'O; ;DANG PO LA GNYIS LAS BSTAN BCOS NAS BSHAD PA NI, NYI SNANG LAS, BAG LA NYAL THAMS CAD NAS THAMS CAD DU MED PA NI MA RIG PA DANG LTA BA'I ZAG PAS BSDUS PA'I BAG LA NYAL YIN GYI, BYANG CHUB SEMS DPA' NI BSAMS BZHIN DU SRID PA LEN PA'I PHYIR, 'DOD PA DANG SRID PA'I ZAG PAS BSDUS PA NI MA YIN NO, ZHES GSUNGS LA, BAG LA NYAL DE GNYIS KYANG 'DOD PA DANG KHAMS GONG GI 'DOD CHAGS GNYIS KYI GNAS NGAN LEN LA BSHAD PAS DE LA 'DOD DGOS SO, ,GNYIS PA MDO NAS BSHAD PA LA YANG GNYIS LAS, BLO GROS RGYA MTSOS ZHUS PA LAS 'BYUNG BA NI, JI SKAD DU, DE DAG GI 'KHOR BA'I RGYU DGE BA'I RTZA BA DANG MTSUNGS PAR LDAN PA'I NYON MONGS PA GANG ZHE NA, 'DI LTA STE, BSOD NAMS KYI TSOGS YONGS SU TSOL BAS MI NGOMS PA DANG, BSAMS BZHIN DU SRID PAR SKYE BA YONGS SU 'DZIN PA DANG, SANGS

RGYAS DANG PHRAD PA DON DU GNYER BA DANG, SEMS CAN YONGS SU SMIN PAR BYA BA'I PHYIR MI SKYO BA DANG, DAM PA'I CHOS 'DZIN PA LA BRTZON PA DANG, SEMS CAN GYI BYA BA CI YOD PA LA 'GRUS PA DANG, CHOS LA CHAGS PA'I BSAM PA DANG MA BRAL BA DANG, PHA ROL TU PHYIN PA'I KUN TU SBYOR BA RNAMS MI 'DOR BA STE, ZHES GSUNGS PA 'DI BRGYAD DO, ,'DI DAG NI DGE RTZA YIN NA NYON MONGS MIN PAS DGE RTZA DANG MTSUNGS LDAN GYI NYON MONGS ZHES PA MI 'THAD PAR DRIS PA NI, DE NYID LAS, BCOM LDAN 'DAS GANG GI TSE DGE BA'I RTZI BA LAGS NA DE RGYU CI'I SLAD DU NYON MONGS PA ZHES BGYI, ZHES PA'O, ,LAN DU NYON MONGS DNGOS MIN KYANG DE'I MING GIS 'DOGS PA'I RGYU MTSAN NI, DE DANG BYED LAS MTSUNGS PAS YIN TE, NYON MONGS PAS KHAMS GSUM DU SBYOR BA 'DIS KYANG DER SBYOR BAS SO, ,DNGOS LA GNOD BYED NI, SEMS NYE BAR NYON MONGS PAR BYED MI NUS PAS SO, ZHES GSUNGS PA NI, BLO GROS RGYA MTSO 'DI LTAR DE LTA BU'I RANG BZHIN GYI NYON MONGS PA DE DAG GIS BYANG CHUB SEMS DPA' KHAMS GSUM DU KUN TU SBYOR LA, KHAMS GSUM PA YANG NYON MONGS PA LAS BYUNG BA YIN NO, ZHES DANG, JI SRID KHAMS GSUM BAR KUN TU SBYOR BAS YIN GYI SEMS NYE BAR NYON MONGS PAS NI MA YIN NO, ZHES SO, ,BTAGS PA'I DGOS PA NI, MDO LAS MA ZIN KYANG 'DI YIN

, ,TE; BYANG SEMS NI GZHAN DON LHUR LEN PA YIN NO ZHES BSTAN PA'I PHYIR TE, GZHAN DON DU SRID PAR NYID MTSAMS SBYOR BA'I PHYIR RANG DON DU NYON MONGS PA YANG MI SPONG BAR SHES PA'O, ,GNYIS PA DPAL PHRENG GI MDO LAS 'BYUNG BA NI, JI SKAD DU, BCOM LDAN 'DAS DPER NA LEN PA'I RKYEN GYIS ZAG PA DANG BCAS PA'I LAS KYI RGYU LAS SRID PA GSUM 'BYUNG BA DE BZHIN DU, BCOM LDAN 'DAS MA RIG PA'I BAG CHAGS KYI SA'I RKYEN GYIS ZAG PA MED PA'I LAS KYI RGYU LAS BYUNG BA DGRA BCOM PA DANG RANG SANGS RGYAS DANG DBANG THOB PA'I BYANG CHUB SEMS DPA' RNAMS KYI YID KYI RANG BZHIN GYI LUS GSUM 'BYUNG STE, ZHES PA STE, 'DIS KYANG ZAG BCAS KYI LAS NYON LA MI 'DOD DO, ,DE LA MA RIG PA'I BAG CHAGS KYIS NI, BSDU BA LAS, DE BZHIN GSHEGS PA'I YE SHES NYAG GCIG GIS SPONG BAR BSHAD PA'I ZAG BCAS KYI GNAS NGAN LEN PHRA MO STE, DE'I DPE LA SNGA RABS PA DAG ,GLA RTZI BLUGS PA'I SNOD NA DE MED KYANG DRI MA NAM PA BZHIN DU NYON MONGS DANG NYE NYON RNAMS SPANGS KYANG DE DAG GI RTEN BYAS PA'I BAG LA NYAL LO ZHES 'CHAD DO, ,ZAG MED KYI LAS NI NYON MONGS DANG MA 'DRES LA SRID PA'I RGYUR GYUR PA'I SEMS PA STE SNGAR BSTAN PA BRGYAD PO LTA BUR MNGON NO, ,GNYIS PA LA GNYIS, BTAGS PA'I MTHA' DGAG ,GNAS PA'I DON DGOD PA'O, ,DANG PO

NI; BOD SNGA RABS PA KHA CIG NYON MONGS MI SPONG BA'I DON NI, BYANG SEMS KYIS SEMS CAN GYI DON BYED PA LA SRID PAR SKYE BA LEN DGOS LA DE LA YANG RGYU NYON MONGS DGOS PAS DE RTZABS DANG RU MA BZHIN DU 'JOG PA YIN NO ZER BA DANG, AA DU LADHA SHA NI, NYON MONGS LA SDUG BSNGAL SKYED PA DANG, GNYEN PO SKYE BA'I GEGS BYED PA DANG, SRID PAR SKYE BA LEN PA DANG, RANG GI RIGS 'DRA SKYED PA'I NUS PA BZHI YOD PA LAS, DANG PO GNYIS SPONG ZHING PHYI MA GNYIS MI SPONG ZHES 'DOD PA LA, NYAN THOS KYIS DE GANG GIS SPONG, NYON MONGS KYI RTZA BA MA RIG PA DANG 'DZIN STANGS 'GAL BA'I GANG ZAG GI BDAG MED LA GOMS PAS SHE NA, 'O NA BYANG SEMS KYIS DE'I STENG DU CHOS KYI BDAG MED LA YANG GOMS PAR BYAS PAS 'JOG PAR 'DOD KYANG SPONG DGOS TE, 'GAL ZLA STOBS LDAN GRUB PAS SO, ,GZHAN YANG LAM SHES ZAG BCAS SU BSHAD PA'I ZAG PA DE YANG MA RIG PA DANG SRED PA SOGS LA 'DOD DGOS PAS SANGS RGYAS LA YANG YOD DGOS TE, DE LAM SHES KYIS NI RNAM PA THAMS CAD DU MI SPONG LA GNYEN PO GZHAN YANG MED PAS SO, ,GZHAN YANG SKYE PA LEN PA LA RGYU MA RIG PA DANG SRED SOGS DGOS NA, NYAN RANG DGRA BCOM THEG CHEN DU ZHUGS PAS SRID PA JI LTAR 'DZIN, MA RIG BAG CHAGS KYI SA DANG ZAG MED KYI LAS KYIS SO ZHE NA, BYANG SEMS LA DE GAR SONG, DES NA BYANG SEMS

, ,KYI DE NI SNYING RJE DANG SMON LAM DANG SEMS BSKYED SOGS KYI DGE RTZA NYID YIN LA, DE YANG NYON MONGS DANG BYED LAS MTSUNGS PAS DER BTAGS PA'O ZHES SNGON GYI MKHAS PA BYANG YE GSUNG BA NI, MDO 'BREL GYI GNAD MKHYEN PA'I BSHAD PAR SNANG YANG PHYI RABS PA DAG GIS LEGS BSHAD DU MA GO'O, ,DE LA 'DI SKAD KYANG BRJOD PAR BYA STE, GAL TE SKYE BA DE'I RGYU LAS NYON MTSAN NYID PA YIN NA, BYANG SEMS 'PHAGS PA DE DAG LAS DBANG GIS SKYE BAR THAL BA DANG, SKYE BA BLANGS PA DE LA 'GRO BA DE DANG DE'I SDUG BSNGAL GYIS GNOD PAR 'GYUR NA, DE YANG MI RIGS TE, RGYUD BLA MAR, 'PHAGS PAS 'CHI DANG RGA BA DANG, ,NA BA'I SDUG BSNGAL RTZAD NAS SPANGS, ,LAS DANG NYON MONGS DBANG GIS SKYE, ,DE LA DE MED PHYIR DE MED, CES DANG, 'GREL PAR YANG, 'KHOR BA NI 'DIR THAG PA MED PA'I DBYINGS NA KHAMS GSUM PA'I GZUGS BRNYAN YIN PAR 'DOD DO, ,DE NI ZAG PA MED PAS MNGON PAR 'DUS BYAS PA'I PHYIR 'KHOR BA YIN LA, ZAG PA DANG BCAS PA'I LAS DANG NYON MONGS PA SA MNGON PAR 'DUS MA BYAS PA'I PHYIR MYA NGAN LAS 'DAS PA YANG DE NYID DE, ZHES PAS SO, ,GZHAN YANG BLO GROS RGYA MTSO'I MDO LAS BSTAN PA'I SKYE RGYU DANG, 'DIR BSTAN PA'I NYON MONGS GCIG TU SGRIG PA DANG NYON MONGS BTAGS PA BA MIN PAR 'DOD PA NI SHIN TU YANG

'GAL LO, ,GNYIS PA NI, 'PHAGS PA DANG SLOB DPON GYIS BYANG SEMS DANG NYAN RANG GIS NYON MONGS MI SPONG BA DANG SPONG BAR GSUNGS PA'I DON CI, NYON MONGS PA DE YANG GANG ZHE NA, DE'I DON NI SPYIR NYON MONGS PA DANG BYE BRAG TU SKYE BA LEN PA'I RGYU NYON MONGS PA MI SPONG BA NI SKYE BA LEN PA LA NYON MONGS RGYUR DGOS NAS MI SPONG BAR BSHAD PA MA YIN TE, ,DE DAG SPANG BYA MA YIN NA NYON MONGS YIN PAR 'GAL LA, YIN NA YANG LAM SHES KYIS MI SPONG ZHING DE LAS GZHAN PA'I GNYEN PO YANG MED PA'I PHYIR, SANGS RGYAS SA NA YANG YOD PAR 'GYUR BA DANG, 'DI'I SKYE RGYU LA NYON MONGS MTSAN NYID PA DGOS NA MDO GNYIS DANG 'GAL BA'I PHYIR RO, ,'O NA CI ZHE NA, NYON MONGS KYI 'BRAS BU SRID PA LA SKRA GNAS DE BLOS 'DOR BA NYAN THOS LTAR MA YIN PAR GZHAN DON DU SRID PAR NYID MTSAMS SBYOR BA DON DU GNYER BA LA BSAMS NAS NYON MONGS MI SPONG BAR BSHAD DE, MDOR NA DE'I 'BRAS BU DANG 'DRA BA'I SRID PA MI SPONG BA LA DE MI SPONG BAR BTAGS PA TZAM MO, ,DE LTA MA YIN NA, MA RIG PA'I BAG LA NYAL MA LUS PAR SPANGS NA 'DOD SRED KYI BAG LA NYAL MA SPANGS PA 'GAL TE, RGYU LOG NA 'BRAS BU LDOG PA'I PHYIR RO, ,NYI SNANG LAS KYANG YONGS SU 'DZIN PA'I SHES RAB DANG SNYING RJE DAG GIS GO RIM BZHIN DU BYANG CHUB SEMS DPA' MA BCINGS MA GROL BAR SHES PAR BYA BAS NA 'DI NI GNAS NYID DU GSUNGS PA YIN

, ,TE; BYANG CHUB SEMS DPA'I SNYING RJE NI, ,SRID PAR DGA' BAR BYED PA STE, ZHES SNYING RJES BYANG SEMS RNAMS SRID PA LAS MI GROL BAR BYED PAR GSUNGS PAS SNYING RJE NYID SRID PAR SKYE BA'I RGYU YIN TE, RIN CHEN PHRENG BA LAS, 'ON KYANG DE NI SNYING RJE YIS, ,BYANG CHUB BAR DU SRID MTSAMS SBYOR, ZHES PA LTAR RO, ,GZHAN YANG BYANG SEMS KYIS THABS SHES KYIS NYON MONGS LA DBANG DU BYAS PAS NYES PA MI SKYED CING LAM SGRUB PA'I GROGS SU YANG 'GYUR BAS NYAN THOS LTAR MTHA' GCIG TU MI MTHUN PAR BZUNG NAS MI SPONG BA YANG NYON MONGS MI SPONG BA'I DON YIN NO, ,DE LTAR NAS THOB KYI SKYE BA LEN PA'I RGYU BSHAD PA 'DI NI MDO DANG, 'PHAGS PA KLU SGRUB, 'PHAGS PA THOGS MED, 'PHAGS GROL, SLOB DPON RNAMS KYI DGONGS PA GCIG TU DRIL BA'I MDO 'GREL GYI DGONGS PA STE, BYANG SEMS SNYING RJES ZHI BA LA MI GNAS PA'I GNAD MTHAR THUG PA'O, GSUM PA NI, SRID PAR SKYE BA GZHAN DON DU MI SPONG BA DE LTA BU'I RANG BZHIN CAN LAM SHES KYI BYED LAS NI SEMS CAN 'KHOR DU YONGS SU MA BSDUS PA YONGS SU SDUD PA DANG SOGS PAS DE SMIN PA DANG GROL BAR BYED PAS DE NI DE'I BYED PA YIN NO RGYU MTSAN NI, RANG DON DU YANG DAG PA'I MTHA' MNGON DU MI BYED PA DANG, RANG BZHIN MED RTOGS KYI SHES RAB DANG THABS LA MKHAS PA SNYING RJE CHEN PO DANG LDAN PAS SO, ,DE'I

'OG TU ZHES PA BSHAD PA'I RIM PA STON PA YIN PAS GONG MA GSUM LA YANG SBYAR RO, ,GNYIS PA LA GSUM, NYAN THOS DANG, RANG RGYAL DANG, BYANG SEMS KYI LAM MO, ,DANG PO LA GNYIS, LAM GYI NGO BO DANG, DE'I RGYU NGES 'BYED CHA MTHUN NO, ,DANG PO LA GSUM LAS, DANG PO NI, GONG GI TSUL DE LTAR LAM SHES KYI RTEN DANG SOGS PAS BYED LAS KYI BAR BRJOD NAS NYAN THOS KYI LAM GSUNGS SO, ,LAM SHES KYI SKABS SU NYAN THOS KYI LAM 'CHAD PA MI RIGS SHE NA, SKYON MED DE, LAM SHES KYI SKABS SU BYANG SEMS KYIS RANG LAM THAMS CAD RDZOGS PAR SKYED DGOS SHING LAM GZHAN THAMS CAD RDZOGS PAR SHES PAR BYA DGOS PAS SO, ,LAM SHES KYI SKABS ZHES PA SKABS DANG SBYAR LA SGOM PA DANG BSHAD PA'I SKABS GNYIS KA LA GZUNG NGO, ,MDO 'BREL NI, BRGYA BYIN GYIS RAB 'BYOR LA YUM GANG ZHES DRIS PA'I LAN DU GSUNGS SO, ,GNYIS PA LA GNYIS; DNGOS KYI DON MDO DANG SBYAR BA, LAM DE MDO BSTAN BCOS NAS GSUNGS TSUL LO, ,DANG PO NI, SHES PAR BYA'O, ,GANG DU NA, LAM SHES NYID SGOM PA'I TSUL LA STE SKABS SU NI'O, ,GANG NA, NYAN THOS KYI LAM BDEN BZHI MI RTAG SOGS BCU DRUG TU RTOGS PA 'DI'O, ,GANG GI SGO NAS NA, 'PHAGS PA'I BDEN PA BZHI DAG GI RNAM PA KHYAD CHOS BCU DRUG PO RTOGS PAR BYED PA NA MI DMIGS PAR RTOGS PA'I SGO

, ,NAS SO, ,MI DMIGS PAR RTOGS PA NI MTSON PA STE MDO NAS GSUNGS PA'I SBYOR BA'I DUS KYI SEMS BSKYED DANG MJUG GI BSNGO BA DANG BCAS PA'O, ,'DIR BZHI LAS SDUG KUN GNYIS KYI RNAM PA LA DMIGS PA NI, BYANG CHEN GYIS RNAM MKHYEN NYID DANG LDAN PA'I SEMS BSKYED PAS DE MI DMIGS PA'I TSUL GYIS GZUGS NI MI RTAG PA NYID DU YID LA BYA'O, ,SDUG BSNGAL BA NYID DANG, BDAG MED PA NYID DANG, ZHI BA NYID DANG, NAD NYID DANG, 'BRAS NYID DANG, ZUG RDU NYID DANG, SDIG PA NYID DANG, PHA ROL NYID DANG, 'JIG PA'I CHOS CAN NYID DANG, G-YO BA NYID DANG, RAB TU 'JIG PA NYID DANG, 'JIGS PA NYID DANG; 'GO BA'I NAD NYID DANG, NYE BAR 'TSE BA NYID DU YID LA BYA'O, ZHES SO, ,DE LA DANG PO'I BZHI TSAN GNYIS KYIS NI SO SO'I RNAM PA BRGYAD DANG DE NAS BDUN GYIS DE GNYIS KYI THUN MONG GI RNAM PA BSTAN TO,, 'GOG PA'I RNAM PA LA DMIGS PA NI, RNAM MKHYEN NAS TSUL GYIS MA RIG PA 'GAGS PAS 'DU BYED 'GAG PA NI BDAG MED PA NYID DU YID LA BYA'O, ,ZHI BA NYID DANG, DBEN PA NYID DANG, STONG PA NYID DANG, MTSAN MA MED PA NYID DANG, SMON PA MED PA NYID DANG, MNGON BAR 'DU BYA BA MED PA NYID DU YID LA BYA'O, ZHES SO, ,DE LA SDUG KUN 'GAGS PA NI 'GOG PA YIN LA, YAN LAG BCU GNYIS KYANG SDUG

KUN GYI RANG BZHIN YIN PAS DE 'GAGS PA 'GOG PAR 'THAD CING DE YANG DANG PO GSUM GYIS RNAM PA DANG PO GSUM DANG DE NAS BZHIS NGES 'BYUNG GI RNAM PA BSTAN TE, GSUM NI JI LTAR DANG THA MA NI GANG NGES 'BYUNG YIN PAS SO, ,LAM BDEN GYI RNAM PA LA DMIGS PA NI, BYANG CHEN RNAM MKHYEN NAS TSUL GYIS DRAN PA NYE BAR BZHAG PA BZHI SGOM MO, ZHES PA STE, DE BZHIN DU PHYOGS MTHUN LHAG MA DANG SNYOMS 'JUG GSUM DANG; STOBS NAS MA 'DRES PA'I BAR LA GSUNGS TE, 'DIS NI LAM GYI RNAM PA BSTAN TE, PHYOGS MTHUN SOGS DE RNAMS NI THAR PAR PHYIN BYED YIN PAS SO, ,YANG THOG MA SNGAR BZHIN LA SBYIN PA'I PHAR PHYIN LA SPYOD ZHES DANG DE BZHIN DU LHAG MA LNGA LA GSUNGS PAS NI RIGS PA BSTAN TE, PHYIN DRUG GIS NI RTOGS BYA MA LUS PA RTOGS PA YIN LA RIGS PA'I DON YANG DE YIN PAS SO, ,YANG BYANG TSE CHOS GANG GIS CHOS RNAMS SBYOR BAR BYED PA DANG, CHOS KYIS CHOS RNAMS SNYOMS PAR BYED PA DANG, YONGS SU RDZOGS PAR BYED PA DANG, YONGS SU RGYAS PAR BYED PA LA SO SOR BRTAGS PAS BDAG MED PA NA CHOS THAMS CAD NI 'DI TZAM STE BDAG GAM BDAG GI BA DANG BRAL BA'O, ZHES GSUNGS NAS DE'I 'THAD BAR BYANG CHUB DANG, DGE RTZA DANG, YONGS SU BSNGO BA'I SEMS GSUM MI 'GROGS PA DANG, DE'I 'THAD PAR DE GSUM PHAN TSUN GCIG

, ,LA GCIG MED PA'I PHYIR ZHES GSUNGS TE, 'DIS SGRUB PA'I RNAM PA BSTAN TE, PHYIN CI MA LOG BAR RTOGS BAR BYED PA NI DE'I DON YIN LA 'DIS KYANG DE BSTAN PAS SO, ,YANG BTZUN PA RAB 'BYOR JI LTAR NA YONGS SU BSNGO BA'I SEMS BYANG CHUB KYI SEMS DANG 'GROGS PA MA YIN, JI LTAR NA BYANG CHUB KYI SEMS YONGS SU BSNGO BA'I SEMS DANG 'GROGS BA MA YIN, JI LTAR NA YONGS SU BSNGO BA'I SEMS BYANG CHUB KYI SEMS LA MED CING MI DMIGS, JI LTAR NA BYANG CHUB KYI SEMS YONGS SU BSNGO BA'I SEMS LA MED CING MI DMIGS ZHES DRIS PA'I LAN DU, DE DAG SEMS MIN PAS GCIG GIS GCIG BSNGO MI NUS PAR BSTAN TE, 'DIS MNGON ZHEN MED PAR THAR PAR 'GRO BA BSTAN PAS NGES 'BYIN BSTAN TO, ,MDO SBYOR TSUL 'DI NI NYI SNANG LE BRGYAD MA RNAM 'GREL RNAMS KYI DGONGS PA YIN LA, SH'ANTI PAS RTEN 'BREL BCU GNYIS 'GAGS PAR BSTAN PA LA GANG 'GOG PA DANG, GANG GIS 'GOG PA GNYIS SU BYAS NAS 'GOG LAM GNYIS KA LA BDUN BDUN SPYAR NAS RNAM PA NYER DGUR BSHAD DE, ZLA 'OD DU YANG 'GOG PA'I BDUN THOB BYA DANG LAM GYI BDUN THOB BYED DU BSHAD DO, ,GNYIS PA LA GSUM, MDO'I SGRAS? ZIN GYIS JI LTAR BSTAN PA DANG, DON DE RTZABS JI LTAR BSDUS PA DANG, DE GNYIS 'GREL BYED RNAMS KYIS JI LTAR SBYAR BA'O, ,DANG PO NI, GZUGS SOGS

KYI CHOS RNAMS LA MI RTAG SOGS KYI RNAM PAR YID LA BYA'O ZHES GSUNGS LA DE YANG YID LA BYED PA PO BYANG SEMS DANG, KUN SLONG THEG DMAN 'DOD PA DANG, MA 'DRES PA'I RNAM MKHYEN YID BYED DANG YID LA BYED TSUL MI DMIGS PA'I RNAM BAR YID LA BYA BAR GSUNGS SHING, LAM BDEN GYI MDOR DON DAM PA'I BSNGO BA YANG BSHAD PAS DE GONG DU BLANGS PAS MTHAR BSNGO BA YANG GSUNGS SO, ,DES NA 'DI'I SGRAS ZIN LA NYAN THOS KYI LAM MED DE, YOD NA MI RTAG SOGS SU YID LA BYED PA LA 'DOD DGOS NA, DE NI SNGAR LTAR RTEN KUN SLONG YID BYED MTHAR BSNGO TSUL RNAMS BYANG SEMS 'BA' ZHIG DANG 'BREL BAR GSUNGS PAS SO, ,DES NA MDO'I DNGOS BSTAN NI YUL CAN LAM SHES NYID DO, ,'DI LA KHA CIG DE MI 'THAD DE, LAM SHES KYI YUL NI NYAN THOS KYI LAM YIN DGOS LA, 'DIR NI BDEN BZHI'I RNAM PA NYID BSHAD PAS SO ZHES SUN 'BYIN PA NI LTAR SNANG YIN TE, DE'I LAM SHES PAR BYED PA NA YANG DMIGS YUL 'DI LA RNAM PA 'DI LTAR DMIGS PA ZHIG CES SHES PAR BYED KYI YUL DANG BRAL BA'I YE SHES YAN GANG BDE'I DMIGS RNAM BCAD PAR MI NUS PA DANG DMIGS RNAM MA BCAD PAR YANG SHES PA'I RAB DBYE RTOGS BAR MI NUS PAS SO, ,GNYIS PA NI, RJE BTZUN GYIS MI RTAG SOGS SU YID LA BYA BA'I GZHI RNAMS BDEN BZHI DANG, GANG GI NGO BOR YID LA BYA RGYU RNAMS BDEN BZHI'I

, ,RNAM PA BCU DRUG DANG, YID LA BYED DUS LAM SHES KYI SKABS DANG SHES PAR BYA RGYU DE NYAN THOS KYI LAM YIN PAR BSDUS SO, ,SHES PAR BYEDPA PO BYANG SEMS YIN YANG SLA BAR DGONGS NAS MA BSDUS SO; ;DE LTAR NA MDO'I DON 'DIR BKRAL TE, MI RTAG SOGS BCU DRUG TU YID LA BYED PA NI NYAN THOS KYI LAM STE SHES PAR BYA RGYU'O, ,BDEN BZHI'I RNAM PA RNAMS MI DMIGS BAR YID LA BYED PA NI LAM SHES KYI SA LAM DE SHES PAR BYED PA'I SGO'AM THABS SO, ,RTZA BA'I GZHUNG YANG LAM SHES NYID KYI TSUL LA NI, ,'PHAGS BA'I BDEN PA BZHI DAG GI ,RNAM PA MI DMIGS SGO NAS NI, ,NYAN THOS LAM DU SHES PAR BYA, ZHES SBYAR BAS YUL DANG GZHUNG SOR BZHAG PAS YUL CAN BSTAN PAR 'GYUR RO, ,MDO'I SGRAS ZIN LA RNAM PA RNAMS SHES RGYU DANG, MI DMIGS PA SHES CHUL LA SBYAR YANG, BSTAN BCOS SU NYAN THOS KYI LAM SHES PAR BYA RGYU DANG RNAM PA RNAMS MI DMIGS PAR RTOGS PA SHES TSUL LA MDZAD DO, ,DE LTAR BYUNG YANG MI MTHUN BAR MI BSAM STE, MNGON RTOGS KYI DON NI, MDO'I NING DU GAB PAS DE 'GREL BA LA RJE BTZUN NYID TSAD MA YIN BAS SO, ,GSUM PA NI, NYI SNANG LAS, NYAN THOS KYI LAM GYI BDEN PA BZHI LA DMIGS PA'I RNAM PA BCU DRUG GI RNAM PAR BZHAG PA BSHAD ZIN TO, ZHES BDEN BZHI LA MI RTAG SOGS TZAM DU YID LA BYED PA

NYAN THOS KYI LAM DANG MI DMIGS PA'I TSUL GYIS BDEN PA'I RNAM PA YID LA BYED BA NI THEG DMAN 'DOD PA DANG, MA 'DRES PA'I RNAM MKHYEN YID BYED DANG 'BREL BAR GSUNGS SHING RNAM 'GREL DU YANG DE LTAR RO, ,RGYAN SNANG LAS KYANG, DE LTAR RIM PA 'DIS THEG PA CHEN POR RNAM PA LA LA RNAM GRANGS KYIS, LA LA RANG GI NGO BO NYID DU BSTAN PAS NYAN THOS KYI LAM MA YIN PA NYID DU THAL BAR MI 'GYUR RO, ZHES NYAN THOS KYI THEG PAR RNAM PA BCU DRUG DANG, THEG PA TSAN POR RNAM PA SO GSUM BSHAD PA GNYIS GRANGS MA MTHUN PAS 'DIR BSTAN DE'I LAM MA YIN NAM SNYAM PA'I DOGS GCOD MDZAD PA DANG, DAG LDAN LAS KYANG, 'DIR RNAM PA NYI SHU RTZA DGU NI NYAN THOS KYI LAM YIN TE, DE'I BYANG CHUB THOB PAR BYED PA'I PHYIR RO, ,DE NI DE DAG MI DMIGS PAS LAM SHES PA NYID LA 'JUG STE, SNGAR YANG BYANG CHUB CHEN PO LA SMON PA'I PHYIR DANG PHYIS KYANG RNAM PA THAMS CAD MKHYEN PA NYID DU BSDUS PA'I PHYIR RO, ZHES DANG POR SEMS BSKYED DANG MTHAR RNAM MKHYEN DU STOB PA'I BSNGO BA DANG LDAN PAS DNGOS GZHI'I TSE MI DMIGS PAR RTOGS PAS LAM SHES SGOM PA LA 'JUG PA DANG, RNAM PA NYER DGU RTOGS PA NYAN THOS KYI LAM LA GSUNGS PA'I PHYIR RO, ,DES NA SPYIR BYANG SEMS LA MI RTAG SOGS BCU DRUG RTOGS PA'I RNAM PA YOD KYANG SKABS 'DIR NI MI RTAG

, ,SOGS SU MI DMIGS PA CHOS LA BDAG MED PA'I RNAM PA CAN YIN PAS DE BYANG SEMS DANG, MI RTAG SOGS SU DMIGS PA GANG ZAG LA BDAG MED PA'I RNAM PA CAN YIN PAS NYAN THOS LA BZHAG GO ;KHA CIG 'DIR NYAN THOS RANG RGYUD PA'I LAM BSTAN PA BKAG NAS, DMIGS YUL GYI NYAN THOS KYI LAM ZHIG BSTAN GSUNG BA BYIS PA 'DRID PA'I TSIG STE, BSTAN BA DE NYAN THOS KYI LAM MIN NA DE'I LAM BSTAN PAR 'DOD PA NYAMS LA, YIN NA NYAN THOS RANG RGYUD PA'I LAM DU 'GYUR RO, ,GAL TE BYANG SEMS KYIS MI RTOG LA SOGS BCU DRUG RTOGS PA'I TSE DE LA NYAN THOS KYI LAM ZER NA DE LA YANG YIN MIN BRTAGS NA 'JIG GO ,'DI NYAN THOS KYI LAM DU 'DOD NA SBYOR LAM YANG 'DOD DGOS LA, DE LTAN CHOS KYI BDAG MED KYI RNAM PA CAN DU GSUNGS PA 'GAL ZHE NA, MI 'GAL TE, BDEN PA'I DMIGS RNAM CAN DU GSUNGS PAS 'DI DANG DMIGS RNAM MTSUNGS SO, ,CHOS KYI BDAG MED KYI RNAM PA LTAR BSTAN PA NI, MDO'I TSIG NAS BYUNG TSAD BSDUS PA YIN LA, DE YANG GANG ZAG LA BDAG MED PA'I STENG NAS BKRAL DGOS TE, NYAN THOS 'PHAGS LAM GYI RGYU'I DBANG DU BYAS PAS SO, ,DPER NA, DE NI MTSAN MAR DMIGS SGO NAS, ZHES PA'I MDO DANG RANG RGYAL LAM GYI RTEN GYI SKABS SU BYANG SEMS KYIS YUM

'DI 'DOR BA DANG LEN PA LA BYANG SEMS PHYIR MI LDOG PA RNAMS BSTAN PA NYAN RANG LA SBYAR DGOS PA BZHIN NO, ,YANG NA RTZABS BSTAN BA'I RNAM PA BZHI BYANG SEMS KYIS NYAN THOS KYI SBYOR LAM SHES PAR BYED PA'I RNAM PA LA BYA'O, ,GSUM PA LA GNYIS, SHES PAR BYA BA'I LAM, DE SHES PAR BYED PA'I TSUL LO, ,DANG PO LA GNYIS, KUN NYON DANG, RNAM BYANG GI BDEN PA GNYIS KYI RNAM PA'O, ,DANG PO LA GNYIS, SO SO BA DANG THUN MONG GI RNAM PA'O, ,DANG PO LA GNYIS, SDUG BSNGAL DANG, KUN 'BYUNG GI RNAM PA'O, ,DANG PO NI, BDEN PA BZHI'I RNAM PA BSTAN DGOS PA DE LA STE DE'I NANG NAS DANG BOR SDUG BSNGAL GYI BDEN PA'I RNAM PA BZHIN NI MDOR GSUNGS PA'I GO RIM BZHIN DU BRJOD PAR BYA'O, ,'DI 'OG MA RNAMS LA YANG SBYAR RO, ,GANG ZHE NA, SKYE ZHING 'JIG PAS MI RTAG PA DANG, ZAG PA DANG BCAS SHING 'PHAGS PA RNAMS DANG MI MTHUN PA'AM DE'I NGOR MI 'DOD PA'I RNAM PAR SNANG BAS SDUG BSNGAL BA DANG, DON GZHAN GYI BDAG GIS STONG BAS BDAG MED PA DANG, NGO BOR GYUR PA'I BDAG MED PAS BDAG MED DE'I MTSAN NYID DE RANG BZHIN ZHI BA'I RNAM PA STE DE LTAR BZHI'O 'DIR GZHUNG LAS STONG PA DANG BDAG MED PA STE DE DAG GI MTSAN NYID ZHI BA'I RNAM PA BZHI DAG DANG ZHES PA NI MA DAG STE, 'GREL CHEN GNYIS DANG MDO GANG DANG YANG MI MTHUN PAS SO, ,DES NA RTOGS DKAR STONG

, ,PA'I MTSAN NYID KYI BDAG MED PA DANG DE'I MTSAN NYID ZHI BA'I RNAM PA ZHES BSGYUR BA LTAR GZUNG NGO, ,DE LTAR NA BDAG MED DANG ZHI BA GNYIS STONG PA DANG, BDAG MED KYI RNAM GRANGS SO, ,SH'ANTI SA, THA MA GNYIS BDAG DANG BDAG GI BA MED PA LA BSHAD KYANG MNGON PA NAS GONG MA BSHAD DO, ,BDAG MED NGO BO'I RNAM BAR MI BYED BA CI ZHE NA, MDO NAS DE BZHI PAR BSHAD NA DE LTAR YIN KYANG GSUM PAR BSHAD PA LA DGONGS SO, ,GNYIS PA NI, KUN 'BYUNG BA'I BDEN PA'I NGO BO'I RNAM PA BZHI LAS, DANG PO NI, SDUG BSNGAL GYI RTZA BA'I RGYU YI NGO BO NYID YIN PAS NAD LTA BU DANG, GNYIS PA NI SDUG BSNGAL GYI PHUNG PO KUN 'BYUNG BA'I NGO BO NYID KYIS 'BRAS LTA BU DANG, GSUM PA NI, SDUG BSNGAL DRAG PO 'PHRAL DU SKYE BA'I NGO BO NYID KYIS ZUG RNGU LTA BU DANG, BZHI PA NI, SDUG BSNGAL BRGYUD MAR 'BYUNG BAS SHIN TU 'JOMS PA'I RKYEN GYI NGO BO NYID KYIS SDIG PA LTA BU'I RNAM PA BZHI RNAMS SO, ,DE LTAR NAD LA SOGS PA BZHIS NI DPE'I SGO NAS DE BZHI BSTAN TO, ,GNYIS PA NI, SDUG BSNGAL DANG KUN 'BYUNG GI BDEN PA DE DAG NYID LA SO SOR TE RE RE LA YID 'BYUNG BA 'DOD CHAGS DANG BRAL BA 'GOG PA'I RNAM PA GSUM YOD PA LAS, DANG PO'I MTSAN NYID DE NGO BO NI PHYIR RGOL BAS PHA ROL DANG, PHYIR RGOL BAS 'JIG PA'I CHOS CAN YIN PAS 'JIG PA'I CHOS CAN

GYI RNAM PA'I NGO BO NYID DAG STE GNYIS SO, ,PHYIR RGOL GNOD PAR ZHUGS PAS PHA ROL DGRA LTA BU DANG, GNOD PAS 'JIGS SHING YID BRTAN DU MI RUNG BAS 'JIG PA'I CHOS CAN ZHES KYANG ZER RO, ,'DI GNYIS SU YID LA BYAS PAS SDUG KUN LA YID 'BYUNG BAR 'GYUR TE, MI SKYO BA NI DE LA RING DU GNAS PA DANG SKYON DANG LDAN PAR MA MTHONG BAS YIN LA 'DIS MI GNAS PA DANG GNOD PAR MTHONG BAS SO, ,GNYIS PA'I NGO BO NI RANG GI NGO BOR RING DU MI GNAS PAS SAM DGRA BCOM GYI LAM RNAL MAS RTZAD NAS SPONG BAS G-YO BA DANG, 'JIG RGYU LAM LTOS PAR RANG GIS 'JIG PA'AM SKABS SU BAB PA DO SKAL GYI GNYEN POS 'JIG PAS RAB TU 'JIG PA'I RNAM PA DAG STE GNYIS SO, ,'DI GNYIS SU YID LA BYAS PAS SDUG KUN LA CHAGS PA DANG BRAL BAR 'GYUR TE, CHAGS PA NI MI 'BRAL BA'I RNAM PA CAN YIN LA 'DIS MYUR DU 'BRAL BAR RTOGS PAS SO, ,GSUM PA'I RANG GI NGO BO NI 'DI PHYI GNYIS SU GNOD PA'I GNAS SU GYUR PAS 'JIGS PA DANG, SRIN PO LA SOGS PA'I SEMS YOD KYI NYER 'TSE'I YUL DU GYUR PAS 'GO NAD LTA BU DANG, 'BYUNG BA 'KHRUG PA DANG THOG 'BAB PA SOGS SEMS MED KYI GNOD GNAS YIN PAS NYE BAR 'TSE BA'I RNAM PA RNAMS TE GSUM MO, ,'DI GSUM DU YID LA BYAS PA'I SGO NAS SDUG KUN GNYIS 'GOG PAR 'GYUR TE, MI 'DOR BA NI DE'I NYES PA MA MTHONG

, ,PAS YIN LA 'DI DAG GI NYES DMIGS MTHONG BA'I PHYIR RO, ,'O NA SDUG KUN LA RNAM PA DE GSUM YOD PAR CIS SHES SHE NA, LUNG LAS SO ZHES STON PA NI, DE GNYIS LA 'PHAGS PA NYAN THOS RNAMS YID 'BYUNG BA STE SKYO PAR BYA BA DANG, 'DOD CHAGS DANG BRAL BA STE YUL LA RGYAB KYIS PHYOGS PAR BYA BA DANG, 'GOG PA STE ZAG BCAS KYI SEMS SEMS BYUNG MI RGYU BA'AM PHRA BAR 'JUG PA'I GNAS SKABS GSUM PO DE'I PHYIR DU ZHUGS PA STE LAM NYAMS SU LEN PA DANG LDAN PA YIN NO ZHES 'BYUNG BA'I PHYIR NA DES GRUB BO, ,GANG LAS 'BYUNG NA RTOGS DKAR NYAN THOS KYI LUNG LAS ZHES ZER YANG, RNAM GRANGS BSDU BA LAS, YID 'BYUNG BA NI MTHONG BA'I LAM LA'O, ,'DOD CHAGS DANG BRAL BA NI SGOM PA'I LAM YONGS SU RDZOGS PA DAG LA'O, ,'GOG PA NI PHUNG PO THAMS CAD 'GOG PA'O, ,YID 'BYUNG BA DANG 'DOD CHAGS DANG BRAL BA LA ZHUGS PA NI DE GNYIS KYI SBYOR BA LA GNAS PA RNAMS YIN NO, ,'GOG PA LA ZHUGS PA NI MI SLOB PA RNAMS YIN NO, ZHES SO, ,DE LA SGOM LAM YONGS SU RDZOGS PA NI SGOM LAM THA MA YIN LA, SBYOR BA LA GNAS PA NI RIM PA LTAR SBYOR LAM DANG MTHONG LAM LA MNGON NO, ,'DI LA BYANG YES, NYAN THOS RNAMS MTHONG LAM DU SDUG KUN GYI SKYON MNGON SUM DU MTHONG BAS YID 'BYUNG BA YIN PAS SBYOR LAM

DU DE'I PHYIR ZHUGS, SGOM LAM DU DE DAG SPANG RUNG DU MTHONG NAS CI RIGS PAR SPONG ZHING RGYAB KYIS PHYOGS BAR BYED PAS 'DOD CHAGS DANG BRAL BAS YIN PAS MTHONG LAM DU DE'I PHYIR ZHUGS, MI SLOB LAM NA LHAG BCAS SU KUN 'BYUNG DANG LTAG MED DU SDUG BSNGAL 'GOG BA YIN PAS SGOM LAM DU DE'I PHYIR ZHUGS ZHES 'CHAD PA NI, DANG PO GNYIS SBYAR DU RUNG YANG THA MA 'DI RNAM GRANGS BSDU BA DANG 'GAL BAS MI 'THAD DO, ,'DIR LUNG 'DI 'DREN PA'I RGYU MTSAN NI, MDO NAS GSUNGS PA'I RNAM PA BCO LNGA PO DE BDEN BZHI'I RNAM PA LA NI SBYAR DGOS LA, ZAG MED GNYIS LA MI 'GRIG PAS ZAG BCAS GNYIS LA SBYAR BA NA DE GNYIS KYI NGO BO'I RNAM PA BRGYAD LA RE RE SBYAR ZIN PA'I RJES SU BDUN LUS BA SDUG KUN GNYIS LA THUN MONG DU SBYOR BAR DGONGS PA NA, SBYAR BA'I GZHI GZUNG BA'I PHYIR, DE GNYIS LA RNAM PA DE GSUM YOD PAR LUNG GIS SGRUB DGOS PAS LUNG 'DI DRANGS PA YIN TE 'DI YANG DANG POR 'PHAGS PAS MDZAD DO, ,LUNG 'DI 'DREN DGOS PA'I RGYU MTSAN DANG, GANG GI SHES BYED DU DRANGS PA RNAMS NI t'IKA RTZOM PA RNAMS KYI SLO LA GSAL POR MA SHAR BAS ZHIB BAR BRIS SO; ;SH'ANTI PAS NAD KYI RNAM PA LA SOGS PA BCU GCIG PO DE KUN BDEN NYID LA SBYOR TE, DE YANG DANG PO BZHI DANG DE NAS BZHI DANG DE NAS GSUM GYIS RIM PA LTAR DE SPANG DGOS PA DANG, SPANG NUS PA DANG, MYUR

, ,DU SPANG DGOS PAR BSTAN PAR 'CHAD DO, ,GNYIS PA LA GNYIS, 'GOG PA DANG LAM GYI RNAM BA'O, ,DANG PO NI, 'GOG PA'I BDEN PA'I NGO BO'I RNAM PA BZHI LAS, 'GOG PA'I RANG GI NGO BO BDAG 'DZIN GYI NYON MONGS SAM SDUG BSNGAL GYI DNGOS PO MED PA'I PHYIR BDAG MED BA DANG, SDUG BSNGAL LAM NYON MONGS ZHI BA'I PHYIR ZHI BA DANG, GYA NOM PA'I BDAG NYID BDE GTZANG GI DNGOS PO YIN PAS SAM MI GTZANG BAS DBEN PA'I PHYIR DBEN PA DANG, NGO BO'I RNAM PA NGES PAR 'BYUNG BRTAG PHAN GYI MTSAN NYID NI BDAG DANG BDAG GI BA DANG BRAL BAS STONG PA DANG, 'DUS BYAS KYI MTSAN MA DANG BRAL BAS MTSAN MA MED PA DANG, KHAMS GSUM PA LA SMON PA ZAD PAS SMON PA MED PA DANG, MA 'ONGS PA'I SKYE 'GYUR GYI LAS MNGON PAR 'DU MI BYED PAS MNGON PAR 'DU BYED PA MED PA'I RNAM BA DAG STE, DANG PO GSUM JI LTAR DANG THA MA GANG NGES 'BYUNG NGO, ,DE LA 'DI'I NGES 'BYUNG NI THOB BYA YIN LA, JI LTAR DANG GANG GI DON NI JI LTAR NA NGES 'BYUNG ZHES 'THOB TSUL DANG, NGES 'BYUNG GANG ZHES NGO BO GNYIS LA BSHAD PAR BYA'O, ,GNYIS PA NI, LAM GYI BDEN PA'I RNAM PA BZHI NI, THAR PAR PHYIN PAR BYED PAS LAM DANG, NYON MONGS KYI GNYEN PO BYED PAS RIGS PA DANG, SEMS PHYIN CI MA LOG PAR SGRUB PAS SGRUB PA DANG, BDAG TU MNGON PAR MA ZHEN

PAS MYANG 'DAS RTAG GNAS SU 'GRO BAS NGES PAR 'BYIN PA STE RNAM PA ZHES GONG MA KUN LA YANG SBYAR RO, ,GNYIS PA NI, YONGS SU SHES PAR BYA'O, ,GANG NA SDUG KUN SO SO'I RNAM PA BRGYAD THUN MONG DU BCU BZHI 'GOG PA'I BDUN LAM GYI BZHI STE RNAM PA SO GSUM RTOGS PA'I YUL CAN GYI RNAM PA RNAMS SO, ,'DIR RTOGS DKAR NGES 'BYUNG GI BZHI GCIG TU BYAS NAS SUM CUR DANG, SHER 'BYUNG GIS SDUG KUN GNYIS LA LHAG PA BDUN DANG, 'GOG BA LA MTSAN MED SMON MED 'DU BYA BA MED PA GSUM LHAG PAR BYAS NAS LHAG PA BCU THUN MONG MA YIN PA'AM MI 'DRA BA BZHI BZHI STE BCU DRUG DANG BCAS PAS NYER DRUG TU 'DOD PA NI 'GREL CHEN GNYIS KYI DGONGS PAR MI SNANG NGO, ,GANG GIS NA, BYANG SEMS SOGS SO, ,GANG DU NA, LAM SOGS SO, ,GANG GI SGO NAS NA SBYOR BA'I DUS SU SEMS BSKYED DE, MJUG TU BSNGO BA, DNGOS GZHI'I DUS SU DE DAG GI NGO BO NYID CIR YANG MI DMIGS PAR RTOGS PA'I KHYAD PAR GSUM LDAN GYI SGO NAS SO, ,GANG YIN BAR NA, NYAN THOS SOGS SO, ,'DI LA SH'ANTIS NYAN THOS KYI MTHONG LAM DU BSHAD PA'I RJES SU AA BHYAS 'BRANGS KYANG LAM GSUM GA? DGOS TE, BYANG SEMS KYIS NYAN THOS KYI LAM 'BRAS BU DANG BCAS PA LA MKHAS PAR BYA DGOS PAS SO, ,TSUL NI, MDO BSTAN BCOS SU SHES PAR

, ,BYED TSUL BSTAN PA DE LTAR RO, ,GNYIS PA LA GSUM LAS, DANG PO NI, 'BRAS BU NYAN THOS KYI 'PHAGS LAM BRJOD NAS DE'I 'OG TU DE'I RGYU NGES CHA GSUNGS TE, BDEN PA BZHI YONGS SU SHES PA STE MNGON SUM DU RTOGS PA'I NYAN THOS KYI LAM LA NI DE'I RGYU NGES CHA RTOGS PA STE THOB PA SNGON DU 'GRO BA CAN YIN PAS SO, ,GNYIS PA NI, 'PHAGS PA NYAN THOS KYI LAM GYI RGYU SBYOR LAM LA NI BZHI YOD PA LAS DANG PO GZUGS SOGS RANG RANG GIS STONG PA'I PHYIR, DE DAG GI STONG NYID RNAMS DBYER MED PAR BSTAN PAS BSHAD PA'I DRO BA NI, KOO SHI KA GZUGS NI GZUGS KYIS STONG, KOO SHI KA TSOR BA DANG 'DU SHES DANG, 'DU BYED RNAMS DANG RNAM PAR SHES PA NI RNAM PAR SHES PAS STONG NGO, ,BYANG SEMS NI BYANG SEMS KYIS STONG NGO, ,KOO SHI KA GZUGS KYI STONG PA NYID GANG YIN PA DANG, TSOR BA DANG 'DU SHES DANG 'DU BYED RNAMS DANG RNAM BAR SHES PA'I STONG PA NYID GANG YIN PA DANG, BYANG SEMS KYI STONG PA NYID GANG YIN PA DE LA GNYIS SU MED CING GNYIS SU BYAR MED DO, ZHES SO, ,GNYIS PA GZUGS SOGS DE DAG RANG GI NGO BOR MI DMIGS PAS DE DAG LA SPYIR MI GNAS PAS BSHAD PA NI RTZE MOR GYUR PA DAG TU 'DOD DE, KOO SHI KA 'DI LA BYANG CHEN GYIS DMIGS PA'I TSUL GYIS GZUGS LA GNAS

PAR MI BYA'O, ,TSOR BA DANG 'DU SHES DANG 'DU BYED RNAMS DANG RNAM PAR SHES PA LA GNAS PAR MI BYA'O, ZHES SO, ,GSUM PA GZUGS SOGS DE DAG LA RTAG PA DANG MI RTAG PA LA SOGS PA'I TSUL GYIS GNAS PA BKAG PA STE MI GNAS PAR BSTAN PAS BSHAD PA'I BZOD BA NI, DMIGS PA'I TSUL GYIS GZUGS RTAG CES BYA BAR GNAS PAR MI BYA'O, ZHES DANG, DE BZHIN DU MI RTAG BA DANG, BDE SDUG , BDAG YOD MED; ZHIM ZHI, DBEN MI DBEN, STONG MI STONG, MTSAN MA YOD MED, SMON PA YOD MED CES BYA BAR GNAS PAR MI BYA BAR GSUNGS SO, ,BZHI PA RAB DGA' SOGS SA BCU DAG LAS BRTZAMS PA STE DE THOG MAR BYAS NAS NI MI GNAS PA'I TSUL RGYAS PAR BSTAN PA YIS BSHAD PA'I CHOS KYI MCHOG TU GYUR PA NI, KOO SHI GA GZHAN YANG BYANG CHEN GYIS SA DANG PO LA DMIGS PA'I TSUL GYIS GNAS PAR MI BYA'O, ZHES SO; ;CHOS DE DAG LA GNAS PAR MI BYA BA CI'I PHYIR ZHE NA, SANGS RGYAS SOGS SO, ,DE CI'I PHYIR ZHE NA, 'DI LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BLA MED RDZOGS BYANG DU MNGON PAR RDZOGS PAR SANGS RGYAS NAS CHOS THAMS CAD MA DMIGS PA'I PHYIR RO ZHES PA'O, ,'DI BZHI KA LA RGYU MTSAN DU SBYOR BA NYI SNANG GI DGONGS PA YIN LA, DE LA YANG RKANG PA GNYIS PAS YUL

, ,MI DMIGS PA DANG, THA MA GNYIS KYIS YUL CAN GYI MA DMIGS PA'I SGRUB BYED BSTAN PAS GNYIS KA YANG THAMS CAD LA SBYAR NA LEGS SO, ,SH'ANTIS 'PHAGS PA NYAN THOS LAM YIN NO ZHES THA MAR 'DON NO, ,MDO DE DAG GIS SBYOR LAM BZHI BSTAN PA'I RGYU MTSAN NI DE DAG GIS DE BZHI SHES PA'I LAM SHES BSTAN LA YUL DE BZHI LA KHYAD PAR DU GYUR PA'I RIM PA BZHI YOD PA LTAR, MDO TSAN PA BZHI PO DER YANG RIM PA LTAR YUL STONG NYID DU BSTAN PA TZAM DANG, YUL LA SPYIR MNGON ZHEN TZAM DANG BYE BRAG GI MNGON ZHEN DU MA DANG DE LAS KYANG RNAM GRANGS MANG PA'I MNGON ZHEN GYI CHA BKAG PA'I RIM PA BZHI GSUNGS PA DANG CHA MTSUNGS PA'I RGYU MTSAN GYIS YIN NAM SNYAM MO, ,GSUM PA NI, SKYE BA YIN NO ZHES BYA BA YIN NO, ,GANG NA, NYAN THOS KYI NGES CHA BZHI DANG DE SHES PA'I LAM SHES GNYIS SO, ,GANG LA NA, NYAN THOS DANG BYANG SEMS LA'O, ,YUL GANG LA RNAM PA GANG GIS DMIGS PAS SBYOR LAM SKYE NA, BDEN PA BZHI'I DMIGS PA LA MI RTAG SOGS BCU DRUG TU DMIGS BA LA BRTEN NAS SO, ,LAM SHES SKYE BA'I DMIGS PA GANG NA, NYAN THOS KYI SBYOR LAM YUL DANG BCAS PA'O, ,DE'I RNAM PA GANG NA, RTOGS BYA GZUGS SOGS DANG, RTOGS PA PO BYANG SEMS KYI STONG PA NYID RNAMS PHAN TSUN GCIG LA GCIG THA DAD PA MED PAR MDO LAS

JI SKAD DU BSTAN PA ZHES BYA BA'I RNAM BA NGES DMIGS PAS DRONG SKYE BAR SHES SO, ,JI SKAD DU BSTAN PA ZHES PA NI LHAG MA RNAMS LA YANG SBYAR RO, ,THA DAD MED PA'I RGYU MTSAN NI, GZUGS SOGS PHUNG PO DANG BYANG SEMS RNAMS RANG RANG GI NGO BOS STONG PA'I PHYIR RO, ,GZUGS LA SOGS PA SNGA MA DROD DU BSTAN PA BZHIN DU RANG RANG GI NGO BOR MI DMIGS PA'I PHYIR NA, DE DAG LA SPYIR DMIGS PA'I TSUL GYIS GNAS PA BKAG PA ZHES BYA BA'I RNAM PAS DMIGS PAS RTZE MO SKYE BAR SHES SO, ,RTZE MO RANG GI NGO BOS STENG PAS MI GNAS PAR BSTAN PA DE BZHIN DU GZUGS LA SOGS PA LA RTAG MI RTAG SOGS KHYAD PAR GYI CHOS SU DMIGS PA'I TSUL GYIS GNAS PA BKAG PA ZHES BYA BA'I RNAM PAS DMIGS PAS BZOD PA SKYE BAR SHES SO, ,KHYAD CHOS SU ZHEN PA JI LTA BU BKAG CE NA, GZUGS SOGS LA DMIGS PA'I TSUL GYIS RTAG CES GNAS PAR BYA BA MA YIN MI RTAG CES GNAS PAR BYA BA MA YIN NO ZHES GSUNGS PA'I TSUL GYIS SO, ,'DIR RTAG MI RTAG GNYIS LA MA YIN ZHES DGAG SGRA 'BYUNG BA NI MDO DANG RTZA BA RGYAN SNANG RNAMS DANG MI MTHUN PAS 'GYUR 'DI MI BDE'O, ,GANG DAG 'GREL TSIG 'DI SOR BZHAG BZHIN DU GZHUNG 'DI KHYAD CHOS SU ZHEN TSUL LA 'CHAD BA NI, ZHIB TU MA DBYAD BA YIN TE, RTAG MI RTAG GI MTHA' DGAG PA DE DE GNYIS KYI MTHAR

, ,ZHEN PA LA SBYAR BAS SO, ,SA RAB TU DGA' BA LA SOGS PA'I YUL RNAMS LA ZHEN NAS MI GNAS PA STE GNAS BYAR MI RUNG BA RGYAS PAR MDO LAS JI SKAD DU BSTAN PA ZHES BYA BA'I RNAM PA DES DMIGS PAS CHOS MCHOG SKYE BAR SHES PA YIN NO, ,DE DAG LA ZHEN NAS GNAS BYAR MED PA GANG GI PHYIR ZHE NA, DE BZHIN GSHEGS PA BLA MED BYANG CHUB TU MNGON PAR RDZOGS PAR SANGS RGYAS NAS CHOS RNAMS BDEN PAR RDUL TZAM YANG MA GZIGS PAS SO, ,KHYAB PA YOD DE, ZHES BYA BA'AM DE LTA BU DE NI SHES BYA KUN LA TSAD MAR GYUR PA'I SKYES BUS MA DMIGS PA'I GTAN TSIGS KYIS 'THAD PA YIN PAS SO, ,BRGYAD STONG PAR NYAN THOS KYI ZHUGS GNAS BRGYAD DANG RANG RGYAL DANG SANGS RGYAS KYIS STE BCU LA BSHAD DO, ,DE DAG GI DON MDOR BSDU NA, BYANG SEMS KYIS LAM SHES SGOM PA'I SKABS SU NYAN THOS KYI SBYOR LAM DE BDEN BZHI MI RTAG SOGS BCU DRUG TU DMIGS PA LA BRTEN NAS SKYE'O ZHES SNGAR GYI RNAM BA BZHI PO DE'I SGO NAS MI DMIGS PAR SHES PAR BYED CES PA STE, RGYAN SNANG LAS BYANG CHUB SEMS DPA' DRO BA RTOGS PAR BYA BA'I DON DU GZUGS NI GZUGS KYI NGO BO NYID KYIS STONG PA DANG, ZHES PA NAS, GNYIS SU MED CING GNYIS SU BYAR MED DO ZHES DBYER MED BAR BSGOM PAR BYA'O, ZHES PA DANG, RTZE MO, RTOGS

PAR BYA BA'I PHYIR, GZUGS LA SOGS PA RNAM PA THAMS CAD DU MI DMIGS PAR BSGOM PAR BYA'O, ZHES DANG, BZOD PA RTOGS PAR BYA BA'I PHYIR, GZUGS SOGS LA RTAG PA DANG MI RTAG PA ZHES BYA BA LA SOGS PA'I RNAM PAS DMIGS PA'I TSUL GYIS GNAS SKABS THAMS CAD DU GNAS PAR MI BYA'O, ZHES DE LTAR BSGOM PAR BYA'O, ZHES GSUNGS SHING, 'OG GI MTHONG LAM BSHAD ZIN PA'I MTHAR BYANG SEMS KYI SBYOR LAM MI 'CHAD PA'I RGYU MTSAN DRIS PA'I LAN DU SKABS DANG POR BSHAD ZIN PA'I SBYOR LAM LA KHA 'PHANGS SHING 'DI DANG 'OG GI SBYOR LAM LA KHA MA 'PHANGS BA'I PHYIR RO, ,'PHAGS PAS KYANG SBYOR LAM 'DI GNYIS THEG DMAN SU RNAM MKHYEN DU GSUNGS PA'I BYANG SEMS KYI NGES CHA DANG, LAM SHES SU GSUNGS PA'I NYAN THOS KYI NGES CHA DANG, RANG RGYAL LAM DU GSUNGS PA'I NGES CHA ZHES GSUNGS PAS SBYOR LAM 'DI GNYIS THEG DMAN LA MDZAD DO, ,'ON KYANG DER RNAM PA 'DI DAG SBYOR LAM DE GNYIS KYI RNAM BAR GSUNGS PA'I DGONGS BA NI, GANG ZAG GI BDAG GI RANG BZHIN DU GYUR PA'I CHOS DE DANG DE DAG NGO BOS STONG PA SOGS SU BYAS NAS GANG ZAG GI BDAG MED KYI DMIGS RNAM CAN DU BSHAD DO, ,MDO LAS YUM GANG DE LA JI LTAR GNAS PAR BYA BA GNYIS DRIS PA'I LAN DU RIM PA LTAR 'BRAS BU NYAN THOS KYI LAM DANG SBYOR LAM 'DI GNYIS

, ,GSUNGS LA, GNAS PAR BYA BA NI YID LA JI LTAR BYED PA YIN PAS DE YANG GONG DU MI DMIGS PA'I TSUL GYIS ZHES ZUR TZAM 'BYUNG BA 'DIR RGYAS PAR BSTAN PAS LAM SHES GTZO BOR BSTAN CING, SHES BYA SBYOR LAM NI 'PHAGS LAM DANG MI RTAG SOGS SU DMIGS RNAM MTSUNGS PAS DE SNGAR BSTAN PAS 'DI DRONG SOGS KYI MING TZAM MA GTOGS PA DMIGS RNAM GSAL BAR MA BSHAD PA 'GREL PAS KHA BSKANGS NAS BKRAL LO, ,GNYIS PA LA GNYIS, SPYI DANG, YAN LAG GI DON NO, ,DANG PO LA BDUN, RIGS PA DAN, LAM DANG, YANG DAG PAR 'GRUB PA DANG, TSOGS BSOG PA DANG, GNAS PA DANG, RGYU BA DANG, SGRA BSHAD PA'O, ,DANG PO NI, KHYAD PAR GSUM DANG LDAN PA STE, DANG PO NI, RANG BZHIN GYIS NYON MONGS PA SHAS CHUNG BA STE, DES NA DE'I SEMS 'DU 'DZI LA MI DGA' ZHING GCIG PU LA DGA'O, ,GNYIS PA NI SNYING RJE SHAS CHUNG BAS TE, DES NA DE'I SEMS CHOS STON PA DANG SEMS CAN GYI DON BYA BA LA MI 'JUG GI SEMS LAS CHUNG NGUR GNAS SO, ,GSUM PA NI DBANG PO 'BRING DU GYUR CING NGA RGYAL SPYOD BA CAN TE, DES NA SLOB DPON MED CING 'GRAN ZLA MED PAR BYANG CHUB PHAR 'DOD PA'O, ,KHYAD PAR 'DI BLA MA RNAMS KYIS BSE RU LTA BU GCIG PU LA SBYAR YANG, SA YI DNGOS GZHIR GSAL KHA MED CING LAM DANG 'GRUB PA LA YANG GSUM

GSUM DU BYAS NAS BSE RU LTA BU DANG TSOGS SPYD LA THUN MONG DU GSUNGS SHING, GNAS PA DAN RGYU BA GNYIS LA MI 'DRA BA'I KHYAD PAR SO SOR GSUNGS PA'I PHYIR, THUN MONG GI RNAM GZHAG TU GSAL LO, ,'ON KYANG GCIG PU LA DGA' BA NI TSOGS SPYOD LA DOR RO, ,GNYIS PA NI, GANG ZAG NGES LAM LA SLOB TSUL JI LTA BU ZHE NA, LAM LA YANG GSUM LAS, LAM DANG PO NI, RANG SANGS RGYAS KYI RIGS LA GNAS NAS BSKAL BA BRGYAR SANGS RGYAS 'BYUNG BA MNYES PAR BYAS TE RANG BYANG CHUB TU RGYUD SMIN PAR BYED CING PHYIS RANG GI BYANG CHUB THOB PAR BYA BA'I PHYIR, MKHAS PAR BYA BA'I DNGOS PO DRUG LA MKHAS PAR BYED PA STE, DRUG NI PHUNG PO, SKYE MCHED, KHAMS, RTEN 'BREL, GNAS DANG GNAS MA YIN PA, BDEN PA RNAMS LA MKHAS PA'O, ,'DI NI BSE RU'I LAM MO, ,'DI LA KHA CIG NYAN THOS KYI SDE SNOD LA DMIGS NAS BSKAL BA BRGYA'I BAR DU THOS BSAM BYAS SHING DA DUNG SKYE BA LEN PAR SHES PA NA SNGAR GYI LAM SBYANGS NAS 'CHI 'PHO KAR SANGS RGYAS DANG NYAN THOS MED PA'I ZHING DU SKYE BA DANG, DER YANG GZHAN LA MA LTOS PAR RANG GIS THOB PA'I SHES RAB KYIS LAM BGROD PA DANG, BYANG CHUB THOB PA NA YANG GDUL BYA LA NGAG GIS MIN PAR LUS KYIS SNYING BRTZE BAR BYED PAR GYUR CIG CES SMON LAM GSUM 'DEBS SHING, SHI 'PHOS NAS ZHENG STONG PAR GLING GSUM GYI SKYES PA DMANGS RIGS MIN PA GCIG

, ,TU SKYES TE, KHYIM NAS KHYIM MED PAR RANG BYUNG GIS RAB TU BYUNG ZHING BSNYEN PAR RDZOGS NAS DUR KHROD DU PHYIN TE, RUS PA 'DI CI LAS BYUNG BSAMS PAS MA RIG PA NAS RGA SHI'I BAR RTEN 'BREL LUGS 'BYUNG LUGS BZLOG RTOGS PA'I DON BSAM GTAN BZHI PA'I DNGOS GZHI LA BRTEN NAS BSGOMS PAS LAM PHYI MA BZHI TSE GCIG LA MNGON DU BYED DO ZHES 'CHAD DO, ,LAM GNYIS PA NI, SANGS RGYAS 'BYUNG PA MNYES PAR BYAS SHING SKYES BU DAM PA LA BRTEN PA DANG, DAM PA'I CHOS NYAN PA DANG TSUL BZHIN YID LA BYAS PA LA BRTEN NAS SNGAR MA SKYED PA'I SBYOR LAM DANG PO GSUM SKYED NAS TSE DE LA CHOS MNGON PAR RTOGS PAR BYA BA 'AM; DGE SBYONG GI 'BRAS BU THOB PAR BYED MI NUS LA, PHYIS DE GNYIS THOB PAR BYA BA'I PHYIR DNGOS PO DRUG LA MKHAS PAR BYED PA'O, ,SA'I DNGOS GZHIR BZOD PA 'DI LA GSAL KHA MED KYANG BLA MA RNAMS BZOD 'BRING MAN CHAD SKYED PA LA BZHED DE, DE YANG BZOD CHEN NAS CHOS MCHOG DANG MTHONG LAM BAR MA CHAD DU SKYE LA 'DIS TSE DE LA MTHONG LAM SKYED MI NUS PAS SO SNYAM PA'O, ,LAM GSUM PA NI, RGYU SNGAR DANG 'DRA BA LA BRTEN NAS CHOS MNGON PAR RTOGS PAR BYED CING DGE SBYONG GI 'BRAS BU NI 'THOB LA, DGRA BCOM NI 'THOB MI NUS PAS 'DAS LAM GYIS PHYIS DE THOB PAR BYA BA'I PHYIR DNGOS PO DRUG LA MKHAS PAR

BYED PA'O, ,'BRAS BU NI DANG PO GNYIS GANG RUNG YIN GYI PHYIR MI 'ONG MIN TE, MNGON PA'I SPYI SKAD LA PHYIR MI 'ONG THOB NAS 'DOD PAR NYON MONGS KYI DBANG GIS SKYE MI SRID PA 'DI SPANG BYA LHAG MA'I DBANG GIS 'DOD PAR SKYE DGOS PAS SO, ,'DI LA BOD RNAMS RIM PA LTAR DBANG PO 'BRING GI 'BRING DANG 'BRING GI RTUL BO DANG, TSOGS SPYONG CHE CHUNG GI THA SNYAD BYED DO, ,BSTAN BCOS LAS NI SBYOR LAM SNGON DU BTANG ZHING 'BRAS BU SNGON DU MA BTANG BA'I TSOGS SPYOD DANG, DE GNYIS KA SNGON DU BTANG BA'I TSOGS SPYOD CES 'BYUNG STE, KUN BTUS LAS, NGES PAR 'BYED PA'I CHA DANG MTHUN PA SNGON MA SKYED PA DANG SKYED PA DANG SNGON 'BRAS BU MA THOB PA DANG THOB PA YAN RUNG STE, SANGS RGYAS 'BYUNG BA MED PAR BDAG NYID KYIS LAM SNGON DU BYAS NAS BSE RU LTA BUR GYUR TE GCIG PUR GNAS PA'AM, RANG RGYAL BAR GYUR TE, TSOGS DANG SPYOD PA GANG SDUG BSNGAL GYI MTHAR PHYIN PA THOB PA'O ZHES SBYOR LAM MA SKYED PA SA LAM MNGON DU BYAS NAS BSE RU LTA BUR GYUR TE GCIG PUR GNAS PA DANG, LHAG MAS LAM MNGON DU BYAS NAS RANG RGYAL DU GYUR NAS TSOGS DANG SPYD PAR GSUNGS PAS SO; ;GSUM PA NI, LAM GSUM PO DE LA BSLABS PAS 'BRAS BU 'GRUB TSUL JI LTA BU ZHE NA, 'DI LA YANG GSUM LAS, 'GRUB TSUL DANG PO NI, BSKAL PA BRGYAR TSOGS BSAGS PA'I 'OG

, ,TU SANGS RGYAS MI 'BYUNG BA NA SLOB DPON MED PAR BYANG PHYOGS SO BDUN BSGOMS NAS NYON MONGS THAMS CAD SPANGS PA'I DGRA BCOM THOB PAR BYED DO, ,'GRUB PA GNYIS PA DANG GSUM PA YANG, SNGAR LAM GNYIS KYI SKABS SU BSHAD PA'I RGYU RKYEN DE DANG DES, SANGS RGYAS MI 'BYUNG BA NA SLOB DPON LA MA LTOS PAR CHOS SO BDUN BSGOMS NAS RIM PA LTAR CHOS MNGON PAR RTOGS PAR BYED CING DGRA BCOM PA'I BAR DU THOB PAR BYED PA DANG, 'BRAS BU LHAG MA NAS DGRA BCOM GYI BAR THOB PAR BYED DO, ,'DI'I LTAR NA BSE RU LTA BU LA YANG BSKAL BA BRGYAR TSOGS BSAGS NAS DE'I 'OG TU DNGOS PO DRUG LA MKHAS PAR SBYANGS DE NAS TSE 'PHOS PA'I PHYI MA DE NYID LA LAM LHAG MA BZHI SKYED PAR BZHED KYI, MDZOD PA LTAR GDAN THOG GCIG LA NGES PAR SKYED PA MI 'DOD DO, ,LHAG MA GNYIS KYANG SNGAR BZHIN DNGOS PO DRUG LA MKHAS PAR SBYANGS PA'I TSE PHYI MA DE LA BZOD 'BRING NAS DGRA BCOM GYI BAR DANG PHYIR 'ONG NGAM PHYIR MI 'ONG NAS DGRA BCOM GYI BAR SKYED PAR BZHID DE, SRID PA THA MA PA'I TSE GCIG LA LAM MANG BA DANG 'BRING DANG NYUNG BA BSKYED NUS PA'I SGO NAS 'DI DAG GI KHYAD PAR BSTAN TO, ,'DI GSUM LA YANG SPANG BYA CIG CAR DANG RIM GYIS SPONG BA GNYIS, PHYI MA LA YANG MTHONG LAM GYI SNGON DU DANG, BCU DRUG PA RDZOGS RJES SU SGOM SPANG SPONG TSUL GSUNGS

PA'I RNAM GZHAG MA MTHONG YANG, BYANG SA LAS, RANG RGYAL BA NI NYAN THOS JI LTA BA DE KHO NA BZHIN DU RIG PAR BYA'O, ,DE CI'I PHYIR ZHE NA, DE NI NYAN THOS RNAMS DANG LAM GYIS RANG BZHIN MTSUNGS PA'I PHYIR, ZHES BSHAD PAS ZHUGS GNAS BRGYAD KA RTZIR RUNG ZHING SPANG BYA YANG RIM GYIS SPONG ZHING DE YANG BCU DRUG BA'I RJES SU SGOM SPANG RNAMS SPONG SNYAM MO, ,DANG PO LA MDZOD LAS NI, STON DANG BSE RU BYANG CHUB PA, ,BSAM GTAN MTHA' RTEN GCIG LA KUN, ,DE YI SNGON DU THAR CHA MTHUN, ZHES SRID PA THA MA PA'I TSE MTHONG LAM GYI SNGON DU SRID RTZE'I NYER SDOGS THOB NAS CI YANG MED PA MAN CHAD LA CHAGS PA DANG BRAL ZHING, BSAM GTAN GYI MTHA' BZHI PA LA BRTEN NAS LAM LHAG MA BZHI STAN GCIG LA MNGON DU BYED CING DE'I TSE MTHONG SPANG RNAMS DANG SRID RTZE'I SGOM SPANG DGU TZAM ZHIG SPONG BAR BSHAD DE, 'DI'I LTAR NA CHAGS BRAL SNGON SONG YIN ZHING PHYIR MI 'ONG ZHUGS GNAS KYANG 'ONG NGO, ,BZHI PA NI, DE GSUM GYIS TSOGS GSOG PA'I DUS NI MDZOD LAS, BSE RU BSKAL PA BRGYA YI RGYUS, ZHES DANG, SA LAS KYANG DE LA BSKAL PA BRGYAR TSOGS SOGS PAR GSUNGS NAS GZHAN GNYIS LA BSHAD PA MED DO, ,SNGA MA RNAMS NA RE, PHYI MA GNYIS LA BRGYA YI SUM GNYIS DANG SUM CHA ZHES ZER LA, KHA CIG NI NYIS BRGYA DANG SUM BRGYA'O ZHES ZER TE, SNGA MAS NI DE GSUM PHYI MA PHYI MA RNAMS

, ,SRID PA THA MA PA'I TSE BSKYED BYA'I LAM GRANGS NYUNG BA LA BSAMS PAR SNANG LA, PHYI MAS NI DE DAG MCHOG 'BRING DMAN GSUM YIN PAS SNYAM DU BSAMS TE SGRUB BYED MED BAS DOR BAR BYA'O, ,'O NA GANG ZHE NA; SA LAS MI 'DRA BA'I KHYAD PAR PHRA MO RNAMS KYANG BSTAN LA, TSOGS GSOG PA'I DUS BSE RU LTA BU LA BSHAD NAS GZHAN GNYIS LA MI 'DRA BA MA BSHAD PA DANG, DRIN LAN BSAB PA LAS, RANG SANGS RGYAS RNAMS NI BSKAL PA CHEN PO BRGYAS TSAR PHYIN PAR 'GYUR RO ZHES SPYIR GSUNGS PAS THAMS CAD KYANG DUS MTSUNGS GSUNG BA LTAR 'THAD DO, ,BSKAL PA LA BYANG YES BAR BSKAL DU BSHAD PA NOR TE, SA LAS GSAL KHA MED KYANG MDZOD 'GREL LAS, BSKAL PA CHEN PO BRGYAR BYANG CHUB KYI TSOGS DAG LA SBYANG PAS BSE RU LTA BUR 'GYUR RO, ZHES PAS SO, ,DE GSUM LAS PHYI MA GNYIS NI NYAN THOS KYI RIGS CAN MA NGES PA 'GA' ZHIG RANG RGYAL DU SONG BA YIN PAR MDZOD 'GREL LAS, RANG SANGS RGYAS RNAMS NI RNAM PA GNYIS TE, TSOGS SHING SPYOD PA DANG BSE RU LTA BU RNAMS SO, ,DE LA TSOGS SHING SPYOD PA RNAMS NI NYAN THOS KYI RIGS SU GYUR PA SNGON DU 'GRO BA'I RANG RGYAL BA RNAMS ZHES BYA'O, ZHES DANG, DE'I 'GREL BSHAD DU, GANG DAG GIS RGYUN DU ZHUGS PA DANG, LAN CIG PHYIR 'ONG BA'I 'BRAS BU BSKYED LA, SANGS RGYAS KYI BSTAN PA NUB PA DANG

BDAG NYID KYIS 'DIR DGRA BCOM PA NYID THOB PAR 'GYUR BA DE DAG NI TSOGS SHING SPYOD PA YIN LA ZHES SO, ,SBYOR LAM TZAM SKYED PA'I SO SKYE SNGON DU BTANG BA'I RNAG RGYAL YANG YOD PAR GZHAN DAG ZER ZHES MDZOD 'GREL LAS 'CHAD DO, ,DE LTAR GSUNGS KYANG SA YI DNGOS GZHI'I RANG LUGS LA LAM GZHAN SNGON DU MA SONG BA'I RANG RGYAL LA YANG DE GSUM 'BYED PAR MNGON LA, DE YANG DANG PO RIGS NGES PA DANG PHYI MA GNYIS MA NGES PAR KUN BTUS LAS, RANG SANGS RGYAS KYI THEG PA BA GANG ZHE NA, RANG SANGS RGYAS KYI CHOS NYID NGES PA'AM MA NGES PA LA GNAS PA DANG, ZHES SO, ,LNGA PA LA THUGS DANG, LUS KYI GNAS PA GNYIS LAS, DANG PO NI; CHOS ZAB MO LA MOS PA DANG RTEN 'BREL ZAB MO LA SO SOR RTOG PA LHUR LEN PA DANG, RNAM THAR SGO GSUM YID LA BYED CING GNAS PA NI GSUM GA LA 'DRA'O, ,GNYIS PA NI, BSE RU LTAR SPYOD PA NI GCIG PU LA DGA' ZHING GCIG PUR GNAS LA, LHAG MA GNYIS NI DE LAS BZLOG NAS TSOGS DANG GNAS PAR 'GYUR RO, ,DRUG PA NI DE DAG THAMS CAD KYANG GRONG NGAM GRONG RDAL GANG DU RTEN CING GNAS KYANG RUNG STE, LUS SHIN TU BSRUNGS PA DANG, DBANG PO RNAMS SHIN TU BSDAMS PA DANG DRAN PA LA SHIN TU GNAS PAS GRONG LA SOGS PAR BSOD SNYOMS LA 'JUG STE, DMAN PA RNAMS LA BRTZE BAR BYED PA NA YANG LUS KYIS

, ,YIN GYI; NGAG GIS NI MA YIN TE, DE DAG KYANG LUS KYIS CHOS STON GYI, NGAG GIS MI STON PA'I PHYIR DANG ZHE 'GRAS PA RNAMS BZLOG PA'I PHYIR RDZU 'PHRUL DU MA STON PAR MDZAD DO, ,BDUN PA LA GNYIS LAS, SPYI'I SGRA BSHAD PA NI, MDZOD 'GREL LAS, LUNG MED PAR BDAG GCIG BU'I PHYIR SANGS RGYAS PAS RANG SANGS RGYAS TE, ZHES PA LTAR YIN LA, BYE BRAG TU DANG PO'I SGRA BSHAD PA NI, 'GREL BSHAD LAS, BSE RU LTA BU YIN ZHES BYA BA NI JI LTAR BSE RUNG GA GNYIS PA MED PA DE BZHIN DU DE DAG KYANG KHYIM PA DANG RAB TU BYUNG BA RNAMS DANG, RANG SANGS RGYAS GZHAN DAG DANG MI 'DRA BAR GNAS PAS NA BSE RU LTA BU RNAMS ZHES BYA'O, ZHES PA LTAR RO, ,PHYI MA GNYIS LA NI 'OD SNGA MA RNAMS TSOGS NA SPYOD PAS TSOGS SPYOD CES 'CHAD KYANG, GZHUNG RNAMS LAS TSOGS DANG SPYOD PA DANG TSOGS SHING SPYOD PA ZHES PA LTAR YIN TE, GROGS DANG LHAN CIG TU SPYOD BAS SO, ,GNYIS PA LA GSUM, BGROD PA PO RTEN GYI KHYAD PAR, BGROD PAR BYA BA LAM GYI NGO BO, DE'I RGYU NGES 'BYED CHA MTHUN NO, ,DANG PO LA GNYIS, KHYAD PAR DNGOS DANG, DE LA RTZOD PA SPANG BA'O, ,DANG PO LA GSUM LAS, DANG PO NI, DMAN MCHOG GI RIM PA LTAR NA, NYAN THOS KYI LAM GYI MJUG THOGS SU RANG SANGS RGYAS KYI LAM GYI NGO BO BRJOD PAR RIGS MOD KYI 'ON KYANG RE

ZHIG NYAN THOS LAS RANG RGYAL KHYAD ZHUGS PA NYID DU SGRUB PA GSUNGS TE, DGOS PA NI, NYAN RANG GNYIS LA MI 'DRA BA'I KHYAD PAR MED NA DE'I LAM NYAN THOS LAS LOGS SU 'CHAD MI RIGS LA, KHYAD PAR DU BYED CHOS GANG GIS NA RANG RGYAL DE DAG GI LAM NYAN THOS KYI LAM LAS GZHAN YIN PAR 'GYUR BA NYAN THOS RNAMS LAS RANG RGYAL DE DAG KHYAD PAR DU 'PHAGS NA TSUL JI LTAR 'PHAGS PA YIN SNYAM PA'I DOGS PA BSU BAR TE DE BSAL BA'I PHYIR RO, ,MDO 'BREL NI, SBYOR LAM DU CHOS RNAMS LA GNAS PA DANG MI GNAS BA DANG BRAL BA YUM LA GNAS PAR GSUNGS PA NA 'KHOR GYI NANG NA LHA'I BU KHA CIG GNOD SBYIN GYI SKAD LA SOGS PA NI SHES PAR NUS KYI, RAB 'BYOR GYIS YUM LA GNAS PAR GSUNGS PA NI MA YIN NO SNYAM PA DANG DE'I BSAM PA RIG NAS GSUNGS SO, ,GNYIS PA NI, RANG BYUNG RANG SANGS RGYAS RNAMS SRID PA THA MA PA'I TSE GZHAN LA MA LTOS PAR BDAG NYID KYIS RANG GI BYANG CHUB RTOGS PA'I PHYIR DE LA GZHAN GYIS BSTAN MI DGOS PA NI, DE NAS YANG 'KHOR DE RNAMS LAS LHA'I BU KHA CIG 'DI SNYAM DU SEMS PAR GYUR TE, GANG GNOD SBYIN RNAMS KYI SKAD DANG, ZHES PA NAS, GNOD SBYIN RNAMS KYIS RAB TU BSNYAD PA GANG YIN PA DE DAG NI SMRAS PAR GYUR NA, SHES PAR RUNG GI GANG 'PHAGS PA RAB 'BYOR YUM 'CHAD PA DANG RAB TU BRJOD PA DANG STON PA DANG NYE BAR

, ,STON PA DE NI SHES PAR MI RUNG NGO, ,DE NAS YANG TSE DANG LDAN PA RAB 'BYOR GYIS LHA'I BU DE DAG GI SEMS KYI RTOG PA SEMS KYIS SHES NAS LHA'I BU DE DAG LA SMRAS BA, LHA'I BU DAG GANG SMRAS PA DE SHES PAR MI RUNG NGAM, LHA'I BU RNAMS KYIS SMRAS PA, 'PHAGS PA RAB 'BYOR SHES PAR MI RUNG NGO, ,RAB 'BYOR GYIS SMRAS PA, LHA'I BU DAG 'DI LTAR YI GE GCIG KYANG MA BRJOD KYI GANG MA BRJOD PA DE NI THOS PAR MI RUNG NGO, , GANG THOS PAR MI RUNG BA DE NI SHES PAR MI RUNG NGO, ZHES SO, ,DE LA RAB 'BYOR GYIS NYE BAR BSTAN PA'I DON MI RIG PA DE NI SHES PA ZAB PA YIN LA, YI GE GCIG KYANG MA BRJOD PA NI MA BRJOD PA ZAB PA YIN NO, ZHES GSUNGS SO, ,DE'I DON YANG MNYAM GZHAG TU BRJOD PA'I YUL MA YIN PA'I DON RTOGS PA NI SHES PA ZAB PA STE GZHAN GYIS RANG LA BSTAN MI DGOS PA'O, ,RJES THOB TU NGAG GI 'BRAS RTAGS LAS GZHAN GYIS MI RTOGS PA NI MA BRJOD PA ZAB PA STE, RTZA BA'I YANG SGRAS BSDUS PA GZHAN LA RANG GIS BSTAN MI DGOS PA'O, ,ZAB PA SNGA MA LA NI PHYI MAS KYANG KHYAB LA DE LA NI SNGA MAS MA KHYAB BO ZHES GSUNG BA LTAR RO, ,ZAB BA DE GNYIS DANG LDAN PA'I PHYIR BSE RU LTA BU'I RANG RGYAL GYI YE SHES ZAB PA NI, KYE MA 'PHAGS PA RAB 'BYOR 'DI NI YUM GSAL BAR BYED PA STE ZAB PA BAS KYANG SHIN TU ZAB PA STON PAR BYED PHRA BA BAS KYANG SHIN TU PHRA BA STON PAR BYED

PA'O; ZHES PA'O, ,DE LA ZAB PA NI, GZHAN GYI SGRA LAS BDEN BZHI'I RNAM PA BCU DRUG RTOGS PA'I PHYIR NYAN THOS KYI YE SHES SO, ,DE BAS ZAB PA NI RANG GI RTOGS PA'I RKYEN 'DI TZAM GYIS KHYAD PAR DU BYAS PA'I RANG RGYAL GYI YE SHES SO, ,PHRA BA NI NYON SGRIB TZAM SPANGS PA'I 'BRAS BU NYID KYIS NA NYAN THOS KYI SHES PA'O, ,DE BAS PHRA BA NI, SHES SGRIB GZUNG RTOG SPANGS BAS LHAG PA'I RANG RGYAL GYI YE SHES SO, ,BRGYAD STONG PAR RING BA BAS KYANG CHES RING BA ZHES KYANG 'BYUNG BAS DE LA RING BA NI MU STEGS KYI SPYOD YUL MA YIN PAS NYAN THOS KYI SHES PA'O, ,CHES RING BA NI NYAN THOS KYI YUL MIN PAS RANG RGYAL GYI YE SHES SO, ,NYI SNANG DANG LE BRGYAD MA GNYIS KAR BSTAN MI DGOS PA DANG YE SHES ZAB PA'I MDO GNYIS SBYAR BAS DE'I LTAR NA RKANG PA THA MA GNYIS YI SHES ZAB PA DANG, DANG PO GNYIS BSTAN MI DGOS PA'I DON CAN DU 'CHAD CING, KHYAD PAR DU NYI SNANG LAS YE SHES ZAB PA'I MDO'I SNGON DU GANG GANG ZHES SOGS KYI TSIGS BCAD BLANGS NAS 'CHAD DO, ,'GREL PA 'DI LTAR NA RANG LA GZHAN GYIS BSTAN MI DGOS PA RKANG PA DANG PO GNYIS DANG RANG GIS STON PA SGRA LA MI LTOS PA THA MA GNYIS KYIS BSTAN TO, ,KHA CIG ZAB PA NYID DU BRJOD PA GONG MA LA YANG SBYOR YANG RGYAN SNANG DANG BSTUN NA PHYI MA NYID LA SBYOR BA 'THAD DO, ,SHER SGRON DU, RTZA BA'I YANG SGRAS KHYAD PAR PHYI MA 'PHANG

, ,PAR BYAS NAS ZAB PA GNYIS KA LA BSHAD DO, ,GSUM PA LA GNYIS, LAM BGROD PA DANG CHOS STON PA'I KHYAD PAR RO, ,DANG PO NI, NYAN THOS LAS RANG RGYAL KHYAD ZHUGS PA NYID GCIG STE DANG PO YIN NO; ;GANG NA, RANG RGYAL SRID MTHA' BDE DAG LA BYANG CHUB MNGON DU BYED PA SANGS RGYAS DANG SOGS PAS BYANG SEMS NYAN THOS KYIS BSTAN PA LA LTOS MI DGOS ZHES BYA BA NI'O, ,RGYU MTSAN NI, RANG SANGS RGYAS RNAMS NI SRID MTHA'I CHO SLOB DPON GZHAN GYIS BSTAN PA LA MI LTOS PAR BDAG NYID KYIS RANG GI THOB BYA'I BYANG CHUB MNGON PAR RTOGS PAR 'GYUR TE DE'I PHYIR RO, ,DE LTAR 'GYUR BA'I RGYU NI, SNGON BSKAL PA CHEN PO BRGYAR NYAN THOS KYI SDE SNOD LA DMIGS PA'I THOS PA DANG SOGS PAS BSAM PA DANG SMON LAM LA SOGS PA'I DGE RTZA MNGON PAR 'DU BYAS SHING SKYED PA'I MTHUS SO, ,BYANG CHUB MNGON DU BYED PA SLOB DPON GYIS BSTAN PA LA MI LTOS PAS NYAN THAS LAS KHYAD ZHUGS PAR JI LTAR 'GRUB NA, LUNG LAS NYAN THOS RNAMS NI SRID MTHA'I TSE YANG GZHAN GYIS SGRAS BSTAN PA LA LTOS NAS RANG GI BYANG CHUB RTOGS PAR 'GYUR ZHES 'BYUNG BA'I PHYIR RO, ,LUNG GANG LAS NA; BYANG SEMS KYI SDE SNOD LAS, NYAN THOS RNAMS NI RNAM GROL SGRA PHYIR 'GRO, ZHES PA LTA BU STE DE'I PHYIR 'DI DAG LA SLOB MA ZHES KYANG BRJOD DE, NGES PAR SLOB DPON DGOS PAS SO, ,'DIR GZHAN DAG

KYANG ZHES SOGS NI CHOS STON PA'I 'PHAGS GZHI YIN PAS 'OG TU 'BREL LA RGYAN SNANG LAS KYANG 'DI GNYIS PHRAL NAS GONG 'OG TU GSUNGS PA LTAR BYA STE, 'DIR LHAN CIG TU GSUNGS PA NI TSIG TSEGS SKYUNG BA LA DGONGS SO; ;GNYIS PA NI, NYAN THOS LAS RANG RGYAL KHYAD ZHUGS PA NYID GNYIS PA YIN NO, ,GANG NA, RANG RGYAL DE DAG GI YE SHES GDUL BYA GZHAN GYIS SGRA LAS MI RTOGS SHING SGRA MED LAS RTOGS PA'I ZAB PA NYID NI'O, , RGYU MTSAN NI, SGRAR BRJOD PA MED PA'I CHOS STON PAS GDUL BYA GZHAN DAG MNGON MTHO'I LAM DGE BA BCU DANG SOGS PAS DES? LEGS KYI LAM BDAG MED RTOGS PA LA 'JUG PAR BYED DE DE'I PHYIR RO, ,DE'I RGYU GANG NA, RANG RGYAL DE DAG GIS RANG GIS THOB PA'I YE SHES GZUNG RTOG SPANGS PAS GZUNG MED RTOGS PA DANG SOGS PAS DE'I RGYU TSOGS BSAGS SHING SMON LAM BTAB PA'I MTHUS SO, ,RANG GI GDUL BYAS BSTAN BYA'I DON GO BA SGRA LA MI LTOS PAS NYAN THOS LAS KHYAD ZHUGS PAR JI LTAR 'GYUR NA, NYAN THOS RNAMS NI 'CHAD PA POS SGRAR BRJOD PA'I CHOS BSTAN PA'I SGO NAS NYAN PA PO RNAMS KYIS 'CHAD PA PO'I SHES PA'I RTZAL BRJOD 'DOD RTOGS PAR BYED NA'I PHYIR TE, DE RNAMS NI TSIG TU BRJOD PA DANG BCAS PA'I CHOS BSTAN PAS GDUL BYA GZHAN DAG DGE BA LA 'JUG PAR BYED PA YIN PAS SO, ,'DI NI RGYAN SNANG GI DGONGS PA STE,

, ,'GREL PA 'DI'I YANG DGONGS PA MTHAR THUG PA'O, ,LUGS LAS DANG 'BYUNG ZHES PA 'DIR YANG SBYAR LA KYANG NI NYAN THOS RANG GI BYANG CHUB THOB PA SGRA LA LTOS PAR MA ZAD PA'O, ,KHA CIG SGRA MED DU STON NA BSTAN BYA SGRA LAS MI RTOGS PA'I KHYAB SGRUB TU GZHUNG 'DI SBYOR BA NI, SLOB DPON GYIS KHYAD CHOS GNYIS KYI SKABS SU KHYAD GZHI NYAN THOS KYI LAM BGROD TSUL DANG, CHOS STON TSUL DE SNGAN LA BKOD NAS DE LAS KHYAD ZHUGS PAR SGRUB PA MA MKHYEN PA'O, ,GZHAN YANG RIGS BYIN GYIS, NYAN PA PO RTAG TU DU LA SOGS PAS 'CHAD PA PO CHOS 'PHAGS LA SOGS PA'I SHES PA'I NUS PA KHONG DU CHUD PAR BYED CES PA YANG SKABS DON NAM MKHYEN PA STE, NYAN THOS RNAMS KYIS SGRA BCAS SU BSHAD PA DANG NYAN PA'I SGO NAS NYAN THOS 'CHAD PA PO'I SHES PA RTOGS PAR BYED PAR 'CHAD DGOS PA LA BYANG SMES KYIS SGRA BCAS SU BSHAD NYAN BYED TSUL LA SBYAR BAS SO, ,GNYIS PA LA GNYIS, RTZOD PA DANG, LAN NO, ,DANG PO NI, SGRA MED PA DANG CHOS STON PA GNYIS 'GAL BAR BSAMS NAS JI LTAR NA SGRA MED PA'I CHOS STON PA RUNG STE, DE GNYIS 'GAL BA'I PHYIR SNYAM PA'I DOGS PA KHONG NA GNAS PA BSU BAR BZHED NAS GSUNGS SO, ,YANG NI GONG DU RANG RGYAL NYAN THOS LAS KHYAD PAR DU BYED PA'I CHOS GANG SNYAM PA'I DOGS PA BSU BAR MA ZAD DOGS PA 'DI YANG BSU BA'O, ,'PHAGS PAS NI GZHAN

GYIS BSTAN MI DGOS PA'I MDOR TSIG GIS BRJOD PA MED BZHIN DU YANG CHOS STON PAR BKRAL NAS DE LA RTZOD DO, ,GNYIS PA LA GNYIS LAS, DANG PO NI, SNANG NGO, ,GANG LAN, RANG RGYAL GYI GDUL BYA GANG BRJOD BYA'I DON NI; GANG DANG GANG LA RANG RANG GI MOS PA JI LTA JI LTAR NYAN 'DOD PA DE DANG DE LA'O, ,GANG NA, BSTAN BYA'I DON DE DANG DE'O, ,JI LTAR NA, BRJOD PA'I SGRA MED KYANG BRJOD BYA DE NYAN PA POS JI LTAR NYAN 'DOD PA DE LTAR RO; ;DE'I PHYIR SGRA MED KYANG CHOS STON PAR MI 'GAL LO, ,'DI LA MDO MED DO, ,GNYIS PA NI, SGRA MED KYANG CHOS STON PA MI 'GAL TE, DPER NA SANGS RGYAS BZHIN NO, ,'DI LA GNYIS, RGYU DUS KYI SMON LAM 'DEBS TSUL DANG, 'BRAS DUS SU SMON LAM GRUB TSUL MTSUNGS PAR BSTAN PA'O, ,DANG PO NI, 'ON SANGS RGYAS KYIS DE LTAR CHOS STON PA'I RGYU GANG NA, DE'I RGYUR TSOGS BSAGS SHING SMON LAM BTAB PA STE, DE YANG SMON LAM BTAB PA'I TSUL NI, SANGS RGYAS BCOM LDAN 'DAS BYANG CHUB SEMS DPAR GYUR PA NA BDAG SANGS RGYAS SU GYUR NAS BRJOD PA'I SGRA LA LTOS PA MED PAR CHOS STON NUS PAR GYUR CIG CES SMON LAM BTAB PO; ;DE LTAR 'DEBS PA'I RGYU MTSAN NI, TSIG TU BRJOD PA NI YID PHYI ROL TU RNAM PAR G-YENG BYED YIN LA DE YANG RGYUD 'KHRUG PA STE MA ZHI BAR BYED PA YIN PAS NYES PA DE MTHONG NAS SO, ,DE G-YENG BA YIN PA YANG RTOG

, ,PAS NGO BO LA RNAM PAR MA BRTAGS SPYOD PAS KHYAD PAR LA RNAM PAR MA DPYAD PAR TSIG TU MI SMRA BA STE SMRA BAR MI NUS TE, RTOG DPYOD NGAG KUN SLONG YIN PAS SO, ,KHA CIG BRJOD PA NI NANG GI BRJOD PA RTOG DPYOD LA 'DOD PA DON MIN TE, NYI SNANG LAS, CHOS STON PA NI BRJOD PA'I RANG BZHIN YIN PAS RNAM PAR G-YENG BA CHEN POR 'GYUR LA, ZHES GSUNGS LA SLOB DPON GYIS KYANG DE BKOD PAS SO, ,SNGAR GYI SMON LAM 'DEBS TSUL DE LTAR RANG RGYAL GYIS KYANG BTAB PA DE BSAN SANGS RGYAS DANG RANG RGYAL GNYIS SGRA MED DU CHOS STON PA'I RGYU SMON LAM 'DEBS TSUL 'DRA BA'I PHYIR SGRA MED KYANG CHOS STON PA ZHES BYA'O ZHES SBREL LO, ,RGYAN SNANG DU; SANGS RGYAS DANG MTSUNGS PAR RANG SANGS RGYAS RNAMS KYIS KYANG DE LTAR BTAB PA YIN NO, ZHES PA 'DI LTAR 'BYUNG NGO, ,GNYIS PA NI, SNANG BAR 'GYUR RO, ,GANG LAN GDUL BYA GANG ZHIG BSTAN BYA'I DON GANG LA RNAM PA JI LTAR NYAN 'DOD PA DE'I YID KYI RNAM PAR SHES PA LA'O, ,GANG NA, BSTAN BYA'I DON DE'O, ,JI LTAR NA, SGRA MED KYANG JI LTAR BSTAN 'DOD KYI RNAM PA'AM TSUL DE KHO NA LTAR RO, ,RGYU GANG GIS NA, SNGON GYI SMON LAM DANG SOGS PAS GZUGS MED RTOGS PA'I YE SHES KYI MTHUS SO, ,GNAS SKABS GANG DU NA, SANGS RGYAS KYIS SNGON SMON LAM BTAB NAS PHYIS BYANG CHUB PA NA DE'I MTHUS SGRA MED KYANG GDUL BYA'I RGYUD LA JI LTAR

BSTAN 'DOD PA'I DON DE LTAR SNANG BAR BYED NUS PA DE BZHIN DU SANGS RGYAS SU MA ZAD RANG SANGS RGYAS NYID KYI BYANG CHUB THOB PA'I GNAS SKABS NA YANG DE LTAR RO, ,DE BAS NA SGRA MED KYANG CHOS STON PA MI 'GAL ZHES BYA STE, CHOS STON PA ZHES PA'I SGRA'I DON NI BRJOD PA'I SGRA YOD DAM MED KYANG BLA'I 'DI LTAR BRJOD BYA'I CHOS GO BA GDUL BYA NYAN PA'I RNAM PAR SHES PA LA SHIN TU STE LEGS PAR DANG POR BSKRUN ZHING PHYIS GONG NAS GONG DU SKYED PA ZHES BYA BA 'DI TZAM ZHIG YIN PA'I PHYIR RO, ZHES PA NI KHYAB PA SGRUB PA'O, ,SKABS 'DI'I DPE NI YANG SGRAS KHONG NAS 'PHANGS PA'O, ,GNYIS PA LA GSUM LAS, DANG PO NI, DE LTAR NYAN THOS LAS RANG RGYAL KHYAD ZHUGS PA BRJOD NAS RNAL MA STE DKYUS MA RANG SANGS RGYAS KYI LAM GYI NGO BO GSUNGS SO, ,JI LTAR NA, NYAN THOS LAS KHYAD ZHUGS PA RANG RGYAL RNAMS KYI LAM NI NYAN THOS LAS KHYAD PAR DU 'PHAGS PA KHO NA YIN PAS LAM YANG KHYAD PAR DU 'PHAGS PA YIN NO ZHES STON TO, ,RGYU MTSAN NI, RGYU LAM KHYAD CAN MA YIN NA 'BRAS BU'I DUS SU DE MNGON DU BYAS TSUL DANG CHOS STON TSUL KYI KHYAD PAR GNYIS MI 'THAD PAS SO, ,GNYIS PA NI, SHES PAR BYA'O, ,GANG NA, BSE RU LTA BUS MTSON PA'I RANG RGYAL THAMS CAD KYI LAM MO, ,GANG GIS DANG GANG DU SHES PAR BYA BA NI, NYAN THOS KYI SKABS BZHIN NO, ,TSUL NI, BRTEN PA SPANGS RTOGS KYI KHYAD PAR GNYIS DANG, RTEN RIGS KYI KHYAD PAR GSUM

, ,GYIS YANG DAG PAR BSDUS PAR RO, ,DANG PO LA YANG BDAG MED GNYIS KYI DBANG DU BYAS PA'I KHYAD PAR YOD KYANG, GANG ZAG GI BDAG MED KYI RTOGS TSUL NI NYAN THOS DANG MTSUNGS PAS DE BSHAD ZIN PA LA DGONGS NAS 'DIR RJE BTZUN GYIS MA GSUNGS PA SLOB DPON GYIS JI SKAD BSHAD PA'I ZHES 'GREL BAR KHA BSKANG BA MDZAD DO, ,CHOS KYI BDAG MED KYI DBANG DU BYAS PA'I SPANGS RTOGS LA YANG SPANGS PA'I KHYAD PAR GYIS RTOGS PA'I KHYAD PAR GO SLA BAR DGONGS NAS SPANGS PA'I KHYAD PAR TZAM ZHIG GSUNGS SO, ,DE LA GZUNG RTOG SPANGS PA DANG 'DZIN RTOG MA SPANGS PA'I KHYAD PAR GNYIS LAS, DANG PO PHYI ROL GYI GZUNG BA RANG BZHIN MED PAR RTOGS PAS GZUNG BA PHYI ROL GYI DON NAM YUL LA BDEN PAR ZHEN PA'I RTOG PA SPANGS PA NI, LHA'I BU DAG GZUGS NI ZAB PA MA YIN PHRA BA MA YIN NO, ZHES PA NAS RNAM MKHYEN GYI BAR LA ZAB PA DANG PHRA BA BKAG PA'O, ,'DIS GZUNG BAS STONG PA'I RANG BZHIN DE RANG RGYAL GYI BLO LA LTOS TE ZAB PA DANG PHRA BA MIN PAR BSTAN PA NI DE NGES JI LTA BA BZHIN RTOGS PA'I PHYIR RO, ,GNYIS PA NANG GI SHES PA RANG BZHIN MED PAR MA RTOGS PAS 'DZIN PA YUL CAN DU SNANG PA LA BDEN ZHEN GYI RTOG PA MI SPONG BA NI, RAB 'BYOR GYIS SMRAS PA LHA'I BU DAG DE DE BZHIN NO DE DE BZHIN TE, SEMS CAN DE DAG NI SGYU MA LTA BU STE CHOS NYAN PA DE DAG KYANG SGYU MA LTA BU'O, ,SEMS CAN DE DAG NI SPRUL PA LTA BU STE CHOS

NYAN PA DE DAG KYANG SPRUL PA LTA BU'O, ,LHA'I BU DAG GZUGS KYANG RMI LAM LTA BU SGYU MA LTA BU'O, ZHES SO, ,'DI DAG GIS DPER NA SGYU MA DANG SPRUL BA NI YUL MED KYANG DER SNANG BA'I RNAM RIG YOD PA LTAR RANG RGYAL DE DAG GIS YUL RANG BZHIN MED PAR RTOGS KYANG 'DZIN PA MED PA MA RTOGS PAR BSTAN TO, ,KHYAD PAR DE GNYIS KYIS RANG RGYAL GYI LAM DE NYAN THOS LAS KHYAD PAR DU 'PHAGS PA DANG THEG CHEN LAS DMAN PA'I KHYAD PAR BSTAN TO, ,GAL TE SUM CU PAR, GZUNG BA MED PAS DE 'DZIN MED, CES PA LTAR YIN PAS GZUNG RTOG SPONG NA 'DZIN RTOG MI SPONG BA 'GAL ZHE NA, DON 'DI LA TSIG GSAL LAS, RANG SANGS RGYAS 'DI DAG GIS NI SNOD KYI 'JIG RTEN RNAMS 'JIG PA DANG 'CHAGS PA'I DBANG GIS RTOGS PAR SLA BA DANG, SEMS CAN GYI 'JIG RTEN PA'I YANG LUS NI RAB TU 'JIG PAS BDAG MED PAR RTOGS BAS, ZHES DANG, 'DZIN BA'I NGO BO PHUNG PO LHAG MA BZHI PO NI MA YIN NO, , 'KHOR BA RNAMS SU RGYUN RAB TU BSTAN PAS BDAG MED CES DE DAG GI YE SHES MI 'JUG GO ,ZHES GZUNG BA GZUGS PHUNG DANG 'DZIN LA PHUNG PO LHAG MA BZHIL RGYUN BRTEN MI BRTAN YOD BAS RTOGS DKA' SLA YOD PA'I PHYIR RTOGS MA RTOGS KYI KHYAD YOD PAR 'CHAD DO, ,DE LTAR 'CHAD KYANG SLOB DPON GYI BZHED PA NI RGYAN SNANG DU, RANG GI MTSAN NYID KYI DNGOS PO YOD NA DE 'DZIN PAR BYED PA RNAM PAR RTOG PA MED PA'I SHES PA'I RANG GI MTSAN NYID ,

, ,SKYE ZHING DE MED PAR MA YIN PA ZHES BYA BA GANG YIN PA DE NI DNGOS PO'I CHOS NYID YIN NA, THOG MA MED PA'I DUS CAN GYI GZUGS LA SOGS PA 'DZIN PAR BYED PA'I RNAM PAR RTOG PA'I SHES PA 'GAG BZHIN PAS 'PHANGS PA'I RANG GI RGYUD KYI BAG CHAGS SAD PA LAS SKYE BA'I PHYIR, 'DZIN PA'I RNAM PAR RTOG PA LA NI GZUNG BA'I RNAM PAR RTOG PA YOD PA KHO NA LAS SKYE BA YIN NO ZHES BYA BA'I NGES PA 'DI YOD PA MA YIN NO, ZHES SO, , DE'I DON NI GZUNG BA RANG MTSAN DU YOD NA RANG MTSAN RNAM RTOG LA MI SNANG BAS DE 'DZIN PA'I RTOG MED MA 'KHRUL PA'I 'DZIN PA YOD LA, DE YANG DE LTA BU'I GZUNG BA MED NA MED PA YIN KYANG, GZUNG BAR SNANG BA'I 'DZIN PA NI THOG MED NAS BRGYUD PA'I RANG GI RNAM RTOG SNGA MAS BZHAG PA'I BAG CHAGS LAS SKYES PAS NA, GZUNG PA RANG BZHIN MED PAR RTOGS PAS 'DZIN PA YANG DE LTAR RTOGS DGOS PA'I NGES PA MED DO, ,RTEN GYI KHYAD PAR LA GNYIS, SGRUB PA PO'I RTEN GYI GANG ZAG DANG, SGRUB PA'I DMIGS PA CHOS NYID KYI RTEN NO, ,DANG PO NI, DE NAS TSE DANG LDAN PA RAB 'BYOR GYIS NYAN THOS CHEN PO DE DAG DANG LHA'I BU DE DAG LA 'DI SKAD CES SMRAS SO, ,TSE DANG LDAN PA DAG PHYIR MI LDOG PA'I BYANG CHUB SEMS DPA' SEMS DPA' CHEN PO RNAMS SAM, BDEN PA MTHONG BA'I GANG ZAG GAM, DGRA BCOM PA ZAG PA ZAD PA BSAM PA YONGS SU RDZOGS PA'AM, SNGON GYI RGYAL BA LA BYA BA BYAS PA SANGS RGYAS BYON

PA MANG PO LA DGE BA'I RTZA BA SKYED PA DAG GAM DGE BA'I BSHES GNYEN GYIS YONGS SU ZIN PA'I RIGS KYI BU DANG RIGS KYI BU MO DAG DU MA 'DI LTAR ZAB PA, ZHES PA NAS, 'DI LTAR MKHAS SHING MDZANGS PAS RIG PAR BYA BA 'DI LEN PAR 'GYUR TE, ZHES SO, ,BRGYAD STONG PAR, CHA DANG LDAN PA DAG PHYIR MI LDOG PA'I BYANG CHEN RNAMS SAM, LTA BA PHUN SUM TSOGS BA'I GANG ZAG RNAMS SAM, DGRA BCOM PA ZAG PA ZAD PA GANG YIN PA DA DAG YUM 'DI LTAR BSHAD PA 'DI LA YANG DAG PAR 'DZIN PAR 'GYUR RO, ZHES YUM 'DI LTAR BSTAN PA 'DI LA SU DAG YANG DAG PAR 'DZIN PAR 'GYUR ZHES RAB 'BYOR LA DRIS PA DANG, KUN DGA' PO LA LAN DU SMRAS SO, , SDUD PA LAS, RGYAL SRAS BDEN LA MKHAS DANG PHYIR MI LDOG PA DANG, ,DGRA BCOM DRI MA BSAL ZHING SOM NYI SPANGS PA DANG, ,BZHI PA DGE BA'I BSHES KYIS YONGS SU ZIN PA'O, ZHES SO, ,DE LTAR NYI KHRI LAS GANG ZAG LNGA DANG; BRGYAD STONG PAR GSUM DANG, SDUD PAR BZHI GSUNGS SHING DE YANG DANG POR BDEN MTHONG BSHAD DO, ,'O NA BLANG BYA'I YUL DE GANG, LEN MKHAN GYI GANG ZAG DE DAG KYANG JI 'DRA BA ZHE NA, NYI SNANG DANG RNAM 'GREL DU YUM LEN BAR BSTAN PA RNAMS RANG SANGS RGYAS BSTAN PAR BSHAD PA TZAM LAS GZHAN NYI KHRI'I 'GREL PA RNAMS SU BSHAD PA MED DO, RGYAN SNANG LAS, DANG PO NI, SPANGS PA KHYAD PAR GNYIS LDAN GYI RANG RGYAL GYI LAM DANG

, ,GNYIS PA NI, PHYIR MI LDOG PA NI RANG BYANG CHUB LAS MI LDOG PA'I SBYOR LAM PA YIN LA DE NYID RANG GI BYANG CHUB 'DOD PAS BYANG SEMS SANGS RGYAS MI BZHUGS PA'I ZHING DU LUS KYIS CHOS BSTAN NAS SEMS CAN GYI DON BYED 'DOD PAS SEMS DPA' CHEN PO'O, ,LTA BA PHUN TSOGS NI SHES RAB KYI LTA BA BAR MA DANG LDAN PA STE, THEG 'BRING GI SHES RAB BO, ,DGRA BCOM PA ZAG ZAD NI MTHONG LAM GYIS MTHONG SPANG GI ZAG PA RNAMS SPANGS PAS MCHOD PAR 'OS PA STE, MTHONG LAM PA'O, ZHES 'CHAD LA, YANG DE NYID LAS, TSIG GSUM GYIS NI RANG BYANG CHUB LA GO RIM BZHIN DU YANG DAG PAR BSGRUBS PA'I RIGS DANG CHOS NYID KYIS THOB PA'I RIGS DANG, DE NYID LA NGES PA'I RIGS KYI GANG ZAG CES BSHAD PA YIN NO, ZHES DANG PO YANG DAG PAR BSGRUBS PA'I RIGS KYI GANG ZAG DANG, BAR BA CHOS NYID KYIS THOB PA'I RIGS KYI DANG, THAM RANG RGYAL DU NGES PA'I RIGS KYI GANG ZAG LA BSHAD CING; LTA BA PHUN TSOGS LAM GANG LA GNAS GSAL KHA MED DO, ,GAL TE RIGS DE DAG KYANG RGYAS 'GYUR DANG, RANG BZHIN DU GNAS PA DANG, LAM GANG DU PHYIR MI LDOG THOB PA'I RIGS YIN PAS GSUM PA 'DI'I DANG PO LA SBYAR BAS CHOG KYANG MA SBYAR BA DANG, DANG PO GNYIS GO RIMS BZLOG NAS BSHAD PA, LAM THAM GNYIS LA GNAS PA MI 'CHAD PA'I RGYU MTSAN CI ZHE NA, NYI KHRI DANG BRGYAD STONG PA'I GANG ZAG GNYIS PA GNYIS DON

GCIG YIN ZHING DE SDUD PAR BSHAD PA'I DANG PO DANG YANG GCIG YIN TE, SDUD 'GREL LAS, DE LA SHES RAB 'BRING GI LTA BA DANG LDAN PAS KUN RDZOB DANG DON DAM PA'I DBYE BA YONGS SU SHES PA'I MKHAS PA NI RGYAL SRAS SO, ZHES BRGYAD STONG PA'I GANG ZAG GNYIS PA'I BSHAD PA 'DI LA MDZAD CING PHYIR MI LDOG PA RANG RGYAL SBYOR LAM PA LA BSHAD PAS, LTA BA PHUN TSOGS KYI GANG ZAG TSOGS LAM PAR BRTAG NUS PA'I PHYIR RIGS DANG PO GNYIS KYI GO RIMS 'TSOL BA MED DO, ,PHYIR MI LDOG GI RIGS SBYOR LAM NAS THOB KYANG MTHONG LAM NAS KHYAD PAR CAN DU GYUR PA'I PHYIR DER BZHAG PA MI 'GAL LO, ,YANG DE NYID LAS, THAMS CAD KYIS MCHOD PAS NA DGRA BCOM PA STE MTHONG BA'I LAM LA SOGS PA DE NYID KYIS GZUNG BA'I RNAM PAR RTOG PA SPANGS PAS RIM PA JI LTA BA BZHIN DU DRI MA BSAL BA DANG, DE NYID KYIS CHOS NYID MNGON SUM DU BYUS PAS THE TSOM MED PA'I PHYIR, SOM NYI SPANGS PA NI GSUM PA'O, ZHES MTHONG LAM LA SOGS KYI SGRA SBYAR BAS MTHONG LAM PA MTSON PA TZAM YIN PAS LAM THA MA GNYIS LA GNAS PA YANG BSHAD DO, ,SDUD PA'I DKA' 'GREL DU, GANG ZAG DANG PO MTHONG LAM PA LA SBYAR BA NI SLOB DPON DANG MI MTHUN NO, ,DE LTAR GANG ZAG BZHI LAS DANG PO GSUM NI RANG RGYUD DANG, THAMS NI GZHAN RGYUD DU GTOGS PA'I RTEN BSTAN TO, ZHES KYANG 'CHAD DO, ,DGE PA SHES KYIS ZIN PAS NI RGYAL

, ,BA LA BYA BA BYAS PA SOGS KYANG MTSON TE DE DAG NI KUN LA SBYAR RO, ,KHA CIG SBYOR LAM PA TSOGS SPYOD CHA BA DANG TSOGS SPYOD CHUNG PA'I MTHONG LAM DANG PO BCO LNGA LA GNAS PA NI BDEN MTHONG DANG, BCU DRUG PA LA GNAS PA DGRA BCOM DANG, RGYAL BA LA BYA BA BYAS PA SOGS BSE RU LTA BU'I CHO GAS LAM PAR BZHED DO, ,SKABS 'DI'I LAM 'PHAGS LAM YIN PAS SBYOR LAM PA SOGS SPYIR RTEN MTSAN NYID PA YIN KYANG 'DI RIN ZHAR BYUNG DU SHES PAR BYA'O, ,GNYIS PA NI, DE NAS LHA RNAMS KYI DBANG PO BRGYA BYIN DANG STONG GSUM GYI STONG CHEN PO'I 'JIG RTEN GYI KHAMS KYI RGYAL CHEN BZHI'I LHA NAS BRTZAMS TE, 'OG MIN GYI BAR GYI LHA DE DAG GIS LHA RDZAS KYI ME TOG MAN DHA RA BA MANG PO MNGON PAR SPRUL TE, ME TOG DE DAG GIS SANGS RGYAS BCOM LDAN 'DAS DANG, BYANG CHEN DANG, DGE SLONG GI DGE 'DUN RNAMS DANG, GNAS BRTAN RAB 'BYOR DANG, YUM 'DI LA MNGON PAR GTOR BAR GYUR TO, ZHES BYA BA LA SOGS PA'O, ,'DI DAG GIS NI SPRUL PA'I ME TOG RANG BZHIN MED KYANG MA BRTAGS PA'I NGOR YUL DUS RANG BZHIN SO SOR NGES PAR SNANG ZHING MCHOD PA'I BYA BA BYED PA LTAR SNANG BA DE BZHIN DU, RANG RGYAL GYI DE BZHIN NYID KYANG DNGOS POR GYUR PA'I RTEN DU MA GRUB KYANG THA SNYAD DU DE RTOGS PA LA BRTEN NAS RTOGS PA'I CHOS SO SOR NGES PA 'THOB PA'I RTEN DU RUNG PAR SHUGS KYIS MTSON NAS BSTAN PAS CHOS NYID KYI RTEN BSTAN

PA'O; ;NGAG SNYING ZLA 'OD RNAMS SU PHYI MA 'DI GCIG PU RANG RGYAL GYI RTEN DANG SBYOR YANG, SLOB DPON 'DIS GANG ZAG DANG DE BZHIN NYID KYI RTEN GNYIS MDZAD PA MDO'I DON NO, ,GSUM PA NI, BYANG CHUB SEMS DPAS KHYAD PAR DU 'PHAGS PA DANG LDAN PA'I KHYAD CHOS RTOGS PAR TE THOB PAR MI DMIGS PA'I TSUL GYIS SHES PAR BYA'I RNAM PA THAMS CAD DE CHA THAMS CAD NAS MNGON DU BYA BA'I TSUL GYIS SHES PAR BYA BA NI MA YIN NO ZHES BYA BA'I YUL DE NI RANG SANGS RGYAS KYI LAM MO, ,KHYAD CHOS DU DANG LDAN NA, RANG SANGS RGYAS KYI LAM LA STE LAM DU NYAN THOS KYI SKABS SU JI SKAD BSHAD PA'I BDEN PA BZHI MI RTAG SOGS BCU DRUG TU SGOM PA KHO NA STE MI SGOM PA RNAM PAR BCAD PA DANG, GZUGS SGRA LA SOGS PA'I GZUNG BA'I DNGOS BO RNAMS SGYU MA BYED PAS SPRUL BA JI LTA BA BZHIN DU THA SNYAD DU SGYU MA LTA BU'I RGYU LAS SKYES SHING, YANG DAG PAR NA SKYE BA MED PA'I RTEN CING 'BREL PAR 'BYUNG BA'I DON BSGOMS PAS GZUNG BA'I DON GYI RNAM PAR RTOG PA SPONG BA DANG, CHOS THAMS CAD RANG BZHIN MED PAR GOMS PAR MA BYAS BAS 'DZIN PA'I DON GYI RNAM PAR RTOG PA DAG MI SPONG BA DANG, RANG SANGS RGYAS KYI THEG PAS BSDUS PA'I RTEN PA'I CHOS LAM GYI GZHI'AM, RTEN BYED PA'I RIGS GNYIS KYI KHYAD PAR TE, DE GSUM GYIS RIM PA LTAR NYAN THOS DANG SANGS RGYAS LAS DANG RTOGS PA'I RGYU KHYAD PAR DU 'PHAGS PA STE KHYAD PAR DU BYED

, ,DO; ;'DIR RANG RGYAL GYI LAM MTSAN NYID PA DNGOS SU BSTAN NAS DE MI DMIGS PAR RTOGS PA'I LAM SHES SHUGS LA BSTAN TO, ,GSUM PA LA GSUM LAS, DANG PO NI, RANG RGYAL GYI 'PHAGS LAM GYI 'OG TU DE'I RGYU NGES CHA GSUNGS TE, NGES CHA THOB NA NI SKAD BSHAD PA'I 'PHAGS LAM SKYE BAS SO, ,GNYIS PA NI, MING DU BTAGS PA YANG MI 'DOR LA CHOS NYID DANG MI 'GAL PAR STON PA'I RNAM PAS SHES PAR BYA BA'I DROD NI, , GZUGS NI BTAGS PA TZAM MO BTAGS PA TZAM GANG YIN PA DE NI CHOS NYID DE, DE NI GNAS BRTAN RAB 'BYOR GYIS MI 'GAL BAR BSTAN TO, ZHES SO, GZUGS SOGS LA 'GRIB PA MED PA LA SOGS PAS PHYE PA STE NGES KHYAD PAR DU BYAS PA'I RNAM PAS RTOGS PAR BYA BA RTZE MOR GYUR PA NI, GZUGS 'PHEL BA DANG 'GRIB PAR BYA BA'I PHYIR MI SLOB BO, ZHES SO, ,GZUGS SOGS NANG STONG PA NYID NAS SOGS PAS DNGOS PO MED PA'I NGO BO NYID STONG PA NYID KYI BAR YIN PAS YONGS SU MI 'DZIN PA'I RNAM PAS RTOGS PAR BYA BA BZOD PA NI, 'DI LTAR GZUGS YONGS SU GZUNG DU MED DE, DE CI'I PHYIR ZHE NA, NANG STONG PA NYID NAS DNGOS PO MED PA'I NGO BO NYID STONG PA NYID KYI PHYIR GZUGS KYIS GZUGS YONGS SU BZUNG DU MED PAS SO, ZHES SO, ,GZUGS SOGS SKYE BA MED SOGS KYI RNAM PA CAN GYIS RTOGS PAR BYA BA CHOS MCHOG NI, BYANG TSE GZUGS KYI SKYE BA MI MTHONG 'GAG PA DANG BLANG BA DANG DOR BA

DANG KUN NAS NYON MONGS PA DANG RNAM PAR BYANG BA DANG SOGS PA DANG 'BRI BA DANG 'GRIB PA DANG 'PHEL BA MI MTHONG NGO, ,DE CI'I PHYIR ZHE NA, TSE DANG LDAN PA SH'A RI'I BU DE NI 'DI LTAR GZUGS GZUGS KYI RANG BZHIN GYIS MED PAS SO; ZHES SO, ,MDO 'DI DAG GIS NGES CHA BZHI BSTAN PA YANG SNGAR BSHAD PA LTAR RAM, YANG NA GONG GI MDO LAM GYI NGO BO DANG, 'OG GI MDO MTHONG LAM LA SBYAR BA LA RGYU MTSAN SNANG BA NA, PAR GYI 'DI LTA BU LA RGYU MTSAN GSAL BAR MED KYANG 'OS MED KYI RIGS PAS SHES PAR BYED PAR CHOS SHES 'CHAD DE, 'DI 'DRA BA'I RIGS RNAMS LA DRAN PAR BYA'O, ,GSUM PA NI SKYE BA YIN NO, ,GANG NA, NGES CHA BZHI DANG, DE SHES PA'I LAM SHES GNYIS SO, ,GANG LA NA, RANG SANGS RGYAS DANG BYANG SEMS LA'O, ,SBYOR LAM SKYE PA'I DMIGS RNAM GANG NA, BDEN PA BZHI'I DMIGS PA LA MI RTAG SOGS BCU DRUG TU DMIGS PA LA BRTEN NAS SO, , LAM SHES KYI DMIGS PA GANG NA, SBYOR LAM YUL BCAS SO, ,RNAM PA GANG NA, GZUGS LA SOGS PA'I CHOS RNAMS KYI RANG RANG GI MING GI BRDA LAS BYUNG BA'I BTAGS PA THA SNYAD KYI RNAM PAR BZHAG PA DANG, DE DAG GI RANG BZHIN BRJOD PA'I SPROS PA THAMS CAD DANG BRAL BA'I CHOS NYID GNYIS MI 'GAL BAR RAB TU STON PA STE RTOGS PA'I RNAM PAS DMIGS PAS DROD SKYE BAR SHES PA YIN NO, ,DE BZHIN DU LHAG MA RNAMS LA YANG

, ,SHES PAR BYA'O, ,GZUGS SOGS LA DON DAM PAR SNGAR YOD 'GRIB PA DANG SNGAR MED 'PHEL BA MED PA LA SOGS PAR RTOGS PA'I DON DU SLOB PA ZHES BYA BA'I RNAM PA DANG, RANG RANG GI NGO BO NYID KYIS STONG BA'I PHYIR NANG DANG PHYI DANG SOGS PAS DNGOS PO MED PA'I NGO BO NYID STONG PA NYID KYI BAR YIN PAS GZUGS SOGS LA BDEN PAR YONGS SU MI 'DZIN PA'I RNAM PA DANG, GZUGS SOGS LA DANG POR SKYE BA DANG MTHAR 'GAG PA LA SOGS PA MED PA ZHES BYA BA'I RNAM PAS SO, ,MDOR NA BYANG SEMS KYIS LAM SHES SGOM PA'I TSE RANG RGYAL GYI SBYOR LAM BZHI BDEN BZHI LA MI RTAG SOGS BCU DRUG TU DMIGS PA LA BRTEN NAS SKYE'O ZHES RNAM PA 'DI BZHI'I SGO NAS MI DMIGS BAR SHES PA'O, ,GSUM PA LA GNYIS, SPYI'I MTSAMS SBYAR BA DANG, SO SO'I NGO BO BSHAD PA'O, ,DANG PO NI, DMAN MCHOG GI RIM PA DANG BSTUN NAS RANG RGYAL GYI LAM GYI MJUG THOGS SU BYANG CHUB SEMS DPA'I LAM GYI NGO BO 'CHAD DO, ,MDO'I 'BREL NI, BRGYA BYIN GYIS YUM GANG NAS BTZAL BA DRIS PA DANG, SH'A RI'I BUS RAB 'BYOR GYI LE'U LAS BTZAL BAR GSUNGS PA LAS 'PHROS NAS GSUNGS SO, ,GNYIS PA LA GNYIS, MTHONG LAM DANG, SGOM LAM MO, ,DANG PO LA GNYIS, SPYI DANG, YAN LAG GI DON NO, ,DANG PO LA GNYIS, MTHONG LAM SKYE BA'I RTEN, BRTEN PA MTHONG BA'I LAM MO, ,DANG PO LA GNYIS, LUS RTEN DANG, SEMS

RTEN NO; ;DANG PO NI, SGRA MI SNYAN PA MA GTOGS PA'I MI DANG 'DOD LHA'I RTEN LA SKYE STE, NGAN SONG DANG SGRA MI SNYAN PA RNAMS NI RNAM SMIN GYI SGRIB PA CAN YIN LA KHAMS GONG MA RNAMS LA SKYO BA MED CING MI SKYO BAR YANG DANG POR BDEN PA RTOGS PAR BYED MI NUS PA'I PHYIR TE, BSDU BA LAS, GZUGS KYI KHAMS DANG GZUGS MED PA'I KHAMS GONG MAR SKYES BAS KYANG DANG POR BDEN PA RNAMS MNGON PAR MI RTOGS TE, 'DI LTAR GNAS DE DAG NI SKYO BAR 'GYUR DKA' BA YIN PAS, RE ZHIG SKYO BA CHUNG DUS KYANG BDEN PA RNAMS MNGON BAR MI RTOGS NA GANG NA SKYOB CHUNG NGU YANG THAMS CAD KYI THAMS CAD DU MED PAS LTA SMOS KYANG CI DGOS PA'I PHYIR RO, ZHES DANG, MDZOD LAS, GONG NA MTHONG LAM MED, MI SKYO, ZHES LUNG RIGS KYIS BSGRUBS PA LTAR RO, ,GNYIS PA NI, BSAM GTAN SA DRUG GANG RUNG LA BRTEN TE, BSDU BAR, BDEN PA MNGON PAR RTOGS PA NI BSAM GTAN RNAMS KHO NA DANG BSAM GTAN DANG PO'I NYER SDOGS MI LCOGS PA MED PA LA BRTEN NAS KYANG MNGON PAR RTOGS PAR 'GYUR GYI, GZUGS MED PA'I SNYOMS PAR 'JUG PA RNAMS LAS NI MA YIN TE, 'DI LTAR GZUGS MED PA'I SNYOMS PAR 'JUG PA'I LAM NI ZHI GNAS SHAS CHE BA YIN LA, LHAG MTHONG SHAS CHUNG BA YIN PAS LHAG MTHONG CHUNG BA'I LAM GYIS NI, BDEN PA RNAMS MNGON PAR RTOGS PAR MI NUS PA'I PHYIR RO, ZHES SO, ,THEG CHEN NI BSAM

, ,GTAN BZHI PA'I DNGOS GZHI LA BRTEN ZHES KYANG 'CHAD DO, ,GNYIS PA LA GSUM, MTHONG LAM GYI SKAD CIG MDUR BSHAD PA DANG, MTHONG SPANG SPONG TSUL JI LTAR BSTAN PA DANG, SKAD CIG MA DUR SKYE BA DPYAD PA'O; ;DANG PO NI, SDE BA RNAMS LA GRANGS MANG NYUNG 'DOD TSUL DU MA BSHAD KYANG, GRAGS CHE BA LA MDZOD DU, DE LA SKAD CIG BCO LNGA NI, ,MA MTHONG MTHONG PHYIR MTHONG BA'I LAM, ZHES BCO LNGAR BSHAD PA DANG, YUM GYI RGYAN 'DI DANG KUN BTUS LA SOGS PAR SKAD CIG BCU DRUG TU BSHAD PA'O, ,GNYIS PA LA GNYIS, BSHAD TSUL DGOD, 'THAD MI 'THAD BSAM PA'O, ,DANG PO LA GNYIS, CHOS MNGON PA NAS JI LTAR BSHAD PA DANG, RJES 'BRANG GIS JI LTAR BKRAL BA'I TSUL LO, ,DANG PO NI, MDZOD DU CHOS BZOD BZHI 'DOD PA'I MTHONG SPANG SPONG BA'I BAR CHAD MED LAM DANG, CHOS SHES BZHI DE'I RNAM GROL LAM DANG, RJES BZOD BZHI KHAMS GONG GI MTHONG SPANG SPONG BA'I BAR CHAD MED LAM DANG RJES SHES BZHI DE'I RNAM GROL LAM DU BSHAD DO, ,KUN BTUS KYI LUGS KYIS SDUG BSNGAL CHOS BZOD KYIS KHAMS GSUM GA'I SDUG BSNGAL MTHONG SPANG SPONG ZHING, SDUG BSNGAL LA CHOS SHES KYIS RNAM GROL LAM MNGON DU BYED LA LHAG MA GSUM GYI CHOS BZOD CHOS SHES KYANG DE BZHIN NO, ,SDUG BSNGAL RJES BZOD KYIS SDUG BSNGAL CHOS BZOD CHOS SHES GNYIS LA DMIGS NAS 'DI NI 'PHAGS PA'I

CHOS RNAMS KYI RGYU'O ZHES 'DZIN LA, SDUG BSNGAL RJES SHES KYIS RJES BZOD LA DMIGS NAS SNGAR LTAR 'DZIN PA'O ZHES NGES PAR BYED PA STE, LHAG MA GSUM GYI RJES BZOD DANG RJES SHES KYANG DE BZHIN NO, ,DES NA RJES BZOD RJES SHES GNYIS SPANG BYA'I GNYEN POR MA BSHAD DE, KUN BTUS LAS, SDUG BSNGAL LA CHOS SHES PA'I BZOD PA GANG ZHE NA, SNGAR RNAM PAR DPYAD PA'I DBANG DU BYAS NAS SO SO RANG LA MNGON SUM DU GYUR PA'I ZAG PA MED PA'I SHES RAB STE; GANG GIS SDUG BSNGAL MTHONG BAS SPANG BAR BYA BA'I NYON MONGS PA SPONG BA DE SDUG BSNGAL LA CHOS SHES PA'I BZOD PA ZHES BYA'O, ,CHOS SHES PA GANG ZHE NA, SHES PA GANG GIS BZOD PA'I MJUG THOGS SU RNAM PAR GROL BA MNGON SUM DU BYED PA'O, ,SDUG BSNGAL LA RJES SU RTOGS PAR SHES PA'I BZOD PA GANG ZHE NA, SDUG BSNGAL LA CHOS SHES PA'I BZOD PA DANG, SDUG BSNGAL LA CHOS SHES PA 'DI GNYIS 'PHAGS PA'I CHOS RNAMS KYI RGYU'O ZHES SO SO RANG LA MNGON SUM DU GYUR PA'I ZAG PA MED PA'I SHES RAB BO, ,SDUG BSNGAL LA RJES SU RTOGS PAR SHES PA GANG ZHE NA, SDUG BSNGAL LA RJES SU SHES PA'I BZOD PA DE NGES PAR 'DZIN PA'O, ,BDEN PA LHAG MA RNAMS LA YANG BZOD PA DANG SHES PA RNAMS CI RIGS SU SBYAR BA SHES PAR BYA'O, ZHES SO, ,DE LTAR NA YE SHES DE DAG GI YUL NI CHOS BZOD CHOS SHES KYIS BDEN PA'I CHOS NYID LA DMIGS PAS GZUNG BA DANG, RJES BZOD RJES SHES

, ,KYIS YUL CAN YE SHES LA DMIGS PAS 'DZIN PA'I YUL CAN YIN LA, SKAD CIG GI TSAD NI JI TZAM GYIS RANG YUL RTOGS PA RDZOGS BA'I BAR TE, BYA RDZOGS YIN GYI DUS MTHA'I SKAD CIG NI MA YIN TE, DE NI THA SNYAD DU MI RUNG BAS SO, ,YE SHES DE DAG GI NGO BO YANG MING GI MTSAN MA DANG MA 'DRES PA YIN TE, KUN BTUS LAS, DE LA CHOS SHES PA'I BZOD PA DANG SHES PA RNAMS KYIS NI GZUNG BA RTOGS SO, ,RJES SU RTOGS PA'I BZOD PA DANG SHES PA RNAMS KYIS NI 'DZIN PA RTOGS SO, ,BZOD PA DANG SHES PA THAMS CAD LA YANG MTSAN MA MED PAR GNAS PA'I RNAL 'BYOR CAN DU RIG PAR BYA'O, ZHES DANG, SEMS KYI SKAD CIG NI SHES BYA LA SHES PA SKYE BA YONGS SU RDZOGS PAR RIG PAR BYA'O, ZHES SO, ,GNYIS PA NI, DPAL LDAN ZLA GRAGS KYIS MDZAD ZER BA'I PHUNG PO LNGA'I RAB BYED LAS SPANG BYA'I GRANGS GNYEN POS SPONG TSUL RNAMS MDZOD JI LTA BA BZHIN DU 'BYUNG NGO; ;SLOB DPON 'DIS SPANG BYA'I GRANGS LA SOGS PA RNAMS KUN BTUS JI LTA BA BZHIN, THEG CHEN MTHONG LAM GYI SKABS SU GSUNGS SO, ,THUB DGONGS KYI LE'U GNYIS PAR, SPANG BYA'I GRANGS GNYEN POS SPONG TSUL BAR CHAD MED LAM DANG RNAM GROL LAM DU 'GYUR TSUL DANG PO BCO LNGA MTHONG LAM BCU DRUG PA SGOM LAM GYI RNAM GZHAG MDZOD LTAR BSHAD NAS, LE'U GSUM PAR SPANG BYA'I GRANGS KUN BTUS LTAR DANG GNYEN POS SPONG TSUL DANG LAM

GNYIS SU 'JOG TSUL RNAMS MDZOD LTAR BYAS SO, ,'JUG t'I KA TU RANG LUGS LA KUN BTUS LTAR BSHAD NAS GZHAN GYIS NI GZHAN DU 'CHAD DE, ZHES GZHAN 'DOD BKOD PA NI THUB DGONGS KYI LE'U GSUM PA'I DON DER SNANG DE,, GNYIS PA NI, BSDU BAR KHAMS GONG 'OG GI MTHONG SPANG GI GNYEN PO THA DAD PAR BSHAD PA NI SNGAR KHAMS GONG 'OG GI BDEN PA SO SOR GTAN LA DBAB PA'AM, YANG NA GONG 'OG GI SPANG BYA SPONG BA'I BYED LAS KYI SGO NAS CHOS SHES DANG RJES SHES PHYOGS MTHUN DU BSHAD DO, ,CHOS BZOD NYID KHAMS GSUM GA'I MTHONG SPANG GI GNYEN POR GSUNGS BA'I RJES SU BZANG PO'I ZHABS LA SOGS PA MKHAS PA DU MA ZHIG GIS 'BRANGS SO, ,DE LA AA BHYAS SPANG BYA KUN BTUS LTAR BYAS NAS SPONG TSUL MDZOD BZHIN 'CHAD PA NI, THUGS RTZINGS PA STE, KUN BTUS KYI LUGS DANG 'GAL BAS SO, ,PHUNG PO LNGA'I RAB BYED CES PA DER NI CHOS GSUM LA GAL CHER BYE SMRA'I 'DOD PA BKOD BA'I BSHAD PA BYAS SHING, DPAL LDAN ZLA GRAGS NI DON SMRA GNYIS KYI RNAM GZHAG RNAMS KUN RDZOB KYI RNAM GZHAG TZAM DU GRUB PAR 'DOD PA LA YANG DGAG PA MDZAD PAS 'DI DES MDZAD PA MIN PA LA MNGON PA 'OG MA'I RGYUS YOD GCIG GIS KHA G-YAR DU SNANG NGO, ,GSUM PA LA GSUM, 'DOD PA DGOD, 'THAD PHYOGS BSTAN, LUNG NAS GSUNGS TSUL LO, ,DANG PO LA GNYIS LAS, LUGS DANG PO NI, 'BRAS BU'I

, ,MNGON RTOGS LA LTOS NAS MTHONG LAM SKAD CIG MA GCIG YIN LA, SO SOR RTOGS PA'I MNGON RTOGS LA LTOS NAS SKAD CIG MA BCU DRUG GO ZHES ZER RO, ,DE LA DANG PO'I DON NI BDEN BZHI LA RIM PA LTAR SHES PA DANG SPONG BA DANG MNGON DU DANG, SGOM PAR BYED PA NI MTHONG LAM GYI BYA BA'I LAS YIN PAS DE'I 'BRAS BU YIN LA, DE'I DBANG DU BYAS NA SKAD CIG GCIG YIN TE, SDUG BSNGAL MTHONG BA'I TSE SDUG BSNGAL MTHONG SPANG SPONG? LA DE KUN 'BYUNG YIN PAS KUN 'BYUNG YANG SPONG NGO, ,DE SPANGS PA 'GOG PA YIN PAS 'GOG PA YANG MNGON DU BYED DO, ,DE YANG LAM SGOM PA MED NA MED PAS DE DAG DUS GCIG GO ,GNYIS PA'I DON NI DE LTAR GCIG YIN KYANG BDEN PA RE RE LA SGRO 'DOGS KYI RNAM PA MA MI 'DRA BA BCAD NAS RJES SU NGES BA SKYES PA'I RIM PA LA LTOS NAS BCU DRUG TU BZHAG BA'O ZHES PA'O, ,DE LTAR BDEN BZHI LA NGES PA 'DREN TSUL GYI SGO NAS BCU DRUG RIM CAN DU 'BYUNG LA, SHES SPONG LA SOGS PA'I BYA BA BYED TSUL GYI SGO NAS RIM PA MED PAS, 'DI'I LTAR NA MTHONG LAM LA ZHUGS GNAS KYI RNAM GZHAG RNAMS KYANG RUNG BA YIN NO, ,LUGS GNYIS PA NI, SO SOR RTOGS PA'I MNGON RTOGS LA YANG SKAD CIG GCIG YIN TE, CHOS MTHA' DAG DNGOS PO MED PA'O ZHES BSGOMS PAS SGOM BA MTHAR SON PA NA, DON GYI RANG GI NGO BO GCIG ,BDAG NYID MNGON SUM YIN PA LA, ,TSAD MA RNAMS KYIS

BRTAG BYA GANG, ,MA MTHONG CHA GZHAN CI ZHIG YOD, CES PA'I TSUL GYIS BDEN PA BZHI KA'I DE KHO NA NYID KYI YUL CAN ZAG MED KYI YE SHES SKYE BAS SLAR YANG MA MTHONG BA MTHONG BAR BYA BA MED PA'I PHYIR RO, ,SPANG BYA SPONG TSUL YANG 'JIG LTA DANG CHAGS SOGS KYI NYON MONGS DNGOS POR MNGON PAR ZHEN PAS KUN NAS BSLAD LA, DE LAS GROL BA NI ZHEN PA LTAR MED PAR MTHONG BA LAS YIN PA'I PHYIR, DE LA YANG RIM PA MED DO, ,GNYIS PA NI, LUGS PHYI MA MI 'THAD DE, DE LTAR NA SKAD CIG MA GCIG LA MTHONG LAM GYI RTOGS BYA'I RNAM PA THAMS CAD RDZOGS PAS RNAM PA LHAG MA'I SGO NAS MTHONG LAM SGOM PA MED PA'I PHYIR, MTHONG LAM LA ZHUGS GNAS KYI RNAM GZHAG JI LTAR RUNG, GZHAN YANG, GZUGS CHOS MTHUN PA MTHONG BA LAS, ,NYA PHYIS LA DNGUL RNAM PA LTAR, ,GAL TE 'KHRUL PA'I RGYU MTSAN GYIS, ,YON TAN GZHAN SBYOR MI BYED NA, ZHES PA LTAR BDEN BZHI'I DE NYID MTHONG BA TZAM GYIS BZLOG PHYOGS SU SGRO 'DOGS PAR MI BYED NA, SO SOR RTOGS PA'I MNGON RTOGS LA SKAD CIG GCIG TU 'GYUR YANG, GANG GI TSE 'KHRUL BA'I RGYU 'GA' ZHIG LAS BZLOG PHYOGS SU SGRO 'DOGS PA'I RNAM PA GZHAN DAG YOD PA'I PHYIR, DE DRUNGS NAS DBYUNG BA'I DON DU RNAM PA GZHAN DAG GIS SGOM PA GZHAN YANG YOD PA'I PHYIR, RGYUN ZHUGS ZHUGS PA DANG 'BRAS GNAS KYI GNAS SKABS KYANG 'THAD PA YIN NO, ,DE BAS

, ,NA RNAM PAR SHES PAS BDEN BZHI'I DE KHO NA NYID KYI RNAM PA THAMS CAD BZUNG YANG, CHA GANG LA GOMS BA GSAL BA LA SOGS PA'I MTHUS SGRO BTAGS BA'I RNAM PA SEL NUS BA DE NYID DE'I GEGS SU GYUR PA'I SGRIB PA SEL BAS DE LA TSAD MA YIN GYI CHA GZHAN LA MIN TE, SNGON PO DANG SKAD CIG MA MTHONG BAR KHYAD BAR MED KYANG SNGO MIN DU SGRO 'DOGS SEL GYI RTAG 'DZIN SEL MI NUS PA BZHIN NO, ,MTHONG YANG NGES PA MI 'DREN NA, 'PHAGS PA DANG SO SKYE LA KHYAD BAR CI ZHIG YOD CES KYANG BRJOD PAR MI BYA STE, RNAM PA CI TZAM ZHIG GSAL BAS DE DAG GI SHES PA 'KHRUL BA'I RGYU DANG GTAN BRAL BA DES DE DAG KHYAD PAR DU 'PHAGS BA'I PHYIR RO, ,'DOD PA DGOD PA DANG; DE 'THAD MI 'THAD DPYAD PA'I BRGAL LAN 'DI DAG RGYAN SNANG DU 'BYUNG STE, 'DI LTAR NA BDEN BZHI'I DE KHO NA NYID LA CHA MED PAS MTHONG BA'I TSE MTHA' DAG MTHONG YANG MTHONG BA LA NGES PA 'DREN PAS MA KHYAB PA'I PHYIR, SGRO 'DOGS BSAL ZHING NGES PA BSKYED PA'I PHYIR DU RNAM PA BCU DRUG GIS MTHONG LAM SGOM PAR BZHED PAS MNYAM GZHAG LA BZOD SHES BCU DRUG RIM CAN DU SKYE YANG, YUL DE BZHIN NYID RTOGS TSUL MI MTHUN PA MED PA RGYUN GCIG YIN PAS SKAD CIG GCIG DANG RTOGS TSUL MI 'DRA BAR BSHAD PA BCU DRUG NI RJES THOB KYI NGES PA 'DREN TSUL LA BZHAG GO ,DE'I PHYIR RGYAN SNANG DU, BDEN PA RNAMS KYI MNGON PAR RTOGS PA NI GCIG PA'I PHYIR

SA DANG PO'I SKAD CIG MA DANG PO NI MTHONG BA'I LAM YIN NO, ,DE LAS GZHAN SKAD CIG MA GNYIS PA LA SOGS PA NAS RDO RJE LTA BU'I BAR NI, MCHOG GI DON LA SOGS PAR CHOS KYI DBYINGS SO SOR RTOGS PA'I PHYIR, SGOM PA'I LAM YIN PAR BSHAD DO, ZHES PA NI, SA BCU'I DBANG DU BYAS NAS SA GNYIS PA NAS GZUNG BA YIN GYI SDUG BSNGAL LA CHOS SHES NAS MIN TE, KUN TU 'GRO DON DU RTOGS PA LA SOGS PA RJES KYI TSE NGES PA 'DREN TSUL LA BSHAD CING, CHOS SHES KYI TSE MCHOG GI DON LA NGES PA 'DREN BAR MI BZED PA'I PHYIR RO, ,SLOB DPON GYI BZHED PA 'DI RNAMS KHUNGS SU BYAS NAS 'JUG t'IKA TU BKOD BA NI 'DI'I BZHED PA MA NOR BAR BSHAD LA, THUB DGONGS SU SO SOR RTOGS PA'I MNGON RTOGS LA SKAD CIG GCIG TU BSHAD NAS MDO DANG RIGS PA DRUG CU PA'I LUNG SHES BYED DU DRANGS TE, DE LTA NA ZHUGS PA LA SOGS PA MTHONG LAM DE BZHAG TU MI RUNG BAR BRTZAD BA'I LAN DU, MTHONG SPANG SGRO 'DOGS YOD PAS NGES PA 'DREN MI NUS PA LA SOGS PA RGYAN SNANG GI BSHAD PA JI BZHIN DU BKOD CING, DE KHO NA NYID MA LUS PA MTHONG YANG NGES PA LA LTOS NAS KUN TU 'GRO DON DU RTOGS PAR BSHAD PA'I SLOB DPON GYI LUNG SHES BYED DU 'DREN PA NI SHIN TU 'KHRUL TE, RGYAN SNANG DU SNGAR BSHAD PA LTAR SO SOR RTOGS PA'I MNGON RTOGS LA SKAD CIG GCIG TU 'DOD NA ZHUGS PA SOGS MI 'THAD PAR GSUNGS SHING GZHAN YANG MTHONG BA

, ,TZAM NAS SGRO 'DOGS MA SKYE ZHING NGES PA SKYE NA, SO SOR RTOGS PA'I MNGON RTOGS LA DER 'GYUR YANG, SGRO 'DOGS SKYE ZHING NGES PA MI SKYE BA'I PHYIR, DE'I DON DU RNAM PA GZHAN GYIS MTHONG LAM SGOM PA YOD PAS RANG LUGS LA ZHUGS GNAS 'THAD CES GSUNGS PAS 'DOD PA DE LA GNOD BYED DU BKOD PA SGRUB BYED DU DRANGS BAS SO, ,GZHAN YANG THUB DGONGS SU, CHOS SHES LA SOGS BA SKAD CIG MA BCO LNGA PO RNAMS KYANG MTHONG BA'I LAM MO ZHES PA NI THA SNYAD DU BSHAD PA KHO NA'O, ,SGOM PA'I LAM DU GSUNGS PAS KYANG 'DI RNAMS MTHONG BA'I LAM BTAGS PA BA'O ZHES GSAL BAR BYAS SO, ,GZHAN DU NA SHING RTA CHEN PO RNAMS KYIS THEG PA CHEN POR MTHONG BA'I LAM SKAD CIG BCU DRUG GO ZHES MANG DU BSTAN PA DANG JI LTAR MI 'GAL ZHES, DE LAS GZHAN SKAD CIG GNYIS PA ZHES SOGS KYI LUNG GIS THA MA BCO LNGA SGOM LAM DU GSUNGS PAR BSAMS NAS DE DAG BTAGS PA BA YIN TE, GAL TE MTHONG LAM BTAGS PA BAM? YIN NA DNGOS KYANG MA YIN PAS MTHONG LAM BCU DRUG TU GSUNGS PA DANG 'GAL LO ZHES BSHAD PA NI, RANG NYID KYIS TSAD MAR BYAS PA'I RIGS PA DRUG CU PA RTZA 'GREL DANG SLOB DPON 'DI'I BZHED PAR MI SNANG STE, PHYI MA NI BRJOD ZIN LA SNGA MA NI 'CHAD PAR 'GYUR RO, ,GSUM PA LA GNYIS LAS, DBU MA NAS BSHAD BA NI RIGS PA DRUG CU BAR, CHOS SHES PA YI MJUG THOGS SU, ,

'DI LA BYE BRAG YOD NA NI, ,DNGOS PO SHIN TU PHRA BA YANG, ,GANG GIS SKYE BAR RNAM BTAGS?, ,RNAM PAR MI MKHAS DE YIS NI, ,RKYEN LAS BYUNG BA'I DON MA MTHONG, ZHES PA'I 'GREL PAR, DE LTAR RTEN CING 'BREL PAR 'BYUNG BA SKYE BA MED PA DANG 'GAG PA MED PA LA DMIGS PA'I CHOS SHES PAS BDEN PA GSUM PO RTEN CING 'BREL PAR 'BYUNG BA NGO BO NYID KYIS MA SKYES PAS, MYA NGAN LAS 'DAS PA YANG DE'I NGO BO NYID YIN PAR MTHONG BAS MNGON PAR RTOGS PA GCIG TU ZAD DO, ,GAL TE DE LTA NA MTHONG BA'I LAM SKAD CIG MA BCO LNGAR JI LTAR BZHAG ,SDE PA KHA CIG NI MTHONG BA'I LAM SKAD CIG MA BCO LNGAR MI 'DOD KYI MNGON PAR RTOGS PA GCIG TU ZAD PAR 'DOD DE, DE DAG GI 'DOD PA DANG BSHAD PA 'DI MI 'GAL LO, ,GANG DAG SKAD CIG MA BCO LNGAR 'DOD BA DE DAG GI LTAR NA YANG, DE LTA BUS 'DUL BA'I SKYE BO LA DE BSTAN PAS PHAN GDAGS PA'I PHYIR, SHES PA'I NGO BO GCIG LA CHAR PHYE NAS CHA BCO LNGAR RNAM PAR BZHAG GO ,ZHES GSUNGS SO, ,DE'I DON NI, RTEN 'BREL GYI CHOS LA SKYE 'GAG MED PAR SHES PAS SDUG BSNGAL DANG KUN 'BYUNG DANG LAM GSUM GYI RANG BZHIN YANG SKYE 'GAG MED PAR RTOGS LA; RANG BZHIN DE YANG 'GOG PA'I RANG BZHIN YIN BAS BDEN PA BZHI'I RANG BZHIN CIG CAR RTOGS KYI, CHOS SHES KYI MJUG TU RTOGS PA'I RNAM PA MI 'DRA BA'I TSUL GYIS RIM CAN DU RTOGS BA MIN NO, ,DE'I PHYIR

, ,MNGON RTOGS GCIG TU ZAD DO, ,'ON KYANG SKAD CIG BCO LNGA 'AM BCU DRUG TU BZHAG PA NI SPROS PA LA DGA' BA RNAMS LA PHAN GDAGS PA'I PHYIR BZHAG STE, BDEN BZHI'I RANG BZHIN LA MI SKRAG PAS CHOS BZOD TSUL BZHIN DU RIG PAS CHOS SHES, RJES SHES KYI TSE YANG DE LTAR MI SKRAG CING RIG PA'I NUS PA DANG LDAN PAS RJES BZOD DANG RJES SHES SO ZHES BZHED DO, ,BSDU BA LAS GSUNGS TSUL NI, JI SKAD DU, BSTAN PA GNAS PA RGYAS PA RNAM PAR BZHAG PA SPROS PA DANG BCAS PA DANG, DON DAM PA RNAM PAR BZHAG PA SO SO RANG RIG PA SPROS PA MED PA'O, ,DE LA RNAM PAR BZHAG PA DANG PO'I DBANG DU BYAS NAS CHOS SHES PA'I PHYOGS DANG MTHUN PA'I SEMS BZHI DANG, RJES SU RTOGS PA'I SHES PA'I PHYOGS DANG MTHUN PA'I SEMS BZHI DANG, DUS JI SRID DU SEMS BRGYAD PO DE DAG 'BYUNG BAR 'GYUR BA'I DUS DE SRID DU DE'I MJUG THOGS SU YONGS SU BSGOMS PA'I SEMS ZHI GNAS 'BA' ZHIG LA ZHUGS PA GCIG KYANG 'BYUNG BAR 'GYUR TE, DE DAG BSDUS NA SEMS DGUR 'GYUR BAS DE DAG GIS MTHONG BA'I LAM YONGS SU RDZOGS PAR 'GYUR TE, ZHES CHOS SHES KYI PHYOGS MTHUN CHOS BZOD BZHI DANG RJES SHES PHYOGS MTHUN RJES BZOD BZHI STE BRGYAD DANG, ZHI GNAS KYI SEMS GCIG STE DGUS ZHES 'BYUNG YANG SHES PA YOD PAS BCU DRUG GI RNAM GZHAG GO ,YANG DE NYID LAS, RNAM PAR BZHAG PA GNYIS PA'I DBANG DU BYAS NAS DE BZHIN NYID SHES PA DANG MTSUNGS

PAR LDAN PA GCIG KHO NAS SEMS KYI RANG BZHIN LAS BRTZAMS TE MTHONG BA'I LAM YONGS SU RDZOGS PAR 'GYUR RO ZHES DE BZHIN NYID KYI YUL CAN GYI SEMS GCIG GIS RDZOGS PAR BSHAD CING, DE YANG DANG PO BSTAN PA GNAS PA'I PHYIR DU GDUL BYA'I DOR BSHAD PA SPROS BCAS DANG, GNYIS PA NI, RNAL 'BYOR PA'I RGYUD LA SKYES PA'I TSUL NGES DON SPROS MED KYI RNAM GZHAG TU MDZAD CING, KUN BTUS 'GREL PAR YANG BCU DRUG TU BSHAD PA RNAM GZHAG TZAM DU MDZAD DO, ,DE LTAR NA PHYI MA'I BZHED PA SNGAR BSHAD PA'I SLOB DPON GYI DGONGS PA DANG GCIG TU BYAS NAS KHAS BLANGS NA RE ZHIG LA BSKYANG BDE'O, ,GNYIS PA LA GSUM, MTHONG LAM GYI NGO BO MDOR BSTAN, SGOM TSUL GYI RNAM PA RGYAS PAR BSHAD, RNAM PA MA BSHAD PAR 'DOD PA DGAG PA'O, ,DANG PO LA GNYIS LAS, DANG PO NI, BSHAD DO, ,GANG NA, MTHONG BA'I LAM 'DI PHYI'I PHAN YON DANG BCAS PA 'DI'O, ,GANG GI SGO NAS NA ZAG BCAS KYI BDEN PA GNYIS DANG ZAG MED KYI BDEN PA GNYIS TE BZHI LA BZOD SHES KYI SKAD CIG MA RNAM PA BZHI BZHIR BSTAN PA'I SGO NAS SO, ,GANG DU NA, LAM SHES NYID LA STE SKABS SU'O, ,GNYIS PA NI, MTHONG BA'I LAM PHAN YON CHEN PO YIN NO ZHES BRJOD DO, ,GANG NA BSGOM PAR BYA BA NI'O, ,'DI LA BZHI LAS GANG GIS NA, BYANG SEMS MTHONG LAM PAS SO, ,GANG DU NA, LAM SHES PA'I SKABS SU'O, ,GANG NA, PHYIR

, ,MI LDOG PA SOGS TSE 'DI'I YON TAN DANG SKYE BA DRAN PA SOGS TSE GZHAN GYI YON TAN DAG DANG LDAN PA 'DI'O?, ,GANG DANG LDAN NA, BZOD PA'I SKAD CIG MA GNYIS DANG SHES PA'I SKAD CIG MA GNYIS TE BZHI PO SDUG BSNGAL LA SOGS PA'I BDEN PA BZHI SO SOR HE RE RE DANG YUL DANG YUL CAN DU 'BREL PA DAG DANG LDAN PA YIN NO, ,SKAD CIG MA BZHI GANG NA CHOS SHES PA SOGS SO, ,TSUL NI, MI DMIGS PAR RTOGS PA'I SGO NAS SO, ,GNYIS PA LA GSUM LAS, DANG PO NI, BCU DRUG PO DE RNAMS SGOM TSUL GYI RNAM PA JI LTA BUR BSGOM PAR BYA ZHE NA, DE'I LAN DU GSUNGS SO, ,GNYIS PA NI, LAM SHES PA NYID KYI MTHONG LAM SKAD CIG MA BCU DRUG DAG YIN NO, ,DE GANG NA; RTOGS BYA'I RNAM PA BSTAN PAS SHUGS LA 'PHAGS PA'I SDUG BSNGAL GYI SKAD CIG MA BZHI NI, DE BZHIN NYID NAS TSAD MED KYI BAR TE, DE BZHIN NYID LA YANG DE BZHIN GSHEGS PA MI DMIGS SO, ,DE BZHIN GSHEGS PA LA YANG DE BZHIN NYID MI DMIGS SO, ZHES DANG, GZUGS CHEN PO NYID YIN PA'I PHYIR, BYANG CHEN RNAMS KYI PHAR PHYIN DE NI CHEN PO'O, ZHES DANG, GZUGS LA TSAD MA MED PA'I PHYIR, BYANG CHEN RNAMS KYI PHAR PHYIN 'DI NI TSANG MA MED PA'O, ZHES DANG, GZUGS TSAD MED PA'I PHYIR, BYANG CHEN GYI PHAR PHYIN 'DI TSAD MED PA'O, ZHES SO, ,DE LA TSAD NI SH'ANTI DANG AA BHYAS 'DI TZAM ZHES GRANGS KYIS MI CHOD PA LA BSHAD LA, NYI SNANG LAS

NI; TSAD CES BYA BA NI RDUL PHRA RAB KYI MTHAR THUG PA LA BRTEN PA'I DBYIBS LA BRJOD DE GZUGS CAN MA YIN PA RNAMS LA NI TSAD KYI MTSAN NYID YOD PA MA YIN NO, ZHES GSUNGS LA, RGYAN SNANG LAS, GZUGS CAN RNAMS LA NI RDUL PHRA RAB KYI DBYIBS TSAD YIN LA GZUGS CAN MA YIN PA LA NI MTSAN NYID TSAD YIN NO, ZHES MI MTHUN PAR 'BYUNG YANG 'GYUR SNGA MA LTAR LEGS TE, TSAD NI BOD TSOD YIN LA LUS CAN MA YIN PA LA NI DE MED PA'I PHYIR RO, GZUGS CAN GYI TSANG LA YANG MNGON PA NAS RDUL PHRA RAB LA DBYIBS MED PAR BSHAD PAS DE LA BRTEN PA'I TSAD NI DBYIBS ZHES 'BYUNG YANG RANG GI LUS KYIS GO SA GANG NON TZAM LA BYA'O, ,RTOGS BYA DANG PHAN YON DANG SRI? ZHI'I MTHAR LTUNG BA 'GOG PA'I RNAM PA BZHIS BSTAN PA'I KUN 'BYUNG GI SKAD CIG MA BZHI NI, MTHA' MED NAS BYAMS SOGS KYI BAR TE, GZUGS MTHA' YAS PA'I PHYIR BYANG CHEN RNAMS KYI PHAR PHYIN 'DI NI MTHA' YAS PA'O? ZHES DANG, BCOM LDAN 'DAS BDAG GIS KYANG BYANG CHEN GANG YUM 'DI DANG MA BRAL BAR GYUR PA DE NI DE BZHIN GSHEGS PA NYID DU GZUNG BAR BYA'O, ZHES DANG, BYANG CHEN RNAMS KYI YUM 'DI NI GZUGS MI LEN MI 'DOR BA'I TSUL DANG, ZHES DANG, RIGS KYI BU'AM RIGS KYI BU MO DE DAG GIS MI DMIGS BA'I TSUL GYIS SEMS CAN THAMS CAD KYI DRUNG DU BYAMS PA DANG SNYING RJE DANG DGA' BA DANG BTANG SNYOMS SHIN TU BSGOMS PA'I PHYIR

, ,RO; ;ZHES SO, ,DER GNAS GZUGS LA SOGS PA LA, SANGS RGYAS NYID DU NGES 'DZIN, ZHES PA NI MDO'I TSIG ZIN DANG BSTUN NA GZUGS SOGS MI DMIGS PAR RTOGS PA'I CHOS SHES DER GNAS PA'I BYANG SEMS KYI PHUNG PO LA GZHAN GYIS SANGS RGYAS SU GZUNG DU RUNG BA'I PHAN YON BSTAN LA, GRAGS CHAR GZUGS LA SOGS PA ZHES PA'I TSIG NI THAMS CAD DU TSIG RKANG LA SBYAR BAR BYA'O, ZHES GONG 'OG GI RTOGS BYA'I RNAM PA THAMS CAD LA SBYOR BAR 'DOD DO, ,SKAD CIG MA BRGYAD PA 'DIR BYAMS SOGS SGOM PAR GSUNGS PA NI, 'DIR SDUG KUN GYI SKYON RDZOGS PAR RIG CING DGU PAR 'GOG PA'I YON TAN MTHONG BA NA SRID PAR GNAS NAS GZHAN DON BYED PA DOR NAS ZHI BA LA GZHOL BAS DE DGAG PA'I PHYIR YIN NO, ,RTOGS BYA DANG 'BRAS BU 'THOB PA'I PHAN YON DANG GNYEN PO SDUD PA'I BYED LAS DANG PHYI NANG GI GNOD PA SEL BA'I PHAN YON GYI RNAM PAS BSTAN PA'I 'GOG PA'I SKAD CIG MA BZHI NI, STONG NYID NAS NAD KUN SEL GYI BAR TE, RIGS KYI BU 'AM RIGS KYI BU MO DE DAG GIS NANG STONG PA NYID MI DMIGS PA'I TSUL GYIS SHIN TU BSGOMS PA'I PHYIR RO, ,ZHES DNGOS PO MED PA'I NGO BO NYID KYI BAR LA DE BZHIN DU SBYAR NAS, YUM 'DRI BA SOGS LA 'JIGS PA DANG RENGS PAR MI 'GYUR BA'I RGYUR GSUNGS SO, ,DE LA MI 'DOD PA THOG TU BAB KYIS DOGS PA NI 'JIGS PA DANG, DE

BSAL THABS MI SGRUB PA NI RENGS PA'O, ,SH'ANTI SA STONG NYID KHYAB PA DANG ZHES BTON NAS STONG NYID BCU DRUG MTHONG BA LA BYED DO, ,BYANG CHEN YUM 'DI 'DZIN PA'AM, ZHES PA NAS TSUL BZHIN DU YID LA BGYID PA DE DAG GIS MTHONG BA'I CHOS 'DI LA YON TAN 'DI DAG YONGS SU 'DZIN PAR 'GYUR ZHING SEMS CAN RNAMS YONGS SU SMIN PAR BGYID PA DANG, SANGS RGYAS KYI ZHING YONGS SU DAG PAR BGYID PA DANG, ZHES DANG, YUM ZAB MO YONGS SU BZUNG NA PHAR PHYIN DRUG PO THAMS CAD YONGS SU GZUNG BAR 'GYUR BA NI 'DI LTA STE SBYIN PA'I PHAR PHYIN DANG, ZHES DANG, YUM 'DI LA SEMS RNAM PAR G-YENGS PA'AM BRGAL BA'AM BRTZAD PA'AM 'GAL BAR BYA BA'I PHYIR 'ONG BAR MI NUS TE, DE'I 'OG TU DE DAG LA YON TAN 'BYUNG BAR 'GYUR BA NI YUM 'DI MNYAN PA'I RIM GYIS THEG PA GSUM GYIS NGES PAR BYUNG NAS SDUG BSNGAL MTHAR 'BYIN PAR 'GYUR RO, ZHES SO, ,YUL LA ZHEN PA ZHI BA DANG, GZHAN GYIS BSRUNG PA'I PHAN YON DANG, BDAG GZHAN DGE BA LA 'GOD PA DANG, DE'I DGE BA RDZOGS BYANG DU BSNGO BA'I RNAM PA BZHIS BSTAN PA'I LAM GYI SKAD CIG MA BZHI NI, MYANG 'DAS NAS BSNGO BA'I BAR TE, YUM NI CHOS THAMS CAD NYE BAR ZHI BAR BYED PA STE RNAM PAR 'PHEL BAR BYED PA MA YIN NO, ZHES DANG, RIGS KYI BU'AM RIGS KYI BU MO GANG YUM 'DI 'DZIN ZHING 'CHANG BA DANG, KLOG CING KUN CHUB PAR BYED PA DANG, CHUL

, ,BZHIN DU YID LA BYED PA DE LA RTAG TU RGYUN MI 'CHAD PAR BSRUNG BA DANG, BSKYAB PA DANG, SBA PA MDZAD DE, ZHES DANG, BDAG KYANG SROG GCOD PA SPONG BAR 'GYUR GZHAN YANG SROG GCOD PA SPONG BA LA YANG DAG PAR BSKUL BAR 'GYUR, ZHES ? BYANG CHEN PHYIN DRUG LA SPYOD PA'I TSE SBYIN PA YONGS SU GTONG BA GANG YIN PA DE YANG SEMS CAN THAMS CAD DANG THUN MONG DU BYAS SHING MI DMIGS PA'I TSUL GYIS BLA MED RDZOGS BYANG DU YONGS SU BSNGO BAR BYED DO, ZHES SO,, DE LA BSRUNG BA SOGS GSUM NI RIM PA LTAR LHAS BYAS PA DANG, 'BYUNG BA LAS GYUR PA DANG, NANG GI BAR CHAD SEL BA'O, ,GSUM PA LA GNYIS, RGYAS PAR BSHAD, DON BSDU BA'O, ,DANG PO LA BZHI, SDUG BSNGAL DANG, KUN 'BYUNG DANG, 'GOG PA DANG, LAM BDEN GYI RNAM PA'O, ,DANG PO NI, SDUG BSNGAL GYI SKAD CIG MA BZHIS SDUG BSNGAL GYI BDEN PA RTOGS PAR BYED TSUL GYI RNAM PA DAG YIN NO, ,DE GANG NA, RIM PA LTAR DON DAM PA'I TSUL GYIS TE DON DAM PAR NA RANG BZHIN THA DAD MED PAS SDUG BDEN GYI DE BZHIN NYID DANG, DE RTOGS PA'I SANGS RGYAS SHER PHYIN DE DAG LA RTEN SOGS MED PAS DE'I PHYIR YUL YUL CAN DE DAG PHAN TSUN GCIG THA DAD KYI RNAM GRANGS KYIS GNAS PAR KHAS MI LEN PA STE BLANG BYAR MED PA DANG, RTZA BAR PHAN TSUN RTAGS LA SBYAR BA 'GREL PAS DAM BCA' LA SBYOR BA NI MTSON PA'O, ,SDUG BDEN GYI GZUGS SOGS SKYE 'JIG

GNAS GSUM DANG BRAL BA'I CHOS KYI DBYINGS KYI NGO BO YIN PA NYID KYIS CHEN PO DANG, CHOS SHES SU YUL GZUGS SOGS MTHA' DBUS MI DMIGS PAR BSTAN PA DE BZHIN DU SDUG BDEN GYI GZUGS SOGS DE DAG 'JAL BYED KYI TSAD MA YUL CAN YANG DE KHO NAR DMIGS SU MED PA DANG, RJES BZOD KYI SNGA MA CHOS SHES SU BSTAN PA BZHIN DU NAM MKHA' LTAR TSAD MED PA'I CHOS DBYINGS KYI NGO BO YIN PA NYID KYIS SDUG BDEN GYI GZUGS SOGS DE DAG GZUGS CAN YIN MIN GNYIS KYI TSAD MED PA'O, ,GNYIS PA NI, KUN BDEN GYI SKAD CIG MA BZHIS KUN 'BYUNG PA'I BDEN PA RTOGS PAR BYED TSUL GYI RNAM PA DAG YIN NO, ,DE DAG GANG NA, RIM PA LTAR KUN 'BYUNG GI GZUGS SOGS LA BDEN PA'I NGO BO NYID MED PA NYID KYIS RTAG CHAD KYI MTHA' DAD SOGS PAS YOD MED KYI MTHA' LA SOGS PA MED PA DANG, KUN 'BYUNG LA CHOS SHES KYI YUM LA GNAS PA NI DON DAM PAR CHOS DBYINGS SPROS BRAL GYI NGO BO YIN PA NYID KYIS DE DANG DE BZHIN GSHEGS PA'I RANG BZHIN DBYER MED PA'I PHYIR, KUN 'BYUNG GI GZUGS SOGS KYI RANG BZHIN LA DE BZHIN GSHEGS PA'I RANG BZHIN DU NGES PAR 'DZIN PA STE DER RTOGS PA DANG, 'DI NI RGYAN SNANG GI DGONGS PA STE RTZA BAR BSHAD PA DANG GNYIS KA SHES PAR BYA'O, ,CHOS SHES LA GNAS PAS NI DE BZHIN GSHEGS PAR BZUNG PA'I SGO NAS KUN 'BYUNG LA DMIGS PAR BSTAN PA DE BZHIN DU KUN 'BYUNG GI YUL CAN

, ,GYI YUM DE LA GNAS PAS NI KUN 'BYUNG GI CHOS THAMS CAD LA BLANG DOR MED PAR SGOM PA DANG SOGS PAS SKYE 'GAG MED PAR SGOM PA DANG, BDEN PA'I NGO BO NYID MED PAR MOS PA SNGON DU 'GRO BA STE DES ZIN PA'I TSAD MED PA BZHI BSGOM PAR BYA BA'O, ,GSUM PA NI, 'GOG PA'I SKAD CIG MA BZHIS 'GOG PA'I BDEN PA RTOGS PAR BYED TSUL GYI RNAM PA DAG YIN NO, ,DE GANG NA, RIM PA LTAR GZUGS SOGS KYI NGO BO GNYUG MA STE GDOD MA NAS RANG BZHIN TE RANG GI NGO BO KHO NAS STONG PA'I STONG PA NYID BCU DRUG BSGOMS PA DANG, CHOS KYI DBYINGS DANG MI ZAD CING GRANGS MED PAR MNYAM PA'I DGE BA'I RTZA BA RNAMS KYI 'BRAS BU DE BZHIN GSHEGS PA NYID 'THOB PA DANG RGYAN SNANG DU, CHOS KYI DBYINGS SU BSNGOS PA'I DGE BA ZHES 'BYUNG STE, DE'I LTAR NA MI ZAD PAR BSNGOS PA'O, ,'GOG PA'I RJES BZOD KYI SHER PHYIN DU GNYEN PO RNAM BYANG GI RIGS RNAMS RNAM PA THAMS CAD DU STE RDZOGS PAR BSDUS PA DANG, 'GOG PA LA RJES SHES KYI YUM DE NYID KYIS TE DE KHO NAS YANG BA SOGS PHYE DANG NANG SOGS NANG GI 'TSE BA RAB TU ZHI BAR BYED PA'O ZHES PA'O,, BZHI PA NI, LAM BDEN GYI SKAD CIG MA BZHIS LAM GYI BDEN PA RTOGS PAR BYED TSUL GYI RNAM PA BZHI DAG YIN NO, ,DE DAG GANG NA, RIM PA LTAR CHOS RNAMS KYI NGO BO NYID MED PAR RTOGS PA'I YUM SGOM PA

KHO NAS GZUGS SOGS DANG MYANG 'DAS GNYIS KYI BAR LA MNGON PAR ZHEN PA ZHI BAR BYED PA DANG, SHES RAB DANG THABS MKHAS KYI YUM 'DZIN PA SOGS LA ZHUGS PA LA SANGS RGYAS DANG LHA RNAMS KYIS RANG GI RKYEN DANG SEMS CAN DU BGRANG BA'I RKYEN DANG, PHA ROL SEMS CAN DU BGRANG BA MA YIN PA'I RKYEN LAS BYUNG BA'I GNOD PA LAS SAM MTHONG CHOS DANG SKYES NAS DANG, LAN GRANGS GZHAN LA MYONG 'GYUR GYI MI DGE BA'I LAS GSUM LAS RIM PA LTAR SRUNG BA SOGS MDZAD PA DANG, YUM YONGS SU BZUNG BA'I STOBS KYIS 'TSANG RGYA BA NYID DU MNGON PAR 'DOD PAS SROG GCOD SPONG BA LA SOGS PA'I RNAM MKHYEN GYI RGYU LA BDAG NYID GNAS NAS GDUL BYA GZHAN DAG DE LA 'GOD PA DANG, SBYIN SOGS KYI DGE RTZA MI ZAD PAR BYED 'DOD PAS DRAN PA DANG BYAMS PA'I STOBS KYIS YANG DAG PAR RDZOGS PA'I BYANG CHUB TU BSNGO BAR BYA'O ZHES PA'O ZHES BYA BA DE LTA BU'I RNAM PA NI ZHES THAMS CAD KYI MTHAR RO, ,GNYIS PA NI, SNGAR BSHAD PA DE LTA BU BCU DRUG NI LAM SHES PA NYID KYI MTHONG LAM GYI SKAD CIG MA DAG YIN NO, ,RGYAN SNANG DU RNAM PA BCU DRUG PO DE'I SGO NAS CHOS THAMS CAD LA DMIGS PAS YE SHES BCU DRUG SKYE BAR BSTAN PA LA, GAL TE CHAGS SOGS KYI RTZA BA NI DNGOS PO LA MNGON ZHEN YIN LA, DE DANG 'GAL BA YANG DNGOS PO RANG BZHIN MED PAR GOMS PA YIN TE, DE PAS NA DE MED PAR SNGAR BSHAD PA'I RNAM PA DE DAG GI SGO NAS DMIGS PAS SDUG

, ,BSNGAL LA CHOS SHES PA'I BZOD PA LA SOGS PAR JI LTAR 'GYUR ZHES PA'I LAN DU, RNAM PA BCU DRUG NI GDUL BYA 'KHOR DU NYE BA LA PHAN PA'I PHYIR BSHAD KYI, NGES PA'I DON DU NA GZHUNG DE DAG GIS RNAM PA BCU DRUG RTEN 'BREL YIN PAR BSTAN PAS DE LA SPROS BRAL DU GOMS PAR BYAS PAS MTHONG LAM SKYE BAR 'GYUR BA YIN TE, SKABS GZHAN LA YANG DE BZHIN DU SHES PAR BYA'O, ZHES 'CHAD DO, ,GSUM PA LA GNYIS, KHAS BLANGS BRJOD PA DANG, DE DGAG PA'O, ,DANG PO NI, RGYAN GYI t'IKA BYED KYI SLOB DPON KHA CIG NI, LAM SHES KYI MTHONG LAM GYI SKABS 'DIR BDEN DANG ZHES SOGS MDOR BSTAN GYI TSIG LE'UR BYAS PA'I DON MTHONG LAM BCU DRUG NYE BAR MTSON PA STE 'CHAD PA LHUR LEN PA STE, GTZO BOR BYED PA'I RGYAS BSHAD KYI GZHUNG DE BZHIN NYID DANG ZHES SOGS KYIS LAM SHES NYID KYI SKAD CIG MA ZHES SMOS KYI RNAM PA'O ZHES MA SMOS PA'I PHYIR, MTHONG LAM LA BDEN PA LA DMIGS TSUL GYI RNAM PA JI SNYED YOD PA'I DON NI MA BSHAD PAR MTHONG LAM GYI YE SHES SKAD CIG MA BCU DRUG TSIG LE'UR BYAS PAR NYE BAR MTSON PA STE BSHAD PA NYI TSE BA KHO NA MDZAD PAR ZAD DE, SNGAR BSHAD PA'I DMIGS PA DANG NI RNAM PA DANG ZHES SOGS NGES PAR 'BYED PA'I CHA DANG MTHUN PA DANG MA BSHAD PA GZUGS RTAG MA YIN ZHES SOGS KYI MTHONG LAM GYI DON BRJOD BYAR BYED PA CAN GYI TSIG LE'UR BYAS PA RNAMS SU RNAM PA MA BSHAD PAR YE SHES KYI SKAD CIG

DANG CHE 'BRING GI DON BSTAN PA DE BZHIN DU BLTA BAR BYA'O ZHES ZER TE, RNAM PA RNAMS RNAM KUN TU STON PAS SO SNYAM DU BSAMS PA'O, ,'DI? NI DE BZHIN NYID DANG ZHES SOGS 'DIR RNAM PA MA BSHAD PAR MA ZAD PA'O, ,DES CHA MTHA'I GSAL BYED DU BYAS NAS MA BSHAD PA LA YANG SBYOR DGOS PA LTAR SNANG YANG SLOB DPON CHOS SHES MDZAD PA LTAR MA BSHAD PA MTHONG LAM LA BYA'I NGES CHA LA MI BYA STE, BYED NA, DRO BA RNAMS KYI DMIGS PA 'DIR, ZHES SOGS LA BYA DGOS NA DER NI SBYOR LAM BZHIS BDEN BZHI LA RNAM PA 'DI LTAR DMIGS SO ZHES MA BSHAD PA'I PHYIR RO, ,RTOGS DKAR NYAN THOS SOGS KYI MTHONG LA MA JI SNYED BSHAD PA LA CHOS BZOD SOGS SKAD CIG MA BCU DRUG NYI TSE MTSON ZHING SBYAR BAR ZAD PAS 'DIR YANG BYANG SEMS KYI MTHONG LAM LA RNAM PA SMOS ZHES BYAR BAR MI BYA'O ZHES 'CHAD CING, YANG DE NYID LAS BSHAD PA DANG MA BSHAD PA'I RAB TU BYED PA MA LUS PA NI MTHONG BA'I LAM STON PAR BYED PA YIN LA DE YANG, DE BZHIN NYID DANG SANGS RGYAS DAG ,CES BYA BA LA SOGS PA'I TSIG LE'UR BYAS BA RNAMS DANG SBYAR BAR BLTA'O, ZHES 'BYUNG STE, 'DI'I LTAR NA GZHUNG NYID LA BSHAD PA DANG MA BSHAD PA'I RAB TU BYED PA MA LUS PA ZHES PA YOD PAR GSAL TE, DE GNYIS KA YANG 'GREL PA CHE CHUNG GNYIS DANG MI MTHUN NO, ,GNYIS PA LA GNYIS, RIGS PA DANG, LUNG GIS DGAG BA'O, ,DANG PO NI, RNAM PA MA BSTAN PAR

, ,'DOD PA LAS GZHAN SLOB DPON DANG DE'I PHYOGS PA DAG NA RE, DE BZHIN NYID DANG ZHES DAG GIS NI MNYAM GZHAG TU MTHONG LAM RIM GYIS SGOM PA'I RIM PA DANG SOGS PAS MNYAM PAR MA BZHAG PA'I DUS NA JI LTAR YID LA BYA BA'I RIM PA MA BSTAN PAR 'GYUR TE, BDEN PA LA DMIGS NAS SGOM TSUL GYI RNAM PA MA BSTAN PA'I PHYIR RO, ,'DOD NA, MTHONG LAM GYI DMIGS RNAM GONG NAS GONG DU BGROD PA'I MNGON RTOGS KYI RIM PA RGYA CHEN POR MA ZAD CUNG ZAD KYANG MA BSTAN PAR 'GYUR LA, MNGON RTOGS RGYAN ZHES PA'I TSIG LE'UR BYAS PA'I SGRA DON YANG JI LTAR BSHAD PAR BYA, RTOGS DKA' LAS, MNGON RTOGS GSUNGS PA'I RIM PA LTAR SGOM ZHING BSLAB PA'I GO RIMS DANG SOGS PAS SGOM PA RAB KYI MTHAR PHYIN PA SANGS RGYAS 'GRUB PA MA BSHAD PAS SEMS BSKYED SOGS DANG LAM DANG DE'I RAB KYI MTHA' SANGS RGYAS NYID 'GRUB PA'I MNGON RTOGS KYI GO RIMS CUNG ZAD KYANG MA BSHAD PA'I PHYIR, MNGON RTOGS KHRIGS CHAGS SU 'BREL PAR BSTAN PA'I GO RIMS MED PA'I STONG PHRAG BRGYAD LA SOGS PA'I MDO LTAR 'TSOL BAR 'GYUR RO, ZHES 'CHAD DE 'GRIG PAR MA MTHONG NGO, ,GNYIS PA NI, RIGS PAS GNOD PA LAS GZHAN LUNG GIS GNOD PA YANG YOD DE, JI LTAR NA DMIGS PA DANG NI RNAM PA DANG, ZHAS BYA BA DANG SOGS PAS, RNAM PA MNGON ZHEN LA SOGS 'GOG CES PA'I TSIGS SU BCAD PA'I DON JI LTAR DRANGS

STE CI LTAR BSHAD DU RUNG STE MI RUNG NGO ZHES ZER RO, ,KYANG NI RNAM PA MA BSTAN NA DE BZHIN NYID DANG SANGS RGYAS ZHES SOGS KYI GZHUNG GIS MNGON RTGOS KYI RIM PA CUNG ZAD KYANG MA BSHAD PAS DON BSHAD DU MED PAR MA ZAD PA'O, ,RTOG DKAR LUNG NGES DROD SOGS DMIGS RNAM GYI SGO NAS NYAN THOS LAS KHYAD PAR BSTAN PA DE YANG MED PAR 'GYUR ZHES ZER RO, ,MDOR NA DMIGS BYED KYI RNAM PA GANG GI SGO NAS DMIGS BYA BDEN PA LA DMIGS NA YE SHES BCU DRUG, SKYE BA'I TSUL DE BSTAN PAR SLOB DPON BZHED CING PHYOGS SNGA LAS NI MA BSTAN PAR 'DOD PA YIN NO, ,PHYOGS SNGA 'DI 'PHAGS PA'I BZHED PAR SMRA BA NI RGYAN SNANG MA MTHONG BAS NONGS LA, MDOR BSTAN DU YUL BDEN BZHI BSTAN LA DE LA DMIGS TSUL GYI RNAM PA YANG BSTAN DGOS PAS SLOB DPON GYI BZHED PA 'DI LEGS TE, DE'I PHYIR CHEN PO DAG 'DI LA LEGS CHAR MI MDZAD PA NI MI 'THAD DO, ,GNYIS PA LA GNYIS, MTSAMS SBYAR BA DANG, DON DNGOS BSHAD PA'O, ,DANG PO NI, SKYE RIM DANG BSTUN NA MTHONG LAM GYI MJUG THOGS SU SGOM PA'I LAM BRJOD PAR BYA BA YIN NO, ,GNYIS PA LA GNYIS, SGOM LAM GYI BYED PA DANG, BYED PA CAN GYI SGOM PA'I LAM MO, ,DANG PO LA GSUM LAS; DANG PO NI, DE LTA YIN NA YANG DE MA BRJOD PAR RE ZHIG SGOM LAM DE'I BYED PA GSUNGS TE, RGYU MTSAN DANG DGOS PA NI RIM PA LTAR BYED PA DE SGOM LAM LAS BRJOD PAR BYA BA NYUNG BA STE BSHAD GZHI CHUNG PA DANG, GDUL BYA

, ,SGOM LAM GYI 'BRAS BU BYED PA BSTAN PA 'KHROD BSKYED NAS RGYU SGOM LAM LA GZHOL BA NYID DU ZHUGS PA STE DE LA GZHUG PA'I PHYIR RO, ,TSIG GSAL LAS, GDUL BA BRJOD PAR BYA BA NYUNG BA NYID DANG 'BRAS BU LA GZHOL BAR ZHUGS PAR BYA BA'I PHYIR ZHES BTON NAS GDUL BYA GANG SGOM LAM GYI BYED RGYU LA GNAS PAR BRJOD DU RUNG BA NI CHOS NYUNG STE DKON NO, ZHES LAM 'DI RNYED DKA' BAR BSTAN PA DANG, 'BRAS BU SGOM LA MA LA MOS PA SOGS YID BYED GSUM GYI 'JUG PAR 'DOD PAS DE'I RGYU BYED PA DRUG PO 'DIR GZHOL PAR BYA'O ZHES LAM SKYE BA'I RGYU BSTAN PAS DE DAG LA GDAMS PAR 'CHAD PA NI DON MIN TE, 'DI NI BYED PA'I MTSAN NYID DANG 'DRA BAR 'BRAS BU LA BZHED PAS SO; ;SH'ANTI SA MDO NYUNG BAS DANG POR BYED PA 'CHAD PAR 'DOD DE, DE LTAR NA RJOD BYED NYUNG BAS SO, ,MDO'I 'BREL NI, LAM LA RJES SHES SU YUM GYIS BYANG SEMS RNAMS KYIS RANG GI SKYON RIG PAR BYAS NAS LAM LA SLOB PAR GSUNGS PA LA 'PHROS NAS SO, ,GNYIS PA NI, BYED PA NI DRUG GO ,GANG NA KUN NAS DUL ZHES SOGS SO, ,DE DRUG KYANG GNYIS SU 'DU STE RANG DANG GZHAN RGYUD DU GTOGS PA'I BYED PA LNGA DANG GCIG GO ,DANG PO LA YANG GNAS SKABS KYI BYED PA BHI DANG MTHAR THUG GI GCIG GO ,BZHIL YANG NANG DU SEMS DU LA BAS PHYI ROL DU GZHAN LA 'DUD PA DANG, NANG DU CHAGS SOGS ZHI BAS PHYI ROL GYI GNOD PAS MI RDZI BA'O, ,'DI DAG KYANG SH'ANTI SA ZAG MED SGOM

LAM GYI BYED PAR 'CHAD DO, ,GSUM PA NI, NYON MONGS PA'I RNAM PA THAMS CAD LA DBANG DU BYAS PA'I SGO NAS LAM GYI RNAM PA'I GNAS SKABS THAMS CAD DU RANG GI SEMS LA RANG DBANG NYID DU BYED PA NI, YUM 'DI DE LTAR BYANG CHEN RNAMS YONGS SU DUL BA DANG NGA RGYAL MA MCHIS PA'I DON DU NYE BAR GNAS PA NI NGO MTSAR CHE'O, ZHES SO, ,DUL PA'I RJES LA KHYAD ZHUGS PA THOB PA LA RLOM PA BKAG PAS DGE BA'I BSHES GNYEN DANG SOGS PAS GROGS DAM PA SOGS SKYE BO THAMS CAD LA 'DUD PA NI, BYANG CHEN 'JIG RTEN LAS 'DAS PA'I CHOS LA SPYOD CING SBYIN PA GTONG BA NA SBYIN PA YANG MI DMIGS GTONG PA YANG MI DMIGS LEN PA YANG MI DMIGS TE, BCOM LDAN 'DAS DE LTAR NA YUM LA SPYOD PA'I BYANG CHEN YONGS SU DUL BA DANG NGA RGYAL MA MCHIS PA'I SLAD DU NYE BAR GNAS PAR 'GYUR RO, ZHES SO, ,GONG DU DUL BA DANG 'DIR 'DUD PA GTZO BOR BSTAN TO, ,GNYEN PO STOBS LDAN THOB PAS BDAG GZHAN GYI 'DOD CHAGS LA SOGS PA'I NYON MONGS LA ZIL GYIS GNON PA NI, BDAG GI 'DOD CHAGS KYI MTSON DANG 'DOD CHAGS KYI MDA' YANG BCOM, GZHAN GYI 'DOD CHAGS KYI MTSON DANG 'DOD CHAGS KYI MDA' YANG BCOM ZHES SO,, YUM GZUNG BAS PHA ROL GYIS BYAS PA'I DUG MTSON LA SOGS PAS GNOD PA RJES SU SGRUB PA'I YUL MA YIN PA NI, DE LA LA LA ZHIG GIS DUG GTOR TAM BYED BYAS SAM ME'I 'OBS SU GTOR TAM MTSON GYIS BTAB BAM

, ,DUG BLUD DAM CHUR BOR YANG RUNG STE DE DAG THAMS CAD KYIS DE LA GNOD PAR MI 'GYUR RO, ,DE CI'I PHYIR ZHE NA, KOO SHI KA 'DI LTA STE YUM 'DI NI RIG SNGAGS CHEN MO'O, ZHES SO, ,YANG DAG PAR RDZOGS PA'I BYANG CHUB SGRUB PA STE THOB NAS CHOS THAMS CAD LA LTA BA NI, BLA MED RDZOGS BYANG THOB NAS SEMS CAN THAMS CAD KYI SEMS LA RNAM PAR LTA BAR 'GYUR RO, ZHES SO, ,SHER SGRON DU BYANG CHUB LA NYE BA LA BSHAD DO, ,SGOM LAM PA GANG DU GNAS PA'I RTEN GYI YUL SA PHYOGS LA LHA LA SOGS PAS MCHOD PAR BYA BA'I GNAS NYID DU BZUNG NAS PHYAG 'TSAL BA LA SOGS PAS MCHOD PA BYED PA NI, YUM 'DI NYID KYIS SA'I PHYOGS DE SEMS CAN THAMS CAD KYI MCHOD RTEN DU 'GYUR BAR BYAS PAS ME TOG DANG SPOS DANG ZHES PA NAS BKUR STI BYA BAR 'GYUR RO, ZHES SO, ZHES BYA BA NI THAMS CAD KYI MTHAR RO, ,'DIR MCHOD RTEN DU GYUR PA ZHES MDO LAS GSUNGS PA LA, KHA CIG NI PHYAG BYA BA LA SOGS PAS BSOD NAMS GSOG PA'I RGYUR GYUR PA'I PHYIR, MCHOD RTEN GZHAN DANG MNYAM PAR GYUR PA LA MCHOD RTEN ZHES BYA STE, DPER NA PHA DANG 'DRA BA LA PHAR GYUR PA BZHIN NO ZHES ZER RO, ,BTZUN PA ZLA BA NI, GANG ZAG GI BDAG MED TZAM STON PA, CHOS GANG RGYUD BYUNG DE DAG GI ,ZHES SOGS KYIS BYIN GYIS BRLABS PA'I SA PHYOGS KYANG MCHOD RTEN YIN NA, DNGOS PO MTHA' DAG RANG BZHIN MED PAR STON PA'I YUM 'DZIN PA SOGS

DANG LDAN PA'I PHYOGS NI CHOS MCHOD RTEN YIN TE, DPANG PO NYID LA DBANG POR GYUR PA ZHES PA BZHIN NO, ZHES ZER BA'I PHYI MA 'DI LEGS SO, ,DE LTAR NA KUN NAS DUL PA'I BYED PA NAS RTEN GYI BYED PA'I BAR BYED PA RNAM PA DRUG BSHAD PA YIN NO, ,GNYIS PA LA GNYIS, MTSAMS SBYAR, SO SO'I NGO BO'O, ,DANG PO NI, 'BRAS BU BYED LA BSTAN PA'I 'OG TU RGYU SGOM PA'I LAM 'CHAD DE, DE YANG RNAM PA GNYIS SU PHYE NAS SO, ,JI LTAR NA ZAG PA ZHES SOGS SO; ;YANG NI SGOM LAM GYI NGO BO TZAM ZHIG BSHAD BYAR BKOD PAR MA ZAD DBYE BA YANG 'GOD PA'O, ,ZAG PA DANG BCAS MA BCAS KYI DON GANG ZHE NA, LAM SHES DANG GZHI SHES LA ZAG BCAS DANG ZAG MED DU BSHAD PA NI MI GZUNG STE; ZAG MED LA YANG THAL BAS SO, ,DES NA GNYIS SNANG GI RTOG PA DANG BCAS PA'I RJES THOB DANG, DE MED PA'I MNYAM GZHAG LA BZHED DE, TSIG GSAL LAS, ZAG PA DANG BCAS PA DANG ZAG PA MED PA'I BYE BRAG NI RNAM PAR RTOG PA DANG BCAS PA DANG DE DANG BRAL BA GTZO BOR GYUR PA'O, ,'DIR BSDUS PA'I DON NI MOS PA DANG BSNGO BA DANG RJES SU YI RANG PA YID LA BYED PA DAG NI DAG PA 'JIG RTEN PA'I GNAS SKABS RJES KYI YE SHES KYIS SBYOR BA YIN LA, MNGON PAR SGRUB PA NI MNYAM PAR BZHAG PA'I YE SHES SO, ZHES PA LTAR RO, ,RTOG PA DE YANG ZAG PA'I RGYU YIN PAS DER BZHAG PAR 'CHAD DO, ,GNYIS PA LA GNYIS, ZAG BCAS DANG, ZAG MED KYI SGOM

, ,LAM MO, ,DANG PO LA GSUM, DBYE BA BSTAN TE MTSAMS SBYAR, PHYE BA SO SO'I RANG BZHIN BSHAD, BYED LAS KYI SGO NAS DON BSDU PA'O, ,DANG PO LA GNYIS, DNGOS DANG, SA MTSAMS BSTAN PA'O, ,DANG PO NI; ZAG BCAS ZAG MED GNYIS YOD PA DE'I PHYIR DMAN MCHOG GI RIM PAS SGOM LAM ZAG BCAS 'CHAD LA, DE LA YANG MOS PA, BSNGO BA RJES SU YI RANG PA YID LA BYED PA ZHES BYA BA YID BYED GSUM YOD DO, ,DE LTAR 'BYED PA'I RGYU MTSAN NI, DGE RTZA GSOG PA DANG MI ZAD PA DANG 'PHEL BAR BYED PAS YIN NO, ,SHER 'BYUNG NI SBYOR DNGOS RJES GSUM GYI DBYE BAS PHYE BAR 'DOD DO, ,'DI GSUM DNGOS PO THA DAD PA STE, 'DZIN STANGS THA DAD PAS PHYE BA'I PHYIR RO, ,GNYIS PA NI, KU MA RA SHR'IS, MOS PA NI SA GNYIS PA DANG GSUM PA DANG BZHI PAS BSDUS SO, ,BSNGO BA NI SA LNGA PA DANG DRUG PA DANG BDUN PAS BSDUS SO, ,RJES SU YI RANG BA NI SA BRGYAD PA DANG DGU PAS BSDUS SO, ZHES DANG, THUB DGOS SU, DE LA DROD GSUM PO RIM PA JI LTA BAR CHUNG DU DANG 'BRING DANG CHEN PO'I MOS PA'I RANG BZHIN LA SLAR YANG CHUNG DU'I CHUNG DU LA SOGS PA'I DBYE BAS MOS PA DGU RNAMS RANG GI DON GYIS TE, ZHES DANG, RTZE MO GSUM PO DE LTA BU'I RANG BZHIN LA DE LTA BU'I MOS PA DGU RNAMS RANG GZHAN GYI DON GYI STE, ZHES DANG, BZOD PA GSUM PO DE LTA BU'I RANG BZHIN LA DE LTA BU'I MOS PA DGU RNAMS

GZHAN GYI DON GYI STE ZHES 'BYUNG ZHING, CHOS MCHOG GSUM LA YI RANG DANG BSNGO PA DANG BYED PA DRUG 'JOG GO ,DE LA DANG PO MI 'THAD DE, DE LTAR 'DOD PA LA SGRUB BYED MED CING BSNGO BA DANG YI RANG SA GNYIS PA NAS YOD PA DANG MOS PAS LNGA PA YAN CHAD LA YOD PA LA GNOD BYED MED PAS SO, ,GNYIS PA YANG MI 'THAD DE, 'PHAGS PAS GZHAN DON MOS PA SBYOR BA BAR CHAD MED PA LA BSHAD LA SBYOR LAM NA DE 'GAL BA DANG, BYED PA YANG 'PHAGS PA'I DGONGS PAS SGOM LAM GNYIS KA'I BYED PAR BZHED CING SGOM LAM 'PHAGS LAM NYID LA 'DOD CING SO SKYE'I SA LA MI BZHED DE, DE LA SGOM LAM GYI THA SNYAD BYAS PA 'PHAGS PA DANG SLOB DPON SUS KYANG MA MDZAD PAS SO, ,SHER SNYING RGYA CHER 'GREL LAS KYANG, SPYAD PA NI RNAM PA MANG STE SO SO SKYE BO'I SA SBYOR PA'I LAM LA NI MOS PA'I SPYAD PA'O, ,DE LA MOS PA'I SPYAD PA NI RNAM PA GSUM STE, RANG GI DON DANG, GZHAN GYI DON DANG, RANG GZHAN GYI DON TE RE RE LA YANG SO SOR CHUNG DU LA SOGS PA'I DBYE BAS RNAM PA DGU DGU STE DE LTAR NA MOS PA NYI SHU RTZA BDUN NI, ZHES 'CHAD DE, 'DI YANG RJE BTZUN GYIS MOS PA SOGS SGOM LAM DU GSUNGS NAS, MTHONG LAM DANG SKYE RIM GYIS GSUNGS PA DANG 'GAL LO, ,DES NA RANG LUGS NI, TSIG GSAL LAS, KHA CIG NI 'DIR RANG GI DON NI SA RING DU SONG BA'I BAR DU'O, ,SA MI G-YO BA NAS BRTZAMS TE NI GZHAN GYI DON DES DE LA RANG GI DON DU ZHI PA LA GNAS PA LAS GZHAN

, ,GYI DON KHO NAR SLAR RDZOGS PA'I SANGS RGYAS RNAMS KYIS BSLANG BA'I PHYIR RO, ,SA BCU PA LA NI RANG DANG GZHAN GNYIS KA'I DON TE SA 'DI LA GNAS PA NI RGYU MTSAN 'DIS NA SANGS RGYAS ZHES BSTAN PA'I PHYIR RO ZHES ZER RO ZHES PAndI TA ZHIG GIS 'DOD PA BSTAN PA LTAR 'THAD DO, ,'ON KYANG 'DI LAS SA BRGYAD PA LA GZHAN DON DANG, BCU PA LA GNYIS DON BZHAG PA NI 'GYUR RAM YI GE MA DAG PAR GSAL TE, RGYU MTSAN DE RNAMS KYIS SHES SO, ,DES NA DE GO BZLOG NAS BRGYAD DGU GNYIS LA GNYIS DON BCU PA LA GZHAN DON BZHAG GO ,DANG PO'I RGYU MTSAN NI, RGYAN SNANG DU, BDAG TU NGA RGYAL BA'I SA BON MA ZAD PA NYID KYIS DANG PO KHO NAR RANG GI DON GYI MOS PA RNAM PA DGU BSTAN NAS, ZHES 'BYUNG LA, SA BDUN PA'I BAR DU NYON YID 'JUG PAS DE DER BZHAG GO ,BSNGO BA DANG YI RANG GNYIS NI SA DGU KA LA BZHAG GO ,GNYIS PA LA GSUM, MOS PA, BSNGO BA, YI RANG NGO, ,DANG PO LA GNYIS, DNGOS DANG, PHAN YON NO, ,DANG PO LA GSUM LAS, DANG PO NI, GSUM PO DE RNAMS KYI NANG NAS SGOM LAM DANG PO MOS PA YID LA BYED PA ZHES BYA BA GSUNGS SO, ,MDO'I 'BREL NI, BYED PA DRUG PAR YUM GYIS SA PHYOGS MCHOD PA'I GNAS SU BYAS PAR GSUNGS PA LA 'PHROS NAS YUM DANG SANGS RGYAS KYI SKU GDUNG LA MCHOD PA BSOD NAMS GANG CHE ZHES ZHUS PA'I LAN DU GSUNGS SO, ,GNYIS

PA LA BZHI, RTZA BA, YAN LAG, NYID LAG GI DBYE BA DANG, DON BSDU BA'O, ,DANG PO NI, MOS PA NI RNAM PA GSUM DU SHES PAR BYA'O, ,GANG NA RANG GI ZHES SOGS SO, ,DE LTAR 'BYED PA'I RGYU MTSAN LA GZHON NU DPAL GYIS CHOS LONGS SPRUL GSUM GYI RGYU BYED PA'I SGO NAS PHYE BAR 'CHAD KYANG GNAS DON NI 'GREL PA LTAR RO, ,GNYIS PA NI, DE YANG SOGS SO, ,GSUM PA NI, CHUNG NGU'I SOGS SO, ,GZHI PA NI, DE LTAR NA SOGS SO, ,'DI DAG KYANG JI LTAR SHES PAR BYA ZHE NA, 'DI LA BZHI, MOS PA'I YUL, MOS PA'I NGO BO, MOS PA'I RGYU, MOS PA'I BYED LAS SO, ,DANG PO NI, RGYAN SNANG DU, SHES RAB PHA ROL PHYIN GNYIS MED, ,YE SHES DE NI DE BZHIN GSHEGS, ZHES BYA BA'I TSUL GYIS GTZO BOR CHOS KYI SKU'I DE BZHIN GSHEGS PA NYID YUM YIN NO, ,DE BSAN DE STON PAR BYED PA'I RGYAL BA'I YUM LA MCHOD NA THAMS CAD MKHYEN PA'I YE SHES KYI SKU LA MCHOD BA'I PHYIR BSOD NAMS MANG DU SKYE BA YIN NO; ZHES GSUNGS LA, NGAG LDAN LAS, GANG LA MOS SHE NA, MDO LAS BSTAN PA'I BCOM LDAN 'DAS MA LA 'DRI BA DANG KLOG PA LA SOGS PA DE'I SPYOD PA DANG, ME TOG LA SOGS PA NAS MAR ME'I MTHAR THUG PA DE'I MCHOD PA LA'O, ZHES GZHUNG GI YUM 'DRI KLOG BYED PA DANG, DE LA ME TOG SOGS KYIS MCHOD PA LA MOS PAS DE MOS YUL DU 'CHAD PA NI, MDO'I TSIG ZIN DANG MTHUN YANG NGES PAR NA LAM DANG 'BRAS BU LA MOS PA GTZO BAS SNGA

, ,MA LEGS SO, ,GNYIS PA LA GNYIS LAS, SPYI'I NGO BO NI, 'DI'I NGO BO NYID NI NGES PAR BYAS PA'I DNGOS PO LA NGES PAR 'DZIN PA'O ZHES TSIG GSAL LAS, 'BYUNG BA NI KUN BTUS SU SEMS BYUNG MOS PA NGOS BZUNG BA DANG GCIG TU BSAMS SO, ,DAG LDAN LAS, MOS PA NI DAD PA DANG 'DUN PA STE YID CHES BA DANG 'DOD PA'I MTSAN NYID DO, ZHES YID CHES KYI DAD PA DANG YUL DE 'DOD PA LA BSHAD DO, ,BYE BRAG GI NGO BO NI, NYI SNANG LAS, RANG GI DON GYI MOS PA NI GANG GIS RANG GI DON NYID SGRUB PAR BYED CING GZHAN GYI DON YANG CHED DU BYA BA'I RANG BZHIN GYIS BYED PA'O, ,RANG DANG GZHAN GYI DON NI GANG GIS GNYIS KA'I DON SGRUB PAR BYED PA'O, ,GZHAN GYI DON NI GANG GIS GZHAN KHO NA'I DAN DU 'GYUR BA STE, ZHES BSAM PA GZHAN DON DANG MA BRAL YANG SBYOR BA'I KHYAD DANG, GNYIS PA LA NI SBYOR BA BAR CHAD DANG BCAS PA'O, ,GSUM PA LA NI SBYOR BA BAR CHAD MED PA YIN NO ZHES SBYOR BA RGYUN LDAN DU 'JUG MI 'JUG GI KHYAD PAR GSUNGS PA'O, ,GSUM PA NI, LUNG RIGS RNAM DAG GO ,BZHI PA NI, SNGA MA LTAR NA GRUB MTHA' LA THE TSOM BZLOG PA YIN LA PHYI MA LTAR NA YID MI CHES PA DANG MI 'DOD PA BZLOG NAS YUM LA NGES SHES DANG DON GNYER CHEN POR 'GYUR BA'O, ,GSUM PA LA YANG SNGAR LTAR BZHI LAS, DANG PO LA BZHI LAS, DBYE GZHI NI, SGOM LAM MOS PA TZAM GYI NGO BO'O, ,YANG NI ZAG BCAS SGOM LAM LA GSUM DU PHYE BAR MA ZAD PA'O,,

DBYE NGO NI, RANG DON GNYIS DON GZHAN DON MOS PA RNAM PA GSUM MO, ,'BYED PA'I RGYU MTSAN NI, BSAM PAS GZHAN DON LA DMIGS PAR KHYAD PAR MED KYANG SBYOR BAS RANG GI DON LA STE DON DU DANG RANG GZHAN GNYIS KA'I DON DU DANG GDUL BYA GZHAN GYI DON DU YUM LA DMIGS PA NYID GSUM DU YOD PAS SO, ,YUM LA MOS PA'I DGOS PA NI, RANG DANG GNYIS KA DANG GZHAN GYI DON DU JI LTAR MOS PA SGOM PA BZHIN DGE BA'I CHOS DON PHUN TSOGS GSUM MTHONG BA STE THOB PA'I RTEN NAM RGYU BYED PA'O, ,DGOS PA LA RTZOD PA SPANG BA NI, 'O NA MOS PA GSUM PO DE BSGOMS MA THAG TU 'BRAS BU MNGON SUM DU BYED PAR 'GYUR TE, RANG JI LTAR MOS PA BZHIN DU DON GSUM PO DE THOB PA'I RTEN BYED PA'I PHYIR ZHE NA, NYES PA MED DE, DE LTAR NA YANG DANG POR MOS PA BSGOMS MA THAG TU DON GSUM MNGON DU MI BYED DE, MOS YUL GYI YUM LA MOS PA TZAM SGOM PA'I RGYU'I LAM GYI DBANG DU BYAS PA LAS TE DE'I PHYIR RO, ,RGYAN SNANG DU; DE BSAN JI LTAR MOS PA BZHIN DU MTHONG BA'I DGE BA'I CHOS KYI RTAN SGOM PA'I LAM GYI DBANG DU BYAS PA YIN PAS DANG PO MNGON DU MI BYED PA'I NGO BO MOS PA BRJOD PAR BYA'O, ,DE YANG RANG GI DON DANG RANG DANG GZHAN GYI DON DANG GZHAN GYI DON ZHES BYA BA RTZA BA'I DBYE BAS RNAM PA GSUM YOD PA LA, ZHES SO, ,JI LTAR MOS PA BZHIN DE BDAG MED PA LAS MA 'DAS PAR RAM BDAG MED RTOGS PA DANG RJES SU MTHUN PAR BCOM

, ,LDAN 'DAS KYIS BYANG CHUB SEMS DPA'I LAM NYID DU THUGS SU CHUD PA'I DGE BA'I CHOS NI 'DOD CHAGS MED PA LA SOGS PA'I NGO BO YIN PA'I PHYIR SEMS BSKYED PA LA SOGS PA STE, DE'I RTEN NAM GZHI YIN NA'ANG DANG POR TE THOG MAR MNGON SUM DU MI BYED PA'I NGO BO NI DON GSUM GYI PHYIR DU SEMS BSKYED SOGS LA MNGON ZHEN GYI RNAM PAS DMIGS PA'O, ,DES DE DAG MNGON DU MI BYED PA'I RGYU MTSAN GANG LAS SHE NA, SGOM PA'I LAM GYI DBANG DU BYAS PA LA STE, RGYU LA GOMS PAR BYED PA'I GNAS SKABS YIN PAS SO, ,KHYAB PA YOD DE, RAB KYI MTHAR THUG BA MA THOB BAR SLOB PA'I DUS SU SANGS RGYAS KYIS BRNYES PA'I SEMS BSKYED SOGS MTHA' DAG MNGON DU BYA BA NI SU LA YANG YOD PA MA YIN PAS SO ZHES PA NI RIGS BYIN GYI DGONGS PA'O, ,SU GA TA SHR'IS, CHOS NYID DANG POR MNGON DU MI BYED DE, CHOS MCHOG MAN CHAD KYI SGOM LAM GYI DBANG DU BYAS PAS ZAG BCAS 'DI DAG NI 'JIG RTEN PA'I YIN NO ZHES ZER BA DANG, 'BUM PAS, MNGON DU BYED DUS NI GNYIS TE MTHONG LAM GYI TSE CHOS DBYINGS DANG, SANGS RGYAS KYIS LA CHOS SKU SNGAR MA MTHONG MNGON DU BYED PA GNYIS LAS 'DI SGOM LAM GYI DBANG DU BYAS PAS DANG PO MNGON DU MI BYED CES ZER BA GNYIS NI 'BYOR PA MA YIN NO ZHES GSUNG BA NI DE KHO NA BZHIN NO, ,KHA CIG NI DGE BA'I CHOS ZHES PA BSTOD BKUR BSNGAGS PA LA 'CHAD KYANG BSHAD PA SNGA MA NYID GZHUNG

GI DON LA ZHUGS SO, ,GNYIS PA NI, DE DAG KYANG ZHES SOGS SO, ,GSUM PA NI, DE YANG ZHES SO, ,YANG DANG KYANG NI SNGA MA LA GSUM DU MA ZAD PA'O, ,BZHI PA NI, MOS PA GSUM LA DGU DGUR PHYE BA DE LTAR NA ZHES SOGS SO; ;'DI DANG LAN YON LA THAMS CAD LA MDO DRANGS NA 'BYAM GLAS SHING CUNG ZAD TZAM GYIS RTOGS PA SKYED MI NUS PAS BZHAG GO ,GNYIS PA LA GSUM LAS DANG PO NI MOS PA'I 'OG TU DE'I PHAN YON BSTOD BKUR BSNGAGS PA GSUNGS SO, ,JI LTAR STON NA, SANGS RGYAS DANG SOGS PA BYANG SEMS KYIS BSTONG PA LA SOGS PA MDZAD DO ZHES SO, ,GANG LA MDZAD NA, YUM LA SNGAR BSTAN PA DE LTAR SOGS SO, ,GANG GI PHYIR NA, MOS PA GSUM PO DE SGOM PA'I SOGS SO, ,MDO'I 'BREL NI, BRGYA BYIN GYIS MOS PAR BSHAD PA'I YUM DE YON TAN DU MA DANG LDAN PAR BSTAN PA LA 'PHROS NAS SO, ,GNYIS PA NI, BSTOD PA SOGS SU 'DOD DO, ,GANG LA NA, YUM LA MOS PA'I GNAS SKABS GSUM RNAMS SU'O, ,GANG GIS NA, DGU TSAN GSUM GYIS SO, ,PHAN YON GSUM PO 'DI MOS PA LA MTSON PA TZAM YIN PAS BSNGO BA DANG YI RANG LA YANG SBYAR ZHES BDAG NYID CHEN PO 'CHAD DO, ,GSUM PA LA GNYIS, RTZA BA'I DON DGROL BA, RANG BZHIN NGOS BZUNG BA'O, ,DANG PO NI, DON GSUM GYI 'BYUNG GNAS SU JI LTAR MOS PA BZHIN DU MTHONG BA STE MNGON DU BYA BA'I CHOS KYI MTSAN NYID DAM NGO BO NYID KYI YUM LA ZHUGS PA'I

, ,MOS PA YID LA BYED PA DANG PO DANG GNYIS PA DANG GSUM PA STE GSUM YOD PA'I DANG PO'I GNAS SKABS DGU DAG TU RNAM PA DGUS GONG NAS GONG DU STE RANG DON MOS PA DGU SGOM PA LA SNGA MA SNGA MA LAS LHAG PA'I TSUL DU MNGON PAR DGA' BAR BYED CING BSTOD PAR 'DOD DO, ,DE BZHIN DU GNYIS PA LA BKUR BA, GSUM PA LA BSNGAGS PA RNAMS SBYAR RO, ,SO SOR NI RE RE LA ZHES PA'O, ,SHER SGRON DU, SHES RAB KYI PHA ROL TU PHYIN PA LA JI LTAR MOS PA BZHIN MTHONG BA'I CHOS KYI MTSAN NYID MOS PA YID LA BYED BA DANG PO LA BSTOD PA DANG, ZHES JI LTAR ZHES SOGS YUM LA MI SBYOR BAR MOS PA'I KHYAD CHOS SU SBYAR RO, ,GNYIS PA NI, BSTOD BKUR BSNGAGS GSUM MNGON PAR DGA' BA'I TSUL GYIS YIN PA NGES NA BSTOD PA LA SOGS PA 'DI DAG NI DON YANG DAG PA STE MOS PA SGOM MKHAN GYI YON TAN DON GNAS MA NOR BA JI LTA BA BZHIN DU RTOGS PA'I CHA DANG DE LTAR NGES NAS BRJOD PA'I MTSAN NYID DAM NGO BO NYID YIN GYI GCAM BU STE NGAG SNYAN PA NGO BSTOD KYI NGO BO NI MA YIN NO, ,DE LTAR NA TSIG GSAL LAS, 'DI DAG NI NGAG SNYAN PA NGO BSTOD KYI RANG BZHIN MA YIN GYI, LEGS PAR ZHUGS PA'I BYANG CHUB SEMS DPA' DE LA THUGS DGYES PAS GNAS PA KHO NA BSTOD PA LA SOGS PA YIN TE, ZHES GSUNGS KYANG, NYI SNANG LAS, DE LTAR NA BSTOD PA LA SOGS PA 'DI DAG NI DON YANG DAG PA JI LTA BA BZHIN DU RTOGS PA'I

CHA'I MTSAN NYID YIN GYI RIG BYED SHES PA RNAMS KYIS DON BRJOD PA NI BSTOD PA YIN NO ZHES SMRAS PA LTAR DON BRJOD PA'I MTSAN NYID NI MA YIN NO, ZHES DANG, YANG KHA CIG NA RE, TSAD PHYED DANG BZHI BA'I AOm NI BKUR BA YIN NO ZHES BRJOD PA DE DAG GI LTAR NA NI SGRA'I TSANGS PA NI DAM PA YIN ZHES BYA BA DE LTA BU BKUR BA YIN PAR 'GYUR NA, 'DIR NI JI SKAD DU BRJOD PA'I RTOGS PA'I CHA'I MTSAN NYID YIN NO, ZHES DANG, MAR LTA BU'I TSIG RJES SU BRJOD PA GANG YIN PA DE NI DE DAG GI BSNGAGS PA BRJOD PA YIN NO, ZHES BRJOD PA GANG YIN PA DE DAG GI LTAR NA YANG SGRAR GTOGS PA KHO NAR 'GYUR NA, 'DIR NI CHA DGU PA'I RTOGS PA'I MTSAN NYID BSNGAGS PA YIN NO ZHES PA LTAR GNYIS KA'O,, KHA CIG NA RE NYI SNANG LAS, BYANG CHUB SEMS DPA' RNAMS LA SPRO BA SKYED PA RNAMS LA LEGS SO LEGS SO ZHES BSNGAGS PA BRJOD PAS BSNGAGS PA'I DON YONGS SU GSAL BAR BYED PA YIN NO ZHES GSUNGS PAS NGAG TZAM YIN NO ZHES ZER BA NI MA YIN TE, RGYAN SNANG LAS, 'PHAGS PA RNAM PAR GROL BA'I SDES BYANG CHUB SEMS DPA' LA SPRO BA SKYED PAR BYED PA LA LEGS SO LEGS SO ZHES BYA BA YIN PAS BSTOD PA DANG BKUR BA DANG BSNGAGS PA'I DON NYE BAR SDUD PA YIN NO ZHES BSHAD DO, ZHES PA LTAR RAB 'BYOR GYIS BRGYA BYIN LA KHYOD KYIS BYANG SEMS KYI THEG PA PA RNAMS LA MOS PA SKYED PA LEGS SO LEGS SO ZHES GSUNGS PA SOGS 'DI GSUM GYI DON BSDU YIN NO ZHES PA'I DON

, ,YIN GYI 'DI GSUM LEGS SO ZHES PA'I NGAG TZAM DU STON PA MIN BAS SO, ,DE YANG LE'U BRGYAD MAR 'DI GSUM GYI DON BSDU'I MDO SBYAR BA MTHONG BAS SHES SO, ,SH'ANTI SA NI NGAG TU 'DOD DE, SNYING PO MCHOG TU, DE LA YON TAN BRJOD BA NI CHUNG NGU DANG 'BRING DANG CHEN PO'I DBYE BAS BSTOD PA DANG BKUR BA BSNGAGS PA YIN NO, ZHES SO, ,GNYIS BA LA GSUM LAS, DANG PO NI, MOS BA'I 'OG TU ZAG BCAS BSNGO BA YID LA BYED PA ZHES BYA BA GSUNGS TE; GONG GI TSUL DE LTAR YUM LA MOS PA LA DE'I DGE RTZA BYANG CHUB TU BSNGO BA 'BYUNG BAS SO, ,MDO'I 'BREL NI, PHAN YON DU YUM YOD PAS MNGON MTHO DANG NGES LEGS THAMS CAD YOD PAR BSTAN PA DANG, BYAMS PAS BYANG SEMS KYI BSNGO BA DANG NYAN RANG GI GZHI GSUM GYI BSOD NAMS KYI KHYAD PAR BSTAN PA'I SGO NAS GSUNGS SO, ,GNYIS PA NI, BSNGO BA LA KHYAD PAR DANG BYED PA DANG NGO BO STE GSUM MO, ,DANG PO NI, RKANG PA DANG PO DANG, GNYIS PA NI RKANG PA GNYIS PA DANG, GSUM PA NI RKANG PA LHAG MA RNAMS KYIS STON TE NGO BO LA BCU GCIG GO ,'DI NI 'PHAGS PA'I DGONGS PA STE MDO LA SHIN TU 'GRIG GO ,DE LA KHYAD PAR NI MDOR BYANG SEMS KYIS DGE RTZA SEMS CAN KUN DANG THUN MONG DU BYAS NAS BLA MED BYANG CHUB TU MI DMIGS PA'I TSUL GYIS BSNGO BA DE SEMS CAN THAMS CAD KYI DGE BA DANG NYAN RANG GI DGE BA LAS RAB CES BYA'O ZHES PA YIN ZHING, BYED PA NI DE'I 'THAD PAR NYAN RANG RANG NYID GCIG PU DUL BA'I TSED DU

GNAS LA, BYANG SEMS SEMS CAN THAMS CAD KYI DON DU GNAS PAR GSUNGS PA YIN TE, SEMS CAN RNAMS LA THEG GSUM GYIS NGES PAR 'BYUNG BA'I LAM STON PA'I RGYUR GYUR PAS SO, ,SLOB DPON 'DI DANG 'GREL BYED GZHAN RNAMS NI DANG PO YANG BSNGO BA GCIG TU BGRANGS NAS BCU GNYIS SU BYED DO, ,GSUM PA NI, BSNGO BA BYED DO, ,GRANGS DU NA, RNAM PA BCU GNYIS SO, ,'DI LA DRUG LAS, DANG PO GANG DU NA, BLA MED SOGS SO, ,GNYIS PA GANG GI CHED DU NA, SEMS CAN SOGS TE, SPYOD 'JUG LAS, DNGOS SAM YANG NA BRGYUD KYANG RUNG, ,SEMS CAN DON LAS GZHAN MI SPYAD, SEMS CAN KHO NA'I DON GYI PHYIR, ,THAMS CAD BYANG CHUB PHYIR BSNGO'O, ZHES PA LTAR RO, , GSUM PA DGOS PA GANG GI DON DU NA, MI ZAD SOGS TE, MDO LAS, JI LTAR CHU THIGS RGYA MTSO CHE NANG LHUNG, ,RGYA MTSO MA SKAMS BAR DU DE MI 'DZAD, ,DE BZHIN BYANG CHUB YONGS BSNGOS DGE BA YANG, ,BYANG CHUB MA THOB BAR DU DE MI 'DZAD CES BA LTAR RO, ,BZHI PA GANG GIS NA, YUL BCU GNYIS LA MA ZHEN PA'I RNAM PAR DMIGS PA'I SHES RAB DANG, SEMS CAN LA LAM MA NOR BAR STON PA'I RGYU STE THABS SHES GNYIS DANG LDAN PA'I YID BYED BCU GNYIS RNAMS KYIS SO, ,DE GANG NA DANG PO BCU GNYIS MING DANG PHYI MA BCU GNYIS DON YIN PAS MING DANG MING CAN RIM PA BZHIN DU SBYAR BAR BYA STE, MOS PA'I SKABS SU JI SKAD BSHAD PA'I MOS YUL BYANG CHUB LA MOS PA YID

, ,LA BYED BA KHYAD PAR CAN ZHES BYA BA DE LTAR MING DU BTAGS PA'I BSNGO BA YID LA BYED PA NI, DE BZHIN GSHEGS PA'I BLA NA MED PA'I BYANG CHUB ZHEN PA'I TSUL GYIS MI DMIGS PAR SGYU MA LTAR DMIGS PA DANG, THEG PA GSUM GYIS GDUL BAR BYA BA'I SEMS CAN RIGS CAN GSUM LA RANG RANG GI LAM NYE BAR STON PA'I RGYU SNYING RJE'I NGO BO GZHAN LA PHAN PA'I BYED PA GNYIS DANG LDAN PAS SO, ,LHAG MA RNAMS LA YANG SNGA MA DANG PHYI MA RNAMS KYI MTHAR 'DI KHO NA BZHIN SBYAR RO, ,BYANG CHEN RJES SU YI RANG PA DANG LDAN PA'I BSOD NAMS BYA BA'I DNGOS PO GANG YIN PA SEMS CAN THAMS CAD DANG THUN MONG DU BYAS TE, DE YANG MI DMIGS PA'I TSUL GYIS BLA MED RDZOGS BYANG DU YONGS SU BSNGOS PA 'DI NYID RAB CES BYA'O, ZHES SO, ,MI DMIGS PA'I RNAM PA CAN NI, DE BZHIN GSHEGS PA THAMS CAD KYI TSUL KHRIMS DANG SOGS PAS TING NGE 'DZIN SHES RAB RNAM PAR GROL PA RNAM PAR GROL BA'I YE SHES GZIGS PA'I PHUNG PO LA SOGS PA STE, THEG PA CHEN PO'I RIGS KYI BU DANG RIGS KYI BU MO DE DAG GIS JI LTAR MTSAN MAR BYAS TE, BLA MED RDZOGS BYANG DU YONGS SU BSNGO BA DE BZHIN DU DNGOS PO DE DAG DANG DMIGS PA DE DAG DMIGS SU YOD PA MA YIN NO, ZHES SO, ,'DI LA RGYAN SNANG DU, TSUL KHRIMS KYI PHUNG PO LA SOGS PA MI DMIGS PAR DMIGS PA'I YID LA BYED PAS RJES SU YI RANG BA DANG LDAN PA'I BSOD NAMS SEMS CAN THAMS CAD

KYI DON DU BLA NA MED PA YANG DAG PAR RDZOGS PA'I BYANG CHUB TU BSNGO BAR BYA'O, ZHES GSUNGS SHING, SNGA MA LA YANG BYANG CHUB MI DMIGS PAR DMIGS PA ZHES 'BYUNG BAS GZHUNG 'DI DANG RGYAN SNANG GI BSNGO BA THA MA GSUM LA MI DMIGS PA LA ZHES YUL DU BYAS KYANG MI DMIGS PAR ZHES YUL CAN GYI RTOGS TSUL LA SBYAR NA LEGS TE, 'DI ZHE NA MED DU BSTAN BZHENG NAS MDZAD LA BLOS MI DMIGS PAR MA RTOGS NA YUL MI DMIGS PA YIN KYANG ZHEN PAR BYED PAS SO, ,LUNG 'DIS KHYAD PAR CAN LA SOGS PA BSNGO BAR BYED MKHAN LA MI BYED PAR BSNGO BA'I GRANGS BCU GNYIS GANG ZHES PA'I LAN DU SBYOR BA YANG BKAG GO ,BDAG LTA SOGS MED PA'I PHYIN CI MA LOG PA NI, GANG GIS BSNGO BAR BYED PA'I SEMS TE, GAL TE BYANG CHEN DE SANGS RGYAS BCOM LDAN 'DAS NYAN THOS KYI DGE 'DUN DANG BCAS PA DE DAG LA SEMS KYANG DE LA SANGS RGYAS SU 'DU SHES PAR MI 'GYUR, NYAN THOS SU 'DU SHES PAR MI 'GYUR, , DGE BA'I RTZA BAR 'DU SHES PAR MI 'GYUR ZHING, SEMS GANG GIS YONGS SU BSNGO BA'I SEMS DE LA YANG SEMS KYI 'DU SHES SU MI 'GYUR NA DE LTAR YONGS SU BSNGO BA'I BYANG CHEN LA 'DU SHES PHYIN CI LOG TU 'GYUR BA MED DO, ZHES SEMS DANG LTA BA LA YANG DE LTAR SBYAR RO, ,DE GSUM YANG MTSAN MAR 'DZIN PA'I 'DU SHES DANG, DMIGS PAR 'DZIN PA'I 'DU SHES DANG, YONGS SU DPYOD PA'I LTA BA GSUM GYIS DE MA YIN LA DER BZUNG BA'O,,

, ,BSOD NAMS MNGON PAR 'DU BYA BA DE DON DAM PAR CHOS THAMS CAD KYIS DBEN PAR SHES PA NI, BDAG DANG SOGS PAS GZHAN DANG LDAN PA'I RNAM RTOG STE, BYANG CHEN GYIS BSOD NAMS BYA BA'I DNGOS PO MNGON PAR 'DU BYA BA DE PHUNG KHAMS SKYE MCHED KYIS DBEN PAR SHES, ZHES SO, ,NYAN THOS DANG BCAS PA'I DE BZHIN GSHEGS PA'I DGE BA'I RTZA BA'I TSOGS KYI RANG BZHIN DRAN NAS SGYU MA LTA BUR SHES PA NI, NYAN THOS DANG BCAS PA'I DUS GSUM GYI SANGS RGYAS KYI DGE BA STE, BYANG CHEN GYIS SANGS RGYAS BCOM LDAN 'DAS NYAN THOS KYI DGE 'DUN DANG BCAS PA DE DAG GI DGE RTZA DE DAG THAMS CAD RJES SU DRAN PAR BYAS NAS 'DI LTAR YONGS SU BSNGO BAR BYA STE, YONGS SU BSNGO BA JI 'DRA BA KHO NAR GANG GIS YONGS SU BSNGO BAR BYED PA'I SEMS KYANG DE 'DRA BA KHO NA STE, DE'I RIGS CAN DANG DE'I RANG BZHIN CAN NO ZHES GAL TE DE LTAR YONGS SU SHES NA BLA MED RDZOGS BYANG DU BSNGOS PA YIN NO, ZHES SO, ,YUM GYIS SBYIN SOGS MI DMIGS PAR BSNGO PA'I THABS LA MKHAS PA DANG BCAS PA NI, SBYIN SOGS DRUG STE, BYANG CHEN DE DAG GIS YUM 'DIR THABS MKHAS PA LA BSLAB PAR BYA'O, ,DES NA YUM 'DIR BYANG CHEN GYI THABS MKHAS RIG PAR BYA STE, YUM LA MA BRTEN PAR BSOD NAMS BYA BA'I DNGOS PO YONGS SU BSNGO BAR MI NUS SO, ZHES SO, ,'KHOR GSUM DU DMIGS PA'I MCHAN MA MED PA NI, BAR GSUM GYI DGE BA SOGS KYI MTSAN MA NI

'TSANG RGYA BA'I RGYU STE, 'DI LTA STE DPER NA ZAS DUG CAN DE DANG 'DRA BAR DMIGS PA'I 'DU SHES CAN LA YONGS SU BSNGO BA MED DO, ZHES SO, ,SANGS RGYAS KYIS GNANG ZHING DGYES PA NI THEG PA GSUM GYI LAM THAMS CAD DE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG GIS KYANG YE SHES BLA NA MED PAS DGE BA'I RTZA BA DE DAG GI RIGS GANG YIN PA DANG RANG BZHIN GANG YIN PA DANG, MTSAN NYID GANG YIN PA MKHYEN CING CHOS NYID GANG GIS YOD PA DE BZHIN DU BDAG GIS KYANG RJES SU YI RANG BAR BYA'O, ,JI LTAR SANGS RGYAS BCOM LDAN 'DAS DE DAG GIS MKHYEN PA DE BZHIN DU BDAG GIS BLA MED RDZOGS BYANG DU YONGS SU BSNGO'O ZHES DE LTAR BYANG CHEN GYIS RDZOGS BYANG DU BSNGO BAR BYA STE, ZHES SO, ,KHAMS GSUM PAR MA GTOGS PA STE DE LA ZHEN PA MED PA NI 'DOD PA DANG SOGS PAS GZUGS GZUGS MED KYI KHAMS TE, BYANG TSE GZUGS GANG 'DOD PA DANG GZUGS DANG GZUGS MED PA'I KHAMS SUM GTOGS PA DE NI 'DAS PA MA YIN MA 'ONGS PA'ANG MA YIN DA LTAR BYUNG BA YANG MA YIN TE, DE NI MTSAN MA'I TSUL LAM DMIGS PA'I TSUL GYIS YONGS SU BSNGO BAR MI NUS SO, ZHES SO, ,BSOD NAMS CHEN PO 'BYUNG BA'I BSNGO BA CHUNG NGU NI, DGE BA BCU DANG SOGS PAS TSAD MED BSAM GTAN GZUGS MED MNGON SHES LNGA STE, STONG GSUM GYI STONG CHEN PO'I 'JIG RTEN GYI KHAMS

, ,KYI SEMS CAN GANG YIN PA DE DAG THAMS CAD DGE BCU'I LAS KYI LAM THOB PAR GYUR, TSAD MED BZHI DANG, BSAM GTAN BZHI DANG, GZUGS MED PA'I SNYOMS PAR 'JUG PA BZHI DANG, MNGON PAR SHES PA LNGA THOB PAR GYUR NA ZHES RAB 'BYOR LA SEMS CAN DE DAG BSOD NAMS MANG DU 'PHEL LAM, ZHES DRIS SHING 'PHEL BAR LAN BTAB PA NA DE LAS KYANG MA CHAGS PAS DGE RTZA BSNGO BA BSOD NAMS CHES 'PHEL PAR GSUNGS PA'O; ;BSOD NAMS CHEN PO 'BYUNG BA'I 'BRING NI, STONG GSUM SEMS CAN RGYUN ZHUGS DANG SOGS PAS RANG RGYAL GYI PAR THOB PA LA RIGS KYI BU DANG RIGS KYI BU MOS MCHOD PA STE, STONG GSUM GYI STONG CHEN PO'I 'JIG RTEN GYI KHAMS 'DI NA SEMS CAN JI SNYED CIG YOD PA DE DAG THAMS CAD RGYUN DU ZHUGS PAR GYUR LAN CIG PHYIR 'ONG BA DANG, PHYIR MI 'ONG BA DANG DGRA BCOM PAR GYUR TE ZHES DANG, DE BZHIN DU RANG RGYAL DU GYUR PA LA YANG GSUNGS NAS SNGAR LTAR DRIS LAN MDZAD PA'O, ,'DIR STONG GSUM GYI SEMS CAN GYIS RGYUN ZHUGS SOGS LA MCHOD PAR BZHED PA NI MDO 'BREL RNAMS DANG MI MTHUN NO, ,BSOD NAMS CHEN PO 'BYUNG BA'I BSNGO BA CHEN PO NI, STONG GSUM GYI SEMS CAN BLA NA MED PA'I BYANG CHUB KYI RGYU LA GNAS PA LA PHYOGS BCU'I SEMS CAN GYIS MCHOD PA STE STONG GSUM GYI STONG CHEN PO'I 'JIG RTEN GYI KHAMS NA SEMS CAN JI SNYED CIG YOD PA DE

DAG THAMS CAD BLA MED RDZOGS BYANG DU YANG DAG PAR ZHUGS PAR GYUR TE, ZHES DE LA PHYOGS BCU GANG+G'A'I KLUNG GI BYE MA SNYED NA YOD BA'I SEMS CAN THAMS CAD KYIS MCHOD PA LA SNGAR BZHIN DRIS LAN MDZAD PA'O, ,THEG PA GSUM GYIS ZHES SOGS 'DI DE'I BYED PA ZHES PA'I 'GREL BA YIN LA DE YANG BSNGO BA THAMS CAD KYI MJUG TU SBYAR DGOS TE, RGYAN SNANG DU, SEMS CAN THAMS CAD LA THEG PA GSUM GYIS NGES PAR 'BYUNG BA'I LAM NYE BAR STON PA'I BYA BA DANG LDAN PA'I YONGS SU BSNGO BA'I YID LA BYED PA GCIG KHO NA 'GA' ZHIG 'GA' ZHIG LA MNGON PAR ZHEN PA YIN PAS DE'I GNYEN PO'I DON DU JI SKAD DU BSHAD PA'I TSUL GYIS SKYE PO BLO DMAN PA RNAMS LA PHAN GDAGS PAR BYA BA'I PHYIR RAB TU DBYE BA RNAM PA BCU GNYIS BYAS PA YIN LA, ZHES PAS SO, ,'DIS NI BSNGO BA THA MA GSUM NGO BO THA DAD PAR 'DOD PA YANG BKAG LA CHUNG 'BRING CHE GSUM GYI DBYE BA YANG DPE GSUM GYI STENG NAS DE NYID LAS GSUNGS PAS SO, ,LNGA PA BSNGO RGYU NI, MDO LAS DE BZHIN GSHEGS PA RNAMS SEMS BSKYED NAS SANGS RGYAS KYI BAR DANG, DE NAS MYA NGAN LAS 'DAS KYI DANG, DE NAS DAM PA'I CHOS NUB PA'I BANG GYI DGE BA DANG, SEMS CAN RNAMS THEG GSUM GYIS SMIN PAR BYAS PA DANG, SLOB MI SLOB LA SOGS PA 'JIG RTEN LAS 'DAS MA 'DAS KYI DGE BA THAMS CAD BSNGO BAR GSUNGS SO, ,'ON KYANG MDO LAS 'DI DAG DANG POR BLOS GCIG TU BSDOM

, ,SHING DE NAS RJES SU YI RANG BAR BYAS NAS DE'I DGE BA BSNGO BAR GSUNGS PAS GZHAN GYI DGE RTZA BSNGO BAR GSUNGS PA'I DON NI, PHRAG DOG MED PA'I YI RANG BYAS PA NA BYED PA PO DANG MTSUNGS PAR THOB PA'I DGE BA DE NYID BSNGO BA LA BTAGS SAM SNYAM MO, ,SNGAR BSNGO BA BCU GNYIS BYED PAR BSTAN PA NI, BSNGO BA'I GRANGS YIN GYI BSNGO RGYU MIN PAS BSNGO BA BCU GNYIS KYIS DE NYID BSNGO'O ZHES 'KHRUL BAR MI BYA'O, ,DRUG PA NGO BO NI, RGYAN LAS BSTAN PA RNAMS KYI SMON LAM NI, ,SEMS PA BDUN DANG BCAS PA STE, ZHES PA LTAR DGE RTZA BYANG CHUB TU STOB PAR BYED PA'I SEMS PA DANG, MI ZAD PAR 'DOD PA'I 'DUN PA RNAMS CI RIGS PA STE RANG BZHIN MED RTOGS KYI SHES RAB KYANG DGOS SO, ,GSUM PA LA GSUM LAS, DANG PO NI, BSNGO BA'I 'OG TU ZAG BCAS GSUM PA RJES SU YI RANG BA YID LA BYED PA ZHES BYA BA GSUNGS TE, GONG GI TSUL DE LTAR LEGS PAR BSNGOS PA'I DGE PA'I DNGOS PO RNAMS YI RANG GIS SPEL BAR BYA BA YIN PAS SO, ,'DIR BSNGO BA'I 'OG DANG SDUD PAR GONG DU BSTAN PA NI, BSNGOS PA'I DGE BA YI RANG GIS SPEL BA DANG YI RANG GIS DGE BA BSNGO BA GNYIS PHAN TSUN MTSON PAR 'CHAD DO, ,MDO'I 'BREL NI, DGE RTZA RNAMS GCIG TU BSDUS NAS RJES SU YI RANG BYA BAR GSUNGS NA CI TZAM GYIS RJES SU YI RANG RAB TU GYUR PA YIN ZHES RAB 'BYOR GYIS DE BZHIN GSHEGS PA LA DRIS PA'I LAN

DU GSUNGS SO, ,GNYIS PA NI, THABS DAG GIS DGE BA'I RTZA BA LA YI RANG BA DANG, MI DMIGS PA DAG GIS DE LA YI RANG BA NI, RJES SU YI RANG YID LA PHYED PA SGOM PA YIN PAR BSTAN BCOS SAM MDO 'DIR BRJOD DO ZHES SBYAR BAS DON DAM DANG KUN RDZOB YUL CAN GYI YI RANG GNYIS SU 'GYUR TE, DE LTAR MI DMIGS PA'I TSUL GYIS BYANG CHEN GYIS BYANG CHEN GYIS SBYIN PA'I PHAR PHYIN LA SPYOD PA DANG, ZHES PA NAS YUM LA SPYOD PA'I TSE THABS MKHAS DGE BA'I RTZA BA DE DAG BLA MED RDZOGS BYANG DU BSNGO BAR BYA'O, ZHES SO, ,GSUM PA NI, RJES SU YI RANG BA BSGOM PAR BYA BA DAG YIN NO, ,GANG LA NA, DGE RTZA RNAMS SO, ,GANG GIS NA, PHRAG DOG ZAD PA'I RAB TU SOGS SO, ,JI LTAR NA, KUN RDZOB TU THABS MKHAS KYIS SGYU MA LTA BUR DMIGS NAS DANG DON DAM PAR SHES RAB KYIS CIR YANG MI DMIGS PAR RTOGS PA NYID KYIS SO, ,GSUM PA NI, ZAG BCAS SGOM LAM GSUM YOD PA DE LA STE DE'I NANG NAS MOS PA YID LA BYED PAS NI, BSOD NAMS DU MA MNGON PAR 'DU BYED PA STE SKYED PAR BYED DE, MDO LAS, BSAM MI KHYAB LA DANG RNAMS KYI, ,RNAM PAR SMIN PA BSAM MI KHYAB, CES PA LTAR YUL BLA NA MED PA LA YID CHES PA'I DAD PA'O,, 'DU BYED PA'I DPE NI, GSER GYI 'BYUNG KHUNGS DAG NAS GSER GYI GAR BU 'BYUNG BA BZHIN DU'O, ,BSNGO BA YID LA BYED PAS NI MOS PAS BSKRUN PA'I DGE BA YANG DAG PAR RDZOGS PA'I BYANG CHUB KYI YAN LAG STE RGYUR BYED DE,

, ,SHES RAB DANG SNYING RJES DGE BA RNAMS RDZOGS BYANG DU STOB PA'O, ,RGYUR BSGYUR BA'I DPE NI, GSER MGAR GYIS GSER SBRAM SKYES BU'I RNA RGYAN SOGS SU BSGYUR BA BZHIN DU'O, ,RJES SU YI RANG BA YID LA BYED PAS NI; YI RANG SGOM PA PO RANG DANG DGE BA SGRUB PA PO GZHAN GYIS BSOD NAMS BYA BA MNYAM PA NYID 'THOB STE, PHRAG DOG ZAD PA'I SGO NAS GZHAN GYIS BYAS PA LA RANG GIS BYAS PA LTAR GYI DGA' BSGOM PAS SO, ,DE YANG BLO MNYAM NA MNYAM PO DANG, MI MNYAM NA YANG DE LTAR 'THOB CES 'CHAD DO, ZHES BYA BA 'DI GSUM NI THAG BCAS GSUM BYED LAS KYI SGO NAS DON BSDUS PA YIN NO, ,'DI DAG NI 'PHAGS PAS MDZAD PA'I RJES SU SLOB DPON 'DI RNAM 'GREL SHER SGRON RNAMS KYIS KYANG BKOD PA'O, ,GNYIS PA LA GNYIS, THUN MONG GI MTSAMS SBYAR, SO SO'I DON BSHAD PA'O, ,DANG PO NI, ZAG BCAS SGOM LAM GYI 'OG TU DMAN MCHOG GI RIM PAS ZAG MED SGOM LAM 'CHAD DE, DE LA YON TAN MNGON PAR SGRUB PA DANG DRI MA RNAM PAR DAG PAR BYED PA'I SGOM LAM GNYIS SO, ,YANG NI SNGAR BZHIN NO, ,'BYED PA'I RGYU MTSAN LA KHA CIG NI SPANGS RTOGS DANG GZHAN DAG BAR CHAD MED LAM DANG RNAM GROL LAM DANG, LA LA GZHAN DBANG GI YUL CAN YON TAN SGRUB PA DANG YONGS GRUB KYI YUL CAN DRI MA SEL BA GNYIS YOD PAS SO ZHES ZER RO, ,DE LA DANG PO LTAR NA, RNAM DAG

SGOM LAM SPANGS PA YIN PAS 'DUS MA BYAS SU 'GYUR LA, DE YANG MI 'THAD DE, SHIN TU RNAM PAR DAG PA ZHES BYA BA 'DI NI SGOM PA'I LAM, ZHES SGOM LAM DRI MA DGU SEL BYED DU GSUNGS SO, ,GNYIS PA YANG MI RUNG STE, CHEN PO LA SOGS DRI MA YI, ,GNYEN PO CHUNG NGU'I, ZHES SPANG BYA DGU 'JOMS BYED DU GSUNGS LA, RNAM GROL LAM GYI TSE GNYEN PO'I BYED PA CHAD PAS SO, ,DGE SBYONG GI TSUL GYI 'BRAS BU ZHES PA DANG MI 'GAL TE, DES NI RNAM GROL LAM YOD PA TZAM DU BSTAN GYI NGES PA MIN TE, GZHAN DU NA SA DGU ZHES SOGS DANG 'GAL BAS SO ,DES NA GNYIS KA LA YANG BAR CHAD MED LAM DANG RNAM GROL LAM GNYIS YOD DO, ,GSUM PAS NI; MNYAM RJES LA 'DOD PAR SNANG BAS DE YANG MI RUNG STE, ZAG BCAS ZAG MED GNYIS NI MNYAM RJES KYI DBANG DU BYAS PAR SNGAR BSTAN PAS SO, ,DES NA MNYAM GZHAG ZAG MED GCIG NYID YUL RTOGS TSUL GYI SGO NAS THOB BYA 'GRUB PAR BYED PA DANG, SPANG BYA 'JOMS TSUL GYI SGO NAS DRI MA SEL BAR BYED PA GNYIS KYI LDOG PA NAS BSTAN PAS 'DI GNYIS DNGOS PO THA DAD PAR MI BSAM MO, ,MDO'I 'BREL NI, MI DMIGS PAR RTOGS PA'I YUM GYIS DGE BA BSNGO BA DANG, YI RANG BYA BAR GSUNGS PA LA 'PHROS NAS, SH'A RI'I BUS YUM DE SNANG BAR BYED PA DANG PHYAG BYA BAR 'OS PA LA SOGS PAR GSUNGS SO, ,GNYIS PA LA GNYIS, SGRUB

, ,PA DANG, RNAM DAG SGOM LAM BSHAD PA'O, ,DANG PO LA GSUM LAS, DANG PO NI, ZAG MED LA GNYIS YOD PA DE'I PHYIR BSHAD PA'I RIM PAS DANG POR YON TAN MNGON PAR SGRUB PA'I MTSAN NYID KYI SGOM LAM GSUNGS SO; ;GNYIS PA NI, SGRUB PA SGOM LAM LA YANG GNYIS LAS, GANG GIS SGRUB BYED KYI RANG BZHIN NI DANG PO GSUM STE, NGO BO DANG KHYAD PA DANG BLO'I RNAM PA'O, ,DE'I NI SGOM LAM DE'I ZHES BSHAD DE LUS RNAM GZHAG LA BSNYAG DGOS SO; ;GANG BSGRUB BYA LA LTOS PA'I NUS PA NI, PHYI MA GNYIS STE, BYANG SEMS KYI GNAS SKABS NA GTOD PA DANG SANGS RGYAS THOB PAR BYED PA'O, ,GSUM PA NI, SGRUB BSGOM LAM DE'I NGO BO NYID NI, GZUGS SOGS KYI CHOS THAMS CAD LA PHYIN CI MA LOG PA SPROS PA THAMS CAD DANG BRAL BAR MNGON SUM DU MTHONG BA STE, YUM NI DNGOS PO MA MCHIS PA'I NGO BO NYID STONG PA NYID KYI SLAD DU CHOS THAMS CAD KYI NGO BO NYID YANG DAG PAR STON PAR BGYID PA'O, ,ZHES SO,, 'DIR SNANG BAR BGYID PA ZHES SOGS KYI MDO'I DON DROD SOGS BZHI DANG MTHONG LAM BCU DRUG DANG, ZAG BCAS SGOM LAM LA BSHAD CING SDUG BSNGAL LA CHOS BZOD KYIS KHAMS GSUM GYI RANG GI MTHONG SPANG SPANGS PAS KHAMS GSUM THAMS CAD KYI RAB RIB DANG BRAL BAR BGYID PA LAGS SO ZHES PA'I MDO'I BSHAD PA MDZAD NAS DE DAG KYANG SNGON GYI SLOB DPON RNAMS KYI LUGS SU RGYAN SNANG DU 'BYUNG BA LA, AA BYAS SKABS 'DIR ZAG MED SGRUB

PA SGOM LAM KHO NA BSGRUB PAR BYA BA YIN PAS DE DROD SOGS KYI GNAS SKABS SU JI LTAR RIGS ZHES PA DANG, KHAMS GONG MA'I MTHONG SPANG SDUG BSNGAL LA RJES BZOD KYIS SDONG BAR SNGON GYI SLOB DPON RNAMS KYIS BSGRUBS PAS CHOS BZOD KYIS SPONG BA NI SHIN TU YANG NGO MTSAR BAR BYED PA STE ZHES DGAG PA SMRA BA NI, RANG NYID SHIN TU NGO MTSAR BAR STON PA STE DE YANG MTHONG LAM DU BRJOD ZIN TO, ,GZHAN YANG 'DI'I SKABS KYI MDO'I DON SGRUB PA SGOM LAM KHO NA YIN NA STOBS BCU BGYID PA DANG MI THUL BA DANG MGON BGYID PA LAGS SO ZHES PA'I SKABS 'DI'I MDO LA DE BZHIN GSHEGS PA'I STOBS BCU DANG MI 'JIGS PA BZHI'I BSHAD PA RANG NYID KYIS ZHIB PAR BYAS PA DANG JI LTAR MI 'GAL, DES NA YID PHRAG DOG GIS DKRUGS KYANG DRAN PA RNAL DU BZHAG STE SMRA DGOS SO, ,DE BZHIN DU PAndI TA 'DIS SLOB DPON GYIS BRGYAD STONG PA'I BSHAD PA SNGA PHYI RNAMS LA NOR BA MANG PO SNANG BA NI BDAG GIS TSIG MANGS SU DOGS PAS MA BRIS LA, LEGS PAR SHES PA RNAMS KYIS BRTAGS TE DOR BAR BYA'O ZHES ZER BA YANG SNGAR LTAR SKYON MED PA LA PHRAG DOG GIS SKYON 'DZIN 'DOD PA 'BA' ZHIG GO ,SGRUB PA SGOM LAM GYI MCHOG NYID NI, 'DIS MA ZIN PAR PHAR PHYIN GZHAN NAM ZAG BCAS KYIS SANGS RGYAS MI 'THOB PA STE, BYANG CHEN RNAMS KYIS YUM 'DIS NI SBYIN PA'I PHAR PHYIN ZIL GYIS GNON ZHES PA NAS BSAM GTAN GYI PHAR PHYIN ZIL GYIS

, ,GNON NO ZHES DMUS LONG DU MA YOD KYANG MIG LDAN MED NA GRONG DU 'JUG MI NUS PA'I DPES GSUNGS SO, ,SGOM LAM DE YIS KUN LA MNGON PAR 'DU MI BYED PA NI, KUN BYANG GI CHOS THAMS CAD KYI KHYAD PAR SKYE 'JIG DANG DMIGS PA MED PAR RTOGS NAS, SBYOR BA'AM SGRUB PA STE, RNAM MKHYEN GYI BAR DU MNGON PAR 'DU BYA BA MED PA DANG, SKYE BA MED PA DANG DNGOS PO MED PA DANG 'BYUNG BA MED PA DANG DMIGS PA MED PA DANG 'JIG PA MED PAS YUM MNGON PAR BSGRUB PAR BYA'O, ZHES SO, ,SGOM LAM DES GTOD PAR BYED PA NI, SNGAR GYI DE LTA BU'I NGO BO NYID LA SOGS PA DANG LDAN PA'I LAM GYI YON TAN GYI CHOS RNAMS MTSAN MAR MI DMIGS PA NYID DU RNAL 'BYOR PA SGOM LAM PA'I RGYUD LA SKYED PAR BYED PA STE, JI LTAR MI DMIGS PA DANG MI LEN PA DANG, MI GNAS PA DANG MI 'DOR BA DANG MNGON PAR MA CHAGS PA DE LTAR GTOD PAR BYED DE, ZHES SO, ,SGOM LAM DES DON CHEN PO NYID DU BYED PA NI, THOB BYA'I DON NAM 'BRAS BU CHEN PO SANGS RGYAS THOB PA NYID DU BYED PA'I PHYIR TE, YUM 'DI NI PHAR PHYIN CHEN MO'O, ZHES SO, ,GNYIS PA LA GNYIS, RNAM DAG GI RGYU DANG, RNAM DAG DNGOS SO, ,DANG PO LA GSUM LAS, DANG PO NI, SGRUB BA SGOM LAM DE'I 'OG TU ZAG MED GNYIS PA SHIN TU RNAM PAR DAG PA'I MTSAN NYID GSUNGS SO, ,JI LTAR NA MTHUN RKYEN GANG ZHIG YONGS SU BZUNG BA DANG

'GAL RKYEN GANG ZHIG BOR BAS 'THOB PAR 'GYUR BA'I RNAM DAG SGOM LAG 'DI'I SKYE BA'I RGYU DANG MI SKYE BA'I RGYU GANG ZHIG YIN SNYAM PA'I THE TSOM BSAL BA SNGON DU BTANG BA'I SGO NAS SO, ,MDO'I 'BREL NI, YUM ZAB MO 'DI LA MOS PA DE GANG NAS 'DIR SKYES, CI TZAM NAS RDZOGS BYANG DU ZHUGS, CI TZAM NAS DE BZHIN GSHEGS PA RNAMS BSNYEN BKUR, CI TZAM NAS PHYIN DRUG LA SPYAD CES SH'A RI'I BUS SANGS RGYAS LA DRIS PA'I LAN DU GSUNGS SO,, GNYIS PA NI, 'JIG RTEN LAS 'DAS PA'I SGOM LAM DANG MTHONG LAM GYI RTZA BA NI MOS PA YIN LA DE'I RGYU NI SANGS RGYAS BSTEN SOGS YIN PAR DAG LDAN LAS SO, ,GSUM PA LA GNYIS, SKYE BA DANG MI SKYE BA'I RGYU'O, ,DANG PO NI, RNAM DAG SGOM LAM SKYE BA'I RGYU DAG YIN NO, ,GANG NA, GSUM LAS DANG PO NI, SANGS RGYAS GRANGS MED PA YUN RING POR BSNYEN BKUR BA'I SGO NAS MNYES PAR BYED PA STE, BYANG CHEN DE NI PHYOGS BCU'I 'JIG RTEN GYI KHAMS KYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS TSAD MED GRANGS MED PA BSNYEN BKUR NAS 'DIR 'ONGS SHING SKYES PA STE, ZHES SO, ,GNYIS PA NI, SBYIN PA LA SOGS PA'I PHAR PHYIN RDZOGS PAR BYED PA STE, BYANG CHEN DE BSKAL PA BYE BA KHRAG KHRIG BRGYA STONG GRANGS MED TSAD MED PA NAS BLA MED RDZOGS BYANG DANG YANG DAG PAR LDAN PAR 'GYUR BA STE SEMS DANG PO BSKYED PA NAS SBYIN PA'I PHAR PHYIN LA SPYAD, CES SO, ,GSUM PA NI, PHYIN DRUG SGRUB PA'I TSE MI DMIGS

, ,PAR RTOGS PA'I SPROS BRAL GYI ZHI GNAS SGOM PA LA MKHAS PA STE, BYANG CHEN GANG SEMS DANG PO BSKYED PA NAS NYE BAR BZUNG STE YUM ZAB MO 'DI LA DE MI DMIGS PA'I TSUL GYIS BRTZON PAR BYED PA DANG, ZHES SO, ,GNYIS PA NI; THEG CHEN GYI CHOS KYIS PHONGS PA'I RGYU 'AM RNAM DAG SGOM LAM MI SKYE BA'I RGYU DAG YIN NO, ,GANG NA BZHI LAS, DANG PO NI SNGON DGE RTZAM BSAGS PAS BDUD KYIS THIBS KYIS NON PA STE BDUD KYI SA GNOD PA BYAS NAS DE'I DBANG DU SONG PA'O, ,GNYIS PA NI, THEG CHEN GYI RIGS MA SBYANGS PAS CHOS ZAB MO SPROS GRAL LA MA MOS PA'O, ,GSUM PA NI, CHOS LA BDAG MED PA'I DON LAM GOMS PAS PHUNG PO SOGS LA DNGOS POR 'DZIN PA STE ZHEN PA'O, ,BZHI PA NI; DGE BA'I BSHES GNYEN LA 'DRIS PAR MA BYAS PAS MI DGE BA'I GROGS PO DANG 'GROGS SHING DE'I DBANG DU SONG BA STE SKYES BU GLEN PA DE DAG NI BDUD KYI BYIN GYIS BRLABS PAR 'GYUR BA DANG, CHOS ZAB MO RNAMS LA MOS PA MED CING DAD PAR MI 'GYUR BA DANG, PHUNG PO LA SOGS PA LA MNGON PAR ZHEN PAR 'GYUR BA DANG, SDIG PA'I GROGS PO'I LAG TU SONG BAS ZHE SDANG GI SPYOD PA CAN BDAG BSTOD CING GZHAN SMOD PAR 'GYUR BA YIN TE, RAB 'BYOR RNAM PA BZHI PO DE DAG DANG LDAN NA SKYES BU GLEN PA DE DAG YUM ZAB MO 'DI SPONG BAR 'GYUR RO, ZHES SO, ,'DI DAG MDO NAS YUM TZAM ZHIG GI MTHUN RKYEN DANG 'GAL RKYEN DU GSUNGS PA'I DGONGS PA BSTAN BCOS KYIS SGOM LAM LA

SBYAR LA, DE YANG RNAM DAG GI YIN PAR 'PHAGS PA DANG SLOB DPON GNYIS BZHED PA LTAR YIN TE, GO RIM GYIS SHES SO, ,DE SBYOR BA'I RGYU MTSAN NI, RNAM DAG 'DI LAM GZHAN DANG GZHUNG GI YUM LAS GTZO BOR GYUR BAS GTZO BO'I RGYUR BSTAN TO, ,SH'ANTIS NI SGRUB PA SGOM LAM GYI YAN LAG LNGA DANG DRUG PA MOS PA'I RGYU BDUN PA SPONG BA'I RGYU STE SGRUB PA'I YAN LAG BDUN ZHES GZHUNG 'DI SGRUB PA SGOM LAM LA YAR GCOD DO, ,GNYIS PA LA GNYIS, RNAM DAG SPYIR BSTAN PA DANG; BYE BRAG TU BSHAD PA'O, ,DANG PO LA GSUM LAS, DANG PO NI, GONG GI DE LTAR 'THOB PA'I RGYU MTHUN RKYEN DANG MI 'THOB PA'I RGYU 'GAL RKYEN DAG BSHAD NAS DE'I 'OG TU SKABS SU BAB PA RNAM DAG GI NGO BO GSUNGS SO, ,JI LTAR NA, SPYIR TE 'PHAGS PA RNAMS KYI RNAM DAG SO SOR MA PHYE BAR STON TO, ,'DIR RANG BZHIN RNAM DAG DANG 'OG TU GLO BUR DRI BRAL BSTAN PA SPYI DANG KHYAD PAR GYI DON DU BZHED PA MA YIN TE, 'DIR YANG GLO BUR DRI BRAL NYID BSTAN PAS SO, ,GNYIS PA NI; 'BRAS BU DAG PA NI GZUGS DANG SOGS PAS RNAM MKHYEN GYI BAR DAG PA NYID YIN TE, RGYU MTSAN GANG GI PHYIR NA 'BRAS BU DANG GZUGS SOGS KYI DAG PA DE GNYIS THA DAD MA YIN ZHING BCAD DU MED PAS SO, ,DES NA MDOR GZUGS SOGS DAG PA 'BRAS BU DAG PAR BRJOD DO, ,GZUGS RNAM PAR DAG PA GANG YIN PA DE NI 'BRAS BU RNAM PAR DAG PA NYID DO, ZHES RNAM MKHYEN GYI BAR LA GSUNGS NAS, RAB 'BYOR GZHAN YANG GZUGS RNAM PAR DAG PA

, ,GANG YIN PA DE NI 'BRAS BU RNAM PAR DAG PA NYID DO, ,'BRAS BU RNAM PAR DAG PA GANG YIN PA DE NI YUM RNAM PAR DAG PA YUM RNAM PAR DAG PA GANG YIN PA DE NI GZUGS RNAM PAR DAG PA STE, DE LTAR NA GZUGS RNAM PAR DAG PA DANG, 'BRAS BU RNAM PAR DAG PA DANG, YUM RNAM PAR DAG PA GANG YIN PA 'DI LA GNYIS SU MED CING GNYIS SU BYAR MED DE THA MI DAD CING MCHAD PA'O, ZHES 'BYUNG ZHING RNAM MKHYEN GYI BAR LA YANG DE LTAR RO; ;DES NA DAG PA NYID DE ZHES PA YAN CHAD NI 'GRES SNGA MA DANG DE GNYIS NAS MED PAS ZHES PA NI 'GRES PHYI MA BSDUS LA DAG PAR BRJOD CES PA MDOR DE LTAR BSTAN CES DON BSDUS PA'O, ,'ON KYANG 'GRES PHYI MA'I YUM DAG PA BSTAN BCOS KYI TSIG GIS MA ZIN LA MDO'I SGRAS ZIN LA DAG PA GSUM GCIG YIN PA RGYU MTSAN DANG GNYIS MED SOGS BZHI DAM BCA' LTAR BYUNG YANG BSTAN BCOS LAS BZLOG NAS 'CHAD DO, ,'DI ZHIB PAR DPYAD NA GSUM STE, CHOS CAN DAG GZHI GSUM GYI NGO BO DANG, BSGRUB BYA DAG PA GSUM GCIG YIN PA DANG, SGRUB BYED GNYIS MED SOGS BZHIR PHYE BA'I DON BSHAD PA'O, ,DANG PO NI DAG LDAN LAS, GANG GI DAG PA ZHE NA, SHES RAB KYI PHA ROL TU PHYIN PA STE SGOM PA'I LAM GYI ZHES BYA BA'I DON TO, ZHES DANG, SHES RAB KYI PHA ROL TU PHYIN PA RNAM PAR DAG PA NYID NI DE'I DMIGS PA DANG DE'I 'BRAS BU RNAM PAR DAG PA YIN TE, ZHES YUM SGOM LAM

GZUGS SOGS DE'I YUL 'BRAS BU DE'I 'BRAS BU LA BSHAD DO, ,GRAGS CHA LAS 'BRAS BU NI BYANG CHUB STE, ZHES SO, ,NYI SNANG LAS NI, 'PHAGS PA'I GANG ZAG GANG YIN PA'I DGE SBYONG GI 'BRAS BU GANG YIN PA'I 'BRAS BU DE NI ZHES BAR CHAD MED LAM GYI 'BRAS BU RNAM GROL LAM LA BSHAD CING DE'I RJES SU SLOB DPON DANG BUD DHA SHR'I 'BRANG NGO, ,SLOB DPON GYIS 'BRAS BU DANG YUM GNYIS GCIG TU 'CHAD DE, RGYAN SNANG LAS, RGYUN DU ZHUGS PA LA SOGS PA'I 'BRAS BU SHES RAB KYI PHA ROL TU PHYIN PA'I RNAM PAR DAG PA YIN LA, ZHES PAS SO, ,GNYIS PA NI, YUL LA ZHEN PA SKYE BA DE SRID DU MA DAG PAR 'JOG LA GANG GI TSE GNYEN POS ZHEN PA SPANGS PA DE'I TSE DAG BYA'I DRI MA GCIG LAS MED PAS YUL YUL CAN GNYIS KA YANG DRI MA DE MI SKYE BA'I DAG PA YIN MIN DU KHYAD PAR MED PA NI 'PHAGS PA DANG SLOB DPON GYI DGONGS PA'O, ,GSUM PA NI GNYIS MED NI GZUNG 'DZIN GNYIS SU MED PA'O, ,GNYIS SU BYAR MED PA NI LDEM POR DGONGS PAS GNYIS SU BYAR MI NUS PA STE BLOS KYANG GZUNG 'DZIN GNYIS SU BYAR MI NUS ZHES PA'O, ,DBYER MED BA'AM THA MI DAD PA NI RANG BZHIN MI 'DRA BA DU MA MED PA'O, ,GCAD DU MED PA NI YAN LAG GAM CHA SHES DU MA MED PA'O, ,YANG NA SNGA MA GNYIS KYIS BSTAN NAS PHYI MA GNYIS KYI BSHAD PA'O, ,GSUM PA NI, YUL CAN 'BRAS BU RNAM PAR DAG PA GANG YIN PA DE NYID DANG YUL GZUGS SOGS RNAM PAR DAG PA DE GNYIS NI 'CHAD 'GYUR GYI DRI MA DES DAG PA YIN MIN DU

, ,KHYAD PAR MED PA YIN NO, ,GANG GI 'BRAS BU YIN NA, DGE SBYONG GI TSUL BAR CHAD MED LAM GYI 'BRAS BU GANG YIN PA DA'O, ,'DIS DE RNAM GROL LAM DU BSTAN TO, ,BAR CHAD MED LAM YANG SKYE 'PHAGS GNYIS LA YOD PA LAS GANG SNYAM NA, 'PHAGS PA'I GANG ZAG GI'O, ,RNAM PAR DAG TSUL GANG NA, RANG RANG GI NGO SKAL GYI MI MTHUN PHYOGS THAMS CAD DANG BRAL BA NYID KYIS DAG PA'O, ,KHYAD PAR MED PA'I RGYU MTSAN GANG GI PHYIR NA, YUL YUL CAN DE DAG GI RNAM PAR DAG PA DE GNYIS DAG BYA'I DRI MA GCIG PU DES DAG PA YIN MIN DU RANG GI MTSAN NYID RDZAS LA THA DAD PA NYID MA YIN ZHING SPYI'I MTSAN NYID LDOG PA LA YANG THA DAD PAR GCAD DU MED PA NYID YIN TE DE'I PHYIR RO, ,RTAGS GRUB STE, YUL CAN 'BRAS BU DANG, YUL GZUGS SOGS RNAM PAR DAG PAR 'JOG PA NI YUL CAN GYIS YUL GZUGS SOGS LA BDAG TU MNGON PAR ZHEN PA DANG SOGS PAS BDAG GI BAR ZHEN PA SOGS DANG BRAL BAS RAB TU PHYE BA STE DE TZAM GYIS BZHAG PAS SO, ,DPER NA DGAG BYA GSER BUM GCIG GIS DAG PA'I SHAR NUB KYIS PHYOGS DAG GZHI DE GNYIS BUM PA GCIG BU DES DAG PA'I DAG PA YIN MIN DU KHYAD MED DE, DGAG BYA GCIG YIN PAS ZHES PA BZHIN NO, ,DES NA THEG PA CHEN PO 'DIR SEMS KYI SNANG BA CAM? MA GTOGS PA PHYI ROL NA YUL MED PAS SEMS DAG PA NA DE'I SNANG BA YANG DAG PA YIN PAS SNANG BA MA DAG PA NI 'PHAGS PA RNAMS KYI NGOS NAS MI BZHAG GI SEMS

CAN GYI NGOS NAS SO, ,SNGA MA RNAMS 'DIR BYANG SEMS KYIS BCU SANGS RGYAS KYIS STE BCU GCIG NYAN THOS LA 'BRAS BU BZHI'I RNAM GROL LAM BZHI RANG RGYAL LA 'BRAS BU DANG MTHA' GNYIS KYI GNYIS DANG BCU BDUN NO ZHES 'CHAD KYANG YID CHES PA'I KHUNGS MED CING DON LA YANG DER MA NGES SO, ,RGYU MTSAN DES DAG PA GNYIS GCIG YIN PAR BSTAN PA DE BAS NA MDO LAS RNAM PAR DAG PAR BRJOD DO, ,JI LTAR NA, 'BRAS BU'I DAG PA GZUGS SOGS KYI DAG PA YIN PA DANG GZUGS SOGS KYI DAG PA 'BRAS BU'I YIN PA DE LTAR RO, ,'DIR YUL YUL CAN GYI DAG PA PHAN TSUN DU GCIG YIN PAR BSTAN PA'I DON GONG GI 'CHAD TSUL DE LTAR MA BYAS NA DAG PA DE GNYIS LA LDOG PA YANG THA DAD MED PAR 'GREL CHEN RNAMS LAS BSHAD PA 'GRIG PAR DKA'O, ,GNYIS PA LA GNYIS, LAM GYI DBYE BA DNGOS DANG, MTHAR THUG PA'I LAM GYI KHYAD PHAR RO, ,DANG PO LA GSUM LAS, DANG PO NI, 'PHAGS BZHI'I RNAM PAR DAG PA SPYIR TE SO SOR MA PHYE BAR THUN MONG DU BRJOD NAS DE'I 'OG TU KHYAD PAR DU PHYE STE GSUNGS SO, ,GNYIS PA NI, NYON MONGS PA'I SGRIB PA NYAMS PA'I PHYIR SLOB MNYAN THOS RNAMS KYI DAG PA STE, DE LTAR NA 'DOD CHAGS DANG, ZHE SDANG DANG, GTI MUG YONGS SU DAG PA DANG RNAM MKHYEN NYID KYI BAR DU YONGS SU DAG PA GANG YIN PA 'DI LA GNYIS SU MED CING GNYIS SU BYAR MED DE THA MI DAD CING MA CHAD PA'O, ZHES SO, ,SHES BYA'I SGRIB PA'I PHYOGS GCIG GZUNG RTOG NYAMS PA'I PHYIR BAS RUS MTSON

, ,PA'I RANG RGYAL RNAMS KYI DAG PA STE DE LTAR NA RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAM PAR DAG PA DANG, RNAM MKHYEN RNAM PAR DAG PA 'DI LA GNYIS SU MED CING MA CHAD PA'O ZHES SO, ,RANG RGYAL GTZO BOR RTEN 'BREL BSGOMS PAS 'DI'I RNAM DAG BSTAN TO, ,THEG PA GSUM GYI LAM GYI SGRIB PA SNGAR BSHAD PA GNYIS DANG 'DZIN RTOG GSUM NYAMS PA'I PHYIR, RGYAL SRAS BYANG SEMS RNAMS KYI DAG PA STE, YUM RNAM PAR DAG PAS BSAM GTAN GYI PHAR PHYIN RNAM PAR DAG PA, ZHES SO, ,'DIR PHYIN DRUG GI SGO NAS RNAM BYANG GI 'GRES THAMS CAD LA RNAM DAG GSUNGS LA, BYANG SEMS KYIS KYANG RNAM BYANG MA LUS PA SGOMS PAS DE BSTAN PAR MNGON NO, ,SANGS RGYAS RNAMS KYI RNAM DAG NI SGRIB PA'I RNAM PA KUN GYIS DAG PA'I SHIN TU BA YIN NO, ,MTHA' NI CHA STE DE LA GNYIS DNGOS PO DANG DUS KYI MTHA'O, ,DE LA SHES SGRIB SPANGS PAS MTHA' DANG PO DANG RTAG TU CHES KYI SKU BRNYES PAS MTHA' GNYIS PA LAS 'DAS PA'I PHYIR TE, MTHA' LAS RGAL BA DANG, MTHA' LAS SHIN TU SONG BA ZHES BYA BAS SO, ,'DIR MTHA' 'DAS KYI SHAD PA 'OD PA'I RGYU MTSAN NI AANTA ZHES PA SHIN TU DANG MTHA' 'DAS GNYIS KA LA 'JUG PA'I RGYU MTSAN GYIS YIN ZHES LOTZTSA BA CHEN PO BLO BRTAN GYIS BSHAD PAS PHYI MA LA 'JUG PA'I DBANG DU MDZAD NAS 'PHAGS PAS GSUNGS SO, ,RNAM DAG 'DI LA NYI KHRI'I 'GREL

PA BZHI DANG BRGYAD STONG PA'I 'GREL BA GSUM PO GANG NAS MDO SBYAR BA MED LA, STONG PHRAG BRGYA PA'I BSHAD PA DANG YUM GSUM DON BRGYAD KYIS MTHUN PAR BSTAN PA GNYIS KYIS MDO SBYAR BA NI GNYIS KA YANG MI MTHUN LA, PHYI MAS NI BYANG SEMS KYI RNAM DAG GI MDO RNAM DAG SPYIR BSTAN GYI MDOR BYAS NAS RNAM DAG DANG PO GSUM SHUGS KYIS BSTAN PAR 'DOD DO, ,MKHAS PA DAG 'DI LA MTHA' 'DAS ZHES SOGS KYI MDO SBYOR BA NI MDO 'GREL SU DANG MI MTHUN NO, ,GSUM PA NI, DANG PO GNYIS GZHI SHES DANG GSUM PA LAM SHES DANG BZHI PA RNAM MKHYEN GYI RNAM DAG YIN LA, BZHI PA LA NYE SNANG DU, MTHA' LAS 'DAS PA NI CHOS KYI DBYINGS LA BRJOD LA DE LA YOD PAS NA SHIN TU PA'O, ZHES DANG, THUB DGONGS SU YANG; SHIN TU NI CHOS KYI DBYINGS YIN LA DE LA YOD PA NI SHIN TU BA'I RNAM PAR DAG PA YANG DAG PAR RDZOGS PA'I SANGS RGYAS KYI'O ZHES 'BYUNG BAS, SHIN TU RNAM PAR DAG PA CHOS KYI DBYINGS LAS BYUNG BA ZHES PA'I DON NI SHIN TU BAS TE, CHOS DBYINGS LA YOD PA LA GO DGOS SHING GZHAN NI GO BAR ZAD DO, ,GNYIS PA LA GNYIS, LAM GYI KHYAD PAR DNGOS DANG, RTZOD PA SPANG BA'O, ,DANG PO LA GNYIS, DRI BA DANG, LAN NO, ,DANG PO NI, LAM SHES KYI SKABS SU BYANG SEMS KYI RNAM DAG GTZO BO YIN PAS DE SMOS PA'I ZHAR LA RNAM KUN SHIN TU BA ZHES SANGS RGYAS KYI RNAM PAR DAG PA SHIN TU BA DANG NYON MONGS SHES BYA NYAMS ZHES NYAN THOS DANG SOGS PAS RANG RGYAL GYI RNAM DAG

, ,SHIN TU BA'I CIG SHOS PHYOGS RE TZAM SPANGS PA'I NYI TSE BAR BSHAD PA DE'I RGYU MTSAN JI LTA BU YIN ZHE NA, ZHES PA STE, DE LTAR 'DRI BA YANG LAM MTHAR THUG PA RE RER MTSUNGS PAS SO SNYAM DU BSAMS SO, ,GNYIS PA LA GNYIS LAS, DANG PO NI, SA DGU ZHES PA SPANGS BYA'AM GNYEN PO'I RTEN YIN ZHE NA, RGYAN SNANG LAS, 'DOD PA'I KHAMS DANG GZUGS KYI KHAMS DANG GZUGS MED PA'I KHAMS SU ZHES SMOS PAS NA 'DOD PA'I KHAMS LA SOGS PA'I SA DGU PO'I SGOM PA'I LAM GZUNG BAR BYA'O, ,GANG YANG 'DOD PA KHAMS DANG SRID RTZE NA, ,BYANG CHUB LAM GYI YAN LAG SPANGS, ZHES BRJOD PA NI THABS LA MI MKHAS PA YIN PA'I PHYIR, NYAN THOS KYI DBANG DU BYAS PA YIN PAS DE DANG 'DI LA 'GAL BA MED DO ZHES BYA BA NI KHA CIG GI'O, ,GZHAN NI MI LCOGS PA MED PAR GNAS PA NAS BRTZAMS TE CI YANG MED PA'I SKYE MCHED KYI MTHAR THUG PA'I BAR GYI SA DGU NI SGOM PA'I LAM YIN NO ZHES 'CHAD DO, ,'DOD BA'I KHAMS LA SOGS PA SMOS PA NI DER YUM DON DAM PAR GNAS PA MED PAR STON PA LHUR LEN PA YIN GYI, SA DGU BSHAD PA NI MA YIN NO ZHES GZUGS MED DANG PO GSUM DANG BSAM GTAN SA DRUG STE DGU DANG, KHAMS GSUM GYI SA DGU LA BRTEN PA'I LUGS GNYIS BSHAD CING, RNAM KUN TU YANG 'DI GNYIS GDAM NGA CAN DU MDZAD PA'I PHYI MA NI MNGON PA GONG 'OG RNAMS DANG MTHUN LA, SNGA MA NI SRID

RTZE CHES MI GSAL BA DANG, 'DOD PA CHES MA ZHI BAS DE GNYIS LA ZAG MED BRTEN PA MNGON PA NAS 'GOG GO ,'ON KYANG SNGA MAS ZER BA LTAR BYANG SEMS THABS MKHAS PAS SRED RTZE DANG 'DOD PA'I MI GSAL BA DANG, G-YENG BAS MI GNOD PAR MNGON PAS LUGS SNGA MA YANG MI 'THAD PA MED PAR SEMS SO, ,SPYIR DE LTAR YIN KYANG GZHUNG 'DIR NI SA DGU PO DE SPANG BYA SPONG BA'I RTEN LA BSHAD NA 'GRIG GO ,DE NI SGOM LAM GYI SEMS RTEN YIN LA, LUS RTEN NI MA SKYES PA SKYE BA'I RTEN LA 'DOD PA'I LHA MI DGOS LA, SKYES ZIN GNAS PA'I RTEN LA BYANG SEMS 'PHAGS PA GZUGS MED DU MI SKYE BAS GZUGS KYI RTEN DANG, NYAN THOS LA NI GZUGS MED KYI RTEN CAN YANG YOD DO, ,NYAN THOS KYI SEMS RTEN NI LUGS PHYI MA LTAR BYA'O, ,GNYIS PA NI, SANGS RGYAS KYI RNAM DAG NI SHIN TU BA ZHES BYA STE, 'DOD KHAMS DANG, BSAM GTAN DANG, GZUGS MED PA'I SNYOMS PAR 'JUG PA BZHI BZHI DAG STE SA DGU LA BRTEN PA'AM, KHAMS GSUM GYIS BSDUS PA'I MI MTHUN PA'I PHYOGS SGOM SPANG CHEN PO'I CHEN PO DANG, SOGS PAS CHUNG DU'I CHUNG DU'I BAR RNAM PA DGU'I GNYEN PO'I NGO BOR GO RIM BZHIN DU THEG CHEN GYI SGOM LAM CHUNG DU'I CHUNG DU LA SOGS PA RNAM PA DGU NI, SGOM SPANG GI DRI MA RNAM PA THAMS CAD DE MA LUS PA DAG PAR BYED PA'I RGYU YIN PA'I PHYIR RO, ,KHYAB PA YOD DE, RGYUD DRI MA MTHA' DAG DAG BYED YIN NA, 'BRAS BU DE DRI MA MA LUS

, ,PA LAS GROL DGOS PAS SO, ,NYAN RANG DGRA BCOM GYI RNAM DAG NI DRI MA MA LUS PAS DAG PA'I SHIN TU BA'I CIG SHOS NYI TSE BA'I RNAM DAG CES BYA STE, SA DGU LA BRTEN PA'I SGOM SNANG CHE 'BRING DGU'I GNYEN POR 'BYUNG BA'I NYAN RANG GI SGOM LAM CHUNG 'BRING DGU NI RNAM PA THAMS CAD PA'I CIG SHOS NYON SGRIB TZAM DANG, DE DANG GZUNG RTOG TZAM GYI DRI MA PHYOGS RE BA RNAM PAR DAG BYED KYI RGYU YIN PA'I PHYIR RO, ,KHYAB PA YOD DE, RGYU DE DRI MA NYI TSE BA'I GNYEN PO YIN NA DES THOB PA'I 'BRAS BU YANG DRI MA PHYOGS RE TZAM LAS GROL BA YIN PAS SO, ,KHA CIG GZHUNG 'DIS BYANG SEMS KYI RNAM DAG DE NYAN RANG LAS SHIN TU BAR BSTAN PAR 'DOD PA DANG, GZHAN DAG 'DIS BYANG SEMS KYI RNAM DAG SHIN TU BA BTAGS PA BAR 'CHAD PA GNYIS KA MI 'THAD DE, MTSAMS SBYAR DU SANGS RGYAS DANG NYAN RANG GI RNAM DAG SHIN TU BA YIN MIN DU BSHAD PA'I RGYU MTSAN DRIS PA'I LAN DU BSHAD DGOS PA DRIS LAN MA 'BREL BAR 'GYUR TE, BA LANG BA MIN GYI KHYAD PAR DRIS PA LA RTA DANG MA HE'I MCHOG DMAN DANG RTA MA HE BTAGS PA BAR 'CHAD PA BZHIN NO, ,'DIR SGOM LAM DGU'I MDO SBYAR YANG 'BYAM KLAS PAR SNANG BAS MA DRANGS SO, ,GNYIS PA LA GNYIS, RTZOD PA DANG, LAN NO, ,DANG PO NI, SGOM SPANG CHE RIM DGU'I GNYEN POR CHUNG TIM NAS 'BYUNG BA'I THEG CHEN GYI SGOM LAM DGU PO DE DRI MA MTHA' DAG DAG BYED YIN PA'I RGYU MTSAN GYIS JI LTAR NA

DE DAG GI 'BRAS BU SANGS RGYAS KYI RNAM DAG DE NYE BAR MA BTAGS PA'I RNAM DAG SHIN TU BA YIN TE MA YIN PAR THAL, SPANG GNYEN GYI RIM PA DE MI 'THAD PA'I PHYIR TE, SPANG BYA CHEN PO CHEN POS DANG CHUNG DU CHUNG DUS GZHOM DGOS PAS SHE NA'O, ,DE LTAR NA SLOB DPON GYI DGONGS PAS RTZOD PA 'DI LTAR KHONG NAS BTON NAS DE'I LAN DU RTZOD PA 'DI KHRUS MKHAN GYI DPES SPANGS PA'I SGO NAS SANGS RGYAS KYI RNAM DAG SHIN TU BAR SGRUB STE, DES NA 'DI RTZOD SPONG YIN GYI SGRUB BYED NI GONG GI LAS LHAG PA 'DIR CI YANG MED DO, ,DOGS PA 'DI 'ONG BA'I RGYU MTSAN YANG GONG DU RNAM MKHYEN SHIN TU BA DNGOS DANG NYAN RANG GI DE BTAGS PA BAR BSHAD PA NA, KHA CIG 'DI SNYAM DU DE DAG GI RGYU MTSAN NI RGYU SGOM LAM GYIS SPANG BYA MA LUS PA DANG PHYOGS RE BA 'JOMS PAS YIN LA, 'DZOMS TSUL YANG SPANG BYA CHE RIM DANG GNYEN PO CHUNG RIM NAS YIN PAS 'DI MI 'THAD PA'I PHYIR 'BRAS BU'I KHYAD BAR 'DI YANG MI 'THAD DO SNYAM PA STE, PHYI 'GREL GYI SPANG BYA LA KLAN KA SONG TSUL GYIS SHES TE, DOGS PA 'DI 'DRA BA ZHIG MA BSLAD NA 'OG GI LAN MA 'BREL BA DANG ZLOS PAR 'GYUR RO, ,DOGS PA SLONG TSUL 'DI MI SHES PAR GZHUNG 'DIS SHIN TU BA BYE BRAG TU SGRUB PAR 'DOD PA DANG, SANGS RGYAS KYI RNAM DAG BYANG SEMS KYI RNAM DAG LAS LHAG PAR SGRUB PAR 'CHAD PA RNAMS KYANG NGAL BA TZAM ZHIG 'BRAS BU'O, ,GNYIS PA LA GNYIS LAS, DANG PO NI, SLOB DPON GYI

, ,DGONGS PA 'GREL PAR 'CHAD LA 'PHAGS PA LTAR NA GSUM, GNYEN PO BYED TSUL, YUL RTOGS TSUL, DE LA RTZOD SPANG NGO, ,DANG PO NI, SGOM PA'I LAM NI KHAMS GSUM GA'I SGOM SPANG GI GNYEN PO NYID DU 'DOD DO, ,BCOM LDAN 'DAS RNAM PAR DAG PA NI 'DOD PA DANG, GZUGS DANG, GZUGS MED PA'I KHAMS SU SKYE BA MA LAGS SO, ZHES SO, ,'DIS SNGAR BSHAD PA'I GNYEN PO BYED TSUL GYI DON BSDUS SO, , GNYIS PA NI, 'O NA YUL JI LTA BUR RTOGS NAS GNYEN PO BYED CE NA, 'JAL BYED 'DZIN PA DANG GZHAL BYA GZUNG BA GNYIS SO SOR MA GRUB PAR MNYAM PA NYID DU RTOGS NAS SPANG BYA SPONG STE, BCOM LDAN 'DAS RNAM PAR DAG PA NI 'TSAL BA MA MCHIS PA'O, ZHES DANG, BCOM LDAN 'DAS KYIS BKA' STZAL PA, SH'A RI'I BU CHOS RNAMS BEMS PO YIN PA'I PHYIR RO, ZHES TE, 'TSAL BA NI SHES PA'O, ,BEMS PO NI SHES BYA'O, ,GSUM PA NI; CHOS THAMS CAD MNYAM PA NYID DU BSTAN PA DE LA GAL TE SPANG GNYEN GNYIS SU YOD PA'I SGO NAS SPANG BYA CHE RIM DANG, GNYEN PO CHUNG RIM NAS 'GAG PA DANG, SKYE BA MA YIN NAM, JI LTAR NA GNYIS MED PAR MNYAM PA NYID YIN ZHE NA, DON DAM PAR SGOM LAM GYI YUM GYIS RNAM MKHYEN LA PHAN GNOD GANG YANG MI BYED PAS RTAGS MA GRUB LA, THA SNYAD DU KHYAB PA MA GRUB BO, ,'O NA RNAM MKHYEN LA MI PHAN NA TSOGS GNYIS

LA 'BAD PAS CI SKYED CE NA, SGOM LAM GYI YUM GYIS DON DAM PAR CHOS GANG YANG 'BRAS BUR MA GZUNG BAS 'DOD LA THA SNYAD DU SNGAR LTAR RO, ,CHOS GANG YANG MA GZUNG NA THOB BYA THOB PA DANG, RTOGS BYA RTOGS PA MED DO ZHE NA, DON DAM PAR DE GNYIS MED PAS 'DOD LA, THA SNYAD DU SNGAR LTAR RO, ,DE LTAR DE LTA BU'I KLAN KA LAN GSUM GYIS SPANGS PA'I SGO NAS MNYAM PA NYID RTOGS PA'I LAM KHAMS GSUM GYI GNYEN POR GRUB BO ZHES PA NI NYI SNANG DANG LE BRGYAD MA GNYIS KYI BZHED PA RDZOGS PAR BKOD PA'O, ,GNYIS PA NI, SHIN TU BA YIN PAR RNAM PAR BZHAG GO, GANG NA, SANGS RGYAS KYI RNAM PAR DAG PA'O, ,GANG GI SGO NAS NA, SPANGS PA'I SGO NAS SO, ,GANG NA, SPANG BYA CHE RIM DANG, GNYEN PO CHUNG RIM NAS 'GAG SKYE BYED PAR BSTAN PA DE LA GNYEN PO CHEN PO'I CHEN PO DANG SOGS PAS, MI MTHUN PA'I PHYOGS KYANG CHEN PO'I CHEN PO DANG, MI MTHUN PA'I PHYOGS NI CHUNG DU'I CHUNG DU DANG SOGS PA SA GNYEN PO YANG CHUNG DU'I CHUNG DU LA SOGS PAR RIGS SO, ZHES BYA BA'I KLAN KA'O, ,SEL BYED GANG GIS NA, DON DAM BAR PHAN GNOD GANG YANG MED PA'I LAN DANG; KUN RDZOB TU GOS LA CHAGS PA'I DRI MA PHRA MO BSAL BAR BYA BA LA BTZO BLAG MKHAN TE KHRUS MKHAN CHE THAD DU 'BAD CING RTZOL BA CHEN PO DGOS LA RAGS PA SEL BA LA RTZOL BA CHUNG DUS NUS PA'I DPES SO, ,DES

, ,RTZOD PA SPANGS BA'I SGO NAS RNAM DAG DNGOS SU JI LTAR 'GRUB NA, DPE DES SPANG GNYEN GYI RIM PA 'THAD PAR GRUB PA NA, SGOM PA'I LAM RNAM DAG SHIN TU BA'I RGYUR SNGAR JI SKAD DU BSTAN PA BZHIN DU DGU PO DE SGOM SPANG GI DRI MA MTHA' DAG GI GNYEN PO'I NGO BO NYID DU GRUB PA'I PHYIR NA, 'GRUB BO, ,LAM DE YANG JI LTA BU ZHE NA, KHAMS GSUM PA'I RNAM PA CAN GYI SHES PA DANG, SHES BYA YUL DAG BDEN PAR MI DMIGS PAR RTOGS PA NYID KYIS, DE GNYIS MNYAM PA NYID SPROS BRAL DU RTOGS PA GANG YIN PA DE NYID DO, ,RGYAN SNANG DU, SGOM PA'I LAM SKAD CIG MA THA MA ZHES PA NI SHIN TU BA'I RGYU MTHAR THUG PA BSTAN PA DANG, DE YANG SPANG BYA LHAG MA MTHA' DAG GI GNYEN PO YIN PAS, DE'I 'BRAS BU RNAM DAG DNGOS SU BSTAN BZHED NAS YIN GYI, DE GCIG PU 'DZIN 'DOD PA NI MA YIN NO, ,GSUM PA NI, SHES RAB SOGS SHER PHYIN GYI MAN NGAG GI BSTAN BCOS MNGON RTOGS RGYAN 'GREL BA DANG BCAS PA'I RGYA CHER BSHAD PA LEGS BSHAD GSER GYI PHRENG BA ZHES BYA BA MANG DU THOS PA, BLO BZANG GRAGS PA'I DPAL GYIS SBYAR BA LAS, SKABS GNYIS PA'I 'GREL BSHAD DO,, ,,

GSUM PA SPANG BYA GZHI SHES KYI YAN LAG RGYAS PAR BSHAD PA LA GSUM, 'BREL BRJOD PAS MTSAMS SBYAR, GZHI SHES KYI CHOS RGYAS PAR BSHAD, SKABS BSDU BA'O, ,DANG PO NI, LAM SHES KYI 'OG TU THAMS CAD SHES PA NYID 'CHAD DE, GZHI PHUNG KHAMS SKYE MCHED YONGS SU SHES PA'I GZHI SHES MED PAR LAM GSUM LEGS PAR YONGS SU SHES PA'I LAN SHES MED PAS SO, ,DE YANG LAM SHES DANG GZHI SHES GNYIS SPANG GNYEN YIN PAS GNYEN PO NI SPANG BYA LA LTOS NAS 'JOG PA DANG, SPANG BYA MA SHES NA LAM SHES DE GANG GI GNYEN PO YIN PA YANG MI RTOGS PAS SO, ,MDO'I 'BREL NI, SNGAR BSHAD PA'I YUM DE SRID ZHI'I MTHA' LA MI GNAS BAR RAB 'BYOR GYIS BSTAN PA'O; ;GNYIS PA LA DRUG ,GZHI SHES KYI RANG BZHIN, NYE RING DU 'JOG PA'I RGYU MTSAN, SPANG BYA DANG GNYEN PO'I RAB DBYE, JI LTAR NYAMS SU LEN PA'I TSUL, DE LTAR NYAMS SU BLANGS PA'I 'BRAS BU, MKHYEN PA GSUM GYI MJUG BSDU BA'O, ,DANG PO LA GNYIS LAS, DANG PO NI, BYANG SEMS KYI GZHI SHES KYI YUM NI TSU ROL DANG PHA ROL SRID PA DANG ZHI BA'I MTHA' LA GNAS PA MIN ZHING SRID ZHI DE DAG GI BAR DE LAS GZHAN NA'ANG MI GNAS BAR 'DOD PA YIN TE, SRID ZHI LA MNGON ZHEN GYI DMIGS PA DANG BRAL BA'I PHYIR TE, DUS GSUM GYI CHOS RNAMS MNYAM PA NYID SPROS BRAL DU SHES PA'I PHYIR TE, BYANG CHEN RNAMS KYI YUM NI TSU ROL GYI MTHAR MA LAGS PHA ROL GYI

, ,MTHAR MA LAGS GNYIS KYI BAR NA YANG MI DMIGS LAGS SO, ,BCOM LDAN 'DAS KYIS BKA' STZAL BA, RAB 'BYOR SHIN TU RNAM PAR DAG PA'I PHYIR RO, ZHES DANG, BCOM LDAN 'DAS KYIS BKA' STZAL PA, RAB 'BYOR DUS GSUM GYI CHOS THAMS CAD MNYAM PA NYID KYI PHYIR RO, ZHES SO, ,RTZA BA'I RTAGS NI SHIN TU RNAM PAR ZHES PA'I DON TE 'DI NI NYI SNANG LE BRGYAD MA RNAM 'GREL GYI DGONGS PA'O, ,GNYIS PA LA GNYIS, RJES 'GRO'I SGO NAS BSTAN PA'I THEG CHEN DANG, LDOG PA'I SGO NAS BSTAN PA'I THEG DMAN GYI GZHI SHES SO, ,DANG PO NI, RTEN SANGS RGYAS DANG BYANG SEMS KYI RGYUD LA NYE BAR GYUR PA STE YOD PAR 'DOD BA'I YANG DAG PA'I YUM GANG YIN PA DE NI SRID ZHI LA ZHEN NAS MI GNAS PA YIN TE, SO SKYES BGROD CING MTHONG BAS TSU ROL GYI MTHA' 'KHOR BA BDAG RTAG PA LA SOGS PAR LTA BAS SAM RGYUN MI 'CHAD PAS RTAG PA'I MTSAN NYID DANG, SO SKYES BGROD MI NUS SHING MI MTHONG BAS PHA ROL GYI MTHA' MYA NGAN LAS 'DAS PA BDAG LA SOGS PAR MI LTA BAS SAM PHUNG PO'I RGYUN LOG PAS CHAD PA'I MTSAN NYID DANG, 'KHOR 'DAS DE DAG GI BAR NA YANG MI GNAS PA'I PHYIR TE, RIM PA LTAR SRID PA RANG BZHIN MED RTOGS KYI SHES RAB KYIS DER MTHA' GCIG TU GNAS PA'I NYES DMIGS MTHONG BA DANG, SEMS CAN MA LUS PA LA DMIGS PA'I SNYING RJES GZHAN DON BYED PA DANG, DE GNYIS LAS

GZHAN GNAS BYA'I DNGOS POR MED PA'I PHYIR RO, ,YANG DAG PA'I YUM DE RTEN DE GNYIS LA NYE BA CI ZHE NA, DE GNYIS KYI GZUGS SOGS DUS GSUM PA'I CHOS RNAMS SKYE BA MED PA'I RNAM PAR MNYAM PA NYID DU RTOGS PAS SO, , 'DI KHA CIG SNGAR LTAR MI SBYOR BAR DUS GSUM ZHES SOGS SRID ZHI LA MI GNAS PA'I RGYU MTSAN DU 'GOD PA NI DON MIN TE, DNGOS BSTAN 'DIS DUS GSUM ZHES SOGS NYE BA DANG SHUGS BSTAN DU DE NYAN RANG LA YUM RING BA'I RGYU MTSAN DU MA SBYAR NA, 'OG TU DUS GSUM MNYAM NYID DU RTOGS PA YOD MED KYI RGYU MTSAN GYIS THEG PA CHE CHUNG LA YUM NYE RING DU 'JOG PA MI 'THAD CES RTZOD PA JI LTAR 'BREL SMRA DGOS SO, ,GNYIS PA NI, YANG DAG PA'I YUM DANG RING BAR GYUR BA'I NYAN THOS DANG SOGS PAS RANG RGYAL GYI RGYUD LA YOD PA RANG GI RTOGS PA GANG ZAG DANG, GZUNG BA'I BDAG MED RTOGS TZAM GYI NYI TSE BA'I YUM NI, 'KHOR 'DAS LA ZHEN NAS GNAS PA YIN PAR SHES PAR BYA'O, ,RGYU MCHAN NI, 'KHOR BA RGYUN GYIS 'JUG PAS DE DNGOS PO YIN PA DANG MYANG 'DAS PHUNG PO 'GAGS PA YIN PAS DE LA DNGOS PO MED PAR DMIGS PA STE ZHEN PA NYID KYIS SO, , DE'I RGYU MTSAN YANG, GZHAN DON BYED BA'I SNYING BRTZA BA DANG RANG BZHIN MED RTOGS KYI SHES RAB DANG BRAL BA'I PHYIR RO, ,DE GNYIS LA YUM RING BCI ZHE NA, GZUGS SOGS DUS GSUM PA'I CHOS RNAMS

, ,MNYAM PA NYID DU SHES PA MED PA'I PHYIR RO, ,RTOGS DKAR, NYAN THOS KYI LUGS LA MYANG 'DAS NI DON DAM PAR YOD PA'I DNGOS PO YIN TE, RTAG PA YIN PA'I PHYIR RO, ,'KHOR BA NI DNGOS PO MED PA STE, SPANG BYA YIN PAS SO ZHES DNGOS POR DMIGS PA MYANG 'DAS LA SBYAR BA NI 'DI DANG RGYAN SNANG DU SNYING BRTZE BA DANG SHES RAB DANG BRAL BA'I PHYIR RO ZHES SNYING RJE DANG BRAL BA SNGON LA BYUNG BAS DE DANG MYANG 'DAS SBYAR DGOS LA, DNGOS POR DMIGS PA YANG SNGON LA BYUNG BAS SO SNYAM DU BSAMS SO, ,DE NI MA YIN TE, SNGAR 'KHOR 'DAS GNYIS LA RTAG CHANG DU BSHAD PA DANG, 'DIR YANG 'OG TU 'KHOR BA DANG ZHES SNGON LA BYUNG BAS SNYING BRTZE BA DANG BRAL BSNGON LA BYUNG YANG SDE BA SBYOR GYI NGOR YIN PAS SHER SGRON LTAR SHES RAB DANG BRAL BA DANG POR GDON NO, ,'O NA TSU ROL ZHES SOGS 'DIR GZHI SHES DE LTA BU SGRAS MA ZIN PAS 'CHAD PA SKABS MA YIN ZHE NA, KUN SHES PA 'CHAD PA'I SKABS LAS TE SKABS SU THEG CHEN GYI GZHI SHES 'KHOR 'DAS BAR GSUM DU MI GNAS PA DANG, MNYAM NYID DU RTOGS PAR DNGOS SU BSTAN PA DE LAS BZLOG STE SHUGS LA BSTAN PAS SHUGS BSTAN LA YOD DO; ;'DIR NYE RING DU 'GYUR BA'I YUM 'BRAS YUM LA 'DOD PA NI RGYA CHUNGS TE, TSIGS BCAD 'DIS ZIN PA'I YUM DE BYANG SEMS LA YOD PAR MDO 'GREL THAMS CAD LAS GSUNGS PAS SO, ,DES NA RGYAL BA'I YUM ZHES

'BYUNG YANG SRAS KYI GTZO BO BRJOD PA YIN NO, ,GNYIS PA LA GNYIS, DNGOS KYI DON DANG, 'PHROS DON DPYAD PA'O, ,DANG PO LA GNYIS, RTZOD PA DANG, LAN NO, ,DANG PO NI, DUS GSUM MNYAM NYID DU RTOGS PA YOD MED KYI RGYU MTSAN GYIS JI LTAR NA NYAN THOS DANG SOGS PAS RANG RGYAL LA YANG DAG PA'I YUM RING BA DANG, BYANG SEMS DANG SOGS PAS SANGS RGYAS LA RING BA'I CIG SHOS NYE BAR 'GYUR TE MI 'GYUR BAR THAL, GZHI RTEN 'BREL GYI DON RTOGS PA DE YANG NYAN THOS SOGS THAMS CAD LA THUN MONG DU YOD PA MA YIN NAM STE YIN PAS SO, ,KHYAB PA YOD DE, YUM LA NYE BAR 'JOG PA'I RGYU MTSAN DUS GSUM MNYAM NYID DU SHES PA'I DON NI GZHI RTEN 'BREL GYI DON RTOGS PA KHON YIN ZHING DE LAS GZHAN DU MED PAS SO, ,YANG NI SDEB SBYOR GYI DOR SNGAN LA BYAS KYANG, DON THOB LA THAMS CAD LA YANG ZHES PA 'DIR SBYAR RGYU YIN LA DE LTAR NA BYANG SEMS KHO NAR MA ZAD PA'O, ,MNYAM NYID DU SHES PA'I DON DE LTAR YIN PA'I RTAGS GRUB STE, THAMS CAD KYIS 'DOD PAR BYA BAS LUGS TE KLU SGRUB KYIS 'JIG RTEN LAS 'DAS PAR BSTOD PA LAS, RTEN CING 'BREL BAR 'BYUNG BA GANG YIN PA DE NYID THUB PA KHYOD STONG PA NYID DU BZHER CES 'BYUNG BA'I PHYIR RO, ,DON NI, RTEN 'BREL DE STONG NYID SPROS BRAL DU LUNG GIS GRUB PAS DE RTOGS BA YANG SPROS BRAL LAM MNYAM NYID RTOGS PAR 'GRUB SNYAM PA'O, ,'DIR LUNG KHUNGS RTZA SHE LA MDZAD PA DANG, MNYAM NYID DU RTOGS

, ,BA DE YANG ZHES GSUNG BA NI DON MIN NO, ,DE LTAR GZHI RTEN 'BREL RTOGS PA KHYAD MED DU YOD PAS NYE RING 'ONG BA MI 'THAD CEN, GNYIS PA LA GNYIS, RTZA BA DANG, 'GREL BA'O, ,DANG PO LA GNYIS, THEG DMAN RING BA DANG, THEG CHEN NYE BAR BSTAN PA'O, ,DANG PO NI, SHUGS BSTAN GYI GZHI SHES DE NI YANG DAG PA'I YUM LA RING STE, RNAM MKHYEN GYI THABS MA YIN PAS SO, ,DE YANG MTSAN MAR DMIGS SHING ZHEN PA'I SGO NAS SAM RGYU MTSAN GYIS YIN TE, THEG PA CHEN PO'I RIGS KYI BU'AM RIGS KYI BU MO THABS MI MKHAS PAS YUM 'DI LA DMIGS PA'I TSUL DU SHES PAR BGYID NA YUM 'DI 'DOR BAR 'GYUR RING DU BGYID DO, ZHES DANG, RAB 'BYOR MING LAS KYANG CHAGS SO MTSAN MA LAS KYANG CHAGS SO, ZHES SO, ,'DOR BA DANG RING DU BYED BA NI DE'I TSE DANG PHYIS KYI TSE'O, ,GNYIS PA NI, DNGOS BSTAN GYI GZHI SHES DE NI ZHES SOGS TE SNGAR LAS BZLOG STE SBYAR ZHING BSHAD BA NI MDO LAS TE, YUM 'DI LEGS PAR BSHAD PA DANG LEGS PAR MTHAR PHYIN PA'I BAR NI NGO MTSAR CHE'O, ZHES SO, ,BSHAD PA DANG MTHAR PHYIN PA'I BAR NI NYAN RANG GI LUNG RTOGS LAS BZLOG STE GSUNGS PA DANG, YON TAN RAB KYI MTHAR PHYIN BAR RTOGS PA'O, ,GNYIS PA LA GSUM, NYAN RANG RING BA DANG, THEG CHEN NYE BAR BSTAN PA DANG, BSTAN PA DE'I DON BSDU BA'O, ,DANG PO NI, NYAN RANG DE DAG LA RGYAL BA'I YUM SRID ZHI'I

MTHA' LA MI GNAS PA'I GNYEN PO GZHI SHES DE RING BAR GYUR PA STE MED DE, NYAN THOS LA SOGS PA DNGOS PO'I NGO BO STE YIN LUGS MI SHES PA RNAMS LA GZUGS SOGS RANG BZHIN MED PAR RTOGS PA'I MNYAM PA NYID KYI YE SHES DE MED DE DE'I PHYIR, RTAGS GRUB STE, GZUGS SOGS KYI DNGOS PO MTSAN MA DANG LDAN PAR RTOGS BA STE DE LA BDEN PAR ZHEN BAS SO, ,KHYAB PA YOD DE, SGYU MA MKHAN GYIS SPRUL PA'I DNGOS PO RTA GLANG SOGS SNANG PA LA SGYU MA'I RTA GLANG DE'I RANG GI NGO BO MI BDEN PAR MI SHES PAS RTA GLANG GI DNGOS PO MNGON PAR ZHEN STOBS KYIS RTAG GLANG GI NGO BO NYID MED PAR MI SNANG BA BZHIN DU'O, ,RTAGS PHYI MA GRUB STE, PHYI'I RKYEN CHOS THAMS CAD NGO BO NYID MED PAR STON PA'I DGE BA'I BSHES GNYEN DANG SOGS PAS DE LTA BU'I GROGS DANG BYANG CHUB SGRUB BA'I THABS LA MKHAS PA DANG BRAL BA'I PHYIR RO, ,DGE BSHES LA SOGS PA DANG ZHES RGYAN SNANG DU'O, ,GNYIS PA NI, BYANG SEMS DE DAG LA YUM 'DI YANG DAG PAR NYE BAR 'GYUR TE, BYANG SEMS RNAMS LA NI GZUGS SOGS KYI CHOS YONGS SU SHES PAR BYED BA NA YUL DE NYID MNYAM PA NYID SPROS BRAL DU YONGS SU SHES PAR BYED PA DE YOD PA YIN TE DE'I PHYIR, RTAGS GRUB STE, GZUGS SOGS LA BDEN BA'I DNGOS POR MNGON PAR ZHEN BA'I 'KHRUL BA'I MTSAN MA BSAL BA STE DE DAG MI DMIGS PAR RTOGS PA'I PHYIR RO, ,KHYAB BA YOD DE, SGYU MA

, ,MKHAN ZHES SOGS SNGAR LAS BZLOG STE SBYAR RO, ,SHER SGRON DU SNGA MA SGYU MA'I LTAD MO PAS BDEN PAR BZUNG BA DANG, PHYI MA SGYU MA MKHAN GYIS RDZUN PAR SHES PA'I DPER BSHAD DO, ,RTAGS PHYI MA GRUB STE, DUS RING MO BSKAL BA GRANGS MED PA ZHIG NAS PHYI'I RKYEN THEG CHEN DGE BA'I BSHES GNYEN YANG DAG PAR MGU BAR BYAS PA'I MAN NGAG PHYIN TZAM LOG PA CAN TE LDAN ZHING, NANG GI RKYEN KUN RDZOB DANG DON DAM PA'I BDEN PA GNYIS LA BRTEN PA'I THOS PA DANG SOGS PAS BSAM PA DANG SGOM PA'I SHES PA SKYED PA'I THABS LA MKHAS PA YIN PAS SO, ,LAN 'DI GNYIS KYI DON MDOR BSDU NA, YUL SPROS BRAL YIN KYANG BLOS SPROS BRAL DU RTOGS MA RTOGS YOD PAS NYE RING GI KHYAD PAR GRUB CES PA'O, ,GSUM PA NI, THABS ZHES SOGS TE, THABS MA YIN PAS RING BA DANG ZHES SOGS KYI DON BSHAD PA'O, ,'DI GNYIS MDO LAS 'PHROS TSUL NI, SNGA MAR BSTAN PA'I YUM LA MTSAN MAR BZUNG MA BZUNG GI NYES DMIGS DANG PHAN YON BSTAN PA'I SGO NAS GSUNGS SO, ,GNYIS PA NI, 'DIR NYAN RANG GIS CHOS RANG BZHIN MED PAR RTOGS PAR 'DOD PA DE GANG ZHE NA, DBU MA PA KHA CIG 'DOD CES GRAGS KYANG DE LTAR 'DOD PA'I DBU MA PA DAG GIS RGYU MTSAN 'DI LTAR BKOD NAS BSGRUBS PA MI SNANG NGO, ,CI NYAN RANG GIS KYANG CHOS KYI BDAG MED RTOGS PAR 'DOD PA YOD DAM ZHE NA, 'DI

LA GNYIS, MDO DAG NAS GSUNGS PA'I TSUL DANG, BSTAN BCOS RNAMS NAS JI LTAR BKRAL BA'O, ,DANG PO LA GNYIS LAS, CHOS KYI BDAG MED MA RTOGS PA'I TSUL NI, MYANG 'DAS DPAL 'PHRENG LANG GSHEGS DGONGS 'GREL LA SOGS PA DU MA ZHIG TU GSUNGS TE 'DI NI GRAGS CHE BAS KHUNGS SU MA BRIS SO, ,GNYIS PA CHOS RANG BZHIN MED PAR RTOGS PAR GSUNGS PA NI SA BCU PA LAS, KYE RGYAL BA'I SRAS DAG 'DI LTA STE DPER NA RGYAL PO'I RIG GIS SU SKYES PA'I RGYAL PO'I PU RGYAL PO'I MTSAN DANG LDAN PA NI, SKYES PA TZAM GYIS RGYAL PO'I BYIN GYIS BLON PO'I TSOGS THAMS CAD ZIL GYIS GNON GYI RANG GI BLO'I STOBS KYIS RNAM PAR DPYAD PAS NA MA YIN NO, ,NAM DE NAR SON PAR GYUR PA DE'I TSE RANG GI BLO'I STOBS SKYED PAS BLON PO'I BYA BA THAMS CAD LAS NI SHIN TU 'DAS PA YIN NO, ,KYE RGYAL BA'I SRAS DAG DE BZHIN DU BYANG CHUB SEMS DPA' YANG SEMS BSKYED MA THAG TU LHAG PA'I BSAM PA'I CHE BA NYID KYIS NYAN THOS DANG RANG SANGS RGYAS THAMS CAD SIL GYIS GNON GYI, RANG GI BLO'I STOBS KYIS RNAM PAR DPYAD PAS NI MA YIN NO, ,BYANG CHUB SEMS DPA' SA BDUN PA 'DI LA GNAS PA'I BYANG CHUB SEMS DPA' NI RANG GI YUL SHES BA'I CHE BA LA GNAS PAS NYAN THOS DANG RANG SANGS RGYAS KYI BYA BA THAMS CAD LAS SHIN TU 'DAS PA YIN NO ZHES DANG, YUM LAS KYANG NYAN THOS KYIS LA SLOB BAR 'DOD PAS KYANG

, ,YUM LA BSLAB PAR BYA ZHES SOGS GSUNGS PAS SO, ,DE LA DANG POS NI SA BDUN PA MA THOB BAR DU RTOGS PAS NYAN RANG RNAMS ZIL GYIS GNON MI NUS PAR GSUNGS PAS NYAN RANG LA RANG BZHIN MED RTOGS YOD DE, GZHAN DU NA DES CI'I PHYIR MI GNON, GNYIS PAS KYANG NYAN RANG LA CHOS RANG BZHIN MED RTOGS YOD PAR BSTAN TE, YUM NYID NYAN RANG GI BYANG CHUB KYI RGYUR GSUNGS SHING RTAG MI RTAG BDAG YOD MED GANG DU ZHEN KYANG YUM LA MI SPYOD PAR GSUNGS PAS SO, ,YUM LAS NYAN RANG GI SHES RAB KYIS BYANG SEMS KYI NYIN GCIG BSGOMS PA'I BRGYA'I CHAR YANG MI 'GRO BAR GSUNGS PAS NI MI GNOD DE, DE'I RGYU MTSAN DU SEMS BSKYED KYI KHYAD PAR BSTAN GYI SHES RAB KYI KHYAD PAR MA BSTAN PAS SO, ,NYAN THOS LAS BSTAN PA'I MDO LAS KYANG, GZUGS NI DBU BRNGOS PA 'DRA, ,TSOR BA CHU YI CHU BUR BZHIN, ,'DU SHES SMIG RGYU LTA BU STE, ,'DU BYED RNAMS NI CHU SHING BZHIN,, RNAM PAR SHES PA SGYU MA LTAR, ,NYI MA'I GNYEN GYIS BKA' STZAL TO, ZHES NYAN THOS RNAMS KYIS NYON SGRIB SPANG BA'I PHYIR DU BSTAN TO, ,GNYIS PA LA GNYIS, MDO DANG PO DANG, GNYIS PA'I RJES 'BRANG NGO, , DANG PO NI, MDO SDE'I? RGYAN LAS, CHER 'OS SEMS BSKYED SPANGS BA'I SKYE BO DAG ,GZHAN DON SEMS DANG DE YI THABS RNYED DANG, ,DGONGS CHEN DON DANG DE NYID MCHOG MTHONG BA'I, ,BDE BA DE SPANGS ZHI BAR 'GRO BAR

'GYUR ZHES THEG CHEN SEMS BSKYED SPANGS PA LA DE NYID MCHOG CHOS KYI BDAG MED MTHONG BA'I BDE BA DANG BRAL BAR GSUNGS SHING, BYAMS CHOS GZHAN LAS KYANG SGRAS ZIN LA RANG RGYAL LA KHYAD PAR TZAM MA GTOGS PA NYAN RANG GIS CHOS KYI BDAG MED RTOGS PAR BSHAD PA MED DO, ,DE'I RJES SU 'BRANGS NAS THOGS MED SKU MCHED DANG BLO GROS BRTAN PA LA SOGS PA'I GZHUNG DU YANG CHOS KYI BDAG MED NYAN RANG GIS RTOGS PAR BSHAD PA MI SNANG NGO, , DBU MA PA'I SLOB DPON LA YANG, SLOB DPON CHEN PO LEGS LDAN 'BYED DANG, ZHI 'TSO DPON SLOB DANG, 'PHAGS SENG RJES 'BRANG DANG BCAS PA'I PHAR PHYIN PA RNAMS KYIS NYAN RANG GIS CHOS KYI BDAG MED MA RTOGS PAR GSUNGS TE, PHYOGS 'DI LA NI, RGYA BOD KYI MKHAS PA SHIN TU MANG NGO, ,YUM GYI RGYAN 'DI LAS NYAN RANG GI SBYOR LAM GYI SKABS SU CHOS KYI BDAG MED KYI RNAM PA CAN GSUNGS PA LTAR SNANG YANG SPYI'I KHOG LA MI 'GRIG GO , GNYIS PA LA GSUM, SLOB DPON GYI LUNG DGOD, LUNG GI DON BSHAD, DE LA RTZOD PA SPANG BA'O, ,DANG PO NI, RIGS PA DRUG CU PA LAS, DNGOS POR KHAS LEN YOD NA NI, ,'DOD CHAGS ZHE SDANG MI BZAD 'BYUNG, ,LTA BA MA RUNGS YONGS SU 'DZIN, ,DE LAS 'BYUNG BA'I RTZOD PAR 'GYUR, ,DE NI LTA BA KUN GYI RGYU, ,DE MED NYON MONGS MI SKYE STE, ,DE BAS DE NI YONGS SHES NA, ,LHA DANG NYON MONGS YONGS SU 'BYANG, ,GANG GIS DE SHES

, ,'GYUR ZHE NA, ,RTEN CING 'BREL 'BYUNG MTHONG BA STE, ,BRTEN NAS SKYE BA MA SKYES ZHES, ,YANG DAG MKHYEN PA'I MCHOG GIS GSUNGS, ZHES DANG, RIN CHEN PHRENG BA LAS, JI SRID PHUNG POR 'DZIN YOD PA, ,DE SRID DE LA NGAR 'DZIN YOD, ,NGAR 'DZIN YOD NA YANG LAS TE, ,DE LAS YANG NI SKYE BA YIN, ,LAM GSUM THOG MTHA' DBUS MED PA, ,'KHOR BA'I DKYIL 'KHOR MGAL ME YI, ,'KHOR LO LTA BU PHAN TSUN GYI, ,RGYU CAN 'DI NI 'KHOR BAR 'GYUR, ,DE NI RANG GZHAN GNYIS KA DANG, ,DUS GSUM NYID DU'ANG MA MTHONG PHYIR, ,NGAR 'DZIN PA NI ZAD PAR 'GYUR, ,DE NAS LAS DANG SKYE BA YANG, ZHES SNGA MAS DNGOS POR ZHEN PA YOD NA CHAGS SOGS RNAMS 'JUG PA DANG, DE MED NA DE DAG LDOG PAR GSUNGS LA, PHYI MAS DE YOD NA NGAR 'DZIN 'JIG LTA YOD LA NYON MONGS DE LAS DE BSLANG BA'I LAS DANG, DE GNYIS LAS SRID PAR SKYE BA'I RJES 'GRO DANG DE DAG BDAG GZHAN DANG DUS GSUM GYI NGO BOR MA GRUB PAR MTHONG BAS, NGAR 'DZIN SOGS DE DAG LDOG PAR GSUNGS PAS NYAN RANG LA CHOS KYI BDAG MED RTOGS PA YOD PAR BSTAN TE, NYAN RANG DGRA BCOM RNAMS 'JIG LTA DANG CHAGS SDANG SOGS MA LUS PAR SPANGS PA DANG, LAS NYON GYI DBANG GIS MI SKYE BA BZHED PA'I PHYIR TE, SEMS 'GREL LAS, MI SHES NYON MONGS MIN SPANGS PHYIR, ZHES DANG, 'ON KYANG SRID GSUM KHAMS

SU NI; ;SKYE BA DE LA YOD MA YIN, ZHES PAS SO, ,RIN CHEN PHRENG BA LAS GSUNGS PA BYANG SEMS KYI DBANG DU BYAS PAR YANG 'CHANG MI NUS TE, DE LAS SNGAR LTAR GSUNGS SHING, LEN PA MED PAR MYA NGAN LAS 'DA' BAR BSTAN PA'I MTHAR, DE LTAR BYANG CHUB SEMS DPAS KYANG, ,MTHONG NAS BYANG CHUB NGES PAR 'DOD, CES PAS SO, ,GZHAN YANG, THEG PA CHE LA SKYE MED BSTAN, ,GZHAN GYI ZAD PA STONG PA NYID, ,ZAD DANG MI SKYE'I DON DU NI, ,GCIG PA DE PHYIR BZOD PAR GYIS, ZHES THEG CHEN DBU MA PAS GDONG MA NAS SKYE BA MED PA LA STONG PAR BRJOD PA DANG, NYAN THOS SDE PAS DNGOS PO RNAMS RANG GI NGO BO LA MI GNAS PA'I ZAD PA LA STONG PA NYID CES BRJOD PA GNYIS RANG BZHIN GRUB NA ZAD PA MI 'THAD PAS DON GCIG PAR RIN PHRENG LAS GSUNGS PA DANG, RTZA SHE LAS KYANG, BCOM LDAN DNGOS DANG DNGOS MED PA, ,MKHYEN PAS KA HYA YA NA YI, ,GDAMS NGAG LAS NI YOD PA DANG, ,MED PA GNYIS KA'ANG DGAG PA MDZAD, CES KA TA YA NA LA GDAMS PA'I THEG DMAN GYI MDOR YOD MED KYI MTHA' BRAL BSTAN PAS NYAN RANG LA CHOS RAB BZHIN MED PA RTOGS PA YOD PAR BSTAN TO, ,GNYIS PA NI, DPAL LDAN ZLA GRAGS KYIS SNGAR GYI MDO RNAMS DANG SLOB DPON GYI BSTAN BCOS RNAMS SHES BYED DU DRANGS NAS NYAN RANG LA CHOS RANG BZHIN MED PAR RTOGS PA YOD PA SLOB

, ,DPON KLU SGRUB KYI BZHED PAR 'CHAD DE, 'JUG 'GREL LAS, LUNG 'DI LAS NI NYAN THOS DANG RANG SANGS RGYAS RNAMS LA YANG CHOS THAMS CAD RANG BZHIN MED PA SHES PA YANG YOD DO, ZHES GSAL BAR NGES TE, DE LTA MA YIN NO DNGOS PO RANG BZHIN MED PAR YONGS SU SHES PA DANG BRAL BA'I PHYIR 'JIG RTEN PA'I 'DOD CHAGS DANG BRAL BA LTAR DE DAG KYANG SEMS DANG PO BSKYED BA'I BYANG CHUB SEMS DPAS KYANG, RANG GI BLOS RNAM PAR DPYAD PAS KYANG THIL GYIS GNON PAR 'GYUR LA ZHES SOGS GSUNGS NAS SNGAR GYI LUNG DRANGS TE SNGAR LTAR DGONGS PA BSHAD DO, ,SPYOD 'JUG LAS KYANG, BDEN PA MTHONG BAS GROL 'GYUR GYI, ,STONG NYID MTHONG BAS CI ZHIG BYA, ZHES BYE SMRA SOGS BDEN BZHI MI RTAG SOGS BCU DRUG TU RTOGS PA TZAM DES GROL BAR 'GYUR LA DE'I PHYIR DNGOS PO RNAMS RANG BZHIN MED PAR MTHONG BAS CI BYA ZHES RTZOD PA'I LAN DU, STONG NYID MA RTOGS NA NYON MONGS BCOM PA'I DGE SLONG MED PA SOGS RGYAS PAR GSUNGS SHING, 'GREL CHEN LAS KYANG RDO RJE GCOD PA SOGS KYI MDO DRANGS NAS BDEN PA BZHI MI RTAG SOGS SU BSGOMS PAS NYON MONGS MI LDOG CING SRID PAR SKYE BA MI 'CHAD PA RGYAS PAR GSUNGS NAS NYAN RANG LA CHOS RANG BZHIN MED PAR RTOGS PA CHES GSAL BAR BSGRUBS SO, ,RTZA BA LAS KYANG, NYON MONGS SHES BYA'I SGRIB PA YI, ,MUN PA'I GNYEN PO STONG PA

NYID; CES SGRIB PA GNYIS KA'I GNYEN PO LA CHOS RANG BZHIN MED PAR RTOGS PA DGOS PAR GSUNGS SO, ,DE LTAR SPYOD 'JUG LAS BYE SMRA DANG MDO SDE PA 'DOD PA LTAR GYI MI RTAG SOGS KYI LAM DE LAS GZHAN NYAN RANG LA MED NA DE LA NYON MONGS SPONG BA SOGS MED PAR THAL BA'I GNOD PA BRJOD NAS, RANG LUGS LA DE DAG GI LAM YANG STONG NYID RTOGS BA'I LAM DU BZHED PA 'CHANG MI SHES PAR GZHUNG DE LAS NYAN RANG LA 'PHAGS PA MED PAR BSTAN CES PA NI RANG GI DE KHO NA NYID STON PA STE, 'DIR NI MANGS? SU DOGS PAS MA SPROS SO, ,BDUN BRGYA PA'I 'GREL PA LAS KYANG, SKYE BA MED PAR MNYAM PA NYID MTHONG BA KHO NA YANG DAG PAR DGRA BCOM PA NYID YIN NO ZHES BSTAN TO, ,SLOB DPON KLU SGRUB KYIS KYANG, GNAS DANG BCAS PA'I SEMS YOD PA, ,NYON MONGS DUG CHEN CIS MI 'BYUNG, ,THA MAL 'DUG PA'ANG NYON MONGS PA'I, ,SPRUL GDUG RNAMS KYIS ZIN PAR 'GYUR,, SDUG CES PA LAS CHAGS PA 'BYUNG, ,DE LAS BZLOG PAS 'DOD CHAGS BRAL, ,SGYU MA'I SKYES BU LTAR DBEN PAR, ,MTHONG NA MYA NGAN 'DAS PAR 'GYUR, ZHES BSHAD DO, ,PHUNG PO LA SOGS PA YANG DAG PAR MA SKYES PA RNAMS LA MI RTAG PA'I RNAM PAR BSGOMS PAS 'DOD CHAGS LA SOGS PA ZHI BAR 'GYUR BA DE NI YANG DAG PA MA YIN TE, NYAN THOS RNAMS THEG PA CHEN PO LA GZUNG BAR DGONGS NAS DE SKAD BSHAD PA YIN

, ,NO ZHES SO, ,DE LTAR NA DPAL LDAN ZLA GRAGS, DZA YA AA NAN TA, SLOB DPON ZHI BA LHA, SHER 'BYUNG, DGE BA LHA, BI MA LA MI TRA RNAMS NYAN RANG LA CHOS RANG BZHIN MED PAR RTOGS PA YOD PAR BZHED DO,, GSUM PA NI, 'O NA MDO DANG BYAMS BAS NYAN RANG GIS CHOS BDAG MED MA RTOGS PAR GSUNGS PA DE JI LTAR DRANG ZHE NA, 'O NA LUNG GZHAN LAS, KHUR KHYER BA YI GANG ZAG YOD, ,RTAG GAM MI RTAG BRJOD MI BYA, ZHES BRJOD DU MED PA'I GANG ZAG YOD PAR GSUNGS PA YANG JI LTAR DRANG, DE NI BDAG TU LTA BA LA MNGON PAR ZHEN PA RNAMS DRANG BAR BYA BA'I PHYIR GSUNGS PAS DGONGS PA CAN NO ZHE NA, 'O NA RANG BZHIN MED PAR BSTAN PA LA SKRAG PA'I DON SMRA LA SOGS PA RNAMS DRANG BA'I DON DU RE ZHIG MI RTAG SOGS GANG ZAG GI BDAG MED KYIS GROL BAR GSUNGS SO, ,DE LTAR NA NYAN RANG LA MI RTAG SOGS KYI LAM RNAM PAR BZHAG NAS CHOS KYI BDAG MED MA RTOGS PAR BSTAN PA'I DGONGS GZHI NI BDAG MED DE RDZOGS PAR SGOM PA MED PA'O, ,DGOS PA NI SMRAS ZIN TO, ,DNGOS LA GNOD BYED NI, GAL TE CHOS SU ZHEN PA DANG BCAS PA'I MI RTAG SOGS BCU DRUG LAS DE DAG LA LAM GZHAN MED NA, DE DAG GIS NYON MONGS BRTZAD NAS SPANGS PA DANG 'PHAGS PA MTSAN NYID BAR KHAS BLANG DU MI RUNG STE, LAM DANG NYON MONGS GNYIS KA DMIGS YUL PHUNG PO'I CHOS GCIG LA DMIGS NAS DE'I

GNAS LUGS LA LOG PAR ZHUGS PAR MTSUNGS PA DANG, BDEN BZHI'I RANG BZHIN LAS BLO GOL BA'I PHYIR BDEN PA JI LTA BA BZHIN DU MTHONG BA MIN PA'I PHYIR RO, ,GZHAN YANG CHAGS SOGS NYON MONGS NI PHUNG PO LA BDEN 'DZIN GYI RGYU CAN YIN LA DE DAG GIS PHUNG PO LA THAMS CAD DU BDEN PAR 'DZIN NA RGYU MA LOG PAS 'BRAS BU MA LUS PA JI LTAR LDOG ,DES NA LUNG LAS CHOS KYI BDAG MED RTOGS MA RTOGS GNYIS KA LA BSHAD LA, LUNG GNYIS KAS KYANG NYAN RANG LA NYON MONGS SPANGS PA DANG SRID PA LAS GROL BA DANG, LAS NYON GYI DBANG GIS MI SKYE BA YOD PA NGES DON DU 'DOD BA'I PHYIR MA RTOGS PAR BSHAD PA DRANG DON DU BYA ZHING, RTOGS PA NGES DON DU BYA STE; MI RTAG SOGS LAS GZHAN BA'I LAM MED PA YIN NA NYON MONGS SPANGS PA SOGS MI SRID PAS DE'I SGRA JI BZHIN PA LA RIGS PAS GNOD LA, PHYI MA'I SGRA JI BZHIN PA LA RIGS PA'I GNOD PA MED PAS SO, , GNOD PA RGYAS PAR NI 'JUG tIKA DANG SPYOD 'JUG GI 'GREL CHEN LAS BLTA'O GAL TE NYAN RANG LA CHOS KYI BDAG MED RTOGS PA YOD NA THEG CHEN DANG KHYAD MED DU 'GYUR RO ZHE NA, RIN CHEN PHRENG BA LAS, NYAN THOS THEG PA DE LAS NI, ,BYANG CHUB SEMS DPA'I SMON LAM DANG, ,SPYOD PA YONGS BSNGO MA BSHAD DES, ,BYANG CHUB SEMS DPA' GA LA 'GYUR, ZHES LAN MDZAD CING, CHOS KYI BDAG MED RDZOGS PAR SGOM PA YANG MED

, ,DO ZHES BSHAD DO, ,KHYAD PAR 'DI DAG SHES NA NYAN RANG LA 'PHAGS PA MTSAN NYID PA 'ONG MI 'ONG GI DOGS PA YANG LDOG PAR 'GYUR RO, ,MDOR NA, NYAN RANG RNAMS KYI YUL LA MNGON ZHEN MI SPONG NA DE DAG LA 'PHAGS PA MI 'ONG ZHES CHOS RANG BZHIN MED PAR RTOGS PA YOD PAR 'DOD PA RNAMS SMRA'O, ,CHOS KYI BDAG MED MA RTOGS PAR 'DOD PA DAG GIS KYANG DE BZHIN NYID RTOGS PAR NI 'DOD DE, BSDU BA LAS, YANG DAG PA'I SHES PA GCIG TU 'JIG RTEN LAS 'DAS PA GANG ZHE NA, GANG GIS NYAN THOS DANG RANG SANGS RGYAS DANG BYANG CHUB SEMS DPA' RNAMS KYIS DE BZHIN NYID RAB TU RTOGS PAR BYED PA'O, ZHES PAS SO, ,GZHAN YANG NYAN RANG DGRA BCOM PAS GANG ZAG GI BDAG MED RDZOGS PAR RTOGS PA'I PHYIR DE BZHIN NYID RTOGS TE, KUN BTUS LAS, CHOS DGE BA RNAMS KYI DE BZHIN NYID GANG ZHE NA, BDAG MED PA GNYIS DANG, ZHES PA DANG, DBUS MTHA' LAS KYANG, GANG ZAG DANG NI CHOS RNAMS KYI, ,DNGOS PO MED 'DIR STONG PA NYID CES STONG NYID BCU DRUG LA GANG ZAG GI BDAG MED DANG CHOS KYI BDAG MED KYI STONG PA NYID GNYIS BSHAD PA DANG, RIGS KYI SKABS SU YANG DE BZHIN NYID LA RTOGS TSUL THA DAD PA GSUM YOD PAS RIGS THA DAD PA GSUM DU BZHAG PA DANG, SH'ANTI PAS KYANG NAM MKHA' THA DAD PA MED KYANG LAM GYI DBYE BAS THA DAD DE, BYA'I

LAM DANG, BSE RU'I LAM DANG, NYI MA'I LAM BZHIN NO ZHES RIGS THA DAD PA GSUM GYI DPER BRJOD DU BSTAN PA'I PHYIR TE, RTZAL CHE CHUNG TZAM MA GTOGS PA 'DI DAG THAMS CAD KYIS NAM MKHA' LA BGROD PAR KHAS BLANG DGOS PA'I PHYIR RO, ,GZHAN YANG 'DI DAG GI MNYAM GZHAG NA MI RTAG SOGS SU BDEN NO SNYAM PA'I RTOG PA MNGON GYUR MED DE, RNAL 'BYOR MNGON SUM YIN PAS SGRA RTOG DANG BRAL BA'I PHYIR TE, TSAD MA'I MDOR, RNAL 'BYOR RNAMS KYI BLA MAS BSTAN, ,MA 'DRES PA YI NGON TZAM MTHONG, ZHES RNAL 'BYOR MNGON SUM GYIS BDEN BZHI'I CHOS RNAMS MING DANG MA 'DRES PAR YUL DU BYED PAR GSUNGS PA DANG, KUN BTUS LAS KYANG; 'JIG RTEN LAS 'DAS PA'I SHES PAS BDEN PA'I RNAM PA LA 'JUG PA NA MI RTAG PA'I DON MTHONG GI MI RTAG PA NYID DO ZHES BYA BAR NI MA YIN NO, ,MI RTAG PA NYID LA JI LTA BA DE BZHIN DU RNAM PA LHAG MA RNAMS LA YANG DE BZHIN NO, ZHES GSUNGS PA'I PHYIR RO, ,GSUM PA LA GSUM, GZHI LAM DANG, 'BRAS BU LA MTSAN 'DZIN GYI SPANG GNYEN, DE DAG GI MJUG BSDU BA'O, ,DANG PO LA GNYIS, SPANG BYA DANG, GNYEN PO'O; ;DANG PO LA GSUM LAS, DANG PO NI, GONG GI TSUL DE LTAR NYAN THOS DANG SOGS PAS RANG RGYAL YUM LA RING BAR GYUR PA'I SGRUB PA STE SGRUB BYED MTSAN MAR DMIGS PA NYID GNYEN PO GZHI SHES KYI MI MTHUN PHYOGS

, ,YIN PAR STON TO, ,NYAN THOS LA SOGS PA'I YUM ZHES 'BYUNG YANG SNGAR NYAN RANG GNYIS RING BAR BSTAN GYI DE'I YUM RING BAR MA BSTAN PAS DE LTAR BSHAD DO, ,MDO'I 'BREL NI, BYANG CHEN GYI CHAGS PA DANG BCAS MA BCAS GANG ZHES SH'A RI'I BUS RAB 'BYOR LA DRIS PA'I LAN DU GSUNGS SO, ,GNYIS PA NI, GZUGS DANG SOGS PAS RNAM SHES GYI BAR GYI PHUNG PO DANG SBYIN PA NAS RNAM MKHYEN GYI BAR LA STONG NGO ZHES MTSAN MAR 'DU SHES PA DANG; DUS GSUM DU GTOGS PA'I CHOS RNAMS LA DE DAG TU MTSAN MAR 'DU SHES PA DANG, SBYIN PA DANG SOGS PAS LHAG MA LNGA DANG BYANG CHUB KYI PHYOGS SO BDUN DANG, RNAMS ZHES PA MANG PO'I TSIG NI SOGS KYI DON YIN PAS DES BSDUS PA RNAM MKHYEN GYI BAR LA SPYOD PA STE LAM DU MTSAN MAR 'DU SHES PA NI MI MTHUN PA'I PHYOGS SO, ,DE LA DANG PO NI LAM GYI YUL DANG, PHYI MA NI LAM LA CHAGS PA DANG, DANG PO LA YANG SNGA MAS NI PHUNG PO SOGS LA DON GZHAN GYI BDAG GIS STONG BAR ZHEN LA PHYI MAS NI DE LA DUS SU ZHEN TE, BYANG CHEN THABS MI MKHAS PAS GZUGS STONG ZHES BYA BAR 'DU SHES NA CHAGS PA'O, ZHES PA NAS RNAM MKHYEN GYI BAR LA DE LTAR DANG, GZHAN YANG BYANG CHEN THABS MI MKHAS PAS 'DAS PA'I CHOS RNAMS LA 'DAS PA'I CHOS RNAMS ZHES BYA BAR 'DU SHES NA CHAGS PA'O, ZHES DANG GZHAN GNYIS LA YANG DE LTAR DANG, GZHAN YANG, BYANG

CHEN DMIGS PA'I TSUL GYIS SEMS DANG PO BSKYD PA NAS NYE BAR BZUNG BA NAS SBYIN PA'I PHAR PHYIN LA SPYOD NA CHAGS PA'O, ZHES RNAM MKHYEN GYI BAR LA GSUNGS PA STE DE YANG SPANG BYA GSUM DANG RIM PA LTAR RO, ,GRAGS CHAR; NYAN THOS LA SOGS PAS GZUNG 'DZIN GYI PHUNG PO BDAG GIS BYIN GYIS BRLABS PAR SHES PA DANG, DE DAG DES STONG BAR SHES PA DANG DUS GSUM GCIG DANG SO SOR 'DZIN PA DANG, SER SNA SOGS DANG SBYIN SOGS DANG; CHOS SO BDUN LA CHAGS PA'I SPANG GNYEN TE, DE DAG KYANG BYANG SEMS KYI MI MTHUN PHYOGS SO ZHES 'CHAD PA NI MDO DANG MI MTHUN NO, ,GSUM PA NI GZUGS SOGS PHUNG PO LNGA DANG DUS GSUM PA'I CHOS MI RTAG SOGS BDEN PA'I DNGOS POR MA GYUR PA THAMS CAD LA DER DMIGS PA NYID KYIS MU STEGS BYED GZHAN GYIS KUN BTAGS PA'I BDAG DANG SOGS PAS MTHONG BA PO'I BAR GYI PHUNG SOGS STONG PA NYID DU LTA BA DANG, SBYIN PA NAS RNAM MKHYEN GYI BAR GYI RNAM BYANG GI 'GRES LA TSOGS SBYOR NA YOD PA ZAG BCAS DANG, MI SLOB PA'I LAM NA YOD PA ZAG MED DANG, MTHONG SGOM NA YOD PA ZAG PA DANG BCAS MA BCAS GNYIS KA'I NGO BO SPYAD BYA'I DNGOS PO BDEN PAR MA GYUR PA THAMS CAD LA LAM GYI DNGOS POR DMIGS PA NYID KYIS SGRUB PA STE SPYAD BYA'I LAM DU MTSAN MAR 'DU SHES PA NI, GNYEN PO GZHI SHES KYI MI MTHUN PA'I PHYOGS YIN TE, DES SPANG BAR BYA BA YIN PA'I PHYIR RO, ,DE NI BDAG 'DZIN GYI GNYEN

, ,PO YIN PAS SPANG BYA MIN ZHE NA, BDAG 'DZIN SOGS DE DAG GI GNYEN PO YIN NA YANG GZUGS SOGS KYI RANG BZHIN LA PHYIN CI LOG TU ZHUGS PA NYID KYIS GANG ZAG GI BDAG MED RTOGS PA'I SPANG BYA MA YIN KYANG CHOS RANG BZHIN MED RTOGS KYI SPANG BYAR MI 'GAL LO, ,ZAG BCAS SOGS GSUM LA RIM PA LTAR 'CHING BA KUN LDAN GYI SO SKYE 'PHAGS PA RNAMS KYI ZAG MED 'JIG RTEN PA'I LAM GYIS SA 'OG MA'I NYON MONGS CHEN PO LTA BU PHYOGS GCIG SPANGS PA'I SO SKYE LA RIGS BYIN BZHED LA, PHUNG LNGA RGYUN ZHUGS SOGS KYI 'BRAS BU CHOS SO BDUN NO ZHES 'BUM PA 'CHAD DO, ,'DIR NI ZAG BCAS ZHES SOGS, SBYIN SOGS BYANG CHUB PHYOGS RNAMS LA ZHES PA'I 'GREL BAR BYA DGOS LA DE DAG LA YANG SNGAR BSHAD PA LTAR LAM GYI GNAS SKABS GSUM YOD PAR BSHAD PA SNGA MA NYID DGONGS PA'O, ,RGYAN SNANG DU YANG ZAG PA YOD MED SOGS PHUNG PO DANG DUS LA SBYAR BA LTAR SNANG YANG DGONGS PA 'DI LTAR BLANG NGO, ,GNYIS PA LA GSUM LAS, DANG PO NI, BYANG SEMS RNAMS KYI YUM LA NYE BA'I RGYU MTSAN MTSAN MAR MI DMIGS PA NI SPANG BYA LAS BZLOG STE GNYEN PO YIN PAR STON TO, ,GNYIS PA LA GNYIS, SPYIR LTA SGOM DANG, SPYOD PA LA LTOS PA'I SPANG GNYEN NO, ,DANG PO'I SPANG BYA NI SNGAR BSHAD PA DE YIN LA, GNYEN PO NI PHUNG LNGA LA GZUGS LA SOGS PA'O ZHES ZHEN PA DANG DUS GSUM LA 'DAS SOGS SO SNYAM PA'I ZHEN PA

MED PA DANG, SBYIN PA DANG SOGS PAS RNAM MKHYEN GYI BAR LA NGAR 'DZIN PA STE BDAG GIS 'DI LA SPYAD PA DANG 'DI THOB PAR BYA'O SNYAM PA'I MNGON ZHEN MED PA STE, BYANG CHEN THABS MKHAS PAS YUM LA SPYOD PA'I TSE 'DI SNYAM DU GZUGS LA GZUGS ZHES BYA BAR 'DU SHES PA MED DO ZHES DANG, 'DAS PA'I CHOS RNAMS LA 'DAS PA'I CHOS RNAMS ZHES BYA BAR 'DU SHES PA MED DO, ZHES DANG, BYANG CHEN THABS MKHAS PAS YUM LA SPYOD PA'I TSE 'DI SNYAM DU BDAG GIS SBYIN PA ZHIG BYIN 'DI LA SBYIN PA BYIN SBYIN PA 'DI LTA BU ZHIG SBYIN NO ZHE'AM, ZHES PA NAS BDAG GIS NI SANGS RGYAS KYI ZHING YONGS SU DAG BAR BYA'O ZHE'AM BDAG GIS NI SEMS CAN YONGS SU SMIN PAR BYA'O ZHE'AM, BDAG GIS NI RNAM MKHYEN THOB PAR BYA'O SNYAM DU SEMS PA MED DE ZHES PA STE, SPANG BYA GSUM DANG GRANGS BZHIN NO, ,DE YANG RKANG PA DANG PO 'DIS SPANG BYA DANG PO GNYIS KYI GNYEN PO MA ZIN KYANG SHUGS LA BSTAN PA'O, ,GNYIS PA'I SPANG BYA NI, BSNGO BAR BYED PA'I SEMS DANG BSNGO BYA'I DGE BA LA MTSAN MAR ZHEN NAS BYANG CHUB TU BSNGO BA'I MTSAN BCAS KYI SPYOD PA YIN LA, DE YANG RKANG PA PHYI MA GNYIS KYIS GNYEN PO GSUNGS PA'I SHUGS LA BSTAN TE, BYANG CHEN SEMS SU 'DU SHES PA DANG, SBYIN PAR 'DU SHES PA DANG, ZHES PA NAS, SANGS RGYAS KYI CHOS MA 'DRES PA BCO BRGYAD DU 'DU SHES PA DANG SANGS RGYAS BCOM LDAN 'DAS SU 'DU SHES PA DANG SANGS RGYAS LA SKYED PA'I

, ,DGE RTZA GANG DAG TU 'DU SHES NAS DGE RTZA DE DAG MNGON PAR BSDUS TE GCIG TU BSDOMS SHING GZHAL NAS BLA MED RDZOGS BYANG DU BSNGO BAR BYED PA 'DI, KOO SHI KA BYANG CHEN RNAMS KYI CHAGS PA STE, ZHES SO, ,GNYEN PO NI; RANG NYID KYIS BDAG NI SBYIN PA SBYIN PA'O TSUL KHRIMS SRUNG BA'O, ZHES SOGS SU DER RLOM PA BKAG NAS SPYOD PA DE LTA BU LA GDUL BYA GZHAN DAG KYANG SBYOR BAR BYED PA DE'I SGO NAS RANG GZHAN GYI CHAGS PA'I MTHA' THAMS CAD 'GOG PA STE, JI LTAR BYANG TSE BDAG NI SBYIN PA SBYIN PA'O ZHES PA NAS BDAG NI SANGS RGYAS KYI CHOS MA 'DRES PA SGOM MO, ,BDAG NI BYANG CHUB LA SPYOD DO ZHES BYA BAR RNAM PAR RTOG PAR MI 'GYUR BA DE LTAR BYANG CHEN GYIS GZHAN LA YANG DAG PAR BSTAN PAR BYA, LEN DU GZHUG PAR BYA, GZENGS BSTOD PAR BYA, YANG DAG PAR RAB TU DGA' BAR BYA STE, ZHES SO, ,DE BZHIN YANG RIM PA LTAR KUN TU RMONGS PA DANG BDAG MED PA DANG KUN TU ZHUM PA DANG YANG DAG PAR ZHUGS PA'I GDUL BYA LA'O, ,RKANG PA GSUM PA DANG PO'I MTHAR YANG SBYAR RO, ,DE LTAR NA RKANG PA DANG POS GNYEN PO DANG PO GNYIS DANG, RKANG PA PHYI MA GNYIS KYIS SPANG BYA SHUGS LA BSTAN NAS GNYEN PO DNGOS SU STON PA'I SPANG GNYEN TSAN PA GNYIS SU SBYAR BA 'DI NYI SNANG RNAM 'GREL LE BRGYAD MA GSUM GYI DGONGS PA MTHAR THUG PA YIN MOD, GANGS CAN PA RNAMS LA NI SO SOR PHYE NAS 'CHANG SHES PA NYI NA

MO'I RGYU SKAR BZHIN NO, ,GSUM PA NI, 'KHOR GSUM RNAM PAR DAG PA STE DER DMIGS PA DANG BRAL BAS SBYIN SOGS LA SPYOD PA PO DANG THOB PA PO'I BDAG MED PAR RTOGS PAS SA MA RTOGS NAS RANG DE LA GNAS SHING GDUL BYA GZHAN DE LA SBYOR BA NI NYAN RANG GI LAM LTAR RES 'GA' PA'I GNYEN PO MIN PAR RNAM PA THAMS CAD DU GNYEN PO YIN TE, BLANG BAR BYA BA 'BA' ZHIG YIN PA'I PHYIR TE GZUGS SOGS KYI GNAS LUGS LA YANG DAG PAR ZHUGS PA'I PHYIR DANG CHAGS PA MNGON ZHEN GYI TSOGS KYI GNAS SA BON THAMS CAD GNYEN POS BKAG PA'AM ZHEN BYA'I GZHI THAMS CAD SHES RAB KYIS BKAG PA STE MA DMIGS PAS SO, ,MDO LAS SPANG GNYEN 'DI DAG SO SOR YOD KYANG 'GREL PA 'DIS GNYEN PO RNAMS GCIG TU MDZAD CING SPANG BYA DANG PO'I GNYEN PO MA ZIN PAR GSUNGS PA NI, RIM PA LTAR TSIG TSEGS SKYUNG BA DANG SHUGS KYIS GO NUS PA LA DGONGS PA'O, ,GNYIS PA LA BZHI, CHAGS PA'I NGO BO, CHAGS PA YIN PA'I RGYU MTSAN, CHAGS PA'I GNYEN PO, RGYU MTSAN LAS 'PHROS DON NO, ,DANG PO LA GNYIS LAS, DANG PO NI, RGYAL BA DANG SOGS BAS DE DAG GI BAR GSUM GYI DGE BA LA RIM PA LTAR MTSAN MAR YID LA BYAS TE MCHOD PA DANG BYANG CHUB TU BSNGO BA NI CHAGS PA PHRA MO STE, RIGS KYI BU'AM RIGS KYI BU MO BLA MED RDZOGS BYANG DU ZHUGS PAS DE BZHIN GSHEGS PA DGRA BCOM PA YANG DAG PAR

, ,RDZOGS PA'I SANGS RGYAS MTSAN MAR YID LA BYED NA RAB 'BYOR JI TZAM MTSAN MAR GYUR PA DE TZAM DU CHAGS PA'O, ZHES DANG, RGYAL BA RNAMS KYI BAR GSUM GYI DGE BA LA DE LTAR YID LA BYAS NAS BSTON YANG DE LTAR GSUNGS SO, ,GNYIS PA NI, DE BZHIN GSHEGS PA LA MTSAN MAR YID LA BYAS NAS LUS KYIS PHYAG 'TSAL BA DANG SOGS BAS NGAG GIS BSTOD PA SOGS NI, BYANG SEMS LAM GYI MI MTHUN PHYOGS YIN NO, ,GNYEN PO YIN BAS DER 'GAL ZHE NA, BSOD NAMS KYI TSOGS KYI RGYU YIN PA NYID KYIS LAS SGRIB SOGS 'GA' ZHIG GI GNYEN PO YIN MOD KYI RNAM PA THAMS CAD DU GNYEN PO MIN PAS SKYON MED DE, CHAGS PA STE ZHEN PA PHRA MO'I NGO BO NYID KYIS SO, ,BAM PO GSUM PA NI 'CHAD 'GYUR RO, ,GNYIS PA LA GSUM LAS, DANG PO NI, CHAGS PA PHRA MO MI MTHUN PHYOGS YIN PA'I RGYU MTSAN JI LTAR ZHE NA, YANG NI NGO BOR MA ZAD RGYU MTSAN YANG 'CHAD PA'O, ,GNYIS PA NI, CHOS KYI LAM SOGS TE, LAM NI DE'I RIGS TE, YUM NI ZAB BO BCOM LDAN 'DAS KYIS BKA' STZAL BA, RAB 'BYOR CHOS THAMS CAD RANG BZHIN GYIS DBEN PA'I PHYIR, ZHES SO, ,'DIS CHOS THAMS CAD RANG BZHIN MED PA'I SPROS BRAL DU GSUNGS PAS DE BZHIN GSHEGS PA SOGS LA RANG BZHIN DU DMIGS PA ZHEN PA PHRA MOR BSTAN TO, ,GSUM PA NI, ZAB PA RTZA BA'I

RTAGS DANG NGO BOS STONG BA RTAGS SGRUB TU SBYAR LA BSHAD DO, ;YANG NI GZUGS SOGS LA DMIGS PA MI MTHUN PHYOGS YIN PAR MA ZAD BA'O, ,GSUM PA LA GSUM LAS, DANG PO NI, DE CHAGS BA PHRA MO YIN PA'O NA SPANG BYA DE GNYEN PO GANG GIS TSUL JI LTAR SPONG ZHE NA, GNYIS PA NI, CHOS RNAMS RANG BZHIN MED PAR RANG BZHIN GCIG PAR SHES PAS NI CHAGS PA SPONG STE, DE NI 'DI LTAR CHOS KYI RANG BZHIN GNYIS MA YIN TE, RAB 'BYOR CHOS KYI RANG BZHIN GCIG TU ZAD DO, ,CHOS KYI RANG BZHIN GANG YIN PA RANG BZHIN MA YIN NO, ,GANG RANG BZHIN MA YIN PA DE NI RANG BZHIN NO, ,GANG RANG BZHIN YIN PA DE NI MNGON PAR 'DUS MA BYAS PA'O, ,RAB 'BYOR DE LTAR NA BYANG CHEN GYIS CHOS KYI RANG BZHIN GCIG PU RANG BZHIN MA YIN PA MNGON PAR 'DUS MA BYAS PA SHES SHING MTHONG NA CHAGS PA'I MTHA' THAMS CAD YONGS SU SPANGS PA YIN NO ZHES SO ,GSUM PA NI, SHES PA YUL CAN DANG SHES BYA YUL RNAMS MNYAM PA NYID DU GCIG PAR SOGS SO, ,MNYAM NYID DU GCIG PAR SHES TSUL JI LTA BU ZHE NA, GZUGS SOGS KYI CHOS THAMS CAD RANG BZHIN GCIG PA KHO NAR SHES BA STE SHES TSUL DE YANG 'DI LTA STE RANG BZHIN MED PA ZHES BYA BAR MTSUNGS PAR SHES PA'O, ,BZHI PA LA GNYIS, ZAB PA DANG, RTOGS DKA' BAS RGYU MTSAN NO, ,DANG PO LA GSUM LAS, DANG PO NI, CHOS RNAMS

, ,RANG BZHIN GYIS TE GDOD MA NAS SPROS BRAL GYI ZAB PA YIN PA'I RGYU MTSAN JI LTAR TE GANG GI PHYIR ZHE NA, YANG NI CHAGS PHRA'I RGYU MTSAN BSHAD PAR MA ZAD PA STE YANG 'OG MA LA YANG RIG PAR BYA'O, ,GNYIS PA NI, MTHONG BA SOGS TE, YUM NI RTOGS PAR DKA' BA'O, ,BCOM LDAN 'DAS KYIS BKA' STZAL PA RAB 'BYOR DE NI 'DI LTAR YUM NI SUS KYANG MA MTHONG MA THOS MA NGES RNAM PAR MA SHES MNGON PAR SANGS MA RGYAS PA YIN NO, ZHES SO, , GSUM PA NI, RNAM PAR SHES PA NI YUL CAN GYI BLO THAMS CAD DO, ,BSHAD PA NI MDO LAS SO, ,GNYIS PA LA GSUM LAS, DANG PO NI, RANG BZHIN DE BLOS YUL DU BYAR MI NUS PA'I TSUL DE LTAR RTOGS PAR DKA' BA NYID YIN PA'I RGYU MTSAN CI YIN ZHE NA'O, ,GNYIS PA NI, GZUGS LA SOGS ZHES SOGS TE, YUM NI BSAM GYIS MI KHYAB PA'O, ,BCOM LDAN 'DAS KYIS BKA' STZAL PA, RAB 'BYOR DE NI 'DI LTAR YUM NI SUS KYANG RNAM PAR MA SHES TE GZUGS DANG TSOR BA DANG 'DU SHES DANG 'DU BYED RNAMS DANG RNAM PAR SHES PAS MA SHES SO, ZHES PA NAS SANGS RGYAS KYI CHOS MA 'DRES PA BCO BRGYAD KYIS MA SHES SO, ZHES SO, ,MDO 'DI LTAR NA GZUGS LA SOGS PAS ZHES BYED PA PO'I TSIG YOD NA DAG PAR MNGON YANG GZUGS LA SOGS PA MI SHES ZHES DE DAG GI RANG BZHIN SHES BYA'I YUL DU 'GOG PA 'GREL CHEN GNYIS GYI DGONGS PAR SNANG BAS PHAN TSUN MTSON PA YIN GSUNG BA LTAR

BYA ZHING MDO NAS SHES PA PO DANG BSTAN BCOS NAS SHES BYA BGAG PAS MDO BSTAN BCOS MI MTHUN ZHES PA'I BDUD TSIG SMRA BAR MI BYA'O, ,GZHAN YANG NYI SNANG RNAM 'GREL DAG LDAN GSUM DU GZUGS NAS MA 'DRES PA'I BAR DU ZHES MDO 'DREN NO, ,GSUM PA NI, RANG BZHIN DE NI RTOGS SOGS SO, ,RGYU MTSAN NI, BSAM PA'I YUL LAS 'DAS PA NYID DU 'DOD DE DE'I PHYIR RO, ,DE YANG RGYU MTSAN GANG GI PHYIR NA GZUGS NAS MA 'DRES PA'I RNAM PA'I PAR GYI RANG BZHIN DE YONGS SU MI SHES PA DE DNGOS YUL DU BYAR MED PAS SO, ,GSUM PA LA GSUM LAS, DANG PO NI, GONG GI TSUL DE LTAR MI MTHUN PA'I PHYOGS DANG SOGS PAS GNYEN PO'I PHYOGS KYI GZHI SHES GNYIS BRJOD ZIN NAS DE'I 'OG TU DE DAG GI MJUG BSDU BAR GSUNGS SO, ,GNYIS PA NI, SHES PAR BYA'O, ,GANG NA MI MTHUN PA NAS MA LUS PA'O, ,GANG DU NA, KUN SHES PA NYID LA STE SKABS SO, ,JI LTAR NA SNGAR JI SKAD BSHAD PA'I TSUL DE LTAR RO, ,GSUM PA NI, SHES PAR BYA'O, ,GANG NA MI MTHUN PA'I PHYOGS DANG GNYEN PO'I RAB TU DBYE BA'O, ,DE GNYIS GANG GI YIN ZHE NA, NYAN THOS DANG SOGS PAS RANG RGYAL GYI LAM NI DANG PO DANG, BYANG SEMS DANG SOGS PAS SANGS RGYAS KYI LAM NI GNYIS PA'O, ,GANG DU NA THAMS CAD SOGS SO, ,JI LTAR NA GZUGS SOGS PHUNG PO ZHES SOGS DANG, SBYIN LA SOGS LA ZHES PAR SPANG GNYEN JI

, ,SKAD BSHAD PA'I TSUL DE LTAR GYIS SO, ,BZHI PA LA GNYIS, SBYOR BA'I NGO BO DANG, RNAM PA'O, ,DANG PO LA GSUM LAS, DANG PO NI, GONG GI TSUL DE LTAR MI MTHUN PA'I PHYOGS DANG SOGS PAS GNYEN PO GNYIS BRJOD ZIN NAS DE'I 'OG TU SBYOR BA'I LAM GSUNGS TE, SPANG GNYEN DE DAG GI MTSAN NYID SHES NAS DE DAG MI DMIGS PAR RNAM PAR SGOM PA'I SBYOR BA GANG YIN ZHE NA, DE'I LAN DU BSTAN DGOS PAS SO ,SBYOR BA'I LAM ZHES PA YUL DE DANG DE LA MI DMIGS PAR SBYOR BA'I RNAL 'BYOR TZAM LA ZER GYI LAM LNGA'I YA GYAL NI MA YIN NO, ,TSIG DES 'KHRUL PA SKYED PA'I KU MA RA SHR'I NA RE, DE LA SBYOR BA NI DRONG DANG RTZE MO'I DBANG PO BCU'O, ,MNYAM PA NYID NI BZOD PA DANG CHOS MCHOG GI STOBS BCU'I ZHES ZER BA LA NI SHES BYED MED CING, RNAM BZHI DE'I MNYAM NYID NI SBYOR BA'I SGOM TSUL LA GSUNGS PAS DE GNYIS SA MTSAMS MI GCIG PA LA GNOD BYED YOD DO, ,KHA CIG SHAR 'BYUNG GIS NUS PA'I RGYU SBYOR BA RNAM PA BCU YOD NA 'BRAS BU MTHONG BA'I LAM 'BYUNG BAS ZHES BSHAD PA DANG, SBYOR BA'I MNYAM PA NYID SO SOR RTOGS NAS MTHONG BA'I LAM SGOM DGOS ZHES 'BYUNG BAS SBYOR LAM YIN PAR 'DOD PA YANG MI 'THAD DE, DE NI MTSAMS SBYOR GYI RIM PA TZAM STON PA YIN GYI DER NGES NAS MIN TE, GZHAN DUN LAS DANG PO PA DE LTAR GDAMS NGAG THOB PA LA NGES PAR 'BYED PA'I YAN LAG 'BYUNG BAS ZHES GSUNGS PAS;

GDAMS NGAG TSOGS LAM KHO NAR BZHAG DGOS PAR 'GYUR TE DE LTA BU MANG NGO, ,DES NA GZHI SHES KYI SBYOR BA 'DI NI LTA SGOM SPYOD 'BRAS YUL YUL CAN DANG BCAS PA LA MTSAN MAR 'DZIN PA'I GNYEN POR SGOM PA RTZA 'GREL GYI DGONGS PA YIN PAS JI SRID MTSAN MA DE DAG SKYE BA DE SRID DU SGOM DGOS PAS TSOGS LAM NAS SA BCU PA'I BAR LA BZHAG GO ,DE'I PHYIR SA BDUN PA'I BAR DU SGOM PAR BZHED PA YANG MI 'THAD DO, ,MDO 'BREL NI, BYANG CHEN GYIS YUM LA JI LTAR SPYAD BAR BYA BA RAB 'BYOR GYIS DRIS PA'I LAN DU STON PAS GSUNGS SO, ,GNYIS PA NI, GZHI SHES KYI SBYOR BA NI DBYE GZHI'O, ,DBYE GRANGS NI BYA DKA' RNAM GSUM LA BYA DKA' BA'I SBYOR BA ZHES GCIG TU BYAS NAS BCU'O,, 'BYED PA'I RGYU MTSAN NI YUL BCUR YOD PA'I SGO NAS SO, ,'DI DAG GCIG DANG THA DAD PA NI SBYOR BA BCU MNGON ZHEN RE RE DOR NAS GONG NAS GONG DU 'PHEL BAR SHER 'BYUNG 'DOD KYANG, RIGS BYIN GYIS YUL GYI SGO NAS 'DI'I DBYE BA 'DOD PA LTAR NGO BO GCIG GO ,'CHAD TSUL LA NYI SNANG LAS SPYOD PA BKAG PA'I SBYOR BA DANG ZHES PA DANG PO BZHI NYID LA SBYOR BA MDO'I TSIG ZIN DANG MTHUN TE, MDO LAS GZUGS SOGS DANG RTAG MI RTAG SOGS DANG ,DE RDZOGS MA RDZOGS DANG DE CHAGS BCAS CHAGS MED LA DE LTAR MI SPYOD NA YUM LA SPYOD CES BZHI PO DE LA SPYOD PA BKAG GI LHAG MA RNAMS LA DNGOS SU DE MA BKAG PAS SO, ,RNAM 'GREL DANG SH'ANTI YANG DE DANG MTHUN NO, ,'GREL PA

, ,'DIR RKANG PA DE THAMS CAD KYI MTHAR SBYAR TE, SHER SGRON DU YANG DE LTAR RO, ,NYI SNANG GIS MDO TSIG DANG BSTUN LA SLOB DPON GYIS DON THOB LA DGONGS PAS 'GAL BA MED DO, ,'O NA BCU PO DE GANG ZHE NA, GZUGS SOGS KYI SBYOR BA NI, BYANG TSE GAL TE GZUGS LA MI SPYOD NA YUM LA SPYOD DO, ZHES SO, ,GZUGS SOGS DE MI RTAG BA LA SOGS PA'I SBYOR BA NI, GZUGS RTAG CES BYA BA'AM MI RTAG CES BYA BAR MI SPYOD NA YUM LA SPYOD DO ZHES SO, ,GZUGS SOGS DE RDZOGS MA RDZOGS KYI SBYOR BA NI, BYANG TSE GZUGS YONGS SU MA RDZOGS PA DANG RDZOGS PA'O ZHES BYA BAR MI SPYOD NA YUM LA SPYOD PA'O, ZHES RNAM MKHYEN GYI BAR LA DE LTAR RO, ,GZUGS SOGS DE LA CHAGS MED KYI SBYOR BA NI, BYANG TSE GZUGS CHAGS PA DANG BCAS PA DANG MA CHAGS PA'O ZHES BYA BAR MI SPYOD NA YUM LA SPYOD PA'O, ZHES SO, ,GZHAN DU MI 'GYUR BA'I SBYOR BA NI, YUM ZAB MO 'DI BSTAN KYANG MI 'GRIB MA BSTAN KYANG MI 'GRIB BSTAN KYANG MI 'PHEL MA BSTAN KYANG MI 'PHEL LO, ZHES SO, ,BYED PA PO MED PA'I SBYOR BA NI TSES RNAMS KYI CHOS NYID GANG YIN PA DE BSTAN KYANG DE BZHIN MA BSTAN KYANG DE BZHIN NO ZHES SO, ,BYA DKA' BA RNAM PA GSUM GYI SBYOR BA NI, GANG GIS SEMS CAN RNAMS KYI SLAD DU GO CHA BGOS PA DE DAG NI NAM MKHA' YONGS SU DGROL BAR 'TSAL BA'O ZHES DANG, SEMS CAN RNAMS

KYI DON DU GO CHA 'TSAL BA DE DAG NI NAM MKHA' BAR SNANG LA 'DEGS PAR 'TSAL BA'O, ZHES DANG, BYANG CHEN GANG SEMS CAN RNAMS KYI SLAD DU BLA MED RDZOGS BYANG DU 'TSAL BA DE DAG NI BRTZON 'GRUS CHEN PO THOB PA'O ZHES DE'I 'THAD PAR STONG GSUM 'DI DE BZHIN GSHEGS PAS 'DAM BU'I TSAL LA SOGS PA BZHIN GANG ZHING BSKAL PA'AM DE LAS LHAG PAR GNAS NAS CHOS STON TE, DE BZHIN GSHEGS PA RE RES KYANG SEMS CAN MYA NGAN LAS 'DAS KYANG DE LA BRI GANG MED PAS SO, ZHES PA STE 'DI GSUM GYIS BYA DKA' BA GSUM RIM PA LTAR GSUNGS SO, ,'BRAS BU YOD PA'I SBYOR BA NI, DE NAS DGE SLONG GZHAN ZHIG GIS 'DI SNYAM DU GYUR TE, GANG LA CHOS GANG YANG SKYE BA'AM 'GAG PA MED LA TSUL KHRIMS KYI PHUNG POR GDAGS SU YOD CES PA NAS CHOS KYI 'KHOR LO BSKOR BA GDAGS SU YOD PA'I BCOM LDAN 'DAS LA PHYAG 'TSAL LO ZHES SO, ,'DIR KHA CIG CES MING MA BSTAN PAR ZAD KYI PHUNG PO LNGA LA SOGS PA'I RTOGS PA RNAMS YOD BAR BSTAN PAS 'KHOR GZHAN GYIS KYANG SKAL BA DANG 'TSAM PAR RTOGS PA THOB BA YOD PAR STON TO, ,GZHAN LA RAG MA LAS PA'I SBYOR BA NI, RIGS KYI BU'AM RIGS KYI BU MO JI SKAD DU BSTAN PA'I YUM LA GNAS NA DE NYID DE'I BSRUNG BA DANG BSKYAB PA DANG SBA BAR 'GYUR RO, ZHES SO, ,SHES BYED SNANG BA RNAM BDUN SHES PA'I SBYOR BA NI BYANG CHEN YUM LA SPYOD PA NA JI TZAM GYIS RMI LAM SGYU MA

, ,SMIG RGYU SGRA BRNYAN GZUGS BRNYAN DRI ZA'I GRONG KHYER DANG SPRUL PA LTA BUR CHOS THAMS CAD SHES PAR 'GYUR ZHES, RAB 'BYOR LA BRGYA BYIN GYIS DRIS PA'I LAN DU BDUN PO DE LA RLOM PA BZHI MED NA DE LTAR SHES SO ZHES SO; ;GSUM PA LA GNYIS, DNGOS BSTAN SEMS DPA' RNAL 'BYOR, ,DES SHUGS LA 'PHANGS TSUL LO, ,DANG PO NI, DNGOS SU BSTAN TO, ,GANG NA, YUL DE DANG DE LA SBYOR BA'I BYANG SEMS KYI SBYOR BA RNAM PA BCU'O, GANG GI SGO NAS NA, RJES SU 'GRO BA'I SGO NAS SO, ,YUL LA SBYOR TSUL JI LTA BU ZHE NA, GZUGS DANG SOGS PAS RNAM MKHYEN GYI BAR GYI CHOS THAMS CAD KYI NGO BO LA SGRUB PA'I YONGS SU SHES PA STE DNGOS POR ZHEN PA BSAL BA'I SGO NAS MA ZHEN PA'I RNAM PAS SBYOR RO, ,LHAG MA DGU LA YANG DE LTAR RO, ,GZUGS NAS RNAM MKHYEN GYI BAR DE DAG NYID KYI KHYAD PAR MI RTAG PA DANG STONG PA NYID DANG BDE SDUG LA SOGS PA DANG GZUGS SOGS DE DAG SO SOR TE RE RE LA MA RDZOGS PA DANG RDZOGS PA DANG 'DI GNYIS KYI DON NI RGYAN SNANG DU, MTSAN NYID KYIS STONG BA'I PHYIR, BTAGS PA'I GZUGS NI YONGS SU MA RDZOGS PA'O, ,YON TAN GYI TSOGS DANG LDAN BA'I PHYIR, CHOS NYID KYI GZUGS NI RAB TU RDZOGS PA'O, ZHES PA'I RJES SU 'BRANGS NAS RTOGS DKA' SHENG? SGRON DU YANG DE LTAR BSHAD DO, ,DON NI, KUN BTAGS DANG YONGS GRUB BLOS YUL DU BYAS PA NA YON

TAN MI SKYE BA DANG SKYE BA'I PHYIR YON TAN GYI RTEN DU MA RDZOGS PA DANG RDZOGS PA'O ZHES SNGA MA DAG 'CHAD KYANG MTSAN NYID KYIS STONG PA MA RDZOGS PA'I RGYU MTSAN DU GSUNGS PAS DGONGS PA MIN NO, ,'O NA GANG ZHE NA RTOGS DKAR ,MTSAN NYID STONG PA NYID KYIS BTAGS PA DANG YON TAN GYI TSOGS DANG LDAN PA'I PHYIR, CHOS NYID KYI GZUGS NI SO SOR MA RDZOGS PA DANG RDZOGS PA NYID DE, GZUGS LA SOGS PA TSANG BA NYID DANG MA TSANG PA NYID CES PA LTAR, TSANG MA TSANG DON LA MI GNAS PA DANG GNAS PA LA BYA STE, DE LTAR NA BTAGS PA'I GZUGS NI RTOG PAS GZUGS SU SGRO BTAGS PA TZAM YIN PAS MTSAN NYID DAM NGO BO NYID KYIS MA GRUB PA'I PHYIR DON LA MED PA'O, ,CHOS NYID KYI GZUGS NI GZUGS KYI RANG BZHIN RTOG PAS BTAGS PAS STONG BA DE NYID YIN TE, DE NI RANG BZHIN GYIS DAG PA'I YON TAN DBYER MED PAR GNAS PA'I PHYIR TSANG BA'AM DON LA GNAS PA ZHES THA SNYAD DU BYA'O, ,RNAM PAR BTAGS PA'I GZUGS GZHAN DBANG NI RDZOGS MA RDZOGS DPYAD PA'I GZHI NYID YIN PAS MA BSTAN PA MED DE, KUN BTAGS KYI SGRO GDAGS GZHI DANG YONGS GRUB KYI CHOS CAN YIN PAS SO, ,TSUL 'DI NI RNAM MKHYEN GYI BAR LA YANG SBYAR TE, MDOR NA GZUGS SOGS LA NGO BO NYID GSUM DU MI ZHEN NA YUM LA SPYOD PA'O, ,'BUM GYI GNOD 'JOMS SU NI, KUN BTAGS KYI GZUGS DNGOS POR MA GRUB PAS YONGS GRUB MA YIN NO ZHES

, ,BYA BAR MI RTOG NA YUM LA SPYOD DO ZHES 'CHAD KYANG MDO YI 'GREL PA LA RGYAN SNANG NYID LEGS SO, ,MNGON ZHEN GYI DMIGS PA YOD MED KYI CHAGS BCAS DANG CHAGS PA MED PA DANG, TSIG GI SGO NAS BSTAN MA BSTAN GYIS 'PHEL 'GRIB KYI SGO NAS GZHAN DU MI 'GYUR BA'I GTZO BO'I YUM RNAM PAR MI RTOG PA'I YE SHES DANG, BSNGAGS PA DANG DE MIN BRJOD PAS RJES SU CHAGS PA DANG KHONG KHRO BA SOGS SU BYED PA PO MED PA NYID CHOS RNAMS KYI RANG BZHIN DANG, BYA DKA' BA NYID GSUM LA SNGAR LTAR DANG, DE DAG GANG NA SEMS CAN GYI CHED DU RNAM MKHYEN THOB PAR BYA DGOS KYANG NAM MKHA' GROL 'DOD PA LTAR DON DAM PAR DE'I DON DU SHES RAB SOGS KYI SGOM PA KHYAD PAR DU 'GROR MED CING THA SNYAD DU SEMS CAN MI ZAD PA'I PHYIR, THAMS CAD MKHYEN PA NYID GSUM GYI NANG NAS RNAM MKHYEN GYI BDAG NYID NI CHED DU BYA BA'I SGO NAS BYA DKA' BA NYID DANG, SEMS CAN GYI PHYIR DU LAM SHES RGYUD LA SBYOR BA'AM SKYE DGOS KYANG NAM MKHA' BAR SNANG LA 'DEGS 'DOD PA LTAR DON DAM PAR BSKYED BYAR MED CING THA SNYAD DU SEMS CAN MI ZAD PA'I PHYIR, MKHYEN GSUM GYI NANG NAS LAM SHES KYI BDAG NYID NI RGYUD LA SBYOR BA'I TSUL GYIS BYA DKA' BA NYID DANG, GZHI SHES KYIS 'DUL BA'I SEMS CAN LA DE SHES PAR BYAS NAS STON DGOS KYANG DON DAM PAR BSTAN BYA SOGS MA GRUB CING THA SNYAD DU SEMS

CAN MI ZAD PA'I PHYIR MKHYEN GSUM GYI NANG NAS GZHI SHES KYI BDAG NYID NI STON PAR BYED PA'I TSUL GYIS BYA DKA' BA NYID DO, ,DE LTAR NA BYA DKAR RNAM PA GSUM SBYOR BA ZHES PA BYA DKA' BA'I SBYOR BA RNAM PA GSUM ZHES PAR BTON NAS BYA DKA' BA GSUM YUL DANG SBYOR BA YUL CAN DU BSHAD KYI GZHI MTHUN PAR MI BYA STE, RNAM MKHYEN DANG THEG DMAN GYI GZHI SHES 'DI'I SBYOR BAR 'GAL BAS SO, ,RTOGS DKAR RNAM PA THAMS CAD DANG LAM DANG GZHI RNAMS DE KHO NA NYID DU MED NA YANG BYANG CHUB SEMS DPA' RNAMS RNAM PA THAMS CAD MKHYEN PA LA SOGS PA LA 'BAD PAS DE'I BDAG NYID CAN GYI CHED DU BYA BA LA SOGS PAS NI, SGRUB PAR DKA' BA NYID YIN PAR SBYOR BA DKA' BA RNAM PA GSUM DANG ZHES MKHYEN PA GSUM GYI YUL DON DAM PAR MED KYANG YUL CAN GSUM LA 'BAD PA DKA' ZHES 'CHAD LA, SHER SGRON DU YANG, THAMS CAD MKHYEN PA NYID GSUM GYI BDAG NYID CHED DU BYA BA DANG SBYOR BA DANG RTOGS PAR BYA BA RNAM PA GSUM DE KHO NAR BYA DKA' BA NYID LA SPYOD PA DANG, ZHES 'BYUNG YANG BYA DKA' BA'I DKA' TSUL NI, BDEN GNYIS KYI SGO NAS SNGAR BSHAD PA NYID MDO DANG 'GREL CHEN RNAMS KYI DGONGS PA LA 'GRIG GO ,GRAGS CHAR, SBYOR BA DKA' BA RNAM GSUM DANG ZHES BYA BA NI, SANGS RGYAS KYI CHOS RNAMS RTOGS PAR BYA BA'I PHYIR GO CHA'I DKA' SPYOD DANG 'JUG PA'I DKA' SPYOD DANG STON PA'I MTSAN NYID KYI BYED PA'I DKA' SPYOD DO, ZHES BYA BA NI BYA DKA' BA

, ,GSUM DANG SBYOR BA GSUM GZHI MTHUN PAR 'DOD PA'O, ,SH'ANTI DANG AA BHYAS 'DI GSUM GSUM DU BYAS SBYOR BA BCU GNYIS SU BYAD DO, ,YUM LA BSLABS PAS RANG RANG GI SKAL BA JI LTA BA BZHIN DU 'BRAS BU 'THOB PAS 'BRAS YOD 'DOD PA STE 'BRAS BU 'THOB PAS MI STONG PA NYID DANG, YUM GYI RNAL 'BYOR LA BRTZON PA'I GANG ZAG LA DE NYID BSRUNG BA'I MCHOG YIN PAS BSRUNG BA GZHAN GYI RKYEN GYIS MI 'GRO BA STE RAG MA LAS PA DANG, SHES PA LA SNANG BA'I SNANG BA BDUN LA SNGAR LTAR DANG, DE DAG GANG NA 'DI LA BZHI, GANG LA SNANG NA, SEMS DPA'I RJES THOB LA'O, ,GANG NA, PHYI NANG GI DNGOS PO 'DI'O, ,JI LTAR NA, RMI LAM LTA BU'O, ,RGYU MTSAN NI BAG CHAGS KYI GNYID KYIS RNAM SHES DE DANG DER YONGS SU 'GYUR BAR SNANG BA'O, ,KHYAD PAR BZHI PO DE 'OG MA RNAMS LA YANG SBYAR RO, ,MA RIG PA'I SNGAGS DANG SMAN MNYAM DU 'TSOGS PA LAS BYUNG BAS SGYU MA DANG, BDEN PAR SNANG YANG MED PA'I PHYIR 'GAL BA SNANG BAS SMIG RGYU DANG, RKYEN LA RAG LAS TE SMAD BAS SGRA BRNYAN DANG SHES BYA'I TSUL GZUGS BRNYAN 'JOG BYANG LTA BU'I NANG GI BAG CHAGS KYIS JI LTAR 'PHANGS PA LAS MA 'PHOS PA'AM MI 'DA' BAR SNANG BAS MIG YOR DANG, 'DI LA MDOR GZUGS BRNYAN ZHES DANG, RGYAN SNANG DU MIG YOR ZHES GSUNGS LA, DE YANG GNOD 'JOMS CHUNG BAR RAB

RIB CAN LA SKRA SHAD 'JIG PAR SNANG BA LA BSHAD CING BAG 'DRA'I RTZED MO'O ZHES BSHAD SBYAR LAS 'BYUNG BAS KHA CIG MGAL ME MYUR DU BSKOR BA SOGS LA 'CHAD DO, ,GNAS PAR BYA BA'I RTEN MED PAR SNANG BAS DRI ZA'I GRONG KHYER DANG; LUS NGAG GI BYED PA DE KHO NAR RGYU DANG BRAL BAR SNANG BAS SPRUL PA STE BDUN NO, ,BDUN PO 'DI'I SGO NAS CHOS THAMS CAD 'DI DAG DANG MTSUNGS PAR BYANG SEMS KYIS SHES PAR BYED PAS SHES BYED SNANG BA BDUN ZHES BYA'O, ,SBYOR BA BCU PO 'DI RJES THOB GTZO CHE STE, RNAM PAR MI RTOG PA LA 'JUG PA'I GZUNGS LAS, RNAM PAR MI RTOG PA'I YE SHES KYIS NI CHOS THAMS CAD NAM MKHA'I DKYIL DANG MTSUNGS PAR MTHONG NGO, ,DE'I RJES LA THOB PAS NI CHOS THAMS CAD SGYU MA DANG SMIG RGYU DANG RMI LAM LA SOGS PA DANG MTSUNGS PAR MTHONG NGO, ZHES GSUNGS PAS SO, ZHES GSUNG BA NI, SLOB DPON GYIS 'DI BDUN YUL DU BYAS NAS DE LA ZHEN PA 'GOG PAR BSHAD PA LTAR NA MI 'GRIG PA LTAR SNANG YANG, MDO NAS BYANG SEMS KYIS CHOS SHES PAR BYED TSUL LA GSUNGS SHING, DE SLOB DPON GYIS KYANG BZHED DGOS PAS LEGS BSHAD DU SNANG LA, SNYING PO MCHOG TU YANG SKABS 'DIR MDO DE DRANGS NAS BSHAD PA MDZAD PA'I DON DU YANG SNANG NGO, ,DES NA SLOB DPON GYIS YUL DU MDZAD PA NI, CHOS RNAMS DE DAG DANG MTSUNGS PAR SHES PAR BYED PA NA YANG DE DAG TU

, ,ZHEN NA DE YANG DGAG DGOS PA LA DGONGS SO, ,GNYIS PA NI, SBYOR BA YIN NO ZHES BSTAN TO, ,JI LTAR NA, SNGAR JI SKAD DU ZHEN SPYOD BKAG NAS SGOM MO, ZHES BSTAN PA LAS BZLOG STE ZHEN NAS SO, ,GANG ZAG GANG GI NA, NYAN THOS DANG SOGS PAS RANG RGYAL RNAMS KYI SBYOR BA NI'O, ,TSIG GANG GIS NA, BYANG SEMS KYI SBYOR BA BCU MI DMIGS PAR SGOM MO ZHES RJES 'GRO'I SGO NAS DNGOS SU BSTAN PAS DE'I SHUGS KYIS NA'O, , MNYAM NYID LA YANG SHUGS BSTAN 'DI LTAR SBYOR BA KU MA RA SHR'I 'CHAD PA NI 'THAD DO, ,GNYIS PA LA GSUM LAS DANG PO NI, SBYOR BA BSHAD PA'I 'OG TU SBYOR BA'I MNYAM PA NYID GSUNGS TE, YUL YUL CAN MNYAM PA NYID DU RTOGS PA'I SGO NAS SBYOR BA SGOM DGOS PAS SO, ,MDO'I 'BREL NI SNANG BA RNAM BDUN LA RLOM PA BKAG PA LA 'PHROS NAS SO, ,GNYIS PA NI, SBYOR BA DE'I MNYAM NYID YIN NO, ,GANG NA, GZUGS DANG SOGS PAS RNAM MKHYEN GYI BAR LA GZUGS SU DANG GZUGS KYIS DANG GZUGS BDAG GI ZHES DANG GZUGS LA RLOM PA STE ZHEN PA MED PA DE LTA BU RNAM PA BZHI STE, GZHAN YANG BYANG TSE GZUGS RLOM SEMS SU MI BYED GZUGS KYIS RLOM SEMS SU MI BYED, GZUGS BDAG GI RLOM SEMS SU MI BYED, GZUGS LA RLOM SEMS SU MI BYED CES RNAM MKHYEN GYI BAR LA DE LTAR RO, ,DE LA GZUGS DON DAM PAR MA GRUB PAS 'DI GZUGS SO

ZHES DANG, GZUGS 'DIS DNGOS PO 'DI LTA BU ZHIG SGRUB BO ZHES DANG, GZUGS LA PHAN GNOD 'DI LTA BU ZHIG BYA ZHES MI RLOM BAR GNOD 'JOMS CHUNG BAR BSHAD LA, GSUM PA LA CHE BAR RJE KHOL GYI DNGOS POR MI RLOM BAR BSHAD DO, ,GSUM PA NI, YUL YUL CAN SO SOR MA GRUB PAR MNYAM PA NYID DU RTOGS PA YIN NO, ,GANG NA, GZUGS DANG SHOGS PA RNAM MKHYEN GYI BAR LA DE DANG DE'O ZHES NGO BO LA MNGON PAR ZHEN BA DANG, SNGON PO DANG SOGS PAS SER PO DANG BDE SDUG LA SOGS PA'I GZUGS SOGS KYI THA SNYAD KYI RGYU MTSAN MA LA RLOM PA DANG, GZUGS RNAM GNYIS DANG RNAM NYI SHU ZHES PA LTAR GZUGS SOGS KYI DBYE BA'I SPROS PA LA RLOM PA DANG, NGES 'BYED CHA MTHUN SOGS RTOGS PA'I RLOM PA BKAG PAS RTOGS PA PO DANG SHES BYA'I CHOS RNAMS MI DMIGS PA NI'O, ,RGYU MTSAN NI, SBYOR BCU'I MNYAM PA NYID YIN PAS SO, ,LNGA PA LA GNYIS, MTSAMS SBYAR BA DANG, DON BSHAD BA'O, ,DANG PO NI, MNYAM NYID KYI 'OG TU MTHONG BA'I LAM 'CHAD DO, ,SBYOR BA'I MNYAM PA NYID BZHI PO SO SOR TE MA 'DRES PAR RTOGS NAS MTHONG BA'I LAM SGOM DGOS PAS SO, ,MDO'I 'BREL NI, MNYAM PA NYID RDZOGS PA DANG SANGS RGYAS KYI MTHUS 'DOD GZUGS KYI LHA'I BU THAMS CAD 'KHOR DU 'DUS PA DANG, DE DAG GIS PHYOGS BCU THAMS CAD DU SANGS RGYAS STONG GIS YUM 'DI YI GE DANG MING 'DI NYID DANG, RAB

, ,'BYOR DANG BRGYA BYIN GYIS ZHU BA BYAS NAS STON PA MTHONG BAR BYAS SO, ,DE NAS DE BZHIN GSHEGS PAS RAB 'BYOR LA BYAMS PA LA SOGS PA BSKAL BZANG LA 'TSANG RGYA BA DE DAG THAMS CAD KYANG SA PHYOGS 'DI NYID DU SANGS RGYAS TE YUM STON PAR GSUNGS PA'I TSE, BYAMS PAS JI LTAR STON PA RAB 'BYOR GYIS DRIS PA'I LAN DU GSUNGS SO, ,DE LA SANGS RGYAS STONG DANG BYAMS PA SOGS BSKAL BZANG GI SANGS RGYAS RNAMS RNAM PA 'DI LTAR CHAD LHAG MED PAR YUM STON PAR GSUNGS PAS NI MTHONG LAM LA SKAD CIG MA BCU DRUG LAS GZHAN MED PAR BYA BA LA DBANG PO BSTAN PA'I CHED DO, ,'KHOR BA 'JIG SOGS 'DAS PA MA SMOS PA NI, DE'I BSTAN PA RDZOGS PAR SHES PAR BYA BA'I DON NO, ,BYAMS PA LA SOGS PA MA 'ONGS PA BRJOD PA NI SEMS CAN GYI DON GYI DGOS PA BSTAN PA'I PHYIR RO, ,GRANGS STONG GI NGES PA MDZAD PA NI, MI MJED DU BSKAL PA BZANG PO LA SANGS RGYAS STONG NYID DU GRAGS PAS DGAG SGRUB MED PAR BYA BA'I PHYIR RO, ,SH'ANTI PAS NI, BSKAL BZANG GI SANGS RGYAS STONG DANG PHYOGS BCU'I SANGS RGYAS STONG PHRIN LAS MNYAM PAR BSTAN PA'I PHYIR RO ZHES 'CHAD DO, ,GNYIS PA LA GSUM, MTHONG LAM MDOR BSTAN, RNAM PA RGYAS PAR BSHAD, SGOM LAM MI STON PA'I 'THAD PA'O, ,DANG PO LA GNYIS LAS, DANG PO NI GO BAR ZAD DO, ,GNYIS PA NI, THAMS CAD SHES PA NYID KYI SKABS SU BSTAN

PA'I MTHONG BA'I LAM YIN NO, ,GANG NA, SKAD CIG SOGS SO, ,BCU DRUG TU JI LTAR ZHE NA, BDEN PA BZHI PO SO SOR TE RE RE LA CHOS SHES PA'I BZOD PA NAS RJES SU SHES PA STE SKAD CIG BZHI BZHIR BYAS PA DE LTAR RO, ,'DI LA NYI KHRI DANG BRGYAD STONG PA'I 'GREL PA RNAMS KYIS MDO MA SBYAR RO, ,GNYIS PA LA GSUM LAS, DANG PO NI, YE SHES BCU DRUG GIS BDEN BZHI RTOGS PAR BYED TSUL GYI RNAM PA GANG YIN ZHE NA, GNYIS PA LA GNYIS, BSHAD PA DANG, BSDU BA'O, ,DANG PO NI, GZUGS RTAG CES PA NAS SHES PA SKYE BA MED PA'I PAR RO, ,GNYIS PA NI, KUN SHES ZHES PA'O, ,SLOB DPON 'DIS RNAM PA DANG PO LA GZUGS RTAG MA YIN MI RTAG MA YIN, ZHES 'BYUNG BA RNAM PA LHAG MA RNAMS LA YANG BZLOG ZLA'I MTHA' DANG BRAL BAR STON PA'I MTSON BYED DU DGONGS NAS SGRO 'DOGS SO, ,GNYIS DANG BRAL BA'I RNAM PA GSUNGS SO, ,GSUM PA LA GNYIS, DNGOS BSTAN BYANG SEMS DANG, SHUGS BSTAN NYAN RANG GI MTHONG LAM MO, ,DANG PO LA GNYIS, SO SOR BSHAD PA DANG, DON BSDU BA'O, ,DANG PO LA BZHI, SDUG BSNGAL DANG, KUN 'BYUNG DANG, 'GOG PA, LAM GYI RNAM PA'O, ,DANG PO NI, SDUG BSNGAL GYI BDEN PA RTOGS PAR BYED TSUL GYI RNAM PA BZHI DAG YIN NO, ,DE GANG NA DANG PO NI SDUG BDEN GYI GZUGS LA SOGS PA RNAMS RTAG CING BRTAN PA DANG, MI RTAG CING 'JIG PA'I MTHA' DANG BRAL BAS DE RTAG PA YANG MA YIN MI RTAG

, ,PA YANG MA YIN NO ZHES BYA BA'O, ,YANG GNYIS NI PHAN TSUN BSDU BA'O, ,RTAGS GRUB STE, GZUGS SOGS NGO BO NYID MED PA STONG PA NYID YIN PA'I PHYIR RO, ,'DI THAMS CAD KYI RTAGS SGRUB TU SBYAR RO, ,SDUG BSNGAL YIN MIN SOGS DANG BRAL BAR STON PA NA YANG RANG RANG GI SKABS KYI BDEN PA DANG SBYAR BAR BYA'O, ,'DIR BYANG CHEN BYAMS PA BLA MED RDZOGS BYANG DU MNGON PAR SANGS RGYAS NAS GZUGS RTAG CES BYA BA'AM MI RTAG CES BYA BAR CHOS STON PAR MI 'GYUR RO, ZHES SO, ,GNYIS PA NI TSOR BA YID DU MI 'ONG BA'I SDUG BSNGAL DANG DE MED PA'I SDUG BSNGAL MA YIN PA'I MTHA' DANG BRAL BA NYID KYIS BCINGS THAR MED PA'I PHYIR, RTAG CHAD KYI MTHA' LAS 'DAS PA'AM DE DANG BRAL BA STE GZUGS SHIN TU RNAM PAR DAG GO ZHES SHIN TU RNAM PAR DAG PA'I CHOS STON PAR 'GYUR RO ZHES SO, ,GSUM PA NI DON GZHAN GYI BDAG GIS STONG PA DANG DE MIN PA'I MI STONG PA'I MTHA' DANG BRAL BA'I PHYIR, MTHA' DE GNYIS KYIS RNAM PAR DAG PA STE, GZUGS YONGS SU DAG PA'I PHYIR YUM YONGS SU DAG PA'O, ZHES SO, ,BZHI PA NI NGO BOR GYUR PA'I BDAG DANG DE MED PA'I BDAG MED PA'I NGO BO NYID MA YIN PA NYID KYIS RANG GZHAN LAS MA SKYES PA DANG, DE MED PAS MA 'GAGS PA DANG, CHAGS SOGS KUN NAS NYON MONGS PA MA YIN PA DANG, DE MED PA'I RNAM PAR BYANG BA MA YIN PA DANG SOGS PAS NYAMS 'PHEL MI RIGS PA STE, GZUGS KYI SKYE BA MED PA DANG 'GAG PA MED PA DANG

KUN NAS NYON MONGS PA MED PA DANG RNAM PAR BYANG BA MED PA NI GZUGS YONGS SU DAG PA'O, ZHES SO, ,GNYIS PA NI, SDUG BSNGAL KUN 'BYUNG BA'I BDEN PA RTOGS PAR BYED TSUL GYI RNAM PA BZHI DAG YIN NO, ,DE DAG GANG NA, DANG PO NI SDUG BSNGAL GYI BYED RGYU DANG DE MED PA'I RGYU MA YIN PA GSOG STE RDZUN PA NYID KYI PHYIR NAM MKHA' DANG 'DRA BA STE, GZUGS NAS RNAM MKHYEN GYI BAR NAM MKHA' LTAR SKYE BA MED PA DANG 'GAG PA MED PA DANG KUN NAS NYON MONGS PA MED PA DANG RNAM PAR BYANG BA MED PA'I PHYIR YUM YONGS SU DAG PA'O, ZHES SO, ,GNYIS PA NI SDUG BSNGAL KUN 'BYUNG BA DANG DE MED PA'I KUN 'BYUNG BA MED PA DANG MI LDAN PA STE BRAL BA'I PHYIR, CHAGS SOGS NYON MONGS PA DANG KHRO BA DANG KHON 'DZIN SOGS NYE BA'I NYON MONGS PA THAMS CAD SPANGS PA STE, NAM MKHA' LTAR GZUGS NAS RNAM MKHYEN GYI BAR GOS PA MED PA'I PHYIR YUM YONGS SU DAG PA'O, ZHES SO, ,GSUM PA NI DE'I TSE DANG YUN RING PO'I SDUG BSNGAL RAB TU SKYE BA DANG DE MED PA'I RAB TU MI SKYE BA DANG MA 'BREL BA STE DE GNYIS DANG BRAL BA'I PHYIR YONGS SU 'DZIN PA LAS GROL BA STE, NAM MKHA' LTAR GZUGS NAS RNAM MKHYEN GYI BAR DU GZUNG DU MED PA'I PHYIR YUM YONGS SU GZUNG DU MED PA'O ZHES SO, ,BZHI PA NI SDUG BSNGAL GCIG NAS GCIG TU BRGYUD PA'I RKYEN DANG DE MED PA'I RKYEN MA YIN PA LAS RNAM PAR GROL BA'I PHYIR, RANG GI NGO BO SGRAS BRJOD DU MED PA STE, DPER NA NAM MKHA'

, ,LA BRAG CHA GNYIS KYI SGRA JI LTA BA DE BZHIN DU RAB 'BYOR NAM MKHA' LTAR GZUGS NAS RNAM MKHYEN GYI BAR DU THA SNYAD MED PA'I PHYIR YUM YONGS SU DAG PA'O, ZHES SO, ,SGRA BRNYAN GNYIS DPER MDZAD PA NI, 'CHAD NYAN GNYIS KYIS LAN 'DEBS PA DANG 'DRI BA'I THA SNYAD GNYIS DANG TSUL BSTUN PA'I DON DU'O, ,GSUM PA NI, 'GOG PA'I BDEN PA RTOGS PAR BYED TSUL GYI RNAM PA BZHI DAG YIN NO, ,GANG NA, DANG PO NI RGYU MTSAN GANG GI PHYIR NYON MONGS PA DANG BRAL BA'I 'GOG PA DANG, DE MED PA'I 'GOG PA MED PA DANG MA 'BREL BA STE GNYIS DANG BRAL BA DE'I PHYIR, 'GOG BDEN GYI DON NYON MONGS DANG BRAL BA DE TSIG TU BRJOD PAS 'GRO BA GZHAN GYI RGYUD DAG LA SBYIN DU MOD PA STE, GZUGS NAS RNAM MKHYEN GYI BAR DU BRJOD DU MED PA'I PHYIR YUM YONGS SU DAG PA'O ZHES SO, ,'DIS BRJOD PA BKAG PAS DE'I SGO NAS GZHAN LA SBYIN PA YANG BKAG GO ,GNYIS PA NI YANG DAG PAR NA SDUG BSNGAL ZHI BA DANG DE MED PA'I MA ZHI BA'I MTHA' GNYIS MED PAS, DMIGS PA MED PAR BYED PA STE MI DMIGS PAR SHES PAR BYA BA STE, GZUGS NAS RNAM MKHYEN GYI BAR DU DMIGS SU MED PA'I PHYIR YUN YONGS SU DAG PA'O, ZHES SO, ,GSUM PA NI BDE GTZANG GIS GYA NOM PA DANG DE MED PA'I GYA NOM PA MA YIN PA'I MTHA' GNYIS DANG BRAL BA'I PHYIR, SHIN TU RNAM PAR DAG PA STE RTAG CHAD KYI MTHA'I DRI MA LAS

'DAS PA STE, GZUGS NAS RNAM MKHYEN GYI BAR DU SHIN TU RNAM PAR DAG PA'I PHYIR YUM YONGS SU DAG PA'O, ZHES SO, ,BZHI PA NI NGES PAR 'BYUNG BA MYANG 'DAS DANG DE MED PA'I NGES PAR 'BYUNG BA MA YIN PA MED PA NYID KYIS TE, MTHA' DE GNYIS DANG BRAL BAR RTOGS NA, MIG GI NAD LA SOGS PA'I NAD THAMS CAD MI SKYE ZHING LHA DU MA PHYI BZHIN DU 'BRANG BA LA SOGS PA'I PHAN YON DU MA SKYED PA'O, ,RTOGS DKAR PHYI NANG GI MU STEGS PA'I LTA BA 'JIG PA NAD MI SKYE BA'I DON DU 'DOD PA MDO DANG MI MTHUN NO, ,MDO NI BCOM LDAN 'DAS DE LA MIG GI NAD 'BYUNG BAR MI 'GYUR RO RNA BA'I NAD DANG, SNA'I NAD DANG, LCE'I NAD DANG, LUS KYI NAD 'BYUNG BAR MI 'GYUR RO, ,YID KYI NAD 'BYUNG BAR MI 'GYUR RO, ,YAN LAG MA TSANG BAR MI 'GYUR RO, ,LUS RGAS PA DANG 'KHOGS PAR MI 'GYUR RO, ,RIGS KYI BU'AM RIGS KYI BU MO DE NI MI BDE BA SPANGS NAS DUS BYED PAR 'GYUR RO, ZHES DANG, LHA RNAMS KYANG DE'I PHYI BZHIN 'BRANG BA DANG, TSES BRGYAD DANG BCU BZHI DANG BCO LNGA DAG LA CHOS BSTAN PAS BSOD NAMS CHES 'PHEL BA DANG DE'I 'THAD PAR DE'I TSE DER LHA RNAMS MCHOD PA DANG LTA BA DANG NYE BAR GNAS PAR GSUNGS PA'O, ,BZHI PA NI, LAM GYI BDEN PA RTOGS PAR BYED TSUL GYI RNAM PA BZHI DAG YIN NO, ,DE DAG GANG NA, DANG PO NI THAR PAR 'KHRID PA'I LAM DANG DE MED PA'I LAM MA YIN PA'I MTHA' GNYIS DANG BRAL BA'I PHYIR TE BRAL BAR RTOGS PA NA, NGAN SONG GSUM DU SKYE BA CHAD CING

, ,BDE 'GROR SKYE BA 'DZIN PA DANG RNAM PAR BYANG BA'I CHOS KUN GYI RGYU BYED NUS PA STE, YUM RIN PO CHE 'DI BSTEN PAR GYUR NA SEMS CAN DMYAL BA LAS YONGS SU GROL BAR 'GYUR RO, ZHES SO, ,'DI DANG 'GOG PA'I RNAM PA THA MA GNYIS PHAN YON GYI RNAM PAS BSTAN TO, ,GNYIS PA NI NYON MONGS KYI GNYEN PO BYED BA'I RIGS PA DANG DE MED PA'I RIGS PA MA YIN PA DANG MA 'DRES PA STE BRAL BA'I PHYIR, 'BRAS BU MNGON DU BYA BA'I THABS LA 'KHOR GSUM DU RNAM PAR MI RTOG PA NYID DE, PHAR PHYIN RIN PO CHE DE LA NI CHOS GANG YANG SKYE BA'AM 'GAG BA'AM KUN NAS NYON MONGS PA'AM RNAM BAR BYED BA'AM YONGS SU BZUNG BA'AM 'DOR BA MED DO, ZHES RTOG PA DE DAG MED PAR BSTAN PA'O; ;GSUM PA NI SEMS PHYIN CI MA LOG PA'I SGRUB BA DANG DE MED PA'I SGRUB PA MA YIN PA LAS RNAM PAR GROL BA NYID KYIS GZUGS SOGS CHOS THAMS CAD KYI MTSAN MA SNGO SOGS DANG MA 'BREL BA STE, PHAR PHYIN RIN PO CHE 'DI CHOS GANG GIS KYANG GOS PA MED PA'O ZHES SO, ,SH'ANTI PAS NGAN SONG CHAD DANG MI RTOG DANG, ,'BRAS BU MNGON DU BYA BA LA, ,MTSAN MA DAG DANG MA 'BREL DANG, ZHES 'DON NO, ,BZHI PA NI RTAG PHAN GYI GNAS SU 'GRO BA'I NGES 'BYIN DANG DE MED PA'I NGES 'BYIN MA YIN PA'I MTHA' GNYIS MED PA NYID KYIS BRJOD PAR BYA BA'I DNGOS PO'I MTSAN NYID SHES BYA STE DON DANG RJOD PAR BYED PA'I NGO BO'I MTSAN NYID SGRA GNYIS LA BRJOD BYA RJOD BYED THA DAD DU 'DZIN

PA'I SHES PA SKYE BA MED PA STE, BYANG TSE DE LTAR RNAM PAR MI SHES TE DE LTAR RNAM PAR RTOG PAR MI BYED CING DE LTAR MI DMIGS TE DE LTAR 'PHRO BAR YANG MI BYED NA YUM LA SPYOD YUM LA SGOM PA'O, ZHES SO, ,SH'ANTI PAS, DNGOS DANG MING NI MING DON DANG, GNYIS PO LA ZHES PA DE BZHIN NYID DANG YE SHES SO ZHES BZHED DO, ZHES BYA BA NI THAMS CAD KYI MTHAR RO, ,GNYIS PA NI, SGRO'I DOGS SO GNYIS DANG BRAL BA DE LTA BU'I RNAM PA CAN GYI KUN SHES PA NYID KYI SKAD CIG MA BCU DRUG PO DE DAG NI BYANG SEMS RNAMS KYI MTHONG BA'I LAM YIN NO, ,DE LTAR NA RNAM PA LA YUL GYI DON RNAM DANG YUL CAN BCU DRUG GIS RTOGS TSUL GYI SHES RNAM GNYIS GNYIS YOD PA YIN NO, ,GNYIS PA NI, MTHONG BA'I LAM BSTAN PA YIN NO, ,GANG DU NA, KUN SHES PA NYID LA STE DE'I SKABS SU'O, ,GANG NA, NYAN THOS DANG RANG RGYAL RNAMS KYIS SGRO 'DOGS SO GNYIS DANG BRAL BA DE LAS BZLOG PA MI RTAG PA LA SOGS PA RNAM PA BCU DRUG DAG TU ZHEN NAS BSGOM PAR BYA BA NI'O, ,TSIG GANG GIS NA, GZUGS RTAG MA YIN ZHES SOGS KYIS DNGOS SU BYANG SEMS KYI MTHONG LAM RJES 'GRO'I SGO NAS BSTAN PAS DE'I SHUGS KYIS SO, ,GSUM PA LA GNYIS, GZHAN DANG, RANG GI LUGS SO, ,DANG PO NI, 'DIR MA BSTAN PA'I SGOM LAM NI NYAN THOS KYI SGOM LAM NYI TSE LA BYAS NAS DE BYANG SEMS KYIS SGOM PA'I YAN LAG TU BSTAN MI RIGS LA SHES PA'I YAN LAG TU MTHONG LAM

, ,BSTAN PA NYID KYIS CHOG CES GANGS CAN BA RNAMS 'CHAD DO, ,THUB DGONGS SU YANG, BYANG CHUB SEMS DPAS SHES PAR BYA BA'I MNGON DU BYA BA NI MA YIN NO, ,DE NYID KYI PHYIR 'DI RNAMS KYI SGOM PA'I LAM BCOM LDAN 'DAS MAR MA BSTAN TO, ,BYANG CHUB SEMS DPA' RNAMS KYIS GZHAN GYI DON DU NI JI LTAR MTHONG BA KHO NA'I DON YANG DANG YANG DU MNGON DU PHYOGS PAR BYA BA NI BSGOM PA'I LAM MO ZHES NYE BAR BSTAN TO, ,DE LTA NA YANG BCOM LDAN 'DAS MAR MA GSUNGS PA NI RTOGS PAR SLA BA NYID KYI PHYIR RO, ZHES NYAN THOS KYI SGOM LAM BYANG SEMS LA RANG DON DU BSTAN MI DGOS SHING, GZHAN DON DU NI MTHONG LAM GYIS MTHONG BA'I DON GOMS PAR BYED PA DE NYID SGOM LAM MO ZHES BSTAN PAS CHOG PAS RTOGS SLA BA'I PHYIR MA GSUNGS SO ZHES 'DOD DO, ,DE GNYIS KA YANG 'PHAGS PA DANG SLOB DPON GYI BZHED PA MA YIN NO, ,GNYIS PA NI, 'O NA BZHED PA GANG NA PHYIR GZHUNG 'DI'I RNAM GZHAG DANG POR 'PHAGS PAS MDZAD LA, DE'I RJES SU 'BRANGS NAS SLOB DPON DANG RNAM 'GREL GYIS KYANG BKOD PA YIN TE, NYI SNANG LAS, YANG CI'I DON GYIS LAM SHES PA NYID BZHIN THAMS CAD SHES PA NYID LA SGOM PA'I LAM LOGS SHIG PA MED CE NA, NYAN THOS DANG RANG SANGS RGYAS KYI PHUN SUM TSOGS PA NI BYANG CHUB SEMS DPA'I SHES PA DANG MTHONG BAS BLTAS NAS 'DA'O ZHES GSUNGS PAS NA 'DI NI GZHAN GTZO BOR BYED

BA'I PHYIR RO, ZHES BYA BAR DGONGS PA YIN NO, ,GZHAN YANG RGYUN DU ZHUGS PA ZHES PA NAS BZOD PA GANG YIN ZHE NA ZHES SOGS DRANGS SHING BSHAD DO, ,'DI'I DGONGS PA NI, GZHI SHES SU BYANG SEMS KYI SGOM LAM MI STON PA'I RGYU MTSAN DU SNANG STE, DE NYID LAS, NYAN THOS DANG RANG SANGS RGYAS KYI PHUN SUM TSOGS PA NI ZHES SOGS DRANGS NAS DE'I 'OG TU SHES PA DANG MTHONG PA'I TSIG GIS NYAN THOS DANG RANG SANGS RGYAS KYI SA DAG LA NI BYANG CHUB SEMS DPA'I SGOM LAM YOD PA MA YIN PAR SHES PAR BYA BA'I DON TE, YANG RGYU CI ZHIG GI PHYIR DE LA 'DI'I SGOM PA'I LAM BKAG CE NA, RGYUN DU ZHUGS PA NAS RANG SANGS RGYAS KYI BAR GYI SHES PA DANG SPANGS PA GANG YIN PA DE NI BYANG CHUB SEMS DPA'I BZOD PA YIN NO ZHES GSUNGS PA YIN TE, GZHAN GTZO BOR BYED BA'I PHYIR RO, ZHES BYA BA'I THA TSIG GO ZHES RNAM 'PHEL GYI THAD DU NYAN RANG GI SA LA BYANG SEMS KYI SGOM LAM MED PA'I RGYU MTSAN DU SNGAR LAN DU DRANGS PA'I MDO GNYIS PA BKOD PAS SO, ,RGYAN SNANG DU YANG CI'I PHYIR LAM SHES PA LA JI SKAD BSTAN PA DE BZHIN DU THAMS CAD SHES PA NYID LA YANG SGOM PA'I LAM LOGS SHIG PA MED CE NA, NYAN THOS DANG RANG SANGS RGYAS KYI PHUN SUM TSOGS PA NI BYANG CHUB SEMS DPA'I SHES PA DANG MTHONG BAS BLTAS NAS 'DA' BAR BYA'O, ZHES GSUNGS PAS MNGON SUM DU BYA BA MA YIN PA'I PHYIR BYANG CHUB SEMS DPA' RNAMS LA MA BSTAN TO, ,NYAN THOS LA SOGS PA LA YANG JI LTAR MTHONG BA'I DON

, ,NYID YANG DANG YANG DU MNGON DU BYED BA SGOM PA'I LAM YIN PAS GO SLA BA'I PHYIR MA GSUNGS SO ZHES PA'I LAN DANG PO NI NYI SNANG DANG MTHUN LA NYAN THOS ZHES SOGS KHA BSKANG NAS BSHAD DO, ,LAN DE GNYIS KYI DON YANG RTOGS DKA' LAS, LAM SHES PA NYID LA JI LTA BA DE BZHIN DU THAMS CAD SHES PA NYID LA NYAN THOS DANG BYANG CHUB SEMS DPA' DAG GI SGOM PA'I LAM SO SOR MED CE NA, ZHES DRIS PA'I LAN DU RGYAN SNANG LTAR BKOD NAS LAN DANG PO BYANG SEMS KYI SGOM LAM DANG, GNYIS PA NYAN THOS KYI SGOM LAM MI STON PA'I RGYU MTSAN DU SBYAR BA NYID SLOB DPON GYI DGONGS PA'O, ,'GREL PA 'DIR NI PHYI MA'I RGYU MTSAN LA BKOD DO, ,TSIG GI DON NI, RTZOD PA SNGAR LTAR BKOD NAS GZHI SHES KYI SKABS SU BYANG SEMS LA MTHONG LAM LAS LOGS PAR BYANG SEMS KYI SGOM PA'I LAM NI MA BSTAN TO, ,RGYU MTSAN NI, NYAN THOS DANG RANG SANGS RGYAS RNAMS KYI LAM NI BYANG SEMS KYIS MTSAN NYID SHES NAS 'DA' BAR BYA BA YIN GYI BSGOMS TE MNGON DU BYA BA NI MA YIN PAS SO, ,RTAGS GRUB STE, NYAN THOS NAS BYA'O ZHES GSUNGS PAS SO, ,'O NA NYAN THOS KYI SGOM LAM MI STON PA CI ZHE NA, MA BSTAN KYANG GO SLA BA'I PHYIR TE, GZUGS RTAG MA YIN ZHES SOGS KYI SHUGS LA MTHONG LAM GSAL BAR RTOGS LA DE RTOGS PA NA MTHONG BA'I DON DE NYID GOMS PAR BYED PA SGOM LAM MO ZHES SHES PA'I PHYIR RO, ,NYI SNANG LTAR NA, NYAN RANG GIS GZHI SHES SU BYANG SEMS KYI SGOM

LAM MI STON TE, BYANG SEMS NI GZHAN DON GTZO BOR BYED PA'I SGO NAS NYAN RANG GIS LAS SHES NAS 'DA'O ZHES DANG, NYAN RANG GI RTOGS PA RNAMS BYANG SEMS KYI MTHONG LAM DU RDZOGS PAR GSUNGS PA'I PHYIR RO, ZHES RGYU MTSAN GNYIS SBYAR RO, ,DES NA GNAS NAS DANG, SHES NAS 'DA' BA GNYIS LAS, NYAN RANG GI SA LA DANG PO LTAR BYANG SEMS KYIS BYED NA SGOM LAM STON RIGS KYANG PHYI MA BYED PAR GSUNGS PA'I PHYIR, DE DAG GI RTOGS RIGS SA DANG POR RDZOGS PAS SGOM LAM DU SLAR YANG THOB PAR BYA BA MED PAS SO SNYAM DU DGONGS SO, ,'DIR NYAN RANG GI SA GZHI SHES LA BYANG SEMS KYI SGOM LAM MED PAR STON PA 'THAD KYI THEG DMAN GYI SGOM LAM MI STON PAR 'DOD NA 'DIR BSTAN PA'I RGYU MTSAN 'DI MTHONG LAM LA YANG 'JUG PAS DE MI STON PAR THAL BA SUS KYANG MI BZLOGS SO, ,DRUG PA LA GSUM LAS, DANG PO NI, GONG GI DE LTAR MKHYEN GSUM RGYAS PAR BSTAN NAS DE'I 'OG TU THAMS CAD MKHYEN PA NYID GSUM MJUG BSDU BA GSUNGS SO, ,'O NA MDOR MKHYEN GSUM LA MJUG SDUD MDZAD NAS MNGON RTOGS GZHAN LNGA LA MI GSUNG BA CI ZHE NA, MKHYEN GSUM NI MNGON RTOGS BRGYAD KYI DON MTHA' DAG SDUD PAR BYED PA NYID KYIS GTZO BO YIN PAS SO, , DON NI, MKHYEN GSUM LA 'DI TZAM GYIS BSHAD ZIN TO ZHES BA'I MJUG SDUD KYI RDZOGS TSIG 'ONG BA NI DER MNGON RTOGS THAMS CAD 'DUS PAS DE RGYAS PAR BSHAD PAS GZHAN RNAMS KYANG DON GYIS BSHAD ZIN BA'O ZHES

, ,PA'O; ;GNYIS PA NI, YONGS SU BSTAN PA YIN NO, ,GANG NA, GNAS SKABS GSUM PO DAG GO ,JI LTAR NA RDZOGS PA STE BSHAD ZIN PA'O, ,SU'I GNAS SKABS SHE NA, SNGAR BSHAD PA DE LTAR DANG PO GZHI SHES DANG GNYIS PA LAM SHES DANG GSUM PA RNAM MKHYEN GYI SKABS SO, ,DE LTAR NA RGYAS BSHAD KYI TSE RNAM MKHYEN NAS YAS RIM GYIS GSUNGS KYANG, MJUG BSDU BA'I TSE DE LAS BZLOG STE MAS RIM GYIS BSDUS SO, ,TSIG GANG GIS NA, 'DI ZHES PA, RAB 'BYOR YUM 'DI NI TSES GANG YANG THOB PAR BYED PA MA YIN MI THOB PAR BYED PA MA YIN DE BZHIN DU SBYAR NAS STON PAR BYED PA MA YIN MI STON PAR BYED PA STER BAR 'PHROG PAR SKYED PAR 'GOG PAR CHAD PAR RTAG PAR DON GCIG PAR DON SNA TSOGS PAR 'ONG BAR 'GRO BAR KUN NAS NYON MONGS PAR, RNAM PAR BYANG BAR 'GRIB PAR 'PHEL BAR BYED PA MA YIN, 'DAS PAR MA YIN, MA 'ONGS PAR MA YIN, DA LTAR BYUNG BAR BYED PA MA YIN NO, ZHES BYA BA 'DIS DANG PO GZHI SHES KYI SKABS YONGS SU RDZOGS PAR STON TE, GZHI SHES NI GZHI THAMS CAD PA'I YUL CAN YIN PAS GZHI'I CHOS THAMS CAD LA BZLOG PA'I ZLA DANG BCAS PA GNYIS GNYIS KYI RNAM RTOG BKAG PAR GSUNGS PAS SO, ,NYI SNANG LAS 'DI LA TSIG BCU DGU ZHES 'BYUNG BAS DUS GSUM PO GCIG TU SDUD PAR GSAL LO, ,YANG 'DI ZHES PA, RAB 'BYOR YANG YUM 'DI NI 'DOD PA'I KHAMS LAS SHIN TU 'DA'

PAR BYED PA MA YIN GNAS PAR BYED PA MA YIN, ZHES DANG, DE BZHIN DU KHAMS GZHAN GNYIS LA DANG SBYIN PA'I PAR PHYIN STE RA BAR BYED PA MA YIN SER SNA 'PHROG PAR BYED PA MA YIN, ZHES PA NAS, RNAM MKHYEN NYID STER BAR BYED PA'AM 'PHROG PAR BYED PA MA YIN, ZHES PA 'DIS GNYIS PA LAM SHES KYI SKABS YONGS SU RDZOGS PAR STON TE, LAM SHES NI SRID PAS BSDUS PA'I MI MTHUN PA DANG MYANG 'DAS KYIS BSDUS PA'I GNYEN PO LA BLANG DOR GYI RNAM RTOG MED PA YIN LA 'DIR YANG DE LTAR BKAG PAR GSUNGS PAS SO, ,NYI SNANG LAS, KHAMS GSUM LAS 'DA' BAR BYED PA MA YIN, MYANG 'DAS KYI DBYINGS LA GNAS PAR BYED PA MA YIN, RNAM MKHYEN STER BAR BYED PA MA YIN, NYAN RANG GIS 'PHROG PAR BYED PA MA YIN ZHES DRANGS PA'I PHYI MA GNYIS NI LE BRGYAD MAR MED DO, ,YANG 'DI YIN TE, ZHES PA, RAB 'BYOR YUM 'DI NI SANGS RGYAS KYI CHOS RNAMS STER BAR BYED PA'AM 'PHROG PAR BYED PA MA YIN, DE BZHIN DU SO SO SKYE BO'I CHOS RNAMS DANG NYAN THOS DANG RANG SANGS RGYAS KYI CHOS RNAMS DANG 'DUS BYAS DANG 'DUS MA BYAS KYI CHOS RNAMS LA YANG SBYAR NAS, DE'I 'THAD PAR DE BZHIN GSHEGS PA BYUNG RUNG MA BYUNG RUNG CHOS NYID DE GNAS PA DANG DE BZHIN GSHEGS PAS THUGS SU CHUD NAS GZHAN LA STON PA LA SOGS PAR GSUNGS PA 'DIS GSUM PA RNAM MKHYEN GYI SKABS YONGS SU RDZOGS PAR BSTAN PA YIN TE, RANG GZHAN GYI DON GYIS BSDUS PA'I RNAM PA'I CHOS

, ,THAMS CAD STER 'PHROG MED PAR MNYAM PA NYID DU RTOGS PA DANG, RTOGS PA LTAR GZHAN LA 'CHAD PA'I RGYU RNAM MKHYEN YIN PAR GSUNGS PAS SO, ,DE LTAR NA SKABS GSUM PO DE RDZOGS PAR STON PA NI MDO DE GSUM YIN LA, RDZOGS PAR STON PA'I DON NI, DE DAG GIS RNAM MKHYEN GYI CHOS BCU LA SOGS PA MA LUS PAR STON PA LA MI GZUNG GI MDO DE GSUM MJUG BSDU YIN PAS DE GSUM GYIS MKHYEN GSUM GYI SKABS RGYAS PAR BSHAD ZIN PAR STON PA'I DON TO, ,CHEN PO DAG GNAS SKABS GSUM LE'U GSUM LA MDZAD NAS DES MKHYEN GSUM BSTAN PA YANG SNGAR GYI MDO GSUM PO DES MKHYEN GSUM RDZOGS PAR BSTAN CES 'PHAGS PA'I DGONGS PAR 'CHAD PA NI, DE'I DGONGS BA MIN ZHING NANG 'GAL TE, NYI SNANG LAS GNAS SKABS GSUM MKHYEN GSUM LA MDZAD NAS DE RDZOGS PAR STON BYED MDO TSAN PA GSUM LA MDZAD PA DANG, MDO DE GSUM SPYOD PA KHYAD PAR CAN GYI LE'U'I NANG DU YOD PAS DE GSUM SKABS 'DI'I STON BYED YIN NA, LE'U GSUM STON BYED YIN PA 'GAL BAS SO, ,GZHAN YANG LE'U GSUM NI RGYAS BSHAD KYI MDO YIN LA 'DIR NI MJUG BSDU'I MDO SBYAR DGOS PAS DE GNYIS MA PHYED PA'I PHYIR RO, ,'KHRUL BA DE DAG KYANG RDZOGS PAR BSTAN CES PA'I RDZOGS PAR BSTAN LUGS MA MKHYEN PAS NONGS SO, ,'DI MA PHYED PAS 'GREL PAR YANG LE'U GSUM GYI ZHES DRUG SGRA DGOS PA LA LE'U GSUM GYIS ZHES BYED PA PO'I TSIG SBYAR NAS GZHUNG MA DAG PA 'DOR MA NUS SO, ,

DES NA BSTAN BCOS SU MKHYEN GSUM RDZOGS PAR BSTAN CES PA TZAM LAS MED PA'I TSIGS BCAD 'DI LA, 'GREL MDZAD RNAMS KYIS MDO TSAN PA GSUM PO DE SBYAR NAS MJUG SDUD KYI MDO YUM GYI RGYAN DANG SBYOR BAS NA MJUG BSDU'I NGES MJUG JI LTAR BSDUS DPYAD PA NI GNAD KYI DON TO, ,SDUD PA'I TSUL MAS RIM NAS SDUD PA DANG GNAS SKABS GSUM MKHYEN GSUM LA BYED PA NI SH'ANTI YANG 'PHAGS PA DANG MTHUN NO, ,GSUM PA NI, YONGS SU RDZOGS PAR MDZAD PA STE MJUG BSDUS PA YIN NO, ,GANG NA, RAB 'BYOR MTHA' GNYIS RNAM DAG SPYOD PA KHYAD PAR CAN GYI LE'U GSUM GYI DON RNAM PA GSUM PO DE'O, ,DE YANG GANG NA, RNAM MKHYEN 'DI DANG LAM SHES PA NYID 'DI DANG THAMS CAD SHES PA NYID 'DI LTA STE DE LTAR SNGAR BSHAD PA GSUM PO'O, ,'O NA MKHYEN PA DANG PO GNYIS LA 'DI ZHES PA MI 'THAD DE, BSHAD MA THAG PA'AM 'CHAD 'GYUR MIN PAS SHE NA, BSHAD MA THAG PA DNGOS MIN KYANG BSHAD MA THAG PA'I TSUL DU STE DE DANG 'DRA BA YIN PAS NYES PA MED DO, ,DE LTAR NA 'GREL PAS 'DI DANG YANG 'DI DANG YANG 'DI YIN DE, DE LTAR GNAS SKABS GSUM GYI RNAM PA GSUM RDZOGS PAR MDZAD CES RTZA BA'I GO RIMS DE LTAR MDZAD DO, ,GANG GIS NA, SNGAR DRANGS PA'I MDO GSUM GYIS SO, ,YAS RIM NAS SDUD PA 'DI NI BRGYAD STONG PA'I MDO DANG SBYOR LUGS YIN TE, RGYAN SNANG DANG SNYING PO MCHOG TU DE LTAR BSHAD CING SNGA MAS MDO TSAN PA GSUM SO SOR SBYAR RO, ,RTZA 'GREL 'DI DAG LA GANGS CAN PA RNAMS KYIS

, ,NGAL BA DU MA BYAS KYANG DON JI LTA BA BZHIN DU NI RING MO ZHIG NAS GSAL BAR GYUR TO, ,GSUM PA NI, SNGAR LTAR RO, ,SHER PHYIN GYI MAN NGAG GI BSTAN BCOS MNGON RTOGS RGYAN 'GREL PA DANG BCAS PA'I RGYA CHER BSHAD PA LEGS BSHAD GSER GYI PHRENG BA ZHES BYA BA MANG DU THOS PA SHAR TZONG KHA PA BLO BZANG GRAGS PA'I DPAL GYIS SBYAR BA LAS, SKABS GSUM PA'I BSHAD PA'O,, ,,