Volume I of 'Fine Explanation, a String of Golden Beads,' being an Extensiv

, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RGYA CHER BSHAD PA'I LEGS BSHAD GSER PHRENG ZHES BYA BA BZHUGS SO,,

, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RGYA CHER BSHAD PA LEGS BSHAD GSER GYI PHRENG BA ZHES BYA BA; RGYAL BA MA PHAM PA THUGS RJE CHEN PO DANG LDAN PA LA GUS PAS PHYAG 'TSAL LO, ,PAD DKAR MIG DANG RI 'JOMS GSER GYI MNGAL, ,NYA YI TOG DANG GA GA 'DZIN PA SOGS, ,CHER RLOM RNAMS KYI LAM LAS CHER 'PHAGS PA, ,RGYAL BA'I LUGS BZANG RING DU RGYAL GYUR CIG ,RAB DKAR LHAG BSAM DAG PA'I GSER GZHI ZHE SDANG RDUL GYIS DPEN PA'I STENG, ,GTING MTHA' BRAL BA'I STONG NYID RGYA MTSO BRTZON PA'I MGYOGS 'GROS BSRUBS LAS BSKRUN, ,RGYA CHEN SPYOD PA'I RLABS CHEN LEGS 'KHRIGS BSDU BZHI'I CHU GTER SKA RAGS CAN, ,PHUN TSOGS DPAL GYIS

, ,MNGON PAR MTHO BA'I SKYABS GSUM LHUN PO GTZUG GIS MCHOD, ,DPAG YAS YON TAN NOR BUS BLTAMS, ,SKAL LDAN KLU DBANG RNAMS KYIS BSTEN, ,SRAS BZHI'I CHU GTER BZHI BSKRUN PA, ,RGYAL YUM MA DROS MTSO CHEN GYIS, ,GZHUNG LUGS 'DAB BRGYA'I PHRENG BA TSAR DU DNGAR, ,RNAM DPYOD LO 'DAB CHA SHAS YONGS SU RDZOGS, ,LEGS BSHAD 'OD STONG ZER GYIS KHA PHYE BA'I, ,BDAG BLO PAD DKAR TSAL DE RING DU SKYONGS; ;RNAM DAG LEGS LAM LAM GYI MCHOG GYUR RGYAL DANG DE SRAS SLOB MA'I YUM, ,YUM DON CHES ZAB ZAB MO'I MDO SDER SPAS PA'I TSUL GYIS GSUNGS PA GANG, ,GANG GI TSIG DON DON BZHIN GSAL BAR NYID KYIS JI BZHIN RTOGS PA DE, ,DE LTAR LEGS STON STON PA'I RGYAL TSAB RGYAL SRAS MI PHAM MGON DE RGYAL, ,GANG LA BRTEN NA YUM DON RGYA MTSO YI, ,'JUG NGOGS CHE DER BDE BLAG SGROL BA'I GRU ,RGYAL YUM RGYAN 'DI GANG GI THUGS RJE YIS, ,'GRO LA SNANG MDZAD THOGS MED DE LA 'DUD, ,RAB GSAL CHES MYUR SPOBS PAS BSGRUBS PA'I RIGS PA'I GLOG PHRENG DRAG TU 'KHYUG ,MI SHES TSA GDUNG KUN NAS BSIL BYED LEGS BSHAD

CHU YI LJID KYIS NON, ,STONG NYID NGA RO RAB TU BRJID PA'I 'BRUG SGRA'I DPAL GYIS NYER MDZES PA, ,SENG BZANG ZHES GRAGS CHU 'DZIN GANG DE THUB BSTAN NAM MKHA'I RGYAN DU GYUR, ,KE LA SHA YI MDANGS 'PHROG PA'I, ,SA 'DZIN DKAR POS PHYOGS RNAMS KUN, ,BAR MTSAMS MED PAR DKRIGS NA YANG, ,MI SHIS SMAG RUM 'THIBS PA 'DIR, ,RGYAL BA'I BKA' DANG DE DON 'BYED LA DBANG DU GYUR PA'I MKHAS PA'I GSUNG, ,SGRA DON JI BZHIN LEGS PAR BSGYUR NAS 'GRO BA RNAMS LA THAR PA'I LAM, ,GSAL BAR MDZAD PAS GANGS RI'I KHROD 'DI LHA DANG BCAS PA'I 'JIG RTEN GYI, ,COD PAN THOD KYIS BKUR BA'I ZHING DU BRTZON PA DU MAS BSGRUBS PA GANG, ,SPRUL PA'I LO PAn RNAMS DANG NI, ,SA SKYONG BLON POR BCAS PA LA, ,DUS RNAMS KUN TU BDAG GI YID, ,RAB DANG SGO NAS SKYABS SU MCHI, ,DON ZAB RGYAL BA'I GSUNG GI GRUR ZHUGS TE, ,GRUB MTHA' RGYA MTSO'I PHA ROL SON GYUR CING, ,RNAM GREL RIN CHEN GLING DU LUS CAN RNAMS, ,KUN NAS BKRI MDZAD CHOS RJE'I ZHABS LA 'DUD, ,BLO GSAL RGYU SKAR BYE BA'I DBUS NA BRJID, ,PHRIN LAS 'OD DKAR PHYOGS BCU KUN TU GSAL, ,LEGS BSHAD BDUD RTZI'I ZER GYIS BDAG BLO'I MTSO, ,MDZES PA SKYED MDZAD YONGS 'DZIN RNAM BZHI RGYAL, ,DES DON SBRANG RTZI'I BCUD KYIS STOBS RGYAS SHING, , GSUNG RAB PAD MO'I MTSO CHEN NANG ZHUGS NAS, ,GZHUNG DON DAR 'DIR SGROGS PA'I BUNG BSU, ,YONGS 'DU'I SHING BZHIN 'DI NA ZLA YIS DBEN, ,DE SLAD RJOD BYED SGRIGS DANG BRJOD BYA LA, ,RANG LA YID BRTAN CUNG ZAD MED GYUR KYANG, ,GZHAN GYI ZER

, ,ZLOS 'BA' ZHIG RJES 'BRANG BA'I, ,GZHUNG RTZOM SGRA BRNYAN DE DAG NGAL SOS DANG, ,ZAB BRLING DON BZANG BDUN CU'I RIN CHEN PHRENG, ,SDEB LEGS TSIG GI SPAD BU LA BRGYUS SHING, ,LUNG RIGS GZI 'OD BRGYA YIS BSTAR BA YI, , BLO GSAL MGRIN PA'I RGYAN GCIG BDAG GIS SPEL, ,NGO MTSAR LEGS BSHAD GSER GYI PHRENG BA 'DIS, ,PHRAG DOG TSER MAS BLO MIG DKRUGS PA YI, ,BLUN PO RNAMS LA DGA' BA MI SKYED MOD, ,RNAM DPYOD LUS MDZES BRTZON PA'I GOS KYIS SPUD,, RGYAL YUM RGYAN GYIS MDZES PA SKYAD 'DOD PA'I, ,BLO GSAL GZUR GNAS GANG GIS 'DI MTHONG NA, ,DE YI MOD LA BZHIN GYI DKYIL 'KHOR NI, ,'DZUM PA'I MDANGS KYIS LHAM MER 'GYUR BAR NGES,, ,,'DIR 'JIG TSOGS LA LTA BA'I RI BO NYI SHU MTHOL BRLING BAS NGOS KUN NAS BSKOR CING, MA RIG PA'I MUN PA STUG PO CAN, LTA BA NGAN PA SNA TSOGS PA'I 'KHRI SHING GIS THAR PA'I LAM BSGRIBS LA, PHRA RGYAS KYI DUG GI LJON SHING SDUG BSNGAL GYI 'BRAS BU YID DU MI 'ONG BA STER BAS DKRIGS PA, SRED PA'I CHU KLUNG GI 'OBS CHEN POS YONGS SU 'KHYUD PA'I 'KHOR BA'I 'BROG DGON PA CHEN PO LAS LUS CAN MTHA' DAG BSGRAL TE NYID KYIS SKU NYAMS SU BSTAR BA'I 'BRAS BU MCHOG LA 'GOD PAR BZHED PA'I THUGS RJE CHEN PO DANG LDAN PA; 'GRO BA RNAMS KYI SKYABS DANG MGON DANG DPUNG GNYEN GYI MCHOG TU GYUR PA'I BDAG CAG GI STON PA DES SRID PA'I SDUG BSNGAL BRGYA PHRAG GZHOM PA'I THABS SU SKAL BA DANG LDAN PA'I GDUL BYA RNAMS LA DAM PA'I CHOS KYI BDUD RTZI

JI SNYED CIG STZAL BA RNAMS KYI NANG NAS CHES SHIN TU ZAB PA DANG LDAN PA NI RGYAL BA KUN GYI BGROD PA GCIG PA'I LAM SHES RAB KYI PHA ROL TU PHYIN PA'I MDO SDE RIN PO CHE NYID YIN LA, 'DI'I DGONGS PA 'GREL BA'I BSTAN BCOS LA YANG DU MA ZHIG YOD KYANG GTZO BOR GYUR PA NI SHING RTA'I SROL 'BYED CHEN PO BZHI ZHES SNGA MA RNAMS LA GRAGS SO, ,DE YANG BDAG NYID CHEN PO KLU SGRUB KYIS BSGRUB BYA BDEN DNGOS DANG SGRUB BYED RTOG GE'I RIGS PA 'GOG PA GNYIS KYI DBANG DU MDZAD NAS, DANG PO LA RANG GZHAN GYI SDE PA THUN MONG DU 'GOG PA DBU MA'I RTZA BA, DE'I RAB BYED DANG PO RKYEN BRTAG PA LAS 'PHROS PA RTZOD PA BZLOG PA, RAB BYED BDUN PA SKYE GNAS 'JIG PA BRTAG PA LAS 'PHROS PA STONG NYID BDUN CU PA, RANG SDE BYE BRAG TU 'GOG PA RIGS PA DRUG CU PA STE BZHI, SGRUB BYED RTOG GA'I TSIG DON BCU DRUG 'GOG PA ZHIB MO RNAM 'THAG STE LNGA'O, ,'DI LA KHA CIG THA SNYAD GRUB PA'AM RIN CHEN PHRENG BA'AM GA LAS 'JIGS MED BSNAN NAS RIGS TSOGS DRUG GI GRANGS NGES 'DOD PA DANG, GZHAN DAG STONG NYID BDUN CU PA LUS SU BYAS NAS RTZA SHE 'PHROS SU BYED PA NI 'KHRUL PAR KHONG DU CHUD PAR BYA'O, ,SLOB DPON CHEN PO PHYOGS KYI GLANG POS MDZAD PA YUM BSDUS PA'I GTZO BO'I DON SO GNYIS SU BSDUS NAS STON PA BRGYAD STONG PA'I DON BSDUS TE SO GNYIS NI, DE NYID LAS, RTEN DANG DBANG DU BYA BA DANG, ,LAS NI SGOM PA DANG BCAS DANG, ,RAB DBYE RTAGS DANG LHUNG BA DANG, ,PHAN YON BCAS PAR YANG DAG BRJOD, CES PA LTAR RAB DBYE LA STONG NYID BCU DRUG ,SGOM PA LA RNAM G-YENG GI RTOG PA BCU'I GNYEN POR BCU, RTEN

, ,DBANG DU BYA BA LAS BRTAGS, LTUNG BA, PHAN YON DANG DRUG RNAMS SO, ,DE LA RTEN NI STON PA'O, ,DBANG DU BYA BA NI BYANG SEMS DANG NYAN THOS KYI 'KHOR RO, ,LAS NI YUM LA JI LTAR SPYOD PA'O, ,RTAGS NI BDUD LAS DANG PHYIR MI LDOG GI RTAGS SO,, LTUNG BA NI SHER PHYIN SPANGS NAS NGAN SONG DU SKYE BA'O, ,PHAN YON NI STONG GSUM RIN PO CHE SNA BDUN GYIS BKANG NAS BYIN PA BAS SHER PHYIN 'DRI BA SOGS BSOD NAMS CHE BA'O, ,MAN NGAG RJES 'BRANG DU 'BRU MNAN PA GZHAN RNAMS 'DRA BA LA LTUNG BA'I DON BDUD LAS LA BSHAD PA NI SNGA MA DANG MI MTHUN ZHING STONG NYID BCU DRUG LA RANG GI MTSAN NYID STONG PA NYID KYI STENG DU DNGOS PO MED PA STONG PA NYID DANG DNGOS PO MED PA'I NGO BO NYID STONG PA NYID BGRANG RGYU YIN PA LA DANG PO DOR NAS MI DMIGS PA STONG PA NYID BGRANGS PA NI RTZA BA DANG 'GAL LO, ,YUM RGYAS 'BRING GNYIS DANG KHRI BRGYAD STONG PA'I RGYA CHER BSHAD PA GZHUNG 'GREL GNOD 'JOMS KYIS NI SGO GSUM DANG RNAM GRANGS BCU GCIG GI SGO NAS YUM 'GREL BAR BYED DO, ,DE LA SGO GSUM NI GLENG GZHIS SKABS PHYE BA'I RJES LA SH'A RI'I BU 'DI LA ZHES PA NAS BRTZON PAR BYA BA'I BAR GYIS MGO SMOS PAS GO BA RNAMS LA, GANG GIS GANG GI PHYIR, GANG LA, JI LTAR BSLAB TSUL BZHI STON PA BSDUS TE BSTAN PA'I SGO, DE NAS RNAM MKHYEN RDZOGS KYI BAR GYIS RNAM PAR SPROS NA GO BA RNAMS LA RNAM MKHYEN LAS BRTZAMS TE RNAM PAR MI RTOG PA'I SHER PHYIN BZUNG NAS DON DAM PA'I TSUL DU STON PA 'BRING DU BSTAN PA'I SGO, DE NAS YONGS SU RDZOGS KYI BAR GYIS DRANG DGOS PA'AM TSIG LA 'TSAL BA RNAMS KYI DON DU LAM SHES LAS BRTZAMS TE RNAM PAR RTOG

PA DANG BCAS PA DANG RNAM PAR MI RTOG PA'I SHER PHYIN BZUNG NAS KUN RDZOB DANG DON DAM PA'I TSUL DU BSTAN PA RGYAS PAR BSHAD PA'I SGO'O, ,RNAM GRANGS BCU GCIG NI DANG PO SH'A RI'I BU LA BKA' STZAL NAS BSHAD PA'I RNAM GRANGS GCIG GO ,DE NAS RAB 'BYOR GYIS RGYAS PAR BSHAD PA NI GNYIS PA'O, ,DE NAS BRGYA BYIN DANG, RAB 'BYOR DANG, BYAMS PA DANG, RAB 'BYOR DANG, BRGYA BYIN DANG, RAB 'BYOR DANG, BYAMS PA DANG, RAB 'BYOR DANG, DE NAS KUN DGA' BO LA BKA' STZAL NAS YONGS SU GTAD PA'O, ,DE LTAR GNOD 'JOMS 'DI SNGON GYI YI GE RNYING PA RNAMS LAS KHA CHE MCHE BA'I SDES MDZAD PAR GRAGS LA, PHYIS KYI MKHAS PA KHA CIG DBYIG GNYEN GYI GZHUNG 'GREL YIN TE, DE NAS GZHAN DU LUNG DRANGS PA RNAMS DER SNANG BA DANG, 'DI YI SLAD DU YANG, 'DI YI GZHUNG 'GREL GNOD 'JOMS BYA BAR 'DOD, CES 'BYUNG BA'I PHYIR ZHES BZHED CING, MKHAS PA GZHAN DAG 'DIR NYAN THOS KYI SKYES BU CHEN PO'I RNAM RTOG BRGYAD RNAM 'GREL DU KHA 'PHANGS LA DE BTZUN PA'I RNAM 'GREL NA YOD PAS DBYIG GNYEN GYI MA YIN ZHES ZER RO, ,'ON KYANG DA LTA YUM GSUM GZHUNG 'GREL GNOD 'JOMS ZHES PA BAM PO NYER DGUR BYAS PA LOTZTSA BA CHEN PO YE SHES SDES BSGYUR BA DANG, 'BUM RKYANG PA'I GZHUNG 'GREL GNOD 'JOMS ZHES PA 'GYUR BYANG MED PA SNGA MA LAS NYIS 'GYUR GYIS GLEGS BAM RGYAS PA GCIG DANG GNYIS SNANG ZHING SNGA MA LA DKAR CHAG 'PHANG THANG MAR BAM PO NYER BDUN ZHES 'BYUNG YANG NYER DGUR KHO RANG LAS 'BYUNG NGO, ,PHYI MA 'DI 'PHANG THANG GI DKAR CHAG TU BTZAN PO KHRI SRONG LDE BTZAN

, ,GYIS MDZAD PA 'PHAGS PA SHES RAB KYI PHA ROL TU PHYIN PA 'BUM GYI RGYA CHER 'GREL ZHES 'BYUNG BAS RGYAL POS MDZAD PA YIN NO, ,GANG YANG MAN NGAG RJES 'BRANG DU GZHUNG 'GREL LAS LOG PA'I GZHAN RNAMS KYI BSHAD PA GZUNG BYA MA YIN PA NYID DO, ,GANG GI PHYIR SLOB DPON NI MDO SDE LNGA BRGYA BSHAD PA'I PHYIR 'PHAGS PA MGON PO BYAMS PAS BKA' STZAL PA DE BAS NA JI LTAR PHYIN CI LOG TU BSHAD PA MDZAD, BLA MA'I MAN NGAG LAS, GZHUNG 'GREL GNOD 'JOMS GSAL POR BYA BAR 'DOD, , CES BYA BA BSHAD PA'I 'PHAGS PA THOGS MED KYI ZHAL SNGA NAS NYID KYI MAN NGAG LA SKYABS SU BYED PA YIN NO ZHES DANG, 'DI'I GLAD DU, BLA MA'I LUNG GIS BDAG LA PHAN PA'I PHYIR, ,'DI YI GZHUNG 'GREL GNOD 'JOMS BYA BAR 'DOD, CES PA RNAMS PHAL CHER SGRIG PAR NUS NA YANG BRTZAM PAR DAM BCA'I RKANG PA 'DI GNYIS GNOD 'JOMS GNYIS KA LA KHYAD MED PA DANG, MAN NGAG RJES 'BRANG DU YANG NYI KHRI'I GZHUNG 'GREL ZHES GRAGS KYI YUM GSUM GZHUNG 'GREL ZHES PA MI SNANG BA DANG, NYAN THOS KYI SKYES BU CHEN PO'I RNAM RTOG BRGYAD RNAM 'GREL DU KHA 'PHANGS PA DANG, LNGA BRGYA PA THA MA'I 'GREL PAR BSTAN PA'I GNAS TSAD LA RANG NYID KYI 'DOD PA BKOD NAS, SHAN TI RAKshI TA'I BSAM PA NI ZHES ZHI BA 'TSO'I BSHAD YAMS MDZAD PA'I PHYIR MCHE BA'I SDES BRTZAMS PA YIN NAM SNYAM STE, BLO GSAL ZHING YID GZHUNGS PA DAG GIS DPYAD PAR BYA'O, ,GANG LTAR YANG 'DIS SEMS TZAM DU BKRAL ZHES GSUNG BA NI CHES MI 'THAD PAR GO STE, RGYAS PAR 'OG TU BSTAN PAR BYA'O, ,RGYAL BA MA PHAM PAS YUM

GYI LUS DNGOS BRGYAD DON BDUN CUR DRIL TE RNAL 'BYOR PAS NYAMS SU LEN PA'I RIM PA DANG SBYAR NAS MNGON PAR RTOGS PA'I RGYAN MDZAD DO, ,DE LTAR NA BZHI PO 'DIS DGONGS 'GREL GZHAN LA MA LTOS PAR YUM GYI DGONGS PA RE 'GREL BAS SHING RTA'I SROL 'BYED DO ZHES 'CHAD DO, ,DE LTAR GRAGS KYANG BRGYAD STONG DON BSDUS KYI BRJOD BYA'I GTZO BO STONG NYID BCU DRUG RNAM G-YENG GI RTOG PA BCU'I GNYEN POR SGRUB PA LA GDAMS PA'I MDO'I 'GREL TSUL DANG, SHES RAB PHA ROL PHYIN PAR NI, ,BSTAN PA GSUM LA YANG DAG BRTEN, ,BRTAGS PA DANG NI GZHAN DBANG DANG, ,YONGS SU GRUB PA KHO NA'O, ,MED CES BYA LA SOGS TSIG GIS, ,BTAGS PA THAMS CAD 'GOG PA STE, ,SGYU MA LA SOGS DPE RNAMS KYIS, ,GZHAN GYI DBANG NI YANG DAG BSTAN, , RNAM PAR BYANG BA BZHI YIS NI, ,YONGS SU GRUB PA RAB TU BSGRAGS, ,SHES RAB PHA ROL PHYIN PAR NI, ,SANGS RGYAS KYIS NI GZHAN BSTAN MED, CES NGO BO NYID GSUM GYIS MDO 'GREL TSUL RNAMS RIM PA LTAR DBUS MTHA' DANG THEG PA CHEN PO BSDUS PA JI LTA BA BZHIN SNANG BAS, BYAMS CHOS LAS LOGS SU SROL BTOD PA MIN ZHING, GZHUNG 'GREL NI STONG NYID BCU DRUG DANG SKYE 'GAG KUN BYANG MED PA'I SKABS SU RTZA SHE'I LUNG DRANGS NAS KLU SGRUB ZHABS KYI RIGS PA JI LTA BA BZHIN DU 'CHAD 'DOD PAR 'DUG PAS, KLU SGRUB KYI RIGS TSOGS LAS BSHAD SROL ZUR DU BYED PA MA YIN NO, ,DE'I PHYIR SLOB DPON CHOS KYI BSHES GNYEN BZHED PA LTAR YUM GYI BRJOD BYA LA SNYING PO'I DON DON DAM PA'I BDEN PA DANG, RGYA CHE BA MNGON RTOGS KYI RIM PA

, ,GNYIS LAS, DANG PO RIGS TSOGS DANG, GNYIS PA RGYAN GYIS BKRAL BA YIN ZHES PA LTAR RAM, YANG NA DNGOS BSTAN STONG NYID KYI DON RIGS TSOGS DANG, SHUGS BSTAN STONG NYID BSHAD PA NA GDUL BYA'I RGYUD LA MNGON RTOGS SKYES PA'I RIM PA RNAMS RGYAN GYIS BKRAL BAS, RJE BTZUN DANG KLU SGRUB ZHABS GNYIS KYI SHER PHYIN 'GREL TSUL GNYIS SU BYUNG NGO, ZHES BYA BAR YANG GNAS SO, ,DE DAG LAS MNGON PAR RTOGS PA'I RGYAN NI 'DIR GANG BSHAD PAR BYA BA'I CHOS SO, ,'O NA 'DI'I RTZA BA'I MDO RNAMS GANG ZHE NA, DE LA SPYIR SHER PHYOGS LA YUM DRUG SRAS BCU GCIG STE SRAS YUM BCU BDUN ZHES SNGA MA RNAMS KYIS BRDA BYAS PA LA 'BUM NYI KHRI KHRI BRGYAD STONG PA, SHES RAB KHRI PA, BRGYAD STONG PA, SDUD PA RNAMS YUM YIN ZHING; SHER PHYIN BDUN BRGYA PA, LNGA BRGYA PA, SUM BRGYA PA, TSUL BRGYA LNGA BCU PA, LNGA BCU PA, SGO NYER LNGA PA, RAB RTZAL RNAM GNON GYIS ZHUS PA, KOO SHI KA, YI GE GCIG MA, YI GE NYUNG NGU, SHER SNYING STE BCU GCIG NI SRAS SO, ,SRAS YUM GYI KHYAD PAR NI BRJOD BYA MNGON RTOGS BRGYAD DU MA PHYE BAR DE'I DON TZAM STON PA DANG PHYE NAS STON PA'O ZHES ZER RO, ,DE LA KHA CIG NYI MA'I SNYING PO, ZLA BA'I SNYING PO, KUN TU BZANG PO, LAG NA RDO RJE, RDO RJE RGYAL MTSAN RNAMS KYANG SHER PHYIN YIN PAS SRAS YUM GYI DON DANG, GRANGS GNYIS KA NOR ZHES SMRA BA NI LEGS PAR SMRAS BA YIN LA, KHYAD PAR DU SDUD PA KHRI BRGYAD STONG PA DANG SO SOR BGRANG BA NI GLEGS BAM TZAM YANG MA MTHONG BAR STON PA YIN TE, ,KHRI BRGYAD STONG PA LA LE'U GYA BDUN YOD PA'I GYA BZHI PA

NI SDUD PA YIN PA'I PHYIR RO, ,DE'I PHYIR KHRI BRGYAD STONG PA 'BRING GI 'BRING DU BYAS NAS SDUD PA BSDUS PA'I BSDUS PAR BYAS PA YANG NOR RO, ,DES NA RGYAN 'DIS BSTAN PA'I MNGON RTOGS KYI RIM PA RNAMS DANG SBYAR RUNG YOD PA'I MDO RNAMS NI 'DI'I RTZA BA'I MDO YIN LA, DE YANG DANG POR MDO DANG BSTAN BCOS SBYAR BA'I SROL NI 'PHAGS PAS BTOD PAR MNGON PAS DES NI NYI KHRI LA LE'U BRGYAD DU BYAS SHING DE SKABS BRGYAD DANG BSGRIGS NAS SBYAR RO, ,DE NAS BTZUN PAS NYI KHRI DANG SBYAR RO, ,DA LTA 'DIS MDZAD PAR GRAGS PA'I NYI KHRI RNAM 'GREL ZHES PA GCIG SNANG STE 'OG TU BRTAG PAR BYA'O, ,DE RJES SLOB DPON GYIS BSDUS DON 'GREL PA NYI KHRI LE'U BRGYAD MA MDZAD NAS SBYAR RO, ,DE NAS SH'ANTI PAS NYI KHRI'I 'GREL PA DAG LDAN MDZAD NAS SBYAR BA STE NYI KHRI DANG SBYAR BA BZHI DANG, KHA CHE DHA RMA SHR'IS MDZAD PAR GRAGS PA'I STONG PHRAG BRGYA PA'I BSHAD PAS 'BUM DANG SBYAR RO, ,YUM BSDUS PA DANG SBYAR BA RGYAN GYI SNANG BA, SNYING PO MCHOG ,GNAD KYI ZLA 'OD DE GSUM DANG, SDUD PA DANG SBYAR BA LA DKA' 'GREL RTOGS SLA DANG SDUD PA'I DKA' 'GREL, SHER PHYIN MDZOD KYI LDE MIG STE GSUM DANG, SMI TIS MDZAD PAR GRAGS PA 'BUM NYI KHRI KHRI BRGYAD STONG PA STE YUM GSUM DON BRGYAD KYIS MTHUN PAR BSTAN PA STE, DE LTAR MDO DANG SBYAR BA'I 'GREL PA BCU GNYIS DANG BSTUN NA 'DI'I RTZA BA'I MDO BZHI'AM LNGA RU GSAL LO, ,DE LTA BU'I YUM GYI RGYAN 'DI'I RJES SU 'BRANG BA'I 'GREL BA LA YANG MDO DANG SBYAR BA BCU GNYIS MA SBYAR BA DGU STE NYER GCIG GO ,DANG PO NI BSHAD ZIN TO, ,GNYIS PA NI 'GREL PA DON GSAL, DE'I 'GREL BSHAD TSIG GSAL DANG,

, ,RTOGS DKA'I SNANG BA DANG GNYIS, BSDUS DON GSUM LAS, SHER 'BYUNG GIS MDZAD PA NI DON GSAL GYI YIN ZHING, NGO BO DANG GZHON NU DPAL GYIS MDZAD PA NI RTZA BA RANG GI BSDUS DON NO, ,GRAGS PA'I CHA DANG SHES RAB SGRON ME'I PHRENG BA GNYIS THUB PA'I DGONGS RGYAN RNAMS SO, ,PHYI MA 'DI THUB PA'I GSUNG RAB SPYI'I DGONGS 'GREL DU BRTZAMS PA'I BSTAN BCOS RANG DGA' BA YIN GYI, RGYAN GYI GZHAN 'GREL DU BRTZAMS PA RU MI SNANG YANG, LE'U PHYI MA GSUM LAS GTZO CHER MNGON RTOGS RGYAN GYI DON RNAMS STON PAS BGRANGS SO, ,'DIR YANG GANG ZAG LA SOGS PA 'GA' ZUNG MDO DANG SBYAR YANG, PHAL MI CHE BAS, MDO SBYOR GYI NANG DU MA BGRANGS SHING, SNGAR BSHAD PA'I MDZOD KYI LDE MIG LA MDO TSIG DNGOS SU DRANGS PA MI SNANG YANG SDUD PA'I DON TSAN RNAMS SO SOR BCAD NAS MNGON RTOGS DANG SBYAR BAS MDO SBYOR LA BGRANGS SO, ,'GREL PA 'DI DAG THAMS CAD KYANG DA LTA RGYA GAR MAR GRAGS MOD, 'ON KYANG KHA CHE'I SLOB DPON DHARMA SH'IS MDZAD PAR GRAGS PA'I 'BUM 'GREL 'DI, RGYA GAR MA MA YIN PAR MNGON TE, 'DIS GLENG GZHI DANG MCHOD BRJOD SBYAR NAS DE YANG, GLANG GZHI RGYAS PAR BKA' STZAL SDUD PAR BYED PA MCHOD BRJOD TSIG LER BYAS PA MDZAD CES PA'O, ZHES SHES BYED DU DRANGS PA 'DI BSTAN BCOS RIN CHEN SGRON ME LAS 'BYUNG ZHING, DE YANG MKHAS PA RNAMS LA BA REG THOS PA DAGS BRTZAMS PAR GRAGS PA'I PHYIR RO, ,GZHAN YANG YUM CHEN MO LA BAM PO SUM BRGYA ZHES PA MA GRANGS KYI BSHAD PA DANG

GDAMS NGAG GI SKABS SU YANG, MKHAS PA PAndI TA'I LUGS KYIS SGRO 'DOGS PHYI RU GCOD, LTA RTOG PHYI RU BYED DE, YUL DPYAD PAS DE 'DZIN GYI 'KHRUL PA LDOG PAR 'DOD, KU SU LU PA'I LUGS KYIS SGRO 'DOGS NANG DU GCOD, LTA RTOG NANG DU BYED DO; RANG NGO RANG GIS SHES RTOGS PA GCIG RANG LA SKYE DGOS ZHES PA DANG, SBYOR LAM GYI SKABS SU YANG NYAN THOS KYI NGES 'BYED KYI TING NGE 'DZIN GYIS RNAM RTOG SPONG BA DE MI 'THAD DE, MED NA SPANG MI DGOS, YOD NA SPANG MI NUS RNAM RTOG GI RANG BZHIN SHES NAS RNAM RTOG YE SHES SU 'CHAR BA ZHIG DGOS ZHES, RGYA GAR MKHAS PA'I GSUNG LA MI 'BYUNG BA'I BOD TSIG DU MA SNANG BA'I PHYIR RO, ,DES NA 'DI DANG SDUD PA'I LDE MIG GNYIS DHARMA SHR'IS MDZAD PAR GRAGS KYANG, LOTZTSA BA'AM BOD GZHAN ZHIG GIS BYAS SNYAM MO, ,YUM GSUM DON BRGYAD KYIS MTHUN PAR BSTAN PA 'DI YANG NUS PA CHUNG ZHING, MDO DANG SBYOR TSUL LA SKYON CHAGS PA 'GA' ZUNG 'DUG PAS MKHAS PA CHEN PO SMRI TIDZNY'A NA KIRTI'I YIN MIN DPYAD DGOS SO, ,SDUD 'GREL RTOGS SLA LA, SU N+YA SHRI NI 'GREL CHEN DANG SGRA 'GROS MTHUN PAS SLOB DPON GYIS MDZAD ZER LA, 'BUM PHRAG GSUM PA DANG BDAG NYID CHEN PO NI, 'DI MNGON RTOGS RKYANG PAR 'DOD PAS MA YIN NO ZHES 'CHAD PAR GRAGS KYANG, ZLA 'OD DU SENG GE BZANG PO'I SDUD 'GREL LAS ZHES 'DI LA DGAG PA 'BYUNG BAS YIN NAM SNYAM MO, ,DON BSDUS SGRON ME YANG NUS PA CHUNG ZHING BOD TSIG DU MA SNANG BAS JO BO'I SLOB MA GCIG GIS SAM GZHAN BOD GCIG GIS BYAS PAR SEMS SO, ,SHING RTA'I SROL 'BYED BZHI DANG MDO YI GRANGS, ,RGYAN GYI RTZA

, ,BA'I MDO RNAMS GANG YIN DANG, ,RGYA 'GREL RNAMS KYI DAG DANG MA DAG RNAMS, ,LEGS PAR DPYAD PA'I TSUL 'DI THOG MAR BKOD, ,SHER PHYIN GYI MAN NGAG GI BSTAN BCOS MNGON RTOGS RGYAN 'GREL PA DANG BCAS PA'I RGYA CHER BSHAD PA LEGS BSHAD GSER GYI PHRENG BA ZHES BYA BA MANG DU THOS PA BLO BZANG GRAGS PA'I DPAL GYIS SBYAR BA LAS GZHUNG BSHAD THABS KYI SNGON DU 'GRO BA'I SKABS SO,, ,,'O NA RGYAN LA 'GREL BA DU MA ZHIG SNANG NA 'DIR GANG LA BRTEN NAS 'CHAD CE NA; 'DIR NI SLOB DPON SENG GE BZANG POS MDZAD PA'I 'GREL PA DON GSAL BA'I STENG NAS 'CHAD DE, DE NI TSIG NYUNG LA DON 'GREL ZHING GSAL BAS 'GRAL BA GZHAN LAS KHYAD ZHUGS PA'I PHYIR RO, ,'DI 'CHAD PA LA YANG SPYI'I DON GSUM STE, RJOD BYED DON LDAN GYI MTSAN DANG, BRJOD BYA DE LDAN GYI GZHUNG DANG, GANG GIS BSGYUR BA'I 'GYUR BYANG BSHAD PA'O, ,DANG PO LA GNYIS, DNGOS DANG, ZHAR LA BYUNG BA'O, ,DANG PO LA GSUM, MTSAN BSGYUR, MTSAN BSHAD, MTSAN GYI DGOS PA'O, ,DANG PO NI, RGYA GAR ZHES PA 'DUL BA TSIG LE LAS, MNYAN YOD GNAS BCAS TZAM PA KA ,WA RA n'A SE YANGS PA CAN, ,RGYAL PO'I KHAB NI DRUG PA STE, ,'DI DAG GRONG KHYER CHEN POR SHES, ZHES PA LTAR GRONG KHYER CHEN PO DRUG GNAS PA'I PHYOGS LA 'DOD RGYAL DU BRDA BYAS PA STE, YUL DE BA RNAMS KYI SKAD DU'AM SKAD LA, BSTAN BCOS 'DI'I MING LA AA BHI NAS BHRI TI'I BAR RO, ,DE BOD KYI SKAD DU BSGYUR NA, SHES NAS 'GREL PA ZHES PA'I BAR TE, DE

YANG AA BHI SA MA YA NI MNGON PAR RTOGS PA, AA LAm KA RA NI RGYA NA, N'A MA NI ZHES BYA BA, PRADZNY'A PA RA MI TA NI SHER PHYIN, AU PA DE SHA NI MAN NGAG ,SH'ASTRA NI BSTAN BCOS, BHRI TI NI 'GREL BA'O, ,GNYIS PA NI, SHER PHYIN NI 'DI'I RTZA BA'I MDO'O,, MAN NGAG NI MDO'I DON BDE BLAG TU RTOGS PAR BYED PA'O, ,BSTAN BCOS DANG MNGON RTOGS DANG RGYAN GSUM NI 'CHAD PAR 'GYUR RO, ZHES BYA BA NI MING SGROGS PA'O, ,'GREL PA NI TSIG DANG DON GNYIS LAS PHYI MA GTZO BOR 'GREL BA'O, ,GSUM PA NI, CHOS LA YID CHES SKYE, SKAD LA BAG CHAGS 'JOG ,RGYUD LA BYIN RLABS 'BYUNG ZHES SNGA MA RNAMS 'CHAD CING, PHYI MA RNAMS DE 'GOG MOD, 'ON KYANG DANG PO BLA NAS BKA' STZAL BA MA GTOGS BSGYUR DU MED PA DANG, BOD KYI BSTAN BCOS KYI MGOR YANG RANG GANG 'DOD KYI RGYA GAR SKAD BYAS MED PA'I DUS SU, CHOS KHUNGS MAR MTSON BYED DU MDZAD PA 'DRA'O, ,GNYIS PA LA GNYIS, GZHUNG TSAD RTOGS PA'I YAN LAG TU BAM PO'I GRANGS DANG, 'GYUR MTHAR PHYIN PA'I YAN LAG TU PHYAG 'TSAL BA'O, ,DANG PO NI; BAM PO ZHES PA GZHUNG GI CHA MANG PO PHYOGS GCIG TU BSDOMS PA'I MING STE, DPER NA RTZVA'AM SHING GI CHA MANG PO PHYOGS GCIG TU BSDOMS PA LA PHON PO'AM BAM PO'I SGRAS BRJOD PA BZHIN NO, ,DANG PO NI LNGA YOD PA'I THOG MA STE 'CHAD PAR 'GYUR RO, ,BAM PO RE LA SHU LOG GI GRANGS MI MTHUN YANG 'DIR NI SUM BRGYA RE LA BYAS PA STE, RGYA DPE LA SHU LOG STONG LNGA BRGYA ZHES 'BYUNG ZHING BAM PO LNGAR BYAS PAS SO, ,'DI YANG LOTZTSA BA CHEN PO RNAMS KYIS GZHUNG TSAD LA SGRO SKUR SPANG BA'I

, ,PHYIR BYAS KYI RGYA DPE LA MED DO, ,GNYIS PA NI, PHYAG 'TSAL LO ZHES DRANG NGO, ,GANG LA NA, MA RIG PA'I GNYID RGYUN CHAD PAS SANGS PA STE GNYID SAD PA BZHIN, YANG DAG PA'I YE SHES KYIS MI SHES PA'I ZUM PA BCOM ZHING SHES BYA LA BLO RGYAS PAS PAD 'DAB RGYAS PA BZHIN TE, DE 'DRA BA'I SANGS RGYAS DANG BYANG CHUB SEMS DPA' THAMS CAD LA'O, ,DE LTAR YANG, SKYABS 'GRO BDUN CU PA LAS, SHES BYA LA NI BLO RNAM RGYAS, ,RMONGS PA'I ZUM PA BCOM PAS NA, , SANGS RGYAS PAD MA LTAR RNAM RGYAS, ZHES DANG, MA RIG GNYID NI RGYUN BCAD CING, ,YANG DAG YE SHES NGES 'BYUNG BA'I, ,GANG ZHIG RNAM SAD DE SANGS RGYAS, ,SKYES BU GNYID SANGS JI BZHIN NO, ZHES SO, ,DES NA BUD DHA'I SGRA GNYID SAD PA DANG PAD 'DAB RGYAS PA GNYIS KA LA 'JUG PA SNGON GYI LOTZTSA BAS SGRA SBYOR BAM GNYIS SU BSHAD PA LTAR, SANGS RGYAS LA DE GNYIS KA'I SGRA DON BSHAD RGYU YOD PA RGYU MTSAN DU BYAS NAS SANGS RGYAS ZHES BSDOMS NAS BSGYUR RO, ,DE'I PHYIR GANG DAG; MA RIG GNYID LAS SANGS PHYIR DANG, ,SHES BYA LA YANG BLO RGYAS PHYIR, ,SANGS RGYAS PAD MA LTAR SANGS RGYAS, ,DE PHYIR SANGS RGYAS MTSAN GSOL TO, ZHES 'DREN PA NI TSIG MA DAG CING RKANG PA GSUM PA'I DON LA YANG SKYON ZHUGS SO,, GANG GIS NA, DANG POR LOTZTSA BA DANG PHYIS BSHAD PA DANG NYAN PA LA SOGS PAS SO, ,DGOS PA DANG, TSUL DANG, DUS NI GO BAR ZAD DO, ,'DIR SNGA MA RNAMS 'DUL BA'I KLAD DU THAMS CAD MKHYEN PA DANG, MDO SDE LA SANGS RGYAS BYANG

SEMS DANG, MNGON PA LA 'JAM DPAL GZHON NUR GYUR PA LA PHYAG 'TSAL, SMOS SHIG CES LO PAn GYIS BKAS BCAD PAS SDE SNOD GSUM NGOS 'DZIN GYI PHYAG YIN ZHES SPROS NAS 'CHAD CING, DE LA PHYI RABS PA RNAMS KYIS MA NGES PA'I RGYU MTSAN DU MA BSHAD NAS, LOTZTSA BA RANG DAD PA'I LHA LA PHYAG BYAS PAR 'CHAD MOD, 'ON KYANG SNGON BSGYUR BA'I 'DUL BA DANG, MNGON PA DANG, MDO SDE PHAL MO CHE LA NGES PA CAN DU SMOS 'DUG PAS, PHYIS MA NGES KYANG DANG PO'I CHOS RGYAL RNAMS KYI DUS SU BKAS BCAD PA 'DRA'O, ,GNYIS PA LA GNYIS, SPYI'I CHINGS DANG, GZHUNG DNGOS BSHAD PA'O, ,DANG PO NI, GZHUNG 'CHANG PA'I THOG MAR 'CHAD PAR 'GYUR BA'I GZHUNG GI MTSAMS SO SOR BCAD PA DANG, GZHUNG DES RANG GI RTZA BA JI LTAR BSHAD PA RNAMS BSTAN NA, DKYU SA BSTAN PA'I RTA BZHIN DU 'CHAD PA DANG NYAN PA RNAMS KYI BLO MI 'KHRUG CING, DON TSAN RNAMS SO SOR PHYED PAR 'GYUR BA DE'I PHYIR 'DIR YANG, RTZA BAS DON DU ZHIG GIS MDO BKRAL BA DANG, 'GREL PAS RTZA BA JI LTAR BKRAL BA'I RIM PA RNAMS BSHAD PAR BYA'O, ,DE YANG RNAM BSHAD RIGS PAR, MDO DON SMRA BA DAG GIS NI, ,DGOS PA BSDUS PA'I DON BCAS DANG, ,TSIG DON BCAS DANG MTSAMS SBYAR BCAS, ,BRGAL LAN BCAS PAR BSNYAD PAR BYA; ZHES BSHAD THABS KYI YAN LAG LNGAS MDO BSHAD DO ZHES 'BYUNG STE, 'DI YANG BYAMS PA NYID KYI MAN NGAG BRGYUD PA'O, ,DE LTAR RGYAL BA BYAMS PAS KYANG MDO 'CHAD PA NA BSHAD THABS LNGA YIS 'CHAD PAR MDZAD DE, DE YANG DGOS DON,

, ,BSDUS DON, TSIG DON GSUM DNGOS SU DANG, MTSAMS SBYAR SHUGS LA BSTAN CING, BRGAL BA DANG LAN NI PHAL CHER SHUGS LA BSTAN TO, ,DE LA DGOS DON NI, DGOS 'BREL DANG, BSDUS DON NI, LUS RNAM GZHAG DANG, TSIG DON NI YAN LAG RGYAS BSHAD KYIS SO, ,'DIR DGOS DON DGOS 'BREL GYIS BSTAN PAR MKHAS PA DAG BZHED PA LA DE NI MA 'BREL TE, DGOS 'BREL GYIS NI BSTAN BCOS KYI DGOS DON BSTAN LA, BSHAD THABS LNGA'I DGOS DON NI MDO'I YIN PAS SO, ,DES NA MCHOD BRJOD KYIS DGOS DON BSTAN TE, MDO'I BRJOD BYA YUM GYI PHUL DU BYUNG BA'I YON TAN BSTAN PA'I PHYIR RO, ZHES BLA MA DAG GSUNG PA NI CHES SHIN TU'ANG MA 'BREL TE, BSTAN BCOS MDO 'CHAD BYED YIN ZHING YAN LAG LNGA DES MDO BSHAD PA'I THABS YIN PA'I PHYIR, DGOS DON NI MDO'I DON RTOGS PA'I DGOS PA YIN ZHING, DGOS 'BREL GYIS KYANG MDO YI BRJOD BYA RTOGS PA'I DGOS PA GNYIS STON PA DANG, GZHAN GYIS MYONG BA MA YIN TE, ZHES PAS MDO YI BRJOD BYA PHUL BYUNG BSTAN PA'I PHYIR DGOS DON BSTAN PAR THAL LO, ,GZHAN YANG DGOS 'BREL GYIS MDO'I DGOS PA MA BSTAN NA, LUS RNAM GZHAG GIS KYANG YUM GYI BSDUS DON MA BSTAN PAR 'GYUR RO, ,DE'I PHYIR RGYAN SNANG DANG RTOGS DKAR 'BYUNG BA LTAR DGOS 'BREL GYIS DGOS DON BSTAN PAR GZUNG NGO, ,SHUGS LA BSTAN PA'I MTSAMS SBYOR GYI DANG PO NI, 'PHAGS PA BYAMS PA ZHES SOGS 'DI YIN LA,

DE YANG SKABS DANG PO LA SO DRUG ,GNYIS PA LA NYI SHU, GSUM PA LA BCU BZHI, BZHI PA LA SO LNGA, LNGA PA LA NYER BDUN, DRUG PA LA GCIG ,BDUN PA LA LNGA, BRGYAD PA LA BCU GSUM, BAR PA LA GCIG ,BSDUS PA LA GCIG STE SPYIR NA BRGYA NGA GSUM MO, ,DE LA SKABS KYI DANG POR BSTAN PA BRGYAD NI, SKABS KYI GO RIMS NGES PAR BYED PA'I MTSAMS SBYOR YIN LA, GZHAN RNAMS NI CI RIGS PA'O ZHES CHOS KYI BSHES GNYEN 'CHAD DO, ,'DI LA BRJOD PAR BYA STE, MTSAMS SBYOR GYI RIM PA 'DI SLOB DPON GYI TSIG GIS ZIN PA 'DREN NAM, DON THOB YIN GRANG, DANG PO LTAR NA SKABS DANG PO LA NYER LNGA LAS MED PA'I PHYIR GRANGS MANGS LA, SKABS BZHI PA DANG BRGYAD PA LA RIM PA LTAR SO DRUG DANG BCU BZHI YOD PAS GRANGS NYUNGS SO, ,GNYIS PA LTAR NA DANG PO'I SO DRUG GI DON THOB GANG YIN, GAL TE DMIGS RNAM RGYAS BSHAD LA MTSAMS SBYAR GCIG LAS MED KYANG, NGES 'BYED BZHI YOD PAS MTSAMS SBYOR BZHI 'THOB CING, SA'I YONGS SBYONG LA YANG SA BDUN PA'I YONGS SBYONG DANG PO DANG BCAS PA LA BRGYAD KYI YONGS SBYONG BRGYAD 'THOB PAS SO DRUG YIN ZHE NA, 'O NA GZUNG RTOG DANG 'DZIN RTOG GNYIS LA YANG MTSAMS SBYOR GNYIS CI'I PHYIR MI 'THOB, GZHAN YANG SKABS GNYIS PA'I NYAN RANG GI NGES 'BYED BZHI TSAN GNYIS DANG, SKABS BZHI PA'I NGES 'BYED BZHI LA YANG MTSAMS SBYOR BZHI BZHIR 'GYUR BAS, GNYIS PA LA NYI SHU BZHI PA LA SO LNGA ZHES PA DOR CIG ,DES NA PAndI TAS MNYAM PAR MA BZHAG PA'I TSIG 'DI LTA BU LA YANG, DPYOD PA MED

, ,PAR MKHAS BA RNAMS KYANG RANG RANG GI t'I KAR DANG PO LA NI SO DRUG CES SOGS KYIS BRAG CHA LTAR BRJOD PA MTHONG BAS 'DI LA 'BAD KYI, DE LTA MIN NA 'DI LA BRGAL ZHING BRTAG PA DE TZAM GYIS CI ZHIG BYA, DE'I PHYIR RGYAN GYIS MDO 'CHAD BA'I MTSAMS SBYOR DNGOS SU MED CING SHUGS LA YOD PA RNAMS SLOB DPON GYIS CI RIGS PAR GSAL BAR BKOD PA 'DI RNAMS YIN LA, MA BKOD KYANG DON GYIS THOB PA RNAMS NI RANG RANG GIS BRTAGS PAS KHONG DU CHUD DO, , BRGAL NA NI, CHOS KYI DBYINGS LA DBYER MED PHYIR, ZHES DANG, DNGOS PO BRJOD DU MED PA LA, ZHES DANG, GZHAN GYI CHOS RNAMS KYANG YOD LA, ZHES SOGS KYIS 'GA' ZHIG DNGOS SU BSTAN CING PHAL CHER SHUGS LA BSTAN PA RNAMS KYANG SLOB DPON GYIS GSAL BAR MDZAD DO, ,BRGAL BA DANG LAN NI GNYIS YIN PA'I PHYIR BSHAD THABS KYI YAN LAG DRUG TU YANG THAL BAR MI 'GYUR TE, RNAM BSHAD RIGS PAR, BRGAL BA DANG LAN GNYIS GCIG TU BYA BA NI, BRGAL BA'I LAN GDAB PA'I DON GYI PHYIR RO, ZHES PAS SO DE LTAR MDO BSHAD PA LA YAN LAG LNGA CI DGOS SHE NA, RNAM BSHAD RIGS PAR, MDO DON CHE BA NYID THOS NAS, ,NYAN PA DANG NI 'DZIN PA LA, ,NYAN PA PO NI GUS BYED PAS, ,THOG MAR DGOS PA BRJOD PAR BYA, ,DE 'GRUB DE NI BSDUS DON LAS, ,BSDUS PA'I DON NI TSIG DON LAS, ,GO RIMS RIGS PA SNGA PHYI DAG ,MI 'GAL BA NI GNYIS LAS SO, ZHES BA LTAR YIN ZHING, DE LA MTSAMS

SBYOR BRJOD PAS TSIG GI GO RIMS RNAMS 'BREL LO, ,BRGAL LAN BRJOD PAS NI RIGS PA DANG SNGA PHYI MI 'GAL LO, ,DE DAG GIS NI RGYAN GYIS DON DU ZHIG GIS MDO BKRAL BA BSHAD ZIN TO, ,DA NI 'GREL PAS RGYAN BKRAL NGA'I RIM PA RNAMS BSHAD PAR BYA'O, ,DE LA DANG POR 'GREL BA RTZOM PA LA 'JUG PA'I TSIGS BCAD BRGYAD LAS, GCIG DANG BZHI DANG GCIG DANG GCIG DANG GCIG GIS RIM PA BZHIN DU 'GREL PA RTZOM PA'I DGOS PA PHYAG 'TSAL BA DANG BCAS PA DANG, SNGON GYI SLOB DPON GYIS GZHUNG JI LTAR PHYE BA DANG, SHER PHYIN RNYED PA NGO MTSAR BAR BSTAN NAS GZENGS STOD PA DANG, YUM STON PA'I MTHUS RNYED PA LA DRIN DU GZO BA'I SGRUB PA'I MCHOD PA'I NGO BOR YUM DBYE RIGS PA'AM, RANG GIS YUM DON TSANG BAR RNYED NAS BRTZAMS PA LA GZHAN 'JUG RIGS PA DANG, RANG LA SMAD NAS 'JUG PA'I BYE BRAG RNAMS BSTAN TO, ,DE NAS BSHAD THABS LNGA'I SGO NAS MCHOD BRJOD KYI TSIGS BCAD DANG, DGOS 'BREL STON BA'I TSIGS BCAD GNYIS BKROL LO, ,DE NAS BSDUS DON MDO RGYAS GNYIS KYI TSIGS BCAD BCO LNGA'I MTSAMS SBYAR BA TZAM BSTAN CING, DE YANG MDOR BSDUS PA DANG DE LAS PHYE BA TZAM DU BSTAN NAS, DE DAG GI DON NI 'OG NAS 'CHAD PA LA LTOS PAR BSTAN TO, ,DE NAS SKABS BRGYAD RIM PAR BSTAN PA RNAMS DANG, DE NAS SKABS DRUG DANG, DE NAS SKABS GSUM DU BZHAG PA RNAMS BKROL LO, ,DE LTAR RTZA BA BSHAD ZIN NAS DE NAS TSIGS SU BCAD PA BRGYAD LAS, GNYIS DANG, GNYIS DANG, GCIG DANG, GCIG DANG, GCIG GIS GO RIMS

, ,BZHIN DU, MDO'I DON BSDUS NAS DANG, RANG MING SMOS NAS JI LTAR BRTZAMS TSUL DANG, DGE BA BSNGO BA DANG, YUM ZAB PAS BDAG GI YUL MIN ZHING SKYES BU DAM PA RNAMS KYI YUL DU DANG, NYES PAR BSTAN PA LA BZOD PA GSOL BA RNAMS BSTAN TO ZHES TSIG GSAL DU'O, ,DER NI TSIGS BCAD THA MA LA BSHAD PA MI SNANG NGO, ,NUB SGO BA NI DANG PO GNYIS NI KUN GYI RGYAN DU 'GYUR BA DANG, DE NAS GCIG DGOS PA DANG, DE NAS GCIG BRTZAMS PAR DAM BCA'I GZHUNG GZUGS YIN ZHING; DE NAS GCIG BSNGO BA DANG, DE NAS GNYIS KHENGS BSKYUNG DANG, THA MA RTOGS PA'I KHYAD PAR BRJOD PA RU MDZAD PA NI CHES LEGS SO, ,GNYIS PA LA GSUM, RTZOM PA LA 'JUG PA'I BYA BA, BRTZAM BYA GZHUNG GI RANG BZHIN, BRTZAMS PA MTHAR PHYIN PA'I TSUL LO, ,DANG PO LA GNYIS, 'GREL BA RTZOM PA DANG, RTZA BA RTZOM PA LA 'JUG PA'O, ,DANG PO LA LNGA, DGOS PA DANG LDAN PA'I PHYAG 'TSAL BA, SLOB DPON SNGA MAS GZHUNG JI LTAR PHYE TSUL, RANG GI BLO'I CHE BA BSTAN PA, BRTZAMS PA LA GZHAN 'JUG RIGS PAR GDAMS PA, KHENGS BSKYUNG STE RTZOM PA'I RGYU BRJOD PA'O, ,DANG PO NI, PHYAG 'TSAL ZHES DRANG STE DON NI MCHOG TU 'DUD PA'O, ,KHA CIG PHYAG THAL MO SBYOR BA DANG 'TSAL BA 'BUL BA RU BYAS NAS THA DAD DU 'CHAD PA NOR BA STE, DE LTA NA NGAG DANG YID KYI PHYAG MED PAR THAL BA'I PHYIR RO, ,GANG LA NA SHER PHYIN LA'O, ,DE LA SHER PHYIN NI 'CHAD PAR 'GYUR ZHING, LA NI SHING GI CHED DU CHU 'DREN PA LA SHING LA CHU 'DREN ZHES PA LTAR, SHER PHYIN GYI PHYIR

DU PHYAG 'TSAL BA LA DE LA PHYAG 'TSAL ZHES DGOS CHED KYI BZHI PA'O, ,JI LTA BUS NA, SGO GSUM GA GUS PAS SAM YANG NA YID RAB TU DAD BAS SO, ,CI ZHIG GI DON DU NA, 'DI LA GNYIS LAS RANG DON GYI DGOS PA NI, RGYA ROL LAS, BSOD NAMS RNAM SMIN BDE STE SDUG BSNGAL THAMS CAD SEL, ,BSOD NAMS LDAN PA'I MI YI BSAM PA RNAMS KYANG 'GRUB, ,BDUD BCOM NAS NI BYANG CHUB MYUR DU REG PAR 'GYUR, ,MYA NGAN LAS 'DAS ZHI BA BSIL BA'I DNGOS PO 'THOB, CES PA LTAR YUL KHYAD PAR CAN SHER PHYIN LA PHYAG 'TSAL BAS BSOD NAMS DPAG MED RGYUD LA SKYED LA, DE'I MTHUS BSOD NAMS MA YIN PA LOG NAS BAR CHAD ZHI STE RTZOM PA MTHAR PHYIN PAR 'GYUR BA'I PHYIR RO, ,GZHAN DON GYI DGOS PA NI, 'JIG RTEN NA DAM PA RNAMS BYA BA CHEN PO LA 'JUG PA'I THOG MAR YUL KHYAD PAR CAN LA PHYAG MCHOD BYED LA, 'DIR YANG YUM LA MCHOD PAR BRJOD PAS GDUL BYA RNAMS KYIS 'DI NI DAM PA'O ZHES RTOGS PAR 'GYUR BA'I PHYIR RO, ,DE'I YANG DGOS PA NI, RTZOM PA PO DAM PAR RTOGS PA NA 'DI SNYAM DU 'DIS PHYAG BTZAL BA'I SHER PHYIN YANG DAM PAS 'DOD BYA YIN PA'I PHYIR DAM PA'O ZHES YUM BRJOD BYAR BYED PA'I BSTAN BCOS LA DAD 'BRANG RNAMS 'JUG PAR 'GYUR BA'I PHYIR RO, ,DE LTAR PHYAG 'TSAL NAS JI ZHIG 'DOD NA, SHER PHYIN DE'I RGYAN TSIG LE'UR BYAS PA DAG RNAM PAR DBYE BA'I PHYIR RAM DBYE BAR 'DOD NAS SO, ,DE LA RGYAN BCAS PA NI DPE'I MING STE, DPER NA RANG BZHIN GYI RGYAN GZUGS BZANG PO LA MDZES BYED KYI RGYAN GDU BU LA SOGS PAS SPRAS PA GSAL BYED

, ,ME LONG LA SOGS PA'I NANG DU SHAR BA MTHONG NA, SKYE BO RNAMS DGA' BA SKYED BA LTAR, 'DIR YANG RANG BZHIN GYI RGYAN YUM GYI LUS BZANG PO LA MDZES BYED KYI RGYAN DON BDUN CUS BKRA BA GSAL BYED BSTAN BCAS 'DIR SNANG BA NA MKHAS PA RNAMS DGA' BA SKYED PA'I PHYIR NA RGYAN TE, MDO SDE RGYAN LAS, GZUGS RGYAN RANG BZHIN YON TAN LDAN PA ME LONG NANG SONG BA, ,MTHONG BA'I DBANG GIS MI RNAMS RAB TU DGA' BA'I MCHOG SKYED PA, ,DE BZHIN LEGS GSUNGS RTAG TU RANG BZHIN YON TAN LDAN PA YI, ,CHOS KYANG DON RNAMS PHYE BAS MKHAS RNAMS 'DI NA DGA' MCHOG SKYED, CES PA LTAR RO, ,TSIG LE'UR BYAS PA NI, 'GREL BSHAD GNYIS KAR, RJES SU BSNGAGS PA ZHES BYA BA'I TSIGS SU BCAD PA'I SDEB SBYOR DU BYAS ZHES DANG, TSIGS SU BCAD PA RTZA BA BZHI BA YI GE BRGYAD PAR BYAS BA'I MING STE, ZHES MTHUN PAR 'BYUNG BA LTAR RO, ,RNAM PAR DBYE BA NI DON TZAM ZHIG DBYE ZHES PA STE 'DI NI BRTZAM PAR DAM BCA' BA'O, ,DE BYAS PA LA DGOS PA CI ZHE NA, SHES RAB SDANG BU LAS, DAM PA MANG PO KHAS 'CHE MI BYED LA, ,GAL TE DKA' BAS KHAS NI BLANGS GYUR NA, ,RDO LA RI MO BRIS PA LTA BUR NI, ,SHI YANG GZHAN DU BYED PAR MI 'GYUR RO, ZHES PA LTAR BRTZAMS PA MTHAR DBYUNG BA'I CHED DU'O, ,RNAM PAR PHYE BA NYID LA YANG DGOS PA CI ZHIG YOD NA, GZHUNG LAM 'BRAS BU RANG BZHIN GYI SHER PHYIN NI KUN GYI ZHES PA'AM, RGYAS 'BRING BSDUS PA KUN GYI RGYAN DU RTOGS PAR 'GYUR BA'I PHYIR DU'O, ,GAL TE 'DI BRTZAMS PA NYID NAS RGYAN DU GRUB ZIN PA'I PHYIR RGYAN DU BYED

MI DGOS ZHE NA, NYES PA MED DE, SKYES BA DANG BUD MED RNAMS KYI GDU BU LA SOGS PA RGYAN DU GRUB ZIN KYANG DRI MA DANG BCAS PAR GYUR NA RGYAN GYI DGOS PA DGA' BA SKYED MI NUS PAS, RGYAN GYI RGYAN NI DRI MA SEL BA YIN PA LTAR, MKHAS PA DGA' BAR BYED PA'I RGYAN NI TSIG LE'UR BYAS PA NYID DO ZHES BSTAN DU ZIN KYANG MA RTOGS PA'AM LOG RTOG GI DBANG GIS 'DIS YUM DON GSAL BAR BYED PA MA YIN PA'I PHYIR RGYAN MA YIN NO SNYAM DU KLAN KA'I DRI MA SKYE SRID DO, ,DE LA SLOB DPON GYIS SGRA DRANG THAD DU BSTAN ZHING DON GSAL LA TSIG BDE BA'I 'GREL PA 'DI MDZAD PAS DRI MA DE DAG SEL BA'I SGO NAS RGYAN DU BYED PAS 'DI NI RGYAN GYI RGYAN TE, JI SKAD DU, SLOB DPON KA SHIS, KLAN KA NGAN PA'I DRI MA SEL BAS NA 'DI NI DBU MA'I RGYAN NO ZHES PA DANG MTHUN NO, , GANG DAG ,MNGON MTHO NGES LEGS KYI RGYU YIN PAS MNGON RTOGS BRGYAD NI YUM DE'I RGYAN ZHES DANG, MNGON PA'I SDE SNOD LA SOGS PA KUN GYI RGYAN ZHES 'CHAD PA SNGA MA LTAR NA, DE'I RGYAN TSIG LE'UR BYAS PA ZHES PA'I TSIG TZAM YANG MA MTHONG PAR GSAL LA PHYI MA YANG RTZOM PA PO'I DGONGS PA DANG 'GAL LA, DE LTAR TSIGS SU BCAD PA 'DIS NI, 'GREL PA BRTZAMS PA'I BRJOD BYA DANG, DGOS PA DANG, NYING DGOS DANG, 'BREL PA RNAMS KYANG BSTAN TO, ,DE YANG DANG PO NI MNGON RTOGS RGYAN TE BSHAD BYA YIN PA'I PHYIR RO, ,GNYIS PA NI YUM GSUM GA'I RGYAN DU RTOGS PA STE BSGRUB BYA YIN PA'I PHYIR RO, ,GSUM PA NI 'DI LA BRTEN NAS THOS BSAM SGOM PA MTHAR PHYIN PA NA, DE BZHIN GSHEGS PA'I YE SHES GANG

, ,YIN PA MING GZHAN SHER PHYIN ZHES PA THOB PA YIN TE, DE THOB PA NA SKYES BU'I 'DOD PA RDZOGS PAS DGOS PA GZHAN BTZAL DU MED PA'I PHYIR RO, ,DE GSUM NI RIM PA LTAR DAM BCA' DANG RKANG PA GSUM PA DANG DANG POS BSTAN TO, , BZHI PA NI BSTAN BCOS DANG DGOS PA'AM, DGOS PA GNYIS RGYU 'BRAS BU 'BREL PA STE DE NI SHUGS KYIS SO, ZHES PA NI SHER 'BYUNG GI DGONGS PA YIN LA TSIG GSAL DU, SGRA'I BRJOD BYA TSIG LE'UR BYAS PA, DON GYI BRJOD BYA RGYAL BA SKYED DAM RTZA BA'I DON LEGS PAR BSTAN PA DGOS PA, GDUL BYA GZHAN LA RGYAN DU GRUB PA NYID DGOS SO ZHES RANG LUGS BKOD NAS, GZHAN DAG NI TSIG LE'UR BYAS PA'I DON LEGS PAR BSTAN PAS DE RGYAN NYID DU GRUB PA NI DGOS PA YIN LA, DES RGYAL BA BSKYED MA'I DON MA LUS PA SHES PA NAS BZUNG STE MI GNAS PA'I MYA NGAN LAS 'DAS PA'I BAR DU NI DGOS PA'I YANG DGOS PA'O ZHES RTOG STE, DE NI DE LTAR GRUB PA NYID 'GREL PA 'BA' ZHIG GIS MI SRID LA, RTZA BA'I GZHUNG NYID KYI DBANG DU BYAS PA YANG 'OG NAS 'CHAD PAS MI 'THAD PA NYID DO ZHES 'CHAD PA NI, DE LAS KYANG MI 'THAD DE, 'GREL PA KHO NAS DE SGRUB MI NUS PAS DE'I NYID DGOS MIN NA, MI GNAS PA'I MYANG 'DAS DE RTZA BA'I YANG MIN PAR THAL BA DANG, RTZA 'GREL NYID DGOS GCIG PA MI 'GAL BA'I PHYIR RO ZHES PA NI GZHAN LUGS BKAG PA'I SKYON NO, ,RANG LUGS BZHAG PA LA YANG SKYON YOD DE, TSIG LE'UR BYAS PA LEGS PAR BSTAN PA NI 'GREL PA LEGS PAR BRTZAMS PA YIN LA, 'GREL PA BRTZAMS PA

'GREL PA BRTZAMS PA'I DGOS PAR MI 'THAD PA'I PHYIR, 'GREL PAS BSTAN PA LTAR GZHAN GYIS RGYAN DU RTOGS PA NI 'GREL PA BRTZAMS PA'I DGOS PA YIN LA, DE'I PHYIR RGYAN DU GRUB PA NI 'GREL PA BRTZAMS PA LA DGOS SOGS CHOS BZHI YOD PA'I NANG NAS DGOS PA MIN PAR NYID DGOS KHO NAS 'CHAD PA MI 'THAD PA'I PHYIR RO, ,DES NA BSHAD PA SNGA MA NYID MDZES SO, ,GNYIS PA NI, GAL TE KUN GYI RGYAN DU 'GYUR BA'I 'GREL PA RTZOM NA, KUN GYI RGYAN YIN PAR GANG LAS RTOGS SHE NA, ZHES PA'I LAN DU, MKHAS PA BZHI'I BSHAD PA LAS SO ZHES DANG, RNAM PAR DBYE ZHES RTZOM PAR DAM BCAS PA LA, CI MNGON RTOGS RGYAN GYI 'GREL PA GZHAN DAG KYANG YOD DAM ZHE NA, ZHES PA'I LAN DU YOD CES STON PA'I 'BREL SGRIG TSUL GNYIS LAS; 'DIR SNGA MA'I RJES SU 'BRANGS TE BSHAD DO, ,'DI LA BZHI LAS, RE ZHIG THOGS MED KYIS BSHAD TSUL NI, RNAM BSHAD MDZAD CES DRANG NGO, ,GANG GI NA, SHER PHYIN GYI MDO DON MA LUS PA SDUD PAS BSTAN BCOS CHEN PO'I STE MNGON RTOGS RGYAN GYI ZHES 'CHAD KYANG, SKU MCHED GNYIS KAS RGYAN DANG MA SBYAR BAR MDO NYI TSE BKRAL BAR GRAGS PAS TSIG GSAL DU BSTAN BCOS NI, NYON MONGS DGRA RNAMS MA LUS 'CHOS PA DANG, ,NGAN 'GRO SRID LAS SKYOB PA GANG YIN PA, ,'CHOS SKYOB YON TAN PHYIR NA BSTAN BCOS TE, ,GNYIS PO 'DI DAG GZHAN GYI LUGS LA MED, CES PA'I NGES TSIG GI TSUL GYIS NA BSTAN BCOS TE, DE YANG KHYAD PAR CAN RGYAL BA'I YUM RNAMS SO, ZHES PA LTAR MDO'O, ,YANG NA BSTAN BCOS DANG MDO MA

, ,SBYAR YANG DE GNYIS BRJOD BYA GCIG PA LA DGONGS SO, ,GANG GIS NA 'PHAGS PA THOGS MED SKYOB PA NYID GZIGS LAM GSUNG BA, ZHES RNAM 'GREL DU BSHAD PA LTAR RANG GIS GZIGS PA'I LAM GZHAN LA STON PAS SKYOB PA STE NGES SO, ,RGYU GANG LA BRTEN NAS SKYOB NA, 'GRO BA RIGS LNGA LA CHAGS PA STE BRTZE BA BYANG SEMS CHEN PO RNAMS DANG 'DRA BAR KUN TU CHAGS PA STE LHAG PAR YANG BRTZE BAR MDZAD PA'I SNYING RJE LA BRTEN NAS SO, ,SLOB DPON 'DI YON TAN GYI KHYAD PAR CI LTA BU ZHIG DANG LDAN ZHE NA, 'JAM DPAL RTZA RGYUD DU, THOGS MED CES BYA'I DGE SLONG NI, ,BSTAN BCOS DE NI DON LA MKHAS, ,MDO SDE NGES DON DRANG BA'I DON, ,RNAM PA MANG PO RAB TU 'BYED, ,'JIG RTEN RIG PA STON BDAG NYID, ,GZHUNG 'BYED BAR TSUL CAN DU 'GYUR, ZHES DANG, BSTAN PA YUN RINGS GNAS BYA'I PHYIR, ,MDO YI DE NYID DON SDUD BYED, ,LO NI BRGYA DANG LNGA BCUR 'TSO, ,DE LUS ZHI GNAS LHA YUL 'GRO, ZHES LUNG BSTAN PA DANG, DBU MA RGYAN GYI RANG 'GREL DANG, DBU MA'I MAN NGAG RIN PO CHE'I ZA MA TOG KHA PHYE BA DANG, TSIG GSAL DUS GSUM BA BRNYES PAR BSHAD CING, MAN NGAG RJES 'BRANG DU, THUB PA'I RGYAL PO'I YUM 'DI MGON PO BYAMS PA LAS, ,'PHAGS PA'I LAM NI THOB PA THOGS MED CES BYA 'DIR, , DON NI GANG ZHIG THOB 'GYUR DE NI BDAG GIS SBYAR, ZHES BSHAD CING, YANG DE NYID LAS, 'PHAGS PA THOGS MED ZHABS KYIS KYANG, SNYING RJES SROG CHAGS RNAMS LA 'TSO BA'I TSUL GYIS YAN LAG DANG NYING LAG THAMS CAD KYI SHA LA SOGS PA BCAD

CING SBYIN PAR MDZAD PA LAS, DGA' LDAN GYI GNAS NAS BYON PA'I MGON PO BYAMS PA MTHONG NAS, JI LTAR SNGA MA'I LUS DE THOB STE, DE'I GDAMS NGAG GIS CHOS KYI RGYUN GYI TING NGE 'DZIN NI BRNYES PAR GYUR TO ZHES PA LTAR RO, ,THOGS MED RANG GI BLOS DPYAD PA KHO NAS 'CHAD DAM 'ON TE BLA MA'I MAN NGAG LAS KYANG YIN ZHE NA, SNGA MA NI MIN GYI LHA DANG MI RNAMS KYI DAM PA DANG 'JIG RTEN GYI GTZO BOR GYUR PA DANG, DBANG PHYUG DANG KHYAB 'JUG LA SOGS PAS KYANG MI THUB PA'I PHYIR MI PHAM, SEMS CAN GYI MGON LA NYID KYIS TE BDAG NYID KYIS DANG POR GSAN NAS DE'I DON LEGS PAR BSAMS SHING BSGOMS PAS BRTEN PAR BYAS NAS NI'O, ,DE YANG GRAGS PA LA, DGA' LDAN DU RGYAL TSAB LA MI LO LNGA BCU CHOS GSAN ZHES 'BYUNG LA, SA SDE'I GNA' 'CHANG LAS ZLA BA DRUG CAS 'BYUNG NGO, ,DE'I TSE RJE BTZUN GYIS THOGS MED KYI DON DU MNGON RTOGS RGYAN LA SOGS PA RNAMS MDZAD PAR MKHAS PA RNAMS LA GRAGS TE, RGYAN SNANG LAS, DE YANG 'DI LTAR THOS TE, 'PHAGS PA THOGS MED KYIS GSUNG RAB MA LUS PA'I DON THUGS SU CHUD CING RTOGS PA THOB PA YIN DU ZIN KYANG, ZLOS TE GSUNGS PA MANG BA DANG ZLOS TE GSUNGS PA MA YIN PA'I PHYOGS LA YANG TSIG SO SOR BCAD PA MA GZIGS PA DANG, ZAB PA NYID KYIS NA SHES RAB KYI PHA ROL TU PHYIN PA'I DON DPOG PAR MA DPYOD NAS, YID MI BDE BA RJES SU THOB PAR GYUR TE, DE NAS DE'I DON DU BCOM LDAN 'DAS 'PHAGS PA BYAMS PA MNYES PAR BYAS NAS, SHES RAB KYI PHA ROL TU PHYIN PA'I MDO'I BSHAD PA MNGON PAR RTOGS PA'I RGYAN GYI TSIG LE'UR BYAS PA'I BSTAN

, ,BCOS MDZAD DO, ,DE GSAN NAS YANG SLOB DPON 'PHAGS PA THOGS MED KYIS, SLOB DPON DBYIG GNYEN LA SOGS PA LA YANG BSHAD PA YIN NO, ZHES SO, ,ZLA 'OD LAS NI, MCHOG TU ZAB PA'I PHYIR BYANG CHUB SEMS DPA' MA YIN PA RNAMS KYIS RJES SU RTOGS PAR DKA' BAS THUGS RJES DES RTOGS PA'I DON DU 'PHAGS PA BYAMS PAS BSDUS PA'I RJES LA DUS DER GNAS PA NYID NA MNGON PAR RTOGS PA'I RGYAN GYI TSIG LE'UR BYAS PA'I BSTAN BCOS KYIS GSAL BAR MDZAD KYI, 'PHAGS PA THOGS MED KYIS BSGRUBS NAS DUS PHYIS BYAS ZHES PA NI SENG GE BZANG PO LA SOGS PA RNAMS KYI 'KHRUL PA STE, SNGON DU BYAS PA LA RJES SU BRJOD CES PA NI GZHAN DAG GI'O, ZHES 'CHAD KYANG MI 'THAD PAR GO STE, SHES BYED GZHAN MED PA MNYAM PO LA MKHAS PA PHAL MO CHE LA BRGYUD NAS GRAGS PA'I GTAM RGYUD LA SNGA MKHO NA SNANG BA'I PHYIR RO, ,GANG DU NA, 'PHAGS PA THOGS MED CES BYA GRAGS PA GSAL LDAN SHES RAB LDAN PA'I MCHOG GYUR PAS, ,DE NYID RNAM PAR NGES PAR BSHAD PA RAB TU SBYAR MDZAD CES PA LTAR RO, ,'DI LA NYI KHRI DE NYID RNAM NGES ZER BA NI BRTAG DGOS SO, ,GNYIS PA DBYIG GNYEN GYIS BKROL TSUL NI, RNAM PAR BKROL ZHES DRANG NGO, ,GANG NA SNGAR LTAR RO, ,GANG GIS NA, 'GRO BA RNAMS KYI THOB BYA'I DON MNGON MTHO DANG NGES LEGS KYI RGYU KHA NA MA THO BA MED PA'I LAM BSTAN NAS 'DOD PA RDZOGS PAR BYED PAS RTZA LAG MTSAN DBYIG GNYEN ZHES PA DES SO, ,GANG DU NA, DNGOS DANG DNGOS MED RNAM DBYE'I PHYOGS LA MKHAS PAR SHES PA'I MNGON RLOM GYIS MTHO BA, ,

SLOB DPON DBYIG GNYEN GYIS NI GZHUNG GI 'GREL PAR DON BSHAD PA LA GNAS THOB GYUR, ZHES PA LTAR NYI KHRI'I GZHUNG 'GREL DU'O, ,TSUL JI LTA BUS NA, PHYI ROL MED CING SHES BYA YUL DU SNANG BA THAMS CAD NANG SEMS KYI SNANG BA TZAM YIN ZHING SEMS DE NYID GSHIS LA GRUB PAR 'DOD PA RNAM RIG PA'I TSUL LA YANG DAG PAR BRTEN NAS SO, ,DE'I RGYU MTSAN YANG SLOB DPON RANG NYID SEMS TZAM GYI LUGS LA MOS PA GTZOR BYED PA STE LHUR LEN PAS SO, ,DE BZHIN DU TSIG GSAL DU YANG, 'PHAGS PA THOGS MED DANG SLOB DPON DBYIG GNYEN DAG GIS SKABS BRGYAD DU PHYE BA MED KYI DON GZHAN DU RNAM PAR RIG PA'I GRUB PA'I MTHAR RGYAL BA'I YUM BKROL TE, TSIG LE'UR BYAS PA THEG PA CHEN PO DBU MA'I LTA BA 'DI NI SLOB DPON DBYIG GNYEN DE'I YUL DU MA GYUR PAS NA, 'PHAGS PA THOGS MED SA 'OD BYED PA BRNYES PAS KYANG DE 'DUL BA DANG 'TSAMS PAR BKROL TE, SEMS CAN GCIG GI DON GYI PHYIR, ,PHYI MTHA'I BAR DU GNAS PAR BGYI, ZHES GSUNGS PA'I RJES SU 'BRANGS PAS SO ZHES 'BYUNG ZHING RTOGS DKA'I SNANG BA DANG, SHER 'BYUNG DANG, BUD DHA SHR'IS KYANG SEMS TZAM DU BKRAL BAR 'CHAD DO, ,MAN NGAG RJES 'BRANG DU NI NYI KHRI'I GZHUNG 'GREL DU, KLU SGRUB KYI LUNG SHES BYED DU DRANGS NAS 'CHAD PAS DE'I LUGS DANG 'GAL BA SMRA MI NUS LA, RNAM RIG TZAM LA MA ZHEN PAR STONG NYID KYI RGYA MTSO 'DZIN MI NUS, SANGS RGYAS KYIS SEMS TZAM DU BZUNG BA BZHIN DU 'PHAGS PA RNAMS KYIS RNAM PAR SHES PA'I TSUL BSHAD PA YANG DRANG DON YIN NO ZHES PA LA SOGS PA BSHAD NAS, NANG GI SHES BYA LA

, ,BRTEN NAS, DBYIG GNYEN GYIS NI RNAM PAR BKROL, ZHES BYA BA SUN PHYUNG BA'O, ZHES DANG, RTOG GE PA RNAMS KYIS NI, 'PHAGS PA RNAMS KYI GZHUNG NGOS DON DU GNAS PA BSGYUR NAS RNAM RIG TZAM DU BSHAD CING, DE YANG SLOB DPON ZLA BA GRAGS PA'I ZHAL SNGA NAS DBU MA 'JUG PA LAS SUN PHYUNG NGO, ,DER YANG DON DAM PA'I PHAR PHYIN GYI TSUL NI SUN 'BYIN PA MA YIN TE, RANG NYID KYIS KYANG 'DOD PA'I PHYIR RO, ,DE LTA MA YIN PAR 'PHAGS PA RNAMS KYANG 'DOD PA THA DAD PAR STON NAM 'BRAL PA CHEN PO SMRAS PAR 'GYUR RO, ,DE RNAMS LA DGONGS NAS 'JUG PA'I 'GREL PAR, GNAS BRTAN CHOS SKYONG LA SOGS PA BSTAN BCOS KYI MDZAD PA PO DE RNAMS KYANG STONG PA NYID KYI DE KHO NA NYID YONGS SU 'DOR BA YIN ZHES BYA'O ZHES 'DREN NO, ,'ON KYANG ZHIB 'BYUNG GNAS RANG NYID PHYOGS GLANG GI BSHAD PA LA TSAD MAR BYED PA DANG, 'JUG 'GREL GYI LUNG DE SHES BYED DU 'DREN PA 'GAL BAR MTHONG STE, LUNG DE LAS NI PHYOGS GLANG GIS KYANG RTEN 'BREL ZAB MO'I DON MA BSHAD PAR 'DOD PA'I PHYIR RO, ,DES NA SLOB DPON SKU MCHED DANG PHYOGS GLANG LTA BU RNAMS LTA ZHOG ,GANG ZAG PHAL PAR GRAGS PA RNAMS LA YANG 'DIS 'DI RTOGS 'DIS 'DI LAS MA RTOGS ZHES RANG DBANG DU RGYUD TSOD GZUNG BAR GA LA NUS, DE LTA NA YANG DE DAG GI GZHUNG LUGS NAS BSHAD TSOD NI RNAM RIG TZAM DU BKRAL NAS DE NYID DBU MA'I DON DU 'CHAD PAR RGYA BOD KYI MKHAS PA PHAL MO CHE LA GRAGS SHING GRAGS PA LTAR YANG SNANG STE, DPER NA BLA MA SH'ANTI PAS RNAM RIG TZAM NYID DBU MAR BSHAD PA'I STENG NAS,

KLU SGRUB DANG THOGS MED DGONGS PA GCIG PAR BSHAD PA DBU MA RGYAN RTZA 'GREL DANG, SEMS GSAL MYONG 'DI NYID GSHIS LA GRUB CING DE'I STENG DU GZUNG 'DZIN MED PA DBU MAR 'CHAD PA SHER PHYIN MAN NGAG LTA BU YIN PAS DE DAG TU LTOS SHIG ,YUM GSUM GNOD 'JOMS DANG, ZHI BA 'BANG GNAS GNYIS KYI LTA BA'I 'GANGS MTHUS PAR SNANG BAS DE'I TSUL DANG SNGA MA RNAMS KYI RGYU MTSAN MDO TZAM YANG SKABS JI LTA BZHIN DU 'CHAD PAR 'GYUR RO, ,GSUM PA 'PHAGS PAS PHYI TSUL NI, RNAM PAR PHYE'O, ,GANG NA MDO DANG RGYAN GNYIS TE 'OG MA LA YANG SHES PAR BYA'O, ,GANG GIS NA, 'JIG RTEN LAS 'DAS PA'I YE SHES SKYES PAS 'PHAGS PA'I KHONGS SU GTOGS PA YI, RNAM PAR GROL BA'I SDE ZHES BYA BA DES SO, ,KYANG NI SNGA MA GNYIS SU MA ZAD PA'O, ,GANG DU NA, RNAL 'BYOR GOMS PA'I DON GYI DE NYID BSRUBS PAS 'JIG RTEN 'DAS PA'I SHES LDAN PAR, ,SKYES GYUR BLO BZANG 'PHAGS PA RNAM GROL SDE YIS 'GREL PA LA NI CHER 'BAD LA, ZHES PA LTAR NYI KHRI'I 'GREL PAR RO, ,BLO GANG GIS NA, YUM DANG BSTAN BCOS KYI DON YOD MED RTAG CHAD KYI MTHA' DANG BRAL BA DBU MAR GNAS PA LA DE LTAR RTOGS PA'I BLOS SO, ,'DIR SNGA MA RNAMS 'GYUR 'DI LTAR NA SHES BYA NANG GI YIN PA LA ZUR ZA LA, GZU BOR GNAS PA'I BLOS ZHES PA LTAR NA RANG MOS GTZOR BYED LA ZUR ZA ZHES 'CHAD DO; ;CI STE SNGA MA GNYIS KYIS PHYE ZIN PAS 'DIS 'BYED MI DGOS SHE NA, SNGA MA GNYIS PO DES 'GREL PA BYAS PA RNAM RIG TZAM GYI GZHUNG DANG, MTHUN PA'I PHYIR RAM, SKABS KYI DON MA BRJOD CING RNAM RIG LA ZHEN PA MA SPANGS BA'I PHYIR, YUM DON JI LTA

, ,BA BZHIN BYAS PA MIN PAR MTHONG NAS PHYE BAS NYES PA MED DO, ,BZHI PA, BTZUN PAS RNAM BSHAD BYAS TSUL NI, RNAM BSHAD BYAS SO, ,GANG GIS NA, RNAM GROL SDE DAD PA'I SA TSOGS LAM PHAL PA LA GNAS PA DE YIS SO, ,DUS NI 'PHAGS PAS MDZAD PA DE'I 'OG TU'O, ,GANG DU NA, MTHA' GCIG SKYES GYUR MI MTHUN PHYOGS LTA ZHI BYED BSTAN BCOS LA MKHAS RTOGS LDAN GANG, ,RNAM GROL SDE ZHES TSIG TU 'JIG RTEN NA GRAGS GZHAN PA DES NI RNAM 'GREL MDZAD, CES PA LTAR NYI KHRI RNAM 'GREL DU'O, ,JI LTAR NA, BSTAN BCOS RGYAN GYI TSIG DON MTHA' DAG TSANG PAR MA RNYED PAR RANG GIS JI LTAR RNYED PA DANG RJES SU MTHUN PAR RO, ,GRUB MTHA' RAB 'BYAMS LAM 'DRIS PAR RIG PA RTZOM PA NI SHES RAB 'PHEL BA'I RGYU'O, ZHES PA LTAR RANG DANG RJES SU MTHUN PA STE RANG GI SHES RAB 'PHEL BA'I PHYIR DU BRTZAMS KYI GZHAN LA PHAN 'DOD PA'AM MNGON PA'I NGA RGYAL GYIS NI MA YIN NO, ,'DI NI 'DAB GSHOG CUNG ZAD SKYES PA'I BYA 'PHUR BAR RTZOM PA DANG 'DRA BAR BSNGAGS PA YIN GYI SMAD PA MIN NO, ,KHA CIG YUM MTHA' DAG MA RNYED ZER BAS NI LEGS PAR MA SMRAS SO ZHES DANG, KUN MA RNYED CES PA NI RANG RANG GI BLOS MA RTOGS PA STE GZHUNG MA RNYED PA NI MA YIN NO ZHES TSIG GSAL DU'O, ,RTOGS DKAR, BSTAN BCOS MA LUS PA DE MDZAD PA PO LAS DNGOS SU MA THOS PA'AM MA MTHONG BA'O, ,YANG NA MNGON PA'I SDE SNOD LA SOGS PA'I BSTAN BCOS MTHA' DAG MA RNYED PA'O ZHES 'CHAD PA NI SKABS DANG MI MTHUN ZHING HA CANG THAL BA'I BSHAD PA'O, ,GZHUNG MA RNYED PA LA SNGA MA RNAMS

DGOS 'BREL DANG, SEMS BSKYED PA'I RAB DBYE, DGE 'DUN NYI SHU, NGES 'BYED RGYAS BSHAD LA SOGS PA'I BSTAN BCOS KYI TSIG MA RNYED PAR MDO LE MANG RANG DANG MTHUN PAR BSHAD DE, MA RNYED PA'I RGYU MTSAN YANG RGYUN ZHUGS 'BRAS GNAS TZAM PO, 'PHAR GSUM SRID RTZE'I MTHAR THUG 'GRO ,GZUGS KYI CHAGS BCOM, DGRA BCOM 'BRAS ZHUGS GNYEN PO DANG RDZAS LA BRTEN PA'I RTOG PA RNAMS KYI MDO LE MANG NA MED PAS, DE DANG BSTAN BCOS MA MTHUN PAS BSTAN BCOS KYI TSIG MA YIN NAM SNYAM DU BSAMS SO ZHES 'CHAD DO, ,DE LA RNAM 'GREL DER RTZA BA DE DAG MED KYANG DMIGS RNAM RGYAS BSHAD KYI BSHAD PA RDZOGS PA DANG, MDOR BSTAN GYI RKANG PA DANG PO GNYIS DRANGS NAS LHAG MA LA SOGS KYI SGRA DANG, DGE 'DUN NYI SHU LA YANG DGE 'DUN GYI MDO DANG PO'I STONG DRANGS NAS SOGS KYI SGRA SBYAR RO, ,SEMS BSKYED KYI DBYE BA LA MDO NGO BO RNAMS NYI KHRI 'GREL PAR BSHAD PA LA KHA 'PHANGS SHING RAB DBYE RNAMS BLO GROS MI BZAD PA SOGS SU BLTA STE 'DIR MA BKOD PA GZHUNG MANGS PA SPANG BA'I CHED DO ZHES 'BYUNG LA; RTOG PA BZHI LA NI DANG PO LA BDUN BRGYAD GNYIS MA GTOGS PA BDUN 'OL SPYI GCIG SNANG ZHING LHAG MA GSUM LA SPYI MING TZAM LAS MA GTOGS PA'I DBYE BA MA BYAS PAR BZHI PA'I SKABS SU 'DI DANG SKABS GZHAN DU YANG BSTAN BCOS DANG SBYAR BAR BYA STE 'DIR MA SBYAR BA GZHUNG MANGS PA SPANG BA'I PHYIR YIN PAR BSHAD PAS BSTAN BCOS MA BRIS PA DE DAG KYANG GTAN MA RNYED PAR MI SNANG NGO, ,NYI KHRI'I RNAM 'GREL 'DI BTZUN PA GROL SDE DANG MING MTHUN PA GCIG GAM, 'PHAGS PA'I SLOB MAR GRAGS

, ,PA'I TSUN PA'I YIN BRTAG PAR BYA STE, RGYAN SNANG DU GLENG GZHI DANG RTZE MO'I KUN TU RGYU SDE CAN GYI SKABS SU BTZUN PA'I BSHAD PA DRANGS PA RNAMS 'DI LA MI SNANG BA'I PHYIR RO, ,CI'I PHYIR MKHAS PA 'DI BZHI'I PHYE TSUL BKOD CE NA, RANG NYID SNGON GYI MKHAS PA RNAMS KYI LUGS LA MKHAS PAR BSTAN PAS RANG GI GZHUNG LA GZHAN 'JUG PAR BYA BA'I PHYIR DANG, GZHUNG DU MTSOL BA RNAMS LA PHAN GDAGS PAR BYA BA'I PHYIR RO, ZHES TSIG GSAL DU'O, ,SHER 'BYUNG NI, KHYOD KYIS RTZOM MI RIGS TE SNGON GYI SLOB DPON RNAMS KYIS MDO LA RMONGS PA BZLOG ZIN LA, MA BZLOG NA KHYOD KYIS KYANG BZLOG MI NUS ZHES PA'I LAN DU, BCOM LDAN 'DAS MA'I BSHAD PA DANG t'IKA MDZAD PA'I 'PHAGS PA DANG SLOB DPON GYIS NI GZHI LAM RNAM PA THAMS CAD BSDUS KYANG MNGON RTOGS DANG MA SBYAR ZHING, SEMS TZAM DU BKROL BAS NA RMONGS PA THAMS CAD MA BZLOG LA, 'GREL PA DANG RNAM 'GREL MDZAD PA'I 'PHAGS PA DANG, SLOB DPON DAG GIS KYANG MNGON RTOGS DANG SBYAR YANG KUN GYI RGYAN DU MA GYUR ZHING MA TSANG BAS DOGS PA MA BZLOG GO ,KHO BO NI BYAMS PAS BSTAN CING RNAM SNANG BZANG PO'I DRIN LAS GZHI LAM RNAM PA THAMS CAD BSDUS SHING MNGON RTOGS DANG SBYOR BAS KUN GYI RGYAN DU 'GYUR BA'I PHYIR DANG, DBU MA DANG SBYAR BAS DOGS PA THAMS CAD BZLOG PA'O, ZHES 'CHAD DO, ,GSUM PA NI, DE LTAR DBYIG GNYEN DANG BTZUN PAS MA RNYED PAR BRTZAMS LA 'PHAGS PAS RNYED NAS YIN NA KHYOD KYIS RNYED NAS SAM MA RNYED NAS RTZOM ZHE NA, BSTAN BCOS KYI DON MTHA' DAG 'DI RNYED DO ZHES TSIG RNAM PAR SBYAR RO, ,BSTAN BCAS

KYI DON CI 'DRA BA ZHE NA, SNGAR BSHAD PA DE LTAR MKHAS PA 'PHAGS GROL GYIS NI SNANG BAR BYAS PA STE RNYED CING 'GA' ZHIG KHO NA STE DBYIG GNYEN DANG BCUN PA DANG GDUL BYA'I DBANG LAS, THOGS MED RNAMS KYIS MA RNYED PA'I YUM DANG RGYAN GYI DON DE'O, ,TSUL NI 'PHAGS BAS RNYED PA DE LTAR RO, ,DE LTAR RNYED PA GANG YIN PA DE YA MTSAN ZHES PA NI SNGON BSOD NAMS RLABS PO CHE BSAGS PA 'DRA ZHES DGA' BA STON PA'O, ,BZHI PA NI, DE LTAR MKHAS PAS SNANG BAR BYAS PA YANG BDAG GIS SHES LA, LA LAS DON TSANG BAR MA RNYED PA LAS BDAG GIS TSAD PAR RNYED DO ZHES BSTAN PA DE YANG RANG GI LHAS BYIN PA LA SOGS PA NI MA YIN GYI SANGS RGYAS KYI MTHUS YIN PAR BSTAN PA'I PHYIR, DE LTAS NAS RNYED PA NI ZHES PA'I BAR DU GSUNGS SO, ,DE LTAS NI SNGAR BSHAD PA DAG GIS MA RNYED PA'O, SHIN TU RNYAD DKA' BA'I ZAB MO'I LAM 'DI NI MNGON RTOGS BRGYAD STONG PA NYID DO, ,CI ZHIG LTAR NI STES DBANG NGO, ,DE LTAR SANGS RGYAS KYI MTHUS RNYED NAS BRTZAMS PA'I PHYIR BDAG GI GZHUNG 'DI LA PHYI RABS KYI MKHAS PA GZUR GNAS RNAMS KYIS MNYAN PA DANG BSHAD PA'I SGO NAS DBYE BA DANG 'JUG PAR RIGS SO ZHES PA'O, ,LNGA PA NI, CI 'GREL PA RTZOM NA MDO'I DON THAMS CAD KHYOD KYI YUL DU GYUR RAM ZHE NA, SHER PHYIN GYI DON RNAMS RNAM PA KUN TU STE THOS PA LA SOGS PA'I RNAM PAS KYANG BDAG GI NI SPYOD YUL MIN YANG RTZOM PA LA SPRO BA SKYES SO, ,YUL MIN NA RTZOM PAR MI RIGS SHE NA, RANG DANG GZHAN LA PHAN GDAGS PAR 'DOD PA'I LHAG PA'I BSAM PAS KUN NAS BSLANG BA'I PHYIR ZHES PA MED DO, ,RANG GZHAN LA PHAN 'DOGS PA'I THABS

, ,SU 'GREL PA RTZOM PA CI ZHIG 'BREL ZHE NA, RANG GZHAN GYI RGYUD LA BSOD NAMS DAG SGRUB PA DANG 'GREL BA RTZOM PA DON MTHUN PA'I PHYIR TE, DE LA BRTEN NAS RANG GZHAN GYI RTOGS PA 'PHEL BAR 'GYUR BA'I PHYIR RO, ,'DI DANG SNGA MA'I RKANG PA THA MAL 'GREL BSHAD GNYIS 'DI LAS GZHAN DU 'CHAD KYANG DGONGS PA MIN NO, ,'DIS RANG NYID BSAM PA DAG PAR BSTAN CING BSAM PA 'DI LTA BU'I SGO NAS RTZOM PA LA SPRO BA SKYED CIG CES GZHAN LA GDAMS NGAG TU SBYAR RO, ,GNYIS PA LA GNYIS, GDUL BYA DANG BSKYED PA'I YAN LAG MCHOD BRJOD, RTOG LDAN BSTAN BCOS LA 'JUG PA'I YAN LAG DGOS 'BREL LO, ,DANG PO LA GNYIS, MCHOD BRJOD DNGOS DANG, DE LA RTZOM PA SPANG BA'O, ,DANG PO LA GSUM, MTSAMS SBYAR, RTZA BAS BSTAN, 'GREL PAS BSHAD LA'O; ;DANG PO NI, PHYAG 'TSAL ZHES DRANG NGO, ,GANG LA NA, SRAS BZHI'I YUM LA'O, ,GANG GI SGO NAS NA, NYER ZHIR KHRID PA SOGS KYI YON TAN JI LTAR GNAS PA BZHIN DU SGRO SKUR DANG BRAL BAR BRJOD PA SNGON DU 'GRO BA CAN GYI SGO NAS SO, ,GANG GIS NA, RJE BTZUN GYIS SO, ,DUS NI, BSTAN BCOS 'DI RTZOM PA'I DANG POR RO, ,RE ZHIG NI RIM BA STON PA'O, ,CI ZHIG GI DON DU NA, 'DI LA GNYIS LAS, RANG DON GYI DGOS PA NI, SO SKYE'I SA LAS RING DU SONG BAS 'PHAGS PA SEMS CAN RNAMS LA BU GCIG BA LTAR BRTZE ZHING SLOB PA DANG MI SLOB PA'I GNAS SKABS THAMS CAD DU BYAMS PA'I MTSAN MI 'DOR BA'I BYAMS PA RANG NYID KYI SPYOD PA SKYES BU DAM PA RNAMS KYIS SPYOD PA DANG MTHUN PAR STON PA'I PHYIR RO, ,DE YANG DAM PAS BYAS PA'I BSTAN BCOS LA GZHAN

'JUG PA'I CHED DU'O, ,DE LTAR NA 'DI NI DANG BA LA BYANG CHUB KYI RGYU'I GTZO BO BYED PA'I NUS PA JI LTAR YOD CES PA'I LAN DU, RAB TU DANG BA NYID KYI RANG BZHIN RGYUD LA SKYES PA TZAM GYIS RNAM G-YENG DANG MI DGE BA LAS SEMS LOG NAS TING NGE 'DZIN, DAM PA DANG, DGE BA BCU'I BYA BA'AM SPYOD PA LA 'JUG PAS SO ZHES GZHUNG PHYI MA'I RGYU MTSAN DU 'CHAD PA NI DGONGS PA MIN NO, ,GZHAN DON GYI DGOS PA NI, GDUL BYA GZHAN DAG RAB TU DANG BA BSKYED PA'I CHED DU'O, ,DE'I DGOS PA NI THOS SOGS KYIS 'JUG PAR BYA BA'I PHYIR YIN LA, DE YANG BYANG CHUB 'THOB PA'I DON GYIS TE PHYIR DU'O, ,GANG LA DANG NA, NYON MONGS BAG CHAGS DANG BCAS PA BCOM PA'AM BDUD BZHI BCOM ZHING JI SKAD DU, DBANG PHYUG DANG NI GZUGS BZANG DANG, ,DPAL DANG GRAGS DANG YE SHES DANG, ,BRTZON 'GRUS PHUN SUM TSOGS PA STE, ,DRUG PO RNAMS LA SKAL ZHES BYA, ZHES PA LTAR DE BZHIN NYID RNAM RTOG GI BAG CHAGS MA LUS PAS DBEN PA'I DBANG PHYUG DANG, ME LONG LTA BU'I YE SHES KYIS GZUGS BZANG DANG, MNYAM BA NYID KYI YE SHES KYIS DPAL DANG GRAGS DANG, SO SOR RTOG PA'I YE SHES DANG, BYA SGRUB YE SHES KYIS BRTZON 'GRUS TE, LEGS PA DRUG DANG LDAN PA'I BCOM LDAN 'DAS MA LA'O, ,DE YANG BHA GA WAN ZHES PA'I SKAD DOD LA 'DAS PA MED KYANG, MDO SDE LAS SANGS RGYAS LA 'JIG RTEN LAS 'DAS PA ZHES KYANG 'BYUNG BAS, 'DAS ZHES BLA THABS SU BSNAN NAS BCOM LDAN 'DAS SU BSGYUR ZHES SGRA SBYOR BA MA GNYIS SU BSHAD PA LTAR RO, ,YUM 'DI GANG ZAG GSUM DANG 'BREL PAS BCOM LDAN

, ,'DAS KYI SGRA BSHAD PA LTAR, MI 'JUG KYANG PHYOGS GCIG GI MING GIS THAMS CAD LA BTAGS PA'O, ,BCOM LDAN 'DAS MA DE YANG JI 'DRA BA ZHE NA, NYER ZHIR KHRID PA SOGS KYI YON TAN 'DOD PA RDZOGS PAR BYED PAS RIN PO CHE LAM SO SO LA LTOS TE MTHAR THUG PAS PHUL DU DBYUNG DU MED CING GRANGS MANG BAS DPAG TU MED PA STE MDOR NA SRAS BZHI'I BZHED DON MTHAR THUG PA'I 'BYUNG GNAS SAM RGYUR GYUR PA'O, ,CI'I PHYIR DANG BA BSKYED PA'I CHED DU MCHOD BRJOD GSUNGS SHE NA; RANG GIS MYONG BA LTAR GZHAN LA BSTAN MI NUS SHING, GZHAN GYIS KYANG BSTAN PA LAS RTOGS PAR BYA MI NUS LA, RNAL 'BYOR BA RANG RANG GIS RTOGS PAR BYA BA'I SO SO RANG GIS RIG PA'I YE SHES KYI YUL DU BYAS PA CAN GYI SHER PHYIN LA RAB TU DANG BA NI 'JIG RTEN DANG 'JIG RTEN LAS 'DAS PA'I LEGS PA THAMS CAD 'THOB PA'I THABS RNAMS KYI NANG NAS RGYU'I GTZO BO YIN NO ZHES BYA BAR NGES PAR BZUNG BA'AM RTOGS NAS DANG BA BSKYED PA'I DON DU TSIGS BCAD 'DI GSUNGS SO ZHES RNAM PAR SBYAR TE, GTZO BOR 'GYUR TSUL NI PHYI 'GREL GYIS 'CHAD DO, ,'DI NI SLOB DPON GYI BZHED PA'O, ,TSIG GSAL DU MI RTOG YE SHES DE MI RTOG BZHIN SHER PHYIN GYI YUM GYI DANG BAR JI LTAR BZHAG ,DANG BA NI SEMS BYUNG DANG BA YIN NO ZHES PA'I LAN DU, MIG SHES KYIS MTHONG BA'I GZUGS LA DE'I RJES SU YID KYIS CHAGS PA LTAR MI RTOG YE SHES KYIS YUM NGES PAR BYAS NAS DE'I RJES THOB KYIS MNYAM GZHAG GIS JI LTAR BZUNG BA'I YUM LA DANG BAR BYED CES 'CHAD PA

DANG; YANG NA SO SO RANG GIS RIG PA'I YUL CAN SHER PHYIN LA RAB TU DANG BA ZHES RNAM PA GZHAN DU SBYAR BA LA YANG NYES PA MED DO ZHES LUGS GNYIS BYUNG YANG SNGA MA MI 'THAD PA RTOGS SLA ZHING PHYI MA 'THAD DE, DE NI SNGAR BSHAD DO, ,SNGA MA RNAMS NI DANG BA DANG BYANG CHUB GNYIS KYI RGYU 'BRAS KYI 'BREL PA BLOS BTAGS PA TZAM MAM TSAD MAS GRUB SNYAM NA, MA PHAM PA RANG GI MNYAM GZHAG GI YUL MIN PAS DES DRANGS PA'I RJES THOB KYIS NGES PAR BZUNG NAS SO ZHES 'CHAD BA NI MA 'BREL TE, NAS ZHES PA LHAG MA CAN YIN PAS BZUNG NAS ZHES BYA BA GSUNGS SO ZHES SBREL DGOS PAS SO, ,GNYIS PA NI, PHYAG 'TSAL LO, ,GANG LA NA YUM MKHYEN GSUM DE LA'O, ,SU'I YUM ZHE NA, NYAN THOS DANG RANG RGYAL BYANG CHUB SEMS DPA'I TSOGS DANG BCAS PA STE DE RNAMS DANG LHAN CIG PA'I SANGS RGYAS KYI NI YUM MO, ,DE LTA NA NYAN RANG DANG BYANG SEMS KYI YUM MIN NAM ZHE NA, BZHI GA'I YUM YIN KYANG SPYI LA GCIG TSIG SBYAR BA TZAM STE, DAG LDAN LAS, NYAN THOS LA SOGS PA'I TSOGS DANG BCAS PA'I SANGS RGYAS KYI STE RIGS LA GCIG GI TSIG GO ZHES DANG, DE'I TSOGS DANG BCAS PA'I SANGS RGYAS RNAMS KYI YUM ZHES GSUNGS PA LAS 'DI NI DE RNAMS KYI YANG YUM YIN PAR RTOGS SO, ZHES PA LTAR RO, ,DE'I PHYIR DE NYID LAS, SANGS RGYAS NI BLA MA DAM PA YIN ZHING DE RNAMS KYI YANG YUM 'DI YIN PA DES NA 'DI NI BLA MA DAM PA'I YANG BLA MA YIN PA DE'I PHYIR ZHES PA'I TSIG GIS YUM 'DI 'BRAS YUM DU 'KHRUL BAR MI BYA STE, SANGS RGYAS KYI BZHED BA SGRUB PA'I RNAM MKHYEN YUM GYI KHYAD PAR YIN PA LA DGONGS NAS

, ,DE LTAR BSHAD PA'I PHYIR TE, SGRA SOR BZHAG NA SANGS RGYAS LAS LHAG PA'I YON TAN YOD PAR THAL LO, ,JI LTAR NA MKHYEN GSUM GANG ZAG DE DAG GI YUM YIN ZHE NA, RE ZHIG GZHI SHES NI NYAN RANG GI YUM YIN TE, NYAN THOS DANG DES MTSON PA'I RANG RGYAL ZHI BA MYANG 'DAS TSOL? BA RNAMS NYON MONGS DANG SDUG BSNGAL NYE BAR ZHI BA DER KHRID PAR MDZAD PA GANG YIN PA DE DE GNYIS KYI YUM YIN LA GZHI KUN SHES PA NYID KYIS DER KHRID PAS SO, ,LAM SHES NI BYANG SEMS KYI YIN TE, 'GRO BA LA PHAN 'DOGS PAR BYED PA'I BYANG SEMS RNAMS 'JIG RTEN GDUL BYA'I DON SGRUB PAR MDZAD PA GANG YIN PA STE DE'I YUM YIN LA LAM GSUM SHES PA NYID KYIS DE MDZAD PAS SO, ,RNAM MKHYEN NI SANGS RGYAS KYI YIN TE, THUB PA RNAMS BRJOD BYA'I RNAM PA KUN DANG LDAN PA'I RJOD BYED SNA TSOGS PA 'DI DAG GSUNG BAR 'JUG BYED DE DE'I YUM YIN LA JI LTA JI SNYED KYI RNAM MKHYEN GANG DANG YANG DAG PAR LDAN PAS DE GSUNGS PAS SO, ,TSIGS BCAD DANG PO 'DI SLOB DPON GYIS BSHAD THABS LNGA'I SGO NAS BKRAL TE, RANG NYID NAS CHED DU'I BAR GYIS DGOS PA DANG, YUM LA NAS PHYAG 'TSAL GYI BAR GYIS BSDUS DON DANG, TSIGS SU NAS GTZO BO YIN NO'I BAR NI DGOS DON DANG, DE LA NAS BSTOD DO'I BAR NI BSDUS DON LAS 'PHROS SHING, NYAN THOS NAS PHYAG 'TSAL GYI BAR GYIS TSIG DON DANG, DE LTAR NAS 'THAD PA YIN NO'I BAR GYIS BRGAL LAN BSTAN LA, MTSAMS SBYOR NI DE DAG THAMS CAD LA YOD DO, ,'DIR YUM GYI MTHA' DPYAD PA LA GSUM, RANG GI LUGS BZHAG PA,

DE LA RTZOD PA SPANG BA, DE MKHAS PA'I DGONGS PAR SGRUB PA'O, ,DANG PO NI, YUM DE YANG GANG ZHE NA, MKHYEN PA GSUM NI 'DIR YUM DU BSTAN LA, DE YANG SGRAS ZIN TSOD DANG BSTUN NA GZHI SHES NI NYAN RANG GI NYER ZHI THOB BYED DU BSTAN PAS, SLOB LAM LTA BUR MNGON KYANG NYAN RANG GI BZHED PA SGRUB PA LA DE'I YUM DU BSHAD PAR 'DOD NAS THABS TZAM DU BSHAD KYI, NYER ZHI THOB ZIN PA'I GZHI SHES 'DIR BSTAN GZHI SHES SU MI 'DOD PA MIN NO, ,MKHYEN PA GSUM PO DES KYANG NYAN RANG BYANG SEMS SANGS RGYAS KYI MNGON RTOGS MTHA' DAG YIN PA'I TSUL GYIS BSDUS PAS MNGON RTOGS BRGYAD KA BSTOD PHYAG GI YUL GYI YUM YIN NO, ,DE LTA NA YANG RJE BTZUN GYIS MKHYEN GSUM NYID LA BSTOD PA NI, MNGON RTOGS THA MA LNGA DANG PO GSUM DU 'DUS PAR DGONGS NAS SO, ,SPYIR NA MCHOD BRJOD KYI YUL DANG DE LA BSTOD TSUL LA DU MA ZHIG YOD KYANG, 'DIR NI BSTAN BCOS KYI BRJOD BYA BSTOD PHYAG GI YUL YIN ZHING BSTOD TSUL YANG YUM DES SRAS BZHI'I THUN MONG MA YIN PA'I BZHED DON SGRUB PA'I SGO NAS BSTOD LA, DE LTAR BSTOD PA NA THAR PA DANG THAMS CAD MKHYEN PA GANG DU BGROD PA THAMS CAD KYI RTZA BA BSTAN BCOS KYI BRJOD BYA RU GO BA NA, GROL BA DON GNYER RNAMS DANG BA SKYES TE TSIG LE'UR BYAS PA LA 'JUG PAR 'GYUR BAS DE'I PHYIR MDZAD DE, DE NI SNGAR BSHAD PA LTAR RO, ,RGYU MTSAN 'DIS KYANG THEG PA GSUM GYI MNGON RTOGS MA LUS PA YUM YIN NO, ,GNYIS PA NI, GAL TE DE NI MI RIGS TE, 'PHAGS PAS, 'PHAGS PA'I GANG ZAG THAMS CAD KYI DBANG DU MDZAD NAS

, ,THAMS CAD MKHYEN PA RNAM PA GSUM GYI THUN MONG MA YIN PA'I YON TAN NYE BAR DGOD PA SNGON DU 'GRO BAS SHES RAB KYI PHA ROL TU PHYIN PA LA PHYAG 'TSAL LO ZHES BRJOD PA ZHES PA DANG, 'PHAGS BZHI'I YUM YIN PA'I PHYIR SBYOR LAM MAN CHAD NA YUM 'DI YOD PA MI RIGS SHE NA, 'DIS 'KHRUL GZHI BYAS NAS, GZHI SHES DANG LAM SHES 'PHAGS PA'I RTOGS PA KHO NAR 'CHAD PA BYUNG MOD DE NI MI 'THAD DE, GZHAN DU NA NYI SNANG LAS, 'PHAGS PA'I GANG ZAG THAMS CAD KYI DBANG DU MDZAD NAS THAMS CAD MKHYEN PA NYID GSUM GYI RNAM PA RNAMS BSDUS PAR 'GYUR BA YIN TE, ZHES 'BYUNG BAS SO BDUN SOGS THAMS CAD 'PHAGS PA'I RTOGS PAR THAL LO, ,DES NA DE SKAD GSUNGS PA NI SRAS KYI GTZO BO BRJOD PAR 'DOD NAS YIN GYI TSOGS SBYOR BA SRAS MIN NAS MA YIN TE, DPER NA RGYAL PO 'KHOR DANG BCAS PA 'GRO BA NA RGYAL PO GSHEGS SO ZHES PA DANG SRAS BZHI GA'I YUM YIN YANG RGYAL BA'I YUM ZHES PA BZHIN NO, ,DE LTA MIN NA DE DAG LA KHYAB PHYED MKHYEN PA GNYIS PO MED PA'I PHYIR KHYAB BYA THEG DMAN DANG BYANG SEMS KYI MNGON RTOGS MED PAR THAL BA DANG, NYER ZHIR KHRID PA DANG LHAG BSAM KHYAD PAR CAN GYIS 'JIG RTEN GYI DON DNGOS SU SGRUB PA'I BYANG SEMS KYI SPYOD PA MED PAR THAL LO, , DE LTAR NA LUNG DE NI DE KHO NA LTAR BSHAD DE, 'PHAGS PAS, SHES RAB KYI PHA ROL TU PHYIN PA DE GANG YIN ZHES BYA BA 'DI NI BRJOD PAR BYA'O ZHE NA, BSHAD PA, SHES RAB PHA ROL PHYIN PA NI, ,DNGOS PO BRGYAD KYIS YANG DAG BSHAD, CES GSUNGS

LA; DE'I DON YANG GONG DU SHER PHYIN LA PHYAG 'TSAL LO ZHES BSTAN BCOS KYI BRJOD BYA LA PHYAG 'TSAL BA'I SHER PHYIN DE GANG YIN DE JI LTAR BSTAN BCOS KYIS 'CHAD CES PA'I LAN DU, SHER PHYIN DE LA 'CHAD PAR 'GYUR BA'I DNGOS PO BRGYAD DU PHYE NAS 'CHAD DO ZHES BSHAD DGOS PA'I PHYIR RO, ,DE BZHIN DU SLOB DPON GYIS KYANG, GZHI DANG LAM DANG RNAM PA SKYE BA MED PAR YONGS SU SHES PA TSIGS SU BCAD PA'I DON GYI MTSAN NYID KYI YUM ZHES DANG, GZHI THAMS CAD SKYE BA MED PAR YONGS SU SHES PA NYID KYIS ZHES SOGS TSIG DON GYI SKABS NAS 'BYUNG BA RNAMS KHYAD MED PA DANG, SHES RAB KYI PHA ROL TU PHYIN PA THAMS CAD MKHYEN PA NYID GSUM GYI BDAG NYID CES DANG, BSDUS DON DANG, BRGAL LAN GYI SKABS SU YANG MKHYEN GSUM GYIS MNGON RTOGS MTHA' DAG BSDUS PAR BSTAN PA YIN NO, ,GSUM PA NI, DE LTAR NA DNGOS PO BRGYAD MA LUS PA YUM YIN PA 'DI RTZA BA'I DGONGS PA YIN ZHING, DE LTAR DU CHEN PO GNYIS KYIS KYANG BKRAL LA, 'PHAGS YUL GYI MKHAS PA GZHAN DU MA YANG BZHED DE; RNAM 'GREL LAS, GANG SHES RAB KYI PHA ROL TU PHYIN PA'I DBANG DU BYAS NAS, SANGS RGYAS NYAN THOS BYANG CHUB SEMS DPA'I TSOGS DANG LDAN YUM DE LA PHYAG 'TSAL LO, ZHES GSUNGS PA LA, JI LTA BU ZHIG LA SHES RAB KYI PHA ROL TU PHYIN PA ZHES BYA ZHES 'DRI BA LA, MNGON RTOGS BDAG NYID BDUN YIN PAR, ,SHES RAB PHA ROL PHYIN ZHES BYA, ZHES DANG, DAG LDAN LAS KYANG, SHES RAB KYI PHA ROL TU PHYIN PA'I DBYE BA NI RNAM PA GSUM YIN TE, ZHES DANG, GRAGS PA'I CHA LAS KYANG,

, ,GANG ZHES BYA BA NI SANGS RGYAS KYI YUM BCOM LDAN 'DAS MA STE, 'CHAD PAR 'GYUR BA MNGON PAR RTOGS PA BRGYAD KYI RANG BZHIN NYID KYIS RAB TU BYE BA'I SHES RAB KYI PHA ROL TU PHYIN PA'I BDAG NYID DO, ZHES DANG, SHER 'BYUNG GIS KYANG, MNGON RTOGS BRGYAD KYI RANG BZHIN CAN, ,RANG BZHIN MED CING RTOG LAS 'DAS, ,DPAG BSAM SHING BZHIN 'BRAS BZANG NI, ,RTZOL MDZAD RGYAL YUM DGE MA RGYAL, ZHES DANG, ZLA 'OD LAS KYANG, DE LTAR KUN MKHYEN PA GSUM GYIS MNGON PAR RTOGS PA GZHAN LNGA PO RNAMS BSDUS PA'I BRGYAD CHAR GYI SHES RAB KYI PHA ROL TU PHYIN PA LA YANG ZHES BYA STE DE NYID CHUNG NGU DANG 'BRING DANG CHEN PO'I RTOGS PA PO'I DBYE BA LA DGONGS NAS KUN MKHYEN PA GSUM GYI SGO NAS PHYAG 'TSAL NAS, ZHES SO, ,'O NA SLOB DPON DE DAG GIS YUM DE SHER PHYIN DU YANG BSHAD PA'I PHYIR MNGON RTOGS BRGYAD KA SHER PHYIN DU 'GYUR ZHE NA, SHER PHYIN DANG YUM KHYAD MED PA LTAR BSHAD PA NI DE GNYIS ZAG MED KYI PHUNG PO SKYED PA DANG GSO BA'I SGO NAS BYED LAS MTSUNGS PA TZAM PA DGONGS PA STE, GZHAN DU NA YUM MTSAN NYID PA'I DON SRAS KYI BZHED PA SGRUB PA YIN PA DANG, SHER PHYIN MTSAN NYID PA'I DON RANG BZHIN MED RTOGS KYI BLO DAM PA YIN PA GNYIS KHYAD PAR MED PA'I SKABS GA LA YOD, DE LTAR 'GREL PA GZHAN THAMS CAD YUM GYI BSHAD PA LA MI MTHUN PA MED KYANG TSIG GSAL DU DE DAG LAS GZHAN DU 'CHAD PA NI SKABS DE NYID DU DGAG PAR BYA'O, ,GSUM PA LA GNYIS, SNGA 'GREL GYI 'PHROS DON, RTZA BA'I TSIG DON NO, ,DANG PO LA GNYIS, DGOS DON DANG,

BSDUS DON LAS 'PHROS PA'O, ,DANG PO LA GSUM, GNAS SKABS DANG, MTHAR THUG GI DGOS PA, DE DAG GIS GRUB PA'I DON NO, ,DANG PO LA GSUM, THOS PA DANG, DANG BA DANG, GUS PA'I DGOS PA'O, ,DANG PO NI, ZHES BYA BA NI SPYIR DON MANG PO LA 'JUG KYANG 'DIR NI DE LTAR ZHES PA'I DON YIN PAS 'DAS MA THAG PA'I RTZA BA LA GZUNG NGO, ,DE YANG RTZA BA'I GONG DU GSUNGS ZHES PA'AM BSHAD CES PA YOD NA PHYI 'GREL GYI MGOR GSUNGS TE DANG, BSHAD DE ZHES MI 'BYUNG BAR ZHES BYA BA YIN NO DANG, YIN TE DANG, ZHES BYA BA LA DANG, NI ZHES 'BYUNG LA, GSUNGS SO ZHES RDZOGS TSIG SBYAR NA DE MA THAG 'BRU MI GNYER BAR DGOS DON SOGS STON PA LA 'JUG PA YIN GSUNG PA'I SNGA MA RNAMS 'GREL PA 'DI LA NGES KYANG PHYI MA LA MA NGES TE GDAMS NGAG SPYIR BSTAN GYI SKABS BZHIN NO, ,GANG DAG MTSAMS SBYOR GANG YIN SNGA 'GREL DU BZHED PA NI SNGA 'GREL GYI DON MA MKHYEN PAR ZAD DE, RTZA BA DE'I SNGAR DANG RJES SU DE'I DON BLANGS NAS 'GREL PA NI SNGA 'GREL DANG PHYI 'GREL GYI DON YIN NA RTZA BA'I DON SNGAR BLANGS NAS MI 'GREL BA'I MTSAMS SBYOR DU MA YOD PAS SO, ,DES NA 'DI DANG 'GOG PA MED PA'I RANG BZHIN GYI MTSAMS SBYOR LTA BU NI GNYIS KA YIN YANG GZHAN LA MA NGES SO, ,MCHOD BRJOD BYAS PAS GZHAN DAG DANG BSKYED CES BSTAN NA, GZHAN DAG NI GANG, MCHOD BRJOD LAS NI JI LTAR DANG ZHE NA, 'DI LA GNYIS, DBANG BRTUL DANG, DBANG RNON GYI DANG TSUL LO, ,DANG PO NI, GANG ZAG GTZO BOR BYAS NAS 'JUG PA'AM TSIG TZAM LAS YID CHES SKYE BA'I DAD PA'I RJES SU 'BRANG BA RNAMS NI DANG BA SKYE'O, ,NGO BO NI,

, ,RAB TU STE CHEN PO'O, ,RE ZHIG NI BSHAD PA'I RIM PA'AM 'DI DBANG RNON LAS DANG BA SKYE MYUR BA'O, ,YUL NI YUM 'DI LA'O, ,TSUL NI YUM SNGAR BSHAD PA'I YON TAN DANG LDAN PAR BSTAN PA NA YON TAN DE LTA BU DANG LDAN PA YIN NAM MIN SNYAM PA'I THE TSOM MED PAR TE BRTAGS DPYAD MA BYAS PAR TSIG THOS MA THAG TU SKYE BAS NA MYUR DU'O, ,RGYU NI NYAN THOS ZHES SOGS TSIGS BCAD 'DIS NI YUM 'DIS SRAS BZHI'I BZHED PA BSKRUN PA'I CHE BA'I BDAG NYID KYI YON TAN GSUM PO PHYI ROL PA DANG NYAN RANG DANG BYANG SEMS LAS PHUL DU BYUNG BA DANG LDAN PAR BRJOD DE BRJOD PA DE THOS PA LA BRTEN NAS SO, ,GNYIS PA NI, DBANG BRTUL KHO NAR MA ZAD CHOS GTZO BOR BYAS NAS 'JUG PA'AM, DON LA BRTAGS DPYAD BYAS NAS 'JUG PA'I CHOS KYI RJES SU 'BRANG BA RNAMS KYANG DANG BSKYED PAR BYED PA NYID DO ZHES RNAM PAR SBYAR RO, ,DANG BA'I NGO BO NI RAB TU STE MI 'PHROGS PA'O, ,GANG LA NA YUM DE LA'O, ,'DIR DE DANG GONG DU 'DI ZHES PA NI MCHOD BRJOD LA NYE RING GIS YIN NO, ,RGYU NI SNGAR LTAR RO, ,TSUL NI, 'O NA YUM GYIS SRAS BZHI BSKRUN PAR MDZAD DO ZHES BSTAN PA TZAM GYI MDO LA YIN NAM ZHE NA, MA YIN TE, 'DI LTAR SPYIR DBANG BRTUL GYI 'JUG LDOG GI RGYU TSIG TZAM YIN YANG, DBANG RNON NI RIGS PAS GNOD PA YOD MED BRTAGS PA NA GNOD PA MED PA DANG YOD PAR MTHONG BA KHO NA YIN PA'I PHYIR RO, ,DES NA 'DIR YANG MCHOD BRJOD KYI TSIGS SU BCAD PA'I BRJOD BYA'I DON GYI MTSAN NYID DE NGO BO NYID GZHI LA MA RNAM GSUM SKYE MED DU YONGS SU SHES PA'I MKHYEN

GSUM GYI YUM GYIS SRAS BZHI BSKRUN PAR BSTAN PA LA RIGS PA YANG DAG GIS GNOD PA YOD MED BRTAG PA SNGON DU BTANG BA NA GNOD PA MA MTHONG NAS DE'I RJES SU DBYE GZHI, SHER PHYIN THAMS CAD MKHYEN PA NYID GSUM GYI BDAG NYID KYI DBYE BA'I TSUL GSUM PA CAN DES SANGS RGYAS LA SOGS PA'I SRAS BZHI BSKRUN PAR MDZAD PA NI GDON MI ZA BA STE NGES PAR SRID PA STE 'THANG PA NYID DO ZHES NGES PAR BZUNG STE DANG BAR BYED KYI DBANG BRTUL LTAR BRTAG DPYAD MED PAR NI MA YIN NO, ,RIGS PA GANG GIS SHE NA, NGO BO LA DPYAD NAS 'GOG PA GCIG DANG DU MA'I NGO BO NYID DANG BRAL BA'I PHYIR ZHES BYA BA DANG SOGS PAS RGYU LA DPYAD PA RDO RJE GZEGS MA 'BRAS BU LA DPYAD PA MU BZHI SKYE 'GOG LA SOGS PA'I TSAD MA STE GTAN TSIGS RNAMS KYIS SO, ,CI'I PHYIR RIGS PA 'DI RNAMS KHO NA 'GOD CE NA, GTZO BO YIN PA'I PHYIR TE, 'DI LTAR DE LA RIGS PAS GNOD NA 'DI DAG GIS GNOD DGOS TE, MCHOD BRJOD KYIS NI YUM GYIS SRAS BZHI'I BZHED PA SKYED PAR BSTAN LA, RIGS LA 'DI DAG GIS CHOS THAMS CAD SKYE MED DU SGRUB PA'I PHYIR RO, ,DE YANG 'GAL BA LTAR SNANG BA YIN TE, YUM GYIS SKYED PAR BSTAN PA KUN RDZOB DANG RIGS PAS SKYE MED SGRUB PA DON DAM DU YIN PA'I PHYIR RO ZHES PA 'DI RNAMS NI SLOB DPON GYI DGONGS PA RMA MED PA'O, ,KHA CIG DANG PA'I RGYU MTSAN LA GNOD PA MA MTHONG BA DANG, SGRUB PHYED BZUNG BA'I GSUNG TSAN PA GNYIS BYED PA DANG, LA LA GZHI LAM RNAM GSUM SKYE MED DU GANG GIS GRUB NA GCIG DU PHRAL LA SOGS PAS SO ZHES 'CHAD DO, ,DE LA DANG PO MI 'THAD DE, SPYIR

, ,DBANG RNON 'JUG PA LA GNOD BYED MA MTHONG BA TZAM GYIS MI CHOG GI SGRUB BYED BZUNG BA YANG DGOS MOD, 'DIR NI DBANG BRTUL DANG BA NA GNOD MI GNOD MA MTHONG BAR YUM GYIS SRAS BSKRUN PAR BSTAN PA BDEN PAR BZUNG BA LTA BU MIN GYI, GNOD PA YOD MED BRTAGS PA NA MI GNOD PAR MTHONG NAS SRAS RNAMS BSKRUN PAR BZUNG STE, ZHES BSHAD DGOS PAS GZHUNG DE GNYIS SO SOR GCOD PA MI 'THAD DO, ,GZHUNG GNYIS PA NI BSGRUB BYA RU SNANG BA'I PHYIR SGRUB BYED BZUNG BA RU MI 'THAD DO, ,'O NA SGRUB BYED BZUNG BA GANG ZHE NA, SNGAR BSHAD PA LTAR MCHOD BRJOD KYIS BSTAN TSOD DANG DBU MA'I RIGS PA RNAMS 'GAL BA LTAR SNANG NAS MI DANG BA LA BRTAGS PA NA DE GNYIS MI 'GAL BAR MTHONG BA TZAM GYIS DANG BA SKYE BA'I PHYIR GZHAN GYI SGRUB BYED BZUNG BAS CI ZHIG BYA, GNYIS PA YANG MI 'THAD DE, RIGS PAS GNOD MI GNOD RTOG PA NI, MCHOD BRJOD KYI SGRAS ZIN TSOD LA YIN LA, DER YANG YUM GYIS SRAS BSKRUN PA SGRAS ZIN CING, GZHI LAM RNAM GSUM SKYE MED NI MA ZIN PA'I PHYIR RO, ,TSIG GSAL DU KHYAD GZHI NI SHER PHYIN NO, ,KHYAD PAR NI MKHYEN GSUM MO, ,GSUM DU BSTAN PA YANG KUN RDZOB TU YANG DBYER MED DO SNYAM PA DGAG PA DANG, SRAS GSUM CHAR SKYE BAR BSTAN PA'I PHYIR TE, SANGS RGYAS RNAMS DANG RANG SANGS RGYAS, ,NYAN THOS RNAMS KYIS NGES BSTEN PA'I, ,THAR LAM KHYOD NYID GCIG PU STE, ,GZHAN ZHES BGYI BA MA MCHIS NGES, ZHES BSTOD PA'I PHYIR RO, ,DE LTAR NA YUM 'DI LA THEG PA RANG RANG GI RTOGS PA LAS PHUL DU BYUNG BA

DANG; DE STON PA'I MDO 'DI LA YANG MDO GZHAN LAS LHAG PA MED PAR 'GYUR TE, 'DIS NYAN RANG RNAMS BSKYED PA'I CHA NI GANG ZAG GI BDAG MED RTOGS PA TZAM ZHIG DANG BYANG SEMS DANG SANGS RGYAS BSKYED PA'I CHA NI BDAG MED GNYIS RTAGS PA YIN LA, DA YANG RIM PA LTAR DRAN PA NYER GZHAG DANG SDONG PO BKOD PA RNAMS SU BSTAN PA'I PHYIR SNYAM NA DE BSAL BA'I PHYIR TSUL GSUM PA CAN NI ZHES SMOS TE, 'DIR DON NI YUM LA THAMS CAD MKHYEN PA NYID GSUM DU PHYE BA NI RANG BZHIN GSUM DU PHYE BA MA YIN TE DBYE BAR MI NUS PA'I PHYIR RO, ,'O NA CI ZHE NA, GDUL BYA'I BSAM PA'I DBANG GIS SRAS GSUM GYI YUM YIN NO, ZHES BSTAN GYI RNAM PAR NGES PA'I DBANG DU BYAS PA'I TSE NI SANGS RGYAS RJE BTZUN KHO NA'I YUM YIN GYI, NYAN THOS DANG RANG SANGS RGYAS G-YUNG PO LA SOGS PA LTA BU NI BUD MED RIN PO CHE LTA BU'I YUM 'DIS GA LA SKYED NGES NA 'DI'I MTHU'I CHE BA NI 'GRO BA THAMS CAD SANGS RGYAS SU SGRUB PAS MTSAR DU BYA'O, ,DE'I PHYIR 'DI STON PA'I MDO YANG GZHUNG GZHAN LAS MCHOG STE, SNGAR GYI GZHUNG DE DAG NI PHYOGS RE BA YIN LA, YUM GYI MDOR NI RIGS CAN GSUM GA'I LAM BSGRAGS PA'I PHYIR RO, ,RANG BZHIN GCIG KHO NA RKYEN GYI DBANG GIS GDUL BYA LA DU MAR SNANG BA NI TSUL GYI SGRAS BSTAN PAS DU MAR SNANG YANG GCIG TU SGRUB PA NI TSUL GSUM PA YIN LA GCIG DU MAR STON PA'I MTHU DANG LDAN PA NI THAMS CAD MKHYEN PA NYID GSUM GYI BDAG NYID DO, ,DE LTA BU'I MTHU DE SU'I SNYAM PA LA, SHER PHYIN ZHES SMOS PA DON GYI RIM PA'O ZHES SPROS NAS 'CHAD DO, ,TSUL ZHES PA DON DE DNGOS MIN PAR

, ,RNAM PA TZAM BSTAN PA RU 'DZIN PA TSUL GYI SGRAS 'KHRUL GZHI BYAS PA 'DI LA BRJOD PAR BYA STE, CI YUM 'DI GDUL BYA'I NGOR SRAS GSUM GYI YUM YIN GYI NGES PA'I DBANG DU BYAS NAS SANGS RGYAS KHO NA'I YIN ZHES PA 'DI KUN RDZOB DANG DON DAM PA'AM BTAGS PA BA DANG MTSAN NYID PA LA BYED BRTAG GRANG, DANG PO NI MI 'DOD CING RIGS PA YANG MIN TE, DON DAM PAR YUM GYIS SANGS RGYAS BSKRUN PA LA SNGAR GYI RIGS PAS GNOD PA'I PHYIR RO, ,GNYIS PA LTAR NA, YUM GYIS SRAS GSUM BSKYED PA RANG GI CHOS NYID YIN PA'I PHYIR YUM 'DIS SRAS GSUM BSKYED MI NUS SO ZHES PA'I RIGS PAS GNOD PA MA MTHONG BAR KHAS BLANGS PA BRJOD PA YIN NO, ,NYAN RANG LA THAR LAM YANG MED PAR 'GYUR TE, YUM MA GTOGS PA NI MED LA YUM YANG 'DI DAG GI LAM MIN PA'I PHYIR RO, ,'DOD PAR NI MI NUS LA, RTAGS GNYIS NI BSTOD PA'I LUNG SHES BYED DU DRANGS PA DANG RTZA BA'I GRUB MTHA' GNYIS KYIS KHAS BLANGS SO, ,GZHI SHES DANG LAM SHES SANGS RGYAS KYI YUM KHO NAR 'DOD NA NYAN THOS DANG BYANG SEMS SU BSTAN PA'I GANG ZAG GNYIS KYANG BTAGS PA BAR 'GYUR RO, ,DES NA 'GAL BA DU MA 'DUS PA 'DI LTA BU'I BSHAD PA NI, BYAMS PA DANG SLOB DPON GNYIS KA LA CO 'DRI BA YIN LA, 'DI YI RJES SU 'BRANG BA RNAMS KYIS KYANG LEGS PAR MA BRTAGS SO, ,DE'I PHYIR, 'KHRUL GZHI BYAS PA'I TSUL GYI DON YANG TSUL GSUM RNAM PAR BZHAG PAR DGONGS PAS ZHES PA DANG MTHUN PAR THEG PA'I TSUL GSUM PA ZHES 'BUM PA 'DOD PA'AM, YANG NA MKHYEN PA GSUM DU DBYE BA'I

TSUL GSUM PA ZHES PA LTAR BSHAD DO, ,CI STE SLOB DPON YANG GZHUNG LAM RNAMS SHER PHYIN BTAGS PA BAR BZHED PAS MI MTHUN PA MED DE, ,SHER PHYIN DANG YUM GNYIS DON GCIG PA'I PHYIR ZHE NA, 'DI NI CHES MI 'THAD DE, YUM GYI DON NI SRAS BZHI'I THUN MONG MA YIN PA'I BZHED DON SGRUB PA TZAM ZHIG YIN LA DE NYAN RANG DANG BYANG SEMS LA MED CES SLOB DPON JI LTAR BZHED, GZHAN YANG DE DAG LA YUM MTSAN NYID PA MED PA'I PHYIR SRAS KYANG BTAGS PA BAR 'GYUR RO, ,MKHYEN GSUM DU PHYE BA RANG BZHIN THA DAD DU PHYE BA MIN ZHES DANG DU MAR SNANG YANG NGO BO GCIG KHO NA'O ZHES PA 'DIS NI, TSIG GSAL GYI 'DOD PA LA BYANG SEMS KYI YUM MTSAN NYID PA YIN YANG NYAN RANG GI MIN ZHES BZHED PA BKAG STE, RNAM MKHYEN MTSAN NYID PA DANG GCIG TU DANG SANGS RGYAS KHO NA'I YUM DU 'DOD PA'I PHYIR RO, ,SPROS PAS CHOG GO ,GNYIS PA NI, DON GYIS 'JUG PAR BYA BA'I PHYIR ZHES GSUNGS NA, JI LTAR 'JUG CE NA, GUS PAR BYED DO, ,GANG LA NA, YUM DE'I YON TAN NYER ZHIR KHRID PA SOGS THOB PAR MNGON PAR 'DOD PA'I GANG ZAG DBANG PO RNO RTUL GNYIS KA YANG NGO, ,GANG LA NA, YUM DE DANG DE LA BRTEN PA'I GSUNG RAB TING NGE 'DZIN RGYAL PO LA SOGS PA'O ZHES 'CHAD KYANG TSIG DON GYI RTEN YIN PAS BZLOG NA 'GRIG PA'I PHYIR MI RIGS SO, ,DES NA MKHYEN GSUM DE BRJOD BYAR BYED PA'I GSUNG RAB YUM GYI MDO DANG, MDO DE LA BRTEN PA'I GSUNG RAB BSTAN BCOS LA'O, ,GANG GI DON DU NA, RNAM PA THAMS CAD DU GZUNG BA DANG SOGS PAS BCAD BA DANG BKLAG PA DANG

, ,KUN CHUB PAR BYA BA DANG RNAL 'BYOR DU BYA BA'I DON DU'O, ,RGYU GANG LAS NA, YUM DE LA RAB TU DAD BA LAS SO, ,KYANG NI THOB PA LAS DANG BAR MA ZAD, DAD PA LAS GUS PA'O, ,NGO BO NI, SHIN TU STE GUS PA DRAG PO'O, ,GANG LA DAD PA DE LA DE DON GNYER GYI 'DUN PA 'BYUNG BA'I PHYIR DAD PAS 'DUN PA'I RTEN BYED PAR BSHAD PAS 'DIR GUS PA ZHES 'BYUNG YANG YUM DON GNYER GYI 'DUN PA'O, ,GSUM PA NI, DE LTAR DON DU GNYER BA'I RJES DE NAS THOS PA LAS BYUNG BA DANG SOGS PAS BSAM PA DANG SGOM PA'I SHES PA GSUM RIM GYIS BSKYED NAS 'JUG PAR 'GYUR RO, ,SHES RAB GSUM PO DE LA YANG BYE SMRA RNAMS, THOS SOGS LAS BYUNG BLO RNAMS NI, ,MING DANG GNYIS KA DON YUL CAN, ZHES MING RKYANG LA DMIGS PA THOS BYUNG; DON RKYANG LA DMIGS PA SGOM BYUNG, GNYIS KA LA DMIGS PA BSAM BYUNG ZHES 'DOD PA NI BSAM BYUNG GIS DUS GCIG TU MING DON GNYIS KA MI 'DZIN PA'I PHYIR, BSAM BYUNG MED PAR 'GYUR TE, MING YUL DU BYED PA NA THOS BYUNG DANG, DON 'DZIN PA NA SGOM BYUNG DU THAL BA'I PHYIR RO, ,DES NA 'DIR GSUNG RAB MNYAN PA LAS SKYES PA'I SHES RAB NI THOS BYUNG, DE'I DON RIGS PAS BRTAGS PA LAS NGES PA RNYED PA'I SHES RAB NI BSAM BYUNG, NGES PA RNYED PA DE NYID RTZE GCIG PA'I TING NGE 'DZIN GYIS BSGOMS PA LAS BYUNG BA NI SGOM BYUNG GI SHES RAB TU 'DOD PAR BYA'O, ,GNYIS PA NI, DE LTAR ZHUGS PAS LEGS PA'I MCHOG BYANG CHUB 'THOB PAR 'GYUR RO, ,SHER SGRON DU ZHUGS PAS MKHYEN GSUM 'THOB CES ZER RO, ,

GSUM PA NI, DANG BA LAS GUS, GUS PA LAS ZHUGS, ZHUGS PA LAS LEGS PA'I MCHOG THOB PA DE'I PHYIR, BCOM LDAN 'DAS MA LA RAB TU DANG BA NI LEGS PA THAMS CAD 'THOB PA'I RGYU RNAMS KYI NANG NAS RGYU'I GTZO BO YIN NO ZHES SNGAR SMRAS PA GRUB PO; ;'DIR RGYU'I GTZO BO'I DON BYED RGYU LA 'CHAD KYANG DANG PO'I RGYU ZHES PA LEGS SO, ,DE'I PHYIR DANG BA DE BYANG CHUB KYE DANG PO'I RGYU RU GZIGS NAS DE BSKYED PA'I THABS SU MCHOD BRJOD MDZAD DO, ,GNYIS PA NI, YUM LA YON TAN ZHES SOGS DER MKHYEN PA GSUM GYI YON TAN BRJOD PA'I SGO NAS YUM LA BSTOD DE ZHES BSTAN PA NA, 'DI SNYAM DU YUM NI DNGOS PO BRGYAD KYI RANG BZHIN YIN NA CI'I PHYIR MKHYEN GSUM KHO NA'I YON TAN KYI SGO NAS BSTOD LA, SBYOR BA DANG CHOS SKU'I SGO NAS MIN ZHES DOGS NA, MKHYEN GSUM GYI SGO NAS BSTOD PA DE LA GRANGS NYUNGS PA'I NYES PA MED DO, MKHYEN GSUM GYI SGO NAS BSTOD PAS LHAG MA LNGA'I SGO NAS KYANG DON GYIS BSTOD PAR 'GYUR LA, LHAG MA LNGA'I SGO NAS BSTOD PAS MI 'GRUB CING, DANG PO GSUM GYI SGO NAS BSTOD PAS 'GRUB PA'I DGOS PA KHYAD PAR CAN ZHIG KYANG YOD PA STE, DE LTAR RGYU MTSAN DANG DGOS PA GNYIS THUGS LA BZHAG NAS THAMS CAD MKHYEN PA NYID GSUM GYI YON TAN GYI SGO NAS SHER PHYIN LA BSTOD KYI LHAG MA LNGA'I SGO NAS MA MDZAD DO, ,DE LA RGYU MTSAN NI, THAMS CAD MKHYEN PA NYID GSUM GYIS NI DON BRGYAD BSDUS LA BSDU BYA DE DAG KYANG SHER PHYIN YUM MA TSANG BA MED PA YIN ZHING ZHES PA'O, ,DGOS PA NI MKHYEN GSUM DES NI TSIG DON GYI SKABS NAS 'CHANG BAR 'GYUR BA'I TSUL GYIS

, ,SRAS BZHI'I BZHED DON THAMS CAD PHUN SUM TSOGS PAR SGRUB NUS PA YIN NO ZHES GZHAN LA BSTAN PA'I PHYIR TE, SBYOR BA DANG CHOS SKU NI NYAN RANG GI YUM MIN PA'I PHYIR DE'I SGO NAS BSTOD PAS SRAS BZHI'I BZHED DON SGRUB PAR MI RTOGS SO, ,KYANG SNGA MA NI GSUM DU BRGYAD 'DUS PAS SDUD BYED GSUM PHYAG GI YUL DU BKOD PAR MA ZAD DON GYIS NA BSDU BYA BRGYAD KYANG DER BKOD CES DANG, PHYI MA NI MKHYEN GSUM GYI SGO NAS BSTOD PA LA RGYU MTSAN DE YOD PAR MA ZAD DGOS PA YANG YOD CES PA'O, ,GANG DAG NGES KYANG ZHES PA DON BRGYAD DANG 'CHAD 'GYUR, YUL NI RNAM PA GSUM PO RGYU, ZHES SOGS LA 'CHAD PA NI SKABS KYI DON LAS NYAMS TE, BSTOD PHYAG GI YUL DU BKOD TSOD DES SRAS BZHI'I BZHENG DON SGRUB NUS SU STON PA SKABS SU BAB PA'I PHYIR RO, ,MA NGES PA MA YIN TE, YUL NI RNAM PA GSUM PO RGYU, ZHES SOGS NAS DON PHUN TSOGS SU BSTAN PA NI SRAS BZHI'I DBANG DU BYAS PA MIN ZHING, BSTOD PA'I YUL DU DNGOS BRGYAD SGRAS MA ZIN PA LA DOGS PA 'DI DAG BYUNG BA'I PHYIR RO, ,'O NA MKHYEN GSUM GYIS DNGOS BRGYAD BSDUS CHUL JI LTA BU ZHE NA, TSIG GSAL DU NI, DNGOS PO BRGYAD DU PHYE 'DE DAG DNGOS KYI TSUL DU DPYAD NA RNAM MKHYEN GYI SKABS ZHES GCIG KHO NAR GDAGS RIGS TE LAM THAMS CAD KYIS DE DNGOS DANG, BRGYUD PAS SGRUB PA'I PHYIR RO, ,'ON KYANG MTHAR 'TSANG RGYA YANG BDAG NI BYANG CHUB CHEN PO'I SNOD MIN NO ZHES RANG LA SMAD NAS SPYOD PA'I RIGS CAN DANG, 'TSANG RGYA BA'I PHYIR SPYAD PA SPYOD KYANG 'BRAS BU MA THOB PAS

SLOB LAM LA GNAS PA GCIG DANG, YUN RING PO NAS 'DOD PA'I DON DE GRUB PAS CHOS KYI RGYAL POR GYUR BA'I GANG ZAG GCIG DANG GSUM MO, ,DE LTAR THAMS CAD DE GSUM DU 'DUS PA'I SKABS BRGYAD DU PHYE BA YANG SKABS GSUM DU BSDU BAR SHES PAR BYA BA'I PHYIR THAMS CAD MKHYEN PA NYID GSUM GYIS DON BRGYAD BSDUS ZHES SOGS SMOS SO, ,DES NA NYAN RANG DANG BYANG SEMS DANG SANGS RGYAS DANG 'BREL PA MKHYEN GSUM GYI SKABS GSUM NI SDUD BYED DO, ,BSDU BYA NI SKABS BRGYAD DU BSTAN PA RNAMS SO, ,BSDUS TSUL NI DBANG BRTUL DANG POR NYAN RANG GI LAM SNGON DU BTANG NAS PHYIS THEG CHEN DU 'JUG PA'I RIM PA YIN LA, DE LA YANG THOG MAR NYAN THOS DANG 'BREL PA GZHI SHES GYI SKABS KYIS BSDUS TSUL NI, SKABS BZHI PA'I RNAM MKHYEN GYI RNAM PA'I NANG NAS BYANG PHYOGS SO BDUN LAM BDUN DU BSDUS PA 'DI GZHIR BSTAN TO, ,DE LA RNAM PA CI TZAM ZHIG YOD SNYAM PA LA MTHONG LAM GTZO BOR BYAS TE MED PA NAS 'DUL BA MED PA'I BAR BCU DRUG GO ,DA'I MTSAN NYID GANG SNYAM PA LA MTSAN NYID NYI SHU'O, ,DE'I SBYOR LAM NI 'PHAGS PA NYAN THOS LAM ZHES SOGS DANG, GZUGS SOGS DE MI RTAG SOGS DANG, ZHES PA LA SOGS PAS BSTAN TO, ,DE LAS MTHONG LAM 'BYUNG BAS DE NI SKABS GNYIS PA DANG GSUM PAR RNAM PA DANG BCAS PAR BSTAN TO, ,'BRAS BU NI MA BSTAN TE, GO SLA BA'AM RANG GI GZHUNG LA LTOS PAR BSTAN TO, ,YANG NA DON GZHAN YIN YANG DGE 'DUN NYI SHU'I SKABS SU BSTAN DU RUNG NGO, ,RANG RGYAL DANG 'BREL PAS

, ,BSDUS TSUL NI, SKABS GNYIS PA LAS SBYOR LAM DANG MTHONG LAM KHYAD PAR DANG BCAS PAR BSTAN CING SKABS BZHI PAR SGOM LAM RNAM PA'I SGO NAS BSTAN TO, ,SKYON DANG YON TAN NI 'DI DAG LA MI SBYOR TE, GTZO BOR MA BYAS PA'I PHYIR RO; ;DE LTAR NA SDUD BYED DANG POS NI SKABS GNYIS PA DANG, GSUM PA DANG BZHI PA DAG LAS BSDUS TE, SKABS LHAG MA LNGA LAS NI GZHI SHES DANG 'BREL BA MA BSTAN TO, ,BYANG SEMS DANG 'BREL BA LAM SHES KYI SKABS KYIS BSDUS TSUL NI; DE LTAR NYAN RANG DE DAG ZHI BA'I DBYINGS NA GNAS PA LAS LANGS NAS THEG CHEN DU 'JUG PA NA, SEMS BSKYED DANG PO GSUM THOG MAR BYAS GDAMS NGAG GIS TSOGS LAM PHAL BA SBYANGS NAS SKABS BZHI PA'I THAR PA CHA MTHUN BSKYED DE, DE NAS SKABS DANG PO'I SBYOR LAM GO SGRUB SKABS BZHI PA DANG LNGA PA LAS BSTAN PA'I SBYOR LAM RNAMS SBYANGS TE DE DAG GIS RTAGS THOB PAR BYAS NAS GNYIS PA DANG LNGA PAR BSTAN PA'I MTHONG LAM GYIS MTHONG SPANG GI RNAM RTOG RNAMS SPANGS SHING, YANG SKABS DRUG PA SBYANGS DE NAS SGOM LAM KHYAD PAR CAN LNGA PA LAS BSTAN PA, BDUN PAR DNGOS KHO NAR BSTAN PA RNAM PA DANG BCAS SHING NGES 'BYUNG SGRUB PA'I NGO BOR GYUR PA DE RDZOGS PAR BYED DE, LAM DE DAG THAMS CAD LA YANG, SEMS BSKYED RIGS GDAMS NGAG ,DMIGS PA CHED DU BYA BA, YON TAN SKYON RNAMS THUN MONG DU CI RIGS PAR SBYAR RO, ,DE LTAR NA SKABS GSUM PA DANG BRGYAD PA LAS BTUS PA MA BSHAD DO, SANGS RGYAS DANG 'BREL PA RNAM MKHYEN GYI SKABS KYIS BSDUS TSUL NI,

SEMS BSKYED DANG PO BCU DGU NI DE'I RGYU'O, ,DE YANG GDAMS NGAG GIS SMIN PAR BYED PAS GDAMS NGAG DANG, DES ZIN PA SBYOR LAM YIN PAS DE DANG, DE THOB PA RIGS LA GNAS PA YIN PAS DE DANG DE LA GNAS PA LA DMIGS PA DANG CHED DU BYA BA DANG, SLAR STON TSUL GZHAN GYIS SBYOR BA DANG, MTHONG BA DANG SGOM PA KHYAD PAR LAM GYI NGO BOR GO SGRUB 'JUG PA TSOGS NGES 'BYUNG SGRUB PA RNAMS BSTAN TO, ,SKABS DRUG PA NI 'BRAS BU THOB PAR BYA BA LA 'DRIS PAR BYED PAS LAM SPYIR SBYAR RO, ,DE DAG NI RGYUR BSDUS SO; ;DE DAG GI 'BRAS BU NI SEMS BSKYED THA MA GSUM DANG SKABS BRGYAD PA RIL GYIS YIN NO, ,DE LTAR NA KHA CIG NI RGYU'O, ,KHA CIG NI BDUN PA LAS BSTAN PA'I RNAM PA DANG MTSAN NYID DO, ,KHA CIG NI NGO BO DANG DBYE BA DANG 'PHRIN LAS SO, ,DE LTAR RNAM MKHYEN GYI SKABS SU SKABS KYI DON THAMS CAD 'DUS PAR DGONGS NAS, RNAM PA THAMS CAD MKHYEN NYID LAM, ,STON PAS 'DI LAS BSHAD PA GANG, ZHES LAM GCIG PU KHO NA 'BRAS BU DANG BCAS PAR BSTAN TO ZHES SOGS DANG, GZHAN YANG SKABS KYI 'JOG TSUL DU MA ZHIG BYAS NAS 'CHAD DO, ,SHES RAB SGRON MER NI, DE LA YUL NYID DANG, SBYOR BA NYID DANG, 'BRAS BU NYID LA SOGS PA'I SGO NAS THAMS CAD MKHYEN PA NYID GSUM GYIS DON BRGYAD BSDUS PAR DGONGS NAS SHES RAB KYI PHA ROL TU PHYIN PA LA BSTOD DO ZHES SKABS GSUM DANG DRUG DANG, BRGYAD DU BZHAG PA'I DON BRGYAD MKHYEN GSUM DU 'DUS PAR 'CHANG NGO, ,GANGS CAN GYI MKHAS PA RNAMS NI, KHA CIG GSUM NI SPYI YIN ZHING RGYA CHE BAS DER RGYA CHUNG BA'I BYE BRAG LNGA 'DUS TE RGYA

, ,MTSOR CHU THIGS BZHIN ZHES DANG, LA LA GSUM RANG BZHIN YIN PAS DER GNAS SKABS LNGA 'DU STE SOR MOR KHU TSUR BZHIN ZHES DANG, GZHAN DAG GSUM NI DE DAG MTSON BYED KYI CHOS SUM CU YIN PAS DER DON BRGYAD 'DUS PAR BZHED DO, ,DANG PO GNYIS LTAR NA GSUM GYIS LNGA BSDUS SO, ,DE LTAR LUGS DU MA ZHIG BYUNG BA LAS TSIG GSAL DU NI, GZHUNG 'DI SKABS BRGYAD YOD KYANG, SKABS GSUM DU BSTAN PA'I PHYIR DU GSUNGS PAR BYAS NAS, SKABS BSDU BA RU BYAS 'DUG PAS SKABS DON STOR BA'I BSHAD PAR SNANG ZHING, SKABS BSDU NA YANG SDUD LUGS LA SKYON CHAGS TE, GZHI SHES KYI SHUGS BSTAN GYI SBYOR LAM SDUD NA RNAM KUN GYI NYAN RANG GI TSOGS LAM YANG SDUD DGOS PA LAS MA BSDUS PA DANG, 'BRAS BU MCHOD BRJOD KYIS BSTAN PA DANG, SKABS BRGYAD PAR NYON MONGS PA MED PA DANG, SHUGS BSTAN GYI SMON GNAS SHES PA DANG, SA BRGYAD KYI BYAS PA RTOGS PA'I SA DANG SBYAR RGYU YIN PA LA DE LTAR MA SHES PA DANG, GZHI SHES KYI MTSAN NYID BCU DRUG DANG NGO BO NYID KYI MTSAN NYID BZHI THEG CHEN GYI LAM MTSAN NYID PA NYAN THOS KYI LAM LA SBYAR BA DANG, SBYOR NA YANG BYED PA DANG PO GSUM DANG, SBYOR BA GSUM LAS GZHI SHES KYI SBYOR BA CHAD PA'I PHYIR DANG, SKABS GNYIS PA'I NYAN RANG GI 'PHAGS LAM GYI SKABS SU MTHONG LAM KHO NA DANG SBYAR BA LA SHES BYED MED PA DANG, DE LA SOGS PA GONG 'OG 'GAL 'DU MA ZHIG SNANG BA NI BLO GSAL RNAMS KYIS ZHIB TU DPYAD PAS SHES TE, 'DIR NI YI GE MANGS PAS 'JIGS NAS

MA BRIS SO, ,BLA MA GONG MA RNAMS NI SKABS BSDU BA RU MI MDZAD KYI MNGON RTOGS LNGA'AM BRGYAD GSUM DU BSDUS TSUL LA DPYAD NAS BSTOD YUL GYI GRANGS MANG NYUNG DPYOD PA'I PHYIR SKABS LA DPYOD PAR SNANG YANG, MKHYEN GSUM DU MNGON RTOGS MTHA' DAG 'DUS PAR STON PA'I SKABS YIN ZHING BSTOD PHYAG GI YUL DU CHOS SUM CU SGRAS MA ZIN PA'I PHYIR, SLOB DPON GYI DGONGS PA CUNG MIN PAR GO'O, ,DE LA RANG GI LUGS NI, THEG PA GSUM GYI MNGON RTOGS GANG YIN MKHYEN GSUM GANG RUNG ZHIG YIN PA LA DGONGS NAS MKHYEN GSUM GYIS MNGON RTOGS BRGYAD BSDUS BAR GSUNGS TE, DE GSUM DU MA 'DUS PA'I MNGON RTOGS MED PAS SO, ,TSUL DE MA RTOGS PAR BSDU BYA SDUD BYED THA DAD KHO NAR BZUNG NAS SKABS DON LAS NYAMS PAR MI BYA'O, ,GNYIS PA LA GNYIS, DNGOS DANG YUM SRAS SU 'GYUR TSUL LO, ,DANG PO NI, PHYAG 'TSAL LO, ,'DI LA GNYIS, YUL GANG LA DANG, TSUL JI LTAR RO, ,DANG PO NI, YUM DE LA'O, ,YUM DE YANG JI LTA BU ZHE NA, SANGS RGYAS NYAN THOS SOGS PAS RANG RGYAL BYANG SEMS TE SRAS BZHIS YONGS SU BSKOR BA SNGAR BSHAD PA DE RNAMS KYI BZHED DON DE SGRUB PAR BYED PA ZHIG GAM SGRUB PAR BYED PA NYID KYIS DE DAG GI YUM DU BZHAG PA ZHIG GO ,DE LTAR NA SHES RAB SGRON MER, NYAN THOS NYID DANG BYANG CHUB SEMS DPA' NYID DANG SANGS RGYAS NYID KYIS YONGS SU BSKOR BA DE LTA BU SGRUB PAR BYED PA NYID KYIS DE DAG GI YUM SHES RAB KYI PHA ROL TU PHYIN PA LA PHYAG 'TSAL LO, ZHES PA DANG MTHUN NO, ,'GREL PA 'DI NI RNAM 'GREL LAS, SANGS RGYAS NYAN THOS BYANG CHUB

, ,SEMS DPA'I TSOGS DANG LDAN YUM ZHES PA DANG MTHUN ZHING, RTZA BA'I BCAS PA'AM LDAN PA'I DON 'GREL PAS BSKOR BA LA BSHAD DE, RTZA BAR BSHAD PA'I SH'ANTI PA SOGS KYI BSHAD PA DANG MI MTHUN NO, ,DES NA BCAS SA DANG LDAN SA BSKOR SA NI 'DIR YUM LA GO DGOS SO, ,BSKOR BA'I DON YANG YUM SRAS LA GTZO 'KHOR GYI THA SNYAD YOD PAS DE TZAM LA BSAMS SO, ,DE'I PHYIR, GTZO BO SANGS RGYAS 'BYOR NYAN THOS DANG BYANG SEMS LA SOGS PAS BSKOR BA ZHES BSHAD NAS SANGS RGYAS KYI 'KHOR DU RANG RGYAL 'ONG MI 'ONG LA RTZOD PA NI, DAM BCA' LTAR SNANG LA RTZOD PA LTAR SNANG 'GOD PA YIN NO, ,GNYIS PA NI, SRAS BZHI'I BZHED DON SGRUB PAR BSTOD PA'I SGO NAS SO, ,'DI LA GSUM, GZHI SHES KYIS NYAN RANG DANG, LAM SHES KYIS BYANG SEMS, RNAM MKHYEN GYIS SANGS RGYAS KYI BZHED PA SGRUB TSUL LO, ,DANG PO NI, THOB PAR MDZAD PA GANG YIN PA NYAN THOS KYI YUM ZHES SGREL TE DANG ZHES PA 'OG MA BSDU BA'I TSIG YIN PA'I PHYIR RO, , 'OG MA GNYIS LA YANG DE BZHIN NO, ,'DI LA AA DU LA BZHED PA LTAR, RTEN THABS 'BRAS BU GSUM DANG, DE'I 'THAD PA BSNAN PA STE BZHI'O, ,DANG PO NI, BYANG SEMS KYI SDE SNOD LAS, NYAN THOS RNAMS KYI RNAM GROL SGRA PHYIR 'GRO ,RANG RGYAL RNAMS NI RKYEN GYI 'DU SHES LDAN, ZHES PA LTAR RANG NYID KYIS KYANG SGRA BCAS SU MNYAN DGOS SHING GDUL BYA LA YANG SGRA BCAS SU THOS PAR BYED PA'I NYAN THOS DANG NYAN THOS DE'I PHYOGS SU BSLAN PA RTEN 'BREL RTOGS PA'I RKYEN

TZAM GYIS BYANG CHUB 'THOB KYI CHOS BSHAD PA DANG MNYAN PA SGRA LA MI LTOS PA'I RANG SANGS RGYAS TE BSAM PA RANG NYID GCIG PU ZHI BA MYA NGAN LAS 'DAS PA THOB PAR 'DOD PA RNAMS KYIS SO, ,KYANG NI NYAN THOS SU MA ZAD PA'O, ,'O NA RTZA BAR RANG RGYAL MA BSTAN PA ZHE NA DNGOS SU BSTAN PA MED KYANG RTZA BA'I TSIG RIM PA GCIG GIS TE RTZA TSIG DANG PO'I RTEN STON PA'I TSIG GIS SHUGS LA BSTAN PA YIN NO, ,DE'I RGYU MTSAN YANG SKABS 'DIR THABS GZHI SHES KYIS 'BRAS BU THEG DMAN GYI NYER ZHI GNYIS THOB PAR BSTAN LA, RANG RGYAL GYIS KYANG THABS DE KHO NA LA BRTEN NAS 'BRAS BU DE THOB PAR BYED DGOS PA'I PHYIR RO, ,GAL TE NYAN THOS DANG SDEB NA KHYAD PAR MED DAM ZHE NA, NYAN THOS LAS LHAG PA'I KHYAD PAR YOD DO, ,GANG GIS NA, GZUNG RTOG SPANGS PA DANG GZUNG MED RTOGS PA'I RNAM PAR THAR BA CUNG ZAD TZAM ZHIG GIS SO, ,KHA CIG NI NYAN THOS KYI PHYOGS SU SLON PA'I RGYU MTSAN 'BRAS BU DANG 'DOD PA MTSUNGS PA LA BSHAD PAS DE GNYIS LA KHYAD MED DAM SNYAM PA LA THEG PA'I RIM PA GCIG GIS LHAG PAR BSTAN PA ZHES SBYAR NAS DE'I RGYU MTSAN DU RNAM THAR LHAG PA SBYOR RO, ,GZHAN DAG, NYAN RANG GNYIS THEG PA RIM PA GCIG GIS BSTAN PA ZHES 'DOD PA LA DE LTA NA THEG PA GNYIS KHO NAR 'GYUR ZHES 'CHAD PA NI LEGS PAR SMRAS PA YIN LA, GANG ZAG THEG DMAN RTOGS PA GZHI SHES BSAM PA RANG DON DU RIM PA GCIG PAS NYAN THOS KYI PHYOGS SU SLON ZHES PA NI YI GE'I DON DU MA ZHUGS SO, ,GNYIS PA NI, BYIS PAS BDAG DANG BDAG GIR

, ,'DZIN PA DANG, 'PHAGS PAS BDAG MED PAR GTAN LA PHAB NAS BDAG 'DZIN SPONG BA'I GZHIR GYUR PAS GZHI STE PHUNG PO KHAMS DANG SKYE MCHED THAMS CAD SKYE BA MED PAR TE GANG ZAG GI BDAG DANG GZUNG BAS GDOD MA NAS STONG PAR YONGS SU SHES PA'I GZHI SHES PA NYID KYIS SO, ,'DIR NYID NI DNGOS PO'I RKYEN DU SBYAR GYI NGES BZUNG DU MI BSHAD DO, ,GSUM PA NI, PHUNG PO'I LHAG MA DANG BCAS PA DANG PHUNG PO'I LHAG MA MED PA'I MTSAN NYID DE NGO BO NYID DU GYUR PA'I MYA NGAN LAS 'DAS PA NYON MONGS PA DANG SDUG BSNGAL ZHI BA'I NYER ZHI RNAM PA GNYIS PO'O, ,'O NA DE GNYIS KYI KHYAD PAR JI LTA BU ZHE NA, 'DI'I MTHA' DPYAD PA LA GSUM, NYAN THOS SDE PA DANG, SEMS TZAM PA DANG, DBU MA PA'I LUGS SO, ,DANG PO LA GNYIS, LHAG MA YOD MED KYI DON MYANG 'DAS GANG LA 'DOD PA'O, ,DANG PO NI, KHA CIG KUN 'BYUNG MA LUS PAR SPANGS KYANG SDUG BSNGAL MA SPANGS PA DANG, SDUG BSNGAL YANG MA LUS PAR SPANGS PA KHYAD PAR YIN ZHES 'CHAD PA NI MI 'THAD DE; DGRA BCOM LA YANG SRID 'PHEN NGES KYI LAS NYON MA LUS PAR ZAD KYANG t'I KA DON GSAL DU, DGRA BCOM PA DAG LA SO SO SKYE BO'I GNAS SKABS NA BYAS PA YANG SRID PA'I LAS DGE BA'AM MI DGE BA MA NGES PA DAG NI MED PA MA YIN MOD KYI PHRA RGYAS MED PA'I PHYIR DE DAG GIS SRID PA MNGON BAR 'GRUB MI NUS SO ZHES DANG, RNAM 'GREL DU, 'DOD CHAGS BRAL BA'I GNAS PA NI, ,BRTZE BA'AM YANG NA LAS KYIS YIN, ZHES DANG, SRID PA'I SRED LAS RNAM RGAL BA'I, ,LAS

GZHAN 'PHEN NUS MA YIN TE, ,LHAN CIG BYED PA ZAD PHYIR RO, ,ZHES PA LA SOGS PA GZHUNG GONG 'OG RNAMS SU ZAG BCAS KYI LAS YOD PAR DU MA ZHIG BSHAD PA'I PHYIR RO, ,DES NA NYON MONGS PA MA LUS PAR SPANGS KYANG PHUNG PO'I RGYUN MA LOG PA DANG, PHUNG PO'I RGYUN CHAD PA GNYIS KHYAD PAR DU 'DOD DE, RIGS PA DRUG CU PA'I 'GREL PAR, DE LA PHUNG PO LHAG MA DANG BCAS PA NI PHUNG PO TZAM DU ZAD DE NYON MONGS PA'I 'CHING BA LAS GROL BA YIN, PHUNG PO'I LHAG MA MED PA NI PHUNG PO'I RGYUN CHAD PA'I MTSAN NYID YIN PAS ZHES PHYOGS SNGAR MDZAD PA LTAR RO, ,SDE PA GNYIS KAS KYANG DGRA BCOM PA TSE'I 'DU BYED BTANG NAS RIG PA PHYI MA MTSAMS MI SBYOR BAR ZHI BA'I DBYINGS 'BA' ZHIG PAR 'DOD DO, ,GNYIS PA NI, MYANG 'DAS KYI NGO BO GANG YIN NA DE 'DUS BYAS MA BYAS GNYIS LAS 'DUS MA BYAS SO, ,DE LA KHA CHE BYE SMRA NI 'GOG PA GNYIS DANG NAM MKHA' STE 'DUS MA BYAS GSUM DU 'DOD CING DE'I STENG DU DE BZHIN NYID BSNAN NAS BZHIR YUL DBUS KYI BYE SMRA RNAMS 'DOD DO ZHES YE SHES SNYING PO KUN BTUS KYI 'GREL PAR BSHAD DO, ,DES NA RTOG GE 'BAR BAR BYE BRAG SMRA BA'I GZHUNG GIS BSHAD BA, ,'DUS MA BYAS PA 'GOG GNYIS DANG, ,NAM MKHA' DANG NI DE BZHIN NYID, CES BKOD NAS DE'I 'GREL PAR, DE BZHIN NYID NI SNGA NA MED PA DANG, ZHIG NAS MED PA DANG, GCIG LA GCIG MED PA DANG, GTAN MED PA DAG GIS MTSON PA DNGOS PO RNAMS KYI NGO BO NYID MED PA NYID DO, ,DE DAG NI RTAG PA YIN TE MI 'GYUR BA'I NGO BO YIN PA'I

, ,PHYIR RO ZHES SO, ,DE LTAR 'DUS MA BYAS PA BZHI LAS, GNYIS KA LAS KYANG MYANG 'DAS GNYIS KA SO SOR BRTAGS 'GOG TU 'DOD CING KHYAD PAR NI BYE SMRAS MA YIN DGAG GI NGO BOR DANG, MDO SDE PAS MED DGAG TU 'DOD PAR MDZOD 'GREL LAS RGYAS PAR GSUNGS SO, ,SPYAN RAS GZIGS BRTUL ZHUGS LAS KYANG, RDZAS SU YOD PAR SMRA BA NI, DBOS PO YIN PAR SMRA BA STE, GRANGS CAN DANG BYE BRAG PA DANG, BYE BRAG TU SMRA BA DANG, RNAL 'BYOR SPYOD PA LA SOGS PA DAG GO, RDZAS SU YOD PA MA YIN PAR SMRA BA NI, DNGOS PO MED PA YIN PAR SMRA BA STE, GOS DMAR SDE DANG, MDO SDE PA DANG, 'JIG RTEN RGYANG PAN PA LA SOGS PA DAG GO ZHES SO, ,DGONGS RGYUN BU BYE SMRA'I 'DUS MA BYAS GSUM GYI NGOS 'DZIN LA SO SOR BRTAGS 'GOG LHAG BCAS KYI MYANG 'DAS, BRTAGS MIN LHAG MED KYI MYANG 'DAS SU BSHAD PA NI KHA CHE BYE SMRA'I 'DOD PA 'CHAD 'DOD KYANG, MDZOD 'GREL DU SDE PA GZHAN ZHIG GI 'DOD PA BKOD PA LA 'KHRUL ZHING, NYON MONGS MED TZAM BRTAGS 'GOG PHUNG PO MED TZAM BRTAGS MIN GYI 'GOG PA ZHES MDO SDE PA'I 'DOD PAR 'CHAD PA NI, MDZOD 'GREL DU MDO SDE PA'I 'DOD PA BSHAD PA DANG 'GAL LO, ,GNYIS PA NI, LHAG MA YOD MED KYI DON SNGAR LTAR DANG, NGO BO NI BSDU BAR CHOS DBYINGS SHIN TU DAG PA'I MTSAN NYID DU BSHAD CING, BYE BSHAD 'GREL PAR PHUNG PO LHAG MA DANG BCAS PA DANG, PHUNG PO LHAG MA MED PA'I MYA NGAN LAS 'DAS PA'I DBYINGS NI SO SOR BRTAGS PA'I 'GOG PA'O ZHES SO, ,LUGS 'DIS KYANG LHAG

MED KYI TSE RIG PA RGYUN CHAD DU 'DOD CING, DE'I PHYIR LAM GYIS SPANGS PA'I SGRIB GNYIS ZAD PA MED KYANG RTEN MED PAS RANG GI NGANG GIS DE DAG LOG PA YOD PAS THEG PA CHE CHUNG GI MYANG 'DAS LA SPANGS PA'I KHYAD MED KYANG GZHAN DON BYED MI PHYED KYI KHYAD PAR 'DOD DE; BSDU BA LAS, PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS PA LA NI SGRIB PA DANG BCAS PA DANG SGRIB PA MED PA'I RNAM PAR BZHAG PA YOD KYI PHUNG PO'I LHAG MA MED PA'I MYA NGAN LAS 'DAS PA'I DBYINGS LA GNAS PA LA NI SGRIB PA RNAM PAR BZHAG PA MED DO, ,DE CI'I PHYIR ZHE NA, MTSAN MA DANG GNAS NGAN LEN THAMS CAD KYI THAMS CAD DU RGYUN CHAD CING 'GAGS PA'I PHYIR TE ZHES DANG, GAL TE DE LA SGRIB PA MED DE JI LTAR DE BZHIN GSHEGS PA LA MI MNGA' BA DE KHO NA BZHIN DU DGRA BCOM PA LA YANG SGRIB PA MED PA YIN NO, CI'I PHYIR DGRA BCOM PA YANG DE BZHIN GSHEGS PA'I MDZAD PA MI BYED CE NA, SMRAS BA SNGON SMON LAM BSGOMS PA MED PA'I PHYIR DANG, DE LTA BU'I RIGS CAN YIN PAS DE'I PHYIR, DGRA BCOM PA NI LDANG BA'I BSAM PA MED PA KHO NAR YONGS SU MYA NGAN LAS 'DAS PAS NA DE'I PHYIR MI BYED DO ZHES SO, ,GSUM PA NI, SPYIR MYANG 'DAS BZHIR GSUNG RAB LAS 'BYUNG STE, RANG BZHIN DANG MI GNAS PA DANG, LHAG BCAS DANG LHAG MED KYI MYANG 'DAS SO, ,DE LA DANG PO NI, CHOS RNAMS KYI RANG BZHIN SPROS PA MTHA' DAG DANG BRAL BA'O, ,GNYIS PA NI, SANGS RGYAS DANG BYANG CHUB SEMS KYI MYANG 'DAS SO, ,THA MA GNYIS LA GNYIS LAS, THEG DMAN GYI DBANG DU BYAS PA NI, DGRA BCOM PA TSE'I 'DU

, ,BYED MA BTANG BA NA NYON MONGS PA SPANGS KYANG LAS NYON GYIS 'PHANGS PA'I SDUG BSNGAL GYI LHAG MA YOD PA NI LHAG BCAS YIN LA, SKU TSE'I 'DU BYED BTANG BA NA SDUG BSNGAL GYI PHUNG PO RAGS PA DOR ZHING DAG PA'I 'JIG RTEN GYI KHAMS SU PADMA'I SBUBS SU YID KYI LUS KYIS GNAS PA NA LHAG MED DU BZHED PAR MNGON NO, ,THEG CHEN GYI DBANG DU BYAS PA NI, SKU GSUM LA 'JUG PA'I SGOR, PHUNG POR BCAS PA'I MYA NGAN 'DAS, ,THUB SKU GNYIS LA BZHAG PA YIN, ,PHUNG PO KUN DANG GROL BA'I PHYIR, ,CHOS KYI SKU LA PHUNG PO MED, CES SKU GSUM LA LHAG BCAS DANG LHAG MED DU 'CHAD PA NI, GSER 'OD LAS, SKU DE GNYIS LA DGONGS TE SANGS RGYAS BCOM LDAN 'DAS RNAMS PHUNG PO LHAG MA DANG BCAS PA'I MYA NGAN LAS 'DAS PA STE ZHES BYA'O, ,CHOS KYI SKU LA DGONGS TE PHUNG PO LHAG MA MED PA'I MYA NGAN LAS 'DAS PA ZHES GSUNGS SO, ZHES PA'I DON DU SNANG ZHING, DE YANG NYAN THOS DANG THUN MONG BA'I MYANG 'DAS YIN ZHES YE SHES ZLA BAS BSHAD DO, ,BZHI PA NI; GANG ZAG GI BDAG 'DZIN NI NYON MONGS PA DANG SDUG BSNGAL THAMS CAD KYI RTZA BA YIN LA GZHI SHES KYIS GANG ZAG GI BDAG MED RTOGS PAS BDAG 'DZIN 'JOMS SHING DE LOG PAS SDUG BSNGAL KUN LAS GROL BA'I MYANG 'DAS THOB STE; TING NGE 'DZIN RGYAL PO LAS, GAL TE BDAG MED CHOS LA RAB RTOG CING, ,DE DAG BRTAGS NAS GANG ZHIG SGOM BYED BA, ,'BRAS BU MYA NGAN 'DAS THOB RGYU DE YIN, ,RGYU GZHAN DAG GIS BZHI BAR 'GYUR MI SRID, CES SO, ,GNYIS PA NI,

SGRUB BAR MDZAD DO, ,'DI LA YANG SNGAR LTAR BZHI LAS, DANG PO NI, TING NGE 'DZIN RGYAL PO LAS, BDUD RTZI THOB BYED LAM NI 'DI YIN GYI, ,LAM NGAN SPONGS LA LAM LA MNOS SHIG CES, ,LTA NGAN SEMS CAN MTHONG NA GO BYED DE, ,RGYU DES BYANG CHUB SEMS DPA' ZHES BRJOD DO, ZHES PA LTAR BYANG CHUB SEMS DPA' GDUL BYA'I 'KHOR BA JI SRID PAR 'GRO BA'I DON BYED PAR 'DOD PA RNAMS KYIS SO, ,GNYIS PA NI, LAM GSUM PO THAMS CAD DON DAM PAR SKYE BA MED PAR DANG THA SNYAD DU RGYU NGO BO 'BRAS BU RNAMS RTOGS PA'I NGO BO NYID KYIS SO, ,GSUM PA NI, 'GRO BA MTHA' DAG GI MNGON PAR 'DOD PA'I DON MNGON MTHO NGES LEGS SO, ,BZHI PA NI, GZHAN LA LAM MA NOR BAR STON PA LA RANG GIS LAM JI LTA BA BZHIN DU RTOGS PA SNGON DU SNGON DU 'GRO DGOS TE; RNAM 'GREL LAS, THABS BYUNG DE RGYU LKOG GYUR PAS, ,DE 'CHAD PA NI DKA' BA YIN ZHES PA LTAR RO, ,GSUM PA NI, BSKOR BAR MDZAD DO, ,'DI LA BZHI LAS, RTEN GANG GIS NA, THUB RNAMS TE SKU GSUNG THUGS NYES SPYOD MTHA' DAG LAS YANG DAG PAR BSDAMS PA'I SKU CAN DBANG PHYUG LA SOGS PA LAS RNAL 'BYOR LHAG PAS RNAL 'BYOR CAN GYI DBANG PHYUG STE NYAN RANG DANG BYANG SEMS DE LAS KYANG SPANGS RTOGS LHAG PAS DE DAG GI GTZO BO STE GTZUG GI NOR BU LTA BU'I SANGS RGYAS RNAMS KYIS SO, ,THABS GANG GIS NA, RNAM PA THAMS CAD SKYE BA MED PAR THUGS SU CHUD PA'I RNAM MKHYEN GANG DANG LDAN NA STE DE YIS SO, ,GANG SPYI SGRA YIN PA'I PHYIR BYE BRAG RNAM MKHYEN LA JI LTAR GO ZHE NA, SPYI SGRA YIN YANG KHYAD PAR GYI TSIG

, ,THUB RNAMS DANG 'BREL BA'I PHYIR GO'O, ,GZHAN DANG, MKHYEN PA GSUM LA BSTOD PA LAS, GNYIS LA BSTOD ZIN PA'I LHAG MAR GYUR PAR GO NUS LA, DON GYI SHUGS KYIS KYANG RNAM MKHYEN LA GO STE 'ONGS SO ZHES PAS SKYES BU ZHIG LA GO BA BZHIN NO, ,'BRAS BU GANG NA LUNG RTOGS KYI CHOS BSHAD PAS GCIG NAS GCIG TU BRGYUD GZHAN LA 'PHO BAR SNANG BAS 'KHOR LO MA LUS BA STE BRGYAD KHRI BZHI STONG GIS BSDUS PA'I GSUNG RAB KYI RNAM PA THAMS CAD DO, ,MA LUS PA DANG THAMS CAD GNYIS SMOS PA NI, BRJOD 'DOD KYI DBANG GIS PHYOGS RE RE LA YANG THAMS CAD CES 'JUG PA DE LTA BU'I NYI TSE BA MIN PAR BSTAN PA'I CHED DU'O, ,GANG GI DON DU NA, DUG GSUM DANG DE GSUM CHA MNYAM PA STE RTZA BA RTZE RA YANG NYI KHRI CHIG STONG DU PHYE BAS BRGYAD KHRI BZHI STONG LA SPYOD PA'I GNYEN POR RO, ,'O NA CHOS KYI 'KHOR LO ZHES PA DE JI LTA BU ZHE NA, 'DI LA BZHI, CHOS 'KHOR GYI NGO BO, NGES TSIG ,DBYE BA, TSAD DO, ,DANG PO NI, BYE SMRA RNAMS MTHONG LAM KHO NA CHOS 'KHOR DU 'DOD DE, LNGA SDE LA WA RA n'A SER CHOS BSTAN PAS KUN SHES KO'U DI N+YAL MTHONG LAM SKYES PA NA GNOD SBYIN RNAMS KYIS CHOS KYI 'KHOR LO BSKOR RO ZHES BSGRAGS PA DANG, 'KHOR LO RIN PO CHE DANG CHOS MTHUN PA MTHONG LAM LA YOD PA'I PHYIR SNYAM DU BSAMS SO, ,JI LTAR CHOS MTHUN NA, MTHONG LAM GYIS BDEN PA MYUR DU RTOGS PAR BYED PAS MYUR DU 'GRO BA DANG, BDEN PA SNGA MA'I DMIGS RNAMS 'DOR BA DANG, PHYI MA

LA 'JUG PA DANG, BAR CHAD MED LAM GYIS SPANG BYA'I THOB PA GCOD PAS MA RGYAL BA LAS RGYAL BAR BYED PA DANG, RNAM GROL LAM GYIS SPANG BYA DANG BRAL BA'I THOB 'DREN PAS RGYAL BA RNAL DU 'GOD PA DANG, KHANGS GONG GI BDEN PA LA DMIGS PAS 'PHAR BA DANG, 'OG MA'I BDEN PA LA DMIGS PAS 'BAB PA'I CHOS MTHUN TE, MDZOD LAS, CHOS KYI 'KHOR LO MTHONG BA'I LAM, ,MYUR BAR 'GRO SOGS ZHES SO, ,BRTZUN PA DBYANGS SGROG NI, 'PHAGS LAM BRGYAD NYID CHOS 'KHOR YIN TE, 'KHOR LO LA YOD PA'I RTEN PA'I LTE BA DANG, GCOD PA'I RTZIBS DANG, SDUD PA'I MU MYUR DANG CHOS MTHUN YOD PA'I PHYIR RO, ,JI LTAR NA, NGAG ,LAS, MTHA' 'TSO BA GSUM LTA BA DANG MTHUN TE, DE GSUM TSUL KHRIMS KYI BSLAB PA YIN PAS TING NGE 'DZIN DANG SHES RAB KYI RTEN BYED PA'I PHYIR RO, ,LTA BA, RTOG PA, RTZOL BA RNAMS RTZIBS DANG MTHUN TE, SHES RAB KYI BSLAB PA YIN PAS MI MTHUN PHYOGS GCOD PA'I PHYIR RO, ,TING NGE 'DZIN NI; MU KHYUD DANG MTHUN TE, LTA BA SOGS RTZE GCIG PA'I TSUL GYIS DMIGS PA LA 'DZIN PA'I PHYIR RO SNYAM DU BSAMS TE, MDZOD LAS RTZIBS SOGS PHYIR ZHES SO, ,DE DAG NI SGRUB PA BYED PHYOGS RE BA LA 'KHRUL BAS LUGS DE DAG DOR LA 'DIR NI LUNG DANG RTOGS PA'I CHOS THAMS CAD CHOS 'KHOR DU 'DOD PAR BYA STE, CHOS 'KHOR GSUM GYIS GSUNG RAB THAMS CAD BSDUS PA DANG, LAM THAMS CAD LA YANG CHOS 'KHOR GYI DON DMIGS PA'I PHYIR RO, ,GNYIS

, ,PA NI; GZHI BSDU BAR, BCOM LDAN 'DAS KYIS KYANG KUN SHES KO'U DI N+YA'I RGYUD LA KUN SHES PA'I CHOS NYID DANG MTHUN PAR BSKOR LA, DE YANG GZHAN DAG LA MTHUN PAR SKOR BAR 'GYUR BA DANG DE DAG KYANG GZHAN DAG LA MTHUN PAR SKOR BAR 'GYUR TE, DE BAS NA GCIG NAS GCIG TU BRGYUD DE MTHUN PAR BSKOR BA'I DON GYIS 'KHOR LO ZHES BYA'O, ,YANG DAG PA'I LTA BA LA SOGS PA'I CHOS KYI RANG BZHIN YIN PAS NA CHOS KYI 'KHOR LO'O ZHES PA LTAR RO, ,GSUM PA NI, RTOGS PA'I CHOS LA DBYE NA TSIG GSAL DU, CHOS KYI 'KHOR LO KHA CIG NI TSOGS KYI LAM MO, ,KHA CIG NI SBYOR BA'I LAM MO, ,KHA CIG NI BAR CHAD MED PA'I LAM GYI BAR RO ZHES PA LTAR YIN LA, 'O NA KYANG 'DIR MI SLOB LAM MA BSHAD KYANG 'DOD PAR BYA STE, MDZOD 'GREL GYI RANG LUGS BZHAG PA'I SKABS SU, YANG NA 'PHAGS PA'I LAM THAMS CAD KYANG GDUL BYA'I RGYUD LA 'JUG PA'I PHYIR CHOS KYI 'KHOR LO YIN TE ZHES DANG, GZHI BSDU BAR YANG, MI SLOB LAM CHOS 'KHOR DU BSHAD PA'I PHYIR RO, ,LUNG GI CHOS LA DBYE NA, JI SKAD DU, MDO SDE DBYANGS BSNYAD LUNG BSTAN DANG, ,TSIGS BCAD CHED BRJOD RTOGS PA BRJOD, ,DE LTAR BYUNG DANG GLENG GZHI DANG, SHIN TU RGYAS PA SKYES RABS BCAS, ,GTAN LA PHAB RMAD BYUNG CHOS TE, ,DE LTAR YAN LAG BCU GNYIS GSUNGS, ZHES PA LTAR GSUNG RAB YAN LAG BCU GNYIS SO, ,DE YANG BSDU NA SDE SNOD GSUM DU 'GYUR TE, 'DI LTAR MDO'I

SDE DANG, DBYANGS KYIS BSNYAD PA DANG, LUNG DU BSTAN PA DANG, TSIGS SU BCAD PA DANG, CHED DU BRJOD PA'I SDE DANG LNGA NI NYAN THOS KYI MDO SDE'I SDE SNOD DANG GTZO BO GLENG GZHI'I SDE DANG, 'KHOR RTOGS BRJOD, DE LTAR BYUNG, SKYES PA RABS KYI SDE DANG BZHI NI 'DUL BA'I SDE SNOD DANG, RMAD DU BYUNG BA DANG, SHIN TU RGYAS PA'I SDE GNYIS NI BYANG SEMS KYI MDO SDE'I SDE SNOD DANG, GTAN LA PHAB PAR BSTAN PA'I SDE NI THEG PA CHE CHUNG GNYIS KA'I MNGON PA'I SDE SNOD DO, ,DE NI KUN BTUS KYI LUGS YIN LA, GZHI BSDU BAR NI, SHIN TU RGYAS PA'I SDE THEG CHEN GYI SDE SNOD DANG, GZHAN RNAMS NYAN THOS DANG LDAN PA'I SDE SNOD DU BYAS NAS GNYIS KA MDO SDE'I SDE SNOD DU 'CHAD DE, 'DI DANG BSHAD GZHI DANG BSHAD TSUL MI MTHUN NO, ,GANG YANG MDO SDE GANG ZHIG LAS GSUNG RAB YAN LAG DGU ZHES PA LTAR NA GLENG GZHI GTZO 'KHOR BZHI GCIG TU BYED PAR LANG GSHEGS KYI 'GREL PAR BSHAD DO, ,BZHI PA NI, CHOS PHUNG RE RE LA TSAD JI TZAM ZHE NA, KHA CIG NA RE SH'A RI'I BUS BYAS PA'I CHOS KYI PHUNG PO ZHES PA'I BSTAN BCOS KYI TSAD TZAM STE, DE YANG SHU LOG DRUG STONG NGO ZHES DANG, LA LA PHUNG PO, KHAMS SKYE MCHED, BDEN PA RTEN 'BREL LA SOGS LA BRTZAMS NAS GTAM RGYUD TSAR BA RE DANG, GZHAN DAG SPANG BYA RE'I GNYEN PO RDZOGS PA RE LA 'DOD PA YOD DE, MDZOD LAS, KHA CIG BSTAN BCOS TSAD CES ZER, ,PHUNG PO LA SOGS GTAM RE'ANG YIN, ,SPYOD PA RNAMS KYI GNYEN POR NI, ,CHOS

, ,KYI PHUNG PO MTHUN PAR GSUNGS, ZHES PA LTAR RO, ,'ON KYANG 'DIR NI THEG PA THUN MONG BA DANG THUN MONG MA YIN PA'I LUGS GNYIS LAS, DANG PO'I DBANG DU BYAS NA CHOS PHUNG RE LA SHU LOG STONG PHRAG RE RE SPYIR BSDOMS NA TSIGS BCAD SA YA PHRAG BRGYAD DANG 'BUM PHRAG BZHI BCUR 'GYUR RO, ,'DI NI KUN BTUS 'GREL PA'I LUGS SO, ,GNYIS PA'I DBANG DU BYAS NA, DBANG PO'I GLANG PO CHE RAB BRTAN GYIS BKUR BAR 'OS PA'I SNAG TSAS NI CHOS KYI PHUNG PO GCIG 'DRI BAR NUS SO ZHES GSUNGS TE, DE LTAR BYAS NA DRIN LAN BSAB PA LAS, 'PHAGS PA LHA SBYIN GYIS GLANG PO CHE LNGA STONG GIS BKUR BAR BYA BA'I GLEGS BAM RNAMS KHA TON DU BRJOD PAR BYED DO ZHES GSUNGS PA 'DI YANG RIGS PAR 'GYUR RO, ,CHOS PHUNG DE SNYED YOD NA 'DZAMBU'I GLING NA DE TZAM MI SNANG BA CI ZHE NA, 'JIG RTEN GYI KHAMS GZHAN RNAMS DANG, KLU RNAMS KYI GNAS NA PHAL CHER YOD DE, SLOB SPRINGS LAS, BSTAN PA RIN CHEN MCHOG LTAR BZANG LA 'PHAN MED PA, ,RNAM PAR DAG TSUL GANG YIN KLU MGO'I GDENGS KA CAN, ,CHEN PO RNAMS KYIS GTZUG GI RGYAN BZHIN GUS MNOS NAS, ,SA YI GTING NA GNAS PA'I RAB RIB SEL BAR MDZAD, CES TSIG GSAL DU 'CHAD PA LTAR RO, ,'DIR TSIG GSAL DU TSIGS BCAD RE LA YIG 'BRU SO GSUM MO ZHES PA MA DAG PAS SO GNYIS SU BSGYUR TE GZHAN DU NA RKANG PA MI SNYOMS PAS SO, ,NYER BRGYAD RE LA SHU LOG TU MKHAS PA DAG 'CHAD PA NI 'DI'I

DGONGS PA MIN NO, ,BZHI PA DE'I 'THAD PA NI, JI LTA JI SNYED KYI RNAM MKHYEN SNGON DU SONG NA GDUL BYA'I KHAMS BSAM PA BAG LA NYAL RNAMS DANG RJES SU MTHUN PAR CHOS KYI 'KHOR LO BSKOR NUS LA, DE SNGON DU MA SONG NA 'DI LDOG PA'I PHYIR CHOS 'KHOR MA LUS PA BSKOR BA RNAM MKHYEN GYI 'BRAS BUR GRUB PO, ,GNYIS PA NI, GAL TE MKHYEN GSUM DANG GANG ZAG BZHI YUM SRAS SU 'DOD NA, DE DAG DUS MI MNYAM PAR 'GYUR TE RGYU 'BRAS YIN PA'I PHYIR RO, ,'DOD NA DE GANG ZAG DANG MNGON RTOGS MIN PAR THAL ZHE NA, 'DI LA GNYIS, RANG LAN GDAB GZHAN LAN DGAG PA'O, ,DANG PO NI, 'DIR MNGON RTOGS YUM DANG GANG ZAG SRAS SU 'JOG PA NI, MA DANG BU LTAR NGO BO BSKYED PAS 'JOG PA MIN NO, , 'O NA CI ZHE NA, 'JIG RTEN NA SKYES BU 'GA' ZHIG LA PHAN CHEN PO 'DOGS PA DE LA 'DI NI BDAG GI MA'O ZHES BRJOD PA LTAR GANG ZAG GSUM GYI MNGON RTOGS KYIS KYANG RANG RANG GI MTHAR THUG GIS ZHED DON GSUM RDZOGS PAR SGRUB PAS GANG ZAG DE DAG GI YUM YIN NO, ,GZHAN YANG YUM 'DIS SRAS DE DAG GI RGYUD LA GNAS SKABS KYI BZHED PA ZAG MED KYI PHUNG PO MA SKYES PA SKYED PA DANG SKYES ZIN RGYUN GNAS PAR BYED PA'I PHYIR YANG YUM YIN TE, ,MTHAR THUG GI 'DOD PA RDZOGS PAR SGRUB PA LA GNAS SKABS SU ZAG MED KYI PHUNG PO SKYED PA DANG GSO BA SNGON DU 'GRO DGOS PA'I PHYIR RO, ,DE YANG DAG LDAN LAS, 'DI JI LTAR DE RNAMS KYI YUM DU 'GYUR ZHE NA, JI SKAD BSHAD PA'I DON CHEN PO GSUM

, ,THOB PA'I PHYIR TE, GANG YANG SKYE BO RNAMS LA PHAN PA CHEN PO 'DOGS PA DE NI 'JIG RTEN NA MA ZHES BYA'O, GZHAN YANG JI SRID DU DE DAG GI ZAG PA MED PA'I PHUNG PO'I BDAG NYID MA SKYED CING MA GSOS PA DE SRID DU DE DAG GIS JI SKAD BSHAD PA'I DON CHEN PO RNAMS THOB PAR MI NUS SO, ,DE'I PHYIR DON GYIS NA SKYED PA DANG GSO BA YIN PAR SHES PAR BYA'O, ,DE'I PHYIR YANG 'DI YUM YIN NO ZHES SO, ,DE LA YUM DU 'JOG TSUL SNGA MAS NI MTHAR THUG DANG, PHYI MAS NI GNAS SKABS KYI BZHED PA SGRUB PAS YUM DU BZHAG PAR SNANG ZHING, RTZA 'GREL GNYIS LAS NI SNGA MA KHO NA SNANG NGO, 'ON KYANG RNAM MKHYEN NI SANGS RGYAS KYIS KHO NA NA YOD PA'I PHYIR SANGS RGYAS KYI GSO BA'I YUM TZAM DU RUNG YANG DE MA SKYES BA SKYED PA'I YUM DU MI GZUNG NGO, ,GNYIS PA NI, KHA CIG NA RE MDO LAS SKU 'DI BRNYES PAS DE BZHIN GSHEGS PA'I GRANGS SU MI 'GRO YI RNAM MKHYEN BRNYES PAS DE BZHIN GSHEGS PA'I GRANGS SU 'GRO'O ZHES 'BYUNG BA'I PHYIR, YUM DANG SRAS RNAM PAR BZHAG 'JOG YIN PA'I PHYIR TE, MKHYEN GSUM GYI RTOGS PA RGYUD LA LDAN PAS RIM PA LTAR NYAN RANG, BYANG SEMS SANGS RGYAS SU 'JOG NUS PA'I PHYIR RO, ,DES NA YUM SRAS DUS MNYAM ZHES 'DOD PA DANG, GZHAN DAG NA RE, YUM GYIS BZHED DON GSUM SGRUB PA NI PHAN 'DOGS PA DANG GZHI SHES LAM SHES RGYUN MTHA' MAN CHAD KYI RNAM MKHYEN RJES MTHUN PA GSUM NI, SANGS RGYAS KYI SKYED BYED

DANG RNAM MKHYEN MTSAN NYID PA DE'I GSO BA'I YUM DANG, CHOS MCHOG MAN CHAD KYI GZHI SHES LAM SHES GNYIS NI 'PHAGS PA GNYIS KYI SKYED BYED KYI YUM YIN ZHING, PHAN 'DOGS PA DANG GSO BA'I YUM SRAS NI DUS MNYAM LA SKYED PA'I YUM SRAS NI DUS SNGA PHYI BAR 'DOD CING, YUM GSUM PO DE YANG SNGAR GYI DAG LDAN GYI LUNG DON DU 'DOD DO, ,'DI DAG NI MI 'THAD DE, RNAM PAR BZHAG 'JOG LA YUM SRAS SU 'DOD PA NI RGYAN 'GREL BA DANG BCAS PA LAS MI 'BYUNG BA DANG, RNAM MKHYEN BRNYES PAS DE BZHIN GSHEGS PA'I GRANGS SU 'GRO ZHES GSUNGS KYI YUM SRAS SU MA GSUNGS PA DANG, MKHYEN GSUM GANG ZAG GSUM SO SO'I YUM DU 'CHAD PA'I SKABS SU SLOB LAM GYI MKHYEN GSUM SANGS RGYAS KYI YUM DU MA 'BREL BA DANG, SRAS GANG ZAG DANG YUM DE'I MNGON RTOGS YIN PAS DUS MI MNYAM PA MI RUNG BA'I PHYIR RO, ,DE'I PHYIR CHOS MCHOG MAN CHAD KYI GZHI SHES DANG LAM SHES GNYIS RANG RGYUD LDAN GYI YUM YIN PA'I RGYU MTSAN DU GANG ZAG DE'I MTHAR THUG GI BZHED PA GNYIS SGRUB PA'AM GNAS SKABS KYI BZHED PA ZAD MED KYI PHUNG PO SKYED PA'I PHYIR, ZHES PA LUNG DON YIN ZHING, DE BZHIN DU 'PHAGS PA 'OG MA 'OG MA'I RGYUD LA YANG GONG MA GONG MA'I ZAG MED SKYED PA DANG RANG DUS KYI ZAD MED GOS PA'I YUM DU YANG 'DOD PAR BYA'O, ,GNYIS PA LA GNYIS, SPYI DANG, YAN LAG GI DON NO, ,DANG PO LA BZHI, 'DI DAG 'GREL PA GANG DU BKOD PA, GANG ZAG SU'I

, ,'DOD PA YIN PA, GZHUNG GANG LAS 'BREL DPYAD PA, 'CHAD TSUL GZHAN DGAG PA'O, ,DANG PO NI, NYI SNANG RNAM 'GREL RGYAN GYI SNANG BA 'GREL BA 'DI DANG BZHIR BYUNG ZHING DE YANG DANG POR 'PHAGS PAS BKOD CING, BKOD PA'I SKABS NI DANG PO GSUM DU DGOS 'BREL GYI THAD KAR BKOD LA, BKOD PA'I TSUL YANG NYI KHRI 'GREL PA GNYIS SU RTZOD LAN GYI GZHUNG GI MTSAMS 'BYED TSUL 'DI DANG MTHUN ZHING, RGYAN SNANG DU NI SPYIR GZHAN 'JUG PA'I YAN LAG TU DGOS SOGS BZHI BSNYAD DGOS PA DANG, MA BSTAN NA 'JUG PA LDOG PA DANG, DE YANG GZHUNG DE NYID DANG 'BREL ZHING DAM PAS 'DOD BYAR GYUR PA DANG, DER BSTAN PA'I THABS KYIS DGOS PA DE SGRUB NUS PA ZHIG BSTAN DGOS ZHES SPYIR BSHAD NAS, DE LA KHA CIG GZHI DANG, GZHAN DAG GNYEN PO DANG LA LA RNAM PA BRJOD BYA YIN NO ZHES PHYOGS SNGAR BYAS NAS PHYOGS DANG PO LTAR NA MAN CHAD LAN DU BYED DO, ,DE LTA NA 'DI DANG RGYAN SNANG GNYIS 'GAL BAR YANG MI BSAM STE, 'DIR YANG BRTAG PA BYAS PA LTAR KHAS BLANGS NA SKYON 'JUG PAR 'DOD PAS DE MI 'GOG PA'I PHYIR RO, ,GNYIS PA NI, SNGA RABS PA KHA CIG THOGS MED DANG, CHOS SKYONG DANG, KLU SGRUB KYI RJES SU NI 'BRANG LA DE DAG GI LUNG LEGS PAR MI SHES PA 'GA' ZHIG GO ZHES 'DOD KYANG 'GRIG SNYAM PA MI SNANG NGO, ,KHA CIG DNGOS SU 'DOD MKHAN BYUNG BA MIN GYI DOGS PA KHONG SLONG YIN ZHES 'DOD KYANG RGYAN SNANG DANG BSTUN NA DNGOS SU BYUNG BAR

GSAL LO, ,'O NA MDO DANG BSTAN BCOS GANG LA YIN ZHE NA MDO YIN PAR MNGON NO, ,DE LTA NA BSTAN BCOS LA DOGS PA 'DI 'GOD PA CI 'BREL ZHE NA, BSTAN BCOS KYI BRJOD BYA NYID MDO'I BRJOD BYA YIN PA'I PHYIR 'BREL LO, ,GSUM PA NI, MKHYEN GSUM LA PHYAG 'TSAL SMOS PAS MDO'I BRJOD BYA MKHYEN GSAL GYI RGYAN DU GYUR PA'I BSTAN BCOS SHIG RTZOM PAR DAM BCAS SHING DE YANG DGOS PA GANG GI PHYIR SNYAM PA LA DGOS 'BREL GYIS DGOS PA BSTAN TO, ,DE NAS CI MNGON BAR RTOGS PA'I RGYAN 'DI GZHI BSDUS PAS SAM, 'ON TE GNYEN PO BSDUS PAS SAM, DE STE RNAM PA BSDUS PAS RGYAN DU BYED CES, GANG BRJOD BYAR BSDUS NAS RGYAN DU BYED CES 'DRI BA'I PHYIR BRTZAM PAR DAM BCA'I GZHUNG LA RTZOD DO, ,RGYAN SNANG NI SPYIR DGOS SOGS BZHI BKOD NAS BRGYAD STONG PA'I BRJOD BYA LA DOGS PA GCOD PA'I PHYIR DGOS 'BREL LA BRTZAD DO, ,DE GNYIS LTAR NA DGOS 'BREL GYI SKABS SU BKOD NAS BSTAN BCOS KYI BRJOD BYA LA DOGS PA GCOD PA'I PHYIR RO DE'I GZHUNG DU SDUD PAR RIGS SO, ,'GREL PA 'DI LTAR NA BDAG NYID CHEN POS MCHOD BRJOD KYI GZHUNG LA YAR SBYOR LA, 'BUM PA DANG AAR 'GREL CHEN GNYIS SU DGOS 'BREL LA SBYAR BA DANG BRJOD BYA NGOS 'DZIN PA'I PHYIR DGOS 'BREL LA PHYIR SBYOR BAR RIGS ZHES 'CHAD KYANG, MCHOD BRJOD KYIS BRTZAM PAR DAM BCAS PA LAS 'PHROS SHING DGOS 'BREL GYI MTSAMS SPYOD KYI SNGON DU BKOD PA'I PHYIR SNGA MA RIGS SO, ,BZHI PA LA GNYIS, DGAG PA DNGOS

, ,DANG; RANG LUGS BSTAN PA'O, ,DANG PO NI, GAL TE RGYAN RTZOM NA GZHI PHUNG KHAMS SKYE MCHED TZAM MAM, GNYEN PO LAM TZAM MAM, RNAM PA CHOS KYI BYE BRAG TZAM ZHIG BRJOD BYAR SDUD, DANG PO LTAR NA MNGON PA NAS MA BSHAD PA BSHAD RGYU MED CING BSHAD PA STON NA RGYAN DANG MNGON PA ZLOS SO, ,GNYIS PA LTAR NA, GNYEN PO 'BA' ZHIG STON NA RGYAN LA BRTEN NAS SPANG BYA GANG GI GNYEN PO GANG YIN MI RTOGS LA, SPANG BYA DANG BCAS PAR STON NA NYON MONGS SRED PA LTA BU GCIG LA YANG, BDAG RKYEN DBANG PO DRUG DMIGS RKYEN YUL DRUG ,RGYU'I RKYEN KUN GZHI, GTZO BO RNAM SHES DRUG ,GROGS SEMS BYUNG DANG BCAS PA STON DGOS LA DE LA GZHI BSTAN DGOS PAS SKYON DANG PO LAS MI 'DA'O, , GSUM PA LTAR NA, RNAM PA GZHI MED TZAM ZHIG BSDUS NA SKYES BU LA MKHO BA'I DON MA BSHAD PAR 'GYUR LA, GZHI BCAS BSDUS NA GZHI BSDUS PA LA BKOD PA'I SKYON DU 'GYUR RO, ,GSUM GA BSDUS NA BSTAN BCOS LUS SU GRUB PA ZHIG MA YIN PA'AM, SKYON GSUM GAR THAL LO ZHES BKOD NAS, LAN DU, BU RAM, LGA NA LE SHAM, GSUM SO SOR ZOS NA RIM PA LTAR BAD KAN, MKHRIS PA, RLUNG RNAMS SKYED KYANG DE GSUM SBYAR NAS ZOS NA NAD GANG YANG MI SKYE BA BZHIN DU GSUM GA BRJOD BYAR BSDUS PAS RE RE'I SKYON GANG YANG MED DO, ZHES 'CHAD DO, ,'DI LA SMRA BAR BYA STE, CI PHYOGS SNGA MAR BRTAG PA JI LTAR BYAS PA DE LTAR KHAS BLANGS NA SKYON DE DAG 'ONG NGAM MI 'ONG, GNYIS PA LTAR NA, RGYAN

GYI SNANG BAR PHYOGS DANG PO LTAR NA MAN CHAD RANG GZHUNG DU BYAS PA DANG 'GAL BA DANG, SMAN GSUM SO SOR ZOS NA NAD SKYED PA LTAR BRTAG PA GSUM SO SOR KHAS BLANGS KYANG SKYON MED PA'I PHYIR DPE DON MI 'GRIG PA DANG, RANG NYID KYANG MI 'DOD PA DANG 'DOD NA'ANG GSUM PO GANG RUNG RE RE BSDUS PA'I SKYON MED DE, ZHES PA BZHAG NAS GANG RUNG RE RE BSDUS NA YANG SKYON MED CES BSHAD DGOS PAR 'GYUR BA'I PHYIR MI 'THAD DO, ,DANG PO LTAR NA GZHI GNYEN RNAM GSUM BRJOD BYAR BSDUS PAR RANG NYID KYANG 'DOD BZHIN DU GZHI MNGON PA NAS BSHAD MA BSHAD DANG, GNYEN PO SPANG BYA DANG BCAS MA BCAS DANG, RNAM PA GZHI DANG 'BREL MA 'BREL GNYIS KA BRJOD BYAR BSDUS PA LA SKYON 'GOD PA NI BZHAD GAD DO, , GNYIS PA NI, RGYAN SNANG DU KHA CIG NA RE, CHOS RNAM PAR 'BYED PA'I DON DU GZHI THAMS CAD BSDUS PA BRJOD PAR BYA BA YIN NO ZHES ZER RO, ,GZHAN DAG NI, MI MTHUN PA'I PHYOGS SPANG BAR BYA BA'I PHYIR GNYEN PO'I PHYOGS MA LUS PA BSTAN PAR BYA BA YIN NO ZHES ZER RO, ,LA LA NI, SHES BYA MA LUS PA YONGS SU SHES PAR BYA BA'I PHYIR RNAM PA MA LUS PA BSTAN PAR BYA BA YIN NO ZHES ZER RO, ZHES PA LTAR SHES DGOS SO, ,DE DAG GI DON YANG KHA CIG NI, MNGOS CHOS GSUM GYI RAB DBYE RTOGS PA TZAM GYI PHYIR DU DE GSUM GYI GRANGS MTSAN NYID NGO BO'I RAB DBYE TZAM DANG, MI MTHUN PHYOGS SPANG BA TZAM GYI PHYIR DU GNYEN PO MA LUS PA DANG, SHES BYA'I RNAM GRANGS MA LUS PA SHES PAR BYA BA TZAM GYI PHYIR DU RDZAS

, ,BTAGS LA SOGS PA'I RNAM PA MA LUS PA BSTAN PAR 'DOD DO, ,DE DAG GI 'KHRUL GZHI YANG, MDO LAS, PHUNG KHAMS SKYE MCHED DANG, SA DANG PHAR PHYIN LA SOGS PA DANG, DGE MI DGE ,ZAG PA YOD MED, KHA NA MA THO BA DANG BCAS MA BCAS LA SOGS PA'I 'GRES DU MA ZHIG GSUNGS PA RNAMS SO, ,DES NA 'DI'I RNAM PA NI MNGON PA LAS 'BYUNG BA'I CHOS GSUM GYI DGE MI DGE LA SOGS PA'I MING GI RNAM GRANGS LA GZUNG GI CHOS KYI BYE BRAG DANG CHOS NYID LA MI BYA'O; ;PHYOGS SNGA DANG RANG LUGS GNYIS KAS GZHI GNYEN RNAM PA BSDUS PAR 'DOD PAR 'DRA YANG KHYAD PAR NI STON TSUL DANG DGOS PA LA YOD DE, 'DI LTAR PHYOGS SNGA'I 'DOD PA NI, BSHAD ZIN PA LTAR YIN LA, RANG LUGS NI, MDO DANG DE'I RGYAN GNYIS KYIS GZHI GNYEN RNAM PA GSUM BSDUS PA DE RIM PA LTAR YUL CAN MKHYEN PA GSUM SHES PA'I CHED DU YIN LA, DE YANG GO LA SA DANG RGYU DANG THOB BYAR BSTAN PA'I PHYIR YIN NO, ,DE LTAR NA DGOS PA GANG GI PHYIR DANG, TSUL JI LTAR GZHI GNYEN RNAM PA GSUM BSTAN PA'I KHYAD MA PHYED PAR DE GSUM LA KHO NA'I SGRA SBYAR BA TZAM LA RE BAS NI RTZOD LAN 'DI DAG BSKAL PA'I BAR DU YANG MI SHOD DO, ,GNYIS PA LA GNYIS, RTZOD PA DANG LAN NO, ,DANG PO LA GNYIS, DRI BA DGOD PA DANG, DE LA SKYON BRJOD PA'O, ,DANG PO NI, MCHOD BRJOD KYI SKABS SU MKHYEN GSUM GYI SGO NAS BSTOD PAS BRJOD BYA DANG MTHUN PA'I BSTOD PHYAG YIN PA'I PHYIR SHUGS LA DE GSUM BRJOD BYAR BYED PA'I BSTAN BCOS RTZOM PAR

KHAS BLANGS PA LA, KHA CIG NA RE SNGAR BSHAD PA DE LTAR MAS RIM GYIS BSDUS TE PHYAG 'TSAL BA DANG BSTOD PA BSTAN BCOS LUS KYI SNGON DU 'GRO BA MDZAD PA'I SHUGS LA MDO'I BRJOD BYA GTAN LA 'BEBS PA'I BSTAN BCOS MNGON PAR RTOGS PA'I RGYAN ZHES PA ZHIG MDZAD PAR KHAS LEN NA NI, MKHYEN GSUM NGO BO'I SGO NAS MTSON MI NUS PAS YUL GSUM PO 'DI 'DI LTAR RTOGS PA MKHYEN PA 'DI'O ZHES YUL DANG 'BREL BAR BSTAN DGOS LA, DE YANG CHOS RAB TU RNAM 'BYED KYI SHES RAB SKYED PA'I PHYIR DU YUM GYI MNGOS BRJOD BYA GZHI PHUNG KHAMS SKYE MCHED KYI GRANGS MTSAN NYID NGO BO'I RAB DBYE TZAM DANG, MI MTHUN PHYOGS SPONG BA TZAM GYI PHYIR DU GNYEN PO'I PHYOGS MA LUS PA'AM, BYANG CHUB GSUM GYI LAM TZAM DANG, SHES BYA'I CHOS KYI RNAM GRANGS MA LUS PA SHES PA'I PHYIR DU RDZAS BTAGS LA SOGS PA'I RNAM PA'I RAB DBYE TZAM ZHIG BRJOD BYAR BSDUS SO ZHES 'DOD TSUL GSUM BYUNG BA RNAMS LAS 'DIR BSTAN BCOS KYIS DE GSUM GANG YANG RUNG BA ZHIG STE GANG BRJOD BYAR BSDUS PAS YUM GYI RGYAN DU MDZAD, GNYIS PA NI, DE GSUM GANG 'CHAD KYANG 'DI YUM GYI RGYAN DU MI 'GYUR TE, BRTAG PA'I PHYOGS DANG PO LTAR NA NI CHOS MNGON PA LAS RGYAN LOGS SU GSUNGS PA'I 'BAD PA DON MED PA YIN PAR 'GYUR TE, CHOS GSUM GYI GRANGS MTSAN NYID NGO BO'I RAB DBYE TZAM ZHIG BSTAN PAS SO, ,KHYAB PA YOD DE, DE LTA NA GRUB ZIN BSGRUBS PAR 'GYUR BA'I PHYIR TE, SHER PHYIN RGYAN 'DI LAS NI RANG SPYI'I MTSAN NYID KYI DBYE

, ,BA STON PAS MTSAN NYID KYI BSTAN BCOS TE MNGON PA'I SDE SNOD DAG LAS MI SMOS PA'I GZHI GANG YIN PA DE 'BYUNG BA MED ZER YANG, MNGON PA NAS GZHI JI LTAR BSTAN PA DE LTAR BSHAD PA'I PHYIR ZHES PA'O, ,DE'I PHYIR MNGON PA DANG ZLOS PA'I SKYON YANG YOD DO, ,DE LTAR GZHI 'CHAD TSUL LA SBYAR NA ZLOS PA YOD LA BSHAD BYA LA SBYAR NA KHO NA SMOS KYANG ZLOS PAR SGRUB MI NUS TE, MNGON PAR BSHAD PA'I CHOS GSUM GYIS SHES BYA THAMS CAD BSDUS PAS SO, ,YANG NA 'DIR LOG RTOG MDO LA BYUNG BA DANG 'DOD TSUL GSUM PO DE MDO'I BRJOD BYA MIN PAR BSTAN PA NYID KYIS BSTAN BCOS KYI BRJOD BYA MIN PA YANG RTOGS PA'I PHYIR, RGYAN SBYAR BA'I 'BAD PA DON MED CES DANG, SHER PHYIN DE RGYAN ZHES RIGS BYIN 'CHAD KYANG MDO LA GZUNG NA YANG SKABS SU BAB STE NYI SNANG DANG RNAM 'GREL LAS KYANG MDO LAS ZHES PAS SO, ,BRTAG PA GNYIS PA LTAR NA LAM 'DI BSGOM PAR BYA ZHES BSTAN KYANG LAM 'DI SPANG BYA GANG GI GNYEN PO YIN PA KHONG DU CHUD PAR MI 'GYUR TE, KUN NAS NYON MONGS PA'I DNGOS PO GZUNG 'DZIN DU RTOG PA SOGS BRJOD BYAR MA BSDUS PAS TE GNYEN PO RNAM PAR BYANG BA'I DNGOS PO LAM GSUM TZAM ZHIG BSDUS PA'I PHYIR RO, ,DES NA SPANG GNYEN GANG YIN RTOGS PA MED PA'I NYES PAR 'GYUR RO, ,'DI DANG 'OG MA GNYIS KYI YANG SGRAS 'BAD PA DON MED BSDU BA RU SBYAR YANG BRTAG PA SNGA MA SNGA MA LA SKYON YOD PAR MA ZAD PA'O, ,BRTAG PA GSUM PA LTAR NA 'DIR MED KYANG 'GREL CHEN DU 'BYUNG BAS BRTAG

PA GNYIS BYA STE, RNAM PA GZHI BCAS SAM GZHI MED CIG STON, DANG PO LTAR NA RNAM PA STON PA NA GZHI YANG BSTAN DGOS PAS MNGON PA DANG ZLOS SO, ,'O NA RANG LUGS LA YANG RNAM PA GZHI BCAS SU BSTAN DGOS PA'I PHYIR ZLOS PAR 'GYUR ZHE NA, RNAM PA GNYIS MING MTSUNGS KYANG DON MI 'DRA STE, KHO'I LUGS KYIS PHUNG SOGS KYI RNAM PA'I RAB DBYE LA 'DOD PAS ZLOS SKYON YOD LA RANG LUGS NI BDEN BZHI DANG MKHYEN GSUM GYI CHOS LA 'DOD PAS SO, ,GNYIS PA LTAR NA, GZHI'I DON RTOGS PA STE THOB PA MED PAR THAL, RNAM PA GZHI MED PA RTOG PAS BTAGS PA TZAM ZHIG BSDUS PA'I PHYIR RO, ,'DOD NA SKYES BU LA MKHO BA'I DON CUNG ZAD KYANG MA BSHAD PAR THAL, 'DOD PA DE BAS SO, ,DE YANG 'DOD NA DE'I PHYIR YUM GSUNGS PA LA DON NAM DGOS PA MED PA YIN NO SNYAM DU ZUR NA GNAS PA'I RGOL BA DPYOD LDAN GZHAN DAG SEMS SHING DOGS PAR 'GYUR BA MIN NAM STE YIN NO ZHEN ZHES PA STE, MDOR NA DANG PO LTAR NA BSHAD MI DGOS PA BSHAD PA DANG PHYI MA GNYIS LTAR NA BSHAD DGOS PA MA BSHAD PA'I NYES PA YOD PAR STON PA'O, ,'DIR GZHAN DAG CES PA DANG PHYOGS GSUM RE RE BSDUS PAR 'DOD PA'I RGOL BA GNYIS MI GCIG STE SNGA MAS NI 'DOD PA DE DAG LA SKYON BRJOD PAS SO, ,GNYIS PA LA BZHI, LAN DNGOS, SHES BYED KYI KHUNGS DGOD, SDU BYED GSUM NGOS GZUNG, DE DAG GIS GRUB PA'I DON BSDU BA'O, ,DANG PO NI, RGYAN GYIS NI RANG SPYI'I MTSAN NYID LA MKHAS PA TZAM LA

, ,SOGS PA'I PHYIR DU GZHI GNYEN RNAM PA PHYOGS RE BRJOD BYAR BSDUS NAS YUM PHYOGS RE BA'I RGYAN DU BYED PA DE NI MA YIN TE, RGYU MTSAN GANG GI PHYIR NA, GZHI GNYEN RNAM PA'I PHYOGS GSUM CHAR GYI DON RNAMS BRJOD BYAR BSDUS PA'I SGO NAS KYANG MKHYEN PA GSUM GA'I RGYAN DU BYED PA'I PHYIR RO, ,DON NI MKHYEN GSUM SHES PA'I PHYIR DU GSUM CHAR BSDUS ZHES PA'O, ,KYANG NI GZHI BSDUS PAS GZHI SHES KYI RGYAN DU BYED PA'AM DE GSAL BAR BYED PAR MA ZAD CES PA'I TSUL GYIS PHAN TSUN BSDU BA'O, ,KHYAB PA YOD DE, CI'I PHYIR ZHE NA, MKHYEN GSUM GYIS NYAN RANG DANG BYANG SEMS DANG SANGS RGYAS KYI MNGON RTOGS MTHA' DAG BSDUS PAS NA MKHYEN GSUM GYI RGYAN DU GRUB NA YUM MTHA' DAG GI RGYAN DU GRUB PO; ;GO RIMS JI LTA BA BZHIN NI MNGON RTOGS BZHI DANG MKHYEN GSUM SO SO SBYOR BA'O, ,'DIR RGYAN DE NI ZHES DANG RGYAN GYIS PHYOGS GSUM CHAR BSDUS SHING, DES MKHYEN GSUM DANG DES SRAS BZHI'I MNGON RTOGS BSDUS PA'I PHYIR GANG RUNG RE RE BSDUS PA'I SKYON MED CES SMRA BA'I SNGA MA MI 'THAD PA RTOGS SLA ZHING PHYI MA LTAR NA YANG RTAGS CHOS MA 'BREL LO, ,GZHUNG 'DI MTHA' GCOD LUGS SPYI DON LTAR DANG, 'BRU GNYER TSUL TSIG DON GYI SKABS 'DI LTAR 'CHAD SHES PA YANG DKON PAR SNANG NGO, ,GNYIS PA NI, GANG ZAG BZHI'I MNGON RTOGS RNAMS MKHYEN GSUM GYIS BSDUS PAR CIS GRUB CE NA, 'DI LA GSUM, YUM BAR MA DANG, BSDUS PA DANG, RGYAS PA KHUNGS SU DGOD PA'O, ,DANG PO LA GNYIS,

MDOR BSTAN, RGYAS PAR BSHAD PA'O, ,DANG PO NI, MKHYEN GSUM GYIS MNGON RTOGS MTHA' DAG BSDUS TSUL 'DI LTAR RGYAL BA'I YUM BAR MA NYI KHRI LNGA STONG PA LAS NYAN THOS NYON MONGS PA MED PA RNAMS KYI NANG NAS MDZES SHING MCHOG TU GYUR PAS RAB SEMS KYI YO BYAD PHUN SUM TSOGS PA YOD PAS 'BYOR PA STE DE LA BOS NAS GSUNGS SO, ,JI LTAR NA, NYAN RANG RNAMS KYI MNGON RTOGS NI THAMS CAD SHES PA NYID YIN NO, ZHES RNAM PAR SBYAR TE GZHAN GNYIS LA YANG DE BZHIN DU'O, , GNYIS PA LA GSUM, GZHI SHES, LAM SHES, RNAM MKHYEN RGYAS PAR BSHAD PA'O, ,DANG PO LA GNYIS LAS, DRI BA NI, BCOM LDAN 'DAS ZHES BOS NAS NYAN RANG GI MNGON RTOGS NI RGYU MTSAN CI'I SLAD DU THAMS CAD 'TSAL BA STE SHES PA NYID LAGS ZHES PA STE, 'OG MA GNYIS LA YANG DE LTAR RO, ,LAN NI, MDO LAS BRAM ZE THAMS CAD THAMS CAD CES BYA BA NI SKYE MCHED BCU GNYIS PO 'DI DAG GO ZHES PA LTAR YUL THAMS CAD NI MIG SOGS NANG GI SKYE MCHED DRUG DANG GZUGS SOGS PHYI'I SKYE MCHED DRUG GI CHOS RNAMS JI SNYED PA STE GRANGS 'DI TZAM YIN LA DE DAG KYANG NYAN RANG RNAMS KYIS RIM PA LTAR GANG GI BDAG MED DANG BDAG MED PHYED DANG GNYIS TZAM DU SHES KYI LAM GSUM PO THAMS CAD KYI RTOGS RIGS RGYUD LA SKYED PA'I SGO NAS KYANG SHES PA MIN LA JI LTA JI SNYED KYI RNAM PA THAMS CAD MNGON SUM DU SHES PA YANG MA YIN PAS DE'I PHYIR NYAN RANG RNAMS KYI MNGON RTOGS NI THAMS CAD SHES PA NYID CES BYA STE, MKHYEN PA YIN LA LAM SHES DANG RNAM MKHYEN MA YIN

, ,PA'I PHYIR RO, ,TZAM GYIS NI LAM DANG RNAM PA YUL YIN PA'AM GANG ZAG GI BDAG 'GOG LA, KYANG SNGA MA NI BSNAN PA DANG PHYI MA GNYIS NI PHAN TSUN BSDU BA'O, ,GNYIS PA LA GNYIS LAS, DRI BA NI BCOM NAS LAGS KYI BAR RO, ,LAN NI SHES BYA'I YUL LAM NI GANG ZAG GI BDAG MED RTOGS PA NYAN THOS KYI LAM DANG DE'I STENG DU GZUNG MED RTOGS PA RANG RGYAL GYI LAM DANG BDAG MED GNYIS KA RTOGS PA SANGS RGYAS KYI LAM GANG YIN PA'I LAM THAMS CAD DO, ,LAM DE DAG BYANG CHUB SEMS DPA' RNAMS KYIS SHES PAR BYED PA'I TSUL NI DANG POR LAM GSUM GYI SPANGS RTOGS KYI RIGS RANG RGYUD LA SNGAR MA SKYES PA THAMS CAD SKYED PAR BYA ZHING DES 'DUL BA'I GDUL BYA MA RTOGS PA RNAMS KYIS RTOGS PA'I PHYIR DU LAM GSUM PO THAMS CAD GZHAN LA STON PA'I TSUL RNAMS SHES PAR BYA'O, ,LAM GSUM GYI RTOGS RIGS DE DAG KYANG SKYED PA TZAM DU MA YIN PAR YONGS SU RDZOGS PAR BYA ZHING SHES PAR BYAS NAS KYANG BYANG SEMS DE DAG GIS LAM GYI BYA BA YANG BYA LA STE, GDUL BYA RNAMS LA DE DAG GI DMIGS PA DANG RNAM PA JI LTA BA BZHIN DU BSTAN PAR BYA'O, ,TSUL DES GZHAN DON BYED PA DE YANG SNYING RJE CHEN POS YONGS SU ZIN PA'I MTHUS JI SRID SMON LAM YONGS SU RDZOGS PAR MA BYAS PA DANG, SEMS CAN RNAMS KYI RGYUD YONGS SU SMIN PAR MA BYAS PA DANG, BDAG NYID MA 'ONGS PA NA 'TSANG RGYA BA'I SANGS RGYAS KYI SNOD KYI ZHING YONGS SU MA SBYANGS PAR BYANG SEMS DE DAG GIS RANG

DON DU YANG DAG PA'I MTHA' MNGON SUM DU MI BYA'O DE'I PHYIR BYANG SEMS RNAMS KYI MNGON RTOGS NI LAM SHES PA NYID CES BYA'O, ,DE LA SMON LAM RDZOGS PA NI, GZHAN DON 'BAD MED DU 'GRUB PAR GYUR CIG CES PA GRUB PA'O, ,SEMS CAN SMIN PAR BYAS PA NI, RGYAN LAS, JI LTAR RMA DANG ZAS LA DE DAG GI ,GZHAG DANG SPYAD DU RUNG BA SMIN 'DOD LTAR, ,DE BZHIN RTEN 'DIR PHYOGS GNYIS ZHI BA DANG, ,DE BZHIN SPYAD PA NYID DU SMIN PA BSTAN, ZHES RMA'I SMIN PA BRTOL RAN PA DANG, ZAS SHING THOG LTA BU'I SMIN PA SPYAD RUNG YIN PA DE BZHIN DU SEMS CAN GYI RTEN RMA DANG KHA ZAS LTA BU 'DIR YANG RNAG GZAG PA LTA BUR MI MTHUN PHYOGS ZHI BA DANG, SPYAD RUNG LTA BUR GNYEN PO'I PHYOGS SPYAD PA'I RTEN DU RUNG BA ZHES PA LTA BU'O, ,RNAM PA GCIG TU NA GZHAN DON CI TZAM ZHIG LA 'BAD PAS 'TSANG RGYA BA'I GZHAN DON DE DAG RDZOGS PAR BYAS PA'O, ,ZHING SBYONG BA NI RANG GI SEMS SBYONG BA YIN TE, DE YANG ZHING GI RGYUR TSOGS BSAGS NAS SMON LAM 'DEBS PA'O, ,'DI SNOD KYI ZHING LA BYA STE BCUD KYI NI SEMS CAN SMIN PAR BYED PA YIN PAS SO, ,'DIR CUNG ZAD CIG MTHA' DPYAD NA, YUL LAM GSUM PO DE MTSAN NYID PA YIN MIN, DE DAG GI SPANGS RTOGS GANG DU RDZOGS, DMIGS BSAL GYI DON BRTAG PA, YANG DAG MTHA' NGOS GZUNG BA DANG BZHIS RIG PAR BYA'O, ,DE LA DANG PO NI, BSKYED BYAR BSHAD PA'I LAM 'OG MA GNYIS BTAGS PA BA DANG, SHES BYAR BSHAD PA'I LAM GSUM GA'ANG MTSAN NYID PA'O, ,GNYIS PA NI, KHA CIG

, ,NA RE NYI SNANG LAS, NYAN THOS DANG RANG SANGS RGYAS RNAMS KYI SHES PA DANG SPONG BA GANG YIN PA DE NI BYANG CHUB SEMS DPA' CHEN PO MI SKYE BA'I CHOS LA BZOD PA THOB PA'I BZOD PA ZHES GSUNGS PA YIN TE, DE YANG SDUG BSNGAL LA CHOS SHES PA'I BZOD PA YIN NO, ZHES 'BYUNG BA'I PHYIR, NYAN RANG GI SPANGS RTOGS SA DANG POR RDZOGS PAR 'PHAGS PA BZHED CES SMRA BA NI MI 'THAD DE, LUNG DE'I 'PHROS NYID NAS BYANG CHUB SEMS DPA'I MTHONG BA'I LAM NYID DU NYAN THOS KYI RTOGS PA THAMS CAD YONGS SU RDZOGS PA YIN NO ZHES DANG, SGRUB PA LA GDAMS PA'I SKABS SU YANG MDO DE SHES BYED DU DRANGS NAS NYAN RANG RNAMS LAS RTOGS PA KHYAD PAR ZHUGS PAR BSTAN PA DANG, GZHI SHES SU YANG BYANG CHUB SEMS DPA'I BZOD PA'I BYED PAR GZHAN RNAMS KYI RTOGS PA'I BYED PA MA LUS PA 'DUS PAR 'GYUR BA'I PHYIR DE DAG GI SHES PA DANG SPANGS PA GANG YIN PA DE'I BZOD PA YIN GYI RTOGS PA'I CHA 'DI TZAM MA YIN NO ZHES GSUNGS PAS MTHONG LAM DU RTOGS PA RDZOGS PA'I SHES BYED DU 'GRIG GI SPONG BA'I DON BSHAD PA MI SNANG BAS DE GANG DU RDZOGS DES MI SHES SO, ,YANG KHA CIG THEG DMAN GYI RTOGS PA SA DANG POR RDZOGS LA SPANGS PA SA BRGYAD PAR RDZOGS TE, YUM GSUM GNOD 'JOMS LAS; DAD PAS RJES SU 'BRANG BA DANG, CHOS KYI RJES SU 'BRANG BA DANG, DGRA BCOM PA DANG RANG SANGS RGYAS KYI SHES PA DANG SPONG BA GANG YIN PA DE NI, BYANG CHUB SEMS DPA' MI SKYE BA'I CHOS LA BZOD PA THOB PA'I BZOD PA'O ZHES BYA BA NI BYANG

CHUB SEMS DPA'I SHES RAB NI DGRA BCOM PAR BSTAN TE, NYAN THOS DANG RANG SANGS RGYAS THAMS CAD KYI DGRA BCOM PA'I LAM GYI 'BRAS BU'I SHES PA RNAMS DANG NYON MONGS PA THAMS CAD SPANGS PA RNAMS NI SA BRGYAD PA LA ZHUGS PA MI SKYE BA'I CHOS LA BZOD PA TZAM NYID KYIS MTHAR GTUGS PAR 'GYUR TE, DE DAG GI SHES PA DANG SPONG BA NI BZOD PA DE LAS LHAG PA MED DO DE PHAN CHAD NI BYANG CHUB SEMS DPA' RNAMS RNAM PA THAMS CAD DU NYON MONGS PA MED PA'O ZHES SHES BYED DU 'DREN NO,, 'DI MI 'THAD DE, LUNG DES SPANGS PA SA BRGYAD PAR MTHAR THUG PAR BSHAD PA LTAR DU NYAN RANG GI RTOGS PA YANG DER RDZOGS PAR BSHAD PAS SO, ,DES NA RANG GI LUGS NI NYON SGRIB SPANGS PA SA BRGYAD PAR RDZOGS TE, DE NAS NYON YID GTAN MI 'BYUNG BA'I TSUL GYIS GNAS GYUR PA'I PHYIR RO, ,GANG ZAG GI BDAG MED RTOGS PA SA DANG POR RDZOGS TE, DER BDAG MED MTHA' DAG MNGON SUM DU RTOGS PA'I PHYIR RO, ,DES NAS LHAG MAR DE'I GOMS PA KHYAD PAR DU 'GROR YOD KYANG SNGAR MA RTOGS PA RTOGS PAR BYAR MED DE, DPER NA SHAR RI'I RTZER NYI MA SHAR MA THAG PA'I TSE DKYIL 'KHOR YONGS SU RDZOGS KYANG BGROD PA MA RDZOGS PA BZHIN NO, ,THEG CHEN GYI JI LTA BA RTOGS PA NI SA DANG POR RDZOGS TE, DER CHOS DBYINGS KUN TU 'GRO BA MTHA' DAG MNGON SUM DU RTOGS PAS SO, ,JI SNYED PA RTOGS PA DANG SHAS SGRIB SPANGS PA GNYIS NI SANGS RGYAS PA NA RDZOGS TE, SNGA ROL DU DE DAG RDZOGS NA NYES PA KUN ZAD YON TAN KUN LDAN YANG YIN PA'I SLOB PA YOD PAR 'GYUR

, ,RO; ;GSUM PA NI, GZHUNG 'DI LA DMIGS BSAL GYI RNAM GZHAG BYED PA NI MI 'THAD DE, SPYIR BTANG DANG DMIGS BSAL NI DPER NA THAMS CAD KYANG DGRA BCOM PA ZHES SPYIR BTANG NAS GANG ZAG GCIG MA GTOGS PA NI 'DI LTA STE ZHES KUN DGA' BO DMIGS KYIS BSAL BA LTAR YOD PA DANG YIN PA SPYIR BTANG NAS MED PA DANG MIN PA DMIGS KYIS BKAR NAS STON PAS DE GNYIS SGRAS ZIN LA BYED CING 'GAL BA NI GZHUNG LUGS PA SPYI'I LUGS YIN NA, 'DIR NI MNGON DU MI BYED PA SPYIR BTANG YIN NA BZLOG PA GSUM DMIGS BSAL YIN DGOS PAS DMIGS BSAL SGRAS MA ZIN LA, SGRAS ZIN TSONG GSUM DMIGS BSAL YIN NA MNGON DU BYED PA SPYIR BTANG YIN DGOS PAS SPYIR BTANG SGRAS MA ZIN ZHING, DNGOS BSTAN GNYIS SPYIR BTANG DANG DMIGS BSAL YIN NA DMIGS BSAL SPYIR BTANG DU SONG BA'I SKYON YOD DO, ,DE LTAR NA ZAS MA ZHU'I BAR DU SMAN MI ZA ZHES BRJOD PA NA SHUGS KYIS NA SMAN ZA BA'I DUS ZAS ZHU BA'I TSOR GO BA LTAR, RDZOGS SPRIN MA SBYANGS BAR DU YANG DAG MTHAR MNGON DU MI BYED CES BSTAN PA NA SHUGS KYIS NA MNGON DU BYA BA'I DUS RDZOGS SMIN SBYANGS PAR GO BAS DAG GCIG GI DNGOS SHUGS LA SPYIR BTANG DANG DMIGS BSAL SBYOR BA KHYED NI GSUNG RAB KYI BRNGA LA 'DRIS PA ZHIG GO ,BZHI PA NI, YANG DAG MTHA' 'DI LA KHA CIG NGO BO NYID SKU DANG, GZHAN DAG CHAD PA'I MYANG 'DAS YIN ZHES 'DOD DO, ,DE LA DANG PO MI 'THAD DE, 'DI'I 'GREL PA'I 'BUM GYI GNOD

'JOMS LAS, SEMS CAN SMIN PAR BYA BA DANG, SANGS RGYAS KYI ZHING DAG PAR BYA BA LA SOGS PA BYANG CHUB SEMS DPA'I SPYOD PA MTHA' DAG RDZOGS PAR BYAS NAS MNGON DU BYAS PA LA NYES PA MED KYI, DE LTAR MA YIN PAR NYAN THOS DANG RANG SANGS RGYAS LAS BAR MA DOR YANG DAG PA'I MTHA' MNGON DU MI BYA'O ZHES BAR MA DOR MNGON DU BYAS NA NYAN RANG DU LTUNG BAR GSUNGS PA'I PHYIR RO, ,PHYOGS GNYIS PA YANG MI 'THAD DE, RNAM MKHYEN NGOS BZUNG BAR YANG DAG MTHA' MNGON DU BYAS PAR 'CHAD PA'I PHYIR RO, ,MDO LAS KYANG, BYANG CHEN YUM LA SPYOD PA THABS MKHAS PAS YONGS SU BZUNG BA YANG JI SRID DU DGE BA'I RTZA BA DE DAG BLA NA MED PA YANG DAG PAR RDZOGS PA'I BYANG CHUB TU YONGS SU SMIN PAR MA GYUR PA DE SRID DU YANG DAG PA'I MTHA' DAM PA MNGON PA MI BYED DO, ,NAM DGE BA'I RTZA BA DE DAG BLA MED RDZOGS BYANG DU YONGS SU SMIN PAR GYUR PA DE NA YANG DAG PA'I MTHA' DAM PA MNGON DU BYED DO ZHES GSUNGS PAS SO, ,'O NA CI ZHE NA, DBUS MTHA' LAS, STONG PA NYID DE MDOR BSDU NA, ,DE BZHIN NYID DANG YANG DAG MTHA', ,MTSAN MA MED DANG DON DAM DANG, ,CHOS KYI DBYINGS KYI RNAM GRANGS SO, ZHES DANG, KUN BTUS DANG YUM GYI MDOR YANG, DE BZHIN NYID KYI MING GI RNAM GRANGS SU DE LTAR GSUNGS PA DANG, RGYAN SNANG LAS KYANG YANG DAG PA'I MTHA' NI CHOS KYI DBYINGS YIN LA, DE STON PAR BYED PA'I PHYIR SHES RAB KYI PHA ROL TU PHYIN PA LA DE SKAD CES BYA'O ZHES DANG, RGYUD BLA LAS KYANG, YANG DAG MTHA'

, ,NI 'DUS BYAS KYI RNAM PA THAMS CAD DBEN PA STE, ZHES 'BYUNG BA'I PHYIR SPROS PA DANG MTSAN MA THAMS CAD KYIS STONG PA'I ZHI BA'I DBYINGS MYANG 'DAS TZAM LA BYA'O, ,DE MNGON DU BYAS PA'I DON YANG ZAB MO BRGYAD KYI GSUM PAR BSHAD PA LTAR ZHI BA PHYOGS GCIG PA DE NYID LA CHED CHER BYAS NAS RTAG TU DE LA MNYAM PAR BZHAG NAS GNAS PA YIN GYI, DE MNGON SUM DU RTOGS PA TZAM NI MA YIN NO, ,SLOB LAM DU DE LTAR ZHUGS NA CHAD PA'I MTHAR LTUNG STE, TSOGS YONGS SU MA RDZOGS PAR RANG NYID ZHI BA'I DBYINGS SU RTAG TU GNAS PA NA RJES THOB LA GZUGS KYI SKU SNANG NAS DON MDZAD PA MED PA'I PHYIR RO, ,RDZOGS SMIN SBYANGS NA NI ZHI BA'I DBYINGS LA RTAG TU GNAS KYANG LHUN GRUB TU GZUGS SKU GNYIS KYIS GZHAN DON MDZAD PA'I PHYIR ZHI BAR MI LTUNG NGO, ,DE'I PHYIR SA BRGYAD PA LA DE BZHIN GSHEGS PA RNAMS KYIS MA BSKUL NA MYA NGAN LAS 'DA' BAR GSUNGS PA YANG DE LA DGONGS SO, ,DES NA MTSAN MA MED PA'I DBYINGS DE NYID MNGON DU BYED PA'I DUS KYIS MI GNAS PA DANG CHAD PA'I MYANG 'DAS GNYIS SU 'GYUR BA'I TSUL 'DI NI KHO BOS LEGS PAR BRTAGS PA'O, ,YUM GSUM GYI GNOD 'JOMS LAS, LAM GYI RNAM PA SHES PA NYID KYI SPYOD YUL BYANG CHUB SEMS DPA'I SAS BSDUS PA NI DE BZHIN NYID CES BYA'O, ,THAMS CAD SHES PA NYID KYI SPYOD YUL NYAN THOS DANG RANG SANGS RGYAS KYI MYA NGAN LAS 'DAS PA NI YANG DAG PA'I MTHA' ZHES BYA'O, ,RNAM MKHYEN NYID KYI SPYOD YUL SANGS RGYAS

KYI SAR GTOGS PA CHOS KYI SKU NI CHOS KYI DBYINGS ZHES BYA'O, ZHES PA NI DE GSUM LA ZHEN PA MED DO ZHES MDOR 'BYUNG BA MKHYEN GSUM GYI YUL DANG GRANGS SGRIG PA TZAM YIN GYI DE DAG LA NGES NAS BZHED PA MA YIN PAR 'GREL PA DE NYID LAS GSAL LO, ,GSUM PA LA GNYIS LAS, DRI BA NI BCOM LDAN 'DAS NAS LAGS KYI BAR RO, ,LAN NI ME LCE ZLUM PA DANG KHA DOG SMUG PA LTA BU'I NGO BO NI RNAM PA DANG, 'BRAS BU DU BA LTA BU RTAGS DANG RGYU BUD SHING LTA BU'I MTSAN MA GANG DAG GIS CHOS RNAMS RAB TU BRJOD PA STE MTSON NAS STON PA'I RNAM PA NGO BO RTAGS 'BRAS BU MTSAN MA RGYU DE DAG MA LUS PA DE BZHIN GSHEGS PAS THUGS SU CHUD DE DE'I PHYIR SNGON GYI SANGS RGYAS RNAMS JI LTAR GSHEGS PA DE BZHIN DU PHYIN PA DANG; CHOS RNAMS KYI DE BZHIN NYID JI LTA BA BZHIN DU MKHYEN PAS DE BZHIN GSHEGS PA NYON MONGS PA'I DGRA BCOM PAS DGRA BCOM PA CHOS RNAMS KYI NGO BO NYID MA NOR BAR THUGS SU CHUD CING MNGON PAR BYANG CHUB PAS YANG DAG PAR RDZOGS PA'I SANGS RGYAS RNAMS KYI MNGON RTOGS NI RNAM MKHYEN ZHES BYA'O, ,GNYIS PA NI, MKHYEN GSUM GYIS MNGON RTOGS MTHA' DAG BSDUS PAR YUM BAR MA LAS GSUNGS PA DE BZHIN DU MDOR BSDUS PA BRGYAD STONG PA LAS KYANG GSUNGS SO,, JI LTAR NA NYAN THOS KYI SA LA SLOB PAR 'DOD PAS KYANG SHER PHYIN LA BSLAB PAR BYA ZHES BYA BA DANG SOGS PAS DE BZHIN DU RANG RGYAL BYANG SEMS SANGS RGYAS KYI SA LA BSLAB PAR 'DOD PAS KYANG ZHES SO, ,LUNG DE SHES BYED DU 'GRO BA'I TSUL

, ,NI NYER ZHI LA SOGS PA RANG RANG GI BZHED PA RNAMS NI SKABS 'DI YIS YIN LA SHER PHYIN NI MKHYEN GSUM MO, ,DES NA GANG ZAG DE DAG GI MNGON RTOGS MKHYEN GSUM DU GRUB STE, DE DAG GI BZHED PA SGRUB PA'I YUM YIN PAS SO, ,GSUM PA NI, RGYAS PA STONG PHRAG BRGYA BA LAS KYANG GSUNGS SO, ,JI LTAR NA RGYUN ZHUGS LA SOGS PA BZHI DANG, SA BCU DANG, SANGS RGYAS KYI YON TAN RNAMS THOB PAR 'DOD PAS KYANG ZHES PHYE NAS RGYA CHER GSUNGS TE 'DI YANG SNGAR LTAR SBYAR RO, ,NYI KHRI'I BSHAD PA GNYIS SU BSDUS RGYAS SHES BYED DU MED KYANG 'DIR SLOB DPON GYIS BSNAN TE DRANGS PA NI BSTAN BCOS YUM GSUM GA'I RGYAN DU 'CHAD 'DOD NAS YIN NO, ,'O NA YUM BSDUS 'BRING RGYAS PA'I KHYAD PAR JI 'DRA BA ZHE NA, BRJOD BYA PHUNG PO LNGAR BSDUS SHING RJOD BYED TSIG KYANG BSDUS PA DANG PO DANG, DON RGYAS LA TSIG CUNG ZHIG BSDUS PA BAR MA DANG, GNYIS KA RGYAS PA THA MA STE DE YANG 'GRES RKANG BRGYA RTZA BRGYAD DU PHYE NAS STON PA'O, ,DE LA KUN NAS NYON MONGS KYI LNGA BCU RTZA GSUM NI, PHUNG PO LNGA, DBANG PO DRUG ,YUL DRUG ,RNAM PAR SHES PA DRUG ,REG PA DRUG ,TSOR BA DRUG ,KHAMS DRUG ,RTEN 'BREL BCU GNYIS SO, ,RNAM BYANG GI PHYOGS KYI LNGA BCU RTZA LNGA NI, SPYOD PA'I LAM PHAR PHYIN DRUG ,LTA BA'I LAM STONG NYID BCO BRGYAD, RNAL 'BYOR GYI LAM CHOS SUM CU RTZA BDUN, ZHI GNAS KYI LAM LA 'PHAGS PA'I BDEN PA BZHI, BSAM GTAN BZHI, TSAD MED PA BZHI, GZUGS MED PA'I SNYOMS PAR 'JUG

PA BZHI, RNAM PAR THAR PA BRGYAD, MTHAR GYIS GNAS PA'I SNYOMS PAR 'JUG PA DGU'O, ,LHAG MTHONG GI LAM LA RNAM THAR SGO GSUM MO, ,YON TAN KHYAD PAR CAN GYI LAM LA MNGON PAR SHES PA TING NGE 'DZIN, GZUNGS KYI SGO RNAMS SO, ,'BRAS BU'I LAM LA STOBS BCU, MI 'JIGS PA BZHI, SO SO YANG DAG PAR RIG PA BZHI, BYAMS PA CHEN PO, SNYING RJE CHEN PO, SANGS RGYAS KYI CHOS MA 'DRES PA BCO BRGYAD DO, ,GANG ZAG GI LAM LA RGYUN ZHUGS, LAN CIG PHYIR 'ONG, PHYIR MI 'ONG, DGRA BCOM PA, RANG SANGS RGYAS, THAMS CAD SHES PA NYID, LAM GYI RNAM PA SHES PA NYID, RNAM PA THAMS CAD MKHYEN PA NYID DO, ,GSUM PA LA GSUM, GZHI SHES, LAM SHES, RNAM MKHYEN NGOS GZUNG BA'O, ,DANG PO NI, MDO NAS MKHYEN GSUM GSUNGS PA DE LA THAMS CAD SHES PA NYID NI DMIGS PA GZUGS LA SOGS PA'I CHOS PHUNG PO LNGA'AM BDEN PA BZHI LA DMIGS NAS, RNAM PA MI RTAG PA LA SOGS PA BCU DRUG GI RTEN CAN TE YUL CAN DES YUL DE RTOGS PA'I 'BRAS BU GANG ZAG GI BDAG TU RMONGS PA SPANGS PA'AM SPONG BAR BYED PA CAN NO, ,GNYIS PA NI, LAM SHES PA NYID NI DMIGS PA LAM GSUM LA DMIGS NAS RNAM PA THEG PA STE LAM GSUM PO THAMS CAD KYI RTOGS RIGS SKYED CING SHES PAR BYAS PA'I SGO NAS GDUL BYA'I SKAL BA JI LTA BA BZHIN DU GZHAN DON DU NGES PAR 'BYUNG ZHING JI SRID GZHAN DON MTHAR MA PHYIN PA DE SRID DU RANG DON DU YANG DAG PA'I MTHA' DE KHO NA NYID MNGON DU MI BYED PA'I RTEN CAN TE YUL CAN RNAM PA DES DMIGS

, ,PA DE RTOGS PA'I 'BRAS BU SEMS CAN 'KHOR DU MA BSDUS BSDUD PA DANG SOGS PAS BSDUS PA SMIN PA DANG SMIN PA GROL BA DANG GROL BA MTHAR PHYIN PAR BYED PA CAN NO, ,DE LTAR NA NGES PAR 'BYUNG BA YAN GYIS LAM THAMS CAD RDZOGS PAR BYA BA LA SOGS PA BSTAN TE SHES RAB BO, ,DE KHO NA NYID MNGON DU MI BYED PAS NI YANG DAG MTHA' MNGON DU MI BYA BA'I DON BSTAN TE SNYING RJE'O, ZHES 'KHROM 'CHAD DO, ,TSIG GSAL DU YANG THEG PA THAMS CAD KYIS NGES PAR 'BYUNG BA ZHES PA NI GDUL BYA'I DBANG GIS THEG PA GSUM CHAR GYIS YONGS SU MYA NGAN LAS 'DA' BA STON PA STE, JI SKAD DU, DGE SLONG DGANG LAN STONG DU NI NYAN THOS KYI MYA NGAN LAS 'DA' BAS MYA NGAN LAS 'DI'O, ,LAN STONG DU NI RANG SANGS RGYAS KYI MYA NGAN LAS 'DA' BAS YONGS SU MYA NGAN LAS 'DAS SO ZHES PA DANG, THEG BRLABS PO CHES NI SKRAG 'GYUR ZHING, ,'DI NI SEMS CAN DMAN LA MOS RIG NAS, ,BYANG CHUB SEMS DPA' 'DI DAG NYAN THOS 'GYUR, ,RANG RGYAL BYANG CHUB BAR YANG RAB TU STON, ZHES PA STE, RGYU MTSAN DE DAG GTZO BOR BYAS NAS BYANG CHUB SEMS DPA'I SDE SNOD LAS, NYAN THOS DANG RANG SANGS RGYAS KYI LAM BSTAN PA MDZAD DE DE LA 'DRIS PA TZAM DU BYA BA'I PHYIR RO, ZHES SO, ,YANG DE LAS, DE KHO NA NYID NI GANG ZAG LA BDAG MED PA'I MTHA' ZHI BA NYID DE DE MNGON DU MI BYED PA NI BSGOM PAS SPANG BAR BYA BA'I NYON MONGS PA RNAMS MI SPONG BA'I PHYIR TE, DE MA SPANGS NA MYA NGAN LAS MI 'DRA' STE, DE'I PHYIR SLOB DPON

GYI ZHAL SNGA NAS KYANG NYAN THOS KYI LAM NI ZHES PA NAS MA BSTAN NO'I BAR DRANGS PA DANG, GSER GLING BAS KYANG NYAN RANG GI MYANG 'DAS LA DE KHO NA NYID DU BSHAD PA NI MI 'THAD DE, 'DI DANG SNGAR BSHAD PA'I YANG DAG PA'I MTHA' GNYIS GCIG YIN PA'I PHYIR RO, ,GSUM PA NI, RNAM MKHYEN NI DMIGS PA JI LTA JI SNYED KYI CHOS THAMS CAD LA DMIGS NAS RNAM PA GDOD MA NAS SKYE BA MED PAR RTOGS PA'I RTEN CAN DE YUL CAN DE'I 'BRAS BU NAM MKHA'I KHAMS KYI MTHAS GTUGS PAR SEMS CAN GYI DON MDZAD PA RGYUN MI 'CHAD PAR 'BYUNG BA'I GZHAN DON DANG YANG DAG PA NYID KYI MTHA' RTOGS PA STE MNGON DU BYAS PA DANG BAG CHAGS ZAD PA RNAMS SRID PAR MTSAMS SBYOR BA MED PA'I PHYIR BAG CHAGS NYID MTSAMS SBYOR BA'AM, YANG NA BAG CHAGS KYIS MTSAMS SBYOR BA ZHES GSUM PA'I BSDU BA STE, DE LTA BU'I BAG CHAGS KYI MTSAMS SBYOR BA ZAD PAR SPANGS PA CAN NI RANG DON NO, ,GSER GLING PAS, RNAM RTOG GCIG NAS GCIG TU BRGYUD PA MTSAMS SBYOR BA'I DON DANG, BDAG MED MNGON SUM DU BYAS PA YANG DAG MTHA' MNGON DU BYAS PA'I DON DU 'CHAD DO, ,DE LTAR NA DMIGS RNAM GNYIS NI SNGAR GYI MDO'I DON YIN LA, 'BRAS BU NI MCHOD BRJOD DU BSHAD PA'I SRAS RNAMS KYI BZHED PA'O, ,GAL TE DON GNYIS GRUB PA DE RNAM MKHYEN GYI NGO BO YIN PAS 'BRAS BU JI LTAR 'THAD CE NA, RGYUN CHAGS PAR 'JUG PAS SNGA MA SNGA MA PHYI MA RNAMS KYI RGYUR 'THAD DO, ,BZHI PA NI, MNGON PAR RTOGS PA'I RGYAN GYIS NI

, ,MKHYEN GSUM BSTAN NA THEG GSUM GYI MNGON PAR RTOGS PA RIL RDZOGS PAR BSTAN PA YIN GYI PHYOGS RE LAS MI STON PA NI MA YIN NO ZHES BYA BA 'DI 'THAD PA STE GRUB PA YIN TE, MKHYEN GSUM DU MNGON RTOGS THAMS CAD 'DUS PA DE LTA BAS NA'O, ,RGYAN GYIS NI GZHI GNYEN RNAM PA MTHA' DAG BRJOD BYAR BSDUS PAS YUM GYI RGYAN DU BYED KYI PHYOGS RE TZAM BSDUS PA MIN ZHES BYA BA 'DI GRUB STE, RE RE BA MDO YI BRJOD BYA YIN NA SMYON GSUM YOD PAR BSTAN PA DE LTA BAS NA 'O, ,'DI SNGAR GYI LAN GNYIS KA'I DON BSDU YIN LA, RIL DANG RDZOGS PA GNYIS SMOS PA NI BSNAN PA'I CHED DO, ,DE LTAR NA SNGAR BSHAD PA LTAR SLOB DPON GYIS MCHOD BRJOD KYI TSIGS BCAD 'DI BSHAD THABS LNGAS BKRAL BA NI GZHAN YANG DE LTAR 'CHAD PA'I DPE'O, ,GNYIS PA LA GSUM, DGOS PA DANG, BSDUS PA DANG, TSIG GI DON NO, ,DANG PO LA GNYIS, SPYIR BSTAN PA DANG, BYE BRAG TU BSHAD PA'O, ,DANG PO NI, KU MA RIL NA RE; DGOS 'GREL DAG LA BRTEN NAS DGOS SOGS BZHI YOD PA LA TSAD MA'I NGES PA SKYES NAS 'JUG PA DGOS PA'O ZHES ZER RO, ,GZHAN DAG NI, BSTAN BCOS 'DI NI BRTZAM PAR BYA BA MA YIN TE, DGOS PA SOGS DANG MI LDAN PA'I PHYIR BYA ROG SO RTOG GI BSTAN BCOS BZHIN ZHES, RTZOM PA'I SKABS 'GOG PA LA, GANG DGOS SOGS BZHI DANG LDAN PA NI BRTZAM PAR BYA BA YIN TE DPER NA GSO DPYAD KYI BSTAN BCOS BZHIN, BSTAN BCOS 'DI YANG DGOS

SOGS BZHI DANG LDAN NO ZHES DOGS PA 'GOG PAS RTZOM PA'I SKABS 'JOG PA BZLOG PA NI DGOS PA'O, ZHES ZER RO, ,BRAM ZE CHEN PO BDE BYED DGA' BA DANG, BUD DHA SHR'I NI, DGOS 'BREL BKOD PAS GZHUNG GI YI GE MDZES PAR BYAS PA DGOS BA'O ZHES ZER RO, ,SLOB DON CHOS MCHOG NI DAG LA BRTEN NAS DON MI 'GYUR GYI DOGS PA BZHI BSAL NAS DON 'GYUR GYI THE TSOM BZHI SKYED PA DGOS PAR BZHED DO, ,GNYIS PA NI, DE LA DANG PO NI MI 'THAD DE, SKYES BU TZAM ZHIG GI TSIG LA 'KHRUL PA SRID, SKYES BU KHYAD CAN TSAD MAS RTOGS MI NUS, SKYES BUS MA BYAS PA'I TSIG LA TSAD MAS GNOD PA DANG, KHYAD PAR DU TSIG DO LA 'BREL PA GNYIS TSAD MAS MA GRUB PA'I PHYIR DAG TZAM LAS BRJOD BYA LA TSAD MA'I NGES PA SKYE BA MI 'THAD DO; ;GNYIS PA DANG GSUM PA YANG SNGA MA DAG 'GOG MOD, 'ON KYANG DGOS SOGS BZHI DANG LDAN PAR BSTAN PA NA RTZOM PA LA DON MED DAM SNYAM PA'I DOGS PA BZLOG NAS DON 'GYUR GYI THE TSOM SKYED PA'I PHYIR GNYIS PA DGAG MI RIGS SO, ,GSUM PA LA MDZES PA KHO NA DGOS PAR 'DOD NA DGAG RIGS TE, DE GTZO BO'I DGOS PA MIN PAS SO, ,MDZES PA PHAL PA'I DGOS PAR 'DOD NA MI RUNG BA MED DE, DGOS 'BREL BKOD PAS KYANG RAB TU BYED PA'I LUS MDZES PAR BYED NUS PAS SO, ,'ON KYANG MDZES PA DGOS PAR 'CHAD PA SKABS SU MA BAB BO, ,DES NA 'DI YI DGOS PA NI SLOB DPON CHOS MCHOG DANG SLOB DPON 'DI'I BZHED PA LTAR LEGS TE, BSTAN BCOS 'DI LA BRJOD BYA, DGOS PA, NYID DGOS, 'BREL PA BZHI PHAL CHER

, ,MED DAM SNYAM PA'I DON MI 'GYUR GYI DOGS PA BZHI BSAL NAS, DE BZHI PHAL CHER YOD LAS CHE SNYAM PA'I DON 'GYUR GYI THE TSOM BZHI SKYED DE RTOG LDAN BSTAN BCOS LA 'JUG PA STE, JI SKAD DU, GANG PHYIR 'JIG RTEN DON GNYER NI, , THE TSOM LAS KYANG 'JUG PHYIR RO, ZHES PA LTAR RO, ,DE YANG DBANG BRTUL LA NGES PA DANG, DBANG RNON LA THE TSOM DU SKYE ZHING RNAM BCAD KYANG DE DANG 'DRA'O, ,THE TSOM LAS BSTAN BCOS LA 'JUG PA'I TSUL YANG JI LTAR ZHE NA, BSTAN BCOS LUS KYI SNGON DU BSTAN BCOS LA DGOS SOGS BZHI YOD PAR DGOS 'BREL GYI DAG GIS DAM BCAS PA NA RTOG LDAN DAG THE TSOM SKYE LA, DE SKYES PA NA 'DI SNYAM DU DAG 'DIS JI LTAR DAM BCAS PA LTAR BSTAN BCOS LA ZHUGS TE YOD MED BRTAG SAL YONG NA NI 'JUG CING MED NA NI LDOG PAR BYA'O SNYAM DU BSAMS NAS 'JUG PAR 'GYUR BAR LUS KYI SNGON DU DGOS 'BREL GYI DAG DGOD KYI BAR DANG MTHAR NI MA YIN NO, ,DE LTA NA MCHOD BRJOD KYI SNGON DU YANG CI'I PHYIR MA BKOD CE NA, DE NI MA RIGS TE SKRA BREGS NAS CHES GRANGS RTOG PA LTAR LAS BA RNAMS NAS PHYAG 'TSAL BA NI TSUL DANG MI MTHUN PA'I PHYIR RO, ,GZHAN YANG MCHOD BRJOD KYIS DANG BA SKYED LA DE LAS KYANG BSTAN BCOS KYI BRJOD BYA SOGS LA ZHIB TU DPYOD PA 'JUG PAS DGOS 'BREL GYI DAG MCHOD BRJOD KYI 'OG TU BKOD DO, ZHES SLOB DPON CHES BSHES 'CHAD DE SHIN TU LEGS SO, ,GNYIS PA LA GSUM, DGOS 'BREL BZHI NGOS BZUNG, DE DAG DAG GIS BSTAN PA'I TSUL, BSTAN BYA BZHIR GRANGS NGES PA'O,,

DANG PO LA GSUM, DAG TZAM DANG, DGOS 'BREL DAG DANG, BSTAN BCOS LUS LA YOD PA'I DGOS 'BREL LO, ,DANG PO NI, BDEN TSIG THAMS CAD LA DGOS 'BREL BZHI RTZIR RUNG STE, DON BDEN PA STON PA'I DAG GIS BSTAN BYA NI BRJOD BYA YIN LA; DE LAS DE RTOGS PA DGOS PA, DE LAS SKYES BU'I DON GRUB PA NYID DGOS, DE DAG SNGA PHYI 'BREL BA NI 'BREL PA'O, ,GNYIS PA NI, BRJOD BYA, DGOS PA, NYING DGOS, 'BREL BA BZHI NI BRJOD BYA, DAG LAS RTOG LDAN LA THE TSOM MAM NGES PA SKYES PA DGOS PA, DE LAS BSTAN BCOS LA 'JUG PA NYID DGOS, DE DAG SNGA MA MED NA PHYI MA MI 'BYUNG BA'I CHA NI 'BREL PA'O, ,GSUM PA NI GZHUNG DU STON NO, ,GNYIS PA NI, GTZO BO DANG PHAL BA LA DNGOS BSTAN DANG SHUGS BSTAN DU BYED PA LTAR NA NYID DGOS DNGOS DANG GZHAN RNAMS SHUGS LA BSTAN TO, ,SGRAS ZIN MA ZIN LA BYED NA 'BREL PA SHUGS LA DANG GZHAN GSUM DNGOS SU BSTAN TO, ,GSUM PA NI, RTOG LDAN BSTAN BCOS LA 'JUG PA'I GEGS BZHI STE, 'DI LTAR 'DI LA DGOS PA MED PA DANG, YOD KYANG DE SGRUB MI NUS PA DANG, NUS KYANG DE DAM PAS 'DOD BYA MIN PA'I PHYIR DANG, YIN KYANG DE SGRUB PA'I THABS SLA BA GZHAN YONG SNYAM PA'AM YANG NA DE 'DI LA MA 'BREL LO SNYAM PA'O, ,DE LA RIM PA LTAR BYA ROG SO RTOG LTA BU MIN PAR SPYIR DGOS PA YOD PA DANG, DGOS PA DE YANG 'JOG PA'I GTZUG RGYAN LEN PA'I BSTAN BCOS LTA BU MIN PAR SGRUB NUS PA DANG, SGRUB NUS KYI DGOS PA DE YANG MA BAG MAR LEN PA LTA BU MIN PAR SKYES

, ,BU'I DON MCHOG DANG, DGOS PA MCHOG DE SGRUB PA'I THABS KYANG BSTAN BCOS LA MA 'BREL BA MTHO RIS KYI DON DU PHYUGS KYI MCHOD SBYIN BYED PA LTA BU MIN PAR BSTAN BCOS 'DI LA 'BREL BAR MTHONG BA TZAM GYIS 'JUG PAS BZHIR GRANGS NGES TE, DE LAS MANG MI DGOS LA NYUNGS NA MI NUS PAS SO, ,JI LTAR ZHE NA, SPYIR 'BRAS BU DE'I CHED DU 'JUG PA LA DON DE THOB NA RANG GI DGOS PA SGRUB NUS KHYAD PAR CAN ZHIG TU MTHONG DGOS LA, DE LA MI 'JUG PA LA GNYIS TE, YANG NA SPYIR DON DE SGRUB MI NUS PA DANG, YANG NA SGRUB NUS KYANG BSTAN BCOS 'DI LAS SGRUB MI NUS PAR MTHONG NAS MI 'JUG GO ,DE LA SPYIR DGOS PA YOD PA DANG, KHYAD PAR DU 'DOD BYA MCHOG GI NYID DGOS DANG LDAN PAR BSTAN PAS DE'I DON DU 'JUG PA'I BLO SKYE LA, DE YANG BRJOD BYA 'DI LTA BU ZHIG RTOGS PAS SGRUB NUS SO ZHES DANG, THABS DE YANG BSTAN BCOS 'DI LA YOD DO ZHES BSTAN PA NA 'GAL RKYEN GNYIS PO DE LDOG PAS BZHIS CHOG LA GANG RUNG GCIG MED NA YANG RTOG LDAN GYI 'JUG PA LDOG PAS NYUNGS NA MI NUS SO, ,DE LTAR 'BRAS BU DE NI 'DOD LA DE'I THABS KYANG BSTAN BCOS SU MTHONG YANG 'JUG PAR MI BYED NA, GROL BA DON DU GNYER BA'I PHYIR DU BSTAN BCOS LA 'JUG PA LA DAD PAS CI ZHIG BYA STE, DA DUNG YI GE'I PHYI MO SLOB PA'I KHANG BUR GZHUG PAR RIGS SO, ,BUD DHA SHR'I NI 'DIS NI BRJOD PAR BYA BA MED PA DANG, SGRUB PAR MI NUS PA DANG, 'DOD PAR BYA BA MA YIN PA DANG, 'BREL PA MED PA ZHES BYA BA'I MTHA' BZHI RNAM PAR BSAL BA NYID YIN NO, ZHES

BRJOD BYA DANG DGOS PA GNYIS SNGAR BSHAD PA LAS BZLOG NAS 'CHAD KYANG 'GRIG PAR MA MTHONG NGO, ,KHA CIG NA RE, BDE MCHOG STONG 'GREL DU RJOD BYED PHUN SUM TSOGS PA DANG LNGA GSUNGS PA DANG KA SHIS, BRJOD BYA DGOS PA 'BREL PA GSUM DU BSTAN BAS MANG NYUNG KHEGS PA'I GRANGS NGES MIN ZHES 'CHAD KYANG, MI 'THAD DE, RTOG LDAN GYI 'JUG PA LA RJOD BYED SGRIG LEGS PA TZAM GTZO BO MIN PA DANG GSUM DU BSTAN PA NI DGOS PA GNYIS BSDUS NAS BSTAN PAR 'DOD PA'I PHYIR RO, ,GSUM BA LA GSUM LAS, SBYAR BA NI, MCHOD BRJOD KYI 'OG TU DGOS 'BREL GYI NGAG DGOD PA LA 'BREL CI ZHIG YOD CE NA, MCHOD BRJOD KYI SHUGS LA MKHYEN GSUM STON PA'I BSTAN BCOS RTZOM PAR DAM BCAS PA NA, MKHYEN GSUM GYIS DNGOS BRGYAD BSDUS PA'I PHYIR DON GYIS NA DNGOS BRGYAD STON PA'I PHYIR DU RTZOM PAR DAM BCAS SO, ,DE LA MOS PA DANG SHES RAB DMAN PA'I GANG ZAG GNYIS LAS, SKYE BO BLO GROS DMAN PA DAG BCOM LDAN 'DAS 'PHAGS PA MA RGYAL BA STE RGYAL DKA' BA'I SPANG BYA LAS RGYAL BA BYAMS PAS YANG MNGON RTOGS BRGYAD PO DE BSTAN PA LA DON NAM DGOS PA CI ZHIG YOD DE MED DO SNYAM DU DOGS PA SKYE BAS DE BSAL BA'I PHYIR DANG, DGOS 'BREL NGAG GI BRJOD BYA'I DON DGOS SOGS BZHI LA PHAL CHER YOD DAM SNYAM PA'I DON 'GYUR GYI THE TSOM BSKYED PA NYID KYIS TE CHED DU MA PHAM PA RANG GI BSTAN BCOS MNGON RTOGS RGYAN GYI BRJOD PAR BYA BA DNGOS BRGYAD DANG, DGOS PA DE BDE BLAG TU RTOGS PA DANG, DGOS PA'I YANG DGOS

, ,PA CHOS SKU DANG 'BREL PA SGRAS MA ZIN PAS DGOS PA YOD PAR DON GYI KHONG NA YOD PA RNAMS GSUNGS PA YIN NO, ,TE NI RTZA BA 'DREN PA STE GZHAN DU YANG DE LTAR RIG PAR BYA'O, ,DE LTAR DOGS PA'I RGYU MTSAN YANG BCOM LDAN 'DAS RGYAS PA DANG 'BRING DANG MDOR BSDUS PA LA DAD PA'I SEMS CAN DBANG PO RTUL 'BRING RNO GSUM LA PHAN 'DOGS PAR BZHED PA'I THUGS RJE CAN DE NYID KYIS RGYAL BA'I YUM RGYAS 'BRING DE DANG BSDUS PA DE LAS MNGON RTOGS BRGYAD KYI RIM PA, SHER PHYIN GYI DON MTHA' DAG GSAL BAR MDZAD ZIN PA MA YIN NAM STE YIN PA'I PHYIR NA, GDUL BYA GSUM PO GANG GI DON DU YANG RTZOM MI DGOS TE, DE DAG GI DON MDZAD ZIN PA'I PHYIR RO SNYAM DU BSAMS NAS SO, ,THE TSOM SKYES PA LA DGOS PA CI ZHE NA; RTOG LDAN BSTAN BCOS LA 'JUG PA'I YAN LAG GAM RGYUR 'GYUR RO, ,'DIR DGOS SOGS BZHI DANG LDAN PA'I BSTAN BCOS KYI RANG BZHIN DANG, DE'I SGRA BSHAD PA GNYIS KYI TSUL CUNG ZAD CIG DPYAD PAR BYA'O, ,DANG PO LA GNYIS, LUGS GZHAN BSTAN PA DANG, 'THAD PHYOGS NGOS GZUNG BA'O, ,DANG PO NI, MDZOD LAS, CHOS KYI PHUNG PO BRGYAD KHRI DAG ,GANG RNAMS THUB PAS GSUNGS DE DAG ,TSIG GAM MING YIN DE DAG NI, ,GZUGS DANG 'DU BYED DAG TU 'DUS, ZHES PA'I GANG SPEL DU MING TSIG KYANG MTSON PA TZAM STE, GNYIS KAS KYANG MING TSIG YI GE'I TSOGS GSUM GA BKA'I RANG BZHIN DU 'DOD PA DANG, DE GNYIS KYANG RIM PA LTAR LDAN MIN MED PA DANG YOD PAR 'DOD PA'I

YIN NO ZHES BSHAD DO, ,DE'I DON NI TSOGS GSUM GA'I RANG BZHIN DU 'DOD PA GNYIS KA MTHUN KYANG GCIG NI TSOGS GSUM SGRA SPYI'I PHRENG BAR 'DOD PAS LDAN MIN DANG, GCIG NI DE GSUM DAG GI RIG BYED KYI SGRA RANG MTSAN LA 'DOD PAS GZUGS KYIS BSDUS PA'O, ,DES NA MING YIN NA 'DU BYED DANG, TSIG YIN NA GZUGS SU 'DUS ZHES NGES PAR MI BYA'O, ,RGYAL PO SRAS SU YANG GANG SPEL DANG MTHUN PA LAS KHYAD PAR DU CHOS MNGON PA BA RNAMS BKA'I NGO BO GZUGS DANG 'DU BYED GNYIS KAR 'DOD CES 'CHAD DO, ,DE GNYIS LAS SNGA MA BYE SMRA DANG PHYI MA MDO SDE PA'I 'DOD PA DANG MTHUN TE, SDE PA 'DI GNYIS KAS KYANG, BKA'I NGO BO TSOGS GSUM DU 'DOD DGOS LA, DE GSUM YANG BYE SMRA LDAN MIN RDZAS GRUB DANG, MDO SDE BA SGRA RANG MTSAN PA LA 'DOD PAR BSHAD PAS SO, ,LUGS DE GNYIS KYIS NI BSTAN BCOS BEMS PO'I NGO BOR 'DOD LA, RTOG GE BA RNAMS NI DNGOS KYI RJOD BYED SGRA SPYI DANG ZHEN PA'I RJOD BYED SGRA RANG MTSAN PAR 'DOD DO, , GNYIS PA LA GNYIS, BKA' DANG BSTAN BCOS KYI MTSAN GZHI'O, ,DANG PO NI, CHOS STON PA POR SNANG BA GZUGS SKU GNYIS DANG, DES BSTAN PAR SNANG BA GSUNG RAB YAN LAG BCU GNYIS LTA BU NI GDUL BYA'I GZHAN SNANG 'BA' ZHIG LA 'JOG PAS BKA' THAMS CAD KYANG SANGS RGYAS KYI YE SHES SGYU MA LTA BUS BDAG RKYEN DANG GDUL BYA'I RGYUD DAG PAS RGYU'I RKYEN BYAS PA LA BRTEN NAS GDUL BYA DE'I SHES PA MING TSIG YI GE'I RNAM PA DE DANG DER SNANG BA NYID YIN PA'I PHYIR, NYAN

, ,PA PO'I RGYUD DANG 'BREL GYI, SANGS RGYAS KYI RGYUD DANG MA 'BREL TE, GZHAN DU NA, SANGS RGYAS LA NANG GI SHES PA PHYI ROL GYI SGRAR ZHEN PA'I MA RIG PA YOD PAS SGRIB PA MA LUS PA SPANGS PA MI SRID PAS SO, ,NYAN PA PO'I RNAM RIG DE YANG SANGS RGYAS KYI MTHU LAS BYUNG BA'I PHYIR NGES BYAS PAR BZHAG STE, DPER NA RMI LAM NA SNGAGS LA SOGS PA LHA'I MTHUS RNYED PA'I RNAM RIG NYID RANG GI SHES PA YIN KYANG LHAS BYAS ZHES BRJOD PA BZHIN TE, BSHAD SBYAR LAS, RKYANG BA DANG TSIGS SU SBYAR BA'I SGRAR SNANG BA 'DOD PA'I DON GYI RNAM PA'I RJES SU 'JUG PA NYAN PA'I RNAM PAR RIG PA'I TSOGS SO, ,GAL TE DE LTA YIN NA BYANG CHUB SEMS DPA' DE JI LTAR BSHAD DE NYAN PA'I RNAM PAR RIG PA NI DES MA BSHAD DO ZHE NA, DE'I DBANG GIS BYUNG BA'I PHYIR DE SKAD CES BYA STE LHA LA SOG PA'I DBANG GIS RMI LAM NA BSTAN BCOS DANG SNGAGS LA SOGS PA RNYED PA BZHIN NO, ZHES DANG, RGYAN SNANG LAS KYANG, SANGS RGYAS KYI CHOS BSTAN PA NI ZHES BYA BA NI GANG GI PHYIR RNAM PAR RTOG PA RANG GI RNAM PA LA PHYI ROL GYI RANG BZHIN DU SGRO BTAGS NAS 'JUG PA'I PHYIR, DE MA YIN LA DER 'DZIN PAS RANG NYID MA RIG PA'I RANG BZHIN YOD NA SGRIB PA MA LUS PA SPANGS PA MI SRID PA DE BAS NA RTAG TU MNYAM PAR BZHAG PA'I SANGS RGYAS BCOM LDAN 'DAS RNAMS KYI SHES RAB KYI PHA ROL TU PHYIN PA'I YE SHES KYI MTHUS MOS PA JI LTA BA BZHIN DU SKAL BA DANG LDAN PA RNAMS LA MA 'CHOL BAR RANG GI SHES PA'I SNANG BA STON PAR SNANG BA NYE BAR SKYE STE, DE BAS NA RNAM PA DE LTA

BU'I RTOGS PA'I RJES SU 'BRANGS NAS DE RNAMS LAS SANGS RGYAS BCOM LDAN 'DAS KYIS BSTAN PAR RNAM PAR BZHAG GO ,ZHES DANG, DE BAS NA GDUL BYA'I SHES PA SGRAR SNANG BA'I RANG BZHIN NYID YIN PAS BSTAN PA NYAN PA PO'I SKYE BO DANG 'BREL BA YIN KYANG SHES RAB KYI PHA ROL TU PHYIN PA'I YE SHES KYI BDAG PO LAS SKYES PA'I PHYIR SANGS RGYAS RNAMS KYIS CHOS BSTAN PA YIN NO ZHES BYAS NAS MCHOD PAR BYA BA DE BZHIN DU, DA LTAR BA'I CHOS SMRA BA RNAMS KYIS STON PA YANG BCOM LDAN 'DAS LAS BRGYUD NAS 'ONGS PA NA SHES RAB KYI PHA ROL TU PHYIN PA LAS NGES PAR SKYES PA'I PHYIR MCHOD PAR BYA BA YIN NO ZHES BYA BA'I DON TO, ZHES SO, ,DE BZHIN DU NYI SHU PA'I 'GREL BSHAD DANG RGYUD GZHAN GRUB PA'I 'GREL PAR YANG TSIGS BCAD DANG RKYANG PA'AM LHUG PA'I RNAM PA'AM MING TSIG YI GE'I RNAM PAR SNANG BA'I SHES PA NYID LUNG DU BSHAD DO, ,GNYIS PA NI, DBUS MTHA'I 'GREL BSHAD LAS, MING DANG TSIG DANG YI GE'I TSOGS SU SNANG BA'I RNAM PAR RIG PA RNAMS NI BSTAN BCOS SO, ,YANG NA 'JIG RTEN LAS 'DAS PA'I YE SHES THOB PAR BYED PA'I SGRA'I KHYAD PAR DU SNANG BA'I RNAM PAR RIG PA RNAMS NI BSTAN BCOS SO, ZHES GNYIS BYUNG BA'I SNGA MA NI BSTAN BCOS TZAM ZHIG DANG PHYI MA NI KHYAD PAR CAN GYI NGOS 'DZIN NO, ,DE YANG SO SKYE DANG SA BCU PA LA THUG GI 'PHAGS PA LA NI GDUL BYA NGANG GNYIS KA'I SNANG BA LA BSTAN BCOS BZHAG STE, SA BCU PA BA LA YANG RANG GI SHES PA NYID LONGS SKUR SNANG BA LA PHYI ROL GYI SANGS RGYAS DANG MING TSIG

, ,SOGS SU SNANG BA LA PHYI ROL GYI DE BZHIN GSHEGS PA'I GSUNG DU ZHEN PA YOD PAS, ZHEN PA PHRA MO YOD PA DE SRID DU NYAN PA PO LA MING TSIG JI LTAR SNANG BA LTAR 'CHAD PA PO LA YANG DE DANG RJES SU MTHUN PAR 'BYUNG BAS SO, , DES NA SGRA SPYI'I PHRENG BA LA 'DOD NA BSTAN BCOS DNGOS MED DU 'GYUR BAS SKYES BUS MA BYAS PAR 'GYUR BAS RIG BYED PA'I SMRA BA KHAS BLANGS DGOS SO, ,NGAG GI SGRA RANG MTSAN PA LA 'DOD NA YANG NGAG TU MTHON NA BSTAN BCOS MA BRTZAMS PA DANG BSE RU LTA BUS KYANG GDUL BYA LA CHOS MA BSTAN PAR 'GYUR RO, ,GNYIS PA NI, CI'I PHYIR BSTAN BCOS ZHES BYA ZHE NA, SLOB MA'I RGYUD 'CHOS PA'I PHYIR TE, DE YANG SLOB MA'I RGYUD LA BSLAB PA GSUM BSKYED NAS LUS NGAG YID GSUM TSOGS PAR DBYUNG DU MI RUNG BA LAS BZLOG PA DANG, ,DBYUNG DU RUNG BA'I LAS LA 'JUG PAR BYED PA'O, ,DE LTAR NA NGES TSIG GI DON 'DI DAG TSANG BA DANG, LUNG RNAM 'BYED LAS KYANG, RGYAL BA STON PA DE YI BSTAN BCOS NI, , MDO DANG CHOS MNGON YIN GSUNG 'DUL BA NI, ,STON DANG BSTAN PA NYID YIN, ZHES DANG, RNAM BSHAD RIGS PAR YANG, DON DAM PAR SANGS RGYAS KYI GSUNG NYID BSTAN BCOS KYI MTSAN NYID DU 'THAD PA'I PHYIR ZHES 'BYUNG BAS RGYAL BA'I BKA' YANG BSTAN BCOS SU 'DOD PAR BYA'O, ,BSTAN PA NI, 'GREL PA 'DI DANG DE'I 'GREL BSHAD GNYIS DANG, SHER SGRON LAS NI GZHUNG 'DI DGOS SOGS BZHI STON PA LA SBYAR LA, 'PHAGS PA DANG, SH'ANTI RAD KIR

KU M'A RA SHR'I RNAMS KYI 'GREL PA DANG BSDUS DON DU DGOS PA STON PA LA SBYAR RO, ,DE LA BUD DHA SHR'I NI RKANG PA DANG PO GSUM GYIS BRJOD BYA DANG, CHOS SBYOD NAS MTHONG 'GYUR GYI BAR GYIS NYING DGOS DANG, PHYIR ZHES PA NAS DGOS PA YIN GYI BAR GYIS DGOS PA BSTAN ZHING 'BREL PA NI BRJOD BYA BSTAN PA DE RTOGS PA'I DON DU YIN LA DE RTOGS PAS NI MTHAR THUG PAR 'GYUR RO ZHES DNGOS SU BSTAN PA'I SHUGS LA THABS DANG THABS BYUNG DU 'BREL PAR BZHED DO, ,TSIG GSAL DU YANG MTHA'I DGOS PA'I SGRAS DGOS PA GNYIS KA BSTAN PAR BYAS NAS GCOD MTSAMS DE DANG 'DRA BAR BSHAD DO, ,RTOGS DKA'I SNANG BAR DGOS PA GNYIS DNGOS SU BSTAN PA'I SHUGS LA 'BREL PA DANG BRJOD BYA BSTAN PAR 'CHAD PA NI SLOB DPON GYI DGONGS PA MA YIN TE; BRJOD BYA DNGOS SU BSTAN PAR BZHED PA'I PHYIR RO, ,SNGA MA LA YANG DON GYI 'BREL LA BRJOD BYA LA SBREL RUNG YANG RKANG PA'I GCOD MTSAMS CUNG MIN NO, ,DE LTAR NA RKANG PA DANG PO GNYIS KYIS BRJOD BYA DANG, GZHAN RNAMS BUD DHA SHR'I DANG TSIG GSAL GYIS BSHAD PA LTAR 'GREL PA 'DI YANG BZHED DO, ,GZHUNG 'DI GTZO BO'I DON DU BYAS NA DGOS PA 'CHAD PA LA 'BREL KYANG 'DI'I NGAG GI DON RDZOGS PAR BSHAD NA BRJOD BYA DANG 'BREL PA BSTAN PAR YANG BSHAD NUS PAS SLOB DPON 'DI YI BSHAD PA NI YONGS SU RDZOGS PA'I BSHAD PA STE, 'DI LA BZHI LAS BRJOD BYA NI, STON PA SANGS RGYAS KYIS YUM 'DI LAS BSHAD PA'I RNAM MKHYEN SANGS RGYAS KHO NA'I LAM GANG YIN PA DANG DES MTSON PA'I LHAG MA BDUN DANG BCAS

, ,PA'O, ,NYING DGOS NI, BYANG SEMS LAS GZHAN GYIS MYONG BA MA YIN PA'I RNAM MKHYEN DE BLO DANG LDAN PA BYANG SEMS KYIS YUM GYI MDO YI DON DNGOS BRGYAD JI BZHIN DU NGES PA'I BDAG NYID BYANG CHUB KYI SEMS DANG CHOS TE SGRUB PA'I SPYOD PA PHAR PHYIN BCU SHES BZHIN DANG BCAS PA'I DRAN PA LA BZHAG NAS SA BCU BGROD DE MTHONG BA STE MNGON DU BYED PAR 'GYUR BA'O, ,DGOS PA NI NYING DGOS KYI PHYIR DU MDO YI BRJOD BYA RNAMS RGYAN LA BRTEN NAS BDE BLAG TU STE TSEGS CHUNG DUS RTOGS PA ZHES BYA BA NI RGYAN RTZOM PA'I DGOS PA YIN NO, ,'BREL PA NI SHUGS KYIS TE DE YANG RTZOM PA'I DGOS PA ZHES PAS DGOS PA DANG BSTAN BCOS 'BREL BAR DANG, PHYIR ZHES PAS DGOS PA GNYIS 'BREL PAR 'PHANGS SO,, DAG LDAN DU NI RNAM MKHYEN NI SANGS RGYAS TE SKYES BU'I DON GYI MCHOG STE, RGYAN LAS, SGRIB PA KUN GYI DRI MED PA, ,RNAM PA THAMS CAD MKHYEN NYID THOB, ,RIN CHEN SNONG NI PHYE BA LTAR, ,SANGS RGYAS NYID DU YANG DAG BSTAN, ZHES PA LTAR RO; ;DE YANG BTZAL BAR BYA BAS LAM YIN GYI TSOL BAR BYED PAS NI MA YIN PA'O, ,DON DE STON PAS MDO 'DI LAS BSHAD PA GANG YIN PA BYANG CHUB SEMS DPA' LAS GZHAN GYIS MYONG BA MA YIN PA DE NI, BLO LDAN KUN TU MNGON BYA BA; ZHES BTON NAS BLO LDAN TE BYANG SEMS KYIS MNGON DU BYA BA'I DON TE BSTAN BCOS 'DI LAS GSAL BA NYID DU SHES NAS ZHES BYA BAR DGONGS PA STE DE NI RTZOM PA'I GTZO BO'I DGOS PA'O, ,MDO YI DON BSTAN BCOS 'DI LAS NGES PAR

GYUR PA DE DRAN PA LA BZHAG NAS, BDE BLAG TU NI RAB SGRUB PA, ZHES BTON NAS SGRUB PA STE NYAMS SU LEN PA NI RTZOM PA'I GTZO BO MIN PA'I DGOS PA'O, ,THABS GANG GIS SGRUB NA DBUS MTHA' LAS, YI GE 'DRI MCHOD SBYIN PA DANG, ,NYAN DANG KLOG DANG LEN BA DANG, ,'CHAD DANG KHA TON BYED PA DANG, ,DE SEMS PA DANG SGOM PA STE, ,SPYOD PA 'DI BCU'I BDAG NYID NI, ,BSOD NAMS PHUNG PO DPAG TU MED, CES PA LTAR CHOS TE MDO YI SPYOD PA BCU YI BDAG NYID KYIS SO ZHES 'CHAD DO, ,'DI NI CHEN PO DAG GI GSUNG YIN YANG CHES MI 'THAD DE, MNGON RTOGS SHES PA'I DGOS PA DANG DE RGYUD LA SKYES PA'I DGOS PA GNYIS GO BZLOG PA DANG GTZO BO DANG GTZO BO MA YIN PA'I DGOS PA GNYIS KYANG 'CHOL BA'I PHYIR RO, ,JI LTAR ZHE NA, MDO NAS MNGON RTOGS KYI RIM PA BSTAN ZIN PAS 'DI BRTZAMS PA DON MED DO ZHES PA'I RTZOD PA KHONG NA GNAS PA'I LAN DU MDO NAS BDE BLAG TU RTOGS MI NUS LA, BSTAN BCOS LAS DE LTAR NUS PAS DGOS PA YOD CES PA GZHUNG GI DON DU SNANG BA LA, BDE BLAG TU RTOGS PA NYAMS LEN LA BSHAD CING, BLO DANG LDAN PAS MTHONG BA'I DON MNGON RTOGS RGYUD LA SKYES PA YIN PA LA GO BA TZAM GYI DGOS PAR BSHAD PAS SO, ,GZHAN YANG BSTAN BCOS BRTZAMS PA MNGON RTOGS SHES PAR BYA BA TZAM GYI CHED MIN GYI LAM RGYUD LA SKYED PA'I CHED YIN PA LA, MNGON RTOGS SHES PA GTZO BO DANG, MDO DON NYAMS SU LEN PA GTZO BO MIN PAR BSHAD PA NOR RO, ,DES NA MTSAMS SBYOR GYI DOGS PA SEL BA GTZO BO

, ,YIN YANG, BRTZAMS PA'I DGOS PA'I GTZO BO NI MNGON RTOGS RGYUD LA SKYES BA YIN PAS DOGS PA SEL BA TZAM MIN NO, ,DE'I PHYIR BDAG NYID CHEN PO BZA' BO'I ZHABS KYI BZHED PA 'GREL BSHAD GNYIS DANG, BSDUS DON GNYIS DANG BUD DHA SHR'IS BSHAD PA LTAR RKANG PA PHYI MA GNYIS KYIS MDO DON SHES PA'I DGOS PA BSTAN LA, DE'I GONG DU BSTAN PA'I DGOS PA NI, RTOGS PA RGYUD LA SKYES PA'I DGOS PA RU BSHAD NAS PHYI MA PHAL PA DANG SNGA MA GTZO BO'I DGOS PAR BYA'O, ,DGOS PA DE GNYIS LA DNGOS DANG BRGYUD PA'I DGOS PA ZHES GZHON NU DPAL LO, ,BSHAD PA NI MTSAMS SBYOR DU GSUNGS ZHES PA'I BSTAN BYA DGOS SOGS BZHI DANG STON BYED KYI TSIG NI ZHES BYA BA STE 'DAS MA THAG TU BKOD PA 'DI YIN NO, ,LUS RNAM GZHAG LA YANG DE LTAR RO, ,'DI LA BZHI, BRJOD BYA, 'BREL PA, NYING DGOS, DGOS PA'O, ,DANG PO NI, BRJOD PAR BYA BA NYID DU BSTAN PA GANG YIN PA NI 'DI YI BRJOD BYA'O, ,GANG LAS NA, RGYAL BA'I YUM RGYAS 'BRING BSDUS PA RNAM PA GSUM CHAR LAS SO, ,GANG GIS NA, MDO LAS, BDUD BCOM 'JIGS MED SKAL BA BZANG PO DANG, ,SRID PAR 'GRO LAS 'DAS DANG SHES RAB DANG, ,KHUR DANG BRAL ZHING YON TAN DPAG MED SNOD, ,YON TAN 'DI DAG RAB RGYAS BCOM LDAN 'DAS, ZHES PA LTAR, BCOM LDAN 'DAS DANG POR SKU RDZU 'PHRUL GYI CHO 'PHRUL NAM MKHA' LA 'GRO BA LA SOGS PAS PHA ROL ZIL GYIS GNON ZHING, DE NAS THUGS KUN BRJOD PA'I CHO 'PHRUL GYIS

KHAMS DANG BSAM BA DANG BAG LA NYAL MKHYEN NAS SEMS KYI RGYU BA BSTAN PAS DAD PAR BYED, DE NAS GSUNG RJES SU MTHUN PA'I GDAMS NGAG SBYIN PA'I RJES SU BSTAN PA'I CHO 'PHRUL RNAM PA GSUM GYIS 'GRO BA MTHA' DAG LA LAM RJES SU STON PAR MDZAD PA DE NYID KYIS SO, ,GANG NA, MNGON RTOGS BRGYAD KYI DANG PO RNAM PA THAMS CAD MKHYEN PA NYID SANGS RGYAS KYIS THUGS SU CHUD PA'I LAM NI'O, ,GAL TE BSTAN BCOS KYI BRJOD BYA LA DNGOS PO BRGYAD DU YOD PA MA YIN NAM CI'I PHYIR RNAM MKHYEN NYID BSHAD CE NA, NYES PA MED DE, DANG PO 'DIS MNGON RTOGS LHAG MA BDUN PO THAMS CAD NYE BAR MTSON PA YIN LA, MTSON BYED 'DI NYID BSTAN PA YANG LHUR LEN PA STE BRJOD BYA'I GTZO BO YIN PAS BSTAN NO, ,RGYAN SNANG LAS, RNAM PA THAMS CAD MKHYEN PA NYID LA SOGS PA MNGON PAR RTOGS PA BRGYAD KYI RIM PA PHYIN CI MA LOG PA MNGON PAR MTHO BA DANG NGES PAR LEGS PA'I CHOS RNAMS THOB PAR BYED PA'I LAM MA LUS PA ZHES DNGOS PO BRGYAD KA DANG LAM GZHI MTHUN PAR GSUNGS PA NI 'DI DANG CUNG MI MTHUN LA, LAM DANG RNAM MKHYEN SO SOR 'CHAD PA GNYIS KA'I DGONGS PA MIN NO, ,DE LTAR NA BLO LA DNGOS BRGYAD KYI RNAM PA SNANG BA NI DNGOS DANG, RNAL 'BYOR PA SO SO'I RGYUD LA SKYES PA'I MNGON RTOGS RNAMS NI ZHEN PA'I BRJOD BYA'O, ,GNYIS PA NI, BYAMS PAS 'BREL PAR MDZAD PA NI 'DI YI 'BREL PA'O, ,GANG 'BREL PAR MDZAD NA, RJOD BYED RGYAN DANG BRJOD BYA LAM DANG 'BRAS BU MA LUS PA GNYIS SO, ,TSUL JI LTAR NA

, ,DNGOS BRGYAD SHES BYA'I THABS DANG RGYAN SHES BYED KYI THABS KYIS TE DES BSGRUB PAR BYA BA'I BYA BYED KYI TSUL GYIS SO, ,'DI NI MTSON PA TZAM STE NYING DGOS DGOS PA DANG, DE BRJOD BYA DANG DE RJOD BYED LA RAG LAS PA'I CHA THAMS CAD DO, ,SNGON GYI MKHAS PA DAG MDO YI BRJOD BYA DANG RJOD BYED SANGS RGYAS KYIS 'BREL PAR MDZAD PA BSTAN BCOS KYI BRJOD BYA ZHES GZHUNG 'DI BRJOD BYA LA SBYOR YANG, 'BUM PAS, RTZA BAR SHUGS BSTAN GYI 'BREL PA 'GREL PAS BSHAD PAR 'CHAD PA LEGS TE, GZHAN DU NA 'BREL PA LA SOGS PA BSNYAD NAS ZHES PA MA 'BREL BAR 'GYUR RO, ,'BRE CHEN PO'I BZHED PA 'DIS SHES RAB SGRON MER YANG 'KHRUL BA SKYED DO, ,GSUM PA NI, MNGON SUM DU BYED PAR 'GYUR RO, ,GANG NA CHOS 'DI LAS PHYI ROL DU GYUR PA'I MU STEGS BYED DANG DE'I CIG SHOS NANG PA'I LAM GYIS KHAMS GSUM LA 'DOD CHAGS DANG BRAL BA NYAN RANG DGRA BCOM PA DANG, SOGS PAS NYAN RANG SLOB PA MTHUN RKYEN CHOS THAMS CAD BDAG MED PA STE NGO BO NYID MED PAR RTOGS PA LA GOMS PAR MA BYAS SHING 'GAL RKYEN DNGOS PO LA MTSAN MAR BZUNG BA RNAMS KYIS THOS PA LAS BYUNG BA LA SOGS PA'I SHES RAB GSUM GYIS DANG PO DANG BAR PA DANG THA MAR RIM GYIS MA MYANGS PA'I RNAM MKHYEN DE'O, ,'DI MNGON DU BYA BAR BSTAN PA NA 'OG GI RNAM PA THAMS CAD CES PA MNGON DU BYA RGYUR MI BSHAD DE, ZLOS PAR 'GYUR BAS SO, ,TSIG GSAL DU NI 'DIS DON GYI BRJOD BYA'I CHE BA BSTAN PAR BYAS NAS BRJOD BYA LA SBYAR

RO; ;RGYAN SNANG LAS, JI SKAD BSHAD PA'I BRJOD PAR BYA BA RNAM PA THAMS CAD MKHYEN PA NYID LA SOGS PA'I LAM SENG GE DANG 'PHROG BYED DANG DBYIG GI SNYING PO LA SOGS PA 'KHOR BA THOG MA MED PA NAS DNGOS PO LA MNGON PAR ZHON PA'I DUG GIS BSAM PA'I RGYUD MA RUNGS PAR BYAS PA, DNGOS PO MA LUS PA BDAG MED PA SGOM PA LA GOMS PAR MA BYAS PA RNAMS KYIS RTOGS PAR MA GYUR PA NI SHES RAB KYI PHA ROL TU PHYIN PA THOS PA LAS, THOS PA'I SHES PAS BDE BLAG TU NGES PAR BZUNG STE SHIN TU GSAL BAR NYAMS SU MYONG BAS BSKYED PA'I BAG CHAGS LAS BYUNG BA'I DRAN PA'I SHES PA LA BZHAG NAS ZHES MA MYANGS PA DE THOS PAS YUL DU BYAS PA DANG SBREL NAS 'CHAD PA NI 'DI DANG MI MTHUN NO, ,DE LTAR BSTAN PA YANG YUM DON DRAN PA'I DRAN SHES SKYED BYED NI YUM THOS PA'I SHES RAB YIN LA THOS BYUNG GIS KYANG 'DI YI BRJOD BYA YUL DU BYA DGOS PA LA DGONGS SO, ,DES NA RGYAN SNANG DU BRJOD BYA'I SKABS SU GANG ZAG BZHI'I RGYUD KYIS BSDUS PA'I DNGOS PO BRGYAD BSHAD PA DE NYID MA MYANGS PAR BSTAN PAS DE'I LTAR NA NYAN RANG MI MYONG BA'I GANG ZAG TU MI 'DOD DO, ,GANG GIS NA BDEN PA GNYIS LA BRTEN NAS SBYIN SOGS KYI DGE RTZA SGRUB PA DANG LDAN PA'I BYANG CHUB SEMS DPA' RANG DANG GZHAN GYI DON GNYIS PHUN SUM TSOGS PA SANGS RGYAS SGRUB PA CI LA YANG MA RAG PA STE GZHAN DRING LA MI LTOS PAR BYANG CHUB TU CHAS PA DAG KHO NAS SO, ,TSIG GSAL NI, BYANG SEMS ZHES PA SPYIR SEMS BSKYED PA THAMS CAD YIN LA KHYAD PAR DU RIGS

, ,LA GNAS PA'I BCU GSUM PO YIN TO, ,DE DAG NI BYANG CHUB TU NGES PA'I PHYIR RO ZHES 'CHAD DO, ,GANG LA BRTEN NAS NA, GZUGS SOGS JI SNYED PA'I CHOS RNAMS KYI DBYINGS CHOS RNAMS MTHA' YAS PA LTAR DBYINGS KYANG DE LAS GZHAN DU MI DMIGS PAS KUN TU 'GRO BA DE SNGAR MA MTHONG BA MNGON SUM DU RTOGS PA'I MTSAN NYID DE NGO BO NYID DU GYUR PA'I SA DANG PO RAB TU DGA' BA DANG SOGS PAS CHOS KYI SPRIN GYI BAR BCU RTOGS PA STE THOB PA'I RIM PAS TE DE NI NYE RGYU'O, ,TSIG GSAL DU NI, RTOGS PA'I RIM PA'I DON NI SA RNAMS RANG GI RTOGS PA TZAM GYIS BZHAG GI LHA GNAS LTAR MTHO DMAN MED CES 'DOD DO, ,TSUL JI LTAR NA, NYING DGOS TE RNAM PA THAMS CAD DE YONGS SU RDZOGS PAR RO; ;TSIG GSAL DU RNAM PA THAMS CAD MKHYEN PA NYID CES 'CHAD DO, ,SA DE DAG KYANG THABS GANG GIS 'THOB NA, SPYOD PA LA 'JUG PA LAS, SHES BZHIN MED PA'I SEMS LDAN PA'I, ,THOS DANG BSAM DANG SGOM PA YANG, ,GLO RDOL BUM PA'I CHU BZHIN DU, ,DRAN PA LA NI DE MI GNAS, ZHES 'BYUNG BA'I PHYIR, BAG CHAGS LAS BYUNG BA'I DRAN PA'I SHES PA GROGS SHES BZHIN DANG LDAN PA LA LEGS PAR TE TSE RABS GZHAN DU YANG MI BRJED PAR BZHAG NAS SO, ,BAG CHAGS DE GANG GIS BZHAG NA, BSTAN BCOS 'DI MNYAN PA LAS DE'I TSIG DON NYAMS SU MYONG BA SHIN TU GSAL BA STE MA RTOGS LOG RTOG THE TSOM GSUM DANG BRAL BA'I SGO NAS YUM GYI MING DON SEMS LA GSAL BAR BYAS PA'I

SHES RAB GSUM GYIS BZHAG GO ,GANG BZHAG NA SHER PHYIN GYI MDO YI DON MA LUS PA'O, ,DE YANG GLENG GZHI LA SOGS PA'I GZHUNG DANG SNYING PO'I DON RNAMS LAS GANG 'JOG NA, DANG PO NI MIN TE, RTOGS PA YID LA BYED PA NA LUNG NI GZINGS DANG 'DRA BA DANG RNAM G-YENG YIN PAS DMAN PA'I PHYIR RO, ,GNYIS PA NI, MNGON RTOGS KYI NANG DU 'DUS PAS DES NA MNGON RTOGS BRGYAD DANG DE YI BDAG NYID DE LAS DANG PO PA'I SA NAS SANGS RGYAS KYI BAR GYI CHOS RNAMS DANG MI 'BRAL BAR 'JUG PA BSAM PA BYANG CHUB KYI SEMS DANG BSAM PA NGES ZIN PA'I SBYOR BA BYANG CHUB SGRUB PA'I SPYOD PA BCU RNAMS SO, ,BCU GANG ZHE NA, SBYIN PA DANG SOGS PAS PHAR PHYIN LHAG MA DGU'O, ,DE LTAR NA 'GREL BSHAD GNYIS DANG SHER 'BYUNG GIS CHOS SPYOD BCU PHAR PHYIN BCU LA BSHAD PA NI RTZA 'GREL 'DI GNYIS KYI DGONGS PA SKYON MED PA STE, BYANG SEMS KYI SPYOD PA'I MCHOG NI BCU PO 'DI YIN PAS SO, ,SNGON GYI MKHAS PA DAG RGYAN SNANG LAS, STONG PHRAG BRGYA PA LA SOGS PA'I MDO YI DON BYANG CHUB KYI SEMS DANG GDAMS NGAG LA SOGS PA SGRUB PA'I TSUL GNAS SKABS BRGYAD KYI DBYE BAS PHYE BA ZHES PAS CHOS SPYOD BCU RNAM MKHYEN GYI CHOS BCU LA BSHAD PAR 'DOD PA NI MI 'THAD DE, LUNG NGES DON BDUN CU PO THAMS CAD 'DZIN TE GNAS SKABS BRGYAD KYI DBYE BAS ZHES PAS SO, ,DE LTAR NA DRAN PA LA BZHAG PA'I DON NI THOS PA'I DON MI BRJED PAR BYED PA YIN PAS NYAMS LEN GYI DMIGS RNAM MI BRJOD PAR 'DZIN PA YIN NO, ,DE LTAR MA BRJED

, ,PAR BZUNG NAS BSAM BYUNG GIS SEMS PAR BYED CING SGOM BYUNG GIS GOMS PAR BYAS PA LAS SA BCU YI RTOGS PA 'GRUB PA STE RING RGYU'O, ,BZHI PA NI, RTOGS PAR 'GYUR PA NI BSTAN BCOS RTZOM PA'I DGOS PA YIN NO, ,GANG RTOGS NA, SHER PHYIN GYI MDO YI DON DRAN PA LA BZHAG BYAR MNGON PAR 'DOD PA'I SMON PA BYANG CHUB KYI SEMS NI 'JUG PA'I SPYOD PA'O, ,'JUG PA'I SEMS PHAR PHYIN BCU NI JI LTAR SMON PA SGRUB PAS SGRUB PA'I SPYOD PA'O, ,SOGS PAS CHOS SKU PHRIN LAS DANG BCAS PA NI GRUB PA'I SPYOD PA STE DE LTAR THEG CHEN GYI SPYOD PA GSUM GYI MTSAN NYID DO, ,GANG GI PHYIR 'DOD PA BSKYED NA, DGOS PA'I YANG DGOS PA'I CHED DU ZHES 'CHAD MOD, 'ON KYANG BDE BLAG TU RTOGS PA DE GANG GI PHYIR YIN NA, DGOS PA'I YANG DGOS PA'I CHED DU ZHES BYA STE DGOS PA NI NYING DGOS KYI CHED YIN PA'I PHYIR RO, ,GANG GIS NA, RGYAN GYI GDUL BYA RNAMS KYIS SO, ,JI LTAR NA, BDE BLAG TU STE TSEGS CHUNG NGUR RO, ,DE LTAR NA DON 'DI YIN TE, YUM GSUM LAS DNGOS BRGYAD GSAL BAR MDZAD ZIN KYANG RGYAN BRTZAMS PA DON MED DU MI 'GYUR TE, MDO LAS NI DUS RING MO ZHIG GIS GO BAR SKYED LA BSTAN BCOS LAS NI DUS THUNG NGU DANG TSEGS CHUNG NGUS DNGOS BRGYAD RTOGS PAR BYED PA'I PHYIR RO SNYAM DU DGONGS SO, ,GNYIS PA LA GSUM, RGYAS PA LA DAD PA LA BRGYAD, 'BRING LA DAD PA LA DRUG ,BSDUS PA LA DAD PA LA GSUM DU DBYE BA'O, ,DANG PO LA GNYIS, LUS RNAM PAR BZHAG PA DANG, YAN LAG RGYAS PAR BSHAD

PA'O; ;DANG PO LA BZHI, MTSAMS SBYAR TE LUS DGOD, DGOS PA CAN GYI LUS NYID BSHAD, LUS KYIS BSDUS PA'I DON, TSIG DON MI 'CHAD PA'I RGYU MTSAN NO, ,DANG PO NI SNGAR BSHAD PA DE LTAR 'BREL PA LA SOGS PA BZHI BSNYAD NAS DE'I 'OG TU TSIG LE'UR BYAS PA BCO LNGAS SHER PHYIN YUM GYI LUS RNAM PAR BZHAG PA GSUNGS SO, ,JI LTAR NA, DANG PO GNYIS KYIS MDO DANG LHAG MA BCU GSUM GYIS RGYAS PAR BSTAN PA'I TSUL GYIS SO, ,DGOS PA NI, 'CHAD NYAN SLA BA'I PHYIR TE, DE YANG DKYUS BSTAN PA'I RTA TSAM TSOM MED PAR RGYUG PA LTAR NYAN PA'I GDUL BYA RNAMS KYIS RGYAS BSHAD KYI DON TSAN RNAMS MA 'DZINGS PA'I SGO NAS BDE BLAG TU RTOGS PAR BYA BA'I PHYIR DANG, DKYUS MTHONG BA'I KHA LO BAS RTA LEGS PAR TSAR GCOD NUS PA LTAR RGYAS BSHAD DU BSTAN BCOS KYI DON RNAM PAR DBYE BAR BYAS PA MA 'DZINGS PA'AM MA 'KHRUGS PA NYID KYIS 'CHAD PA POS BSHAD PAR BYA SLA BAR BYAMS PAS GZIGS NAS SO, ,YANG NI DGOS PA SNGA MAR MA ZAD PA'O, ,'DIR LUS RNAM GZHAG LA GSUM, LUS KYI MTSAN NYID, DBYE BA, NGES TSIG GO ,DANG PO NI, YAN LAG DU MA TSOGS PA STE, JI SKAD DU, TSOGS DANG LUS DANG 'DUS PA NI, ,RNAM GRANGS DAG STE ZHES PA LTAR RO, ,GNYIS PA NI, RIGS THIGS KYI 'GREL PAR, RAB TU BYED PA'I LUS NI GNYIS TE SGRA DANG DON TO ZHES PA LTAR TSIGS BCAD BCO LNGA NI RJOD BYED DANG, DNGOS BRGYAD DAM DON BDUN CU NI BRJOD BYA'I LUS SO, GSUM PA NI, NGO BO NYID DU GRUB PA DANG BSAGS PA DANG, YAN

, ,LAG LA KHYAB PA DANG, DE'I RTEN BYED PAS LUS SO, ,GNYIS PA LA GNYIS, LUS MDOR BSTAN PA DANG, RGYAS PAR BSHAD PA'O, ,DANG PO LA GNYIS, GRANGS KYI SGO NAS YUM GYI DBYE BA, DBYE BA MING GIS KHYAD PAR DU BYAS PA'I TSUL LO, DANG PO LA GSUM, TSIG GI DON BSHAD, BRGYAD TSAN GSUM GYI KHYAD PAR DPYAD, SHER PHYIN GYI DNGOS BTAGS BSTAN PA'O, ,DANG PO NI, MCHOD BRJOD DU BRJOD BYA LA BSTOD PHYAG BYAS PA'I SHER PHYIN DE JI LTAR BYAS PAS 'CHAD CE NA, SHER PHYIN DE NI DNGOS PO BRGYAD DU PHYE BA'I TSUL GYIS SO, ,DER PHYE NAS 'CHAD PA CI ZHE NA, YUM DON RDZOGS PAR NI BSHAD DGOS LA DE LTAR BSHAD NA YANG DAG PA STE MA LUS PAR BSHAD PAR 'GYUR BAS SO, ,MDO 'DI LAS MA LUS PA JI ZHIG STON ZHE NA, ZHES DRIS NAS, LAN DU LAM 'BRAS KYI SHER PHYIN NI YANG DAG PA STE MA LUS PAR BSHAD DO, ,MA LUS PA GANG NA DNGOS PO BRGYAD DO ZHES SH'ANTI PAS 'CHAD DO, ,GANG NA GZHUNG GTZO BOR BYAS PA'I LAM DANG 'BRAS BU'I SHER PHYIN NO, ,GANG GIS NA, DNGOS PO BRGYAD KYIS SO, ,JI LTAR NA, JI LTA JI SNYED KYI DON RNAMS YANG DAG PAR BSHAD CES BUD DHA SHR'IS SO, ,DE LTAR GSUM LAS DANG PO'I MTSAMS SBYOR TSUL NI 'GREL PA DANG RNAM 'GREL GNYIS KYI DGONGS PA'O; ;GNYIS PA YANG BSTAN BCOS 'DIS YUM DON MA LUS PAR STON NA, YUM GYI MDO LAS BSHAD PA'I MA LUS BA CI STON ZHES DRIS NAS, LAN DU BSTAN BCOS KYIS 'DI STON ZHES SBYAR NA 'BREL GYI, GZHAN DU NA MDOS

'DI LTAR BSHAD CES PA SKABS DANG 'BREL DGA'O, ,GNYIS PA NI, 'O NA DNGOS PO MNGON RTOGS SKABS GSUM LA KHYAD YOD DAM MED CE NA, 'DI LA KHA CIG DNGOS PO BRGYAD KYIS BSHAD CES PAS 'KHRUL GZHI BYAS NAS GZHUNG DANG DON GNYIS KA DNGOS BRGYAD DU 'DOD PA DANG, DON BSDUS SGRON MER, MNGON RTOGS RNAM PA BZHI YIN TE, ,MKHYEN PA GSUM DANG CHOS SKU LA, ,MNGON SUM RTOGS PAS MNGON RTOGS TE, ,SBYOR BA BZHI NI MNGON PHYOGS YIN, ,'PHAGS PA THOGS MED DE LTAR BZHED, ,RNAM PAR GROL SDE'I GZHUNG GIS NI, ,MNGON RTOGS RNAM PA BZHI YIN TE, ,SBYOR BA BZHI PO KHO NA STE, ,MKHYEN PA GSUM DANG CHOS SKU NI, ,YUL DANG 'BRAS BU DAG TU 'DOD, ,GSER GLING SH'ANTI RNAM GNYIS KYIS, ,MNGON RTOGS BDAG NYID BDUN YANG STE, ,SHES RAB PHA ROL PHYIN BDAG 'DOD, ,'BRAS BU CHOS SKU MDZAD PA YIN, ,BRGYAD KA MNGON RTOGS SENG BZANG DANG, ,BUD DHA SHR'I NI DZNY'A NA'ANG BZHED, CES 'CHAD PA RNAMS JI LTA BZHIN MIN TE, SKAD CIG SBYOR 'PHAGS PA KHO NA'I RTOGS PAR RTZA BA LAS CHES GSAL ZHING GZHAN GSUM LA 'PHAGS PA'I MNGON RTOGS YOD PAR YANG BZHED DGOS PAS DE LA 'PHAGS PA THOGS MED 'KHRUL BA GA LA SRID, GROL SDE'I DGONGS PA'ANG MIN TE; NYI SNANG LAS, NYAN THOS DANG RANG SANGS RGYAS DANG BYANG CHUB SEMS DPA' DANG SANGS RGYAS RNAMS KYI RIM PA JI LTA BA BZHIN THAMS CAD SHES PA NYID DANG, LAM SHES PA NYID DANG RNAM PA THAMS CAD MKHYEN PA NYID KYIS MNGON PAR RTOGS

, ,PA MTHA' DAG BSDUS PA'I PHYIR, ZHES DANG, MNGON DU PHYOGS PA ZHES 'BYUNG BAS DON SPYI TZAM RTOGS PA LA YANG NI 'DOD DE, SKAD CIG MA LA YANG THAL CHES PAS SO, ,DES NA 'DI YI 'KHRUL GZHI NI, 'PHAGS PAS DNGOS BRGYAD BGRANGS PA NA DANG PO GSUM DANG THA MA LA MNGON RTOGS KYI SGRA MA SBYAR ZHING, BAR PA BZHI LA SBYAR BA TZAM GYIS BYAS SO, ,DAG LDAN DU, DANG PO BDUN MNGON RTOGS SU BSHAD NAS BRGYAD PA MNGON RTOGS KYI 'BRAS BU YIN PAS DE ZHES BYA'O, , ZHES BZHED PA YANG MI 'THAD DE, DE LTA NA RNAM MKHYEN LA YANG MTSUNGS PA DANG SANGS RGYAS LA MNGON RTOGS MED PAR THAL LO, ,DE'I PHYIR DON BSDUS SGRON MER, MNGON RTOGS SHES RGYUD RIM PA STE, ,DNGOS PO BRGYAD NI BRJOD BYA LA, SKABS NI RJOD BYED SH'ANTI GSUNG, ZHES PA NI SH'ANTI PA'I GZHUNG LA KHAS MI SNANG YANG DE BZHIN DU 'DOD PAR BYA'O, ,GSUM PA LA GNYIS, 'DOD PA DGOD PA DANG, DE'I 'THAD PHYOGS BSTAN PA'O, ,DANG PO LA GSUM, GNOD 'JOMS DANG, PHYOGS GLANG RJES 'BRANG DANG BCAS PA DANG, DE LAS GZHAN PA'I LUGS SO, ,DANG PO NI, YUM GSUM GNOD 'JOMS LAS, SHES RAB KYI PHA ROL TU PHYIN PA LA ZHES BYA BA NI DE LA DON DAM PAR NA SMON LAM DANG, BRTZON 'GRUS BRTZAMS PA DANG, NYON MONGS PA DANG, LAS DANG SDUG BSNGAL DANG 'KHOR BA DANG, RNAM PAR RTOG PA DANG, YON TAN DANG, SHES PAR BYA BA DANG, RNAM PA 'DI DGU'I PHA ROL TU SON PA'I PHYIR, 'JIG RTEN LAS 'DAS PA'I YE

SHES RNAM PAR MI RTOG PA RDO RJE LTA BU'I TING NGE 'DZIN GYIS BSDUS PA LA SHES RAB KYI PHA ROL TU PHYIN PA ZHES BYA'O, ,DE NAS DE'I RJES LA THOB PA RNAM PAR RTOG PA DANG BCAS PA DANG RNAM PAR MI RTOG PA'I YE SHES ME LONG LTA BU DANG, MNYAM PA NYID DANG; SO SOR RTOG PA DANG, BYA BA SGRUB PA'I YE SHES RNAMS KYANG DE'I RGYU LAS BYUNG BA'I PHYIR, 'BRAS BU LA RGYUR BTAGS TE SHES RAB KYI PHA ROL TU PHYIN PA ZHES BYA BAR BSTAN TO, ZHES 'BYUNG ZHING GZHAN YANG NYAN RANG DGRA BCOM PA'I YE SHES RNAMS SHER PHYIN GYI 'BRAS BU DANG, GZHUNG RNAMS SHER PHYIN GYI RGYU YIN PAS RGYU DANG 'BRAS BU'I MING GIS BTAGS PA DANG, MOS SPYOD NAS SA CHOS KYI SPRIN GYI BAR GYI BYANG SEMS KYI RTOGS PA THAMS CAD KYANG SHER PHYIN GYI MING TZAM 'JUG PA'I BTAGS PA BAR BSHAD CING, 'BUM GYI GNOD 'JOMS LAS KYANG DE JI LTA BAR BSHAD LA, MAN NGAG RJES 'BRANG DU YANG GNOD 'JOMS GNYIS DANG MTHUN PAR BSHAD DO, ,'DIR SNGA MA RNAMS KYIS RDO RJE LTA BU'I TING NGE 'DZIN LA 'KHRUL NAS SHER PHYIN DNGOS RGYUN MTHA'I YE SHES LA BZHED PAR 'CHAD PA NI DGONGS PA MIN TE, SHER PHYIN DNGOS BTAGS RNAMS BSHAD PA'I 'PHROS NYID NAS GNOD 'JOMS GNYIS DANG MAN NGAG RJES 'BRANG DU, DE LTAR SHES RAB KYI PHA ROL TU PHYIN PA ZHES BYA BAR BRJOD PA 'DI RNAMS LAS 'DIR NI SANGS RGYAS KYI SAR GTOGS PA'I SHES RAB 'JIG RTEN LAS 'DAS PA RNAM PAR MI RTOG PA LA SHES RAB KYI PHA ROL TU PHYIN PA ZHES BYA'O ZHES 'BYUNG ZHING, KHYAD PAR DU PHYI MA LAS, 'JIG

, ,RTEN LAS 'DAS PA RNAM PAR MI RTOG PA RDO RJE LTA BU'I TING NGE 'DZIN GYIS YANG DAG PAR BSDUS PA'I DE BZHIN GSHEGS PA RNAMS KYI YE SHES NI SHES RAB KYI PHA ROL TU PHYIN PA ZHES BRJOD DO ZHES 'BYUNG BA DANG, GNOD 'JOMS KYI SKABS GZHAN DU YANG RDOR TING RNAM MKHYEN GYI YE SHES LA BSHAD PA DANG, SA BCU PA MAN CHAD KYI RTOGS PA BTAGS PA BAR BSHAD PA'I PHYIR RO, ,DES NA 'DI YI DGONGS PA NI, STONG NYID KYI BSHAD PA'I SKABS SU SANGS RGYAS KYI RDOR TING YUL GANG LA YANG MI DMIGS PAR BSHAD PAS SANGS RGYAS KYIS LA MNYAM GZHAG RDOR TING SNANG MED DANG, RJES THOB SNANG BCAS GNYIS LAS PHYI MA'I RTOG BCAS DANG RTOG MED KYI YE SHES BZHI RNAMS NI SHER PHYIN BTAGS PA BA YIN LA SNGA MA MTSAN NYID PAR BZHED DO, ,GNYIS PA NI, RGYAN SNANG LAS, SANGS RGYAS BCOM LDAN 'DAS KYI GNYIS SU MED PA'I YE SHES SGYU MA LTA BU NI DNGOS YIN LA, DE THOB PA DANG RJES SU MTHUN PA NYID KYIS NA TSIG DANG NGAG GI TSOGS KYI GZHUNG DANG MTHONG BA LA SOGS PA'I MTSAN NYID CAN GYI LAM LA YANG SHES RAB KYI PHA ROL TU PHYIN PA ZHES BYA BA NI BTAGS PA'O, ,DE YANG SLOB DPON PHYOGS KYI GLANG PO'I ZHAL SNGA NAS KYIS, SHES RAB PHA ROL PHYIN GNYIS MED, ,YE SHES DE NI DE BZHIN GSHEGS, ,BSGRUB BYA'I DON DE DANG LDAN PAS, ,GZHUNG LAM DAG LA DE SGRA YIN ZHES BSHAD PA YIN NO ZHES SO, ,TSIG GSAL DU NI NGO BO NYID DANG, DE LA BRTEN PA'I SHER PHYIN GNYIS LAS, DANG PO NI CHOS RNAMS KYI

CHOS NYID CHOS CAN LAS DE NYID DANG GZHAN DU BRJOD DU MED PA STE, MDO LAS SHER PHYIN YI GE MA YIN TE DE LA SU YANG STON PA DANG NYAN PA DANG SHES PAR BYED PA MED DO ZHES SO, ,'DI MA RTOGS NA SHES RAB YIN KYANG PHA ROL TU PHYIN PAR GA LA 'GYUR, DE'I PHYIR SEMS BYUNG DGE BA KHYAD CAN GYI 'DUS BYAS LA SHER PHYIN DU BZHAG PA YANG DE RTOGS PA'I MTHUS YIN NO, ,GNYIS PA NI, RTEN DU GYUR PA'I SNYING MED NA BRTEN PA SEMS MI GNAS LA, DE MED NA DBANG PO DANG BCAS PA'I LUS MI GNAS PAS SNYING DE RAB TU GCES PA LTAR, DE BZHIN NYID MED NA YANG MI RTOG PA'I YE SHES DMIGS PA GANG LA BRTEN NAS KYANG MI SKYE LA, DE MED NA DE THOB PA'I CHED DU SBYOR BA'I LAM DANG GZHUNG DAG KYANG MED PAR 'GYUR RO, ,DES NA DE GSUM YANG RANG BZHIN LA BRTEN PA YIN NO, ,DE DAG LAS KYANG MI RTOG YE SHES NI SHER PHYIN GYI GTZO BO STE, RANG BZHIN DANG THA MI DAD PA DANG LAM DANG GZHUNG YANG DE'I CHED DU SBYOR BA'I PHYIR RO ZHES BSHAD NAS SNGAR GYI LUNG DRANGS SO, ,'DIS KYANG LUNG DE'I DON GTZO PHAL LA 'DOD DO, ,GSUM PA NI DAG LDAN LAS, SHES PA'I RAB YIN PAS NA SHES RAB STE STONG PA NYID LA DMIGS PA'I PHYIR RO, ,SHES RAB KYANG DE YIN LA PHA ROL YANG YIN PAS NA SHES RAB KYI PHA ROL LO, ,PHYIN PA NI 'GRO BA STE PHA ROL TU SON PA'O, ,GANG GI PHA ROL ZHE NA, 'PHAGS PA BYANG CHUB SEMS DPA'I NI RNAM PAR RTOG PA'O, ,DE BZHIN GSHEGS PA RNAMS KYI NI DAG PA'I YANG NGO, ,SBYOR BA'I LAM LA CI'I PHYIR SHES RAB KYI PHA ROL TU PHYIN

, ,PA ZHES BYA ZHE NA, DE'I RGYU YIN PA'I PHYIR RO, ,CHOS KYI SKU MDZAD PA DANG BCAS PA LA CI'I PHYIR SHES RAB KYI PHA ROL TU PHYIN PA ZHES BYA ZHE NA, DE'I 'BRAS BU NYID YIN PA'I PHYIR RO, ZHES DANG, 'DIR SHES RAB KYI PHA ROL TU PHYIN PA NI RNAM PAR MI RTOG PA'I YE SHES TE, RNAM PAR G-YENG BA'I RNAM PAR RTOG PA BCU'I GNYEN PO'O ZHES SO, ,'DIS NI SA BCU'I MNYAM GZHAG RNAMS SHER PHYIN MTSAN NYID PA DANG SO SKYE DANG SANGS RGYAS KYIS BTAGS PA BAR BZHED DO, , DE LTAR BZHED PA'I RGYU MTSAN YANG SEMS BSKYED PA'I LE'UR 'DI DANG, 'DI 'DOD PAS SHER PHYIN LA BSLAB PAR BYA ZHES DU MA ZHIG GSUNGS PA'O, ,DE NAS SH'A RI'I BUS, SHER PHYIN LA JI LTAR SPYAD PAR BGYI ZHUS PA'I LAN DU SGRUB PA LA GDAMS PA'I MDO BKA' STZAL NAS RNAM G-YENG GI RNAM RTOG BCU'I GNYEN PO BYED PA ZHIG SHER PHYIN LA BRTZON PAR GSUNGS SO, ,DES NA SHER PHYIN MDO LAS RTOG PA BCU'I GNYEN PO MTSAN NYID PAR BSHAD LA, MOS SPYOD KYIS RTOG PA DE DAG GI GNYEN PO BYED MI NUS SHING SANGS RGYAS LA YANG GNYEN PO'I BYA BA DANG BRAL BA'I PHYIR SHER PHYIN BTAGS PA BA'O SNYAM DU BSAMS SO, ,TSUL 'DI YANG THEG BSDUS LAS, RNAM PAR G-YENG BA BCU PO 'DI DAG GI GNYEN POR SHES RAB KYI PHA ROL TU PHYIN PA THAMS CAD DU RNAM PAR MI RTOG PA'I YE SHES BSTAN TE, DE LTAR SHES RAB KYI PHA ROL TU PHYIN PA'I DON MTHA' DAG NI MI MTHUN PA'I PHYOGS DANG GNYEN PO DANG BCAS PAR RIG PAR BYA'O, ZHES PA'I RJES SU 'BRANGS PAR MNGON NO,,

YE SHES ZHABS KYIS SHES RAB NI SPYIR NA CHOS RAB TU RNAM PAR 'BYED PA YIN NO, ,DE'I PA ROL NI MOS PA SPYOD PA'I GNAS SKABS NA NI CHOS THAMS CAD BDAG MED PAR YID CHES PA YIN NO, ,RAB TU DGA' BA LA SOGS PA'I GNAS SKABS NA NI RTOG PA THAMS CAD KYIS DBEN PA YIN NO, ,DE LTA BAS NA GANG DAG DE LTA BU'I PHA ROL DE'I BDAG NYID DU GYUR PA DE DAG NI SHES RAB KYI PHA ROL TU PHYIN PA YIN NO ZHES GSUNGS SO, ,BI MA LA MI TRAS NI, DON DAM PA'I SHES RAB KYI PHA ROL TU PHYIN PA NI RNAM PA THAMS CAD RNAM PAR DAG PA'I MTSAN NYID CHOS KYI SKU YIN NO, ,DE LAS GZHAN PA NI, SEMS BSKYED PA DANG, GO CHA DANG, 'JUG PA DANG, TSOGS DANG, NGES PAR 'BYUNG BA'I SGRUB PA'I MTSAN NYID RGYU'I BDAG NYID DO, ZHES DANG; DE LA GANG GI TSE RGYU'I SHES RAB KYI PHA ROL TU PHYIN PA LA BYAN NI YUL GYI BDUN PA YIN NO, ,GANG GI TSE 'BRAS BU LA BYA NA NI RGYU MTSAN GYI BDUN PA YIN NO, ZHES SO, ,DES NA DON DAM PA'I SHER PHYIN NI 'BRAS BU DANG GZHAN RNAMS RGYU'I SHER PHYIN DU MDZAD NAS SNGA MA LA BYED NA, RGYU MTSAN GYI BDUN PA ZHES PA NI SHING GI CHED DU CHU 'DREN PA LA DE LA CHU 'DREN ZHES PA LTAR DGOS CHED YIN LA, PHYI MA LA BYED NA, YUL GYI BDUN PA ZHES PA NI SHING LA BYA GNAS ZHES PA LTAR GNAS GZHI YIN NO, ,DE YANG SHES RAB KYI PHA ROL TU PHYIN PA ZAB MO SPYOD PA NYID LA ZHES PA'I DON 'BREL PA'I TSUL YIN NO, ,DE LTAR NA 'DI DANG SNGA MA GNYIS KA YANG SLOB LAM NA SHER PHYIN MTSAN NYID PA BZHED PA YIN NO, ,GNYIS PA NI,

, ,DE LTAR 'DOD PA THA DAD PA DE DAG LAS 'DIR GANG ZHIG GZUNG ZHE NA, DE LA PHYOGS GLANG DANG SLOB DPON GYI BZHED PA SNGON DANG PHYIS KYI t'IKA BYED KHA CIG GZHUNG LAM BTAGS PA BA DANG 'BRAS BU SHER PHYIN MTSAN NYID PA YIN PAS SLOB LAM NA SHER PHYIN YOD PAR BSHAD PA BTAGS PA BA LA DGONGS SHING MTSAN NYID PA SANGS RGYAS SA NA YOD PAR BZHED DO, ,DGONGS PA BTZAL NA NI MTSAN BTAGS KYI DON DU MI SNANG GI GTZO PHAL LA BZHED PAR SNANG STE, BRGYAD STONG DON BSDUS KYI 'GREL BA LAS, 'DIS NI SHES RAB KYI PHA ROL TU PHYIN PA'I SGRA'I DON RNAM PA GNYIS SU BSTAN TE, GTZO BO DANG PHAL PA'O, ,DE LA GTZO BO NI GNYIS SU MED PA'I YE SHES SO, ,PHAL BA NI GZHUNG DAD LAM GYI RANG BZHIN NO, ZHES DANG RGYAN SNANG LAS KYANG, SHES RAB PHA ROL PHYIN GNYIS MED, ,YE SHES DE NI DE BZHIN GSHEGS, ZHES BYA BA'I TSUL GYIS GTZO BOR CHOS KYI SKU'I DE BZHIN GSHEGS PA NYID SHES RAB KYI PHA ROL TU PHYIN PA YIN NO ZHES PAS SO, ,DE LTA NA YANG GZHUNG STONG PHRAG BRGYA PA LTA BU NI SNGAR BSHAD PA LTAR GDUL BYA'I RGYUD KYI RNAM RIG MING TSIG TU SNANG BA TZAM YIN PAS SHER PHYIN MTSAN NYID PA MIN NO, ,DES NA LAM NI PHAL PA YIN KYANG MTSAN NYID PAR MI 'GAL TE MI PHAL BA BZHIN NO, ,'O NA LAM JI LTA BU ZHIG LA 'DOD CE NA, 'DI LA GSUM, SHER PHYIN GYI MTSAN NYID, SA MTSAMS, NGES TSIG GO ,DANG PO LA GNYIS, GANG LA BRTEN PA'I MTSAN GZHI, DE LA BRTEN PA'I MTSAN NYID DO, ,DANG PO NI,

KHA CIG THEG PA GSUM GYI LAM LNGA KA SHER PHYIN MTSAN NYID PAR SMRA BA NI, SHER BYIN LA BSTOD PA LAS, SANGS RGYAS RNAMS DANG RANG SANGS RGYAS, ,NYAN THOS RNAMS KYIS NGES BSTEN PA'I, ,THAR LAM KHYOD NYID GCIG PU STE, ,GZHAN ZHES BGYI BA MA MCHIS NGES, ZHES NYAN RANG GIS CHOS KYI BDAG MED RTOGS PAR 'DOD PA LTAR NA DE LA SHER PHYIN YOD PA MI 'GAL YANG BYAMS CHOS RNAMS KYI SGRAS ZIN TSOD DANG, 'PHAGS PA DANG SLOB DPON GYIS NYAN RANG GIS CHOS THAMS CAD SPROS BRAL DU RTOGS PAR MA BSHAD CING MI BZHED PAS 'DIR KHAS MI BLANG NGO, ,DES NA THEG CHEN GYI 'PHAGS LAM GSUM GYIS CHOS THAMS CAD RANG BZHIN MED PAR RTOGS PA'I CHA RNAMS MTSAN GZHIR GZUNG NGO, ,GNYIS PA NI, CHOS THAMS CAD SPROS BRAL DU MNGON SUM DU RTOGS PA'I MKHYEN PA GANG MI GNAS PA'I MYANG 'DAS SU PHYIN PA'AM PHYIN BYED DO, ,DE LTAR YANG YUM LAS, CHOS RNAMS RANG BZHIN MED BAR YONGS SU SHES GYUR PA, ,'DI NI SHES RAB PHA ROL PHYIN MCHOG SPYOD PA YIN, ZHES DANG, GANG TSE 'DUS BYAS 'DUS MA BYAS DANG DKAR NAG CHOS, ,SHES RAB RNAM PAR BSHIG NAS RDUL TZAM MI DMIGS TSE, ,'JIG RTEN DAG NA SHES RAB PHA ROL PHYIN GRANGS 'GRO ,ZHES SO, ,GNYIS PA LA GNYIS, BTAGS PA'I MTHA' DGAG ,GNAS PA'I DON DGOD PA'O, ,DANG PO NI, KHA CIG NA RE SLOB LAM RNAMS GONG NAS GONG DU KHYAD PAR DU 'GROR YOD PAS SHER PHYIN NI SANGS RGYAS KYI SA KHO NA NA YOD DE, DE'I DON NI SHES PA

, ,RAB KYI MTHAR PHYIN YIN PAS SO, ZHES ZER RO, ,'DI MI 'THAD DE, DE LTA NA PHAR PHYIN GCIG KYANG SLOB LAM NA MED DGOS PAS, SHER PHYIN GCIG PU'I SA MTSAMS SU MA ZAD PHAR PHYIN THAMS CAD KYI SA MTSAMS KYANG DE LTAR 'DOD PAR GYIS SHIG ,DE YANG 'DOD SNYAM NA, BYANG 'PHAGS KYI THABS SHES GNYIS BSLAB PA GSUM TSOGS GNYIS THAMS CAD KYANG PHYIN DRUG LA 'JOG PAS DE DAG THAMS CAD KYANG SANGS RGYAS KYIS KHO NAR KHAS LONGS SHIG ,SHER PHYIN MED PA'I PHYIR PHAR PHYIN DANG PO LNGA YANG MED DGOS TE, DANG PO LNGAS PHAR PHYIN GYI MING 'THOB PA CHOS RANG BZHIN MED RTOGS KYI SHER PHYIN GYIS ZIN PA'I MTHU YIN PA'I PHYIR RO, ,DE LTAR YANG YUM LAS, 'KHOR LOS BSGYUR BA'I RGYAL PO RIN PO CHE SNA BDUN DANG BRAL NA 'KHOR BSGYUR GYI MING MI 'THOB BO, ,DE BZHIN DU PHA ROL TU PHYIN PA LNGA YANG SHES RAB KYI PHA ROL TU PHYIN PA DANG BRAL NA PHA ROL TU PHYIN PA'I MING MI 'THOB PO, ZHES SO, ,YANG SLOB LAM NA BLA MED BYANG CHUB TU BGROD PA DANG SBYIN SOGS LNGA RNAM MKHYEN DU MA NOR BAR 'KHRID BYED KYI 'PHAGS LAM MED PA DANG, PHAR PHYIN BCU RDZOGS PAS SA BCU RDZOGS PA MI 'THAD PAR 'GYUR TE, SHER PHYIN MED PA'I PHYIR RO, ,KHYAB PA YOD DE, SDUD PA LAS, RGYAL BA 'DAS DANG MA BYON PHYOGS BCUR GANG BZHUGS PA, ,KUN LAM PHA ROL PHYIN PA 'DI YIN GZHAN MA YIN, ZHES DANG, DMUS LONG DMIGS BU MED PA BYE BA KHRAG KHRIG RNAMS, ,LAM YANG MI SHES GRONG KHYER 'JUG PAR GA LA 'GYUR,,

SHES RAB MED NA MIG MED PHA ROL PHYIN LNGA YIS, ,DMIGS BU MED PAS BYANG CHUB REG PAR NUS MA YIN, ZHES 'BYUNG LA PHYI MA NI GZHUNG NYID LAS GSAL LO, ,GAL TE DE DAG BTAGS PHA BA LA DGONGS SO ZHE NA, MI 'THAD DE, DNGOS LA GNOD BYED MED PA'I PHYIR TE, LUNG GIS DNGOS BTAGS SU GSUNGS PA'I DON NI BSHAD ZIN LA, SLOB LAM RNAMS LA GONG DU 'GROR YOD PAS SHER PHYIN MIN PA'I RIGS PAS GNOD PA YANG MIN TE, DE LTA NA PHAR PHYIN DANG PO LNGA LA YANG GSUNGS PAR 'GYUR RO, ,'DOD PAR YANG MI NUS TE, GZHAN DU NA SLOB LAM NA SPYAD PAR BYA BA'I PHAR PHYIN MED PAS SPYOD PA PO BYANG 'PHAGS MED PAR HA CANG THAL LO, ,DE LTAR SLOB LAM NA SHER PHYIN YOD PAR THEG BSNGAS LAS KYANG; SHES RAB KYI PHA ROL TU PHYIN PA DANG RNAM PAR MI RTOG PA'I YE SHES NI KHYAD PAR MED DE JI SKAD DU, BYANG CHUB SEMS DPA' SHES RAB KYI PHA ROL TU PHYIN PA LA GNAS NAS MI GNAS PA'I TSUL GYIS DE LAS GZHAN PA'I PHA ROL TU PHYIN PA RNAMS SGOM PA YONGS SU RDZOGS PAR BYED DO ZHES GSUNGS PA LTA BU'O, ZHES SO, ,DE LTAR NA SLOB LAM DANG SHER PHYIN 'GAL BAR 'DOD PA DAG GIS BDE BAR GSHEGS PA KUN GYI GSHEGS SHUL, RGYAL BA RNAMS KYI ZAG MED KYI PHUNG PO SKYED BYED, BYANG CHUB SEMS DPA' RNAMS KYI THAR LAM TSOL BA'I MIG GCIG PU DE NYID SPANGS PAS, DE BZHIN GSHEGS PA RNAMS KYI YUM 'TSO BA DANG PHRAL ZHING RGYAL SRAS RNAMS KYI MIG NYAMS PAR BYAS PA YIN

, ,NO; ;GNYIS PA NI, SPYIR BSTAN BCOS RNAMS LA 'DOD PA DU MA YOD PAS DE DAG PHYOGS GCIG TU SGRIG MI NUS PAS RANG GANG 'CHAD PA'I GZHUNG DE NYID TSAD MAR BYED DGOS SO, ,DE LA RGYAN 'DIR SA DRUG PAR PHYIN DRUG RDZOGS PAS SPANG BYA DRUG SPANGS PA DANG, TSU ROL PHA ROL MTHA' LA MIN, ZHES SOGS 'BYUNG BAS SLOB LAM NA SHER PHYIN MTSAN NYID PA YOD LA, YUM BAR MA LAS 'JIG RTEN PA DANG 'JIG RTEN LAS 'DAS PA'I PHAR PHYIN GNYIS GSUNGS PA LTAR, DBU MA LA 'JUG PA LAS KYANG BSHAD PA'I PHYIR, LAM DANG PO GNYIS LA PHAR PHYIN GYI SGRA 'JUG BYANG MTSAN NYID PA MIN NO, ,DES NA RJE BTZUN GYI GZHUNG DANG DE 'GREL BA LA TSAD MAR GYUR PA'I THOGS MED SKU MCHED KYI GZHUNG RTZOD MED RNAMS SU SLOB LAM DU SHER PHYIN YOD PAR BSHAD PA MA GTOGS MED PAR BSHAD PA MED LA, 'DI'I RTZA BA'I MDO RNAMS SU YANG SHER PHYIN BYANG SEMS KYI KHYAD CHOS SU DU MA ZHIG GSUNGS PAS DE'I RJES SU 'BRANGS NAS BSHAD DO, ,GSUM PA NI, MDO RGYAN LAS, DON DAM SHES PA'I PHYIR BSHAD DO, ZHES DANG, SH'ANTI PAS KYANG, SHES PA'I RAB YIN PAS NA SHES RAB STE STONG PA NYID LA DMIGS PA'I PHYIR RO, ZHES DANG, SHER SNYING RGYA 'GREL LAS KYANG KUN DGA' BO SHES RAB GANG GIS DGE BA'I RTZA BA RNAMS BSNGO BA BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS NA DE DAM PA YIN NAM, KUN DGA' BOS GSOL BA, BCOM LDAN 'DAS DAM PA LAGS SO, ,BDE BAR

GSHEGS PA DAM PA LAGS SO, ,BCOM LDAN 'DAS KYIS BKA' STZAL PA, DE BAS NA DAM PA YIN PA'I PHYIR SHES RAB KYI PHA ROL TU PHYIN PA ZHES BYA BA'I MING 'THOB PAR 'GYUR RO, ZHES GSUNGS SO, ,DE LAS GZHAN LA NI NGES PA'I TSIG RIGS PA MA YIN ZHING SGRA SBYAR BA YANG DKA' LA BCOM LDAN 'DAS KYI NGES PA'I TSIG DANG YANG 'GAL BAR 'GYUR RO, ZHES SO, ,DES NA CHOS RAB TU RNAM 'BYED LA BSHAD KYANG SHER PHYIN LA GTZO BO YIN PAS BRJOD KYI SEMS BYUNG SHES RAB KHO NAR 'DOD PAR MI BYA'O, ,GNYIS PA LA LNGA, DNGOS BRGYAD KYI MTSAN NYID, GRANGS NGES PA, GO RIMS NGES PA, SA MTSAMS, ZLOS PA SPANG BA'O, ,DANG PO LA BRGYAD KYI DANG PO RNAM MKHYEN NI, JI LTA JI SNYED KYI RNAM PA MA LUS PA SKAD CIG MA GCIG LA MNGON SUM DU MKHYEN PA'O, ,DE LTAR YANG MDO LAS, RNAM PA GANG DAG CES SOGS DANG RNAM PA NI ZHI BA'O ZHES GSUNGS PAS RIM PA LTAR KUN RDZOB DANG DON DAM PA'I RNAM PA MKHYEN PAR BSTAN TO, ,DBYE NA JI LTA JI SNYED KYI RNAM MKHYEN GNYIS SO, ,GNYIS PA LAM SHES NYID NI, LAM GSUM RANG BZHIN MED PAR RTOGS SHING RDZOGS SMIN SBYANGS NAS YANG DAG MTHA' MNGON DU BYED PA'I SLOB LAM MO, ,DBYE NA LAM SHES PA'I LAM SHES GSUM MO, ,GSUM PA THAMS CAD SHES PA NYID NI, GZHI THAMS CAD GANG ZAG GI BDAG GIS STONG PAR RTOGS PA'I NYI TSE BA'I MKHYEN PA'O, ,DBYE NA NYAN RANG GI GZHI SHES GNYIS SO, ,DE NAS ZHES PA BRGYAD PO 'DI'I GO RIMS STON PA'I TSIG GO ,BZHI PA

, ,RNAM KUN MNGON RDZOGS RTOGS PA NI, MKHYEN GSUM GYI RTOGS PA LA RANG DBANG THOB PAR BYA BA'I PHYIR DU SKYE MED GSUM BSDUS TE SGOM PA'I SEMS DPA'I RNAL 'BYOR RO, ,DBYE NA SBYOR BA NYI SHU'O, ,LNGA PA RTZE MOR PHYIN PA NI, RNAM RDZOGS SBYOR BA LA BRTEN NAS SKYE MED GSUM BSDUS TE SGOM PA LA DBANG DU GYUR PA'I SEMS DPA'I RNAL 'BYOR RO, ,DBYE NA RTZE MO BDUN NO, ,DRUG PA MTHAR GYIS PA NI, MKHYEN GSUM GYI SHES RNAM CIG CAR DU SKYE BA'I RTOGS PA BRTAN POR BYA BA'I PHYIR MKHYEN GSUM GYI RNAM PA RNAMS RIM GYIS SGOM PA'I SEMS DPA'I RNAL 'BYOR RO, ,DBYE NA MTHAR GYIS PA BCU GSUM MO, ,BDUN PA, SKAD CIG MA GCIG GIS MNGON PAR RDZOGS PAR BYANG CHUB PA'I SBYOR BA NI, MKHYEN GSUM RIM GYIS SGOM PA MTHAR THUG PA'I SEMS DPA'I RNAL 'BYOR RO, ,LDOG PAS DBYE NA BZHI'O, ,BRGYAD PA CHOS KYI SKU NI, SBYOR BA BSGOMS PA'I 'BRAS BU MTHAR THUG ZAG MED KYI YAN LAG DU MA DANG LDAN PA STE, BDEN GNYIS LAS, CHOS RNAMS KUN GYI LUS YIN PHYIR, ,YON TAN BSAM YAS KUN RTEN PHYIR, ,RIGS PA'I RJES 'BRANG NGO BO'I PHYIR, ,SKYOB PA RNAMS KYI CHOS SKU YIN, ZHES SO, ,DE'I DON NI, DE'I DKA' 'GREL DU LUS NI TSOGS YIN PA'I PHYIR CHOS KYI SKU NI CHOS RNAMS KYI TSOGS ZHES BYA STE RGYU LA 'BRAS BU NYE BAR BTAGS PA'I PHYIR RO, ,CI'I PHYIR RGYU NYID YIN SNYAM PA LA BSHAD PA, 'JIG RTEN PA DANG 'JIG RTEN LAS 'DAS PA'I YON TAN THAMS

CAD KYI RTEN YIN PA'I PHYIR RO ZHES DANG, DE LTA BAS NA 'DIS NI CHOS ZHES BYA BA'I SGRA NI RIGS PAR BRJOD PA YIN, SKU ZHES BYA BA'I SGRA NI NGO BO NYID DU BRJOD PA YIN NO ZHES SO, ,DBYE NA SKU BZHI'O, ,DE RNAM BRGYAD NI TSIG NGES GZUNG GI SNYING PO CAN NO ZHES PA'I TSUL GYIS MNGON RTOGS NI BRGYAD PO 'DIR NGES KYI MA TSANG BA DANG LHAG PA NI MIN NO ZHES PA'O, ,GNYIS PA NI, CI'I PHYIR DNGOS PO BRGYAD DU NGES SHE NA, GANG ZAG GCIG 'TSANG RGYA BA LA SHES PAR BYA BA'I YUL DANG NYAMS SU LEN PA'I LAM DANG, 'BRAS BU GSUM DU GRANGS NGES LA, DE YANG DANG PO LA MKHYEN GSUM DANG, GNYIS PA LA SBYOR BZHI DANG, GSUM PA LA CHOS SKUR NGES PA'I PHYIR TE, DON BSDUS SGRON MER SHES BYA'I YUL DU MKHYEN PA GSUM, ,SGOM PA'I DUS SU SBYOR BA BZHI, ,'BRAS BU'I MTHAR THUG CHOS KYI SKU, ZHES PA LTAR RO, ,'O NA SHES BYA LA MKHYEN GSUM DU NGES PA CI ZHE NA, DPER NA TSONG PA TSONG GI KHE THOS NA DE'I THABS LA 'JUG PA LTAR, DANG POR 'BRAS BU LA BROD PA SKYED PA'I DON DU RANG GZHAN GYI DON GNYIS DANG LDAN PA'I RNAM MKHYEN BSTAN TO, ,DE THOS NA DE'I THABS LA 'JUG PAS DE'I THABS LA LAM SHES DANG, DE'I GOL SA SHES PA YANG GZHI SHES LA RAG LAS PAS DE NAS GZHI SHES BSTAN TE DE NYID LAS, THOS BSAM DUS SU 'BRAS BU DANG, ,RGYU DANG MI MTHUN PHYOGS DAG TU, ,GTAN LA PHAB PA RDZOGS PA YIN, ZHES SO, ,'O NA NYAMS LEN LA SBYOR BZHIR NGES PA CI ZHE NA, MKHYEN GSUM

, ,GTAN LA PHAB PA TZAM GYIS MI CHOG? PAS DE NYAMS SU LEN DGOS LA, DE LA YANG LAM GYI RTOGS PA RANG RGYUD LA MA SKYES PA SKYED PAR BYED PA DANG SKYES ZIN KHYAD PAR DU BYED PA GNYIS SU YOD PAS BZHIR NGES TE, RNAM KUN NI MA THOB PA THOB BYED YIN LA, RTZE MO NI THOB PA'I SKABS DANG, MTHAR GYIS PA NI THOB ZIN KHYAD PAR CAN DU SKYED BYED DANG, SKAD CIG MA NI DE GRUB PA'I SKABS TZAM YIN PAS SO, ,'O NA RGYU 'BRAS, SKOR GCIG GIS CHOG MDO GNYIS KYIS CI BYA ZHE NA, DBANG DU BYED PA RGYU 'BRAS MED NA 'BAD MED LHUN GRUB KYI CHOS SKU MI 'THOB LA, BRTAN PA RGYU 'BRAS MED NA CHOS GCIG MNGON DU BYAS PA NA THAMS CAD MNGON DU BYED PA'I RNAM MKHYEN MI 'THOB PAS GNYIS KA DGOS SO ZHES SNGON GYI MKHAS PA DAG 'CHAD DO, ,'DI LTAR YANG BSHAD NUS TE, RTOGS BRGYUD LA MA SKYES NA SHES PA TZAM GYIS SPANG BYA 'JOMS MI NUS PAS DE SKYED PA'I THABS RNAM KUN DANG, RGYUD LA SKYES NAS DBANG DU GYUR BA NYID RTZE MO YIN PA'I PHYIR RO, ,RGYUD LA SKYES PA DE YANG YID LA DMIGS RNAM GSAL BAR GSOS MA BTAB NA SKYED PA TZAM GYIS LAM MTHAR PHYIN PAR MI NUS PAS DE LA NI MTHAR SKAD GNYIS DGOS TE RGYU 'BRAS YIN PA'I PHYIR RO, ,DES NA BZHIR NGES SO ZHES KYANG BYA'O, ,DE NYID LAS, SGOM PA'I DUS SU SBYOR BA DANG, ,GNAS SKABS 'BRAS BU BRTEN BYED DANG, RGYU YI MTHAR THUG DAG GIS RDZOGS, ZHES SO, ,MTHAR GYIS PAS MKHYEN GSUM RIM

GYIS SGOM PA'I DON NI, SBYIN PA LTA BU GCIG KYANG TSUL KHRIMS LA SOGS PA'I DKAR CHOS GZHAN DANG RIM PA LTAR SBREL NAS NYAMS SU LEN PA'O, ,SKAD CIG MA NI, DE LTAR YID LA BYED PA RING DU 'DRIS PAS ZAD MED GCIG MNGON DU BYAS PA NA THAMS CAD MNGON DU BYED NUS PA STE MTHAR THUG PA'I SKABS SO, ,RNAM KUN NI, GTZO BOR MNYAM GZHAG NA SNYING PO'I DON LA GOMS PAR BYAS NAS MNGON RTOGS SKYED BYED YIN LA, MTHAR GYIS PA NI, GTZO BOR RJES THOB NA SKYES PA DANG MA SKYES PA'I MNGON RTOGS YID LA BYED PA'I SGOM YIN NO, ,DE LTAR THOS BSAM GYIS GTAN LA PHAB NAS SBYOR BAS NYAMS SU BLANGS PA'I 'BRAS BU NI CHOS SKU GCIG BUR ZAD PAS GRANGS NGES SO, ,GSUM PA NI, DON BSDUS SGRON MER, GO RIMS SKYE BA'I RIM PA STE, ,DANG PO THOS BSAM BYED PAS NA, ,DE YI YUL NI SNGON DU BSHAD, ,DE YANG DANG PO 'BRAS SHES BYED, ,DE NAS RGYU DANG SPANG BYA DAG ,RIM PA BZHIN DU GTAN LA 'BEBS, ,SBYOR BA BZHI YI RIM PA YANG, ,RNAM KUN MNGON RDZOGS TSOGS LAM NAS, ,YOD PAS DANG POR BSTAN PA YIN, ,DE NAS GSUM PO RIM BZHIN SKYE, ,DE LTAR DE NI GO RIMS SO, ZHES 'BYUNG YANG SNGON GYI MKHAS PA RNAMS KYIS MKHYEN GSUM BSHAD PA DANG SBYOR BZHI NGANG CHOS SKU DON GYI RIM PA'O ZHES GSUNG BA NYID 'THAD DO, ,DE LA BSHAD PA'I RIM PA NI RIM PA DE LTAR BSHAD NA NYAN PA PO RNAMS KYIS RTOGS SLA BA GCIG YIN LA, DON GYI RIM PA NI RGYU 'BRAS

, ,KYI RIM PA YIN NO, ,DE LA RNAM KUN DANG RTZE MO NI RGYU 'BRAS YIN LA, RTZE MO DANG MTHAR GYIS PA NI RTZE MO THOB PAS MTHAR GYIS PA SGOM PAR SLOB DPON GYIS BSHAD KYANG BSAM PAS 'PHANGS PA'I 'BRAS BU MIN NO, ,BZHI PA LA GSUM, MKHYEN GSUM, SBYOR BZHI, CHOS SKU'I SA MTSAMS SO, ,DANG PO NI, BYANG SEMS LA GZHI SHES DANG LAM SHES DANG SANGS RGYAS LA MKHYEN PA GSUM GA MTSAN NYID PA YOD PAR SMRA BA NI MI 'THAD DE, MCHOD BRJOD DU MKHYEN GSUM GYI RTEN DANG BYED LAS MI 'DRA BAR GSUNGS SHING, LUS RNAM GZHAG TU YANG THUB PA'I RNAM KUN MKHYEN PA NYID CES DANG, BYANG CHUB SEMS DPA' MKHAS RNAMS KYI, ,LAM SHES NYID NI DE 'DRAR BSHAD, CES DANG; NYAN THOS LA SOGS MTHONG BA'I LAM, ,DE 'DRA KUN SHES NYID DU 'DOD, CES RTEN NGES PA CAN DU MDZAD PA DANG, MDO LAS KYANG, RTEN SO SO'I RGYUD DANG 'BREL PAR GSUNGS PA'I PHYIR RO, ,DES NA BYANG SEMS DANG SANGS RGYAS LA GZHI SHES YOD PAR GSUNGS PA NI GNYEN PO GZHI SHES LA DGONGS SHING DE NI SPANG BYA'I SGO NAS MING BTAGS PA'O, ,BYANG SEMS LA RNAM MKHYEN GYI SBYOR BA BSHAD PA NI DE'I RGYU LA DGONGS SHING, MKHYEN GSUM GYI MTSAN NYID SOGS BSHAD PA NI SKYE MED GSUM SGOM PA'I RNAL 'BYOR YOD PA LA DGONGS LA, SANGS RGYAS LA MKHYEN GSUM GYI MTSAN NYID SOGS BSHAD PA NI GZHI GNYEN RNAM PA GSUM JI LTA BA BZHIN RTOGS PA TZAM LA DGONGS

KYI MTSAN NYID PA MIN TE, DPER NA 'KHRUL PA'I GNAS LUGS JI LTA BA BZHIN RTOGS PA YIN KYANG 'KHRUL SHES SU MI 'GRO BA BZHIN NO, ,DE'I PHYIR RTEN NGES LA DE YANG THEG PA GSUM GYI TSOGS LAM NAS BZUNG STE MI SLOB LAM GYI BAR DU GZHI SHES DANG LAM SHES GNYIS SU BZHAG GO ,GANG DAG GZHI SHES DANG LAM SHES LA 'PHAGS PA'I RTOGS PAS KHYAB PAR SMRA BA'I SHES BYED DRANGS PA RNAMS MI 'GRO BA DANG, DE LA GNOD BYED BSTAN PA NI, YUM NGOS BZUNG BA'I SKABS SU RGYAS BAR BRJOD ZIN LA, MKHYEN PA DANG PO GNYIS 'PHAGS PA'I RTOGS PA MIN NA RNAM MKHYEN KYANG DE MIN PA MTSUNGS PAR SMRA BAS NI DE GNYIS KUN MKHYEN GYI RTOGS PAR YANG 'DOD DGOS TE, RNAM MKHYEN DE YIN PAS SO, ,YUM GSUM GNOD 'JOMS LAS KYANG LAM SHES TSOGS SBYOR NA YOD PAR BSTAN TE, LAM GYI RNAM PA SHES PA NYID CES BYA BA NI 'DI LA BYANG CHUB SEMS DPA' DANG PO SEMS BSKYED PA NAS MOS PAS SPYOD PA'I SA NAS BZUNG STE SA CHOS KYI SPRIN LA THUG GI BAR DU KUN TU 'GRO BA'I DON DANG MCHOG GI DON LA SOGS PA RAB TU RTOGS PAS DE BZHIN NYID RNAM PAR SBYONG BA LA ZHUGS PA, GNAS GYUR PA'I RGYUR GYUR PA DANG SEMS CAN THAMS CAD LA PHAN PA DANG BDE BA'I PHYIR ZHUGS PA'I SHES PA RNAM PA THAMS CAD MKHYEN PA NYID KYI GRONG KHYER CHEN POR PHYIN PAR BYED PA STE, LAM GYI RNAM PAS 'JUG PA'I PHYIR LAM GYI RNAM PA SHES PA NYID CES BYA'O, ZHES SO, ,GZHI SHES MTSAN NYID PA MI MTHUN PHYOGS KYI GZHI SHES

, ,YIN PAR YANG YE SHES ZHABS KYIS, 'DI MAN CHAD NI BYANG CHUB GZHAN SHES PAR BYAS NAS SPANG BAR BYA DGOS PAS THAMS CAD SHES PA NYID KYI MTSAN NYID DE ZHES SO, ,DES NA 'PHAGS PA DANG SLOB DPON GYIS MKHYEN GSUM DU MNGON RTOGS MTHA' DAG 'DUS PA'I SHES BYED DU YUM PAR MA DRANGS PA'I DGONGS PA YANG THEG PA GSUM GYI LAM THAMS CAD MKHYEN GSUM DU YIN PA'I TSUL GYIS BSDU BAR BZHED NAS YIN NO, ,LAM SHES LA NI SEMS BSKYED SNGON DU 'GRO DGOS PAS DE'I SKAD CIG GNYIS PA NAS LAM SHES 'DOD BAR BYA'O, ,MDOR NA GZHI SHES DANG LAM SHES LA 'PHAGS PA'I RTOGS PAS KHYAB PAR RGYAN GYI 'GREL PA GANG NAS KYANG MA BSHAD DO, ,'O NA GNOD 'JOMS DE NYID LAS; BYANG CHUB SEMS DPA' RNAMS KYI SGRUB PA'I SAR GTOGS PA SA BCU'I RIM PAS NGES PAR 'BYUNG BA PHA ROL TU PHYIN PA'I SPYOD PA LA SOGS PA BYANG CHUB SEMS DPA'I LAM GYI BDAG NYID KYI YE SHES LA LAM GYI RNAM PA SHES PA NYID CES BYA'O, ,NYAN THOS DANG RANG SANGS RGYAS RNAMS KYIS 'DU BYED THAMS CAD NI MI RTAG PA'O, JAG PA DANG BCAS PA THAMS CAD NI SDUG BSNGAL BA'O, ,CHOS THAMS CAD NI BDAG MED PA'O, ZHES BYA BA THAMS CAD MI RTAG PA LA SOGS PA'I RNAM PAR 'JUG PA BSGOMS PA'I RGYU LAS BYUNG BA 'JIG RTEN LAS 'DAS PA'I LAM GYI YE SHES LA THAMS CAD SHES PA NYID CES BYA'O, ZHES BSHAD PA CI ZHE NA, LUNG DANG POS NI 'PHAGS PA KHO NA LA YOD PAR

MA ZIN LA, GNYIS PA'I DON NI GZHI SHES KYI GTZO BO LA DGONGS PA YIN TE, THAMS CAD SHES PA NYID NI NYAN RANG RNAMS KYI'O ZHES PA'I 'GREL PAR THAMS CAD SHES PA NYID RNAM PA GSUM GYIS ZHUGS NAS CHOS DANG RJES SU RTOGS PA'I SHES PA'I DBANG GIS CHOS THAMS CAD KYI MTHAR GTUGS PA'I SHES PA NI THAMS CAD SHES PA ZHES BYA STE, SHES PA DE YANG CHOS THAMS CAD RNAM PA THAMS CAD DU SHES PA MA YIN GYI, MTSAN NYID GSUM DANG BDEN PA BZHI'I SGO NAS CHOS THAMS CAD LA RMONGS PA MED PA'I PHYIR, NYAN THOS DANG RANG SANGS RGYAS RNAMS KYI SHES PA LA THAMS CAD SHES PA NYID CES BYA'O ZHES BSHAD PA BZHIN TE, DER YANG DANG POR MTHAR THUG PA'I SHES PA LA GZHI SHES SU BSHAD NAS PHYIS THUN MONG DU BSHAD PA LTAR RO, ,GNYIS PA LA BZHI, RNAM KUN, RTZE MO, MTHAR GYIS PA, SKAD CIG MA'I SA MTSAMS SO, ,DANG PO NI, SNGON GYI MKHAS PA DAG SLOB DPON GYI DGONGS PA LA SBYOR BA DANG PO GSUM LA KHYAD CAN YIN MIN GNYIS GNYIS SU BYAS NAS, RNAM KUN KHYAD PAR CAN MIN PA TSOGS LAM NAS SA BDUN PA'I BAR DANG, KHYAD CAN SA BRGYAD PA NAS DANG, RTZE MO LA YANG DANG PO DROD NAS SA BRGYAD PA'I BAR DANG, GNYIS PA SA DGU PA NAS BCU PA'I DKYIL STOD DANG, MTHAR GYIS PA DANG PO YANG DROD NAS SA BCU PA'I DKYIL STOD DANG, GNYIS PA BCU PA'I SMAD NAS YOD DO, ,DE DAG GI SHES BYED KYANG RIM PA LTAR SPYIR BSGOM PAR BYA BA'I RNAM PA RNAMS LAS DANG PO BA NAS SA BCU PA'I BAR NA YOD PA DANG, SBYOR BA NYI SHU'I

, ,THA MA LA MCHOG TU RNAM PAR DAG PA MTHAR THUG PA ZHES 'BYUNG BAS SA BCU PA NA YOD PAR GSAL LA, DANG PO LA LAS DANG PO PA YANG DAG PA MA YIN PA'I SBYOR BA BYED PA NYID KYIS ZHES TSOGS LAM NA YOD PAR BSHAD PAS MA MTHA'I MTSAMS BZUNG BA'I PHYIR BAR SKABS RNAMS NA YOD PAR GSAL LO, ,DAG PAS GSUM GYI YE SHES CHUNG 'BRING CHE GSUM LA SBYOR BA DANG PO GSUM GYI LAM GSUM GYI THA SNYAD KYANG MDZAD PA'I PHYIR RO, ,DE LTAR RNAM KUN LA KHYAD CAN YIN MIN GNYIS GRUB PAS DE'I 'BRAS BU RTZE MO LA YANG GNYIS 'GRUB PO, ,MTHAR GYIS PA NI RTZE MO THOB NAS DE BRTAN PA'I DON DU SGOM PA DANG, MTHAR GYIS BYA BA DANG BSLAB PA DANG MTHAR GYIS 'JUG PA RIM PA LTAR NGES 'BYED DANG, MTHONG LAM SGOM LAM GSUM LA SLOB DPON GYIS BSHAD PAS SO ZHES 'CHAD DO, ,DE LA PHYI MA 'DI SLOB DPON GYIS GSUM LA SBYAR NAS GSUNGS PA MED LA, SPYIR LAM GSUM BTAGS PA BAR 'DOD PA'I LUGS LA YANG SBYOR BA DANG PO GSUM LA RNAM DBYE DE LTA BU ZHIG DGOS PAR SNANG STE, 'DI NI 'CHAD PAR 'GYUR RO, ,KHYAD CAN GYI DON YANG RTEN GYI KHYAD PAR RNAM PA THAMS CAD DU PHYIR MI LDOG PA DANG, SBYOR BA'I KHYAD PAR SKYON THAMS CAD DANG BRAL BA DANG, YUL GYI KHYAD PAR STOBS LA SOGS PA RNAM PA MA LUS PA YUL DU BYED PA'O ZHES ZER RO, ,THUB DGONGS NAS, CHOS SKU RNAM KUN MNGON RDZOGS MTSAN NYID PA DANG, SBYOR BA RNAM KUN BTAGS PA BAR 'CHAD KYANG, 'DIR NI GZHI MTHUN PA'I BSDU BA BYAS LA TSOGS

LAM CHUNG NGU NAS SA BCU RGYUN MTHA'I BAR NA YOD DE, BUD DHA SHR'IS, LAS DANG PO PA DANG, SBYOR BA DANG, MTHONG BA DANG, SGOM PA'I GNAS SKABS CAN RNAM PA KUN MNGON PAR RDZOGS PAR RTOGS PA NYID DANG, ZHES DANG, SBYOR BA NYI SHU'I SA MTSAMS KYIS SHES SO, ,GAL TE SA BRGYAD PA YAN CHAD 'BAD RTZOL NYE BAR ZHI BA'I SAR BSHAD PA DANG, RGYUN MTHA'I RJES SU RTZE SBYOR MI 'BYUNG BA'I PHYIR, DE DAG LA 'BAD RTZOL GYIS SGOM PA'I RNAM KUN MED DO ZHE NA, MA GRUB STE, MDO SDES BCU PA'I SA BRGYAD PAR, DE BZHIN GSHEGS PA'I STOBS BCU DANG, MI 'JIGS PA BZHI LA SOGS PA SANGS RGYAS KYI CHOS PHUN SUM TSOGS PA DE KHYED LA MED KYIS SANGS RGYAS KYI CHOS PHUN SUM TSOGS PA DE YONGS SU BTZAL BA'I PHYIR BRTZON 'GRUS RTZOMS SHIG ,CES PA DANG, RMI LAM BSTAN PA LAS, SA BRGYAD PA LA MNGON PAR SHES PA DANG SO SO YANG DAG PAR RIG PA LA RTZOL BA DANG BCAS SO, ,DGU PAR SPYOD PA LA RTZOL BA DANG BCAS SO, ,BCU PAR TSAD MED PA LA RTZOL BA DANG BCAS SO, ZHES SO, ,DES NA SA BRGYAD PA YAN CHAD RTZOL BRAL GYI SAR BSHAD PA'I DGONGS PA NI, BDAG GIS SEMS CAN 'DI YI DON 'DI LTA BUR BYA'O SNYAM DU GANG ZAG TU RTOG PA'I RTZOL BA ZHI BA TZAM YIN TE, NYON YID GNAS GYUR PA'I PHYIR RO, ,RGYU YOD PA LA 'BRAS BU YOD PAR MA NGES PAS RGYUN MTHA'I RJES SU RTZE SBYOR MI 'BYUNG YANG, RNAM KUN YOD PA MI 'GAL LO, ,GNYIS PA NI, DROD NAS RGYUN MTHA'I BAR NA YOD DO, ,KHA CIG NA RE TSOGS LAM

, ,NAS YOD ZER RO, ,DE MI 'THAD DE, RTZE MO'I DON NI RNAM KUN GYI RTOGS PA LA DBANG DU GYUR PA YIN LA DE YANG TSOGS LAM NA THOS BSAM SHAS CHE BAS MA THOB CING SBYOR LAM NAS SGOM BYUNG SHAS CHE BAS DE NAS THOB PA 'THAD PAS SO, ,GZHAN YANG RTZA BA LAS KYANG RTZE MO BDUN BSHAD PA'I THA MA DROD YIN PA DANG, 'GREL CHEN GNYIS KYIS KYANG MA BKRAL BA'I PHYIR RO, ,KHA CIG RTZE SBYOR THOB PA LA DBANG RNON GYIS KHYAB PAR SMRA BA YANG MI 'THAD DE, DE LTA NA DBANG BRTUL GYIS RNAM KUN BSGOMS NAS RTOGS PA LA DBANG DU GYUR PA MED PAR 'GYUR RO, ,DE'I PHYIR RTZE MO DANG PO THOB PA'I RTAGS DE PHYIR MI LDOG GI RTAGS SU BSHAD KYANG RTZE MO THOB PA LA RTAGS DE DAG THOB PAS KHYAB PA MED DO,, GSUM PA NI, SLOB DPON LTAR NA RTZE MO THOB NAS SGOM PAR MNGON YANG DE SBYOR BA RNAMS KYI GO RIM 'CHAD PA'I YAN LAG TZAM DU DGONGS PA BRTAG NUS SHING, 'PHAGS PAS BGYI BA SMOS PA NI SEMS BSKYED PA GZUNG BA'I DON DU'O, , BSLAB PA SMOS PA NI NGES PAR 'BYED PA'I CHA DANG MTHUN PA SHES PA'I DON DU'O, ,SGRUB PA SMOS PA NI MTHONG BA DANG SGOM PA'I LAM SHES PA'I DON DU'O, ,GSUM SMOS PA NI MNGON PAR RTOGS PA'I MTHAR GYIS PA SHES PAR BYA BA'I DON DU YIN NO ZHES 'BYUNG BAS TSOGS LAM NAS RGYUN MTHA'I BAR NA YOD DO, ,DE LTAR THOS BSAM GYIS YUL DU BYAS PA'I MNGON RTOGS RIM GYIS YID LA BYED PA'I MTHAR GYIS PA NI TSOGS LAM NAS GTZO CHE BAR YOD LA, SGOM BYUNG GIS

NYAMS SU MYONG BA'I MNGON RTOGS YID LA BYED PA'I MTHAR GYIS PA NI DROD NAS YIN NO, ,BZHI PA NI, CHE BA GANG ZAG SKAD CIG MA 'DI BZHI SA BDUN PA NAS BCU PA'I BAR LA RIM PA BZHIN GZHAG GO GSUNG PA NI MI 'THAD DE, 'PHAGS PAS SKAD CIG MA GCIG LA MNGON PAR RDZOGS PAR BYANG CHUB PA NI MTHAR THUG PA YIN NO, ZHES DANG, DE NAS KHYAD PAR DU 'GROR MED PAS ZHES DANG, RTZA BA LAS KYANG DE MTHA' ZHES 'BYUNG BA'I PHYIR RO, ,DES NA SA BCU'I THA MA LA GZHAG GO ,SKAD CIG MA'I TSAD 'DI JI TZAM ZHE NA, TSIG GSAL DU, DUS MTHA'I SKAD CIG RDUL PHRAN GCIG GOG SA 'PHOS PA'I TSAD DANG, NYAN THOS RNAMS KYI GRUB MTHA' LA GRAGS PA'I SKAD CIG SE GOL GCIG GTOGS PA'I YUN LA SUM BRGYA DRUG CU RTZA BRGYAD DU DGOS PA'I CHA DANG, BYA RDZOGS KYI SKAD CIG DUS DE LA BDAG GI BYA BA RDZOGS SO ZHES PA GSUM GANG LA BYED, DANG PO GNYIS LTAR NA, YUN THUNGS PAS SGOM PA RDZOGS MI NUS LA, PHYI MA LTAR NA, DUS NGES PA MED DE, BYA BA RDZOGS PA'I DUS MI SHES PAS SO ZHES BKOD NAS LAN DU DANG PO GNYIS LTAR NA YANG NYES PA MED DE, MTHA' GCIG TU MI BDEN PA DANG, BSAM PA'I DBANG LA RAG LAS PA DANG, DBANG THOB PA RNAMS KYIS SKAD CIG KYANG BSKAL PAR BYIN GYIS RLOB NUS PA'I PHYIR RO, ,'ON KYANG 'DIR PHYOGS GSUM PA LA BRTEN PAR BYA'O, ,'DI YI DUS LA YANG GDUL BYA'I DBANG GIS JI TZAM SGOM GYI NGES PA MED DE, BDAG CAG GI STON PA SNYING PO BYANG CHUB LA BZHUGS PA'I THO

, ,RANGS SANGS RGYAS LA, PAD DKAR LAS, DE BZHIN GSHEGS PA MNGON PAR SHES PA'I YE SHES CHEN POS BTZUN MO'I 'KHOR NAS BYUNG ZHING SRAS BCU DRUG SPANGS TE BDUD BCOM NAS BAR BSKAL LNGA BCUR SKYIL KRUNG MA BSHIG PAR BZHUGS NAS GDOD SANGS RGYAS SO, ,DE YANG GDUL BYA'I SNANG BA TZAM YIN GYI NGES DON NI, KHYOD BYANG CHUB PA DANG DUS GCIG KHO NAR BDUD THAMS CAD NGES PAR BCOM LAGS SAM ZHES PA LTAR BYANG CHUB PA DANG CIG CAR DU BDUD BCOM MO, ZHES BSHAD NAS DE LTAR YUN DE TZAM DU SKAD CIG SBYOR SGOM YANG MTHAR GYIS PAR MI 'GYUR BA'I RGYU MTSAN DU MA DANG BCAS PA SMRA BAR BYED DO, ,LUGS DE LA PHYIS KYI t'IKA DAG LEGS CHAR BYED KYANG KHO BO NI 'THAD PAR MI SEMS TE, THUN MONG MIN PA'I LUGS KYIS 'OG MIN DU SANGS RGYAS NAS 'DIR BTZUN MO'I 'KHOR NAS 'BYUNG BA LA SOGS PA BSTAN NAS SANGS RGYAS PA'I TSUL TZAM STON PAR 'DOD PAS, LUNG DE SKAD CIG SBYOR THOB PA'I BYANG SEMS JI TZAM NA SANGS RGYAS PA'I SHES BYED DU MI RUNG BA'I PHYIR RO, ,GZHAN YANG, CHOS MNGON PA BA RNAMS SE GOL GCIG GTOGS PA'I YUN LA SKAD CIG DRUG CU RE LNGA 'DA' BAR 'DOD PAR MDZOD 'GREL LAS BSHAD CING DE'I CHA DANG, GDAGS PAR BSHAD PA'I RDUL GOG SA 'PHO BA GNYIS KA YANG DUS MTHA'I SKAD CIG GI NGOS 'DZIN YIN PAS DE GNYIS DUS MTHA'I SKAD CIG YIN MIN SO SOR BGRANG BA DANG, SUM BRGYA DRUG CU

RTZA BRGYAD 'DA' ZHES BKOD PA NOR RO, ,DBANG THOB PA RNAMS KYIS SKAD CIG BSKAL PAR BYIN GYIS RLOB NUS PAS 'GAL BA MED PAR YANG SMRA MI NUS TE, DBANG THOB PA'I RNAM GZHAG BYED NA RNAM GZHAG THAMS CAD 'JIG PAR 'GYUR BAS SO, ,DES NA SKAD CIG SBYAR BYA RDZOGS KYI SKAD CIG YIN PAS RGYUN DANG LDAN YANG SNGA MA LAS PHYI MA KHYAD PAR DU 'PHAGS PAR MI BYA'O, ,GSUM PA NI, CHOS DBYINGS BSTOD PAR, JI LTAR MAR NGO'I BCU BZHI NA, ,ZLA BA CUNG ZAD GSAL BA LTAR, ,DE BZHIN THEG MCHOG MOS RNAMS LA, ,CHOS KYI SKU YANG CUNG ZAD SNANG, ,JI LTAR TSES PA'I ZLA BA LA, ,SKAD CIG SKAD CIG 'PHEL BAR MTHONG, ,DE BZHIN SA LA BZHUGS RNAMS KYIS, ,RIM GYIS RIM GYIS 'PHEL BAR MTHONG JI LTAR YAR NGO'I BCO LNGA NA, ,ZLA BA'I DKYIL 'KHOR RDZOGS PAR GSAL, ,DE BZHIN SA YI MTHAR THUG NA, ,CHOS KYI SKU YANG RDZOGS PAR GSAL, ZHES LAM RNAMS SU SGRIB PA DAG PA'I RIM PAS CHOS SKU YANG ZLA BA'I 'PHEL TSUL GYIS MTSON PAR BYAS NAS SLOB LAM DU YANG YOD PAR BSHAD KYANG, DE DANG 'DIR BSHAD CHOS SKU DAN MI GCIG PAS 'DI YI SA MTSAMS NI SANGS RGYAS KYI SA KHO NAR KHAS BLANGS TE, SBYOR BZHI BSGOMS PA'I 'BRAS BU MTHAR THUG YIN PA'I PHYIR RO, ,LNGA PA LA BZHI, MKHYEN GSUM DANG RNAM KUN DANG, RNAM MKHYEN DANG LAM SHES DANG, ,GZHI SHES DANG, RNAM MKHYEN DANG CHOS SKU LA ZLOS PA SPANG BA'O, ,DANG PO NI, MKHYEN GSUM DANG RNAM KUN STON

, ,PA'I GZHUNG RNAMS ZLOS PAR 'GYUR TE, RNAM KUN TU YANG RNAM PA SBYOR BA MTSAN NYID LA MKHYEN PA GSUM GSUM BSHAD PA'I PHYIR ZHE NA, MI ZLOS TE, MKHYEN GSUM NI RNAM PA SO SOR NGES PA DANG, RNAM KUN NI RNAM PA MA LUS PA'I YUL CAN YIN PAS SO, ,DE'I DON NI SKABS DANG PO GSUM DU BSTAN PA'I MKHYEN GSUM NI GZHI DANG LAM DANG RNAM PA SKYE MED DE DE GSUM SO SO BA DANG, RNAM KUN TU BSTAN PA NI SKYE MED KYI RNAM PA GSUM PO DE BSDUS NAS BSGOMS PAS MA LUS PA'I YUL CAN YIN NO, ,RNAM GRANGS GCIG TU NA MKHYEN GSUM DU BSTAN PA NI MTSON BYED DANG MTSON BYA'I SGO NAS SHES BYAR BSTAN PAS MTSAN NYID PA YIN LA, RNAM KUN TU BSTAN PA NI, NYAMS LEN GYI SGO NAS BSTAN PAS SBYOR BA'O, ,RNAM GRANGS GCIG TU NA MKHYEN GSUM DU BSTAN PA NI RANG BZHIN GYIS NYE BAR ZHI BA SKYE MED GSUM GYI RNAM PA TZAM RTOGS PA'I YUL DU BSTAN PA YIN LA, RNAM KUN TU BSTAN PA NI DRI MA SPONG BA'I GNYEN PO'I PHYIR SKYED PA YIN BAS MI ZLOS SO ZHES 'PHAGS PAS GSUNGS PA LTAR SLOB DPON GYIS BKOD DO, ,GNYIS PA NI, RNAM MKHYEN DANG LAM SHES ZLOS PAR 'GYUR TE, SA'I TSOGS LA SOGS PAR MTHONG SGOM GNYIS BSHAD PA DE NYID LAM SHES SU YANG BSHAD PA'I PHYIR ZHE NA, DGOS PA THA DAD PA'I PHYIR MI ZLOS TE, RNAM MKHYEN DU BSHAD PA NI, RGYU DANG 'BRAS BU'I CHOS MA LUS PA MKHYEN PA GCIG RNAM MKHYEN YIN NO ZHES DE MTSON PA'I DON

DU YIN LA, LAM SHES SU BSHAD PA NI, RGYAL SRAS RNAMS KYI LAM SHES NI RNAM MKHYEN DU GSUNGS PA MA YIN NO SNYAM PA'I DOGS PA BSAL BA DANG LAM GSUM SHES PA'I LAM SHES YUL GYIS MTSON NAS LOGS SU BSTAN PA'I PHYIR; RNAM MKHYEN GYI MTSON BYED RNAMS KYI NANG NAS RGYU TZAM ZHIG DRANG STE BSHAD PA YIN NO, ,GSUM PA NI, LAM SHES DANG GZHI SHES ZLOS TE, SKABS GNYIS PAR NYAN RANG GI LAM YANG BSTAN PA'I PHYIR ZHE NA, SKABS GNYIS PAR BSHAD PA NI, YUL CAN LAM SHES MTSON PA'I DON DU YIN LA, GSUM PAR BSHAD PA NI, MI RTAG PA LA SOGS PA'I SGRO 'DOGS DANG BRAL BA GNYEN PO GZHI SHES SU BSTAN PA NA NGES 'PHANGS PA'I ZLOG PHYOGS KYI LAM RNAMS NYAN RANG GI LAM YIN PAR BSTAN PA DANG, DE'I LAM LOGS SU RANG DBANG DU BSTAN PA'I PHYIR YIN PAS MI ZLOS SO, ,BZHI PA NI RNAM MKHYEN DANG CHOS SKU ZLOS TE, GNYIS KAR GNYIS KA BSTAN PA'I PHYIR ZHE NA, MI ZLAS TE DANG POR NI YUL DANG BRGYAD PAR NI 'BRAS BU'I SGO NAS BSHAD PA'I PHYIR, RNAM GRANGS SU NA MTSON BYED DANG NGO BO'I SGO NAS BSTAN PA YIN PAS SO, ,GNYIS PA LA GNYIS, DON DNGOS DANG, ZLOS PA SPANG BA'O, ,DANG PO LA GSUM MKHYEN GSUM, SBYOR BZHI, CHOS SKU'I LUS RGYAS PAR BSHAD PA'O, ,DANG PO LA GSUM, RNAM MKHYEN, LAM SHES, GZHI SHES KYI LUS RGYAS PAR BSHAD PA'O, ,DANG PO LA GSUM, RNAM MKHYEN JI LTAR BSHAD PA'I TSUL DANG

, ,DE'I 'CHAD BYED GTAN LA DBAB PA, RTEN GYI GANG ZAG GO ,DANG PO NI, GAL TE 'DIR RNAM MKHYEN STON NA DE MI STON PAR CI'I PHYIR SEMS BSKYED LA SOGS STON ZHE NA, DON BCU PO 'DIS MTSON NAS STON PAS SKYON MED DO,, JI LTAR MTSON ZHE NA, 'DI LA CHEN PO DAG NA RE, BCU PO 'DI RNAM MKHYEN GYI RJES SU SGRUB PA'I RGYU YIN PAS RGYUS MTSON NAS 'BRAS BU BSTAN PA YIN NO, ,RGYU JI LTAR YIN NA RGYU NI SGRUB PA YIN LA DE YANG RTEN DANG DMIGS PA CHED DU BYA BA RANG GI NGO BO STE BZHI YIN NO, ,RTEN YANG CHOS BZHI DANG LDAN PA STE, BSAM PA'I KHYAD PAR SEMS BSKYED PA, GDAMS NGAG DANG RJES BSTAN THOB PA, SBYOR BA'I KHYAD PAR NGES 'BYED LA GNAS PA, RIGS KYI KHYAD PAR CHOS DBYINGS DANG LDAN PA'O, ,RTEN DES DMIGS PA BCU GCIG LA DMIGS NAS CHED DU BYA BA GSUM GYI PHYIR SGRUB PA BZHI BYAS PAS DE 'THOB BO, ,DE LTAR YANG RIN CHEN SGRON MER, RGYU BCU RDZOGS PAS 'BRAS BU KUN MKHYEN NYID, CES SOGS ZHES 'CHAD DO, ,DE LA SNGON GYI MKHAS PA DAG NA RE, 'DI NI RGYUS 'BRAS BU MTSON PA MA YIN NO, ,'O NA CI ZHE NA, CHED DU BYA BA GSUM GANG DU 'BYUNG SA BDUN GYIS 'BRAS BU DANG, LHAG MAS RGYU BSTAN LA, GZHAN YANG DMIGS PAR SHES BYA THAMS CAD 'DUS PAS RGYU 'BRAS KYI RNAM PA THAMS CAD BSHAD NAS DE MNGON SUM DU MKHYEN PA GCIG RNAM MKHYEN YIN NO ZHES, YUL GYIS YUL CAN MTSON NAS BSHAD PA YIN NO ZHES ZER RO, ,DE LTAR

RGYAN SNANG DANG YE SHES ZHABS KYIS BSHAD KYANG GNYIS KA LTAR YANG MI 'GAL LO, ,'DI LTAR YANG BSHAD NUS TE, SPYIR RNAM MKHYEN NI SA'I RDUL LA SOGS PA'I JI SNYED PA'I RNAM PA THAMS CAD MKHYEN NAM MI MKHYEN YANG BLA'I, 'ON KYANG GROL BA DON GNYER GYI GROL BA THOB PA'I THABS CHA TSANG ZHIG MKHYEN NA DE TZAM GYIS KYANG RNAM MKHYEN RDZOGS PA YIN NO, ,THABS DE YANG 'DIR SEMS BSKYED LA SOGS PAS TSANG BAR BSTAN PA'I PHYIR, 'DIR BSHAD PA'I RNAM MKHYEN NI GROL BA DON GNYER GYI 'DOD PA'I RNAM PA THAMS CAD MKHYEN PA GCIG YIN TO, ,RNAM 'GREL LAS, 'DI YIS SRIN BU'I GRANGS MKHYEN PA, ,NGED LA 'GAR YANG NYER MKHO MED, ,BLANG DANG DOR BYA'I DE NYID NI, ,THABS DANG BCAS PA RIG MDZAD PA, , GANG TSE TSAD MA NYID 'DOD KYI, ,THAMS CAD RIG MDZAD MA YIN NO, ,RING PO MTHONG NGAM YIN YANG RUNG, ,'DOD PA'I DE NYID MTHONG BA YIN, ZHES PA LTAR RO, ,GNYIS PA LA BZHI, LAM GYI RANG BZHIN SEMS BSKYED PA, SEMS BSKYED DAG BYED GDAMS NGAG NOD PA, GDAMS PA'I 'BRAS BU NGES 'BYED YAN LAG ,GDAMS PA'I DON PHYIN CI MA LOG PAR SGRUB PA'O, ,DANG PO'I MTSAN NYID SA MTSAMS DANG BCAS PA 'CHAD PAR 'GYUR RO, ,GNYIS PA LA GNYIS, SPYIR GDAMS NGAG TZAM DANG, KHYAD PAR DU THEG CHEN GDAMS NGAG GO ,DANG PO NI, THAR LAM MA NOR BAR STON PA'I RJOD BYED DO, ,GNYIS PA NI, THEG CHEN GDAMS NGAG NI, THEG CHEN SEMS BSKYED KYI DON DU GNYER BYA THOB PA'I THABS

, ,MA NOR BAR 'DOMS PA'I RJOD BYED DO, ,'DI YIS MTSAMS DANG STON PA PO LA SANGS RGYAS DGOS MI DGOS RNAMS 'CHAD PAR 'GYUR RO, ,GSUM PA NI, MI RTOG PAS RGYUD MTHONG SPANGS LAS NGES PAR 'BYED PA'I MTHONG LAM GYI RGYU YIN PAS NGES 'BYED YAN LAG NI, THAR PA CHA MTHUN GYI RJES SU SKYES PA'I MNGON RTOGS GANG MOS SPYOD KYI SAS BSDUS PA'O, ,BYE BRAG TU THEG CHEN SBYOR LAM NI, THEG CHEN TSOGS LAM GYI RJES SU SKYES PA'I YE SHES GANG MOS SPYOD KYI SAS BSDUS PA'O, ,DBYE NA KHYAD PAR LNGA LDAN GYI DROD RTZE BZOD MCHOG RNAM PA BZHI'O, ,BZHI PA LA BZHI, GRUB PA'I RTEN, SGRUB PA'I DMIGS PA, SGRUB PA'I CHED DU BYA BA, SGRUB PA RANG GI NGO BO'O, DANG PO LA GNYIS, SPYIR RIGS TZAM ZHIG DANG, KHYAD PAR DU THEG CHEN GYI RIGS SO, ,DANG PO NI, DBYINGS GANG GIS SBYANGS NA BYANG CHUB TU 'GYUR RUNG NGO, ,GNYIS PA LA GNYIS, THEG CHEN GYI RIGS SPYI TZAM PA DANG, BYE BRAG 'DIR SMOS KYI GNAS RIGS SO, ,DANG PO NI, DBYINGS GANG BLA MED BYANG CHUB KYI RGYUR GYUR PA'O, ,GNYIS PA, RTEN CHOS SGRUB PA YI NI RTEN DU GYUR PA'I CHOS KYI DBYINGS KYI RANG BZHIN NO, DBYINGS GANG 'DIR SMOS SGRUB PA'I RTEN GZHI BYED PA'O; ;RTEN CHOS KYIS DBYE NA BCU GSUM MO, ,SA MTSAMS NI, TSOGS LAM NAS RGYUN MTHA'I BAR NA YOD PA NYI SNANG DANG RGYAN SNANG GI DGONGS PA YIN LA DNGOS BSTAN NI DROD NAS RGYUN MTHA'I BAR DO, ,GNYIS PA SGRUB PA'I

DMIGS PA DAG NI, SGRUB PA PO'I SHES BYAR GYUR PA'O, ,DBYE NA BCU GCIG GO ,'DI DANG RNAM PA LAS MTSAMS MED DE, SHES BYA KUN LA KHYAB PAS SO, ,GSUM PA CHED DU BYA BA NI, GANG GI DBANG DU BYAS NAS BYANG SEMS SGRUB PA LA 'JUG PAR 'GYUR BA'I 'BRAS BU MTHAR THUG GO ,DBYE NA CHEN PO GSUM MO, ,SA MTSAMS SANGS RGYAS KYI SA 'O, ,BZHI PA LA GNYIS, MTSAN NYID DANG DBYE BA'O, ,DANG PO NI, THEG CHEN SEMS BSKYED LA BRTEN NAS BLA MED BYANG CHUB KYI CHED DU DON GNYIS BSGRUB PA'I BYA BA STE RGYAN LAS, GNAS RTZOM 'BRAS BU 'BYUNG BA CHE BDAG NYID, ,RGYAL SRAS RNAMS KYI SGRUB PA YIN PAR 'DOD, ,RTAG TU LEN PA CHE DANG BZOD PA CHE, ,DON CHEN YANG DAG BSGRUB PA'I BYA BA BYED, CES SO; ;DE LA GNAS RTZOM PA 'BRAS BU CHE BA GSUM NI RIM PA LTAR SEMS BSKYED DON GNYIS SGRUB PA BYANG CHUB CHEN PO RNAMS SO, ,DE GSUM GYIS KYANG RIM PA LTAR SEMS CAN RNAMS NYE BAR LEN PA DANG, SDUG BSNGAL DANG DU LEN PA'I BZOD PA DANG, SEMS CAN MANG PO'I DON SGRUB PA'O, ,GNYIS PA NI, GO 'JUG TSOGS NGES TE BZHI'O, ,DE YANG SNGA MA DAG RGYAN LAS, THOG MAR GO CHA'I BRTZON 'GRUS DE NAS NI, ,TSUL BZHIN RAB ZHUGS SBYOR BA'I BRTZON 'GRUS DANG, ,MA ZHUM MI 'KHRUGS CHOG MI SHES BRTZON 'GRUS, ZHES BSHAD PA'I DANG PO GO SGRUB, GNYIS PA 'JUG SGRUB, GSUM PA DANG BZHI PA TSOGS SGRUB, LNGA PA NGES 'BYUNG SGRUB PA YIN ZHES 'CHAD DO, ,DE LA GO

, ,CHA'I BYA BA NI, PHAR PHYIN RE RE'I NANG DU DRUG DRUG TSANG BAR BSDUS NAS NYAMS SU LEN PA'O, ,SNGAR GYI SPYI'I MTSAN NYID 'DI DANG 'OG MA GSUM GA LA SBYAR RO, ,SPYIR GO CHA LA YUM GSUM GNOD 'JOMS LAS, GO CHA BGOS PA YANG RNAM PA GNYIS SU BSTAN TE SEMS CAN THAMS CAD KYI DON LA BRTZON PA'I PHYIR BSAM PA RGYA CHE BA DANG, SGRUB PA GCIG GIS SGRUB PA THAMS CAD YONGS SU RDZOGS PAR BYED PAS SGRUB PA RGYA CHE BA'O ZHES SEMS CAN MA LUS PA'I DON DU BRTZON PA'I BSAM PA SKYES PA BSAM PA'I GO CHA DANG, DE LTAR BSAMS PA LTAR DU PHAR PHYIN RE RER DRUG DRUG SDUD PA GRUB PA'I GO CHAR BSHAD PA GNYIS LAS GZHUNG 'DIR NI PHYI MA'O, ,CI'I PHYIR GO CHA ZHES BYA ZHE NA, MI MTHUN PA'I PHYOGS KYI MTSON GYIS MI PHIGS PA'I PHYIR RO, ,DBYE NA PHYIN DRUG GI GO CHA DRUG GO ,THOG MA'I SA MTSAMS NI SDUD 'GREL RTOGS SLA LAS, DE LA GO CHA'I SGRUB PA NI TSOGS KYI SA YIN PAR GZUNG BAR BYA'O ZHES PA LTAR YIN LA THA MA'I SA MTSAMS RGYUN MTHA'O, ,'O NA 'DI DANG 'JUG SGRUB LA KHYAD MED PAR 'GYUR TE, GNYIS KA YANG PHYIN DRUG LA DNGOS SU 'JUG PA'I PHYIR ZHE NA, 'JUG SGRUB TU MA ZAD SGRUB PA PHYI MA GSUM GA YANG GO SGRUB YIN TE, BYANG SEMS KYI LAM THAMS CAD KYANG BYIN DRUG LA SLOB PAR MTSUNGS PA'I PHYIR RO, ,DE LTA NA YANG KHYAD MED PAR MI 'GYUR TE, 'JUG SGRUB NI SGOM BYUNG GTZO BOR GYUR PA'I SGO NAS PHYIN DRUG LA 'JUG LA, GO SGRUB LA THOS BSAM GTZO BOR GYUR PAS

KYANG SPYOD PA YOD PA'I PHYIR RO, ,KHA CIG GO SGRUB BSAM PAS GO GYON PA RKYANG PAR 'DOD PA NI SNGAR GYI LUNG DANG RTZA BAR BKAG STE, PHYIN DRUG SGRUB PA YANG BSHAD PAS SO, ,DES NA GO SGRUB 'JUG SGRUB KYI NYER SDOGS YIN PA NI 'JUG PA MA THOB PA'I SNGON DU YIN LA, THOB NAS NI GNYIS KA YIN ZHING TSOGS LAM DU PHYIN DRUG LA SLOB PA YIN KYANG 'JUG SGRUB TU MA BZHAG PA NI DER SGOM BYUNG SHAS MI CHE BAS YIN NO, ,DE BZHIN DU TSOGS SGRUB DES SGRUB KYI NYER SDOGS SU 'GYUR TSUL YANG SHES PAR BYA'O, ,GNYIS PA 'JUG PA'I BYA BA NI, SGOM BYUNG GTZO BOR GYUR PA'I SGO NAS THEG CHEN LA 'JUG PA'I BYA BA'O, ,DBYE NA 'JUG SGRUB DGU'O, ,SA MTSAMS KYI YA MTHA' SNGAR DANG 'DRA LA MA MTHA' NI RTOGS SLA LAS, 'JUG PA'I SGRUB PA NI MOS PAS SPYOD PA'I SA YIN PAR RTOGS PAR BYA'O ZHES DANG, YUM GSUM GNOD 'JOMS LAS KYANG, THEG PA CHEN PO LA YANG DAG PAR ZHUGS PA ZHES BYA BA NI MOS PA SPYOD PA'I SA NAS BZUNG STE SA BDUN PA'I BAR DU RTZOL BA DANG BCAS RNAM PAR RTOG PA DANG BCAS PA'I SPYOD PA'I GNAS SKABS YIN PAR BSTAN TO, ,THEG PA CHEN PO LA YANG DAG PAR GNAS PA ZHES BYA BA NI BRGYAD PA YAN CHAD DON DAM PA'I SPYOD PA YIN PAR BSTAN TO, ZHES SOGS GSUNGS SHING ZHUGS GNAS KYIS MTSAMS MI GCIG PAR BSHAD DO, ,THUB DGONGS SU, 'GRO BAR RTZOM PA MOS SPYOD ZHUGS PA SA DANG PO BDUN GNAS NAS 'GRO BA SA PHYI MA GSUM LA BYED PA SLOB DPON DBYIG GNYEN GYI DGONGS PA YIN NO,

, ,ZHES 'CHAD PA NI GNOD 'JOMS 'DI DANG MI MTHUN NO, ,GSUM PA TSOGS KYI SGRUB PA NI, BYANG CHUB CHEN POR DNGOS SU 'BYIN PA'O, ,DBYE NA TSOGS SGRUB BCU BDUN NO, ,SA MTSAMS NI, SPYIR TSOGS TZAM ZHIG LAS DANG PO PA'I SA NAS YOD KYANG, 'DIR NI SGOM BYUNG GTZO BOR GYUR PAS STONG NYID RTOGS PA DANG RANG 'BRAS BYANG CHUB KYI DNGOS KYI RGYU ZHIG LA TSOGS SU 'DOD PAS CHOS MCHOG CHEN PO NA TSOGS SGRUB DANG PO BCO LNGA, SA DANG GNYEN PO'I TSOGS GNYIS SA BCU NA YOD DE, RTOGS SLA LAS, TSOGS KYI SGRUB PA NI BRTZE BA DANG SBYIN PA LA SOGS PA DRUG DANG ZHIG NAS DANG LHAG MTHONG DANG ZUNG DU 'JUG PA'I LAM DANG THABS LA MKHAS PA DANG YE SHES DANG BSOD NAMS DANG LAM DANG GZUNGS KYI TSOGS RNAMS NI CHOS KYI MCHOG GIS BSDUS PA YIN NO, ,SA DANG PO RAB TU DGA' BA'I RANG BZHIN SOGS KYI SGRUB PA NI MTHONG BA'I LAM GYI BDAG NYID CAN YIN NO, ,SA GNYIS PA LA SOGS PA SGOM PA'I LAM GYI RANG BZHIN YANG TSOGS KYI NGO BO YIN NO, ,GNYEN PO'I BDAG NYID CAN GYI TSOGS KYI SGRUB PA NI LAM GNYIS KA'I SPYOD YUL CAN YIN NO, ,ZHES BSHAD CING THOGS MED KYANG DE LTAR BZHED DO, ,BZHI PA NGES PAR 'BYUNG BA'I SGRUB PA NI; 'BYUNG SA MTHAR THUG TU GDON MI ZA BAR 'BYIN BYED SA BCU PA'I KHYAD PAR LAM GYIS BSDUS PA'O, ,DBYE NA 'BYUNG SA'I SGO NAS 'BYIN BYED KYI SGRUB PA BRGYAD DO, ,SA MTSAMS LA KHA CIG NA RE TSE GCIG GIS THOGS PA LA

YANG YOD TE, RGYAN SNANG LAS, DE LTAR TSOGS BSAGS PA RNAMS NI 'PHAGS PA BYAMS PAS BRNYES PA LTAR NGES PAR 'BYUNG BA YIN PAS BZHI PA NGES PAR 'BYUNG BA'I SGRUB PA BRJOD PAR BYA'O, ZHES 'BYUNG BA'I PHYIR RO, ,DES NA SRID PA THA MA PA KHO NA LA YOD PAR MA NGES SO ZHES 'CHAD PA'I LUNG NI 'GYUR MA DAG PA 'DRA STE, 'PHAGS PAS SGRUB PA'I 'BREL LA GO DGOS PA NI 'JUG GO ,ZHUGS PA NI DPUNG GI TSOGS GSOG GO ,DPUNG GI TSOGS BSAGS PA NI MA RGYAL BA LAS RGYAL BA THOB PAS NGES PAR 'BYUNG BA YIN PA'I PHYIR RO, ZHES PA LTAR RGYAN SNANG DU YANG SGRUB PA 'BREL BKOD LA, 'GREL CHEN 'GYUR RNYING LAS NI, TSOGS BSAG PA RNAMS NI 'DI LTAR MA RGYAL BA LAS RGYAL BAS BRNYES PA LTAR ZHES 'BYUNG NGO, ,DES NA DE'I DON NI DPER NA DPUNG GI TSOGS BSAGS NAS G-YUL LAS RGYAL BA'I GO 'PHANG THOB PA LTAR TSOGS SGRUB KYIS DPUNG BSAGS NAS NGES SGRUB KYIS SPANG BYA'I G-YUL LAS RGYAL TE ZHES PA'I DON YIN PA LA, GZHAN DU BYAMS PA'I MTSAN GYI RNAM GRANGS LA MA RGYAL BA LAS RGYAL BA ZHES KYANG 'BYUNG BA DANG 'PHYOGS PA 'DRA'O, ,THUB DGONGS SU, 'DIR MTHONG BA DANG SGOM PA'I LAM GNYIS NAS BZUNG NAS SEMS BSKYED NYI SHU PA'I BAR NI NGES PAR 'BYUNG BA'I SGRUB PA'O, ,NGES PAR 'BYUNG BA 'DI NI MA RGYAL BA LAS RGYAL BA THOB NAS 'BRAS BU MTHAR THUG PA GNON PA STE, ZHES BSHAD PA'I PHYIR YANG MA RGYAL BA LAS RGYAL BA LAS RGYAL BA BYAMS PAR BSGYUR BA 'GYUR 'PHYUGS SO, ,'ON KYANG LUNG 'DIS MTHONG LAM NAS NGES 'BYUNG SGRUB

, ,PA 'DOD PA MI 'THAD DE, RGYAN SNANG DU THOGS MED KYI LUNG DRANGS PAR NGES PAR 'BYUNG BA'I SGRUB PA NI SGOM PA'I LAM LA BRTEN PA YIN NO ZHES PA DANG 'GAL BA'I PHYIR RO, ,DE LTA NA YANG SA BCU PA NA YOD BA YANG MI 'THAD DE, LUNG DE DANG RTOGS SLA GNYIS KAR SGOM LAM LA BRTEN ZHES PA LAS MI 'BYUNG BA'I PHYIR ZHE NA, NYES PA MED DE, SLOB DPON GYIS LUNG DE'I DON KHYAD PAR LAM LA BSHAD PA DANG, K'A MA LA SH'I LAS KYANG, 'DI YANG 'PHAGS PA THOGS MED KYIS GSUNGS TE 'DI LTA STE GO CHA NI PHA ROL TU PHYIN PA DRUG GI MTSAN NYID DE TSOGS KYI LAM MO, ,'JUG PA'I BYA BA NI DROD DANG RTZE MO DANG BZOD PA STE SBYOR BA'I LAM GYI RANG BZHIN NO, ,TSOGS BCU BDUN LAS BCO LNGA NI 'JIG RTEN PA'I CHOS KYI MCHOG GIS BSDUS TE, SBYOR BA'I LAM GYIS BZUNG BA YIN LA, SA'I TSOGS DANG, GNYEN PO'I TSOGS NI MTHONG BA'I LAM DANG SGOM PA'I LAM MO, ,NGES PAR 'BYUNG BA BRGYAD NI RDO RJE LTA BU'I TING NGE 'DZIN TE ZHES 'BYUNG BAS SA BCU PA'I KHYAD PAR LAM LA YIN NO, ,GSUM PA NI, DE LTAR SEMS BSKYED PA NAS NGES SGRUB DANG BCAS PA RNAMS KYIS YUL LAM RGYU'I SGO NAS MTSON PA'I RNAM MKHYEN NI THUB PA'I 'O, ,GNYIS PA LA GSUM, LAM SHES KYI CHOS DNGOS, DE JI LTAR MTSON TSUL; RTEN GYI GANG ZAG GO ,DANG PO LA GNYIS, LAM SHES KYI YAN LAG ,YAN LAG CAN GYI LAM MO, ,DANG PO NI, DE BZHIN GSHEGS PA'I 'OD KYIS LHA RNAMS KYI 'OD MOG MOG POR TE GZI MED PAR BYED PA NI NGA RGYAL BCOM NAS

LAM SHES SKYE RUNG GI RTEN DU BYAS PA'O, ,SOGS KYIS BSDUS PA SKYE BA'I YUL GNAS SKABS NGES PA SEMS BSKYED DANG LDAN PA, MTHAR THUG MA NGES PA KUN KYANG LAM SHES SGOM PAS KHYAB PA, 'KHOR BA MI 'DOR BA'I RANG BZHIN GZHAN 'KHOR DU SDUD SOGS KYI BYED LAS RNAMS SO, ,'DIR RGYU'I RKYEN RIGS KYIS KHYAB PA ZHES GSUNG BA NI SLOB DPON 'DI YI DGONGS PAR MA SON NO, ,GNYIS PA LA GSUM LAS, DANG PO SRID PA THA MA PA'I TSE YANG BYANG CHUB 'THOB PA SLOB DPON LA LTOS BAS SLOB MA 'AM THUB PA'I GSUNG LAS SKYES PAS SLOB MA STE NYAN THOS KYI LAM NI, GANG ZAG GI BDAG MED TZAM RTOGS PA'I NYI TSE BA'I MKHYEN PA'O, ,DBYE NA 'PHAGS LAM DANG SBYOR LAM GNYIS LAS RGYAS BSHAD DU MA BYUNG YANG DON GYIS NA TSOGS LAM YANG YOD DE, DE YANG BYANG SEMS KYIS SHES PAR BYA DGOS PAS SO, ,'DI NI RANG RGYAL LA YANG SBYOR RO, ,'DIR THAR CHA MA BSHAD PA NI RNAM KUN TU STON PA LA DGONGS SO, ,GNYIS PA GCIG PUR GNAS PAS BSE RU LTA BU'I LAM STE DES MTSON PA'I RANG RGYAL GYI LAM NI, BDAG MED PHYED DANG GNYIS RTOGS PA'I NYI TSE BA'I MKHYEN PA'O, ,DBYE BA SNGAR DANG 'DRA'O, ,GSUM PA BYANG SEMS KYI LAM LA GNYIS LAS, DANG PO TSE 'DI'I YON TAN NAD MED PA SOGS DANG, TSE GZHAN PA'I YON TAN SANGS RGYAS DANG MI 'BRAL BA LA SOGS PA'I PHAN YON CHE BA DANG LDAN PA'I MTHONG LAM NI ZAG MED SGOM LAM MA SKYES GONG GI BDAG MED GNYIS RTOGS PA'I 'JIG RTEN LAS 'DAS PA'I YE SHES SO, ,DBYE NA BCU DRUG

, ,GO ;GNYIS PA SGOM LAM LA GNYIS LAS, SGOM LAM BYED PA NI, SGOM LAM GYI 'BRAS BUR GYUR PA'I PHAN YON TE, DBYE NA DRUG GO ,SA MTSAMS SA GNYIS PA'I SKAD CIG GNYIS PA NAS SANGS RGYAS SA'I BAR RO, ,GNYIS PA BYED PA CAN GYI SGOM LAM LA GNYIS LAS, DANG PO ZAG BCAS SGOM LAM LA GSUM LAS, DANG PO LA DNGOS DANG, PHAN YON GNYIS LAS, DANG PO MOS PA YID LA BYED PA BLA NA MED PA NI, ZAG BCAS SGOM LAM GANG YUM YON TAN CAN YIN PA LA DE LTAR NGES PA'I TSUL GYIS 'DZIN PA'O, ,DBYE NA NYER BDUN NO, ,GNYIS PA PHAN YON BSTOD BKUR BSNGAGS PA GSUM NI, RIM PA LTAR RANG DON GNYIS DON GZHAN DON MOS PA GSUM SGOM PA'I BYANG SEMS LA SANGS RGYAS BYANG SEMS GONG MA RNAMS THUGS DGYES PA'I CHA DANG DE'I DON GNAS KYI YON TAN BRJOD PA'I CHA GANG RUNG NGO, ,DE DAG LA YANG DGU DGU STE NYER BDUN NO, ,GNYIS PA BSNGO BA YID LA BYED PA BLA NA MED PA NI, ZAG BCAS SGOM LAM GANG GZHAN DON DU DGE BA RDZOGS PA'I BYANG CHUB KYI YAN LAG TU BYED PA'O, ,DBYE NA BCU GNYIS SO, ,GSUM PA RJES SU YI RANG BA YID LA BYED PA BLA NA MED PA NI, ZAG BCAS SGOM LAM GANG RANG GZHAN GYI DGE BA LA MNGON PAR DGA' BA STE, DBYE NA KUN RDZOB DANG DON DAM YUL CAN GYI YI RANG GNYIS SO, ,MOS PA NAS 'DI YI BAR GYI SA MTSAMS NI SA GNYIS PA NAS BCU PA'I BAR RO, ,GNYIS PA ZAG MED SGOM LAM LA GNYIS LAS, YON TAN MNGON PAR SGRUB PA'I SGOM LAM NI, THEG CHEN

GYI ZAG MED SGOM LAM GANG RTOGS PA MTHAR THUG GI RGYUR GYUR PA STE, DBYE NA NGO BO NYID LA SOGS PA LNGA'O, ,GNYIS PA SHIN TU RNAM PAR DAG PA ZHES BYA BA'I SGOM LAM NI, THEG CHEN ZAG MED SGOM LAM GANG SPANGS PA MTHAR THUG GI RGYUR GYUR PA STE, DBYE NA SGOM SPANGS DGU'I GNYEN PO DGU'O, ,'DI GNYIS RIM PA LTAR RTOGS PA DANG SPANGS PA PHUN TSOGS LA BYAS NAS PHYI MA SGOM LAM MTSAN NYID PAR BZHED PA NI NANG 'GAL TE, SPANGS RTOGS GNYIS KYI SPANGS PA NI 'DUS MA BYAS YIN PA'I PHYIR RO, ,MOS PA NAS DAG PA ZHES BYA BA'I BAR LNGA PO 'DI NI SGOM PA'I LAM MO, ,GNYIS PA NI, LAM GSUM SHES PA'I LAM SHES PA NYID NI YUL LAM GSUM GYIS MTSON PA DE 'DRAR BSHAD DO, ,GSUM PA NI LAM SHES DE GANG GI ZHE NA, BYANG CHUB SEMS DPA' BDEN GNYIS LA MKHAS PA RNAMS KYI'O, ,GSUM PA LA GSUM, GZHI SHES KYI CHOS DNGOS, DE JI LTAR BSHAD TSUL, RTEN GYI GANG ZAG GO ,DANG PO LA CHOS DGU LAS, DANG PO DUS GSUM MNYAM NYID DU RTOGS PA'I SHES PAS SRID PA LA MI GNAS PA NI, RANG BZHIN MED RTOGS KYI SHES RAB KYIS SRID PA'I RGUD PA ZLOG PA'I MKHYEN PA'O, ,GNYIS PA SNYING RJE SA ZHI BA MYANG 'DAS LA MI GNAS PA NI, SEMS BSKYED KHYAD CAN GYI STOBS KYIS ZHI BA'I RGUD BZLOG PA'I MKHYEN PA'O, ,GSUM PA 'BRAS YUM BSKYED PA'I THABS MIN PAS DE LA RING BA NI, SHES BYA LAM 'BRAS GSUM LA MTSAN MAR 'DZIN PAS BCINGS SHING DE'I GNYEN PO BYED MI NUS PA'I GZHI SHES SO, ,BZHI PA 'BRAS

, ,YUM BSKYED PA'I THABS LA MKHAS PAS DE LA RING BA MIN PA NI, THABS SHES KHYAD CAN DANG LDAN PA'I MKHYEN PA'O, ,LNGA PA MI MTHUN PHYOGS KYI GZHI SHES NI GZHI'I GNAS LUGS LA PHYIN CI LOG TU ZHUGS PA'I 'DZIN PAS BCINGS PAS BYANG SEMS KYI SPANG BYAR GNAS PA'I GZHI SHES SO, ,DRUG PA GNYEN PO'I PHYOGS KYI GZHI SHES NI, GZHI RANG BZHIN MED PAR RTOGS PAS DE LA MTSAN MAR 'DZIN PA'I GNYEN PO BYED NUS PAS MKHYEN PA'O, ,BDUN PA GZHI SHES KYI SBYOR BA NI, GZHI GZUGS SOGS LA ZHEN PA BKAG NAS SGOM PA'I LAM GANG NYAN RANG GI SBYOR BA SHUGS LA 'PHAN BYED DE, DBYE NA BCU'O, ,'DI KHA CIG SBYOR LAM DU 'DOD KYANG TSOGS LAM NAS RGYUN MTHA'I BAR NA YOD DO; ;BRGYAD PA SBYOR BA DE'I MNYAM NYID NI, GZHI SHES KYI SBYOR BA SGOM PA'I RNAM PA GANG YUL DANG YUL CAN DU RLOM PA 'GOG BYED DE, DBYE NA SBYOR BA BCU PO RE RE LA RLOM MED BZHI BZHI STE BZHI BCU'O, ,DGU PA GZHI SHES KYI DNGOS BSTAN MTHONG LAM NI, SGRO 'DOGS SO GNYIS DANG BRAL BA'I BDEN PA GSAR MTHONG GANG THEG DMAN GYI MTHONG LAM SHUGS LA 'PHEN BYED DO, ,GNYIS PA NI, GZHI KUN SHES PA NYID NI MI MTHUN PA DANG GNYEN PO'I PHYOGS GNYIS KYIS BSHAD PA DE 'DRAR 'DOD DO, ,GSUM PA NI, GZHI SHES DE SU'I ZHE NA, NYAN THOS DANG SOGS PAS RANG SANGS RGYAS KYI'O, ,DES NA SPONG ZHOS BLTAS PA'I RGYA DPE LA, MTHONG LAM NYAN THOS LA SOGS KYI ZHES YOD PAR

GRAGS PAS DE LTAR BSGYUR NAS DE'I RJES SU, KUN SHES NYID NI DE 'DRAR 'DOD, CES 'DON PAR BYA STE, RGYAN SNANG LAS, BRGYAD STONG PA'I LE'U BRGYAD PA'I RAB 'BYOR GYIS GSOL BA ZHES BYA BA NAS LE'U DGU PA'I CHOS GANG YANG BSKOR BA'AM LDOG PA MED DO, ,RAB 'BYOR 'DI YANG BYANG SEMS CHEN PO'I YUM YIN NO ZHES PA'I BAR GYIS NYAN THOS DANG RANG RGYAL RNAMS KYI THAMS CAD SHES PA NYID GSUNGS SO, ZHES GZHI SHES KYI LUS RNAM GZHAG GI 'GREL PAR GSUNGS SO, ,DES NA 'DI LA RNAM MKHYEN LA THUB PA'I ZHES DANG, LAM SHES LA BYANG CHUB SEMS DPA' MKHAS RNAMS KYI ZHES 'BYUNG BA'I DOD YIN NO, ,DE'I PHYIR JO BO MDA' BYANG SEMS KYIS SOGS KYI SGRA DANG PO'I BYED TSIG YIN LA, DE YANG AA TI'I DON YIN LA DE YANG MCHOG GI DON YIN NO, ,'DI MTHONG LAM GSUM GYI DMA' SHOS YIN KYANG NYAN RANG GI RTOGS PA'I CHOS DRUG GI MCHOG YIN PAS NYES PA MED DO ZHES SMRA BA MI 'THAD LA, GZHAN YANG AA MA RAS BAN CHUNG RNAMS LA SOGS SGRAS GANG SDUD DRIS PAS RANG RGYAL SDUD ZER BA NA 'O NA RGYAS BSHAD DU RANG RGYAL MED PA BYAS PA NA NYAN THOS BSHAD PAS DE YANG BSHAD ZER RO, ,'O NA DE GNYIS LAM LA KHYAD MED PAS 'BRAS BU YANG KHYAD MED PAR 'GYUR NA DE YANG MI 'THAD DE, KHYAD PAR BSHAD PAS SO BYAS PA NA BAN CHUNG DAG RDUGS SO ZHES SMRA BA NI AA MA RA DPON SLOB GNYIS KA'I RANG MTSAN BSGRAGS PAR SNANG NGO, ,DE LTAR MKHYEN GSUM LA BRTEN GSUNGS NAS LHAG MA LNGA LA MA GSUNGS PA NI MKHYEN GSUM DU LNGA 'DUS

, ,PA LA DGONGS NAS SO, ,GNYIS PA LA BZHI, RNAM KUN, RTZE MO, MTHAR GYIS PA, SKAD CIG MA'I LUS RGYAS PAR BSHAD PA'O, ,DANG PO LA GNYIS, RNAM KUN GYI CHOS DNGOS DANG, DE JI LTAR BSHAD PA'I TSUL LO, , DANG PO LA BCU GCIG LAS, DANG PO RNAM PA NI, YUL LAM MKHYEN PA'I KHYAD PAR GANG SBYOR BA'I BSGOM BYAR GYUR PA'O, ,DBYE NA BRGYA DANG DON GSUM MO, ,GNYIS PA SBYOR BA NI, DBANG DU BYA BA'I PHYIR MKHYEN GSUM BSDUS TE SGOM PA'I RNAL 'BYOR TE, DBYE NA TSEGS CHEN YUN RING RTOGS PA NAS RNAM DAG SBYOR BA'I BAR NYI SHU'O, ,GSUM PA YON TAN NI, SBYOR BA BSGOMS PAS GNAS SKABS DANG MTHAR THUG TU THOB BYA STE, DBYE NA BDUD KYI MTHU BCOM PA LA SOGS PA BCU BZHI'O, ,SA MTSAMS TSOGS LAM NAS SANGS RGYAS KYI BAR LA BZHAG STE GZHUNG NAS SHES SO, ,BZHI PA SKYON NI, SBYOR BA SKYES PA DANG KHYAD PAR DU 'GRO BA LA BAR DU GCOD PA'I BDUD LAS TE, DBYE NA ZHE DRUG GO ,LNGA PA MTSAN NYID NI, SBYOR BA'I NGO BO'AM NUS PA MTSON BYED KYI MKHYEN PA STE DBYE NA GO GCIG GO ,DRUG PA NYON MONGS KYI SA BON DANG BRAL BAS THAR PA DE'I CHA'AM PHYOGS GCIG LA PHAN PAS MTHUN PA STE THAR PA CHA MTHUN NI, BRAL BA'I KHYAD PAR LA PHAN 'DOGS BYED GANG RNAM BYANG DBANG PO'I NGO BOR MA GYUR PA'I GNAS SKABS KYI LAM MO, ,BYE BRAG TU THEG CHEN GYI NI BLA MED BYANG CHUB TU BGROD PA'I GO SKABS PHYE SHUL ZHES SBYAR RO, ,BDUN PA NGES 'BYED CHA MTHUN NI, SEMS CAN LA DMIGS

PA'I RNAM PA KHYAD PAR BA DANG LDAN ZHING SGOM BYUNG GTZO BOR GYUR PA'I MOS SPYOD KYI YE SHES SO, ,'DI DANG SBYOR BA 'OG MA GNYIS SU YANG LAM GSUM MTSAN NYID PA'I DBANG DU BYAS TE MTSAN NYID DANG SA MTSAMS GZHAG PAR BYA'O, ,BRGYAD PA BSLAB PAR BYA BA YOD PAS SLOB PA PHYIR MI LDOG PA'I TSOGS NI, SRID ZHI GANG DU YANG MI LTUNG BAR NGES PA'I RTAGS DANG LDAN PA'I SEMS DPA' STE, DBYE NA SBYOR MTHONG SGOM GSUM LA GNAS PA GSUM MO, ,DGU PA SRID DANG ZHI BA MNYAM PA NYID KYI SBYOR BA NI, 'KHOR 'DAS GNYIS RANG BZHIN MED PAR RTOGS NAS SGOM PA'I SBYOR BA'O, ,BCU PA ZHING DAG PA BLA NA MED PA STE MCHOG GI SBYOR BA NI, RANG GI SNOD BCUD KYI ZHING GNYIS NYES PA DANG BRAL BAR BYED PA'I SBYOR BA STE, DBYE NA SNOD BCUD KYI ZHING DAG SBYOR GNYIS SO, ,BCU GCIG PA THABS LA MKHAS PA'I SBYOR BA NI, THABS MKHAS KYI YUL BCU MNGON DU BYA BA LA DUS DANG DUS MIN SHES PA'I SBYOR BA STE, 'DI DANG SNGA MA GNYIS KYI SA MTSAMS NI 'CHAD PAR 'GYUR RO, ,TSIG GSAL DU, BYANG CHUB SEMS DPA' DBANG BSKUR BA'I SA LA GNAS PA DANG SKYE BA GCIG GIS THOGS PA'I RNAM PAR 'PHRUL PA SANGS RGYAS SU SNANG BA'I DBANG DU BYAS PA'I MDZAD PA YIN PAR SHES PAR BYA'O ZHES 'CHAD PA NI DON MIN TE, SANGS RGYAS KYI MDZAD PA BYA DGOS PAS ZHES ZHING DAG DANG GO RIM STON PA TZAM YIN PAS SO, ,DE LTA MIN NA SANGS RGYAS KYI ZHING DU SANGS RGYAS SU 'GYUR PAS ZHES 'BYUNG BAS ZHING DAG SBYOR LA YANG THAL LO, ,

, ,GNYIS PA NI, RNAM PA NAS THABS MKHAS DANG BCAS PA BCU GCIG PO 'DI NI MKHYEN GSUM GYI RNAM PA KUN MNGON PAR TE MNGON DU PHYOGS PA RDZOGS PAR TE YANG DAG PAR RTOGS PA YIN NO, ,GANG YIN NA GNYIS PA DANG THA MA GSUM NI NGO BO YIN LA, GZHAN RNAMS NI YUL DANG RTEN DANG SPANG BYA SHES BYA PHAN YON LA SOGS PA YIN NO, ,GZHAN YANG RNAM PA NAS THAR PA CHA MTHUN GYI BAR NI SBYOR BA PHYIN CI MA LOG PAR SGOM PA DANG NGES 'BYED NAS THABS MKHAS KYI BAR NI SBYOR BA PHYIN CI MA LOG PAR SKYES PA'I RIM PA'O ZHES KYANG 'CHAD DO, ,GNYIS PA LA GNYIS, RTZE MO'I CHOS DNGOS, DE JI LTAR MTSON PA'I TSUL LO, ,DANG PO LA BRGYAD LAS, DANG PO SNGAR BSHAD PA'I RTZE MO'I MNGON RTOGS DE'I RTOGS NI, BSDUS SGOM RAB TU GYUR BAR MTSON BYED GANG DROD KYIS BSDUS PA STE, DBYE NA BCU GNYIS SO, ,GNYIS PA RNAM 'PHEL NI, BSDUS SGOM RAB TU GYUR PA 'PHEL BA'I CHA GANG SBYOR LAM RTZE MOS BSDUS PA STE, DBYE NA RNAM 'PHEL BCU DRUG GO ,GSUM PA NGES PAR BRTAN PA NI, MKHYEN GSUM GYI RTOGS PA CI RIGS PA DANG SEMS CAN GYI DON MI GTONG BA LA BRTAN PA THOB PA'I RTZE MO GANG BZOD PAS BSDUS PA STE, DBYE NA BRTAN PA GNYIS SO, ,BZHI PA SEMS KUN TU GNAS PA NI, BYANG SEMS BZHI'I SEMS BSKYED LA YI RANG BA'I DON LA SEMS RTZE GCIG TU GNAS PA'I RTZE MO GANG CHOS MCHOG GIS BSDUS PA'O, ,LNGA PA MTHONG ZHES BYA BA'I LAM GYI RTZE MO NI,

BSDUS SGOM RAB GYUR GANG MTHONG SPANG RTOG PA'I THUN MONG MA YIN PA'I GNYEN PO BYED PA'O, ,DRUG PA SGOM PA ZHES BYA BA'I LAM GYI RTZE MO NI, BSDUS SGOM RAB GYUR GANG SGOM SPANG RTOG PA'I THUN MONG MA YIN PA'I GNYEN PO BYED PA'O, ,LAM GNYIS PO SO SOR TE RE RE LA 'JUG PA DANG LDOG PA GZUNG RTOG RDZAS 'DZIN DANG BTAGS 'DZIN GYI RNAM PAR RTOG PA STE SPANG BYA BZHI BZHI YOD PAS DE'I GNYEN PO SBYOR BA DANG 'JUG PA'I LAM GNYIS GNYIS TE RNAM PA BZHI'O, ,BDUN PA BAR CHAD MED PA'I TING NGE 'DZIN NI, BSDUS SGOM RAB GYUR GANG RNAM MKHYEN GYI DNGOS RGYUR GYUR PA'O, ,BRGYAD PA GSAL BYA LOG PAR SGRUB PA NI, BDEN GNYIS 'GAL BAR 'DZIN PA'I MI SHES PA STE, DBYE NA BCU DRUG GO ,GNYIS PA NI; RTAGS NAS LAS LOG SGRUB DANG BCAS PA'I DNGOS PO BRGYAD NI RTZE MO'I MNGON RTOGS SO, ,DE YANG DANG PO BDUN NI RTZE MO'I NGO BO YIN LA BRGYAD PA NI SPANG BYA'O, ,GSUM PA LA BCU GSUM LAS, DANG PO SBYIN PA'I MTHAR GYIS PA NI, MTHAR GYIS PA SPYI'I MTSAN NYID SBYAR NAS SBYIN PA RIM LDAN DU SGOM PA STE, DE BZHIN DU GZHAN LNGA LA YANG SBYAR RO, ,SANGS RGYAS RJES SU DRAN PA'I MTHAR GYIS PA NI, DE BZHIN GSHEGS PA'I YON TAN DON DAM PAR MI DMIGS SHING KUN RDZOB TU PHYIN CI MA LOG PAR RIM LDAN DU DRAN PA'O, ,DE BZHIN DU DE BZHIN GSHEGS PA'I YON TAN ZHES PA'I GNAS SU DGE MI DGE LUNG MA BSTAN GYI CHOS DANG, SLOB PA PHYIR MI LDOG PA'I TSOGS DANG,

, ,SDOM PA GSUM DANG CHOS DANG ZANG ZING GI SBYIN PA DANG, LHAR SKYES PA'I 'PHAGS PA ZHES SBYAR BAS CHOS DANG, DGE 'DUN DANG, TSUL KHRIMS DANG, GTONG BA DANG, LHA RJES SU DRAN PA'I MTHAR GYIS PA'O, ,DNGOS MED NGO BO NYID DU SHES PA'I MTHAR GYIS PA NI, CHOS THAMS CAD DON DAM PAR NGO BO NYID MED PAR RTOGS NAS RIM GYIS SGOM PA'O, ,DE LTAR DKON MCHOG GSUM RJES SU DRAN PA RNAM PA GSUM DANG LHAG MA RNAM PA BCU NI MTHAR GYIS PA'O; ;TSUL 'DI YANG MTHAR GYIS PAS NYAMS SU LEN PA THAMS CAD LA TSANG BAR LEN GYI RE RE ZHING PHRAL NAS MA YIN TE, DANG PO DRUG MTHAR GYIS PA'I NYAMS LEN GYI NGO BO YIN LA, DRAN PA DRUG DE'I GNAS SKABS YIN ZHING THA MA NI 'DZIN PA DAG BYED YIN PAS DE DAG THAMS CAD KYI KHYAB BYED DO, ,DE YANG NYAMS SU LEN PA NA DKON MCHOG RTEN DU DANG LHA DBANG POR DANG SBYIN PA DANG TSUL KHRIMS KYI PHAN YON DRAN PA STE, MDOR NA LAM GYI RTEN DANG DBANG PO DANG LAM GYI PHAN YON DRAN PAR BYED LA, NYAMS LEN DANG DRAN PA KUN KYANG THA MAS ZIN PA'I PHYIR RO, ,DE LTAR YANG THUB DGONGS SU, GANG YANG PHA ROL TU PHYIN PA DRUG DANG, SANGS RGYAS DANG, DGE BA DANG, MI DGE BA DANG, LUNG DU MA BSTAN PA'I CHOS DANG, BYANG CHUB SEMS DPA' PHYIR MI LDOG PA'I DGE 'DUN DANG, TSUL KHRIMS DANG, GTONG BA DANG, LHA RJES SU DRAN PA DANG, CHOS THAMS CAD KYI DNGOS PO MED PA'I NGO BO NYID RTOGS PA STE RNAM PA BCU

GSUM DU GSUNGS PA DE RNAMS NI RIM GYIS RTOGS PA'I RNAM PA MA YIN TE, 'DI LTAR RTOGS PA'I RNAM PA RE RE LA YANG BCU GSUM DU 'BYUNG BAS SO ZHES GSUNGS SHING LHA NI 'DOD LHAR SKYES PA'I RGYUN ZHUGS DANG KHAMS GONG MA GNYIS SU SKYES PA'I PHYIR MI 'ONG LA BSHAD DO, ,BZHI PA NI, SKAD CIG MA GCIG GIS MNGON PAR TE MNGON DU RDZOGS PAR TE MA LUS PA BYANG CHUB PA STE RTOGS PA'I SKAD CIG SBYOR DE LA MTSAN NYID DAM LDOG PAS PHYE NA RNAM PAR SMIN PA MIN PA'I CHOS THAMS CAD DANG, RNAM SMIN GYI CHOS THAMS CAD DANG, CHOS THAMS CAD MTSAN NYID MED PA DANG, CHOS THAMS CAD GNYIS SU MED PAR SKAD CIG MA GCIG LA RTOGS PA BZHI'O, ,NGO BO THA DAD MIN PAR LDOG PA THA DAD PA YANG RGYAN SNANG DANG TSIG GSAL THUB DGONGS SHER 'BYUNG LA SOGS PAS BSHAD DO, ,GSUM PA NI, DBYE GZHI NI SANGS RGYAS KYI SKU TZAM MO, ,DBYE BA'I NGO BO NI RNAM PA BZHIR NI YANG DAG PAR BRJOD DO, ,DE LA BZHI LAS DANG PO NGO BO NYID KYI SKU NI, DBYINGS RANG BZHIN GYIS DAG PA LA GLO BUR GYI DRI MA MA LUS PAS KYANG DAG PA'I SKU'O, ,GNYIS PA LONGS SPYOD RDZOGS PA'I SKU NI, GDUL BYA'I NANG NAS BYANG SEMS 'BA' ZHIG LA SNANG BA'I GZUGS SKU GANG SPRUL SKU'I BDAG RKYEN NO, ,GSUM PA NI, NGO BO NYID SKU DANG LONGS SKU GNYIS SKU GNYIS YIN PA DE BZHIN DU DE LAS GZHAN PA SPRUL SKU YANG SKU GCIG YIN LA, DE LA SPRUL PA'I SKU NI LONGS SKU'I BDAG RKYEN

, ,LAS BYUNG BA'I SANGS RGYAS KYI SKU GANG DAG PA DANG MA DAG PA'I 'GRO BA DU MA'I 'DUL BYED DO, ,BZHI PA YE SHES CHOS SKU NI, SANGS RGYAS KYI GNAS YONGS SU GYUR PA MTHAR THUG PA'I YE SHES SO, ,PHYE BA'I THA DAD NI DANG PO DANG PHYI MA GSUM DON DAM PAR DE NYID DANG GZHAN DU BRJOD DU MED CING THA SNYAD DU THA DAD LA PHYI MA GSUM RDZAS THA DAD DO, ,SKU 'DI DAG GI GRANGS DANG YE SHES KYI KHYAD PAR RNAMS 'OG TU STON PAR 'GYUR RO, ,DE BZHI NI DNGOS YIN LA ZHAR BYUNG MDZAD PA NI CHOS SKUS BDAG RKYEN BYAS PA LAS BYUNG BA'I RNAM PAR DKAR BA'I YON TAN NO, ,DBYE NA NYER BDUN NO, ,DON 'DI LA DAG LDAN DU, JI LTAR NA MDZAD PA CHOS KYI SKU YIN ZHE NA, MDZAD PA DANG MDZAD PA PO THA DAD PA MED PA'I PHYIR ZHES BYED PA PO LA YOD PAR BSHAD PA SOGS NI 'CHAD PAR 'GYUR RO, ,DE LTA NA DON BDUN CU'I DON GYI NGES PA NI DAG LDAN DANG TSIG DON GNYIS KA'I NGES PA NI GRAGS PA'I CHA LAS BSHAD DE, DE GNYIS KYI LUGS NI MOG MOG POR BYED SOGS LA GCIG DANG BSTOD BKUR BSNGAGS GSUM LA GCIG TU BYAS NAS LAM SHES LA BCU GCIG DANG, CHOS SKU LA SKU GSUM DANG MDZAD PA DANG BZHIR BYAS NAS BDUN CUR BYAD DO, ,SLOB DPON 'DI YI BZHED PA LA DON BDUN CU'I GSAL KHA MED LA DON THOB KYIS BYED NA, LOG SGRUB PAR CHAD MED RTZE'I YAN LAG TU BYAS NAS ZUR DU MI BGRANG BA'AM, YANG NA PHRIN LAS CHOS

SKU'I ZHAR BYUNG DU BYAS NAS MI BGRANG BAR MNGON LA DE GNYIS LA YANG RGYAN SNANG LTAR NA PHYI MAR MNGON NO, ,GNYIS PA LA DRUG ,SGRUB PA DANG SBYOR BA DANG, GANG ZAG DANG, RTOG PA DANG, SGOM LAM DANG, MTHONG LAM DANG, SBYOR LAM LA ZLOS PA SPANG BA'O, ,DANG PO NI, GDAMS NGAG TU SGRUB DANG ZHES PA DANG, SGRUB PA BZHI RNAMS STON PA ZLOS PAR THAL TE, SGRUB PA KHYAD MED YANG YANG BSTAN PAS SHE NA, SKYON MED DE, DANG PO NI GDAMS NGAG GI BRJOD BYA'I CHA NAS DANG; GNYIS PA NI SGRUB PA RANG GI NGO BO DANG, DBYE BA YIN PAS SO, ,DE LTA NA'ANG GZHI SHES KYI SBYOR BA DANG, RNAM KUN GYI SBYOR BA ZLOS SHE NA, MI ZLOS TE, DANG PO NI GZHI SKYE MED DU RTOGS NAS SGOM PA NYAN RANG GI SBYOR BA ZLOG NAS 'PHEN BYED YIN LA, GNYIS PA NI SKYE MED GSUM BSDUS NAS SGOM PA YIN PAS SO, ,GNYIS PA NI, RNAM MKHYEN DU GANG ZAG NYI SHU BSHAD PA DANG, LAM SHES SU MOG MOG POR BYED, CES DANG, RTEN GYIS BSE RU LTA BU'I LAM, ZHES DANG; RNAM KUN TU SANGS RGYAS RNAMS LA LHAG PAR BYAS, ZHES DANG, SLOB PA PHYIR MI LDOG PA'I TSOGS, ZHES PA RNAMS ZLOS SHE NA, MI ZLOS TE, DANG PO DKON MCHOG GSUM BSHAD PA'I SKABS KYI DGE 'DUN YIN LA, GNYIS PA NI LAM SHES SKYE BA'I RTEN DANG, GSUM PA NI RANG RGYAL GYI LAM GYI RTEN DANG, BZHI PA NI YUM NYAN PA SOGS KYI SNOD DANG, LNGA PA NI PHYIR MI LDOG PA'I RTEN NGOS GZUNG BA'I CHED YIN PAS SO, ,'DIR SGRUB PA YI NI RTEN GYUR PA

, ,DRANGS NAS GANG ZAG GI ZLOS SPONG BYED PA MI 'THAD DO, ,DE'I RTEN GANG ZAG MIN GYI RIGS YIN PAS SO, ,GAL TE RIGS CAN DANG 'BREL BAS SKYON MED CE NA, DE LTA NA MNGON RTOGS THAMS CAD KYANG GANG ZAG DANG 'BREL BAS DE DAG THAMS CAD GANG ZAG GI ZLOS SPONG DU SBYAR DGOS PAR HA CANG THAL LO, ,GSUM PA NI, RNAM MKHYEN GYI SBYOR LAM GYI RTOG PA DANG, RTZE SBYOR GYI MTHONG SGOM GYI SPANG BYA'I RTOG PA BZHI TSAN RE RE BSHAD PA RNAMS ZLOS SHE NA; MI ZLOS TE DANG PO THEG CHEN SBYOR LAM GYI KHYAD CHOS SU BSTAN LA, GNYIS PA DANG GSUM PA RNAMS RIM PA LTAR MTHONG LAM DANG SGOM LAM GYI SPANG BYAR BSTAN PAS SO, ,GNYEN TSOGS KYI RTOG PA BRGYAD BSTAN PA DANG YANG MI ZLOS TE, DE NI GNYEN TSOGS KYI DBYE BA RTOGS PA'I PHYIR DU BSTAN PAS SO, ,BZHI PA NI, SKABS RNAMS SU SGOM LAM YANG YANG BSTAN PA RNAMS ZLOS SHE NA, LAM SHES SU BSHAD PA NI LAM THAMS CAD SKYED PAR BYA ZHING YANG DAG PA'I MTHA' MNGON DU MI BYA ZHES 'BYUNG BAS MTHA' GNYIS LA MI GNAS PA DANG, RNAM KUN TU SGOM PA'I LAM NI ZAB CES PA NI PHYIR MI LDOG GI RTAGS DANG, RTZE SBYOR DU BSHAD PA NI SGOM SPANG GI GNYEN PO'I CHA NAS BSTAN PAS MI ZLOS SO, ,DE BZHIN DU MING TZAM YOD PA GDAMS NGAG THA MA DANG GNYEN TSOGS SU BSTAN PA RNAMS KYANG RIG PAR BYA LA, MING MA BTAGS PA SEMS BSKYED DANG RIGS KYI SKABS DANG SA'I TSOGS LA SOGS PA RNAMS SU

YANG RIG PAR BYA'O, ,TSUL DE NI LAM 'OG MA GNYIS KYI SKABS SU YANG SBYAR RO, ,LNGA PA NI, SKABS RNAMS SU MTHONG LAM YANG YANG GSUNGS PA RNAMS ZLOS SHE NA, SKABS GNYIS PAR NI MTHA' GNYIS LA MI GNAS PA'I MTHONG LAM DANG, GSUM PAR NI THEG DMAN GYIS LAS 'DA' BA DANG, BZHI PAR MTHONG BA'I LAM LA BZOD CES PA NI PHYIR MI LDOG GI SGO NAS DANG, MTSAN NYID DU BSHAD PA NI NYAN RANG LAS KHYAD PAR DU 'PHAGS PA DANG, LNGA PAR RTOG PA'I GNYEN PO'I CHA NAS BSTAN PAS MI ZLOS SO, ,DRUG PA NI SKABS RNAMS SU SBYOR LAM YANG YANG BSTAN PA RNAMS KYANG ZLOS SHE NA, RNAM MKHYEN DU NI DMIGS RNAM RGYU GSUM LDAN CHOS RTOG PA YONGS 'DZIN CHE 'BRING CHUNG GSUM GYI DBYE BA'I KHYAD PAR DRUG DANG LDAN PAR BSTAN LA, GNYIS PAR NYAN THOS KYI LAM GYI SKABS SU NI DMIGS PA GZUGS SOGS LA DMIGS NAS RNAM PA STONG NYID DU DBYER MED PA LA SOGS PA'I RNAM PA DANG, RANG RGYAL GYI LAM GYI SKABS SU NI DMIGS PA CHOS THAMS CAD BTAGS PA TZAM LA DMIGS NAS RNAM PA BTAGS PA DANG MI 'GAL BAR CHOS NYID STON PA'I RNAM PA CAN LA SOGS PAR BSTAN PA YIN PA'I PHYIR, SBYOR LAM DE GSUM SNGA MA SNGA MA LAS PHYI MA PHYI MA DMIGS RNAM MI 'DRA BA'I PHYIR MI ZLOS LA, RNAM KUN TU DRO BA RNAMS KYI ZHES SOGS SU BSTAN PA NI DMIGS PA SEMS CAN DANG RNAM PA SEMS MNYAM PA LA SOGS PA'I SGO NAS

, ,DMIGS PAS MI ZLOS ZHES SNGAR GYI MTHONG LAM DANG 'DI GNYIS KYI ZLOS SPONG 'PHAGS PAS MDZAD NAS TSUL DES SGOM LAM DANG RNAM RTOG RNAMS KYI KHYAD PAR YANG SHES PAR BYA ZHES GSUNGS SO, ,DE LA SKABS LNGA PAR SBYOR LAM BSHAD PA NI RTZE SBYOR GYIS DBANG THOB PA'I TSUL GYIS YIN PAS MI ZLOS SO, ,'DIR 'PHAGS PAS KHYAD PAR DRUG GIS 'PHAGS PAR GSUNGS PAS 'KHRUL GZHI BYAS NAS 'PHAGS PA'I LUGS KYIS CHUD 'BRING CHEN POS KHYAD PAR DU 'PHAGS PA YIN LA, DE YANG THEG DMAN GYI CHOS MCHOG LA SKAD CIG GCIG LAS MED PAS ZHES 'CHAD PA NI DON MIN TE, DE LTA NA NYAN RANG GI CHOS MCHOG GCIG PU LAS DRUG GIS 'PHAGS PAR 'GYUR BA DANG, 'PHAGS PAS SKABS GNYIS PAR BSHAD PA'I SBYOR LAM GNYIS KYANG SNGA MA SNGA MA LAS DMIGS RNAM GYIS KHYAD PAR DU GYUR PAR BSHAD PAS DE DAG KYANG DE LTAR THAL BA'I PHYIR RO, ,DES NA KHYAD PAR DU 'PHAGS ZHES PA NI MI 'DRA BA'I KHYAD PAR LA BSHAD DE, ZLOS SPONG GI SKABS SU BAB PA'I PHYIR RO, ,ZLOS SDONG 'DI DAG 'PHAGS PA'I RJES SU 'BRANGS NAS BSHAD LA, SLOB DPON 'DI'I BZHED PA DANG DE DAG GI DON GANG 'THAD PA LA SOGS NI RNAM KUN LAS 'CHAD PAR 'GYUR RO, ,GSUM PA NI, TSIGS BCAD LA BCO LNGA YOD PA DE LA STE DE'I NANG NAS TSIG LE'UR BYAS PA DANG PO GNYIS KYIS NI YUM GYI LUS MDOR BSTAN TE, DE DNGOS PO

BRGYAD TZAM DU BSDUS NAS BSTAN PA'I PHYIR RO, ,TSIG LE'UR BYAS PA LHAG MA BCU GSUM GYIS NI DNGOS BRGYAD DE DAG NYID KYI DON BSDUS NAS SNGAR BSTAN PA DE DON BDUN CU'I SGO NAS RGYAS PAR BSHAD DE, BRGYAD DANG BDUN CUR PHYE BA DE LTAR NA YUM GYI LUS LEGS PAR RAM TSUL BZHIN DU BSHAD PA YIN TE, DON DE LTAR GNAS PA LA TSIG GIS KYANG DE LTAR MDOR BSDUS PA DANG RGYAS PAR BSHAD PA'I PHYIR RO, ,BZHI PA NI, 'O NA LUS RNAM GZHAG LA DMIGS 'BYED PA'I BSDUS DON TZAM ZHIG BYAS NAS TSIG DON GYI 'GREL PA MI BYED PA CI ZHE NA, BSDUS PA'I DON GYI TSIG LE'UR BYAS PA LUS RNAM GZHAG RNAMS NI TSIG RE RE NAS RNAM PAR MA BKROL LO, ,RGYU MTSAN NI, ZLOS PA'I NYES PAR 'GYUR DU DOGS NAS SO, ,DOGS PA'I RGYU MTSAN YANG YAN LAG RGYAS BSHAD DE DAG NI 'CHAD LA DE DAG RNAM PAR BSHAD PAS LUS RNAM GZHAG KYANG BSHAD PAR BSAMS TE'O, ,DE LTAR 'GYUR BA YANG BSTAN BCOS RGYAN MDZAD PA PO RJE BTZUN NYID KYIS BKOD PA SEMS BSKYED PA NI GZHAN DON PHYIR ZHES BYA BA DANG, SOGS PAS PHRIN LAS KYI BAR 'CHAD PAR 'GYUR BA'I YAN LAG RGYAS BSHAD KYI BSTAN BCOS KYI GZHUNG MTHA' DAG GIS LUS RNAM GZHAG DE 'CHAD PA'I PHYIR RO, ,DE YANG 'GREL PA 'DIR TSIG TSEGS SKYUNG BA'I DBANG DU BYAS NAS YIN GYI DE LTA MA YIN NA RGYAN GYI SNANG BA DANG t'IKA BYED KUN KYANG ZLOS PA'I NYES PAS GOS PAR 'GYUR RO, ,GZHUNG 'DI LA BKROL MI DGOS

, ,SHING BKROL NA NYES PAR 'GYUR BA GNYIS MI BKROL BA'I RGYU MTSAN DU BYAS NAS GZHUNG PHYI MA RNAMS SO SOR SBYOR BA YANG YOD MOD 'ON KYANG SNGA MA NYID SGRA DANG DON GNYIS KA LA ZHUGS PAR NGES SO, ,GNYIS PA LA GNYIS, TSIG LE'UR BYAS PA DANG 'BREL BA'I DON GZHAN BSHAD, TSIG LE'UR BYAS PA NYID KYI DON BSHAD PA'O, ,DANG PO LA GNYIS, MDO DANG JI LTAR SBYAR BA DANG, SBYAR TSUL LA RTZOD PA SPANG BA'O, ,DANG PO NI, GAL TE RGYAN 'DIS MDO DON KUN SDUD NA CI'I PHYIR 'DIR GLENG GZHI DANG, RJE BTZUN NYID KYIS ZHUS PA DANG, RTAG TU DU DANG CHOS 'PHAGS DANG GZHUNG GTAD BA'I LE'U RNAMS MA BSDUS SHE NA, DANG PO NI YUM 'DI GSUNG BA'I TSE 'KHOR 'DUS TSUL LA SOGS PA STON PAS GO SLA LA, DE LTAR GDUL BYA RNAMS KYIS RANG GIS RTOGS NUS BZHIN DU YANG STON PA NI DGOS PA MED PAS SO, ,GNYIS PA NI THEG PA GCIG DANG RIGS GCIG TU STON BA YIN LA DE YANG 'JAM DPAL GYI MAN NGAG LA SOGS PA'I MDO SDE DU MA DANG, DBU MA'I RTZA BA LA SOGS PAR GSAL BAR MDZAD PAS 'DIR BSTAN MI DGOS SO, ,GSUM PA DANG BZHI PA NI SLOB MA DANG DGE BA'I BSHES GNYEN GYI RNAM THAR BSTAN PA STE, DE YANG MA 'ONGS PA RNAMS LA DE LTAR BSLAB PA'I CHED DU SNGON BYUNG BA BSTAN PAS GO SLA'O, ,LNGA PA NI GZHUNG YONGS SU GTAD PA TZAM YIN PAS MA BSDUS SO, ,GZHAN YANG BAR BAR DU GANG ZAG LUNG BSTAN PA DANG SNGON RABS

LA SOGS PA 'GA' ZHIG MA BSDUS SO, ,DES NA SEMS BSKYED PA'I LE'U NAS CHOS NYID MI 'GYUR BAR BSTAN PA'I LE'U'I BAR GYI MDO'I DON RTOGS PAR DKA' BA RNAMS RGYAN DANG SBYAR RO, ZHES TSIG GSAL LAS 'CHAD DO, ,DE LA LE'U PHYI MA GSUM NI RGYAN SNANG GNAD KYI ZLA 'OD GNYIS KAR GO SLA BAS RGYAN GYIS MA BSDUS ZHES GSAL BAR GSUNGS LA, BYAMS PAS ZHUS PA BSLAB PA RAB TU DBYE BA'I LE'US NI, LE'U BRGYAD MA DANG DAG SNYING ZLA 'OD DANG BCAS PAR PHYIN CI LOG SPONG BA LA 'GOD PA'I PHRIN LAS DANG SBYAR LA, NYI SNANG DU TSIG GSAL BAR MI SNANG YANG TSIG CUNG ZAD TZAM GYIS MTSAMS PHYE BA DANG LE'U BRGYAD MA LA BSGRIGS NA SNGA MA BZHI DANG 'DRA BAR MNGON NO, ,DE'I PHYIR BYAMS ZHUS RGYAN GYIS MA BSDUS PAR 'CHAD PA CUNG ZAD RTZINGS SO, ,GLENG GZHI NI 'GREL PA KHUNGS MA GANG GIS KYANG RGYAN DANG MA SBYAR RO, ,'O NA 'PHAGS PAS 'DI SKAD CES BYA BA LA SOGS PA SKABS 'BYED PA NAS BRTZAMS TE YONGS SU RDZOGS PA'I BAR GYI DNGOS PO RNAMS GCIG TU BSDUS NA RNAM PA THAMS CAD MKHYEN PA NYID LA SOGS PA CHOS KYI SKU MDZAD PA DANG BCAS PA'I MTHAR THUG PA DNGOS PO BRGYAD DU 'GYUR RO ZHES PA DANG 'GAL ZHE NA, DE NI RTOGS DKA' BA'I DBU ZHABS KYI DON TZAM BSDUS PA LA DGONGS TE, 'PHAGS PAS, GLENG GZHIR PHYOGS BCU'I DE BZHIN GSHEGS PAS PADMA'I SKYES BSKUR BA DANG, BYANG SEMS GZHAL DU MED PA 'DUS PAR GSUNGS PA NI

, ,SEMS BSKYED LA SOGS PA'I SHER PHYIN BSHAD PA RDZOGS KYI BAR GYIS 'JIG RTEN THAMS CAD BYIN GYIS BRLABS PA DANG, SEMS CAN DU MA LA DMIGS NAS SEMS BSKYED PA DANG, SANGS RGYAS MANG POR BSTAN PA LA SOGS PA'I CHED DU YIN NO ZHES GSUNGS PA'I PHYIR ZHES MKHAS PA DAG GSUNG BA NI LEGS PAR GSUNGS PA'O, ,RIN CHEN SGRON ME DANG RGYAN DANG SBYAR BA'I 'BUM 'GREL DU MCHOD BRJOD GLENG GZHI'I 'GREL PAR SBYAR NAS 'CHAD PA'I RJES SU 'BRANGS NAS SNGA MA DAG 'CHAD PA NI GNYIS KA YANG MI 'THAD DE, MCHOD BRJOD DANG DGOS 'BREL NI RGYAN GYIS MDO BSHAD PA'I SNGON 'GRO YIN GYI MDO'I BSHAD PA DNGOS MIN TE, DPER NA 'GREL PA 'DI YI SHES RAB PHA ROL PHYIN PA LA ZHES SOGS RGYAN GYI 'GREL PA MIN PA BZHIN NO, ,DE'I PHYIR MDO DANG RGYAN SBYAR NAS 'GREL NA MDO'I GLENG GZHI BSHAD PAR RIGS MOD, RGYAN ZUR DU 'CHAD PA LA YANG GLENG GZHI 'GOD PA NI HA CANG BSHAD PA ZHES PA'I SKYON YOD DO, ,GAL TE RGYAN 'DI YI RTZA BA'I MDO DANG PO JI LTAR BYUNG TSUL STON PAS SKYON MED CE NA, DE LTA NA MDO JI LTAR GTAD PA DANG SHER PHYIN SNGON JI LTAR BTZAL TSUL STON PAS LE'U THA MA GSUM YANG SHOD CIG ,GANG DAG YONGS GTANG DE'I RGYU NI YONGS GTOD DANG, GLENG GZHI ZHING DAG DANG, RTAG CHOS GNYIS YONGS 'DZIN GYIS BSDUS ZHES GSUNG BA NI MI 'THAD DE, YONGS GTAD GNYIS YOD PA'I DANG PO NI DE'I RGYUN NI YONGS GTOD KYI DON YIN LA, THA MA NI

RTAG DUS KYIS DKA' BAS BTZAL BA DE'I PHYIR YANG ZUNGS SHIG CES GSUNGS PAS MIN NO, ,GLENG GZHIR ZHING DAG PAR BSHAD PA TZAM DANG, CHOS 'PHAGS SLOB DPON DANG RTAG TU BU SLOB MA YIN PA TZAM GYIS DE DAG GIS BSDUS PAR 'DOD NA, SNOD KHYAD CAN NA BZHUGS NAS THEG CHEN GSUNG BA'I GLENG GZHI THAMS CAD DANG, NOR BZANG GIS BLA MA BSTEN PA'I TSUL LA SOGS PA THAMS CAD KYANG RGYAN GYIS BSDUS PAR HA CANG THAL LO, ,GNYIS PA NI GAL TE RGYAN DANG MDO SBYAR BA NA MDO KHA CIG SGRA JI BZHIN PA DANG, KHA CIG SGRA JI BZHIN PA MA YIN YANG RGYU MTSAN SNANG BAS SBYAR RIGS MOD, 'ON KYANG BYANG CHUB RGYAS BSHAD KYIS SEMS BSKYED GNYIS PA BSTAN PAR 'DOD PA LTA BU MDO DES DON DE STON PA LA DES BYED MED PA DANG, DROD KYI SKABS SU BUD MED DU MI SKYE BAR BRJOD PA LTA BU RNAMS DANG RGYAN DU DON YOD PA GLEGS BAM KHA CIG LAS MDO MI SNANG BA JI LTAR SBYAR ZHE NA, MDO SBYAR BA'I RGYU MTSAN MED PA LTAR SNANG BA RNAMS NI DE DAG TU SBYAR BA'I RGYU MTSAN GNYIS YOD PAS SBYAR DU RUNG STE, DANG PO NI RIM PA BZHIN SBYAR RIGS PA RNAMS SBYAR BA NA LHAG MA RNAMS DE DANG SBYOR BAR SHUGS LA GO STE DE YANG DNGOS SU BRJOD PA LA GTZO BOR MA GYUR PA'O, ,GNYIS PA NI, DE BZHIN GSHEGS PAS RJE BTZUN LA DE LTAR SBYAR BA'I LUNG MNGA' BA'I PHYIR YANG YIN TE, RJE BTZUN RGYAL TSAB TU DBANG BSKUR BAS DAM PA'I CHOS KYI MDZOD GZHAN GYIS BLTA BA'I GNAS MIN PA LA PHA'I LUNG GIS DBANG BSGYUR BA'I PHYIR RO, ,DROD DU BUD

, ,MED DU MI SKYE BAR BSTAN PA LTA BU'I RGYAN GYI SGRAS MA ZIN PA RNAMS NI ZLAS BSDUS TE DES NA RANG GI SKABS DER GTOGS PAR SHES PAR 'GYUR RO, ,KHA CIG NI GTZO BO BRJOD PAS 'KHOR ZHAR LA BSDUS TE DPER NA RGYAL PO 'KHOR BCAS GSHEGS PA LA RGYAL PO GSHEGS ZHES PA LTA BU'O, ,KHA CIG NI SKABS BRGYAD KYI KHONGS SU BSTAN YANG GO SLA BAS MA BSDUS TE, DPER NA GANGGA'I LHA MO BSKAL PA SKAR MA LTA BU LA DE BZHIN GSHEGS PA GSER GYI ME TOG TU 'TSANG RGYA BA DANG, DGE SLONG BRGYA PHRAG DRUG CU BSKAL PA SKAR MA LTA BU LA ME TOG BKRAM PA ZHES PA'I DE BZHIN GSHEGS PA TSE BSKAL PA STONG PHRAG NYI SHU NYI SHU THUB PAR LUNG BSTAN PA LTA BU'O, ,RGYAN NA YOD PA MDO YI GLEGS BAM KHA CIG LAS MI SNANG BA NI GZHUNG RAB TU RGYAS PA 'DI SGRUB PAR DKA' BA DANG, LNGA BRGYA THA MA LA 'GRO BA RNAMS KYI BLO YI STOBS BRI BAS LUNG GIS TSIG NYAMS PAR ZAD KYI 'DI LA LOG PAR BSTAN PA'I DRI MA MED DE RJES BTZUN GYIS YUM DE LTAR GTAN LA PHAB PA'I PHYIR RO, ZHES SLOB DPON CHOS BSHES 'CHAD PA NI LEGS PAR BRTAGS PA'O, ,GNYIS PA LA GSUM, SHES BYA MKHYEN PA GSUM, NYAMS LEN SBYOR BA BZHI, 'BRAS BU CHOS SKU'I YAN LAG RGYAS PAR BSHAD PA'O; ;DANG PO LA GSUM THOB BYA RNAM MKHYEN, THOB BYED LAM SHES, SPANG BYA GZHI SHES KYI YAN LAG RGYAS PAR BSHAD PA'O, ,DANG PO LA GSUM, 'BREL BRJOD PAS MTSAMS SBYAR, RNAM MKHYEN GYI CHOS RGYAS PAR BSHAD, SKABS

BSDU BA'O, ,DANG PO NI, BSHAD PAR BZHED DO, ,GANG NA, RNAM MKHYEN DE BRJOD BYAR SDUD PA'I TSIG LE'UR BYAS PA LUS RNAM GZHAG RNAMS NI'O, ,JI LTAR NA, RNAM PAR TE BYE BRAG TU BSHAD PA'I SGO NAS SO, ,GANG GI TSE NA SNGAR BSHAD PA DE LTAR BSDUS PA'I DON LUS RNAM GZHAG KUN BSTAN NAS SO, ,GANG DU NA, MKHYEN GSUM GYI DANG POR RO, ,CI'I PHYIR DANG POR 'DI STON ZHE NA, BYANG CHUB SEMS DPA' BLA MED BYANG CHUB SNGON GYI DE BZHIN GSHEGS PA'I RJES SU THOB PAR 'DOD PAS RNAM MKHYEN THOB PAR BYA DGOS PAS 'BRAS BU LA GROD? PA BSKYED PA'I CHED DU BSTAN DGOS SO, ,DE'I RGYU MTSAN YANG 'BRAS BU MTHAR THUG YIN PA'I PHYIR RO, ,RIGS 'BYIN NI, MCHOD BRJOD NAS BSHAD PA'I MKHYEN GSUM DANG 'DIR BSTAN PA'I MKHYEN GSUM GO RIM MI MTHUN PAR STON PA CI ZHES PA'I LAN DU STON PAR BYED DE DON MIN NO, ,DE LTA NA BSHAD PA YONGS SU RDZOGS PA DANG, BSHAD PA LA 'JUG PA DANG, DRI BAS LAN 'DREN PA'I MTSAMS SBYOR YOD PA LAS 'DI LA NI DANG PO GNYIS TSAD LA, PHYI MA NI RIGS DANG DMIGS RNAM GYI MTSAMS SBYOR LTA BU'O, ,GNYIS PA LA BZHI, LAM GYI RANG BZHIN SEMS BSKYED PA, SEMS BSKYED DE DAG BYED GDAMS NGAG NOD PA, GDAMS PA'I 'BRAS BU NGES 'BYED YAN LAG ,GDAMS PA'I DON PHYIN CI MA LOG PAR SGRUB PA'O, ,DANG PO LA GNYIS, SPYI DANG YAN LAG GI DON NO, ,DANG PO LA GSUM, SEMS BSKYED SKYE BA'I RTEN, BRTEN PA SEMS BSKYED KYI RANG BZHIN, RANG

, ,BZHIN DES BSKYED KYI PHAN YON NO, ,DANG PO LA GNYIS LAS, LUS RTEN NI, LAM SHES KYI MDO LAS LHA'I BU DU MAS BYANG CHUB TU SEMS BSKYED PA DANG, KLU'I RGYAL PO RGYA MTSOS ZHUS PA LAS, KLU NYI KHRI GCIG STONG GIS SEMS BSKYED PAR GSUNGS PA LTAR YIN PAS SO THAR RTEN DU DANG, MI KHOM PA THAMS CAD BRAL BA DGOS PA MIN NO, ,SEMS RTEN NI, RGYAL BA LA DMIGS PA'I DAD PA, SEMS CAN LA DMIGS PA'I SNYING RJE, BYANG SEMS KYI PHAN YON THOS PA DANG GSUM YIN TE, DKON MCHOG SGRON MER, RGYAL DANG RGYAL BA'I CHOS LA DAD GYUR CING, ,RGYAL SRAS RNAMS KYI SPYOD LA DAD BYED PA, ,BYANG CHUB BLA NA MED LA DAD GYUR NAS, ,SKYES BU CHEN PO RNAMS KYI SEMS SKYE'O, ZHES DANG, RGYAN LAS, DE'I RTZA BA SNYING RJER 'DOD, CES PA LTAR RO, ,GNYIS PA LA GSUM, MTSAN GZHI, MTSAN NYID, RAB DBYE'O, ,DANG PO LA GNYIS, SLOB DPON GZHAN DANG, BSTAN BCOS 'DI YI 'GREL BYED KYI LUGS SO, ,DANG PO NI; BYANG SAR BYANG CHUB SEMS DPA' RNAMS KYI SMON LAM GYI MCHOG NI SEMS BSKYED PA'O ZHES 'BYUNG BAS THOGS MED KYI BZHED PAS SMON LAM SEMS BSKYED KYI NGO BOR BZHED CING, RGYAN 'GREL LAS, YON TAN GSUM DANG GNYIS LA DMIGS PA DANG LDAN PA'I SEMS PA NI SEMS BSKYED PA ZHES BYA'O ZHES BYANG CHUB SEMS DPA'I SEMS PA STE, ZHES PA'I 'GREL PAR 'BYUNG BA'I PHYIR DBYIG GNYEN NI NGO BO SEMS PA LA BZHED DO, ,RGYAN LAS

BRTAN PA RNAMS KYI SMON LAM NI, ,SEMS PA 'DUN DANG BCAS PA STE, ZHES GROGS 'DUN PA DANG BCAS PA'I SEMS PA LA SMON LAM DU GSUNGS PAS SKU MCHED DGONGS PA GCIG TU 'DUG SNYAM MO, ,GNYIS PA LA GNYIS, 'PHAGS PA RJES 'BRANG DANG BCAS PA DANG, DE DANG MI MTHUN PA'I LUGS SO, ,DANG PO NI 'PHAGS PAS, SEMS BSKYED PA ZHES BYA BA LA SEMS NI RNAM PAR SHES PA STE RNAM PAR RIG PA'O, ,RNAM PAR SHES PA GANG YIN ZHE NA YID KYI RNAM PAR SHES PA STE DKAR PO'I CHOS THAMS CAD LA DMIGS PA NI DE LA SRID PA'I PHYIR RO, ,BSKYED PA ZHES SMOS PAS NI MA BSKYED PA SKYED PAR SHES PAR BYED PA YIN PA'I PHYIR NA SEMS KYIS RTOGS PA'I CHOS LA DANG PO'I MTSAMS KYI DNGOS PO BSTAN PA'I DON DU'O ZHES SEMS DANG BSKYED PA'I DON BSHAD NAS, SGO LNGA'I RNAM SHES KHA PHYIR BLTAS 'BA' ZHIG YIN PA DANG, ,KUN GZHI DANG NYON YID LUNG MA BSTAN YIN PA LA DGONGS NAS DE DAG LA MA BZHAG PAR DKAR CHOS KUN GYI RTEN DU RUNG BA YID KYI RNAM SHES LA MTSAN GZHIR BSHAD DO, ,GZHAN YANG BYANG CHUB 'DOD PA SEMS BSKYED DU BSHAD PA LA RTZOD PA BKOD NAS 'DOD PAS SEMS BSKYED LA BTAGS PA TZAM YIN GYI DNGOS MIN PAR GSUNGS SO, ,NYI KHRI'I RNAM 'GREL DU DE DANG MTHUN PAR MTSAN GZHI BZUNG ZHING, SLOB DPON 'DIS KYANG RGYAN SNANG DANG 'DI GNYIS KAR NYI KHRI SNANG BAR GSUNGS PA'I RTZOD LAN RNAMS BKOD NAS 'DOD PA BTAGS PA PA SEMS MTSAN NYID PAR BSHAD LA,

, ,AA BHYA KA RAS KYANG THUB DGONGS SU RTZOD LAN RNAMS KYANG BKOD CING, ZLA 'OD DU YID SHES LA MTSAN GZHIR BYAS SO, ,TSIG GSAL LAS NI, SEMS BSKYED PA ZHES BYA BA LA 'DIR KHA CIG NI SEMS BSKYED PA DNGOS GTZO BOR BSTAN PA STE 'DUN PA LA SOGS PA'O, ,KHA CIG NI SEMS BSKYED PA 'PHEL BAR BYED PA'I GROGS LA DER GDAGS TE SBYIN PA LA SOGS PA'O, ,KHA CIG NI 'BRAS BU LA DER GDAGS TE BGROD PA GCIG PA'I LAM LA SOGS PA'O ZHES 'CHAD PA NI SLOB DPON GYI RJES SU 'BRANGS PA YIN KYANG CUNG RTZINGS SO, ,GNYIS PA NI, BUD DHA SHR'IS, DON DU GNYER BA NYID RNAM PAR RIG PA'I BDAG NYID YIN PA'I PHYIR DE SKAD BRDA SBYAR BAR ZAD MOD GZHAN DU NA 'BRAS BU LA RGYU DANG, GROGS LA DE DANG LHAN CIG PA'I MING GIS BTAGS PAR BRJOD KYANG RANG GI MTSAN NYID 'GRUB PAR JI LTAR 'GYUR ZHES 'PHAGS PA DANG SLOB DPON GYI LUGS SUN PHYUNG NAS DON GNYER GYI 'DUN PA NYID SEMS SU 'DOD PAS SEMS SEMS BYUNG RDZAS GCIG TU 'DOD DO, ,SH'ANTI PA NI YID DANG 'DUN PA GNYIS CHAR LA 'DOD DE, DAG LDAN LAS, SEMS BSKYED PA'I DNGOS PO ZHES BYA BA LA SEMS NI YID DANG 'DOD PA STE, ZHES DANG, DE LTAR NA DE NI GZHAN GYI DON GYI CHED DU YANG DAG PAR RDZOGS PA'I BYANG CHUB LA DMIGS PA'I 'DOD PA NI SEMS BSKYED PA'I MTSAN NYID DO ZHES SO, ,'O NA 'PHAGS PA DANG SLOB DPON RNAMS KYIS SEMS SU BZHED PA DON GYI DBANG CI ZHIG

GZIGS SHE NA, SEMS BYUNG YIN NA SEMS BSKYED KYI SGRA'I DON MI GNAS PAR DGONGS NAS MDZAD CING, KHYAD PAR DU SLOB DPON GYIS NI MDO SDE'I RGYAN LAS, SEMS BSKYED KYI MTSAN NYID STON PA NA, SPRO BA CHE DANG RTZOM PA TSE, ,DON CHE BA DANG 'BYUNG BA CHE, ,BYANG CHUB SEMS DPA'I SEMS PA STE, ,DON GNYIS LDAN PA'I SEMS 'BYUNG BA, ZHES PA'I RKANG PA THA MAS SEMS SU BSHAD PAR 'DUG SNYAM DU DGONGS TE, RGYAN SNANG DU, RTZOD PA'I SKABS SU 'DI DRANGS NAS SEMS PA DANG MTSUNGS PAR LDAN PA'I SEMS YUL KHYAD CAN DU SNANG BAR SKYE BA SEMS BSKYED PA MA YIN NAM ZHES BSHAD PAS LUNG DES SEMS PA GROGS SU YOD PA'I SEMS SHIG SEMS BSKYED DU BSTAN SNYAM DU DGONGS SO, ,DE LA SPRO BA CHE BA NI GO CHA'I BRTZON 'GRUS KYIS YUN RING POR DKA' BA SPYOD PA LA MI SKYO BA'O, ,RTZOM PA CHE BA NI SBYOR BA'I BRTZON 'GRUS KYIS GO CHA JI BZHIN DU SGRUB PA'O, ,DON CHE BA NI BDAG GZHAN LA PHAN PA'I CHED DO, ,'BYUNG BA CHE BA NI BYANG CHUB CHEN PO 'GRUB PA'O; ;DE YANG TSIG DANG PO GNYIS KYIS SKYES BU BYED PA DANG, DE'I 'OG MA GNYIS KYIS DON BYED PA DANG, 'BRAS BU YONGS SU 'DZIN PA'I YON TAN BSTAN TO, ,DE GNYIS NI BYANG CHUB DANG GZHAN DON LA DMIGS PA'O, ,GNYIS PA NI, GZHAN DON DU RDZOGS PA'I BYANG CHUB 'DOD PA DANG MTSUNGS LDAN DU 'BYUNG BA'I SEMS SO, ,GSUM PA LA BZHI, NGO BO, SKYE TSUL, SA MTSAMS, BZHED TSUL GYI SGO NAS DBYE BA'O, ,DANG PO NI, SMON PA DANG 'JUG PA'I SEMS GNYIS SO, ,'DI LA

, ,GNYIS, LUGS GZHAN DGOD PA DANG, 'THAD PHYOGS BSTAN PA'O, ,DANG PO NI, YE SHES ZHABS NI, SMON PA BYANG CHUB KYI SEMS NI 'JIG RTEN PA THAMS CAD KYI YIN LA, ,'JUG PA BYANG CHUB KYI SEMS NI RAB TU DGA' BA NAS BRTZAMS TE'O, ZHES SA THOB MA THOB LA 'DOD CING, BDAG NYID CHEN PO YANG DE LTAR BZHED DO, ,TSIG GSAL LAS NI, SMON PA ZHES BYA BA NI, SMON PA TZAM STE TSOGS BSAGS PA SEMS DE BSKYED PA'I CHO GAS BLANG BAR YANG MA BYAS PA'O, ,'JUG PA ZHES PA NI, DGE BA'I BSHES GNYEN MNYES PAR BYAS TE YANG DAG PAR BLANGS PA LAS BYUNG BA'I SEMS BSKYED PA NAS BRTZAMS TE BAR CHAD MED PA'I LAM GYI BAR DU GTOGS PA'I SGRUB PA'I SPYOD PA'O ZHES BSHAD NAS SH'ANTA DE BA'I SMON 'JUG GI LUNG SHES BYED DU DRANGS SO, ,DE LTAR NA CHO GAS BLANGS MA BLANGS DANG, GZHAN YANG PHYIR MI LDOG THOB MA THOB DANG, 'BRAS BU DANG RGYU LA DAM BCAS PA LA 'DOD PA YOD DE DE DAG GIS NI LEGS PAR MA RTOGS TE; SDONG PO BKOD PA'I MDO DANG DE'I DGONGS PA 'GREL BA'I SH'ANTA DE BA'I LUGS LAS PHYI ROL DU GYUR PA'I PHYIR RO, ,GNYIS PA NI, BSLAB BTUS SU, BYANG CHUB KYI SEMS DE NI RNAM PA GNYIS TE BYANG CHUB TU SMON PA'I SEMS DANG, BYANG CHUB TU CHAS PA'I SEMS SO, ,SDONG PO BKOD PA'I MDO LAS GSUNGS PA, RIGS KYI BU SEMS CAN GANG BLA NA MED PA YANG DAG PAR RDZOGS PA'I BYANG CHUB TU SEMS SMON PA DE DAG KYANG DKON NO, ,DE BAS KYANG GANG BLA NA MED PA YANG

DAG PAR RDZOGS PA'I BYANG CHUB TU CHAS PA'I SEMS CAN SHIN TU DKON NO ZHES 'BYUNG BA LTA BU'O, ZHES DANG, SPYOD 'JUG LAS, BYANG CHUB SEMS DE MDOR BSDU NA, ,RNAM PA GNYIS SU SHES BYA STE, ,BYANG CHUB SMON PA'I SEMS DANG NI, ,BYANG CHUB 'JUG PA NYID YIN NO, ,'GRO BAR 'DOD DANG 'GRO BA YI, ,BYE BRAG JI LTAR SHES PA LTAR, ,DE BZHIN MKHAS PAS 'DI GNYIS KYI, ,BYE BRAG RIM BZHIN SHES PAR BYA, ZHES GSUNGS PA RNAMS DGONGS PA GCIG PAS DE LTAR DU BSHAD DO; ;DE YANG SHER 'BYUNG GIS LUNG 'DI DRANGS NAS GZHAN DON DU YANG DAG PAR RDZOGS PA'I BYANG CHUB 'DOD PA NYID LAS MI 'DA' YANG LUS DANG NGAG DANG YID KYI LAS YOD PA DANG MED PA LAS MTSAN NYID THA DAD PAR RTOGS PAR BYA ZHES PA LTAR YIN PAS DANG POR SEMS CAN LA DMIGS PA'I SNYING RJE CHEN PO SKYE LA, DE LA BRTEN NAS 'DI MTHA' DAG SRID PA LAS BSGRAL BA'I PHYIR DU SANGS RGYAS THOB PAR BYA'O SNYAM PA'I BSAM PA RKYANG PA SKYES PA SMON PA DANG, DE NAS SDOM PA BZUNG BA LA SOGS PAS BLA NA MED PA'I BYANG CHUB KYI SPYOD PA PHYIN DRUG SNA GCIG LA ZHUGS NA YANG 'JUG PA'I GO CHOD DO, ,DES NA SMON 'JUG GNYIS NGO BO GZHAN DON DU SANGS RGYAS THOB PAR BYA'O SNYAM PA'I BSAM PA CAN DU MTSUNGS KYANG BYANG CHUB SGRUB PA'I BYA BAS ZIN MA ZIN YOD PAS 'DI GNYIS 'GAL TE, DPER NA YUL DER 'GRO 'DOD PA'I BLO SKYES PA TZAM DANG DE'I RJES SU LAM DU ZHUGS NAS 'GRO BA'I BYA BAS ZIN PA LTA BU'O, ,DE'I PHYIR SMON PA NI DANG PO'I SEMS KHO NA'O, ,DE LTAR

, ,YANG SGOM RIM DANG PO LAS, BYANG CHUB KYI SEMS DE YANG RNAM PA GNYIS TE ZHUGS PA'I SEMS DANG SMON PA'I SEMS SO, ZHES BSHAD NAS SNGAR GYI SDONG PO BKOD PA'I LUNG DRANGS SHING, YANG DE LAS 'GRO BA DE DAG LA PHAN PA'I PHYIR SANGS RGYAS SU GYUR CIG CES GANG THOG MAR DON DU GNYER BA DE NI SMON PA'I SEMS SO, ,GANG PHAN CHAD SDOM PA BZUNG STE TSOGS RNAMS LA ZHUGS PA DE NI ZHUGS SEMS SO ZHES GSUNGS SO, ,GANG YANG YE SHES GRAGS PAS, 'DUN SOGS GSUM GYI DBYE BA YIS, ,SMON PA'I SEMS NI RNAM PA GSUM, ,'JUG PA ZHES BYA'I SEMS RNAMS NI, ,BCU DGU RNAMS SU 'DOD PA YIN, ZHES SEMS BSKYED NYER GNYIS LA SMON 'JUG GI MTSAMS GCOD TSUL DE LTAR BYAS NAS SNGAR DRANGS PA'I SDONG PO BKOD PA'I LUNG SHES BYED DU DRANGS NAS 'JUG SEMS KA MA LA SH'I LAS BSHAD PA LTAR NGOS 'DZIN PA NI MA BRTAGS PA YIN TE, THEG CHEN CHOGS LAM CHEN POR ZHUGS NA BYANG CHUB TU CHAS PAR BZHAG DGOS PAS LUNG DANGS PA SHES BYED DU MA SONG LA TSOGS LAM NA SDOM PA MED PA LA SHES BYED MED PA'I PHYIR RO, ,GZHAN YANG SDOM PA THOB NA 'JUG PAR 'GYUR BA'I PHYIR SO SKYE LA 'JUG PA MED PAR 'DOD PA RNAMS MI RIGS TE, BSLAB BTUS LAS, CI SAR MA CHUD PA LA YANG BYANG CHUB SEMS DPA'I SDOM PA'I DBANG DU BYA BA YOD DAM MED CE NA, YOD PAR RIG PAR BYA STE, ZHES GSUNGS PA DANG 'GAL

BA'I PHYIR RO, ,DES NA TSOGS LAM CHUNG NGUR SMON SEMS DANG 'BRING NAS 'JUG SEMS BZHAG STE MDO LAS BSAM LDAN GYI SKABS SU PHYIN DRUG LA SLOB PAR BSHAD CING, SLOB DPON LHA DBANG BLOS KYANG SHER PHYIN GYI 'GREL PA'I DON SGOM PA'I BSHAD PA LAS, BYANG CHUB KYI SEMS NI RNAM PA GNYIS TE SMON PA BYANG CHUB KYI SEMS DANG 'JUG PA BYANG CHUB KYI SEMS SO, ,DE LA SMON PA BYANG CHUB KYI SEMS NI SA LTA BU'O, ,'JUG PA BYANG CHUB KYI SEMS NI GSER LTA BU NAS SPRIN LTA BU'I BAR NYI SHU RTZA GCIG GO ,ZHES SO, ,SLOB DPON 'DIS KYANG RGYAN SNANG DU SH'ANTA DE BA'I LUNG DRANGS NAS SMON 'JUG GI BSHAD PA MDZAD PAS 'PHAGS YUL GYI MKHAS PA DAG KYANG LUGS 'DI LA 'TSAL LO, ,GNYIS PA NI, BRDA LAS BYUNG BA DANG, BSGOM STOBS KYIS SKYES PA GNYIS SO, ,DANG PO NI RGYAN LAS GROGS STOBS RGYU STOBS RTZA BA'I STOBS, ,THOS STOBS DGE BA GOMS PA LAS, ,MI BRTAN PA DANG BRTAN 'BYUNG BA, ,GZHAN GYIS BSTAN PA'I SEMS BSKYED BSHAD, CES SO, ,DE LA GZHAN GYIS BSTAN CING GZHAN GYI NGAG GI RIG BYED LAS SEMS BSKYED PA GANG YIN PA DE NI BLANGS PA BRDA LAS BYUNG BA'I SEMS BSKYED YIN LA DE SKYE BA LA YANG RNAM PA MANG STE, GROGS STOBS LAS SKYE BA NI DGE BSHES LAS SO, ,RGYU STOBS LAS NI RIGS KYI MTHU DANG, DGE RTZA'I STOBS LAS TE RIGS RGYAS PAR GYUR PA DANG MANG DU THOS PA'I STOBS DANG, DGE BA GOMS PA'I STOBS LAS TE TSE 'DI LA RTAG TU NYAN 'DZIN 'CHANG BA LA SOGS PA LAS SKYE BA YANG YOD DO, ,DE YANG

, ,DANG PO MI BRTAN LA LHAG MA BZHI BRTAN PA'O, ,GNYIS PA NI, RGYAN LAS, SANGS RGYAS RNAMS NI RAB MNYES BYAS, ,BSOD NAMS YE SHES TSOGS RAB BSAGS, ,CHOS LA MI RTOG YE SHES NI, ,SKYES PHYIR DE NI DAM PAR 'DOD, , CHOS DANG SEMS CAN RNAMS DANG NI, ,DE YI BYA BAS SANGS RGYAS NYID, ,MCHOG LA SEMS MNYAM RNYED PA'I PHYIR, ,DE YI RAB DGA' KHYAD PAR 'PHAGS, ZHES SO, ,DE LA TSIGS BCAD DANG PO'I RKANG PA DANG POS LUNG DAM PA MNOS PA DANG, GNYIS PAS RGYU DAM PA BSGRUBS PA DANG, GSUM PAS KHONG DU CHUD PA DAM PA RTOGS PA'I KHYAD PAR BSTAN TE, KHYAD PAR DE GSUM GYIS SEMS BSKYED PA DON DAM PA NYID DU STON TO, ,DE YANG SA RAB TU DGA' BAR 'THOB PAS DE'I RAB DGA' KHYAD PAR DU 'PHAGS PA'I RGYU STON TE, DE LA CHOS DANG, SEMS CAN DANG, SANGS RGYAS DANG SEMS CAN GYI BYA BA LA SEMS MNYAM PA RNAMS NI RIM PA LTAR CHOS BDAG MED PAR DANG, BDAG GZHAN MNYAM PA NYID DU DANG, SANGS RGYAS DANG RANG GI CHOS DBYINGS DBYER MED PAR RTOGS PA DANG, BDAG GI SDUG BSNGAL DANG 'DRA BAR GZHAN GYI SDUG BSNGAL YANG ZAD PAR 'DOD PA'I PHYIR RO, ,SGOM RIM BAR PA LAS KUN RDZOB DANG DON DAM GYI SEMS KYI DBYE BA YANG GSUNGS TE, JI SKAD DU BYANG CHUB KYI SEMS DE NI RNAM PA GNYIS TE KUN RDZOB DANG DON DAM PA'O, ,DAL KUN RDZOB NI SNYING RJES SEMS CAN MTHA' DAG GDON PAR DAM BCAS NAS 'GRO BA LA PHAN PA'I PHYIR SANGS RGYAS SU GYUR CIG SNYAM DU BLA NA MED PA YANG DAG PAR

RDZOGS PA'I BYANG CHUB 'DOD PA'I RNAM PA'I SEMS DANG PO BSKYED PA'O, ,DE YANG TSUL KHRIMS KYI LE'U LAS BSTAN PA'I CHO GA BZHIN DU BYANG CHUB SEMS DPA'I SDOM PA LA GNAS PA MKHAS PA PHA ROL PO LAS BSKYED PAR BYA'O, ,DE LTAR KUN RDZOB KYI BYANG CHUB KYI SEMS BSKYED NAS DON DAM PA BYANG CHUB KYI SEMS BSKYED PA'I PHYIR 'BAD PAR BYA'O, ,DON DAM PA'I BYANG CHUB KYI SEMS DE NI 'JIG RTEN LAS 'DAS PA SPROS PA MTHA' DAG DANG BRAL BA, SHIN TU GSAL BA DON DAM PA'I SPYOD YUL DRI MA MED PA MI G-YO BA, RLUNG MED PA'I MAR ME'I RGYUN BZHIN DU MI G-YO BA'O, ,DE GRUB PA NI RTAG TU GUS PAR YUN RING DU ZHI GNAS DANG LHAG MTHONG GI RNAL 'BYOR GOMS PAR BYAS PA LAS 'GYUR TE ZHES DANG, BIM LA MI TRA'I SGOM RIM DU YANG DE JI LTA BA BZHIN DU BSHAD DO, ,GSUM PA NI, RGYAN LAS SEMS BSKYED DE NI SA RNAMS LA, ,MOS DANG LHAG BSAM DAG PA DANG, ,RNAM PAR SMIN PA GZHAN DU 'DOD, ,DE BZHIN SGRIB PA SPANGS PA'O, ZHES SO, ,DE LA MOS SPYOD KYI SA LA MOS PA LAS BYUNG BA DANG, SA DANG PO BDUN LA LHAG BSAM DAG PA DANG, SA BRGYAD PA LA SOGS PA GSUM LA RNAM PAR SMIN PA DANG, SANGS RGYAS KYIS LA SGRIB PA SPANGS PA'I SEMS BSKYED DO, ,'GREL CHEN LAS NI, DANG PO NGES 'BYED CHA BZHI LA BZHAG KYANG TSOGS LAM NAS BZUNG NA LEGS SO, ,'DIR KHA CIG SANGS RGYAS LA SEMS BSKYED MED DE YOD NA SPRIN LTA BU YOD DGOS PA LAS DE MED DE RGYAN LAS, RGYAL SRAS RNAMS KYI SEMS BSKYED PA, ,SPRIN DANG

, ,'DRA BAR BSTAN PA YIN, ZHES PAS SHE NA, NYES PA MED DE, RGYAL SRAS LA YOD PAS SANGS RGYAS LA YOD PA MI KHEGS LA, RGYAL SRAS RNAMS KYIS THOB PAR BYA BA'I SEMS BSKYED CES KYANG DGONGS PA BRTAG NUS TE DE LTA MIN NA SNGAR GYI SA MTSAMS DANG 'GAL ZHING DON DAM SEMS BSKYED KYANG MED PAR HA CANG THAL LO, ,'O NA SANGS RGYAS LA 'DOD PA YOD PAR 'GYUR LA DE LTA NA DE RTOG PA YIN PAS MI RIGS SHE NA, DE LA YANG NYES PA MED DE, ZLA 'OD LAS 'O NA DON DU GNYER BA'I RNAM PAR RTOG PA DANG LHAN CIG RGYU BA'I SEMS NI BCOM LDAN 'DAS LA JI LTAR 'BYUNG ZHE NA, BDEN DE DON DU GNYER BA NI DON DU GNYER BAR BYED PA CAN GYI BYED PA PO'I CHOS TE, JI LTAR RIGS PAR SNGON GYI SEMS SO SO BA RNAMS SO, ,DON DU GNYER BAR BYA BA NYID DANG, 'DOD PAR BYA BA NYID NI LAS KYI CHOS TE MCHOG GI SEMS SO, ,DE'I PHYIR BCOM LDAN 'DAS LA NI DON DU GNYER BA'I SEMS KYI RNAM PAR RTOG PA MED PA NYID DO, ZHES DON DU GNYER BYED KYI SEMS RTOG BCAS MED KYANG DON DU GNYER BYA'I SEMS RTOG MED YOD PAR BSHAD DO, ,YANG NA 'DUN PA SLOB LAM DU RTOG PA YIN KYANG SANGS RGYAS KYI SAR RTOG MED YIN TE, DE NYID LAS, YANG NA JI LTAR SDUG BSNGAL DANG BRAL BAR 'DOD PA'I THUGS RJE CHEN PO RNAM PAR RTOG PA'I BDAG NYID CAN NI SNGAR YIN LA PHYI NAS DE BZHIN GSHEGS PA LA RNAM PAR RTOG PA MED PAS DE LTAR YANG DAG PAR RDZOGS PA'I BYANG CHUB 'DOD CES PAS NI KHA NA MA THO BA MED DO ZHES SO, ,

BZHI PA NI, SEMS CAN THAMS CAD SANGS RGYAS LA BKOD NAS RANG NYID SANGS RGYA BAR 'DOD PA PHYUGS RDZI LTA BU DANG, BDAG GZHAN THAMS CAD DUS MNYAM DU SANGS RGYA BAR 'DOD PA MNYAN PA LTA BU DANG, RANG NYID SANGS RGYAS NAS GZHAN GROL BAR 'DOD PA RGYAL PO LTA BU'I SEMS BSKYED DANG GSUM YOD CES 'CHAD DO, ,DON 'DI LA BCOM LDAN PA NI, SNGA MA GNYIS LTAR NA DE DAG GIS MI SRID PA DAM BCAS PA DANG BLO LOG SHES SU 'GYUR TE, SEMS CAN THAMS CAD RANG GI SNGAR DANG DUS MNYAM DU SANGS RGYA BA MI SRID PA'I PHYIR RO, ,SEMS CAN THAMS CAD SANGS RGYAS NA RANG NYID SANGS RGYA BA LA DGOS PA MED DE, SGRA BREGS NAS TSES GRANGS RTOG PA BZHIN NO, ,DES NA RGYAL PO LTA BU'I SEMS BSKYED 'DI NYID GZHUNG LAS BSHAD PAS 'DI KHO NA'O ZHES GSUNG YANG BYANG CHUB SEMS DPA'I THUGS SBYONG BA LA MI SRID PA DU MA YOD PA DANG, SMON LAM 'DEBS PA YANG MI 'GRUB PA'I SMON LAM DU MA SNANG BA'I PHYIR DGAG PA DE DAG MI RIGS SO, , DES NA RGYAL PO LTA BU 'DI GZHUNG LUGS RNAMS SU MANG BAR GSUNGS KYANG BYANG SEMS KYI THUGS SBYOD TSUL BSAM GYIS MI KHYAB PAS SRID DO, ,GSUM PA NI, SPYOD 'JUG LAS, GSER 'GYUR RTZI'I RNAM PA MCHOG LTA BU, ,MI GTZANG LUS 'DI BLANGS NAS RGYAL BA'I SKU, ,RIN CHEN RIN THANG MED PAR BSGYUR BAS NA, ,BYANG CHUB SEMS ZHES BYA BA RAB BRTAN BZUNG, ,BYANG CHUB SEMS SKYES GYUR NAS SKAD CIG GIS, ,'KHOR BA'I BTZON RAR BSDAMS PA'I NYAM THAG RNAMS,,

, ,BDE GSHEGS RNAMS KYI SRAS ZHES BRJOD BYA ZHING, ,'JIG RTEN LHA MIR BCAS PA'I PHYAG BYAR 'GYUR, ZHES DANG, SEMS 'GREL LAS, BYANG CHUB SEMS NI MA BSKYED PAR, ,SANGS RGYAS NAM YANG MI 'THOB CING, ,'KHOR BAR GZHAN DON SGRUB PA YI, ,THABS GZHAN YOD PA MA YIN NO, ZHES BSHAD PA'I GNAS SKABS DANG MTHAR THUG GI 'BRAS BU DANG, MDOR NA DPAS BYIN GYIS ZHUS PAR, BYANG CHUB SEMS KYI BSOD NAMS GANG, ,GAL TE DE LA GZUGS MCHIS NA, ,NAM MKHA'I KHAMS NI KUN GANG STE, ,DE NI DE BAS LHAG PAR 'GYUR, ZHES GSUNGS PA RNAMS SO, ,DE LTAR SEMS BSKYED KYI RAB DBYE NGO BO NGOS 'DZIN PHAN YON SA MTSAMS DANG BCAS PA TZAM ZHIG SKABS SU BAB PAS BDAG GIS KYANG BSHAD LA, BLA MA RNAMS SEMS BSKYED KYI CHO GA DE DAG GI RTZA LTUNG DBU SEMS SO SO YIN PA DANG MIN PA'I LUGS DU MA BKOD NAS 'CHAD MOD, DE DAG NI HA CANG YANG SPROS PA LA DGA' BAS 'BYAM KLAS PA'I BSHAD PAR SNANG BAS BDAG GIS NGAL BA MA BYAS TE BSTAN BCOS GCIG TU BSTAN BCOS 'DUG TSAD THAMS CAD KYI 'BREL BTZAL NAS 'CHAD NA SHO LOG GCIG KYANG JI SRID MTSO'I BAR DU YANG BSHAD PAR MI NUS PA'I PHYIR RO, ,GNYIS PA LA GNYIS, MTSAN NYID DANG RAB DBYE'O, ,DANG PO LA GNYIS, MTSAN NYID DNGOS DANG, DE MDO DANG SBYAR BA'O, ,DANG PO LA GSUM LAS SBYAR BA NI, SEMS BSKYED PA RANG GI NGO BO GANG LA DMIGS PA'I YUL DANG BCAS TE GSUNGS PA NI'O

BSTAN PA NI, THEG CHEN GYI SEMS BSKYED PA NI CHED DU BYA BA RANG LAS GZHAN PA'I SEMS CAN THAMS CAD KYI DON GYI PHYIR DU THOB BYA YANG DAG PAR RDZOGS PA'I BYANG CHUB 'DOD PA'O, ,'ON TE 'DOD PA ZHES BYA BA 'DI CI ZHE NA, 'DI 'DOD PA DANG DE 'DOD PAS BYANG SEMS KYIS YUM LA BRTZON PAR BYA'O ZHES GSUNGS PA'I 'DOD PA DE'O, ,DE'I MTSAN NYID KYANG MI SHES PAS GANG ZHE NA, 'DI NI NYI KHRI LAS DON DU GNYER BAR GSUNGS PA 'DI YIN TE, DE YANG DUS DANG POR SEMS BSKYED PA'I DUS NA RTEN BYANG SEMS KYIS TSUL RANG NYID NGES PAR SANGS RGYA BA DANG, GZHAN GYI DON BSGRUB PAR BYA'O ZHES DE LTAR DON DU GNYER BAR BYED DO, ,BSHAD PA NI, ZHES BYA BA GSUNGS ZHES PA NI 'DAS MA THAG PA'I RTZA BA BSHAD BYAR 'GOD BZHED NAS YIN LA TE NI 'CHAD BYED 'DREN PA STE, 'DI NI DMIGS BSAL MED PA'I 'OG GI SKABS THAMS CAD DU SHES PAR BYA'O, ,'DI LA GNYIS, MTSAN NYID DNGOS DANG, RTZOD PA SPANG BA'O, ,DANG PO LA GSUM LAS, STONG NYID SNYING RJE'I SNYING PO CAN GYI SEMS BSKYED PA'I NGO BO NI, GZHAN RANG LAS PHA ROL GYI DON 'KHOR BA RGYU 'BRAS LAS BSGRAL BA DANG MYANG 'DAS RGYU 'BRAS LA 'GOD PA'I CHED DU YANG DAG PAR RDZOGS PA'I BYANG CHUB 'DOD PAR BYED PA'I MTSAN NYID DO, ,DBYE BA NI, SMON PA DANG 'JUG PA'I NGO BO NYID KYI SEMS RNAM PA GNYIS SO, ,SEMS BSKYED TSUL NI, RANG NYID MA 'ONGS PA NA SANGS RGYAS SU GRUB NAS GDUL BYA GZHAN GYI DON GYI PHYIR THEG PA GSUM GYI CHOS BSTAN PA LA

, ,SOGS PAS RANG RANG GI SKAL BA JI LTA BA BZHIN DU 'BAD PAR BYA'O ZHES DANG POR RGYU'I SEMS BSKYED PA NI SMON PA DANG, SMON PA LTAR BYANG CHUB BSGRUB PA'I THABS PHUN TSOGS RDZOGS PAR BYA'O ZHES 'BRAS BU'I SEMS BSKYED PA NI 'JUG SEMS BSKYED TSUL LO, ,GNYIS PA LA GNYIS, RTZOD PA DANG LAN NO, ,DANG PO NI, YANG DAG PAR RDZOGS PA'I BYANG CHUB 'DOD PA NYID NI, JI LTAR NA DE STE KHYOD SEMS BSKYED PA YIN PAR 'GYUR TE MA YIN PAR THAL, RDZOGS BYANG DE DON DU GNYER BA'I 'DUN YUL DGE BA'I CHOS LA 'DUN PA'I 'DUN PA SEMS LAS BYUNG BA YIN LA STE MDOR NA SEMS BYUNG YUL NGES LNGA'I 'DUN PA YIN PA'I PHYIR ZHES PA'O, ,KHYAB PA YOD DE, SPRO BA CHE NAS DON GNYIS LDAN PA'I SEMS BYUNG BA ZHES BSHAD PAS, GROGS SEMS PA DANG MTSUNGS LDAN DU 'BYUNG BA'I SEMS GZHAN DON DANG BYANG CHUB LA DMIGS PA'I YUL KHYAD CAN DU SNANG BAR SKYE BA ZHIG SEMS BSKYED PA MA YIN NAM STE YIN PA'I PHYIR ZHE NA, GNYIS PA LA GNYIS, RGYU MING 'BRAS BU DANG, GROGS MING GROGS CAN LA BTAGS PA'O, ,DANG PO NI, 'DOD PA SEMS BYUNG YIN PAS SEMS BSKYED MIN PAR THAL BA BDEN MOD KYI STE 'DOD PA YIN NO, ,'O NA YANG DAG RDZOGS PA'I BYANG CHUB 'DOD CES PA CI ZHE NA, 'DOD PA SEMS BSKYED MIN PA 'ON KYANG MTSAN NYID KYI SKABS 'DIR DE'I MING GIS SEMS BSKYED LA NYE BAR BTAGS PA TZAM LA BRTEN PA YIN PAS SEMS BYUNG SEMS BSKYED DU

THAL BA'I NYES PA MED DO, ,DNGOS MIN BZHIN DU 'DOGS PA LA NI CHOS GSUM TSANG DGOS PAS, CHOS GSUM GANG ZHE NA, 'DI LA GSUM LAS 'DOGS PA'I RGYU MTSAN NI, 'DRA BA RGYU MTSAN DU BYAS PA MI BLUN PO LA BA LANG DU BRJOD PA LTA BU DANG, 'BREL BA RGYU MTSAN DU BYAS PA LA GSUM, YAN LAG DANG YAN LAG CAN DANG, BRJOD BYA DANG RJOD BYED DANG, RGYU DANG 'BRAS BUR 'BREL BA'O, ,DE LA DANG PO NI RAS YUG GI PHYOGS GCIG TSIG PA LA RAS YUG TSIG CES PA DANG, GNYIS PA NI SHER PHYIN BRJOD BYAR STON PA'I MDO LA SHER PHYIN ZHES PA DANG, GSUM PA LA YANG RGYU LA 'BRAS BU DANG 'BRAS BU LA RGYU'I MING GIS BTAGS PA GNYIS SO, ,DANG PO NI, LO MA LA TSOD MA ZHES DANG, GNYIS PA NI, DA LTAR GYI BDE SDUG LA SNGON GYI LAS ZHES BRJOD PA LTA BU RNAMS LAS 'DIR NI PHYI MA YIN NO, ,DE YANG 'GRO BA MGON MED PA SDUG BSNGAL GYI RGYA MTSOR NUB PA LA DMIGS NAS DE DAG 'DON PAR 'DOD PA'I BSAM PA DGE BA'I CHOS GZHAN DON LA 'DUN PA'I MTSAN NYID CAN GYI DON DU GNYER BA'I 'DUN PA YOD NA DE RGYUR YOD PA LA BRTEN NAS DE DAG GI PHYIR DU 'TSANG RGYA BAR 'DOD PA'I 'BRAS BU BYANG CHUB KYI SEMS BSKYED PA DE SKYE BAS NA RGYU 'DOD PAS 'BRAS BU SEMS BSKYED LA BTAGS NAS BSTAN NO, ,BTAGS PA'I DGOS PA NI, 'DUN PA RGYUR YOD NA SEMS BSKYED SKYE BA DE LTAR GZHAN DON DANG BYANG CHUB LA 'DUN ZHING DON DU GNYER BA'I BYANG CHUB SEMS DPA'I DGE BA'I CHOS THAMS CAD 'PHEL

, ,BAR 'GYUR RO ZHES SHES PAR BYA BA'I PHYIR BTAGS TE 'DUN PA DANG PO'I RGYUR SHES PA'I PHYIR RO, ,DNGOS LA GNOD BYED NI, SEMS BSKYED NI 'DOD PA DNGOS MA YIN TE SEMS YIN PAS SO ZHES SBYAR TE, DE NI BDEN MOD KYIS BSTAN PAR YANG RUNG NGO, ,GNYIS PA NI, LAN GYI RNAM PA GCIG TU NA SMON LAM DE DANG LHAN CIG SPYOD PA'I SEMS BSKYED PA LA NI SMON LAM DE'I SGRAR BTAGS NAS BSTAN NO, ,SMON LAM DE YANG CI 'DRA BA ZHE NA, SMON LAM NI DON DU GNYER BA STE DE YANG YANG DAG PAR RDZOGS PA'I BYANG CHUB 'DOD PA NYID DO, ,BTAGS PA'I RGYU MTSAN NI, SEMS BSKYED PA'I GNAS SKABS NA GROGS DON GNYER GYI 'DUN PA DE GTZO BOR GYUR PA'I PHYIR TE, DE NI SEMS BSKYED MA SKYES PA SKYED PA DANG SKYES ZIN 'PHEL BAR BYED PA'I PHYIR RO, ,DE YANG 'JIG RTEN NA RGYAL PO 'KHOR BCAS 'GRO BA NA GTZO BO YIN PAS RGYAL PO GSHEGS SO ZHES ZER GYI 'KHOR MI SMOS PA BZHIN NO, ,RGYU MTSAN 'DI NI 'GREL PA GNYIS KA'I DGONGS BA'O; ;BTAGS PA'I DGOS PA NI, SMON LAM DANG SEMS BSKYED LHAN CIG SPYOD PA DE LTAR NA BYANG SEMS RNAMS LA SMON LAM DANG LDAN PA'I SEMS DE SKYE'O ZHES SHES PAR BYA BA'I PHYIR YIN NO, ,DE LTAR GDAGS CHOS GNYIS LAS RGYUR GYUR PA'I 'DUN PA NI GZHAN DON LA DMIGS PA GZHAN SDUG BSNGAL DANG BRAL 'DOD TZAM YIN GYI BYANG CHUB LA MI DMIGS TE, DE NI SEMS BSKYED DANG RGYU 'BRAS YIN PAS SEMS BSKYED KYI SNGAR 'BYUNG DGOS PAS SO,,

GAL TE DE GNYIS MTSUNGS LDAN RGYU 'BRAS YIN PAS DUS MNYAM MO ZHE NA, DE MI 'THAD DE, DE LTA NA LAN 'OG MA DANG KHYAD MED DU 'GYUR BAS SO, ,GAL TE 'DUN PA DE GZHAN CHED DU BYANG CHUB LA DMIGS PAR GSUNGS PA NYID RTZOD GZHI YIN PAS RGYU 'DUN PAS BYANG CHUB LA DMIGS SO ZHE NA, RGOL BA'I BSAM PA NI 'DOD PAR BSHAD PA LA DE YIN NA SEMS BYUNG YIN PAS SEMS BSKYED DANG 'GAL SNYAM PA YIN GYI, YUL GZHAN DON DANG BYANG CHUB LA 'DUN NA SEMS BYUNG DANG YUL GZHAN LA 'DUN NA SEMS BYUNG MIN PAR RTZOD PA MIN NO, ,BTAGS CHOS GNYIS PA NI GROGS SU GYUR PA'I SMON LAM STE, DE NI GZHAN CHED DU RDZOGS BYANG LA DMIGS PA'O, ,DE LTAR NA RTZOD LAN 'DI GNYIS KAS SEMS DANG SEMS BYUNG RDZAS THA DAD PAR 'DOD PAR SNANG ZHING THOGS MED SKU MCHED LA SOGS PA 'PHAGS YUL GYI SHING RTA CHEN PO DU MAS KYANG DE LTAR BKRAL LO, ,TSUL 'DI LA YANG BRJOD PAR BYA BA DU MA ZHIG YOD MOD YI GE MANGS PAS 'JIGS NAS MA BRIS SO, ,TSIG GSAL LAS, SEMS BSKYED DE 'DUN PA DANG SNYING RJE GNYIS DANG MTSUNGS LDAN YIN BZHIN DU 'DUN PA NYID DANG MTSUNGS LDAN DU BSHAD PA'I RGYU MTSAN CI ZHES PA'I LAN DU 'CHAD PA NI DGONGS BAR MI SNANG, GNYIS PA LA BZHI DRI BAS MTSAMS SBYAR, MDO YIS LAN BSTAN, DRIS LAN DES GRUB PA'I DON, MDO GZHAN MA BKOD PA'I RGYU MTSAN NO, ,DANG PO NI, YANG DAG PAR RDZOGS PA'I BYANG CHUB DE NI GANG 'DOD PAR BYA BA'I BDAG NYID THOB BYA'I DMIGS YUL YIN PAR GANG LAS SHES PA YIN, GZHAN

, ,GYI DON NI DGOS PA GANG GI DON DU SEMS BSKYED PA CHED DU BYA BA'I YUL YIN PAR GANG LAS SHES PA YIN ZHE NA, YANG NI MTSAN NYID BSTAN PA TZAM DU MA ZAD MDOS KYANG SGRUB PA'O, ,GNYIS PA LA GNYIS LAS, DANG PO NI, BYANG CHUB THOB BYA'I YUL YIN PA DE DANG, GZHAN DON CHED DU BYA BA'I YUL YIN PA DE NI BSDUS PA DANG RGYAS PA GNYIS GNYIS KYI SGO NAS YUM GYI MDO LAS BRJOD PAS SEMS BSKYED DE GZHAN CHED DU RDZOGS BYANG 'DOD PAR BSHAD PA DE YUM GYI MDO BZHIN DU STE DE DANG MTHUN PAR BYAS KYI RANG DGAR NI MIN NO, ,GNYIS PA LA GNYIS, BYANG CHUB DANG, GZHAN DON LA DMIGS PA MDO NAS BSTAN TSUL LO, ,DANG PO NI, SEMS BSKYED KYI MTSAN NYID NI YUM GYI MDO'I DON DANG MI 'GAL BAR TE MTHUN PAR SHES PAR BYA'O, ,JI LTAR NA, BSTAN TE'O, ,GANG NA, YANG DAG PAR RDZOGS PA'I BYANG CHUB 'DOD PA DE'O, ,GANG GI SGO NAS NA, MDOR BSDUS PA DANG RGYAS PAR BSHAD PA'I SGO NAS SO, ,GANG LAS NA, RGYAL BA'I YUM RGYAS 'BRING BSDUS PA RNAM PA GSUM CHAR LAS SO, ,KYANG NI NANG PHAN TSUN BSDU BA'O, ,KHA CIG BRGYAD STONG PA NA MDO 'DI DAG MED PAS BSDUS PA NI KHRI BRGYAD STONG PA LA BYA'O ZHES ZER YANG RTOGS DKAR BSHAD BA LTAR BRGYAD STONG PA LA BYA STE, SLOB DPON 'DIS YUM GSUM GA LA TSIG RGYAS BSDUS YOD KYANG DON LA KHYAD MED PAS RGYAN 'DI YUM GSUM GA'I RGYAN DU BZHED PAS 'DI DANG MKHYEN GSUM GYIS SRAS BZHI'I RTOGS PA BSDUS

PA'I SHES BYED KYI SKABS DANG, DGOS 'BREL DU YANG YUM GSUM CHAR ZHES 'BYUNG BA'I DON DE'O, ,MDO TSIG GANG GIS NA, SHA BU 'DI LA BYANG CHEN CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'DOD PAS SHER PHYIN LA BSGRUB PAR RAM BRTZON PAR BYA'O ZHES BYANG CHUB THOB BYA'I YUL DU SHES PAR BYED PA'I DON CAN TE BRJOD BYA CAN GYI NGAG GIS BYANG CHUB 'DOD PA MDOR BSTAN TO, ,DE YANG 'DI LA NI THEG CHEN NAM SHER PHYIN BSTAN PA DANG, RNAM PA THAMS CAD NI BDEN GNYIS KYI RNAM PA GNYIS DANG, 'TSANG RGYA BA YAN GYIS 'BRAS BU DANG, YUM GYIS RGYU DANG, BRTZON PAR BYA BAS SBYOR BA PHUN TSOGS BSTAN PAR GNOD 'JOMS LAS SO, ,DE LTAR BKA' STZAL PA DANG, JI LTAR BRTZON PAR BYA BA ZHUS PA'I LAN DU SHA BU 'DI LA BYANG CHEN GYIS GNAS PA MED PA'I TSUL DU SHER PHYIN LA GNAS TE, SBYIN PA DANG GTONG BA DANG YONGS SU LEN PA MI DMIGS PA'I PHYIR YONGS SU GTONG BA MED PA'I TSUL GYIS SBYIN PA DANG, LTUNG BA DANG MI LTUNG BA'I BYA BA MED PA'I PHYIR TSUL KHRIMS DANG, 'KHRUG PA MED PA'I PHYIR BZOD PA DANG, LUS DANG SEMS KYI BRTZON 'GRUS NYAMS PA MED PA'I PHYIR BRTZON 'GRUS DANG, RO MYANG BA MED PA'I PHYIR BSAM GTAN DANG, SHES RAB DANG SHES RAB 'CHAL BA MI DMIGS PA'I PHYIR SHER PHYIN YONGS SU RDZOGS PAR BYA'O, ZHES SBYIN PA DANG SOGS PAS SHES RAB KYI BAR THAMS CAD LA SBYIN PAR BYA BA'I RDZAS DANG DE SBYIN PA PO DANG DE LEN PA PO DANG

, ,SOGS PAS TSUL KHRIMS LDAN PA PO TSUL KHRIMS TSUL 'CHAL GSUM DANG, DE BZHIN DU GZHAN RNAMS LA YANG GANG ZAG PHAR PHYIN SKABS KYI SPANG BYA GSUM GSUM YOD PA RNAMS 'KHOR GSUM DU MI DMIGS PAR RTOGS NAS PHAR PHYIN DE DAG BSGRUB PA STE RDZOGS PAR BYA'O ZHES BYANG CHUB 'DOD BYA'I YUL DU SHES PAR BYED PA'I BRJOD BYA'I DON CAN GYI NGAG GIS BYANG CHUB 'DOD PA DE RGYAS PAR BSHAD DE, DE LTAR MDO DANG POS BYANG CHUB 'DOD PAS BRTZON PAR BYA ZHES TE 'DOD PA MDO TZAM DANG, GNYIS PAS DE 'DOD PAS PHYIN DRUG LA BSLAB CES SBYOR BA DE RGYAS PAR PHYE NAS BSAM PA SHUGS LA 'PHANGS PAS SO, ,GNOD 'JOMS SU TSUL KHRIMS LA LTUNG BA MI 'BYUNG BA DANG, LHAG PAR LTUNG BA MI 'BYUNG BA'I PHYIR ZHES DRANGS NAS DE'I DON NI BYANG SEMS KHYIM PA DANG RAB BYUNG GNYIS KA'I SDOM PA MA NOS PA NA DE'I LTUNG BA MI 'BYUNG BA DANG, GAL TE BYUNG NA YANG DUS LAS MI YOL BAR MTHOL BA DANG, RO MYANG BA MED PA'I DON RANG DON DU 'JUG NA RO MYANG BA YOD KYANG GZHAN DON DU 'JUG PAS DE MED DE, DES NA DAG PA BA DANG ZAG MED LA 'JUG GI NYON MONGS PA CAN LA NI MA YIN NO ZHES 'CHAD DO, ,GNYIS PA NI, BSTAN TE'O, ,GANG NA GZHAN DON 'DOD PA DE'O,, GANG GI SGO NAS DANG GANG LAS BSTAN PA NI SNGAR LTAR RO, ,TSIG GANG GIS NA, PHYOGS BCU RE RE ZHING GANGG'A'I KLUNG GI BYE MA SNYED KYI 'JIG RTEN GYI KHAMS KYI SEMS CAN JI SNYED PA DE DAG THAMS CAD SKAL BA JI LTA BA BZHIN DU PHUNG PO LHAG MA

MED PA'I MYA NGAN LAS 'DAS PA'I DBYINGS SU YONGS SU MYA NGAN LAS BZLA BA'AM 'DAS PA LA 'GOD PAR 'DOD PAS KYANG SHER PHYIN 'DI NYID LA BSGRUB CING BSLAB PAR BYA'O ZHES BYA BA GZHAN DON CHED DU BYA BA'I YUL RAB TU STON PA LHUR LEN PA STE CHED CHER BYED PA'I NGAG GIS GZHAN DON 'DOD PA MDOR BSTAN TO, ,SEMS CAN SER SNA CAN RNAMS SBYIN PA LA RAB TU 'GOD PAR 'DOD PA DANG SOGS SNGA MAS BSDUS PA TSUL KHRIMS 'CHAL BA GNOD SEMS MANG BA LE LO CAN SEMS RNAM PAR G-YENGS PA, SHAS RAB 'CHAL BA RNAMS SOGS GNYIS PAS BSDUS PA TSUL KHRIMS BZOD PA, BRTZON 'GRUS BSAM GTAN SHES RAB PHUN SUM TSOGS PA LA 'GOD PAR 'DOD PA'I BYANG CHEN GYIS, SHER PHYIN 'DI NYID LA BSGRUB CING BSLAB PAR BYA'O ZHES BYA BA GZHAN DON CHED DU BYA BAR RAB TU STON PA LHUR LEN PA STE CHED CHER BYED PA'I NGAG GIS GZHAN DON 'DOD PA RGYAS PAR BSHAD DE, MDO DANG POS GZHAN MYANG 'DAS TZAM DANG, GNYIS PAS MYANG 'DAS KYI RGYU PHYIN DRUG SO SO LA 'GOD 'DOD PAR PHYE NAS GSUNGS PAS SO, ,SOGS GSUM PAS NI BLO GROS MI ZAD PA SOGS GZHAN LAS SEMS BSKYED KYIS GZHAN DON LA DMIGS PAR GSUNGS PA BSDU'O DE LTAR NA MDO GNYIS TSAN GNYIS KYIS RIM PA LTAR BYANG CHUB DANG GZHAN DON 'DOD PA BSDUS RGYAS SU GSUNGS PA, RJE BTZUN GYIS SEMS BSKYED KYIS GZHAN CHED DU RDZOGS BYANG 'DOD PA'I DON DU BKRAL TE, THEG CHEN GYI SKABS YIN PAS BYANG CHUB DE GZHAN CHED DU THOB PAR 'DOD KYI RANG

, ,DON DU MIN PAS SNYAM DU DGONGS SO GANG DAG YUL GNYIS YUM LAS BSDUS RGYAS SU GSUNGS PA'I TSUL LA, MDO YI DON DANG MI 'GAL BAR ZHES 'CHAD PA NI MI 'THAD DE, YUM MDO LA YIN NA YUM MDO LAS DE NYID DANG MI 'GAL BAR BSTAN CES PAR 'GYUR BAS SHES 'DOD MED LA, DKON MCHOG RNAM BDUN DANG SDONG PO BKOD PA SOGS LA BYED NA DE YANG MDO GZHAN DANG MI 'GAL BAR BRTAG DGOS PAS THUG MED DU 'GYUR ZHING SKABS DANG YANG 'GAL TE, MDO BZHIN DU YIN MIN DANG 'GAL MI 'GAL DPYAD PA'I GZHI NI BSTAN BCOS SU SEMS BSKYED PA'I MTSAN NYID BSTAN PA LA YIN ZHING YUM MDO 'DI YI RTZA BA'I MDO YIN PA DANG, RGYAN SNANG LAS KYANG 'PHAGS PA STONG PHRAG NYI SHU LNGA PA'I MDO JI LTA BA BZHIN DU BRJOD PAR BYA'O ZHES GSUNGS PAS SO, ,DON 'DI LA AA MA RA TZA NA TRAS, YUM GYI MDO DANG MI 'GAL BAR BSTAN BCOS KYI NGAG GIS SHUGS LA BSDUS RGYAS SU BRJOD PAR BZHED PA YANG MI 'THAD DE, YUM GSUM CHAR LAS BSTAN TE ZHES 'BREL BA DANG, 'GREL PA THAMS CAD LAS KYANG BSDUS RGYAS SU STON PA'I TSIG MDO NYID LA MDZAD PAS SO, ,MTSAN NYID KYI SKABS SU BSDUS PA DANG, RAB DBYE'I SKABS SU RGYAS PAR BRJOD CES PA YANG DON MIN TE, MTSAN NYID KYI 'OG TU YUL GNYIS KYI 'CHAD 'GYUR GYI DRI BA BYUNG ZHING RAB DBYE'I SNGON DU BSHAD ZIN GYI MTSAMS SBYOR BYUNG BA DANG, DBYE BA NI SEMS BSKYED RGYAS BSHAD YIN GYI YUL GYI MIN PAS SO, ,MA NGES PA MIN TE, KHYED LTAR NA YUL

NYI TSE BSDUS RGYAS SU BSHAD PAS SO, ,TSIG GSAL DU 'DOD PA'I BDAG NYID GANG ZHES PA'I LAN DU RDZOGS BYANG 'DOD PA YANG SGYU MA'I DPE BRGYAD DANG 'DRA BAR 'DOD KYI DNGOS POR ZHEN NAS NI MIN NO ZHES STON PA NI SBYIN SOGS THAMS CAD LA ZHES SOGS SO, ,GANG GI DON DU SEMS BSKYED PA RDZOGS BYANG GANG ZHES PA'I LAN DU SEMS CAN THAMS CAD CES SOGS TE, 'DIS NYAN RANG DANG THUN MONG MA YIN PA'I BYED LAS BSTAN PAS BYED PA PO BYANG CHUB GSUNGS SO, ,GZHAN GYI DON GANG ZHES PA'I LAN DU SEMS CAN SER SNA CAN ZHES SOGS BSTAN CES DRI BA GSUM DU BYAS NAS LAN GYI MDO TSAN PA GSUM SBYOR BA NI DGONGS PA MIN TE, MDO GCIG CHAD CING, DRI BA DE DAG SHER SGRON DU BYAS PA LTAR SNGA PHYI GNYIS GNYIS SBYAR NAS GNYIS BYED PA SLOB DPON GYI DGONGS PA YIN PA'I PHYIR TE, LAN GYI MDO BZHI KAS BYANG CHUB DANG GZHAN DON GNYIS STON PA LA SBYAR BAS SO, ,GZHAN YANG RANG NYID KYIS MDO BZHI YUL GNYIS RGYAS BSDUS SU BSTAN PA LA SO SOR SBYAR BA DANG NANG 'GAL LO, ,DE'I PHYIR DRI BA SNGAR BZHIN GSUM BYAS NAS DANG PO'I LAN DU DE LTAR NA SEMS BSKYED PA ZHES SOGS MDZAD PA NI SHIN TU YANG NOR RO, ,GSUM PA NI, SEMS BSKYED DE GZHAN DON DU RDZOGS BYANG LA DMIGS PAR MDO BZHIS GRUB PA DE LTAR NA SEMS BSKYED PA NI GZHAN GYI DON GYI PHYIR YANG DAG PAR RDZOGS PA'I BYANG CHUB 'DOD PA'I BDAG NYID YIN PAR SNGAR BSTAN PA DE YUM GYI MDO'I DON DANG MI 'GAL BAR SHES PAR BYA'O ZHES RNAM PAR SBYAR TE,

, ,GANG ZHIG GANG DANG 'BREL BA DE, ,RING NA 'DUG KYANG DE DANG DER, ZHES PA LTAR 'DIR YANG 'BREL BAS SO, ,TSIG GSAL LAS KYANG MI 'GAL BA ZHES BYA BA NI 'DI RJE BTZUN GYI ZHAL SNGA NAS RANG BZOR NI MA BSTAN GYI MDO LAS KYANG DE DANG DE DAG DE KHO NA SKAD GSUNGS SO, ZHES TSIG ZUR GYIS BSTAN PA STE, 'DI NI TSIG LE'UR BYAS PA RIL LA SBYAR RO ZHES 'BYUNG LA DE'I DON YANG MTSAN NYID BSTAN PA RANG BZO MIN GYI MDO YI DON YIN PAS DE DANG MI 'GAL ZHES BSHAD DGOS PAS SO, ,DE LTAR NA DRIS LAN DE DAG GIS GRUB PA'I DON DE LA BSHAD PA DANG, LE BRGYAD MAR YANG MDO DANG PO GNYIS KYI MTHAR RIM PA LTAR ZHES BYA BA NI YANG DAG PAR RDZOGS PA'I BYANG CHUB 'DOD PA DANG LDAN PA'I SEMS BSKYED PA BSDUS TE BSTAN PA'O, ,YANG DAG PAR RDZOGS PA'I BYANG CHUB 'DOD PA DANG LDAN PA'I SEMS BSKYED PA RGYAS BAR BSTAN PA'O ZHES DANG, PHYI MA GNYIS KYI MTHAR GZHAN GYI DON LA DMIGS PA'I SEMS BSKYED PA MDOR BSDUS PA'O, GZHAN GYI DON LA DMIGS PA'I SEMS BSKYED PA RGYAS PAR BSTAN PA'O ZHES GSUNGS PA'I PHYIR 'GREL CHEN GNYIS SU YUL GNYIS BSDUS RGYAS SU GSUNGS PA'I DGONGS PA YUL NYI TSE LA MI BYA BAR YUL DE GNYIS SEMS BSKYED KYI CHED DU BYA BA DANG, THOB BYA'I DMIGS PA YIN PAR BSTAN PAR BYAS NAS MTSAN NYID BZHAG PA DE NYID MDO'I DON YIN PA LA DRANG BAR BYA'O, ,DE BZHIN DU MKHAS PA GZHAN YANG BZHED DE, DAG LDAN LAS, MDO BZHIN DU ZHES BYA BA LA MDO NI

SHES RAB KYI PHA ROL TU PHYIN PA 'DI NYID DE, MTSAN NYID 'DI NI DE LAS MA 'DAS PA YIN NO ZHES BYA BA'I DON NO, ZHES DANG, DE'I PHYIR BSTAN BCOS KYI MTSAN NYID NI MDO JI LTA BA KHO NA YIN NO ZHES GSUNGS SHING, MDO LAS GZHAN DON CHED DU BYA BAR SHUGS KYIS BSTAN LA BSTAN BCOS SU GZHAN DON 'DOD BYAR SHUGS LA BSTAN TE BYANG CHUB 'DOD PA DE GZHAN DON DU YIN PA DANG, 'DOD BYA MA YIN NA CHED DU BYA BAR MI 'GYUR BAS SO, ZHES 'CHAD DO, ,GRAGS CHA LAS KYANG JI LTAR BCOM LDAN 'DAS KYIS SHES RAB KYI PHA ROL TU PHYIN PA'I MDOR TE BSDUS PA DANG RGYAS PA'I SGO NAS YANG DAG PAR RDZOGS PA'I BYANG CHUB 'DOD PA LA BSHAD DE DE YANG GZHAN GYI DON DU GSUNGS SO, ,DE BZHIN DU BDAG GIS KYANG 'DIR RJES SU MTHUN PAR BSTAN PAR BYA STE, DE DANG DE NI MDO BZHIN DU, ,BSDUS DANG RGYAS PA'I SGO NAS BRJOD CES PA STE, MDO DANG RJES SU MTHUN PAR BYAS KYI RANG DGAR NI MA YIN NO ZHES SO, ,BZHI PA NI, BLO GROS MI ZAD PA DANG SDONG PO BKOD PA SOGS GZHAN LAS BYANG SEMS BSKYED KYI MTSAN NYID GSUNGS PA MA YIN NAM CI'I PHYIR YUM GYI MDO NYID BKOD CE NA, GTZUG LAG GI GZHUNG RGYAL BA'I BKA' SKABS KYI DON SEMS BSKYED KYI MTSAN NYID STON PA LHUR LAN PA STE CHED CHER BYED PA NI YUM MDO DANG MDO GZHAN THAMS CAD LAS KYANG GSUNGS MOD KYI 'DIR YUM MDO LAS GZHAN SHES BYED KYI KHUNGS NYID DU MA BRIS PA'I RGYU MTSAN NI, TSIG MANGS SU DOGS NAS SO, ,MDO GZHAN GYIS MTSAN NYID BSTAN KYANG YUM MDO NYID DRANGS PA NI

, ,'DI'I RTZA BA'I MDO YIN PAS SO, ,KHA CIG YUM GSUM GA LAS GSUNGS NA 'DIR BAR MA TZAM BKOD KYI RGYAS BSDUS GNYIS MI 'DREN PA CI ZHES PA'I LAN DU SBYOR BA NI BYIS BA 'DRID PA'I TSIG STE BSDUS PA NA, TSIG DGOD RGYU MED LA, MDO DANG PO GNYIS KYI MDO DE DAG LA TSIG MANG NYUNG GI KHYAD PAR MED PAS SO, ,DE LTAR NA RKANG PA GNYIS PO 'DI YI MTSAMS SBYAR DANG PHYI 'GREL RNAMS LA NI RGYA GAR BA KHA CIG DANG BOD PHAL MO CHE NI DGONGS PA BZHIN SMRA BA LA MI SMRA BA'I BRTUL ZHUGS THOB PAR GYUR TO, ,BSTAN BCOS DANG MDO SBYOR BA'I DANG PO'I MTSAMS NI NYI SNANG SLOB DPON DAG LDAN GSUM GYIS SEMS BSKYED KYI MTSAN NYID NAS MDZAD LA, STONG PHRAG BRGYA BA'I BSHAD PA DANG YUM GSUM DON BRGYAD KYIS MTHUN PAR BSTAN PA GNYIS KYIS MDO DANG PO GNYIS 'DUN LDAN DANG BSAM LDAN LA SBYAR BA LA DANG POR BYAS SO, ,BOD KHA CIG NYI SNANG LAS BYANG CHUB SEMS DPA' JI NAS BDAG LA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA DANG, GZHAN GYI DON BSGRUB PAR BYA'O ZHES DE LTAR DON DU GNYER BAR BYED DO ZHES PA MTSAN NYID KYI MDO LA 'DREN PA NI MI 'THAD DE, 'GREL TSIG YIN PAS SO; ;GZHAN DU NA MDO TSAN PA BZHI PO DE'I GONG DU DMIGS DGOS PA LAS GLENG GZHI RDZOGS PA'I 'OG TU MDO BZHI'I DANG PO DE LAS MED BA DANG, 'PHAGS PAS KYANG MDO DRANGS PA'I TSUL DU MA MDZAD PAS SO, ,THUB DGONGS

SU YANG NYI SNANG GI TSIG DE NYI KHRI'I MDOR 'KHRUL SNANG STE, 'KHRUL GZHI NI TSIG DE'I SNGON DU 'DI NI STONG PHRAG NYI SHU LNGA BA 'DI NYID LAS DON DU GNYER BAR GSUNGS LA YIN TE ZHES MDZAD BAS NONGS SO, ,'DIR MDO DANG SBYOR BA'I MDO RNAMS GANG GIS DBANG DU BYED CE NA, BZANG PO'I ZHABS KYIS NYI SNANG LA BRTEN NAS SBYAR BA'I NYI KHRI DAG GTUGS DANG SBYAR BAR BYA'O, ,GNYIS PA LA GSUM LAS DANG PO NI, DE LTAR SEMS BSKYED PA RANG GI NGO BO THOB BYA'I DMIGS PA DANG CHED DU BYA BA DANG BCAS PA BRJOD ZIN NAS SMRA BA'I SGO LAS, DA NI SKABS SU BAB PA'I TSIG ,'DAS PA'I SKABS LA RNAM PAR SPANGS, ,DA LTAR BYUNG LA SBYAR BAR BYA, ZHES PA LTAR DA NI SEMS BSKYED DE'I RAB TU DBYE BA RNAM PA NYI SHU RTZA GNYIS SEMS BSKYED MDOR BSDUS TE GSUNGS PA'I RAB DBYE RGYA CHEN PO BSTAN PA'I KHONGS SU GTOGS PAS BAR SKABS KYI TSIGS BCAD GNYIS KYIS GSUNGS PA NI'O, ,GNYIS PA NI, SEMS BSKYED DE DBYE GZHI DBYE NA RNAM PA NYI SHU RTZA GNYIS SO, , DE YANG SA NAS SPRIN GYI BAR RNAMS KYIS MTSON NAS BSTAN PA'I DON NO, ,DE DAG THAMS CAD KYI MTHAR 'BYED TSIG SBYAR TE, 'BYED PA'I RGYU NI GROGS NYER GNYIS YOD PAS SO, ,PHYE BA'I THA DAD NI PHAL CHER NGO BO THA DAD DE, SNGA MA GNYIS PHYI MA RNAMS KYI RGYU DANG, PHYI MA GNYIS SNGA MA RNAMS KYI 'BRAS BU DANG, BAR PA RNAMS SNGA MA SNGA MA RGYU DANG, PHYI MA PHYI MA 'BRAS BU YIN PAS SO, ,SPYIR NI NGO BO THA DAD PAR MA NGES TE, SEMS BSKYED KUN KYANG 'DUN LDAN YIN

, ,PA'I PHYIR RO, ,GRANGS NGES BA NI RGYU DANG 'BRAS BU'I SEMS BSKYED LA 'DI TZAM DU NGES SHING LHAG PA MED PAS SO, ,GO RIMS NGES PA NI 'DI DAG SNGA MA LAS PHYI MA SKYE BAS DON GYI GO RIM MO, ,YANG NI SEMS BSKYED NGO BOS BSTAN PAR MA ZAD PA'O, ,GSUM PA NI, ZHES BYA BA NI TSIGS BCAD GNYIS SAM SA SOGS NYER GNYIS TE DE DE DAG GIS DON NYER GNYIS BSHAD CES PA'O, ,'DI LA GSUM, NGO BO BSHAD, DON BSDU, SA MTSAMS SO, ,DANG PO NI, DANG PO NYER GNYIS KYI MTHAR LDAN PA NI ZHES SBYAR BA NGO BO YIN LA, BAR PA NYER GNYIS KYI MTHAR LTA BU STE ZHES SBYAR BA DPE'O, ,THA MA NYER GNYIS KYI MTHAR NYID KYIS ZHES SBYAR BA DPE DON GYI CHOS MTHUN NO, ,BYANG CHUB LA 'DUN PA DANG MTSUNGS PAR LDAN PA'I SEMS BSKYED PA NI, SA LTA BU STE, SANGS RGYAS DANG DE'I RGYU TSOGS KYI CHOS DKAR PO THAMS CAD KYI GZHI'AM RGYU'I DNGOS PO BYED PA NYID KYIS SO, ,GNYIS PA RGYUN GNAS PA'I BSAM PA DANG LDAN PA NI, GSER LTA BU STE, TSE 'DI PHYI LA PHYIN DRUG GIS BSDUS PA'I PHAN BDE'I BSAM PA BYANG CHUB KYI BAR DU MI 'GYUR BA NYID KYIS SO, ,'DI GNYIS KYI MDO NI RIM PA LTAR SNGAR DRANGS PA'I BYANG CHUB 'DOR BSTAN DANG RGYAS BSHAD KYI MDO GNYIS SO, ,DE 'DI'I SHES BYED DU JI LTAR 'GRO SNYAM NA, MDO SNGA MA LAS SEMS BSKYED DE SPYIR SANGS RGYAS DANG DE'I RGYU'I CHOS DKAR PO TZAM GYI RGYU DANG, PHYI MAS NI PHYIN DRUG GI THABS DANG LDAN PAR BSTAN PAS PHYIN DRUG GI SGO NAS TSE 'DI LA BDE BA

DANG PHYI MA LA PHAN PA'I BSAM PA NI MI 'GYUR BA'I PHYIR RIM PA LTAR SA DANG GSER LTA BU'O, ,GSUM PA BSAM PA LHAG PAS LHAG PA'I BSAM PA DANG LDAN PA NI, ZLA BA TSES PA LTA BU STE, PHYOGS MTHUN SO BDUN SOGS KYI DGE BA'I CHOS MTHA' DAG GONG NAS GONG DU 'PHEL BAR 'GYUR BA NYID KYIS TE, SH'A RI'I BU BYANG CHEN GYIS YUM LA GNAS TE BYANG PHYOGS SO BDUN YONGS SU RDZOGS PAR BYA'O ZHES PA NAS STOBS BCU MA 'DRES BCO BRGYAD TSAD MED BZHI BSGOM PAR BYA'O ZHES SO, ,DE LTAR NA YUM ZHES PA SHER PHYIN LA GO BAR BYA STE TSIG TSEGS SKYUNG BA'I PHYIR RO, ,BZHI PA SKYE MED GSUM MKHYEN PA'I SBYOR BA DANG LDAN PA NI, ME LTA BU STE, MKHYEN GSUM GYI YUL SKYE MED GSUM SHES PA LA GEGS BYED PA'I SGRIB PA'I BUD SHING SREG PA NYID KYIS TE, THAMS CAD SHES PA NYID LA SHES PA DANG MTHONG BAS RNAM PAR BLTAS NAS 'DA' BAR 'DOD PA DANG, LAM SHES YONGS SU RDZOGS PA DANG, RNAM MKHYEN RJES SU THOB PA DANG SEMS CAN THAMS CAD KYI SEMS DANG SPYOD PA DANG SHES BA'I RNAM PA SHES PA NYID RDZOGS PAR BYA 'DOD PA DANG, BAG CHAGS KYI MTSAMS SBYOR BA'I NYON MONGS PA THAMS CAD SPANG BAR 'DOD PA'I SOGS SO, ,RGYAN LAS, SBYOR BA DANG LDAN PA ZLA BA DANG LHAG BSAM DANG LDAN PA ME LTA BUR GO BZLOG STE BSHAD PA NI, GNYIS KA YANG TSOGS SBYOR GNYIS KAR 'BYUNG BA SHES PAR BYED PA'O, ,DPE DON GYI CHOS MTHUN 'DI NI, GRAGS CHA SHER SGRON STONG PHRAG BRGYA BA'I BSHAD PA LAS KYANG BSHAD

, ,LA; 'GREL CHEN GNYIS SH'ANTI AA BHYA RGYAN 'GREL RNAMS LAS BUD SHING GI KHYAD PAR GYIS ME 'PHEL BA LTAR SBYOR BA KHYAD PAR DU 'GRO BA'O ZHES 'CHAD DO, ,'GREL PA 'DIR BSHAD PA'I DGONGS PA NI, MDO 'DIS MKHYEN GSUM GYI SGO NAS YUM LA SLOB PA DANG MI MTHUN PHYOGS SPONG BA BSTAN LA, SBYOR LAM DU MKHYEN GSUM GYI SBYOR BA LA SGOM BYUNG GIS DBANG DU GYUR PAS DE'I SGRIB PA SREG PA LA MTHU PHUL BYUNG THOB PA'I PHYIR ME DANG CHOS MTHUN NO SNYAM DU DGONGS SO; ;LNGA PA SBYIN PA'I PHAR PHYIN DANG LDAN PA NI, GTER CHEN PO LTA BU STE, CHOS DANG ZANG ZING GI LONGS SPYOD KYIS SEMS CAN THAMS CAD TSIM PAR BYED KYANG MI ZAD PA NYID KYIS TE, SEMS CAN SER SNA CAN SBYIN PA LA 'GOD PAR 'DOD PA DANG; NYAN RANG GI THEG PA PA'I RIGS KYI BU DANG RIGS KYI BU MO SBYIN PA GTONG BA THAMS CAD KYI DGE BA'I RTZA BA THAMS CAD RDZAS SU YI RANG BA DANG LDAN PA'I SEMS BSKYED PA GCIG GIS ZIL GYIS GNON PAR 'DOD PA'I SOGS SO, ,DRUG PA TSUL KHRIMS KYI PHAR PHYIN DANG LDAN PA NI, RIN PO CHE'I 'BYUNG GNAS LTA BU STE STOBS LA SOGS PA'I YON TAN RIN PO CHE SKYED PA'I RTEN GYI DNGOS PO NYID KYIS TE, TSUL KHRIMS 'CHAL BA SOGS SO, ,BDUN PA BZOD PA'I PHAR PHYIN DANG LDAN PA NI; RGYA MTSO CHEN PO LTA BU STE, ME MTSON LA SOGS PA'I MI 'DOD PA THAMS CAD THAG TU BAB PAS YID MI 'KHRUG PA NYID KYIS TE, GNOD SEMS CAN ZHES SOGS SO, ,BRGYAD PA BRTZON 'GRUS KYI PHAR PHYIN DANG LDAN PA NI, RDO RJE LTA

BU STE; BLA NA MED PA'I BYANG CHUB LA YID CHES PA BRTAN PAS BDUD KYIS MI PHYED PA NYID KYIS TE, LE LO CAN ZHES SOGS SO, ,DGU PA BSAM GTAN GYI PHAR PHYIN DANG LDAN PA NI, RI'I RGYAL PO LTA BU STE, MTSAN MAR DMIGS PA'I RNAM PAR G-YENG BAS TING NGE 'DZIN LAS MI BSKYOD PA NYID KYIS TE, SEMS RNAM PAR G-YENGS PA SOGS SO, ,BCU PA BDAG MED GNYIS RTOGS PA'I SHER PHYIN DANG LDAN PA NI, SMAN CHEN PO LTA BU STE, CHAGS SOGS NYON MONGS PA DANG GZUNG BAR RTOG PA SOGS SHES BYA'I SGRIB PA'I NAD RAB TU ZHI BAR BYED PA NYID KYIS TE, SHES RAB 'CHAL BA SOGS SO, ,BCU GCIG PA THABS KYI PHAR PHYIN DANG LDAN PA NA, DGE BA'I BSHES GNYEN LTA BU STE SNYING RJE DANG THABS MKHAS PAS 'BYOR RGUD KYI GNAS SKABS THAMS CAD DU SEMS CAN GYI DON YONGS SU MI GTONG BA NYID KYIS TE, DGE BA'I SEMS BSKYED PA GCIG TZAM YANG THABS MKHAS PAS RNAM MKHYEN DU BSNGOS PAS GZHAL MED GRANGS MED PAR BYA BAR 'DOD PA DANG, DE BZHIN DU SBYIN PA CHUNG NGU GTONG, TSUL KHRIMS CHUNG NGU SRUNG, BZOD PA CHUNG NGU SGOM, BRTZON 'GRUS CHUNG NGU RTZOM, BSAM GTAN CHUNG NGU LA MNYAM PAR 'JOG ,SHES RAB CHUNG NGU YANG SGOM PA NA THABS MKHAS PAS SNGAR LTAR 'DOD PA LA SOGS PA'O; ;'DIS RGYA MTSOR LHUNG BA'I CHU THIGS DANG 'DRA BAR PHYIN DRUG GI DGE RTZA CHUNG NGU TZAM YANG BYANG CHUB TU BSNGOS PAS, DE MA THOB KYI BAR DU MI ZAD PA DANG, SEMS CAN GYI DON DU NGAN SENG GI SDUG BSNGAL YANG BZOD NUS PAR BSTAN

, ,PA'I PHYIR BSHES GNYEN LTA BU DE BSTAN TO, ,BCU GNYIS PA SMON LAM GYI PHAR PHYIN DANG LDAN PA NI, YID BZHIN GYI NOR BU LTA BU STE, GNAS KYI DBANG DU BYAS PA'I YID LA JI LTAR SMON PA'I 'BRAS BU 'GRUB PA NYID KYIS TE, BYANG CHEN SANGS RGYAS KYI SKU SGRUB PA DANG, GZHON NU'I SA LAS 'DA' BA DANG, SANGS RGYAS DANG BYANG SEMS RNAMS DANG MI 'BRAL BA DANG, DBYANGS GCIG GIS PHYOGS BCU'I 'JIG RTEN GYI KHAMS SU GO BA DANG, DKON MCHOG GSUM GYI RIGS RGYUN MI 'CHAD PA DANG, DGE RTZA GANG GIS SANGS RGYAS RNAMS LA BKUR STI BYA BAR 'DOD PA'I DGE RTZA DE DAG YANG DAG PAR 'GRUB PAR GYUR CIG SNYAM PAS SOGS SO, ,'DIS JI LTAR SMON PA RNAMS 'GRUB BAR BSTAN PA'I PHYIR DE BSTAN TO, ,BCU GSUM PA STOBS KYI PHAR PHYIN DANG LDAN PA NI, NYI MA LTA BU STE, GDUL BYA'I RGYUD KYI DGE BA'I LO TOG YANGS SU SMIN PAR BYED PA NYID KYIS TE, BYANG CHEN GYIS ZAS SKOM GOS LA SOGS PAS SEMS CAN THAMS CAD KYI YID LA BSAM PA YONGS SU RDZOGS PAR BYA BA DANG, NAM MKHA'I MTHAS GTUGS PA'I SEMS CAN THAMS CAD PHYIN DRUG LA 'GOD PA DANG, DGE BA'I SEMS GCIG TZAM YANG BYANG CHUB MA THOB KYI BAR DU MI ZAD PAR BYED 'DOD PAS SOGS SO, ,'DIS GZHAN RGYUD CHOS DANG ZANG ZING GIS DANG RANG RGYUD KYI DGE RTZA SMIN PAR BYED PA BSTAN PA'I PHYIR DE BSTAN TO, ,SKABS 'DIR GZHAN DON RGYAS BSHAD KYI PHYIN DRUG LA 'GOD PA YANG GSUNGS SO, ,BCU BZHI PA YE SHES

KYI PHAR PHYIN DANG LDAN PA NI, CHOS KYI SGRA DBYANGS SNYAN PA DRI ZA'I GLU LTA BU STE, GDUL BYA YID 'DUN PAR BYED PA'I CHOS STON PA NYID KYIS TE, BYANG CHEN STONG NYID NYI SHU LA SLOB PA DANG, STONG GSUM GYI 'BYUNG BZHI'I RDUL PHRA RAB THAMS CAD SHES PAR 'DOD PAS ZHES SOGS SO, ,'DIS STONG NYID MKHYEN PA'I JI LTA BA DANG RDUL PHRA RAB RNAMS MKHYEN PA'I JI SNYED PA'I YE SHES DANG SBYIN PA'I BSNGAGS PA CHEN PO BSTAN PA'I PHYIR DE BSTAN TO, ,BCO LNGA PA MNGON PAR SHES PA DANG LDAN PA NI, RGYAL PO CHEN PO LTA BU STE, MTHU THOGS PA MED PAS GZHAN GYI DON SGRUB PA NYID KYIS TE, BYANG CHEN SEMS BSKYED PA GCIG GIS PHYOGS BCU'I 'JIG RTEN THAMS CAD 'DA' BA DANG, STONG GSUM GYI CHU THAMS CAD SKRE'I RTZE MO BRGYAR GSHAGS PA'I CHAS GYEN DU BSLANG BA DANG, DE NA GNAS PA'I SROG CHAGS RNAMS LA YANG GNOD PAR MI 'GYUR BA DANG, BSKAL BA SREG PA'I ME KHA'I DBUGS GCIG GIS ZHI BA DANG, 'JIG PA'I DUS KYI RLUNG SOR MO'I RTZE MO GCIG GIS DGAB PA DANG, STONG GSUM GYI NAM MKHA'I KHAMS CI TZAM PAR SKYIL KRUNG GCIG GIS DGANG BA DANG, STONG GSUM GYI RI THAMS CAD SKRA NYAG MA GCIG GIS SBAMS TE GYEN DU BTEG NAS 'JIG RTEN GYI KHAMS TSAD MED PAR 'PHANG NGO SNYAM PA DANG, PHYOGS BCU'I DE BZHIN GSHEGS PA THAMS CAD LHA'I MIG GIS BLTA ZHING DE'I CHOS LHA'I RNA BAS MNYAN PA DANG, SEMS CAN GYI SEMS KYI SPYOD PA SHES PA DANG, DE DAG GI SNGON GYI GNAS DRAN PA DANG, ZAG ZAD KYI MNGON SHES MNGON DU BYA BAR 'DOD CING YANG DAG MTHA'

, ,MNGON DU MI BYA BAR 'DOD PA SOGS SO, ,'DIS MTHU'I KHYAD PAR PHUL DU BYUNG BA'I SGO NAS GZHAN GYI DON SGRUB PAR BSTAN PA'I PHYIR DE BSTAN TO, ,BCU DRUG PA BSOD NAMS DANG YE SHES KYI TSOGS DANG LDAN PA NI, BAR MDZOD LTA BU STE, BSOD NAMS DANG YE SHES KYI TSOGS GNYIS MANG PO'I MDZOD DE GNAS LTA BU YIN PA NYID KYIS TE, BYANG CHEN PHYOGS BCU'I DE BZHIN GSHEGS PA NYAN THOS DANG BYANG SEMS KYI DGE 'DUN DANG BCAS PA THAMS CAD BSOD SNYOMS DANG ME TOG LA SOGS PA GCIG GIS DE DAG LA BKUR STI SOGS BYA BA DANG, PHYOGS BCU'I SEMS CAN THAMS CAD ZAG MED KYI PHUNG PO LNGA 'BRAS BU BZHI RANG RGYAL PHUNG PO MA LUS PA'I MYANG 'DAS KYI BAR LA 'GOD PAR 'DOD PAS SOGS SO, ,DE LA DAG DANG POS BSOD NAMS DANG GNYIS PAS YE SHES KYI TSOGS BSTAN PA'I PHYIR DE BSTAN TO, ,BCU BDUN LA BYANG PHYOGS KYI CHOS SO BDUN DANG LDAN PA NI, LAM PO CHE LTA BU STE, 'PHAGS PA THAMS CAD GSHEGS SHING RJES SU GSHEGS PA NYID KYIS TE, BYANG CHEN DUS GSUM GYI SANGS RGYAS THAMS CAD KYI YON TAN THAMS CAD THOB PAR 'DOD PAS SOGS SO, ,'DIS DUS GSUM GYI RGYAL BA RNAMS KYI LAM GYIS MTSON PA DUS GSUM GYI 'PHAGS PA THAMS CAD KYI LAM BSTAN PA'I PHYIR DE GSUNGS SO, ,DE LA SNGA MA DAG GROGS LA NI 'PHAGS PA THAMS CAD GSHEGS LA GROGS CAN LA NI THEG CHEN 'PHAGS PA KHO NA GSHEGS ZHES 'CHAD DO, ,BCO BRGYAD PA GZHAN DON LA RTZE GCIG

TU GNAS PA'I SNYING RJE DANG CHOS RANG BZHIN MED RTOGS KYI LHAG MTHONG DANG LDAN PA NI, BZHON PA BZANG PO LTA BU STE, 'KHOR 'DAS KYI MTHA' GANG DU YANG MI LTUNG BAS MI GNAS PA'I SAR BDE BLAG TU 'GRO BA NYID KYIS TE, BYANG CHEN NYAN RANG THAMS CAD KYI SNGON DU 'GRO BA DANG, SANGS RGYAS THAMS CAD KYI NANG GI 'KHOR DU 'GYUR BAR 'DOD PAS SOGS SO, ,'DIS NYAN RANG DU MA ZHUGS PA'I SNGON DU BYANG CHUB TU 'GRO BA LA SOGS PA BYANG SEMS KYI SPYOD PA LA SLOB TSUL RNAMS BSTAN PA'I PHYIR DE DAG GSUNGS SO, ,BCU DGU PA TSIG DON MI BRJED PAR 'DZIN PA'I GZUNGS DANG GZHAN LA THOGS MED DU 'CHAD PA'I SPOBS PA DANG LDAN PA NI, BKOD MA'I CHU LTA BU STE, SNGAR THOS PA DANG MA THOS PA THOS 'GYUR GYI CHOS 'DZIN PAS MI ZAD PAR STON PA NYID KYIS TE, PHYOGS BCU'I SANGS RGYAS BCOM LDAN 'DAS RNAMS KYIS GSUNGS PA DANG GSUNG BA DANG GSUNG BAR 'GYUR BA GANG JI SNYED PA 'DI LTA STE MDO DANG DBYANGS KYIS BSNYAD PA DANG LUNG BSTAN PA NAS GTAN LA PHAB PAR BSTAN PA'I BAR NYAN RANG RNAMS KYIS MA THOS PA GANG YIN PA DE DAG THAMS CAD GZUNG BA LA SOGS PA DANG GZHAN LA YANG RGYA CHER BSTAN PAR 'DOD PAS ZHES SO, ,CHU MIG DANG BKOD MA'I KHYAD PAR NI SA'I DNGOS GZHIR, CHU MIG NI GLO NAS CHU 'BYUNG BA GANG YIN PA'O; ;BKOD MA NI CHU GYEN DU 'BYUNG BA GANG YIN PA STE ZHES SO, ,NYI SHU PA 'DU BYED ZAG BCAS CHOS THAMS CAD MYANG 'DAS BZHI LA MI RTAG SDUG BSNGAL BDAG MED ZHI BAR RTOG PA'I CHOS KYI DGA' STON DANG LDAN PA NI, KUN DGA' BA'I

, ,SGRA SNYAN PA LTA BU STE, THAR PA 'DOD PA'I GDUL BYA LA 'DU BYED THAMS CAD NI MI RTAG PA'O, ,ZAG BCAS THAMS CAD NI SDUG BSNGAL LO, ,CHOS THAMS CAD NI BDAG MED PA'O, ,MYA NGAN LAS 'DAS PA NI ZHI PA'O ZHES PA'I SGO NAS CHOS KYI SGRA DBYANGS SNYAN PAR SGROGS PA NYID KYIS TE, PHYOGS BCU RE RE ZHING 'JIG RTEN GYI BAR YUN RING POR MUN PA MUN GNAG TU GYU RANG LUS KYI 'OD KYIS SNANG BAR BYAS NAS DER SKYES BA'I SEMS CAN LA DKON MCHOG GSUM GYI SGRA THOS PAR BYA BA DANG, DE DAG YANG DAG PA'I LTA BA LA DGOD PAR 'DOD PA'I ZHES SOGS SO, ,NYER GCIG PA BGROD PA GCIG PA'I LAM DANG LDAN PA NI, CHU BO'I RGYUN LTA BU STE, SHES PA DANG SHES BYA MNYAM PA NYID DU RTOGS PAS SNYING RJE DANG SHES RAB KYIS RANG GI NGANG GIS 'JUG CING RGYUN MI 'CHAD PAR GZHAN GYI DON GYI BYA BA THA MI DAD PA STE RIS SU MA CHAD PAR 'JUG PA NYID KYIS TE, PHYOGS BCU PO RE RE MTHA' YAS PA'I 'JIG RTEN GYI KHAMS NA SEMS CAN YONG BA DANG 'ON PA DANG SMYON PA DANG, GCER BU DANG, BKRAS PA DANG, SKOM PA LA SOGS PA DANG, ,NGAN SONG DU LTUNG BA RNAMS SDUG BSNGAL DE DANG DE LAS THAR BAR BYA STE MI'I LUS THOB PA DANG, DE RNAMS KYANG THAG MED KYI PHUNG PO LNGA LA DGOD PAR 'DOD PAS SOGS SO, , 'DIS SEMS CAN CHES SDUG BSNGAL BA RNAMS LA YANG SDUG BSNGAL DE LAS GROL BAR BYAS TE BLA NA MED PA'I BYANG CHUB LA 'GOD PAR BSTAN PA'I PHYIR DE GSUNGS SO, ,NYER GNYIS PA CHOS KYI SKU DANG LDAN PA NI, SPRIN LTA BU STE, DGA' LDAN

GYI GNAS NA BZHUGS PA DANG SOGS PAS MDZAD PA BCU GNYIS KUN TU STON PAR RUNG BA STE SEMS CAN GYI PHAN BDE'I LO TOG SMIN PA DE LA RAG LAS PA NYID KYIS TE, BYANG CHEN DE BZHIN GSHEGS PA'I SPYOD LAM STON PA DANG, DE BZHIN GSHEGS PA'I SPYOD PA DANG CHU LA RNAM PAR DAG PA DANG DE'I SKU GSUNG THUGS KYI PHRIN LAS THAMS CAD YE SHES SNGON DU 'GRO BA YONGS SU DAG PA DANG GLANG PO CHA'I LTA STANGS KYIS BSTAN BAR 'DOD PAS YUM LA BSLAB PAR BYA'O ZHES PA LA SOGS PA STE, 'DI DAG GIS SANGS RGYAS KYI SKU GSUNG THUGS KYI PHRIN LAS KYI SGO NAS SEMS CAN THAMS CAD LA THOGS PA MED PAR CHOS STON PA LA SOGS PA BYED PA'I PHYIR RO, ,MDZAD PA BCU GNYIS NI, RGYUD BLA LAS, THUGS RJE CHEN POS 'JIG RTEN MKHYEN, , 'JIG RTEN KUN LA GZIGS NAS NI, ,CHOS KYI SKU LAS MA G-YOS PAR, ,SPRUL BA'I RANG BZHIN SNA TSOGS KYIS, ,SKYE BA MNGON PAR SKYE BA DANG, ,DGA' LDAN NAS NI 'PHO BA DANG, ,LHUMS SU 'JUG DANG BLTAMS PA DANG, ,BZO YI GNAS LA MKHAS PA DANG, ,BTZUN MO'I 'KHOR GYIS DGYES ROL DANG, ,DES 'BYUNG DKA' BA SPYOD PA DANG, ,BYANG CHUB SNYING POR GSHEGS PA DANG, ,BDUD SDE 'JOMS DANG RDZOGS PAR NI, ,BYANG CHUB CHOS KYI 'KHOR LO DANG, ,MYA NGAN 'DAS PAR GSHEGS MDZAD RNAMS, ,YONGS SU MA DAG ZHING RNAMS SU, ,SRID PA JI SRID GNAS PAR STON, ZHES SOGS TSUL 'DI LTAR NA BCU GNYIS PO THAMS CAD SANGS RGYAS KYI MDZAD PA STE THUN MONG MA YIN PA'I LUGS SO, ,THEG PA THUN MONG BA LTAR NA KUN

, ,BTUS SU BSHAD PA LTAR DANG PO DGU BYANG SEMS DANG THA MA GSUM SANGS RGYAS KYI MDZAD PA'O, ,GLANG PO CHE'I LTA STANGS ZHES PA'I DON NI, YUM GSUM GNOD 'JOMS LAS, STENG NA 'DUG PA LA BKYED DE MI BLTA, 'OG NA 'DUG PA LA BTUD DE MI BLTA, G-YAS G-YON NA 'DUG PA LA MIG BZUR TE MI BLTA, RGYAB NA 'DUG PA LA MDZING BA BSGYUR TE MI BLTA, THAG RING POR 'DUG PA LA BSGRIMS TE MI BLTA, THAG NYE BA NA 'DUG PA LA BSGRIM PA MED PAR YANG MI BLTA'O, , JI LTAR 'DUG PA'I SPYOD LAM DANG JI LTAR LTA BA'I MIG GIS 'JIG RTEN GYI KHAMS THAMS CAD DU SEMS CAN DANG CHOS THAMS CAD LA LTA BA NI GLANG PO CHE'I LTA STANGS SO ZHES 'CHAD DO ZHES SO, ,GNYIS PA NI, DPE NYER GNYIS KYIS SEMS BSKYED NYER GNYIS STON PAR DPE DON CHOS MTHUN NYER GNYIS KYIS BSGRUB PA DE LTAR NA DE YANG SA GSER ZLA BA ME ZHES BYA BA LA SOGS PA'I TSIGS BCAD GNYIS KYIS SEMS BSKYED PA NYI SHU RTZA GNYIS BSHAD PA YIN NO, ,'DIR SA GSER ZLA BA ME ZHES BYA BA LA SOGS PA'I SEMS BSKYED CES DRUG PA'I SGRAR BTON NAS 'CHAD PA NI GZHUNG MA DAG GO ,GSUM PA NI, SEMS BSKYED NYER GNYIS BSHAD PA DE LA DANG PO BDUN LDAN LA SOGS PA GSUM NI LAS DANG PO PA'I SA TSOGS LAM GYIS BSDUS TE DE YANG TSOGS KYI LAM CHUNG NGU DANG 'BRING DANG CHEN PO NYID KYIS RIM PA BZHIN NO, ,DE'I 'OG TU GCIG SBYOR BA DANG LDAN PA NI SA DANG PO LA 'JUG PA SBYOR BA'I LAM GYIS BSDUS SO, ,DE'I 'OG TU SBYIN PA DANG LDAN PA NAS YE SHES DANG LDAN PA'I BAR BCU NI RAB

TU DGA' BA LA SOGS PA'I SA BCUS RIM PA BZHIN BSDUS TE DANG PO MTHONG BA'I LAM DANG, LHAG MA DGU SGOM PA'I LAM GYI SPYOD YUL CAN TE SKABS DE NA YOD PA'O, ,DE'I 'OG TU MNGON SHES DANG LDAN PA SOGS LNGA NI KHYAD PAR GYI LAM GYIS BSDUS SO; ;'DI LA KHA CIG SA BCU KA'I KHYAD PAR GYI LAM LA 'CHAD KYANG, RGYAN SNANG LAS 'DI DAG GI GO RIMS RNAMS DON GYI RIM PAR BSHAD PA'I PHYIR MI 'THAD DO, ,DES NA SA BCU PA'I KHYAD PAR GYI LAM LA BZHAG GO ,ZLA 'OD DU GZHAN DRUG NI CHOS KYI SPRIN GYI GNAS SKABS KYI KHYAD PAR GYI LAM MO, ,'DI'I THA MA GCIG NI SANGS RGYAS KYI BAR CHAD MED PA'I LAM MO, ,RGYU 'DIS NA SANGS RGYAS KYI SAS BSDUS ZHES PA'I SENG GE BZANG PO'I 'DOD PA NI NYE BAR BTAGS PA'I DGOS PA MED PAS MI RIGS ZHES LNGA'I SA MTSAMS MTHUN ZHING, NYI SHU PA SA BCU THA MA'I BAR CHAD MED KYIS BSDUS LA DE SANGS RGYAS KYI SA DNGOS MIN ZHING, BTAGS PA BAR 'DOD NA YANG BTAGS PA'I DGOS PA MED PAS MI RIGS ZHES RGOL BA NI TSIG LA RTZOD PAR SNANG STE, SLOB DPON GYIS KYANG SANGS RGYAS KYI SA'I SBYOR BAS BSDUS PA TZAM DU BZHED PAS SO, ,DE YANG RGYAN SNANG LAS, 'DI NI BYANG CHUB SEMS DPA'I SA DANG 'BREL PA SANGS RGYAS KYI SA LA 'JUG PA'I LAM GYIS BSDUS SO, ZHES SO, ,BUD DHA SHR'IS THA MA BRGYAD LA DANG PO BZHI SA BRGYAD PA DANG, DE NAS GNYIS DGU PA DANG, DE NAS GNYIS BCU PA'O ZHES 'CHAD CING, RGYAN SNANG DU, THA MA BRGYAD BYANG SEMS KYI SA'I KHYAD PAR GYI LAM GYIS BSDUS PA'I LUGS BKOD PA NI 'PHAGS PA'I

, ,DGONGS PAR 'CHAD DO, ,DE'I 'OG TU BSHAD PA'I THA MA GSUM NI SBYOR DNGOS MJUG GSUM GYI SGO NAS SANGS RGYAS KYI SAS BSDUS SO, ,DE LA DNGOS MJUG NI SANGS RGYAS KYI MNYAM GZHAG DANG RJES THOB TU RGYAN SNANG BZHED LA, GZHAN DAG SKU GNYIS SAM YE SHES SNGA MA BZHI DNGOS YIN LA, SPRUL SKU'AM BYA SGRUB YE SHES MJUG TU 'DOD DO, ,TSOGS LAM NAS MI SLOB PA'I BAR NA YOD PA DE LTAR NA SEMS BSKYED PA'I RAB TU DBYE BA NI LAS DANG PO PA'I SA NAS BZUNG STE SANGS RGYAS KYI SA'I PAR GYIS BSDUS SO, ,DE'I PHYIR RGYU 'BRAS GNYIS KA'I SGO NAS PHYE NA DBYE BA RDZOGS KYI GZHAN DU RGYU TZAM GYI DBYE BAS DBYE BA MI RDZOGS SO, ,DE LTAR SLOB DPON 'DIS SA MTSAMS MDZAD PA YANG MDO SDE RGYAN GYI SA MTSAMS KYI LUNG DRANGS NAS DE'I RJES SU 'BRANGS SO, ,GNYIS PA LA GNYIS, SPYI DANG, YAN LAG GI DON NO, ,DANG PO LA LNGA, NOD PA'I RTEN, RGYU GANG LAS NOD PA, YUL GANG LA NOD PA, NOD BYA'I NGO BO, SA MTSAMS SO, ,DANG PO NI, SPYIR GDAMS NGAG NYAN PA TZAM ZHIG NYAN RANG LA YANG YOD LA, BYE BRAG TU THEG PA CHEN PO'I GDAMS NGAG LA YANG PHAL PA DANG KHYAD CAN GNYIS LAS 'DIR BSTAN PA NI PHYI MA STE, DE YANG SANGS RGYAS DNGOS LA NYAN NA TSOGS LAM CHEN POR SON PA ZHIG DGOS TE, RGYAN LAS, BSAM GTAN LA THOB MNGON PAR SHES, ,MNGON PAR BSGRUBS PA'I SGO NAS TE, ,SANGS RGYAS DPAG TU MED PA LA, ,MCHOD PA'I PHYIR DANG MNYAN PA'I PHYIR, ,'JIG RTEN KHAMS NI RNAMS SU 'GRO ,ZHES SO, ,GNYIS PA NI, RGYAN LAS, DE TSE CHOS KYI RGYUN LAS NI, ,SANGS

RGYAS RNAMS LAS ZHI GNAS DANG, ,YE SHES YANGS PA THOB BYA'I PHYIR, ,GDAMS NGAG RGYA CHEN RNYED PAR 'GYUR, ZHES PA LTAR CHOS RGYUN GYI TING NGE 'DZIN LA BRTEN NAS SO, ,'DI LA GSUM LAS, DANG PO MTSAN NYID NI, GANG LA MNYAM PAR BZHAG NA RGYAL BA RNAMS LAS GSUNG RAB KYI TSIG DON BGRANG LAS 'DAS PA 'DZIN PAR NUS PA'I DRAN SHES DANG TING NGE 'DZIN MTSUNGS LDAN NO, ,GNYIS PA SGRA BSHAD PA NI, CHOS GSUNG RAB KYI TSIG DON RGYUN NAM BAR MA CHAD DU 'DZIN PAR NUS PA'O, ,GSUM PA SA MTSAMS NI, 'GREL CHEN LAS, SA DANG PO THOB PAR 'GYUR BA'I LAM 'JIG RTEN GYI CHOS KYI MCHOG GI TING NGE 'DZIN LA CHOS KYI RGYUN GYI TING NGE 'DZIN CES BYA'O ZHES PA NI CHOS SPYOD NA YOD PA RNAMS KYI KHYAD CAN LA DGONGS PA YIN PAS, RGYAN SNANG LAS, TSOGS KYI SA 'DI NYID DU SEMS LAS SU RUNG BAR GYUR PA NA GANG ZHIG THOB PAS TSIG DANG DON 'DZIN PAR NUS PA'I CHOS KYI RGYUN ZHES BYA BA'I TING NGE 'DZIN THOB LA ZHES PA LTAR GZUNG NGO, ,GSUM PA NI, SANGS RGYAS KHO NA ZHES 'CHAD KYANG, PHYOGS BCU NA BZHUGS PA'I SANGS RGYAS LA SOGS PA LA ZHES PA LTAR SANGS RGYAS DANG THEG CHEN GDAMS NGAG STON NUS KYI DGE BSHES KYIS KYANG CHOG STE YUM GYI MDO LTA BU'I THEG CHEN GYI GDAMS NGAG LA YANG STON PA PO NYAN THOS KYANG DU MA YOD PA'I PHYIR RO, ,BZHI PA NI, KHA CIG SANGS RGYAS KYIS DNGOS SU 'DOMS PA'I NGAG CES PA MI 'THAD DE, GDAMS NGAG KHYAD CAN LA YANG STON PA PO SANGS RGYAS SU MA NGES PAR SNGAR BSTAN LA, SPYIR BKA' YIN PAR YANG MA NGES TE, MNGON RTOGS RGYAN LTA BU LA YANG GDAMS NGAG KHYAD CAN

, ,GYI DON LEGS PAR TSANG BA'I PHYIR RO, ,DE'I PHYIR THEG CHEN GYI RIGS CAN 'TSANG RGYA BA'I LAM CHA TSANG STON PA'I MDO DANG BSTAN BCOS THAMS CAD GDAMS NGAG KHYAD CAN YIN NO, ,TSIG GSAL LAS NI, LAM NYID GDAMS NGAG TU 'DOD PA'I GZHAN LUGS BKOD NAS, DE'I RJES SU YANG NA 'DOMS PA YANG DE YIN LA JI LTAR GDAMS PA LTAR SGRUB PA YANG 'DIR GTZO BOR GYUR PA'I GDAMS NGAG GO ZHES 'DOMS PA'I NGAG DANG GDAMS PA LTAR SGRUB PA DANG GNYIS KA YANG GDAMS NGAG YIN LA, DE YANG PHYI MA GTZO BOR GYUR PA'O ZHES PA 'DIS KHONG RANG GI RJE BTZUN GYI LUGS YIN PAR 'CHAD DO, ,DON BSDUS SGRON MER, NGO BO DAG GI 'KHOR LO YIN ZHES PA LTAR, 'GREL PA DANG RNAM 'GREL GNYIS LAS, DE LA DON DU GNYER BA'I DON THOB PA'I BYA BA NYE BAR STON PA NI GDAMS PA DANG RJES SU BSTAN PA YIN TE, THOB ZIN PA'I YON TAN YONGS SU SKYONG BA'I DON GYIS MI NYAMS PAR BYED PA NI GDAMS NGAG YIN LA, DE'I 'OG TU MA THOB PA'I YON TAN THOB PAR BYED PA'I PHYIR NA RJES SU BSTAN PA YIN NO ZHES RJOD BYED LA BSHAD CING, DAG LDAN LAS KYANG, KHONG DU CHUD BAR BYA BA'I PHYIR BRJOD PA NI GDAMS NGAG STE, ZHES DANG, 'DI LAS KYANG 'DOMS PA NI GDAMS NGAG STE ZHES CHEN PO RNAMS ZHAL 'CHAM PAR 'BYUNG BA'I PHYIR GDAMS NGAG NI RJOD BYED MTSAN NYID PA YIN LA BSTAN PA LTAR SGRUB PA NI GDAMS NGAG GI 'BRAS BU YIN NO, ,LNGA PA NI, SHER 'BYUNG GIS LAS DANG PO PA'I SA NAS BRTZAMS TE SANGS RGYAS KYI SA'I BAR DU GDAMS NGAG GIS BYANG CHUB

KYI SEMS SGRUB PA RNAM PAR DAG PA YIN NO, ZHES BSHAD LA, TSIG GSAL LAS NI, BAR CHAD MED PA'I LAM LA NI DE DON DU GNYER BA MED DE, RANG BYUNG GI YE SHES SKYED PAR NUS PA'I PHYIR RO, ZHES SRID PA THA MA PA'I TSE GZHAN LA MA LTOS PAR BYANG CHUB THOB PAR NUS PAS GDAMS NGAG LA RAG MA LAS ZHES 'CHAD DO, ,GDAMS NGAG NGES PAR NYAN DGOS PA'I DBANG DU BYAS NAS SA MTSAMS 'JOG NA ZHIB CHA 'DI LEGS LA, STON PA PO'I SA MTSAMS 'DZIN NA SANGS RGYAS KYI SA'I BAR RO ZHES SNGA MAS BSHAD PA LTAR RO, ,GNYIS PA LA GNYIS, MTSAMS SBYAR, DON BSHAD PA'O, ,DANG PO NI, SEMS BSKYED KYI NGO BO GTZO BOR BSTAN CING DE'I GNAS SKABS TZAM LA DBYE BAR BZHAG PAS DBYE BZHAR LA BRJOD NAS DE'I RJES SU GDAMS NGAG GSUNGS TE, GONG GI DE LTAR BYANG CHUB KYI SEMS DANG PO 'DUN LDAN LA SOGS PA BSKYED PA'I BYANG SEMS LA YUL BCU LA BRTZAMS NAS 'DOMS PA NI GDAMS NGAG YIN PAS SO, ,BYANG SEMS CI 'DRA BA ZHE NA DUS JI LTA BA BZHIN DU STE RGYU'I BYANG CHUB KYI SEMS BSKYED PA'I SKABS DANG MTHUN PAR GDAMS NGAG DON DU GNYER BAR BYED PA'O, ,DGOS PA GANG GI PHYIR NA, BYANG CHUB KYI SEMS BSKYED PA DANG SEMS DES BSAM PAS 'PHANGS PA'I DKAR CHOS THAMS CAD 'GRUB PAR BYA BA'I RJES BSTAN DANG, DGE BA'I BSHES GNYEN LA BRTEN PAS LHA GZHAN LA SKYABS SU MI 'GRO BA SOGS KYI YON TAN THOB ZIN PA GONG NAS GONG DU MNGON PAR 'PHEL BAR BYA BA'I GDAMS NGAG GI DGOS PA STE DE GNYIS KYI PHYIR DU'O, ,THABS GANG

, ,GIS NA, YON TAN THOB ZIN MI NYAMS PAR YONGS SU BSRUNG BA'I DON TE THABS KYIS SO, ,MDO 'BREL NI, SEMS BSKYED KYI SKABS SU 'DI DANG 'DI 'DOD PAS YUM LA BSLAB PAR BYA'O ZHES DU MA ZHIG GSUNGS PA LA, SH'A RI'I BUS BCOM LDAN 'DAS JI LTAR BYANG CHUB SEMS DPA' SEMS DPA' CHEN POS YUM LA SPYAD PAR BGYI ZHES SEMS BSKYED PA'I BYANG CHUB SEMS DPA' SEMS BSKYED DU BSHAD PA'I CHOS RNAMS RDZOGS PAR BYA BA'I DON DU JI LTAR BSGRUB PAR BYA ZHES PA'I LAN DU; SH'A RI'I BU 'DI LA ZHES PA NAS DE LTAR SPYOD NA BYANG SEMS YUM LA SPYOD PA YIN NO'I BAR GYIS SGRUB PA RANG GI NGO BO DANG, DGE SLONG SH'A RI'I BU ZHES PA NAS MA 'DRES PA BCO BRGYAD KYI SBYIN PA PO YIN NO'I BAR GYIS SGRUB PA'I PHAN YON GSUNGS SO; ;MDO MTSAMS 'BYED TSUL 'DI NI 'GREL CHEN GNYIS KYI DGONGS PA LTAR DAG LDAN LAS SO, ,DES NA SEMS BSKYED DU YUM LA BSLAB PAR BYA ZHES PA'I YUM NI KHA CIG SEMS BSKYED PA LA 'DOD KYANG, SKABS DE'I 'DOD PA RNAMS KYI SGRAS SEMS BSKYED BSTAN LA, SEMS BSKYED KYI DMIGS YUL SGRUB PA'I THABS YUM YIN PAS 'DIR BSTAN PA'I SGRUB PA LA YUM DU 'DOD PAR BYA STE SNGA PHYI LEGS PAR 'BREL BA'I PHYIR RO, ,GNYIS PA LA GNYIS, GDAMS NGAG SPYIR BSTAN, RTOGS DKA' BA BYE BRAG TU BSHAD PA'O, ,DANG PO LA GSUM, BSTAN, BSHAD, MJUG BSDU BA'O, ,DANG PO NI, 'DIR BSTAN GDAMS NGAG NI DBYE GZHI, DBYE NA GRANGS BCU'I BDAG NYID DU SHES PAR BYA'O, ,'BYED

PA'I RGYU MTSAN NI SGRUB DANG ZHES SOGS YUL BCUR YOD PAS SO, ,GNYIS PA LA BZHI, SGRUB PA RANG GI NGO BO, DMIGS YUL BDEN PA BZHI, RTEN DKON MCHOG GSUM, SGRUB PA PHUN TSOGS KYI RGYU LA GDAMS PA'O, ,DANG PO LA GNYIS, NGO BO DANG; KHYAD PAR RO, ,DANG PO NI, SGRUB PA LA 'DOMS SO, ,DE GANG NA, 'JUG PAR BYA'O ZHES GDUL BYA LA SLOB PA'O, ,GANG LA 'JUG NA, BYANG CHUB KYI SEMS KYI RAB TU DBYE BA NYER GNYIS SNGAR JI SKAD BSHAD PAR BSTAN PA'I DKAR CHOS MA LUS PA SGRUB PA'I THABS LA'O, ,DES NA 'DI NI SEMS BSKYED KYI SKABS SU MDO LAS BSHAD PA'I DKAR CHOS RNAMS SGRUB PA'I THABS LA BSHAD PAR BYA STE, 'PHAGS PA'I DGONGS PA YANG DE YIN NO, ,DE YANG SNGAR BSHAD PA'I MDO YI 'BREL LO, , TSUL NI, SPYOD PA PO SPYAD BYA SPYAD 'BRAS SPYOD PA RANG GI NGO BO BZLOG ZLA DANG BCAS PA DE KHO NAR MI DMIGS PA DANG, THA SNYAD DU SGYU MA LTA BUR DMIGS PA'I TSUL GYIS TE DE YANG KUN RDZOB DANG DON DAM PA'I BDEN PA LAS MI 'DA' BA BDEN GNYIS ZUNG 'BREL GYIS TE, SH'A RI'I BU BYANG TSE BYANG SEMS NYID YOD BZHIN DU BYANG SEMS BYANG SEMS KYI MING, BYANG CHUB YUM, YUM GYI MING, SPYOD CES MI SPYOD CES, SPYOD KYANG SPYOD LA MI SPYOD KYANG MI SPYOD, SPYOD PA YANG MA YIN MI SPYOD PA YANG MA YIN ZHES BYA BAR DANG, PHUNG PO LNGA YANG DAG PAR RJES SU MI MTHONG ZHES SO, ,'DI YANG DAG DANG POS KUN RDZOB DANG LHAG MAS DON DAM LAS MI 'DA' BAR BSTAN TO, ,YUM GSUM GNOD 'JOMS LAS NI, SH'A RI'I BUS DMIGS

, ,PA DANG BCAS PAS BYANG SEMS YUM DE LA SPYOD PA GSUM ZHUS PAS DMIGS PA DE DAG BSAL BA'I PHYIR BYANG SEMS DE'I MING DANG, BYANG CHUB STE BYANG CHUB SEMS DPA' MI DMIGS PA'I SPYOD PA MI DMIGS PAR BSTAN PAS MI DMIGS PA STONG PA NYID GSUNGS PA DANG, YUM YANG MI DMIGS PAR DRANGS SHING, 'DI DAG GIS GANG ZAG GI BDAG MED DANG PHUNG PO LNGA MI MTHONG BAS CHOS KYI BDAG MED BSTAN PAR 'CHAD DO, ,DE LTAR DRANGS PA'I MDO 'DI THEG BSDUS KUN BTUS DANG; MDO RGYAN GYI 'GREL PA, BRGYAD STONG DON BSDUS, DAG LDAN RNAMS SU RNAM G-YENG GI RTOG PA BCU'I GNYEN POR BKRAL ZHING DE DAG TU BSHAD PA'I DGAG BYA YANG, BRGYAD STONG DON BSDUS LAS, DES NA SANGS RGYAS DE BZHIN DU, , BYANG CHUB MA MTHONG BAR BRJOD PA, ,YONGS SU RDZOGS PA'I BAR GYIS 'DIR, ,BTAGS RNAMS SEL BAR SHES PAR BYA, ZHES NGO BO NYID GSUM GYI NANG NAS KUN BRTAGS KHO NA DGAG BYAR BSTAN GYI GZHAN DBANG DGAG BYAR MA BSTAN LA, GNOD 'JOMS 'DI LAS NI 'DUS BYAS THAMS CAD KUN BRTAGS SU BSHAD NAS DE THAMS CAD RANG STONG DU GSUNGS SHING SKYE MED 'GAG MED RNAMS KYANG SGRA JI BZHIN PAR MDZAD NAS SKYE 'GAG SEL BA'I RIGS PA RIGS TSOGS BZHIN 'CHANG PAS SEMS TZAM MIN LA, KHYAD PAR DU MDO 'DI RTOG PA BCU'I GNYEN POR MI 'CHAD CING MDO RGYAN 'GREL BAR BSHAD PA DANG YANG BSHAD TSUL MI MTHUN PAS 'DIS KYANG DBYIG GNYEN GYI YIN PA LA THE TSOM ZA'O, ,GNYIS PA NI, DE LTA

BU'I SGRUB PA DE NYAN THOS DANG SOGS PA RANG RGYAL RNAMS DANG THUN MONG MA YIN PA DE DAG LAS KHYAD PAR DU 'PHAGS PA YIN TE, SBYOR BA PHYIN DRUG GIS TSAD DU BYA BA SEMS CAN THAMS CAD KYI DON DU RTOGS BYA CHOS SKU THOB PAR BYED PA'I PHYIR TE, SH'A RI'I BU GAL TE 'DZAMBU'I GLING 'DI DGE SLONG SH'A RI'I BU DANG MO'U 'GAL GYI BU LTA BU SHA STAG GIS 'DI LTA STE DPER NA, 'DAM BU, 'OD MA, BUR SHING, SMIG MA'I TSAL LAM, 'BRAS KYI ZHING NGAM, TIL GYI ZHING LTAR YONGS SU GANG BAR GYUR KYANG DE DAG GI SHES RAB GANG YIN PA DES NI BYANG CHEN YUM LA SPYOD PA'I SHES RAB NYIN GCIG BSGOMS PA'I BRGYA'I CHAR YANG NYE BAR MI 'GRO ,STONG GI CHA DANG, BRGYA STONG NAS BYE BA BRGYA STONG GI CHA DANG, GRANGS SU DANG, CHAR YANG, BGRANG BAR YANG, RGYUR YANG DPER YANG NYE BAR MI 'GRO'O, ,SH'A RI'I BU DE LTAR YUM LA SPYOD PA'I BYANG CHEN GYI SHES RAB NYIN GCIG BSGOMS PA GANG YIN PA DES NI NYAN RANG THAMS CAD KYI SHES RAB ZIL GYIS GNON PAR BYED DO, ,DE CI'I PHYIR ZHE NA, SH'A RI'I BU 'DI LTAR BYANG CHEN GYI SHES RAB NI SEMS CAN THAMS CAD YONGS SU MYA NGAN LAS BZLA BA'I DON DU NYE BAR GNAS PA YIN TE NYAN THOS DANG RANG SANGS RGYAS THAMS CAD KYI SHES RAB NI DE LTA MA YIN NO ZHES SO, ,DE BZHIN DU STONG GSUM GYI STONG CHEN PO DANG, PHYOGS BCU RE RE'I 'JIG RTEN GYI KHAMS LA BSGRES NAS GSUNGS SO, ,DPE DRUG PO 'DIS NI RIM PA LTAR THEG DMAN GYIS NGES 'BYED BZHI DANG, MTHONG SGOM STE RTOGS PA'I CHOS DRUG BSTAN TO ZHES 'PHAGS PA GSUNG NGO, ,GAL TE DE NI MI

, ,RIGS TE; DPE DRUG PO 'DIS NI 'DZAMBU'I GLING LA SOGS PA DGRA BCOM PA RNAMS KYIS GANG BA'I DPE YIN LA DE DAG GIS CHOS DRUG BSTAN PAR BYAS NA CHOS DRUG PO NYID DGRA BCOM PA RNAMS KYIS GANG BA'I DPER 'GYUR DGOS NA DE YANG MI RIGS PA DANG, CHOS DRUG LA GNAS PAS, GANG BA'I DPER BYED NA'ANG 'AM ZHES SMOS PA DON MED DE, DE LA NI DPE DON SO SOR NGES PAS SHE NA SPYOD PA LA ZHUGS PA KHYOD NYON CIG DANG DRI MA MED PA'I LAN GYIS TSIM PAR BYA'O; ;DE LA 'DIR NYAN THOS KYI MI SLOB PA RNAMS KYI NANG NAS SHES RAB DANG RDZU 'PHRUL CAN GYI MCHOG TU GYUR BA NI MCHOG ZUNG GCIG YIN LA, DE DAG LAS KYANG KHYAD PAR DU 'PHAGS PAR DNGOS SU BSTAN PA NA DE DAG GI SLOB PA RNAMS LAS KYANG KHYAD ZHUGS PAR GRUB BO, ,DE'I PHYIR DNGOS BSTAN GYI DPE LA NI DON GCIG LA DPE PHYI MA DRANG BA'I PHYIR 'AM SMOS LA SHUGS BSTAN DRUG LA NI SO SOR GDAM KHA CAN GYI 'AM ZHES SBYAR RO, ,'O NA DROD NAS SGOM LAM GYI BAR LA GNAS PAS GANG BA'I DPER 'DAM BU SOGS JI LTAR CHOS MTSUNGS SHE NA, DE LA DROD NI 'DAM BU DANG 'DRA STE, LAS NYON GYI GNOD PA CHUNG NGU YANG MI BZOD PA'I PHYIR RO, ,RTZE MO NI 'OD MA DANG 'DRA STE, DE LA ME MTSON GYIS MI CHOD PA BZHIN DU LAS NYON GYI GNOD BYED DRAG PO DANG PHRAD KYANG DGE RTZA MI 'CHAD PAS SO, ,BZOD PA NI BUR SHING DANG 'DRA STE, SKYE BA GZHAN THOB KYANG NGAN SONG CHAD PA'I PHYIR BDE 'GROR RGYUN MI 'CHAD PA'I SBYOR BAS CHOS SGOM PA'I MNGAR BA LAS MI 'DA' BAS SO, ,CHOS

MCHOG NI SMYIG MA DANG 'DRA STE, MYUR ? BIGS PA DANG 'DRA BAR MTHONG LAM RTOGS PAR BYED PAS SO, ,MTHONG LAM NI 'BRAS DANG 'DRA STE, 'PHAGS PA RNAMS KYI RTOGS PA'I 'BRAS BU MCHOG YIN PAS SO, ,DE JI LTAR MCHOG TU RUNG ZHE NA, NYES PA MED DE, MTHONG LAM NAS THEG DMAN GYI RTOGS PA RDZOGS PA'I PHYIR GANG ZAG GI BDAG MED RTOGS PA'I NGO BO TZAM LA DE LAS LHAG PA MED PAS SO, ,SGOM LAM NI TIL DANG 'DRA STE, TIL GYI YANG ME TOG DANG SDONG BU LA SOGS PA RIGS THA DAD MED KYANG DUS GZHAN GYI TSE 'BRAS BU LA KHYAD PAR YOD PA LTAR SGOM LAM DANG MTHONG LAM GNYIS RTOGS PA LA THA DAD MED KYANG SGOM SPANG SPONG BA'I NUS PA MI 'DRA BAS SO, ,'O NA TSAL SMOS PA CI ZHE NA, DBANG PO RNO RTUL 'BRING GSUM GYI DROD SOGS RNAMS NANG TSAN THA DAD KYANG DROD LA SOGS PA'I RIGS GCIG YIN PA MTSON PA'I PHYIR YIN TE, 'DAM BU LA SOGS PA NANG TSAN MI GCIG PA DU MA YOD KYANG RIGS GCIG PAS SO, ,'O NA 'AM ZHES GDAM KHA CAN SMOS PA CI ZHE NA, DPE PHYI MA PHYI MA DRANG BA'I CHED DE, DE LTA NA DPE THA MA LA'AM SMOS PA MI 'THAD DE, DPE PHYI MA DRANGS RGYU MED PAS SHE NA, MA GRUB STE, 'PHAGS PA RNAMS MTHONG CHOS LA BDE BAR GNAS PA'I DPE DRANG BA'I PHYIR YIN NO, ,DE LA DPE GZHAN MA BRJOD PA NI MTHONG CHOS LA BDER GNAS SNA TSOGS YOD PAS DE DAG GI RIGS BSDUS PA'I NGO BO SHES PAR BYA BA'I DON TE, RE RE ZHING DPE BRJOD NA DPE BRJOD PAS MI LANG LA NYE BAR BSHAD PA LA MI MKHAS PAR YANG 'GYUR RO, ,'ON KYANG DA LTAR 'GYUR PA 'DI RNAMS LA DPE THA MA LA'AM SMOS PA MI SNANG

, ,NGO; ;'DIR 'PHAGS BAS, DGE SLONG SH'A RI'I BU DANG MO'U 'GAL GYI BU 'DRA BA SHA STAG GIS ZHES GANG GSUNGS PA 'DIS NI JI SKAD GSUNGS PA'I RTOGS PA MTHUN PA RNAMS KYIS ZHES BYA BAR RO ZHES SNGAR BSHAD PA'I CHOS DRUG GIS RTOGS PA MTHUN PA RNAMS KYIS GANG BAR GYUR KYANG ZHES SBYAR TE, DE LTAR NA MCHOG ZUNG GCIG DANG 'DRA BA SHA STAG NI GANG GIS GANG BA'I RTEN NO, ,'DZAM GLING NAS PHYOGS BCU'I 'JIG RTEN GYI KHAMS NI GANG ZHIG YONGS SU GANG BA'I GZHI'O, ,'DAM BU SOGS DRUG NI JI LTAR GANG BA'I DPE'O, ,DE YANG DRUG PO 'DI'I TSAL 'THUG PA'I DPES GANG BA'I DON MTSON LA, DPE DRUG PO'I NGO BOS CHOS DRUG ZHAR LA MTSON PAR BSHAD NA 'PHAGS PA'I BSHAD PA LA 'GRIG STE, TSUL 'DI DAG GI DPE DON JI LTA BU YIN PA TZAM LA YANG t'IKA BYED RNAMS THE TSOM MA ZHUGS SNANG NGO, ,SHES RAB NYIN GCIG BSGOMS PA'I BYANG SEMS LA 'PHAGS PAS, SPYOD PA LA ZHUGS PA PHYIR MI LDOG PA SKYE PA GCIG GIS THOGS PA RNAMS YIN PA BKAG NAS, DE BAS NA YONGS SU MI NYAMS PA'I CHOS CAN BRDA LAS BYUNG BA'I SEMS KYIS DANG PO SEMS BSKYED PA'I BYANG CHUB SEMS DPA' SKABS DANG POR SEMS BSKYED PAR BSTAN PA GANG YIN PA DE NYID 'DIR MNGON PAR BZHED PAR MNGON ZHES SBYOR LAM PA MAN CHAD GCIG LA GSUNGS KYANG, SGRUB PA 'DI BYANG SEMS DE BZHI KA'I LAM YIN PAS DE DAG KUN RTEN YIN PA MI 'GAL BA DGONGS PAR SEMS SO, ,GNOD 'JOMS LAS NI,

'THUG LA DANG MTHO BA LA CHE 'BRING CHUNG GSUM DU BYAS NAS DANG PO NI 'DAM BU DANG 'OD MA, GNYIS PA NI BUR SHING DANG SMYIG MA, GSUM PA NI 'BRAS DANG TIL, ZHES BSHAD NAS DE DAG LA YANG SNGA MA SNGA MA 'THUG LA PHYI MA PHYI MA SRAB PAR BSHAD DO, , MDO DANG BSGRIGS NA SNGA MA RNAMS SRAB LA PHYI MA RNAMS 'THUG NA 'GRIG STE NYAN THOS MANG POS GANG BA MTSON PA LA DPE GDAM KHA CAN 'DI RNAMS BYUNG BAS SO, ,GNYIS PA LA GNYIS, SPYI DANG, YAN LAG GI DON NO, ,DANG PO LA LNGA, SGRA BSHAD, RANG BZHIN GCIG THA DAD, GRANGS NGES PA, GO RIMS NGES PA'O, ,DANG PO NI, BSDU BA LAS, BDEN PA'I DON GANG ZHE NA, SMRAS PA, BSTAN PA DANG MI MTHUN PA MED PA'I MTSAN NYID KYI DON DANG, DE MTHONG NA RNAM PAR DAG PA'I RGYUR 'GYUR BA'I DON NI BDEN PA'I DON NO, ZHES SO, ,DE LA DANG PO'I DON NI DE BZHIN GSHEGS PAS MI RTAG SOGS SU JI LTAR BSTAN PA DE LTAR DU GNAS PAS BDEN PA ZHES PA STE, YUL DANG, PHYI MA NI JI LTAR GNAS PA DE LTAR MTHONG NA BLO PHYIN CI MA LOG PA SKYED PA ZHES PA STE YUL CAN GYI STENG NAS YIN TE 'DI NI BDEN PA TZAM GYI SGRA DON NO, ,CI'I PHYIR SDUG KUN DANG 'GOG LAM LA 'PHAGS PA'I BDEN PA ZHES BYA ZHE NA, NYAN SA LAS 'PHAGS PA RNAMS KYIS BDEN PA DE DAG DE KHO NA LTAR YIN PAR BDEN PA'I SGOM PA YANG DAG PA JI LTA BA BZHIN DU MKHYEN CING GZIGS KYI BYIS PA RNAMS KYIS YANG DAG PA JI LTA BA BZHIN DU MI SHES MI MTHONG BAS NA DE'I PHYIR 'PHAGS PA'I BDEN PA RNAMS ZHES BYA'O, ,BYIS PA RNAMS LA YANG DE DAG CHOS

, ,NYID KYIS BDEN MOD KYI RTOGS PA MA YIN GYI 'PHAGS PA RNAMS KYIS GNYIS KAS BDEN PA YIN NO ZHES 'PHAGS PA RNAMS KYIS BDEN PA RNAMS JI LTAR BDEN PA DE LTAR GZIGS PAS BLO DANG DON GNYIS KAS BDEN PA'I PHYIR 'PHAGS PA'I YIN LA BYIS PA RNAMS LA DON LA BDEN KYANG BLO NGOR DE LTAR MA RTOGS PAS DE'I BDEN PAR MA BZHAG CES PA LTAR RO, ,DON DE YANG MDZOD 'GREL LAS, 'PHAGS PAS BDE BAR GANG GSUNGS PA, ,DE NI GZHAN GYI SDUG BSNGAL RIG , GZHAN GYI BDE BAR GANG GSUNGS PA, ,DE NI 'PHAGS PAS SDUG BSNGAL RIG ,CES DRANGS SHING GZHAN DAG NA RE GNYIS NI 'PHAGS PA RNAMS KYI BDEN PA YIN LA GNYIS NI 'PHAGS PA YANG YIN 'PHAGS PA RNAMS KYI BDEN PA YANG YIN NO ZHES ZER RO ZHES PA NI GZHAN LUGS KYI 'PHAGS PA'I BDEN PAR 'JOG TSUL BKOD PA YIN NO, ,GNYIS PA LA GNYIS, MTSAN GZHI DANG, MTSAN NYID DO, ,DANG PO LA GNYIS, KUN NYON DANG RNAM BYANG GI BDEN PA'O, ,DANG PO NI, KUN BTUS SU, SDUG BSNGAL GYI BDEN PA GANG ZHE NA, DE NI SEMS CAN SKYE BA DANG SKYE BA'I GNAS KYIS KYANG RIG PAR BYA'O, ZHES PA LTAR MA DAG PA'I SNOD BCUD KYI 'JIG RTEN GNYIS NI SDUG BDEN YIN TE, DE NYID LAS, SEMS CAN GYI 'JIG RTEN GANG YIN PA DANG SNOD KYI 'JIG RTEN GANG YIN PA LAS DANG NYON MONGS PAS SKYED PA, LAS DANG NYON MONGS PA'I DBANG GIS 'BYUNG BA 'DI MTHA' DAG NI SDUG BSNGAL GYI BDEN PA'O ZHES TE, MDOR NA ZAG BCAS MTSAN NYID PA GANG

YIN PA DE THAMS CAD SDUG BDEN YIN NO, ,KUN 'BYUNG GI MTSAN GZHI NI KUN BTUS LAS, KUN 'BYUNG BA'I BDEN PA GANG ZHE NA, NYON MONGS PA DANG NYON MONGS PA'I DBANG GIS BYUNG BA'I LAS SO ZHES PA LTAR ZAG BCAS KYI LAS NYON THAMS CAD DO; ;GNYIS PA LA GNYIS, 'GOG BDEN DANG LAM BDEN GYI MTSAN GZHI'O, ,DANG PO NI, KUN BTUS LAS DU MA ZHIG BSHAD KYANG BSDU NA BRDA DANG DON DAM PA'I 'GOG PA GNYIS SO, ,DE GNYIS KYI DON YANG BRDAS JI LTA BU ZHE NA, 'JIG RTEN PA'I LAM GYIS SA BON NYAMS SMAD PAS 'GOG PA GANG YIN PA STE, ZHES DANG, DON DAM PAS JI LTA BU ZHE NA, 'PHAGS PA'I SHES RAB KYIS SA BON KUN TU BCOM PAS 'GOG PA GANG YIN PA'O, ZHES GSUNGS PAS SO SKYE LA SPANGS PA TZAM YOD KYANG 'GOG BDEN BTAGS PA BA LAS MED DE, SA BON DRUNGS MA PHYUNG BAS SO, ,KHA CIG 'GOG BDEN LA DE BZHIN NYID GYIS KHYAB PAR 'DOD CING GZHAN DAG BZLOG STE 'DOD PA NI GNYIS KAS KYANG ZHIB TU MA BRTAGS PA STE, KUN BTUS LAS, MTSAN NYID KYIS JI LTA BU ZHE NA, DE BZHIN NYID DANG LAM DANG NYON MONGS PA MI 'BYUNG BA STE GANG DU 'GOG PA DANG GANG GIS 'GOG PA DANG GANG 'GOG PA ZHES DE BZHIN NYID DGAG GZHI SPANG BYA LAM GYIS BCOM PA'I CHA GANG 'GOG PA'I RANG BZHIN YIN PAR BSHAD PA DANG, YANG DE NYID LAS, RNAM GRANGS 'DIS NI DE BZHIN NYID LA DMIGS PA GANG DU ZAG PA DANG BCAS PA'I DNGOS PO 'GAGS PA DE 'GOG PA'I MTSAN NYID DO, ZHES SPANG BYA LAM GYIS BKAG CHA LA YANG 'GOG BDEN DU BSHAD PAS MED DGAG

, ,SO SOR BRTAGS 'GOG GI RANG BZHIN YANG DER BZHAG DGOS PA YIN TE, DPER NA BUM PAS DBEN BA'I SA PHYOGS DANG DE'I STENG GI BUM PA BKAG CHA GNYIS KA BUM MED YIN PA LTAR 'PHAGS RGYUD KYI DE BZHIN NYID DANG DE'I STENG DU LAM GYIS SPANG BYA BKAG CHA GNYIS KA'ANG 'GOG BDEN YIN TE, DE NI 'DAS LAM GYIS SPANG BYA SPANGS PA'I 'DUS MA BYAS YIN PAS SO, ,GZHAN YANG BCOM LDAN 'DAS SDUG BSNGAL 'GOG PA ZHES BGYI BA NI THOG MA MED PA'I DUS CAN MA BYAS PA, MA SKYES PA, ZAD PA MED PA, ZAD PA DANG BRAL BA, RTAG PA, BRTAN PA, ZHI BA, MI 'JIG PA, RANG BZHIN GYIS YONGS SU DAG PA, NYON MONGS PA'I SPUBS THAMS CAD LAS GROL BA, RNAM PAR DBYER MED PA, BSAM GYIS MI KHYAB PA'I SANGS RGYAS KYI CHOS GANGG'A'I KLUNG GI BYE MA LAS 'DAS PA DANG LDAN PA, DE BZHIN GSHEGS PA'I CHOS KYI SKUR BSTAN PA STE, BCOM LDAN 'DAS DE BZHIN GSHEGS PA'I CHOS KYI SKU 'DI NYID NYON MONGS PA'I SPUBS LAS MA GROL BA NI DE BZHIN GSHEGS PA'I SNYING PO ZHES BYA'O ZHES GSUNGS PA BZHIN TE, THAMS CAD RGYAS PAR NI MDO JI LTA BA BZHIN SDUG BSNGAL 'GOG PA'I BDEN PA RNAM PAR BZHAG PA RTOGS PAR BYA'O ZHES RGYUD BLA'I 'GREL PAR DRANGS PAS, SEMS KYI RANG BZHIN DRI BRAL DU GNAS GYUR PA'ANG 'GOG BDEN DU 'DOD DGOS SO, ,'GOG BDEN LA RANG BZHIN GYIS DAG PAS MI CHOG GI LAM BSGOMS STOBS KYIS SPANG BYA BCOM PA DGOS PA NI, 'JIG RTEN PA'I LAM GYIS SA BON NYAMS SMAD PA YANG 'GOG BA BTAGS PA

PA BRDA'I 'GOG PAR BSHAD PAS SHES SO, ,GNYIS PA NI, KUN BTUS LAS, LAM GYI BDEN PA GANG ZHE NA, LAM GANG GIS SDUG BSNGAL YONGS SU SHES PA DANG, KUN 'BYUNG BA SPONG BA DANG, 'GOG PA MNGON DU BYED PA DANG, LAM SGOM PA STE 'DI NI LAM GYI MTSAN NYID MDOR BSDUS PA'O, ,YANG LAM RNAM PA LNGA STE, TSOGS KYI LAM DANG, SBYOR BA'I LAM DANG, MTHONG BA'I LAM DANG, SGOM PA'I LAM DANG, MTHAR PHYIN PA'I LAM MO ZHES PA'I RJES SU 'BRANGS NAS LAM LNGA KA LAM BDEN DU 'DOD LA, KHA CIG NA RE TSOGS SBYOR NI LAM BDEN GYI 'KHOR TZAM YIN PA LA DGONGS NAS DE SKAD DU GSUNGS TE, KUN BTUS 'GREL PAR, RAB TU DBYE BA 'DI YANG LAM GYI BDEN PA 'KHOR DANG BCAS PA'I SKABS KYIS RIG PAR BYA'O, ZHES SO, ,GZHAN DAG LAM GYI CHOS BZHI DANG, DGAG GSAL GNYEN PO'I CHOS RNAMS MA TSANG BAS MI SLOB LAM DANG TSOGS SBYOR LAM GYI 'BRAS BU DANG RGYU YIN PA'I PHYIR LAM MTSAN NYID PA MIN PAS MTHONG SGOM GNYIS KHO NA LAM MTSAN NYID PA'O, ZHES SMRA BA YANG LHA DGA' BAR BYED PA STE, RGYUD BLA'I 'GREL PAR, 'DIS NI SNGAR BSHAD PA'I TSUL GYIS SKYE BA MED PA DANG, 'GAG PA MED PAS RAB TU PHYE BA'I THUB PA RNAM PAR BYANG BA'I BDEN PA GNYIS KYI MTSAN NYID 'DOD CHAGS DANG BRAL BA'I CHOS KYI SKU CAN ZHES GSUNGS PA'I PHYIR DANG, GZHAN YANG SANGS RGYAS KYI 'DUS BYAS KYI RTOGS PA DE DAG LAM MIN NA BDEN PA BZHI GANG DU BZHAG ,BDEN PA BZHI GANG YANG MIN PA'I 'PHAGS PA'I MNGON RTOGS YOD PA 'DI NI BLO

, ,GROS NAM MKHA' DANG MNYAM PA KHYED LAS GZHAN SU ZHIG GIS RNYED, GAL TE SANGS RGYAS SAR SPANG BYA'I GNYEN PO BYED PA'I RIGS PA DANG, MYANG 'DAS SU 'GRO BA'I NGES 'BYIN DANG, SGRUB PA RNAMS MED PA'I PHYIR LAM BDEN JI LTAR YOD CE NA, SANGS RGYAS SAR SPANG BYA DNGOS SU SPONG BA DANG, DE LAS GONG DU 'GROR MED KYANG SPANG BYA 'JOMS PA'I MTHU THOGS PA MED PA MNGA' ZHING, GDUL BYA THAR PAR 'BYIN PA'I MTHU PHUN TSOGS KYI MKHYEN PA DANG SEMS PHYIN CI MA LOG PAR SGRUB PA YOD LA, THEG PA DANG LAM GNYIS KA LA CHEN PO RNAMS KYIS 'DIS 'GRO BA DANG 'DIR 'GRO BA GNYIS GSUNGS PA DANG, 'DIR YANG RNAM PA SO DGU LAM BDEN DU GSUNGS PAS DPYAD PA DE DAG NI GYI NA'O, ,GZHAN YANG TSOGS SBYOR NI THEG PA RANG RANG GI BYANG CHUB TU BGROD PAR BYED PA'I MNGON RTOGS BDAG MED RTOGS PA'I RNAL 'BYOR YIN PAS LAM MTSAN NYID PA YIN NO, ,GAL TE DE DAG GIS SPANG BYA'I SA BON DRUNGS 'BYIN MI NUS SHING BDAG MED DON SPYI TZAM DU 'JAL BA'I PHYIR LAM MIN ZHE NA, DE LTAR NA MNGON GYUR YIN NA SPANG BYA MA YIN DGOS TE, GNYEN PO YIN NA SA BON 'BA' ZHIG 'JOMS DGOS PAS SO, ,LKOG GYUR YIN NA MA RTOGS PAS KHYAB DGOS TE, DON SPYI'I TSUL DU RTOGS PA LA DE MA RTOGS BAS KHYAB PAS SO, ,DE'I PHYIR RGYANG PAN BZHIN YUL RTOGS BYED KYI TSAD MA LA MNGON SUM GCIG PU LAS MED PAR KHAS LONGS SHIG, GZHAN YANG SO SKYE LA LAM ZHUGS DANG, THABS SHES ZUNG 'BREL GYI NYAMS LEN DANG, RDZOGS

BYANG LAS PHYIR MI LDOG KYANG MED PAR KHAS BLANG BAR BYA'O, ,SDUG BSNGAL DANG LAM GNYIS 'GAL BAR YANG MA NGES TE, KUN NAS NYON MONGS DANG RNAM BYANG GI PHYOGS GNYIS BZHIN NO, ,KUN 'BYUNG GI BDEN PA NI MIN TE, DE NI NYON MONGS PA'AM YANG NA DES KUN NAS BSLANG BA'I LAS YIN DGOS PA LAS DE GNYIS GANG YANG MIN PA'I PHYIR TE, 'DI NI BDAG MED RTOGS PA'I RJES SU 'BRANG BAS MYA NGAN LAS 'DAS PA'I THABS DAM PA YIN GYI YANG SRID KYI RGYUR MI RUNG ZHING DE GCOD PAR BYED PA'I PHYIR RO, , 'O NA BSDU BA LAS, 'JIG RTEN PA'I CHOS GANG DAG YANG 'BYUNG BA'I SRID PA SUN 'BYIN ZHING DE LA MI PHYOGS PA 'JIG RTEN LAS 'DAS PA'I LAM SKYED PAR BYED PA DE DAG CI'I PHYIR KUN 'BYUNG BA'I BDEN PAS BSDUS PA YIN ZHE NA, DE DAG NI NGO BO NYID KYIS YANG 'BYUNG BA'I SRID PA LA MI PHYOGS PA YIN MOD KYI 'ON KYANG, YANG 'BYUNG BA PA'I LUS DANG NGAG DANG YID KYIS NYES PAR SPYAD PA DANG RJES SU MTHUN PA YIN PAS, DE'I PHYIR DE DAG KYANG KUN 'BYUNG BA'I BDEN PAS BSDUS PA YIN PAR RIG PAR BYA'O ZHES PA DANG 'GAL ZHE NA, NYES PA MED DE, LUNG DE LAS NI YANG SRID 'PHEN PA'I LAS KYI KUN 'BYUNG DGE BA DANG ZAG BCAS RGYU YIN PA TZAM DU MTHUN PAS DES BSDUS PAR GSUNGS PAS SO, ,GNYIS PA NI, BDEN PA RE RE LA RNAM PA BZHI BZHI STE, BCU DRUG GO ,DE YANG GANG ZHE NA, BDEN PA DANG PO LA MI RTAG PA DANG, SDUG BSNGAL BA DANG, STONG PA DANG, BDAG MED PA'O, ,GNYIS PA LA RGYU DANG, KUN 'BYUNG BA DANG, RAB TU SKYE BA DANG, RKYEN NO, ,GSUM PA LA,

, ,'GOG PA DANG, ZHI BA DANG, GYA NOM PA DANG, NGES 'BYUNG NGO, ,BZHI PA LA, LAM DANG, RIGS PA DANG, SGRUB PA DANG, NGES 'BYIN NO, ,BCU DRUG PO 'DI YI SO SO'I NGOS 'DZIN NI GZHUNG LAS 'CHAD PAS MI BRJOD DO; ;'O NA BCU DRUG TU 'JOG PA CI ZHE NA, RTAG PA DANG, BDE BA DANG, BDAG GI DANG, BDAG TU LTA BA SPYOD PA RNAMS KYI GNYEN POR RIM PA BZHIN DANG PO BZHI'O, ,RGYU MED PA DANG, RGYU GCIG PU DANG, 'GYUR BA DANG, BLO SNGAR BTANG BA LTA BA SPYAD PA RNAMS KYI GNYEN POR GNYIS PA'I BZHI'O, ,THAR PA MED PA DANG, SDUG BSNGAL LA THAR PA YIN PA DANG, BSAM GTAN GYI BDE BA GYA NOM PA YIN PA DANG, THAR PA NI GTAN MI LDOG PA MIN NO SNYAM DU LTA BA SPYAD PA RNAMS KYI GNYEN POR GSUM PA'I BZHI'O, ,LAM MED PA DANG, LAM 'DI NGAN PA DANG, GZHAN YANG LAM YIN PA DANG, LAM 'DI YANG LDOG GO SNYAM DU LTA BA SPYAD PA RNAMS KYI GNYEN POR BZHI PA'I BZHI'O, ,DES NA LTA BA SPYAD PA BCU DRUG PO DE DAG GI PHYIR DU RNAM PA BCU DRUG TU BZHAG GO ,GZHAN YANG BSDU BAR, SDUG BSNGAL GYI BDEN PA'I DON GANG ZHE NA, SMRAS PA, NYON MONGS PA LAS BYUNG BA'I 'DU BYED KYI DON NO, ,KUN 'BYUNG GI BDEN PA'I DON GANG ZHE NA, SMRAS PA, SDUG BSNGAL GYI BDEN BSKYED PA'I DON NO, ,'GOG PA'I BDEN PA'I DON GANG ZHE NA, SMRAS PA DE GNYIS KA NYE BAR ZHI BA'I DON NO, ,LAM GYI BDEN PA'I DON GANG ZHE NA, SMRAS PA, DON GSUM PO SGRUB PA'I DON TO, ZHES 'BYUNG BAS KYANG 'DI DAG GI MTSAN

NYID GO BAR BYA'O, ,GSUM PA NI, 'GOG BDEN DANG GZHAN GSUM GCIG PA BKAG PA'I THA DAD YIN LA, GZHAN GSUM NI 'PHAGS PA'I MNYAM GZHAG GI LAM BDEN DANG SDUG KUN GNYIS RDZAS THA DAD LA, RJES THOB KYI LAM BDEN NI SDUG BDEN DANG MI 'GAL LO, SDUG KUN GNYIS KYANG KUN 'BYUNG LA SDUG BDEN GYIS KHYAB LA SDUG BDEN LA DES MA KHYAB STE, DPER NA KUN GZHI DANG SNOD KYI 'JIG RTEN DANG DBANG PO LNGA DANG GZHAN YANG MA BSGRIBS LUNG MA BSTAN ZAG BCAS RNAMS LTA BU'O,, BZHI PA NI, CI'I PHYIR BDEN PA BZHIR NGES SHE NA, RTOG LDAN GYI BLANG DOR BYED PA'I YAN LAG LA NAG PHYOGS DANG DKAR PHYOGS GNYIS SU NGES LA DE RE RE LA YANG RGYU 'BRAS GNYIS GNYIS SU NGES PA'I PHYIR RO, ,DE LTAR YANG NYAN SA LAS DE LA NAG PO'I PHYOGS DANG DKAR PO'I PHYOGS LA BRTEN PA'I RGYU DANG 'BRAS BU RNAM PAR BZHAG PA'I PHYIR, BDEN PA BZHI RNAM PAR BZHAG STE, DE LA BDEN PA SDUG BSNGAL NI 'BRAS BU YIN BDEN PA KUN 'BYUNG NI RGYU YIN NO, ,BDEN PA 'GOG PA NI 'BRAS BU YIN BDEN PA LAM NI THOB PAR BYA BA DANG RIG PAR BYA BA'I RGYU YIN NO, ZHES SO, ,DE YANG SHES BYA THAMS CAD BDEN BZHIR 'DUS PA NI MA YIN TE, DE BZHIN NYID BDEN BZHIR MA 'DUS PAR BSHAD CING, SO SOR BRTAGS MIN GYI 'GOG PA 'DU BYED NYE BAR ZHI BA YIN KYANG 'GOG BDEN MIN PAR BSHAD LA, GZHAN DU YANG MA 'DUS PAS SO, ,LNGA PA NI, DANG POR LAM SGOM PA POS JI LTAR GTAN LA 'BEBS PA'I RIM PA DANG BSTUN PA STE, RGYUD BLA LAS, NAD NI SHES

, ,BYA NAD KYI RGYU NI SPANG BYA LA, ,BDER GNAS THOB BYA SMAN NI BSTEN PAR BYA BA LTAR, ,SDUG BSNGAL RGYU DANG DE 'GOG PA DANG DE BZHIN LAM, ,SHES BYA SPANG BYA REG PAR BYA ZHING BSTEN PAR BYA, ZHES DANG, MDZAD LAS KYANG, DE DAG JI LTAR MNGON RTOGS RIM ZHES SO, ,GNYIS PA LA GNYIS, SO SOR BSHAD PA DANG, DON BSDU BA'O, ,DANG PO LA BZHI, 'BRAS BU SDUG BSNGAL, RGYU KUN 'BYUNG, 'BRAS BU 'GOG PA, RGYU LAM BDEN LA GDAMS PA'O, ,DANG PO NI, SDUG BSNGAL GYI BDEN PA LA 'DOMS SO, ,DE GANG NA ZAG BCAS KYI GZUGS SOGS PHUNG PO LNGA 'BRAS BUR GYUR PA'I STONG PA NYID DANG, DE RTOGS PA'I YUL CAN SHER PHYIN DAG DE BZHIN NYID SPROS BRAL GYI NGO BOR GCIG PA STE THA DAD PA MA YIN NO ZHES BYA BA NI'O, ,DE LTAR YUL DANG YUL CAN DBYER MED PAR STON PA YANG SDUG BDEN LA SHER PHYIN ZHEN PA SKYE BAS DE DGAG PA'I CHED DU STE, GZUGS STONG PA NYID LA BRTZON NA BRTZON ZHES DANG, DE BZHIN DU PHUNG PO PHYI MA BZHI DANG, SKYE MCHED BCU GNYIS DANG, KHAMS BCO BRGYAD DANG, BDEN PA BZHI DANG, RTEN 'BREL BCU GNYIS DANG, STONG NYID NYI SHU LA BRTZON NA BRTZON ZHES BYA'O, ZHES SO, ,'BUM DANG KHRI BRGYAD STONG PAR STONG PA NYID BDUN PO 'DI DAG LA BRTZON NA BRTZON ZHES BYA'O, ZHES PA'I DON NI, GNOD 'JOMS LAS, PHUNG PO KHAMS BDEN PA RTEN 'BREL CHOS THAMS CAD 'DUS BYAS MA BYAS RANG BZHIN GYIS STONG PA NYID BDUN LA BSHAD DO, ,DE LTAR STONG NYID BDUN GYIS YUM LA

BRTZON PAR BYED KYANG BRTZON PA DANG MI BRTZON PAR MI BRJOD DE, PHUNG PO LNGA LA BRTZON ZHES BYA BA DANG MI BRTZON ZHES BYA BAR MI MTHONG NGO ZHES GSUNGS PAS YUL DANG YUL CAN THA DAD PA BKAG NAS GSUNGS SO, ,GNYIS PA NI, SDUG BSNGAL GYI PHUNG PO KUN 'BYUNG BA'I BDEN PA LA 'DOMS SO, ,DE GANG NA ZAG BCAS RGYUR GYUR GYI GZUGS LA SOGS PA NI KUN 'BYUNG BA STE SKYE BA DANG 'GOG PA STE 'GAG PA DANG, CHAGS SOGS KUN NAS NYON MONGS PA DANG, DAD SOGS RNAM PAR BYANG PA'I CHOS CAN MA YIN NO ZHES BYA BA NI'O, ,DE LTAR STON PA'I RGYU MTSAN NI, ZAG BCAS RGYUR GYUR GYI GZUGS LA SOGS PA DANG DE RANG GI NGO BOS STONG PA'I STONG NYID DAG THA MI DAD PA NYID KYIS TE, GZUGS SKYE BAS CHOS CAN NAM 'GAG PA'I CHOS CAN DANG; KUN NAS NYON MONGS PA'I CHOS CAN DANG RNAM PAR BYANG BA'I CHOS CAN DU YANG DAG PAR RJES SU MI MTHONG NGO, ,DE BZHIN DU PHUNG PO PHYI MA BZHI LA GSUNGS NAS MTHAR RNAM SHES NYID STONG PA NYID DANG STONG PA NYID RNAM PAR SHES PA'O ZHES PA STE 'DIS NI ZAG BCAS RGYUR GYUR GYI PHUNG PO SKYE 'GAG DANG KUN BYANG DU MA GRUB PAR BSTAN PAS KUN 'BYUNG LA SPANG BYAR ZHEN PA LDOG PA'I CHED DU'O, ,DE LA GZUGS LA SOGS PA LA SKYE 'GAG DANG KUN BYANG MED DE, ZHES BYA BA 'DI JI LTAR GRUB CE NA; BRJOD PAR BYA BA STE, GAL TE GZUGS LA SKYE BA YOD NA RNAM PAR RTOG PA BZHIR 'GYUR TE BDAG LAS SAM, GZHAN LAS SAM, GNYIS KA LAS SAM, RGYU MED LAS SKYE BRTAG GRANGS, DE LA DANG PO NI MI RIGS TE,

, ,'BRAS BU BDAG NYID MA GRUB PA NA RGYU YANG MA GRUB PAS MED PA NI RGYUR MI RUNG BAS SO, ,GAL TE 'BRAS BU SKYE BA'I SNGON ROL NAS RGYU YOD NA'ANG MI RIGS TE, BDAG SKYE NI RGYU 'BRAS GNYIS KA GCIG YIN LA, GRUB ZIN SKYE NA DUS THAMS CAD DU SKYE DGOS PAS NAM YANG MI SKYE BAR MI 'GYUR RO, ,'DOD NA SKYE BA THUG MED DU 'GYUR TE, 'BRAS BUR GRUB ZIN KYANG YANG SKYE DGOS PAS SO, ,GZHAN LAS KYANG MI SKYE STE, THAMS CAD LAS KYANG THAMS CAD SKYE BAR 'GYUR BA'I PHYIR RO, ,'DI NI BZLAG PAR MI NUS TE, GAL TE NUS NA GZHAN TZAM ZHIG LAS SKYE BA MA YIN GYI 'BRAS BU DE SKYED PA'I NUS PA YOD PA'I GZHAN LAS SKYE ZHES PAS SPONG DGOS NA NUS PA YANG BRTAGS NA BSGRUB BYA DANG MTSUNGS PAR 'GYUR BA'I PHYIR RO, ,GNYIS LAS KYANG MI SKYE STE, SKYON GNYIS KAR 'GYUR BA'I PHYIR RO, ,RGYU MED LAS KYANG MI SKYE STE, YUL DUS THAMS CAD DU SKYE BAR THAL BA'I PHYIR RO, ,DE LTAR YANG DBU MA'I RTZA BA LAS, BDAG LAS MA YIN GZHAN LAS MIN; ;GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ZHES SO, ,DE'I PHYIR GZUGS SOGS RNAMS LA 'GAG PA YANG MED DE, SKYE BA MED PAS SO, ,GZHAN YANG 'GAG PA ZHES PA'I CHOS SHIG YOD NA DE YOD PA'I CHOS ZHIG GAM MED PA'I CHOS YIN, DANG PO LTAR NA YOD PA NI 'GAG PAR MI 'THAD DE, 'GAG PA NI ZHIG CHA MED PA YIN LA, DES NA YOD MED GNYIS GCIG LA MI RUNG BAS SO, ,GNYIS PA LTAR NA

YANG MI 'THAD DE, MED BAS SO, ,DPER NA RI BONG GI RVA BZHIN NO, ,DE LTAR YANG DBU MA'I RTZA BA LAS, DNGOS PO KUN GYI SKYE BA DAG ,MI 'THAD PA NI GANG YIN PA, ,DE NYID DNGOS PO THAMS CAD KYI, ,'GAG PA 'THAD PA MA YIN NO, ,YOD PA DANG NI MED PA GNYIS, ,GCIG LA 'THAD PA MA YIN NO, ,YOD PA MIN PA'I DNGOS PO LA, ,'GAG PA 'THAD PA MA YIN TE, ,JI LTAR MGO LA LAN GNYIS SU, ,GCAD DU MED PA DE BZHIN NO, ZHES SO, ,DES NA SKYE 'GAG NI SGRO BTAGS PA TZAM YIN GYI DON DAM PAR MED DE, ZHES GNOD 'JOMS LAS LUNG SNGA PHYI 'DI RNAMS DRANGS NAS SKYE 'GAG 'GOG PA'I RIGS PA RNAMS BRJOD PA NI, SLOB DPON SANGS RGYAS BSKYANGS DANG DPAL LDAN ZLA BA GRAGS PAS BKOD PA'I RIGS PA DANG KHYAD PAR MED PAR SNANG ZHING 'DIS SKYE 'GAG MED PA DNGOS PO THAMS CAD LA MDZAD PA DANG, SEMS TZAM PA DANG SA PO SKYE 'GAG MED PAR BSHAD PA KUN BTAGS PA LA 'DOD CING GZHAN DBANG SKYE BA MED PA LA GSUNGS PA RANG GI NGO BOS MI SKYE BA YIN LA RKYEN GZHAN LAS SKYE'I ZHES BA RNAMS MTSUNGS PA'I SKABS GA LA YOD, GZHAN YANG KUN BYANG YANG DON DAM PAR MED DE, GAL TE KUN NAS NYON MONGS DNGOS PO RNAMS KYI RANG BZHIN YIN NA NGO BO NYID BTANG DU MI RUNG BA'I PHYIR NAM YANG RNAM PAR DAG PAR NI 'GYUR BA DANG, RNAM BYANG DNGOS PO RNAMS KYI RANG BZHIN YIN NA YANG NAM YANG KUN NAS NYON MONGS PAR MI 'GYUR TE, NGO BO NYID BTANG DU MI RUNG BA'I PHYIR RO, ,YANG CHOS THAMS CAD KUN NAS NYON MONGS PA

, ,ZHIG YIN NA, NYON MONGS PAR GYUR PA ZHIG GAM RNAM PAR DAG BA LAS NYON MONGS CAN DU 'GYUR GRANG, DANG PO LTAR NA KUN NAS NYON MONGS PA DON MED DE, DER GYUR ZIN DER SKYED MI DGOS PAS SO, ,YANG NA RNAM PAR BYANG BAR MI 'GYUR TE, KUN NAS NYON MONGS PAR GYUR ZIN PA DE NYID YANG NAS YANG DU DER SKYE DGOS PAS SO, ,GNYIS PA LTAR NA YANG MI RIGS TE 'GAL BAS SO, ,DE YANG DNGOS PO GCIG LA NYON MONGS DANG RNAM BYANG GNYIS CIG CAR 'BYUNG BAR MI 'THAD DE, GCIG LA NGO BO 'GAL BA GNYIS MI 'THAD PAS SO, ,RNAM BYANG LA YANG RIGS PA DE BZHIN DU BSGRE'O, ,DES NA KUN NAS NYON MONGS DANG RNAM BYANG DON DAM PAR MED KYI 'ON KYANG NGO BO NYID KYIS DAG PA'I DE BZHIN NYID LA SO SKYE'I GNAS SKABS NA KUN NAS NYON MONGS ZHES BTAGS LA GROL BA'I GNAS SKABS NA RNAM PAR BYANG BA ZHES BLOS BTAGS PA TZAM MO ZHES GNOD 'JOMS LAS BSHAD LA, DE YANG DBU MA'I RTZA BA LAS, RANG BZHIN GZHAN DU 'GYUR BA NI, ,NAM YANG 'THAD BA MA YIN NO, ZHES DANG, RE ZHIG BCINGS PA MI GROL TE, ,MA BCINGS PA YANG GROL MI 'GYUR, ,BCINGS PA GROL BZHIN YIN 'GYUR NA, ,BCINGS DANG GROL BA DUS GCIG 'GYUR, ZHES DANG; MTSAN NYID MED LA MTSAN NYID NI, ,MI 'JUG MTSAN NYID BCAS LA MIN, ZHES GSUNGS PA DANG RIGS PA'I GNAD GCIG TU SNANG NGO, ,DE'I PHYIR SEMS TZAM PA BCINGS GROL GYI GZHI SEMS 'OD GSAL BDEN PAR 'DOD PA

DANG; 'DI LAS NYON MONGS DANG RNAM BYANG NYIS KA BLOS BTAGS PA TZAM DU BSHAD PA YANG GA LA MTSUNGS, GSUM PA NI, 'GOG PA'I BDEN PA BRJOD BYAR BYAS PA LA 'DOMS SO, ,DE GANG NA, CHOS RNAMS KYI STONG PA NYID DE LA GZUGS MED NAS KYI SGRAS PHUNG PO BZHI SKYE MCHED DRUG KHAMS BCO BRGYAD MED MA RIG PA SKYE BA MED YANG GIS BSDUS PA RGA SHI'I BAR DU SKYE BA MED MA RIG PA 'GAG PA MED, YANG GIS BSDUS PA RGA SHI'I BAR DU 'GAG PA MED, RTOGS PA SANGS RGYAS MED RTOGS BYA BYANG CHUB KYI BAR DU MED, YANG GIS BSDUS PA BDEN BZHI 'BRAS BU BZHI RANG RGYAL RNAMS TE DE DAG DON DAM PAR GRUB PA MED DO ZHES STON PA'O, ,DE'I RGYU MTSAN YANG STONG NYID DE 'DUS BYAS KYI MTSAN NYID SKYE 'GAG SPANG GNYEN GYI MTSAN NYID KUN BYANG, GNAS SKABS KYI KHYAD PAR DU MA GCIG TU SONG BA'I NYAMS PA, GCIG DU MAR SONG BA'I 'PHEL BA DANG SOGS PAS BSDUS PA DUS GSUM DANG BRAL BA'I PHYIR TE, STONG PA NYID NI MI SKYE MA'I 'GAG CING KUN NAS NYON MONGS PA MA YIN, RNAM PAR BYANG BA MA YIN, 'GRIB PA MA YIN, 'PHAL BA MA YIN, 'DAS PA MA YIN, MA 'ONGS PA MA YIN, DA LTAR BYUNG BA MA YIN NO, ,GANG YANG 'DI 'DRA BA DE LA NI GZUGS MED DO ZHES PA NAS SANGS RGYAS MED BYANG CHUB MED DO, ZHES SO, ,ZAG BCAS 'GAGS PA'I 'GOG PA MNGON DU BYAR RGYUR ZHEN PA LA MDO 'DIS GZUGS NAS BYANG CHUB KYI BAR GYI CHOS GANG YANG MA GRUB PAR BSTAN PA NI THOB BYAR ZHEN BA ZLOG PA'I DON DU'O, ,BZHI PA NI, LAM GYI BDEN

, ,PA BRJOD BYAR BYAS PA LA 'DOGS SO, ,DE GANG NA, 'DI LA LAM DANG RIGS SGRUB DANG NGES 'BYIN LA 'DOMS PA GSUM DU BYED KYANG, BDAG NYID CHEN POS LAM GYI NGO BO RNAM PAR MI RTOG PA'I TSUL NGES 'BYIN GSUM DU BSDUS PA LTAR LEGS PAS DANG PO NI, SPYOD PA PO DANG SPYAD BYA GNYIS KA NGO BOS STONG PA'I PHYIR, SPYAD BYA SBYIN PA LA SOGS PA'I PHA ROL TU PHYIN PA DRUG LA SPYOD PA PO BYANG SEMS BDAG NYID LDAN PA BRTZON PA DANG MI LDAN PA MI BRTZON PA MA YIN PA STE YANG DAG PAR RJES SU MA MTHONG BA NYID DU BSGRUB PO ZHES STON PA'O, ,DAM NI 'OG MA RNAMS SDUD PA STE, BYANG TSE BDAG NYID LA SBYIN PA'I PHAR PHYIN LA BRTZON ZHES BYA BA'AM MI BRTZON ZHES YANG DAG PAR RJES SU MI MTHONG NGO, ,DE BZHIN DU LHAG MA LNGA LA YANG GSUNGS TE, PHYIN DRUG LA LAM DU GRAGS PA'I PHYIR 'DIS LAM LA GDAMS PA BSTAN TO, ,GNYIS PA NI, SBYOR BA PO DANG, SBYAR SA GNYIS KA NGO BOS STONG PA'I PHYIR NANG SBYOR BA PO STONG PA NYID DANG SOGS PAS MTSAN MED SMON MED GSUM NI, PHYI SBYAR SA STONG NYID SOGS GSUM DANG LDAN PA SBYOR BA DANG MI LDAN PA MI SBYOR BA MA YIN PA NYID DU RTOGS PAR GYIS LA SGRUBS SHIG CES STON PA STE, BYANG TSE STONG PA NYID LA STONG PA NYID KYIS SBYOR BAR MI BYED DE STONG PA NYID KYI RNAL 'BYOR LA MA YIN NO, ,DE CI'I PHYIR ZHE NA 'DI LTAR STONG PA NYID NI SBYOR BA MA YIN MI SBYOR BA MA YIN NO, ,DE BZHIN DU GZHAN GNYIS LA YANG GSUNGS SO, ,NYI SNANG DU STONG PA NYID STONG PA NYI DANG SBYOR BAR

MI BYED STONG PA NYID KYI RNAL 'BYOR DANG YANG MA YIN NO ZHES GZHAN GNYIS LA'ANG DE LTAR SBYAR BA DRANGS SO, ,DE LA SBYAR BA NI YUL YUL CAN GCIG TU SDUD PA'O ,'BYED BA'AM MI SBYOR BA NI DE GNYIS SO SOR BYED PA'O, ,YUM GSUM GNOD 'JOMS LAS STONG PA NYID KYI TING NGE 'DZIN SGOM PA NI GAL TE STONG PA NYID CES BYA BA'I CHOS GZHAN ZHIG YOD DO SNYAM DU SGOM NA NI DE'I TSE STONG PA NYID KYI NGO BO NYID DANG STONG PA NYID SBYOR BAR 'GYUR NA 'DI LTAR CHOS THAMS CAD DMIGS SU MED DE, STONG PA NYID KYI RNAM PAR YANG RNAM PA MED PAR SGOM STE DE'I PHYIR STONG PA NYID DANG STONG PA NYID DU MI SBYOR ZHES BYA'O, ,STONG PA NYID KYI RNAL 'BYOR DANG YANG MA YIN NO ZHES BYA BA LA, STONG PA NYID KYI RNAL 'BYOR NI STONG PA NYID KYI TING NGE 'DZIN TE, STONG PA NYID KYI RNAL 'BYOR DE YANG STONG PA NYID KYI RNAL 'BYOR GYI NGO BO GZHAN DANG MI SBYOR ZHES BYA BA'I THA TSIG GO ,DE BZHIN DU MTSAN MA MED PA'I CHOS GZHAN DU RNAM PAR RTOG PA MED PA DANG, SMON PA MED PA'I CHOS GZHAN DU RNAM PAR RTOG PA MED PA'I PHYIR ZHES BYA BA DANG YANG SBYAR BAR BYA'O, ,DE'I PHYIR STONG PA NYID NI RNAL 'BYOR YANG MA YIN RNAL 'BYOR MA YIN PA YANG MA YIN NO ZHES SO, ,DES NA TING NGE 'DZIN GSUM YUL GZHAN GSUM DANG MI SBYOR BAR MA ZAD YUL CAN GZHAN GSUM DANG YANG MI SBYOR ZHES PA'I DON DU 'DUG PAS YANG SGRA YOD NA DAG GO ,'DI RIGS SGRUB DANG SBYOR BA NI NYI SNANG LAS, MDO SNGA MAS LAM DANG PHYI MAS NGES 'BYIN BSTAN TO ZHES GSUNGS

, ,PA'I DON THOB TU BSAMS SO, ,NYI SNANG LAS NI, MDO 'DIS LAM BDEN MI RTOG PA YIN PAR BSTAN ZHES SO, ,GSUM PA NI, DUS GSUM GDONG MA NAS MA SKYES PAR MNYAM PA'I PHYIR SNGON GYI MTHA' 'DAS PA DANG; PHYI MA'I MTHA' MA 'ONGS PA DANG DA LTAR BYUNG BA GSUM PHAN TSUN LDAN PA GCIG LA GCIG SBYOR BA DANG, PHAN TSUN MI LDAN PA GCIG LA GCIG MI SBYOR BA MA YIN PA NYID DU RTOGS PAR GYIS LA BSGRUBS SHIG CES STON PA STE, BYANG TSE SNGON GYI MTHA' LA PHYI MA'I MTHAS SBYOR BAR MI BYED, DE BZHIN DU PHYI MA'I MTHA' LA SNGON GYI MTHAS DANG DA LTAR BYUNG BA LA SNGON DANG PHYI MA'I MTHAS DANG, SNGON DANG PHYI MA'I MTHA' LA DA LTAR BYUNG BAS SBYOR BAR MI BYED DE, DE CI'I PHYIR ZHE NA, DUS GSUM MNYAM PA NYID KYI PHYIR RO, ZHES SO, ,'DIS NI DUS GSUM SO SOR 'DZIN PA BKAG NAS DUS GSUM MNYAM NYID DU RTOGS NAS NGES PAR 'BYUNG BAR BSTAN TO, ,NGES PAR 'BYUNG BYA YANG GANG ZHE NA, DE'I 'OG TU DUS GSUM GYIS RNAM MKHYEN LA MI SBYOR TE, DUS GSUM MA DMIGS PAS SO ZHES PAS BSHAD DO, ,GANG DAG SNGON MTHA' 'KHOR BA NAS PHYI MTHA' MYANG 'DAS SU 'BYIN MI 'BYIN GYI SPROS PA DANG BRAL BA ZHES 'CHAD PA NI DON DU MI SNANG STE, MDO'I DON NI SPYIR DUS GSUM MNYAM NYID DU 'CHAD PA TZAM DU SNANG LA, KHYAD PAR DU MDO SNGA MA'I MJUG TU NYI SNANG LAS, NGES PAR 'BYUNG BAR BYA BA YANG GANG ZHE NA, ZHES PA'I LAN DU RNAM MKHYEN LA DUS GSUM GYIS

MI SBYOR BA DRANGS NAS 'BYUNG SA DE LA BSHAD PA'I PHYIR RO, ,DE LTAR MDO LAS NI SNGA MA GNYIS LA LDAN MI LDAN GYI DON GSUNGS LA, PHYI MA 'DI LA SBYOR BA BKAG PA TZAM YIN GYI MI SBYOR BA BKAG PA MI SNANG ZHING, PHAN TSUN GYI DON YANG PHYI MA LA DUS GSUM GCIG LA GCIG SBYOR BA BKAG PA SNANG YANG SNGA MA GNYIS LA PHAR LA BRTZON MI BRTZAN DANG SBYOR MI SBYOR TZAM MA GTOGS PA TSUR LA DE LTA BU MI SNANG NGO, ,'O NA KYANG SLOB DPON GYIS SBYAR BA NI PHYI MA LA LDAN PA'I DON BKAG PA DANG DNGOS SU GSUNGS PAS MI LDAN PA'I DON BKAG PA SHUGS LA YOD PA DANG, DE BZHIN DU SPYOD PA PO DANG SBYOR BA POS PHAR BRTZON MI BRTZON DANG SBYOR MI SBYOR DNGOS SU BKAG PAS SHUGS LA BRTZON BYA DANG SBYAR BYA RNAMS KYANG TSUR LA BRTZON BYA DANG SBYAR BYA YIN MIN BKAG BA RTAGS NUS PAS SO SNYAM DU DGONGS SO, ,DE LTAR MDO TSAN PA GSUM PO DES LAM LA BRTZON MI BRTZON LA SOGS PA BKAG PA NI LAM BDEN LA RGYUD LA BSTAN BYAR ZHEN PA LDOG PA'I DON DU'O, ,GNYIS PA NI, DE LTAR STON TSUL BZHI NI DMIGS YUL BDEN PA BZHI LA 'DOMS PA'O, ,GSUM PA LA GNYIS, SPYI DANG YAN LAG GI DON NO, ,DANG PO LA BZHI, SKYABS GSUM SO SO'I NGO BO, GNAS SKABS KYI SKYABS GSUM, MTHAR THUG GI SKYABS GCIG DKON MCHOG GI SGRA BSHAD PA'O, ,DANG PO LA GNYIS, NYAN THOS SDE BA DANG, THEG CHEN PA'I LUGS SO, ,DANG PO NI MDZOD LAS, GANG ZHIG GSUM LA SKYABS 'GRO DE, ,SANGS RGYAS DGE 'DUN BYED PA'I CHOS, ,MI SLOB PA DANG GNYIS KA DANG, ,MYA NGAN

, ,'DAS LA SKYABS SU 'GRO ,ZHES PA LTAR BSHAD DO, ,DE LA SANGS RGYAS LA SKYABS SU 'GRO BA NI SANGS RGYAS SU BYED PA'I CHOS MI SLOB PA LA SKYABS SU 'GRO BA YIN TE, DE YANG GANG ZHIG BRNYES PAS BRNYES PA PO DE LA SANGS RGYAS ZHES BRJOD PA STE, SANGS RGYAS KYI ZAD PA DANG MI SKYE BA SHES PA YIN LA 'KHOR DANG BCAS NA ZAG MED KYI PHUNG PO LNGA'O, ,RTEN GZUGS SKU NI BYANG SEMS DANG PHYIS SANGS RGYAS PA'I DUS GNYIS KAR KHYAD MED PAS DE NI SANGS RGYAS MIN PAS SKYABS YUL MIN NO, ,DGE 'DUN LA SKYABS SU 'GRO BA NI, DGE 'DUN DU BYED PA'I CHOS SLOB PA DANG SANGS RGYAS MA GTOGS PA'I MI SLOB PA LA YIN TE, DE YANG GANG ZHIG THOB PAS GANG ZAG BRGYAD PO LHA DANG BCAS PAS KYANG LAM LAS MI PHYED PAS DGE 'DUN ZHES BRJOD PA STE, GANG ZAG BRGYAD PO'I RGYUD KYI ZAG MED KYI PHUNG PO LNGA'O, ,'DI YANG RTEN LUS NI DGE 'DUN MIN PAS SKYABS SU MI 'GRO'O, ,CHOS LA SKYABS SU 'GRO BA NI, SO SOR BRTAGS 'GOG MYANG 'DAS LA YIN TE, DE NI 'PHAGS PA RNAMS KYI MYANG 'DAS GNYIS SO, ,DE LTAR NA BYE SMRA'I LUGS KYIS NI SANGS RGYAS DANG DGE 'DUN GNYIS KA'I RTEN LUS NI SDUG BDEN YIN PAS SANGS RGYAS DANG DGE 'DUN MIN LA, 'ON KYANG RTEN PA SANGS RGYAS KYI ZAG MED KYI PHUNG PO RNAMS SANGS RGYAS DANG, SANGS RGYAS MA GTOGS PA'I NYAN RANG GI ZAG MED KYI PHUNG PO RNAMS DGE 'DUN DANG, SANGS RGYAS DANG NYAN RANG GNYIS KA'I RGYUD KYI MYANG 'DAS CHOS DKON MCHOG TU 'DOD DO, ,DE LA KHA CIG GZUGS

SKU SANGS RGYAS MIN NA DE LA NGAN SEMS KYIS KHRAG PHYUNG BAS MTSAMS MED DU MI 'GYUR ZHES SMRA BA LA, BYE SMRA RNAMS RTEN LA GNOD PA BYAS PAS BRTEN PA LA YANG GNOD DE, DPER NA MIG LA GNOD PA BYAS PAS MIG SHES LA GNOD PA BZHIN ZHES ZER RO; ;DE LA SLOB DPON GYIS BSTAN BCOS LAS MI SLOB PA KHO NA SANGS RGYAS ZHES MI 'BYUNG GI SANGS RGYAS SU BYED PA'I CHOS ZHES 'BYUNG BAS SANGS RGYAS DANG SANGS RGYAS SU 'JOG PA'I RGYU DAG SANGS RGYAS YIN ZHES PA DON YIN GYI RTEN SANGS RGYAS SUM BKAG PAS MTSAMS MED DU MI 'GYUR BAR BRTZAD PA BSTAN BCOS LA KLAN KAR MI RUNG BAR GSUNGS SO, ,BSTAN BCOS KYI DGONGS PA DE LTA MIN NA, SANGS RGYAS DANG DGE 'DUN GYIS 'JIG RTEN PA'I YID MNGON DU BYAS PA NA SANGS RGYAS DANG DGE 'DUN MIN PAR 'GYUR TE, SLOB PA DANG MI SLOB PA ZAG MED YIN PAS DE DAG DANG 'JIG RTEN PA'I YID GNYIS MNGON GYUR DU LHAN CIG TU MI GNAS PAS DE'I TSE SLOB MI SLOB MED LA RTEN YANG DE DAG MIN PAS SO, ZHES GSUNGS SO; ;'DI DAG NI 'GREL BSHAD GNYIS KYI BSHAD PA DANG BCAS PA'O, ,DES NA 'DIR SLOB DPON GYIS RTEN SANGS RGYAS SU BSHAD PA NI MDO SDE PA'I YANG 'DOD PAR MNGON PAS KHYAD DE TZAM MA GTOGS PA MDO SDE PA YANG SKYABS GSUM 'JOG TSUL 'DI DANG MTHUN NO, ,GNYIS PA LA GSUM LAS, DANG PO SANGS RGYAS NI, YON TAN BRGYAD DANG LDAN PA ZHIG GO ,BRGYAD GANG ZHE NA, 'DUS MA BYAS PA, LHUN GYIS GRUB PA, GZHAN GYI RKYEN GYIS RTOGS PA MIN PA, MKHYEN

, ,PA; BRTZE BA, NUS PA, RANG DON, GZHAN DON NO, ,DE LA DANG PO NI SKYE 'JIG GNAS GSUM GYIS STONG PA'O, ,GNYIS PA NI 'BAD RTZOL DANG RNAM RTOG THAMS CAD NYE BAR ZHI BA'O, ,GSUM PA NI DE LTA BU DE SGRA DANG RTAGS LA SOGS PA'I GZHAN RKYEN GYIS RTOGS PA MIN GYI SANGS RGYAS NYID KYI RANG BYUNG GI YE SHES KYIS RTOGS PAR BYA BA'O, ,BZHI PA NI, GSUM PO DE JI LTA BA BZHIN DU MKHYEN PA'O, ,LNGA PA NI DE LTAR RANG GIS RTOGS PA DE GZHAN MA RTOGS PA RNAMS LA BSTAN PA'I PHYIR DU THUGS BRTZE BA'O, ,DRUG PA NI MKHYEN BRTZE GNYIS KYI SGO NAS CHOS BSTAN PAS GDUL BYA'I 'BRAS BU SDUG BSNGAL DANG RGYU NYON MONGS GNYIS SPONG BA'O, ,BDUN PA NI DANG PO GSUM MO, ,BRGYAD PA NI PHYI MA GSUM MO, ,DE YANG RGYUD BLA LAS, ,'DUS MA BYAS SHING LHUN GYIS GRUB, ,GZHAN GYI RKYEN GYIS RTOGS MIN PA, ,MKHYEN DANG BRTZE DANG NUS PAR LDAN, ,DON GNYIS LDAN PA'I SANGS RGYAS NYID, CES SO, ,GNYIS PA CHOS DKON MCHOG KYANG YON TAN BRGYAD DANG LDAN PA'O, ,DE GANG ZHE NA, BSAM DU MED PA, GNYIS SU MED PA, RTOG PA MED PA, DAG PA, GSAL BA, GNYEN PO'I PHYOGS KYI YON TAN DANG, GANG ZHIG CHAGS PA DANG BRAL BA DANG, GANG GIS CHAGS PA DANG BRAL BA'I YON TAN NO, , DE LA DANG PO NI RTOG PAS MU BZHI GANG DU YANG BRTAG MI NUS PA DANG, SGRAS BRJOD DU MED PA DANG, 'PHAGS PA'I MNYAM GZHAG GI YUL YIN PA STE, MDOR NA SGRA RTOG GI YUL MIN ZHING 'PHAGS PA'I MNYAM GZHAG GI YUL YIN PA'O

GNYIS PA NI, ZAG BCAS KYI LAS NYON CI RIGS PAR SPANGS PA'O, ,GSUM PA NI DE GNYIS KYI RGYU GTZANG BDE RTAG BDAG SOGS SU SGRO 'DOGS PA'I BLO SPANGS PA STE 'DI GNYIS NI GLO BUR DRI BRAL GYI CHA YIN LA, SNGA MA NI RANG BZHIN RNAM DAG YIN NO; ;BZHI PA NI LAM GYI NGO BO NYON MONGS DANG NYE NYON GYIS DAG PA'O, ,LNGA PA NI SHES BYA'I DE KHO NA NYID GSAL BAR BYED PA'O, ,DRUG PA NI DUG GSUM LA SOGS PA'I MUN PA RNAMS RNAM PAR 'JOMS PA'O, ,DES NA LAM BDEN NI NYI MA DANG 'DRA'O, ,BDUN PA NI DANG PO GSUM STE 'GOG BDEN DANG, BRGYAD PA NI PHYI MA GSUM STE LAM BDEN GYI YON TAN NO, ,DE YANG RGYUD BLA LAS, BSAM MED GNYIS MED RTOG MED PA, ,DAG GSAL GNYEN PO'I PHYOGS NYID KYIS, ,GANG ZHIG GANG GIS CHAGS BRAL BA, ,BDEN GNYIS MTSAN NYID CAN DE CHOS, ,CHAGS BRAL NYID NI 'GOG PA DANG, ,LAM GYI BDEN PA DAG GIS BSDUS, ,GO RIMS JI BZHIN DE DAG KYANG, ,YON TAN GSUM GSUM GYIS RIG BYA, ZHES SO, ,DE LTAR NA RTZA BAR SPYIR 'GOG PA DANG LAM TZAM ZHIG CHOS DKON MCHOG TU GSUNGS KYANG THEG CHEN GYI 'GOG LAM LA GZUNG DGOS LA LAM BDEN YANG SKABS 'DIR THEG CHEN GYI MTHONG SGOM GNYIS LA BYA STE, CHOS DKON MCHOG GI 'GREL PA LAS SDUG BSNGAL 'GOG BA'I MING CAN DE BZHIN GSHEGS PA'I CHOS KYI SKU 'DI THOB PA'I RGYU RNAM PAR MI RTOG PA'I YE SHES MTHONG BA DANG SGOM PA'I LAM NI CHOS MTHUN PA RNAM PA GSUM GYIS NYI MA DANG 'DRA BAR RIG PAR BYA STE ZHES PAS SO, ,GSUM

, ,PA DGE 'DUN DKON MCHOG NI, JI LTA BA DANG JI SNYED PA RIG PA DANG, NANG GI YE SHES GZIGS PA DANG, GZIGS PA DE DAG PA'I YON TAN TE BLA NA MED PA'I YON TAN DE BZHI DANG LDAN PA'I PHYIR MI LDOG GI BYANG SEMS SO, ,DE LA DANG PO NI CHOS DANG GANG ZAG CES BYA BA'I 'GRO BA RNAMS KYI BDAG GNYIS NYE BAR ZHI BA'I BDAG MED PA'I MTHA' RTOGS PA'O, ,GNYIS PA NI, BDAG GNYIS KYIS STONG PA'I DE BZHIN NYID DE SEMS CAN THAMS CAD LA KHYAB PAR MTHONG BA'O, ,DES NA DANG POS CHOS NYID RANG GI NGO BO DANG PHYI MAS DE GNAS PA RTOGS PA'O, ,GSUM PA NI, YE SHES DE GNYIS RANG RIG PA'I TSUL GYIS RTOGS PA'O, ,BZHI PA NI CHAGS PA NYON SGRIB DANG THOGS PA SHES SGRIB GNYIS CI RIGS PAR DAG PA'O, ,DE LTAR YANG RGYUD BLA LAS, JI BZHIN JI SNYED NANG GI NI, ,YE SHES GZIGS PA DAG PA'I PHYIR, ,BLO LDAN PHYIR MI LDOG PA'I TSOGS, ,BLA MED YON TAN DANG LDAN NYID, CES SO, ,KHA CIG JI LTA JI SNYED NANG RIG PA STE GSUM, CHAGS SGRIB THOGS SGRIB DMAN SGRIB LAS GROL BA GSUM DANG PO GSUM NI RIG PA DANG PHYI MA GSUM NI GROL BA PHUN TSOGS KYI YON TAN DU BYAS NAS DGE 'DUN YON TAN BRGYAD LDAN DU 'CHAD PA NI 'OL SPYI TZAM SBYAR DU RUNG YANG 'GREL PAS MA BSHAD CING RTZA BA LA YANG SNGA MA LTA BUR MI GSAL BAS BDAG GIS NGOR RO, ,GNYIS PA NI, RGYUD BLA LAS, STON PA BSTAN PA SLOB DON GYIS, ,THEG PA GSUM DANG BYED GSUM LA, ,MOS PA RNAMS KYI DBANG BYAS NAS, ,SKYABS GSUM RNAM PAR BZHAG PA YIN,

ZHES PA 'DIS NI DGOS PA GSUM GYI PHYIR GANG ZAG DRUG GI DBANG DU BYAS NAS SKYABS GSUM RNAM PAR BZHAG GO ,DON 'DI LA RGYUD BLA'I t'IKA BYED PA LA MO CHES GONG DU BSTAN PA'I SKYABS GSUM PO DE NGES DON MIN PAR DRANG DON DU SHO LOG 'DIS BSTAN PAR 'CHAD PA NI 'DI'I DON GTAN MA RTOGS PAR MTHONG STE DE CI'I PHYIR ZHE NA, GZHUNG 'DI'I MTSAMS SBYOR DU, DE LA DON GANG GIS GANG GI DBANG DU BYAS NAS BCOM LDAN 'DAS KYIS SKYABS GSUM RNAM PAR BZHAG PA MDZAD CE NA, ZHES RGYAL BAS MDOR SKYABS GSUM BZHAG PA'I DGOS PA 'DRI BAR SNANG GI RJE BTZUN GYIS SNGAR BSHAD PA'I SKYABS GSUM LA DOGS GCOD DU MI SNANG BA'I PHYIR DANG, PHYI 'GREL DU YANG DKON MCHOG GSUM SKYABS SU BZHAG PA'I TSUL LA RIM PA LTAR RKANG GNYIS RNAMS KYI MCHOG YIN PA'I PHYIR RO, ,'DOD CHAGS DANG BRAL BA RNAMS KYI MCHOG YIN PA'I PHYIR RO, ,TSOGS RNAMS KYI MCHOG YIN PA'I PHYIR RO ZHES BSTAN ZHING RNAM PAR BZHAG GO ZHES GSUNGS LA, 'JOG TSUL 'DIS RJE BTZUN GYIS SNGAR BZHAG PA YOD MED LEGS PAR RTOGS SHIG DANG KHONG DU CHUD PAR 'GYUR RO, ,DES NA 'DI'I DON 'DI LTAR BSHAD DE, GONG DU RJE BTZUN GYIS SKYABS GSUM BZHAG PA'I TSUL DANG THUN MONG GI MDO LAS DE BZHIN GSHEGS PAS RKANG GNYIS RNAMS KYI MCHOG LA SANGS RGYAS DANG 'DOD CHAGS DANG BRAL BA'I MCHOG MYANG 'DAS LA CHOS DANG, TSOGS RNAMS KYI MCHOG SKYES BU ZUNG BZHI LA DGE 'DUN DU BZHAG PA MA MTHUN PAS, DE LA BSAMS NAS

, ,MDOR SKYABS GSUM BZHAG TSUL 'DI'I DGOS PA DANG GANG ZAG DRIS SO, ,DE'I LAN YANG THEG CHEN GYI LAM DU ZHUGS PA'I GANG ZAG DANG, LAM DU MA ZHUGS KYANG SKYABS GSUM GYI NANG NAS SANGS RGYAS KHO NA LA BYA BA BYED PAR 'DOD PA STE GANG ZAG DE GNYIS KYI NGO DANG, DGOS PA SKYABS GSUM GYI NANG NAS SANGS RGYAS KYI TSE BA GZHAN LA BSTAN PA'I PHYIR DU SANGS RGYAS SKYABS SU BZHAG GO ,DE BZHIN DU THEG PA 'OG MA GNYIS LA ZHUGS PA DANG MA ZHUGS KYANG CHOS DANG DGE 'DUN LA BYA BA BYED PAR 'DOD PA'I GANG ZAG NYID KYI NGO DANG, SKYABS PHYI MA GNYIS KYI YON TAN BSTAN PA'I PHYIR DU CHOS DANG DGE 'DUN SKYABS SU BZHAG GO ,RIGS CAN GSUM PO RE RES KYANG GSUM GA LA SKYABS SU 'GRO BA MA YIN NAM, CI'I PHYIR THEG PA RE RE LA SKYABS RE RER BZHAG CE NA, NYES PA MED DE, RGYU'I SKYABS 'GRO'I DBANG DU BYAS NA RIGS CAN RE RES KYANG GSUM GA LA SKYABS SU BYED KYANG 'DI NI RANG RANG GI THUN MONG MA YIN PA'I THOB BYA 'BRAS BU'I SKYABS 'GRO'I DBANG DU BYAS PA'I PHYIR RO, ,DE LTAR NA TSUL 'DI NI THEG PA GSUM LA GNAS PA RNAMS RIM GYIS THEG CHEN LA DRANG BA'I CHED YIN PAS DRANG DON NO, ,SKYABS 'GRO BDUN CU PAR YANG, THUB DBANG NGAG GI SKU GSUM DANG, ,MYA NGAN 'DAS DANG ZHUGS GNAS BRGYAD, CES GSUNGS PA YANG THUN MONG GI SKYABS KYI RNAM GZHAG YIN NO, ,GSUM PA NI, SANGS RGYAS 'BA' ZHIG GTAN GYI SKYABS YIN NO, ,'O NA MTHAR THUG GI SKYABS LA DKON MCHOG GSUM MA TSANG BAR

'GYUR ZHE NA, NYES PA MED DE, SANGS RGYAS KYI THUGS RGYUD KYI 'GOG LAM CHOS YIN LA, CHOS KYI SKU THOB PA NA THEG PA GSUM GYI TSOGS KYANG MTHAR PHYIN BAR 'GYUR BA'I PHYIR TE, RGYUD BLA LAS, DAM PA'I DON DU 'GRO BA YI, SKYABS NI SANGS RGYAS NYAG GCIG YIN, ,THUB PA CHOS KYI SKU CAN PHYIR, ,TSOGS KYANG DE YI MTHAR THUG PHYIR, ZHES DANG, 'GREL PAR YANG SNGAR BSHAD PA'I TSUL GYIS SKYE BA MED PA DANG 'GAG PA MED PAS RAB TU PHYE BA'I THUB PA RNAM PAR BYANG BA'I BDEN PA GNYIS KYI MTSAN NYID 'DOD CHAGS DANG BRAL BA'I CHOS KYI SKU CAN YIN PA'I PHYIR DANG ZHES SO, ,BZHI PA NI, RGYUD BLA LAS, 'BYUNG BA DKON PHYIR DRI MED PHYIR, ,MTHU LDAN PHYIR DANG 'JIG RTEN GYI, ,RGYAN GYUR PHYIR DANG MCHOG NYID PHYIR, ,'GYUR BA MED PHYIR DKON MCHOG NYID, CES PA LTAR RO, ,GNYIS PA LA GNYIS, SO SOR BSHAD PA DANG, DON BSDU BA'O, ,DANG PO LA GSUM, SANGS RGYAS, CHOS, DGE 'DUN LA GDAMS PA'O, ,DANG PO NI, SANGS RGYAS DKON MCHOG BRJOD BYAR BYAS PA LA 'DOMS SO, ,DE GANG NA DMIGS PAR BYA BA YUL DANG, DMIGS PAR BYED BA YUL CAN GNYIS DON LA SO SOR MA GRUB PAR MNYAM PA NYID DU SHES PA'I YE SHES MTHAR PHYIN PA NI SANGS RGYAS YIN NO ZHES STON PA'O, ,MNYAM NYID DE JI LTAR BSTAN NA SANGS RGYAS SU 'JOG PAR BYED PA'I CHOS KYI MTSAN NYID RNAM MKHYEN DE KHO NAR MI DMIGS PA LA STE MI DMIGS PAR BSTAN PA'I SGO NAS SO, ,MDO TSIG GANG GIS MI DMIGS PA'I TSUL JI 'DRA BA ZHIG BSTAN NA, BYANG TSE GZUGS

, ,LA RNAM MKHYEN NYID KYIS SBYOR BAR MI BYED DE, 'DI LTAR GZUGS NYID YANG DAG PAR RJES SU MI MTHONG NGO, ,DE BZHIN DU PHUNG PO PHYI MA BZHI, SKYE MCHED BCU GNYIS PHYIN DRUG LA SOGS PA LA SBYAR NAS GSUNGS TE, 'DIS NI GZUGS SOGS DANG RNAM MKHYEN YUL DANG YUL CAN DU MI SBYOR BA STE SBYOR BA BKAG PAS SO, ,SANGS RGYAS LA RNAM MKHYEN NYID KYIS SBYOR BAR MI BYED DE, 'DI LTAR SANGS RGYAS NYID YANG DAG PAR RJES SU MI MTHONG NGO, ,RNAM MKHYEN LA SANGS RGYAS KYIS SBYOR BAR MI BYED DE, 'DI LTAR RNAM MKHYEN NYID YANG DAG PAR RJES SU MI MTHONG NGO ZHES PA 'DIS SANGS RGYAS DANG RNAM MKHYEN MTSAN MTSON DU SBYOR BA BKAG GO ,DE BZHIN DU RNAM MKHYEN DANG BYANG CHUB GNYIS LA PHAN TSUN DU MI SBYOR BAR BSTAN PAS NI BYANG CHUB DBYINGS DANG RNAM MKHYEN DE RTOGS PA'I YE SHES SU SBYOR BA BKAG GO ,DE LTAR TSAN PA GSUM PO DER SBYAR DU MED PA CI ZHE NA, DE CI'I PHYIR ZHE NA, SANGS RGYAS NYID RNAM MKHYEN NO, ,RNAM MKHYEN NYID SANGS RGYAS SO, BYANG CHUB NYID RNAM MKHYEN NO, ,RNAM MKHYEN NYID BYANG CHUB PO ZHES SANGS RGYAS DANG BYANG CHUB DANG RNAM MKHYEN GSUM MTSAN NYID GCIG PA STE DE KHO NAR THA DAD PA MED PA NYID KYIS SO, ,GNOD 'JOMS CHE BA LAS GZUGS DANG RNAM MKHYEN DU MI SBYOR BA'I DON GZUGS 'DI RNAM MKHYEN GYI YUL YIN NO ZHE'AM, GZUGS 'DI SBYIN SOGS KYI BSOD NAMS BYA BA'I DNGOS POR BSNGOS NA 'BRAS BU RNAM MKHYEN DU 'GYUR RO ZHES DMIGS PAS MI SBYOR BA'O, ,SANGS RGYAS DANG RNAM MKHYEN DU MI SBYOR

BA'I DON NI THAMS CAD MKHYEN PA SANGS RGYAS KYI RGYU'O ZHES MI SBYOR BA'O, ,BYANG CHUB DANG RNAM MKHYEN DU MI SBYOR BA NI RNAM MKHYEN GYIS CHOS THAMS CAD RTOGS PAS BYANG CHUB BO ZHES DMIGS PAS MI SBYOR TE DE GSUM MTSAN NYID GCIG PAS CHOS SKU'I BDAG NYID DU THA DAD MED DO ZHES 'CHAD DO, ,DE LTAR NA MDO DE DAG GIS SANGS RGYAS TE RTOGS BYA RTOGS BYED SO SOR MED PA GCIG TU BSTAN PA NI, SANGS RGYAS DKON MCHOG SKYABS SU BSTAN PA DANG, BDAG GI SKYABS 'DI YUL MA LUS PA MKHYEN PA'I STON PA'O SNYAM DU ZHEN PA LDOG PA'I CHED DU'O, ,GNYIS PA NI, CHOS DKON MCHOG BRJOD BYAR BYAS PA LA 'DOMS SO, ,DE GANG NA MKHYEN GSUM GYIS BSDUS PA STE YUL DU BYAS PA'I GZHI DANG GNYEN PO DANG RNAM PA MTHA' DAG BSDUS PA STE BSDOMS PA DAG GIS BSDUS PA STE KHYAB PA'I CHOS THAMS CAD BDEN PA'I NGO BO NYID MED DO ZHES STON PA STE, BYANG TE GZUGS DNGOS PO YOD CES BYA BAR MI SBYOR RO, ,DE BZHIN DU DNGOS PO MED PA DANG, RTAG MI RTAG ,BDE SDUG BDAG YOD MED; ZHI MA ZHI ZHES BYA BAR MI SBYOR BA LA SOGS PA GSUNGS SO, ,YUM GSUM DON BRGYAD KYIS MTHUN PAR BSTAN PA LAS, GZUGS 'BYUNG NGO ZHES BYA BAR MI SBYOR ZHES PA MAN GYIS GZHI DANG, SBYIN PA'I PHAR PHYIN GYI DON DU MI SPYOD DO MAN GYIS LAM DANG, DE BZHIN GSHEGS PA'I STOBS BCU MNGON PAR SGRUB BO MAN GYIS RNAM PA LA GDAMS PAR BSTAN TO ZHES MTSAMS 'BYED DO, ,MDO 'DI DAG GIS CHOS DKON MCHOG JI LTAR BSTAN NA, 'DI DAG GIS GZHI LAM RNAM PA

, ,RNAMS BSTAN TE, DE YUL CAN MKHYEN GSUM BSTAN PA'O SNYAM DU SLOB DPON GYIS DGONGS SO, ,'PHAGS PA'I DGONGS PA NI, MDO 'DI DAG GIS CHOS GANG GI DON DU YANG YUM LA SPYOD PA BKAG PAS THAMS CAD DU CHAGS PA DANG BRAL BA BSTAN LA CHOS KYANG 'DOD CHAGS DANG BRAL BA YIN PAS SO SNYAM DU DGONGS SO, ,MDO 'DI DAG GIS CHOS THAMS CAD LA SBYAR BA DANG SPYAD PAR BYA BA BKAG PA NI CHOS DKON MCHOG LA 'DI NI BDAG GI LAM MO SNYAM PA'I ZHEN PA LDOG PA'I CHED DU'O, ,GSUM PA NI, DGE 'DUN DKON MCHOG LA 'DOMS SO, ,DE GANG NA, SHES RAB KYIS BYANG CHUB LA DMIGS SHING SNYING RJES SEMS CAN LA DMIGS PA'I BYANG SEMS SO SKYE'I SA LAS RING DU SONG BAS 'PHAGS PA THAR PA THOB BYED DU BRTZON PAS SLOB PA RDZOGS BYANG LAS PHYIR MI LDOG PA RNAMS LA LAM SGRUB PA'I GROGS SU BZUNG NAS LAM LA 'JUG PA NA DE DAG GDOD MA NAS SKYE BA MED PA NYID DU RTOGS NAS 'JUG PAR BYA'O ZHES STON PA'O GRANGS DU ZHIG CE NA, RGYUN ZHUGS PHYIR 'ONG PHYIR MI 'ONG GI 'BRAS BU LA GNAS PA'I MING CAN GSUM DANG 'BRAS BU BZHI LA ZHUGS PA'I MING CAN BZHI'I BYE BRAG STE RGYU MTSAN GYIS SKYES BU CHEN PO BDUN PO RANG SANGS RGYAS KYI MING CAN GCIG DANG LHAN CIG STE BCAS PA'I BRGYAD DU YOD DE DE NI RTZA BA'I DBYE BA'O, ,ZHUGS PA'I MING CAN BZHI 'DREN NA 'BRAS GNAS BZHI YANG BGRANG DGOS PAS DGUR 'GYUR ZHE NA, MI RIGS TE, DGRA BCOM 'BRAS GNAS KYI MING CAN 'DREN NA THEG CHEN GYI MI SLOB PA BGRANG DGOS BAS DE NI

SANGS RGYAS DKON MCHOG GI KHONGS SU GTOGS PA NYID KYIS THEG CHEN GYI DGRA BCOM PA NI SLOB PA'I DGE 'DUN DU MA GTOGS PAS SO, ,NYI SHUR MA NGES TE DGRA BCOM DANG NYER GCIG TU 'GYUR ZHES SBYOR BA LAS SNGA MA NYID MDZES TE SNGA MA LA DOGS PA'I RGYU MTSAN 'BREL BAS SO, ,YAN LAG GIS PHYE NA NYI SHUR GRANGS CHAD PA'AM NGES TE DE YANG DBANG PO RTUL PO DANG RJES 'BRANG NAS BSE RU LTA BU'I MING CAN GYI BAR DU YOD PA'I BYE BRAG GAM RGYU MTSAN GYIS SO, ,GNYIS PA NI, DE LTAR LUNG 'BOG PA GSUM NI DKON MCHOG GSUM LA 'DOMS PA'O, ,BZHI PA LA BZHI, SGRUB PA'I MI MTHUN PHYOGS SPONG BA DANG, SGRUB PA LA GZHAN DRING MI 'JOG PA DANG, SGRUB PA'I YON TAN THAMS CAD RDZOGS PA DANG, SGRUB PA MTHAR THUG PA'I RGYU LA GDAMS PA'O; ;DANG PO NI SGRUB PA'I GTZO BO BRTZON 'GRUS YIN LA, DE'I SPANG BYA YANG SPYOD 'JUG LAS, LE LO NGAN LA ZHEN PA DANG, ,SGYID LUG BDAG NYID BRNYAS PA'O, ZHES PA LTAR GSUM LAS, DANG PO SNYOMS LAS 'DZIN PA SPONG BYED MA ZHEN PA'I BRTZON 'GRUS LA GDAMS PA NI, 'DOMS SO, ,GANG BRJOD BYAR BYAS PA LA NI, MA ZHEN PA'I BRTZON 'GRUS LA'O, ,TSUL NI LUS DANG SOGS PAS NGAG YID RNAMS ZHEN BYA'I NGO BO NYID MED PAR BSTAN PA'I TSUL GYIS SO, ,DGOS PA NI LUS DANG SOGS PAS NGAG YID KYI BSOD NYAMS TE BDE BA SKYES PA NYID KYIS DE LA DBANG RTUL LA LA MNGON PAR ZHEN PAR 'GYUR BAS DE BSAL BA'I PHYIR RO, ,GANG GI TSE NA BRTZON 'GRUS BRTZAMS PA NYID KYIS JI SKAD BSHAD PA'I SEMS BSKYED KYI THOB

, ,BYA'I DON LA NAN TAN BYED PA NA'O, ,DE LTAR YANG BYANG CHEN LUS MI DMIGS PA DANG NGAG MI DMIGS PA DANG SEMS MI DMIGS PA DE'I TSE BYANG CHEN LUS DANG NGAG DANG YID KYI GNAS NGAN LEN YONGS SU SBYONG BA YIN NO, ZHES SO; ;GNYIS PA SGYID LUG PA'I LE LO SPONG BYED MI NGAL BA'I BRTZON 'GRUS LA GDAMS PA NI GDAMS NGAG GO ,GANG BRJOD BYAR BYAS PA LA NA YONGS SU NGAL BA MED PA'I BRTZON 'GRUS LA'O, ,TSUL NI, GZUGS NAS YANG DAG PAR RDZOGS PA'I BYANG CHUB KYI BAR GYI CHOS GANG LA YANG RLOM PAR BYAR MED PA NYID DU BSTAN PA'I TSUL GYIS SO, ,DGOS PA NI, DUS YUN RING MO BSKAL PA MANG PO ZHIG TU LAM LA GOMS PAR BYAS KYANG 'DOD PA'I DON BYANG CHUB MA GRUB PA'I TSE NA DBANG RTUL DNGANG ZHING SKRAG PA'I RANG BZHIN NAM DANG TSUL CAN RNAMS SGRUB PA RING DU BYAS PA LA RLOM PA'I RGYU LA BRTEN NAS YONGS SU STE LHAG PAR SKYO BAR 'GYUR PAS DE BSAL BA'I PHYIR TE, GZUGS SU MI RLOM PA DANG ZHES PA NAS BLA MED RDZOGS BYANG DU RLOM PA MED PA DE LTAR NA SH'A RI'I BU BYANG CHEN DE NI PHAR PHYIN DRUG GI SA RNAM PAR 'PHEL TE SUS KYANG THUB PA MA YIN NO, ZHES SO, ,GSUM PA BDAG NYID BRNYAS PA'I LE LO SPONG BYED LA MA YONGS SU 'DZIN PA'I BRTZON 'GRUS LA GDAMS PA NI GDAMS NGAG GO ,GANG BRJOD BYAR BYAS BA LA NA, THEG CHEN GYI LAM YONGS SU BZUNG BA'I BRTZON 'GRUS LA'O, ,TSUL NI, CHOS RNAMS RANG BZHIN GYIS MA SKYES PA NYID DU RTOGS TE BSLAB BO ZHES PA'I TSUL GYIS SO, ,DGOS PA NI,

PHYOGS BCU NA BZHUGS PA'I SANGS RGYAS DANG SOGS PAS BYANG CHUB SEMS DPA' LA BRJOD BYA'I DON RE RE'I PHYIR LAM SGRUB PA'I LUNG NOD PAR BYA DGOS NA DE 'DRA BA BDAG GIS MI NUS SO ZHES SEMS ZHUM PAR 'GYUR BAS DE BSAL BA'I PHYIR TE, BYANG CHEN YE SHES GANG DANG LDAN PAS SHAR PHYOGS KYI 'JIG RTEN GYI KHAMS GANGG'A'I KLUNG GI BYE MA SNYED KYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GANGG'A'I KLUNG GI BYE MA SNYED KYANG MTHONG NGO DE DAG GIS CHOS BSTAN PA YANG NYAN NO, ,DGE 'DUN LA YANG BSNYEN BKUR BYED DO, ,SANGS RGYAS KYI CHOS RNAM PAR DAG PA DAG KYANG MTHONG NGO, ,DE BZHIN DU PHYOGS LHAG MA DGU LA YAN GSUNGS SO, ,SKYE MED KYI GDAMS NGAG LA BSLABS PAS ZHUM PA SEL BA'I RGYU MTSAN NI, DE LA BSLABS NA CHOS KUN GYI GNAS LUGS LA BSLABS PAR 'GYUR BA'I PHYIR RO, ,GNYIS PA NI, SPYAN LNGA BRJOD BYAR BYAS PA LA 'DOMS SO, ,'DI LA GNYIS, GANG LA GDAMS PA'I YUL DE LA 'DOMS PA'I TSUL LO, , DANG PO LA BZHI, MTSAN NYID, SA MTSAMS, RGYU, DGOS PA'O, ,DANG PO NI, SNGA MA LNGA MING DANG PHYI MA LNGA DON YIN PAS MING DON GRANGS BZHIN DU SBYAR RO, ,DE LA SHA'I SPYAN NI, DPAG TSAD BRGYA NAS STONG GSUM TSUN CHAD KYI DNGOS PO RNAMS SO SOR NGES PA'I YUL CAN TE, BYANG CHEN GYI SHA'I MIG GIS DPAG TSAD BRGYA MTHONG BA YOD DO, ,DE BZHIN DU DPAG TSAD NYIS BRGYA SUM BRGYA, BZHI BRGYA, LNGA BRGYA, STONG, 'DZAM GLING, GLING GNYIS, GLING GSUM,

, ,GLING BZHI, STONG DANG PO, STONG GNYIS PA, STONG GSUM PA'I 'JIG RTEN GYI KHAMS MTHONG BA YOD DO ZHES SO, ,'DI YI YUL STONG GSUM TSUN CHAD DU NGES SAM ZHE NE, NYI SNANG LAS, DE NI RNAM PAR SMIN PA LAS BYUNG BA NYID KYIS YUL SO SOR NGES PA NYID YIN PA'I PHYIR RAM SHA'I MIG NA BDAG PO'I 'BRAS BU'I YUL CAN YIN LA DE YANG STONG GSUM GYI STONG CHEN PO'I 'JIG RTEN GYI KHAMS KYIS BSDUS PA YIN PA'I PHYIR RO ZHES YUL NGES PAR GSUNGS SO, ,LUNG DES YUL NGES BA'I RGYU MTSAN GNYIS BSTAN TE, DANG PO NI LAS KYI RNAM SMIN LAS BYUNG BA'I PHYIR ZHES PA YIN LA, GNYIS PA NI, SHA'I MIG NI BDAG 'BRAS KYI YUL CAN YIN PA'I PHYIR ZHES PA'O, ,DE LA KHYAB PA 'ONG BA'I RGYU MTSAN NI, SPYIR YUL LNGA PO 'DI DBANG PO LNGA'I BDAG 'BRAS SAM DBANG 'BRAS YIN TE, NANG DU DBANG PO GRUB PA'I DBANG GIS PHYI'I YUL 'GRUB PA'I PHYIR RO, ,DES NA SHA'I MIG KYANG MIG DBANG KHYAD PAR CAN ZHIG YIN PAS RANG GI BDAG 'BRAS GZUGS KYI YUL CAN YIN LA, DBANG POS KYANG RANG GI BDAG 'BRAS MA YIN PA LA LONGS SPYOD MI NUS PAS YUL NGES TE, SEMS CAN RNAMS KYI THUN MONG GI LONGS SPYOD BYA LA STONG GSUM GCIG LAS MI 'GRUB PAS SO, ,DE'I PHYIR STONG GSUM GCIG NI 'JIG CHAGS MNYAM DU BYED LA GZHAN RNAMS DANG NGES PA MED PAR BSHAD DO, ,DGE BA'I LAS KYI RNAM SMIN TZAM LAS BYUNG BA'I LHA'I SPYAN NI, PHYOGS BCU'I SEMS CAN THAMS CAD KYI 'DI NAS GZHAN DU 'CHI 'PHO BA DANG GZHAN NAS 'DIR SKYE BA MTHONG

BA'I YUL CAN TE, RGYAL PO CHEN PO BZHI'I RIS KYI LHA RNAMS KYI MIG GANG YIN PA DE NI BYANG CHUB SEMS DPAS RAB TU SHES SO, ,DE BZHIN DU 'OG MIN GYI BAR GYI LHA'I MIG BYANG SEMS KYIS SHES PA DANG, LHA DE DAG GI MIG GIS BYANG SEMS KYI MIG MI SHES PA DANG, LHA'I MIG YONGS SU DAG PA DE NYID KYIS SHAR PHYOGS KYI 'JIG RTEN GYI KHAMS GANGG'A'I KLUNG GI BYE MA SNYED KYI SEMS CAN THAMS CAD KYI 'CHI 'PHO BA DANG SKYE BA YANG DAG PA JI LTA BA BZHIN DU SHES SO, ,DE BZHIN DU PHYOGS GZHAN DGU LA YANG GSUNGS SO, ,SHES RAB KYI SPYAN NI, 'DUS BYAS MA BYAS KYI CHOS THAMS CAD LA CIR YANG RNAM PAR MI RTOG PA'I YUL CAN TE, SHES RAB KYI MIG GANG DANG LDAN PAS 'DUS BYAS 'DUS MA BYAS DGE MI DGE KHA NA MA THO BA DANG BCAS MA BCAS ZAG PA YOD MED, NYON MONGS DANG BCAS MA BCAS, 'JIG RTEN LAS 'DAS MA 'DAS, KUN NAS NYON MONGS DANG RNAM BYANG YANG RUNG STE CHOS GANG YANG RAB TU MI SHES PA DANG, SHES RAB KYI MIG GANG GIS BYANG SEMS CHEN POS CHOS GANG YANG MA MTHONG MA THOS MA BSAMS KHONG DU MA CHUD PA 'DI NI SH'A RI'I BU BYANG CHEN GYI SHES RAB KYI MIG YONGS SU DAG PA'O, ZHES SO, ,NYI SNANG LAS KYANG 'DUS BYAS DANG 'DUS MA BYAS KYI CHOS CI YANG MI SHES TE ZHES DRANGS SHING 'BUM DANG NYI KHRI BRGYAD STONG PAR SNGAR DRANGS PA'I CHOS DE DAG GANG YANG MI SHES PA MED PA DANG CHOS GANG YANG MA MTHONG BA MED MA THOS PA MED MA BSAMS PA MED KHONG DU MA CHUD PA MED PA 'DREN NO, ,DE LA 'PHAGS PA DANG SLOB DPON GYIS NI SPYAN GSUM PA 'DI GANG LA YANG MI RTOG PA LA DGONGS NAS

, ,CI YANG MI SHES TE ZHES DRANGS LA GNOD 'JOMS GNYIS SU 'DI YI NGOS 'DZIN LA THAMS CAD MKHYEN PA'I YE SHES NI SHES RAB KYI MIG GO ZHES BSHAD PA NI CHOS GANG YANG MI SHES PA MED PA ZHES PA'I MDO LA DGONGS SO, ,CHOS KYI SPYAN NI; 'PHAGS PA'I GANG ZAG THAMS CAD KYI DBANG PO RNO RTUL LA SOGS PA RNAMS RTOGS PA'I YUL CAN TE, BYANG CHEN GYI CHOS KYI MIG GIS GANG ZAG 'DI NI DAD PA'I RJES SU 'BRANG BA'O, ZHES DE DAG LA SOGS PA SHES PAR GSUNGS SO, ,SANGS RGYAS KYI SPYAN NI, JI LTA JI SNYED KYI CHOS THAMS CAD RNAM PA THAMS CAD DU MNGON DU PHYOGS PAR RDZOGS PAR BYANG CHUB PA STE RTOGS PA'I YUL CAN TE BYANG CHEN BYANG CHUB KYI SEMS KYI RJES LA RDO RJE LTA BU'I TING NGE 'DZIN LA MNYAM PAR BZHAG NAS SEMS KYI SKAD CIG GCIG DANG LDAN PA'I SHES RAB KYIS RNAM MKHYEN NYID RJES SU THOB PA GANG YIN PA DE NI DE BZHIN GSHEGS PA'I STOBS BCU DANG LDAN PA YIN, MI 'JIGS PA BZHI DANG, SO SO YANG DAG PAR RIG PA BZHI DANG, SANGS RGYAS KYI CHOS MA 'DRES PA BCO BRGYAD DANG, BYAMS PA CHEN PO DANG SNYING RJE CHEN PO DANG LDAN PA YIN TE, MIG GANG GIS BYANG CHEN RNAM PA THAMS CAD DU MA MTHONG BA'AM MA THOS PA'AM MA BSAM PA'AM RNAM PAR MA SHES PA CI YANG MED PA STE, SH'A RI'I BU 'DI NI BYANG CHEN BLA MED RDZOGS BYANG DU MNGON PAR SANGS RGYAS PA'I SANGS RGYAS KYI MIG YONGS SU DAG PA'O ZHES SO, ,DE LA SHA'I MIG GIS SKABS SU DPAG TSAD BRGYA LA SOGS PA MTHONG BA YOD CES GSUNGS PA NI BYANG SEMS KYI SA'I MTHO DMA' DANG YON TAN CHE CHUNG GI RIM PAS

YIN NO, ,LHA RNAMS KYI MIG BYANG SEMS KYI LHA'I MIG GIS SHES PAR GSUNGS PA NI DE DAG GI MIG DANG DE'I YUL DANG LHA DE DAG GI BSAM GTAN DANG TING NGE 'DZIN RNAMS SHES LA, 'DOD GZUGS KYI LHA RNAMS KYIS BYANG SEMS KYI LHA'I SPYAN JI 'DRA BA DANG DE'I SPYOD YUL SHES MI NUS SO ZHES 'BUM GYI GNOD 'JOMS LAS SO, ,'ON KYANG GTZANG MNGA' RIS KYI LHA NI 'PHAGS PA KHO NAR NGES PAS DE DAG GIS MI SHES PAR GSUNGS PA NI NYAN THOS 'PHAGS PA LA DGONGS SO, ,GSUM GYIS GNOD 'JOMS LAS, GZUGS THAMS CAD LA 'JUG PA'I SHES PA NI SHA'I MIG GO ,TING NGE 'DZIN DANG SNYOMS PAR 'JUG PA THAMS CAD SHES PA NI LHA'I MIG GO ,THAMS CAD MKHYEN PA'I YE SHES NI SHES RAB KYI MIG GO ,GNAS DANG GNAS MA YIN PA MKHYEN PA MA RTOGS PA'I SHES PA DGU PO 'DI DAG NI CHOS KYI MIG GO ,RDO RJE LTA BU'I TING NGE 'DZIN GYI YE SHES NI SANGS RGYAS KYI SPYAN YIN NO ZHES GSUNGS SHING, 'GREL CHEN LAS RDZU 'PHRUL GYI RKANG PA BSGOMS PA'I MTHUS STONG GSUM GYI GZUGS CHE CHUNG THAMS CAD MTHONG BA'I RNAM SMIN GYI MIG GRUB PA NI SHA'I SPYAN DANG, BSAM GTAN DANG PO LA SOGS PA BSGOMS PA LAS GRUB PA, 'PHRUL GYI SPYAN NI BSAM GTAN DANG PO LA SOGS PA BSGOMS PA LAS GRUB CING SPYAN DANG PO LAS KHYAD ZHUGS PAS PHYOGS BCU DUS GSUM GYI GZUGS CHE CHUNG THAMS CAD MTHONG BA'O, RNAM PAR MI RTOG PA'I YE SHES NI SHES RAB KYI SPYAN NO, ,GSUNG RAB YAN LAG BCU GNYIS LA THOGS MED DU 'JUG PA NI CHOS KYI SPYAN NO, ,ZAG BCAS ZAG MED LA SOGS PA'I CHOS THAMS CAD THUGS SU CHUD PA NI SANGS RGYAS KYI

, ,SPYAN NO ZHES 'CHAD CING PHYI MA MA GTOGS PA BSHAD SBYAR DANG YANG MTHUN NO, ,GZHAN YANG 'GREL CHEN LAS 'PHRUL GYI SPYAN LA LAS DANG BSGOMS PA'I 'BRAS BU'O, ,DANG PO NI LHA RNAMS KYIS RANG GI LAS KYI MTHUS DBANG PO DVANGS MA'I MIG THOB NAS GZUGS THOGS MED DU MTHONG BA'O, ,GNYIS PA NI, RNAL 'BYOR PAS TING 'DZIN BSGOMS PA'I MTHUS THOB PA STE DES SEMS CAN RNAMS GANG NAS 'DIR SKYES PA DANG 'DI NAS GANG DU SKYE BA DANG 'DAS MA 'ONGS KYI GZUGS MTHONG NGO ZHES BSHAD DO; ;'DIR 'PHRUL GYI SPYAN ZHES PA NI LHA'I SPYAN NO, ,KA SHIS MDOR BSDU NA SPYAN RNAM PA BZHI STE, GZUGS 'DZIN PA DANG DON DAM PA'I BDEN PA 'DZIN PA DANG, KUN RDZOB KYI BDEN PA 'DZIN PA DANG, RNAM PA THAMS CAD DU SHES BYA 'DZIN PA'O, , GZUGS 'DZIN PA'ANG RNAM PA GNYIS STE LAS KYI 'BRAS BU DANG BSGOMS PA'I 'BRAS BU'O, ZHES SHA'I MIG LAS DANG LHA'I MIG BSGOMS 'BRAS SU GSUNGS PA LTAR 'GREL CHEN GYI BSHAD YAMS GCIG LAS KYANG DE KHO NA LTAR GSUNGS SO, ,DE LTAR NA NGO BO NYID MED PA 'GREL CHEN KA SHI RNAMS KYIS LHA'I SPYAN BSAM GTAN GYIS BSGRUBS PA LA BSHAD PA NI 'PHAGS PA DANG SLOB DPON GNYIS DANG MI MTHUN NO, ,GNYIS PA NI, DANG PO TSOGS LAM NAS DANG GNYIS PA SBYOR LAM, GSUM PA MTHONG LAM MNYAM GZHAG ,BZHI PA MTHONG LAM RJES THOB, LNGA PA NI SA BRGYAD PA NAS YOD LA, SANGS RGYAS KYIS DANG KHYAD PAR NI DAG MA DAG GO ZHES SNGA MA DAG 'CHAD DO, ,'ON KYANG LHA'I MIG TSOGS LAM NAS 'THOB PA LA SKYON MED LA, SA BDUN

PA'I YONGS SBYONG GI SKABS SU SANGS RGYAS KYI SPYAN THOB PAR GSUNGS PAS RJES MTHUN PA DE NAS YOD DO, ,MTSAN NYID PA NI SANGS RGYAS KYIS KHO NA LA 'DOD PAR BYA STE SNGAR DRANGS PA'I MDOS BYANG SEMS SANGS RGYAS PA'I MIG LA BSHAD PA'I PHYIR RO, ,SPYIR SPYAN LNGA KA SANGS RGYAS LA MNGA' BAR RDOR GCOD LAS BSHAD CING 'BUM GYI GNOD 'JOMS LAS KYANG SANGS RGYAS LA SPYAN LNGA YOD PAR BSHAD PA'I PHYIR RO, ,SNGAR 'PHAGS PA'I LUNG DRANGS NAS SHA'I MIG YUL NGES PAR BSTAN PA NI BYANG SEMS LA DGONGS SO, ,GSUM PA NI BYANG CHEN MIG LNGA YONGS SU SBYONG BAR 'DOD PA DANG THOB PAR 'DOD PAS PHA ROL TU PHYIN PA DRUG LA BSLAB PAR BYA'O ZHES GSUNGS PA LTAR PHYIN DRUG LA SLOB PA DANG, NGO BO NYID MED PA DANG, 'GREL CHEN LAS SHA'I MIG LA BSHAD PA LTAR RDZU 'PHRUL GYI RKANG PA SGOM PA YANG YIN NO, ,BZHI PA NI, MIG LNGA PO DE DAG LA SLOB PA'I BYANG CHEN RNAMS NI BLA NA MED PA'I BYANG CHUB TU 'TSANG RGYA'O ZHES PA LTAR MTHAR THUG GI 'BRAS BU DANG, GNAS SKABS SU YANG GZHAN DON SGRUB PA NA RANG NYID KYIS DE'I THABS RNAMS SHES PAS GZHAN LA RAG MI LAS PA'O, ,GNYIS PA NI, YUL LNGA PO DE DAG DANG 'BREL BA'I YUL CAN LNGA PO DE THA SNYAD DU RGYUD LA SKYED NAS DON DAM PAR SPROS BRAL DE BZHIN NYID KYI NGO BO NYID DU GCIG PA STE THA DAD PA MED PAR RTOGS TE BSGRUB PAR BYA'O ZHES SLOB PA'O, ,GSUM PA NI MNGON SHES DRUG BRJOD BYAR BYAS PA LA 'DOMS SO, ,'DI LA GNYIS, GANG LA GDAMS PA'I YUL, DE LA 'DOMS PA'I TSUL LO, ,DANG PO LA LNGA, RTEN GYIS, BRTEN PA'I MTSAN NYID, KHYAD PAR,

, ,SA MTSAMS, DGOS PA'O, ,DANG PO NI, KUN BTUS SU, PHYI ROL PA'AM, NYAN THOS SAM, BYANG CHUB SEMS DPA' 'AM, DE BZHIN GSHEGS PA YANG RUNG STE DAG PA'I BSAM GTAN BZHI LA BRTEN NAS TSAD MED PA RNAMS MNGON PAR SGRUB BO TSAD MED PA RNAMS JI LTA BAR MNGON PAR SHES PA LNGA YANG DE BZHIN NO, ZHES PA LTAR DANG PO LNGA BSAM GTAN BZHI'I DNGOS GZHI DAG PA BA GANG YANG RUNG BA LA BRTEN NAS SGRUB BO, ,DRUG PA'I RTEN NI DE NYID LAS, YON TAN LHAG MA RNAMS NI NYAN THOS SAM BYANG CHUB SEMS DPA' 'AM DE BZHIN GSHEGS PA YANG RUNG STE RAB KYI MTHAR PHYIN PA'I BSAM GTAN BZHI PA LA BRTEN NAS BSGRUB PO ZHES RAB MTHA'I BSAM GTAN BZHI PA LA BSHAD PA LTAR YIN LA, KUN BTUS PA'I LUGS KYIS BSAM GTAN BZHI DANG GZUGS MED BZHI'I DNGOS GZHI YON TAN KHYAD PAR CAN GYI RTEN DU RUNG BA THAMS CAD LA RAB MTHA'I BSAM GTAN DANG GZUGS MED DU 'DOD DO, ,GZUGS MED LA MI BRTEN TE, KUN BTUS SU MNGON SHES DRUG KA LA BSAM GTAN LA BRTEN NAS ZHES PAS SO, ,MDZOD LAS, ZAD PA MNGON SHES STOBS BZHIN NO, ZHES ZAG PA ZAD PA MKHYEN PA'I STOBS DANG 'DRA BAR SA THAMS CAD PAR BSHAD PA NI BYE SMRA'I LUGS YIN PAS MI GNOD DO,, DE'I PHYIR MDO SDE'I RGYAN LAS, BSAM GTAN BZHI PA SHIN TU DAG THOB NAS, ,MI RTOG YE SHES YONGS SU GZUNG BA DANG, ,JI LTAR RNAM GNAS YID LA BYED PA LAS, ,MTHU GRUB PA YI DAM PA THOB PAR 'GYUR, ZHES RTAN BSAM GTAN BZHI PA

DANG GNAS YE SHES MI RTOG PA DANG NI LDAN, JI LTAR RNAM PAR BZHAG PA'I CHOS YID LA BYAS NA MTHU 'GRUB PAR GSUNGS SO, ,'O NA MNGON SHES SGRUB PA'I RNAM GNAS SAM YID BYED GANG ZHE NA, DANG PO'I RNAM GNAS NI LUS YANG BA DANG, GNYIS PA NI SGRAS KHYAB PA DANG, GSUM PA NI BDAG GI LUS 'DI 'DRA BA LA SEMS 'DI LTA BU SNANG BAS GZHAN LA YANG LUS 'DI LTA BU DANG LDAN PAS SEMS 'DI 'DRA BA YOD CES MOS PA'O, ,BZHI PA NI YID SHES 'GAGS MA THAG PA'I MTSAN MA BZUNG NAS LUGS BZLOG TU NYING MTSAMS SBYOR BA'I BAR RNAMS YID LA BYED PA'O, ,LNGA PA NI PHYOGS RNAMS SNANG BAS KHYAB PA DANG, DRUG PA NI CHOS RNAMS LA BDAG MED DO ZHES YID LA BYED PA'O, ,'O NA RTEN DANG BRTEN PAR 'GYUR TSUL JI 'DRA BA ZHE NA, 'DI NI 'KHAR GZHONG LA RGYA SHUG BRTEN PA DANG SA BON LAS MYU GU SKYE BA LA DE LA BRTEN ZHES PA LTA BU YANG MIN NO, ,'O NA CI ZHE NA, BRTEN PAR BSHAD PA DE RNAMS SA GANG DANG GANG GI NGO BOR SKYES PA LA BRTEN PA'I THA SNYAD BYAS PA STE, TSUL 'DI NI LAM GYI SEMS RTEN THAMS CAD LA RIG PAR BYA STE, CHOS MNGON PA BA'I THUN MONG MA YIN PA'I BRDA'O, ,GNYIS PA NI, SNGA MA DRUG MING DANG PHYI MA DRUG DON YIN PAS DE DAG RIM PA LTAR SBYAR RO, ,DE LA RDZU 'PHRUL GYI MNGON SHES NI, SA G-YO BA DANG SOGS PAS GCIG TU GYUR NAS MANG PO DANG MANG POR GYUR NAS GCIG TU 'GYUR BA LA SOGS PA NI YUL DANG, DE DAG JI LTA BA BZHIN DU STON PAR BYED PA'I SGOM BYUNG GI TING NGE 'DZIN DANG SHES RAB NI MNGON SHES TE, YUM 'DI LA SPYOD PA'I BYANG CHEN NI MNGON

, ,PAR SHES PA'I PHAR PHYIN RAB TU 'THOB STE, RDZU 'PHRUL GYI RNAM PA DU MA RNAMS NYAMS SU MYONG BAR BYED DO, ,DE NI SA CHEN PO 'DI YANG RAB TU G-YO BAR BYED DO, ,GCIG TU GYUR NAS MANG POR 'GYUR RO, ZHES SO, ,BSGOMS BYUNG GI TING NGE 'DZIN DANG SHES RAB CES LHAG MA LNGA LA'ANG SBYAR RO, ,LHA'I RNA BA'I MNGON SHES NI, 'JIG RTEN GYI KHAMS THAMS CAD NA GNAS PA'I SGRA CHUNG DU DANG CIG SHOS CHEN PO THOS PAR BYED PA STE, DE LHA'I RNA BA'I KHAMS RNAM PAR DAG PA MI LAS 'DAS PAS LHA DANG MI GNYIS KA'I SGRA THOS TE, ZHES SO, ,MI LAS 'DAS PA NI GZUGS KYI BSAM GTAN GYIS BSGRUBS PA LA RGYA MTSO SPRIN GYIS BSHAD DO, ,GANG ZAG GZHAN GYI SEMS SHES PA'I MNGON SHES NI, SEMS CAN GZHAN GYI SEMS 'DOD CHAGS DANG BCAS PA DANG SOGS PAS CHAGS PA DANG BRAL BA SOGS SHES PAR BYED PA STE, DES SEMS CAN PHA ROL DANG GANG ZAG PHA ROL GYI SEMS SEMS KYIS YANG DAG PA JI LTA BA BZHIN DU RAB TU SHES SO, ,DE BZHIN DU DUG GSUM DANG BRAL LDAN LA SAGS PA RNAMS LA GSUNGS SO, ,MNGON SHES 'DIS PHA ROL GYI SEMS BYUNG YANG SHES KYANG SEMS SHES SU GSUNGS PA NI DANG PO SBYOR BA'I TSE NA PHA ROL GYI SEMS SHES PAR BYA'O SNYAM PA'I 'PHEN PAS YIN NO, ,SNGON GNAS RJES SU DRAN PA'I MNGON SHES NI, RANG GZHAN GYI TSE RABS DPAG TU MED PA RJES SU DRAN PAR BYED PA STE, DE SNGON GYI GNAS RJES SU DRAN PA'I MNGON PAR SHES PAS SKYE BA GCIG KYANG RJES SU DRAN NO, ,GNYIS DANG GSUM NAS BRGYA STONG GI BAR DU YANG

RJES SU DRAN NO, ZHES SO, ,BYE SMRA RNAMS SNGAR RANG RANG GIS MA MYONG BA DRAN PAR MI 'DOD DO, ,CHE 'DIR BSAM GTAN MNGON PAR 'DU BYED PA STE BSGOMS STOBS LAS BYUNG BA'I LHA'I MIG GI MNGON SHES NI, PHYOGS BCU'I SEMS CAN THAMS CAD KYI 'CHI 'PHO DANG SKYE BA DANG DE DAG GI GZUGS MCHOG DMAN 'BRING THAMS CAD MTHONG BAR BYED PA STE, DE LHA'I MIG RNAM PAR DAG PA MI LAS 'DAS PAS SEMS CAN 'CHI 'PHO BA DANG SKYE BA DANG KHA DOG SDUG PA DANG MI SDUG PA DANG BZANG BA DANG NGAN PA DANG LAS JI LTA BA BZHIN BDE 'GRO DANG NGAN 'GROR NYE BAR 'GRO BA RNAMS RAB TU SHES TE, ZHES SO, ,'O NA 'DI DANG LHA'I MIG GNYIS LA KHYAD PAR CI YOD CE NA, 'PHAGS PAS SNGA PHYI GNYIS RIM PA LTAR SNGON GYI LAS DANG, CHE 'DIR BSAM GTAN BSGOMS STOBS LAS BYUNG BAR GSUNGS PA LTAR SLOB DPON 'DIS KYANG DE'I RJES SU 'BRANGS SO, ,'BUM PAS DE'I STENG DU SPYAN DANG MNGON SHES KYI SDE TSAN MI GCIG PA DANG, SNGA MA PHYOGS BCU'I SEMS CAN GYI 'CHI 'PHO TZAM DANG, 'DI GZUGS THAMS CAD KYANG MTHONG BAS YUL GYI KHYAD PAR TE KHYAD PAR GSUM MO ZHES PA NI MI 'THAD DE, SDE TSAN GCIG MI GCIG RTZOD GZHI YIN LA GZUGS MTHONG BAR MDO LAS GSUNGS PA NI 'CHI 'PHO BYED PA'I SEMS CAN DE NYID KYI YIN PA'I PHYIR RO, ,DES NA SNGA MA NYID RIGS SO, ,ZAG PA ZAD PA'I MNGON SHES NI, CHAGS SOGS NYON MONGS PA DANG GZUNG 'DZIN DU RTOG PA'I SHES SGRIB SOGS KYI SA BON SPANGS PA'AM SPONG BAR BYED PA STE, DE MI SKYE BA MNGON DU BYED PA'I MNGON PAR SHES PA'I YE SHES MNGON

, ,PAR SGRUB STE NYAN THOS KYI SA'AM, RANG SANGS RGYAS KYI SAR MI LTUNG ZHING BLA MED RDZOGS BYANG DU MNGON PAR RDZOGS PAR 'TSANG RGYA BAR BYA'O SNYAM PA MA GTOGS PA CHOS GZHAN 'GA' LA YANG SMON PAR MI BYED DO, ZHES SO, ,DE LTAR MNGON SHES DRUG PO DE YANG SA GANG LA BRTEN PA'I SA DE DANG 'OG SAR RDZU 'PHRUL SOGS NUS KYI GONG SAR MI NUS ZHES MDZOD LAS GSUNGS TE, JI SKAD DU, RANG DANG 'OG SA'I YUL CAN YIN, ZHES DANG, NGO BO YANG, MNGON SHES RNAM DRUG RNAM GROL BLO, ZHES RNAM GROL LAM DANG, MIG DANG, RNA BA'I MNGON SHES NI, LUNG DU MA BSTAN LHAG RNAMS DGE ,ZHES GSUNGS LA, KUN BTUS SU DRUG KA YANG NGO BO SHES RAB DANG TING NGE 'DZIN DU BSHAD DO, ,MIG RNA GNYIS DBANG PO DANG, LHAG MA BZHI YID LA BRTEN NO, ,GSUM PA NI, 'BUM GYI GNOD 'JOMS LAS, 'JIG RTEN PA DANG NYAN THOS DANG RANG SANGS RGYAS RNAMS KYI MNGON PAR SHES PA NI BDAG DANG MTSUNGS PA DANG, BDAG PAS DMA' BA RNAMS KYI SEMS LA SOGS PA SHES PA TZAM DU ZAD KYI BYANG CHUB SEMS DPA' YONGS SU DAG PA RNAMS KYI MNGON PAR SHES PA NI SANGS RGYAS BCOM LDAN 'DAS LA SOGS PA SA GONG MA RNAMS KYI MTHU LA SOGS PA SHES PA LA THOGS PA MED DE ZHES PA LTAR RO, ,BZHI PA NI, MNGON SHES DANG PO LNGA PHYI ROL LA DANG YANG THUN MONG BA YIN LA, THEG CHEN GYI NI TSOGS LAM CHEN PO NAS CI RIGS PAR YOD DE, THUB DGONGS SU JI LTAR RIGS PAR TSOGS KYI SA DANG GONG MA GONG MA'I GNAS SKABS RNAMS SU YANG MCHOG DANG

RAB MCHOG LA SOGS PA'I BYE BRAG GIS SPYAN LNGA RNAMS SO SOR THOB LA MNGON PAR SHES PA DRUG RNAMS KYANG STE ZHES PA LTAR RO, ,SPYIR NYAN RANG LA YANG 'DI MTSAN NYID PA YOD KYANG 'DI NI SGRIB PA GNYIS KA'I ZAG PA ZAD PAR BYED PA LA 'GREL PAS BSHAD DO; ;'ON KYANG 'DIS BRGYAD PA NAS YOD PAR DAG LDAN LAS GSUNGS TE JI SKAD DU JI LTAR NA SANGS RGYAS KYI SPYAN DANG MNGON SHES DRUG PA BYANG CHUB SEMS DPA' LA YOD CE NA, BYANG CHUB SEMS DPA'I SA BRGYAD PA LA NI DE GNYIS KA THOB PA YIN LA, SANGS RGYAS KYI SA LA NI DE GNYIS KA YONGS SU RDZOGS PA DANG YONGS SU DAG PA DANG YONGS SU MTHAR PHYIN PA YIN NO ZHES SO, ,LNGA PA NI, SEMS CAN RNAMS CHOS MNYAM PA NYID LA DGOD PA DANG, 'PHAGS PA'I SKYE BO THAMS CAD BYAMS PA DANG, YID DU 'ONG BA'I YUL DANG 'PHRAD PA DANG, LHA RNAMS KYIS PHYAG BYA BAR 'OS PA DANG, LUNG BSTAN PA 'THOB PA'O ZHES MDO'I DON 'PHAGS PAS GSUNGS PA RNAMS SO, ,GNYIS PA NI, YUL DE DRUG DANG 'BREL PA'I YUL CAN MNGON SHES DRUG THA SNYAD DU RGYUD LA BSKYED CING DON DAM PAR DE DAG RNAMS GZOD MA NAS SPROS PA NYE BAR ZHI BA NYID DU RTOGS TE BSGRUB BO ZHES STON PA'O, ,BZHI PA LA GNYIS, MTHONG LAM DANG, SGOM LAM LA GDAMS PA'O, ,DANG PO NI, 'DOMS SO, ,GANG BRJOD BYAR BYAS BA LAN MTHONG LAM LA'O, ,TSUL NI MTHONG LAM SKAD CIG MA BCU DRUG GI NGO BO NYID RNAM PAR SGOM PAR BYED PA STE BYA'O ZHES STON PA'I TSUL GYIS SO, ,GANG GIS SGOM NA, ZHI GNAS DANG LHAG MTHONG GI RNAL 'BYOR RGYUD LA YOD PA'I RNAL 'BYOR BA

, ,CHOS THAMS CAD BDEN PA'I NGO BO NYID MED PAR RTOGS PAS DE LA MNGON ZHEN MED PA'I LUS CAN GYIS SO, ,GANG GI DON DU NA MTHONG LAM DES SPANG BAR BYA BA MTHONG SPANG GI DNGOS PO'I GNYEN PO NYID DU'O, ,ZHEN MED KYI DPE JI LTA BU ZHE NA, SGYU MA MKHAN RANG GIS SPRUL PA'I SGYU MA LA MNGON ZHEN MED PA DE BZHIN DU'O, ,SKAD CIG MA BCU DRUG TU JI LTAR 'GYUR NA, MTHONG LAM DE LA BDEN PA BZHIS YUL CAN DU BSDUS PA'I BDEN PA RE RE LA CHOS BZOD CHOS SHES DANG RJES BZOD RJES SHES TE BZHI BZHIR YOD PA'I PHYIR TE, RAB 'BYOR KHYOD BYANG CHEN RNAMS KYI YUM LAS BRTZAMS TE JI LTAR BYANG CHEN RNAMS YUM LA NGES PAR 'BYUNG BA DE LTAR SPOBS BAR GYIS SHIG CES PA NAS, SH'A RI'I BU BYANG CHEN RNAMS LA YUM BSTAN PA 'DI NI NYAN RANG THAMS CAD KYI YUL MA YIN NO ZHES RAB 'BYOR LA STON CIG PAR BKA' STZAL BA DANG, 'KHOR RNAMS THE TSOM DU GYUR PA BSAL BA TZAM 'DI MTHONG LAM GYI MDOR LE BRGYAD MA DANG NYI SNANG GNYIS SBYOR TSUL LA KHYAD MED DO, ,DE NAS SKAD CIG MA BCU DRUG PO RE RE LA MDO RE SBYAR RO, ,GNYIS PA NI, 'DOMS SO, ,GANG BRJOD BYAR BYAS PA LAN, SGOM LAM LA'O, ,TSUL NI, SGOM LAM DES SPANG BAR BYA BA'I SGOM SPANG GI DNGOS PO'I GNYEN PO NYID DU THEG CHEN SGOM LAM DE RNAM PAR SGOM PAR BYED PA STE BYA'O ZHES STON PA'I TSUL GYIS SO, ,'O NA MTHONG SGOM GNYIS SPANG BYA MI 'DRA BA GNYIS KYI GNYEN POR SGOM DGOS NA DE GNYIS KYI CHOS NYID RTOGS TSUL GYI RTOGS

PA LA YANG KHYAD PAR YOD DAM ZHE NA, MTHONG LAM GYI CHOS NYID RTOGS TSUL DANG MI MTHUN PA'I SGOM LAM MTSAN NYID PA RNAM PAR BZHAG PA NI MED KYI BTAGS PA BA YIN TE, MTHONG LAM DANG SGOM LAM DAG CHOS NYID RTOGS TSUL LA THA DAD PA STE KHYAD PAR MED PA'I PHYIR TE, SNGAR JI SKAD BSHAD PA'I MTHONG LAM GYIS MNGON SUM DU BYAS PA'I DNGOS PO STE CHOS NYID LAS THA DAD PA MED PA'I CHOS NYID GCIG PU DE NYID LA DMIGS NAS SGOM LAM GYIS KYANG GOMS PAR BYED PA TZAM YIN PA'I PHYIR RO, ,DPER NA 'DUS BYAS LAM BDEN DANG 'DUS MA BYAS 'GOG BDEN DAG NGO BO GCIG PA STE THA DAD PA MA YIN PA NYID KYIS PHAN TSUN GCIG LA GCIG MA LTOS PAR THA DAD PAR GDAGS PAR MI NUS PA BZHIN ZHES PA 'DI KHYAB PA SPA MA'I MTHUN DPE'O, ,YANG NA DPE 'DI MDO LAS RAB 'BYOR 'DUS BYAS KYI DBYINGS MED PAR 'DUS MA BYAS KYI DBYINGS SU GDAGS PAR MI NUS, 'DUS MA BYAS KYI DBYINGS MED PAR YANG 'DUS BYAS KYI DBYINGS SU GDAGS PAR MI NUS SO ZHES GSUNGS LA, DES SGOM LAM DPE'I SGO NAS BSTAN PA'I RGYU MTSAN DU SBYAR TE 'DI LTAR 'DUS BYAS LAM DANG 'DUS MA BYAS SPANGS PA DAG NGO BO GCIG PA STE THA DAD PA MA YIN PA NYID KYIS GCIG LA GCIG MA LTOS PAR SO SOR BZHAG MI NUS PA BZHIN DU SGOM LAM YANG MTHONG LAM GYIS MTHONG BA DE NYID GOMS PA LA BZHAG GI ,DE LAS GZHAN LA BZHAG TU MED CES PA'I DON TO, ,'O NA SPANGS PA LA YANG KHYAD MED DE, RTOGS PA LA KHYAD MED PAS SHE NA, CHOS NYID RTOGS PA LA

, ,KHYAD MED PA 'ON KYANG MTHONG LAM GYIS SGOM SPANG SPONG MI NUS LA SGOM LAM GYIS NUS PA DE NI RTEN CING 'BREL PAR 'BYUNG BA'I CHOS NYID KYIS GRUB PA'I PHYIR RO, ,DPER NA CHU SNGA PHYI KHYAD MED KYANG SNGA MAS DAG PAR BYED MA NUS PA PHYI MAS DAG PAR BYED NUS PA LA DE LTAR NUS PA'I RGYU MTSAN DRIS NA DNGOS PO RNAMS KYI CHOS NYID YIN PAS SO ZHES SMRA BA BZHIN NO, ,'DIR GSER GLING PAS 'DUS BYAS ZAG BCAS KYI GZUGS SOGS DANG, 'DUS MA BYAS ZAG MED KYI TSUL KHRIMS LA SOGS PA LA 'CHAD PA NI, 'PHAGS PAS 'DUS BYAS NI LAM MO, ,'DUS MA BYAS NI SPANGS PA'O ZHES GSUNGS PA MA MTHONG BA STE, SLOB DPON 'DIS NYI SNANG GE DE BKOD PA'I PHYIR RO, ,DE LTAR NA 'PHAGS PAS MTHONG SGOM GNYIS CHOS NYID RTOGS PA LA KHYAD MED PAR BSHAD PA DE'I RJES SU SLOB DPON GYIS 'BRANGS NAS DE GNYIS KYI RTOGS PA LA KHYAD MED PAR GSUNGS TE, MDOR NA SLOB DPON DANG 'PHAGS PAS SA BCU'I MNYAM GZHAG GI RTOGS TSUL LA KHYAD MED PAR BZHED DO, ,GSUM PA NI, CI'I PHYIR GDAMS NGAG GI BRJOD BYA BCUR GRANGS NGES SHE NA, BCU PO 'DI TZAM KHO NAS GANG ZAG GCIG 'TSANG RGYA BA'I BZHED DON THAMS CAD PHUN SUM TSOGS PAR 'GYUR BAS NA GDAMS NGAG GI BRJOD BYA NI BCUR NGES SO, ,DE JI LTAR ZHE NA, SPYIR GNAS SKABS DANG MTHAR THUG GI DON SGRUB PA LA SGRUB PA RANG GI NGO BO, DMIGS YUL, RTEN, SGRUB PA'I RGYU STE BZHIR NGES LA DE YANG SNGAR BSHAD PA'I TSUL DE LTAR BYAS NA BYANG CHUB KYI SEMS DANG

SEMS DES 'PHANGS BA STE YUL DU BYAS PA'I DKAR CHOS MTHA' DAG GI NGO BO NYID RDZOGS PAR 'DOD PAS SHER PHYIN LA BSLAB PAR BYA'O ZHES GSUNGS PA'I DON SGRUB PA LA DE'I SGRUB TSUL GYI RNAM PA GANG SNYAM PA LA, BDAG GNYIS MI DMIGS PA'I TSUL GYIS SGRUB PA'I RNAM PA BSTAN TO, ,SGRUB PA DE'I DMIGS PA GANG YIN SNYAM PA LA 'PHAGS PA'I SOGS SO, ,SGRUB PA'I RTEN GANG YIN SNYAM PA LA SKYABS SOGS SO, ,RGYU LA GNYIS LAS 'GAL RKYEN SPONG BA'I RGYU LA GSUM LAS, BYA BA NGAN ZHEN GYI LE LO SPONG BA LA SGRUB PA KHYAD PAR SOGS SO, ,SGYID LUG NAS LAM LA LDOG PA'I LE LO SPONG BA LA MI LDOG SOGS SO, ,ZHUM PA'I LE LO BDAG NYID BRNYAS NAS THEG DMAN DU 'JUG PA SPONG BA LA THEG PA GZHAN DU SOGS SO, ,MTHUN RKYEN SGRUB PA LA GSUM LAS, SPANG BLANG RANG GIS SHES PAS GZHAN GYI SOGS SO, ,BYANG CHUB SGRUB PA'I SKABS RE RE ZHING MNGON SHES KYIS ZIN PAS TSOGS 'BAD MED DU RDZOGS PAR BYED PA RNAM MKHYEN SOGS SO, ,MTHONG SPANG MTHAR THUG PA STE MA LUS PAR SPONG BA'I RGYU MTHONG LAM DANG SGOM SPANG MTHAR THUG PAR SPONG BA'I RGYU SGOM LAM YIN LA DE DAG THAMS CAD KYANG GDAMS NGAG GI SKABS SU BSTAN PA'I PHYIR RO, ,KHA CIG 'JIG RTEN LAS 'DAS MA 'DAS KYI SGRUB PA MTHAR THUG PA'I RGYU ZHES 'CHAD DO, ,GNYIS PA LA GNYIS, MTSON BYED DPE DANG, MTSON BYA DON GYI DGE 'DUN NO, ,DANG PO LA GSUM, SPYI'I RNAM PAR BZHAG PA, SO SO'I RANG BZHIN BSTAN PA, 'BRAS BU BZHIR 'JOG PA'I RGYU MTSAN NO, ,DANG

, ,PO LA BZHI, DGE 'DUN GYI GRANGS, BRDA SBYOR BA'I TSUL, ZHUGS GNAS GANG LA BZHAG ,'BRAS BU RNAMS 'THOB PA'I TSUL LO, ,DANG PO NI, SKYES BU ZUNG BZHI'AM GANG ZAG YA BRGYAD DE 'DI LTAR RGYUN DU ZHUGS PA'I 'BRAS BU MNGON DU BYA BA'I PHYIR ZHUGS PA DANG RGYUN DU ZHUGS PA DANG, DE BZHIN DU PHYIR 'OD PHYIR MI 'ONG DGRA BCOM PA RNAMS LA SBYAR BA'O, ,'DI DAG NI THEG DMAN GYI DGE 'DUN GYI GTZO BO YIN GYI 'DI TZAM DU GANGS NGES PA NI MIN TE, NYAN THOS KYI TSOGS LAM PA BZHIN NO, ,DE LA MDZOD LTAR NA BRGYAD KA LA 'PHAGS PAS KHYAB STE, ZHUGS PA DANG PO RTOGS PA DMA' SHOS YIN NA DE YANG SDUG BSNGAL LA CHOS BZOD TSUN LA GNAS PAR BSHAD PAS SO, ,DE DANG CHAGS BRAL SNGON SONG GI ZHUGS PA GNYIS MTHONG LAM PA DANG, MTHAR GYIS PA'I ZHUGS PA GSUM NI SGOM LAM PA DANG, 'BRAS GNAS GANG YIN LA SGOM LAM THOB PAS KHYAB STE, BCU DRUG PA SGOM LAM YIN PAS SO, ,KUN BTUS LTAR NA ZHUGS PA DANG PO LA SBYOR LAM PA'ANG YOD LA GZHAN ZHUGS PA RNAMS MTSUNGS SO, ,'BRAS GNAS LA THOD RGAL BA'I 'BRAS GNAS GNYIS DANG RGYUN ZHUGS LA MTHONG LAM PA'ANG YOD DE, BCU DRUG PA MTHONG LAM YIN PAS SO, ,'BRAS GNAS GZHAN 'DRA'O, ,GNYIS PA NI, 'BRAS BU THOD RGAL BA DANG, RIM GYIS PA DANG, SPANG BYA CIG CAR BA'I DGE 'DUN NO, ,SNGA MA LA MNGON PA GONG 'OG LAS PHAL CHER LAS 'DOD CHAGS DANG BRAL BA SNGON DU SONG BA DANG, 'DOD PA

LA CHAGS PA DANG BRAL BA SNGON DU SONG BA ZHES BRDA MDZAD PA LAS 'DIR THOD RGAL BA ZHES BTAGS PA NI BRDA DNGOS SU SBYAR BA MED KYANG DON GYIS 'THOB STE, 'DI DANG RIM GYIS PA GNYIS 'BRAS BU MNGON DU BYED TSUL MI 'DRA BAS KYANG 'BYED LA, RIM GYIS PA 'BRAS BU RIM GYIS PA YIN PA'I PHYIR 'DI 'BRAS BU THOD RGAL BAR 'GRO'O, ,DES NA CHAGS BRAL SNGON SONG ZHES BRDA SBYAR NA SPANG BYA SPANGS TSUL DANG, MING 'DOGS PHYI MA NI 'BRAS BU THOB TSUL MI 'DRA BA'I SGO NAS BTAGS PA'O, ,PHYI MA GNYIS LA LAM RIM GYIS PA DANG LAM CIG CAR BA ZHES BRDA SBYOR BA MANG MOD, DE DAG GIS NI BRDA 'DI DAG GI DON GTAN MA RTOGS PAR MTHONG STE, LAM NI TSOGS LAM SOGS LNGA LA BYED DAM, SBYOR BA BAR CHAD MED PA RNAM GROL LAM KHYAD PAR LAM GANG LA BYED KYANG DE DAG RIM CAN DU SKYE BA MA GTOGS PA CIG CAR DU SKYE BA GA LA SRID, DES NA SPANG BYA LA RIM GYIS PA DANG CIG CAR DU SPONG BA GNYIS YOD PAS SPANG BYA CIG CAR BA ZHES BRDA SBYAR BAR BYA STE, 'DI'I ZLAS DRANGS NA THOD RGAL BA YANG RIM GYIS PA YIN TE, SPANG BYA RIM GYIS SPONG BA'I PHYIR RO, ,DES NA RIM GYIS PA LA 'BRAS BU THOD RGAL BA'I ZLAS DRANGS PA'I 'BRAS BU RIM GYIS PA DANG, SPANG BYA CIG CAR BA'I ZLAS DRANGS PA'I SPANG BYA RIM GYIS PA GNYIS ZHES PAR BYA LA 'DIR NI 'BRAS BU MTHAR GYIS PA ZHES BYA STE, MTHAR GYIS 'THOB PA'I PHYIR DE SKAD CES BSHAD KYI ZHES PA'I 'GREL BSHAD DON GSAL LAS, 'BRAS BU BZHI MTHAR GYIS 'THOB PA'I PHYIR DE SKAD CES BSHAD CES PAS SO, ,GSUM PA LA

, ,GSUM, THOD RGAL BA DANG, RIM GYIS PA DANG, CIG CAR BA GANG LA BZHAG PA'O, ,DANG PO NI, THOD RGAL BA LA 'BRAS BU BAR PA GNYIS KYI ZHUGS GNAS BZHI SRID KYI GZHAN MI SRID DO, ,DE LA RGYUN ZHUGS MI SRID PA'I RGYU MTSAN GNYIS LAS 'BRAS BU MNGON DU BYED TSUL GYI SGO NAS MI SRID PA NI, 'DI LA 'BRAS BU SNGA MA DOR NAS PHYI MA MNGON DU BYAS PA DGOS NA RGYUN ZHUGS KYI SNGON DU 'BRAS BU MI SRID PAS SO, ,SPANGS PA'I SGO NAS MI SRID PA NI 'BRAS BU GANG DANG GANG GI SPANG BYA'I GTZO BO MTHONG LAM GYI SNGON DU SPANGS PA GCIG DGOS NA RGYUN ZHUGS LA DE MI SRID DE, DE LA SGOM SPANG GCIG NAS LNGA'I BAR SPANGS PA YOD KYANG DE'I SPANG BYA'I GTZO BO MTHONG SPANG YIN LA DE MTHONG LAM GYI SNGON DU RDZOGS PAR SPANG MI NUS TE, SRID RTZE'I MTHONG SPANG YANG YOD PAS SO, ,DE'I RIGS PAS DGRA BCOM MI SRID PA YANG GO BAR BYA'O, ,DES NA THONG RGAL BA'I DGE 'DUN GYI BSHAD ZIN GYI MTSAMS SBYOR DU PHAL CHER LAS DANG 'DOD PA LAS 'DOD CHAGS DANG BRAL BA RNAMS KYI NGES PAR 'JUG PA'I GANG ZAG RNAM PAR BZHAG PA NI DE LTA BU YIN NO ZHES BAR PA GNYIS SMOS KYI RGYUN ZHUGS MA SMOS PAS DE'I SKABS SU RGYUN ZHUGS BSHAD PA NI CHAGS BRAL SNGON SONG GI ZHUGS PA GNYIS DANG, RGYUN ZHUGS ZHUGS PA GNYIS RTOGS PA MTSUNGS PA DANG 'BRAS GNAS GSUM YANG DANG POR THOB PA'I DUS BCU DRUG PA THOB PA DANG DUS MNYAM DU MTSUNGS PA LA DGONGS NAS ZHAR BYUNG DU GSUNGS PAR GO BAR BYA'O, ,DE BZHIN DU KUN BTUS SU, THOD

RGAL BA'I SKABS SU RGYUN ZHUGS BSHAD PA YANG BCU DRUG PA DANG DUS MNYAM DU 'BRAS BU THOB PA GANG 'ONG BA DPYAD 'DOD NAS BSHAD KYI THOD RGAL BA YIN NAS NI MIN NO, ,GNYIS PA NI, ZHUGS GNAS BRGYAD KA LA BZHAG GO ,GSUM PA NI, RGYUN ZHUGS DANG DGRA BCOM 'BRAS GNAS GNYIS LA GDAGS PAR KUN BTUS RTZA 'GREL LAS BSHAD LA ZHUGS PA DANG PO DANG DGRA BCOM ZHUGS PA YANG BRTZIS NA SBYAR DU RUNG BA TZAM DU SNANG NGO, ,'BRAS BU BAR PA GNYIS MI 'ONG BA'I RGYU MTSAN NI, KHAMS GONG MA'I SGOM SPANG SPANGS PA'I PHYIR 'ONG MI SRID LA 'DIS KHAMS GSUM GA'I SGOM SPANG RNAMS DUS CIG CAR SPONG BA'I PHYIR RO, ,DE BZHIN DU PHYIR MI 'ONG YANG MI SRID DE 'DOD PA'I DGU PA SPANGS NA SRID RTZE'I DGU PA YANG SPANGS NAS DGRA BCOM DU 'GYUR BAS SO, ,KHA CIG RANG RGYAL BSE RU LTA BU NI CIG CAR BA'O ZHES SMRA BA NI CHES MI RIGS TE, DE LTA YIN NA SO SKYE KHAMS GSUM LAS 'DOD CHAGS DANG BRAL BA ZHIG KHAS BLANGS DGOS TE, BSE RU LTA BU NI SBYOR LAM SKYED PA NA BSAM GTAN BZHI PA LA BRTEN NAS SKYED LA, BSAM GTAN GYI DNGOS GZHI THOB NA 'DOD PA'I SGOM SPANG DGU PA YANG SPANG DGOS PAS KHAMS GSUM GA'I DGU PA SPANG DGOS PAS SO, ,DES NA CIG CAR PA PHYIS RANG RGYAL DU SONG BA GCIG SRID KYI BSE RU LTA BU YIN NA CIG CAR BAR NGES PAR 'GAL BA YIN NO, ,BZHI PA LA GSUM, 'BRAS BU DE DAG LAM GANG GIS DANG, DUS NAM GYI TSE DANG, SA GANG LA BRTEN NAS THOB PA'O, ,DANG PO NI, 'BRAS BU DANG MTHA'

, ,GNYIS DNGOS SU THOB BYED KYI LAM YIN NA 'DAS LAM GYIS KHYAB STE, RIM PA LTAR LAM LA RJES BZOD DANG SRID RTZE'I SGOM SPANG CHUNG NGU'I CHUNG NGU'I GNYEN PO YIN PAS SO, ,'BRAS BU BAR PA GNYIS LA YANG THOD RGAL BA'I SKABS YIN NA DE GNYIS DNGOS SU 'THOB BYED 'DAS LAM YIN TE, LAM LA RJES BZOD YIN PAS SO, ,RIM GYIS PA GNYIS YIN NA 'JIG RTEN PA DANG 'JIG RTEN LAS 'DAS PA'I LAM GNYIS KAS 'THOB PA SRID DE, BCU DRUG PA THOB RJES SU LAM ZAG MED KYIS DRUG PA DANG DGU PA SPANGS NA DE DNGOS SU 'THOB BYED 'DAS LAM DANG, ZHI RAGS KYI RNAM PA CAN GYIS DE GNYIS SPANGS NA 'JIG RTEN PA'I LAM GYIS 'BRAS BU DE GNYIS DNGOS SU 'THOB STE, 'DOD PA'I SGOM SPANG NI LAM GNYIS KAS KYANG SPANG NUS PA'I PHYIR RO, ,'JIG RTEN PA'I LAM GYIS 'THOB PA YANG, RANG 'GREL LAS, LAN CIG PHYIR 'ONG BA'I 'BRAS BU MTHAR GYIS 'THOB LA, DE YANG 'JIG RTEN PA'I LAM GYIS 'THOB NA NI, DE DAD PA LA SOGS PA LNGA DANG BTANG SNYOMS DANG YID KYI DBANG PO DANG DBANG PO BDUN DAG GIS 'THOB BO, ,'ON TE 'JIG RTEN LAS 'DAS PA'I LAM GYIS 'THOB NA NI DE DBANG PO BRGYAD DAG GIS 'THOB STE, BRGYAD PA NI KUN SHES PA'I DBANG PO YIN NO, ZHES SO, ,DE'I PHYIR RIM GYIS PA YIN NA LAM ZAG MED KYIS SPANG BYA SPONG BA DGOS ZHES PA NI ZHIB TU MA BRTAGS PA'O, ,GNYIS PA NI, RGYUN ZHUGS DANG THOD RGAL BA'I 'BRAS BU GNYIS NI BCU DRUG PA THOB PA DANG DUS MNYAM NYID DU THOB PAS KHYAB BO, ,DE YANG

MTHONG LAM GYI SNGON DU 'DOD PA'I SGOM SPANG DRUG PA'AM DGU PA NGES PAR SPANGS PA GCIG GIS BCU DRUG PA THOB PA DANG MNYAM DU PHYIR 'ONG DANG PHYIR MI 'ONG THOB LA, DRUG PA MA SPANGS NA LNGA MAN CHAD SPANGS KYANG BCU DRUG PA LA RGYUN ZHUGS KYI 'BRAS BU KHO NA 'THOB BO, ,DE'I PHYIR NA THOD RGAL BA 'DI'I PHYIR 'ONG DANG PHYIR MI 'ONG GNYIS RIM PA LTAR RGYUN ZHUGS DANG PHYIR 'ONG SNGON DU MA BTANG BAS SO SOR 'BRAS BU DANG PO YIN TE, RANG 'GREL LAS, GAL TE 'BRAS BU DANG PO THOB PA'I PHYIR RO ZHE NA, PHAL CHER LAS 'DOD CHAGS DANG BRAL BA DANG, 'DOD PA LAS 'DOD CHAGS DANG BRAL BA YANG YIN PAR 'GYUR RO, ZHES SO, ,MTHAR GYIS PA'I 'BRAS BU BAR PA GNYIS NI BCU DRUG PA THOB RJES SU MNGON DU BYED PAS KHYAB LA DE YANG RIM PA LTAR 'DOD PA'I SGOM SPANG DRUG PA DANG, DGU PA SPANGS PA DANG DUS MNYAM DU 'THOB BO, ,DE LTAR NA MTHAR GYIS PA LA NI GCIG NAS LNGA'I BAR MTHONG LAM GYI SNGON DU SPANGS PA SRID KYANG DRUG PA DANG DGU PA NI BCU DRUG PA'I RJES SU SPONG BAS KHYAB LA, THOD RGAL BA NI DE GNYIS MTHONG LAM GYI SNGON DU SPONG BAS KHYAB BO, ,GSUM PA NI, RGYUN ZHUGS DANG PHYIR 'ONG THOB BYED KYI LAM YIN NA BSAM GTAN DANG PO'I NYER SNGOGS LA BRTEN PAS KHYAB STE, DE GNYIS 'DOD PA LA CHAGS PA DANG MA BRAL BA'I 'PHAGS PA CHAGS BCAS YIN PAS SO, ,DE BZHIN DU MTHAR GYIS PA'I PHYIR MI 'ONG THOB PA'I LAM YANG RIG PAR BYA'O, ,THOD RGAL BA'I PHYIR MI 'ONG 'THOB PA'I LAM NI BSAM GTAN SA DRUG GANG RUNG

, ,LA BRTEN PA SRID DE, THOD RGAL BA'I PHYIR MI 'ONG 'THOB PAR BYED PA LA MTHONG LAM GYI SNGON DU SRID RTZE'I NYER SNGOGS THOB NAS CI YANG MED PA MAN CHAD LA CHAGS PA DANG BRAL BA SRID PAS DE SA DRUG GANG LA BRTEN YANG DBANG DANG LDAN PA'I PHYIR RO, ,'ON KYANG GZUGS MED LA BRTEN PA MI SRID DE, 'DI'I SKABS SU PHYIR MI 'ONG THOB PA'I LAM DANG MTHONG LAM GNYIS SA GCIG PA'I PHYIR RO, ,DGRA BCOM PA'I 'BRAS BU NI ZAG MED KYIS DGU GANG RUNG LA BRTEN NAS MNGON DU BYED PA SRID DO, ,GNYIS PA LA GSUM, THOD RGAL BA, MTHAR GYIS PA, CIG CAR BA'O, ,DANG PO LA GNYIS ZHUGS PA DANG, GNAS PA'O, ,DANG PO LA GNYIS LAS, PHYIR 'ONG ZHUGS PA NI, MTHONG LAM GYI SNGON DU 'JIG RTEN PA'I LAM GYIS 'DOD PA'I SGOM SPANG DRUG PA SPANGS LA BDUN BRGYAD SPANGS PA'AM MA SPANGS KYANG RUNG DGU PA MA SPANGS PA DANG, SDUG BSNGAL LA CHOS BZOD NAS LAM LA RJES BZOD KYI BAR GANG YANG RUNG BA LA GNAS PA RTOGS PA'I KHYAD PAR TE SPANGS RTOGS DE GNYIS DANG LDAN PA'O, ,PHYIR MI 'ONG ZHUGS PA NI, MTHONG LAM GYI SNGON DU 'DOD PA'I SGOM SPANG DGU PA SPANGS LA, BSAM GTAN DANG PO NAS GONG MA CI YANG MED PA MAN CHAD LA CHAGS PA DANG BRAL BA'AM MA BRAL YANG RUNG BA'I SPANGS PA DANG RTOGS PA'I KHYAD PAR SNGA MA LTA BU DANG LDAN PA STE, MDZOD LAS, GNYIS PA LA, DGU PA TSUN CHAD ZAD PA YIN, ,'DOD PA'AM YANG NA GONG MA LA, ,CHAGS BRAL GSUM PA LA ZHUGS PA, ZHES SO, ,KHA CIG KUN

BTUS SU ZHUGS PA DANG PO SBYOR LAM NAS GZUNG BA'I RIGS PA 'DI LA YANG BSGRES NAS SBYOR LAM NAS DANG PO'I MTSAMS 'DZIN PA'ANG YOD DO, ,GNYIS PA NI, SNGAR GYI RANG RANG GI ZHUGS PA'I SPANGS PA DE DAG DANG LDAN PA LAS PHYIS BCU DRUG PA THOB PA NA PHYIR 'ONG DANG PHYIR MI 'ONG 'BRAS GNAS SU 'GYUR ZHING SNGAR GYI ZHUGS PA DBANG RTUL DAD PA DANG, DBANG RNON CHOS KYI RJES 'BRANG GNYIS LA PHYIS 'BRAS BU THOB PA NA DAD MOS DANG MTHONG THOB CES PA'I THA SNYAD DANG LDAN PAR 'GYUR TE, MDZOD LAS, BCU DRUG PA LA DE 'BRAS GNAS, ,DE TSE DBANG PO RNO RTUL DAG ,DAD PAS MOS DANG MTHONG BAS THOB, CES SO, ,GAL TE RNAM PA DRUG SPANGS KYANG SEMS BCU DRUG PA LA PHYIR 'ONG ZHES BYA LA CI'I PHYIR PHYIR MI 'ONG LA ZHUGS PA MA YIN ZHE NA, BCU DRUG PA'I TSE NA 'BRAS BU TZAM LA GNAS KYI 'BRAS BU KHYAD PAR CAN DU BYED PA'I LAM LA MA ZHUGS PA'I PHYIR 'BRAS BU PHYI MA'I ZHUGS PA ZHES MI BYA'O, ,DE BZHIN DU PHYIR MI 'ONG LA YANG YIN TE, MDZOD LAS, 'BRAS THOB 'BRAS BU KHYAD PAR GYI, ,LAM THOB MED PAS DE YI PHYIR, ,'BRAS GNAS KHYAD PAR BYA BA'I PHYIR, ,MI BRTZON PA NI ZHUGS MA YIN, ZHES SO, ,'O NA 'BRAS BU PHYI MA LA ZHUGS PA NA 'BRAS GNAS DE GNYIS THOD RGAL BA YIN NAM MIN ZHE NA; KHA CIG THOD RGAL BA'I 'BRAS GNAS LA BCU DRUG PA'I RTOGS PA LA GNAS BZHIN PAS KHYAB PAS 'BRAS GNAS TZAM PO KHO NA YIN LA KHYAD PAR CAN MED ZER RO, ,'ON KYANG DE LTAR STON PA'I LUNG NI MED LA PHYI MA THOB PHYIR BRTZON PA

, ,THOD RGAL BA'I 'BRAS GNAS YIN PA LA GNOD BYED MED PAS THOD RGAL BA'O, ,DE LTA NA PHYIR 'ONG DES PHYIR MI 'ONG THOB PA NA YANG THOD RGAL BAR THAL ZHE NA, DE NI MI 'DOD DE, THOD RGAL BA'I PHYIR MI 'ONG YIN NA MTHONG LAM GYI SNGON DU 'DOD NYON DGU PA SPANGS DGOS PAS SO, ,DES NA THOD RGAL BA'I PHYIR 'ONG YIN PA'I PHYIR MI 'ONG, ZHUGS PA DANG PHYIR MI 'ONG YIN PA'I DGRA BCOM ZHUGS PA YOD LA, PHYIR 'ONG GIS THOB PA'I PHYIR MI 'ONG DANG PHYIR MI 'ONG GIS THOB PA'I DGRA BCOM THOD RGAL BAR MI 'DOD DE, THOD RGAL BA'I SKABS KYI 'BRAS BU RNAMS GZHAN SNGON DU MA SONG BA'I 'BRAS BU DANG POR 'GREL PA DANG 'GREL BSHAD LAS BSHAD PA'I PHYIR RO, ,GZHAN YANG DE GNYIS CHAGS BRAL SNGON SONG GI PHYIR 'ONG DANG PHYIR MI 'ONG ZHUGS PA DANG PHYIR MI 'ONG DANG DGRA BCOM ZHUGS PA GZHI MTHUN PA YIN KYANG CHAGS BRAL SNGON SONG GI ZHUGS PA NI MIN TE, DE'I ZHUGS PA MTHONG LAM PAR NGES PA DANG DES THOB PA'I 'BRAS GNAS THOD RGAL BAR 'GAL BAS SO, ,'O NA DE DAG MTHAR GYIS PA YIN NAM ZHE NA, MIN TE, 'BRAS BU SNGA MA RNAMS SNGON DU MA BTANG BA DANG 'DOD NYON DRUG PA DANG DGU PA MTHONG LAM GYI SNGAR SPANGS PA DANG, 'BRAS BU DE GNYIS BCU DRUG PA DANG DUS MNYAM DU MNGON DU BYAS PA'I PHYIR RO, ,DES NA THOD RGAL BA DANG RIM GYIS PA GANG YANG MIN PA'I DGE 'DUN NI DU MA ZHIG 'ONG BAR SNANG NGO, ,GNYIS PA LA BZHI, RGYUN ZHUGS, PHYIR 'ONG, PHYIR MI 'ONG, DGRA BCOM MO, ,DANG PO LA ZHUGS PA DANG,

GNAS PA GNYIS LAS, DANG PO NI, DROD NAS LAM LA RJES BZOD KYI BAR LA GNAS PA'I NYAN THOS GANG 'DOD NYON DRUG PA MA SPANGS PA'O, ,DE LA DBYE NA MTHONG LAM GYI SNGON DU SGOM SPANG GCIG KYANG MA SPANGS PA DANG, GCIG NAS LNGA'I BAR GANG RUNG SPANGS PA GNYIS SO, ,DANG PO'I MTSAMS SBYOR LAM NAS 'DZIN PAR KUN LAS BTUS PA 'DOD DE, JI SKAD DU, RGYUN DU ZHUGS PA'I 'BRAS BU LA 'JUG PA GANG ZHE NA, GANG NGES PAR 'BYED PA'I CHA DANG MTHUN PA LA MTHONG BA'I LAM GYI SEMS KYI SKAD CIG BCO LNGA LA GNAS PA'I GANG ZAG GO ,ZHES SO, ,DE LA YANG 'GREL PAS STAN GCIG LA MTHONG LAM SKYED NUS PA'I SBYOR LAM LA BZHED DE, JI SKAD DU, NGES PAR 'BYED PA'I CHA DANG MTHUN PA STAN GCIG PA NAS BZUNG STE DANG PO'I 'BRAS BU MA THOB PA'I BAR DU'O, ZHES SO, ,BYE SMRA RNAMS SDUG BSNGAL LA CHOS BZOD NAS DANG PO'I MTSAMS 'DZIN TE, MDZOD LAS, DE LA SKAD CIG BCO LNGA NI, ,MA MTHONG MTHONG PHYIR MTHONG BA'I LAM, ,DBANG PO RNO RTUL DE DAG TU, ,DAD DANG CHOS KYI RJES 'BRANG BA, , SGOM PAS SPANG BYA MA SPANGS NA, ,'BRAS BU DANG PO LA ZHUGS PA, ,RNAM LNGA'I BAR BCOM, ZHES SO, ,GNYIS PA NI, SNGAR GYI SPANGS PA DE NYID DANG LDAN PA'I STENG DU BCU DRUG PA THOB PA'I NYAN THOS SO, ,DE'I KHYAD PAR LA RE LTAR THOGS NA LAN BDUN PA DANG, RIGS NAS RIGS SKYE GNYIS SO, ,DANG PO NI, KHA CIG 'BRAS GNAS TZAM PO'O, ZHES 'DOD KYANG, 'GREL PA DANG 'GREL BSHAD LAS SGOM SPANG GCIG KYANG MA SPANGS PA TZAM MA GTOGS PA SPONG BA LA MI BRTZON PAR BSHAD PA MED

, ,DO; ;'DI LA YANG KHYAD PAR GSUM STE, RTOGS PA DANG, SPANGS PA DANG, SKYE BA'I KHYAD PAR RO, ,DANG PO NI, RGYUN DU ZHUGS PA'I 'BRAS BU LA GNAS PA'O, ,GNYIS PA NI, 'DOD PA'I SGOM SPANG GCIG KYANG MA SPANGS PA'O,, GSUM PA NI, 'DOD PAR SKYE BA BDUN LEN PA'O, ,DE LTAR YANG, 'BRAS GNAS SGOM SPANG BYA MA ZAD, ,DE LTAR THOGS NA LAN BDUN PA, ZHES PA'I RANG 'GREL LAS 'BRAS BU LA GNAS PA GANG ZHIG SGOM PAS SPANG BAR BYA BA'I NYON MONGS PA GCIG KYANG MA SPANGS PA DE NI RGYUN DU ZHUGS PA YIN LA TSE BDUN GYI BAR DU SKYE BAS NA LAN BDUN PA'O, ,THAMS CAD NI MA YIN PAS RE LTAR THOGS NA ZHES BYA BA NI THAMS CAD KYI THA SHAL BA'O, ZHES DANG, BAR SKABS SU YANG 'PHAGS PA'I LAM MNGON DU BYED CING YONGS SU MYA NGAN LAS MI 'DA' STE, DE SRID DU SRID PA MYONG BAR 'GYUR BA'I LAS KYI STOBS BSKYED PA'I PHYIR RO, ZHES SO, ,GAL TE DE NI MI RIGS TE, RANG 'GREL LAS, GONG DU 'PHO BA DE DAG BAR SKABS SU YANG YONGS SU MYA NGAN LAS 'DNGAR RUNG BAR BLTA'O, ,'OG MIN DANG SRID PA'I RTZE MO'I MTHAR THUG PA NYID NI PHAN CHAD DU 'GRO BA MED PA'I PHYIR TE, DPER NA RGYUN DU ZHUGS PA MCHOG TU THOGS NA LAN BDUN PA NYID BZHIN NO, ZHES DANG RE LTAR THOGS NA ZHES PA'I MING YANG PHA MTHA'I SKYE BA BZUNG BAR SNANG GI TSUN CHAD LEN NGES MIN PA'I PHYIR ZHE NA, SPYIR RGYUN ZHUGS RE LTAR THOGS NA LAN BDUN PA LA SKYE BA GCIG BLANGS NAS 'DA' BA NAS BDUN BLANGS NAS 'DA' BA'I BAR DU YOD PAS BDUN DU MA NGES MOD, 'ON

KYANG 'BRAS GNAS SGOM SPANG ZHES SOGS KYI SKABS 'DIR BSTAN PA NI LAN BDUN LEN NGES KYI BYE BRAG PA DE LA SPYI MING BTAGS PA YIN PAS DE LA BSAMS NAS RE LTAR THOGS NA LAN BDUN PA'I SKYE BA NGES PAR BYAS TE, RANG 'GREL LAS, MCHOG TU THOGS NA LAN BDUN PA GZHAN YANG YOD MOD KYI MA NGES PAS MI BRJOD ZHES LAN BDUN PA GZHAN YOD KYANG MA BRJOD PA NI MA NGES PAS YIN LA 'DIR NI BDUN LEN NGES BSTAN ZHES GSUNGS PAS SO, ,SKYE BA LEN TSUL YANG MI'I RTEN LA RGYUN ZHUGS THOB NA MIR LAN DRUG LHAR LAN BDUN BLANGS SHING MTHAR MIR SKYES NAS 'DA' LA, LHA'I RTEN LA THOB NA'ANG LHAR LAN DRUG DANG MIR LAN BDUN SKYES NAS MTHAR LHA'I RTEN LA 'DA'O, ,DE LTAR NA LHA MI'I SKYE SRID BCU BZHI BAR SRID BCU BZHI STE NYER BRGYAD LEN KYANG BDUN TSAN DU 'DRA BA'I PHYIR LAN BDUN PA ZHES BYA STE, GNAS BDUN LA MKHAS PA'I DGE SLONG DANG SHING 'DAB MA BDUN PA BZHIN NO, ,MDOR NA SGOM SPANG GCIG KYANG MA SPANGS PA'I RGYUN ZHUGS RIM GYIS PA 'DOD PAR SKYE BA GNYIS LEN PA NI RE LTAR THOGS NA LAN BDUN PA SPYI YIN LA KHYAD PAR LAN BDUN PA'I NGES PA NI BRJOD ZIN TO, ,'DI YANG RTZOM PA DANG PO LA YIN GYI NYON MONGS GCIG SPANGS PA DANG SKYE BA GCIG BLANGS NAS NI MTSAN NYID 'JIG GO ,GNYIS PA NI, KHYAD PAR GSUM DANG LDAN PA STE; 'DOD NYON GSUM MAM BZHI SPANGS LA LNGA PA MA SPANGS PA'I SPANGS PA DANG, DE'I GNYEN PO ZAG MED KYI DBANG PO THOB PA'I RTOGS PA DANG, 'DOD PA'I LHA MI RIGS MTHUN GCIG TU SKYE BA GNYIS SAM GSUM LEN PA SKYE BA'I KHYAD PAR TE,

, ,MDZOD LAS, RNAM GSUM RNAM BZHI LAS GROL BA, ,TSE GNYIS GSUM DU RIGS NAS RIGS, ZHES SO, ,LNGA PA MA SPANGS PA YANG RANG 'GREL LAS, CI'I PHYIR RNAM PA LNGA SPANGS PA'I PHYIR MA YIN ZHE NA, DE SPANGS NA DRUG PA'ANG GDON MI ZA BAR SPONG BA'I PHYIR TE, ZHES DANG, KHAMS LAS MI 'DA' BA'I PHYIR RO, ZHES TE, DON NI LNGA PA SPANGS NA KHAMS LAS 'DA' MI DGOS PAS DRUG PA SPONG LA, DE LTA NA PHYIR 'ONG DU 'GYUR BAS 'DOD PA'I 'GRO BA GCIG TU SKYE BA GNYIS MI LEN PA'I PHYIR RIGS SKYER MI RUNG NGO SNYAM DU DGONGS SO, ,DE'I PHYIR SKYE BA GSUM LEN PA MA GTOGS PA'I RIGS SKYE NI LAN CIG SKYES NAS MTSAN NYID 'JIG GO ,'DIS SPANG BYA SPANGS PA RNAMS BCU DRUG PA'I RJES SU 'AM MTHONG LAM GYI SNGAR SPANGS SHE NA, RANG 'GREL LAS, SNGON RNAM PA GSUM DANG BZHI PA SPANGS PA'I BDUN DANG BRGYAD SPANGS PA 'BRAS BU THOB PA JI SRID DU 'BRAS BU KHYAD PAR CAN GYI LAM MNGON DU MA BYAS PA DE SRID DU RIGS NAS RIGS SU SKYE BA'AM BAR CHAD GCIG PA MA YIN NO, ZHES GSUNGS PA'I SHUGS LA MTHONG LAM GYI SNGAR 'DOD NYON GSUM DANG BZHI SPANGS PA'I RIGS SKYE'ANG BSHAD PAS GNYIS KA'ANG 'DOD PAR BYA'O, ,LUNG 'DIS BAR CHAD GCIG PA LA'ANG CHAGS BRAL SNGON SONG YOD PR BSTAN TO, ,DE LTAR RIGS SKYE DE LA LHA MI'I RIGS SKYE GNYIS SO, ,GNYIS PA LA GNYIS LAS, ZHUGS PA NI RGYUN ZHUGS 'BRAS GNAS DES PHYIR 'ONG THOB PHYIR BRTZON PA NA SGOM SPANG LNGA'I BAR GANG YANG MA SPANGS

PA'AM, DRUG PA SPONG BA LA BRTZON PA'I BAR NI PHYIR 'ONG LA ZHUGS PA STE, MDZOD LAS, RNAM PA LNGA YI BAR BCOM PA, ,GNYIS PA LA NI ZHUGS PA'ANG YIN, ZHES SO, ,GNYIS PA NI, ZHUGS PA DES 'DOD NYON DRUG PA SPANGS PA NA PHYIR 'ONG STE; RNAM PA DRUG PA ZAD GYUR PA, ,DE NI LAN CIG PHYIR 'ONG BA, ZHES SO, ,DE YANG DRUG PA SPANGS PA'I RNAM GROL LAM LA GNAS BZHIN PA NA 'BRAS GNAS TZAM PO DANG DGU PA'I BAR SPONG BA LA BRTZON PA NA KHYAD PAR CAN NO, ,PHYI MA'I KHYAD PAR TSE GCIG BAR CHAD GCIG PA NI NYON MONGS BDUN PA DANG BRGYAD PA SPANGS, DE'I GNYEN PO ZAG MED KYI DBANG PO THOB, SKYE BA LHAG MA GCIG LUS PA STE, MDZOD LAS, NYES CHA BDUN DANG BRGYAD ZAD PA, ,TSE GCIG BAR CHAD GCIG PA DANG, , GSUM PA LA NI ZHUGS PA'ANG YIN, ZHES SO, ,'DIS NYON MONGS BDUN LAS MA SPANGS NA TSE GCIG PA YIN KYANG BAR CHAD GCIG PA MIN NO, ,KUN BTUS SU SKYA BA GCIG LEN PA LHAR LEN PA DANG DE'I 'GREL PAR BAR CHAD GCIG PA'I DON SKYE BA GCIG GIS BAR CHOD PA LA BSHAD DO, ,'DI LA MTHAR GYIS PAS MA KHYAB PA NI BRJOD ZIN LA SPYIR PHYIR 'ONG DE 'DOD PA'I LHA MI GNYIS SU RE RE SKYE SRID LA DE LTA NA'ANG LAN CIG PHYIR 'ONG MIN PAR MI 'GYUR TE, SKYE BA RIGS 'DRA GCIG LAS MI LEN PAS SO, ,GSUM PA LA GNYIS, ZHUGS PA DANG, GNAS PA'O, ,DANG PO NI, PHYIR 'ONG DE NYID BDUN PA NAS DGU PA'I BAR SPONG BA LA BRTZON PA'O, ,GNYIS PA NI, ZHUGS PA DES SGOM SPANGS DGU PA SPANGS PA NA PHYIR MI 'ONG YIN TE,

, ,MDZOD LAS, DE DGU ZAD PAS PHYIR MI 'ONG ZHES SO, ,DE LA YANG 'BRAS BU TZAM DANG KHYAD PAR CAN LA GNAS PA GNYIS SO, ,GZHAN YANG PHYIR MI 'ONG LA KHAMS GONG MAR 'GRO BA DANG, 'DOD PA'I RTEN DE NYID LA 'DA' BA GNYIS YOD LA, DANG PO LA GSUM, GZUGS DANG, GZUGS MED DU NYE BAR 'GRO BA DANG, DE DAG GI RTEN BSAM PA'O, ,DANG PO LA BAR DOR DANG, SKYES NAS 'DA' BA DANG, GONG DU 'PHO BA STE GSUM MO, ,DANG PO NI, TSANGS CHEN MA GTOGS PA'I GZUGS KYI BAR DO BCU DRUG GANG RUNG DU SKYES NAS RTEN DE LA 'DA' BA'I PHYIR MI 'ONG STE, 'DI LA BAR SRID GRUB MA THAG DANG, GRUB NAS SKYE SRID TSOL BA'I SNANG BA MA BYUNG TZAM DANG, SKYE SRID DU 'GRO BAR SEMS PA'I TSE LHAG MED DU 'DA' BA GSUM MO; ;GNYIS PA NI, GZUGS KYI GNAS RIGS BCU DRUG GI SKYE SRID DU NYING MTSAMS SBYAR NAS RTEN DE LA LHAG BCAS SU 'DA' BA'I PHYIR MI 'ONG STE, 'DI LA SKYES TZAM NAS DANG, 'DU BYED DANG BCAS PA DANG, DE MED PAR 'DA' BA GSUM MO, ,DE DAG GI KHYAD PAR NI RIM PA LTAR LAM DANG GIS 'BYUNG ZHING BRTZON PA DANG, BRTZON LA LAM NGANG GIS MI 'BYUNG BA DANG, DE GNYIS KA DANG MI LDAN PA'O ZHES BYE SMRA 'DOD DO, ,SKYES BU DAM PA'I 'GRO BA BDUN BSTAN PA'I MDO LAS BYED MED BYED BCAS KYI SNGAR GSUNGS PA'I GO RIM DE LTAR BYA DGOS LA, DE GNYIS KYI KHYAD PAR NI 'BAD MI DGOS PAR LAM NGANG GIS 'BYUNG BA DANG MI 'BYUNG BA YIN LA, DANG PO NI LAM CHES NGANG GIS 'BYUNG ZHING PHRA RGYAS CHES CHUNG BA YIN PAS GNYIS PA

DANG KHYAD PAR YOD CES SLOB DPON BZHED DE, KUN BTUS KYANG DE LTAR RO, ,DE GSUM GA SKYES 'DA' BA YIN PAR RANG 'GREL LAS, SKYES NAS YONGS SU MYA NGAN LAS 'DA' BA NI SKYES NAS DANG, MNGON PAR 'DU BYED PA DANG, MNGON PAR 'DU BYED PA MED PAR YONGS SU MYA NGAN LAS 'DA' BA'I PHYIR RO, ZHES SO, ,GNAS GTZANG LNGAR SKYE BA'I SKYES 'DA' BA NI SPEL MA RNAMS SGOM DGOS SO, ,GSUM PA NI, GZUGS KHAMS KYI SKYE SRID DU LAN GNYIS BRGYUD NAS 'DA' BA'I PHYIR MI 'ONG STE, 'DI LA RGYU'I SGO NAS BSAM GTAN SPEL MA SPEL DANG, 'BRAS BU'I SGO NAS 'OG MIN DANG SRID RTZER 'GRO BA GNYIS SO, ,DANG PO NI GZUGS KYI SKYE SRID DU SKYE BA GNYIS BRGYUD NAS MTHAR 'OG MIN GYI RTEN LA 'DA' BA'I RIGS CAN GYI PHYIR MI 'ONG DE, 'DI LA 'PHAR BA PHYED 'PHAR GNAS THAMS CAD DU 'CHI 'PHO BA GSUM YOD PAR MDZOD LAS GONG DU 'PHO BA RNAMS DE NI, ,BSAM GTAN SPEL NAS 'OG MIN 'GRO ,DE 'PHAR PHYED 'PHAR THAMS CAD DU, ,'CHI 'PHO GZHAN SRID RTZE MOR 'GRO ,ZHES SO, ,DE LA 'PHAR BA NI SPEL MA LNGA BSGOMS PAS GRUB PA'I TSE BSAM GTAN DANG PO'I RO MYANGS TE BSAM GTAN PHYI MA GSUM LAS NYAMS PA TSANGS RIS SU SKYES NAS SNGON GOMS PA'I MTHUS BSAM GTAN BZHI PA SPEL NAS BAR PA RNAMS DOR TE, 'OG MIN DU SKYES NAS 'DA' BA'O; ;PHYED DU 'PHAR BA NI SNGAR LTAR TSANGS RIS SU SKYES NAS BAR PA RNAMS DOR TE GNAS GTZANG RNAMS SU SKYES NAS GNAS GZHAN 'GA' ZHIG BOR TE 'OG MIN DU 'DA' BA'O, ,GNAS THAMS CAD DU 'CHI 'PHO BA NI, SNGAR LTAR TSANGS RIS SU SKYES NAS

, ,TSANGS CHEN MA GTOGS PA'I GNAS GZHAN THAMS CAD DU BRGYUD NAS 'OG MIN DU 'DA' BA'O, ,GTZO BO GCIG TU ZAD PA'I 'GRAN ZLA MED PA'I LAS BSAGS PA DANG, LOG LTA'I GNAS YIN PA'I PHYIR TSANGS CHEN DU 'PHAGS PA MI SKYE'O ZHES MDZOD 'GREL LAS BSHAD DO, ,THEG CHEN PA LTAR NA RGYU MTSAN DE MA NGES PAS DER SKYE BA MI 'GAL TE, SA THOB PA'I BYANG SEMS KYI RNAM SMIN GYI SKYE BA 'CHAD PAR 'GYUR BAS SHES SO, ,'DI DAG GNAS GTZANG DU SKYE BA'I RGYU SPEL MA SGOM TSUL JI LTA BU ZHE NA, 'DI'I MTHA' DPYAD PA LA GNYIS, SGOM PA'I RTEN, BRTEN PA'I SGOM MO, ,DANG PO NI, DGRA BCOM DANG PHYIR MI 'ONG BSAM GTAN BZHI PA'I SEMS THOB PAS SGOM LA, DE YANG SA GANG DU SGOM NI RANG 'GREL LAS, DANG POR 'DOD PA'I KHAMS SU GLING GSUM DAG TU SPEL BAR BYED LA, PHYIS NI YONGS SU NYAMS PA GZUGS KYI KHAMS SU SPEL BAR BYED DO ZHES SO, ,GNYIS PA LA GSUM, SPEL BA'I SBYOR BA, GRUB PA'I TSAD, SPEL MA DNGOS SO, ,DANG PO NI, ZAG MED KYI BSAM GTAN BZHI BA RGYUN LDAN DANG, DE NAS DE NYID ZAG BCAS RGYUN LDAN DANG DE NAS ZAG MED RGYUN LDAN DANG DE NAS ZAG MED RGYUN LDAN LA 'JUG LA, DE BZHIN DU RGYUN PHRI NAS SKAD CIG MA GNYIS ZAG MED DANG, SKAD CIG MA GNYIS ZAG BCAS DANG, YANG ZAG MED LA 'JUG GO ,DE LTAR DANG POR BZHI PA SPEL BA YANG DE SKYAN? BRGYAD LAS GROL BAS LAS SU RUNG ZHING TING NGE 'DZIN GSAL BA'I PHYIR TE, MDZOD LAS, DANG POR BZHI PA SPEL BAR BYED CES SO, ,GNYIS PA NI, BZHI BA ZAG MED SKAD CIG GI MJUG

TU DE ZAG BCAS DANG, DE'I MJUG TU DE ZAG MED DU BSRE THUB PA NA GRUB STE, MDZOD LAS, SKAD CIG MA LA BSRES PAS GRUB, CES SO, ,'DIR SBYOR BA DANG DNGOS GZHI'I DUS SU SKAD CIG BSRE BAR BSHAD PA NI BYE SMRA'I LUGS YIN LA, SLOB DPON RANG GI BZHED PA NI RANG 'GREL LAS, SANGS RGYAS MA GTOGS PA SKAD CIG SPEL BAR MI NUS TE, DE'I PHYIR RGYUN CHAGS GSUM LA JI SRID 'DOD PAR SNYOMS PAR 'JUG PA'I SGO NAS RDZOGS PA YIN NO ZHES BYA BAR BLTA'O ZHES PA LTAR RO, ,DE LTAR NA DANG POR BZHI PA SPEL NAS PHYIS NI BSAM GTAN GZHAN DANG YANG SPEL LO, ,GSUM PA NI, 'BRAS BU GNAS GTZANG LNGAR SKYE BA'I RGYU SPEL MA SGOM PA YANG LNGA YOD DO, ,DE GANG NA, GSUM SPEL NAS BCO LNGA SPEL GYI BAR DO, ,SPEL SGOM LA 'DI LTAR NGES PA NI MA YIN TE, 'DI LNGA BZHI PA KHO NA SPEL BA YIN LA BSAM GTAN DANG PO GSUM DANG YANG SPEL BA BSHAD PAS SO, ,'DI DAG GI SPEL TSUL GANG ZHE NA, CHUNG NGU GSUM SPEL NI RANG 'GREL LAS, DANG PO LA ZAG PA MED PA DANG, THAG PA DANG BCAS PA DANG, ZAG PA MED PA DANG SEMS GSUM MNGON DU BYED DO, ZHES PA LTAR RO, ,DE NAS 'BRING DRUG SPEL, CHEN PO DGU SPEL, SHIN TU CHE BA BCU GNYIS SPEL, SHIN TU CHES CHE BA BCO LNGA SPEL RNAMS LA 'GREL PA LAS, GNYIS PA LA NI DRUG GO ,GSUM PA LA NI DGU'O, ,BZHI PA LA NI BCU GNYIS SO, ,LNGA PA LA NI BCO LNGA STE ZHES PA TZAM LAS MA GSUNGS SO, ,DE LA DRUG SPEL BA'I TSUL LA KHA CIG NA RE, ZAG MED GNYIS ZAG BCAS GNYIS ZAG MED GNYIS BYED LA

, ,DE BZHIN DU DGU SPEL LA YANG ZAG MED GSUM LA SOGS PA BYED DO ZHES ZER RO, ,DE NI MKHAS PA'I GZHUNG LAM 'DRIS PA'I PHO TSOD DU 'DUG STE, DON GSAL LAS, GNYIS PA LA NI DRUG GO ZHES BYA BA NI ZAG PA MED PA DANG ZAG PA DANG BCAS PA DANG, ZAG PA MED PA ZHES BYA BA GSUM DANG, YANG ZAG PA MED PA DANG ZAG PA DANG BCAS PA DANG ZAG PA MED PA ZHES BYA BA GSUM STE DRUG YIN NO, ,GSUM PA LA NI DGU'O, ,BZHI PA LA NI BCU GNYIS SO, ,LNGA PA LA NI BCO LNGA STE ZHES BYA BA YANG DE KHO NA BZHIN DU SBYAR BAR BYA'O, ZHES GSUNGS SHING GANG SPEL LAS KYANG NGO, ,'ON LHAG MA RNAMS LA YANG GSUM SPEL DANG SPEL LUGS KHYAD MED PA'I PHYIR GSUM SPEL NUS NA THAMS CAD SPEL NUS PAR 'GYUR ZHE NA, DON GSAL LAS, DANG PO LA NI SEMS GSUM ZHES BYA BA NI GANG ZAG DE LA NUS PA DE TZAM ZHIG YOD PA STE DE BZHIN DU 'OG MA RNAMS LA YANG BRJOD PAR BYA'O, ZHES PA LTAR DKYUS THOG RE RE LA GSUM SPEL LA SOGS PA TSAN PA RE RE SPEL NUS KYANG GZHAN SPEL MI NUS PA YIN PAS NYES PA MED DO, ,DE LA GNAS GTZANG DU SKYE BA'I RGYU NI ZAG BCAS YIN TE, ZAG MED NI SRID PA GCOD PAS SO, ,ZAG BCAS ZAG MED KYI DON LA SNGA PHYI'I t'I KA BYED THAMS CAD MNYAM GZHAG ZAG MED BDEN PA'I RNAM PA CAN GNYIS BAR DU RJES THOB ZAG BCAS ZHI RAGS KYI RNAM PA CAN SPEL ZHES 'DOD PA NI CHOS MNGON PA'I DON DU MI SNANG STE, BSAM GTAN GYI DNGOS GZHI LA ZHI RAGS KYI RNAM PA CAN GANG NAS KYANG MA BSHAD LA RIGS

PAS KYANG MI 'THOB STE, SA GONG 'OG LA ZHI RAGS SU LTA BA NI 'OG SA LAS RGYAL BA'I LAM YIN LA DNGOS GZHI ZAG BCAS NI SPONG LAM YIN PAR 'GAL BA'I PHYIR TE, 'OG SA LAS NI NYER SDOGS KYIS RGYAL ZIN LA BRTZIGS PAS RTZIG PA LAS 'BYUNG MI NUS PA LTAR ZAG BCAS YIN PAS RANG SA DANG GONGS LAS RGYAL BAR MI NUS SO, ,DES NA 'DI'I ZAG BCAS NI 'JIG RTEN PA'I DGE BA DAG PA BA YIN PA TZAM MO, ,GNYIS PA SRID RTZER 'GRO NI, SNYOMS 'JUG RNAMS KYI RO MYANGS TE 'BRAS BU CHE'I BAR DU SKYE ZHING GNAS GTZANG BOR TE GZUGS MED DU RIM GYIS SKYES NAS SRID RTZER 'DA' BA'O, ,'DI GZUGS SU NYER 'GRO DGUR MI GTOGS KYANG GZUGS SU NYER 'GRO YIN TE, DE'I DON NI GZUGS KYI RTEN LA 'DA' BAS MIN KYI 'DOD PA NAS DER SKYE BA LA BYED PAS SO, ,'OG MIN DANG SRID RTZER 'GRO GNYIS DE GNYIS SU 'GRO BAR MA NGES NA GONG 'PHO BZHI PO 'DI'I MTSAN NYID JI LTA BU ZHE NA, 'PHAR GSUM LA RIM PA LTAR GZUGS KYI SKYE SRID DU SKYE BA GNYIS DANG GSUM DANG BZHI BLANGS NAS GNAS GCAD DANG, SRID RTZER 'GRO NI SRID RTZER MA NGES KYANG GZUGS MED KYI RTEN LA 'DA' DGOS PAR SEMS SO, ,GNYIS PA NI, GZUGS KYI KUN SBYOR ZAD PA'I MTHUS 'DI NAS GZUGS SU MI 'GRO BAR GZUGS MED DU SKYE BA LEN PA'O; ;'DIR SKYE BA LA BAR DO MED PAS SKYES TZAM NAS 'DA' BA DANG, BYED BCAS DANG, BYED MED DANG, GONG 'PHO BA BZHI YOD DE, MDZOD LAS, GZHAN NI GZUGS MED 'GRO RNAM BZHI, ZHES SO, ,DBYE BA DE DAG PHYIR MI 'ONG 'DOD BAR TSE

, ,GYUR LA'ANG RUNG NGAM ZHE NA, MED DE MDZOD LAS, 'DOD PAR TSE YONGS GYUR PA'I 'PHAGS, ,KHAMS GZHAN DU NI 'GRO BA MED, CES PAS SO, ,'DOD PAR TSE GYUR GYI PHYIR MI 'ONG GI DON NI TSE DANG PO LA 'BRAS BU DANG PO GNYIS GANG RUNG THOB NAS TSE GNYIS PA LA PHYIR MI 'ONG DU GYUR PA YIN PAR RGYAL PO SRAS KYIS BSHAD DO, ,'DI TSE DE LA 'DA' BA DANG, GZUGS KHAMS SU TSE GYUR SRID RTZER 'GRO LTA BU NI KHAMS GZHAN GZUGS MED DU'ANG 'GRO BAR RANG 'GREL LAS SO, , DBYE BA 'DI DAG MI RUNG BA'I DMIGS BSAL MDZOD 'GREL LAS, DE GCIG PU GSUNGS PA'I PHYIR, CHAGS BRAL SNGON SONG GI PHYIR MI 'OD MTHONG LAM GYI SNGAR CI YANG MAN CHAD LA CHAGS BRAL LA DBYE BA 'DI DAG MI RUNG YANG DE LAS GZHAN PA LA RUNG BAR SEMS TE, KHAMS DANG SA DE DANG DE'I NYON MONGS MA SPANGS PA'I DANG NAS SHIB NA DE DANG DER SKYE ZHING KHAMS GONG MA GNYIS KYI NYON MONGS MA SPANGS PA'I THOD RGAL BA'I PHYIR MI 'ONG DU MI SRID LA DE DAG 'DOD RTEN LA 'DA' BAR YANG MA NGES PA'I PHYIR RO, ,MTHAR GYIS PA LA DBYE BA 'DI DAG RUNG BA NI SHIN TU GRAGS SO, ,GSUM PA NI GZUGS SU NYER 'GRO LNGA DANG GZUGS MED NYER 'GRO BZHI PO DE 'DOD PA DANG KHAMS GONG MA GANG GI RTEN LA BYED CE NA, MDZOD LAS, GZUGS SU NYE BAR 'GRO BA DGUR?, ,BSHAD DO DE DAG KHYAD PAR RNAMS, ,LAS DBANG NYON MONGS BYE BRAG LAS, ZHES SO, ,'DIS BAR DOR 'DA' BA GSUM, SKYES 'DA' BA GSUM, 'PHAR BA GSUM LA LAS DBANG PO NYON MONGS

PA'I SGO NAS KHYAD PAR 'BYED DE, RIM PA LTAR MNGON PAR 'GRUB PA TZAM DANG, SKYES NAS MYONG 'GYUR DANG, LAN GRANGS GZHAN LA MYONG 'GYUR GYI LAS CAN NI KHYAD PAR DANG PO'O, ,DBANG PO RNO 'BRING RTUL BA NI GNYIS PA'O, ,SPANG BYA CHUNG 'BRING CHEN PO NI GSUM PA'O, ,GSUM TSAN DANG PO GNYIS KYI NANG LA NI LAS KYI KHYAD PAR MED LA DBANG PO DANG NYON MONGS KYI KHYAD PAR NI YOD DO, ,GSUM TSAN THA MAL NI LAS KYI KHYAD PAR YANG YOD DE, SKYE BA MANG NYUNG YOD PAS SO, ,'DI DAG RANG 'GREL LAS BSHAD PA'I PHYIR GZUGS SU NYER 'GRO LNGA RTZOM PA DANG PO 'DOD RTEN LA BYED DGOS TE, GZUGS KHAMS KYI BAR DOR SKYES ZIN PA DE LA BAR DO 'GRUB PA'I LAS DANG, GZUGS KHAMS KYI SKYE SRID GRUB ZIN NAS RTEN DE LA 'DA' BA LA SKYES NAS MYONG 'GYUR GYI LAS DANG, TSANGS RIS SU SKYES ZIN NAS PHYI MA LA 'OG MIN DU 'GRO BA DANG, TSANGS RIS NAS GNAS GTZANG DANG POR SKYES ZIN DANG, GNAS GZHAN BRGYUD NAS SHIN TU MTHONG DU SKYES NAS YOD PA DE LA LAN GRANGS GZHAN LA MYONG 'GYUR GYI LAS MED PA'I PHYIR TE, RIM PA LTAR BAR SRID DE NYID KYI RTEN LA 'DA' BA DANG, SKYE BA GCIG KYANG MI LEN PA DANG, SKYE BA GCIG LAS MI LEN PAS SO, ,KHYAB PA YOD DE, SKYES NAS DANG LAN GRANGS GZHAN LA MYONG PA'I LAS KYI DON TSE PHYI MA DANG, DE PHAN CHAD DU RNAM SMIN MYONG BA LA KUN BTUS LAS GSUNGS PA DANG 'DI DAG GI LAS RNAMS RNAM SMIN NGES PA YIN PAS SO, ,KUN BTUS LAS KYANG, BAR MA DOR YONGS SU MYA NGAN LAS 'DA' BA GANG

, ,ZHE NA, SKYE BA'I KUN TU SBYOR BA SPANGS MNGON PAR 'GRUB PA'I KUN TU SBYOR BA MA SPANGS PA, ZHES DANG, SKYES NAS MYA NGAN LAS 'DA' BA GANG ZHE NA, KUN TU SBYOR BA GNYIS KA MA SPANGS PA, ZHES GSUNGS SHING, DE'I 'GREL PAR YANG BAR DOR SKYE BA'I BAG LA NYAL LUS SHING SKYE SRID KYI RGYU'I NYON MONGS ZAD PAR BSHAD PA'I PHYIR, BAR DO GRUB ZIN NYER 'GRO'I BAR DOR 'DA' BA MI 'THAD DO, ,DE LTAR NA 'DA' BA BZHI DANG GONG 'PHO STE LNGA LA NI GONG MA'I RTEN CAN KYANG YOD LA NYER 'GRO GNYIS LAS PHYE BA'I DE DAG NI 'DOD RTEN PA'O, ,GNYIS PA NI, MDZOD LAS, GZHAN NI 'DI LA MYA NGAN 'DA', ZHES PA'O, ,DE YANG GZUGS DANG GZUGS MED DU NYER 'GRO LAS GZHAN PA'I PHYIR MI 'ONG STE, 'DI KHAMS GONG MAR MI SKYE ZHING PHYIR MI 'ONG YIN PAS 'DOD PAR YANG MI SKYE BAS SO, ,'O NA MDZOD LAS, 'GOG PA THOB PA PHYIR MI 'ONG, ,LUS KYIS MNGON SUM BYED PAR 'DOD, CES PA 'DI DE DAG GANG DU 'DU ZHE NA, SPYIR 'GOG THOB KYI PHYIR MI 'ONG LA NI 'GOG SNYOMS LAS MA NYAMS PAR TSE DE DANG, NYAMS NAS GZUGS KHAMS SU SKYE STE DER 'DA' BA DANG, DER SKYES NAS 'GOG SNYOMS BSKYED DE SHI 'PHOS NAS SRID RTZER 'DA' BA GCIG DANG GSUM BSHAD LA, DANG PO NI, MTHONG CHOS ZHI'I LUS MNGON BYED DANG PHYI MA GNYIS NI NYAMS NAS SOR MA CHUD PA'I PHYIR MI 'ONG NI 'DOD PA'I RTEN LA GNAS PA NA GZUGS SU NYER 'GRO YIN LA LUS MNGON BYED MIN PA DANG, GZUGS KHAMS SU SKYES

PA'I RTEN LA 'GOG SNYOMS SKYED NAS TSE DE DANG SHI NAS GZUGS MED DU 'DA' BA GNYIS NI LUS MNGON BYED YIN PAR SEMS SO, ,BZHI PA LA GNYIS LAS ZHUGS PA NI, PHYIR MI 'ONG 'BRAS GNAS KYIS GZUGS KYI SGOM SPANG DANG PO SPONG BA LA BRTZON BA NAS SRID RTZE'I DGU PA'I BAR SPONG BA LA BRTZON PA STE MDZOD LAS, SRID RTZE'I BAR CHAD BRGYAD THAD PA, ,DGRA BCOM NYID LA ZHUGS PA YIN, ,DGU PA'I BAR CHAD MED LAM YANG, ZHES SO, ,GNYIS PA LA, SGRIB PA SPANGS TSUL GYIS PHYE NA MDZOD LAS, 'GOG THOB GNYIS KA LAS RNAM GROL, ,SHES RAB KYIS NI CIG SHOS SO, ZHES PA LTAR GNYIS KA'I CHA LAS DANG, SHES RAB KYIS RNAM GROL TE GNYIS NI NYON MONGS DANG SNYOMS 'JUG GI SGRIB PA GNYIS SO, ,DE GNYIS LA RGYAN CAN RGYAN MED CES KYANG ZER RO, ,DBANG POS PHYE NA DAD MOS DANG MTHONG THOB GNYIS TE, MDZOD LAS, LNGA NI DAD PAS MOS LAS SKYES, ,DE DAG RNAM GROL DUS DANG SBYOR, ,MI G-YO'I CHOS CAN MI G-YO BA, ,DE PHYIR DE DUS MI SBYOR GROL, ,DE NI MTHONG THOB RGYU LAS BYUNG, ZHES SO, ,LNGA NI, NYAMS PA DANG, BDAG GSOD PA DANG, RJES SU SRUNG BA'I CHOS CAN DANG, GNAS PA LAS MI BSKYOD PA DANG, RAB TU RTOGS PA'I 'OS SU GYUR PA STE MI G-YO BA'I CHOS CAN BSNAN PAS DGRA BCOM PA DRUG TU 'GYUR RO, ,DANG PO LNGA BYE SMRAS DGRA BCOM LAS NYAMS NAS RGYUN ZHUGS PAR DU 'GRO BA YOD PAR 'DOD LA, MDO SDE PAS DGRA BCOM LAS NYAMS MI SRID CING MTHONG CHOS LA BDER GNAS TZAM LAS NYAMS PA

, ,YOD PAR 'DOD DE SLOB DPON SKU MCHED KYANG DE NYID LEGS PAR MDZAD DO, ,GSUM PA NI, KUN BTUS LAS, CIG CAR NGES PAR 'BYIN PA NI GANG BDEN PA RNAMS MNGON PAR RTOGS PAR BYAS NAS MI LCOGS PA MED PA LA BRTEN TE 'JIG RTEN LAS 'DAS PA'I LAM GYIS KHAMS GSUM NA SPYOD PA'I NYON MONGS PA RNAMS RNAM PAS CIG CAR SPONG STE 'DI NI RGYUN DU ZHUGS PA'I 'BRAS BU DANG DGRA BCOM PA'I 'BRAS BU DANG 'BRAS BU GNYIS LA GDAGS SO, , PHAL CHER NI MTHONG BA'I CHOS SAM, 'CHI BA'I DUS KYI TSE KUN SHES PA THOB PAR BYED DO, ,GAL TE MI BYED NA'ANG SMON LAM GYI STOBS CAN YIN TE, SMON LAM GYI DBANG GIS 'DOD PA'I KHAMS NYID DU SKYE STE SANGS RGYAS 'BYUNG BA MED PA NA RANG RGYAL BAR 'GYUR RO, ZHES PA LTAR BSHAD DE, DE YANG DUS NAM GYI TSE DANG SA GANG LA BRTEN PA'I LAM GYIS DANG, SPANG BYA GANG JI LTAR CIG CAR SPONG BA DANG, GANG ZAG GANG LA BZHAG PA DANG, 'BRAS BU MNGON DU BYED TSUL DANG LNGAS RIG PAR BYA'O, ,DANG PO NI, BCU DRUG PA RDZOGS NAS TE MTHONG LAM GYIS SGOM SPANG DANG BYIS LAM GYIS CIG CAR SPONG PA MED PAS SO, ,GNYIS PA NI, NYER SNGOGS DANG PO LA BRTEN PA'I 'DAS LAM STE DNGOS GZHI THOB NA 'OG SA'I DGU PA ZAD PAS SO, ,GSUM PA NI, KHAMS GSUM GYI SGOM SPANG RNAMS DGUR DRIL NAS SPONG STE DE DAG GI CHOS RNAMS BSDOMS NAS MI RTAG SOGS SU YID LA BYAS PAS SO, ,BZHI PA NI BSHAD ZIN TO, ,

LNGA PA NI, 'CHI SRID KYI SNGON NAM DE LA NYE BA'I TSE PHAL CHER DGRA BCOM DU 'GYUR LA DE LA MA THOB NA 'DOD PAR SKYES PA'I RTEN LA 'DA' ZHING LUNG GI BSTAN PA NUB PA DANG 'DOMS NAS SRID PA THA MA'I TSE SLOB DPON LA MA LTOS PAR BYANG CHUB THOB NA RANG RGYAL DU 'GYUR TE SLOB PA'I DUS NA'ANG NYAN THOS KYIS MA KHYAB PA 'DIS MTSON NAS SHES PAR BYA'O, ,DGE 'DUN 'DI DAG NI CHE LONG TZAM STE RGYAS PAR NI YI GE LOGS SHIG TU BRIS YOD PAS DER LTA'O, ,GSUM PA NI, RGYUN ZHUGS SOGS 'BRAS BU BZHIR NGES PA CI ZHE NA, SPYIR 'BRAS BUR 'JOG PA LA RGYU MTSAN LNGA STE ZHUGS LAM SNGON DU BTANG BA DANG, 'BRAS GNAS KYI LAM THOB PA DANG, MTHONG SPANG SPANGS PA'I SPANG BYA THAMS CAD KYI BRAL THOB GCIG RNYED PA LTA BU'I ZAD PA BSDOMS PA DANG, SHES PA BRGYAD DANG MI RTAG SOGS KYI RNAM PA BCU DRUG THOB PA YIN LA, RGYU MTSAN 'DI YANG BZHI PO DER SRID KYI GZHAN DU MED PAS BZHIR BZHAG STE, MDZOD LAS, 'BRAS BU BZHI RNAM BZHAG PA NI, ,RGYU LNGA DAG NI SRID PA'I PHYIR, ,'BRAS LA SNGON LAM BTANG BA DANG, ,GZHAN THOB PA DANG ZAD BSDOMS DANG, ,SHES PA BRGYAD TSAN THOB PA DANG, ,RNAM PA BCU DRUG THOB PA'O, ZHES SO, ,RNAM GRANGS SU NA, MTHONG SPANG SPANGS TZAM GYIS RGYUN ZHUGS DANG; SGOM SPANG LA GNYIS LAS 'DOD PA'I SGOM SPANG DRUG PA SPANGS PAS PHYIR 'ONG DANG DGU PA SPANGS PAS PHYIR MI 'ONG DU BZHAG GO ,GONG MA'I SGOM SPANG SPANGS PAS NI DGRA BCOM YIN LA, 'DOD PA LA GNYIS BZHAG PA NI DE LAS MYUR

, ,DU 'DA' BAR BYA BA'I PHYIR RO, ,'BRAS BU 'DI DAG DANG POR KHAMS GANG DU 'THOB TSUL YANG MDZOD LAS, 'DOD PAR GSUM THOB THA MA NI, GSUM DU'O, ZHES PA LTAR RO, ,GNYIS PA LA GSUM LAS DANG PO NI, SANGS RGYAS LA SOGS DKON MCHOG GSUM ZHES PA'I DGE 'DUN BYE BRAG TU BSHAD PA'I PHYIR BAR SKABS KYI TSIGS BCAD GNYIS GSUNGS SO, ,DE'I RGYU MTSAN NI, DGE 'DUN DKON MCHOG GI SKABS SU MDO LAS DE'I DBYE BA MANG PO ZHIG GSUNGS PA DE BDE BLAG TU RTOGS PAR BYA BA'I PHYIR RO, ,MDO 'BREL NI, CHOS DKON MCHOG LA GDAMS PA YAN CHAD DU YUM LA BSLAB PA DANG BRTZON TSUL RNAMS GSUNGS LA DE NAS DE LTAR BRTZON PA'I BYANG SEMS DE RNAMS GANG NAS 'DIR SKYES 'DI NAS GANG DU SKYE ZHES DRIS PA'I LAN DU DGE 'DUN 'DI RNAMS GSUNGS SO, ,GNYIS PA LA LNGA, GANG LAS DBYE BA'I GZHI, JI LTAR PHYE BA'I GRANGS, PHYE BA SO SO'I RANG BZHIN, DE DAG GANG GIS MTSON BSAM PA, KHYAD PAR GYI CHOS GZHAN BSTAN PA'O, ,DANG PO NI, 'PHAGS PA DANG SLOB DPON, RIGS BYIN SHER 'BYUNG BUD DHA SHR'I, AA BHYA KA RA RNAMS NI 'PHAGS PA'I DGE 'DUN LA 'BYED PAR BZHED DE, 'DI RGYUD BLA MAR, DGE 'DUN DKON MCHOG BSHAD PA SA DANG PO YAN CHAD LA THOGS MED KYIS BSHAD PAS DE DANG MTHUN NO, ,SH'ANTI PA NI, NGES 'BYED YAN LAG NAS BZUNG STE ZHES SOGS KYI RJES SU 'BRANGS NAS DANG PO GNYIS SBYOR LAM PA, DE NAS BZHI MTHONG LAM PA,

DE NAS BCU BZHI SGOM LAM PA'O ZHES SNGA MA DAG 'CHAD DO, ,'ON KYANG MDOR, BYANG CHEN YUM GYI GNAS PA 'DIS GNAS PA DE GANG NAS SHI 'PHOS TE, 'DIR SKYES BA LAGS, ZHES PA'I DON 'GREL PA NA, DAG LDAN LAS, SHES RAB KYI PHA ROL TU PHYIN PA LA GNAS PA ZHES BYA BA NI NGES PAR 'BYED PA'I CHA DANG MTHUN PA LA SOGS PAS SO, ZHES GSUNGS PA TZAM MA GTOGS PA SBYOR MTHONG SGOM GSUM SO SO LA GNAS PA NGOS BZHUNG BA MI SNANG NGO, ,DES NA DAG LDAN GYI LUNG DE SBYOR LAM NAS SA MTSAMS MDZAD PA'I SHES BYED DU 'GRO'O, ,SNYING PO MCHOG TU NI PHYIR MI LDOG GI DGE 'DUN DU BSHAD PA SNANG YANG LAM GYI GSAL KHA MED DO, ,DAD MOS KYI MDOR LHA TSE RING POR SKYE BAR GSUNGS PA LA RTZOD PA SPONG BA'I LAN GYI SKABS SU, YUL BA GA LA PA'I MKHAS PA'I LUGS KYIS NGAN 'GRO LA SOGS PA'I MI KHOM PA MA LUS PAR ZAD PA NI BZOD PA NAS YIN TE, NGAN 'GRO MED PAS CHOS CHEN PO LA BZOD PA'I PHYIR, ZHES PAS SO, ,DES NA DROD RTZER MI KHOM PA PHAL CHER ZAD KYI MA LUS PA MIN PAS 'DU SHES MED PA PAR SKYES PA DE DROD RTZE BA YIN LA, DE YANG SMAD PA'I GNAS DER YUN THUNG LA SDUG BSNGAL YANG CHUNG BA MYONG ZHES ZER TE DE'I LUGS KYIS KYANG 'DI'I DGE 'DUN LA SO SKYE 'DOD DO, ,DE DAG LAS BA GA LA PA'I 'DOD PA NI MI RIGS TE, 'DI SLOB DPON GYI LUNG LA TSAD MAR BYED LA SLOB DPON GYIS 'PHAGS PA KHO NAR BSHAD PA'I PHYIR DANG, THEG CHEN GYI DROD RTZE BA THAR PA'I LAM YIN MIN LA 'KHRUL PA MI SRID LA, 'DU SHES MED

, ,PA PAR SKYE BA LA DE'I SNYOMS 'JUG LA THAR LAM DU 'KHRUL BAR SHING RTA CHEN PO RNAMS KYIS BSHAD PAS SO, ,DGE LDAN GYI BZHED PA YANG MI RIGS TE, 'DI SANGS RGYAS LA SOGS DKON MCHOG GSUM, ZHES PA'I DGE 'DUN DU RANG NYID KYANG BZHED LA, SKYABS GSUM YA GYAL GYI DGE 'DUN NI SAR ZHUGS YIN PAR 'PHAGS PA THOGS MED KYIS BSHAD PAS SO, ,DES NA NGES 'BYED LA GNAS PA PHYIR MI LDOG GI DGE 'DUN TZAM DU RUNG YANG DGE 'DUN DKON MCHOG TU MI RUNG NGO, ,GNYIS PA LA GNYIS, MDO DANG RGYAN MA SBYAR BA DANG, SBYAR BA'I 'DREN LUGS SO, ,DANG PO NI, 'BUM NYI KHRI, KHRI BRGYAD STONG PA GSUM DU, SANGS RGYAS KYI ZHING GZHAN DANG, DGA' LDAN DANG MI'I NANG NAS TSE 'PHOS TE 'DIR SKYES PAR RIG PAR BYA, ZHES GSUM GSUNGS LA DE'I RJES SU LHA TSE RING POR SKYE BA'I MDO NAS SANGS RGYAS KYI CHOS KYI SNANG BA DANG 'BRAL BAR MI BYED PA DAG KYANG YOD DO'I BAR RNAMS GSUNGS TE, 'DI LA ZHE LNGA YOD DO, ,DE LA DANG PO GSUM RIM PA LTAR BYANG SEMS DBANG PO RNO 'BRING RTUL GSUM GYIS MCHOG 'BRING DMAN GSUM DU GNOD 'JOMS GNYIS LAS BSHAD LA, 'BUM GYI GNOD 'JOMS LAS DANG PO GSUM MDOR BSTAN DANG LHAG MA ZHE LNGA RGYAS BSHAD DU BYAS SO, ,YUM GSUM GNOD 'JOMS LAS, THABS MKHAS MI MKHAS GNYIS SU BSDUS NAS THABS MI MKHAS PA LA LHA TSE RING PO DANG 'DOD KHAMS SU SKYE BA GNYIS, LHAG MA ZHE

GSUM THABS MKHAS SU GSUNGS SO, ,DE LTAR THABS MI MKHAS PA LA GNYIS SU BYAS NAS ZHE LNGA BGRANG BAR GNYIS KA MTHUN LA MI MTHUN PA'I CHA 'DI TZAM ZHIG YOD DE, 'DI LTAR MDO GSUM GAR ZHE GNYIS PA'I THAD DU BYANG CHEN SEMS DANG PO BSKYED PHYIN CHAD PHYIR MI LDOG PA'I SA THOB KYI BAR DU NAM YANG DGE BCU'I LAS KYI LAM MI GTONG BA DAG KYANG YOD DO, ZHES PA NI, YUM GSUM GNOD 'JOMS SU MA BGRANGS PAR PHYOGS BCU'I 'GRES KYI SKABS SU MDO LAS SEMS DPA' BCU YOD PAR GSUNGS PA LA PHYOGS BCU PO RE RE DANG BCU BSDOMS PA LA GCIG TU BYAS NAS BGRANGS SO, ,'BUM GYI GNOD 'JOMS LAS BCU PO BSDOMS PA MDO NA MED PAS DE MA BGRANGS PAR MDO NA YOD PA'I DGE BCU'I LAM MI GTONG BA BGRANGS TE 'DI SHIN TU LEGS TE MDO GSUM GA 'GRIG PAS SO, ,DES NA GNOD 'JOMS CHE BAS YOD PA BZHAG NAS MED PA BTZAL BA 'DIS KYANG DBYIG GNYEN GYI YIN PA LA THE TSOM ZA'O, ,DE LTAR SPYIR RGYAL SRAS ZHE BRGYAD BSTAN TE DANG POR GSUM DANG PHYIS ZHE LNGA GSUNGS PAS SO, ,GNYIS PA LA GNYIS, SGRA JI BZHIN PA DANG, JI BZHIN PA MA YIN PAR 'DREN PA'O, ,DANG PO NI, BUD DHA SHR'I DANG SH'ANTI PA STE RTZA BA'I SGRA JI BZHIN DU NYI SHU 'DREN PAS SO, ,GNYIS PA LA GNYIS, 'PHAGS PA DANG, SLOB DPON GYI LUGS SO, ,DANG PO NI, SNGA MA RNAMS BCU DRUG DNGOS SU BSTAN NAS BZHI KHA 'GENGS PA 'PHAGS PA'I LUGS SU 'DOD DE BZHI NI BRGYAD PA PHYIR 'ONG PHYIR MI 'ONG DGRA BCOM ZHUGS PA'O, ,DE'I RGYU MTSAN YANG NYI

, ,SNANG LAS, GONG DU 'PHO BA NI LNGA PA YIN TE ZHES 'OG MIN 'GRO 'PHAR GSUM, SRID RTZE'I MTHAR THUG 'GRO STE LNGA LA GONG 'PHO ZHES GCIG TU BGRANGS PAS SO SNYAM DU BSAMS SO, ,DE LA KHA CIG DE NI MI RIGS TE, GONG 'PHO LNGA PAR BYAS PA DGE 'DUN NYI SHU'I LNGA PA MIN GYI, PHYIR MI 'ONG LA BDUN DU SMOS PA'I LNGA PA YIN PAS SO, ,DE LTA MIN NA BAR DOR 'DA' BA NAS DGE 'DUN GYI DANG PO BGRANGS PA DANG, RGYAN SNANG DANG RTOGS DKAR YANG GONG 'PHO LA LNGA PAR GSUNGS PAS DE DAG GI LUGS LA YANG DER THAL LO, ZHES ZER RO, ,KHA CIG THUB DGONGS SU BCU DGU DNGOS DANG 'OG MIN 'GRO'I TSAB LA DGRA BCOM 'BRAS ZHUGS BSNAN NAS NYI SHUR BYAS TE 'PHAGS PA'I DGONGS PA BLANGS PA NYID 'THAD DO ZHES ZER RO, ,'O NA MDO LAS BRGYAD PA DANG, RGYUN ZHUGS 'BRAS GNAS DANG PHYIR 'ONG PHYIR MI 'ONG 'OG MIN 'GRO RNAMS THA DAD DU GSUNGS PA DANG 'GAL ZHE NA, DANG PO NI RJES 'BRANG GNYIS KYI DBYE GZHI DANG, GNYIS PA NI NYI SNANG LAS, RGYUN DU ZHUGS PA ZHES BSHAD PA GANG YIN PA DE NYID NI, RIGS NAS RIGS SU SKYE BA RNAM PA GNYIS SU SHES PAR BYA STE, ZHES DANG, GSUM PA NI BAR CHAD GCIG PAR 'DUS TE, DE NYID LAS, LAN CIG PHYIR 'ONG BA ZHES BSHAD PA GANG YIN PA DE NYID BAR CHAD GCIG PA YIN PA NI, ZHES DANG, BZHI PA NI DE NYID LAS, NYON MONGS PA DGU SPANGS PA'I PHYIR MI 'ONG BA ZHES BSHAD PA GANG YIN PA DE NI RNAM PA LNGAR SHES PAR BYA'O, ZHES DANG,

LNGA PA NI DE NYID LAS 'OG MIN GYI MTHAR THUG PAR 'GRO BA'I GONG DU 'PHO BA GANG YIN PA 'DI NI RNAM PA GSUM DU 'GYUR TE, ZHES DE DAG GI DBYE GZHIR GSUNGS PA'I PHYIR ZHES 'CHAD PA NI THUB DGONGS LAS, DE LTAR NA RGYUN DU ZHUGS PA'I 'BRAS BU LA ZHUGS PA DANG RGYUN DU ZHUGS PA DANG, LAN CIG PHYIR 'ONG BA'I 'BRAS BU LA ZHUGS PA DANG, LAN CIG PHYIR 'ONG BA DANG, PHYIR MI 'ONG BA'I 'BRAS BU LA ZHUGS PA DANG, PHYIR MI 'ONG BA DANG DGRA BCOM PA'I 'BRAS BU LA ZHUGS PA'O; ZHES GANG ZAG BDUN GYI RAB TU DBYE BAS BCU DGU RANG SANGS RGYAS DANG BCAS PA NYI SHU NI ZHES PA'I DON YIN NO, ,SPYIR AA BHYA KA RA RANG LA YANG YID BRTAN THUB PA MI SNANG STE, ZLA 'OD LAS BSTAN BCOS KYIS RGYUN DU ZHUGS PA DANG LAN CIG PHYIR 'ONG BA DANG DGRA BCOM PA'I 'BRAS BU LA ZHUGS PA NI GO SLA BA NYID KYIS MA BSDUS SO ZHES BSHAD CING, SRID RTZER 'GRO LA GZUGS KYI CHAGS BCOM DANG MTHONG CHOS ZHI DANG LUS MNGON BYED GNYIS GCIG TU BGRANGS NAS GNYIS SU BYED PAR MNGON LA GZHAN RNAMS SLOB DPON GYI 'GREL CHUNG 'DI JI BZHIN DU BSHAD PA'I PHYIR RO, ,GNYIS PA NI, RGYAN SNANG DANG 'GREL PA 'DI'I DGONGS PA NI 'CHAD PAR 'GYUR RO, ,LE BRGYAD MAR NI RTZA BA'I SGRAS ZIN NYI SHU'I STENG DU BRGYAD PA RGYUN ZHUGS PHYI 'ONG PHYIR MI 'ONG DGRA BCOM ZHUGS PA STE NYER LNGA LA MDO DRANGS SO, ,DA LTA'I MDO RNAMS SU RGYUN ZHUGS BAR DOR 'DA' BA 'OG MIN 'GRO 'PHAR BA DANG PO GNYIS, SRID RTZE'I MTHAR THUG

, ,'GRO GZUGS KYI CHAGS BCOM DANG RANG RGYAL RNAMS KYI MDO RNAMS MI SNANG LA 'PHAR BA GSUM PA YANG JI LTA BA BZHIN MED DO, ,'O NA SNGAR BSHAD PA CI ZHE NA BRGYAD PA NI RJES 'BRANG GNYIS DANG PHYIR MI 'ONG NI BAR DOR 'DA' BA SOGS DANG, 'OG MIN 'GRO 'PHAR GSUM DANG SRID RTZER 'GRO DANG GZUGS KYI CHAGS BCOM GNYIS MTHONG CHOS ZHI DANG LUS MNGON BYED GNYIS KYI DBYE GZHI YIN NO ZHES BRJOD NA 'GREL PA CHE CHUNG GNYIS DANG YANG MTHUN NO, ,'ON KYANG 'BRAS BU BAR PA GNYIS KYI ZHUGS PA 'DREN TSUL MI GCIG STE, DER NI NYI SNANG LTAR DAD MOS GNYIS DANG MTHONG THOB GNYIS BSGRIGS NAS RE RER BGRANGS PAS SO, ,GRAGS CHA LAS NI, DBANG PO RNO RTUL GNYIS 'OG MIN DANG SRID RTZER 'GRO GZUGS KYI CHAGS BCOM RNAMS DOR NAS RGYUN ZHUGS PHYIR 'ONG ZHUGS GNAS PHYIR MI 'ONG ZHUGS PA DGRA BCOM ZHUGS PA BZHI 'DREN TE, DANG PO GNYIS DANG THOB KYI BYE BRAG YIN PAS MI 'DREN ZER RO, ,'BUM 'GREL LAS NI, DBANG PO RNO RTUL GNYIS 'OG MIN 'GRO GSUM DOR NAS MTHONG BA'I CHOS LA ZHI BA LUS KYIS MNGON SUM DU BYED PA ZHES DE GNYIS GCIG TU BGRANGS NAS BCU DRUG MDO DANG SBYAR TE MDO TSUL 'PHAGS SENG DANG CHES MI MTHUN NO, ,DE LTAR 'DOD PA THA DAD PA DE DAG LAS 'DIR GANG GZUNG ZHE NA, 'PHAGS PA'I DGONGS PA NYID RIGS TE, GANG YIN PA NI 'CHAD PAR 'GYUR RO, ,GSUM PA NI, PHYIR MI LDOG PA'I DGE 'DUN NI DBYE GZHI, DBYE NA NYI SHU'O, ,DE GANG NA

'DI LA BZHI, BRGYAD PA, CHAGS BRAL SNGON SONG, MTHAR GYIS PA, RANG RGYAL GYI MING CAN GYI BYANG SEMS SO, ,DANG PO LA GNYIS LAS, LAM SHES KYI MTHONG LAM SKAD CIG DANG PO BCO LNGA GANG RUNG LA GNAS PA'I DBANG RTUL DAD PAS LAM GYI RJES SU 'BRANG BA NI, BYANG CHEN GANG MI'I NANG NAS SHI 'PHOS NAS MI RNAMS DANG SKAL BA MNYAM PA NYID DU SKYES PA DE NI PHYIR MI LDOG PA'I BYANG CHEN MA GTOGS PAR DBANG PO RTUL BA YIN TE, YUM GYI RNAL 'BYOR LA YANG MYUR DU MNYAM PAR 'JOG PA MA YIN; DE LA GZUNGS KYI SGO DANG TING NGE 'DZIN GYI SGO RNAMS KYANG MYUR DU MNGON DU MI 'GYUR RO, ZHES SO, ,'DIR 'BUM GYI GNOD 'JOMS LAS, PHYIR MI LDOG PA'I BYANG SEMS CHEN PO MA GTOGS PA ZHES BYA BA NI SA BRGYAD PA'I BYANG CHUB SEMS DPA' PHYIR MI LDOG PA KHA CIG SEMS CAN GYI DON GYI DBANG GIS MI'I NANG DU SKYE ZHING TSE 'PHO BA DAG KYANG YOD DE, DE DAG NI DBANG PO RTUL PO MA YIN LA, YUM GYI RNAL 'BYOR LA YANG MNYAM PAR 'JOG NUS SHING GZUNGS DANG TING NGE 'DZIN GYI SGO RNAMS KYANG 'THOB PAR NUS KYI DE MA GTOGS PA DGE PA'I LAS DANG BSOD NAMS KYI DBANG GIS MI'I NANG NAS TSE 'PHOS TE MI'I NANG DU SKYE BA KHA CIG NI DE'I TSE YUM LA BRTZON YANG, SNGON YUM LA GOMS PAR MA BYAS PA DANG RANG BZHIN GYIS DBANG PO RTUL BAS YUM GYI RNAL 'BYOR LA MYUR DU MNYAM PAR 'JOG MI NUS LA GZUNGS DANG TING NGE 'DZIN GYI SGO RNAMS KYANG MYUR DU MNGON DU MI 'GYUR RO, ZHES BSTAN PA STE ZHES 'BYUNG ZHING, 'PHAGS PAS KYANG, PHYIR

, ,MI LDOG PA BKOL BA NI DBANG PO RNON PO'I LAM KHO NAS SA DE THOB PA'I PHYIR RO, ZHES DBANG RNON KHO NAS PHYIR MI LDOG PA THOB PAS DE LA DMIGS BSAL BYAS PAR GSUNGS SO, RTOGS PA SNGA MA LTA BU'I DBANG RNON SHES RAB KYIS LAM GYI RJES SU 'BRANG BA NI, BYANG CHEN GANG SANGS RGYAS KYI ZHING GZHAN NAS SHI 'PHOS TE 'DIR SKYES PA DE'I DBANG PO RNAMS RNO BAR 'GYUR ZHING DES MYUR DU RNAL 'BYOR 'DI 'GRUB PAR 'GYUR TE, 'DI LTA STE YUM GYI RNAL 'BYOR RO; ZHES DANG, BYANG CHEN GANG DGA' LDAN GYI LHA'I RIS NAS SHI 'PHOS NAS 'DIR SKYES PA DE YANG DBANG PO SHIN TU RNO BAR 'GYUR ZHING PHAR PHYIN DRUG LAS NYAMS PA MED PA DANG GZUNGS KYI SGO DANG TING NGE 'DZIN GYI SGO THAMS CAD KYANG MNGON DU PHYOGS PAR 'GYUR RO, ZHES SO, ,DE LA NYI SNANG DANG LE BRGYAD MAR, BYANG CHEN YUM GYI GNAS PA 'DIS GNAS PA NI SANGS RGYAS KYI ZHING GZHAN DANG DGA' LDAN DANG ZHING 'DI NAS SHI 'PHOS NAS 'DIR SKYES PAR RIG PAR BYA'O, ZHES PA 'DI BRGYAD PA'I MDOR BZHED DO, ,DE NAS THA MA 'DI SNGON LA PHYUNG NAS DANG 'BRING DANG DANG PO GNYIS CHOS 'BRING LA SBYAR RO, ,DES NA RJES 'BRANG GNYIS KYI MDO DE BRGYAD PA'I MDO'I DON DANG KHYAD MED PAS 'PHAGS PA'I LUGS LA YANG 'DI GNYIS ZHUGS PA DANG POR BYED DGOS SO, ,DE'I PHYIR SKAD CIG BCU DRUG LA GNAS PA GSUNGS KYANG BCO LNGA LA GNAS PAR DGONGS PA BLANG NGO, ,'O NA SKABS 'DIR 'PHAGS PAS RJES 'BRANG GNYIS KYIS 'DOD PA'I DRUG PA

NAS BRGYAD PA'I BAR MTHONG LAM GYI SNGON DU SPANGS NA DE GNYIS PHYIR 'ONG DANG DGU PA SPANGS NA PHYIR MI 'ONG ZHUGS PA YIN LA, GANG GI TSE BCU DRUG PA THOB PA DE'I TSE DE GNYIS PHYIR 'ONG DANG PHYIR MI 'ONG GI 'BRAS GNAS YIN LA, DE'I TSE SNGAR GYI DBANG RTUL NI DAD MOS DANG DBANG RNON MTHONG THOB YIN NO ZHES RJES 'BRANG GNYIS THONG RGAL BA'I ZHUGS PAR MA BSHAD DAM ZHE NA, NYES PA MED DE, 'DI'I LUGS KYI RJES 'BRANG GNYIS LA ZHUGS PA DANG POS KHYAB PAR MI 'DOD KYI CHAGS BRAL SNGON SONG GI ZHUGS PA'ANG 'DOD PAS SO, ,'ON NYI SNANG LAS, 'BRAS BU GNYIS PA DANG GSUM PA LA ZHUGS PA DAD PAS LHAG PAR MOS PA ZHES DANG, 'BRAS BU GNYIS PA DANG GSUM PA LA ZHUGS PA MTHONG BAS THOB PA ZHES PA MI RIGS TE, CHAGS BRAL SNGON SONG GI ZHUGS PA'I CHE DAD PA DANG CHOS KYI RJES 'BRANG ZHES BRDA 'DOGS PA DANG, MNGON PA GONG 'OG LAS DAD THOB GNYIS 'BRAS GNAS KYI DUS LA BZHAG PAS SHE NA, SKYON MED DE, CHAGS BRAL SNGON SONG GI ZHUGS PA YIN KYANG DAD THOB KYI BRDA SBYAR BA NI, DE GNYIS KYI DON DBANG PO RTUL RNO YIN LA RJES 'BRANG GNYIS KYANG DE YIN PAS DBANG PO'I RIGS GCIG PA LA DGONGS PAS SO, ,GZHAN DU NA NYI SNANG LAS, CHAGS BRAL SNGON SONG GI ZHUGS PA RJES 'BRANG GNYIS SU BZHAG PA DANG 'BRAS GNAS KYI TSE DAD THOB TU MING 'PHO BAR GSUNGS PA DANG JI LTAR NANG MI 'GA', GAL TE DAD THOB GNYIS 'BRAS BU BAR PA GNYIS LA ZHUGS PA DE CHAGS BRAL SNGON SONG DU 'GAL YANG MTHAR GYIS PA'I ZHUGS PA'O,

, ,ZHE NA; MI RIGS TE, PHYIR 'ONG DANG THOB KHYAD PAR CAN PHYIR MI 'ONG ZHUGS PA YIN KYANG DE'I PHYIR 'ONG ZHUGS PAR 'GAL BAS SO, ,DES NA NYI SNANG LAS, DAD THOB GNYIS LA MDO DRANGS MA THAG TU PHYIR 'ONG DANG PHYIR MI 'ONG 'BRAS GNAS GNYIS KYI MDO DRANGS PA NI CHAGS BRAL SNGON SONG GI ZHUGS 'BRAS BZHI DANG SBYAR BA'I CHED YIN NO, ,DE LTAR NA, DBANG PO RTUL DANG RNON PO DAG ,CES PAS ZHUGS PA DANG PO CHAGS BRAL SNGON SONG GI ZHUGS PA GNYIS DANG GSUM BSTAN LA, DAD DANG MTHONG THOB CES PAS DE'I 'BRAS GNAS GNYIS BSTAN TO, ,DAD THOB GNYIS DPE'I DGE 'DUN GYI SKABS SU 'BRAS GNAS KHO NAR BSTAN PA DANG, NYI SNANG LAS KYANG RJES 'BRANG GNYIS 'BRAS GNAS GNYIS SU SONG BA NA DAD THOB TU 'GYUR BAR BSHAD PAS, DE GNYIS LA ZHUGS PAR BYAS KYANG SNGAR BSHAD PA LTAR DBANG PO 'DRA BA LA DGONGS PA BLANGS NAS ZHUGS PA GNYIS RJES 'BRANG GNYIS SU DANG 'BRAS GNAS GNYIS DANG THOB TU BSHAD PAR BYA'O; ;MTHAR GYIS PA'I 'BRAS BU BAR PA GNYIS LA ZHUGS PA NI RGYUN ZHUGS KHYAD PAR CAN RIGS SKYE DANG PHYIR 'ONG KHYAD PAR CAN BAR CHAD GCIG BAS MTSON LA, PHYIR MI 'ONG BAR DOR 'DA' BA SOGS DGRA BCOM ZHUGS PA YIN NO, ,DE LTAR BYAS NA ZHUGS PA DANG PO GNYIS LA BRGYAD PA ZHES GCIG TU DANG, CHAGS BRAL SNGON SONG GI ZHUGS PA DBANG PO RTUL RNO GNYIS GNYIS SU DANG, DE'I 'BRAS GNAS GNYIS GNYIS SU BGRANGS NAS 'OG MIN 'GRO

'PHAR GSUM GYI DBYE GZHI YIN PAS DOR LA GZHAN RNAMS SGRA JI BZHIN DU BGRANG NGO, ,'DI KHO NA RJE BTZUN GYI BZHED PA YIN TE, DGE 'DUN 'DI DAG MNGON PA NAS BSHAD PA DANG MING MTSUNGS PAR BSTAN CING DE YANG DE DAG DANG CHOS MTSUNGS PAS YIN LA, MNGON PA NAS RKANG PA DANG PO DANG DE NAS PHYED KYIS RIM PA LTAR SNGAR GYI ZHUGS PA GSUM DANG DE'I 'BRAS GNAS GSUM BSTAN LA RGYUN ZHUGS 'BRAS GNAS NI 'OG TU BSHAD PAS SO, ,DE'I PHYIR NYI SNANG LAS KYANG SKABS DER MDZOD KYI RNAM GZHAG JI LTA BA BZHIN BSHAD NAS BRGYAD PA DANG CHAGS BRAL SNGON SONG GI ZHUGS 'BRAS KYI RANG BZHIN RNAMS BSTAN TO, ,'DI LTAR BYAS NAS DGE 'DUN NYI SHUR BYED PA NI 'PHAGS PA'I DGONGS PAR GSAL MOD, 'ON KYANG RGYA BOD KYI MKHAS PA PHAL MO CHES 'DI'I DGONGS PA BTZAL YANG JI LTA BA BZHIN GSAL BAR MA GYUR TO, ,GNYIS PA LA GNYIS, ZHUGS PA DANG GNAS PA'O, ,DANG PO LA GNYIS LAS, DANG PO PHYIR 'ONG DANG PHYIR MI 'ONG LA ZHUGS PA DANG MOS DANG RIGS MTSUNGS PA'I DBANG RTUL NI, BYANG CHEN THABS MI MKHAS PA GANG DAG BSAM GTAN BZHI PO RNAMS SGRUB PAR BYED PHAR PHYIN RNAMS LA SPYOD PAR BYED CING BSAM GTAN THOB PA DES KYANG LHA TSE RING PO RNAMS SU SKYES TE, DE NAS SHI 'PHOS NAS DE GAL TE 'DOD PA'I KHAMS KYI LHA DANG MI RNAMS SU SKYE ZHING BCOM LDAN 'DAS RNAMS MNYES PAR BYED PAR 'GYUR BA NA DE DAG GI DBANG PO RTUL POR 'GYUR ZHING RNON POR MI 'GYUR BA DAG KYANG YOD DO, ZHES SO, ,GNYIS PA 'BRAS BU BAR PA GNYIS

, ,LA ZHUGS PA MTHONG THOB DANG RIGS MTSUNGS PA'I DBANG RNON NI, BYANG SEMS THABS LA MKHAS PA GANG DAG BSAM GTAN DANG GZUGS MED PA RNAMS LA SNYOMS PAR ZHUGS SHING BYANG CHUB KYI PHYOGS KYI CHOS SUM CU RTZA BDUN LA YANG SNYOMS PAR 'JUG LA, BSAM GTAN LA SOGS PA'I DBANG GIS NI MA YIN TE, 'ON KYANG THABS MKHAS PAS GANG DANG GANG NA SANGS RGYAS BCOM LDAN 'DAS RNAMS MNYES PAR BYED PAS BZHUGS SHING 'TSO SKYONG BA DE DANG DE DAG TU SKYE BAR 'GYUR BA DAG KYANG YOD DO, ,DE DAG NI YUM GYI RNAL 'BYOR DANG MA BRAL BAS BSKAL PA BZANG PO 'DI NYID LA BLA MED RDZOGS BYANG DU MNGON PAR 'TSANG RGYA'O, ZHES SO, ,'DIR ZHUGS PA BZHI DBANG PO'I SGO NAS BSRES TE GNYIS GNYIS SU BGRANGS PA NI DBANG PO RNO RTUL GYI MDO RE LAS MED BA'I PHYIR RO, ,GNYIS PA LA GNYIS LAS, DANG PO CHAGS BRAL SNGON SONG GI PHYIR 'ONG 'BRAS GNAS DANG THOB GNYIS KYI SEMS DPA' NI, BYANG CHEN TSE GCIG GIS THOGS PA YUM LA SPYOD PA GANG DAG THABS MKHAS PAS BSAM GTAN BZHI TSAD MED BZHI GZUGS MED BZHI CHOS SO BDUN RNAM THAR GSUM LA SNYOMS PAR 'JUG CING DE DAG GI DBANG DU MI 'GRO BAR SANGS RGYAS BCOM LDAN 'DAS MNGON DU GYUR PA RNAMS MNYES PAR BYAS NAS DER TSANGS PAR SPYOD PA SPYAD DE, SLAR YANG DGA' LDAN GYI LHA DANG SKAL BA MNYAM PAR SKYES TE, DE DAG DER TSE JI SRID DU GNAS NAS DBANG PO MA NYAMS PA DANG DRAN ZHING SHES BZHIN DU LHA BYE BA KHRAG KHRIG BRGYA STONG

DU MAS BSKOR TE, MDUN DU BYAS NAS 'DIR SKYE BA BSTAN TE SANGS RGYAS KYI ZHING SNA TSOGS PA RNAMS SU SANGS RGYA BA DAG KYANG YOD DO, ZHES SO, ,'DI NI 'JIG RTEN 'DIR LAN CIG 'ONGS NAS GZHAN DU MYA NGAN LAS 'DA' BAS PHYIR 'ONG NGO, ,GNYIS PA DE'I PHYIR MI 'ONG 'BRAS GNAS DANG THOB GNYIS KYI SEMS DPA' NI, BYANG CHEN MNGON SHES DRUG THOB PA GANG DAG 'DOD PA DANG GZUGS DANG GZUGS MED PA'I KHAMS SU MI SKYE'I 'ON KYANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA BKUR STIR BYED, BLA MAR BYED, RI MOR BYED, MCHOD PAR BYED CING SANGS RGYAS KYI ZHING NAS SANGS RGYAS KYI ZHING DU 'DOD BA DAG KYANG YOD DO, ZHES SO, ,'DI NI GANG DU SKYES PA DER MI 'ONG BAS PHYIR MI 'ONG NGO; ;GSUM PA LA GSUM, RGYUN ZHUGS, PHYIR 'ONG PHYIR MI 'ONG GI MING CAN GYI DGE 'DUN NO, ,DANG PO LA GNYIS LAS, RGYUN ZHUGS 'BRAS GNAS MI'I RIGS NAS RIGS SKYE'I SEMS DPA' NI, BYANG CHEN BSAM GTAN BZHI TSAD MED BZHI GZUGS MED BZHI SKYED NAS YANG DE DAG THABS MKHAS PAS BSAM GTAN DANG TING NGE 'DZIN DANG SNYOMS PAR 'JUG PA RNAMS LAS LOG NAS 'DOD PA'I KHAMS SU SKYE BAR BYED DE, SEMS CAN YONGS SU SMIN PAR BYA BA'I PHYIR RGYAL RIGS BRAM ZE KHYIM BDAG GI RIGS SHING S'A LA CHEN PO LTA BU RNAMS SU SKYE BA YANG YOD DO, ZHES SO, ,LHA'I RIGS NAS RIGS SKYE'I SEMS DPA' NI, BYANG CHEN BSAM GTAN BZHI TSAD MED BZHI GZUGS MED

, ,BZHI LA 'JUG CING DE DAG KYANG THABS MKHAS PA'I STOBS KYIS BSAM GTAN TING NGE 'DZIN SNYOMS PAR 'JUG PA'I DBANG GIS MI SKYE BAR RGYAL CHEN BZHI NAS GZHAN 'PHRUL DBANG BYED KYI LHA RNAMS DANG SKAL BA MNYAM PAR SKYES TE, ZHES SO, ,'BUM 'GREL DU LHA'I RIGS SKYE LA 'DOD LHA DANG GZUGS KYI LHA'I RIGS SKYE GNYIS BYAS SO, ,DE GNYIS KYANG 'DOD PA'I NYON MONGS GSUM DANG BZHI SPANGS PA DE'I GNYEN PO ZAG MED KYI DBANG PO THOB PA DANG SKYE BA GNYIS SAM GSUM LUS PAS KHYAD PAR DE GSUM DANG LDAN PA'I PHYIR RGYUN ZHUGS TZAM LAS KHYAD ZHUGS PAR NYI SNANG LAS SO, ,GNYIS PA BAR CHAD GCIG PA'I SEMS DPA' NI, BYANG CHEN BSAM GTAN BZHI THOB PA NAS SANGS RGYAS KYI CHOS MA 'DRES BA BCO BRGYAD KYI BAR DU THOB PA DANG, DE DAG RJES SU RTOGS PA'I PHYIR SPYOD PA GANG DAG 'PHAGS PA'I BDEN PA BZHI PO RNAMS THOB PA YIN KYANG DE DAG MNGON DU MI BYED PA DAG YOD DE, SH'A RI'I BU BYANG CHEN DE DAG NI TSE GCIG GIS THOGS PAR RIG PAR BYA'O, ZHES SO, ,'DI NI NYON MONGS BDUN PA DANG BRGYAD PA SPANGS, DE'I GNYEN PO ZAG MED KYI DBANG PO THOB, SKYE BA LHAG MA GCIG LUS TE KHYAD PAR DE GSUM DANG LDAN PAS PHYIR 'ONG TZAM LAS KHYAD ZHUGS PAR NYI SNANG LAS SO, ,BAR CHAD GCIG PA'I DON KUN BTUS 'GREL PAR SKYE BA GCIG GIS MYANG 'DAS LA BAR BCAD PA LA BSHAD PA NI MDO 'DI DANG MTHUN NO, ,'DI AA BHYAS SA BDUN PA DANG BRGYAD PA LA 'CHAD KYANG

MDO DANG BSTUN NA BCU PAR GSAL TE SKYE BA GCIG GIS THOGS PA'I RGYAL SRAS SU BSHAD PAS SO, ,'DIS STOBS SOGS NAS MA 'DRES PA'I BAR THOB PAR GSUNGS PA DE DAG GI RIGS TZAM MAM NUS PA KHYAD PAR CAN THOB PA LA DGONGS PA'O; ;GSUM PA LA BRGYAD LAS, DANG PO PHYIR MI 'ONG BAR DOR 'DA' BA'I SEMS DPA' NI, BYANG CHEN SEMS DANG PO BSKYED PA NAS NYE BAR BZUNG STE, BSAM GTAN TSAD MED GZUGS MED CHOS SO BDUN STOBS MI 'JIGS PA SO SO YANG DAG PAR RIG PA MA 'DRES PA BCO BRGYAD THOB PA GANG DAG THABS MKHAS PAS TSANGS RIS NAS 'OG MIN GYI LHA'I BAR DU SKYE BAR 'GYUR ZHING, DER SANGS RGYAS NAS SEMS CAN GYI DON BYED PA DAG KYANG YOD DO, ZHES SO, ,DE NI KHAMS GSUM GYI BAR MA GZUGS KHAMS KYI GNAS GANG RUNG GCIG TU SANGS RGYAS NAS 'DIR BYANG CHUB PA SOGS STON PA'I PHYIR BAR DOR 'DA' BA'O, ,GNYIS PA SKYES 'DA' BA'I SEMS DPA' NI, BYANG CHEN GANG DAG SEMS DANG PO BSKYED PA NYID KYIS BYANG CHUB TU 'TSANG RGYA ZHING CHOS KYI 'KHOR LO BSKOR TE, SEMS CAN GZHAL DU MED, SEMS CAN GRANGS MED PA RNAMS KYI DON BYAS NAS PHUNG PO MA LUS PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' ZHING, DE DAG MYA NGAN LAS 'DAS NAS KYANG DAM PA'I CHOS BSKAL PA'AM BSKAL PA LAS LHAG PAR GNAS PA DAG YOD DO, ZHES SO, ,'DIR SEMS DANG PO BSKYED PA NI 'OG MIN NAS DGA' LDAN DU DE NAS 'DZAMBU'I GLING DU

, ,GSHEGS NAS KHYIM NAS NGES PAR 'BYUNG STE BYANG CHUB KYI SHING DRUNG DU SKYIL KRUNG BCAS MA THAG TU SEMS BSKYED PA STE PHUNG PO LHAG BCAS KYIS 'DA' BAS SKYES 'DA' BA ZHES DAG LDAN LAS SO, ,GSUM PA 'DU BYED DANG BCAS TE 'DA' BA'I SEMS DPA' NI, BYANG CHEN PHYIN DRUG LA SPYOD PA GANG DAG 'JIG RTEN GYI KHAMS NAS 'JIG RTEN GYI KHAMS SU 'DOD ZHING DE DAG TU YANG SEMS CAN RNAMS BYANG CHUB TU YANG DAG PAR 'JOG PAR BYED DO DE DAG SEMS CAN RNAMS KYI DON LA RTAG PAR BRTZON TE NAM YANG DON MED PA'I TSIG MI SMRA'O, ,SEMS CAN GYI DON DU RTAG TU BRTZON PAS SANGS RGYAS KYI ZHING NAS SANGS RGYAS KYI ZHING DU 'GRO'O, ZHES SO, ,'DI SEMS CAN GYI DON LA BRTZON PA'I PHYIR 'DU BYED DANG BCAS TE 'DA' BA'O, , BZHI PA 'DU BYED MED PAR 'DA' BA'I SEMS DPA' NI, BYANG CHEN GANG DAG DANG PO SEMS BSKYED PA NYID KYIS BYANG CHUB SEMS DPA'I SKYON MED PA LAS YANG DAG PAR 'DA' ZHING PHYIR MI LDOG PA'I SA LA YANG NGES PAR GNAS NAS SANGS RGYAS KYI CHOS THAMS CAD KYANG SKRUN PAR BYED PA DAG YOD DO, ZHES SO, ,RIGS KYI KHYAD PAR LAS 'BAD PA CHU DUS CHES MYUR BA NYID DU BYANG CHUB PA'I PHYIR BYED MED DU 'DA' BA'O ZHES DAG DGONGS GNYIS SU'O, ,NYI SNANG LAS, SKYES 'DA' BA BYED BCAS GNYIS LA MNGON PAR BRTZON PA DANG, BYED MED LA BRTZON PA MED PAR LAM LA 'JUG PAR BSHAD LA THUB DGONGS SU YANG NGO, ,LNGA PA LA GNYIS LAS, DANG PO MDO LAS, BYANG CHEN PHYIN DRUG LA SPYOD PA GANG DAG 'KHOR

LOS BSGYUR BA'I RGYAL POR GYUR NAS SBYIN PA'I PHAR PHYIN LHUR BYAS TE SEMS CAN THAMS CAD LA BDE BA'I YO BYAD THAMS CAD NYE BAR SGRUB CING ZAS 'DOD PA RNAMS LA ZAS DANG ZHES PA NAS DGE BA BCU'I LAS KYI LAM RNAMS SU SEMS CAN RNAMS RAB TU BKOD DE, TSANGS RIS NAS 'OG MIN GYI LHA RNAMS KYI BAR DU SKYES NAS SANGS RGYAS KYI ZHING SNA TSOGS SU 'TSANG RGYA BA YOD DO, ZHES PAS BSTAN PA'I 'OG MIN 'GRO LA 'PHAR BA GSUM STE, 'PHAR BA DANG, PHYED DU 'PHAR BA DANG, GNAS THAMS CAD DU 'CHI 'PHO BA'O, ,DE LA 'PHAR BA'I SEMS DPA' NI, BYANG CHEN GANG DAG BSAM GTAN BZHI BSGRUBS TE BSAM GTAN RNAMS LAS YONGS SU NYAMS NAS BSAM GTAN DANG PO BSGRUBS TE TSANGS RIS KYI LHA RNAMS SU SKYE ZHING DE DAG YANG BSAM GTAN RNAMS BSGRUBS NAS 'OG MIN NYID DU SKYES NAS SANGS RGYAS KYI ZHING SNA TSOGS SU BLA MED RDZOGS BYANG DU MNGON PAR RDZOGS PAR 'TSANG RGYA BA DAG YOD DO, ZHES SO, ,PHYED DU 'PHAR BA'I SEMS DPA' NI, BYANG SEMS GANG DAG TSANGS BA'I 'JIG RTEN NAS SHI 'PHOS NAS GNAS GTZANG MAR SKYES TE GNAS GTZANG MA'I GNAS GCIG GAM GNYIS LAS BRGAL TE 'OG MIN DU SKYES NAS, SOGS SNGAR LTAR RO, ,GNAS THAMS CAD DU 'CHI 'PHO BA'I SEMS DPA' NI, BYANG CHEN GANG DAG BDAG NYID KYI LUS DE BZHIN GSHEGS PA'I SKU LTA BUR SPRUL NAS DGA' LDAN GYI GNAS SBYANGS NAS TSANGS RIS KYI LHA NAS 'OG MIN GYI LHA'I BAR DU SKYES TE THABS MKHAS PAS SEMS CAN DMYAL BA RNAMS

, ,LA CHOS STON ZHING DUD 'GRO'I SKYE GNAS DANG GSHIN RJE'I 'JIG RTEN PA RNAMS LA YANG CHOS STON PA YOD DO, ZHES SO, ,GNYIS PA SRID RTZE'I MTHAR THUG 'GRO'I SEMS DPA' NI, BYANG CHEN GANG DAG BSAM GTAN DANG GZUGS MED BSGRUB PAR BYED PA DAG TSANGS RIS NAS DGE RGYAS KYI BAR GYI LHA RNAMS SU SKYE ZHING DE NAS NAM MKHA' MTHA' YAS SKYE MCHED NAS SRID RTZE'I BAR DU SKYE BAR BYED DE, DE NAS SANGS RGYAS KYI ZHING SNA TSOGS SU SKYE BAR 'GYUR BA DAG YOD DO, ZHES SO, ,MDO LAS DGE RGYAS ZHES 'BYUNG YANG NYI SNANG LAS GNAS GZHAN THAMS CAD DU SKYES NAS GNAS GTZANG MAR MA ZHUGS PA KHO NAR GZUGS MED PAR RIM GYIS SKYE BAS ZHES 'BYUNG BA'I PHYIR 'BRAS BU CHE'I BAR DU 'GRO'O, ,DRUG PA GZUGS KYI CHAGS BCOM GZUGS MED NYER 'GRO'I SEMS DPA' NI, BYANG CHEN BSAM GTAN DANG GZUGS MED PA'I SNYOMS PAR 'JUG PA THOB PA GANG YIN PA DE DAG NAM MKHA' MTHA' YAS SKYE MCHED NAS SRID PA'I RTZE MO'I BAR DU SKYE ZHING DE NAS SANGS RGYAS KYI ZHING SNA TSOGS SU SKYE BAR 'GYUR BA DAG YOD DO, ZHES SO, ,'DI NI 'DI NAS SHI 'PHOS NAS GZUGS SU MA SONG BAR GZUGS MED DU SKYE'O, ,BDUN PA MTHONG CHOS TSE 'DI LA ZHI BA MYA NGAN LAS 'DA' BA'I SEMS DPA' NI, BYANG CHEN GANG DAG PHYIN DRUG LA SPYOD PA'I TSE, LUS LA SKYES BU CHEN PO'I MTSAN SO GNYIS KYIS BRGYAN ZHING DBANG PO YONGS SU DAG PA BLA NA MED PA DANG LDAN TE, NAM YANG NGAN SONG NGAN 'GRO LOG PAR LTUNG BA RNAMS SU

SKYE BAR MI 'GYUR BA NYID DANG, BDAG NYID LA BSTOD PA DANG GZHAN LA SMOD PAR MI BYED DE, DE DAG DBANG PO YONGS SU DAG PA RNAMS DANG LDAN PAS SKYE BO MANG PO BYAMS SHING YID DU 'ONG BAR 'GYUR RO, ,SEMS CAN GANG DAG GIS BYANG CHEN DE DAG MTHONG BA DE DAG KYANG SEMS RAB TU DANG BA DE NYID KYIS THEG PA GSUM GYIS RIM GYIS YONGS SU MYA NGAN LAS 'DA' BAR BYED PA DAG YOD DO, ZHES SO, ,THEG DMAN GYI MTHONG CHOS ZHI NI DANG POR 'PHAGS LAM THOB PA'I RTEN DE LA 'DA' BA YIN LA, 'DI NI MDO DANG BSTUN NA BYANG SEMS 'DI GANG GIS MTHONG BA DE NYID MYA NGAN LAS 'DA' BA LA GSAL ZHING, THUB DGONGS SU, SKYE BA THAMS CAD DU RGYUN MI 'CHAD PAR SBYIN PA DANG TSUL KHRIMS LA SOGS PA MTHONG BA'I CHOS LA MNGON PAR RDZOGS PAR BYANG CHUB PA'O, ZHES SO, ,BRGYAD PA LUS MNGON BYED KYI SEMS DPA' NI, BYANG CHEN YUM LA SPYOD PA GANG DAG BSAM GTAN TSAD MED GZUGS MED BZHI THOB PA DE DAG GSUM PO DE DAG GIS RNAM PAR RTZE ZHING BSAM GTAN DANG PO LA SNYOMS PAR 'JUG GO ,DE LAS LANGS NAS 'GOG PA'I SNYOMS PAR 'JUG PA LA SNYOMS PAR 'JUG GO ,DE BZHIN DU SRID RTZE'I BAR DU SBYAR NAS SH'A RI'I BU DE LTAR BYANG CHEN YUM LA SPYOD PA THABS MKHAS PA DANG LDAN PA RNAMS BSAM GTAN DANG TSAD MED PA DANG TING NGE 'DZIN DANG SNYOMS PAR 'JUG PA 'DI DAG YANG DANG YANG DU RNAM PAR BSNAN CING SNYOMS PAR 'JUG PAS THOD RGAL LA SNYOMS PAR ZHUGS NAS SANGS RGYAS KYI

, ,ZHING SNA TSOGS SU 'TSANG RGYA BA DAG YOD DO, ZHES SO, ,CI'I PHYIR LUS MNGON BYED CES BYA NA, MYANG 'DAS DANG 'DRA BA'I CHOS 'GOG SNYOMS SEMS MED PAS LUS LA BRTEN TE SKYED PAS SO, ZHES 'CHAD DE BYE SMRA DANG MTHUN NO, ,SLOB DPON DBYIG GNYEN NI 'GOG PA LAS LANGS PHAN 'GOG PA NI MYANG 'DAS DANG 'DRA BAR CHES ZHIB YIN NO SNYAM DU SEMS PAS RNAM SHES DANG BCAS PA'I LUS NYON MONGS ZHI BA SNGON MA THOB PA THOB PAS LUS MNGON BYED DO ZHES BZHED DO, ,BZHI PA BSE RU LTA BU'I BYANG SEMS NI, SH'A RI'I BU BYANG CHEN GANG DAG SANGS RGYAS MI BZHUGS SHING NYAN THOS RNAMS KYANG MED PA'I 'JIG RTEN GYI KHAMS SU RANG BYANG CHUB TU MNGON PAR RDZOGS PAR 'TSANG RGYA BA DAG YOD DE, DE DAG THABS LA MKHAS PAS SROG CHAGS BRGYA STONG BYE BA PHRAG MANG PO THEG PA GSUM GYIS YONGS SU SMIN PAR BYAS NAS BLA MED RDZOGS BYANG DU MNGON PAR RDZOGS PAR 'TSANG RGYA BA DAG YOD DO, ZHES SO, ,RANG RGYAL NI GNYIS TE; GCIG NI GZHAN LA SGRAR BRJOD PAS THOS PA MED PAR SANGS RGYAS KYI CHOS SNANG BAR PHYED PA'O, ,GNYIS PA NI RANG RGYAL GYI CHA LUGS TZAM 'DZIN PA'O ZHES DAG THUB GNYIS LAS SO, ,DE LTAR NA NYI SNANG LAS SPYIR MDO NYER BZHI DRANGS TE DGRA BCOM ZHUGS PA DANG BCAS PA'O, ,BZHI PA NI, GAL TE DGE 'DUN 'DI DAG 'DRA BA RGYU MTSAN DU BYAS TE THEG CHEN LA THEG DMAN GYI MING GIS BTAGS NAS BSTAN NA, GANG DPER BYED CE NA, 'PHAGS PAS NI THOD RGAL

PA DANG RIM GYIS PA GNYIS DANG MTSUNGS PAR BSHAD DE, DE YANG DBANG PO RNO RTUL GNYIS DANG, DAD THOB GNYIS NI THONG RGAL BA'I ZHUGS GNAS BZHI DANG, LHAG MA RNAMS MTHAR GYIS PA DANG SBYAR ZHING DE DAG KYANG MDZOD DANG MTHUN PAR 'CHAD DO,, SLOB DPON GYIS NI RGYAN SNANG DU THAMS CAD KYANG MTHAR GYIS PA DANG MTSUNGS PAR BSHAD CING GTZO BOR KUN LAS BSHUS? DANG MTHUN PAR 'CHAD DO, ,CIG CAR BA DANG SBYOR BA NI 'GREL PA SUS KYANG MA BSHAD DO, ,'O NA DE DAG DANG CHOS MTSUNGS GANG ZHIG GIS SBYAR ZHE NA, SPANGS RTOGS DANG SKYE BA LEN TSUL TE GSUM GYIS SBYOR RO, ,SPANGS PA SBYOR TSUL LA 'GREL CHEN GNYI RIGS BYIN, SHER 'BYUNG, THUB DGONGS, ZLA 'OD RNAMS SU GSAL BAR BSHAD CING TSIG GSAL GYIS MNGON PA LA KHA 'PHANGS SO, ,DON 'DI LA SNGA RABS PA RNAMS THEG CHEN GYIS SPANG BYA THAMS CAD CIG CAR DU SPONG BAS 'PHAGS PA DANG SLOB DPON GYIS THEG DMAN GYIS SPANGS PA'I RIGS PA THEG CHEN LA SBYAR BA SHIN TU NOR ZHES ZER RO, ,YANG GZHAN DAG BYANG SEMS KYI NYON MONGS RNAM RTOG YIN LA DE SHES SGRIB YIN PAS MTHONG LAM GYI SNGON DU SPANGS PA MI SRID LA, NYI SNANG LAS, CHAGS BRAL SNGON SONG DANG SBYAR BA NYAN THOS KYI DGE 'DUN GYI LUGS YIN GYI THEG CHEN GYI MIN TE, YIN NA THEG CHEN GYI DGE 'DUN THAMS CAD CHAGS BRAL SNGON SONG DANG SBYONG DGOS PAR 'GYUR TE, MTHONG LAM GYI SNGON DU BSAM GTAN GYI DNGOS GZHI THOB PAS KHYAB PA'I PHYIR RO ZHES 'CHAD DO, ,DE LTAR NA THEG CHEN GYI LUGS KYIS SPANG BYA CIG CAR DU SPONG BA DANG

, ,'JIG RTEN PA'I LAM GYIS NYON MONGS SPONG BA 'ONG MI 'ONG LA SOGS PA NI 'OG NAS BSHAD PAR BYA'O, ,LNGA PA LA GSUM, MDO'I DKA' GNAS DANG, DGE 'DUN GYI SA MTSAMS BSTAN PA, MTSAN NYID PA DANG BTAGS PA BA BSAM PA'O, ,DANG PO NI, LHA TSE RING POR SKYE BA DE 'PHAGS PAR MI RIGS TE, BSAM GTAN LA SOGS KYI YAN LAG YONGS SU ZAD PA DANG, ZHES SO, ,SBYOR LAM PA YANG MIN TE, DROD NAS MI KHOM BRGYAD ZAD PAR BSHAD PAS SO, ,TSOGS LAM PAR YANG MI RIGS TE, PHYIR MI LDOG TU BSHAD PAS SHE NA, 'DI LA MKHAS PA GSUM GYI LAN LAS BA GA LA PA'I 'DOD PA BRJOD ZIN TO, ,YUL AO DE SHA BA'I MKHAS PA RNAMS NI ZHAL 'CHAM DU PHYIR MI LDOG TU BSHAD PA NI PHAL CHE BAS BRJOD PA STE, PHYIR MI LDOG PA MA GTOGS ZHES PA'I DMIGS BSAL YOD PAS SO ZHES ZER RO, ,'DI'I LTAR NA DE TSOGS LAM PAR GSAL LO, ,KONG KA NA PA DAG NI LHA TSE RING PO LA MI KHOM PA YIN MIN GNYIS LAS, DANG PO NI, PHYI ROL PA'I LAM GYIS KHAMS DANG SA 'OG PA LA CHAGS PA DANG BRAL NAS DER SKYES PA 'CHI KHA'I TSE LOG LTA SKYES NAS DMYAL BAR LTUNG BAS MI KHOM PA YIN LA, GNYIS PA NI, BYANG SEMS SO SKYE BDEN PA MA MTHONG BA DAG BRGYA LAM NA BSHES GNYEN NGAN PA'I MTHUS DER SKYES KYANG SANGS RGYAS KYI MTHU DANG RANG GI BYANG CHUB KYI SEMS LA SOGS PAS SNGA MA LTAR MI NYAMS PAS MI KHOM PAR SKYES PA MIN TE, DE LTAR BYAS NA, YE SHES

RGYAS PA'I MDO LAS SANGS RGYAS SNYAN LA BRJOD PAS, DGE SLONG DMIGS PA KUN LA GNAS PAR MTSUNGS PA ZHES BYA BA THEG CHEN GYI SNOD CIG YOD PA LHA TSE RING POR SKYES PA NA GDUL BYA GZHAN MED NAS MYA NGAN LAM 'DAS TE YANG MIR SKYES PA'I DON MDZAD DO ZHES GSUNGS PA YANG LEGS PAR BSHAD PAR 'GYUR RO ZHES ZER TE, MDOR NA CHOS 'DI LAS PHYI ROL TU GYUR PA DER SKYES PA DE LOG LTA SKYE PAS MI KHOM PA YIN KYANG, BYANG SEMS SO SKYE NI DER YANG SHES RAB KYI STOBS KYIS LOG LTA MI SKYE ZHES PA'I DON NO, ,'DI'I LTAR NA SBYOR LAM PA MI KHOM ZAD PAS DER SKYE BA MI 'GAL ZHES PA'O, ,'DI DAG KUN KYANG DAD MOS KYI DGE 'DUN 'DI BDEN PA MA MTHONG BAR 'DOD PA YIN LA, DE DGAG PA NI BSNYAD ZIN TO, ,GZHAN YANG KHAMS GONG GI SKYE SRID KYI RTEN LA RGYU 'BRAS LA SKUR 'DEBS KYI LOG LTA MED LA, PHYIR MI LDOG MA GTOGS ZHES GSUNGS PA'I DON SA BRGYAD PA BA DMIGS BSAL YIN GYI PHYIR MI LDOG TZAM MIN PAS SO, ,DES NA YUM GSUM GNOD 'JOMS LAS; THABS LA MI MKHAS PA SNGA MA NI BSAM GTAN GYI SPYOD PA DANG PHA ROL TU PHYIN PA'I SPYOD PA LA BRTZON YANG THABS MI MKHAS PAR GYUR PA'I PHYIR LHA TSE RING POR SKYES TE, DUS DE SRID GCIG GI BAR DU PHA ROL TU PHYIN PA RNAMS LA MI BRTZON PAR GYUR NAS PHYIS MI'I NANG DU SKYES PA'I TSE SNGON PHA ROL TU PHYIN PA LA SPYOD SPYOD PA'I MTHUS BRTZON PAR BYED KYANG DBANG PO RTUL POR 'GYUR TE, ZHES PA LTAR, TSE SNGA MA ZHIG LA DER SKYES PHYIR MI'I NANG DU 'PHAGS LAM THOB PA

, ,DE DBANG RTUL DU BZHAG GO ,YANG SRID RTZER 'GRO DANG GZUGS KYI CHAGS BCOM GNYIS GZUGS MED DU SKYE BAR MI RIGS TE, SDUD PAR, BYANG CHUB YON TAN PHA ROL PHYIN NYAMS 'GYUR 'ONG ZHES, GZUGS MED KHAMS SU SKYE BA DON DU GNYER MI BYED, CES PA DANG 'GAL ZHE NA, NYES PA MED DE, SKYE BAR GSUNGS PA DER SKYE BA'I RGYU GZUGS MED KYI SNYOMS 'JUG THOB PA TZAM LA DGONGS PA'O, ,DES NA SKYE BA LA DBANG MA THOB NA SKYE BA SRID KYANG THOB NA MI SKYE STE, KUN BTUS SU, GZUGS MED PA'I KHAMS RNAM PAR SPANGS PA'I BSAM GTAN DANG LDAN LA ZHES PA'I 'GREL PAR BYANG CHUB SEMS DPA' NI 'DOD PA DANG GZUGS NA SPYOD PA YIN GYI GZUGS MED PA NA SPYOD PA NI MIN TE, SEMS CAN YONGS SU SMIN PA'I GNAS MED PA'I PHYIR TE, MTHU'I KHYAD PAR THOB PA DAG DER MI SKYE'O, ZHES SO, ,YANG 'PHAR BA GSUM GYI SKABS SU BSAM GTAN DANG PO'I RO MYANGS NAS BSAM GTAN GSUM LAS NYAMS PAR BSHAD PA DANG, BSAM GTAN GYI DBANG GIS LHA GNAS RNAMS SU SKYE BAR BSHAD PA MI RIGS TE, SA MTHON POR CHUD PA'I BYANG SEMS YIN PAS DE DAG LA RO MYANG BA MED LA BSAMS BZHIN DU SRID PA LEN PAS SNYOMS 'JUG GI DBANG GIS SKYE BA BZLOG PAS SHE NA, NYES PA MED DE, DANG PO BYANG 'PHAGS DBANG RTUL THABS MI MKHAS PA 'GA' ZHIG LA BSAMS PA'AM, YANG NA SO SKYE'I DUS SU RO MYANGS PA LA DGONGS LA, GNYIS PA NI 'DOD BZHIN DU SNYOMS

'JUG DE DAG LA BRTEN NAS SKYE BAS SO, ,GNYIS PA NI, RJES 'BRANG GNYI SKAD CIG BCO LNGA LA, RIGS NAS RIGS SKYE GNYIS SA GNYIS PA NAS LNGA PA'I BAR BZHI LA, PHYIR 'OD ZHUGS PA SA DRUG PA LA, PHYIR 'ONG DANG BAR CHAD GCIG PA SA BDUN PA LA, PHYIR MI 'OD ZHUGS PA, SA BRGYAD PA DANG DGU PA LA, BAR DOR 'DA' BA NAS LUS MNGON BYED KYI BAR DAG NI SA BCU PA LA GNAS PAR THUB DGONGS LAS BSHAD DO, ,ZLA 'OD DU, PHYIR 'ONG MTHAR THUG PA'I BAR CHAD GCIG PA SA BRGYAD PA DANG DGU PA LA DANG, BAR DOR 'DA' BA NAS GONG 'PHO'I BAR PHYIR MI 'OD LNGAS KHYAD PAR GYI LAM DU SGOM SPANG DON GCIG SPANGS PA DGRA BCOM ZHUGS PAR BSHAD CING, GZHIN RNAMS 'DRA LA RANG RGYAL LA GNYIS KAR SA MTSAMS MI SNANG NGO, ,DES NA AA BHYA'I DGONGS PA LA BAR CHAD GCIG PA SA BDUN PA GCIG PU DANG, BSE RU LTA BU DGRA BCOM ZHUGS PA DANG SA MTSAMS GCIG TU BYED BA LA? SHES BYED MI SNANG STE, 'GREL PA DE GNYIS ZHIB PAR BLTAS PAS SHES SO, ,BDAG NYID CHEN PO NI RGYUN ZHUGS 'BRAS GNAS TZAM PO BSNAN PAS RGYUN ZHUGS SKOR LNGA NI 'JIG RTEN LAS 'DAS PA'I SEMS DANG PO BSKYED PA DANG, PHYIR 'OD 'BRAS GNAS GNYIS PHYIR NI 'OD DANG BCAS PA'I ZHUGS PA GNYIS TE BZHI NI SPYOD PA LA ZHUGS PA, PHYIR MI 'OD TZAM PO DANG GONG 'PHO GCIG TU BYAS PA'I KHYAD PAR BRGYAD DE DGU NI PHYIR MI LDOG PA DGRA BCOM ZHUGS PA SKYE BA GCIG GIS THOGS PA YIN LA, RANG RGYAL BZHI PO DE DAG CI

, ,RIGS SU 'DRU BAR BZHED CING DGE 'DUN NYI SHU'I GRANGS KYANG DE LTAR 'DZIN TO, ,'PHAGS PA'I BZHED PAS NI RJES 'BRANG GNYIS MTHONG LAM PA DANG, LHAG MA RNAMS SGOM LAM PA YIN LA KHYAD PAR DU ZHUGS PA BZHI PA SA BCU PA LA GSUNGS SO, ,SLOB DPON NI RGYUN ZHUGS TZAM PO MTHONG LAM PA DANG LHAG MA RNAMS SGOM LAM PAR BZHED DO, ,GANG LTAR YANG 'DI DAG RIM PA LTAR SA RIM CAN LA SBYOR BA MI 'THAD PAR GO STE, CHOS 'BRANG DANG BAR CHAD GCIG PA'I SKABS SU YANG MDO LAS DE DAG SKYE BA GCIG GIS THOGS PA'I SEMS DPAR BSHAD PAS SO, ,GSUM PA NI, 'O NA 'DIR RGYUN ZHUGS SOGS BSHAD PA 'DI DAG DNGOS KYI SGRA'AM 'ON TE BTAGS PA BA YIN ZHE NA, 'DI LA KHYUNG NA RE BTAGS PA'I SGRA YIN TE, CHOS GSUM TSANG BAS SO, ,CHOS GSUM NI SPANGS RTOGS CUNG ZAD TZAM 'DRA BA YOD PA RGYU MTSAN NO, ,KHA CIG GIS 'DI SNYAM DU DGE 'DUN BYA BA SKYES BU ZUNG BZHI KHO NA YIN LA BYANG SEMS LA DE'I DON MED DO SNYAM PA BZLOG PA NI DGOS PA'O, ,YUM DANG PHYIR MI LDOG 'KHOR LO'I MDO GNYIS GAR BYANG SEMS KYI DGE 'DUN DU GSUNGS PA NI DNGOS LA GNOD BYED DO ZHES ZER RO, ,DVAGS PO NA RE BYANG SEMS LA RGYUN ZHUGS LA SOGS PA'I DON YOD PAS DNGOS KYI SGRA YIN LA BTAGS PA BA MIN NO ZHES ZER RO, ,DE GNYIS LA BYANG YE NI NYAN THOS KYI SKABS SU MYANG 'DAS KYI RGYU NI LAM YIN LA DE LA ZHUGS PAS DE MTSAN NYID BAR 'JOG PA BZHIN DU SANGS RGYAS KYI RGYUN LAM LA ZHUGS PA LA YANG

RGYUN ZHUGS SOGS SU BZHAG PA DNGOS SU 'GYUR BAS PHYI MA LEGS PAR SMRA'O DE LA YUM GYI MDOR BYANG SEMS LA RGYUN ZHUGS PHYIR 'ONG PHYIR MI 'ONG GI ZHUGS GNAS DANG RANG RGYAL GYI SGRAS ZIN PAR GSUNGS PA MED DO, ,'ON KYANG MDO'I DON RJE BTZUN GYIS BKRAL BAS RJES 'BRANG GNYIS DANG RIGS SKYE LA SOGS NYAN THOS KYI ZHUGS GNAS LA GRAGS PA'I BRDA MDZAD CING DE DAG 'GREL PA MKHAN RNAMS KYIS NYAN THOS KYI THEG PA NAS 'BYUNG BA DANG BSGRIGS NAS ZHUGS GNAS SU YANG BSHAD DO; ;PHYIR MI LDOG 'KHOR LO'I MDO LAS NI, BYANG SEMS LA RJES 'BRANG GNYIS BRGYAD PA RGYUN ZHUGS PHYIR 'ONG PHYIR MI 'ONG DGRA BCOM NYAN THOS RANG RGYAL TE DGU'I BRDA MANG DA DO, ,DER BSHAD PA NI SGRA JI BZHIN PA MIN TE, YIN NA BYANG SEMS YIN PA'I NYAN RANG DANG DGRA BCOM MTSAN NYID PA YOD PAR 'GYUR LA, DE'I PHYIR THEG PA GSUM 'CHOL BAR 'GYUR RO, ,'O NA MDO DE LAS DGE SLONG RNAMS RGYAL BYED TSAL CHUR MED PA LA CHU'I 'DU SHES SKYES PA DPER BZHAG NAS RGYUN ZHUGS SOGS KYI 'BRAS BU BZHI DANG RANG RGYAL MIN PA LA DE DAG TU 'DU SHES PA DE DAG GI 'DU SHES BSAL BA'I PHYIR DU BYANG SEMS LA BRGYAD PA LA SOGS PAR BSHAD PA'I DGONGS PA 'DI DAG GO ZHES GSUNGS PA JI LTAR DRANG ZHE NA, NYES PA MED DE, NYAN RANG GI RIGS CAN RNAMS 'BRAS BU BZHI DANG RANG RGYAL GYI 'BRAS BU THOB PA TZAM GYIS CHOG SHES SHING DE LAS GONG NA BGROD DU MED DO SNYAM PA RNAMS THEG CHEN LA DRANG BA'I PHYIR DU BRGYAD PA SOGS DE DAG BYANG SEMS

, ,NYID LA YOD PAR BSTAN PAS DGONGS PA CAN YIN TE, GZHAN DU NA GNOD BYED YOD PAS SO, ,'O NA DGONGS TE GSUNGS PA'I GZHI DANG, DGOS PA DANG, DNGOS LA GNOD BYED RNAMS GANG ZHE NA, MDO LAS, SANGS RGYAS MTHONG LA CHAGS MED DE, ,SEMS CAN DPAG MED DAD PAR BYED, ,DE NI DE LA CHAGS MED DE, ,DE PHYIR BLO LDAN DAD PAS 'BRANG, ZHES DANG, CHOS RGYUN BSAM GYIS MI KHYAB PA, ,RGYUN DE LAS KYANG 'DA' MI BYED, ,CHOS NYID DE NI RJES SU THOB, , DE PHYIR CHOS RJES 'BRANG ZHES GSUNGS, ZHES PA DANG, LOG PA BRGYAD LAS SHIN TU 'DAS, ,RNAM PAR THAR PA BRGYAD LA REG ,YANG DAG BRGYAD LA ZHEN PA MED, ,DE PHYIR BRGYAD PA ZHES BRJOD DO, ZHES DANG, LAM LA RGYUN ZHES NGAS BRJOD DO, ,BSAM DU MED PA SANGS RGYAS LAM, ,GANG DAG LA LA 'DIR GNAS PA, ,DE DANG DE DAG RGYUN LA GZHOL, ZHES DANG, GANG GIS BYANG CHUB 'GRUB 'GYUR BA'I, ,RKYEN RNAMS MANG PO RAB GSUNGS PA, ,RKYEN DE SHES PAR BYA'O ZHES; ;DE DAG 'TSOL ZHING 'ONGS PA YIN, ZHES DANG, 'GRO BA RNAM GSUM GANG DU YANG, ,DE NI PHYIR ZHING MI 'GRO STE, ,SANGS RGYAS CHOS RNAMS THOB PAS NA, ,DE NI PHYIR MI 'ONG ZHES BRJOD, CES DANG, GANG GIS SEMS CAN SDUG BSNGAL BA, ,NYON MONGS THAMS CAD DE YIS BCOM, ,NYON MONGS PA LAS SEMS CAN 'GREL, ,DES DE DGRA BCOM ZHES BRJOD DO, ZHES DANG, BYANG CHUB ZHI BA SPROS PA MED, ,RNYOG PA MED PAR SGROGS PAR BYED, ,SKYE BO DPAG TU

MED LA SGROGS, ,NGES DE NYAN THOS ZHES BRJOD DO, ZHES DANG, MA RIG NAM MKHA' JI BZHIN TE, ,CHOS RNAMS THAMS CAD MTSAN NYID MED, ,'DI NI MNGON SUM GYUR PAS NA, ,RANG RGYAL BA ZHES BRJOD PA YIN, ZHES PA 'DI RNAMS KYIS NI BRGYAD PA DANG RGYUN ZHUGS SOGS KYI SGRA 'JUG PA'I RGYU MTSAN BSHAD PAS DGONGS GZHI BSTAN TO, ,MDO 'DI LAS GANG ZAG DGU PO 'DI BYANG SEMS LA BZHAG PAS DAD RJES 'BRANG SOGS NYI SHU YANG BYANG SEMS SO, ,'DI THUGS LA BZHAG NAS NYI SNANG DANG RGYAN SNANG DU PHYIR MI LDOG 'KHOR LO'I MDO LA ZHAL 'PHANGS SO, ,DGONGS TE GSUNGS PA'I DGOS PA NI, ZLA 'OD DU NYAN THOS KYI GANG ZAG DANG MING 'DRA BA NI DGE 'DUN NYID DU YID CHES PA'I DON DU'O, ZHES PA LTAR DGE 'DUN NI NYAN THOS KYI SKYES BU ZUNG BZHI KHO NA'O SNYAM NAS BYANG SEMS LA DGE 'DUN DU MI MOS PA YOD PA DE BZLOG PA'I PHYIR DU SKYES BU ZUNG BZHI'I BRDA MDZAD DO, ,DNGOS LA GNOD BYED NI, THEG PA GSUM 'CHOL BAR THAL BA LA SOGS PA SNGAR BRJOD ZIN LA; KUN BTUS LAS, CI'I PHYIR BYANG CHUB SEMS DPA'I SKYON MED PA LA ZHUGS NA RGYUN DU ZHUGS PAR MI 'GYUR ZHE NA, RGYUN LA 'JUG PA YONGS SU MA GRUB PA'I PHYIR RO, ,CI'I PHYIR LAN CIG PHYIR 'ONG BAR MI 'GYUR ZHE NA, BSAMS BZHIN DU SRID PAR SKYE BA TSAD MED PA YONGS SU 'DZIN PA'I PHYIR RO, ,CI'I PHYIR PHYIR MI 'ONG BAR MI 'GYUR ZHE NA, BSAM GTAN RNAMS KYIS GNAS SHING 'DOD PA'I KHAMS SU SKYE BA'I PHYIR RO, ZHES BSTAN PA LTAR RO, ,GSUM PA LA

, ,LNGA'I; DANG PO RGYUN ZHUGS LA GSUM STE, ZHUGS PA DANG, 'BRAS GNAS CAM DANG, 'BRAS GNAS KHYAD PAR CAN NO, ,DANG PO NI BDEN DANG BDEN LA BZOD PA DANG, ZHES SOGS KYI SKABS NAS 'CHAD PAR 'GYUR BA'I LAM SHES PA NYID KYIS BSDUS PA'I MTHONG BA'I LAM SKAD CIG MA BCU DRUG STE BCO LNGA LA BRTEN NAS RGYUN ZHUGS KYI SPANGS RTOGS SGRUB PHYIR DU BRTZON PA'I DBANG RTUL DAD PA DANG DBANG RNON CHOS KYI RJES SU 'BRANG BA GNYIS YOD PA'I BYE BRAG GIS 'BRAS BU DANG PO RGYUN ZHUGS LA ZHUGS PA'I MING CAN RNAM PA GNYIS SO, ,DBANG PO RNO RTUL NI, YUN RING POR SHES PA DANG MYUR BAR SHES PA'AM, SNGON LEGS PAR SBYANGS PA DANG MA SBYANGS PA LAS 'DIR 'ONGS PA'O, , GNYIS PA NI, ZHUGS PA BSHAD ZIN PA DE'I 'OG TU RGYUN ZHUGS 'BRAS GNAS TZAM PO'I MING CAN 'CHAD DO, ,DE YANG GANG NA, 'DOD PA'I SGOM SPANG GCIG KYANG MA SPANGS PA BCU DRUG PA LA GNAS PA'O, ,DE LTAR DE'I 'OG TU ZHES PA'I 'BRU GNON DANG DRI BA DE DANG DE'I MING CAN ZHES PA RNAMS 'DI LA BSHAD PA BZHIN DU 'OG MA THAMS CAD LA BSGRE'O, ,GSUM PA NI, RGYUN ZHUGS 'BRAS GNAS DE NYID LHA'I RIGS DANG MI'I RIGS NAS RIGS SU SKYE BA NYID KYIS 'BRAS GNAS TZAM LAS GZHAN KHYAD PAR CAN RNAM PA GNYIS TE, SPANGS PA RTZA BA LTAR YIN LA DE YANG GNYEN PO SGOM LAM GYIS SPANGS PA'O, ,GNYIS PA PHYIR 'ONG LA GSUM LAS DANG PO ZHUGS PA NI, SGOM LAM GYIS 'DOD NYON LNGA PA

SPANGS NAS PHYIR 'ONG GI 'BRAS BU THOB PHYIR BRTZON PA'I DBANG RTUL DAD MOS DANG, DBANG RNON MTHONG THOB 'BRAS BU GNYIS PA PHYIR 'ONG LA ZHUGS PA GNYIS NI NYI SHUR BYED PA NA GRANGS GCIG TU 'DREN PA KHO NA'O, ,GNYIS PA 'BRAS GNAS TZAM NI, 'DOD NYON DRUG PA SPANGS PA'I RNAM GROL LAM LA GNAS PA LAN CIG PHYIR 'ONG BA YIN NO, ,GSUM PA 'BRAS GNAS KHYAD PAR CAN NI, PHYIR 'ONG DE NYID SPANGS PA RTZA BA LTAR LA SKYE BA LHAR SKYE BA GCIG LUS PA'I PHYIR 'BRAS GNAS TZAM LAS GZHAN KHYAD PAR CAN BAR CHAD GCIG PA YIN NO, ,GSUM PA PHYIR MI 'ONG LA ZHUGS GNAS GNYIS LAS, DANG PO NI, 'DOD NYON BDUN NAM BRGYAD SPANGS SHING DGU BA SPONG PHYIR BRTZON PA'I DBANG PO RNO RTUL GNYIS 'BRAS BU GSUM PA LA ZHUGS PA YIN NO, ,SNGA MA BZHIN NI GRANGS GCIG TU 'DREN PA'O, ,'O NA ZHUGS PA DANG PO'I DBANG PO RNO RTUL GNYIS SO SOR BGRANGS NAS BAR PA GNYIS LA ZHUGS PA GCIG TU 'DREN PA CI ZHE NA, KHA CIG MTHONG LAM BCO LNGA'I TSE GNYEN PO'I BYED PA DANG BCAS LA DE YANG DBANG PO GNYIS KYI NUS PA THA DAD DU YOD PAS GNYIS SU 'JOG LA, 'BRAS BU LA GNAS PA NA GNYEN PO'I BYED PA CHAD PAS GCIG TU BYED GSUNG BA NI 'BRAS GNAS KYI TSE MTHONG SPANG SPONG PA'I BYED PA MED KYANG SGOM SPANG SPONG BA'I BYED PA YOD DO, ,BYANG YE NI MTHONG LAM BAR MA CHAD DU SKYE BAS DBANG PO 'PHO LONG MED PAS SO SOR RES PA'I PHYIR GNYIS SU BGRANGS LA, SGOM LAM GYI TSE DBANG PO 'PHO ZHING SO SOR MA NGES

, ,BAS GCIG TU BGRANGS GSUNG BA NYID 'THAD DO, ,GNYIS PA NI, 'DOD NYON DGU PA SPANGS PA'I PHYIR MI 'ONG BA STE DE LA LNGA LAS, DANG PO BAR DOR 'DA' BA NI, GZUGS SU SKYE BA'I KUN SBYOR DNGOS NI SPANGS LA DE'I BAR DO 'GRUB PA'I KUN SBYOR NI MA SPANGS PAS BAR DO'I SRID PA 'GRUB PAR BYED PA DANG, GRUB PA NA YANG RUNG STE, BAR DOR LAM MNGON DU BYAS NAS SDUG BSNGAL GYI THA MA THOB PA'O, ,'DI TSIG GSAL LAS, TSANGS PA'I 'JIG RTEN DU SKYES NAS LUS DE NYID KYIS TSOGS BSAGS NAS 'TSANG RGYA BAR BSHAD LA, DAG LDAN DU DE NYID DU ZHES BYA BA NI 'DIR 'OG MIN NYID DU STE 'DZAMBU'I GLING DU MA YIN PA'O, ZHES SO, ,GNYIS PA SKYES NAS 'DA' BA NI KUN SBYOR GNYIS KA MA SPANGS PAS GZUGS KHAMS SU SKYES NAS SDUG BSNGAL GYI THA MA 'THOB PA'O, ,'DI SRID PA THA MA PA DANG TSE TSAD MED PAR BYAS NAS TSE GCIG PO DE LA 'TSANG RGYA BA'O, ,GSUM PA BYED BCAS DANG, BZHI PA BYED MED KYIS 'DA' BA NI, RIM PA LTAR GZUGS SU SKYES NAS 'BAD RTZOL GYIS LAM MNGON DU BYAS NAS DANG, DE LAS BZLOG PAS 'DA' BA STE MYA NGAN LAS 'DA' BA BZHI'O, ,LNGA PA GONG DU 'PHO BA LA GNYIS LAS, DANG PO PHYIR MI 'ONG DE NYID 'OG MIN GYI MTHAR THUG PAR 'GRO BA LA NI, TSANGS RIS NAS GNAS BAR PA RNAMS DOR TE 'OG MIN DU 'PHAR BA DANG TSANGS RIS NAS GNAS GTZANG RNAMS SU SKYES BAR NAS GNAS 'GA' RGAL TE 'OG MIN DU 'JUG PA'I PHYED DU 'PHAR BA DANG GNAS THAMS CAD DU BRGYUD

NAS 'OG MIN DU 'JUG PA'I GNAS THAMS CAD DU 'CHI 'PHO BA GSUM YOD PA NYID KYIS GONG 'PHO SRID RTZER 'GRO LAS GZHAN RNAM PA GSUM MO, ,GNYIS PA PHYIR MI 'ONG DE NYID SRID RTZER 'GRO BA NI GZUGS KYI 'DOD CHAGS DANG BRAL BA STE GZUGS KYI CHAGS BCOM YIN LA, DE LA DBYE NA, MTHONG CHES ZHI TSE 'DI LA MYANG 'DAS 'THOB PA DANG 'GOG SNYOMS LUS KYIS MNGON SUM DU BYED PA 'OG MIN 'GRO LAS GZHAN RNAM PA GNYIS SO, ,'DI DANG SNGA MA GNYIS SU DE NYID CES PA GONG 'PHO DE NYID CES RIGS BYIN 'CHAD DO, ,'DIR RGYAN SNANG 'GYUR RNYING LAS, SRID PA'I RTZE MO'I MTHAR THUG PAR 'GRO BA NI GZUGS KYI 'DOD CHAGS DANG BRAL PA DANG MTHONG BA'I CHOS LA ZHI BA LUS KYIS MNGON SUM DU BYED PA STE GZHAN RNAM PA GNYIS SO, ZHES PA LTAR TSIG GSAL LAS KYANG BSHAD LA, DE GNYIS KYANG RIM PA LTAR 'DOD PA'I RTEN LA GZUGS KHAMS KYI MTHONG SPANG DANG SGOM SPANG SPANGS TE GZUGS MED BZHI THOB PAR BYAS NAS, 'DI NAS SHI NAS GZUGS KHAMS BOR TE GZUGS MED DU SKYE BA DANG, RGYAL SRID SNA BDUN DANG LDAN ZHING LUS GZHAN MI LEN PAR TSE GCIG LA 'TSANG RGYA BA YIN LA, DE YANG PHYI MA 'DI BYANG SEMS MCHOG TU BSHAD DO, ,BSHAD PA'I TSUL 'DI NI 'BUM PA GSUNG BA LTAR BYA STE, DE YANG SRID RTZER 'GROS BSTAN NAS GZUGS KYI CHAGS BCOM GYIS BSHAD DE, DE'I DBYE BAR MTHONG CHOS ZHI KHAMS GONG MA GNYIS SU 'GRO MI SRID PA DANG, LUS MNGON BYED DE GNYIS SU 'GRO BA'I NGES PA MED PA GNYIS SU BYED PA NI DPER NA RTA ZHES

, ,BYA BA NI GLANG PO CHE YIN LA DE LA DBYE NAR DANG LUG GO ,ZHES PA LTAR MA 'BREL LO BYAS PA LA, NYAN THOS KYI DBANG DU BYAS NA BDEN PA BYANG SEMS NI BSAM GTAN DANG GZUGS MED KYI TING NGE 'DZIN NI BRGYAD KA SGOM PAS SRID RTZE'I MTHAR THUG 'GRO ZHES BYA LA, GZUGS MED KYI TING NGE 'DZIN LA 'JUG NUS PAS GZUGS KYI CHAGS BCOM ZHES KYANG BYA'O ZHES 'BUM PHRAG GSUM PAS GSUNGS PAR BYANG YE 'CHAD PA LTAR 'THAD DO, ,DE'I PHYIR SLOB DPON GYIS BSHAD PA NOR BAR SMRA BA NI MI RIGS TE, DON RAGS PA DE LTA BU LA YONGS SU RDZOGS PA'I PAn CHEN 'DI 'KHRUL BA GA LA SRID, BZHI PA DGRA BCOM ZHUGS PA NI, SRID RTZE'I SGOM SPANG BRGYAD PA SPANGS LA DGU PO SPONG BA LA BRTZON PA NI DGRA BCOM PA'I 'BRAS BU LA ZHUGS PA'O, ,DE DAG NI RGYAN SNANG DU BSHAD PA LTAR GSER GLING PAS KYANG BRIS PA'I DGONGS PA'O, ,SHER 'BYUNG GIS GONG 'PHO'I SKABS SU NYON MONGS SPANGS PA RNAMS 'JIG RTEN PA'I SGOM LAM GYIS SPANGS PAR BSHAD PA NI 'PHAGS PA DANG SLOB DPON GNYIS KA'I DGONGS PA MIN NO, ,'ON KYANG GRANGS 'DREN LUGS 'GREL BA 'DI'I DGONGS PAR SNANG NGO, ,LNGA PA RANG RGYAL NI, NYAN THOS KYI SDE SNOD LA DMIGS NAS RANG LAM MNGON DU BYED PA'I PHYIR SANGS RGYAS MI 'BYUNG BA NA RANG RGYAL DU 'GYUR BA'O, ,RGYAN SNANG LAS, RANG SANGS RGYAS SU 'GYUR BA STE ZHES PAS DGRA BCOM MI 'DREN PA DGONGS BAR GO STE, 'DREN NA NYAN THOS DGRA BCOM GYI MING CAN MI 'DREN PA MI 'THAD DE RGYU MTSAN MTSUNGS

PAS SO, ,TSIG GSAL DU THA MA 'DI GSUM RIM PA LTAR RANG DANG GZHAN DANG GNYIS KA'I DON BYED PA'I SEMS DPA' MCHOG GO ZHES 'CHAD DO, ,DE LTAR NA RGYUN ZHUGS LA LNGA, PHYIR 'ONG LA GSUM, PHYIR MI 'ONG BCU, DGRA BCOM 'BRAS ZHUGS RANG RGYAL TE NYI SHU'O, ,DES NA RTZA BAR BSTAN PA LA BCU BDUN KHA BSKANG PA LA GSUM BYED PA, 'DI DANG RGYAN SNANG GI DGONGS PA STE, DE NYID LAS, 'BRAS BU DANG PO DANG GNYIS PA LA GNAS PA DANG 'BRAS BU BZHI PA LA ZHUGS PA'I GANG ZAG NI GO SLA BA NYID KYIS NA BSDUS PAR MA BSHAD DO, ZHES SO, ,GSUM PA LA GNYIS, SPYI DANG, YAN LAG GI DON, DANG PO LA GNYIS, SBYOR LAM SKYE BA'I RTEN, BRTEN PA SBYOR BA'I LAM MO, ,DANG PO LA GNYIS LAS, DANG PO LUS RTEN NI RANG 'GREL LAS GSUM NI MI DAG GI NANG KHO NA DANG GLING GSUM DU SKYED PAR BYED DO, ,SNGON SKYED PA RNAMS NI LHA DAG GI NANG DU YANG MNGON SUM DU BYED DO, ,BZHI PA NI, LHA DAG GI NANG DU YANG SKYED PAR BYED DO ZHES BSHAD DO, ,DES NA MTHONG LAM SKYE BA'I RTEN LA SKYE DGOS SO, ,GNYIS PA SEMS RTEN NI MDZOD LAS, MI LCOGS MED PA DANG, KHYAD PAR BSAM GTAN SA PA'O, ZHES BSAM GTAN SA DRUG DANG, GNYIS NI 'OG NA'ANG YOD PA'AM, ZHES BTZUN PA DBYANGS SGROG DROD RTZE GNYIS 'DOD PA'I SA LA YANG BRTEN PAR 'DOD DO, ,BYE BRAG TU BYANG SEMS KYI SBYOR LAM NI KHA CIG NA RE, THEG PA CHE CHUNG GNYIS KA'I LUGS LA'ANG BSAM GTAN BZHI PA LA BRTEN TE, TSOGS LAM CHEN PO NAS CHOS RGYUN TING NGE 'DZIN THOB PA DANG,

, ,MDZOD LAS, STON DANG BSE RU BYANG CHUB PA, ,BSAM GTAN MTHA' RTEN GCIG LA KUN, ZHES PAS SO ZHES ZER RO, ,'DI'I LTAR NA SBYOR LAM DU MA ZAD CHOS RGYUN TING NGE 'DZIN THOB PHYIN CHAD KYI THEG CHEN GYI LAM GYI YON TAN THAMS CAD BSAM GTAN BZHI PA LA BRTEN PAR HA CANG THAL BA DANG, KHYAD PAR DU GZUGS MED KYI RNAM THAR ZAD PAR 'GOG SNYOMS RNAMS KYANG DE LTAR 'GYUR BAS GTZO BOR BSAM GTAN SA DRUG GANG YANG RUNG BA LA BRTEN NO, , GNYIS PA LA GSUM, NGO BO, DBYE BA, PHYE BA'I BLO GANG YIN BRTAG PA'O, ,DANG PO LA GNYIS, THUN MONG DANG, SO SO'I NGO BO'O, ,DANG PO NI, SGOM BYUNG ZHES PA'I MDZOD 'GREL LAS, NGES PAR 'BYED PA'I CHA DANG MTHUN PA'I RNAM PA 'DI BZHI CHAR YANG SGOM BYUNG THOS PA DANG BSAM PA LAS BYUNG BA NI MA YIN NO, ZHES BSHAD DO, ,'ON KYANG SBYOR LAM LA SGOM BYUNG GIS KHYAB PAR BSHAD PA NI DE GTZO CHE BAS YIN GYI THOS BSAM YANG MED PA MIN TE, KUN BTUS LAS; SBYOR PA'I LAM GANG ZHE NA, TSOGS KYI GANG YIN PA SBYOR BA'I YANG DE YIN NO ZHES TSOGS LAM LA BSHAD PA'I SO SKYE'I TSUL KHRIMS LA SOGS PA RNAMS SBYOR LAM LA YANG YOD PAR GSUNGS LA TSOGS LAM DU THOS BSAM GYI YON TAN YANG BSHAD PAS SO, ,CHOS CHOS NYID 'GREL PAR YANG DE LA NGES PAR RTOG PA NI THEG PA CHEN PO'I MDO LA BRTEN PA'I TSUL BZHIN DU YID LA BYED PAS BSDUS PA SBYOR BA'I LAM THAMS CAD DO, ZHES BYA BA LA THAMS CAD NI

THOS PA DANG BSAM PA DANG BSGOMS PAS RAB TU PHYE BA STE DES DE NGES PAR RTOG PA'I PHYIR RO, ZHES SO, ,DE LTA MA YIN NA SBYOR LAM PA'I RGYUD KYI THOS BSAM GYI SHES RAB KHYAD PAR CAN DE RNAMS THAR LAM GTAN MIN PAR THAL LO, ,GNYIS PA NI, MDO RGYAN KUN BTUS GNYIS SU BSHAD PA'I RJES SU 'BRANGS NAS RGYAN SNANG DU YANG DROD SOGS BZHI'I SO SO'I NGOS 'DZIN GSUNGS PAS 'DIR YANG DE BZHIN DU BSHAD DO, ,DE LA BZHI LAS DANG PO DROD NI, BYANG SEMS MNYAM PAR BZHAG PAS YID KYI BRJOD PA LAS MA GTOGS PAR GZUGS LA SOGS PA'I DON RNAMS MA MTHONG GI YID KYI BRJOD PA KHO NA RANG SPYI'I MTSAN NYID DU SNANG BAR MTHONG STE SNANG BA THOB PA'I TING NGE 'DZIN TO, ,CHOS LA NGES RTOG GI BZOD BA DANG PO YANG YIN NO, ,DE LTAR YANG, DE NAS DE 'DRAR GYUR PA YI, ,BYANG CHUB SEMS DPA' MNYAM GZHAG PAS, ,YID KYI BRJOD PA MA GTOGS PA, ,DON KUN RAB TU MI MTHONG NGO, ZHES SO, ,GNYIS PA RTZE MO NI, DROD DU THOB PA'I CHOS KYI SNANG BA DE NYID JE CHE JE CHER 'PHEL BAR BYA BA'I PHYIR MI GNAS PA'I BYED PAS BRTZON 'GRUS BRTAN PO RTZOM PA STE SNANG BA MCHED PA'I TING NGE 'DZIN TO, ,DE LTAR YANG, CHOS KYI SNANG BA 'PHEL BA'I PHYIR, ,BRTZON 'GRUS BRTAN PO KUN TU RTZOM, ZHES SO, ,'DI LA 'GREL PAR BRTZON 'GRUS BRTAN PO LA 'BRU MNAN LA, 'GREL CHEN LAS BRTAN PA'I BRTZON 'GRUS ZHES BRTAN PA'I 'BRU GNON BYANG SEMS LA MDZAD DO, ,GSUM PA BZOD PA NI, DE LTAR BRTZON 'GRUS BRTZAMS PAS CHOS KYI SNANG PA

, ,SHAS CHER 'PHEL NAS SEMS TZAM LA GNAS TE YUL DU SNANG BA 'DI NI NANG GI SEMS KHO NAR ZAD DO ZHES RTOGS PA'O, ,DE NAS DON DU SNANG BA RNAMS NI SEMS KHO NAR ZAD KYI SEMS LAS GZHAN MIN NO ZHES MTHONG STE DE'I TSE NI GZUNG BA'I G-YENG BA SPANGS LA 'DZIN PA'I G-YENG PA 'BA' ZHIG LUS SO, ,'DI GZUNG MED KYI PHYOGS GCIG LA ZHUGS PA DANG 'DZIN PA MED PA'I RJES SU SONG BA'I PHYIR DE KHO NA NYID KYI PHYOGS GCIG LA ZHUGS PA'I TING NGE 'DZIN TO, ,DE LTAR YANG CHOS KYI SNANG BA 'PHEL NAS NI, ,SEMS TZAM LA NI GNAS PAR 'GYUR, ,DE NAS DON DU SNANG BA NI, ,SEMS SU RAB TU MTHONG BAR 'GYUR, ,DE TSE 'DI YI GZUNG BA YI, ,RNAM PAR G-YENG BA DE SPONG 'GYUR, ,DE NAS DE LA 'DZIN PA YI; ;RNAM PAR G-YENG BA 'BA' ZHIG LUS, ZHES SO, ,BZHI PA CHOS MCHOG NI, DE LTAR GZUNG BA'I G-YENG BA SPANGS NAS 'DZIN PA'I G-YENG BA TZAM LA GNAS PA DE YANG 'DI SNYAM DU DE LTAR GZUNG BA MED NA 'DZIN PA YANG YOD PAR MI RIGS SA, ZHES 'DZIN PA'I G-YANG BA LA CHAGS PA YANG DE MA THAG TU SPANGS NAS DE MA THAG PA'I TING NGE 'DZIN LA REG PAR BYED DE 'DI NI DE MA THAG PA'I TING NGE 'DZIN ZHES BYA'O, ,CI'I PHYIR DE MA THAG PA'I TING NGE 'DZIN ZHES BYA ZHE NA, GZUNG PA'I G-YENG BA SPANGS PA'I DE MA THAG TU 'DZIN PA'I G-YENG BA SPONG BA DANG, 'DZIN PA'I G-YENG BA SPANGS PA'I DE MA THAG TU SA DANG POR 'JUG PAS SO, ,DE LTAR YANG, ,DE TSE BAR CHAD MED PA YI, ,TING NGE 'DZIN LA MYUR DU REG ,'DI LTAR DE YI MJUG THOGS

SU 'DZIN PA'I RNAM PAR G-YENG BA SPONG, ,'DI DAG GO RIM BZHIN DU NI, ,DRO BAR GYUR SOGS YIN ZHES BYA, ZHES SO, ,RGYAN SNANG LAS, DANG PO GSUM YE SHES KYI SNANG BA CHUNG 'BRING CHE GSUM DU GSAL BA DANG BZHI PA SNANG MED KYI YE SHES KYI SNANG BA RDZOGS PA LA BSHAD DO, ,DE LTAR NA DANG PO GSUM GYIS NI GZUNG MED LA SGOM BYUNG GI NGES PA RNYED KYANG SEMS TZAM DU ZHEN PAS 'DZIN PA'I G-YENG BA MA ZHI LA, BZHI PAS NI SEMS TZAM DU YANG MI 'DZIN PAS 'DZIN MED LA SGOM BYUNG GI NGES PA RNYED DO, ,DON 'DI LA RIGS RAL NA RE, DE NI MA YIN TE, 'DI LTAR DE'I MJUG THOGS ZHES CHOS MCHOG GI RJES SU 'DZIN PA'I G-YENG BA SPONG BAR GSUNGS PAS SO ZER BA NI DON MIN TE, 'GREL CHEN LAS DE'I MJUG THOGS KYI DON GZUNG BA'I G-YENG BA SPANGS PA'I DE MA THAG LA BSHAD PA DANG, RGYAN SNANG DU YANG CHOS MCHOG TU 'DZIN PA'I G-YENG BA MED PAR GSUNGS PA DANG, KUN BTUS SU MDO DRANGS PAR YANG, BYANG CHUB SEMS DPA' MNYAM GZHAG PAS, ,YID KYI GZUGS BRNYAN MTHONG DE NAS, ,RANG GI 'DU SHES NGES PAR BZUNG, ,DE LTAR NANG GI SEMS GNAS NAS, ,GZUNG BA MED PAR RTAGS PAR BYA, ,DE YI 'OG TU 'DZIN MED PAR, ,DE NAS MI DMIGS REG PAR BYA, ZHES 'DZIN PA MED PA'I 'OG TU MTHONG LAM BKA' STZAL BA'I PHYIR RO, ,DE LTAR BZHI PO 'DI DAG NI BDAG MED PA'I DON LA LHAG PAR MOS PA BRTAN PA'I PHYIR MOS SPYOD KYIS ZHES KYANG BYA'O, ,DKON MCHOG SPRIN LAS KYANG, SA 'DI LA GNAS PA'I BYANG CHUB

, ,SEMS DPA' NI SO SO SKYE BO YIN NA YANG BYIS PA'I RGUD PA THAMS CAD LAS YANG DAG PAR 'DAS SHING TING NGE 'DZIN DANG GZUNGS DANG RNAM PAR THAR PA DANG MNGON PAR SHES PA LA SOGS PA'I YON TAN GRANGS MED PA DANG YANG LDAN NO, ZHES YON TAN DU MA DANG LDAN PAR YANG GSUNGS SO, ,GNYIS PA NI, NGO BOS PHYE NA DROD RTZE BZOD MCHOG BZHI YOD LA, CHE 'BRING GIS PHYE NA BCU GNYIS TE RE RE LA GSUM GSUM DU YOD PAS SO, ,GZHAN YANG DROD RTZE GNYIS DANG BZOD PA DANG CHOS MCHOG LA CHOS LA NGES SEMS KYI BZOD PA CHUNG 'BRING CHE GSUM DU YANG BSHAD DO, ,CHOS MCHOG LA PHAR PHYIN GYI 'GREL PA RNAMS SU CHE 'BRING GI DBYE BA BSHAD LA, MNGON PA GONG 'OG GNYIS KAR SKAD CIG GCIG TU BSHAD CING, MDO RGYAN LAS KYANG DE MA THAG PA'AM BAR CHAD MED PA'I TING NGE 'DZIN DU BSHAD PAS SKAD CIG TU BZHED PA 'DRA'O, ,GSUM PA NI, KHA CIG NA RE, SBYOR LAM MNYAM GZHAG NI RNAL 'BYOR MNGON SUM YIN GYI RTOG PA GANG YANG MED DO ZHES ZER LA, GZHAN DAG NI DRAN PA BCAD SHES SO, ZHES 'DOD DO, ,DE LA MKHAS PA DAG GI ZHAL SNGA NAS DANG PO MI 'THAD DE, GZHAN DU NA SBYOR LAM MNYAM GZHAG DE CHOS NYID MNGON SUM DU RTOGS PA DANG, MTHONG SPANG GI SA BON 'GA' SPANGS PA DANG; RTOG BCAS DANG CHUR MTHOD GI SHES PA MA YIN PAR 'GYUR TE, RNAL 'BYOR MNGON SUM YIN PA'I PHYIR RO, ,DANG PO GSUM 'DOD NA KUN BTUS LAS, BDEN PA RNAMS LA RNAM PA BCU DRUG NI 'JIG RTEN PA YANG YOD 'JIG RTEN

LAS 'DAS PA YANG YOD DO, ,'JIG RTEN PA DANG 'JIG RTEN LAS 'DAS PA LA BYE BRAG CI YOD CE NA, SHES BYA LA LEGS PAR MA ZHUGS PA DANG LEGS PAR ZHUGS PA DANG, SGRIB PA DANG BCAS PA DANG SGRIB PA MED PA DANG, RNAM PAR RTOG PA DANG BCAS PA DANG RNAM PAR RTOG PA MED PA'I PHYIR TE, 'DI NI BYE BRAG GO ZHES PA DANG 'GAL LO, ,BZHI PA LA KHYAB PA MED NA AA BHYAS DE LA GANG CIG SHOS RNAMS KYI MNGON SUM DE NI DON DAM PA'I DBANG DU BYAS NAS MA 'KHRUL BAR MI BRJOD DO, , GZHAN DU NA THAMS CAD RNAL 'BYOR PA KHO NAR 'GYUR GYI TSU ROL MTHONG BAR MI 'GYUR RO ZHES PA DANG 'GAL LO, ,GNYIS PA YANG MI 'THAD DE, YE SHES KYI GSAL SNANG MED PAR THAL TE DRAN PA BCAD SHES YIN PAS SO, ,KHYAB PA YOD DE, DRAN PA BCAD SHES SGRA RTOG YIN LA DE LA GSAL SNANG 'GAL BAS SO, ,'DOD NA AA BHYAS YE SHES KYI SNANG BA SHIN TU GSAL BA SKYE BA DE'I TSE BZOD PA'I GNAS SKABS TE ZHES PA DANG 'GAL LO ZHES GZHAN LUGS 'GOG PAR BSHAD DO, ,DE LA YE SHES KYI GSAL SNANG YOD PAR BSHAD PA YANG TSOGS LAM DU RNAM G-YENG SHAS CHE BA SBYOR LAM DU SGOM BYUNG GIS 'DRIS PAR BYAS TE SHAS CHUNG BA LA BZHED NA RUNG LA, DE LTA MIN PAR CHOS NYID LA YE SHES KYI GSAL SNANG YOD PAR 'DOD NA DE LA MNGON SUM DU THAL BA GANG GIS BZLOGS, SPYIR MNYAM GZHAG DGAG RTOG GI NGO BOR BZHED PA DANG SGRA RTOG MED PAR 'DOD PA YANG 'GAL TE DE YANG 'CHAD PAR 'GYUR RO, ,'O NA RANG GI LUGS GANG ZHE NA, SBYOR LAM MNYAM GZHAG

, ,BDAG MED PA'I DON LA MNGON SUM DU NI MI 'DOD DE, SO SKYE'I RGYUD LA NYON YID MNGON GYUR DU MI 'JUG PA'I SKABS SRID PAR THAL BA'I PHYIR TE, BDAG MED MNGON SUM GYIS RTOGS PA'I BLO MNGON DU GYUR PA'I TSE BDAG LTA MNGON DU GYUR PA 'GAL BAS SO, ,DES NA SBYOR LAM BDAG MED LA DMIGS PA NI BDAG MED KYI DON SPYI RANG LA SNANG BA LA DER MOS NAS 'DZIN PA'I DON SPYI 'JAL BA'I BLO YIN PA'I PHYIR SGRA DON SNANG BA'I RTOG PA YIN LA, TSOGS LAM DU BDEN BZHI'I DON RIGS PAS NGES PA'I 'DU BYED MA NYAMS PA LA, DE LTAR DRAN PA'I BCAD SHES KYANG YOD CING BDAG MED KYI KHYAD PAR 'GA' ZHIG LA RJES DPAG KYANG YOD DO, ,DE LTAR NA SBYOR LAM RANG GI NGO BO 'KHRUL SHES YIN KYANG THA MAL PA'I BLO LTAR RNAM PA THAMS CAD DU 'KHRUL PA MA YIN TE, CHOS KYI DBYINGS SHIN TU RNAM PAR DAG PA'I RGYU MTHUN PA THOS PA'I BAG CHAGS RTAS PAS SKYED PA'I PHYIR RO, ,DON GYI DBANG 'DI GZIGS NAS, RJES SU MTHUN LA PHYIN CI LOG ,RJES SU 'BREL BCAS BZLOG PA DANG, ,PHYIN CI MA LOG PHYIN CI LOG ,RJES SU 'BREL MED SGOM PA'O, ZHES RJE BTZUN GYIS GSUNGS PA'I DON 'GREL PA NA MKHAS MCHOG DBYIG GNYEN GYIS MA 'KHRUL BA'I RJES SU MTHUN PA'I 'KHRUL SHES NI SO SKYE RNAMS KYI SGOM LAM DANG, PHYIN CI LOG GI SGOM SPANG DANG 'BREL LA RANG GI NGO BO MA 'KHRUL BA NI 'PHAGS PA SLOB PA'I SGOM LAM DANG, PHYIN CI LOG DANG RJES 'BREL GNYIS KA MED PA NI MI SLOB PA'I SGOM LAM LA GSUNGS SHING, 'GREL

BSHAD DU 'ANG DANG PO NI DRIN NYE NAS STOBS SGOM PA'I BAR DANG, GNYIS PA BYANG CHUB YAN LAG BDUN DANG LAM GYI YAN LAG SGOM PA'I BAR LA GSUNGS SO, ,MDOR NA GANG DAG TSUR MTHONG GIS CHOS NYID MNGON SUM GYIS RTOGS PA YOD PAR 'DOD CING MTSAN NYID KYI THEG PA NAS MI MTHONG BAR BSHAD PA'I 'GAL SPONG LA SNGAGS DANG MTSAN NYID KYI LAM NYE RING GI DBANG GIS YIN NO ZHES PA'I SGYUS 'DRID BA NI KHO BO'I MA MO GSHAM MO ZHES PA DANG 'DRA ZHING, KHYAD PAR DU MTSAN NYID THEG PAR 'PHAGS PA KHO NA LA YOD PAR GSUNGS PA'I ZAB MO'I DON DU GYUR PA DE SNGAGS KYI THEG PAR TSUR MTHONG GIS KYANG RTOGS PA'I NYE RING GI KHYAD PAR YOD PA DANG, MCHAN NYID THEG PAR TSUR MTHONG GIS THOB SLA BAR GSUNGS PA'I MNGON SHES SPYAN RDZU 'PHRUL LA SOGS PA RNAMS CHOS NYID MNGON DU GYUR KYANG MI THOB PAR 'DOD PA NI, BLUN PO TSIG TZAM ZHIG LA YID CHES PA RNAMS MA GTEGS PA MKHAS PA RIGS PA'I RJES SU 'BRANG BA SU ZHIG YID CHAS TE, MTHOD SPANG DANG SGOM SPANG GI BDAG LTA CUNG ZAD KYANG KHA MA BRI BAR BDAG MED MNGON SUM GYIS RTOGS BAR 'DOD PA'I PHYIR RO, ,GZHAN YANG THABS MCHOG DANG LDAN PA'I LAM MTHAR THUG GIS BSGRUBS PA'I RTOGS PA NI LDOG LA THABS MCHOG DANG MI LDAN PA'I DMAN PA NYI TSE BAS BSGRUBS PA'I RTOGS PA MI LDOG PAR 'DOD PA 'DI YANG BLO GROS NAM MKHA' DANG MNYAM PA KHYED LAS GZHAN SU ZHIG GIS RNYED, DES NA 'DI DAG NI MKHAS PA RNAMS KYIS MNYAN PA TZAM YANG SPANG STE, THAMS CAD MKHYEN PA ZHI BA 'TSOS,

, ,TSU ROL MTHONG BA THAMS CAD KYI, ,SEMS NI DE LA NOR BA'I PHYIR, ,YANG DAG DNGOS PO CUNG ZAD KYANG, ,MNGON SUM DAG GIS GRUB PA MED, CES DANG, RGYAL BA'I RGYAL TSAB KYIS, PHRA PHYIR THOS PA'I YUL MIN PHYIR,, DON DAM YIN PHYIR BSAM BYA MIN, ,CHOS NYID ZAB PHYIR 'JIG RTEN PA'I, ,SGOM PA LA SOGS YUL MA YIN, ,GANG PHYIR GZUGS LA DMUS LONG BZHIN, ,BYIS PAS DE SNGON MTHONG MA MYONG, ZHES PA LTAR KHAS BLANG NGO, ,GNYIS PA LA GNYIS, SPYI'I MTSAMS SBYAR, DON DNGOS BSHAD PA'O, ,DANG PO NI, GDAMS NGAG GI RJES SU NGES 'BYED YAN LAG STON PA'I 'BREL CI ZHE NA, LAM DANG SA LA 'JUG PA'I LAS DANG PO PA GNYIS LAS DANG PO NI, SNGAR BSHAD PA DE LTAR GDAMS NGAG THOB PA STE DE'I DON NYAMS SU BLANGS PA LA NGES PAR 'BYED PA STE MI RTOG PA'I NGO BO MTHONG LAM DE'I DBYE BA NI CHA SHAS THOB PA YIN LA, YAN LAG NI DE'I RGYU STE DE 'BYUNG BAS SO, ,GNYIS PA LA GNYIS, NGO BO MDOR BSTAN, KHYAD CHOS RGYAS PAR BSHAD PA'O, ,DANG PO LA GNYIS LAS, DANG PO NI, KHYAD PAR DU 'PHAGS SO, ,GANG NA, BYANG SEMS YIN LA SKYAB PA'I BSAM PA YOD PAS SKYOB PA'I DROD SOGS KYI BDAG NYID CHUNG 'BRING CHEN PO RNAMS NI'O, ,GANG LAS NA, NYAN THOS SOGS SO, ,GANG GIS NA, RGYU DANG SOGS SO, ,NYI SNANG LAS, NYAN THOS LA SOGS PA LAS KHYAD PAR RNAM PA BZHI BRJOD PAR BYA BA YIN TE ZHES RTOG PA MA GTOGS PA BZHI KHYAD CHOS SU BZHED

LA SANG YES KYANG NGO, ,ZLOS SPONG GI SKABS SU DRUG GSUNGS PA NI KHYAD PAR 'PHAGS CHOS MIN PAR BSTAN ZIN TO, ,'GREL PA 'DIS SBYOR LAM GYI GRANGS JI LTA BA BZHIN LDAN ZHING RTEN PA'I RNAM RTOG BZHI DANG BCAS PA'I KHYAD PAR LNGAR BZHED DE, DAG SNYING ZLA 'OD BUDHA SHR'I RNAMS KYANG NGO, ,RGYAN SNANG DU KHYAD PAR DANG PO BZHIS 'PHAGS PAR BSTAN NAS, DE'I 'OG TU RTOG PA BZHIS GRANGS BZHIN DU SBYOR LAM 'DI DAG KUN NAS NYON MONGS PA LA BRTEN PAR BRJOD PAR BYA'O ZHES GSUNGS SHING DE NAS DE BZHIN DU JI SKAD BSHAD PA'I RTOG PA DANG LDAN PA LA BRTEN PA 'DI DAG RE RE ZHING CHUNG DU DANG 'BRING DANG CHEN PO'I DBYE BAS KHYAD PAR DU 'PHAGS PAR YANG BRJOD PAR BYA BA YIN PAS KHYAD PAR RNAM PA LNGA'O ZHES 'CHAD DO, ,'DI'I DON LA KHA CIG RTOG PA DOR BA'I KHYAD CHOS LNGA'O ZHES 'DOD KYANG, NYAN RANG GI SBYOR LAM KHYAD PAR DANG BRAL BAR STON PA NA RTOG PA'I KHYAD CHOS MED PAR BSTAN GYI CHUNG 'BRING GI DBYE BA MED PAR MA BSTAN PAS DE MI 'THAD DO, ,DES NA GZHUNG 'DI LTAR SBYAR TE, 'DI DAG RE RE ZHING CHUNG DU DANG 'BRING DANG CHEN PO'I DBYE BAS JI SKAD BSHAD PA'I RTOG PA DANG LDAN PA LA BRTEN PAS KHYAD PAR DU 'PHAGS PAR YANG BRJOD PAR BYA BA YANG YIN PAS ZHES 'GREL PA 'DI LTAR DU DBYE BA 'PHAGS GZHI RU BYA'O, ,CI'I PHYIR KHYAD CHOS LNGAR BSTAN NA, KHA CIG 'DI SNYAM DU THEG PA CHE CHUNG GI SBYOR LAM 'DI GNYIS DMIGS PA BDEN BZHIR MTSUNGS PA DANG, BYED LAS RANG RANG GI MTHAR THUG PA'I SPANGS RTOGS TZAM SGRUB PA DANG, YONGS

, ,'DZIN SANGS RGYAS SU KHYAD MED PA'I PHYIR RTOGS PA DANG, BYED LAS DANG YONGS 'DZIN LA KHYAD MED DO SNYAM PA'I DOGS PA SKYE BAS DE BSAL BA'I PHYIR LNGA BSTAN TE, DE LA DMIGS RNAM GYIS NI RTOGS PA'I KHYAD PAR BSTAN TE, NYAN RANG GIS NI BDEN BZHI TZAM ZHIG GTAN LA DBAB PA'I GZHI DMIGS PAR BYAS NAS MI RTAG SOGS KYI SGO NAS SHES PAR BYED PAS GANG ZAG LA BDAG MED PA'I DMIGS RNAM CAN YIN LA, THEG CHEN GYIS NI MI RTAG SOGS KYIS KHYAD PAR DU BYAS PA'I BDEN BZHI GTAN LA DBAB BYA RU BYAS NAS MI RTAG SOGS SU ZHEN BYAR MI BDEN PAR GCOD PA'I PHYIR CHOS KYI BDAG MED PA'I DMIGS RNAM CAN NO, ,'DI NI RTZA 'GREL GYI BZHED PA STE KHA CIG NYAN RANG GIS RANG RGYUD KYI BDEN PA DANG THEG CHEN GYIS RANG GZHAN GNYIS KA'I RGYUD KYI BDEN PA LA DMIGS PA'I PHYIR DMIGS PA'I KHYAD PAR 'DOD PA DANG, GZHAN DAG BDEN BZHI SGYU MA LTA BU LA DMIGS PAS ZHES 'DOD PA NI DON MIN NO, ,RGYU DANG LDAN CHOS KYIS NI BYED LAS BSTAN TE, 'BRAS BU'I THEG PA GSUM GA'I RTOGS RIGS THAMS CAD TSANG BAR SKYED PA DANG, RANG 'BRAS MTHONG SGOM GYI LAM RNAMS RANG RGYUD KYI SHES SGRIB GZUNG 'DZIN GYI RTOG PA THAMS CAD ZAD BYED DU SKYED PAS SO, ,DES NA RTOG PA SPANG SBYAR LDAN PA KHYAD CHOS YIN PA'I PHYIR, MTHONG BA DANG SGOM PAS SPANG BAR BYA BA'I PHYIR, ZHES GSUNGS SO, ,YONGS 'DZIN GYI KHYAD PAR NI 'CHAD PAR 'GYUR RO, ,GNYIS PA LA BZHI, THEG CHEN GYI SBYOR LAM KHYAD PAR LNGA LDAN, NYAN

RANG GI SBYOR LAM KHYAD PAR LNGA BRAL, BYANG SEMS KYI DMIGS TSUL SNA TSOGS SU BSTAN PA, DE LA RTZOD PA SPANG BA'O, ,DANG PO NI, KHYAD PAR DU 'PHAGS PA YIN NO, ,GANG NA, BYANG CHUB SEMS DPA' RNAMS KYI NGES PAR 'BYED PA'I CHA DANG MTHUN PA BZHI PO CHU DU DANG 'BRING DANG CHEN PO RNAMS NI'O, ,NGES 'BYED CHA MTHUN JI 'DRA BA ZHE NA, 'DI LA GSUM LAS, RGYU'I KHYAD PAR NI THOS PA DANG SOGS PAS BSAM PA RAB KYI MTHAR PHYIN PA THOB PA THAR PA'I CHA MTHUN GYI DAD PA LA SOGS PA'I MTSAN NYID DE NGO BO NYID DU GYUR PA'I DGE BA'I RTZA BA DE'I 'OG TU STE RJES SU SKYES PA'O, ,DMIGS RNAM GYI KHYAD PAR NI, RANG 'BRAS BDEN BZHI MNGON SUM GYIS RTOGS PA'I MTHONG LAM DANG DMIGS RNAM RJES SU MTHUN PA'O, ,NGO BO'I KHYAD PAR NI, CHOS MCHOG MAN CHAD KYE GANG ZAG 'JIG RTAN PA DANG 'PHAGS PA'I RJES THOB LTA BU BLO 'JIG RTEN PA GNYIS KA'I DBANG DU BYAS PA'I 'JIG RTEN PA'I SGOM PA LAS BYUNG BA'O, ,BZHI PO GANG ZHE NA, DRO BAR GYUR PA DANG ZHES SOGS SO, ,DE YANG DRO BA RNAMS ZHES SOGS RNAM DBYE DANG PO'I TSIG GIS GSAL BA'I DBYE BA BSTAN LA, DRO BAR GYUR PA ZHES SOGS GYUR PA'I SGRAS SPYI'I TSIG TU BRJOD PA'O, ,CHUNG 'BRING CHEN PO'I KHYAD PAR GANG NA, CHUNG DU LA SOGS PA GSUM NI THOG MA BAR DANG THA MAR RIM GYIS SKYE BAS BZHAG LA, SAM GYI DON YANG NA BYANG SEMS DBANG PO RTUL 'BRING RNO GSUM DANG 'BREL BA'I BYE BRAG GIS TE SGO NAS 'JOG GO ,GANG LAS NA, NYAN THOS DANG SOGS PAS RANG RGYAL SOGS SO, ,GANG GIS NA, LNGA LAS DANG PO DMIGS

, ,PA'I KHYAD PAR GYI NGO BO NYID NI, RGYAS BSHAD NAS 'CHAD PAR 'GYUR BA'I BDEN BZHI'I DNGOS PO STE KHYAD CHOS MI RTAG SOGS LA DMIGS PA DANG RNAM PA'I KHYAD PAR NI, MNGON PAR ZHEN PA MED PA LA SOGS PA STE SGYU MA LTA BU'I RNAM PAR ZHUGS PA'O, ,DE'I RGYU MTSAN YANG GZUGS SOGS LA BDEN PAR 'DZIN PA'I CHOS BDAG TU LTA BA'I GNYEN PO BYED PA NYID KYIS SO, ,RGYU'I KHYAD PAR NI, 'BRAS BU YI THEG PA GSUM CHAR GYI RTOGS RIGS RTOGS PA STE, THOB PA'I RGYU'I NGO BO DANG, YONGS 'DZIN GYI KHYAD PAR NI, DGE BA'I BSHES GNYEN 'TSANG RGYA BA'I THABS LA MKHAS PA'I MTSAN NYID KYIS SANGS MA RGYAS KYI BAR DU SRID ZHIR LTUNG BA LAS YONGS SU 'DZIN PA DANG, LDAN CHOS KYI KHYAD PAR NI, RTZE SBYOR GYI SKABS NAS BSTAN PA'I RANG 'BRAS MTHONG SGOM GYI LAM GYIS SPANG BAR BYA BA'I GZUNG 'DZIN GYI RTOG PA BZHI PO RGYAS BSHAD NAS 'CHAD PAR 'GYUR BA'I TSUL DANG RGYUD 'BREL BAR 'BYUNG BA'O, ,GNYIS PA NI, NYAN RANG GI SBYOR LAM DE KHYAD PAR LNGA DANG BRAL BAR CIS SHES SHE NA, 'BYUNG NGO GANG LAS NA, LUGS LAS TE NYAN THOS KYI LUNG NGAM SDE SNOD LAS SO, ,GANG NA, NYAN RANG DE DAG GI DRO BA SOGS KYI DGE RTZA'I DMIGS RNAM LA SOGS PA'I RNAM GZHAG NI'O, ,JI LTAR NA, GZUGS SU RUNG BA DANG SOGS PAS NYAMS SU MYONG BA, MTSAN MAR 'DZIN PA, SEMS YUL LA 'DU BYED PA, YUL SO SOR RNAM PAR RIG PA'I MTSAN NYID KYIS MTSON PA'I PHUNG PO LNGA'I

DNGOS PO'I BDAG NYID KYI BDEN BZHI DAG PA BA LA DMIGS PA DANG GANG ZAG GI BDAG TU LTA BA'I GNYEN PO BYED PA NYID KYIS MI RTAG SOGS BCU DRUG TZAM GYI RNAM PAR ZHUGS PA DANG, NYAN RANG GI THEG PA RE RE BA RTOGS PA STE THOB PA KHO NA'I CHED DU GYUR PA'I RGYU DANG, THABS MKHAS KYI DGE BSHES KYIS DMAN LAM LAS YONGS SU 'DZIN PA DANG BRAL BA DANG, RANG GI BYANG CHUB KYI GEGS SU GYUR PA'I RTOG PA BZHI RGYUD LA MI LDAN PAR 'BYUNG NGO ZHES DE LTAR RO, ,DE'I PHYIR THEG CHEN LAS DMAN PAR GRUB BO, ,'O NA THEG DMAN GYI LUNG LAS RANG GI SBYOR LAM KHYAD PAR DE DAG DANG BRAL BA'I DMAN PAR STON PA MI 'THAD CE NA, THEG DMAN GYI LUNG LAS KHYAD PAR DE DAG MED PA'I SGO NAS DMAN PAR MA GSUNGS KYANG, NYAN RANG GI DMIGS RNAM LA SOGS PA 'DI LTA BU'O ZHES BSHAD PA NYID KYIS THEG CHEN LAS DMAN PAR GRUB BA LA DGONGS NAS KHYAD PAR LNGA BRAL DU BSTAN PAR GSUNGS SO, ,GSUM PA NI, BYANG CHUB SEMS DPA' RNAMS KYI NGES PAR 'BYED PA'I CHA DANG MTHUN PA RNAMS KYIS NI KHA CIG TU NI RGYU'I SGO NAS JI LTAR SRID PA'AM RIGS PA BZHIN DU BDEN PA BZHI'I DNGOS PO LA DMIGS PA YIN LA ZHES RNAM PAR SBYAR TE LHAG MA LA YANG DE BZHIN NO, ,DE YANG BZOD PA 'BRING GI SKABS KHA CIG TU NI RGYU'I SGO NAS DMIGS TE; SKYE BA DANG NGES 'BYUNG MED PA RTOGS PA 'DI NI LUS SOGS DAG PA LNGA'I RGYU BYED PA YIN NO ZHES 'DZIN PA'I PHYIR RO, ,CHOS MCHOG CHUNG DU'I SKABS KHA CIG TU NI 'BRU'I SGO NAS DMIGS TE, DPA' BAR 'GRO BA LA SOGS PA'I TING NGE

, ,'DZIN 'DI NI SEMS CAN LA PHAN PA'I 'BRAS BU DANG LDAN NO ZHES RTOGS PA'I PHYIR RO, ,SNGA MAS NI 'BRAS BU SNGON DU MA RTOGS PAR SKYED PA'I NUS PA RNAM PAR BYED LA, PHYI MAS NI 'BRAS BU NYID LA DMIGS NAS DE LA DNGOS SU YOD PAR RTOGS NAS RNAM PAR BYED DO, ,BZOD PA CHUNG NGU'I SKABS KHA CIG TU NI NGO BO NYID KYI SGO NAS DMIGS TE, DON DAM PAR NGO BO NYID MED PA 'DI NYID KUN RDZOB TU NGO BO YOD PA YIN NO ZHES 'DZIN PAS SO, ,RNAM PA LHAG MA DGU'I SKABS KHA CIG TU NI CHOS NYID KYI RNAM PA'I SGO NAS DMIGS TE, BDEN BZHI SPROS BRAL DON DAM PA DE RNAM PAR BYED PAS SO, ,DE LTAR NA KUN RDZOB DANG DON DAM GYI RNAM PA GNYIS LAS DANG PO LA RGYU 'BRAS BU NGO BO NYID DANG GSUM RNAM PAR BYED LA, DON DAM PA NI CHOS NYID KYI RNAM PA KHO NAR ZAD DO, ,DE LTAR RNAM PA DU MAS DMIGS PA DE YANG ZHEN PA MED PA'I THABS LA MKHAS PA'I STOBS KYIS SO, ,'DI DAG GI SKABS RNAMS NI RGYAN SNANG GI BZHED PA BDAG NYID CHEN POS BKOD PA LTAR BDAG GIS KYANG BRIS SO, ,'DI LAS GZHAN DU KUN 'BYUNG LA SDUG BSNGAL GYI RGYU BYED PA DANG, SDUG BSNGAL LA KUN 'BYUNG GI 'BRAS BU DANG, 'GOG PA LA CHOS THAMS CAD DE'I NGO BO NYID YIN PAS NGO BO NYID DANG, LAM LA CHOS NYID KYI RNAM PA'I SGO NAS DMIGS ZHES RIGS BYIN 'CHAD PA DANG, SHER 'BYUNG GIS KUN 'BYUNG LA SOGS PA'I BDEN PA BZHI PO RNAMS LA RTEN CING 'BREL PAR 'BYUNG BA'I MTSAN NYID KYI

RGYU DANG, RTOGS BZHIN PA'I 'BRAS BU DANG, STONG PA NYID KYI MTSAN NYID KYI NGO BO DANG, THA MI DAD PA'I BDAG NYID CHOS NYID DE BZHI PO RNAMS KYIS SAM, MNGON PAR ZHEN PA MED PA LA SOGS PA'I RNAM PA RNAMS KYIS DMIGS PA RNAMS LA SGRUB PA RNAM PA BCU GNYIS SKYE BA ZHES BYA BA YIN NO, ZHES DANG, TSIG GSAL DU, RGYU'I SGO NI THEG PA MA LUS PA'I'O, ,'BRAS BU NI SANGS RGYAS NYID KYI MNGON SUM PA'I RGYUR GYUR PAS SO, ,NGO BO NYID NI CHOS KYI DBYINGS KYI RANG BZHIN DU NGES PAR GNAS PA STE, CHOS KYI DBYINGS LAS MA GTOGS PA, ,'DI LTAR CHOS YOD MA YIN TE, ZHES 'BYUNG BA'I TSUL LAS SO, ,CHOS NYID KYI RNAM PA'I SGO NI CHOS KYI DBYINGS KYI RANG BZHIN DE YANG KUN RDZOB PA'I DMIGS PA DANG RNAM PA LA SOGS PA'I BYE BRAG DU MAR RTEN CING 'BREL PAR 'BYUNG BA'I MTHU'I CHE BAS GNAS ZHES BYA BA'I DON TO, ,DES NA THEG PA CHEN PO 'DIR NI RANG BZHIN GCIG NYID LAS SNA TSOGS PAR 'GYUR BA'I THABS LA MKHAS PA'I MTHU'I CHE BA YIN LA; SNA TSOGS KYANG GCIG KHO NA 'DI LTAR SPROS PA MED PAR 'GYUR BA NI CHOS KYI DBYINGS KYI BDAG NYID KYI CHE BA'O ZHES 'CHAD PA RNAMS NI SLOB DPON GYI DGONGS PA MIN NO, ,RNAM PA BZHI PO DE'I SGO NAS DMIGS PAR MA ZAD RNAM PA GZHAN GYIS KYANG BDEN PA BZHI LA KUN TU DMIGS SO ZHES BYA BAR SHES PAR BYA'O, ,DE YANG JI 'DRA BA ZHE NA, SNGA MA NYAN RANG GI RNAM PA'I SKABS SU BSTAN PA BZHIN DU MI RTAG PA LA SOGS PA, BCU DRUG GI SGO NAS KYANG DMIGS SO ZHES BSHAD

, ,NA 'GRIG LA, RIGS BYIN LTAR MNGON ZHEN MED PA LA SOGS PA'I RNAM PA GZHAN GYIS KYANG ZHES 'CHAD PA NI MI 'THAD DE, MNGON ZHEN MED PA'I RNAM PA NI CHOS NYID KYI RNAM PA YIN PAS DE LAS GZHAN DU MI RIGS PAS SO, , 'O NA RNAM PA DE DAG TSANG BAR 'DIR STON CIG CE NA, MDOR BSDUS TE SOGS SO, ,BZHI PA NI, GAL TE RNAM PA BCU DRUG LAS MANG BA'I RNAM GZHAG DE DAG MI 'THAD DE, MDZOD LAS, DRI MED BCU DRUG GZHAN RNAM MED, CES GSUNGS PAS SHE NA, THEG CHEN GYI RNAM GZHAG 'DI LA NI THEG PA GZHAN THEG DMAN GYI LUGS LA BRTEN NAS GNAS SKABS GANG DU YANG SUN 'BYIN PA BRJOD PAR MI BYA STE, GANG GI PHYIR THEG CHEN GYI LUGS 'DI NI THEG DMAN GYI RNAM GZHAG LAS GZHAN MI MTSUNGS PA KHO NA YIN PA'I PHYIR RO, ,DE LTAR SPYI KHYAB BSGRUBS PA NA BYE BRAG SBYOR LAM GYI DMIGS RNAM LA YANG GO BAR 'GYUR RO, ,RIGS BYIN MANG POS BKUR BA DAG BDAG CAG GI SDE SNOD LA THEG CHEN MI SNANG BAS DE SANGS RGYAS KYIS GSUNGS PA MA YIN LA DE'I PHYIR DE LA KHYAD PAR DU 'PHAGS PA'I CHOS KYANG GA LA YOD CES PA'I LAN DU GZHUNG 'DI BTON NAS THEG CHEN BKAR SGRUB PAR BYED KYANG, AAR GYIS RTZOD PA SLONG TSUL SNGAR BSHAD PA DE YANG MDZAD DE DE NYID 'GRIG PAR MTHONG NGO, ,GNYIS PA LA GSUM, DMIGS RNAM RGYU GSUM DANG, MTSUNGS LDAN RTOG PA DANG, YONGS 'DZIN DGE BSHES KYI KHYAD PAR RGYAS PAR BSHAD PA'O, ,DANG PO LA GSUM, SPYI'I MTSAMS SBYAR BA, SO

SO'I DBYE BA BSHAD PA, BRJOD TSUL LA RTZOD PA SPANG BA'O, ,DANG PO NI, DMIGS PA DANG ZHES SOGS SO, ,SGOM LAM LA GDAMS PA'I SKABS SU, BYANG SEMS RTZE MO'I SKYON DU MI LTUNG BA DE LTA BU'I DGE RTZA RDZOGS PAR BGYI BAR 'TSAL BA'I BYANG SEMS KYIS YUM LA BSLAB PAR BYA'O, ZHES GSUNGS PA DANG, SH'A RI'I BUS RAB 'BYOR LA SKYON DE DRIS SHING RAB 'BYOR GYIS THABS MI MKHAS PAS PHYIN DRUG DANG RNAM THAR SGO GSUM LA BRTEN TE NYAN RANG GI SAR YANG MI LTUNG LA BYANG SEMS KYI SKYON MED PAR MI 'JUG PA'O, ZHES SMRAS PA DANG, SH'A RI'I BUS RAB 'BYOR LA DE LTA BU DE CI'I PHYIR BYANG SEMS KYI SKYON DU 'GYUR ZHES DRIS PAS NA, BYANG CHEN GYI SKYON NI CHOS LA SRED PA'O, ZHES SMRAS PA DANG, SH'A RI'I BUS RAB 'BYOR LA CHOS LA SRED PA GANG YIN DRIS PA'I LAN DU DMIGS RNAM GYI MDO 'DI GSUNGS TE 'DI NI GDAMS NGAG DANG SBYOR LAM GNYIS KYI MDO YI 'BREL LO, ,GNYIS PA LA BZHI, DROD, RTZE MO, BZOD PA, CHOS MCHOG GI DMIGS RNAM MO, ,DANG PO LA GNYIS, RTZA BA DANG, 'GREL PA'O, ,DANG PO LA GSUM ,CHUNG NGU 'BRING CHEN PO'I DMIGS RNAM MO, ,DANG PO LA GNYIS LAS, DMIGS PA NI, MI RTAG SOGS BCU DRUG BDEN PA BZHI'I RTEN CHOS SU YOD PA CAN YIN LA DMIGS PA DE'I RNAM PA NI, MI RTAG SOGS SU MNGON ZHEN SOGS GSUM DGOG PA STE, BYANG TSE GZUGS MI RTAG CES BYA BAR MNGON PAR ZHEN PA DANG, LHAG PAR GNAS PA DANG, KUN SHES PA DANG, SDUG BSNGAL BA DANG, STONG

, ,PA DANG, BDAG MED PA DANG, STONG PA DANG, SMON PA MED CES BYA BAR SNGAR LTAR SBYAR TE, MTHAR MNGON PAR ZHEN PA DANG LHAG PAR GNAS PA DANG KUN SHES PA 'DI NI SH'A RI'I BU BYANG CHEN GYI MTHUN PA'I CHOS LA SRED PA STE SKYON YIN NO, ZHES TE, 'DIS SDUG BDEN DU RTOGS PA'I DMIGS RNAM BSTAN LA SKABS 'DIR DROD CHUNG NGU LA BDEN PA BZHI KA'I DBANG DU BYAS PA'I DMIGS RNAM STON PA'I MDO LE BRGYAD MA NYI SNANG DAG SNYING RNAMS SU SBYAR RO, ,DE YANG 'DIR PHUNG PO LNGA LA MI RTAG PA NAS BDAG MED KYI BAR BSTAN PAS NI DMIGS PA BSTAN PA BSTAN LA RNAM PA NI BZLOG PA'I SGO NAS SO, ,ZHEN PA GSUM NI DAG LDAN DU MNGON ZHEN CHE 'BRING CHUNG GSUM LA BSHAD LA YUM GSUM GNOD 'JOMS SU, CHE 'BRING DU 'JOG TSUL DAG LDAN DANG 'DRA ZHING DE GSUM RIM PA LTAR 'DU SHES DANG SEMS DANG LTA BA PHYIN CI LOG LA BSHAD DO, ,MTHUN PA'I CHOS LA SRED PA YANG DE NYID LAS, PHYIN CI LOG SPONG BA'I RGYUR GYUR PA'I PHYIR MTHUN PA ZHES BYA'O, ,CHOS SU RNAM PAR RTOG PA DANG BCAS PA'I PHYIR CHOS LA SRID PA ZHES BYA'O, ZHES SO, ,DROD SOGS BZHI PO THAMS CAD KYIS THEG PA GSUM CHAR GYI RTOGS RIGS TSAD BA 'THOB PA'I RGYU BYED PA NI, NYAN THOS KYI SA LA SLOB PAR 'DOD PAS KYANG YUM 'DI NYID MNYAN PAR BYA, GZUNG BAR BYA, BCANG BAR BYA, BKLAG PAR BYA, KUN CHUB PAR BYA, TSUL BZHIN DU YID LA BYA'O, ,DE BZHIN DU RANG SANGS RGYAS KYI SA DANG, BYANG

SEMS KYI SA DANG, SANGS RGYAS KYI SA LA SLOB PAR 'DOD BAS KYANG, ZHES SNGAR LTAR GSUNGS NAS, DE CI'I PHYIR ZHE NA, 'DI LTAR YUM 'DI LAS BYANG CHEN RNAMS KYIS NYAN THOS KYI SA 'AM RANG SANGS RGYAS KYI SA'AM BYANG SEMS KYI SA 'AM SANGS RGYAS KYI SA GANG LA BSLAB PAR BYA BA'I THEG PA GSUM PO RNAMS RGYA CHER BSTAN TE, ZHES SO, ,'DI LA DAG LDAN DU, THEG PA GSUM STE BYANG CHUB PA RNAM PA GSUM THOB PA'I RGYUR GANG DAG RIGS LA SOGS PA'I STOBS KYIS BYANG CHUB DMAN PA YANG 'THOB PA'I PHYIR, ZHES BSHAD KYANG, KU LAN TAS MYANG 'DAS GSUM GYI RGYU LA BSHAD PA'I DON 'BRAS BU'I THEG PA'I YON TAN YAR LDAN DU 'DUS PA'I RGYU LA BYA'O, ,GNYIS PA LA GNYIS LAS, DMIGS PA NI, 'DU 'GONG SKYE 'JIG DANG BRAL BA'I GZUGS SOGS YIN LA, RNAM PA NI, GNAS BRAL RGYUN MI 'DRA BAR 'JUG PA DANG GNAS PA DE LAS BZLOG PAR 'JUG PA GNYIS KYIS STONG PA STE, BCOM LDAN 'DAS BDAG GIS GZUGS KYI 'DU BA DANG 'GOD PA MA 'TSAL MA DMIGS YANG DAG PAR RJES SU MA MTHONG NGO, ZHES DANG, MING DE GNAS PA YANG MA LAGS, MI GNAS PA YANG MA LAGS, GNAS PA DANG BRAL BA YANG MA LAGS, GNAS PA DANG BRAL BA MA LAGS PA YANG MA LAGS SO, ,DE CI'I PHYIR ZHE NA; MING DE MA MCHI BA STE, ZHES SO, ,'DU BA SKYE BA 'GOD PA 'JIG PA DANG, MA DMIGS MA MTHONG ZHES TSIG GNYIS SMOS PA YID BYED GNYIS KYI DBANG DU BYAS NAS YIN NO, ,SH'ANTIS GZUGS SOGS SKYE 'JIG CES BTON NAS, SKYE BA

, ,NI MING GIS GZHAN LAS GO BA DANG, 'JIG PA NI MING GIS GZHAN LA STON PA DANG, GNAS BRAL SOGS LA BZHI YOD PA'I GNYIS LAS MA SMOS PA NI, 'DIR SMOS PA GNYIS GTZO BO YIN PAS SO, ZHES 'CHAD DO, ,GSUM PA LA GNYIS LAS, DMIGS PA NI, MING DU BTAGS TZAM GYI CHOS YIN LA, RNAM PA NI, DE MING GANG GIS KYANG BRJOD DU MED PA STE, BCOM LDAN 'DAS BRDA DANG LDAN PA'I CHOS GDAGS PA 'DI LTA STE, BYANG CHUB SEMS DPA' ZHES BGYI BA GANG LAGS PA DE YANG PHUNG PO 'AM KHAMS SAM SKYE MCHED DAM SANGS RGYAS KYI CHOS MA 'DRES PA BCO BRGYAD KYI BAR GANG GIS KYANG BRJOD PAR BGYI BA MA LAGS TE, CHOS SU BTAGS PA TZAM DU BAS SO, ZHES DANG, BYANG SEMS KYI CHOS DANG DE BZHIN GSHEGS PA DANG RANG SANGS RGYAS DANG DE BZHIN NYID DANG, SANGS RGYAS KYI CHOS RNAMS ZHES BYA BA'I MING NI, DGE MI DGE KHA NA MA THO BA DANG BCAS MA BCAS, BDE? SDUG ,BDAG YOD MED, ZHI NA ZHI, DBEN MI DBEN, MTSAN MA YOD MED, DNGOS PO YOD MED GANG GIS KYANG BRJOD DU MA MCHIS PA'O, ZHES SO, ,GNYIS PA NI, 'DIR DE LA ZHES DANG, 'OG RNAMS SU ZHES BYA BA LA ZHES PA NI RTZA BA DE DANG DES BSTAN PA'I SBYOR LAM LA CHA 'BRING GI DBYE BA BSTAN PA'I PHYIR DU GNAS GZHI'I SGRA SMOS SO, ,'DI LA GNYIS, DBYE BA BSHAD PA DANG DON BSDU BA'O, ,DANG PO LA GSUM LAS, DANG PO DRO BA CHUNG NGU'I GANG DMIGS BYA'I DMIGS PA NI, SDUG BSNGAL LA SOGS PA'I BDEN PA BZHI LA BRTEN PA MI RTAG PA LA SOGS PA RNAM PA BCU

DRUG NI YIN TE, SHES NAS SGRO 'DOGS GCAD PAR BYA BA'I GZHI YIN PAS SO, ,GANG GIS DMIGS BYED DMIGS PA DE'I RNAM PA NI, SDUG BSNGAL LA SOGS PA'I BDEN PA LA MI RTAG PA SOGS SU MNGON PAR ZHEN PA DANG LHAG PAR GNAS PA DANG KUN SHES PA RNAMS 'GOG PA STE, DE DAG TU ZHEN BYAS STONG BAR GCOD PAS SO, ,GANG DMIGS BYA DANG GANG GIS DMIGS BYED CES LHAG MA'I DMIGS RNAM THAMS CAD LA YANG SBYAR RO, ,DE LTAR NA DMIGS RNAM LA 'DOD LUGS DU MA YOD KYANG 'DIR BSHAD PA'I DON NI, YONGS SU SHES PAR BYA BA'I GZHI NI DMIGS PA DANG, DE'I STENG DU YONGS SU SHES PAR BYA RGYU'I DON GCIG LA RNAM PAR 'DOD PAR BYA ZHING DE GNYIS KYIS KHYAD PAR DU 'PHAGS PAR BSHAD PA NI DE GNYIS YUL DU BYED PA'I BLOS KHYAD PAR DU BYAS PA LA YUL DES BYAS PAR BTAGS PA YIN TE, DMIGS RNAM GYI KHYAD PAR 'CHAD PA NA BDEN PA BZHI'I DNGOS PO LA DMIGS PA, ZHES DANG, MNGON PAR ZHEN PA LA SOGS PA 'GOG PA ZHES BSHAD PAS SO, ,DE LTA NA DMIGS RNAM GNYIS KA DMIGS BYED DU MTSUNGS PAS KHYAD MED DU YANG MI 'GYUR TE, KHYAD GZHI DANG KHYAD CHOS LA DMIGS PA'I KHYAD PAR YOD PAS SO, ,RGYU'I KHYAD PAR NI, DRO BA LA SOGS PA ZHES BA STE GO BAR ZAD DO, ,GNYIS PA DRONG 'BRING GI DMIGS PA NI, MOS PA YID BYED BYIS PAS SGRUB PA DANG DGAG PA DAG MA DMIGS SHIN DE KHO NA NYID YID BYED 'PHAGS PS DE GNYIS MA MTHON BA ZHES BYA BA STE, MDOR NA DE KHO NAR DGAG SGRUB GNYIS DANG BRAL BAS KHYAD PAR DU BYAS PA'I GZUGS LA SOGS

, ,PA YIN NO, ,RNAM PA NI, DMIGS PA DE LA DE KHO NAR MING GI RGYUN 'DRA BA DANG, RGYUN MI 'DRA BAR 'JUG PA'I MTSAN NYID DAG MED PA STE DE GNYIS GANG YANG RJOD BYED DU 'JUG PA MED DO ZHES RTOGS PA STE, RGYU MTSAN NI MING THAMS CAD MED PAR RTOGS PA NYID KYIS SO, ,DE LA NYI SNANG DU GNAS PA NI RGYUN 'DRA BA'O, ,GNAS PA DANG BRAL BA NI RGYUN MI 'DRA BA'O, ZHES PA LTAR SLOB DPON GYIS KYANG BKOD LA DE'I DON LA KU LAN TAS RANG RIS GSAL BA KUN LA KHYAB BA'I SPYI LA RGYUN 'DRA BA DANG, GSAL BA BYE BRAG RNAMS LA RGYUN MI 'DRA BAR 'DOD PA NI, GZHUNG GZHAN DU SPYI LA 'DRA BA DANG BYE BRAG LA MI 'DRA BAR BSHAD PA YOD KYANG DGONGS PA MIN TE, RGYUN 'DRA MI 'DRA NI MING LA RTZI DGOS PAS SO, ,SNGA MA RNAMS BUM PA MI RTAG PA KA BA NI BYAS ZHES PA LTA BU MI 'DRA BA DANG, BUM PA MI RTAG PA BUM PA BYAS ZHES PA LTA BU 'DRA BAR 'DOD MOD KYANG, 'DIR NI MING GI RIGS 'DRA SNGA PHYI BRGYUD MAR 'BYUNG BA LA RGYUN 'DRA BA DANG, DE LTAR MED PA LA RGYUN MI 'DRA BAR BYA STE, GNAS BA RGYUN 'DRA BAR GSUNGS LA GNAS PA NI RGYUN MIN PA LA MED PAS SO, ,MDOR NA RGYUN DANG SKAD CIG MING GANG YANG MED CES PA'I DON TO, ,GSUM PA DROD CHEN PO'I DMIGS PA NI, BRDAR BRTAGS PA'I CHOS THA SNYAD PA STE MING TZAM GYIS KHYAD PAR DU BYAS PA YIN NO ZHES BYA BAR RTOGS PA'I GZUGS NAS SANGS RGYAS ZHES BYA BA'I BAR GYI CHOS THAMS CAD YIN NO, ,RNAM PA NI DMIGS PA DE DON DAM PAR DGE SOGS KYI CHOS GANG DU YANG BRJOD DU MED DO ZHES RTOGS PA'O, ,GNYIS PA NI, MTHONG LAM

RNAM PAR MI RTOG PA'I YE SHES ME DANG 'DRA BA SKYE BA'I SNGA LTAS YIN PA'I PHYIR DRO BA ZHES BRDA SBYAR BA'I LAM 'DI LA NI DMIGS RNAM ZUNG LDAN GSUM DU YOD DE, KHYOD CHUNG 'BRING CHE GSUM LA DMIGS RNAM ZUNG RE RE SNGAR BSHAD PA DE LTAR NA'O, ,GNYIS PA LA GNYIS LAS, DANG PO LA GSUM LAS, RTZE MO CHUNG NGU'I DMIGS RNAM LA, BDEN PA RNAM PAR MA BZHAG PA DANG, BZHAG PA GNYIS LAS, DANG PO'I DMIGS PA NI, GZUGS SOGS DE'I NGO BOR RANG BZHIN MED PAS ZHEN NAS MI GNAS PA STE GNAS BYAR MED PA'I GZUGS SOGS YIN LA, RNAM PA NI, GZUGS SOGS DE DAG GCIG GCIG GI RANG BZHIN DANG RANG BZHIN CAN GCIG PA THA DAD MED PA STE, BYANG CHEN YUM LA SPYOD PAS GZUGS LA GNAS PAR MI BGYI'O, ZHES DANG, GZUGS GZUGS KYIS STONG, ZHES DANG, BCOM LDAN 'DAS GZUGS KYI STONG PA NYID GANG LAGS PA DE YANG GZUGS MA LAGS, STONG PA NYID LAS GZHAN NA YANG GZUGS MA MCHIS TE, GZUGS NYID STONG PA NYID STONG BA NYID GZUGS SO, ZHES SO,, GZUGS NYID STONG PAS NI RTAG PA DANG STONG PA NYID GZUGS KYIS NI CHAD PA'I MTHA' BKAG GO ,GNYIS PA NI DE MI RTAG NAS NGO BOS STONG GI BAR DANG, DE DAG CES PA'I RKANG PA GCIG GO ,'DI LA BDEN PA BZHI'I DBANG DU BYAS PA'I DMIGS RNAM GNYIS GNYIS LAS, SDUG BDEN GYI DMIGS RNAM NI, BYANG CHEN YUM LA SPYOD PAS GZUGS MI RTAG GO ZHES GNAS PAR MI BGYI STE ZHES PA DANG, DE BZHIN DU GZUGS SDUG BSNGAL BA DANG ZHI BA LA SBYAR NAS GZUGS MI RTAG PA NYID GZUGS

, ,MI RTAG PA NYID KYIS STONG STE, GZUGS MI RTAG PA NYID KYI STONG PA NYID GANG LAGS PA DE YANG GZUGS MI RTAG PA NYID MA LAGS, STONG PA NYID LAS GZHAN NA YANG GZUGS MI RTAG PA NYID MA MCHIS TE, GZUGS MI RTAG PA NYID STONG PA NYID STONG PA NYID GZUGS MI RTAG PA NYID DO ZHES LHAG MA GSUM LA YANG SBYAR NAS SO, ,SKABS 'DIR KUN 'BYUNG GI RNAM PA BZHI LA YANG DMIGS RNAM SBYAR RO ZHES NYI SNANG LAS GSUNGS PA'I DGONGS PA BDAG NYID CHEN POS MDO LAS STONG NYID MTSAN MED SMON MED DBEN PA BZHI LA SNGAR LTAR GSUNGS PA RNAMS KYIS RGYU SOGS BZHI BKAG PA SBYOR RO, ,'GOG BDEN GYI DMIGS RNAM NI, DE BZHIN NYID CHOS NYID CHOS KYI DBYINGS CHOS NGES PA NYID YANG DAG MTHA' LA DE LTAR GSUNGS PA RNAMS SO; ;DE LTAR BDEN PA DANG PO GSUM GYI DMIGS RNAM LA NI DE MI RTAG SOGS NAS, DE DAG GCIG GI RANG BZHIN GCIG ,CES PA'I DON SNANG BAS RKANG PA GSUM PO DES BSTAN TO, ,LAM BDEN GYI DMIGS RNAM NI, CHOS RNAMS MI 'DZIN GANG YIN DANG ZHES PAS BSTAN TE, DE YANG GZHUNG 'DIS MTSAN MAR GZUNG BYAS STONG PA'I CHOS RNAMS DMIGS PAR SHUGS LA BSTAN NAS DE LTAR MI 'DZIN BA'I RNAM PA DNGOS SU BSTAN PA YIN TE, BYANG TSE THABS MI MKHAS PAS BDAG TU BGYI BA DANG BDAG GIR BGYI BA LA GNAS PA'I YID KYIS GZUGS LA GNAS NA DE GZUGS MNGON PAR 'DU BGYI BA LA SPYOD KYI YUM LA MI SPYOD DO, ZHES DNGOS SU PHUNG PO LNGA LA BDAG DANG BDAG GIR BZUNG BA'I NYES PA BSTAN PA'I SGO NAS

SHUGS LA 'DZIN PA DE GNYIS DANG BRAL BAR RTOGS PAR BYA ZHES DMIGS PA BSTAN TO, ,DE NAS DE CI'I SLAD DU ZHE NA, BCOM LDAN 'DAS DE NI 'DI LTAR GZUGS NI YONGS SU GZUNG BA MA MCHIS PA STE, ZHES PA NAS CI NAS KYANG CHOS GANG LA YANG YID RNAM PAR MI RGYU BA DE LTAR YONGS SU BRTAG PAR BYA'O, ZHES YONGS SU MI 'DZIN PAR GSUNGS SO, ,BDAG NYID CHEN POS NI CHOS RNAMS MI 'DZIN ZHES PA'I RKANG PA GCIG PO 'DIS LAM BDEN DANG, RTZE MO 'BRING GI RNAM PA THUN MONG DU BSTAN PAR BYAS NAS RTZE MO CHUNG NGU'I LAM BDEN GYI DMIGS PA BDEN PA DANG PO GSUM GYI DMIGS PA STON PA'I GZHUNG GIS BSTAN CING, DE DAG MTSAN MAR ZHES PA'I RKANG PAS 'BRING GI DMIGS PA BSTAN PA 'PHAGS PA'I DGONGS BAR 'CHAD PA NI, MDO TSIG LA PHAL CHER 'GRIG PA SNYAM BYED KYANG DGONGS PAR CUNG ZAD MA SONG STE, NYI SNANG LAS, LAM BDEN GYI DMIGS RNAM GYI MDO SBYOR TSUL SNGAR LTAR MDZAD PA'I MJUG TU 'DI NI RTZE MO CHUNG NGU YIN NO, ZHES GSUNGS SHING, DE NAS 'BRING PO NI ZHES MTSAMS SBYAR NAS DMIGS RNAM RIM BZHIN SBYAR BA DANG GO RIM MI MTHUN PAS SO, ,GANG DAG RKANG PA DANG PO GSUM GYIS BDEN PA MA BZHAG PA'I DMIGS RNAM DANG DE'I 'OG MA GSUM GYIS BDEN PA BZHAG PA'I DMIGS RNAM, DE NAS GNYIS KYIS 'BRING DANG, DE NAS GNYIS KYIS CHEN PO'I DMIGS RNAM BSTAN PA 'PHAGS PA'I DGONGS PAR 'CHAD PA NI, DAG LDAN GYI BSHAD PA MTHONG NAS NYI SNANG GI BSHAD PA MA NGES BZHIN DU SBYAR BAS CHER RTZINGS SO, ,DES NA

, ,'PHAGS PA'I BZHED PA NI KHO BOS BKOD PA JI LTA BA BZHIN YIN LA, DE YANG BDEN BZHI'I DMIGS RNAM GYIS NI GZUGS SOGS LA MI GNAS PA'I DMIGS RNAM DANG PO DE NYID KHYAD PAR DU BYAS NAS BSTAN PAR BZHED DO, ,LAM BDEN GYI DMIGS PA DE MI RTAG SOGS ZHES PA'I RKANG PA GNYIS KYIS BSTAN PAR BYAS NA, MDO LA DE'I NGO BOS STONG DANG MI RTAG SOGS KYI DON MI SNANG BAS MDO DANG MI 'GRIG GO ,MDO MTSAMS 'BYED TSUL 'DI NI NYI SNANG JI BZHIN DU LE BRGYAD MAR PHYE LA, 'ON KYANG DER RTZE MO CHUNG NGU LA BDEN PA BZHAG MA BZHAG GI DMIGS RNAM GNYIS BYAS NAS MDO MA DRANGS SO, ,TSUL 'DI LA NI PHYIS KYI t'I KA BYED PHAL MO CHE LA DKA' MI DKA'I THE TSOM MI SNANG ZHING, 'GA' ZHIG LA THE TSOM BYUNG YANG MA GO SNANG BAS BDAG GIS 'BAD DO, ,GNYIS PA RTZE MO 'BRING GI DMIGS RNAM NI, DE DAG MTSAN MAR MI MTHONG PHYIR ZHES PAS BSTAN TE, DE YANG MTSAN MAR GZUNG BYAS STONG BA SHUGS LA DMIGS PAR BSTAN NAS DE LTAR MI 'DZIN PA'I RNAM PA DNGOS SU GSUNGS TE, RNAM MKHYEN NI MTSAN MAR GZUNG BAR BGYI BA MA LAGS TE MTSAN MA NI NYON MONGS PA LAGS SO, ,MTSAN MA YANG GANG ZHE NA, ZHES PA'I LAN DU GZUGS NAS YANG DAG MTHA'I BAR RNAMS MTSAN MAR GSUNGS PAS DMIGS PA BSTAN TO, ,SKABS 'DIR MDO LAS YUM MTSAN MAR BZUNG BA ZHIG LAGS NA NI KUN TU RGYU PHRENG BA CAN YANG BSTAN PA 'DI LA MI MOS PA DANG, MTSAN MA MED PA'I PHYIR PHRENG BA CAN DAD PA'I RJES SU 'BRANG ZHING

LHAG PAR MOS NAS PHYOGS GCIG PA'I SHES PAS ZHUGS NAS CHOS GANG YANG MI 'DZIN PAR GSUNGS PA'I 'GREL PAR, RGYAN SNANG LAS, DE LA KUN TU RGYU PHRENG BA CAN DPER BYAS PA NI MU STEGS PA DANG 'BREL PAS TING NGE 'DZIN LAS LANGS PA NI DE LHAG PAR MOS PA'I STOBS KYIS DON DE MNGON DU BYA BA'I DBANG PO NYID DU SHES PAR BYA BA'I DON YIN NO, ZHES 'CHAD DO, ,RNAM PA NI, SHES PA DE LA NANG GI THOB PA DANG MNGON PAR RTOGS PAR YANG DAG PAR RJES SU MI MTHONG NGO, ,SHES PA DE LA PHYI ROL GYI THOB PA DANG SOGS SNGAR LTAR RO, ,GSUM PA RTZE MO CHEN PO'I DMIGS PA NI, YIN LUGS RTOGS PA'I SHES RAB KYIS NI TSUL BZHIN DU YONGS SU RTOG PA STE BRTAG PA'I GZHI RNAMS YIN LA, RNAM PA NI, CHOS THAMS CAD DMIGS SU MED PAR RTOGS PA STE, BYANG CHEN YUM LA SPYOD PA NA YUM NI GANG, YUM 'DI NI GANG GI YUM 'DI NI CI ZHIG CI'I PHYIR NA 'DI LA YUM ZHES BYA ZHES DE LTAR YONGS SU BRTAG PAR BGYI'O, ZHES SO, ,DE LA DANG PO NI RDZAS SAM YON TAN NAM BYA BA'AM RIGS GANG ZHES PA'O, ,GNYIS PA NI BDAG GAM CHOS GANG GI YIN ZHES PA'O, ,GSUM PA NI, PHUNG KHAMS SKYE MCHED RNAMS KYI CI ZHIG CES RTOG PA'O, ,NANG STONG PA NYID KYI PHYIR MED CING MI DMIGS SO, ,DE BZHIN DU STONG PA NYID BCU DGU DANG SBYAR BA DANG PHYIN DRUG MED CING MI DMIGS PA LA SOGS PAS RNAM PA BSTAN TO, ,DE DAG NI 'PHAGS PA'I YIN LA, SH'ANTIS RKANG PA DANG PO GSUM DANG DE NAS GSUM TSAN PA GNYIS SU BYAS NAS RTZE MO CHUNG NGU'I DMIGS RNAM DANG, DE NAS

, ,RKANG PA GNYIS GNYIS KYIS RIM PA LTAR 'BRING DANG CHEN PO'I DMIGS RNAM BSTAN PAR SBYAR RO, ,GNYIS PA LA GNYIS, BSHAD PA DANG, BSDU BA'O, ,DANG PO LA GSUM LAS, DANG PO RTZE MO CHUNG NGU'I DMIGS PA NI, DNGOS POR DMIGS PA'I SEMS KYIS MI GNAS PA STE RTEN BYAR MED PAS KHYAD PAR DU BYAS PA'I GZUGS SOGS YIN NO, ,DE LTAR MED PA'I RGYU MTSAN NI, GZUGS SOGS DE KHO NAR RANG GI NGO BO DANG BRAL BA BDEN MED KYI NGO BO NYID YIN PAS RANG RANG GI NGO BOS STONG PA NYID KYI PHYIR RO, ,RNAM PA NI, DMIGS PA GZUGS LA SOGS PA DE DAG LA RTAG MI RTAG BDE SDUG BDAG YOD MED LA SOGS PA NYID DU BDEN PAR MI GNAS PA YIN NO ZHES BYA BAR RTOGS PA'O, ,DE LTAR MI GNAS PA'I RGYU MTSAN NI, GZUGS SOGS KYI CHOS THAMS CAD DE DAG RANG RANG GI NGO BOS STONG PA'I STONG PA NYID DAG DON DAM PAR PHAN TSUN NGO BO GCIG PA STE THA DAD MED PA YIN PAS SO, ,KHYAB STE, STONG PA NYID LA MI RTAG PA DANG SOGS PAS RTAG PA SOGS MED PA NYID KYIS TE DE DAG GI SPROS PA DANG BRAL BAS SO, ,DE LTAR NA RKANG PA DANG PO GNYIS DMIGS PA DANG, DE NAS GNYIS RNAM PA'O, ,GNYIS PA RTZE MO 'BRING GI DMIGS PA NI, DE KHO NAR MI RTAG PA SOGS DANG DE DAG RANG GI NGO BOS STONG PA'I STONG PA NYID DAG PHAN TSUN BDAG NYID GCIG PA STE THA DAD MED PA ZHES BYA BAS KHYAD PAR DU BYAS PA'I GZUGS SOGS SO, ,THA DAD MED PA'I RGYU MTSAN NI, CHOS KYI DBYINGS SPROS BRAL GYI NGO BO NYID YIN PAS MI RTAG SOGS DANG STONG NYID DAG LA RANG GI NGO BO NYID MED PAS

SO; ;RNAM PA NI, DMIGS PA GZUGS SOGS LA RANG GIR MI BYED PA STE, BDAG DANG BDAG GIR GZUNG BYAS STONG PA ZHES BYA BA GANG YIN PA DE RTOGS PA'O, ,RGYU MTSAN NI, BDAG DANG BDAG GIR GZUNG BYA'I NGO BO NYID BKAG PA STE MA GRUB PAS SO, ,'DI LA RKANG PA GNYIS DMIGS PA DANG GCIG RNAM PA'O, ,RTZE MO CHEN PO'I DMIGS PA NI, DE KHO NAR SNGON PO DANG SOGS PAS SER PO LA SOGS PA'I MTSAN MAR MI MTHONG BA STE MTSAN MA DE DAG DANG BRAL BA ZHES BYA BAS KHYAD PAR DU BYAS PA'I GZUGS SOGS YIN NO, ,RGYU MTSAN NI, NGO BO NYID MED PAS SO, ,RNAM PA NI, DMIGS PA GZUGS SOGS KYI DNGOS PO THAMS CAD BDEN PAR MI DMIGS PAR NGES PAR RTOGS PA ZHES BYA BA YIN NO, ,RGYU MTSAN NI, GNAS LUGS RTOGS PA'I SHES RAB KYIS CHOS THAMS CAD YANG DAG PA PHYIN CI MA LOG PAR RAB TU RNAM PAR 'BYED PAS SO, ,'DI LA RKANG PA GCIG DMIGS PA DANG GNYIS RNAM PA'O, ,'DI NI RGYAN GYI SNANG BA DANG 'DI GNYIS KA'I YIN LA, GRAGS CHA DANG BUD DHA SHR'I GNYIS KYANG 'DI YI RJES SU 'BRANG NGO, ,GNYIS PA NI, DROD MAN CHAD KYI DGE BA'I RTZA BA G-YO BA RNAMS KYI RTZE MOR SON PA'I PHYIR RTZE MO ZHES BRDA SBYAR BA'I LAM 'DI LA NI SOGS SO, ,GSUM PA LA GNYIS LAS, DANG PO LA GSUM LAS, BZOD PA CHUNG NGU'I DMIGS PA NI; BDEN PA'I NGO BO NYID MED PA'I GZUGS SOGS YIN LA RNAM PA NI, NGO BO DE MED PA NYID SNANG TSOD PA'I NGO BO NYID DE, GZUGS NI GZUGS KYI RANG BZHIN DANG BRAL BA'O ZHES PA NAS YANG DAG MTHA'I BAR LA DE BZHIN DU GSUNGS PA DANG

, ,GZUGS KYI RANG BZHIN JI LTA BU DRIS PA'I LAN DU GZUGS KYI RANG BZHIN DNGOS PO MED PA'O ZHES PA LA SOGS PAS DMIGS PA DANG, MTSAN NYID KYANG MTSAN NYID KYI NGO BO NYID DANG BRAL BA'O, ,NGO BO YANG NGO BO'I MTSAN NYID DANG BRAL BA'O ZHES PAS RNAM PA BSTAN PAR NYI SNANG LAS SO, ,SLOB DPON GYI BZHED PA NI, GZUGS NAS YANG DAG MTHA'I BAR RNAMS RANG RANG GI RANG BZHIN DANG BRAL BA DANG, RNAM PA'I 'OG TU CHOS DE RNAMS LA MTSAN NYID DANG BRAL BAR GSUNGS PA DANG, 'PHAGS PAS RNAM PA LA DRANGS PA'I MDO RNAMS KYIS DMIGS PA DANG, GZUGS NAS YANG DAG MTHA'I BAR LA RANG BZHIN DANG BRAL BAR BSTAN PA'I MJUG TU DE DAG GI RANG BZHIN DRIS PA'I LAN DU DE DAG GI RANG BZHIN DNGOS PO MED PAR GSUNGS PAS RNAM PA BSTAN PA YIN LA 'DI MDO DANG MTHUN PA'I BSHAD PA YIN ZHING, RTZE MO'I DMIGS RNAM NI, MNGON RTOGS RGYAN DANG MI MTHUN PAS DPYAD DGOS SO ZHES BDAG NYID CHEN POS GSUNGS SO, ,DE LA LE BRGYAD MAR DMIGS RNAM 'DI GNYIS SO SO'I MDO MTSAMS BZUNG BA MI SNANG YANG, 'GREL PA GNYIS KYI DMIGS RNAM GYI BSHAD PA'I TSIG RIS RNAMS MDO TSIG DANG BSTUN NA BDAG NYID CHEN POS GSUNG BA SLOB DPON GYI BZHED PA'O, , MDO LAS NI GZUGS SOGS KYI RANG BZHIN DNGOS PO MED PA RGYU MTSAN DU BYAS NAS SNGAR GZUGS SOGS RANG BZHIN DANG BRAL BAR GSUNGS PA BSGRUBS NAS, DE'I 'OG TU GZUGS SOGS MTSAN NYID DANG BRAL BA SOGS GSUNGS PAS

DMIGS RNAM RIM PA BZHIN MDO DANG SBYAR NA 'PHAGS PA'I DE 'GRIG LA KHYAD PAR DU SLOB DPON GYIS GZUGS SOGS NGO BO NYID MED PA'I RGYU MTSAN DU MTSAN NYID DANG MTSAN GZHI STONG NYID DU GCIG PA BKOD PA NI MDO LA MI GSAL LO, ,'DI SKAD DU MDO LAS RANG BZHIN DANG MTSAN NYID GNYIS DANG BRAL BA DANG DE DAG GI RANG BZHIN DNGOS PO MED PAR GSUNGS PAS DMIGS PA DNGOS SU GSUNGS LA, DON DAM PAR NGO BO NYID MED PA DE NYID KUN RDZOB PA'I NGO BO NYID YIN PA'I RNAM PA MDO NAS SHUGS LA GSUNGS PA BSTAN BCOS LAS DNGOS SU GSUNGS SO ZHES SMRAS NA YANG LEGS BSHAD DU 'GYUR RO, ,BZOD PA 'BRING GI DMIGS PA NI, SKYE BA 'KHOR BA DANG NGES 'BYUNG MYANG 'DAS BDEN PAR MED PA'I GZUGS SOGS DE DAG YIN LA, RNAM PA NI, DE LTAR RTOGS PA LUS SOGS DAG PA'I RGYUR RTOGS PA STE, GZUGS NI GZUGS KYI RANG BZHIN GYIS STONG STE DE LA SKYE BA'AM NGES PAR 'BYUNG BA YANG MI DMIGS SO, ZHES DANG, DE LTAR YUM LA SPYOD PA NI RNAM MKHYEN DANG NYE BA YIN TE, DE JI LTA JI LTAR RNAM MKHYEN DU NYE BAR GYUR PA DE LTAR LUS YONGS SU DAG PA DANG, NGAG YONGS SU DAG PA DANG, SEMS YONGS SU DAG PA DANG, MTSAN YONGS SU DAG PA THOB PAR 'GYUR RO, ZHES PHAN YON DANG BCAS PA GSUNGS SO, ,CHEN PO'I DMIGS PA NI, MTSAN MAR GZUNG BYA MED PA'I GZUGS SOGS DE DAG YIN LA, RNAM PA NI, GZUGS SOGS DE DAG MTSAN MAR MI RTEN PA STE GNAS BYAR MED PAR RTOGS PAS

, ,MTSAN MAR MOS BYA MIN PA DANG, DER 'DU SHES PAR BYAR MED PA YIN PAR RTOGS PA STE, THABS MI MKHAS PAS GZUGS LA SPYOD NA MTSAN MA LA SPYOD DE YUM LA MI SPYOD DO, ZHES DANG, BYANG CHEN YUM LA SPYOD PA NA GZUGS LA GNAS PA MED PA DANG LHAG PAR MOS PA MED PA DANG KUN SHES PA MED PA DANG, ZHES SO, ,GNYIS PA LA GNYIS, BSHAD PA DANG, BSDU BA'O, ,DANG PO LA GSUM LAS, BZOD PA CHUNG NGU'I DMIGS PA NI, BDEN PA'I NGO BO NYID MED PA ZHES BYA BAS KHYAD PAR DU BYAS PA'I GZUGS SOGS YIN NO, ,RGYU MTSAN NI, MTSAN NYID KYI NGO BO NYID DANG NGO BO NYID KYI MTSAN NYID MTSAN GZHI DAG STONG PA NYID SPROS BRAL DU GCIG PA STE THA DAD MED PA NYID KYIS SO, ,RNAM PA NI, DMIGS PA GZUGS SOGS DE DE KHO NAR DNGOS PO MED PA NYID SKYE BO DMIGS PA STE MNGON ZHEN CAN GYI NGO BOR BDEN PA LTA BU'I NGO BO NYID DU SNANG NGO, ZHES RTOGS PA'O, ,BZOD PA 'BRING GI DMIGS PA NI, SKYE BA 'KHOR BA DANG NGES 'BYUNG MYANG 'DAS KYI CHOS GANG DU YANG BDEN PA MED CES BYA BAS KHYAD PAR DU BYAS PA'I GZUGS SOGS YIN NO, ,RGYU MTSAN NI, RANG BZHIN GYIS SAM GDOD MA NAS MA SKYES PAS SO, ,RNAM PA NI, CHOS THAMS CAD KYI RANG GI NGO BO STONG NYID RTOGS PA KHO NAS LUS SOGS RNAM PA THAMS CAD DU RNAM PAR DAG PA'I RGYU BYED PA YIN NO, ZHES RTOGS PA'O, ,DE YANG RGYAN SNANG LAS, RNAM PAR DAG PA'I RNAM PA RGYU'I SGO NAS BSLABS PA LAS LUS KYI LAS RNAM PA GSUM YONGS SU DAG PAS LUS YONGS

SU DAG PAR 'GYUR RO, ,SEMS RNAM PAR DAG PA NI YID KYI LAS RNAM PA GSUM YONGS SU DAG PA'O, ,MTSAN YONGS SU DAG PA NI SKYES BU CHEN PO'I MTSAN SUM CU RTZA GNYIS GNAS NA GNAS PA DANG, GSAL BA DANG, YONGS SU RDZOGS PA NYID KYIS SO; ;SANGS RGYAS KYI ZHING YONGS SU DAG PA NI SEMS CAN DANG SNOD KYI 'JIG RTEN YONGS SU DAG PA NYID DO, ,NGES PAR 'BYED PA'I CHA DANG MTHUN PA'I GNAS SKABS SU 'DI DAG RNAM PA THAMS CAD DU MED PA'I PHYIR NA CUNG ZAD TZAM GYIS YIN NO, ZHES SO,, LE BRGYAD MA 'BUM KHRI BRGYAD STONG PA NYI SNANG RNAMS SU ZHING DAG PA MED PAR BZHI SNANG ZHING, 'DI'I PHAN YON DU ZHING DAG PAR BYED PA YANG BSHAD DO, ,CHEN PO'I DMIGS PA NI, MTSAN MA'I CHOS GANG DU YANG GZUNG BYAS STONG PA NYID DO ZHES BYA BAS KHYAD PAR DU BYAS PA'I CHOS THAMS CAD YIN NO, ,RGYU MTSAN NI, DE KHO NAR RANG DANG SPYI'I MTSAN NYID GRUB PAR MI 'THAD PAS SO, ,RNAM PA NI, DMIGS PA GZUGS SOGS DE MOS PA YID PHYED KYIS MTSAN MAR MI MOS PA STE MOS BYAR MED PA DANG, DE KHO NA NYID YID LA BYED PAS MTSAN MAR YONGS SU SHES PAR BYAR MED PA'O ZHES RTOGS PA'O, ,RGYU MTSAN NI, RANG BZHIN KHO NAS TE DE KHO NAR MTSAN MA RNAMS KYI RTEN DU GYUR PA'I CHOS RNAMS DANG BRAL BAS SO, ,GNYIS PA NI, 'DI THOB PA NA NGAN 'GROR 'GRO BA MED PAS CHOS CHEN PO SKYE MED LA BZOD PA'I PHYIR BZOD PAR GYUR PA ZHES BRDA SBYAR BA'I LAM 'DI LA NI SOGS SO, ,BZHI PA LA GNYIS LAS, DANG PO LA GSUM LAS, CHOS MCHOG CHUNG NGU'I DMIGS PA NI, TING NGE 'DZIN

, ,GYI STONG NYID DANG, THA DAD MED PA'I GZUGS SOGS YIN LA, RNAM PA NI, TING NGE 'DZIN DE'I BYED LAS GZHAN DON SGRUB PAR RTOGS PA STE, BYANG CHEN RNAMS KYI TING NGE 'DZIN CHOS THAMS CAD SKYE BA MED PA ZHES BYA BA STE YANGS PA MDUN DU BYAS PA TSAD MED PAR NGES PA NYAN RANG THAMS CAD KYIS MI 'PHROGS PA'O, ZHES PA NAS NAM MKHA' LTAR CHAGS PA MED PAS RNAM PAR GROL ZHING GOS PA MED PA'I TING NGE 'DZIN GYI BAR TING NGE 'DZIN BRGYA LHAG DANG BCAS PA DANG? DPA' BAR 'GRO BA ZHES BYA BA'I TING NGE 'DZIN GANG ZHE NA, TING NGE 'DZIN GANG GIS TING NGE 'DZIN THAMS CAD KYI SPYOD YUL NYAMS SU MYONG BAR 'GYUR BA STE, ZHES SO, ,'BRING GI DMIGS PA NI, GANG GI RANG BZHIN RTOGS NA LUNG STON PA'I GZUGS SOGS YIN LA, RNAM PA NI, 'KHOR GSUM DU RLOM PA ZAD PA STE, BYANG CHEN GANG TING NGE 'DZIN DE DAG GIS GNAS PA DE NI SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYIS YANG BLA MED BYANG CHUB TU LUNG BSTAN TE, ZHES DANG, DES NI TING NGE 'DZIN KYANG YANG DAG PAR RJES SU MI MTHONG STE BDAG NI MNYAM PAR GZHOG GO BDAG GI MNYAM PAR GZHAG PAR BYA'O, ,BDAG NI MNYAM PAR BZHAG PAR GYUR TO ZHES RLOM SEMS SU 'GYUR BA MED DE DE LA RNAM PAR RTOG PA DE DAG MED CING MI RGYU'O, ZHES SO, ,CHEN PO'I DMIGS PA NI, YUM TING NGE 'DZIN SGOM PA PO GSUM PO PHAN TSUN NGO BO SPROS BRAL DU GCIG PA'I GZUGS SOGS YIN LA, RNAM PA NI, TING NGE

'DZIN SOGS LA DER MI RTOG PA STE, YUM YANG GZHAN LA TING NGE 'DZIN KYANG GZHAN BYANG SEMS KYANG GZHAN ZHES BYA BA MED KYI, YUM NYID KYANG TING NGE 'DZIN, TING NGE 'DZIN NYID KYANG BYANG CHUB SEMS DPA'O, ,BYANG CHUB SEMS DPA' NYID KYANG TING NGE 'DZIN TO, ZHES DANG, CHOS THAMS CAD MED PA'I PHYIR RTOG PA MED DE DE LTAR NA TING NGE 'DZIN DE LA RTOG PA MED DO, ZHES SO, ,GNYIS PA LA BSHAD BSDU GNYIS LAS, DANG PO LA GSUM LAS, CHOS MCHOG CHUNG NGU'I DMIGS PA NI, CHOS THAMS CAD SKYE BA MED PA'I TING NGE 'DZIN DANG DPA' BAR 'GRO BA LA SOGS PA'I TING NGE 'DZIN BSGOM PAR BYA'O ZHES DE DAG DMIGS PAR BSTAN PAS DES MTSON NAS DE KHO NAR TING NGE 'DZIN RNAMS DANG STONG PA NYID THA DAD MED PAS KHYAD PAR DU BYAS PA'I GZUGS SOGS SO, ,SNGA MA DAG TING NGE 'DZIN GYI RKYEN BZHI DANG GTZO BO GANG DANG MTSUNGS PAR LDAN PA LA SOGS PA 'KHOR DANG BCAS PA YIN PAS DES PHUNG PO LNGA DANG DES KYANG BDEN PA BZHI BSDUS PAS BDEN PA DMIGS PA YIN NO GSUNG YANG RGYAN SNANG GI DGONGS PA SNGA MA'O, ,RNAM PA NI, DMIGS PA TING NGE 'DZIN DE'I BYED PA STE 'BRAS BU GDUL BYA YOD PA'I 'JIG RTEN GYI KHAMS THAMS CAD DU RANG RANG GI SKAL PA JI LTA BA BZHIN DU 'BAD RTZOL LA MI LTOS PAR LHUN GYIS GRUB PAR PHRIN LAS 'JUG PA'O ZHES 'BRAS BU'I SGO NAS DMIGS SO, ,RGYU GANG GIS 'JUG NA SNGON GYI RANG GI SMON LAM DANG TSOGS GNYIS DANG CHOS RNAMS KYI RANG BZHIN CIR YANG MA GRUB PA'I CHOS KYI DBYINGS KYI STOBS KYIS SO, ,DE YANG DBU MA'I RTZA BA

, ,LAS; GANG LA STONG PA NYID RUNG BA, ,DE LA THAMS CAD RUNG BA YIN, ,GANG LA STONG NYID MI RUNG BA, ,DE LA THAMS CAD MI RUNG 'GYUR, ZHES PA LTAR RO, ,KHA CIG 'DI'I 'BRAS BU CHOS MCHOG LA MI 'GRIG GO ZHES 'DOD KYANG, 'BRAS BU'I SGO NAS DMIGS MKHAN DE CHOS MCHOG YIN PAS DMIGS YUL GYI 'BRAS BU CHOS MCHOG GI TING NGE 'DZIN GYI 'BRAS BUR BSHAD DGOS RGYU MED DO, ,'BRING GI DMIGS PA NI, SHER PHYIN RNAL 'BYOR LA YANG DAG PAR ZHUGS PA'I TING NGE 'DZIN DANG LDAN PA'I RNAL 'BYOR PA CHOS MCHOG LA GNAS PA LA SANGS RGYAS RNAMS KYIS GSUNGS TE LUNG STON PA ZHES BYA BA'I RGYU'I GZUGS SOGS NI DMIGS PA YIN TE, DE YANG GANG ZAG GI RTOGS NA YON TAN KHYAD PAR CAN SKYE BAR BYED PA STE BDEN PA BZHI'O, ,LUNG STON PA'I RGYU MTSAN NI RTEN 'BREL GYI CHOS NYID DAM CHE BA YIN NO, ,RNAM PA NI, DMIGS PA DE DE KHO NAR MNYAM PAR BZHAG 'JOG GIS STONG PA'I SPROS BRAL DU BSLABS PAS BYANG SEMS TING NGE 'DZIN GYI RANG GI NGO BO RTOGS PA STE DE LA MNYAM PAR BZHAG PA LA BDAG NI SNGAR MNYAM PAR BZHAG PA'O SOGS PAS MA 'ONGS PA NA 'JOG PAR 'GYUR RO, ,DA LTA MNYAM PAR BZHAG BZHIN PA'O SNYAM PA'I SHES PA MNGON GYUR MI 'BYUNG BAR RTOGS PA'O; ;RGYU MTSAN NI BYANG SEMS KYI MNYAM GZHAG NA DE LTA BU'I RTOG PA MNGON GYUR PHAL CHE BA THAMS CAD MI 'THAD PAS SO, ,CHEN PO'I DMIGS PA NI, CHOS NYID KYIS TE SPROS BRAL GYI NGOR SGOM TING NGE 'DZIN DANG SGOM PA PO BYANG

SEMS DANG BSGOM BYA YUM GYI DON GSUM PO PHAN TSUN NGO BO GCIG PA ZHES BYA BA STE THA DAD MED PAS KHYAD PAR DU BYAS PA'I GZUGS SOGS SO, ,RNAM PA NI, DMIGS YUL LA BRTAG PAR BYA BA'I CHOS THAMS CAD DON LA YOD PA MIN PA NYID KYIS YUL CAN TING NGE 'DZIN DU YANG RNAM PAR MI RTOG PA'I LAM NI MTHONG LAM MAM BYANG CHUB SGRUB PA'I THABS DAM PA'O ZHES RTOGS PA'O, ,DE LTAR DMIGS YUL BRTAG PAR BYA BAS STONG PA DE CHOS NYID KYI RNAM PA YIN LA DE BZHIN DU CHOS NYID KYI RNAM PA GZHAN BRGYAD LA YANG RIG PAR BYA'O, ,KHA CIG CHOS NYID DON RNAM DANG DE RTOGS SHES RNAM ZHES GNYIS GNYIS BYED DO, ,GNYIS PA NI, 'JIG RTEN PA'I CHOS ZAG BCAS THAMS CAD KYI NANG NAS MCHOG TU GYUR ZHING ZAG MED KYI DANG PO RANG GI RTZAL GYIS 'DREN PAS CHOS KYI MCHOG CES BRDA SBYAR BA'I LAM 'DI LA NI SOGS SO, ,GSUM PA LA GNYIS, RTZOD PA DANG, LAN NO, ,DANG PO NI, KU LAN TA 'DI LTAR 'CHAD DE, DMIGS PA ZHES BYA BA LA SOGS PA THAMS CAD DU CHOS CAN YANG BSTAN PAR RIGS PA MA YIN NAM, DE CHOS TZAM DU RTEN MED PA NYID KYIS SGOM PA NI MI RIGS SHE NA, ZHES PA'I RTZOD PA BKOD NAS, LAN LA GNYIS LAS, DANG PO NI, DMIGS PA MI RTAG LA SOGS PA, BDEN PA'I RTEN CAN ZHES BYA BA LA CHOS DANG CHOS CAN BRJOD PAS DE MA GTOGS PA'I DMIGS RNAM LHAG MA GZHAN DAG LA SGRA'I DBYE BA BRJOD TSUL THA DAD PA TZAM GYIS DON STON PA'I KHYAD PAR DU BYAS PA'I CHOS DANG CHOS CAN BRJOD PA'I SGRA DES

, ,DMIGS PA TSIG TU BRJOD PAR BYA BA YIN NA YANG ZHES PA 'DIR DMIGS PA BRJOD PAR BYA BA ZHES PA NI MTSON PA TZAM STE DES NA RNAM PA BRJOD PA YANG KHYAD PAR DU BYAS PA'I TSIG GIS BRJOD DGOS SO, ,DE LTAR BRJOD DGOS KYANG SO SOR MA BRJOD PAR CHOS BRJOD KYIS THAMS CAD BRJOD PA LA NI CHOS CAN MA BRJOD PAR THAL BA'I NYES PA MED DO, ,RNAM PA MNGON ZHEN LA SOGS 'GOG ,CES PA LA SOGS PA'I GZHUNG GIS DMIGS RNAM STON PA'I SKABS THAMS CAD DU DMIGS RNAM GYI CHOS CAN KUN TU DRANGS PA LTA BUR STON PAS SO, ,DE LTA NA YANG CHOS BRJOD PAS CHOS CAN RTOGS PA YOD DAM ZHE NA, KHYAD PAR GZHAN RIGS MI MTHUN SPONG BA LDOG PA DANG MI SPONG BA MI LDOG PA MA GTOGS PAR SGRA'I KHYAD PAR 'DI DAG LA CHOS DANG CHOS CAN GYI KHYAD PAR NI YANG DAG PAR NA 'GA' YANG MED DO ZHES RIGS PA'I BSTAN BCOS KYI LUGS LAS 'BYUNG BA'I PHYIR RO, ,DES NA SHING ZHES DANG SHING NYID CES BRJOD PA GNYIS KAS KYANG SHING BRJOD PA DANG 'DRA BAR GANG DU DMIGS RNAM STON PA NA BDEN BZHI DANG 'BREL BAR SGRAS ZIN PAR MA BSTAN PA DER YANG DMIGS RNAM DE DAG BDEN BZHIR GTOGS PAR GRAGS PAS GRUB PA DANG, CHOS DANG CHOS CAN GNYIS GCIG MED NA CIG SHOS KYANG MI 'BYUNG BA'I PHYIR CHOS CAN RTOGS PAS RGOL BA 'DI NI CIR YANG MI RUNG NGO, ,GNYIS PA NI, RNAM PA GCIG TU NA STE YANG NA TSIG LE'UR BYAS PA BSDEB PA'I NGO TE SDEB SBYOR DANG 'GAL BA'I 'JIGS PAS CHOS CAN DNGOS SU BRJOD PA LAS THA DAD PAR RNAM PA MNGON ZHEN LA

SOGS 'GOG CES SOGS KYIS CHOS CAN BDEN PA KUN TU DRANGS TE DMIGS RNAM GYI DBYE BA SMOS PA YIN NA YANG, SDUG BSNGAL LA SOGS PA'I BDEN PA NI CHOS CAN YIN LA DER GTOGS PA KHO NA DMIGS PA DANG RNAM PA'I CHOS YIN NO ZHES 'CHAD PA PO RNAMS KYIS BSHAD PAR BYA'O, ,DE LTAR BSHAD PAR BYA DGOS PA CI'I PHYIR ZHE NA, MNGON PAR ZHEN PA LA SOGS PA 'GOG PA'I BDAG LA SOGS PA NI YANG DAG PAR SKYE BA DANG 'JIG PA DANG BRAL BA STE RIM DANG CIG CAR GYIS 'BRAS BU SKYED PAR MI RIGS SO; ZHES PA'I TSAD MAS BRTAGS PA NA RI BONG GI RVA DANG 'DRA BAR DGAG SGRUB KYIS STONG PAS DE NI BDEN PA GNYIS KAR MED PA'I PHYIR TEN CHOS SU MI RIGS PAR MTHONG BA NA DON GYIS NA BDEN PA RNAMS DER GO STE KUN RDZOB TU YOD PAS SO, ,DER MA ZAD 'OG MA DAG LA YANG STE GANG DU CHOS TZAM ZHIG BSTAN PA DE THAMS CAD DU SNGAR BSHAD PA'I TSUL GYIS BDEN BZHI MA SMOS KYANG CHOS CAN DU SHES PAR BYA'O ZHES 'CHAD DO, ,'DI'I LTAR NA GZHUNG GONG MA LA YANG KHYAD PAR CAN GYI CHOS CAN DANG CHOS BRJOD PAS DMIGS PA BRJOD PAR BYA BA YIN NA YANG ZHES 'DON PA DANG, DMIGS RNAM GNYIS KA CHOS SU BSHAD NAS BDEN PA CHOS CAN DU 'DOD CING, KHYAD PAR GZHAN SPONG MI SPONG GI GZHUNG DANG, MTHUN DNGOS GZHAN GYI DNGOS DAG LAS, ,LDOG PA LA NI RTEN PA CAN, ZHES PA GNYIS KYI DON GCIG TU 'KHRUL NAS KHYAD PAR GZHAN SPONG MI SPONG GI DON RIGS MI MTHUN LAS LDOG MI LDOG LA 'CHAD DO, ,t'IKA BYED PHYI MA RNAMS BSHAD PA 'DI 'THAD PHYOGS SU BYED MOD, 'DI RTZOM PA PO'I

, ,DGONGS PAR MI 'DOD DE, DMIGS PA RNAMS CHOS SU BSHAD CING KHYAD PAR GZHAN SPONG MI SPONG LOG PAR BKRAL BA'I PHYIR RO, ,DES NA DAM PA'I DON NI 'DI YIN TE, DE LA SKABS 'DI'I DMIGS PA NI, SHES PAR BYA BA'I GZHI CHOS CAN YIN LA, RNAM PA NI, DMIGS PA DE SHES PA'I THABS CHOS YIN PAS RTEN DANG BRTEN PA YIN LA DE YANG MNGON RTOGS KYI DMIGS RNAM GYI SKABS YIN PAS BDEN PA DANG DE'I STENG GI CHOS RNAMS SO, ,DE LTAR NA DMIGS PA GANG YIN CHOS CAN BDEN BZHI'I SGRAS ZIN PA DANG RNAM PA RNAMS DE'I STENG GI CHOS BRJOD PA'I SGRAS BRJOD PAR RIGS PA LA DROD CHUNG NGU'I SKABS SU DMIGS PA DE BDEN PA'I SGRAS ZIN PAR BSTAN NAS DMIGS PA GZHAN GYI SKABS SU DE'I SGRAS MA ZIN PAR BSTAN PA LA, KHA CIG 'DI SNYAM DU DROD 'BRING MAN CHAD KYI DMIGS RNAM BDEN BZHIR GTOGS PAR MI GO STE, CHOS CAN BDEN BZHI DANG 'BREL BAR MA BSTAN PAS SO, ,DE'I PHYIR DMIGS RNAM BRJOD TSUL PHYIN CI LOG TU 'GYUR TE, DMIGS PA CHOS CAN DANG RNAM PA RNAMS CHOS BRJOD KYI SGRAS BRJOD DGOS PA LA GNYIS KA YANG CHOS BRJOD PAS BRJOD PA'I PHYIR ZHE NA, 'DI'I LAN LA GNYIS, SGRA GNYIS BRJOD BYA THA DAD MED PA DANG, DON GYI SHUGS KYIS CHOS CAN GO BA'I LAN NO, ,DANG PO NI, DMIGS PA GANG YIN CHOS KYI KHYAD PAR DU BYAS PA CAN GYI CHOS CAN DANG, RNAM PA RNAMS CHOS CAN GYIS KHYAD PAR DU BYAS PA CAN GYI CHOS BRJOD PAS BRJOD PAR BYA BA RIGS NA YANG, DMIGS PA MI RTAG LA

SOGS PA, BDEN PA'I RTEN CAN ZHES PA LA CHOS CAN BDEN BZHI SGRAS ZIN PAR BRJOD PAS MA GTOGS ZHES SBYAR GYI, KUN LAN DA LTAR DER CHOS DANG CHOS CAN YOD PAS MA GTOGS ZHES MI BRJOD DE, DE NI DMIGS PA'I GZHUNG YI GYI RNAM PA'I MIN PAS SO; ;DE MA GTOGS PA'I DMIGS PA BCU GCIG RNAM PA BCU GNYIS THAMS CAD KHYAD PAR CAN GYI CHOS BRJOD PA'I SGRAS DMIGS RNAM STON PA'I SKABS THAMS CAD DU BRJOD PA LA NI CHOS CAN MA BRJOD PAR THAL BA'I NYES PA MED DE, CHOS DANG CHOS CAN BRJOD PA'I SGRA 'DI DAG LA RIM PA LTAR KHYAD PAR LDOG PA GZHAN SPONG BA DANG DE MI SPONG BA LTAR SNANG BA MA GTOGS PA SGRA GNYIS KA'I BRJOD BYA'I DON GO BA LA NI KHYAD PAR 'GA' YANG MED DO ZHES CHOS KYI GRAGS PA'I LUGS LAS 'BYUNG BA'I PHYIR RO, ,'DIS NI SGRA'I BRJOD TSUL GANG BYAS KYANG BRJOD BYA GO BA LA KHYAD MED PA'I SGO NAS LAN BSTAN TO, ,'DIR CHOS DANG CHOS CAN BRJOD PA'I SGRA GNYIS KYI RNAM GZHAG CUNG ZAD CIG DPYAD PAR BYA'O, ,'DI LA GNYIS, CHOS BRJOD KYI SGRA DANG, CHOS CAN BRJOD PA'I RNAM GZHAG GO ,DANG PO NI, SPYIR BRDA RNAMS NYAN PA PO'I SHES 'DOD DANG RJES SU MTHUN PAR 'CHAD PA PO'I BRJOD 'DOD KYIS KUN NAS BSLANG STE DGOD PA 'GA' ZHIG GI PHYIR DU SBYOR BA YIN LA, 'DIR YANG DE LTAR BSHAD DE, DE LA BRDA SBYAR BA'I DUS, BRDA SBYAR BA'I DGOS PA, GANG LA BRDA BYA BA'I YUL, DE LA BRDA SBYAR BA'I TSUL TE BZHI'O, ,DANG PO NI, NOG LKOG SHAL 'DUS PA'I GONG BU GCIG LA RTA MIN PA DANG MA HE MIN PA LA SOGS PA'I LDOG PA'I KHYAD PAR DU MA ZHIG YOD KYANG NYAN PA PO

, ,DE'I STENG DU RTA BCAD TZAM ZHIG SHES PAR 'DOD KYI MA HE MIN PA SOGS MI 'DOD PA'I TSE NA'O, ,GNYIS PA NI, DE LTA BU DE SHES PAR BYA BA'I PHYIR DU'O, ,GSUM PA NI, RTA RNAM PAR BCAD TZAM GYI LDOG PA LA'O, ,BZHI PA NI, GONG BU 'DI LA RTA MIN PA NYID YOD DO ZHES SBYOR RO, ,DE'I TSE, BRDA 'DI KHYAD PAR GZHAN SPONG GI SGRA YIN TE, BA LANG GONG BU DE NYAN PA PO'I BLO YUL DU MA HE MIN PA SOGS KYI LDOG PA GZHAN GYI RTEN DU MI RUNG BAR RTA BCAD PA'I LDOG PA CAN ZHIG GI RTEN DU 'PHANGS PAS SO, ,GNYIS PA LA YANG SNGAR LTAR BZHI LAS, DANG PO NI, BA LANG GI GONG BU LA MA HE MIN PA LA SOGS PA'I LDOG PA GZHAN SHES PA MI 'DOD PA MED PAR RTA RNAM PAR BCAD PA SHES PAR 'DOD PA'I TSE NA'O, ,GNYIS PA NI SNGAR LTAR RO, ,GSUM PA NI; LDOG PA'I KHYAD PAR GZHAN MA SPANGS PA'I BA LANG GI LDOG PA TZAM LA'O, ,BZHI PA NI, GONG BU LA RTA MIN PA YOD DO ZHES BRDA SBYAR RO, ,DE'I TSE BRDA 'DI KHYAD PAR GZHAN MI SPONG BA'I SGRA YIN TE, BA LANG GI GONG BU DE NYAN PA PO'I BLO YUL DU RTA MIN DANG MA HE MIN PA SOGS KYI LDOG PA'I KHYAD PAR GZHAN KUN GYI RTEN DU RUNG BA LTA BUR 'PHANGS PAS SO, ,DES NA SGRA DANG POS BA LANG GI GONG BU DE LDOG GZHAN GYI RTEN DU MI RUNG BA DANG, GNYIS PAS DE LDOG GZHAN GYI RTEN DU RUNG BA LTA BUR GO BAR BYAS PA TZAM MA GTOGS PA GNYIS KAS KYANG BA LANG GI GONG BU GO BAR BYED PA LA KHYAD MED DO, ,DE LTAR NA SPONG BA DANG MI SPONG BA BLO YUL DU SNANG GI DON GYI STENG NA MED DO, ,NYAN PA PO'I SHES 'DOD 'DI ZHUGS PA'I DUS SU 'CHAD PA POS BRDA 'DI SBYAR LA DES KYANG BLO

YUL DU 'DI LTAR GO BAR BYED CES PA'I TSUL 'DI NI KHYAD PAR GZHAN NI SPONG BA DANG, MI SPONG BA DAG DE GNYIS KYI, ,BRDA YI BYE BRAG RTOGS PA PO'I, ,'DOD PA'I RJES SU BYED PA'I GZHI, ZHES PA'I RANG 'GREL DU GSUNGS PA'I DGONGS PA STE GANGS CAN PA GZHAN NI 'DI LA DE'I BAR DU BLO KHAM PHYOGS SNANG NGO, ,DE BZHIN DU MKHAS PA CHOS MCHOG GIS KYANG CHOS DE CHOS GZHAN DANG 'BREL RUNG DU BRJOD MA BRJOD LA KHYAD PAR GZHAN SPONG MI SPONG GI DON DU GSUNGS SHING, RNAM 'GREL LAS KYANG, LA LAR SOR MO'I LDAN PA ZHES, , THA DAD CHOS BZHIN RJOD PAR BYED, ,DON GCIG BRJOD KYANG THAMS CAD NI, ,'PHEN PHYIR SOR MO LDAN 'GYUR ZHES, ,CHOS CAN BRJOD PAR GRAGS YIN TE, ZHES DANG, GNYIS KAS GCIG GCIG BRJOD MOD KYI, ,BRJOD BYA'I SHAN GYI KHYAD PAR GYIS, , RNAM DBYE THA DAD 'BYED PA YIS, ,THA DAD DON BZHIN SGRUB PAR BYED, CES SO, ,LAN GNYIS PA NI, LAN GYI RNAM PA GCIG TU NA TSIG LE'UR BYAS PA SDEB PA'I NGOR CHOS CAN BDEN PA SGRAS ZIN PAR BRJOD PA LAS THA DAD PAR CHOS BRJOD PA'I TSUL GYIS BDEN PA SGRAS MA ZIN PAR BRJOD KYANG BDEN BZHI DMIGS RNAM DU MI GO BAR THAL BA'I NYES PA MED DE, DE LTAR BRJOD KYANG SDUG BSNGAL SOGS PA'I BDEN PA BZHIR GTOGS PA GCIG KHO NA SBYOR LAM GYI DMIGS PA DANG RNAM PA YIN NO ZHES PAR 'GYUR RO,, DE'I RGYU MTSAN YANG MNGON PAR ZHEN PA LA SOGS PA BKAG PA NI DROD CHUNG NGU'I RNAM PA YIN LA RNAM PA DE DANG LDAN PA NI DE'I DMIGS PA BDEN PA LA BRTEN PA'I MI RTAG SOGS TE, DE NI DROD 'BRING GI DMIGS PA DE KHO NAR SGRUB PA DANG DGAG PA DANG BRAL

, ,BA DER 'GYUR ZER YANG DE DANG DON LA KHYAD MED PA'I PHYIR ZHES PA'O, ,DON NI MNGON ZHEN BKAG PA DANG LDAN PA BDEN PA'I CHOS SU SGRAS ZIN PAR BSTAN PA'I PHYIR DANG, MNGON PAR ZHEN BYAS STONG PA DANG DGAG SGRUB KYIS STONG BA LA KHYAD MED LA, DES NA PHYI MAS KHYAD PAR DU BYAS PA'I GZUGS SOGS NYID SNGA MAS KHYAD PAR DU BYAS PA'I BDEN PA YIN PAS DROD 'BRING GI TSE YANG DON GYIS NA BDEN PA DMIGS PAR SONG BA YIN NO, ,DE LTAR DROD CHUNG NGU'I DMIGS PA DANG 'BRING GI DMIGS PA GNYIS DON LA KHYAD MED PAS 'BRING LA YANG BDEN PA DMIGS PAR SONG BA DE BZHIN DU 'OG MA CHOS MCHOG GI BAR LA YANG SGRAS MA ZIN KYANG CHUNG NGU'I DMIGS RNAM DANG PHYI MA RNAMS DON KHYAD MED PAS BDEN BZHI DMIGS PA YIN PAR SHES PAR BYA'O, ,KHA CIG SHER 'BYUNG GIS JI LTAR NYAN THOS LA SOGS PA'I RNAM PA DAG CHUNG NGU'I DMIGS PAR 'GYUR BA DE BZHIN DU, DE'I RNAM PA MNGON PAR ZHEN PA LA SOGS PA 'GOG PA GANG YIN PA DE NI 'BRING GI DMIGS PAR BYA BA YIN NO, ,'BRING GI RNAM PA CHOS KYI BRDA RGYUN MI 'DRA BA DANG 'DRA BA DAG NGO BO NYID KYIS MED PA GANG YIN PA DE NI CHEN PO'I DMIGS PA YIN NO, ,DE BZHIN DU RTZE MO LA SOGS PA 'OG MA LA SBYAR BAR BYA'O ZHES BSHAD PA GZHUNG PHYI MA 'DI YI BSHAD PAR BYED PA NI SHER 'BYUNG GIS BKOD PA'I SKABS DANG DE'I DGOS PA GNYIS KA MA SHES TE, DE NI DE LAS GSAL LO, ,GNYIS PA LA GNYIS, SPYI DANG, YAN LAG GI DON NO, ,DANG PO LA GNYIS, SPANG BYA RTOG PA, SPONG BYED GNYEN PO'O, ,DANG PO LA BDUN, GANG GIS RTOG PA'I NGO

BO; GANG LA RTOG PA'I YUL, JI LTAR RTOG PA'I TSUL, RTOG PA DE'I RAB DBYE, GRANGS NGES PA, GO RIMS NGES PA, MU BRTZI BA'O, ,DANG PO LA GNYIS, SPYI DANG, BYE BRAG TU BSAM PA'O, ,DANG PO NI, MDZOD LAS, RTOG DANG DPYOD PA RTZING ZHIB NYID, CES RTZING BA'I RNAM PA CAN DANG, RNAM 'GREL LAS, SHES GANG GANG LA SGRA DON 'DZIN, ,DE NI DE LA RTOG PA YIN, ZHES MING DON 'DRER RUNG DU 'DZIN PA DANG, DBUS MTHA' LAS, YANG DAG MA YIN KUN RTOG NI, ,SEMS DANG SEMS BYUNG KHAMS GSUM PA, ZHES GNYIS SU SNANG BA'I KHAMS GSUM PA'I BLO THAMS CAD LA RTOG PAR BSHAD PA RNAMS LAS, 'DI'I RTOG PA GANG ZHE NA, PHYIS KYI t'IKA BYED RNAMS SNGA MA GNYIS MIN GYI PHYI MA'O ZHES 'DOD LA, SNGA RABS PA RNAMS BAR PAR 'DOD DO, ,DE LA LUGS SNGA MAS NI RTOG PA 'DI DAG YUL LA 'JUG TSUL GYI DON GO YANG BRDA LA RMONGS TE RTOG PA 'DI DAG YUL LA 'JUG PA NA GZUNG BA DANG 'DZIN PA 'DI DAG NI DON DAM PAR MED PA'O SNYAM DU ZHEN PAR BYED PA RANG NYID KYANG 'DOD PA'I PHYIR DANG, CHOS 'DI NI 'DI LTA BU'O ZHES SBYOR BAR BYED PA YANG SGRA RTOG YIN PAS SO, ,DE'I PHYIR MNYAM GZHAG DGAG RTOG GI NGO BOR BZHED PA DANG DE LA SGRA DON SNANG BA'I RTOG PA MED PAR BZHED PA NI 'GAL BA'I KHUR RO, ,DES NA GZUNG 'DZIN GNYIS SU 'KHRUL YANG DE DANG DER ZHEN PAR MI BYED PA NI SKABS 'DI'I RTOG PAR MI 'THAD DE, 'DI NI GZUNG BA'O 'DI NI 'DZIN PA'O ZHES ZHE NA PA'I MTSAN NYID MA TSANG BA'I PHYIR TE, DPER NA TSUNG MTHONG GI DBANG SHES BZHIN NO, ,'DRER RUNG 'DZIN PA LA NI KUN RTOG GIS KHYAB LA DE LA NI DES MA KHYAB PAS 'DRER

, ,RUNG 'DZIN PA'I KUN RTOG LA BYA'I DE DANG BRAL BA'I KUN RTOG LA MI BYA'O, ,GNYIS PA NI, 'O NA RTOG PA 'DI DAG DGAG PA'AM SGRUB PA'I RNAM PA CAN GANG ZHE NA, SANG YES KYIS NI DGAG RTOG TU 'DOD DE, JI SKAD DU, DE LA GZUNG BAR RNAM PAR RTOG PA NI RNAM PA GNYIS TE, DNGOS PO TZAM LA BRTEN PA NI, GANG GIS NA PHUNG PO LA SOGS PA DNGOS PO TZAM LA BRJOD PA TZAM DU SHES PA'O, ,GNYEN PO LA BRTEN PA NI, GANG GIS NA PHA ROL TU PHYIN PA LA SOGS PA'I RNAM PAR BYANG BA'I DNGOS PO KHO NA LA SEMS TZAM DU RNAM PAR 'JOG PAR BYED PA'O, ,'DZIN PAR RNAM PAR RTOG PA YANG RNAM PA GNYIS TE, GANG ZAG GI RDZAS LA BRTEN PA NI, GANG GIS NA 'DZIN PA'I RNAM PA GANG ZAG GI RDZAS SU SGRO BTAGS PA GTZO BOR SEMS CAN LA SOGS PAR LTA BA'I YUL GYI DNGOS PO 'GOG PAR BYED PA'O, ,DER GDAGS PA LA BRTEN PA NI, GANG GIS NA DER GDAGS PA TZAM YANG 'DZIN PA MA YIN PA NYID DU RAB TU 'BYED PAR BYED PA'O, ZHES SO, ,DE BZHIN DU YUM GSUM DON BRGYAD KYIS MTHUN PAR BSTAN PA LAS KYANG 'BYUNG ZHING BUD DHA SHR'I YANG DGAG RTOG TU 'DOD DO, ,DE BZHIN DU t'I KA BYED SNGA PHYI PHAL CHE BA YANG DGAG RTOG TU 'DOD CING, DE YANG RTZA BA DANG 'PHAGS PA DANG SLOB DPON RNAMS KYI BZHED PAR SMRA STE, DGAG RTOG MIN NA KHYAD PAR BYED CHOS SU MI RUNG NGO SNYAM DU BSAMS SO, ,BDAG NYID CHEN PO NI RDZAS 'DZIN SGRUB RTOG YIN NA NYON SGRIB TU 'GYUR LA, DE LTA NA BYANG SEMS KYI BZOD PA'I BYED CHOS SU MI RUNG BAS DE NI DGAG PA'I RNAM PA CAN YIN TE, MDO LAS KYANG

GZUGS NYE BAR MI DMIGS ZHES SOGS GSUNGS LA GZHAN GSUM NI SGRUB PA'I RNAM PA CAN DU BZHED DO, ,DE LA SPYIR BYANG SEMS LA DGAG SGRUB GNYIS KA'I RNAM PA CAN GYI RTOG PA YOD MOD, 'ON KYANG SKABS 'DI'I RTOG PA DGAG PA'I RNAM PAR 'CHAD PA NI RTZA 'GREL, GANG GI YANG DGONGS PA MIN NO, ,DE LA RTZA BA'I MIN TE, GZUNG BAR RTOG PA RNAM PA GNYIS, ZHES SOGS KYIS GZUNG BAR ZHEN PA DANG 'DZIN PAR ZHEN PA DE DAG GI RTOG PAR GSUNGS SO, ,'PHAGS PA'I LUGS LA YANG MI GSAL TE; DE'I TSIG GIS ZIN TSOD LA NI, BDAG GCIG PUR RTOG PA'I RNAM RTOG NI, ZHES DANG, KUN NAS NYON MONGS PA'I RTEN GYI BDAG TU RNAM PAR RTOG PA NI, ZHES SOGS DANG, PHUNG PO BTAGS PAR YOD PA'I RNAM PAR RTOG PA NI, ZHES DANG, SKYE MCHED BTAGS PAR YOD PA'I RNAM PAR RTOG PA NI ZHES SOGS SGRUB PA'I RNAM PA CAN DU BSTAN PA MA GTOGS PA DGAG PA'I RNAM PA CAN DU STON PA TSIG GI ZUR TZAM YANG MI 'BYUNG BAS SO, ,RGYAN GYI SNANG BAR YANG, RNAM PAR RTOG PA BZHI PO NI RANG GI BYANG CHUB KYI GEGS SU GYUR PA MA YIN PAS NA GANG GI PHYIR DE DANG 'DRES PAR GYUR KYANG MA 'DRES PAR SKYES PA YIN NO ZHES RNAM PAR BZHAG GO ZHES RNAM RTOG BZHI KA NYAN RANG LA YANG YOD KYANG RANG GI BYANG CHUB 'THOB PA'I GEGS MIN PAS YOD KYANG MED PA DANG 'DRA BAR GSUNGS PAS NYAN RANG LA GZUNG 'DZIN MA DMIGS PAR RTOGS PA'I DGAG RTOG YOD PA SLOB DPON GYI DGONGS PAR JI LTAR BZHAG ,DES NA RTOG PA BYED CHOS SU 'GRO BA YANG DGAG PA'I RNAM PA CAN YIN PAS MIN GYI, RANG

, ,GIS SKYED PA'I MTHONG SGOM GYIS ZAD PAR BYA NUS PA'I RNAM RTOG BZHI DANG LDAN ZHES RANG 'BRAS KYI SPANG BYAR LDAN PA'I SGO NAS BYED CHOS YIN PA SLOB DPON GYI DGONGS PA YIN TE, SNGAR DRANGS PA'I LUNG DANG 'DI LAS KYANG MTHONG BA DANG SGOM PAS SPANG BAR BYA BA'I GZUNG BA DANG 'DZIN PA'I RNAM PAR RTOG PA RNAM PA BZHI PO ZHES PAS SO, ,GAL TE NYI SNANG LAS, DE LA NGES PAR 'BYED PA'I CHA DANG MTHUN PA DANG PO DANG GNYIS PA DAG NI GO RIM BZHIN DU GZUNG BA'I RNAM PAR RTOG PA GNYIS SU GYUR PA YIN LA, GSUM PA DANG BZHI PA DAG KYANG 'DZIN PA'I RNAM PAR RTOG PA GNYIS YIN NO ZHES GSUNGS PA'I PHYIR, DGAG RTOG YIN TE, SGRUB RTOG GI NGO BOR SBYOR LAM MI LDAN PAS SHE NA, DE NI DROD SOGS BZHI NI RTOG PA BZHI LDAN PA LA DGONGS TE SGRA JI BZHIN PAR 'DOD NA, NYI SNANG LAS, GZUNG RTOG DANG PO GANG YIN GNYIS PA'ANG YIN PAR BSHAD PAS DROD GANG YIN RTZE MOR KHAS BLANG DGOS PAR 'GYUR RO, ,RNAM RTOG BZHI PO NYAN RANG LA YOD PAR ZLA 'OD LAS KYANG GSUNGS TE, RNAM RTOG BZHI PO YOD KYANG NYAN THOS LA SOGS PA LA NI BYANG CHUB KYI MI MTHUN PA'I PHYOGS MIN PAS RNAM PAR BZHAG PA MA BYAS SO, ZHES SO, ,GNYIS PA NI, GZUNG BA DANG 'DZIN PA GNYIS SO, ,'O NA 'DI'I GZUNG 'DZIN GANG LA BYED CE NA, SPYIR SANGS RGYAS PA LA GZUNG 'DZIN GYI 'JOG TSUL GSUM STE, SKYED BYED DANG SHES PA DANG SHES BYA DANG, BDAG DANG BDAG GI BA'I DBANG DU BYAS PA'O, ,DANG PO LTAR NA, YUL DRUG GZUNG BA DANG DBANG PO DRUG

NI 'DZIN PA'O, ,GNYIS PA LTAR NA, BEMS PO THAMS CAD GZUNG BA DANG RIG PA THAMS CAD 'DZIN PA'O, ,GSUM PA LTAR NA, BDAG NI 'DZIN PA DANG BDAG GI BA NI GZUNG BA'O, ,DE LA 'DI NI PHYI MA'I DBANG DU BYAS PA STE GZUNG BA NI RDZAS BTAGS KYI BDAG GIS SPYAD PAR BYA BA STE BZA' BYA'O, ,'DZIN PA NI DE LA SPYOD PAR BYED PA STE ZA BA PO'O ZHES BDAG NYID CHEN PO GSUNG BA LA SNGON GYI MKHAS PA DAG KYANG 'THAD PHYOGS SU BYED PA LTAR 'THAD DO, ,DE LA GZUNG RTOG GI YUL NI NYI SNANG LAS, DNGOS PO TZAM LA BRTEN PA DANG GNYEN PO'I PHYOGS LA BRTEN PA'O, ,TZAM SMOS PA NI KHYAD PAR BSAL BA'I DON DU YIN NO ZHES DANG PO'I YUL KUN BYANG SO SOR MA PHYE BA'I SPYI TZAM PA DANG, GNYIS PA'I YUL RNAM BYANG DU RIS CHAD PA LA BYAS NAS DANG PO LA GNYIS PA YIN PA DANG, GNYIS PA LA DANG PO MIN PAS KHYAB PA MDZAD KYANG, RGYAN SNANG LAS, GZHAN DAG NA RE KUN NAS NYON MONGS PA'I GZHI LA BRTEN PA NI DANG PO YIN LA, RNAM PAR BYANG BA'I GZHI LA BRTEN PA NI GNYIS PA YIN PAS 'DI GNYIS PHAN TSUN RNAM PAR CHAD PA'I RANG BZHIN YIN PA'I PHYIR 'DI GNYIS NI THA DAD PA KHO NA'O ZHES ZER RO, ZHES SNGA MAS GZUNG RTOG GNYIS YUL GYI SGO NAS KHYAD PAR BZHAG PA BKAG NAS RANG LUGS BZHAG PA 'DI BZHIN DU 'THAD DE, GZHI DANG DE YI GNYEN PO YIS, ZHES GZHI SPANG BYA'I PHYOGS SU BSTAN PA DANG, SNGA MA LTAR NA MA RIG PA'I RTOG PA SOGS RE RE YANG KUN BYANG MA LUS PA LA DMIGS PAR THAL BA'I PHYIR RO, ,DE LTAR NA KUN BYANG NGAM RNAM BYANG LA THEG PA CHE CHUNG GI RNAM

, ,BYANG GNYIS SU PHYE BA RNAMS SO, ,'DZIN RTOG GI YUL LA NI TSIG GSAL DU SO SO'I SKYE BO YUL DU BYAS TE SKYES BU RDZAS SU YOD PAR 'DZIN PA DANG, 'PHAGS PA'I GANG ZAG YUL DU BYAS TE DE LA BTAGS PAR YOD PAR 'DZIN PA ZHES GZUNG BA DANG 'DZIN PAR SBYAR RO ZHES 'CHAD PA NI SO SKYES RDZAS SU DANG 'PHAGS PAS BTAGS PAR RTOG PAR BSHAD PA MA DGONGS SO, ,DES NA RTZA 'GREL RNAMS SU SEMS CAN RDZAS SU YOD PA DANG SEMS CAN BTAGS PAR YOD PAR RTOG PA ZHES GANG ZAG YUL DU BSHAD DO, ,'O NA YUL CAN RTOG PA DE GANG ZAG TU 'DZIN PAR 'GYUR LA DE LTA NA RTOG PA 'DI RNAMS NYAN RANG GI BYANG CHUB KYI GEGS MIN PAS DE'I LAM GYIS MI SPONG BAR BSHAD PA MI 'THAD DE NYON SGRIB YIN PA'I PHYIR ZHE NA, DE'I LAN LA KHA CIG NA RE, GANG ZAG GI BDAG GI NGO BOR RTOG NA NYON SGRIB YIN YANG 'DIS RDZAS DANG BTAGS PA'I BDAG DES KUN BYANG LA 'DOR LEN BYED PAR RTOG PAS CHOS GZHAN DANG 'BREL BAR RTOG PA'I PHYIR SHES SGRIB PO ZHES ZER RO, ,'DI NI CHES MI 'THAD DE, DE LTA NA DBANG PHYUG 'GRO BA'I RGYUR 'DZIN PA YANG NYON SGRIB MIN PAR THAL LO, ,'DOD NA, DE YANG BYANG SEMS LAM GYI THUN MONG MIN PA'I SPANG BYAR 'GYUR RO, ,MA NGES NA, SNGA MA YANG CHOS GZHAN DANG 'BREL BAR 'DZIN PA'I SHES SGRIB YIN PAS NYAN RANG GI SPANG BYA MIN PAR 'DOD PA NYAMS SO, ,BYANG SEMS KYI THUN MONG MA YIN PA'I SPANG BYA MIN PAR 'GYUR BAS NA KU M'A RA SHR'IS GANG ZAG RDZAS SU YOD PA NI GANG ZAG GI RDZAS KYI BDAG TU 'DZIN PA'O, ,SKYES BU

BTAGS PAR YOD PA NI CHOS KYI BDAG TU 'DZIN PA'O ZHES DE GNYIS KYI KHYAD PAR BSHAD PA YANG MI 'THAD DO, ,DES NA RDZAS DANG BTAGS PA'I GANG ZAG YUL GYI 'DZIN PA POR ZHEN PA YIN NA THUN MONG MA YIN PA'I SPANG BYA MIN PAR THAL BA SUS KYANG MI ZLOGS PAS GANG ZAG GAM SEMS CAN DU RTOG PAR BSHAD KYANG DE DAG DNGOS MIN GYI DE DAG TU SGRO BTAGS PA'I GZHI PHUNG PO KHAMS SKYE MCHED KYI CHOS TZAM ZHIG LA GZUNG NGO, ,DE YANG RTAG GCIG RANG DBANG CAN GYI GANG ZAG YUL LA 'DZIN PA POR MI ZHEN KYANG BDAG DES DBEN PA'I CHOS TZAM ZHIG LA 'DZIN PA POR SGRO 'DOGS PA SKYE LA, CHOS DE LA YANG DON DAM RDZAS GRUB KYI DNGOS POR GZUNG NAS DE LTAR ZHEN PA DANG, DON LA MA GRUB PA'I BTAGS PA TZAM DU BZUNG NAS DE LTAR RTOG PA GNYIS SU 'GYUR RO, ,GSUM PA LA GNYIS, RANG LUGS BZHAG PA DANG, GZHAN LUGS MI 'THAD PAR BSTAN PA'O, ,DANG PO NI, YUL DE DAG LA RTOG PAS JI LTAR ZHEN ZHE NA, KUN BYANG GI GZUNG BA LA DMIGS NAS RIM PA LTAR 'DI NI MTHA' GCIG TU DOR BYA'I GZUNG BA'O SNYAM DU MI MTHUN PA DANG, 'DI NI MTHA' GCIG TU BLANG BYA'I GZUNG BA 'O SNYAM DU MTHUN PAR 'DZIN PA 'DI'I GZUNG RTOG GI ZHEN TSUL LO, ,'DI NI THEG DMAN GYI LAM YIN PAS 'DI LAS LDOG PA DANG, 'DI NI THEG CHEN GYI LAM YIN PAS 'DI LA 'JUG PAR BYA'O SNYAM DU ZHEN PA NI RTZE MO'I GZUNG RTOG GI ZHEN TSUL LO, ,GANG ZAG TU BTAGS PA'I GZHI RDZAS SU GRUB PA DANG, DER BTAGS PA'I GZHI BTAGS PA TZAM 'DI NI YUL RNAMS KYI 'DZIN PA PO

, ,'AM; LONGS SPYOD PA PO'O SNYAM DU ZHEN PA NI 'DZIN RTOG GI ZHEN TSUL LO, ,DE LTAR NA 'DIR SEMS CAN DANG SKYES BU ZHES PA NI CHOS DANG GANG ZAG GNYIS KYI GANG ZAG 'BA' ZHIG LA BSAMS PA MIN GYI YUL RNAMS KYI 'DZIN PA PO TZAM GYI MTSON BYED DO, ,DE LA RGYAN GYI SNANG BAR NI RTZE MO'I SKABS SU SGOM SPANG GI RNAM RTOG BZHI LA YANG 'JUG PA DANG LDOG PA'I GZUNG RTOG DANG, RDZAS 'DZIN DANG, BTAGS 'DZIN GYI RTOG PA ZHES MTHONG SPANG DANG 'DRA BAR 'CHAD CING DE LAS RDZAS SU YOD PA'I BDAG 'DZIN PA PO'O ZHES DANG, BTAGS PAR YOD PA'I BDAG 'DZIN PA PO'O ZHES PA NI CHOS BDAG GI STENG NAS BSHAD DO, ,NYI SNANG LAS RTZE SBYOR DU SGOM SPANG GI RTOG PA BZHI LA MING 'DOGS KYI GSAL KHA MI SNANG LA, GNYEN TSOGS KYI SKABS SU DNGOS PO TZAM GYI RNAM PA DANG, GNYEN PO'I RNAM PA DANG, 'PHAGS PA'I GANG ZAG THAMS CAD DU BTAGS PA DANG, BTAGS PA DE'I RGYU MTSAN LA BRTEN PA ZHES DANG, MTHONG SPANG BZHI'I DANG PO GNYIS LA RNAM PA MA SMOS PA MA GTOGS PA SNGAR LTAR DANG, PHYI MA GNYIS LA GANG ZAG RDZAS SU YOD PA DANG SKYES BU BTAGS PAR YOD PA LA BRTEN PA ZHES BRDA SBYOR RO, ,SNGA MA BZHI'I BRDA RTZE SBYOR GYI SGOM SPANG BZHI LA SBYOR BA 'PHAGS PA'I DGONGS PAR 'DOD PA NI MI 'THAD DE, DE LTA NA MTHONG SPANG GI BRDA YANG RTZE SBYOR GYI MTHONG SPANG LA SBYOR DGOS PAR 'GYUR NA, DE YANG MI RIGS TE, NYI SNANG LAS KYANG 'JUG PA DANG LDOG PA LA BRTEN PA ZHES BTAGS PAS SO, ,GAL TE 'DZIN RTOG RNAMS CHOS SU 'DZIN PA YIN NA, SO SKYES

KYANG CHOS THAMS CAD BDAG MED DU SHES PA YOD PA'I PHYIR DE'I 'DZIN PA LA RDZAS 'DZIN GYIS MA KHYAB PO, ZHES DANG, 'PHAGS PA LA YANG MTSAN MO 'DAS NAS NANG PAR NGAS CE SPYANG SKAD 'BYIN PA THOS ZHES GSUNGS PAS 'PHAGS PA'I 'DZIN PA LA BTAGS 'DZIN GYIS MA KHYAB PAR THAL LO ZHES PA'I LAN DU, SO SKYES BDAG MED RTOGS PA MOS PA YID BYED YIN LA, BTAGS 'DZIN NI 'DIR DE KHO NA NYID YID BYED LA 'DOD CES DANG, 'PHAGS PA LA NGA ZHES NGAR 'DZIN YOD PA SKAD GSUNGS PA THA SNYAD DAM BRJOD PA TZAM YIN NO ZHES NGAR 'DZIN LA RDZAS 'DZIN DU GSUNGS LA RGYAN SNANG LAS KYANG DE LTAR GSUNGS PAS SHE NA, 'DI'I LAN NI 'CHAD PAR 'GYUR RO, ,GNYIS PA NI, KHA CIG SO SKYE'I 'DZIN PA LA RDZAS 'DZIN DANG, 'PHAGS PA'I 'DZIN PA LA BTAGS 'DZIN DU RTOG PA DE GNYIS KYI RTOG PAR BYAS NAS 'DZIN PA DANG, DE GNYIS KYI RTOG PA SO SOR 'CHAD PA'I ZHIB CHA NI CHES MI 'THAD DE, RTOG PA 'DI GNYIS KYI YUL LA 'DZIN PA DE GNYIS GANG YANG MIN PA DU MA SNANG BA'I PHYIR RO, ,TSIG GSAL DU, DE LA SO SO'I SKYE BO DAG NI SKYES BU ZHES BYA STE 'JIG RTEN LA GRAGS PA'I RJES SU 'BRANGS PA'O, ,DE DAG RDZAS SU YOD PA NI YANG DAG PA'I KUN RDZOB DON BYA BA LA MTHU DANG LDAN PA ZLA BA GNYIS PA LTA BU MA YIN PA'O; ;'DZIN PA NI 'DI NI BDEN TE MNGON SUM DU GYUR PA'I PHYIR DANG, LUNG LAS KYANG, 'GRO BA'I LAS DANG RANG BZHIN DANG, DBYE BA GSUNGS PA'I PHYIR RO SNYAM PA'O, ZHES SO SKYE DE YANG DAG KUN RDZOB TU DON BYED NUS PAS RDZAS SU YOD

, ,PA DANG, MNGON GYUR YIN PA DANG DE'I RGYU LAS DANG 'BRAS BU RANG GI NGO BO DANG 'GRO BA'I DBYE BA GSUNGS PA RNAMS RDZAS SU 'DZIN PA'I RGYU MTSAN DU BSHAD DO, ,BTAGS 'DZIN GYI RTOGS PA'I 'JUG TSUL YANG DE NYID LAS, 'PHAGS PA'I GANG ZAG NI MYA NGAN LAS 'DAS PA YIN LA, MYA NGAN LAS 'DAS PA NI BTAGS PA TZAM STE, 'DI SKAD DU DGE SLONG DAG CHOS LNGA PO 'DI DAG NI BTAGS PA TZAM STE, LNGA GANG ZHE NA, 'DAS PA DANG, MA 'ONGS PA DANG, MYA NGAN LAS 'DAS PA DANG, SO SOR BRTAGS PA'I 'GOG PA DANG, GANG ZAG RNAMS TE 'DI DAG NI MING TZAM MO, ZHES GSUNGS PA RNAMS SO, ,DE LTAR 'DZIN PA NI 'DI NI BDEN TE 'DI NI MING TZAM DU YOD PAR GRAGS PAS GRUB CING, MING TZAM PO DE MED NA SU ZHIG LAM LA NAN TAN BYED CES MING TZAM GYI ZHES PAS 'PHAGS PA'I GANG ZAG RNAMS YOD PAR RJES SU DPOG PAR YANG BYED PA'O ZHES 'PHAGS PA'I GANG ZAG RNAMS MYANG 'DAS YIN LA MYANG 'DAS BTAGS YOD DU GSUNGS PAS 'PHAGS PA BTAGS YOD DANG, MING TZAM YANG MED NA LAM LA NAN TAN BYED PA MED PAR 'GYUR BAS MING TZAM GYIS 'PHAGS PA YOD PAR DPOG PA 'DZIN STANGS SU 'CHAD DO, ,'DI NI CHES MI 'THAD DE, LUNG PHYI MA 'DIS MYANG 'DAS BTAGS YOD DU GSUNGS PAS 'PHAGS PA'I GANG ZAG BTAGS YOD YIN NA SO SKYE YANG BTAGS YOD DU 'GYUR TE LUNG 'DIS GANG ZAG RNAMS BTAGS YOD DU GSUNGS PA'I PHYIR RO, ,RTZA 'GREL GNYIS KA SO SKYE DANG 'PHAGS PA RTOG PA POR BSHAD KYI RTOG PA'I

YUL DU BSHAD PA MED PA DANG, KUN BTUS LAS KYANG, SO SO'I SKYE BO GANG ZHE NA, 'PHAGS PA'I CHOS RNAMS MA THOB PA LA SO SO'I SKYE BO ZHES GDAGS SO, ZHES BTAGS YOD LDAN MIN 'DU BYED DU GSUNGS PA'I PHYIR BRJOD DU MI RIGS LA, GANG ZAG NI BLOS BTAGS PA TZAM KHO NA YIN PAS SO SKYE DANG 'PHAGS PA GNYIS KA BTAGS PA TZAM DU MTSUNGS PAS DE GNYIS LA RDZAS BTAGS KYI KHYAD PAR MI RUNG NGO, ,BZHI PA NI, RTZA BA'I DBYE BA BZHI YIN LA YUL GYIS PHYE BAS DE DAG RE RE YANG DGU DGUR 'GYUR BAS SO DRUG GO ,DE YANG KHAMS KYIS DBYE NA BRGYA RTZA BRGYAD DO, ,LNGA PA NI, BRTAG BYA LA GZUNG 'DZIN GNYIS SU NGES PAS DE LA RTOG PA YANG GNYIS YIN LA, GZUNG BA LA YANG KUN BYANG NGAM, THEG PA CHE CHUNG GI RNAM BYANG GNYIS SU NGES PAS GZUNG RTOG GNYIS DANG, 'DZIN PAR ZHEN PA'I YUL LA YANG RDZAS BTAGS SU NGES PAS DE'I YUL CAN GYI RTOG PA GNYIS SU GRANGS NGES SO, ,DE NI RTZA BA'I RTOG PA BZHI'I GRANGS NGES YIN LA RE RE LA DGU DGUR PHYE BA NI GDUL BYA 'KHOR DU NYE BA'I BSAM PA DANG BSTAN PA YIN GYI DNGOS PO LA GNAS PA'I GRANGS NGES MIN NO, ,'O NA GZUNG RTOG LA KUN BYANG SO SO DANG RNAM BYANG 'BA' ZHIG YUL DU BYED PA GNYIS BSHAD PA CI ZHE NA, NYAN RANG DANG THUN MONG PA'I ZHEN PA SPONG BA'I DBANG DU BYAS NAS DANG PO DANG BYANG SEMS KYI RIGS CAN GYI THUN MONG MA YIN PA'I ZHEN PA SPONG BA'I DBANG DU BYAS NAS GNYIS PA BSHAD DO, ,DRUG PA NI, RTZA BA'I RTOG PA NI NGES 'BYED BZHI'I GO RIM DANG BSTUN LA YAN LAG DGU DGUR PHYE BA LA NI BRJOD 'DOD TZAM DU ZAD KYI RGYU MTSAN

, ,GZHAN MED DO, ,BDUN PA NI NYI SNANG LAS, GZUNG BA'I RNAM PAR RTOG PA YIN LA 'DZIN PA'I RNAM PAR RTOG PA NI MA YIN PA ZHES BYA BA MU BZHI STE, MU DANG PO NI GZUGS LA SOGS PA YUL DRUG GO ,GNYIS PA NI, SKAD CIG MA GCIG DANG LDAN PA'I RNAM PAR RIG PA'O, ,GSUM PA NI SKAD CIG MA GZHAN GYI DE NYID DO, ,BZHI PA NI RNAM PA DE DAG DANG BRAL BA'I SHES RAB KYI PHA ROL TU PHYIN PA'O, ZHES BSHAD DO, ,DE'I DON LA SNGA MA DAG NA RE, MU DANG PO SEMS BYUNG MA GTOGS PA'I CHOS KYI SKYE MCHED DANG BCAS PA'I YUL DRUG LA RTOG PA'O, ,GNYIS PA NI SNGO 'DZIN GYI MIG SHES SKAD CIG DANG PO LTA BU LA RTOG PA'O, ,GSUM PA NI MIG SHES DE NYID KYI RGYUN LA RTOG PA STE RANG YUL LA 'DZIN PA YIN LA, RJES KYI NGES SHES KYIS YUL DU BYAS PAS DE GZUNG BA'O, ,'O NA MU GNYIS PA LA YANG MTSUNGS SHE NA, SKAD CIG MA SO SKYES NGES MI NUS LA RGYUN 'DZIN NUS PAS MI MTSUNGS SO, ,GZHAN YANG MU RTZI BA LA KHYAB CHES SKYON MIN GYI DE LTA BU SRID PAR STON PA YIN GYI NGES PA MIN NO ZHES MI BRJOD PAS SO ZHES 'CHAD KYANG MU GNYIS PA NI RJES SU SKYES PA'I NGES SHES KYIS YUL DU MA BYAS PA YIN LA, MU GSUM PA NI DES YUL DU BYAS PA LA BSAMS PA'I DBANG DU BYAS ZHES BRJOD NA LEGS SO, ,'O NA LONGS SPYOD PA PO LA 'DZIN PA DANG LONGS SPYAD BYA LA GZUNG BAR BSHAD PA MI 'THAD DE, MU RTZI BA'I SKABS KYI GZUNG 'DZIN DANG MI MTHUN PA'I PHYIR ZHE NA, 'DI YIS 'KHRUL GZHI BYAS NAS SNGAR YANG GZUNG BA LA RTOG NA GZUNG RTOG DANG 'DZIN PA LA RTOG NA 'DZIN RTOG

TU BYAS NAS LA RTOG TU BYED PA BYUNG MOD, DE DAG GIS NI LEGS PAR MA RTOGS TE, DE LTA YIN NA RTOG PA DANG PO GNYIS KYI YUL DU PHUNG PO LNGA DANG, KHAMS BCO BRGYAD DANG, SKYE MCHED BCU GNYIS DANG, RTOG PA BZHI PA'I YUL DU GZUGS CAN BSHAD PA RNAMS DOR DGOS PAR 'GYUR RO, ,DES NA 'DI NI GZUNG 'DZIN GYI RTOG PA BSHAD PA'I ZHAR LA SPYI SKAD LA GRAGS CHOD KYI GZUNG 'DZIN BSHAD NAS DE LA MU RTZIS PA YIN TE, GZHAN DU NA GZUNG RTOG RKYANG PA'I YUL LA RIG PA MED PA DANG, 'DZIN RTOG RKYANG PA'I YUL LA SHES PA SKAD CIG GIS KHYAB PA'I RNAM GZHAG MDZAD DGOS NA DE 'DRA BA GANG DU YANG MA MDZAD PA DANG, RTOG PA GNYIS KYI ZHEN STANGS DANG, GNYEN PO MI MTHUN PAR BSHAD PAS DE GNYIS GZHI MTHUN PA MI RUNG BA'I PHYIR RO, ,DE'I RIGS PA NI RGYAN GYI SNANG BAR BSHAD PA LA YANG RIG PAR BYA'O, ,DE LTAR NA RTOG PA 'DI DAG GI YUL DANG DE LA ZHEN TSUL SOGS NI RTZA BA'I TSIG SNA THUNGS SHING 'GREL PA RNAMS SU YANG ZHIB TU DPYAD PA MI SNANG BAS SHIN TU RTOGS DKA' BAR 'DUG PA'I PHYIR, GANGS CAN PA RNAMS LA YANG JI LTA BA BZHIN BSHAD RGYU MA BYUNG BAR SNANG MOD, KHO BOS NI ZHIB PA'I BLOS MKHAS PA RNAMS KYI LUGS LEGS PAR BRTAGS NAS RDZOGS PAR DPYAD DO, ,GNYIS PA NI RTZE SBYOR DU 'CHAD PAR 'GYUR RO, ,GNYIS PA LA BZHI, MTSAMS SBYAR; MDOR BSTAN, RGYAS PAR BSHAD, DON BSDU BA'O, ,DANG PO NI, DMIGS RNAM RGYU GSUM DU MA ZAD RNAM PAR RTOG PA BZHI DANG LDAN PA'I KHYAD PAR YANG BAR SKABS KYI TSIGS BCAD GNYIS KYIS GSUNGS SO, ,DGOS PA NI, MDOR BSTAN DU BSHAD

, ,PA'I DON GSAL BAR BYA BA'I PHYIR RO, ,GNYIS PA LA GNYIS, GZUNG RTOG DANG 'DZIN RTOG MDOR BSTAN PA'O, ,DANG PO LA GNYIS, RTZA BA DANG 'GREL PA'O, ,DANG PO NI, GZUNG BAR RTOG PA NI DBYE GZHI'O, ,RNAM PA GNYIS NI DBYE BA'O; ;GZHI KUN NAS NYON MONGS DANG DE'I GNYEN PO RNAM BYA BA NI 'BYED PA'I RGYU MTSAN NO, ,DE NI RTZA BA'I DBYE BA YIN LA, YAN LAG GI DBYE BA NI, GZUNG RTOG DE NI SO SOR TE RE RE LA RNAM PA DGU STE, YUL RMONGS PA SOGS DGU DANG, RNAM BYANG GI PHUNG SOGS DGUR YOD PA'I BYE BRAG GIS SO, ,GNYIS PA NI GO PAR ZAD DO, ,GNYIS PA LA GNYIS LAS, DANG PO NI, GZUNG RTOG TU MA ZAD 'DZIN PA'ANG DBYE GZHI'O, ,RNAM PA GNYIS NI DBYE BA'O, ,RDZAS DANG BTAGS PA'I RTEN CAN GYIS NI RGYU MTSAN TE RTZA BA'I DBYE BA'O, ,'DIR RTEN CAN ZHES PA THAMS CAD YUL CAN LA GO BAR BYA'O, ,YAN LAG GI DBYE BA NI, GZUNG RTOG DE BZHIN DU 'DZIN RTOG LA YANG RE RE LA DGU DGU STE, BDAG RANG DBANG CAN LA SOGS PAR DMIGS PA DANG, PHUNG SOGS KYI RTEN TE YUL LA DMIGS PA DGUR YOD PA NYID KYIS SO, ,GNYIS PA NI GO BAR ZAD DO, ,GSUM PA NI, RTOG PA BZHIR PHYE BA DE LA MDOR BSDUS TE RTZA BAR BSTAN PA'I DON RGYAS PAR BSHAD NA 'DI YIN TE ZHES MTSAMS SBYAR RO; ;'DI LA GNYIS, GZUNG RTOG DANG 'DZIN RTOG RGYAS PAR BSHAD PA'O, ,DANG PO LA GNYIS, KUN NAS NYON MONGS DANG, RNAM BYANG GZUNG RTOG RGYAS PAR BSHAD PA'O, ,DANG PO NI, KUN NAS NYON MONGS PA'I GZHI'I RTEN CAN GYI GZUNG

RTOG LA DBYE NA DGU RNAMS SU YOD DE, DE YANG YUL DGU LA RTOG PA'I SGO NAS SO, ,YUL DGU GANG NA, DANG PO NI LAS RGYU 'BRAS DANG DE KHO NA NYID LA RMONGS PA'I MA RIG PA STE, CHOS 'DI DAG NI BYIS PA SO SO'I SKYE BOS JI LTAR MNGON PAR CHAGS PAR BYA BA DE LTA BU'I RNAM PAR YOD PA MA YIN NO, ,GSOL PA BCOM LDAN 'DAS 'O NA CHOS 'DI DAG NI JI LTAR MCHIS PA LAGS, BCOM LDAN 'DAS KYIS BKA' STZAL PA, JI LTAR MED PA DE LTAR YOD DE DE LTAR YOD PA MA YIN PAS DE'I PHYIR MED PA ZHES BYA'O; ZHES SO, ,NYI SNANG DANG RGYAN SNANG DU DE'I PHYIR MA RIG PA ZHES DRANGS SO, ,GNYIS PA NI, MA RIG PAS KUN NAS BSLANG PA'I LAS KYIS BSKYED PA'I GZUGS SOGS ZAG BCAS KYI PHUNG PO DANG, GSUM PA NI MING PHUNG PO PHYI MA BZHI DANG GZUGS DANG BCAS PA LA BDAG DANG BDAG GI BAR MNGON PAR ZHEN PA DANG, BZHI PA NI 'JIG LTAS ZHEN PA'I YUL DE LA MTHAR LTAS RTAG CHAD KYI MTHA' GNYIS SU CHAGS PA DANG, LNGA PA NI DE LTAR CHAGS BSAM RIG PA NAS RGA SHI'I BAR GYI KUN NAS NYON MONGS DANG SEMS BSKYED NAS SANGS RGYAS KYI BAR GYI RNAM BYANG GI SKYON DANG YON TAN MI SHES PA DANG, DRUG PA NI DE LTAR MA SHES PAS SBYIN PA NAS MA 'DRES PA'I BAR GYI 'PHAGS LAM LA MI GNAS PA DANG, BDUN PA NI DE LTAR LAM LAS GOL BAS CHOS RNAMS LA PHYIN CI LOG TU DMIGS PA DANG, BRGYAD PA NI RNAM 'GREL LAS, BDAG YOD NA NI GZHAN 'DU SHES, ,BDAG GZHAN CHA LAS 'DZIN DANG SDANG, ,'DI GNYIS DANG NI 'BREL BA LAS, ,NYES PA THAMS CAD 'BYUNG BAR 'GYUR, ZHES PA

, ,LTAR PHYIN CI LOG TU DMIGS PAS BDAG GI CHA LA CHAGS PA DANG SOGS PAS GZHAN GYI CHA LA SDANG BA ZHES BSHAD KYI BDAG DANG SEMS CAN SOGS LA 'CHAD PA NI DGONGS PA MIN TE, RGYAN SNANG LAS LUNG 'DI DRANGS NAS BDAG LA SOGS PA LA MNGON PAR ZHEN PA ZHES PAS SO, ,DGU PA NI RNAM PAR DAG PA MYANG 'DAS BRGYUD NAS SKYED PA'I SDUG BSNGAL TE DE YANG SKYO BA'I RGYU YIN PAS SO, ,SOGS PAS MTHO RIS SKYED PA'I ZAG BCAS RNAMS BSDU'O, ,'DI 'GOG BDEN SKYED PA'I LAM BDEN LA 'CHAD PA NI MI 'THAD DE, RTOG PA 'DI'I YUL KUN NYON YIN PAS SO, ,DE LTAR NA DANG PO NI MA RIG PA, GSUM PA NI 'JIG LTA, BZHI PA NI MTHAR LTA YIN PAS NYON MONGS PA'I KUN 'BYUNG YIN LA, GNYIS PA NI SKYE BA'I KUN 'BYUNG YIN PAS KUN NAS NYON MONGS KYI NGO BO'O, ,LHAG MA NI KUN NAS NYON MONGS KYI NYES DMIGS DANG NGO BO CI RIGS PA'O, ,YUL DE LA RTOG PA'I TSUL YANG 'DI DAG NI KUN NYON GYI GZUNG BA YIN PAS DOR BYA'O SNYAM DU ZHEN PA'O, ,RTOG PA PHYI MA GSUM PO 'DI DANG GNYIS PA NI MDO NAS GNYEN PO'I SGO NAS BSTAN TO, ,GNYIS PA NI, GNYEN PO RNAM BYANG GI RTEN CAN GYI GZUNG RTOG LA DBYE NA RNAM PA DGUR YOD DE, DE YANG YUL DGU LA RTOG PA'I SGO NAS SO, ,YUL DGU GANG NA, DANG PO NI, PHUNG PO'I DON RNAM BYANG DU MA SPUNGS PA STE, DE THABS MI MKHAS PAS GZUGS LA RTOG CING MNGON PAR ZHEN PA YIN, RNAM PAR SHES PA'I BAR LA RTOG CING MNGON PAR ZHEN PA YIN, ZHES SO, ,RNAM BYANG DU GTOGS PA

ZHES 'OG MA RNAMS LA'ANG SBYAR RO, ,GNYIS PA NI, SKYE BA'I SGO'I DON SKYE MCHED DANG, GSUM PA NI RIGS KYI DON KHAMS DANG, BZHI PA NI, SKYE BA'I DON RTEN 'BREL MA BYUNG BA LAS BYUNG BA'O, ,'DIR MDO LAS MA RIG PA NAS RGA SHI'I BAR LA RTOG CING MNGON PAR ZHEN PA YIN ZHES GSUNGS PA'I DON BDAG NYID CHEN POS RTEN 'BREL LUGS BZLOG TU BSHAD PA LTAR KHAS BLANG STE, NYI SNANG LAS, RNAM PAR BYANG BA'I CHAR GTOGS PA'I PHUNG PO DANG SKYE MCHED DANG KHAMS DANG RTEN CING 'BREL PAR 'BYUNG BA LA SOGS PA'I DBYE BAS RNAM PA DGUR 'GYUR RO ZHES PAS SO, ,LNGA PA NI STONG PA NYID KYI DON TE, DBU MA'I RTZA BA LAS, RGYAL BA RNAMS KYI STONG PA NYID, ,LTA KUN NGES PAR 'BYIN PAR GSUNGS, ZHES PA LTAR MED DGAG TZAM LTA BAS BYAS PA'I 'DZIN PA'I GNYEN POR MI RUNG BAS GANG LA DMIGS NA DE DAG DRUNGS 'BYIN PA'I ZAB MO SPROS PA DANG BRAL BA'I STONG NYID DE, STONG NYID KYI DON NI CI'I PHYIR STONG PA NYID CES BYA ZHE NA, KUN NAS NYON MONGS PA MI RGYU BA'I PHYIR RO, ZHES PA LTAR YIN PAS SO, ,DRUG PA NI PHA ROL TU PHYIN PA'I DON TE, DNGOS PO MED TZAM DON GNYIS PHUN TSOGS KYI PHA ROL TU PHYIN BYED MIN PAS DE'I PHA ROL TU PHYIN BYED DO, ,BDUN PA NI MTHONG SPANG GI SPANG BYA DANG 'BRAL BAR BYED PA LA NUS PA DANG LDAN PA'I SHES BZOD BCU DRUG GI MTHONG LAM DANG, BRGYAD PA NI YAN LAG DANG DMIGS PA'I SGO NAS 'OG SA LAS 'DA' BA'I BSAM GTAN DANG GZUGS MED KYI NGO BO SGOM LAM DANG, DGU PA NI BSLAB PA YONGS SU RDZOGS PA'I MI SLOB PA'O, ,DE DAG

, ,KYANG RNAM BYANG GI DNGOS PO DANG RKYEN DANG RGYU DANG RTEN 'BREL DANG, DMIGS PA DANG, SPYOD PA DANG, DBYE BA STE DANG PO DRUG DANG THA MA GSUM RIM PA BZHIN NO, ,DE DAG LA ZHEN TSUL YANG 'DI NI RNAM BYANG GI GZUNG BA YIN PAS BLANG BYA'O SNYAM DU ZHEN PA'O, ,'DI DGU NI MDO LAS BZHI PA MA GTOGS PA NGO BO'I SGO NAS BSTAN TO, ,GNYIS PA LA GNYIS, RDZAS 'DZIN DANG, BTAGS 'DZIN RTOG PA RGYAS PAR BSHAD PA'O, ,DANG PO NI, GANG ZAG STE 'DZIN PA PO RDZAS SU YOD PA'I RTEN CAN GYI 'DZIN RTOG LA DBYE NA RNAM PA DGU RNAMS SU YOD DE, DE YANG YUL LA RTOG PA'I SGO NAS SAM YUL CAN GYI 'DZIN STANGS DGU YOD PA'I SGO NAS SO, ,'DZIN STANGS DGU GANG ZHE NA, DANG PO NI, BDAG STE YUL GYI 'DZIN PA PO GZHAN LA MA LTOS PA'I RANG DBANG CAN DU 'DZIN PA STE, BDAG NYE BAR MI DMIGS DE BZHIN DU SEMS CAN DANG SROG DANG GSO BA DANG SKYES BU DANG GANG ZAG DANG SHED LAS SKYES DANG SHED BU DANG BYED PA PO DANG TSOR BA PO DANG SHES PA PO DANG MTHONG BA PO MI DMIGS SO; ;DE CI'I PHYIR ZHE NA, SHIN TU RNAM PAR DAG PA'I PHYIR BDAG MED CING MI DMIGS SO, ZHES SO, ,BDAG GI 'BRU GNON DE 'OG MA RNAMS LA YANG RIG PAR BYA'O, ,GNYIS PA NI, BDAG ZLA MED PA'I GCIG PU DANG GSUM PA NI BDAG RNAM SHES KYI SGO 'BYED PA'I RGYU DANG, BZHI PA NI BDAG LTA BA PO NAS SHES PA BO'I RDZAS SU RTOG PA STE, 'DI GSUM GYI 'KHRUL GZHI NI RIM PA LTAR PHUNG PO SKYE MCHED KHAMS GSUM MO, ,LNGA PA NI, BDAG MA RIG PA NAS RGA SHI'I BAR GYI KUN

NAS NYON MONGS GSUM DANG, DRUG PA NI BDAG 'JIG RTEN PA'I BSAM GTAN DANG GZUGS MED KYI LAM GYIS 'OG SA LAS 'DOD CHAGS DANG BRAL BA DANG, BDUN PA NI BDAG BDEN BZHI'I MTSAN NYID MNGON SUM DU MTHONG BA'I LAM DANG, BRGYAD PA NI BDAG RNAM THAR MTHAR GNAS RNAMS KYI NGO BOR GYUR PA'I SGOM LAM DANG, DGU PA NI BDAG DE YANG DAG PAR SLOB PA'I DON NAM DGOS PA BSGRUBS ZIN PA'I MI SLOB LAM GYI RTEN GYI RDZAS SU RTOG PA STE, DE YANG DANG PO BZHI BDAG GI MTSAN NYID DU RTOG PA YIN LA LHAG MA RNAMS BDAG DANG 'BREL PAR RTOG PA STE LNGA PAS KUN NYON DANG, DRUG PAS 'JIG RTEN DANG, LHAG MAS 'JIG RTEN LAS 'DAS PA'I RNAM BYANG GI RTEN DU 'DZIN PA STE, MDOR NA KUN NAS NYON MONGS DANG RNAM PAR BYANG BA'I RTEN LA 'DZIN PA PO CHOS TZAM DU GYUR PA'I RDZAS SHIG TU ZHEN PA'O, ,RTOG PA 'DI DGU NI YUL MI DMIGS PAR BSTAN PA GNYEN PO'I SGO NAS MDO LAS BSTAN TO, ,DE YANG NYI SNANG LAS, TSAD MA'I BRTAGS PA DANG PHUNG PO DANG SKYE MCHED DANG KHAMS DANG RTEN 'BREL DANG 'OG SA LAS 'DOD CHAGS DANG BRAL BA DANG, BDEN PA MNGON SUM DU MTHONG BA DANG, LUS KYIS MNGON SUM DU BYED PA'I SGOM PA'I DON RNAMS RIM PA LTAR RTOG PA DANG PO BRGYAD KYI GNYEN POR GSUNGS NAS THA MA LA GNYEN PO MA BSHAD DO, ,GNYIS PA NI SKYES BU STE 'DZIN PA PO BTAGS PAR YOD PA'I RTEN CAN GYI 'DZIN RTOG LA DBYE NA RNAM PA DGUR YOD DE, DE YANG YUL DGU LA RTOG PA'I SGO NAS SO, ,YUL DGU GANG NA, DANG PO NI GZUGS

, ,SOGS KYI PHUNG PO STE, RAB 'BYOR DE JI SNYAM DU SEMS GZUGS KYANG GZHAN LA SGYU MA YANG GZHAN ZHIG YIN SNYAM MAM, TSOR BA DANG 'DU SHES DANG 'DU BYED DANG RNAM PAR SHES PA YANG GZHAN LA SGYU MA YANG GZHAN ZHIG YIN SNYAM MAM, GSOL PA, BCOM LDAN 'DAS DE NI MA LAGS SO, ZHES SO, ,GNYIS PA NI MIG SOGS KYI SKYE MCHED DANG, GSUM PA NI GZUGS KYI KHAMS SOGS KHAMS BCO BRGYAD DANG, BZHI PA NI MA RIG PA SOGS RTEN 'BREL BCU GNYIS DANG, LNGA PA NI PHYOGS MTHUN SO BDUN GYI RNAM PAR BYANG BA DANG, DRUG PA NI RNAM THAR SGO GSUM GYI NGO BO'I MTHONG LAM DANG, BDUN PA NI BSAM GTAN GZUGS MED KYI SGOM LAM DANG, BRGYAD PA NI NYAN THOS SOGS LAS PHUL DU BYUNG BA STONG NYID RTOGS PA'I KHYAD PAR GYI LAM DANG, DGU PA NI STOBS LA SOGS PA'I MI SLOB PA'I LAM STE, DANG PO BZHI LAS KYI SGYU MA DANG, LHAG MA RNAMS YE SHES KYI SGYU MAS SKYED PA'I BTAGS PA TZAM MO, ,DE YANG SKYE MCHED KHAMS RTEN 'BREL CHOS SO BDUN RNAM THAR GSUM BSAM GTAN GZUGS MED STONG PA NYID STOBS NAS MA 'DRES PA'I BAR RNAMS KYANG GZHAN LA SGYU MA YANG GZHAN ZHIG YIN SNYAM MAM ZHES DE DAG THAMS CAD RDZAS SU MED PA'I BTAGS PA TZAM DU GSUNGS PAS YUL BSTAN PA'I SGO NAS MDO LAS BSTAN TO, ,DE LA ZHEN PA'I TSUL NI BTAGS PA TZAM GYI 'DZIN PA'O SNYAM DU ZHEN PA'O, ,BZHI PA NI SNGAR BSHAD PA DE LTA BU'I ZHES SOGS SO, ,GSUM PA LA GSUM LAS,

DANG PO NI, RTOG PA'I MJUG THOGS SU BAR TSIGS GCIG GIS YONGS 'DZIN GSUNGS SO, ,'O NA MDOR BSTAN DANG GO RIMS 'GAL BAS RGYAS BSHAD DU'ANG RTOG PA'I SNGON DU BSHAD DGOS SHE NA, MDOR BSTAN DU YONGS 'DZIN RTOG PA'I SNGAR GSUNGS PA'I DGOS PA NI DMIGS RNAM MDOR BSTAN GYI TSIGS BCAD SBYAR BA DANG MTHUN PAR TE SBYAR SLA BA'I PHYIR RO, ,DE LTA NA YANG RGYAS BSHAD DU MJUG TU BSTAN PA'I DGOS PA NI SNGAR JI SKAD BSHAD PA'I DMIGS RNAM RGYU GSUM RTOG PA DANG BCAS PA KHYAD PAR BYED CHOS SU 'GYUR BA NI YONGS 'DZIN DE'I STOBS KYIS YIN NO ZHES BSTAN PA'I PHYIR RO, ,YANG S'A MAS NI DOGS PA'I NGO BO BSUS NAS RGOL BA KHONG NAS LEN LA, PHYI MA NI MDOR BSTAN DU SNGON DU BSHAD PA LA DGOS PA YOD PAR MA ZAD PA'O, ,GNYIS PA NI 'PHAGS PAS RKANG PA DANG PO DANG THA MA SPREL BA THABS MKHAS DANG, GNYIS PA DANG THA MA SPREL BA DGE BA'I BSHES GNYEN DANG, GSUM PA NI DE GNYIS KA'I MI MTHUN PHYOGS STON PAS GNYIS KA'I KHYAD PAR DU 'CHAD DO, ,DE LA THABS MKHAS NI, SGRAG PA DANG DNGANG BA DANG SHIN TU DNGANG BA STE SGRAG PA CHUNG 'BRING CHE GSUM GYI GNYEN POR SEMS MI 'GONG YANG DAG PAR MI 'GONG YANG DAG PAR 'GONG PAR MI 'GYUR BA'I RGYU RNAM MKHYEN YID BYED DANG LDAN PAS; PHUNG PO LNGA LA MI RTAG SDUG BSNGAL STONG PA BDAG MED ZHI BA DBEN PA STONG PA MTSAN MED SMON MED RNAMS SU MI DMIGS PA'I TSUL GYIS SO SOR RTOG CING PHUNG PO LNGA PO DE DAG MI RTAG SOGS SU STON PA DANG, MI RTAG SOGS SU YID

, ,BYED KYIS MCHOG 'DZIN MED PA DANG, KHAMS DRUG LA MI RTAG SOGS SU 'DOD CING BZOD LA SO SOR RTOG PA DANG, PHUNG SOGS RNAMS LA MI RTAG SOGS SU SO SOR STOG CING MI DMIGS PA DANG LDAN PAS RNAM MKHYEN YID BYED MI 'DOR BA DANG, THEG DMAN YID BYED KYI SKABS MI 'BYED PA DANG, PHUNG PO NAS MA 'DRES PA'I BAR RNAMS RANG RANG GI STONG NYID KYIS STONG PA MIN PA DANG, DE RNAMS DANG, DE'I STONG NYID DAG PHAN TSUN DE'I RANG BZHIN DU RJES SU SHES PA RNAMS RIM PA LTAR PHYIN DRUG YIN PA RNAMS SO, ,DE'I MI MTHUN PHYOGS NI RNAM MKHYEN YID BYED DANG BRAL BAS PHAR PHYIN NAS MA 'DRES PA'I BAR RNAMS SGOM PA NA DE DAG TU RLOM PAS DNGANG BA SOGS SU 'GYUR BAR GSUNGS PA'O, ,DGE BSHES NI PHUNG PO NAS MA 'DRES PA'I BAR GYI CHOS RNAMS MI RTAG SOGS SU NGO BO NYID MED PA'AM MI DMIGS PA'I TSUL GYIS CHOS STON PA DANG SOGS PAS THABS MKHAS DANG BDUD LAS RNAMS STON PA DANG DGE RTZA RNAMS KYANG RNAM MKHYEN MA GTOGS PA NYAN RANG GI SAR BSNGOR MI 'JUG PA'O, ,DE'I MI MTHUN PHYOGS NI PHYIN DRUG DANG BRAL BA'I DON DU 'DI NI SANGS RGYAS KYIS MA GSUNGS KYI SNYAN DNGAGS MKHAN GYI RANG BZO'O ZHES STON PA DANG, PHYIN DRUG LA MOS PA BZLOG NAS NYAN THOS KYI SDE SNOD LA SBYOR BAR BYED PA DANG, GZUGS NAS RNAM MKHYEN GYI BAR RNAMS BDAG DANG BDAG GIS STONG NA SANGS RGYAS TE CI BYA ZHES STON ZHING BDUD LAS DANG BDUD LAS MIN PA MI STON PA NI SDIG GROGS SU RIG PAR BYA'O ZHES GSUNGS PA RNAMS TE, DE DAG KYANG

RIM PA LTAR GZHUNG DANG LAM DANG 'BRAS BU SPONG BA'I SDIG GROGS SO, ,DES NA MI MTHUN PHYOGS DE GNYIS BOR BA NI YONGS 'DZIN YIN NO, ,GSUM PA NI, LE BRGYAD MAR THABS MKHAS DANG YONGS 'DZIN GNYIS SO SOR MDZAD KYANG RGYAN SNANG DANG 'DI GNYIS SU DE GNYIS GCIG TU BSDUS NAS DGE BSHES NYID YONGS 'DZIN DU 'CHAD DO, ,KHYAD PAR GSUM LDAN GYI DGE BSHES NI YONGS 'DZIN YIN NO, ,GSUM GANG NA THABS MKHAS KYI KHYAD PAR NI STONG NYID 'JIGS PA'I GNAS MIN PA LA 'JIGS PA'I DNGANG BA DANG DE LA RGYUN TU 'JIGS PA'I SKRAG PA DANG, SKRAG PA DE NYID NGES PAR GYUR PA'I KUN TU SKRAG PA STE, DE DAG GI GNYEN POR GDUL BYA'I SEMS STONG NYID LA MI 'GONG ZHING MI SKRAG PA DANG SOGS PAS KUN TU MI SKRAG PAR BYED PA'I THABS LA MKHAS PA'O, ,CHOS STON PA'I KHYAD PAR NI RGYAL PO'I BTZUN MO SDUG PA SHI BA'I BRDA SPROD PA DANG 'DRA BAR GDUL BYA'I BSAM PA JI LTA BA BZHIN DU DNGOS PO MTHA' DAG BDAG GNYIS MED PAR STON PA DANG SOGS PAS MNGON MTHO'I LAM STON PAR BYED PA'O, ,'GAL RKYEN SPONG BA'I KHYAD PAR NI, PHYIN DRUG GI MI MTHUN PA'I PHYOGS KYI CHOS SER SNA NAS SHES 'CHAL GYI BAR DANG MI LDAN PA STE BDE 'GRO DANG NGES LEGS KYI 'BRAS BU GDUL BYA LA THOB PAR BYED PAS SO, ,GAL TE YONGS 'DZIN GYIS KHYAD PAR DU 'PHAGS PA MI 'THAD DE, DE BZHIN GSHEGS PA NI THEG PA CHE CHUNG GNYIS KA'I STON PA THUN MONG BA YIN PAS SHE NA, YONGS 'DZIN LA BZANG NGAN MED KYANG YONGS SU 'DZIN TSUL LA KHYAD PAR YOD DE, 'DIS

, ,NI RNAM MKHYEN LA DMIGS PA'I SEMS BSKYED, CHOS RNAMS MI DMIGS PAR RTOGS PA'I SHES RAB, DGE RTZA RNAM MKHYEN DU STOB PA'I BSNGO BA GSUM SBYOR LAM PA LA SKYAD PA'I SGO NAS YONGS SU 'DZIN LA, NYAN RANG LA DE LTAR MI 'DZIN PA'I PHYIR TE, DE YANG GDUL BYA RANG GI RGYUD KYI KHYAD PAR LAS YIN GYI SANGS RGYAS LA NYE RING YOD PAR MIN TE, CHU DVANGS BA DANG BRNYOGS PA LA ZLA GZUGS 'CHAR BA DANG MI 'CHAR BA BZHIN NO, ,DE LTAR BYAS NA YONGS 'DZIN GYIS CHOS DE LTAR BSTAN PA'I SNOD DU RUNG BA'I RGYUD DAG PA NYID YONGS 'DZIN GYI KHYAD PAR RO, ,BZHI PA LA BZHI, SGRUB PA'I RTEN, SGRUB PA'I DMIGS PA, SGRUB PA'I CHED DU BYA BA, SGRUB PA RANG GI NGO BO'O, ,DANG PO LA GNYIS, SPYI DANG, YAN LAG GI DON NO, , DANG PO LA BZHI, RIGS KYI NGO BO, RIGS SU 'GYUR TSUL, RIGS KYI RAB DBYE, RIGS KYI NGES TSIG GO ,DANG PO LA GSUM, NYAN THOS SDE BA, SEMS TZAM PA, DBU MA PA'I LUGS SO, ,DANG PO NI, 'DUL BA LAS, CHOS GOS DANG, BSOD SNYOMS DANG, GNAS MAL NGAN NGON TZAM GYIS CHOG SHES PA 'PHAGS PA'I RIGS, SPONG BA DANG SGOM PA LA DGA' BA 'PHAGS PA'I RIGS TE BZHI BKA' STZAL LA, NGO BO NI SEMS BYUNG 'DOD CHAGS MED PA'O, ,BZHI PO 'DIS CI BSTAN NA, 'PHAGS PA'I RIGS GSUM GYIS LAM SGRUB PA'I TSUL DANG BZHI PAS LAS DNGOS BCAS TE, DE YANG STON PAS RANG GI SLOB MA RNAMS LA KHYED TSUL 'DIS LAS 'DI BYED NA RING POR MI THOGS PAR THAR PA THOB BO ZHES GSUNGS PA'O, ,BZHI

GSUNGS PA'I DGOS PA NI DANG PO GSUM GYIS CHOS GOS SOGS BDAG GI BA'I DNGOS PO LA SRED PA DE'I TSE ZHI BAR BYED LA, THA MAS BDAG DANG BDAG GI BA GNYIS KA LA SRED PA GTAN DU ZHI BAR BYED DE, MDZOD LAS, MA CHAGS 'PHAGS RIGS ZHES DANG, GSUM GYIS TSUL BSTAN THA MAS LAS, ZHES DANG, BDAG GI BDAG 'DZIN DNGOS 'DOD PA, ,DE YI DUS DANG GTAN ZHI'I PHYIR, ZHES SO, ,DE DAG RIGS SU 'GYUR BA'I TSUL NI RANG 'GREL LAS, 'DI DAG LAS 'PHAGS PA RNAMS SKYE BAS NA, 'PHAGS PA'I RIGS BZHI STE, ZHES SO, ,DBANG PO RNO RTUL GYI KHYAD PAR LA YANG RIGS SU 'JOG STE, MDZOD NAS, KHA CIG DANG PO NAS DE'I RIGS, KHA CIG SBYANGS PA LAS GYUR TO, ZHES PA LTAR RO, ,DE LTAR RIGS TZAM ZHIG GRAGS KYANG RIGS GNYIS KYI RNAM DBYE BYAS NAS BZHAG PA NI MED DO, ,MDO SDE PAS SKYE MCHED DRUG GI KHYAD PAR SGRIB PA SPANG RUNG LA 'DOD CES 'CHAD PA LA NI, SHES BYED MA MTHONG NGO, ,GNYIS PA NI, DON GSANG LAS, YONGS SU GRUB PA YANG RNAM PA GNYIS TE, RTAG PA DANG MI RTAG PA'O ZHES DANG, MI RTAG PA GANG YIN PA DE NI RNAM PA GNYIS TE, YANG DAG PA'I YE SHES KYI BDAG NYID DANG SA BON GYI BDAG NYID DO, ZHES DANG, SA BON GYI BDAG NYID KYANG RANG BZHIN DU GNAS PA DANG YANG DAG PAR BSGRUBS PA DANG RNAM PA GNYIS TE, ZHES PA DANG, RNAM PAR BYANG BA RANG BZHIN GYI RIGS LA YANG LTOS NAS KUN GZHI RNAM PAR SHES PAR THA SNYAD GDAGS TE, DPAL 'PHRENG SENG GE'I NGA RO'I MDO LAS, RNAM PAR BYANG BA'I SA BON LA LTOS NAS SEMS CAN THAMS

, ,CAD NI DE BZHIN GSHEGS PA'I SNYING PO CAN NO ZHES 'BYUNG BA DANG ZHES RANG BZHIN GNAS RIGS KUN GZHI'I STENG GI ZAG MED SKYED PA'I NUS PA LA 'DOD DE 'DUS BYAS SO, ,THEG BSDUS LAS KYANG, DE LA THOS PA'I BAG CHAGS KYI SA BON CHUNG NGU DANG 'BRING DANG CHEN PO YANG CHOS KYI SKU'I SA BON DU BLTA STE, KUN GZHI RNAM PAR SHES PA'I GNYEN PO YIN PAS KUN GZHI RNAM PAR SHES PA'I NGO BO NYID MA YIN PA DANG, ZHES KUN GZHI LA 'O CHU BZHIN LHAN CIG GNAS PA DE SPYI TZAM 'PHEL BA DE TZAM GYIS NGANG PAS CHU LA 'O MA 'THUNG BA LTA BUR SA BON RNAMS ZAD NAS GNAS 'GYUR BAR BSHAD DE 'DIS KYANG MI RTAG PAR GSUNGS SO, ,DE BZHIN DU MDO SDE RGYAN LAS GSUNGS PA YANG 'DUS BYAS YIN TE, KHAMS RNAMS DANG NI MOS PA DANG, SGRUB PA THA DAD DBYE BA DANG, ,'BRAS BU THA DAD DMIGS PA'I PHYIR, ,RIGS YOD NYID DU NGES PAR BRJOD, CES THEG PA GSUM GYI RIGS THA DAD PA'I SGRUB BYED DU RGYU KHAMS THA DAD DANG, RKYEN THEG GSUM LA MOS PA THA DAD DANG, NGES PAR SGRUB MI SGRUB THA DAD DANG, 'BRAS BU BYANG CHUB RAB 'BRING THA GSUM YOD PAS BSGRUBS PA'I PHYIR TE, DE BZHIN NYID YIN NA CHOS CAN THA DAD PA TZAM GYI DBYE BA MA GTOGS PA RANG RGYUD PA'I DBYE BA MED PAS MOS PA THA DAD SOGS KYIS SGRUB PAR MI NUS PAS SO, ,GZHAN YANG THEG DMAN GYI RIGS RANG GI LHAG MED KYI TSE YONGS SU GTUGS LA THEG CHEN GYI DE'I TSE YANG MI ZAD PA'I RGYU MTSAN GYIS RIGS MCHOG TU BSGRUBS PA'I PHYIR TE DE BZHIN NYID YIN NA RGYUN CHAD PA MI SRID PAS SO, ,

BSDU BA LAS KYANG, SGRIB BA GNYIS KA DANG, NYON SGRIB TZAM SPANG DU RUNG BA DANG SPANG DU MI RUNG BA'I RGYUD LA RIM PA LTAR THEG CHEN DANG THEG DMAN DANG RIGS CHAD YIN PAR BSHAD DE, 'DI YANG KUN GZHI'I STENG GI SA BON LA DGONGS SO, ,KUN GZHI RNAM PAR MA BZHAG PA'I RIGS LA YANG RANG BZHIN DU GNAS PA DANG RGYAS PA LAS GYUR PA GNYIS YOD, BYANG SA LAS, DE LA RIGS GANG ZHE NA, MDOR BSDU NA RNAM PA GNYIS TE, RANG BZHIN GYIS GNAS PA DANG YANG DAG PAR BSGRUBS PA'O, ,DE LA RANG BZHIN GYIS GNAS PA'I RIGS NI BYANG CHUB SEMS DPA' RNAMS KYI SKYE MCHED DRUG GI KHYAD PAR GANG YIN PA STE, DE NI GCIG NAS GCIG TU BRGYUD DE 'ONGS LA THOG MA MED PA'I DUS CAN CHOS NYID KYIS THOB PA DE LTA BU YIN NO, ,DE LA YANG DAG PAR BSGRUBS PA'I RIGS NI SNGON DGE BA'I RTZA BA GOMS PAR BYAS PA LAS THOB PA GANG YIN PA STE, ZHES DANG, NYAN SA LAS KYANG, 'O NA RIGS DE'I RANG BZHIN JI LTA BU ZHE NA, DE NI LUS LAS KHYAD PAR DU GYUR PA DANG, SKYE MCHED DRUG GIS ZIN PA DANG CHOS NYID KYIS THOB PA DANG THOG MA MED PA'I DUS NAS BRGYUD DE 'ONGS PA DE LTA BU YIN TE, ZHES SO, ,'O NA SKYE MCHED DRUG GI KHYAD PAR ZHES PA GANG ZHE NA, 'DI LA KHU NA RE DBANG PO LNGA RIGS SU MI 'THAD PA'I PHYIR SKYE MCHED DRUG PA YID KYI SKYE MCHED LA BYA'O ZER BA LA, 'BRES SEMS TZAM PA'I LUGS KYIS DBANG PO LNGA YANG SEMS KYI SNANG BA TZAM YIN PAS SOR BZHAG PAS CHOG PAR 'CHAD DO, ,KHA CIG NI PHYI'I SKYE MCHED DRUG PA CHOS KYI SKYE MCHED KYI KHYAD PAR RAM NANG TSAN DE BZHIN

, ,NYID YIN TE, CHOS NYID KYIS THOB PA ZHES PAS SO ZHES ZER RO, ,DE LA DANG PO GNYIS KYIS NI SKYE MCHED DRUG NANG GI LA 'DOD PAS SKYE MCHED GANG YIN LA MA 'KHRUL YANG SKYE MCHED DRUG PA DANG DRUG NYID RIGS SU 'DOD PA NI 'KHRUL LA; GSUM PA NI, SKYE MCHED DANG RIGS KYI NGO BO GNYIS KA LA 'KHRUL LO, ,NANG GI SKYE MCHED YIN PAR CIS SHES SHE NA, NYAN SA LAS, SA BON DE NI SKYE MCHED DRUG PO DE DAG LAS LOGS SHIG NA THA DAD PA'I MTSAN NYID MED DE, THOG MA MED PA'I DUS NAS BRGYUD DE 'ONGS PA DANG, CHOS NYID KYIS THOB PA'I SKYE MCHED DRUG PO DE LTAR THOB PA'I GNAS SKABS DE LA, RIGS DANG SA BON DANG KHAMS DANG RANG BZHIN ZHES BYA BA'I MING DANG THA SNYAD DE DAG BTAGS PAR ZAD PAS DE'I PHYIR NA DE NI RGYUD GCIG PA ZHES BYA'O, ZHES, RIGS TE RGYUD GCIG GAM THA DAD GANG YIN DPYAD PA'I SKABS SU SKYE MCHED DRUG GI GNAS SKABS LA BTAGS PAR BSHAD PAS PHYI'I SKYE MCHED JI LTAR 'DI'I GDAGS GZHIR RUNG, RGYA MTSO SPRIN LAS KYANG; SA BON DE YANG 'DUS BYAS LAS DE NYID GZHAN DANG GZHAN DU BRJOD PA LAS GROL BA GZUNG BAR MI NUS PA SKYE MCHED DRUG GI KHYAD PAR ZHES BYA BA'O, ,SKYE MCHED DRUG PO DE YANG SEMS CAN GYI RDZAS KYI RTZA BAR GYUR PA'O, ,DE'I PHYIR SEMS CAN GYI KHYAD PAR RO, ZHES BRJOD PAR BYA STE GANG DANG LDAN PAS SEMS CAN DANG SNYING PO DANG GCIG PU DPA' BA DANG SKYES BU'I KHYAD PAR ZHES BRJOD DO, ,YANG NA SNYOMS PAR 'JUG PA DANG SKYE BAS THOB PA DE DANG DER SKYE MCHED GANG

YANG RUNG BA DANG MI PHYED PAR 'GYUR BA LA RIGS ZHES RAB TU BSTAN PA'I PHYIR SKYE MCHED DRUG GZUNG NGO, ZHES SO, ,DE LTAR NA NANG GI SKYE MCHED DRUG GAM GANG RUNG GCIG LDAN PAS KYANG CHOG PAS SKYE MCHED DRUG GI RIGS KYI KHYAD GZHI 'AM GNAS SKABS CAN NO, , RIGS NI DE'I KHYAD PAR RAM GNAS SKABS LA BTAGS PA STE, MDOR NA SKYE MCHED DRUG ZER YANG SEMS CAN GYI SHES RGYUD KHAMS DANG SKYE GNAS SOGS GANG DU YANG BAR MA CHAD DU 'JUG PA'I STENG GI BYANG CHUB THOB PA'I NUS PA DON BYED PAS RDZAS SU YOD KYANG, GUD DU RANG RKYA THUB PA'I RDZAS YOD MIN PAS GDAGS GZHI DANG DE NYID GZHAN GANG DU YANG BRJOD DU MED PA ZHIG LA 'DOD PAS SKYE MCHED DRUG NYID KYANG RIGS MIN LA DE LAS GZHAN PA YANG MIN NO, ,RGYA MTSO SPRIN LAS, CHOS NYID KYI SA THOB PA STE SUS KYANG MNGON PAR 'DUS MA BYAS PA'I PHYIR DANG ZHES PA NI THOS BSAM SGOM GSUM GYIS GSAR DU SKYED PA MIN GYI GDOD MA NAS RGYUN GNAS PA LA YIN TE, DE NYID LAS, RANG BZHIN GYIS GNAS PA NI SEMS MA BSKYED PA RIGS LA GNAS PAR RIG PAR BYA'O, ,SHIN TU RNAM PAR DAG PA'I CHOS KYI DBYINGS KYI RGYU MTHUN PA LAS SKYES PA'I DGE BA'I RTZA BAS 'DUS MA BYAS PA'I PHYIR RO, ZHES SO, ,DE LTA MIN PAR CHOS NYID KYIS THOB PA ZHES PAS 'DUS MA BYAS YIN NA NYAN SA LAS, SKYE MCHED DRUG LA YANG DA LTAR BSHAD PA DANG, SKYABS 'GRO DANG SDOM PA LA YANG DE LTAR BSHAD PAS 'DUS MA BYAS SU 'GYUR RO, ,RGYAS 'GYUR GYI RIGS NI SLOB LAM THAMS CAD DO, ZHES 'DOD PA YOD KYANG, RANG BZHIN DU GNAS PA'I RIGS DE NYID THOS BSAM SGOM

, ,GSUM GYIS RTAS PAR BYAS PA NA MING GZHAN RGYAS GYUR ZHES BTAGS PA TZAM YIN TE, RGYA MTSO SPRIN LAS, SEMS BSKYED PA NI GZHAN YIN PAR RIG PAR BYA STE, RIGS DE NYID GNAS SKABS KYI KHYAD PAR GZHAN DU GYUR PA LA MING GZHAN GYIS BSTAN PA NI YANG DAG PAR BSGRUBS PA ZHES BYA BAS SO, ZHES SO, ,YANG DE LAS NGES MA NGES KYI RIGS DANG DMAN LAM SNGON DU MA SONG BA DANG SONG BA'I RIGS GNYIS LA YANG RANG BZHIN DANG RGYAS PAR BSHAD PA YOD DO, ,'O NA RGYAN LAS; RANG BZHIN DANG NI RGYAS PA DANG, ,DE NI RTEN DANG BRTEN PA DANG, ,YOD MED NYID DANG ZHES RIGS GNYIS RIM PA LTAR RGYUR YOD 'BRAS BUR MED PA DANG 'BRAS BU YOD PAR BSHAD PAS DE GNYIS 'GAL ZHE NA, DE NI LDOG PA 'GAL BA YIN GYI RDZAS 'GAL BA NI MIN NO, ,DES NA RDZAS LA BSAMS NA LAM DU ZHUGS NAS GNYIS KA YIN TE, NYAN SA LAS, SA BON DES 'BRAS BU MA SKYED CING 'BRAS BU MA GRUB PA NA PHRA BA ZHES BYA'O, ,GANG GI TSE 'BRAS BU SKYED CING 'BRAS BU GRUB PA DE'I TSE NA NI SA BON GANG YIN PA DE DANG 'BRAS BU GANG YIN PA DE GCIG TU BSDUS NAS DE'I PHYIR RIGS DE RAGS PA ZHES BYA BAR STON PAR 'GYUR RO, ZHES PA LTAR RO, ,DE LTAR BYAS NA NYI SNANG LAS GZHAN DAG NI RIGS NI SKYE MCHED DRUG GI KHYAD PAR YIN NO; ;DE YANG RNAM PA GNYIS TE RKYEN GYIS YANG DAG PAR BLANGS PA DANG RANG BZHIN DU GNAS PA'O, ZHES ZER RO ZHES SEMS TZAM PA'I RIGS KYI PHYOGS SNGA BLANGS PA YANG LEGS PAR DRANGS PAR 'GYUR RO, ,DE NI 'DUS BYAS LA RIGS SU 'DOD

PA'I LUGS YIN LA CHOS NYID LA RIGS SU 'DOD PA YANG YOD DE RGYAN 'DIR CHOS NYID RIGS SU BSTAN PA LA SH'ANTI PAS KYANG DE LA RIGS SU BSHAD PA BZHIN NO, ,RIGS SU 'JOG PA SNGA MA NI DES ZAG MED SKYED PAS YIN LA CHOS NYID RIGS SU 'CHAD PA NI, KUN BTUS SU, CI'I PHYIR CHOS KYI DBYINGS ZHES BYA ZHE NA, NYAN THOS DANG RANG SANGS RGYAS DANG SANGS RGYAS KYI CHOS THAMS CAD KYI RGYU YIN PA'I PHYIR RO, ZHES PA LTAR DE LA DMIGS PAS YON TAN SKYED PA TZAM LA RIGS SU 'JOG GO ,DE LTAR NA DMIGS RKYEN DANG RGYU'I RKYEN GNYIS KYI SGO NAS RIGS SU 'GYUR RO, ,GSUM PA NI, CHOS BCU PA'I MDO LAS, DU BA LA NI MER SHES DANG, ,CHU SKYAR LAS NI CHUR SHES LTAR, ,BYANG CHUB SEMS DPA' BLO LDAN GYI, ,RIGS NI MTSAN MA DAG LAS SHES; ZHES PA DANG MTHUN PAR DBU MA LA 'JUG PA LAS, SO SO SKYE BO'I DUS NA'ANG STONG NYID THOS, ,NANG GI DGA' BA YANG DANG YANG DU LDANG, ,DGA' BA LAS BYUNG MIG NI MCHI MAS BRLAN, ,LUS KYI SPU LDANG BA YANG SKYE BAR 'GYUR, ,DE LA RDZOGS SANGS RGYAS BLO'I SA BON YOD, CES LUS KYI MTSAN MA DE DAG GI RGYU LA BSHAD PA DANG, DKON BRTZEGS LAS GANG LA 'DU BYED CUNG ZAD KYANG MED PA DE NI 'DUS MA BYAS YIN LA 'DUS MA BYAS GANG YIN PA DE NI 'PHAGS PA RNAMS KYI RIGS YIN TE RIGS DE NI NAM MKHA' DANG MNYAM PA NYID KYIS KHYAD PAR MED PA'O, ,RIGS DE NI THAMS CAD KYI TSE CHOS KYI DE BZHIN NYID YIN PAS CHOS KYI RO GCIG TU GYUR PA NYID KYIS RTAG PA'O, ZHES DANG, PHAL CHEN LAS KYANG, KYE RGYAL BA'I SRAS BYANG CHUB

, ,SEMS DPA'I RIGS SHES BYA BA NI CHOS KYI DBYINGS LHUR LEN PA NAM MKHA' LTAR YANGS PA RANG BZHIN GYIS 'OD GSAL BA STE, DE LTAR GNAS PA'I BYANG CHUB SEMS DPA' DE 'DAS PA'I SANGS RGYAS BCOM LDAN 'DAS RNAMS KYI RIGS SU SKYES PA YIN, MA 'ONGS PA'I SANGS RGYAS BCOM LDAN 'DAS RNAMS KYI RIGS SU SKYE BA YIN, DA LTAR BYUNG BA'I SANGS RGYAS BCOM LDAN 'DAS RNAMS KYI RIGS SU SKYES PA YIN ZHES PA DANG MTHUN PAR RGYAN 'DIR NI CHOS KYI DBYINGS LA RIGS SU GSUNGS SO, ,NYI SNANG LAS, SKYE MCHED DRUG GI KHYAD PAR RIGS GNYIS SU 'DOD PO BKAG NAS CHOS NYID RANG BZHIN GNAS RIGS SU GSUNGS TE, JI SKAD DU, DE DAG GIS NI RANG BZHIN DU GNAS PA'I RIGS LA RANG BZHIN DU BRJOD PA'I DON BRJOD DGOS SO, ,RGYU'I RNAM GRANGS YIN NO ZHE NA, RKYEN GYIS YANG DAG PAR BLANGS PA YANG DE YIN PA DES NA DON GYI KHYAD PAR CI YOD, CHOS NYID KYI RNAM GRANGS YIN PA LA NI NYES PA 'DI MED DO, ,YANG NA DE DAG GI RIGS NI BTAGS PA BA YIN LA 'DI NI MTSAN NYID PA YIN TE, DES NA DE DANG 'DI 'GRIG PA MA YIN NO, ZHES SO, ,DE LTAR 'PHAGS PAS RANG BZHIN DU GNAS PA'I DON CHOS NYID LA 'DOD NA NYES PA MED LA BYANG CHUB KYI RGYU YIN PA TZAM DU 'DOD NA RGYAS RIGS KYANG DER THAL BAS DE GNYIS KHYAD MED DO ZHES GSUNG NGO, ,'O NA CHOS NYID JI 'DRA ZHIG RIGS SU 'DOD CE NA, DE LA RGYUD BLAR YANG, SPYIR RIGS LA, DKON MCHOG GSUM PO 'DI YI RIGS, ,THAMS CAD GZIGS PA RNAMS KYI YUL, ,DE YANG RNAM BZHI,

ZHES KHAMS BYANG CHUB YON TAN 'PHRIN LAS BZHI KA RIGS SU BSHAD PA YANG YOD LA, BYE BRAG TU, GTER DANG 'BRAS BU'I SHING BZHIN DU, ,RIGS DE RNAM GNYIS SHES BYA STE, ,THOG MED RANG BZHIN GNAS PA DANG, ,YANG DAG BLANGS PA MCHOG NYID DO, ZHES RIGS GNYIS SU GSUNGS PA'I GTER GYI DPES MTSON PA'I RANG BZHIN DU GNAS PA'I RIGS NI, DE BZHIN YID KYI NANG CHUNG RIN CHEN GTER, ,DRI MED BZHAG DANG BSAL MED CHOS NYID KYANG, ,MA RTOGS PAS NA DBUL BA'I SDUG BSNGAL NI; ;RNAM MANG RGYUN TU SKYE RGU 'DIS MYONG NGO, ZHES BSAL BZHAG DANG BRAL BA'I CHOS NYID LA GSAL BAR GSUNGS SO, ,GNYIS PA NI DE LA SPYIR SEMS CAN GYI SHES RGYUD LA YON TAN SKYER RUNG ZHING, SGRIB PA SPANG DU RUNG BA'I RGYU TZAM ZHIG RIGS SU 'JOG PAR DBU SEMS GNYIS KA BZHED PA MTHUN ZHING SPANG DU RUNG BA YANG DRI MA GLO BUR BAR SONG BAS YIN LA, GLO BUR BA'I DON LA MI MTHUN TE 'DI LTAR DBU MA PA RNAMS NI DRI MA ZHES PA BLOS BTAGS NAS BZHAG PA TZAM YIN GYI DON LA RDZAS SU MA GRUB PA'I STONG NYID YIN PAS GLO BUR BAR 'JOG GO ,SEMS TZAM PA RNAMS NI DRI MA NI SEMS DANG SEMS LAS BYUNG BA GZHAN DBANG GI NGO BO YIN PAS, RDZAS SU BDEN YANG PHUNG PO'I GNAS LUGS LAS GOL BA'I GTZANG BDE RTAG BDAG TU 'DZIN PA'I TSUL MIN YID BYED KYIS BSKYED PAS DE'I RGYU DE YUL SUN PHYUNG BA'I SGO NAS BZLOG PAR NUS LA, DE LOG PA NA 'BRAS BUR GYUR PA'I CHAGS SOGS KYANG RANG GI NGANG GIS LDOG PAR 'GYUR PA'I PHYIR

, ,'BRAL RUNG YIN PAS GLO BUR BAR 'DOD DO, ,DES NA DBU MA PA NI SEMS KYI RANG BZHIN GSHIS LA CIR YANG MA GRUB PA'I STONG NYID DE RTOGS PA NA THA SNYAD DU SGYU MA LTA BU'I 'DZIN PA MTHA' DAG ZHI BAR 'GYUR ZHING SGYU MA LTA BU'I GNYEN PO MTHA' DAG SKYE BAR 'GYUR BAS, SEMS KYI RANG BZHIN DE NYID LA KUN RDZOB KYI NGOS NAS SGRO BTAGS TE 'DI NI RANG BZHIN DU GNAS PA'I RIGS SO ZHES 'JOG GO ,SEMS TZAM PA NI SEMS KYI RANG BZHIN 'OD GSAL BA DE GSHIS LA RANG GI NGO BOS DUS THAMS CAD DU GRUB CING DRI MA DE DAG DE LA GNYEN POS 'BRAL DU RUNG LA, CI CAM BRAL BA DE TZAM DU YON TAN MTHA' DAG SKYED PAR 'GYUR BAS DE GNYIS KYI GZHI BYED PAS CHOS NYID RIGS SU 'DOD DE, SNGA MA NI RGYAN 'DI DANG PHYI MA NI RGYUD BLA'I BSHAD TSONG DU MTHONG NGO, ,DE LTA NA CHOS NYID RIGS SU 'DOD PAR MTSUNGS KYANG DRI MA'I SGYANG GZHI BDEN PAR 'DOD MI 'DOD MI 'DRA BAS RIGS SU 'JOG PA'I RGYU MTSAN MI MTSUNGS SO, ,DE'I PHYIR SEMS TZAM GYI SKABS SU DRI MA GDOD MA NAS ZAD PAR GSUNGS PA RNAMS PHYIN CI LOG GI RGYU MTSAN GYIS SKYED PAS GNAS LUGS LA MA ZHUGS PA TZAM LA BSHAD KYI, NGO BO NYID MED PAR SMRA BA LTAR BLOS BTAGS PA'I MING TZAM DU MI BSHAD DE 'DRES PAR 'GYUR PA'I PHYIR RO, ,DRI MA ZAD MED SKYE MED KYANG LUGS PHYI MA 'DI'I KHYAD CHOS YIN PAS 'DI LTAR NA SPANG BYA RANG BZHIN MED PAR SHES PA TZAM LA SPANGS PA'I THA SNYAD 'DOGS KYI SPANG GNYEN RDZAS THA DAD DU BDEN PAR MI 'DOD DE, SGYU MA'I GLANG POS SGYU MA'I GLANG PO GZHAN ZHIG PHAM PAR BYAS PA LTAR

'DOD PAS SO, ,SHIN TU ZAB PA'I DBYINGS 'DI KUN RDZOB NYE BAR BZUNG NAS SGRO BTAGS TE RNAM GZHAG BYAS BA MA SHES PAR RANG RGYUD DU GRUB PAR BYAS NAS KHA CIG GCIG DANG GZHAN THA DAD DU 'DOD PA SOGS KYI KUN BRTAGS DU MA ZHIG SNANG BA LA NI BLO NGAL BTZAM ZHIG 'BRAS BUR 'DUG GO ,GSUM PA NI, THEG PA GSUM GYI RIGS DANG MA NGES PA'I RIGS DANG RIGS CHAD PA LNGAR LANG GSHEGS LAS GSUNGS TE, PHYI MA NI GROL DKA' BA TZAM LA DGONGS KYI RIGS GTAN CHAD MI SRID DE DRI MA SPANG DU MI RUNG NA SEMS KYI RANG BZHIN DU THAL BAR 'GYUR LA, DE LTA NA SRID PA LAS RGAL BA MI SRID PAR 'GYUR TE ME LA ME'I TSA BA BZHIN NO, ,SEMS TZAM PA RIGS GTAN CHAD 'DOD CES GRAGS KYANG DRANG DON GYI MDO SDE 'GA' ZHIG NAS BSHAD PA DE DANG DER RNAM GZHAG MDZAD PA CAM YIN GYI NGES DON DU MI BZHED DE, 'DOD NA SGRIB PA SPANG DU MI RUNG BAR KHAS LEN DGOS NA DE YANG MI 'THAD DE, DRI MA THAMS CAD GLO BUR BAR 'DOD PAS SO, ,BZHI PA NI, RGYAN LAS, YON TAN NI, SGROL BA'I DON DU SHES PAR BYA, ZHES PA LTAR 'DI LAS YON TAN DAG SKYE ZHING 'BYUNG BAS RIGS SO, ,MING GI RNAM GRANGS NI, BYANG SA LAS, RIGS DE NI GZHI ZHES KYANG BYA STON PA DANG RGYU DANG RTEN DANG NYED GNAS DANG, SNGON DU 'GRO BA DANG, GNAS ZHES KYANG BYA'O ZHES SO, ,GANG DAG MDO RGYAN SEMS TZAM LUGS DANG SEMS TZAM PA DANG DBU MA'I RIGS KYI 'DOD TSUL MI MTHUN PAR KHAS LEN BZHIN DU MDO RGYAN GYI RIGS KYI RNAM GZHAG RNAMS RANG LUGS LA 'CHAD PA NI RANG GIS RANG LA TZO 'DRI BA'O, ,GNYIS PA LA GNYIS, RIGS

, ,KYI DBYE BA DANG, DBYE BA LA RTZOD SPANG NGO, ,DANG PO LA BZHI, SBYAR RTZA 'GREL DON BSDU BA'O, ,DANG PO NI, SBYOR LAM GYI RJES SU SGRUB PA'I RTEN DU GYUR PA'I RIGS GSUNGS TE, RTEN CHOS SGRUB PA DANG LDAN PA'I RIGS LA GNAS PA LA SNGAR JI SKAD BSHAD PA'I NGES 'BYED CHA MTHUN DANG MTHONG BA'I LAM DANG SOGS PAS SGOM LAM DANG KHYAD PAR GYI LAM LA SOGS PA GZHAN YANG 'BYUNG BAS SO, ,GAL TE SEMS BSKYED DANG THAR CHA DANG NGES CHA RNAMS KYI SNGON DU RIGS 'GRO PAS DANG POR RIGS BSHAD DGOS SHE NA, DE NI RGYU SNGON DANG 'BRAS BU RJES SU 'CHAD PA DON GYI GO RIM YIN LA, 'DI NI 'BRAS BU SNGON LA BSHAD NAS 'DI'I RGYU 'DI LTA BU'O ZHES RTOGS PAR BYED PAS BSHAD PA'I GO RIM MO, ,MDO 'BREL NI, BCOM LDAN 'DAS BYANG CHUB SEMS DPA' BYANG CHUB SEMS DPA' ZHES BGYI BA'I TSIG 'DI'I DON GANG LAGS, DE SKAD CES GSOL PA DANG, BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO, ,RAB 'BYOR BYANG CHUB SEMS DPA'I TSIG GI DON NI TSIG GI DON MED PA STE, DE CI'I PHYIR ZHE NA, BYANG CHUB LA NI SKYE BA'AM YOD PA NYID DAM MED PA NYID YOD PA'I DMIGS PA MA YIN TE RAB 'BYOR DE'I PHYIR BYANG CHUB SEMS DPA'I TSIG GI DON NI TSIG GI DON MED PA'O ZHES SEMS BSKYED KYI LE'U NAS BZUNG STE SBYOR LAM DANG MTHONG SGOM GYI LAM DER BYANG CHUB SEMS DPA' ZHES YANG YANG GSUNGS PA'I TSIG GI DON ZHUS PA'I LAN DU GSUNGS SO, ,MDO 'DIS NI RTEN PA'AM THOB BYA BYANG CHUB RDZAS SU MED PA RGYU MTSAN DU BYAS NAS NANG GI SKYE MCHED DRUG GI

CHOS NYID KYI RIGS NI BYANG SEMS KYI SGRA 'JUG PA'I RGYU MTSAN YIN GYI BYANG SEMS KYI TSIG GI DON DNGOS POR GYUR PA NI MED DO ZHES BSTAN TO, ,GNYIS PA NI, BDAG MED PA RTOGS PA'I CHOS NGES 'BYED BZHI DANG MTHONG SGOM GNYIS TE DRUG GI RTEN LA RIGS ZHES BYA'O ZHES RNAM PAR SBYAR TE LHAG MA RNAMS LA YANG DE BZHIN NO, ,'DIR RTEN DANG BRTEN PA'I DON NI MKHAR GZHONG LA RGYA SHUG GAM SA GZHI LA LO TOG LTA BUR NI MI BSAM GYI, 'ON KYANG SKYE MCHED DRUG GI RANG BZHIN SPROS PA DANG BRAL BA DE RTOGS PA'I MTHUS SGRUB PA BCU GSUM PO DE RIM PA LTAR THOB PA'I RGYU MTSAN GYIS YIN NO, ,DE LA DROD KYI RTEN NI, RAB 'BYOR 'DI LTA STE DPER NA, NAM MKHA' LA BYA'I RJES MED CING MI DMIGS SO, ,RAB 'BYOR DE BZHIN DU BYANG CHUB SEMS DPA'I TSIG GI DON MED CING MI DMIGS SO, ,DE BZHIN DU RMI LAM, SGYU MA, SMIG RGYU, SGRA BRNYAN, MIG YOR, DRI ZA'I GRONG KHYER, DE BZHIN GSHEGS PA'I SPRUL PA LA GNAS MED CING MI DMIGS SO, ,DE BZHIN DU ZHES SNGAR LTAR RO, ,'DIS DNGOS SU RTEN DNGOS PO BA BKAG NAS SHUGS LA SKYE MCHED DRUG GI CHOS NYID DROD KYI RTEN DU BSTAN TE 'DI'I DPE DGUS DROD KYI RTOG PA DGU MTSON PA'I SGO NAS GSUNGS SO, ,DE BZHIN DU SBYOR LAM LHAG MA DANG MTHONG SGOM GYI RTEN LA YANG RANG RANG GI SKABS KYI RNAM RTOG DANG DPE DON SBYOR ZHES NYI SNANG LAS GSUNGS PA BSTAN PAR BYA'O, ,RTZE MO'I RTEN NI, YANG DAG MTHA', DE BZHIN NYID, MA NOR BDE BZHIN NYID GZHAN MA YIN PA DE BZHIN NYID, CHOS NYID CHOS KYI DBYINGS CHOS GNAS PA NYID, CHOS NGES PA NYID CHOS BDEN PA

, ,NYID LA GNAS MED CING MI DMIGS PA'I DPE DGUS RTZE MO'I RNAM BYANG GZUNG RTOG MTSON NAS SO, ,BZOD PA'I RTEN NI, SGYU MA'I SKYES BU'I PHUNG PO LNGA DANG DE'I NANG GI SKYE MCHED DANG DE'I PHYI'I SKYE MCHED DANG DE'I MIG DANG GZUGS SOGS KYI KHAMS DANG DE'I MIG GZUGS SOGS KYI RNAM SHES LA SOGS PA'I TSIG GI DON MED CING MI DMIGS PA'I DPE DGUS RDZAS 'DZIN DGU MTSON NAS SO CHOS MCHOG GI RTEN NI, SGYU MA'I SKYES BU'I STONG PA NYID RNAMS DANG PHAR PHYIN PHYOGS MTHUN STOBS SOGS PHUNG PO KHAMS SKYE MCHED RTEN 'BREL BSAM GTAN GZUGS MED RNAMS KYI TSIG GI DON MED PA'I DPE DGUS BTAGS 'DZIN DGU MTSON NAS SO, ,MTHONG LAM GYI RTEN NI, DE BZHIN GSHEGS PA'I GZUGS KYI PHUNG PO DANG, MIG NAS YID KYI BAR DANG, NANG STONG NYID LA SOGS PA'I STONG PA NYID RNAMS NAS STOBS SOGS KYI BAR GYI TSIG GI DON DANG, 'DUS MA BYAS KYI DBYINGS DANG 'DUS BYAS KYI KHAMS LA RIM PA LTAR 'DUS BYAS KYI KHAMS DANG 'DUS MA BYAS KYI DBYINGS KYI GNAS MED CING MI DMIGS PA'I DPE BZHIS MTHONG SPANG GI RTOG PA BZHI MTSON NAS SO, ,SGOM LAM GYI RTEN NI, SKYE MED 'GAG MED MNGON PAR 'DU BYA BA MED, 'BYUNG BA MED, MI DMIGS PA, KUN NYON MED, RNAM BYANG MED PA'I TSIG GI DON MED CING MI DMIGS PA'I DPE BDUN DANG, MTSAN MA MED PA LA GNAS MED CING MI DMIGS PA'I DPE DANG, SHIN TU RNAM PAR DAG PA LA GNAS MED CING MI DMIGS PA'I DPE DGUS SA DGU'I SGOM SPANG GI RTOG PA DGU MTSON NAS

SO; ;'O NA SGOM SPANG GI RTOG PA YANG BZHIR YOD PAS DPE BZHIR RIGS SHE NA, MTHONG LAM GYI SKABS SU DON TSAN BZHIR BCAD NAS SNANG LA, 'DI'I SKABS SU SKYE BA MED PA SOGS GCIG TU BYAS NA DPE GSUM DU 'GYUR BAS DGUR BYAS TE SGOM SPANG LA CHE 'BRING GI SGO NAS DGUR 'BYED LA MTHONG SPANG LA DE LTAR PHYE BA MED PAS SO, ,DES NA NYI SNANG LAS SGOM LAM GYI SKABS SU YANG RTOG PA DANG DPE RNAMS KYIS TSUL BSTUN PAR BYA'O, ZHES GSUNGS LA, DPE DGU BYUNG BAS RTOG PA YANG DGUR BYED DGOS SHING DE DAG KYANG SA DGU LA RIM PA BZHIN DU BZHAG PA'I PHYIR 'DI'I SKABS KYI SGOM LAM SA BCU PA PHYIN LA BZHED PAR GSAL LO, ,DE LTAR NA 'PHAGS PA'I DGONGS PA 'DI NI DKA' ZHING t'IKA BYED RNAMS KYIS KYANG DOR BAS 'DIR BDAG GIS BSHAD DO, ,GNYEN PO BAR CHAD MED LAM NI, NYI MA'I DKYIL 'KHOR MNGON PAR 'CHAR BA'I 'OD KYI GNAS MED CING MI DMIGS PA'I ZHES SO, ,SPONG BA RNAM GROL LAM NI BSKAL BA'I ME 'BAR BA'I TSE 'DU BYED KYI RNAM PA THAMS CAD KYI GNAS MED CING MI DMIGS ZHES SO, ,GNYEN PO DANG MI MTHUN PHYOGS KYI RNAM RTOG DE DAG YONGS SU GTUGS PA STE SPONG BA NI, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI TSUL KHRIMS LA TSUL KHRIMS NGAN PA'I GNAS MED CING ZHES SO, ,DE BZHIN DU DE'I TING NGE 'DZIN DANG SHES RAB DANG RNAM PAR GROL BA DANG RNAM PAR GROL BA'I YE SHES GZIGS PA LA, RNAM G-YENG, SHES 'CHAL, RNAM PAR MA GROL BA, GROL BA'I YE SHES MA GZIGS PA'I GNAS MED CING

, ,ZHES SO, ,'DIR ZAG MED KYI PHUNG PO LNGAS GNYEN PO DANG, SPANG BYA LNGAS MI MTHUN PHYOGS KYI RTOG PA SPONG BA BSTAN TO, ,SNGAR GYI SPONG BAS BAG CHAGS KYI MTSAMS SBYOR BA DANG 'DIS SHES SGRIB SPANGS PAR BSTAN TO, ,SHES RAB DANG SNYING RJE NI, NYI MA DANG ZLA BA'I 'OD LA GNAS MED CING ZHES SO, ,'DIS NI SHES RAB DANG SNYING RJE RIM PA LTAR 'BAR BA DANG 'DOD PA DAG GIS SRID PA CI SRID PAR MYA NGAN LAS MI 'DA' BAS SRID ZHI GNYIS KAR MI GNAS PAR BSTAN TO, ,SLOB MA NYAN THOS DANG, THUN MONG MIN PA'I LAM NI, NYAN THOS DANG RANG SANGS RGYAS DANG GZA' DANG SKAR MA DANG NOR BU RIN PO CHE DANG GLOG GI 'OD LA GNAS MED CING SOGS SO, ,'DIS NI GZA' LA SOGS PA'I 'OD KYIS MTSON PA'I NYAN RANG GI YE SHES DANG THUN MONG MIN PAR MTHA' YAS PA'I 'JIG RTEN DU 'PHRO BA'I YE SHES KYI SNANG BA CAN DU GSUNGS SO, ,SKAL BA DANG 'TSAM PAR GZHAN GYI DON GO RIM BZHIN SGRUB PA NI, RGYAL CHEN BZHI'I RIS KYI LHA RNAMS KYI 'OD LA GNAS MED CING MI DMIGS SO, ,DE BZHIN DU 'OG MIN GYI BAR LA GSUNGS TE, 'DIS NI LHA GNAS KYI RIM PA DANG 'DRA BAR 'JIG RTEN GYI DGE LEGS GONG NAS GONG DU KHYAD PAR DU 'GRO BA'I RGYU NYID DU GSUNGS SO, ,YE SHES RTZOL BA MI MNGA' BAR 'JUG PA'I RTEN NI, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI 'OD LA GNAS MED CING MI DMIGS ZHES SO, ,THA MA 'DI LA KHA CIG ,YE SHES RTZOL BA MI MNGA' BA SANGS RGYAS KYIS YIN LA, DER 'JUG PA SA BCU THA MA NA'O, ZHES SMRA BA NI MI 'THAD DE, 'JUG

PA'I DON DER GZHAN ZHIG 'JUG PA RU MI SNANG GI ,YE SHES RANG GI 'JUG TSUL DU SNANG BA'I PHYIR RO, ,'DI 'PHAGS PAS SANGS RGYAS KYIS LA BZHED DE, JI SKAD DU, DE LA YE SHES LHUN GYIS GRUB PAR 'JUG PA'I RTEN NI 'DI YIN TE, SEMS CAN THAMS CAD KYI DON DANG MTHONG BA'I CHOS LA BDE BAR GNAS PA'I YE SHES LHUN GYIS GRUB PA NI, 'DI LTAR, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHES BYA'O, ZHES GSUNGS PA'O, ZHES 'CHAD KYANG, NYI SNANG LAS DE NI SGRUB PA'I CHOS KYI GNAS SKABS THA DAD PA'I DBYE BAS BCU GSUM DU 'GYUR RO, ZHES SGRUB PA BCU GSUM DU BSHAD PA LA 'DI YANG GCIG TU 'DREN DGOS PAS SA BCU PA'I LAM LA DER BTAGS PA DGONGS PAR MNGON PA'I PHYIR GDAGS GZHI BGRANG LA BTAGS CHOS BCU GSUM LA MI BGRANG NGO, ,BCU GSUM DU 'BYED TSUL YANG, KHA CIG SHES RAB SNYING RJE GNYIS SO SOR BYAS NAS BYED DO, ZHES PA NI DON MIN PAS NYI SNANG DANG LE BRGYAD MA GNYIS KAR GNYEN PO DANG SPONG BA GNYIS SO SOR BYAS NAS BCU GSUM DU MDZAD PA LTAR RO, ,GSUM PA LA BZHI, RTEN CHOS KYI NGO BO, GO RIM, GRANGS NGES, SA MTSAMS SO, ,DANG PO NI, SGRUB PA BCU GSUM GYI DANG POR 'JIG RTEN PA'I NGES 'BYED CHA MTHUN BZHI PO RNAMS SKYE'O, ,RE ZHIG NI RIM PA STON PA'O, ,DE SKYES PA'I 'OG TU 'JIG RTEN LAS 'DAS PA'I MTHONG LAM DANG SA BDUN PA MAN CHAD KYI SGOM PA'I LAM DAG STE RTOGS PA'I CHOS DRUG GO ,DE'I 'OG TU CHOS DRUG PO DE DAG SKYES PA'I STOBS KYI RKUN

, ,PO; NANG NAS PHYUNG BA STE PHYIR 'BYIN PA LTAR SPANG BYA SPONG BZHIN PA'I GNYEN PO BAR CHAD MED LAM DANG, RKUN PO PHYUNG NAS SGO 'PHAR SGO LEGS BCAD PA LTAR MI MTHUN PHYOGS SPANGS ZIN PA'I RNAM GROL LAM GNYIS SKYE'O, ,DE YANG GNYEN PO'I PHYOGS SKYE BA DANG MI MTHUN PA'I PHYOGS 'GAGS PA DUS MNYAM DU'O, ,DUS MNYAM NA LAM GNYIS SU MI RUNG ZHE NA, GNYEN PO SKYE BA DANG SPANG BYA 'GAGS PA LA PHYOGS PA DUS MNYAM PAR STON GYI DE GNYIS RANG NI LAM GNYIS MIN TE, SKYE BA LA PHYOGS PA MA 'ONGS PA YIN LA, BAR CHAD MED LAM DNGOS NI DA LTAR BA YIN TE, SPANG BYA SPONG BA LA NUS PA DNGOS SU 'JUG PAS SO, ,SPANG BYA 'GAGS PA LA PHYOGS PA YANG SPANG BYA NYID YIN PAS, RNAM GROL LAM MIN NO, ,DES NA GNYEN PO SKYES PA'I BAR CHAD MED LAM DANG, SPANG BYA 'GAGS ZIN PA'I RNAM GROL LAM NI RIM PA LTAR GNYEN PO DANG SPONG BA YIN NO, ,RKUN PO PHYUNG BA DANG SGO 'PHAR BCAD PA NI, LAM GNYIS KYI SPANG BYA SPONG BA'I DPE YIN GYI DE GNYIS DUS MNYAM PA'I DPER SGRIG PA NI MI RUNG STE, MDZOD 'GREL LAS, GNYIS KYIS RKUN PO 'BYIN PA DANG SGO GCOD PA BZHIN NO, ZHES BAR CHAD MED LAM DANG RNAM GROL LAM GYIS SPANG BYA SPONG TSUL BSHAD PA LTAR DU SLOB DPON 'DIS KYANG MDZAD PAS SO, ,DE'I PHYIR SNGA MA RNAMS KYIS SPONG BA RNAM GROL LAM DU 'DOD PA BKAG NAS SPANGS PA'I CHA LA 'CHAD PA NI MI RIGS TE, DE NI 'DUS MA BYAS YIN PAS RTEN CHOS SGRUB PAR MI RUNG BAS SO, ,DE SKYES PA'I 'OG TU GNYEN PO SKYE BA DANG SPANG BYA 'GAGS PAR ZHEN PA

DANG LDAN PA'I RNAM RTOG SHES SGRIB SPANGS PA'I SGRUB PA SKYE'O, ,THABS GANG GIS SPONG NA SPANG GNYEN DE DAG MI DMIGS PAR MNGON SUM DU RTOGS PAS SO, ,DE SKYES PA'I 'OG TU 'KHOR 'DAS LA RIM PA BZHIN 'DOR LEN DU ZHEN NAS MI GNAS PA'I MTSAN NYID RANG BZHIN MED RTOGS KYI SHES RAB DANG, SNYING RJE CHEN PO'I THABS KYI SGRUB PA DE SKYE'O, ,RGYU MTSAN NI SNGON GYI TSE SMON LAM BTAB PA DANG SBYIN SOGS KYI PHAR PHYIN SGRUB PA'I THABS LA MKHAS PA'I STOBS KYIS SO, ,DE SKYES PA'I 'OG TU NYAN THOS DANG SOGS PAS RANG RGYAL SO SKYE RNAMS DANG THUN MONG MA YIN PA'I CHOS THABS SHES GNYIS SKYE'O, ,THABS GANG GIS SKYED NA, 'KHOR 'DAS LA MI GNAS PA'I SGRUB PA DE SKYES PAS SO, ,DE SKYES PA'I 'OG TU GDUL BYA RNAMS KYI RANG RANG GI BSAM PA JI LTA BA BZHIN DU THEG PA GSUM GYI LAM LA 'GOD PA'I MTSAN NYID KYI GZHAN GYI DON GO RIM BZHIN SGRUB PA DA SKYE'O, ,THABS GANG GIS 'GOD NA GZHUG PA LA LDEM PHOR DGONGS PA DANG SOGS PAS LDEM DGONGS LHAG MA GSUM DANG DGONGS PA BZHI'I SGO NAS SO, , 'DI'I MTHA' DPYAD PA LA GSUM, DGONGS LDEM DGONGS KYI NGO BO, DE GNYIS KYI KHYAD PAR, GRANGS NGES GANG YIN BSAMS PA'O, ,DANG PO LA GNYIS, DGONGS PA DANG, LDEM DGONGS SO, ,DANG PO NI, MDO SDE'I RGYAN LAS, MNYAM PA NYID DANG DON GZHAN DANG, ,DE BZHIN DU NI DUS GZHAN DANG, ,GANG ZAG GI NI BSAM PA LA, ,DGONGS PA RNAM PA BZHIR SHES BYA, ZHES PA LTAR BZHI LAS, MNYAM PA NYID LA DGONGS PA NI, NGA NYID DE'I TSE YANG DAG PAR RDZOGS PA'I SANGS

, ,RGYAS RNAM GZIGS SU GYUR TO ZHES GSUNGS PA LTA BU STE CHOS KYI SKU MNYAM PA'O, ,DON GZHAN LA DGONGS PA NI, CHOS THAMS CAD NI NGO BO NYID MED PA MA SKYES PA'O ZHES SOGS GSUNGS PA LTA BU STE SGRA JI BZHIN PA MA YIN PAS SO, , DUS GZHAN LA DGONGS PA NI, GANG DAG BDE BA CAN DU SKYE BAR SMON LAM 'DEBS PA DE DAG DER SKYE BAR 'GYUR RO ZHES GSUNGS PA LTA BU STE SHI 'PHOS MA THAG MI SKYE YANG DUS GZHAN NA'O SNYAM DU DGONGS PA'O, ,GANG ZAG GI BSAM PA LA DGONGS PA NI, DGE RTZA 'GA' ZHIG KHA CIG LA NI BSNGAGS LA, CHUNG DUS CHOG SHES PA KHA CIG LA NI SMAD PA LTA BU'O, ,GNYIS PA NI, RGYAN LAS, GZHUG PA LDEM POR DGONGS PA DANG, ,MTSAN NYID LDEM POR DGONGS PA GZHAN, ,GNYEN PO LDEM POR DGONGS PA DANG, ,BSGYUR BA LDEM POR DGONGS PA STE, ZHES PA LTAR BZHI LAS, DANG PO NI, NYAN THOS RNAMS BSTAN PA LA GZHUG PA'I DON DU SKRAG PA SPANG BA'I PHYIR GZUGS SOGS YOD PAR BSTAN PA'O, ,GNYIS PA NI, MTSAN NYID GSUM LA DGONGS NAS CHOS THAMS CAD NGO BO NYID MED PA SOGS SU BSTAN PA STE, DE YANG SUM CU PA LAS, NGO BO NYID NI RNAM GSUM GYI, ,NGO BO NYID MED RNAM GSUM LA, ,DGONGS NAS CHOS RNAMS THAMS CAD NI, ,NGO BO NYID MED BSTAN PA YIN; ZHES KUN BRTAGS RDZAS SU MED PAS MTSAN NYID DANG, GZHAN DBANG RANG LAS MI SKYE'I GZHAN LAS SKYE BAS SKYE BA DANG, YONGS GRUB DAM PA MI RTOG YE SHES KYI DON NAM DMIGS PA YIN ZHING GZHAN DBANG LAS LOGS SU

MED PA'I PHYIR DON DAM PA NGO BO NYID MED PA LA DGONGS NAS NGO BO NYID MED PAR BSHAD PA LTAR RO, ,GSUM PA NI, RGYAN LAS, SANGS RGYAS CHOS LA BRNYAS PA DANG, ,LE LO CUNG ZAD CHOG 'DZIN DANG, ,NGA RGYAL 'DOD CHAGS SPYOD PA DANG, ,'GYOD DANG MA NGES LDOG PA NI, ,SEMS CAN RNAMS KYI SGRIB PA STE, ,DE YI GNYEN POR THEG MCHOG GSUNGS, ZHES PA LTAR NYES PA BRGYAD GDUL BA'I PHYIR DU BSTAN PA LTA BU STE, SANGS RGYAS LA BRNYAS PA'I GNYEN POR NI DGONGS PA DANG PO BSHAD PA DANG; LUNG GI CHOS LA BRNYAS PA'I GNYEN POR NI GANGG'A'I KLUNG GI BYE MA SNYED DANG MNYAM PA'I SANGS RGYAS LA BSNYEN BKUR BYAS NA GZOD THEG CHEN GYI RTOGS PA SKYE'O ZHES GSUNGS PA LTA BU'O, ,'DI THEG BSDUS SU DON GZHAN LA DGONGS PA LA BSHAD LA, DE'I DON BSHAD SBYAR DU LUNG LAS DON GZHAN THEG CHEN GYI RTOGS PA'I CHOS LA DGONGS NAS GSUNGS PAR BSHAD DO, ,LE LO'I SGRIB PA'I GNYEN POR NI, DUS GZHAN LA DGONGS PAR BSHAD PA DANG, DE BZHIN GSHEGS PA ZLA 'OD DRI MED KYI MTSAN SMOS PA TZAM GYIS BLA NA MED PA'I BYANG CHUB TU NGES PA YIN NO ZHES PA LTA BU'O, ,CUNG ZAD TZAM GYIS CHOG PAR 'DZIN PA'I GNYEN POR NI, LA LAR SBYIN SOGS SMAD LA GZHAN DU BSNGAGS PA LTA BU'O, ,'DOD CHAGS LA SPYOD PA'I GNYEN POR SANGS RGYAS KYI ZHING GI 'BYOR PA BSNGAGS PA LTA BU'O, ,NGA RGYAL LA SPYOD PA'I GNYEN POR SANGS RGYAS LA LA'I PHUN TSOGS BSNGAGS PA LTA BU'O, ,'GYOD PA'I GNYEN POR GANG DANG SANGS RGYAS BYANG SEMS LA GNOD PA BYED

, ,PA DE DAG MTHO RIS SU 'GRO'O ZHES PA LTA BU'O, ,MA NGES PA LDOG PA'I SGRIB PA'I GNYEN POR NYAN THOS RNAMS LUNG BSTAN PA DANG, THEG PA GCIG TU BSHAD PA LTA BU'O, ,'DI DANG DGONGS PA DANG LDEM DGONGS GNYIS PA RNAMS SEMS TZAM KHO NA'I 'DOD PA'O, ,BZHI PA NI, BRJOD BYA ZAB MO GZHAN DU 'DREN PA LA BLTA STE, JI SKAD DU, SNYING PO MED LA SNYING POR SHES, ,PHYIN CI LOG LA LEGS PAR GNAS, ,NYON MONGS PAS NI RAB NYON MONGS, ,BYANG CHUB DAM PA THOB PAR 'GYUR, ZHES PA LTA BU'O, ,DE LA SNYING PO NI SEMS KYI RNAM G-YENG NGO, ,DE MED PA NI SNYING PO MED PA'O, ,PHYIN CI LOG NI GTZANG BDE RTAG BDAG LAS LOG PA'O, ,NYON MONGS PA NI YUN RING POR DKA' SPYAD KYIS NGAL BA'O, ,DE DAG NI RGYAN LAS NYAN THOS DANG NI NGO BO NYID, ,DE BZHIN NYES PA GDUL BA DANG, ,BRJOD PA ZAB PA NYID LA NI, ,LDEM POR DGONGS PA 'DI RNAM BZHI, ZHES PA LTAR BSHAD DO, ,GNYIS PA NI, BSHAD SBYAR DU, DGONGS PA NI YID LA BZHAG PA TZAM YIN GYI PHA ROL LA LTOS PAR NI KHAS MI LEN TO, ,LDEM POR DGONGS PA NI DE NYID PHA ROL GZUNG BA LA LTOS PA'O ZHES SO, ,'DI LA SNGA MA RNAMS DGONGS GZHI DANG DGOS PA GTZO BOR STON PA'O ZHES 'CHAD PA NI DGONGS PA MIN TE, DE LTA NA 'DI GNYIS 'GAL DGOS TE DGOS PA GTZO LA DGONGS GZHI MI GTZO BO DANG, DE LAS BZLOG PA'I KHYAD PAR YOD DGOS PAS SO, ,MI 'GAL BA NI DGONGS PA DANG PO DANG THA MA GNYIS GNYEN PO LA LDEM DGONGS SU BSHAD CING, THEG BSDUS SU BSHAD

PA'I GNYIS PA YANG GNYEN PO LA LDEM DGONGS YIN PAS SO, ,GZHAN YANG NGA NYID RNAM GZIGS SO ZHES PA YANG GTZO BOR SANGS RGYAS LA BRNYAS PA LDOG PA'I DON DU GSUNGS KYI SANGS RGYAS RNAMS KYI CHOS SKU 'DRA BA GTZO BOR BYAS NAS GSUNGS PA MIN PAS SO, ,DES NA DGONGS GZHI GZHAN DU BTZAL DGOS PA'I SGRA JI BZHIN MA YIN PA RNAMS NI DGOS PA 'BA' ZHIG GI PHYIR MDZAD PA YIN GYI DGONGS GZHI'I PHYIR MIN NO, ,'O NA LUNG DON GANG ZHE NA, SGRAS ZIN TSOD DE TSIG DE'I DGONGS PA MIN PAR LOGS SU BSHAD NAS 'DI LA BSAMS TE GSUNGS SO ZHES SMRA BA PO'I BSAM PA STON PA'I CHA NAS DGONGS PA YIN LA, THAD KAR MI STON PAR 'KHYOG PO'I DAG GIS BSTAN PA'I DGOS PA 'DI'O ZHES DGOS PA STON PA'I CHA NAS LDEM POR DGONGS PA STE LDEM PO'AM LDE'U'I DAG NI 'KHYOG PO YIN PAS SO, ,DE LTAR NA SH'ANTIS BSTAN PA'I DON BRJOD PA NI DGONGS PA CAN YIN LA, BSTAN PA'I SGRA'I DGOS PA BSHAD PA NI LDEM POR DGONGS PA DANG YANG MTHUN NO, ,DES NA DGONGS LDEM DGONGS GNYIS DRANG DON GYI GZHUNG GCIG LA 'JOG TSUL THA DAD PAS BZHAG PA YIN TE, DE YANG 'DI LA DGONGS NAS SO ZHES DANG, 'DI'I CHED DU GSUNGS SO ZHES PA GNYIS SO, ,DGONGS PA LA PHA ROL GZUNG BA LA MI LTOS ZHES PA NI DE'I CHA NAS DGONGS PAR MI 'JOG CES PA YIN LA, LDEM DGONGS LA DE NYID CES PAS GNYIS KA GZHI GCIG LA RTZI BAR GSAL LO, ,t'IKA BYED DAG GIS NI TSUL 'DI TZAM YANG LEGS PAR MA BRTAGS SO, ,GSUM PA NI, 'DI DAG THAMS CAD DRANG

, ,DON YIN TE, DGONGS PA NI SGRAS ZIN LAS DGONGS PA GZHAN DU BTZAL DGOS LA, LDEM DGONGS NI SGRA JI BZHIN PA MIN PA'I NGAG YIN PA'I PHYIR TE, KUN BTUS LAS, LDEM DGONGS PA RNAM PAR NGES PA GANG ZHE NA, GANG MING GI TSOGS DANG TSIG GI TSOGS DANG YI GE'I TSOGS KYI DON GZHAN DU BRJOD LA DON GZHAN DU YONGS SU BSGYUR BA STE, ZHES SO, ,'O NA THAMS CAD BSGYUR BA LDEM DGONGS SU 'GYUR ZHE NA, 'DOD PA YIN NO, ,'O NA JI LTAR PHYE ZHE NA LDOG PA TZAM GYIS YIN TE DE LTAR MIN NA DGONGS LDEM DGONGS KYANG 'GAL BAR 'GYUR LA, DGONGS PA DANG PO YANG DON GZHAN LA DGONGS PA MA YIN PAR 'GYUR NA DE YANG MIN TE, RGYAN 'GREL LAS, SGRA JI BZHIN PA MIN PAR BSHAD PA RNAMS DE'I DPER MDZAD PA'I PHYIR RO, ,'O NA THEG BSDUS LAS, DGONGS PA BZHI DANG LDEM POR DGONGS PA RNAM PA BZHIS SANGS RGYAS KYI GSUNG THAMS CAD KHONG DU CHUD PAR BYA'O ZHES DANG, GNYEN PO LA LDEM POR DGONGS PA NI GANG DU SPYOD PA BRGYAD KHRI BZHI STONG GI GNYEN POR BSTAN PA'O ZHES GSUNGS PAS BKA' THAMS CAD DRANG DON DU 'GYUR ZHE NA, DANG PO NI CHES MI RIGS TE GSUNG RAB KHONG DU CHUD PA'I THABS YIN PAS GSUNG RAB DE THABS DER 'GYUR NA HA CANG THAL BAS SO; ;GNYIS PA YANG MI 'THAD DE LUNG DE'I DON NI 'DOD CHAGS DANG ZHE SDANG DANG NGA RGYAL DANG RNAM RTOG LA SOGS PA'I NYON MONGS RNAMS RIM PA LTAR MI SDUG PA, BYAMS PA, KHAMS KYI RAB DBYE, DBUGS 'BYUNG RDUB BGRANG BA

SOGS KYI GNYEN POS RDZOGS PAR SPONG BAR BSTAN PA RNAMS SGRA JI BZHIN PA MIN TE DE DAG RE RES MA LUS PAR SPANG MI NUS PAS SO, ,DES NA DBANG PO GDUL DKA' BA RNAMS GNYEN PO NYI TSE BSGOM PA LA GZHUG PA'I PHYIR DE LA DGONGS PA YIN GYI BKA' THAMS CAD GNYEN PO LA LDEM DGONGS SU 'CHAD PA MIN NO, ,GNYEN PO LA LBEM DGONGS MI SDUG PA SGOM PA SOGS LA RGYAN GYI BSHAD SBYAR DANG DE'I 'GREL CHEN GNYIS KYIS BSHAD DO, ,GZHAN DON RIM BZHIN SGRUB PA DE SKYES PA'I 'OG TU GDUL BYA'I 'KHOR BA JI SRID PAR MNGON PAR ZHEN PA'I MTSAN MA MED CING 'BAD PA LA MI LTOS PAR LHUN GYIS GRUB PAR GDUL BYA GZHAN GYI DON SGRUB PA'I YE SHES 'BYUNG BA'AM 'JUG PA'I SGRUB BDE SKYE'O, ,GZHUNG 'DI'I MJUG GI 'BYUNG ZHES PA RTOGS PA'I CHOS RE RE'I MJUG TU SBYOR BA NI MI 'THAD DE, 'DI NI RTZE BAR 'JUG PA'I ZHES PA'I 'GREL PA YIN PAS SO, ,GZHAN DON GYI PHRIN LAS DA LTA BU SANGS RGYAS KHO NA'I MA YIN NAM ZHE NA, RGYUD BLA LAS, SNGON GYI 'PHEN PA'I DBANG DANG NI, ,RNAM RTOG THAMS CAD DRAL BA'I PHYIR, ,DE NI LUS CAN SMIN PA YI, ,DON DU 'BAD PA BYED MA YIN ZHES SA BCU PA LA GSUNGS PAS 'BAD RTZOL CHEN PO LA MI LTOS PA'I PHRIN LAS YOD PA MI 'GAL LO, ,DE LTAR GCIG 'OG TU GCIG SKYE BA'I RTOGS PA 'DI'I RTEN 'CHAD CES THAMS CAD LA SBYAR RO, ,GNYIS PA NI, SGRUB PA BCU GSUM PO'I GCIG 'OG TU GCIG BSHAD PA'I RNAM GZHAG 'DI NI GO RIM YIN NO, ,'O NA 'DI SNGA MA LAS PHYI MA SKYE BA RGYU 'BRAS DON GYI

, ,RIM PA'AM 'ON TE DE LTAR BSHAD NA NYAN PA POS RTOGS SLA BA'I BSHAD PA'I GO RIM YIN ZHE NA, RIGS BYIN BUD DHA SHR'I SHER 'BYUNG NI SKYE BA'I RIM PAR 'DOD DO, ,TSIG GSAL LAS NI SNGA PHYI RNAMS LA SA MTSAMS GONG 'OG TU BZHAG PAS SKYE BA'I RIM PAR MI 'DOD PAR MNGON NO, ,RGYAN GYI SNANG BAR DE BAS NA DE LTAR RTOGS PA'I GO RIM YIN PA'I PHYIR 'DI NI GO RIM YIN NO ZHES PA'I DON NI RTOGS PA RGYUD LA SKYE BA'I RIM PA LA GZUNG STE, SGRUB PA'I CHOS KYI GNAS SKABS THA DAD PA'I BYE BRAG GIS ZHES RTOGS PA 'DI DAG SKYE BA'I GNAS SKABS THA DAD DU BSHAD PAS MTHONG SGOM GNYIS SPYI DANG PHYI MA BDUN KHYAD PAR DU BYAS NAS BSHAD PA'I GO RIM LA 'CHAD MI NUS PAS SO, ,GSUM PA NI, GDAMS NGAG BCUR MA ZAD BCU GSUM PO 'DIS KYANG SKYES BU ZHIG 'TSANG RGYA BA'I DON THAMS CAD PHUN TSOGS SU SGRUB NUS TE, SBYOR LAM GYI STOBS KYIS CHOS DBYINGS SNGAR MA MTHONG MNGON SUM DU BLTAS TE SGOM LAM CHUNG NGU LA SOGS PA SBYANGS NAS GNYEN POS MI MTHUN PHYOGS DRUNGS 'BYIN PAR BYED CING SPANG GNYEN LA RLOM PA MED BZHIN DU THABS SHES KYIS THUN MONG MIN PA'I LAM THOB PAS THEG GSUM GYIS SEMS CAN BTUL TE SANGS RGYA BA'I PHYIR RO, ,BZHI PA NI, TSIG GSAL LAS, LNGA PA NI MTHONG BA'I LAM MO, ,DRUG PA NI SGOM PA'I LAM MO, ,BDUN PA DANG DGU PA NI DE DAG NYID KYI BRAL BA DANG BRAL BA'I THOB PA'O, ,BRGYAD PA NI SA 'OD BYED PA NAS DRUG PA'I BAR DO, ,BCU PA NI SA BDUN PA'O, ,BCU GCIG PA NI, MI G-YO BA NAS

CHOS KYI SPRIN GYI BAR RO, ,BCU GNYIS PA NI, SKYE BA GCIG GIS THOGS PA DANG SRID PA THA MA PA'O, ,BCU GSUM PA NI KHYAD PAR GYI LAM RDO RJE LTA BU'I TING NGE 'DZIN NO, ,ZHES DANG, BUD DHA SHR'IS DRUG PA SA BDUN PA PHYIN CAD DE NAS GCIG DANG GCIG DANG BZHI DANG GCIG NI RIM PA LTAR SA BRGYAD PA DGU PA BCU PA DE'I KHYAD PAR GYI LAM LA BZHAG GO ,KHA CIG BUD DHA SHR'IS BDUN BRGYAD GNYIS SA BRGYAD PA LA BZHAG CES GSUNG BA NI 'GREL PA DE MA NGES PA YIN NO, ,CHOS BSHES KYIS SNGA PHYI RNAMS KYI SA MTSAMS GO LOG TU BZHAG PA NI SLOB DPON GYI BZHED PA MIN LA, BUD DHA SHR'IS BDUN BRGYAD SA SO SO LA BZHAG PA YANG SLOB DPON GYI DGONGS PA MIN NO, ,SNGON GYI MKHAS PA DAG GA YA GO RI LAS, DE LA SHES PA'I LAM NI SA DANG PO NAS BZUNG STA SA BDUN PA'I BAR DU'O, ,SPONG BA'I LAM NI SA BRGYAD PA NAS BZUNG STE SA BCU PA'I BAR DU'O ZHES BSHAD PAS SHES PA DANG RTOGS PA GNAD GCIG PAS SGOM LAM SA BDUN PA MAN CHAD DANG, DE NAS BZHI SA BRGYAD PA LA DANG, DE NAS GCIG SA 'OG MA NAS YOD KYANG SA DGU PA LA SO SO YANG DAG PAR RIG PA LA DBANG THOB PAS RNAM PA THAMS CAD DU THUN MONG MIN PA'I PHYIR DE NAS BZHAG GO ,DE NAS GCIG SA BCU PA LA STE SA DE LA GZHAN DON SANGS RGYAS DANG 'DRA BAR BSHAD PAS SO, ,BCU GSUM PA NI SA BCU THA MA LA BTAGS PA'O ZHES 'CHAD DO, ,SLOB DPON 'DIS THA MA SANGS RGYAS SAR BSHAD PA MED CING SA BCU PA NA DE YOD PAR GSUNGS PAS NYE BAR GDAGS MI DGOS SO, ,GA YA GO RI LAS

, ,SHES PA'I LAM LA SGRIG RUNG SNANG YANG SPONG BA'I LAM BSHAD PA MI 'GRIG PAS SA MTSAMS 'DI LA 'OL SGRIG TZAM SNANG YANG JI LTA BA DKA' BAR SNANG NGO, ,RTZA BA RANG GI DON NI RTOGS PA'I CHOS DRUG GI MTHONG SGOM GNYIS SPYI DANG LHAG MA BDUN CI RIGS PAR DE DAG GI KHYAD PAR DU BZHAG STE DE YANG RANG DON DANG, LAM GYI KHYAD CHOS DANG, GZHAN DON GSUM GYI DBANG DU BYAS PA STE, DANG PO YANG GNYEN SPONG NI GNYEN PO SKYED PA DANG SPANG BYA 'GOG PA YIN LA, DE DAG GTUGS PA NI SPANG GNYEN GYI BYED PA DE GNYIS RDZOGS PA'O, ,GNYIS PA LA SHES RAB SNYING BRTZE GNYIS KHYAD PAR DU BYED PA'I RGYU YIN LA THUN MONG MIN PA KHYAD PAR DU BYAS PA'I 'BRAS BU'O, ,GSUM PA LA, GZHAN DON GO RIM NI GZHAN DON GYI RGYU YIN LA, YE SHES RTZOL BA MI MNGA' BA GZHAN DON SGRUB PA'I GNAS SKABS SO ZHES BYA BAR SNANG STE 'PHAGS PA'I DGONGS PAR YANG 'GYUR RO, ,BZHI PA NI, TSIGS BCAD GNYIS PO 'DI NI BYANG SEMS BCU GSUM GYI CHOS KYI DBYINGS KYI NGO BO NYID LA SKABS 'DIR RIGS SU 'JOG GO ZHES BSTAN TO, ,KHO NA ZHES PAS RTEN DNGOS PO BA NI MED DO ZHES PA'O YANG DAG PAR NA DE LAS GZHAN PA'I RIGS MED PAS ZHES RTOGS DKAR RO, ,RGYU MTSAN NI SNGAR JI SKAD BSHAD PA'I SGRUB PA'I CHOS BCU GSUM GYI RTEN GZHIR GYUR PA'I CHOS NYID YIN PA'I PHYIR RO, ,TSIG GSAL DU SGRUB PA BZHI'I ZHES DANG, RIGS BYIN SEMS BSKYED LA SOGS PA'I SGRUB PA'I CHOS ZHES 'CHAD PA DON MIN NO, ,BCU GSUM DU JI LTAR BYAS PAS PHYE NA,

DROD NAS YE SHES RTZOL BA MI MNGA' BA'I BAR GYI SGRUB PA'I CHOS KYI GNAS SKABS THA DAD PA'I BYE BRAG GIS TE RTOGS PA MI 'DRA BA BCU GSUM GYIS SO, ,GANG YANG ZLA 'OD DU GANG ZAG GI RANG BZHIN RNAM PAR DAG PA GLO BUR GYI DRI MA RNAMS KYI NANG DU CHUD PA DE NYID BYANG CHUB KYI RANG BZHIN DU GNAS PA'I RIGS DE BZHIN GSHEGS PA'I SNYING PO ZHES PA'I MING CAN GZHAN NYID NI MA RIG PA LA SOGS PA'I MUN PA SRAB PA LA SOGS PA'I RIM GYIS SEMS BSKYED PA NYI SHU RTZA GNYIS PO RNAMS KYI RTEN TE, DE LTAR YANG 'PHAGS PA RNAM PAR GROL BA'I SDES SEMS BSKYED PA NAS BRTZAMS TE NGES PAR 'BYED PA'I CHA DANG MTHUN PA BZHI PO RNAMS LA ZHES PA LA SOGS PA GSUNGS PA'O, ,DE NYID KYIS NA SENG GE BZANG PO'I NGES PAR 'BYED PA'I CHA DANG MTHUN PA RNAMS NI CHOS KYI DBYINGS KYI RTEN NO ZHES PA NI MI 'THAD DO ZHES SLOB DPON 'DI 'GOG PA NI MI 'THAD DE, NYI SNANG LAS KYANG RTEN CHOS BCU GSUM DU BSHAD NAS DANG PO DROD LA BSHAD PAS SO, ,SEMS BSKYED NAS BRTZAMS TE ZHES PA SNGAR MDO'I SKABS DE DAG TU BYANG SEMS ZHES PA'I SGRA DON 'DRI BAS 'BREL BKOD PA TZAM MO, ,DE'I PHYIR SEMS DANG PO BSKYED PA NAS 'JOG DGOS SHE NA, 'O NA GDAMS NGAG GI SKABS SU YUM LA BRTZON PA RNAMS GANG NAS 'PHOS TE 'DIR SKYES ZHES PA'I LAN DU DGE 'DUN NYI SHU GSUNGS PA'I PHYIR TSOGS SBYOR BA YANG YUM LA BRTZON PA YIN PAS DGE 'DUN RNAMS DE NAS 'JOG DGOS PAR 'GYUR RO, ,DES NA SNGA MA RNAMS NI TSOGS LAM NAS RIGS YOD KYANG THOS BSAM SHAS

, ,CHE BAS DES DE MI PHIGS PA'I PHYIR RTEN DANG BRTEN PA NGO MA 'PHROD LA, SBYOR LAM NAS SGOM BYUNG SHAS CHE BA'I PHYIR NGO 'PHROD PAS DE NAS RIGS BZHAG GO ,ZHES 'DOD DO, ,SKABS DON NI SKABS 'DI'I RIGS LA GNYIS LAS KHYAD PAR CAN NI RIGS NGES PA YIN LA DE YANG DROD NAS PHYIR MI LDOG TU BSHAD PAS DE DANG BSTUN PA YIN ZHING, TSOGS LAM DU PHYIR MI LDOG GI RTAGS MA THOB PAS MA BZHAG STE 'DIR BSTAN PHAL BA'I RIGS NI TSOGS LAM NA YOD PAR NYI SNANG DANG RGYAN SNANG GI RIGS DANG SBYOR LAM GYI 'CHAD TSUL LA RTZOD PA SPONG BAS SHES SO, ,GNYIS PA LA GNYIS, RTZOD PA DANG, LAN NO, ,DANG PO LA GNYIS, RIGS CAN DANG, RIGS SO SOR MA NGES PA'I RTZOD PA'O, ,DANG PO NI, BAR TSIGS PHYED KYIS RTZOD PA GSUNGS SO, ,GANG GI CHED DU NA, LUNG GI DON MNGON PAR MI SHES PA'I SKYE BO BLO DMAN PA STE SHES RAB CHUNG BA'I NGOR DOGS PA KHONG NAS BSU NAS DE LA LAN GDAB PA'I PHYIR DU'O, ,DOGS PA JI 'DRA BA ZHE NA, GAL TE CHOS KYI DBYINGS RTOGS PAS THEG CHEN 'PHAGS PA'I RTOGS PA'I CHOS RTOGS PA STE THOB PAR 'GYUR BA'I RGYU YIN PA'I PHYIR TE RGYU MTSAN GYIS CHOS DBYINGS DE'I BDAG NYID CAN TE DES KHYAB PA'I BYANG SEMS SANGS RGYAS KYI CHOS STOBS LA SOGS PA'I RANG BZHIN DU GNAS PA'I RIGS CAN DANG DE'I CHOS NYID RIGS SU DBU MA PA 'DOD PA LA KHO NA RE RIGS CHOS NYID YIN NA PHYOGS SNGA KHONG DU CHUD PAS 'O NA NI BYANG SEMS KHO NA THEG CHEN DANG NYAN RANG KHO NA THEG DMAN GYI RIGS CAN DU SO SOR MA NGES PAR THAL, CHOS

NYID LA RIGS SU 'DOD PA DE'I TSE STE DE'I PHYIR, KHYAB STE CHOS NYID DE NI SPYIR THAMS CAD LA THUN MONG DU DBYER MED PAR GNAS PA'I PHYIR RIGS SO SOR MA NGES LA DE'I PHYIR RIGS CAN KYANG MA NGES PA YIN NO SNYAM PA'I DOGS PA'O, ,KHO NA NI 'PHAGS PA'I RTOGS PA SKYED PA LA 'DI LA NGES PAR DMIGS DGOS ZHES PA'O, ,RTOGS DKAR SPYIR DBYER MED DU GNAS PA RGYU MTSAN DU BYAS NAS RANG BZHIN DANG RGYAS RIGS GNYIS THEG GSUM GYI RIGS NGES MA NGES GNYIS KYI RIGS THA DAD PAR MI RIGS PAR THAL BA DANG, DE 'DOD NA BYANG SEMS 'BA' ZHIG RIGS YIN ZHES PA MI RIGS TE NYAN THOS SOGS KYI RIGS KYANG 'DIR RIGS SU 'DOD PA'I PHYIR ZHES 'CHAD DO, ,MTSAMS SBYAR 'DI RKANG PA DANG PO GNYIS KYI 'GREL PAR MI BYED PA YOD KYANG RTOGS DKAS MDZAD PA LTAR LEGS SO, ,GNYIS PA NI, CHOS NYID RIGS YIN NA CHOS DBYINGS TE THAMS CAD LA THUN MONG DU DBYER MED PAR GNAS PA'I PHYIR RIGS THA DAD PA'I DBYE BA RUNG BA MA YIN NO, ,JI LTA BU'I ZHE NA, 'DI THOG MED NAS 'ONGS PA CHOS NYID KYIS THOB PA'I GNAS RIGS SO, ,'DI SNGON DGE RTZA GOMS PAS THOB PA YANG DAG PAR BLANGS PA'I RIGS SO, ,'DI RKYEN CHEN POS KYANG MI 'PHROGS PA'I PHYIR THEG GSUM DU NGES PA'I RIGS SO, ,'DI NI DE LAS BZLOG PA'I PHYIR DER MA NGES PA'I RIGS SO ZHES PA'O, ,'DI RGYAN SNANG GI BSHAD PA STE SNGA MA DANG DON LA KHYAD PAR MED DO, ,'DIR RGYAS PA'I RIGS DBYER MI RUNG BAR BRTZAD PA NI RIGS GANG YIN CHOS NYID DU BZHAG PAR BSAMS PA YIN LA, LAN GYIS NI DE LA RIGS

, ,KYI DBYE BA RUNG BA'I RGYU MTSAN BSTAN PA TZAM GYIS DOGS PA LDOG GI RGYAS RIGS DBYER YOD PAR BSTAN MI DGOS SO, ,GNYIS PA LA GNYIS, BSTAN BCOS DANG, 'JIG RTEN LA GRAGS PA'I LAN NO, ,DANG PO NI, THA SNYAD 'DOGS SO; ;GANG DU NA THEG GSUM GYI RIGS NYID DU'O, ,GANG NA CHOS DBYINGS SO, ,GANG GI SGO NAS NA, DE GSUM GYI 'PHAGS CHOS KYI RGYU'I NGO BOR RNAM PAR 'JOG PA'I SGO NAS SO, ,SKYED PA'I RGYU'AM ZHE NA MIN TE, NYAN THOS KYI THEG PA DANG SOGS PAS RANG RGYAL THEG CHEN GYI RTOGS PA'I RIM PA THA DAD KYIS RANG RANG GI 'PHAGS PA'I ZAG MED KYI CHOS RTOGS PA STE THOB PAR BYA BA'I PHYIR DU CHOS NYID LA DMIGS PA NA, JI LTAR DMIGS PA DE BZHIN DU STE DE DANG MTHUN PAR RTOGS PA DE DANG DE THOB PA TZAM LA RGYUR BTAGS SO, ZHES BYA BA DE LTA BU'I LAN ZHIG KYANG BYAMS PA'I MKHYEN PAS GZIGS MOD KYANG MA BKOD CES PA NI RIGS SU 'GRO TSUL DE RGYAN 'DIR TSIG GIS MA ZIN PAS SO, ,'DI NI NYI SNANG LAS, JI LTAR DMIGS PA NA 'PHAGS PA'I CHOS RNAMS KYI RGYUR 'GYUR BA DE LTAR RIGS YIN PAR BRJOD PA DES NA, 'DIR HA CANG THAL BA CI STE TSOL BAR BYED CES PA'I DON SLOB DPON GYIS BKOD DO, ,DE'I PHYIR TSIG GSAL LAS, NYAN THOS RNAMS NI RNAL 'BYOR SPYOD PA PA LTAR RIGS THA DAD PA DANG RIGS CHAD MI 'DOD PAS SEMS CAN THAMS CAD MA NGES PA'I RIGS CAN DU 'DOD PAS NA, DE LTAR 'DOD PA KHYED KYI LUGS KYIS RIGS NGO BO GCIG YIN YANG RKYEN GYIS BYAS PA'I RTOGS PA THA DAD PAR

'THAD PA LTAR KHO BO CAG KYANG RIGS CHOS NYID GCIG PUR 'DOD KYANG DE RTOGS PA'I RIM PA LAS RIGS KHYAD PAR CAN BCU GSUM DU 'DOD CES PA NI BSTAN BCOS LA GRAGS PA'I DPE'O ZHES DE BZHIN DU ZHES PA YAN CHAD DPER BSHAD PA DGONGS PA MIN LA, KHYAD PAR DU NYAN THOS RNAMS SEMS CAN THAMS CAD MA NGES PA'I RIGS CAN DU 'DOD PAR BSHAD PA MI 'THAD DE, GAL TE 'DOD NA BYE SMRA SOGS KYI GZHUNG DU BSHAD DGOS PA LAS MDZOD DU, 'PHAGS DANG MTSAMS MED BYED PA DAG , YANG DAG LOG PA NYID DU NGES, ZHES YANG DAG PA DANG LOG PAR NGES PA DANG MA NGES PA'I SEMS CAN GYI TSOGS GSUM DU BSHAD PA'I PHYIR DANG, NYAN THOS SDE PAS RIGS THA DAD DU MI 'DOD PA LA SHES BYED MED CING GNOD BYED YOD DE DE DAG MA CHAGS PA DANG DBANG PO KHYAD PAR CAN LA RIGS SU 'DOD PAS SO, ,GZHUNG 'DI DE LTAR MA BSHAD NA 'OG GI LAN DANG GNYIS KA KHYAD MED PAR 'GYUR TE, PHYOGS SNGA GCIG YIN ZHING LAN GYI DON YANG DMIGS TSUL THA DAD PA GSUM YOD PAS RIGS GSUM DU BZHAG CES PA YIN TE, RTEN CHOS THA DAD KYIS BZHAG PA YANG RTEN DANG BRTEN PA DMIGS BYA DMIGS BYED LA BSHAD DGOS PAS SO, ,GZHAN YANG RIGS BYIN GYIS NYAN RANG GI LAM GYIS RTOGS PA'I RIM GYIS TE GONG NAS GONG DU SHES PA'I GO RIM GYIS JI LTA BAR DMIGS PA DE BZHIN DU STE DE DANG 'DRA BAR BYANG CHUB SEMS DPAS 'PHAGS PA'I CHOS RTOGS PAR BYA BA'I PHYIR CHOS DBYINGS LA DMIGS PAR BYA'O, ,DE LAS CIR 'GYUR NA, BYANG SEMS KHO NA

, ,NYAN THOS SOGS KYI RIGS NYID DU THA SNYAD 'DOGS SO, ,RGYU MTSAN NI CHOS DBYINGS LAS GZHAN PA'I RGYU MED PAS DE KHO NA THEG PA GSUM GYI RGYUR RNAM PAR BZHAG PA'I PHYIR TE, MDO SDE LAS BYANG SEMS KYI CHOS DBYINGS KHO NA THEG GSUM GYI RIGS SU BSTAN PA'I PHYIR TE, LUNG LAS SPYIR THEG GSUM 'BRAS BU YIN PA LA BRTEN TE CHOS DBYINGS KYI RANG BZHIN GYI BYANG SEMS RGYUR BYAS NAS NYAN RANG GI RIGS BZHAG PA DE BZHIN DU BYANG SEMS KYI SKABS SU DE BZHIN GSHEGS PA'I RIGS SU 'GYUR RO ZHES 'CHAD PA YANG DGONGS PA MIN NO, ,GNYIS PA LA GSUM LAS, DANG PO NI, SLA CHOS NYID DU STE GO SLA BA'I PHYIR DU 'JIG RTEN PA'I DNGAGS KYIS TE DE LA GRAGS PAS SNGA MA LAS LAN GZHAN DU STON TO, ,RTZA TSIG GIS 'JIG RTEN PA'I DNGAGS DNGOS SU MA GSUNGS KYANG DES MTSON PA'I DON BSTAN PA LA DGONGS SO, ,GNYIS PA NI, CHOS NYID LA DBYER MED KYANG RIGS THA DAD GSUM GYI RNAM GZHAG MI 'THAD PA MED DE, DE LTAR YIN KYANG RTEN PA'I CHOS THEG PA GSUM GYI RTOGS PA THA DAD GSUM GYI BYE BRAG GIS RTEN DE'I DBYE BA YONGS SU BRJOD PA'AM BSTAN TE, MDOR NA RTOGS BYA DE BZHIN NYID LA THA DAD MED KYANG DE RTOGS PA'I BLO LA RAB 'BRING THA GSUM BYUNG BAS YUL CAN GYI SGO NAS MING THA DAD PAR BTAGS ZHES PA'O, ,GSUM PA NI, CHOS NYID LA DBYER MED KYANG DE DMIGS PA LAS BYUNG BA'I RTEN PA 'BRAS BU'I CHOS THEG PA GSUM GYIS BSDUS PA RTOGS PA STE THOB BYA THA DAD PA GSUM YOD PA NYID KYIS

DMIGS BYA'I RTEN RGYU RIGS DE YANG THA DAD PA GSUM NYID DO ZHES BSTAN TE, DPER NA NYER LEN 'JIM PA GCIG LAS MNGON PAR GRUB CING LHAN CIG BYED RKYEN ME LCE GCIG GIS SO BTAD BAR KHYAD PAR MED PA'I RTEN SNOD BUM PA DANG SOGS PAS LHUNG BZED RNAMS BRTEN PA BCUD SBRANG RTZI DANG LI KHAR STE KA RA LA SOGS PA'I SNOD BYED PA NYID KYIS BCUD KYI SGO NAS DE DANG DE'I BUM PA ZHES THA DAD PAR 'JOG PA DE BZHIN NO, ,SH'ANTI DANG RAD KIR GYIS SBRANG RTZI LA SOGS PA'I BUM PA RNAMS KHYAD PAR MED KYANG BCUD THA DAD PA'I DBANG GIS BUM PA THA DAD DU 'JOG CES PA LTAR MDO GZHAN LAS KYANG DE BZHIN DU 'BYUNG BAS BUM PA GCIG NYID LA MI BYA'O, ,DE LTAR NA 'PHAGS PA SH'ANTI ZLA 'OD RANG KIR RNAMS SU PHYED SNGA MAS CHOS NYID DBYER MED PAS THEG PA GSUM GYI RIGS THA DAD DU MI RUNG NGO ZHES PA'I LAN DU PHYED PHYI MA SBYOR ZHING, ZLA 'OD DU BGROD BYA NAM MKHA' LA THA DAD MED KYANG BGROD PA PO PHYE LEB BYA KHYUNG NYI MA'I LAM ZHES THA DAD PAR BRJOD PA BZHIN NO ZHES DPER MDZAD DO, ,BUD DHA SHR'IS NI RIGS DE THA DAD PA'AM THA MI DAD CES PA'I LAN DU PHYED SNGA MAS THA MI DAD PAR BSTAN NAS, 'O NA SGRUB PA'I RTEN GYI DBYE BA JI LTAR BRJOD CES PA'I LAN DU PHYED PHYI MA SBYOR TE PHYED SNGA PHYI GNYIS KA RANG GZHUNG NGO, , BDAG NYID CHEN POS NI BCU GSUM DU DBYER MI RUNG BAR BRTZAD PA'I LAN DU PHYI MA SBYOR LA, CHOS BSHES KYANG LAN 'DEBS TSUL DE LTAR BZHED DE, 'DI NI GZHUNG GONG 'OG DANG 'BREL LE, ,GNYIS PA LA GSUM LAS DANG PO NI,

, ,SNGAR JI SKAD BSHAD PA'I SGRUB PA'I RTEN BYANG SEMS KYI DMIGS PA GANG ZHE NA, LAN DU DMIGS PA STON TE, ,MDO'I 'BREL NI, RIGS KYI DON BSDUR BYANG SEMS KYIS CHOS THAMS CAD RTOGS PAR BYA'O ZHES GSUNGS PAS RAB 'BYOR GYIS CHOS THAMS CAD NI GANG LAGS ZHES PA'I LAN DU CHOS THAMS CAD CES BYA BA NI DGE BA DANG ZHES PA NAS THUN MONG MA YIN PA DAG STE 'DI DAG NI CHOS THAMS CAD CES BYA'O, ZHES BYA BAS DMIGS PA'I RANG GI NGO BO DANG, DE DAG GANG YIN DRIS PAS DE'I LAN DU SO SOR GSUNGS SO, ,GNYIS PA NI, NYI SNANG LAS RKANG PA DANG POS BSTAN PA DANG, GNYIS PAS CUNG ZAD BSHAD LA DBYE BA DE TZAM DU ZAD DAM ZHES PA'I LAN DU LHAG MAS RGYAS PAR BSHAD DO, ,GSUM PA LA GNYIS, RAB DBYE DANG, JI LTAR DMIGS PA'I TSUL LO, ,DANG PO NI, ,SGRUB PA'I DMIGS PA LA DBYE NA BCU GCIG GO ,'DI LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, RE ZHIG DMIGS PA RNAMS KYI DANG POR DGE MI DGE LUNG DU MA BSTAN PA STE GSUM 'CHAD DO, ,SPYIR ZHES PA NI 'DI GSUM GYIS DMIGS PA KUN LA KHYAB PAS SO, ,RTOGS DKAR NYAN THOS SOGS DANG THUN MONG BA YIN PAS SPYIR ZHES SO, ,DANG PO NI, DGE SBYONG GI TSUL ZAG MED KYI BAR CHAD MED LAM DANG SOGS PAS TSUL KHRIMS DANG, GNYIS PA NI NYON MONGS PAS KUN NAS BSLANG BA'I SROG GCOD PA DANG SOGS PAS LHAG DGU DANG, GSUM PA NI, LUNG DU MA BSTAN PA'I LUS KYI LAS DANG

SOGS PAS NGAG DANG YID KYI LAS DANG 'BYUNG BZHI DBANG PO LNGA'O, ,RTOGS DKAR MTHA'I SOGS SGRA MA GTOGS PA BAR PA'I SOGS SGRA MED PA LTAR DAG GO ,DANG PO GSUM GYIS MTSON BYA DANG, 'OG MA GSUM GYIS MTSAN GZHI BRJOD DO, ,DE YANG MDO LAS, 'JIG RTEN PA'I CHOS DGE BA ZHES PHAR SHES PA DANG, MAR SHES PA SOGS DANG, MI DGE BA BCU LA BSHAD KYANG MTSON PA TZAM YIN PAS DGE MI DGE THAMS CAD GZUNG NGO, ,GNYIS PA NI, DE GSUM LA DMIGS PA DE'I 'OG TU DBYE BA LHAG MA RNAMS LA DMIGS TE DE YANG RTZA BA'I GRANGS BZHIN DU 'CHAD DO, ,JI LTAR NA SNGAR GYI GSUM PO DE DAG NYID LA 'JIG RTEN PA DANG SOGS PAS 'JIG RTEN LAS 'DAS PA SOGS KYI RNAM PA GNYIS PO'I DBYE BA STE ZUNG BZHIR PHYE BA NYID KYIS SO, ,RGYAN SNANG DU GSUM PO DE'I NANG NAS DGE BA BZUNG STE LHAG MA RNAMS LA SEMS PAR BSHAD DO, ,RIGS BYIN GYIS LUNG MA BSTAN SA BON RUL BA DANG 'DRA BAS DE DOR BA'I LHAG MA DGE MI DGE GNYIS RE RE LA 'JIG RTEN LAS 'DAS MA 'DAS ZAG PA DANG BCAS MA BCAS KYI PHUNG PO BZHI NYID CES 'CHAD PA NI, LHAG MA DANG BZHI NYID KYI ZHES PA'I DON MA DGONGS PA'O, ,DE LA 'JIG RTEN PA'I RTOGS PA NI SPYIR ZHI RAGS DANG BDEN PA'I RNAM PA CAN DANG SNANG BCAS DANG SNANG MED DANG BDEN PA MA MTHONG BA DANG MTHONG BA'I RGYUD KYI DBANG DU BYAS NAS 'JIG RTEN LAS 'DAS MA 'DAS SU 'JOG PA YOD KYANG, 'DIR RGYUD DBANG BRTZON DU BYAS PA YIN PAS BYIS PA'I SKYE BO THAMS CAD KYI RGYUD DANG 'BREL PA'I

, ,PHUNG PO LNGA DANG KHAMS SKYE MCHED DGE BCU BSAM GTAN TSAD MED GZUGS MED MNGON SHES LNGA'O, ,DE DAG KYANG 'JIG RTEN PA'I LAM GYIS BSDUS PA'I CHA LA BSHAD DO, ,'JIG RTEN LAS 'DAS PA NI 'PHAGS PA'I SKYE BO THAMS CAD KYI RGYUD KYIS BSDUS PA'I BSAM GTAN BZHI CHOS SO BDUN RNAM THAR SGO GSUM DBANG PO GSUM, TING NGE 'DZIN GSUM RNAM THAR BRGYAD MTHAR GNAS DGU LA SOGS PA'O, ,ZAG BCAS NI GANG ZAG GI BDAG TU LTA BA'I GNYEN PO BYED NUS PA MA YIN PA NYID KYIS NYE BAR LEN PA STE MA 'ONGS PA'I PHUNG PO LA 'DUN PA DANG DA LTAR BA'I PHUNG PO LA LHAG PAR CHAGS PA'I SRED PA DANG LDAN PA'I PHUNG PO LNGA DANG KHAMS SKYE MCHED BSAM GTAN TSAD MED GZUGS MED RNAMS SO, ,ZAG MED NI GANG ZAG GI BDAG DER LTA BA'I GNYEN PO DRAN PA NYE BAR BZHAG PA BZHI DANG YANG DAG SPONG BA LA SOGS PA'I 'JIG RTEN LAS 'DAS PA'O, ,DE LA SPYIR KUN BTUS LAS, ZAG PA DE'I BDAG NYID DANG ZAG PA DANG 'BREL BA DANG, ZAG PAS BCINGS PA DANG, ZAG PA'I RJES SU 'BREL BA DANG, ZAG PA'I RJES SU MTHUN PA DANG, ZAG PA'I RGYU LAS BYUNG BA'I PHYIR ZAG PA DANG BCAS PAR BLTA'O ZHES ZAG PA'I SGO DRUG PO DE DANG 'BREL MA 'BREL DANG, MDZOD NAS DMIGS PA DANG MTSUNGS LDAN GANG RUNG GI SGO NAS ZAG PA RGYAS MI RGYAS LA ZAG PA DANG BCAS MA BCAS SU BSHAD KYANG 'DIR NI ZAG PA'I GNYEN PO BYED MI BYED LA 'DOD PAS MI MTHUN NO, ,'DUS BYAS NI RGYU RKYEN LA RAG LAS PA 'DOD PA'I

KHAMS DANG LHAG MA GNYIS CHOS SO BDUN NAS MA 'DRES PA'I BAR RO, ,'DUS MA BYAS NI RGYU LA MI LTOS PA DE BZHIN NYID DANG 'GOG PA GNYIS NAM MKHA' RNAMS SO, ,THUN MONG BA NI 'PHAGS PA'I SKYE BO THAMS CAD DE PHAL CHE BA'I RGYUD LA 'BYUNG BA'I BSAM GTAN BZHI DANG TSAD MED GZUGS MED MNGON SHES LNGA'O, ,THUN MONG MA YIN PA NI YANG DAG PAR RDZOGS PA'I SANGS RGYAS KYI RGYUD LA 'BYUNG BA'I CHOS CAN STOBS BCU'O, ,CI'I PHYIR CHOS CAN ZHES BYA ZHE NA, STOBS RE RE LA YANG DPAG TU MED PA'I STOBS MNGA' MOD KYI MDOR BSDUS NAS STOBS BCU BSTAN TO ZHES MDO LAS GSUNGS PAS RANG GI YAN LAG NI 'DIR CHOS SU BRJOD DO, ,GZHAN DAG NI SANGS RGYAS SU BYED PA'I CHOS KYI GTZO BO STOBS YIN PAS CHOS CAN GYI SGRAS GTZO BO BRJOD LA, MI 'JIGS PA'I YON TAN NI CHOS KYI SGRAS BSTAN TO ZHES 'DOD DO ZHES TSIG GSAL LAS 'CHAD DO THUN MONG MA YIN PA LA MDO NAS CHOS SO BDUN STOBS MI 'JIGS PA SO SO YANG DAG PAR RIG PA MA 'DRES PA RNAMS BSHAD CING, LE BRGYAD MAR THUN MONG GI SKABS SU SO SKYE DANG THUN MONG PAR GSUNGS SO, ,'ON KYANG RJE BTZUN GYIS SLOB MA DANG THUN MONG BA DANG THUB PA KHO NA'I THUN MONG MIN PAR GSUNGS PAS DE ZHAR BYUNG TZAM DU MNGON NO, , THUN MONG YIN MIN 'DI CHOS DANG RGYUD KYI DBANG DU BYAS PA GNYIS LAS NYI SNANG LAS PHYI MAR BSHAD PAS DE LTAR KHAS BLANGS TE, SANGS RGYAS KYI RGYUD KYI DE SGRIB PA MA LUS PAS DAG PA KHO NA'I RGYUD LA SKYE BAS SO, ,'OG GI SOGS PA ZHES PA

, ,SNGAR BSHAD PA BRGYAD PO RE RE'I MTHAR SBYAR NAS RIM PA BZHIN SKYE MCHED DANG GZUGS MED DANG, SKYE MCHED DANG YAN DAG PA'I SPONG BA DANG GZUGS KYI KHAMS SOGS DANG, STONG NYID DANG, GZUGS MED DANG MI 'JIGS PA LA SOGS PA SOGS KHONG NAS KU LAN TAS BTON PA NI SHIN TU LEGS LA DE LTAR NA GZHUNG LAS 'DOD PA'I KHAMS LA SOGS PA ZHES PA NI MA DAG GO ,RGYAN SNANG DU NI THAMS CAD LA SOGS SGRA SBYAR ZHING 'OG TU SPYI LA SOGS SGRA MED PAS DER SOGS SGRA 'BYUNG BA NI MA DAG PA MIN NO, ,GNYIS PA NI, DE DAG JI LTAR DMIGS NA, SNGAR BSHAD PA DE LTA BU LA SOGS PA'I CHOS THAMS CAD BSHAD PA'I GO RIM JI LTA BA BZHIN DU RTOGS PA'I RIM GYIS DMIGS PAR BYED DO, ,DE YANG JI LTAR NA, DANG POR BYANG SEMS LA BDAG GI BLANG BYA DANG DOR BYA DANG BTANG SNYOMS SU BYA BA GANG YIN SNYAM PA'I BLO SKYE LA, DE LA LTOS TE DANG PO GSUM MO, ,DE NAS BLANG BYA NYE BAR BZUNG STE DE LA YANG DANG PO DANG PHYIS BLANG BYA GANG SNYAM PA LA 'JIG RTEN PA'I LAM DANG DE LAS 'DAS PA GNYIS SU SEMS SO, ,DE NAS PHYI MA DE'I SPANG BYA DANG NGO BO GANG SNYAM PAS ZAG PA YOD MED GNYIS LA SEMS SO, ,YANG NA DANG PO NI ZAG BCAS YIN PAS BLANG BYA RE ZHIG PA YIN LA, GNYIS PA NI ZAG MED YIN PAS BLANG BYA GTAN DU BA'O SNYAM DU SEMS SO, ,DE NAS ZAG MED DE'I DMIGS PA GANG SNYAM PAS 'DUS BYAS KUN RDZOB DANG 'DUS MA BYAS DON DAM PA'I BDEN PA GNYIS LA SEMS SO, ,DE NAS 'DUS BYAS BZHAG NAS 'DUS MA BYAS LA DMIGS PA'I 'BRAS BU LA

THUN MONG BA DANG THUN MONG MIN PA GNYIS SU SGOM PAR BYED DO, ,'DUS BYAS LA DMIGS PA LA YANG 'BRAS BU YOD MOD KYI 'PHAGS PA'I GANG ZAG RNAMS NI 'DUS MA BYAS KYIS RAB TU PHYE BAS DE'I 'BRAS BU MA BSTAN TO, ,DE'I DON YANG 'DUS MA BYAS STONG PA NYID KYI PHYOGS RE DANG PHAL CHER DANG MTHA' DAG RTOGS PAS RIM PA LTAR 'PHAGS PA GSUM DU 'JOG PAS SO, ,TSIG GSAL DU RTOGS PA'I RIM GYIS DMIGS PA'I DON LAS DANG PO PAS ZHEN BCAS DANG PHYI MA RNAMS KYIS ZHEN MED DU DMIGS PA'I RANG LUGS DANG, DANG POR DGE BA DANG MTHAR STOBS LA DMIGS PA DE'I DON DU 'DOD PA'I GZHAN LUGS GNYIS BSHAD PA'I PHYI MA SLOB DPON GYI BZHED PA'O, ,'DI DAG NI RGYAN SNANG GI DGONGS PA SNGON GYI MKHAS PA DAG GIS BLANGS PA LTAR BKOD DO, , GSUM PA LA GSUM LAS, DANG PO NI, DMIGS PA DE LTA BU RTOGS PA'I SGRUB PA'I RTEN BYANG SEMS KYI CHED DU BYA BA GANG SNYAM PA LA DE BSTAN PA'I PHYIR CHED DU BYA BA 'CHAD DO, ,MDO 'BREL NI, SNGAR BYANG CHEN ZHES 'BYUNG BA'I SGRA 'JUG PA'I RGYU MTSAN DRIS PA'I LAN DU GSUNGS SO, ,DE YANG RIGS KYI SKABS SU BYANG CHUB SEMS DPA' DANG, 'DIR BYANG CHUB SEMS DPA' CHEN PO'I TSIG DON GSUNGS PAR GNOD 'JOMS GNYIS LAS SO, ,LAN YANG BCOM LDAN 'DAS DANG SH'A RI'I BU DANG RAB 'BYOR GYIS SEMS DPA' CHEN PO'I SGRA 'JUG PA'I RGYU MTSAN BSHAD PAS RIM PA LTAR CHEN PO GSUM GSUNGS PA GANG POS DE'I RGYU MTSAN GSUNGS PAS NI SGRUB PA DANG PO GNYIS BSHAD DO, ,GNYIS PA NI, SHES PAR BYA'O, ,GANG

, ,NA RANG LAS 'BYUNG BAR 'GYUR BAS RANG 'BYUNG STE BYANG CHUB SEMS DPA' RNAMS KYI CHED DU BYA BA'O, ,DE GANG NA CHED DU GNYER BAR BYA BA YANG DAG PAR RDZOGS PA'I BYANG CHUB 'DOD PAR 'GYUR BA'I YUL SEMS CAN KUN GYI MCHOG NYID DO, ,DE CI 'DRA BA ZHE NA, CHEN PO GSUM GYIS BSGRUB PAR BYA BA'O, ,GSUM GANG NA SEMS DANG SPONG BA DANG RTOGS PA'O, ,DE LA SEMS CHEN PO NI, RDO RJE LTA BU LA SOGS PA'O, ,SPONG BA CHEN PO NI, LTA BA THAMS CAD SPANG BA'I DON DU CHOS STON PA'O, ,RTOGS PA CHEN PO NI, BYANG CHUB KYI SEMS LA SOGS PA LA ZHEN PA MED PA'O ZHES PA NI ZLA 'OD DANG DAG LDAN GYI DGONGS PA'O, ,'DI LTAR NA CHEN PO GSUM BYANG SEMS KYIS BYAS NAS MCHOG NYID CHEN PO SANGS RGYAS LA 'DOD DO, ,GSUM PA NI, CHED DU BYA BA RNAM PA GSUM DU SHES PAR BYA'O, ,GSUM DU 'BYED PA'I RGYU MTSAN NI, CHEN PO NYID GSUM DANG LDAN PAS SO, ,SU ZHIG GI CHED DU BYA BA ZHE NA, LAM GYI GNAS SKABS KYI RNAM PA THAMS CAD DU RNAM MKHYEN THOB BYAR YONGS SU SHES PA'I SGO NAS DER 'BYUNG BAR 'GYUR BA'I PHYIR RANG BYUNG SANGS RGYAS SU BTAGS PA'I BYANG CHUB SEMS DPA' RNAMS NYID KYI'O, ,BYANG SEMS KYIS SANGS RGYAS KYI YON TAN 'THOB BA LA DGONGS NAS SANGS RGYAS DANG DE GNYIS KA LA RANG BYUNG DU BSHAD PA DANG, RNAM PA THAMS CAD DU ZHES PAS NYAN THOS SOGS LA THAMS CAD DU 'GRO BA'I MI DMIGS PA'I SEMS DANG, NYON MONGS BAG CHAGS DANG BCAS PAR SPANGS PA DANG, YUL DUS KYIS CHOD PA DANG DNGOS PO PHRA MO SHES PA MED PAS CHEN PO GSUM MED DE ZHES DGONGS SO ZHES RTOGS

DKAR 'CHAD DO, ,DE'I CHED DU BYA BA YIN PA'I RGYU MTSAN NI SEMS CAN GYI PHUNG PO THAMS CAD DANG SEMS CAN GYI SDE CHEN PO KUN GYI MCHOG NYID KYI NGO BO'I SEMS CHEN PO DANG, BDAG LTA NAS CHOS KYI 'KHOR LO BSKOR BAR LTA BA'I BAR RNAMS SPONG BA'I SPONG BA CHEN PO DANG, JI LTA JI SNYED KYI RNAM PA THAMS CAD RTOGS PA'I RTOGS PA CHEN PO GSUM THOB PAR BYA BA'I DBANG DU BYAS TE BLOS 'PHAGS PA DE LTAR BYANG SEMS SGRUB PA LA 'JUG PA DE'I PHYIR RO, ,DANG PO NI, RAB 'BYOR 'DI LA SEMS CAN GYI PHUNG PO CHEN PO DANG SEMS CAN GYI SDE CHEN PO'I MCHOG NYID DU BYED PAR 'GYUR BA DE'I PHYIR BYANG CHEN ZHES BYA'O, ZHES SO, ,DE'I 'OG TU MDO LAS RIGS DANG BRGYAD PA 'BRAS GNAS BZHI RANG RGYAL SEMS DANG PO BSKYED PA PHYIR MI LDOG PA'I SA LA GNAS PA'I BYANG SEMS KYI BAR LA PHUNG PO DANG SDE CHEN POR BSHAD DO, ,DE LA PHUNG PO SEMS CAN SPYI DANG RIGS LA SOGS PA RNAMS SDE YIN PAS SDE NI KHYAD PAR DU 'CHAD DO, ,'O NA CHEN PO DANG PO 'DI MCHOG NYID DAM DER BYED PA YIN GRANG, DANG PO LTAR NA MDO LA MI GSAL LO, ,GNYIS PA LTAR NA BYED MKHAN BYANG SEMS YIN PAS 'DI BYANG SEMS LA YOD PA'I PHYIR SNGAR GYI SA MTSAMS DANG 'GAL LO, ,GZHAN YANG CHEN PO 'DI MDOR BYANG SEMS LA SEMS DPA' CHEN POR 'JOG PA'I RGYU MTSAN DU BSHAD PAS SANGS RGYAS KYI SAR 'DOD PA YANG MI 'THAD CE NA, RNAM PAR RTOG PA 'DI 'DRA BA NI CHOS KYI RJES SU 'BRANG BA RNAMS LA SKYE BAS KHO BOS DE'I LAN BSHAD PAR BYA'O, ,DE LA DPER NA G-YUL DU 'JUG PA NA G-YUL RGYAL BA NYID DON DU GNYER BYA'I CHED DU BYA BAR 'DOD KYI RGYAL BAR BYED PA THABS

, ,TZAM YIN PAS DER MI 'DOD PA BZHIN DU, CHEN PO GSUM SGRUB PAR BYED CHOS GSUM SEMS DPA' CHEN POR 'JOG PA'I RGYU MTSAN YIN PAS CHED DU BYA BAR MI 'DOD KYI BYED CHOS GSUM PO DES BSGRUB PAR BYA BA'I LAS KYI CHA GSUM PA DE CHED DU BYA BA YIN NO, ,DE YANG MDO LAS SEMS DPA' CHEN POR 'JOG PA'I RGYU MTSAN BSTAN PA'I SGO NAS BSGRUB BYA GSUM PO DE YANG BSTAN TO, ,DE LTAR YANG RGYAN SNANG LAS, DE LTAR MA RGYAL BA LAS RGYAL BA'I CHED DU BYA BA DANG CHOS MTHUN PAR BYANG CHUB SEMS DPA'I SGRUB PA'I CHED DU BYA BA RNAM PA GSUM BSTAN PA YIN PAR SHES PAR BYA'O, ZHES GSUNGS SHING NYI SNANG LAS KYANG DE DANG MTHUN PAR GSUNGS SO, ,DE LTAR NA MDO SNGA MA'I 'PHROS NYID NAS RDO RJE LTA BU'I SEMS KYIS DANG, RLABS PO CHE'I SEMS KYIS DANG, MI SGUL BA'I SEMS KYIS DANG, PHAN BDE'I SEMS KYIS DANG, CHOS LA KUN DGA' BA'I YUM GYI RNAL 'BYOR LA BRTZON PAS DANG, RNAM BYANG GI CHOS THAMS CAD LA GNAS NAS SEMS CAN KUN GYI MCHOG NYID DU 'GYUR BAR BYA'O, ZHES PA'I DGONGS PAR MDZAD NAS, NYI SNANG LAS SEMS DE RNAMS NI SEMS CAN KUN GYI MCHOG NYID DU BYED PA'I BYED CHOS LA MDZAD NAS CHEN PO DANG PO LA NI MCHOG NYID CHEN PO ZHES GSUNGS TE MDO DANG SHIN TU MTHUN NO, ,DES NA SLOB DPON GYIS SEMS CAN KUN GYI MCHOG NYID DU BYED PA'I SEMS CHEN PO DANG ZHES GSUNGS PA NI SEMS CHEN POS MCHOG NYID DU BYA RGYU'I STENG NAS BSHAD KYI BYED CHOS LA MI BSHAD DE SEMS RNAMS NI MDO LAS BYANG SEMS KYI YIN PAR

BSHAD LA, CHED DU BYA BA NI NGES PAR 'BYUNG SA DANG POR YANG SLOB DPON GYIS BSHAD PA'I PHYIR DANG, SNGAR DRANGS BA'I LUNG GIS KYANG SHES SO, ,'O NA BYED CHOS DRUG PO JI LTA BU ZHE NA, DE LA DANG PO NI SEMS CAN KUN GYI DON DU SRID PA JI SRID PAR GO GYON TE LUS DPAG TU MED PA 'DZIN CING BDOG PA THAMS CAD YONGS SU GTONG BA DANG, SEMS CAN LA SEMS MNYAM ZHING DE DAG THEG GSUM GYIS MYA NGAN LAS 'DAS KYANG CHOS THAMS CAD SKYE MED DU SHES PAS 'DAS PA MED PAR RTOGS PA DANG, NYAN RANG GI YID BYED DANG MA 'DRES PA'I SEMS KYIS PHYIN DRUG LA SPYAD DE CHOS RNAMS TSUL GCIG TU RTOGS PAR BYED PA DANG, SEMS CAN RE RE'I DON DU YANG DE RNAMS MYA NGAN LAS MA 'DAS KYI BAR DU DE DAG GI SDUG BSNGAL MYONG BAR BYA'O ZHES KHAS BLANGS NAS PHYIS RANG GI TSOGS YONGS SU RDZOGS PAR BYA STE BYANG CHUB 'DOD PA'O, ,GNYIS PA NI, SEMS DANG PO BSKYED PHYIN TSAD CHAGS SOGS DANG NYAN RANG GI SEMS MI BSKYED PA'O, ,GSUM PA NI, THEG CHEN SEMS BSKYED KYIS RLOM PA MED PA'O, ,BZHI PA NI, SEMS CAN SKYOB CING MI GTONG LA DES RLOM PA MED PA'O, ,LNGA PA NI, CHOS THAMS CAD KYI DBYER MED PA'I DE BZHIN NYID LA LAN MANG DU YID LA BYED PA'O, ,DRUG PA NI, STONG PA NYID CHOS SO BDUN STOBS MI 'JIGS PA SO SO YANG DAG PAR RIG PA MA 'DRIS PA DANG RDO RJE LTA BU NAS NAM MKHA' LTAR CHAGS PA MED PAS RNAM PAR GROL ZHING GOS PA MED PA'I TING NGE 'DZIN GYI BAR LA GNAS PA'O, ,PHYI MA 'DI GNYIS LA MOS PA'I SEMS ZHES GCIG TU BSDUS NAS SEMS LNGAR BYED PA LA NI MDO

, ,'GREL GYI SHES BYED MED DO, ,GNYIS PA NI, BDAG TU LTA BA DANG ZHES PA NAS SANGS RGYAS SU DANG CHOS KYI 'KHOR LO BSKOR BAR LTA BA RNAMS TE, LTA BA 'DI DAG THAMS CAD RAB TU SPANG BA'I SLAD DU SEMS CAN RNAMS LA CHOS STON PAR BGYID KYANG DE MI DMIGS PA'I TSUL GYIS BGYID DE DE'I SLAD DU BYANG CHEN ZHES BGYI'O, ZHES SO, ,DE LA BDAG TU LTA BA SOGS NI GANG ZAG TU 'DZIN PA'O, ,PHUNG POR LTA BA SOGS NI CHOS SU 'DZIN PA STE BYANG SEMS KYIS BDAG MED GNYIS RTOGS NAS DE DAG SPANG BA'I PHYIR GZHAN LA CHOS STON TO ZHES GNOD 'JOMS GNYIS LAS SO, ,GSUM PA NI, BYANG CHUB KYI SEMS MI MNYAM PA DANG MNYAM PA'I SEMS NYAN THOS DANG RANG SANGS RGYAS THAMS CAD DANG THUN MONG MA LAGS PA'I SEMS ZAG PA MA MCHIS SHING KHAMS GSUM DU MA GTOGS PA'I SEMS GANG LAGS PA DE YANG RANG BZHIN GYIS STONG PA'I SLAD DU CHAGS PA MA MCHIS PAS DE'I PHYIR BYANG CHEN ZHES BGYI BA'I GRANGS SU MCHI'O, ZHES SO, ,DE LTAR NA MCHOG NYID CHEN PO NI SEMS CAN KUN GYI MCHOG SANGS RGYAS TE SPYI'O, ,SPONG BA CHEN PO DANG RTOGS PA CHEN PO NI RIM PA LTAR SGRIB GNYIS MA LUS PAR SPANGS PA DANG, JI LTA JI SNYED THAMS CAD RTOGS PAS YUL GANG LA YANG CHAGS PA DANG BRAL BA STE KHYAD PAR RO, , DMIGS PA DANG CHED DU BYA BA LA KHYAD PAR CI ZHE NA, DMIGS PA NI DUS DA LTA BA YIN LA CHED DU BYA BA NI MA 'ONGS PA STE, CHOS BCU GCIG LA DA LTA DMIGS PA NI CHEN PO GSUM GYI PHYIR YIN PA'I PHYIR TE, DPER NA MDA' STONG SBYOR BA DANG 'BEM

LA PHOG PA LTA BU'O, ,BZHI PA NI, RTEN DANG LDAN PAS DMIGS PA LA DMIGS NAS CHED DU BYA BA'I CHED DU SGRUB PAR BYED PA'I SGRUB PA DE'I RANG GI NGO BO GANG YIN ZHE NA DE'I LAN DU SGRUB PA'I NGO BO 'CHAD DO, ,GANG GI TSE NA SNGAR BSHAD PA DE LTAR SGRUB PA'I RTEN DMIGS PA CHED DU BYA BA RNAMS BRJOD ZIN NAS SO, ,'DI LA GNYIS, SPYI'I NGO BO DANG, SO SO'I DON NO, ,DANG PO LA GNYIS, YUL DANG, SBYOR BA'I SGRUB PA'O, ,DANG PO NI, MTSAN NYID GTAN LA 'BEBS PA'I SKABS SU BYANG SEMS KYI THOB BYA NI GANG, THOB BYED NI GANG, DE'I GOL SA NI GANG ZHES DE DAG THOS BSAM GYIS YUL DU BYED PAS MKHYEN GSUM GYI YUL LA THOS BSAM GYIS NYAMS SU LEN PA'I BYA BA NI SGRUB PA STE ZHES 'OG TU 'BREL LO, ,DE YANG THOS BSAM GYIS GTAN LA PHAB NAS BSGOMS PAS DKAR CHOS THAMS CAD 'BYUNG BAS DGE BA'I CHOS KYI RTEN CAN TE YUL CAN BYED PA PO LA YOD PA'I BYA BA YIN LA, SBYIN SOGS SU MGO MIG MA BTOD PAS SPYI'I SGRUB PA'O, ,GNYIS PA NI, RNAM PA KUN LA SOGS PA MNGON RTOGS SBYOR BA RNAM PA BZHI LA MNGON RTOGS RE RE ZHING STE SO SOR PHAR PHYIN DRUG GI RTEN CAN TE YUL CAN GYI BYED PA PO LA YOD PA'I BYA BA NI SGRUB PA STE, DE YANG PHYIN DRUG LA 'BAD RTZOL GYIS GOMS PAR BYED PA'I BYA BA NI RNAM KUN GYI SGRUB PA'O,, DE DRUG LA 'BAD RTZOL ZHI BA'I RNAM PAS SGOM PA'I BYA BA NI RTZE MO'O, ,DE DRUG LA NUS PA MTHAR THUG THOB PA'I DON DU DKAR CHOS GZHAN DANG SBREL ZHING RIM CAN DU SGOM PA'I BYA BA NI MTHAR BGYIS PA'O, ,DE DAG RE RES RTOGS PAR BYED PA'I SGOM PA'I BYA

, ,BA NI SKAD CIG MA'I SGRUB PA'O, ,DE LTAR NA MNGON RTOGS BDUN GYI YUL CAN GYI BYA BA YIN NO, ,CHOS KYI SKU NI BYA BA YONGS SU CHAD PA'I GNAS SKABS YIN PAS BYA BA'I YUL MA YIN NO, ,RNAM MKHYEN GTAN LA DBAB BYA'I YUL YIN PAS DE YANG YIN PAR GRUB CE NA, MI RIGS TE, DE NI YUL GYIS MTSON PA'I LDOG PA NAS GTAN LA DBAB BYAR 'JOG LA, CHOS SKU NI 'BRAS BU'I LDOG PA NAS YIN NO ZHES GANGS CAN GYI PHA ROL TU PHYIN PA BA CHEN PO BYANG YE 'CHAD DE, 'GREL CHEN GNYIS KYI DGONGS PA'O, ,DE YANG t'IKA CHUNG LAS, SPYI'I MTSAN NYID NI DE LTAR ZHES BYA BA NAS BYA BA NI SGRUB PA STE ZHES BYA BA'I BAR RO, ,DON NI SPYOD PA GTZO BOR GYUR PA'I BYA BA MTSAN NYID YIN NO ZHES BYA BA'O, ,DE YANG GNAS SKABS GANG DU YUL GANG LA 'JUG PA'I BYA BA YIN ZHE NA, THAMS CAD MKHYEN PA NYID GSUM GYI YUL ZHES BYA BA LA SOGS PA SMOS TE KUN MKHYEN GSUM GTAN LA 'BEBS PA'I GNAS SKABS LA DE GSUM DU BRJOD DO, ,YUL LA ZHES BYA BA NI RTEN GYI YUL TE GNAS SKABS DE NA YOD PA ZHES BYA BA'I DON TO, ,SPYIR DGE BA'I CHOS KYI RTEN CAN ZHES BYA BA NI PHA RAL TU PHYIN PA DRUG GI MTSAN NYID KHYAD PAR CAN GYIS MA ZIN PA STE DE LA SGRUB PAS DE'I RTEN CAN TE BSGRUB BYA CAN NO ZHES THAMS CAD MKHYEN PA NYID GSUM GYI YUL LA ZHES PA YAN DRI BA DANG PO DANG, SPYIR ZHES SOGS DRI BA GNYIS PA'I LAN DU MDZAD NAS SGRUB PA DANG PO NGOS BZUNG ZHING SGRUB PA GNYIS PA YANG DE NYID LAS RNAM PA KUN MNGON PAR RTOGS PA LA SOGS PA MNGON PAR RTOGS PA BZHI LA ZHES

BYA BA YANG DE LA GNAS PA STE GNAS SKABS DE NA YOD PA'O, ,PHA ROL TU PHYIN PA DRUG GI RTEN CAN ZHES BYA BA NI DRUG GI BSGRUB BYA CAN NO, ,SPYIR DGE BA'I CHOS SGRUB PA'I BYA BA DANG, PHA ROL TU PHYIN PA DRUG SGRUB PA'I BYA BA NI SGRUB PA NYID YIN LA, 'DIR BKOD PA'I SGRUB PA BZHI PO NI MNGON PAR RTOGS PA BZHI'I GNAS SKABS NA PHA ROL TU PHYIN PA DRUG SGRUB PA'I BSGRUB BYA CAN YIN TE, THAMS CAD MKHYEN PA NYID GSUM GYI GNAS SKABS NA YOD PA YANG 'DIS DON GYIS MTSON PA YIN NO ZHES BSAMS PA'O ZHES GSUNGS PA'I DRIN LAS RNYED CING KHYAD PAR DU MTSON DON 'DI NI LEGS BSHAD CHEN PO'O, ,DON 'DI LA SLOB DPON RIGS BYIN NI MKHYEN GSUM GYI YUL TE BDEN BZHI LA SOGS PA LA SPYIR TE THAMS CAD LA KHYAB PA'I DGE BA'I CHOS KYI RTEN CAN TE CHOS DBYINGS LA GNAS PA'O, ,MNGON RTOGS BZHI LA MNGON RTOGS RE RE ZHING YANG ZHES PA NI MNGON RTOGS RE RE'I SGOM PAR BYA BA'I RTAGS LA SOGS PA'O, ,PHYIN DRUG GI RTEN CAN BYA BA NI SBYIN SOGS LA BRTEN PA'I BYA BA NYAMS SU LEN PA NI SGRUB PA YIN NO; ;CHOS SKU'I MNGON RTOGS NI RANG BZHIN GYIS DKAR PO NYID YIN ZHING GNAS MED PA NYID YIN PA'I PHYIR MA BSHAD DO ZHES PA NI 'GA' ZHIG GIS 'DI LA NAN THUR GYIS GSUNG DU BCUG PAR SNANG ZHING, KHYAD PAR DU PHYI MA 'DI NI RGYAN SNANG GI BSHAD PA 'GOD PAR 'DOD KYANG TSIG TZAM YANG 'DREN RGYU MA BYUNG SNANG NGO, ,TSIG GSAL LAS NI, SNGAR SGRUB PA ZHES PA'I MING TZAM ZHIG LAN MANG DU BYUNG BAS DA NI DE'I MING CAN STON CIG CES BYA BA'I DON TO, ,DE'I LAN DU THAMS CAD MKHYEN PA NYID GSUM

, ,GYI YUL LA ZHES BYA BA LA SOGS PA GSUNGS TE 'DIR DON NI 'DI SKAD DU BSTAN PAR 'GYUR TE, KHYOD KYIS DRIS PA'I SGRUB PA'I NGO BO DE NI MDOR NA RNAM PAR GNYIS TE JI LTAR ZHE NA, GOMS PA'I MTHU MA THOB PA'I PHYIR SGO DU MA NAS SPYOD PA'I SGRUB PA BZHI NI SKABS DANG PO GSUM GYI DBANG DU BYAS TE DE'I NGO BOR BZHAG LA YUN RING DU 'DRIS PA'I MTHUS DGE BA SGRUB PA JI SNYED PA PHAR PHYIN DRUG GI RTEN DANG LDAN PAR BSDUS TE SGRUB PAR NUS PA'I SGRUB PA DRUG NI SKABS LHAG MA BZHI RNAMS KYI SGRUB PA'O, ZHES SO, ,'O NA SGRUB PA BZHI DANG SGRUB PA DRUG GANG ZHE NA, BZHI NI, GO 'JUG TSOGS NGES SO, ,DRUG NI GO SGRUB DRUG GO ,DES NA GO SGRUB NI DANG PO GSUM DANG LHAG MA BZHI'I DBANG DU BYAS PA'I SGRUB PA GNYIS KAR 'GYUR LA 'JUG SGRUB SOGS GSUM NI DANG PO KHO NA'O, ,DE LA DGONGS NAS RJE BTZUN GYIS SGRUB PA BZHI STON PA'I SKABS 'DIR SGRUB PA GNYIS KA DUS GCIG TU 'AM THUN MONG DU STON PAR MDZAD DO, ,DE LTAR YANG TSIG GSAL LAS, DE LA RJE BTZUN GYI ZHAL SNGA NAS NI GO CHA'I SGRUB PAS SGRUB PA GNYIS KA BSTAN LA, LHAG MA 'JUG PA LA SOGS PA NI SGRUB PA DANG PO'O ZHES DGONGS PAS DUS GCIG GI TSUL GYIS STON PAR MDZAD DO ZHES BYA BA'O, ZHES SO, ,LUNG 'DI SNGAR GYI LUGS DE'I SHES BYED DU SNANG BAS 'DI'I RJE BTZUN NI BYAMS PA YIN GYI CHOS SHES KYI BLA MA MIN NO, ,'DI DE LTAR 'CHAD PA'I 'KHRUL GZHI YANG SKABS LHAG MA BZHI LA PHYIN DRUG GI RTEN CAN GYI SGRUB PA BSHAD PAS YIN TE, DE YANG GZHUNG TSAN PA 'DI GNYIS KYIS SGRUB PA BZHI

RNAMS STON LA PHYI MAS NI GO SGRUB BSTAN TE, GO SGRUB NI PHYIN DRUG SDUD PA'I SGRUB PA YIN PAS SO, ,DES NA SNGA MAS SGRUB PA GZHAN GSUM BSTAN PA LAS 'OS MED DO SNYAM DU BSAMS SO, ,'O NA 'DIS SGRUB PA PHYI MA GSUM MKHYEN GSUM LA GOMS PA'I MTHU MA THOB PAR 'CHAD PA CI ZHE NA, GOMS PA'I MTHU YE MA THOB PA NI MI 'DOD KYI GOMS PA THOB KYANG CHES 'DRIS MA 'DRIS KYI SGO NAS SKABS DANG PO GSUM DANG, MNGON RTOGS BZHI'I LAM RNAMS KYI KHYAD PAR 'DIS 'DOD PA YIN NO, ,DES NA SGRUB PA GNYIS KYI BSHAD PA 'DI DANG POR NYI SNANG LAS GSUNGS LA DE SLOB DPON GYIS 'GREL BA GNYIS SU BKOD CING, KHYAD PAR DU RGYAN SNANG LAS, CHOS KYI SKU'I MNGON PAR RTOGS PA LA NI MIN TE, 'BRAS BU NYID YIN PAS DE LA BYA BA YOD MI SRID DO ZHES MNGON RTOGS BRGYAD PA LA SGRUB PA MI 'ONG BA'I DOGS SPYOD MDZAD DO, ,DE LTAR NA TSUL DE LA NI BDAG NYID CHEN PA'I BSHAD PA NYID TSAD MA'O, ,GNYIS PA LA BZHI, THEG CHEN LA GO BGOS PA DANG, ZHUGS PA DANG, ZHUGS PA MTHAR PHYIN BYED DANG, MTHAR PHYIN PA'I SGRUB PA'O, ,DANG PO LA GNYIS, SPYI DANG, YAN LAG GI DON NO, ,DANG PO LA DRUG ,PHYIN DRIG GI RANG BZHIN, GRANGS NGES PA, GO RIMS NGES PA, SGRUB PA'I TSUL, BSGRUBS PA'I 'BRAS BU, SGRA BSHAD PA'O,, DANG PO LA, SBYIN PA NI GTONG BA'I SEMS PA CHOS BZHI LDAN NO, ,CHOS BZHI NI MI MTHUN PHYOGS SER SNA NYAMS PA DANG, CHOS KYI BDAG MED RTOGS PAS RNAM PAR MI RTOG PA DANG LDAN PA DANG, GANG 'DOD PA BYIN PAS 'DOD PA RDZOGS PAR BYED

, ,PA DANG, SBYIN PAS BSDUS NAS THEG GSUM GYI SKAL BA JI LTA BA BZHIN DU SMIN PAR BYED PA'O, ,DE BZHIN DU SPONG SEMS DANG, MI 'KHRUG PA DANG, DGE BA LA SPRO BA DANG, SEMS RTZE GCIG PA DANG, CHOS RAB TU RNAM 'BYED CHOS BZHI LDAN NO, ,DE LA MI MTHUN PHYOGS NI RANG RANG GI SKABS KYI YIN LA, 'DOD PA RDZOGS PAR BYED PA NI RIM PA LTAR LUS NGAG GI SGO NAS GZHAN LA GNOD PA BSDAMS PA DANG, GZHAN GYIS GNOD PAR BYAS PA BZOD PAS DANG, SEMS CAN RNAMS KYI LAS SU BYA BA GANG DANG GANG GI GROGS BYED PAS DANG, SPRUL PA BYAS NAS SEMS CAN GYI YID BZHIN DU SPRUL PAS DANG, SEMS CAN GYI THE TSOM GCOD PAS 'DOD PA YONGS SU RDZOGS PAR BYED DO, ,DE SKAD DU YANG MDO SDE'I RGYAN LAS, SBYIN PA MI MTHUN PHYOGS NYAMS DANG, ,RNAM PAR MI RTOG YE SHES LDAN, ,'DOD PA THAMS CAD YONGS RDZOGS BYED, ,SEMS CAN RNAMS SMIN BYED RNAM GSUM, ZHES SO, ,DE BZHIN DU LHAG MA LA YANG 'DON PA BSGYUR RO, ,DE DAG RE RE LA YANG GSUM GSUM DU PHYE BAS BCO BRGYAD DU 'GYUR BA NI, DANG PO LA CHOS ZANG ZING MI 'JIGS PA'O, ,GNYIS PA LA SEMS CAN DON BYED DGE BA CHOS SDUD SDOM PA'O, ,GSUM PA LA GNOD PA LA JI MI SNYAM PA SDUG BSNGAL DANG LEN CHOS LA NGES SEMS SO, , BZHI PA LA GO CHA SBYOR BA SEMS CAN GYI DON BYA BA'O, ,LNGA PA LA MTHONG CHOS LA BDER GNAS, YON TAN MNGON PAR SGRUB PA, SEMS CAN GYI DON BYA BA'O, ,DRUG PA LA KUN RDZOB DON DAM SEMS CAN LA DMIGS PA'O, ,GNYIS PA NI, BSLAB

GSUM RGYUD LA SKYED PA LA DRUG DGOS PA'I PHYIR TE, LONGS SPYOD LA MI LTA NA TSUL KHRIMS LEN ZHING DE GSHE BA LA SLAR MI GSHE BA SOGS KYI BZOD PAS SRUNG BAS TSUL KHRIMS SGRUB PA LA DANG PO GSUM MO, ,THA MA GNYIS KYIS SEMS DANG SHES RAB KYI BSLAB PA RNAM PA GNYIS BSDUS SO, ,BRTZON 'GRUS NI THAMS CAD KYI GROGS YIN PAS GSUM CHAR LA GTOGS TE, RGYAN LAS, BSLAB GSUM DBANG DU MDZAD NAS NI, ,RGYAL BAS PHA ROL PHYIN PA DRUG ,YANG DAG BSHAD DE DANG PO GSUM, , THA MA GNYIS KYIS RNAM PA GNYIS, ,GCIG NI GSUM CHAR LA YANG GTOGS, ZHES SO, ,GSUM PA NI, RGYAN LAS, SNGA MA LA RTEN PHYI MA SKYE, ,DMAN DANG MCHOG TU GNAS PHYIR DANG, ,RAGS PA DANG NI PHRA BA'I PHYIR, ,DE DAG RIM PAR BSTAN PA YIN; ZHES SO, ,DE LA SKYE BA'I RIM PA NI LONGS SPYOD LA MI LTA NA TSUL KHRIMS LEN NO, ,TSUL KHRIMS DANG LDAN NA BZOD DO, ,BZOD PA DANG LDAN NA BRTZON 'GRUS RTZOM MO, ,BRTZON 'GRUS BRTZAMS NA TING NGE 'DZIN SKYE'O, ,SEMS MNYAM PAR BZHAG NA JI LTA BA BZHIN SHES SO, ,DMAN MCHOG NI SNGA MA RNAMS DMAN LA PHYI MA RNAMS BZANG BA'O, ,RAGS PHRA'I RIM PA NI SNGA MA RNAMS LA 'JUG PA DANG BYA SLA LA PHYI MA RNAMS LA DE DAG CHES DKA' BA'O, ,BZHI PA NI, RGYAN LAS, RE BA MED PA'I SBYIN PA DANG, ,YANG SRID MI 'DOD TSUL KHRIMS DANG, ,THAMS CAD LA NI BZOD PA DANG, ,YON TAN KUN 'BYUNG BRTZON 'GRUS DANG, ,DE BZHIN BSAM GTAN GZUGS MED MIN, ,SHES RAB THABS DANG LDAN PA YI, ,PHA ROL PHYIN

, ,PA DRUG PO LA, ,BRTAN PA RNAMS KYIS YANG DAG SBYOR, ZHES PA BZHIN YIN LA, YANG NA THEG BSDUS LAS, BYANG CHUB KYI SEMS LA RTEN PAS TEN DAM PA, DNGOS PO THAMS CAD SPYOD PAS DNGOS PO DAM PA, SEMS CAN GYI DON DU SPYOD PAS CHED DU BYA BA DAM PA, 'KHOR GSUM DU MI RTOG PAS ZIN PAS THABS LA MKHAS PA DAM PA, BYANG CHUB TU BSNGOS PAS BSNGO BA DAM PA, SGRIB PA GNYIS DAG PAR BYAS PAS DAG PA DAM PA STE RE RE YANG DAM PA DRUG LDAN DU SGRUB PAR BSHAD PA LTAR RO, ,RNAM PA GCIG TU NA GZHUNG DU STON PA LTAR RO, ,LNGA PA NI, RIN CHEN PHRENG BA LAS, SBYIN PAS LONGS SPYOD KHRIMS KYIS BDE, ,BZOD PAS MDANGS LDAN BRTZON PAS BRJID, ,BSAM GTAN GYIS ZHI BLO YIS GROL, ,SNYING BRTZE BAS NI DON KUN 'GRUB, ,BDUN PO 'DI DAG MA LUS PA, ,CIG CAR PHA ROL PHYIN PA YIS, ,YE SHES BSAM MI KHYAB PA'I YUL ,RNAM PA THAMS CAD MKHYEN NYID THOB, CES GNAS SKABS DANG MTHAR THUG GI 'BRAS BU GSUNGS PA LTAR RO, ,DRUG PA NI, RGYAN LAS, DBUL BA 'DOR BAR BYED PA DANG, ,BSIL BA THOB DANG KHRO BZOD PA, ,MCHOG SBYOR BA DANG YID 'DZIN DANG, ,DON DAM SHES PA'I PHYIR BSHAD DO, ZHES PA LTAR RO, ,GNYIS PA LA GSUM LAS DANG PO NI, DE LTAR SNGAR BSHAD PA'I SGRUB PA DE LA PHYEN GO CHA DANG 'JUG PA DANG TSOGS DANG NGES PAR 'BYUNG BA'I SGRUB PA BZHIR 'GYUR LA, DE RNAMS KYI NANG NAS DANG POR GO CHA'I SGRUB PA GSUNGS TE, BRTZON 'GRUS GSUM LAS 'DI GO CHA'I BRTZON 'GRUS KYI

NGO BO NYID YIN LA DE YANG LAM SGOM PA THAMS CAD KYI SNGON DU 'GRO DGOS PA'I PHYIR TE, PHYIN DRUG RE RER DRUG DRUG TSANG BAR BSGRUB PAR BYA'O ZHES SEMS KYIS GO GYON NAS SRAN BTZUGS PA NI PHYIN DRUG GI MTHUN PHYOGS KYIS MI PHIGS PA'I PHYIR, GO CHA DANG CHOS MTHUN PAS GO CHA'O, ,SGRUB PA 'DI BZHI GANG DU SGOM NA, GO CHA'I SGRUB PA'I MTSAN NYID NI MTHONG LAM LA BRGYUD NAS SBYOR BA'I LAM GYI NGO BO NYID TSOGS KYI SA DANG, 'JUG SGRUB KYI MTSAN NYID NI MTHONG LAM LA MNGON DU PHYOGS BAS SBYOR BA'I LAM GYI NGO BO NYID MOS SPYOD KYI SA CHOS MCHOG 'BRING GI BAR GYIS DANG, TSOGS SGRUB DANG PO BCO LNGA NI MTHONG LAM LA MNGON SUM DU SBYOR BA'I LAM GYI NGO BO NYID CHOS MCHOG CHEN PO NAS DANG, SA DANG PO'I TSOGS DANG MTHONG SPANGS GNYEN PO'I TSOGS SGRUB NI, MTHONG LAM GYI NGO BO NYID KYI SA DANG, SA LHAG MA DGU DANG SGOM SPANG GNYEN PO'I TSOGS SGRUB NI SGOM LAM GYI NGO BOS DANG, NGES SGRUB KYI MTSAN NYID NI SA BCU PA'I KHYAD PAR GYI LAM GYI NGO BO NYID KYIS BSDUS TE DE DAG KYANG DANG PO THOB PA'I MTSAMS SO, ,JI LTA BA BZHIN DU NI JI LTAR RIGS PA'I RIM PAS SGRUB PA RNAMS LAM RNAMS DANG SBYOR BA STE DE MA THAG TU BSHAD PA LTAR RO, ,RTOGS DKAR NI LAM BZHI DANG SGRUB PA BZHI SBYOR TSUL 'OG NAS SGRUB PA BZHI JI LTAR 'CHAD PA'I RIM PAS SO, ZHES 'CHAD DO, ,SNGAR GYI SBYAR TSUL DE DAG KYANG 'PHAGS PA THOGS MED KYIS GO CHA DANG 'JUG PA'I SGRUB PA DAG NI GO RIM BZHIN DU BRGYUD PA DANG DNGOS SU SBYOR BA'I RANG BZHIN TSOGS DANG MOS PAS

, ,SPYOD PA'I SAS BSDUS PA YIN NO, ,TSOGS KYI SGRUB PA NI BRTZE BA NAS BRTZAMS TE GZUNGS KYI BAR NI MNGON SUM DU SBYOR BA'I LAM GYI RANG BZHIN CHOS KYI MCHOG CHEN POS BSDUS PA YIN NO, ,SA DANG PO RAB TU DGA' BA'I RANG BZHIN DU GYUR PA'I TSOGS KYI SGRUB PA NI MTHONG BA'I LAM GYI BDAG NYID YIN LA GNYIS PA LA SOGS PA'I SGOM PA'I LAM GYI NGO BO YIN ZHING, GNYEN PO'I PHYOGS KYI BDAG NYID CAN GYI TSOGS KYI SGRUB PA NI LAM GNYIS KA'I SPYOD YUL CAN YIN NO, ,NGES PAR 'BYUNG BA'I SGRUB PA NI SGOM PA'I LAM LA BRTEN PA YIN NO, ZHES SO, ,RGYAN SNANG LAS LUNG 'DI DRANGS NAS DE LTAR SBYOR BA DANG MTHONG BA DANG SGOM PA'I LAM GYI RANG BZHIN SGRUB PA'I MTSAN NYID GO CHA DAN ZHES SOGS BSHAD LA; RGYAN SNANG 'GYUR RNYING DU, BRGYUD PA DANG MNGON DU SBYOR BA ZHES BSGYUR BA LTAR LEGS TE, MNGON DU'I DON MNGON DU PHYOGS PA YIN PA DANG, DNGOS SU DANG MNGON SUM DU SBYOR BA LA KHYAD MED PAS SO, ,DE'I PHYIR TSIG GSAL DANG SHER 'BYUNG GIS LAM BZHI DANG SGRUB PA BZHI RIM PA BZHIN SBYAR BA DANG, KHYAD PAR DU TSIG GSAL LAS, DE LTAR SBYOR BA SHAS CHE BA'I DBANG DU BYAS PA'O ZHES 'CHAD KYANG, BDAG NYID CHEN PO DANG AAR LA SOGS PA'I MKHAS PA RNAMS KYIS SNGAR LTAR BSHAD PA 'THAD PAR MTHONG NGO, ,MDO'I 'BREL NI, GANG POS GSOL PA, BCOM LDAN 'DAS DE NI GO CHA CHEN PO DGOS PA'I SEMS CAN LAGS TE, BCOM LDAN 'DAS DE NI THEG PA CHEN PO LA YANG DAG PAR ZHUGS PA'I

SEMS CAN LAGS LA, DE NI THEG PA CHEN PO LA YANG DAG PAR GNAS PA'I SEMS CAN LAGS TE DE'I SLAD DU BYANG CHEN ZHES BGYI'O, ZHES SEMS DPA' CHEN POR 'JOG PA'I RGYU MTSAN GANG POS BSHAD PA DANG, SH'A RI'I BUS JI TZAM GYIS GO CHA BGOS ZHES DRIS PA'I LAN DU GSUNGS SO, ,'DI NI ZOR YANG BA'I PHYIR TE YANG NA RNAMS KYI ZHES PA MAN CHAD NYI TSE GO CHA'I MTSAMS SBYOR DU BYA'O, ,GNYIS PA NI, BSHAD DO, ,GANG NA, GO CHA SOGS SO, ,GANG LAS NA, YUM MDO LAS SO, ,JI LTAR NA, DRUG CHAN DRUG GI DBYE BA'I SGO NAS SBYIN SOGS DRUG JI BZHIN DU STE GRANGS TSANG BAR RO, ,JI LTAR BYAS PAS SHE NA, SDUD BYED SBYIN PA DANG SOGS PAS SHES RAB KYI BAR RNAM PA DRUG LA STE DRUG TU BSDU BYA SBYIN SOGS DE DAG SDUD TSUL SO SOR TE RE RER DRUG BSDUS PA YIS SO, ,DE LTAR 'GYUR RNYING LTAR LEGS KYI 'GYUR GSAR LAS DE DAG SO SOR ZHES PA LTAR NA GONG DU BSNYAGS MED DO, ,GSUM PA LA GNYIS, DBYE BA DANG, BSDU BA'O, ,DANG PO LA GNYIS, SBYIN PA LA DRUG TU DBYE BA DANG, LHAG MA DE DANG MTSUNGS PAR BSTAN PA'O, ,DANG PO NI, CHOS KYI TSIG DON STON PA DANG GLEGS BAM BRIS TE STER BA LA SOGS PA'I CHOS KYI SBYIN PA DANG, SOGS PAS SROG GI BAR CHAD DU 'GYUR BA SOGS KYI 'JIGS PA LAS SKYOB PA'I MI 'JIGS PA'I SBYIN PA DANG, NOR 'BRU LA SOGS PA'I BDOG BA RNAMS 'KHOR GSUM DAG PAR GTONG BA'I ZANG ZING GI SBYIN PA STE DE GSUM GANG RUNG SBYIN PAR BYED PA'I SBYIN PA'I GO CHA LA GNAS PA NA NYAN THOS KYI YID BYED RANG GCIG PU DUL BAR BYA'O SNYAM

, ,PA DANG SOGS PAS RANG RGYAL GYI DE SPONG BA'I TSUL KHRIMS DANG, SLONGS MO BA LA SOGS PA SKYE BO THAMS CAD KYIS MI SNYAN PAR SMRA BA'I GSHE BA LA KHONG MI KHRO BA'I BZOD PA DANG, DGE BA 'DOD PA'I 'DUN PA DRAG PO BSKYED PA'I BRTZON 'GRUS DANG, THEG PA GZHAN NYAN RANG GI THEG PA DANG MA 'DRES PA'I RNAM MKHYEN LA SEMS RTZE GCIG PA'I BSAM GTAN DANG, DGE RTZA RDZOGS BYANG DU MI DMIGS PAR BSNGA BA'I SHES RAB RNAMS DANG LDAN LA DE'I TSE SBYIN BYA DANG SOGS PAS LEN PO GTONG PO GSUM MI DMIGS PAR RTOGS PA'I GO CHA NYID KYIS NYAMS SU LEN PAR BYED DO, ,GO RIMS BZHIN NI RE RE'I MTHAR 'KHOR GSUM MI DMIGS PA SBYOR BA'O, ,NYI SNANG DANG RGYAN SNANG DU THEG PA GZHAN DANG MA 'DRAS PA'I SEMS RTZE GCIG PAS DGE RTZA BSNGO BA BSAM GTAN DANG, SGYU MA'I 'DU SHES NYE BAR GNAS PAS 'KHOR GSUM MI DMIGS PA SHES RAB LA SBYAR RO, ,GNOD 'JOMS GNYIS SU SBYIN PA GTONG ZHING DE YANG SEMS CAN DANG THUN MONG DU BYAS TE BYANG CHUB TU BSNGO BA SBYIN PA'I GO CHA DANG, DE'I TSE 'KHOR GSUM MI DMIGS PA LA BZOD PA DANG, DE'I TSE SEMS CAN GYI DON DU BSNGOS PA'I SBYIN PA LA BRTZON PA 'PHEL BA DANG, DE'I TSE KUN RDZOB LA BRTEN NAS BYANG CHUB TU BSNGO BA DANG DON DAM LA BRTEN NAS DMIGS SU MED PA'I SBYOR BA YID LA BYED PA'I 'KHOR GSUM MI DMIGS PA NI SHES RAB KYI GO CHA'O ZHES 'CHAD DE, GZHAN GNYIS MTHUN NO, ,'DI NI MDO LA GSAL LO, ,GNYIS PA NI, SBYIN PA LA DRUG CHANG BAR SGRUB PA DE BZHIN

DU TSUL KHRIMS DRUG LDAN DU SRUNG BAR BYED DO, ,DE LTAR GZHAN RNAMS LA YANG SBYAR RO, ,'DI DAG LA LE BRGYAD MAR LHAG MA LNGA PO 'DI LA SPYOD CING SBYIN PA GTONG LA DE YANG SEMS CAN DANG THUN MONG DU BYAS TE BYANG CHUB TU BSNGO BA THAMS CAD KYI SBYIN PA DANG; TSUL KHRIMS BZOD PA BRTZON 'GRUS GSUM 'DRA LA, RNAM MKHYEN LA SEMS RTZE GCIG PAS DGE RTZA BSNGO BA BSAM GTAN DANG, LNGA PO DES RLOM SEMS SU MI BYED CING MI DMIGS PA SHES RAB LA BSHAD CING KHRI BRGYAD STONG PAR LNGA KA'I SHES RAB BSNGO BA LA BSHAD LA GZHAN RNAMS LE BRGYAD MA LTAR RO, ,'DI DAG GI SBYIN PA NI RANG DE LA GNAS NAS GZHAN DE LA 'GOD PA'O, ,GNYIS PA NI, SNGAR BSHAD PA DE LTAR SBYIN PA LA SOGS PA SO SOR TE RE RER SBYIN SOGS DRUG BSDUS PAS NA RGYAS PAR PHYE NA DRUG TSAN DRUG GIS GO CHA SO DRUG YIN MOD KYI BSDUN GO SGRUB RNAM PA DRUG GO ,RGYU MTSAN NI, SBYIN SOGS DRUG CHOS MTHUN PA'I PHYIR RO, ,JI LTAR MTHUN NA KHA CIG SBYIN PA DRUG SBYIN BAR DANG, DE BZHIN DU SHES RAB DRUG DER MTHUN ZHES 'DOD KYANG, SBYIN PA LA BRTEN PA'I PHYIN DRUG SBYIN PA LAS BYUNG ZHING DE NYAMS LEN LA RAG LAS PAS PHYE BAS RGYU GCIG LAS BYUNG BAR 'DRA BA'I PHYIR CHOS MTHUN NO ZHES TSIG GSAL LAS 'CHAD PA LTAR TE GZHAN RNAMS LA YANG DE LTAR SBYAR RO, ,BAM PO GNYIS PA NI 'CHAD PAR 'GYUR RO, ,GNYIS PA LA GSUM LAS, DANG PO NI, GO SGRUB KYI 'OG TU GNYIS PA 'JUG PA'I SGRUB PA'I SGRUB PA GSUNGS TE, SNGAR BSTAN PA DE LTAR GO BGOS PA LA 'JUG PA 'BYUNG

, ,PAS DON GYI RIM PA'O, ,MDO YI 'BREL NI, SH'A RI'I BUS THEG CHEN LA 'JUG PA DANG 'JEG PA GANG ZHES DRIS PA'I LAN DU DANG PO LNGA THEG CHEN LA 'JUG PA DANG LHAG MA BZHI 'DZEG PA'I SGRAS BSHAD DO, ,GNYIS PA NI, SHES BAR BYA'O, ,GANG NA, 'JUG PA'I SGRUB PA'O, ,GANG DU NA, THEG CHEN LA 'DZEG PA YIN PAR RO, ,'O NA 'JUG 'DZEG GI DAN GANG ZHE NA, 'DI GNYIS RNAM GRANGS PAR NYI SNANG LAS BSHAD LA, RGYAN SNANG LAS ZHUGS PA DANG GNAS PA GNYIS DANG POR THOB PA DANG PHYIS KHYAD PAR DU 'GRO BA LA BSHAD DO, ,'JAG YUL THEG CHEN DE GANG ZHE NA, BSAM GTAN GZUGS MED SOGS DGU'O, ,DE YANG RNAM PA GSUM DU 'DUS TE, 'JIG RTEN PA DANG 'JIG RTEN LAS 'DAS PA DANG, DE GNYIS THEG CHEN MA YIN PA LAS KHYAD PAR DU BYED PA'I LAM MO, ,DANG PO NI BSAM GTAN DANG GZUGS MED PA'O, ,GNYIS PA LA GNYIS LAS, RANG DON SGRUB PA'I LAM NI, SBYIN SOGS DANG MTHONG LAM SOGS TE, RIM PA LTAR YON TAN THOB PA DANG, SGRIB PA SPONG BAR BYED PA'O, ,GZHAN DON SGRUB PA'I LAM NI, BYAMS SOGS TSAD MED DANG, ZHEN PA'I DMIGS PA MED PA'I YE SHES TE, RIM PA LTAR GZHAN DON LA SPRO BA DANG, DE SGRUB PA LA MKHAS PA'O, ,GSUM PA NI, 'KHOR GSUM RNAM PAR MI RTOG PA DANG CHED DU BYA BA DON DU GNYER BA DANG MNGON SHES DRUG NI MTHU'I KHYAD PAR RO, ,'BRAS BU NI, RNAM MKHYEN THOB NAS CHOS 'KHOR BSKOR BA'O ZHES t'IKA CHUNG LAS GSUNGS PA LTAR RO, ,'DI LA KHA CIG BSAM GTAN GZUGS MED MTHONG

SGOM GYI NGO BOR YANG 'GYUR BAS DE SGOM PA LA 'JIG RTEN PAS MA KHYAB CING 'DI MDO LAS MI DMIGS PA'I RNAM PAR SGOM PAR GSUNGS PAS 'JIG RTEN PA'I LAM DU BSHAD PA MI 'THAD CES RGOL YANG 'JIG RTEN PA'I LAM DU BSHAD PA NI DER NGES NAS MI 'CHAD KYI 'JIG RTEN PAR LAM LA DE SHAS CHE BAS YIN NO, ,DE LTA MA YIN NA BYANG SEMS KYI LAM LA 'DAS LAM GYIS KHYAB PAR 'GYUR TE, MI DMIGS PAS MA ZIN PA MED PAS SO, ,DE LTAR YUL DGU PO DE LA 'JUG PA'I SGRUB PA DGU LAS, DANG PO NI; BYANG CHEN BSAM GTAN DANG GZUGS MED KYI SNYOMS 'JUG 'DI DAG GIS SBYIN PA'I PHAR PHYIN LA SPYOD PA NA NAM MKHA'I RNAM PA DANG RTAGS DANG MTSAN MAS MNYAM PAR 'JOG CING LDANG BA NA DGE BA'I RTZA BA RDZOGS PA'I BYANG CHUB TU BSNGO BA 'DI NI BYANG CHEN GYI SBYIN PA'I PHAR PHYIN NO, ZHES DANG LHAG MA LNGA LA YANG DE LTAR RO, ,DE LA NAM MKHA'I RNAM PA ZHES SOGS NI RNAM RTAGS MTSAN MA RNAMS DMIGS SU MED PAR NAM MKHA' DANG 'DRA BAR YID LA BYED PA'O, ,DE GSUM YANG RIM PA LTAR SA 'OG MA'I SPANG BYA SPANGS PA GNYEN PO PHAN YON GYI YAN LAG GSUM MAM, ZHI RAGS CHOR BA GANG YOD PA BDE BA'I RO MYONG BA GSUM MO, ,GNYIS PA NI, BYANG CHEN DE RNAM MKHYEN NYID DANG LDAN PA'I YID LA BYED PAS SEMS CAN THAMS CAD KYI NYON MONGS PA RAB TU SPANG BA'I PHYIR CHOS BSTAN PAR BYA'O SNYAM PA NI BYANG CHEN GYI SBYIN PA'I PHAR PHYIN NO, ZHES DANG, LHAG MA LNGA LA RIM PA LTAR BSAM GTAN GZUGS MED LA 'JUG LDANG BYED KYANG NYAN RANG GI SEMS MI BSKYED PA DANG,

, ,DE GNYIS KYIS SEMS CAN GYI NYON MONGS ZAD PHYIR CHOS BSTAN TO SNYAM DU SEMS SHING YID BYED DE LA BZOD PA DANG, DE GNYIS KYI SPYOD PA'I TSE SEMS CAN DANG RNAM MKHYEN GYI PHYIR BRTZON PA MI GTONG BA DANG, DE GNYIS LA 'JUG KYANG MI DMIGS PA DANG, BSAM GTAN BZHI'I YAN LAG RNAMS LA MI RTAG SDUG BSNGAL BDAG MED ZHI BA STONG PA MTSAN MED DU RTOGS KYANG SNYOMS 'JUG DE DAG GIS RLOM SEMS MED PA RNAMS KYIS GSUNGS SO, ,GSUM PA NI, BYANG CHEN GYI THEG PA CHEN PO NI RNAM PA THAMS CAD DU BYANG PHYOGS SO BDUN SGOM PA DANG RNAM PA THAMS CAD DU RNAM THAR SGO GSUM SGOM PA DANG, RNAM PA THAMS CAD DU DE BZHIN GSHEGS PA'I STOBS MI 'JIGS PA SO SO YANG DAG PAR RIG PA SANGS RGYAS KYI CHOS MA 'DRIS PA RNAMS SGOM PA 'DI NI SH'A RI'I BU BYANG CHEN GYI THEG PA CHEN PO'O, ZHES SO, ,DE LTAR RNAM PA THAMS CAD DU GSUM 'BYUNG BA NI MKHYEN GSUM GYIS BSDUS PA'I RNAM PA SGOM PA'I DBANG DU BYAS PA'O, ,BZHI PA NI, BYANG CHEN TSAD MED DANG GZUGS MED KYI SNYOMS 'JUG DE DAG GIS MA 'DRES PAR RNAM PAR SPYOD CING SA GNYIS PO NYAN THOS DANG RANG SANGS RGYAS KYI SAR 'DOD BA MI SKYED KYI RNAM MKHYEN DU 'DOD PA DANG BZOD PA 'DI NI BYANG CHEN TSAD MED LA SPYOD PA'I BZOD PA'I PHAR PHYIN NO, ZHES DANG, DE BZHIN DU MI DGE BA SPANG BA DANG, DGE BA PHUN TSOGS BYA BA'I DON DU BRTZON PA MI GTONG BA DANG, BSAM GTAN TSAD MED GZUGS MED LA 'JUG LDANG BYED CING MI RTAG SOGS KYI RNAM PAR RTOG KYANG NYAN

RANG GI SKYON MED PAR MI 'JUG PA DANG, DE LA MNYAM PAR 'JOG KYANG DE'I DBANG GIS MI SKYE ZHING RO MI MYANG BA DANG, TSAD MED BZHI'I TING 'DZIN LA 'JOG CING SEMS CAN BSKYAB SNYING BRTZE BAR BYA DGA' BAR BYA ZAG ZAD DU GZHOL BAR BYED PA DANG, DE GSUM GYI RNAM RTAGS MTSAN MA RNAMS RNAM MKHYEN DU BSNGO BA RNAMS RIM PA LTAR TSAD MED LA SPYOD PA'I BYANG SEMS KYI BRTZON 'GRUS, SHES RAB, BSAM GTAN, SBYIN PA, TSUL KHRIMS RNAMS SO, ZHES GSUNGS SO, ,PHYIN DRUG GI GO RIM 'DI LTAR GSUNGS PA NI TSAD MED BZHI LA GNAS PA'I GANG ZAG GI DBANG DU BYAS PA STE DE LA 'DI SRID PAS SO ZHES NYI SNANG LAS SO, ,LNGA PA NI, BYANG CHEN GYI THEG PA CHEN PO NI GANG NANG STONG PA NYID SHES KYANG DMIGS PA'I TSUL GYIS MA YIN DNGOS PO MED PA'I NGO BO NYID STONG PA NYID KYI BAR DU SHES KYANG DMIGS PA'I TSUL GYIS MA YIN PA GANG YIN PA STE, ZHES SO, ,DRUG PA NI, BYANG CHEN SBYIN PA'I PHAR PHYIN LA 'DZEG KYANG DES SBYIN PA'I PHAR PHYIN MI DMIGS TE SBYIN PA PO DANG LEN PA PO DANG SBYIN PA YANG MI DMIGS PA'I TSUL GYIS DMIGS SU MED PA DE LTAR NA SH'A RI'I BU BYANG CHEN THEG PA CHEN PO LA 'DZEG PA ZHES BYA'O, ,BDUN PA NI, BYANG CHEN RNAM MKHYEN DANG LDAN PA'I YID LA BYA BA MA 'DRES PAS SGOM PA RNAM PAR GZHIG PA'I DON DU BYANG PHYOGS SO BDUN DE MI DMIGS PA'I TSUL GYIS SGOM PAR BYED DE SH'A RI'I BU DE LTAR NA BYANG CHEN THEG CHEN LA 'DZEG PA ZHES BYA'O, ZHES DANG, RTEN YID BYED DGOS PA DON BSDUR SNGAR DANG 'DRA BA LAS RNAM THAR GSUM DANG, STOBS

, ,NAS MA 'DRES PA'I BAR RNAMS MI DMIGS PA'I TSUL GYIS SGOM PAR BYED DE ZHES SO, ,SKABS 'DIR ZLA 'OD DU SLOB DPON GYIS CHED DU BYA BA CHEN PO GSUM LA BSHAD PA LA 'PHAGS PAS YUM BAR MA'I MDO BRIS PA MA MTHONG NGO ZHES 'GOG PA NI YANG DAG PA MIN TE, MNGON ZHEN MA LUS PAR 'GAGS PA NYID CHEN PO GSUM LAS MI 'DA' BAS SO, ,SGOM PA GZHIG PA'I DON DU ZHES PA NI DE LA ZHEN PA DGAG PA'I DON YIN GYI BYANG PHYOGS SO BDUN SOGS GZHIG PA'I DON MIN NO, ,BRGYAD PA NI, BYANG CHEN SEMS DANG PO BSKYED PA NAS NYE BAR BZUNG STE SNYING PO BYANG CHUB LA 'DUG GI BAR DU MNGON PAR SHES PA THAMS CAD YONGS SU RDZOGS PA'I PHYIR NA SEMS CAN YONGS SU SMIN PAR BYED DO, ZHES SO, ,DGU PA NI, DE RNAM MKHYEN KYI YE SHES THOB NAS KYANG NYAN RANG THAMS CAD DANG, LHA NAS MI DANG MI MIN DANG BCAS PA'I 'JIG RTEN GYIS BSKOR BAR MI NUS PA'I CHOS KYI 'KHOR LO BSKOR RO, ZHES DANG, PHYOGS BCU'I SANGS RGYAS RNAMS KYIS 'JIG RTEN THAMS CAD DU DE'I MING SMOS SHING RNAM MKHYEN THOB NAS CHOS 'KHOR BSKOR RO ZHES GRAGS PA SGROG PAR GSUNGS SO, ,GSUM PA LA GNYIS, YUL CAN GYI SGRUB PA DANG, YUL GYI RTOGS DKA' BA BSHAD PA'O, ,DANG PO NI, 'JUG PA'I SGRUB PA LA DBYE NA RNAM PA DGU'O, ,JI LTAR NA, YUL THEG CHEN DGU YOD PAS DE LA 'JUG PA'I SGRUB PA YANG DGU'O, ,'O NA YUL CAN GYI SGRUB PA DGU GANG NA, DANG PO NI, DANG POR RANG GI SEMS 'DOD YON GYI RJES SU 'BRANG ZHING G-YENG BA DE LAS

YON TAN GANG YANG THOB PAR MI NUS PAS DE NANG DU BZUNG BA'I SGO NAS DMIGS PA LA BRTAN PAR BYA BA'I DON DU BSAM GTAN DANG GZUGS MED PA'I SNYOMS 'JUG LA 'JUG LDANG BYED CING DE YANG PHYIN DRUG DANG 'BREL BAR MI DMIGS PAR SGRUB PA'O, ,GNYIS PA NI; DE LTAR SEMS BRTAN PA DE TSOGS GNYIS LA SLOB PAS DE 'OG TU SBYIN SOGS KYI PHYIN DRUG LA 'KHOR GSUM DAG PA'I SGO NAS 'JUG PA'O, ,DE'I 'OG TU ZHES 'OG MA RNAMS LA YANG SBYAR RO, ,GSUM PA NI, TSOGS GNYIS BSAGS PA NI DE KHO NA NYID KYI DON LA LHAG PAR MOS PA SKYE BA'I PHYIR DE RTOGS PA'I LAM LA 'JUG PA'O, ,LAM YANG MTHONG LAM DANG SGOM LAM SA BDUN PA MAN CHAD DANG MI SLOB PA'I LAM SA BRGYAD PA STE 'BAD RTZOL ZHI BAS DE THOB PA LTA BU'O, ,KHYAD PAR GYI LAM SA DGU PA DANG BCU PA'O ZHES 'BUM PA 'CHAD LA, t'IKA CHUNG LAS MI SLOB LAM LAM GYI DBYE BAR BKOD PA TZAM MO GSUNG NGO, ,'DI LA ZLA 'OD DU KHYAD PAR GYI LAM DANG MI SLOB PA ZHES BSHAD DGOS PA LA SLOB DPON 'DIS DE BZLOG PA MI 'THAD DE SLOB LAM NA DE MI SRID PAS SO ZHES SUN 'BYIN PA MI 'THAD DE, LAM LNGA'I MI SLOB PA NI 'DIR GZUNG BA MIN GYI 'BUM PAS BSHAD PA LTAR YIN PA DANG, THEG CHEN SLOB LAM NA MI SLOB PA'I MING BTAGS PA MDO BSTAN BCOS LAS DU MA 'BYUNG BAS SO, ,BZHI PA NI, RANG GIS CHOS NYID MTHONG BA GZHAN GYI DON BYED PAR SPRO BA'I PHYIR TSAD MED BZHI LA 'JUG PA'O, ,'DI PHAR PHYIN DANG 'BREL BAR MA BSGOMS NA TSANGS PAR SKYE PA TZAM DU 'GYUR BAS PHYIN DRUG DANG 'BREL BAR RO, ,LNGA PA

, ,NI; DE BZHIS GZHAN DON LA 'JUG PA NA DE'I 'CHING BA'AM BAR GCOD NI MNGON ZHEN YIN PAS CHOS THAMS CAD MI DMIGS PA DANG LDAN PA LA 'JUG PA'O, ,DRUG PA NI, NGO BO NYID MED PA'I RNAL 'BYOR DANG LDAN PA DE JI LTAR 'JUG SNYAM PA LA LAS BYA BA BYED PA PO GSUM MI DMIGS PAR SGYU MA'I SKYES BU BZHIN DU DNGOS PO THAMS CAD LA 'KHOR GSUM YONGS SU DAG PA'I SGO NAS 'JUG PA'O, ,BDUN PA NI, DE LTAR SPYOD PA RNAMS RANG GI BSGRUB BYA LA 'BAD PA'I PHYIR CHEN PO GSUM GYI CHED DU BYA BA LA 'JUG PA'O, ,BRGYAD PA NI, CHED DU BYA BA LA 'BAD PA RNAMS NI GZHAN GYI SEMS SHES PA SOGS KYI PHYIR BRTZON PAR BYED PAS MNGON SHES DRUG LA 'JUG PA'O, ,DGU PA NI, MNGON SHES THOB PA RNAMS NI SHES BYAS DU MA SHES PA NA DA NI BDAG GIS RNAM MKHYEN GYI YE SHES THOB PAR BYA SNYAM NAS 'TSANG RGYA BAR SPRO BA DRAG PO SKYE BAS RNAM MKHYEN LA 'JUG PA'O, ,DE LTAR YUL DE DAG LA YANG DAG PAR GNAS PA'I MTSAN NYID DE 'JUG PA'I NGO BO NYID DGU PO DE NI THEG CHEN GYI RGYU 'BRAS KYI CHOS MTHA' DAG GNON PA 'AM DE DAG BGRONG PAR BYED PAS 'JUG SGRUB PO, ,GNYIS PA LA GNYIS, BSAM GTAN GZUGS MED DANG, TSAD MED BYE BRAG TU BSHAD PA'O, ,DANG PO LA BZHI, GANG GIS THOB BYED KYI RGYU, GANG ZHIG THOB BYA'I NGO BO, DE LTAR THOB PA'I RTAGS, THOB PA PO'I GANG ZAG GO ,DANG PO LA GSUM, BSAM GTAN DANG PO'I THOB BYED BSHAD, LHAG MA DE DANG MTSUNGS PAR BSTAN, LAM DGU PA GANG DU GTOGS BSAM PA'O, ,DANG

PO NI; KUN BTUS LAS, YID LA BYED PA BDUN GYIS BSAM GTAN DANG PO LA SNYOMS PAR 'JUG STE, YID LA BYED PA BDUN GANG ZHE NA, MTSAN NYID RAB TU RIG PA'I YID LA BYED PA DANG, MOS PA LAS BYUNG BA DANG, RAB TU DBEN PA DANG, DGA' BA SDUD PA DANG, DPYOD PA PA DANG, SBYOR BA'I MTHA' DANG, SBYOR BA'I MTHA'I 'BRAS BU YID LA BYED PA'O, ZHES PA LTAR BSHAD DO, ,'DI LA GNYIS YID BYED KYI GRANGS DES DANG, SO SO'I NGOS 'DZIN NO, ,DANG PO NI, CI'I PHYIR YID BYED BDUN DU BZHAG CE NA, NYER SDOGS KYIS SA 'OG MA'I SPANG BYA MA SPANGS SHING GONG MA'I THOB BYA MA THOB NA DNGOS GZHI MI THOB PAS DE'I PHYIR BDUN DU BZHAG STE, 'DI LTAR NYER SDOGS KYI LAM GYI RGYU DANG, NGO BO DANG, 'BRAS BU GSUM LAS, DANG PO MA SKYES PA SKYED PAR BYED PA LA YID BYED DANG PO GNYIS TE, DANG POS SPANG BYA DANG THOB BYA SHES PAR BYAS NAS SEMS GTOD PAR BYED CING, GNYIS PAS DE'I DON DU BRTZON 'GRUS RTZOM PAS SO, ,SKYES ZIN KHYAD PAR DU BYED PA NI YID BYED LNGA PA STE DES SPANGS MA SPANGS BRTAGS NAS SPANG BYA LHAG MA MTHAR 'BYIN PAR BYED PAS SO, ,GNYIS PA NI YID BYED GSUM PA BZHI PA DRUG PA STE SA 'OG MA'I NYON MONGS CHE 'BRING CHUNG GSUM 'JOMS PAS SO, ,GSUM PA NI YID BYED BDUN PA'O, ,DE LTAR YANG NYAN SA LAS, DE LA MTSAN NYID SO SOR RIG PA'I YID LA BYED PAS NI SPANG BAR BYA BA GANG YIN PA DE YANG YONGS SU SHES PAR BYED THOB PAR BYA BA GANG YIN PA DE YANG YONGS SU SHES PAR BYED CING SPANG BAR BYA BA SPANG BA DANG, THOB PAR BYA BA THOB PAR BYA BA'I PHYIR SEMS

, ,GTOD PAR YANG BYED DO, ,MOS PA LAS BYUNG BA'I YID LA BYED PAS NI SPANG BAR BYA BA DANG THOB PAR BYA BA'I PHYIR YANG DAG PAR RTZOM PA SBYOR BAR BYED DO, ,RAB TU DBEN PA'I YID LA BYED PAS NI NYON MONGS PA CHEN PO SPONG BAR BYED DO, , DGA' BA SDUD PA'I YID LA BYED PAS NI NYON MONGS PA'I RNAM PA 'BRING SPONG BAR BYED DO, ,SPYOD PA YID LA BYED PAS NI MNGON PA'I NGA RGYAL MED PA LA SEMS 'JOG PAR BYED DO, ,SBYOR BA MTHAR THUG PA'I YID LA BYED PAS NI NYON MONGS PA'I RNAM PA CHUNG DU SPONG BAR BYED DO, ,SBYOR BA MTHAR THUG PA'I 'BRAS BU YID LA BYED PAS NI RNAM PA DE DAG BSGOMS PA'I 'BRAS BU NYAMS SU MYONG BAR BYED DO ZHES SO, ,GNYIS PA NI, DANG POR 'DOD PA NI SDUG BSNGAL CHES RGYAS SHING MA ZHI BA DANG, CHES TSE THUNG LA BSAM GTAN DANG PO NI DE LAS ZLOG PAS RAGS PA DANG ZHI BA'O ZHES THOS BSAM 'DRES MAR YID LA BYED PA NI KHAMS GONG 'OG GI MTSAN NYID SO SOR GCOD PA'I PHYIR MTSAN NYID RAB TU RIG PA'I YID LA BYED PA'O, ,DE LTAR GONG 'OG LA ZHI RAGS SU YUN RING DU MOS PAR BYAS PA LAS THOS BSAM LAS 'DAS NAS ZHI GNAS DANG LHAG MTHONG DU SON PA NI MOS PA LAS BYUNG BA'I YID LA BYED PA'O, ,DE YUN RING DU 'DRIS PAR BYAS PA'I MTHUS THOG MKHO NAR 'DOD PA'I NYON MONGS CHEN PO GSUM SPONG BA'I LAM SKYE BAR 'GYUR ZHING SKYES PA'I LAM DE DANG LDAN PA'I YID BYED NI RAB TU DBEN PA'I YID BYED DO, ,DES 'DOD PA'I NYON MONGS DANG DE'I PHYOGS KYI GNAS NGAN LEN DANG BRAL BAR BYAS PA NA DE NAS NYON MONGS SPONG BA DANG DES DBEN

PA LA DGA' BAR 'GYUR ZHING, DE GNYIS LA PHAN YON DU MTHONG NAS DBEN PA LAS SKYES PA'I DGA' BDE CHUNG DUS REG PA NA, GNYID RMUGS DANG RGOD PA DANG BRAL BAR BYA BA'I PHYIR DUS DUS SU RAB TU DANG BAR 'GYUR BA'I YID BYED KYIS DGA' BAR BYED CING, KUN TU SKYO BA'I YID BYED KYIS SKYO BAR BYED PA NI DGA' BA SDUD PA'I YID BYED DE, NYON MONGS PA 'BRING GSUM SPONG BA'I GNAS SKABS SO, ,RAB TU DANG BA DANG SKYO BAR 'GYUR BA'I YID BYED NI RIM PA LTAR SPONG BA LA 'DOD PA DANG, MA SPANGS PA LA NYES DMIGS KYI RNAM PAR SGOM PA'O, ,DE LTAR SPONG BA LA BRTZON PA NA RGYU'AM GNAS KYANG RUNG STE DGE BA LA SBYOR BA'I GEGS BYED PA'I 'DOD PA'I KUN DKRIS MI 'BYUNG BA NA 'DI SNYAM DU CI BDAG LA 'DI YOD BZHIN DU MI MYONG NGAM 'ON TE MED PAS MA MYONG SNYAM NAS SDUG PA'I MTSAN MA YID LA BYAS PAS 'DOD PA LA 'DUN PA 'BYUNG BA NA, 'DI SNYAM DU BDAG GI SEMS 'DOD PA LAS CHAGS PA DANG MA BRAL LO SNYAM NAS SPANG BYA LHAG MA SPANG BA'I PHYIR ZHI RAGS SU SGOM PA NI DPYOD PA'I YID BYED DO, ,DE LTAR DUS DUS SU SPANGS MA SPANGS DPYOD PA NA SPANG BYA MNGON GYUR MA SPANGS PA SPANG BA'I PHYIR 'DOD PA'I NYON MONGS CHUNG NGU GSUM GYI GNYEN PO SKYES PA NI SBYOR BA MTHAR THUG PA'I YID BYED DE, DE YANG RE ZHIG TZAM SPANGS PA YIN GYI GTAN SPANGS PA NI MIN TE, SA BON DRUNGS MA PHYUNG BA'I PHYIR TE, 'JIG RTEN PA'I LAM LA DE'I NUS PA MED PAS SO, ,DE'I MJUG THOGS SU DE'I MTHUS BSAM GTAN DANG PO'I DNGOS GZHI LA 'JUG CING DNGOS GZHI DANG LDAN PA'I YID BYED SKYES PA NI SBYOR BA'I 'BRAS

, ,BU YID LA BYED PA'O, ,GNYIS PA NI, KUN BTUS LAS, BSAM GTAN DANG PO LA JI LTA BAR 'DU SHES MED 'DU SHES MED MIN SKYE MCHED KYI BAR DU YANG DE BZHIN NO ZHES PA LTAR YIN NO, ,'ON KYANG MNGON PA'I SPYI SKAD LA KHAMS GONG MAN SEMS PAR RTZOM PA'I TSE SEMS LONG MED PAR TING NGE 'DZIN DU 'GRO BAS GONG MA'I SA LA BSAM BYUNG DANG GZUGS MED NA THOS BYUNG MED PAR BSHAD PAS, DE'I LTAR NA GZUGS MED KYI RTEN LA SGOM NA YID BYED DANG PO LA THOS BSAM GNYIS KA DANG; GZUGS KYI RTEN LA SGOM NA BSAM BYUNG MED DO, ,GZHAN YANG BSAM GTAN BZHI PA'I NYER SDOGS NAS SRID RTZE'I NYER SDOGS KYI BAR LAS DER TSOR BA'I DGA' BDE MED PAS DGA' BA SDUD PA'I YID BYED KYI DON SPONG BA LA YON TAN DU MTHONG BA TZAM LA BSHAD DO, ,BSAM GTAN DANG PO'I NYER SDOGS KYI YID BYED DANG PO 'DI 'DOD PA YIN GYI GONG MA'I SAR MI GTOGS TE, NYAN SA LAS, MNYAM PAR MA BZHAG PA'I SA PA'I YID LA BYED PA DAG GIS 'DOD PA RNAMS LA RAGS PA'I MTSAN NYID DANG, BSAM GTAN DANG PO LA ZHI BA'I MTSAN NYID DU SO SOR RTOG PAR BYED PA DA NI SO SOR RIG PA'I YID LA BYED PA ZHES BYA STE ZHES PAS SO, ,'DI'I RIGS PAS LHAG MA RNAMS LA YANG 'OG SA'I RTEN LA SGOM NA YID BYED DANG PO 'OG SAR 'DOD PAR BYA'O, ,NYER SDOGS DE DAG LAM BZHIR BZHAG PA'I TSUL NI, BSDU BA LAS, MTSAN NYID SO SOR RIG PA DANG MOS PA YID LA BYED PA NI SBYOR BA'I LAM GYIS BSDUS PA YIN NO, ,RAB TU DBEN PA DANG SBYOR BA MTHAR

THUG PA GNYIS NI BAR CHAD MED PA'I LAM GYIS BSDUS PA YIN NO, ,DGA' BA SDUD PA NI LAM RNAM PA BZHI CHAR GYIS BSDUS PA YIN NO, ,DPYOD PA'I YID LA BYED PA NI KHYAD PAR GYI LAM GYIS BSDUS PA KHO NA YIN NO, ZHES TE DA YANG SBYOR BA NI DANG PO'I RTZOM PA DANG, BAR CHAD MED PA NI SPONG GNYEN DNGOS DANG, RNAM GROL NI SPANGS MA THAG GI GNAS GYUR MYONG BYED DANG, KHYAD PAR NI DE YAN CHAD KYI KHYAD PAR SGRUB PA YIN PAS DE DAG YID BYED DE DAG TU LDAN PA LA DGONGS NAS DE LTAR GSUNGS SO; ;GSUM PA NI, SBYOR BA MTHA'I 'BRAS BU'I YID BYED DNGOS GZHIR 'DOD PA LTAR NA NYER SDOGS KYI RNAM GROL LAM DGU PA LA DNGOS GZHIS KHYAB PAR MNGON LA, MDZOD PA NI, BSAM GTAN DANG PO GSUM GYI NYER SDOGS KYI RNAM GROL LAM DGU PA LA DNGOS GZHI DANG NYER SDOGS KYI NGO BOR SKYE BA GNYIS 'DOD LA, BZHI PA YAN CHAD KYI NYER SDOGS KYI RNAM GROL LAM DGU PA LA DNGOS GZHIS KHYAB PAR 'DOD DE MDZOD DU, SA GSUM LAS RGYAL BSAM GTAN NAM, ,NYER SDOGS LAS MTHA'I RNAM GROL LAM, ,GONG MA NYER SDOGS LAS MIN ZHES SO, ,DE YANG MDZOD PA NYER SDOGS KYI TSOR BA BTANG SNYOMS KHO NAR 'DOD PAS BSAM GTAN DANG PO GSUM GYI DNGOS GZHI DANG NYER SDOGS LA TSOR BA'I DBANG PO RIGS MI 'DRA BA YOD PAS DBANG PO 'PHO DKA' LA, LHAG MA RNAMS LA BTANG SNYOMS KHO NAR NGES PAS DBANG PO 'PHO MI DKA'O SNYAM DU BSAMS SO, ,DE LTAR NYER SDOGS KYI YID BYED DRUG GI NGOS 'DZIN GONG DU BSHAD PA DE LTA BU NI 'JIG RTEN PA'I LAM GYIS SA 'OG MA LAS 'DOD

, ,CHAGS DANG BRAL BA'I DBANG DU BYAS KYI DRUG PO DER GRANGS NGES PA NI MA YIN TE, MTHONG LAM DANG SGOM LAM ZAG MED RNAMS DANG PO'I NYER SDOGS LA BRTEN PA YOD CING, DE GNYIS ZHI RAGS KYI RNAM PA CAN DU 'GAL LA, KHYAD PAR DU MTHONG LAM 'DOD PA'I SGOM SPANG GI GNYEN POR MI RUNG BA'I PHYIR RO, ,SPYIR SA GONG 'OG LA 'DOD PA DANG MI 'DOD PA'I RNAM PAR SGOM PA'I LAM 'DIS 'DOD PA LTA BU'I NYON MONGS MNGON GYUR MA LUS PAR SPANGS PAR 'DOD PA LA, BYE SMRA RNAMS CI YANG MED PA MAN CHAD KYI MTHONG SPANG DANG SGOM SPANG GI NYON MONGS GNYIS KA DANG, MDO SDE PA RNAMS SGOM SPANG RNAMS SPONG BAR 'DOD DO, ,'ON KYANG ZHIB TU DPYAD NA BYIS PAS ZHI RAGS SU SGOM PA'I LAM GYIS 'DOD PA'I SGOM SPANG GI NYON MONGS MNGON GYUR KYANG MA LUS PAR SPONG MI NUS TE, 'DOD PA'I RTEN CAN GYI NYON YID 'PHAGS LAM MA THOB BAR DU LDOG PA MI SRID LA, DE 'DOD PA'I SAR GTOGS PA'I SGOM SPANG GI NYON MONGS YIN PAS SO, ,DE LTAR YANG SUM CU PA LAS, GANG DU SKYES BA DE YI'O ZHES RTEN SA GANG DU GTOGS PA DER DE'I NYON YID KYANG SA DER GTOGS PAR BSHAD PAS SO, ,RIGS PA 'DIS SA LHAG MA RNAMS LA YANG SHES PAR BYA LA DE'I STENG NAS THOD RGAL BA'I DGE 'DUN GYI SPANGS PA LA YANG ZHIB CHA GDON PAR BYA'O, ,NYER SDOGS BRGYAD PO DE YANG DANG PO MA GTOGS PA RNAMS DAG PA BA KHO NA DANG, DANG PO LA DAG PA BA DANG, ZAG MED GNYIS YOD LA, KHA CIG RO MYANG CAN DANG GSUM YOD DE DNGOS GZHI LA 'GRAN 'DZUGS PAS SO ZHES 'DOD DE, MDZOD LAS, DE DAG LA

NI NYER BSDOGS BRGYAD, ,DAG PA BDE MIN SDUG BSNGAL MIN, ,DANG PO 'PHAGS PA'ANG KHA CIG GSUM, ZHES SO, ,'DI LAS NYER SDOGS KYI TSOR BA BTANG SNYOMS SU BSHAD PA NI 'DIR MI BZUNG NGO, ,GNYIS PA LA GSUM, 'JIG RTEN PA DANG, 'JIG RTEN LAS 'DAS PA'I LAM DANG, DE DAG GI RNAM GZHAG DPYAD PA'O, ,DANG PO LA GNYIS, NYON MONGS CAN DANG, DAG PA PA'O, ,DANG PO NI, GANG NYON MONGS PAR BYA BA'I GZHI DANG, GANG GIS NYON MONGS PAR BYED PA'I CHOS DANG, JI LTAR NYON MONGS PAR BYED PA'I TSUL DANG GSUM GYIS RIG PAR BYA'O, ,DANG PO NI, BSAM GTAN BZHI DANG, GZUGS MED PA'I DNGOS GZHI DAG PA BA STE DE DAG LA MNYAM PAR BZHAG PA NA PHYIS NYON MONGS PA BZHIS CI RIGS PAR NYON MONGS CAN DU 'GYUR BA'I PHYIR TE, MDZOD LAS, 'JIG RTEN PA'I DGE BA NI, ,DAG PA DE NI DES MYANG BYA, ZHES PA LTAR RO, ,GNYIS PA NI, RTZA NYON RNAMS KYI NANG NAS KHONG KHRO BOR BA STE DE NI KHAMS GONG MA'I SEMS LA MED PAS SO, ,DES NA BSGRIBS LA LUNG DU MA BSTAN PA'I SRED LTA NGA RGYAL MA RIG PA BZHI YIN LA DE YANG GONG MA GNYIS KYI SA PA STE, KUN BTUS LAS, NYON MONGS PAS JI LTA BU ZHE NA, LUNG DU MA BSTAN PA'I RTZA BA BZHI PO SRED PA DANG LTA BA DANG NGA RGYAL DANG MA RIG PA STE ZHES PA LTAR RO, ,GSUM PA NI, DAG PA PA'I SNYOMS 'JUG DE DAG LA MNYAM PAR BZHAG PA NA DE LA 'DOD CHAGS SKYES NAS SNGAR DGE BA YIN KYANG PHYIS NYON MONGS DANG MTSUNGS LDAN DANG, DE BZHIN DU DE DAG THOB PA NA BDAG GIS 'DI THOB KYI GZHAN GYIS MIN NO ZHES KHENGS PAS NGA RGYAL DANG LDAN PA DANG, DE

, ,DAG THOB PA NA LAM DANG LAM MIN LA RMONGS PA'I MTHUS 'DI DAG NI THAR LAM YIN LAS CHE SNYAM PA DANG, THAR LAM YIN PA LA DE LAS BZLOG PAR THE TSOM ZOS NAS DE DANG LDAN PA DANG, SNYOMS 'JUG DE DAG LA BRTEN NAS MNGON SHES KYIS SNGON DANG PHYI MA'I MTHA' 'GA' ZHIG MTHONG BA NA DE LA 'JIG RTEN RTAG SOGS SU LOG PAR LTA BA SKYES PAS DE DANG LDAN PAR SONG BA'O, ,'O NA GZUGS MED MNGON SHES KYI RTEN MIN PAS DE LA LTA BA SA NYON MONGS PAR BYED TSUL GANG ZHE NA, BDEN MOD KYI 'ON KYANG GZUGS MED LA NI SNGAR LTA LOG RGYUD LA LDAN BZHIN DU SNYOMS 'JUG DAG THOB PA NA BDAG GI LTA BA 'DI NI MCHOG STE 'DI'I MTHUS TING NGE 'DZIN 'DI THOB PAS SO ZHES LTA NGAN LA MCHOG 'DZIN GYI LTA BA SKYE BAS DE LTAR NYON MONGS CAN DU BYED PAS SKYON MED DO, ,NYON MONGS CAN BZHIR BYED PA 'DI NI NYI 'OG BYE SMRA DANG MTHUN TE MDZOD LAS, BZHI ZHES NYI 'OG PA DE DAG SRED LTA NGA RGYAL RMONGS ZHES SO, ,KHA CHE BYE SMRA NI NYON MONGS CAN LA SRED PA SHAS CHE BA'I RO MYANG CAN GCIG BU 'DOD DO, , 'O NA 'DI SNYOMS 'JUG GI BSAM GTAN DANG GZUGS MED MTSAN NYID PA YIN NAM ZHE NA, 'DI DAG CHAGS SOGS DANG MTSUNGS PAR LDAN PA'I PHYIR MTSAN NYID PA MIN TE YIN NA NYON MONGS CAN THAMS CAD KYANG SNYOMS 'JUG TU HA CANG THAL TE RGYU MTSAN KHYAD PAR MED PAS SO, ,DES NA 'DI SNGAR SNYOMS 'JUG GI RDZAS YIN PA TZAM LA BSAMS NAS SNYOMS 'JUG GI DNGOS GZHI'I RDZAS KYI DBYE BA LA BGRANGS KYI MTSAN NYID PA YIN NAS MIN TE, DPER NA SA BON RUL BA DE SNGAR SA BON

GYI DNGOS PO YIN PAS SA BON ZHES PA'I THA SNYAD BTAGS PA BZHIN TE, MDZOD 'GREL LAS, NYON MONGS CAN JI LTAR BSAM GTAN YIN ZHE NA LOG PAR SEMS PA'I PHYIR RO, ,HA CANG THAL BAR 'GYUR RO ZHE NA MA YIN TE, DE DANG RIGS MTHUN PA KHO NA LA DE'I MING DU BTAGS PA'I PHYIR TE DPER NA SA BON RUL BA BZHIN NO ZHES SO, ,GZHAN YANG 'DI LUNG MA BSTAN PA DANG 'DI LA DE DANG DE'I YAN LAG RNAMS KYANG MI LDAN PA'I PHYIR TE, MDZOD LAS, SNYOMS 'JUG DGE BA RTZE GCIG PA, ZHES DANG, NYON MONGS CAN LA DGA' BDE DANG, ,RAB DANG SHES BZHIN DRAN PA DANG, ,BTANG SNYOMS DRAN PA DAG PA MED, CES SO, ,GNYIS PA NI, BSAM GTAN DANG GZUGS MED 'JIG RTEN PA'I DGE BA STE RANG SA'I KUN DKRIS DANG BRAL BAS DAG PA BA'AM RNAM BYANG ZHES BYA'O, ,DE LTAR YANG KUN BTUS LAS, RNAM PAR BYANG BAS JI LTA BU ZHE NA DAG PA'I BSAM GTAN DANG GZUGS MED PA RNAMS KYANG DGE BA'I PHYIR RNAM PAR BYANG BA ZHES BYA'O ZHES SO, ,DE LA DBYE NA NYAMS PA DANG GNAS PA DANG KHYAD PAR DANG NGES 'BYED CHA MTHUN BZHI YOD DE MDZOD LAS, DAG PA NYAMS PA'I CHA MTHUN SOGS, ,RNAM BZHI ZHES SO, ,DE DAG NI RIM PA LTAR RANG GI MJUG THOGS SU RANG SA'I NYON MONGS DANG RANG DANG GONG SA'I DAG NGA BA DANG ZAG MED KYI LAM SKYE BA DANG RJES SU MTHUN PA STE MDZOD LAS, NYON MONGS SKYE DANG RANG SA DANG, ,GONG DANG ZAG MED RJES MTHUN NO, ZHES SO, ,DE YANG SRID RTZE LA GONG SA MED PAS KHYAD PAR CHA MTHUN DOR LA GZHAN RNAMS LA BZHI KA SBYAR RO, ,GNYIS PA NI BSAM GTAN BZHI DANG

, ,GZUGS MED DANG, DANG PO GSUM STE BDUN LA 'JIG RTEN LAS 'DAS PA'I LAM RTEN GYI SRID RTZEL MIN TE ZAG MED KYI LAM NI RANG YUL GSAL BAR GCOD LA, SA 'DI NI 'DU SHES KYI RGYU BA SHIN TU MI GSAL BA'I PHYIR RO, ,DE LTAR YANG KUN BTUS LAS, 'DU SHES MED 'DU SHES MED MIN SKYE MCHED NI 'DU SHES KYI RGYU BA YONGS SU MI GSAL BA'I PHYIR 'JIG RTEN PA NYID DE DE'I PHYIR MTSAN MA MED PA ZHES BYA'O, ,BCOM LDAN 'DAS KYIS CI TZAM DU 'DU SHES KYIS SNYOMS PAR 'JUG PA DE TZAM DU KUN SHES PA RTOGS SO ZHES GSUNGS PA LTA BU'O, ZHES 'DU SHES KYI RGYU BA GSAL BA YOD PA DE SRID DU KUN SHES PA ZAG MED YOD PAR GSUNGS PA SHES BYED DU 'DREN NO, ,MNGON PA GONG 'OG NAS 'DI LTAR BSHAD KYANG; SLOB DPON 'DIS NI NYAN THOS KYIS SGOM PA NA THABS MI MKHAS PAS DE LTAR YIN KYANG BYANG SEMS KYIS 'DI SGOM PA NA THABS LA MKHAS PAS ZAG MED DU 'GYUR BAR BSHAD DO, ,SPYIR NA DANG PO'I NYER SNGOGS DANG DNGOS GZHI LA TZAM KHYAD GNYIS SU BYAS NAS ZAG MED DGUR BSHAD DO, ,GSUM PA LA GSUM, BSAM GTAN GYI YAN LAG DANG, GZUGS MED KYI DMIGS RNAM DPYAD PA DANG, DE DAG BSGOMS PA'I 'BRAS BU BSHAD PA'O, ,DANG PO GSUM, RDZAS BTAGS KYI KHYAD PAR, YAN LAG GI NGO BO, GRANGS NGES PA'I TSUL LO, ,DANG PO NI, SPYIR BSAM GTAN GYI YAN LAG LA MING GI SGO NAS BCO BRGYAD YOD DE, MDZOD LAS, DANG PO LA LNGA RTOG DPYOD DANG, ,DGA' DANG BDE DANG TING 'DZIN RNAMS, ,

GNYIS PA LA NI YAN LAG BZHI, ,RAB DANG DANG NI DGA' BA SOGS, ,GSUM PA LA LNGA BTANG SNYOMS DANG, ,DRAN DANG SHES BZHIN BDE DANG GNAS, ,MTHA' NA BZHI DRAN BTANG SNYOMS DANG, ,BDE MIN SDUG MIN TING 'DZIN RNAMS, ZHES PA LTAR RO, ,DE DAG BYE SMRA RNAMS RDZAS BCU GCIG TU 'DOD DE, RTOG DPYOD DGA' BDE NYID 'DZIN RAB DANG DRAN SHES BZHIN 'DU BYED BTANG SNYOMS, BDE BA TSOR BA BTANG SNYOMS KYI RDZAS SO, ,GONG MA PA LTAR NA DGA' BA DE GNYIS RDZAS GCIG YIN ZHING, RAB DANG NI DRAN SHES BZHIN BTANG SNYOMS GSUM GYI NGO BO YIN PAS RDZAS SU DGU DANG LHAG MA BTAGS YOD DU 'DOD DO, ,YANG NA BDE BA RNAMS KYANG YID SHES 'KHOR GYI TSOR BA SIM PAR GCIG PAS RDZAS GCIG TU BGRANGS NAS BRGYAD DU BYA'O, ,GNYIS PA LA BZHI LAS, DANG PO NI, BSAM GTAN DANG PO'I YAN LAG LNGA LAS RTOG PA NI NGO BO TZAM TSOL BA'O, ,DPYOD PA NI ZHI BA TU DPYOD PA STE GNYIS KA YANG NANG GI BRJOD PA DAG KUN NAS SLONG BA'O, ,'DI GNYIS BSAM GTAN GZHAN GSUM LA YANG SAS BSDUS PA'I TSUL GYIS MED KYI KUN TU 'BYUNG BA'I SGO NAS YOD PAR RTOG DPYOD KYIS LAS BSHAD DO, ,DE GNYIS CHAR KYANG SEMS PA'AM SHES RAB GNYIS CHAR LA BTAGS PA'O, ,DGA' BA DE NI RIM PA LTAR TSOR BA YID BDE DANG SEMS BYUNG SHIN SBYANGS KYI BDE BA LA BYE SMRA RNAMS 'DOD DO, ,MDZOD DU, DANG PO NI, SHIN TU SBYANGS PA BDE BA YIN ZHES DANG, LUNG RNAM GNYIS PHYIR DGA' YID BDE, ZHES SO, ,DE LTAR 'DOD PA YANG BDE BA TSOR BA LA BYAS NA LUS TSOR DU MI RUNG STE, SNYOMS

, ,'JUG GI BSAM GTAN LA DBANG SHES KYIS PA MED PA'I PHYIR TE DBANG SHES NI PHYI ROL DU G-YANG BAS SO, ,YID SHES 'KHOR GYI TSOR BAR YANG MI RUNG STE, DGA' BA YANG TSOR BA YID BDE YIN PAS BDE BA DANG DE GNYIS CIG CAR 'BYUNG NA RDZAS MTSUNGS NYAMS PA DANG, RIM GYIS 'ONG NA BSAM GTAN DANG PO DANG GNYIS PA GNYIS YAN LAG LNGA PA DANG, YAN LAG BZHI PAR MI 'GYUR TE, YAN LAG RNAMS NI CIG CAR 'BYUNG BAS SO, ,SNYAM DU BSAMS PA'O, , 'DI LA MDZOD 'GREL DU GZHAN DAG NA RE, SEMS LAS BYUNG BA'I BDE BA'I DBANG PO NI MED PA KHO NA STE BSAM GTAN GSUM CHAR NA YANG LUS KYI BDE BA KHO NA YAN LAG TU RNAM PAR BZHAG GO ZHES ZER RO, ZHES BSAM GTAN DANG PO GSUM GA'I BDE BA YID KYI SA PA MIN PAR LUS SHES KYI 'KHOR GYI TSOR BA BDE BA LA 'DOD DE, SHIN SBYANGS BDE BAR 'DOD NA BSAM GTAN BZHI PA LA DE MYONG BZHIN DU CI'I PHYIR MA SMOS, TSOR BA BDE BA SKYE BA DANG RJES SU MTHUN PA'I SHIN SBYANGS SO ZHE NA NI GSUM PA LA YANG THAL BAR 'GYUR RO, ,DES NA BSAM GTAN GSUM PA'I MDOR, BDE BA LUS KYIS MYONG LA ZHES RANG GI SGRAS GSUNGS PA'I PHYIR LUS TSOR RO ZHES 'DOD DO, ,NYAN SA LAS NI, GZUGS KYI LUS DANG YID KYI LUS KYIS TSOR BA'I BDE BA DANG SHIN TU SBYANGS PA'I BDE BA SO SOR MYONG BAR BYED PAS NA DE'I PHYIR BDE BA LUS KYIS MYONG LA ZHES BYA BA GSUNGS SO ZHES GZUGS LUS KYIS SHIN SBYANGS DANG YID LUS KYIS TSOR BA'I BDE BA MYONG BAR BSHAD

PA NI BSHAD MA THAG PAS GZUGS LUS DANG, BYE SMRA RNAMS YID LUS KHO NAR 'DOD PA DANG MI MTHUN NO, ,DES NA KUN BTUS 'GREL PAR, BSAM GTAN DANG PO GNYIS NA YID SHES 'KHOR GYI TSOR BA SIM PAR MYONG BA NYID KYIS DBANG PO RTEN BCAS KYI LUS LAS SU RUNG BAR BYAS PAS LUS DANG, RANG DANG MTSUNGS LDAN GYI YID SHES 'KHOR BCAS DGA' RNAM KYIS TSIM PAR BYAS PAS SEMS LA PHAN 'DOGS PA'I BYA BA GNYIS BYED PAS RIM PA LTAR BDE BA DANG DGA' BA ZHES 'JOG GO ZHES BSHAD PA DANG NYAN SA GNYIS MTHUN NO, ,TING NGE 'DZIN RANG DANG MTSUNGS LDAN GYI SEMS SEMS BYUNG RNAMS ZHI RAGS SOGS KYI DMIGS PA GCIG LA SDUD PAR BYED PA'O, ,DE LNGA LAS RTOG PA CHES RAGS PAS DE LA SKYON DU BLTAS NAS SGOMS PAS DE GCIG PU LA CHAGS PA DANG BRAL BA LA DANG PO'I DNGOS GZHI KHYAD PAR CAN ZHES BYA'O ZHES MDZOD PA RNAMS 'CHAD DO, ,GNYIS PA NI, BSAM GTAN GNYIS PA'I YAN LAG BZHI LAS RAB TU DANG BA NI, MDZOD LAS, RAB TU DANG BA DAD PA YIN, ZHES MNYAM GZHAG GIS BSAM GTAN DANG PO LAS NGES PAR 'BYUNG BA LA YID CHES PA'I DAD PA'O ZHES 'DOD KYANG, BSDU BA LAS, DE LA NANG YONGS SU DAR BA'I CHOS KYI NGO BO NYID GANG ZHE NA, SMRAS PA, DRAN PA DANG SHES BZHIN DANG, BTANG SNYOMS KYI NGO BO NYID DO, ZHES PA LTAR RO, ,YAN LAG LHAG MA RNAMS NI SNGAR LTAR RO, ,'DIR RTOG DPYOD GNYIS CHAR DANG BRAL BAR MNGON PA GONG 'OG DANG YUM GYI MDO RNAMS SU GSUNGS SHING, 'BUM GYI GNOD 'JOMS SU, BSAM GTAN DANG PO NI RTOG PA DANG BCAS

, ,DPYOD PA DANG BCAS PA'O, ,BSAM GTAN GNYIS PA NI RTOG PA MED LA DPYOD PA TZAM DANG BCAS PA'O, ,BSAM GTAN GSUM PA DANG BZHI PA GNYIS NI RTOG PA YANG MED DPYOD PA YANG MED PA STE ZHES BSHAD PA NI, SHES RAB KHRI PAR RTOG BCAS DPYOD BCAS KYI TING NGE 'DZIN BSAM GTAN DANG PO DANG, RTOG MED DPYOD BCAS BSAM GTAN DANG PO DANG GNYIS PA'I BAR LA BSHAD PAS 'KHRUL GZHI BYAS PA 'DRA'O, ,GANG YANG SHES RAB KHRI PAR RTOG MED DPYOD MED BSAM GTAN DANG PO NAS SRID RTZE'I BAR LA BSHAD PA NI YI GE MA DAG PAS BSAM GTAN GNYIS PA NAS THOG MA'I MTSAMS GZUNG LA, DANG PO DANG GNYIS PA'I BAR NI DANG PO'I DNGOS GZHI TZAM PO LA BYA STE, BSAM GTAN GNYIS PA LA RTOG DPYOD DANG BRAL BAR DE NYID LAS BSHAD PAS SO, ,GSUM PA NI, BSAM GTAN GSUM PA'I YAN LAG LNGA LAS BDE BA NI, YID SHES 'KHOR GYI TSOR BA SIM PA DE NYID DGA' BA'I G-YO BA DANG BRAL BAR GYUR PA TZAM MO, ,DRAN PA DANG SHES BZHIN DGA' BA'I KUN DKRIS ZLOG PA'I DMIGS RNAM 'DZIN PA DANG DE LDAN MI LDAN GYI BYAR BYED PA'O, ,BTANG SNYOMS NI RTOG DPYOD DANG DGA' BA'I SKYON DANG BRAL BAS DE DAG GIS MI MNYAM PA MED PA'O, ,DE LTAR NA DRAN SHES BZHIN DANG 'DU BYED BTANG SNYOMS 'DI GSUM NI DANG POR YOD KYANG RTOG DPYOD KYIS BSLANG BA DANG, GNYIS PAR YANG DGA' BA'I SKYON GYIS BSGRIBS PAS RANG MING NAS MA SMOS PAR RAB DANG GI MING GIS BTAGS SHING 'DIR SKYON DE DAG DANG BRAL BAS RANG MING GIS SMOS TE, BSDU BA LAS, DE LA

BSAM GTAN DANG PO LA NI DRAN PA DANG SHES BZHIN DANG BTANG SNYOMS DAG RTOG PA DANG SPYOD PA'I SGO DAG GIS MNGON PAR BSGRUBS PAS NA DE'I PHYIR YOD KYANG MA SMOS SO, ,BSAM GTAN GNYIS PA LA NI NGO BO NYID LAS LAS BYED PA DAG YIN YANG SEMS DGA' BA'I NYON MONGS PAS KUN NAS DKRIS PA YIN PAS DE'I PHYIR NA YONGS SU DANG BA'I MING GIS BSTAN TO, ,BSAM GTAN GSUM PA LA NI SEMS KYI NYE BA'I NYON MONGS PA DE DANG BRAL BA'I PHYIR, RANG GI MTSAN NYID DE KHO NAS BSTAN TE, ZHES SO, ,BZHI PA NI; BSAM GTAN BZHI PA'I YAN LAG NI RTOG DPYOD YID BDE MI BDE DBUGS 'BYUNG RDUB BDE SDUG GI SKYON BRGYAD DANG BRAL BAS DE DAG GIS YONGS SU DAG PA STE, MDZOD LAS, SKYON BRGYAD LAS NI GROL BA'I PHYIR, ,BZHI PA G-YO BA MED PA YIN,, RTOG DANG DPYOD DANG DBUGS DAG DANG, ,BDE BA LA SOGS BZHI YIN NO, ZHES SO, ,RTOG DPYOD DANG DGA' BDE 'DI DAG KYANG BZHI PA LA LTOS NAS G-YO BA'I SKYON DU BSHAD KYI, RANG SA LA LTOS NAS NI MIN TE, BSDU BA LAS, GANG GI TSE BSAM GTAN DANG PO LA SOGS PA'I RTOG PA DANG DPYOD PA LA SOGS PA'I TING NGE 'DZIN LA PHAN 'DOGS PA DAG BSAM GTAN RNAMS KYI RANG GI SA LA PHAN 'DOGS PA DANG YONGS SU DAG PAR 'GYUR BA'I PHYIR 'JUG PA YIN NA, CI'I PHYIR BCOM LDAN 'DAS KYIS G-YO BA'I MING DU BSTAN ZHE NA, SMRAS PA GZHAN GYIS LAS LTOS TE BSTAN PA YIN GYI RANG GI SA LAS NI MA YIN NO, ZHES SO, ,BSAM GTAN DE DAG GI KHYAD PAR YANG BSDU BAR GSUNGS TE, JI SKAD DU, BSAM GTAN DANG PO DANG BSAM GTAN

, ,GNYIS PA LA KHYAD PAR CI YOD CE NA, SMRAS PA TING NGE 'DZIN YONGS SU RDZOGS PA'I KHYAD PAR YOD DO, ,BSAM GTAN GNYIS PA DANG BSAM GTAN GSUM PA LA KHYAD PAR CI YOD CE NA, SMRAS PA PHAN 'DOGS PA YONGS SU RDZOGS PA'I KHYAD PAR YOD DO, ,BSAM GTAN GSUM PA DANG BSAM GTAN BZHI PA LA KHYAD PAR CI YOD CE NA, SMRAS PA YONGS SU DAG PA RDZOGS PA'I KHYAD PAR YOD DO, ZHES SO, ,GSUM PA NI, CI'I PHYIR BSAM GTAN RNAMS LA YAN LAG LNGA DANG BZHIR BZHAG CE NA, KUN BTUS LAS, GNYEN PO'I YAN LAG DANG PHAN YON GYI YAN LAG DANG DE GNYIS KA'I GNAS KYI YAN LAG GI PHYIR RO, ZHES PA LTAR TE, 'DI LTAR BSAM GTAN BZHI LA RIM PA LTAR RTOG DPYOD DANG RAB TU DANG BA DANG, DRAN SHES BZHIN BTANG SNYOMS GSUM DANG, DRAN PA DANG, BTANG SNYOMS YONGS SU DAG PA RNAMS GNYEN PO'I YAN LAG STE 'OG SA'I NYON MONGS RNAMS SPONG BAS SO, ,DE YANG NYER SDOGS KYI SKABS KYI GNYEN PO'I RGYUN YIN LA DNGOS GZHI'I TSE NA NI 'OG SA'I THAG SRID BYED TZAM YIN GYI SPONG GNYEN DNGOS MIN NO, ,PHAN YON GYI YAN LAG NI RIM PA LTAR DGA' BDE ZUNG GNYIS DANG BDE BA DANG TSOR BA BTANG SNYOMS TE, 'DI DAG NI 'OG SA LAS GNYEN POS RGYAL BA NA THOB PA'I PHAN YON YIN PAS SO, ,THAMS CAD KYI YANG GNAS KYI YAN LAG NI TING NGE 'DZIN TE, DES GNYEN PO DANG PHAN YON RNAMS SKYED PAR BYED PAS SO, ,DES NA DE GSUM GYI DBANG DU BYAS TE YAN LAG DE RNAMS SU GRANGS NGES KYI YAN LAG DE DAG GANG YANG

MIN PA'I SNYOMS 'JUG GI BSAM GTAN MED PA NI MA YIN TE, GZHAN DU NA YAN LAG DE DAG DANG MTSUNGS PAR LDAN PA'I SEMS PA DANG 'DU SHES LA SOGS PA'I SEMS BYUNG RNAM PA DGU PO GANG YANG MIN PAR 'GYUR TE, BSAM GTAN GYI SNYOMS 'JUG NI MIN LA GZHAN YIN PAR YANG MI RUNG BA'I PHYIR RO, ,DE LTAR RTOG DPYOD SPANGS PAS GNYIS PA DANG, DGA' BA SPANGS PAS GSUM PA DANG, BDE BA SPANGS PAS BZHI PAR 'JOG PA'I PHYIR BSAM GTAN RNAMS LA YAN LAG GI SGO NAS 'OGS LAS 'DA' BA ZHES BYA'O, ,GNYIS PA LA BZHI, NAM MKHA' DANG RNAM SHES MTHA' YAS, CI YANG MED PA SRID RTZE'O, ,DANG PO NI, BSAM GTAN BZHI PA THOB PA NA RNAL 'BYOR PA DES GZUGS LA SKYON DANG GZUGS MED LA YON TAN DU MTHONG NAS GZUGS KYI 'DU SHES BZLOG PA'I PHYIR, KHA DOG DANG DBYIBS DANG REG BYA SOGS KYIS MTSAN MA DANG BRAL BA'I NAM MKHA'I 'DU SHES KHO NA BSGOMS PA NA SNGO SER SOGS SU SNANG BA'I GZUGS DANG, GYANG DANG RTZIG PA SOGS SU SNANG BA'I THOGS PA DANG, GOS RGYAN SKYED MOS TSAL RI LA SOGS PAR SNANG BA'I SNA TSOGS PA'I 'DU SHES RNAMS NUB STE, DE DAG LA YID GTAD KYANG THAMS CAD NAS THAMS CAD DU MI 'BYUNG BA'O, ,'DI'I NYER SDOGS DANG DNGOS GZHI'I DMIGS PA YANG NYAN SA LAS, JI SRID DU DNGOS GZHI LA SNYOMS PAR MI 'JUG PA'I BAR DU NI NAM MKHA' KHO NA LA DMIGS PAR BYED DO, ,SNYOMS PAR ZHUGS NAS NI NAM MKHA' DE NYID DANG DE LAS GZHAN PA'I RANG GI SA'I PHUNG PO RNAMS LA DMIGS PAR BYED DO, ,NYER SDOGS KYI TSE NA

, ,NI 'OG MA'I PHUNG PO RNAMS LA YANG DMIGS PAR BYED DO ZHES PA LTAR YIN LA, GZHAN RNAMS LA YANG DE'I RIGS PA SHES PAR BYA'O, ,GNYIS PA NI, NAM MKHA'I 'DU SHES RAGS PAR MTHONG NAS DE BZLOG PA'I PHYIR, NAM MKHA'I YUL CAN GYI RNAM SHES TZAM GYIS THAMS CAD KHYAB PAR MOS PA'O, ,GSUM PA NI, RNAM SHES KYI 'DU SHES DE RAGS PAR MTHONG NAS DE BZLOG PA'I PHYIR GZUGS CAN DANG GZUGS MED KYI DMIGS PA BTZAL BA NA CI YANG MA RNYED NAS DMIGS PA CI YANG MED DO SNYAM DU MOS PA'O, ,BZHI PA NI, CI YANG MED DO SNYAM PA YANG RAGS PAR MTHONG NAS DE BZLOG PA'I PHYIR, 'DU SHES RAGS PA NI YOD PA MA YIN PHRA BA NI MED PA MIN NO SNYAM DU MOS PA'O, ,'DI DAG LA BSAM GTAN BZHIN DU YAN LAG RNAM PAR BZHAG TU MED DE, KUN BTUS LAS, GZUGS MED PA RNAMS NI ZHI GNAS SU RO GCIG PA'I PHYIR YAN LAG RNAM PAR BZHAG PA MED DO, ZHES SO, ,DE LTAR DE DAG DMIGS RNAM SNGA MA RNAMS DOR NAS PHYI MA RE LA 'JUG PA'I PHYIR, GZUGS MED RNAMS LA DMIGS PA'I SGO NAS 'OG SA LAS 'DA' BA ZHES BYA'O, ,GSUM PA NI, KUN BTUS LAS, BSAM GTAN DANG PO LA CHUNG NGU DANG 'BRING DANG CHEN POR BSGOMS PAS BSAM GTAN DANG PO'I SKYE BA GSUM MO, ,BSAM GTAN DANG PO LA JI LTA BAR LHAG MA RNAMS LA YANG DE BZHIN TE, BSAM GTAN RNAMS KYI SKYE BA GSUM GSUM MO ZHES BSAM GTAN BZHI LA CHUNG 'BRING CHE GSUM DU BSGOMS PAS TSANGS RIS NAS 'BRAS BU CHE PHYIN CHAD KYI SKYE BA GSUM GSUM 'GRUB BO, ZHES

GSUNGS SO, ,DES NA GZUGS KYI SNOD KYI 'JIG RTEN DANG BCUD KYI RNAM SMIN GYI CHAR GYUR PA GNYIS KA SKYE BA'I BSAM GTAN YIN TE, SNYOMS 'JUG GI BSAM GTAN GYI BDAG 'BRAS DANG RNAM SMIN YIN PA'I PHYIR RO, ,GZUGS MED BSGOMS PA'I 'BRAS BU YANG DE NYID LAS, GZUGS MED PA RNAMS NA NI GNAS GZHAN MED PA'I PHYIR SKYE BA THA DAD PA MED DO, ,DE NA CHUNG NGU DANG 'BRING DANG CHEN POR BSGOMS PAS SKYE BA MTHO BA DANG DMA' BA DANG NGAN PA DANG BZANG POR MNGON NO, ZHES PA LTAR, GZUGS MED LA MED PAS BLA 'OG GIS PHYE BA'I GNAS MED KYANG DE BZHI LA TSE RING THUNG GIS SKYE BA MTHO DMA' DANG NYON MONGS MANG NYUNG GIS BZANG NGAN YOD DO, ,'O NA CHUNG 'BRING CHEN POR SGOM PA'I DON GANG ZHE NA, GUS SBYOR DANG RGYUN SBYOR GNYIS KA MED NA CHUNG NGU DANG, GANG RUNG GCIG YOD NA 'BRING DANG, GNYIS KA YOD NA CHEN PO'O ZHES 'CHAD DO, ,GSUM PA NI, NYAN SA LAS, DE LA BSAM GTAN RNAMS LA SNYOMS PAR 'JUG PA'I TSE NA NI, LUS SA'I 'OG TU BYING BAR SNANG BA LTA BU'I RTAGS 'BYUNG NGO, ,GZUGS MED PA DAG LA SNYOMS PAR 'JUG PA'I TSE NA NI, LUS NAM MKHA' LA 'PHUR BA LTA BUR SNANG BA'I RTAGS 'BYUNG STE, ZHES PA LTAR RO, ,BZHI PA NI, MDZOD LAS, BSAM GTAN GZUGS MED RANG SA DANG, ,'OG SA'I RTEN CAN 'OG DGOS MED, CES SPYIR BTANG NAS, SRID RTZE'I 'PHAGS PA CI YANG MED, ,MNGON SUM BYAS NAS ZAG PA ZAD, CES DMIGS BSAL DU GSUNGS PA LTAR RO, ,DE LTAR NA BSAM GTAN DANG GZUGS MED 'DI DAG LAM THAMS CAD KYI RTEN YIN PAS MNGON RTOGS

, ,KYI RIM PA STON PA'I BSTAN BCOS LA GAL CHE ZHING t'IKA BYED PHAL CHE BAS KYANG JI LTA BA BZHIN DU BSHAD MI NUS PAR MTHONG BAS BDAG GIS CHE LONG TZAM ZHIG BSHAD DO, ,GNYIS PA LA BZHI, RGYU, NGO BO, DBYE BA, SGRA BSHAD PA'O, ,DANG PO NI RGYAN LAS, BDE DANG SDUG BSNGAL DE'I RGYU LAS, ,BYANG CHUB SEMS DPA'I SNYING RJE STE, ,RGYU DANG BSHES GNYEN RANG BZHIN LAS, ,BYANG CHUB SEMS DPA'I SNYING RJE'O, ZHES SO, ,DE LA PHYED SNGA MAS TSOR BA BDE SDUG GNYIS DANG, DE GNYIS 'DREN BYED TSOR BA BTANG SNYOMS TE, TSOR BA GSUM LA DMIGS NAS SDUG BSNGAL GSUM DANG BRAL BAR 'DOD PA'I RNAM PAS SNYING RJE BAR BYED PA'I PHYIR, SNYING RJE'I DMIGS RKYEN BSTAN TO, ,PHYED PHYI MAS RKYEN LHAG MA GSUM BSTAN TE, DE LA RGYU NI RGYU'I RKYEN TE, KUN GZHI'I STENG GI ZAG MED KYI SA BON NO, ,BSHES GNYEN NI BDAG PO'I RKYEN TE, TSAD MED STON PA PO'O, ,RANG BZHIN DE MA THAG RKYEN TE, SNGA LOGS KYI RIG PA'O, ,RKYEN LHAG MA 'DI GSUM NI BZHI KA LA SBYAR LA, RKYEN DANG PO NI NGO BO'I SKABS SU 'CHAD DO, ,GNYIS PA LA, SPYI DANG, BYE BRAG GNYIS LAS, DANG PO NI, RGYAN LAS, BSTAN PA'I TSANGS PA MI MTHUN SPANGS, ,RNAM PAR MI RTOG YE SHES LDAN, ,DMIGS PA RNAM PA GSUM LA 'JUG ,SEMS CAN RNAMS NI YONGS SMIN BYED, CES KHYAD PAR BZHI DANG LDAN PAR BSTAN TE, MI MTHUN PHYOGS SPANGS PA'I KHYAD PAR NI RIM PA LTAR, GNOD SEMS DANG RNAM 'TSE DANG, MI DGA' BA DANG, GNOD SEMS 'DOD CHAGS RNAMS SPANGS PA'O, ,GNYEN PO'I KHYAD PAR NI SPANG BYA DE

DAG GI GNYEN PO THOB PA'O, ,DMIGS PA'I KHYAD PAR NI SEMS CAN DANG CHOS DANG DMIGS PA MED PA LA DMIGS PA'O, ,BYED LAS KYI KHYAD PAR NI SEMS CAN RNAMS SMIN PAR BYED PA'O, ,GNYIS PA NI, KUN BTUS SU, BYAMS PA GANG ZHE NA, BSAM GTAN LA BRTEN TE SEMS CAN RNAMS LA BDE BA DANG PHRAD PAR SHOG CIG PA'I BSAM PA'I GNAS PA YANG DAG BAR 'BYOR PA'I TING NGE 'DZIN DANG SHES RAB GANG YIN PA DANG, DE DAG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,SNYING RJE GANG ZHE NA, BSAM GTAN LA BRTEN TE SEMS CAN RNAMS LA SDUG BSNGAL DANG BRAL BAR SHOG CIG PA'I BSAM PA'I ZHES PA SNGA MA BZHIN NO, ,DGA' BA GANG ZHE NA, BSAM GTAN LA BRTEN TE SEMS CAN RNAMS LA BDE BA DANG MI 'BRAL BAR SHOG CIG PA'I BSAM PA'I ZHES PA SNGA MA BZHIN NO, ,BTANG SNYOMS GANG ZHE NA, BSAM GTAN LA BRTEN TE SEMS CAN RNAMS LA PHAN PA'I BSAM PA GNAS PA YANG DAG PAR 'BYOR PA'I ZHES BYA BA SNGA MA BZHIN NO ZHES PA LTAR RO; ;DE DAG GIS KYANG GNAS DANG DMIGS PA DANG RNAM PA DANG NGO BO DANG GROGS BSTAN TE, DANG PO NI, BSAM GTAN BZHI'I DNGOS GZHI DAG BA PA GANG YANG RUNG BA'O, ,GNYIS PA NI, SEMS CAN THAMS CAD YIN LA, KHYAD PAR CUNG ZAD PHYE NA BDE BA DANG MI LDAN PA DANG SDUG BSNGAL DANG LDAN PA DANG BDE BA DANG LDAN PA DANG NYE RING DU GCOD PA'I RGYU CHAGS SDANG DANG LDAN PA'I SEMS CAN NO, ,GSUM PA NI, PHRAD PAR 'DOD PA SOGS SO, ,BZHI PA NI, TING NGE 'DZIN DANG, SHES RAB

, ,BO; ;LNGA PA NI, SEMS SEMS BYUNG NGO, ,GSUM PA NI, SEMS CAN DANG CHOS DANG, DMIGS PA MED PA LA DMIGS PA'I BYAMS SOGS GSUM MO, ,DE LA DANG PO NI, BYAMS SOGS SKYE BA'I YUL SEMS CAN NAM GANG ZAG GI RDZAS KYI NGO BOR GYUR PA GCIG DMIGS NAS SNYING RJE SOGS SKYE BA'O, ,GNYIS PA NI, SDUG BSNGAL BA PO'I SEMS CAN GYI RDZAS MA GRUB KYANG CHOS TZAM ZHIG GI NGO BO'I SDUG BSNGAL BA PO DMIGS NAS BYAMS SOGS SKYE BA'O, ,GSUM PA NI, CHOS TZAM DU YANG MI DMIGS PA GZUNG 'DZIN DANG BRAL BA'I DE BZHIN NYID DU DMIGS PA'I BYAMS SOGS SO, ,YANG NA 'DI DAG GI YUL NI BDE BA DANG PHRAD PAR 'DOD PA DANG SDUG BSNGAL GYIS NYAMS THAG PA DANG BDE BA DANG MI 'BRAL BAR 'DOD PA DANG, NYON MONGS CAN GYI SEMS NI DANG PO'I YUL DANG, TSAD MED STON PA'I BSTAN BCOS DANG, DE BZHIN NYID NI RIM PA BZHIN THA MA GNYIS KYI YUL TE, RGYAN LAS, BRTAN PA RNAMS KYI DE DAG BDE 'DOD DANG, ,SDUG BSNGAL GYIS NYAMS THAG DANG BDE BA DANG; ;NYON MONGS CAN DANG DE DAG BSTAN BCOS DANG, ,DE YI DE BZHIN NYID LA RAB TU 'JUG CES SO, ,DE YANG DANG PO NI SO SKYE DANG, GNYIS PA NI NYAN RANG DANG THUN MONG BA DANG, GSUM PA NI SANGS RGYAS BYANG SEMS KYI'O ZHES SH'AKYA BLOS BSHAD LA, BLO GROS MI ZAD PA'I MDO LAS NI, THOG MA SEMS BSKYED PA'I BYANG SEMS KYI BYAMS PA NI SEMS CAN LA DMIGS PA'O, ,SPYOD PA LA ZHUGS PA'I BYANG SEMS KYI BYAMS PA NI CHOS LA DMIGS PA'O, ,MI SKYE BA'I CHOS LA BZOD PA THOB PA'I BYANG

SEMS KYI BYAMS PA NI, DMIGS PA MED PA LA DMIGS PA'O ZHES BYANG SEMS NYID KYI LAM GYI SKABS GSUM LA BZHAG GO ,BZHI PA NI 'BUM GYI GNOD 'JOMS SU, SEMS CAN TSAD MED PA LA DMIGS PA DANG, TSOGS TSAD MED PA'I RGYUR GYUR PA DANG; CHOS TSAD MED PA THOG PA'I RGYU 'GYUR BA DANG, YE SHES TSAD MED PA'I SPYOD YUL DU GYUR PA'I PHYIR TSAD MED PA ZHES BYA'O, ZHES BSHAD PA NI SO SO'I SGRA BSHAD YIN LA, 'DI DAG BSGOMS PAS LHA TSANGS PAR SKYE BAS TSANGS PA'I GNAS PA ZHES KYANG BYA'O, ,GSUM PA LA GSUM, MTSAMS SBYAR BA DANG, SPYIR BSTAN PA DANG, RTOGS DKA' BYE BRAG TU BSHAD PA'O, ,DANG PO NI, 'JUG SGRUB KYI 'OG TU GSUM PA TSOGS KYI SGRUB PA GSUNGS TE, SNGAR BSTAN PA DE LTAR THEG CHEN LA 'JUG PA'I SGRUB PA BYAS PA LA TSOGS SKYE BAS DON GYI RIM PA'O, ,MDO'I 'BREL NI, GO SGRUB LAS 'PHROS NAS RAB 'BYOR GYIS DE BZHIN GSHEGS PA LA JI TZAM GYIS NA BYANG SEMS KYIS GO CHA BGOS ZHES DRIS PA'I LAN DU TSOGS DANG PO BCU GSUNGS SO, ,DE NAS 'JUG SGRUB LA 'PHROS NAS RAB 'BYOR GYIS DE BZHIN GSHEGS PA LA BYANG SEMS KYI THEG CHEN GANG, JI TZAM GYIS NA THEG CHEN LA YANG DAG PAR ZHUGS, THEG PA DES GANG NAS NGES PAR 'BYUNG, THEG PA DES GANG DU GNAS PAR 'GYUR, THEG PA DES GANG ZHIG 'BYUNG BA LAGS ZHES DRIS PA LA, DANG PO'I LAN DU THABS MKHAS NAS GZUNGS KYI BAR DANG, GNYIS PA'I LAN DU SA'I TSOGS DANG, GSUM PA'I LAN DU MTHONG SPANG GNYEN PO'I TSOGS BZHI

, ,DANG; BZHI PA'I LAN DU SGOM SPANG RTOG PA DANG PO'I GNYEN PO DANG, LNGA PA'I LAN DU SGOM SPANG RTOG PA LHAG MA GSUM GYI GNYEN PO GSUNGS SO, ,BRGYAD STONG PAR DRI PA GNYIS PA'I 'OG TU GANG GIS NGES PAR 'BYUNG ZHES PA BSNAN NAS DRUG 'BYUNG LA, DE YANG DANG PO GNYIS KYI LAN 'DRA ZHING PHYI MA BZHIS RIM PA LTAR MI DMIGS PA'I RNAM PAS KHAMS GSUM NAS, RNAM MKHYEN DU, BYANG SEMS 'BYUNG NGO ZHES DE RNAMS KUN RDZOB TU YOD PAR BSTAN PAS MTHONG SPANG BZHI DANG; DE BZHIS 'BYUNG BA MED DO ZHES DON DAM GYI TSUL GYIS SGOM SPANG BZHI'I GNYEN TSOGS BSTAN TO, ,GNYIS PA LA GNYIS LAS, DANG PO NI, GRANGS KYI RIM PA YIN PAR SHES PAR BYA'O, ,GANG GI NA, TSOGS KYI SGRUB PA YI'O, ,GANG NA; BRTZE BA NAS GNYEN PO'I BAR GYI TSOGS BCU BDUN NO, ,BCU BDUN PO 'DI YANG BDAG NYID CHEN POS RNAM PA LNGAR BSDUS PA LTAR GNAS PAS, DANG PO BSAM SBYOR GYI DBANG DU BYAS PA LA BSAMS PAS BSDUS PA BRTZE BA'I TSOGS NI, DES STONG GSUM GYI STONG CHEN PO'I 'JIG RTEN GYI KHAMS 'DI NA SEMS CAN DMYAL BA'I ME'I PHUNG PO JI SNYED YOD PA DE DAG THAMS CAD ZHI BAR BYAS SHING SEMS CAN DMYAL BA PA RNAMS KYI SDUG BSNGAL RAB TU BCIL NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA PHYAG 'TSAL LO ZHES BYA BA'I SGRA BRJOD DO DBYANGS RJES SU SGROG GO ,DE'I TSE SEMS CAN DMYAL BA'I SEMS CAN DE DAG KYANG SANGS RGYAS KYI SGRA DE THOS NAS DGA' BA DANG BDE BA THOB STE, DE DAG DGA'

BA DANG BDE BA DES SEMS CAN DMYAL BA DE DAG NAS RNAM PAR LDANG NGO, ,DE DAG SEMS CAN DMYAL BA DE DAG NAS RNAM BAR LANGS NAS SANGS RGYAS KYI ZHING GANG DANG GANG NA SANGS RGYAS BCOM LDAN 'DAS RNAMS BZHUGS SHING 'TSO SKYONG BA DE DANG DE DAG TU SKYE STE LHA DANG MI'I SKYE BA YONGS SU 'DZIN TE, ZHES 'GRO BA GZHAN GNYIS LA YANG DE LTAR GSUNGS SO, ,'DI'I SKABS SU SROG CHAGS RNAMS SDUG BSNGAL DANG BRAL 'DOD PA'I RNAM PA CAN DU BSTAN PAS SNYING RJE BSTAN TO, ,RE RE'I MTHAR TSOGS ZHES 'OG MA RNAMS LA YANG SBYAR RO, ,SBYOR BAS BSDUS PA LA SBYIN SOGS DRUG LAS SBYIN PA NI, ZAS 'DOD PA RNAMS LA ZAS SBYIN, MI'I YO BYAD GANG CI YANG RUNG BA'I BAR DU BYIN NAS SEMS CAN DE DAG LA CHOS STON PA NI 'DI LTA STE PHAR PHYIN DRUG DANG LDAN PA'I CHOS BSTAN PA 'DI NYID DO, ZHES SO, ,TSUL KHRIMS NI, DE 'KHOR LOS BSGYUR BA'I DBANG PHYUG DE LA GNAS NAS SEMS CAN RNAMS DGE BA BCU'I LAS KYI LAM LA RAB TU 'GOD DO, ZHES SO, ,BZOD PA NI, BRGYAL SEMS CAN THAMS CAD BDAG LA RDO BA DANG KHU TSUR DBYIG PAS BRDEG CING MTSON GYIS 'DEBS KYANG DE LA BDAG GIS 'KHRUG PA'I SEMS 'GA' TZAM YANG BSKYED PAR MI BYA ZHING SEMS CAN THAMS CAD KYANG BZOD PA DE 'DRA BA LA RAB TU DGOD PAR BYA'O SNYAM MO, ZHES SO,, BRTZON 'GRUS NI, BYANG CHEN RNAMS MKHYEN NYID DANG LDAN PA'I SEMS BSKYED PAS SEMS CAN THAMS CAD LUS DANG SEMS KYI BRTZON 'GRUS LA YANG DAG PAR SBYOR ZHING, ZHES SO, ,BSAM GTAN NI, BYANG CHEN CHOS THAMS CAD MNYAM PA NYID

, ,LA GNAS SHING CHOS GANG LA YANG RNAM PAR G-YENG BA'AM RNAM PAR G-YENG BA MED PAR YANG DAG PAR RJES SU MI MTHONG BAR BSAM GTAN GYI PHAR PHYIN LA GNAS PA YIN TE, ZHES SO, ,SHES RAB NI, BYANG CHEN CHOS GANG YANG TSU TSUL LAM PHA ROL MI DMIGS TE RAB 'BYOR DE LTAR NA BYANG CHUB YUM LA GNAS PA YIN TE, ZHES SO, ,GNYIS PA MNYAM PAR BZHAG PA DANG MA BZHAG PA'I DBANG DU BYAS PA'I TSOGS BZHI LAS, MNYAM GZHAG GIS BSDUS PA'I GSUM GYI DANG PO NI ZHI GNAS NI, BYANG CHEN GO CHA CHEN PO BGOS SHING SHAR PHYOGS KYI 'JIG RTEN GYI KHAMS GANG'A'I KLUNG GI BYE MA SNYED DAG TU SONG ZHING, JI LTAR BDAG SBYIN PA'I PHAR PHYIN LA GNAS PA DE BZHIN DU 'JIG RTEN GYI KHAMS DE DAG NA SEMS CAN JI SNYED CIG 'KHOR PA DE DAG THAMS CAD KYANG SBYIN PA'I PHAR PHYIN LA YANG DAG PAR BSKUL ZHING, ZHES SO, ,GNYIS PA LHAG MTHONG NI, DPER NA SGYU MA'I MKHAN PO'AM SGYU MA'I MKHAN PO'I MCHAN BU MKHAS PA ZHIG GIS LAM PO CHE'I BZHI MDOR 'DUG STE, SKYE BO MANG BO'I TSOGS KYI MDUN DU SKYE BO MANG PO'I TSOGS SHIG MNGON PAR SPRUL TE 'DI SNYAM DU BDAG GIS SEMS CAN TSAD MED GRANGS MED PA 'DI DAG PHAR PHYIN DRUG LA DGOD PAR BYA'O, ,RNAM MKHYEN GYI BAR LA DGOD PAR BYA'O SNYAM DU SEMS BSKYED PAR GYUR NA, RAB 'BYOR DE JI SNYAM DU SEMS SGYU MA'I MKHAN PO'AM SGYU MA'I MKHAN PO'I MCHAN BU DES SEMS CAN GANG YANG PHYIN DRUG LA DGOD PAR BYAS PA YOD DAM, RNAM MKHYEN GYI BAR LA DGOD PAR BYAS PA YOD DAM, GSOL PA BCOM

LDAN 'DAS DE NI MA MCHIS SO ZHES DPER MDZAD NAS DE BZHIN DU BYANG CHEN GYIS SEMS CAN PHYIN DRUG NAS RNAM MKHYEN GYI BAR LA 'GOD PAR BYA'O SNYAM DU SEMS BSKYED KYANG SEMS CAN GANG GI DON DU YANG SEMS BSKYED PA MED DO, ZHES SO, ,GSUM PA ZHI LHAG GNYIS NA ZUNG YIN LA DE GNYIS 'BREL PA STE MNYAM PAR 'JUG PA'I LAM NI, BCOM LDAN 'DAS GZUGS NI MA BCINGS MA GROL BA'O, ,TSOR BA DANG 'DU SHES DANG 'DU BYED DANG RNAM PAR SHES PA NI MA BCINGS MA GROL BA'O, ZHES SO; ;DE LA RGYAL SRAS RNAMS 'KHOR BA RANG BZHIN MED RTOGS KYI SHES RAB KYIS SRID PAR MI 'CHING LA, GZHAN DON LHUR LEN PAR SNYING RJES SRID PA SPANGS PA'I SGO NAS GROL BAR MI BYED PAS MDO 'DI DAG GIS ZUNG 'BREL GYI TSOGS BSTAN TO, ,DE YANG NYI SNANG LAS, BYANG CHUB SEMS DPA'I SNYING RJES NI, ,SRID PAR DGA' BAR BYED PA STE, ,BLO YIS DER NI GNAS PA DANG, ,BRKAM PAS RJES SU SEMS MA YIN, ,SEMS NI DRAN PAS BCINGS GYUR PA, ,PHYI ROL TU NI MI 'JUG CING, ,SO SOR RTOG PA'I LCAG GIS NI, ,REG PA 'BYOR LDAN GNAS THOB BYED, ,SKYE BA YONGS SNYAM LA BRTEN NAS, ,'GA' ZHIG MYA NGAN 'DA' 'GYUR ZHING, ,'JIG RTEN LEGS SNYAM LA BRTEN NAS, ,LA LA 'KHOR BAR 'KHOR BAR 'DOD, CES TE TSIGS BCAD DANG POS SNYING RJES SRID PAR GNAS KYANG SHES RAB KYIS DE'I SKYON GYIS MI 'CHING BA DANG, GNYIS PAS ZHI GNAS KYIS MI G-YENG ZHING LHAG MTHONG GIS BSKUL BAS 'DOD PA 'GRUB PA DANG, GSUM PAS ZHI BA LHUR LEN PA DANG MI LEN PA'I RGYU

, ,BSTAN TO, ,DE LTAR BCU PO 'DI NI GO CHA BGOS PA'I SGRA 'JUG PA'I RGYU MTSAN BSTAN PA'I SGO NAS GSUNGS LA, GO CHA BGOS PA YANG DON DAM PAR GO BGO BA MED PAR SHES NAS THA SNYAD DU SEMS CAN BSGRAL BA'I KHUR KHYER BA'O, , BZHI PA MNYAM PAR MA BZHAG PAS BSDUS PA'I THABS MKHAS NI, RAB 'BYOR PHYIN DRUG NI BYANG CHEN GYI THEG PA CHEN PO STE, ZHES SO, ,'DI RNAM MKHYEN YID BYED KYIS PHYIN DRUG LA SPYOD CING DE YANG MI DMIGS PA'I TSUL GYIS SEMS CAN RNAMS DANG THUN MONG DU BYAS TE RDZOGS BYANG DU BSNGO BAS MNYAM PAR MA BZHAG PA'O ZHES GSUNG NGO, ,GSUM PA LTA BA DANG SPYOD PA'I DBANG DU BYAS PA'I TSOGS GNYIS LAS LTA BAS BSDUS PA'I YE SHES NI 'CHAD PAR 'GYUR LA, SPYOD PAS BSDUS PA BSOD NAMS NI, DE LA DPA' BAR 'GRO BA ZHES BYA BA'I TING NGE 'DZIN GANG ZHE NA, TING NGE 'DZIN GANG GIS TING NGE 'DZIN THAMS CAD KYI SPYOD YUL LA SPYOD PA STE 'DI NI DPA' BAR 'GRO BA ZHES BYA BA'I TING NGE 'DZIN TO, ZHES SOGS TE, NAM MKHA' LTAR CHAGS PA MED PAS RNAM PAR GROL ZHING GOS PA MED PA'I TING NGE 'DZIN GYI BAR BRGYA RTZA GCIG NI BSOD NAMS KYI TSOGS TE, BSOD NAMS MANG PO SKYE BA'I RGYU YIN PA'I PHYIR TE, MOS BSNGO YI RANG GI YID BYED GSUM RAB KYI MTHAR THUG PAR 'GRO BA'I RTEN BYED PAS SO, ,BZHI PA 'BRAS BU SGRUB PA DANG DMIGS PA 'DZIN PA'I DBANG DU BYAS PA'I TSOGS GNYIS LAS, 'BRAS BU SGRUB PAS BSDUS PA LA NI, BYANG CHEN GYI THEG PA CHEN PO NI 'DI LTA STE DRAN PA NYE BAR BZHAG PA BZHI STE, ZHES

SOGS SO, ,'DIR THEG CHEN BCU BDUN BSTAN TE, DRAN NYE BAR 'PHAGS LAM YAN LAG GI BAR SDE TSAN BDUN, RNAM THAR SGO GSUM, SHES PA BCU GCIG ,DBANG PO GSUM, TING NGE 'DZIN GSUM, RJES DRAN BCU, SNYOMS 'JUG LNGA, STOBS MI 'JIGS PA SO SOR RIG PA, MA 'DRES PA'I THEG CHEN NO, ,SNGAR GYI PHYIN DRUG STONG NYID TING NGE 'DZIN 'CHAD 'GYUR GYI GZUNGS KYI THEG CHEN DANG BCAS PAS NYER GCIG BKA' STZAL TO, ,LNGA PA DMIGS PA 'DZIN PAS BSDUS PA DRAN SHES KYIS CHOS KYI TSIG DON 'DZIN PA'I GZUNGS NI, AA ZHES BYA BA NI GDOD MA NAS MA SKYES PA'I PHYIR CHOS THAMS CAD KYI SGO'O, ,RA ZHES BYA BA NI RDUL DANG BRAL BA'I PHYIR CHOS THAMS CAD KYI SGO'O, ,PA ZHES BYA BA NI DON DAM PA STON PA'I PHYIR CHOS THAMS CAD KYI SGO'O, ,TZA ZHES BYA BA NI 'CHI 'PHO BA DANG SKYE BA MI DMIGS PA'I PHYIR CHOS THAMS CAD KYI SGO'O, ,NA ZHES BYA BA NI MING DANG BRAL BA'I PHYIR CHOS THAMS CAD KYI SGO'O, ZHES SOGS SO, ,LNGA PA YON TAN GYI RTEN BYED PA'I SA DANG NYES PA SEL BA'I GNYEN PO NI STON PAR 'GYUR RO, ,GNYIS PA LA BZHI, SGRUB BYED KYI NGO BO, JI LTAR SGRUB TSUL, SGRUB PA'I NGES TSIG, SGRUB PA'I GRANGS NGAS SO, ,DANG PO NI, SEMS CAN GRANGS MED PA RNAMS THEG GSUM GYI MYANG 'DAS THOB PAR BYED PA'I SNYING RJE CHEN PO DANG, BSAM PA SNYING BRTZE BA DANG BRAL ZHING THABS PHAR PHYIN DANG MI LDAN PAS 'GA' YANG MYA NGAN LAS ZLO MI NUS PAS SNYING RJES YID GDUNGS PA RNAMS KYIS PHYIN DRUG GIS BSDUS PA'I BDE BA BZHI GZHAN LA SGRUB STE, 'DI LTAR SBYIN PA GTONG BA

, ,NA MOD LA 'DOD LA RDZOGS PAS DES NI DUS DE'I BDE BA DANG, TSUL KHRIMS LA BKOD PAS BDE 'GRO'I LUGS 'DZIN PAS DES NI MA 'ONGS PA'I BDE BA DANG, BZOD PA BRTZON 'GRUS BSAM GTAN GSUM LA BKOD PAS 'BRAS BU GCIG TU NGES PA RGYU DANG RJES MTHUN PA KHO NA 'GRUB PAS DE GSUM GYIS GCIG TU NGES PA'I BDE BA DANG, SHES RAB LA BKOD PAS NGES LEGS 'KHOR BAR GTAN MI LDOG PA 'THOB PAS GTAN DU BA'I BDE BA SGRUB BO, ,PHYIN DRUG GI THABS DANG LDAN PA LA TING NGE 'DZIN SKYE BAS GZHAN DON LA RTZE GCIG TU GNAS PA'I ZHI GNAS DANG, DE THOB LA LHAG MTHONG SKYE BA ZHI GNAS KYI YUL MI DMIGS PAR RTOGS PA'I LHAG MTHONG DANG, DES STONG NYID LA DMIGS PA NA THEG MAN DU LTUNG SRID PAS THABS DANG SHES RAB KYIS SRID ZHI'I MTHAR MI LTUNG BA'I ZUNG DU 'BREL PA'I LAM DANG, ZUNG 'BREL GYI TSOGS DANG LDAN PA NI RNAM MKHYEN YID BYED KYIS SEMS CAN GYI DON BYED PA'I PHYIR DE'I 'OG TU THABS MKHAS DANG, DE SHES PA NI YE SHES KYI TSOGS LA SLOB PA'I PHYIR DE NAS STONG NYID RTOGS PA'I YE SHES DANG, DE LA GOMS PAS NI YANG DAG PA'I SHES RAB DANG TING NGE 'DZIN GYIS SEMS CAN GYI DON BYED PA LAS BSOD NAMS 'BYUNG BAS DE NAS BSOD NAMS DANG, TSOGS GNYIS LA GOMS PAS NI CHOS SO BDUN LA 'BAD PAS MTHONG BA DANG SOGS PAS SGOM PA DANG MI SLOB PA DANG LAM DANG PO GNYIS KYANG STE, DE YANG MI SLOB PA DANG TSOGS LAM NI SPYIR LAM TSOGS KYI DBYE BA TZAM YIN PAS, SKABS SU BAB PA NI CHOS MCHOG CHEN PO'I SBYOR

LAM DANG MTHONG SGOM GNYIS RNAMS YIN NO, ,LAM DANG LDAN PA NI AA LA SOGS PA'I YI GE'I DON BSAMS PA'I STOBS KYIS BSKAL PA DU MAR CHOS STON PA'I RGYU'I DRAN PA GTUGS PA MED PAR 'GYUR BA'I PHYIR DE NAS TSIG DANG SOGS PAS DON DANG, GSANG SNGAGS DANG, BZOD PA'I RGYU'I GZUNGS SO, ,GZUNGS DE DAG GI RANG BZHIN KYANG JI LTA BU ZHE NA, 'DI LA BZHI, NGO BO, DBYE BA, BYED LAS, SA MTSAMS SO, ,DANG PO LA GNYIS LAS, THUN MONG GI NGO BO NI, 'GREL CHEN LAS, GZUNGS KYI RANG BZHIN DRAN PA DANG SHES RAB KYI RANG BZHIN TE DRAN PA DANG SHES RAB KHYAD PAR CAN GZUNGS ZHES BYA'O, ZHES PA LTAR RO, ,THUN MONG MIN PA'I NGO BO LA BZOD PA 'THOB PA'I RGYUR GYUR PA DANG, GSANG SNGAGS DANG, TSIG GAM CHOS DANG, DON GYI GZUNGS TE BZHI'O, , DE LA DANG PO NI AA RA PA TZA NA LA SOGS PA'I YI GE DE DAG SKYE 'GAG DANG 'BYUNG BA DANG DNGOS PO MED PA LA SOGS PA'I DON DU MOS TE BSGOMS PAS SGOM PA YONGS SU RDZOGS PA NA, DE'I DON LA MI SKRAG PA'I BZOD PA SKYE STE DE'I RGYUR GYUR PA'I DRAN SHES NI BZOD PA'I GZUNGS SO, ,DES NA BZOD PA NYID LA MIN BYA BAR DE'I RGYU LA YANG BYA STE, 'BUM GYI GNOD 'JOMS LAS, BZOD PA DE LTA BU THOB PA'I RGYU'I TING NGE 'DZIN SGOM PA'I TSE SHES RAB DANG DRAN PA LA BZOD PA 'THOB PA'I RGYUR GYUR PA'I GZUNGS ZHES BYA'O, ZHES DANG, YUM GSUM GNOD 'JOMS LAS KYANG, BZOD PA THOB PA'I RGYUR GYUR PA'I GZUNGS ZHES PAS SO, ,GZHAN YANG DE LAS GZUNGS 'DI SKYED PA'I TSUL 'DI LTAR YANG BSHAD DE, TADYA TH'A, ,AI dI MI dI, KI dI BHI KshA NA TYA,

, ,PA D'A NI SV'A H'A, ZHES PA'I DON GANG YIN SNYAM DU BRTAGS PA NA DE DAG LA BRJOD BYA MA MTHONG NAS BRJOD BYA MED PA NYID 'DI'I BRJOD BYA'O SNYAM DU NGES PAR BYED CING BRJOD BYA RJOD BYED DANG BRAL BAR SGOM MO, ,DES MTSON NAS CHOS THAMS CAD KYANG TSUL DE LTAR YID LA BYAS PAS DE THAMS CAD KUN BRTAGS KYIS STONG BAR MTHONG BA NA CHOS THAMS CAD BRJOD BRAL DU RTOGS PAS DGA' BA CHEN PO SKYES TE DE'I TSE NA DES GZUNGS THOB PAR 'GYUR RO, ,GZUNGS THOB PA'I MTHUS DE MA THAG TU SA DANG PO SKYE BA DANG MTHUN PA'I BZOD PA CHEN PO SKYE STE DON DAM LA BZOD PAS BZOD BA ZHES BYA'O, ,GNYIS PA NI, BYANG SEMS TING NGE 'DZIN LA DBANG THOB PAS SEMS CAN GYI YAMS, NYER 'TSE, 'KHRUG PA SDIG PA LA SOGS PA ZAD PA'I CHED DU CHO GA'I KHYAD PAR 'DI LTA BUS DON DE 'GRUB PAR GYUR CIG CES TING NGE 'DZIN DANG SMON LAM GYI MTHUS BYIN GYIS RLOB CING BRLABS PA LTAR DU DON DE SGRUB PA LA RING DU GNAS PA STE, DE YANG DE LTAR SGRUB PA'I DRAN SHES NI GZUNGS MTSAN NYID PA YIN LA, SNGAGS KYI YI GE RNAMS YUL LA YUL CAN GYIS SAM 'BRAS BU LA RGYU'I MING GIS BTAGS NAS SNGAGS KYI GZUNGS ZHES BYA'O, ,YANG MANTRA'I MAN NI SHES PA DANG TRA SKYONG BA STE YE SHES DANG SNYING RJE NI DE NYID SHES PA DANG 'GRO BA SKYONG BAS GSANG SNGAGS SO, ,RNAM MKHYEN GYI GZHIR GYUR PAS GSANG SNGAGS KYI GZHI ZHES KYANG BYA'O, ,GSUM PA NI, SA THOB NAS PHYOGS BCU'I SANGS RGYAS KYIS SNGON THOS MA MYONG BA'I CHOS KYI RNAM GRANGS GRANGS MED PA BSTAN PA RNAMS DUS GCIG

TU 'DZIN PAR NUS PA'O, ,BZHI PA NI, RIM PA DE LTA BUS CHOS KYI DON 'DZIN PAR NUS PA'O, ,DE LTAR AA LA SOGS PA'I YI GE DE DAG LA BRTEN NAS CHOS THAMS CAD RTOGS PAR BYED PA NA, DRAN SHES KYI GZUNGS DE DAG SKYE BAS DE DAG LA GZUNGS KYI SGO ZHES BYA'O, ,GNYIS PA NI, TSE 'DIR CHED DU MA BRTZAL KYANG SKYE BA SNGA MAR SBYANGS PA'I RNAM SMIN GYIS THOB PA DANG, 'DIR THOS BSAM LA 'BAD PAS CHOS KYI TSIG DON DU MA MYUR BAR 'DZIN NUS PA DANG, SGOM BYUNG GI TING NGE 'DZIN GYI STOBS KYIS 'DZIN PAR NUS PA'I GZUNGS GSUM LAS, DANG PO GNYIS NI CHUNG NGU DANG PHYI MA NI CHEN PO YIN LA, DE LA YANG SA LA MA ZHUGS PA MOS PA SPYOD PA RNAMS KYI CHUNG NGU, MA DAG SA BDUN GYI 'BRING DAG PA SA GSUM GYI CHEN PO STE, MDO SDE'I RGYAN LAS, RNAM SMIN THOS LA GOMS PA DANG, ,TING NGE 'DZIN GYI GZUNGS DAG NI, ,CHUNG NGU DANG NI CHEN PO STE, ,CHEN PO DE YANG RNAM PA GSUM, ZHES SO, ,GSUM PA NI, DE NYID LAS, BYANG CHUB SEMS DPA' YANG DANG YANG, ,DE LA YANG DAG BRTEN NAS NI; ;RTAG TU DAM PA'I CHOS DAG KYANG, ,RAB TU STON ZHING 'DZIN PAR BYED, CES PA LTAR RANG GIS 'DZIN CING GZHAN LA STON PA'O, ,GSUM PA NI, GSUM GYI GNOD 'JOMS LAS, BZOD PA'I RANG BZHIN DU GYUR PA'I GZUNGS SNGAR BSHAD PA DE NI SNGON GYI RGYU PHUN SUM TSOGS PA RNAMS MOS PAS SPYOD PA'I SA LA 'THOB BO, ,GZHAN GZUNGS GSUM PO NI BSKAL BA GRANGS MED PA DANG PO 'DAS NAS SA DANG PO LA SOGS PA LA 'THOB BO, ZHES GSUNGS PA NI TING NGE 'DZIN GYIS THOB PA

, ,NI GZUNGS KYI DBANG DU BYAS LA, MOS SPYOD NI TSOGS SBYOR GNYIS KA LA BYAS NAS SNGA MA LA BZOD PA'I RGYU NYID DANG PHYI MA LA DE DANG DE'I RGYU'I GZUNGS GNYIS KA BZHAG GO ,RNAM SMIN DANG THOS LA GOMS PA NI LAM DU MA ZHUGS PA LA YANG YOD DO, ,GZUNGS THOB PA'I RTOGS PA'I GNAS SKABS NI YON TAN PHYI MA PHYI MA'I RTEN BYED PAS DE NAS SA DANG, MTHONG SGOM GYI NGO BOR GYUR BA'I SAS RANG RANG GI SPANG BYA SPONG BA'I GNAS SKABS KYI DBYE BAS GNYEN TSOGS SU 'GYUR BAS DE NAS GNYEN TSOGS BSTAN TO, ,GNYIS PA NI, SGRUB PO, ,GANG NA, THEG PA CHEN PO'I DON SEMS BSKYED LA SOGS PA MTHA' DAG GO ,JI LTAR NA, DE KHO NAR BSGRUB BYA SGRUB BYED MI DMIGS PAR RTOGS PAS DON DAM DANG KUN RDZOB TU SGYU MA LTAR DMIGS NAS NYAMS SU LEN PAS KUN RDZOB KYI BDEN PA LAS MI 'DA' BAR RO, ,GANG DAG DON DAM DU BSGOM BYA SOGS MI 'BYOR BA'AM MED PAS KUN RDZOB TU BSGOM PAR BYA BA LA SOGS BRTAGS PA'AM 'JOG PA KUN RDZOB LAS MI 'DA' BA'I DON DU 'DOD PA DANG, KUN RDZOB LAS MI 'DA' BA YANG NGES TSIG GI KHONGS SU SDUD PA NI DON MIN NO, ,GANG GIS NA, BRTZE BA NAS GNYEN PO'I BAR BCU BDUN GYIS SO, ,DE LTAR YANG RGYAN SNANG LAS, JI SKAD BSHAD PA'I GO RIM GYIS KUN RDZOB DANG DON DAM PA'I BDEN PA LAS MI 'DA' BAR THEG PA CHEN PO MA LUS PAR SNYING RJE LA SOGS PA RNAMS KYIS RJES SU SGRUB PAS, ZHES SO, ,'DIS NI KHA CIG SNYING RJE SOGS SGRUB RGYU'I TSOGS BCU BDUN DU BYAS NAS DE SGRUB BYED KYI TSOGS SGRUB BCU BDUN ZUR DU 'CHAD PA

YANG BKAG GO ,GSUM PA NI, SNYING RJE CHEN PO LA SOGS PA NI TSOGS YIN TE, SNYING RJE LA SOGS PA BCU BDUN 'DI DAG GIS BYANG CHUB CHEN PO 'DZIN PA'AM DER 'BYIN PAR BYED PA'I PHYIR TE, TSOGS LA SAm BHA RA ZHES 'BYUNG LA SAm NI YANG DAG PAR 'GRUB PA; BHA NI NGO BO, RA NI 'DZIN PA STE MDOR NA BYANG CHEN YANG DAG PAR 'GRUB PAR BYED PA'I NGO BO YIN PAS SO, ,'BRAS BUR 'DZIN TSUL YANG SNYING RJE SOGS KYIS THEG CHEN MA LUS PA BDEN GNYIS KYI SGO NAS SGRUB PAS SO, ,YI GE KHA CIG LAS 'GRUB PA'I NGO BO ZHES PA MA DAG STE, NYI SNANG LAS, SNYING RJE LA SOGS PA'I CHOS 'DI DAG NI RDZOGS PA'I BYANG CHUB YANG DAG PAR 'GRUB PAR BYED PA'I NGO BO'I DON GYIS NA TSOGS ZHES BRJOD DO, ZHES SO, ,BZHI PA NI, TSOGS KYI SGRUB PA NI DBYE GZHI'O, ,DBYE? NA GRANGS BCU BDUN NO, ,RGYU MTSAN NI SNYING RJE NAS GNYEN PO'I BA BCU BDUN NI TSOGS YIN PAS SO, ,GRANGS NGES 'DI NI 'PHAGS PAS MDZAD PA LTAR SLOB DPON DANG SH'ANTI AA BHYA RAD KRIR BUD DHA SHR'IS KYANG BZHED LA, RNAM 'GREL DU, LAM? ? BCU GANG YIN DANG, ZHES RTZA BAR GZUNGS TSIG GIS MA ZIN PAR BYAS SHING 'GREL PAR DA LAM TSOGS KYI NANG DU 'DREN PA DANG, RANG GI NGO BO STONG PA NYID GZHAN GYI NGO BO STONG PA NYID KYI RGYU MTSAN DU BYAS NAS YE TSOGS NYI SHUR GCIG GIS ?? ZHES 'CHAD PA NI, MDO DANG BSTAN BCOS GANG DANG YANG MI MTHUN ZHING STONG NYID KYI MDO TSIG TZAM YANG MA MTHONG BAR GSAL LO, ,'DIR TSOGS KYI SGRUB PA ZHES PA SGRUB PA GZHI MTHUN PAR SBYAR TE, NYI SNANG LAS, TSOGS KYI SGRUB PA RNAM PA BCU BDUN NI

, ,'DI DAG YIN TE 'DI LTA STE SNYING RJE CHEN PO'I TSOGS DANG ZHES PA NAS GNYEN PO'I TSOGS SO ZHES PA'I BAR DU GSUNGS SO, ,'O NA LAM GYI TSOGS SBYOR LAM NA MED PAR 'GYUR TE MTHONG BA LA SOGS PA'I LAM DANG ZHES PAS SHE NA, DE LTAR 'BYUNG BA NI NYI SNANG LAS, DRAN PA NYE BAR BZHAG PA NAS BRTZAMS TE SANGS RGYAS KYI CHOS MA 'DRES PA BCO BRGYAD KYI BAR DE DAG GIS NI MTHONG BA LA SOGS PA'I LAM BSDUS PA YIN PA'I PHYIR LAM GYI TSOGS, ZHES GSUNGS PA DANG BSTUN PA YIN LA, DE LTAR GSUNGS PA YANG MTHONG SGOM LAM TSOGS KYI GTZO BO YIN PA'AM MTHONG LAM DBUS NA GNAS PAS DE LA SOGS SGRA SBYAR BAS SNGA PHYI GNYIS KA SDUD PA'I PHYIR YIN PAS NYES PA MED DO, ,'DIR THOG MA DRAN NYE NAS THA MA MA 'DRES PA'I BAR LA BSHAD KYANG NGES 'BYED DANG PO GSUM DANG TSOGS LAM GYI SKABS DANG SANGS RGYAS KYI CHOS RNAMS BSTAN PA NI ZHAR BYUNG GI MDO YIN TE, RIGS PA 'DI YE SHES DANG BSOD NAMS KYI TSOGS LA YANG SBYAR RO, ,DE LTAR MNGON RTOGS PHAL MO CHE LA SKABS KYI MDO DANG ZHAR BYUNG GI MDO RE RE YOD PA PHYED DGOS SO, ,GSUM PA LA GSUM, YE SHES DANG, SA DANG, GNYEN PO'I TSOGS RTOGS DKA' BA BYE BRAG TU BSHAD PA'O, ,PHYI MA 'DI GNYIS RTOGS DKA' BAR DGONGS NAS RJE BTZUN GYIS BYE BRAG TU BSHAD PA MDZAD LA, SLOB DPON GYIS DANG PO LA YANG MDZAD DO, ,DANG PO LA GNYIS, YUL CAN YE SHES DANG, YUL STONG NYID BSHAD PA'O, ,DANG PO NI, TSOGS BCU BDUN BSTAN PA DE LA STE DE'I NANG NAS YE SHES

KYI TSOGS BYE BRAG TU 'CHAD PA LA NI NYI SHU YOD DE, NANG STONG PA NYID NAS GZHAN GYI NGO BO STONG PA NYID KYI BAR YUL STONG NYID NYI SHU YOD PA'I BYE BRAG GIS SO, ,DE YANG MDOR STONG NYID NYI SHUS YUL CAN YE SHES NYI SHU 'PHANGS PA YIN LA, JI LTAR 'PHANGS PA'I TSUL NI, STONG PA NYID 'DI GSUM NI MOS PAS SPYOD PA'I SA LA'O, ZHES DANG, BZHI PA LA 'DI NI SBYOR BA'I LAM LA'O ZHES RGYAN SNANG DU 'BYUNG LA, DE'I DON DANG PO GSUM GYIS DE'I YUL CAN TSOGS LAM DANG BZHI PAS DE'I YUL CAN NGES 'BYED BZHI 'PHANGS PAR BDAG NYID CHEN PO 'CHAD CING, THUB DGONGS SU, NANG DANG PHYI DANG PHYI NANG STONG PA NYID NI SEMS DANG PO BSKYED PA NAS BRTZAMS TE MOS PAS SPYOD PA'I SA LA'O, ,STONG PA NYID STONG PA NYID NI SA DE'I GNAS SKABS KYI KHYAD PAR BAR CHAD MED PA SBYOR BA'I LAM LA'O, ZHES DANG PO GSUM TSOGS LAM DANG NGES 'BYED DANG PO GSUM DANG, BZHI PA CHOS MCHOG LA 'CHAD DO, ,DE LA SPYIR RGYAN SNANG DU MOS SPYOD SBYOR LAM LA BYAS PA MANG YANG, SKABS 'DIR BZHI PA LA SBYOR BA'I LAM ZHES PA DANG, TSOGS LAM NA YANG SGOM BYUNG GI YE SHES PHAL PA'I TSUL DU YOD PA'I PHYIR NANG DANG PHYI DANG DE GNYIS KA STONG NYID GSUM GYIS TSOGS LAM DANG SBYOR LAM DANG PO GSUM DANG, STONG PA NYID STONG PA NYID KYIS CHOS MCHOG 'PHANGS PA DGONGS PAR 'THAD DO, ,TSOGS LAM NA TSOGS SGRUB MED PAS DE MI 'THAD CE NA, NYES PA MED DE, YE SHES KYI SKABS SU BSHAD TSAD TSOGS SGRUB TU MI 'DOD DE, LAM GYI TSOGS BZHIN NO, ,GZHAN DU NA TSOGS LAM LA

, ,MI 'DOD KYANG NGES 'BYED DANG PO GSUM DU BZHAG DGOS PAS DER YANG TSOGS SGRUB JI LTAR BZHAG ,CHEN PO DANG DON DAM PA STONG PA NYID KYIS SA DANG PO DANG GNYIS PA 'PHEN TO, ,DE GNYIS KYIS CHOS KYI DBYINGS KUN TU 'GRO BA DANG MCHOG GI DON DU RTOGS PA NA, CHOS DBYINGS DE STONG PAR RTOGS LA DE'I TSE RANG BZHIN CAN PHYOGS BCU DANG MYA NGAN LAS 'DAS PA MCHOG KYANG STONG PAR RTOGS PAS SO, ,'DUS BYAS DANG 'DUS MA BYAS STONG PA NYID KYIS SA GSUM PA DANG BZHI PA 'PHEN TE, DE GNYIS KYIS CHOS DBYINGS RGYU MTHUN PA'I DON GYI MCHOG DANG YONGS SU 'DZIN PA MED PA'I DON DU RTOGS PA NA DE STONG PAR RTOGS LA, DE'I TSE DE'I RANG BZHIN CAN 'DUS BYAS 'KHOR BA DANG YONGS SU 'DZIN PA MED PA'I 'DUS MA BYAS KYANG STONG PAR RTOGS PAS SO, ,'DIR RGYU MTHUN PA NI MTHUN PA'I RGYU YIN GYI 'DRA BA'I 'BRAS BU MIN NO, ,MTHA' LAS 'DAS PA DANG THOG MA DANG THA MA MED PA STONG PA NYID KYIS SA LNGA PA DANG DRUG PA 'PHEN TE, DE GNYIS KYIS CHOS DBYINGS RGYUD THA DAD PA MED PA DANG, KUN NAS NYON MONGS DANG RNAM DAG MED PA'I DON DU RTOGS PA NA DE STONG PAR RTOGS LA, DE LTA NA DE'I RANG BZHIN CAN RTAG CHAD KYI MTHA' DANG BRAL BA DBUS KYI RANG BZHIN DANG 'KHOR BA CHOS DBYINGS KYI RJES SU SKYES PA GNYIS KYANG STONG PAR RTOGS PAS SO, ,DOR BA MED PA STONG PA NYID KYIS SA BDUN PA 'PHEN TE DES CHOS DBYINGS MDO SOGS KYI MTSAN MA THA DAD MED PA'I DON DU RTOGS PA NA DE STONG PAR RTOGS LA, DE LTA NA DE'I RANG BZHIN CAN DOR BA MED PA

YANG STONG PAR RTOGS PAS SO, ,RANG BZHIN DANG CHOS THAMS CAD STONG PA NYID KYIS SA BRGYAD PA 'PHEN TE, DES CHOS DBYINGS BRI 'PHEL MED PA'I DON DANG RNAM PAR MI RTOG PA DANG ZHING DAG PA LA DBANG BA'I GNAS SU RTOGS PA NA STONG NYID DU RTOGS LA, DE LTA NA DE'I RANG GI NGO BO RANG BZHIN DANG RNAM 'GYUR CHOS THAMS CAD STONG PAR RTOGS PAS SO, ,RANG GI MTSAN NYID DANG MI DMIGS PA STONG PA NYID KYIS SA DGU PA 'PHEN TE, DES CHOS DBYINGS YE SHES LA DBANG BA'I GNAS NYID DU RTOGS LA, DE LTA NA DE'I MTSAN NYID MTHA' DAG DUS THAMS CAD DU SHES PA'I YE SHES KYI RTEN DU GYUR PA MTSAN NYID DANG DUS RNAMS STONG PAR RTOGS PAS SO, ,DNGOS PO MED PA'I NGO BO NYID DANG DNGOS PO STONG PA NYID KYIS SA BCU PA 'PHEN TE, DES CHOS DBYINGS LAS LA DBANG BA'I GNAS SU STONG PAR RTOGS LA, DE LTA NA DE'I RIGS CAN TSOGS PA DANG YAN LAG LAS KYI RTEN KYANG STONG PAR RTOGS PAS SO, ,DNGOS PO MED PA DANG RANG GI NGO BO DANG GZHAN GYI NGO BO STONG PA NYID KYIS SANGS RGYAS KYI YE SHES 'PHEN TE; DES NYON SGRIB DANG SHES SGRIB BAG CHAGS DANG BCAS PA SPANGS PA DANG RANG BYUNG NYID THOB PA NA DE STONG PAR RTOGS LA, DE LTA NA DE'I RANG BZHIN CAN CHAGS PA DANG GNOD PAR BYED PA LA SOGS PA'I NYON MONGS KYIS STONG PA'I NAM MKHA' DANG, GZUNG 'DZIN SHES SGRIB DANG BRAL BA'I STONG NYID DANG, GZHAN LA MI LTOS PA'I BYED PA PO STONG PAR RTOGS PAS SO, ,'DI DAG NI BDAG NYID CHEN PO'I DGONGS PA STE SLOB DPON GYIS SA MTSAMS MDZAD PA'I DGONGS PA MKHYEN PA'I BSHAD PA'O, ,

, ,CHEN PO STONG PA NYID PHYIN CHAD KYI SA MTSAMS NI THUB DGONGS KYANG SLOB DPON 'DI YI RJES SU 'BRANG NGO, ,DE LTAR SA MTSAMS SO SOR MDZAD PA YANG RJES KYI TSE CHOS CAN DE DANG DE DAG LA NGES PA 'DREN TSUL RE YOD PAS GTZO CHE BAS BSHAD KYI NGES NAS NI MIN TE, SLOB DPON DANG 'PHAGS PA GNYIS MTHONG SGOM GNYIS KYIS CHOS NYID RTOGS TSUL LA MI 'DRA BA MI BZHED PAS SO, ,GNYIS PA LA GNYIS, SPYI DANG, YAN LAG GI DON NO, ,DANG PO LA GNYIS, DON SMRA DANG, THEG CHEN PA'I LUGS SO, ,DANG PO NI, PHUNG KHAMS SKYE MCHED NI STONG PA'I GZHI YIN LA, MU STEGS BYED KYIS KUN BTAGS PA'I RTAG PA DANG GCIG PU'I GANG ZAG GI BDAG NI DGAG BYA'O, ,DE LTAR NA GANG ZAG GI BDAG NI MED KYI DE'I BDAG MED NI YOD LA DE YANG DGAG GZHI PHUNG SOGS GSUM MAM BDEN BZHIS KHYAD PAR DU BYAS PA'I DGAG PA STE, MDO LAS, 'DI NA BDAG DANG SEMS CAN MED, ,CHOS 'DI RGYU DANG BCAS LAS BYUNG, ZHES DANG, SEMS 'GREL LAS, BDAG TU 'DZIN PA ZLOG DON DU, ,PHUNG PO KHAMS SOGS BSTAN PA STE, ZHES DANG, KUN BTUS LAS KYANG, STONG PA'I MTSAN NYID GANG ZHE NA GANG NA CI ZHIG MED PA DE NI DES STONG PAR YANG DAG PAR RJES SU MTHONG LA 'DI LA LHAG MAR GYUR PA GANG YIN PA DE NA 'DIR YOD PA'O ZHES YANG DAG PA JI LTA BA BZHIN DU RAB TU SHES SO, ,GANG NA CI ZHIG MED CE NA PHUNG PO DANG KHAMS DANG SKYE MCHED RNAMS LA RTAG PA DANG BRTAN PA DANG THER ZUG DANG MI 'GYUR BA'I CHOS CAN DANG BDAG DANG BDAG GI MED

DE DE LTAR NA DE DAG NI DES STONG NGO, ,LHAG MA YANG GANG ZHIG CE NA, GANG DE LTAR BDAG NI MED KYI BDAG MED PA NI YOD PAR STONG PA NYID KHONG DU CHUD PAR BYA'O ZHES PA LTAR DANG, BDE GSHEGS GZHUNG GI RAB DBYE LAS, ,'DUS BYAS THAMS CAD SKAD CIG MA, ,BDAG GIS STONG ZHING BYED PO MED, CES DON SMRA'I 'DOD PA BKOD PA LTAR RO, ,MDOR NA THEG PA CHEN PO PHAL CHE BAR GANG ZAG GI BDAG MED JI LTAR BSHAD PA LTAR YIN TE DE NI THUN MONG BA YIN PA'I PHYIR RO, ,DE LTAR NA GANG ZAG GI BDAG RANG STONG DU 'DOD LA PHUNG SOGS KYI CHOS RNAMS RANG GIS MI STONG GIS GZHAN GANG ZAG GIS STONG BAR 'DOD DO, ,DE LAS KYANG ZHIB TU PHYE NA, RTOG GE 'BAR BA LAS, DE RNAMS LAS SNGAR BSTAN PA'I DGE 'DUN PHAL CHEN PA LA SOGS PA BRGYAD DANG; PHYIS BSTAN PA'I GNAS BSTAN PA DANG, THAMS CAD YOD PAR SMRA BA DANG, MANG STON PA DANG, CHOS MCHOG PA DANG, ,'OD SRUNGS PA RNAMS NI BDAG MED PAR SMRA BA YIN TE, MU STEGS PA'I 'DOD PAS BTAGS PA'I BDAG DANG, BDAG GI DANG NI STONG PA YIN PA DANG, CHOS THAMS CAD NI BDAG MED PAR SMRA BA YIN NO, ,LHAG MA GNAS MA BU PA LA SOGS PA SDE LNGA NI GANG ZAG TU SMRA BA YIN TE, GANG ZAG NI PHUNG PO DAG LAS DE NYID DANG GZHAN DU BRJOD DU MED PA RNAM PAR SHES PA DRUG GIS SHES PAR BYA BA 'KHOR BAR GYUR PA YONGS SU GSAL BAR BYA BA YIN NO ZHES ZER RO, ZHES SO, ,GNYIS PA LA GNYIS, RNAM PA SHES PAR SMRA BA DANG, NGO BO NYID MED PAR SMRA BA'I LUGS SO, ,DANG PO NI, GZHAN DBANG NI DGAG

, ,GZHI DANG, BDAG GNYIS SU KUN BTAGS PA'I CHA NI DGAG BYA DANG, GZHAN DBANG KUN BTAGS KYIS GDOD MA NAS STONG PA'I CHA YONGS GRUB TU 'DOD DE, SUM CU PA LAS, GRUB NI DE LA SNGA MA PO, ,RTAG TU MED PAR GYUR PA GANG, ZHES SO, ,DES NA KUN BRTAGS RANG GI NGO BO'AM MTSAN NYID KYIS STONG LA GZHAN DBANG DANG YONGS GRUB NI BTAGS PAS STONG GI RANG GI NGO BOS NAM YANG STONG PAR MI 'DOD, SH'ANTI PAS, KUN BTAGS PA'I RANG BZHIN GYIS NI YOD PA MA YIN ZHING GZHAN GYI DBANG DANG YONGS SU GRUB PA'I RANG BZHIN GYIS NI MED PA MA YIN TE DE BAS NA MTHA' GNYIS DANG BRAL BA'O ZHES DANG, SNGON PO LA SOGS PA LA NI GNOD PA 'JUG PA'I SKABS YOD KYI GSAL BA LA NI MA YIN NO ZHES SNGO SOGS KYI RNAM PA DON LA YOD PA BKAG NAS RNAM PA DANG BRAL BA'I SHES PA'I GSAL CHA LA RIGS PA GANG GIS KYANG MI GNOD PAR BSTAN PA DANG, CHOS THAMS CAD MI BDEN PA DANG YOD MED KYI MTHA' DANG BRAL BAR SMRA BA LA MI 'THAD CES 'GOG STE; SH'ANTI PAS, GZHAN YANG DBU MA PA CHOS THAMS CAD SGYU MA LTA BU NYID DBU MA'I LAM YIN NO ZHES ZER TE, 'DI LTAR GAL TE 'DI DAG TSAD MAS MED PAR GRUB NA 'GAS KYANG YOD PAR SGRUB PAR MI NUS SO, ,TSAD MAS MA YIN PA LA SNANG BA TZAM GYIS LTA SMOS KYANG CI DGOS, THAMS CAD MED PA NYID NA CI ZHIG NYE BAR BLANGS NAS CI ZHIG GDAGS YANG THAMS CAD YOD PA YANG MA YIN MED PA YANG MA YIN PA DBU MA'I LAM YIN NO ZHES SMRA NA, DE YANG MI RIGS TE YOD PA

DANG MED PA PHAN TSUN GZHAN SEL BA'I MTSAN NYID YIN PA'I PHYIR GCIG BKAG PA NYID KYIS GNYIS PA'I MTSAN NYID YOD PA'I PHYIR GNYIS KA DGAG PAR MI RIGS PA YIN NO, ZHES SO, ,MDOR NA 'DI'I LUGS KYIS THUN MONG MA YIN PA'I DGAG BYA NI CHOS BDAG YIN LA, DE YANG KUN BRTAGS 'BA' ZHIG LA 'DOD CING MTSAN NYID GZHAN GNYIS THOGS MED SKU MCHED KYI GZHUNG RTZOD MED GANG DU YANG RANG STONG DU BSGRUBS PA MED DO, ,MTSAN NYID GSUM LAS KUN BRTAGS KHO NA DGAG BYA YIN PA YANG BRGYAD STONG DON BSDUS LAS, MED DO ZHES LA SOGS TSIG GIS, ,BTAGS PA THAMS CAD 'GOG PA YIN, ZHES DANG, DES NA SANGS RGYAS DE BZHIN DU, ,BYANG CHUB MA MTHONG BAR BRJOD PA, ,YONGS SU RDZOGS PA'I BAR GYIS 'DIR, ,BTAGS RNAMS SEL BAR SHES PAR BYA, ZHES PA DANG, DAG LDAN LAS KYANG, YONGS SU BTAGS PA'I NGO BOS THAMS CAD MED DE MED PA DE'I PHYIR GNAS PA MED CING 'JIG PA MED DE RTAG PA DANG MI RTAG PA MED CES BYA BA'I DON TE, DE'I PHYIR DE STONG PA'O ZHES NANG STONG PA NYID KYI MDO'I 'GREL PAR 'BYUNG ZHING, SNYING PO MCHOG TU YANG DE LTAR RO, ,DBUS MTHA'I 'GREL PAR YANG, GANG ZAG DANG CHOS KYI DNGOS PO MED PA NI STONG PA NYID DO, ,DNGOS PO MED PA DE YI DNGOS PO YOD PA YANG STONG PA NYID DO ZHES BDAG GNYIS DGAG BYAR GSUNGS PAS SO, ,DE'I PHYIR 'DUS BYAS MTHA' DAG GIS STONG PA'I 'DUS MA BYAS YONGS GRUB DON DAM PAR GRUB PA BYAMS CHOS PHYI MA RNAMS DANG SKU MCHED

, ,KYI GZHUNG GI DGONGS PAR 'DOD PA BLO RTZA'I RNAMS KYI MUN SPRUL 'BA' ZHIG GO ,GAL TE GSUM GYI GNOD 'JOMS SU CHOS NYID KYI MIG LA SOGS PA RNAM BTAGS DANG KUN BTAGS KYI MIG LA SOGS PAS STONG BAR GSUNGS PA'I STONG NYID DANG PHYOGS 'DI RJES SU MTHUN ZHE NA, STONG PA NYID KYI TSUL 'DI 'PHAGS YUL GYI MKHAS PA ZHIG GIS BKRAL BAR 'DOD NA GNOD 'JOMS 'DI DANG MTHUN PAR 'DOD DGOS TE, 'DI DANG 'DI'I RJES SU MTHUN PA 'BUM GYI GNOD 'JOMS DANG MAN NGAG RJES 'BRANG GSUM DU CHOS NYID STONG GZHIR BYAS NAS KUN BRTAGS GZHAN DBANG GNYIS KYIS STONG PAR GSUNGS KYI GZHAN DBU SEMS KYI PAndI TA CHEN PO SUS KYANG DE LTAR MA BSHAD PAS SO, ,DE LTAR PHYOGS 'DI DANG GNOD 'JOMS GNYIS YONGS GRUB STONG GZHI DANG MTSAN NYID GZHAN GNYIS GANG GIS STONG PA'I CHOS SU BYED PA MING TZAM MTHUN KYANG DON GTAN NAS MI MTHUN TE DE YANG GSUM GYI GNOD 'JOMS SU, STONG PA NYID GSUM RNAM PAR BZHAG NAS 'DI SNYAM SEMS TE CI STONG PA NYID CES BYA BA CHOS KYI RNAM PAR YOD DAM 'ON TE MED, GAL TE STONG PA NYID CES BYA BA ZHIG YOD NA NI STONG PA NYID YOD PAS STONG PA MA YIN PA NYID KYANG YOD PAR 'GYUR TE, MI MTHUN PA'I PHYOGS MED PAR GNYEN PO YOD PAR MI 'THAD PA'I PHYIR RO, ,STONG PA MA YIN PA YOD NA YANG CHOS THAMS CAD STONG PA MA YIN PAR 'GYUR RO ZHES DE SNYAM DU BSAMS NAS YANG 'DI LTAR GTAN LA 'BEBS TE STONG PA ZHES BYA BA NI CI YANG MED PA'O, ,GAL TE STONG

PA ZHES BYA BA'I CHOS GZHAN 'GA' ZHIG YOD PAR GYUR NA NI DE LTA NA MI STONG PA'I CHOS KYANG YOD PAR 'GYUR NA NANG STONG PA ZHES BYA BA'I CHOS GZHAN DU GYUR PA NI GANG YANG MED DE, ZHES 'BYUNG ZHING, DE'I DPER 'GA' ZHIG GIS DRI ZA'I GRONG KHYER MTHONG BA NA GRONG KHYER GYI BLO SKYE LA, DE NAS LEGS PAR BRTAGS PA NA GRONG KHYER STONG PA'I BLO SKYES TE DE TZAM GYIS GRONG KHYER STONG PA ZHES PA'I CHOS GZHAN MED PA DANG 'DRA BAR GZUGS SOGS LA CHOS KYI BLO SKYES PA NA LEGS PAR BRTAGS NAS YUL DE DAG MA RNYED PAS CHOS KYI BLO MED PAR STONG PA'I BLO SKYE STE DE TZAM GYIS STONG PA ZHES BYA BA'I CHOS GZHAN DU GYUR PA YOD PAR MI RUNG NGO ZHES BSHAD NAS YANG DE NYID LAS, STONG PA NYID MED PAS MI STONG PA YANG MED DO, ,MI STONG PA MED PAS STONG PA NYID KYANG MED DO ZHES 'DIR DE SKAD BYAR NI RUNG NGO, ,STONG PA NYID MED DE ZHES KYANG BRJOD PAR MI BYA STE 'DI LTAR CHOS THAMS CAD STONG BA'I PHYIR RO, ,STONG PA NYID YOD CES KYANG BRJOD PAR MI BYA STE 'DI LTAR RNAM PAR BRTAGS NA STONG PA NYID CES BYA BA'I CHOS GZHAN DU GYUR PA GANG YANG MED PA'I PHYIR RO, ZHES PA DANG, GAL TE STONG PA NYID KYANG STONG PA NYID KYI MTSAN NYID KYIS STONG BA MA YIN NA DE LTA NA NI MI STONG BA'I CHOS SHIG YOD PAR GYUR PAS CHOS THAMS CAD STONG NGO ZHES BYA BA DANG, STONG PA NYID KYI MTSAN NYID 'DI 'GAL BA'I PHYIR STONG PA NYID DANG 'GAL BAR 'GYUR BA ZHIG NA, 'DI LTAR STONG PA NYID KYANG STONG PA NYID CES BYA BA'I CHOS GZHAN DU GYUR PA GANG YANG MED PAS, STONG PA NYID KYI MTSAN

, ,NYID KYIS STONG PAR KHAS LEN TE, ZHES DANG, DON DAM PA STONG PA NYID KYI SKABS SU YANG, MYA NGAN LAS 'DAS PA YANG MYA NGAN LAS 'DAS PAS STONG ZHES BYA BA NI DON DAM PA'I MYA NGAN LAS 'DAS PA NI KUN BTAGS PA'I MYA NGAN LAS 'DAS PA'I NGO BO NYID KYIS STONG NGO, ,MYA NGAN LAS 'DAS PA THER ZUG TU GNAS PA ZHES MI BYA'AM ZHE NA, NYAN THOS KYI THEG PA PA RTOG PA DANG BCAS PA KHA CIG GIS TSUL NI DE LTA YIN GYI DON DAM PAR NI MYA NGAN LAS 'DAS PA ZHES BYA BA'I CHOS GANG YANG MED DO ZHES PA LA SOGS PAS SKABS DU MAR DON DAM DANG STONG NYID RANG GI NGO BOS STONG PAR DU MA ZHIG GSUNGS PA DANG, DON DAM DANG STONG NYID NGO BOS MI STONG BAR GSHIS LA THER ZUG GI RTAG PAR 'DOD PA GNYIS KA LA MTSUNGS, 'DI LAS CHOS NYID KUN BTAGS KYI RNAM PAR YOD PA MA YIN GNYIS MED PA'I NGO BO NYID DU MED PA MA YIN ZHES PA NI MTHA' THAMS CAD DANG BRAL BA'I NGO BO NYID DE BKAG NA DGAG PA GNYIS KYIS RNAL MA STON PAS MTHA' DON LA 'GRUB PAR 'GYUR DU DOGS NAS CHOS RNAMS KYI GNAS LUGS DE YIN PA LA BSAMS NAS DE SKAD GSUNGS KYI, DON LA THER ZUG GI RTAG PA GRUB PAR 'DOD NAS MIN TE, 'DUS MA BYAS STONG NYID KYI SKABS SU, NYAN THOS KYI TSUL GYIS KYANG 'DI DAG DON DAM PAR YOD PA MA YIN NA STONG PA NYID KYI TSUL LA LTA SMOS KYANG CI DGOS TE, ZHES 'DUS MA BYAS DON LA MA GRUB PAR GSUNGS SO, ,STONG PA NYID KYI SKABS SU MAN NGAG RJES 'BRANG DU YANG 'DI LTAR BSHAD LA,

'BUM GYI GNOD 'JOMS SU YANG, GZUGS KYI RANG BZHIN DON DAM PAR MA GRUB PA NYID LA STONG PA NYID CES BYA BA'I SNOD DANG BCUD LTAR GCIG GIS GCIG STONG PA LTA BU LA MI BYA'O ZHES 'BYUNG BAS GANG DANG YANG MI MTHUN LA, 'DI DAG LAS GZHAN PA'I SHING RTA CHEN PO SU YANG MI BZHED PAS MKHAS PA RNAMS KYIS MCHIL MA'I THAL BA BZHIN DU DOR BAR RIGS SO, ,GNYIS PA NI, 'DUS BYAS BKAG NAS 'DUS MA BYAS DANG, DE BZHIN DU DNGOS PO BKAG NAS DNGOS MED DANG; YOD PA BKAG NAS MED PA DANG, GZHAN DNGOS BKAG NAS RANG DNGOS DANG, STONG PA BKAG NAS MI STONG BA SHUL DU SGRUB PA, MDOR NA CHA 'GA' ZHIG 'GOG 'GA' ZHIG SGRUB PA DGAG SGRUB DANG BLANG DOR LAS MA 'DAS PA NYI TSE BA'I STONG PA MA YIN GYI, SPROS PA'I DRA BA MTHA' DAG GCOD PAR BYED PA'I STONG PA NYID CHOS GANG YANG MA BRTAGS NA NYAMS DGA' BA SGYU MA LTA BUR 'KHRUL NGOR SNANG YANG DON DAM PAR NA GDOD MA NAS RANG GI NGO BOS STONG PAS CI'I YANG NGO BOR MI DMIGS PA YIN TE, DBU MA'I RTZA BA LAS, 'DUS BYAS GRUB PAR MA GYUR NA, ,'DUS MA BYAS LA CI ZHIG 'GRUB, CES DANG, GANG DAG RANG DNGOS GZHAN DNGOS DANG, ,DNGOS DANG DNGOS MED NYID LTA BA, ,DE DAG SANGS RGYAS BSTAN PA LA; ;DE NYID MTHONG BA MA YIN NO, ZHES DANG, GAL TE STONG MIN CUNG ZAD YOD, ,STONG PA NYID KYANG YOD PAR 'GYUR, ,MI STONG CUNG ZAD YOD MIN NA, ,STONG PA YOD PAR GA LA 'GYUR, ZHES PA DANG, SEMS 'GREL LAS KYANG, DMIGS

, ,MED SGYU MA LTA BU YI, ,STONG NYID SRID PA 'JIG BYED PA, ,ZHI BA CHOS RNAMS KUN GYI GNAS, ,'DI NI RTAG TU SGOM PAR GYIS ZHES DANG, DGE DANG MI DGE'I RNAM RTOG RNAMS, ,RGYUN GCOD PA YI MTSAN NYID 'DI, ,SANGS RGYAS RNAMS KYIS STONG PAR GSUNGS, ZHES SO, ,DE LTAR NA CHOS KYI BDAG MED YONGS SU RDZOGS PA NI LUGS 'DI KHO NA LA YOD DE, CHOS MTHA' DAG RANG BZHIN MED PAR STON PAS SO, ,GNYIS PA NI, YUL STONG NYID NYI SHU GANG NA, DE'I LAN SKABS 'DIR SMRAS PA, STONG PA NYID NI DBYE GZHI, DBYE BA'I NGO BO GRANGS NYI SHUR 'DOD DE, NANG GI CHOS RNAMS NAS GZHAN GYI NGO BO STONG PA NYID KYI BAR NYI SHU RNAMS RANG RANG NGO BOS STONG PA'I PHYIR RO, ,'DI STONG NYID YIN PA'I RGYU MTSAN DANG GNYIS SU DRANG NGO, ,RANG GI NGO BOS STONG PA'I DON YANG, 'JUG PA'I RANG 'GREL DU, MIG LA SOGS PA RNAMS MIG LA SOGS PAS STONG PA NYID SMRAS PAS NI RANG BZHIN STONG PA NYID YONGS SU GSAL BAR BYAS PA YIN GYI MIG NANG GI BYED PA DANG BRAL BA'I PHYIR STONG ZHING GZUNG BA DANG 'DZIN PA'I BDAG NYID KYIS STONG NGO ZHES GCIG LA GCIG MED PA'I STONG PA NYID NI MA YIN NO, ZHES PA LTAR RO, ,STONG TSUL GNYIS PO DE YANG DE'I 'GREL BSHAD DU, NANG GI BYED PA'I SKYES BU STONG PA NYID DAM, YANG NA GCIG LA STE MIG LA SOGS PA RNAMS LA GCIG MED PA STE GZUNG BA DANG 'DZIN PA'I DNGOS POS STONG PA NYID DE, PHYI ROL GYI DON YOD PAR SMRA BA DANG, SEMS TZAM DU SMRA BA BZHIN DU NI MA YIN NO,,

ZHES PA LTAR RO, ,LE BRGYAD MAR, BYANG CHEN GYI THEG PA CHEN PO NI 'DI LTA STE, NANG STONG PA NYID DANG ZHES PA NAS GZHAN GYI NGO BO STONG PA NYID DO ZHES NYI SHU PO THAMS CAD DKYUS GCIG LA 'BYUNG NGO, ,MDO LAS NI STONG NYID BCU DRUG DANG YANG GUNG DU STONG NYID THA MA BZHI GSUNGS LA, GNYIS KA SDOMS PAS NYI SHUR 'GYUR BA LA DGONGS NAS, 'PHAGS PA DANG SLOB DPON GYIS NYI SHU'I GRANGS MDZAD LA, SH'ANTI AA BHYA RAD KIR DZA YA AA NAN TA BUD DHA SHR'I RNAMS KYANG DE LTAR RO, ,DE LA RGYAS PAR PHYE NA STONG NYID BCU DRUG DANG MDOR BSDU NA THA MA BZHI DANG, SHIN TU BSDUS NA BDAG MED 'DI GNYIS ZHES 'JUG PA'I 'GREL BSHAD DU 'BYUNG BA NI 'JUG PA'I DGONGS PA'O, ,DE LA NANG NI, NANG STONG PA NYID GANG ZHE NA, NANG GI CHOS RNAMS ZHES BYA BA NI MIG DANG RNA BA DANG SNA DANG LCE DANG LUS DANG YID LA BRJOD DO, ,DE LA THER ZUG TU GNAS PA MED PA DANG, 'JIG PA MED PA'I PHYIR MIG NI MIG GIS STONG NGO, ,DE CI'I PHYIR ZHE NA, DE'I RANG BZHIN DE YIN PA'I PHYIR RO ZHES RGYU MTSAN GNYIS SBYAR BA'I TSUL 'DIS NYI SHU PO THAMS CAD STONG NYID DU GSUNGS SO, ,'DI YANG STONG PA'I GZHI, STONG PA'I TSUL, STONG PA'I THA SNYAD, THA SNYAD KYI RGYU MTSAN DANG BZHIS BSTAN TO, ,DANG PO NI DBANG PO DRUG GO ,GNYIS PA NI, NYI SNANG DU, KU tA NI TSOGS PA STE DE LA YOD PA'I RANG BZHIN MI DMIGS PA'I PHYIR AA KU tA STHA STE TSOGS PAR GNAS PA MED PA'O, ,DE LTA BUR GYUR PA DE CI ZHIG 'JIG PAR GYUR TE, DES NA 'JIG PA MED PA YIN TE, SKYE BA MED PA DANG

, ,'GAG PA MED PA'I CHOS NYID DE NYID NI 'DI YI RANG BZHIN YIN NO, ZHES SO, ,DE'I LTAR NA THER ZUG GI DON LA 'JUG PA'I STHA NI GNAS PA'I DON YIN LA DE AAS BKAG PAS RGYU RKYEN TSOGS PAR GNAS PA MED LA DE LA SKYE BA MED BAS 'JIG PA YANG MED DE, DES NA SKYE 'GAG MED PA'I PHYIR MIG SOGS DE DES STONG ZHES PA'O, ,'JUG PA'I 'GREL BSHAD DU, THER ZUG TU GNAS PA DANG 'JIG PA MED PA'I DON RIM PA LTAR RNAM PAR 'GYUR BA DANG, 'JIG PAR 'GYUR BA MED PA LA BSHAD CING, THER ZUG MIN PA DANG MI 'JIG PA GNYIS 'BYUNG BA NI DANG POS 'GYUR BA BKAG PA NA RE ZHIG GNAS NAS PHYIS 'JIG GAM SNYAM PA BZLOG PA'I PHYIR 'JIG PA MA YIN ZHES SMOS PAS SO, ZHES SO, ,'BUM GYI GNOD 'JOMS SU, DE GNYIS MED PA'I DON RTAG PA DANG MI RTAG PAR MED DE DE'I PHYIR DBANG PO DRUG LA DON DAM PAR DNGOS PO MED DE GZHAN DU NA DE GNYIS KYI DNGOS POR 'GYUR DGOS PAS SO, ZHES SO, ,RGYU MTSAN PHYI MA YANG DE NYID LAS; DE'I RANG BZHIN YIN PA'I PHYIR ZHES BYA BA NI MIG LA MIG GI DNGOS PO MED PA NYID DE'I RANG BZHIN YIN GYI RGYU GZHAN GYIS BSHIG STE STONG PAR BYAS PA NI MA YIN NO ZHES BYA BA'I DON TE, ZHES 'BYUNG BAS MIG SOGS LA RTAG MI RTAG GI DNGOS PO MED PA'I RTAGS SGRUB TU SBYAR RO, ,DE BZHIN DU CHOS CAN LHAG MA BCU DGU LA YANG RGYU MTSAN SNGA PHYI GNYIS KYI BSHAD PA RNAMS 'DIR BSHAD PA BZHIN BSGRE'O, ,GSUM PA NI, NANG STONG PA NYID CES PA'O, ,BZHI PA NI

MIG SOGS RNAMS NANG GI CHOS YIN PAS SO, ,PHYI ROL NI SEMS KYIS MA ZIN PA'I YUL LNGA'O, ,PHYI NANG GNYIS NI DBANG PO'I RTEN GYIS BSDUS PA'I YUL LNGA STE, DE YANG SEMS KYIS ZIN PA DANG DBANG POS MA BSDUS PA'I PHYIR RO, ,MDO LAS NI DBANG PO DANG YUL DRUG LA PHYI NANG DU MDZAD NAS DE GNYIS GCIG GIS GCIG STONG BAR GSUNGS SO, ,'DIR NYI SNANG LAS, CHOS KYI SKYE MCHED LA NI RNAM PAR RTOG PA 'DI DAG GSUM CHAR YANG SRID PA DES NA 'DI'I NANG LA SOGS PA NI JI LTAR SRID PA BZHIN RIG PAR BYA'O, ZHES PA NI SEMS BYUNG DANG, 'DUS MA BYAS DANG, CHOS KYI SKYE MCHED PA'I GZUGS DANG LDAN MIN RGYUD DU GTOGS PA GSUM RIM PA LTAR NANG DANG PHYI DANG PHYI NANG NGO, ,'DI GNYIS DANG 'OG MA RNAMS KYI STONG TSUL NI DANG PO DANG MTSUNGS SHING THA SNYAD DANG THA SNYAD KYI RGYU MTSAN NI STONG GZHI GSUM PO RIM PA LTAR NANG YUL CAN DANG PHYI YUL DANG PHYI NANG GNYIS KA YIN PAS DE DAG GI STONG NYID LA YANG NANG DANG PHYI DANG DE GNYIS KAS STONG PA NYID DU BSTAN TO, , STONG PA'I DNGOS PO NI CHOS THAMS CAD STONG NYID DU SHES PA STE STONG GZHI'O, ,'DIS STONG NYID DU 'DZIN PA ZHI BAR BYED PA NI STONG PA NYID KYI THA SNYAD KYI RGYU MTSAN NO, ,CHOS CAN BZHI PA 'DI'I 'DZIN TSUL NI DBUS MTHA' BRGYAD STONG DON BSDUS RTZA 'GREL DANG SLOB DPON DANG 'PHAGS PA RNAMS MTHUN NO, ,'JUG PA LAS NI, CHOS RNAMS RANG BZHIN MED PA NYID, ,MKHAS PAS STONG PA NYID CES BSNYAD, ,STONG NYID DE YANG STONG NYID KYI, ,NGO BOS STONG PAR 'DOD PA YIN, ,STONG

, ,NYID CES BYA'I STONG NYID GANG, ,STONG NYID STONG NYID DU 'DOD DE, ,STONG NYID DNGOS PO'I BLO CAN GYI, ,'DZIN PA BZLOG PHYIR GSUNGS PA YIN, ZHES RKANG PA DANG PO GNYIS KYIS STONG GZHI, DE NAS GNYIS KYIS STONG TSUL, DE NAS GNYIS KYIS DE LA MING 'DOGS TSUL, THA MA GNYIS KYIS DE LA STONG NYID DU BSHAD PA'I DGOS PA BSTAN TO, ,MDO LAS KYANG, CHOS THAMS CAD KYI STONG NYID STONG GZHIR GSUNGS PAS 'DI NI 'JUG PAR GSUNGS PA LTAR STONG NYID LA BDEN ZHEN ZLOG PA'I PHYIR YIN PAS STONG BZHI 'DI NYID 'THAD DO, ,PHYOGS NI SHAR LA SOGS PA BCU STE DE NA DBYIBS SHIN TU CHE BA'I PHYIR NA DE'I STONG PA NYID CES BYA'O, ,MYA NGAN LAS 'DAS PA'I LAM NI MYANG 'DAS DANG LAM GZHI MTHUN PAR BYAS TE DE NI THOB PA'I DON DAM PA'O, ,MDO DANG NYI SNANG DANG RGYAN SNANG DU MYANG 'DAS NYID LA BSHAD CING, 'GREL PA GNYIS SU DE NI BRAL BA TZAM YIN PA'I PHYIR, ZHES PA NI RTAG MI RTAG GNYIS KA 'GRUB PA MED PA'I RGYU MTSAN DU SBYAR NA 'GRIG LA BRAL BA'I DON NI LAM GYIS SPANG BYA BCOM TZAM GYI CHA'O, RKYEN LAS SKYES PA NI KHAMS GSUM STE, DE NI MTHA' GCIG TU MA GRUB PAS GNYEN POR BSGYUR NUS PA NI THA SNYAD KYI RGYU MTSAN NO, ,RKYEN SKYES KYI CIG SHOS MA SKYES PA SKYE 'GAG DANG GNAS PA LAS GZHAN 'GYUR BA MED PA'I 'DUS MA BYAS TE MTSAN NYID DE DAG GIS MTSON PA'I ZLOG PHYOGS SKYE BA SOGS KYIS DBEN PA NI THA SNYAD KYI RGYU MTSAN NO, ,MTHA' 'DAS NI RTAG CHAD KYI MTHAS STONG BAS MTHA' 'DAS TE, MTHA'

GNYIS DANG BRAL BA YIN LA, MTHA' 'AM CHAR 'JOG PA'I RGYU MTSAN LTOS SA DBUS NA CUNG ZAD KYANG MA GRUB PA NI THA SNYAD KYI RGYU MTSAN NO, ,DAG LDAN DU LONGS SKU LA BSHAD DO, ,THOG MA MED PA NI THOG MTHA' DBUS DANG BRAL BA 'KHOR BA STE, DE NI THOG MA LA SOGS PA CHOS NYID KYI RJES SU SKYES PA'AM CHOS NYID JI LTA BA BZHIN DU GYUR PA NI THA SNYAD KYI RGYU MTSAN NO, ,DOR BA MED PA NI DE DAG PHYOGS DE DOR BA DANG SPANGS PA DANG BTANG BA LAS BZLOG PA NI THA SNYAD KYI RGYU MTSAN NO, ,DAG LDAN LAS, DOR BYA MA YIN PA'I THEG CHEN LA BSHAD CING, GNOD 'JOMS GNYIS SU DOR BA PHUNG PO YIN LA DE MED PA LHAG MED KYI MYANG 'DAS TE, 'OD SRUNG GI GSUNG RAB LAS PHUNG PO LA DOR BA ZHES 'BYUNG LA, SNGAR GYI MYANG 'DAS LHAG BCAS YIN PAS 'DI DANG MI ZLOS ZHAS 'CHAD DO, ,RANG BZHIN NI 'DUS BYAS 'DUS MA BYAS KYI STONG NYID DO, ,DE NI YE NAS STONG BAS DE STONG PAR 'PHAGS PA GANG GIS KYANG MA BYAS PAS 'DUS BYAS 'GYUR BA DANG 'DUS MA BYAS MI 'GYUR BAS GNOD PAR MI NUS PA NI THA SNYAD KYI RGYU MTSAN NO, ,CHOS KUN NI PHUNG KHAMS SKYE MCHED REG PA TSOR PA GZUGS YOD MED 'DUS BYAS 'DUS MA BYAS TE, DES CHOS KUN BSDUS PAS NI THA SNYAD KYI RGYU MTSAN BSTAN LA, 'DUS BYAS MA BYAS KYI CHOS RNAMS PHAN TSUN LTOS NAS BZHAG PA TZAM YIN PA NI STONG PA'I RTAGS SGRUB TU BYA'O, ,CHOS SKYE SOGS NI SKYE BA DANG 'GAG PA SOGS DANG GZUGS SU RUNG BA DANG, NYAMS SU MYONG BA LA SOGS PA STE, SPYI DANG KHYAD PAR GYI MTSAN NYID YIN PA NI THA

, ,SNYAD KYI RGYU MTSAN YIN LA, MTSAN NYID DU BZHAG PA'I SPYI DANG KHYAB PAR RNAMS BTAGS PA TZAM YIN PA NI RTAGS SGRUB PO, ,'DAS SOGS NI DUS GSUM STE DE DAG RE RE LA GZHAN GNYIS MA DMIGS PA NI THA SNYAD KYI RGYU MTSAN YIN LA; DUS RNAMS DNGOS PO LA BTAGS PA TZAM YIN PA NI RTAGS SGRUB BO, ,LDAN PA NI RGYU RKYEN DU MA SBYOR BA'AM 'DUS PA YIN ZHING, 'DUS PA'I SPYI TSOGS TZAM YANG DNGOS POR MED PA NI THA SNYAD KYI RGYU MTSAN YIN LA, SBYOR BA LAS BYUNG BA'AM 'DUS PA NI RTEN 'BREL YIN PAS RANG BZHIN GNYIS MED DO, ,LDAN PA'I CIG SHOS NI PHUNG PO LNGA STE NYER LEN GYI DNGOS PO YIN PA NI THA SNYAD KYI RGYU MTSAN YIN LA, PHUNG PO'I DON NI SPUNGS PA YIN LA, SPUNGS BA GLO CHOS YIN GYI DON LA MED PAS RANG BZHIN GNYIS MED DO, ,'DIR CIG SHOS ZHES PA SGRAS ZIN GYI LDAN PA'I BZLOG ZLA LA BYAS NA MA 'DUS PA DANG MA PHRAD PAR 'GYUR BAS DE LA MI BYA BAR LDAN PA NI DNGOS PO MED PA'I NGO BO NYID STONG PA NYID YIN PAS DE'I CIG SHOS DNGOS PO STONG PA NYID CES SBYAR RO, ,MKHA' NI MTSON PA STE 'GOG PA GNYIS DANG DE BZHIN NYID KYANG YIN ZHING DE DAG DNGOS MED YIN PA NI THA SNYAD KYI RGYU MTSAN YIN LA DE DAG RIM PA LTAR THOGS PA'I REG BYA'AM SGRIB BYED DANG BRAL BA TZAM DANG, MA 'ONGS PA SKYE BA'I RKYEN MA TSANG TZAM DANG, LAM GYIS SPANG BYA BCOM TZAM GYI CHA DANG, BDAG GNYIS KYIS STONG TZAM LA BTAGS PAS RANG BZHIN MED DO, ,'DIR MTSAN GZHI DANG GONG DU MTSAN NYID KYI NGOS

NAS BSTAN PAS 'DUS MA BYAS STONG PA NYID DANG MI ZLOS ZER RO, ,STONG PA ZHES BYA NI CHOS RNAMS KYI PHYIN CI MA LOG PA'I NGO BO STE, DE NI 'PHAGS PA RNAMS KYI YE SHES DANG MTHONG BAS GSAR DU MA BYAS PAR GDOD MA NAS STONG BA'I PHYIR RANG GI NGO BO STE, DE'I PHYIR RANG GI NGO BO STONG PA NYID CES THA SNYAD DU BYAS SO, ,DE LTAR NA SHES MTHONG GIS MA BYAS PA RANG BZHIN NAM RANG GI NGO BO YIN PA'I RGYA MTSAN DU SBYAR GYI RANG BZHIN DE RANG GI NGO BOS STONG BA'I RGYU MTSAN DU MI SBYAR TE, 'JUG PAR, RANG BZHIN NGO BO NYID MED NI, ,RANG BZHIN ZHES BYA'I STONG NYID DE, ,'DI LTAR DE NI MA BYAS PAS, ,RANG BZHIN ZHES NI BYA BAR BSNYAD, CES SO, ,MDO LAS KYANG, DE LA RANG GI NGO BO STONG PA NYID GANG ZHE NA, RANG GI NGO BO NI SHES PA DANG MTHONG BAS MA BYAS PA'I PHYIR NA PHYIN CI MA LOG PA'I RANG BZHIN NO, ,THER ZUG TU GNAS PA MED PA DANG 'JIG PA MED PA'I PHYIR RANG GI NGO BO NI RANG GI NGO BOS STONG NGO, ,DE CI'I PHYIR ZHE NA, DE'I RANG BZHIN DE YIN PA'I PHYIR TE 'DI NI RANG GI NGO BO STONG PA NYID CES BYA'O; ZHES PAS SO, ,GAL TE SHES MTHONG GIS CHOS RNAMS KYI RANG BZHIN DE STONG PAR MA BYAS NA DES DE LA CI ZHIG BYED CE NA, SHES MTHONG GIS NI YANG DAG PA PHYIN CI MA LOG PA'I DON DE GSAL BAR BYED PA'AM RTOGS PAR BYED PA YIN NO; ;SHES MTHONG GNYIS KYANG 'BUM GYI GNOD 'JOMS SU, SHES PA NI RNAM PAR MI RTOG PA'I YE SHES LA BYA'O, ,MTHONG BA NI RNAM PAR MI RTOG PA'I YE SHES KYI RJES LAS BYUNG BA DAG PA 'JIG RTEN PA'I YE SHES LA BYA STE ZHES

, ,'BYUNG LA, NYI SNANG DU RJES SU DPAG PA'I SHES PA BSAL BA'I DON DU MTHONG BA SMOS LA, 'KHRUL PA'I MTHONG BA BSAL BA'I DON DU SHES PA SMOS TE ZHES GSUNGS TE, MNGON SUM DANG MA 'KHRUL BA GNYIS LA BZHED DO,, 'DI DANG RANG BZHIN STONG PA NYID MI ZLOS PA NI MDOR BSDUS PA DANG RGYAS PAR PHYE BA THA DAD PAS SO, ,CHOS KYI GZHAN GYI NGO BO NYID NI MDO LAS, DE LA GZHAN GYI NGO BO STONG PA NYID GANG ZHE NA, DE BZHIN GSHEGS PA RNAMS BYUNG YANG RUNG MA BYUNG YANG RUNG STE CHOS RNAMS KYI CHOS NYID CHOS KYI DBYINGS DANG DE BZHIN NYID DANG GZHAN MA YIN PA DE BZHIN NYID DANG, YANG DAG PA'I MTHA' GANG YIN PA 'DI NI GNAS PA NYID DE GZHAN GYIS MA BYAS SO, ,THER ZUG TU GNAS PA MED PA DANG 'JIG PA MED PA'I PHYIR DE NI DES STONG NGO, ,DE CI'I PHYIR ZHE NA, DE'I RANG BZHIN DE YIN PA'I PHYIR TE, 'DI NI GZHAN GYI NGO BO STONG PA NYID CES BYA'O, ZHES SO, ,DE LA CHOS NYID NAS MA BYAS PA'I BAR GYIS STONG GZHI DANG, THER ZUG NAS DE'I RANG BZHIN ZHES SOGS KYIS RGYU MTSAN DANG STONG TSUL BSTAN NAS 'DI NI ZHES SOGS KYIS DON BSDUS TE THA SNYAD BTAGS SO, ,'DI THAMS CAD LA SBYAR RO, ,'DIR GZHAN GYI DNGOS PO'I SGRAS NI STONG PA NYID CHOS RNAMS KYI NANG NAS MCHOG TU BSTAN PA DE YANG SANGS RGYAS RNAMS BYON RUNG MA BYON RUNG MCHOG NYID DU GNAS PA DANG, YANG NA GZHAN NI PHUL DU BYUNG BA'I YE SHES DANG DNGOS PO'AM NGO BO NI DE'I YUL YIN PA DANG, YANG NA 'KHOR BA LAS GZHAN TE PHA ROL TU

GYUR PA'I YANG DAG PA'I MTHA' LA BYA'O, ZHES 'JUG PA'I 'GREL PA DANG 'GREL BSHAD DU 'BYUNG NGO, ,DAG LDAN DU NI, 'DI NI DAM PA YIN PA'I PHYIR GZHAN YANG YIN LA GZHAN GYIS MA BYAS PA'I NGO BO NYID YIN PAS 'DI NI GZHAN GYI NGO BO STE; DE BZHIN NYID DO, ZHES TE, MDOR NA GZHAN GYI NGO BOR 'JOG TSUL SNGAR LTAR YIN PAS DE LA RANG BZHIN MED PA GZHAN GYI NGO BO STONG NYID DU BSTAN LA, SNGA MAR DE BZHIN NYID STONG NYID YIN PA DE 'PHAGS PA RNAMS KYIS MA BYAS PA'I RANG GI NGO BOR BSTAN NAS DE LA RANG BZHIN MED PA DE RANG GI NGO BO STONG PA NYID DU BSTAN PA NI 'DI GNYIS KYI KHYAD PAR RO, ,'O NA NYI SNANG LAS BYED PA PO GZHAN GYIS STONG PA NYID YIN PA'I PHYIR, GZHAN GYI DNGOS PO STONG PA NYID DE, STONG PA NYID LA BRTEN PA'I SKYES BU'I BYED PA NI 'PHONGS PA 'BA' ZHIG TU ZAD DO ZHES PA JI LTAR DRANG ZHE NA, BYED PA PO GZHAN GYIS STONG ZHES PA NI 'DI'I STONG TSUL MIN GYI 'DI'I NGO BOS STONG PA DE LA GZHAN GYI NGO BO STONG PA NYID CES PA'I THA SNYAD 'DOGS PA'I RGYU MTSAN YIN TE, GZHAN DU NA 'DI RANG STONG MA YIN PAR 'GYUR RO, ,TSIG THA MAS NI STONG NYID DE GZHAN GYIS BYED NA RANG NYID NGAL BA TZAM DU 'GYUR TE, DE SUS KYANG BYA MI NUS PAS SO ZHES BSTAN TO, ,DON 'DI LA SHER SGRON DU; THAMS CAD DU RANG GI CHOS KYI DBEN PAS RANG GI NGO BO STONG PA NYID DANG, CHOS GZHAN GYI NGO BOS DBEN PAS GZHAN GYI NGO BO STONG PA NYID KYI PHYIR RO ZHES 'CHAD PA NI, MDO DANG 'GREL CHEN GNYIS DANG MI MTHUN LA, GSUM GYI GNOD

, ,'JOMS SU STONG NYID BCU DRUG PA'I DNGOS PO MED PA'I DNGOS SHUGS KYIS DNGOS MED DANG DNGOS PO STONG PA NYID GNYIS DANG, NGO BO NYID CES PA'I DNGOS SHUGS KYIS NYI SHU PA DANG BCU DGU PA BSTAN PAR BYAS NAS THA MA BZHI LA DNGOS PO MED PA'I NGO BO NYID STONG PA NYID CES 'CHAD DO, ,DE LTAR YE SHES NYI SHUR NGES PA YUL STONG NYID NYI SHU YOD PAS YIN LA, YUL DER NGES PA NI GDUL BYA 'KHOR DU NYE BA'I BSAM PA LA LTOS PAS YIN GYI DNGOS PO LA GNAS PA MIN TE; STONG NYID NYI SHUR BSHAD PA CHOS CAN NYI SHU LA MNGON ZHEN BCAD PA'I CHED DU YUL DE DANG DE RANG BZHIN MED PAR BSTAN PA YIN LA CHOS CAN GYI DBYE BA LA NI DE LAS MANG BA DANG NYUNG BA GNYIS KA LA ZHEN PA YOD PAS SO, ,GNYIS PA LA GNYIS, SPYI DANG YAN LAG GI DON NO, ,DANG PO LA GSUM, KHYAD PAR GYI GZHI SA'I NGO BO, KHYAD PAR GYI CHOS SA'I RNAM GZHAG ,KHYAD PAR DE LDAN GYI SA'I NGES TSIG GO ,DANG PO LA GNYIS, RANG BZHIN DNGOS DANG, DBYE BA'O, ,DANG PO NI, 'JIG RTEN LAS 'DAS PA'I YE SHES SNYING RJE KHYAD PAR CAN GYIS ZIN PA'I SLOB PA'I RTOGS PA GANG YON TAN GYI RTEN DU GYUR PA NI SKABS 'DI'I SA'I NGO BO'O, ,GNYIS PA NI, DBYE GZHI BYANG 'PHAGS KYIS TZAM ZHIG GO ,DBYE NGO BCU'O, ,PHYE BA'I THA DAD NI DNGOS PO THA DAD DE SNGA PHYI RGYU 'BRAS YIN PAS SO, ,GRANGS NGES NI YONGS SBYONG MI 'DRA BA BCU YOD PAS YIN TE, RGYAN SNANG DU, MTHONG BA DANG SGOM PA'I LAM LA YONGS SU SBYONG BA'I CHOS KYI DBYE BAS RAB TU DGA' BA LA SOGS PA'I SA BCUR

RNAM PAR BZHAG GO ,ZHES SO, ,DE NI KHYAD PAR CAN GYI DBANG DU BYAS LA PHAL PA LA NI DAD PA DANG MOS SPYOD KYI SA YANG YOD DO, ,GNYIS PA LA BDUN, SHAS CHE BA DANG, KUN RDZOB PA'I YON TAN DANG, SKYE BA 'DZIN PA'I TSUL DANG, GNYEN PO RTOGS PA DANG, SPANG BYA MI MTHUN PHYOGS DANG, SA THOB PA'I RTAGS DANG, 'BRAS BU'I KHYAD PAR RO, ,DANG PO NI, SA BCU PO RE RE LA PHAR PHYIN BCU RIM PA BZHIN SHAS CHE BA NI KHYAD PAR CAN DANG, DE RE RE LA THAMS CAD KYANG SGRUB PA NI KHYAD PAR MED PA STE, DBUS MTHAR, KHYAD PAR CAN DANG KHYAD MED NI, ,SA BCU DAG TU SHES PAR BYA, ZHES PA NI PHAR PHYIN LA SLOB TSUL LO, ,GZHAN YANG MDO SDE'I RGYAN LAS, CHOS NYID RAB TU RTOGS NAS 'DIR, ,LHAG PA'I TSUL KHRIMS LHAG SEMS DANG; ;LHAG PA'I SHES RAB LA RJES SLOB, ,SHES RAB SPYOD YUL GNYIS YIN TE, ,CHOS KYI DE NYID DANG DE NI, ,MI SHES SHES SOGS 'JUG PA NYID, CES PAS NI SA DANG PO DRUG TU SLOB TSUL BSTAN TE, 'DI LTAR SA DANG POR CHOS NYID RTOGS NAS GNYIS PAR TSUL KHRIMS DANG, GSUM PAR TING NGE 'DZIN DANG DE NAS SA GSUM DU SHES RAB LA SLOB STE, DE YANG BZHI PAR PHYOGS MTHUN LA MKHAS PA'I SHES RAB DANG, LNGA PA DRUG PAR NI SHES RAB GYI YUL GNYIS TE, CHOS KYI DE NYID BDEN BZHI DANG, DE MI SHES SOGS NI RIM PA BZHIN MA RIG PA DANG RIG PA LA SOGS PA STE RTEN 'BREL LUGS MTHUN DANG LUGS MI MTHUN NO, ,DE BAS NA SA GNYIS LA YANG SHES RAB BZHAG GO ,SA LHAG MA BZHIR DE GSUM LA

, ,BSLABS PA'I 'BRAS BU 'GRUB TSUL YANG, DE NYID LAS, MTSAN MED 'DU BYED DANG BCAS PAR, ,GNAS PA 'BRAS BU DANG PO YIN, ,DE NYID MNGON 'DU BYED MED DANG, ,ZHING NI RNAM PAR DAG PA DAG ,'BRAS BU GNYIS PAR 'DOD PA YIN, ,SEMS CAN SMIN PA 'GRUB NYID DANG, ,TING NGE 'DZIN DANG GZUNGS RNAMS NI, ,'GRUB PA 'BRAS BU DAM PA YIN, ,'BRAS BU RNAM PA 'DI BZHI NI, ,SA BZHI PO LA YANG DAG BRTEN, ZHES PA NI BSLAB PA LA SLOB TSUL LO, ,GZHAN YANG DE NYID LAS, CHOS NYID RAB TU RTOGS NAS 'DIR, ,TSUL KHRIMS KYI NI PHUNG PO SBYONG, ,DE YI 'OG TU TING 'DZIN DANG, ,SHES RAB PHUNG PO RNAM PAR SBYONG, ,DE LAS GZHAN PA DAG LA NI, ,SGRIB RNAM BZHI DANG THOGS PA YI, ,SGRIB PA LAS NI RNAM GROL DANG, ,GROL BA'I YE SHES RNAM PAR SBYONG, ZHES SA DANG POR PHUNG PO'I RTEN CHOS NYID RTOGS NAS GNYIS PAR TSUL KHRIMS, GSUM PAR TING NGE 'DZIN BZHI PA LNGA PA DRUG PA RNAMS SU SHES RAB KYI PHUNG PO SBYONG LA, SA LHAG MA BZHIR 'BRAS BU BZHI'I GEGS BZHI DANG, SANGS RGYAS KYIS LA THOGS SGRIB SBYONG BAS RIM PA LTAR RNAM PAR GROL BA DANG, GROL BA'I YE SHES GNYIS SBYONG BAR GSUNGS PA NI ZAG MED KYI PHUNG PO LNGA SBYONG TSUL LO, ,GNYIS PA NI, SA DANG PO LA YON TAN BRGYA PHRAG BCU GNYIS SKAD CIG LA 'THOB STE, TING NGE 'DZIN BRGYA 'THOB CING DE DAG LA 'JUG PA DANG, SANGS RGYAS BRGYA MTHONG BA DANG, DE RNAMS KYI BYIN RLABS KYANG SHES PA DANG, 'JIG RTEN GYI KHAMS BRGYA G-YO BAR

BYED PA DANG, ZHING BRGYAR YANG 'GRO BA DANG, 'JIG RTEN GYI KHAMS BRGYA SNANG BAR BYED PA DANG, SEMS CAN BRGYA SMIN PAR BYED PA DANG, BSKAL PA BRGYAR GNAS PAR BYED PA DANG, BSKAL PA BRGYA LA SNGON DANG PHYI MA'I MTHAR 'JUG PA DANG, CHOS KYI SGO BRGYA 'BYED PA DANG, LUS BRGYA KUN TU STON PA DANG, LUS RE LA 'KHOR BYANG CHUB SEMS DPA' BRGYA BRGYA DANG LDAN PAR STON PA'O, ,'DI NI 'JUG PAR GSUNGS PA YIN LA, YON TAN DANG PO LA 'JUG PAR, TING NGE 'DZIN LA 'JUG LDANG BYED PAR BSHAD CING, 'GREL BSHAD DU, YON TAN GSUM PA'I DE RNAMS ZHES PAS SANGS RGYAS RNAMS LA BSHAD PAS TING NGE 'DZIN GYI BYIN RLABS BZHES RIGS RAL 'DOD PA NOR RO, ,YON TAN DGU PA NI BYANGS LAS, SNGON GYI MTHA' DANG PHYI MA'I MTHA'I BSKAL PA BRGYAR YANG YE SHES MTHONG BAS 'JUG PAR BYED DO ZHES PA LTAR RO, ,DE LA G-YO BAS NI GDUL BYA 'DUN PAR BYAD LA, 'GRO BA DANG SNANG BAS NI GDUL BYA'I GNAS SU SONG STE MTHONG NAS SMIN PAR BYAD DO, ,SNGON DANG PHYI MTHA' LA 'JUG PAS NI SEMS CAN GYI SDIG PA BRAL BA'I CHED DU LAS KYIS 'KHOR BAR 'GRO BA'I TSUL STON NO, ,CHOS SGO BRGYA 'BYED PAS NI RANG GI BLO GROS SMIN PA'I CHED DU CHOS KYI RNAM GRANGS RNAMS KYI DON SEMS PA'O ZHES THUB DGONGS DANG 'JUG PA'I 'GREL BSHAD DU'O, ,DE BZHIN DU SA GNYIS PA LA YON TAN DE DAG STONG 'GYUR DANG, GSUM PA LA 'BUM DANG, BZHI PA LA BYE BA PHRAG BRGYA DANG, LNGA PA LA BYE BA PHRAG STONG DANG, DRUG PA LA BYE

, ,BA BRGYA PHRAG STONG DANG, BDUN PA LA BYE BA KHRAG KHRIG 'BUM 'THOB PO, ,SA LHAG MA RNAMS KYI YON TAN NI BYE BA LA SOGS PA'I GRANGS KYIS MI CHOD PAS RDUL PHRA RAB KYIS BSTAN TE, BRGYAD PA LA STONG GSUM GYI 'JIG RTEN GYI KHAMS 'BUM GYI RDUL PHRA RAB KYI GRANGS DANG MNYAM PA DANG, DGU PA LA STONG GSUM GYI 'JIG RTEN GYI KHAMS GRANGS MED PA 'BUM PHRAG BCU'I RDUL PHRA RAB KYI RDUL JI SNYED PA DE SNYED DANG, BCU PA LA SANGS RGYAS KYI ZHING BRJOD DU MED PA'I YANG BRJOD DU MED PA'I RDUL PHRA RAB KYI RDUL SNYED DANG MNYAM PA'I YON TAN RNAMS 'THOB PAR 'JUG PA LAS GSUNGS SO, ,GSUM PA LA GNYIS, DBANG DANG, RNAM SMIN GYI SKYE BA'O, ,DANG PO NI, MOS SPYOD PA RNAMS 'DOD PAR SKYE BA LAS DANG, SA THOB PA RNAMS DUD 'GRO SOGS DMAN GNAS SU SKYE BA SMON LAM DANG, BSAM GTAN GYI DBANG GIS GZUGS KHAMS SU SKYE BA BZLOG NAS 'DOD PAR SKYE BA TING NGE 'DZIN DANG, SPRUL PAS DGA' LDAN GYI GNAS LA SOGS PAR SKYE BA STON PA DBANG 'BYOR PA'I DBANG GIS SKYE BA STE, MDO SDE'I RGYAN LAS, BLO LDAN RNAMS KYI LAS DANG NI, ,GZHAN YANG SMON LAM DAG DANG NI, ,TING NGE 'DZIN DANG DBANG SBYOR BA'O, ,DBANG GIS SKYE BAR 'DOD PA YIN, ZHES SO, ,GNYIS PA NI, SA BCU LA GNAS PA RNAMS RIM PA BZHIN PHAL CHER 'DZAMBU'I GLING DANG, GLING BZHI DANG, SUM CU RTZA GSUM DANG, 'THAB BRAL DANG, DGA' LDAN DANG, 'PHRUL DGA' DANG,

GZHAN 'PHRUL DBANG BYED KYI RGYAL PO DANG, STONG GI BDAG PO DANG, STONG GNYIS KYI BDAG PO TSANGS PA DANG, GNAS GTZANG MA'I LHA'I RGYAL PO RNAMS SU SKYE BA 'DZIN NO, ,BZHI PA LA GNYIS, RTOGS TSUL DANG, DE MNYAM RJES GANG YIN BSTAN PA'O; ;DANG PO NI, SA DANG POR CHOS DBYINGS DE RGYUD THAMS CAD LA KHYAD PAR MED PAR KUN TU 'GRO BA'I DON DU DANG, SA GNYIS PAR DE SGRIB PA SPANG RUNG DU RTOGS PAS MCHOG GI DON DANG, SA GSUM PAR THOS PA TSOL BA NI CHOS NYID RTOGS PA'I RGYU MTHUN PA STE RGYU'I MCHOG TU RIG PAS RGYU MTHUN PA DON GYI MCHOG TU DANG, SA BZHI PAR CHOS LA SRED PA YANG LOG PAS CHOS NYID YONGS SU 'DZIN PA MED PA'I DON DU DANG, SA LNGA PAR BDAG GZHAN THAMS CAD KYI RANG BZHIN CHOS NYID DU RTOGS PAS DE RGYUD THA DAD PA MED PA'I DON DU DANG, SA DRUG PAR RTEN 'BREL GYI CHOS NYID LA NYON MONGS RNAM BYAD DU 'GYUR BA'I CHOS GANG YANG MED PAR RTOGS PAS DE NYON MONGS DANG RNAM DAG MIN PA'I DON DU DANG SA BDUN PAR CHOS DBYINGS LA MDO LA SOGS PA'I CHOS KYI MTSAN MA THA DAD PA MI 'BYUNG BAS DE THA DAD MED PA'I DON DU DANG, SA BRGYAD PAR MI SKYE BA'I CHOS LA BZOD PA THOB PAS KUN BYANG BRI 'PHEL MED PAR RTOGS PAS DE BRI MED 'PHEL MED KYI DON DU DANG, NYON YID DANG 'DZIN PA SGO LNGA'I SHES PA YUL DANG BCAS PA GNAS GYUR PAS RIM PA BZHIN CHOS NYID MI RTOG YE SHES DANG ZHING DAG PA LA DBANG BA'I GNAS SU DANG, SA DGU PAR SO SO YANG DAG PAR RIG PA BZHI THOB PAS CHOS NYID DE YE SHES

, ,LA DBANG BA'I GNAS SU DANG, SA BCU PAR JI LTAR BZHED PA BZHIN SPRUL NAS SEMS CAN GYI DON BYED PAS CHOS NYID LAS LA DBANG BA'I GNAS NYID DU RTOGS TE, DBANG DE GNYIS NI RNAM PAR RTOG PA YID SHES GNAS GYUR PA LAS 'BYUNG PA'O, ,DE LTAR CHOS DBYINGS BCU LA SGRIB PA'I NYON MONGS CAN MA YIN PA'I MI SHES PA SHES SGRIB BCU YANG GNYEN PO SA BCUS RIM PA LTAR SPONG STE, DE DAG GI MI MTHUN PA'I PHYOGS YIN PAS SO, ,DE SKAD DU YANG DBUS MTHA' LAS, KUN TU 'GRO DON MCHOG GI DON, ,RGYU MTHUN DON GYI MCHOG NYID DANG, ,YONGS SU 'DZIN PA MED DON DANG, ,RGYAD RNAMS THA DAD MED DON DANG, ,NYON MONGS RNAM DAG MIN DON DANG, ,THA DAD MED PA'I DON NYID DANG; ;BRI MED 'PHEL BA MED DON DANG, ,DBANG NI RNAM PA BZHI YI GNAS, ,CHOS KYI DBYINGS LA MA RIG PA, ,NYON MONGS CAN MIN SGRIB PA BCU, ,SA BCU'I MI MTHUN PHYOGS RNAMS KYI, ,GNYEN PO DAG NI SA YIN NO, ZHES SO, , DBANG BZHI SA GSUM PO DER THOB PAR YANG MDO SDE'I RGYAN LAS, YID DANG 'DZIN DANG RNAM PAR RTOG ,GYUR PHYIR RNAM PAR MI RTOG PA, ,ZHING DANG YE SHES LAS DAG LA, ,DBANG NI RNAM PA BZHI YIN NO, ,DBANG DE MI G-YO LA SOGS PA'I; ;SA GSUM LA NI RNAM BZHI STE, ,GCIG LA RNAM GNYIS DE LAS GZHAN, ,DBANG NI RE RER 'DOD PA YIN, ZHES SO, ,GNYIS PA LA GNYIS, 'THAD PA'I PHYOGS DGOD, DE MI 'THAD PAR 'DOD PA DGAG PA'O, ,DANG

PO NI; DBUS MTHAR BSHAD PA'I RTOGS TSUL DE DAG MNYAM GZHAG DANG RJES THOB KYI RTOGS TSUL GANG YIN ZHE NA, RJES THOB KYI TSE NGES PA 'DREN TSUL THA DAD PA RE YOD PAS DE'I RTOGS TSUL YIN TE, RGYAN SNANG LAS, GANG GI TSE CHOS THAMS CAD BDAG MED PA'O ZHES BSGOMS PAS CHA MED PA NYID KYIS CHOS KYI DBYINGS BDAG NYID THAMS CAD KYIS RTOGS SU ZIN KYANG NGES PA SKYED PA LA LTOS NAS KUN TU 'GRO BA'I DON GYIS SO SOR RTOGS PA'I PHYIR CHOS THAMS CAD NGO BO NYID MED PAR MNGON SUM DU BYED PA'I SHES PA SHIN TU GSAL BA SKYE BAR 'GYUR BA DE'I TSE BYANG CHUB SEMS DPA'I SKYO NA MED PA LA YANG DAG PAR ZHUGS PAS MTHONG BA'I LAM THOB PAR 'GYUR RO, ZHES DANG, DGE 'DUN DKON MCHOG GIS JI SNYED PA RTOGS PA'I RGYUD BLA'I 'GREL PAR, BYANG CHUB SEMS DPA'I MTHONG BA DE YANG SA DANG PO NYID LA SKYE STE CHOS KYI DBYINGS KUN TU 'GRO BA'I DON DU RTOGS PA'I PHYIR RO ZHES PAS SO, ,LUNG PHYI MA 'DI SHES BYED DU 'GRO BA'I RGYU MTSAN NI, JI SNYED PA RTOGS PA RJES THOB LA 'DOD DGOS PA'I PHYIR RO, ,MNYAM GZHAG TU CHOS NYID RTOGS PA'I TSUL LA NI MI 'DRA BA KHAS BLANG DU MI RUNG STE, RUNG NA MTHONG SGOM GYI RTOGS BYA CHOS NYID RNAMS MI 'DRA BA'I NGO BOR GNAS PAS YIN NAM, CHOS NYID LA DE LTAR MED KYANG BLOS MI 'DRA BAR RTOGS PAS YIN GRANG, DANG PO LTAR NA, CHOS NYID LA DBYE BA BYED PA RNAMS CHOS CAN THA DAD PA TZAM GYIS YIN GYI CHOS NYID KYI NGOS NAS MIN PAR GSUNGS PA RNAMS DANG 'GAL LA, CHOS

, ,NYID KYANG BUM PA DANG SNAM BU LTAR CHA DU MA'I BDAG NYID DU 'GYUR BAS 'DI LA CHOS CAN LAM LTOS PAR DBYE BA RANG RGYUD DU GRUB PAR KHAS LONG ZHIG ,GNYIS PA LTAR NA THEG CHEN 'PHAGS PA'I MNYAM GZHAG DE DAG CHOS NYID LA 'KHRUL SHES SU 'GYUR TE, YUL DANG RJES SU MI MTHUN PAR 'DZIN PA'I PHYIR ZLA GNYIS KYI SHES PA BZHIN NO, ,DE'I PHYIR SA BCU'I MNYAM GZHAG RNAMS KYIS CHOS NYID LA MTHA' BZHI LA SOGS PA'I SPROS PA GANG DU YANG MI 'DZIN ZHING DE MTHA' DAG NYE BAR ZHI BA TZAM LA SPROS BRAL LAM GSHIS LUGS MTHONG ZHES BTAGS PA TZAM STE, YON TAN RIN CHEN SDUD PA LAS, GZUGS RNAMS MI MTHONG TSOR BA DAG KYANG MI MTHONG ZHING, ,'DU SHES MTHONG BA MED LA SEMS DPA' MTHONG MED PA, ,'DI NI CHOS MTHONG YIN ZHES DE BZHIN GSHEGS PAS BSTAN, ,NAM MKHA' MTHONG ZHES SEMS CAN TSIG TU RAB BRJOD PA, ,NAM MKHA' JI LTAR MTHONG YIN DON 'DI BRTAG PAR GYIS, ,MTHONG BA DANG GZHAN GYIS NI BSNYED PAR NUS MA YIN, ,DE LTAR CHOS MTHONG BA YANG DE BZHIN GSHEGS PAS BSTAN, ZHES RI LA SOGS PA'I SGRIB G-YOGS MA MTHONG BA LA NAM MKHA' MTHONG BAR THA SNYAD BYED PA DANG 'DRA BAR GSUNGS PAS SO; ;'ON MNYAM GZHAG GI YUL GANG ZHE NA, 'DI LA MNYAM GZHAG GI YUL SNANG MED DANG, SNANG BCAS SU 'DOD PA GNYIS LAS, DANG PO NI, SPYOD 'JUG LAS, STONG NYID BAG CHAGS GOMS PAS NI, ,DNGOS PO'I BAG

CHAGS SPONG 'GYUR ZHING, ,CI YANG MED CES GOMS PAS NI, ,DE YANG PHYI NAS SPONG BAR 'GYUR, ,GANG TSE GANG ZHIG MED DO ZHES, ,BRTAG BYA'I DNGOS PO MI DMIGS PA, ,DE TSE DNGOS MED RTEN BRAL BA, ,BLO YI MDUN NA JI LTAR GNAS, ,GANG TSE DNGOS DANG DNGOS MED PA, ,BLO YI MDUN NA MI GNAS PA, ,DE TSE RNAM PA GZHAN MED PAS, ,DMIGS PA MED PAR RAB TU ZHI, ZHES DANG, THUB DGONGS SU YANG MNYAM PAR BZHAG PA'I GNAS SKABS NA NI RNAM PAR RTOG PA'I SPROS PA MTHA' DAG LDOG PAS DMIGS PA LA SOGS PA CI YANG MED DO ZHES PA DANG, 'O NA MTHONG BA'I DON JI LTAR ZHE NA, YUL DE LA SHES PA MI SKYE BA'I DON TE MTHONG BA MED PA KHO NA'I SGOM PA NI MTHONG BA'O ZHES BRJOD DE, SHES PA'I SKAD CIG RNAMS DE'I RJES SU BYED PA NYID KYI PHYIR MTHONG BA'O ZHES BSHAD PA LTAR BZHED PA'O, ,GNYIS PA NI, 'PHAGS GROL DANG SLOB DPON GNYIS KYIS CHOS NYID TZAM MNYAM GZHAG GI YUL YIN PA DANG, MNYAM GZHAG GZUNG 'DZIN GYI RNAM PA CAN DANG, YUL DANG BRAL BA GNYIS KA'I LUGS DMIGS PA DANG YE SHES KYI TSOGS SKABS SU BKAG NAS BDEN DNGOS MED PA'I RTEN 'BREL SGYU MA LTA BU MA YIN DGAG MNYAM GZHAG GI DMIGS PAR BSHAD CING, DE YANG YUL YUL CAN THA DAD PAR SNANG BA NI MIN GYI MNYAM GZHAG RANG RIG GI TSUL GYIS NYAMS SU MYONG BA'I SNANG BA RANG BZHIN GYIS STONG PA YIN NO, ,CHOS NYID LA LTOS TE NI SNANG BA GRUB PA YANG MI BZHED DO, ,DE LA SNGA MA NI RTZOD PA'I

, ,GNAS CHE BAS RE ZHIG PHYI MA KHAS BLANG NGO, ,DE LTAR NA JI LTA BA RTOGS PA NI MNYAM GZHAG NA CHOS RNAMS LA 'DZIN PA MTHA' DAG NYE BAR ZHI BAS CIR YANG MI 'DZIN PA LA 'DOGS PAS SA BCU GCIG GI MNYAM GZHAG GI CHOS NYID RTOGS TSUL LA KHYAD PAR MED LA, DE'I PHYIR THEG CHEN GYI JI LTA BA'I RTOGS PA RDZOGS PA YANG SA DANG PO NAS 'DOD PA 'THAD DO, ,GNYIS PA LA GNYIS, LTAR SNANG GI RTZOD PA DGOD, YANG DAG GI LAN GYIS DGAG PA'O,, DANG PO NI, THEG CHEN 'PHAGS PA'I RTOGS PA MI 'THAD PAR 'GYUR TE, CHOS NYID RTOGS PA MED PA'I PHYIR, GZHAN YANG SHES SGRIB MA LUS PAR SPANGS PA'I SPANGS PA MI 'THAD PAR 'GYUR TE, CHOS THAMS CAD KYI RANG BZHIN SPROS BRAL RTOGS PA MED PA'I PHYIR, GZHAN YANG RANG BZHIN DU GNAS PA'I RIGS THEG PA GSUM GYI RTOGS PA GONG NAS GONG DU BGROD PA'I RTEN DU MI 'THAD DE CHOS NYID LA RTEN DANG BRTEN PA MED PA'I PHYIR, MNYAM GZHAG GI YUL GYI SNANG BA SGYU MA LTA BU DE DON DAM DU YOD PAR 'GYUR TE, THEG CHEN 'PHAGS PA'I MNYAM GZHAG GI YUL NA YOD PAS SO, ,KHYAB PA YOD DE, DE NI DON DAM DPYOD BYED KYI RIGS PA MTHAR THUG YIN PAS SO, ,CHOS NYID DE SA BCU'I BYANG CHUB SEMS DPAS KYANG PHYOGS RE LAS MA RTOGS SHING SANGS RGYAS KHO NAS MTHA' DAG RTOGS PAR BSHAD PA RNAMS KYANG MI 'THAD DE, SA DANG PO NAS JI LTA BA RTOGS PA RDZOGS PAS SHE NA, GNYIS PA NI, THAL BA DANG PO GNYIS KYI

CHOS NYID MA RTOGS ZHES PA'I DON NI, CHOS NYID MNYAM GZHAG GIS GNYIS SNANG DU MA GRUB PA'I DON LA BYED NA NI KHAS BLANGS PA DANG 'GAL YANG RTAGS MA GRUB PA'I LAN MI 'DEBS KYI, KHYAB PA MA NGES TE CHOS NYID RTOGS PA'I DON SPROS PA'I CHOS GANG YANG MA GZIGS PA LA 'DOD PAS SO, ,'ON TE MNYAM GZHAG GIS SPROS PA MTHA' DAG NYE BAR ZHI BA'I TSUL GYIS MA RTOGS PA LA BYED NA GTAN TSIGS MA GRUB BO, ,MDOR NA GSHIS LUGS DANG, CHOS NYID DANG RANG BZHIN SPROS BRAL DON DAM PA'I BDEN PA RNAMS RTOGS ZHES PA'I DON YE SHES LA 'DZIN PA MTHA' DAG NYE BAR ZHI BAS DE RNAMS LA DMIGS PA'I SHES PA MI SKYE BA LA BYED KYI, DNGOS SU NA 'GA' ZHIG 'GA' ZHIG GIS DMIGS BYA DMIGS BYED DU BYAS PA MIN TE, DPER NA SHES PA YUL JI 'DRA BA DE'I RNAM PAR SKYES PA NA RANG DUS LA YUL DE MED KYANG DE RTOGS PAR 'JOG PA DANG 'DRA BAR MNYAM GZHAG GIS CHOS NYID MTHA' GANG DU YANG MI GNAS PA DANG RJES SU MTHUN PAR MTHA' GANG DU YANG MI 'DZIN PA NA DE DANG DE RTOGS PAR THA SNYAD BYAS PA STE, DBU MA LA 'JUG PA LAS, GANG TSE SKYE MED DE NYID YIN ZHING BLO YANG SKYE BA DANG BRAL BA, ,DE TSE DE NAMS BSTEN LAS DE YIS DE NYID RTOGS PAR BRJOD BYA STE, ,JI LTAR SEMS NI GANG GI RNAM PA CAN DU GYUR PA DE YIS YUL, ,DE YONGS SHES PA DE BZHIN THA SNYAD NYE BAR BRTEN NAS RIG PA YIN, ZHES SO, ,RANG BZHIN DU GNAS PA'I RIGS MI 'THAD PAR THAL BA YANG MED DE, CHOS NYID NI RANG BZHIN

, ,SPROS BRAL YIN LA DE YANG SPROS PA MA GZIGS BA'I TSUL GYIS MKHYEN PAS THEG PA GSUM GYI YON TAN RNAMS GONG DU 'PHEL BA TZAM LA BSAMS NAS RTEN DANG BRTEN PAR BSHAD KYI RTEN DANG BRTEN PA MTSAN NYID PA YIN NAS NI MA YIN TE, CHOS NYID KYIS RTOGS PA LA KHYAD PAR MI SKYED NA RTEN DANG BRTEN PA MTSAN NYID PAR MI 'GYUR TE, GZHAN DU NA 'BREL MED DON GZHAN THAMS CAD KYANG RTEN DANG BRTEN PAR HA CANG THAL LO, ,SKYED NA YANG CHOS NYID DU JI LTAR RUNG, SNANG BA THEG CHEN 'PHAGS PA'I MNYAM GZHAG GI YUL DU YOD KYANG DON DAM DU GRUB PAR MI 'GYUR TE, DES DE BDEN PAR MA GZHAL GYI BDEN MED DU GZHAL BAS SO, ,DE LTA MIN NA THUB PA'I MKHYEN PA LA YUL MED DGOS TE DE DON DAM DPYOD BYED KYI RIGS PA MTHAR THUG YIN PA'I PHYIR, DE'I YUL YIN NA DON DAM PAR GRUB PAR THAL LO, ,MDO GANG DAG LAS, SLOB LAM NA CHOS NYID KYI PHYOGS RE BA DANG SANGS RGYAS SAR YONGS RDZOGS RTOGS PAR GSUNGS PA NI; THEG CHEN GYI ZAB PA DANG RGYA CHE BA'I TSUL LA MI MOS PA DMAN PA'I RIGS CAN KHA CIG THEG CHEN LA DRANG BA'I PHYIR DU CHOS NYID DE RTOGS DKA' BA DANG, RTOGS PA'I PHAN YON LA SOGS BSHAD KYI SGRA JI BZHIN PA NI MA YIN TE, GZHAN DU NA CHOS NYID CHA DU MA'I BDAG NYID DU 'GYUR NA THA DAD MED PAR YANG MDO DE DANG DE LAS GSUNGS PAS SO, ,DE LTAR CHOS NYID NI KUN RDZOB PA'I NGOS NAS YE SHES KYI YUL DU GRUB PA DANG, DE RTOGS SO ZHES NYE BAR GDAGS

KYI DON DAM PAR NI DE LTAR MIN PAR 'PHAGS PA BDEN PA GNYIS LA 'JUG PA LAS GSUNGS TE, JI SKAD DU, LHA'I BU GAL TE DON DAM PAR NA DON DAM PA'I BDEN PA LUS DANG NGAG DANG YID KYI YUL GYI RANG BZHIN DU 'GYUR NA NI DON DAM PA'I BDEN PA ZHES BYA BA'I GRANGS SU MI 'GRO STE KUN RDZOB KYI BDEN PA NYID DU 'GYUR RO, ,'ON KYANG LHA'I BU DON DAM PAR NA DON DAM PA'I BDEN PA NI THA SNYAD THAMS CAD LAS 'DAS PA BYE BRAG MED PA MA SKYES PA MA 'GAGS PA, SMRA BAR BYA BA DANG, SMRA BA DANG, SHES PA DANG, SHES PAR BYA BA DANG BRAL BA'O, ,LHA'I BU DON DAM PA'I BDEN PA NI RNAM PA THAMS CAD KYI MCHOG DANG LDAN PA THAMS CAD MKHYEN PA'I YE SHES KYI YUL GYI BAR LAS 'DAS PA YIN TE, ZHES PA LA SOGS PA MTHA' YAS SO, ,DE LTAR NA SA BCU NI MNYAM GZHAG LA LTOS TE KHYAD PAR MED KYANG RJES THOB TU KHYAD PAR 'JOG PA'I TSUL NI YE SHES ZHABS KYIS, GAL TE 'O NA NI RAB TU DGA' BA'I GNAS SKABS KHO NAR PHAR PHYIN THAMS CAD RNAM PAR DAG PA'I PHYIR SA GZHAN DAG DON MED PAR 'GYUR ZHE NA, BDEN TE SA THAMS CAD NI MTSAN NYID GCIG PA'I PHYIR 'JIG RTEN LAS 'DAS PA'I GNAS SKABS LA LTOS NAS KHYAD PAR CI YANG MED DO, ,DAG PA 'JIG RTEN PA'I GNAS SKABS KYI YON TAN KHA CIG NI MTHONG BA'I SKAD CIG MAS BSGRUB PAR BYA BA YIN LA, KHA CIG SGOM PAS BSGRUB PAR BYA BA YIN NO, ,SA'I KHYAD PAR RNAM PAR BZHAG PA YANG DE LA LTOS PA'I PHYIR NYES PA MED DO ZHES PA LTAR RO, ,BZHI PA LA GNYIS, SHES SGRIB PHAL CHE BA DANG, NYON

, ,SGRIB KYI DBANG DU BYAS PA'O, ,DANG PO THUN MONG BA NI, 'CHAD PAR 'GYUR BA'I GZUNG 'DZIN GYI RNAM RTOG BRGYA RTZA BRGYAD RNAMS SO, ,THUN MONG MA YIN PA NI SA BCU PO RE RE LA SHIN TU RMONGS PA GNYIS GNYIS DANG, DE'I GNAS NGAN LEN MI MTHUN PHYOGS RE RE STE, 'DI LTAR SA DANG PO LA GANG ZAG DANG CHOS LA MNGON ZHIN DANG NGAN SONG BA'I NYON MONGS PA DANG, GNYIS PA LA LTUNG BA PHRA MO'I 'KHRUL PA DANG, LAS KYI RNAM PA SNA TSOGS LA DANG, GSUM PA LA 'DOD CHAGS KYI DANG THOS PA'I GZUNGS YONGS SU RDZOGS PA LA DANG, BZHI BA LA SNYOMS 'JUG LA SRED PA DANG CHOS LA SRED PA DANG, LNGA PA LA 'KHOR BA LA GCIG TU MI PHYOGS SHING MNGON DU PHYOGS PA YID LA BYED PA DANG, MYANG 'DAS LA GCIG TU MI PHYOGS SHING MNGON DU PHYOGS PA YID LA BYED PA DANG, DRUG PA LA 'DU BYED KYI 'JUG PA MNGON SUM DU BYA BA LA DANG MTSAN MA MANG PO 'BYUNG BA DANG, BDUN PA LA MTSAN MA PHRA MO 'BYUNG BA DANG, MTSAN MED YID LA BYED PAS THABS DANG, BRGYAD PA LA MTSAN MED LA RTZOL BA DANG MTSAN MA RNAMS LA MI DBANG BA DANG, DGU BA LA CHOS BSTAN PA DANG CHOS KYI TSIG DANG YI GE DPAG TU MED PA DANG GONG NAS GONG DU SHES RAB DANG SPOBS PA LA GZUNGS KYI DBANG LA DANG, SPOBS PA'I DPANG LA DANG, BCU PA LA MNGON SHES CHEN PO LA DANG, GSANG BA PHRA MO LA 'JUG PA LA DANG, BCU GCIG PA LA SHES BYA THAMS CAD LA CHAGS PA SHIN TU PHRA MO DANG THOGS PA SHIN RMONGS GNYIS SO, ,DE LTAR SA LA 'JUG PA LAS

YAN LAG BCU GCIG RDZOGS GYUR PAS, ,RAB DGA' LA SOGS SA BCU GCIG ,RMONGS GNYIS GNAS NGAN LEN GCIG PA, ,MI MTHUN PHYOGS TE THA DAD 'DOD, CES SO, ,GNYIS PA LA BZHI, MTHONG SPANG LOG ZHUGS DANG, SGOM SPANG SA'I SGO NAS DBYE, DE LTAR PHYE BA'I RNAM GZHAG DPYAD, JI LTAR SPONG TSUL LO, ,DANG PO LA GNYIS, SPYI'I GRANGS DANG, LOG PAR 'JUG TSUL LO, ,DANG PO LA BSHAD TSUL GSUM LAS, DANG PO NI KUN BTUS SU, 'DOD PA'I KHAMS NA SDUG BSNGAL MTHONG BAS SPANG BAR BYA BA DAG NI BCU'O, ,SDUG BSNGAL MTHONG BAS SPANG BAR BYA BA LA JI LTA BAR KUN 'BYUNG DANG 'GOG PA DANG LAM MTHONG BAS SPANG BAR BYA BA YANG DE BZHIN NO, ,GZUGS KYI KHAMS NA SDUG BSNGAL MTHONG BAS SPANG BAR BYA BA DAG NI DGU'O, ,SDUG BSNGAL MTHONG BAS SPANG BAR BYA BA JI LTA BAR KUN 'BYUNG DANG, 'GOG PA DANG LAM MTHONG BAS SPANG BAR BYA BA YANG DE BZHIN NO, ,GZUGS KYI KHAMS NA JI LTA BAR GZUGS MED PA'I KHAMS NA YANG DE BZHIN TE, DE DAG MDOR BSDU NA MTHONG BAS SPANG PAR BYA BA'I NYON MONGS PA BRGYA RTZA BCU GNYIS SO ZHES KHAMS GONG GI RTEN LA KHONG KHRO'I SA BON YOD KYANG MNGON DU RGYU MED PA'AM, SA BON DE 'JOG BYED 'DOD PA'I SAR GTOGS KHO NA YIN ZHING DE'I RNAM SMIN KYANG 'DOD PA KHO NAR MYONG BA LA DGONGS NAS GONG MA'I SA LA KHONG KHRO BOR NAS 'DOD PA DANG GONG MA'I SA LA YOD PA'I PHRA RGYAS BCU DANG DGU RNAMS BDEN PA BZHI KA LA KHYAD PAR MED PAR LOG ZHUGS SU BSHAD DO, ,GNYIS

, ,PA NI; RNAM PAR GTAN LA DBAB PA BSDU BA LAS, DE LA 'DOD PA NA SPYOD PA'I SDUG BSNGAL LA NI NYON MONGS PA BCU PO THAMS CAD LOG PAR ZHUGS PAR RIG PAR BYA'O, ,KUN 'BYUNG LA NI 'JIG TSOGS LA LTA BA DANG MTHAR 'DZIN PAR LTA BA MA GTOGS PA BRGYAD LOG PAR ZHUGS PA YIN NO, ,KUN 'BYUNG LA JI LTA BA BZHIN DU 'GOG PA DANG LAM LA YANG DE BZHIN NO, ,GONG MA LA NI BDEN PA THAMS CAD LA KHONG KHRO BA MA GTOGS PA RNAMS 'DOD PA'I KHAMS NA JI LTA BA DE BZHIN DU LOG PAR 'JUG PAR GO RIM BZHIN DU RIG PAR BYA'O ZHES KHAMS GSUM GA'I BDEN PA LHAG MA LA LTA BA DANG PO GNYIS 'JUG PA DOR BAS SPYIR NA MTHONG SPANG GO BZHIR BSHAD DO, ,GSUM PA NI, MDZOD LAS, DE DAG BCU DANG BDUN BDUN BRGYAD, ,LTA BA GSUM GNYIS MA GTOGS PA, ,'DOD NA SDUG BSNGAL LA SOGS PA, ,MTHONG BAS RIM BZHIN SPONG BAR BYED, CES DANG, KHONG KHRO MA GTOGS DE DAG NYID, ,GZUGS KHAMS GZUGS MED DE DANG 'DRA, ZHES 'DOD PA NA SDUG BSNGAL LA BCU DANG, KUN 'BYUNG DANG 'GOG PA GNYIS LA LTA BA DANG PO GNYIS DANG, MCHOG 'DZIN THA MA STE GSUM DANG, LAM LA LTA BA DANG PO GNYIS KHO NA DOR BAS BDEN BZHI LA RIM PA LTAR BCU DANG BDUN BDUN BRGYAD YIN LA, GONG MAR KHONG KHRO YANG DOR BAS BDEN BZHI LA RIM PA LTAR DGU DANG DRUG DRUG BDUN LOG PAR 'JUG PAS SPYIR NA GYA BRGYAD DO, ,GNYIS PA NI, GAL TE MTHONG SPANG RNAMS LOG ZHUGS KYI SGO NAS 'CHAD NA, 'JUG

MKHAN NI DU, 'JUG YUL NI GANG, 'JUG TSUL JI LTA BU ZHE NA, 'JUG PA PO NI RTZA NYON DANG MTSUNGS LDAN DU 'BYUNG BA'I NYE NYON DANG, DE LAS GZHAN PA'I SEMS BYUNG GTZO BO SEMS DANG BCAS PA MTHA' YAS KYANG GTZO BO DANG RIGS BSDU NA BCU STE, 'DOD CHAGS KHONG KHRO NGA RGYAL MA RIG PA, THE TSOM LTA BA MCHOG 'DZIN TSUL KHRIMS BRTUL ZHUGS MCHOG 'DZIN LOG LTA STE MDOR NA LTA MIN LNGA DANG LTA BA LNGA'O, ,'JUG PA'I YUL YANG GSAL BA'I DBYE BA MTHA' YAS KYANG BDEN PA BZHI'O, ,'JUG TSUL NI KUN BTUS SU, SDUG BSNGAL DANG KUN 'BYUNG BA LA DE'I RGYU DANG GZHI'I GNAS KYIS KYANG LOG PAR RTOG GO ,NYON MONGS PA BCU PO THAMS CAD NI 'GOG PA DANG LAM LA YANG DE LA SKRAG PA SKYED PAS LOG PAR ZHUGS PA'O ZHES PA 'DI YIN NO, ,'DI'I DON NI, BDEN PA BZHI'I THUN MONG GI MTSAN NYID GANG ZAG GI BDAG GIS STOD PA DE JI SRID MNGON SUM DU MA BYAS PA DE SRID DU BCU PO 'DIS ZAG BCAS KYI LAS DNGOS SU SKYED CING RANG GI RIGS 'DRE SNGA MAS PHYI MA RNAMS SKYED PA DANG PHYI MA'I RNAM SMIN 'PHEN PA DANG 'GRUB PAR BYED PAS SDUG BSNGAL 'PHEN PAR BYED PA'I PHYIR, SDUG KUN GNYIS KYI RGYU DANG, DE GNYIS LA DMIGS NAS KYANG 'DI DAG 'PHEL BAR 'GYUR BA'I PHYIR DE GNYIS KYIS KYANG BCU PO 'DI'I RGYU DANG GZHI BYED LA GANG GI TSE BDEN PA BZHI GANG ZAG GIS STONG PAR MNGON DU BYAS PA DE'I TSE DE DAG GIS PHAN TSUN DU 'PHEL BAR BYED PA LDOG PA'I PHYIR BCU PO 'DI SDUG KUN LA LOG PAR ZHUGS PA YIN TE, DE GNYIS KYI

, ,RANG BZHIN MTHONG BAS SPONG BA'I PHYIR RO, ,DE BZHIN DU BDEN BZHI BDAG MED PAR MA MTHONG NA 'KHOR BA LA MNGON PAR DGA' BA'I DBANG GIS THAR PA RGYU 'BRAS LA G-YANG SAR 'DU SHES NAS SKRAG PAR 'GYUR LA, MTHONG BA NA SKRAG PA DE YANG NYON MONGS BCU SPONG BA'I SGO NAS LDOG PA'I PHYIR 'GOG LAM SKRAG PA'I GNAS MA YIN PA LA SKRAG STE SPONG BA'I NYON MONGS BCU DE GNYIS LA LOG PAR ZHUGS PA'O, ,DE YANG DNGOS SU DANG, BRGYUD NAS SAM LOG PA LA DANG, DBANG GI LOG ZHUGS DANG GSUM GYIS RIG PAR BYA'O, ,DE LA DANG PO NI LTA BA DANG PO GNYIS DANG, LTA BA THA MA STE GSUM DANG, MA RIG PA DANG THE TSOM STE LTA MIN GYI GNYIS DANG LNGA NI BDEN PA LA DNGOS SU LOG ZHUGS TE, RIM PA LTAR BDEN PA LA BDAG DANG BDAG GI BAR 'DZIN PA DANG, DE NYID LA RTAG PA DANG CHAD PAR 'DZIN PA DANG, BDEN PA'I RNAM PA DE DANG DE DAG MED DO ZHES SKUR PA'AM DE DAG JI LTAR GSUNGS PA LAS GZHAN PA'I RNAM PAR SGRO 'DOGS PA DANG, BDEN PA'I RANG BZHIN LA RMONGS PA DANG, DE DAG DE LAS BSTAN PA LTAR YIN MIN YID GNYIS ZA BAS BDEN PA LA NYON MONGS PA GZHAN GYIS BAR MCHOD PAR PHYIN CI LOG TU 'DZIN PA'I PHYIR RO, ,KUN BTUS LAS THE TSOM GNYEN PO LA LOG ZHUGS SU BSHAD PA NI BDEN BZHI GNYEN PO'I YUL YIN PA LA DGONGS SO, ,GNYIS PA NI LTA BA LA MCHOG 'DZIN GNYIS DANG, LTA MIN LA 'DOD CHAGS DANG NGA RGYAL GNYIS TE BZHI NI BRGYUD NAS LOG ZHUGS YIN TE, RIM PA LTAR DNGOS SU

LOG ZHUGS KYI LTA BA LA MCHOG TU SGRO 'DOGS PA DANG, LTA NGAN DANG 'BREL BA'I SPYOD NGAN LA DAG GROL NGES 'BYIN DU LTA BA DANG, LTA NGAN GYIS SEMS KHENGS PA DANG, LTA NGAN LA SRED PAR BYED PAS BDEN PA DANG BAR DU DMIGS TSUL GZHAN GYIS CHOD PA'I NYON MONGS LA PHYIN CI LOG TU DMIGS PA'I PHYIR RO, ,GSUM PA NI, KHONG KHRO RNAMS NI DBANG GI LOG ZHUGS YIN TE RANG GI LTA BA DANG MI MTHUN PA'I LTA BA LA KUN NAS MNAR BA SEMS PA'I DBANG GIS LOG PAR ZHUGS PA'I PHYIR RO; ;GNYIS PA LA GNYIS, MTSAN NYID DANG DBYE BA'O, ,DANG PO LA SPYI'I MTSAN NYID NI, MI SHES PA GANG ZHIG SGOM LAM GYI GZHOM BYAR GYUR PA YIN PA, DE'I NYON SGRIB DANG SHES SGRIB KYI MTSAN NYID NI RIM PA LTAR NYON MONGS CAN DANG NYON MONGS CAN MA YIN PA'I MI SHES PA GANG ZHIG SGOM LAM GYI GZHOM BYAR GYUR PA'O, ,GNYIS PA LA 'CHAD TSUL GNYIS LAS, DANG PO LA NGO BO'I SGO NAS DRUG KHAMS KYI SGO NAS BCU DRUG STE, KUN BTUS LAS, 'DOD PA'I KHAMS NA SGOM PAS SPANG BAR BYA BA DRUG STE 'JIG TSOGS LA LTA BA DANG, 'THAR 'DZIN PAR LTA BA LHAN CIG SKYES PA DANG, 'DOD CHAGS DANG KHONG KHRO BA DANG NGA RGYAL DANG MA RIG PA'O, ,GZUGS KYI KHAMS NA KHONG KHRO BA MA GTOGS LA LNGA'O, ,GZUGS KYI KHAMS NA JI LTA BAR GZUGS MED PA'I KHAMS NA YANG DE BZHIN TE DE DAG MDOR BSDU NA NYON MONGS PA BCU DRUG NI SGOM PAS SPANG BAR BYA BA'I RIGS SO, ZHES SO, ,DE LA SAS PHYE NA ZHE DRUG STE 'DOD PA NA DRUG BSAM GTAN BZHIN LNGA BZHI

, ,NYI SHU; GZUGS MED BZHI NA'ANG DE BZHIN DU'O, ,SA LA CHE 'BRING GI RNAM PA'I SGO NAS PHYE NA SA DGU PO RE RE LA KHONG KHRO MA GTOGS PA LNGA LA DGU DGUR PHYE BAS GYA GCIG PA LNGA DANG, 'DOD PAR KHONG KHRO DGUR PHYE BAS BZHI BRGYA DANG BCU BZHI'O, ,GNYIS PA NI, MDZOD LAS, BZHI NI SGOM PAS SPANG BYA YIN, ZHES NGO BO'I SGO NAS PHYE NA 'DOD CHAGS KHONG KHRO NGA RGYAL MA RIG PA BZHI BSHAD LA, GONG MAR KHONG KHRO BOR BAS GSUM GSUM STE KHAMS KYIS PHYE NA BCU'O, ,BCU PO DE SA LA CHE 'BRING GI RNAM PAS SNGAR LTAR PHYE BAS NYIS BRGYA DANG NGA GNYIS SO, ,'DI NI BYE SMRA LTA BA DANG PO GNYIS MTHONG SPANG KHO NAR 'DOD PA'I LUGS YIN LA, SNGA MA NI PHUNG PO LNGA'I RAB BYED KYI 'GREL PAR LTA BA THA MA GSUM DANG, THE TSOM NI KUN TU BTAGS PA KHO NA YIN LA LHAG MA RNAMS NI KUN TU BTAGS PA BA DANG LHAN CIG SKYES PA GNYIS KA YIN NO ZHES PA LTAR TE MDO SDE PA YANG DE LTAR RO, ,GSUM PA NI, CI'I PHYIR MTHONG SPANG RNAMS BDEN PA LA LOG ZHUGS DANG SGOM SPANG RNAMS SA'I SGO NAS 'BYED CE NA, MTHONG SPANG NI GRUB MTHA' NGAN PAS YID BSLAD PAS SKYED PA'I RAGS PA'I CHA YIN PAS BDEN PA MNGON SUM DU MTHONG BA TZAM GYIS SPONG BA'I PHYIR BDEN PA'I RNAM PA LA LOG ZHUGS KYI SGO NAS BSHAD LA, SGOM SPANG NI GRUB MTHA' NGAN PAS KUN BTAGS PA LAS MA BYUNG YANG THOG MA MED PA NAS RJES SU ZHUGS PA LHAN SKYES KYI CHA PHRA BA YIN PAS BDEN PA MTHONG BA GOMS PAS CHE 'BRING NAS SPANG DGOS KYI MTHONG TZAM NAS SPANG MI NUS PA'I PHYIR SA'I

SGO NAS CHE 'BRING DU BZHAG GO ,MTHONG SPANG DANG SGOM SPANG LA KUN BTAGS DANG LHAN SKYES ZHES PA'I DON NI, PHYI ROL PA'I GRUB MTHAS BLO BSGYUR BA DANG MA BSGYUR BA LA BYA'I MNGON GYUR DANG BAG LA NYAL LA MI BYA'O, ,DE LTAR NA MTHONG SPANG BDEN PA DANG SGOM SPANG YUL LA LOG ZHUGS YIN NO, ,CI'I PHYIR BSDU BA DANG KUN BTUS SU MTHONG SPANG LA MI MTHUN PA GNYIS BSTAN ZHE NA, DON 'DI LA KHA CIG BSTAN BCOS THA DAD KYI DGONGS PA DANG, KHA CIG MDO SDE PA DANG, SEMS TZAM PA'I GRUB MTHA' THA DAD KYI DBANG DU BYAS PAR 'CHAD PA NI DON MIN NO, ,'O NA CI ZHE NA, KUN BTUS SU BSHAD PA NI, NYON MONGS PA DE DAG KUN KYANG BDEN PA'I GNAS LUGS MA MTHONG BAR DU 'JUG CING MTHONG BA NA LDOG PA LA DGONGS NAS BDEN PA RNAMS LA LOG ZHUGS SU BSHAD LA, BSDU BAR GO BZHI BSHAD PA NI RAGS PA'I RNAM GZHAG YIN GYI ZHIB PA'I DBANG DU BYAS NA KUN BTUS LTAR DU 'JUG PAR BSDU BA NYID LAS GSUNGS SHING, 'JUG PA'I RGYU MTSAN YANG KUN BTUS LTAR BSHAD PAS 'GAL BA CUNG ZAD KYANG MED DO, ,THEG CHEN GYI SKABS SU NYON SGRIB KYI DBANG DU BYAS PA'I MTHONG SPANG DANG SGOM SPANG GNYIS LUGS DE DAG GANG GI RJES SU 'BRANG ZHE NA, RGYAN GYI SNANG BA DANG THUB DGONGS SU KUN BTUS KYI LUGS 'DI BYANG SEMS KYI SKABS SU GSUNGS PAS 'DI NYID KHAS BLANG NGO, ,BZHI PA LA GNYIS, MTHONG SPANG DANG, SGOM SPANG JI LTAR SPONG TSUL LO, ,DANG PO LA GNYIS, LUGS GZHAN BSTAN, RANG LUGS BZHAG PA'O, ,DANG PO NI,

, ,BSDU BA DANG MDZOD LAS, 'DOD PA'I SDUG BSNGAL MTHONG SPANG SDUG BSNGAL LA CHOS BZOD CHOS SHES GNYIS DANG, KHAMS GONG GI SDUG BSNGAL MTHONG SPANG SDUG BSNGAL LA RJES BZOD DANG RJES SHES GNYIS KYIS SPONG LA, BDEN PA LHAG MA RNAMS LA YANG DE BZHIN TE KHAMS GONG 'OG GNYIS KYI MTHONG SPANG GI GNYEN PO RNAMS THA DAD PAR BSHAD DO, ,DE NI NYAN THOS KYI YIN PAR 'BRE BZHED DO, ,BOD 'GA' ZHIG THEG CHEN GYI SKABS SU KUN BTUS NAS 'BYUNG BA'I MTHONG SPANG GI RNAM GZHAG KHAS BLANGS NAS SPONG TSUL 'CHAD PA NA MDZOD DANG MTHUN PAR SMRA BA NI, KUN BTUS KYI SPONG TSUL THUN MONG MA YIN PA MA GE NAS RANG GI DE KHO NA NYID STON PA YIN LA, DE BZHIN DU AA BHYA KA RAS KYANG, MTHONG SPANG GI GRANGS DANG LOG PAR 'JUG TSUL KUN BTUS LTAR BRGYA RTZA BCU GNYIS SU BYAS NAS CHOS BZOD BZHIS 'DOD PA'I MTHONG SPANG BZHI BCU DANG, RJES BZOD BZHIS KHAMS GONG GI MTHONG SPANG DON GNYIS SPONG BAR 'DOD DE, 'DI NI PAndI TA CHEN PO'I GSUNG YIN YANG MNGON PA GONG 'OG GI MTHONG SPANG GI GRANGS MI MTHUN PA TZAM SHES KYANG SPONG TSUL GYI RNAM DBYE MA MKHYEN PAS DOR BAR BYA'O, ,'O NA KUN BTUS KYI LUGS GANG ZHE NA, 'DI NI LAM SHES SU 'CHAD PAR 'GYUR LA GZHAN YANG KUN BTUS KYI MTHONG LAM GYI SKABS KYI BSHAD PA LA LOG PAR BSHAD PA'I CHA 'GA' ZHIG THUB DGONGS SU 'BYUNG BA RNAMS KYANG SKABS DER DGAG PAR BYA'O, ,GNYIS PA NI, BDEN PA BZHI MTHONG BAS SPANG BAR BYA BA'I MTHONG SPANG BZHI'I DNGOS KYI GNYEN PO NI

'CHAD PAR 'GYUR RO, ,GNYIS PA LA GSUM, CHOS MNGON PA NAS GSUNGS PA'I TSUL, DE'I DGONGS PA GANG YIN BRTAG PA, SPANG GNYEN GYI KHYAD PAR GZHAN BSTAN PA'O, ,DANG PO NI, NYON MONGS PA RNAMS LA SPONG BA'I TSUL GNYIS TE, 'DI LTAR SA GONG 'OG LA ZHI RAGS SU BSGOMS NAS DANG, NYON MONGS THAMS CAD KYI RTZA BA MA RIG PA DANG 'DZIN STANGS 'GAL BA PHUNG PO BDAG DANG BDAG GI BAS STONG PA'I GANG ZAG GI BDAG MED BSGOMS NAS SPONG BA STE, DE YANG SA DGU LA SGOM SPANG DGU DGUR PHYE BA'I GNYEN PO 'JIG RTEN PA DANG 'JIG RTEN LAS 'DAS PA'I SGOM LAM LA YANG RDZAS DE SNYED DE, 'ON KYANG SRID RTZE'I SPANG BYA DGU LA NI 'JIG RTEN PA'I SGOM LAM GYIS SPONG BA MED DO, ,DE LA DANG POS NI MNGON GYUR DANG GNYIS PAS NI BAG LA NYAL SPONG ZHING DANG PO NI MU STEGS DANG YANG THUN MONG BA DANG GNYIS PA NI CHOS 'DI PA'I THUN MONG MA YIN PA'I LAM MO, ,'JIG RTEN LAS 'DAS PA'I SGOM LAM GYIS KHAMS GSUM GYI SPANG BYA SPONG TSUL YANG GNYIS TE, NYAN THOS 'GA' ZHIG GIS KHAMS DANG SA MA PHYE BAR BSDOMS NAS GANG ZAG GI BDAG MED PAR BSGOMS PAS KHAMS GSUM GYI NYON MONGS CHUNG 'BRING CHEN PO RNAMS CIG CAR DU SPONG BA DANG, PHYE STE SA RNAMS LA RIM CAN DU BSGOMS PAS RIM GYIS SPONG BA'I TSUL GNYIS GSUNGS NAS THEG CHEN LA MI 'DRA BA'I KHYAD PAR GSAL POR MA MDZAD DO, ,'ON KYANG KUN BTUS SU YID LA BYED PA JI 'DRA BAS SPONG ZHE NA, 'DRES PA LA DMIGS PA STE CHOS THAMS CAD BDAG MED PA ZHES BYA BA'O, ,MI RTAG PA LA

, ,SOGS PA'I RNAM PA GANG YIN PA DE NI BDAG MED PA'I RNAM PA YONGS SU SBYONG BAR BYED DE ZHES CIG CAR BA'I DMIGS RNAM LTAR CHOS THAMS CAD BDAG MED PAR YID LA BYED PA'I 'DRES PA'AM BSDOMS PA LA DMIGS PAS SPONG BAR BSHAD PA 'JIG RTEN PA'I LAM GYIS SPANGS PA BRDA'AM MING GIS SPANGS PA TZAM DU GSUNGS PAS ZHI RAGS KYI RNAM PA'I SGO NAS SPONG BA BTAGS PA BA DANG, BDAG MED PA'I RNAM PA'I SGO NAS SPONG BA MTSAN NYID PAR MNGON PA LAS DON GYIS GSUNGS SO, ,GNYIS PA NI, ZHI RAGS KYI RNAM PA CAN GYI LAM GYIS KHAMS RNAMS LAS 'DA' BAR CHOS MNGON PA'I MDO DE DANG DE LAS GSUNGS PA NI, GDUL BYA DBANG BRTUL SRID PA LA YON TAN DU LTA ZHING SPONG BA'I BLO MI 'JUG PA RE ZHIG BDAG MED PA BSTAN PA'I SNOD DU MI RUNG BA LA, RIM GYIS BDAG MED PA'I LAM LA DRANG BA'I PHYIR THABS MKHAS PAS SA GONG MA GONG MA RNAMS LA MCHOG TU BSTAN PA'I SGO NAS SA DE DAG LA CHAGS PA MNGON GYUR BA BZLOG NAS DE DAG SRID PA MI 'DOD CING SRID PA DANG BRAL BA 'DOD PA DE'I TSE BDAG MED PA'I LAM STON NO, ,LAM SNGA MAS NI SA DE DAG TU NYON MONGS MNGON GYUR BA YANG THAMS CAD LTA ZHOG ,SA DE DAG LA SRED PA'I SGO NAS MCHOG TU LTA BA TZAM ZHIG NYAMS SMOD PAR BYED KYI SRED PA MNGON GYUR BA THAMS CAD 'GOG PAR MI NUS TE, BDAG DANG BDAG GI BAR CHAGS PA NI LAM DE DANG RGYUD GCIG LA DUS GCIG TU MNGON GYUR DU 'JUG PA DANG, DES DE'I RGYU BDAG DANG BDAG

GIR 'DZIN PA LA MI GNOD PA'I PHYIR RO, ,DES NA NGES PA'I DON DU NA GONG MA'I SEMS THOB KYANG 'OG SA'I NYON MONGS MNGON GYUR BA KUN LDOG MI DGOS TE, 'OG MA'I RTEN LA GONG MA'I SEMS THOB PA'I TSUR MTHONG GI NYON YID BZHIN NO, ,GZHAN YANG MTHONG SPANG RNAMS 'JOMS PA LA BDEN PA'I RNAM PA CAN GYI LAM RGYUD LA SKYE DGOS TE BDEN PA MTHONG BAS SPANG PAR BYA BA YIN PAS SO, ,DE'I PHYIR 'OG SA'I MTHONG SPANG GI NYON MONGS KYANG LAM DES JI LTAR SPONG, MDZOD LAS, LHAG SKYES MTHONG DANG SGOM GNYIS KYI, ZHES SRID RTZE MA GTOGS PA'I MTHONG SPANG MTHONG LAM DANG 'JIG RTEN PA'I SGOM LAM GYIS SPONG BAR BSHAD PAS NI MI GNOD DE DE NI BYE SMRAS KUN BTAGS PA YIN PAS SLOB DPON SANGS RGYAS GNYIS PAS KYANG BKAG PA'I PHYIR RO, ,DE LTAR ZHI RAGS KYI RNAM PA CAN NI RGYUD SNOD DU RUNG BAR BYED PA TZAM YIN LA, THEG PA GSUM GA'I NYON MONGS LAS GROL BAR BYED PA'I LAM NI BDAG MED PA'I RNAM PA CAN YIN TE, GANG ZAG GI BDAG GIS STONG BAR YID LA BYED PA NI MA RIG PA DANG DNGOS SU 'DZIN STANGS 'GAL BAS MA RIG PA LAS BYUNG BA'I NYES PA RNAMS 'JOMS PA LA MTHU DANG LDAN PA'I PHYIR TE, RNAM 'GREL LAS, STONG NYID LTA DANG DE 'GAL PHYIR, ,DE YI RANG BZHIN NYES KUN DANG, ,'GAL BAR RAB TU GRUB PA YIN, ZHES DANG, STONG NYID LTA BAS GROL 'GYUR GYI, ,SGOM PA LHAG MA DE DON YIN, ZHES PA LTAR RO, ,DE'I PHYIR NYON MONGS MNGON GYUR DANG BAG LA NYAL GNYIS KA YANG GANG ZAG GI BDAG

, ,MED MOS PA YID BYED DANG DE KHO NA NYID YID BYED KYIS SPONG BAR SHES PAR BYA'O, ,RNAM GZHAG 'DI SNGAR GANG ZAG GI SKABS DANG BSAM GTAN DANG GZUGS MED PA'I SKABS SU SPANG BYA 'JOMS TSUL BSTAN PA RNAMS DANG 'GAL BAR MI BSAM STE, DE NI MNGON PA NAS SGRAS ZIN TSOD KYIS BSTAN PA RNAMS LTAR BSHAD KYI DGONGS PA GANG DU 'THAD DPYAD PA MIN PAS SO, ,GSUM PA LA GSUM, RIM DANG CIG CAR DU SPONG BA DANG, SPANG BYA'I NGO BO DANG DUS DANG, SPANGS SHING GROL BA'I DON GANG YIN BRTAG PA'O, ,DANG PO LA GNYIS, 'DOD PA DGOD, GNAS DON BSAM PA'O, ,DANG PO NI, NYI SNANG DU LAM SHES KYI SGOM LAM GYI SPANG BYA DGU PO RNAMS 'JIG RTEN PA'I LAM SNGON DU SONG NA SRID RTZE'I SPANG BYA MA GTOGS PA RNAMS MTHONG LAM GYI SNGON DU SPONG BA DANG, 'JIG RTEN LAS 'DAS PA'I SGOM LAM GYIS KYANG 'DOD PA NAS SRID RTZE'I BAR GYI NYON MONGS PA DGU RNAMS RIM GYIS SPONG BAR BSHAD LA, THUB DGONGS SU YANG SGRUB PA SGOM LAM GYI NGO BOR GYUR PA'I SA DGUS 'DOD PA'I SPANG BYA DGU DANG, RNAM DAG SGOM LAM GYI NGO BOR GYUR PA'I KHYAD PAR GYI LAM SA BCU PAS BSDUS PA RNAMS KYIS GZUGS DANG GZUGS MED KYI SPANG BYA DGU TSAN RNAMS RIM GYIS SPONG BAR 'DOD CING DE YANG 'PHAGS PA'I DGONGS PAR 'CHAD DO, ,BDAG NYID CHEN PO NI NYI SNANG GI DE NYAN THOS DANG TSUL BSTUN NAS BRJOD PA TZAM YIN GYI BYANG SEMS LA SGRA JI BZHIN PAR SBYAR DU MI RUNG STE, CHAGS BRAL SNGON SONG NYON SGRIB LA

'DOD NA NI SRID RTZE'I NYON MONGS BRGYAD PA SPANGS PA SKYE BA GCIG GIS THOGS PA'I RGYAL SRAS SU BSHAD PA MI 'THAD DO, ,NYAN THOS KYI DGRA BCOM ZHUGS PA LA YANG HA CANG THAL BA'I PHYIR RO, ,SHES SGRIB LA 'DOD NA YANG MI 'THAD DE, DE NI MTHONG LAM GYI SNGAR GYI 'JIG RTEN PA'I LAM GYI SPANG BYAR 'GAL TE, LAM DE NYID SHES SGRIB YIN PAS SO, ,'JIG RTEN LAS 'DAS PA'I SGOM LAM GYIS SA DGU'I SPANG BYA DGU TSAN RNAMS RIM GYIS SPONG BAR 'DOD NA YANG MI 'THAD DE, SRID RTZE'I NYON MONGS DGU BA SPANGS PA SANGS RGYAS SU DANG, BRGYAD PA SPANGS PA SA BCU PAR BSHAD PA MI 'THAD PA'I PHYIR TE SNGAR LTAR RO, ,SHES SGRIB LA LTOS NAS DE LTAR 'JOG NA YANG MI 'THAD DE, DE LTAR NA 'DOD PA'I SPANG BYA CHUNG NGU'I CHUNG NGU SPANGS PA PHYIR MI 'ONG BAR BRJOD PA 'GAL TE, DE SPANGS NA KHAMS GSUM PA'I SPANG BYA MTHA' DAG CIG CAR DU SPANGS PAS SANGS RGYAS SU RIGS PA'I PHYIR RO, ,DES NA SPANGS PA LA LTOS NAS KYANG BYANG SEMS LA NYAN THOS KYI RGYUN ZHUGS DANG PHYIR 'ONG LA SOGS PAR BZHAG PA NI, DE DAG LA DE DAG GI MING GIS 'DOGS PA'I CHOS MTHUN PA'I RGYU MTSAN KHYAD PAR CAN BSTAN PAR 'DOD NAS RNAM GZHAG BYAS PA TZAM YIN GYI, NYAN THOS KYI SPANGS PA'I RIM PA JI BZHIN DU 'DOD NAS BZHAG PA MA YIN PAR NGES SO ZHES GSUNG NGO, ,GNYIS PA NI, 'PHAGS PA'I DGONGS PA LEN TSUL LA AA BHYA DANG BDAG NYID CHEN PO GNYIS MI MTHUN YANG PHYI MA'I RJES SU 'BRANG STE, THUB DGONGS LTAR BYAS NA 'GAL BA DU MA

, ,'BYUNG BA'I PHYIR TE 'DI LAS NI 'DOD PA'I NYON MONGS DGU SPANGS PA DANG, DRI MA MED PA LA SOGS PAS DGU RE RE NAS SBYAR BA 'PHAGS PA'I DGONGS PAR BYAS PA DANG, NYI SNANG GI GANG ZAG GI SKABS KYI SPANGS PA RNAMS SGRA JI BZHIN PAR 'CHAD PA GNYIS 'GAL TE, NYI SNANG GI SGRAS ZIN LA NI SRID RTZE MA GTOGS PA'I NYON MONGS MTHONG LAM GYI SNGON DU YANG SPANGS PAR 'BYUNG BA'I PHYIR, MTHONG LAM GYI SNGON DU YANG SA BCU PA THOB PAR THAL BA DANG, 'DOD PA'I NYON MONGS DGU PA SPANGS PA SA BCU PA YIN NA SRID RTZE'I BRGYAD PA SPANGS PA'I DGRA BCOM ZHUGS PA 'BA' ZHIG LA SA BCU PA LA GNAS PAR GSUNGS PA MI RIGS PA DANG, SA BCU PA MA THOB GONG DU KHAMS GONG MA'I SPANG BYA SPANGS PA MED NA 'PHAGS PAS GNYEN TSOGS KYI MTHONG SGOM GNYIS KYI SPANG BYAR GYUR PA'I RTOG PA BZHI LA KHAMS GSUM PA'I DBYE BA GSUNGS PA 'GAL BA DANG, YANG RTZE SBYOR DU MTHONG LAM RTZE MO'I NGO BO 'CHAD PA NA DES KHAMS GSUM GYI RTOG PA BRGYA RTZA BRGYAD SPANGS PAR GSUNGS PA DANG 'GAL LO, ,GAL TE MTHONG LAM DE GNYIS SA BCU PA'I KHYAD PAR LAM LA 'DOD PAS MI 'GAL SNYAM NA BZANG PO'I ZHABS KYIS RNAM KUN GYI SKABS KYI LAM RNAMS KHYAD PAR LAM LA 'DOD PA LA 'PHAGS PA'I LUNG GIS BKAG PA THAMS CAD RANG GI MGO LA 'KHRI BA'I BSHAD PAR 'GYUR ZHING, RANG NYID KYIS SHES BYED DU DRANGS PA'I THOGS MED KYI SGRUB PA BZHI'I SA MTSAMS STON PA'I LUNG GIS RANG

NYID 'JOMS TE, DE LA NI GNYEN PO'I TSOGS SGRUB MTHONG SGOM GNYIS KA DANG, NGES SGRUB SGOM LAM 'BA' ZHIG LA BZHAG LA KHYED LTAR NA GNYIS KA YANG SGOM LAM LA BZHAG DGOS PAS SO, ,GZHAN YANG DGONGS 'GREL DANG 'JUG 'GREL GYI LUNG RIM PA LTAR SA BRGYAD PAR BAG LA NYAL PHRA MO YANG MED PAS NYON MONGS KYI KUN SPYOD MED CING SHES SGRIB KYI RTEN TZAM DU BSTAN PA DANG, SA DER KHAMS GSUM LA 'DOD CHAGS DANG BRAL BAS 'KHOR BA 'GAGS PAR BSTAN PA RNAMS 'THAD PHYOGS SU DRANGS NAS 'DOD PA'I NYON MONGS DGU SA DGU LA RIM PA BZHIN DU SDONG BAR BZHED PA'I PAndI TA DE NI NGO MTSAR RO, ,DES NA NYI SNANG DANG RGYAN SNANG DU KHAMS GSUM GYI BYE BRAG LA GSAL KHA MED PAR SPYIR SGOM SPANG RNAM RTOG CHUNG 'BRING DGU'I GNYEN POR SGOM LAM SA DGU RIM PA BZHIN DU SBYAR BA NI SGRA JI BZHIN PAR KHAS BLANG STE DE YANG KHAMS GSUM LA MA PHYE BAR SPYIR SGOM SPANG RNAM RTOG LA SPANG DKA' SLA DGU YOD PAS GNYEN PO CHE CHUNG DGUS SPONG BAR BSTAN PA'O, ,'DI DAG KYANG BYANG SEMS KYIS KHAMS GSUM GYI CHUNG 'BRING CHEN PO RNAMS THAD SO THAD SOR DRIL TE CIG CAR DU SPONG STE KHAMS GSUM GYI CHOS THAMS CAD BDAG GNYIS KYIS STONG PA'I SPROS PA DANG BRAL BAR BSGOMS PAS DNGOS POR MNGON PAR ZHEN PA LDOG LA DE LOG PA NA DE'I RGYU CAN GYI KHAMS GSUM GYI GZUNG 'DZIN GYI RTOG PA MTHA' DAG KYANG 'GAG PAR 'GYUR TE, BUD SHING ZAD PA'I ME BZHIN NO, ,NYI SNANG LAS, DE YANG 'DOD PA'I KHAMS DANG

, ,GZUGS KYI KHAMS DANG GZUGS MED PA'I KHAMS KYIS BSDUS PA'I SA DGU PO RNAMS SO SOR RNAM PAR RTOG PA'I RNAM PA CHEN PO'I CHEN PO LA SOGS PA DGU'I GNYEN PO SGOM PA'I LAM CHUNG NGU'I CHUNG NGU LA SOGS PA RNAM PA DGUR PHYE BA YIN NO; ZHES SPANG BYA'I RTEN SA DGU PO SO SOR RAM RE RE LA DGU DGU ZHES SGOM SPANG DANG GNYEN PO GYA GCIG RE GSUNGS PA DANG, RGYAN DU DE LA YANG NYON MONGS PA DRUG CI RIGS PAR RIM GYIS SPONG NGO ZHES PA DANG YANG MI 'GAL TE, SNGA MAS NI GYA GCIG PA RE RER PHYE BA GSUNGS KYANG RIM CAN DU SPONG BAR MA BSTAN GYI SPANG BYA'I SA BSTAN PA'I SGO NAS RAB DBYE TZAM ZHIG GSUNGS LA, PHYI MAS NI NYON MONGS DRUG LA DGUR BYAS PA RIM CAN DU SPONG BAR BSTAN GYIS RE RE LA BRTEN PA'I SPANG BYA RNAMS RIM CAN DU SPONG BAR GSUNGS PA MIN NO, ,RNAM PA GCIG TU NA BYANG SEMS DBANG PO SHIN TU BRTUL PO 'GA' ZHIG LA KHAMS GSUM RIM CAN DU BDAG MED PAR SGOM PA SRID PA DANG CHOS MNGON PAR RIM CAN DU SPONG BAR BSHAD PA GRAGS CHE BAS DE DAG DANG BSTUN PA'O ZHES BSHAD KYANG RUNG BA TZAM MO, ,DE LTA BU'I DGONGS PA 'CHAD MI SHES PAR 'PHAGS PA DANG SLOB DPON LA NYAN THOS KYI SPANGS PA BYANG SEMS LA SBYAR BA NOR RO ZHES SMRA BA NI RANG NYID KYI BLO'I DRI MA GZHAN LA 'GEL BA'O, ,GNYIS PA NI, GTAN LA DBAB PA BSDU BA LAS, CI KUN NAS DKRIS PA SPONG BAR BYED DAM 'ON TE BAG LA NYAL SPONG BAR BYED, GANG LAS SPANGS NA SPANGS BA ZHES BRJOD PAR BYA ZHE NA, BAG LA NYAL

LAS SPONG BAR BYED DE KUN DKRIS PA NI DANG PO NYID NAS SPANGS ZIN PA'I PHYIR RO, ,BAG LA NYAL SPANGS NA SPANGS PA ZHES BRJOD PAR BYA'O, ,DE CI'I PHYIR ZHE NA, KUN NAS DKRIS PA LAS SPANGS LA BAG LA NYAL LAS MA SPANGS NA NI YANG DANG YANG DU KUN NAS DKRIS PA 'BYUNG BAR 'GYUR GYI, BAG LA NYAL LAS SPANGS NA NI BAG LA NYAL DANG KUN NAS DKRIS PA GNYIS KA GTAN 'BYUNG BAR MI 'GYUR BA'I PHYIR RO, ZHES PA LTAR RO, ,'O NA SPANG BYA DUS GSUM LAS GANG SPONG ZHE NA, KUN BTUS LAS; 'DAS PA NI 'GAGS PA'I PHYIR MA YIN NO, ,MA 'ONGS PA NI MA SKYES PA'I PHYIR MA YIN NO, ,DA LTAR BA NI LAM DANG MNYAM DU MI 'JUG PA'I PHYIR MA YIN NO, ,'ON KYANG GNAS NGAN LEN GYI RNAM PA GANG YIN PA DE LAS SPONG STE GNAS NGAN LEN GYI RNAM PA GANG GI GNYEN PO'I RNAM PA DE 'BYUNG BA DANG, GNAS NGAN LEN GYI RNAM PA DE 'GAG PA NI MNYAM PAS MNYAM STE DPER NA SNANG BA DANG MUN PA 'BYUNG BA DANG 'GAG PA BZHIN NO, ZHES SO, ,DE'I DON NI MNGON GYUR BA 'DAS MA 'ONGS NI ZHIG NAS DANG, MA SKYES NAS MED PAS SPANG MI DGOS LA, DA LTA BA NI GNYEN PO DANG DUS GCIG TU MI 'JUG PAS MNGON GYUR MI SPONG YANG SPANG BYA'I SA BON DANG GNYEN PO GNYIS RGYUD GCIG LA DUS GCIG TU 'JUG PA MI 'GAL BAS GNAS NGAN LEN SPONG NGO, ,DE YANG RNAM GROL LAM RGYUD DE LA SKYE BA DANG SPANG BYA 'GAG PA GNYIS DUS MNYAM LA DE'I PHYIR RNAM GROL LAM RDZOGS PAR SKYES PA DANG SPANG BYA YANG RDZOGS PAR 'GAG GO ,DE LTAR NA SPANG

, ,BYA GANG DANG GANG GI NGO SKAL GYI RNAM GROL LAM SKYES ZIN PA NA NGO SKAL GYI SPANG BYA RGYU DE LA MED PA YIN NO, ,SPONG BA'I DON NI GNYEN PO MA SKYED NA RGYUD DE LA SPANG BYA'I RIGS 'DRA PHYI MA MTSAMS SBYOR BA LAS DE SKYES STOBS KYIS PHYI MA'I RGYUN 'THUD PA 'GOG PA'O, ,GSUM PA NI, GNYEN PO NUS LDAN RGYUD LA SKYES STOBS KYIS SHES RGYUD SNGAR SPANG BYA DE'I SNOD DU GYUR PA SNOD MA YIN PAR GNAS GYUR NAS SPANG BYA DE'I RGYUN SKYE BA'I SKABS MED PAR BYAS PA NI SPANGS PA'I DON YIN TE, KUN BTUS LAS, GNAS NGAN LEN GYI RNAM PA DANG BRAL BAS MA 'ONGS PA NA NYON MONGS PA MI SKYE BA'I CHOS CAN DU GNAS PA DE NI SPONG BA'O, ZHES SO, ,MDZOD LAS NI GANG GROL NA SKYE 'GYUR MA 'ONGS PA MI SLOB PA'I SEMS GROL LA GANG GIS SPONG NA 'GAG 'GYUR DA LTA BU'I LAM GYIS SGRIB PA SPONG ZHES 'DOD DE, MDZOD LAS, MI SLOB SEMS NI SKYES 'GYUR BA, ,SGRIB PA LAS NI RNAM GROL 'GYUR, ,'GAG PAR 'GYUR BA'I LAM GYIS NI, ,DE YI SGRIB PA RAB TU SPONG, ZHES SO,, 'DI LA KHA CIG 'GAG 'GYUR GNYEN PO 'GAGS PA DANG SPANG BYA 'GAGS PA GNYIS DUS MNYAM PA LA 'DOD PA NI DON MIN GYI, THUB DGONGS SU, 'O NA 'DAS PA'AM MA 'ONGS PA'AM DA LTAR BYUNG BA'I SEMS RNAM PAR GROL ZHE NA MA 'ONGS PA'I SEMS SKYE BZHIN PA MI SLOB PA SGRIB PA RNAMS LAS RNAM PAR GROL LO, ,DE SKYES PAS SGRIB PA SPONG BA'I LAM NI GNAS SKABS CI YIN ZHE NA, 'GAG BZHIN PA NYID KYIS NA DA LTAR BA'O, ZHES PA LTAR TE, RANG 'GREL

LAS; 'GAG PA NI 'GAG PA LA MNGON DU PHYOGS PA STE DA LTAR BA'O ZHES BYA BA'I THA TSIG GO ,ZHES SO, ,GAL TE GNYEN PO SKYE BA DANG SPANG BYA 'GAG PA DUS MNYAM NA SGOM LAM CHEN PO'I CHEN PO RDZOGS PAR SKYES PA NA SGOM SPANG THA MA MA LUS PAR 'GAG DGOS PAS RGYUN MTHAR SGRIB PA MA LUS PA SPANG DGOS TE, MTHONG SPANG DANG SGOM SPANG MA YIN PA'I SGRIB PA MED PAS SO, ,'DOD MI NUS TE, SANGS RGYAS KYI SA LA YANG SHIN TU RMONGS PA GNYIS DANG, DE'I GNAS NGAN LEN GCIG RNAMS DGONGS 'GREL LAS GSUNGS PA DANG, MDO SDE'I RGYAN LAS KYANG, SA DE LA THOGS PA'I SGRIB PA BSHAD PA DANG, GTAN LA DBAB PA BSDU BA LAS KYANG, ZAG PA PA'I GNAS NGAN LEN NI, BAG LA NYAL SPANGS KYANG SNGON ZAG PAS BSKYED CING ZAG PAS YONGS SU BSGOS PA STE DE DANG 'DRA BA'I LAS SU MI RUNG BA'I TSUL GYIS RANG BZHIN GYIS NGAN PAR GNAS PA DANG, NGAN PAR ZHUGS LA CHES SRAB PA DANG, CHES CHUNG BA GANG YIN PA'O, ,ZAG PA DANG BCAS PA'I GNAS NGAN LEN NI NYON MONGS PA'I BAG CHAGS ZHES BYA STE, DE YANG DGRA BCOM PA DANG RANG SANGS RGYAS KYIS NI MA SPANGS KYI DE BZHIN GSHEGS PA NYAG GCIG GIS SPANGS PA YIN TE, DE'I BAG CHAGS YANG DAG PAR BCOM PA GANG YIN PA DE NI SANGS RGYAS KYI CHOS MA 'DRES PA ZHES BYA'O, ZHES ZAG PA'I GNAS NGAN LEN DANG, ZAG BCAS KYI GNAS NGAN LEN GNYIS LAS, DANG PO NYAN THOS DGRA BCOM GYIS SPANGS SHING PHYI MA SANGS RGYAS KHO

, ,NAS SPANGS PAR BSHAD PA'I PHYIR TE, 'DI DANG MA RIG BAG CHAGS KYIS GNYIS DON GCIG GO ,DE LTA MA YIN NA RGYUN MTHAR SGRIB GNYIS BAG CHAGS DANG BCAS PA SPANGS PA YOD NA GNAS MA LUS PAR GYUR PAS YE SHES LNGA YOD PAR THAL BA DANG, BAG CHAGS YANG DAG BCOM PA THUB PA'I THUN MONG MA YIN PA'I YON TAN MIN PAR THAL BA DANG, NGO BO NYID KYI SKU MNGON DU BYAS PAR THAL BA SOGS MTHA' YAS SO, ,SANGS RGYAS SA'I SPANG BYA YOD NA SANGS RGYAS YIN PA'I DRI BCAS YOD PAR 'GYUR ZHE NA, NYES PA DER MI 'GYUR TE, SA BCU PA NA YOD PA'I GNAS NGAN LEN RNAMS JI SRID KUN MKHYEN YE SHES DANG PO MA SKYES PA DE SRID DU SNGA PHYI MTSAMS SBYOR NAS RGYUN LDAN DU 'BYUNG YANG GANG GI TSE YE SHES DE THOB PA DE'I TSE RGYUN LDOG PA LA SANGS RGYAS KYI SAS SPANGS PAR 'DOD KYI, SANGS RGYAS KYI YE SHES SKYES PA'I RJES LA SPONG BAR MI 'DOD DO, ,DE BZHIN DUS SNGA MA NA YOD PA'I SPANG BYA RNAMS SA PHYI MA RNAMS MA SKYES NA RGYUN LDAN DU 'JUG PAS SA PHYI MA SKYES STOBS KYIS SA PHYI MA'I SKABS DER SKYE BA'I GO MA RNYED PA LA SA PHYI MAS SPANGS PAR BZHAG GI ,GNYEN PO'I RJES SU SPANG BYA YOD PA SPONG BA NI MA YIN NO, ,DRUG PA NI, SA DANG PO LA STONG GSUM GYI STONG CHEN PO'I 'JIG RTEN 'DI GTER BYE BA KHRAG KHRIG BRGYA STONG GIS YONGS SU GANG BA DANG, GNYIS PA LA 'JIG RTEN DE LAG MTHIL LTA BUR GYUR PA LA RIN PO CHE BYE BA KHRAG KHRIG BRGYA STONG DU MAS LEGS PAR BRGYAN PA DANG, GSUM PA

LA BDAG NYID DPA' ZHING LAG CHA DANG GO CHA SRA BA THOGS NAS PHAS KYI RGOL BA THAMS CAD 'DUL BA DANG, BZHI PA LA PHYOGS BZHI NAS RLUNG GI DKYIL 'KHOR BZHIS THAMS CAD DANG LDAN PA'I SA CHEN PO LA ME TOG SNA TSOGS KYIS MNGON PAR 'THOR BA DANG, LNGA PA LA RGYAN THAMS CAD KYIS BRGYAN PA'I BUD MED KYIS MGO LA ME TOG TZAM PA KA'I PHRENG BA 'DOGS PA DANG, DRUG PA LA THEM SKAS BZHI DANG LDAN PA'I RDZING GSER GYI BYE MA BDAL BA DANG ZHING RNYOG MA MED LA CHU YAN LAG BRGYAD DANG LDAN PAS YONGS SU GANG BA ME TOG AUTPAL DANG KU MU TA DANG PADMA DKAR POS BRGYAN PA'I CHU MTHONG NAS DE LA BDAG NYID RTZE DGA' BAS LONGS SPYOD PAR MTHONG NGO, ,BDUN PA LA NGOS G-YAS G-YON GNYIS NA SEMS CAN DMYAL BA'I G-YANG SA MTHONG STE DE LA BDAG NYID MA SMAS MA NYAMS PAR SLAR LDOG PA DANG, BRGYAD PA LA PHRAG PA GNYIS NA RI DVAGS KYI RGYAL PO SENG GE RAL PA CAN COD PAN THOGS PA GCAN GZAN PHRA MO THAMS CAD SKRAG PAR BYED CING GNAS PA DANG, DGU PA LA 'KHOR LOS BSGYUR BA'I RGYAL PO MTHONG STE SKYE BO BYE BA KHRAG KHRIG BRGYA STONG DU MAS YONGS SU BSKOR ZHING MDUN GYIS BLTAS TE MGO BO'I STENG NA RIN PO CHE RNAM PA SNA TSOGS PAS SPRAS PA'I GDUGS DKAR PO 'DZIN PA DANG, BCU PA LA NI DE BZHIN GSHEGS PA'I SKU MTHONG STE MDOG GSER LTA BU 'OD 'DOM GANG PA TSANGS BA KHRAG KHRIG BRGYA STONG DU MAS YONGS SU BSKOR ZHING MDUN GYIS BLTAS NAS CHOS STON PAR RMI LAM NA MTHONG NGO, ,LTAS 'DI DAG KYANG

, ,SA BCU LA PHAR PHYIN BCU SHAS CHE BA DANG BSTUN PA'I LTAS SU SHES PAR BYA ZHING, SA DRUG PA'I LTAS LA, RDZING SANGS RGYAS KYI BSTAN PA, THEM SKAS BZHI NI DE LA 'JUG PA'I SGO GRUB MTHA' BZHI, GSER GYI BYE MA BDAL BA GZHI RIGS DANG ZHING RNYOG PA MED PA RANG BZHIN DANG GLO BUR RNAM DAG ,JI SKAD DU, BSIL DANG ZHIM DANG YANG DANG 'JAM, ,DVANGS DANG DRI NGA MED PA DANG, ,'THUNGS NA LTO LA MI GNOD DANG, ,MGRIN PA LA NI MI GNOD PA'O, ZHES PA'I YAN LAG BRGYAD KYI CHUS GANG BA NI 'PHAGS LAM YAN LAG BRGYAD DO, ,ME TOG RIGS GSUM GYIS GANG ZAG GSUM MTSON TE, AUTPA LA NI NYI MAS KYANG 'BYED LA, GZHAN GYI TSE YANG 'BYED SRID PAS NYAN THOS DANG, KU MU TA NYI MAS ZUM PA DANG ZLA BAS 'BYED PAR BYED PAS NYI MA LTA BU'I SANGS RGYAS MA BYON PA'I TSE 'BYUNG BAS DES RANG RGYAL DANG, PADMA DKAR PO LTA BU'I BYANG SEMS NI BYANG SEMS MCHOG YIN NO ZHES 'CHAD DO, ,'DI DAG RMIS LTAS KYI RTAGS YIN NA DROD NAS GNYID LA SOGS PA'I SGRIB PA LNGA DANG MI 'GROGS PA CI ZHE NA, GNYID LA YUL LA 'JUG PA'I SHES PA RANG DBANG MED PAR BYED PA NYON MONGS CAN DANG, LUS RTAS PAR BYED PA DGE BAR BGRANGS PA'I GNYID GNYIS YOD PAS SNGA MA MED KYANG PHYI MA YOD PAS SKYON MED DO ZHES PA LAN DON MTHUN DANG, GZHAN DAG NI GLO BUR BA'I SHES PA'I SNANG BA RMI LTAS BZHIN DU BYUNG BA LA RMI LAM GYI MING GIS BTAGS PAR LAN 'DEBS PA NI DE LA RMI LAM

GYIS BTAGS PA LA DGOS PA MED PA'I PHYIR, ZHES DANG, MTSAN MA 'DI DAG SKABS MA YIN PAR BYUNG NA SNGAGS SAM BDUD KYI MTHUR SHES PAR BYA'O, ZHES TSIG GSAL LAS SO, ,BDUN PA NI, MTHAR THUG PA'I 'BRAS BU NI SANGS RGYAS SA DANG, GNAS SKABS KYI 'BRAS BU NI SA PHYI MA RNAMS SO, ,GSUM PA NI, TSIG DON DU STON NO, ,GNYIS PA LA GNYIS, MTSAMS SBYAR BA DANG, SA'I TSOGS DNGOS BSHAD PA'O, ,DANG PO NI, GSUNGS SO, ,GANG NA BAR ZHES SOGS SO, ,YONGS SBYONG STON PA LA NYER GNYIS LAS MED KYANG, 'BRAS BU'I SA'I TSIGS BCAD GCIG DER BSDUS PA NI SPYI LA MTSAMS SBYOR GCIG BYED PA NA SO SOR PHRAL BA MA BDE BAS DOR BA'O, ,DGOS PA GANG NA, SA DGU PO GANG GI YONGS SU SBYONG BAR 'GYUR BA'I YONGS SBYONG GI CHOS SO, ,GANG DU NA SA'I TSOGS LA STE DE'I SKABS SU'O, ,MDO'I 'BREL NI, TSOGS SPYIR BSTAN GYI DRI BA LNGA'I GNYIS PA'I LAN DU JI LTAR NA BYANG CHEN THEG CHEN LA ZHUGS PA YIN ZHES ZER BA NI, RAB 'BYOR 'DI LA BYANG CHEN PHYIN DRUG LA SPYOD CING SA NAS SAR 'PHAR TE ZHES SA BCUS BSDUS PA'I SBYIN SOGS RNAMS LA SHAS CHE BAR GYUR PA BCU'I SGO NAS RIM GYIS 'JUG GO ZHES SA YI 'BRAS BU'AM RTEN PA'I YON TAN BSTAN PA'I SGO NAS GSUNGS SO, ,'JUG SGRUB DANG TSOGS SGRUB LAS 'PHROS PA NI MDO DANG RGYAN GYI KHYAD PAR RO, ,GNYIS PA LA GNYIS, RGYU SA DGU'I YONGS SBYONG, 'BRAS BU SA BCU PA'I MTSAN NYID DO, ,DANG

, ,PO LA DGU ,SA DANG PO, GNYIS PA, GSUM PA, BZHI PA, LNGA PA, DRUG PA, BDUN PA, BRGYAD PA, DGU PA'I YONGS SBYONG NGO, ,DANG PO LA GNYIS, RTZA BA DANG, 'GREL PA'O, ,DANG PO LA GSUM, MDOR BSTAN, RGYAS PAR BSHAD, SBYONG BA'I TSUL LO, ,DANG PO NI, YONGS SU SBYONG BA RNAM BCU YIS NI 'THOB BYED DO, ,SA NI DANG PO THOB BYA'O, ,THOB PAR BYED TSUL NI, KHA CIG THOB 'GYUR TE ZHES PA DANG SA LNGA PA DANG BDUN PAR MI DGE BA BCU DANG, BDAG DANG SEMS CAN DU 'DZIN PA SOGS SPONG BAR BSHAD PAS MA THOB PA THOB BYED YIN ZHES 'DOD KYANG MI 'THAD DE, THOB 'GYUR ZHES PA NI MDO LAS, SA DANG PO LA GNAS PA'I BYANG SEMS KYIS YONGS SU SBYONG BA 'DI DAG BYA STE ZHES PA'I DON BSDUS PA YIN PA DANG, SA LHAG MA'I TSES BRGYAD LA SOGS PA RNAMS LA YANG SA DE DANG DE LA GNAS PAS 'DI BYA STE MI BYA STE ZHES GSUNGS PA DANG, MI DGE BA DANG BDAG 'DZIN SOGS KYI GNAS NGAN LEN SA DE LA SPONG BA YOD PA'I PHYIR RO, ,DES NA SA THOB ZIN KHYAD PAR CAN DU BYED PA LA SA DE YONGS SU SBYONG BA DANG THOB PAR 'GYUR BA'I MING GIS BSTAN TE, RGYAN SNANG DU, DE LA YANG SA GANG GI YONGS SU SBYONG BAR 'GYUR BA'I CHOS GANG YIN PA RNAMS JI SRID MA RDZOGS PA DE SRID DU SA DE YIN LA YONGS SU RDZOGS NA NI SA GZHAN YIN PAR RIG PAR BYA'O, ZHES SO, ,'DIR SBYANG BAR BYA BA NI SA RNAMS SO, ,GANG GI SGO NAS NA, CI RIGS PAR SA RNAMS KYI YON TAN GYI CHA

SKYED PA DANG SKYON GYI CHA BSAL BA'I SGO NAS SO, ,GANG GIS NA, RGYU'I KHYAD PAR BCU LA SOGS PA RNAMS MI DMIGS PA'I SHES RAB KYIS ZIN PAR GYUR PA RNAMS KYIS SO, ,RNAM PA GCIG TU NAS RNAMS SBYANG GZHIR BYAS NAS YON SKYON GNYIS SBYANG BYAR BYA STE, YON TAN SBYONG BA'I DON NI KHANG BZANG SBYONG BA LTAR RDZOGS PAR BYED PA YIN LA, SKYON SBYONG BA'I DON NI RIN PO CHE'I G-YA' SBYONG BA LTAR SEL BA'O, ,DE LTAR GRANGS KYI SGO NAS MDOR BSTAN PA 'DI NI SA LHAG MA RNAMS LA YANG RANG GI SKABS DANG SBYAR BA RIG PAR BYA STE, MDO LAS SA DGU LA CHOS KYI GRANGS SMOS NAS 'DI DANG 'DI BYA BA 'DI DANG 'DI MI BYA ZHES MDOR BSTAN RGYAS BSHAD GNYIS GNYIS KYIS GSUNGS PA'I PHYIR RO, ,DE LAS SA KHA CIG LA YONGS SBYONG NYUNG BA DANG KHA CIG LA MANG BAR GSUNGS PA NI GDUL BYA NYE BA'I BSAM PA LA LTOS PA TZAM YIN LA, SA KHA CIG LA SPANG BYA SPONG BA DANG GNYEN PO BSKYED PA GNYIS GNYIS KYI SGO NAS GSUNGS PA NI MA GSUNGS PA RNAMS LA YANG MTSON PA YIN PAR SEMS SO, ,GNYIS PA NI, BSAM DANG ZHES SOGS TSIGS BCAD GNYIS TE, DE MI DMIGS PA'I TSUL GYIS LHAG PA'I BSAM PA YONGS SU SBYONG BA DANG, MTSAN MA MI DMIGS PA'I PHYIR PHAN PA'I DNGOS PO YONGS SU SBYONG BA DANG, SEMS CAN MI DMIGS PA'I PHYIR SEMS CAN THAMS CAD LA SEMS MNYAM PA NYID YONGS SU SBYONG BA DANG, SBYIN PA DANG GTONG BA DANG LEN PA MI DMIGS PA'I PHYIR GTONG BA YONGS SU SBYANG BA DANG,

, ,DES RLOM SEMS SU MI BYA BA'I PHYIR, DGE BA'I BSHES GNYEN BSTEN PA YONGS SU SBYANG BA DANG, CHOS THAMS CAD MI DMIGS PA'I PHYIR CHOS BTZAL BA YONGS SU SBYANG BA DANG, KHYIM MI DMIGS PA'I PHYIR YANG DANG YANG 'BYUNG BA YONGS SU SBYANG BA DANG, MTSAN DANG DPE BYAD BZANG PO MI DMIGS PA'I PHYIR SANGS RGYAS KYI SKU LA 'DOD PA YONGS SU SBYONG BA DANG, CHOS KYI DBYE BA MI DMIGS PA'I PHYIR CHOS RNAM PAR 'GREL BA YONGS SU SBYANG BA DANG, TSIG MI DMIGS PA'I PHYIR BDEN PA'I TSIG YONGS SU SBYANG BA STE, ZHES SO, ,MDO 'DIS NI BCU NYID SBYANG BYAR GSUNGS TE SBYONG BYED DANG GZHI MTHUN PA'O, ,GSUM PA NI, SHES PAR BYA'O, ,GANG YIN PAR NI, YONGS SBYONG YIN PAR RO, ,JI LTAR BYAS BAS NA BCU PO 'DI DAG RANG BZHIN CIR YANG MI DMIGS PAR RTOGS PAS SO, ,'DI NI MTSON PA STE KUN RDZOB TU SGYU MA LTAR DMIGS PA YANG DGOS TE, DAG LDAN LAS, JI LTAR 'PHO ZHE NA, THABS LA MKHAS PAS SO, ,DE YANG GANG ZHE NA, BDEN PA GNYIS LA YANG DAG PAR BRTEN PA STE KUN RDZOB KYI BDEN PA LA BRTEN NAS YONGS SU SBYONG BA'I PHYIR DANG, DON DAM PA'I BDEN PA LA BRTEN NAS DE DAG DBYER MED PAR MTHONG BA'I PHYIR RO, ZHES PA LTAR RO, ,RKANG PA PHYI MA GNYIS PO 'DI NI MDO LAS CHOS BCU PO RE RE LA MI DMIGS PA SBYAR BA BSDUS LA, 'DI SA LHAG MA RNAMS LA YANG RIG PAR BYA STE, 'GREL PA 'DIS BSTAN PA

BZHIN NO, ,GNYIS PA LA GNYIS, YONGS SBYONG SO SO'I NGO BO, YONGS SBYONG DU 'GYUR TSUL LO, ,DANG PO NI, ZHES BYA BA NI ZHES PA MTSAMS SBYOR DU GSUNGS PA LA, ZHES PA SPYI'I YONGS SBYONG GSUNGS PA'I NANG NAS SO SO'I YONGS SBYONG STON PA NI ZHES PA'I DON TE, LHAG MA RNAMS LA YANG DE LTAR RO, ,LHAG BSAM YONGS SU SBYONG BA NI, DANG POR GZHAN DON DU SEMS BSKYED PA'I TSUL JI LTA BA BZHIN GYI RIM PA DE LAS MA 'DAS PAR BYANG CHUB KYI GZHI'AM RGYU DGE BSGRUB PA THAMS CAD LA RANG DON LHUR LEN GYI GYA GYU BA NYAN RANG GI YID BYED MED PA'I BSAM PA DANG, YONGS SU SBYONG BA NI ZHES 'OG MA THAMS CAD LA YANG SBYAR RO, ,YANG NA JI LTA BA BZHIN ZHES PA RTZA BA'I GRANGS KYI RIM PA BZHIN 'GREL PAR YANG 'CHAD CES PA'O, ,MDO DANG RGYAN SNANG GNYIS KAR DGE BA THAMS CAD SGRUB PA ZHES BSHAD PAS GZHI SEMS CAN THAMS CAD CES 'CHAD PA NOR RO, ,PHAN DNGOS NI RANG DANG GZHAN GYI DGOS PA'I DON LA PHAN PA'I RNAM MKHYEN GYI YE SHES SEMS CAN KUN GYI DON DU GNYER ZHING DE'I RGYUR THEG CHEN GYI CHOS 'DZIN PA DANG, SEMS CAN LA SEMS MNYAM PA NI SEMS CAN THAMS CAD LA THEG CHEN SEMS BSKYED DE DANG LDAN PAS TSAD MED BZHI SGRUB PAS SEMS RTZE GCIG PA STE RIS SU CHAD PA MED PA DANG, DAG ZLA GNYIS SU SNGA MA SEMS CAN LA PHAN PAR 'DOD PA DANG 'DI DE'I RGYUR BSHAD DO, ,GTONG BA NI 'KHOR GSUM DU MI RTOG PA'I SBYOR BAS BDOG PA THAMS CAD GTONG BA DANG, BSHES

, ,GNYEN BSTEN PA NI, RNAM MKHYEN DU BSKUL BA'I DGE BA'I BSHES GNYEN TSUL THAMS CAD KYIS MGU BAR BYED PA DANG, DAM CHOS KYI DMIGS PA TSOL BA NI, RNAM MKHYEN YID BYED KYIS NYAN THOS KYI THEG PA LA SOGS PA PHYOGS RE BAS CHOG PAR MI 'DZIN PAR THEG PA GSUM DU GTOGS PA'I DAM CHOS KYI DMIGS PA TSOL BAR 'DOD CING SA GNYIS SU MI LTUNG BA DANG, RTAG TU NGES 'BYUNG GI SEMS NI, KHYIM NA GNAS PA SDUG BSNGAL DU MA'I GZHIR MTHONG NAS DER GNAS PA LA MNGON PAR MI DGA' ZHING TSE RABS THAMS CAD DU DE BZHIN GSHEGS PA'I BSTAN PA LA RAB TU 'BYUNG ZHING DE LA YANG BAR CHAD MED PA DANG, SANGS RGYAS SKUR 'DOD DGA' BA NI, BLA NA MED PA'I SANGS RGYAS KYI SKU SGRUB PAR 'DOD CING DE MTHONG NA SANGS RGYAS KYI BAR THAMS CAD DU YID LA BYED PA DANG MI 'BRAL BA DANG, SNGA MA'I RTAG TU ZHES PA 'DIR YANG SBYAR RO, ,'DIR MDO LAS SANGS RGYAS KYI SKU LA 'DOD PA YONGS SU SBYONG BA ZHES 'BYUNG BAS SKU 'DOD CES PAR BSGYUR NA BDE'O, ,GZHUNG KHA CIG LAS SKUR RTOGS ZHES DANG, SKUR GTOD CES PA LTAR NA DANG PO LA RTOGS PA STE, MTHONG NA DGA' BA DANG PHYI MA LA SKU DER SEMS GTAD NAS DE YID LA BYED PA LA BSHAD DE, MDO LAS DE BZHIN GSHEGS PA MTHONG NAS RNAM MKHYEN GYI BAR DU YID LA BYED PA DANG MI 'BRAL BA LA GSUNGS PAS SO, ,GRAGS CHAR NI, SANGS RGYAS TE CHOS LONGS SPRUL PA'I SKU GSUM DU 'DOD PA LA 'CHAD

DO; ;CHOS STON PA NI, THOG MTHA' BAR DU DGE BA'I GSUNG RAB YAN LAG BCU GNYIS KYI DAM PA'I CHOS JI BZHIN DU RAB TU STON PA DANG, BDEN TSIG NI, DAM BCAS PA LTAR GZHAN LA MI SLU BA'I BDEN SMRA STE ZHES BYA BA RE RE'I MTHAR SBYAR BA'I 'OG TU YANG NGO, ,GNYIS PA NI, 'THOB PA YIN NO, ,GANG NA, YON TAN GYI RTEN BYED BAS SO, ,GRANGS BCU'I DANG PO MING RAB TU DGA' BA ZHES PA DE'O, ,CI'I PHYIR DE SKAD BYA NA, BYANG CHUB LA NI NYE BA DANG, ,SEMS CAN DON SGRUB MTHONG BA LA,, RAB TU DGA' BA SKYE 'GYUR TE, ,DE PHYIR RAB DGA' ZHES BRJOD DO, ZHES PA LTAR RO, ,GANG GIS NA, GONG DU BSTAN PA DE LTA BU'I MTSAN NYID KYI CHOS YONGS SBYONG BCUS SO, ,JI LTAR BYAS PAS SA DANG PO'I YONGS SPYOD DU 'GYUR NA YONGS SU SBYONG BA'I RGYU'I KHYAD PAR BCU PO DE BDEN PA'I NGO BO NYID CIR YANG MI DMIGS PAR RTOGS PAS KHYAD PAR DU BYAS PA'I MTSAN NYID KYI YONGS SU SBYONG BA DAG KHO NAS SA DE 'THOB KYI MI DMIGS PA STONG NYID RTOGS PA DANG BRAL BA'I YONGS SBYONG GIS NI MA YIN NO, ,BCU PO DE LA CI'I PHYIR YONGS SU SBYONG BA ZHES BYA ZHE NA, RNAM PA THAMS CAD DU STE RDZOBS PAR BSKYED BYA'AM SBYANG BYA YIN PA'I PHYIR TE, RTOG LDAN RNAMS BSLAB BYA'I GNAS MTHAR PHYIN PAR SGRUB PA NA DE LA SPYOD ZHES BRJOD PA BZHIN, YANG NA SA DANG PO DE TSES BCU YI THOB BYAR MI RUNG STE, BCU PO 'DI SA DE THOB PA'I YON TAN YIN PAS SHE NA, SA DE NI SNGAR MA THOB PA'I THOB BYA MA YIN KYANG THOB ZIN RDZOGS PAR BSKYED BYA YIN PAS SO, ZHES

, ,BSHAD DO, ,'DIR MDOR BSTAN DU BYAS NAS SNGON LA BSHAD KYANG SLOB DPON GYIS SNGON DU CHOS BCU BSHAD NAS DE'I 'OG TU RKANG PA DANG PO GNYIS THA MA GNYIS DANG SBREL TE BCU PO DE YONGS SBYONG DU 'GYUR TSUL BSTAN PAS 'DIR DE DANG MTHUN PAR BYA STE GNYIS KA SHES PAR BYA'O, ,GNYIS PA LA GNYIS LAS DANG PO NI TSUL KHRIMS ZHES PA'I TSIGS BCAD GCIG STE, BYANG CHEN SA GNYIS PA LA GNAS PAS TSES BRGYAD PO 'DI DAG YANG DANG YANG DU YID LA BYA ZHING DE DAG LA NAN TAN DU BYA'O, ,BRGYAD GANG ZHE NA, 'DI LTA STE, TSUL KHRIMS YONGS SU DAG PA DANG ZHES PA NAS PHAR PHYIN RNAMS LA BRTZON PAS TSOL BA STE ZHES PA'I BAR RO, ,GNYIS PA LA GNYIS, SBYONG BYED SO SO'I NGO BO, YONGS SBYONG DU 'GYUR TSUL LO, ,DANG PO NI, TSUL KHRIMS NI RANG RGYUD LA YON TAN MTHA' DAG SKYED PAR BYED PA DGE BA'I CHOS SDUD PA DANG, GDUL BYA'I SEMS CAN SMIN PAR BYED PA SEMS CAN GYI DON BYED PA DANG, NYES SPYOD MTHA' DAG LAS LDOG PA SDOM PA'I TSUL KHRIMS YONGS SU DAG PA NYAN RANG GI YID BYED SPANGS SHING TSUL KHRIMS NGAN PAR BYED PA DANG, RNAM MKHYEN GYI GEGS SU GYUR PA'I CHOS GZHAN YANG YID LA MI BYED PA'O, ,BYAS PA GZO BA NI, GZHAN GYIS PHAN PA CHUNG NGU ZHIG BYAS KYANG CHUNGS PAR MI RTZI ZHING BRNYAS PAR MI BYED PAS DRAN PA DANG, BZOD PA NI, GZHAN GYIS LUS KYIS GNOD PA BYAS PA DANG SOGS PAS DAG GIS GSHE BA RNAMS BZOD CING SEMS CAN RNAMS LA GNOD SEMS

MI SKYED LA CHOS RNAMS MA SKYES PAR YID LA BYED PA DANG, RAB TU DGA' BA NI, DGE BA'I CHOS SEMS CAN RNAMS THEG GSUM LA 'GOD PA SGRUB PA LA 'GYOD PA MED CING SPRO BA DANG, SNYING BRTZE BA NI SEMS CAN RE RE'I PHYIR YANG BSKAL BA MANG POR DMYAL BA'I SDUG BSNGAL MYONG BA LA MI SKYO BA'I TSUL GYIS SKYE BO THAMS CAD LA BYAMS PA DANG, BKUR STI NI, MKHAN PO DANG SOGS PAS SLOB DPON DANG DE MA YIN PA'I SKYE BO THAMS CAD LA NGA RGYAL BCAG PA'I SGO NAS 'DUD PA DANG, BLA MA LA GUS PAR NYAN PA NI DGE BA'I BSHES GNYEN LA STON PAR 'DU SHES NAS DES BSTAN PA'I CHOS SGRUB PA DANG, SBYIN SOGS LA BRTZON PA NI SEMS CAN GYI DON DU LAS GZHAN MED PAR SBYIN SOGS DRUG SGRUB PA LA SPRO BA ZHES BYA BA STE BRGYAD DO, ,GNYIS PA NI, 'THOB PA YIN NO, ,GANG NA SA GNYIS PA DRI MA MED PA'O, ,CI'I PHYIR DE SKAD BYA NA, 'CHAL TSUL RTZOL BA'I DRI BRAL PHYIR, ,DRI MA MED PA'I SA ZHES BYA, ZHES TE, RTZOL BA'I DRI MA NI THEG PA GZHAN YID LA BYED PA'O; ;GANG GIS NA TSUL KHRIMS LA SOGS PA DE LTA BU'I YONGS SU SBYONG BA SNGA MA SA DANG POR BSTAN PA BZHIN MI DMIGS PAR RTOGS PAS YONGS SU SBYANG BA BYAS PA'I KHYAD PAR DANG LDAN PA RNAM PA BRGYAD KYIS SO, ,RNAM PA THAMS CAD DU BSKYED PAR BYA BA YIN PA'I PHYIR ZHES PA 'DIR YANG SBYAR TE 'OG MA RNAMS LA YANG DE LTAR RO, ,GSUM PA LA GNYIS LAS DANG PO NI, THOS PAS ZHES PA'I RKANG PA DRUG STE, BYANG CHEN SA GSUM PA LA GNAS PAS CHOS LNGA LA GNAS PAR

, ,BYA STE; LNGA GANG ZHE NA, 'DI LTA STE MANG DU THOS PAS MI NGOMS SHING DE LA YANG YI GER MNGON PAR MA ZHEN PA DANG ZHES PA NAS NGO TSA SHES SHING KHREL YOD PA LA GNAS KYANG DES RLOM SEMS SU MI 'GYUR PA STE ZHES PA'I BAR RO,, 'DIR MDO LAS DANG PO LA RLOM SEMS MED PAS SGRAS MA ZIN KYANG SBYAR DGOS TE RLOM MED BDAG NYID DE RNAM LNGA ZHES PAS SO, ,GNYIS PA LA GNYIS, SBYONG BYED SO SO'I NGO BO, YONGS SBYONG DU 'GYUR TSUL LO, ,DANG PO NI, THOS PAS MI NGOMS PA NI, SANGS RGYAS RNAMS KYIS PHYOGS BCU KUN TU CHOS CI GSUNGS PA GZUNG BAR SEMS PAS DAM PA'I CHOS MNYAN PAS NGOMS MI SHES PA DANG, ZANG ZING MED PAR CHOS SBYIN PA NI, YON 'BUL BA SOGS KYI RNYED PA DANG SOGS PAS GDAN STOB PA SOGS KYI BKUR STI LA MI LTA BA'I SEMS KYIS DAM PA'I CHOS RAB TU STON PA STE THA NA CHOS BSHAD PA'I 'BRAS BU BYANG CHUB LA YANG RANG DON DU MI RE BA DANG, SANGS RGYAS KYI ZHING SBYONG BA NI ZHING DAG BYED KYI DGE RTZA RNAMS ZHING DAG PA'I RGYUR BSNGOS TE RANG GI SANGS RGYAS KYI ZHING RTEN SNONG DANG BRTEN PA BCUD KUN TU SBYONG BA DANG, 'KHOR BAS YONGS SU MI SKYO BA NI RANG GIS PHAN BTAGS PA'I SEMS CAN RNAMS RANG DANG MI MTHUN PA'I LUS KYI RNAM 'GYUR STON PA DANG SOGS PAS DNGOS SU GNOD PA BYED PA DANG NGAG GIS MI SNYAN PAR BRJOD PA RNAMS MTHONG BAS SEMS CAN GYI DON SGRUB PA LA SGYID LUG PA'I SGO NAS YONGS SU MI SKYO BA'O, ,MDO NAS NI SEMS CAN SMIN PA DANG ZHING DAG PA'I DGE BA SGRUB

PA LA 'KHOR BAR GNAS KYANG RNAM MKHYEN RDZOGS KYI BAR DU MI SKYO BA LA GSUNGS SHING, RGYAN SNANG DU SEMS CAN GYI DON BYA BA'I PHYIR NAM YANG SEMS SKYO BA MED PA ZHES BA DANG 'DI GNYIS MI 'GAL TE, DE GNYIS KYIS NI GZHI GANG LA DANG, 'DIR NI RKYEN GANG GIS MI SKYO BA BSTAN TO, ,NGO TSA KHREL YOD NI RIM PA LTAR RANG LA LTOS NAS MI DGE BA'I CHOS NYAN RANG GI SEMS YID LA MI BYED PA DANG, GZHAN LA LTOS NAS DE YID LA MI BYED PA ZHES BYA BA STE LNGA'O, ,GNYIS PA NI, RTOGS PA STE 'THOB PA YIN NO, ,GANG NA, SA GSUM PA 'OD BYED PA'O, ,CI'I PHYIR DE SKAD BYA NA, CHOS KYI SNANG BA CHEN PO NI, ,BYED PA'I PHYIR NA 'OD BYED PA, ZHES TING NGE 'DZIN GYI STOBS KYIS CHOS TSAD MED PA TSOL BA'I PHYIR GZHAN DAG LA CHOS KYI SNANG BA CHEN PO BYED PAR GSUNGS PA'I PHYIR RO, ,GANG GIS NA SNGAR BSHAD PA DE LTA BU'I YONGS SBYONG RNAM PA LNGA PO SNGA MAS DANG POR BSTAN PA BZHIN DU BDEN PA'I NGO BO NYID DU MI RTOG PA'I SHES RAB KYIS YONGS SU SBYONG BA BYAS PA DES SO, ,DE LTAR NA NGO BO NYID DU MI RTOG PA ZHES PA NI, GRAGS CHAR RLOM MED BDAG NYID NI RNAM PAR RTOG PA MED PA'I LAS TE ZHES PA LTAR RLOM MED KYI 'GREL BAR SNANG LA, DAG LDAN LAS NI, RLOM MED BDAG NYID CES BYA BA NI DES KHENGS PA MED PA'I PHYIR RO ZHES CHOS LNGAS MA KHENGS PA LA GSUNGS SO, ,BZHI PA LA GNYIS LAS DANG PO NI NAGS GNAS ZHES SOGS KYI RKANG PA DRUG STE, BYANG CHEN SA BZHI PA LA GNAS PAS CHOS BCU PO 'DI DAG YONGS SU BLANGS SHING GNAS PAR BYA STE DE DAG YONGS SU GTANG BAR MI BYA'O, ,

, ,BCU GANG ZHE NA, 'DI LTA STE DGON PA LA GNAS PA DANG ZHES PA NAS, DNGOS PO THAMS CAD LA LTOS PA MED PA STE, ZHES PA'I BAR RO, ,GNYIS PA LA GNYIS, SBYONG BYED SO SO'I NGO BO, YONGS SBYONG DU 'GYUR TSUL LO, ,DANG PO NI NAGS GNAS NI, THEG DMAN YID BYED KYIS DBEN PA LA RGYAN SNANG DU BSHAD LA, MDO LAS KYANG DE LA DGON PAR GNAS PA'I DON DU GSUNGS PA NI DBEN PA MCHOG YIN LA, PHAL PA'I DBANG DU BYAS NA DGON PAR GNAS PA NI GRONG LAS RGYANG GRAGS KYIS BCAD PA'I GNAS TE, MDZOD LAS, GZUGS MING DUS MTHA' RDUL YIG DANG, ,SKAD CIG PHRA RAB RDUL DANG NI, ,RDUL PHRAN DANG NI DE BZHIN DU, ,LCAGS CHU RI BONG LUG DANG GLANG, ,NYI ZER RDUL DANG SRO MA DANG, DE LAS BYUNG DANG DE BZHIN NAS, ,SOR TSIGS ZHES BYA GONG BDUN BSGYUR, ,SOR MO NYI SHU BZHI LA KHRU, ,KHRU BZHI LA NI GZHU GANG NGO, ,DE DAG LNGA BRGYA RNAMS LA NI, ,RGYANG GRAGS DE LA DGON PAR 'DOD, ,DE BRGYAD DPAG TSAD CES BYA'O, ZHES PA LTAR RO, ,BYANG SEMS KYIS MCHOG DMAN GYI DBEN PA BSTEN PA GNYIS KA YANG SBYANG DGOS PA'I PHYIR MDO DANG MI 'GAL LO, ,'DOD CHUNG NI, RNYED PA SNGAR MA THOB PA LA THOB NA CI MA RUNG SNYAM DU THOB PAR MNGON PAR 'DOD PA MED PA STE; DE YANG 'DIR NI RANG DON DU 'AM DMIGS PA'I SGO NAS BYANG CHUB LA YANG 'DOD PA MED PA'O, ,CHOG SHES PA NI, RNYED PA THOB PA LA DE BAS KYANG LHAG PAR THOB NA SNYAM DU DON DU GNYER BA MED PA STE, 'DIR NI THOB BYA'I DNGOS PO KHYAD

PAR CAN RNAM MKHYEN LTA BU THOB KYANG DES RLOM SEMS MED PA'O, ,'DI NI MDZOD LAS, RNYED LA YANG SRED CHOG MI SHES, ,MA RNYED PA LA 'DOD CHEN CAN, ,BZLOG PA DE YI GNYEN PO YIN, ZHES PA DANG MTHUN LA DE YANG NYI SNANG DU MDZAD PA NYID BKOD PA'O, ,SLOB DPON DBYIG GNYEN GYIS DE GNYIS KA YANG MA RNYED PA LA SRED PAR MTSUNGS PA'I PHYIR MTSAN NYID DES 'BYED MI NUS PAS, NGAN NYUNG RNYED PAS YID MI BDE BA DANG, BZANG MANG RNYED KYANG DES MI TSIM PA LA MDZAD DO, ,'ON KYANG MDO LAS BYANG CHUB LA YANG 'DOD PA MI SKYED PA DANG RNAM MKHYEN THOB KYANG RLOM PA MED PA GNYIS LA BSHAD PAS 'PHAGS PA DANG SLOB DPON GYIS BSHAD PA YANG MDO LA ZHUGS SO, ,SBYANGS PA YANG DAG SDOM BSTEN LA YANG THUN MONG MA YIN PA MCHOG DANG, THUN MONG BA PHAL PA'I DBANG DU BYAS PA GNYIS LAS DANG PO NI SPROS BRAL ZAB MO'I DON LA MI SKRAG PA'I NGES RTOG GI BZOD PA MI GTONG BA'O, ,GNYIS PA NI, BSOD SNYOMS PA NYID LA SOGS PA SBYANGS PA'I YON TAN BCU GNYIS YANG DAG PAR SDOM PA STE DE'I YI DAM LA GNAS PA'O, ,BCU GNYIS PO DE YANG GANG ZHE NA, SO SO'I DBYE BA DANG, THUN MONG GI SGRA BSHAD PA GNYIS KYIS RIG PAR BYA'O, ,DANG PO NI BSOD SNYOMS DANG, CHOS GOS DANG, GNAS MAL GYI DBANG DU BYAS PA GSUM DANG, GSUM DANG DRUG STE, ZAS BZANG PO LA CHAGS PA'I GNYEN POR 'DRIS PA'I KHYIM NAS CI RNYED PA TZAM ZA BA'I RNYED PAS CHOG PA DANG, KHYIM RNAMS SU MTHAR GYIS BLANGS SHING

, ,BRGYUS TE CI THOB PA ZA'I BDAG GIS KHYIM 'DI NAS CI TZAM 'DOD PA'I BZA' BCA' 'THOB BO SNYAM NAS MGO 'PHANGS STOD DE MI 'GRO BA MTHAR GYIS SLONG BA'I BSOD SNYOMS PA STE, 'DI GNYIS PHYEN SBYANGS PA'I YON TAN BCU GSUM DANG MA PHYEN BCU GNYIS SO, ,ZAS MANG PO LA CHAGS PA'I GNYEN POR STAN GCIG LA 'DUG NAS ZA'I DE LAS LANGS NAS MA YIN PA'I STAN GCIG PA DANG, ZAS KYI PHYIR 'DUG NAS CI TZAM GYIS BDAG 'TSO BA'I ZAS THAMS CAD MA BLANGS PA'I BAR DU MI ZA ZHING 'DIS 'TSO'O SNYAM DU DANG, DE'I 'OG TU THAMS CAD CIG CAR BLANGS NAS ZA BA'I PHYIS MI LEN PA GNYIS SO, ,GOS MANG PO LA CHAGS PA'I GNYEN POR SNAM SBYAR BLA GOS MTHANG GOS GSUM GYIS 'TSO BAR BYED CING DE LAS LHAG PA'I GOS MI 'CHANG BA'I CHOS GOS GSUM PA DANG, CHOS GOS GSUM DANG GOS LHAG CI 'CHANG BA THAMS CAD BAL LAS BYAS PA SHA STAG 'CHANG BA'I PHYING PA PA'AM, ZLA 'OD DU BAL GYI DANG GSO MA LA SOGS PA GYON PAS PHYING PA PA'O ZHES PA LTA BU DANG, PHYAG DAR KHROD DU BOR BA'I GOS BSHANG GCI SOGS KYIS GOS PA'I MI GTZANG BA RNAMS BOR NAS THAG GI BA BLANGS NAS BKRUS SHING DRUBS TE KHA DOG BSGYUR NAS 'CHANG BA'I PHYAG DAR KHROD PA'O, ,'DI GNYIS NI CHOS GOS 'JAM PO DANG BZANG PO LA CHAGS PA SPANG BA'I PHYIR RO, ,'DU 'DZIL CHAGS PA SPANG BA'I PHYIR GRONG LAS RGYANG GRAGS KYIS BCAD PAR GNAS PA'I DGON PA PA DANG, SHING DRUNG NA

GNAS 'CHA' BA'I SHING DRUNG PA DANG, STENG MA G-YOGS PAR GNAS PA'I BLA GAB MED PA DANG, SKYE BO SHI BO COG 'DOR BA'I GNAS SU GNAS 'CHA' BA'I DUR KHROD PA STE, DE GSUM NI GNAS MAL LA CHAGS PA SPANG BAR BYA BA'I PHYIR RO, ,GLOS 'BEBS PA DANG NYAL BA'I BDE BA LA CHAGS PA'I GNYEN POR KHRI 'AM KHRI'U'AM RTZVA BTING BA LA TZOG PUR BSDAD NAS DUS YOL BAR BYED CING RGYAB BAM GLOS MI BRTEN PA'I TZOG PU BA DANG, LAN CIG RTZVA DANG LO MA JI LTAR BTING BAL MAL 'CHA' BAR BYED KYI YANG YANG MI BRJE MI 'CHOS PA'I GZHI JI BZHIN PA NI STAN DANG GDING BA DANG DGAB PA LA CHAGS PA SPANG BA'I CHED DO, ,'DI DAG NI NYAN SA DANG ZLA 'OD LTAR RO, ,KHA CIG PHYI MA 'DI GNYIS SPYOD LAM GYI DBANG DU BYAS PAR MDZAD NAS GNAS MAL GYI DBANG DU BYAS PA BZHIR 'CHAD DO, ,GNYIS PA NI, DPER NA BAL MA BSHIG MA SMEL BA NA SKUD PAR MI RUNG LA, DE LAS ZLOG PA NA RUNG BA BZHIN DU, BSOD SNYOMS CHOS GOS GNAS MAL LA CHAGS PA NA SEMS LAS SU MI RUNG BA LA YON TAN 'DI DAG GIS TSANGS SPYOD GNAS PAR BYA BA'I PHYIR SEMS LAS RUNG DU SBYONG BAS SBYANGS PA'I YON TAN ZHES BYA'O, ,BSLAB PA YONGS SU MI GTONG BA NI, RANG GIS BSLAB PA'I SDOM PA BLANGS PA SROG DANG SOGS PAS LUS DANG LONGS SPYOD KYI PHYIR YANG YONGS SU MI GTONG BA'O, ,MDOR BSLAB PA THAMS CAD RGYU BA MED PA ZHES PA LTAR NA BSLAB PA RNAMS LA MTSAN MAR MI 'DZIN PA'O, ,'DOD PA RNAMS LA SMOD PA NI,

, ,'DOD PA'I YON TAN GZUGS SGRA SOGS LA NYES DMIGS SU'AM MI 'DOD PA'I RNAM PAR LTA BAS SMOD PA DANG, MYA NGAN LAS 'DAS PA NI, GDUL BYA'I BLO DANG 'TSAM PAR GDUL BYA RNAMS MYA NGAN LAS 'DAS PA LA GZHOL BA STE 'GOD PAR BYED PA'O, ,MDOR NI BYANG CHEN GYI MYA NGAN LAS 'DAS PA DANG SEMS BSKYED PA GANG ZHE NA 'DI LTAR CHOS THAMS CAD LA MNGON PAR 'DU BYED PA MED PA GANG YIN PA STE ZHES PA JI BZHIN DU RGYAN SNANG DANG ZLA 'OD DU YANG 'BYUNG LA, DON NI CHOS THAMS CAD RANG BZHIN GYIS MYA NGAN LAS 'DAS PA SPROS PA NYE BAR ZHI BA LA BLOS KYANG MTSAN MAR 'DU MI BYED PA'O, ,SH'ANTIS, SKYO BA DANG NI BDOG KUN GTONG, ZHES YID 'BYUNG BA LA GSUNGS SHING SA LNGA PA'I YONGS SBYONG GI GRANGS LA BCU GSUNGS PA 'DIR YANG SBYAR ZHES SO, ,MDO YI DE NI BYANG SEMS RANG GI YID LA BYED TSUL DANG, 'GREL PA DES YID BYED DES GZHAN MYANG 'DAS LA 'GOD TSUL BSTAN PAS 'GAL BA MED DO, ,BDOG KUN GTONG BA NI, LUS SOGS PHYI NANG GI CHOS RNAMS LA MTSAN MAR MI 'DZIN PA'I SGO NAS BDOG PA THAMS CAD YONGS SU GTONG BA DANG, MI ZHUM PA NI, DGE BA'I CHOS SGRUB PA LA SEMS MI ZHUM ZHING YUL LA ZHEN NAS MI GNAS PA DANG, LTA BA MED PA NI, DNGOS PO THAMS CAD LA MTSAN MAR MI LTA BA ZHES BYA BA STE BCU'O, ,GNYIS PA NI, GNON PA YIN NO, ,GANG NA SA BZHI PA 'OD 'PHRO BA CAN NO, ,CI'I PHYIR DE

SKAD BYA NA, 'DI LTAR BYANG CHUB PHYOGS MTHUN CHOS, ,RAB TU SREG BYED 'OD LTA BU, ,DE DANG LDAN PHYIR SA DE NI, ,GNYIS PO SREG PAS 'OD 'PHRO CAN, ZHES PHYOGS MTHUN GYI BDAG NYID KYI SHES RAB DES SGRIB GNYIS SREG PA NYE BAR GNAS PAR GSUNGS SO, ,GANG GIS NA, GONG GI DE LTA BU'I YONGS SBYONG BCUS SO, ,YONGS SBYONG DU 'GYUR TSUL NI SNGA MA LTA BU'O, ,LNGA PA LA GNYIS LAS, DANG PO NI, 'DRIS DANG ZHES SOGS TSIGS BCAD GNYIS TE, BYANG CHEN SA LNGA PA LA GNAS PAS CHOS BCU PO 'DI DAG YONGS SU SPANG BAR BYA STE, BCU GANG ZHE NA 'DI LTA STE, KHYIM PA DANG RAB TU BYUNG BA DANG STEN PA YONGS SU SPANG BAR BYA BA DANG ZHES PA NAS LHAG PA'I NGA RGYAL DANG KHENGS PA DANG PHYIN CI LOG RNAMS DANG THE TSOM DANG 'DOD CHAGS DANG ZHE SDANG DANG GTI MUG NYAM RANGS SU BZHAG PA YONGS SU SPANG BAR BYA'O, ZHES PA'I BAR RO, ,GNYIS PA LA GNYIS, SBYONG BYED KYI NGO BO SPANG GNYEN DANG, 'THOB BYED KYI NGO BO SBYONG TSUL DANG BCAS PA'O, ,DANG PO NI, 'DRIS PA NI RNYED PA DANG SOGS PAS BKUR STI'I DON DU RAB TU BYUNG BA DANG SOGS PAS KHYIM PA DANG 'GROGS SHING 'DRIS BSHES BYED PA YIN LA, DE SPONG BA NI SANGS RGYAS KYI ZHING DU BRGYUD MAR 'GRO ZHING RDZUS TE SKYE LA SKRA BREGS NAS NGUR SMRIG GI GOS BGO BA DANG, DGE SLONG MA DANG SE GOL GTOGS PA TZAM YANG LHAN CIG MI GNAS LA MI SRED CING DE LAS GOS THOB PAR MI BYED PA'O,,

, ,KHYIM LA 'KHREN PA NI, GZHAN GYIS RNYED PA THOB PA LA PHRAG DOG NAS RAB BYUNG LA DAD PA CAN GYI KHYIM NYE BAR MI STON PA STE, GNYEN PO NI BDAG GIS SEMS CAN LA BDE BA SGRUB DGOS NA SEMS CAN RNAMS RANG GI BSOD NAMS KYIS BDE BA LA SER SNA SKYED DU GA LA RUNG SNYAM PA'O, ,'DU 'DZIR GYUR PA'I GNAS LA GNYIS LAS, PHYI'I NI SKYE BO MANG PO GNAS PA'I GRONG DANG SOGS PAS GRONG KHYER RNAMS YIN LA, NANG GI NI NYAN RANG YOD PA DE'I GTAM THOS PA DE'I SEMS SKYE BA'I GNAS YIN TE, GNYEN PO NI DE GNYIS LUS SEMS KYIS SPANGS PA'O, ,MDOR PHYI MA GSUNGS KYANG BYANG SEMS KYIS GNYIS KA LAS DBEN PAR BYA DGOS PAS MI 'GAL TE, MDO YI DE NI GTZO BO'I DBANG DU BYAS PA'O, ,BDAG BSTOD GZHAN LA BRNYAS PA GNYIS NI, YON TAN DANG SKYON BRJOD PA'I SGO NAS BDAG LA BSNGAGS PA DANG GZHAN LA SMOD PA STE, GNYEN PO NI BDAG GZHAN DU GDAGS PA'I GZHI PHYI NANG GI CHOS MI DMIGS PA'O, ,MI DGE'I LAS KYI LAM BCU NI, RNAM SMIN YID DU MI 'ONG BA STER BAS MI DGE BA LUS NGAG GI BDUN NI LAS SEMS PA'I NGO BO YIN ZHING LAM YANG YIN LA YID KYI GSUM SEMS PA'I NGO BO MA YIN KYANG DE 'JUG PA'I GZHI YIN PAS DE'I LAS KYI LAM BCU STE, GNYEN PO NI 'DIS BDE 'GRO LA YANG SGRIB NA 'PHAGS LAM LA SMOS CI DGOS ZHES DE BCU'I NYES PA RIG PA'O, ,RLOM PAS KHENGS PA NI, THOS

PA DANG SOGS PAS TSUL KHRIMS LA SOGS PAS RLOM ZHING YON TAN CAN GZHAN LA MI 'DUNG PA STE, GNYEN PO NI CHOS GANG YANG MA DMIGS NA YON TAN 'DIS BDAG LHAG CES PA'I RLOM PA'I GZHI DANG KHENGS PA GANG YANG MI DMIGS PA'O, ,PHYIN CI LOG NI DGE BA DANG MI DGE BA RIM PA BZHIN BSTEN BYA DANG DOR BYA YIN PA LAS GO BZLOG STE'AM, YANG NA DE GNYIS KYI CHOS LA BDEN DNGOS SU MNGON PAR ZHEN PA STE GNYEN PO NI DNGOS POR DMIGS PA DANG BRAL BA'O,, MDO'I DGONGS PA LA PHYI MA THOB KYANG SNGA MA NI PHYIN CI LOG GI DON LA RNAM PA GSAL BAS MDZAD PA'I PHYIR 'GAL BA MED DO, ,BLO NGAN NI, RGYAN SNANG DU 'JIG TSOGS LA LTA BA LA SOGS PA BLO GROS NGAN PA DANG ZHES PA'I SOGS KHONG NAS MTHAR LTA BTON TE, DE GNYIS LA SGOM SPANG YANG YOD PAS SPYI SKAD DANG MI 'GAL KYANG, 'DIR LOG PAR LTA BA LA SOGS PA BLO GROS NGAN PA ZHES PAS SLOB DPON GYI BZHED PA LTA BA LNGA KA LA GSAL LO, ,DE YANG LTA BA RNAMS SHES RAB NYON MONGS CAN YIN LA, RTZA BAR BLO NGAN ZHES BLO GROS NGAN PA LA BSHAD PAS DE GNYIS DON GCIG PAS SO SNYAM DU DGONGS PAR MNGON NO, ,YANG NA 'DI'I MDOR THE TSOM DANG ZHES 'BYUNG LA MTHONG SPANG YIN PAS MI 'DREN NA DE YANG MI 'DREN DGOS PA LA DRANGS PA'I PHYIR LTA BA LNGA YANG DRANG BAR BYA STE RGYU MTSAN MTSUNGS PAS SO, ,SNYAM DU DGONGS SO, ,'O NA NYON MONGS RNAMS LAS LTA BA THA MA GSUM DANG THE TSOM MTHONG SPANG

, ,KHO NAR GSUNGS PA CI ZHE NA, 'JIG LTA LA PHUNG PO CHOS TZAM LA MNGON PAR ZHEN PA DANG, CHOS TZAM LA RTAG CHAD KYI MTHAR LTA BA DANG, LTA BA DE DAG LA MCHOG TU SGRO 'DOGS PA SOGS YOD PAS CHOS KYI BDAG 'DZIN LA YANG DE DANG MING MTHUN PA'I RNAM GZHAG TU RUNG BA'I PHYIR NYES PA MED DO, ,YANG NA MTHONG SPANG DU GSUNGS PA RAGS PA TZAM DANG, 'DIR BSHAD PA GNAS NGAN LEN SA DE DAG TU SPONG BA SRID PA LA DGONGS PA'I PHYIR SKYON MED DO, ,YID GNYIS DANG NI ZHES 'DREN PA NI MDO LAS THE TSOM DANG ZHES PA DANG MTHUN TE, GNYEN PO NI CHOS THAMS CAD YID GNYIS DANG BRAL BAR MTHONG BA'O, ,NYON MONGS BZOD NI, 'DOD CHAGS LA SOGS PA'I NYON MONGS PA THAMS CAD LA MNGON DU PHYOGS PAR BYED PA SEMS BAG YENGS SU GTONG BA ZHES BYA BA STE BCU YIN LA, GNYEN PO CHAGS SOGS MI DMIGS BAR RTOGS PA'O, ,GNYIS PA NI 'THOB PA YIN NO,, GANG NA SA SOGS SO, ,CI'I PHYIR DE SKAD BYA NA, SEMS CAN RNAMS YONGS SMIN BYED CING, ,RANG GI SEMS KYANG SRUNG BA'I PHYIR, ,BLO LDAN RNAMS KYIS SBYANG DKA' BA, ,DE PHYIR SBYANG DKA' ZHES BYA'O, ZHES SEMS CAN SMIN PA LA BRTZON PA DANG DE'I LOG SGRUB KYIS RANG GI SEMS NYON MONGS PAR MI 'GYUR BA STE BYA BA GNYIS BYED PAR GSUNGS PAS SO, ,GANG GIS NA GONG GI DE LTA BU'I MTSAN NYID KYI SPANG BYA'I CHOS BCU RNAM PAR

SPONG ZHING SPANG BYA LAS BZLOG PA GNYEN PO'I CHOS SPANG BA'I DON NAM SHUGS KYIS 'PHANGS PA'I YONGS SPYOD RNAM PA BCUS SO, ,'PHANGS PA NI BSTAN BCOS SU YIN TE, MDOR NI GNYEN PO DNGOS SU GSUNGS PAS SO, ,TSUL NI SNGA MA LTA BU'O; ;DRUG PA LA GNYIS LAS, DANG PO NI, 'THOB BO, GANG NA, SA NI DRUG PA'O, ,JI LTAR NA, YANG DAG STE RDZOGS PAR RO, ,GANG GIS NA, SBYIN PA NAS SHES RAB KYI BAR RAB TU RDZOGS PAS DANG, SLOB MA NYAN THOS DANG BSE RU RANG RGYAL GYI SA LA THOB 'DOD KYI DGA' BA GNYIS DANG, ZAB DON LA SKRAG PA'I SEMS RNAMS SPANGS PA DANG, LONGS SPYOD KYIS 'BYOR BA NA SLONG BA POS BSLANGS BA'I TSE DANG POR GTONG MI 'DOD PA MED PAS BSLANGS NA MI ZHUM PA DANG, BDOG PA KUN BTANG YANG MTHAR 'GYED PA MED PAS MI DGA' BA MED PA DANG, DBUL ZHING LONGS SPYOD KYIS BKREN YANG SLONG BA PO YAL BAR 'DOR BA'I BLO MI SKYE BAS SLONG BA MI SPONG BAS SPANG BYA DRUG SPANGS PAS TE, BYANG CHEN SA DRUG PA LA GNAS PAS CHOS DRUG YONGS SU RDZOGS PAR BYA STE, DRUG GANG ZHE NA 'DI LTA STE PHAR PHYIN DRUG GO ,GZHAN YANG CHOS DRUG YONGS SU SPANG BAR BYA STE DRUG GANG ZHE NA, 'DI LTA STE NYAN THOS KYI SEMS YONGS SU SPANG BAR BYA STE ZHES PA NAS SLONGS MO BA MTHONG NA SLONGS MO BAS 'KHRUG PAR MI BYA STE 'KHRUG PA'I SEMS YONGS SU SPANG BAR BYA'O, ZHES PA'I BAR RO, ,SKABS 'DIR MDO LAS SA DRUG PA LA GNAS PAS RDZOGS BYA'I PHYIN DRUG SBYIN PA NAS SHES RAB KYI

, ,BAR LA BSHAD NAS, DE'I 'THAD PAR PHAR PHYIN DRUG PO 'DI DAG LA GNAS TE SANGS RGYAS BCOM LDAN 'DAS RNAMS DANG NYAN THOS DANG RANG SANGS RGYAS RNAMS SHES PAR BYA BA'I RGYA MTSO LNGA'I PHA ROL TU PHYIN PAR GYUR TO,, PHYIN PAR 'GYUR RO, ,LNGA GANG ZHE NA, 'DI LTA STE, 'DAS PA DANG, MA 'ONGS PA DANG, DA LTAR BYUNG BA DANG, BRJOD DU MED PA DANG, 'DUS MA BYAS PA STE, ZHES SO, ,GNYIS PA LA GNYIS, SPYOD BYED KYI NGO BO DANG, YONGS SPYOD DU 'GYUR TSUL LO, ,DANG PO NI MDO LAS SA 'DI LA GNAS PAS LAM DRUG SKYED PA DANG, LAM MIN DRUG SPONG BAR BYAS NAS TSAN PA GNYIS SU GSUNGS PA DANG BSTUN NAS, BSAM GTAN SHES RAB RAB RDZOGS PAS, ,SA NI DRUG PA 'THOB CES DANG, ,DGA' DANG SKRAG PA'I SEMS SPANGS PAS, ,SA NI DRUG PA 'THOB CES SBREL NAS BSHAD PAR YANG NUS MOD, 'ON KYANG SLOB DPON GYIS SA BDUN PA'I SKABS DANG MTHUN PAR PHYIN DRUG RDZOGS PAS SPANG BYA DRUG SPONG BA LA GSUNGS PAS 'DIR DE BZHIN DU BSHAD DO, ,PHAR PHYIN DRUG LAS, GZHAN DON DU ZANG ZING DANG BU DANG CHUNG MA DANG RANG GI LUS SROG GTONG BA'I GTONG BA CHUNG 'BRING CHE GSUM GYI RANG BZHIN SBYIN PA'I PHAR PHYIN RDZOGS PAS NYAN THOS KYI BYANG CHUB LA THOB PAR 'DOD PA'I SEMS SPONG BA DANG, GTZO BOR RANG DON YID BYED SPONG BA'I TSUL KHRIMS RDZOGS PAS RANG RGYAL GYI BYANG CHUB LA THOB PAR 'DOD PA'I SEMS SPONG BA DANG, 'DI SNGA

MAS SPANG NUS KYANG RANG RGYAL NYAN THOS LAS MCHOG YIN PAS DE 'DOD PA SNGA MA 'DOD PA LAS BZLOG DKA' ZHING TSUL KHRIMS SBYIN PA LAS RDZOGS DKA' BA DANG, TSUL KHRIMS RDZOGS PA NA BYANG SEMS KYI SDOM PA NI DE'I SKYON THAMS CAD DANG BRAL BA'I PHYIR RO, ,STONG NYID LA MI SKRAG PA'I BZOD PA RDZOGS PAS NGO BO NYID MI DMIGS PA LA SKRAG PA'I SEMS SPONG BA DANG, GTONG BA LA SPRO BA'I BRTZON 'GRUS RDZOGS PAS THOG MAR SLONG BA PO'I SKYE BOS BLANGS NA SER SNAS ZIL GYIS NON PA'I ZHUM PA'I SEMS SPONG BA DANG, GTONG BA LA YID RTZE GCIG PA'I BSAM GTAN RDZOGS PAS BAR DU BDOG PA THAMS CAD RANG GI NGANG GIS GTONG BAR ZHUGS PA LA MI DGA' BA'I SEMS SPONG BA DANG, SBYIN PA'I PHAN YON RTOGS PA'I SHES RAB RDZOGS PAS THAMS CAD BTANG BAS MTHAR RANG NYID BKREN YANG SLONG BA PO'I SKYE BO THOB PA MED PAR SPONG BA'I SEMS SPONG BA STE BCU GNYIS SO, ,SPANG BYA THA MA GSUM SHER SGRON DU THOG MTHA' BAR GSUM DU SBYAR BA LTAR BSHAD LA, DER YANG PHYIN DRUG RDZOGS PA'I RGYUS SPANG BYA DRUG SPONG BAR BSHAD DO, ,'ON KYANG MDO LAS NI DNGOS PO THAMS CAD BTANG BAS YID MI BDE PAR MI BYA STE, ZHES DANG, RTZA BAR YANG BDOG PA KUN BTANG YANG MI DGA' MED CES 'BYUNG BAS SPANG BYA BZHI LNGA GNYIS SPONG BA'I DON BLANGS PA'I TSE STER MI 'DOD PA DANG, DER MA ZAD BYIN ZIN NAS KYANG DE LA 'GYOD PA MED PA ZHES BSHAD KYI LNGA PA 'DI STER BZHIN

, ,PA'I TSE MI DGA' BA LA MA YIN NO, ,DE GNYIS NI SBYIN RGYU YOD PA'I DBANG DU BYAS LA DRUG PA NI MED PA'I DBANG DU BYAS PA STE, DBUL YANG ZHES PA NI SBYIN RGYU YOD NA SLONG BA MI 'DOR BAR MA ZAD DE DBUL YANG DE LA YID 'KHRUG PA SPONG ZHES PA'I DON YIN PAS BLOS MI SPONG BA LA YIN GYI RDZAS KYIS MI SPONG BA YIN NA NI SBYIN RGYUS DBUL BAR MI 'GYUR RO, ,DE LTAR NA GTONG BA LA ZHUGS PA LA MI DGA' BA SPONG ZHES PA'I DON YANG BTANG BZHIN PA LA BYAS NA BDE'O, ,GANGS CAN GYI SHING RTA CHEN POS NI GZHAN DON LA RTZE GCIG PA'I BSAM GTAN DANG, RANG DON YID BYED SPONG BA'I TSUL KHRIMS GNYIS KYIS SPANG BYA DANG PO GNYIS DANG, SBYIN PA DANG BRTZON 'GRUS GNYIS KYIS BZHI LNGA GNYIS DANG LHAG MA GNYIS SNGAR LTAR SPANG GNYEN DU MDZAD NAS, THA MA GSUM THOG MTHA' BAR GSUM GYI GEGS DANG DRUG PA'I MI SPONG BA RDZAS KYIS MI SPONG BA LA 'CHAD PA NI MI BDE STE, SPANG GNYEN TSAN PA GNYIS PO DE SBYOR NA RIN BZHIN DU SBYAR DGOS TE SA BDUN PA'I SPANG GNYEN BZHIN NO, ,GNYIS PA NI, KUN SHES PA STE 'THOB PAR 'GYUR BA YIN NO, ,GANG NAS SOGS SO, ,CI'I PHYIR DE SKAD BYA NA, SHES RAB PHA ROL PHYIN RTEN NAS, ,'KHOR BA DANG NI MYA NGAN 'DAS, ,GNYIS 'DIR MNGON DU GYUR PA'I PHYIR, ,MNGON DU GYUR PA'I SA ZHES BSHAD, CES YUM LA BRTEN NAS SRID ZHI'I MTHAR MI GNAS PA'I 'KHOR 'DAS MNYAM PA NYID MNGON DU GYUR PAR GSUNGS PAS SO,,

GANG GIS NA, DE LTA BU SOGS SO, ,TSUL NI, SNGA MA BZHIN NO, ,BDUN PA LA YANG GNYIS, SPANG BYA DANG, GNYEN PO'O, ,DANG PO LA GNYIS LAS, DANG PO NI, NYES PA NYI SHU GANG LA 'CHAD PA STE SPANGS PA DE YIS SA NI BDUN PA 'THOB BO, ,NYI SHU GANG LA BDAG DANG SEMS CAN ZHES SOGS TSIGS BCAD GSUM STE, BYANG CHEN SA BDUN PA LA GNAS PAS CHOS NYI SHU MI BYA STE, NYI SHU GANG ZHE NA 'DI LTA STE, BDAG TU 'DZIN PA DANG ZHES PA NAS STONG PA NYID DANG 'GAL BA ZHES PA'I BAR RO, ,GNYIS PA LA GNYIS, SPANG BYA NYI SHU'I NGO BO DANG, DE SPANGS PAS 'THOB TSUL LO, ,DANG PO NI, DANG PO BCU BZHI DANG THA MA GNYIS KYIS MTHAR 'DZIN PA DANG, SKYABS GSUM DANG TSUL KHRIMS TE BZHI'I MTHAR LTA BA'I MNGON PAR ZHEN PA ZHES RGYUN SNANG LTAR SBYAR RO, ,'DI DANG 'OG GI GNYEN PO GNYIS LOGS LOGS SU GZHAN DAG 'CHAD KYANG SLOB DPON GYIS SPANG GNYEN RIM PA LTAR SBYAR LA, DE DANG MTHUN PAR SHER SGRON DU YANG 'BYUNG BAS NYES PA NYI SHU NI GNYEN PO RNAMS DAG LHAN CIG TU BSHAD PAR BYA STE NGAL BA CHUNG BA'I PHYIR RO, ,GNYIS PA NI, KUN SHES PA STE 'THOB BO, ,GANG NAS SOGS SO, ,CI'I PHYIR DE SKAD BYA NA, BGROD GCIG LAM DANG 'GREL BA'I PHYIR, ,RING DU SONG BA'I SAR 'DOD DE, ZHES BGROD PA GCIG PA'I LAM SA BRGYAD PA LA BAR MA CHAD DU 'BREL BAS 'BAD RTZOL GYIS 'DU BYED BA'I SKYOR BA'I MTHAR PHYIN PA'I PHYIR RO, ZHES

, ,PAS SO, ,GANG GIS NA, NYES PA DE LTA BU NYI SHU DANG BRAL NAS SPANG BYA LAS BZLOG PA GNYEN PO'I CHOS SPANG BYA'I DON GYI SHUGS KYIS 'PHANGS PA'I YONGS SBYONG NYI SHUS SO, ,TSUL NI SNGA MA LTAR RO, ,GNYIS PA LA GSUM LAS DANG PO NI, SHUGS LA 'PHANGS PA RNAMS GANG NA, SPANG BYA'I DON GYIS 'PHANGS PA'I CHOS GNYEN PO NYI SHU NYID BSTAN PA'I PHYIR 'CHAD DO, ,'DIR SHUGS LA 'PHANGS ZHES PA NYES PA NYI SHU BSTAN PA'I SKABS NYID LA GZUNG NGO, ,GNYIS PA NI, RNAM THAR NAS NYI SHU'O ZHES PA'I BAR TE, DES NYI SHU PO 'DI DAG YONGS SU RDZOGS PAR BYA STE NYI SHU GANG ZHE NA, STONG PA NYID RDZOGS PAR BYA BA DANG ZHES PA NAS DER YANG SANGS RGYAS KYI 'KHOR GYI DKYIL 'KHOR DU GNAS NAS BDAG GI DNGOS PO STON PA STE ZHES PA'I BAR RO, ,GSUM PA LA GNYIS, SBYONG BYED SO SO'I NGO BO, SBYANGS PAS 'THOB TSUL LO, ,DANG PO NI, RNAM THAR SGO GSUM SHES PA NI, CHOS THAMS CAD RANG GI NGO BOS STONG PAR SHES PA DANG, CHOS RNAMS KYI MTSAN MA GANG YANG YID LA MI BYED PA DANG KHAMS GSUM LA SRED PA'I SGO NAS SEMS MI GNAS PAS RIM PA LTAR RNAM PAR THAR PA'I SGO STONG PA NYID DANG MTSAN MA MED PA DANG SMON PA MED PA YANG DAG PAR SHES PA STE, RIM PA LTAR BDAG STE NGO BOR GRUB PA DANG 'DI SKYES PA'O 'DI BUD MED DO ZHES SOGS SEMS CAN GYI MTSAN MA DANG KHAMS GSUM DU GNAS BYED SROG LA MCHOG TU 'DZIN PA

SPONG NGO, ,RNAM THAR GYI SGO DANG PO SHES PA LA MDOR CHOS THAMS CAD KYI RANG GI MTSAN NYID STONG PA NYID NYE BAR BZUNG NAS RDZOGS PA ZHES PAS 'DI'I SPANG BYA'I BDAG 'DZIN GYIS YUL DE GANG ZAG GI BDAG 'BA' ZHIG LA MI BYA BAR SPYIR NGO BO BDEN PAR GRUB TZAM LA BYA'O, ,SHER SGRON DU PHUNG SOGS LA DBANG BSGYUR BA'I BDAG MED PA DANG RGYUS DBEN PA DANG 'BRAS BUS DBEN PAR RTOGS PA LA 'CHAD DO, ,'KHOR GSUM RNAM DAG NI, LAS SU BYA BA GANG GSAD PAR BYA BA DANG, BYED PA PO GANG GIS GSOD PA PO DANG BYA BA'I RANG BZHIN BSAD PA STE DE LTAR 'KHOR GSUM DU MI DMIGS PAR SROG GCOD PA SPONG BA DANG SOGS PAS DE BZHIN DU RANG RANG GI SKABS KYI 'KHOR GSUM DU MI RTOG PAR MA BYIN PAR LEN PA NAS LOG LTA'I BAR SPONG BA DGE BA BCU'I LAS LAM LA 'JUG PA STE, SPONG BA BO DANG GSOD PA PO'I GANG ZAG GCIG TU 'DZIN PA SPONG NGO, ,SNYING RJE NI, SDUG BSNGAL GYIS GDUNGS PA'I SKYE BO THAMS CAD LA DA LTAR DANG TSE RABS GZHAN DU SDUG BSNGAL DANG BRAL 'DOD PA'I RNAM PAR DMIGS PA'I SNYING BRTZE PA STE BRTZE YUL SEMS CAN TSE 'PHOS NAS RGYUN CHAD PAR 'DZIN PA SPONG NGO, ,RLOM MED NI, ZHING DAG PAR BYED PA NAS BZUNG STE CHOS RNAMS LA BDEN PA'I DNGOS POR DMIGS PA MED PA STE RANG BZHIN NAM YANG MI DOR BAR GRUB PA'I RTAG PAR 'DZIN PA SPONG NGO, ,MDOR BRNYAS MED DU BYAS NAS BYAMS PA RDZOGS PA LA BSHAD LA DE DANG MTHUN PAR SNYING RJE DANG NI

, ,BRNYAS MED DANG ZHES KYANG 'DON NO, ,CHOS MNYAM NYID NI, SRID ZHI'I CHOS THAMS CAD GDOD MA NAS MNYAM PA NYID DU RTOGS PA STE DE GNYIS LA BLANG DOR GYI MTSAN MAR 'DZIN PA SPONG NGO, ,TSUL GCIG SHES PA NI; MTHAR THUG THEG CHEN GYI RIGS SU GCIG PAR RTOGS PA STE RGYU RIGS THA DAD PA GSUM DU NGES PAR 'DZIN PA SPONG NGO, ,MI SKYE BA SHES PA NI, MING GZUGS GDOD MA NAS MI SKYE BAR YONGS SU SHES PA STE, PHUNG PO LA SKYE BAR 'DZIN PA SPONG NGO, ,BZOD PA SHES PA NI, CHOS ZAB MO KHAMS KYI RANG BZHIN SPROS BRAL LA MI SKRAG PA'I SGO NAS NGES PAR RTOGS PA'I BZOD PA KHONG DU CHUD PA STE, KHAMS BCO BRGYAD LA RGYU 'BRAS SU 'DZIN PA SPONG NGO, , CHOS RNAMS RNAM PA GCIG TU STON PA NI, SHES BYA THAMS CAD THEG PA CHEN PO'I THABS GZUNG 'DZIN GNYIS MED KYI SGO NAS RAB TU STON PA STE SKYE MCHED BCU GNYIS LA PHYI NANG DU 'DZIN PA SPONG NGO, ,RTOG PA KUN TU 'JOMS PA NI GZUNG 'DZIN DU MNGON PAR ZHEN PA'I RTOG PA THAMS CAD GCOD PA'AM 'JOMS PA STE KHAMS GSUM PO LA GNAS PA YANG DAG MA YIN KUN RTOG LA BDEN PAR 'DZIN PA SPONG NGO, ,'DU SHES LTA BA NYON MONGS GSUM SPONG BA NI; MTSAN MAR 'DZIN PA'I RTOG PA MED PA DANG, 'JIG LTA SOGS LTA BA LNGA 'DOR BA DANG, 'DOD CHAGS SOGS NYON MONGS RNAMS SPONG BA STE KHAMS GSUM PO LA BLANG DOR GYI SGO NAS CHAGS PA'I 'DZIN PA SPONG NGO,,

GRAGS CHAR GNAS PA LUS DANG CHAGS PA SEMS KYIS YIN LA ZHUM PA NI GNYIS KA'O ZHES SO, ,ZHI GNAS SEMS PA NI, GZHAN DON DU RNAM MKHYEN LA SEMS RTZE GCIG PA'I ZHI GNAS SGOM PA STE RNAM MKHYEN THOB PAR MI NUS PAR SEMS ZHUM PA'I 'DZIN PA SPONG NGO, ,LHAG MTHONG LA MKHAS PA NI, SANGS RGYAS KYI SKU SGYU MA LTAR RTOGS PA'I SHES RAB DANG THABS SNYING RJE GNYIS LA MKHAS PAR BYED PA STE SANGS RGYAS SU LTA BA'I MNGON ZHEN SPONG NGO, ,SEMS DUL BA NI CHOS THAMS CAD RANG BZHIN MED PAR BSGOMS PAS SEMS NYE BAR ZHI BA THOB PA STE CHOS SU LTA BA CHOS DKON MCHOG LA MNGON ZHEN SPONG NGO, ,THAMS CAD LA THOGS PA MED PA'I YE SHES NI, BDEN GNYIS KYI SGO NAS GZUGS SOGS LA THOGS MED KYI YE SHES SKYES PA STE DGE 'DUN DU LTA BA DGE 'DUN DKON MCHOG LA MNGON ZHEN SPONG NGO, ,CHAGS PA'I SA MIN NI, CHOS GANG YANG MNGON PAR ZHEN BYA'I GNAS MA YIN PAR RTOGS PA'I YE SHES TE TSUL KHRIMS SU LTA BA NYES SPYOD MTHA' DAG LAS LDOG PA'I SDOM PA LA MNGON ZHEN SPONG NGO, ,SHER SGRON DU, GZUGS SKU LA DE BZHIN GSHEGS PA DANG, GSUNG RAB YAN LAG BCU GNYIS LA DAM PA'I CHOS DANG; SKYES BU ZUNG BZHI LA DGE 'DUN DANG, TSUL 'CHAL GYI GNYEN PO LA TSUL KHRIMS SU LTA BA RNAMS SPONG BAR 'CHAD DO, ,GAR 'DOD PAR ZHING GZHAN DU 'GRO BA NI CHOS YANG DAG PAR 'BYED PA'I DON DU SANGS RGYAS KYI ZHING

, ,THAMS CAD DU RANG JI LTAR 'DOD PAR DUS MNYAM DU 'GRO BA STE STONG PA NYID LA RTZOD PAR 'DZIN PA DE LA THE TSOM ZA BA SPONG NGO, ,KUN TU BDAG GI NGO BO STON PA NI, MNGON ZHEN CAN GYI SEMS CAN RNAMS BSGRAL BA'I PHYIR DU GDUL BYA'I BLO DANG MTHUN PAR 'KHOR GYI DKYIL 'KHOR THAMS CAD DU BDAG GI LUS RAB TU STON PA ZHES BYA BA STE DES STONG NYID 'GAL BAR BRJOD PA DNGOS POR 'DZIN PA'AM STONG NYID KYI MTSAN NYID DANG 'GAL BA LUS LA DBANG BSGYUR MI NUS PA'I NYES PA SPONG NGO, ,SPANG GNYEN GYI SBYOR TSUL 'DI NI RGYAN SNANG DANG SHER SGRON BDAG NYID CHEN PO RNAMS KYI BSHAD PA LTAR RO, ,RTOGS DKA' PHAL CHE BA LAS SPANG GNYEN GYI GRANGS SBYAR BA RGYAN SNANG DANG MI MTHUN ZHING 'GREL BSHAD DE NYID LA YANG MI MTHUN PA SNA TSOGS SNANG LA, KHA CIG LA NI RGYAN SNANG DANG SPANG GNYEN DANG SBYOR LUGS KHYAD MED PAR SNANG BA NI 'GYUR KHYAD MIN PA'I PHYIR 'GYUR BSTAN LA ZHU CHEN BYAS MA BYAS GNYIS LAS MCHED PAR MNGON PAS RGYAN SNANG DANG MTHUN PA NYID 'DI'I DGONGS PAR GSAL LO, ,GNYIS PA NI, SPANG BYA NYI SHU SPANGS PAS 'THOB PAR MA ZAD YONGS SBYONG GNYEN PO NYI SHU PO 'DIS KYANG SOGS SO, ,BRGYAD PA LA GNYIS LAS; DANG PO NI, SEMS CAN ZHES SOGS TSIGS BCAD GNYIS TE, BYANG CHEN SA BRGYAD PA LA GNAS PAS CHOS BZHI PO 'DI DAG YONGS SU RDZOGS PAR BYA STE BZHI GANG ZHE NA, 'DI LTA STE, SEMS CAN THAMS

CAD KYI SEMS KYI SPYOD PA'I RJES SU 'JUG PA DANG, ZHES PA NAS SANGS RGYAS BSNYEN BKUR ZHING SANGS RGYAS KYI SKU YANG DAG PA JI LTA BA BZHIN DU BRTAG PA STE ZHES DANG, GZHAN YANG BYANG CHEN SA BRGYAD PA LA GNAS PAS CHOS BZHI YONGS SU RDZOGS PAR BYA STE BZHI GANG ZHES, 'DI LTA STE DBANG PO MCHOG DANG MCHOG MA YIN PA SHES PA DANG ZHES PA NAS SEMS CAN RNAMS KYI DGE BA'I RTZA BA JI LTA JI LTAR 'GRUB PAR 'GYUR BA DE STE DE LTAR LUS YONGS SU GRUB CING CHED DU BSAMS SHING SRID PA NYE BAR LEN PA STE ZHES PA'I BAR RO, ,'DI LA YONGS SBYONG TSAN PA GNYIS PO SO SOR BYAS PA NI RE RES KYANG SA DE SBYONG NUS PAR BSTAN PA'I CHED DU YIN PAR GSUNGS PA NI DRUG BDUN GNYIS LA YANG RIG PAR BYA'O, ,GNYIS PA LA GNYIS, SBYONG BYED KYI NGO BO, SBYANGS PAS 'THOB TSUL LO, ,DANG PO NI, SEMS CAN KUN YID SHES PA NI, SEMS GCIG GIS SEMS CAN THAMS CAD KYI SEMS KYI SPYOD PA STE BZANG NGAN RNAMS JI LTA BA BZHIN DU RAB TU SHES PA DANG, MNGON SHES KYI SA BRTZA BA NI, SANGS RGYAS BZHUGS PA'I 'JIG RTEN GYI KHAMS SU DE BLTA BA'I PHYIR RDZU 'PHRUL GYI MNGON SHES KYIS BRTZE BA RDZU 'PHRUL MNGON PAR 'DU MDZAD KYANG SANGS RGYAS SU DMIGS PA MED PA, SANGS RGYAS KYI ZHING BZANG SGRUB PA NI STONG GSUM LA DBANG BA'I 'KHOR SGYUR GYI SA LA GNAS PA STE RTEN SNOD KYI SANGS RGYAS KYI ZHING GSER DANG SOGS PAS BEE d'URYA LA SOGS PA'I NGO

, ,BO DAG PAR YONGS SU BSGYUR BA'I PHYIR STONG GSUM THAMS CAD GTONG ZHING DES KYANG MI RLOM PA DANG, YONGS SU BRTAG PHYIR SANGS RGYAS BSTEN PA NI, MDOR SANGS RGYAS KYI SKU YANG DAG PA JI LTA BA BZHIN DU BRTAG PA DANG; DE BSNYEN BKUR BA GNYIS SO SOR GSUNGS NAS DE'I DON RIM PA LTAR SANGS RGYAS KYI CHOS SKU JI LTA BA BZHIN DU RTOGS PAR BYED PA DANG, SEMS CAN LA PHAN GDAGS PA'I PHYIR CHOS LA BKUR STI BYED PA LA BSHAD LA, SH'ANTIS KYANG RTZA BAR 'GYUR 'DI BZHIN YOD KYANG 'GREL BAR SANGS RGYAS BSTEN PA DANG YONGS SU BRTAG PA ZHES BYA BA GCIG TU BYAS PA ZHES PHRAL NAS CHOS BRGYAD KYI GCIG TU BGRANG NGO, ,BDAG NYID CHEN POS KYANG MDO TSIG DANG MTHUN PAR SEMS CAN KUN LA PHAN PA'I DON DU CHOS LA BSNYEN BKUR BYED CING SANGS RGYAS KYI SKU JI LTA BA BZHIN RTOGS PAR BYED PA DANG ZHES PHRAL BA'I BSHAD PA MDZAD DO, ,SLOB DPON GYI BZHED PA NI SANGS RGYAS BSTEN PA'I DON MNYES PAR YANG BYED PA YIN LA, DE YANG GANG GIS NA DUS KYI RNAM PA THAMS CAD DU CHOS RNAMS KYI RANG BZHIN JI LTA BU YIN PA MA NOR BAR BRTAG PAS SANGS RGYAS MNYES PAR BYED CES PA NI 'DI'I DGONGS PA YIN LA, RGYAN SNANG DU RNAM PA THAMS CAD DU CHOS YONGS SU BRTAG PAR BYA BA'I PHYIR DE BZHIN GSHEGS PA MNYES PAR BYED PA DANG ZHES PAS NI MNYES PAR BYED PA'I DGONGS PA BSTAN NO, ,DE GNYIS KA YANG GNYIS

KAR DGOS PAS MTSON PA YIN TE, MNYES PAR BYAS PA'I DGONGS PA NI CHOS KYI RANG BZHIN TSUL BZHIN DU RTOGS PA'I CHED YIN LA MNYES PAR BYED PA'I THABS KYANG DE LAS MED PAS SO, ,MDOR SANGS RGYAS BSNYEN BKUR BA'I DON DU BSHAD PA'I CHOS LA RIM GRO BYED PA NI, CHOS LA GCES SU BYED PA YIN LA, CHOS SKU RTOGS PA DE'I DGOS PA DANG, DE'I SGO NAS GCES SU BYED PA DANG, GCES SU BYED PA NYID SANGS RGYAS MNYES BYED YIN PA'I PHYIR MDO DANG SLOB DPON LA 'GAL BA MED DO, ,DBANG PO SHES PA NI, LHA'I MIG BSKYED PA'I SGO NAS SEMS CAN GYI SKYE 'CHI DANG LAS LEGS NYES SPYAD PAS BDE 'GRO DANG NGAN 'GROR 'GRO BA SOGS SHES PA'O, ,YANG NA MDO LAS STOBS BCU LA GNAS NAS DBANG PO MCHOG DMAN RDZOGS PAR SHES PA LA GSUNGS PAS LHA'I MIG NI STOBS DGU PA YIN PAS DES LHAG MA RNAMS KYANG MTSON PAR BYA'O, ,RGYAL BA'I ZHING SBYONG NI, BRTEN PA BCUD KYI SANGS RGYAS KYI ZHING SEMS CAN GYI RGYUD MI DMIGS PA'I TSUL GYIS SBYONG BA DANG, SGYU MA LTAR GNAS NI, MNYAM RJES THAMS CAD DU SGYU MA LTA BUR GNAS PA STE SGYU MA LTA BU'I TING NGE 'DZIN LA GNAS NAS BYANG SEMS KYI BYA BA THAMS CAD BYED KYANG DE LA DMIGS PA DANG BRAL BA'I TING NGE 'DZIN NO, ,BSAMS BZHIN SRID PA LEN PA NI, LUS GANG GIS SEMS CAN THAMS CAD KYI DON DU 'GYUR BA'I TSUL DE MTHONG NAS BLO SNGON DU BTANG ZHING CHED DU BSAMS PA'I SKYE BA YONGS SU 'DZIN PA ZHES BYA

, ,BA STE BZHI PHRAG GNYIS BSDOMS PAS BRGYAD DO, ,GNYIS PA NI, NYAMS SU SOGS SO, ,CI'I PHYIR DE SKAD BYA NA, 'DU SHES GNYIS KYIS MI G-YO'I PHYIR, ,MI G-YO PA ZHES NGES PAR BRJOD, CES MTSAN MA DANG MTSAN MED GNYIS LA RTZOL BA'I 'DU SHES KYIS MI G-YO BAR GSUNGS PAS SO, ,DGU PA LA GNYIS LAS, DANG PO NI, SMON LAM ZHES SOGS TSIGS BCAD GNYIS TE, SH'ANTIS PHYI MA DGU'I MTHAR PHUN TSOGS SBYAR BA NI MDO'I SGRIS ZIN DANG MTHUN LA, GRAGS CHAR PHYI MA BCU'I MTHAR SBYAR YANG 'DI DANG RGYAN SNANG GI DGONGS PAS THAMS CAD LA SBYAR RO, ,BYANG CHEN SA DGU PA LA GNAS PAS CHOS BCU GNYIS YONGS SU RDZOGS PAR BYA STE, BCU GNYIS GANG ZHE NA, JI LTA JI LTAR SMON PA DE LTA DE LTAR PHUN SUM TSOGS PAR 'GYUR BA DANG ZHES PA NAS YON TAN THAMS CAD YONGS SU RDZOGS PA PHUN SUM TSOGS PA STE ZHES PA'I BAR RO, ,GNYIS PA LA GNYIS, SBYONG BYED KYI NGO BO SBYANGS PAS 'THOB TSUL LO, ,DANG PO NI SMON LAM MTHA' YAS PA NI, PHYIN DRUG RDZOGS PAS JI LTAR SMON PA MTHA' YAS PA 'GRUB PA DANG, LHA LA SOGS PA'I SKAD SHES PA NI, NGES PA'I TSIG SO SO YANG DAG PAR RIG PAS LHA DANG SOGS PAS KLU DANG GNOD SBYIN SOGS SEMS CAN THAMS CAD KYI SKAD SHES PA DANG, SPOBS PA CHU BO LTA BU NI, SPOBS PA SO SO YANG DAG PAR RIG PA THOB PAS SPOBS PA CHU BE'I RGYUN LTAR MI ZAD PAR 'JUG PA'O, ,DE GNYIS

'CHAD BYED YIN PAS BSHAD BYA'I SO SO YANG DAG PAR RIG PA GNYIS KYANG MTSON NO, ,MNGAL 'JUG MCHOG NI, SKYE BO DAM PA THAMS CAD KYIS BSNGAGS PA'I BUD MED YUM SGYU 'PHRUL LTA BU'I MNGAL DU 'JUG PA'O, ,MDOR TSE RABS KUN TU RDZUS TE SKYE BA LA MNGAL DU 'GRO BA PHUN TSOGS SU GSUNGS PA NI RDZUS SKYES MNGAL 'JUG MIN KYANG SKYE GNAS PHUN TSOGS SU STON PA'I SKABS YIN LA, RDZUS SKYES SKYE GNAS BZHI'I MCHOG YIN PAS MI 'GRIG PA MED CING; 'DIR MNGAL 'JUG MTSAN NYID PA LA BSHAD KYANG MDO DANG MI 'GAL TE, MDO LAS SPYIR SKYE GNAS BZHI'I PHUN TSOGS TZAM ZHIG DNGOS SU BSTAN PA NI SKYE GNAS GZHAN RNAMS KYI YANG MCHOG MTSON PA'I PHYIR TE, DE LTA MIN NAS DGU PA BA SKYE GNAS GZHAN DU SKYE BA MI SRID PAR 'GYUR RO, ,RIGS NI RGYAL PO DANG SOGS PAS BRAM ZER GNAS PA STE SKYE BA'O, ,RUS NI NYI MA DANG SOGS PAS BUR SHING LAS SKYES PAS NYI MA GNYEN PA DANG, BU RAM SHING PA LTA BU STE, DE YANG GOO TA MA'I KHU BA KHRAG DANG 'DRES PA'I THIGS PA GNYIS LHUNG BA DRANG SRONG MDOG NAG GIS BUR SHING GI TSAL DU BSBYANGS PAS, SGO NGA GNYIS BYUNG BA LAS KHYE'U GNYIS BYUNG STE DE LA BUR SHING GI TSAL DU BSKYANGS PAS BU RAM SHING PA NYI 'OD KYIS SMIN PAR BYAS PAS NYI MA GNYEN PAR DRANG SRONG GIS BTAGS PAR GSUNGS PA BZHIN TE RGYAS PAR LUNG LAS SHES PAR BYA'O, ,DE DAG MA'I MNGAL DU MA BCAS PAS

, ,DANG PO'I RIGS BTZUN PAR GRAGS PA'O, ,KHA CIG NYI MA GSER NOR BU LA SOGS PA'I 'OD LTA BU'I SKU MDOG CAN DU SKYES PA ZHES 'DOD CING DE LTAR BYAS NA, MDO KHA CIG LAS, KHYOD SKU GSER MDOG 'OD GSAL BA'I, ,TSANG NI DMIGS SU MA MCHIS TE, ,SKAD CIG MDOG GSER TZONG KHA DANG, ,MYUR BAR SHEL 'OD 'DRA BAR GDA', ZHES GSUNGS PA YANG LEGS PAR DRANGS PAR 'GYUR ZHES ZER TE, DE NI NYI MA LA SOGS PA LAS SKYES ZHES PA'I LAS KYI YI GE'I DON LAM ZHUGS PA'O, ,CHO 'BRANG NI, MA DANG SOGS PAS PA'I BDUN BRGYUD TSUN CHAD DU LEGS PAR 'BREL BA'I GNYEN NO, ,MDOR DE GSUM LA RIGS CHEN PO DANG RGYAL RIGS DANG BRAM ZE'I RIGS CHE ZHING MTHO BA DANG SNGON BYANG SEMS BYUNG BA'I RGYUD DU SKYE BA LA GSUNGS TE DE LTAR NA RIGS SPYI DANG RUS BYE BRAG LA GSAL LO, ,RIGS RUS MI 'GAL BA'I PHYIR 'DIR RGYAL RIGS SOGS RIGS LA BSHAD PA LA NYES PA MED DO, ,GRAGS CHAR RJE'U RIGS SOGS RUS KYI DON DU 'DOD DO, ,'KHOR NI RANG DBANG BA'I 'KHOR RANG GIS JI LTAR BSGO BA LTAR RIM GRO SGRUB PA'O, ,MDOR RANG GIS BYANG CHUB LA BKOD PA'I BYANG SEMS KYI 'KHOR LA BSHAD DO, ,SKYE BA NI BRGYA BYIN DANG SOGS PAS TSANGS PA DANG 'JIG RTEN SKYONG BA RNAMS KYIS MNGON PAR BSTOD NAS SKYE LA SKYES MA THAG TU 'JIG RTEN GYI KHAMS SNANG BAS BKANG ZHING DE DAG RNAM PA DRUG TU G-YO BAR BYED PA'O,

RAD KIR GYIS DBANG PO LA SOGS PAR SKYES PA NI SKYE BA PHUN SUM TSOGS PA'O ZHES ZER BA NI, SLOB DPON GYIS 'DIR BRGYA BYIN LA SOGS PA ZHES GSUNGS PA'I TSIG TZAM ZHIG MTHONG BAR GDON MI ZA'O, ,NGES 'BYUNG NI, SANGS RGYAS SOGS PAS GNAS GTZANG GI LHA'I BU LA SOGS PAS YID 'BYUNG BA'I GTAM GYIS BSKUL TE 'KHOR BA LAS NGES PAR 'BYUNG BA STE DE YANG SROG CHAGS BYE BA KHRAG KHRIG BRGYA STONG MANG PO DANG LHAN CIG TU 'BYUNG ZHING DE DAG KYANG THEG PA GSUM LA 'GOD PA'O, ,BSKUL BA'I TSUL NI RGYA ROL LAS, 'DUS BYAS THAMS CAD MYUR DU 'JIG PA STE, ,MKHA' LA KLOG RGYUN RING DU MI GNAS BZHIN, ,KHYOD KYI DUS 'DI NYE BAR GNAS GYUR GYIS, ,BRTUL ZHUGS BZANG PO MNGON BYUNG DUS LA BAB, CES PA LTA BU'O, ,BYANG CHUB KYI SHING NI RTZA BA GSER GYI RGYU LAS BYUNG BA, LHUN BEE d'URYAR 'DUG PA, YAL GA RIN PO CHE SNA BDUN LAS GRUB PA, ME TOG DANG LO MA RIN PO CHE THAMS CAD LAS GRUB PA, DRI ZHIM PO DANG 'OD BZANG POS 'JIG RTEN GYI KHAMS RGYAS PAR 'GENGS PA, DOGS 'DOD KUN 'BYUNG BAS YID BZHIN GYI NOR BU DANG 'DRA BA'I SHING AA SHAD THA DAD SOGS PAS KLU SHING SOGS YIN TE, MDOR NA DE 'DRA BA'I BYANG CHUB KYI SHING 'GRUB BYED KYI SMON LAM DANG, DGE BA GZHAN RNAMS YONGS SBYONG YIN NO, ,DE YANG 'KHOR 'JIG GI BLA KshA, GSER THUB KYI AU DUM WA RA, 'OD SRUNG GI N+YA GRO TA, BDAG CAG GI STON

, ,PA'I AA SHAD THA, BYAMS PA'I KLU SHING LA SOGS PA YIN NO, ,'DI SHING GCIG LA STON PA THA DAD KYI SGO NAS MING 'PHO BAR 'DOD PA LA, DE MI 'THAD DE, STON PA LHUMS SU 'JUG PA DANG, BLTAMS PA DANG, BYANG CHUB PA DANG DUS MTSUNGS PAR SHING DE'I RTZA BA 'DZUGS PA DANG, KHA 'BUS PA DANG, SDONG PO RGYAS PAR GSUNGS PA'I PHYIR RO, ,SNGAR LTAR STON PA RE RE LA MI 'DRA BA RE RE YOD PAS RIGS GCIG PA'ANG MIN GSUNG PA NI LEGS PAR BRTAGS PA'O, ,YON TAN NI RTEN SANGS RGYAS DANG BRTEN PA STOBS LA SOGS PA'I SANGS RGYAS KYI CHOS KYI NGO BOR GYUR PA'I YON TAN THAMS CAD YONGS SU RDZOGS PAR BYED PA ZHES BYA BA STE BCU GNYIS SO, , GNYIS PA NI MNGON SOGS SO, ,CI'I PHYIR DE SKAD RGYAN, SO SO YANG DAG RIG BLO BZANG, ,SA DE LEGS PA'I BLO GROS YIN, ZHES SO SO YANG DAG PAR RIG PA BZHI'I BLO GROS BZANG PA'I PHYIR ZHES GSUNGS PAS SO, ,GANG GIS NA GONG GI DE LTA BU'I PHUN SUM TSOGS PA'I MTSAN NYID KYI YONGS SBYONG BCU GNYIS PO DAG GIS SO, ,SBYONG TSUL NI SNGA MA SOGS SO, ,GNYIS PA LA GSUM LAS, DANG PO NI, RGYU'I SA DGU PO RNAMS KYI YONGS SU SBYONG BA RNAMS SBYONG BYED KYI NGO BO DANG SBYONG TSUL SHES RAB GNYIS KYIS DE LTAR NGES PAR BSTAN ZHING GTAN LA PHAB NAS 'BRAS BU'I SA 'CHAD PA'I SKABS NYID DU YONGS SBYONG DE DAG MA BSHAD PAR SA BCU PA'I MTSAN NYID TZAM ZHIG

GSUNGS SO, ,GANG GI SGO NAS NA, THEG DMAN DANG BYANG SEMS KYIS THAMS CAD YAR LDAN DU BSDU BA'I SGO NAS SO, ,DES NAS DGU 'DAS PA NI DE DOR BA MA YIN GYI, DE DAG LHAG PAR YAR LDAN DU THOB PA LA BYA'O, ,YONGS SBYONG MI 'CHAD PA'I RGYU MTSAN LA SHER SGRON DU RGYU'I SA YONGS SU SBYONG BA RNAMS KYI KHYAD PAR PHUL DU GYUR PA NYID KYIS 'BRAS BU'I SA YONGS SU RDZOGS PAR 'GYUR RO ZHES DGONGS TA 'DIR YONGS SU SBYONG BA GZHAN BCU PA NI MA GSUNGS SO, ZHES DANG GRAGS CHA LAS SA DGU PO GANG RNAMS KYI TSOGS DE THAMS CAD BSDOMS PA NI SA BCU PA'I TSOGS YIN NO ZHES DON GYI SHUGS KYIS SHES PAR BYA BAS DE'I TSOGS LOGS SHIG TU NI BRJOD PAR MI BYA'O ZHES TE DE GNYIS GNAD GCIG GO; DE GNYIS LTAR NA SA DGU PA LA YANG 'CHAD MI RIGS TE, BRGYAD PA MAN CHAD KYI YONGS SBYONG PHUL DU GYUR PA DE DGU PA'I YANG DER 'GYUR BAS SO, ,DE BZHIN DU SA DANG PO'I BAR DU BSGRE'O, ,DES NA BCU PA LA BSHAD MI DGOS TE; YONGS SBYONG BSHAD PA'I DGOS PA SA 'OG MA LAS THA DAD SAR BSTAN PA'I CHED YIN LA 'DI 'BRAS BU'I SAR BSTAN PAS 'OG MA LAS THA DAD PAR GRUB PAS SO ZHES BDAG NYID CHEN POS MDZAD PA LTAR RAM, YANG NA SA'I TSOGS NI BYANG SEMS KYI SA 'BA' ZHIG YIN LA DE LA YANG MTHAR THUG PA DANG MA THUG PA'I SA GNYIS LAS MA THUG PA RNAMS THUG GI BAR DU SBYANG DGOS PAS DANG PO DGU LA BSHAD CING, MTHAR THUG PA LA KHYAD PAR DU 'GROR

, ,MED PAS SBYONG BYED MED PAR MTSAN NYID TZAM ZHIG GSUNGS SO, ,GAL TE DE LA YANG SANGS RGYAS KYI SAR 'GRO DGOS PAS MI RIGS SHE NA, SKYON MED DE, SEMS DPA'I SKABS YIN PA'I PHYIR RO, ,SANGS RGYAS KYI SA LA LTOS NAS NI 'DI YANG RGYU'I SAR BSHAD DGOS KYI 'BRAS BU'I SAR MI 'GYUR RO, ,DES NA DANG PO DGU LA YONGS SBYONG GI SGO NAS GONG MAR BGROD TSUL DANG, 'DI LA SA 'OG MA'I YON TAN YAR LDAN DU 'DUS PA'I SGO NAS RANG GI SAR GNAS TSUL GNYIS MDO DANG RGYAN LAS GSUNGS PA GO BA NI GNAD KYI DON NO, ,GNYIS PA NI, RIGS KYI SA LA SOGS PA'I SA DGU 'DAS PA'I YE SHES GANG GIS BYANG CHUB SEMS DPA' SANGS RGYAS KYI SAR GNAS PAR 'GYUR BAR BYED PA DE NI BYANG CHUB SEMS DPA'I SA BCU PA'O ZHES SH'ANTIS SO, ,RNAM 'GREL DU, BYANG CHUB SEMS DPA'I SA BCU PA JI LTA BU ZHE NA SA DGU LAS SHIN TU 'DAS NAS SANGS RGYAS KYI SA LA 'JUG PA YIN TE ZHES 'CHAD CING RIGS KYI SA DOR NAS DKAR PO RNAM PAR MTHONG BA'I SA BGRANGS NAS DGUR BYED DO, ,GRAGS CHAR SA DGU PO 'DI RNAMS LAS YANG DAG PAR 'DAS NAS BYANG CHUB SEMS DPA'I YE SHES GANG GIS KUN TU 'OD KYI SANGS RGYAS KYI SAR GNAS PAR 'GYUR BA'I YE SHES KYI BDAG NYID DE NI BYANG CHUB SEMS DPA'I SA BCU PA'O ZHES TE, 'DI GSUM GAS SANGS RGYAS KYI SA LA GNAS PA GNAS 'GYUR LA 'DOD KYI GNAS BZHIN PA LA MIN NO, ,

GSUM PA LA GNYIS, SA BCU PA MTSAN GZHI'I SGO NAS NGOS GZUNG, 'DA' BYA SA DGU'I RANG BZHIN BSHAD PA'O, ,DANG PO NI, SHES PAR BYA BA YIN NO, ,GANG YIN PAR NA, BYANG SEMS KYI SA BCU PA CHOS KYI SPRIN YIN PAR RO; ;CI'I PHYIR DE SKAD BYA NA, SPRIN BZHIN GNYIS KYIS NAM MKHA'I CHOS, ,KHYAB PA'I PHYIR NA CHOS KYI SPRIN, ZHES TING NGE 'DZIN DANG GZUNGS KYI SPRIN GYIS THOB PA'I RTEN NAM MKHA' LTA BU LA KHYAB PAS CHOS KYI SPRIN NO, ,GANG NA GONG DU BSHAD PA DE LTAR RAM DE LTA BU'I SA DGU 'DAS PA STE DE RNAMS KYI SPANGS RTOGS KYI YON TAN YAR LDAN DU RDZOGS NAS SANGS RGYAS KYI SA BCU PA DE LA SMON LAM SHES PA GANG GIS GNAS PA DE NI'O, ,SMON LAM SHES PA GANG NA, 'DI LA RGYAN SNANG DU, SANGS RGYAS KYI SA GANG LA LAS LA DBANG BA'I RTEN NYID LA SOGS PA'I YE SHES GANG GIS GNAS PA DE NI ZHES DBANG BZHI PA'I RTEN GYI YE SHES LA GSUNGS LA, TSIG GSAL LAS, SMON LAM SHES PAS GNAS PA ZHES BYA BA NI DA DUNG NGO BO NYID KYI BYANG CHUB CHEN PO MA THOB TU ZIN KYANG SMON LAM GYI MTHUS NI DGA' LDAN GYI GNAS NAS 'BAB PA LA SOGS PA'I MDZAD PA BCU GNYIS KYIS MNGON PAR RDZOGS PAR 'TSANG RGYA BA'I SBYOR BA SHES PAS GNAS PA'O ZHES SMON LAM GYI MTHUS MDZAD PA BCU GNYIS KYI SGO NAS 'TSANG RGYA BA'I THABS SHES PA LA BSHAD NAS, DE LTA NA SA BCU PA'I MDO LAS, SA DANG PO LA YANG SMON LAM GYI MTHUS NI 'TSANG RGYA BAR GSUNGS

, ,PA'I PHYIR JI LTAR NA DE YANG SANGS RGYAS KYI SAR MI BGRANG ZHE NA, DER SANGS RGYA BA NI BRGYA LA SOGS PA'I GRANGS KYIS DMAN PA'I PHYIR 'DI DANG GA LA MNYAM ZHES RTZOD PA SPONG NGO, ,'O NA SA 'DI LA BSTAN BCOS SU SANGS RGYAS KYI SA ZHES BRJOD KYI, YANG DAG PAR RDZOGS PA'I SANGS RGYAS ZHES MI BYA BA CI ZHE NA, SA BCU PA'I BYANG SEMS LA SANGS RGYAS KHO NAR BRJOD PAR BYA'I YANG DAG PAR RDZOGS PA'I SANGS RGYAS ZHES NI BRJOD PAR BYA BA MA YIN NO ZHES MDO LAS 'BYUNG BA'I PHYIR DE DANG MTHUN PAR MDZAD DO, ,DE LTAR SBYAR NA LUNG 'DI SHES BYED DU 'GRIG GO ,GANG DAG BYANG SEMS KYI SA BCU PA YIN NA SANGS RGYAS KYI SAR 'GAL ZHES PA'I LAN DUS BCU PA LA NI BYANG SEMS SANGS RGYAS KYI SA LA ZHUGS PAS SANGS RGYAS KHO NAR BRJOD PAR BYA'I, STOBS SOGS SANGS RGYAS KYI YON TAN RNAMS MA RDZOGS PAS YANG DAG PAR RDZOGS PA'I SANGS RGYAS NI MA YIN NO ZHES NYI KHRI LAS 'BYUNG BA'I PHYIR; SANGS RGYAS KYI SAR 'THAD DE ZHES GSUNG PA LA NI, TSIG SNGA MA'I KHO NA'I RNAM BCAD TSIG PHYI MA 'DI SA BCU PA DANG SANGS RGYAS SA MI 'GAL BA'I SHES BYED DU JI LTAR 'GRIG ,MDO GANG LAS NA RGYAN SNANG DU, NYI KHRI LAS GSUNGS SO ZHES PA NI TSIG SNGA MA DNGOS DANG PHYI MA'I DON YOD PA LA DGONGS TE, DON YOD PA'I RGYU MTSAN YANG MDO DER SANGS RGYAS KYI SA LA GNAS PA DANG, DE BZHIN GSHEGS PA NYID DU BRJOD DO ZHES GSUNGS KYI YANG DAG PAR

RDZOGS PA'I SANGS RGYAS KYI SGRA MA SBYAR LA, DE'I DGONGS PA YANG DPYAD NA STOBS LA SOGS PA'I SANGS RGYAS KYI YON TAN THAMS CAD MA RDZOGS PA LA 'DOD DGOS PAS SO, ,DE LTAR YANG NYI SNANG DU, BYANG CHEN SA BCU PA LA GNAS PA NI DE BZHIN GSHEGS PA NYID DU BRJOD DO ZHES BYA BA NI YANG DAG PAR RDZOGS PA'I SANGS RGYAS KYI SA BRNYES PA'I STOBS LA SOGS PA SANGS RGYAS KYI CHOS THAMS CAD YONGS SU MA RDZOGS PAR YOD PA DGONGS PA YIN NO, ,SDE PA GZHAN DAG LAS KYANG, DE BZHIN GSHEGS PA ZHES BRJOD PAR BYA'I YANG DAG PAR RDZOGS PA'I SANGS RGYAS ZHES NI BRJOD PAR MI BYA'O ZHES BSHAD DO ZHES SO, ,'O NA SA BCU PA 'DI SANGS RGYAS DANG DE BZHIN GSHEGS PA DNGOS YIN NAM ZHE NA, 'DI LA KHA CIG SANGS RGYAS DNGOS YIN KYANG RDZOGS PA'I SANGS RGYAS MA YIN PA SNGAR GYI LUNG DON DU 'DOD KYANG, SA 'DIR SANGS RGYAS DANG PHRIN LAS LHUN GRUB RGYUN MI 'CHAD DU MTSUNGS PA THOB PA'I PHYIR SANGS RGYAS DANG DE BZHIN GSHEGS PA ZHES GSUNGS KYI DE DAG GIS BRNYES PA'I SPANGS RTOGS MA THOB PA'I PHYIR DNGOS MIN TE, NYI SNANG LAS, SA BCU PA LA NI DE BZHIN GSHEGS PA NYID YIN NO ZHES BSHAD PA'I PHYIR RO, ,DON CI ZHIG YIN ZHE NA, DE BZHIN GSHEGS PA'I MDZAD PAS NYE BAR GNAS PA YIN PA'I PHYIR DE BZHIN GSHEGS PA ZHES BRJOD KYI DE BZHIN GSHEGS PA'I THUGS SU CHUD PAS NI MA YIN NO, ZHES DANG, RNAM 'GREL LAS KYANG DE LTAR RO, ,DE LTAR NA 'DI GNYIS DANG SH'ANTI

, ,RAD KIR CHOS BSHES RNAMS KYIS SANGS RGYAS DNGOS MIN PAR GSAL POR BSHAD DO, ,DE GNYIS DNGOS MIN PAR MTSUNGS BZHIN DU SANGS RGYAS DANG DE BZHIN GSHEGS PA ZHES BTAGS NAS YANG DAG PAR RDZOGS PA'I SANGS RGYAS ZHES MA GSUNGS PA NI PHRIN LAS MNYAM PA DANG SPANGS RTOGS MI MNYAM PAR BSTAN PA'I PHYIR RO, ,GNYIS PA NI, 'DA' BYAS DGU GANG ZHE NA, NYAN THOS LA SOGS PA'I BYANG CHUB 'THOB PA'I RIGS SU DANG POR NGES PA'I RIGS NI RIGS KYI SA DANG 'DIR NYAN THOS KYI SOGS PAS GANG BSDUS PA DANG SA 'DI GANG LA BYED NA, SH'ANTIS MYA NGAN LAS 'DA' BA'I RIGS CAN NI RIGS KYI SA'O ZHES PA TZAM LAS MA BSHAD CING GRAGS CHAR YANG NGO, ,ZLA 'OD DU DE LA RIGS KYI SA NI MYA NGAN LAS 'DA' BA'I RIGS CAN RNAMS KYI NGES PAR 'BYED PA'I CHA DANG MTHUN PA'I GNAS SKABS SO, ,KHA CIG TU NI NGES PAR 'BYED PA'I CHA DANG MTHUN PA DANG PO GSUM NI DKAR PO RNAM PAR MTHONG BA'I SA LA RIGS KYIS NI CHOS MCHOG GI GNAS SKABS SO ZHES RNAM PAR BZHAG STE DE 'DIR SGRUB PAR MI BYA'O ZHES, RANG LUGS SBYOR LAM LA RIGS KYI SAR BZHAG NAS GZHAN LUGS BKAG GO ,GNOD 'JOMS CHE CHUNG GNYIS SU SKABS 'DIR RIM PA LTAR MOS SPYOD DANG BZOD PA CHEN PO DANG DROD RTZE DANG BZOD MCHOG GNYIS LA RIM PA LTAR DKAR PO RNAM PAR MTHONG BA DANG RIGS KYI SAR BSHAD NAS, CHUNG BA LAS DANG POR

RNAM PAR BYANG BA'I CHOS DKAR PO MTHONG BA'I PHYIR DKAR PO RNAM PAR MTHONG BA'I SA ZHES BYA'O ZHES SO, ,RIGS KYIS 'DI BYANG CHUB GSUM GA'I YIN PAR 'BUM GYI GNOD 'JOMS LAS, MOS PAS SPYOD PA'I SA LA DROD DANG RTZE MO DANG BZOD PA DANG CHOS KYI MCHOG LA GNAS PA'I TSE BYANG CHUB GSUM GYI RIGS DANG LDAN PA'I PHYIR RIGS KYIS ZHES BYA'O ZHES BSHAD DO, ,DE LTAR SNA TSOGS PA ZHIG YOD KYANG, 'PHAGS PA DANG SLOB DPON GNYIS KAS SOGS KYI SGRA SBYAR BA'I DON NI RANG RGYAL DANG THEG CHEN GNYIS KA SDUD PA YIN LA, RIGS KYI ZHES PA YANG TSOGS DANG MOS SPYOD KYI SAR RTOGS PA GANG SKYES NAS RANG GI BYANG CHUB MA THOB PAR DU GZHAN DU MI LDOG PA NAS BZUNG DGOS PAS DE LTAR BYAS NA NYAN THOS LA GNYIS LAS ZHI BA BGROD PA NI TSOGS LAM NAS NGES PAS DE NAS CHOS MCHOG PHYIN CHAD LA BZUNG STE MTHONG LAM NAS BRGYAD PA'I SA LA SOGS PAR 'GYUR BAS SO, ,BYANG CHUB TU 'GYUR BA NI MA NGES PA YIN PAS MI BGRANG NGO, ,RANG RGYAL LA GNYIS LAS BSE RU LTA BU SNGAR DANG 'DRA LA, TSOGS DANG SPYOD PA NI MA NGES PA'O, ,THEG CHEN LA DBANG PO SHIN TU RNON TSOGS LAM NAS NGES PAS DE NAS CHOS MCHOG PHYIN LA BYA ZHING 'BING RTUL NI DER MA NGES SO, ,'BRAS BU DANG PO RGYUN ZHUGS KYI 'BRAS BU LA ZHUGS PA'I RTOGS PA NI, BRGYAD PA'I SA STE, DGRA BCOM NAS YAS BGRANGS NA GRANGS BRGYAD PA LA 'BAB PAS SO, ,ZHUGS PA DANG SBYOR

, ,LAM NAS 'DZIN NA MTHONG LAM GYIS MA KHYAB CING SGRA BSHAD DANG BSTUN NA CIG CAR BA'I ZHUGS PA LA SGRA'I DON MED DO, ,RGYUN DU ZHUGS PA'I 'BRAS BU TZAM GYI RTOGS PA NI, MTHONG BA'I SA STE 'JIG RTEN LAS 'DAS PA'I LAM GYIS GANG ZAG LA BDAG MED PA MTHONG BAS SO ZHES 'CHAD DO, ,YANG NA BDEN PA BZHI MTHONG BA YONGS SU RDZOGS PA'I DANG PO YIN PAS SO ZHES BYA'O, ,LAN CIG PHYIR 'ONG BA'I 'BRAS BU TZAM GYI RTOGS PA NI BSRABS PA'I SA STE, 'DOD NYON GYI SUM GNYIS SPANGS PAS SO, ,PHYIR MI 'ONG BA'I 'BRAS BU TZAM GYI RTOGS PA NI, 'DOD CHAGS DANG BRAL BA'I SA STE, 'DOD PA LA CHAGS PA DANG BRAL BAS SO, ,DGRA BCOM PA'I RTOGS PA NI BYAS PA RTOGS PA'I SA STE, RANG LAM GYI BYA BA RDZOGS PAR BYAS PAR RTOGS PAS SO, ,DE LTAR SA DRUG GO ,ZHUGS PA DANG PO'I LHAG MA ZHUGS PA PHYI MA GSUM GYI RTOGS PA GCIG TU BSDUS PA NI NYAN THOS KYI SA'O, ,NYAN THOS KYI SA'I DON DE YIN PAR CIS SHES SHE NA, NYAN THOS KYIS ZHES PA KHYAD PAR GYI TSIG DANG MA 'BREL BAS SPYI'I SGRA YIN LA, DE YANG BYE BRAG LA 'JUG PA MI 'GAL BAS SO, ,MI 'GAL MOD DE GSUM LA 'JUG PA CIS SHES ZHE NA, SKABS KYIS TE NYAN THOS KYI ZHUGS GNAS KYI RTOGS PA GANG RUNG LA BSHAD DGOS SHING GSUM PO DE MA GTOGS PA RNAMS LA SA RE RE BSHAD ZIN PA'I PHYIR RO, ,DES NA LHAG MAR GYUR PA'I PHYIR YANG GO NUS SO, ,'O NA SA GONG MA'I PHYOGS

GCIG DANG LHAG MA LNGA NYAN THOS KYIS YIN BZHIN DU GUNG DU SMOS PA CI ZHE NA, SKABS 'DIR THEG GSUM GYI TSUL GYI RNAM GZHAG GSAL BAR MDZAD DGONGS NAS NYAN THOS KYI SA ZHES GSUNGS SO, ,MDOR NA DE'I MING MA SMOS NA GONG MA LA SA'I MING 'DOGS MI 'DRA BA RE RE YOD PAS THEG PA GSUM RNAM PAR BZHAG PAR GO DKA' LA DE SMOS NA RANG RGYAL DANG BYANG SEMS KYI SA ZHES KYANG SMOS PAS RNAM GZHAG DE GO SLA ZHES PA STE, NYI SNANG LAS, NYAN THOS KYI SA NI THEG PA GSUM GSAL BAR RNAM PAR BZHAG PA LA DGONGS PA STE NYAN THOS DANG RANG SANGS RGYAS KYIS ZHES PA 'DI NI SA RNAM PAR BZHAG PA'I TSIG BLA DAGS YIN NO ZHES GSUNGS PA YIN NO, ZHES SO, ,THEG GSUM GYI RNAM GZHAG BYAS PA'I DGOS PA YANG SA BCU PAR DE GSUM GYI YON TAN RNAMS YAR LDAN DU 'DUS PAR SHES PA'I CHED DO, ,DE LTAR SLOB DPON 'DIS ZHUGS GNAS DE DAG RIM GYIS PA LA MDZAD PAR MNGON PAS DE'I LUGS LA 'BRAS BU DANG PO GSUM KHYAD PAR CAN LA GNAS PA NI ZHUGS PA LHAG MA GSUM YIN PAS 'BRAS GNAS TZAM POR BSHAD KYI THOD RGAL BA DANG CIG CAR BA YANG SDUD NA SKABS DANG SBYAR LA BSHAD DO, ,SH'ANTIS SNGAR GYI DRUG PO NYID DANG ZLA 'OD DU DRUG PO DE DANG, ZHUGS PA GSUM GYI RTOGS PA LA NYAN THOS KYI SAR BSHAD DO, ,RANG SANGS RGYAS BSE RU LTA BU DANG TSOGS DANG SPYOD PA'I RTOGS PA NI RANG SANGS RGYAS KYI SA DANG, GONG DU JI SKAD BSHAD PA'I BYANG SEMS KYI SA DGU PO GRANGS GCIG TU BYAS

, ,PA KHO NA STE DGU'O, ,'DI DAG KYANG MDO LAS BYANG CHEN THABS MKHAS PAS PHAR PHYIN RNAMS LA SPYOD PA DANG ZHES PA NAS CHOS MA 'DRES PA BCO BRGYAD LA SPYOD PA'I TSE, RIGS KYI SA DANG BRGYAD PA'I SA DANG MTHONG BA'I SA DANG SRABS PA'I SA DANG 'DOD CHAGS DANG BRAL BA'I SA DANG, BYAS PA RTOGS PA'I SA DANG, NYAN THOS KYI SA DANG RANG SANGS RGYAS KYI SA DANG BYANG CHUB SEMS DPA'I SA LAS YANG DAG PAR 'DAS TE, RAB 'BYOR DE LTAR BYANG CHEN SA DGU LAS YONGS SU 'DAS NAS SANGS RGYAS KYI SA LA GNAS PA STE RAB 'BYOR 'DI NI BYANG CHEN GYI SA BCU PA'O, ZHES PA STE 'DAS TE ZHES PA YAN CHAD KYI DON NI NYAN THOS LA SOGS PA NAS GCIG KHO NA STE ZHES PA'I BAR DANG, MDO LHAG MA'I DON DE LTAR SA DGU SOGS KYI DON NO, ,NYI SNANG DANG LO BRGYAD MAR MDO DRANGS PA LA THOG MA RIGS KYI SA LA MDZAD NAS DKAR PO RNAM MTHONG MA BGRANGS SHING MDO GZHAN LAS DKAR PO RNAM MTHONG ZHES 'BYUNG NGO, ,'DI'I KHYAD PAR NI RJE BTZUN GYIS SA DGU ZHES GSUNGS PAS DE BGRANGS NA BCUR 'GYUR BAS MA DAG PAR DGONGS PA'AM YANG NA DE RIGS KYI SAR 'DUS PAR DGONGS SO, ,SKABS 'DI'I SA DGU 'DREN PA'I RGYAN 'GREL RNAMS LA NYAN SA DOR NAS DKAR PO RNAM MTHONG RJES 'BRANG GNYIS DANG MOS SPYOD LA BYAS NAS GCIG TU 'DREN PA RNAM 'GREL MA GTOGS PA MED DO, ,GSUM PA LA GSUM LAS, DANG PO NI, GNYEN PO'I TSOGS STON PA LA BAR SKABS KYI TSIGS BCAD GCIG

GSUNGS SO, ,GNYIS PA NI, MTHONG DANG GOMS PA SGOM PA'I LAM DAG LA GNYEN PO RNAM PA BRGYAD YOD PAR SHES PAR BYA'O, ,DE DAG SPANG BYA GANG SPANG BA'I DON DU YIN NO, ,DNGOS PO TZAM DANG, GNYEN PO LA BRTEN PA'I GZUNG BA'I RNAM RTOG GNYIS DANG, GANG ZAG RJES SU YOD PA DANG, SKYES BU BTAGS PAR YOD PA LA BRTEN PA'I 'DZIN PA'I RNAM RTOG GNYIS RNAMS MTHONG SGOM LA SO SOR NYE BAR ZHI BAR BYA BA'I PHYIR DU'O, ,RTOG PA'I MING 'DOGS 'DI RGYAN SNANG ZLA 'OD SH'ANTI GRAGS CHA RNAMS SU 'BYUNG LA, NYI SNANG LAS MTHONG SPANG 'DI DANG 'DRA ZHING SGOM SPANG LA DNGOS PO TZAM DANG, GNYEN PO'I RNAM PA LA BRTEN PA DANG, 'PHAGS PA'I GANG ZAG THAMS CAD DU BTAGS PA DANG, BTAGS PA DE'I RGYU MTSAN LA BRTEN PA ZHES PA'I BRDA' MDZAD DO, ,'DIR RNAM PA LA BRTEN PA NI MTHONG SPANG LAS PHRA BAR STON PA'O ZHES GSUNGS SO, ,MTHONG SPANG GI RTOG PA BZHI'I DANG PO NI DRI BA GSUM PA'I LAN DU MI DMIGS PA'I TSUL GYIS KHAMS GSUM NAS NGES PAR 'BYUNG ZHING RNAM MKHYEN DU GNAS PAR GSUNGS PA'I 'THAD PAR THEG CHEN DANG RNAM MKHYEN GNYIS LA LDAN MI LDAN SOGS BKAG NAS RAB 'BYOR GANG MTSAN NYID MED PA'I CHOS RNAMS NGES PAR 'BYUNG BAR 'DOD PA DE NI CHOS KYI DBYINGS NGES PAR 'BYUNG BAR 'DOD DU ZAD DO, ZHES TE, DE LA GZUNG BA'I DNGOS POR MI DMIGS PA NI GNYEN PO'O, ,GNYIS PA NI, PHAR PHYIN NAS MA 'DRES PA'I BAR LA SNGAR BZHIN TE, RNAM BYANG 'DI

, ,DAG LA GZUNG BYA'I DNGOS POR MI DMIGS PA NI GNYEN PO'O, ,GSUM PA NI DGRA BCOM RANG RGYAL BYANG SEMS DE BZHIN GSHEGS PA RNAMS LA SNGAR BZHIN TE, DGRA BCOM SOGS LA GANG ZAG GI RDZAS SU MI DMIGS PA NI GNYEN PO'O, ,BZHI PA NI, MING MTSAN MA BRDA THA SNYAD RNAMS LA SNGAR BZHIN DE MING LA SOGS PAR BTAGS PA'I GZHI LA BTAGS PAR MI DMIGS PA NI GNYEN PO'O, ,SGOM SPANG BZHI'I DANG PO NI, DRI BA BZHI PA'I LAN DU THEG PA CHEN PO DES GANG DU GNAS PAR 'GYUR BA MED DO, ,DE CI'I PHYIR ZHE NA, 'DI LTA STE CHOS THAMS CAD NI MI GNAS PA STE, RAB 'BYOR 'ON KYANG THEG PA CHEN PO DE NI MI GNAS PA'I TSUL GYIS GNAS PAR 'GYUR RO, ,RAB 'BYOR 'DI LTA STE DPER NA CHOS KYI DBYINGS NI GNAS PA YANG MA YIN MI GNAS PA YANG MA YIN NO, ,RAB 'BYOR DE BZHIN DU THEG PA CHEN PO YANG GNAS PA YANG MA YIN MI GNAS PA YANG MA YIN NO ZHES CHOS DBYINGS SOGS GNAS PA DANG MI GNAS PA MED PA DANG 'DRA BAR GZUNG BYA'I DNGOS POR YANG DE LTAR MI DMIGS PA NI GNYEN PO'O, ,GNYIS PA NI, DRI BA LNGA PA'I LAN DU THEG PA DES GANG YANG NGES PAR 'BYUNG BAR 'GYUR BA MED DO, ,DE CI'I PHYIR ZHE NA, RAB 'BYOR DE NI 'DI LTAR THEG PA CHEN PO DE GANG YIN PA DANG, GANG NGES PAR 'BYUNG BAR 'GYUR BA DANG GANG GIS NGES PAR 'BYUNG BAR 'GYUR BA DANG, GANG NAS NGES PAR 'BYUNG BAR 'GYUR BA'I CHOS DE DAG THAMS CAD MED CING MI DMIGS PA'I

PHYIR TE, DE LTAR CHOS THAMS CAD MED CIR MI DMIGS NA, CHOS GANG ZHIG CHOS GANG GIS NGES PAR 'BYUNG BAR 'GYUR ZHES PHAR PHYIN SOGS GNYEN PO LA GZUNG BYA'I DNGOS POR MI DMIGS PA NI GNYEN PO'O, ,GSUM PA NI MTHA' LAS 'DAS PAS RNAM PAR DAG PA'I PHYIR RGYUN DU ZHUGS PA DMIGS SU MED DO ZHES PA NAS SANGS RGYAS KYI BAR BDUN LA DE BZHIN DU SBYAR NAS RGYUN ZHUGS SOGS KYI GANG ZAG GI RDZAS MI DMIGS PA NI GNYEN PO'O, ,BZHI PA NI MTHA' LAS 'DAS PAS RNAM PAR DAG PA'I PHYIR RGYUN DU ZHUGS PA'I 'BRAS BU MI DMIGS PAS RGYUN DU ZHUGS PA'I 'BRAS BU DMIGS SU MED DO ZHES GSUNGS NAS DE BZHIN DU SANGS RGYAS SA'I BAR LA SBYAR NAS GSUNGS TE ZHUGS GNAS KYI 'PHAGS PAR GDAGS PA'I GZHI MI DMIGS PA NI GNYEN PO'O, ,GSUM PA NI, LAM GZHAN GYIS RTOG PA 'DI DAG GTAN ZHI BAR MI NUS PAS MTHONG SGOM GYI LAM GNYIS PO KHO NA'I GNAS SKABS KYI KHYAD PAR DBYE GZHI'O, ,KHYAD PAR DE YANG TSIG GSAL LAS, LAM GNYIS KYI MNYAM GZHAG KHO NA YIN GYI, MTHONG LAM SKAD CIG MA BRGYAD PA LTA BU KUN RDZOB BDEN PA LA DMIGS PA RNAMS MIN PA DANG, SGOM LAM LA YANG ZAG MED KYI SGRUB PA SGOM LAM 'CHAD PA NI MNYAM GZHAG DGOS PA'I ZHIB CHA RUNG YANG, LAM SHES SU RNAM DAG SGOM LAM KHAMS GSUM GYI RNAM RTOG DGU 'JOMS BYED DU GSUNGS PA'I PHYIR SGRUB PA SGOM LAM KHO NAR 'DOD PA MI 'THAD DO, ,DBYE NGO NI SPANG

, ,BYA MI MTHUN PA'I PHYOGS KYI DBYE BAS PHYE NA GNYEN PO RNAM PA BRGYAD DO, ,'BYED PA'I RGYU MTSAN NI, GZUNG BA DANG 'DZIN PAR RNAM PAR RTOG PA'I RTOG PA BRGYAD NYE BAR ZHI BAR BYA BA'I PHYIR TE, GZUNG BA'I RNAM RTOG KUN NAS NYON MONGS PA'I DNGOS PO TZAM STE RNAM BYANG MA 'DRES PA DANG, GNYEN PO'I RTEN CAN TE YUL CAN GNYIS DANG, 'DZIN PA'I RNAM RTOG GANG ZAG RDZAS SU YOD PA DANG, SKYES BU BTAGS PAR YOD PA'I RTEN CAN TE YUL CAN BZHI PO DE MTHONG LAM DANG SGOM LAM SO SOR TE RE RE LA BZHI BZHI SPONG BAS SO, ,GNYEN PO BRGYAD PO DE MDO LAS JI LTAR BSTAN ZHE NA, KHAMS GSUM NAS MI DMIGS PA'I TSUL GYIS BYANG SEMS NGES PAR 'BYUNG ZHING RNAM MKHYEN DU GNAS PAR 'GYUR RO ZHES PA'I TSIG BZHIS KUN RDZOB KYI BDEN PA LA BRTEN PA STE LTOS NAS DE BZHI YOD PAR BSTAN PAS GNYEN PO BZHI TSAN DANG PO BSTAN PAR MNGON DU BYA BA STE RTOGS PAR BYA'O, ,DE NAS SNGAR GYI BYA BA BZHI BKAG PA BRJOD PA'I TSIG BZHIS DON DAM PA'I BDEN PA LA BRTEN PA STE LTOS NAS DE BZHI MED PAR BSTAN PAS BZHI TSAN PHYI MA BSTAN PAR MNGON DU BYA BA STE RTOGS PAR BYA'O, ,'DI NI BRGYAD STONG PA'I RJES SU 'BRANGS NAS RGYAN SNANG DU BKOD PA LTAR YIN LA DE LTAR STON PA YAN DE GNYIS LA DMAN MCHOG GAM RAGS PHRA GNYIS YOD PA LA DGONGS SO, ,GAL TE GNYEN TSOGS LAM GNYIS KYI BDAG NYID DU STON PA NA DE SA'I TSOGS SU 'DUS PAS DE LAS LOGS SU BSHAD PA DON

MED CE NA, GNYEN TSOGS LAM GNYIS KYI BDAG NYID DU GYUR PAR MA BSTAN NA DE GNYIS LAS LOGS NA YOD DAM SNYAM PA'I DOGS PA SRID PAS DE SPANG BAR BYA BA'I PHYIR YIN NO ZHES GSUNGS SO, ,BZHI PA LA GSUM LAS, DANG PO NI TSOGS SGRUB KYI SKABS SU BSTAN PA DE LTAR RIM PA DE BZHIN DU TSOGS BSAGS PA NI 'BYUNG SA MTHAR THUG TU NGES PAR 'BYUNG BAS DE'I 'OG TU BZHI BA NGES PAR 'BYUNG BA'I SGRUB PA STON TO, ,MDO'I 'BREL NI, THEG CHEN GYI MTSAN NYID SNGAR GSUNGS PA DANG 'CHAD 'GYUR RNAMS LA CI'I PHYIR THEG CHEN ZHES BYA SNYAM PA'I KHONG GNAS KYI DRI BA'I LAN DU GSUNGS PA SH'ANTI'I DGONGS PAR GNAS SO, ,GNYIS PA NI, GRANGS RNAM PA BRGYAD KYI BDAG NYID 'DI NI NGES 'BYUNG SGRUB PA YIN PAR SHES PAR BYA'O, ,JI LTAR BRGYAD YIN NA YUL LAM 'BYUNG SA BRGYAD YOD PAS SO, ,DE YANG GTZO BO YIN PA'I PHYIR DANG POR CHED DU BYA BA GSUM DU 'BYUNG BA BSHAD DE, BCOM LDAN 'DAS THEG PA CHEN PO THEG PA CHEN PO ZHES BGYI BA 'DI NI LHA DANG MI DANG LHA MA YIN DU BCAS PA'I 'JIG RTEN ZIL GYIS MNAN TE 'BYUNG BAR 'GYUR BA DE'I SLAD DU THEG PA CHEN PO ZHES BGYI'O, ZHES SO, ,'DIR YANG DAG MA YIN PA'I KUN TU RTOG PA GZUNG 'DZIN MED PA BZHIN DU DER LOG PAR SNANG BA'I RANG BZHIN KHAMS GSUM PA'I 'JIG RTEN RNAMS BDEN MED DU RTOGS PAS ZIL GYIS MNAN TE BGROD BYA'I GNAS CHEN PO GSUM DU NGES PAR 'BYUNG BA'I PHYIR, THEG CHEN NO ZHES BRJOD DO,,

, ,MNYAM PA NYID RTOGS PA MED PAR CHED DU BYA BAR 'BYUNG MI NUS PAS MNYAM PA NYID DU NGES PAR 'BYUNG BA STE, THEG PA CHEN PO DE NI NAM MKHA' DANG MNYAM PA STE ZHES SO, ,'DIR NAM MKHA' LTA BU'I MNYAM PA NYID KYI STONG NYID RTOGS PA'I YE SHES DRI MED KYIS SHES BYAS MTHA' DAG LA KHYAB PAR BYED PA'I PHYIR THEG CHEN NO ZHES 'BYUNG SA BSTAN PAS 'BYUNG BYED KYANG BSTAN TO, ,SEMS CAN GYI DON BYAS PA'I SGO NAS BSOD NAMS MA BSAGS PAR MNYAM NYID DU RTOGS PAR NGES PAR MI 'BYUNG BAS SEMS CAN THAM CAD KYI THOB BYA'I DON DU NGES PAR 'BYUNG BA STE, DPER NA NAM MKHA' SEMS CAN GZHAL DU MA MCHIS GRANGS DANG TSAD MA MCHIS PA'I GO SKABS 'BYED PA DE BZHIN DU THEG PA CHEN PO 'DI YANG SEMS CAN NAS 'BYED DE, BCOM LDAN 'DAS RNAM GRANGS DES NA BYANG CHEN RNAMS KYI THEG PA CHEN PO LAGS SO ZHES SO, ,'DIR THEG CHEN LA SEMS CAN TSAD MED THAR LAM DU 'KHRID PA'I GO SKABS YOD PAR BSTAN PAS DES DE DAG GI DON DU NGES PAR 'BYUNG BAR BSTAN TE, GZHAN DU NA DON BYA BAS STONG BAS GO SKABS DE YANG YOD PAR MI 'GYUR RO, ,'BAD MED DU 'BYUNG BA MED NA SEMS CAN GYI DON DU 'BYUNG BA RDZOGS PAR MI 'GYUR BAS 'BAD MED LHUN GYIS GRUB PAR NGES PAR 'BYUNG BA STE, DPER NA NAM MKHA' LA NI 'GRO BA MI MTHONG 'ONG BA DANG GNAS PA YANG MI MTHONG NGO, ,DE BZHIN DU THEG PA CHEN PO 'DI LA 'GRO BA MI DMIGS

'ONG BA MI DMIGS GNAS PA MI DMIGS SO ZHES SO, ,'DIR THEG CHEN DE NAM MKHA' DANG 'DRA BAR 'GRO 'ONG GI 'BAD RTZOL DANG BRAL BAR BSTAN PAS DER 'BYUNG BYED KYANG BSTAN TO, RTAG CHAD KYI MTHA' DANG BRAL BAR 'BYUNG BA MED PAR 'BAD MED DU 'BYUNG BAR MI 'GYUR BAS MTHA' LAS 'DAS PAR NGES PAR 'BYUNG BA STE, DPER NA NAM MKHA' NI DUS GSUM MNYAM PA NYID KYI SLAD DU SNGON GYI MTHA' MI DMIGS PHYI MA'I MTHA' MI DMIGS DBUS MI DMIGS SO, ,DE BZHIN DU THEG PA CHEN PO 'DI YANG DUS GSUM MNYAM PA NYID KYI SLAD DU SNGON GYI MTHA' MI DMIGS, PHYI MA'I MTHA' MI DMIGS DBUS MI DMIGS TE BCOM LDAN 'DAS DE LTAR NA 'DI NI THEG PA CHEN PO THEG PA CHEN PO ZHES BGYI'O, ZHES SO, ,'DIR THEG CHEN LA SNGON MTHA' RTAG PA DANG PHYI MTHA' CHAD PA DANG DE GNYIS KYIS BZHAG PA'I DBUS KYANG MED PAR BSTAN PAS MTHA' 'DAS MI GNAS PA'I MYANG 'DAS BSTAN PAS DER 'BYUNG BYED KYANG BSTAN TO, ,THEG GSUM SO SO'I YON TAN GYI RIGS RDZOGS PA'I GNAS SKABS KHYAD PAR CAN DU 'BYUNG BA MED PAR MTHA' 'DAS SU 'BYUNG BA MED PA'I PHYIR THOB PA'I MTSAN NYID DU 'BYUNG BA STE, THEG PA CHEN PO 'DI LA BSLABS SHING 'DAS PA'I BYANG CHEN RNAMS KYIS KYANG THEG PA 'DI NYID LA BSLABS SHING RNAM MKHYEN NYID THOB PAR 'GYUR RO, ZHES SO, ,'DIR THEG CHEN LA BSLABS PAS RNAM MKHYEN DUS GSUM DU THOB PAR BSTAN PAS DE'I NGES 'BYUNG BSTAN TO, ,RNAM MKHYEN

, ,DU NGES 'BYUNG MED PAR THOB PAR NGES 'BYUNG MED PAS RNAM MKHYEN DU NGES 'BYUNG STE, BYANG CHUB DES KYANG CHOS THAMS CAD KYI RNAM PA THAMS CAD SHES TE CHOS DE DAG LA MNGON PAR ZHEN PA MED DO, ZHES SO, ,'DIR CHOS KYI RNAM PA THAMS CAD MKHYEN YANG ZHEN PA MED PA'I RNAM MKHYEN BSTAN PAS DER 'BYUNG BYED KYANG BSTAN TO, ,RNAM MKHYEN DU 'BYUNG BA YANG LAM GYI NGES 'BYUNG MED PAR MED PAS LAM GYI YUL CAN TE DE YUL DU BYAS NAS 'BYUNG BA'I SGRUB PA STE, JI LTAR NA BYANG CHEN PHYIN DRUG LA SPYOD PA'I TSE BYANG CHUB KYI LAM YONGS SU SBYONG BA YIN, RAB 'BYOR GYIS SMRAS PA, TSE DANG LDAN PA SH'A RI'I BU SBYIN PA'I PHAR PHYIN NI 'JIG RTEN PA YANG YOD 'JIG RTEN LAS 'DAS PA YANG YOD CES SO, ,'DIR 'KHOR GSUM DU DMIGS PA DANG BRAL BA'I PHYIN DRUG GIS BSDUS PA'I KHYAD PAR GYI LAM BSTAN PAS DER 'BYUNG BYED KYANG BSTAN TO, ,'JIG RTEN PA DANG 'JIG RTEN LAS 'DAS PA'I KHYAD PAR NI 'KHOR GSUM DU DMIGS PA YOD MED LA BSHAD DO, ,THA MA'I YUL CAN NI GONG MA BDUN LA YANG SBYAR RO, ,GSUM PA NI, NGES PAR 'BYUNG BA'I SGRUB PA NI DBYE GZHI, DBYE BA'I NGO BO RNAM PA BRGYAD YIN NO, ,'BYED PA'I RGYU MTSAN NI NGES PAR 'BYUNG BA'I GZHI RNAM PA BRGYAD YIN PAS SO, ,NGES PAR 'BYUNG BA'I TSUL NI CHOS THAMS CAD CIR YANG MI DMIGS PAR RTOGS PA NYID KYIS SO, ,GZHI BRGYAD PO GANG NA CHED DU BYA BA GSUM SNGAR JI SKAD

BSHAD PA DANG SHES RAB KYIS CHOS THAMS CAD NAM MKHA' LTAR MNYAM PA NYID DU RTOGS PA DANG, SNYING RJES SEMS CAN GYI DON PHYAD PAR RAM MTHA' YAS PAR BYED PA DANG, DE GNYIS ZUNG DU 'BREL BAS 'BAD RTZOL GYI MTSAN MA MED PAR BYED PA STE GZHAN DON GYI BYA BA THAMS CAD BYED PA NYID KYIS LHUN GYIS GRUB PA DANG, ZUNG 'JUG GI LAM DES RTAG PA SNGON MTHA' 'KHOR BA DANG CHAD PA PHYI MTHA' MYANG 'DAS KYI MTHA' GNYIS DANG BRAL BAR BYAS PA'I NGO BO'I GNAS SKABS KYI KHYAD PAR MI GNAS PA'I MYANG 'DAS DANG, YUM RGYUR YOD PA LAS THEG PA GSUM GYI THOB BYA'I DON SPANGS RTOGS KYI RIGS THAMS CAD 'THOB PA DANG, RNAM PA GANG DAG DANG ZHES SOGS SAM RNAM PA THAMS CAD MKHYEN PA NYID NI CHOS THAMS CAD SKYE BA MED PA'I RTEN CAN ZHES PAR JI SKAD BSHAD PA'I MI RTOG PA'I NGO BO NYID KYI RNAM MKHYEN DANG, TSIG GSAL LAS, JI SKAD BSHAD PA GNYEN TSOGS YAN CHAD DU BSHAD PA RNAMS LA BYAS NAS, RNAM MKHYEN DER BSHAD PA RNAMS YIN TE DE YANG 'DUN LDAN SEMS BSKYED LA SOGS PA DANG SBYOR LAM LA SOGS PA NI DE'I RGYU YIN PAS DE SKAD BYA ZHING, KHA CIG DE'I NGO BO STE SEMS BSKYED PA BCU DGU PA LA SOGS PA'O DE LTAR DE DAG MA LUS PA SNGAR SBYANGS PA DANG PHYIS THAB PA LA DMIGS NAS SKAD CIG MA GCIG GIS NGES PAR 'BYUNG BA STE TSUL 'DI BRGYAD CHAR LA SBYAR RO ZHES 'CHAD PA NI MI 'THAD PA RTOGS SLA'O, ,RNAM MKHYEN DE'I KHYAD PAR GYI LAM STE DE LTAR BRGYAD DO, ,DE NI RNAM MKHYEN GYI RGYU'I LAM KHYAD PAR DU GYUR BA BAR CHAD

, ,MED RTZE'O, ,GAL TE 'BYUNG GZHI BRGYAD PO DE LAS MCHOG TU GYUR BA YANG YOD BAS GZHI BRGYAD DU MA NGES SHE NA, NGES PAR ZHES SOGS SBYAR RO, ,'DI LA CHOS THAMS CAD MI DMIGS PA NYID LAS KHYAD PAR DU 'PHAGS PA'I CHOS GZHAN MED PA'I PHYIR MI DMIGS PA'I RANG BZHIN KHO NAS YONGS SU SBYONG BAR BYED CES SAM, DE LTAR BYOS SHIG CES TSIG ZUR GYIS GDAMS PA STE TSIG 'DI NI BYUNG BA DANG 'BYUNG BAR 'GYUR BA RIL LA SBYAR BA SHES PAR BYA'O ZHES ZER BA NI, DE LTAR NGES PAR 'BYUNG BAR BYA BA'I GZHI RNAMS LAS KHYAD PAR DU 'PHAGS PA'I CHOS GZHAN MED PAS CHOS THAMS CAD DMIGS SU MED PAS NGES PAR 'BYUNG BA'I PHYIR DE LTA BU'I, BRGYAD PO 'DI DAG NYID KYIS NGES PAR 'BYUNG BA NI NGES PAR 'BYUNG BA'I SGRUB PAR SHES PAR BYA'O ZHES RGYAN SNANG DU BSHAD PA DANG 'GAL BAS DOR BAR BYA'O, ,SGRUB PA 'DI 'BYUNG SA MTHAR THUG TU 'BYIN BYED YIN LA DE LA YANG SLOB PA DANG MI SLOB PA'I SGO NAS MTHAR THUG PA GNYIS SU YOD PA'I PHYIR, MI SLOB LAM NA BDUN DANG, SLOB LAM NA GCIG TU BYAS PA NI RIGS SO, ,GSUM PA NI, SHES NAS 'O'I? PHAR TE LAS ZHES PA NI YUM GYI RGYAN LA SKABS BRGYAD YOD PA'I NANG NAS ZHES PA'I DON YIN LA, SKABS NI LE'U DANG, DANG PO NI MCHOG GI DON NAM GNYIS PA LA LTOS NAS DANG, 'GREL PA NI DON TZAM GYI DANG, 'O NI RDZOGS TSIG STE 'OG MA RNAMS SU YANG DE LTAR RO,, ` ,,

[BLANK PAGE]