'JIG RTEN MCHOD BSTOD SGRUB PA RTZA BA'I RGYUD CES BYA BA (LO KA STO TRA P'U DZA TANTRA N'A MA NO BI KA SANTA KA)

RGYA GAR SKAD DU: LO KA STO TRA P'U DZA TANTRA N'A MA NO BI KA SANTA KA: BOD SKAD DU: 'JIG RTEN MCHOD BSTOD SGRUB PA RTZA BA'I RGYUD CES BYA BA: BCOM LDAN 'DAS RDO RJE 'DZIN PA LA PHYAG 'TSAL LO: 'DI SKAD BDAG GIS THOS PA DUS GCIG NA: BCOM LDAN 'DAS DE BZHIN GSHEGS PA THAMS

, ,CAD KYI SKU DANG GSUNG DANG THUGS KYI BDAG NYID GSANG BA CHEN PO RDO RJE 'DZIN PA: DUS GSUM GYI SANGS RGYAS MA LUS PA THAMS CAD KYI SKU DANG GSUNG DANG THUGS KYI 'PHRIN LAS MA LUS PA YANG DAG PAR SGRUB PAR MDZAD PA: MTHU DANG: STOBS DANG: MI 'JIGS PA DANG: DBANG PHYUG DANG: GZUGS KYIS 'JIGS PAR BYED PA: GTUM PO DANG: DRAG SHUL CAN DANG: DREGS PA CAN DANG: STOBS CAN DANG: BZOD PAR DKA' BA DAG MYUR DU 'DUL BAR BYED PA: BDE BAR GSHEGS PA THAMS CAD KYI THUGS KYI SNYING PO DE KHO NA NYID LAS PHYUNG BA: BYANG CHUB SEMS DPA' SEMS DPA' CHEN PO GTZO BO SA CHEN PO MTHAR PHYIN PA LA RAB TU BZHUGS PA: 'DOD PA'I KHAMS DANG GZUGS KYI KHAMS SU GTOGS PA'I DBANG PHYUG LHA'I RIGS RNAMS KYI BDAG PO CHEN PO: LCANG LO CAN GYI GNAS DANG: RI RAB KYI GNAS KYI GNOD SBYIN RNAMS KYI DED DPON CHEN PO DE: 'OG MIN GYI GNAS LHA'I RGYAL PO'I KHANG BZANG NA BZHUGS TE: DUS GSUM DU RNAM PAR BZHUGS PA'I SANGS RGYAS RNAMS KYI SKU GSUNG THUGS KYI RNAM PAR 'PHRUL PA'I 'OD ZER SNA TSOGS BKYE NAS TSIG 'DI SKAD DU BSKUL TE: KYE KYE GSANG BDAG RDO RJE 'DZIN: KHYOD NI SANGS RGYAS THAMS CAD KYIS: BSTAN PA DAM PA SRUNG BA YI: MTHU STOBS

BDAG POR DBANG BSKUR TE: DAM TSIG CHEN PO DE GZIGS LA: SKU GSUNG THUGS KYI GSANG BA LAS: 'JIGS BYED 'JIGS PAR BYED PA YI: SKU MCHOG DRAG PO'I GSUNG DANG BCAS: GTUM PO'I THUGS KYIS SHUGS PHYUNG LA: GDUL DKA' MA LUS 'DUL BA'I PHYIR: SPRUL PA LNGA 'PHRUL 'PHRIN LAS KYIS: SNGON GYI THUGS DAM ROL PAR MDZOD: CES BSKUL MA THAG TU BCOM LDAN 'DAS DE SANGS RGYAS KYI 'PHRIN LAS MDZAD PA'I DUS LA BAB PAR MKHYEN NAS NYID KYI SKU GSUNG THUGS ZHI BA CHOS NYID DE BZHIN LAS MA G-YOS KYANG GDUL BAR BYA BA'I YUL DRAG SHUL CAN RNAMS LA GZIGS NAS PHYOGS BCU NAM MKHA'I MTHA' DANG MNYAM PA'I 'JIG RTEN GYI KHAMS MA LUS PA THAMS CAD DU SKU'I RNAM PAR 'PHRUL PA BSAM GYIS MI KHYAB PA KHRO BO CHEN PO'I GZUGS 'DI LTA STE: SKU MDOG MTHING NAG ZHAL DGU PA LA: G-YAS KYI ZHAL NI KHAM NAG GTZIGS PA: G-YON GYI ZHAL NI SMUG NAG BSDUS PA: DBUS KYI ZHAL NI MTHING NAG KHRO ZHING RNGAM PA: PHYAG G-YAS KYI RDO RJE 'BAR BAS G-YON GYI THOD KHRAG DKRUG CING GSOL BA: G-YAS 'OG MA BRGYAD NA LHA CHEN PO BSGRAL BA'I MGO BCAD DE BSNAMS PA: G-YON 'OG MA BRGYAD NA KLU CHEN PO BRGYAD KYI MGO BSNAMS PA: DE DAG KYANG G-YANG GZHI DANG BCAS PA: G-YAS KYI

, ,SPYAN DGU GYEN LA BZLOG PA: G-YON GYI SPYAN DGU 'PHRED LA GZIGS PA: DBUS KYI SPYAN DGU THUR LA SDANG MIG MDZAD PA: KHRO GNYER DRAG PO DPRAL BAR BSDUS PA: SHANGS NAS SRID PA'I RLUNG DRAG PO 'TSUB PA: ZHAL NAS BSKAL BA'I ME 'BAR BA: MCHE BA DMAR PO BAR SNANG KHAMS SU GTZIGS PA: SMA RA AAG TSOM SPRIN BZHIN DU GTIBS PA: DBU SKRA RAL PA KHAM NAG SRID PA'I RTZE MOR 'BAR ZHING 'KHYIL BA: SNYAN NAS GDUG PA'I SGRA CHEN PO 'BYIN PA: SBRUL GYI CHUN POS YAN LAG DKRIS PA: BDUD DANG RU TRA BSGRAL BA DANG GLANG PO CHE'I PAGS PA NA BZAR GSOL BA: STAG GI PAGS PAS SKU SMAD DKRIS PA: KHRAG DANG ZHAG GI THIG LE DANG RI MOS BRGYAN PA: THAL CHEN GYIS LUS LA BYUGS PA: THOD PA SKAM PO DANG RLON PA DANG SHA KHRAG RA RI CAN GYIS PHRENG BAR BYAS NAS BRGYAN PA: ZHABS BRGYAD KYIS TSANGS PA DANG KHYAB 'JUG DANG DBANG PHYUG CHEN PO DANG BRGYA BYIN CHUNG MA DANG BCAS PA DAG MNAN PA: YUM CHEN PO RAB TU GTUM MO 'JIGS BYED MA RANG GI SKU DANG MTSUNGS PA ZHIG DANG MNYAM PAR SBYOR BA: GRANGS MED CING BRJOD KYIS MI LANG BA BYE BA TIL GYI GANG BU BZHIN DU GYUR PA THAMS CAD KYANG AOm BADZRA TZANDHA SARBA DUshtANA TA

KA HA NA DA HA PA TZA H'Um PHAt: CES BYA BA'I GSUNG SGRA DRAG PO 'BYIN PA: DE DAG RE RE LAS KYANG SPRUL PA DANG YANG SPRUL BSAM GYIS MI KHYAB PA RAB TU SNANG BAR MDZAD PA: 'JIG RTEN GYI KHAMS KYI DREGS PA CAN LHA'I TSOGS DANG: BDUD DANG: GSHIN RJE DANG: SRIN PO DANG: GNOD SBYIN DANG: GZA' BDUD DANG: KLU DANG: RGYAL PO DANG: GING DANG: MA MO CHEN MO RNAMS DANG: MKHA' 'GRO'I TSOGS DANG: RU TRA DANG: MU STEGS DANG: SROG GI BDAG PO DANG: NOR GYI BDAG PO DANG: TSE'I BDAG PO DANG: SNGAGS KYI BDAG PO DANG: SRID PA'I BDAG PO DANG: GZHAN YANG 'JIG RTEN GYI KHAMS THAMS CAD DANG: DUR KHROD CHEN PO DANG: YUL CHEN PO DANG: 'DZAM BU'I GLING GI MTHA' 'KHOB KYI SA DANG: RI'I RGYAL PO DANG: RI PHRA MO DANG: RGYA MTSO DANG: CHU BRAN DANG: YONGS SU 'DU BA'I SHING DANG: NAGS TSAL CHEN PO DANG: GNAS PHRA MO BSAM GYIS MI KHYAB PA DAG NA GNAS PA'I 'JIG RTEN GYI DREGS PA CAN PHO DANG MO'I RNAM PAR 'DUG PA DANG: GTZO BO DANG: 'KHOR DANG: KHYAD PAR RGYU BA DANG: BRAN DANG: G-YOG GI TSOGS DANG BCAS PA DAG GIS RANG RANG GI GNAS NAS MYUR BAR DNGANG ZHING SKRAG LA 'JIGS PA DANG YANG BA'I SEMS DANG: DUL BA'I SEMS KYIS THON TE BCOM LDAN 'DAS

, ,DE'I SPYAN SNGAR RLUNG DRAG PO'I SHUGS KYIS RAB TU BSKYOD PA'I SHING BAL GYI 'DAB MA BZHIN DU RANG DBANG MED PAR LHAGS PAR GYUR TE: PHYOGS BCU'I 'JIG RTEN GYI KHAMS MA LUS PA DANG: KHYAD PAR DU MI MJED KYI 'JIG RTEN GYI KHAMS NA GLING BZHI DANG: RGYA MTSO CHEN PO DANG: ROL PA'I CHU KLU'I GNAS DANG BCAS PA RI RAB CHEN PO DANG: RI BDUN GYI GNOD SBYIN GYI TSOGS DANG: LHA'I GNAS 'DOD PA'I KHAMS DANG: GZUGS KYI KHAMS DANG: GZUGS MED PA'I KHAMS DANG BCAS PA DANG: DMYAL BA DANG: YI DVAGS DANG: BYOL SONG GI GNAS NA GNAS PA DANG: DZAM BU'I GLING GI SA'I CHAN GNAS PA'I DREGS PA CAN RNAMS SO SO NAS RANG RANG GI MDUN NA DRAG PO CHEN PO'I SKU GZI BYIN DPAG TU MED PA: GZHAN DAG GIS NYE BA'I THUGS MI THUB PA RE RE 'DUG PA MTHONG STE: DE DAG THAMS CAD THA DAD DU RANG RANG GI SDE DPON CHEN PO RNAMS LA SKYABS SU 'GRO BAR BYED DO: SDE DPON CHEN PO RNAMS NI: 'JIGS BYED CHEN PO'I SKU GSANG BA PA'I BDAG PO DE LA RANG GI 'KHOR DANG BCAS TE SKYABS SU 'GRO BAR BYED DE: THAMS CAD KYI RANG RANG GI GZUGS DANG: LONGS SPYOD DANG: 'KHOR DANG: RGYAN DANG: BZHON PA DANG: GNAS DANG NYE BAR BDE BAR

SPYOD PA 'PHRIN LAS KHYAD PAR MA LUS PAR STON CING: MING GI SNYING PO RNAMS MNGON DU PHYUNG STE SMRAS SO, ,MAH'A DE BA AE DZA: AU MA DE BA AE DZA: DHU DRA MA DU PHRAG DZA: DUN TI MA DU DZA: ZHES 'JIG RTEN GYI DBANG PHYUG CHEN PO YAB YUM BDUD PHO MO DANG BCAS PA RNAMS KYI RANG RANG GI MING PHUL BA'O: DE NAS GSHIN RJE'I DED DPON RANG GI TSOGS DANG BCAS PAS RANG RANG GI MING DANG SROG DANG BCAS PA YUL BA: HR'I:shti KRishnA YA MA PRE TA DZA: MA MA YA MUNTRI BHI TRi DZA: ZHES PHUL LO: DE NAS SRIN PO'I SDE DPON RANG GI 'KHOR DANG BCAS PA'I MING GI SNYING PO RAKshA RA SHA RA MA TI RAKshA MA SHU TI DZA:ZHES PHUL LO: DE NAS GNOD SBYIN GYI SDE DPON RANG GI 'KHOR DANG BCAS PA'I MING DANG SROG GI SNYING PO YAKshA KU BE RAKshA TA ME YAKshI MA SHA DZA ZHES PHUL LO: DE NAS 'JIG RTEN GYI GNOD SBYIN LHA'I SDE DPON KHA BA CAN GYI DBANG POS RANG GI MING PHUL BA: GAm BHA BHAD TRA DHE BA TA RU TI DZA ZHES PHUL LO: DE NAS 'JIG RTEN GYI RGYAL PHRAN GYI DED DPON LHA'I THE BCU GSUM GYI BDAG POS MING PHUL BA, GAm TA PA SHA LI BA RA TRI SAm KA RA SHA DZA ZHES PHUL LO: DE NAS SPYI BDUD KYI SDE DPON RANG GI 'KHOR DANG BCAS PAS MING GI SNYING PO SMRAS PA: DUSPRA SHAm DZA AA KA RU GAm TZA DZA ZHES PHUL LO: DE NAS YE SHES DANG LAS LA GRUB PA'I DAM TSIG GI TSOGS

, ,KYI BDAG MO SRID PA DBANG SDUD MA DANG, RAL PA GCIG MA DANG, MKHA' 'GRO MA'I TSOGS KUN GYIS RANG RANG GI SNYING PO PHUL BA: MA MA TRAG MU TRA RA TZA AE KA DZA tI RU RU RO TIshtA BHATTO RE TU MA TI KHA MUNTRA PA TZA LA ME SHA DZA ZHES PHUL LO, ,DE NAS 'JIG RTEN GYI LHA BTZAN PO DANG: RU TRA'I RIGS KYI DED DPON CHEN PO RNAMS KYI RANG RANG GI MING GI SNYING PO DE BA AA BHI SHU TRI RU TRA NI DZI HAm SHAm TRI DZA ZHES PHUL LO, ,DE NAS 'JIG RTEN GYI BGE GAS KYI RGYAL PO DANG: MU STEGS BYED PA DANG: BDUD DMU BA'I TSOGS KYIS RANG RANG GI MING GI SNYING PO BI N'A YA KA TIRTHI TA KA DU MUN MUN BA: DZA:ZHES PHUL LO: DE NAS 'JIG RTEN GYI SROG GI BDAG PO DANG: GNOD SBYIN KLU'I BDAG PO RDO RJE CAN DANG: BLA'I RGYAL PO CHEN PO DANG: LHA'I DBANG PHYUG NAG PO CHEN PO'I TSOGS KYI SDE DPON CHEN PO RNAMS KYIS RANG RANG GI MING GI SNYING PO GINGKA RA TRI PA LE R'A DZA BADZRA BU RU LU DZA BADZRA LA RU TRI DZA MAH'A KA LA YAKshI DZA ZHES PHUL LO: DE NAS 'JIG RTEN GYI KLU DANG GZA' SKAR GYI SDE DPON CHEN PO RNAMS KYIS RANG RANG GI SROG GI SNYING PO PHYUNG BA, N'A GA TZI TA HU YA N'A GA ME KshE TRA HU LA GHU HE PA SHA MI KE H'Um DZA ZHES PHUL LO: GZHAN YANG 'JIG RTEN GYI KHAMS KYI DREGS PA'I DBANG PHYUG MA RUNGS PA'I

'KHOR DANG BCAS PA DAG GIS RANG RANG GI LUS DANG SROG DANG BCAS PA: AE AA NRI DZA SA MA YA SROG BRENG BRENG DZA DZA ZHES PHUL LO: DE NAS BCOM LDAN 'DAS KYIS DREGS PA CAN 'KHOR DANG BCAS PA DE DAG DBUGS PHYUNG NAS MI 'JIGS PA BYIN TE 'DI SKAD DU: KYE MA 'JIG RTEN GRAGS PA'I TSOGS: KHYED RNAMS NGA LA MA 'JIGS SHIG: NGA NI SANGS RGYAS THAMS CAD KYI: SKU GSUNG THUGS KYI 'PHRIN LAS BDAG: CHOS NYID ZHI BA CHEN PO YI: THUGS RJE DANG NI YE SHES KYIS: DUS GSUM 'DUS BYAS 'DUS MA BYAS: SKAD CIG NYID LA MNGON DU GSAL: MA 'ONGS SEMS CAN DON GYI PHYIR: SNA TSOGS LUS KYI GSANG BA STON: DREGS PA'I SDE DPON KHYED RNAMS KYANG: THOG MA MED NAS DA LTA'I BAR: NYON MONGS 'KHRUL PA'I DBANG GYUR TE: GNAS NGAN LEN GYI BAG CHAGS KYIS: LUS NGAG YID KYIS MI DGER SPYOD: 'KHOR BA'I SDUG BSNGAL RGYUN MI 'CHAD: NA RAG CHEN POR LHUNG NAS NI: THAR PA'I DUS MED 'BYUNG SRID KYI: DE BAS DA LTA'I DUS MCHOG 'DIR: NGA DANG SANGS RGYAS THAMS CAD KYI: SKU GSUNG THUGS DANG YON TAN DANG: MDZAD PA'I 'PHRIN LAS RAB SON LA: BSGO BA'I GSUNG BZHIN NYAN PAR GYIS: LAS DANG SRID BA DON YOD LA: MI DGE'I BAG CHAGS DOR BAR GYIS:

, ,BSLAB PA'I GZHI BZUNG SEMS BSKYED LA: MTHU STOBS NUS PA DRAG SHUL DAG: SANGS RGYAS BSTAN PA'I RJES SU SPYOD: RIG 'DZIN RNAMS KYI BKA' BZHIN SKYONGS: KHYED CAG RGYAL PO RJE DPON DANG: BRAN G-YOG TSUL DU LUS BRTEN PA: DNGOS GRUB GSOL ZHING 'PHRIN LAS SGRUBS: GAL TE DE LTAR MI BYED CING: GSANG BA'I TSIG LAS 'GAL BYED NA: KHYED KYI LUS SEMS SROG GI RGYUD: DA LTA NYID DU MA RUNGS 'GYUR: ZHES BKA' STZAL NAS DAM PA'I THA TSIG LA BKOD NAS BZHAG GO: 'JIG RTEN PA'I SDE DPON GYI TSOGS RAB TU 'DUL BA GLENG GZHI'I LE'U STE DANG PO'O,, ,,DE NAS 'DOD PA'I KHAMS KYI LHA'I DBANG PHYUG CHEN PO YAB YUM LA SOGS PA'I DREGS PA CAN GYI 'KHOR RAB TU 'DUS PA DE DAG GIS BCOM LDAN 'DAS DE BZHIN GSHEGS PA THAMS CAD KYI SKU GSUNG THUGS GSANG BA'I BDAG PO CHEN PO LA 'DI SKAD CES GSOL TO: KYE MA BCOM LDAN GSANG BA'I BDAG: 'JIG RTEN GNAS PA'I DRAG SHUL CAN: 'DOD CHAGS ZHE SDANG SRED LEN GYIS: GANG GI MCHOD CING BRTEN BYAS NAS: BDAG CAG RNAMS NI DGA' MGU RANGS: KHYOD KYI BKA' LUNG RJES BZHIN DU: BRTUL ZHUGS 'DZIN

PA DE DAG LA: 'PHRIN LAS SPYOD PA'I GROGS BYA'I PHYIR: BDAG CAG SO SO'I GNAS DANG DUS: RANG GI SDE DANG 'KHOR G-YOG DPUNG: MTHUN PA'I LAS DANG LONGS SPYOD DANG: CHA LUGS RIGS DANG BSAM PA DANG: KHAMS DANG BYED PA'I TSUL DAG DANG: DAM TSIG SBYOR BA'I KHYAD PAR DAG: BDAG CAG RNAMS DANG MA 'ONGS PA'I: RIG PA'I TSUL 'DZIN DON PHYI RU: MA LUS RGYAS PAR BSHAD DU GSOL: ZHES GSOL PAS: DE NAS BCOM LDAN 'DAS KYIS 'JIG RTEN GYI DREGS PA CAN DAG GIS GTZO BO DBANG PHYUG CHEN PO LA SOGS PA RNAMS: SO SO'I LAS DANG GCIG TU SBAS PA DANG: THA DAD DU SBYAR BA DANG: NGES PA DANG: MA NGES PA DANG: RIM PA DANG: 'CHOL BA DANG: KHYI DANG: NANG DANG: GSANG BA DANG: SBAS PA DANG: TSOGS PA DANG: 'THOR BA DANG: MTHUN PA'I RDZAS DANG: SNYING PO DANG: MA GA PA DANG: GNYER GTAD PA DANG: SKUL BA DANG: RBAD PA DANG: BZLOG PA DANG: TSAR GCAD PA DANG: GZIR BA DANG: SPOGS PA DANG: LAS SNA TSOGS PA DAG GI SGO NAS ROL PA CHEN PO'I GSANG BA SKU GSUNG THUGS KYI RDO RJE DAM TSIG CHEN PO LAS PHYUNG STE BKA' STZAL TO: NYON CIG 'JIG RTEN DREG PA'I TSOGS: PHYI MA'I TSE NA SNYIGS MA'I DUS: DGE SBYONG CHEN PO'I BSTAN PA 'DI: SO SO SKYE BO

, ,RNAMS LA SNANG: NYAN THOS RANG RGYAL RNAMS KYI TSUL: RDO RJE 'CHANG BA RNAMS KYI SKU: RGYUD DAG SA LAM RDZOGS LA GSAL: SPROS MED CHOS SKU 'DU 'BRAL MED: TING NGE 'DZIN LA SBYANGS PAS 'GRUB: BSAM PA CHOS LNGA SMON PA YIS: RIGS DRUG SO SO'I BDAG POR SNANG: LAS KYI DREGS PAS KHYED RNAMS NI: 'JIGS SHING 'JIGS PAR BYED PA YIS: GTUM ZHING DPA' LA CHES DPA' BAS: GDUL ZHING DRAG PAR NUS PA LAS: ZHI BAS GDUL BAR MI 'GYUR TE: RIG PA 'DZIN PA'I SKYES BU NI: STOBS LDAN DREGS TSOGS KUN 'DUL BA: KHAMS GSUM SPYI LA DBANG SGYUR BYED: NGA DANG GNYIS MER SBYOR BA YIS: LAS KYI BYA BA RAB RDZOGS PAS: DUR KHROD CHEN PO RAB 'JIGS PAS: BYIN GYIS BRLABS PA'I DBEN SA RU: SGRIB BYANG BSOD NAMS BSAGS PA DANG: BAR CHOD BDUD BZLOG LAS LA 'BAD: MTHUN RDZAS SA LA PHO BRANG BZHENGS: DAM TSIG DRAG PO'I RDZAS KYIS BRAN: THOD MKHAR BANG MDZOD LDAN PA 'AM: AE TRAm GRANGS DANG SBYAR BAR BYA: DREGS PA'I LUS NGAG YID GNAS BRTEN: NGAS BSHAD TSUL DANG MTHUN PAR DGOD: PHYI ROL SGO SOGS RGYAN 'JIGS LDAN: DUR KHROD CHEN PO SNGON DU PHYUNG: TZA RA MA HE CHU GLANG DANG: SENG+GE GLANG CHEN RTA NAG DANG:

BYA KHYI LUG NAG RNGA MO DANG: STAG DANG BYA RGOD KHYI PHAG NAG: DUR BYA CHU SRIN NYA RUS SPAL: RGOD DKAR RGOD NAG RTA DKAR DMAR: SO BYA DRE'U BA GLANG RNAMS: RGYAL MTSAN SHA KHRAG SNYING DANG BCAS: SO SO'I MTHUN PA'I GNAS SU BSHAM: 'BRU BZANG BSHOS DANG DAM TSIG RDZAS: BDUD RTZI SHA KHRAG SNYING SBYAR BA: RIN CHEN BCUD KYIS SBRENG BA NI: GRANGS MNYAM YANG NA PHYOGS BZHIR GZHAG: GDUGS DANG BA DAN BLA RES DANG: LDA LNGI DRA BA ZA RA TSAGS: 'DI LA SHIS SHING MTHUN PAS TE: STAG GZIG DOM DRED 'PHAR SBYANG DANG: KANGKA DUR BYA BYA RGOD KHRA: MI RTA BAN GLANG KE LE YI: SHA RGYUS PAGS PA MGO YIS BYA: MDA' GZHU MDUNG DANG KHA tV'Am GA: RAL GRI CHU GRI SPU GRI DANG: TRI SH'UL PHUR PA SO MANG DANG: MTSON CHA DRAG POS BSKOR ZHING GTAMS: MDZES DANG MI MDZES SNYAN MI SNYAN: DRI NGA BA DANG GDANG BA DANG: KHA MNGAR TSA SKYUR RTZUB PA DANG: TSA GRANG 'JAM RTZUB DRO DANG BSIL: GZUGS SGRA DRI RO REG RNAMS KYIS: JI LTAR 'DOD PA BZHIN DU GTAD: DE NAS RDO RJE 'DZIN PA DES: PHYI NANG GSANG BA'I SRUNG BA YIS: GNOD CING 'TSE BA TSAR BCAD DE: BSOD NAMS TSOGS KYIS RANG RGYUD SBYANG: GZHAN PHAN BYANG CHUB SEMS KYIS BSGRUB: CHOS RNAMS GNAS LUGS BZHIN DU BSGOM:

, ,MA MTHONG BA LA SNYING RJE BSKYED: NGO BO SKYED RGYU H'Um DU BSGOM: DE LAS SNOD KYI GZHI MO LNGA: YE SHAS 'BYUNG BA LNGA RU BSAM: STENG DU RIN CHEN RI RAB KYI: DBUS SU DUR KHROD GZHAL MED KHANG: THOD MKHAR AE TRAm SUM CU PA: GZUGS BRNYAN BZHIN DU TING 'DZIN BSKYED: DBUS SU NYI ZLA PADMA DANG: RO BZHI BSNOL BA'I STENG NYID DU: RDO RJE 'CHANG BA'I SKU GSUNG THUGS: NGA NYID KUN LA SNANG BZHIN BSAM: YUM CHEN KHAMS GSUM SPYI 'DUL MA: GTZO DANG GNYIS MED SBYOR BA LAS: THABS DANG SHES RAB 'OD ZER LAS: AE DGU'I RNAM PA SA BON TSUL: 'PHRO 'DUS GRI GUG KHA tV'Am GSAL: DE NYID GSAL BA'I RGYUD SBYANGS PAS: 'DOD KHAMS DBANG PHYUG GTZO BO CHE: LHA MO YUM DANG BCAS PAR 'GYUR: SENG+GE GLANG CHEN ZHABS KYIS GNON: ZHAL GCIG PHYAG GNYIS MTHING NAG RNGAM: NA BZA' LJANG NAG KLUBS BER GSOL: GTZO CHEN GRI GUG TZITTA BSNAMS: YUM GYIS KHA tV'Am THOD KHRAG BZUNG: YAB YUM GNYIS MED THUGS KA NAS: YA MA: DUNTI: RAKshA: YAKshA LAS: PHYOGS BZHIR BDUD DANG GSHIN RJE DANG: SRIN PO GNOD SBYIN SDE DPON DANG: YAB YUM BCAS PA GSAL BAR SPRO: GRA HE: N'A GA: STENG 'OG TU NI BDUD

KLU'I GZA'I: SDE DPON YAB YUM SPRO ZHING BSKYED: DE BA: TRI DZA: DU TRI: GANG BZANG LHA DANG RNAM RGYAL DANG: SPYI BDUD SDE DPON SHAR DU BSKYED: MA MAm: DZA TI: DHA KI LAS: MA CHEN SRID PA'I RGYAL MO DANG: RAL GCIG MA DANG MGYOGS BYED MA: MO TSOGS SDE DPON LHO PHYOGS SU'O: RU TRA: AA BHI: HAm SHAm LAS: LHA SBYIN BTZAN DMAR RIL BTZAN GYI: SDE DPON NUB KYI PHYOGS SU BSKYED: BI TRA: TI THI: RMU DU LAS: BGEGS DANG MU STEGS RMU BDUD KYI: SDE DPON BYANG GI PHYOGS SU BSKYED: TRI YAm: RA TRI SA TRIN TRI LAS: SRID PA'I SROG GI BDAG PO DANG: GNOD SBYIN KLU TSA BDUD RGYAL PO: SKU LHA GSANG BA RDO RJE LEGS: NAG PO CHEN PO CHOS SRUNG RJE: SHAR LHO NUB BYANG SGO BZHIR BSKYED: PHYI ROL KHYAMS SU DREGS PA CAN: SO SO'I G-YOG 'KHOR MANG PO DAG: BKA' NYAN GSUNG SDOD TSUL DU BSKYED: RANG RANG SNGAGS KYIS BSTAN PAR BYA: DBANG PO'I TSUL DU GSAL BA DANG: 'JIG RTEN RANG RGYUD SO SO YI: GNAS NAS 'OD KYIS BKYE PA DANG: GSANG BA'I SNYING POS MYUR DU 'BOD: TING NGE 'DZIN GYI TSUL 'DRA BA: RANG GI GZUGS BRNYAN LUS LA BSTIM: RANG RGYUD PA DANG GZUGS BRNYAN 'DRES: AOm A'A: H'Um AOm BADZRA TZANDHA SARBA DUshtAm TA KA HA NA DA HA PA TZA H'Um PHAt: SKU GSUNG THUGS

, ,LDAN BYIN BRLAB CING: RDO RJE 'CHANG BAS DBANG BSKUR BYA: DUR KHROD GNAS KYI SGO BZHI NAS: BKA' NYAN LAS BYED SDE BRGYAD KYIS: LUS NGAG GUS PAS PHYAG 'TSAL ZHING: PHYI NANG GSANG BA'I 'DOD YON TSOGS: 'TSE ZHING GDUG PA'I BSAM PA CAN: GZUGS CAN GZUGS MED BCAS PA YIS: DREGS PA'I TSOGS LA MNYES PAR DBUL: SKU YI CHA LUGS SO SO YI: DON RTAGS MTHUN PA'I TSIG GIS BSTOD: SKU GSUNG THUGS KYI YON TAN DANG: 'PHRIN LAS SMOS TE THUGS DAM BSKUL: RDO RJE 'DZIN PA'I SKU GSUNG THUGS: GSAL BSTAN TSAD DANG LDAN PA YIS: NAM MKHA'I KHAMS KUN MTHAS KHYAB KUN: RANG GI YUL GSUM GSAL BAR DMIGS: DREGS PA'I SDE DPON RE RE'I DRUNG: RDUL SNYED 'DUL BYED GNYEN PO GNAS: PHAL PA RE RE'I GNAS DRUNG DU: SDE DPON CHEN PO DE BZHIN BSAM: BKA' NYAN GSUNG SDOD G-YO MA NUS: CUNG TZAM 'DA' BAR MI SPYOD CING: RANG GI 'DOD PA MI SPOBS LA: SKAD CIG TZAM LA DON SGRUB DMIGS: DE NYID KYIS NI GTZO CHEN GYI: BSNYEN CING SGRUB PA TSAD RTAGS LDAN: YONGS SU RDZOGS PAR GYUR NAS NI: DREGS PA'I DED

DPON TSOGS RNAMS KYIS: SO SO'I GZUGS BRNYAN GSAL BTAB STE: RANG GI MING GI SNYING PO DANG: GCOD 'PHROG YI GE SPOS TE BZLAS: DUS TSAD GRANGS DANG MTSAN MA YIS: TSAD BZUNG MA NOR GRUB PA YIS: RTAGS LA PHAB STE LAS LA SBYAR: NGA NYID RJES SU SGRUB BYED PAS: DREGS PA MYUR DU DBANG DU SDUD: CES BKA' STZAL TO: 'JIG RTEN PA'I DED DPON GYI TSOGS NYE BAR SGRUB PA'I RTZA BA'I LAS KYI GNYER GTAD PA'I LE'U STE GNYIS PA'O,, ,,DE NAS RAB TU BSHAD BYA BA: 'DI DAG KUN LA NGAS BSHAD PA'I: SDE DPON CHEN PO RANG GNAS NAS: 'BOD DANG GZHUG PA MNYES PA DANG: BSTOD DANG THUGS DAM BSKUL BA DAG: TSIG BRJOD 'DI YIS BRTAN PAR BYA: THUGS RJE RNAM DAG DBYINGS KYI DKYIL 'KHOR NAS: CHOS SKU STONG NYID DBYINGS LAS MA G-YOS KYANG: 'JIG RTEN DREGS PA'I TSOGS RNAMS 'DUL BA'I PHYIR: KHRO CHEN DPA' GTUM 'JIGS BYED SKUR BSTAN PA: THUGS DAM DGYES BSKUL GSANG BA'I YUM DANG BCAS: MA RTOGS SHUGS KYIS 'DUL PHYIR GSHEGS SU GSOL: DREGS PA'I DBANG PHYUG 'JIG RTEN LHA YI GTZO: 'DOD PA'I LHA MO BDE CHEN 'BYUNG GNAS MA: 'KHOR TSOGS DRAG SHUL

, ,MTHU STOBS DPUNG GI BDAG: KHRO GTUM GDUG PA'I RTZAL 'CHANG DPAL DANG LDAN: RDO RJE 'CHANG GI BKA' BZHIN RJES SU SGRUB: DAM TSIG RJES DGONGS GNAS 'DIR GSHEGS SU GSOL: BADZRA SARBA DUshtAm AA TA NA YA AE DZA BHYO: AA GATZTSA SA MA YA HRING HRING: DUR KHROD GSANG BA MCHOG GI DKYIL 'KHOR 'DIR: LHA CHEN NYI ZLA PADMA'I GDAN STENG DU: BCOM LDAN KHRO RGYAL RNGAM BRJID 'BAR BA'I SKU: YAB YUM DA GYES PAR ROL CING BZHUGS SU GSOL: SNANG SRID DREGS PA MA LUS DED DPON GTZO, ,'DOD KHAMS BDAG PO DGYES MDZAD YUM DANG BCAS: LHA SRIN TSOGS KYI GTZO CHEN 'KHOR DANG BCAS: 'PHRIN LAS MTHUN PA'I GDAN LA BZHUGS SU GSOL: BADZRA SARBA DUshtAN AA TA NA YA AE DZA BHYO: SA MA YA STI TA BADZRA H'Um DZA: DUS GSUM SANGS RGYAS THUGS KYI SNYING PO MCHOG: CHOS KYI SKU LAS GZUGS SKU 'GRO DON SPRUL: CHE BTZAN 'GRAN ZLA MED PA KHRO BO'I RJE: DBANG SDUD YUM DANG BCAS LA PHYAG 'TSAL BSTOD: PHYOGS BCU'I RGYAL BA MA LUS SRAS DANG BCAS: DAM BCAS BSTAN PA'I TSUL SRUNG 'JIG RTEN MGON: ZHING BCU SGROL MDZAD 'PHRIN LAS DRAG SHUL CAN: SDE DPON SUM CU'I TSOGS

LA PHYAG 'TSAL LO: BADZRA SARBA DUshtAN AA TA NA YA AE DZA BHYO: NA MA AA RA LI HO: DPAL CHEN DREGS PA KUN 'DUL YAB YUM LA: SKU GSUNG THUGS MNYES MCHOD PA 'BUL BA NI: GDUGS DANG RGYAL MTSAN BA DAN BLA RE DANG: PHRENG BA PHYE MA LNGA LDI ZA RA TSAGS: BDUG SPOS ME TOG MAR ME CHAB BSIL DANG: GZUGS MDZES SGRA SNYAN DRI ZHIM RO BRO DANG: REG 'JAM 'DOD YON MA LUS JI SNYED PA'I: 'PHAGS PA'I THUN MONG MCHOD TSOGS BZHES SU GSOL: KHYAD PAR GSANG BA'I MCHOD PA 'BUL BA NI: DUS GSUM GNAS SU SBYANGS PA'I SHA RUS KHRAG: DUG LNGA SMAN DU SGRUB PA'I DAM TSIG RDZAS: STOBS MCHOG NUS PA BA LIm MCHOD PA DNGOS: THUGS RJES MTHUN PA'I NGANG GIS BZHES SU GSOL, ,DPAL CHEN YAB YUM BKA' BZHIN RJES SGRUB PA'I: DBANG PHYUG CHEN PO YAB YUM MNGA' BDAG RJE: 'JIG RTEN 'DAS KYANG 'KHOR BA'I CHA LUGS 'DZIN: BKA' YI BSTAN SRUNG SDE DPON SUM CU LA: 'DOD PA'I YON TAN MCHOD CING SBYIN PA NI: DKAR DMAR SER LJANG LA SOGS MDOG: ZLUM PO GRU BZHI LA SOGS DBYIBS: CHE CHUNG SBOM PHRA RING THUNG TSAD: MDZES DANG MI MDZES SDUG MI SDUG: 'BYUNG BA RTEN 'BREL ROL MO'I SGRA: GLU TSIG BSTOD DBYANGS SNYAN PA'I TSIG:

, ,SPOS SMAN BDUD RTZI ME TOG DRI: SREG BSUNG BAm BSUNG DRI DANG NGAD: KHA MNGAR TSA SKYUR SKA BA DANG: LAN TSVA SPOD DANG BYI SKYU DANG: 'JAM RTZUB BSIL YANG TSA DANG BRO: SO SO'I YON TAN TSOGS DANG BCAS: 'DOD RGUR 'BUL GYI BZHES SU GSOL: BDUD RTZI LNGA DANG SHA LNGA DANG: DON SNYING LNGA DANG 'BYUNG BA LNGA: DBANG PO LNGA DANG YUL LNGA DANG: PHUNG PO LNGA DANG NANG KHROL LNGA: 'TSE ZHING GSOD DANG BAR DU GCOD: GDUG PAR SEMS SHING LOG PAR LTA: MI MTHUN PHYOGS LNGAR BCAS PA RNAMS: SO SOR 'BUL BAS BZHES SU GSOL: BADZRA SARBA DUshtAN AA TA NA YA AE TZA DZA BHYO: MAH'A BA LIm TA: AA MRi TA: SU KA TA: MAm SA RAKTA: PI PA TA: BHA SU TA: LA MA TA: AI DAm GRiHnANTU SA MA DU: KHA KHA: KH'A HI KH'A HI: BCOM LDAN DPAL CHEN DREGS PA KUN 'DUL DANG: YUM CHEN KHAMS GSUM SPYI 'DUL 'KHOR BCAS KYIS: SKU MDOG 'GYUR MED ME LONG GZUGS BRNYAN BZHIN: GSAL ZHING RTOG MED SNANG BA MA 'GAGS PA: SKU LNGA LHUN GRUB RDZOGS PA'I DNGOS GRUB STZOL: GSUNG MCHOG 'GAG MED BRAG CA SBRA SNYAN BZHIN: SNYAN DANG MI SNYAN GRAGS STONG TSANGS PA'I GSUNG: GSUNG DBYANGS NAM MKHA'I MTHAS KHYAB

DNGOS GRUB STZOL: THUGS MCHOG SPROS BRAL BSAM 'DAS CHOS KYI DBYINGS: MI RTOG BDE CHEN THABS DANG SHES RAB DANG: RTZOL MED MI G-YO MCHOG GI DNGOS GRUB STZOL: YON TAN BRJOD KYIS MI LANG SNA TSOGS YOD: 'DAS DANG MA 'DAS MCHOG DANG THUN MONG GI: GRUB PA BRGYAD DANG MTHAR THUG DNGOS GRUB STZOL: 'JIGS PA BRGYAD SOGS ZHI DANG 'BYOR PA RGYAS: LOG LTA MOS PA'I TSUL GYIS DBANG DU SDUD: MNGON SPYOD DGRA BGEGS 'DUL BA'I DNGOS GRUB STZOL: BADZRA SARBA DUshtAN AA TA NA YA AE DZA K'A YA SIDDHI: W'AKKA SIDDHI: TZITTA SIDDHI: GU nA SIDDHI: KARMA SIDDHI: H'Um H'Um H'Um: BCOM LDAN DPAL CHEN DREGS PA KUN 'DUL NI: DBU DGU PHYAG NI BCO BRGYAD DE: SKU MDOG MTHING NAG KHRO ZHING RNGAM: G-YAS KYI ZHAL GSUM SMUG NAG BGRAD: G-YON GYI ZHAL GSUM KHAM NAG GTZIGS: DBU SKRA RAL PA ME DPUNG 'BAR: SPYAN DGU SDANG MIG BZLOG CING BGRAD: SHANGS NAS SRID PA'I RLUNG NAG 'THOR: SNYAN NAS STONG GSUM 'BRUG SGRA LDIR: SMA RA AAG TSOM ME LTAR 'BAR: MCHE GTZIGS SRID GSUM RTZA BA BCOD: PHYAG DGU G-YAS G-YON DANG PO YIS: RDO RJES THOD KHRAG DKRUG CING GSOL: G-YAS KYI PHYAG BRGYAD 'OG MA NA: DREGS PA'I LHA BRGYAD BSGRAL BA YI: G-YANG

, ,GZHI MGO BOR BCAS TE BSNAMS: G-YON GYI PHYAG BRGYAD 'OG MA NA: KLU CHEN BRGYAD KYI BANDHA RU: DREGS PA'I SNYING KHRAG BKANG NAS GSOL: DPA' BO'I CHAS BRGYAD SKU LA RDZOGS: ZHABS BRGYAD BRKYANG BSKUM DOR STABS KYIS: KHAMS GSUM BDAG PO SDE BZHI MNAN: YUM CHEN KHAMS GSUM SPYI 'DUL MA: ZHAL GCIG PHYAG GNYIS MTHING NAG SKU: RDO RJE 'PHYAR ZHING THOD KHRAG STOB: GNYIS MED THUGS KYI 'PHRIN LAS KYIS: 'JIG RTEN DREGS PA BRAN DU 'KHOL: LHA SRIN SDE BRGYAD LAS LA 'GYED: DGRA BGEGS GDUG PA RTZAD NAS GCOD: KHRO RGYAL GTZO LA PHYAG 'TSAL BSTOD: DPAL GYI BKA' BZHIN LAS MDZAD PA'I: LHA CHEN DBANG PHYUG CHEN PO NI: ZHAL GCIG PHYAG GNYIS SKU MDOG MTHING: PHYAG G-YAS GRI GUG TZITTA G-YON: LHA MO AU MA DE BA NI: SKU MDOG MTHING NAG GTZO LA 'DUD: PHYAG G-YAS RTZE GSUM THOD KHRAG G-YON: SENG+GE GLANG CHEN GDAN LA BZHUGS: SDE DPON DREGS PA KUN GYI GTZO: YAB YUM SKU LA PHYAG 'TSAL BSTOD: BDUD KYI RGYAL PO'I SDE DPON NI: KHRAM SHING G-YAS LA DGRA STA G-YON: BDUD RTA NAG PO'I KHRI LA BZHUGS: SBYOR YUM BDUD MO RE MA TI: KHRAG BAM G-YAS LA NAD RKYAL

G-YON: BONG BU GVA DMAR GDAN LA BZHUGS: GSHIN RJE'I SDE DPON CHEN PO NI: BE CON G-YAS LA THOD DBYUG G-YON: SBYOR BA GSHIN RJE ZA BYED MO: PHYAG GNYIS SRID PA'I 'KHOR LO BSKOR: YAB YUM MA HE CHU GLANG GNON: SRIN PO'I SDE DPON GLOG PHRENG CAN: PHYAG GNYIS THOG SER 'DRIL ZHING 'PHEN: SRIN MO SBAL MGO KHRAG MIG MA: PHYAG G-YAS PHUR PA KHRAG PHOR G-YON: YAB YUM 'BRUG DANG RNGA MO GNON: GNOD SBYIN SDE DPON ME SBAL NI: PHYAG G-YAS RIN CHEN G-YON RAL GRI: SBYOR YUM GNOD SBYIN NAG MO NI: PHYAG G-YAS SPU GRI G-YON SBYANG MO: STAG SENG PHAG MO ZHABS KYIS MNAN: BZA' BDUD DED DPON CHEN PO NI: PHYAG G-YAS MDA' GZHU G-YON SBRUL ZHAGS: SKU SMAD SBRUL 'KHRIL 'BRUG CHEN GNON: SBYOR YUM THOG GI BU YUG CAN: G-YAS G-YON PHYAG GIS THOG SER 'BEBS: KLU RGYAL DED DPON CHEN PO NI: PHYAG G-YAS SBRUL ZHAGS G-YON NAD RKYAL: SBYOR YUM KLU MO NAG MO NI: SBRUL MGO PHYAG MTSAN YAB KYI TSUL: YAB YUM CHU SRIN RUS SBAL GNON: PHYOGS BZHI STENG 'OG GNAS BZHUGS PA'I: DREGS PA'I DED DPON 'DI DAG NI: KUN KYANG SKU MDOG MTHING NAG LA: KHROS PA'I CHA BYAD 'JIGS TSUL CAN: DUR KHROD G-YANG GZHI'I CHAS

, ,KYIS BRGYAN: RANG GI TSOGS 'DUS 'PHRIN LAS MDZAD: YAB YUM BCAS LA PHYAG 'CHAL BSTOD: GNOD SBYIN STA YI RGYAL PO NI: SHEL GRI BA DAN DKAR PO 'DZIN: RGOD DKAR RU BZANG ZHABS KYIS MNAN: GNAM RGYAL CHEN PO DED DPON NI: PHYAG G-YAS LDAN DKAR G-YON SHEL GRI: RTA DKAR RDOG DMAR ZHABS KYIS MNAN: SPYI BDUD RGYAL PO GU RUM RTZE: PHYAG G-YAS BA DAN G-YON SHEL GRI: ZHABS GNYIS RDO RTA GRO BO GNON: DKAR PO'I DED DPON CHEN PO GSUM: SHAR PHYOGS GNAS LA PHYAG 'CHAL BSTOD: SRID PA'I MA ME DED DPON MO: 'KHOR LO G-YAS LA ME LONG G-YON: ZHABS GNYIS 'BRUG MO MGO DGU GNON: SNGAGS KYI SRUNG MA CHEN MO NI: TZITTA G-YAS LA SPYAD MO G-YON: DRED RTA NAG MO ZHABS KYIS GNON: MKHA' 'GRO NAG MO MGYOGS BYED MA: RGYU ZHAGS G-YAS LA MTSON GRU G-YON: SO BYA NAG PO ZHABS KYIS GNON: NAG MO'I DED DPON MA MO GSUM: LHO PHYOGS GNAS LA PHYAG 'TSAL BSTOD: RDO RJE BDUD 'DUL NAG PO NI: G-YAS G-YON PHYAG GIS THUN KHRAG 'PHEN: DRAG BTZAN SROG ZAN DMAR PO NI: MDA' GZHU 'PHEN ZHING DAR DMAR 'PHYAR: CHE BTZAN 'GONG RGYAL CHEN PO NI: SHAG LANG

DANG NI ZHAGS PA 'DZIN: DMAR PO'I DED DPON RGYAL PO GSUM: KUN KYANG RTA DMAR ZHABS KYIS GNON: NUB PHYOGS SKYONG LA PHYAG 'TSAL BSTOD: BI NA YA GA BGEGS KYI RGYAL: PHYAG G-YAS KHA tV'Am G-YON THOD KHRAG: PHYI ROL SKYONG BA'I MU STEGS GTZO: TRI SH'UL G-YAS LA THONG KHRAG G-YON: RMU BDUD CHEN PO KHRAG MED NI: MDA' GZHU DANG NI SHANG LANG 'DZIN: NAG PO'I TSOGS KYI DED DPON GSUM: BDUD RTA NAG PO ZHABS KYIS GNON: BYANG PHYOGS GNAS LA PHYAG 'TSAL BSTOD: TSANGS PA'I RGYAL PO SROG GI BDAG: SPU GRI G-YAS LA NYI ZHAGS G-YON: SENG+GE DKAR PO ZHABS KYIS GNON: BDUD KYI RGYAL PO NOR GYI BDAG: BDUD ZHAGS G-YAS LA SPU GRI G-YON: BAN GLANG SNA RING ZHABS KYIS GNON: SKU LHA'I RGYAL PO YUL GYI BDAG: PHYAG G-YAS RDO RJE G-YON PA DAN: RA DKAR GNAM RU ZHABS KYIS GNON: NAG PO CHEN PO TSOGS KYI BDAG: PHYAG G-YAS BE CON G-YON THOD KHRAG: RTA NAG MGYOGS PA ZHABS KYIS GNON: PHYOGS KYI SDE DPON CHEN PO BZHI: SKU MDOG DKAR SER DMAR NAG MDZES: SGO BZHIR GNAS LA PHYAG 'TSAL BSTOD: DED DPON DREGS PA 'DI DAG NI: KHRO ZHING GTUM PA'I TSUL 'CHANG ZHING: NA BZA' G-YANG GZHI 'JIGS

, ,PA'I CHAS: SNA TSOGS MDZES PA'I RGYAN DANG LDAN: RANG GI 'KHOR G-YOG TSOGS KYIS BSKOR: SPRUL PA'I CHO 'PHRUL BSAM MI KHYAB: MCHOD BSTOD CHEN POS KHYED BSGRUBS NA: SO SO'I TSOGS 'DUL 'PHRIN LAS MDZOD: ZHES BRJOD TING 'DZIN LDAN PA YIS: DREGS PA'I DED DPON MCHOD CING BSTOD: 'DI LTAR SPYOD PA'I RNAL 'BYOR GYIS: 'JIG RTEN GTZO BDAG GZHUNG BZHIN BSGRUB: RDO RJE 'DZIN DANG GNYIS SU MED: CES BKA' STZAL TO: 'JIG RTEN GYI DED DPON NYE BAR SGRUB PA RDO RJE'I DAM TSIG MCHOD BSTOD KYI LE'U STE GSUM PA'O,, ,,DE NAS RAB TU BSHAD BYA BA: 'JIG RTEN DREGS PA DBANG SDUD CING: TSAR GCAD LAS LA BSKUL BA'I PHYIR: BYIN RLABS GNAS PA'I DBANG BSKUR BSHAD: GSANG ZHING DBEN PA'I GNAS DAG TU: SNGAR BSHAD LAS KYI PHO BRANG BSHAM: YO BYAD RDZAS KYI KHYAD PAR 'PHAGS: MA LUS PAR NI GZUNG BAR BYA: RDO RJE 'CHANG BA RJES 'BRANG BCAS: MTSAN NYID LDAN PA MNGON SUM SBYAR: DUS KYI GRANGS DANG MTSAN MA'I RTAGS: BSNYEN PA'I LUNG BZHIN BRTZON PAR 'BAD: GZUGS BRNYAN BDAG PO SLOB MA RNAMS: KHYAD PAR GNAS PA'I STA GON BYA:

BRIS DANG BRKOS PA LA SOGS PA'I: DED DPON RNAMS KYI GZUGS BRNYAN DANG: PHUR PA GRANGS DANG MNYAM PAR DGRAM: GZHAN YANG BUM PA MCHOD GTOR DANG: DUG GTOR THUN GTOR THUN RDZAS DANG: SHA KHRAG BSHOS CHANG BZA' BTUNG SOGS: RGYAL MTSAN BA DAN MDA' DANG GZHU: DPA' BA'I CHAS DANG ROL MO'I SGRA: RAB TU BRDAR ZHING MDZES PAR BSHAM: RDO RJE 'DZIN PAS TING 'DZIN GSAL: LAS KYI RGYAL POS MCHOD BSTOD BYA: RGYU DANG MDANGS KYIS THUGS DAM BSKANG: BSHAGS DRAL GCUGS SPYANG DBAB PA BYA: MOS SHING SPROS BDAG DANG BA YIS: BDUD 'DUL GTZOL SKYABS SU 'GRO: BSTAN PA SRUNG PAR SEMS BSKYED DE: BLA MA SANGS RGYAS RDO RJE 'DZIN: HE RU KA DANG GNYIS MED LA: GDUG BYED LOG LTA 'DUL NUS PA'I: MTHU DBANG CHEN PO'I GZHUNG 'TSAL GYI: BRTZE BA'I THUGS KYIS DGONGS NAS NI: DKYIL 'KHOR DAM PAR GZHUG TU GSOL: NYON CIG SKAL LDAN RIGS KYI BU: DUS GSUM SANGS RGYAS SKU GSUNG THUGS: GNAS PA'I BSTAN PA BSRUNG BA'I PHYIR: SPRO BAS 'JUG PA KHYOD LAGS KYI: MNGON SPYOD BRTUL ZHUGS DAM PA YIS: DAM TSIG CHEN PO'I SAR 'DUG SHOG: MGON PO HE RU KA DPAL RJE: 'DUL BA'I 'KHOR TSOGS BCAS PA

, ,YI: DRAG SHUL SPYOD PA'I PHO BRANG DU: MDZES PA'I ME TOG BDAG 'BUL GYI: RDO RJE DAM TSIG 'DI BZHES LA: DREGS PA 'DUL NUS DNGOS GRUB STZOL: PRA TI GHRi HnA PUshPA H'Um: DPAL LDAN RDO RJE 'CHANG BA YI: RJES 'JUG RIGS KYI BU KHYOD NI: THOG MA MED NAS DA LTA'I BAR: BSTAN PA SRUNG BA'I SKAL LDAN TE: SDE DPON DBANG CHEN DKYIL 'KHOR 'DIR: BSTAN LA RAB DGA' SEMS KYIS LTOS: BADZRA YA SA MA YA MA DHA LA TZAG SHU PRA BE SHA YA PHAt: RDO RJE BDUD RTZI DAM TSIG CHU: 'DI LAS DUS GSUM 'DA' MI BYA: GRUB PA'I 'BRAS BU GNYIS YIN TE: TSUL BZHIN MI 'DA' BROS DOR CIG: MAH'A SA MA YA AI DA TE NA RAG K'AN sh'A PA MI LI: RDO RJE 'DZIN PA BKA' DRIN CHE: THUGS RJES RTAG TU BYIN BRLABS PHYIR: 'DI NAS RDZOGS SANGS RGYAS KYI BAR: MTHU STOBS DNGOS GRUB STZAL DU GSOL: BADZRA SA MA YA TZITTA SIDDHI SIDDHI H'Um: THOG MA'I SANGS RGYAS SRAS BCAS KYI: RJES SU SGRUB PA BDAG YIN GYI: 'JIG RTEN 'DAS DANG MA 'DAS PA'I: LHA DANG DREGS PA MTHU STOBS CAN: GTZO DANG 'KHRO DU BCAS RNAMS KYIS: SKU GSUNG THUGS KYI DAM TSIG DGONGS: RDO RJE SLOB MA RIG 'DZIN LA: DBANG BSKUR DNGOS GRUB

STZOL MDZAD PA: NUS CHEN RTAGS MTSAN BSTAN DU GSOL: RDO RJE 'DZIN PA DPAL LDAN GYIS: KHRI STAN CHEN PO'I STENG 'DUG LA: SNOD LDAN SLOB MA MDUN BZHAG STE: DKYIL 'KHOR GNAS PA'I BUM PA YIS: SKU GSUNG THUGS SU DBANG BSKUR BYA: GNYEN PO GTZO DANG GDUL BYA'I YUL: DREGS CHEN YAB YUM 'KHOR BCAS KYI: MDZES PA'I SKU GZUGS SKU YI DBANG: SO SO'I TSIG BSTOD SNYING PO DANG: SMON LAM BCAS PA GSUNG GI'O: RANG RGYUD GNAS DAG DON RTAGS KYIS: CHOS SKUR DBANG BSKUR THUGS KYI 'O: RIGS SBYANGS STOBS LA NGANG GIS GSAL: PHUR PA DRAG SHUL RDZAS KYI DBANG: MCHOD GTOR BSHOS CHA SKU GSUNG THUGS: MA LUS MNYES PAR BYAS PAS TE: YO BYAD TSOGS KYI LONGS SPYOD SPEL: RGYAL MTSAN BA DAN SGRA DANG BCAS: DUS RNAMS KUN TU MNGA' THANG RGYAS: SHA KHRAG DUG GTOR THUN RDZAS RNAMS: DREGS PA'I DED DPON DBANG SDUD CING: PHO NYA 'PHRIN LAS BSKUL MDZAD DE: MNGON SPYOD GDUG PA TSAR GCOD DBANG: 'DI DAG KYANG NI GZUGS BRNYAN SGRA: DON NGO SHES PAS DBANG BSKUR TE: CHOS SKU SPYI DANG DREGS PA YI: SDE DPON SO SO'I DAM TSIG RTZAL: THUGS RJE DANG NI RTOGS PA YIS: RANG BZHIN DON GYIS

, ,SGROL BYED PA'I: DPAG MED DON CHEN 'DIR 'DUS TE: THA DAD MI GNAS GCIG YIN NO: GZUNG DANG 'DZIN PA'I BDAG NYID KYIS: PHYI NANG 'KHOR BCAS SO SOR SNANG: MA LUS DBANG BSDU ZIL MNAN PHYIR: SO SO'I SNYING PO TSAD KYIS BSTIM: NGA RGYAL BRTAN PO BDUN DU SKYES: DON SNYING SHA RUS KHRAG SOGS BZA': DUS GSUM TSAR GCAD DBYINGS NAS DBYUNG: GZUGS BRNYAN BSTIMS LA RAB TU GSAL: DBANG BSDU LAS BCOL GDUL BA'I PHYIR: ZHABS 'OG MNAN TE BRAN BZHIN BSGO: DAM TSIG RDZAS MCHOD SNGAR BZHIN GSO: DAM TSIG DBAB CING BSTOD BSKUL BCOL: 'JIG RTEN LHA SRIN KHYED RNAMS KYANG: NGA DANG SANGS RGYAS THAMS CAD KYIS: ZHAL MTHONG LUNG BSTAN MCHOG STZAL PA: SRID PA'I SA BON PHRA MO YIS: DA RUNG 'JIG RTEN LAS LA SPYOD: RANG RGYU DA RTZUB MOS PHAN GNOD SBYOR: NGA NI BKA' YI DAM TSIG GZUNG: MA 'ONGS DUS NA BSGRUB BYA DANG: SGRUB PAR BYED PA DE DAG DANG: MNYAM PAR KUN LA DBANG BSGYUR TE: CHOS NYID RIG PA'I RGYAL PO RDZOGS: THEG MCHOG MA 'DRES CIR YANG STON: MA LUS MYUR DU RDZOGS BYA'I PHYIR: RGYAL TSAB SPYI BOR BZHAG GNAS PA: KUN TU BZANG PO

NYID THOB 'GYUR: CES BKA' STZAL TO: 'JIG RTEN GYI SDE DPON CHEN PO NYE BAR SGRUB PA'I RDO RJE DAM TSIG CHEN PO'I DKYIL 'KHOR DU DBANG BSKUR BA'I LE'U STE BZHI PA'O,, ,, DE NAS RAB TU BSHAD BYA BA: DREGS PA'I 'KHOR TSOGS MNYES BYA'I PHYIR: MTHUN RDZAS GZUGS KYIS BKANG BA NI: RI BO'I RTZE MO'I CHU BO'I MDO: 'JIG RTEN DBANG PHYUG 'DU GNAS SU: SKAL MED YUL LA MCHOD SBYIN GNAS: THOD MKHAR RE MIG DGU SOGS SAM: YANG NA GLING BZHI RI RAB BRTZIGS: 'BRU DANG SHA KHRAG SNA TSOGS PA: RIN CHEN SPOS SMAN ME TOG STZAL: DREGS PA BDAG PO SO SO YI: GZUGS BRNYAN RANG GI 'KHOR DANG BCAS: SKU MDOG PHYAG MTSAN YONGS RDZOGS SHING: RANG GI GDAN KHRI BZHON PAR BCIBS: RI RAB THOD MKHAR YANG STENG DU: LHA CHEN YAB YUM 'KHOR BCAS BZHUGS: BANG RIM RE MIG DANG PO GSUM: BDUD DANG GSHIN RJE SRIN PO DANG: GNOD SBYIN GZA' DANG KLU RNAMS KYI: SDE DPON YAB YUM 'KHOR BCAS DGOD: GNYIS PO LA NI DKAR PO DANG: NAG MO DMAR PO NAG PO'O: SDE DPON BCU GNYIS GNAS SU BYA: GSUM PA'I PHYOGS BZHIR SGO SRUNG BZHI: 'KHOR BCAS RANG GI GNAS SU DGOD: THA MA GSUM MAM BZHI PA LA: PHYI NANG GSANG BA SBAS PA LA: GSANG

, ,BA'I GTER DANG DRAG PO SNGAGS: LAS BYED BTAGS CHAGS LHA MA SRIN: SDE BRGYAD GZUGS BRNYAN GNAS SU DGOD: GTZO CHEN SUM CU'I MTHUN RDZAS NI: RANG GI GDAN NAM BZHON PA YI: SROG CHAGS GZUGS NI LNGA 'AM BCU: BRGYA'AM STONG NGAM GRUB TSAD BYA: SKYES PA BUD MED GLANG CHEN RTA: BAN GLANG RA LUG BYA RA KHYI: LONGS SPYOD BSKONG RDZAS SNGAR BZHIN NO: SDE BRGYAD PHAL PA KUN LA NI: SHES LDAN MI DANG BYOL SONG STE: 'DAB CHAGS GCAN GZAN RI DVAGS DANG: SA CHUR GNAS DANG DUD 'GRO'I TSOGS: MTHONG THOS DRAN PA RNAMS KYI GZUGS: JI LTAR NUS PA'I GRANGS KYIS BSKOR: 'DI DAG BSKANG BA'I YO BYAD NI: 'GRO BA'I GLUD DU 'BUL BA NI: RIN CHEN NGAR MI RGYAN LDAN DANG: NAM MKHA' SEMS KYI GZUGS BRNYAN DANG: SKU GSUNG THUGS LDAN RGYANG BU DANG: SHING GLUD YUL MKHAR MTSON PA DANG: SKYES PA BUD MED PHYAG CHA DANG: RGYAL MTSAN BA DAN RU MTSON RNAMS: DREGS PA SO SO'I SKU MDOG DANG: MTHUN PA GRANGS MNYAM GNAS SU DGOD: MCHOD GTOR BSHOS CHA MAR ME DANG: GLING TSAD CHUNG DU DE BZHIN NO: BZLOG GSAD DRAG PO ZOR GYI RDZAS: SBYIN PA'I SA LA ZOR PHOR DU: GRU GSUM MNYAM

BYAS DUG KHRAG DANG: THUN RDZAS SNA TSOGS STZAL BA DANG: GDUG PA'I SHING GI RTZANG PHUR DANG: BANDHA DUG THUN GTOR MAR BCAS: BZHI BRGYAD BCU DRUG SUM CU GNYIS: CI RIGS SBYAR TE MDZES PAR DGOD: STENG DU ZHING WAGS G-YANG GZHI 'AM: DAR NAG MTSON SKUD GDUGS KYIS DBUB: THA MAR RAS BZANG YOL BAS BRES: DE NAS RDO RJE 'DZIN PA YIS: GTZO CHEN BSKYED CING RDZOGS PA DANG: DREGS PA MCHOD BSTOD MNYES BYAS NAS: GZUGS BRNYAN MTHUN RDZAS BSNGO BA NI: RNAL 'BYOR TING 'DZIN NGA RGYAL GSAL: BDUD RTZI MCHOD SKYEMS RAKTA SBRENG: SHA CHEN SPOS KYI DRI BSUNG 'BUL: RNGA CHEN GLING BU ROL MO SGRA CHEN BSGRAGS: MDA' CHEN BA DAN NAG POS G-YAB: H'Um NGA NI DPAL CHEN HE RU KA: GDUL DKA' MA LUS 'DUL BAR BYED: 'JIG RTEN DREGS PA ZAS SU ZA: KHAMS GSUM SRID GSUM NGA YI DBANG: SNANG SRID 'KHRO 'DAS NGA YI BRAN: NGA YI BKA' BZHIN 'DIR 'DUS SHIG: NYON MONGS DBANG GIS DREGS PA YI: LHA BDUD GSHIN RJE SRIN PO DANG: GNOD SBYIN GZA' KLU RGYAL PO DANG: GING DANG MA MO LHA BTZAN DANG: RANG GI SDE DANG G-YOG TU BCAS: DAM TSIG DBANG GIS GNAS 'DIR BZHUGS: MTHUN PA'I RDZAS KYIS THUGS DAM BSKANG: RI RAB CHEN PO'I YANG STENG NAS: LHA CHEN DBANG

, ,PHYUG CHEN PO BZHENGS: BTZUN MO AU MA DE BA BZHENGS: NA BZA' DAR NAG BER CHEN GSOL: CHIBS SU SENG+GE GLANG CHEN CHIBS: KHYOD KYI CHO 'PHRUL STON PA NI: G-YAS NA PHO RGYUD PHO NYAR 'GYED: G-YON NA MO RGYUD LAS LA 'KHOL: 'KHOR DU 'JIG RTEN DREGS PAS BSKOR: DAM TSIG DBANG GIS GNAS 'DIR BZHUGS: MTHUN PA'I RDZAS KYIS THUGS DAM BSKANG: RTZAL GYI RGYAL PO SENG+GE DANG: STOBS KYI RGYAL PO GLANG CHEN DANG: SHES LDAN MI DANG CANG SHES RTA: THEG CHEN GLANG DANG 'DOD 'JO'I BA: RIN CHEN LUG DANG GTZANG LDAN DANG: THOS GSANG KHYI DANG MKHA' LDING BYA: KHYED KYIS BZHES PA'I DKOR DU 'BUL: RIN CHEN RGYAN LDAN DAR MI DANG: SEMS KYI GZUGS BRNYAN NAM MKHA' DANG: SKU GSUNG THUGS LDAN RGYANG BU DANG: SHING RIS YUL MKHAR MTSON PA DANG: PHO GLUD MDA' DANG MO GLUD 'PHANG: RGYAL MTSAN PA DAN RU MTSON RNAMS: NYID KYI SKU MDOG DANG MTHUN PA'I: RNAL 'BYOR RNAMS KYI GLUD DU 'BUL: DAM RDZAS SBYAR BA'I MCHOD GTOR DANG: MTHUN RDZAS LDAN PA'I BSHOS CHA DANG: SNANG GSAL 'OD LDAN MAR ME DANG: RGYAN LDAN MDZES PA'I GLING TSAD DANG: MDZES PA'I GZUGS DANG SNYAN PA'I SGRA: ZHIM PA'I DRI DANG BDA'

BA'I RO: KHYED KYI THUGS DAM BSKANG PHYIR 'BUL: LHA CHEN YAB YUM 'KHOR DANG BCAS: SNGON GYI DAM TSIG RJES DGONGS TE: MDOS GLUD MTHUN RDZAS BZHED PA'I DKOR: SNA TSOGS SBYAR BA 'DI BZHES LA: SANGS RGYAS BSTAN PA KHYED KYIS SRUNGS: DKON MCHOG DBU 'PHANG KHYOD KYIS BSTOD: RNAL 'BYOR SKU DGRA KHYED KYIS SGROL: SGRUB PA PO LA BAR GCOD PA'I: STONG PHRAG BRGYAD CU'I BGEGS RIGS RNAMS: BZHI BRGYA RTZA BZHI'I NAD RNAMS DANG: GLO BUR GNOD PA BRGYAD CU GCIG: YE 'BROG SUM BRGYA DRUG CU'I TSOGS: DUS MIN 'CHI BA RNAM BRGYAD DANG: GSHIS NGAN 'GUM PA BCO LNGA DANG: GZUGS CAN DGRA DANG GZUGS MED BGEGS: RMI LAM MTSAN LTAS NGAN PA RNAMS: ZHI DANG BSAL ZHING BZLOG PA DANG: GDUL DANG TSAR GCAD LAS MDZOD CIG: RI RAB CHEN PO'I SHAR PHYOGS NAS: SRID PA'I RGYAL PO SKOS RJE NI: BDUD RNAMS KUN GYI SDE DPON BZHENGS: NA BZA' MTHING NAG BER CHEN GSOL: RAL PA NAG PO MUN LTAR BTIBS: SPYAN MIG NYI ZLA 'KHYIL BA 'DRA: RNO DPAL MCHE BA ZLA TSES GTZIGS: SMA RA KHAM NAG SRID RTZER 'BAR: CHIBS SU BDUD RTA NAG PO BCIBS: KHYOD KYI CHO 'PHRUL STON PA NI: KHRAM THOG BDUD SDE G-YAS NAS

, ,ROL: SHO THOGS RTZIS PA G-YON NAS 'GYED: SNANG SRID PHO BDUD KHYOD KYI 'KHOR: DAM TSIG DBANG GIS GNAS 'DIR BZHUGS: MTHUN PA'I RDZAS KYIS THUGS DAM BSKANG: SHUGS LDAN RTA NAG LA SOGS PA: KHYOD KYI BZHED PA'I DKOR DU 'BUL: RIN CHEN NGAR MI LA SOGS PA: RNAL 'BYOR RNAMS KYI GLUD DU 'BUL: DAM RDZAS MCHOD GTOR LA SOGS PA: KHYED KYI THUGS DAM BSKANG PHYIR 'BUL: SRID PA'I BDUD RJE 'KHOR BCAS KYIS: SNGON GYI DAM TSIG RJES DGONGS LA: JI LTAR BCOL BA'I LAS MDZOD CIG: BDUD MO CHEN MO RE MA TI: MA BDUD KUN GYI SDE DPON BZHENGS: DPAL LDAN NAG MO 'JIGS GZUGS CAN: NAG MO SHA ZLOG BDUD KYI MA: SKU LA MTHING NAG BER CHEN GSOL: CHIBS SU BONG BU GVA DMAR CHIBS: KHYOD KYI CHO 'PHRUL STON PA NI: MA BDUD 'BUM PHRAG PHO NYAR 'GYED: NAG MO STONG SDE LAS LA 'DZUD: SNANG SRID BDUD MO KHYOD KYI 'KHOR: DAM TSIG DBANG GIS GNAS 'DIR BZHUGS: CANG SHES BONG BU LA SOGS PA: MTHUN PA'I RDZAS KYIS THUGS DAM BSKANG: SRID PA'I BDUD MO 'KHOR BCAS KYIS: JI LTAR BCOL BA'I 'PHRIN LAS MDZOD: RI RAB CHEN PO'I LHO PHYOGS NAS: GSHIN RJE YA

MA R'A DZA STE: GSHIN RJE'I TSOGS KYI SDE DPON BZHENGS: SKU MDOG NAG PO RAL PA CAN: GDUG PA'I THOD SBRUL G-YANG GZHIS BRGYAN: GCAN GZAN GDUG PA'I PAGS PAS DKRIS: SHA ZA'I MGO GCAD THOD DU BCINGS: ZHAL BGRAD MCHE BA RAB TU GTZIGS: MA HE NAG PO CHIBS SU CHIBS: KHYOD KYI CHO 'PHRUL STON PA NI: GSHIN RJE PHO MO PHO NYAR 'GYED: 'CHI BDAG GSHIN RJE BTZUN MO STE: GSOD BYED MON MO'I TSUL 'DZIN CING: GSHIN RJE MO YI SDE DPON BZHENGS: ZA BYED DUR KHROD CHAS KYIS BRGYAN:G-YANG GZHI NAG MO SKU LA GSOL: CHU GLANG NAG PO CHIBS SU BCIBS: KHYOD KYI CHO 'PHRUL STON PA NI: YI DVAGS PHO MO LAS LA 'DZUD: SNANG SRID GSHIN RJE KHYOD KYI 'KHOR: DAM TSIG DBANG GIS GNAS 'DIR BZHUGS: MA HE CHU GLANG LA SOGS PA: MTHUN PA'I RDZAS KYIS THUGS DAM BSKANG: GSHIN RJE PHO MO 'KHOR DANG BCAS: JI LTAR BCOL BA'I 'PHRIN LAS MDZOD: RI RAB CHEN PO'I NUB PHYOGS NAS: SRIN PO NAG PO GLOG PHRENG CAN: SRIN PO'I TSOGS KYI SDE DPON BZHENGS: SKU MDOG MTHING NAG 'BAR BA LA: GLOG DANG 'OD KYI PHRENG BAS BRGYAN: 'BRUG CHEN 'UR PA CHIBS SU BCIBS: KHYOD KYI CHO 'PHRUL STON PA NI: SRIN PO 'BUM PHRAG PHO NYAR 'GYED: SRIN MO GSOD BYED LAS LA

, ,'DZUD: GCAN GZAN GDUG PA PHYI NAS ROL: 'KHOR DU SNANG SRID SRIN POS BSKOR: SRIN MO SBAL MGO KHRAG MIG MA: SRIN MO RNAMS KYI SDE DPON BZHENGS: SKU MDOG DMAR NAG 'JIGS SU RUNG: LUS LA KHRAG GIS LVA NAG GSOL: RUS SBAL DKAR PO'I THOR TSUGS CAN: CHIBS SU RNGA MO GDONG DRUG CHIBS: KHYOD KYI CHO 'PHRUL BSTAN PA NI: SRIN MO KHA 'BAR PHO NYAR 'GYED: GDONG SRIN NAG MO LAS LA 'DZUD: SNANG SRID SRIN MO 'KHOR DANG BCAS: SROG GCOD SRIN PO YAB YUM 'KHOR: DAM TSIG DBANG GIS GNAS 'DIR BZHUGS: 'BRUG SNGON RNGA MO LA SOGS PA: MTHUN PA'I RDZAS KYIS THUGS DAM BSKANG: SRIN PO PHO MO'I 'KHOR GYIS BSKOR: JI LTAR BCOL BA'I 'PHRIN LAS MDZOD: RI RAB CHEN PO'I BYANG PHYOGS NAS: GNOD SBYIN YAKshA ME DBAL CAN: GNOD SBYIN KUN GYI SDE DPON BZHENGS: SKU MDOG MTHING SDON 'BAR BA LA: ME DPUNG TSUB MA NA BZAR GSOL: STAG SENG RNGAM PA CHIBS SU BCIBS: KHYOD KYI CHO 'PHRUL STON PA NI: G-YAS NA ME DBAL 'BAR BA LA: G-YON NA DU 'THUL PHYU RU RU: GNOD SBYIN STONG SDE PHO NYAR 'GYED: ZHUB CHAS 'BUM SDE LAS LA 'DZUD: 'JIG RTEN GNOD SBYIN 'KHOR GYIS BSKOR: GNOD

SBYIN CHEN MO BLO MON MA: GNOD SBYIN BU MO GDUG PA CAN: NAG MO RDO RJE LCAGS MCHU MA: SNYAN CHA RIN CHEN NE'U LES BRGYAN: SKU LA BA TI NAG PO GSOL: CHIBS SU LCAGS KYI PHAG MO BCIBS: KHYOD KYI CHO 'PHRUL STON PA NI: NOR 'DZIN MO NI PHO NYAR 'GYED: GLO MON NAG MO LAS LA 'DZUD: GNOD SBYIN MO NI 'BUM SDES BSKOR: SHAN PA GNOD SBYIN YAB YUM 'KHOR: DAM TSIG DBANG GIS GNAS 'DIR BZHUGS: STAG SENG PHAG MO LA SOGS PA'I: MTHUN PA'I RDZAS KYIS THUGS DAM BSKANG: GNOD SBYIN PHO MO 'KHOR DANG BCAS: JI LTAR BCOL BA'I 'PHRIN LAS MDZOD: RI RAB CHEN PO'I STENG PHYOGS SU: GZA' BDUD CHEN PO MI BZAD PA: ROG TI KHYAB 'JUG R'A HU LA: GZA' BDUD SDE DPON CHEN PO BZHENGS: MGO DGU SMAD SBRUL MGO MANG LUS: CHIBS SU 'BRUG CHEN GLOG 'GYU BCIBS: KHYOD KYI CHO 'PHRUL STON PA NI: 'BRUG SGRA STONG GSUM LDI RI RI: NAM MKHA' GLOG 'OD KHYUGS SE KHYUGS: GZA' BRAN RGYU SKAR PHO NYAR 'GYED: THOG SER KI KANG DRAG TU 'BEBS: GZA' BDUD STONG GI 'KHOR GYIS BSKOR: GNAM SMAN THOG GI BU YUG MA: GDONG MO RNAMS KYI SDE DPON BZHENGS: SKU MDOG DMAR SKYA MDZES PA LA: NA BZA' GU ZU MDZES PA GSOL: 'BRUG SGRA GLOG GI 'OD LA ZHON:

, ,KHYOD KYI CHO 'PHRUL STON PA NI: GZA' CHEN NYI ZLA KLAD LA BSKOR: RGYU SKAR TSOGS NI ZHAL LA 'CHAR: LHA SMAN 'BUM NI PHO NYAR 'GYED: GDONG ZOR MA MO LAS LA 'DZUD: ZOR GDONG SRIN MO'I 'KHOR GYIS BSKOR: GZA' GDONG GNAM SMAN YAB YUM 'KHOR: DAM TSIG DBANG GIS GNAS 'DIR BZHUGS: 'BRUG CHEN 'UR PA LA SOGS PA'I: MTHUN PA'I RDZAS KYIS THUGS DAM BSKANG: GZA' BDUD GDONG MO SMAN DANG BCAS: JI LTAR BCOL BA'I 'PHRIN LAS MDZOD: RI RAB CHEN PO'I 'OG PHYOGS NAS: KLU BDUD NAG MO MGO DGU PA: KLU RNAMS KUN GYI SDE DPON YIN: SKU STOD DUD KHA NAG MO LA: TSA BA'I 'BU SRING NYI LI LI: SKU SMAD DUG SBRUL NAG PO LA: GRANG BA'I SBAL LCONG PHA LA LA: CHIBS SU CHU SRIN MGO DGU BCIBS: KHYOD KYI CHO 'PHRUL STON PA NI: KLU RGYAL STONG NI PHO NYAR 'GYED: KLU BRAN 'BUM NI LAS LA 'DZUD: KLU BDUD GDUG PA'I 'KHOR GYIS BSKOR: KLU MO YAKshA NAG MO NI: KLU BDUD NAG MO'I SDE DPON BZHENGS: SKU MDOG DUD KHA 'JIGS BAG CAN: SBRUL NAG GSHIBS PA'I RAL PA LAS: MDZE DANG SHU BA'I TSA TSA 'PHRO: SBRUL GYI THUL BA NA BZAR GSOL: SBAL SBRUL NYE'U THA RA RA: RUS SBAL NAG PO

CHIBS SU BCIBS: KHYOD KYI CHO 'PHRUL STON PA NI: KLU RIGS LNGA YI SPRUL PA 'GYED: SA BDAG GDUG PA'I PHO NYA GTONG: SNANG SRID KLU MO'I 'KHOR DANG BCAS: GDUG PA KLU BDUD YAB YUM 'KHOR: DAM TSIG DBANG GIS GNAS 'DIR BZHUGS: CHU SRIN RUS SBAL LA SOGS PA'I: MTHUN PA'I RDZAS KYIS THUGS DAM BSKANG: KLU BDUD PHO MO YAB YUM 'KHOR: JI LTAR BCOL BA'I 'PHRIN LAS MDZOD: RI RAB CHEN PO MDZES PA YI: BANG RIM GNYIS PA'I SHAR PHYOGS LA: GNOD SBYIN RGYAL PO GANG BA BZANG: SRID PA LHA YI SDE DPON BZHENGS: MDOG DKAR RAL KA 'BAR BA GSOL: GNAM RU DKAR PO CHIBS SU BCIBS: KHYOD KYI CHO 'PHRUL STON PA NI: GNOD SBYIN STONG NI PHO NYAR 'GYED: LHA DMAG 'BUM SDE LAS LA 'DZUD: BA DAN CAN NI G-YAS NAS ROL: GO MTSON CAN NI G-YON NAS ROL: GNOD SBYIN LHA YI 'KHOR DANG BCAS: SKYES BU GNAM RGYAL CHEN PO NI: RGYAL PHRAN KUN GYI SDE DPON BZHENGS: NA BZA' DAR ZAB BER CHEN GSOL: RTA DKAR RGNOG DMAR CHIBS SU BCIBS: KHYOD KYI CHO 'PHRUL STON PA NI: RGYAL BRAN STONG STE PHO NYAR 'GYED: GRONG RGYU PHRA MO LAS LA 'DZUD: THE

, ,RGYAL PHRA MO'I 'KHOR DANG BCAS: SPYI BDUD RGYAL PO GU RUM RTZE: MI MA LHA YI SDE DPON BZHENGS: SKU STOD RGYA CHE'I SLOG PA GSOL: 'BUM BYE SMAD KYI SHAM THABS CAN: DBU LA SHEL RMOG DKAR PO GSOL: CHIBS SU RDO RTA GRO BO BCIBS: KHYOD KYI CHO 'PHRUL STON PA NI: SRID PA'I KHYUNG CHEN KLAD NA LDING: STAG SENG TSANG MA PHYI NAS ROL: SDE DPON MCHED LNGA PHO NYAR 'GYED: MA SANGS SPUN DGU LAS LA 'DZUD: LHA MA SRIN GYI 'KHOR DANG BCAS: SKYES BU DKAR PO SDE GSUM YANG: DAM TSIG DBANG GIS GNAS 'DIR BZHUGS: GNAM RU RTA DKAR GRO BO CHIBS: MTHUN PA'I RDZAS KYIS THUGS DAM BSKANG: DKAR PO SDE GSUM 'KHOR DANG BCAS: JI LTAR BCOL BA'I 'PHRIN LAS MDZOD: BANG RIM GNYIS PA'I LHO PHYOGS NAS: MA CHEN SRID PA'I RGYAL MO NI: SNANG SRID MA MO'I SDE DPON BZHENGS: NA BZA' DAR NAG GU ZU GSOL: CHIBS SU 'BRUG MO YID MGYOGS CHIBS: KHYOD KYI CHO 'PHRUL STON PA NI: TSOGS KYI RJE MO PHO NYAR 'GYED: SMAN MO LNGA BCU RTZA BRGYAD 'KHOR: SNANG SRID MA MO'I TSOGS KYIS BSKOR: AE KA DZA tI RAL GCIG MA: BKA' YI SRUNG MA'I

SDE DPON NI: SKU LA NA BZA' MTHING NAG GSOL: CHIBS SU DRE RTA NAG MO CHIBS: KHYOD KYI CHO 'PHRUL STON PA NI: SRIN MO NAG MO PHO NYAR 'GYED: BAL MO NAG MO LAS LA 'KHOL: MON MO NAG MO SNA TSOGS SPRUL: SMUG NAG 'BUM GYI 'KHOR DANG BCAS: DPAL LDAN NAG MO MGYOGS BYED MA: MKHA' 'GRO TSOGS KYI SDE DPON BZHENGS: NA BZA' MTHING NAG GU ZU GSOL: CHIBS SU SO BYA ROG PO ZHON: KHYOD KYI CHO 'PHRUL STON PA NI: RIGS KYI MKHA' 'GRO PHO NYAR 'GYED: SNA TSOGS MKHA' 'GRO LAS LA 'DZUD: SNANG SRID MKHA' 'GRO'I 'KHOR GYIS BSKOR: DPAL LDAN NAG MO SDE GSUM YANG: DAM TSIG DBANG GIS GNAS 'DIR BZHUGS: 'BRUG DANG DRE RTA SO BYA SOGS: MTHUN PA'I RDZAS KYIS THUGS DAM BSKANG: NAG MO SDE GSUM 'KHOR DANG BCAS: JI LTAR BCOL BA'I 'PHRIN LAS MDZOD: BANG RIM GNYIS PA'I NUB PHYOGS NAS: SKYES BU RDO RJE BDUD 'DUL NI: GNOD SBYIN RU TRA'I SDE DPON BZHENGS: NA BZA' MTHING NAG BER CHEN GSOL: RAL PA NAG PO MUN LTAR GTIBS: CHIBS SU RTA DRE'U NAG PO CHIBS: ZHING LPAGS GYON PA PHO NYAR 'GYED: RAL 'CHAS BGOS PA LAS LA 'DZUD: SNANG SRID RU

, ,TRA'I 'KHOR GYIS BSKOR: BTZAN RGYAL SROG ZAN DMAR PO NI: SRID PA'I BTZAN GYI SDE DPON BZHENGS: SKU LA DAR DKAR RAS DMAR GSOL: CHIBS SU RTA DMAR GLOG 'GYU CHIBS: KHYOD KYI CHO 'PHRUL STON PA NI: DBU LA BSE RMOG DMAR PO GSOL: BTZAN PO KHA BZHI PHO NYAR 'GYED: MGYOGS PA SDE BRGYAD LAS LA 'DZUD: SNANG SRID DREGS PA'I BTZAN GYIS BSKOR: SKYES BU YAM SHUD DMAR PO NI: BTZAN 'GONG RNAMS KYI SDE DPON BZHENGS: SKU LA ZAB DMAR BER CHEN GSOL: CHIBS SU RTA DMAR YID MGYOGS CHIBS: KHYOD KYI CHO 'PHRUL STON PA NI: G-YAS SU BRO BRDUNG CHI LI LI: G-YON NA SPYUGS GLU KYU RU RU: RTA ZHON STONG NI PHYI NA 'BRENG: SRID PA'I BTZAN 'GOD 'KHOR DANG BCAS: SKYES MCHOG DMAR PO SDE GSUM NI: DAM TSIG DBANG GIS GNAS 'DIR BZHUGS: DRE NAG RTA DMAR LA SOGS PA'I: MTHUN PA'I RDZAS KYIS THUGS DAM BSKANG: DMAR PO SDE GSUM 'KHOR DANG BCAS: JI LTAR BCOL BA'I 'PHRIN LAS MDZOD: BANG RIM BZHI PA'I BYANG PHYOGS NAS: BI N'A YA KA BGEGS KYI RGYAL: LOG 'DREN KUN GYI SDE DPON BZHENGS: NA BZA' MTHING NAG BENG CHEN GSOL: CHIBS

SU RTA NAG MGYOGS PA CHIBS: KHYOD KYI CHO 'PHRUL STON PA NI: RGYAL CHEN BZHI NI PHO NYAR 'GYED: PHYOGS SKYONG TSOGS NI LAS LA 'DZUD: SNANG SRID BGEGS KYI TSOGS KYIS BSKOR: DBANG PHYUG GU LANG NAG PO NI: MU STEGS TSOGS KYI SDE DPON BZHENGS: NA BZA' MTHING NAG BER CHEN GSOL: CHIBS SU STAG SENG MA HE CHIBS: KHYOD KYI CHO 'PHRUL STON PA NI: SA GZHI KUN NI DMAG GIS 'GENGS: BAR SNANG MTSON DANG DAR GYIS BKANG: NAM MKHA' GLOG DANG 'OD KYIS 'GENGS: GCAN GZAN 'DAB CHAGS RGYUG CING LDING: MU STEGS NAG PO'I 'KHOR GYIS BSKOR: DMU BDUD NAG MO BKRAG MED NI: DMU BDUD TSOGS KYI SDE DPON BZHENGS: NA BZA' MTHING NAG BER CHEN GSOL: CHIBS SU DMU RTA NAG PO CHIBS: KHYOD KYI CHO 'PHRUL STON PA NI: DMU BDUD 'BUM PHRAG PHO NYAR 'GYED: DMU BRAN STONG SDE LAS LA 'DZUD: SNANG SRID DMU YI 'KHOR GYIS BSKOR: SKYES MCHOG NAG PO SDE GSUM YANG: DAM TSIG DBANG GIS GNAS 'DIR BZHUGS: STAG SENG MA HE RTA LA SOGS: MTHUN PA'I RDZAS KYIS THUGS DAM BSKANG: PHYI ROL NAG PO'I TSOGS DANG BCAS: JI LTAR BCOL BA'I 'PHRIN LAS MDZOD: RI RAB CHEN PO MDZES PA YI: BANG RIM

, ,GSUM PA'I SHAR PHYOGS LA: TSANGS PA DKAR PO SROG GI BDAG: LHA CHEN GING GI SDE DPON BZHENGS: SRID PA GSUM GYI MYUR MGYOGS PAR: SKU LA BYA RGOD THUL BA GSOL: CHIBS SU SENG+GE DKAR PO CHIBS: KHYOD KYI CHO 'PHRUL STON PA NI: GING CHEN BCO BRGYAD PHO NYAR 'GYED: GING BDUD PHO MO LAS LA 'GYED: MI RTA RA LUG BYA DANG KHYI: STAG DANG BYA RGOD LA SOGS PA'I: MTHUN PA'I RDZAS KYIS THUGS DAM BSKANG: BANG RIM GSUM PA'I LHO PHYOGS LA: GNOD SBYIN RGYAL PO NOR GYI BDAG:SKU LA DOM GYI SLOG PA GSOL:CHIBS SU BA GLANG SNA RING CHIBS: KHYOD KYI CHO 'PHRUL STON PA NI: SKYES PA BRGYA DANG BUD MED BRGYA: NYAN THOS STONG DANG SNGAGS PA STONG: 'BAG SENG KON BU BSAM MI KHYAB: STAG SENG BA LANG SPRA DANG SPRE: MTHUN PA'I RDZAS KYIS THUGS DAM BSKANG: BANG RIM GSUM PA'I NUB PHYOGS LA: RDO RJE MDZES PA ZHES BYA BA: 'JIG RTEN LHA YI SDE DPON YIN: MTHAR SHEL GYI NA BZA' GSOL: KUN KYANG SHEL GYI NA BZA' GSOL: RA DKAR GNAM RU CHIBS SU CHIBS: KHYOD KYI CHO 'PHRUL STON PA NI:'DZIN GING BZHI BCU PHO NYAR 'GYED: RANG GI 'KHOR SDE LAS LA 'DZUD: TZA RA BYA KHYI LA SOGS PA'I:MTHUN PA'I RDZAS KYIS THUGS DAM BSKANG: BANG RIM GSUM PA'I BYANG

PHYOGS LA: LHA CHEN NAG PO CHEN PO STE: BSTAN PA SRUNG BA'I SDE DPON BZHENGS: NA BZA' LJANG NAG BER NAG GSOL: CHIBS SU BDUD RTA BRA NAG CHIBS: KHYOD KYI CHO 'PHRUL STON PA NI: LHA DMAG PHYOGS KYI DBUGS 'BYIN CING: LHA MIN G-YUL NGO RAB TU BZLOG: PHYOGS SKYONG DPAL MGON LAS LA 'DZUD: MI RTA RA LUG BYA DANG KHYI: NAG PO'I TSOGS KYIS THUGS DAM BSKANG: DREGS PA'I BKA' NYAN SGO SRUNG BZHI: RANG GI BKA' NYAN 'KHOR DANG BCAS: DAM TSIG DBANG GIS GNAS 'DIR BZHUGS: MTHUN PA'I RDZAS KYIS THUGS DAM BSKANG: DBANG CHEN SDE BZHI 'KHOR DANG BCAS: JI LTAR BCOL PA'I 'PHRIN LAS MDZOD: BANG RIM THA MA'I PHYOGS BZHI NA: PHYI YI LHA SRIN SDE BRGYAD DANG: NANG GI LHA SRIN SDE BRGYAD DANG: SBAS PA'I LHA SRIN SDE BRGYAD DANG: GSANG BA'I LHA SRIN SDE BRGYAD DANG: YANG GSANG GTER GYI LHA SRIN DANG: DRAG PO SNGAGS KYI LHA SRIN DANG: LAS BYED MYUR MGYOGS LHA SRIN DANG: BRTAGS SHING CHAGS PA'I LHA SRIN DANG: SDE BRGYAD 'KHOR DANG BCAS PA LA: KHYED KYI THUGS DAM BSKANG BA NI: SHES LDAN MI DANG CANG SHES RTA: THEG CHEN GLANG DANG 'DOD 'JO'I BA: RIN

, ,CHEN LUG DANG GTZANG LDAN RA: THOS GSANG KHYI DANG MKHA' LDING BYA: KHYED KYI BZHED PA'I DKOR DU 'BUL: RIN CHEN RGYAN LDAN NGAR MI DANG:SEMS KYI GZUGS LDAN NGAR MI DANG: SKU GSUNG THUGS LDAN RGYANG BU DANG: SHING GLUD YUL MKHAR MTSON PA DANG: PHO GLUD MDA' DANG MO GLUD 'PHANG: RGYAL MTSAN BA DAN ROL MO RNAMS: NYID KYI SKU MDOG DANG MTHUN PA: RNAL 'BYOR RNAMS KYI GLUD DU 'BUL: DAM RDZAS SBYAR BA'I MCHOD GTOR DANG: MTHUN RDZAS LDAN PA'I BSHOS CHA DANG: SNANG GSAL 'OD LDAN MAR ME DANG: RGYAN LDAN MDZES PA'I GLING TSAD DANG: MDZES PA'I GZUGS DANG SNYAN PA'I SGRA: ZHIM PA'I DRI DANG BDA' BA'I RO: KHYED KYI THUGS DAM BSKANG PHYIR 'BUL: 'JIG RTEN DREGS PA 'KHOR DANG BCAS: SNGON GYI DAM TSIG RJES DGONGS TE: MDOS GLUD MTHUN RDZAS BZHED PA'I DKOR: SNA TSOGS SBYAR BA 'DI BZHES LA: SANGS RGYAS BSTAN PA KHYED KYIS SRUNGS: DKON MCHOG DBU 'PHANG KHYED KYIS BSTOD: RNAL 'BYOR SKU DGRA KHYED KYIS SGROL: SGRUB PA PO LA BAR GCOD PA'I: STONG PHRAG BRGYAD CU'I BGEGS RIGS DANG: BZHI BRGYA RTZA BZHI'I NAD RNAMS DANG: GLO BUR GNOD PA

BRGYAD CU GCIG: YE 'BROG SUM BRGYA DRUG CU'I TSOGS: DUS MIN 'CHI BA RNAM BRGYAD DANG: GSHIS NGAN 'GUM PA BRGYAD CU GCIG: GZUGS CAN DGRA DANG GZUGS MED BGEGS: RMI LAM MTSAN LTAS NGAN PA RNAMS: ZHI DANG BSAL ZHING BZLOG PA DANG: GDUL DANG TSAR GCAD LAS MDZOD CIG: CES BRJOD RANG GI MTHUN RDZAS BSTAB: BSKANG BZLOG GSAD DANG GSO LA SOGS: JI LTAR 'DOD PA'I 'PHRIN LAS BCOL: GANG LA DMIGS PA DE BZHIN 'GRUB: CES BKA' STZAL TO: 'JIG RTEN GYI DREGS PA CAN GYI SDE DPON 'KHOR DANG BCAS PA RNAMS MCHOD BSTOD RGYA CHEN PO'I SGO NAS NYE BAR SGRUB PA'I LE'U STE LNGA PA'O,, ,,DE NAS RAB TU BSHAD BYA BA: DREGS PA'I 'KHOR TSOGS 'DI RNAMS KUN: NGO BO RANG RIG BYANG CHUB SEMS: MA SKYES DBYINGS LAS G-YOS PA MED: 'JIG RTEN GNAS DANG MTHUN 'DUG CING: MCHOD DANG BSTOD PAS MNYES 'GYUR BAS: 'JIG RTEN MCHOD BSTOD CES SU BRJOD: PHYI NANG GSANG BA'I BYE BRAG STE: SNANG DANG SRID PA'I DKYIL 'KHOR KUN: GSANG BA'I BDAG PO DE NYID DANG: GNAS SKABS MCHOD BSTOD PHYI YIN NO: DAG PA'I TING NGE 'DZIN LAS BYUNG: RANG GI SNANG BA 'DUS PA'I TSOGS: DBANG PO'I YUL GYI LONGS SPYOD DANG: GTZANG SPRA'I RTOG PA SBYANG

, ,PA'I RDZAS: 'DOD CHAGS BZHI DANG 'BRU BCUD RTZI: GNYIS MED PHA ROL SNANG BYED PA: RANG GI NGANG DU MNYES BYED CING: SO SO'I MTSAN DANG DPE BYAD DAG: NGES PAR BSTAN PA NANG GI'O: SEMS DANG SEMS LA BSTAR BA'I TSOGS: THAMS CAD YE NAS DKYIL 'KHOR CHE: MA BCOS RANG BZHIN LHUN GYIS GRUB: LUNG NAS MA LUS 'DUS PA LAS: CHOS GZHAN MED DE YUL NYID DANG: YUL DU 'DZIN PA SNANG BA'I BDAG ,GNYIS MED RTOGS SHING KHONG DU CHUD: MCHOD BSTOD RAB TU GSANG BA YI: LUS LAS SPRUL ZHING BSGRUBS PAS SKU: 'BRU BCU SGRA YI 'KHOR LO GSUNG: RANG GROL SNYING PO MA BCOS THUGS: LHA KLU GNOD SBYIN BTZAN DANG BDUD: SRIN PO GZA' DANG MO RIGS RNAMS: DREGS SHING GDUG PA KHRO ZHING GTUM: MYUR MGYOGS RMUGS SHING THIBS PA DANG: DREGS DANG DBYINGS PA SO SO'I SDE: RI RAB BSHOS GTZANG RGYAN DANG BCAS: 'BRU LUG SNYING RTZE TZA RU'I DBYIBS: DKAR DMAR BCUD LDAN DMIGS KYIS MCHOD: PHA DANG RGYAL PO GROGS DANG LHA: MA DANG RJE KHOL BRAN LTA BU: BRTEN PA RANG GI TSUL YIN NO: CHE BTZAN DBANG GIS DNGOS GRUB DANG: LONGS SPYOD 'PHEL ZHING MNGAG PAR BLANG: RGYUD 'JAM SKYABS CHE BKA' NYAN ZHING: DRAG RTZAL LDAN ZHING SLAR MI LDOG: SHIN TU NYE BA YON TAN TE: RANG LA RTZUB CING 'TSE BA DANG: LONGS SPYOD MI 'BYOR MI 'PHROD DANG: GLO BUR NAD KYIS GZIR

BYED CING: SLAR LDOG BKRA SHIS NYAMS PA DANG: BSGO BA MI NYAN DON MED CING: RANG RGYUD RTZUB CING KHENGS PA DANG: RIGS RGYUD MA SMIN KUN GYIS BRNYAS: BSAM DON MI 'GRUB MNGA' THANG NYAMS: RGYUD DON SBAS PA MA SHES SKYON: KHRIMS KYI BDAG PO LTA BU'I LHA: GNAD KYIS BCING ZHING BSGRUB PAR BYA: DBANG CHEN PHA DANG MTSUNGS PA'I BDUD: MTSUNGS MED GROGS DANG 'DRA BA'I BTZAN: GNOD SBYIN KHRIMS KYI GTZO LTA BU: SRIN PO SROG DANG RGOL BA'I GSHED: GZA' RGOD LAG YAN GZHON LTA BU: SDONG BU DUG SBRUL LTA BU KLU: MO RGYUD DBANG CHEN RJE DBON MA: MTSUNGS LDAN DE YI GNYEN POS BSGRUB: KHUGS SU MA BCUG BSGO MI NYAN: SE LONG GNAD MED BDUD DU 'GYUR: BCUD PHUR MA THEBS SLAR LA LDOG: RANG GI RAB ROL MA GZHAR G-YEL: LTO BA MA DKRUGS LAS MI MYUR: LOG NON MA LDAN BDAG NYID STOB: DBANG DU MA 'DUS BSGO MI NYAN: GNAD KYIS MNAN NGAG BRGYAD KYIS NI: MCHOD BSTOD BSGRUBS TE 'PHRIN LAS BCOL: ZHES BKA' STZAL TO: 'JIG RTEN GYI SDE DPON CHEN PO RNAMS KYI ZAB PA'I MCHOD BSTOD GNAD KYI LE'U STE DRUG PA'O,, ,,DE NAS GZHAN YANG RAB BSHAD BYA: 'JIG RTEN DREGS PA'I SDE DPON RNAMS: DRAG PO'I LAS LA SBYAR BA NI: DUR KHROD GDUG PA'I GNAS DAG TU: RTZA BA'I BSNYEN PA SNGON SONG NAS: SO SO'I MTHUN PA'I RDZAS BSAR TE: DRAG PO'I LAS KYI KHANG PA NI: AE DBYIBS SUM CU

, ,LDAN PAR BSHAM: PHYI NANG GSANG BA SKU GSUNG THUGS: GNAS BYIN BRLAB DANG BSKANG DANG MCHOD: SPYI DANG SO SOR BSNGAGS PA DAG: RAB TU BDE BAR 'DOD PAS DMIGS: GZUGS SGRA BSAM PA'I NUS PA YIS: LUS DANG LUS KYI 'KHRUL 'KHOR DANG: SROG DANG SROG GI GNYEN PO YIS: SEMS DANG SEMS KYI NGO BO LAS: PHYI NANG KUN TU BSNGAGS PA STE: 'PHRO 'DU 'OD KYIS DRANG ZHING DGUG: RANG GZHAN DMIGS PA DE LA BSTIM: SHA LUS KHRAG SOGS MA LUS BZAS: DREGS PA'I SDE DPON SKU GSUNG THUGS: MA LUS MNYES PA 'DI YIS BYA: GANG LA DMIGS PA TSAD KYIS SGROL: TING NGE 'DZIN GYI BRTUL ZHUGS KYIS: BUL DANG MYUR BA'I BLO YI STOBS: 'DI LA THE TSOM MI BYA STE: RDO RJE 'CHANG CHEN GSANG BA'I BKA': GAL TE 'BAR BAS MNGON SPYOD CING: MYUR DU 'PHO BAR BYA BA NI: RNO SBAL TSA RTZUB DRI NGA BA'I: YAM SHING GDUG PAS DBYIBS LDAN BRTZIG: GDOL PA RIGS NGAN SHAN PA DANG: G-YUNG MO GROGS BRAL KHYIM GYI MES: SBAR ZHING DUG KHRAG MNGAR BA LA: GZUGS BRNYAN RDZOGS PAR LONGS SPYOD PA'I: SLAR YANG DMIGS TE LHAG MA DBUL: GTZO DANG 'KHOR GYIS RAB PHYE BA'I: DRAG PO'I TSIG GIS RAB TU BGRANG: DREGS PA'I BDAG PO SO SO YI: CHE BRJOD GNAD DANG BCAS PA YIS: STOB CING SBYIN PA RIM BZHIN BYA:

DRANG SRONG 'PHRIN LAS RDZOGS PAR BSKUL: THAL CHEN DANG NI DRAG PO'I RDZAS: RME KHRAG GSUM DANG GSOD BYED GSUM: MTSON BRAL RIN CHEN GSUM GYI DBYIG: RANG BYUNG BKRA SHIS BZLOG PA'I RDZAS: NANG DU 'DU 'PHROR SBYAR BA NI: SGRA TSIG TING NGE 'DZIN LDAN PAS: STOBS CHEN 'KHOR LOS DBAB CING 'PHANG: DREGS PA 'KHOR BCAS LAS SU DMIGS: GZHAN YANG MCHOD RDZAS GZUGS BRNYAN BYAS: RAB TU BSTAN PA'I DMIGS PAS BSTIM: 'GYU GNAS SA DANG CHU PHUG DANG: SA GSHER 'THAB DANG PHUNG SHUL DANG: RGYA MTSO'I DBUS DANG LAM PO CHE: MTSON GYIS BRDEGS DANG RLUNG GIS BSKYAL: BAG MED LTUNG ZHING ME CHUS 'JOMS: LUGS NAS BYUNG BA'I RTEN 'BREL TE: BRNAG PA'I YID KYIS 'DZIN PHUR GDAB: GDUG BYED 'KHOR DANG ZAS SU GTAD: JI SRID 'KHOR BA MA STONGS PAR: THAR BAR MI 'GYUR LAS KYI GING: BYAMS DANG SNYING RJE'I SEMS MA RTOGS: 'DI LTAR MNGON PAR SPYAD PA YIS: BSTAN LA RAB SDANG PHYIR GYUR PA'I: RJES 'BRANG LOG PAR LTA BA RNAMS: TSAR GCOD SGROL ZHING 'DUL BA YI: ZHES BKA' STZAL TO: 'JIG RTEN GYI SDE DPON CHEN PO'I 'PHRIN LAS DRAG PO'I LAS LA SBYAR BA'I LE'U STE: BDUN PA'O,, ,,DE NAS GZHAN YANG GSHAD PA NI: 'JIG RTEN DREGS BA RANG GI GNAS: GSANG BA'I SNYING PO DRAG SHUL GZUNGS: KUN BSDUS DRIL

, ,DANG PHYE MAS MNAN: BADZRA SARBA DUshtAmNA: AE KA PA RA AASTA NA YA: MA H'A SHVA RA DE BA DE BI: DU PHRAG DUNTING MA YA: PRE TA BI KRi STA NA RAKshA RAKshO YAKshA KAshI TA: BIshtI PA TRA AA SE LA DZA NA GA GU LING SHA DZA: TZA DU TRI TZA RA TZA LA MA DU TRI: MA MA RU LU MANTRA R'A DZA DU MA TI: MA K'A LA RU TRA T'IKshnA TIRTHI KA THA: AA BHI SHU TRI PA SHA LI HAm SHAm TRI DZA: R'A DZA KING+KA RA: SA DU TRI N'A THA K'A LA A'A GATZTSA HRING HRING DZA 'BOD PA'I SNGAGS SO: BADZRA SARBA DUsht'ANA AE KA PA RA SARBA PANYTZA AA MRi TA AA GATZTSA, BA LI DTA GRiHnA AI MAm TA GRi HnANTU MA H'A GA NA P'U DZA KHA KHA KH'A HI KH'A HI: 'DI DAG SBYAR BAS MCHOD PAR 'GYUR: SARBA A'A YU MI TRA SIDDHI PU TRA BRTA NI: SIDDHI PU TRA BA HU BHA DRA B'A SU DHA RA RATNA RATNA PUshtIm SIDDHI: MA H'A DZNY'A NA SARBA DHA RMA GARBHA K'A YA WA KTZITTA SIDDHI SIDDHI, PHA LA SIDDHI MAH'A SIDDHI AA BE SHA YA AA: HA HA HI HO: RAB TU SBYAR BAS DNGOS GRUB BLANG: SARBA SHA TRUm YAKshA RBAD RBAD BHYO BHYO, 'DI YIS RAB TU RBAD PAR BYA: RNRI HUR THUMS DZA: DZA: SHA TRUm TZITTA M'A RA YA RBAD: R'U PA YA KANDA RBUD RBUD PHAt PHAt M'A RA YA THUMS THUMS: HA NA HA NA: DA HA DA HA: PA TZA PA TZA: TIshthA TIshthA, THUN RBAD THUN RBAD: 'DI YIS DMIGS PA RAB TU GSAD: MA M'A RA YA PHRI PRE TA KA HRING HRING: TRI SHA PH'A LI R'U PA YA, BINDHA BINDHA:

HU LU HU LU: RBAD N'AN LAm N'AN: AOm NAN H'Um NAN: STAMBHA YA STAMBHA YA NAN: ZHES PA YIS NI MNAN BAR BYA: SARBA M'A RA HA KA RAm RAm: DZVA LA RAm DZVA LA RAm: SPHO tA YA SPHO tA YA: HO HA YA HO HA YA: RAm TZA YA RAm KU YA: ZHES PAS MA LUS BSREG PAR BYA: M'A RA SHA TRUm THUN BHYO THUM RI LI BHYO NA TE THUN: A'A BE SHA YA BHYO: DMIGS PA 'DI YIS 'PHANG BAR BYA'O: BADZRA AUTZTSA tA YA PHAt AA GRI SARBA BHYO BZLOG: SA MA YA RBAD SA MYAGS BZLOG: PHA ROL NUS PA 'DI YIS BZLOG: MA H'A BHA RI SHA YA: AA BE SHA YE PRA TZA YA:BE TZA YA: BE TZA YA: ZHI BAS LUGS DBYUNG CHU DBAB PA'O: N'A GA GRA HE BI TZA YA PHROm PHROm HRIL HRIL: SHAR SHAR: RAm NA TZAG NE PHROm HRIL SHAR SHAR PHOB PHOB: DRAG POS BZLOG CING BSTAB PA'O, ,MA H'A SH'ANTIm PUshtIm WA SHAm KU RU M'A RA YA DZA YA KARMA MA LI AA MU KI SIDDHI SU SIDDHI KAR SVA STI SV'AH'A, 'PHRIN LAS THAMS CAD RAB SGRUB PA'I: MTHUN PA'I RDZAS DANG TING 'DZIN GYIS: LAS KYI KHYAD PAR SO SOR DBYE: GNAS SGYUR DANG NI GRUB PA'I MTHA': SNYING RJE BYAMS PAS RANG BSKUL ZHING: KUN TU KHYAB PA'I MCHOD SBYIN BYA: ZHI DANG RGYAS DANG DBANG DU BYA: DRAG BOS BSGRAL ZHING TSAR GCOD PA'I: LAS KUN RANG GZHAN DON DU SPYAD: 'JIG RTEN GNAS SHING SROG DANG SNYING: YI GE GSAL BAR RANG 'BYUNG GNAS: MNGON DU

, ,DU RGYU BA THUGS KA STE: RING THUNG PHO MO KHRAG DANG DUS: CHAGS SDANG SNYING SROG SNYING RJE GTZER: RDO RJE PADMA RLUNG DANG GNAS: THABS DANG SHES RAB CHOS CAN DANG: CHOS NYID LAS DANG 'BRAS BU YIS: MI 'CHANG GNAD 'TSANG BOD DANG DRANG: GROGS DANG LDAN PAS LAS LA SBYAR: ZHES BKA' STZAL TO: 'JIG RTEN GYI SDE DPON CHEN PO RNAMS KYI LAS SNA TSOGS KYI RTZA BA'I SNYING PO GNAD KYI LE'U STE BRGYAD PA'O,, ,,DE NAS YANG DAG BSHAD BYA BA: 'JIG RTEN DREGS PA'I GTZO CHEN RNAMS: TSUL BZHIN RAB TU BSGRUBS PA YIS: GRUB CING NYE BA'I RTAGS RNAMS NI: NYAMS DANG RBAD RTAGS RMI LAM RTAGS: 'DI LA SO SOR 'BYUNG 'GYUR TE: DGA' ZHING MDANGS LDAN STOBS RNYED DANG: BDE DANG RTOGS PA SPRO BSKYED CING: MNGON RGYU YID KYIS GDENG THOB KYIS: NYAMS NGA BAG TSA DOGS MED CING: NUS LAN 'PHRIN LAS MTHAR PHYIN RTOGS: 'DI DAG LA SOGS RIM PAR 'BYUNG: LUS 'JAM DBUGS KYIS MI GNOD CING: YANG ZHING BRTAN LA KHYAD PAR DGA': NAD DANG GDON GYIS BRDZI MI NUS: 'BYUNG BA'I NUS PAS MI BSKYOD CING: KHA DOG DANG LDAN SDUG CING MDZES: 'DI LA SOGS PA LUS 'BYUNG GDA': JI LTAR BSGO BA GZHAN GYIS 'DZIN: RANG DANG SANGS RGYAS RNAMS KYIS GSUNGS: MTHUN PA'I TSUL GYIS MI 'DOR LA:SNYAN DANG MI SNYAN

CI BRJOD RNAMS: TSANGS PA YI DBYANGS BZHIN DU 'ONG: GRAGS THOS TZAM GYIS DBANG DU BYED: TSUL MDZES 'JUG PA DAG GI BRDA: GANG LA BRTZAM PA DE 'GRUB CING: MA ZHUM MI SPOR MI 'DOR BAS: DBANG DANG LDAN ZHING MI G-YO LA:GSANG BA'I MTHU STOBS RAB TU THOB: YID KYI YUL DU BRDA 'BYUNG BA'I: SNGA PHYI DE MA THAG PA 'O: BAG CHAGS MA YIN RMI LAM NI:RGYAL PO MKHAN PO SLOB DPON DANG: CHE BTZAN RIGS LDAN RGYAN BCAS LDAN: GCAN GZAN 'DAB CHAGS DUD 'GRO DANG: SKYES BA BUD MED BUS PA SOGS: RANG GI GNAS SU LHAGS PA NI: NYE BAR 'GRUB PA'I RTAGS YIN NO: BRAN 'BANGS MNGAG PA'I TSUL 'CHANG ZHING: BKA' BSGO LAS BYED NYAN PA RTAGS: RING BA'I GNAS NAS GLU LEN CING: RGYANG MIG LTA BA G-YEL BA'I RTAGS: RANG LA CHAD PA'I LAS RTZOM ZHING: NYES LAN 'DED PA BZLOG PA'I RTAGS: ZAS SKOM 'DOD CING 'KHRIG LAN BSNYAG:RANG NYID GNOD 'GYOD MA SKONGS RTAGS: 'JOM ZHING DUD MOS 'DEBS BYED PA: MA DAG LUS SNANG NYAMS PA'I RTAGS: RANG GI BSGRO BA MI NYAN ZHING: SLAR ZHING TSUR LA 'KHOL 'DOD PA: GNYEN POS DBANG DU MA GYUR RTAGS: MTSON CHA BRDUNG ZHING TSAD MA LDAN: NUS MED BYA BA MI 'GRUB PAS: SNGAGS KYI NUS PA MA

, ,GRUB RTAGS: GZHAN 'DOD RANG LA MED PA DANG: RANG GI YOD PA 'DOD MED RNAMS: MCHOD BSKANG MTHUN RDZAS MA CHANG RTAGS: SHA RUS KHRAG SOGS LONGS SPYOD CING: NGO MTHON RAB TU CHE BA NA: LAS BYAS 'GRUB PA'I RTAGS YIN NO: PHA ROL DMAG TSOGS MA BYUNG ZHING: SGO MED KHANG PAR BDAG ZHUGS LA: NGAN SNGAGS GZHAN GYIS BZLOG BA'I RTAGS: BYE BRAG SDE BRGYAD SO SO NI: MI DANG DUD 'GRO 'DAB CHAGS SOGS: PHO TSOGS NAG PO BDUD KYI RTAGS: MO TSOGS RGYAN BZANG MA MO STE: CHE BTZAN 'BAG SENG GTZUG LAG KHANG: BUS PA SPRA SPRE RGYAL PO'I RTAGS: MI RTA KHRA SPYANG RI DVAGS NI: BRAG BTZAN RI BTZAN RTAGS YIN NO: CHU GNAS DUD 'GRO KLU YI RTAGS: MA HE RA LUG MIG MANG DANG: MUN PA BU YUG GZA' YI RTAGS: SKYES PA CHAS BZANG 'BYOR PA CAN: RI MTSO LA GNAS GNOD SBYIN RTAGS: NYA PA SHAN BA BYA PA DANG: DMAG GI GO MTSON SRIN PO'I RTAGS: 'DI DAG SNGAR BSHAD BZANG NGAN SBYAR: BYE BRAG SGRUB PA'I RTAGS SU 'GYUR: ZHES BKA' STZAL TO: 'JIG RTEN GYI SDE DPON CHEN PO SGRUB PA'I RTAGS KYI LE'U STE: DGU PA'O::DE NAS GZHAN YANG RAB BSHAD PA: DREGS PA CAN GYI KHYAD PAR RDZAS: MDZES PA'I GZUGS BRNYAN

SKU YI RTEN: MING NAS 'BOD PA GSUNG GI RTEN: PHYAG MTSAN DAM PA THUGS KYI RTEN: LUG G-YAG DKAR PO SBAL SBRUL NYA: GLANG RTA SNGON PO RIN PO CHE: G-YUL BSHAMS MYUR BSGRAL BYA GCAN DANG: NAL BU SHEL NAG BYA NAG DANG: RTA LUG KHYI DANG RGOD NAG DANG: RA PHAG BYA KHYI DKAR PO DANG: KLA KLOR ROG DOM KHYI NAG: SBRUL NAG BYA RGOD RA SKYES DANG: RTA RA BYA KHYI DMAR PO YI: SNYING KHRAG MGO DANG RGYAL MTSAN NI: LHA KLU GNOD SBYIN SRIN PO DANG: MA MO BDUD DANG RGYAL PO GING: GSHIN RJE GZA' DANG BTZAN RNAMS KYI: RIM BZHIN SO SO BRTEN PA'I RDZAS: RAB TU GSANG BA NYID YIN NO: AE LDAN GDUG BCAS RGYUD MED KYI: THOD PA MTSON CHA PHUR PA DAG:DUG KHRAG RIN CHEN DRAG PO'I 'BRU: KUN TSOGS RAB TU GSANG BA'I RDZAS: KLU GZUNG SNOD NI SHA KHRAG BCAS: RU BZANG RIGS MED MYUR SONG CHU: MYU GU SNA TSOGS DRI LDAN RDZAS: CHU DRAG DPA' RABS DUD PA'I RDZAS YIN NO: MCHOD RTEN RI RAB RGYA GRAM BCAS: DME RDZAS RIGS NGAN MGO BO GSUM: DMIGS PA'I 'BAB RDZAS PADMA NI: SLAR LA BZLOG PA'I RDZAS YIN NO: NAD GDUG BAm RIL MGO RKANG RNAM: RAB TU MNAN PA'I RDZAS YIN NO: DUG KHRAG TSOGS DANG MTSAN MA NGAN: DMIGS PA'I RTEN LA 'PHANG BA'I RDZAS: NGAN

, ,PA'I SA YI RTEN KHANG DANG: GDUG CING RAB TU TSA BA'I SHING: 'BRU NAG DUG KHRAG BSRES PA'I RDZAS: GZHAN YANG DBANG CAN DREGS PA'I 'KHOR: SO SO'I RIGS DANG SDER BCAS PA'I: MTHUN DANG MI MTHUN GTZANG DANG SME:BSNGAGS PA'I KUN RDZAS SHES PAR 'GYUR: MA 'ONGS DUS NA RDO RJE 'CHANG: RANG GI RIG 'DZIN BYANG CHUB SEMS: BRTUL ZHUGS CAN GYIS 'GRUB PA YIS: DBUS DANG MTHA' 'KHO BA YUL RNAMS DANG: SANGS RGYAS ZHING GI 'JIG RTEN KHAMS: KUN NAS SDE DPON G-YOG BCAS PA'I: YID DANG DNGOS PO'I LUS CAN RNAMS: KHAMS DANG RIGS PA BSAM PA DANG: SKYED PA RTEN GNAS YO BYAD DANG: MA LUS RDZOGS PAR RAB TU RTOGS: SHES LDAN MIG CAN RNAMS LA STON: DE TSE DREGS PA'I GTZO CHEN RNAMS: DA LTA NGA YIS GDAMS PA YIN: YANG DAG DON LA MA 'DA' ZHIG:KHYED RNAMS KYANG NI DUS NAM ZHIG: LAS KYI GNAS NGAN LEN SPANGS TE: BYANG CHUB SA LA MYUR 'GRO YI: DE BAS BKA' YI DAM MNOS LA: JI LTAR DMIGS PA BZHIN BSGRUBS SHING: GSANG CHEN NGA YI BSTAN PA'I TSUL: PHYI ROL PHYOGS LA SOGS PA YIS: NYAMS SHING SMRAS PAR

MI 'GYUR BAS: RGYAS SHING BSTAN PAR KHYOD KYIS BYOS: ZHES BKA' STZAL TO: 'JIG RTEN GYI SDE DPON CHEN PO'I RTEN RDZAS DANG: LAS KYI GNYER BSGO BA'I LE'U STE BCU PA'O::DE NAS BCOM LDAN 'DAS DE BZHIN GSHEGS BA THAMS CAD KYI SKU DANG GSUNG DANG THUGS KYI BDAG NYID GSANG BA CHEN PO'I SKU'I RNAM PAR ROL PA CHEN PO DE DAG NYID KYI SKU LA RAB TU BSDUS PA MDZAD DE DGYES PA'I GSUNG GIS 'DI SKAD CES BKA' STZAL TO: KYE MA 'DUS PA'I 'KHOR TSOGS RNAMS: BDUD DANG GSHIN RJE LA SOGS PA'I: 'JIG RTEN DBANG CHEN GTZO CHEN RNAMS: MTHAR THUG MYA NGAN 'DAS NAS KYANG: DUS GSUM SANGS RGYAS THAMS CAD KYI: BSTAN PA'I THA TSIG SGRUB PA DANG: RNAL 'BYOR LAM GYI GROGS MDZAD PHYIR: DRAG PO'I SKU GSUNG THUGS NYID DANG: YON TAN 'PHRIN LAS SNA TSOGS STON: PHYI MA'I DUS NA RIG PA 'DZIN :SKYES BU BRTZON LDAN RNAMS KYIS NI: GNYIS SU 'DZIN PAR YONGS MI BYA: YUL SNANG PHYI NANG MA LUS KUN: RANG RIGS SEMS KYI RGYAL POR BSGRUB: DE NI MA BCOS YUL MI BRAL: MA CHAD MA LHUNG BDAG PO MED:GNYIS MED MNYAM NYID LHUN GYIS GRUB: NGES 'GYUR SBAR BLANG RTZOL SEMS BRAL:MA LUS RTZA BA SNYING GI SROG:DE NYID SHES BYA RAB TU BLANG:DBANG GI RGYAL PO

, ,'CHAR BAR 'GYUR: GAL TE NGA DANG DREGS PA CAN: SO SO RANG RGYUD LDAN PA YIS: GNYIS 'DZIN YID KYIS RTOG SPYOD CING: MTSAN MAR RAB TU SGOM BYED PAR: RKANG MED KHAMS GSUM BGROD 'DOD CING: MIG MED STONG GSUM BLTA DANG MTSUNGS: BDUD BZHI DGA' BA SKYED PAR BYED: DE BAS RIGS MCHOG MA RNAMS KYIS: GSANG BDAG NGA NYID SHES PAR GYIS: ZHES BKA' STZAL NAS NYID KYI SKU GSUNG THUGS KYI DKYIL 'KHOR CHEN PO CHOS NYID DE BZHIN NYID SPROS DANG BRAL BA'I DBYINGS SU THIM PAR MDZAD DO: 'JIG RTEN GYI SDE DPON CHEN PO 'KHOR DANG BCAS PA CHOS SKU MTHAR THUG TU SGRUB PAR GDAMS PA'I LE'U STE BCU GCIG PA'O::DREGS PA CAN GYI SDE DPON 'JIG RTEN MCHOD BSTOD SGRUB PA RTZA BA'I RGYUD CES BYA BA RDZOGS SO::