RGYA GAR SKAD DU, BHA GA W'AN MANYDZU SHRI TIKshA NA MA SIDDHI, BOD SKAD DU, BCOM LDAN 'DAS 'JAM DPAL RNON PO LA PHYAG 'TSAL LO, ,DE NAS BCOM LDAN 'DAS DPAL NYID SKU RDO RJE LTA BU BYANG CHUB KYI DGONGS PA NYID LA BZHUGS PA LA, BCOM LDAN 'DAS BYANG CHUB KYI SEMS RDO RJE KUN TU BZANG PO NI, DUS GSUM 'DU 'BRAL MED PA'I YUM GYI TSAL CHEN PO NA DGONGS PA CHOS KYI DBYINGS ZHI BA CHEN PO LA BZHUGS SO, ,RIGS LNGA BDE BAR GSHEGS PA RNAMS KYANG GSANG BA'I YUM BZHI DANG, 'KHOR BYANG CHUB SEMS DPA'I TSOGS DANG, SEMS MA'I TSOGS DANG, RDO RJE DBYINGS KYI DKYIL 'KHOR NA SRAS MCHOG DAM PA NYE BA'I 'KHOR RIGS KYI RGYAL PO MA LUS PA RNAMS DANG,
, ,TSANGS PA CHEN PO RNAMS DANG, DRANG SRONG CHEN PO DANG, LHA DANG, KLU DANG, LI TZA BY'I LA SOGS PA'I MI RNAMS KUN LA DPAL KUN TU BZANG POS BKA' STZAL PA, NAN TAN GYIS NI BRTZON 'GRUS BSKYED, ,THE TSOM MED NA NGES PAR 'GRUB, ,BDUD RTZI CHEN PO RNAM LNGA 'DI, ,SPYAD CING BCANG BA'I YON TAN DANG, ,RANG BZHIN DANG NI NGO BO DANG, ,MTHU DANG BYIN GYI RLABS KYIS 'GRUB, ,MI BRJED RGYUN GYI TING NGE 'DZIN, ,NGES PAR BSGRUBS PA'I YON TAN NI, ,NGES PA'I MAN NGAG GSUM DU BSTAN, ,ZHES BKA' STZAL NAS SDUD PA PO CHOS KYI DON 'JAM DPAL RNON PO LA GTAD DO, ,DE NAS 'PHAGS PA 'JAM DPAL GYI RDO RJE DBYINGS KYI DKYIL 'KHOR GYI LHA 'KHOR TSOGS RGYA MTSO DANG BCAS PA RNAMS LA 'DI SKAD BRJOD DO, ,AE MA HO SANGS RGYAS KUN TU BZANG, ,GSANG CHEN THIG LE NYID LA RDZOGS, ,MA RIG MUN SEL YE SHES SGRON, ,DPA' BO KHYOD LA SKYABS SU MCHI'O, ,RANG BYUNG DRI MED BDUD RTZI 'DI, ,SANGS RGYAS KUN GYIS BSNGAGS PA'I MCHOG ,MI SHES DRI MA KUN BCOM NAS, ,NGES PA'I DBYINGS LA 'GOD MDZAD PA, ,GNYIS MED GUS PAS PHYAG 'TSAL LO, , SNANG MDZAD RDO RJE RGYAL CAN DANG, ,MI BSKYOD NYI MA SNANG MTHA' YAS, ,DON YOD BDUD RTZI 'KHYIL BAL, ,DGYES SHING GUS PAS PHYAG 'TSAL LO, ,DBYINGS PHYUG YUM GYI TSOGS
RNAMS LA, ,DGA' BA'I YID KYIS 'DUD PHYAG 'TSAL, ,LAG NA RDO RJE RGYAL PO DANG, ,KUN BZANG BLO GROS CHEN PO DANG, ,DON RAB SA SNYING LA SOGS LA, ,RAB TU GUS PAS PHYAG 'TSAL LE, , NAM MKHA'I 'JIG RTEN DBANG PO DANG, ,'GRO BA 'DZIN MCHOG DAM PA LA, ,GNYIS MED GUS PAS PHYAG 'TSAL LO, ,DAG LA RANG BZHIN DRI MED SKU, ,TSUL BZHIN PHRENG BA DBYANGS DANG GAR, , SPYOD MCHOG DGA' SDUG PHYAG 'TSAL LO, ,BDUG PA ME TOG MAR ME HO, ,GZUGS MCHOG MNYES MDZAD LHA MO LA, ,MOS PAS 'DUD CING PHYAG 'TSAL LO, ,RIG BYED TSOGS KYI BDAG PO MCHOG ;RDO RJE SRIN PO 'DUL MDZAD PA, ,KHRO RGYAL YAB YUM 'KHOR BCAS LA, ,GUS PAS BSTOD DE PHYAG 'TSAL LO, ,DE NAS 'KHOR RGYAL BA RGYA MTSO DANG BCAS PA RNAMS KYIS LEGS SO LEGS SO, ,AA LA LA HO ZHES BRJOD NAS GNANG NGO, ,DE NAS DBANG BYIN TE 'PHAGS PA BYANG CHUB SEMS DPA' SEMS DPA' CHEN PO KHYOD KYIS THAMS CAD BDUD RTZI'I RANG BZHIN LA MKHYEN RAB DANG POS KUN GYI MCHOD PA CHEN PO MDZAD DO, ,DE YANG NYID KYIS NYID LA MCHOD DE, 'DI MAN CHAD YE SHES KYI LHA RNAMS KYIS TING NGE 'DZIN BYANG CHUB KYI SEMS BDUD RTZI CHEN POR THIM NAS MNYAM PA NYID KYI DBYINGS LA MI SNANG BAR BYAS NAS MAH'A SU KA LA SBAS TE BZHUGS PA LAS, DE NAS BCOM LDAN 'DAS DPAL KUN TU BZANG PO DANG, RIGS LNGA BDE BAR GSHEGS PA RNAMS
, ,KYIS 'PHAGS PA 'JAM DPAL LA BKA' STZAL PA, BYANG CHUB SEMS DPA' MKHYEN RAB KYI DANG PO, KHYOD LA DA NGED KYI CHOS 'DI BSDUS TE BSHAD DO, ,'JAM DPAL RDO RJE CHOS; 'DI LTA STE, ,AE MA HO GSANG BA LAS BYUNG BA'I, ,MA RIG MUN SEL SGRON ME'I MCHOG ,DBA' BO KHYOD LA SKYABS SU MCHI'O, ,NAN TAN GYIS NI BRTZON 'GRUS BYOS, ,ZHES PA DANG, 'JAM DPAL; BDUD RTZI 'DI'I CHOS KYI DON NI, DPER NA, ME DANG 'DRA STE, CHUNG STE RDUL TZAM NAS CHE STE SRID PA'I RI BO YANG SREG GO, DE BZHIN DU BDUD RTZI 'DI NI, DPER NA, NYI MA DANG 'DRA STE, NYI MA'I 'OD ZER CHEN PO NI, 'DZAM BU GLING DU THOG MA NYID DU RI'I RGYAL PO CHEN PO BRGYAD LA SNANG BAR BYED DO, ,DE'I 'OG TU KHO RA KHOR YUG TU SNANG BAR BYED DO, ,DE'I 'OG TU RI BO CHE RNAMS LA SNANG BAR BYED DO, ,DE'I 'OG TU RI NAG PO RNAMS LA SNANG BAR BYED DO, ,DE'I 'OG TU GANGS RI MTHON PO RNAMS LA SNANG BAR BYED DO, ,DE'I 'OG TU 'DZAM BU GLING 'DIR SA PHYOGS DMA' BA RNAMS LA SNANG BAR BYED DO, ,NYI MA'I 'OD ZER CHEN PO DE LA BLANG DOR MED DE, MI RTOG MI SEMS SO, ,RNAM PAR YANG MI RTOG MI SEMS SO, ,RDO RJE CHOS DANG 'JAM DPAL, NYI MA'I 'OD RNAMS NI, DBRI BSKOL MED DO, ,DE BZHIN DU SEMS CAN GYI RNAM PAR SHES PA LA YANG DE DANG 'DRA STE, DBRI BSKOL MED DO, ,BYE BA DANG, BSKYED PA DANG, BSKYUNGS PA YANG MED DO, ,DE BZHIN DU CHOS
BDUD RTZI 'DI YANG BSAM GYIS MI KHYAB PA'I DBYINGS SU BSTAN PA YIN PA'I PHYIR BDUD RTZI CHEN PO 'DI'I DBU LAS BSAM GYIS MI KHYAB PA BSTAN ZHES SMOS PA YIN NO, ,DE BZHIN DU CHOS BDUD RTZI CHEN PO'I LUNG 'DI YANG MA SKYES MI 'GAG MI RTOG PAS, ,MTSAN MA DANG MTSAN MA MED PA DANG, MI GNAS PA LA RNAM PAR KHYAB STE GNAS SO, ,DE BZHIN DU CHOS BDUD RTZI CHEN PO 'DI YANG NYI MA'I 'OD ZER DANG 'DRA BAR KUN LA KHYAB PAR GNAS TE, SKAL LDAN RIGS LNGAS 'BYUNG BA LNGA LA KHYAB CING, 'BYUNG BA LNGA NYID RIGS KYI YUM LNGA'I TSAL CHEN PO STE, YUM LNGA DANG YAB LNGA YANG GDOD NAS DAG STE, NYI MA'I 'OD BZHIN DU SHAR RO, ,DE NAS BCOM LDAN 'DAS KYIS 'KHOR RGYAL BA RGYA MTSO RNAMS LA BSHAD DO, ,DE NAS BCOM LDAN 'DAS KYIS 'KHOR RGYAL BRGYA MTSO RNAMS LA KHYAB BO, ,DE NAS SRID PA'I 'JIG RTEN DU MI MJED KYI BDAG PO TSANGS PA'I LHA RNAMS DANG, KLU RNAMS LA KHYAB BO, ,DE NAS MI'I BYANG CHUB SEMS DPA' RNAMS DANG; RIM PAS NAM MKHA'I NYI MA BZHIN KHYAB CING SHAR BA STE, THUGS RJE'I BDUD RTZI 'DI YANG SRID PA GSUM DU NYI MA BZHIN DU SHAR BAR BYA STE, 'JAM DPAL, STONG GSUM GYI STONG CHEN PO'I 'JIG RTEN GYI KHAMS NA SANGS RGYAS KYI ZHING PHRA RAB SNYED LA BSAM GYIS MI KHYAB PA'I LUS PHUL BAS NI, BDUD RTZI CHEN PO 'DI LUS LA BCANGS PA BSOD NAMS CHE'O, ,'JAM DPAL,
, ,DUS GSUM GYI SANGS RGYAS KYI ZHING YONGS SU SBYANG BA BAS NI, BDUD RTZI 'DI LUS KYI MGUL DU BTAGS PA 'BUM GYI CHAR YANG MI PHOD DO, ,'JAM DPAL, BSKAL BA GANG+G'A'I KLUNG GI BYE MA SNYED KYI SANGS RGYAS RNAMS LA SPYI BOS BKUR ZHING PHYAG BYA BA'I DON NI, BDUD RTZI CHEN PO 'DI SPYI BO LA BKUR BA'I YON TAN NI, SANGS RGYAS THAMS CAD BKUR BA YIN NO, ,'JAM DPAL, BSKAL PA STONG GI BAR DU SEMS CAN GYI DON BYA BA BAS NI, BDUD RTZI CHEN PO 'DIS LAN GCIG GIS 'GRO BA'I DON BYAS PAS DMYAL KHAMS BRGYAD KYI 'JIG RTEN YANG THAR BA'I LAM DU 'DREN PA YIN NO, ,ZHES GSUNGS BA DANG, DE NAS BCOM LDAN 'DAS KYI TSIGS SU BCAD DE BKA' STZAL BA, BDUD RTZI CHEN PO'I RANG BZHIN NI, KHA DOG DBYIBS DANG MTSAN MA MED, ,'GOG PA MED CING DBYE BA'ANG MED, ,RTZA BA MED CING RTEN BA'ANG MED, ,BDUD RTZI CHE LA BRJOD PA'ANG MED, ,NYON MONGS DUG DANG BDUD BZHI BCOM, ,DRI MED DAG PA'I BYANG CHUB SEMS, ,NGES DON DE LA SDUD BAR BYOS, ,DE NAS BCOM LDAN 'DAS DANG, DAM PA'I CHOS BDUD RTZI'I LUNG 'DI LA 'PHAGS PA 'JAM DPAL GYIS SLAR LA LAN GSUM DU BSTOD PA, NAM MKHA'I MTSAN NYID SANGS RGYAS TE, ,MTSAN NYID MED PAS NAM MKHA' 'DRA'O, ,BYA BA MED PAS GROL BA STE, ,BDUD RTZI MCHOG LA
PHYAG 'TSAL LO, ,CHU ZLA BZHIN DU DRI BRAL BAS, ,THAMS CAD RTOG BA YONGS SU SPANGS, ,BDAG TU 'DZIN MED RNAM PAR DAG ,BDUD RTZI RGYAL LA PHYAG 'TSAL LO, ,DUS GSUM CHOS KYI DBYINGS DANG MNYAM BDUD DANG NGAN SONG GSUM LAS THAR, ,LEN PA MED CING GTONG BA'ANG MED, ,DRI MED DAG PA'I BYANG CHUB SEMS, ,BDUD RTZI MCHOG LA PHYAG 'TSAL LO, ,DUS GSUM SANGS RGYAS SKYED BA'I RGYU, , KHAMS GSUM SEMS CAN 'DREN PA'I DPAL, ,'GRO BA DRUG GI SGRIB SBYONG BA, ,BDUD RTZI RGYAL LA PHYAG 'TSAL LO, ,DE SKAD CES GSOL NAS PHYI NANG GI SNOD BCUD RIL SMAN RAS YA NA DANG, BDUD RTZIR GNAS SO, ,ZHES LUNG DANG MAN NGAG TU BSDUS TE BKA' STZAL PA'O, ,BDUD RTZI CHEN BO MCHOG GI LUNG, LUNG GI RGYAL PO CHEN PO RTOG PA'I MCHOG LAS, 'KHOR LO BSKOR BA'I NANG NAS LUNG GI BAM PO CHEN PO BRGYAD PA'I 'GREL PA CHEN PO'I DON BAM PO CHEN PO BRGYAD PA RDZOGS SO,, ,,SPYIR BDUD RTZI 'BUM SDE LAS NYUNG SHAS TZAM ZHIG BI MA LA MI TRAS BSHAD CING, LO TZ'A BA DZNY'A NA KU MA RAS BSGYUR BA'O, ,RDO RJE YANG DBANG GTER GYI LAGS RDZOGS SO, ,RDO RJE KHROS PAS ZHE SDANG GCOD, ,MTSON CHEN SNGON PO 'BAR BA'I NGANG, ,NAM MKHA'I DKYIL NAS THIGS PA SHAR, ,SROG GI SGO RU SHAR BA DANG, ,SNYING GI SGO RU BSGOM BAR BYA, ,SNYING RJES BSGRAL BA'I DAM TSIG NI, ,BSAD CING MNAN PA MA YIN TE, ,PHUNG PO RDO RJE GTAMS BYAS NAS, ,RNAM PAR SHES
, ,PA RDO RJER BSGOM, AOm BADZRA K'I LI K'I LA YA, SARBA BIGHA NAN BAm H'Um H'Um PHAt, RDO RJE GZHON NU RIG 'DZIN RNAMS, ,SRID PA RDO RJE GRUB MDZOD CIG ,SRID BA RDO RJE PHUR BA'I LHA, ,YE SHES KHRO BO GRUB PAR MDZOD, ,SANGS RGYAS KUN GYI YE SHES SKU, ,NGANG NYID RDO RJE CHOS DBYINGS LAS, ,'BAR BA'I KHRO BO MI BZAD PA, ,SKU YI DBYIG TU BDAG GYUR CIG ,THABS KYI SPYOD PAS 'GRO DON DU, ,BYAMS DANG SNYING RJES GANG 'DUL BA, ,SANGS RGYAS 'PHRIN LAS RDZOGS MDZAD NAS, ,DBANG DANG BYIN RLABS 'DIR GSOL CIG , AOm BADZRA KRODHA H'Um KAR H'Um, GARDZA GARDZA H'Um PHAt, KHRO BO CHEN PO H'Um KA RA DANG, YUM RDO RJE SGRA 'BYIN MA, SBRUL BA'I PHRA MEN MA PHAG GI MGO CAN DANG, SMIG BU'I MGO CAN NO, ,AOm BADZRA KRO DHA BI DZA YA H'Um, HA NA HA NA H'Um PHAt, KHRO BO CHEN PO RNAM PAR RGYAL BA DANG, YUM RDO RJE RNAM SNYEMS MA, SBRUL PA'I PHRA MEN MA STAG GI MGO CAN DANG, BYA RGOD KYI MGO CAN NO, , AOm BADZRA KRO DHA N'I LA DAndA H'Um, DA HA DA HA H'Um PHAt, KHRO BO CHEN PO DBYUG BA SNGON PO DANG, YUM RDO RJE SDER MO, SPRUL BA'I PHRA MEN MA G-YAG GI MGO CAN DANG, BYA ROG GI MGO CAN NO,, AOm BADZRA KRO DHA YA MANTA KA H'Um, BA TZA PA TZA H'Um PHAt, KHRO BO CHEN PO GSHIN RJE GSHED PO DANG, YUM RDO RJE DUR KHROD KYI BDAG MO, ,SPRUL PA'I PHRA MEN MA SHA BA'I MGO CAN DANG, 'UG
BA'I MGO CAN NO, ,AOm BADZRA KRO DHA A'ARYA AA TZA LA H'Um, BANDHA BANDHA H'Um PHAt, KHRO BO CHEN PO MI G-YO MGON PO DANG, YUM RDO RJE GTUN KHUNG MA, SPRUL PA'I PHRA MEN MA GZIG GI MGO CAN DANG, KHRA'I MGO CAN NO, ,AOm BADZRA KRODHA HA YA GRI BA H'Um, HU LU HU LU H'Um, KHRO BO CHEN PO RTA MGRIN DANG, YUM RDO RJE GTUM MO, ,SPRUL PA'I PHRA MEN MA BYI LA'I MGO CAN DANG, PU SHUD KYI MGO CAN NO; ;AOm BADZRA KRO DHA AA PA RA TZI TA H'Um, TIshthA TIshthA H'Um PHAt, KHRO BO CHEN PO DPAL LDAN GZHAN GYIS MI THUB PA DANG, YUM RDO RJE MDA' SNYEMS MA, SPRUL PA'I PHRA MEN MA SPYANG KI'I MGO CAN DANG, KHRA'I MGO CAN NO, ,AOm BDZRA KRO DHA AA MRi TA KUndA LI H'Um, TSINDHA TSINDHA H'Um PHAt, KHRO BO CHEN PO BDUD RTZI 'KHYIL PA DANG, YUM RDO RJE RLUNG 'BYIN MA, SPRUL BA'I PHRA MEN MA SENG+GE'I MGO CAN DANG, PHA WANG GI MGO CAN NO, ,AOm BADZRA KRO DHA TREE LO KYA BI DZA LA H'Um, BINDHA BINDHA H'Um PHAt, KHRO BO CHEN PO KHAMS GSUM RNAM PAR RGYAL BA DANG, YUM RDO RJE GSOD BYED MA, SPRUL PA'I PHRA MEN MA DRED KYI MGO CAN DANG, ZER MO'I MGO CAN NO, ,AOm BADZRA KRO DHA MA H'A BA LA H'Um, SPHO TA SPHO TA H'Um PHAt, KHRO BO STOBS PO CHE DANG, YUM RDO RJE SKYOD BYED MA, SPRUL BA'I PHRA MEN MA DED KYI MGO CAN DANG, BYI BA'I MGO CAN LA SOGS PA RNAMS KYIS GTAMS BA'O, ,SRID PA'I PHUR BU BSGRUB PA DANG, ,DBANG DANG DNGOS GRUB BLANG BA'I PHYIR, ,YE SHES KHRO BO GSHEGS
, ,SU GSOL, ,KHRO BO CHEN PO GSHEGS NAS KYANG, ,RTAGS DANG MTSAN MA BSTAN PA DANG, ,KLI LA YA YI DNGOS GRUB GSOL, ,DAM TSIG CHEN PO'I DUS LA BAB; ;SPRUL PA CHEN PO'I DUS LA BAB, ,PHYAG BRNYAN CHEN MO'I DUS LA BAB, ,SHVA NA MU KHA'I DUS LA BAB, ,BDAG NYID CHEN MO'I DUS LA BAB, ,KHYED KYI 'PHRIN LAS DUS LA BAB; ;SA BDAG CHEN MO'I DUS LA BAB, ,MTHU RTZAL DBYUNG BA'I DUS LA BAB, ,BYANG CHUB MCHOG TU SEMS BSKYED CING, ,DUS GSUM RGYAL BA'I GDUNG 'TSOB BA, ,RIG 'DZIN BDAG CAG RNAMS LA NI, ,GNOD CING GDUG PA'I DGRA DANG BGEGS, ,BDUD DANG BAR DU GCOD PA RNAMS, ,KHRO BO CHEN PO'I BYIN RLABS KYIS, ,YUD TZAM GYIS NI 'DIR BKUG NAS, ,MNGON SPYOD TSUL BZHIN BSGRAL BA DANG, ,LUS NGAG RDUL DU BSHIG NAS KYANG, ,SDUG BSNGAL NYAMS SU MYONG BAR MDZOD, ,AOm LAm, H'Um LAm, STAm PA NAN, MO HA GA YA BHA GA W'A NA, SHI KRI BI KRI, SHR'I BADZRA H'Um KA RA H'Um H'Um PHAt PHAt, BADZRA K'I LI K'I LA YA, DZA:H'Um BAm HO:SARBA BIGHN'AN, AOm BADZRA K'I LI K'I LA YA H'Um H'Um PHAt PHAt, BADZRA H'Um KA RA H'Um PHAt H'Um KA RA H'Um AA, DNGOS GRUB BAR CHAD BYED BA'I BGEGS, ,GJUG [?] CING SDANG SEMS BYED PA RNAMS, ,ZUNGS SHIG RGYOB CIG RNAM PAR CHINGS, ,GTOGS
SHIG GROGS DANG BRAL BAR GYIS, ,RINGS BAR KHUG LA SMRAR CHUG CIG ,PHOB CIG RNAM PAR GZIR BAR GYIS, ,NGA YI DBANG DU GYUR NAS KYANG, ,BSGO BA'I BKA' RNAMS MNYAN BAR GYIS, ,H'Um BA RA BID TVA NA H'Um PHAt, TSINDHA TSINDHA H'Um PHAt, BINDHA BINDHA H'Um PHAt, GRIHNA GRIHNA H'Um PHAt, HA NA HA NA H'Um PHAt, BANDHA BANDHA H'Um PHAt, TA TH'A YA TA THA YA H'Um PHAt, HA SA YA, RA NA HA TA NA H'Um PHAt, SHRI KRI NA AA NA YA H'Um PHAt, DZVA LA PA YA DZVA LA BA YA H'Um PHAt, A'A BE SHA YA A'A BE SHA YA H'Um PHAt, BIDDHA YA BIDDHA YA H'Um PHAt, BRAN DANG PHO NYA BKA' NYAN TSOGS, ,KHYED KYI DAM TSIG DUS LA BAB, ,SNGON CHAD JI BZHIN DAM BCAS PA'I, ,MNGON SPYOD 'PHRIN LAS MYUR DU MDZOD, ,HA NA HA NA BADZRA, DA HA DA HA BADZRA, PA TZA PA TZA BADZRA, MA THA MA THA BADZRA, DZVA LA DZVA LA BADZRA, SU RU SU RU BADZRA, MU RU MU RU BADZRA, KA TANG KE TA YA, DZA YE BI DZA YE, AA PA RA CIT YA AA PA RA TZIT YA, MA RA SA NA PRA MARDA NA YA H'Um PHAt, RDO RJE GSANG BA'I BKA' LAS NI, ,SDIG CAN GANG ZHIG 'DA' BYED PA, ,STOBS CHEN KHRO BO CHEN PO YIS, ,KLAD PA TSAL BA BRGYA RU KHOS, ,NYON CIG BGEGS DANG LOG 'DREN TSOGS, ,NGA YI BKA' LAS 'DA' MA BYED, ,H'Um MA MA BA SHAm KU RU, MA THA MA, NYAK RA, AI NA NA DA STI, MA MA KARMA SHRI KANGKA RA YA, GDUG CING SDANG SEMS LDAN PA YI, ,LHA 'AM 'ON TE BDUD KYANG RUNG, ,NGA LA BAR CHAD BYED PA RNAMS, ,MTHU DANG RDZU
, ,'PHRUL MED PAR BYOS, ,SARBA AA NA YA H'Um PHAt, TAD THA YA TAD THA YA H'Um PHAt, RDUNGS SHIG RDO RJE 'BAR BA'I GTUN, ,BKA' LAS 'DA' BYED SDIG CAN RNAMS, ,RDO RJE ME DBAL SNYING BSREGS NAS, ,LUS NGAG RDUL PHRAN BZHIN DU SLOGS, ,KHRO MO 'BAR BA'I GTUN KHUNG DU, ,RDO RJE THOBS BRDUNGS BYAS NAS, ,LHA YANG RUNG STE BSGRAL BAR BYA, ,KHA THAM, KHA THAM, KHA THAM, H'Um H'Um H'Um, PHAt PHAt PHAt, BADZRA YAKshA KRO TA KH'A HI, KHA HI, KHA HI, HI HI HI, HA HA HA, H'Um H'Um H'Um, PHAt PHAt PHAt, CHOS NYID KYI BDEN PA'O, ,GSANG SNGAGS KYI BYIN GYI RLABS SO, ,SANGS RGYAS KYI MTHU'O, ,AA BI TZARYA'I DUS LA BAB PA'I BRNAG PA DE KHO NA LA'O, ,K'I LI K'I LA YA NYI SHU RTZA GCIG BZLAS BCO BRGYAD DKAR NAG GI MTSAMS SU'O, ,H'Um H'Um, PHAt PHAt TZAM BZLAS SO, ,RDZOGS SO,, ,,