RGYA GAR SKAD DU, AA MRi TA KA LA SHA SIDDHI, BOD SKAD DU, BDUD RTZI BUM PA'I LUNG, DPAL BDUD RTZI BDE BA CHEN PO LA PHYAG 'TSAL LO, ,PHAN BYED MGON LA PHYAG 'TSAL NAS, ,SGRUB PA'I YUL DANG GNAS BSTAN TE, ,SHAR LHO NUB BYANG PHYOGS BZHI'I RI, ,DRANG SRONG CHEN PO'I SGRUB LUGS DANG, ,PHRA MEN MA YI SBYAR LUGS DANG; ;RTZI SMAN 'KHRUNGS PA'I YUL KHAMS DANG, ,SHING DANG NAGS KYI LHA MO'I GNAS, ,RI BOR SMAN LJONGS TZANDAN GNAS, ,BZHUGS PA'I GNAS SU BSGRUB PAR BYA'O, ,DUG RNAMS BDUD RTZIR SBYAR BA'I THABS, ,RTZA BA DANG NI YAN LAG BCAS, ,RA SA YAN LAG SOGS RDZAS, ,TSANG BAR BSAGS NAS BSGRUB PAR BYA'O, ,RI BOR NAGS 'DABS CHU NGOGS
SAM; ;BRAG PHUG STONG PA THIBS PO'AM, ,SGRUB PA'I GNAS MCHOG DER BYA'I PHYIR, ,SA GZHI RAB TU BRTAG PAR BYA, ,MNYAM ZHING SNUM PA'I SA SNGA CAN, ,ZUG RDO SRIN BRAG MED PA DANG, , TSA SGO SA DANG BA TSVA MED, ,MA GRUM MA GAS MNYAM PO LA, ,SGRUB PA'I GNAS MCHOG DER BYA'O, ,RANG BYUNG KHRO BO CHEN PO BCUS, ,PHYOGS MTSAM SPHUR PA BTAB NAS NI, ,GNAS DANG SA GZHI DAG PAR SBYANG, ,AOm BADZRA K'I LA YA MAH'A KRO DHA H'Um H'Um PHAt PHAt, GARDZA GARDZA H'Um PHAt, HA NA HA NA H'Um PHAt, DA HA DA HA H'Um PHAt, PA TZA PA TZA H'Um PHAt, BANDHA BANDHA H'Um PHAt, HU LU HU LU H'Um PHAt, TIshthA TIshthA H'Um PHAt, TSINDHA TSINDHA H'Um PHAt, BHINDHA BHINDHA H'Um PHAt, SPHO tA YA SPHO tA YA H'Um PHAt, PHYOGS BCU DAG TU MTSAMS BCAD DE, ,SA GZHI RAB TU SBYANGS NAS NI, ,DKYIL 'KHOR 'DOM GANG GRU BZHI BYA; ;DRI SNA LNGA DANG RAKTA YIS, ,BYUGS PA'I MAndAL BZANG DU BYA'O, ,BA SU TA YI RGYU PHRENG GIS, ,THIG NI BCU DRUG CHAR YANG GDAB, ,DE LA THIG LE BCU DRUG GAM, ,YANG NA PHYAG MTSAN BCU DRUG DGOD, ,DE'I DBUS SU BZHAG PA'I SNOD NI, ,THOD PA MA GAS MA CHAG PA, ,YANG NA RUS SBAL MGO YANG RUNG, ,DKYIL 'KHOR DE YI DBUS SU GZHAG ,BDUD RTZI SNA GRANGS BRGYA RTZA BRGYAD, ,BTAGS TE THOD PA'I NANG DU DGANG, ,'KHOR LO LTE BA'I DBUS SU GZHAG ,PHYOGS BZHI MTSAMS BRGYAD RNAMS SU YANG, ,SNOD NI BZHI 'AM BRGYAD BZHAG LA, ,
, ,RIGS DANG KHA DOG MTHUN PA'I DAR, ,BANDHA LNGA YI KHA NAS DAG BA, ,YANG NA BUM PA'I MGUL CHINGS BYA'O, ,RA SA YAN LA SOGS RDZAS, ,JI SNYED 'BYOR PAS MA LUS KUN, ,DKYIL 'KHOR DE LA BSKOR TE GZHAG ,DE BZHIN DAR DKAR MTHING YOL GYIS, ,DKYIL 'KHOR 'KHOR BAR RAB BSKOR NAS, ,DKYIL 'KHOR GRVA BZHIR MDA' BZHI GZUGS, ,ME LONG BZHI DANG RATNA BZHI, ,RAL GRI BZHI DANG PHUR PA BRGYAD, ,DKYIL 'KHOR 'KHOR BAR BSKOR TE GZHAG ,TING 'DZIN RNAM GSUM RIM BZHIN BSGOM, ,RGYU YI TING 'DZIN 'BRAS BU LAS, ,DE NYID BYANG CHUB SEMS SU 'GYUR, ,'BYUNG LNGA YUM GYI DKYIL 'KHOR DAG ,BYANG CHUB SEMS LAS RIM BZHIN BSKYED, ,RAm YAm KHAm SU BRUm, NAM MKHA'I DBYINGS DANG MNYAM PA YI, ,GZHAL YAS GSAL BAR 'GYUR BAR BSGOM, ,DBUS SU BYANG CHUB SEMS CHEN PO, ,SHAR DU RDO RJE DRI CHEN TSE, ,LHO RU MAm SA SHA SNA TSOGS, ,NUB TU PADMA RAKTA'I TSOGS, ,BYANG DU DRI CHU SNA TSOGS STE, ,'DI RNAMS RIM BZHIN BKOD PA LA, ,GTZO BOS SBYOR BA TSUL BZHIN BGYIS NAS ME LONG YU BA CAN GYI STENG DU BYANG CHUB KYI SEMS BLANGS TE DBUS KYI SNOD BLANGS LA KHA SHAR PHYOGS SU BLTAS TE BYANG CHUB SEMS KYIS G-YAB CING, DBYANGS 'DI BRJOD DO, ,BYANG CHUB SEMS 'DI'I YE SHES RANG BZHIN TE, ,DRI MED RNAM
DAG CHAR BZHIN BAB PA LAS, ,'GRO BA KUN SKYED YID BZHIN NOR BU'I TSUL, ,GDOD NAS DAG PAS BDUD RTZI'I RANG BZHIN LA, ,GNYIS MED SBYOR BAS RDO RJE'I RIGS CHEN 'GRUB, ,ME LONG YE SHES DE NYID YIN PAR BSHAD, ,CES BRJOD DO, ,DBUS KYI BANDHA'I NANG DU SHEL PHOR BZHAG LA BYANG CHUB SEMS THAMS CAD DANG, GDUNG DANG, GO RO TZA NA LA SOGS PA KUN BSDUS LA BLUGS SO, ,DGU YA LAG GI PHYAG RGYA YIS, ,DE YI STENG DU BZHAG NAS NI, ,SGRUB PA PO KUN KHA SHAR PHYOGS SU BLTAS TE BYANG CHUB KYI SEMS KYIS G-YAB CING, SNGAGS 'DI BRGYA RTZA BRGYAD BZLA'O, ,AOm A'A:H'Um, BADZRA SATVA H'U, SARBA AE SHUDDHE, AA MRi TA SU KA MA H'A YO GA H'Um, TZITTA H'Um, AOm A'A:H'Um, AAKSHO BHYA: DE shA RA TI SA MA YA STVAm ZHES BRJOD NAS DBUS SU BLUGS LA GZHAG GO ,LHO PHYOGS SU KHA BLTAS TE MAH'A MAm SA'I SNOD BLANGS LA 'DI SKAD BRJOD DO, ,SEMS CAN RNAMS NI GNAS LA CHAGS, ,NOR BAS BDAG NYID GTZANG MAR 'DZIN, ,DON GYIS SUN NI MA PHYUNG NA, ,BSOD NAMS THAMS CAD DANG BRAL BA'I, ,YI DVAGS SKAM THAG CHAD PA YANG, ,BDAG LUS GTONG BAR MI PHOD NA, ,LHA LA SOGS PA'I BSOD NAMS KYIS, ,LUS CAN RNAMS LA SMOS CI DGOS, ,DE BAS 'DI KUN SUN DBYUNG ZHING, ,RANG BYUNG BDUD RTZI BSTAN PA'I PHYIR, ,LHAS KYANG LHA YI BDAG NYID BZA', ,MI LA SOGS PA DE BZHIN DU, ,
, ,RNAL 'BYOR PAS KYANG SPYAD CING BZA', ,'DI LTAR BDAG GZHAN MI 'BYED PAS, ,BLANG DOR MED PAR GROL BA YIS, ,MNYAM PA NYID KYI DON MTHONG NA, , THAMS CAD MNYAM NYID YE SHES SKU, ,BDE GSHEGS RIN CHEN RIGS MCHOG 'GRUB, ,AOm A'A:H'Um MA H'A MAm SA SA MA YA RA HO HAm, RATNA RA TI SA MA YA STVAm ZHES BRJOD DE, RIN PO CHE'I RIGS YAB YUM SPYAN DRANG ZHING BRGYA RTZA BRGYAD BRJOD DE, MAH'A MAm SA DANG, SHA SNA TSOGS BSTABS SHING LHOR GZHAG GO ,KHA NUB PHYOGS SU BLTAS TE RAKTA SNA TSOGS KYI SNOD BLANGS LA 'DI SKAD BRJOD DO, ,R'A GA RAKTA PADMA 'BYUNG, ,SMAD PA MI GTZANG RDZAS 'DI DAG ,CHAGS YUL BDE BA'I GNAS YIN TE, ,PADMA RIGS KYI DAM TSIG 'GRUB, ,SO SOR RTOGS PA'I YE SHES YIN, ,ZHES BRJOD CING, NUB PHYOGS KYI SNOD KYI NANG DU BLUGS LA GZHAG ,AOm A'A:H'Um MA H'A PADMA RAKTA MU LA, AA MRi TA BHA RA GA RA TI, SA MA YA H'Um SU KA HRI ZHES BRJOD DE NUB PHYOGS SU GZHAG GO ,KHA BYANG PHYOGS SU BLTAS TE DRI CHU'I SNOD BLANGS NAS 'DI SKAD BRJOD DO, ,KUN 'BYUNG ZAG PA GUR GUM CHU, ,RDO RJE DRI YI CHU YIN TE, ,CHU LAS MA BYUNG GANG YANG MED, ,LAS KYI RIGS KYI DAM TSIG DANG, ,NAN TAN YE SHES MCHOG KYANG 'GRUB, ,AOm A'A:H'Um AA MO GHA SIDDHI, BADZRA RA TI SA MA YA STVAm ZHES BRJOD DE BYANG
PHYOGS SU GZHAG GO ,SHAR GYI SNOD DANG DRI CHEN BLANGS TE 'DI SKAD BRJOD DO, ,SMAD PA MI GTZANG SNYIGS MA 'DI, ,RTOG PA DE NYID SNYIGS MA YIN, ,TSE MCHOG 'DZIN PA'I BDUD RTZI STE; ;GDOD NAS DAG PA'I RANG BZHIN PAS, ,BDE GSHEGS KUN GYI THUGS DAM NYID, ,GNYIS MED SKU RU SBYOR BAS NA, ,CHOS DBYINGS YE SHES DAM TSIG 'GRUB, ,AOm BEE RO TZA NA MO HA RA TI SA MA YA STVAm, MA H'A YO GA AA TI SPA RA nA BA LING+ TE, AA MRi TA AU TZI THA AA DHI TIshthA AOm ZHES BRJOD DO, ,DE NAS SGRUB PA PO KUN GYIS THAL MO SBYAR TE DBUS KYI SNOD YUM GYIS BLANGS TE 'DI SKAD BRJOD DO, ,YE SHES SNYING PO CAN RNAMS KYI, ,SANGS RGYAS KUN GYI CHOS NYID 'DI, ,SNYING PO CHOS KYI DON LAS 'BYUNG, ,BYANG CHUB SPYOD PA'I GNAS 'DI YIN, ,SMAD PAR BYA BA'I RDZAS LNGA BO, ,GCIG LA YON TAN LNGA LNGA 'AM, ,GCIG LA'ANG YON TAN GSUM DU DBYE, ,DAM TSIG RTZA BA BCO LNGA YIN, ,YAN LAG NYI SHU RTZA BRGYAD DO, ,SNOD BCUD DBUS SU BSDUS NAS NI, ,BCU DRUG POR YANG BSTAN PAR BYA'O, ,THABS DANG SHES RAB LDAN PA LAS, ,SEMS DPA' SEMS MA'I TSOGS SU BLTA'O, ,RTZA BA BRGYAD DANG YAN LAG BRGYAD, , RDZAS NI SEMS DPA' BCU DRUG STE, ,SNOD DBYINGS SEMS MA BCU DRUG YIN, ,'KHOR LO RTZI BAS NI BCU DRUG KYANG, ,RANG BZHIN MI GNYIS DBYINGS GCIG PAS, ,PHYAG RGYA THIG LE
, ,LDAN PAR BSGOM, ,SUM CU RTZA GNYIS MTSAN LDAN PA, ,DPE BYAD BZANG PO BRGYAD CUS BRGYAN, ,RDO RJE DBYINGS KYI DKYIL 'KHOR RDZOGS, ,RGYU YANG GSANG LA 'BRAS BU'ANG GSANG, ,RDO RJE DBYINGS KYI DKYIL 'KHOR LA, ,MDZOD LDAN DPAL GYI PHYAG RGYA DANG, ,KHA 'BYED RDO RJE PHYAG RGYA NI, ,'KHOR LO RTZIBS KYI DBUS SU GZHAG ,BDUD RTZI LNGA DANG RTZA BA BRGYAD, ,MIG DANG RNA BA SNA DANG LCE, ,MTSAN DANG RNAM SHES YUL BAR BCAS, ,'DUS LA MA BYAS RDO RJE STE, ,DGONGS PA 'DUS PAS RDO RJER BSHAD, ,RDO RJE SEMS DPAR RAB SBYAR NAS; ;RDO RJE SEMS DPA' NYID DU 'GYUR, ,AOm A'A:H'Um SARBA BANYTZA AA MRI TA BADZRA SATVA H'Um ZHES BRJOD DE, BDUD RTZI RNAM LNGA BYIN GYIS BRLAB CING BSKUL LO, ,DE NAM YANG RTZA BA BRGYAN DANG YAN LAG STONG DU 'DUS SHING SBYAR BA DANG, SKUL BA'I TSIG 'DI BRJOD DO, ,DE NAS YANG SNOD STONG PAR RGUN CHANG DANG, SBRANG CHANG DANG, RGYA CHANG DANG, BU RAM CHANG DANG, BZLAS CHANG DANG, CHANG SNA TSOGS SBRENG ZHING 'DI SKAD BRJOD DO, ,'BRU RNAMS LA YANG CHANG MED DE, ,CHU LA CHANG GI RANG BZHIN MED, ,MKHAS PAS 'BRU DANG CHUR SBYAR NA, ,MNYAMS NYID KYI CHANG DU 'GYUR, ,CHANG BYIN GYIS BRLAB BA'I SNGAGS, AOm AA MRi TA DZA GAD BRA BA SV'A H'A, AOm DZI BA SV'AH'A, SMAN CHANG DU BLUGS LA DKRUG PA'I SNGAGS, MU SA LA MU SA
LA; ;RO MCHOG GO 'PHANG THOB PAR 'GYUR, ,MI GTZANG BA LA'ANG GTZANG BA MED, ,MAN NGAG CAN GYI SGRUB PA POS, ,MKHAS PAS GNYIS MED SBYAR BAS NA, ,MNYAM PA NYID KYI DON THOB 'GYUR; ;KRO DHI SHVA RI SHO DHA YA SAm SHO DHA YA, YANG 'O MA SNA TSOGS SBRENG ZHING 'DI SKAD BRJOD DO, ,RTA DANG MI LA SOGS PA YI, ,JI LTAR 'O MAR GYUR PA LAS, ,MKHAS LDAN CHEN POS RAB SBYAR NA, ,YON TAN ZHO DANG MAR LTAR SNANG, ,DE BZHIN RDZAS RNAMS BSGYUR BAS NA, ,MNYAM NYID YON TAN MAR LTAR 'GRUB, ,CES BRJOD DE BYANG CHUB SEMS KYI SNOD DU SBRENG NGO, ,DE NAS RIN PO CHE SNA TSOGS BRDAR ZHING 'DI SKAD BRJOD DO, ,DPER NA GSER DANG RIN CHEN LTAR, ,GCIG TU BSRES DANG SO SOR GNAS, ,SO SOR GNAS KYANG RANG RANG GI ,KHA DOG MTSAN NYID SO SOR GSAL, ,RIN CHEN YON TAN DE 'DRA YANG, ,BSDUS NAS YON TAN RMAD DU 'GYUR, ,DE BAS GNYIS SPRAS MDZES PAR SNANG, ,DE BZHIN RDZAS KYI YON TAN YANG, ,RANG GI YON TAN RIN CHEN SNANG, ,GNYIS MED MNYAM PAR SBYAR BAS NA, ,BLA MED YON TAN RMAD DU 'GYUR, ,THAMS CAD GCIG TU BSDU BA 'O, ,DE NAS BDUD RTZI RA SA YAN SNA TSOGS BSDUS TE SNOD STONG PAR CHU SNA TSOGS SBRENG ZHING 'DI BRJOD DO, ,CHU RNAMS SNA TSOGS THA DAD PA, ,RGYA MTSOR PHYIN NA LAN TSVA'I RO, ,DE DAG THAMS CAD BSDUS PA'I DPAL, ,RGYA MTSO TZAM DU RLABS CHE LA,,
, ,CHOS KYI DBYINGS SU RO GCIG GO ,'BYUNG BA LNGA YI THUGS RJE LAS, ,SMAN DANG BDUD RTZI RNAM LNGA PO, ,'GRO BA YONGS KYI GSOS MDZAD PA, ,THUGS RJES BYIN GYIS BRLABS PA 'O, ,DNGOS PO MED LAS DNGOS GRUB BLANG, ,BYANG CHUB SEMS KYI SPRIN YIN PAS, ,JI LTAR DMIGS PA BZHIN DU 'GRUB PAR 'GYUR, ,DE SKAD CES BRJOD DE SMAN LAG TU BLANGS NAS NGOS NGOS NAS SMAN CHE BA'I YON TAN BRJOD DO, ,RANG BYUNG GDOD NAS DAG PA YI, ,RTZA BRGYAD STONG LAS SBYAR BA'I SMAN, ,RAS YAN LA SOGS RDZAS, , RTZA BA 'BUM BRAG YANGS PA'I BCUD, ,GNYIS MED BDE CHEN LAS BYUNG BA'I, ,BYANG CHUB SEMS NI RDO RJE STE, ,SHA CHEN MCHOD PA RIN PO CHE, ,ZAS MCHOG TSE YI DRI CHEN PO, ,PADMA ME TOG YANG DAG LDAN, ,RDO RJE CHU STE BDUD RTZI MCHOG ,GA BUR SHEL GYI SPOS PHOR BRI, ,RIN CHEN ME LTAR 'BAR BA'I TSOGS, ,YON TAN 'BUM PHRAG YANGS PA'I BCUD, ,RIGS LNGA DAM TSIG LNGA YI DNGOS, ,YE SHES LNGA RDZOGS GRUB PA'I RDZAS, ,RGYUD LNGA SEMS CAN KUN BSGRAL BA'I, ,DUG LNGA SEL BA'I THABS MCHOG STE, ,THAMS CAD RNAL 'BYOR BDUD RTZI CHE, ,MA LUS 'DUS PA'I THIG LE STE, ,SANGS RGYAS KUN DANG MNYAM SBYOR PHYIR, ,GCIG TU DPA' BO RO RNAMS DANG, ,GNYIS SU MED PAR MNYAM SBYAR NAS, ,DUS GSUM SANGS RGYAS THAMS
CAD DANG, ,RGYAL BRGYA MTSO RNAMS LA MCHOD, ,CES BRJOD DE, DE NAS SHES RAB YUM RNAMS KYIS SMAN LAG TU BZHAG LA, YANG BKRA SHIS PA DON LA DAM PA 'DI BRJOD DO, ,NGO MTSAR RMAD DU BYUNG BA'I CHOS, ,NAM MKHA' DANG NI MNYAM PA'I GNAS, ,RNAM PAR MI RTOG SNANG BA LAS, ,KUN RDZOB TZAM DU BSTAN PA MTSAR, ,ZHES BRJOD DO, ,SMAN SNOD BCUD CHAS PAR LAG TU BLANGS LA YUM GYI GTZO BO LA BDUD RTZI PHUL TE, GTZO BOS BLANGS TE PHYAG RGYA CHEN POR BSGYUR ZHING BSGOM MO, ,DE NAS SGRUB PA PO'I GTZO BOS DPAL CHAS SU ZHUGS TE, BA YANG NYO BA TI DANG, BA YANG SHANG GI RA DANG, NA RA SI RA DANG, THAL CHEN GYI THIG LES BRGYAN TE, SRO TZA AAm DZA NA DANG, DGUG CING G-YAB PA'I DAM RDZAS MCHOG GI HA STA DANG, BRTA SHA RI LA DANG, SHUN CHEN GYI 'BRENG BA 'DRE BRDAB PA'I LCAG DANG, RKANG GI GLING BU 'BUD CING KU SHA'I GLU BLANG, MCHOG GI TSAR MA DANG, SHUN CHEN GYI G-YANG GZHI BTING LA GU GUL GYI 'GO MA YENG GIS BSKUS LA RAKTA'I THIG LE DGU BYAS TE MTSON RE RE'I STENG DU TA KRID BRGYAD GZHAG GO ,BY'A GHRi TSAR MA'I G-YANG GZHI TA GIS GYON LA, MDUNG LA BA DAN 'PHYAR NAS THOGS TE, DKYIL 'KHOR YANG 'KHOR LO RTZIBS BRGYAD DBUS SU ZLA GAM DMAR PO GCIG BRIS NAS DE'I STENG DU SMAN SPUNGS LA, SGRUB PA PO YAB YUM YANG SBYOR BA TSUL BZHIN DU BGYI, LHA MO BCU DRUG GI BSNYEN PA BRGYA RTZA
, ,BRGYAD YAN CHAD GDON NO, ,DE NAS BYIN DBAB CING, DBAB PA'I PHYAG RGYA YANG BYA'O, ,G-YAB MO'I BRDA LA SOGS TE, BRDA SNA TSOGS DANG, THABS KYI RDO RJE BADZRA SHA RI RAM LA SOGS PA DANG, YANG NA MCHOG GI LAG PA G-YON GYIS SMAN DGUG CING G-YAB CING, ,MKHAR GZHONG GI NANG DU BSRES TE BTZAGS LA, SMAN BANDHA'I NANG DU BLUGS LA RDO RJES DKRUG CING GLU DANG, GAR DANG, RNGA DANG, DAM PA'I TSIG GIS BSTOD DO, ,SPOS KYIS BDUG CING GAR GYI BRO THAGS DANG, RDO RJE 'GROS KYIS DKYIL 'KHOR DU BDUD RTZI DBUS SU BZHAG LA BSKOR RO, ,DE NAS NGOS NGOS NAS KYANG CHE BA'I YON TAN BRJOD DO, ,YANG ZHI BA'I LHA'I DKYIL 'KHOR YANG, RIGS SO SO'I YIG 'BRU KUN SMAN LA BSTIM ZHING 'DI BRJOD DO; ;AOm AA MRi TA SARBA MAH'A YO GA H'Um, AOm BADZRA SARBA MA YA H'Um, AOm MAH'A SARBA AA MRi TA MAH'A SU KA HRI, AOm SARBA AE SHUDDHE, KRO DH'I SHVA RI, SARBA SHO DHA YA, AOm A'A:H'Um, BADZRA AA MRi TA H'Um HR'I THA ZHES RAB TU YANG BZLA'O, ,DE NAS HOM DANG, SBYIN SREG DANG, ME'I PHUD KYANG NANG DU BLUGS SO, ,DE NAS SEMS SBYANG BA'I SMAN, LENG LENG HVA DANG, SHEL GA PUR DANG, SNYING ZHO SHA DANG, MKHAL MA ZHO SHA DANG, GLA GOR ZHO SHA DANG, SHU DAG KU BER DANG, SHU DAG BA ME DANG, SHU DAG NAB SE DANG, RA SA YA NA DANG, RA SA YA NA TA NA DZA YA DANG, KHRUS
MKHAN AU BA LI'I THIG LES BRGYAN PA, GDOD SMAN BSRE ZHING SBYAR NAS DKRUGS LA BANDHAR STZAL TE BANDHA GNYIS KHA SBYAR LA DAR GYIS BCINGS LA MTSAMS SU RGYAS BTAB LA GZOD DKYIL 'KHOR ZLAG MA GYI DBUS SU GZHAG GO ,SNGAGS DGU PA 'DZAB TU DRANG NGO, ,'DI'I MGO MJUG TU TSOGS KYI MCHOD PA BAR MI GCAD, MDZAD PA BCU GNYIS KYI 'PHRO 'DU YANG BYA, SMAN SGRUB PA'I DON DANG, SBYAR THABS BSTAN PA'I LUNG DANG, LAS KYI RIM PA'I SKUL TSIG DANG, YO BYAD DU BYAS PA'I RNAM PA BDUD RTZI CHEN PO MCHOG GI LUNG LAS, BDUD RTZI BUM PA'I LUNG GI BAM PO BDUD RTZI 'BUM SDE LAS 'BYUNG BA'I DON BAM BO CHEN PO BDUN PA'O,, ,,