'BRAS BU CHEN PO LNGA BSGRAL BA'O (STA NA MA H'A DA RA PANYTZA)

RGYA GAR SKAD DU, STA NA MA H'A DA RA PANYTZA, BOD SKAD DU, 'BRAS BU CHEN PO LNGA BSGRAL BA'O, ,DPAL CHEN KHRO RGYAL 'KHOR DANG BCAS PA LA PHYAG 'TSAL LO, ,MI PHYED DANG BAS PHYAG 'TSAL NA, ,DE NAS STA NA'I LUNG BSHAD DE, ,YE NAS RGYU NYID DAG PA LAS, ,NGA DANG BDAG TU 'DZIN PA YIS, ,KHAMS GSUM 'KHOR BA'I RGYU RU GYUR, ,KHAMS GSUM DE DAG BSGRAL BA'I ZHING, ,A'A SA MA CA LA DHARMA DHA TU SVA BHA BA A'ATMA KO NYA HAm, RAm YAm KHAm TA THA PHAt, BCOM LDAN 'DAS KYIS BKA' STZAL TO, ,MI G-YO PHYAG RGYA CHEN PO'I DANG, , DBANG PH YUG CHEN PO'I BSGRAL THABS NI, ,'TSO BA'I BDAG PO'I TSE DANG SROG ,THUGS RJE'I NGANG DANG SHES RAB DANG, ,THABS LA MKHAS PA'I BYIN BRLABS KYIS, ,'GRO BA THAMS CAD SBYONG BAR MDZAD, ,BDUD DANG GSHIN RJE 'KHOR BCAS KUN, ,GNYIS MED PHYAG RGYAR ROL PA YIS, ,DUS LA BAB PO SA MA YA, ,AOm SARBA P'A PA KA HE HA SA SI STAm, TRAm KA RU NI H'Um, DZAm [?] DZA

, ,MA TANG GI NI RNAM SHES DE, ,NGES PAR GZUGS LA BAB NAS NI, ,tA KI ZHAL NI NUB TU BSTAN, ,DBANG DU BSDU BA'I LAS MDZAD KYIS, ,SANGS RGYAS KUN GYIS BYIN GYIS RLOB, ,KHAMS GSUM MA LUS BSGRAL BA'I ZHING, ,STA NA CHEN PO BYA BA'I PHYIR, ,BDER GSHEGS MANG PO KUN 'DUS SHING, ,BYAMS DANG SNYING RJE LDAN PA YIS, ,NYON MONGS 'KHOR BA'I RGYA DRAL TE, ,GNAS KYI SGO 'DI SU YIS BCAD, ,SEMS KYI BDAG POS BCAD DAM CI, ,GZUNG 'DZIN RKANG PA BSNOL BA YIS, ,YUL LAS 'DAS PA'I SGO PHYE ZHIG CES BRJOD DE SGO DBYE'O, ,KA TA RI KA NA PRA BE SHA ,G-YON PA'I ZHABS KYIS RU TRA'I GZUGS, ,GNAS KYI SGO 'DI BCAD BZHIN DU, ,BDE BAR GSHEGS PA'I SKYABS SU GSOL, , SHI BA'I SDUG BSNGAL 'DIR BYUNG NGO, ,ZHES LHA CHEN PO BRGYAD KYIS DUS GCIG TU TSIG DE SMRAS SO, ,tA KI BRGYAD KYIS BKA' STZAL PA, ,DREGS PA MA RUNGS LHA CHEN KHYOD, ,SEMS KYI SGO KUN DE DBYE YI, ,RDO RJE 'BAR BA'I SPU GRI YIS, ,GNAS KYI SGO KUN DE PHYE NAS, ,SEMS KYIS BDAG POS GZUNG BAR BYA, ,STON PAS GSUNGS PA, SKYE BA'I RKYEN GYIS 'CHI BA YIN; ;SDIG PA'I RKYEN GYIS BCOM PAS 'CHI, ,BDAG KYANG DNGOS POR LTA BAS 'JIG ,NGA YI BSTAN PA 'DI LA GZUNG, ,'ON KYANG 'CHI BA'I SDUG BSNGAL BRAL, ,GZUGS 'DZIN

RKANG LAG YUL LAS BZLAS, ,PHO MO BSNOL TE MNAN PA YANG, ,MGO NI LHO NUB MTSAMS SU BSNAN, ,RKANG PA BYANG SHAR MTSAMS SU BRKYANG, ,tA KI'I ZHABS NI G-YAS PA YIS, ,RU TRA LING+GA'I STENG DU MNAN, ,DE LTAR LING+GA MNAN BYAS NA, ,THAR BYED CHEN PO'I 'GYING STABS KYIS, ,RNGAM BRJID CHEN POS 'DI SKAD DO, ,SA MA YA KE SHA TZI tA DZVA LA H'Um PHAt, CES MNAN NO; ;MA H'A DE BA RU TRA DZA ZHES PA DANG, KHAMS GSUM NAS 'BYUNG SEMS CAN RNAMS, ,RDO RJE SKU YI KHYAD PAR GYIS, ,'OD ZER TSUL DU BSDUS NAS NI, ,DE DAG BDAG GIS GZUGS LA GZUNG, ,SPRO BA RDO RJE THAMS CAD KYIS, ,SKU DANG YE SHES MCHOG GIS BYA'O, ,THAR PA'I LAM 'BYED DKYIL 'KHOR 'DIR, ,BROD PA CAN RNAMS 'ONG BA LTAR, ,SKAL DANG LDAN PA RIGS KYI BU, ,BDE BAR 'ONGS PA LEGS TE 'ONGS, ,RNAL 'BYOR DBANG PHYUG CHEN PO YIS, ,RTZE RGYAL BSTAN PA'I GNAS CHEN 'DIR, ,BO DHI TZITTA'I DBYINGS NYID DU, ,KHAMS GSUM 'KHOR BA KUN BSDU'O, ,CHOS NYID SKYE 'GAG MED PA LA, ,BDE BAR GSHEGS DANG 'GRO BA ZHES, ,DBYINGS SU GCIG PAS GNYIS SU MED, ,KUN KYANG NGO BO MNYAM NYID DE, , THAMS CAD SNYING PO BYANG CHUB SEMS, ,MA SKYES PAS NA 'GAG PA 'JIG ,BDAG NYID MED NA MNYAM PA'I SKU, ,THUGS RJE CHEN PO CIR MI MDZAD, ,YE GNAS DE LTAR DE BZHIN DU, ,

, ,SEMS CAN MA RIG RMONGS PA'I BLOS, ,BDAG DANG BDAG GIR SO SOR 'DZIN, ,RTAG CHAD MTHA' GNYIS MA SPANGS TE, ,NOR BAS BTAGS PA'I PHUNG PO LNGA, , LOG RTOG PHYIN CI LOG BZHIS BCINGS, ,NYON MONGS SDUG BSNGAL RGYU BSAGS TE, ,'KHOR BA'I RGYUD LNGA KHA BRIMS PAS, ,MYA NGAN MI 'DA' YUN RING STE, ,PHUNG PO KHAMS DANG SKYE MCHED LA, ,'KHRUL PA'I PHAG CHAGS BAG LA NYAL, ,BDE 'GRO'I LAM LA BSGRIBS PA RNAMS, ,'KHOR BA'I LAM LNGA RGYUN GCAD PHYIR, ,NGAN SONG RNAM PAR SBYONG BA'O, ,MA TA MA TA SARBA PRE TA GA TE HE TUm H'Um PHAt, PA TZA PA TZA SARBA TI RA YA HE TUm PHAt, DA HA DA HA SARBA NA RA GA TE HE TUm H'Um PHAt, DE LTAR NGAN SONG RNAMS SBYANGS TE, ,SDUG BSNGAL GSUM GYI SGO BCAD PHYIR, ,RAm YA KHAm ZHES BRJOD LA, YE SHES 'BAR BA'I MES BSREGS TE, ,MTSAN NYID MED PAR STONG PAR 'GYUR, ,DUS LA BAB PA'I SEMS CAN DE, ,LAS LA BAB PA'I RNAL 'BYOR PAS, ,RDO RJE DBYINGS KYI DKYIL 'KHOR 'DIR, ,THUGS RJE LCAGS KYUS BKUG NAS NI, ,SKAL DANG LDAN PA'I RNAM SHES DES, ,THUGS RJE CHEN PO'I BYIN RLABS KYIS,, SKU YI SPRUL PA PHYOGS BCUR BKYE, ,GSUNG GIS SEMS CAN MTHA' DAG GROL, ,THUGS NI TSAD MED BZHI DANG LDAN, ,NYI ZLA GSAL BA'I DKYIL 'KHOR DU, ,TSE DPAG

MED PAR DBANG BSKUR NAS, ,YANG DAG NYID LA YANG DAG SGROL, ,YANG DAG BSGRAL NA BDE CHEN THOB, ,MI LDOG SA LA NGES PAR PHYIN, ,PHYIN PA TZAM GYIS DBANG THOB NAS, ,RGYAL BA'I ZHING KHAMS DBYINGS NYID MTHONG, ,RGYU DRUG GNAS SU MI SKYE PHYIR, ,DPA' BO 'BRU LNGAS LAM LNGA DGAG ,AOm A'A: H'Um SV'AH'A, 'OG MIN DGA' LDAN LHA YUL DU, ,YE SHES RLUNG GIS BRTEN NAS NI, ,SBYOR BA'I LHUMS SU PHAt GYIS 'PHANG, ,AA NRI SU TRI PRI DU, GANG YANG RUNG BA'I RNAM SHES DE, ,GSANG BA'I DBYINGS SU H'Um GIS BSDU, ,SKUR BSKYED YE SHES SKUR SPROS TE, ,DBYINGS DANG YE SHES LHUN GRUB PAS, ,SANGS RGYAS ZHING KHAMS RAB 'BYAMS DANG, ,BDE GSHEGS PHO BRANG DKYIL 'KHOR DU, ,RDZU 'PHRUL ZHABS DANG LDAN PA YIS; ;'PHAGS PA'I LAM DU RLUNG ZHUGS NAS, ,CHOS KYI 'KHOR LO BSKOR ZHING GSHEGS, ,'JIG RTEN LHA YI GTZO BO DANG, ,NYAN THOS DGRA BCOM RANG RGYAL DANG, ,SA BCU'I BYANG CHUB SEMS DPA' YIS, ,'JIG RTEN 'DAS PA'I MCHOD PAS MCHOD, ,STUG POS BRGYAN PA'I SA 'DAS NAS, ,PADMA SPYAN GYI SA LA GZHAG ,'CHI BA MED PA'I CHOS SKU THOB, , STONG GSUM MA LUS BTON PA BAS, ,'BUM GYI CHAR YANG MI PHOD DE, ,RANG SEMS MA BCOS YE NAS CHUB, ,SKYES BU CHEN PO RNAL 'BYOR GYIS, ,BSGRAL BA 'BA' ZHIG SNYING RJE'I MCHOG

, ,DE NAS MA TRANG RU TRA DE BSGRAL TE, ,SNGON BYUNG BA YI GLENG GZHI DANG, ,GTAN TSIGS SU DGONGS NAS PHYI RABS KYI SNGAGS 'CHANG RNAMS YID CHES PAR BYA BA DANG DAD PA CAN GYI RNAL 'BYOR PA RNAMS DRANG BA'I PHYIR DUR KHROD CHEN PO'I GNAS BRGYAD DANG, MA MO CHEN PO BRGYAD DANG, RANG BYUNG GI MCHOD RTEN CHEN PO BRGYAD, 'DI MAN CHANG GTAN TSIGS DANG BCAS TE BSTAN TO, ,GONG DU BSGRAL BA'I BSAM RGYUD NI, 'OG NAS ZHIB TU BSTAN NO, ,'DI YANG BSNOR TE LUNG DKYUS NAS BSTAN NO, ,BDUD DANG DBANG PHYUG GSHIN RJE DE; ;THUGS RJE TSAD MED BZHIS BSGRAL NAS, ,RO YI NYAL THABS GAN RKYAL TE, ,DZAMBU GLING LO'I GLING KHAMS SU, ,BOR NAS SA GZHIR GYUR PA NI, ,DUR KHROD CHEN PO BRGYAD DU GYUR,, MGO NI LHO NUB MTSAMS SU BSTAN, ,RKANG PA BYANG SHAR MTSAMS SU BSTAN, ,LAG PA GNYIS NI G-YAS G-YON BRKYANG, ,MGO DANG LUS SNYING YAN LAG KUN, ,GNAS KYI DUR KHROD CHEN PO BRGYAD, ,DE NI DPAL CHEN BZHUGS GNAS YIN, ,THUGS RJE CHEN PO'I BYIN RLABS KYIS, ,RO YI SRUNG MCHEN MO NI, ,MA MO CHEN MO BRGYAD GZHAG GO ,DE YI GNAS RTEN CHEN POR YANG, ,MCHOD RTEN CHEN PO GZI BYIN CAN, ,RANG BYUNG RE RE BZHAG PA YIN, ,DE LTAR SA GZHI 'DI KUN YANG, ,BKRA SHIS YA MTSAN THUGS RJE CAN, ,CHOS DANG

DNGOS GRUB 'BYUNG BA'I GNAS, ,CHO 'PHRUL 'BYUNG BAR BKA' STZAL TO, ,DE YI LUS SNYING MA GA TA, ,DUR KHROD CHEN PO BSIL BA'I TSAL, ,MA MO CHEN MO KE'U RI GNAS, ,MKHAS SHING SNYING STOBS CHE BA'I SA'O, ,MCHOD RTEN MING NI BDE BYED RTEN, ,DE YI MGO BO LHO PHYOGS KYI, ,DUR KHROD CHEN PO BZHAG PA NI, ,SING+GA YUL GYI GLING PHRAN YIN, ,MA MO CHEN MO TZE'U RI GNAS, , MTHONG THOS RNAM PA'I 'PHRUL BAG CAN, ,MCHOD RTEN RI BO TA LA LA, ,LAG PA G-YAS PA SHAR LHO'I MTSAMS, ,DUR KHROD CHEN PO BAL YUL YIN, ,MA MO CHEN MO PUKKA SI, ,LHAG PAR ZAS KYI LONGS SPYOD CHE, ,MCHOD RTEN KHA SHO BY'A GHRi KHA'O, ,LAG PA G-YON NI LHO NUB MTSAMS, ,DUR KHROD CHEN PO SA LA'I YUL, ,MA MO CHEN MO BE T'A LI, ,PHYAG NA RDO RJE DBANG GI GNAS; ;DE NI MTHU DANG DBANG YANG CHE, ,GYAD YUL CHEN PO'I SA LAS NI, ,MCHOD RTEN MA LA SA GANDA, ,RKANG PA G-YAS PA BYANG SHAR MTSAMS, ,DUR KHROD CHEN PO LI YI YUL, ,MA MO CHEN MO TZAndA LI, ,LHA MO SHANG KI NI ZHES GRAGS, ,CHU DANG ME GRUB RDZU 'PHRUL CAN, ,MCHOD RTEN MING NI GE'U TO SHAN, ,RKANG PA G-YON BA NUB BYANG MTSAMS, ,DUR KHROD CHEN PO KHA CHE'I YUL, ,MA MO CHEN MO PRA MO HA, ,BDE SKYID LDAN PA PHUN SUM TSOGS, ,MCHOD RTEN MING NI SKA NI SKA, ,PHO MTSAN STENG GI BYANG PHYOGS NA, ,DUR KHROD CHEN PO AU RGYAN YUL, ,

, ,MA MO CHEN MO GHA SMA RI, ,'BYOR PA'I LONGS SPYOD LNGA DANG LDAN, ,DNGOS GRUB CAN YANG DE NA MANG, ,GZI YI MCHOD RTEN CHEN PO STE, ,MING YANG DHARMA TZA KRA 'O, ,DE YI NANG KHROL THAMS CAD KUN, ,DUR KHROD CHEN PO ZA HOR YUL, ,RGYA MTSO'I SGO GLING MA HA DO, ,LANG+GA BU RANGS SRIN PO'I GNAS, ,MA MO CHEN MO SMA SHA NI, ,MNGON SHES RDZU 'PHRUL BSAM MI KHYAB, ,SRIN PO SRIN MO SHA ZA RNAMS, ,DE DAG KUN LA DBANG SGYUR ZHING, ,RIN CHEN NOR BU DPAG BSAM SHING, ,'BYOR PA'I YO BYAD KUN DANG LDAN, ,MCHOD RTEN BDE BYED GZHON NU 'O, ,'JIG RTEN KUN TU BSTAN PA YI, ,DUR KHROD CHEN PO'I GNAS BRGYAD DO, ,DE LTAR STA NA'I DKYIL 'KHOR 'DIR, ,'DAS PA'I DUS NA SNGON BYUNG BA'I, ,SANGS RGYAS KUN GYIS BYIN GYIS BRLABS, ,DE LTAR GYUR PA'I 'DZAM GLING DU, ,SKYE SHI GNAS PA'I YUL YIN PAS, ,PHYI RABS SNGAGS KYI SGRUB PA POS, ,'JIGS BYED CHEN PO KHRAG 'THUNG GI ,DUS GSUM RGYAL BA'I BKA' BZHIN DU, ,BSKYOD NAS BYIN GYIS BRLABS PA NI, ,SNGAGS MCHOG BDUD RTZIR BSGRUB PA'I PHYIR, ,RGYU DANG DAM RDZAS THAMS CAD NI, ,SANGS RGYAS GRUB PA'I RGYU DANG BZHI, ,DAM TSIG DAM PAR SRUNG BA'I RDZAS, ,BYIN GYIS BRLAB PAR BYA BA 'O, ,DE NAS 'JIGS BYED CHEN PO'I DKYIL 'KHOR BSKYED DE, NGES DON GCIG TU

LAM RGYUD LNGA NI, 'BRAS BU CHEN PO LNGA YIN TE, DE DAG THAMS CAD 'JIGS BYED CHEN PO'I DKYIL 'KHOR GYIS DUS GCIG TU BSGRAL BA'I PHYIR BDUD YAKshA MA H'A RU TRA ZHES BYA BA ZHIG DUS DER BSGRAL ZHING GNAS SPAR RO, ,DE LA, BDAG NYID SKU NI SMUG NAG 'BAR, ,PHYAG NA MTSON CHA SNA TSOGS BSNAMS, ,PRA DZNY'A KE SHA TZITTA DZVA LA H'Um PHAt, MA NU DHA RAm TO SHA PHYUNG, AU MA DAR MA BADZRA MA H'A MAm SA, TRA MA KHA'I ZHES BSGRAL TE, AE HYE HI MA H'A RU TRA, SHA TU MA KA RA, BADZRA NI H'Um PHAt, MA H'A DE BA RU TRA H'Um DZA DZA' ZHES BRJOD DE, STA NA DANG GHA NA CHEN POR BYAS TE RNAM PAR SHES PA BYANG CHUB SEMS SU DBANG BSKUR RO, ,DE NA STA NA'I DKYIL 'KHOR 'DIR, ,DUR KHROD BDAG PO BTUL NAS NI, ,'KHOR BCAS MA LUS DBANG DU BSDUS, ,'JIG RTEN GTZO BO LHA BRGYAD DANG; ;SRIN MO BRGYAD DANG BU MO BRGYAD, ,DBANG PHYUG NYI SHU RTZA BRGYAD KYIS, ,'DI SKAD CES NI KHAS BLANGS TE, ,MGRIN GCIG TU NI RAB SMRAS PA, ,RDO RJE 'BAR BA'I ME DPUNG GIS, , BSKAL PA BAS KYANG SREG MDZAD PA, ,'JIGS TSUL RNGAM PA'I KHYAD PAR CAN, ,DBU MANG RTZUB PA'I TSIG SGROGS SHING, ,PHYAG MANG 'JIGS PA'I MTSON CHA BSNAMS, ,ZHI BA'I PHYAG STONG SPYAN STONG YANG, ,'JIG RTEN KHAMS KUN SPA GONG NA, ,KHRO GNYER PHYAG STONG SPYAN STONG GIS, ,DPA' BO SGEG DANG 'JIGS SU RUNG, ,RGOD DANG GSHE DANG 'JIGS PAR BYED, ,SNYING RJE

, ,RNGAM DANG ZHI BAR STON, ,'BAR BA'I TSOGS CHEN SNA TSOGS CAN, ,KHAMS GSUM LHA CHEN THAMS CAD DANG, ,'JIG RTEN THAL BAR RLOG MDZAD PA, ,AE MA HO CHA MCHOG HE RU KA, KHRO RGYAL KHYOD LA SKYABS SU MCHI'O, ,THUGS RJE NAN TAN BDAG CAG GZUNG, ,GAL TE BKA' BZHIN MA BGYIS NA, ,BDAG CAG RNAMS KYI MGO LUS SNYING; ;DUM BU BRGYAR NI GTUBS 'GYUR BGYID, ,DE PHYIR 'BAR BAS BDAG MA GTANG, ,ZHES MTHUN PAR SMRAS SO, ,KHAMS GSUM THAMS CAD BSGRAL BA'I ZHING, ,RGYU DRUG GNAS PA'I SEMS CAN RNAMS, ,BSDU BA'I SBYOR BAS KUN BSDUS NAS, ,MI LDOG DBYINGS SU YANG DAG NYID, ,THIG LE CHEN POS DBANG BSKUR TE, ,ZLA GSANG DBUS NA BYANG CHUB SEMS, ,RDZOGS SANGS RGYAS LA SAM NYI MED, ,SHA CHEN BSHANG GCI KHU BA KHRAG, BDE GSHEGS LNGA YI SA BON STE, ,RNAM PAR DRI CHEN SNANG BAR MDZAD, ,PHYI ROL CHEN PO LNGA DAG LA, ,NANG GI RGYU 'BRAS YE NAS DAG ,MI BSKYOD BYANG CHUB SEMS NYID DE, ,DMIGS SU MED PAS DAG PA YIN, ,MAm SA RIN CHEN 'BYUNG LDAN PO, ,MNYAM DANG MI MNYAM DBYER MED DO, ,SNAG PA RAKTA MTHA' YAS THUGS, ,SKYE 'GAG MED DE YE NAS DAG ,DON YOD DRI CHU LAS GRUB PA, ,DRI MED RGYU NAS RNAM PAR DAG ,KUN KYANG GTZANG ZHING DRI MED

PAS; ;THAMS CAD MA LUS SANGS RGYAS LNGA, ,LUS PA MED PAS YE SHES DANG, ,MA BCOS YE NAS DE NYID DO, ,DE PHYIR SMAN CHEN BCUD KYI MCHOG ,BDUD RTZI ZHES NI DE LA BYA'O, ,RTOG PA'I KLONG DU SU 'DRIS PA, ,MI ZHES BYA BA SANGS RGYAS YIN, ,BCOM LDAN 'DAS NI GUD NA MED, ,'BYUNG BA LNGA LAS GYUR PA'I RGYU, ,SPRUL PAS RIGS LNGA'I SANGS RGYAS YIN, ,RANG GI LUS LA BSDU BA'I PHYIR, ,SKU GSUM RDO RJE DBANG THOB 'GYUR, ,DE PHYIR BSGRUB PA'I RDZAS SU GSUNGS, ,DE SKAD CES SMAN SPYOD PA'I LUNG DU BKA' STZAL TO, ,BDUD RTZI CHEN PO MCHOG GI LUNG 'BUM SDER BZHUGS PA'I NANG NAS LUNG AA NU YO GA'I SPYOD PA BLA NA MED BSTAN PA STE BAM PO CHEN PO BZHI PA'O,, ,,