acip-k_lha_sa-099-007 · GMLW-006825

TSANGS PA LA SOGS PA DRANG SRONG DANG, LHA DANG, KLU DANG (AA MRi TA RA SA YA NA TA NA DZHA YA, PRA SHA STA PHRA MA NA SHRI KRA NA SHASTA YA NA MO)

נושאי-מדףSubjects:
RGYUDSecret Teachings (Tantra)
נושאיםTopics:Secret Wordsthe Secret World
נמצא בfound inSecret Teachings (Tantra)
מהדורהrecensionLhasa
כותרת בסנסקריטSanskrit titleAA MRi TA RA SA YA NA TA NA DZHA YA, PRA SHA STA PHRA MA NA SHRI KRA NA SHASTA YA NA MO
כניעה לhomage toMI'I BYANG CHUB SEMS DPA' RNAMS
פוליוfolios299a–306a
צורהformverse
מצב תרגוםtranslationno English of the text
כיסוי המילון לכותרתdictionary coverage of the title100%
ז'אנרgenreRoot Texta section in verse of a much larger tantra collection
אנשים ומקומותpeople and places namedCharaka · Manjushrithe opening bows to a list of the great sages, Charaka among them; the closing has Manjushri transmit the teaching
רמת קושיlevelneeds a teacher
תלות קדםread firstinitiation into the highest class of tantrathe text is a transmission of the elixir practice within a tantra collection
הכותרת אומתה מול הטקסטtitle verified against the textnothe closing places it as BAM PO the SECOND of the Great Nectar Supreme Hundred-Thousand Collection

הקבציםThe files

acip-k_lha_sa-099-007_TSANGS PA LA SOGS PA DRANG SRONG DANG, LHA DANG, KLU DANG (AA MRi TA RA SA YA NA TA NA DZHA YA, PRA SHA STA PHRA MA NA SHRI KRA NA SHASTA YA NA MO).txt/12. RGYUD_Secret Teachings (Tantra)/VOL 21 (ZHA)

הטקסטThe text

טיבטיתTibetanacip-k_lha_sa-099-007_TSANGS PA LA SOGS PA DRANG SRONG DANG, LHA DANG, KLU DANG (AA MRi TA RA SA YA NA TA NA DZHA YA, PRA SHA STA PHRA MA NA SHRI KRA NA SHASTA YA NA MO).txt16,957 תוויםcharacters
299a

RGYA GAR SKAD DU, AA MRi TA RA SA YA NA TA NA DZHA YA, PRA SHA STA PHRA MA NA SHRI KRA NA SHASTA YA NA MO, ,BOD SKAD DU, TSANGS PA LA SOGS PA DRANG SRONG DANG, LHA DANG, KLU DANG, MI'I BYANG CHUB SEMS DPA' RNAMS LA PHYAG 'TSAL LO, ,DE NAS TSANGS PA'I GTZO BO MCHOG ,DUNG GI THOR TSUGS KHONG SENG CAN, ,TSANGS PA KUN GROL CHEN PO DANG, ,DRANG SRONG CHEN PO LJANG SNGON DANG, TZA RA KA DANG NAB SO SKYES, ,THA SKAR BU DANG LHA SKABS DANG, ,RGYUN SHES PA DANG G-YON PHYOGS LHA, ,THANG LA GNAS DANG ME BZHIN 'JUG ,DKA' GNYIS SPYOD DANG KA LA YAN, ,SHING KHYER DANG NI LJANG SNGON PU, ,NYI MA ZLA BA KLU RU BCAS, ,SHING GI LHA MO 'OD 'CHANG MA, ,SMAN GYI LHA MO NOR GYI RGYUN, ,'DI KUN 'KHOR DANG BCAS PA YIS; ;KUN BZANG LHA LA PHYAG 'TSAL NAS, ,SMAN GYI DBANG DANG DAM TSIG MNOS, ,DRANG SRONG RNAMS LA RJES SU GNANG, ,DE NAS KUN BZANG BDE GSHEGS KYIS; ;SMAN GYI RGYAL PO BDUD RTZI MCHOG ,NGES PA'I LUNG 'DI BKA' STZAL TO, ,DE NAS THUGS RJE'I CHO 'PHRUL GYIS, ,SA RNAMS RAB TU G-YOS

299b

NAS NI; ;STONG GSUM 'JIG RTEN SA STENG DU, ,THAMS CAD SMAN CHEN RA SA YAN, ,SKYE BA MED LAS THAMS CAD SKYES, ,DE LTAR SMIN PAR BYED PA YANG, , THUGS RJE RGYA MTSO CHEN PO LAS, ,THUGS RJE SPRIN NI KHYAB PA YIS, ,SPRIN CHEN GLOG GI PHRENG BA CAN, ,YUD TZAM SGRA DANG BCAS PA YIS, ,SA STENG KHENGS PAR CHAR PHAB NAS, ,DE NYID THUGS RJE SNYEMS PA'I MGON, ,CHU YI PHUNG PO BDUD RTZI YIS, ,MA LUS PAR NI NGOMS PAR BYAS, ,BDUD RTZI'I RGYA MTSO THIGS CHEN GYIS, ,SA DANG SMAN RNAMS KUN GYI GSOS, ,RI RAB RTZE MO RI SU LA DANG, ,SMAN LJONGS DANG NI NAGS TSAL DANG, ,LCANG LO CAN GYI 'KHOR KUN DU,, SMAN CHEN BDUD RTZI CHAR GYIS BRLAN, ,CHU DE THAMS CAD RO GCIG STE, ,CHU YI BCUD LA SKYES PA NI, ,DPAG BSAM SHING DANG GEL BA'I SHING, ,LJON SHING DANG NI TZU TA'I SHING, ,SA STENG KHEBS PAR SKYES PA STE, ,BDUD RTZIR GYUR TE THAMS CAD RGYAS, ,SDONG PO DANG NI SDONG CHEN DANG, ,RTZA BA SDONG BU SHUN LPAGS DANG, ,SNYING PO YAL GA LO MA DANG, ,'DAB MA ME TOG 'BRAS BUR BCAS, ,DE BZHIN 'BRU YI RNAM GRANGS KUN, ,THAMS CAD BANGS SHING SMIN PAR MDZAD, ,'THUNGS NA NGOMS TE RGYAS

300a

, ,PAR GYUR, ,SO SO'I YUL DANG GNAS DAG DANG, ,MDOG DANG RO DANG DRI DANG MTHU, ,GANG GIS SA BON DE NYID LAS, ,DE DAG RANG RANG 'BYIN PAR BYED, ,DE BZHIN SROG CHAGS THAMS CAD KUN, ,RA SA YA NA'I RDZAS LA SPYOD, ,'GRO BA DRUG GI GSOS SU 'GYUR, ,BDUD RTZI SGO NI RNAM PAR PHYE, ,'JIG RTEN MGON POS BKA' STZAL TO, ,DE NAS BYANG CHUB SEMS DPA' SEMS DPA' CHEN PO 'JAM DPAL RNON POS BSDUS TE BKA' STZAL PA, LHA DANG, KLU DANG, DRANG SRONG DANG, MI'I BYANG CHUB SEMS DPA'I DGE BSNYEN CHEN PO DRI MA MED PAR GRAGS PA LI TZA B'I LA SOGS PA LA BDUD RTZI RA SA YA NA TA NAN DZHA YA 'DI DAG BSTAN NO, , DANG POR BSGRUB PA'I YUL DANG GNAS NI, AU HU SI TI PA TZA ZHES BYA STE, ,BA TRI SA ZHES KYANG BYA BA RI'I RGYAL PO GSER MDOG CAN GYI RTZE MO RTA RNA RI ZHES BYA BA DER RAS YA NA ZHES BYA BA DRANG SRONG RNAMS KYIS BSGRUBS SO, ,DE YANG THANG GCIG YUD KYIS 'GRUB, ,LA LA NYIN ZHAG GCIG GIS 'GRUB, ,LA LA NYIN ZHAG BDUN GYIS 'GRUB, ,THA MA NYI SHU GCIG GIS 'GRUB, ,DE LA THE TSOM MED BAS 'GRUB, ,DE DAG KUN GYI MTSAN NYID NI, ,RTZA BA SDONG BU YAL GA DANG, ,LO MA 'DAB MA ME

300b

TAG DANG, ,SHUN LPAGS 'BRAS BU SNYING POR BCAS, ,RO DANG MTHU DANG MDOG DANG LAS, ,RTZA BA GCIG LA YAN LAG BRGYAD, ,YAN LAG BRGYAD LA YON TAN STONG, ,'DI DAG KUN GYI YON TAN YANG, ,BZHI BRGYA RTZA BZHI'I NAD SEL ZHING, ,BDUD BZHI NGES PAR 'JOMS PAR BYED, ,SMAN GYI RGYAL PO BDUD RTZI'I MCHOG ,BCOM LDAN 'DAS KYIS BKA' STZAL TO, ,DRANG SRONG CHEN PO 'DI KUN KYANG, ,MNGON SHES LNGA DANG LDAN 'GYUR ZHING, ,RIG PA'I GNAS MCHOG BCO BRGYAD SHES, ,DE NAS SMAN NI BSGRUB PAR BYA, , STEGS BU KHRU GANG PA GCIG LA, ,MAndAL GTZANG MA'I DRIS BYUGS LA, ,DE YI DBUS SU SMAN GYI MCHOG ,BDUD RTZI CONG ZI RNAM GSUM DANG, ,SER SKYA BA LAS BYUNG BA YI; ;'O MA BRE GANG BTZAGS NANG DU, ,AA SHO KANDA'I PHYE MA DANG, ,BSRES NAS BSKOL BA'I NANG DU GDAB, ,LCAGS LAS BYAS PA'I SNOD DU BLUGS, ,STEGS BU'I DBUS SU BZHAG NAS NI, ,BYIN GYIS BRLABS PA'I SNGAGS 'DI DAG ,STONG NGAM BRGYA NI RTZA BRGYAD BZLAS, ,AOm BADZRA AA MRi TA, PA LA LI KA ,BE LA LIG TZA NA DA LIG SV'AH'A, DNGOS GRUB BLANG BA'I SNGAGS 'DI'O, ,AA MRi TA SIDDHI BYI TZURNA YA ,SV'AH'A, BU TZA LHA HA KA NA, BYIN GYIS BRLAB CING BZA' BA YANG, ,NYI MA'I GUNG LA BZA' BAR BYA, ,DON DAM

301a

, ,THIG LE BDEN PA LAS, ,SNYING PO MED LAS SNYING PO BLANG, ,RNAM SMIN 'BRAS BU RIG 'DZIN 'GRUB, ,NAD MED LO BRGYA 'TSO BAR BYED, ,DE NAS DRANG SRONG NYI SHU GCIG ,GRUB PA'I RIG 'DZIN MCHOG TU GYUR, ,DE YI 'OG TU DRANG SRONG MCHOG ,BCO LNGA YIS NI BDUD RTZI SMAN, ,RA SA YA NA DAM PA 'DI, ,TSE YI RIG 'DZIN 'DOD PA'I PHYIR, ,GZHON NU SRED CES BYA BA DANG, ,'DRON SKYOB CES NI BYA BA DANG, ,RTZIBS KYI MU KHYUD LA SOGS PAS, ,CHU BO GANG+G'A'I 'GRAM DU BSGRUBS,, LHA RDZAS DAG PA AA RU RA, ,RIGS BDUN SA LA LHUNG BA NI, ,BRGYA BYIN BDUD RTZI 'THUNG BA'I TSE, ,THIGS PA BDUN NI KHA NAS LHUNG, ,RLUNG GIS KHYER TE SA LAS SKYAS,, BDUD RTZI'I GTZO BOR RAB TU GRAGS, ,RLUNG DANG MKHRIS PA BAD KAN DANG, ,'DUS PA'I NAD DANG DUS KYI NAD, ,DUS MIN 'CHI LAS THAR BAR BYED, ,RLUNG MKHRIS BAD KAN 'DI KUN YANG, ,GCIG LA'ANG LNGA LNGA YOD PAR BSHAD, ,DE KUN RAB TU BSAL BA'I PHYIR, ,PHUNG PO'I BDUD DANG NYON MONGS BDUD, ,LHA BU'I BDUD DANG 'CHI BDAG BCOM, ,BDUD RTZI 'DI YIS SEL BAR BYED, ,SHAR LHO NUB BYANG GANG YANG RUNG, ,BRAG PHUG STONG PA YOD PA LAS, ,BDUD RTZI 'DZAG PA'I KHU BA NI,,

301b

RIN CHEN SNA LNGA 'BYUNG BA 'O, ,MING NI SHI LA MDZA' DU ZHES, ,RA SA YA NA BDUD RTZI'I MCHOG ,AA RU RA BRGYA RTZA BRGYAD DAM, ,YANG NA NYI SHU RTZA GCIG GAM, ,SUL BU ZLUM POR GYUR BTZOS TE, ,DE DAG RAB TU BTZOS PA DANG, ,LCAGS ZANGS 'KHAR BA'I SNOD NANG DU, ,BKANG STE STEGS BU GONG MA YI, ,DBUS SU BDUD RTZI SMAN DE GZHAG ,BYIN GYIS BRLAB PA SNGA MA BZHIN, ,'OD DANG DRI BRO BA'ANG MED, ,RTAGS 'DI RNAM GSUM GANG BYUNG YANG, ,LAG PA G-YON PA BKAN TE 'PHYAR, ,MTHE BONG SRIN LAG MTHIL DU DGUG ,BLANGS TE BTUNG BA'I SNGAGS 'DI'O, ,AOm AA MRi TA SIDDHI BYI TZURNA YA, ,LHA HA KA NA ZHES BRJOD DO, ,DE YI YON TAN BRJOD MI LANG, ,RDO RJE BRAG DANG 'DRAR 'GYUR TE; ;NAD MED RTAG TU DAR LA BAB, ,GRUB PA'I RIG 'DZIN DAM PAR 'GYUR, ,SRID PA CHAGS NAS SRUB SHING GIS, ,BSRUBS PA'I 'BRAS BU RIN PO CHE, ,ME SHEL CHU SHEL GNYIS BYUNG BA, ,DE YANG THABS DANG SHES RAB STE, ,NYIN MTSAN GNYIS LA DBANG BYED PA'O, ,DE NYID ZUNG YANG 'KHOR DU BCAS, ,DE NAS BDUD RTZI ZAGS PA NI; ;SA DMAN DAG TU MI SKYE STE, ,AA LA PE TAS SAR KAL BA, ,LHA DANG DRI ZA GNOD SBYIN DANG, ,RIN CHEN SNA TSOGS 'BYUNG KHUNGS GNAS, ,LEGS LDAN GANGS

302a

, ,RA GNYAN GYI SHOD, ,RI BRAG CHU KLUNG BGEGS GNAS SU, ,LHUNG NAS BABS TE SKYES PA NI, ,AOm LIK DANG BRIS RTZI KA ,NYI MA GZI BRJID LDAN PA'I CHU, , AA LA BE TA SAR SRA KAL BA BRiKshA 'BRU, ,DE BZHIN ZLA BA GZI LDAN CHU, ,DE YI SA BON LHUNG BA NI, ,GSER MDOG BDUD RTZI 'DRA BAR GSAL, ,DMAR BA MER BLUGS PUS PUS ZER; ;GZUGS BZANG MDZES PA PHUN SUM TSOGS, ,TSER MA RNO BA DBAL DANG LDAN, ,BDUD RTZI SHING DANG 'BRAS BUR LDAN, ,DUG RNAMS 'JOMS SHING SLAR YANG ZLOG ,SNA TSOGS NAD RNAMS SEL BAR BYED, ,NYI MA'I 'OD DANG ZLA BA'I MDOG ,RO YANG RNAM PA SNA TSOGS LDAN, ,RAKTA'I GTZO BOR 'DI SBYOR CIG ,TSANGS PA TSE DANG LDAN PAR 'GYUR, ,NYI MA ZLA BA'I DNGOS GRUB THOB, ,RA SA YA NA'I GTZO BO YIN, ,DE NAS DRANG SRONG GZHON NU SRID, ,KHYAB 'JUG SPANG GNYIS BYA BA YI, ,RVA YI GZHU THOGS MI SRUN PA, ,LAG NA MTSON CHA SNA LNGA THOGS, ,DE YIS SRID PA CHAGS PA'I BCUD, ,BDUD RTZI RNAM LNGA BSKUS PA LAS, ,KHA NAS THIGS GNYIS SA LA LHUNG,, DE NAS BDUD RTZI DAM PA'I MCHOG ,RA SA YA NA PHYI MA'I RGYUD, ,BU MO BZANG MO GCIG TU GYUR, ,CHU KLUNG GANG+G'A'I BYE MA LA, ,YOD DE SKYE BA BSTAN PA NI, ,NYE'U SHING NGAM

302b

NYE'U ZHES BYA'O, ,GANTA KU LE PAR PA TA, ,GANDA PRI YA KU MAH'A GO NA SIG HAM KHA, TSER MA YAR LTA MAR LTA BA'O, ,DE LA LHA BRAN TSOGS KUN GYIS, ,BSKOR ZHING MCHOD PA BYED PA YIN; ;STON ZLA THA CHUNG DPYID ZLA 'BRING, ,NYA YI TSE NA BTZAL BAR BYA'O, ,BTZAL BA'I THABS NI 'DI LTAR RO, ,BYIS PA LO DRUG LO BDUN PA, ,KHRUS BYAS DAR LDAN GOS BSKON NAS, ,SHAR PHYOGS NGOS SU KHA BLTAS TE, ,LHA PHYAG LAN GSUM BYAS NAS NI, ,DE DAG RTZA NAS DBYUNG BA'I SNGAGS, ,TADYA TH'A, SHO HOD GA TE DA RE SV'AH'A, PHYAG 'TSAL BDUD RTZI MCHOG KHYOD LA, ,PHYAG 'TSAL BDUD RTZI LAS BYUNG BA, ,STOBS DANG GZI BRJID 'PHEL MDZAD MA, ,RANG BYUNG STON PA'I BKA' BZHIN DU, ,LHA MO KHYOD NI DBANG GYUR CIG, KHU BA RA SA YA NI MCHOG ,DNGOS GRUB MCHOG TU NYE BA KHYOD, ,TSE DANG STOBS NI BDAG STZOL CIG ,YE SHES THAMS CAD GSAL BAR MDZOD, ,SHUN LPAGS DANG NI RGYUD PA GSAL; ;THO TO BSNYIL TE SLAR LA SBA'O, ,SNYING PO BRDUNGS LA KHU BA YANG, ,RAS NI GSAR PA'I NANG DU BTZIR, ,BDAG NYID LUS KYANG KHRUS BYAS TE, ,DAR LDAN GOS BZANG GYON NAS NI, ,SMAN DU SGRUB PA'I 'DZAB LA 'JUG ,BSNYEN DANG 'DZAB SGOM BYAS NAS NI, ,STONG NGAM 'BUM MAM CI NUS BZLA, ,BZA' BA'AM YANG NA 'THUNG BA'I TSE, ,

303a

, ,NYUG CHU BA YI 'O MA BTUNG, ,YANG NA PHYE MA MCHOG TU BGAM, ,BZA' ZHING BTUNG BA'I SNGAGS 'DI'O, ,NA MA DZA RA AA GA DZA TU SV'AH'A, ZHAG GAM ZA MA RE RE YANG,, SRANG RE'I CHA NAS BSKYED DE BZA', ,ZOS PA'I YON TAN 'DI RNAMS SO, ,LUS NGAG YID GSUM DBANG PO GSAL, ,BDUD RTZI 'DI DAG SU 'THUNG BA, ,JI LTAR LHA RNAMS 'CHI MED LTAR; ;KLU RNAMS LA NI SMAN BZHIN NO, ,SHING RNAMS LA NI CHU BZHIN NO, ,ME TOG LA NI ZLA BA BZHIN, ,LO NI LNGA BRGYA LON BAR DU, ,BCU DRUG MDOG NI GZHON NU 'DRA, ,NAD MED RTAG TU DAR LA BAB, ,STOBS KYANG GLANG PO CHE DANG 'DRA, ,MNGON SHES LNGA DANG LDAN PAR 'GYUR, ,'O MA DAG DANG BTUNG BA 'AM, , MAR KHU'AM SBRANG RTZI DAG DANG BTUNG, ,ZHAG GCIG ZAS NA YON TAN BCU, ,ZHAG BDUN ZOS NA YON TAN BRGYA, ,NYI SHU RTZA GCIG ZOS NA NI, ,BRGYA RTZA BRGYAD 'DIS THOB PAR 'GYUR, ,BUD MED STONG LA KHYAB PAR SBYOR, ,SA BON MI ZAD 'BRAS BU YANG, ,BU PHOR 'PHEL ZHING DPA' DANG LDAN, ,MI RNAMS KYIS NI MI SOD DO, ,ZLA GCIG ZOS NA YON TAN NI, ,NGO YANG ZLA BA NYA BA BZHIN, ,GNOD SBYIN SRIN POS MI SOD DO, ,LHA RNAMS KUN DANG MNYAM PAR 'GYUR, ,ZAG PA ZAD NAS NAM

303b

MKHAR 'PHUR, ,RDO RJE 'GROS KYIS NAM MKHAR 'GRO, ,RIG 'DZIN GO 'PHANG 'DIR THOB BO, ,'DRES PA GANG ZAG MI YI ZAS, ,ZOS NA DNGOS GRUB MI THOB NGES, ,ZHES LUNG DU BKA' STZAL TO,, DE NAS DANG SRENG TRAG SHA NA, ,RGYAL PO BSHES GNYEN CAN ZHES BYA, ,LHA DANG DRANG SRONG THAMS CAD LA, ,MCHOD SBYIN RGYA CHEN BYAS PA LAS, ,MA H'A DE BA LHA CHEN PO, ,KUN GYI MJUG TU SPYAN DRANGS PAS, ,LHA CHEN DRAG PO DE KHROS TE, ,LHA CHEN DE YI DPRAL BA LAS, ,MIG GCIG LHAG PAR BYUNG BA STE, ,LHA DANG DRANG SRONG THAMS CAD LA, ,RLUNG MKHRIS BAD KAN SNA TSOGS DANG, ,DE BZHIN MI LA RIMS NAD DANG, ,RLUNG LHA'I LAG PAR BSKUR NAS GTOR, ,LHA DANG DRANG SRONG MANG POS KYANG, ,MA SHES MTSOR MYOS PAR GYUR, ,PHYE MA'I RGYAL PO 'DAB MA 'DI; ;SA STENG KHYAB PAR SKYES PA LA, ,DRANG SRONG RNAMS KYANG MCHOD PA BYED, ,LUG MIG ME TOG CHEN PO 'DI, ,RA SA YA NA'I RGYAL MO STE, ,BA YI 'O MA DAG NGANG BSKOL, ,RDUBS GCIG 'THUNGS PAS BA SPU LANGS, ,RDUBS GNYIS 'THUNG BA'I YON TAN NI, ,RIMS NAD THAMS CAD BYANG BAR BYED, ,RDUBS GSUM 'THUNGS PA'I YON TAN NI, ,MIG RTZA DMAR ZHING MDOG KYANG GZHON, ,PHYE MA GRIM MAR BSKAMS PA DANG, ,MA TO LA YI KHU BAR SBYAR, ,BLUD NA DGRA RNAMS MYOS PAR 'GYUR, ,LHA YIS BSRUNGS KYANG 'CHI BAR 'GYUR, ,BYIN GYIS

304a

, ,BRLAB PA'I SNGAGS 'DI'O, ,STONG NGAM BRGYA NI RTZA BRGYAD BZLA, ,AOm SO'U GRI B'A HA NA HA NA H'Um, MA RA YA MA RA YA, TZE TA YA TZE TA YA SU GRI PA PHAt, BDUD RTZI RA SA YA NA'I GTZO, ,SHU DAG DANG NI RU RTA DANG, ,PHYE MAR BYAS TE SU BLUD PA, ,RGYAL PO BUD MED DBANG DU 'GYUR, ,GRI HA 'GRO LO KI DANG SBYAR, ,DGRA LA BLUD NA RNA BA 'ON, ,LUG MIG GRIB MAR BSKAMS PA DANG, ,SU TA'I 'O MAR SBYAR BA NI, ,DGRA LA BLUD NA 'CHI BAR 'GYUR, ,LHA CHEN DRAG POS BSKYED PA NI, ,'JAM DPAL GZHON NUS MKHYEN PA LAS, ,LHA DANG DRANG SRONG GZHAN MI SHES, ,DE SKAD CES BCOM LDAN 'DAS 'JAM DPAL GZHON NUS MI MJED KYI BDAG PO LHA TSANGS PA DANG, DRANG SRONG DANG, KLU'I RGYAL PO 'JOG PO DANG, BSKAL PA BZANG PO'I MI'I BYANG CHUB SEMS DPA' LI TZA B'I LA SOGS PA RNAMS LA BKA' STZAL TO, ,DE YANG TSE PHYI MA'AM DUS PHYI MAR MI SDOD PAR BSKAL PA BZANG PO'I 'BRAS BU MNGON DU THOB PA YANG 'BRAS BU TSE 'DI NYID LA SMON TO, ,DE NAS RTZI YI LHA MO MCHOG , MING NI GRUB PA'I BLO GROS MA, ,BU MO MU LA ZHES BYA BA, ,DE YI SA BON LHUNG BA NI, ,'DZAM GLING SHING GI NAGS LA SKYES, ,RAKTA ZHES NI 'DIR GRAGS PA, ,RA SA YA NA'I GTZO MO STE, ,RTZA BA RAKTA MU LA KHA; ;RTZA BA ME TOG 'BRAS BU RNAMS, ,MTHUN BAR ZAD PAR DMAR BA STE, ,'BRAS BU SRAN MA MA SHA TZAM, ,GYEN DU ZUG PA DE BRKO BA, ,STON ZLA RA BA'I NYAL BRKO'O, ,SRID PA'I NA DANG NAGS LAS SKYES,,

304b

KHRAG GI NYUNGS MA ZHES NI GRAGS, ,RLON PA'I KHU BA BTZIR BA DANG, ,PADMA'I RAKTA CHA MNYAM BSRES, ,DE DAG SGRUB PA'I SNGAGS 'DI'O, ,AOm NA MO RA GA RAKTA MU LA PHU NE SV'AH'A, 'GRO BA DBANG BYED DAM PA YIN; ;RTZI YI LHA MOS BKA' STZAL TO, ,MING GIS MED DU MI RUNG NGO, ,RGYAL BU DON GRUB BYA BA STE, ,MYA NGAN 'DAS PA'I SKU GDUNG NI, ,SHA RI RAM ZHES GRAGS PA YIN, ,DE YI SA BON 'PHEL BA NI, ,'DZAM GLING SA STENG KHYAB PAR SKYES, ,MA H'A NI LE ZHES BYA BA, ,MING NI THA SKAR RDO RJE YIN, ,ME TOG THA SKAR BZHIN DU STE, ,SNYE MA ZUR GSUM TIL GANG 'DRA, ,RDO RJE BRAG KYANG 'JOMS PAR NUS, ,SHA RI RAM DANG RUS PA YI, ,SBYAR BA'I PHRAD KYI DAM PAR RUNG, ,MING GIS MED DU MI RUNG NGO, ,DE YI YON TAN THAMS CAD KYANG, ,RUS PA SRA MKHREGS RDO RJER 'GYUR, ,PHYAG NA RDO RJE'I MTHU YANG MNYAM, ,RA SA YA NA'I MCHOG TU GSUNGS, ,DE NAS LHA YI DBANG PO MCHOG ,BRGYA BYIN BU YI LAG PA RU, ,GNOD SBYIN RGYAL POS MDA' BRGYAB PA, ,DE YI DUM BU LAG SOR YANG, ,SA STENG KHYAD PAR SKYES PA NI, ,SI BI RTZE LAG DBANG PO LAG ,SDONG BU YAL GA 'DZER BA MED, ,ME TOG ZUR GSUM MDA' SGRO 'DRA, ,RTZA BA LAG SOR LNGA PA STE, ,DBYAR ZLA THA CHUNG NYA LA BRKO, ,SGRUB POS LAG MTHIL G-YON DU GZHAG , RA SA YAN THAMS CAD KYI, ,DNGOS GRUB BLANG BA'I PHYAG RGYA YIN, ,DE TSE MED DU MI RUNG NGO, ,MANG DU 'PHEL 'GYUR BSGRUB RDZAS YIN, ,LUS LA 'BYUNG BA'I DRI CHEN DANG, ,BSGRAL BA'I [?] RI CHEN YUNGS

305a

, ,KAR GSUM, ,CHA MNYAM 'THUNGS NA DUG RNAMS THUB, ,'TSO BYED DUG NI SEL BA'I PHYIR, ,BDUD RTZI ZHES NI DE LA BYA'O, ,MING GIS MED DU MI RUNG NGO, ,'CHI BDAG BDUD KYANG DES BCOM MO, ,PURNA ZHES BYA'I RNA BA YANG, ,SRIN PO PURNA'I RNA BA STE, ,BSGRAL BA'I RNA BA DAG DANG SBYAR, ,RNA BA'I MNGON SHES THOB PAR BYED, ,MING GIS MED DU MI RUNG NGO, ,BHA HU LUG MIG ME TOG DANG, ,MKHA' LDING BYA YI MIG DANG SBYAR, ,A'A LA BI GA SHANG SHANG DE'U, ,RMA BYA NGANG PA KO KI LA, ,'DI RNAMS BSGRAL BA'I MIG DANG SBYAR, ,MIG GIS MNGON SHES DES THOB STE, ,STOBS LDAN GYI NI MIG YIN NO, ,MING GIS MED DU MI RUNG NGO, ,TZI TRA KA DANG SNYING ZHO SHA ,THAMS CAD GNOD SBYIN SNYING GI BRLA, ,BSGRAL BA'I TZITTA DAG DANG SBYAR, ,MNGON SHES LNGA YI DNGOS GRUB THOB, ,MING GIS MED DU MI RUNG NGO, ,BUD MED GONG BSHAD 'DRA BA YI, ,KLAD PA GO RO TZA NA 'BYUNG, ,DE NI BAN GLANG RIGS CAN YIN, ,BSGRAL BA'I KLAD PA THAMS CAD DANG, ,THANG PHAL HVA YI RTZA BAR SBYAR, ,MDANGS KYI DNGOS GRUB DES THOB 'GYUR, ,HA LCE KI YA KHA 'BAR MA'I, ,LCE YIN PAS NA LCE DANG SBYAR, ,DBANG NGO LCAGS KYI DNGOS GRUB DANG, ,SPYAN RAS GZIGS KYI DNGOS GRUB THOB, ,MING GIS MED DU MI RUNG NGO, ,SRID PA'I BDAG PO TSANGS PA'I GTZO, ,MING NI MGO BTZUN PHYA ZHES BYA'O, ,NAL GYI BU NI DZI HVA ZHES, ,SKAD MA PHYUNG GI LCE ZHES BYA'O, ,

305b

SKAD PHYUNG BA NI TSANGS PA STE, ,SKAD MA PHYUNG GI GRUB PAR GCAD, ,DE DANG SBYAR BA'I 'PHRAD DU NI, ,ME TOG RMA LO KRIL KRIL STE, ,MING NI BA YA SA YA 'O, ,RTZA BA MAH'A GO NA SIG ,ME TOG GSER GYI MDUN ZHU CAN; ;SHAR PHYOGS SU NI KHA LTA BA, ,'DI'I KUN HA KI YA STE, ,CHA MNYAM BTAGS TE PHYE MAR BYA, ,ZLA BA GZA' YIS ZIN PA'I TSE, ,YI DAM LHA LA MCHOD BYA ZHING, ,PHYE MA RGYA CHANG NANG DU GDAB, ,THANG GCIG YUD KYIS 'GRUB PA STE, ,RTA MGRIN DBANG GI DNGOS GRUB THOB, ,BSGRAL BA'I LCE NI THAMS CAD DANG, ,SBYAR BA 'PHRAD KYI DAM PAR RUNG, ,MING GIS MED DU MI RUNG NGO, ,SNA DANG SNA MA'I 'BRAS BUR SBYAR, ,TSANGS PA'I GSUNG DBYANGS SGROGS NUS 'GYUR, ,BSGRAL BA'I SNA NI THAMS CAD SBYAR, ,MING GIS MED DU MI RUNG NGO, ,DUNG DANG 'BRUG RUS GDUNG DANG NI, ,BSGRAL BA'I RUS PA THAMS CAD SBYAR, ,LUS KYI RDO RJE MNGON SHES THOB, ,MING GIS MED DU MI RUNG NGO, ,RGYA MTSO DBU PA 'DUS PA'I CHU, ,SNA TSOGS CHU DANG GANGS KYI CHU, ,LAN TSVA SNA TSOGS DRI CHU RNAMS, ,BSGRAL BA'I CHU NI THAMS CAD SBYAR, ,RDO RJE CHU YI BDUD RTZI STE, ,RTAG TU 'GRO BA'I DON BYED NUS, ,MING GIS MED DU MI RUNG NGO, ,DGONGS PA'I DON SEMS CAN MTHA' DAG LA SNANG BA DANG, ,NUS MTHU'I YON TAN GYIS SEMS CAN KUN LA PHAN 'DOGS PAR NUS SO, ,'GRO BA YONGS KYI GSOS MDZAD PAR DGONGS NAS BCOM LDAN 'DAS DPAL KUN TU BZANG POS YE SHES KYI THUGS NAS DGONGS NAS MGUR GYI BUM PAR BRIS TE LJAGS KYI DBANG PO LA BKRAM STE ZHAL 'DZUM PA MDZAD NAS MKHYEN RAB KYI

306a

, ,DBANG PO 'JAM DPAL RNON PO DANG, RDO RJE CHOS LA BKA' STZAL TO, ,'JAM DPAL GYIS DKYIL 'KHOR GYI SRAS MCHOG NYE BA DANG, TSANGS PA DANG, DRANG SRONG DANG, LHA DANG, KLU DANG, MI'I BYANG CHUB SEMS DPA' BA MA LA GHI RTI RNAMS LA BKA' STZAL TO, ,BDUD RTZI CHEN PO MCHOG GI LUNG GI SDE LAS, SMAN RAS YAN SGRUB PA'I LUNG 'BUM SDE LAS BTUS PA BAM PO CHEN PO GNYIS PA'O,, ,,