RGYA GAR SKAD DU, SARBA PANYTZA AA MRi TA SA RA SIDDHI MAH'A DU KA HRi DA Y'A NA PA RA BID TVAN AAshtA, BOD SKAD DU, THAMS CAD BDUD RTZI LNGA'I RANG BZHIN DNGOS GRUB CHEN PO NYE BA'I SNYING PO MCHOG BAM PO CHEN PO BRGYAD PA, DPAL KUN TU BZANG PO LA PHYAG 'TSAL LO, ,BCOM LDAN GSANG BA MCHOG GI DKYIL 'KHOR NA, ,SHIN TU RNAL 'BYOR DBANG PHYUG TSOGS, ,RGYAL BA RGYA MTSO 'KHOR DANG BCAS,, SKAL LDAN RNAMS DANG THABS CIG BZHUGS, ,GNAS MCHOG YUM GYI DKYIL 'KHOR NA, ,GNYIS MED LHUN GYIS GNAS PA'I TSE, ,DE TSE NYAN THOS DGE 'DUN DANG, ,RANG RGYAL THEG CHEN MDO SDE DANG, ,BYANG CHUB SEMS DPA'I DGE 'DUN DANG, ,NYAN THOS DGE 'DUN CHEN PO DANG, ,DGRA BCOM MING YANG MED NANG DU, ,KUN
BZANG THUGS KYI DKYIL 'KHOR NAS, ,DGONGS TE 'DI SKAD BSTAN PA'I LUNG, ,BSHAD CING 'GROL BA'I DUS GCIG DANG, ,'DI SKAD BSTAN PA'I DUS GCIG NA, ,SRID GSUM YE NAS BDUD RTZI LNGA, ,MA BCOS YE NAS RDZOGS SANGS RGYAS, ,KUN TU BZANG PO'I THUGS DKYIL NAS, ,DUS GSUM SRID GSUM SKU GSUNG THUGS, ,YE NAS BDUD RTZI YIN PA'I PHYIR, ,NGES PA'I KLONG NAS BKA' STZAL PA, ,ZAB MO'I KLONG NAS PHYUNG STE BSTAN, ,DE NAS BDE GSHEGS THAMS CAD DANG, ,THABS CIG BZHUGS TE DGONGS PA NI, ,BLA NA MED PA'I BYANG CHUB TU, ,YE SHES MNYAM NYID NYAMS RNYED NAS, ,RDO RJE GSANG BA'I GRAL BKOD DE, ,KUN GYI DAM PAR 'DI GSUNGS SO, , BKA' YI DAM PA MCHOG GI LUNG, ,NGES PAR PHYUNG STE GSUNGS PA 'DI'O, ,SGRUB DANG BSGRUB PAR BYA BA DANG, ,'BRAS BU THOB PAR BYA BA'I PHYIR, ,GSANG SNGAGS GSANG BA'I MAN NGAG 'DI, ,BDUD RTZI DAM PA MCHOG GI LUNG, ,SNYING POR BSDUS PA'I NGES PAR 'DI, ,BYANG CHUB 'BYUNG BA SNYING PO MCHOG ,LTA BA DANG NI SPYOD PA DANG, ,DAM TSIG SGRUB PA 'PHRIN LAS DANG, ,NGES PAR SGRUB DANG BSGRUB BYA'I PHYIR, ,ZAB MO BSDUS PA'I LUNG 'DI GSUNGS, ,BSAM GYIS MI KHYAB BSTAN PA DANG, ,BRGYAD KHRI BZHI
, ,STONG RNAM GRANGS KYANG, ,THEG PA'I SGO NI GSUM DU GSUNGS, ,GSANG NYID THEG PAR BSDUS DANG BZHI, ,LDEM POR DGONGS DANG DON DAM YANG, ,BKRI BA'I DON DU SANGS RGYAS YIN, ,RNA BRGYUD BSTAN PAS THUGS BRTOL TE, ,THIG LE CHOS SKUS KHYAB PA'I PHYIR, ,NGES PA'I LUNG YANG SANGS RGYAS SO, , SANGS RGYAS MNYAM DANG DBYINGS SU 'GRO, ,NGES PA'I LUNG YANG RNAM GCIG TU, ,GSANG SNGAGS GSANG BAS SANGS RGYAS TE, ,BYANG CHUB SEMS 'DI KUN TU DAG , RDZOGS PA'I YE SHES BDE CHEN NYID, ,MA LUS MTHA' DAG NYID KYI RGYA, ,YE NAS BYA MED BYA MI DGOS, ,RGYU DANG 'BRAS BU 'KHRUL BA'I SGRA, ,MI RTOG SBYONG BA'I YUL MIN NO, ,DE LTA'I YUL DU RTOG 'DZIN GYIS, ,'KHOR BA'I RGYA MTSOR GYUR PA YIN, ,NGES 'BYUNG CHOS SKU CHEN PO LA, ,BHA GAR JI BZHIN BZHAG PAS NA, ,BYANG CHUB NYID DE LTUNG GNAS MED, ,BU GCIG MA RTZOL BDE BAR GNOS, ,RGYUD DANG LUNG DANG MAN NGAG KYANG, ,DMANGS DANG RJE'U DANG RGYAL PO'I TSUL, ,KHYAD PAR RTZAL 'PHANG THAG RING YANG, ,GCIG LA GCIG RTEN GCIG GI DANG, ,DBYER MED TSUL GCIG RANG BZHIN PAS, ,GCIG STE RNAM GRANGS YONGS KYIS MED, ,DBYER MED DANG DU
RTOGS PA LA, ,BDUD RTZI ZHES NI DE LA BYA'O, ,DE LAS SKU GSUNG THUGS KYI BDAG ,SKU DANG RGYAN DANG 'KHOR LO YANG, ,LUNG CHEN ZAB MO'I NANG NA GSAL, ,LNGA BZHI NANG DU 'KHOR BA YANG, ,YE SHES SANGS RGYAS DE LAS MED, ,DBYINGS SU GYUR PAS MNYAM GNAS PAS, ,YE NAS SANGS RGYAS BDE CHEN NYID, ,BDUD RTZI ZHES NI DE LA BRJOD, , SKYE SHI MED PA'I DBYINGS SU GYUR, ,DBYINGS 'GYUR DAG MNYAM LHUN GRUB PAS, ,LTA BA 'DI LA GNAS PA YI, ,RNAL 'BYOR 'DI NI SKAL BA BZANG, ,CI SPYAD CI BSGOMS CI BSGRUBS KYANG, ,BDUD RTZI NYID DE SMAN GYI MCHOG ,BDE GSHEGS NYID KYI THUGS DAM NYID, ,BYIN RLABS NGO MTSAR RGYA CHER 'BYUNG, ,RGYAL BA RGYA MTSO RNAMS KYI GSOS, , SANGS RGYAS BDE CHEN NYID LAS BYUNG, ,THAMS CAD MA LUS BDUD RTZI 'DI, ,SPROS MED THIG LER GNAS PA LAS, ,MTHA' YAS SEMS CAN DON GYI PHYIR, ,RANG LA MCHOD CING RANG GIS BZA', ,SGRUB PA POS NI NAN TAN BYOS, ,ZHES BCOM LDAN 'DAS DPAL KUN TU BZANG POS, ,YE SHES CHEN PO'I THUGS NAS DGONGS TE BKA' STZAL PA'O; ;BDUD RTZI CHEN PO MCHOG GI LUNG LAS, BYANG CHUB SEMS DE KHO NA NYID LTA BAR BSTAN PA'I MAN NGAG CHEN PO GSANG BA'I DON DANG PO STE, THUGS KYI RGYA MTSO NANG
, ,NAS GSANG BA'I MDZOD CHEN PO LAS, BAM PO CHEN PO BRGYAD PA'I DANG PO'O,, ,,