RGYA GAR SKAD DU, SARBA TA TH'A GA TA PUD TRO PHU NA GU HYA BA NO SHI AA SHVAD DA MA BI NA SA MA H'A TANTRA N'A MA, BOD SKAD DU, DE BZHIN GSHEGS PA THAMS CAD KYI DGONGS PA BLA NA MED PA GSANG BA RTA MCHOG ROL PA'I RGYUD CHEN PO ZHES BYA BA, DPAL RDO RJE SEMS DPA' LA
PHYAG 'TSAL LO, ,'DI SKAD BDAG GIS THOS PA'I DUS GCIG NA, BCOM LDAN 'DAS RDO RJE BDE BA CHEN PO PHYOGS BCU DANG DUS GSUM GYI SANGS RGYAS MA LUS PA'I 'BYUNG GNAS; SKU GSUNG THUGS YON TAN 'PHRIN LAS RDO RJE GSANG BA GZHAN LAS KHYAD PAR DU GYUR PA, MTSAN DANG DPE BYAD PHUN SUM TSOGS PAS SPRAS PA, BKOD PA RGYAN GYI DKYIL 'KHOR LHUN PO BRTZEGS SHING YON TAN RIN PO CHE'I 'BYUNG GNAS SNA TSOGS RNAM PAR SNANG BA'I NGO BO, ZAB PA DANG RGYA CHE BA'I YAN LAG THAMS CAD GSAL BAR BYED CING YE SHES KYI TSOGS KYIS CHOS MA LUS PA MTHAR PHYIN PA, KUN TU 'PHRIN LAS RGYA CHER 'PHRUL PA'I BDAG NYID DPAL BDE BYED PADMA GAR GYI DBANG PHYUG CHAGS PA CHEN PO'I TING NGE 'DZIN BRNYES PA MED PA'I CHOS NYID KYIS THAMS CAD LA DBANG BSKUR BA DE NYID LHA THAMS CAD 'DU BA'I GNAS GZHAL YAS KHANG PAR DU GYUR PA, 'OG MIN RDO RJE LHUN PO'I GNAS YE SHES KYI SNANG BA RIN PO CHE SNA TSOGS NI, 'OD 'BAR BA'I KHANG BZANG 'DOD PA'I YON TAN GZUGS SDUG PA SNA TSOGS DANG, DRI ZHIM PA SNA TSOGS DANG, RO BRO BA SNA TSOGS DANG ,REG BYA 'JAM PA SNA TSOGS DANG, CHOS KYI BDE BA BSKYED PA SNA TSOGS PHYOGS BCUR 'PHRO ZHING 'KHRIGS PA RTZE MO MTHO ZHING KHYAMS KYI RNAM PAR PHYE BAR SGO BZHI SGO KHANG DANG BCAS PAR BZHUGS SO, ,DE'I
, ,TSE BDE BAR GSHEGS PA'I ROL PA CHEN PO KUN TU SNANG BA DANG, 'OD KYI DPAL DANG, DGA' BA'I DBANG PHYUG DANG, CHO 'PHRUL BKOD PA DANG, RNAM PAR GZIGS DANG, MI BSKYOD RDO RJE DANG, MNGON PAR SNANG BA DANG, BRTAN PA'I DBANG PHYUG DANG, 'BRUG SGRA DANG, DRI MA MED PA DANG, RIN CHEN PHUNG PO DANG, NAM MKHA'I MDZOD DANG, RIN CHEN DRA BA DANG, DKON MCHOG MTSAN DANG, RIN CHEN TOG DANG, 'OD ZER SNANG BA DANG, TSE MTHA' YAS DANG, CHOS KYI DBANG PHYUG DANG, CHAGS PA MED PA'I 'OD DANG, DGA' BA'I SPYAN DANG, DON THAMS CAD YOD PA DANG, BRTZON 'GRUS SHUGS CAN DANG, LAS CHEN 'PHRUL LAS DANG, GNOD SBYIN 'DUL BA DANG, SNA TSOGS DBANG PHYUG GO ,GZHAN YANG BYANG CHUB SEMS DPA' SEMS DPA' CHEN PO BDE BA'I BLO GROS DANG, RGYA MTSO'I SGRA DBYANGS DANG, GZI BRJID BKOD PA DANG, 'KHOR LO RNON PA DANG, SHES SNANG BA DANG, RDO RJE RGYAL MTSAN DANG, 'OD ZER 'PHRO BA DANG, DRAG SHUL CAN DANG, DRI MA SEMS DPA' DANG, SGYU MA'I SPRUL PA DANG, RIN CHEN RGYAL PO DANG, DRI BA CAN DANG, LAG BZANG DANG, GSER 'OD 'PHRO BA DANG, RIN CHEN SNYE MA DANG, CHOS KYIS MTHO BA DANG, DRI MA MED PA DANG, MUN PA SEL BA DANG, DGA' BA'I DBYANGS DANG, GZHON
NU RIN CHEN DANG, RDO RJE RNAM PAR GNON PA DANG, GAR MKHAN DANG, BRO'I RGYA MTSO DANG, THOGS MED BKOD PA DANG, PADMO DGA' BA DANG, SA LI DBANG PHYUG DANG, RIN CHEN SPUNGS PA DANG, SPRIN GYI PHRENG BA DANG, YID 'ONG ME TOG DANG, YE SHES SGRON MA DANG, SPOBS PA BRTZEGS PA DANG, KHA LO SGYUR BA DANG, DRAN PA'I DBANG PHYUG DANG, PADMA'I BLO GROS DANG, LAS BYED PA'I STOBS DANG, SNYING PO BLO GROS RNAMS SO, ,DE DAG KUN KYANG RANG RANG GI BTZUN MO'I TSOGS DANG 'KHRIL PA'I TSUL GYIS BZHUGS SO, ,GZHAN YANG PADMO 'PHRO BA DANG, PADMA 'DZIN PA DANG, PADMA SGROG PA DANG, PADMA BSKYOD PA DANG, PADMA TSIM BYED DANG, PADMA 'THOR BA DANG, PADMA SNANG BA DANG, PADMA DBANG BYED RNAMS KYANG RANG RANG GI 'PHRIN LAS KYIS BKOD DO, ,GZHAN YANG 'JIGS BYED CHEN PO BYAMS PA'I DBANG PHYUG BRTZE BA'I DBANG PHYUG DANG, PAD GROL DBANG PHYUG DANG, GROL BA'I DBANG PHYUG DANG, SBYIN PA'I DBANG PHYUG DANG, SPYOD PA'I DBANG PHYUG DANG, SMRA BA'I DBANG PHYUG DANG, MTHUN PA'I DBANG PHYUG KYANG RANG RANG GI RIG PA BCAS PAS 'KHOD DO, ,DE DAG LA SOGS PA'I 'KHOR GYI TSOGS RNAM PAR 'BYED PA DANG, 'BYED PA MED PAR SNANG BA'I SANGS RGYAS DANG BYANG CHUB SEMS DPA'I TSOGS 'BUM PHRAG BCU GNYIS DANG THABS CIG TU BZHUGS SO, ,DE NAS BCOM LDAN 'DAS
, ,TING NGE 'DZIN GYI RGYAL PO PADMA CHAGS PA'I SPYAN ZHES BYA BA'I TING NGE 'DZIN LA SNYOMS PAR ZHUGS TE THUGS KA'I DPAL BE'U LA SOGS PA'I GNAS RNAMS NAS 'OD ZER GYI DKYIL 'KHOR GSAL BAR BYED PA BKYE BAS, DES PHYOGS BCU'I 'JIG RTEN GYI KHAMS THAMS CAD GSAL BAR BYAS PA DANG, YA MTSAN GYI LTAS CHEN PO BCO BRGYAD BYUNG BAR GYUR TO, ,DE NAS SNOD DANG BCUD DU BCAS PA GSAL ZHING 'BAR BAR GYUR NAS PHYOGS BCU'I SANGS RGYAS DANG BYANG CHUB SEMS DPA' RNAMS KYI THUGS DAM BSKUL TE, DE DAG GIS KYANG CHO 'PHRUL RNAM PAR 'KHOD PA ZHES BYA BA PHYAG RGYA CHEN POS RANG GIS 'KHOR LO'I KHYAMS DAG TU SPRO BAR BYED MDZAD DO, ,DE YANG ZHING KHAMS RNAM PAR SPYONG ZHING SLAR 'KHOR GYI 'KHOR DANG BCAS BA 'OD ZER 'PHRO BA'I GNAS SU 'DUS SO, ,DE LTAR 'CHAD PA'I RGYA CHEN BO'I RNAM PAR ROL 'PHRUL PAS ROL ZHING ZHAL 'DZUM PA DANG BCAS PAR GYUR NAS BZHUGS PA LAS 'KHOR THAMS CAD KYIS THE TSOM SKYES PAR GYUR TO, ,DE'I DUS NA MTHUN PAR GLENG BA NI, KYE MA HO YA MTSAN SNA TSOGS CHOS; ;RGYAL BA'I MDZAD PA YA MTSAN CHE, ,CHO 'PHRUL DPAG MED GYUR PA YI, ,DGOS PA'I DON NYID JI LTA BU, ,RGYU RKYEN MED PAR SANGS RGYAS NI, ,GSANG GSUM DAM TSIG
SPRO MI MDZAD, ,DE YI MTSAN NYID YANG SNANG BA, ,GSANG BA'I DBANG PO BSKUL BAR MDZOD, ,KHYOD NI RGYAL BA KUN GYI SRAS, ,DGONGS DON RGYA MTSO DON MNGA' BA, ,BKA' YI BDAG PO DGONGS MDZOD DAG ,LEGS PAR ZHU ZHING GSOL GDAB MDZOD, ,DE NAS GSANG PA'I BDAG PO LAG NA RDO RJES LNGA BRGYA DANG BCAS PAS GZHAN DAG GI THE TSOM RNAM PAR GCOD PA DANG, RANG NYID KYI SGO GSAL BAR BYA BA'I PHYIR MDUN ROL NAS LANGS TE PHYOGS BCU NAS 'KHOD NAS MCHOD PA'I TSOGS RGYA CHEN PO BKOD CING RGYAL BA KUN LA MCHOD DE LAN BRGYA RTZA BRGYAD DU BSKOR BA BYAS SHING, RTZE GCIG TU GUS PAS PHYAG 'TSAL NAS DGA' BA'I BZHIN GYIS GSOL BA BTAB PA, AE MA RGYAL BA NYID KYI SKU, ,RNAM PAR 'PHRUL PA'I DKYIL 'KHOR DAG ,TING 'DZIN YE SHES GNAS LAS BYUNG, ,DGA' MDZAD DKYIL 'KHOR 'DUS PA DANG, ,BYANG CHUB SEMS SPRIN CHAR CHEN GYIS, ,NYON MONGS LA SOGS SBYONG MDZAD CING, ,THUGS RJE CHEN PO YE SHES KYIS, ,TSOGS PA'I 'BRAS BU LEGS SMIN MDZAD, ,SKU MDANGS DGA' BA'I BZHIN BCAS PAS, ,GSANG BA'I THEG PA BSTAN DU GSOL,, KHYOD KYI DGONGS DON GTING DPAG DKA', ,ZAB CING PHRA LA RGYA CHE BAS, ,'KHOR RNAMS THE TSOM RI BOS NON, ,THUGS RJE CHE MNGA' GSAL BAR MDZOD, ,'DI DAG THAMS CAD BSTAN
, ,PA'I SNOD, ,MGON PO BTANG SNYOMS LHUN MNGA' MDZOD, ,DUS 'DIR RTZOM PA DON CHE STE, ,SMON LAM 'BRAS BU MTHAR PHYIN MDZOD, ,DE SKAD CES GSOL PA DANG, BCOM LDAN 'DAS RDO RJE 'DZIN PA DE NYID KYIS STONG GSUM GYI STONG CHEN PO'I BRTAN G-YO'I DKYIL 'KHOR THAMS CAD THUGS MNYAM PA NYID RTZE GCIG GI SGO NAS GZIGS SO, ,RNAM PAR GZIGS, KUN TU GZIGS, DE LTAR DGONGS NAS DKYIL 'KHOR 'DI DAG THAMS CAD SMRA BSAM LAS 'DAS PAR SNA TSOGS RNAM PAR SMROS SHIG , DE NYID DNGOS PO DANG BAR GZIGS NAS GZIGS PA'I MTHA' DANG, DGONGS PA'I MTHA' DANG, MDZAD PA'I MTHA' KUN LA SNYOMS PA'I TING NGE 'DZIN LA SNYOMS PAR ZHUGS TE BKOD PA DANG, RNAM PAR BKOD PA DANG, RNAM PAR BSHAD BA DANG, DGONGS PA DANG, RNAM PAR DGONGS PA DANG, ROL PA DANG, ROL PA CHEN PO DANG, MDZAD PA DANG, SNA TSOGS MDZAD PAS KUN TU SPRO BAR MI BYED DE, 'JIG RTEN DRUG GI RNAM PAS BSDUS PA'I STONG GSUM GYI DNGOS PO 'DI DAG SANGS RGYAS KYI DKYIL 'KHOR 'DI LAS GZHAN DU SNANG BAR MI DGONGS SO, ,DE'I DUS DANG, SA DANG, SA'I KHYAD PAR DANG, DKYIL 'KHOR BKOD PA DAG KYANG RNAM PAR MI GZIGS, KUN TU MI GZIGS SHING DGONGS PA YANG
MI 'GOG GO ,DE DAG NI, MTHAR YANG MI GNAS SHING NAM MKHA' LTA BUR BZHUGS SO, ,DE NAS TING NGE 'DZIN DE LA ZHUGS MA THAG TU 'KHOR GYI DKYIL 'KHOR DE DAG KYANG CHOS THAMS CAD KYI DKYIL 'KHOR GYI RANG BZHIN NAM MKHA' LTA BUR RTOGS PAR 'GYUR RO, ,DE NAS YANG GSANG BA'I BDAG PO LAG NA RDO RJE NGO MTSAR GYI SGO NAS BSKUL ZHING GZHAN DAG GI DON THUGS G-YO BAR MDZAD PA'I GLUS G-YO SLONG BAR MDZAD DE, TSUL PHAN DON GYI RGYAL PO CHE, ,'DREN PA KUN GYI RGYUD NYID PAS, ,NAM MKHA' LTA BU'I RGYUD NYID PAS, , NAM MKHA' LTA BU'I DKYIL 'KHOR NAS, ,THUGS RJE CHEN PO'I YA MTSAN STON, ,KYE MA'O MGON PO DON KUN NAS, ,ZHI BA'I LAS DAM 'JUG BYED PA, ,BYANG SEMS THUGS RJE'I RLAN BRAL LAM, ,RDOS CAN CHOS DANG 'GRANG 'GYUR ZHING, ,ZHES GSOL BA BTAB PA LAS KYANG CI YANG MI GSUNG BAR BZHUGS SO, ,DE NAS YANG YUM GZI LDAN PADMO ZHES BYA BAS RNAM PAR MI RTOG PA'I TING NGE 'DZIN LAS SLONG BA'I GLUS SKUL BAR MDZAD DE, MI DMIGS TING 'DZIN BSAM 'DAS BRJOD DANG BRAL, ,BDE BA CHEN PO YE SHES BYANG CHUB SEMS, , MI DMIGS THUGS RJE MI 'DA' DAM TSIG GIS, ,ROL PA'I CHO 'PHRUL RGYA CHEN BSTAN DU GSOL, ,DE SKAD CES KYANG BSKUL BA'I RJES, ,MGON PO'I GNAS RNAMS LA DGONGS
, ,NAS; ;'OD ZER RNAMS BKOD 'DZUM MDZAD DE, ,'KHOR BA LEGS SBYIN SKABS DBYE MDZAD, ,LEGS SO LEGS SO RDO RJE CAN, ,PADMO 'DZIN PA'I GROGS BCAS PAS, ,YANG YANG BSKUL BAR MDZAD PAS NA, ,GNANG ZHING BSTAN PAR MDZAD PA LA, ,DGA' BA'I SPYAN RJES DANG BAR GYIS, ,GANG 'DOD RTOGS PA ZHI BAR MDZOD, ,MA 'ONGS RTOGS PA MTHA' DAG RNAMS, ,THUGS RJE SHUGS KYIS BZUNG MDZAD DE, ,DON KUN KHYAB PA'I SNANG BA YIS, ,GZUNG BAR BYA BA'I SKABS DBYE MDZAD, CES GSUNGS SO,, DE BZHIN GSHEGS PA THAMS CAD KYI DGONGS PA BLA NA MED PA'I GSANG BA'I RTA MCHOG ROL PA'I RGYUD CHEN PO LAS, RNAM PAR SPRUL PA'I LE'U STE DANG PO'O,, ,,DE NAS DGA' ZHING 'KHOR 'DUS PAS, ,DGA' BA'I BZHIN BZANG RGYAS MDZAD DE, ,GTZO BOS JI LTAR BKA' STZAL BZHIN, ,THUGS RJES 'BYUNG BA'I DKYIL 'KHOR GZUNGS, ,DE NAS GZI LDAN PADMO CAN, ,'DZUM MDANGS RGYAS PAS BSKUL MDZAD DE, ,'O BYED 'KHYUD PA LA SOGS PA, ,DGA' BZHIN CHAGS PAR RNAM PAR 'GYUR, ,AE MA RIG PA'I RGYAL PO KHYOD, , THUGS RJE CHEN PO NYI 'OD BZHIN, ,THUGS RJE 'BYUNG BA'I DKYIL 'KHOR GZUNGS, ,PHYOGS RIG MED PAS GO 'BYED PAS, ,YUL DU GYUR BA KUN RGYUD DGONGS, ,MI DMIGS
CHO 'PHRUL NAM MKHA' LAS, ,BKOD PA RGYA MTSO SPRIN PHUNG BZHIN, ,THUGS RJE SPRUL PA'I CHAR CHEN POS, ,SNA TSOGS LAS BRGYAD DAG PAR MDZOD, ,DE NAS GTZO BO RDO RJE 'CHANG, , TING NGE 'DZIN LAS BZHENGS MDZAD DE, ,RANG GIS MTSAN MAS RAB MDZES PAS, ,RGYAL PO ZIL GNON GZI BRJID CAN, ,PHYAG GI 'KHOR LO RAB BSKOR CING, ,PHYOGS RNAMS KUN TU GZIGS MDZAD DE, ,MI DMIGS NAM MKHA'I DBYINGS DAG NA, ,RDO RJE SPRUL SKU MNGON PHYUNG NAS, ,GZI LDAN PADMO CHEN MO DANG, ,ROL PA'I TSUL DU BZHUGS MDZAD DE, , 'DZUM MIG CHAGS PA'I BZHIN DAG GIS, ,'KHOR RNAMS SLONG BA'I SNGAGS BRJOD DO, ,AOm A'A H'Um MAH'A BHASMI SHA KU RU BI NA HRi DA YA AAm BHA BA HI AA LA LA HO, GNYIS SU MED PA'I BYANG SEMS KYIS, ,DKYIL 'KHOR SBYOR ZHING BSDU BAR MDZOD, ,BSOD NAMS YE SHES TSOGS RDZOGS SKU, ,RDO RJE GAR GYIS ROL MDZAD CING, ,DGA' MCHOG RDO RJE BYANG CHUB SEMS, , 'DZUM ZHING 'KHYIL BA'I PADMO'I GNAS, ,DKAR 'TSER DAG BA'I RANG BZHIN TE, ,DMAR PO DBANG DANG GNYIS MED PAR, ,GSAL KHYAB KUN TU SPROS PA LAS, ,DKYIL 'KHOR SPRUL PA MTHA' YAS THON, ,ZHI 'GOG MYA NGAN 'DAS PA DANG, ,BYANG CHUB MGON GNAS LAM ZHES DAG ,GNYIS MED GNYIS SU SBYOR MDZAD CING, ,RANG GI DKYIL 'KHOR GNAS LA
, ,BKOD; ;NGO MTSAR SPRUL PA RNAM PAR ROL, ,BRJID DANG BCAS PAS GAR MDZAD CING, ,'DZUM PA MDZAD DANG ROL PA DANG, ,KUN TU 'GYING DANG SPYAN MDZES BLTAM; ;SMIN RING BSKYOD CING BSGYUR BA DANG, ,RDO RJE PHUR BAS G-YA' BAS SLONG, ,'DOR ZHING BSKUM DANG 'JOG LDEG DANG, ,RNAM PAR ROL PA'I GAR GYIS KYANG, ,RIGS KYI 'PHRIN LAS SNA TSOGS SPRUL, ,NAM MKHA' KUN TU KHYAB PAR MDZAD, ,RNAM PAR ROL PA'I BDE 'BYUNG BAR, ,BYANG CHUB SEMS SOGS ZHI ZHING GSAL, ,ROL PA'I CHAR NYID MNGON 'BAB PAS, ,'JIG RTEN DRUG GI PHYOGS BCU NA, ,BRTAN DANG G-YO BA MA LUS PA'I, ,SANGS RGYAS ZHING KHAMS DAG BYAS NAS, ,BYANG CHUB SEMS TSOGS ROL PA LAS; ;BRDEG DANG 'KHYUD DANG SDOM PA LAS, ,SBYOR DANG BSTIM DANG MNYES PA DANG, ,KUN TU RAB DGYES YE SHES THIG ,SNA TSOGS SNANG BA NYI MA 'OD, ,YANG DAG BDE LA RAB GNAS MDZOD, ,DE 'DUS PA'I TSE TSOGS PA'O, ,PHYOGS BCU KUN NAS BZHENGS MDZAD DE, ,THABS DANG SHES RAB BYIN BRLABS PA'I, ,BYANG SEMS RNAM DAG RGYUN GYIS MCHOD; ;RNGA DANG SIL SNYAN SGRA SGROG SHING, ,DBANG PO TSIM PA'I RO RTZED DANG, ,GAR DBYANGS GLU DRUG SNA TSOGS KUN, ,STONG GSUM GANG BAR GSUNG BYAS TE, ,BCOM LDAN
PADMO BDE YANG BDE, ,GZI LDAN YUM DANG BCAS PAR MCHOD, ,AE MA 'DUS PA'I TSOGS DBUS NA, ,THUGS RJE CHE MNGA' NYI DKYIL BZHIN, ,'KHOR LO KUN SGYUR SGROL MDZAD PAS; ;RANG GI DKYIL 'KHOR RGYAS PAR MDZAD, ,RDO RJE 'CHANG BA'I GSOL 'DEBS KYIS, ,DKYIL 'KHOR DAG LA LHUN GRUB RDZOGS, ,PADMA'I DPAL LDAN SEMS PA CHE, ,'PHRIN LAS YE SHES GNAS KUN SPYOD, ,KHYOD ZHABS BSKYED PA THUGS RJE'I STOBS, ,KHAMS GSUM MA LUS DAG PA YI, ,DE BZHIN NYID KYI YE SHES MCHOG ,MGON PO BKA' DRIN MDZAD PAS LEGS, ,DE SKAD GSOL BTAB DGYES PAR 'GYUR, ,PHYAG RGYA CHEN PO'I GNAS LA BZHUGS, ,DE NAS DGA' BA'I BYANG CHUB SEMS, ,SNGON GYI RGYUD DANG LAM BZHI LAS, , SPRUL PA'I BYANG CHUB SEMS DPA' DANG, ,SNGON GYI RGYUD DANG LAM GROGS RNAMS, ,DGONGS SHING THUGS RJE'I YE SHES THUGS, ,RANG BZHIN GNAS NAS KUN DGONGS TE, ,PHYOGS BZHI NAS NI BSKUL BAR MDZAD, ,KYE KYE MCHOG GSUM BDE BA'I SKU, ,BYAMS PA'I THUGS MNGA' SKU GSAL MDZAD, ,RDO RJE RGYAL PO BYANG CHUB SEMS, ,BDAG DGONGS 'GRO BA'I DON CHEN MDZAD, ,KYE KYE YON TAN RIN CHEN TSOGS, ,THUGS RJE MNYAM NYID YE SHES CHE, ,RGYAL PO 'KHOR LO BYANG CHUB NYID, ,DKYIL 'KHOR SNA TSOGS SPRUL PA'I MDZOD, ,KYE KYE RNAM PAR
, ,DAG PA'I SKU, ,DGA' BA'I RGYA MTSO 'BYUNG BA'I GNAS, ,SO SO'I YE SHES SNA TSOGS 'BYED, ,CHOS RNAMS KUN GYI DE BZHIN NYID, ,KYE KYE 'GRO BA'I DON CHEN BDAG ,BTANG SNYOMS MI 'DOR SNA TSOGS DOR, ,BYA BA GRUB PA'I TING 'DZIN MCHOG ,PHYOGS BCU'I DKYIL 'KHOR RNAM DAG STON, ,RANG DGA'I BSKUM PAS G-YO MDZAD DE; ;PHYOGS BZHI BYANG CHUB DGA' NAS 'JUG ,KYE MA'I 'GRO RNAMS DE BZHIN NYID, ,BYANG CHUB SEMS KYI RNAM 'PHRUL LAS, ,NYON MONGS GZUNG 'DZIN SGRIB PA YIS, ,RANG GI MTHA' LAM 'GES PAR BYED, ,'DI DAG THUGS RJE'I GNAS SU RUNG, ,YE SHES GSAL BA'I THABS MANG POS, ,THAMS CAD DUS GCIG BSGRAL BYAS NAS, ,RANG GI BDE CHEN DON STON MCHOG ,ZHES GSUNGS PADMA'I RIG PA 'DZIN, ,SANGS RGYAS SRAS BCAS DGA' BAR MDZAD, ,DE BZHIN GSHEGS PA THAMS CAD KYI DGONGS PA BLA NA MED PA GSANG BA DPAL RTA MCHOG ROL PA'I RGYUD LAS, THUGS RJE SPRUL PA'I ROL PA'I LE'U STE GNYIS PA'O,, ,,DE NAS BYANG CHUB SEMS DPA'I GTZO, ,RDO RJE 'CHANG BA STAN LAS LANGS, ,BDE GSHEGS BSNGAGS BRJOD BYED CING, ,BSKUM PAS DBYANGS KYIS GSOL BA BTAB, ,KYE MA HO MCHOG GSUM DAM TSIG SKU, ,YE SHES BLA NA MED
PA'I BDAG ,BYANG CHUB SEMS KYI DKYIL 'KHOR NYID, ,RNAM 'PHRUL THUGS RJE'I DUS NYID PAS, ,RIGS KYI 'KHOR LO DPAG MED SKU, ,DE RING BKRA SHIS PHUN SUM TSOGS, ,THUGS RJE CHEN PO YAL 'DOR NA, ,CI PHYIR THEG CHEN MCHOG TU BSNGAGS, ,YANG DAG ZHUS PA'I TSIG GSAN NAS, ,THUGS RJES DKYIL 'KHOR GZIGS PAR MDZAD, ,MGON PO'I PADMA'I SKU DE NYID, ,GZI LDAN YUM DANG ROL MDZAD CING, ,DRI MED YE SHES PHYOGS GZIGS SHING, ,GNYIS MED BYANG CHUB SEMS KYI DKYIL 'KHOR GSAL, ,THEG PA GSANG CHEN CHER 'BYUNG BA'I, ,LAM 'DI DPAL LDAN ROL MO'I MCHOG ,SANGS RGYAS SRAS BCAS BSDUS MDZAD DE, ,GZHAN 'PHRUL GNAS TSOGS G-YO MDZAD CING, ,STONG GSUM 'DI DAG SBYONG MDZAD CING, ,TING NGE 'DZIN LA SNYOMS 'JUG STE, ,SKU LAS 'OD ZER SPRO BAR MJAD, ,DES KHYAB RIGS KYI DKYIL 'KHOR GSAL, ,YE SHES 'OD MDANGS SEMS DPA'I SKU, ,GNAS LNGAR GSANG BA'I SNGAGS KYIS GZHUG ,PHYAG RGYA CHEN PO YONGS RDZOGS SKU, ,ZHAL GSUM PHYAG DRUG DGA' BA'I MDANGS, ,DMAR GSAL PADMA R'A GA'I MDANGS, ,G-YAS G-YON ZHAL GNYIS SNGO DANG SER, ,RIGS RGYAN MTSAN MA KUN GYIS MDZES, ,PHYAG NA PAD SDONG BUM PA DANG, ,RDO RJE RTZE LNGA DPAL BE'U DANG, ,MTHA' MAS MDA' GSOR GZHU 'DZIN PA'O,,
, ,RIN CHEN SNA TSOGS NA BZA' DANG, ,PHYAG RGYA'I YUM BCAS ROL PA MDZAD, ,GZHAL YAS KHANG PA SGO BZHI DANG, ,RIN CHEN SNA TSOGS RTA BABS BCAS, , DRA BA DRA PHYED MU TIG PHRENG, ,BANDHA DRIL BU SOGS KYIS SPRAS, ,DBUS KYI DKYIL 'KHOR CHER 'PHAGS PA'I, ,PHO BRANG KA BA GDUNG RNAMS LA, ,PADMO RDO RJE SOGS PAS SPRAS, , 'DOD PA'I YON TAN PHUN SUM TSOGS, ,GNAS RNAMS KUN TU RIN CHEN KHRI, ,PADMA 'KHOR LO NYI ZLAS MTSAN, ,PHYI ROL BAR KHYAMS 'KHOR BA DANG, ,SNOD RNAMS KUN TU PADMA LA; ;THABS DANG SHES RAB BYE BRAG GIS, ,NYI MA ZLA BA RKYANG PA'O, ,DE NAS PADMA RNAM DAG KUN, ,DBUS KYI GDAN LA BZHUGS MDZAD DE, ,DGYES PA'I GAR DBYANGS BSKYOD PA'I MTHUS, ,THABS DANG SHES RAB RDZOGS PAR MDZAD, ,DE TSE THUGS MCHOG BYANG CHUB SEMS, ,MKHA' KLONG RNAM PAR DAG PAS NA, ,RIG PA BDE BA CHEN PO'I SKU, , SNA TSOGS SNA TSOGS SHAR BA DE, ,GSUNG NYID YI GE 'KHOR LO'I TSOGS, ,'BAR BA 'OD ZER RTZE LNGA PA, ,CHO GA'I YAN LAG RIM BZHIN DU, ,THUGS KYI MTSAN MA DAM TSIG BYA; ;SNGAGS BCAS 'PHRO ZHING 'DU BA'I TSUL, ,RGYAL PO BDER GSHEGS YAB YUM DANG, ,BYANG CHUB SEMS DPA' SEMS MA DANG, ,LAS MDZAD KHRO BO YAB YUM
DANG, ,PHYAG RGYA CHEN PO'I SKUR GYUR NAS, ,RIGS KYI RGYAL PHRENG MTSAN MAS MJES, ,RANG GI DKYIL 'KHOR GNAS BZHUGS SHING, ,RDO RJE GSANG BA'I GRAL DU 'KHOD, ,DE TSE MGON PO BDE CHEN PO, ,RIGS KUN BDAG 'GYUR ZHES BYA BAS, ,PADMO RNAM PAR 'PHRUL PA YI, ,DKYIL 'KHOR CHEN PO 'BYIN PAR MDZAD, ,BYANG SEMS KAM LAS RNAM 'PHRUL PA'I, BDE SHES 'OD ZER SNANG BA'I SKU, ,ZHAL DANG PHYAG LA SOGS PA'I RGYAN, ,GTZO BO'I CHA LUGS JI LTAR BAR, ,RANG 'OD YUM DANG 'KHRIL BAR MDZOD, ,BKRA SHIS MTSAN LDAN BDE BA LA; ;R'A GA PADMO H'Um ZHES PAS, ,SNGAGS MCHOG YI GE 'BRU BRGYAD DE, ,LAS KUN GRUB PAR MDZAD PA YIN, ,GANG GI PADMA SHA RI DANG, ,BUDHA H'Um GIS BSNAN BYAS NA, ,ZHI RGYAS DBANG DRAG LAS KUN DANG, ,GRUB CHEN BRGYAD KYI TSOGS GSOG RNAMS, ,SBYOR BA TZAM GYIS GRUB 'GYUR ZHING, ,YUN RING GNAS PA GNAS PA GNAS PA YIN, ,'BYIN PA'I DUS SU GSANG SNGAGS LA; ;YI GE JA YIS GDAGS BYAS NAS, ,RNAM 'PHRO RIGS KYI DKYIL 'KHOR SBYOR, ,RIGS BDAG SKU GNAS DGYES PAS BZHUGS, ,THUGS RJE SKAL BA'I GLU DANG SNGAGS, ,'OD ZER TSOGS KYIS SKUL BA MDZOD, ,DAM TSIG GSUM STON SNGAGS KYI MTHUS, ,DGYES CHAGS BRTAN PAS GZI DANG LDAN, ,AOm, RNAM DAG PADMO BDE BA'I DBYINGS, ,YE SHES BYIN
, ,LAS GSAL BA'I MCHOG ,DKYIL 'KHOR GSANG GSUM DAM TSIG CHE, ,MNYAM NYID RIGS BDAG THUB PA CHE, ,BYIN RLABS 'DOR BAR MI MDZAD PAS; ;SANGS RGYAS RNAMS KYI SKU GSUNG THUGS, ,GSAL MJAD GNYIS SU MED PA'I SKU, ,RANG GI NGO BOS GNAS PA YIN, ,GTZO BO SNGAGS KYIS BSKUL BYAS TE, ,'OD ZER RGYAN BCAS THUGS KAR BSDUS, ,YI GE A'A NAS AA:YI BAR, ,BCU DRUG 'OD ZER 'PHRO BYAS PAS, ,'GRO KUN SANGS RGYAS SKUR BKOD CING, ,RIGS MTHUN DKYIL 'KHOR KUN GSAL 'GYUR, ,SNGAGS KYIS 'OD ZER SGRAR BCAS PAS, ,CHOS RNAMS BCU DRUG DAG PA'I DBYINGS, ,RANG GI GNAS SU BKOD BYAS PAS, ,MTSAN MCHOG SUM CU RTZA GNYIS RDZOGS, ,DE BZHIN KA NAS KshA YI BAR, ,SUM CU RTZA BZHI'I RIM BZHIN GSAL, ,BRNYAN PA'I YI GE DRUG DANG BCAS, ,'OD 'PHROS THAMS CAD SANGS RGYAS SKU,, YE SHES DKYIL 'KHOR GSAL BYAS NA, ,SNGAGS KYI 'OD ZER SGRAR BCAS NAS, ,CHOS MANG YE SHES ZAG PA MED, ,SLAR NYID SKU YI GNAS BZHUGS PAS, ,DPE BYAD BZANG PO BRGYAD CU RDZOGS, ,GZHAN YANG RIN CHEN SNA BDUN DANG, ,BKRA SHIS BRGYAD SOGS KUN GYIS SPRAS, ,WAm LAS RNAM 'PHRUL TSE MTHA' YAS, ,ZHAL GCIG PHYAG BZHI DKAR DMAR
MDANGS, ,PADMA SOGS DANG RAL GRI 'JIN, ,CHOS KYI SNANG BA'I RGYAN GYIS BSGRUBS, ,PADMA RGYAN 'BRING RANG BZHIN MCHOG ,SHAR GYI DKYIL 'KHOR GNAS LA BZHUGS, ,GAm LAS SPRUL PA'I CHOS DBANG PHYUG ,DMAR SER ZHAL GCIG PHYAG GNYIS PA, ,PADMA'I PHRENG BA DUM PA 'DZIN, ,DKYIL 'KHOR GNAS SU BZHUGS PA'O, ,GHAm LAS SPRUL PA'I CHAGS MED 'OS; ;ZHAL GCIG PHYAG GNYIS BYU RU'I 'OD, ,PAD GNAS GLEGS BAM ME LONG 'DZIN, ,NUB KYI DKYIL 'KHOR GNAS BZHUGS PA'O, ,NGAm LAS SPRUL PA'I SPYAN DAG MA, ,ZHAL GCIG PHYAG GNYIS BTZOD KYI MDOG ,RIN CHEN PHRENG BAS BSIL YAB 'DZIN, ,BYANG GI DKYIL 'KHOR GNAS BZHUGS PA'O, ,TZAm LAS SPRUL PA'I MI BSKYOD PA, ,ZHAL GCIG PHYAG BZHI CHU SHEL MDOG ,RDO RJE DRIL 'DZIN 'KHRIL BA'I TSUL, ,DPAL BE'U BUM SOGS 'OD PHRENG RGYAN, ,CHAm LAS SPRUL PA'I RTA DBANG PHYUG ,ZHAL GCIG PHYAG BZHI BEE d'UR YA,, RIN CHEN SNYE MA DUNG PHOR 'DZIN, ,LHO YI DKYIL 'KHOR GNAS LA BZHUGS, ,DZAm LAS SPRUL PA'I 'BRUG SGRA NI, ,ZHAL GCIG PHYAG GNYIS GUR GUM MDOG ,RIN CHEN CHAG SHING GUndE 'DZIN, ,NUB KYI DKYIL 'KHOR GNAS LA BZHUGS, ,NYAm LAS SPRUL PA'I DRI MED DPAL, ,ZHAL GCIG PHYAG BZHI MA RGAD MDOG ,RIN CHEN PAD SRUNGS ZA MA TOG ,
, ,BYANG GI DKYIL 'KHOR GNAS LA BZHUGS, ,TAm LAS SPRUL PA'I RIN CHEN DBYANGS, ,ZHAL GCIG PHYAG BZHI GSER GYI MDOG ,RIN CHEN DRIL BU YUM DANG 'KHRIL, ,RIN CHEN MDZOD SPUNGS 'KHOR LO SOGS, ,THAm LAS SPRUL PA'I NAM MKHA'I MDOG ,ZHAL GCIG PHYAG BZHI SNGO SKYA'I MDANGS, ,RIN CHEN GLING BU PADMO 'DZIN, , SHAR GYI DKYIL 'KHOR GNAS LA BZHUGS, ,DAm LAS SPRUL PA'I DRA BA CAN, ,ZHAL GCIG PHYAG BZHI MTHING GA'I MDOG ,RIN CHEN PHRENG DANG PADMO 'DZIN, ,LHO YI DKYIL 'KHOR GNAS LA BZHUGS, ,DHAm LAS SPRUL PA'I DKON MCHOG RGYAN, ,ZHAL GCIG PHYAG BZHI DMAR SKYA'I MDANGS, ,CHOS KYI RGYAL MTSAN RGYUD MANG 'DZIN, ,NUB KYI DKYIL 'KHOR GNAS LA BZHUGS, ,NAm LAS SPRUL PA'I RIN CHEN TOG ,ZHAL GCIG PHYAG BZHI MA RA TA, ,DGOS 'DOD BUM PA DPAG BSAM SHING, ,BYANG GI DKYIL 'KHOR GNAS LA BZHUGS, ,tAm LAS SPRUL PA'I KUN TU SNANG, ,ZHAL GCIG PHYAG BZHI GSER GYI MDOG ,'KHOR LO DRIL 'DZIN YUM DANG BUM PA 'DZIN, ,TZUG TOR DRI MED RDO RJE 'DZIN, ,THAm LAS SPRUL PA'I 'OD KYI DPAL, ,ZHAL GCIG PHYAG BZHI SHEL GYI MDOG ,'KHOR LO DRA BA RAL GRI 'DZIN, ,SHAR GYI DKYIL 'KHOR GNAS LA BZHUGS, ,DAm LAS SPRUL PA'I
DGA' DBANG PHYUG ,ZHAL GCIG PHYAG BZHI NYI MA'I MDANGS, ,'KHOR LO RGYAL MTSAN DGA' BA'I MDZOD, ,LHO YI DKYIL 'KHOR GNAS LA BZHUGS, ,TAm LAS SPRUL PA'I CHO 'PHRUL BKOD; ;ZHAL GCIG PHYAG BZHI DMAR SKYA'I MDANGS, ,NYI MA'I 'OD PHRENG RDO RJES SPRAS, ,NUB KYI DKYIL 'KHOR GNAS LA BZHUGS, ,NAm LAS SPRUL BA'I RNAM PAR GZIGS, ,ZHAL GCIG PHYAG GNYIS LJANG SKYA'I MDANGS, ,KU SHA'I CHUN PO'I AA MRA'I MDANGS, ,BYANG GI DKYIL 'KHOR GNAS LA BZHUGS, ,PAm LAS SPRUL PA'I DON YOD PA, ,ZHAL GCIG PHYAG BZHI LJANG SNGO'I MDOG ,RGYA GRAM DRIL BCAS YUM DANG 'KHRIL, ,RDO RJE GDENGS POS RAL GRI 'DZIN, ,PHAm LAS SPRUL PA'I BRTZON 'GRUS 'KHYUG ,ZHAL GCIG PHYAG BZHI KARTI KA ,RGYA GRAM PHRENG BA RTZE GSUM 'DZIN, ,SHAR GYI DKYIL 'KHOR GNAS LA BZHUGS, ,BAm LAS SPRUL PA'I LAS CHEN PO, ,ZHAL GCIG PHYAG BZHI SER SKYA'I MDOG ,PADMA'I PHRENG BA NOR BU 'DZIN, ,LHO YI DKYIL 'KHOR GNAS LA BZHUGS, ,BHAm LAS SPRUL PA'I GNOD SBYIN 'DUL, ,ZHAL GCIG PHYAG BZHI PADMA'I MDANGS, ,PHYAG NA RDO RJE MCHE BA 'DZIN, ,NUB GYI DKYIL 'KHOR GNAS LA BZHUGS, ,MAm LAS SPRUL PA'I SNA TSOGS DAM, ,ZHAL GCIG PHYAG BZHI LJANG SER MDANGS, ,ZLA BA RIN CHEN DBYUG PA 'DZIN, ,BYANG GI DKYIL
, ,'KHOR GNAS LA BZHUGS, ,BDER GSHEGS RGYAL BA DE DAG KYANG, ,TZAKRA BSGYUR RGYAL MA LUS DANG, ,MTSAN DANG DPE BYANG SNA TSOGS BRGYAN, ,RIGS BTZUN BTZUN MO MDZES PAR BYA, ,YANG SPRUL BYAMS PA'I DBANG PHYUG NI, ,ZHAL GCIG PHYAG BZHI GANGS RI'I MDOG ,RDO RJE GDENGS DBYUG RAL GRI DANG, ,TRI SHUL THOD BCAS PADMA'I LCUG ,RNGAM BRJID 'KHOR BCAS YUM DANG 'KHRIL, ,DRAG PO'I RGYAN CHA SHAR GYI SGO, ,KHVA LAS SPRUL PA RTZE BA'I DBANG, ,ZHAL GCIG PHYAG BZHI GSER GYI MDOG ,RIN CHEN DBYUG PA PADMO DANG, ,THOD RNGA RDO RJE MYU GU'O, ,RAm LAS SPRUL PA'I RNAM GROL DBANG, ,ZHAL GCIG PHYAG BZHI DMAR MDANGS GSAL, ,PADMA DANG NI DRIL BU DANG, ,THOD SPRUL RAS SNGON BA DAN 'DZIN, ,LAm LAS SPRUL PA'I 'GRO DBANG PHYUG ,ZHAL GCIG PHYAG BZHI LJANG KHU'I MDOG ,RDO RJE RGYA GRAM PADMO DANG, ,GRI GUG GTUN SHING PHRENG BA CAN,, RIN CHEN PHRENG BAS MDZES BYAS NAS, ,'KHOR BCAS RNGAM PA'I MDANGS BCAS PAS, ,LHO LA SOGS PA'I SGO BZHI RU, ,GZHAN 'JIG DRAG PO'I LAS KYIS 'KHOD, ,SHAm LAS SPRUL PA'I BYIN DBANG PHYUG ,ZHAL GCIG PHYAG BZHI DKAR DMAR 'OD, ,RTZE GSUM BANDHA RIN CHEN 'KHRIL, ,ME YI THOD PA RI MOS MTSAN, ,KHAm LAS SMRA BA'I DBANG PHYUG STE, ,
ZHAL GCIG PHYAG BZHI SER SKYA'I MDANGS, ,RIN CHEN RTZE DGU BGRANG PHRENG DANG, ,PADMA'I LCUG MA SDIGS MJUB MDZAD, ,SAm LAS SPRUL PA'I SPYOD DBANG PHYUG ,ZHAL GCIG PHYAG BZHI DMAR SKYA'I MDANGS, ,DBYUG PA RTZE GCIG PADMA DANG, ,DGRA STA ZHAGS PA PHYAG NA 'DZIN, ,HAm LAS SPRUL PA'I DBANG PHYUG STE, ,ZHAL GCIG PHYAG BZHI LJANG GU'I SKU, ,RAL GRI LCAGS KYU DAG STA DANG, ,ME YI PHRENG BA 'KHOR LO 'DZIN, ,GZHAN 'JOMS 'JIGS PA'I KHRO BO'I MCHOG ,RANG 'OD RIGS MTHUN YUM DANG ROL, ,DRAG PO'I RGYAN TSOGS MA LUS 'GENGS PADMA'I 'DAB MA BZHIN DU 'KHOD, ,KA LAS BDE BA'I BLO GROS DANG, ,ZHAL GCIG PHYAG BZHI NAM MKHA'I MDANGS, ,YUM BCAS RDO RJE DRIL BU DANG, ,NAM MKHA'I MDZOD KYI 'OD KYI DKYIL 'KHOR DANG, ,KHA LAS KHANG PA RGYA MTSO'I SGRA DBYANGS CAN, ,ZHAL GCIG PHYAG BZHI PU SHA RA, ,RIN CHEN PI WANG PHRENG BA DANG, ,RNGA YAB RDO RJE COD PAN THOGS, ,GA LAS GZI BRJID BKOD PA NI, ,ZHAL GCIG PHYAG BZHI RGYA SKEGS MDOG ,PADMA'I LCUG MA ZLA BA DANG, ,'KHOR LO YID BZHIN BUM PA DANG, ,GHA LAS SPRUL PA'I 'KHOR LO GNON PA NI, ,ZHAL GCIG PHYAG BZHI MAR DANG, ,'KHOR LO DBYUG PA MA MO SHING, ,RGYA GRAM RIN CHEN LCUG MA 'DZIN, ,TZA LAS SHES RAB SNANG BA NI, ,ZHAL GCIG PHYAG BZHI LJANG SKYA'I MDANGS, ,RIN CHEN PHUNG
, ,PO PADMA DANG, ,RTZE GSUM DRIL THABS 'OD DKYIL 'KHOR, ,TSA LAS RDO RJE RGYAL MTSAN TE, ,ZHAL GCIG PHYAG BZHI GSER GYI MDOG ,RIN CHEN GDUGS MDZES NYI MA DANG, ,DPA' BO LONGS SPYOD PADMA'I SPYAN, ,DZA LAS 'OD ZER 'PHRO BA DANG, ,ZHAL GCIG PHYAG BZHI MDANGS DMAR GSAL, ,PADMA 'KHOR LO MCHOD SDONG BU, ,MU TIG CHUN PO ZA MA TOG ,DZHA LAS SPRUL PA'I DRAG SHUL CAN, ,ZHAL GCIG PHYAG BZHI LJANG SER MDOG ,'OD KYI ME PHUNG ME 'OD DANG, ,RAL GRI 'BAR BA G-YAS DANG G-YON, ,TA LAS SPRUL BA'I DRI MA SEL, ,ZHAL GCIG PHYAG GNYIS DMAR SKYA'I MDANGS, ,NYI MA'I PHRENG BA GAnd'I RDEG ,CHOS KYI TZAKRA RDZOGS BYED PA'O, ,THA LAS SGYU MA'I 'PHRUL PA NI, ,ZHAL GCIG PHYAG BZHI PA LA SHA ,SENG+GE RGYA MTSO RIN CHEN PHRENG, ,RIN CHEN BUM PA DE BCUD BCAS, ,LAS KYI RIN CHEN RGYAL PO NI, ,ZHAL GCIG PHYAG BZHI R'A GA'I MDANGS, ,RI BO PADMA CHU DRI DANG, ,GSER NYA 'PHYO BA'I RDZING BU YIN, ,DHA LAS 'PHROS PA'I DRA BA CAN, ,ZHAL GCIG PHYAG BZHI LJANG GU'I MDOG ,RGYA GRAM DRIL BU 'PHRO BA DANG, ,BANDHA SBRANG YAB 'DZAG PA'I RGYUN, ,TA LAS SPRUL PA'I LAG BZANG NI, ,ZHAL GCIG PHYAG BZHI KARTA'I 'OD, ,PADMA'I RGYAL MTSAN DKAR DMAR MDANGS, ,DRI YI GZHONG PA KU SHA'I TSUL, ,THA LAS GSER 'OD 'PHRO BA 'DZIN, ,ZHAL GCIG
PHYAG BZHI MTHING GA'I MDOG ,GLEGS BAM MDZES PA'I SKU GZUGS DANG, ,RIN CHEN MDZOD DANG ZLA BA'I 'OD, ,dA LAS RIN CHEN SNYE MA NI, ,ZHAL GCIG PHYAG BZHI PAD R'A GA ,PADMA'I SDONG BU DPAG BSAM SHING, ,BANDHA RTZE GSUM ZLA TSES GZUGS, ,DHA LAS CHOS KYI MTHONG BA NI, ,ZHAL GCIG PHYAG BZHI SNA TSOGS SKU, ,GO CHA YE SHES SGRON MA DANG, ,DPAL BE'U ZUR BRGYAD NOR BU TOG ,SNA TSOGS SPRIN PHUNG SER GRA BCAS, ,MCHE BA DRIL BU NGANG PA 'DZIN, ,BHA LAS GZHON NU RIN CHEN NI, ,ZHAL GCIG PHYAG BZHI LJANG SER MDOG ,RGYA GRAM 'KHOR LO'I PHRENG BA DANG, ,'OD ZER RTZE GSUM SNGAGS PA'I BUM, ,SEMS DPA' CHEN PO DE DAG RNAMS, ,RGYAN PHRENG CHA LUGS 'OD ZER DANG, ,YUM GNAS 'KHRIL ZHING RANG GNAS KYI, ,GTZO LA 'KHRIL BA'I TSUL DU BZHUGS, ,NYA MA NA LAS 'PHRUL PA YI, ,RDO RJE RNAM PAR GNON LA SOGS, ,RIGS KYI MTSAN MA JI BZHIN DU, ,PADMA R'A GA RAKTA MDANGS, ,BE 'U GSER MDOG AINDRA BZHIN, ,PADMA RDO RJE RIM SOGS MTSAN, , ZHAL GCIG PHYAG BZHI YUM DANG 'KHRIL, ,'OG MA'I PHYAG MTSAN MTHUN PA YI, ,RANG RTAGS MTSAN MA SNA TSOGS DANG, ,PADMA'I LCUG MAS MTSAN BYAS PA'I, ,ME TOG 'BRAS BU RNAMS KYIS MDZES; ;SHAR LA SOGS PA'I PHYOGS BZHI RU, ,BYANG CHUB SEMS DPA'I CHA LUGS KYIS, ,RANG GI DKYIL 'KHOR GNAS SU 'KHOD, ,YA WA RA LAS SPRUL PA YI, ,PADMA 'PHRO BA LA SOGS BZHI,
, ,ZHAL GCIG PHYAG GNYIS DKAR DANG SER, ,DMAR LJANG PADMO ME LONG DANG, ,RIN CHEN PHRENG BA PI WANG GAR, ,MCHOD PA LAS MDZAD NANG GI MTSAMS, ,shA SHA SA HA LAS 'PHRUL PA'I, ,PADMO TSIM BYED LA SOGS PA'I, ,ZHAL GCIG PHYAG GNYIS RIGS GNYIS GZUGS, ,BDUG SPOS ME TOG DUNG DANG DRI, ,'GYING TSUL TRI SH'UL LAS KYI TSUL, ,MCHOD PAS PHYI YI MTSAMS NA GNAS, ,DE DAG GI GSANG SNGAGS NI, AOm DHE HI R'A GA PADMA SHI RI PU TA H'Um H'Um SV'AH'A, AOm PADMA MA H'A DHA BA RA BU NA SI TA MAH'A DHA MA HRi DA Y'A H'Um H'Um, BRAD TANG YA DZA SV'AH'A; DBUS KYI DKYIL 'KHOR GYI'O, ,AOm TZAKRA AA LO KA NA MA RAKshA SAm BHA RATNA HRI TI BA YA BA TI DZA SV'AH'A, NUB PHYOGS PA'I DKYIL 'KHOR RO, ,AOm BADZRA DA RA BA KRi TA YA NI SHAm RA TI PA SHAm NI DZA SV'AH'A; SHAR PHYOGS KYI DKYIL 'KHOR LA'O, ,AOm RATNA KU TI DU MANTA BANDHA BANDHA DU NA DU NA BI DZA SV'AH'A, LHO PHYOGS KYI DKYIL 'KHOR PA'O, ,AOm BI SHA TZI NA DHA MA MA DU RU HA HA HA HA SARBA GURBA NI H'Um PHAt SV'AH'A, BYANG GI DKYIL 'KHOR PA'O, ,AOm MAm MA AA BA LE KA NA RU RU YU RU SI DE BHYO DE SATVA MA MA H'Um DZA SV'AH'A, RIGS KYI BYANG CHUB SEMS DPA' RNAMS KYI'O, ,AOm BI LO KA N'A MA SI TAN MA KU RU KU RU BO DHI SATVA BHA RA BU NA DZA H'Um DZA SV'AH'A, RIGS LAS SPRUL PA'I BYANG CHUB SEMS KYI'O, ,AOm BINDHA BINDHA SARBA KARMA SI DE DE BI KU RU BU TA SAm BO HA H'Um AOm AAm DZA SV'AH'A, LHA MO RNAMS
KYI'O; ;AOm AA PASMA RA KRO DHA SNI, YAKshA H'Um H'Um H'Um BI TAm PA KA PHAt SV'AH'A, KHRO BO RNAMS KYI'O, ,GSANG SNGAGS RGYAL PO MI ZAD PAS, ,RNAM PAR SPRUL PA SKU YIS NI, ,STONG GSUM GNAS NAS G-YO MDZAD DE, ,RANG GI LHA LA GSAL BAR MDZOD, ,DE NAS MGON PO RDO RJE 'DZIN, ,BDE CHEN GAR GYI DBANG PHYUG GIS, ,DKYIL 'KHOR RNAM GSUM GSAL BYED PA'I, ,TING NGE 'DZIN LA SNYOMS ZHUGS NAS, ,DKYIL 'KHOR BYIN BRLABS DBANG BSKUR ZHING, ,RIGS KYI BDAG POS GSAL BAR MDZOD, ,GNAS KUN MTSAN MA YONGS DAG NAS, ,RNAM GSUM SNANG BA GNYIS MED 'GYUR; ;AOm NA MA SARBA TA TH'A GA TA K'A YA W'A KA TZITTA MAH'A BO DHI HYA SU TRAm TRI SHA SHU DHE SO NA KHYA H'Um H'Um H'Um, AOm RIN CHEN DBU RGYAN GYI SNGAGS SO, ,SARBA BU TA KU RU RATNA MA MA KU TA, AA AA B'IRYA SAD MA MA KU AA BHI shINYTZA AOm A'A:H'Um SV'AH'A, AOm PADMA AA MO KA SA MA YA SHR'I HA HA HA TSINDHA MA NI AA SMI SHA BI MA MA YA H'Um H'Um, SNGAGS GSUM GYIS GSAL BAR BYED PA'O, ,AOm BI SHA TZA NI DHA MA NI AA BA SAm BO DA MA MA KU RU SI LA LA TA SI NA BI BUD PA PAm DA H'Um H'Um H'Um, RNAM PAR SPRO BA'I SNGAGS SO, ,AOm MA TA LA NI BI SHA TZAKRA KU MA TA BU TA NA MA SIL DU TRI SI H'Um PHAt SV'AH'A, DKYIL 'KHOR GSAL BA'I SNGAGS SO; ;AOm AAm AA AA MIN DU SHE MA LA SHA NA DU NA DHE TA TH'A GA TE BHYOD TI PADMA KU RU A'A:H'Um SV'AH'A, RBAD PA'I SNGAGS SO, ,AOm PADMA MU KHAm PADMA BA BA SA BO TI DI RA YAm GU RU H'Um H'Um H'Um HAm HAm DARSHA SV'AH'A, SNYING PO'I
, ,SNGAGS SO, ,AOm NA MA SU TRAm BHO GA GA NA GU MA LE SAm S'A RA H'Um PHAt SV'AH'A, RIG PA MCHOG GI SNGAGS SO, ,AOm BA GA GA PA SAm PO PADMA DHA AE HYE HI MAH'A K'A RU MA DA AA MA DHU NA DZA DZA; SPYAN DRANG BA'I SNGAGS SO, ,AOm PADMO SAm GA GA SU RA TA RA GA SA MA YE STVAm, GDAN GYI SNGAGS SO, ,AOm AA MU KA SI NA MA SARBA BHYO GA GA TA PU TZA ME DA NA DA H'Um TRI SV'AH'A, MCHOD PA'I SNGAGS SO, , AOm PADMA BI LO KU MA LA SU NI TU TR'Am SV'AH'A, PA SAm HI HI, DGYES PAR BYA BA'I SNGAGS SO, ,DE NAS GSANG BA'I BDAG PO MCHOG ,RDO RJE GSANG BA RMAD BYUNG BA'I, ,SKU DANG GSUNG THUGS GSANG SNGAGS CHE, ,BYIN GYIS BRLABS PA DON BSHAD MDZAD, ,BDE BAR GSHEGS PA'I YE SHES MCHOG ,DE DAG DKYIL 'KHOR RNAM 'PHRUL MCHOG ,DRI MA MED PA'I BYANG CHUB SEMS, ,DE NI DKYIL 'KHOR SNYING PO MCHOG ,RDO RJE GSANG BA'I GNAS CHEN PO, ,THABS DANG SHES RAB ROL PA'I TSUL, ,RANG BZHIN BYANG CHUB SEMS NYID LAS, ,RANG BZHIN LHUN GRUB RDZOGS CHEN PO, ,'GRO BA'I SNANG BA DAM PA'I MCHOG ,RANG BZHIN DAG PA DRI MED CHOS, ,DKYIL 'KHOR GNAS MCHOG GNYIS MED PA'O, ,PHUNG PO KHAMS SOGS RNAM DAG SKU, ,AE MA'O CHOS SKU MYA NGAN 'DAS, ,AE MA'O CHOS RNAMS YE SHES SKU, ,AE MA'O CHOS KUN RNAM PAR 'PHRUL, ,RGYA CHE SNGAGS KYI TSUL LDAN PA'I, ,DKYIL 'KHOR GSANG GSUM NGO MTSAR CHE, ,THABS LNGA MDZAD PA SNA TSOGS KYIS, ,
SNGON DANG DA LTAR 'BREL DON 'BYUNG, ,THABS MKHAS PHA ROL PHYIN BCU RDZOGS, ,BSOD NAMS YE SHES DAG PA'I SHUGS, ,SA DANG SA 'DAS DON CHEN PO, ,TA TH'A GA TA'I BYIN RLABS DBYINGS, , LA LA SKU DANG GSUNG DANG THUGS, ,ZAB PA DE NYID RANG GI MTHUS, ,GSANG GSUM GNAS LA PHYAG 'TSAL LO, ,YA MTSAN CHOS LA PHYAG 'TSAL LO, ,RNAM 'PHRUL SKU LA PHYAG 'TSAL LO, ,BYANG CHUB SEMS LA PHYAG 'TSAL LO, ,ZHES SO, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD LAS, ,DKYIL 'KHOR RNAM PAR 'PHRUL PA'I LE'U STE GSUM PA'O,, ,,DE NAS 'DUS PA'I 'KHOR TSOGS RNAMS, ,DGA' BA CHEN PO NGO MTSAR GYIS, ,RGYUD GSUM RNAM DAG TSIM GYUR NAS, ,DGYES PA'I DBYANGS KYIS GSOL BA BTAB, ,AE MA'O NGO MTSAR YA MTSAN CHE, ,GNYIS MED ROL PA YA MTSAN CHE, ,DRI MED DANG BA YA MTSAN CHE, ,'OD 'PHRO 'DU BA YA MTSAN CHE, ,BYANG CHUB SPRIN PHUNG YA MTSAN CHE, , SANGS RGYAS 'BYUNG BA YA MTSAN CHE, ,'PHRUL PA 'BYUNG BA YA MTSAN CHE, ,KHRO BO 'BYUNG BA YA MTSAN CHE, ,BYIN RLABS CHO 'PHRUL YA MTSAN CHE, ,THA BA RLAN MDZAD YA MTSAN CHE, ,'GOG PA RLUNG MDZAD YA MTSAN CHE, ,BDAG CAG 'KHOR TSOGS 'DUS PA RNAMS, ,DAM TSIG CAN DU BYIN BRLABS MDZAD, ,ZA 'OG RIM PA JI BZHIN DU, ,RDO RJE GSANG BA'I GRAL DU 'GOD, ,DE NAS
, ,BCOM LDAN BDE CHEN POS, ,CHAGS PA CHEN PO RDO RJE'I SKU, ,SKU DANG GSUNG THUGS GNYIS MED PA'I, ,'KHOR RNAMS RAB TU SBYANG BA'I PHYIR, ,RDO RJE RGYAN GYI TING 'DZIN GYIS, ,RANG GI DKYIL 'KHOR GSAL BAR MDZOD, ,DE TSE BYANG CHUB SEMS CHEN PO, ,'OD ZER KUN TU KHYAB PA DES, ,DGA' BA CHEN PO'I MCHOD PA YIS, ,GNAS KYI MTSAN MA GSAL BAR MDZOD, ,'DU SHES MED DANG 'GOG GNAS SOGS, ,RANG GI RTOG PA'I MTHA' ZHES RNAMS, ,DRI MA MED PA'I BYANG CHUB SEMS, ,RIN CHEN CHU DES DBANG BSKUR NAS, , RANG GI YE SHES DBANG THOB STE, ,'GRO BA'I DON BYED NUS DANG LDAN, ,LAS LA SPYOD PA'I GNAS RNAMS DANG, ,RANG SKYOB PA YI SEMS DAG GIS, ,THUGS RJE CHEN PO'I BYANG CHUB SEMS; ;SANGS RGYAS BRTAN PA 'DI GNYER RO, ,BYANG CHUB SEMS KYI MTSAN MA YIS, ,'DUS BA'I GNAS LNGA RIG PAR BYA, ,AOm GU HYA BADZRA SA MA STVAm, AA LA LA HO, ,RDO RJE RO LANGS BSDUS PA YI, ,GSANG BA'I DAM TSIG CHEN PO RNAMS, ,RIGS KYI DGONGS PA JI LTA BAR, ,RDO RJE GSANG BA'I LAS LA GNAS, ,SKAL BZANG DAM TSIG CHEN PO STE, ,DE LAS 'DAS NA BRLAG PAR 'GYUR, ,DKA' YI BSGO BA'I DON CHEN POS, ,'DAS PA'I 'KHOR TSOGS BSAM YAS PAS, ,DAM TSIG THOB PAS GRAL 'KHOD DO, ,DE NAS GSANG BA'I BDAG PO NYID, ,
DBANG THOB LAS MDZAD CHEN PO DES, ,BCOM LDAN 'DAS LA GTZUG GI PHYAG ,RNAL 'BYOR LUGS SU BYAS NAS NI, ,PHYI NANG GSANG BA'I MCHOD PAS MCHOD, ,MNYAM 'GYUR GSEL BA RAB TU BTAB, ,'DI LTAR MA BYUNG NGO MTSAR KHYOD, ,SANGS RGYAS RNAMS KYI DBANG PHYUG CHE, ,MNGON SPYOD YA MTSAN STON PAR SPYOD, ,BKA' YI 'KHOR LO DAM PA NYID, ,SMRA BSAM YUL LAS RAB 'DAS KYANG, ,DPES MTSON SNANG BA LA BRTEN NAS, ,YI GE MING TSOGS LA SOGS KYIS, ,GSAL BAR MTSON TE GO BAR MDZOD, ,STON PA DBANG PHYUG DAM PA DES, ,GSOL BA BTAB PA'I DON DGONGS NAS; ;BRJOD BSAM 'DAS PA'I TING 'DZIN LAS, ,MNYAM PAR BZHUGS NAS MI GSUNG BZHUGS, ,DE NA 'DUS PA'I 'KHOR TSOGS KYIS, ,STOBS MCHOG SENG+GE CHEN PO LA, ,LOGS SU BTUD DE PHYAG 'TSAL NAS, ,RMAD BYUNG MCHOD PA SNA TSOGS BYAS, ,GSOL BTAB BLO MCHOG SENG+GE KHYOD, ,BDAG CAG ZHU BA'I GNAS SKABS PHYE, ,STOBS MCHOG SENG+GE GSANG BDAG GIS, ,GSOL BA BTAB PA'I DON DGONGS NAS, ,'DUS PA'I 'KHOR TSOGS KHYOD NYON CIG ,BDAG LA ZHUS CIG SPOBS PAR BYOS, ,SLAR NYID GSOL BA BTAB PA'I DON, ,KUN GYIS MTHUN PA'I TSIG SMRAS PA, ,MGON PO RGYAL BA KUN GYI MDZOD, ,SANGS RGYAS RNAMS KYI SRAS KYI MTSOG ,BYANG CHUB SEMS DPA' RJE BTZUN LA, ,CHOS RNAMS STON PA'I GNAS LAGS NA, ,BCOM LDAN GSANG MCHOG DAM PA DES, ,GSANG
, ,SNGAGS LAM RNAMS MI STON CING, ,DGONGS MDZAD 'BREL BAS MI MDZAD PA, ,RGYU DANG RKYEN GYIS GANG LAGS PA, ,'KHOR NI TSOGS LA BSTAN DU GSOL, ,GSAL ZHING DBYE BAR MDZAD PAR RIGS, ,ZHUS PA'I DON NYID SLAR GSUNGS PA, ,RGYAL BA KUN GYI GSANG BA'I MDZOD, ,SKU GSUNG THUGS KYI RDO RJE DNGOS, ,SNA TSOGS SNANG ZHING GSAL BAR MDZOD, ,DE NYID RDZOGS PA'I GSANG SNGAGS CAN, ,BSHAD LAS 'DAS PA'I DON DE NI, ,DGONGS DON RGYAL BAS GSUNG MI MDZAD, ,DE LTAR STON PA RGYAL MCHOG GIS, ,RNAM PAR BRJOD PA MI MDZAD PAS; ;YANG DAG DON GYI SNYING PO NYID, ,RGYA CHER BKA' NI GSAL BA YIN, ,'DUS PA'I 'KHOR TSOGS RNAMS NYON CIG ,BYANG CHUB DAM PA'I SNYING PO NI, ,SMRA BSAM LAS 'DAS BRJOD MED PAS; ;TSIG TU BRJOD PA LEGS MA YIN, ,GNYIS MTHA'I RTOG PA LAS GZHAN DAG ,TSIG GI SNANG BAS THE TSOM SKYED, ,GROL BA NYID KYIS 'CHING 'GYUR ZHES, ,'DAS DANG MA BYON THAMS CAD DANG, ,DA LTAR BYUNG BAR DGONGS PA'I DON, ,MA GSUNG MI GSUNG GSUNG DU MED, ,DE NAS SEMS DPA'I SNYING PO NI, ,SPROS DANG BRAL BA'I BYANG CHUB SEMS, ,KUN RDZOB BDEN PA'I TSIG DBANG DU, ,MTSAN MA'I TSIG GIS RNAL 'BYOR RNAMS, ,DON DAM RTOGS DKA' 'GRO BA'I PHYIR, ,RGYAL BAS TSIG SKOR BSTAN PA YIS, ,'DUS TSOGS 'KHOR GYIS YANG ZHUS
PA; ;STOBS MCHOG SENG+GE DE LTAR NA, ,BDAG SOGS MA 'ONGS RNAL 'BYOR PAS, ,TSIG GI RJES 'BRANGS DON DAG TU, ,GSANG BA'I LAS BRJOD GSAL BYED PA, ,JI LTA BU YIS MTSON PAR 'GYUR; ;DPA' BO KHYOD NI RGYAL BA'I SRAS, ,DBANG BSKUR THOB PAR ZHU BA SPOBS, ,BCOM LDAN DBANG MCHOG DAM PA LA, ,ZHUS SHING STOBS MCHOG SENG+GE KHYOD, ,NGES KYANG 'KHOR GYIS ZHUS PA BZHIN; ;RGYAL BA RDO RJE 'DZIN PA LA, ,PHYAG 'TSAL RMAD BYUNG MCHOD RDZAS NAS, ,RDO RJE TSIG TU 'DI SKAD GSOL, ,KYE MA STON PA THUGS CHEN PO, ,PHYOGS BCU RGYAL BA KUN 'DUS PA, ,BYANG CHUB SEMS KYI MTSAN NYID DE, ,TSIG TU BRJOD PA MA MDZAD NA, ,MA 'ONGS DGRA LA BRTEN PA DAG ,DON LA REG PAR MI 'GYUR PHYIR, ,MTSON BYA MTSON PAR BYAS NAS NI, ,SNYING PO BYANG CHUB DON 'DI LA; ;DPES MTSON 'THAD PAR GRUB BYED PA, ,GSANG BA DE NYID BSTAN DU GSOL, ,DE NAS MGON PO RDO RJE 'DZIN, ,YE SHES LNGA DANG RTAGS LDAN PA'I, ,PHYAG GI MTSAN MA GSOR MDZAD CING, ,RMAD BYUNG YA MTSAN STON PAR MDZAD, ,THAMS CAD PADMOR 'GYUR BA YI, ,RMAD BYUNG CHOS KYI SGRA YANG SGROG ,AOm A'A:H'Um SV'AH'A, BO DHI TZITTA GU HYA, SA MA YA AA SA, AA NU BO DHI TZITTA AA NANTA GARBHA, MAH'A SAT'A PHRA TA AA H'Um; 'DI NI GSUNGS MA THAG TU YANG, ,SANGS RGYAS GRAGS CHEN THAMS CAD DAG ,RAB TU DRAG CING BRGYAL 'GYUR NA, ,GZHAN LTA MA LUS SMOS CI DGOS, ,BCOM LDAN 'DAS KYIS
, ,YANG DAG BKA', ,BSHAD KYI RIGS KYI BU RNAMS NYON, ,DON DAM KUN RDZOB GNYIS MED PAR, ,YANG DAG BDEN PA'I DON BSTAN PA, ,DE NI DNGOS PO MTSAN NYID DE,, MKHA' LDAN CHEN PO RNAMS KYI GDENGS, ,JI SRID BLO YI CHOS DAG TU, ,GNYIS SU SNANG BA'I MTSAN MA LA, ,BSAM BRJOD KUN RDZOB CES BYA STE, ,DE LAS 'DAS PA DON DAM YIN, ,SKU GSUM GNYIS SU MED PA YI, ,SNANG BA'I DNGOS PO MA 'GAGS PA, ,DUS GSUM BSTAN PA CHEN POR GNAS, ,YID BZHIN PA YI DON NYID DO, ,THAMS CAD SGYU MA LTA BU'I TSUL, ,THAMS CAD RANG BZHIN STONG PA NYID, ,ZUNG DU 'JUG PA'I YE SHES NI, ,DE NYID BLA MED MCHOG DAM PA, ,DE SKAD CES NI BKA' STZAL NAS, ,AA LA LA YI SGRA BRJOD DO, ,STOBS MCHOG SENG+GE DRI BA DRIS, ,DE LTAR LEGS SO BCOM LDAN 'DAS, ,SNGAGS KYI LHA LA BLO GNAS GANG, ,SPYOD LA GNAS PA GANG DAG GIS, ,PHAN TSUN 'BREL 'GYUR CI LTA BUR, ,BLO YI RIM PA 'JUG BYA 'AM, ,BCOM LDAN 'DAS KYIS BKA' STZAL PA, ,GSANG BA'I BDAG PO KHYOD NYON CIG ,SANGS RGYAS RNAMS KYIS BSTAN PA'I DON, ,MTSAN NYID RNAM DAG DUS LAGS PA, ,BGRANG DANG BGRANG BA LAS 'DAS PA'I,, DNGOS PO MTSAN NYID DE BZHIN NO, ,LEGS SPYOD BDEN PA'I LAM 'JUG CING, ,RNAM GSUM SNGAGS KYI DON SPYAD NA, ,'BREL PA SHUGS KYIS SGRUB BYED NA, ,LTA SPYOD GNYIS LDAN BDEN
PA'I MCHOG ,RNAL 'BYOR SA LA LEGS GNAS SHING, ,BDEN GNYIS 'BREL PA'I DON BSGRUBS NAS, ,YANG DAG RTAG PA'I DON GSAL 'GYUR, ,RNAL 'BYOR SA SPYOD SA THOB SHAG ,MA SKYES THABS KYI YE SHES LDAN, ,THAMS CAD MNYAM PA NYID KYI DBYINGS, ,BDEN GNYIS DBYE BA MED PA YIS, ,YANG DAG DON MCHOG SGYU MA'I SKU, ,KUN RDZOB SGYU MA THABS KYI GSUNG, ,PHYAG RGYA SGYU MA'I TSUL NYID DE,, MED PA MA YIN MTSAN MED DE, ,RNAL 'BYOR GNYIS DANG LDAN PHYIR RO, ,SLOB PA'I RNAL 'BYOR GNYIS BRTEN NAS, ,LHUN GYIS GRUB PA'I SA GOMS NAS, ,BDEN 'GYUR BDEN PA GNYIS LA GNAS, , CHE CHUNG MTHU YIS GRUB PA YIN, ,SGRA YI RJES 'BRANGS RNAL 'BYOR PAS, ,DON MED SPYOD LA GNAS PAR 'GYUR, ,YANG DAG KUN RDZOB BDEN GSAL BAS, ,GNYIS MED DON DAM BDEN PAR GNAS, , SNA TSOGS CHOS KYI G-YUL NGO BZLOG ,RIG PA'I SKYES BU RNAM PAR GRAGS, ,ZHES PAS DGYES PAR GYUR TO, ,DE BZHIN GSHEGS PA THAMS CAD KYIS DGONGS PA BLA NA MED PA'I GSANG BA DPAL RTA MCHOG ROL PA'I RGYUD LAS, DE KHO NA NYID BSTAN PA'I LE'U STE BZHI PA'O,, ,,DE NAS RIG PA'I SKYES BU MCHOG ,GSANG BA'I BDAG POS YANG ZHUS PA, ,BCOM LDAN SNYING PO BYANG CHUB SEMS, ,DGONGS PA'I DON NI CI LTA BU, ,LAS DANG NYON MONGS DAG BYED PA'I, ,YE SHES SGRON MA CI LTAR LEGS, ,RGYAL BAS DGONGS PA'I BYANG CHUB SEMS, ,RDO RJE LTA BUR MNYAM
, ,BZHAG NAS, ,MI RTOG YE SHES GSAL MDZAD DO, ,SNA TSOGS RNAMS KYANG BYANG CHUB SEMS, ,BDE BA CHE LAS GZHAN MED DE, ,LUS NGAG YID GSUM RNAM PA'I TSOGS CHOS RNAMS KUN GYI RGYU YIN TE, ,RNAM GSUM RDO RJE LTA BU NYID, ,SKU GSUM GSAL BA RNAM PAR SNANG, ,DNGOS PO GSAL BA'I CHOS MED DE, ,GCIG LAS RNAM 'PHRUL SNA TSOGS NYID, , PHYAG RGYA GAR THABS DBANG BSGYUR BAS, ,'CHING BA'I TSOGS LAS RNAM PAR GROL, ,DNGOS PO THAMS CAD BRAL BA YI, ,PHUNG KHAMS SKYE MCHED RNAM PAR DBEN, ,GZUNG 'JIN RTOG PA'I YUL BRAL BAS, ,DPAG MED PA YI NGO BO NYID, ,RNAM GSUM MCHOG GI DON LAS BYUNG, ,'OD GSAL CHEN PO'I RANG BZHIN NO, ,NGO MTSAR RMAD DU BYUNG BA'I DON, ,RGYAL BA KUN GYI GSANG BA'I THUGS, ,SKYE DANG SKYE MED SNA TSOGS DNGOS, ,PHYOGS 'DZIN MTHA' YIS BCING BAR BYED, ,DE DAG CHOS LAS RNAM GROL BA'O, ,BDEN PA CHEN PO'I TING 'DZIN RGYA, ,NGO MTSAR YA MTSAN RMAD KYI CHOS, ,ME LONG GSAL BA'I RANG BZHIN CAN, ,RGYAL BA RNAMS KYI GSANG BA'I MDZOD, ,'GAG PA MED PA'I CHOS RNAMS LA, ,BYANG CHUB SEMS NYID SKYE BAR 'GYUR, ,MNYAM NYID DE BZHIN GSHEGS PA'I SKU, ,YA MTSAN RMAD DU BYUNG BA'I CHOS, ,SNA TSOGS SNANG BYED GNAS GROL BA, ,RANG BZHIN ZHI BA'I BYANG CHUB SEMS, ,GNYIS KYI MTHA' LAS GROL BA'O,,
GNAS DANG GNAS MED BYANG CHUB SEMS, ,YA MTSAN RMAD KYI DON BYUNG PA'O, ,RGYA CHER SO SOR GSAL BA'I NGANG, ,KUN RTOG BYANG CHUB SEMS CHEN PO, ,DMIGS MED GSANG BA LAS BYUNG BA'I, DMIGS DANG MI DMIGS SNA TSOGS NI, ,BDE BA'I YE SHES GSAL BA'O, ,MA 'GAGS PA YI CHOS NYID DO, ,BYA BA GRUB PA'I TSUL CAN DU, ,SPROS MED SPROS PA SNA TSOGS SNANG, ,SPRO BSDU 'DUN DANG SPROS BRAL BA'I, ,MDZAD PA'I BYANG SEMS BRTAN PA LAS, ,NGO MTSAR CHO 'PHRUL BLA NA MED, ,YE SHES RGYA MTSO RMAD DU BYUNG, ,RANG GI DE NYID GSAL BAR 'GYUR, ,RGYAL BAS BSHAD PA'I DGOS DON LA, ,'KHOR RNAMS YA MTSAN NGOMS PAR 'GYUR, ,MCHOD DANG ZHAL DAG SGRA 'BYIN CING, ,RANG GI DE NYID GSAL 'GYUR NAS, ,BYANG SEMS DE NYID BSTOD PAR BYA, ,AE MA'O STONG NYID BYANG CHUB SEMS, ,AE MA'O DAG PA DRI MA MED, ,AE MA'O MI SGRIB GSAL BA CHE, ,AE MA'O MNYAM NYID DBYER MED CHOS, ,AE MA'O SO SO RANG GI SEMS, ,AE MA'O BYA BYED LHUN GYIS GRUB, ,DE BZHIN NYID LA PHYAG 'TSAL BSTOD, ,BCOM LDAN 'DAS NYID BYANG CHUB SEMS, ,BYANG CHUB SEMS NYID THUGS KYI MCHOG ,BDAG CAG RIG 'DZIN TSOGS PA RNAMS, ,BYANG CHUB SEMS NYID SMON PA DANG,, 'JUG DANG LDANG DANG GNYIS MED DE, ,RANG GI BYANG SEMS G-YO BAR BGYIS, ,REG PAR BGYI ZHING NYE BAR BGYI, ,NYAMS SU MYONG BAR 'TSAL LAGS NA, ,THUGS RJE CHE DGONGS BYIN GYIS RLOBS, ,
, ,BDE BAR GSHEGS PAS BYIN GYIS RLOBS, ,DE SKAD TSIG TU GSOL BTAB PAS, ,BCOM LDAN SNYING PO 'DI SKAD GSUNG, ,SNA TSOGS RNAM DAG NGO BO NYID, ,CHOS RNAMS 'PRO BA'I TSOGS RNAMS KUN, ,RANG BZHIN BRJOD BRAL RTOG PA MED, ,RANG GSANG RTOGS PA'I DKA' BA'I DON, ,SRID GSUM YE NAS RNAM DAG CHOS, ,BDAG RTOG 'KHRUL PA'I NYES DMIGS KYIS, ,DUS RING 'KHYAMS 'GYUR 'GRO BA RNAMS, ,RANG RTOG DNGOS PO'I LAS LA SPYOD, ,LOG PA'I SEMS KYIS KUN BRTAGS KYANG, ,RANG BZHIN NYID LA 'GYUR BA MED, ,YE NAS DON GYIS SANGS RGYAS LA, ,'KHRUL PA'I BDE SDUG 'KHOR LOS 'KHYAMS, ,LOG RTOG DNGOS MED BYANG CHUB SEMS, ,'KHRUL RTOG MI GNAS RGYAN GYI MCHOG ,THA BA'I GNAS NYID BYANG CHUB ZHING, , SRID DNGOS SANGS RGYAS MNGON RDZOGS SKU, ,'DZIN RTOG BYANG CHUB SNYING POR GSAL, ,BRTAN G-YO DNGOS PO THAMS CAD DANG, ,BDE CHEN SKU LAS GZHAN MED DO, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD CHEN PO LAS, DE BZHIN NYID KYI LE'U STE LNGA PA'O,, ,,BCOM LDAN RGYAL BA THAMS CAD KYI, ,DKYIL 'KHOR SNYING PO BSDUS PA'I DON, ,DE NAS GSANG BA'I BDAG PO YIS, ,DKYIL 'KHOR RNAM PAR 'PHRO BA'I DON, ,MTSAN NYID 'PHRO ZHING RTOGS PA DAG ,RGYAL BAS BSHAD PHYIR BSKUL 'DEBS
MDZAD, ,BCOM LDAN RGYAL BA THAMS CAD KYI, ,DKYIL 'KHOR SNYING PO BSDUS PA'I DON, ,RGYA CHE MDZAD PA'I MTHU LDAN PA, ,RDO RJE GSANG BA GSUM GYI GNAS, ,RAB RGYAS MTSAN BZHIN CHO GA'O, ,YAN LAG DAG LA BSTAN DU GSOL, ,DE NAS MGON PO GSANG BA'I BDAG ,GNYIS MED YE SHES LA 'GRO BA'I, ,TING NGE 'DZIN LA SNYOMS ZHUGS GNAS, ,RGYA CHER SPRUL PA'I DON BSTAN MDZAD, , STONG NYID YE SHES LAS BYUNG BA'I, ,RI BO RGYUD 'DZIN RIGS MTSAN CAN, ,DBYANGS KYI YI GE'I TSUL 'JUG PA'I, ,RTA BDUN 'OD SOGS GSAL BYED LDAN, ,SKAR MA'I TSOGS DANG 'DRA BA LAS,, MNYAM NYID 'OD KYI GONG BU'I GZUGS, ,SNANG BA'I 'OD ZER LNGA YI TSUL, ,PHYAG RGYA MTSAN MA SNGAGS DANG BCAS, ,RNAM 'PHROS RANG RIG ZHING KHAMS SBYANG, ,DE DAG GONG BU'I GZUGS MTSUNGS PAR; ;GTZO BO RDO RJE 'DZIN PA'I SKU, ,STONG NYID SNYING RJE CHEN PO YIS, ,MA LUS RGYUD RNAMS GSAL MDZAD NAS, ,NAM MKHA' DANG PA'I DKYIL 'KHOR BZHIN, ,THUGS RJE CHEN PO SKYON SKYONG MDZAD, , SA BON GSANG BA'I LAS BYUNG BA'I, ,MKHA' SNANG GSAL BA KUN KHYAB LAS, ,SNA TSOGS KUN NAS SO SO NYID, ,'BYUNG BZHI'I DKYIL 'KHOR RIM BZHIN BKOD, ,KUN 'PHRUL SA BON LAS BSKYED PA'I, ,YE SHES RIN CHEN SNA TSOGS GZUGS, ,SHAR DU DO SHAL PHRENG PA DANG, ,GDUGS DANG RGYAL MTSON RNGA YAB SOGS, ,ME LONG ROL MO'I TSOGS BSAM YAS, ,'KHOR
, ,LO RIN CHEN RDO RJE PAD, ,TVA RA NA BZHI RGYAN MJES PA, ,SGRA DBYANGS SNA TSOGS NYI ZLA'I TSOGS, ,TZAKRA BAR KHYAMS PHRENG BA DANG, ,DAM PA'I 'DOD YON LHA MO 'KHRIGS, , RIN CHEN 'BAR BA'I KHRI BRTZEGS GNAS, ,NYI ZLA PADMA'I RIN CHEN RGYAN, ,GNAS RNAMS KHYAB PAR JI BZHIN PAR, ,DKYIL 'KHOR LHUN GYIS GRUB PA'O, ,AA A'A, AI A'I, AU A'U, AE AEE, AO AOO, AAm AA:, Ri R'i, Li L'i, KA KHA GA GHA NGA, TZA TSA DZA DZHA NYA, tA thA dA dHA nA, TA THA DA DHA NA, PA PHA BA BHA MA, YA RA LA WA, SHA shA SA HA KshA, DE BZHIN NYID DBYINGS RMAD BYUNG BA'I, ,BDER GSHEGS KUN GYI THUGS GSAL BA, ,BYIN RLABS YA MTSAN SPRUL PA'I SKU, ,DKYIL 'KHOR SNA TSOGS KUN GYI GNAS, ,SEMS CAN KUN GYI SEMS CHEN PO, ,RANG BZHIN DAG PA DRI MA MED, ,PHUNG PO CHOS RNAMS SANGS RGYAS TE, ,'BYUNG LNGA DBYINGS PHYUG YUM GYI MKHA', ,KHAMS DANG SKYE MCHED SEMS DPA' DANG, ,SEMS MA'I TSOGS DANG KHRO BO'I SKU, ,PHYI NANG SRID GSUM DNGOS SNANG BA'I, , DKYIL 'KHOR RIGS KYI BDAG NYID CHE, ,GZUGS PHUNG RNAM PAR SNANG MDZAD CHE, ,TSOR BA RIN CHEN 'BYUNG LDAN SKU, ,'DU SHES SNANG BA MTHA' YAS SKU, ,'DU BYED DON YOD GRUB PA YIN, , RNAM SHES RDO RJE SEMS DPA' STE, ,THAMS CAD BDER GSHEGS LNGA YI SKU, ,SA KHAMS SANGS RGYAS SPYAN YIN TE, ,CHU KHAMS LHA MO M'A MA K'I, ,ME KHAMS NA BZA' DKAR MO STE, ,
RLUNG KHAMS DAM TSIG SGROL MA 'O, ,NAM MKHA' KUN DU BZANG MO'I SKU, ,'BYUNG BA'I DKYIL 'KHOR RNAM DAG PA'O, ,DBANG PO'I SPYOD YUL MA LUS KUN, ,THAMS CAD BDER GSHEGS RIGS KYI SKU, ,MIG LA RNAM PAR SNANG MDZAD DE, ,RNA BA RIN CHEN 'BYUNG LDAN CHE, ,SNA LA SNANG BA MTHA' YAS NYID, ,LCE LA DON YOD GRUB PA'I SKU, ,LUS NYID RDO RJE SEMS DPA' YIN, ,DE LTAR SNANG BA'I DKYIL 'KHOR NYID, ,YE NAS LHUN GRUB GNAS PAS NA, ,RNAL 'BYOR GSANG BA DON SHES BYA, ,PHYI ROL DON SHES YUL DRUG 'DI, ,YUM CHEN LNGA YI PHYAG RGYA'I DBYIBS, ,GZUGS KHAMS SANGS RGYAS SPYAN MA STE, ,SGRA TSOGS LHA MO M'A MAK'I, ,DRI TSOGS NA BZA' DKAR MO'I DBYINGS, ,RO DRUG LHA MO SGROL MA YIN, ,REG TSOGS LHA MO KUN DU BZANG MO'I SKU, ,DUS GSUM MNYAM SBYOR 'DU 'BRAL MED, ,RDO RJE PADMO MNYAM SBYOR BAS, ,RANG RIG DKYIL 'KHOR GSAL BAR MDZOD, ,THAMS CAD MA LUS SKU GSUNG THUGS, ,YON TAN 'PHRIN LAS ROL PA'I RGYAN,, NGA NYID 'DU 'BRAL MED PA'I DBYINGS, ,THABS DANG SHES RAB ROL PA'I MCHOG ,SA YI KHYAD PAR MA LUS PA'ANG, ,RDO RJE CHOS KYIS SBYOR MDZAD DANG, ,YON TAN 'PHRIN LAS MTHA' PHYIN PAS; ;TSE 'DI NYID KYI GO 'PHANG MCHOG ,RDO RJE GSANG GSUM DAM TSIG CHE, ,RANG GI MTHU YI SBYOR BYED BA, ,RTAG TU MNYAM GZHAG SBYOR BA YIS, ,DKYIL 'KHOR CHEN PO'I GNAS BZHUGS TE,,
, ,DRI MED BYANG CHUB SEMS KYI TSUL, ,'GRO RNAMS TSOGS BCAS DAG PAR BYAS, ,RTAG TU GSANG SNGAGS BRJOD BYAS SHING, ,RDO RJE MGON PO'I SGO GSAL BRTAN, , RTAG TU GTOR SBYIN BTANG BYAS TE, ,KHAMS KYI 'DZIN PA MED PAR GROL, ,RTAG TU LHA LA MCHOD BYAS TE, ,RANG GI 'DUD RTZIS MCHOD CING ROL, ,RTAG TU MI GNYIS BSTOD BYA BA, ,RNAM GROL THAMS CAD BRAG CA'I SGRA, ,PHA ROL PHYIN BCU DUS GCIG TU, ,PADMA CHO GA RTOGS PAR 'GYUR, ,ZAG PA ZAD PAS SKU LNGA DANG, ,PADMA'I RIGS KUN MNYAM PAR SBYOR, ,PADMA'I DAM TSIG LA GNAS PA, ,GNAS KUN DKYIL 'KHOR GSAL BAR 'GYUR, ,PADMA RANG GI GNAS SU BSGOM, ,'DOD CHAGS CHOS KUN SPYOD PA YI, ,MGON PO RANG RANG GNAS LA GSAL, ,DRI MED DAG PA'I THIG LE LAS, ,'OD ZER LNGA YI SNANG BA BCAS, ,RANG GI GNAS NAS 'PHRO MDZAD CING, ,DE NYID MGON PO'I SKU 'DOD GZUGS, ,KUN DU PADMA CHAGS MED PAS, ,GNAS KUN DKYIL 'KHOR GSAL BAR 'GYUR, ,THUB PA CHEN PO'I MTSAN RNAMS DANG, ,DPE BYAD RDZOGS PAR GYUR NAS NI, ,YON TAN MA LUS 'BYUNG BA'I GNAS, ,KUN DU DREGS PA'I SANGS RGYAS MCHOG ;RDO RJE'I DAM TSIG LA GNAS PAS, ,RDO RJE RANG GI GNAS SU BSGOM, ,'OD 'PHROS 'DUS PA'I GNAS PHYAG RGYA'I, ,YE SHES MNYAM NYID KUN DON MDZAD, ,THUGS RJES RNAM MANG
YUL BRAL ZHING, ,'JOMS PAR MDZAD PA KHRO BO'I SKU, ,RANG GI DKYIL 'KHOR DRI BRAL BA, ,MNGON SUM GSANG BA'I YE SHES SKU, ,'KHOR LO'I DAM TSIG LA GNAS PAS, ,'KHOR LO RANG YI GNAS SU BSGOM, ,RGYAL BA KUN GYI RIN PO CHE, ,'PHRO 'DU NYI SHU RTZA LNGA'I TSOGS, ,PHUNG PO KHAMS RNAMS RNAM DAG CING, ,'PHRIN LAS YE SHES BLA NA MED, ,BYANG CHUB DAG PA'I CHA LUGS GNAS; ;DKYIL 'KHOR SPRUL PA'I BYIN RLABS SKU, ,DGA' BA'I THABS DANG SHES RAB SBYOR, ,PHYAG RGYA CHEN PO'I RIG 'DZIN GNAS, ,RNAL 'BYOR DAD BRTZON TING 'DZIN LDAN, ,'GRUB 'GYUR RING POR THOGS MED SPYOD, ,CES GSUNGS PAS 'KHOR GYI BYANG CHUB SEMS DPA'I TSOGS RNAMS MNYES PAR 'GYUR RO, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD LAS, TING NGE 'DZIN GYI LE'U STE DRUG PA'O,, ,,DE NAS BYANG CHUB SEMS DPA' PHYAG NA RDO RJE STAN LAS LANGS TE DGA' BA'I MCHOD PA DANG GAR THABS KYIS DKYIL 'KHOR THAMS CAD MNYES PAR BYAS NAS BCOM LDAN 'DAS LA PHYAG 'TSAL TE GSOL BA BTAB BO, ,KYE MA RGYAL BA KUN GYI GTZO, ,SANGS RGYAS TSOGS RNAMS SKYED PA'I YAB, ,KHYED KYIS DKYIL 'KHOR SPRUL MDZAD NAS, ,GDUL BYA'I LAM 'DI GROL BYAS NA, ,PHYI YI 'GRO BA CI LTAR GZUNG, ,GANG DAG DBANG PO MA SMIN PA'I, ,DKAR PO CHOS RNAMS MTHONG MI 'GYUR,,
, ,DE DAG THUGS RJE CHEN PO YIS, ,BZUNG ZHING LAS LA GZHUG PAR SNANG, ,MA 'ONGS 'GRO BA LA LA DAG ,'DI LTAR DKYIL 'KHOR MTHONG BA RNAMS, ,JI LTAR DKYIL 'KHOR BRTAN PAR 'DUL, ,ZHES GSOL PA DANG, BCOM LDAN 'DAS KYIS BKA' STZAL PA, RIGS KYI BU, MA 'ONGS PA'I 'GRO BA THEG PA GSANG SNGAGS KYI LAM DU 'JUG PAR 'DOD BDAG GIS NI, RDO RJE SLOB DPON LA BRTEN TE GZUGS BRNYAN GYI DKYIL 'KHOR DU GZHUG PAR BYA'O, ,RDO RJE SLOB DPON BLO GROS MCHOG ,DAD BRTZON SHES RAB STOBS DANG LDAN, ,BDAG CHOS MA LUS SHAS GYUR NAS, ,SKYOB PA BYANG SEMS SDOM PA BLANG, ,BYANG SEMS SNYING RJE CHEN PO DANG, ,DGA' BA BTANG SNYOMS BZHI BZHAG NAS, ,SEMS CAN THAMS CAD MGRON DU GNYER, ,SLAR NYID BYANG CHUB LAM LA DGOD, ,PHA ROL PHYIN PA DRUG RNAMS DANG, ,BSDU BA BZHI LA LEGS GNAS PAS, ,THEG PA CHEN PO'I LAM GNYER ZHING, ,NYAN THOS LA SOGS BLOS PA MED PA'I BLOS, ,GSANG BA'I THEG PA DON GNYER ZHING, ,DKYIL 'KHOR DBANG THOB DAM TSIG LDAN, ,GSANG BA'I RGYUD RNAMS DON SHES SHING, ,DE NYID BCU LA GOMS GYUR PAS,, RANG GI YE SHES RNAM GROL ZHING, ,DNGOS PO DE NYID BRTAN PAR GNAS, ,MU STEGS LA SOGS MI BSKYOD CING, ,THEG DMAN LA SOGS 'GYUR BA MED, ,RTAG TU 'GRO BA GZUNG BA'I BLOS,,
DKYIL 'KHOR LA SOGS LAS LA BRTZON, ,MI GNAS MYA NGAN 'DAS PA YI, ,GRONG KHYER CHEN POR 'GRO BYED DPON, ,'JIG RTEN DRAG BRTZON CHOS BRGYAD DAG ,BTANG SNYOMS SPONG LEN MED PA,, NYID; ;DMUS LONG TSOGS KYI DMIG BU BAS, ,BLA MA'I GTZO BOR GZUNG BAR BYA, ,'JUG PA'I GANG ZAG PHUN SUM TSOGS, ,ZHI DES GSONG POR SMRA BA DANG, ,'JAM ZHING 'GRO BA'I YID, 'ONG PA; ;RTZE GCIG DAD PA BRTZON 'GYUR BYED, ,BLO GROS YON TAN KUN LA 'JUG ,LHA DANG BLA MA LA SOGS GUS, ,THEG PA CHEN PO'I LAM DAG PAS, ,NGAN PA'I CHOGS SPANGS GZHAN DU GNAS; ;DE NI BLO GROS BZANG PO YON TAN LDAN, ,THEG CHEN GSANG BA 'DZIN PA'I SNOD, ,SA MCHOG SHIN TU DBEN PA'I GNAS, ,RI BO NAGS TSAL 'BRAS BU DANG, ,ME TOG CHU RGYUN PHUN SUM TSOGS, ,GNOD BYED SKYE BO TSOGS BRAL BA, ,RNAL 'BYOR GROGS BCAS DGA' 'GYUR PA'I, ,BDAG DBANG BAR CHAD MED PA'I MCHOG ,BSNYEN PA JI BZHIN RDZOGS PA YIS, , DKYIL 'KHOR BRI SOGS LAS RNAMS BYA, ,PHUN SUM TSOGS PA BDUN LDAN PAS, ,BDAG GNAS SA GZHI'I GROGS BCAS DANG, ,MCHOD RDZAS YO BYAD MA LUS PA, ,BSRUNG ZHING BYIN GYIS BRLAB PAR BYA, ,RDO RJE SA GZHI RA BA DANG, ,GUR DANG BLA RE BCAS PA YIS, ,KHRO BO ME 'OD MTSON CHA'I TSOGS, ,BSRUNG ZHING 'KHOR LO RIM BZHIN BSGOM, ,SEMS CAN THAM
, ,CAD BSGRAL BA'I BLOS, ,BSOD NAMS TSOGS KYIS DAG PAR BYA, ,PHYAG 'TSAL MCHOD PA DBUL BA DANG, ,SDIG BSHAGS BSOD NAMS RJES YI RANG, ,SANGS RGYAS MYA NGAN MI 'DA' ZHING, ,CHOS KYI 'KHOR LO BSKOR BA DANG, ,LUS DBUL BYANG SEMS BSKYED PA DANG, ,LAM GNAS DGE BA'I RTZA BA BSNGO, ,RGYA CHER YONGS SU BSNGO BYAS SHING, ,SEMS CAN DON DU SMON LAM GDAB, ,DMIGS MED PA YI RANG BZHIN GYIS, ,DE DAG BRTZON BRAL NAM MKHA' BZHIN, ,RNAM THAR GSUM LAS 'DAS PA YI, ,DE BZHIN NYID KYI YE SHES CHE, ,THAMS CAD NAM MKHA'I MTSAN NYID STE, ,NAM MKHA' LA YANG MTSAN NYID MED, ,NAM MKHA' 'DRA BA RNAL 'BYOR PAS, ,DON KUN MNYAM PA NYID LA GSAL, ,DE LA RNAM PAR 'PHRUL PA'I TSOGS, ,DKYIL 'KHOR CHEN PO SPRUL BYAS PAS, ,RIGS KYI ZHING KHAMS SBYONG BYED CING, ,RNAL 'BYOR CHEN PO LAS KUN 'GRUB, ,SA PHYOGS DRI MED YID 'ONG BA'I, ,GRONG NGAM GRONG KHYER DGON PA 'AM, ,RI PHUG NAGS TSAL GANG RUNG BAR, ,NYAMS DGA' YAN LAG RTAG PAR BYA, ,GANG DU BZANG NI 'BRAS BU BCAS, ,NE'U SING CHU 'GRAM ME TOG BCAS, ,DPAL RDZOGS YON TAN 'BYUNG BA'I GNAS, , DE NI RAB GUS BRTAG PAR BYA, ,NAM MKHA' 'KHOR LO DRA BA DANG, ,SA GZHI PADMA DRA BA DANG, ,BKRA SHIS PHUN SUM SNA TSOGS GZHI, ,BAR CHAD MED PA'I MTSAN NYID YIN, ,SA GZHI ZHOS RDIB
MED PA YI, ,DBUS SU MTHO BA PHYAG RGYA CHE, ,SHAR DANG BYANG DU GZHOL BA NI, ,'PHRIN LAS RNAM BZHI'I DNGOS GRUB 'GYUR, ,LHO DANG NUB TU GZHOL PAS NI, ,'JIG RTEN PA YI DNGOS GRUB 'GYUR,, NUB DANG BYANG DU GZHOL BA NI, ,TING 'DZIN PHRA MO'I LAS GZHAN 'GYUR, ,GANG ZHIG SHAR PHYOGS MTHO BA DANG, ,DBUS SU DMA' BA SPANG BAR BYA, ,SA DE PUS MO NUB TZAM DU, ,BRKOS TE SLAR YANG DGANG PAR BYA; ;MED 'PHEL GYUR NA DNGOS GRUB MCHOG ,GANG BAR GYUR PA SHIS PA YIN, ,DMA' ZHING MA LEGS GYUR PA YIN, ,SOL DUM RUS SOGS BYUNG NA YANG, ,YANG NA CHU YIS DGANG BYAS TE, ,SLOB DPON RDO RJE DRIL 'DZIN PAS, ,MNYAM BZHAG LHA YI SNGAGS BRJOD CING, ,SHAR DU MI DRAG GOM PA BRGYAD, ,SONG STE SLAR LOG BLTA BAR BYA, ,'GRIB PA MED NA DNGOS GRUB 'GYUR, ,SNANG DANG MI SNAD SA YI BDAG ;MGU BYAS RIN GYIS NYO BA DANG, ,BLANGS TE BAR CHAD MED PA'I PHYIR, ,BGEGS GZHAN PHRA MO BSKRAD PAR BYA, ,BAR CHAD MED PA'I SA DBUS NA, ,RIGS KYI BDAG PO 'BYOR LDAN PAS, , CHOS GOS LA SOGS RGYAN THOGS SHING, ,PADMA'I DKYIL 'KHOR LEGS BZHUGS TE, ,'KHOR LO SGYUR RGYAL CHA LUGS KYIS, ,MCHOD SOGS SBYANG ZHING BYIN BRLABS TE, ,RDO RJE BSRUNG PA'I PHYAG RGYA YIS, ,PHYOGS BCU'I DKYIL 'KHOR RIG PAR BCAS, ,SA YI LHA MO SRUNG MA RNAMS, ,SPYAN DRANGS MCHOD PAS MNYES PAR BYA, ,KHYAD PAR SA YI BDAG PO DANG, ,'GRO DRUG
, ,BGEGS RNAMS MA LUS KUN, ,DGUG CING BU LON MCHOD SBYIN GTANG, ,DRI ZHIM CHU YIS KUN GTOR ZHING, ,SNGAGS DANG PHYAG RGYAS SBYANG BAR BYA, ,GANG ZHIG DNGOS GRUB LA SOGS 'DOD; ;RAB 'BRING THA MA GRUB DON DU, ,LTO 'PHYE BRTAG PA'I CHO GA BZHIN, ,YAN LAG KUN DBANG RGYA YANG BYA, ,DE NAS DKYIL 'KHOR RGYAR MNYAM PA'I, ,SA GZHI KHRU LA SOGS TSAD DU, ,BRKOS TE SA YI SKYON BSAL ZHING, ,SA ZHAG MDOG BZANG 'JAM PHYEN PAS, ,GANG ZHIG DRI ZHIM CHUR BCAS PA'I, ,SNGAGS BTAB GANG ZHIG 'THAS PAR BCAG ,BSGRUB PA'I DKYIL 'KHOR KHRU DOR BSTOD; ;RGYAR NI KHRU DRUG PA YI TSAD, ,TSOGS BSAG KHRU GANG 'PHANG DU BSTOD, ,MTHA' SKOR KHRU GANG PA YI TSAD, ,DBANG BSKUR SOR BZHI'I TSAD BSTOD DE, ,JI LTAR GRU BZHI RGYAR BSKYED CING, , DBYIBS LEGS ME LONG BZHIN DU GNAS, ,TSAD MNYAM GROG SBUR LA SOGS PA, ,RIN CHEN LNGA DANG SMAN LNGA DANG, ,SNYING PO LNGA DANG 'BRU LNGA DAG ,DRI CHU SNGAGS KYIS BTAB BYAS NAS, ,DKYIL 'KHOR SNYING POR GZHAG PAR BYA, ,PHYOGS KUN MNYAM PA NYID DMIGS TE, ,STONG PA NYID KYI SNGAGS KYIS SBYANG, ,DRI ZHIM SNGAGS KYIS BYIN BRLABS PA'I, ,CHU RGYUN PHYOGS BCUR GTOR BYAS SHING, ,SNA TSOGS GTOR MAS MNYES BYAS TE, ,LHA TSOGS MGRON RNAMS TSIM PAR BYA, ,SLOB DPON RIGS KYI GTZOR GNAS PA'I, ,RGYAN DANG CHA LUGS RDZOGS BYAS NAS, ,
SGRUB PA'I GROGS MCHOG BLO GROS LDAN, ,TSUL BZHIN DU NI GSOL BA BTAB, ,DBUS KYI SA YI CHAR GNAS PA, ,KUN 'BYUNG NAM MKHA' DAG PA'I SNGAGS, ,BRJOD CING 'BYUNG BA'I SA BON LAS, DKYIL 'KHOR RI BRTZEGS BSGOM PAR BYA, ,RDO RJE BSDAMS PA SAR BZHAG CING, ,BYAMS PA'I RDO RJE RNAM DAG CING, ,RDO RJE DKYIL 'KHOR THUGS DANG BCAS, ,PHYAG MTSAN DRAN PA THOG MTHAR RGYAN; ;RDO RJE SA GZHI RA BA DANG, ,GUR SOGS KHRO BO ME 'OD BCAS, ,GTZO BO GAR GYI DBANG PHYUG SKUS, ,BAD BCAS THAL MO LAN GSUM BRDAB, ,'OD 'PHROS GNAS KUN G-YOS PA LA, ,LHA MO GSER MDOG RGYAN GYIS MDZES, ,ME TOG PHRENG BA BUM THOGS PA'I, ,LUS PHYED SA LAS THON BYAS TE, ,MTHUN NA BKA' NYAN TSUL DU GNAS, ,MCHOD BSTOD ZHAL BSIL SOGS 'BUL ZHING; ;DRI ZHING LAS RNAMS MA RDZOGS PAR, ,DE SRID MI 'GYUR BRTAN BZHUGS NAS, ,BDUD SOGS BSGO BA'I DAG BCAS MDZAD, ,SKYOB PA SANGS RGYAS THAMS CAD KYI, ,SPYOD PA'I TSUL DANG KHYAD PAR GYIS, ,SA DANG PHA ROL PHYIN PA LAS, ,LHA MO KHYOD NI DPANG DU SHOG, JI LTAR RGYAL BA THAMS CAD KYI, ,BDUD KYI SDE RNAMS 'JOMS MDZAD PA, ,DE BZHIN BDAG GIS BDUD LAS KYANG, ,RGYAL BAR BYAS PA'I DKYIL 'KHOR BRTZAM, ,DE NAS SLOB DPON RGYAN RDZOGS PA'I, ,RDO RJE DRIL 'GYING BCAS PA LA, ,DAM TSIG NYE BAR BSKUL BA YI, ,GLU DAG PHYOGS BZHI'I
, ,GNAS NAS GDON, ,RGYAL BAS 'GRO BA'I MGON GYUR PA'I, ,CHOS KYI ME LONG GSAL BA STON, ,BDER GSHEGS RNAMS KYI GSANG BA PA, ,RDO RJE GSANG GSUM DAM TSIG MCHOG ,YE SHES DRI MA MED PA'I TSUL, ,SGRIB SOGS MA LUS BRAL BYED PA'I, ,RDO RJE PADMO MNYAM PA'I DBYINGS, ,DKYIL 'KHOR CHEN PO DRUG CU'I BDAG ,THEG CHEN CHOS KYI 'KHOR LO'I MDZOD, ,GSANG GSUM PADMO DAG PA'I DBYINGS, ,SO SOR GSAL BA'I DON BSTAN PA, ,RDO RJE LTA BUS GNAS KUN SBYOR, ,ZAB CING RGYA CHEN SGRA SNA TSOGS, ,CHOS KYI 'KHOR LO BSHAD PA'I DUS, ,RGYAL PO YON TAN DPE DANG BRAL, ,RIN CHEN LHUN PO'I MDZOD MNGA' BA, ,NYAMS DGA' THUGS RJE'I ZHING RNAMS DGONGS, ,BDAG MED MNYAM PA'I YE SHES CAN, ,'PHRIN LAS DAG PAS ZAD PAR MDZOD, ,GSANG GSUM SNA TSOGS RDO RJE'I BDAG ,RIGS MCHOG SHES RAB BRTZON BYED CING, ,SPYAN BZANG DAG PAS 'GRO LA GZIGS, ,SLAR NYID KHRO BO CHEN PO'I SKU, ,ZHAL LNGA PHYAG CHA SNA TSOGS 'DZIN, ,'JIGS BYED 'BAR BA'I SKUR GNAS TE, ,MGUR NAS H'Um BSGOMS SGRA SGROG CING, ,RDO RJE PADMA LTA BA YIS, ,LHA RNAMS BDAG LA BSDU BYED CING, ,MA DANG TA LAS BYUNG BA YI, ,MIG GNYIS NYI ZLA'I DKYIL 'KHOR BRJID, ,'BAR ZHING THAMS CAD DAG BYAS NAS, ,SLAR NYID RANG GI DKYIL 'KHOR RDZOGS, ,SHANGS
KYI RLUNG SGO 'BAR BA NAS, ,'JIG RTEN THAMS CAD 'BAR BYED PA, ,RDO RJE'I 'GROS LAS BYUNG BA YI, ,SNA TSOGS SA GZHIR BRTAN PAR BYAS, ,AOm SUMBHA NI SUMBHA H'Um, GRIHNA GRIHNA H'Um, GRIHNA PA YA GRIHNA PA YA H'Um H'Um, AA NA YA HO BHA GA W'A NA BIDYA RA DZA YA H'Um H'Um PHAt, PHYAG GI MTSAN MA KUN 'KHROL ZHING, ,KHRO BO'I DKYIL 'KHOR SPRO BAR BYED, ,H'Um, LHA DBANG RLUNG LHA'I TSOGS, ,GNOD SBYIN DRI ZA SRIN PO DANG,, SHA ZA GSHIN RJE MA MO'I TSOGS, ,MKHA' 'GRO GNOD SBYIN MA LUS RNAMS, ,GANG DAG SA GZHI 'DIR GNAS PA, ,SRUNG BYED SA YI BDAG POR BAS, ,THOS PA TZAM GYIS MYUR BAR DENGS, ,NGA YI BKA' LAS 'DA' MA BYED, ,GANG ZHIG GNAS PA'I MTHU BO CHE, ,PADMA RDO RJE KHA tV'Am KHA, ,THAL BA'I TSOGS BZHIN RLAG PAR BYED, ,RAB 'BAR KHRO BO'I GNAS 'JOMS PA'O, ,PADMA'I 'BAR BA'I GZUGS 'DI YIS, ,GAL TE GANG GI DAM TSIG BCAG ,'DOD GSUM SKYE GNAS GSAL BYAS TE, ,'JIGS PAR 'GYUR ZHING GZHAN 'DI MED, ,SA LAS YONGS SU BSKOR BYAS TE, ,BGEGS BYED BYA PHYIR PHUR PAR GDAB, ,AOm GHA TA YA GHA TA YA SARBA DUshtAN PHAt, H'Um H'Um H'Um BADZRA K'I LA YA BADZRA DHA ROD AADZNY'A PA YA TI KshA YA W'A KA TZITTA BADZRA K'I LA YA H'Um PHAt, LAG PA BSKYOD CING RKANG PA BSKYOD, ,NGO MTSAR KHRO BO'I ZUR MIG BZHIN, ,SMIN MA KHRO GNYER G-YON MDZAD CING, ,KHA YI PADMA 'DZUM BCAS PAS, ,SO SO'I PHYAG RGYA GNAS SU SGYUR, ,'GYING BAG BCAS PAS ZHAL LA BSTOD, ,RTA MCHOG KHRO BO'I
, ,GAR THABS KYIS, ,ZHI RGYAS DBANG DANG DRAG PO'I TSUL, ,BA YI RNAM LNGA DRI BSRES CHUS, ,DKYIL 'KHOR SA GZHI NYER BYUGS NAS, ,LHA RNAMS GNAS SU DRI YI CHUS, ,THIG LE GRU BZHI ZLUM POR BYA, ,RANG GI SNGAGS DANG ME TOG RNAMS, ,SO SO'I GNAS SU DGRAM PAR BYA, ,DBU RGYAN ROL MO MCHOD PA'I TSOGS, ,LHA MGON GNAS KYI NYE 'KHOR MDZES, ,DKYIL 'KHOR LHA RNAMS NYE BA'I SA; ;MCHOD CING BSTOD PAS MNYES PAR BYA, ,CHO GA'I YAN LAG RDZOGS PA DANG, ,BZOD GSOL BSKANG PA'I DON CHED DU, ,RDO RJE DRIL 'DZIN DPA' BO YIS, ,PHYOGS RNAMS KUN TU BSKOR BA BYA; ;AOm BADZRA SATVA SA MA YA, MA NU P'A LA YA, BADZRA STVA TVE NO PA TIshthA dI dHO ME BHA BA, SU PO shYO ME BHA BA, AA NU RAKTO ME BHA BA, SU TO shYO ME BHA BA, SARBA SIDDHIm ME PRA YATZTSA, SARBA KARMA SU TZA ME, TZITTAm SHR'I YAm KU RU H'Um, HA HA HA HA HO, BHA GA W'A NA, SARBA TA TH'A GA TA BADZRA MA ME MUNYTZA, BADZRI BHA BA MAH'A SA MA YA STVA AA:, GSANG SNGAGS RGYAL PO BLA MED PA'I, ,LAN GCIG BRJOD PA TZAM GYIS KYANG, ,SDIG PA MA LUS ZAD BYED CING, ,LAS RNAMS THAMS CAD 'GRUB PAR BYED, ,PUS MO SA LA BTZUGS BYAS TE, ,LAG PA G-YAS PA SPOS 'DZIN CING, ,G-YON PA DRIL BU DKROL BYAS TE, ,TSIG 'DIS GSOL BA GDAB PAR BYA, ,AOm BDER GSHEGS STOBS BCU BRTZON LDAN 'GRO BA'I MGON, ,MI 'JIGS LA SOGS YON TAN RTZAL MED LDAN,,
RIGS GNYIS THABS KYIS BRGYUD PA'I DKYIL 'KHOR CHE, ,BRNYENGS PA MI MNGA' THUGS RJE SHUGS CHEN PO, ,DGA' MDZAD DBANG GI DKYIL 'KHOR TSOGS CHEN LA, ,TSUL KHRIMS LA SOGS PHUNG PO MNYES GYUR CIG ,PADMA GAR GYI DBANG PHYUG GTZOR BYAS PA'I, ,DRI BRAL THUGS RJE'I DKYIL 'KHOR 'DI NYID NI, ,MNYES PA'I TSOGS RNAMS KUN LAS RNAM GROL ZHING, ,BDE GSHEGS YON TAN THAMS CAD 'BYUNG BA'I GNAS, ,'DOD YON 'BRAS BU PHUN SUM TSOGS SGRUB DANG, ,'GRO RNAMS MA LUS THUGS RJES GZUNG BYED CING, ,KHYED RNAMS LA YANG MCHOD PA BYA BA'I PHYIR, ,DKYIL 'KHOR RNAM DAG RGYA CHEN BRTZON LAGS NA, ,MGON PO'I BKA' DRIN RJES SU BRTZE DGONGS TE, ,KHYED KYIS RAB TU GNAS PAR MDZAD 'OS LAGS, ,ME TOG DRI BZANG PHRENG SOGS 'DI BZHES LA, ,JI SRID 'GRO BA'I DON RNAMS MA GRUB PAR, ,DE SRID THUGS RJES BZUNG ZHING BZHUGS NAS NI, ,BDAG GI GNAS SOGS 'DI DAG BYIN GYIS RLOBS, ,DE NAS SLOB MA LA BOS TE, KYE RIGS KYI BU KHYOD THEG PA'I SNOD, ,RDO RJE THEG PA'I GZHUNG 'DI NYON, ,DAD GUS DGA' BA'I SHUGS PHYUNG SHOG ,SNGON GYI DE BZHIN GSHEGS RNAMS KYIS, ,CHO GA BZANG PO 'DI BSTAN BYA, ,MGON PO RDZOGS SANGS RGYAS RNAMS DANG, ,MA BYON DE BZHIN GSHEGS PA'I TSOGS, ,DE BZHIN DA LTA'I SEMS CAN RNAMS, ,'GRO LA PHAN PHYIR GNAS BZHUGS TE, ,GSANG BA ZAB MO BLA
, ,NA MED, ,CHOG BZANG PO 'DI SPYOD PAS, ,SKYES MCHOG RANG GI GNAS NYID DU, ,KUN MKHYEN YE SHES BDE CHEN BRNYES, ,GSANG SNGAGS SBYOR BA MNYAM MED PAR, ,PADMA GAR DBANG DKYIL 'KHOR GYI, ,BDUD TSOGS SHIN TU MI BZAD PA'I, ,DPUNG RNAMS MA LUS 'JOMS PAR MDZAD, ,DE PHYIR KUN MKHYEN YE SHES KYI, ,BLO GROS MCHOG 'DI KHYOD KYIS KYANG, ,SANGS RGYAS CHOS DANG DGE 'DUN LA, ,KUN TU SKYABS SU 'GRO BAR GYIS, ,RNAL 'BYOR MKHA' 'GRO GSANG SNGAGS CAN, ,RIGS KYI DKYIL 'KHOR SO SO YI, ,'KHOR LO BZHUGS PA'I TSOGS RNAMS LA, , KUN NAS SKYABS SU 'GRO BAR GYIS, ,DPA' BO DPA' MO 'KHOR DANG BCAS, ,BYANG CHUB SEMS DPA'I BDAG NYID TSE, ,KHYAD PAR DU YANG SLOB DPON LA, ,KHYOD KYIS SKYABS SU 'GRO BAR GYIS, ,DE NAS LEGS SPYOD SLOB MA YIS, ,SKYABS 'GRO BYANG SEMS SDOM PA GZUNG, ,DKON MCHOG GSUM LA PHYAG 'TSAL LO, ,DKON MCHOG GSUM PO GZUNG BAR BYA, ,BDAG GIS SDIG PA BYAS PA DANG, ,BGYID PA RJES SU YI RANG BA, ,MGON PO'I SPYAN SNGAR MCHIS NAS SU, ,DE DAG THAMS CAD BSHAGS PAR BGYI, ,RGYAL BA SRAS BCAS 'KHOR RNAMS DANG, ,RANG RGYAL DGRA BCOM 'GRO RNAMS KYIS, ,BSGOM BZLAS LA SOGS BSOD NAMS LA, ,DAD PAS RJES SU YI RANG NGO, ,SEMS NYID MNGON PAR SANGS RGYAS DANG, ,CHOS KYI 'KHOR LO
BSKOR BYED PA'I, ,TSOGS SPYOD BYANG CHUB SEMS DPA' LA, ,BDAG NI RAB TU SKYABS SU MCHI, ,SANGS RGYAS RNAMS 'BYUNG CI LTA BAR, ,SKAL LDAN BYANG CHUB SEMS DPA' YIS, ,BYANG CHUB SEMS MCHOG DRI MED PAS, ,'GRO BA RGYA CHE TSOGS LA DMIGS, ,DUS GSUM BZHUGS PA'I 'GRO RNAMS KYIS, ,THUGS KYI DKYIL 'KHOR GSAL MDZAD PA, ,DE BZHIN NYID DBYINGS BYANG CHUB SEMS, ,DUS GSUM DAG TU GTANG MI BYA, ,RDO RJE SLOB DPON LA GUS SHING, ,DUS KUN DU NI YON TAN GZUNG, ,RNAL 'BYOR GSANG BA SMAD MI BYA, ,RDO RJE SPUN LA MIG BZHIN BLTA,, GSANG SNGAGS PHYAG RGYA'I RNAM PA DAG, BRTZON PAS DUS GSUM DRAN PAR BYA, ,DE NAS SHIS PAR BYA BA'I PHYIR, ,RANG DANG MTSAN MA'I YI GE SNGAGS, ,BYIN BRLABS YE SHES BSKYED PAR BYA; ;SLAR YANG BDUG PA ME TOG DANG, ,MAR ME DRI CHAB LA SOGS PA'I, ,RANG GI GNAS SU 'DUG CING DBUL, ,BKRA SHIS SHING MCHOG 'O MA CAN, ,LO MA ME TOG 'BRAS BUR BCAS, , RLON PA DRANG ZHING 'BU RJES MED, ,CHAG GAS MED PA'I TSEMS SHING NI, ,SOR NI BCU GNYIS DRI BZANG BYUG, RTZE MO ME TOG PHRENG BTAGS PA, ,SNGAGS ZLOS DRI CHUS BSANG BAR BYA, ,RIGS KYI MTSON CHAR BYIN BRLABS PAS, ,AOm SARBA P'A PAm DA HA NA BADZRA SHI TA NI SV'AH'A, YI GE GSUM BCAS SNGAGS BRJOD CING, ,SHAR DU KHA BLTAS SLOB MA LA, ,BDEN PA BDAR ZHING SBYIN BYA ZHING, ,
, ,DES KYANG MI SMRA BLANG BAR BYA, ,GRI RTZE LTA BUS LCE BZHAR ZHING, ,PHRA MO'I PHYOGS KYIS SO BRUS TE, ,SA GZHI DRI YIS BYUGS PA RU, ,PHAN TSUN MI BLTA DOR BAR BYA, ,SHAR LA SOGS PA'I PHYOGS KUN GYIS, ,ZHI SOGS DNGOS GRUB MTSAN MA BRTAG ,GYEN THUR RAB DANG 'BRING GIS BLTA, ,MTSAMS KYIS 'JIG RTEN LAS RNAMS 'GRUB, ,LAS DAG PA YI SNGAGS BZLAS NAS; ;SBYANG ZHING BYIN GYIS BRLABS BYAS PA'I, ,CHU GTZANG DRIS SBYANG KHYOR BA GSUM, ,NYE REG 'THOR BA'I TSUL DU SBYIN, ,AOm HRI BI SHUDDHA SARBA DHARMA P'A PA NI TZ'A SHA BI SHO DHA MA SARBA KALPA NA AA PA NI YA H'Um, GTZANG MA'I RAS LA LEGS BKAL BA'I, ,SRUNG SKUD MDUD PA GSUM LDAN PA'I, ,YI GE GSUM GYIS SNGAGS BZLAS NAS, ,DE YI DPUNG PA G-YON PAR BCING, ,KU SHA RTZE MO MA 'KHRUGS PA'I, ,BAM PO GNYIS SU SBAMS PA YIS, ,YAB YUM GNYIS SU BYIN BRLABS PA'I, ,SNGAS DANG STAN DU SBYIN PAR BYA, ,AOm SARBA DU STI KU RU SV'AH'A, DGA' BA'I GTAM GYIS GZENGS BSTOD CING, ,MCHOD PA GTOR MA'I TSOGS BCAS PAS, ,LHA TSOGS RNAMS LA BSNGO BYAS NAS, ,BDEN PA BRJOD CING CI BDER NYAL, ,MI SMRA DGE PA'I SEMS BCAS PAS; ;RMI LAM MTSAN MA BRTAG PAR BYA, ,SLAR NYID SLOB DPON NANG SONG STE, ,DKYIL 'KHOR GSAL BA'I TING 'DZIN GYIS, ,LHA RNAMS MCHOD CING BSTOD BYA STE, ,DGE BA'I SEMS
KYIS NYAL BAR BYA, ,DE NAS SKYA RENGS SHAR DUS SU, ,SLOB DPON SLOB MA SNGAS 'ONGS TE, ,KYE KYE BZHIN BZANG RNAMS LONGS SHIG ,RMI LAM MTSAN MA CI MTHONG BA, ,BDEN PA BRJOD PA'I DUS YIN NO, ,DES KYANG CI BZHIN SMRA BAR BYA, ,RAB 'BRING MTSAN MA'I LTAS BSTAN CING, ,NGAN PA'I LTAS RNAMS BZLOG PAR BYA, ,SBYIN SREG GTOR MA LA SOGS DANG, ,BA YI RNAM LNGAS BYUG PAR BYA, ,DNGOS RNAMS MTSAN MA LAS GROL BA'I, ,STONG PA CHEN PO YE SHES BSGOM, ,RIN CHEN RGYU LAS BYUNG BA YI, ,BUM PA MGUL RING LTO BA ZLUM, ,KHA KHYER ZHABS BTEG 'PHEL KA CHE, ,DRI ZHIM TSON DKAR LEGS BYUGS TE, ,PADMA'I DKYIL 'KHOR LEGS GNAS TE, ,SO SO'I MTSAN MA'I YI GE BRGYAN, ,RNAM RGYAL BUM PA LA SOGS RNAMS, ,MCHOD NAS STAN LA BKRAM PAR BYA, ,RIN CHEN SNA LNGA 'BRU LNGA DANG, ,SNYING PO LNGA DANG SMAN LNGA DANG, ,BKRA SHIS RDZAS LNGA GZHUG PAR BYA, ,MGUL CHINGS GZUNGS THAG KHA RGYAN SOGS, ,DAM TSIG LHA RNAMS GSAL BYAS NAS, ,YE SHES SKU DANG GNYIS MED PAR, ,MCHOD BSTOD SNGAGS KYI BZLAS PA BYA, ,SNGAGS BCAS CHU DANG GNYIS MED GNAS, ,DKYIL 'KHOR GRUB PA'I DUS DAG TU, ,RANG RANG GNAS KYI PHYOGS SU DGRAM, ,DAM TSIG DKYIL 'KHOR GSAL BYAS NAS, ,YE SHES LHA DANG GNYIS MED PA'I, ,THABS DANG SHES RAB 'BREL BYAS
, ,PAS; ;DKYIL 'KHOR SA LA THIG GDAB BYA, ,SHES RAB SPYAN MDZES BCU DRUG LON BA'AM, ,JI BZHIN BYIN GYIS BRLABS NAS KYANG, ,DKYIL 'KHOR SGRUB PA GNAS BYA'O; ;GTZANG MA'I RGYU LAS BYUNG BA'I RAS, ,KHA DOG NYI SHU RTZA LNGA 'AM, ,LNGA LAS BYUNG BA'I SKUD PA DAG ,BYIN GYIS BRLABS CING BSGRIL BAR BYA, ,STONG PA NYID KYIS SBYANGS BYAS NAS; ;RIGS KYI LHA RU GNAS PA DAG ,MCHOD BSTOD SNGAGS BCAS BSGRIL BAR BYA, ,AOm BADZRA SA MA YA MU TRA MA TI KRA MA H'Um, AOm A'A: H'Um, DZA GDAGS PA YI SNGAGS BRJOD CING, ,RDO RJE SLOB DPON THUGS KA NAS, ,SLOB MAS SMIN MTSAMS DRANG POR 'THEN, ,DE LA GNAS KYI NUB DANG SHAR, ,'OD 'PHROS BYANG SEMS THUGS RJE CHE, ,NAM MKHA'I DKYIL 'KHOR MNGON BAR BLTA,, RDO RJE LTE BAS PHYOGS DANG MTSAMS, ,DKYIL 'KHOR CHEN PO RDZOGS PAR BSTAN, ,STOBS MCHOG DPA' BO DGONGS SU GSOL, ,RDO RJE THIG SKUD SGRAR LDAN PAS, ,NAM MKHA'I DKYIL 'KHOR LEGS GRUB CING, ,'GRO BA'I DON LA BSKUL BAR MDZOD, ,AOm AA NU NA AA NU GA TO SARBA DHARMA PA RA PA RA AA NU GA TA SARBA AA NANTA, AA BA TA RA SARBA DHARMA H'Um, LHA RNAMS MDUN DU BZHUGS GYUR NAS, ,MCHOD BSTOD DBANG PO'I TSUL DU DGONGS, ,RDO RJE KHU TSUR SAR BZHAG CING, ,SHAR NAS NUB TU BRKYANG BA YI, ,TSANGS THIG DANG PO GDAB BYAS NAS, ,
DE BZHIN SGO NAS TSAD KYIS NI, ,ZUR BZHI SHIN TU LEGS PAR GZHAL, ,RDO RJE LHO BYANG GNYIS PA DANG, ,MTSAMS KYI THIG RNAMS GDAB PAR BYA, ,LEGS THIG GRU BZHI MNYAM GYUR NAS, , BRGYAD DANG BCU DRUG DAG TU BGO ,BAR KHYAMS PHYI KHYAMS MA GTOGS PA'I, ,GZHAN DAG CHA PHRAN BZHI BZHIR BGO ,THIG GI CHO GA RDZOGS PA DANG, ,YE SHES SKUD PAS MCHOD BSTOD CING, ,RDO RJE KHU TSUR SNGAGS BCAS KYIS, ,RANG GI GNAS SU GSHEGS GSOL BYA, ,AOm BADZRA GA DZA:, DKYIL 'KHOR BDAG PO'I NGA RGYAL GYIS, ,MIG GNYIS MA DANG TA LAS BYUNG BAR BSAM, ,DKYIL 'KHOR GNAS RNAMS KUN BLTAS TE, ,SNGAGS DANG PHYAG RGYA BCAS PA YI, ,SGO DAG BZHI PO DBYE BYAS NAS, ,CHA PHRAN DAG KYANG BLO YIS BRTAG ,RDO RJE SLONG BA'I PHYAG RGYA YIS, ,RI MO'I MKHAR NI BTEGS BYAS TE; ;'BYUNG 'JUG GSANG BA'I CHO GA DAG ,RNAL 'BYOR BRTAN PA YID KYIS BYA, ,AOm BE G'A KRA MA H'Um, PADMA RANG BZHIN RNAM DAG PAS, ,DKYIL 'KHOR 'BYUNG BA'I GNAS CHEN PO, ,THUGS RJE YE SHES RNAM 'PHRUL TSOGS, ,KHYAB MDZAD BYIN RLABS STON PA'I GTZO, ,RGYAL BA RNAMS KYI SKU GSUNG THUGS, ,YON TAN 'PHRIN LAS RMAD DU BYUNG, ,MA LUS SEMS CAN DON GYI PHYIR, ,PHO BRANG DAG PAR BYIN GYIS BRLAB, ,PHYOGS MTSAMS MA LUS RNAM DAG PAS, ,BYANG CHUB YE SHES GNAS GSAL 'GYUR, ,NYON MONGS NYES TSOGS KUN BCOM PA'I, ,THUGS RJE CHEN PO DRI MED
, ,SHUGS; ;YE SHES BYIN BRLABS LAS BYUNG BA'I, ,DKYIL 'KHOR GSANG BA GRUB PAR MDZOD, ,RIN CHEN RNAM LNGA'I PHYE MA DANG, ,SA TSON LA SOGS GANG 'BYOR PA, ,RIN PO CHE YI SNOD BLUGS TE, ,DKYIL 'KHOR GNAS KYI PHYOGS LNGAR GZHAG ,SBYANGS SHING BYIN GYIS BRLABS BYAS NA, ,RIGS LNGA'I SKUD TSOGS YUM BCAS LA, ,RIGS KYI DKYIL 'KHOR DBUS SOGS DANG, ,MCHOD BSTOD SNGAGS KYIS MNYES PAR BYA, ,AOm BADZRA TZITTA MA TI SA MA YA H'Um, DKAR MTHING SER PO LJANG KHU DANG, ,DMAR PO'I TSON RNAMS RIM BZHIN DU, , DBANG LDAN MTSAMS NAS BRTZAM BYAS TE, ,PANYTZA R'A GA DRANG BAR BYA, ,G-YAS PAS PADMA RDO RJE GZUNG, ,G-YON PAS 'DREN PA'I LAS BYA'O, ,DE LA MCHOD 'BUL SNGAGS BRJOD CING, ,BDEN PA BDAR TE DGAB PAR BYA, ,'DI NI CHOS DBYINGS RNAM PAR DAG ,SEMS CAN KHAMS NI RAB SGROL BYED, ,DPAL LDAN PADMA GAR DBANG NI, ,DE BZHIN GSHEGS PA KUN GYI GNAS, ,YANG DAG BDEN PA'I BYIN RLABS KYIS, ,DKYIL 'KHOR LAS RNAMS SHIS PAR MDZAD, ,DBUS KYI LTE BA NAS BRTZAMS TE, ,DANG PO SLOB DPON GYIS BRI ZHING, ,PHYIS NI CI DGAR SHES PAR BRI, ,MTHO DMAN MED SNYOMS DRANG POR BYA, ,DE NAS MTSAN MA RTAGS BSTAN TE, ,CHAD CING SMRA BAS MI 'GRUB STE, ,YON PAS GDUNG BA'I LAS RNAMS SKYE, ,CHAD PAS SLOB DPON SLOB MA DAG ,SHI THA MA NGAN PAR 'GYUR BA YIN, ,LHAG
DANG BCAS PAS G-YUL 'KHRUGS SHING, ,PHYOGS 'KHRUL BA YIS SMYO BAR 'GYUR, ,DBUS KYI DKYIL 'KHOR GNAS DAG TU, ,RE'U MIG NYI SHU RTZA LNGA LAS, ,BDE GSHEGS GTZO BO'I RIGS SU BCAS, ,PHYAG RGYA'I YI GE MTSAN MA BRI, ,PHYI ROL PADMA'I 'DAB GNAS PA, ,NYI SHU RTZA BZHI TSOGS RNAMS LA, ,BYANG SEMS KHRO BO BCAS PA DAG ,SHAR NAS RIM BZHIN BRI BAR BYA, ,PHYI DANG NANG GI MTSAMS RNAMS SU; ;MCHOD PA'I LHA MO BRGYAD RNAMS GZHAG ,BAR KHYAMS BSKAL BZANG SEMS DPA' RNAMS, ,SGO BZHIR KHRO BO'I TSOGS GZHAG GO ,DBUS KYI DKYIL 'KHOR DBUS SONG STE, ,BDE GSHEGS 'OD ZER SNANG BA YI, ,PADMO RDO RJE DRIL BCAS PAS, ,RANG GI KHA DOG TSON BCAS GZHAG ,DE YI SHAR PHYOGS RE'U MIG LA, ,TSE MTHA' YAS DANG CHOS DBANG PHYUG ,CHAGS MED 'OD DANG SPYAN DGA' PA'I; ;PAD BRTZEGS PADMA'I PHRENG MA DANG, ,BDAG NAS GLEGS BAM RIN CHEN PHRENG, ,RANG MDOG SNGAGS KYIS BRGYAN PA GZHAG ,SHAR GYI DKYIL 'KHOR DBUS GNAS PAR, ,BDE BAR GSHEGS PA MI BSKYOD PA, ,RDO RJE DRIL BU'I SNGAGS BCAS PAS, ,RANG GI 'OD BCAS GDAN LA GZHAG ,DE YI SHAR PHYOGS RE'U MIG LA, ,'BRUG SGRA DRI MA MED PA'I RIGS, ,MNGON PAR SNANG MDZAD BSTAN DBANG PHYUG , CHAGS SHING RIN CHEN PAD SPUNGS PA, ,RIN PO CHE YI DRA BA STE, ,RIM BZHIN RANG MDOG SNGAGS KYIS BRGYAN, ,LHO YI DKYIL 'KHOR DBUS GNAS PA, ,BDE GSHEGS RIN PO CHE SBYANGS KYIS, ,RIN CHEN BRTZEGS
, ,DANG DRIL BU LA, ,RANG MDOG SNGAGS KYIS MTSAN BYAS PA'O, ,DE YI SHAR PHYOGS RE'U MIG LA, ,NAM MKHA'I MDZOD DANG DRA BA CAN, ,DKON MCHOG RGYAL MTSAN RIN CHEN TOG, RIN CHEN GLING BU RIN CHEN PHRENG, ,RIN CHEN RGYAL MTSAN RIN CHEN BUM, ,RANG GI 'OD BCAS SNGAGS KYIS BRGYAN, ,NUB KYI DKYIL 'KHOR DBUS GNAS PA, ,BDE GSHEGS KUN DU SNANG BA'I 'OD, , 'KHOR LO DRIL BU MTSAN MA LA, ,RANG 'OD SNGAGS KYIS MTSAN BA BRI, ,PADMO RIGS KYI 'KHOR LO'I TSAD, ,BYANG GI DKYIL 'KHOR DBUS GNAS PA, ,BDE GSHEGS DON YOD GRUB PA YI, ,RDO RJE SNA TSOGS DRIL BU BSNAMS, ,RANG GI SNGAGS DANG KHA DOG GSAL, ,DE YI SHAR PHYOGS RE'U MIG LA, ,BRTZON 'GRUS DANG NI SHUGS CHEN PO, ,GNOD SBYIN 'DUL BA SNA TSOGS DBANG, ,RGYA GRAM PHRENG DANG PADMA PHRENG, ,RDO RJE GDENGS PO ZLA GAM CAN, ,'OD 'PHROS SNGAGS KYIS MTSAN BYAS PA'I, ,MTSAMS KYI RE'U MIG BZHI RNAMS LA, ,'OD 'PHROS PADMA 'DZIN PA DANG, ,PADMA GNON DANG PAD SKYONG DANG, , ME LONG RIN CHEN PHRENG BA DANG, ,PI WANG GAR GYI PHYAG RGYA LA, ,RANG 'OD SNGAGS KYIS MDZES PAR BYA, ,PHYI ROL PADMA'I SHAR BRTZAMS TE, ,RIGS KYI BYANG SEMS BZHI BZHIR GNAS, ,BDE BA'I BLO GROS RGYA MTSO'I SGRA, ,GZI MDANGS DANG NI 'KHOR LO YI, ,NAM MKHA'I MDZOD KYI 'KHOR LO RIN PO CHE, ,PAD LCUG 'KHOR LO DBYUG PA RNAMS, ,RANG 'OD SNGAGS KYI MTSAN MAR GNAS, ,SHES RAB SNANG
PA RDO RJE RGYAL, ,'OD ZER 'PHRO BA DRAG SHUL GYI, ,RIN CHEN PHUNG PO RIN CHEN GDUGS, ,PADMA'I SDONG PO 'OD PHUNG BRI, ,DRI MA'I TSOGS DANG SGYU MA 'PHRUL, ,RIN CHEN RGYAL PO DRA BA CAN, ,RIN CHEN RI BO RGYA GRAM BRI, ,LAG PA BRANG GSER 'OD 'PHRO BA DANG, ,RIN CHEN SNYE MA CHOS MTHONG DANG, ,PADMA'I RGYA GRAM GLEGS BAM DANG, ,PADMA'I SDONG PO'I GO CHA BRI, ,DRI MED MUN PA SEL BA DANG, ,DGA' BA DBYANGS DANG GZHON NU YI, ,CHU SHEL NOR BU'I PHRENG BA DANG, ,SPRIN PHUNG RDO RJE RGYA GRAM BRI, ,DE NI RIGS LNGA'I SEMS DPA' STE, ,RANG 'OD SNGAGS KYIS MTSAN BYAS PA'I, ,DE MTHAR KHRO BO BZHI RNAMS KYIS, ,PHYAG RGYA'I MTSAN MA BRI BYAS TE, ,SBYIN BDAG SMRA BA'I DBANG PHYUG DANG, ,RTZE GSUM RIN CHEN RTZE DGU DANG, ,DBYIG PA RTZE GCIG RAL GRI'O, ,GRU CHAD MCHOD PA'I LHA MO BZHI, ,BDUG SPOS ME TOG MAR ME DRI, ,PHYI ROL BAR KHYAMS GNAS DAG LA, ,PHYOGS RE SEMS DPA' BZHI BZHI STE, ,RDO RJE RNAM SNANG GAR MKHAN DANG, ,BLO YI RGYA MTSO THOGS MED BKOD, ,RDO RJE MTSAN MA GSANG SNGAGS BCAS, ,RANG 'OD GNAS GDAN DAG LA BRI, ,PADMO DGA' BA'I SA LA DBANG, ,RIN CHEN SPUNGS PA SPRIN GYI PHRENG, ,RIN CHEN MTSAN MA SNGAGS DANG BCAS, ,RANG 'OD GDAN LA GNAS PA BRI, ,YID 'ONG ME TOG SGRON MA DANG, ,SPOS BRTZEGS KHA LO SGYUR BA DANG, ,PADMA'I MTSAN MA SNGAGS DANG BCAS, ,RANG 'OD GDAN LA GNAS PAR BRI, ,DRAN DBANG PADMA'I BLO GROS DANG, ,LAS BYED SNYING PO'I BLO GROS DANG, ,RGYA GRAM MTSAN
, ,MA SNGAGS DANG BCAS, ,RANG 'OD GDAN LA GNAS PAR BRI, ,SHAR SOGS PA YI SGO RNAMS SU, ,KHRO BO'I 'JIGS PA'I RGYAL PO YI, ,RDO RJE RGYA GRAM RDO RJE GDENGS, ,RIN CHEN DBYUG PA PADMA PHRENG, ,RANG GI YI GE GDAN GNAS PA'I, ,PHYAG RGYA'I MTSAN MA BRI BAR BYA, ,PHYOGS BZHI RGYAN DANG PHRENG BA DANG, ,'DOD YON LHA MO LA SOGS PA'I, ,RGYAN RNAMS PADMA RDO RJE DANG; ;RIN CHEN 'KHOR LO RGYA GRAM BRI, ,'PHRO BAS MTSAN MA KHA DOG LNGA, ,NYI SHU RTZA LNGA'I 'OD BCAS PA'O, ,PHYI ROL RTA BABS DRA BA SOGS, ,BANDHA DRIL BU NYI SHU BZHI, ,GDUGS DANG BUM PA BYA YI PHRENG, ,DPAG BSAM RDZING BU DANG BA DANG, ,NYI ZLA ME LONG RGYAL MTSAN LNGA, ,CHOS KYI 'KHOR LO RI DVAGS RNAMS, ,MDZES BYAS PHYI MTHA' PADMA DANG, ,RDO RJE ME 'OD MTSON GYIS BSKOR, , DBUS MIG KHA DOG NYI SHU LNGA, ,PAD PHRENG DMAR PO BAR KHYAMS DKAR, ,SGO BZHI'I RIN CHEN SNA BZHI PA, ,GRU CHAD GSER GYI KHA DOG CAN, ,MCHOD PA LNGA DANG BUM DGRAM ZHING, ,BLA RGYAN NA BZA' PHYOGS RGYAN BRE, ,ME TOG TSOM BU SNGAGS BCAS PA, ,SO SO'I GNAS SU DGRAM PAR BYA, ,GTOR MA'I TSOGS MANG SBYAR BYAS NAS, ,PHYI ROL PHYOGS DANG MTSAMS SU DGOD, ,LHA YI TING 'DZIN GSAL BYAS PAS, ,DKYIL 'KHOR SHIS PA'I LAS 'GRUB 'GYUR, ,DE NAS LHA RNAMS BSTOD BYAS TE, ,RDO RJES PADMO DAM TSIG GZHUG ,THUGS KA'I SNGAGS KYIS DGUG BYAS PA'I, ,MGRON RNAMS
TSIM PAR 'GYUR BA DANG, ,DAM TSIG SNGAGS KYIS BSKUL BYAS SHING, ,RANG GI 'PHRIN LAS BCOL BAR BYA, ,ZHES GSUNGS SO, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD CHEN PO LAS, GZUGS BRNYAN BRTZAM PA'I LE'U STE BDUN PA'O,, ,,DE NAS BYANG CHUB SEMS DPA'I GTZO, ,RDO RJE 'CHANG SOGS MGU GYUR NAS, ,RGYAL BA SAR YANG BSKUL BA MDZAD, ,KUN DON THUGS RJE CHEN PO'I SHUGS, ,MA 'ONGS GSANG SNGAGS SPYOD RNAMS KYIS, ,DKYIL 'KHOR CHEN POR GANG 'JUG PA, ,DBANG BSKUR TSUL BZHIN JI LTA BUR, ,DE BZHIN RAB TU GNAS PA GANG, ,BDAG GZHAN DON GYI YAN LAG BSRUNG, ,SBYIN SREG RIM PA JI LTAR LAGS, ,GTZO BO THUGS RJE CHER LDAN PAS, ,MA LUS GDUL BYA KUN GYI PHYIR, ,DUS 'DI SNANG BAR MDZAD NAS KYANG, ,CHO GA'I YAN LAG RGYAS PA GSUNGS, ,DE NAS BYANG CHUB SEMS TSOGS KYIS, ,GUS BAR GZUNG STE SPYAD PAR BGYI, ,DE NAS BCOM LDAN 'DAS KYI DBANG, ,PHYAG RGYA SHES RAB RAB BSKYOD CING, ,RAB TU DGA' BA'I BZHIN RGYAS PA, ,RIGS RNAMS KUN LA GZIGS MDZAD DE, ,MCHOG GSUM SBYIN PA ZHES BYA BA'I, ,DON 'DI RAB TU GNAS PAR MDZAD, ,BYANG CHUB SEMS DPA' BLO LDAN PA'I, ,MA 'ONGS GDUL BYA GANG DAG GIS, ,GNYIS MED GSANG BA'I THIG PA 'DIR, ,SMIN PA'I LAM LA 'JUG 'DOD PAS, ,GANG GIS NYES PA'I LAS RNAMS KYIS, ,RDO RJE SLOB DPON MGU
, ,BYAS NAS, ,YANG DANG YANG DU GSOL BTAB STE, ,DKYIL 'KHOR GSANG BA'I DON DU GNYER, ,MA LUS SDUG BSNGAL LAS BSGRAL PHYIR, ,BYANG CHUB SEMS MCHOG RGYA CHEN BLOS, ,PHYI NANG 'BYOR PA'I YO BYAD DAG ,THAMS CAD BYANG CHUB DON DU BSNGOS, ,'DOD CHAGS RNAM DAG PADMO'I DBYINGS, ,CHOS KUN GYI NI DE BZHIN NYID, ,YE SHES SPRUL PA'I DKYIL 'KHOR MCHOG ,DE RING YID 'ONG DON CHEN GNYER, ,AOm AU TA GA TA SA MA YA STVAm, PADMA DGA' BA'I SKU MCHOG MNYES, ,SNA TSOGS DKYIL 'KHOR 'BYUNG BA'I GNAS, ,MTSAN DPE PHUN SUM TSOGS PA YI; ;BDE GSHEGS SKU LA PHYAG 'TSAL LO, ,RDO RJE CHEN POS GZHAN RNAMS 'JOMS, ,MI SHES DRI MA KUN SEL BA'I, ,THUGS MCHOG GSANG BA'I CHOS MTHAR PHYIN, ,RDO RJE THUGS LA PHYAG 'TSAL LO, ,GSANG SNGAGS SNYING PO GSANG BA'I CHOS, ,RAB SNANG PADMA'I DBYINGS NAS 'KHRUL, ,BYANG CHUB NAM MKHA'I MTSAN NYID CAN, ,RDO RJE GSUNG LA PHYAG 'TSAL LO, ,YON TAN RIN CHEN CHAR 'BEBS SHING, ,DE BZHIN GSHEGS PA'I RGYAL 'GYUR BA, ,DPAL MCHOG BKRA SHIS PHUN SUM TSOGS, ,THEG PA CHE LA PHYAG 'TSAL LO, ,KUN TU GNAS 'GYUR KHYAB PA PO, ,LAS MDZAD RDO RJE DAM TSIG MCHOG ,MI MTHUN GNAS RNAMS RAB 'JOMS MDZAD, ,RDO RJE 'JOMS LA PHYAG 'TSAL LO, ,DNGOS GRUB KUN GYI DBANG PHYUG RGYAL, ,DKYIL 'KHOR CHEN PO'I GNAS
NYID DU, ,DBANG BSKUR GSANG BA LAS BYUNG BA, ,DAM TSIG YE SHES RAB GRUB MDZOD, ,SHES RAB CHOS NYID LAS 'PHRUL PA'I, ,RJES SU 'JUG PAS SNYING RJE'I TSOGS, ,YANG DAG BDEN PA LAS BYUNG BA'I, ,BYIN RLABS 'DOD PA THAMS CAD RDZOGS, ,BDE GSHEGS SPRUL PA'I TSIG TSOGS NI, ,DBANG BSKUR RDZOGS MDZAD PA YI RIGS, ,ME TOG PHRENG BA LA SOGS PAS, ,SLOB MA BRGYAN BAR BYAS NAS NI, ,PHYIR PHYOGS STEGS BU LA BZHAG STE, ,GTOR MA PHYOGS KUN LAS PHYIN NAS, ,KUN LA GSOL 'DEBS BSGO BYA ZHING, ,SLOB MA GZHUG PA NYID DU BYA, ,RAS GTZANG DMAR BO'I RGYU LAS BYUNG, ,GNAS GZHAN MA SPYAD MA NYAMS PAR, ,RANG GI SNGAGS KYIS BYIN BRLABS NAS, ,LEGS PAR GDONG NI G-YOGS PAR BYA, ,PADMO'I THAL SBYAR RIN CHEN PHRENG, ,SNGAGS BRJOD GZUNGS 'DZIN RTZE GCIG TU, ,BRTAN BOR BYANG CHUB DON GNYER BAS, ,DKYIL 'KHOR GNAS SU MOS PA BSKYED, ,DE NAS SLOB DPON BLO LDAN PAS, ,THEG CHEN LAM LA ZHUGS PA'I PHYIR, , SLOB MA DAG LA SLAR SMRAS PA, ,GSANG SNGAGS LAM MCHOG ZAB PA 'DI, ,SHIN TU GZUNG BAR DKA' BA YIN, ,KHYOD KYIS GZUNG BAR 'DOD PA RNAMS, ,MI SNYEMS PA YI BLO BSKYED NAS, ,LTA SPYOD MCHOG LA GNAS DGONGS SO, ,KYE MA RDO RJE GSANG BA'I DON, ,THEG CHEN SNYING PO BLA MA MED, ,TSE 'DIS BYANG CHUB 'GRUB BYED KYANG, ,RMONGS RNAMS THE TSOM SKYE BAR 'GYUR, ,NGANG TSUL BZANG PO 'DI RTOGS
, ,PAS; ;DUS GSUM BZHUGS PA'I SANGS RGYAS RNAMS, ,BYIN RLABS NGO MTSAR MCHOG BRNYES TE, ,SEMS CAN DON PHYIR TSUL DANG LDAN, ,KHYOD KYIS SGRO SKUR DANG BRAL ZHING; ;DAD BRTZON THE TSOM MED PAR ZUNGS, ,DE NAS SLOB MAS SLAR GSOL BA, ,YANG DAG THUGS RJE CHER MNGA' BA'I, ,MGON MCHOG RNAMS KYIS BDAG LA GNONG, ,'DI DAG BDAG LA GTOL MED PAS, ,KHYOD KYIS GSUNGS BZHIN GSOL BAR 'TSAL, ,SLAR YANG RAB GUS DANG BA'I YID, ,TSUL CHEN MI NYAN DAM TSIG MCHOG ,SLOB DPON CHE LA SKYABS SU MCHI, ,SANGS RGYAS DKYIL 'KHOR SRAS BCAS TSOGS, ,THUGS MCHOG DRI MED BDAG LA DGONGS, ,BDAG GIS BYANG CHUB DON GNYER BAS, ,DKYIL 'KHOR GNAS SU MOS PA BSKYED, ,GAR GYI DBANG PHYUG BDE CHEN MCHOG ,MGON 'GYUR RNAMS LA SKYABS SU MCHI, ,MYA NGAN LAS 'DAS PHO BRANG 'DIR, ,BDAG NYID ZHUGS PAR MDZAD PA LEGS, ,DE NAS LAS KYI RDO RJE YIS,, GSANG BA'I MTHE BO NAS BZUNG STE, ,YOL BA'I NANG DU GZHUG PAR BYA, ,AOm PADMO SARBA TA TH'A GA TA SA MA YA YO GA TZITTA AUTPA T'A Y'A MI H'Um SV'AH'A, DE NAS GSANG BA'I GNAS ZHUGS PAS, , MCHOD BRNYES RGYUN BSHAGS LA SOGS KYIS, ,SNOD DU RUNG BAR GYUR PA DANG, ,DAM TSIG GSUM SGROG CHU BLUD CING, ,RDO RJE GSANG BA'I DAM SGROGS SHING, ,PHYAG RGYAS SNGAGS KYI GNAS
GSUM SBYANG, ,AOm, RGYAL BA KUN GYIS KHYOD NYID NI, ,BYIN GYIS BRLAB CING BRTAN MDZAD PAS, ,PADMA GAR DBANG DKYIL 'KHOR 'DIR, ,BDAG MED DAM TSIG SPANGS PA DANG, ,DAD MED BRTZON 'GRUS NYAMS PA DANG, ,BLO DMAN SHES RAB CHUNG BA DANG, ,BLO DMAN RTOG 'DZIN LA GNAS LA, ,SROG GI PHYIR YANG BRJOD MI BYA, ,BDE CHEN MGON PO PAD 'CHANG SKU, ,KHYOD KYI SNYING LA ZHUGS PA NA, ,GSANG BA'I YE SHES GZHAN BRJOD DUS, ,SNYING KHRAG 'THUNG ZHING GZHAN DU SHES, ,BDAG NI GAR GYI DBANG PHYUG SKU, ,KHYOD LA THUGS RJES GZUNG BYED PAS, ,NGA YIS BSGO BA'I TSIG 'DI DAG ,'DA' BAR RUNG BA MA YIN NO, , BDAG LA BRNYAS SHING 'KHU BYED NA, ,RAB GTUM KHRO BO CHEN PO'I SKU, ,KLAD PA TSAL PA BRGYAR 'GAS SHING, ,LUS SEMS NGAL SOGS RDUL DU BYED, ,GNAS BZHI 'BYUNG BA'I DKYIL 'KHOR LA; ;RANG SNGAGS SA BON 'OD ZER BCAS, ,DBAB PA'I GSANG SNGAGS LAN STONG DU, ,DRI ZHIM BDUG SPOS DRIL BKROL ZHING, ,YE SHES SEMS DPA' GZHUG PAR BYA, ,DES NI MTSAN MA'I RTAGS MTHONG 'GYUR, ,SKU YI YE SHES PHYOGS BCUR G-YOS, ,GSUNG GI YE SHES GSANG BA BRJOD, ,THUGS KYI YE SHES MNGON SHES GSAL, ,SNGAGS GSUM PHYAG RGYAS BRTAN PAR GNAS; ;BDEN PA'I YE SHES BYIN RLABS KYIS, ,DKYIL 'KHOR RIGS KYI LHA GANG YIN, ,BDAG GIS SKAL BA JI LTA BAR, ,DUS 'DIR DBAB PAR MDZAD PA RIGS, ,NOR BU PHRENG
, ,BA GAR BAB PA, ,RIGS DE RANG GI DAM TSIG NYID, ,SNGAGS DANG PHRENG BA MA LUS PA, ,SLAR NYID DE LA SBYIN PAR BYA, ,GSER GYI THUR MA BYIN BRLABS PAS; ;MA RIG LDONGS PA'I LING TOG BSAL, ,PHYOGS BCU'I SANGS RGYAS THAMS CAD KYIS, ,KHYOD KYI MIG 'BYED BRTZON PAR MDZAD, ,MA RIG BSGRIBS G-YOGS BSAL MDZAD NAS, ,PADMO SPYAN BZANG DRI MA MED, ,AOm PADMA TZAKshU DZNY'A NA PRA BE SHA PHAt, RDO RJES GDONG G-YOGS BSAL BYAS NAS, ,DKYIL 'KHOR GSAL BA BSTAN PAR BYA, ,LEGS PAR LTOS SHIG BLO GROS CHE, ,SNGON GYI RGYAL BA LA SOGS RNAMS, ,GSANG SNGAGS SNYING PO DKYIL 'KHOR 'DIR, ,LEGS PAR ZHUGS TE GRUB PA BZHIN, ,ME TOG GANG LA BAB PA YI; ;LHA DE RIGS KYI DAM TSIG YIN, ,SHAR GYI SGO SRUNG NAS BRTZAMS TE, ,GTZO BO'I BAR DU DKYIL 'KHOR BSTAN, ,ZHAL ZAS NA BZA' LA SOGS PAS, ,BLA MA BLO LDAN MNYES PAR BYA, ,YI DAM LHA SKU PHYAG RGYA SOGS, ,GSANG BA'I MING DANG BCAS PAR BSTAN, ,DE RING DUS NAS BZUNG BYAS TE, ,RDO RJE 'DZIN PA'I GNAS THOB PAR, ,RAB RIB THA MA'I BLO LDAN PAS, ,DUS KUN TU NI GZUNG BAR BYA, ,KYE MA HO BLO GROS RGYA MTSO'I GNAS, ,'GRO LA BSKYAB PA'I DON BRTZON LA, ,KHYOD ZHABS PADMA LA BTUD DE, ,PHO BRANG GRONG MCHOG
NYAMS DGA' 'DIR, ,DBANG BSKUR BA YI RIN CHEN MDZOD, ,SNANG MDZAD LUS LA BAB PA LAGS, ,RIGS BZHIN THUGS RJE BRTZE DGONGS PAS, ,DRI MA'I SKYON SOL BYIN BRLABS MDZOD, ,GNANG BAR MDZAD PA'I DUS LAGS PAS, ,SKYOB PA'I SKU MCHOG THOB PAR MDZOD, ,SHAR GYI SGO PHYOGS KHRU DO'I RGYAB, ,DBANG BSTAN DKYIL 'KHOR DBUS KYI TSAD, ,PADMA 'DAB BRGYAD SGO DANG BCAS, , DMAR PO'I TSON GYIS LEGS BYUGS TE, ,SENG+GE'I KHRI BSHAMS PADMOR BCAS, ,'KHOR LO SGYUR RGYAL TSUL GYIS BZHAG ,SPYI BOR GDUGS MDZES RGYAL MTSAN G-YAS, ,DUNG DANG ZANGS DUNG SIL SNYAN RNAMS, ,ROL CHA MCHOD CHA PHYOGS MTSAMS DGOD, ,RGYAN PHRENG GOS KYIS LEGS KLUBS PA, ,DRI CHU SNGAGS BCAS YUNGS KAR DANG, ,KU SHA'I CHU YIS DAG PAR BYA, ,AOm MA H'A BIN TA HA NA [?] HA NA H'Um PHAt, DE NAS RIGS KYI LHAR BSKYED DE, ,BKRA SHIS DAG PA'I GLU BLANGS SHING, ,ROL MO RGYAN PHRENG BKOD BYAS TE, ,BUM PA'I CHU YIS DBANG BSKUR BYA, ,DE YI PHYIR NI SGRIB TSOGS DANG; ;BAG CHAGS NYON MONGS GNAS DAG NAS, ,LHA YI CHU RGYUN DAG PA'I MTHUS, ,YE SHES PHUNG PO DBANG PHYUG MCHOG ,AOm LHA YI CHU NI DAG PA'I CHU, ,RDO RJE GSANG GSUM GNAS LAS BYUNG; ;BYANG SEMS CHU YIS TSOGS RNAMS DAG ,DBANG BSKUR BA YI DON THOB MDZOD, ,YON TAN RIN CHEN RNAM DAG MCHOG ,RIGS LNGA'I SKU RGYAN BYAS PA YI, ,DBU RGYAN BZANG PO'I
, ,COD PAN BCAS, ,KUN 'BYUNG RIN CHEN PHUNG PO MCHOG ,TRAm, YON TAN MA BCAS PA YI RGYAN, ,RIGS KYI DKYIL 'KHOR GSAL BAR BYED, ,KHAMS GSUM CHOS KYI RGYAL PO CHE, ,MTSAN DANG DPE BYAD KUN RDZOB KUN, ,YE NAS RDO RJE RTZE LNGA PA, ,'OD PHRENG SNGAGS KYIS BRGYAN BYAS PA'I, ,RTOGS BCAS TSOGS RNAMS KUN LAS RGYAL, ,BDE GSHEGS THUGS RJE RTZE GCIG PAS, ,KHAMS GSUM GNAS RNAMS DOR MI MDZAD, ,BYANG SEMS RDO RJE RTZE LNGA PA, ,RANG RIG YE SHES GNAS GSAL BYED; ;CHOS RNAMS SKYE BA MED PA'I DON, ,SGRA BRJOD DNGOS PO BRAG CA BZHIN, ,STONG PA'I DRIL BU GSUNG RANG BZHIN, ,DE LAS SNA TSOGS RGYA CHEN TSOGS, ,HOm, CHOS KUN RGYUN LAS RNAM GROL ZHING, ,DE BZHIN RKYEN MED 'BRAS BU'I TSOGS, ,RANG BZHIN PADMA DAG PA'I DBYINGS, ,NGES PA'I THEG PA STON BYED GSUNG, ,KYE HO RDO RJE CHE GE MO, , RIGS KYI MTSAN GYIS DBANG BSKUR TE, ,CHOS SKU 'OD GSAL BDE BA CHE, ,PADMA'I SGRA DBYANGS MING DANG BCAS, ,AOm, PHYAG RGYA CHEN PO GSANG BA'I GNAS, ,RDO RJE LTA BU'I TING 'DZIN GYIS, ,MI MTHUN LA SOGS BCOM BYAS TE, ,RNAM PAR SNANG MDZAD DE BZHIN GSHEGS, ,AOm BADZRA PADMO AA BHI shINYTZA MI, AOm RATNA MU KU tA AA BHI shINYTZA H'Um, AOm
AA TI PA TI TRAm AA BHI shINYTZA HAm, AOm NA MA CHE GE MO AA BHI shINYTZA MI, ,SLOB DPON LHA LA RAB GUS PAS, ,TSOGS BCAS YON TAN GZUNG BYED CING, ,RDO RJE DAM TSIG PA YI SPUN, ,MIG GI 'BRAS BU BZHIN DU BSKYANG, ,'DI DAG LA GUS SMOD BYED PA, ,TSE SROG RDO RJE GTUM POS 'PHROG ,SNGAGS RNAMS DUS SU BRJOD BYA ZHING, ,PHYAG RGYA RGYUN DU BCING BAR BYA, ,GSANG BA'I TSIG DANG MTSAN MA'I TSOGS, ,DUS KUN DAG TU SBA BYAS TE, ,BDUD RTZI LNGA PO SHA SOGS RNAMS, ,MNYAM PAR SHES PAS RGYUN DU SPYAD, ,BRO DRUG GLU DRUG STABS PA YI; ;BRTUL ZHUGS GNAS SKABS DAG TU BYA, ,NYON MONGS CHOS LNGA 'DOD YON LNGA, ,DAM TSIG NYAMS PAS SHES PAR SPYAD, ,RDO RJE DRIL BU'I PHYAG RGYA CHE, ,GNAS GSUM BRTUL ZHUGS LA GNAS SHING, ,LUNG BSTAN RJES GNANG DBUGS 'DON PA'I, ,CHO GA BZANG PO SPYAD PAR BYA, ,DES NI RDO RJE SLOB DPON MCHOG ,YON TAN BZA' BA'I GNAS THOB 'GYUR, ,RDO RJE DRIL BU'I PHYAG RGYA SKU, ,YANG DAG SNGAGS KYIS BYIN BRLABS TE, ,MA 'ONGS GZUNG BA'I BLO GNAS PAS, ,GSANG BA'I DAM TSIG RJES SU ZUNGS, ,AOm SARBA TA TH'A GA TA SVA RA PADMA SA MA YA STVAm, ,AOm DA DU SHR'I PADMO GH'AN DHA AA, AOm MA H'A PADMO SV'A H'A SARBA TA TH'A GA TA KA YA WA KA TZITTA H'Um PHAt, MCHOD PA BKRA SHIS BZANG LA BKLAGS, BRTUL
, ,ZHUGS MCHOG TU GYUR PA YIN, ,BDAG DANG GZHAN GYI DON SPYOD PA'I, ,DNGOS GRUB THUN MONG CHO GA'I LAS, ,ZHI RGYAS DBANG DANG DGUG PA DANG, ,DBYE RMONGS BSKRAD PA'I CHO GA DANG, ,GSANG PA LA SOGS LAS RNAMS KUN, ,GSANG BA'I DKYIL 'KHOR 'DI YI TSUL, ,KHYOD KYIS GANG 'DOD GRUB PAR GYIS, ,DE NAS RANG BZHIN 'OD GSAL BA'I, ,PADMA'I DKYIL 'KHOR RAB SBYOR BAS, ,'KHOR BA'I CHOS RNAMS ZIL GNON CING, ,PHYOGS BCUR DAM CHOS GSUNG SGROGS SHING, ,PHA ROL PHYIN DRUG GNAS 'PHAGS TE, ,SGRO 'DOGS THE TSOM GCOD PAR BYED, ,LUNG BSTAN BDE GSHEGS SRAS BCAS KYIS, ,RIGS MCHOG MDZAD PA BLA NA MED, ,RGYAL BA KUN GYIS LUNG BSTAN MDZAD, ,KHAMS GSUM 'DZIN BCAS KUN LAS GROL, ,'DOD CHAGS BRAL BA LTA BU'I SDIG ,KHAMS GSUM KUN NA GZHAN MED DE, ,DES NA 'DOD LA CHAGS BRAL BAR, ,KHYED KYIS NAM YANG MA BYED CIG ,AOm MAH'A SA MA YA H'Um PHAt, GSANG SNGAGS RGYUD RNAMS 'DZIN BYA DANG, ,LHA DANG SLOB DPON GZUNG BAR BYA, ,'DI NI SANGS RGYAS THAMS CAD KYIS, ,GSUNG GCIG SGO NAS GSUNGS PA YIN, ,'GRO RNAMS KUN LA PHAN PA'I BLOS, ,DKYIL 'KHOR LA SOGS BRTZON PAR GYIS, ,DAD
BRTZON SHES RAB BLO LDAN PAS, ,GANG 'DOD 'BRAS BU'I TSUL LA SBYOR, ,MCHOG TU GSANG BA'I GRONG KHYER 'DIR, ,GANG GIS 'DOD DON GANG GNYER PA, ,DES NI SGRIB SOGS KUN SPANGS SHING, ,MCHOG GNAS YE SHES GSAL BAR SBYOR, ,BDE CHEN GSANG BA'I THEG PA CHE, ,TSE 'DI BYANG CHUB 'GRUB PAR BYED, ,NYON MONGS DGRA SOGS LAS GROL BA'I; ;BDE BA CHEN PO'I GNAS THOB PA'O, ,DE NAS LHA DANG BZHUGS GNAS PA'I, ,RNAM DAG DE NYID BSTAN BYA STE, ,MCHOD SBYIN GTOR TSOGS MGRON GNYER CING, ,BKRA SHIS 'GRO BA'I TSOGS GSOG BYA, ,SLAR YANG SLOB MA BLO LDAN PAS, ,YON MCHOG BLA MA LA PHUL TE, ,MAndAL MCHOD PA'I TSOGS RNAMS KYIS, ,MNYES BYAS GSOL BA GDAB PAR BYA, , SHES RAB YAN LAG PHUN SUM TSOGS, ,BCU DRUG YANG NA NYI SHU BZHI, ,RDO RJE BLA MA LA PHUL TE, ,BYIN GYIS BRLAB PA'I CHO GA BYA, ,KHRUS BYAS DRI ZHIM RGYAN GYIS KLUBS, ,SNA TSOGS SNGAGS DANG PHYAG RGYAS SBYANG, ,RIGS KYI LHA DANG LDAN BYAS PAS, ,DAM TSIG BSKUL BA'I BRDAS MTSON TE, ,GNYIS MED YE SHES SNYOMS 'JUG BYA, ,BYANG CHUB SEMS KYI CHU RGYUN GYIS, ,RANG GI DKYIL 'KHOR MCHOD BYAS PAS, ,SLOB DPON TSOGS LA DBANG YANG BSKUR, ,JI LTAR RGYAL BA SRAS MCHOG GIS, ,'JUG PA PO RNAMS
, ,TSIM MDZAD PA'I, ,GNYIS MED YE SHES GSANG BA'I DON, ,DBAB PA'I PHYAG RGYA LAS BYUNG BA'I, ,AA LA LA HO, AOm A'A:H'Um, AA HO SU KA RANG GI GNAS, , AA HO RE TI TSIM PAR MDZAD, ,DKYIL 'KHOR KUN LA RANG BZHIN GNAS, ,SHES RAB MCHOG LDAN BYIN BRLABS PA, ,SLOB MA'I LAG TU GTAD PAR BYA, ,RANG BZHIN BDE BA'I YE SHES NYID, ,ZAG PA MED PA'I DON GSAL 'GYUR, ,RNAM PAR RTOG PA'I SEMS KYIS NI, ,RANG GI DNGOS NYID MTHONG BAR 'GYUR, ,AE MA HO 'GRO BA'I GNAS 'DI DAG , DE BZHIN NYID LAS GZHAN DU 'KHRUL, ,DE DAG BDE CHEN YE SHES PAS, ,GZHAN DU 'GYUR BA CI YANG MED, ,YE SHES 'DI NI SHIN TU PHRA, ,RDO RJE SNYING PO MKHA' 'DRA ZHING,, RDUL BRAL THAR PA ZHI BA'I CHOS, ,RANG GI RANG BZHIN DE NYID DO, ,DE NI SBYIN SREG GSANG BA'I DON, ,KHYED RNAMS KUN LA PHYIR BSHAD DE, ,DKYIL 'KHOR CHEN PO PHYOGS BZHI 'AM, ,GZHAN YANG GNAS GZHAN GANG 'THAD PAR, ,ZHI RGYAS DBANG DANG MNGON SPYOD DANG, ,LAS KUN PA YI THAB KHUNG BRTZAM, ,ZLUM PO KHRU GANG ZLA GAM DANG, ,GRU GSUM SNA TSOGS DBYIBS CAN NO, ,DE DAG DKAR SER DMAR DANG NAG ,SNA BZHI KUN GYIS MTSON PA'O, ,RDO RJE 'KHOR LO PADMA'I RGYAN, ,SNA TSOGS RDO RJE MTSON CHA CAN, ,
KHRU GANG BZHI DANG GNYIS MED DANG, ,KHRU GSUM DE YI ZHABS SU PHYED, ,BUD SHING YAM SHING SO SO YI, ,MTSAN NYID LO 'BRAS KHA DOG RO, ,RTZE MO CHA LAS SOR BZHI DANG, ,SOR BRGYAD BCU DRUG NYI SHU'I TSAD, ,SBAMS PA'I SO SO'I MAR GYIS BYUG ,RIM BZHIN RTZA BA BUD KHANG NI, ,ZLUM DANG GRU BZHI ZLA GAM DANG, ,GRU GSUM TSUL DU BRTZIG PAR BYA; ;LHA RNAMS KUN GYI KHANG PA NYID, ,ME YI GNAS SU BZHAG BYAS TE, ,SO SO'I LAS DANG MTHUN PA STE, ,AAGNE RA DZA 'BOD PAR BYA, ,G-YAS PA MI 'JIGS PHYAG RGYAS G-YOB, ,G-YON PA BGRANG PHRENG GZUNG BAR BYA, ,AOm AE HYE HI AAGNE YE MAH'A PA BA HI SV'AH'A, KHRO BO'I RGYAL POS GSUNG BYA STE, ,ME LHA'I GDAN MCHOD PADMA DBUL, ,DE RJES MCHOD PA RNAM LNGA DANG, , BSREG RDZAS MA LUS DBUL BYAS NAS, ,LHA RNAMS MCHOD PA'I PHYAG TSANG DU, ,BSTOD CING GSOL BA GDAB PAR BYA, ,G-YAS G-YON DGANG GZAR BLUGS GZAR GYIS, ,KHU BCUD 'DZAG PA'I RNAM GRANGS DBUL, ,AOm MAH'A AA NA LA MAH'A BHU T'A BADZRA LA BASMI KU RU H'Um SARBA DUshtAn H'Um PHAt, ME LHA MCHOD PA'O, ,AOm MAH'A KU RU PANYTZA H'Um, DGANG BLUGS DBUL BA'I SNGAGS SO, ,AOm SARBA BA DHA HA NA BADZRA SV'AH'A, TIL GYI'O, ,AOm BADZRA PUshPE H'Um, ME TOG GI'O, ,AOm SARBA AAGNE YE SV'A H'A, YAM SHING NGO, ,AOm BADZRA P'U DZA ME GHA GA LO KE SHVA RA H'Um,
, ,'JIG RTEN DBANG PHYUG BYA BA'I MCHOD PA'O, ,AOm DHU PE TI PA PU SHA GANDHE SBYAR BA'I MCHOD PA RNAMS SO, ,AOm AA PRA TI BADZRA YE SV'AH'A, KU SHA'I 'O, ,AOm BADZRA A'A YU shE SV'AH'A, DUR BA'I 'O, ,GZHAN YANG RDZAS RNAMS GANG TSOGS PA, ,RANG MING YI GE GSUM SNGAGS DBUL, ,DE NAS DKYIL 'KHOR KUN MCHOD CING, ,'DOD PA'I DON LA GSOL BA GDAB, ,SDIG BSHAGS BAG CHAGS KUN BYAS PAS, ,LHA YI DNGOS GRUB THOB PAR 'GYUR, ,THA MA ME LHA MCHOD BYAS NAS, ,'PHRIN LAS SO SO'I SNGAGS BRJOD CING; ;AOm BADZRA NA MA SARBA TA TH'A GA TA HRi DA YA MA KU RU H'Um, LHA RNAMS GSHEGS SU GSOL ZHING, DAM TSIG LHA LA BSDU BAR BYA, ,DE NAS RAB GNAS BZANG PO NI, ,'GRO LA PHAN PHYIR BSHAD PAR BYA, ,SA PHYOGS NYAMS DGA' MDZES PA RU, ,GZUGS BRNYAN DKYIL 'KHOR LEGS BYAS TE, ,MCHOD RDZAS RDZAS KYIS MNYES BYAS NAS, ,SLOB DPON CHAS SU GZHUG PAR BYA, ,DKYIL 'KHOR GSAL BAR BSGRUBS BYAS NAS, ,RTEN TSOGS SBYANG BA'I CHO GA BYA, ,JI LTAR RDZOGS PA'I SANGS RGYAS KUN, ,DGA' LDAN GNAS NAS GSHEGS MDZAD DE, ,LHA MO SGYU MA'I LHUMS ZHUGS NAS, ,DE BZHIN 'DIR YANG BZHUGS SU GSOL, ,DKON MCHOG GNAS 'DIR BZHUGS NAS KYANG, ,
ME TOG LA SOGS MCHOD BZHES LA, ,'DI DON GZUNG BAR BYA BA DANG, ,BYANG CHUB SEMS MCHOG SPEL BAR MDZOD, ,NANG PAR RAB GNAS BGYID PAR 'TSAL, ,SLOB MA RNAMS LA BRTZE BA DANG, ,KHYED RNAMS LA YANG MCHOD PA'I PHYIR, ,BCOM LDAN BDAG NI GRUB PA LA, ,BKA' DRIN CHO GA MDZAD PAR 'OS, ,DE NAS GNAS RNAMS KUN SBYANGS NAS, ,'GRO DRUG GNAS KUN SGROL BYED PA, ,THAMS CAD DUS 'DIR DGONGS SU GSOL, ,BYANG CHUB SEMS DPA' DGRA BCOM DANG, ,GSANG BA'I SNGAGS LDAN LHA RNAMS KUN, ,'JIG RTEN MCHOD PA'I DON PHYIR RO, ,RAB GNAS BZANG POR 'OS PA LAGS, ,DE NAS GNAS RNAMS KUN SBYANGS NAS, ,BYIN GYIS BRLABS PA RDZOGS BYAS TE, ,RANG GI DKYIL 'KHOR JI LTA BAR, ,DBANG BSKUR CHO GA RDZOGS BYAS NAS, ,SBYIN SREG GTOR MA LA SOGS GTANG, ,ZHES GSUNGS SO, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD CHEN PO LAS, LAM KHYAD PAR DU 'PHAGS PA'I LE'U STE BRGYAD PA'O,, ,,DE LTAR DE BZHIN GSHEGS PA'I MTHUS THAMS CAD 'DUL BAR MDZAD PA DE'I TSE BDUD KYI RGYAL PO SHIN TU MYA NGAN SKYES TE, KYE MA'O HO SANGS RGYAS 'DIR NI BDAG GI GNAS LA SOGS PA BCOM ZHING BRLAG PAR BYED NA, THABS JI LTA BUS GDUL BAR BYA, 'ON
, ,KYANG 'DI NYID LA NI, BDAG CI YANG BYA BA'I GNAS MED, SHIN TU DMAN PAR GYUR PA DAG DANG MTSUNGS PAR 'GRAN NAM, DE BZHIN DU 'JIG RTEN GSUM PA 'DI DAG NI, SRID PA MI BSREG BRLAG PAR BYA BA'I 'PHRIN LAS YIN PAS, THAMS CAD LA BKA' BSGO ZHING, LAS NGAN PA 'DI DAG LA BZLOG PAR BYA'O ZHES BSAM MO, ,DE NAS 'JIG RTEN GSUM GYI GNAS NA MTHU CHE BA DANG, DBANG DANG GZI BRJID THAMS CAD 'DUS NAS KYE KHYED RNAMS BDAG LA NYON CIG , 'JIG RTEN GYI KHAMS 'DI DAG NI, RGYAL PO GCIG GI DBANG DU MA GNAS NA, THAMS CAD SRID PA 'JIG PAR 'GYUR RO, ,DES NA PHYOGS THAMS CAD 'KHOR DANG BCAS PA 'DUS LA, BDAG GI BKA' NYAN PAR MDZOD CIG CES BSGRAGS SO, ,DE'I TSE 'JIG RTEN GYI DRAG BYED CHEN PO'I TSOGS KYIS RANG RANG GI RDZU 'PHRUL BSTAN CING SMRAS PA, KHYED JI LTA BU'I NGA RGYAL CAN ZHIG YIN, NGED RNAMS RE RE YANG 'KHOR DPAG TU MED PA SKYONG BA'I RGYAL PO CHEN PO YIN PAS, YUL 'KHOR GRANGS MED PA LA DBANG BYED CING, GZHAN GYI RE GNAS DAM PAR GYUR PA LAGS PAS, KHYOD RANG BZHIN GNAS NA LEGS SO ZHES MTHUN PAR BRJOD PAS, BDUD KYI RGYAL PO YANG SHIN TU NYON MONGS
PAS RGYAS TE GZHAN DAG LA SMRAS PA, LHAR BCAS 'JIG RTEN 'DI DAG KUN, ,NGA YI BKA' LAS GNAS PA YIN, ,SKYE 'GRO MA LUS GANG DAG KUN, ,RGYAL PO'I BKA' GSANG NYAN PAR GYIS; ;KHAMS GSUM BDAG PO LHA YI LHA, ,SA RNAMS KUN GYI SA STER PA, ,BDAG NI MTHU DANG RDZU 'PHRUL TSAD, ,KUN GYI 'GRAN PAR NUS MA YIN, ,NGA YI BKA' LAS 'DA' BYED NA, , SROG SRID BRLAG CING GNAS KYANG 'THOR, ,ZHES BRJOD DO, ,DE NAS TSANGS PA'I RGYAL PO RANG GI 'KHOR DPAG TU MED PA BSDUS TE DE DAG GI DBUS NAS SRIN PO CHEN PO'I GZUGS 'DZIN PA'I KHRO BOR GNAS NAS RANG GI MTHU LAS SPRUL PA'I KHRO BO DANG, MTSON CHA'I TSOGS SPRO BAR MDZAD DO, ,DE BZHIN DU KHYAB 'JUG DANG, DBANG PHYUG CHEN PO DANG, BRGYA BYIN DANG, TSOGS KYI BDAG PO DANG, BHRING GI RI TI DANG, GZHON NU GDONG DRUG PA RNAMS KYIS KYANG RANG RANG GI 'KHOR DPAG TU MED PA BSDUS TE, DE DAG GI DBUS NA 'GYING ZHING SPRUL PA BSAM MI KHYAB PAR SPROS TE DBANG DANG, RDZU 'PHRUL STON TO, ,RI RAB KYI KHA KHYER LA GNAS PA'I RGYAL PO CHEN PO BZHIS KYANG RANG RANG GI 'KHOR GYI DBUS NA 'GYING ZHING MTHU DANG RDZU 'PHRUL STON PAR MDZAD DO; ;GSER GYI RI LA GNAS PA'I PHYOGS SKYONG BRGYA BYIN DANG, DBANG LDAN DANG, GSHIN RJE DANG, BDEN BRAL DANG, CHU LHA DANG, GNOD SBYIN DANG, NYI MA DANG, SA'I LHA RNAMS KYIS KYANG RANG
, ,RANG GI GNAS DANG BCAS PAR 'JIGS PA'I MTSON CHA DANG BCAS PAR 'KHOD DO, ,NYI MA DANG, ZLA BA DANG, MIG DMAR DANG, PHUR BU DANG, PA BSANGS DANG, SPEN PA DANG, GZA' CHEN PO RNAMS KYIS KYANG RANG RANG GI 'KHOR DANG BCAS PAS 'JIGS PA'I KHRO BO'I TSOGS DANG, MTSON CHAR BCAS PAS 'KHOD DO, ,MTHA' YAS DANG, 'JOG PO DANG, STOBS KYI RGYU DANG, RIGS LDAN DANG, NOR RGYAS DANG, DUNG SKYONG DANG, PADMA DANG, CHU LHA RNAMS KYIS RANG RANG GI G-YOG 'KHOR RNAMS DANG, 'JIGS PA'I SPRUL PAS 'KHOD DO, ,DE BZHIN DU KHAMS GSUM GYI DREGS BYED KYI TSOGS GNAS PA'I GNOD SBYIN DANG, DRI ZA DANG, GRUL BUM DANG, 'GRO BA DRUG GTZO BO DBANG CHE ZHING MTHU YOD PA RNAMS DANG, MA MO RNAMS DANG, GSHIN RJE DANG, LHA MA YIN RNAMS DANG, 'DAB BZANG DANG, SRIN PO DANG, NAM MKHA' LDING DANG, RGYU SKAR GYI TSOGS SU BCAS PA RNAMS KYIS KYANG RANG RANG RANG GI 'KHOR GYI DBUS NA 'JIGS PA'I GZUGS KYIS MTSON CHA DANG NGA RO DANG BCAS PAS RNAM PAR 'PHRUL ZHING 'KHOD DO, ,DE NAS BDUD KYI RGYAL PO YANG NYON MONGS PA SKYES TE RANG GI 'KHOR RNAMS 'DU BAR MDZAD CING RDZU 'PHRUL GYI NUS PA CI YOD PA DUS 'DI DAG GCIG TU STON NAS MTSON CHA SNA TSOGS 'BAR BA'I GZHAL
YAS KHANG NAS DRAG PO 'BAR BAR 'JIGS PA'I SKUR STON TO, ,KHRO MO'I TSOGS DANG ROL PA MDZAD PA LAGS, 'KHOR BA'I TSOGS MTSON CHA ME 'OD BCAS PA PHYOGS BCUR SPROS TE NAM MKHA' THAMS CAD GANG BAR BYAS NAS THOG SER NAD DANG TSUB MA THAMS CAD SKYES SO, ,DES 'JIG RTEN GYI LHA KUN MYOS SHING RMONGS PAR 'GYUR BA DANG, 'JIGS PA'I TSOGS KYI SA PHYOGS THAMS CAD NAS 'KHOR BA'I ME 'OD 'BAR BA'I MTSON CHAS BSAD CING GTUBS PA LAS, SO SO'I TSOGS BRED PAR GYUR TE RANG GI SNYING PO PHUL ZHING SKYABS SU GSOL LO, , DE NAS LHA THAMS CAD 'DU BAR BYED PA'I BDUD KYI SDE DE DAG LA GNAS DOR ZHING DAM TSIG BYIN TE, SO SO'I SNYING PO BLANGS TE 'KHOR TSOGS THAMS CAD RJE DPON DANG BRAL TE, LHA CHEN PO BRGYAD NI, RANG GI RTZE LA 'KHOD DO, ,RGYAL PO CHEN PO BZHI NI, SHAR GYI GLING LA 'KHOD DO, ,GNOD SBYIN DANG PHYOGS SKYONG DAG NI, SHAR GYI GLING PHRAN GNYIS SU 'KHOD DO, ,'GRO BA RIGS DRUG GI SEMS CAN RNAMS NI, LHOR 'KHOD DO, ,DRI ZA DANG MA MO RNAMS NI, LHO'I GLING PHRAN LA DGOD DO, ,LHA MA YIN RNAMS NI, NUB TU 'KHOD DO, ,GSHIN RJE DANG 'DAB BZANG DANG SRIN PO RNAMS NI, NUB KYI GLING GI GLING PHRAN GNYIS LA 'GOD DO, ,GZA' DANG RGYU SKAR RNAMS NI, BYANG DU 'KHOD DO, ,DE BZHIN GSHEGS PA THAMS CAD KYI DGONGS PA GSANG BA BLA NA MED
, ,PA LAS, BDUD KYI SPRUL PA BSTAN PA'O,, ,,DE NAS BDUD KYI RGYAL PO DE NYID SHIN TU DGA' ZHING 'KHOR THAMS CAD LA BKA' BSGO, ,RGYAL PO GCIG GI 'KHOR DU GNAS PAS NI, YID DANG MTHUN PAR SPYOD PAS GNAS PA YIN PAS, KHYED RNAMS KYIS KYANG NGAS JI LTAR BSGO BA'I BKA' BZHIN NYON LA, THAR PA'I LAM 'DI CHOD LA STON PA GZHAN LA GUS PAR MA BYED CIG ,KHO BOS 'JIG RTEN STONGS PAR 'ONG NGO, ,BSAM PA RGYA CHEN PO MED PA'I 'GRO BA 'DI DAG NI, GTI MUG CAN GYI RANG BZHIN TE, BYOL SONG LTA BU YIN PAS, BDE LEGS KYI GNAS THOB PA'I DON MED PA YIN NO, ,YANG TSIGS SU BCAD DE SMRAS PA, KYE 'DU SHES MED PA'I 'GRO BA DAG ,RANG GI BDE BA SPONG BYED CING, ,THAR PA'I LAM GZHAN SGRUB BYED PA, ,DE DAG 'KHRUL PAS RANG RGYUD BRLAG ,NYES 'DOD BDE LEGS SPONG BYED PA, ,RMONGS PAS 'GRO RNAMS SNYING RE RJE, ,RE ZHIG THUGS RJE SKAL LDAN PAS, ,BDAG GI 'KHOR DU 'DUS PA YIN, ,GNAS GZHAN GONG MA THOB 'DOD PAS, ,BDAG LA DAD SEMS GUS PAR GYIS SHIG CES BSGO'O, ,DE DAG GIS KYANG DE LTAR NYAN TE RANG RANG GI GNAS SHOR ZHING MYA NGAN GYI SEMS SKYES KYANG JI LTAR BYA BA'I THABS MED DE, DE LTAR 'KHOD CING GNAS SO, ,DE NAS BDUD KYI RGYAL PO RANG GI GNAS SU SONG STE, 'KHOR DANG BCAS PA RNAMS DGA' BA'I LONGS SPYOD 'DOD PA'I YON TAN LA SPYOD CING,
DGYES PA'I GLU GAR DANG ROL MO LA SPYOD DO, ,JI LTAR KHAMS GSUM KUN GYI BDAG PO NI, BDAG YIN PAS 'DI LAS LHAG PA'I BSGRUB BYA NI, GZHAN DAG YOD PAR BDAG GIS MA MTHONG NGO, ,DA SANGS RGYAS KYI TSOGS DANG, BYANG CHUB SEMS DPA' DAG KYANG BDAG GI DBANG DU BSDU NA THABS JI LTAR BRTZAM ZHING, RANG GI 'KHOR DAG LA YANG 'DRI BAR BYED DO, ,DE NAS BDUD KYI GRONG KHYER KUN LA BSGO STE, SANGS RGYAS KYI 'KHOR RNAMS LA MI DGE BA'I LTAS DANG, MTSAN MA NGAN PA'I CHO 'PHRUL SNA TSOGS KYI SGRUB PA THAMS CAD DU RAB TU 'CHAD CING, CI 'DOD PA RNAMS LA GRUB PAR BYA NA, BDAG CAG LA MOS PA BYED DO, ,DE'I RJES LA DE DAG GI GTZO BO RNAMS BDAG GI 'KHOR DU 'DUS PA'I TSE THABS SNA TSOGS KYI SGO NAS GDUL BAR BYA'O, ,GAL TE 'ONGS PAR MA NUS PA DAG NI, KHO RANG GI GNAS DE NYID DANG BCOS PA GZHOM PAR BYA'O ZHES BRJOD DO, ,DE'I STONG GSUM G-YO BAR BYED PA'I TSOGS KYI KHRO BO'I MTSON CHA'I TSOGS DANG BCAS PA SPRUL NAS DKAR PO'I RIS LA DGA' BA'I 'GRO BA RNAMS MA LUS BCOM ZHING, SA LA GNAS PA'I BYANG CHUB SEMS DPA' RNAMS KYANG BRLAG PAR BSHAMS PA LAS, BDEN PA'I MTHU GANG LA GNOD PAR MA GYUR TO, , DE NAS RAB TU KHROS TE BDAG GI KHAMS GSUM 'DI DUS GCIG TU GDUL BAR BYA SPYOD PA LA NGAN PA'I TSUL CAN G-YO SGYU DANG BCAS PA 'DI DAG MI 'DUL LAM, DE RANG GI SDE
, ,TSAN 'OG MA LA GNAS PA KUN BSKUL TE THAR PA'I LAM LA GNAS PA 'DI DAG RIGS KYIS 'DUL BAR BYA'O ZHES BRJOD DO, ,DE NAS TSANGS PA LA SOGS PA BSGO BAR MDZAD PA DANG, DE DAG GIS KYANG RANG RANG GI SPRUL PA DANG, MTSON CHA RNAMS PHYOGS KUN TU SPRO ZHING, RANG GI GSANG SNGAGS DRAG PO'I TSOGS DAG KYANG RJOD PAR BYED DO, ,DES 'JIG RTEN 'KHRUGS SHING G-YOS NAS THAMS CAD BRED PAR GYUR TO, ,BLA NA MED PA'I GSANG BA DPAL RTA MCHOG ROL BA'I RGYUD LAS, BDUD KYI SDE DANG BCAS PA SHUGS 'BYUNG BA'I LE'U STE DGU PA'O,, ,,DE NAS BCOM LDAN BDE CHEN MCHOG ,SANGS RGYAS KUN GYI BDAG NYID KYIS, ,STONG GSUM SO SOR 'DUL MDZAD PHYIR, ,RNAM 'PHRUL TING 'DZIN GNAS LA BZHUGS, ,DE BZHIN NYID LAS MA G-YOS KYANG, ,THUGS RJE CHE DANG SMON LAM MTHUS, ,SO SO'I LAS RTOG MTHUN BZHIN DU, ,SNA TSOGS RTOG PA'I TSUL MA STON, ,'DOD CHAGS LA ZHEN SMON PA DAG ,CHAGS PA CHEN POS 'DUL BAR MDZAD, ,DE BZHIN ZHE SDANG GTI MUG DANG, ,NGA RGYAL PHRAG DOG 'DUL DON DU, ,MTHUN BYAS SNANG BA SNA TSOGS DANG, ,MI MTHUN SGO NAS 'DUL BAR MDZAD, ,PADMO BDE GSHEGS RDO RJE DON, ,RIN CHEN RIN CHEN LAS SNA TSOGS, ,PHYAG RGYA CHE SOGS 'KHOR LOS BSGYUR, ,JI LTA BA BZHIN DAG PAR MDZAD, ,THABS CHEN RNAM DAG PADMO'I DON, ,SHES RAB SPRUL PA'I MCHOG GYUR PAS, ,GAR GYI DBANG
PHYUG BDE BA CHE, ,RDO RJE LTA NYID SPRUL PAR MDZAD, ,GZHAN YANG MDZAD PA RGYA CHEN PO, ,SNA TSOGS MTHU YIS 'DUL MDZAD DE, ,DAG PA'I 'GRO BA MTHUN BYAS SKU, ,GSER 'OD MTSAN DANG DPE BYAD LDAN; ;GO BYED THEG PA BLA NA MED, ,ZAB MO GSANG SNGAGS JI BZHIN PAR, ,RGYAL BA BDE GSHEGS PHYAG RGYA'I SKU, ,RAB SPRUL DKYIL 'KHOR SNA TSOGS PA'I, ,LA LAS BYANG SEMS RGYA CHEN MCHOG LA LAR LAM LNGA DAG PAR SBYONG, ,LA LAR PHA ROL PHYIN BCU RDZOGS, ,LA LAR 'BRAS BU'I DON LA SBYOR, ,LA LAR DGA' LDAN LHA YUL 'PHAGS, ,LHUMS SU ZHUGS DANG BLTAMS PA DANG, ,'JIG RTEN SPYOD MTHUN ROL RTZED SOGS, ,GZHAN GYI SKUR SPANG BYA BA BSNAMS, ,BCAS KA'I CAN GYI BSAM 'PHRUL BA, ,MTHUN 'JUG THABS KYI BYA BA MCHOG ,DKA' THUB MDZAD DANG DGA' BA SPYOD, ,RDO RJE GDAN LA YANG SANGS RGYAS, ,BDUD 'DUL MNGON RDZOGS SANGS RGYAS SHING, ,RTZE GCIG TING 'DZIN BSKUL NAS BZHUGS, ,CHO 'PHRUL MDZAD PA KUN 'DUL ZHING,, CHOS KYI 'KHOR LO RIM BZHIN BSKOR, ,MYA NGAN 'DA' TSUL RING BSREL STON, ,ZHI TSOGS KHRO BOR 'KHYIL BA DANG, ,RANG BYUNG DUD 'GRO'I GZUGS SNA TSOGS, ,SNOD KYI 'JIG RTEN KUN MTHU SKU, , TSANGS PA KHYAB 'JUG 'JIG RTEN SKYONG, ,BDUD DANG SRIN PO GZUGS SOGS KYIS, ,'GRO BA'I LAS RTOG DAG MDZAD CING, ,RANG GI YE SHES DON BKOD BYA, ,DE TSE 'GRO BA'I GNAS MTSON
, ,TSOGS, ,LAS KYI STOBS TSOGS MTHUS BRDABS RNAMS, ,DE BZHIN NYID MTHUS TSOGS CHEN POS, ,YANG DAG LAM LAS RAB GROL ZHING, ,NGA RGYAL CHEN PO'I DREGS TSOGS SKYES, ,RANG GI MTHU DANG RDZU 'PHRUL STON, ,NYON MONGS LAS KYI LAM LA ZHEN, ,RANG GI RIGS TSOGS BSDU BAR BYED, ,'JIG RTEN GSUM 'JIG AA LA LA, ,KHAMS GSUM GTZO BO BDAG CAG RNAMS, ,SU ZHIG SPRUL PA AA LA LA, ,'JIGS PAR MDZAD PA'I 'OS MA LAGS, ,RANG GI DKA' THUB BDE GNAS PAS, ,MYA NGAN 'DAS PA'I LAM MCHOG STE, ,GZHAN GYI BSTAN PA CI ZHIG BYA, ,BDE TSOGS 'JIGS PA'I YAN LAG GO ,SU ZHIG RANG GI BDE SPONG ZHING, ,GZHAN NAS SDUG BSNGAL DON GNYER BA, ,GZUGS MANG SPRUL PA BSAM YAS KYANG, ,RANG GI SKU MDZES BSGYUR BA DKA', ,SGRA MANG SPRUL PA BSAM YAS PAS, ,RANG GI GSUNG NYAN 'PHRO BYED DAM, ,SEMS RTOGS BYA BA'I 'OD BCAS KYIS; ;TING 'DZIN RTZE GCIG 'GYUR BA MED, ,DRAG PO'I STOBS MCHOG GZI LDAN RNAMS, ,RANG GIS RANG SPYOD BDE BAR SDOD, ,DE NAS BDUD DPUNG DANG PO DANG, ,DBANG PHYUG TSANGS PA KHYAB 'JUG CHE, ,RGYA BYED GLU DANG DREGS BYED RNAMS, ,RAB TU KHROS TE RANG GI MTHUS, ,STON ZHING DRAG PO'I GSANG SNGAGS DANG, ,GTUM TSIG NGA RO 'BOD SGROG BYED, ,DE TSE RGYAL PO'I BYIN
RLABS MTHUS, ,MTHUN 'JUG THABS KYIS 'DUL MDZAD DE, ,THEG PA GSANG BA BLA MED MCHOG ,KHYAD PAR SGO GSUNG GSANG BYED CING, ,YANG DAG DON LA BDE BKOD PHYIR, ,THUGS RJE CHEN POS MTHUN MDZAD DE, ,'JUG PA'I LAM RING BDE BSTAN ZHING, ,DGA' BA'I SGO NAS BDE MDZAD KYANG, ,RANG GI NYON MONGS DREGS PA'I MTHUS, ,DON 'JUG MTHUN PA'I SPYOD SGO 'JIG ,GTI MUG CHEN PO MUN GTIBS NAS, ,NGA RGYAL RI BO KUN DU BKOD, ,ZHE SDANG ME LCE 'BAR BSREGS SHING, ,PHRAG DOG RLUNG GIS BSKYOD BYAS NAS, ,'DOD CHAGS CHU BOS 'BYIN BAR 'GYUR, ,DREGS PA'I MTHU YIS RAB KHROS TE, ,TSOGS RNAMS GCIG LA GCIG BSGO ZHING, ,GSANG SNGAGS RDZU 'PHRUL STOBS PHYUNG NAS, ,RAB TU BSGRAGS PA'I MTHU YIS NI, ,'JIG RTEN GSUM DAG 'KHRUG PAR BYED, ,MI NAD MU GE 'KHRUG PA DANG, ,MTSON CHA LO TOG 'BRAS BU 'PHROG ,'BYUNG PO'I 'JIGS GZUGS NYES TSOGS RNAMS, ,RGYUN MI 'CHAD DU 'KHOR BAR 'BYUNG, ,SA GZHI ME 'BAR CHU BDAG BYED, ,DUG DANG DBYIG DUG RLUNG BZHIN G-YOS, ,BDE LAM MTHO RIS THAR LAM GCOD, ,MI DAG SEMS KYIS NON 'GYUR ZHING, ,'GRO RNAMS SDUG BSNGAL BSKYED BYAS PAS, , SANGS RGYAS RNAMS KYIS THUGS KHRAL BSKYED, ,DE NAS BYANG CHUB SEMS BCAS PA'I, ,'KHOR RNAMS DUS GCIG BSTAN PAR BZHENGS, ,GTZO BO'I PHYOGS SU 'DUD BYED CING, ,LAN
, ,GRANGS BSKOR ZHING PHYAG KYANG 'TSAL, ,MGON PO BDE BA MNYES BYED CING, ,MCHOD NAS GSOL BA GDAB PAR BYA, ,THUGS RJE CHE MNGA' LHA YI LHA, ,BYAMS SOGS DGA' BA'I BDUD RTZI CHUS, ,GDOS BCAS THAL BAR BRLAG MDZAD PAS, ,THIM 'GYUR RDO RJE YE SHES TSOGS, ,CHO 'PHRUL DKYIL 'KHOR BSTAN DU GSOL, ,MDZAD PA'I BYIN RLABS BSTAN DU GSOL, ,DE DAG NYON MONGS RLABS 'KHRUG PAS, ,RANG BZHIN THAR LAM BDE BAR 'JOMS, ,BYANG CHUB SEMS NYID RLAN BRAL LAM, ,SRID GSUM YAL BAR DOR BYED NA, ,THUGS RJE CHEN PO GANG LA GDAGS, ,AE MA HO 'BRAS BU MYA NGAN 'DAS, ,AE MA HO BYANG SEMS PADMA'I RDZING, ,AE MA HO BRJOD BRAL KU MU TA, ,AE MA HO ME TOG 'BRAS BCAS SHING, ,'DI DAG DKYIL 'KHOR RNAM DAG PAS, ,RIGS MCHOG MTSAN NYID YON TAN GNAS, ,DUS 'DIR DAG PAR GA LA MDZAD, ,THUGS RJE CHEN PO GA LA GDAGS, ,'DI DAG SKAL LDAN GSUNG BA'I SNOD, ,RDO RJE THEG PA'I BSTAN PA 'DZIN, ,DA LTAR RNAM RTOG RI BOS NON, ,THABS KYIS 'DUL BAR MA GYUR PAS, ,SHUGS KYIS BSGRAL BAR BYA BA'I PHYIR, ,DKYIL 'KHOR SNA TSOGS BSTAN DU GSOL, ,ZHES GSOL TO, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD CHEN PO LAS, MDZAD PA CHEN PO'I LE'U
STE BCU PA'O,, ,,DE NAS BCOM LDAN 'DAS KYIS LHA CHEN PO RNAMS 'DUL BAR BYED PA ZHES BYA BA'I TING NGE 'DZIN LA SNYOMS PAR ZHUGS TE RDO RJE BKOD PA'I DKYIL 'KHOR CHEN PO 'DI NYID SKU GSUNG THUGS KYI DBYINGS NAS PHYUNG STE SPRUL PA MDZAD DO, ,GRU BZHI PA LA SGO BZHI PA'I, ,RTA BABS RGYAN TSOGS KUN GYIS SPRAS, ,RIN CHEN NOR BU'I PHRENG SOGS DANG, ,BANDHA DRIL BU 'DOD PA LNGA YI TSOGS, ,MCHOD PA BLA RE RGYAL MTSAN GDUGS, ,KHA DOG NYI SHU RTZA LNGAS SBRAS, ,'KHOR LO RE'U MIG DGU PA LAS, ,SENG+GE LA SOGS GDAN KHRI SPRAS, ,KA KHA GA GHA NGA, TZA TSA DZA DZNYA NYA, tA thA dA dHA nA, TA THA DA DHA NA, PA PHA BA BHA MA, YA RA LA WA, SHA shA SA HA KshA, YE SHES MA 'DRES BDE CHEN GSAL, ,RNAM 'PHRUL RIGS MCHOG GZUNGS KYI DAM TSIG DANG, ,KHRO ZHING 'DREN PA'I MDANGS KYIS GNAS, ,RIGS GNYIS LUNG GIS RGYUD PA'I SKU, ,DMAR NAG ZHAL GSUM PHYAG DRUG PA, ,SER DKAR DMAR BA'I ZHAL GNYIS DAG ,BZHIN MDANGS TSANGS PA'I TSUL GYIS GNAS, , DBUS MA KHRO 'DZUM BRJID BAG DANG, ,PADMA RDO RJE 'KHOR LO DANG, ,DRIL BU RIN CHEN RTZE GSUM 'DZIN, ,RIN CHEN PHRENG BA'I CHUN 'PHYANG DANG, ,MU TIG DO SHAL DPUNG RGYAN SPRAS, ,STONG G-YOGS SMAD DKRIS NA BZA' KLUBS, ,DBU RGYAN SNYAN CHA SOR GDUB TSOGS, ,MTSAN BZANG DPE BYAD MDZES PAR BRGYAN, ,RIGS KYI MCHOD PAS DBU SKRA SIL, ,RANG 'OD BTZUN MO'I SKU BCAS
, ,PA; ;PHYUNG NAS PHYOGS BCU'I SNGAGS KYIS SPROS, ,H'Um PHAt PADMO DHRiK DZA SV'AH'A, AOm DUm DRUm BHINDHA DZA PRA MO HAm, MDZAD PA'I 'PHRIN LAS RDZOGS BYAS NAS, ,SLAR 'DUS BDAG PO'I SKU LA THIM, ,SHAR DU RNAM SNANG PHYAG RGYA CHE, ,GSER MDOG ZHAL GSUM PHYAG DRUG PA, ,RTZE GSUM BE CON PADMO RAL GRI BANDHA 'DZIN, ,LHO RU RIN CHEN 'BYUNG LDAN NYID,, MTHING GZHAL GSUM PHYAG DRUG PA, ,RIN CHEN PADMA GRI GUG DANG, ,SH'U LA BUM PA RTZE GSUM 'DZIN, ,NUB TU SNANG BA MTHA' YAS SKU, ,DMAR PO ZHAL GSUM PHYAG DRUG PA, ,THOD DBYUG RTZE GSUM PADMO DANG, ,DGRA STA 'KHOR LO RAL GRI 'DZIN, ,BYANG DU DON YOD GRUB PA NYID, ,LJANG KHU ZHAL GSUM PHYAG DRUG PA, ,RAL GRI RDO RJE DBYUG PA MDUNG, ,PADMO RTZE GSUM GSHIN RJE'I RKANG, ,KUN GYI G-YAS DKAR G-YON PA NI, ,DMAR LJANG SER DANG LE BRGAN MDOG ,RANG GI BTZUN MO'I MGUL NAS 'KHYUD, ,ZHAL GCIG PHYAG GNYIS BDAG PO LHAR; ;SKU MDOG GSANG BA'I MDANGS DANG LDAN, ,PHYAG DANG CHA LUGS KUN GYIS BRGYAN, ,AOm DZI NA DZIKA LAm, DVE shA RA TI, SVA RATNA DHRiK ,MAm MO HA RA TI, AOm A'A RO LA KI ,PAm R'A GA RA TI, HA PRADZNY'A DHRiK ,T'Am BADZRA RA TI, H'Um PHAt SV'AH'A, 'OD ZER 'PHRO BA'I TSOGS BCAS PAS, ,RIGS KYI DKYIL 'KHOR GSAL BAR MDZAD, ,'KHOR LOS BSGYUR RGYAL CHA
LUGS DANG, ,DGYES PA'I SKYIL KRUNG TSUL GYIS BZHUGS, ,KHYAMS KYI PHYOGS DANG MTSAMS RNAMS SU, ,SEMS DPA' BRGYAD DANG SEMS MA BRGYAD, ,THUGS KYI YE SHES YI GE LAS, , RANG GI GSANG SNGAGS DAG GIS GDON, ,SA SNYING DKAR SER RIN CHEN 'DZIN, ,NAM SNYING MTHING GA RAL GRI 'DZIN, ,SPYAN RAS DMAR SKYA PADMA 'DZIN, ,GSANG BDAG LJANG SKYA RDO RJE 'DZIN, , G-YON PA PADMO YU BA CAN, ,SNYEMS PA'I TSUL GYIS PHYOGS SU 'DUD, ,SGEG MO PHRENG BA DBYANGS DANG GAR, ,DKAR SER DMAR LJANG 'OD 'PHRO MDOG ,ME LONG RIN CHEN PHRENG BA DANG, ,DBYANGS SNYAN GAR THABS MDZES PA'I TSUL, ,AOm KSHIR DZA YA, H'Um L'A SYE SA MA YA STVAm, ,TR'Am M'A LE SA MA YA HO, ,HR'I: PADMA BANDHA HRI, GIRTI RA HO HAm, AA NRi TI RA GA Y'A MI H'Um PHAt, BYAMS PA DKAR SER KLU SHING 'DZIN, ,SGRIB SEL 'KHOR LO MTHING GA STE, ,'JAM DPAL DMAR SKYA AUTPA LA, ,KUN BZANG LJANG SER RIN CHEN SNGA, ,G-YON PA PADMO LCUG MA 'DZIN, ,SEMS DPA'I STABS KYIS GDAN LA BZHUGS, ,BDUG SPOS ME TOG 'THOR BA DANG, ,MAR ME DRI CHAB LHA MO RNAMS, ,SER DKAR DMAR LJANG GO RIMS BZHIN, ,MTSAN DANG MTHUN PA'I RDZAS KYIS MDZES, ,AOm ME RA NI; DZA DH'U BE PRA BE SHA ,THI LING SVA RA MA PA YA, H'Um PUshPE A'A BE SHA H'Um SVA RA TZA YA, BAm D'I PAm BU GI NI, MUm SHE RA TZA YA, HO GINDHE TZI TA YA H'Um PHAt, SHAR SGOR GSHIN RJE GSHED PO
, ,CHE; ;MTHING NAG PO CON RTZE GSUM PHRENG, ,LHO SGOR STOBS CHEN SER SKYA'I MDANGS, ,RDO RJE ZHAGS PA RIN CHEN PHRENG, ,NUB SGOR RTA MCHOG 'JIGS BYED RGYAL,, THOD SPRUL DRIL BU LU GU RGYUD, ,BYANG SGOR RDO RJE 'KHYIL BA STE, LJANG SKYA RDO RJE RTZE GSUM MTHU, ,KHRO BO CHA LUGS RNGAM BRJID DANG, ,DUR KHROD RIM PA'I CHAS KYIS BRGYAN, ,LCAGS KYU ZHAGS PA LCAGS SGROG DRIL, ,SPYAN DMAR 'JIGS BYED 'OD DPUNG DANG, ,RDO RJE MCHE SOGS KHRO GNYER CAN, ,YAB YUM 'KHYIL BA BRKYANG BSKUM SKU, ,H'Um PHAt RU LU'I GSUNG 'DON CING,, LAS KYI 'KHOR LO GNON PA'I TSUL, ,AOm RU LU PADMA NTA KRiT H'Um PHAt, DZA BADZRA KRO DH'I SHVA RI H'Um PRADZNY'A NTA KRiTA PHAt, H'Um RATNA KRO DH'I SHVA RI, H'Um PADM'A NTA KRit PHAt, BAm PADMA KRO DH'I SHVA RI H'Um BIGH'ANTA KRiT; HO KARMA KRO DH'I SHVA RI H'Um PHAt SV'AH'A, PHYI NANG MED PAR DKYIL 'KHOR CHEN PO STE, ,THUGS RJE YE SHES CHE LAS SPRUL, ,PHYAG RGYA BZHI YIS RGYAS BTAB CING, ,DBU LA RIGS KYI BDAG POS BRGYAN, ,'OD DPUNG SPRUL PA'I LHA 'KHOR GYIS, ,'JIG RTEN GSUM PO SNANG BYED CING, ,TSANGS PA LA SOGS LHA CHEN BRGYAD RNAMS 'GUGS, ,RDO RJE BRJID GNON SNGAGS KYI MTHUS, ,DE DAG DRAN PA MED PAR 'GYUR, ,MTSON CHA'I TSOGS KYIS SGROL BYAS TE, ,DUG GSUM PHUNG PO GSOL BAR MDZAD, ,'PHRIN LAS KHRO BO BRJID GLU YIS, ,LHA CHEN
'KHOR RNAMS DBANG DU SDUD, ,DKYIL 'KHOR CHEN POR BZHAG BYAS NAS, ,SNGA MA'I SHA RUS GNAS NAS STON, ,RDO RJE BDUD RTZI'I TING 'DZIN GYIS, ,LHA CHEN RNAMS KYIS SLAR LUS GSOL, ,'KHOR BCAS PA YI DBANG BSKUR ZHING, ,RDO RJE 'CHANG GI GRAL LA DGOD, ,DAM TSIG GSANG BA'I BRDAS BSGOS SHING, ,'PHRIN LAS BKA' NYAN GNYER GTAD DE, ,GZHAL YAS KHANG GI RGYAN DU GZHAG , KUN KYANG TSIG DBYANGS MTHUN PA BSGOS, ,DAM TSIG MNA' SROG THAL MYONG 'GYUR, ,ZHES BRJOD DO, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD CHEN PO LAS, RDO RJE BKOD PA'I DKYIL 'KHOR SPRUL PA'I LE'U STE BCU GCIG PA'O,, ,,DE NAS PADMO CHAGS PA'I SKUS, ,GSUNG GI GZI MDANGS RGYAS MDZAD DO, ,PHYAG RGYA RDZU 'PHRUL GNAS SBYOR BAS, ,GSER MIG 'DAB BZANG GRONG KHYER DANG, ,LANGKA'I GNAS TSOGS SRIN PO'I SDE, ,KLU RGYAL DBANG DU BSDU BA'I PHYIR, ,RDZU 'PHRUL KUN STOBS 'KHOR LO YIS, ,LHA CHEN LA SOGS GDUL BAR DGONGS, ,TING NGE 'DZIN LA SNYOMS ZHUGS TE, ,PADMA RTA MCHOG SPRUL PA MDZAD, ,DE BZHIN NYID DBYINGS SNYOMS 'JUG LAS; ;SEMS DPA' RGYAL BA KUN GYI YAB, ,RDO RJE 'DZIN THUB DBANG NYID DANG, ,RIGS NYID SPRUL PA'I LUNG LAS GRUB, ,SKU MDOG DMAR PO R'A GA'I MDOG ,ZHAL GSUM RTA MGO
, ,LJANG KHU CAN, ,PHYAG NA GRI GUG KHA tV'Am GA ,THOD PA KHRAG ME DPUNG SPRUL LNGA, ,GNAS BRGYAD KLU BDAG THOD PHRENG DANG, ,GLANG CHEN STAG GI PAGS PA GYON, ,SGRA SKAD DRAG PO PHYOGS BCUR SGROGS, BGEGS LA SOGS PA'I CHA LUGS CAN, ,DRANG SRONG KHROS PA'I CHA LUGS KYIS, ,KLU YI 'GRO BA RMONGS MDZAD PA, ,PADMA'I GDAN LA BRKYANG BSKUM GYIS; ;YUM CHEN DPAL LDAN MA DANG SBYOR, ,AOm PADMO GU RU HE HE RU LU H'Um PHAt, 'KHOR LO 'BAR BA PHYOGS MTSAMS SU, ,YE SHES KHRO BO CHEN PO BRGYAD, ,HR'I LAS GRUB PA'I 'JIGS GZUGS CAN, ,RTA MGO LJANG KHU BRJID PA YI, ,SHAR DU PADMA'I DBANG PHYUG NI, ,DKAR PO ZHAL GSUM PHYAG DRUG PA'O, ,RDO RJE PADMA KLU ZHAGS DANG, ,RIN CHEN DBYUG BA RAL GRI MDUNG, ,SENG+GE RGYAL MO SKU DANG 'KHRIL, ,SNA TSOGS MI MTHUN ZHABS KYIS GNON, ,NYI MA ZLA BA'I SNYAN CHAS BRGYAN, ,SPRUL GYI PHRENG BAS GNAS KUN BRGYAN, ,LHO RU GZI CHEN DRAG PO NI, ,MDOG NAG RAL GRI RTZE GSUM LNGA, ,RDO RJE RTZE GSUM MDA' DANG GZHU, ,DRAG PO GNAS KYI SKU DANG 'KHRIL, ,ME RI 'BAR BAS KUN TU KHYAB, ,STAG MO BCINGS PAS GZHAN GNAS 'JIGS, ,SPRUL PA'I PHO NYA ME 'BRUG GI ,KHRO BO YI NI DKYIL 'KHOR TSOGS, ,NUB TU RDO RJE DRA BA MCHOG ,DMAR SER RDO RJE DBYUG PA GRI, ,'KHOR LO SBRUL ZHAGS
ME LONG CHU, ,LHA MO 'JIGS CHEN ZHABS KYIS GNON, ,'OD 'BAR GLOG GI PHRENG BA CAN, ,SPRUL PA'I PHO NYA LCE SPYANG GDONG, ,'BUM PHRAG GRI DANG THOD KHRAG 'DZIN, ,BYANG DU 'OD BYED 'JIGS CHEN SKU, , LJANG KHU RTZE GSUM MDA' BO CHE, ,NOR BU DANG KHUG LCUG MA DUNG KHRAG 'CHANG, ,RA RO MIG DMAR ZIL GYIS GNON, ,RGYAL BDAG KHRO BO'I SKU DANG 'KHRIL, ,COD PAN KLU MGO GDENGS KA'I RGYAN ,DUS MTSUNGS PHUD KYI SGRA CHEN SGROGS, KUN KYANG THOD PHRENG G-YANG GZHI DANG, ,DUR KHROD GNAS 'BYUNG GTZANG SME BYED, ,MTSAMS KYI KHRO BO CHEN PO BZHI, ,RIGS KYI PHYED GZUGS THIG LES MTSAN, ,ZHAL GSUM PHYAG DRUG 'OD MDANGS CAN, ,RDO RJE THOD DBYUG KLU YI SGRA, ,LCE SPYANG BYA KHYUNG GNAM LCAGS SPRIN, ,'OD PHRENG THIG LE DBYUG GU'I RGYAN, ,RNAM 'PHRUL KLU THABS AU HA RA, ,'DOD YON LHA MO'I TSOGS KYIS BSKOR, ,KUN TU SPYAN DMAR RDO RJE'I MTSAN, ,GNAS SU 'JIGS PA'I H'Um SGRA SGROGS, ,KLU YI RGYAL PO'I GNAS NA BZHUGS, ,GZHAN GYI RDZU 'PHRUL 'JOMS PAR BYED, ,AOm MAH'A HA YA GR'I BA PADMA DHA RU NAm BIDHA HAR H'Um PHAt, RTZA BA'I SNGAGS SO, ,AOm NA MO AUD TAm HE RU LU RU KAm PA MU KHA, A'A KA RshA YA RAKshA NA GAm GU RU H'Um PHAt, SNYING PO'I SNGAGS SO, ,AOm PADMA RAKMA KU RYA RA GAm RU LU RU LU H'Um PHAt, NYE BA'I SNYING PO'O, ,DKYIL 'KHOR CHEN PO'I PHYOGS BZHI RU, ,LCAGS KYU LCAGS SGROG ZHAGS PA DRIL BU RNAMS, ,DKAR DMAR SER LJANG 'OD MDANGS 'BAR, ,SENG+GE LCE SPYANG STAG 'BRUG
, ,DANG, ,MGO BRTZEGS SPRUL PA'I 'KHOR DANG BCAS, ,RANG GI LAS KYIS 'KHOD PA DANG, ,'JIGS PA'I CHA LUGS RNGAM GZUGS GNAS, ,LAS MDZAD KLU YI DKYIL 'KHOR 'DUL, ,KLU CHEN BRGYAD SOGS BDUS BYAS NA, ,MTHU DANG RDZU 'PHRUL MED PAR BYA, ,RANG GI DAM TSIG DRAN PA'I SHUGS, ,SPYAN RNAMS SPYAN SNGAR 'DOD PAR BYED, ,AOm NA GA DRINGS ME GANAN GAR DZA YA SA MA YA H'Um, DKYIL 'KHOR GSANG BAR DBANG BSKUR NAS, 'OD BZANG GZI MDANGS ME DPUNG 'BAR, ,RIGS KYI DBU RGYAN GSAL BYED PHYE, ,YE SHES 'OD TSOGS GNAS BCAS TE, ,DKYIL 'KHOR GSANG BAR GOMS ZHUGS KYIS, ,TSUL 'DZIN DKON MCHOG MNGON DU DBYE, ,TSOGS RNAMS MA LUS MGRIN GCIG TU, ,GAR DBANG SKU LA SKYABS GSOL ZHING, ,'DOD YON GSOL 'DEBS DAM BCAS PA, ,BSOD NAMS PHUNG PO'I GTER LA SPYOD, ,KYE MA DKYIL 'KHOR YA MTSAN CHE, ,BDAG CAG 'KHOR RNAMS RAB SGROL MDZAD; ;RGYAL BA'I DKYIL 'KHOR DPE BRAL BAS, ,NYI MA'I DKYIL 'KHOR BZHIN DU GNAS, ,BDE CHEN LAM 'DI SNGON MA RTOGS, ,DA LTAR THUGS RJE DRIN GYIS RNYED, ,RNAL 'BYOR GSANG BAR 'DZIN BYED KYI, ,JI LTAR BSGOS PA'I BKA' BZHIN BGYID, ,RDO RJE GSANG BA'I DAM 'DI LAS, ,GAL TE NYAMS NA 'DAS PAR SHOG ,CES DAM BCAS SO, ,DE
BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL BA'I RGYUD CHEN PO LAS, RTA MGRIN DBANG GI DKYIL 'KHOR SPRUL PA'I LE'U STE BCU GNYIS PA'O,, DE NAS BCOM LDAN PADMA'I SKUS, ,YUL LA CHAGS TSUL 'DZUM MDANGS KYIS, ,BKA' YI BSGO BAS DGYES MDZAD DE, ,MI SHIGS TING 'DZIN LA GNAS MDZAD, ,PHYOGS SKYONG DRI ZA RGYAL CHEN PO, ,RANG GI CHUNG MA TSOGS BCAS PAS, ,GNAS GZHAN 'JIGS PAR MDZAD PA DANG, ,RANG GI MTHUS BCUS 'DUL BAR MDZAD, ,SKU NI BEE d'UR 'TSER BA'I MDANGS, ,ZHAL GSUM PHYAG RGYA DRUG GIS ROL, ,RIN CHEN MDZOD BUM SNGAGS CHEN LCUG ,'KHOR LO PHRENG BA MA GA TA, ,RGYAN DANG CHA LUGS RIN CHEN TSOGS, ,DBYINGS KYI DBANG PHYUG YUM CHEN MO, ,DMAR SKYA ZAB MO'I TSUL DU SBYOR; ;'OD 'PHRO SEMS DPA'I GDUG PA'I 'PHRO, ,RIGS LNGA'I DBU RGYAN RIN CHEN PHRENG, ,PHYAG RGYA BZHI YIS BRJID PA'I LHA, ,RIN CHEN 'BAR BA'I GZHAL YAS KHANG, ,GRU BZHI SGO BZHI RTA BABS BRGYAN, , BAR KHYAMS 'KHOR GYI DBUS NAS 'GYING, ,PADMA'I LTE BAR SKYIL KRUNG BZHUGS, ,SHAR DU 'JOMS BYED RDO RJE'I SKU, ,DKAR GSAL RDO RJE DRIL BU 'DZIN, ,LHO RU RIN CHEN BLO GROS SKU, ,DPAL BE'U GDUGS MDZES 'OD MANG SER, ,NUB KYI PHYOGS KYI RGYAL PO RTOG ,DKAR DMAR PADMA GLEGS BAM 'DZIN, ,BYANG DU 'JIG RTEN KUN SGROL BA, ,LJANG SKYA RDO RJE RGYA GRAM NI, ,SHAR LHO DRA BA'I DBANG PHYUG NI, ,SER SKYE
, ,RIN CHEN BHRiNG GA RA, ,LHO NUB CHOS KYI LHUN PO MCHOG ,RTZE GSUM PADMA'I LCUG MA 'DZIN, ,NUB BYANG RGYAL BA'I YE SHES TOG ,SNGO SKYA SENG+GE'I BUM PA 'DZIN, ,BYANG SHAR SGYU 'PHRUL DRA BA BRTZEGS, ,LJANG SER G-YUNG DRUNG RDO RJE MTSAN, ,'DI DAG 'KHOR LOS BSGYUR RGYAL BYIN, ,MTSAN DANG DPE BYAD 'OD MDANGS RGYAN, ,SKYES BU CHEN PO'I LONGS SPYOD 'PHEL, ,CHA MTHUN YUM DANG 'KHRIL PAR BZHUGS, ,AOm BI TA DZNY'A NA TA NA SAm BO GA TA H'Um PHAt, AOm DHARMA MU NI NA SA NA SA H'Um, AOm BI HA RA PHRA MO THA NA H'Um PHAt, AOm DZNY'A NA LO TRA SAm BO GA YA H'Um PHAt, AOm RATNA MA RU DHE SA GRUBm H'Um PHAt, AOm MA H'A SHU TI MU SA MO HA H'Um PHAt, AOm BUDDHA BUDDHA SARYA NA KU M'A RA H'Um PHAt, AOm NAM GA GA NA SI TA YO GA H'Um PHAt, AOm NI SA HA HI HE HU MU GA RA BA RI H'Um PHAt, 'KHOR LO'I GSANG SNGAGS RAB BRJOD PAS, , LHA RNAMS PHYI YI GNAS SU SPRO, ,DRAG PO'I RGYU 'BRAS SBYONG BYAS TE, ,GNAS KUN DAG PA'I YE SHES CHE, ,RIGS MCHOG YE SHES 'OD GSAL BAS, ,SHAR GYI DBANG PO DRI ZA SOGS, ,GNAS MGO SKYABS DANG DBANG DU MDZAD, ,NYON MONGS LAS KYIS DREGS PA'I TSOGS, ,RANG RGYU ZHI NAS BYANG SEMS BCAS, ,BCOM LDAN 'DAS KYI SPYAN SNGAR 'KHOD, ,SNYING PO MDONGS GSOL DUL BAR 'GYUR AOm TRAG SHA KA SARBA RA MA MA SA H'Um H'Um SV'A H'A, BCOM LDAN 'DAS, BDAG CAG GI RIG PA 'DI BYIN GYIS BRLAB TU GSOL, BSTAN PA MYUR DU SPEL CIG ,RGYA CHAD PA'I SNGAGS KYIS THAMS CAD BYUNG
BAR GYUR BA BDE LEGS SU BYA BA'I GNAS PA BDAG CAG DUS THAMS CAD DKYIL 'KHOR 'DIR GNAS SHING DE 'DZIN PA'I RNAL 'BYOR PA DAG BSRUNG BAR BYA BA DANG, BRAN BZHIN DU GNAS PAR BGYI'O, ,SLAR YANG BDAG CAG RNAMS MGON POS BZHENGS LA BYIN GYIS BRLABS TE DBANG BSKUR BA DANG GROL BAR MDZAD DU GSOL ZHES GSOL BA BTAB PA DANG, BCOM LDAN 'DAS KYIS RIG PA'I SNYING PO 'DI BYIN GYIS BRLABS SO, ,AOm AU AOm MRi TA BIG NA SHU TA H'Um PHAt SV'AH'A, ZHES GSUNGS PA DANG, DE DAG DANG PO'I SANGS RGYAS BZHIN DU 'OD ZER DANG BCAS PAR GYUR NAS GZHAL YAS KHANG GI RGYAN DU 'KHOD DO, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD CHEN PO LAS; THUGS YE SHES SEMS DPA'I DKYIL 'KHOR 'PHRUL PA'I LE'U STE BCU GSUM PA'O,, ,,DE NAS BDE BYED GAR DBANG PHYUG ,PADMA TSOGS PA'I SKU CHEN POS, ,YON TAN RIN CHEN SGYU MA'I CHOS, ,TING NGE 'DZIN LA SNYOMS ZHUGS NAS, ,MKHA' 'GRO TSOGS BCAS GSHIN RJE RNAMS, ,RGYAL PO RGYAL CHEN RGYAL MOR GNAS,, 'KHOR BCAS 'DUL BAR BYA BA'I PHYIR, ,NAM MKHA' CHEN MO'I TSOGS 'PHRUL MDZAD, ,THABS DANG SHES RAB GNYIS MED LAS, ,GZI LDAN GAR GYI DBANG PHYUG MA, ,PADMA R'A
, ,GA NAM MKHA'I MDOG ,ZHAL GCIG PA LA PHYAG BZHI STE, ,PADMA'I SDONG PO BDUD RTZI'I SNOD, ,RDO RJE KHAtV'Am ZHAGS PA THOGS, ,RIN CHEN PHRENG BA'I RGYAN GYIS KLUBS, ,KHYOD BZHAD 'JIGS MDANGS TSUL 'DZIN CING, ,BRKYANG BSKUM ZHING MCHOG NYI MA'I DKYIL, ,G-YANG GZHI NYI MA'I PHRENG BAS BRGYAN, , AOm PADMA MA H'A KRO DH'I SHVA RI H'Um PHAt, DPAL GYI LHA MO MCHOG NYID DANG, ,AOm DANG SPRUL TE PHYOGS NGANG MTSAMS, ,PADMA'I GDAN LA ZHING GIS MTSAN, ,BRKYANG BSKUM SKU MDOG SNGON MO'I TSOGS, ,PHYAG NA GRI GUG THOD PA KHRAG ,'BAR BA'I CHA LUGS SKRA 'BAR MA, ,PHYI ROL SPRUL PA'I TSOGS BCAS PAS, ,DUR KHROD CHEN PO'I GNAS SU ROL; ;RDO RJE RIN CHEN PADMO DANG, ,LAS DANG SGYU 'PHRUL MKHA' LA BZHAD, ,SNA TSOGS SGYU MA BZHIN RGYAS SPYAN, ,KHA DOG PHYOGS MTSAMS JI LTA BU, ,GSAL ZHING MUN PA'I RDUL GYIS GOS, ,ZHING GI DBYUG PA RTZE GSUM DANG, ,GSER GYI MDA' DANG RDO RJE DANG, ,CHU SRIN RGYAL MTSAN ZHAGS PA DANG, ,ZHING CHEN RDO RJE RTZE DGU GDENGS, ,GRI GUG RGYU MA'I ZHAGS PA SDOM, ,RDO RJE GDENGS PA RTZE GSUM KHRAG ,ZHING CHEN KHOG PHYES SNYING 'DREN CING, ,DE BZHIN RLUNG YAB THOD PA 'CHANG, ,AOm BADZRA TA KRi TA
MAH'A LA TI TI H'Um H'Um PHAt, AOm BADZRA TA TRI MED RA H'Um PHAt, AOm d'A KI MAD KUM PA YA H'Um PHAt, AOm d'A KI N'I TI BRE SHA H'Um PHAt, AOm BADZRA d'A KI PI LA SA H'Um PHAt, AOm BADZRA d'A KI DRI KU tA MA LE H'Um PHAt, AOm BADZRA d'A KI DZVA LA DZVA LA H'Um PHAt, PHYI ROL PADMA'I 'DAB MA LAS, ,SENG+GE RTA DANG LCE SPYANG WA, ,BYA RGOD KANG+KA BYA ROG 'UG ,MGO BRNYAN MCHE GSHOG CHEN MO BRGYAD, , H'Um LAS SPUL TE MDOG DMAR PO, ,PHYAG NA GRI GUG THOD PA KHRAG ,RDO RJE RAL GRI RTZE GSUM MDUNG, ,'KHOR LO DGRA STA BE CON MDA', ,GTUN SHING ZHING KHOG G-YANG GZHI SBRUL; ;NA LE GZHOD PA RIN CHEN KHYUNG, ,ZHAL GDANG SO SO'I PHYOGS MDANGS BZHIN, ,KUN KYANG KHRO BCAS KHYAMS PAR GNAS, ,ZHING LPAGS G-YANG GZHI THOD PHRENG SBRUL, , KHRAG ZHAG THAL BA'I TSOM BUS BRGYAN, ,MKHA' 'GRO RIGS BDUN MA SRING SPRUL PA'I TSOGS, ,MCHE GSHOG 'BAR BA PHYOGS BCUR 'KHRUGS, ,AOm SER BA RA NA H'Um PHAt, AOm NI RAm TE SHA PA MU KHA H'Um PHAt, AOm KAm NA MA DU NA H'Um PHAt, AOm MU KA RA NA NAm H'Um PHAt, AOm S'U RYA SA MO KA H'Um PHAt, AOm BADZRA SNIG SHA BRU H'Um PHAt, AOm NI SHA KU RYA RA NA H'Um PHAt; AOm RI LAm SU BAKSHA H'Um PHAt, MKHA' 'GRO BCU DRUG 'DI DAG KYANG, ,'OD 'BAR GLOG GI PHRENG BA CAN, ,'OD KYIS RU LU'I SGRA 'BYIN CING, ,SPYAN MUR KHRO GNYER MCHE BA
, ,CAN; ;ZHAL GNYIS PHYAG BZHI ROL PA'I STABS, ,DBYINGS DANG SHES RAB RAB RTOGS LA, ,SO SO'I 'PHRIN LAS MDZAD PA'I PHYAG ,ZHAL DANG SKU NI SO SO'I MDOG ,AOm RU KHU SAm TA GUNdE TA SA MO RA GA H'Um PHAt, SNYING PO'I SNGAGS SO, ,AOm BADZRA d'A KI DZA LA SHAm BA RA KU M'A RA H'Um PHAt, NYE BA'O, ,AOm d'A KI H'Um SAm BA RA DZ'A LI MU KHA MA ME H'Um PHAt, RTZA BA'I SNGAGS SO, ,MKHA' 'GRO MA YI DKYIL 'KHOR SPRO BA'I MTHUS, ,DE DAG DRAN PA MED PAR BRGYAL, ,SLAR NYID RANG GI 'KHOR DU BSDUS, ,DAM TSIG DKYIL 'KHOR CHEN POR BKOD, ,DE NAS MKHA' 'GRO'I TSOGS DANG BCAS, ,GDUL BYA RNAMS KYI GNAS DOR NAS, ,RGYAL BA'I BSTAN PA GZUNG BYED CING, ,RDO RJE THEG PA SBYOR BAR MDZAD, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD LAS, MKHA' 'GRO MA SPRUL PA'I LE'U STE BCU BZHI PA'O;; ;;DE NAS BCOM LDAN DGYES PA'I GTZO, ,GAR GYI DBANG PHYUG DE BZHIN GSHEGS, ,GZI LDAN YUM DANG ZHAL SBYOR ZHING, ,PHYOGS BCU'I DKYIL 'KHOR SPRUL PA'O, ,TING NGE 'DZIN LA SNYOMS ZHUGS NAS, ,PHYOGS KYI BGEGS 'DUL BYED PA'O, ,KHAMS GSUM GNON PA'I DKYIL 'KHOR SPRUL, ,SANGS
RGYAS KUN GYI RANG BZHIN GNAS, ,RIN CHEN 'BAR BA'I KHANG BZANG NI, ,RIN CHEN PADMA SENG+GE'I GDAN, ,DRI MED NYI ZLA SPRAS PA LA, ,DBUS KYI LHA MCHOG CHEN PO NI, ,ZHABS BRGYAD PHYAG NI BCU DRUG DANG, ,DMAR SER NYI MA'I DKYIL 'KHOR BZHIN, ,BGEGS LA SOGS PA'I TSUL DANG LDAN, ,PADMA RDO RJE 'KHOR LO GRI ,THOD PA RIN CHEN DGRA STA RAS, ,YUM CHEN DBANG PHYUG SGEG MO DANG, ,RGYAN TSOGS RIN CHEN PHRENG BA CAN, ,DRI MED PADMAS BKLUBS PA'O, ,AOm BA GA BA TE RU KAm SVAm BO GA TA YA H'Um PHAt, MDUN DU RDO RJE SEMS DPA' NI,, DKAR SER RDO RJE DRIL BU 'DZIN, ,G-YAS SU RIN CHEN SEMS DPA' STE, ,SER PO RIN CHEN 'KHOR LO THOGS, ,RGYAB TU PADMO'I SEMS DPA' NYID, ,DMAR SER RTZE GSUM BUM PA THOGS, ,G-YON DU LAS KYI SEMS DPA' STE, ,LJANG SER DRIL BU TRI SH'U LA, ,AOm BADZRA SVATTA H'Um PHAt, AOm RATNA SVATTA H'Um PHAt, AOm PADMA SVATTA H'Um PHAt, AOm KARMA SVATTA H'Um PHAt; 'KHOR LO PADMA'I RTZE MO LA, ,YUM DANG 'KHRIL PA'I TSUL GYIS 'KHOD, ,PHYI ROL PADMA'I RIGS BDUN LA, ,BDE GSHEGS YAB YUM NYIS STONG TSOGS, ,BDE GSHEGS RDO RJE RIN CHEN DANG, ,PADMA RGYA GRAM SNA TSOGS MKHA', ,SKU MDOG PADMA R'A GA DANG, ,AINDRA LA SOGS RIM BDUN LA, ,RAL PA RTZE MDZOD BUM PA LA, ,LCUG MA DRIL BU GLEGS BAM
, ,DANG; ;CHOS KYI RGYAL MTSAN PHRENG BA 'DZIN, ,KUN KYANG ZHAL GSUM PHYAG DRUG PA, ,RIN CHEN RGYAN PHRENG 'OD MDANGS CAN, ,PHYAG MCHAN GRI GUG THOD PA DANG, ,PADMA'I PHRENG BA RTZE GSUM BSNAMS, ,LHAG PA'I PHYAG BZHI 'DZIN PAR MDZAD, ,DANG PO RANG RTAGS PHYAG RGYA BSNAMS, ,AOm BADZRA DU KI BI SHI KA DU KUm DI KAm MAm HRI SAm GA TA SPRUm SRA MO TA PHAt SV'AH'A, DE BZHIN GSHEGS PA RNAMS KYI'O, ,AOm BADZRA SA MO YO GA TA SA RA LA SU H'Um PHAt, RIN PO CHE RNAMS KYI'O, ,AOm PADMA BUm SI NYI HAm HE HE MAm BAm H'Um PHAt, PADMA'I RIGS RNAMS KYI'O, ,AOm KARMMA BHYO TRUm H'Um RAKshA MURYA SA H'Um PHAt, LAS KYI RIGS KYI'O, ,AOm BADZRA TZAKRA BRUm SI TI YO GI SHVA RI H'Um PHAt, 'KHOR LO'I RIGS KYI'O, ,DE NAS DKYIL 'KHOR SPRUL PA'I TSOGS, ,PHYOGS RNAMS KUN TU SPRO BYAS PA, ,RDO RJE RIGS KYI PHO NYA YIS, ,PHYOGS KYI RGYAL PO'I GDON RNAMS 'GUGS,, SKRAG SHING BYED NAS DGRA 'GUGS SHING, ,SO SO'I RIGS DBYER 'KHRUG PA DAG ,RDO RJE GSANG BA'I SNGAGS KYIS GZER, ,RANG GI DAM TSIG RJES SU DRAN, ,SROG GI SNYING PO DBUL BAR BYA, ,RDO RJE GSANG BA'I DAM TSIG GIS, ,DBANG BSKUR BYIN BRLABS RDZOGS BYAS NAS, ,DKYIL 'KHOR GSANG BA'I GNAS SU 'KHOD, ,GSANG BA 'DZIN PA'I
GNAS DOR NAS, ,RANG GI LUS SU GNAS BYAS TE, ,GZHAL YAS KHANG GI RGYAN DU GZHUG ,DE DAG GI SNYING PO NI, AOm SA MU DA RA DZIN NA GA SU TRA BHA BA SI TRI SNI SHA H'Um BRUm PHAt ZHES PA'O, ,SLAR GSO BA'I SNGAGS NI, AOm SU MU GE dAm SAm NYA GA HE HE RU TU PA LA SA TAm DZA H'Um PHAt, LHA RNAMS KYI SNYING PO BSDUS PA NI, ,AOm SARBA SA KA RA BRUm BAGSHA SAm ME BRAm BU RAKshA H'Um ZHES PA'O, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD LAS, KHAMS GSUM GNON PA'I LE'U STE BCO LNGA PA'O,, ,,DE NAS BCOM LDAN GAR DBANG SKU, ,SANGS RGYAS THAMS CAD 'DUS MDZAD NAS, ,KHRO BO'I DKYIL 'KHOR SPRUL BYAS TE, ,GNOD SBYIN GRUL BUM 'DUL BAR MDZAD, ,GZHAL YAS GRU GSUM MTHING NAG LA, ,DBUS SU 'KHOR LO NYI MA'I GDAN, ,DPAL CHEN PADMA HE RU KA ,DUR KHROD CHEN PO'I RGYAN GYIS BRJID, ,ZHAL GSUM PA LA PHYAG DRUG STE, ,SKU MDOG PADMA R'A GA'I MDANGS, ,RTZE GSUM GTUN SHING RAL GRI DANG, ,PADMA ZHAGS PA THOD LNGA 'DZIN, ,GLANG CHEN KO BA THOD RLON SPRUL, ,YUM DANG ZHAL SBYOR 'KHRIL PA'I TSUL, ,THABS DANG SHES RAB SBYOR BA LAS, ,YI GE LAS SPRUL KHRO BA'I RGYAN, ,SHAR DU RNAM RGYAL MDOG DKAR SNGO, ,ZHAL GSUM PHYAG DRUG RDO RJE
, ,DUNG, ,'KHOR LO RIN CHEN PADMA DANG, ,RAL GRI ME 'OD KYIS MTSAN PA, ,LHO RU GSHIN RJE GSHED PO NI, ,SNGON GZHAL GSUM PHYAG DRUG PA, ,THOD DBYUG RIN CHEN NE'U LE DANG, ,RTZE GSUM ME DPUNG THOD LNGA 'DZIN, ,NUB TU RTA MCHOG KHRO BO'I SKU, ,ZHAL GSUM PHYAG DRUG DMAR SKYA'I MDOG ,'KHOR LO SDIGS MDZUB RTZE GSUM DANG; ,RAL GRI THOD PA d'A MA RU, ,BYANG DU BDUD RTZI 'KHYIL PA STE, ,LJANG SNGO ZHAL GSUM PHYAG DRUG PA, ,RGYA GRAM GRI GUG PADMA DANG, ,BE CON RTZE GSUM SENG+GE 'DZIN, ,SHAR LHOR DBYUG PA SNGON PO NI, ,SDO SKYA ZHAL GSUM PHYAG DRUG PA, ,DBYUG PA TZAKRA PADMA DANG, ,RNGA YAB BANDHA DRIL BU 'DZIN, ,LHO NUB MI G-YO MGON PO NI, ,ZHAL GSUM SER SKYA PHYAG DRUG PA; ;RIN CHEN RAL GRI GTUN SHING 'DZIN, ,PADMA THOD KHRAG MDUNG RTZE GSUM, ,NUB BYANG 'DOD PA'I RGYAL PO NI, ,DMAR SKYA ZHAL GSUM PHYAG DRUG PA, ,RDO RJE DBYUG PA RIN CHEN BUM; ;THOD PA BDUD RTZI SNYING 'DZIN PA'O, ,BYANG SHAR STOBS CHEN DUD KA'I MDOG ,ZHAL GSUM PHYAG DRUG 'JIGS PA'I MDANGS, ,RDO RJE RTZE GSUM BAM CHEN KHOG ,SNA TSOGS RDO RJE BAM CHEN KHRAG ,'JIGS PA'I CHA LUGS KHRO PHRENG DANG, ,GYAD KYI DOR THABS ROL PA'I STABS, ,AOm BADZRA KRO DHA BI DZA YA H'Um PHAt, AOm BADZRA KRO DHA YA M'ANTA KA H'Um PHAt,
AOm BADZRA KRO DHA HA YA GR'I BA H'Um PHAt, AOm BADZRA KRO DHA AA MRi TA KUndA LI H'Um PHAt, AOm BADZRA KRO DHA N'I LA DAndA H'Um PHAt, AOm BADZRA KRO DHA A'A RYE AA TZA LA H'Um PHAt, AOm BADZRA KRO DHA tAKKI R'A DZA H'Um PHAt, AOm BADZRA KRO DHA MAH'A BA LA H'Um PHAt, PHYOGS SKYO NGA RGYAL PO GNOD SBYIN DANG, ,GRUL BUM TSOGS RNAMS DBANG BSDUS TE, ,GSANG SNGAGS DRAG POS BSGRAL BYAS NA, ,SLAR GSOL YE SHES LHUMS SU GYUR, ,DKYIL 'KHOR GSANG BA'I DBANG BSKUR ZHING, ,DAM TSIG LA GZHAN DKYIL 'KHOR TSUL, ,KUN GYI SROG SNYING PHUL BA NI, ,DAM TSIG CHEN POS BYIN BRLABS MDZAD, ,SLAR YANG DAM TSIG 'DZIN PA'I SNGAGS, ,'KHOR RNAMS KUN LA SBYIN PAR MDZAD, ,AOm BADZRA KRA KA RA MURDA SI NA BA MU KA H'Um PHAt, AOm A'A: H'Um BADZRA SU KA TA BHA MO TRAm AA LA LA H'Um PHAt, LHA RNAMS KUN GYI DAM TSIG NI, ,RDO RJE GSANG BA GSUM LAS BYUNG, ,RDO RJE GNOD SBYIN DRAG PO'I SKU, ,KHAMS GSUM DUS KYI DBANG BSKUR NAS; ;'KHOR BA'I CHOS LAS RGYAL BYED CING, ,BYANG CHUB SEMS KYIS DE NYID GSAL, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD LAS, KHRO BO 'PHRIN LAS ROL PA'I LE'U STE BCU DRUG PA'O,, ,,DE NAS BCOM LDAN GAR DBANG SKUS, ,GZI BRJID DGOD PA'I BRGYAN BKOD CING, ,LHA MIN
, ,GRONG KHYER 'DUL BA'I PHYIR, ,YUM GYI DKYIL 'KHOR SPRUL PAR MDZAD, ,CHOS DBYINGS SPRUL PA'I GNAS BZANG MCHOG ,RGYAL BA'I RANG BZHIN RIN CHEN SPROS; ;GRU BZHI KHANG PA SGO DANG BCAS, ,RTA BABS KA BA BRGYAD KYIS MDZES, ,DBUS KYI PADMA'I GDAN BZHUGS PA, ,GNYIS MED ROL PA'I YUM GYI SKU, ,MDOG DMAR RGYAN DU ZANGS CHEN GZUGS, ,ZHAL GCIG PHYAG BZHI MDZES PA'I MDANGS, ,'KHOR LO DUNG KHRAG PADMO DANG, ,RIN CHEN 'BAR BA RTZE DGU 'DZIN, ,RIN CHEN PADMA'I PHRENG BA CAN, ,STONG BZANG NA BZA' DKYIL BZANG BZHUGS, ,AOm PADMA MU SHA RA SA MA KA TA H'Um PHAt, SHAR LA SOGS PA'I PHYOGS RNAMS SU, ,PADMA DBYINGS PHYUG GSAL BA MO, ,RIN CHEN PHRENG BA GLU MA CHE, ,DKAR DMAR SER DANG LJANG KHU'I MDOG ,RDO RJE GSUM PA PADMO DRA BA DANG, ,NA RA SI LA'I SNOD RIN TSOGS, ,RANG GI DKYIL 'KHOR MA SPROS SHING, ,SNA TSOGS PADMA'I GDAN LA BZHUGS, ,AOm TZUNDHE SHVA RI H'Um PHAt, AOm shnI SHA BADZRA SAm BRUm GA H'Um PHAt, AOm BYI TZU SRA TE H'Um PHAt, MTSAMS KYI PADMA'I 'DAB MA LA, ,DE BZHIN BDE BA SKYED BYED YUM CHEN BZHI, ,DRA BA MO DANG GLOG 'GYUR RGYAN, ,GSHOG PA CAN DANG 'DOD PA'O, ,DKAR SER DMAR SKYA SNGO SANGS DANG, ,LJANG KHU MDOG LEGS LA BZHUGS NAS, ,RDO RJE RIN
CHEN PADMO DANG, ,AUTPAL LJANG KHU LEGS MDZAD PA'O, ,AOm NU TE NO TZA KRU H'Um PHAt, AOm SAm BO GA TA SU HE BYA H'Um PHAt, AOm MA MA KRI PHRUm HE HE H'Um PHAt, AOm TA RE GA GA NA AA MA LA H'Um PHAt, PHYOGS RNAMS KUN TU MKHA' KHYAB PA, ,TIL GANG BZHIN DU GNAS GYUR PA, ,MA MO GSHIN RJE'I TSOGS RNAMS KUN, ,'KHRUG RNGAM ROD ROD POR GYUR NAS, ,THUGS RJE CAN LA SKYABS SU MCHI, , SROG GI SNYING PO 'BUL BAR BYED, ,DE NAS DKYIL 'KHOR BSDUS BYAS TE, ,RANG GI GNAS SU DBANG BSKUR ZHING, ,DAM TSIG DGA' BA'I SDOM PA RNYED, ,BDER GSHEGS YE SHES GSAL BAR 'GYUR, ,KUN GYIS MTHUN PAR KHAS BLANGS TE, ,DAM TSIG SRUNG ZHING RNAL 'BYOR SKYONG, ,AOm MA MA RAKTA SA PRA TI AI DAm SA BU TA PHAt, AOm TRAKSHA RA LA SI BAD tA TA PHAt, MA MA MO DANG 'BYUNG PO RNAMS KYI SNYING PO'O, ,AOm YU ME SI DHA RU LU RU LU H'Um PHAt, GNOD SBYIN RNAMS KYI'O, ,AOm A'A: H'Um YO GA BRI GU ME, HA SA HA SA, RU LU RU LU H'Um PHAt, SLAR GSO ZHING BYIN GYIS BRLAB PA'I SNGAGS SO, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD LAS, RIN CHEN DBYINGS KYI DKYIL 'KHOR 'PHRUL PA'I LE'U STE BCU BDUN PA'O,, ,,DE NAS GAR GYI DBANG PHYUG NYID, ,DUS GSUM SANGS RGYAS THAMS CAD KYI, ,SKU GSUNG THUGS KYI 'KHOR LO YIS, ,
, ,SA 'OG SA BLA SA STENG RNAMS, ,'JOMS BYED GZA' DANG RGYU SKAR DANG, ,BDUD DANG DE YI RIGS 'KHOR KUN, ,'DU BAR BYA BA'I TING 'DZIN LA, ,SNYOMS ZHUGS 'KHOR LO SPRUL PA MDZAD, ,THABS DANG SHES RAB BSGRUBS BYAS PA'O, ,'OD ZER GSAL BAS STONG GSUM GANG, ,RIN CHEN 'BAR BA'I GZHAL YAS KHANG, ,SGO BZHI RTA BABS PHRENG BAS BRGYAN, ,'KHOR LO RIM GSUM GDAN DANG BCAS, ,RDO RJE PADMA RIN CHEN GYIS, ,KHOR YUG SENG+GE GLANG CHEN MCHOG ,NYI MAS MDZES PA'I PADMO YI, , DBUS KYI DPA' BO YUM DANG BCAS, ,ZHAL GCIG PHYAG BZHI RDO RJE RIN, ,PADMA RAL GRI 'DZIN PAR MDZAD, ,DMAR SER KUN TU RGYU BA NI, ,LJANG SER PADMA DRIL BUS 'KHYUD; ;MTSAN DANG DPE BYAD RGYAN PHRENG KLUBS, ,SANGS RGYAS 'DUS PA'I DBU RGYAN CAN, ,PHYAG RGYA BZHI YIS MDZES BYAS PA'O, ,RDO RJE 'KHOR LO RTZIBS RNAMS LA, ,RIGS KYIS MAS DPA' NYI SHU BZHI, ,DKAR DANG DMAR DANG SER BA'I MDANGS, ,RDO RJE DRIL BU PADMA BSGOM, ,'KHOR LO RIN CHEN SNYEM BSNAMS, ,DANG PO'I PHYAG GNYIS MTSAN BYAS SHING, ,LHAG MA GRI GUG THOD PA THOGS, ,KHRO ZHING SEMS DPA'I CHA LUGS KYIS, ,RGYAN PHRENG RIGS KYI DBANG PO GSUM, ,RIN CHEN 'BAR BA'I RGYAN GYIS KLUBS, ,AOm BADZRA SVA
HA KRODHA HE HE RU LU H'Um PHAt, RDO RJE RIGS RNAMS KYI'O, ,PADMA TE SHTHA SV'A DA NA MA KU RU KU RU H'Um PHAt, PADMA RIGS KYI SEMS DPA' RNAMS KYI'O, ,AOm AI KU RI TZAG BANDHA SI DHI PHAt PHAt, KRO DH'I SHVA RI H'Um PHAt, DE BZHIN GSHEGS PA RIGS KYI'O, ,SGO BZHI MDZES GZUGS KHRO MO NI, ,MTHUN PA'I BLO GROS DPA' CHEN MO, ,YE SHES MKHA' DBYINGS BZHI RNAMS TE, ,DKAR SER DMAR DANG RIM PA BZHIN, ,RDO RJE LCAGS KYU ZHAGS PA DANG, ,LCAGS SGROG DRIL BU MTSAN MA'I PHYAG ,AOm BADZRA AAm GU SHA DZA, P'A SHA H'Um, SPO tA BAm, GANdA HO: PHAt, DGUG GZHUG BCING BA'I LAS DAG DANG, ,DBAB PA'I CHO GA MNYES PAR BYED, ,DUS GSUM SANGS RGYAS THAMS CAD KUN, ,SKU GSUNG THUGS KYI DKYIL 'KHOR 'DUS, ,RIGS GSUM SEMS DPA' KHRO BOR BSTAN, , 'JIGS BYED CHA LUGS RDAM PA'I STABS, ,RDO RJE GCOD BYED 'JIGS PA CHE, ,RDO RJE 'JOMS PA'I YID 'PHROG BYED, ,RDO RJE RAB BZANG BLO GROS MCHOG ,RDO RJE'I BSTAN PA G-YUL LAS RGYAL, ,PADMA'I SBRIN CHEN 'BRUG SGRU'I DBYANGS, ,PADMA'I BLO GSAL MYA NGAN 'JOMS, ,PADMA'I SDONG PO NGA RO MYOS, ,PADMA'I 'OD ZER BDUD RTZI 'OD, ,'KHOR BA BRTZEGS PA MYUR DU ZLOG, ,'KHOR LO DGA' BA SPRANG RTZI'I MCHOG ,'KHOR LO SPROL DANG RTZE GSUM 'CHING, ,'KHOR LO ROL BA DGA' PHYED STOBS, ,'DI DAG SPRUL PA 'KHOR TSOGS SKUS, ,GNAS GSUM
, ,PO DAG 'DUL BAR MDZAD, ,DE NAS GZA' DANG RGYU SKAR RNAMS, ,GDUG PA'I NGA RO CHU MA SHUMS, ,SGRA CHEN SGROG CING SPRUL NAS KYANG, ,MTHU DANG RDZU 'PHRUL MED PAR 'GYUR, ,DKYIL 'KHOR CHEN PO SKYABS GSOL ZHING, ,BSTAN PA GZUNG BAR DAM BCAS SO, ,DE DAG SO SO'I SROG SNYING DAG ,LUS SEMS DAD PAS PHUL BYAS PAS, ,DKYIL 'KHOR CHEN POR DBANG BSKUR ZHING, ,RAB GNAS GDAN LA GZHAG PAR BYA, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD CHEN PO LAS, ,RANG SANGS RGYAS THAMS CAD KHRO BOR BYUNG BA'I LE'U STE BCO BRGYAD PA'O,, ,,DE NAS BCOM LDAN DBANG GI LHA, , PADMA BDE CHEN YUM BCAS LA, ,'GRO DRUG RGYU 'BRAS BYA BA'I PHYIR, ,BDE CHEN BYANG SEMS DKYIL 'KHOR SPRUL, ,DKYIL 'KHOR CHEN PO'I GNAS 'BAR BA'I, ,RIN CHEN PHRENG SOGS 'JIGS BYED BRGYAD, ,DUR KHROD CHEN PO'I GNAS BZHIN BRGYAN, ,DBUS SU 'KHOR LO GDAN BCAS LA, ,RIGS LNGA'I HE RU KA BZHUGS MDZAD, ,YUM CHEN LNGA DANG 'KHRIL PAR SBYOR, ,KUN KYANG ZHAL GSUM PHYAG DRUG PA, ,DMAR NAG DKAR SER LJANG KHU'I MDANGS, ,RDO RJE KHA tV'Am RAL GRI DANG, ,TRI SHUL ZHING DBYUG THO BA BSNAMS, ,G-YAS
PAR DUNG PHOR G-YON THOD KHRAG ,BAR MA GRI GUG PADMA STE, ,THA MA YUM DANG 'KHRIL PA'I TSUL, ,SPYAN DGU SDANG MIG DMAR PO BZLOG ,KHRO GNYER RAL PA GYEN DU BRDZES, ,THOD SBRUL KHRAG DANG THAL BAS BRGYAN, ,G-YANG GZHI RI SHA'I RGYAN GYIS MDZES, ,AOm BADZRA SHR'I HE RU KA BADZRA KRO DH'I SHVA RI H'Um PHAt, AOm BUDDHA SHR'I HE RU KA BU DDHA KRO DH'I SHVA RI H'Um PHAt, AOm RATNA SHR'I HA RU KA H'Um PHAt, RATNA KRODH'I SHVA RI H'Um PHAt, PADMA SHR'I HE RU KA H'Um PHAt, AOm PADMA KRO DH'I SHVA RI H'Um PHAt, AOm KARMA SHR'I HE RU KA H'Um PHAt, KARMA KRODH'I SHVA RI H'Um PHAt, BDE CHEN BYANG CHUB SEMS KYI RGYAN, ,ROL PA KUN TU KHYAB MDZAD DE, ,KHAMS GSUM MA 'DRES RNAM PAR DBYINGS, ,BDE BA CHEN PO GNYIS MED 'GYUR, ,DBANG BSKUR BYIN BRLABS RIGS KYIS BSKUR, , BSKYED DE DBU LA RANG GI BDAG POS BRGYAN, ,SMON 'JUG G-YO LDANG BSKYOD PA YI, ,LHA MO BZHI DANG MNYAM PAR SBYOR, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD LAS, BDE BA CHEN PO'I LE'U STE BCU DGU PA'O,, ,,DE NAS BCOM LDAN 'DAS DGONGS PA NYID LA BZHAG STE BZHUGS SO, ,DE'I TSE DE'I DUS NA BDUD KYI RGYAL PO MA TRA RU TRAS RANG GI RDZU 'PHRUL CHEN PO BSTAN ZHING, 'KHOR DANG BCAS PAS PHYOGS BCUR RGYU GCING RIG PA 'DZIN PA DANG, RNAL 'BYOR MTHA' DAG GI BAR
, ,GCOD BYED CING BDE 'GRO'I BDE BA THAMS CAD RGYUN GCOD PA DANG, RANG NYID KYI NYON MONGS PA BSKYED DO, ,DE NAS BCOM LDAN 'DAS KYIS THUGS RNAM PAR 'PHRUL BA ZHES BYA BA'I TING NGE 'DZIN LA SNYOMS PAR ZHUGS NAS RIGS KYI 'OD ZER MTHA' YAS PA ZHES BYA BAS STONG GSUM GYI 'JIG RTEN THAMS CAD SKAD GCIG GIS GSAL BAR MDZAD DO, ,RGYAL BA'I DBANG PO STONG GSUM 'DIR, ,KHANG BZANG MDZES PAR BYIN BRLABS TE, ,RIN CHEN KA BA GDAN PHRENG DANG, ,GZUGS MDZES LA SOGS KUN GYIS SPRAS, ,NYI MA ZLA BA RIN CHEN KHRI, ,PADMA SENG+GE LA SOGS MNAN, ,SGO BZANG KHYAMS SU BCAS PA YI, ,RNAM DAG GZHAL YAS KHANG BZANG SPRUL, ,DE NAS BCOM LDAN BDE CHEN POS, ,DPAL LDAN GAR GYI DBANG PHYUG SKUS, ,SANGS RGYAS DKYIL 'KHOR RIGS TSOGS RNAMS, ,DGA' BA'I SPRIN GYIS BSKUL BAR MDZAD, ,BDE BA CHEN PO GNYIS MED MTHUS, ,RIGS KYI DKYIL 'KHOR GCIG TU GYUR, ,YONGS RDZOGS GSAL BA RGYA CHEN POS, ,DKYIL 'KHOR RGYA CHEN SPRUL PAR MDZAD, ,DBUS SU PADMA'I RIGS RGYAL PO, ,GTZO BO PADMA RDO RJE'I MDANGS, ,ZHAL GSUM PHYAG DRUG 'JIGS BYED SKU, ,RDO RJE DGA' BA'I SPYAN 'DRIL ZHING, ,SHAR LA SOGS PA'I PHYOGS KUN DU,,
[?] GSHEGS RDO RJE SEMS DPA'I MCHOG ,RNAM SNANG RIN CHEN DON GRUB RNAMS, ,RIN CHEN PHYOGS KYI TSON MDANGS GSAL, ,RDO RJE 'KHOR LO RIN CHEN DANG, ,RAL GRI PADMA SNA TSOGS DANG, ,GTZO BO PADMA'I DRUG MTSAN CAN, ,STONG PA'I SGRA SNYAN DRIL BU G-YON, ,SANGS RGYAS SPYAN MDZES M'A MA K'I, ,DKAR MO DAM TSIG SGROL MA DAG ,MDOG BZANG PHYAG MTSAN GTZO BO BZHI, ,SANGS RGYAS TING 'DZIN RDZU 'PHRUL STOBS, ,THABS DANG SHES RAB NYIS STONG TSOGS, ,'KHOR LO 'BAR BA'I RTZE MO LA, ,RANG GI MTSAN MA SO SO'I TSUL, , DMAR MDANGS DKAR DANG GSER GYI MDOG ,N'I LA KA TA'I MDOG 'TSER ZHING, ,PADMA RDO RJE 'KHOR LO RIN, ,PADMA TRI SH'UL BCAS PA 'DZIN, ,G-YAS NA 'KHOR LO GO RIMS BZHIN,, RDO RJE SKYIL KRUNG LEGS BRGYAN BRJID, ,GZHAN YANG KHRO BO'I TSOGS 'BAR BA, ,PHYI ROL 'KHOR LO'I BAR KHYAMS DANG, ,SGO LA SOGS PA'I 'JIGS GZUGS KYIS, ,RNGAM PA'I MDANGS BCAS 'KHOD PA NI, ,KHRI TSOGS YANG SPRUL MTSON CHA DANG, ,RIGS KYI SPRUL PA'I DON BYED PA'I, ,KHAMS GSUM 'JIGS BYED KHRO BO DANG, ,MKHA' 'GRO'I DAG PA'I TSOGS BCAS RNAMS, ,DUR KHROD RGYAN GYIS RAB MDZES SHING, ,RIGS KYI KHA DOG MTSON CHA DANG, ,'OD ZER 'PHRO BA 'KHRIGS PA'I TSUL, ,GSANG SNGAGS DRAG PO BRJOD MDZAD PA'O, ,DE
, ,LTAR DKYIL 'KHOR ZHI KHRO'I TSOGS, ,SKAD GCIG GSAL BAR RDZOGS BYAS NAS, ,PHYI YI GNAS SU SPRO ZHING BYA, ,GSANG SNGAGS RGYUN GYI SKAL BAR BYED; ;H'Um AA LA LA HO, ,MAH'A PADMA HRi DA YA, AA A'A AOm A'A:H'Um, MAH'A PADMA KU RU, HA LA HA LA BHI SHAN H'Um H'Um PHAt, STONG KHAMS SANGS RGYAS BZHUGS PA'I GNAS, ,RAB 'KHRUG BRED RGYAS RMONGS PA DAG ,'BAR BA'I DKYIL 'KHOR 'OD KYIS BDER BYAS SHING, ,RANG GI SANGS RGYAS ZHING LA BKOD, ,DKYIL 'KHOR GNAS SU BSDUS BYAS NAS, ,RANG GI 'KHOR LO MDZES BYAS TE, ,DBANG BSKUR BYIN RLABS RDZOGS GYUR NAS, ,DBU LA RIGS KYI BDAG POS BRGYAN, ,AOm PADMA KUndA LI HRi DA YA NA BI MU KU RU HA NA DA HA H'Um PHAt, ,GSANG SNGAGS KUN GYIS BRJOD BYAS NA, ,'JIG RTEN GSUM PO SDUD PA YI, ,PHO NYA RDO RJE K'I LA YA, ,DREGS BYED GTZO BO DAG RENGS BYA, ,DE NAS BCOM LDAN BDE CHEN SKUS, ,SANGS RGYAS THAMS CAD BSKUL BA'I PHYIR, ,RDO RJE SE GOL LAN GSUM BRDAB, ,DAM TSIG CHEN PO'I SNGAGS CHEN BRJOD, ,DE BZHIN GSHEGS PA'I RIGS TSOGS RNAMS, ,TING 'DZIN BSDU BA'I RDO RJE LAS; ;GCIG TU GNAS NAS 'GRO BA GZIGS, ,DREGS BYED GTZO BO MA RUNGS RNAMS, ,RGYU DANG 'BRAS BU LOG 'KHRUL ZHING, ,SANGS RGYAS BSTAN PA LOG MI 'GYUR, ,LOG
BA'I LAM LA MNGON ZHEN CING, ,MNGON PA'I NGA RGYAL MTHUS SNYEMS NAS, ,'JIG RTEN GSUM DAG PUNG BYED NA, ,ZHI BAS 'DUL BAR MI 'GYUR NA, ,KHRO BO'I ROL PA MDZAD MOD KYI, ,'DUL BAR GZIGS NAS BKA' GROS MDZAD, ,KYE MA 'DUL PA'I TSOGS CHEN DAG ,'DAS PA'I DUS NA SNGON BYUNG LTAR, ,DA LTA'I DUS 'DIR BYUNG BA STE, ,DE BZHIN GSHEGS PA'I GSUNG RAB LAS; ;LOG PA'I LAM DU 'KHRUL PA STE, ,KHRO BO'I TSUL DU BYUNG GYUR PA, ,DE TSE SEMS CAN THAMS CAD KUN, ,SHIN TU KHRO ZHING GTUM PAR 'GYUR, ,DE LTAR GYUR PA'I MTSAN NYID KYIS, ,MNAR MED LA SOGS GNAS NGAN LEN, ,MI BZAD SDUG BSNGAL MTHA' LA BRTEN, ,JI LTA BU YI THABS KYIS 'DUL, ,SHIN TU GTI MUG MDONGS PA'I TSOGS, , DE BZHIN BAG CHAGS NGAN PA YIS, ,RIG 'DZIN BDUN RGYUD GCOD BYED CING, ,BSTAN PA'I GSUNG RAB 'JIG PAR 'GYUR, ,LAS KYI MUN PAS 'GRO BAR 'KHYAMS, ,DUS NGAN RIGS NGAN PHRA MEN MA, ,GNOD BYED GDON DANG LOG 'DREN DANG, ,SRID GSUM 'JIG CING DAM TSIG 'DRAL, ,'DI LTA BU YI THABS KYIS NI, ,SANGS RGYAS THUSG RJE RNAM 'PHRUL BSTAN, ,NGA RGYAL CHEN PO MDONGS PA YI, ,LTA BA RI BO MTHU BRNYES TSOGS, ,DA LTA'I TSE NI 'DI BYUNG GYUR, ,RGYAL BA 'DAS DUS SBYOR BYED CING, ,JI BZHIN
, ,LAS LA 'KHRUL BAR BYED, ,SANGS RGYAS KUN GYI BDAG NYID MDZOD, ,MNGON SPYOD ROL BA'I THABS CHEN GYIS, ,'DI DAG BSTAN PA'I DUS LA BAB; ;SRID GSUM GDUG CING GTUM PA LA, ,ZHI BAS PHAN PAR MI 'GYUR TE, ,SHES RAB THABS KYI NGO BO LAS, ,KHRO BO DE BZHIN GSHEGS KUN MDZAD, ,KHRO BO'I TSUL CAN KHROS PA YI, ,'JIG RTEN GSUM DAG SREG BYED NA, ,SANGS RGYAS THUGS RJE KHROS PA YIS, ,KHAMS GSUM MA LUS SMOS CI DGOS, ,RANG BZHIN DAG PA'I NGO BO LAS; ;PHRAG DOG 'KHRUL PA'I RLUNG DAG GIS, ,'JIG RTEN PHYIN CI LOG TU 'KHYAMS, ,JI BZHIN GNAS PA LAM BRAL BAS, ,KHAMS GSUM BRLAG PA'I LAM LA ZHUGS, ,'JIG RTEN 'DI DAG SNYING RJE ZHING, ,MNGON SHES GDUL DKA'I RMONGS TSOGS RNAMS, ,KHRO BO'I TSOGS KYIS SBYOR BAR MDZAD, ,CES BSGRAGS SO,, DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL BA'I RGYUD LAS, RNAM PAR 'PHRUL BA'I DKYIL 'KHOR BSGRAL BYA'I LE'U STE NYI SHU PA'O,, ,,DE NAS BCOM LDAN DGYES CHEN POS, ,PADMA GAR GYI DBANG PHYUG SKUS, ,MA TANG RU TRA LA SOGS PA'I, ,BDUD KYI TSOGS
BCAS 'DUL BA'I PHYIR, ,YUM CHEN SKU GCIG ROL MDZAD DE, ,BYANG CHUB SEMS SPRIN PHYOGS BCUR SPRO, ,DKYIL 'KHOR RNAM GSUM DKYIL 'KHOR GSAL, ,DKYIL 'KHOR 'DUS TSOGS DKYIL 'KHOR CHE, ,DKYIL 'KHOR CHEN PO'I BDAG NYID CHE, ,DGYES BCAS GAR BCAS GDAN LA BZHUGS, ,ZHAL GSUM GANGS RI MDANGS LDAN PA, ,PADMA GTUN SHING RTZE GSUM THOGS, ,RIN CHEN RGYUN SOGS DBU RGYAN BCAS, ,DKYIL 'KHOR SPRUL PA'I TING 'DZIN GYIS, ,SNOD GCIG DUS GCIG SPRUL PA MDZAD, ,MTHA' DANG DBUS MED 'JIG RTEN GNAS RNAMS KUN, ,DRAG PO MTHING NAG 'BAR BA'I GZHAL YAS KHANG, ,'KHOR LO RTZIBS DRUG PAR KHYAMS NYIS RIM LDAN, ,KUN TU ZLA GAM SGO KHYUD GRU BZHIR BCAS,, RIN CHEN 'BAR BA'I THOD DBYUG RGYUN DANG BCAS, ,TSAD MED YE SHES 'KHOR LO LA BRTEN CING, ,'JIGS BYED KHRO BO'I RGYAN TSOGS MANG PO KLUBS, ,NAM MKHA'I MTHA' MNYAM LHUN GYIS GRUB PA'I GNAS, ,SMON LAM DBANG DANG THUGS RJE'I BYIN RLABS KYIS, ,'JIG RTEN DRUG DANG DUS BZHI PHYOGS BCU NA, ,GZUGS KHAMS MA LUS DBANG DU BSDU BA NA; ;DRAG PO LHA BRGYAD NGA RGYAL GZHOM PA'I PHYIR, ,LHA CHEN PHYOGS SKYONG TSOGS KYIS RTZIG PA BYAS, ,SKU BZHI DPAL BRGYAD TSANG BAR BYA BA'I PHYIR, ,RGYAL CHEN RIGS BZHI BZUNG
, ,NAS KA BA BYAS, ,THEG PA GZHAN LAS 'PHAGS PA'I DON, ,GLANG CHEN KA LA LING GIS KA GTAN BYAS, ,GLING BZHI'I MI RNAMS DGOS 'DOD SKONG BA'I PHYIR; ;GZA' SKAR MIG TSAGS BYAS PAS 'GYUR LDOG MED, ,'JIG RTEN ZIL GYIS GNON PA'I PHYIR, ,SENG+GE KA LA SHA YIS KA GZHU BYAS, ,'KHOR BA'I GCOD RNYING GTAN NAS SPYAD PA'I PHYIR, ,SENG+GE'I KHA NAS BDUD RTZI'I 'O MA 'DZAG ,THOD RUS BAR KHYAMS RDO RJE'I GZAR GYIS BRGYAN, ,ZHING CHEN RNGA YAB BLA RE 'PHAN GDUGS DANG, ,THUGS RJE BYANG SEMS KUN TU KHYAB PA'I PHYIR, ,NYI ZLA 'BAR BA'I RGYAN CHAS GSAL BAR LDAN, ,SPRUL PA'I ME RLUNG 'BRUG GIS DUS BZHIR PHYE, ,KHRO BO'I 'BYUNG GNAS THUGS RJE'I SGRA DANG BCAS,, RIN CHEN KHRI DANG PADMA NYI ZLA GDAN, ,GSER GYI SENG+GE SPYAN GSUM PA, ,DRUG BZHI RTZAL 'PHAGS NYI SHU BRGYAD, ,KHRI RKANG BRGYAD KYIS BAR KHYAMS DAG LA GNAS, ,THUGS RJE NYI MA NYI SHU BRGYAD, ,'JIGS PA SPANGS PA'I SENG+GE NYI SHU BRGYAD, ,SPRUL SKU THOB PAS DBANG PO NYI SHU BRGYAD, ,KUN TU 'OD KYI SA LA RAB GNAS PA, ,RIN CHEN KHRI RKANG 'DEGS PA'I STOBS DANG LDAN, ,MGON GNAS DBEN BAR GZHAN DAG GIS, ,MTHONG RKANG SBAS PA'I CHOS NYID LUNG, ,'PHRIN LAS RNAM PAR RDZOGS PA'I GNAS, ,RIGS BZHI KHRAG
'THUNG HE RU KA ,BZHUGS GNAS MI 'GYUR CHOS KYI SKU, ,DE NYID KUN TU 'OD KYI LUNG, ,PADMA LE BRGAN PHYOGS BCU'I 'OD, ,SANGS RGYAS THAMS CAD SKYED PA'I TSUL, ,CHAGS PAR GYUR PAR PADMA STE, ,CHE BA'AM YON TAN LUNG DU STON, ,MKHA' DBYINGS RNAM DAG DRI MED PAS, ,MA CHAGS PADMA CAN GYI LUNG, ,STONG ZHING GSAL BAS GZHAN GANG 'PHAGS, ,NYI ZLA'I DKYIL 'KHOR BRTZEGS PA YIN, ,SENG+GE 'KHOR LO TSOGS CHEN POS, ,THABS DANG SHES RAB YA BRAL BAS, ,SPROS MED RANG GIS BZLUMS PA NI, ,MA SKYES PA YI CHOS NYID LUNG,, 'OD ZER GSAL BAS 'TSER BAS NA, ,YANG GAB SBAS PA YE SHES LUNG, ,'PHRO 'DU KHYAB BAR GYUR BA'I TSOGS, ,SHES RAB RIGS KYI GSANG BA'I YUM, ,THABS DANG SHES RAB DGYES PA'I TING 'DZIN GYIS, ,TSOGS CHEN YONGS RDZOGS DKYIL 'KHOR CHEN PO NI, ,BDAG PO KHRO BO CHEN PO'I SKU NYID DU, ,GSANG SNGAGS 'DI YIS YONGS RDZOGS BYA, ,AOm PADMA SHR'I HE RU KA PADMA KRO TI SHVA RI H'Um, MAH'A TZAndA SARBBA DUshtA NA PHAt, DKYIL 'KHOR BDAG PO RNGAM BRJID CHA LUGS DANG, ,'BAR BA'I ME 'OD DMAR GSAL 'PHRO BA'I MDANGS, ,DBU LNGA PHYOGS BZHIR LAS BZHI'I TSUL DU BZHUGS, ,DBU MA MNYAM NYID BDE BA DBYINGS SU GZIGS, ,RAL BA'I SRID RTZE ME 'OD BZHIN DU 'BAR, ,SMIN MA KHRO GNYER SMA RA
, ,SOGS MYUR BA, ,LUS THUNG SKU RGYAN GYAD KYI CHA BYAD LA, ,BCO LNGA'I SPYAN GYIS RANG GI YUL RNAMS GZIGS, ,RDO RJE RIN CHEN KHYUNG GI GSHOG PAS GTAMS, ,BCU DRUG ROL BA'I SPYAN DANG PHYAG MTSAN DANG, ,SGEG PO'I ZHABS BRGYAD CHAS DANG 'CHAS PAR GNAS, ,'JIG RTEN GSUM PO ZIL GYIS GNON PA'I PHYIR, ,KHRO BO'I TSOGS BCAS 'GYING BAG YUM BCAS GNON, ,'OD ZER SNA TSOGS 'PHRO BA'I RTZE MO LA, ,BDE GSHEGS RIGS LNGA'I SNANG BA SNA TSOGS STON, ,RANG GI ZHING SBYONG DRAG PO'I GNAS 'DUL ZHING, ,THAMS CAD RIGS KYI DKYIL 'KHOR CHE LA DGOD, ,PHYOGS BCU'I RGYAL BA'I DKYIL 'KHOR MA LUS KYIS, ,YAB YUM GNYIS KYI DGA' BA SKYED PAR MDZAD, ,GNAS SU NYI ZLA PAD DKYIL ZLA BA LA, ,SKU GSUNG THUGS KYI SA BON YONGS RDZOGS GSAL, ,AOm SARBA TA TH'A GA TA K'A YA BADZRA SVA BH'A BA A'ATMA KONYA H'Um, AOm SARBBA TA TH'A GA T'A W'A KA BADZRA SV'A BH'A BA A'ATMA KONYHAm, AOm SARBA TA TH'A GA TA TZITTA BADZRA SVA BH'A BA A'ATMA KONYA HAm, 'KHOR LO 'BAR BA'I RTZE MO DRUG RNAMS LA, ,MKHA' 'GRO'I RGYAL MO KHAMS RGYA CHEN MO DRUG ,ZHAL GCIG PHYAG GNYIS 'JIGS SU CHA LUGS CAN, ,RIGS DRUG MTSAN MA CHA LUGS CI LTA BU, ,BUDDHA BADZRA AOm, SATVA BADZRA H'Um, RATNA BADZRA TR'Am, PADMA BADZRA HR'I, KARMA BADZRA HA, GHU NA BADZRA PHAt, PHYI ROL DKYIL
'KHOR KHYAB BAR SPROS BYAS TE, ,'GRO RNAMS DUD SOGS KHAMS RNAMS DAG BYAS NAS, ,RDO RJE 'KHOR LO RIN CHEN PADMO DANG, ,RAL GRI KHA tV'Am RTZE GSUM DRIL BU BCAS, ,G-YON PA BDUD RTZI THOD BA GANG BA THOGS, ,MKHA' 'GRO RAB GTUM RIGS KYI DBU RGYAN CAN, ,RANG GI PHRENG BA DUR KHROD RGYAN GYIS KLUBS, ,LAS KYI KHAMS RGYA SNA TSOGS GZUGS KYIS BZHUGS, DPAL CHEN THUGS KYI DKYIL 'KHOR NAS, ,LONG BA RGYAB 'BREL RGYAN RNAMS RDZOGS, ,SKU MDOG MTSAN MA SNA TSOGS LA, ,PHYAG SPREL ZANGS KYI THOD PA THOGS, ,AOm SHR'I KHA'I AOm SHV'A RI KHA'I TRAm, SHR'I KHA'I AA, DMUS LONG 'KHOR BA BCU DRUG DAG BYUNG STE, ,THOD RUS BAR KHYAMS GNAS SU DGOD PAR BYA, ,AOm SHRI KHA'I H'Um, SHR'I KHA'I H'Um, LCAGS KYI SBYANG MO BRGYAD RNAMS YANG SPRUL BCAS, ,YE SHES SPRUL PA'I KHYI BCU RNGAM PAR 'KHOD, ,ME RI SPRIN LTAR GTIBS PA RIL ZHING 'KHRUGS, ,BAR KHYAMS PHYI MA'I GNAS LA KUN TU 'KHOD,, AOm TIB TA TZAKRA SHO NA MU MO RA KHAm H'Um PHAt, KU KU RA YAKshA H'Um PHAt, DPAL CHEN THUGS KYI DKYIL 'KHOR NAS, ,DZA H'Um BAm HO PHYAG RGYA LAS, ,MGO DGU BRTZEGS PA'I RKANG GCIG BO; ;MGO BRGYAD LAG BRGYAD ROL PA DANG, ,MGO DRUG LAG DRUG RKANG DRUG DANG, ,MGO GSUM RKANG GSUM LAG GSUM MO, ,DKYIL 'KHOR CHEN PO SGO BZHI RU, ,TSAD MED
, ,SPRUL PA'I PHYAG RGYAS ROL, ,DE DAG ROL BA'I BYIN RLABS LAS, ,STENG 'OG PHYOGS MTSAMS MA LUS PA'I, ,THABS DANG SHES RAB BYANG CHUB SEMS,, ME 'BRUG RLUNG 'BRUG PHYAG RGYAS GSAL, ,RAB TU RDZOGS PA'I TSUL DU BYUNG, ,AOm DZI NA LA TO TZA RAm YAKshA KU RU BAN TZATSA H'Um PHAt, GZHAN YANG SPRUL PA'I DKYIL 'KHOR TSOGS,, BSE YI BYAN LAG DMAR PO DANG, ,DUNG BYA KHRUNG KHRUNG LA SOGS RNAMS, ,'JIG RTEN TZAM PA'I TSOGS KYIS BSKOR, ,AOm HA HA RU RU MA H'A TZENDE SHA RI BI SHA NA YA H'Um H'Um PHAt, KUN GYI RTZA BA'I SNGAGS SO, ,AOm PADMA BI TA SI TO HA HE TZA KRA BHYO PHAt, SNYING PO'I SNGAGS SO, ,AOm HU LU HU LU H'Um PHAt, AE AA MA RA LI H'Um DZA, NYE BA'I SNYING PO'O, ,AOm BHYO AE AA RA LI DZA ZHES BRJOD PAS KHRO BO 'KHOR LO MA LUS PAR BYON ZHING, RANG GI DKYIL 'KHOR GNYIS SU MED PAR GYUR NAS HE RU KA CHEN PO NYID KYI DKYIL 'KHOR CHEN PO'I RGYU'I DKYIL 'KHOR DU GNAS SHING, RANG GI DKYIL 'KHOR RNAMS DAM TSIG BKOD PAR MDZAD DO, ,DE NAS SPRUL PA'I 'KHOR LO TSOGS, ,MA LUS RAL BAR BYIN BRLABS SHING, ,BDUD DANG GRAGS BYED RMONGS BYED CING, ,RANG GI GNAS SU 'DU BAR MDZAD, ,AOm HU LU HU LU RAm DZA LA AE AA RA LI DZA:H'Um BAm HO:, AA LA LA HO, ,AOm
MA TRA RU TRA HA LA HA LA H'Um PHAt, DUG GSUM DNGOS PO SPYANG BA'I PHYIR, ,RNGAM PA'I KHRO TSOGS PHYOGS BCUR SPRO, ,KHRO 'DZUM PHYAG RGYA BSTAN MDZAD CING, ,HE HE RU RU'I GSANG SNGAGS BRJOD, ,HA LA RDO RJE'I RGOD RGYANGS KYIS, ,BDUD DANG SRIN MO LA SOGS BRGYAL BAR MDZOD, ,AOm SARBA PA PA KA RA HE TA BA BYE SHA MA TA RU TRA H'Um PHAt, AOm SARBA PA PA HE TA BYI SHA KHA TANG RU TRA H'Um PHAt, AOm SARBA PA PA KA RA HE TA BA BYI SHA KHA TANG RU TRA H'Um PHAt, DPAL CHEN THUGS KYI DKYIL 'KHOR PHO NYA'I TSOGS, ,DPAL CHEN RDO RJE THO THOG SER CHEN 'BEBS, ,H'Um DANG PHAt KYIS SRID GSUM 'KHOR BA 'JIG ,H'Um DANG PHAt KYIS BYIN BRLABS BSAM MI KHYAB, ,RDO RJE KHRAG 'THUNG KHRAG GI RGYA MTSO SKEM, ,RDO RJE MTSON CHA GNAM LCAGS THU SUM 'DRIL, ,GSANG SNGAGS LOG PAR LTA BA'I BDUD RNAMS 'JOMS, ,RDO RJE SER CHEN THOG BCAS 'BAR ZHING 'KHRUGS, ,NYAMS PA'I SNYING DANG DBANG PO THAL BAR RLOGS, ,YE SHES THUGS RJE AA LA LA, ,AOm MAH'A SHR'I HE RU KA BHANDHA BHANDHA, GARDZA GARDZA, HA LA HA LA H'Um PHAt, DE NAS BDUD DANG RU TRA BCAS, ,RDO RJE MTSON CHAS BSGRAL BSGRAL NAS, ,'KHOR GYI LONGS SPYOD ROL MDZAD CING, ,SHA KHRAG NANG ROL BDUD RTZI DANG, ,RUS RKANG DBANG PO BCAS PA LA, ,TSOGS KYI LONGS SPYOD STON MOR MDZAD,,
, ,KUN GYI DGYES PA RDO RJE'I GLUS, ,MTHUN PAR SGRA DBYANGS GCIG GIS BSTOD, ,THUGS RJE RNAM DAG PADMA'I RANG BZHIN LAS, ,THUGS KAR LAm LAS SPRUL PA'I BYANG CHUB SEMS, ,PHYOGS BZHI DBUS LNGAR BRJID PA'I SKU MCHOG NI, ,GRUB PA'I SANGS RGYAS MKHYEN PA'I YE SHES LNGA, ,DPAL LUS KHYAB BAR 'PHAGS PA ZHAL GYI DBYINGS, ,DBANG MCHOG LHUN GYIS GRUB PA'I RTA SKAD CAN, ,THAR LAM THUGS RJE THABS MKHAS SPRUL PA YI, ,YE SHES BYIN BRLABS KHRO RGYAL 'BUM DU SPRUL, ,SMIN MDZAD SMON LAM YUN RING GRUB PA YI, ,DMIGS PA'I MTHA' BRAL PADMA YUM GYI TSUL, ,CHOS RNAMS MA LUS GSAL BAR GZIGS PA'O, ,CHAGS MED THUGS RJE PADMA'I TSUL, ,SGRA SKAD THAMS CAD MTHA' LAS GROL, ,ZAB DANG RGYANG RING CHOS KYI DON RNAMS MTSAN NYID LAS, ,SHANGS KYI RLUNG SGROM DUG GSUM RTZAD NAS GCOD, ,ZHAL GYI HO MA LA 'BREL BAS RGYUD LNGA GCOD, ,RNO DBANG MCHE BA SKYE SHI RTZAD NAS GCOD, ,LE BRGAN LJAGS KYI GSUNG SGRA RGYA MTSOR 'CHAD, ,ROL BA'I PHYAG GIS 'GRO BA 'DUL LA MKHAS,, GSHOG BZHI BSKYOD PAS 'PHRIN LAS RNAM BZHI MDZAD, ,ZHABS ROL BAS NI ZIL GNON MDZAD PA'I TSUL, ,SKU CHE YAN LAG RAGS PA RI BO BZHIN, ,THUGS MCHOG
YE SHES STONG NYID NYI MA BRDAL, ,YE SHES LHA MTSOG BYIN RLABS 'BYUNG BA'I GNAS, ,NGO MTSAR ROL BAS KHRO BO KUN GYI RJE, ,DPA' BO SKU MCHOG MNGA' LA PHYAG 'TSAL LO,, DE NAS BDE CHEN DBANG GI SKUS, ,'KHOR LO DAM TSIG SGROGS MDZAD CING, ,RDO RJE GSANG BA'I SKU GSUNG THUGS, ,GSANG BA'I BYIN RLABS BSKYED PAR MDZAD, ,AOm A'A H'Um SARBA PANYTZA AA MRi TA SA MA YO GI SIDDHI H'Um, PA TO KA KA MA LA SU TA SA H'Um, AOm BADZRA SA MA YA KRO DHA SA MA YA AOm A'A:H'Um, MAH'A YO GI TZITTA RAm PA RAKTA MA LA KHA'I KHA'I H'Um, ,AOm KHAm KHA LE LA RU LU RU LU H'Um PHAt, AI DHA NA SA MA YA AA LA LA HO ZHES RDO RJES GLU BLANGS SO, ,PADMO GAR MDZAD DO, ,BDE BA CHEN POS MCHOD PAS CHIM PAR 'GYUR RO, ,DE'I DUS NA BDUD LA SOGS PA RNAMS BSGRAL BA'I TSOGS RNAMS BYANG CHUB SEMS BDE BA CHEN PO'I YE SHES KYIS BRGYAN TE DBANG BSKUR BA'I THUGS SOGS KYIS BDAG PO RIG 'DZIN THAMS CAD KYI BDAG PO ZHES BYA BAR 'GYUR RO, ,DKYIL 'KHOR CHEN PO'I PHYI ROL DU 'KHOD CING GSANG BA'I DKYIL 'KHOR 'DZIN PAR GYUR TO, ,DE'I 'KHOR RNAMS KYANG DAM TSIG GI SNYING PO BLANGS NA BRAN DU MDZAD PAR KHAS BLANGS SO, ,SNYING PO BRJOD PA NI, MA MA TRAG SHA RU TRA MA MA BHYO, ,SLAR BSGO BA'I SNGAGS NI, ,AOm RU LU RU LU H'Um BHYO PADMA
, ,HRiD DHA RU RU H'Um BHYO H'Um, DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD LAS, GSANG CHEN 'DUS PA'I LE'U STE NYI SHU RTZA GCIG PA'O,, ,,DE NAS BCOM LDAN GAR DBANG GIS, ,RIGS KYI DKYIL 'KHOR BSDU MDZAD NAS, ,BDAG DANG GNYIS MED ROL PA'I MTHUS, ,KHRO BO'I RGYAL PO SKU CHEN DAG ,SANGS RGYAS KUN GYI SKU GSUNG THUGS, ,GSANG GSUM DAM TSIG PHYAG RGYA CHE, ,DKYIL 'KHOR RGYU YI DAM TSIG SKU, ,BKOD PA'I DKYIL 'KHOR MDZES PA'O, ,CHOS DBYINGS YON TAN 'BYUNG GNAS GZHAL YAS KHANG, ,RGYAL BA'I DKYIL 'KHOR RIGS KYI COD PAN CAN, ,RIGS KYI DBANG PHYUG SKYE 'GRO MA LUS SGROL, ,RDO RJE BKOD PA RGYAN GYI DKYIL 'KHOR CHE, ,DBANG PO YUL TSOGS RIGS KYI SKU LNGAR LDAN, ,SHES RAB THABS DANG MI GNYIS 'DU 'BRAL MED, ,DUS GSUM GCIG CAR SGROL BAS TSAR GSUM BRGYAN, ,KHAMS GSUM YONGS SGROL MDZAD KYI RGYAN DU CHE, ,MI GNAS MYA NGAN GSUNG RAB RGYA MTSO SGROG ,MA BSGRIBS MA GSAL GO 'PHANG MDZES PAR MTHONG, ,MI LDOG G-YUL SGROL STOBS DRUG MDZES PAR MGYOGS, ,GAR YANG THOGS MED BYIN RLABS SHUGS DANG LDAN, ,'TSER SKAD GDANGS SNYAN MA
SRID SPRO BA 'GYED, ,KHAm DMAR RAL PA'I DBUS NAS DBUGS 'BYUNG BA, ,DPRAL BA ZHUR PO BRJID PA'I KHYAD PAR DANG, ,RTA MGRIN 'OD 'BAR GSAL BA'I KHYAD PAR NI, ,DON MCHOG KHYAD PAR YON TAN RMAD DU BYUNG, ,LJANG KHU'I ME 'BAR RTA MGO'I RANG BZHIN NI, ,'GYUR MED YE SHES JI BZHIN GSAL, ,BYAMS PA'I MDANGS KYIS KHAMS GSUM KHYAD PAR GZIGS, ,RDOG MA LE BRGAN 'BAR DE'I KHYAD PAR MCHOG ,STUG PO BKOD SOGS ZHING KHAMS RAB 'BYAMS NA, ,RDUL GCIG STENG NA RDUL SNYED KHRO BO KUN, ,ZHING KHAMS GSUM DAG MA LUS DBANG DU SDUD, ,SHES RAB THABS SU 'BREL BA'I RTA SKAD NI, ,GRUB PA'I DPAL TSOGS TSANGS PA'I RTA DBYANGS YIN, ,DANG PO'I GDANGS KYIS RGYAL BA'I ZHING KHAMS SGROGS, ,GDANGS SKAD GNYIS PA RI RAB RTZE NAS 'TSER, ,GSANG SNYAN GDANGS GSUM SNYAN PA'I KHYAD PAR NI, ,BCU DRUG SLAD MA'I NGAN RTOGS THAR LAM STON, ,SPYAN MIG GLOG LTAR 'GYUR BA CHER 'PHAGS SHING, ,SHA KHRAG RLON PA ZA BA'I SRIN PO 'JOMS, ,'TSER CAN YID LA GDUNG BA'I RTA SKAD NI, ,MUN MTHU'I 'GRO BA MA LUS GSAL BAR MDZAD, ,RGYU DBYINGS GRANGS DANG GZIGS THABS RTOGS PA'I DON, ,H'Um LAS DPAL CHEN KHRO BO'I DKYIL 'KHOR BSKYED, ,GNAS NI SNA YI DBUGS RING DRO BA LAGS, ,PHYAG RGYA'I DKYIL 'KHOR RNAM PAR
, ,'PHRUL PA 'BYUNG, ,SHANGS KYI RLUNG SGROM YANGS PAS YE SHES SROG ,GSANG BA'I 'TSUB MAS SDUG BSNGAL SNYING NAS 'BYIN, ,RGYA CHEN SPRUL PAS BAG CHAGS TSAR GCOD DE, ,'KHOR BA'I RGYA CHE LUGS LAS LDOG PA YI, ,RIGS KYI RLUNG GIS DRUG LNGA DBYINGS SU SGROL, ,ZLUM DKAR BZANG RA MA RNO DPAL TSEMS, ,ZHAL DU BDAR BA'I BYANG CHUB SEMS, ,MA SKYES CHOS NYID KUN LA ROL, ,ZHI RGYAS DBANG BDUD DRAG PO YI, ,CIR YANG 'GYUR BA'I HO MA KHUNG STE, ,LAS LNGA 'BREL BA'I ZHAL ZHES BYA,, 'KHOR BA YONGS SU SMIN PA DANG, ,LAS MANG NYON MONGS DBANG BTZAN DANG, ,SKYE BA MI SKYE LUNG MA BSTAN, ,DES SMIN MDZAD PA CHEN PO YI, ,'JUG LDOG CIR YANG GYUR PA DANG,, RJOD BYED GNYIS KA'I BSTAN GYUR NAS, ,'BYAR ZHING BSKYOD PAS LJAGS NYID DO, ,YIG 'BRU'I RGYU NYID BDE GSHEGS THUGS, ,RDO RJE MYU GU TING 'DZIN THUGS, ,'OD NYID NYON MONGS RNAM DAG 'JOMS, ,RIG BYED YE SHES PHYAG RGYA DANG, ,YIG 'BRU SA BON PHYAG RGYA DANG, ,YON TAN RDZOGS PA'I PHYAG RGYA'O, ,SRID PA GSUM STE LTA BA DANG, ,RGYU DANG LAS KYI RIM PA'O; ;DE PHYIR YE SHES ROL PA'I DBYINGS, ,SNYING PO PHYAG MTSAN PHRA MO DAG, ,BSTAN PAR GYUR NAS MKHA' YI DBYINGS, ,CHOS SKU CHU YI ZLA BA BZHIN, ,SNA TSOGS SNANG LA RANG
BZHIN MED, ,DUR KHROD CHEN PO'I GNAS KUN TU, ,GAR GYI DBANG PHYUG RNAM PAR ROL, ,SHAR DU ROL BA'I PHYAG BZHI MTSAN MA NI, ,KHRO CHEN SNYING 'BYIN KHA tV'Am 'BAR BA DANG, ,RDO RJE LCAGS KYU SBRUL GYI ZHAGS PAS ROL, ,DE BZHIN LHO LA SOGS PA'I PHYAG KYANG BZHI, ,THOD PA KHRAG BKANG RDO RJE LU GU RGYUD, ,RDO RJE BE CON THOD RLON 'DZIN PAR ROL, ,ME YI ZHAGS PA DAG DANG KHYUNG GI KHRA, ,SDIGS MDZUB RTZE LA YE SHES 'BAR, ,RDO RJE KHA tV'Am GA NI RAB TU 'KHROL, ,RDO RJE RTZE DGU RTZE LNGA GDENGS PA DANG, ,RTZE GSUM RTZE GCIG 'BAR BA GSOR ZHING BRDEG ,YE NAS MA SKYES DANG BA'I CHO 'PHRUL STON, ,YE SHES LNGA YI YON TAN KHYAD PAR NI, ,RIN CHEN DRA BA SANGS RGYAS STONG GIS BRGYAN, ,KLU RGYAL NAG PO 'DRA BA'I THABS SHES KYIS, ,RTZE BA RNAM THAR SGO GSUM SKU GSUNG THUGS, ,SPRUL PA'I DON MDZAD DKYIL 'KHOR SNA TSOGS STON, ,GSANG BA'I YUM BZHIS SKU LA 'KHRIL BYED CING, ,BYANG CHUB SEMS BZHI DE NYID STON PAR BYED, ,RDO RJE DRA BAS RIN CHEN GLOG 'GYUR BA, ,KHYUNG GSHOG AA MO THEB GSHOG SDER MO CAN, ,SANGS RGYAS STONG RTZA GNYIS KYI THUGS RJE SHAR, ,THABS KYIS RNAM PAR 'PHRUL PAS G-YAS NAS BRKYANG, ,SRID GSUM MA RIG MUN PA SEL BYED PA'I, ,SHES RAB ZLA STONG RTZA GNYIS G-YON NAS KHYAB, ,THABS DANG SHES RAB 'BREL BA'I BYIN RLABS CHE, ,
, ,SPRUL PAS 'PHROS PAS DUG GSUM RGYUN MI 'CHAD, ,SNA TSOGS ROL BA'I PHYAG RGYA ZHES PA YI, ,'PHRIN LAS BRGYAD KYIS BDAG NYID SKU CHE BA'I, ,DPA' BO STAG GIS STENG PHYOGS 'DUL ZHABS BRGYAD, ,RGYA BYE'U LCAGS KYI SHAR LHO'I ZHABS BRGYAD DE, ,RDO RJE 'CHOL BAS LHO YI PHYOGS NA BRJID, ,BSE KHRAB SMUG POS LHO NUB RKANG BA BRKYANG; ;SNA TSOGS BRJID PAS BYANG SHAR MTSAMS SU GYON, ,SHU KEN DAR GYIS BYANG SHAR ZHABS MDZES SHING, ,MCHE BA DMAR POS NUB BYANG BRGYANGS PA'I GDAN, ,SPRUL NAG 'KHRIL BA'I ZHABS KYIS 'OG PHYOGS 'DUL BAR MDZAD, ,KHRO BRGYAD GNON CING GZIR BAS ZHABS BRDEBS SHING, ,DUG CHEN BCOM ZHING SGAL TSIGS GNON, ,BRANG GNON LDAN PA 'JOMS SHING 'JIGS MDZAD DANG, ,'KHOR GYI SKU LA SBAS PAS YE SHES GSAL, ,SKU NYID 'KHOR LA SBAS PAS DBYINGS KYIS BRGYAN, ,THUGS RJE'I ROL PAS GZHAL YAS KHANG DU BSTAN, ,'PHRIN LAS ROL BAS H'Um MDZAD H'Um GIS BRGYAN, ,SA BCU ZIL GNON STOBS BCU DBANG DANG LDAN, ,DE NAS GAR GYI DBANG PHYUG CHE, ,DAM TSIG GAR GYI BYIN RLABS KYIS, ,RGYUN GYI TING 'DZIN LA GNAS NAS, ,YUM CHEN GZI LDAN DGYES PAR MDZAD, ,DAM TSIG CHEN PO'I PHYAG RGYA NI, ,MNYES MDZAD GZI LDAN DBANG PHYUG MA,,
JI SNYED BUD MED SNA TSOGS DANG, ,GSUNG GI RDO RJE MI SMAD DO, ,GTZO BO RAB TU GDUNGS PA LA, ,RAB TU SMRA BAR GANG BYED PA, ,SGEG PA'I TSIG GIS BRGYAN NAS SU, ,SRI ZHU'I SEMS KYIS GDUNGS PA LA, ,YE SHES TSOGS KYIS RAB BSKOR BA'I, ,LHA MO'I TSOGS RNAMS BSKOR BYAS TE, ,RANG GI PHYAG RGYA'I DKYIL 'KHOR DU, ,GNYIS MED MNYAM PA'I RGYA BZHI GDAB, ,BYANG CHUB SEMS TSOGS GSAL BA'I RGYUN, ,THIM PA'I DKYIL 'KHOR DON CHEN GSAL, ,DBYINGS PHYUG SPRUL TSOGS BSAM YAS DAG ,NGES PA'I YE SHES ROL PA'I SKU,,, STONG GSUM DBANG POR GDON MI ZA, ,'JIG RTEN GSUM GYI 'BYUNG GNAS MCHOG ,DUS GSUM KUN GYI GNAS DANG RTEN, ,PHYOGS BCU DKYIL 'KHOR THAMS CAD NA, ,DAM TSIG CHEN PO DE NYID MANG, ,PHYI NANG GSANG BA'I MTHAR PHYIN PA, ,THAMS CAD PADMO RNAM DAG PAS, ,CHO 'PHRUL RNAM KUN DE BZHIN NYID, ,THUGS RJE CHAGS PA'I 'PHRIN LAS KYIS, ,DBANG DRAG 'PHRIN LAS GNOD SBYIN GNAS, ,GNYIS MED 'BAR BAS THAMS CAD SREG ,LAS DANG BAG CHAGS SGRIB SOGS KUN, ,GNAS NAS GSHEGS MDZAD YE SHES TSOGS,, LHUN GYIS DANG BAS KUN TU 'JOMS, ,SNYING MA LNGA BRGYA DUS KYI MTHA', ,SRID GSUM SEMS CAN 'DUL DKA' BA, ,'PHRO 'DU 'KHYIL BA'I 'OD MDANGS MDZAD, ,'JIG RTEN MKHYEN DANG
, ,MYA NGAN 'DAS, ,GNYIS MED THUGS KYIS SA LE MKHYEN, ,DE LTAR DGONGS PA'I KHYAD PAR DE, ,'GRO BA MTHA' DAG 'DUL DON DU, ,RNAM PAR THAR BA DBU GSUM BSTAN, ,G-YAS DKAR G-YON DMAR DBUS MTHING GA ,YE SHES DRUG GI PHYAG MTSAN NI, ,G-YAS PAS RDO RJE RDE'U CHUNG DANG, ,MDUNG RTZE GSUM PA 'DZIN PAS ROL, ,DRIL BU RGYU ZHAGS THOD RLON G-YON, ,BSKAL PA'I ME RI SPRUL ZHAGS DANG, ,THOD RLON PHRENG BRGYAN DU BYAS, ,SGEG PA DPA' BO 'JIGS SU RUNG, ,DGOD DANG GSHE DANG 'JIGS PAR BYED, ,SNYING RJE RNGAM DANG ZHI BA'I SKU, ,SKU GSUNG THUGS KYI GAR THABS CAN, ,'JIGS BYED KHRO BO RNAM PAR RGYAL, ,SKYE BA MED PA'I CHOS DBYINGS SU, ,MTSAN MA MED PA'I CHOS BSHAD PAS, ,CHOS KYI DBYINGS KYI YE SHES RGYAL, ,LONGS SKU MTSAN DANG DPE BYAD KYIS, ,MI 'JIGS STOBS MCHOG GDAN STENG NA, ,SANGS RGYAS ZHING KHAMS THAMS CAD DU, ,ZAB MO RGYA CHEN CHOS MA BSTAN, , DNGOS DANG DNGOS MED GSAL BYED PAS, ,ME LONG LTA BU'I YE SHES DANG, ,SPRUL PA 'GRO MANG DON GYI PHYIR, ,PHAL MANG BKOD PA'I SA RNAMS SU, ,DNGOS PO MTSAN MA RNAM 'PHRUL GYIS, ,BYA BA GRUB PA'I YE SHES TSOGS, ,THAMS CAD MTSAN MA NAM MKHA'I DNGOS, ,DE NYID SGRO BTAGS CHOS DANG BRAL, ,KUN RGYAN BYAMS SEMS DE KHO NA, ,RANG BZHIN DAG PA DRI MA MED, ,HE RU
KA YI BDE CHEN DBYINGS, ,CHOS RNAMS KUN GYI RGYU YIN TE, ,'OD GSAL BA YI GNAS 'JUG PAS, ,RNAL 'BYOR CHEN PO ZHES BYA BSHAD, ,DE BZHIN GSHEGS PA THAMS CAD KYI DGONGS PA GSANG BA DPAL RTA MCHOG ROL PA'I RGYUD LAS, DKYIL 'KHOR RGYU'I DON PHYUNG BA'I LE'U STE NYI SHU GNYIS PA'O,, ,,DE NAS BCOM LDAN DPAL GYIS SKUS, ,GAR GYI DBANG PHYUG LHUN GRUB MCHOG ,THUGS RJE BRJID PA'I STOBS LDAN PAS, ,YON TAN KHYAD PAR BSTAN PA'I PHYIR, ,NAM MKHA'I RI MO PHYAG RGYA'I RNGOM, ,CIR YANG 'GYUR BA'I BZHUGS PA'I RNGOM, ,ZIL GYIS GNON PA'I GNAS MCHOG RNGOM, ,TSAM NGAM CHEN PO'I STANGS STABS RNGOM, ,SKU MDOG BRGYAD KYIS BRJID PA'I MCHOG ,PHYAG RGYA'I DON DANG LDAN PA'I SKU, ,HAm LNGA 'BREL BAR GYUR BA'I ZHAL,, ZLA GAM CIR YANG 'GYUR BA'I LJAGS, ,SKYE SHI RTZAD NAS GCOD PA'I TSEMS, ,RNAM PA'I 'BRUG LTAR SGROGS PA'I DBYANGS, ,TING 'DZIN NAM MKHA'I SKAR TSOGS BZHIN, ,'PHRIN LAS RGYA MTSO'I RLABS TSOGS LTAR, ,BYIN RLABS CHO 'PHRUL SPRIN PHUNG TSOGS, ,MDZAD PA'I ROL MO GAR THABS RNGAM, ,BDUD DANG SRIN MO 'JOMS BYED RNAMS, ,KHAMS GSUM ZIL GYIS GNON PA'I GDAN, ,STONG GSUM DUS GCIG BSGRAL BA'I ZHING, ,RTOG PA 'JOMS PA'I BRTUL ZHUGS MCHOG ,SKU GSUNG THUGS MCHOG YON TAN NI, ,RNGOM BRJID SUM CU RTZA
, ,DRUG MNGA', ,RGYA CHEN YAN LAG RAGS PAS BRJID, ,GRANGS MA RKYEN DANG 'TSAM PAS BRJID, ,BKUR GSHOG GTZO BO MTHONG BAS BRJID, ,KHYAD ZHUGS BLA MA YIN PAS BRJID, ,GDANGS CHEN STONG GSUM GANG BAS BRJID, ,DON LA NYI TSER STON PAS BRJID, ,GSAL BAS MTHA' GNYIS YANGS PAS BRJID, ,THUGS RJE THUGS DAM MTHAR PHYIN BRJID; ;MA RMONGS THABS KYIS 'DUL BAS BRJID, ,MA 'GAG SA LE MKHYEN PAS BRJID, ,MED LA ZAD MI SHES PAS BRJID, ,GCIG LA 'DOD RGUR BSGYUR BAS BRJID, ,GNOD SBYIN PHAM PAR MDZAD PAS BRJID, ,THABS MKHAS SKYON GYIS MA GOS BRJID, ,RIMS BRAL NYAM THAG ROL PAS BRJID, ,'KHOR BA YUN RING MGON MDZAD BRJID, ,GCIG CAR ZIL GYIS MNAN PAS BRJID, ,BYA BA'I YE SHES RDZOGS PAS BRJID, ,SKU GSUNG YON TAN 'PHRIN LAS THUGS, ,ZIL MNAN NGA RGYAL BCAG PAR BYA, ,DES SU RO YI NANG NAS NI, ,GLOG 'GYUR LCE NI LAN GSUM 'BYUNG, ,SO'AM SEN MO GCAD PAR BYED, ,DE NYID RAL GRI BZANG POR 'GYUR, ,RNAL 'BYOR PA YI GRANGS BZHIN DBYUNG, ,DE THOGS NAM MKHA' LA SONG NAS; ;RIG PA 'DZIN PA'I SNGAGS BRJOD BYA, ,AOm BH'U RU NA RA SA MA TA YA H'Um PHAd, GAR GYI DBANG PHYUG NGA RGYAL GYIS, ,GANG 'DOD GNAS SU 'GRO BYA ZHING, ,DREGS BYED TSOGS
RNAMS ZIL MNAN TE, ,BRTUL ZHUGS SPYOD PAS GLU BLANG ZHING, ,BRTUL ZHUGS SPYOD PA SNA TSOGS PAS, ,YUD TZAM GCIG LA GNAS SU DAG PAR BYED, ,BCOM LDAN PADMA HE RU KA'I, ,SKU GSUNG THUGS KYI DKYIL 'KHOR NI, ,JI LTAR SPRUL ZHING CIR YANG SNANG, ,MTSAN NYID CIG TU MA NGES PAS, ,SKU GSUNG THUGS SPRUL BSAM YAS CHE, ,RANG BZHIN LAS DANG YON TAN GYI, ,BYIN RLABS YA MTSAN SGRIB MED GSAL, ,KHAMS GSUM KUN LAS RTZAL 'PHAGS SHING, ,RANG GI DKYIL 'KHOR RNAMS GSAL LAS, ,BYIN RLABS 'GRO LA RGYA CHEN STON, ,CHOS DANG LONGS SPYOD RDZOGS PA DANG; ;SPRUL SKU SNA TSOGS 'DUL BA'O, ,TSIG GI GSUNG RAB RIG PA'I GSUNG, ,BZHI LA SUM BCU DRUG GIS BRJID, ,DUG GSUM SKU GSUNG THUGS KYIS SBYANGS, ,DUG LNGA BDE BA CHEN POS SPYAD, ,DBYINGS LAS YE SHES ROL BA'I MTHUS, ,SKYE 'GRO MA LUS RGYAS BTAB NAS, ,RANG BZHIN DAG PA'I DBYINGS SU SBYONG, ,RGYAL BA GANG GIS THUGS RJES KYANG, ,'DI LA SKYABS SU YOD MA YIN, ,SRID PA GSUM DU DAG BYAS NAS, ,SRID PA'I PHYAG RGYAS PHYAG RGYA GSANG BAS 'DEBS, ,THIG LE CHOS SKU RIG PA'I MTSOG ,GAR GYI DBANG PHYUG CES SU BSNGAGS, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL BA'I RGYUD LAS, KHRO BO RDOM BRJID STON PA'I LE'U STE NYER GSUM PA'O,, ,,DE NAS
, ,'KHOR GYI GTZO BO MCHOG ,GSANG BA'I BDAG PO LA SOGS PAS, ,YANG DANG YANG DU PHYAG 'TSAL LO, ,MCHOD BA RGYA CHEN PHUL BYAS TE, ,'GRO BA RTZE BA'I SEMS CAN LAS, ,SGRUB PA'I RIM PA ZHU BAR MDZAD, ,BCOM LDAN 'DAS DNGOS GRUB KUN GYI BDAG ,GDUL BYA KUN GYI DON GYI PHYIR, ,THUN MONG DNGOS GRUB JI LTA BUR, ,DE BZHIN MCHOG GI DNGOS GRUB DAG ,BSGRUB PAR BYA BA'I THABS NI GANG, ,LAS KYI CHO GA JI LTA BUR, ,YAN LAG TSOGS PA'I LDAN BYAS NAS, ,TSE 'DI MCHOG TU GYUR RAM CI, ,THABS MANG CHO GA BSHAD PAR BYA, ,DE NAS BCOM LDAN 'DAS KYIS DBANG, ,RANG GI DKYIL 'KHOR GNAS BZHUGS TE, ,MA 'ONGS 'GRO LA PHAN PA'I PHYIR, ,SKU GSUNG THUGS KYI SBYOR BA LAS, ,NGO MTSAR 'PHRUL PA 'DI GSUNGS SO, ,RGYAL BA KUN GYI DAM TSIG CHE, ,RNAM GSUM PHYAG RGYA LA GNAS NAS, ,LAS KYI DNGOS GRUB SGRUB PA NI, ,GNAS BZANG DAG TU BRTZAM PAR BYA, ,PHYAG RGYA'I GROGS LA BRTEN PA NA, ,BZLAS BRJOD YAN LAG MA NYAMS PAR, ,GSANG SNGAGS YI GE BCU BZHI PA, ,SUM 'BUM DAG TU BRJOD BYAS NAS, ,ROL PA MTSAN MA BSGRUB PA'I PHYIR, ,MCHOG CHEN MTSAN MA MA NYAMS PA, ,RAB BRTAGS DUR KHROD GNAS NAS BLANGS, ,KHRO BO CHEN PO'I TSAM NGAM GYIS, ,YUNGS KAR THAL BA LA
SOGS PAS, ,SUMBHA NI YI SNGAGS BRJOD CING, ,YI DVAGS GSHIN RJE BSKRAD PAR BYA, ,DE NAS DRI ZHIM SBYAR BAR YI, ,DAG BYED CHU YIS LEGS BKRUS TE, ,ME TOG PHRENG SOGS RGYAN GYIS BRGYAN, ,GSUNG GI PHYAG RGYA BYIN RLABS SHING, ,DPA' BOS RANG GI KHYIM DU BLANG, ,GLU DRUG DBYANGS DRUG BCAS PA YIS, ,KHRO RGYAL ROL BA'I BRO YIS SBYANGS, ,BSGRUB PA'I DKYIL 'KHOR NYAMS DGA'I MCHOG ,RGYA KHYON 'DOM GANG KHRU YIS BSTOD, ,CI BZHIN LA SOGS CHO GA BZHIN, ,RDZAS DANG SA GZHI DAG BYA ZHING, ,SA BON GNAS PA'I LAS RDZOGS NAS, ,BSRUNG ZHING DKYIL 'KHOR BRI BAR BYA, ,YAB YUM SGRUB PA'I GROGS BCAS RNAMS, ,DKYIL 'KHOR PHYOGS BZHIR GNAS BZUNG STE, ,MCHOG CHEN DKYIL 'KHOR KHA RU GZHAG ,SRUNG BA'I 'KHOR LO LEGS LDAN PAS, ,STONG NYID TING 'DZIN NAS BRTZAMS TE, ,DKYIL 'KHOR MNYES SOGS RDZOGS BYAS NAS, ,RO LANGS DGUG CING GZHUG BYA STE, ,BAR CHAD MED PAR BZLAS BRJOD BYA, ,AOm BI RA NA TRAG SHA TA TA LA TA'I LO MA TA YA MANTA TZANTRA H'Um PHAt, TING 'DZIN 'OD ZER GSAL BA'I RGYUN, ,ZUR MA CHAG PAR BRJOD BYAS TE, ,'BUM TSO GCIG GIS G-YO 'GYUR ZHING, ,GNYIS KYIS 'OD DANG BCAS PAR SNANG, ,'BUM PHRAG GSUM GYIS SGRA BSTAN ZHING, ,LANGS TE KUN TU LTA BAR BYED, ,DE TSE RNAL 'BYOR DBANG PO YIS, ,SKRA NAS BZUNG NAS
, ,BSGYEL BYAS LA, ,RTA MCHOG SNGAGS KYI DBANG DU BYA, ,RDO RJE KHYUNG GSHOG PHYAG RGYA YIS, ,DON GYI GSUNG GIS GO BAR SPYOD PAS BRO YANG BRDUNG, ,TING 'DZIN SNGAGS DANG YAN LAG RNAMS, ,MA BRAL RANG GI GNAS 'ONGS TE, ,DKYIL 'KHOR MTHA' MA BSKOR BYAS NAS, ,MCHOD PA BRO GLU DANG BCAS PAS, ,LHA RNAMS MNYES PA'I CHO GA BYA,, DE NAS BRTUL ZHUGS CHEN PO YIS, ,GO LA LANG+GHA MNAN PA YI, ,BRO LA SOGS PA RDZOGS BYAS NAS, ,RO DE GSER DU GYUR PA YIN, ,DE NI MCHOD DANG SBYIN PA DANG, ,RANG LA DGOS PA'I YO BYAD BYA, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD LAS, RO LANGS SGRUB PA BSTAN PA'I LE'U STE NYI SHU BZHI PA'O;; ,,DE NAS GAR GYI DBANG PHYUG GIS, ,GZI LDAN YUM DANG ROL MDZAD CING, ,'KHOR GYIS ZHUS PA'I TSIG GSAN NAS, ,THUN MONG DNGOS GRUB BZANG PO NYID,, MA 'ONGS 'GRO LA PHAN GDAGS PHYIR, ,RIM PA BZHIN DU PHAN GDAGS MDZAD, ,DBANG THOB DAM TSIG LA GNAS PAS, ,YID MTHUN GNAS MCHOG BZANG PO RU, ,MIG SMAN SBYOR BA BSGRUBS BYAS TE, ,BYIN RLABS LDAN PAS 'GRO DON BYAS, ,RANG GI TING 'DZIN LA GNAS PAS, ,RANG GI GSANG SNGAGS 'BUM RDZOGS NAS, ,MTSAN MO PHRA MO MTHONG BA
DANG; ;BSGRUB PA'I DKYIL 'KHOR BRTZAM PAR BYA, ,DKYIL 'KHOR GANG YANG RUNG BA YI, ,PHYAG RGYA GSANG SNGAGS TING 'DZIN LDAN, ,RIN CHEN SNGAGS KYI BZLAS BRJOD NI, ,'BUM PHRAG GSUM DU GSUNG BAR BYA, ,AOm PADMA MA TZA GA HRU AA LA SA MA RA SI TI YO NA H'Um PHAt, DKYIL 'KHOR GNAS KYI RTAGS MTHONG NAS, ,GRONG MTHA'I GNAS SU 'GRO BYAS TE, ,DUS KYANG MA MTHONG MTSAN MO RUNG; ,LHA 'DRE GTUM PO'I GRONG DU BSDAD, ,RANG GI 'KHOR GYI TSOGS RNAMS KYIS, ,MI RGOD BTZAN 'BRANG BSRUNG BAR BYA, ,DER NI BHANDHA MTSAN LDAN DU, ,GZI CHEN MAR NI BLTAS NAS SU; ;MTSAN GCIG YAL BAR BSNGAGS BZLAS SHING, ,TING 'DZIN MA NYAMS SBYOR BAR BYA, ,SKYA RENGS DANG PO 'CHAR DUS SU, ,DUD PAS BDUGS TE BCANG BAR BYA, ,GLU DANG BRO YI BRTUL ZHUGS DANG, ,LHA RNAMS KUN GYI STANGS STABS KYIS, ,GNAS DE'I BDAG PO DBANG DU SDUD, ,RIG PA 'DZIN PA'I SNGAGS LDAN PAS, ,SLAR NYID MIG SMAN SHAS SHIG BYUG ,DE NAS 'KHOR GYI TSOGS BSGO ZHING, ,SKYE 'GRO KUN LA GSANG BAR BYA, ,PADMA BSGRUB PA'I AAN RDZA LIS, ,CI 'DOD DNGOS PO MTHONG BAR 'GYUR, ,GZHAN YANG RI LU'I SGRUB THABS NI, , BDUD RTZI LNGA LAS 'BYUNG BA YI, ,RDZAS DAG SHA LNGA DANG BSRES TE, ,THOD PA MTSAN LDAN NANG BZHAG NAS, ,DKYIL 'KHOR RGYAN DANG LDAN GNAS SU, ,THABS DANG SHES RAB LDAN GNAS
, ,SU; ,GAR GYI DBANG PHYUG SKU BSGOMS SHING, ,YI GE BCU BZHI GSANG SNGAGS KYIS, ,'BUM PHRAG GSUM DU BZLAS BYAS TE, ,MTSAN MA PHRA MO MTHONG BA DANG; ;BDUD RTZI GONG BU BSGRIL BYAS TE, ,RGYA SHUG 'BRAS BU'I TSAD TZAM DU, ,RIN CHEN ZA MA TOG TU GZHUG ,DKYIL 'KHOR DE YI DBUS BZHAG PAS, ,SRUNG BA'I TZA KRAS BSRUNG BYA ZHING; ;RIG PA 'DZIN PA'I GSANG SNGAGS NI, ,'BUM PHRAG LNGA RU BRJOD PAR BYA, ,'OD ZER LCAGS KYU 'BYUNG BAR 'GYUR, ,AOm MAH'A PADMA SAm PO TA HU LU H'Um PHAt SV'AH'A, DE NAS RI LU DE BLANGS TE, ,KHA 'AM LAG TU BZUNG BYAS NAS, ,GANG 'DOD GNAS SU 'GRO BYED CING, ,CI 'DOD PA DAG GRUB PAR BYED, ,LHA YI GNAS MCHOG NYAMS DGA' BAS, ,SNGA DRO GCIG GIS 'KHOR BAR NUS, ,GZHAN YANG BCUD LEN BZANG PO NYID, ,SKYES BU GANG GIS BSGRUB 'DOD PAS, ,BDUD RTZI RGYAL PO AA RU RA, ,GSER GYI MDOG TU 'DUG PAS MCHOG ,NYI SHU RTZA GCIG RA POR SBA, ,SUL RANGS RGYAS PAR GYUR PA DANG, ,BA GCIN PHUR MO THAL BA DANG, ,SER SKYA'I BA MAR BTZO BAR BYA, ,DE NYID SBRANG RTZI DANG SBYAR BAS; ;NYI SHU RTZA GCIG ZHAG ZHI BAR, ,ZHO RE'I TSAD DU BSKYED CING BZA', ,DKYIL 'KHOR GSANG BA LA BRTEN NAS, ,GAR GYI DBANG PHYUG SKUR BSGOMS SHING, ,RIG
'DZIN PA YI SNGAGS BRJOD CING, ,MTSAN RTAGS GSAL BAR MA MTHONG BAR, ,YAN LAG MA NYAMS BRTZON 'GRUS BSKYED, ,AOm PADMO BI HA RA HA RA TA SA NI H'Um PHAt SV'AH'A, GSANG SNGAGS SUM 'BUM MA RDZOGS PAR, ,AA RU RA YI 'BRAS BZANG STONG GI TSAD, ,LEGS PAR SBYAR TE ZOS PA'I MTHUS, ,NAD DANG ZUG RNGU'I TSOGS 'JOMS SHING, ,TSE RING BDE BA PHUN SUM TSOGS; ;RGAS LA SOGS PA'I SKYON SEL CING, ,RIG 'DZIN GNAS SU 'GRO BAR BYED, ,DE BZHIN DBANG PO'I LAG PA DANG, ,KHA RA BU RAM NYE SHING DANG, ,ZUR RDUL MU ZI LA SOGS PAS; ;RANG GI CHO GA SHES PA YIS, ,RIG PA 'DZIN PA'I SNGAGS KYIS GRUB, ,GAR DBANG DKYIL 'KHOR LA NI BRTEN BYAS TE, ,SO SOR MA NYAMS SBYANGS PA'I SA, ,BA YI 'O MA DANG SBYAR ZHING, ,BA YI MAR GYIS GZUNGS BTAB NAS, ,MTSAN MA MA BYUNG BAR DU BZHAG ,DE NI RIG 'DZIN DNGOS GRUB THOB, ,AOm PADMO AI DRA DRA AA HE DE BI NA H'Um PHAt, ,AOm PADMO RA RGYA AA GA RA TA DAR SHA H'Um PHAt, AOm PADMO SA MO NA BI SHA LE H'Um PHAt, AOm GHU LI SA BO TA MA GO RA NA H'Um PHAt, AOm PADMO ME SHA AA NA NAD TA YA KA RA H'Um PHAt, DE DAG LAS RNAMS 'GRUB PA DANG,, RTAG TU RANG GIS 'CHAR BYAS SHING, ,GSANG BA'I SNGAGS LAM LA BRTEN NAS, ,TSE 'DI GRUB PAR 'GYUR BA YIN, ,DE BZHIN GSHEGS PA THAMS CAD KYI DGONGS PA BLA NA MED
, ,PA'I GSANG BA DPAL RTA MCHOG ROL PA'I RGYUD LAS, THUN MONG GI DNGOS GRUB BSGRUB PA'I LE'U STE NYER LNGA PA'O,, ,,DE NAS GAR GYI DBANG PHYUG NYID, ,PHYAG RGYA ROL PA'I SKUR BCAS KYIS, ,SNOD LDAN BYANG CHUB SEMS DPA' DAG ,MCHOG GI DNGOS GRUB SKYED BYED PA'I, ,RIG 'DZIN GNAS KYI MTSAN NYID BSHAD, ,DMAR PO DBANG GI DKYIL 'KHOR DU, ,BHANDHA MTSAN DANG LDAN PA BRGYAD, ,PADMA'I 'DAB MA LA BKRAM NAS, ,TSE 'DAS SNGAGS KYIS BRGYAN PAR BYA, ,DE NI BZA' BTUNG LONGS SPYOD TSOGS, , MA NYAMS PHUN SUM TSOGS PAR SPYAD, ,GAR DBANG LHA LA MOS PA YIS, ,GSANG SNGAGS RGYAL PO BSTOD BYED CING, ,SUM 'BUM BZLAS PA'I GRANGS TSANG NAS, ,MTHA' SNGAGS GZHAN GYIS BRGYAN BYAS TE, ,RTAGS MTHONG BAR DU BZLAS BRJOD BRTZAM, ,AOm AA SU SHA AOm AA YU SHA SO TA BRUm, ,'OD ZER DU BA LTA BU DANG, ,PHYAG RGYA'I DBYINGS DANG 'BYUR BA'I DUS, ,BRO DRUG GLU DANG GAR BCAS PAS, ,BRTUL ZHUGS CHEN PO BDUD RTZI SPYAD, ,SKU GSUNG THUGS MCHOG PHYAG RGYA CHE, ,GSANG BA'I YUM BSKYED SNYING PO MCHOG ,AOm AE KA TE BA GA TE MA TAm KA TE SV'AH'A, ,MA NYAMS NYAMS PA'I PHYAG RGYA GSAL, ,GNYIS SU MED PAR SBYOR BA YIS, ,RDO RJE PADMOR LDAN BYAS PAS, ,THABS KYI PHYAG RGYA'I CHO 'PHRUL
LA; ;GZI LDAN GSANG BA AE GRU GSUM, ,NYI MA PADMA SHES RAB LDAN, ,SO SO GSAL BA'I BRDAS MTSON TE, ,AOm BRUm PADMA A'A YU SHE ,BYIN RLABS RNAM PAR 'PHRO BA YIS, ,PHYOGS BCU'I SANGS RGYAS THUGS BSKUL ZHING, ,BYANG CHUB SEMS MCHOG TSE YI RGYUN, ,SGRUB PA PO LA GSAL BAR MDZAD, ,BAD 'DAB BRGYAD PA NYI MAR BCAS, ,DBUS SU GSANG BA'I RDO RJE CHE, ,H'Um GIS GSOR ZHING AA YIS BSKYOD, ,YANG DANG YANG DU BSKUL BA NI, ,SKU GSUNG DBYINGS SU GYUR PA'O, ,DE LA BYANG CHUB SEMS MCHOG RGYUN, ,BHANDHA MTSAN LDAN NANG DU BCUG, ,RNAL 'BYOR GAR DANG LEGS BCAS PAS, ,BKRA SHIS TSIGS BCAD GLU BRANG ZHING, ,BKRA SHIS GAR DANG DBYANGS SU BCAS, ,LONGS SPYOD STON MO KUN GSOL ZHING, ,DNGOS GRUB DON PHYIR GSOL BA GDAB,, DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD CHEN PO LAS, TSE SGRUB PA'I LE'U STE NYER DRUG PA'O,, ,,DE NAS GAR GYI LHA MCHOG GIS, ,THAMS CAD BDUD RTZIR BYIN BRLABS NAS, ,PHYI NANG SNOD BCUD MA LUS KUN, ,RIGS LNGA'I SKU RU BSGRUB PA'I PHYIR, ,RANG LAS BYUNG BA'I RANG BZHIN DANG, ,DNGOS GRUB SNYING PO KUN BSDUS BSHAD, ,CHOS RNAMS MA LUS RNAMS BRTAGS NAS, ,RIGS LNGA'I DKYIL 'KHOR TSUL DU GNAS, ,DE NAS 'BYUNG BA'I DNGOS RNAMS KYIS, ,DE NYID LTA BUR
, ,SBYOR BA BYA, ,DANG POR BSOD NAMS TSOGS BSAGS SHING, ,RDO RJE BLA MA MNYES BYAS PAS, ,PHUN SUM TSOGS PA'I GNAS DAG TU, ,LHA NYID NYE BAR BSGOMS BYAS PAS, ,DKYIL 'KHOR CHEN PO BRTZAM PAR BYA, ,RIGS KYI LHA YI DKYIL 'KHOR GYIS, ,RIGS KYI PHYAG RGYA BSGRUB PAR BYA, ,DRI DBYIBS KHA DOG RO LA SOGS, ,SHA LNGA BDUD RTZIR BCAS PA DANG, ,BHANDHA MTSAN LDAN LNGA RU NI, ,DKYIL 'KHOR 'KHOR DANG PHYOGS BZHIR BKRAM, ,RDO RJE BKOD PA'I DKYIL 'KHOR GYIS, ,SO SOR SPANG BA SBYANG BYAS TE, ,PHYAG RGYA SNGAGS DANG TING 'DZIN MTHUS, ,RIGS KYI DKYIL 'KHOR MNGON PAR BSGRUB, ,MCHOD CING MNYES PAR BYAS NAS NI, ,LAS KUN GRUB PA'I GSANG SNGAGS BRJOD, ,AOm PADMO BADZRA HRI GHU NA SIDDHI SARBBA BANTZTSA AA MRi TA, ,AOm A'A:H'Um SV'AH'A, DE LAS 'OD DANG DU BA DANG, ,DRI DANG LHA MO RTAGS DAG NI, ,BZLAS BRJOD THUN MONGS KHYAD PAR DAG ,'BUM TSO GSUM GYIS 'GRUB PAR 'GYUR, ,DE NAS GRUB PA'I RTAGS MTHONG NAS, ,DE DAG BTAGS TZAM SBYANG BYA ZHING, ,MKHA' 'GRO ROL PA'I BRTUL ZHUGS KYIS, ,BSOD NAMS SBYANG ZHING BYIN GYIS BRLAB, ,DKYIL 'KHOR BKOD PA RGYAN DANG BCAS; ;KHRO BO 'BAR BAR ZHAL BSGYUR ZHING, ,YAB YUM GDUNG BA'I GLU DBYANGS DANG, ,BYANG CHUB SEMS DPA' 'PHRO 'DU YIS, ,DKYIL 'KHOR DBUS KYI GNAS BZHUGS PAR, ,BDUD KYI
GAR GYI DBANG PHYUG BSKYED, ,SLAR NYID KHRO BO'I DKYIL 'KHOR GYIS, ,GZUGS 'DUL GTZO BO'I THUGS KAR ZHUGS, ,YE SHES DKYIL 'KHOR KUN BKUG NAS, ,DAM TSIG BDUD RTZI GNYIS MED 'GYUR,, SAR 'BYUNG PADMO'I RGYAL PO'I SKU, ,DBUS KYI DKYIL 'KHOR GDAN LA BZHUGS, ,MCHOD BSTOD DGA' BAS MNYES BYAS NAS, ,BRO GAR GLU YIS THUGS DAM BSKANG, ,KHYAD PAR GSANG SNGAGS RGYAL PO'I MTHUS; ;YE SHES LNGAR LDAN 'OD ZER CAN, ,AOm MAH'A SARBA TA TH'A GA TA BANTZTSA AA MRi TA RU LU RU LU H'Um PHAt SV'AH'A, JI SRID MTSAN MAS YANG DANG, ,SNGAGS KYI RGYAL PO BRJOD PAR BYA, ,DE NAS RTA MGRIN PHYAG RGYA YIS, ,SGRUB PA CHEN PO GSANG BA'I DON, ,RDO RJE RTA MCHOG PHYAG RGYA CHE, ,BDUD RTZI RDZAS KYIS DBANG BSKUR ZHING, ,RNAL 'BYOR GROGS BCAS TSIM PAR BYA, ,PHYOGS RNAMS KUN NAS GDUNGS PA'I GLUS, ,DKYIL 'KHOR LHA DANG BLA MA MCHOD, ,DNGOS GRUB GSOL BA'I TSIG BRJOD KYIS, ,DGA' BA'I LONGS SPYOD RGYA CHER BYA, ,LHA RNAMS KUN LA DGYES 'DUL ZHING, ,DAM MED DBANG PO SNGAGS KYIS BSKRAD, ,BDUD RTZI GTOR BAS LUS BRLAG 'GYUR, ,RANG GI YE SHES LAS LAS SKYES, ,DE NAS LAS MDZAD SRUNG MA DANG, ,MGRON TSOGS GTOR MAS MNYES BYAS TE, ,BSOD NAMS YE SHES TSOGS CHEN PO, ,RAB TSOGS 'GRO BA'I DON PHYIR BSNGO, ,DE BZHIN GSHEGS PA THAMS CAD KYI DGONGS PA DPAL RTA MCHOG ROL BA'I RGYUD CHEN PO LAS, BDUD RTZI SGRUB
, ,PA'I LE'U STE NYI SHU BDUN PA'O,, ,,DE NAS RTA MCHOG ROL PA'I SKU DBUS SU, ,DKYIL 'KHOR DBUS SU DGYES TSUL GYIS, ,'GRO RNAMS KUN LA BSKUL MDZAD CING, ,'PHRIN LAS GSANG BA'I DON BSHAD MDZAD, ,BSAM GTAN LAS KYIS 'BYUNG BA YI, ,ZHI RGYAS DBANG DRAG MNGON SPYOD DANG, ,MNAN ZLOG RENGS DANG GSAD LA SOGS; ;TING 'DZIN GSAL NAM GOMS PA'I MTHUS, ,BDAG DANG GZHAN DON LAS LA SBYAR, ,ZHI BA ZHI BA'I YI GE STE, ,BSGRUB BYA ZLA DKYIL LA BZHAG NAS, ,RNAM PAR SNANG MDZAD 'OD SNGAGS KYIS, ,DUS GSUM LHA DANG MNGON SBYAR ZHING, ,BYANG CHUB SEMS KYI BDE BSKYED DE, ,ZUG RDU RTOG PA RNAM PAR SEL, ,YUN RING GOMS PAR BSTAN PA'I MTHUS, ,ME 'BAR GNAS KYANG ZHI BAR NUS, ,RGYAS LA RGYAS PA'I GZUGS BGYIS TE, ,RIN CHEN 'BYUNG LDAN LA 'BYUNG BA'I, ,'KHOR LOS BSGYUR RGYAL CHA LUGS KYIS, ,SER PO 'OD DPUNG 'BAR BA BRJID; ;RANG GI BTZUN PA'I TSOGS DANG BCAS, ,BDE GSHEGS BYIN RLABS KUN BSDUS SHING, ,SKU GSUNG THUGS KYI YON TAN DANG, ,'PHRIN LAS SGO NAS BRTZAM PAR MDZAD, , SNGAGS DANG 'OD ZER GSANG BA YIS, ,RIN CHEN SNA BDUN GSER LA SOGS, ,MKHA' MDZOD CHAR SPRIN BZHIN DU 'BEBS, ,TSOGS RNAMS RANG GIS LONGS SPYOD CING, ,'GRO
RNAMS GZHAN LA SBYIN PAR BYED, ,THABS DANG DBANG DU BSDU PHYIR RO, ,'OD DPUNG DMAR PO MTHA' YAS SKU, ,PADMA'I DKYIL ' 'KHOR DBUS BZHUGS SHING, ,CHAGS PA CHEN POS 'GRO 'DUL BA; ;RIGS KYI TING 'DZIN SNGAGS KYI MTHUS, ,LHA TSOGS 'GRO RNAMS DBANG SDUD CING, ,'KHOR BCAS DANG BAR GYUR PA YIN, ,GANG ZHIG SDANG BA'I SEMS YOD PA, ,'PHRAD PA BZHIN RGYAS CHAGS PAR 'GYUR, ,GANG ZHIG GSANG BA'I LAS GRUB MDZOD, ,DE NI MTHING NAG LAS KYI KHRO BO'I TING 'DZIN LAS, ,KHRO BO SPRUL PA'I 'PHRO 'DU YIS, ,BSGRUB BYA DANG PHRA ZHING DGUG PA, ,ME YI DKYIL 'KHOR LA BZHAG STE, ,SHIN TU MA RUNGS MTSON CHAR LDAN, ,DKON MCHOG GSUM LA BSDO BYED CING, ,SKYE BO YONGS LA 'TSE BA DANG, ,SLOB DPON KUN LA BSNGO BA DANG, ,SANGS RGYAS THUGS RJES BZOD MI MDZAD, ,LAS KYI KHRO BO SNA TSOGS KYIS, ,MTSON CHA ME 'OD 'BAR 'PHROS NAS, ,SDIG PA CAN DE BSGRAL MDZAD CING, ,BYA KHYI LCE SPYANG SHA ZA DANG, ,KHRAG 'THUNG MANG PO 'DUS PA YIS, ,BSTOD PA'I TSUL DU ROL ZHING DGYES, ,TIL TZAM MED PAR ZOS PA DANG, ,SEMS NYID BDE BA CHEN PO'I GNAS, ,DE DAG TING 'DZIN GSANG SNGAGS DANG, ,DKYIL 'KHOR SO SO'I RNAM PA BSGRUB, ,AOm BHU TA TZAKRA SA MA BA GA TI LO TZ'A NA CHE GE MO SHANTIm KU RU SV'AH'A, AOm RATNA SAm BHA WA GU RU M'A MA K'I CHE GE
, ,MO PUshtIm KU RU SV'AH'A, AOm Y'A MI TE SA RA BA RA HO CHE GE MO WA SHAm KU RU SV'AH'A, AOm KARMA SANTI PA KRO TA NI CHE GE MO H'A Y'A SV'AH'A, RANG GI DKYIL 'KHOR GNAS BZANG PO, ,RANG GI DKYIL 'KHOR LA GNAS TE, ,SNGAGS DANG TING 'DZIN SBYOR BA'I MTHUS, ,CHO GA MNGON DU 'GRUB PAR BYED, ,GZHAN YANG RMONGS DANG RENGS PA DANG, ,DBYE ZHING DGUG DANG BSKRAD PA DANG, ,MNAN LA SOGS PA'I LAS RNAMS KYANG, ,RANG GI LTA BA'I SBYOR BA YIS, ,BSAM GTAN SNGAGS KYIS 'GRUB PAR 'GYUR, ,DE BZHIN GSHEGS PA THAMS CAD KYI DGOS PA BLA NA MED PA'I GSANG BA DPAL RTA MCHOG ROL PA'I RGYUD CHEN PO LAS, BSAM GTAN GYI SBYOR BA'I RIM PA'I LE'U STE NYER BRGYAD PA'O,, ,, DE NAS SBYOR BA'I RGYAL PO DANG, ,'PHRIN LAS KUN GYI MCHOG GYUR PA'O, ,RDZAS RNAMS RTEN PA'I MTSAN MA NYID, ,'DONG 'DOD 'BRAS BU SGRUB BYED PA'O, ,GAR GYI DBANG PHYUG PHYAG RGYA'I SKU, ,RNAM SPRO LTA YI DKYIL 'KHOR GYIS, ,SO SO'I 'DOD DON SGRUB PAR BYED, ,RDO RJE TZAKRA RIN CHEN DANG, ,PADMA RGYA GRAM LA SOGS TE, ,LAS KUN LHA YI NGA RGYAL GYIS; ;MTSAN RTAGS MA BYUNG BAR DU BSGRUB, ,GZUGS BRNYAN DKYIL 'KHOR GZHIR BZHAG NAS, ,LHA YI DKYIL 'KHOR SGRUB BYED CING, ,MTSAN MA'I RDZAS LA BRTEN BYAS
TE; ;BRTEN PAR MCHOD CING MNYES PA DANG, ,LAS KUN PA YI GSANG SNGAGS BRJOD, ,AOm MA MA SARBA BI TA HA RA KU RU SV'AH'A, SARBA SA MO KU NI LAM PA SHANTIm KU RU DA NI H'Um, PUshtIm RATNA MA KU RU SV'AH'A, PA SHAm KU RU PADMO HRi DA YA AAm, STAm PA NA MO SHA AA KARMA PA NI H'Um PHAt, CUNG ZHIG GZUGS NI 'DU BA 'AM, ,'OD 'PHROS BSKYOD PAR 'GYUR BA DANG, ,NGA RGYAL LDAN PAS LAG THOGS TE, ,GSANG SNGAGS DRAG TU BRJOD PAR BYA, ,GANG ZHIG ZHI DANG RGYAS PA DANG, ,DBANG LA SOGS NI BSGRUB 'DOD PAS, ,DE DAG DE DANG MTHUN PA DANG, ,LAS KYI DKYIL 'KHOR LA GNAS BSAM, ,PHYAG RGYA'I MTSAN MA BSKUL BYAS TE, ,RANG GI LAS LA RNAM PAR GNAS, ,DGUG LA SOGS PA'I LAS DAG DANG, ,LCAGS KYU LA SOGS LAS KYIS BSGRUB, ,RTEN GYI MTSAN MA DANG BRAL BAR; ;CIR 'DOD BYA BA MTHAR PHYIN 'GRUB, ,THABS DANG SGRUB BYED GSANG SNGAGS LA, ,SO SO'I LAS KYIS MTHA' BRGYAN TE, ,YI GE BCU BZHI'I RJES THOGS SU, ,SUM 'BUM GRANGS KYIS BSGRUB PAR BYA, ,AOm BI LO GI MA MA DUSHtA NA GA GA NA RU LU RU LU H'Um PHAt, ,DANG PO RTZA BA'I SNGAGS NI, ,SUM 'BUM DAG DU BZLAS BYAS NAS, ,SLAR YANG DE YI GRANGS MTHUN PA, ,GANG 'DOD LAS RNAMS 'GRUB PAR 'GYUR, ,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL BA'I RGYUD CHEN PO
, ,LAS; RTEN GYI SGO NAS SPYAD PA'I LE'U STE NYI SHU RTZA DGU PA'O,, ,,'GRO GNAS THAMS CAD SRUNG BYAD CING, ,PHAN GDAGS CHO GA BZANG PO NYID, ,RGYAL BA'I BYIN RLABS GNAS PA'I THABS, ,RNAM PA YIS NI BRTZAMS BYAS TE, ,GRONG KHYER LA SOGS SRUNG 'DOD PAS, ,CHU DANG BYE MA LA SOGS LA, ,GSANG SNGAGS RGYAL PO BRJOD PAR BYA, ,AOm NA MO KU RU SARBA BI DA RA NI MO SA DE NI RA SHA KRA RA KRA TA H'Um PHAt, RANG GI LHA YI SBYOR LDAN PAS, ,STONG DU BRJOD CING PHYOGS BCUR GTOR, , GANG SRUNG BA DAG SHIS 'GYUR CING, ,'BYUNG PO'I TSOGS KYIS MI TSUGS 'GYUR, ,GZHAN YANG RI'U CHA DGU PA'I, ,'KHOR LO SHING SHUN TSOGS LA BRI, ,MU KHYUD DAG GIS MTHA' BSKOR NAS, ,GSANG SNGAGS RGYAL PO DGOD PAR BYA, ,DBUS SU DGOD PA'I GSANG SNGAGS NI, ,YI GE BCU BZHI GSANG SNGAGS BSAM, ,DE YI MTHAR MAR AOm MTHAR HE HE DANG, ,HU RU KAm PA BAG SHA HA H'A MA MRA BRI H'Um PHAt SV'AH'A, DE MTHAR DBYANGS DANG GSAL BYED GANG, ,SRUNG BA'I SNGAGS DANG BCAS PA NI, ,GUR GUM BZANG POS BYUGS BYAS TE, ,RDO RJE RGYA GRAM DBUS SU GZHUG ,GANG GI MING BCAS 'BUM BZLAS SHING, ,BTAGS PAS SRUNG PA'I MCHOG TU 'GYUR, ,GZHAN YANG BUM PA BZANG PO RU, ,BDUD
RTZI 'O MA SBYAR BA DAG ,RANG GI GSANG SNGAGS YUNGS KAR BCAS, ,GAR DBANG CHAGS PA'I SKUR BSGOMS SHING, ,SNGAGS THOD SRUNG BAR 'GYUR BAR BYED, ,DE BZHIN GSHEGS PA THAMS CAD KYI; ;GSANG BA 'DI NYID BSHAD PAR BYA, ,PHYOGS BCU'I BYANG CHUB SEMS BCAS PAS, ,DE LA THAMS CAD DGA' MDZAD CING, ,LHA RNAMS KUN LA SLAR BSGO MDZAD, ,DE DAG DAD PA'I SHUGS KYIS NI, ,RGYUD KYI RGYAL PO 'DI BZUNG ZHING, ,DE 'DZIN GZHAN LA'ANG BYAMS PAR 'GYUR, ,DE BZHIN GSHEGS PA THAMS CAD KYI GSANG BA DPAL RTA MCHOG ROL PA'I RGYUD CHEN PO ZHES BYA BA LAS, SRUNG BA'I LE'U STE SUM CU PA'O,, ,,DE BZHIN GSHEGS PA THAMS CAD KYI DGONGS PA BLA NA MED PA'I GSANG BA DPAL RTA MCHOG ROL PA'I RGYUD CHEN PO'I RTZA BA RDZOGS SO,, ,,