GSANG BA'I SNYING PO DE KHO NA NYID NGES PA

BOD SKAD DU, GSANG BA'I SNYING PO DE KHO NA NYID NGES PA'I BLA MA CHEN PO'O, ,BCOM LDAN 'DAS DPAL KUN TU BZANG PO YE SHES BLA MA CHEN PO LA PHYAG 'TSAL LO, ,'DI SKAD BSHAD PA'I DUS GCIG NA, SGYU 'PHRUL BLA MA CHEN PO NI, ,SANGS RGYAS KUN GYI BLA MA STE, ,RNAL 'BYOR KUN GYI GSANG MCHOG BDE, ,GNAS GSANG BA NA BZHUGS NAS SU, ,SNYING PO BLA MA 'DI SKAD BSHAD, ,DE BZHIN GSHEGS PA YANG DAG PAR RDZOGS PA'I SANGS RGYAS BCOM LDAN 'DAS GSANG BA BLA MA'I LONGS SPYOD CHEN PO PHYOGS BCU DUS BZHI'I DE BZHIN GSHEGS PA THAMS CAD KYI SKU DANG GSUNG DANG THUGS YON TAN 'PHRIN LAS RDO RJE'I BDAG NYID CAN, MA LUS MI LUS LUS PA MED PA THAMS CAD KYANG SO SO MA YIN THA MI DAD DBYER MED PA'I RANG BZHIN TE, SHIN TU GSANG BA BLA MA CHEN PO'I DBYINGS 'OG MIN GYI GNAS MTHA' DANG DBUS MED PA NA GZHI TSAD MED PA'I YE SHES KYI 'KHOR LO GSAL BA LA YE SHES RIN PO CHE 'BAR BA'I GZHAL YAS KHAD NAM MKHA'I DBYINGS LTAR RGYA PHYOGS BCUR YONGS SU MA CHAD BA, YON TAN BLA MA CHEN PO DPAG TU MED PAS RGYAS PA'I PHYIR GRU BZHIR GYUR PA, LHAG PA'I YE SHES RIN PO CHE BLA MA'I GLO 'BUR BZHIS MDZES

, ,PA; RTZE MO PHYOGS BCU DUS BZHI'I SANGS RGYAS KYI DKYIL 'KHOR MA LUS PA THAMS CAD SO SO MA YIN THA MI DAD PA'I NGO BO NYID GCIG PA'I YE SHES BLA MAS KUN DU 'KHYIL PA, YE SHES BLA MA BSAM GYIS MI KHYAB PA'I DBYIBS DANG, KHA DOG LA SOGS PA RNAM PA THA DAD PA'I BYE BRAG DANG KHYAD PAR DU GYUR PA, SPAGS PA, TSAD DPAG TU MED PA; YE SHES RIN PO CHE BLA MA'I PHRENG BA DANG, CHUN 'PHYANG DANG, SHAR BU'I RGYAN DANG, GZUGS DANG, SGRA DANG, DRI DANG, RO DANG, REG BYA LA SOGS PA MI SGRIB PAR GSAL BAR RANG BYUNG LA, GSAL BA'I RGYAN KHYAD PAR CAN BLA MAS KLUBS PA, TSAD MED PA BZHI'I SGO NAS 'JUG PA'I SGO KHYUD CAN, RNAM PAR THAR PA BRGYAD KYI RTA BABS DANG LDAN PA, PHYI DANG NANG MED PA KUN TU YANG BLA MA CHEN PO NANG DU GYUR PA, SHIN TU GSANG BA PAS KHYAB BDAL BA'I BLA MA CHEN PO'I GZHAL YAS KHANG NA PHA ROL TU PHYIN PA LNGA'I KHRI, MI 'JIGS PA SENG+GE'I KHRI DANG, STOBS GLANG PO CHE'I KHRI DANG, RDZU 'PHRUL RTA'I KHRI DANG, DBANG RMA BYA'I KHRI DANG, THOGS PA MED PA NAM MKHA' LDING GI KHRI DANG, RANG BZHIN GYI 'OD GSAL BA NYI ZLA'I DKYIL 'KHOR DANG, GOS PA MED PA PADMA RIN PO CHE'I GDAN BRTZEGS PA NI, YE NAS GSANG BA BLA MA'I PHYIR, ,YUM GYI GZHAL YAS PHYOGS BCUR 'BAR, ,YE NAS PHA ROL PHYIN PA'I PHYIR, ,THOGS

PA MED PA'I KHRI RKANG BRTAN, ,RANG BZHIN YE NAS 'OD GSAL PHYIR, ,NYI ZLA BRTZEGS PA'I GDAN 'BAR ZHING, ,GDOD NAS DRI MA MED PA'I PHYIR, ,RNAM PAR DAG PA PADMO GDAN, ,RE BA YID BZHIN SKONG BA'I PHYIR, ,YID BZHIN RIN CHEN GTER GYI GDAN, ,MA BSAGS LHUN GYIS RDZOGS PA'I PHYIR, ,SNA TSOGS DKYIL 'KHOR CHEN PO'I RGYAN, ,YON TAN CHEN PO'I GDAN STENG NA, , SKU MDUN DANG RGYAB MED PAR THAMS CAD DU ZHAL BLA MA THA LE BAR GSAL ZHING MTSAN DANG DPE BYAD DU LDAN PAS THAMS CAD DU BSAM GYIS MI KHYAB PA'I SKU GSUNG THUGS YON TAN 'PHRIN LAS SNA TSOGS PAR SNANG BA, THABS DANG SHES RAB KYI ZHABS GNYIS MNYAM PA'I BRTUL ZHUGS KYI SKYIL MO KRUNG DU BZHUGS PA, YE SHES DRUG GI PHYAG YE SHES RIN PO CHE 'BAR BA'I PHYAG RGYA CAN,, SKU GSUNG THUGS BSAM GYIS MI KHYAB PA'I DBU GSUM DANG LDAN PA, BCOM LDAN 'DAS DE BZHIN GSHEGS PA RNAM PAR SHES PA'I RGYAL PO BLA MA DANG, BTZUN MO DAM PA SRA BA'I DBYINGS KYI BLA MA DANG, DE BZHIN GSHEGS PA GZUGS KYI RGYAL PO BLA MA DANG, BTZUN MO DAM PA SNANG BA'I DBYINGS KYI BLA MA DANG, DE BZHIN GSHEGS PA TSOR BA'I RGYAL PO BLA MA DANG, BTZUN MO DAM PA MNYEN PA'I DBYINGS KYI BLA MA DANG, DE BZHIN GSHEGS PA 'DU SHES KYI RGYAL PO BLA MA DANG, BTZUN MO DAM PA DRO BA'I DBYINGS KYI BLA MA DANG, DE BZHIN GSHEGS PA 'DU BYED

, ,KYI RGYAL PO BLA MA DANG, BTZUN MO DAM PA BSKYED PA'I DBYINGS KYI BLA MA LA SOGS PA YE SHES RGYAL PO STANGS DPYAL KUN KYANG MTHING GA DANG, DKAR PO DANG, SER PO DANG, LE BRGAN DANG, LJANG KHU'I MDOG BLA MAR 'TSER BA STE GNYIS SU MED PAR 'KHRIL BAS CHOS KYI DBYINGS KUN DU MTHA' YAS PAR BLA MA CHEN PO'I SPYOD PAS KHYAB PA NI, 'DI LTA STE, DPER NA; TIL GYI GANG BU 'AM MNGAR GYI SBRAM BU BZHIN KUN TU BDE BA CHEN POS KHYAB PAR BZHUGS SO, ,DE NAS BYANG CHUB CHEN PO RDO RJE MTHONG DBANG BLA MA DANG, BCUN MO GZIGS PAR BYA BA'I BLA MA DANG, BYANG CHUB CHEN PO RDO RJE THOS DBANG BLA MA DANG, BTZUN MO GSAN PAR BYA BA'I BLA MA DANG, BYANG CHUB CHEN PO RDO RJE SNOM DBANG BLA MA DANG, BTZUN MO BSNAM PAR BYA BA'I BLA MA DANG, BYANG CHUB CHEN PO RDO RJE MYONG DBANG BLA MA DANG, BTZUN MO MYANG BAR BYA BA'I BLA MA DANG, BYANG CHUB CHEN PO RDO RJE GSOG SHES BLA MA DANG, BTZUN MO SGRON MA'I BLA MA DANG, BYANG CHUB CHEN PO RDO RJE GCOD SHES BLA MA DANG, BTZUN MO GDUG PA'I BLA MA DANG, BYANG CHUB CHEN PO RDO RJE 'JUG SHES BLA MA DANG, BTZUN MO CHAR 'BEBS BLA MA DANG, BYANG CHUB CHEN PO RDO RJE 'DUS PA'I BLA MA DANG, BTZUN MO RGYAS PA'I BLA MA DANG, 'JOMS PA CHEN PO RDO RJE REG G-YAS BLA MA DANG, BTZUN MO RTAG PAR MA YIN PA'I BLA MA DANG, 'JOMS PA CHEN PO RDO RJE REG G-YON BLA MA DANG, BTZUN

MO CHAD PAR MA YIN PA'I BLA MA DANG, 'JOMS PA CHEN PO RDO RJE REG GSANG BLA MA DANG, BTZUN MO BDAG TU MA YIN PA'I BLA MA DANG, 'JOMS PA CHEN PO RDO RJE REG 'DUS BLA MA DANG, BTZUN MO MTSAN MAR MA YIN PA'I BLA MA DANG, DE LTA BU'I TSOGS BRJOD KYIS MI LANG BA DANG GNYIS SU MED PAR GSANG BA DGYES PA'I DBYINGS BLA MA NA BZHUGS SO, ,DE NAS DE BZHIN GSHEGS PA BTZUN MO'I TSOGS DANG GNYIS SU MED PA'I DKYIL 'KHOR BLA MA DE NYID KYI GSANG BA BLA MA 'DI NYID KYI SKU DANG GSUNG DANG THUGS DANG YON TAN 'PHRIN LAS RDO RJE LAS BYUNG NGO, ,AE MA'O DE BZHIN NYID KYI DBYINGS NYID DBANG SGYUR DKYIL 'KHOR BLA MA'I NGANG, ,NGANG NYID RNAM DAG BDE MCHOG GSANG BA'I DBYINGS, ,DBYINGS NYID MNYAM SBYOR BDE MCHOG RIN CHEN GTER, ,MI ZAD GTER LDAN BDUD RTZI GSANG BA'I BLA, ,BLA MED BYANG CHUB THIG LE YA MTSAN DKYIL 'KHOR SNANG, ,RANG SNANG BA NYID TING 'DZIN GZUGS BRNYAN RNAM DAG SNANG BA NI, ,SKU GSUNG THUGS YON TAN 'PHRIN LAS SEL MED PA'I YID BZHIN RIN CHEN MI ZAD PAR LDAN PA RGYAN GYI 'KHOR LO BLA MA RDO RJE MCHOG GI GNAS NYID DO, ,RDO RJE GSANG BA BLA MA'I NGES DON DU'O, ,GSANG BA'I SNYING PO DE KHO NA NYID NGES PA'I BLA MA LAS, DBYINGS DANG YE SHES GSANG BA'I BDE BA'I BLA MA NGES PA'I GLENG GZHI'I LE'U STE DANG BO'O,, ,,DE NAS BCOM LDAN 'DAS YID BYED PA BLA MA RDO

, ,RJE KUN TU BZANG PO THAMS CAD MA LUS PA'I TSUL RDO RJES BTZUN MO BYA BA MO KUN TU BZANG MO'I BLA MA LA 'JUG PAR GYUR TO, ,GSANG PA'I BLA MA'I TSIG 'DI CHED DU BRJOD DO, ,AOm CHOS KYI CHOS NYID BYA BA'I DBYINGS, ,KUN TU BZANG MO BDE BA'I YUM, ,MA G-YOS RANG BZHIN DKYIL 'KHOR NI, ,BDAG YIN BDAG GI SPYOD YUL BAS, ,PHYAG RGYA SNA TSOGS SO SOR GSAL, ,NUB PHYOGS 'OG MIN GNAS MCHOG TU, ,MCHOGS PADMA'I GDAN BTING BA, ,DUS GSUM RGYAL BA BZHUGS PA'I GNAS, ,RNAM PAR THAR PA'I SGO BZHI LA, ,PHYAG RGYA BZHI DANG YANG DAG LDAN, ,DBANG MED SKAL NGAN GSAL BA'I PHYIR, ,NANG GTAN PHYI RIM LCAGS DANG LDAN, ,RGYAL BA YONGS KYI GSANG BA'I CHOS, , SUS KYANG GTING DPAG DKA' BA STE, ,KUN TU BZANG PO NYID KYIS GZIGS, ,HO:, DE NAS BTZUN MO BYA BA KUN DU BZANG MOS GSANG BA BLA MA'I TSIG 'DI CHED DU BRJOD DO, ,AOm, SEMS KYI SEMS NYID BYED PA'I GTZO, ,KUN TU BZANG PO RDO RJE YID, ,YE SHES BRGYAD KYI RANG BZHIN TE, ,SHAR PHYOGS MNGON DGA' BSAM YAS NAS, ,N'I LA LTA BU'I GTER 'BYIN PA; ;GSANG 'DUS 'PHRUL GYI LDE MIG GIS, ,RNAM PAR THAR PA'I SGO PHYE STE, ,BYANG CHUB MCHOG GI NANG GTAN BKROL, ,MA CHAGS PADMA'I GDAN LA BZHUGS, ,'GRO DON BYANG CHUB

SEMS BSKYED DE, ,'GRO LNGA SKYE ZHING DBANG DU BSDUS, ,SKU GSUNG THUGS NAS DBANG BSKUR RO, ,ZHES GLENG NGO, ,DE NAS BYA BA MO KUN DU BZANG MOS GSANG BA BLA MA'I MCHOD PA 'DI CHED DU PHUL LO, ,AOm, RIN CHEN PADMA'I DKYIL 'JAM 'DI, ,'DZUM PA'I MDANGS KYIS 'BUL LAGS KYI, ,BLA MED 'PHRUL GYI LDE MIG STE, ,DGYES MCHOG RDO RJE GSOR NAS NI, ,BDUD RTZI CHAR CHEN DBAB TU GSOL, ,ZHES CHED DU GLENG NGO, ,DE NAS YANG YID BYED PA PO RDO RJE KUN TU BZANG POS BDUD RTZI BLA MA'I CHAR PAS SNOD BCUD KYI 'DZAM BU'I GLING TSIM PAR BYA BA'I PHYIR GSANG BA BLA MA'I TSIG 'DI CHED DU BRJOD DO, ,AOm, RDO RJE BLA MA'I DGYES RAB 'DI, ,GSOR NAS BDUD RTZI'I CHAR DBAB PHYIR, ,'DZUM ZHING 'KHYIL BA'I GNAS SU GSOR, ,MI DMIGS BDE DANG SPRO BA 'DIS, ,KUN DU BZANG MO DBYINGS SU BSKYIL, ,ZHES CHED DU GLENG STE GNYIS SU MED PA LAS NYID KYI SPYOD YUL THAMS CAD GSANG BA'I DKYIL 'KHOR BLA MA KHYAD PAR DU SPAGS BA RDUL PHRA MO SNYED THON NAS SGYU MA'I CHO 'PHRUL CHEN PO BSAM GYIS MI KHYAB PAR MDZAD PA NI, LA LA NI, GSANG BA BLA MA'I DKYIL 'KHOR DU ZHUGS TE YAN LAG THAMS CAD RDO RJER BYIN GYIS RLOB, ,LA LA NI, 'GRO BA DRUG GDUL BA'I DON DU THUB PA CHEN PO DRUG TU BZHUGS PA 'DI LTA STE, LHA YI GNAS NA BRGYA BYIN MGON, ,LHA MA YIN LA THAGS BZANG RIS, ,MI

, ,LA BDUD 'DUL SH'AKYA MGON, ,YI DVAGS GNAS NA KHA 'BAR BDE, ,BYOL SONG SENG+GE NYID DU SMRA, ,DMYAL BA LA NI GSHIN RJE MGON, ,SKU DANG CHA LUGS TSUL STON CING, ,LA LA LHUMS ZHUGS SKU LA BLTAMS, ,LA LA TSUL SRUNG RAB TU BYUNG, ,LA LA BSNYEN RDZOGS DKA' THUB BYED, ,LA LA DAM NOD 'GRO BA SGROL, ,LA LA BCU DRUG CHOS LA BTZUD; ;LA LA ME 'BAR CHUR YANG 'BRUB, ,LA LA NAM MKHA' SGRA RU 'BAR, ,LA LA RDO RJE BRAG TU SRA, ,LA LA GSO GSOD PHAM RGYAL BYED, ,LA LA BCING SGROL 'GUG SGROL BYED, ,LA LA BDUD 'DUL NGAN SONG SPYOD, ,LA LA DKYIL 'KHOR MCHOD SPRIN 'KHRIL, ,KUN KYANG CHOS KYI 'KHOR LO BSKOR, ,DE LTAR RTAG TU CHOS KYI 'KHOR LO BSKOR BA NI 'DI LTA STE, THEG PA DANG PO BCU DRUG MGON, ,GNYIS PA BZHI YI LTA SPYOD BSRUNG, ,GSUM PA BCU GNYIS NGES PAR BSTAN, ,BZHI PA GNYIS KYI LTA SPYOD SPYANGS, ,BZHI PA'I THEG PA MDOR BSDUS NA, ,BLA MED THEG PA'I DBYINGS SU BTZUD, ,THEG PA BZHI YI NGES 'BYUNG LA, ,THEG PA GCIG GIS 'BRAS BUR GNAS, ,KUN 'BYUNG DKYIL 'KHOR SGYU 'PHRUL CHE, ,MANG LA 'BREL PAS DRA BA'I DON,, THUN MONG MIN PAS GSANG BA'I DON, ,THEG PA'I BCUD DE SNYING PO'I DBYINGS, ,ZHES CHED DU GLENG STE, ,SNOD BCUD KYI 'JIG RTEN RGYAL BA'I DKYIL 'KHOR GSANG BAR GNAS BSGYUR BA

DANG, PHYOGS BCU DUS BZHI'I DE BZHIN GSHEGS PA THAMS CAD GSANG BA BLA MA'I TING NGE 'DZIN GYI GZIGS MOS MNYES PAR GYUR TO, ,DE NAS SNOD BCUD KYI 'JIG RTEN THAMS, CAD DANG, SNYIGS MA MED PAR GSANG BA BLA MA'I DKYIL 'KHOR DU MNGON PAR SANGS RGYAS NAS CHED DU BRJOD PA 'DI BRJOD DO, ,AE MA'O RDO RJE PHUNG PO'I YAN LAG NI, ,RDZOGS PA'I SANGS RGYAS LNGA RU GRAGS, ,SKYE MCHED KHAMS RNAMS MANG PO KUN, ,BYANG CHUB SEMS DPA'I DKYIL 'KHOR NYID, ,SA CHU SBYAN DANG M'A MA K'I, ,ME LONG GOS DKAR SGROL MA STE, ,NAM MKHA'I DBYINGS KYI DBANG PHYUG MA, ,SRID GSUM YE NAS SANGS RGYAS ZHING, ,THAMS CAD MA LUS CHOS SO COG ,SANGS RGYAS NYID LAS GZHAN MA YIN, ,SANGS RGYAS NYID LAS GZHAN PA'I CHOS, ,SANGS RGYAS NYID KYIS MI RNYED DO, ,ZHES BRJOD PAS DE BZHIN GSHEGS PA THAMS CAD MNYES PAR GYUR TO, ,DE NAS DE BZHIN GSHEGS PA BTZUN MO'I TSOGS THAMS CAD KYIS CHED DU BRJOD PA 'DI GSUNGS SO, ,AE MA'O PHYOGS BCU'I STONG KHAMS YE NAS DBEN, ,SRID PA GSUM NYID DAG PA'I ZHING, ,SNYIGS MA LNGA NYID BDE LDAN GNAS; ;PHUNG PO LNGA NYID MNGON SANGS RGYAS, ,THAMS CAD MCHOG GI SNYING PO BAS, ,GZHAN DU RGYAL BAS CHOS MI BTZAL, ,NYID LAS GZHAN ZHES BYA BA'I CHOS, ,BTZAL KYANG RGYAL

, ,BAS MI RNYED DO, ,ZHES BRJOD PAS CHOS THAMS CAD YE NAS SANGS RGYAS PAR DE BZHIN GSHEGS PA NYID KYIS MKHYEN TO, ,DE NAS DBYINGS DANG YE SHES GNYIS SU MED PA LAS CHED DU BRJOD PA 'DI BRJOD DO, ,AE MA'O YE NAS GSANG BA'I CHOS, ,SNA TSOGS SNANG BA RANG BZHIN GSANG, ,GZHAN DU MIN LA SHIN TU GSANG, ,GSANG MCHOG SNYING PO BLA NA MED, ,THAMS CAD GSANG BA'I DBYINGS SU NGES, ,BLA MA MCHOG GI SNYING PO LAS, ,SANGS RGYAS SEMS CAN GNYIS SU MED, ,CES BRJOD PAS THAMS CAD DBYINGS SU NGES PAR MKHYEN TO, ,DE LTAR YIN NA YANG 'GRO BA'I RNAM PAR RTOG PAS 'GRO BA'I RIGS BSAM GYIS MI KHYAB PAR SMIN PA LA THUGS RJE CHEN PO SANGS RGYAS KYI CHE BA'I YE SHES BSKYED PA'I PHYIR RDO RJE BLA MA'I TSIG 'DI CHED DU BRJOD DO, ,AE MA'O BDE GSHEGS SNYING PO LAS, ,RANG GI RNAM RTOG LAS KYIS SBRUL, ,SNA TSOGS LUS DANG LONGS SPYOD DANG, ,GNAS DANG SDUG BSNGAL LA SOGS PA'I, ,BDAG DANG BDAG GIR SO SOR 'DZIN, ,SUS KYANG MA BCINGS BCINGS MED DE, ,BCING BAR BYA BA YOD MA YIN, ,RNAM RTOG BDAG TU 'DZIN PA YIS,, NAN GYIS MKHA' LA MDUD PA BOR, ,BCINGS MED RNAM PAR GROL MED PA'I, ,YE NAS LHUN RDZOGS SANGS RGYAS CHOS, ,BSTAN PHYIR SPRO BA SNA TSOGS MDZAD, ,SPROS KYANG

'PHEL 'GRIB MED PA'I DBYINGS, ,DE LTAR YIN NA YANG DE LTAR MA RTOGS PA RNAMS LA KUN RDZOB KYI PHUNG PO BYANG CHUB KYI SEMS BLA MA'I DKYIL 'KHOR DU SEMS KYI NGO BO BSKYED PA'I PHYIR,, RDO RJE GSANG BA'I TSIG 'DI CHED DU BRJOD DO, ,STONG ZHING DBEN PA'I SEMS NYID NI, ,RIGS DANG KHA DOG DBYIBS MED DE, ,CI YANG MED LA CIR YANG SNANG, ,MI BSKYOD RDZU 'PHRUL SNA TSOGS 'BYUNG, ,RGYAL PA'I DKYIL 'KHOR SNA TSOGS KYANG, ,SEMS KYI SGYU 'PHRUL CHEN PO YIN, ,GCIG DANG DU MAR MI DMIGS TE, ,MNGON SHES DRUG GIS THAMS CAD BYED, , BLA MA'I TING 'DZIN CHEN PO YIS, ,DKYIL 'KHOR CHEN PO BYED PAR BSTAN, ,RGYU LNGA RKYEN BZHIS BSDUS PA LA, ,RGYAL PA'I DKYIL 'KHOR CHE PHRA BSGOM, ,BZHI YI RIM PA TSUL BZHIN BYED; ;RGYAN DANG PHYAG RGYA'I TSUL RNAMS KUN, ,TIL 'BRU'I NANG DU RI RAB SKYED, ,SANGS RGYAS STONG GI DKYIL 'KHOR DANG, ,STANGS DBYAL GNYIS KYI PHYAG RGYA YANG, ,RI RAB TIL 'BRU'I TSUL BZHIN DU, ,DPE BYAD RGYAN GYIS BRGYAN SBRAS PA'O, ,NGES PAS BZHI BCU RTZA LNGA BSGOM, ,DBYINGS DANG YE SHES STANGS DPYAL GNYIS, ,DKYIL 'KHOR KUN GYI BYED PA PO, ,HO, GZUGS NI RNAM PAR SNANG MDZAD DE, ,YUL LA KUN DU BZANG MO'O, ,HO, CHER BA RIN CHEN 'BYUNG LDAN TE, ,YUL LA KHAMS GSUM BYAMS MA'O, ,HO, 'DU SHES SNANG BA MTHA' YAS TE, ,YUL

, ,LAN BZA' DKAR MO'O, ,HO, 'DU BYED DON YOD GRUB PA STE, ,YUL LA DAM TSIG SGROL MA'O, ,HO, RNAM SHES RDO RJE SEMS DPA' STE, ,YUL LA YANGS PA'I SBYAN CAN MA'O, ,HO, ,MIG LAS YI SNYING PO STE, ,YUL LA DKAR MO SGEG CHEN NO, ,HO, SNA LA NAM MKHA'I SNYING PO STE, ,YUL LA ME TOG DPAL PHRENG MA'O, ,HO, LCE LA SPYAN RAS DBANG PHYUG STE, ,YUL LA CHOS KYI DBYANGS CAN NO, ,HO, RNA BAR PHYAG NA RDO RJE STE, ,YUL LA LAS KYI GAR MKHAN MA'O, ,HO, KUN 'DUS SGRIB PA RNAM SEL TE, ,YUL LA ME TOG CHAR 'BEBS SO, ,HO, KUN SHES KUN TU BZANG PO STE, ,YUL LA GSAL BA'I SGROL MA'O, ,HO, GCOD SHES BYAMS PA'I BDAG NYID DE, ,YUL LA GDUG PA'I SPRIN 'PHRO HO, ,'JUG SHES 'JAM DPAL GZHON NU STE, ,YUL LA TZANDAN CHAR 'BEBS SO, ,G-YAS GNYIS STOBS CHEN KHRO BO STE, ,YUL LA GDONG MO 'JIGS TSUL HO, ,G-YON GNYIS GSHIN RJE'I GSHED PO STE, ,YUL LA SDER 'PHRO 'JIGS TSUL HO, ,GSANG BA RTA MGRIN DPA' BO STE, ,YUL LA DUR KHROD BDAG MO HO, ,LTE BAR BDUD RTZI 'KHYIL BA STE, ,YUL LA GTUM MO 'JIGS TSUL HO, ,RGYUD DRUG 'KHOR BA'I GNAS DRUG TU, ,THUB DRUG PHYAG RGYA CHEN PO'O, ,KUN TU SKU DANG KUN TU GSUNG, ,KUN TU THUGS KYI PHYAG RGYA YANG, ,LUS NGAG YID LA

DE BZHIN HO, ,SEMS NYID SGYU 'PHRUL DRA BA STE, ,SGYU MA'I CHO 'PHRUL CHEN PO LAS, ,DRA BA'I DKYIL 'KHOR BZHI BCU LNGA, ,GSANG BA'I DKYIL 'KHOR NGES PA LAS, ,SNYING PO'I DKYIL 'KHOR BLA MA YIN, ,ZHES BRJOD PAS SEMS CAN THAMS CAD MNGON PAR RDZOGS PAR SANGS RGYAS NAS DE BZHIN GSHEGS PA THAMS CAD DANG DBYER MED PAR DGYIS TE MNYAM PA NYID KYI DBYINGS NA BZHUGS SO, ,GSANG BA'I SNYING PO DE KHO NA NYID NGES PA'I BLA MA LAS, DBYINGS DANG YE SHES GNYIS SU MED PA'I NGANG DU SEMS KYI RANG BZHIN CIR YANG 'GRUB PA'I LE'U STE GNYIS PA'O,, ,,DE NAS DE BZHIN GSHEGS PA THAMS CAD RANG BZHIN GCIG DANG DU MAR DBYER MED PA'I RANG BZHIN THAMS CAD KYIS 'JIG RTEN DRUG GI PHYOGS BCU THAMS CAD LA NYID KYI CHE BA'I DKYIL 'KHOR BLA MA 'DI DBYUNG BAR BZHES NAS CHED DU BRJOD PA 'DI GSUNGS SO, ,AOm, YE SHES BLA MA ROL PA YIS, ,PHYOGS BZHI DBUS DANG LNGAR BRTAGS NA; ;DKYIL 'KHOR BSAM YAS LHUN GYIS GRUB, ,RDZOGS CHEN RTOGS PA'I RNAL 'BYOR PAS, ,KUN 'BYUNG DKYIL 'KHOR CHEN POR SPYOD, ,'KHOR LO RTZIBS BZHI MU KHYUD BCAS, ,GRU CHAD BZHIS BRGYAN RDO RJE'I KHYAMS, ,KUN TU GRU BZHI SGO KHYUD LDAN, ,ROL MO SNA TSOGS SPRIN PHUNG BZHIN, ,DKYIL 'KHOR BZHI BCU GNYIS KYIS BRGYAN, ,SENG+GE GLANG CHEN RTA DANG KHYUNG, ,

, ,NAM MKHA' LDING GI KHRI CHEN LA, ,NYI ZLA PADMA RIN PO CHE, ,GDAN LA RDZOGS DANG SEMS DPA'I TSUL, ,'KHOR LO RGYAL PO RGYAL MO DANG, ,G-YAS NAS MTHONG THOS SNOM PA DANG, ,MYONG DANG BTZUN MO'I TSOGS SU BCAS, ,GRU CHAD LA NI GCOD BYED DANG, ,SNANG BYED GSOG BYED 'JUG BYED RNAMS, ,BTZUN MO'I TSOGS DANG BCAS PAR GNAS,, BAR KHYAMS LA NI THUB DRUG DAG ,RGYUD DRUG SBYONG BA'I PHYAG RGYAR GNAS, ,DE BZHIN THIG LE CHEN PO DAG ,MDUN DANG RGYAB TU BYED PA DAG ,BYA BA DAG NI GNAS PAR BSTAN, ,SGO KHYUD BZHI LA 'JOMS PA DAG ,BTZUN MO'I TSOGS DANG LDAN PAR GNAS, ,RDO RJE 'KHOR LO RIN PO CHE, ,PADMA'I RAL GRI NOR BU 'BAR, ,AUTPAL KLU SHING LA SOGS MTSAN, ,MDZES TSUL MNYES PA'I YO BYAD 'DZIN, ,MTHING GA DKAR PO SER LE BRGAN, ,LJANG GU LA SOGS SNA TSOGS MDOG ,MNYEN LCUG 'KHRIL LDEM GZHON TSUL CAN, ,GSAL 'TSER LHUN STUG GZI BYIN 'BAR, ,'OD ZER 'PHRO BA'I TSOGS CHEN PO, ,'BAR BA'I PHRENG BA 'KHRIGS PA STE, ,MTHA' DBUS MED PAR KHYAB PA YIN, ,DKYIL 'KHOR BSAM YAS LHUN GYIS GRUB, ,HO ZHES BRJOD PAS 'JIG RTEN DRUG GI PHYOGS BCU MTHA' YAS MU MED PA THAMS CAD DU DKYIL 'KHOR BLA MA CHEN PO BRJOD KYIS MI LANG BA ZHING GI RDUL SNYED DU GSAL BAR GYUR TO, ,DE NAS DE

BZHIN GSHEGS PA BTZUN MO'I TSOGS DANG GNYIS SU MED PA'I DKYIL 'KHOR DE DAG NYID KYI GSANG BA BLA MA 'DI SKU GSUNG THUGS YON TAN 'PHRIN LAS 'DI DAG PHYUNG NGO, ,AA HO, BDE MCHOG NGO MTSAR BYANG CHUB SEMS CHEN PO, ,THIG LE MNYAM SBYOR SGYU 'PHRUL BLA MA'I DBYINGS, ,RNAM DAG THIG LE BYANG CHUB SEMS KYIS ROL, ,NGO MTSAR RMAD BYUNG BLA MA CHEN PO'I DBYINGS,, HO, DMIGS BYA DMIGS BYED MI DMIGS GSANG BA'I DBYINGS, ,YE SHES RANG RIG DKYIL 'KHOR BLA MA BSAM MI KHYAB, ,MNYAM DANG MI MNYAM KUN KHYAB GSANG BA'I DBYINGS, ,YE SHES KUN GSAL DKYIL 'KHOR SPROS MED BLA MA'I NGANG, ,HO, RDO RJE GSANG BA'I TSIG TU'O, ,GSANG BA'I SNYING PO NGES PA'I BLA MA CHEN PO LAS, DKYIL 'KHOR SPROS PA'I LE'U STE GSUM PA'O,, ,, DE NAS YE SHES RGYAL PO DE BTZUN MO BLA MA'I DBYINGS DANG GNYIS SU MED PAR GYUR NAS BDE BA CHEN PO BYANG CHUB KYI SEMS RIM PAR GSAL BA ZHES BYA BA'I DGONGS BA RTZER CHIB NAS TING NGE 'DZIN GYI RNAM PA PHYOGS BCU DUS BZHIR DGOD PAR BZHED NAS SKU GSUNG THUGS BLA MA'I DBYINGS NAS 'DI DAG PHYUNG NGO, ,DANG PO BLA MA'I LUNG BSTAN PA, ,MTSON DU MED PA'I BYANG CHUB SEMS,, YE SHES SNYING PO GSAL BA DAG ,SGOM PA RNAM GSUM DUS GCIG RDZOGS, ,BYANG CHUB SEMS KYI THIG LE LA, ,MA BKAG LHUN GYIS RDZOGS PAS NA, ,DE NI THIG LE CHEN PO'I DON, ,DE NI DE

, ,BZHIN NYID KYI DBYINGS, ,DE NI KUN DU SNANG BA'I NGANG, ,DE NI RGYU YI RIM PAR LDAN HO, ,GSANG BA BLA MA'I TSIG TU'O, ,GSANG BA BLA MA'I NGES DON LAS, ,GSANG BA GSUNG GI DKYIL 'KHOR GRAGS, ,BHRUm BI SHVA BI SHUDDHE BADZRA SVHA'H'A, H'Um H'Um H'Um BADZRA TZITTA AOm, ,AA AA AA BADZRA PA TA SA MA YA AOm, H'Um BADZRA DHRi KA, MUm DH'A TU A'I SHVA RI, AOm JI NA JI KA ,L'Am DVE SHA RA TI, SV'A RATNA DHRiKA ,M'Am MO HA RA TI, AOm A'A RO LI KA ,P'Am R'A GA RA TI, HA PRADZNY'A DHRiKA, T'Am BADZRA RA TI, KshI HI R'A DZ'A YA, H'Um L'A SE SA MA YA STVAm, TRAm AA GARBHA YA, TRAm M'A LE SA MA YA HO, HR'I:HA HO PADMA BANDHA MA; HR'I:G'I TI RA HO:, HAm DZI KU RU PA NA HR'I:, A'A NRi TYA R'A GA Y'A MI, MEE DHA Ri nA SV'IH'A, DZA:DHU PE PRA BE SHA, THLHIm NI SA RA MA B'A YA SV'AH'A, H'Um PUshPA AA BEE SHA, H'Um SA R'A DZ'A YA SV'AH'A, BAm DHU PI SU KshA nI, M'Um SHR'I A'A RAm G'A YA SV'AH'A, HO:GANDHE TZITTA, AOm MU nE KRi SV'A H'A, AOm MU nE H'Um DRUm SV'AH'A, AOm MU nE PRAm SV'AH'A, AOm MU NE SRUm SV'AH'A, AOm MU NE KshAm SVAH'A, AOm MU NE YE SV'AH'A, H'Um YA M'ANTA KRiTA PHAt; AOm MAH'A BADZRA DHA RA MA H'A KRO DHI SHVA RI DZVA LA NI H'Um PHAt, H'Um PRADZNY'A NTA KRIT PHAt, AOm MAH'A RATNA DHA RA MAH'A KRO DHI SHVA RI DZVA LA NI H'Um PHAt, H'Um PADM'A NAT KRIT H'Um PHAt, AOm MAH'A PADMA DHA RA MA H'A KRO DHI SHVA RI DZVA LA NI H'Um PHAt, AOm BIGH'ANTA KRIT H'Um PHAt, AOm MAH'A KARMA DHA RA MA H'A KRO DHI SHVA RI DZVA LA NI H'Um PHAt, AOm AE HYE HI BHA GA W'A NA, MAH'A K'A RU nI KA DRi SHYA HO:, SA MA STVAm, DZA:H'Um BAm

TO [?]:, AOm A'Am:H'Um SV'AH'A, BADZRA SA MA YA, BADZRA SA MA YA, BADZRA SA MA YA, BADZRA SA MA YA, BADZRA SA MA YA, AOm A'A:H'Um SV'AH'A, AOm, YE SHES RGYAL PO SKU GSUNG THUGS, ,YON TAN 'PHRIN LAS RMAD PO CHE, , SKYON BRAL BYANG CHUB SEMS CHEN PO, ,DE NYID DU NI MNYAM SBYOR BAS, ,PHYAG RGYA BLA MAR BDAG SBYOR CIG, ,AOm BADZRA SA MA YA H'Um, AOm BADZRA SA MA YA STVAm, BADZRA SA MA YA H'O:, DZA:H'Um BAm HO:, ZHES GSUNGS PAS, ,GSUNG GI DKYIL 'KHOR BLA MA CHEN POS 'JIG RTEN DRUG GI PHYOGS BCU THAMS CAD DU GRAGS, RAB TU GRAGS, KUN TU GRAGS SO, ,GRAGS PAS SNOD BCUD KYI 'JIG RTEN THAMS CAD KYI DKYIL 'KHOR BLA MA CHEN POS KHYAB PAR GYUR TO, ,DE NAS YANG YE SHES RGYAL PO STANGS DPYAL DAG GNYIS SU MED PAR ROL PA MDZAD PA BLA MA LA THIM PAR GYUR TO, ,DE NAS YE SHES RGYAL PO DE NYID DANG BYIN BSDU BA ZHES BYA BA 'DI SKU GSUNG THUGS RDO RJE LAS BYUNG NGO, ,AOm, CHOS DBYINGS MNYAM PA CHEN PO LAS, ,YE SHES GSAL BA RNAM PAR DAG ,CHOS KYI DBYINGS KYI YE SHES KYIS, ,SKYE MED CHOS LA DBANG SGYUR SHOG ,AOm MAH'A GU HYA MA SH'U N+YA TA DHARMA DZNY'A NA SVA BH'A BA A'ATMA KONYAHAm, H'Um, DAG CING GSAL BA'I RANG BZHIN TE, ,SKYON MED SEMS NYID RIN PO CHE, ,ME LONG LTA BU'I YE SHES KYIS, ,SRID BA GSUM LA DBANG SGYUR SHOG ,AOm MA H'A GU HYA MAH'A A'A DARSHA DZNY'A NA BADZRA SV'A BHA BA A'ATMA KONYAHAm, SV'Am, KHAMS GSUM RE SKONG RGYAL PO

, ,STE; ;YID BZHIN RIN CHEN GTER GYI MCHOG ,MNYAM PA NYID KYI YE SHES KYIS, ,'GRO BA RE SKONG RGYAL POR SHOG ,AOm MH'A GU HYA MA H'A GU HYA MA H'A SA MANTA AA BE SHA DZNY'A NA BADZRA SVA BH'A BA A'ATMA KONYAHAm, NYES PA'I SKYON BRAL DRI MA MED, ,SKYE 'GAG MED PA'I DNGOS GRUB STE, ,SO SOR RTOG PA'I YE SHES KYIS, ,SRID GSUM NYES DMIGS SEL BAR SHOG ,AOm MAH'A GU HYA MA H'A PRA TI PRA BE SHA DZNY'A NA BADZRA SV'A BH'A BA AATMA KONYAHAm, H'A, DBYINGS KYI DKYIL 'KHOR MTHAR PHYIN CING, ,GRUB PA LAS KYI BYE BRAG LAS, ,BYA BA NAN TAN YE SHES KYIS, ,SKYE 'GRO DBYINGS SU SGROL BAR SHOG, AOm MAH'A GU HYA MA H'A KRITA AA NUshth'A NA DZNY'A NA BADZRA SVA BH'A BA AATMA KONYHAm, AA NI STONG DANG MI STONG GNYIS, ,DBU MA LA YANG MI GNAS SHING, ,STONG PA CHEN PO'I YE SHES KYIS, ,MI 'GYUR DBYINGS LA DBANG SGYUR SHOG ,AOm MAH'A GU HYA MAH'A AA BE SHA SHUN+Y'A T'A DZNY'A NA BADZRA SV'A BH'A BA A'ATMA KONYHAm, AOm, BDE GSHEGS SKU YI NGO BO LAS, ,MI SHIGS RDO RJE RGYAL BA'I GTZO, ,SNGAGS DANG PHYAG RGYAR LDAN PA YIS, ,RDO RJE SKU YI GTZO BOR SHOG, AOm MAH'A GU HYA SARBA TA TH'A GA TA K'A YA BADZRA SVA BH'A BA A'ATMA KONYHAm, AAm, BDE GSHEGS GSUNG GI NGO BO LAS, ,MI SHINGS RDO RJE CHOS KYI DBYINGS, ,SNGAGS DANG PHYAG RGYAR LDAN PA YIS, ,RDO RJE GSUNG GI NGO BOR SHOG, AOm MAH'A

GU HYA SARBA TA TH'A GA TA B'A KA BADZRA SVA BH'A BA A'ATMA KONYHAm, H'Um, BDE GSHEGS THUGS KYI GTZO BO LAS, ,MI SHIGS RDO RJE RDO RJE'I THUGS, ,SNGAGS DANG PHYAG RGYA RA LDAN PA YIS, ,RDO RJE THUGS KYIS BYIN RLOBS SHOG ,AOm MAH'A GU HYA SARBA TA TH'A GA TA TZITTA BADZRA SVA BH'A PA A'ATMA KONYHAm, SVA'm, MI 'GYUR BA YI ZHING KHAMS NAS, ,MA BSKYED PA YI 'BRAS BU LAGS, ,MA BSAGS PA YI LONGS SPYOD 'BYUNG, ,CIR YANG 'GRUB PA'I YE SHES KYIS, ,RANG DBANG THABS KYIS SGYUR PAR SHOG ,SVAm MAH'A GU HYA SARBA TA TH'A GA TA MAH'A BU DZA BADZRA SVA BH'A BA A'ATMA KONYHAm ZHES GSUNGS PAS GSAL LA 'BAR BAS THIM PAR GYUR TO, ,AE MA NGO MTSAR RAB 'BYAMS KYI, ,NGO MTSAR YA MTSAN GSANG BA'I CHOS, ,SGRA DANG MING TSIG KUN LAS 'DAS, ,SNA TSOGS SGRA RNAMS DBYINGS SU GSAL, GSUNG GCIG YAN LAG DKYIL 'KHOR NI, ,BSAM GYIS MI KHYAB KHYAB MCHOG DBYINGS, ,THAMS CAD GSUNG GI PHYAG RGYA MCHOG ,HO, GSANG BA'I SNYING PO NGES PA'I BLA MA CHEN PO LAS, DKYIL 'KHOR BSDU BA DANG GSANG SNGAGS KYI LE'U STE BZHI PA'O,, ,,DE NAS YE SHES RGYAL PO DE NYID DE BZHIN GSHEGS PA THAMS CAD KYI YAN LAG THAMS CAD DKYIL 'KHOR BLA MAR LHUN GYIS GRUB PA'I DGONGS BRTZER CHIB NAS RDO RJE BLA MA'I TSIG 'DI CHED DU GSUNGS SO, ,SGYU 'PHRUL DRA BAS MNGON RDZOGS PA'I, ,THAMS CAD BYANG CHUB MCHOG GI RGYA, ,GSANG BA DE NYID NGES

, ,PA YI; ;SNYING PO PHYAG RGYA 'DA' DKA' 'O, ,MI BSKYOD NYI MA'I DKYIL YI GE ,RIN CHEN ZLA BA'I DKYIL YI GE ,LNGA GNYIS ZUNG DU SPROS PA LAS, ,SBYAR BA'I PHYAG RGYA 'BYUNG BA'I RGYU, ,H'Um DANG MUm GNYIS RTZE SBYAR TE, ,'BRU BRGYAD BSNOL NAS THUGS KAR BKAN, ,RGYAL BA KUN DANG MNYAM SBYOR BA, ,BDE BA CHEN PO SBYIN PA'I RGYA, ,'BRU BZHI SPAS NAS THUGS KAR BKAN, ,H'Um BSGRENG RTZE MOR RDO RJE 'BAR, ,ZLA BRTUL 'BRU SBAS DRIL GSIL CING, ,'KHRIL BA'I TSUL GYIS CHOS LA BRTAN, ,'BRU BZHI SBAS NAS THUGS KAR BKAN; ;MUm BSGRENG RTZE MOR DRIL GSIL 'BAR, ,NYI MA 'BRU LNGAS LAS SU 'KHRIL, ,BTUD DE 'DZUM PA'I MDANGS KYIS BLTA, ,'KHOR LO 'BAR BA'I LTE DBUS NA, ,STON PA RDO RJE SEMS DPA' DAG ,YUM MCHOG YANGS MA'I SBYAN DANG NI, ,GNYIS MED DBYINGS KYI NGANG DU 'KHRIL, ,'BRU BZHI SPAS NAS THUGS KAR BKAN, ,AOm BSGRENG RTZE MOR 'KHOR LO 'BAR,, ZLA BTUL 'BRU SBAS DRIL GSIL CING, ,'KHRIL BI 'TSUL GYIS CHOS LA BRTAN, ,'BRU BZHI SBAS NAS THUGS KAR BKAN, ,LAm BSGRENG RTZE MOR DRIL GSIL 'BAR, ,NYI MA 'BRU LNGA LAS SU 'KHRIL; ;BTUD DE 'DZUM PA'I MDANGS KYIS BLTA, ,SHAR GYI 'KHOR LO'I RTZIBS STENG NA, ,BDE GSHEGS RNAM PAR SNANG MDZAD DAG ,YUM MCHOG KUN DU BZANG MO DANG, ,GNYIS MED

DBYINGS KYI NGANG DU 'KHRIL, ,'BRU BZHI SBAS NAS THUGS KAR BKAN, ,SVA RTZE 'BAR BA RIN PO CHE, ,ZLA BTUL 'BRU SBAS DRIL GSIL ZHING, ,'KHRIL PA'I TSUL GYIS CHOS LA BRTAN; ;'BRU SBAS BZHI NAS THUGS KAR BKAN, ,MAm BSGRENG RTZE MOR DRIL GSIL 'BAR, ,NYI MA 'BRU LNGAS LAS SU 'KHRIL, ,BTUD DE 'DZUM PA'I MDANGS KYIS BLTA, ,LHO PHYOGS 'KHOR LO'I RTZIBS STENG NAS, ,BDE GSHEGS RIN CHEN 'BYUNG LDAN DAG ,YUM MCHOG KHAMS GSUM BYAMS MA DANG, ,GNYIS MED DBYINGS KYI NGANG DU 'KHRIL, , 'BRU SBAS BZHI NAS THUGS KAR BKAN, ,AOm BSGRENG RTZE MOR PADMA 'BAR, ,ZLA BTUL 'BRU SBAS DRIL GSIL ZHING, ,'KHRIL BA'I TSUL GYIS CHOS LA BRTAN, ,'BRU BZHI SBAS NAS THUGS KAR BKAN, ,PAm BSGRENG RTZE MOR DRIL GSIL 'BAR, ,NYI MA 'BRU LNGAS LAS SU 'KHRIL, ,BTUD DE 'DZUM PA'I MDANGS KYIS BLTA, ,NUB PHYOGS 'KHOR LO'I RTZIBS STENG NA, ,BDE GSHEGS SNANG BA MTHA' YAS DAG ,YUM MCHOG NA BZA' DKAR MO DANG, ,GNYIS MED DBYINGS KYI NGANG DU 'KHRIL, ,'BRU BZHI SBAS NAS THUGS KAR BKAN, ,HA BSGRENG RTZE MOR RAL GRI 'BAR; ;ZLA BTUL 'BRU SBAS DRIL GSIL ZHING, ,'KHRIL BA'I TSUL GYIS CHOS LA BRTAN, ,'BRU BZHI SBAS NAS THUGS KAR BKAN, ,TR'Am BSGRENG RTZE MOR DRIL GSIL 'BAR, ,NYI MA 'BRU

, ,LNGA'I LAS SU 'KHRIL, ,BTUD DE 'DZUM PA'I MDANGS KYIS BLTA, ,BYANG PHYOGS 'KHOR LO'I RTZIBS STENG NA, ,BDE GSHEGS DON YOD GRUB PA DANG, , YUM MCHOG DAM TSIG SGROL MA DANG, ,GNYIS MED DBYINGS KYI NGANG DU 'KHRIL, ,RIN CHEN MYU GU G-YAS PHYOGS NA, ,SGEG CING 'GYING BA G-YON PHYOGS NA, ,SA SNYING DKAR PO RDO RJE'I RIGS, ,YUM MCHOG DKAR MO SGEG CHEN DANG, ,DKYIL 'KHOR BAR KHYAMS SHAR PHYOGS NA, ,GNYIS MED DBYINGS KYI NGANG DU 'KHRIL, ,RAL GRI 'BYIN PA G-YAS PHYOGS NA, ,PHRENG BA BGRANG BA G-YON PHYOGS NA, ,DKYIL 'KHOR BAR KHYAMS LHO PHYOGS NA, ,NAM SNYING SER PO RIN CHEN RIGS, ,YUM MCHOG DPAL GYI PHRENG BA DANG, ,GNYIS MED DBYINGS KYI NGANG DU 'KHRIL, ,PADMA DKAR PO G-YAS PHYOGS NA, ,PI WANG 'GYED PA G-YON PHYOGS NA, ,DKYIL 'KHOR BAR KHYAMS NUB PHYOGS NA, ,SPYAN RAS LE BRGAN PADMA RIGS; ;YUM MCHOG CHOS KYI DBYINGS MKHAN DANG, ,GNYIS MED DBYINGS KYI NGANG DU 'KHRIL, ,RDO RJE RTZE LNGA G-YAS PHYOGS NA, ,GAR GYI COD PAN G-YON PHYOGS NA, ,DKYIL 'KHOR BAR KHYAMS BYANG PHYOGS NA, ,PHYAG NA MTHING GA LAS KYI RIGS, ,YUM MCHOG GAR GYI COD PAN NANG, ,GNYIS MED DBYINGS KYI NGANG DU 'KHRIL, ,MDZES PA'I KLU SHING G-YAS

PHYOGS NA, ,BDUG SPOS 'DREN PA G-YON PHYOGS NA, ,DKYIL 'KHOR BAR KHYAMS SHAR LHO NA, ,BYAMS PA DKAR SER BDE GSHEGS RIGS, ,YUM MCHOG BDUG PA'I SPRIN 'PHRO DANG, , GNYIS MED DBYINGS KYI NGANG DU 'KHRIL, ,GSER GYI 'KHOR LO G-YAS PHYOGS NA, ,ME TOG 'THOR BA G-YON PHYOGS NA, ,DKYIL 'KHOR BAR KHYAMS LHO NUB NA, ,SGRIB SEL DMAR SER RIN CHEN RIGS, ,YUM MCHOG ME TOG CHAR 'BEBS DANG, ,GNYIS MED DBYINGS KYI NGANG DU 'KHRIL, ,RIN CHEN SNYE MA G-YAS PHYOGS NA, ,SGRON MA 'DEGS PA G-YON PHYOGS NA,, DKYIL 'KHOR BAR KHYAMS NUB BYANG NA, ,KUN BZANG DMAR LJANG LAS KYI RIGS, ,YUM MCHOG GSAL BA'I SGROL MA DANG, ,GNYIS MED DBYINGS KYI NGANG DU 'KHRIL, ,AUTPAL SNGON PO G-YAS PHYOGS NA, ,TZANDAN 'THOR BA G-YON PHYOGS NA, ,DKYIL 'KHOR BAR KHYAMS BYANG SHAR NA, ,'JAM DPAL DKAR LJANG RDO RJE'I RIGS, ,YUM MCHOG TZANDAN CHAR 'BEBS DANG, ,GNYIS MED DBYINGS KYI NANG DU 'KHRIL, ,THUB DRUG PHYAG RGYA CHEN PO NI, ,RGYUD DRUG GNAS NAS 'DREN PA STE, ,GSEG PAR PHYAG RGYA TSUL 'DZIN PAS, ,SKU MDOG SER POS MI RNAMS 'DREN, ,PI WANG PHYAG RGYA TSUL 'DZIN PAS, ,SKU MDOG DKAR PO LHA RNAMS 'DREN, ,GO CHA MDUNG THUNG PHYAG RGYA YIS, ,SKU MDOG MTHING NAG LHA MIN 'DREN, ,RIN CHEN 'BAR BA'I PHYAG RGYA YIS, ,SKU MDOG SNGON PO YI DVAG

, ,'DREN; ;PO TI BRTZEGS PA'I PHYAG RGYA YIS, ,SKU MDOG SER NAG BYOL SONG 'DREN, ,ME 'BAR CHU 'BEBS PHYAG RGYA YIS, ,SKU MDOG SNGON PO DMYAL BA 'DREN SGO BZHI PHYAG RGYA TSUL GNAS PA, ,RDO RJE GNOD PA G-YAS PHYOGS NA, ,LCAGS KYU 'PHEN PA G-YON PHYOGS NA, ,STOBS CHEN KHRO BO CHEN PO YANG, ,YUM MCHOG RDO RJE LCAGS KYU DANG GNYIS MED DBYINGS KYI NGANG DU 'KHRIL, ,nRi MGO GDENGS PA G-YAS PHYOGS NA, ,ZHAGS PA 'PHEN PA G-YON PHYOGS NA, ,KHRO CHEN GSHIN RJE GSHED PO YANG, ,YUM MCHOG RDO RJE ZHAGS PA DANG, ,GNYIS MED DBYINGS KYI NGANG DU 'KHRIL, ,SPRUL MGO GDENGS PA G-YAS PHYOGS NA, ,LCAGS SGROG SDOM PA G-YON PHYOGS NA, ,KHRO CHEN RTA MGRIN DPA' BO DANG, , YUM MCHOG RDO RJE LCAGS SGROG DANG, ,GNYIS MED DBYINGS KYI NGAN DU 'KHRIL, ,RGYA GRAM GNON PA G-YAS PHYOGS NA, ,DRIL BU 'KHROL BA G-YON PHYOGS NA, ,KHRO CHEN BDUD RTZI 'KHYIL BA YANG, ,YUM MCHOG RDO RJE DRIL 'KHROL DANG, ,BYANG GI SGO NAS DBYINGS SU 'KHRIL, ,KUN BZANG MNYAM GZHAG YE SHES 'PHRO, ,YUM 'GYUR MNYAM RDZOGS PADMA'I DKYIL, , GNYIS MED DBYINGS KYI GSANG CHEN SPRO, ,BDE MCHOG NGO MTSAR THUGS KYI DKYIL, ,SPRO BSDU RDO RJE THAL MO DAG, ,BSGYUR BAS RANG SEMS YE SHES GSAL, ,DE NYID SHES RAB THABS

SU RDZOGS, ,RGYU 'PHRUL DRA BA NGES PA'I BLA MA CHEN PO LAS, PHYAG RGYA SPROS PA'I LE'U STE LNGA PA'O,, ,,DE NAS YE SHES RGYAL PO DE RDO RJE BKOD PA'I GSANG BA'I DAM TSIG RGYAN RNAM PAR SPROS PA'I DGONGS PA LA GCIG CHAR BZHUGS TE RDO RJE GSANG BA'I TSIG 'DI BRJOD DO, ,SHIN TU PHRA BA'I TING 'DZIN MCHOG ,DPE DANG TSAD DU MI GZUNG ZHING, ,GZHAL YAS PHYAG RGYA LA SOGS TE, ,MTSON DU MED LA SNANG BAR BSGOM, ,SHIN TU PHRA BAS RNAM SBYANGS TE, ,RIG PAS RGYA KHYON TSAD MED PA, ,GZHAL YAS PHYAG RGYA LA SOGS PA'I, ,MTSON DU MED LA SNANG BAR BSGOM, ,PHYI NANG GSANG BA'I MCHOD PA DANG, ,TSOGS CHEN GNYIS LAS 'GRUB PA YI, ,'DOD PA LNGA YI YON TAN RNAMS, ,NAM MKHA'I MTHA' DANG MNYAM RDZOGS TE, ,RAGS DANG PHRA DANG 'BRING LA SOGS, ,JI LTAR 'DOD PA RANG GAR BYA, ,TZA KA LI DANG TSON RTZI DAG ,BYA DANG MI BYA MED PAS NA, ,DE LA DGAG PAR MA GSUNGS SO, , 'GRO DON 'TSAM PA DE BZHIN TE, ,SNA TSOGS MCHOD PAS RGYAS PAR MCHOD, ,BDAG NYID CHEN POS MCHOD PA YIS, ,SANGS RGYAS DKYIL 'KHOR MA LUS MNYES, ,SRID GSUM 'GRO BA MA LUS KUN, ,DGA' BA CHEN POS TSIM PA YIN, ,SGYU 'PHRUL DRA BA'I DGONGS PA YIS, ,RGYAL BA'I DKYIL 'KHOR MA LUS DANG, ,RIGS DRUG 'GRO BA MNGON DU 'GYUR, ,LUS NGAG SEMS

, ,DANG CHOS THAMS CAD, ,GANG NA 'ANG YOD PA MA YIN TE, ,RNAM DAG YE SHES SBYOR BA YIS, ,DBYINGS LA DBYINGS NYID SGOM PA YIS, ,KUN BYAS DBANG PHYUG RIG PAS 'JUG ,DE NAS DAD LDAN GUS 'JUG PA, ,DE NAS RIGS KYI BU MCHOG DES, ,RGYAL SRID DANG NI RANG GI LUS, ,BU DANG CHUNG MA NOR GYI DBYIG ,RAB TU GCES DANG YID 'THAD DBUL, ,SNYING YANG YON GYI MCHOG YIN TE, ,BLA MA MNYES PHYIR GUS LDAN DBUL, ,DBANG PHYUG LONGS SPYOD LNGAS MCHOD NA, ,DKYIL 'KHOR THAMS CAD MNYES PA YIN; ;GSAL BA'I DKYIL 'KHOR SMOS CI DGOS, ,SKYON RNAMS MA LUS NGES PA 'BYANG, ,DAD LDAN BRTZON 'GRUS BSKYED BYAS NA, ,PHAN PA'I DBANG NOD THEG TSAD SBYIN, ,DES NA DBANG PHYUG RGYAL PO YIS, ,DBANG GI RIM PA RNAMS BSTAN TO, ,'GRO LA PHAN PHYIR LAS RNAMS SBYIN, ,GRUB PA SA 'DZIN RGYAL PO SBYIN, ,MI 'GYUR RAB 'BYAMS BDE CHEN NO, , GANG 'DOD RIM GYIS SBYIN PAR BYA, ,BLO DANG LDAN PAS THEG TSAD NOD, ,YANG NA SRAS KYI DAM PA STE, ,CHUD MA ZOS PAR RDZOGS DBANG SBYIN, ,SEMS KYI RNAM PA NYING KHU BLUD, ,SGO 'BYED BDE BAS GYEN DU BSKYIL, ,DE NAS DBANG PHYUG CHEN PO DES, ,MI 'GYUR SNGOL [?] MAR SKU BSKYOD CING, ,SEMS KYI THIG LE SGO PHYE STE, ,TSANGS PA CHEN PO'I DBYANGS BZHED NAS, ,GO 'BYED RDO

RJE'I LJAGS BRKYANG STE, ,DAD LDAN SKYES BU DBANG BSKUR PA, ,RDZOGS PA CHEN PO'I BDE DBANG NI, ,CHE MCHOG GONG NA MED PA NA, ,GSANG BA'I DBU RGYAN GYI DBANG DANG, ,THABS MKHAS BYIN RLABS CHE BAS NA, ,LAS RNAMS KUN GYI DBANG DANG NI, ,KHAMS GSUM DBANG DU BSDUS PAS NI, ,SLOB DPON ZHAL CHAB KYI DBANG NGO, ,H'Um, THABS MKHAS THUGS RJE'I BYIN RLABS KYIS, ,RIGS KYI BU MCHOG DBANG BSKUR PHYIR, ,GSANG BA'I DBU RGYAN 'DI BCINGS PAS, ,RIGS KYI BU MCHOG DENG PHAN CHAD, ,'JIG RTEN CHE BA KUN GYI BLA, ,CHE BA'I CHE BA ZIL GYIS GNON, ,SANGS RGYAS CHE BA'I MCHOD GNAS NI, ,RNAL 'BYOR CHEN PO KHYOD NYID YIN, ,AOm SARBA TA TH'A GA TO GU HYA BADZRA RATNA MA KU t'A TR'Am, BADZRA GU HYA SIDDHI H'Um, H'Um THABS MKHAS BYIN RLABS CHEN PO NI, ,SANGS RGYAS KUN GYI THUGS YIN TE, ,BYIN RLABS CHEN PO RNAM BZHI PO, ,DBANG BSKUR GNANG PHYIR GTAD PAS NA, ,RIGS KYI BU MCHOG DENG PHAN CHAD, , SEMS CAN KUN LA SNYING BRTZE'I PHYIR, ,MU STEGS RTAG CHAD YAN CHAD NAS, ,SANGS RGYAS KUN GYI MDZAD SPYOD LA, KHYOD KYIS MI BYA GCIG KYANG MED, ,RDO RJE SEMS DPA'I SPYOD PA YIS, ,SEMS CAN KUN GYI RE BA BA SKONG, ,AOm SA MA YA GU HYA AE BAm MA YA AA, SLOB DPON ZHAL CHAB KYI DBANG NI, ,KHAMS GSUM KUN LA DBANG YID BZHIN DU SGYUR TE, H'Um, NGA

, ,NI RGYAL BA KUN GYI BLA, ,THIG LE BYANG CHUB SEMS CHEN PO, ,NGA NI KHRO RGYAL KUN GYI RJE, ,YE SHES ROL PA'I 'BYUNG GNAS GTER, ,NGA NI SPYI DPAL BLA NA MED, ,SKYON BRAL THABS KYI RGYAL PO YIN; ;SEMS KYI DKYIL NAS DRANGS PA'I CHU, ,KHYED KYI LCE LA PHAB PA 'DI, ,SNYING GI DKYIL DU GZUNG BAR BYOS, ,RIGS KYI BU KHYOD DENG PHAN CHAD, ,RDO RJE SEMS DPA'I THUGS MCHOG ZUNG SANGS RGYAS KUN GYI GTZO BO YIN, ,BYANG CHUB SEMS DANG MNYAM PA'I PHYIR, ,SEMS DPA' KUN GYI MCHOD GNAS YIN, ,RIGS KYI BU KHYOD DENG PHAN CHAD, ,PHYI DANG NANG DANG GSANG BA YI, , BSTAN PA PHYI NANG ZAB MO KUN, ,SEMS KYI DKYIL DU BSDUS NAS KYANG, ,RDO RJE LCE YI SGO PHYE STE, ,BDUD RTZI SMAN MCHOG DAM PA 'DIS, ,DAD LDAN SKYES BU NGOM PAR BYOS, ,SEMS KYI THIG LE DKYIL 'KHOR DU, ,ZHI KHRO 'BYAMS PA'I GTER SGOMS LA, ,SRID PA GSUM LA DBANG SGYUR CIG ,DBANG CAN THAMS CAD BKOL BAR BYOS, ,SKYE 'GRO KUN LA SNYING BRTZE'I PHYIR, ,GDUL BA'I PHYAG RGYA 'DI YANG SPYOD, ,DUS GSUM RTZA BA GCAD PAR BYOS, ,PHYI NANG SNOD BCUD RNAM PAR DAG ,RNAM DAG CHEN PO NYID KYI LAM, ,BYED SPYOD THABS TSOGS GNYIS RDZOGS PA, ,'GRO DON BYANG CHUB SEMS KYI DBYINGS, ,SEMS KYI CHU 'DI BTUNG BAR BYOS, ,RNAL 'BYOR CHEN POS DAM DU ZUNGS, ,H'Um, DE NAS RIGS KYI BU MCHOG DES, ,MNYAM PA'I DON LA GZHOL BA'I PHYIR, ,

ME SHES RGYAL POS 'DI SKAD GSUNGS, ,SNYING GI DKYIL DU RNAM SBYANGS PA, ,H'Um NYID RING POS MTSAMS SBYAR TE, ,THAMS CAD BDE BA CHEN PO'I DBYINGS, ,DGE SDIG LAS KYIS MI BCOS SHING, , SGOM DANG SGRUB PAS MI 'BYANGS PA'I, ,RNAM DAG SEMS NYID RIN CHEN GTER, ,RDO RJE SNYING PO YE SHES KYIS, ,KHRO RGYAL KUN GYI GTZOR GYUR CIG, ,SHR'I MAH'A SU KHA BADZRA BO DHI H'Um HO, AOm AAm, MI 'GYUR BA YI YE SHES GNAS, ,MA BTZAL PHYIN PAS BDE BA'I MCHOG ,MA BLTAS GSAL BAS YE SHES SPYAN, ,GONG NA MED PAS KUN GYI RJE, ,YE SHES RANG BYUNG BDAL BA LA, ,MI 'GYUR G-YUNG DRUNGS THOB SHOG ,AOm MAH'A GU HYA BRUm DZANY'A NA MAndAL, DZANY'A NA GU HYA SIDDHI SVA BH'A BA A'ATMA KONYHAm, GZUNGS DANG TING 'DZIN STOBS DANG MI 'JIGS PA, ,'GYUR BA MED PA'I SMAN MCHOG THIG LE LNGA, ,MTSAN MCHOG RDZOGS PA CHEN POS LUS BRGYAN CING, ,AOm SARBA TA TH'A GA TO GU HYA AATMA AA BHI SHINYTZA HO HA, KHYUNG GI GSHOG PA G-YAS G-YON GDENGS PA YIS; ;KLU RNAMS ZIL GYIS GNON PAR BYED PA LTAR, ,SRID GSUM YON TAN MCHOG TU RDZOGS PA YI, ,SANGS RGYAS KUN LA MDZES PA'I COD PAN MCHOG ,MCHOG TU CHE BAS BDUD BZHI ZIL GYIS GNON, ,AOm SARBA TA TH'A GA TO MAH'A GU HYA BADZRA AA BHI SHINYTZA HO, ,H'Um BDE BA CHEN PO RANG GNAS LA, ,YE SHES RGYAL PO STANGS DBYAL DU, ,'GYUR PA

, ,MED PAR LONGS SPYOD CING, ,THABS DANG SHES RAB 'PHRO 'DU YIS, ,SKYE 'GRO SRAS SU 'DZIN PAR SHOG ,AOm SARBA TA TH'A GA TO GU HYA AA NU R'A GA TA BADZRA SVA BH'A BA AATMA KONYHAm, DBYINGS NAS NYI SHAR MKHA' LA RDZOGS SRAS 'GYUR, ,RGYU 'PHRUL DRA BA BLA MA CHEN PO LAS, RDO RJE BKOD PA GSANG BA DAM TSIG DANG, DBANG SBYIN PA'I LE'U STE DRUG PA'O,, ,,DE NAS BCOM LDAN 'DAS YE SHES RGYAL PO NGES THUGS RJE CHEN PO GDUNG BA'I DAM TSIG LU GU RGYUD LA SNYOMS PAR ZHUGS NAS DAM TSIG STAN CHEN PO'I 'PHRIN LAS MDZAD DO, ,AE MA'O NGO MTSAR RMAD KYI CHOS, ,RDZOGS PA'I SANGS RGYAS KUN GYI GSANG, ,ZHING BCUR LDAN PA'I LONGS SPYOD LA, ,GSUNG GI 'PHRO 'DU RNAM SBYANGS TE, ,LNGA YI TSOM BU YANG DAG GSAL, ,SGO LNGA BYIN RLABS 'DREN PA'I MCHOG ,NGO MTSAR NGAN 'GRO THAR BA'I LAM, ,GTZUG TU SNANG MDZAD SEMS DPA' CHE, ,SKUR SKYED BYA NI RLABS RMAD PO CHE, ,PHO NYA MANG PO'I 'PHRO 'DU YIS, ,ZHING BCU GNAS NAS BLANGS NAS SU, ,NYI ZLA STENG DU DE BZHAG STE, ,SHES PA GSUM PO DBYINGS SU BSTIM, ,RANG RGYUD 'KHOR BA'I SA BON LAS, ,LJANG KHU NI RU 'PHANG BSTOD DE, ,NI LJANG H'Um DU GNAS BSGYUR NAS, ,YAS 'DUS MAS 'DUS H'Um LA 'DUS, ,H'Um NI BDE GSHEGS YE SHES LNGA, ,

DKAR LA GSAL BAR SKUR BSKYED DE, ,BDE CHEN 'OD ZER 'PHRO BAS BRJID, ,RDO RJE SNGON PO RTZE LNGA PA, ,YAB YUM BCU YI BYIN RLABS NYID, ,LE BRGAN H'Um NI DBYINGS SU SBYOR, ,KUN TU BZANG MO BDE BA'I MKHA', ,SANGS RGYAS SEMS CAN GNYI GA'I YUM, ,RDO RJE SEMS DPA' SANGS RGYAS GTZO, ,SRAS SU GYUR PAS BDE BA'I MCHOG ,ZHING GYUR MCHOG DANG MCHOG PHRAN RNAMS, , GNAS 'DI KUN BZANG YUM GYI MKHA', ,SA 'DI RDO RJE SEMS DPA'I SA, ,MI LDOG NYI ZLA'I GDAN STENG TU, ,MKHAS PAS SKU YI PHYAG RGYAS BSKYOD, ,MTSAN DANG DPE BYAD YANG DAG LDAN, , RTAG TU SKU MCHOG G-YUNG DRUNG SBYIN, ,HO RDO RJE GSANG BA'I TSIG TU'O, ,DE NAS YE SHES RGYAL PO DES, ,GSANG MCHOG BDE BA'I MCHOD SPRIN GYIS, ,PHYOGS BCU'I ZHING KHAMS RDUL SNYED NA; ;RGYAL BA'I DKYIL 'KHOR RDUL PHRAN SNYED, ,DE KUN GSANG MCHOG MNYES BYA'I PHYIR, ,NYID KYI GSANG BA'I RGYAL MO DE, ,'DZUM PA'I MDANGS KYIS DBYINGS SU THIM, ,'KHRIL NAS GSANG BA'I DGONGS PA MDZAD, ,BCO BRGYAD PHRAG GNYIS H'Um SPROS PAS, ,KLONG DU H'Um CHEN GCIG TU 'KHYIL, ,KHA DOG RNAM BZHI YANG DAG LDAN, ,RIGS BZHI LHA MO RNAM SPROS TE, , STONG KHAMS BKANG NAS MCHOD PA BYED, ,LA LA GSANG MCHOG DBYINGS SU 'KHRIL, ,LA LA 'DOD LNGA'I MCHOD PA BYED, ,RIN CHEN KHANG PA SNA TSOGS DANG, ,BLA RE RGYAL MTSAN 'PHAN

, ,GDUGS DANG, ,RIN CHEN DO SHAL SE MO DO, ,DBYIBS LEGS RIN CHEN PHUNG POS MDZES, ,BSAM RDZOGS RIN CHEN SDONG PO YIS, ,RGYAL BA'I DKYIL 'KHOR MA LUS MCHOD, ,LA LA 'GRO BA RE BA SKONG, ,LA LA BDUD 'DUL NGAN SONG SBYONG, ,KUN KYANG GSANG BA'I MCHOD 'BUL BYED, ,NYID KYI GSANG BA'I RGYAL MO DANG, ,GNYIS SU MED PAR 'KHRIL NAS SU, ,'KHRIL NAS GA NA'I MCHOD PAR BYED, ,STONG KHAMS YUNGS 'BRUR GZHUG TSUL DU, ,GA NA'I MCHOD PA CHEN PO YIS, ,THAMS CAD MNYES PA CHEN POR GYUR, ,DE NAS YE SHES RGYAL PO DE NYID KYI GSANG BA'I RGYAL MO DANG GNYIS SU MED PAR 'KHRIL NAS CHED DU BRJOD PA 'DI BRJOD DO, ,AE MA'O BDE GSHEGS SPYOD PA'I MCHOG , SNA TSOGS SPYOD LA RANG BZHIN GSANG, ,MA CHAGS PA YI NGO BO LAS, ,CHAGS PA CHEN PO'I SPYOD PA 'BYUNG, ,SPYOD PA CHEN PO RNAM GNYIS LAS, ,RTOGS NAS CHAGS PAS SU SPYOD PA, ,YANG DAG CHAGS PA CHEN PO STE, ,'DI NI TSANGS MCHOG RGYAL PO YIN, ,SEMS KYI SPYOD PA RNAM PA GNYIS, ,ZHING BCU MNYES PA'I LAS BYA'O, ,ZHES CHED DU GSUNGS SO, ,DE LTA BUS PHYOGS BCU DUS BZHI'I DE BZHIN GSHEGS PA'I ZHING KHAMS KYIS BSDUS PA THAMS CAD MNYES PA CHEN POS THIM PAR GYUR TO, ,SGYU 'PHRUL DRA BA BLA MA

CHEN PO LAS, THUGS RJE GDUNG BA'I LE'U STE BDUN PA'O,, ,,DE NAS DE BZHIN GSHEGS PA YE SHES RGYAL PO DE MCHOD PA BLA MA'I RGYAN BKOD PA'I TING NGE 'DZIN LA SNYOMS PAR ZHUGS NAS 'DI SKAD GSUNGS SO, ,SGYU 'PHRUL DRA BAS MNGON RDZOGS PA'I, ,DKYIL 'KHOR BLA MA DGONGS PA'I MCHOG ,BRO GAR 'DU 'PHRO'I PHYAG RGYA YIS, ,'DZUL LAM NAM MKHAR 'GRO BAR NGES; ;GLU TSIG SGRA YI PHYAG RGYA YIS, ,CHOS KYI SEMS DPA'I DNGOS GRUB LEN, ,BZA' DANG BTUNG BA'I PHYAG RGYA YIS, ,YID BZHIN SEMS DPA'I DNGOS GRUB LEN, ,RGYAN DANG BGO BA'I PHYAG RGYA YIS, ,'OD 'BAR BLA MA'I DNGOS GRUB LEN, ,A'A LI K'A LI'I PHYAG RGYA YIS, ,THAMS CAD GRUB CING RDO RJE NGES, ,RGYU 'BRAS DBYINGS SU SBYOR SHES SHING, ,BLA MA'I DGONGS PA GANG SBYOR BA, ,RIG 'DZIN RGYAL BA'I ZHING DU NGES, ,SKYE BA RNAM GZHI RGYUD SBYANGS NAS, ,MTSAN RDZOGS SA LA GDON MI ZA, ,ZHES GSUNGS PAS TSOGS CHEN PO RNAM PA GNYIS RDZOGS PAR GYUR TO, ,DE NAS NYID KYI BLA MA'I MDZAD SPYOD LA DGYES PA CHEN POS GLU 'DI BLANGS SO, ,AOm, ,PHYOGS BCU DUS BZHI RDZOGS PA YI, ,YE SHES DKYIL 'KHOR THIG LE CHE, ,BSOD NAMS DKYIL 'KHOR SKU YI TSOGS, ,SNANG STONG THIG LE KUN DU RDZOGS, ,HO, ,AOm, ,RDO RJE BSOD NAMS THIG LE CHE, ,RDO RJE YE SHES DKYIL 'KHOR LDAN, ,RDO RJE SGRA CHEN MTHA' YAS PA, ,RDO RJE

, ,RGYAL PO THIG LE CHE, ,HO, AOm, MI DMIGS SGYU 'PHRUL MNYAM PA'I DBYINGS, ,MTHA' YAS KUN NAS SNA TSOGS 'PHRO, ,MTHA' YAS KUN NAS LHUN GYIS THIM; ;SNA TSOGS SKU GSUNG THUGS CHEN PO, ,HO; AOm, SKU GSUNG THUGS KYI RDZOGS PA CHE, ,YON TAN 'PHRIN LAS KUN TU RDZOGS, ,YE NAS LHUN RDZOGS KUN TU BZANG, ,'DUS PA'I RDZOGS CHEN THIG LE CHE, ,HO, AOm, PHYOGS BCU 'JIG RTEN RDUL SNYED DU, ,RGYAL BA'I DON RNAMS RDUL PHRAN SNYED, ,SPRUL PA RDUL PHRAN BSAM YAS KYI, ,SKAD CIG YUD LA LHUN GYIS GRUB, ,HO, AOm, THAMS CAD MA LUS SKU GSUNG THUGS, ,SKU GSUNG THUGS KYI BDAG NYID CHE, ,SKU GSUNG THUGS KYI KUN TU KHYAB, ,SKU GSUNG THUGS KYI THIG LE CHE, ,HO, AOm, THAMS CAD THIG LE BLA MA'I DON, ,SGYU 'PHRUL BLA MA THIG LE'I DBYINGS, ,DBYINGS NYID BYANG CHUB SEMS CHEN PO, ,SNYING PO BLA MA NGES PA'I DON, ,THIG LE NYID LAS G-YOS PA MED, , HO; SGYU 'PHRUL DRA BA BLA MA CHEN PO LAS, ,TSOGS CHEN PO RNAM PA GNYIS MNYES PA'I LE'U STE BRGYAD PA'O,, ,,DE NAS DE BZHIN GSHEGS PA YE SHES RGYAL PO DE SGYU 'PHRUL BLA MA CHEN PO'I 'JIGS PA CHEN PO'I TSUL GYIS TING NGE 'DZIN MNGON PAR 'DU MDZAD DE, DE CI'I PHYIR ZHE NA, BDAG TU LTA BA DANG RMONGS PA'I DBANG GIS GAB PA'I GSANG BA CHEN

BO NI MA RTOGS, SBAS PA'I GSANG BA LA MNGON PAR ZHEN PAS CHOS MNYAM PA NYID KYI DON NI, PHYAL BAR BOR, BRAM ZE'I NGAN SNGAGS MANG PO NI, BLO'I GDENG DU BLANGS NAS SNYING RJE CHEN BO'I LAS DANG NI, BRAL, GNAS SU MING BTAGS NAS ZHE SDANG SGROL BA'I LAS NI, RGYUN TU BYED, THABS DANG SHES RAB 'DU 'BRAL MED PA'I DON NI, MA RTOGS, 'DOD CHAGS SPYOD PA'I LAS DANG SKAD CIG TZAM YANG MA BRAL, RANG RIG PA'I YE SHES NI, BLO LA NUB, DON DAM PA LA KUN TU GTI MUG PAS RGYUN TU KHEBS, SANGS RGYAS KYI CHE BA'I YON TAN NI; MA RTOGS, NGA RGYAL KHENGS PA'I DREGS PA'I LAS NI, RGYUN DU BYED, TSAD MED PA BZHI'I LAS DANG NI, BRAL, PHRAG DOG GI TSUB MAS NI, RGYUN DU KHRID DE BDAG TU RMONGS PA DANG RTOG PA LA ZHEN TE YANG DAG PA'I MTHA' DANG BRAL BAS RGYU DANG 'BRAS BU LA RMONGS TE SRID PA'I SA BON RTZUB MOS 'PHANGS NAS MTSAMS MED PA'I SEMS CAN DMYAL BA RDO RJE DMYAL BA CHEN POR BSKAL PA CHEN PO STONG PHRAG DRUG CUR SKYES SO, ,DE LAS THAR NAS NYI TSE BA'I SEMS CAN DMYAL BA CHEN POR BSKAL PA CHEN PO DRUG TU SKYES SO, ,LAS KYI SGRIB PA RTZUB MO DE LAS THAR TE SNGON GYI SRID PAS MTSAMS SBYAR NAS YI DVAGS SRIN PO CHEN PO LUS GCIG MGO BO BRGYA PA, MGO BO SNA TSOGS PA, LUS BRGYA PA MGO BO GCIG PA, LUS DANG

, ,YAN LAG MANG PO 'DUG PA MTSON CHA SNA TSOGS PA THOGS SHING GDUG PA'I RDZU 'PHRUL BA'I RDZU 'PHRUL MANG PO STON PAS KLU'I RIS NAS 'BRAS BU CHE BA MAN CHAD DBANG DU BSDUS NAS SA BON RTZUB MOS MANG PO 'DEBS SO, ,DE NAS SNGON LEGS PAR SPYAD PA'I 'BRAS BUS BSOD NAMS DANG YE SHES KYI TSOGS KYIS SKU'I DBYIBS LEGS PAR BRGYAN PA YE SHES PHYIN CI MA LOG PA'I SPYAN GYIS GZIGS TE LAS NGAN PA'I SRIN PO DE NYON MONGS PA'I BAG CHAGS SBYANG BA DANG, KHAMS GSUM GYI SEMS CAN BDE BA LA GZHAG PA'I PHYIR THUGS RJE CHEN PO'I YE SHES SKYES NAS DE BZHIN GSHEGS PA THAMS CAD KYI SKU DANG GSUNG DANG THUGS KYI BDAG PO DGYES PA CHEN PO YE SHES KYI RGYAL PO DE NYID 'JIGS BYED CHEN PO RGYAL BA'I DKYIL 'KHOR BLA MA CHEN PO SPRIN RNAM PAR SPRO BA SGYU 'PHRUL BLA MA'I TING NGE 'DZIN LA SNYOMS PAR ZHUGS TE, DE BZHIN NYID KYI BLA MA CHEN PO'I DBYIBS NAS NYID KYI GSANG BA'I BDAG MO KHRO MO'I RGYAL MO CHEN MO MNGON DU PHYUNG STE HI HI ZHES DGYES PA'I GZI MDANGS KYIS PADMA RGYAS PAR MDZAD DE GNYIS SU MED PA'I DGYES PA CHEN POS THIM NAS GSANG BA BLA MA'I SPRIN LAS, H'Um H'Um H'Um BADZRA DZVA BI shA KRO DHA BADZRA DZVA LA MAndA LA PHAt PHAt HA LA HA LA H'Um ZHES BRJOD PAS 'JIG RTEN DRUG GI

PHYOGS BCU THAMS CAD DUR KHROD PA DAL BA CHEN PO'I RANG BZHIN KHRAG GI RGYA MTSO DBA' RLABS 'KHRUG PA'I DKYIL NA KENG RUS CHEN PO RI RAB KYI STENG NA RDO RJE ME DPUNG DU 'KHYIL BA'I DBUS NA 'OG RDO RJE RGYA GRA MA MIG MANG RIS SU BRIS PA, PHYOGS BZHI NGOS BZHI 'BAR BAR KHYAMS GSUM RDO RJE RIN PO CHE'I GLO 'BUR DU MDZES PA, SGO BZHI RTA BABS MU KHYUD DU BCAS PA, RDO RJE RIN PO CHE RGYA GRAM MTHING GA 'BAR BA'I RTZIG PA DRA BA RIS SU BRTZIGS PA, STENG YID BZHIN GYI RIN PO CHE 'BAR BA, RDO RJE RGYA GRAM 'BAR BA'I BLA RE MIG MANG DU BRIS PA, RTZE MO DBYIBS BLA MAS 'OG MIN KYI GNAS NAS SRID PA'I RTZE MO MAN CHAD BUM PA'I TSUL DU DBYIBS RDO RJE RGYA GRAM MIG MANG GCIG TU 'KHYIL BA, YE SHES RDO RJE RGYA GRAM GYI CHO 'PHRUL BLA MA'I 'OD 'BAR BAS PHYOGS BZHIR 'PHROS SHING 'KHRUGS PAS KHAMS GSUM THAMS CAD BDAL BA, RGYAL MTSAN BLA MA CHEN PO DANG, RU MTSON BLA MA CHEN POS PHYOGS BZHI GRA BZHI NAS BSGRENG BA, GSANG BA BLA MA'I RTZIG PAS PHYI RIM BSKOR BA, RDO RJE RIN PO CHE'I PHYI ROL GYI SHING LJON PA BLA MAS PHYOGS MTSAMS GTIBS PA, PHYI DANG NAD MED PA KUN TU YANG BLA MA CHEN PO'I NANG DU GYUR PA, KHAMS GSUM THAMS CAD RDO RJE RA BA'I RTZIG PA 'CHOR BA MED PA'I GZHAL YAS KHANG NA KHRO BO DANG KHRO MO'I ROL PA'I PHYAG RGYA STONG

, ,GI 'JIG RTEN RDUL PHRA MO SNYED THON PAR GYUR TO, ,DE NAS 'JIG RTEN DRUG GI PHYOGS BCU THAMS CAD DU 'UR 'UR DANG, CHEM CHEM DANG, SHIG SHIG DANG, THOR THOR DANG; GTOGS SHIG DANG, CHOMS SHIG DANG, SOD CIG DANG, DROL ZHIG DANG, SBYONGS SHIG LA SOGS PAS 'JIG RTEN NA DBANG CHE ZHING DPA' RTUL CHE ZHING BA RTUL ZHUGS CAN RNAMS BRGYAL, RAB TU BRGYAL BAR GYUR TO, ,DE NAS DGYES PA CHEN POS YE SHES RGYAL PO DE NYID DUR KHROD BLA MA CHEN POR DGYES NAS KHRAG GI RGYA MTSO'I DKYIL KENG RUS CHEN PO'I RI RAB KYI STENG NA RDO RJE ME DPUNG 'BAR BA'I KLONG DKYIL NA RDO RJE YE SHES KYI 'KHOR LO RTZIBS BZHI PA LA NYID KYI GSANG BA'I RGYAL MO DANG, MCHOD PA BLA MA CHEN PO MDZAD DE GNYIS SU MED PA'I DBYINGS NAS 'DI PHYUNG NGO, ,H'Um BADZRA DU TRI NAN S'URYA TZANTA PADMA MAndAL DE BA TIshthI NAm ZHES BRJOD PAS YE SHES RIN PO CHE'I 'KHOR LO RTZIBS BZHI PA 'OD 'BAR BA'I STENG DU DUR KHROD GDUG PA'I TSOGS SENG+GE LA SOGS PA BLA MA CHEN PO'I KHRI BTZUGS TE, GDAN BLA MA NYI ZLA DANG PADMA SPEL BAR BTING BA'O, ,DE NAS CHO 'PHRUL BLA MA CHEN POS BTUL PA, BSAM GTAN BLA MA CHEN PO SPAGS PA TSAD MED PA, DMIGS PA THAMS CAD DANG BRAL BA'I YE SHES BLA MA CHEN POS DREGS PA THAMS CAD DUS GCIG TU

BTUL BA'I SNAM RTEN BLA MA CHEN PO LA MTSON PA DANG DMIGS PA'I YUL LAS 'DAS PA'I PHYAG RGYA BLA MA 'OD 'BAR BA BZHUGS PA NI, BCOM LDAN 'DAS YE SHES RGYAL PO CHEN PO SKU MTHING NAG CIR YANG 'GYUR BA, RDO RJE LJAGS KYI GSUNG 'PHRUG STONG GI SGRA SGROG PAS STONG KHAMS THAMS CAD DUS GCIG TU 'JIG PA, YE SHES ME'I THUGS KYIS SNANG SRID KYI BUD SHING DUS GCIG TU BSREGS PA, STENG 'OG MED PAR KUN DU SKYI BUNG ZHES BYED PA DBU DGU PHYAG BCO BRGYAD PA, ZHABS RNAM PA BRGYAD DU GTAMS PA, PHYAG NA MTSON CHA SNA TSOGS BSNAMS PA, DUR KHROD KYI RGYAN GYIS BRGYAN PA, SPYAN 'BAR BA NYI SHU RTZA BDUN MNGA' ZHING RIGS LNGA'I DBU RGYAN GYIS BRGYAN PA, RDO RJE MTHING GA KHYUNG GI GSHOG PAS 'JIG RTEN GYI KHAMS YOG PAR BKAB PA, KHROS PA'I RGYA MO MTHONG NAG 'BAR BA DANG GNYIS SU MED PAR BZHUGS SO, ,GNYIS SU MED PA'I DBYINGS NAS SHAR PHYOGS KYI 'KHOR LO'I RTZIBS STENG LA KHRI DANG NYI ZLA'I STENG DU MAH'A DE BA DANG, 'DOD PA'I LHAG NA RGYAL DU BRTUL BA'I STENG DU NYID KYI GZUGS KYI PHUNG PO DE BCOM LDAN 'DAS BUDDHA HE RU KA SKU MDOG SER NAG DBU GSUM PHYAG DRUG ZHABS BZHIR GYUR PA, DUR KHROD KYI RGYAN GYIS BRGYAN PA'O, ,PHYAG NA MTSON CHA SNA TSOGS BSNAMS PA'O, ,BDE GSHEGS

, ,KHROS PA'I RGYAL MO DANG 'KHRIL BA CHEN PO'I TSUL DU BZHUGS SO, ,LHO PHYOGS KYI 'KHOR LO'I RTZIBS STENG LA KHRI DANG NYI ZLA'I GDAN STENG DU GSHIN RJE GAN RGYAL DU BSKYEL BA'I GDAN LA NYID KYI TSOR BA'I PHUNG PO LAS BCOM LDAN 'DAS RATNA HE RU KA SKU MDOG SNGO NAG DBU GSUM PHYAG DRUG ZHABS BZHIR GYUR PA, MTSON CHA SNA TSOGS 'DZIN PA, DUR KHROD KYI RGYAN GYIS BRGYAN PA, RIN PO CHE KHROS PA'I RGYAL MO DANG 'KHRIL PA CHEN MO'I TSUL GYIS BZHUGS SO, ,NUB PHYOGS KYI 'KHOR LO'I RTIZBS STENG LA KHRI DANG NYI ZLA'I STENG DU CHU BDAG GI RGYAL PO DANG 'KHOR LO NAG PO BHiNG GI RI TI GNA RKYAL DU BSGYEL BA'I GDAN LA NYID KYI 'DU SHES KYI PHUNG PO DE BCOM LDAN 'DAS PADMA HE RU KA SKU MDOG DMAR NAG DBU GSUM PHYAG DRUG ZHABS BZHIR GYUR PA, MTSON CHA SNA TSOGS 'DZIN PA, DUR KHROD KYI RGYAN GYIS BRGYAN PA'O,, PADMA KHROS PA'I RGYAL MO DANG 'KHRIL BA'I TSUL DU BZHUGS PA'O, ,BYANG PHYOGS 'KHOR LO'I RTZIBS STENG LA KHRI DANG NYI ZLA'I GDAN STENG DU GNOD SBYIN STOBS BZANG GAN RKYAL DU BSGYEL BA'I GDAN LA NYID KYI 'DU BYED KYI PHUNG PO DE BCOM LDAN 'DAS KARMA HE RU KA SKU MDOG LJANG NAG DBU GSUM PHYAG DRUG ZHABS BZHIR GYUR PA, MTSON

CHA SNA TSOGS 'DZIN PA STE, DUR KHROD KYI RGYAN GYIS BRGYAN PA, LAS MCHOG KHROS PA'I RGYAL MO DANG 'KHRIL BA CHEN MO'I TSUL GYIS BZHUGS SO, ,DE NAS DREGS PA'I CHEN PO LA SOGS PAS GDUG PA'I SEMS KYIS GTUM PA'I RDZU 'PHRUL SNA TSOGS BSTAN PAS MGRIN GCIG TU GDUG PA'I NGA ROS GTUM PA'I BRLANG TSIG TU SMRAS PA, THONG THONG SNYING RJE'I BDAG PO CI 'DI LTAR BYED DAM ZHES ZER ZHING SHIN TU GTUM PAS RNGAM MO, ,DE NAS BCOM LDAN 'DAS DGYES PA CHEN POS YE SHES RGYAL PO DE YANG SKU GZI BRJID CHEN PO'I MDANGS SU GYUR TE THUGS RJE CHEN POS 'DUL BA'I THABS KYIS SGYU 'PHRUL DRA BA'I GSANG SNGAGS BLA MA'I RNGAM PA'I DMANGS SKAD CHEN PO 'DI DAG PHYUNG NGO, ,H'Um H'Um H'Um, HA HA HA; KH'A HI KH'A HI KH'A HI ZHES BRJOD PAS DBANG PHYUG CHEN PO LA SOGS PA'I GDUG PA'I TSOGS DE DAG GI SNYING DANG DBANG PO KUN PHYUNG NAS NANG ROL KUN DRANGS, YAN LAG KUN GCAD GTUBS TE SHA ZOS, KHRAG 'THUNGS, RUS PA KUN 'CHOS SO, ,DE NAS 'JIGS BYED CHEN PO DE NYID KYIS H'Um H'Um H'Um BHYO, ,AE AA RA LI DZ'A DZ'A ZHES BRJOD PAS PHYOGS BCU'I 'JIG RTEN GYI KHAMS NAM MKHA' DANG BCAS PA YUNGS 'BRU GCIG TZAM DU CHUD PAR BSDUS SO, ,DE NAS 'BYUNG PO MA RUNGS PA THAMS CAD KYI

, ,RJE BO'I YANG RJE'O, ,DREGS PA CHEN PO LA SOGS PA'I CHUNG MA 'BYUNG MO THAMS CAD KYI RJE MO'I YANG RJE MO, SRIN MO CHEN MO MI SRUN MO DANG, TSANGS MA DANG, KHRO MO DANG, DBANG PO DANG, 'JUG SRED MO DANG, GZHON NU MO DANG, DMAR MO DANG, BDUD RTZI MO DANG, ZHI BA MO DANG, BE CON MO DANG, SRIN MO DANG, ZA BA MO DANG, DGA' BA MO DANG, RA RO KHRAG 'THUNG MO DANG, GCIG PU SPYOD MA DANG, YID 'PHROG MA DANG, GRUB MO DANG, RLUNG MO DANG, GSOD BYED MO DANG, ME MO DANG, PHAG MO DANG, RGAN BYAD MO DANG, SNA CHEN MO DANG, CHU LHA MO DANG, NAG MO CHEN MO DANG, RA MGO DMAR SER CHEN MO DANG, BUM SNA SNGO NAG CHEN MO DANG, GSUS 'DZIN SNGO NAG CHEN MO LA SOGS PA BRAN DANG, YANG BRAN DANG, G-YOG DANG, YANG G-YOG LA SOGS PA 'KHOR ZHING GI RDUL KYANG BSDUS SO; ;DE NAS YANG DGYES PA CHEN PO YE SHES RGYAL PO DE NYID DGYES PA BLA MA'I GSANG BA CHEN PO SPRIN 'BYUNG BA ZHES BYA BA'I TING NGE 'DZIN LA MNGON PAR 'DU MDZAD DE SKU GSUNG THUGS BLA MA LAS 'DI DAG PHYUNG NGO, ,AOm A'A: H'Um, BADZRA PADMA PRA BE SHA PADMA H'Um AA LA LA HO ZHES BRJOD PAS 'BYUNG PO MA RUNGS PA THAMS CAD SHIN

DU CHAGS PA'I YID G-YOS NAS GSANG BA RGYAS PAR BYAS NAS KHAB LEN GYI RDO LA LCAGS 'DU BA'I TSUL DU BCOM LDAN 'DAS YE SHES RGYAL PO'I SKU LA MI SRUN MO LA SOGS PA BRGYAD 'KHRIL LO, ,BCOM LDAN 'DAS SER NAG CHEN PO'I SKU LA TSANGS MA LA SOGS PA LNGA YANG 'KHRIL LO, ,BCOM LDAN 'DAS SNGO NAG CHEN PO'I SKU LA BDUD RTZI MO LA SOGS PA LNGA 'KHRIL LO, ,BCOM LDAN 'DAS DMAR NAG CHEN PO'I SKU LA KHRAG GIS MYOS MA LA SOGS PA LNGA 'KHRIL LO, ,BCOM LDAN 'DAS LJANG NAG CHEN PO'I SKU LA ME MO LA SOGS PA LNGA 'KHRIL LO, ,DE NAS DGYES PA CHEN PO DE DAG GIS H'Um ZHES BRJOD PAS PADMA'I TSOGS BSDUS TE SHIN TU BCUM PAR GYUR TO, ,DE NAS DGYES TE HA HA ZHES BRJOD PAS NYID KYI SHES PA'I TSOGS RNAM PAR SHES PA BRGYAD LAS DKAR PO LA SOGS PA BRGYAD RANG GI LAG CHA DANG NGO MTSAR DU CHAS TE THON PAR GYUR TO, ,THON NAS KYANG 'KHOR LO 'BAR BA'I PHYI ROL SHAR PHYOGS NAS 'KHOR BAR KHRO BO'I GZUGS KYIS SNYING RJE 'JIGS TSUL GYIS STAN LA GNAS SO, ,DE NAS DGYES TE HE ZHES BRJOD PAS NYID KYI SHES PA'I YUL BRGYAD LAS SENG GDONG CHEN MO LA SOGS PA BRGYAD RANG GI LAG CHA DANG NGO MTSAR DU CHAS TE THON NAS YANG 'KHOR LO 'BAR BA'I BAR KHYAMS SU SNYING RJE 'JIG

, ,PA'I TSUL GYIS STAN LA SHIN TU RNGAM PA'I STABS KYIS GNAS SO, ,DE NAS DGYES TE PHAt CES PHYOGS BCU'I ZHING MA LUS PAR BSGRAGS PAS PHYOGS BCU'I ZHING MA LUS PAR 'GRO BA RNAMS KYI DON MA LUS PAR MDZAD PA THUB PA CHEN PO DRUG BCOM LDAN 'DAS DRUG 'GRO BA RNAMS KYI DON MDZAD CING 'GRO BA DRUG 'DUL BA DANG, YID CHOS DBYINGS NAS ROL TE SPOR BYED NYI ZER ZHAGS PA CAN LA SOGS PA BRGYAD DU GYUR TE 'BAR BA'I BAR KHYAMS GSUM PA LA ZHING SKAM GSHER SPEL BA'I GDAN STENG DU RANG GI LAG CHA DANG SHIN TU RNGAM PA'I STABS KYIS SHAR PHYOGS NAS 'KHOR PAR GNAS SO, ,DE NAS DGYES TE PHAt CES BRJOD PAS NYID KYI PHYIN CI LOG BZHI LAS RDO RJE SRING 'GRO MA LA SOGS PA BZHI RANG RANG GI LAG CHA DANG NGO MTSAR DU CHAS NAS DKYIL 'KHOR 'BAR BA CHEN PO'I SGO BZHIR SNYING RJE 'JIGS TSUL GYI STAN LA SHIN TU RNGAM PA'I GZUGS KYIS THABS DANG SHES RAB KYI TSUL DU GNAS SO, ,DE NAS DGYES PA CHEN PO'I SBRIN LAS BUDDHA ROL PA'I PHYAG RGYA BZHI BCU RTZA GNYIS KYIS DUS GCIG TU PHAt CES BRJOD PAS THAMS CAD KHROS NAS 'BYUNG MO THAMS CAD KYANG RANG GI GNAS SU YUD TZAM GYIS PHYIN PAR DGYE'O, ,DE NAS BCOM LDAN 'DAS KHRAG 'THUNG CHEN PO DE NYID THUGS RJE CHEN POS BDUD RTZI 'BYUNG BA ZHES BYA BA'I DGONGS PA CIG CHAR ZHUGS TE, SKU GSUNG

THUGS RDO RJE LAS 'DI DAG PHYUNG NGO, ,AOm BADZRA AA MRi TA MAH'A KRO DHI AAm AAm ZHES BRJOD PAS DBANG PHYUG CHEN PO LA SOGS PA THAMS CAD BCOM LDAN 'DAS KHRAG 'THUNG CHEN PO'I SNAM LOGS NAS THON TO, ,'DAM KHU BLUD DE DRAN PA RNYED DO, ,DE NAS KHRAG 'THUNG CHEN PO DE DAG KUN YA MTSAN CHEN POR GYUR TE CHO 'PHRUL CHEN PO MDZAD PA MTHONG NGO, ,DE DAG GI DUS SU 'JIG RTEN DRUG NA GNAS PA'I DREGS PA CHEN PO RNAMS DUS GCIG TU BRTUL BAR MTHONG STE SHIN TU ZHUM ZHING BRED NAS MGRIN GCIG TU SMRAS PA, 'BANGS SU MCHI'O 'BANGS SU MCHI, ,'BANGS SU NAN TAN MA BGYIS NA; ;MGO DANG LUS KYANG BRGYAR 'GAS SHING, ,SNYING YANG GAS SHING GTUBS GYUR CIG ,RUL MYAGS TSIG NAS RLAG PA DANG, ,DMYAL BAR LTUNG NAS 'BOD PAR SHOG ,CES 'BANGS SU MCHI BAR RANG RANG GI SMOD BTZUGS SO, ,DE NAS DE DAG KUN DKYIL 'KHOR GYI GDAN DU BZHAG GO ,DE NAS YANG DE THAMS CAD KYIS MGRIN GCIG TU SMRAS PA, ,RANG RANG GI CHUNG MA DANG, BU MO DANG, RANG RANG GI MA DANG, SRING MO RNAMS DKYIL 'KHOR DU PHUL TE, BDAG CAG RNAMS KYI MCHIS 'BRANG DANG, ,MA DANG SRING MO BU MO RNAMS, ,DKYIL 'KHOR CHEN POR BZHES SU GSOL, ,DPA' BO LHA RJES BZHES SU GSOL, ,BDAG CAG 'KHOR TSOGS THAMS CAD KYIS, ,'BAR BA'I DKYIL 'KHOR CHEN PO 'DI, ,MING TZAM 'DZIN PAR SU BGYID PA, ,NOR BU RIN CHEN 'BAR BA LTAR,,

, ,DE YI DGOS PA RDZOGS PAR BGYID, ,CES SMOD BTZUGS SO, ,DE NAS DE'I MA DANG, SRING MO DANG, CHUNG MA DANG, BU MO RNAMS YUD TZAM GYIS PHYIN PAR 'ONGS NAS LAS KYI DNGOS GRUB STZOL BA LAS, DE NAS KHRAG 'THUNG YE SHES CHEN POS MING BTAGS, LAG TU RDO RJE BYIN NAS RDO RJE BRAN DANG PHO NYAR DBANG BSKUR RO, ,DE NAS DKYIL 'KHOR BA CHEN PO'I DON PHYOGS BCU DUS BZHI'I DE BZHIN GSHEGS PA RNAMS LA GSAL ZHING 'BAR BAR BYA BA'I PHYIR YE SHES RGYAL PO DE NYID KYI GSANG BA'I RGYAL MO DANG GNYIS SU MED PAR GYUR NAS SKU GSUNG THUGS RDO RJE BLA MA LAS 'DI DAG PHYUNG NGO, ,AE MA'O YE NAS GSANG BA'I CHOS, ,MKHA' DBYINGS GNYIS SU MED PA LAS, ,MKHA' LA BLA MA'I DKYIL 'KHOR SHAR, ,KHRI BTZUGS NYI DKYIL GDAN STENG DU, ,DE LA LHA TSOGS GDAN DU BTING, ,H'Um; 'KHOR LO 'BAR BA'I LTE DBUS SU, ,KHRI BSHAMS NYI DKYIL YA BDUD GDON, ,DE YI STENG DU BSAM BYA BA, ,BYANG CHUB SEMS LAS SKU BSKYED PA, ,DPAL CHEN BLA MED HE RU KA ,DBU DGU PHYAG KYANG BCO BRGYAD DE, ,SPYAN YANG 'BAR BA NYI SHU BDUN, ,DBU LA RIGS LNGA'I DBU RGYAN GSOL, ,ZHABS KYANG RNAM PA BRGYAD DU GTAMS, ,RDO RJE MTHING GA KHYUNG GI GSHOG ,'JIG RTEN KHAMS KYANG YOG PAR BKAB, ,SBRUL NAG 'JIGS SU RUNG BA DANG, ,DUR KHROD RGYAN GYIS BRGYAN PA'O, ,DBU GSUM DANG LA BYUNG BA

NI; ;G-YAS DKAR G-YON DMAR DBUS MTHING ZHAL, ,RNAM PAR THAR PA'I DBU GSUM GYIS, ,KHAMS GSUM MYA NGAN ZLA BA'I ZHAL, ,DBU GSUM BAR NAS RNGAM PA NI, G-YAS SNGO G-YON LJANG DBUS MTHING ZHAL, ,THABS DANG SHES RAB SEMS KYI DBU, ,SRID GSUM DBYINGS SU RDZOGS PA'I ZHAL, ,DBU GSUM MTHA' NAS RNGAM PA NI, ,G-YAS MTHING G-YON MTHING DBUS MTHING ZHAL,, KHAMS GSUM RE BA SKONG BA YI, ,LUNG DANG MAN NGAG SEMS KYI DBU, ,'GYUR BA MED PA'I MTHING NAG ZHAL, ,SKYE SHI RTZA BA GCOD PA'I TSEMS, ,DBU DGU ROL PA'I BYIN RLABS LAS, ,G-YAS GSUM KLOG STONG LTE 'BYIN CING, ,G-YON GSUM 'BRUG STONG SGRA SGROG PA, ,DBU GSUM RDO RJE SER CHEN 'BEBS, ,SPYAN DGU DANG LA GZIGS PA NI, ,CHOS DBYINGS KUN TU BZANG PO DANG, ,KUN TU BZANG MO'I MKHA' DBYINGS LA, ,'GYUR BA MED PA'I TSUL GYIS GZIGS, ,SPYAN DGU BAR NAS GZIGS PA NI, ,RNAM PAR GROL BA'I YE SHES KYIS, ,SRID PA'I SEMS CAN THAMS CAD LA, ,BYAMS MGON SNYOMS PA'I SPYAN GYIS GZIGS, ,SPYAN DGU MTHA' NAS GZIGS PA NI, ,G-YAS GSUM ZHE SDANG KHROS PA'I SPYAN, ,GZIGS PAS BDUD DANG MU STEGS SGROL, ,G-YON GSUM BYAMS MGON SNYOMS PA'I SPYAN, ,GZIGS PAS MTHA' YAS BDE LA 'JOG ,DBU GSUM YE SHES ROL PA'I SPYAN, ,GZIGS PAS SKYE 'GRO GNAS SU STOBS, ,DBU DGU RIGS LNGA'I DBU RGYAN DGU, ,LNGA DGU

, ,BZHI BCU RTZA LNGA YANG, ,BUDDHA BZHI BCU RTZA LNGAS BRGYAN, ,STONG PA CHEN PO'I YE SHES KYIS, ,KHYAB BDAL CHEN PO'I RTAGS SU BSNAMS, ,BCO BRGYAD PHYAG NA ROL PA YIS; ;STOR PA BCO BRGYAD DBYINGS SU SBYOR, ,ZHABS BRGYAD NGA RGYAL DREGS PA 'JOMS, ,THABS DANG SHES RAB LDAN PA YIS, ,RDO RJE MTHING GA GSHOG PA BRKYANG, ,BCO BRGYAD PHYAG NA BSNAMS PA YIS, ,RDO RJE GLO SNYING ZHING CHUNG G-YAS, ,BANDHA ZHING CHEN STIR CHEN G-YON, ,NANG ZHAGS NYI MA KHYUNG CHEN G-YAS, ,ZHING CHEN ZLA BA 'UG PA G-YON, ,ME DANG RGYA MTSO GA 'U G-YAS, ,RLUNG DANG RIN CHEN RI RAB G-YON, ,YON TAN BCO BRGYAD DBYINGS SU RDZOGS, ,DANG PO RDO RJE DUNG CHEN NI, ,KHAMS GSUM DBANG DU BSDUS NAS KYANG, ,BDUD DANG MU STEGS KUN 'JOMS PA'O, ,GNYIS PA STIR CHEN GLO SNYING NI, ,SRID PA'I SEMS CAN THAMS CAD KUN, ,DAM TSIG STAN DBYINGS SU SGROL, ,GSUM PA STIR CHUNG RIL MID NI, ,DUG GSUM RNAM PAR SGROL BA'I RTAGS, ,BZHI PA STIR CHEN NANG ZHAGS NI, ,RGYUD LNGA'I SEMS CAN DBYINGS SU 'DREN, ,LNGA PA NYI ZLA ZUNG DU 'DZIN, ,BYANG CHUB SEMS LAS G-YOS PA MED, ,DRUG PA KHYUNG DANG 'UG PA NI, ,MKHA' 'GRO THAMS CAD 'KHOL BA'I RTAGS, ,BDUN PA ME DPUNG RLUNG GIS 'THOR, ,SRID PA'I BAG CHAGS THAL BAR RLOG ,BRGYAD PA RI RAB RGYA MCHO RNAMS, ,THAMS CAD MA LUS G-YENG GNAS SHING, ,'BYUNG BA

LNGA LA MNGA' BRNYES PA'O, ,DGU PA RIN CHEN GA'U NI, ,DNGOS GRUB SPRUL PA 'BYUNG BA'I RTAGS, ,DGU GNYIS ZUNG DU LDAN PA LAS, ,STONG PA BCO BRGYAD DBYINGS SU RDZOGS, ,DUR KHROD RGYAN GYIS BRGYAN PA NI, ,THOD SKAM 'BAR BA'I PHRENG BA YIS, ,ZHI BA PHYOGS GCIG MYA NGAN ZLO, ,MNGON PAR RDZOGS PA'I SKU BRNYES PA'O, ,THOD RLON 'DAR BA'I PHRENG BA 'DI, KHAMS GSUM DBANG DU BSDUS NAS SU, ,SPRUL PA'I SKU LA MNGA' BRNYES PA'O, ,THOD PA PHYED TSAL PHRENG BAS NI, ,DUG LA [?] BDUD RTZIR SBYOR BA STE, ,LONGS SPYOD SKU LA MNGA' BRNYES PA'O, ,ZHING CHEN RLON PA'I NA BZA' NI, ,CHOS DBYINGS MNYAM PA CHEN PO STE, ,CHOS KYI SKU LA MNGA' BRNYES PA'O, ,STAG LPAGS G-YANG GZHI'I SHAM THABS NI, ,'PHRIN LAS RNAM BZHI'I RANG BZHIN TE, ,RDO RJE'I SKU LA MNGA' BRNYES PA'O, ,SPRUL NAG CHUN 'PHYANG MANG PO NI, ,YE SHES THAMS CAD 'BYUNG BA'I RTAGS, ,RTAGS CHEN SKU LA MNGA' BRNYES PA'O, ,ZHABS BRGYAD LHA BRGYAD BRDZIS PA BZHI, ,NGA RGYAL CAN RNAMS TSAR GCOD PA'O, ,SANGS RGYAS KHROS PA'I RGYAL MO NI, ,KRO DH'I SHVA RI YUM GYI GTZO, ,MTHING NAG 'BAR BA'I RAL PA CAN, ,RGYAN DANG CHA LUGS GTZO DANG MTHUN, ,'KHRIL BA CHEN PO'I TSUL GYIS SU, ,BHANDHA RAKTA GTZO LA STOB, , 'KHRIL BA CHEN PO'I TSUL DU BSAM, ,SHAR PHYOGS 'KHOR LO'I RTZIBS STENG NA, ,KHRI DANG NYI DKYIL NYI ZLA'I GDAN, ,DE YI STENG DU BSAM BYA BA, ,GZUGS KYI PHUNG PO GNAS GYAR PA, ,KHAG

, ,'THUNG BUDDHA HE RU KA ,DBU GSUM PHYAG DRUG ZHABS BZHIR BGRAD, ,G-YAS LJANG G-YON SNGO DBUS SER ZHAL, ,PHYAG DRUG MNGON PAR ROL PA LAS, ,'KHOR LO DGRA STA ZHAGS PA G-YAS, ,BHANDHA RDE'U CHUNG KHA tV'Am G-YON, ,SER NAG DUR KHROD RGYAN GYIS BRGYAN, ,BDE GSHEGS KHROS PA'I RGYAL MO DANG, ,'KHRIL BA CHEN PO'I TSUL DU BSAM,, LHO PHYOGS 'KHOR LO'I RTZIBS STENG NA, ,KHRI DANG NYI DKYIL GSHIN RJE'I GDAN, ,DE YI STENG DU BSAM BYA BA, ,TSOR BA'I PHUNG PO GNAS GYUR PA, ,KHRAG 'THUNG RATNA HE RU KA ,DBU GSUM PHYAG DRUG ZHABS BZHIR BGRAD, ,G-YAS SER G-YON DMAR DBUS SNGO ZHAL, ,PHYAG DRUG MNGON PAR ROL PA LAS, ,RIN CHEN GSHOL DANG GTUN SHING G-YAS, ,BHANDHA DGRA STA RDE'U CHUNG G-YON, ,SNGO NAG DUR KHROD RGYAN GYIS BRGYAN, ,RIN CHEN KHROS PA'I RGYAL MO DANG, ,'KHRIL BA CHEN PO'I TSUL DU BSAM, ,NUB PHYOGS 'KHOR LO'I RTZIBS STENG DU, ,KHRI DANG NYI DKYIL KLU YI GDAN, ,DE YI STENG DU BSAM BYA BA, ,'DU SHES PHUNG PO GNAS GYUR PA, ,KHRAG 'THUNG PADMA HE RU KA ,DBU GSUM PHYAG DRUG ZHABS BZHIR BGRAD, ,G-YAS SNGO G-YON DMAR DBUS LJANG ZHAL; ;PHYAG DRUG MNGON PAR ROL PA LAS, ,PADMA RDE'U CHUNG SDU GRI G-YAS, ,BHANDHA KHA tV'Am SA PHRENG G-YON, ,DMAR NAG DUR KHROD RGYAN GYIS BRGYAN, ,PADMA KHROS PA'I RGYAL MO DANG, ,'KHRIL

BA CHEN PO'I TSUL DU BSAM, ,BYANG PHYOGS 'KHOR LO'I RTZIBS STENG NA, ,KHRI DANG NYI DKYIL GNOD SBYIN GDAN, ,DE YI STENG DU BSAM BYA BA, ,'DU BYED PHUNG PO GNAS GYUR PA, ,KHRAG 'THUNG KARMA HE RU KA ;DBU GSUM PHYAG DRUG ZHABS BZHIR BGRAD, ,G-YAS DMAR G-YON SER DBUS LJANG ZHAL, ,PHYAG DRUG MNGON PAR ROL PA LAS, ,RAL GRI ZHAGS PA RDE'U CHUNG G-YAS, ,BHANDHA THOD DBYUG KHA tV'Am G-YON, ,LJANG NAG DUR KHROD RGYAN GYIS BRGYAN, ,LAS MCHOG KHROS PA'I RGYAL MO DANG, ,'KHRIL BA CHEN PO'I TSUL DU BZHUGS, ,'KHOR LO 'BAR BA'I PHYIR MIN, ,ME DPUNG 'BAR BA'I GZHAL YAS NA, ,MKHA' DBYINGS GNYIS SU MED PA LAS, ,MKHA' LAS SKYES PA'I PHRA MEN MA, ,SHAR PHYOGS SU NI BSAM BYA BA, ,SA BDAG BSGYEL BA'I GDAN STENG DU, ,KUN GZHI GNAS GYUR PHRA MEN MA, ,RNAL 'BYOR SNGO NAG GOO RI MA, ,RAL PA KHAM NAG GYEN DU 'KHYIL, ,MCHE GTZIGS RKAN BRDABS G-YANG GZHI GSOL, ,SPYUGS PAR GLU BLANGS HA HAS BZHAD, ,STI RA DBYUG PA G-YAS PA NA, ,BHANDHA RAKTA G-YON PA NA, ,SKYE SHI MA LA BRKYANG BSKUM BZHUGS, ,LHO PHYOGS NGOS SU BSAM BYA BA, ,GSOD SKYEN BSGYEL BA'I GDAN STENG DU, ,RNAM SHES GNAS GYUR PHRA MEN MA,, RNAL 'BYOR SER NAG TZOO RI MA, ,RAL PA KHAM NAG GYEN DU 'KHYIL, ,MCHE GTZIGS RKAN BRDABS G-YANG GZHI GSOL, ,SBYUGS PAS GLU BLANGS HA HAS BZHAD, ,THABS KYIS MDA'

, ,DRANGS G-YAS PA NA, ,SHES RAB GZHU BRDUNGS G-YON PA NA, ,YA MA YE LA BRKYANG BSKUM BZHUGS, ,NUB KYI PHYOGS SU BSAM BYA BA, ,NYI MA BSGYEL BA'I GDAN STENG DU, ,NYON MONGS GNAS GYUR PHRA MEN MA, ,RNAL 'BYOR DMAR NAG PHRA MO HA, ,RAL PA KHAM NAG GYEN DU 'KHYIL, ,MCHE GTZIGS RKAN BRDABS G-YANG GZHI GYON, ,SPYUGS PAS GLU BLANGS HA HAS BZHAD, ,CHU SRIN RGYAL MTSAN G-YAS PA NA, ,BHANDHA RAKTA G-YON PA NA, ,S'URYA YE LA BRKYANG BSKUM BZHUGS, ,BYANG GI PHYOGS SU BSAM BYA BA, ,ZLA BA BSGYEL BA'I GDAN STENG DU, ,REG BYA GNAS GYUR PHRA MEN MA, ,RNAL 'BYOR DMAR NAG BE TA LI, ,RAL PA KHAM NAG GYEN DU 'KHYIL, ,MCHE GTZIGS RKAN BRDABS G-YANG GZHI GYON, ,SPYUGS PAS GLU BLANGS HA HAS BZHAD, ,RDO RJE RTZE LNGA G-YAS PA NA, ,STIR CHUNG MGO GCOD G-YON PA NA, ,TZANDRA YE LA BRKYANG BSKUM BZHUGS, ,SHAR LHO MTSAMS SU BSAM BYA BA, ,ME LHA BSGYEL BA'I GDAN STENG DU, ,LTA BYED PHRA MEN GNAS GYUR PA, ,RNAL 'BYOR DMAR NAG PUKKA SI, ,SKRA 'BAR MCHE GTZIGS RKAN BRDABS SHING, ,DUR KHROD G-YANG GZHI SLOG PA GYON, ,SPYUGS PAS GLU BLANGS HA HAS BZHAD, ,STI RA CHEN PO G-YAS PA NA, ,TSEMS BAR RGYU 'DREN G-YON PA NA, ,AAGNE YE LA BRKYANG BSKUMS BZHUGS, ,LHO NUB MTSAMS SU BSAM BYA BA,,

BDEN BRAL BSGYEL BA'I GDAN STENG DU, ,NYAN BYED GNAS GYUR PHRA MEN MA, ,RNAL 'BYOR MTHING NAG SMA SHA NI, ,SKRA 'BAR MCHE GTZIGS RKAN BRDABS SHING, ,SROG CHAGS CHEN PO G-YANG GZHI GYON, ,SPYUGS PAS GLU BLANGS HA HAS BZHAD, ,STI RA CHUNG NGU G-YON PA NA, ,TZITTA PHYUNGS PA G-YAS PA NA, ,NI RI TI LA BRKYANG BSKUM BZHUGS, ,NUB BYANG MTSAMS SU BSAM BYA BA, ,RLUNG LHA BSGYEL BA'I GDAN STENG DU, ,SNOM BYED GNAS GYUR PHRA MEN MA, ,RNAL 'BYOR SER NAG TZAndA LI, ,SKRA 'BAR MCHE GTZIGS RKAN BRDABS SHING, ,'JIGS SU RUNG BA'I SLOG PA GSOL, ,SPYUGS PAS GLU BLANGS HA HAS BZHAD, ,STI RA CHUNG NGU G-YAS PA NA, ,BHANDHA BCAD PA G-YON PA NA, ,BA YA BE LA BRKYANG BSKUM BZHUGS, ,BYANG SHAR MTSAMS SU BSAM BYA BA, ,DBANG LDAN BSGYEL BA'I GDAN STENG DU, ,MYONG BYED GNAS GYUR PHRA MEN MA, ,RNAL 'BYOR LJANG NAG GHASMA RI, ,SKRA 'BAR MCHE GTZIGS RKAN BRDABS SHING, ,STI RA CHEN PO'I SHUN PA GSOL, ,SBYUGS PAS GLU BLANGS HA HAS BZHAD, ,BHANDHA RAKTA G-YAS PA NA, ,RTZE GSUM 'KHRUG PA G-YON PA NA, ,AI SHVA RA LA BRKYANG BSKUM BZHUGS, ,DKYIL 'KHOR DE YI PHYI RIM DU, ,SMUG NAG 'BAR BA'I BAR KHYAMS NA, ,GSANG BA'I MKHA' LAS SKUR BSKYED PA, ,SHAR GYI PHYOGS SU BSAM BYA BA, ,DRI ZA BSGYEL BA'I GDAN STENG DU, ,KUN GZHI YUL

, ,LAS GNAS GYUR PA, ,PHRA MEN THOGS MED SENG GE'I GDONG, ,RNAL 'BYOR SER NAG SENG+GE MA, ,MCHE GTZIGS RKAN BRDABS G-YANG GZHI GYON, ,PHYAG GNYIS BSNOL STABS SHIN TU 'GYING, ,STIR CHEN PO SBRUG CING GSOL, ,AINDRA YE LA BRKYANG BSKUM BZHUGS, ,LHO YI PHYOGS SU BSAM BYA BA, ,GRUL BUM BSGYEL BA'I GDAN STENG DU, , RNAM SHES YUL LA GNAS GYUR PA, ,PHRA MEN DPA' BO STAG GI GDONG, ,RNAL 'BYOR DMAR NAG BYA GRI MA, ,MCHE GTZIGS RKAN BRDABS G-YANG GZHI GYON, ,PHYAG GNYIS GYAD KYI 'DOR TSUL GYIS, ,STIR CHUNG BSKYUR NAS 'BRU TSUGS LTA, ,RA TRI'I GDAN LA BRKYANG BSKUM BZHUGS, ,NUB KYI PHYOGS SU BSAM BYA BA, ,YI DVAGS BSGYEL BA'I GDAN STENG DU, ,NYON MONGS YUL LA GNAS GYUR PA, ,PHRA MEN RTOG 'DUL WA YI GDONG, ,RNAL 'BYOR DMAR NAG SRI KA MA, ,MCHE GTZIGS RKAN BRDABS G-YANG GZHI GYON, ,PHYAG GNYIS STIR CHEN NANG GROL 'DRU; ;HRI 'DI GDAN LA BRKYANG BSKUM BZHUGS, ,BYANG GI PHYOGS SU BSAM BYA BA, ,GNOD SBYIN BSGYEL BA'I GDAN STENG DU, ,REG BYA YUL LA GNAS GYUR BA, ,PHRA MEN BTANG SNYOMS SPYANG MO'I GDONG, ,RNAL 'BYOR MTHING NAG SHVA NA MA, ,MCHE GTZIGS RKAN BRDABS G-YANG GZHI GYON, ,PHYAG GNYIS ROL PA CHEN PO YIS, ,STI RA PHYED MAR BTZAL NAS GSOL, ,

YAKshA'I GDAN LA BRKYANG BSKUM BZHUGS, ,SHAR LHO MTSAMS SU BSAM BYA BA, ,SRIN PO BSGYEL BA'I GDAN STENG DU, ,LTA BYED YUL LA GNAS GYUR PA, ,PRA MEN GZI BRJID BYA RGOD GDONG, ,RNAL 'BYOR DMAR NAG KRI TA MA, ,MCHU BRDAR RKAN BRDABS G-YANG GZHI GYON, ,ZANGS GRI RNON PO G-YAS PA NA, ,RGYU ZHAGS DRANG BA G-YON PA NA, ,RAKshA SA LA BRKYANG BSKUM BZHUGS, ,LHO NUB MTSAMS SU BSAM BYA BA, ,SRIN PO BSGYEL BA'I GDAN STENG DU, ,NYAN BYED YUL LA GNAS GYUR PA, ,PHRA MEN GSAL BYED DUR BYA'I GDONG, ,RNAL 'BYOR RNAL MA KANGKA MA, ,MCHU BRDAR RKAN BRDABS G-YANG GZHI GSOL, ,STIR CHUNG STOD SMAD G-YAS G-YON NA, ,RNGAM PA'I TSUL GYIS PHRAG LA BKAL, ,RAKshA SA LA BRKYANG BSKUM BZHUGS, ,NUB BYANG MTSAMS SU BSAM BYA BA, ,SRIN PO BSGYEL BA'I GDAN STENG DU, ,SNOM BYED YUL LA GNAS GYUR PA, ,PHRA MEN SA LE BYA ROG GDONG, ,RNAL 'BYOR DMAR NAG KHA KHVA MA, ,MCHU BRDAR RKAN BRDABS G-YANG GZHI GYON, ,ZANGS GRI DMAR PO G-YAS PA NA, ,BHANDHA RAKTA G-YON PA NA, ,RAKshA SA LA BRKYANG BSKUM BZHUGS, ,BYANG SHAR MTSAMS SU BSAM BYA BA, ,SRIN PO BSGYEL BA'I GDAN STENG DU, ,MYONG BYED YUL LA GNAS GYUR PA, ,PHRA MEN RDZOGS BYED 'UG PA'I GDONG, ,RNAL 'BYOR LJANG NAG HU LU MA, ,MCHU BRDAR RKAN BRDABS G-YANG GZHA GSOL, ,RDO RJE LCAGS KYU

, ,G-YAS PA NA, ,STIR CHUNG SPYI 'JOMS G-YON BA NA, ,RAKshA SA LA BRKYANG BSKUM BZHUGS, ,'BAR BA'I BAR KHYAMS THA MA LA, ,THOD SKAM 'BAR BA'I GZHAL YAS NA, ,ZHING CHEN BSNOL BA'I GDAN STENG DU, ,SHAR GYI PHYOGS SU BSAM BYA BA, ,NYUL BYED YUL LA GNAS GYUR PA, ,SPOR BYED CHEN MO MI BZAD MA, ,SNA TSOGS 'GYUR BA'I SKU MDOG MA, ,ZHING CHEN ROL PA'I SLOG PA GSOL, ,RAL PA KHAM NAG GYEN DU 'BAR, ,SPYUGS PAS GLU BLANGS SRID GSUM 'BAR, ,HA HA'I GAD MOS YE SHES ROL, ,NYI ZER ZHAGS PA G-YAS PA NA, ,BHANDHA RAKTA G-YON PA NA, ,RO RLON STENG DU BRKYANG BSKUM BZHUGS, ,LHO YI PHYOGS SU BSAM BYA BA, ,MI MGON THUB PA GNAS GYUR PA, ,SPOR BYED CHEN MO MDUNG THUNG 'PHEN, , RNAL 'BYOR SER NAG NYUL CHEN MA, ,RAL PA KHAM NAG GYEN DU 'KHYIL, ,MI YI G-YANG GZHI GOS SU GYON, ,SPYUGS PAS GLU BLANGS SRID GSUM SBYANGS, ,HA HA'I GAD MOS MI RNAMS SPOR,, RDO RJE MDUNG THUNG G-YAS PA NA, ,BHANDHA RAKTA G-YON PA NA, ,RO RLON STENG DU BRKYANG BSKUM BZHUGS, ,NUB KYI PHYOGS SU BSAM BYA BA, ,CHOS KYI DBYINGS LAS GNAS GYUR PA, ,SPOR BYED RDO RJE DRIL 'KHROL MA, ,RNAL 'BYOR MTSON DU MED PA'I SKU, ,RAL PA KHAM NAG GYEN DU 'BAR, ,CHOS NYID DBYINGS KYI NA BZA' GSOL, ,SPYUGS PAS GLU BLANGS STONG KHAMS SPOR, ,HA HA'I GAD MOS

DBYINGS SU SBYOR, ,GSUNG BSGRAGS DRIL BU G-YAS PA NA, ,BHANDHA RAKTA G-YON PA NA, ,RO RLON STENG DU BRKYANG BSKUM BZHUGS, ,BYANG GI PHYOGS SU BSAM BYA BA, ,LHA MIN THUB PA GNAS GYUR PA,, SPOR BYED THOD PHRENG SKAR MDA'I GDONG, ,RNAL 'BYOR SNGO NAG NYUL CHEN MA, ,SROG CHAGS CHEN PO'I G-YANG GZHI GYON, ,RAL PA KHAM NAG GYEN DU 'BAR, ,SPYUGS PAS GLU BLANGS KHAMS GSUM SBYANGS, , HA HA'I GAD MOS LHA MIN SPOR, ,RDO RJE SKAR MDA' G-YAS PA NA, ,BHANDHA RAKTA G-YON PA NA, ,RO RLON STENG DU BRKYANG BSKUM BZHUGS, ,SHAR LHO MTSAMS SU BSAM BYA BA, ,LHA 'DUL THUB PA GNAS GYUR PA, ,SPOR BYED KHYUNG THOGS GNOD SBYIN MA, ,RNAL 'BYOR MTHING NAG NYUL CHEN MA, ,'JIGS BYED G-YANG GZHI GOS SU GYON, ,RAL PA KHAM NAG GYEN DU 'BAR, ,SPYUGS PAS GLU BLANGS STONG KHAMS GRAGS, ,HA HA'I GAD MOS LHA RNAMS SPOR, ,RDO RJE KHYUNG CHEN G-YAS PA NA, ,BHANDHA RAKTA G-YON PA NA, ,RO RLON STENG DU BRKYANG BSKUM BZHUGS, ,LHO NUB MTSAMS SU BSAM BYA BA, ,YI DVAGS THUB PA GNAS GYUR PA, ,SPOR BYED ME KHYER GLOG PHRENG 'DZIN, ,RNAL 'BYOR DMAR NAG NYUL CHEN MA, ,YI DVAGS MGRIN RING G-YANG GZHI GYON, ,RAL PA KHAM NAG GYEN DU 'BAR, ,SPYUGS PAS GLU BLANGS SNANG SRID SBYANGS, ,HA HA'I GAD MOS YI DVAGS SPOR, ,RDO RJE GLOG PHRENG G-YAS PA NA, ,BHANDHA RAKTA G-YON PA NA, ,RO RLON STENG DU BRKYANG BSKUM BZHUGS, ,NUB BYANG MTSAMS SU BSAM BYA BA, ,BYOL SONG THUB PA GNAS GYUR PA,,

, ,SPOR BYED 'JIGS CHEN SLOG SHA RDEB, ,RNAL 'BYOR SMUG NAG NYUL CHEN MA, ,RAL PA KHAM NAG GYEN DU 'BAR, ,SLOG CHEN BRJID PA'I G-YANG GZHI GYON, ,SPYUGS PAS GLU BLANGS STONG KHAMS GRAGS, ,HA HA'I GAD MOS BYOL SONG SPOR, ,RDO RJE SLOG SHA G-YAS PA NA, ,BHANDHA RAKTA G-YON PA NA, ,RO RLON STENG DU BRKYANG BSKUM BZHUGS, ,BYANG SHAR MTSAMS SU BSAM BYA BA, ,DMYAL MGON THUB PA GNAS GYUR PA, ,SPOR BYED GSHIN RJE RAL GRI SKRA, ,RNAL 'BYOR SNGO NAG NYUL CHEN MA, ,RAL PA KHAM NAG GYEN DU 'BAR, ,GSHIN RJE G-YANG GZHI GOS SU GYON, ,SBYUGS PAS GLU BLANGS SRID GSUM SBYANGS, ,HA HA'I GAD MOS DMYAL BA SPOR, ,RDO RJE RAL GRI G-YAS PA NA, ,BHANDHA RAKTA G-YON PA NA, ,RO RLON STENG DU BRKYANG BSKUM BZHUGS, ,'BAR BA'I DKYIL 'KHOR SGO BZHI LA; ;PHYIN CI LOG BZHI GNAS GYUR PA, ,SHAR GYI SGOR NI BSAM BYA BA, ,PHAG CHEN PO YI GDAN STENG DU, ,RTA GDONG SRIN MO'I G-YANG GZHI GSOL, ,RDO RJE LCAGS KYU G-YAS PA NA, ,BHANDHA RAKTA G-YON PA NA, ,PHAG CHEN PO YI GDAN STENG DU, ,STOBS CHEN KHRO BO CHEN PO DANG, ,'KHRIL BA CHEN PO'I TSUL DU BZHUGS, ,RNGAM PA'I TSUL GYIS PHYIR BLTAS PA'O, ,LHO YI SGOR NI BSAM BYA BA, ,RA GDONG CHEN MO'I GDAN STENG DU, ,PHAG GDONG CHEN MO'I G-YANG GZHI GYON, ,LCAGS KYI DRIL ZHAGS G-YAS PA NA, ,BHANDHA RLON PA G-YON PA NA, ,RA GDONG CHEN MO'I GDAN STENG

DU; ;KHRO CHEN GSHIN RJE GSHED PO DANG, ,'KHRIL BA CHEN PO'I TSUL GYIS SU, ,RNGAM PA'I TSUL GYIS BLTAS PA'O, ,NUB KYI SGOR NI BSAM BYA BA, ,BUM RNA CHEN MO'I GDAN STENG DU, ,DRED GDONG CHEN MO'I G-YANG GZHI GYON, ,LCAGS SGROG ME 'BAR G-YAS PA NA, ,BHANDHA RLON PA G-YON PA NA, ,SRIN PO BUM RNA'I GDAN STENG DU, ,KHRO CHEN RTA MGRIN CHEN PO DANG, ,'KHRIL BA CHEN PO'I TSUL GYIS SU, ,RNGAM PA'I TSUL GYIS PHYIR BLTAS PA'O, ,BYANG GI SGOR NI BSAM BYA BA, ,GSUS PO CHE YI GDAN STENG DU, ,SPYANG GDONG CHEN MO G-YANG GZHI GYON, ,DRIL BU THAL CHEN G-YAS PA NA, ,BHANDHA RLON PA G-YON PA NA, , GSUS PO CHE YI GDAN STENG DU, ,KHRO CHEN BDUD RTZI 'KHYIL PA DANG, ,'KHRIL PA CHEN PO'I TSUL GYIS SU, ,RNGAM PA'I TSUL GYIS PHYIR BLTAS PA'O, ,HO BADZRA GU HYA TSIG TU'O, ,GSANG BA'I SNYING PO'I DE KHO NA NYID NGES PA SGYU 'PHRUL BLA MA CHEN PO LAS, BDUD BTUL BA DANG NYID KYI SKU GSUNG THUGS KYI CHE BA'I YON TAN PHYOGS BCUR GSAL BA'I LE'U STE DGU PA'O,, ,,DE NAS DGYES PA CHEN PO YE SHES RGYAL PO DE NYID GSUNG GI DKYIL 'KHOR CHEN PO 'DI YANG DAG PAR GRAGS SHING DAM TSIG RJES SU 'DZIN PA'I DGONGS PA RTZER CHIB NAS SKU GSUNG THUGS RDO RJE LAS 'DI DAG PHYUNG NGO, ,BHRUm BI SHVA KRO DHA BADZRA DZVA LA MAndA LA TZAKRA H'Um PHAt PHAt PHAt, HA LA HA LA DU TRI TZAKRA N'AN, S'URYA TZANDRA PADMA DE BA TIshthA N'AN, H'Um H'Um HA HA H'Um H'Um BADZRA MAH'A SHR'I HE RU KA MAH'A TZAndA SARBA DUsht'AN TA KA HA NA DA HA PA TZA H'Um PHAt, H'Um BADZRA

, ,DHA RA MAH'A KRO DHE SHVA RI DZVA LA NI H'Um PHAt, AOm SARBA TA TH'A GA TA MAH'A SHR'I HE RU KA MAH'A TZAndA SARBA DUshtA NA TA KA HA NA DA HA PA TZA H'Um PHAt, AOm SARBA TA TH'A GA TO BUDDHA MAH'A KRO DHI SHVA RI DZVA LA NI H'Um PHAt, AOm TRAm RATNA MAH'A SHR'I HE RU KA MAH'A TZAndA SARBA DUshN'A NA TA KA HA NA DA HA PA TZA H'Um PHAt, TRAm S'URYA RATNA MAH'A KRO DHI SHVA RI DZVA LA NI H'Um PHAt, AOm HR'I:PADMA MAH'A SHR'I HE RU KA MAH'A TZAndA SARBA DUsht'A NA TA KA HA NA DA HA PA TZA H'Um PHAt, HR'I SHVA PADMA BA MU KA MAH'A KRO DHI SHVA RI DZVA LA NI H'Um PHAt, HA KARMA MAH'A SHR'I HE RU KA MAH'A TZAndA SARBA DUshN'AN TA KA HA NA DA HA PA TZA H'Um PHAt, KARMA MAH'A KRO DHI SHVA RI DZVA LA NI H'Um PHAt, BADZRA KE'U RI HA, BADZRA TZA'U RI HA, BADZRA PRA MO H'A HA, BADZRA BE T'A LI HA, BADZRA PUKKA SI HA, BADZRA GHASMA RI HA, BADZRA SMA SH'A NI HA, BADZRA TZAndA LI HA, BADZRA SIDHA MU KHA HE, BADZRA BY'A GTRi MU KHA HE, BADZRA SRI LA MU KHA HE, BADZRA SHVA NA MU KHA HE, BADZRA GRi DHA MU KHA HE; BADZRA KANGKA MU KHA HE, BADZRA K'A KA MU KHA HE, BADZRA HU LU KA MU KHA HE, BADZRA AARYA TE TZA TE NGA TZA, BADZRA AA MO GHA H'Um, BADZRA A'A LO KA PAm, BADZRA BHASMI P'A LA YA BA TO HO, AE HYE HI PHRI TA A'ARYA NI TZA TUR BA YA PHAt; BADZRA BE YO GI PRA TI A'ARYA NI TZA TUR TH'A YA H'Um PHAt, BADZRA MU AA NI AA PRA TI A'ARYA NI PA SHI KA RA PHAt, BADZRA MU NI AA PRA TI A'ARYA BA NI SHI KA RA PHAt, BADZRA MU NI AA SUm PA AA NI BA SHI KA RA PHAt, BADZRA MU NI AA PRA TI A'ARYA NI TRAm SU PA SHI KA RA PHAt, BADZRA MU TRI NI AA PRA TI A'ARYA NI PA SHI KA RA PHAt, BADZRA MU NI AA DU BRI TI AA NI PA SHI KA RA PHAt, AE HYE HI A'A NA YA HO, AOm RU LU RU LU H'Um BHYO H'Um,

DZA:H'Um BAm HO, BADZRA KRO DHA SA MA YA H'Um PHAt CES GSUNG GI DKYIL 'KHOR GYIS STONG GSUM GYI DKYIL 'KHOR KHYAB PAR DUS GCIG KHYAB PAR GRAGS PA DANG, DAM NOD PA BKA' NYAN GYI TSOGS MA'I SRIN MO LA SOGS PA RNAMS KYIS KYANG SO SO'I SROG GI SNYING PO PHUL LO, ,BADZRA MA NU RAKshA SI, BADZRA PRA MA NI, BADZRA ROO TRI, BADZRA BEEshnA BE, BADZRA PING+GA LAm, BADZRA KE MA RI, BADZRA AINDRA NA, BADZRA SU RA YA TRA, BADZRA SO HU MYA, BADZRA AA MRi TA, BADZRAD NA TA, BADZRA RAKshA SI, BADZRA BAKshA SI, BADZRA RA TI HAm, BADZRA RU TI HAm, BADZRA AE KA TZA RAm, BADZRA MA NO HA RAm, BADZRA SA NI DHA HAm, BADZRA BA YA BYA, BADZRA MAH'A MA RA MA NA, BADZRA AAGNE YE, BADZRA TZA MUndI, BADZRA PU TRA NA, BADZRA BA RU NI, BADZRA MAH'A KA LA, BADZRA TIKshnA BAm, BADZRA LAMBO DHA RA, YE SHES RGYAL PO DGONGS SU GSOL, ,KHRO LA KHROS PAS ZHI MDZAD PA, ,THUGS RJE KHRO DPAL RNGAM PA'I TSOGS, ,'BAR BA'I BYIN RLABS RMAD PO CHE, ,DE NYID DU NI BDAG LA STZOL, ,AOm BADZRA SA MA YA STVAm, ,AOm BADZRAS MA YA HO, ,BADZRA SA MA YA PHAt, AA LI AU LI TA PA LI DAm STVAm KHO NA ROO TRI KHA RAm YO GA NI KHA RAm H'Um HA HE PHAt CES BRJOD PAS, 'JIG RTEN DRUG GI PHYOGS BCU KUN, ,TSIG CING 'BAR BAS THAMS CAD KHYAB, ,GSUNG GI KHRO TSOGS CHEN PO YIS, ,KUN TU KHYAB CING GANG GYUR TO, ,DE NAS BCOM LDAN 'DAS DGYES PA CHEN PO YE SHES RGYAL PO DE NYID KYI DE DAG GI DKYIL 'KHOR BSTAN PA'I PHYIR NGES PAR BRJOD PA 'DI BRJOD DO, ,'BAR BA'I 'KHOR LO RTZIBS BZHI PA, ,GRU CHAD BZHIS

, ,BRGYAN PAR KHYAMS DANG, ,GRU BZHI SGO KHYUD BZHI DANG LDAN, ,'BAR BA'I BAR KHYAMS GSUM GYIS MDZES, ,THOD SBRUL SNA TSOGS NYI MAS BRJID, ,'BAR BA'I PHRENG BA MANG PO 'KHRUG ,KHYU MCHOG MA HE GZIG DANG STAG ,GTUM PA DOM GYI SBAR BAS NI, ,DBANG PHYUG LHA CHEN LA SOGS PA, ,DREGS PA CHEN PO GTUM TSOGS MNAN, ,GDAN DU BYAS TE SKU BZHUGS PA, ,SMUG NAG SNGO NAG SER NAG DANG, ,DMAR NAG LJANG NAG 'JIGS PA'I GZUGS, ,DBU DGU PHYAG NI BCO BRGYAD DANG, ,DBU GSUM PHYAG DRUG ZHABS BZHIR BGRAD, ,RNGAM PA'I SGRA CHEN 'JIGS PAR SGROG ;STAG LUG SBRUL DANG NYI MAR CHAS, ,STI RA CHE CHUNG NANG ZHAGS DANG, ,KHYUNG DANG YID BZHIN NOR BU DANG, ,STONG GI 'JIG RTEN KHOR YUG BCAS, ,RDO RJE DUNG CHEN GANG BA DANG, ,RAL GRI DGRA STA GSHOL LA SOGS, ,RANG GI LAG CHA SNA TSOGS DANG, ,BTZUN MO 'JIGS PA'I TSOGS DANG BCAS, ,GNAS DANG YUL GYI PHYAG RGYA DANG, ,SPOR BYED CHEN MO BRGYAD RNAMS DANG, , DBYUG PA MTSON CHA SNA TSOGS 'DZIN, ,SGO BZHI'I PHYAG RGYAR MDZES PA DANG, ,LCAGS KYU LA SOGS THOD PAS MDZES, ,SLAS DANG BYI MO BRAN MO'I TSOGS, ,BCU GNYIS DANG NI BRGYAD KYIS MDZES, ,RANG GI STAN DANG LAG CHAR CHAS, ,CI BGYI ZHES NI CHAS TE GNAS, ,ZHES GSUNGS PA DANG, 'JIG RTEN DRUG GI PHYOGS BCU THAMS CAD DU, ,SKU GSUNG THUGS BSAM GYIS MI

KHYAB PA'I DKYIL 'KHOR GYIS GANG ZHING KHYAB PAR GYUR TO, ,DE NAS BCOM LDAN 'DAS YE SHES RGYAL PO DE NYID DON YOD PA'I 'BRAS BU CHEN PO DAM TSIG CHEN POS GZUNG BA'I PHYIR 'DA' BAR DKA' BA'I DAM TSIG RDO RJE 'DI GSUNGS SO, ,BLA MED MI SPONG BLA MA BKUR, ,SNGAGS DANG PHYAG RGYA RGYUN MI GCAD, ,YANG DAG LAM DU ZHUGS LA BYAMS, ,GSANG BA'I DON PHYIR SMRA MI BYA, ,RTZA BA'I DAM TSIG CHEN PO NI, ,GDONG CHEN BCU YI DON RTOGS KYANG, ,RTZA BA GSUM PO MI 'DA' 'O, ,YAN LAG DAM TSIG LNGA GNYIS NI, ,GTI MUG 'DOD CHAGS ZHE SDANG DANG, ,NGA RGYAL PHRAG DOG MI SPANG NGO, , DKAR RTZI DMAR RTZI DRI SHA CHU, ,DAG PA'I SNOD BCUD MI DOR RO, ,SPYI DPAL BCU YI MNGA' BRNYES KYANG, ,YAN LAG BCU PO MI DOR RO, ,GZHAN YANG YAN LAG DAM TSIG RNAMS, ,'DA' BAR MI MDZAD RDO RJE DAM, ,SA MA YA NI RDO RJE CHE, ,MI 'DA' RGYAL BA NYID KYI DAM, ,BSAM RDZOGS LHUN GRUB CHE MTHAR PHYIN, ,SRID GSUM DAG PA DBANG CHEN SGYUR, ,MI 'JIGS KUN TU BZANG POR SPYOD; ;THEG PA MTHA' YAS 'DUL BA'I THABS, ,JI SNYED SDOM PA MTHA' YAS PA, ,MA LUS RNAM DAG LHUN GYIS RDZOGS, ,NYAMS 'GYUR NYES PA BRJOD MI LANG, ,TSE THUNG BSAM PA LOG PA DANG,, MYA NGAN SDUG BSNGAL CHEN PO DANG, ,DMYAL BA NYID NI RDO RJE BYED, ,DGU RDZOGS BCU LDAN GSUM GYIS SBYANGS, ,BSKANG BA LA SOGS MTHA' YAS MCHOG ,CES GSUNGS PAS DE BZHIN GSHEGS PA

, ,NYID DE BZHIN GSHEGS PA NYID KYIS 'DUL BAR 'GYUR RO, ,SGYU 'PHRUL DRA BA BLA MA CHEN PO LAS, 'JIGS BYED CHEN PO GSUNG GI DKYIL 'KHOR DANG DAM TSIG RDO RJE'I LE'U STE BCU PA'O,, ,,DE NAS BCOM LDAN 'DAS DGYES PA CHEN PO YE SHES RGYAL PO DE NYID CHOS THAMS CAD MAN NGAG BLA MA CHEN PO'I SNYING PO BYANG CHUB KYI SEMS BDE BA CHEN PO'I NGANG DU SNYIGS MA MED PAR BYUNG BTAB PA'I PHYIR SKU GSUNG THUGS BLA MA CHEN PO'I THIG LE CHEN PO'I DKYIL 'KHOR NAS MAN NGAG BLA MA CHEN PO'I SNYING PO 'DI PHYUNG NGO, ,BYANG CHUB SEMS KYI BDE CHEN LA,, RGYU RKYEN RTEN DANG LEN BCAS PA'I, ,SKYON MED THIG LE CHEN PO LAS, ,MA RTOGS PA DANG LOG PAR RTOG, PHYOGS RTOGS YANG DAG NYID MA RTOGS, ,'DUL BA DGONGS PA GSANG BA DANG, ,RANG BZHIN GSANG BA'I DON RNAMS NI, ,YI GE TSIG LA RAB BRTEN TE, ,KHONG NAS GAB SBAS DON 'BYIN PA, ,STON PA RDO RJE THUGS LA GNAS, ,DKYIL 'KHOR LDAN PA'I DKYIL 'KHOR GYIS, ,DKYIL 'KHOR LA NI DKYIL 'KHOR BSGOM; ;DKYIL 'KHOR DKYIL 'KHOR LAS BYUNG BA, ,THUGS KYI DKYIL 'KHOR DKYIL 'KHOR MCHOG ,DKYIL 'KHOR GSANG BA'I THIG LE DBYINGS, ,'BYUNG BA SHES RAB RIGS KYI YUM, , BYED PA RIGS KYI GTZO BO STE, ,BYANG CHUB SEMS KYI RDO RJE'I TSOGS, ,DBANG PO YUL DUS RIG PA'I RNAMS, ,BDAG NYID CHEN PO LHAG PAR RDZOGS, ,THUGS KYI YE SHES LNGAS BLTA ZHING, ,SNYING

PO THIG LE MNYAM SBYOR BAS, ,BDE BA'I YE SHES CHEN POR ROL, ,YE SHES DGYES PA MCHOG TU 'DUL, ,ZAD MED ZAG PA MED PA YIS, ,BSOD NAMS YE SHES SGYU MAR ROL, ,ROL MO'I DKYIL 'KHOR MTHA' YAS MCHOG ,GSANG BA'I THIG LE NYID KYI DBYINGS, ,PHYOGS BCU DUS BZHI RDZOGS PA'I DBYINGS, ,SKU GSUNG YON TAN 'PHRIN LAS THUGS, ,GSANG BA'I DKYIL 'KHOR THAMS CAD KUN, ,MA LUS BDAG GIS DBANG SGYUR RO, ,DBANG SGYUR YE SHES ROL PA YIS, ,DKYIL 'KHOR LA GNAS DKYIL 'KHOR RDZOGS, ,RDZOGS PA'I DKYIL 'KHOR LHUN GYIS GRUB, ,RDZOGS CHEN RTOGS PA CHEN PO YIS; ;RGYAN DU DKYIL 'KHOR MA LUS THOGS, ,RDZOGS PA'I DKYIL 'KHOR MNYAM SBYOR BAS, ,THUGS KYI DKYIL 'KHOR MA LUS 'BYUNG, ,PHYOGS BCU'I DKYIL 'KHOR 'DUL BA'I MGON, ,SGYU MA'I DKYIL 'KHOR MA LUS SGROL, ,BYA BA MED PA'I DKYIL 'KHOR SPYOD, ,YE SHES RDZOGS PA'I DKYIL 'KHOR LA, ,THOS BSAM SGOM PA'I MNYAM SBYOR BAS, ,RANG BYUNG KUN NAS LHUN GYIS GRUB, ,'DI NI SANGS RGYAS THAMS CAD KYI, ,RANG BZHIN RDZOGS PA'I DKYIL 'KHOR YIN, ,RGYU RKYEN RTEN DANG LDAN PA YI, ,THAMS CAD BYANG CHUB SEMS KYI DBYINGS, ,BYANG CHUB SEMS KYI BDE CHEN GYIS, ,DKYIL 'KHOR THAMS CAD DBYINGS SU THIM, ,THIG LE CHEN PO BLA MA LAS, ,SGYU MA BYANG CHUB LAM DU BSTAN, ,SKYON DANG YON TAN THAMS CAD KYANG, ,BYANG CHUB THIG LE NYID KYI NGANG, ,SPYOD PA RNAM PA NYID KYI YANG, ,THIG LE

, ,CHEN PO'I LAM DU NGES, ,SGYU MA ROL PA'I DKYIL 'KHOR YANG, ,THIG LE CHEN PO'I DBYINGS SU SBYOR, ,SDOM PA RNAM PA BCU GSUM DANG, ,SPYI YI DAM TSIG MTHA' YAS PA, ,THIG LE CHEN PO'I NGANG DU GSAL, ,SNOD BCUD 'JIG RTEN MA LUS PA, ,THIG LE NYID KYI ROL PA'I DBYINGS, ,TSOGS CHEN RNAM PA GNYIS PO YANG, ,BYANG CHUB SEMS KYI DBYINGS SU NGES, ,GZHAL YAS KHANG DANG RGYAN RNAMS DANG, ,TSO 'PHRUL BYANG CHUB SEMS SU THIM, ,KHRO TSOGS BDUD 'DUL ROL PA YANG, ,BYANG CHUB SEMS SU NGES PA YIN, ,'GRO DRUG SEMS CAN GSUM PO YANG, ,YE SHES DRUG DANG SKU GSUM DU, ,NGES PA'I THIG LE CHEN PO YIN, ,LNGA YI RTEN DANG RKYEN BZHI YANG, ,DBYINGS KYI MA DANG DUS KYI SRING, ,THIG LE CHEN PO'I NGANG DU 'DUS, ,SNGA PHYI GSUM DANG YOD MED KHAMS, ,SKU GSUNG THUGS SU NGES BSTAN PA'I, ,THIG LE BYANG CHUB SEMS SU NGES, ,PHUNG PO KHAMS DANG SKYE MCHED KYANG, ,PHYAG RGYA BZHI BCU GNYIS PO YANG, ,THIG LE NYID LAS GZHAN NA MED, ,BZHI YI LAS DANG GCIG PO YANG, ,THIG LE SEMS KYI NGANG DU GSAL, ,'GRO BA'I DON DU 'BYUNG BA YI, ,DGU DANG STONG PHRAG BRGYA BCU BZHI, ,BYANG CHUB SEMS LAS GZHAN NA MED, ,BDE SKYID SDUG BSNGAL MANG PO YANG, ,RTOGS PA BDE CHEN DBYINGS KYI DON, ,YE SHES YE SHES ROL PA YANG, ,RDO RJE SNYING PO'I DBYINGS SU NGES, ,KUN BZANG RDO RJE SEMS DPA' DANG, ,DUS GSUM RGYAL BA RGYA MTSO RNAMS, ,NYAG

GCIG YAB TU NGES PAR RDZOGS, ,THAR PA'I LAM MCHOG DBYINGS KYI YUM, ,KUN TU BZANG MO LA SOGS KYANG, ,THIG LE MA YI NGANG DU GSAL, ,GZHAL YAS KHANG DANG DKYIL 'KHOR DANG, ,BZHUGS GNAS KHYAD PAR MANG PO YANG, ,YE SHES BDE [?] BO'I GNAS SU BSDU, ,MCHOD PA'I RGYAN DANG LONGS SPOD KUN, ,RIGS PA'I BYANG CHUB SEMS CHEN PO, ,CHO 'PHRUL CHEN PO'I DANG DU 'DUS, ,RGYU 'BRAS GNYIS KYI NGO BO DANG, ,CHOS SO COG GI RANG BZHIN RNAMS, ,BYANG CHUB SEMS SU NGES PAS NA, ,DKAR NAG LAS KYIS MA GSUNGS SO, ,BYANG CHUB SEMS KYI BDE CHEN NI, ,CI YANG MED LAS CIR YANG SNANG, ,CIS KYANG MA BCOS G-YUNG DRUNG SKU, ,CIR MI MDZAD LA THAMS CAD SGROL, ,DMIGS PA MED PAR KUN LA KHYAB, ,MA BSKOR RGYAL PO YANG DAG PA, ,MA SBYANGS YE SHES SNYING PO CHE, ,MA BSGOMS GCIG CAR DON GNYIS RDZOGS, ,MA BSGRUBS RGYAL BA KUN GYI GTZO, ,MA SBYANGS SKYON DANG YON TAN MED, ,TSIG DANG YI GES MI MTSON TE, ,SANGS RGYAS NYID KYIS RNYED PAR DKA', ,KUN BZANG RDO RJE SEMS DPA' YIS, ,RNYED NAS RDZOGS PA'I DKYIL 'KHOR SPYOD, ,SPYOD PAS 'GRO BSGROL BA STE, ,DE LA NYES PA'I SKYON MI MNGA', ,ZHES GSUNGS PAS PHYOGS BCU DUS BZHI'I DE BZHIN GSHEGS PA THAMS CAD DBYER MED PAR DGYES NAS STUG POS BRGYAN PA'I RGYAN NYID TU BZHUGS SO, ,SGYU 'PHRUL DRA BA BLA MA CHEN PO LAS, MAN NGAG SNYING PO BYANG CHUB SEMS BDE BA CHEN PO'I LE'U STE BCU GCIG PA'O,, ,,DE NAS YANG YE SHES RGYAL PO DE NYID DE BZHIN

, ,GSHEGS PA RNAMS KYI DGONGS PA YANG DAG PA'I 'PHRIN LAS CHEN PO 'DIR MA BYON PA'I DE BZHIN GSHEGS PA RNAMS KYI CHED DU SKU GSUNG THUGS YON TAN 'PHRIN LAS RDO RJE LAS BYUNG NGO; ;AE YI TSOGS KYI DKYIL 'KHOR MCHOG ,'BAR BA GTUM CHEN RNGAM PA LA, ,KHROS PA'I YID KYIS MCHOD SBYIN BYA, ,SANGS RGYAS BSOD NAMS SKU YANG 'JIG, ,BDUD RTZI LNGA'AM ZAS LNGA LA, ,MTSAN MA MING DU BCAS PAR BYA, ,BKUG NAS RDO RJE'I PHUR PAS GDAB, ,RDUL DU BYAS NAS TSOGS LA 'BUL, ,AE YI TSOGS KYI DKYIL 'KHOR DU, ,LU GU RGYUD DU SBREL BSDAMS NAS, ,BCINGS GYUR BSKYOD NAS PHYOGS BCUR G-YOS, ,MYOS 'GYUR GAS TE TSIG PAR 'GYUR, ,BAm GYI TSOGS KYI DKYIL 'KHOR MCHOG ,'BAR BA'I GZI BRJID LHUN CHEN LA, ,CHAGS PA'I YID KYIS MCHOD SBYIN BYA, ,RDO RJE GSUM YANG DBANG DU 'GYUR, ,BDUD RTZI LNGA'AM ZAS LNGA LA, ,MTSAN MA MING DU BCAS PAR BYA, ,RDO RJE CHAGS PA'I PHUR PAS GDAB, ,CHAGS PA'I TSOGS LA THIM PAR DBUL, ,BAm GYI TSOGS KYI DKYIL 'KHOR DU; ;LU GU RGYUD DU SBREL BSDAMS NAS, ,CI 'DOD DE BZHIN BYED PAR 'GYUR, ,MA YI TSOGS KYI DKYIL 'KHOR MCHOG ,'BAR BA'I 'DU 'PHRO'I GZI CHEN LA, ,DGA' BA'I YID KYIS MCHOD SBYIN BYA; ;YON TAN NAM MKHA'I MTHA' DANG MNYAM, ,BDUD RTZI LNGA'AM ZAS LNGA LA, ,YON TAN YID BZHIN GTER DU BRTAG ,NGA RGYAL DGA' 'PHRO'I PHUR PAS GDAB, ,RDO RJE GZI BRJID 'PHEL BAR BRTAG ,

MA YI TSOGS KYI DKYIL 'KHOR DU, ,LU GU RGYUD DU SBREL BSDAMS NAS, ,GZI BRJID 'BAR BA'I 'PHRUL CHEN SPRO, ,YID BZHIN NAM MKHA'I MKHA' DANG MNYAM, ,YA YI TSOGS KYI DKYIL 'KHOR MCHOG, GSAL BA'I GZI BRJID 'TSER BA LA, ,DANG BA'I YID KYIS MCHOD SBYIN BYA, ,GTUM CHEN RNGAM PO'ANG LHA NER 'GYUR, ,BDUD RTZI LNGA'AM ZAS LNGA LA, ,GTUM CHEN 'KHRUG PA'I NGO BOR BRTAG, LHAN NER GSAL BA'I PHUR PAS GDAB, ,'BAR BA LHA NE'I TSOGS LA DBUL, ,YA YI TSOGS KYI DKYIL 'KHOR DU, ,LU GU RGYUD DU SBREL BSDAMS NAS, ,'BAR BA LHA NE'I BYIN GYIS KHYAB, ,THAMS CAD G-YO BA MED PAR 'GYUR, , AA; THAMS CAD RDZOGS PA CHEN PO STE, ,LAS SU MA GYUR GCIG KYANG MED, ,LAS KYI KHYAD PAR RDZOGS PA YI, ,SRID PA GSUM DU BSDUS PA RNAMS, ,BYIN GYIS MA BRLABS GCIG KYANG MED, ,RDZOGS PA CHEN PO'I 'PHRIN LAS KYIS, ,SBYANGS PAS BSAM RDZOGS LHUN GYIS GRUB, ,HO, ,SLAS DANG BYI MO BRAN MO'I TSOGS, ,LHAG MA KHA CHU 'DOD PA SBYIN, ,RANG GI DAM TSIG RAB BSGRUBS TE, ,GANG 'DOD LAS DE BYED PAR BSGO, ,KHRAG 'THUNG CHEN PO LA SOGS TE, ,BRO GAR GLU TSIG CHEN MOS NI, ,JI LTAR 'DOD PA THAMS CAD KUN, ,THAMS CAD MA LUS BYED PA YIN, ,MDZOD LDAN CHEN MO LA SOGS TE, ,BRO GAR GLU TSIG CHEN MOS NI, ,'DU BAR 'DOD NA 'DUL BAR BYED, ,'PHEL BAR 'DOD NA 'PHEL BAR BYED, ,SBOS MO CHEN MO LA SOGS TE, ,BRO GAR GLU TSIG CHEN MOS NI, ,RMONGS PAR 'DOD

, ,NA RMONGS PAR BYED, ,MYOS PAR 'DOD NA MYOS PAR BYED, ,SENG GDONG CHEN MO LA SOGS TE, ,BRO GAR GLU TSIG CHEN MOS NI, ,THAMS CAD KUN LA ZA BAR BYED, ,RDUL CHA TZAM YANG MED PAR BYED, ,BZHAD GDONG CHEN MO LA SOGS TE, ,BRO GAR GLU TSIG CHEN MOS NI, ,THAMS CAD KUN LA 'BYIN PAR BYED, ,KUN LA RAB TU NYAMS PAR BYED; ;AA, SPOR BYED CHEN MO LA SOGS TE, ,NYUL BYED CHEN MO BRGYAD RNAMS LA, ,BRO GAR GLU TSIG CHEN MOS NI, ,THAMS CAD KUN LA NYUL BAR BYED, ,MA LUS GNAS NAS SPOR BAR BYED, ,SLAS DANG BYI MO BRAN MO'I TSOGS, ,BRO GAR GLU TSIG CHEN MOS NI, ,RBAD CING GTANG BAR BYA BA STE, ,THAMS CAD MA LUS BYED PA YIN, ,LJON SHING DANG NI LCUG PHRAN TSAL, ,SDONG GCIG DANG NI ME REG TU, ,DANG BA DGA' BA CHAGS PA DANG, ,KHROS PAS KA LI RAB TU BYA, ,ZHES GSUNGS PAS 'PHRIN LAS RNAM PA BZHI STI RA'I RNGA DANG BCAS PAR PHYOGS BCU 'JIG RTEN GYI KHAMS 'DUL BAR GYUR TE, DE NAS BCOM LDAN 'DAS YE SHES RGYAL PO 'JIGS BYED CHEN PO DE NYID DAM TSIG STI RA'I RNGA BLA MA RDUNG ZHING STI RA RNGAM PA'I MDANGS 'DI PHYUNG NGO, ,AE YI TSOGS CHEN 'BYAMS PA RU, ,STI RA'I RNGA CHEN SGRA BSGRAGS PAS, ,H'Um HA HE PHAt SGRA 'BYIN CING, ,YIG 'BRU BRGYAD KYI BYIN RLABS KYIS, ,

RU LU H'Um BHYO'I GSUNG SGROG PA, ,KHRO BO RNGAM PA'I SGRA SKAD KYIS, ,SRID PA GSUM CHAR BSHIG NAS KYANG, ,STONG GSUM BSGRAL BA'I SGRA 'BYIN PA'O, ,STI RA RNGA CHEN 'DI BRDUNGS PAS, , GNOD SBYIN SRIN PO KUN BSGRAL TE, ,MU STEGS KUN GYI SNYING YANG 'BYIN, ,STI RA'I RNGA CHEN 'DI BSGRAGS PAS, ,STONG GSUM KHRO BO'I TSOGS KYIS BKANG, ,KUN KYANG RNGA BRDUNG DI RI RI, , RNGA SGRA CHEN POS STONG GSUM BSHIG ,RNGA SGRA CHEN POS BDUD DPUNG BSGRAL, ,RNGA SGRA CHEN POS SRID GSUM SBYANGS, ,RNGA SGRA CHEN POS SGRA BGEGS 'DUL, ,RNGA SGRA CHEN POS NGAN SONG SBYANGS; ;RNGA SGRA 'BRUG GI SGRA BSGRAGS PAS, ,NA RAG DMYAL KHAMS STONG BAR BYED, ,RNGA SGRA STUG CHEN RI RAB SNYIL, ,STI RA RNGA CHEN SGRA PHYUNG BAS, ,PHYIN CI LOG RNAMS SNYING YANG 'BYIN,, RNGA CHEN 'BRUG GI SGRA SGROG CING, ,RNGA THABS GLOG STONG 'GYU BA BZHIN, ,DE BZHIN GSHEGS PA'I THUGS DAM BSKANG, ,MA MO MKHA' 'GRO'I DAM TSIG BSKANGS, ,RNAL 'BYOR RNAM LNGA'I DAM TSIG BSKUL, ,STI RA RNGA CHEN 'DI BRDUNGS PAS, ,NYAN THOS MDO SDE GNAS NAS SBAR, ,RANG RGYAL LTA BA DBYINGS SU SGROL, ,STI RA'I RNGA CHEN 'DI BSGRAGS PAS, ,LHA DANG MI YI THEG PA YANG, ,BLA MED THEG PA'I DBYINGS SU BTZUD, ,STI RA RNGA SGRA 'DI BSGRAGS PAS, ,STONG KHAMS STI RA'I RNGA SGRAS BKANG, ,KUN KYANG RNGA RDUNG DI RI RI, ,RNGA THABS GLOG STONG LCE 'BYIN

, ,CING, ,RNGA SKAD 'BRUG STONG SGRA SGROGS BAS, ,BYIN RLABS LCAGS KYI SER CHEN 'BEBS, ,STONG GSUM 'KHRUG CING SRID GSUM 'THOR, ,RNGA THABS G-YAB MOR POR BA DANG, ,KHA DANG KA YI RU MTSON GYIS, ,THAMS CAD GNAM LCAGS CHEN POS BTAB, ,KA LA CHEN PO LA SOGS TE, ,RDO RJE LCAGS 'OG LDOGS PA'I RNAMS, ,DUS GCIG TU NI TZITTA 'BYIN, ,STI RA CHEN PO'I RNGA SGRA YIS, ,SRID PA KHRAG GI RGYA MTSOR BSKYIL, ,DUS GCIG TU NI DBANG CHEN RDZOGS, ,RNGA SGRA RIN CHEN KHANG PA BRTZEGS, ,BSAM RDZOGS CHE LA DBANG THANG THOB, ,RNGA SGRAS G-YO BA MED PAR BYED, ,CHOS LA 'DZUD PA'I SGRA YANG 'BYIN, ,RNGA SGRAS CI 'DOD DGONGS PA RDZOGS, ,BYANG CHUB SEMS LTAR DE MA THAG , CES GSUNGS PAS DE BZHIN GSHEGS PA THAMS CAD DE BZHIN GSHEGS PA NYID KYI SBYOR BAR GYUR TO, ,DE NAS BCOM LDAN 'DAS DGYES PA CHEN PO YE SHES RGYAL PO DE NYID KYI DKYIL 'KHOR BLA MA CHEN PO MAN NGAG GI SNYING PO DANG BCAS PA DE LA SHIN TU RNGAM PA'I MDANGS KYIS DGYES PA CHEN PO'I GLU 'DI BLANGS SO, ,H'Um, GTUM CHEN DUS MTHA'I ME LTAR 'BAR, , 'OD ZER NYI MA 'BUM GYI GZI, ,KHRO GNYER GLOG STONG 'GYU BA BZHIN, ,MCHE BA ZANG YAG ZA BYED CHE, HO, H'Um, RNGAM PA'I NGA RO 'BRUG STONG LDIR, ,TUG CHEM RI RAB 'BUM SNYIL SKAD, ,

AA LA LA YI GAD RGYANGS CHE, ,SBYUGS PA'I 'THOR RLUNG G-YENG BA CHE, HO, H'Um, KHRO BO'I SHES RAB 'OD PO CHE, ,YE SHES DKYIL 'KHOR KUN TU GSAL, ,'BAR BA'I YE SHES KUN TU 'JOMS, , SNA TSOGS YE SHES THIG LE CHE, ,HO, H'Um, KHRO BO'I RGYAL PO SPRIN CHEN PO, ,KHROS PA'I DKYIL 'KHOR CHAR CHEN 'BEBS, ,DKYIL 'KHOR YID BZHIN 'BYUNG BA'I GTER, ,SNA TSOGS KHROS PA'I THIG LE CHE, HO, H'Um, BDUD RNAMS KUN GYI BDUD CHEN PO, ,BDUD KYI BDUD DE BDUD RNAMS 'JOMS, ,'JIGS PA'I TSOGS KYANG 'JIGS BYED PA, ,'JIGS BYED CHEN PO GDAL PA CHE, , H'Um, RDO RJE BRAG CHEN SRA PA PO, ,RDO RJE CHU BO SDUD CHEN PO, ,RDO RJE ME STE KUN 'BAR CHE, ,RDO RJE RLUNG STE 'THOR RLUNG CHE, HO, H'Um, STONG GSUM KHRO BO'I DKYIL 'KHOR TSOGS, ,'JIGS BYED MTSON DU MED PA'I SKU, ,SNA TSOGS GSUNG DANG SNA TSOGS THUGS, ,'JIGS BYED RNGAM PA'I YE SHES GTER, ,HO ZHES BLANGS PAS STONG GSUM GYI DE BZHIN GSHEGS PA'I 'JIGS BYED CHEN PO RNAMS DBYER MED PAS MNYES PAR GYUR TO, ,SGYU 'PHRUL DRA BA BLA MA CHEN PO LAS, LHUN GYIS GRUB PA'I 'PHRIN LAS DANG YONGS SU MNYES PA'I LE'U STE BCU GNYIS PA'O,, ,,RDO RJE SEMS DPAS GSUNGS PA'I DON, ,GSANG BA KUN GYI BLA MA STE, ,SGYU 'PHRUL DRA BA'I RGYAL PO YIN, ,NGES DON CHOS KYI SNYING PO LAS, ,'DUL BA MDO SDE CHOS MNGON DANG, ,DAM TSIG

, ,SGRUB DANG GRUB PA DANG, ,SKU DANG GSUNG DANG THUGS KYI RGYUD, ,SGYU 'PHRUL DRA BA LAS 'PHROS TE, ,SDE SNOD KUN DANG RGYUD KUN YANG, ,'BYUNG NAS GTAN LA NGES PAR 'BEBS, ,'GRO DRUG SEMS CAN GSUM PO YANG, ,STAN CHEN PO'I DBYINGS SU BSTAN, ,LING+GA PADMAR BCAS PA YANG, ,GAN CHEN PO'I DBYINGS SU SBYOR, ,SNANG SRING KHA DOG MANG PO YANG; ;GA NA CHEN PO'I LAM DU BSTAN, ,RANG BZHIN GSANG BA'I SNYING PO 'DI, ,RTOGS NAS SMRA BAR GANG BYED PA, ,DE NYID NGA YIN DBANG YANG RDZOGS, ,RTAG TU BYANG CHUB SEMS LA GNAS; ;TSE 'DI NYID KYIS MNGON SANGS RGYAS, ,NOR BU RIN CHEN 'BAR BA LTAR, ,BSAM PA THAMS CAD YID BZHIN 'GRUB, ,CES GSUNGS PAS PHYOGS BCU DUS GSUM GYI DE BZHIN GSHEGS PA THAMS CAD DBYER MED PAR DGYES TE MNYAM PA NYID KYI DBYINGS NA LHUN STUG PO BKOD PA'I RGYAN NYID DU BZHUGS SO, ,GSANG BA'I SNYING PO DE KHO NA NYID NGES PA'I SGYU 'PHRUL BLA MA CHEN PO LAS, GDENG CHEN PO'I LE'U STE BCU GSUM PA'O,, ,,RTOGS PA'I RGYAL PO SGYU 'PHRUL DRA BA'I LE'U STONG PHRAG BRGYA PA LAS LUNG GI SPYI SANGS RGYAS THAMS CAD KYI GSANG BA GSANG BA'I SNYING PO DE KHO NA NYID NGES PA'I BLA MA CHEN PO'I LE'U LAS THAMS CAD MA LUS PAR 'PHROS PA DE DAG GI 'BRAS BU'I MCHOG

RDZOGS SO,, ,,