RGYA GAR SKAD DU, SARBA TA TH'A GA TA GU HYA MAH'A GUPTA KO shA AAKshA YA NI DHI D'I PA MAH'A PRA TA S'A DHA NATANDRA DZNY'A N'A SHCARYA DHU TI TZAKRA N'A MA MAH'A YA NA S'U TRA, BOD SKAD DU, DE BZHIN GSHEGS PA THAMS CAD KYI GSANG BA, GSANG BA'I MDZOD CHEN PO MI ZAD PA GTER GYI SGRON MA, BRTUL ZHUGS CHEN PO BSGRUB PA'I RGYUD, YE SHES RNGAM PA GLOG GI 'KHOR LO ZHES BYA BA THEG PA CHEN PO'I MDO, BCOM LDAN 'DAS DPAL YE SHES RNGAM PA'I RGYAL PO LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS GSANG BA MCHOG GI BDAG PO DPAL KUN TU BZANG PO CHEN PO YE SHES RNGAM PA'I RGYAL PO ZHES BYA BA PHYOGS BCU DANG, DUS BZHIS
, ,BSDUS PA'I BDE BAR GSHEGS PA RNAL 'BYOR GYI DBANG PHYUG CHEN PO RNAMS KYI SKU GSUNG THUGS RDO RJE MI PHYED PA'I BDAG NYID CHEN PO, ,GSANG BA MCHOG GI DGYES PA NA, LHUN GYIS GRUB PA'I LONGS SPYOD CHEN PO, CHOS MA LUS MI LUS LUS PA MED PA THAMS CAD KYI RANG BZHIN CHEN PO, NGO MTSAR RMAD DU BYUNG BA'I CHO 'PHRUL CHEN PO'I BDAG NYID DE 'OG MIN GYI GNAS MTHA' DANG, DBUS BRJOD DU MED PA NA, RANG BZHIN LHUN GYIS GRUB PA'I GSANG BA MCHOG GI DKYIL 'KHOR GSANG BA YUM GYI MKHA' RNAM PAR DAG PA'I GZHAL YAS KHANG NA, GCIG DANG, DU MA DANG BRAL BA'I PHYIR RGYA PHYOGS BCUR YONGS SU MCHAD PA, CHOS THAMS CAD GNYIS SU MED PA'I DBYINGS SU THIM PA'I 'OD ZER GSAL BA, SPROS PA MED PA'I TSUL GYIS PHO BRANG GI SNYING PO ZLUM POR GYUR PA, DBYINGS DANG, YE SHES RGYU DANG, 'BRAS BUR LDAN PA'I 'KHOR LO RTZIBS DANG LDAN PA, THAMS CAD MKHYEN PA'I YE SHES RANG SNANG BA'I THABS LAS BYUNG BA'I MU KHYUD KYIS BSKOR BA, BSOD NAMS DANG, YE SHES KYI TSOGS THUGS RJE RGYAS PA'I PHYIR GRU BZHIR GSAL BA, RNAM PAR THAR PA'I SGO NAS 'JUG PA'I SGO BZHIN RNAM PAR THAR PA BRGYAD KYI LAM STEGS SU SHAR BA, PHYI DANG, NANG MED PAR LHUN GYIS GRUB PA'I GZHAL YAS KHANG DE NA NYI MA DANG, ZLA
BA RANGS PA DANG, PHYED KYIS 'OD GSAL BAR SNANG BA DANG, CHE BA'I YON TAN RNAM PA SNA TSOGS PA'I DRIL BU DANG, MU TIG GI CHUN MDZES 'PHYAD BA DANG, SHAR BU'I RGYAN DANG, BLA RE DANG, GDUGS DANG, RGYAL MTSAN LA SOGS PA'I RGYAN GYI KHYAD PAR DANG MNYAM PA NYID KYI TA LA'I LJON SHING DANG, RE BA SKONG BA'I DPAG BSAM GYI SHING DANG, YID BZHIN GYI NOR BU RIN PO CHE'I RGYAL MTSAN DANG, 'JIG RTEN PA'I LHA DANG, LHA'I BU MO RNAM PA SNA TSOGS PA'I ROL MO DANG, GLU DBYANGS KYI CHIGS SU BCAD PAS BRGYAN PA'I GNAS KHYAD PAR RGYU RIN PO CHE SNA TSOGS LAS GRUB PA'I GNAS DE NYID NA THABS DANG, SHES RAB RANG BZHIN GYI 'OD GSAL BA'I NYI ZLA DANG, MA CHAGS MA GOS PA'I PADMA DANG, MI ZAD PA'I RIN PO CHE 'BAR BA'I GDAN KHRI DANG, GZIMS CHA DANG, SNAM RTEN DU LDAN PAR GNAS SO, ,GZHAN YANG, KHRAG 'THUNG GI TSOGS 'DUS PA'I GNAS SU'ANG 'GYUR TE, DU RA KHROD KYI RGYAN GYI KHYAD PAR GYI BYE BRAG ZHING GI GDAN DANG, SBRUL NAG GI CHUN 'PHYANG DANG, THOD PA RNAM GSUM GYI MTSAN MA DANG, RLUNG NAG GI PHUNG PO SPUNGS SHING RAKTA'I RGYA MTSO MI ZAD PAR 'KHRUG PA DANG, ME RI SER NAG TU 'KHYIL CING 'BAR BA, KENG RUS KYI RI RAB LAS RAKTA'I KHRAG ZHAG GI CHU 'BAB PA, 'BAR BA'I 'PHRO BA MANG PO 'KHRUG PA'I GNAS NA DREGS PA KHYO SHUG DANG,
, ,SEMS CAN CHEN PO'I GDAN DANG BCAS PA'I GNAS KUN TU BZANG PO'I BSOD NAMS DANG, YE SHES KYI TSOGS GRUB PA, RNAL 'BYOR GYI DBANG PHYUG CHEN PO'I RDO RJE GSANG BA'I GRAL DU GYUR PAN RNAL 'BYOR GYI DBANG PHYUG GI 'KHOR TSOGS BRJOD PA LAS 'DAS PA'I YANG BRJOD PA LAS 'DAS PA, SANGS RGYAS KYI ZHING GI RDUL PHRA RAB SNYED 'KHOD PA NI RNAL 'BYOR GYI DBANG PHYUG CHEN PO DANG, KHRAG 'THUNG ROL PA'I CHOGS DANG, DAD PAS 'DUS PA'I TSOGS RNAMS DANG THABS GCIG TU BZHUGS PA, 'DI LTA STE, NAM MKHA'I DBYINGS DANG MNYAM PA'I DE BZHIN GSHEGS PA BTZUN MO DANG BCAS PA DE BZHIN GSHEGS PA RNAM PAR SNANG MDZAD DANG, DE BZHIN GSHEGS PA MI BSKYOD PA DANG, DE BZHIN GSHEGS PA RIN CHEN 'BYUNG LDAN DANG, DE BZHIN GSHEGS PA SNANG BA MTHA' YAS DANG, DE BZHIN GSHEGS PA DON YOD GRUB PA DANG, BTZUN MO DAM PA DBYINGS PHYUG MA DANG, BTZUN MO DAM PA SANGS RGYAS SPYAN DANG, BTZUN MO DAM PA M'A MA K'I DANG, BTZUN MO DAM PA GOS DKAR MO DANG, BTZUN MO DAM PA SGROL MA DANG, GZHAN YANG; RIGS KYI RNAL 'BYOR GYI 'KHOR BCUN MO'I TSOGS DANG BCAS PA NAM MKHA' DANG MNYAM PA RNAL 'BYOR CHEN PO SEMS DPA'I RDO RJE DANG, RNAL 'BYOR CHEN PO RIN CHEN
RDO RJE DANG, RNAL 'BYOR CHEN PO CHOS RDO RJE DANG, RNAL 'BYOR CHEN PO LAS RDO RJE DANG, RNAL 'BYOR CHEN MO RDO RJE SEMS MA DANG, RNAL 'BYOR CHEN MO RIN CHEN SEMS MA DANG, RNAL 'BYOR CHEN MO CHOS KYI SEMS MA DANG, RNAL 'BYOR CHEN MO LAS SEMS MA DANG, GZHAN YANG, NAM MKHA' DANG MNYAM PA'I BYANG CHUB CHEN PO'I 'KHOR BTZUN MO DANG BCAS PA BYANG CHUB CHEN PO SA'I SNYING PO DANG, BYANG CHUB CHEN PO NAM MKHA'I SNYING PO DANG, BYANG CHUB CHEN PO SPYAN RAS GZIGS DBANG PHYUG DANG, BYANG CHUB CHEN PO LAG NA RDO RJE DANG, BYANG CHUB CHEN PO 'JAM DPAL GZHON NU DANG, BYANG CHUB CHEN PO SGRIB PA RNAM PAR SEL BA DANG, BYANG CHUB CHEN PO BYAMS PA MEE TRI DANG, BYANG CHUB CHEN PO KUN TU BZANG MO DANG, BYANG CHUB CHEN MO SGEG MO DANG, BYANG CHUB CHEN MO PHRENG BA DANG, BYANG CHUB CHEN MO DBYANGS DANG, BYANG CHUB CHEN MO GAR DANG, BYANG CHUB CHEN MO POG ME MA DANG, BYANG CHUB CHEN MO ME TOG MA DANG, BYANG CHUB CHEN MO MAR ME MA DANG, BYANG CHUB CHEN MO DRI DANG, GZHAN YANG, 'JOMS PA CHEN PO'I 'KHOR BTZUN MO DANG BCAS PA NAM MKHA'I DANG MNYAM PA 'JOMS PA CHEN PO GSHIN RJE GSHED PO DANG, 'JOMS PA CHEN PO STOBS PO CHE DANG, 'JOMS PA CHEN PO RNAM PAR RGYAL BA DANG, 'JOMS PA CHEN PO RTA'I RGYAL PO DANG, 'JOMS PA CHEN PO BDUD RTZI THABS SBYOR DANG, 'JOMS MCHEN MO LCAGS KYU MA
, ,DANG, 'JOMS MA CHEN MO ZHAGS PA MA DANG, 'JOMS MA CHEN MO LCAGS SGROG MA DANG, 'JOMS MA CHEN MO 'BEBS MA DANG, GZHAN YANG, THUB PA'I SRAS KYI 'KHOR RDUL PHRA RAB SNYED DANG MNYAM PA, THUB PA CHEN PO LHA'I DBANG PO DANG, THUB PA CHEN PO LHA MA YIN GYI DBANG PO DANG, THUB PA CHEN PO MI'I DBANG PO DANG, THUB PA CHEN PO DUD 'GRE'I DBANG PO DANG, THUB PA CHEN PO YI DVAGS KYI DBANG PO DANG, THUB PA CHEN PO DMYAL BA'I DBANG PO DANG, DE DAG LA SOGS PA RNAL 'BYOR GYI DBANG PHYUG CHEN PO SRAS KYI TSOGS GRANGS MED PA DANG YANG THABS CIG TU BZHUGS SO, ,GZHAN YANG, KHRAG 'THUNG ROL PA DPAL HE RU KA BTZUN MO'I TSOGS DANG BCAS PA, 'DI LTA STE, KHRAG 'THUNG CHEN PO DPAL BUD DHA HE RU KA ZHES BYA BA DANG, KHRAG 'THUNG CHEN PO DPAL BADZRA HE RU KA ZHES BYA BA DANG, KHRAG 'THUNG CHEN PO DPAL RATNA HE RU KA ZHES BYA BA DANG, KHRAG 'THUNG CHEN PO DPAL PADMA HE RU KA ZHES BYA BA DANG, KHRAG 'THUNG CHEN PO DPAL KARMA HE RU KA ZHES BYA BA DANG, BTZUN MO BUD DHA KRO DHI ZHES BYA BA DANG, BTZUN MO BADZRA KRO DHI ZHES BYA BA DANG, BTZUN MO RATNA KRO DHI ZHES BYA BA DANG, BTZUN MO PADMA KRO DHI ZHES BYA BA DANG, BTZUN MO KARMA KRO DHI ZHES BYA BA DANG, GZHAN YANG, GSANG BA CHEN PO 'KHOR BTZUN MO DANG BCAS PA GSANG BA CHEN PO RAKshA HE RU KA ZHES BYA BA DANG, GSANG
BA CHEN PO YAKshA HE RU KA ZHES BYA BA DANG, GSANG BA CHEN PO BI SHVA HE RU KA ZHES BYA BA DANG, GSANG BA CHEN PO SA MA YA HE RU KA ZHES BYA BA DANG, GSANG BA CHEN MO RAKshA KRO DHI ZHES BYA BA DANG, GSANG BA CHEN MO YAKshA KRO DHI ZHES BYA BA DANG, GSANG BA CHEN MO BI SHVA KRO DHI ZHES BYA BA DANG, GSANG BA CHEN MO SA MA YA KRO DHI ZHES BYA BA DANG, GZHAN YANG, PHRA MEN MA NYI SHU'I CHOGS KYI 'KHOR DKAR MO'I TSOGS ZHES BYA BA DANG, RKUN MO'I TSOGS ZHES BYA BA DANG, SPOS MO'I TSOGS ZHES BYA BA DANG, GTUM MO'I TSOGS ZHES BYA BA DANG, RMONGS MO'I TSOGS ZHES BYA BA DANG, THAL BYED MA'I TSOGS ZHES BYA BA DANG, SME SHA CAN GYI TSOGS ZHES BYA BA DANG, MA TSOGS ZHES BYA BA DANG, SENG GDONG GI TSOGS ZHES BYA BA DANG, STAG GDONG GI TSOGS ZHES BYA BA DANG, WA GDONG GI TSOGS ZHES BYA BA DANG, KHYI GDONG GI TSOGS ZHES BYA BA DANG, BZHAD GDONG GI TSOGS ZHES BYA BA DANG, KANG KA'I GDONG GI TSOGS ZHES BYA BA DANG, DUR BYA'I GDONG GI TSOGS ZHES BYA BA DANG; BYA ROG GDONG GI TSOGS ZHES BYA BA DANG, 'UG PA'I GDONG GI TSOGS ZHES BYA BA DANG, RTA GDONG GI TSOGS ZHES BYA BA DANG, PHAG GDONG GI TSOGS ZHES BYA BA DANG, SENG GDONG GI TSOGS ZHES BYA BA DANG, SPRE GDONG GI TSOGS ZHES BYA BA LA SOGS PA PHRA MEN MA'I TSOGS SHIN TU MANG BA DANG, GZHAN YANG, RDO RJE SRIN PO KHRO BO'I CHOGS RDO RJE SRIN PO KHRO BO RNAM
, ,PAR RGYAL BA ZHES BYA BA DANG, DBYUG PA SNGON PO ZHES BYA BA DANG, GSHIN RJE GSHED CES BYA BA DANG, MI G-YO MGON PO ZHES BYA BA DANG, RTA MGRIN ZHES BYA BA DANG; GZHAN GYIS MI THUB PA ZHES BYA BA DANG, BDUD RTZI 'KHYIL BA ZHES BYA BA DANG, KHAMS GSUM RNAM PAR RGYAL BA ZHES BYA BA DANG, H'Um K'A RA ZHES BYA BA DANG, STOBS PO CHA [?] ZHES BYA BA DANG; GZHAN YANG, RDO RJE SRIN MO'I KHRO MO'I 'KHOR RDO RJE SRIN MO SNYEMS MA ZHES BYA BA DANG, SDER MO ZHES BYA BA DANG, DUR KHROD MA ZHES BYA BA DANG, GTUN KHUNG MA ZHES BYA BA DANG, GTUM MO ZHES BYA BA DANG, MDA' SNYEMS MA ZHES BYA BA DANG, SGRA 'BYIN MA ZHES BYA BA DANG, GSOD MA ZHES BYA BA DANG, BSKYOD MA ZHES BYA BA DANG, RLUNG 'BYIN MA ZHES BYA BA LA SOGS PA RDO RJE GZHON NU'I 'KHOR RIG 'DZIN 'BUM PHRAG BSAM GYIS MI KHYAB PA DANG, GZHAN YANG, GSANG SNGAGS KYI MTHU DANG, STON PA'I NGO MTSAR RMAD DU BYUNG BA'I CHO 'PHRUL GYIS RANG DBANG MED PAR 'KHOR DU 'DUS PA'I DBANG PHYUG DANG, DBANG PHYUG NYI SHU RTZA BRGYAD LA SOGS PA KUN BRAN DANG, YANG BRAN, G-YOG DANG, YANG G-YOG DANG BCAS PA RDZU 'PHRUL GYI SHUGS KYI 'KHOR 'DUS PA RNAMS NI BDAG DANG, GZHAN GYI SHES PA'I RGYUD NI THAMS CAD ZHI BA DANG, RGYAS PA DANG, DBANG DANG, DRAG PO DANG, DGUG PA DANG, BCING
BA DANG, GTANG BA DANG, DGROL BA DANG, DRANG BA DANG, RENGS PA DANG, RMUGS PA DANG, DPRAL BA DANG, BZA' BA DANG, BTUNG BA DANG, 'JIB PA DANG, NYAMS PA DANG, GSAD PA DANG, GNON PA DANG, SPAR BA DANG, PHAM PA DANG, RGYAL BA LA SOGS PA BYED CING THABS GCIG TU RDO RJE GSANG BA'I GRAL DU 'KHOD DO, ,DE NAS YANG DPAL 'BAR YUM KRO DHI'I RGYAL MO'ANG BCOM LDAN 'DAS GSANG BA MCHOG GI BDAG PO'I SKU LA 'KHRIL TE BZHUGS SO, ,BCOM LDAN 'DAS BYED PA PO RDO RJE KUN TU BZANG PO DANG, BTZUN MO BYA BA MO KUN TU BZANG MO'ANG GNYIS SU MED PAR MDUN GYIS BLTAS TE BKA' NOD PA'I TSUL DU GNAS SO, ,'PHAGS PA RGYUD KYI RGYAL PO YE SHES RNGAM PA GLOG GI 'KHOR LO'I MDO ZHES BYA BA LAS, GLENG GZHI'I LE'U STE DANG PO'O,, ,,DE NAS BCOM LDAN 'DAS GSANG BA MCHOG GI BDAG PO DPAL KUN TU BZANG PO YE SHES RNGAM PA'I RGYAL POS 'KHOR GYI DKYIL 'KHOR THAMS CAD LA RNAM PAR GZIGS SO, ,'KHOR GYI DKYIL 'KHOR THAMS CAD LA GZIGS NAS PHYI SNOD KYI KHAMS NAM MKHA' DANG, SA DANG, CHU DANG, ME DANG, RLUNG DANG, RI DANG, TSAL LA SOGS PA THAMS CAD LA RNAM PAR GZIGS SO, ,DE DAG THAMS CAD LA RNAM PAR GZIGS NAS, YANG NANG BCUD KYI KHAMS SEMS DANG, SEMS LAS BYUNG BA'I G-YO BA DANG, 'GUL
, ,BA DANG, DMYAL BA DANG, YI DVAGS DANG, BYOL SONG DANG, MI DANG, LHA MA YIN DANG, LHA'I RIGS SO SO'I KHAMS DANG, BSAM GTAN BZHI DANG, TSAD MED PA BZHI DANG, GZUGS MED PA'I KHAMS DANG, MU STEGS KYI KHAMS DANG, BDUD CHEN PO DANG, LHA DANG, KLU DANG, GNOD SBYIN DANG, SRIN PO DANG, NAM MKHA' LDING DANG, MI 'AM CI DANG, RU TRA DANG, RU TRA CAN LA SOGS PA'I KHAMS LA RNAM PAR GZIGS SO, ,DE DAG THAMS CAD LA RNAM PAR GZIGS NAS, YANG NYAN THOS KYI SA DANG, RANG SANGS RGYAS KYIS DANG, BYANG CHUB SEMS DPA' RNAMS KYI SA DANG, RIG 'DZIN PA'I BSTI GNAS DANG, PHYOGS BCU DUS BZHI'I SANGS RGYAS THAMS CAD LA RDZU 'PHRUL GYI SPYAN GYIS RNAM PAR GZIGS NAS SMRA BSAM LAS 'DAS PA DE BZHIN NYID STONG PA CHEN PO'I TING NGE 'DZIN LA SNYOMS PAR BZHUGS TE CANG MI MDZAD, RNAM PAR MI MDZAD, MDZAD PA MI 'GOG, MDZAD PA RNAM PAR YANG MI 'GOG MI MDZAD PA'ANG MI GNAS, CANG MI GSUNG, MI SGROGS, RNAM PAR MI GSUNG, MI SGROGS, GSUNG BA'ANG MI 'GOG GSUNG BA RNAM PAR YANG MI 'GOG ,MI GSUNG, MI 'GOG PA LA'ANG MI GNAS, 'KHOR GYI DKYIL 'KHOR DANG, SNOD KYI KHAMS THAMS CAD DANG, SA'I KHYAD PAR THAMS CAD LA'ANG MI GZIGS, MI
DGENGS, GZIGS SHING DGONGS PA LA'ANG MI 'GOG ,RNAM PAR YANG MI 'GOG ,MI 'GOG PA LA'ANG MI GNAS SO, ,DE NAS TING NGE 'DZIN LA SNYOMS PAR ZHUGS MA THAG TU 'KHOR GYI DKYIL 'KHOR DE DAG DANG, SNOD KYI KHAMS DE DAG DANG, BCUD KYI KHAMS DE DAG DANG, SA'I KHYAD PAR DE DAG THAMS CAD KYANG SGYU MA'I MTSAN NYID TZAM DU DMIGS SU MED DO, ,DPER NA, NAM MKHA' NI CHOS THAMS CAD KYI RJES SU'ANG SONG LA, JI LTA BU'I NGO BOR YANG GDAGS SU MED PA DE BZHIN DU DON DAM PA BYANG CHUB SEMS DE'ANG CHOS THAMS CAD LA'ANG KHYAB LA, SMRA BSAM LAS KYANG 'DAS SO, ,DE LTAR CHOS KYI SKU'I NGO BOR BRJOD DU MED PA LA BRNAL BZHIN DU YUM KUN TU BZANG MO RNGAM PA'I KRO DHI'I RGYAL MOS STONG NYID KYI NGANG LAS GLU 'DIS BSKUL LO, ,AOm, SNANG STONG STONG PA'I RDO RJE CHOS KYI SKU, ,SMRA BSAM LAS 'DAS DON DAM BYANG CHUB SEMS, ,STONG NYID NGANG LAS MI 'DA'I DAM TSIG GIS, ,SNYING RJE NAM MKHA'I NGO BO BSTAN DU GSOL, ,ZHES BSKUL BAS BSKUL BAR THUGS SU CHUD NAS STONG NYID KYI TING NGE 'DZIN GYI NGANG LAS RIG PA'I YE SHES SNYING RJE CHEN PO YIS KUN DU KLONG BDAL BAR KHYAB STE SNYING RJE CHEN PO DES 'KHOR GYI DKYIL 'KHOR KUN TU KHYAB PAR MDZAD DO, ,'KHOR GYI DKYIL 'KHOR KUN TU KHYAB BAR MDZAD NAS, YANG SNOD KYI KHAMS KUN LA KHYAB PAR MDZAD NAS YANG BCUD KYI KHAMS KUN LA
, ,KHYAB PAR MDZAD DO, ,BCUD KYI KHAMS KUN LA KHYAB PAR MDZAD NAS SA'I KHYAD PAR KUN LA KHYAB PAR MDZAD DO, ,DPER NA, NYI MA BAR SNANG LA SHAR BA'I 'OD KUN LA SNYOMS PA BZHIN DU RIG PA'I NYI MA SNYING RJES BYANG CHUB KYI SEMS KYIS KYANG STONG NYID KYI NGANG KUN LA SNYOMS PAR KHYAB GDAL TO, ,DE'I TSE GSANG BA MCHOG GI BDAG PO DE NYID YANG TING NGE 'DZIN LAS LANGS NAS SNYING RJE NAM MKHA'I NGO BO KUN TU SNANG BA ZHES BYA BA'I TING NGE 'DZIN LA SNYOMS PAR ZHUGS SO, ,ZHUGS MA THAG TU SNYING RJES KUN LA KHYAB PAR GYUR PA NI TING NGE 'DZIN DE'I MTHU YIN NO, ,DE NAS YUM KUN TU BZANG MO RNGAM PA KRO DHI'I RGYAL MOS YANG GLU 'DIS BSKUL LO, ,MA LTAR BYAMS PA'I THUGS RJES KUN TU KHYAB, ,MKHA' LTAR GO 'BYED CHO 'PHRUL 'BYUNG GNAS LAS, ,LONGS SPYOD RDZOGS DANG THUGS RJE SPRUL PA'I SKU, ,'BAR BA'I SKU MCHOG BDAG LA BSTAN DU GSOL, ,AA LA LA HO ZHES GSOL BA BTAB PAS BCOM LDAN 'DAS GSANG BA MCHOG GI BDAG PO DES CHOS THAMS CAD DON DAM PA BYANG CHUB SEMS LA SHAR BAR MKHYEN NAS MI DMIGS NAM MKHA'I DBYINGS NAS RDO RJE'I MNGON DU PHYUNG STE; DPER NA, ZLA BA DRI MA MED PA NAM MKHA' DANG BA LA SHAR BA BZHIN NO, ,RDO RJE'I SKU DE LAS RIG PA'I CHO 'PHRUL GYI 'OD ZER RNAM PAR 'PHRO BA NI, DPER NA, NYI 'OD KYI 'OD
ZER DUS GCIG SHAR BA LTA BU'O, ,DE NAS BCOM LDAN 'DAS GSANG BA MCHOG GI BDAG PO DES TING NGE 'DZIN LAS LANGS NAS 'DOD CHAGS CHEN PO'I TSUL RDO RJE RNAM PAR BSGYINGS PA ZHES BYA BA'I TING NGE 'DZIN LA SNYOMS PAR ZHUGS TE ZHUGS NAS KYANG YUM KRO DHI'I RGYAL MO LA GZIGS TE 'DZUM PA RNAM PAR MDZAD DO, ,DE NAS YUM KRO DHI'I RGYAL MOS KYANG SPYAN ZIM BAG GI TSUL GYIS GZIGS NAS LAN STONG DU BRKYANG PHYAG BTZAL TE G-YON PA SLONG BA'I GLU 'DIS RNAM PAR BSKUL LO, ,AE MA'O, YID BZHIN SKU MCHOG TSOGS CHEN MNGON RDZOGS LHA, ,RDO RJE GAR GYI TSUL GYIS GAR MDZAD CING, ,DGA' MCHOG RDO RJE'I BYANG CHUB SEMS CHEN DE, ,'DZUM ZHING 'KHYIL BA'I PADMA'I GNAS SU PHOB HO, ,AE MA'O, DKAR LA 'TSER BA'I BYANG CHUB SEMS SPRIN DANG, ,CHAGS PA DMAR PO DBANG GI RANG BZHIN DU, ,GNYIS MED 'PHROS PA'I BYIN BRLABS BSAM YAM [?] LAS, ,YE SHES LHA TSOGS SPRUL SKU BSAM YAS 'THON, ,MA RIG MUN PAS LDONGS PAS DON GYIS PHYE, ,DGON DUNG GNAS NAS BYANG CHUB MYU GU SKYED, ,ZHI BA 'GOG PA'I SA LAS RNAM PAR SLONG, ,ZHES RNAM PAR BSKUL BAS GNYIS SU MED PA'I RNAM PAR ROL PAS ROL ZHING BRJID PA DANG BCAS NAS GAR MDZAD PA DANG, ZHAL 'DZUM PA DANG, 'DOR BA DANG, SKUM PA DANG, 'GYING BA DANG, SPYAN
, ,MDZES PA'I SMIN RING BSKYOD CING SGYUR BA DANG, DUNG GI PHUR BAS G-YON PA SLONG BA DANG, 'DOR ZHING BSKUL BA DANG, 'JOG CING 'DEG PA DANG, RNAM PAR 'DOR PA'I ROL PA'I GAR GYIS NAM MKHA'I KHAMS KUN TU KHYAB PAR MDZAD DO, ,RNAM PAR ROL PA NGES 'BYUNG BA DANG, 'BYUNG BA LAS GYUR PA THAMS CAD LA KHYAB PAR MDZAD DO, , DES SEMS DANG, SEMS LAS BYUNG BA KUN LA KHYAB PAR MDZAD PAS BCOM LDAN 'DAS KYI BYANG CHUB KYI SEMS ZHI ZHING 'KHYIL PAS ROL PA'I CHAR MNGON PAR PHAB PAS SNOD KYI KHAMS DANG, BCUD KYI KHAMS DANG, BSAM GTAN DANG, 'GOG PA DANG, SA'I KHYAD PAR THAMS CAD DANG, BYANG CHUB KYI ROL PA SNA TSOGS SGEG PA DANG, STEGS PA DANG, SBYOR BA DANG, 'KHYUD PA DANG, SDOM PA DANG, BSTIM PA DANG, MNYES PA DANG, GSOL BA DANG, MYANG BA DANG, BCAD PA DANG, BDE BA DANG, SPROD PA DANG, 'JOG PA LA SOGS PA BCOM LDAN 'DAS KUN TU BZANG PO'I RDO RJE 'DZIN GYIS KUN TU RGYAS PAR BYAS TE YANG DAG PAR GNAS SO, ,DE NAS DE'I TSE THUGS RNAM PAR DAG PA'I MKHA' KLONG NAS RIG PA BYANG CHUB KYI SEMS KYI 'OD ZER BRJOD KYIS MI LANG BA 'BYAM KLAS PA SHAR BA DE LAS GSUNG GI YIG 'BRU 'KHOR LO'I TSOGS SU'ANG SNANG NGO, ,YIG 'BRU DE NYID THUGS PHYAG
MCHAN DU'ANG GYUR, THUGS DAM TSIG GI PHYAG RGYA 'OD DU 'PHROS SHING RNAM PAR 'DU BA'I TSUL GYIS RNAL 'BYOR GYI DBANG PHYUG GI 'KHOR RGYAL BA YAB YUM DANG, SEMS DPA' DANG, SEMS MA DANG, THUB PA DANG, 'JOMS PA DANG, 'JOMS MA RNAMS KYIS SKUR YANG RANG RANG GI DAM TSIG GI PHYAG RGYA LAS SNANG BAR BYAS TE GSANG BA MCHOG GI BDAG PO LA MDUN GYIS BLTAS NAS RDO RJE GSANG BA'I GRAL DU 'KHOD DE, DE LTAR RE RE LA'ANG SANGS RGYAS KYI 'KHOR ZHABS 'BRING DANG BCAS PA 'BYAM KLAS PA NAM MKHA'I DBYINGS KYI MTHA' KLAS PA LHUN GYIS GRUB BO,, YANG 'OD ZER DE DAG RE RE LAS HE RU KA MANG PO'I TSOGS KYANG SHAR TO, ,HE RU KA RE RE LA'ANG SANGS RGYAS 'BUM PHRAG GI 'KHOR SO SO'I ZHABS 'BRING DANG BCAS PA LHUN GYIS GRUB PAR MDZAD DO, ,HE RU KA RE RE LAS RIG PA'I NYI MA'I CHAR MNGON PAR PHAB STE MUN NAG GI GLOG GSAL BAR MDZAD DO, ,CHOS KYI GLU DANG, GAR DANG, CHOS KYI CHAR DANG, MCHOD PA DANG, CHOS KYI NGO MTSAR RMAD DU BYUNG BA RNGAM PA'I CHO 'PHRUL YAN MAN SNREL ZHI THAMS CAD DU LING LONG PHYAD DO, ,DE'I TSE HE RU KA 'OD KYI PHRENG BA DES RU TRA CAN DANG, BDUD DANG, SRIN PO DANG, GNOD SBYIN DANG, DBANG PHYUG MA NYI SHU RTZA BRGYAD LA SOGS PA RANG RANG GI CHE BA'I NGA RGYAL RAB TU STON PA RNAMS ZHI ZHING DUL BAR GYUR TO RANG RANG GI DBANG PHROGS NAS SANGS
, ,RGYAS KYI BSTAN PA 'DI LA DAD PAR GYUR NAS 'DUS RAB TU 'DUS SO, ,DE'I TSE NA BYANG CHUB KYI 'OD ZER KUN TU KHYAB PA DES 'DU SHES MED PA DANG, 'GOG PA LA GNAS PA'I MUR LHUNG BA RNAMS SA BON MES TSIG PA DANG 'DRA BA DE'ANG DRI MA MED PA'I BYANG CHUB SEMS RIN PO CHE'I CHU DES DBANG BSKUR BAS BYANG CHUB SEMS THOB STE 'GRO PA'I DON BYED PAR GYUR TO, ,GZHAN YANG, SA'I KHYAD PAR LA GNAS PA RNAMS KYANG RANG RANG GI SA LA SKYO SEMS SKYES TE LAS KYI TSE BKAG NAS SANGS RGYAS KYI BSTAN PA 'DI LA RAB TU DAD DO, ,DES NA 'DUS PA'I 'KHOR TSOGS RNAMS NGO MTSAR DU GYUR RMAD DU GYUR TE 'DUS NAS SHIN TU SKRAG TE GSOL BA BTAB PA, AE MA'O AE MA YA MTSAN CHE, ,GNYIS MED ROL PA YA MTSAN CHE, ,'OD ZER 'PHRO 'DU YA MTSAN CHE, ,BYANG CHUB CHAR SPRIN YA MTSAN CHE, ,SANGS RGYAS 'BYUNG BA YA MTSAN CHE, ,SPRUL PA 'BYUNG BA YA MTSAN CHE, , KHRO BO 'BYUNG BA YA MTSAN CHE, ,BYIN BRLABS CHO 'PHRUL YA MTSAN CHE, ,DGON GDUNGS SPANGS PA YA MTSAN CHE, ,'GOG PA GSOS PA YA MTSAN CHE, ,BDAG CAG 'KHOR TSOGS 'DAS PA RNAMS, ,DAM TSIG CAN DU BYIN BRLABS MDZOD, ,BLA 'OG RIM PA JI BZHIN DANG, ,RDO RJE GSANG BA'I GRAL DU 'KHOD, CES GSOL BA BTAB PAS
BCOM LDAN 'DAS GSANG BA MCHOG GI BDAG PO DES SKU GSUNG THUGS GNYIS SU MED PA'I SGO NAS 'KHOR RNAM PAR SBYOR BA'I RDO RJE'I RGYAN ZHES BYA BA'I TING NGE 'DZIN LA SNYOMS PAR ZHUGS TE, BYED PA PO RDO RJE KUN TU BZANG PO LA GZIGS NAS ZHAL 'DZUM PA MDZAD DO, ,DE NAS BYED PA PO RDO RJE KUN TU BZANG PO DES BSKUL BAR RNAM PAR RIG NAS BTZUN MO BYA BA MO KUN TU BZANG MO DANG GNYIS SU MED PAR SBYOR ZHING RANG GI STAN LAS RNAM PAR LANGS TE BYANG CHUB SEMS KYI MTSAN MA GNAS LNGAR BTAB NAS LCE PADMO'I STENG DU LAS KYI RDO RJE BZHAG STE, BRKYANG PHYAG BTZAL NAS MI 'JIGS PA'I LTA BAS STON PA'I ZHAL DU BLTAS NAS DON BSDU BAR GSOL BA BTAB PA, GSANG BA'I BDAG PO YAB YUM DGONGS SU GSOL, ,'DUS PA'I 'KHOR TSOGS MANG PO DGONGS SU GSOL, ,GSANG MDZAD YE SHES KLOG GI 'KHOR LO 'DI, ,CHOS KYI RGYAL PO CHEN POS BSHAD DU GSOL, ,ZHES GSOL BA BTAB PAS GSANG BA MCHOG GI BDAG POS BYED PA PO KUN TU BZANG PO RDO RJE LAS KYI BKA' BAR BYIN GYIS BRLABS PA'I PHYIR THUGS GSANG BA'I MKHA' LAS BYANG CHUB SEMS SPRIN SPROS PAS LAS KYI 'KHOR LO RDO RJE RGYA GRAM GCIG LAG TU BZHAG STE, LAS KYI DBANG BSKUR NAS MING YANG LAS KYI SEMS DPA' BYED PA PO KUN TU BZANG POR BTAGS TE LAS KYI DBANG THOB
, ,PAR GYUR TO, ,CHOS KYI 'KHOR LO PADMA 'DAB MA BRGYAD PA LCE STENG DU BZHAG STE SMRA BA'I SENG GE CHOS KYI SEMS DPA' ZHES MING DU DBANG BSKUR HE CHOS SMRA BA'I DBANG THOB BO, ,DE NAS SMRA BA'I SENG GE BYED PA PO RDO RJE KUN TU BZANG PO DE BTZUN MO KUN TU BZANG MO LA 'JUG CING SPOBS PA CAN DU GYUR TO, ,DE NAS SMRA BA'I SENG GE KUN TU BZANG PO DES 'DUS PA'I 'KHOR RNAMS SNOD DU RUNG BAR BYIN GYIS BRLABS PA'I PHYIR LAS KYI 'KHOR LO DANG, CHOS KYI 'KHOR LO RNAM PA BCU GNYIS KYI TSUL DU BSKOR TE CHO 'PHRUL 'DI DAG RNAM PAR BSTAN TE ZHING KHAMS MTHA' DAG KYANG G-YOS, RAB TU G-YOS, 'GUL, RAB TU 'GUL, LDEG ,RAB TU LDEG ,'KHRUGS, RAB TU 'KHRUGS, YAN MAN DANG, SNRAL ZHI'I ZHING KHAMS MTHA' DAG KYANG LING LONG PHYAD PAR GYUR TO, ,DE NAS BYANG CHUB SEMS KYI MTSAN MAS 'DUS PA'I 'KHOR RNAMS KYI GNAS LDAR RIG PAR BYAS SO, ,H'Um BADZRA SA MA YA, GU HYA SA MA YA, KRO DHA SA MA YA, RDO RJE 'DU BAR 'DUS PA YI, ,'DUS PA CHEN PO'I RIG 'DZIN RNAMS, ,GONG 'OG RIM PA JI BZHIN DU; ;RDO RJE GSANG BA'I GRAL DU GNOS, ,BSKAL BZANG DAM TSIG CHEN PO STE, ,DE LAS 'DAS NA BRLAG PAR 'GYUR, ZHES BSGO BAS 'DUS PA'I 'KHOR TSOGS
RNAMS RANG RANG GI SEMS RANGS PAR BYAS TE DAM TSIG THOB NAS RDO RJE GSANG BA'I GRAL DU 'KHOD RNAM PAR 'KHOD DO, ,DE NAS BYED PA PO KUN TU BZANG PO LAS KYI BKA' BA DES BCOM LDAN 'DAS GSANG BA MCHOG GI BDAG PO LA GTZUG GI 'DUD PHYAG RNAL 'BYOR GYI LUGS SU BYAS TE PHYI DANG, NANG DANG, GSANG BA MCHOD PA DE KHO NA NYID KYIS MCHOD DE GSOL BA BTAB PO, ,'DI LTAR RMAD BYUNG NGO MTSAR KHYOD, ,SANGS RGYAS YAB GYUR RGYAL BA'I SRAS, ,YA MTSAN CHEN PO STON PAR SPYOD, ,BKA' YI 'KHOR LO DAM PA DE, ,SMRA BRJOD YUL LAS RAB 'DAS KYANG, ,DAG GI LAM NAS RAB BRJOD CING, ,DPES MTSON TSIG GI LDE MIG GIS, ,GSAL BAR MTSON TE GO BAR MDZOD, ,AA LA LA HO ZHES GSOL BA BTAB BO, ,DE NAS GSANG BA MCHOG GI BDAG PO DES GSOL BA BTAB PAR MKHYEN NAS BRJOD DU MED PA'I TING NGE 'DZIN LA SNYOMS PAR ZHUGS NAS CANG MI GSUNG BAR BZHUGS SO; ;DE NAS 'DUS PA'I 'KHOR TSOGS KYIS SMRA BA'I SENG+GE BYED PA PO KUN TU BZANG PO DE LA LUGS SU BTUD DE BRKYANG PHYAG BTZAL NAS RMAD DU BYUNG BA'I MCHOD PA SNA TSOGS BYAS NAS GSOL BA BTAB PA, SMRA BA'I SENG+GE BYED PA PO RDO RJE KUN TU BZANG PO, KHYOD LA BDAG CAG ZHU BAR SBOBS NA GSANG BA'I SKABS DBYE BAR GSOL, SMRA BA'I SENG+GE KUN
, ,TU BZANG POS BKA' STZAL PA, 'DUS PA'I 'KHOR TSOGS, KHYOD CI DANG, CI 'DOD PA BDAG LA ZHUS SHIG ,BDAG GIS GNANG BA'I SKABS DBYE'O,, 'DUS PA'I 'KHOR RNAMS KYIS GSOL PA, SMRA BA'I SENG+GE BYED PA PO DANG, KUN TU BZANG PO, KHYOD NI SANGS RGYAS THAMS CAD KYI YAB BYANG CHUB SEMS DPA' THAMS CAD KYI RJE BTZAN, RNAL 'BYOR PA THAMS CAD KYI LHA PHUD, CHOS THAMS CAD KYI MDZOD LAGS NA, ,BCOM LDAN 'DAS GSANG BA MCHOG GI BDAG POS BDAG CAG 'KHOR GYI DKYIL 'KHOR 'DIR, GSANG BA'I TSIG LAM GYIS STON PAR MI SNANG BA'I RGYU DANG, RKYEN BDAG CAG RNAMS LA BSTAN DU GSOL, SMRA BA'I SENG+GE, LEGS PAR BSTAN DU GSOL ZHES ZHUS PA DANG, SMRA BA'I SENG+GES BKA' STZAL PA, AOm A'A:H'Um AA LA LA HO, ,RGYAL BA'I SRAS PO CANG MI GSUNG, ,MI GSUNG BA NYID RGYA CHER BSHAD, ,BSHAD DU MED PA'I DON DE NI, ,RGYAL BA RNAMS KYIS MA BSHAD DE, ,DE LTAR STON PA RGYAL MCHOG KYANG, ,RNAM PAR BRJOD PAR MI MDZAD DE, ,BKA' MI STZAL PAR DGONGS PA 'O, 'DUS PA'I 'KHOR RNAMS NYON CIG ,DE BAS NA GSANG BA DON DAM PA'I BYANG CHUB KYI SNYING PO DE SMRA BSAM LAS 'DAS SHING BRJOD DU MED PAS DE LA TSIG TU SMRA BA LEGS
PA MA YIN TE, TSIG TU SMOS PA'I DUS NYID GOL BA YIN PAR PHYOGS BCU DUS BZHI'I RGYAL BA RNAMS KYIS KYANG BSHAD DE, DA LTAR STON PA NYID KYANG DON DE NYID DGONGS NAS MA GSUNGS SO, ,'DUS PA'I 'KHOR TSOGS RNAMS, DE BAS NA MA SKYES PA'I SNYING PO BYANG CHUB SEMS TSIG TU SPROS PA DANG BRAL GYIS KYANG KUN RDZOB KYI BDEN PA'I DBANG DU MTSAN MA'I TSIG GI RNAL 'BYOR PA RNAMS TSIG GI PHYIR 'BRANG BA'I PHYIR DON RTOGS PA'I BKRI BA'I PHYIR RGYAL BA RNAMS KYI TSIG GI SGO NAS GSUNGS PA YIN NO, ,'DUS PA'I 'KHOR TSOGS RNAMS KYIS GSOL PA, SMRA BA'I SENG+GE, DE LTAR NA BDAG CAG DANG, MA 'ONGS PA'I RNAL 'BYOR PA TSIG GI RJES SU 'BRANG BA RNAMS KYI DON DU RDO RJE TSIG GI LAM DU BRJOD PAS DON GSAL BAR BYED PA DE, SMRA BA'I SENG+GE LAS KYI BKA' PA, KHYOD NYID KYIS ZHU BAR SPOBS SHIG ,SMRA BA'I SENG+GE, DBANG BAS NA BCOM LDAN 'DAS GSANG BA MCHOG GI BDAG PO LA ZHUS SHIG DANG, DE NAS SMRA BA'I SENG+GE BYED PA PO RDO RJE KUN TU BZANG POS 'DUS PA'I 'KHOR TSOGS KYIS RNAM PAR RTOG PA MKHYEN NAS BCOM LDAN 'DAS GSANG BA MCHOG GI BDAG PO LA LAN STONG DU BSKOR PA BYAS TE RMAD DU BYUNG BA'I MCHOD PA RGYAS PA DE KHO NA NYID KYIS MCHOD NAS 'DI SKAD GSOL BA BTAB BO, ,AE MA HO STON
, ,PA'I NGO MTSAR KHYOD, ,PHYOGS BCU'I SANGS RGYAS THAMS CAD KYI, ,BYANG CHUB SEMS KYI MTSAN NYID DE, ,TSIG TU BRJOD PA MA LEGS NA'ANG,, MTSAN MA'I RJES 'BRANG RNAL 'BYOR PA, ,DON LA RTZING LA TSIG LA ZHIB, ,TSIG GIS BSAMS PA RANGS BYA'I PHYIR, ,SNYING PO BYANG CHUB DON 'DI LA, ,DPES MTSON TSIG GI LDE MIG GIS, ,GSANG BA DE NYID BSHAD DU GSOL, ,ZHES GSOL BA BTAB PA LAS BCOM LDAN 'DAS GSANG BA MCHOG GI BDAG PO SMRA BA'I SENG+GES GSOL BA BTAB PA'ANG MKHYEN, 'DUS PA'I 'KHOR TSOGS RNAMS KYIS SEMS KYI RTOG PA'ANG MKHYEN NAS TSIG GI RJES SU 'BRANG BA'I RNAL 'BYOR YANG THUGS SU CHUD NAS RNAM PAR THAR PA'I SGO GSUM PHYUNG STE YE SHES KYI RDO RJE RTZE DGU PA YANG NAS YANG DU GSOR ZHING RMAD DU BYUNG BA'I CHOS KYI SGRA CHEN PO RAB TU BSGRAGS SO, ,AOm A'A:H'Um SV'AH'A, BO DHI TZITTA GU HYA SA MA YA, 'DI NI GSUNG MA THAG TU YANG, ,SANGS RGYAS GRAGS PA CHEN PO KUN, ,RAB TU SNGANGS TE BRGYAL BAR 'GYUR, ,'KHOR TSOGS GZHAN MA SMOS CI DGOS, ,DE NAS GSANG BA MCHOG GI BDAG POS 'DI SKAD CES BKA' STZAL TO, ,RIGS KYI BU RNAMS NYON CIG ,GANG TSIG GIS BRJOD DU RUNG BA THAMS CAD NI KUN RDZOB KYI BDEN PA'O, ,JI SRID
BRJOD DU RUNG BA MA YIN PA'I CHOS GANG YIN PA DE NI DON DAM PA'I BDEN PA'O, ,GANG TSIG DANG, YI GE LAS 'DAS PA GANG YIN PA DE NI CHOS KYI SKU'O, ,GANG TSIG DANG, YI GES BRJOD DU RUNG BA THAMS CAD NI GZUGS KYI SKU'O, ,SNGAGS KYI LTA BA DANG, SPYOD PA'ANG DE NYID YIN TE, ,GANG DON DAM PA'I BDEN PA DANG, CHOS KYI SKU GANG YIN PA DE NI SNGAGS KYI LTA BA YIN PAR SHES PAR BYA'O, ,DE NYID RGYU'I TSUL DU GNAS PA LAS 'BRAS BU'I CHUL DU KUN RDZOB KYI BDEN PA DANG, GZUGS KYI SKUR SNANG STE JI LTAR SPYAD PA DANG, SPYAD DU RUNG BA THAMS CAD NI SPYOD PAR RNAL 'BYOR CAN GYIS BLTA'O, ,DE NAS SMRA BA'I SENG+GE BYED PA PO RDO RJE KUN TU BZANG POS, AA LA LA HO ZHES PA'I SGRA BRJOD DE BCOM LDAN 'DAS GSANG BA MCHOG GI BDAG PO LA 'DI SKAD CES GSOL TO, ,DE LTAR LAGS NA, BCOM LDAN 'DAS, SNGAGS KYI LTA BA LA BLO GNAS PA GANG LAGS, LTA BA DANG, SPYOD PA LA BLO GNAS PA NI GANG LAGS, SPYOD PA 'BA' ZHIG LA BLO GNAS PA NI GANG LAGS, GSANG BA MCHOG GI BDAG POS BKA' STZAL PA, SMRA BA'I SENG+GE LEGS SO, ,DE'I DON KHYOD NGA LA ZHU BA NI LEGS SO, ,SMRA BA'I SENG+GE, GSANG SNGAGS NI DE BZHIN GSHEGS PA 'BA' ZHIG GI DGONGS PA'I YUL LO, ,DE CI'I PHYIR ZHE NA, DE BZHIN GSHEGS PA RNAMS
, ,KYI DON DAM PA'I BDEN PA TZAM KYANG SPANGS NA KUN RDZOB KYI BDEN PA LTA GA LA YOD DE BDEN PA GNYIS SU'ANG DBYER MED PA'I PHYIR RO, ,LTA BA DANG, SPYOD PA LA BLO GNAS PA NI, RNAL 'BYOR PAS THOB PA DANG, SA LA BSNYEN PA RNAMS TE, DE CI'I PHYIR ZHE NA, RNAL 'BYOR BLO MNYAM PA NYID DU BLO CHUNG BA RNAMS LA NI BDEN PA RNAMS PA GNYIS KYI TSUL YOD DE DON DAM PAR MA SKYES PA'I TSUL DU BLO CHUD PA DANG, KUN RDZOB TU MTSAN MA THABS KYI PHYAG RGYA SGYU MA'I TSUL DU'ANG MED PA MA YIN TE, MTSAN MA MED PA'I RNAL 'BYOR DANG, MTSAN MA'I RNAL 'BYOR GNYIS DANG LDAN PA'I PHYIR RO, ,SLOB PA'I RNAL 'BYOR DE NI BDEN PA RNAM PA GNYIS LA BRTEN NAS LHUN GYIS GRUB PA'I SA GOMS PA CHE CHUNG GIS 'GRUB BA YIN NO, ,SGRA'I RJES SU 'BRANG BA'I RNAL 'BYOR DON LAS RING DU GYUR PA RNAMS NI SPYOD PA 'BA' ZHIG LA BLO GNAS TE, DE CI'I PHYIR ZHE NA, LOG PA'I KUN RDZOB 'BA' ZHIG LA RTOG GI ,YANG DAG PA'I KUN RDZOB LHA'I DKYIL 'KHOR YANG MTHONG BA MED PA'I PHYIR, ,SMRA BA'I SENG+GE, DE BAS NA LOG PA'I KUN RDZOB SO SO'I SKYE BO LTA BU'I CHOS LA BRTEN NAS YANG DAG PA'I KUN RDZOB KYI BDEN PA LHA DANG, LHA MO'I DKYIL 'KHOR DU CHOS THAMS CAD SHES PAR BYA'O, ,
YANG DAG PA'I KUN RDZOB KYI BDEN PA LA BRTEN NAS DON DAM PA'I BDEN PA KHONG DU CHUD PAR NUS PA NI RIG PA'I SKYES BU ZHES GRAGS SO, ,SMRA BA'I SENG+GE BYED PA BO RDO RJE KUN TU BZANG POS GSOL PA, BCOM LDAN 'DAS, GSANG SNGAGS KYI SPYOD PA'I RANG BZHIN GANG LAGS, DPER BRJOD NA JI SKAD DU BRJOD PA LAGS, BCOM LDAN 'DAS GSANG BA MCHOG GI BDAG POS BKA' STZAL PA, SMRA BA'I SENG+GE, GSANG SNGAGS KYI SPYOD PA'I TSUL RNAMS NGAS BSHAD KYIS NYON CIG ,NGAS YID TSIM PAR BYA'O, ,SMRA BA'I SENG+GE, GSANG SNGAGS KYI SPYOD PA NI BSAM GYIS MI KHYAB STE, RAB TU BRJOD PAR DKA' NA MDOR BSDU NA RNAM PA BCUR 'DUS SO, ,BCU GANG ZHE NA, GSANG SNGAGS KYI SGRUB PA DANG, GSANG SNGAGS KYI MING GI KHYAD PAR DANG, GSANG SNGAGS KYI SPYOD PA DANG, GSANG SNGAGS KYI DNGOS GRUB DANG, GSANG SNGAGS KYI GRUB PA'I GNAS DANG, GSANG SNGAGS KYI BZLAS PA DANG, GSANG SNGAGS KYI PHYAG RGYA DANG, GSANG SNGAGS KYI TING NGE 'DZIN DANG, GSANG SNGAGS KYI LTA BA DANG, GSANG SNGAGS KYI CHO 'PHRUL LO, ,SMRA BA'I SENG+GE, DE DAG GI DPER BRJOD PA'ANG RNAM PA BCU STE, SGYU MA DANG, SMIG RGYU DANG, RMI LAM DANG, GZUGS BRNYAN DANG, DRI ZA'I GRONG KHYER DANG, BRAG CHA DANG,
, ,CHU ZLA DANG, CHU'I CHU BUR DANG, MIG 'KHRUL DANG, MGAL ME BSKOR BA LTA BU'I RNAM PAR SNANG NGO, ,SMRA BA'I SENG+GE, DE'ANG JI LTA ZHE NA, SGYU MA ZHES BYA BA'I MTSAN NYID NI SKYES BU'I RTZOL BA DANG, SMAN DANG, SBYOR SNGAGS KYI SBYOR BA LAS, DBANG PO'I YID 'PHROG PA'I RNAM PA CIR YANG SNANG YANG SLU PA'I BDAG NYID CAN DE SNANG BA MED DO, ,DE BZHIN DU GSANG SNGAGS SGRUB PA'I MTSAN NYID KYANG TING NGE 'DZIN DANG, YIG 'BRU DANG, RDZAS KYI SBYOR PA LAS GRUB PA'I RTAGS DAG SNANG YANG DE LA RANG BZHIN MED DO, ,SMIG RGYU ZHES BYA BA'I MTSAN NYID KYANG 'GRO BA SKOM GYIS GDUNGS PA'I DUS SU NYI MA DRO BA LAS SMIG RGYU LA CHUR MTHONG YANG DE LA CHU'I RANG BZHIN MED DO, ,DE BZHIN DU GSANG SNGAGS MING GI KHYAD PAR YANG GDAGS PA'I GZHI MED PA LA MING DANG, THA SNYAD BTAGS PA'ANG MING NYID DMIGS SU GA LA YOD, RMI LAM ZHES BYA BA'I MTSAN NYID NI SKYES BU GNYID LOG PA'I TSE BDE SDUG GI RNAM PA MANG PO RMIS KYANG SANGS NAS CI YANG DMIGS SU MED DO, ,DE BZHIN DU GSANG SNGAGS KYI SPYOD PA'ANG JI LTAR SPYAD NA'ANG SPYAD PA'I DMIGS PA KUN DANG BRAL LO, ,GZUGS BRNYAN ZHES BYA BA'I MTSAN NYID KYANG CHU 'AM, ME
LONG NGAM, 'BRU MAR LA BRTEN NAS BZHIN GYI GZUGS SU SNANG YANG BZHIN DE NYID DU 'PHOS PA MED DO, ,DE BZHIN DU GSANG SNGAGS KYI DNGOS GRUB KYANG BSGRUB PA DANG, TING NGE 'DZIN DANG, YO BYAD LA BRTEN NAS 'BYUNG YANG DMIGS PA DANG BRAL LO, ,DRI ZA'I GRONG KHYER ZHES BYA BA'I MTSAN NYID NI BAR SNANG NA DRI ZA GANG NA GNAS PA DER GRONG KHYER YANG DE NA GNAS TE DE BYUNG MA THAG TU RTAG PA MA YIN PA DANG, GSANG SNGAGS KYI GNAS KYANG RNAL 'BYOR PA BDAG NYID KYIS KYANG BSKYED PAR 'BYUNG LA, DE YANG THER ZUG MA YIN NO; ;BRAG CA ZHES BYA BA'I MTSAN NYID NI BRAG CA NGOS LA SGRA JI SKAD SKYEN PA SKANG BRAG CA LA'ANG DE BZHIN DU 'BYUNG NGO, ,'BYUNG YANG SGRAR MI DMIGS PA DE BZHIN DU GSANG SNGAGS BZLAS PA'I SGRA'ANG BZLAS PA TZAM NYID NA STONG PA'O, ,CHU ZLA ZHES BYA BA'I MTSAN NYID NI ZLA BA'I GZUGS BRNYAN CHU'I NANG DU SNANG YANG CHU LA ZLA BA MED DO, ,DE BZHIN DU PHYAG RGYA'I DKYIL 'KHOR LA'ANG GZUNG 'DZIN GYI RTOG PA MED DO, ,CHU'I CHU BUR ZHES BYA BA'I MTSAN NYID NI CHU'I RLABS CHEN GCIG LAS CHU BUR MANG DU 'BYUNG ZHING SLAR YANG 'DU BA DE BZHIN DU RNAL 'BYOR PA'I TING NGE 'DZIN GYI RNAM PA'ANG GCIG TU MA CHAD DO, ,MIG 'KHRUL PA ZHES BYA BA'I MTSAN NYID NI MI MIG NAD CAN GYIS BAR SNANG LA BLTAS
, ,NA ZLA BA GNYIS SU SNANG YANG ZLA BA LA GNYIS SU GYUR PA MED DO, ,DE BZHIN DU GSANG SNGAGS KYI LTA BA'ANG 'DZIN RTOG GI LTA BA CIR RNAM PAR RTOG PA RNAM MANG YONGS SU GRUB PAR YONGS SU MI BLTA'O, ,MGAL ME BSKOR BA ZHES BYA BA'I MTSAN NYID NI GANG DAG LAG NA MGAL ME THOGS NAS BSKOR NA DBYIBS KYI RNAM PA JI LTAR YANG SNANG STE; DE LA DBYIBS MED DO, ,DE BZHIN DU RNAL 'BYOR PA'I SEMS KYI CHO 'PHRUL CIR YANG SNANG ZHING 'BYUNG LA DNGOS POR MA GRUB PA'O, ,SMRA BA'I SENG+GE, DE LTAR NA GSANG SNGAGS KYI SPYOD PA NI DE LTAR SHES PAR BYA'O, ,SMRA BA'I SENG+GE, DE LTAR BAS NA RNAL 'BYOR PAS YANG DAG PAR KUN RDZOB KYI BDEN PA LA BRTEN NAS DON DAM PA'I BDEN PA KHONG DU CHUD PAR BYA'O, ,'PHAGS PA RGYUD GYI RGYAL PO YE SHES RNGAM PA KLOG GI 'KHOR LO'I MDO ZHES BYA BA LAS, TING NGE 'DZIN GYI RIM PAR PHYE BA'I SGO NAS GLENG BSLANG BA DANG, SNGAGS KYI SPYOD PA BSTAN PA'I LE'U STE GNYIS PA'O,, ,,DE NAS SMRA BA'I SENG+GE BYED PA PO KUN TU BZANG POS BCOM LDAN 'DAS GSANG BA MCHOG GI RGYAL PO LA LAN BRGYA STONG DU BSKOR BA BYAS NAS RMAD DU BYUNG BA'I MCHOD PA RGYAS PA DE KHO NA NYID KYIS RAB TU MCHOD DE KUN TU RAB TU MCHOD NAS GTZUG GI 'DUD PAS PHYAG RNAL 'BYOR GYI LUGS SU BYAS TE
'DI SKAD CES GSOL BA BTAB BO, ,AE MA'O BDE BAR GSHEGS PA KUN TU BZANG, ,AE MA'O YE NAS DAG PA'I DON, ,AE MA'O GSANG BA MCHOG GI BDAG ,AE MA'O YE SHES RNGAM PA'I GLOG ,AE MA'O GNYIS MED DGYES CHEN PO, ,AE MA'O BDE BA BDE CHEN MCHOG ,AE MA'O RNAM DAG DPAL KHYOD LA, ,AE MA'O BDAG CAG GSOL BA 'DEBS, ,BYANG CHUB SEMS 'DI JI LTAR SKYED, ,DKYIL 'KHOR RNAMS NI JI LTAR LAGS, ,PHYAG RGYA RNAMS KYI MTSAN NYID CI, ,BSNYEN SGRUB RNAM BZHI JI LTAR LAGS, ,DNGOS GRUB SGRUB PA'I RNAM GRANGS CI, ,SNGAGS KYI SDOM PA JI LTAR BSRUNG, ,RNAL 'BYOR BRTUL ZHUGS JI LTAR SPYAD, ,DREGS PA'I TSOGS NI JI LTAR GDUL, ,RNAM BZHI'I LAS NI JI LTAR BGYI, ,BRANG PA'I NAN TUR JI LTAR BGYI,, RNAL 'BYOR RNAMS LA BRTZE BA DANG, ,BDAG CAG RNAMS LA SMAN SLAD DU, ,BCOM LDAN SNYING POS BSHAD DU GSOL, ,AA LA LA HO ZHES GSOL PA LAS, ,BCOM LDAN 'DAS GSANG PA MCHOG GI BDAG POS GSOL BA BTAB PA THUGS SU CHUD NAS 'DI SKAD CES BKA' STZAL TO, ,SMRA BA'I SENG+GE, GSANG SNGAGS MDO'I DON RNAMS PHYI RABS KYI RNAL 'BYOR BA LA LAN GDAGS PA DANG, DAD PA CAN GYI 'GRO BA RNAMS YID CHES PAR BYA BA'I PHYIR NGA LA ZHU BA LEGS SO, ,SMRA BA'I SENG+GE LEGS SO, ,PHYOGS BCU DUS
, ,BZHI'I SANGS RGYAS SNGAR 'DAS PA RNAMS KYIS GSUNGS PA DANG, DA LTAR BZHUGS PA RNAMS KYIS GSUNGS PA DANG, SLAD KYIS BYON PA RNAMS KYIS GSUNG BAR 'GYUR BA RNAMS KYI DON THOG MAR DGE BA, BAR DU DGE BA, THA MAR DGE BA, DON BZANG PO, RGYUD KYI 'BREL BA, DON GYI BKOD PA, RTAGS KYI ROL PA; YE SHES RNGAM PA KLOG GI 'KHOR LOS RNAM PAR BSGYINGS PA GZHUNG CHEN PO 'DI NGAS BSHAD PAR BYA YI, SKAL BA DANG LDAN PA RNAMS GSANG SNGAGS KYI DON ZAB MO NI THOS PAR DKA' NA THOS NAS DE'I DON LA GNAS PAR DKA' STE PHAL GYI THUN MONG DU MA GYUR PA'O, ,'PHAGS PA RGYUD KYI RGYAL BO YE SHES RNGAM PA GLOG GI 'KHOR LO'I MDO ZHES BYA BA LAS, SNGAGS KYI MDO BSTAN PA'I LE'US TE GSUM PA'O,, ,,DE NAS BCOM LDAN 'DAS GSANG BA MCHOG GI BDAG PO DE SNYING PO BYANG CHUB LA NGES PAR 'GREL PA ZHES BYA BA'I TING NGE 'DZIN LA SNYOMS PAR ZHUGS SO, ,ZHUGS NAS YANG 'DUS PA'I 'KHOR TSOGS LA BKA' STZAL TO, ,RIGS KYI BU RNAMS, CHOS THAMS CAD NI BYANG CHUB SEMS SU 'DUS SHING BYANG CHUB KYI SEMS SNANG BAR GYIS SHIG ,DE CI'I PHYIR ZHE NA, CHOS THAMS CAD NI LUS DANG, NGAG
DANG; SEMS SU 'DUS LA, LUS DANG, NGAG DANG, SEMS NYID CHOS THAMS CAD KYI RNAM PAR SNANG NGO, ,'DUS PA'I 'KHOR TSOGS RNAMS KYIS GSOL PA, LUS DANG, NGAG DANG, SEMS BDAG CAG RNAMS KYIS JI LTAR BLTA BAR BGYI, GSANG BA MCHOG GI BDAG POS BKA' STZAL PA, RIGS KYI BU RNAMS, LUS DANG, NGAG DANG, SEMS KYI MTSAN NYID NI SEMS KYANG LUS DANG, NGAG GI RNAM PA LTA BU, NGAG KYANG LUS DANG, SEMS KYI RNAM PA LTA BU, LUS KYANG TSIG TU BRJOD PA DANG, SEMS KYI RNAM PA LTA BUR RANG GI LUS DANG, NGAG DANG, SEMS RTOGS SHIG ,'ON KYANG BYANG CHUB DU SEMS BSKYED PAR 'GYUR RO, ,DE NAS YANG GSANG BA MCHOG GI BDAG PO DES STONG PA NYID KYI TING NGE 'DZIN ZHES BYA BA LA SNYOMS PAR ZHUGS NAS BYANG CHUB KYI SEMS 'DI GSUNGS SO, ,AE MA'O DNGOS PO THAMS CAD DANG BRAL BA'I, ,PHUNG PO KHAMS DANG SKYE MCHED DANG, GZUNG DANG 'DZIN PA RNAM PAR SPANGS, ,CHOS BDAG MED PA MNYAM NYID PAS, ,RANG SEMS GDOD NAS MA SKYES PA, ,STONG PA NYID KYI RANG BZHIN NO, ,ZHES GSUNGS SO, ,DE NAS YANG CHOS KYI DBYINGS RNAM PAR DAG BZHES BYA BA'I TING NGE 'DZIN LA SNYOMS PAR ZHUGS NAS BYANG CHUB KYI SEMS 'DI GSUNGS SO, ,AE MA'O NGO MTSAR YA MTSAN
, ,GYI; ;SANGS RGYAS KUN GYI GSUNG BA'I THUGS, ,CHOS KUN SKYE BA MED PA LAS, ,SKYE BA 'DI NI RAB GRAGS PA, ,SKYE DANG MI SKYE GNYIS MED PA, ,BYANG CHUB SEMS 'DI BSTAN PA'O, ,ZHES GSUNGS SO, ,DE NAS YANG ME LONG LTA BU GSAL BA ZHES BYA BA'I TING NGE 'DZIN LA SNYOMS PAR ZHUGS NAS BYANG CHUB KYI SEMS 'DI GSUNGS SO, ,AE MA'O NGO MTSAR YA MTSAN GYI, ,SANGS RGYAS KUN GYI GSANG BA'I THUGS, ,CHOS KUN 'GAG PA MED PA LAS, ,'GAG BA 'DI NI RAB TU BSGRAGS,, 'GAG DANG MI 'GAG MED PA STE, ,BYANG CHUB TSUL 'DI BSTAN PA'O, ,ZHES GSUNGS SO, ,DE NAS YANG CHOS THAMS CAD MNYAM PA NYID CES BYA BA'I TING NGE 'DZIN LA SNYOMS PAR ZHUGS NAS BYANG CHUB KYI SEMS 'DI GSUNGS SO, ,AE MA'O NGO MTSAR YA MTSAN GYI, ,SANGS RGYAS KUN GYI GSANG BA'I THUGS, ,CHOS KUN GNAS PA MED PA LAS, ,GNAS PA 'DI NI RAB TU BSGRAGS, ,GNAS DANG MI GNAS MED PA STE, ,BYANG CHUB TSUL 'DI BSTAN PA 'O, ,ZHES GSUNGS SO, ,DE NAS YANG CHOS THAMS CAD SO SO KUN DU RTOGS PA ZHES BYA BA'I TING NGE 'DZIN LA SNYOMS PAR ZHUGS NAS BYANG CHUB KYI SEMS 'DI GSUNGS SO, ,AE MA'O NGO MTSAR YA MTSAN
GYI; ;SANGS RGYAS KUN GYI GSANG BA'I THUGS, ,CHOS KUN DMIGS PA MED PA LAS, ,DMIGS PA 'DI NI RAB TU BSGRAGS, ,DMIGS DANG MI DMIGS MED PA STE, ,BYANG CHUB TSUL 'DI BSTAN PA 'O, ,ZHES GSUNGS SO, ,DE NAS YANG CHOS THAMS CAD BYA BA LA NAN TAN DU GRUB PA ZHES BYA BA'I TING NGE 'DZIN LA SNYOMS PAR ZHUGS NAS BYANG CHUB KYI SEMS 'DI GSUNGS SO, ,AE MA'O NGO MTSAR YA MTSAN GYI, ,SANGS RGYAS KUN GYI GSANG BA'I THUGS, ,CHOS KUN SPRO BSDU MED PA LAS, ,SPROS DANG BSDUS PAR RAB TU GRAGS, SPROS BSDUS YOD DANG MED PA STE, ,BYANG CHUB TSUL 'DI BSTAN PA 'O, ,ZHES GSUNGS SO, ,DE NAS SMRA BA'I SENG+GE BYED PA PO RDO RJE KUN TU BZANG POS AA LA LA HO ZHES SGRA PHYUNG STE BYANG CHUB SEMS LA BSTOD PA, AE MA'O BDE CHEN KUN TU BZANG, ,AE MA'O STONG NYID BYANG CHUB SEMS, ,AE MA'O DAG PA DRI MA MED, ,AE MA'O MI SGRIB GSAL BA CHE, ,AE MA'O MNYAM NYID DBYER MED CHOS, ,AE MA'O SO SOR RANG RIG SEMS, ,AE MA'O BYANG CHUB LHUN GYIS GRUB, ,BYANG CHUB SEMS LA PHYAG 'TSAL LO, ,ZHES BSTOD DE BCOM LDAN 'DAS NYID KHYAD PAR DU GYUR PA'ANG BYANG CHUB SEMS NYID YIN ZHING BYANG CHUB KYI SEMS THUGS SU CHUD PA'O, ,BDAG CAG RIG 'DZIN GYI TSOGS SU GYUR PA RNAMS KYANG
, ,BYANG CHUB SEMS LA SMON PAR 'TSAL, 'JUG PAR 'TSAL, LDANG BAR 'TSAL, GNAS PAR 'TSAL TE, BDAG CAG KYANG RANG RANG GI SEMS G-YOS PAR BGYI, REG PAR BGYI, NYE BAR BGYI, NYAMS SU MYONG BAR BGYI BAR 'TSAL NA BDAG CAG DE 'DRA BA'I BSAM PA CAN LA SNYING RJE CHEN POR DGONGS PAR MDZAD DU GSOL, BDE BAR GSHEGS PA, DGONGS PAR MDZAD DU GSOL ZHES GSOL BA BTAB PA LAS GSANG BA MCHOG GI BDAG POS GSOL BA BTAB PAR THAGS SU CHUD NAS SNYING RJE BYANG CHUB 'BYUNG BA ZHES BYA BA'I TING NGE 'DZIN LA SNYOMS PAR ZHUGS TE GNYIS SU MED PAR MNGON PAR 'DU MDZAD DO, ,GNYIS SU MED PAR MNGON PAR 'DU MDZAD [?] PAS BYANG CHUB SEMS KYI SPRIN GYIS THAMS CAD RGYAS PAR KHYAB PA NI TIL 'BRU MAR GYIS KHYAB PA BZHIN NO, ,DE NAS YANG 'DI GSUNGS SO, ,AE MA'O YE SHES RNAM DAG CHOS, ,SNA TSOGS SNANG YANG RTOG PAR GSANG, ,NGO BO NYID NI BRJOD DU MED, ,SNOD MA YIN LA BSTAN PAR DKA'O, ,AE MA'O SRID GSUM YE NAS RNAM PAR DAG PA'I RANG BZHIN LA, ,BDAG TU RTOG PA SRID RTZA'I NYES DMIGS KYIS, YUN RINGS DUS NAS 'KHYAMS PA'I 'GRO BA RNAMS, ,MI MTHUN BDE SDUG GNAS RNAMS SO SOR GZUNG, ,LOG RTOG NOR BA'I DBANG GIS KUN BRTAGS KYANG, ,RANG
BZHIN NYID LAS MNYAM PA RDUL TZAM MED, ,AE MA'O YUN RINGS DUS NAS RMONGS PA'I 'GRO BA RNAMS, ,YE NAS DON GYI SANGS RGYAS YIN MOD KYANG, ,RMONGS PA'I DBANG GIS 'KHOR BA'I 'KHOR LOR 'KHYAMS, ,LOG RTOG NYID LA DNGOS MED BYANG CHUB SEMS, ,'KHRUL 'KHOR NYID KYANG MI ZAD RGYAN DU CHE, ,SNYIGS MA LNGA NYID BDE LDAN GNAS SU GSAL, ,PHUNG PO LNGA NYID MNGON PAR RDZOGS PA'I SKU, ,SRID RTZA'I NYES DMIGS NYID KYANG BYANG CHUB SNYING POR GNAS, ,PHYI NANG SNOD BCUD YAB YUM NGANG DU GSAL, ,ZHES GSUNGS PAS CHOS THAMS CAD BYANG CHUB SEMS SU GNAS SO, ,'PHAGS PA RGYUD KYI RGYAL PO YE SHES RNGAM PA GLOG GI 'KHOR LO'I MDO ZHES BYA BA LAS, BYANG CHUB TU SEMS BSKYED PA'I LE'U STE BZHI PA'O;; ,,DE NAS BCOM LDAN 'DAS GSANG BA MCHOG GI BDAG NYID SKU DANG, GSUNG THUGS RDO RJE LAS DKYIL 'KHOR THAMS CAD 'BYUNG BAR BZHED NAS BTZUN MO DANG GNYIS SU MED PAR 'DU MDZAD DO, ,MNGON PAR 'DU MDZAD NAS YANG DKYIL 'KHOR THAMS CAD 'BYUNG BA RDO RJE'I RGYAN ZHES BYA BA'I TING NGE 'DZIN LA ZHUGS TE DKYIL 'KHOR THAMS CAD KYI MDO 'DI GSUNGS SO, ,'DUS PA'I 'KHOR TSOGS RNAMS NYON CIG ,GSANG SNGAGS BYIN BRLABS BSAM YAS LA, ,DKYIL 'KHOR BSAM YAS BRJOD
, ,MI LANG, ,MDOR BSDUS RNAM PA GSUM YIN TE, ,RANG BZHIN LHUN GRUB DKYIL 'KHOR DANG, ,TING 'DZIN GSAL BA'I DKYIL 'KHOR DANG, ,BKRI DRANG RDUL TSON DKYIL 'KHOR TE, ,GSUM PO DAG TU RGYAL BAS GSUNGS, ,ZHES [?] CHAD [?] DU GLENG NGO, ,DE NAS SMRA BA'I SENG+GE BYED PA PO KUN TU BZANG POS GSOL PA, BCOM LDAN 'DAS BDAG CAG RNAMS KYIS CHOS THAMS CAD NI DKYIL 'KHOR GSUM DU BRJOD PAR MTHONG LAGS SO, ,DE'ANG 'DI SKAD CES GSOL BA BTAB BO, ,AE MA'O GSANG MCHOG BDE BA CHE, ,YE NAS LHUN GRUB DAG PA'I BDAG ,DKYIL 'KHOR KUN GYI 'BYUNG NAS GTZO, ,RDO RJE RGYAL LA PHYAG 'TSAL LO, ,CHOS KUN YE NAS SANGS RGYAS PA'I, ,RANG BZHIN DAG PA DRI MA MED, ,RANG BZHIN LHUN GRUB ZAB MO'I DON, ,BCOM LDAN SNYING POS BSHAD DU GSOL, ,AA LA LA HO, DE NAS BCOM LDAN 'DAS GSANG BA MCHOG GI BDAG PO DES GSOL BA BTAB PA'I DON THUGS SU CHUD NAS LHUN GYIS GRUB PA'I DKYIL 'KHOR 'BYUNG BA RDO RJE RGYAS ZHES BYA BA'I TING NGE 'DZIN LA SNYOMS PAR ZHUGS SO,, ZHUGS NAS YANG RANG BZHIN DON DAM PA'I DKYIL 'KHOR SPROS PA DANG BRAL BA 'DI GSUNGS SO, ,AE MA'O SANGS RGYAS KUN GYI BYANG CHUB SEMS, ,BLA NA MED PA RTOGS
'GYUR PA'I, ,RGYAL BAS GSUNGS PA'I YE SHES GANG, ,DE NI DKYIL 'KHOR SNYING PO YIN, ,ZHES GSUNGS SO, ,DE NAS YANG BCOM LDAN 'DAS GSANG BA MCHOG GI BDAG PO DES RANG BZHIN DON DAM PA'I DKYIL 'KHOR GYI RNAM GRANGS 'DI GSUNGS SO, ,DE LA 'DI NI SPYIR BSDUS PA'O, ,SEMS CAN KUN GYI SEMS CHEN PO, ,RANG BZHIN DAG PAS DRI MA MED, ,PHUNG PO LNGA DON SANGS RGYAS LNGA, ,'BYUNG BA LNGA DON DBYINGS PHYUG YUM, ,KHAMS DANG SKYE MCHED MANG PO KUN, ,SEMS DPA' SEMS MA'I DKYIL 'KHOR YIN, ,DES NA SRID GSUM DKYIL 'KHOR CHE, ,ZHES GSUNGS SO, ,DE LA PHUNG PO LNGA SANGS RGYAS LNGA'I RANG BZHIN DU GSUNGS PA YANG, SRID GSUM SEMS CAN THAMS CAD KYI, ,RGYU DANG 'BRAS BU'I GZUGS RNAMS KUN, ,CHOS KYI DBYINGS LAS BYUNG BAS NA, ,DBYER MED DON GYI GTI MUG PAS, ,RNAM PAR SNANG MDZAD RANG BZHIN YIN, ,SRID GSUM SEMS CAN THAMS CAD KYI, ,BDE SDUG TSOR BA'I PHUNG PO KUN, ,MNYAM NYID DBYINGS LA SNANG BAS NA, ,NGA RGYAL CHEN PO'I RANG BZHIN PAS, ,MYONG BA RIN CHEN 'BYUNG BA YIN, ,SRID GSUM SEMS CAN THAMS CAD KYI, ,YUL DANG SHES PA PHRA RAGS KYI, ,BYED PA'I PHUNG PO THAMS CAD KUN, ,MA 'DRES DBYINGS LA SNANG BAS NA, ,SHES RAB RLABS KYI 'DOD CHAGS PAS, ,SNANG
, ,BA MTHA' YAS RANG BZHIN NO, ,SRID GSUM SEMS CAN THAMS CAD KYI, ,DGE DANG MI DGE GNYIS KA MIN, ,SEMS LAS BYUNG DANG MA BYUNG BA'I, ,'DU BYED PHUNG PO THAMS CAD KUN, ,SPRO BSDU DBYINGS LAS BYUNG BAS NA, ,RNAM PAR GROL BA'I PHRAG DOG PAS, ,DON YOD GRUB PA'I RANG BZHIN YIN, ,SRID GSUM SEMS CAN THAMS CAD KYI, ,RNAM SMIN RANG SEMS RNAM RIG PA'I, ,SHES BRGYAD RNAM SHES PHUNG PO KUN, ,RIG PA'I DBYINGS LA SHAR BAS NA, ,ZHE SDANG CHEN PO'I YE SHES PAS, ,RDO RJE SEMS DPA'I RANG BZHIN YIN, ,ZHES GSUNGS SO, ,DE LA 'DI NI CHEN PO LNGA DBYINGS PHYUG LNGA RANG BZHIN DU GSUNGS PA, ,SNOD BCUD 'GRO BA THAMS CAD KYI, ,GSAL STONG MI SGRIB GO 'BYED PA'I, ,SNANG STONG NAM MKHA'I KHAMS RNAMS KUN, ,STONG NYID DBYINGS LA SHAR BAS NA, ,THAMS CAD GNAS PA'I KLONG YIN PAS, ,BDE GSHEGS DBYINGS PHYUG RANG BZHIN YIN, ,SNOD BCUD 'GRO BA THAMS CAD KYI, ,SRA BRTAN BSKYED BSKRUN RTEN RNAMS KUN, ,SA YI KHAMS SU GRAGS PA RNAMS, ,MI 'GYUR DBYINGS LA SHAR BAS NA, ,THAMS CAD SKYED PA'I RTEN YIN PAS, ,RDO RJE DBYINGS PHYUG RANG BZHIN YIN, ,SNOD BCUD 'GRO BA THAMS CAD KYI, ,GYES SDUD GSHER PA'I MTSAN NYID KUN, ,CHU YI KHAMS SU GRAGS PA
STE; ;KUN SDUD DBYINGS SU SHAR BAS NA, ,YON TAN TSOGS CHEN KUN SDUD PAS, ,RIN CHEN DBYINGS PHYUG RANG BZHIN YIN, ,SNOD BCUD 'GRO BA THAMS CAD KYI, ,GSAL DRO'I NGO BO THAMS CAD KUN, ,ME YI KHAMS SU GRAGS PA RNAMS, ,SNANG GSAL DBYINGS LA SHAR BAS NA, ,GSAL DRO SREG PA'I RANG BZHIN PAS, ,PADMA'I DBYINGS PHYUG RANG BZHIN YIN, ,SNOD BCUD 'GRO BA THAMS CAD KYI, ,YANG G-YO 'DEGS BSKYOD THAMS CAD KUN, ,RLUNG GI KHAMS SU GRAGS PA STE, ,BSKYOD CHEN DBYINGS LA SHAR BAS NA, ,THOGS MED SHUGS BSKYOD RANG BZHIN PAS, ,LAS KYI DBYINGS PHYUG RANG BZHIN YIN, ,ZHES GSUNGS SO, ,DE LA 'DI NI RNAM PAR SHES PA BZHI BYANG CHUB CHEN PO'I RANG BZHIN DU GSUNGS PA, SRID GSUM SEMS CAN THAMS CAD KYI, ,KHA DOG DBYIBS LA SPYOD PA KUN, ,MIG GI RNAM SHES ZHES SU GRAGS, ,MTHONG BA'I YE SHES YIN PA'I PHYIR, ,SA YI SNYING PO'I RANG BZHIN YIN, , SRID GSUM SEMS CAN THAMS CAD KYI, ,SGRA RNAMS KUN LA SPYOD PA KUN, ,RNA BA'I RNAM SHES ZHES SU GRAGS, ,THOS PA'I YE SHES YIN PAS NA, ,LAG NA RDO RJE'I RANG BZHIN YIN; ;SRID GSUM SEMS CAN THAMS CAD KYI, ,DRI RNAMS KUN LA SPYOD BA KUN, ,SNA YI RNAM SHES ZHES SU GRAGS, ,TSOR BA'I YE SHES YIN PAS NA, ,NAM MKHA'I SNYING
, ,PO'I RANG BZHIN YIN, ,SRID GSUM SEMS CAN THAMS CAD KYI, ,RO RNAMS KUN LA SPYOD PA KUN, ,LCE YI RNAM SHES ZHES SU GRAGS, ,MYONG BA'I YE SHES YIN PA'I PHYIR, ,SPYAN RAS GZIGS KYI RANG BZHIN YIN, ,ZHES GSUNGS SO, ,DE LA YUL BZHI BYANG CHUB CHEN MO BZHI'I RANG BZHIN DU GSUNGS PA, ,SNOD BCUD 'GRO BA THAMS CAD KYI, ,KHA DOG DBYIBS DANG MTSAN MA KUN, ,GZUGS KYI SKYE MCHED NYID DU GRAGS, ,MTHONG BAR BYA BA'I YUL YIN PAS, ,GZUGS MDZES LLA SYEE'I RANG BZHIN YIN, ,SNOD BCUD 'GRO BA THAMS CAD KYI, ,ZIN DANG MA ZIN GNYI GA LAS, ,BYUNG BA'I SGRA YI KHAMS SU GRAGS, ,THOS PAR BYA BA'I YUL YIN PAS, ,N'IR TYA MA YI RANG BZHIN YIN, ,SNOD BCUD 'GRO BA THAMS CAD KYI, ,LHAN CIG SKYES DANG SBYAR DANG GYUR, ,ZHIM DANG NGA DANG DE BZHIN GZHAN, ,DRI YI KHAMS DANG SKYE MCHED DE, ,BSNAM PAR BYA BA'I YUL YIN PAS, ,M'A LEE NYID KYI RANG BZHIN YIN, ,SNOD BCUD 'GRO BA THAMS CAD KYI, ,KHA MNGAR LA SOGS RO RNAMS KUN, ,RO YI SKYE MCHED NYID DU GRAGS, ,MYOD BAR BYA BA'I YUL YIN PAS, ,G'IRTI NYID KYI RANG BZHIN YIN, ,ZHES GSUNGS SO, ,DE LA 'DI NI DBANG PO BZHI BYANG CHUB SEMS DPA' BZHI'I RANG BZHIN DU GSUNGS PA, SRID GSUM
SEMS CAN THAMS CAD KYI, ,MTHONG BYED DANG BA'I BDAG NYID DE, ,MIG GI KHAMS ZHES BYA BAR GRAGS, ,MTHONG PA'I BYA BA BYED PA'I PHYIR, ,BYAMS PA MEE TRI RANG BZHIN YIN, ,SRID GSUM SEMS CAN THAMS CAD KYI, ,THOS PAR BYED PA'I BDAG NYID DE, ,RNA BA'I KHAMS ZHES BYA PAR GRAGS, ,THOS PA'I BYA BA BYED PA'I PHYIR, ,SGRIB PA KUN SEL RANG BZHIN YIN, ,SRID GSUM SEMS CAN THAMS CAD KYI, ,SNOM BYED DANG BA'I BDAG NYID DE, ,SNA YI KHAMS ZHES BYA BAR GRAGS, ,TSOR BAR BYA BA BYED PA'I PHYIR, ,'JAM DPAL NYID KYI RANG BZHIN YIN, ,SRID GSUM SEMS CAN THAMS CAD KYI, ,MYONG BYED DAG PA'I BDAG NYID DE, ,LCE YI KHAMS ZHES BYA BAR GRAGS, ,MYONG BA'I BYA BA BYED PA'I PHYIR, ,KUN TU BZANG PO'I RANG BZHIN YIN, ,ZHES GSUNGS SO, ,DE LA DUS BZHI MCHOD PA'I LHA MO BZHI'I RANG BZHIN DU GSUNGS PA, SNOD BCUD 'GRO BA THAMS CAD KYI, ,RGYU 'BRAS KUN TU RNAM PAR SPYAD, ,SNGON 'DAS DUS SU RNAM PAR GRAGS, ,SNGON 'DAS DPYID KYI RANG BZHIN YIN, ,SPOS ME'I RANG BZHIN NYID YIN NO, ,SNOD BCUD 'GRO PA THAMS CAD KYI, ,RGYU SPYAD 'BRAS BU MA SPYAD KUN, ,DA LTAR DBYAR GYI RANG BZHIN YIN, ,ME TOG NYID KYI RANG BZHIN YIN, ,SNOD BCUD 'GRO BA THAMS CAD KYI, ,RGYU 'BRAS YONGS KYIS MA SPYAD PA, ,MA 'ONGS DUS SU RNAM PAR GRAGS, ,'ONG MA RAG STON RANG
, ,BZHIN NI, ,A'A LO KE YI RANG BZHIN YIN, ,SNOD BCUD 'GRO BA THAMS CAD KYI, ,RGYU 'BRAS NGES PAR MA TSOGS PA, ,'BYUNG BAR MA NGES DUS ZHES GRAGS, ,MA 'ONGS DGUN GYI RANG BZHIN NI, ,GANDHE'I RANG BZHIN YIN PAR NGES, ,ZHES GSUNGS SO, ,DE LA 'DI NI LUS KYI DBANG PO DANG, ,RNAM PAR SHES PA DANG, YANG DE'I YUL DANG, DE LAS BYUNG BA'I BYANG CHUB SEMS KHRO BO BZHI'I RANG BZHIN DU GSUNGS PA, SRID GSUM SEMS CAN THAMS CAD KYI, ,REG BYED DANG BA'I BDAG NYID DE, ,LUS KYI KHAMS ZHES BYA BAR GRAGS, ,REG PAR BYED PA MED PAS NA, ,GSHIN RJE 'JOMS PA'I RANG BZHIN NO, ,SNOD BCUD 'GRO BA THAMS CAD KYI, ,REG BYA KUN LA SPYOD PA KUN, ,LUS KYI RNAM SHES ZHES SU GRAGS, ,REG PA'I YE SHES YIN PA'I PHYIR, ,RNAM PAR RGYAL BA'I RANG BZHIN YIN, ,SRID GSUM SEMS CAN THAMS CAD KYI, ,BYUNG DANG 'BYUNG 'GYUR REG BYA RNAMS, ,REG BYA'I SKYE MCHED NYID DU GRAGS, ,REG PAR BYA BA'I YUL YIN PAS, ,RTA MCHOG DPAL GYI RANG BZHIN NO, ,SRID GSUM SEMS CAN THAMS CAD KYI, , TSOGS DRUG 'GAGS PA'I DE MA THAG ,GO 'BYED GSAL BA'I BDAG NYID DE, ,YID KYI KHAMS ZHES BYA BAR GRAGS, ,DES SPYOD BYA BA BYED PA'I PHYIR, ,BDUD RTZI 'KHYIL PA'I
RANG BZHIN YIN, ,ZHES GSUNGS SO, ,DE LA 'DI NI PHYIN CI MA LOG PA BZHI LHA MO BZHI'I RANG BZHIN DU GSUNGS PA, SNOD BCUD 'GRO BA THAMS CAD KYI, ,'JIG DANG SKAD CIG MI RTAG PA, ,RTAG PAR MA YIN ZHES SU GRAGS, ,SGYU MA LTA BU YIN PA'I PHYIR, ,LCAGS KYU MA YI RANG BZHIN YIN, ,SNOD BCUD 'GRO BA THAMS CAD KYI, ,KUN RTOG GZHAN DBANG MED MIN PA; ;CHAD PAR MA YIN ZHES SU GRAGS, ,RMI LAM LTA BUR SEMS SNANG PHYIR, ,ZHAGS PA MA YI RANG BZHIN YIN, ,SNOD BCUD 'GRO BA THAMS CAD KYI, ,GZUNG 'DZIN DNGOS POR MA GRUB PA; ;MTSAN MAR MA YIN ZHES SU GRAGS, ,SMIG RGYU LTA BUR SEMS SNANG PHYIR, ,LCAGS SGROG MA YI RANG BZHIN YIN, ,SNOD BCUD 'GRO BA THAMS CAD KYI, ,SKYES BU BYED PA MA GRUB PA, , BDAG TU MA YIN ZHES SU GRAGS, ,SGRA BRNYAN LTA BU'I SEMS SNANG PHYIR, ,DRIL BU MA YI RANG BZHIN YIN, ,ZHES GSUNGS SO, ,DE LA 'DI NI YID DANG, CHOS GTZO GZUNGS GNYIS KYI RANG BZHIN DU BSTAN TE, SRID GSUM SEMS CAN THAMS CAD KYI, ,CHOS RNAMS KUN LA NGES SPYOD PA'I, ,YID KYI RNAM SHES ZHES SU GRAGS, ,RTOG PA'I YE SHES YIN PA'I PHYIR, ,KUN TU BZANG PO'I RANG BZHIN YIN, ,SNOD BCUD 'GRO BA THAMS CAD KYI, ,'DUS MA BYAS KYI CHOS RNAMS KUN, ,CHOS KYI SKYED BYED YIN PAR GRAGS, ,RNAM PAR
, ,SHES PA'I YUL YIN PAS, ,KUN TU BZANG PO'I RANG BZHIN YIN, ,DE LA SOGS TE MTHA' YAS MCHOG ,CHOS DBYINGS MNYAM DANG MI MNYAM PA, , NAM MKHA'I KHAMS KYI MTHA' KLAS PA, ,JI SNYED RNAM GRANGS YOD PA'I CHOS, ,KUN KYANG PHYAG RGYA'I RANG BZHIN PAS, ,RANG BZHIN DKYIL 'KHOR CHEN PO YI, ,RNAM GRANGS YIN PAR RGYAL BAS GSUNGS, ,ZHES CHED DU BRJOD PA GSUNGS SO, ,DE NAS YANG BCOM LDAN 'DAS GSANG BA MCHOG GI BDAG PO DES RANG BZHIN KUN RDZOB KYI DKYIL 'KHOR 'DI GSUNGS SO, , KUN RDZOB MTSAN MA'I GNAS CHEN KYANG, ,'OG MIN BLA MED GNAS MCHOG GAM, ,LCANG LO CAN NAM BDE BA CAN, ,PADMA CAN LA SOGS PA YI, ,RANG BZHIN LHUN GRUB DKYIL 'KHOR DE, ,MTSAN MA'I RNAL 'BYOR NGO LA SNANG, ,DE YANG JI LTA BU ZHE NA, ,MKHA' 'AM YID KYI NAM MKHA' LA, ,'BYUNG CHEN BRTZEGS PA'I LHUN GYIS GRUB, ,DE STENG RIN CHEN SNA BZHI LAS, ,LHUN GYIS GRUB PA TSAD DPAG MED, ,DE LA BRTEN PA'I SA GZHI NI, ,RIN CHEN SNA TSOGS GCAL DU BKRAM, ,MNAN NEM BTEG 'PHAR MDZES PA'I GZHI, ,DE LA PHO BRANG GZHAL MED KHANG, ,GRU BZHI LHAM PAR MDZES PAR SNANG, ,RIN CHEN SNA BZHI'I RGYU LAS GRUB, ,GLO 'BUR BZHI YANG MKHAR THABS TSUL, ,BUM PA'I RTZE MO CHOS KYI
TOG ;RMA BYA'I MDONGS DANG LDAN PA'O, ,SGO BZHI SGO KHYUD BZHI DANG LDAN, ,RTA BABS BRGYAD DANG YANG DAG LDAN, ,DBUS NA 'KHOR LO RTZIBS BZHI PA, ,LTE BAR BCAS SHING RTZIBS RTEN LDAN, ,GRU CHAD PAR 'KHYAMS MDZES PAR LDAN, ,RIN CHEN 'OD ZER 'BAR BAS 'KHRIGS, ,SEMS CAN PADMA NYI ZLA DANG, ,RIN CHEN 'BAR BA'I GDAN MCHOG LDAN, ,RIN CHEN KHRI RKANG RNAM RTEN LDAN, ,PHO BRANG DE YI GDAN MCHOG KYANG, ,NYI ZLA NOR BU RIN CHEN 'BAR, ,BLA RE RGYAL MTSAN NA BZA' GDUGS, ,DAR DANG BA RA MU TIG PHRENG, ,DRIL BU DANG NI RNGA YAB SOGS, ,ROL MO'I CHA BYAD SNA TSOGS BRGYAN, ,'JIG RTEN LHA TSOGS MDZES PA DANG, ,DE LA SOGS TE RGYAN RNAMS KYANG, ,BSAM GYIS MI KHYAB MTHA' YAS MCHOG , GZHAL YAS DE YI SGO BZHI NA, ,GLANG SENG RNAMS KYIS MDZES PAR BYAS, ,RTA BABS RNAMS KYI TZONG TZONG DANG, ,GSER GYI DRIL BU 'BAR BA DAG ,DKON MCHOG GSUM GYI MTSAN YANG SGROGS, ,SGO DRUNG DE DAG RE RE NA, ,TA LA'I SKYE SHING TZONG TZONG 'KHRIL, ,DRI DANG GZUGS DANG 'OD DU LDAN, ,TA LA'I SKYED SHING DE DAG LA, ,KHU BYUG LA SOGS BKRA SHIS PA'I, ,BYA RNAMS SNYAN PA SKAD KYANG 'BYIN, ,SGO DRUNG DE DAG RE RE NA, ,KHRUS KYI RDZING BU DBYIBS LEGS PA, ,BLO MCHOG YAN LAG LDAN PA'I CHU, ,GRANGS
, ,MED DE DAG RE RE NA, ,LHA DANG LHA MO BSAM MI KHYAB, ,PHYI ROL KHO RA KHOR YUG NA, ,RTZE SA 'CHAGS BRJOD MI LANG, ,DE LA SOGS PA BSAM YAS MCHOG ,MA BTZAL YE NAS LHUN GYIS GRUB, ,LHA MCHOG RNAMS KYI BSOD NAMS KYIS, ,RGYU LAS GRUB PAR RGYAL BAS GSUNGS, ,PHO BRANG DE NA GNAS PA YI, ,YE SHES LHA TSOGS MANG PO RNAMS, ,GTZO GZUNGS ZUNG DU 'KHRIL BA STE, ,DBUS KYI PHO BRANG SNYING PO LA, ,RNAM PAR SNANG MDZAD SNYING PO CHE, ,'DZAM BU NA DA'I GSER 'OD 'DRA; ;RANG RTAGS LAG NA 'KHOR LO BSNAMS, ,DPA' BO DE YI SPYAN SNGA NA, ,RDO RJE SEMS DPA'I RGYA CHEN YANG, ,DUNG DANG SHEL GYI KHA DOG 'DRA, ,RANG RTAGS LAG NA RDO RJE 'DZIN, ,G-YAS SU RIN CHEN 'BYUNG LDAN TE, ,BEE d'URYA YI KHA DOG 'DRA, ,RANG RTAGS RIN CHEN ZUR BRGYAD 'DZIN, ,RGYAB SNA SNANG BA MTHA' YAS GTZO, ,PADMA R'A GA'I MDOG 'DRA ZHING, ,RANG RTAGS PADMA DMAR PO 'DZIN, ,G-YON DU DON YOD GRUB PA STE, ,AINDRA N'I LA LJANG GU'I MDOG ,RANG RTAGS PHYAG NA RAL GRI 'DZIN, ,KUN KYANG ZHI BA'I CHA LUGS TE, ,THOR TSUGS RIGS LNGA DBU LA BRGYAN, ,RDZOGS PA'I SKYIL KRUNG TSUL DU BZHUGS, ,DO SHAL DPUNG RGYAN SE MO DO, ,PHYAG GDUB SNYAN CHAS KUN LA
MDZES, ,MTSAN DANG DPE BYAD YANG DAG RDZOGS, ,DE DAG GI NI G-YON ROL NA, ,KUN TU BZANG DANG LO TZA NA, ,M'A MA GOS DKAR SGROL MA RNAMS, ,G-YAS PAS THABS KYIS GTZO LA 'KHYUD, ,G-YON PAS RANG RTAGS DRIL BU 'DZIN, ,SKU MDOG CHA LUGS YAB DANG 'DRA, ,'KHOR LO RTZIBS LA LHUN GYIS GRUB, ,SPYAN SNGA'I GLO BUR MDZES PA LA, ,LAG NA RDO RJE SNGO SKYA'I MDOG ,RANG RTAGS RDO RJE RTZE GSUM 'DZIN, ,G-YAS NA SA YI SNYING PO STE, ,LJANG SNGON RIN CHEN MYU GU 'DZIN, ,RGYAB TU NAM MKHA'I SNYING PO STE, ,MTHING GA RANG RTAGS RAL GRI 'DZIN, ,G-YON DU MDZES PA'I GLO 'BUR LA, ,SPYAN RAS GZIGS DBANG DMAR SKYA STE, ,RANG RTAGS PADMA DKAR PO 'DZIN, ,THOR TSUGS YE SHES SEMS PAS BRGYAN, , SEMS DPA'I SKYIL MO KRUNG DU BZHUGS, ,RGYAN DANG CHA LUGS KUN GYIS BRGYAN, ,DE DAG GI NI G-YON ROL NA, ,GAR DANG SGEG MO PHRENG BA DBYANGS, ,G-YAS PAS THABS KYI GTZO LA 'KHYUD, ,G-YON PA GANG DANG ME LONG PHRENG, ,PI WANG 'DZIN CING CHA LUGS GZHAN, ,GTZO BO NYID KYANG MTHUN PA YIN, ,MDZES PA'I GRU CHEN RNAMS LA NI, , BYAMS PA MEE TRI DKAR BA STE, ,MJES PA'I GLU SHING GUNDHE BSNAMS, ,SHAR LHO MTSAMS KYI GRU CHAD LA'O, ,SGRIB PA RNAM SEL MTHING GA STE, ,CHOS KYI 'KHOR LO 'DZIN PA STE, ,
, ,LHO NUB MTSAMS SU MDZES PAR GNAS, ,'JAM DPAL GZHON NU DMAR SKYA'I MDOG ,RANG RTAGS AUTPA MTHING GA 'DZIN, ,NUB BYANG MTSAMS SU MDZES PAR GNAS, ,KUN TU BZANG PO LJANG SER MDOG ,RANG RTAGS RIN CHEN SNYE MA 'DZIN, ,BYANG SHAR MTSAMS KYI GRVA LA GNAS, ,DE DAG GI NI G-YON ROL NA, ,SPOS DANG ME TOG BDUG PA DRI; ;G-YAS PA THABS KYI GTZOL 'KHYUD, ,G-YON PAR RANG RTAGS 'DZIN PA'O, ,CHA LUGS THAMS CAD SNGA MA BZHIN, ,SGO KHYUD RNAMS LA 'JOMS PA NI, ,GSHIN RJE GSHED PO MTHING NAG 'BAR, ,NIR MGO GDENGS PA LAG MTSAN THOGS, ,SHAR GYI SGOR NI RNAM PAR GNAS, ,RNAM PAR RGYAL BA SER NAG 'BAR, ,RDO RJES GNOD PA LHO SGOR RO, ,RTA MGRIN DMAR NAG 'BAR BA STE, ,THOD SBRUL THOGS PA NUB SGOR GNAS, ,BDUD RTZI 'KHYIL BA LJANG NAG 'BAR, ,RGYA GRAM GYIS GNON BYANG GI SGOR, ,STANG STABS TSUL DU RAB TU GNAS, ,DUR KHROD RGYAN GYIS RNAM PAR BRGYAN, ,RNAM PAR GTZIGS LA 'JIGS 'JIGS LTA, ,ME DPUNG 'BAR BA'I KLONG DU 'KHYIL, ,H'Um DANG PHAt KYI SGRA CHEN SGROGS, , DE DAG GI NI G-YON ROL NA, ,GSHED MO DANG NI RGYAL MA DANG, ,RTA MGRIN MO DANG 'KHYIL MO RNAMS, ,LAG MTSAN LCAGS KYU ZHAGS PA DANG, ,SGROG DANG DRIL BU THOGS SHING
RNGAM; ;CHA LUGS 'JOMS PA DAG DANG 'DRA, ,SGO KHYUD DAG TU LHUN GYIS GRUB, ,MDZES PA'I BAR 'KHYAMS DE NYID LA, ,SPRUL SKU THUB PA CHEN MO DRUG ,CIS 'DUL THABS KYI SKUR STON PAS, ,CHO LUGS MA NGES 'DUL BAR STON, ,MDZES PA'I BAR 'KHYAMS DE NYID LAS, ,MDUN DANG RGYAB KYI PHYOGS ROL LA, ,BYED PA PO DANG BYA BA MO, ,NAM MKHA' YI NI MDOG 'DRA LA, ,TING NGE 'DZIN DU LDAN PAR GNAS, ,DE LA SOGS TE MTHA' YAS MCHOG ,BRJOD MED RJOD DU MED PA YI, ,LHA YI TSOGS KYIS GANG BAR GNAS, ,DKYIL 'KHOR BSAM YAS LHUN GYIS GRUB, ,LHA YI TSOGS CHEN DE DAG GI ,THUGS KAR YE SHES SEMS DPA' GNAS, ,TSON GANG 'OD DANG BCAS PA 'O, ,LJANG LA RANG RTAGS YI GE RNAMS, ,RANG RTAGS PHYAG RGYA'I STENG DU GSAL, ,DE LTA'I SKU MCHOG RE RE LA, ,TSUL DGU DAG DANG LDAN PA STE, ,MNYEN DANG LCUG DANG 'KHRIL BAG DANG, ,LDEM BAG CHAGS DANG GZHON TSUL CAN, ,GSAL DANG 'CHOS DANG LHUN STUG DANG, ,GZI BRJID 'BAR BAR RAB TU GNAS, ,DE LTAR RANG BZHIN DKYIL 'KHOR NAS, ,PHYI RABS SNGAGS 'CHANG RNAL 'BYOR PAS, ,SPYAN DRANGS MCHOD PA DBUL BA'I 'OS, ,ZHES GSUNGS PAS CHOS THAMS CAD RANG BZHIN GYI DKYIL 'KHOR DU LHUN GYIS GRUB BO, ,DE NAS SMRA BA'I SENG+GE LA SOGS PA'I 'DUS PA'I 'KHOR TSOGS RNAMS RANG RANG GI BSAM PA RANGS PAR GYUR TE,
, ,AA LA LA ZHES BYA BA'I SGRA PHYUNG NAS MGRIN GCIG TU CHED DU BRJOD PA 'DI BRJOD DO, ,AA HO DMIGS DANG MI DMIGS BRTAN G-YO CHOS KUN LHUN GRUB DPAG MI LANG, ,RANG RIG YON TAN DPAG MED BSAM YAS MANG PO DE KUN BRJOD MI LANG, ,GSANG SNGAGS RGYA MTSO THUGS RJE BSAM YAS BSAM KHYAB JI SNYED DPAG MI LANG, ,SPRUL PA RGYA MTSO GANG+G'A'I BYE SNYED 'GRO BA CHOS STON ZHING KHAMS KHYAB, ,CES CHED DU BRJOD PA CHED DU BRJOD DO, ,'PHAGS PA RGYUD KYI RGYAL PO YE SHES RNGAM PA GLOG GI 'KHOR LO'I MDO ZHES BYA BA LAS, RANG BZHIN GYI DKYIL 'KHOR BSTAN PA'I LE'U STE LNGA PA'O,, ,,DE NAS BCOM LDAN 'DAS GSANG BA MCHOG GI BDAG PO DES MI G-YO BA RNAM PAR 'PHRO BA ZHES BYA BA'I TING NGE 'DZIN LA SNYOMS PAR ZHUGS NAS TING NGE 'DZIN GYI DKYIL 'KHOR 'DI GSUNGS SO, ,'DUS PA'I 'KHOR TSOGS RNAMS, CHOS THAMS CAD TING NGE 'DZIN GYIS DBANG BSGYUR DU RUNG BA TZAM DU RTOGS SHIG ,DE CI'I PHYIR ZHE NA, CHOS THAMS CAD NI TING NGE 'DZIN JI LTAR 'DOD PA DE LTAR DBANG SGYUR BA'O, ,'DUS PA'I 'KHOR TSOGS 'DI LTA STE, GSANG SNGAGS YA MTSAN CHEN PO 'DI, ,TING 'DZIN DKYIL 'KHOR BSAM YAS KYANG, ,MDOR BSDUS RNAM PA GSUM YOD DE, ,BSGOM PA'I TING 'DZIN DKYIL 'KHOR DANG, ,BSKYED DANG LHAG
PA'I TING 'DZIN NO, ,THOG MA'I RNAL 'BYOR NYID BSGOMS TE, ,DKYIL 'KHOR YIN PAR RGYAL BAS GSUNGS, ,DE YANG JI LTAR BSGOM ZHE NA, ,TING NGE 'DZIN KYANG RNAM GSUM STE, ,DANG POR DE BZHIN NYID KYI DANG; ;DE BZHIN NYID LA GNAS BCA'I PHYIR, ,STONG PA CHEN PO'I TING 'DZIN BSGOM, ,GNYIS PA KUN SNANG NAM MKHA' DANG, ,SNYING RJE YUM GYIS KHYAB PA'I PHYIR, ,MTSAMS SBYOR CHEN PO'I TING 'DZIN BSGOM, ,GSUM PA RANG GI SA BON NAM, ,RAB TU BRTAN PA'I YIG 'BRU AA, ,DE LAS PHRA MO AA 'PHROS 'DUS, ,SPROS SHING BSDUS KYANG 'PHEL 'GRIB MED, ,DE LAS BDAG NYID CHEN POR BSGOM, ,MA LUS THAMS CAD RDZOGS PAR GSAL, ,RGYAS BTAB BYIN BRLABS DBANG BSKUR BAS, ,RTZA BA'I DKYIL 'KHOR RAB TU RDZOGS, ,DE BZHIN DBYINGS LAS SHAR BAS NA, , BDAG NYID CHEN PO G-YON DU STE, ,MKHA' DBYINGS RDO RJE PAD MOR LDAN, ,DE NI BSGOM PA'I DKYIL 'KHOR YIN, ,SKYED PA YANG NI 'DI LTA STE, ,LHA TSOGS BDAG GI SRAS SU BSKYED, ,DE NAS BSKYED PA'I DKYIL 'KHOR YIN, ,DE YANG JI LTAR BSKYED CE NA, ,THOG MAR YAB YUM MKHA' RNAM GNYIS, ,RDO RJE PADMAR BYIN GYIS BRLABS, ,GNYIS MED DGYES PAR 'KHRIL PA LAS, ,BHA GA'I DKYIL DU LING GA AA, ,'PHRO 'DU DBYINGS SU THIM PA LAS, ,DBANG CHEN SA BON 'BRU LNGAR GYUR, ,AE YAm BAm SU BRUm, AE NYID 'DUS PAS NAM MKHAR GSAL, ,
, ,YAm LAS RLUNG GI DKYIL 'KHOR BSKYED, ,BAm LAS BDUD RTZI'I RGYA MTSOR BSKYED, ,SU LAS GSER GYI BRIS MAR BSKYED, ,BRUm LAS RI RAB GZHAL MED KHANG, ,DBYIBS DANG KHA DOG TSAD DPAG MED, ,'KHOR LO'I GDAN DANG ROL MO'I TSOGS, ,RANG BZHIN KUN RDZOB CI 'DRA BA'O, ,DE RU LHA TSOGS BSKYED PA NI; ;BRTAN 'BYUNG NAM MKHA'I YI GE AA, ,'PHEL 'GRIB MED PAR GNAS PA STE, ,GNYIS MED DGYES PA'I 'PHRO 'DU LA, ,BZHI BCU RTZA GNYIS 'OD DU SHAR, ,KA KHA GA GHA NGA, ,TZA TSA DZA DZHA NYA, tA thA dA dHA nA, TA THA DA DHANA, PA PHA BA BHA MA, YA RA LA WA, SHA shA SA HAKshA, AI A'I, AU A'U, AE AEE, AO AOO, ,GSUNG GI DKYIL 'KHOR BZHI BCU GNYIS, ,SPRO BSDU GSAL BAR GYUR PA LAS, ,THUGS MTSAN BZHI BCU RTZA GNYIS 'BAR, ,DE LAS MNGON RDZOGS SKUR GSAL BA, ,thA LAS SOGS PA'I YIG 'BRU LNGA, ,PHUNG PO LNGA YI SA BON YIN, ,THA LAS SOGS PA 'BYUNG BA LNGA, ,BSKYED PA'I SA BON YIN PAR GRAGS, ,KA LA SOGS PA'I YIG 'BRU LNGA, ,RNAM SHES LNGA YI SA BON YIN, ,TZA LAS SOGS PA'I YIG 'BRU LNGA, ,MIG GI KHAMS LA SOGS PA LNGA, ,PA LA SOGS PA'I 'BYUNG BA LNGA, ,GZUGS SOGS SKYE
MCHED RNAM LNGA'I YIN, ,YA LAS SOGS PA'I YIG 'BRU BZHI, ,DUS BZHI'I SA BON RAB TU GRAGS, ,SHA LAS SOGS PA'I YIG 'BRU BZHI, ,PHYIN CI MA LOG DUS BZHIR BSHAD, ,AI LA SOGS PA'I YIG 'BRU DRUG ,RDUL SNYED THUB PA DRUG TU BSHAD, ,AOm NI YID KYI KHAMS YIN TE, ,KshA NI YID KYI RNAM SHES KHAMS, ,AOm NI CHOS KYI KHAMS SU BSHAD, ,SO SO'I THUGS MTSAN GSAL BA LAS, ,SA BON RNAMS KYIS MNGON RDZOGS BSKYED, ,AOm H'Um BADZRA DHRiK ,SV'A RAD NA DHRi KA ,AOm A'A RO LIK ,H'A PRADZNY'A DH'IKA, MUm DH'A TU SHVA RI, LAm DVE shA RA TI, MAm MO HA RA TI, PAm R'A GA RA TI, T'Am BADZRA RA TI, KshI HI R'A DZA YA, TR'Am A'A GAR BHA AA: ,HR'I: HA H'Um PADMA, DZIm KU RU PA NA HR'I: H'Um L'A SYEE, TR'Am M'A LYEE, HR'I: G'IR TI, AA NRi TYA, MEE DHA RA nI, THLHIm NI SVA RAm BHA YA, SVA RA TZA YA, MU SHRI A'Am R'A GA YA, DZA: DH'U PA, H'Um PUshPA, BAm D'I PA, HO: GANDHE, H'Um YA M'AN TA KRITA, H'Um PAD M'AN TA KRITA, H'Um BIGHN'ANTA KRITA, DZA: BADZRA KRO DHI, H'Um RATNA KRO DHI, BAm PADMA KRO DHI, HO: KARMA KRO DHI, H'Um BADZRA TZITTA, AAm BADZRA SA MA YA, MU NE KRI ,MU NE SRUm, MU NE TRAm, MU NI BRAm, MU NE KshA, MU NE YE, DE LTAR SO SO'I SNYING PO YIS, MNGON RDZOGS SKUR NI GSAL BA DANG, ,YE SHES LNGA YI DBANG BSKUR TE, ,SKU GSUNG THUGS SU BYIN GYIS BRLAB, ,AOm MAH'A SH'U N+YA T'A DZNY'A NA BADZRA SVA BH'A BA
, ,AATMA KONYAHAm, AOm MAH'A A'A DARSHA DZNY'A NA BADZRA SV'A BH'A BA AATMA KONYAHAm, AOm MAH'A SA MANTA DZNY'A NA BADZRA SVA BH'A BA AATMA KONYAHAm, AOm MAH'A PRA TYA BEKshA n'A DZNY'A NA BADZRA SVA BH'A BA AATMA KONYAHAm, AOm MAH'A KRi TY'A NUshthA NA DZNY'A NA BADZRA SVA BH'A BA AATMA KONYAHAm, AOm SARBA TA TH'A GA TA K'A YA BADZRA SVA BH'A BA AATMA KONYAHAm, AOm SARBA TA TH'A GA TA B'A KA BADZRA SVA BH'A BA AATMA KONYAHAm, AOm SARBA TA TH'A GA TA TZITTA BADZRA SVA BH'A BA AATMA KONYAHAm, AOm SARBA TA TH'A GA TA P'U DZA BADZRA SVA BH'A BA AATMA KONYAHAm, DE LTAR RDZOGS PA'I SANGS RGYAS RNAMS, ,SKU MCHOG THUGS MTSAN BZHUGS TSUL DANG, ,THOR TSUGS LA SOGS CHA LUGS KUN, ,RANG BZHIN KUN RDZOB DKYIL 'KHOR 'DI, ,RNAL 'BYOR RIG PA'I RTZAL YIN TE, ,NAM MKHA'I DBYINGS KYI DBUS SU BSAM, ,YANG NA GZUGS BRNYAN DKYIL 'KHOR LA'O, ,LHAG PA'I TING 'DZIN ZHES BYA BA, ,DE LTAR GSAL BA'I RNAM PA KUN, ,YAB YUM MKHA' LAS GSAL BAR BSGOM, ,RNAL 'BYOR RIG PA'I KHYAD PAR RO, ,ZHES GSUNGS PAS 'DUS PA'I 'KHOR TSOGS THAMS CAD KYIS CHOS THAMS CAD TING NGE 'DZIN GYIS DBANG BSGYUR BAR MTHONG NGO, ,'PHAGS PA RGYUD KYI RGYAL PO YE SHES RNGAM PA GLOG GI 'KHOR LO'I MDO ZHES BYA BA LAS,
TING NGE 'DZIN GYI DKYIL 'KHOR RNAM PAR PHYE BA'I LE'U STE DRUG PA'O,, ,,DE NAS BCOM LDAN 'DAS GSANG BA MCHOG GI BDAG POS GZUGS BRNYAN LTA BU RNAM PAR 'PHROG PA ZHES BYA BA'I TING NGE 'DZIN LA SNYAMS PAR ZHUGS NAS LAS DANG PO PA'I RNAL 'BYOR PA YID CHES PAR BYA BA'I PHYIR 'DAS PA'I 'KHOR TSOGS RNAMS LA BKA' STZAL PA, 'DUS PA'I 'KHOR TSOGS RNAMS, CHOS THAMS CAD NI GZUGS BRNYAN LTA BU'I RNAM PA YIN PAR SHES PAR BYA'O, ,DE CI'I PHYIR ZHE NA, CHOS THAMS CAD NI GZUGS BRNYAN LTA BU'I RNAM PAR SNANG ZHING DA LAS MA 'DAS PA'I PHYIR RO, ,DE BAS NA GZUGS BRNYAN GYI DKYIL 'KHOR CI 'DRA BAR BYA YIS NYON CIG ,DE LA 'DI NI RGYUD KYI RNAM GRANGS SO, ,MI SHES PA YI 'GRO BA LA, ,MTSON PAS GSAL BA'I DON STON PHYIR, ,GZUGS BRNYAN DKYIL 'KHOR BSHAD PAR BYA, ,DE YANG JI LTA BU ZHE NA, ,BRTAN ZHING MDZES PA'I KHANG BU LA, ,'JAM POR ZHAL ZHAL BYAS NAS NI, ,KHA DOG LNGA YI GZUGS BRIS PA, ,DE YANG DNGOS GRUB RTEN DU BSHAD, ,RAS SAM GRO GA'AM SHING SHUN NAM, TA LA'I LO MA'AM DUR KHROD RAS, ,ZHING CHEN RAS LA SOGS PA LA, ,PHYAG RGYA'I GZUGS SU BRIS NA YANG, ,MTSAN MA 'BYUNG BA'I RTEN DU BSHAD, ,RDO DANG SHEL RDO LA SOGS
, ,DANG, ,DUNG NGAM BA SO'I RGYU LAS NI, ,PHYAG RGYA'AM GZUGS SU 'BUR BTOD NAS, ,DE YANG DNGOS GRUB 'BYUNG BA'I RTEN, ,GSER DNGUL ZANGS 'KHAR LA SOGS LA, ,MKHAS PAS LEGS PAR LUGS BYAS TE, ,YAN LAG MA NYAMS GZUGS BYAS NA, ,DE YANG MTSAN MA'I RTEN DU BSHAD, ,BLAG SHA BYANG CHUB SHI, BU'AM, ,RGYU SHING MNYEN LA GZUGS BYAS NA, ,DE RNAMS MTSAN MA'I RTEN DU BSHAD, ,SBYIN ZHING MNYEN PA'I RGYU RNAMS LA, ,PHYAG RGYA'I GZUGS SU LEGS BYAS NA; ;DE YANG MTSAN MA'I RTEN YIN NO, ,SA STENG DBYIBS LEGS MDZES PA LA, ,RDUL TSON 'DUS BYAS RGYU RNAMS KYIS, ,BRNYAN MA'I DKYIL 'KHOR BYAS NA YANG, ,DE YANG DNGOS GRUB RTEN DU BSHAD, ,RE ZHIG LAS KYA DANG PO LAS, ,SA STENGS DKYIL 'KHOR BYAS PAR SHIS, ,ZHES GSUNGS SO, ,DE LA 'DI NI GNAS KYI MTSAN NYID DE, SA STEGS BYA BA'I GNAS MCHOG KYANG, ,SKYON YON BYE BRAG SHES PA LAS, ,SPANG BLANG GNYIS SU SHES PAR BYA, ,RI MO RI BRAN 'DUS PA'I SPYI, ,GANGS RI BRAG DKAR 'DABS RTZA NI, ,SENG CAN 'KHRA BA'I GNAS ZHES BYA, ,ZHI BA'I LAS LA DE SHIS SO, ,PHUG CHEN DGON PA CHEN PO DANG, ,BRAG CHEN RDO RJE GTAMS PA'I DKYIL, ,GCAN CAN 'KHRA
PA'I GNAS ZHES BYA, ,MNGON PAR SPYOD PA SGRUB PA'I GNAS, ,DUR KHROD GNAS DANG NGAM GROG DANG, ,SUM MDO GROG LA BSHUNG BA'I GNAS, ,DUR GCAN 'KHRA BA'I GNAS BYA'O, , DBANG DU BSDU BA BSGRUB PA'I GNAS, ,NAGS TSAL MANG PO GTIBS PA DANG, ,SHIN TU BTZAN DANG 'JIGS PA'I NGOS, ,STAG GZIG 'KHRA BA'I GNAS ZHES BYA, , 'DOD PA SGRUB PA'I GNAS YIN NO, ,MTSO GLE CHU MDO RGYA MTSO'I 'JINGS, ,CHU YI GLE MA BTZAN PA'I GNAS, ,CHU GCAN 'KHRA BA'I GNAS ZHES BYA, ,LAS RNAMS KUN LA DE SHIS SO, ,RI BO BDUN PA'I RTZE RNAMS DANG, ,TZANDAN NAGS TSAL ME TOG TSAL, ,YID 'ONG BKRA SHIS NYAMS DGA' YI, ,GNAS SU DKYIL 'KHOR BRI BAR SHIS, , GNAM DANG SA DANG BAR SNANG RNAMS, ,LEGS PAR BRTAGS TE DKYIL 'KHOR BYA, ,TSON CHA LNGA YI DBYIBS DAG TU, ,BRTAGS NA MNGON PA'I NAM MKHA' SHIS, ,BAR SNANG KHA DOG RNAM LNGA PO, ,SO SOR MA 'DRES GSAL BSHIS, ,SA GZHI SHIN TU MA NYAMS DANG, ,MA GLUM MNYAM PAR GNAS PA LA, ,TSVA SGO SA RLAN BA TSVA MED, ,DE LTAR BRTAGS PAR LAS BYA'O, ,SPANG BAR BYA BA'I GNAS NGAN NO, ,GSHIN RJE GDUG PA'I MDUNG RJES DANG, ,SRIN PO DUS PA'I MCHI RJES DANG, KHRO BA GNOD SBYIN LAM RJES DANG, MA MO RNGAM PA'I SBAR RJES DANG,
, ,'BYUNG PO RKU BA'I 'JOL SA DANG, ,GDUG PA KLU YI RGYUN SRANG DANG, ,SKYON CAN RGYU BA'I LAM SRANG DANG, ,ZHANG BLON GDUG PA'I 'DUG SA DANG, ,KHA NAS MA THO'I 'DUN SA DANG, ,NYEN DANG 'BREL BA'I GNAS RNAMS NI, ,SBRUL GDUG PANG DU 'ONGS PA LTAR, ,WA YI BRTUL ZHUGS CHEN PO YIS, ,LO YI BSHUGS TE RAB TU SPANG, , ZHES GSUNGS SO, ,DE LA 'DI NI SA BSLANG BA'I LAS TE, DE NAS BSLANG BA'I LAS RNAMS KYANG, ,MNGON DANG MI MNGON BDAG PO LA, ,RTZOD PA NYE BAR ZHI BYA'I PHYIR, ,SER SNA SPANGS PA'I SEMS KYIS NI, ,RIN DANG BDEN PAS BSGOM LA BSLANG, ,ZHES GSUNGS SO, ,DE LA 'DI NI SA GZUNG BA STE, ,DE NAS SLOB DPON BDAG NYID KYIS, ,RDO RJE DRIL BUR LDAN PA YIS, ,RTZE GSUM 'GROS KYIS KUN TU BSKOR, ,KHROS PAS H'Um GI NGA RGYAL BYA, ,DNGOS GRUB BAR DU GCONG PA'I BGEGS, ,DENGS SHIG CES SU BSGO NAS KYANG, , SENG LDENG PHUR BU SOR BRGYAD PA, ,KHRO BOR BYIN BRLABS GDAB PAR BYA, ,ZHAS GSUNGS SO, ,DE LA 'DI NI SA'I LHA MO SPYAN DRANG BA'O, ,DE NAS DPANG GYUR LHA MO DE, ,SPYAN DRANGS BSKYED DANG GNYIS MIN PAR, ,MCHOD BSTOD TSUL BZHIN BYAS NAS NI, ,BDAG CAG RNAL 'BYOR SGRUB PA PO, ,BDUD BTUL MNGON PAR RDZOGS PA'I TSE, ,RU TRA TSOGS
KYIS RGOL BA LA, ,DGYES PA'I LAS KYI DON BGRANGS TE, ,BDAG CAG SA LA BGROD PA'I TSE, ,RU TRA'I RGOL BA BYUNG BA NA, ,SPYAN LDAN DE LA DPANG BCOL LO, ,ZHES GSUNGS SO, , DE LA 'DI NI RTAGS BRTAG PA'O, ,MTSAN MAS MTSAN MA GZHOM PA'I PHYIR, ,RO LNGA MTSAN NYID BRTAG PAR BYA, ,DGE BA'I RTAGS NA DNGOS GRUB 'BYUNG, ,GAL TE SHES PAR MA GYUR NA, ,THABS LA MKHAS PAS SPANG BAR BYA, ,YANG NA SBYIN SREG BYA BAR BRTAG ,CES GSUNGS SO, ,DE LA 'DI NI RIN CHEN GTER SBA BA'O, ,GNAS DE BSOD NAMS GTER LDAN PHYIR, ,RIN CHEN LNGA DANG SMAN LNGA DANG, ,SPOS LNGA 'BRU LNGA SNYING PO LNGA, ,GA'U'I NANG DU BLUGS NAS SU, ,SA GZHI GTER DANG LDAN PAR BYA, ,ZHES GSUNGS SO, , DE LA 'DI NI SA SBYANG BA'O, ,SA ZHAG SPOS CHEN RNAM LNGA YI, ,KHU BA BSRES NAS KUN TU NI, ,GRU BZHI DBYIBS SU LEGS BYAS TE, ,BA KO TZAM DU SKYANG NUL BYA, ,DE NAS DKYIL 'KHOR LHA TSOGS KYI, ,SNGAGS DANG PHYAG RGYAS SBYANG BAR BYA, ,DES KYANG DNGOS PO KUN SBYANGS TE, ,RGYAL BA'I BZHUGS GNAS RANG BZHIN DU, ,TING NGE 'DZIN GYIS SBYANG BAR BYA, , ZHES GSUNGS SO, ,DE LA 'DI NI LHA STA GON LA GNAS PA'I CHO GA'O, ,DE NAS LHA RNAMS JI SNYED PA, ,RANG BZHIN KUN RDZOB SPYAN DRANGS TE, ,SPOS KYI DKYIL 'KHOR LHA GRANGS
, ,BZHIN, ,GDAN SAR BYAS TE YON MCHOD LA, ,LAN GCIG GSHEGS ZHES STA GON BYA, ,DE NAS 'DUS PA'I SEMS CAN KUN, ,GSANG DANG SNYING GAR BRAM PA DANG, ,KU SHA BRIM DANG SRUNG SKUD GDAGS, ,SO SHING BRIM DANG RMI LTAS BRTAG ,MCHOD PA'I YO BYAD JI SNYED DANG, ,RGYAN DU 'OS PA'I RNAM PA KUN,, TSANG BAR BSOGS TE BYIN GYIS BRLAB, ,'DUS PA'I SEMS CAN DE DAG KUN, ,CHOS GTAM RIM PAS DBUGS PHYUNG STE, ,GSANG SNGAGS CHE BA'I YON TAN BSHAD, , CES GSUNGS SO, ,DE LA 'DI NI DKYIL 'KHOR BRI BA'I DUS SO, ,RIG BYED DAG GI YAN LAG LAS, ,DUS RNAMS SHES PAR BYA BA NI, ,BKRA SHIS LHA YI NYI MA DANG, , 'BYOR LDAN DUS TSOD BZANG BA NI, ,MTSAN MA'I RTOG PA YIN MOD KYANG, ,BRTAGS NA DNGOS GRUB MTSAN MA 'BYUNG, ,ZHES GSUNGS SO, ,DE LA 'DI NI THIG GDAB PA'I CHO GA'O; ;TSON DANG THIG SKUD RNAM LNGA LA, ,SANGS RGYAS LNGA YIS BYIN BRLABS TE, ,SPRUL PA 'PHRO 'DU RGYUN MI GCAD, ,SPOS SAM LCE POG DKAR PO YI, ,DUD PAS RGYUN MI BCAD PAR BDUG ,KHROS PAS DRAG PO'I SNGAGS ZLOS SHING, ,KHRO BO KHRO MO'I STANGS KYIS BSKOR, ,BDE BAR GSHEGS PA'I THUGS DAM BSKUL, ,THIG SKUD
SAR PA GTZANG MA'AM, ,GSANG BA'I LCANG LO 'KHRIL MDANGS SAM, ,RDO RJE RGYUN THAG LA SOGS LA, ,YUM GYI GRANGS DANG MTHUN PAR BSGRIM, ,RDO RJE RTZE LNGA'I LU GU RGYUD, ,BYANG CHUB SEMS SU BYIN GYIS BRLAB, ,THIG G-YOG LAS KYI SEMS MA STE, ,MTSAN LDAN BYIN GYIS BRLABS NAS NI, ,PHYAG RGYA GAR DANG BCAS PA YIS, ,RANG BZHIN DKYIL 'KHOR GNAM THIG GDAB, ,DE NAS SA THIG GDAB PA YANG, ,'DUL BA'I DBANG GI BYE BRAG LAS, ,MAndAL TSAD MA NGES PA MED, ,SOR BZHI PA NAS BRTZAM NAS SU, ,JI SRID DPAG TSAD THUB PAR RO, ,AOm DZNY'A NA TZAKRA SU TRA MA TI KRA MA H'Um ZHES GSUNGS SO, ,DE LA 'DI NI TSON DGYE BA'I CHO GA'O, ,RANG BZHIN KUN RDZOB CI 'DRA DANG, ,TING 'DZIN DKYIL 'KHOR DE 'DRA BAR, ,BRNYAN MA YANG NI DE 'DRA BRI, ,TSON SNA 'BRAS DANG 'BYUNG KHUNGS SAM, ,RDO KHAMS RIN CHEN DAG LA BYA, ,SNA GSUM SNA LNGA DAG DANG NI, ,RIN CHEN PHUNG PO'I TSON GYIS NI, ,DBUS KYI PHO BRANG BSKOR BA YIN, ,SGO LA RNAM LNGAS BSKOR BAR BYA, ,PHYAG RGYA GZHAN LA BRKYANG BAS SO, ,DKAR DMAR SER LJANG NAG PO RNAMS, ,GO RIM DE YIS BKOD PAR BYA, ,GTZO BO GZUGS SU RDZOGS PAR BRI, ,'KHOR RNAMS PHYAG RGYA DAG TU BYA, ,PHAL PA DAG LA YIG 'BRUS SO, ,ZHES GSUNGS SO, ,DE LA 'DI NI DKYIL
, ,'KHOR GYI RGYAN DGOD PA'I CHO GA'O, ,DE NAS BSGRUB PA'I DKYIL 'KHOR LA, ,BLA RE RGYAL MTSAN 'PHAN DANG GDUGS, ,PI WANG GLING BU BRDAB PA DANG, ,RDZA RNGA MU KUN RNGA CHEN DANG, ,DA RNGAR DANG MU TZAR DANG, ,DBYANGS DANG GAR DANG BZHAD PA CHE, ,ROL MO'I YO BYANG JI SNYED PAS, ,DGA' BYED DKYIL 'KHOR DAG LA BRGYAN, ,BUM PA RNAM PA SNA TSOGS KYI, ,GSER DANG DNGUL LAS BYAS PA'O, ,RIGS DANG MTHUN PA'I GOS KYIS DKRIS, ,ME TOG 'BRAS BUS BRGYAN PA LA, , BDUD RTZI LNGA YI GANG BYAS PA, ,SMAN DANG RIN CHEN 'BRU RNAM LNGAS, ,GANG BA BRGYAD NGAM BCU DRUG GZHAG ,DKYIL 'KHOR BDAG POS MNGON BSNGAGS PA'I, ,RNAM RGYAL BUM PA DE BZHIN DU, ,DBUS NYID DU NI GZHAG PAR BYA, ,YANG NA BUM PA'I SKYIN PAR RO, ,ZLA BA NYI MA DRI CHU DANG, ,BTUNG BA RAB TU SNUM PO DANG, ,DBANG PO KUN NAS 'BYUNG BA RNAMS, ,SHA SRANG GCIG GIS RAB BSRES PAS, ,GANG BA'I BANDA DE BZHIN GZHAG ,RMAD DU BYUNG BA'I GTOR MA DGRAM, ,DE LA SOGS PA MTHA' YAS MCHOG ,CI RIGS RNAMS KYIS MDZES PAR BYA, ,ZHES GSUNGS SO, ,DE LA 'DI DAG NI 'PHEN SDUD KYI LAS SPYIR BSTAN PA'O, ,DE NAS SNGAGS PA MNYAM BZHAG
STE; ;TING 'DZIN DKYIL 'KHOR GSAL BAR BSGOM, ,GSAL BA GNYIS MED DKYIL 'KHOR DU, ,RANG BZHIN KUN RDZOB SPYAN DRANGS DANG, ,DBAB DANG BZHUGS DANG BRTAN PA DANG, ,MI G-YO DAM TSIG ZIL GNON DANG, ,PHYAG 'TSAL MCHOD PA BRJOD PA DANG, ,GSANG BA MCHOG GI DKYIL 'KHOR DU, ,'JUG DANG DNGOS GRUB GSOL BA DANG, DBANG BSKUR BA YI LAS RNAMS BYA, ,DES NI TSE 'DI NYID LA YANG, ,SANGS RGYAS NYID KYANG THOB 'GYUR NA, ,DNGOS GRUB GZHAN LTA SMOS CI DGOS, ,ZHES GSUNGS SO, , 'PHAGS PA RGYUD KYI RGYAL PO YE SHES RNGAM PA GLOG GI 'KHOR LO'I MDO ZHES BYA BA LAS, GZUGS BRNYAN GYI DKYIL 'KHOR RIM PAR PHYE BA'I LE'U STE BDUN PA'O,, ,, DE NAS BCOM LDAN 'DAS GSANG BA MCHOG GI BDAG PO DE CHOS THAMS CAD LHUN GYIS GRUB PA'I PHYAG RGYA LAS MI 'DA' BA ZHES BYA BA'I TING NGE 'DZIN LA SNYOMS PAR ZHUGS NAS PHYAG RGYA DAM TSIG GI MTSAN NYID RNAMS NYID KYI SKU DANG, GSUNG DANG, THUGS RDO RJE LAS PHYUNG NGO, ,GSANG SNGAGS RGYA MTSO CHEN PO 'DI, ,PHYAG RGYA BSAM YAS JI SNYED PA, ,MDOR BSDUS RNAM PA BZHI RU 'DUS, ,DANG POR PHYAG RGYA CHEN PO STE, ,GNYIS PA DAM TSIG RGYA YIN NO, ,GSUM PA CHOS KYI PHYAG RGYA STE, ,BZHI PA
, ,LAS KYI PHYAG RGYA STE, ,PHYAG RGYA CHEN PO SKU YI RGYA, ,RANG BZHIN CHOS SKU DNGOS MED RGYA, ,GZUGS SKU MTSAN MA'I RGYA ZHES BSHAD, ,GZUGS SKU RANG BZHIN KUN RDZOB DANG, ,BSGOM DANG BSKYED PA YIN PAR BSHAD, ,GNYIS PA'I RGYA LA GSUM YOD DE, ,BSGOM DANG GZUNG DANG BCING BA'O, ,BSGOM PA DAM TSIG GSUNG YIN TE, , GSAL LDAN MA'AM BYIN BRLAB PA'O, ,GZUNG BA THUGS MTSAN NYID BZUNG BA'O, ,DAM TSIG LAG RGYA BCING BAR BSHAD, ,YANG NA SO SO'I GTZO GZUNG RNAMS, ,SBYOR THABS PHYAG RGYA NYID YIN NO, ,GSUM PA'I RGYA LA GSUM YOD DE, ,RANG BZHIN BSGOM DANG BZLAS BRJOD DO, ,RANG BZHIN CHOS KYI PHYAG RGYA NI, ,CHOS KYI DBYINGS SU RGYAL BAS GSUNGS, ,BSGOM PA MTSAN MA'I YIG 'BRU NGAG ,LCE STENG SNYING GA MKHA' SOGS SU, ,MTSAN MA'I RNAM PA GSAL BA'O, ,RTZA BA BSKYED DANG BZLAS PA YIS, ,SNYING PO TSIG BRJOD BZLAS PA'I RGYA, ,BZHI PA LAS KYI PHYAG RGYA LA, ,RNAM PA GSUM DU DPA' BOS GSUNGS, ,BSGOM DANG 'PHRO 'DU BCING BA'O, ,LAS KYI LHA YI RNAL 'BYOR GANG, ,BSGOM PA SGOM PA LAS KYI RGYA, ,LTE 'OG MKHA' 'AM THUGS KA NAS, ,RNAM BZHI LAS KYI 'PHRO 'DU NI, ,'PHRO 'DU LAS KYI PHYAG RGYA'O, ,PHYAG RGYA
BCA' DANG STANGS TSUL RNAMS, ,BCING BA LAS KYI PHYAG RGYA BSHAD, ,LAG RGYA DAM TSIG PHYAG RGYA RNAMS, ,RANG GI SKU RU RNAM BSGOMS NAS, ,BCINGS SHING MKHA' LA RNAM DKROL NA; ;SDIG PA KUN LAS RNAM GROL ZHING, ,SANGS RGYAS NYID KYANG 'THOB 'GYUR NA, ,DNGOS GRUB GZHAN LTA SMOS CI DGOS, ,BDAG NYID PHYAG RGYA CHER BSGOM PA, ,DBU NI RNAM PAR SNANG MDZAD DE, ,LAG G-YAS RDO RJE SEMS DPA'I RGYA, ,LAG G-YON RIN CHEN 'BYUNG LDAN RGYA, ,RKANG PA G-YON PA SNANG MTHA' YAS, ,RKANG G-YAS LAS KYI SEMS DPA'I RGYA; ;YAN LAG RIGS KYI DKYIL 'KHOR BAS, ,BSGUL BSKYOD THAMS CAD PHYAG RGYA YIN, ,SOR MO RNAMS LA BSGOM BYA BA, ,GUNG MO GNYIS LA AOm DANG LAm, ,MDZUB MO GNYIS LA H'Um DANG MUm, ,DBANG MO GNYIS LA SVA DANG MAm, ,CHUNG DU GNYIS LA AOm DANG BA, ,SBOM PO GNYIS LA HAm DANG TRAm, G-YAS PA'I 'BRU GDAN NYI MA STE, ,G-YON PA ZLA BA'I DKYIL 'KHOR RO, ,AOm DANG MUm DU RTZE SBYAR TE, ,DE BZHIN H'Um DANG LAM DU SBYAR, ,HAm DANG PAm YANG DE BZHIN TE, ,AAm DANG TAm DU SBYAR BA LA, ,RGYAB SBYAR SVA DANG MAm BSGRENG BA, ,'DI NI YAB KYI SPYI RGYA YIN, ,LAG PA THAL MO SBYAR BA LAS, ,AOm DANG MUm SBYAR H'Um DANG NI, ,LAm SBYAR SVA DANG PAm DU SBYAR, ,AOm DANG MAm SBYAR HAm HAm BSGRENG, ,YUM GYI SPYI RGYA YIN PAR BSHAD,,
, ,RDO RJE KHU TSUR SNYING KHAR BCANGS, ,AOm BSGRENG RTZE MOR 'KHOR LO 'BAR, ,RIN CHEN DRIL GSIL CHOS LA BRTEN, ,'DZUM PA'I MDANGS DANG BCAS PA NI, ,RNAM PAR SNANG MDZAD PHYAG RGYA YIN, ,RIN CHEN KHU TSUR SNYING GAR BCAS, ,LAm BSGRENG RTZEL DRIL GSIL 'BAR, ,RDO RJE THAL MO LAS LA 'KHRIL, ,'DZUM PA'I MDANGS DANG BCAS PA NI, ,BDE GSHEGS DBYINGS PHYUG MA YI RGYA, ,RDO RJE KHU TSUR SNYING GAR BRTAN, ,H'Um BSGRENG RTZE LA RDO RJE 'BAR, ,RIN CHEN DRIL GSIL CHOS LA BRTAN, ,'DZUM PA'I MDANGS DANG BCAS PA NI, ,RDO RJE SEMS MA'I PHYAG RGYA YIN, ,RIN CHEN KHU TSUR SNYING GAR BRTEN, ,MUm BSGRENG RTZEL DRIL GSIL 'BAR, ,RDO RJE THAL MO LAS LA 'KHRIL, ,'DZUM PA'I MDANGS DANG BCAS PA NI, ,RDO RJE DBYINGS PHYUG PHYAG RGYA YIN, ,RDO RJE KHU TSUR SNYING GAR BRTAN, ,SVA BSGRENG RTZE LA RIN CHEN 'BAR, ,'DZUM PA'I MDANGS DANG BCAS PA NI, ,RIN CHEN 'BYUNG BA'I PHYAG RGYA YIN, ,RIN CHEN KHU TSUR SNYING GAR BRTAN, ,MAm BSGRENG RTZE LA DRIL GSIL 'BAR, ,RDO RJE THAL MO LAS LA 'KHRIL, ,'DZUM PA'I MDANGS DANG BCAS PA NI, ,RIN CHEN DBYINGS PHYUG PHYAG RGYA YIN, ,RDO RJE KHU TSUR SNYING GAR BRTAN, ,AA BSGRENG RTZE
LA PADMO 'BAR, ,RIN CHEN DRIL GSIL CHOS LA BRTAN, ,'DZUM PA'I MDANGS DANG BCAS PA NI, ,SNANG BA MTHA' YAS PHYAG RGYA YIN, ,RIN CHEN KHU TSUR SNYING GAR BRTAN,, PAm BSGRENG RTZE LA DRIL GSIL 'BAR, ,RDO RJE THAL MO LAS LA 'KHRIL, ,'DZUM PA'I MDANGS DANG BCAS PA NI, ,PADMA DBYINGS PHYUG PHYAG RGYA YIN, ,RDO RJE KHU TSUR SNYING GAR BRTAN, ,HAm BSGRENG RTZE LA RAL GRI 'BAR, ,RIN CHEN DRIL GSIL CHOS LA BRTAN, ,'DZUM PA'I MDANGS DANG BCAS PA NI, ,DON YOD GRUB PA'I PHYAG RGYA YIN, ,RIN CHEN KHU TSUR SNYING GAR BRTAN, ,TAm BSGRENG RTZE LA DRIL GSIL 'BAR, ,RDO RJE THAL MO LAS LA 'KHRIL, ,'DZUM PA'I MDANGS NGANG BCAS PA NI, ,LAS KYI DBYINGS PHYUG PHYAG RGYA YIN,, RDO RJE KHU TSUR THUGS KA NA, ,RIN CHEN DRIL GSIL CHOS LA BRTEN, ,'DZUM PA'I MDANGS KYIS LTA BA NI, ,LAG NA RDO RJE'I PHYAG RGYA YIN, ,RIN CHEN GAR THABS BSGOR NAS SU,, RDO RJE THAL MO LAS LA 'KHRIL, ,'DZUM PA'I MDANGS KYIS 'DUD PA'I TSUL, ,GAR GYI PHYAG RGYA DPA' BOS BSHAD, ,RIN CHEN DRIL GSIL CHOS LA BRTAN, , 'DZUM PA'I MDANGS KYIS LTA BA NI, ,SA YI SNYING PO'I PHYAG RGYA YIN, ,RDO RJE KHU TSUR BCANGS PA NA, ,DKU YI THANG KAR 'DZIN PA DANG, ,'DZUM PA'I MDANGS KYIS 'DUD PA
, ,NI; ;SGEG MO'I PHYAG RGYA YIN PAR BSHAD, ,RDO RJE RAL GRI THUGS KA NA, ,RIN CHEN DRIL GSIL CHOS LA BRTAN, ,'DZUM PA'I MDANGS KYIS LTA BA NI, ,NAM MKHA'I SNYING PO'I PHYAG RGYA YIN, ,RDO RJE RIN CHEN RNA LTAG GZHAG ,RIN CHEN PHRENG BA BZUNG NAS SU, ,'DZUM PA'I MDANGS KYIS 'DUD PA NI, ,PHRENG BA'I PHYAG RGYA YIN PAR GRAGS, ,RDO RJE PADMA THUGS KA NA, ,RIN CHEN DRIL GSIL CHOS LA BRTAN, ,'DZUM PA'I MDANGS KYIS LTA BA NI, ,SPYAN RAS GZIGS KYI PHYAG RGYA YIN, RIN CHEN PI WANG 'DZIN PA LA, ,RDO RJE LEN PAR BYAS NAS NI, ,'DZUM PA'I MDANGS KYIS 'DUD PA NI, ,DBYANGS KYI PHYAG RGYA YIN PAR GRAGS, ,RDO RJE KLU SHING THUGS KA NA; ;RIN CHEN DRIL GSIL CHOS LA BRTAN, ,'DZUM PA'I MDANGS KYIS LTA BA NI, ,BYAMS PA MEE TRI'I PHYAG RGYA YIN, ,RIN CHEN BDUG SPOS THUGS KAR 'DZIN, , RDO RJE LAS LA RAB TU 'KHRIL, ,'DZUM PA'I MDANGS KYIS 'DUD PA NI, ,BDUG PA'I PHYAG RGYA YIN PAR BSHAD, ,RDO RJE PO TI THUGS KAR 'DZIN, ,RIN CHEN DRIL GSIL CHOS LA BRTAN, ,'DZUM PA'I MDANGS KYIS LTA BA NI, ,SGRIB PA KUN SEL PHYAG RGYA YIN, ,RDO RJE RIN CHEN RNA LTAG TU, ,ME TOG SNOD BCAS 'DZIN PA LA, ,
'DZUM PA'I MDANGS KYIS 'DUD PA NI, ,ME TOG PHYAG RGYA YIN PAR BSHAD, ,RDO RJE AUTPAL THUGS KA NA, ,RIN CHEN DRIL GSIL CHOS LA BRTAN, ,'DZUM PA'I MDANGS KYIS LTA BA NI, ,'JAM DPAL GYI NI PHYAG RGYA YIN, ,RIN CHEN MAR ME THUGS KA NAS, ,RDO RJE THAL MO LAS LA 'KHRIL, ,'DZUM PA'I MDANGS KYIS 'DUD PA NI, ,MAR ME'I PHYAG RGYAR DPA' BOS BSHAD, ,RDO RJE SNYE MA THUGS KA NA, ,RIN CHEN DRIL GSIL CHOS LA BRTAN, ,'DZUM PA'I MDANGS KYIS LTA BA NI, ,KUN TU BZANG PO'I PHYAG RGYA YIN, ,RIN CHEN DBYUG PA THUGS KA NA, ,RDO RJE THAL MO LAS LA 'KHRIL, ,RDO RJE NYUG PAR BYED PA NI, ,DRI YI PHYAG RGYA YIN PAR BSHAD, ,NIR MGO GDENGS KA GSHED PO'I RGYA, ,RDO RJE GNON PA STOBS PO CHE, ,THONG SBRUL GNON PA RTA YI RGYA, ,RGYA GRAM GNON PA BDUD RTZI 'KHYIL, ,MDZUB GNYIS 'KHYUD PA LCAGS KYU'I RGYA, ,MDZUB GNYIS RTZE SPRANG ZHAGS PA'I RGYA, ,MDZUB GNYIS 'KHYUD PA LU GU RGYUD, ,BSKYOD PAR GYUR PA 'BEBS MA'O, ,PI WANG LEN PA LHA YI RGYA, ,MI YI GSEG PAR 'DZIN PA STE, ,LHA MIN PHYAG RGYA GO CHA YIN, ,CHOS KYI DKYIL 'KHOR BYOL SONG RGYA, ,ZA MA TOG NI YI DVAGS RGYA, ,ME CHU GNYIS NI DMYAL BA'I RGYA, ,YAB KYI SPYI RGYA KUN BZANG GI'O, ,YUM GYI SPYI RGYA BZANG MOR BSHAD, ,YANG NA KUN BZANG YAB YUM
, ,GYI; ;RDO RJE THAL MO GNYIS SU BSHAD, ,BDE GSHEGS RNAMS LA RDZOGS DKYIL LO, ,SEMS DPA' RNAMS LA SEMS DPA'I DKYIL, ,'JOMS DANG THUB PA LANGS TE BCING, ,ZHES GSUNGS SO, ,'PHAGS PA RGYUD KYI RGYAL PO YE SHES RNGAM PA KLOG GI 'KHOR LO'I MDO ZHES BYA BA LAS, PHYAG RGYA'I MTSAN NYID BSHAD PA'I LE'U STE BRGYAD PA'O,, ,,DE NAS SMRA BA'I SENG+GE BYED PA PO RDO RJE KUN TU BZANG POS 'DI SKAD CES GSOL TO, ,BCOM LDAN 'DAS, GSANG BA MCHOG GI BDAG PO HE RU KA RNAMS KYI DKYIL 'KHOR JI LTA BU LAGS PA BDAG CAG RNAMS LA BSHAD DU GSOL, GSANG BA MCHOG GI BDAG POS BSHAD DU GSOL ZHES GSOL BA BTAB PA LAS, BCOM LDAN 'DAS, GSANG BA MCHOG GI BDAG PO DES DE BZHIN GSHEGS PA THAMS CAD KYI KHRO BO RNAM PAR 'PHRO BA'I RGYAL PO YE SHES RNGAM PA GLOG CES BYA BA'I TING NGE 'DZIN LA SNYOMS PAR ZHUGS TE NYID KYI SKU KHRO BO CHEN POR 'DU MDZAD DE, DE CI'I PHYIR ZHE NA, 'JIG RTEN NA DREGS PA CHEN PO LA SOGS PA GDUG PA'I DBANG DU 'GRO BA RNAMS GYUR TE, KHAMS GSUM 'DI NA DE BZHIN GSHEGS PA GSUNG RAB ZER BAR STON PA DANG, 'JUG PA DANG,
BSTAN PA LA GNAS SHING DKON MCHOG GSUM LA 'JUG PA NI 'GA' YANG MED, KHROS PAS GTUM PO RAB TU GDUG PA'I SEMS DANG, 'DOD CHAGS ZHE SDANG GTI MUG GIS BSGRIMS PA GTUM ZHING 'KHRUG PA DANG, GZHAN GYI SROG DANG, SEMS 'PHROG PA DANG, MI DGE BA BCU'I LAS KYIS NYON MONGS PA DANG, NYE BA'I NYON MONGS PAS GZHAN LA GTZES PA DANG, GCIG SHA GCIG GI ZA BA DANG, LOG PA'I LAM LA GNAS PA'I 'JIG RTEN GSUM PO 'DI BRLAG GO ZHES SNGON GYI SMON LAM LA GNAS PA'I DE BZHIN GSHEGS PA RNAMS DANG, GSANG BA MCHOG GI BDAG PO CHEN POS RNAM PAR GZIGS NAS NYID KYI SKU DANG, GSUNG DANG, THUGS RDO RJE LAS KHRO BO'I DKYIL 'KHOR GLOG RNAM PAR 'PHRO BA 'DI PHYUNG NGO, ,AOm BADZRA MAH'A TZAndA SARBA DUshtAN TA KA HA NA DA HA PA TZA, BI SHVA KRO DHA DZVA LA MAndA LA PHAt PHAt PHAt HA LA HA LA, 'DI PHYUNG MA THAG TU KHRO BO CHEN PO'I MTHUS KHAMS GSUM 'DI DAG THAMS CAD G-YOS, RAB TU G-YOS, KUN TU RAB TU G-YOS, 'UR 'UR, RAB TU 'UR 'UR, KUN TU RAB TU 'UR 'UR, SHIG SHIG ,RAB TU SHIG SHIG, KUN TU RAB TU SHIG SHIG ,GTOR GTOR, RAB TU GTOR GTOR, KUN TU RAB TU GTOR GTOR RO, ,LHA DANG, KLU DANG, GNOD SBYIN DANG, DRI ZA DANG, NAM MKHA' LDING DANG,
, ,SRIN PO LA SOGS PA RNAMS 'KHRUGS PA CHEN POR GYUR TO, ,DE NAS 'JIGS PAS NYEN PA DE DAG BRGYA BYIN LA SKYABS SU SONG, BRGYA BYIN YANG 'JIGS PAS NYEN TE TSANGS PA'I THAD DU PHYIN, TSANGS PA YANG KHYAB 'JUG THAD DU SONG, KHYAB 'JUG KYANG DBANG PHYUG CHEN PO'I THAD DU SONG, DBANG PHYUG CHEN PO RANG GI MTHU YOD YOD PA STON CING LHA RNAMS MA SKRAG ,KLU RNAMS DANG, GNOD SBYIN RNAMS DANG, LHA MA YIN DANG, 'KHOR DU GTOGS PA RNAMS MA SKRAG CIG ,NGA'I MTHU 'DI LA GZHAN GANG GIS KYANG BRDZI BAR MI NUS SO ZHES SPRO BA SRINGS SO, ,KVA BRGYA BYIN DANG, TSANGS PA DANG, KHYAB 'JUG RNAMS KHYED KYANG 'JIG RTEN NA MTHU CHE BA'I CHEN PO YIN PAS RANG RANG GI MTHU DANG, RDZU 'PHRUL CI YOD PAS RANG RANG GI 'KHOR GDUG PA DE DAG DBUGS DBYUGS DBYUNG BAR MDZOD CIG CES BSGO'O, ,DE NAS BRGYA BYIN DANG, TSANGS PA DANG, KHYAB 'JUG RNAMS DE MA THAG TU RANG RANG GI MTHU CI YOD PA STON CING RDO RJE'I SKAD DANG, GAD MO DRAG PO 'BYIN CING RANG RANG GI 'KHOR RNAMS LA MA SKRAG MA DNGANGS SHIG ,BDAG CAG GI MTHU 'DI LTA BU GZHAN GANG GIS KYANG ZIL GYIS GNON PAR MI NUS SO ZHES SPRO
SRING NGO, ,DE NAS BCOM LDAN 'DAS YE SHES RNGAM PA'I RGYAL PO DES DE BZHIN NYID KYI DBYINGS NAS YUM RNGAM PA'I KRO DHI'I RGYAL PO MNGON PAR PHYUNG STE, HI HI DGYES PA'I GZI MDANGS KYI ROL PA'I DGYES PAS THIM PAR MDZAD NAS BYANG CHUB SEMS KYI SPRIN LAS, PHAt PHAt BADZRA KRO DHA DZVA LA MAndA LA HA LA HA LA ZHES PAS STONG GSUM KHRO BO CHOL BAS GANG BAR GYUR TO, ,DE NAS BCOM LDAN 'DAS DGYES PA CHEN PO NYID NI DBU DGU PHYAG BCO BRGYAD ZHABS RNAM PA BRGYAD KYI RNAM PAR SNANG NGO, ,DE NAS DGYES TE H'Um H'Um H'Um ZHES BRJOD PAS DBU DGU PHYAG BCO BRGYAD LAS 'DUL BA'I DBANG GIS DBU GSUM PHYAG DRUG ZHABS BZHIR GYUR TE KHRAG GI RGYA MTSO 'KHRUGS PA'I DKYIL NA KENG RUS KYI STENG NA RNAM PAR GNAS SO, ,KHRO BO CHOL BA DE DAG GIS KYANG PHYOGS BCU'I DREGS PA JI SNYED PA KUN BSGRAL TE SLAR 'DUS NAS, LA LA NI LAS KYI KHRAG 'THUNG CHEN POR GYUR NAS BRGYA BYIN 'KHOR DANG BCAS PA BSGRAL, LA LA NI RIN CHEN KHRAG 'THUNG DU GYUR TE TSANGS PA 'KHOR DANG BCAS PA BSGRAL, LA LA NI PADMA KHRAG 'THUNG CHEN POR GYUR TE MAH'A DE BA 'KHOR DANG BCAS PA BSGRAL, LA LA NI LAS KYI KHRAG 'THUNG CHEN POR GYUR TE KHYAB 'JUG 'KHOR DANG BCAS PA BSGRAL,
, ,KHRO BO DE DAG GIS DREGS PA CAN DE DAG GI NANG GROL KUN DRANGS, KHRAG 'THUNGS, ,RUS PA KUN 'CHOS SO, ,DE NAS DGYES TE, AOm RU LU RU LU DZA DZA ZHES BRJOD PAS DBANG PHYUG CHEN PO BCU GNYIS DANG, BRGYAD KYI 'KHOR TSOGS MA LUS PA YUD TZAM CIG GIS DBANG DU 'DUS PAR GYUR PA NI, DPER NA, RDO KHAB LEN LA LCAGS 'DU BA'I TSUL LO, ,BCOM LDAN 'DAS DPAL CHEN PO'I SKU LA RNAM PA BRGYAD KYIS 'KHRIL BA'I TSUL DU GNAS SO, ,KHRAG 'THUNG BZHI LA RNAM PA LNGA LNGAS 'KHRIL BA'I TSUL GYIS RNAM PAR GNAS PA DANG DGYES TE HA HA ZHES BRJOD PAS BYANG CHUB SEMS LAS DKAR MO'I TSOGS DANG, RKUN MO'I TSOGS DANG, SBOS MO'I TSOGS DANG, GTUM MO'I TSOGS DANG, RMONGS MO'I TSOGS DANG, THAL BYED MA'I TSOGS DANG, SME SHA CAN GYI TSOGS DANG, MA MO'I TSOGS RNAMS 'THON TO, ,DE NAS YANG DGYES TE HE HE ZHES BRJOD PAS BYANG CHUB SEMS LAS SENG GDONG GI TSOGS DANG, STAG GDONG GI TSOGS DANG, WA GDONG GI TSOGS DANG, KHYI GDONG GI TSOGS DANG, GZHAD GDONG GI TSOGS DANG, DUR BYA'I GDONG GI TSOGS DANG, BYA ROG GDONG GI TSOGS DANG, 'UG PA'I GDONG GI TSOGS RNAMS
'THON TO, ,DE NAS YANG DGYES TE PHAt CES BRJOD PAS BYANG CHUB SEMS LAS STAG GDONG GI TSOGS DANG, PHAG GDONG GI TSOGS DANG, SONG GDONG GI TSOGS DANG, SBRUL GANG GI TSOGS THON NAS NYI SHU BRGYAD 'KHOR DANG BCAS PA RNAMS RANG RANG GI GDAN GA LA BDER YUD TZAM GYIS PHYIN PAR PHAt CES SPROS SO, ,DE'I TSE 'JIG RTEN GYI KHAMS MTHA' YAS MU MED PA RNAMS NA DREGS PA GANG JI SNYED YOD PA THAMS CAD TSUL JI LTAR 'DUL BA DANG, THABS CIS 'DUL BA SNA TSOGS KYIS BCOM LDAN 'DAS KYI MTHUS BTUL BAR GYUR TO, ,DE NAS BCOM LDAN 'DAS KYIS KHRO BO DE DAG LA DREGS PA'I TSOGS SLAR GSOR GSOL CIG CES BKA' STZAL BAS, KHRO BO DE DAG GIS GSOL PA, BCOM LDAN 'DAS NYID KYIS GSO BAR GSOL ZHES PA DANG, BCOM LDAN 'DAS NYID KYIS KHRO BO DE DAG GCIG TU H'Um ZHES PAS BSDUS TE DBU DGU PHYAG BCO BRGYAD PA'I TSUL DU RNAM PAR GNAS SO, ,DE NAS YE SHES RNGAM PA'I RGYAL PO DES PHYAG BCO BRGYAD BSNOL TE BTZIR BAS MI GTZANG BA'I 'DAM CHEN POR 'KHYIL TO, ,DE NAS BDUD RTZI 'BYUNG BA'I TING NGE 'DZIN LA ZHUGS NAS BDUD RTZI 'BYUNG ZHES BYA BA GNAM NAS RNAM PAR PHYUNG NGO, ,AOm BADZRA AA MRi TA MAH'A KRO DHI SHVA RI AU SPRI DZVA, BADZRA AA MRi TA H'Um AA, DE NAS KHRO MO BDUD RTZI CHEN MO DE SMIN
, ,MA SGYUR ZHING SHIN TU RNAM PA'I BZHAD PAS RU LU RU LU KH'A HI KH'A HI ZHES BDUD RTZIR BSGRUB TE GSOL BAS GDUG PA CAN THAMS CAD SNGA MA BZHIN DU RANG RANG GI LUS SOS PAR GYUR TE SEMS DRAN NAS DPAL CHEN YE SHES RNGAM PA'I RGYAL PO'I SKU DBU DGU BRGYA, ,PHYAG STONG BRGYAD BRGYA, ZHABS BRGYAD BRGYAR GNAS SHING YAB KHRO BO BRGYA RTZA BRGYAD LHUN GYIS GRUB PAR MTHONG DO, ,PHRA MEN MA NYI SHU'I TSOGS KYANG SHIN TU RDAM PA'I GZUGS RANG RANG GI STAN DANG, LAG CHAR GNAS PA MTHONG NAS SHIN TU NGO MTSAR DU GYUR NAS ZHUM PA'I NGA ROS GSOL BA BTAB PA, BDAG CAG 'KHOR DANG BCAS PA RNAMS, ,RDAM CHEN RGYAL BA'I 'BANGS SU MCHI, , 'BANGS SU NAN TAN MA BGYIS NA, ,MGO LUS SNYING YANG RUL NAS NI, ,BTZO BSREG GNAS SU 'BOD SGROGS SHOG ,BDAG CAG RNAMS KYI MA DANG SRING, ,MCHIS BRANG DANG NI BU MO RNAMS, ,'BAR BA'I DKYIL 'KHOR BZHES SU GSOL, ,BDAG CAG RNAMS KYI MGO BCAD LA, ,'BAR BA'I DKYIL 'KHOR RGYAN DU BZHES, ,BDAG CAG RNAMS KYI SNYING PHYUNG LA, ,DPAL CHEN NYID KYI ZHAL DU GSOL, ,BDAG CAG RNAMS KYI LPAGS SHUS LA, ,DPA' BO CHEN PO SKU LA GSOL, ,AA LA LA HO ZHES GSOL BA BTAB STE LA
LAS NI RANG GI LUS GDAN KHRIR PHUL, LA LAS NI RANG GI MGO BCAD NAS 'BAR BA'I TSOGS KYIS ZHAL BUR PHUL, LA LAS NI RANG GI SNYING PHYUNG NAS ZHAL DU GSOL, LA LA NI RANG GI LPAGS PA BSHUS TE SKU LA G-YANG GZHIR GSOL TO, ,DBANG PHYUG CHEN PO RNAMS DPAL CHEN PO'I SKU LA SBRUL LTAR 'KHRIL BAS DES DREGS PA'I TSOGS RNAMS KYANG SHES BYA'I SGRIB PA BYANG STE BDEN PA MTHONG NAS DAM TSIG DANG LDAN PAR MTHONG PAR GYUR TE DE'I TSE 'DUS PA'I 'KHOR TSOGS KYANG RAB TU SPRO BA'I SEMS KYIS RDZU 'PHRUL RNAM PA DU MA DANG LDAN TE LA LA NI 'JIG RTEN GYI KHAMS RGYANG MA RING DU 'PHEN, LA LA NI RI RAB KLAD LA SKOR, LA LA NI NYI ZLA ZHABS 'OG GNON, ,LA LA NI 'JIG RTEN RNAM PA DRUG TU G-YO BA LA SOGS PA'I CHO 'PHRUL RNAM PA DU MA STON CING AA LA LA ZHES PA'I SGRA RNAM PAR 'BYIN TO, ,DE NAS BCOM LDAN 'DAS GSANG BA MCHOG GI BDAG PO DES 'JIGS BYED TSOGS KYI DKYIL 'KHOR CHEN PO 'DI NYID KYI SKU DANG, GSUNG DANG, THUGS RDO RJE LAS PHYUNG NGO, ,DUR KHROD CHEN PO'I GNAS CHEN DU, , RAKTA'I RBA RLABS 'KHRUGS PA'I DKYIL, ,KENG RUS RI RAB 'BAR BA'I STENG, ,ME 'BAR SREG PA'I KLONG DKYIL NA, ,DUR KHROD 'BAR BA'I GZHAL YAS KHANG, ,TSAD DANG RGYA YONGS
, ,MA CHAD PA, ,PHYI NANG MED PAR GSAL BA'I 'OD, ,'KHOR LO 'BAR BA'I RTZIBS BZHI PA, ,GRU CHAD BAR KHYAMS BZHIS BRGYAN PA, ,GRU BZHI SGO KHYUD 'BAR BAS MDZES, ,BAR KHYAMS GNYIS NI 'BAR BAR GSAL, ,NYI ZLA SPRUL DANG THOD PAS BRGYAN, ,KHYU MCHOG DANG NI MA HE GZIG ,STAG DANG GTUM THUNG DOM DAG GIS SDER MOS DREGS PA BRGYA BYIN DANG, ,TSANGS PA DBANG PHYUG BZUNG BA NI, ,GDAN CHEN RNAMS KYANG BZUNG BA'O, ,DBUS SU 'JIGS BYED CHEN PO NI, ,SMUG NAG CHEN PO 'JIGS PA'I GZUGS, ,DBU DGU PHYAG KYANG BCO BRGYAD DE, ,SPYAN 'BAR BA NI NYI SHU BDUN, ,ZHABS BRGYAD THUR DU GTAMS PA 'O, ,RTZUB PA'I PHYAG MTSAN SKAL BAR THOGS, ,RDO RJE GSHOG PA PHYOGS BCUR GTAMS, ,DUR KHROD RGYAN GYIS RAB TU BZHUGS, ,BTZUN MO RNGAM PA KRO DHI YANG, ,CHA LUGS 'JIGS BYED CHEN PO LTAR, , DE YI PHYOGS KYI KHRO BO YANG, ,KHRAG 'THUNG RDO RJE RIN CHEN DANG, ,PADMA LAS KYI HE RU KA ,KUN KYANG DBU GSUM PHYAG DRUG STE, ,ZHABS BZHI DAG TU RNAM PAR BGRAD, ,KRO DHI'I TSOGS KYIS RAB TU 'KHRIL, ,'KHOR LO 'BAR BA'I RTZE MTSAN LA, ,DKAR MO LA SOGS RAL PA CAN, ,RANG STAN LAG CHAR CHAS TE GNAS, ,PHYI ROL SHAR GYI PHYOGS
DAG NAS, ,SENG GDONG LA SOGS MGO BRNYAN TSOGS, ,STAN DANG LAG CHA DE BZHIN CHAS, ,SGO SRUNG GDONG MO LA SOGS GNAS, ,RANG GI LAG TSAN STAN DANG CHAS, ,'BAR BA'I BAR 'KHYAMS GNYIS PA LA, ,RDO RJE SRIN PO KHRO BO BCU, ,H'Um CHEN RNAM RGYAL DBYUG SNGON CAN, ,GSHED PO MI G-YO RTA MGRIN RGYAL, ,GZHAN GYIS MI THUB BDUD RTZI 'KHYIL, ,KHAMS GSUM RNAM RGYAL STOBS PO CHE, ,DE DAG RNAMS DANG GNYIS MED PA'I, ,RDO RJE SRIN MO KHRO MO BCU, ,RLUNG 'BYIN SNYEMS MO SDER MO DANG, ,DUR KHROD GTUN KHUNG GTUM MO DANG, , MDA' SNYEMS SGRA 'BYIN GSOD MA DANG, ,SKUL BYED RNAMS KYIS RAB TU 'KHRIL, ,KUN KYANG ZHAL GSUM PHYAG DRUG STE, ,ZHABS DRUG RDO RJE BRAG STENG NA, ,'JIG RTEN SKYONG BAS BTUNG TSUL LO, ,DE DAG RNAMS KYI BKA' SDOD NI, ,RDO RJE PHRA MEN GTUM BAG CAN, ,MCHE GSHOG 'BAR BA'I TSOGS DANG 'KHOR, ,SLAS DANG BYI MO BRAN MO DANG, ,CI BGYI LA SOGS PHO NYA'I TSOGS, ,PHYI ROL MU RAN DAG LA GNAS, ,ZHES GSUNGS PAS SNANG SRID THAMS CAD KHRO BO'I DKYIL 'KHOR DU GYUR TO, ,DE NAS BCOM LDAN 'DAS 'JIGS BYED CHEN POS GSUNG GI DKYIL 'KHOR 'DI NYID KYI SKU DANG, GSUNG DANG, THUGS RDO RJE LAS PHYUNG NGO, ,AOm BRUm BI SHVA BI SHUDDHE DZNY'A NA TZAKRA BHR'Um, AOm AOm AOm AOm AOm, BA BA
, ,BA BA BA, DZRA DZRA DZRA DZRA DZRA, MA MA MA MA MA, H'A H'A H'A H'A H'A, BUDDHA, BADZRA, RATNA, PADMA, KARMA, SHR'I SHR'I SHR'I SHR'I SHR'I, HE HE HE HE HE, RU RU RU RU RU, KA KA KA KA KA ,H'Um H'Um H'Um H'Um H'Um, PHAt PHAt PHAt PHAt PHAt, AOm AOm AOm AOm AOm, BA BA BA BA BA, DZRA DZRA DZRA DZRA DZRA, BUDDHA, BADZRA, RATNA, PADMA, KARMA, KRO KRO KRO KRO KRO, DHI DHI DHI DHI DHI, SHVA SHVA SHVA SHVA SHVA, RI RI RI RI RI, BA BA BA BA BA BA BA BA, DZRA DZRA DZRA DZRA DZRA DZRA DZRA DZRA, GOO R'I, TZOO RI, PRA MO HA, BE TA LI, PUKKA SI, GHASMA R'I, SMA SH'A N'I, TZAndA LI, HA HA HA HA HA HA HA HA BA BA BA BA BA BA BA BA, DZRA DZRA DZRA DZRA DZRA DZRA DZRA DZRA, SIDHA, BYA GHRi ,SRi GLA, SHVA NA, KRidHA, K'ANGKA KA, KHA KHA, AU LU, MU MU MU MU MU MU MU MU MU, KA KA KA KA KA KA KA KA ,HE HE HE HE HE HE HE HE, BA BA BA BA, DZRA DZRA DZRA DZRA, A'ARYA TE DZA TE DZA:AA MU KHA, LO KA BHASMI PA L'A YA, DZA:H'Um BAm HO: BA BA BA BA BA BA BA BA BA BA, DZRA DZRA DZRA DZRA DZRA DZRA DZRA DZRA DZRA DZRA, KRO KRO KRO KRO KRO KRO KRO KRO KRO KRO, DHA DHA DHA DHA DHA DHA DHA DHA DHA DHA, H'Um KA RA, BI DZA YE, N'I LA DAndA, YA M'ANTA KA ,A'ARYA AA TZA LA, HA YA GR'I WA, AA PA R'A DZI TA, AA MRi TA KUndA LI, TREE LO KYA BI DZA YA, MAH'A BA LA, H'Um H'Um H'Um H'Um H'Um H'Um H'Um H'Um H'Um H'Um, PHAt PHAt PHAt PHAt PHAt PHAt PHAt PHAt PHAt PHAt, KRO KRO KRO KRO KRO KRO KRO KRO KRO KRO, DH'I DH'I DH'I DH'I DH'I DH'I DH'I DH'I DH'I DH'I, BA YA BE SHAm BARTTI LE NO KI,
TRA TA HRI STA NA PA TA, MU HA LA, TZAndA L'I YA TI, SHA YA BA TI, BA YA BE M'A RA nA, TZUNDHO, H'Um H'Um H'Um H'Um H'Um H'Um H'Um H'Um H'Um H'Um H'Um, PHAt PHAt PHAt PHAt PHAt PHAt PHAt PHAt PHAt PHAt, BHYO BHYO BHYO BHYO BHYO BHYO BHYO, BHYO BHYO BHYO BHYO BHYO BHYO BHYO, BHYO BHYO BHYO BHYO BHYO BHYO BHYO, BHYO BHYO BHYO BHYO BHYO BHYO BHYO, RU LU RU LU RU LU, H'Um H'Um H'Um, PHAt PHAt PHAt, ZHES GSUNGS PAS PHYOGS BCU'I 'JIG RTEN GYI KHAMS THAMS CAD GSUNG GI DKYIL 'KHOR DU GYUR PA'O, ,'PHAGS PA RGYUD KYI RGYAL PO YE SHES RNGAM PA GLOG GI 'KHOR LO'I MDO ZHES BYA BA LAS, 'JIGS BYED CHEN PO'I DKYIL 'KHOR BSTAN PA'I LE'U STE DGU PA'O,, ,,DE NAS BCOM LDAN 'DAS RDAM PA'I RGYAL PO DES STANG STABS KYI RNAM PAR RGYAL BA'I RGYAL PO ZHES BYA BA'I TING NGE 'DZIN LA SNYOMS PAR ZHUGS NAS STANG STABS 'DI DAG NYID KYI SKU DANG, GSUNG DANG, THUGS RDO RJE LAS PHYUNG NGO, ,CHOS KUN MNYAM PA'I NGANG RTOGS NA, ,BSGUL ZHING BSIGS PA THAMS CAD KUN, ,PHYAG RGYA YIN PAR DPA' BOS BSHAD, ,RANG GI LHA YI TING 'DZIN GYIS, ,STANG STABS 'DI LA GANG GNAS PA, ,SANGS RGYAS NYID KYANG SKRAG 'GYUR NA, ,DREGS PA'I TSOGS LA SKOS CING DGOS, ,LAG GNYIS THAL SBYAR SPYI GTZUG BZHAG ,RKANG GNYIS MTHIL SPRAD RTZE MO BTZUGS, ,MGO MTSAN RDO RJE SNYING POR BSGOM,,
, ,RTZE GCIG RTZE GSUM RTZE LNGA DANG, ,RTZE DGU BCU GCIG RDO RJE BSGOM, ,SA STENG KUN TU MCHONGS BYAS PA, ,'JIGS BYED CHEN PO'I PHYAG RGYA YIN, ,DE NYID G-YON GYI PHYOGS NAS MCHONG, ,'JIGS BYED MA YI PHYAG RGYA BSHAD, ,LAG G-YAS GUNG MO SNYING POR BYA, ,GUNG MDZUB SRIN LAG RTZE GSUM TSUL, ,MTHE BOS MTHE CHUNG MNAN PAR BYA, ,LHAG MA RNAMS NI RDO RJE'I TSUL, ,G-YON PA BANDHA LTAR BYAS NAS, ,DKRUGS NAS ZHAL DU GSOL BA NI, ,RDO RJE KHRAG 'THUNG PHYAG RGYA YIN, , G-YAS PA GTZO LA 'KHYUD TSUL DU, ,G-YON PA RAKTA STOBS PA NI, ,RDO RJE KRO DHI KUN GYI RGYA, ,LAG PA G-YAS PA BRKYANG BYAS TE, ,G-YON PA DUNG DMAR RAKTA 'THUNG,, 'DI NI RIN CHEN KHRAG 'THUNG RGYA, ,DE NYID GUNG MDZUB SRIN LAG GZHIBS, ,RAL GRI 'DEGS PA LTAR BYAS PA, ,PADMA KHRAG 'THUNG PHYAG RGYA YIN, ,DE NYID G-YAS PA KHU TSUR BCANGS, ,MTHE BO GUNG MDZUB MTHE'U CHUNG RNAMS, ,SO SOR BRKYANG BA RGYA GRAM MU BA, ,LAS KYI KHRAG 'THUNG PHYAG RGYAR BSHAD, ,KHRAG 'THUNG G-YAS BRKYANG G-YON BSKUM TSUL, ,KRO DHI G-YON BRKYANG G-YAS BSKUM TSUL, ,STABS SU MCHONG BAR DPA' BOS BSHAD, ,G-YAS PA'I KHU TSUR BCANGS NAS BSGRENG,,
G-YON PA 'JIN PA LTAR BYAS PA, ,G-YAS DANG G-YON DU LTA ZHING SGYUR, ,GOO RI TSOGS KYI PHYAG RGYA YIN, ,MDA' GZHU 'GENGS PA'I TSUL DU NI, ,'BUR TSUGS MI 'GYUR LTA BYED PA, ,RKUN MO'I TSOGS KYI PHYAG RGYA YIN, ,G-YAS PAS KHU TSUR BCANGS PA NI, ,MTHE MO MTHE'U CHUNG BRKYANG BAR BYAS, ,G-YON PAS 'DZIN PA'I KHRO TSUL LTA, ,PRA MO'I PHYAG RGYA DPA' BOS BSHAD, ,G-YAS PA'I GUNG MO RTZE MO BRKYANG, ,SOR BZHI RTZE BSDUS RDO RJE 'PHYAR, ,G-YON PA DKU RU BRTEN PA NI, ,'BUR TSUGS LTA BA BE TA'I RGYA, ,G-YON PAS NYON MONGS MNAN TSUL LA, ,G-YAS PAS RGYU 'DREN ZA BA'I TSUL, ,PU KA'I PHYAG RGYAR BSHAD PA YIN, ,G-YON PA DUNG KHRAG 'DZIN PA LA, , G-YAS PA 'KHRUG CING RNGAM TSUL STON, ,GASMA RI YI PHYAG RGYA YIN, ,G-YON PAS BYIS PA'I LUS MNAN NAS, ,G-YAS PAS SNYING 'DREN ZA TSUL DU, ,SGROL TSUL LTA BA SME SHA'I RGYA, ,G-YAS PAS MGO BCAD PHYIR NAS KYANG, ,G-YON PAS LUS 'DZIN STOBS PA LTAR, ,TZAndA LI YI PHYAG RGYA YIN, ,LAG GNYIS BRANG LA BSNOL NAS NI; ;KHA NA RO THOGS RAL GSIGS PA, ,SENG GDONG TSOGS KYI PHYAG RGYA YIN, ,LAG GNYIS THUR DU BSNOL NAS NI, ,ZHING LA 'BUR TSUGS MCHE BA BSNYER, ,STAG GDONG
, ,TSOGS KYI PHYAG RGYA YIN, ,LAG GNYIS ZHING KHONG KHA PHYE NAS, ,LCE YIS LDAG PA LTAR BYED NA, ,WA GDONG TSOGS KYI PHYAG RGYA YIN, ,LAG GNYIS ZHING KHONG KHA PHYE NAS, ,'BUR TSUGS LTA BA SHVA NA'I RGYA, ,LAG GNYIS SPU GRI THOGS TSUL DU, ,G-YON PAS RGYU MA GZUNG ZHING ZA, ,BZHAD GDONG TSOGS KYI PHYAG RGYA YIN, ,ZHING CHEN PHRAG LA BKAL NAS NI, ,KENG RUS THOGS PA LTAR BYAS PA, ,DUR BYA'I TSOGS KYI PHYAG RGYA YIN, ,G-YON PA BANDHA G-YAS PA GRI, ,GLO SNYING 'DREN PA LTAR BYED PA, ,KHVA KHA MA YI PHYAG RGYA YIN, ,G-YAS PA RDO RJE KHU TSUR LA, ,LCAGS KYU 'DZIN PA HU LU'I RGYA, ,MDZUB GNYIS LCAGS KYU'I TSUL DU BYAS, ,RTA SKAD 'TSER BA LTAR BYAS LA, ,RTA GDONG TSOGS KYI PHYAG RGYA YIN, ,MDZUB GNYIS RTZE SBYAR PHAG GDONG GIS, ,THA RGOD RLOG PA'I TSUL BSTAN PA, ,PHAG GDONG TSOGS KYI PHYAG RGYA YIN, , MDZUB GNYIS LU GU RGYUD DU 'KHYUD, ,SENG+GE'I TSUL DU RAL GSIGS PA, ,SENG GDONG TSOGS KYI PHYAG RGYA YIN, ,LAG GNYIS RAB TU BSKYOD BYA ZHING, ,PHYOGS BCUR LTA BAR BYED PA NI, ,SBRUL GDONG TSOGS KYI PHYAG RGYA YIN, ,LAG PA'I PHYAG RGYA BCINGS BYAS SHING, ,RKANG PA 'JOG TSUL STABS SU MCHONG, ,G-YAS PA'I SDIGS
MDZUB NAM MKHAR 'PHYAR, ,G-YON PA DKU RU BRTEN PA NI, ,H'Um K'A RA YI PHYAG RGYA YIN, ,LAG PA G-YAS PA SDER MOR GDENGS, ,G-YON PA 'DZIN PA RNAM RGYAL RGYA, , G-YAS KYI SOR MO DBYUG PAR BRKYANG, ,G-YON PA GAR THABS SKOR BAR BYED, ,DBYUG SNGON CAN GYI PHYAG RGYA YIN, ,G-YAS PA'I KHU TSUR NAM MKHAR 'PHYAR, ,G-YON PAS GRU MO BRTEN PA NI, ,GSHIN RJE 'JOMS PA'I PHYAG RGYA YIN, ,G-YAS PA'I GUNG MDZUB SRIN LAG BRKYANG, ,MTHE'U CHUNG MTHE BOS MNAN PAR BYA, ,G-YON PA'ANG DE BZHIN SHUGS SU BYA, ,MI G-YO RAL GRI'I PHYAG RGYA YIN, ,LAG GNYIS MTHE'U CHUNG LU GU RGYUD, ,LHAG MA KHU TSUR BCANGS PA LAS, ,DPRAL BA'I THAD KAR BZUNG BA NI, ,RTA MCHOG DPAL GYI PHYAG RGYA YIN, ,LAG GNYIS KHU TSUR MDUN DU BCANGS, ,ZHAGS PA'I TSUL DU DRANGS PA NI, ,GZHAN GYIS MI THUB PHYAG RGYA YIN, ,LAG GNYIS KHU TSUR GYEN DU BSNOL, ,DRIL BU GSIL TSUL BDUD RTZI 'KHYIL, ,LAG PA G-YAS PA KHU TSUR 'PHYAR, ,BRDEG PA'I STABS SU BYAS PA NI, ,KHAMS GSUM RNAM RGYAL PHYAG RGYA YIN, ,LAG GNYIS KHU TSUR THUR DU BRKYANG, ,GNON PA'I STABS SU BGRAD PA NI, ,STOBS PO CHE YI PHYAG RGYA YIN, ,GYAD KYI DOR STABS TSUL DU GNAS, ,STOBS SU
, ,MCHONG PA KHRO BO'I RGYA, ,SRIN MO RNAMS KYI PHYAG RGYA NI, ,RKANG LAG GAR THABS BSKOR BA YIN, ,YANG NA KHRO BO'I PHYAG RGYA LAS, ,G-YAS G-YON BZLOG PA YIN PAR GSUNGS, ,CI BGYID BKA' NYAN PHYAG RGYA NI, ,G-YAS G-YON SOR MO DRAG SPRUGS PA'O, ,ZHES GSUNGS SO, ,'PHAGS PA RGYUD KYI RGYAL PO CHEN PO YE SHES RNGAM PA GLOG GI 'KHOR LO'I MDO ZHES BYA BA LAS, ,'JIGS BYED RNAMS KYI PHYAG RGYA BSTAN PA'I LE'U STE BCU PA'O,, ,, DE NAS BCOM LDAN 'DAS GSANG BA MCHOG GI BDAG PO DES BSNYEN BSGRUB RGYUN GYI TING NGE 'DZIN LA SNYOMS PAR ZHUGS SO, ,ZHUGS NAS KYANG BSNYEN BSGRUB ZAB MO'I DKYIL 'KHOR 'DI DAG NYID KYI SKU DANG, GSUNG DANG, THUGS RDO RJE LAS PHYUNG NGO, ,BSNYEN BSGRUB YAN LAG BSAM YAS KYANG, ,DKYIL 'KHOR DAG NI THAMS CAD LA, ,RNAL 'BYOR 'JUG PA'I DON GYI PHYIR, ,MDOR BSDUS RNAM PA BZHIR BSHAD DO, ,THOG MAR BSNYEN PA YIN PAR BSHAD, ,GNYIS PA DAG NI NYE BSNYEN PA, ,GSUM PA BSGRUB PA ZHES SU BRJOD, ,THA MA BSGRUB CHEN PO ZHES BYA, ,BYE BRAG TU NI SHES BYAS LA, ,DE NAS LAS RNAMS BRTZAM PAR BYA, ,BSNYEN
BSGRUB BYE BRAG SHES BYA ZHING, ,DE LA GNAS PA RAB TU GCES, ,DE DAG MI SHES MI GNAS PAS, ,BSGRUBS KYANG 'GRUB PAR MI 'GYUR TE, ,LAS RNAMS BRTZAMS KYANG DON MED 'GYUR, ,DE BAS NAN TAN BSKYED DE BYA, ,BSNYEN PA'I TING 'DZIN RAB SBYOR BAS, ,BYANG CHUB SEMS NI SHES PAR BYA, ,NYE BAR BSNYEN PA LA GNAS PAS,, BDAG NYID PHYAG RGYA CHEN POR BSGOM, ,DE YANG GSANG SNGAGS BDAG PO NYID, ,RIG MA BSKYED DANG BSKUL BYA BA, ,BSGRUB PA ZHES SU RGYAL BAS GSUNGS, ,THABS DANG SHES RAB 'BREL BA LAS, ,RANG GI LHA YI RNAL 'BYOR GSUNGS, ,GANG YIN RDO RJE 'GRUB 'GYUR BA, ,SGRUB PA CHEN PO ZHES SU BYA, ,BYANG CHUB SEMS ZHES BYA BA YANG,, DAM PA'I DON GYI SEMS YIN TE, ,CHOS RNAMS THAMS CAD DNGOS MED PAS, ,RANG GI SEMS KYIS SHES BYA BA, ,BSNYEN PA'I DAM TSIG YIN PAR GSUNGS, , BDAG NYID PHYAG RGYA CHEN PO NI, ,SNGAGS KYI BDAG PO'I CHA LUGS SU, ,TING 'DZIN NAN TAN KHUGS PAR BSGOM, ,THAMS CAD LHA YI RANG BZHIN LA, ,BDAG NYID LHA YI MTSAN NYID DE, ,PHYAG RGYA BZHI DANG RNAMS LDAN PAR, ,SHES PA NYE BSNYEN DAM TSIG YIN, ,RIG MA BSKYED DANG BSKUL BYA BA'I, ,RTEN DU BYA BA SHES RAB MA, ,
, ,MTSAN LDAN BKRA SHIS GSANG BA'I GZUNGS, ,BHA GA GSANG BA'I PADMO NI, ,RGYAL BA RNAMS KYI PHO BRANG STE, ,'DAS PA'I SANGS RGYAS BYUNG BA'I GNAS, ,SLAD KYIS BYON PA GSHEGS PA'I SHUL, ,DA LTAR SANGS RGYAS BZHUGS PA'I RTEN, ,RNAL 'BYOR NGO LA DE LTAR SNANG, ,MA RTOGS PA LA 'KHOR BA'I LAM, ,SGRUB PA RNAMS KYI BSGRUB PA'I RTEN, ,RNAL 'BYOR CAN GYIS SHES PAR BYA, ,CHEN PO LNGAS BSDUS THAMS CAD KUN, ,DE NAS YUM DU GNAS MOD KYI, , MTSAN MA BSGRUB PA'I RNAL 'BYOR PA, ,BSGRUB PHYIR RIGS KYI DBYE BA BYA, ,SMIN MA'I DKYUS RING LAG SOR PHRA, ,TSIGS PA ZLUM LA RKED SKABS PHYED, ,PHRA BSHAD AUTPAL NGAD LDANG ZHING, ,SO DKAR SKRA 'JAM MTHON 'THING 'KHRIL, ,MIG KYANG ZAR MA'I ME TOG 'DRA, ,SKRA MTSAMS 'KHYUG LA MDOG KYANG GSAL, ,SNA BZANG SKE RING SEMS MA 'DRA, ,LUS DRANG NU MA'I DKYIL NA MTHO, ,KHONG DAL 'GRO NA 'JAB PA 'DRA, ,SKAD NI NGAD PA'I RGYAL PO 'DRA, ,CI YANG MDZES PA'I STABS LDAN PA; ;SPYI YI RIGS DANG MTSAN DU BSHAD, ,BZHIN DBYIBS SOG KA MDOG KYANG DMAR, ,MIG RING SO THAG RAB TU DAM, ,SO LA SHEL CHAGS KOS KO 'DRA, ,LUS
LA ZHIM PA'I DRI 'BYUNG BA, ,PADMA CAN ZHES BYA BAR BSHAD, ,ZLA BA'I MDANGS LTAR DKAR LA GSAL, ,GTZUG PHUD G-YAS 'KHRIL SKAD KYANG CHE, ,BONG CHUNG LUS MDZES TSIG TU SNYAN,, DUNG LTAR LUS BZHIN G-YAS SU 'KHYIL, ,DUNG CAN MA ZHES BYA BAR GRAGS, ,'DOD PA CHE LA BRTUL SHUGS CHE, ,SHES PA GSAL LA BYAD BZHIN YANGS, ,BU MO MIG MNGAS MA RU BSHAD, ,SBAS PA'I BRDA DANG THABS LA MKHAS, ,PHYI NANG RLUNG KHAR GSER LTAR LCI, ,BSDIG CING KUN GYIS DROD MI LON, ,DON LA GZHOL LA RTOG PA MED, ,ZLA GSANG DKAR DMAR RLUNG KHAR LCI, ,RIGS DANG MTSAN DU BSHAD PA YIN, ,SKRA NI MTHON MTHING LCANG LOR BSHAD, ,SRID DU RING LA PHRA LA LDEM, ,LCUG PHRAN MANG BA 'DAB RGYAS PA, , LJON PA MA ZHES BSHAD PA YIN, ,PHRA ZHING BSHAN LA GZANGS RING BA, ,BCU GNYIS NYI SHU LNGA YI BAR, ,M'U LA RAKTA 'DZAG PA LA, ,RDO RJE MTSON GYIS MA PHOG PA, ,LCUG PHRAN MA YI RIGS SU BSHAD, ,SOR MO GRU BZHI SKRA YANG KHAM, ,SMIN TSOGS CHE ZHING MIG KYANG 'BUR, ,'GRAM KLAD RING LA SKRA MTSAMS DMA', ,SHA MDOG TSA ZHING RNA BA RING, , BA LANG CAN ZHES BYA BAR BSHAD, ,BZHIN MDOG GRU GSUM KHA DOG NAG ,SKRA RTZUB SHEL LA KHRO GNYER MANG, ,RI MO CAN ZHES BYA BAR BSHAD, ,SKYE RGYUD MED CING BKRA MI SHIS,,
, ,GCIG PUR 'DUG PA GDONG GCIG MA'O, ,YAN LAG THAMS CAD MES TSIG BZHIN, ,GTAN DU 'PHEL BA'I RGYU MED PA, ,ME RIG MA YI RIGS SU BSHAD, ,GZHAN YANG LHA 'AM LHA MIN NAM, ,GNOD SBYIN SRIN PO LA SOGS PA, ,MDOR NA 'JIG RTEN KHAMS RNAMS NA, ,MO YI RIGS CAN GANG YANG RUNG, YID DU 'ONG DANG MI 'ONG RNAMS, ,DNGOS GRUB SGRUB PA'I RTEN YIN TE, ,THUS RJE'I YUL BAS KUN SNYOMS BYA'O, ,DE DAG GANG RNYED BYIN GYIS BRLABS, ,DE YI SPYI BO GTZUG TU NI, ,ZLA DKYIL MI LAS KUN BZANG MO, ,SNYING GAR ZLA DKYIL LAm BSAMS TE, ,YANGS PA'I SPYAN DU BSGOM PAR BYA, ,LCE STENG ZLA DKYIL YI GE PA, ,GOS DKAR MO YI LTE BA LA, ,ZLA DKYIL MAm LAS M'A MA K'I, ,YAN LAG BZHI YI DKYIL 'KHOR LA, ,TAm LAS SGROL MA'I PHYAG RGYAR GSAL, ,LAG G-YAS LCAGS KYU'I SKU RU SGOM, ,LAG G-YON DRIL BU LCAGS SGROG KHA, ,ZHAGS PA PADMA DAG LA 'O, ,RDO RJE LA NI YAB RNAMS BSGOM, ,DE LTAR GSAL BAR GYUR PA DANG, ,BHA GA'I DBYIBS SU ME RI BSGOM,, BYANG CHUB SEMS KYI 'PHRO 'DU LAS, ,LHAG PA'I TING 'DZIN DKYIL 'KHOR SGOM, ,GSAL LDAN MA'AM BYIN RLABS BYA'O, ,MTSAN LDAN SHES RAB DE NYID LA, ,RIN CHEN
SNA TSOGS RGYAN DU GDAGS, ,GSER GYI RNA CHA GDU BU DANG, ,DO SHAL DPUNG RGYAN SE MO DO, ,'JAM ZHING GSAL BAR BYAS PA YIS, ,CHOS GOS LNGA DANG LDAN PAR BYA, ,AA KA RU DANG DU RU SKA, ,DRI SPOS TZANDAN SBYAR BA YI, ,KHRUS KYI CHO GA DAG PAR BYA, ,DRI ZHIM BYUG PAS LUS LA BYUG ,RDZAS KYI CHU DANG RDZAS SBYAR BAS, ,NANG YANG DAG PA'I KHRUS BYA 'O; ;DE NAS BYANG CHUB SEMS BSKYED DE, ,MI DMIGS DON LA SEMS SBYAR PHYIR, ,SKYE MED BYANG CHUB SEMS KYI DON, ,RGYA CHER RAB TU BSHAD PAR BYA, ,SNANG SRID PHYAG RGYA'I DKYIL 'KHOR DU, ,LHUN GYIS GRUB PAR YID CHES BYA, ,DE NAS BSKUL BAR BYA BA'I PHYIR, ,GSANG BA'I BRDA YIS BSRE BAR BYA, ,SA MA YA HO ZHES BRJOD NA, ,SA MA YA STVAm ZHES PAS BSRE, ,R'A GA Y'A NI ZHES BRJOD NA, ,RA HO HAm ZHES KYANG NI BYA, ,TI PA SU KI ZHES BRJOD NA, ,GAN DE TZI TA ZHES PAS MTSON, ,AA TI PU HO ZHES BRJOD NA, ,PRA TI PU HO ZHES PAS MTSON, ,G-YAS PA SMIN MA BSKYOD NA NI, ,G-YON PA'I SMIN MAS DE BZHIN MTSAN, ,DE BZHIN BRNGA' SNA TSOGS PAS BSRE'O, ,DE NAS BSKUL BAR BYA BA NI, , SHES RAB NYI MA'I 'OD ZER GYIS, ,THAMS MCHOG ZLA BA'I 'OD ZER LA, ,BSKUL BA'I CHO GA 'DI SKAD DO, ,MI G-YO MCHOG GI RGYAL PO DGONGS SU GSOL, ,RNAM PAR RTOG
, ,BRAL SHIN TU DRI MED SKU, ,'OD ZER ZLA RGYAS 'DRA BA'I MA DANGS LDAN ZHAL, ,DGYES PA'I ROL BA'I DON LA GSHEGS SU GSOL, ,THABS MCHOG ZLA BA'I 'OD ZER GYIS, ,SHES RAB NYI MA'I 'OD ZER LA, ,BSKUL BA'I CHO GA 'DI SKAD DO, ,'BYOR LDAN YID 'ONG RGYAL BA RGYA MTSO'I DBYING, ,SHES RAB ZAB MO RNAM DAG PADMA'I MDANGS, ,RDZU 'PHRUL THABS LA MKHAS PA'I SPYOD MCHOG MA, ,'BYOR LDAN YID 'ONG CHO 'PHRUL SNA TSOGS STON, ,HO; NYI MA'I 'OD ZER GYIS BSKUL BA, ,AE MA'O PADMA 'BAR BA'I ZE'U 'DI, ,'DZUM PA'I MDANGS KYIS 'BUL LAGS NA, ,DGYES PA'I RDO RJE RAB GSOR NAS, ,BYANG CHUB SEMS SPRIN DBAB TU GSOL, ,ZLA BA'I 'OD ZER GYIS BSKUL BA, ,AE MA'O, ,'OD ZER DGA' STE YID 'ONG MA, ,SEMS 'PHRENG GDUNGS PA'I SHES RAB GZUNGS, ,GA 'U 'KHRIL BA'I PADMA LA, ,RDO RJE BDE BA'I BYANG CHUB 'BAR, ,AA LA LA HO, ,DE NAS GNYIS MED BDE MCHOG SEMS, ,SANGS RGYAS SPRIN GYI TSOGS CHEN LA, ,DGYES MNYAM MCHOG GI MCHOD PA 'BUL, ,GRUB PA NYI ZLA'I SNYING PO DE, ,RNAL 'BYOR RDO RJE CHEN POS BLANG, ,'GRO DRUG SEMS CAN BAG CHAGS SREG ,ZHI BA'I MTHA' LA SHI BA BSLANG, ,PHYOGS BCU'I RNAL 'BYOR THUGS DAM BSKUL, ,DE LTAR BYA BA'I DAM TSIG NI, ,BSGRUB
PA YIN PAR RGYAL BAS GSUNGS, ,DE DAG DNGOS GRUB THOB PA'I RGYU, ,RIG PA'I DAM TSIG BSGOMS PA'I LAM, ,SNGAGS KYI BDAG PO BDAG 'GRUB STE, ,GANG YIN LAS LA 'JUG NUS PA'I, ,DAM TSIG GRUB PA CHEN PO YIN, ,ZHES GSUNGS SO, ,'PHAGS PA RGYUD KYI RGYAL PO YE SHES RNGAM PA GLOG GI 'KHOR LO'I MDO ZHES BYA BA LAS, BSNYEN SGRUB RNAM BZHI BSHAD PA'I LE'U STE BCU GCIG PA'O,, ,,DE NAS BCOM LDAN 'DAS GSANG BA MCHOG GI BDAG PO DES 'DOD PA THAMS CAD RAB TU SGRUB PA'I SPRIN BKOD PA ZHES BYA BA'I TING NGE 'DZIN LA SNYOMS PAR ZHUGS NAS BSGRUB PA'I MTSAN NYID LA DNGOS GRUB KYI BYE BRAG 'DI NYID KYI SKU DANG, GSUNG DANG, THUGS RDO RJE LAS PHYUNG NGO; ;DE LA 'DI NI PHRA MO'I TING NGE 'DZIN LA BSGRUB PA'O, ,DE BZHIN GSHEGS PA THAMS CAD KYI, ,THAMS CAD MKHYEN PA BSGRUB PA'I PHYIR, ,RANG SEMS SHIN TU SBYANGS PAS NA; ;PHRA MO'I DNGOS GRUB BSGRUB PA GCES, ,RAB TU DBEN PA'I GNAS DAG TU, ,BDAG NYID NAM MKHA'I DBUS SU NI, ,ZLA BA'I DKYIL 'KHRO LA GNAS PA'O, ,RANG GI LHAR NI RANG BSGOMS NAS, ,PHRA MO'I SBYOR BA KUN TU BRTZAM, ,RIN CHEN RGYU LAS GRUB PA YI, ,BRNYAN MA'I DKYIL 'KHOR DE BZHIN DU, ,SO SO'I GSUNG GI YIG 'BRU RNAMS, ,CHE
, ,CHUNG YUNGS KAR 'BRU TSOD TZAM, ,SNYING KHA'I DKYIL DU GSAL BA LAS, ,H'Um GIS KHONG DU DRANGS NAS NI, ,KHONG NAS KHA RU BYUNG BAR BSAM, ,H'Um GI DBUGS LA ZHON NAS SU, ,SNA YI RTZE MOR BYUNG BA DANG, ,SNA RTZE NYID DU GSAL BAR BSGOM, ,TING 'DZIN GSAL BAR KHUGS PA DANG, ,SNA YI RTZE NAS NAM MKHA' LA,, JE RING JE RING PHAt KYIS SPRO, ,RING DU SPRO BA GOMS PA DANG, ,'OD DANG BCAS PA'I YIG 'BRU DES, ,PHYOGS BCUR GNAS PA'I SANGS RGYAS KYI, ,GSUNG GI YI GE MI SNYED PA, ,DBYAR GYI SPRIN PHUNG 'DUS PA BZHIN, ,H'Um GIS SNYING GA NYID DU BSDU, ,YUNGS KAR 'BRU TSOD DE NYID LA, ,STONG GSUM 'JIG RTEN KUN BCUG KYANG, ,DE YI NANG DU SA LE GSAL, ,SNGAGS KYIS BRTAGS PA'I LHA RNAMS KYIS, ,GNAS SU'ANG DE NYID GSAL BAR BSGOM, ,DE LTA'I 'PHRO 'DU YANG DANG YANG, ,GOMS PAR CI NUS DAG TU BYA, ,DE NI GSUNG GI PHRA MOR BSHAD, ,SO SO'I GSUNG GI YIG 'BRU LAS, ,PHYAG MTSAN YUNGS KAR TZAM DU GSAL, ,SNYING GA NYID DU GSAL BAS NAS,, RGYAL BA'I PHO BRANG 'DUS KYI BAR, ,GONG MA'I GO RIM DE YIS BYA, ,DE NI THUGS KYI PHRA MOR BSHAD, ,SO SO'I THUGS MTSAN GSAL BA LAS, ,RANG RANG LHA YI RNAM
PAR GSAL, ,THUGS KAR YUNGS KAR 'BRU TSOD TZAM, ,GONG MA'I TSUL DU BYA BAR BSHAD, ,DE NI SKU YI PHRA MO YIN, ,DE LTAR LHA TSOGS MA LUS BAR, ,RIMS KYIS YANG NA CIG CAR RO, ,CIG CAR BGOM PA SHIN TU DKA', ,BDE GSHEGS RGYAL BA SANGS RGYAS KYI, ,THAMS CAD MKHYEN PA'I SPYOD YUL MIN, ,RNAL 'BYOR CAN GYIS RIMS KYIS NI, ,GTZO NAS 'KHOR GYI BAR DAG TU, ,YANG NAS YANG DU GSAL BAR BSGOM, ,'DI DAG BSGOMS PA'I YON TAN NI, ,SANGS RGYAS NYID DU 'GRUB PAR NGES, ,THAMS CAD MKHYEN PA BSGRUB PA'I MCHOG ,SKU GSUNG THUGS KYI DKYIL 'KHOR KUN, ,'DI LAS 'BYUNG BAR GDON MI ZA, ,'DI THOS DNGOS GRUB GZHAN RNAMS KUN, ,BSGRUB MI DGOS PAR GRUB PA YIN, ,RNAL 'BYOR CAN GYIS BSGOM BYAS NA, ,ZLA BA DRUG GIS NGES PAR 'GRUB, ,ZAS SU BSHANG CI ZA BA'AM, ,SHA RNAMS ZOS NA 'GRUB PA YIN,, ZHES GSUNGS SO, ,DE LA 'DI NI RDO RJE MI SNANG BA BSGRUB PA'I THABS SO, ,DGON PA'I GNAS SAM RI BO DBEN, ,ME TOG 'BRAS BU RGYAS PA RU, ,RANG GI LUS NGAG SEMS RDO RJE'I, ,SNYING GAR ZLA BA'I DKYIL 'KHOR LA, ,'JAM DPAL SA BON MAm DU BSGOM, ,BDAG LUS DANG NI ZLA BA DANG, ,MUm RNAMS RIM PAR JE ZHI LA, ,STONG PA NYID KYI RNAM
, ,PA LAS, ,SNYING RJE MUm DANG ZLA BA LAS, ,RDO RJE 'JAM PA'I PHYAG RGYA BSGOM, ,LUS DANG NGAG SEMS RDO RJE LAS, ,RDO RJE 'JAM PA RAB 'PHROS PAS, ,'JAM DPAL NYID DANG 'DRA BAR 'GYUR, ,DPAG TSAD BRGYA YI KHYON TZAM DU, ,RDO RJE 'JAM PA'I 'OD DANG BCAS, ,RGYAN RNAMS KUN GYIS LEGS BRGYAN PA'I, ,'JAM DPAL NYID DU KUN GYIS MTHONG, ,MNGON SHES LDAN PA'I LHA RNAMS KYIS, ,LUS KYI RNAM PA MTHONG MI 'GYUR, ,DE NAS SLAR NI BSDUS PA LAS, ,THUGS KA'I MUm LA THIM BSAMS NA,, MCHOG TU SHES RAB RNO BA DANG, ,MKHYEN RAB KUN GYI BDAG POR 'GYUR, ,THAMS CAD MKHYEN PA'ANG THOB 'GYUR NA, ,'JIG RTEN SHES BYA SMOS CI DGOS, ,ZHES GSUNGS SO; ;DE LA 'DI NI RDO RJE RIG 'DZIN BSGRUB PA'I THABS SO, ,NAM MKHA'I DBYINGS KYI DBUS DAG TU, ,ZLA BA'I DKYIL 'KHOR BSAMS NAS SU, ,RANG NYID GANG 'DOD LHAR BSGOMS TE, ,SKU GSUNG THUGS SU BYIN BRLABS PA'I, ,DAM RDZAS BDUD RTZI RNAMS LNGA LA, ,SRAN MA TZAM GYI RIL BU BYA, LCAGS GSUM GA 'UR BCUG NAS NI, ,KHAR BCUG RANG GI SNYING PO LAS, ,RAB TU GOMS PAR 'DI BYAS NA, ,GANG 'DOD RIGS 'DZIN GDON MI ZA, ,MTHA' YAS ZHING KHAMS THAMS CAD KYI, ,RDUL RNYED BZHUGS
PA'I SANGS RGYAS KUN, ,DE YI RJES SU 'BRANG BAR 'GYUR, ,DE LA SOGS TE MTHA' YAS MCHOG ,CES GSUNGS SO, ,YANG NA RANG GI PHYAG RGYA STE, ,NAM MKHA'I DBYINGS KYI DBUS DAG TU, ,ZLA BA'I DKYIL 'KHOR STENG DU NI, ,BDAG NYID GANG 'DOD LTAR BSGOMS TE, ,RANG GI PHYAG RGYA BRNYAN MAR BYA, ,LAG TU THOGS LA RANG RIGS SNGAGS, ,BZLAS NA RIGS 'DZIN GANG YIN 'GYUR, ,RANG GI LHA NI GANG YIN PA'I, ,YON TAN DAG NI DE THOB 'GYUR, ,ZHES GSUNGS SO, ,DE LA 'DI NI RDO RJE LHA DANG, LHA MO DGUG PA'I CHO GA'O, , SHING GCIG DRUNG NGAM BZHI MDO 'AM, ,MTSAN MA GCIG DANG ZHI GNAS SU, ,BDAG NYID GTZO GZUNG LDAN BYAS NAS, ,SKU GSUNG THUGS KYI BDAG NYID BSAM, ,SKU GSUNG THUGS KYI RDO RJE LAS, ,LAG NA KYO BA THOGS PA YI, ,SPRUL PA BSAM YAS 'PHRO BAR BYA,, DZA Y'A RA nA PHAt, GANG DGUG LHA 'AM BUD MED DAM, ,YAm LAS RLUNG GIS BTEG BSAMS TE, ,KYO BAS GDAN NAM SNYING GA NAS, ,BZUNG STE H'Um GIS BSDUS BYAS NA, ,SANGS RGYAS GRAGS PA CHEN PO YANG, ,RANG DBANG MED PAR KHUGS 'GYUR NA, ,'JIG RTEN BU MO SMOS CI DGOS, ,GANG 'DOD LAS DE BYED BAR 'GYUR, ,ZHES GSUNGS SO, ,DE NI 'DI NI RDO RJE SGRUB PA'I THABS SO, ,BDAG NYID SNGAGS KYI SKYES BU YI, ,RDO RJE'I SKUR
, ,NI RAB BSGOMS TE, ,LCE LA PADMA'I DKYIL 'KHOR DU, ,RDO RJE'I SBYOR BAS AOm DU BSAM, ,DE LAS RDO RJE GSUNG DU GYUR, ,BSAM YAS AAm GI 'PHRO 'DU LAS, ,SANGS RGYAS GSUNG DANG SEMS CAN NGAG ,BDAG GI LCE LA 'DUS PA RU, ,YANG NAS YANG DU GOMS PAR BSDU, ,'JIG RTEN TSIG GAM CHOS KYI SGRA, ,NGAG BRJOD BDEN ZHING NYAN PA DANG, ,BRDZUN DANG PHRA MA TSIG RTZUB SOGS, ,NGAG GIS NYES PA CI BRJOD KYANG, ,LCE GRIB SPANGS PAR GDON MI ZA, ,ZHES GSUNGS SO, ,DE LA 'DI NI SHA RNAM PA LNGA'I DNGOS GRUB BSGRUB PA'I THABS SO, ,BDAG NYID LUS NGAG SEMS RDO RJE, ,RDO RJE GSUM DU RNAM PAR BSGOM, ,MTSAN DANG DPE BYAD YANG DAG LDAN, ,YE SHES DAM TSIG SNYING GAR BSGOM, ,DBU RGYAN RDO RJE GSAL BAR BYA, ,SHA CHEN DAG NI THAMS CAD LA, ,SA BON AOm GYIS RNAM PAR SBYANG, ,SRID GSUM SEMS CAN THAMS CAD KYI, ,SHA CHEN JI SNYED YOD PA KUN, ,AOm GYI 'PHRO 'DUS BSDUS NAS NI, ,SPYOD TSE BDAG LA THIM PAR BSGOM, ,GLANG PO DAG GI SHA RNAMS LA,, H'Um LCE'I DAM TSIG RDO RJE LA, ,RDO RJE CAN GYIS H'Um DU BSGOM, ,YE SHES LNGA YI SBYOR BA YIS, ,ZOS NA DAM TSIG SKU GSUNG THUGS, ,RDO RJE THOB PAR GDON MI ZA, ,PHYAG NA RDO
RJE'I MTHU STOBS 'GRUB, ,CHO GA GO RIM DE YIS NI, ,GLANG PO DAG GI SHA RNAMS LA, ,H'Um GI 'PHRO 'DUS RAB SBYANGS TE, ,ZOS NA MNGON SHES LNGA THOB 'GYUR, ,RTA SHA DAG NI THAMS CAD LA, ,SVA YI 'PHRO 'DU RAB SBYANGS TE, ,ZOS NA MI SNANG KUN GYI MCHOG ,KHYI SHA DAG NI THAMS CAD LA, ,HA YI 'PHRO 'DUS RAB SBYANGS NA, ,DNGOS GRUB RAB 'BRING THA MA KUN, ,YID BZHIN NOR BU LTA BUR 'GYUR, ,GNYID KYI DGRA YANG MOD LA 'JOMS, ,BA GLANG SHA NI THAMS CAD LA, ,AOm GYI 'PHRO 'DUS SBYAR BYAS TE, ,CHO GA BZHIN DU ZOS NA NI, ,SANGS RGYAS KUN GYI LONGS SPYOD 'PHRO, ,MTHU CHEN KUN GYIS BU MO YANG, ,SPYOD PAR 'GYUR BA GDON MI ZA, ,ZHES GSUNGS SO, ,DE LA 'DI NI RDO RJE MNGON PAR SHES PA LNGA BSGRUB PA'I THABS SO, ,RAB TU DBEN PA'I GNAS DAG TU, ,BDAG NYID RNAM PA KUN LDAN PA'I, ,SNGAGS KYI LUS SU RNAM SBYANGS NAS, , MIG GI DBANG PO THAMS CAD LA, ,YIG 'BRU LNGA YIS RAB SBYANGS TE, ,'OD ZER LDAR NI 'PHRO BA LAS, ,SANGS RGYAS SEMS CAN THAMS CAD KYI, ,MIG GI MNGON SHES KUN BSDUS NAS, ,DBANG PO DE LA THIM PA DANG, ,ZOS SAM MIG LA RTAGS BSKUS NA, ,SANGS RGYAS SEMS CAN THAMS CAD KYI, ,SPYOD YUL JI SNYED YOD PA
, ,KUN, ,SHING THOG LAG TU BZHAG PA BZHIN, ,RDO RJE MIG GIS GSAL BAR MTHONG, ,CHO GA GONG MA'I TSUL GYIS NI, ,RNA BA'I DBANG PO THAMS CAD LA; ;SANGS RGYAS SEMS CAN THAMS CAD KYI, ,RNA BA'I MNGON SHES KUN BSDUS NAS, ,ZOS SAM RNA BA'I NANG BZHAG NA, ,SANGS RGYAS SEMS CAN THAMS CAD KYI, ,SGRA RNAMS THAMS CAD JI SNYENG PA, ,RNA BA'I DRUNG DU 'DONG BA BZHIN, ,SNYING GI BYE BRAG THAMS CAD LA, ,SANGS RGYAS SEMS CAN THAMS CAD KYI, ,DRAN PA'I MNGON SHES KUN BSDUS NAS, ,ZOS SAM SNYING GAR BZHAG NA NI, ,SANGS RGYAS SEMS CAN THAMS CAD KYI, ,THUGS DANG SEMS KYI RGYUD DAG NI, ,MKHYEN CING RIG PA KUN SHES 'GYUR, , YUM GYI MKHA' LAS BYUNG BA YI, ,RAKTA DAG NI THAMS CAD LA, ,SANGS RGYAS SEMS CAN THAMS CAD KYI, ,GNAS RNAMS MA LUS KUN BSDUS NA, ,ZOS SAM SNYING GAR GZHAG NA NI, ,SNGON GYI GNAS KYI GTAN TSIGS RNAMS, ,ZHAG GSUM LON BZHIN GSAL BAR 'GYUR, ,SNYING GAR YE SHES SEMS DPA' BSGOM, ,PHYOGS BCUR GNAS PA'I SANGS RGYAS RNAMS, ,BKUG NAS DE DAG RDZU 'PHRUL RNAMS, ,PHROGS NAS SNYING GAR BSDU BYAS NA, ,SANGS RGYAS DAG NI THAMS CAD KYI, ,RDO RJE RDZU 'PHRUL THAMS
CAD KUN, ,'GRUB PAR 'GYUR BAR GDON MI ZA, ,ZHES GSUNGS SO, ,DE LA 'DI NI RDO RJE BSRUNG BA BSGRUB PA'I THABS SO, ,SKU GSUNG THUGS NI RNAM BSGOMS LA, ,SNYING GAR NYI ZLA'I DKYIL 'KHOR LAS, ,KHRO BO 'OD KYI PHRENG BA YIS, ,BSRUNG BAR BYA BA'I ZUG RNGU RNAMS, ,PHYUNG STE MED PAR BSAMS NAS NI, ,LHA RNAMS DAG NI THAMS CAD KYI, ,PHYAG RGYA DAG NI THAMS CAD DAM, ,YANG NA RDO RJE RGYA GRAM MAM, ,RDO RJE GO CHA'I PHYAG RGYA YIS, ,LUS DANG NGAG SEMS RAB BSRUNGS NA, ,SANGS RGYAS KYIS KYANG MI TSUGS NA, ,PHAL PA RNAMS KYIS SMOS CI DGOS, ,ZHES GSUNGS SO, ,LAS 'DI SBYAR BAR BYA BA YANG, ,LJONGS SAM GRONG KHYER GRONG DAG TU, ,SNGAGS KYI BDAG PO RAB GNAS LA, ,NAD KUN SPONG BA'I LAS 'DI BYA, ,RDO RJE RTZE LNGA 'OD 'PHRO BA, ,BSKAL BA'I ME BZHIN BSAMS NAS SU, ,SPROS PAS NAD RNAMS BSREGS NAS NI, ,SLAR YANG RDO RJE NYID LA BSDU, ,DE NAS RDO RJE DE NYID LAS, ,'OD ZER SER PO SPROS PA YIS, ,NAD RNAMS GTONG BA'I GNAS DE DAG ,BSKAL BA YUN DU GANG BSAMS TE, ,GOM PAR YANG DANG YANG BSAMS NA, , NAD RNAMS THAMS CAD SEL BAR BYED, ,DE NA 'KHOD PA'I SKYE BO RNAMS, ,SPRUL PA'I BDE BA THOB PAR 'GYUR, ,BDE GSHEGS RNAMS KYIS BYIN GYIS RLOB, ,TSE RING LANG 'TSO
, ,BDE BAR 'GYUR, ,ZHES GSUNGS SO, ,DE LA 'DI NI ZHI BA BSGRUB PA'I THABS SO, ,RAB TU DBEN ZHING NYAMS DGA' BAR, ,RNAM PAR SNANG MDZAD BSGOM PA NI; ;NAM MKHA'I DBUS SU ZLA BA LA, ,DKYIL 'KHOR ZLUM PO BSAMS NAS SU, ,RNAM PAR SNANG MDZAD DKYIL 'KHOR BSKYED, ,SNYING GAR ZLA BA'I DKYIL 'KHOR LA, ,BUDDHA LO TZA'I SNYING PO BSAM, ,DE LAS LHA MO'I SKUR SPROS PAS, ,MKHA' DBYINGS YONGS SU GANG BAR BSGOM, ,SLAR 'DUS 'OD KYI THIG LER GSAL, ,DE NYID BDAG GI LUS LA DBAB, ,BDAG GI BA SPU'I BU GA NAS, ,SANGS RGYAS SPRIN CHEN RAB 'PHROS TE, ,'DOD PA'I LUS NANG GANG BAR BYA, ,SANGS RGYAS SPRIN GYIS DE LUS LA, , DBANG BSKUR BA NI RAB TU STZOL, ,DE YIS SKAD CIG DE YI TSE, ,DRAG PO GTUM PO'ANG LHAN NER 'GYUR, ,ZHES GSUNGS SO, ,DE LA 'DI NI RGYAS PA'I BSGRUB PA'I THABS SO; ;NAM MKHA'I DBUS SU ZLA BA LA, ,CHOS KYI SEMS DPA' BSGOM PAR BYA, ,SNYING GAR ZLA BA'I DKYIL 'KHOR LA, ,GOS DKAR CAN GYI SNYING PO BSAM, ,DE LAS GOS DKAR NYID 'PHROS PAS, ,MKHA' DBYINGS YONGS SU GANG BAR BSGOM, ,DE LAS 'OD KYI GONG BU NI, ,GRU BZHI LAM PAR GSAL BAR BSDU, ,BA SPU RNAMS KYI BU GA NAS,,
RIN CHEN SPRIN CHEN RAB SPROS PAS, ,RDO RJE CHOS SU BSGOM NAS SU, ,'DOD PAR BYA BA'I LUS NANG DGANG, ,YANG NAS YANG DU 'DI BYAS NA, ,BAR SNANG CI 'DOD RGYAS PAR 'GENGS, ,NOR BU RIN CHEN BZHIN 'DRAR 'GYUR, ,DGOS PA PHRA MO SMOS CI DGOS, ,ZHES GSUNGS SO, ,DE LA 'DI NI RDO RJE DBANG DU BSDU BA BSGRUB PA'I THABS SO,, RDO RJE DKYIL 'KHOR ZLA GAM NI, ,NAM MKHA'I DBYINGS KYI DBUS SU BSAM, ,RDO RJE CHOS MCHOG GZUGS SU BSAM, ,SNYING GAR ZLA BA'I DKYIL 'KHOR LA, ,NYID KYI SNYING PO BSAM PAR BYA, ,RGYAL BA SRAS DANG BCAS RNAMS KYIS, ,MKHA' DBYINGS THAMS CAD GANG BAR BSGOM, ,'OD ZER SNA LNGA 'PHROS PA YIS, ,'DOD PA LA NI DBAB PAR BYA; ;DE NAS BSDUS TE BDAG NYID KYIS, ,SKU GSUNG THUGS KYI BYIN BSDUS NA, ,SANGS RGYAS NYID KYANG DBANG 'DU NA, ,'GRO BA DBANG MED SMOS CI DGOS, ,ZHES GSUNGS SO; ;DE LA 'DI NI DRAG PO BSGRUB PA'I THABS SO, ,NAM MKHA'I DBYINGS KYI DBUS SU NI, ,NYI MA'I DKYIL 'KHOR STENG DU NI, ,KHROS PA'I GZUGS RNAMS BSGOM BYA STE, ,BSKAL BA'I ME DPUNG 'PHROS PA LAS, ,KHROS PA'I RDO RJE SRIN PO DANG, ,SNA TSOGS LNGA DANG BYA ROG DANG, ,BYA RGOD KHYI LA SOGS PA YI, ,PHRA MEN BSAM YAS MI BZAD PAS, ,MKHA'
, ,DBYINGS GANG BAR BSGOMS NAS SU, ,SANGS RGYAS KUN LA GNOD BYED NA, ,DNGOS SAM YANG NA BSAMS NAS KYANG, ,MTSON CHA THOGS PA DE DAG GIS, ,SNYING DANG NANG GROL DBANG PO KUN, ,DRANGS TE ZOS BAR RAB BSGOMS NA, ,DGRA RNAMS 'CHI BAR NGES PA STE, ,DE LTAR RAB TU BSGOMS NA NI, ,RGYAL BA RDO RJE 'DZIN PA YANG, ,ZLA BA PHYED KYIS 'CHI 'GYUR NA, ,DAM TSIG NYAMS PA SMOS CI DGOS, ,ZHES GSUNGS SO, ,DE LA 'DI NI SKYE 'GRO 'DUL BA'I PHUR BU BSGRUB PA'I THABS SO, ,SDIG PA BYED DAM GNOD BYED PA, ,RDO RJE PHUR BUS GDUL BAR BYA, ,DUR KHROD GNAS SAM RKANG GCIG TU, ,BDUD RTZI 'KHYIL BA'AM KI LI 'AM, ,GANG YANG RUNG BAR GNAS BYAS LA, ,RDO RJE PHUR BU RAB TU BSGOM, ,ME STAG 'PHRO BA'I 'OD 'PHRO BAS, ,RI RAB GLING BZHI'I GZUGS BYAS LA, ,RANG GI SNGAGS KYIS GDAB PAR BYA, ,DE LTAR RAB TU GDAB BYAS NA, ,'GRO DANG MI 'GRO THAMS CAD KUN, ,DUL BAR GYUR PA GDON MI ZA, ,ZHES GSUNGS SO, ,DE LA 'DI NI GZHAN GYI RIG SNGAGS GNON PA BSGRUB PA'I THABS SO, ,NAM MKHA' DBYINGS KYI DBUS SU NI, ,DBANG CHEN DKYIL 'KHOR BSGOMS NAS NI, ,LAS KYI SEMS DPAR BDAG GNAS LA, ,G-YAS PA RDO RJE RTZE LNGA BZHAG,
RIG SNGAGS BYED PA BSAMS NAS NI, ,LAS KYI RDO RJE'I RKANG BA DAG ,DE YI SPYI NAS MNAN PAR BSGOM, ,RIG SNGAGS NYID KYANG MNAN PAR BSAM, ,DES NI MU STEGS CAN DAG DANG, ,PHAS KYI RGOL BA THAMS CAD KUN, ,MNAN PAR 'GYUR TE THE TSOM MED, ,CES GSUNGS SO, ,DE LA 'DI NI GZHAN GYI DPUNG MNAN PA BSGRUB PA'I THABS SO, ,NAM MKHA' DBYINGS KYI DBUS SU NI, ,NYI MA'I DKYIL 'KHOR DBUS GNAS PAR, ,GZHAN GYIS MI THUB KHRO BO CHE, ,PADMA DMAR SER MDOG 'DRA BA, ,SHIN TU CHE ZHING BRJID PAR BSGOM, ,PHA ROL DMAG DPUNG 'OG DAG TU, ,RLUNG DANG MTSO DANG SA SKYED PA, ,DE LA GNAS PA'I DPUNG RNAMS KYIS, ,STENG DU ZLA BA'I DKYIL 'KHOR BSAM, ,DE STENG RDO RJE RGYA GRAM GYI, ,STENG DU RI RAB RNAM PAR BSGOM, ,DE YI STENG DU MNAN BSAM NA, ,SANGS RGYAS DPUNG RNAMS GNON PAR NUS, ,MI RGYAL DPUNG LA SMOS CI DGOS, ,ZHES GSUNGS SO, ,DE LA 'DI NI DGRA'I DPUNG RMONGS PAR BYA BA BSGRUB PA'I THABS SO, ,DGRA 'AM DPUNG GI GZUGS BRNYAN DAG ,BSAMS SAM GZUGS SU BYAS NAS NI, ,RDO RJE PHUR BU TSAD LDAN LA, ,H'Um LAS KHRO BO'I SKUR BSKYED NAS, ,RANG GI RIG SNGAGS RAB BZLAS TE, ,SNYING GAR BTAB PAR RAB BSGOMS NAS, ,KHROS PAS BYAS NA SANGS RGYAS KYI, ,DPUNG YANG MYOS PAR GDON
, ,MI ZA, ZHES GSUNGS SO, ,DE LA 'DI NI CHU LA 'BYING BA MED PA BSGRUB PA'I THABS SO, ,NAM MKHA' DBYINGS KYI DBUS SU NI, ,SNGAGS KYI BDAG PO RAB TU BSGOM, ,CHU YI STENG NI THAMS CAD DU, ,SANGS RGYAS DAG GIS GTAMS PAR BSGOM, ,STENG NAS DAL GYIS BCAG PAR BSAM, ,SANGS RGYAS DAG NI THAMS CAD KYI, ,SPYI BO'I STENG DU RKANG PA BSGOM, ,DE LTAR RAB TU GOMS PA DANG, ,SA LA 'GRO BZHIN NUS PAR 'GYUR, ,ZHES GSUNGS SO, ,DE LA 'DI NI THOGS MED RLUNG GI DNGOS GRUB BSGRUB PA'I THABS SO, ,NAM MKHAR RDO RJE DBUS SU NI, ,ZLA BA'I DKYIL 'KHOR DBUS GNAS PAR, ,LHA YI RNAL 'BYOR BSGOM PAR BYA, ,'OG GI PHYOGS SU YAm LAS NI, ,RLUNG GIS RAB TU BTEG PAR BSGOM, ,DE LTAR RAB TU BSGOM BYAS NA, ,MKHA' LA BYA BZHIN 'GRO BAR NUS, ,ZHING KHAMS KUN TU BGROD PAR 'GYUR,, ZHES GSUNGS SO, ,DE LA 'DI NI NYI MA GSAL BA ZHES BYA BA'I DNGOS GRUB BSGRUB PA'I THABS SO, ,SKU GSUNG THUGS NI RDO RJE YI, ,SNYING GAR NYI MA'I DKYIL 'KHOR BSAM,, DE LAS 'OD DU 'PHROS PA LAS, ,MUN PA'I GNAS RNAMS BSAL BAR NGES, ,ZHES GSUNGS SO, ,DE LA 'DI NI RLUNG BCAD PA BSGRUB PA'I THABS SO, ,BDAG NYID
RLUNG GI PHYOGS SONG LA, ,STEGS BU GRU BZHI LHAM PAR BYA, ,SPOS KYI THIG LE BDUN BYAS TE, ,YAm LAS RLUNG BDUN BSKYED PAR BYA, ,RLUNG LHA DGUG PAR BYAS NAS SU, ,KHAM PHOR GYIS NI DGAB BYAS TE, ,DE STENG LAm LAS RI RAB BSGOM, ,RI RAB RTZE LA KHRO BO NI, ,'BAR BA DAG GIS MNAN PAR BSGOM, ,DES NI 'JIG PA'I RLUNG RNAMS KYANG, ,BCINGS PAR 'GYUR BAR GDON MI ZA, ,ZHES GSUNGS SO, ,DE LA 'DI NI CHAR DBAB PA'I THABS SO, ,NAM MKHA' DBYINGS KYI DBUS SU NI, ,PADMA 'DAB MA BRGYAD PA BSGOM, ,DBUS SU KHRO BO STOBS PO CHE, ,'DAB MA LA NI KLU BRGYAD PO, ,BSGOMS SAM YANG NA BRIS KYANG RUNG, ,KHRO BO'I ZHABS KYI MTHIL GYIS NI, ,KLU RNAMS RAB TU MNAN NAS SU, ,H'Um GNYIS BAR DU KLU RNAMS KYI, ,SNYING PO SPEL CING GZIR NAS SU, ,KLU RNAMS GNAS PA'I SA PHYOGS SU, ,H'Um ZHES BYA BA BZLAS BRJOD BYA, ,KHRO BOS MNAN PAS KLU RNAMS KYI, KHA NAS CHAR PA SKYUGS BSAMS NA, ,'JIG DUS LTA BU'I CHAR PA'ANG 'BAB, ,CES GSUNGS SO, ,DE LA 'DI NI CHAR BA DANG, SER BA BCAD PA'I THABS SO, ,NAM MKHA'I DBYINGS KYI DBUS SU NI, ,NYI MA'I DKYIL 'KHOR DBUS GNAS PAR, ,RTA MCHOG DPAL NI RNAM PAR BSAM, ,NYI MA'I MDOG 'DRA 'OD BZANG ZHAL, ,NAM MKHA' KHYAB PAR RNAM PAR GDANGS, ,
, ,LCE YI STENG DU H'Um BZHAG STE, ,MI RO 'OD DANG BCAS PA YIS, ,CHAR CHUS GANG BA'I SPRIN RNAMS KUN, ,BSKAM ZHING LCE YIS BLANGS BSAMS NA, , SKAM PAR 'GYUR BAR GDON MI ZA, ,YANG NA LCE STENG DE NYID DU, ,YAm LAS RLUNG DU BSGOMS NAS NI, ,BUS PAS SPRIN RNAMS GTOR BAR 'GYUR, ,YANG NA RAL GRI'I PHYAG RGYA YIS,, CHAR SPRIN DANG NI KLU YI GZUGS, ,BCAD CING DUM BUR BTUB BSAMS TE, ,H'Um ZHES BYA BA'I SDIGS MDZUB KYIS, ,BSDUS TE RANG RIG SNGAGS BZLAS NA, ,'JIGS PA'I CHAR CHE DE RNAMS KYANG, ,SKAD CIG NA NI MED PAR 'GYUR, ,ZHES GSUNGS SO, ,DE LA 'DI NI BGEGS BSAL BA'I THABS SO, ,NAM MKHA'I DBUS SU NYI MA YI, ,DBUS SU KHRO BO RNAM BSGOM PA, ,MI G-YO MGON PO'I PHYAG RGYA CHE, ,RIG PA MANG POS BSKOR BA'O, ,RANG RIG SNGAGS DANG STANGS TSUL GYIS, ,H'Um DANG PHAt CES RNAM BSGRAGS NA, , KHAMS GSUM DREGS PA THAMS CAD KYANG, ,RDUL PHRAN BZHIN DU BRLAG PAR 'GYUR, ,ZHES GSUNGS SO, ,DE LA 'DI NI CHOM RKUN BCING BA'I THABS SO, ,RKANG RJES SA DANG KHYI KHRAG LAS, ,MTSAN MA MING DU BCAS PAR BYA, ,MI YI RUS PA'I PHUR BU LA, ,'OD ZER CAN GYI SNGAGS BZLAS PAS, ,LAN GRANGS NYI SHUR SNGAGS NAS NI, ,MIG GNYIS
SU NI GDAB PAR BYA, ,GZUGS BRNYAN TSOGS LA PHUL NAS NI, ,RDO RJE GTUN SHING DAG GIS BRDUNG, ,AOm SUM BHA BADZRA MU SA LE NA TZURn'A YA NA RA BIGHNAN H'Um PHAt, LAS 'DI BRTZAM PA BYAS NA NI, ,MI RGOD ZLOG PAR GDON MI ZA, ,ZHES GSUNGS SO, ,DE LA 'DI NI ME BSAD PA'I THABS SO, ,ME NI MCHED PA'I SA PHYOGS SU, ,MKHA' LDING RGYAL PO BYA KHYUNG NI,, STANG ZIL LTA BU'I KHA DOG LA, ,SBRUL NAG STONG GIS RAB BRGYAN PA'I, ,GSHOG PA MKHA' LA GDENGS PA BSGOM, ,KLU RNAMS LA NI SPRIN DAG LA, ,RDO RJE TSIG TU BSGO BA NI, , CHAR CHEN PHOB LA ME SOD CES, ,ZHOS NAS SPRIN TSOGS BUM PA YI, ,CHAR GYIS ME YANG GSOD PAR 'GYUR, ,GSHOG PAS ME NYID BKAB NAS SU, ,MCHUS BRKOS CHUS NI MTSAMS BCAD NA, ,BSKAL BA'I MES KYANG 'TSIG MI NUS, ,AOm BADZRA NA RA YA nA, NI RBA BA YA TI NA BAm BU ME GHA H'Um, ZHES GSUNGS SO, ,DE LA 'DI NI THOG BZLOG PA'I THABS SO; ;NAM MKHA' DBYINGS KYI DBUS SU NI, ,BDE BA CHEN PO ZHES BYA BA, ,ZHAL GSUM PHYAG BZHIR RNAM PAR GNAS, ,STON KA'I ZLA BA'I MDOG 'DRA BA, ,SNYEMS MA DANG NI BYAMS MA DANG, ,CHU SRIN RGYAL MTSAN ZHES BYA BA, ,ME TOG ROL BA ZHES BYA YI, ,LHA MO BZHI YIS RNAM PAR BSKOR, ,G-YAS PA'I PHYAG GIS RDO RJE GSOR, ,G-YON PA'I DRIL
, ,BU DKUR BRTEN PA, ,PHYAG GNYIS MDA' GZHU 'GENGS PA STE, ,SKU LAS SEMS DPA' 'BYUNG BA'I SPRIN, ,THOR TSUGS GSAL BA RNAM PAR BSGOM, , NAM MKHA' LAS NI BAB PA YI, ,THOG NI RANG RIG SNGAGS KYIS BZLOG ,AOm MAH'A SU KHA BADZRA CHE GE MO BADZRA, ,AOm SU RA TA BHANDHA H'Um PHAt CES GSUNGS SO, ,DE LA 'DI NI GZHAN GYI LCE GNON PA'I THABS SO, ,MAR GYI TSES BRGYAD BCU BZHI LA, ,DUR KHROD SOL BA BLANGS NAS SU, ,SNGAGS KYI BDAG POR BSGOMS NAS SU, ,DBANG CHEN DKYIL 'KHOR STENG DU NI, ,MI SNYAN SMRA 'AM SHAGS RGOL BA'I, ,LCE YI GZUGS SU BRIS PA YI, ,STENG DU ZLA BA'I DKYIL 'KHOR LA, ,RDO RJE RGYA GRAM BSGOMS PA YI, ,DBUS SU RI RAB BSKYED PAR BYA, ,DE STENG BDAG GIS MNAN BSAMS NA, ,TSIG DPANG LHA YANG DBANG 'GYUR NA, ,SHAGS LA SOGS PA SMOS CI DGOS, ,ZHES GSUNGS SO, ,DE LA 'DI NI PRA DBAB PA BSGRUB PA'I THABS SO, ,LO GRANGS BCU GNYIS LON PA YI, ,KHYE'U BU MO GANG YANG RUNG, ,MTSAN NYID THAMS CAD YONGS RDZOGS PA, ,DBAB PA'I SNOD DU RAB TU BRTAG ,TING 'DZIN RTZAL DANG LDAN PAS BYA, ,GZHAN GYIS BYAS NA 'PHYAS PAR 'GYUR, ,DANG POR PHYI NANG KHRUS BYAS TE, ,SDIG PA SBYANG PHYIR 'DUL KHRIMS DPOG ,'OD KYI 'PHRO
'DUS BYIN GYIS BRLABS, ,RGYAN GYI KHYAD PAR RNAMS KYIS BRGYAN, ,SNYING GAR H'Um NI BSGOM PAR BYA, ,SPYI BO GTZUG TU HA BSGOM MO, ,AA NI KHA RU DE BZHIN TE, ,DE NAS MDUN GYI NAM MKHA' LA, ,'PHAGS PA KUN MKHYEN SPYAN DRANGS TE, ,DE LAS 'OD ZER BSKUL ZHING DBAB, ,DZHOO NI BSKUL BA'I SNGAGS TSIG TE, ,GANG GDAB DZHOO YIS BSKUL BAR BYA'O, ,BYIS PA'I LUS LA THIM PAR BSAM, ,BYIS PA'I TZITTA GZHAL MED KHANG, ,DBAB PA'I LHA NYID BZHUGS BSAMS TE, ,LAG RGYA RDO RJE THAL MO LAS, ,SOR MO PHYIR BSNOL KHA SBUB LA, , MTHEB GNYIS SO SO'I MTHIL BKUG PA'O, ,RDO RJE TSIG TU BZLAS PA'I SNGAGS, ,CHE GE MO ZHIG AA AA ZHES, ,BRJOD CING RAB TU BSKUL BYAS NA, ,'GUL BA DANG NI G-YO BAR 'GYUR, ,KHRU GANG TZAM NAS LNGA YI BAR, ,'JIGS SKRAG NAS NI 'PHAR BAR 'GYUR, ,SNYING LA GNAS PA'I LHA DES NI, ,SMRA GSUNG KUN DANG LDAN PA STE, ,'JIG RTEN 'DAS DANG 'JIG RTEN PA'I, ,CI 'DOD GTAM NI SMRA BAR 'GYUR, ,RTOG PA THAMS CAD BRAL BA YI, ,RDO RJE SEMS DPA' CHEN PO YANG, ,CHO GA 'DI YIS 'BAB 'GYUR NA, ,'JIG RTEN PA LTA SMOS CI DGOS, ,ZHES GSUNGS SO, ,DE LA 'DI NI DUG GTANG BA'I THABS SO, ,SBRUL NI MI SDUG GDUG CING KHRO, ,'JIGS BYED NAG PO RAB TU 'BAR, ,DUG GI
, ,LCE GNYIS MCHE BA CAN, ,SOL BA RDO RGYUS DAG GIS BRI, ,BSKUL BA'I YI GE SNYING PO 'DI, ,SBRUL GYI KHONG PAR RAB TU BSAM, ,KHAm KHA DE'I NANG MI BZAD DUG ,'JIGS PAR BYED PA RAB BSGOMS NA, ,SBRUL DE RAB TU 'GUL BAR 'GYUR, ,DE NAS ZOS SHIG CES BSKUL TE, ,MTSAN MA NAS NI ZHUGS NAS NI, , KHONG DU SONG STE ZOS BSAMS NA, ,DUG GIS GZUNG BAR GDON MI ZA, ,ZHES GSUNGS SO, ,DE LA 'DI NI DUG DBYUNG BA'I THABS SO, ,NAM MKHA' DBYINGS KYI DBUS SU NI; ;ZLA BA'I DKYIL 'KHOR DBUS GNAS PAR, ,SPYAN RAS GZIGS NI BSGOM PAR BYA, ,KHA DOG DKAR PO HR'I: SPROS TE, ,DUG CAN KHONG DU ZHUGS PA YIS, ,DUG RNAMS HR'I: LA 'DUS NAS NI, ,H'Um GIS KHONG NAS PHYIR PHYUNG DANG, ,PHAt KYIS BAR SNANG KHAMS SU GTOR, ,YANG NA GZHAN GYI KHONG DU SPO, ,DES NI DE MA THAG TU YANG, ,DUG RNAMS 'BYUNG BAR GDON MI ZA, ,ZHES GSUNGS SO, ,DE LA 'DI NI DUG SPO BA'I THABS SO, ,DUG CAN SNYING GAR AOm DKAR LAS, ,'OD ZER DKAR POS DUG BSDUS PAS, ,AOm NYID NAG POR SNAR BYUNG NAS, ,GZHAN GYI LCE 'AM MTSAN MA 'AM, ,KHONG DU ZHUGS PAR RAB BSGOMS NA, ,'PHO BRTAG TU GDON MI ZA, ,ZHES GSUNGS SO, ,DE LA 'DI NI NYE
BA'I DUG GSO BA'I THABS SO, ,MDZE 'BRAS SHU BA PHOL MIG DANG, ,'BRUM BU LA SOGS NAD RNAMS KUN, ,AA DKAR DAG GI 'PHRO 'DU YIS, ,GONG MA BZHIN DU DBYUNG BAR BYA, , SPO BA YANG NI DE BZHIN NO, ,DE NI KHAMS LAS GYUR PA YIS, ,NAD RNAMS THAMS CAD SEL BAR NGES, ,ZHES GSUNGS SO, ,DE LA 'DI NI BKRES SKOM ZHI BA BSGRUB PA'I THABS SO, ,BKRES SKOM CAN GYI NYON MONGS PA'AM, ,YANG NA BSGRUB PA'AM GANG YANG RUNG, ,SBYOR BA 'DIR NI BRTZAM PAR BYA, ,RNAM PAR SNANG MDZAD GZUGS CHEN PO, ,NAM MKHA'I DBUS SU BSGOM PAR BYA, ,BA NI KHA YI NANG DU BSGOM, ,AOm NI LCE LA RNAM BSAMS TE, ,YID BZHIN BDUD RTZI LTA BU YI, ,BZA' BA'I GNAS SU DEN YID BSAM,, DES NI BKRES SKOM SDUG BSNGAL SEL, ,ZHES GSUNGS SO, ,DE LA 'DI NI RNAM PAR DAG PA BSGRUB PA'I THABS SO, ,AOm NI MIG LA RAB BSAMS TE, ,YUL KUN RNAM SNANG MDZAD DU BSGOM, ,DE LTAR RTAG TU GOMS PA DANG, ,CHOS KUN SKU GSUNG RDO RJE MTHONG, ,DE NYID RNAM DAG SPYAN DU GRAGS, ,ZHES GSUNGS SO, ,DE LA 'DI NI 'JIG RTEN PA'I LHA MTHU BO CHE RNAMS ZIL GYIS GNON CING TSIG NYAN PA BSGRUB PA'I THABS SO, ,NAM MKHA' RDO RJE'I DBUS SU NI, ,NYI MA'I DKYIL 'KHOR DBUS GNAS PAR, ,KHAMS GSUM
, ,RNAM PAR RGYAL BA BSAM, ,BHI ZHES BYA BA'I SNYING BO YIS, ,MTHU CHEN RNAMS NI DRANGS NAS SU, ,BSDIGS PA DAG KYANG BYAS NAS NI, ,ZIL GYIS GNON CING NYAN PAR 'GYUR, ,ZHES GSUNGS SO, ,DE LA 'DI NI LHA MO TZUN DHA BSGRUB PA'I THABS SO, ,SNGAGS KYI BDAG POR BDAG GNAS PA'I, ,SNYING GAR NYI MA'I DKYIL 'KHOR LA, ,TZUm ZHES BYA BA'I 'PHRO 'DU LAS, ,BDAG NYID TZUN DHA'I GZUGS SU BSGYUR, ,RNAM PA'I MCHOG RNAMS KUN LDAN PA'I, ,KHA DOG DKAR PO RAB TU BSGOM,, 'DI NI CHOS DBYINGS GRUB PA STE, ,BUD MED THAMS CAD 'GRUB PAR 'GYUR, ,ZHES BSHAD DO, ,DE LA 'DI NI DZAm BHA LA NOR BSGRUB PA'I THABS SO, ,NAM MKHA'I DKYIL 'KHOR DBUS SU NI, ,SANGS RGYAS DKYIL 'KHOR BSGOM PAR BYA, ,SNYING GAR DZAm GYI 'PHRO 'DU LAS, ,DZAm BHA LA YI GZUGS DAG GIS, ,BAR SNANG KHAMS KUN GANG BA NI; ;MDOG SNGON THOR TSUGS KYIS BRGYAN PA, ,GSUS PO CHE LA MI THUNG GZUGS, ,YID BZHIN NOR BU THOGS PA YIS, ,DBUL BA THAMS CAD SEL BAR BSAM,, 'DOD PA LA NI DE DAG DBAB, ,DES NI DBUL BA SEL BAR BYED, ,NOR DANG GTER GYI BDAG POR 'GYUR, ,ZHES GSUNGS SO, ,DE LA 'DI NI RDO RJE AANYDZA NA BSGRUB PA'I
THABS SO, ,SHING GCIG DRUNG NGAM BZHI MDO 'AM, ,MA MO'I GNAS SAM ZHI GNAS SU, ,RDO RJE AANYDZA BSGRUB PAR BYA, ,PADMA BAN DHA KHA SBYAR DU, ,TSIL CHEN BSHANG GCI KHU BA DANG,, MAH'A RAKTA LAS BYUNG BA'I, ,DU BA BAN DHAR CHAGS PA DANG, ,BSHANG GCI RAKTAS SBRUS NAS NI, ,RIL BU LCAGS GSUM GYIS DKRIS PA, ,GSUM DU BYAS NA DE NYID LA, ,RANG GI GSANG SNGAGS BRGYA RTZA BRGYAD, ,NYI SHU DGU YI NAM PHYED NA, ,BTAB NA DNGOS GRUB GRUB 'GYUR TE, ,MIG LA BSKUS NA CI YANG MTHONG, ,MI SNANG BA DANG RKANG MGYOGS DANG, ,DE LA SOGS PA'I DNGOS GRUB RNAMS, ,THOB PAR 'GYUR TE GDON MI ZA, ,ZHES GSUNGS SO, ,DE LA 'DI NI RDO RJE RO LANGS BSGRUB PA'I THABS SO, ,NAM MKHA'I DBYINGS KYI DBUS SU NI, ,NYI MA'I DKYIL 'KHOR DBUS GNAS PAR, ,BDUD RTZI 'KHYIL PA RNAM PAR BSGOM, ,DUR KHROD RI BRAG GNYAN PA'I SAR, ,RO YI RDZAS BTZAL DE NAS KYANG, ,RO YI GNYEN POR BDAG BSAMS TE, ,DE YI STENG DU BDAG GNAS LA, DE LA DKYIL 'KHOR TSANG BAR BSGOM, ,DE SNGAGS RGYUN DU BZLAS BYA ZHING, ,DGUG PA'I PHO NYA DRAG TU BSKUL, ,MDOG MDANGS BKRAG SNUM BYUNG BA DANG, ,BDUD RTZI YIS NI BSKUR BAR BYA, ,DE NAS 'GUL BAR GYUR PA DANG, ,PHYAG RGYA BZHI YIS GZHUM PAR BYA, ,SNGAGS
, ,KYI 'PHRO 'DU RGYUN MI GCAD, ,DE NAS RAB TU 'BAR BA DANG, ,'GRO BA RIGS DRUG GANG YIN PA, ,RDO RJE DRAG TU GDAB PAR BYA, ,RDO RJE SO YIS GCAD BYA ZHING, ,SNGAGS ZLOS KHONG DU BSTIM PAR BYA, ,DE NAS LANGS PAR GYUR PA DANG, ,RDO RJE BYIN NAS DBANG YANG BSKUR, ,BDUD RTZI'I CHU YANG BLUD PAR BYA, ,LAS RNAMS GANG 'DOD BYED DU GZHUG ,YANG NA GSER RAM GOS MTSON NAM, ,RKANG MGYOGS LA SOGS DNGOS GRUB RNAMS, ,JI LTAR 'DOD PA RKYEN GYIS BSGYUR, ,GANG 'DOD PA DE GDON MI ZA, ,ZHES GSUNGS SO, ,DE LA 'DI NI RDO RJE SGYU MA SGRUB PA'I THABS SO, ,BDAG NYID LHA YI RNAL 'BYOR GYIS, ,RDE'U SHING BU'I RGYU DAG LAS, , JI LTAR 'DOD PA'I GZUGS BYAS TE, ,SHE'U RE SMAN GYIS BYUGS BYAS NAS, ,RDO RJE SNGAGS KYIS TSIG 'DI BZLAS, ,SHE 'U RE 'U AI NA YA, ,AA MO KA AA GHUS SA GHUS, ,SHING BU DAG GIS GDAB BYA ZHING, ,JI LTAR 'DOD PA'I GZUGS SU 'GYUR, ,DES NI SNA TSOGS GZUGS SU 'GYUR, ,BSDU BAR 'DOD NA SLAR LA BZLOG ,DE YANG BKRI DRANG THABS SU 'GYUR, ,ZHES GSUNGS SO, ,DE LA 'DI NI RO BSREG PA'I THABS SO, ,NAM MKHA'I DBYINGS KYI DBUS SU NI, ,BDAG NYID 'JIGS BYED
SKUR BSGOMS TE, ,RO LA SNGAGS KYIS BTAB NAS NI, ,DRI ZHIM CHU YIS BYUG PAR BYA, ,ZHUN CHEN KHU BAS BTZOS PA YI, ,RAS KYIS KYANG NI DKRI BAR BYA, ,DBANG PO RNAMS KYI GNAS DAG TU, ,LHA YI PHYAG RGYA DGOD PAR BYA, ,GNAS DER SDONG BU RE RE LA, ,LHA RNAMS SNYING PO BRIS PAR GDAGS, ,RO YI PHYI ROL SHUN PA LA, ,'GRO DRUG SA BON BKOD NAS NI, ,RIM GYIS SBYANGS PA'I LAS SU BYA, ,THAB KHUNG DKYIL GANG YIN PA YI, ,PHYAG RGYA GZHUNG DANG MTHUN PAR DGOD, ,DE STENG SHING BRTZIGS GRUB BZHI LA,, KA BA ZUR BZHI SUM BRTZEGS KYI, ,BAR KHANG YANG THOG BCAS PAR BYA, ,BAR KHANG RO BZHAG SHAR DU BSTAN, ,YANG STENG RAS SAM SHOG SHOG LA, ,BRIS PA'I PHYAG RGYA TSANG BAR DGOD, ,BAR KHANG GLO DKAR PHYOGS BZHI NAS, ,GZUNGS THAG PHYOGS BZHIR BLA MAR DBUL, ,DE MTHAR 'KHOR GYI LHA RNAMS DGOD, ,DE NAS RDO RJE RGYAL PO YIS, ,ME YI 'PHRO 'DU RGYUN MI GCAD, ,RDO RJE LAS KYI KAR MA YIS, ,LAS KYI PHRENG BA RDZOGS PAR ROL, ,RDO RJE BLA MA GCIG GIS NI, ,RO YI NYES PA BGRANG ZHING BSHAGS, ,RDO RJE SKABS SBYOR CHEN PO YIS, ,RDO RJE MCHOD PA SKABS SU DBUL, ,BKRA SHIS GNAS KYI SMON LAM NI, ,SKABS SAM MJUG TU GDAB PAR BYA, ,RDO RJE GRANGS KYI TING 'DZIN GYIS, ,GRANGS
, ,GZUNG DKAR BYANG BLA MA DBUL, ,SDIG PA'I GNAG SBYANG GSHEGS SHING BSREG ,ME LHA SPYAN DRANG MCHOD PA BYA, ,BSTOD PA DAG KYANG LEGS PAR BYA, ,RO YI SGRIB PA 'BYONGS MA 'BYONGS, ,ME LA LTAS SU BLTA BAR BYA, ,MTSAN MA MI SDUG BYUNG BA NA, ,BSREG SBYANG CHO GA RGYA CHER BYA, ,DE NI TSOGS RNAMS RDZOGS PAR 'GYUR, ,ZHES GSUNGS SO; ;DE LA 'DI NI RDO RJE THAL CHEN SGRUB PA'I THABS SO, ,DE LA THAL BA THAMS CAD KUN, ,GU GUL NAG PO DANG SBYAR BA, ,RIL BU LCAGS GSUM GYIS DKRIS PA, ,RDO RJE 'JOMS PA'I PHYAG RGYA DANG, ,RDO RJE DRAG PO'I SNGAGS BTAB NA, ,BAR DU GCOD PA'I GNYEN POR 'GYUR, ,ZHES GSUNGS SO, ,DE LA 'DI NI 'PHRIN LAS BZHI'I SGRUB PA'I THABS SO, , LAS BZHI SO SO'I KHYAD PAR GYIS, ,RDZAS DANG KHA DOG PHYOGS DANG DBYIBS, ,YAM SHING BSREG RDZAS KHYAD PAR LAS, ,DKAR DANG DMAR SER MTHING NAG LAS, ,SHAR LHO NUB BYANG PHYOGS DAG TU, ,ZLUM PO LE'U TSE PADMA ZHI, ,GRU BZHI ZUR BRGYAD 'KHOR LO RGYAS, ,GRU CHAD GZHU DBYIBS ZLA GAM DBANG, ,GRU GSUM BHA GA MNGON SPYOD PA'O, , TING 'DZIN BYAMS DANG DANG BAS ZHI, ,SNYING RJE DGA' BAS RGYAS PA STE, ,DGA' DANG CHAGS PAS DBANG DU 'GYUR, ,BTANG SNYOMS KHROS PAS DRAG POR 'GYUR, ,SO SO'I
LAS KYI LHA RGYUD LA, ,SNGAGS DANG PHYAG RGYA LA SOGS DANG, ,GLU RGYUD 'BYOR PAS MCHOD PAR BYA, ,ZHAL DU GYUR PA'I ME BOS LA, ,KHRO BOS YE SHES ME RU SBYANG, ,SO SO'I RGYUD DU BSHAD BSTABS TE, ,KLONG YANGS 'KHYIL PA'I HOM KHUNG DU, ,DAM RDZAS BDUD RTZI 'BAR BA YIS, ,SBYANG DANG THOB PHYIR BSREG PAR BYA, ,NYON MONGS LNGA YI DAM RDZAS NI, , YE SHES LNGA YI KLONG DU DBUL, ,PHUNG PO LNGA NI YAB LNGA LA, ,'BYUNG BA YUM GYI DBYINGS SU BSTIM, ,SHES PA BRGYAD NI MA BRGYAD LA'O, ,YUL BRGYAD PHRA MEN BRGYAD LA BSTIM,, SGRIB DANG DNGOS GRUB DON RNAMS NI, ,ME LA MKHAS PAS BRTAG PAR BYA, ,SO SO'I DBYIBS DANG KHA DOG LA, ,DBYIBS DANG KHA DOG SHES PAR BYA, ,ZHES GSUNGS SO, ,DE LA 'DI NI RDZAS SGRUB PA'I THABS GSANG BA'O, ,PHUN SUM TSOGS PA BZHI LDAN NAS, ,GNAS DANG SA GZHI BRTAGS PAR NI, ,SA STEG TSON GYES BRI BAR BYA, ,DBUS SU THIG BZHI LE'U TSE DGU, ,DE MTHA' 'KHOR LO RTZIBS BRGYAD BYA, ,SGO BZHI SGO KHYUD BCAS PAR BRI, ,MTHA' ZAD BSKAL PA'I ME RI 'BAR, ,DBUS SU ZLA GAM KHA SPROD BRI, ,PHYOGS MTSAMS BRGYAD DU KHAm BRGYAD BRI, ,'KHOR LO'I BAR KHYAMS MU KHYUD LA, ,NANG DU BLTAS PA'I KHAm BRGYAD GSAL, ,RTZIBS LA NANG DU LTA BA BRGYAD, ,MU KHYUD BRGYAD LA PHYIR LTAS BRGYAD, ,GRU CHAD BZHI
, ,LA NANG BLTAS BZHI, ,SGO BZHIR PHYIR BLTA BRI BAR BYA, ,PHYIR RIM BAR KHYAMS DE DAG LA, ,PHYI LTA NYI SHU RTZA BRGYAD BRI, ,BSKAL PA'I ME RI BYI KHYAMS LA, , PHYIR BLTA BCU NI BRI BAR BYA, ,DE LA PHYAG RGYA RIM PAR DGOD, ,RO YI TSOL STANGS RNAM BZHI YIS, ,DUR KHROD RDZAS MCHOG MA NYAMS BTZAL, ,YE SHES SPYAN GYIS BLTA BA DANG, , RDO RJE 'GROS KYIS BTZAL PA DANG, ,PHYAG RGYA'I TSOGS KYIS ROL PA DANG, ,MA MO'I TSOGS KYIS 'JO TSUL DANG, ,BTZAL NAS MAndAL SGO BZHI NAS, ,BRO CHEN BZHI YIS SBYANG BAR BYA, ,SHAR DU DUG GSUM 'JOMS PA'I BRO, ,LHO RU KHRAG 'THUNG ROL PA'I BRO, ,NUB TU RTA MCHOG ZHAL GYI BRO, ,BYANG DU GDUL SBYONG DRAG PO'I BROS, ,SBYANG BAR BYA BA RAB TU GCES, ,DE NAS DBUS SU GZHAG BYA STE, ,MGO BO SHAR DU BSTAN PA DE'I, ,PHUNG PO BRUm LAS GZHAL MED KHANG, ,DE RU PHYAG RGYA'I TSOGS MCHOG BSGOM, ,SO SO'I RDZAS KYI GNAS RNAMS LA, ,RIGS KYI LHA RNAMS RIM PAR DGOD, ,BSNYEN PAS BYIN PHEBS RTAGS BYUNG NAS, ,BAM DE BYANG SHAR MTSAMS SU BSGRAL, ,RDO RJE THIG GIS BTAB NAS KYANG,, RDZAS RNAMS SO SO'I SGOS SU GDAB, ,DES MTSON RNAM LNGAS BKRO BAR BYA, ,'KHOR LO'I SPYI BO NYID NAS BKRO, ,RDO RJES SNYING GA'I PHYOGS NAS BKRO, ,RIN CHEN ZUR BRGYAD
LTE BA NAS, ,PADMAS KHA YI PHYOGS NAS SO, ,RAL GRIS YAN LAG RNAMS NAS SPRO, ,DE NAS PHYAG RGYA'I GNAS RNAMS SU, ,RDZAS RNAMS GO RIM BZHIN DU DGOD, ,DPAL DANG LDAN PA'I SNOD DGU LA, ,SKU GSUNG THUGS DANG LDAN PAR NI, ,GSAL BA'I 'OD DANG BCAS PAR DGRAM, ,RDZAS KYIS MDZES PAR BRGYAN PAR BYA, ,RMAD DU BYUNG BA'I GTOR MA DGRAM, , MCHOD PA'I DAM RDZAS TSANG BAR BSHAM, ,DE NAS RNAL 'BYOR CHEN PO KUN, ,BDAG NYID PHYAG RGYAR GNAS PA STE, ,BSKYED PA'I TING 'DZIN TSUL BZHIN BSKYED, ,RANG BZHIN RDZOGS CHEN SPYAN DRANGS MCHOD, ,BSGRUB PA NYAMS LEN BZLOG PAR BYA, ,DNGOS GRUB GSOL DANG DBANG BSKUR BYA, ,DE NAS GTOR MA TSO GSUM DU, ,DANG POR BCAD DE SBYIN SREG BYA, ,BAR MAS MKHA' 'GRO TSIM PAR BYA, ,THA MA MI ZAD GTER DU SBA, ,LAS RNAMS RDZOGS PAR BYAS NAS NI, ,DPAL CHEN NYID KYANG 'GRUB 'GYUR NA, ,DNGOS GRUB GZHAN LTA SMOS CI DGOS, ,ZHES GSUNGS SO, ,DE LA 'DI NI RDO RJE MCHOG CHEN PO BSGRUB PA'I THABS SO, ,DON DANG LDAN PA'I RNAL 'BYOR PAS, ,SA STENG CHAG PHYED TSAD DU BYA, ,SUM BRTZEGS BYAS DBUS ZLA GAM BRGYAD, ,PHYI MTHA' THOD PAS BSKOR BA LA, ,ME DPUNG 'BAR BAS BSKOR BA'O, ,DE YI PHYI RIM DMAR CHEN RGYAS, ,DBUS SU BAN DHA MTSAN LDAN LA, ,YAB YUM SNYING PO BRIS LA BZHAG ,ZLA GAM BRGYAD LA MA BRGYAD BZHAG ,MTHING NAG
, ,MA THA ME RI 'BAR, ,DE 'OG THOD TSAR GSUM DU BYA, ,SGO KHYAMS DUR KHROD RDZAS KYIS BRGYAN, ,SGO RTZEG SGO KHYUD THA MA BRAN, ,GNAS MCHOG RAB TU DBEN PA YI, ,RI YI RTZE 'AM NAGS TSAL LAM, ,SDE DPUNG PHRA MOS MI TSUGS SHING, ,'DU 'DZI 'GRO 'ONG CHAD PAR SHIS, ,RNAL 'BYOR GDENG DANG RAB LDAN ZHING, ,BRJID CING SRAN TSUGS KHU 'PHRIG CHUNG, ,BRTUL ZHUGS CHE LA RTOG PA MED, ,LAS KYI PHRENG BA LHAG CHAD MED, ,DRI ZHIM SMAN GYIS PHYI BKRU ZHING, ,SHI NE DHE HUS NANG YANG BKRU, , TSAD MAR SBYAR BA'I BKA' DAG DANG, ,LDAN PAS DUS BTAB BZHIN DU BRTZAM, ,RGYU YANG BRTAG PAR BYA BA NI, ,MDZES SHING BKRA SHIS LDAN PA LA, ,BONG TSOD LO NI DAR LA BAB, ,RIGS LNGA'I MTSAN RTAGS YOD PA SHIS, ,BSGRUB PA'I RGYU MCHOG DE LTA BU, ,DAG PA GSUM GYIS GZHUNG BSRANGS NAS, ,BYIN GYIS BRLAB PA RAB TU BYA, ,DHA HU MA 'DAS DBANG PO BSGYUR, ,BDUD RTZI LNGA YI THIG LE YIS, ,DBANG PO LNGA LA GDAB PAR BYA, ,SNANG SRID GTAM NI DRI BA 'AM, ,LEGS NYES DRI BA'I PRA YANG DBAB, ,RNAM SHES 'BYUNG BA'I SGO RNAMS SU, ,SO SO'I RIGS KYI PHYAG RGYAS GDAB, ,PHYAG RGYA BKOD DE BSGRAL BAR BYA, ,PHUNG PO GZHAL YAS KHANG DU BYA, ,NANG GROL THAMS CAD LHAR
BSGOMS TE, ,BSGRAL SBYANGS SBYAR BA BYAS NAS NI, ,MCHOD DANG MNYES DANG DAM SKONGS DANG, ,DNGOS GRUB RNAM GSUM THOB NAS BLANG, ,ZHES GSUNGS SO, ,DE LA 'DI NI MCHOG PHRAN GTZANG MA BSGRUB PA'I THABS SO, ,MAndAL GRU BZHI TSAD LDAN LA, ,ZLA GAM SGO GCIG RDO RJES BSKOR, ,MU KHYUD SGO BZHI RAB TU BRI, ,KHYU MCHOG DBANG PO PHYED LDAN LA, ,PHYI NANG KHRUS KYANG DE BZHIN BYA, ,DBUS SU BZHAG STE SHAR DU BSTAN, ,LCE LA GZUNGS THAG SNA LNGAS GDAGS, ,MAN NGAG LUNG LDAN PHYAG TU DBUL, ,PHYAG RGYA RDZAS DANG BCAS PAR DGRAM, ,DE YI KHONG DU GZHAL YAS SU, ,YE SHES SEMS DPA' TSON GANG BA'I, ,THUGS KAR NOR BU RIN CHEN 'BAR, ,DBUS SU NYI MA'I GA 'U LA, ,DPAL BE'U YUNGS 'BRU'I SNYING PO LA, ,TIL 'BRU TZAM GYI H'Um DMAR GNAS, ,RDO RJE 'PHRO 'DU RGYUN MI GCAD, ,RDO RJE PRA YANG DBAB PAR BYA, ,DE NAS MTSAN RTAGS BZANG BA DANG, ,DNGOS GRUB BLANGS TE BSGRAL BAR BYA, ,BSKAMS TE BDUD RTZI'I RTZA BAR SHIS, ,ZHES GSUNGS SO, ,DE LA 'DI NI DREGS PA CAN GNON PA BSGRUB PA'I THABS SO, ,PHUN SUM TSOGS PA BZHI LDAN NAS, ,JI LTAR RIGS PA 'DUS PA DANG, ,MAndAL GZHI GCIG SKYANG NUL BYA, ,CHAG RAMS BSTOD PA'I MAndAL BZHI, ,GRU BZHIR GZHI LAS SPAGS PAR BYA, ,DE DAG MA TANG GZUGS SU BYA, ,
, ,SNYING GA MAN CHAD DBUS SU BSNOL, ,MAndAL CHEN PO'I 'OG TU GZHUG ,DBUS SU 'KHOR LO'I THIG BTAB LA, ,DPAL CHEN LNGA YI PHYAG RGYA GZHAG , BAR KHYAMS GNYIS KYIS MDZES PA LA, ,GNAS DANG YUL GYI PHYAG RGYA DGOD, ,SGO BZHIR SGO SRUNG DE BZHI GZHAG ,YAN LAG SPRUL PA'I MGO BRNYAN GNAS, ,PHYI ROL KHYAMS LA ME RIR BYA, ,DE MTHA' THOD PA TSAR GSUM BLTAMS, ,DE YI PHYI RIM ME BUR 'TSUB, ,GU GU THUL DANG ZA RA TSAGS, ,ZHING DANG SPRUL CHUN SGO KHYUD LA, ,BAN DHA SNYING POR BCAS PA DAG ,SO SO'I GNAS SU DE BZHIN GZHAG ,RDO RJE'I DBYIBS SU BRTZIGS PA'I THAB, ,THUR BZHI KHA BZHI DAG LA BYA, ,SNYING GAR 'KHOR LO'I THAB TU BYA, ,RIGS DANG MTHUN PA'I YAM SHING BRTZIGS, ,HOM LNGA 'BREL BA'I LAS CHEN LA, ,THAB KHUNG LNGA YI BYE BRAG TU, ,RGYUD DRUG YAM SHING SPUNGS PA LAS, ,YE SHES LNGA YI ME KLONG DU, ,NYON MONGS LNGA YI BSREG SBYANG THIM, ,BYA BAR 'OS PA MTHA' DAG KUN, ,RNAL 'BYOR CAN GYIS [?] MIGS BYA, ,ZHES GSUNGS SO, ,DE LA 'DI NI MA TANG 'GRENG BU GNON PA'I THABS SO, , DKYIL 'KHOR MA TANG GZUGS SU BYA, ,MGO BO LHO NUB MTSAMS SU BSTAN, ,MGO LUS YAN LAG RNAMS LA NI, ,MAndAL BCU GCIG RAB TU BYA, ,ZHAL DU HOM KHUNG GRU
GSUM LA, ,YAM SHING DAG GIS BRDZANGS NAS NI, ,SBYIN SREG HOM GYI LAS RNAMS BYA, ,SNYING GAR GRU GSUM RTZE GSUM LA, ,BANG RIM GSUM PAR BYAS NAS NI, ,PHUR BU NYI SHU RTZA GSUM DGOD, ,ZHE SDANG RDO RJE'I TING 'DZIN BYA, ,LTE BAR GRU GSUM MTHING NAG LA, ,ZUR LA THOD PA TSAR GSUM BRI, ,GZHU BDUN DGRA STA BRGYAD KYANG DGOD, ,PHUR BU DGU DANG KHA tV'Am DGU, ,RTZANG DMAR DRUG CU RTZA BRGYAD DGONG, ,YUM GYI MKHA' RU BSGOMS NAS SU, ,GZIR GNAN DRAG PO'I LAS RNAMS BYA, ,YAN LAG MGO MTSAN G-YAS G-YON LA, ,GNAS KYI MA MO BRGYAD RNAMS KYI, ,BRI 'AM MTSAN MA GZHAG PAR BYA, ,GZHAN RNAMS KYANG NI CI RIGS PAR, ,MA TANG DGUG DANG DBAB DANG GNON, ,BYIN BRLABS MKHAS PAS TSUL BZHIN BYA, ,BYA BA THAMS CAD CI RIGS BYA, ,DES NI GNON PA'I LAS CHEN 'GRUB, ,CES GSUNGS SO, ,DE LA 'DI NI RDO RJE TSE BSGRUB PA'I THABS SO; ;THAMS CAD 'BYOR PAR BYAS NAS NI, ,SA STENG SKYANG NUL LEGS BYAS LA, ,DBUS SU PADMA 'DAB BRGYAD LA, ,ZLA GAM DMAR PO SGO BZHIR LDAN, ,RDO RJE'I RA BAS BSKOR BAR BYA, ,DPAL LDAN TSE YI PHYAG RGYA DGOD, ,RIN CHEN SNA TSOGS BUM PA LA, ,CHE YI RDZAS KYIS GANG BA DE, ,PADMA BAN DHAS KHA BKAB LA, ,GZUNGS THAG BTAGS NAS
, ,DBUS SU GZHAG ,CHE DPAG MED PAR DE MNGA' GSOL, ,BUM PA RIN CHEN LAS BYAS BZHI, ,GSANG BA'I YUM DU DE MNGA' GSOL, ,RIGS DANG MTHUN PA'I BUM PA BZHI, ,RIGS LNGA'I SANGS RGYAS GTZO GZUNGS DANG, ,SO SO'I 'KHOR GYI SEMS DPA' RNAMS, ,GTZO GZUNGS ZUNG DU 'BREL BAR NI, ,PHYOGS PHYOGS DAG TU TSOM BUR BRI, ,SGO BZHIR SGO SRUNG LA SOGS GZHAG ,SEMS DPA'I PHYAG RGYA KUN BKOD NAS, ,TSE DPAG MED PA'I THUGS KA NAS, ,'KHYIL CING 'TSER BA'I BYANG CHUB SEMS, ,NYI ZLA'I GA 'U GNAS PA DE, ,A'A YU BYANG CHUB SEMS SU ZHU, ,DE LAS RGYAL MTSAN MCHOD LDAN DANG, ,RIN CHEN GTER DANG DBANG BSKUR MDZAD, ,GSANG BA'I TSE GTER 'DZIN DANG BZHI, ,THUGS KAR 'PHROS NAS DE BZHIN DU, ,TSOM BU RIM GYIS SPROS NAS NI, ,DKAR DMAR 'OD KYIS BDAG LA BSTIMS, ,SKYE MED DBYINGS SU SBAS NAS NI, ,MI 'GYUR PHYAG RGYAS GDAB PAR BYA, ,YANG NA TING 'DZIN KHYAD PAR GYIS, ,LO 'AM ZLA BA'I MTHA' DAG TU, ,SKYA RENGS 'CHAR BA'I DUS SU NI, ,PHYAG RGYA CHEN POS GNAS PA DES, ,SHAR PHYOGS NGOS SU KHA BLTAS TE, ,LHA KLU GNOD SBYIN JI SNYED PA, ,SHAR PHYOGS NAM MKHAR GNAS PA RNAMS, ,THAMS CAD KHONG DU RDUBS PA LAS, ,PHYIR
MI 'BYUNG BAR KHONG DU BSTIMS, ,DBUGS DE THA MAR SNA RU BSRING, ,PHYOGS BCUR DE LTAR GOMS BYAS NAS, ,DPAL TSE GZI BYIN THAMS CAD THOB, ,CES GSUNGS SO, ,DE LA 'DI NI BDUD RTZI BSGRUB PA'I THABS SO, ,MAndAL TSAD DANG MTHUN PA LA, ,DBUS SU PADMA 'DAB BRGYAD BRI, ,GRU CHAD ZLA GAM BZHI PAR BYA, ,GZHAN YANG ZLA GAM CI RIGS DGRAM, ,PADMA'I RTZE LA RIN PO CHE, ,GE SAR DAG GIS MDZES PAR BYA, ,PHYAG RGYA 'BAR BA'I LHA MCHOG DGOD, ,DBUS SU TSANGS PA'I SKUD PA CAN, ,SUL MED DUNG CAN 'KHOR BAR GZHAG ,SHAR DU SUL 'GRENG DE BZHIN TE, ,LHO RU DPAG BSAM SHING BU CAN, ,NUB TU SHONG BU GNYIS PA GZHAG ,BYANG DU BAS PHOR RGYA GRAM MO, ,SNOD KYI MCHAN NYID BKOD NAS SU, ,DRI CHEN ZHU BA MAm SA DANG, ,RAKTA DRI CHU PHYOGS PHYOGS SU, ,DE DAG SKABS SU SBYAR BA YI, ,KA KOL LA DANG DU RU SKA, ,DZA TI PHA LA KHA DRI ZHIM, ,LCE POG DKAR PO RIM BZHIN SBYAR, ,'DI DAG KYANG NI RIM PA BZHIN, ,AA GA RU DANG GA PUR DANG, ,GUR GUM PADMA LI GA DUR, ,DE NAS RA SA YA NA'I TSOGS, ,RIGS DANG LAS DANG KHA DOG GIS, ,CI RIGS SO SOR DBYE BAR BYA, ,SA BON LNGA YIS RNAM PAR SBYANGS, ,GSANG CHEN DE NYID DAM PA YI, ,RIGS GCIG RIGS LNGA RIGS BRGYA YIS, ,SBYANG BA MCHOG TU BYA BA YIN, ,KHROL BU DAG NI SBYANGS PA NA, ,BSAL DANG
, ,BSNGO DANG BSDU DANG DBYE, ,KHRUS DANG BSHAGS DANG YON TAN BRJOD, ,BYIN DBAB BZLAS PA RTAGS BYUNG DANG, ,BSDU DANG BTAG BTZAG GZHAL BA BDAG MTSAN LDAN SNOD DU RGYA YIS GDAB, ,RIGS DANG MTHUN PA'I GZUNGS KYIS GDAGS, ,DBANG BSKUR BYIN BRLAB TSUL BZHIN BYA, ,TING 'DZIN MI G-YENG 'BYONGS PA DANG, ,DNGOS GRUB BLANG BA LA SOGS BYA, ,DE NAS RIL BU'AM 'DE GU 'AM, ,SKYO MA LA SOGS CI RIGS PAR, ,RNAL 'BYOR MCHOG GIS SBYAD PAR BYA, ,ZHES GSUNGS SO, ,DE LA 'DI NI STAN BSGRUB PA'I THABS SO, ,GANG YANG RUNG BA'I SEMS CAN DE, ,LAS BAB PA YI RNAL 'BYOR PAS, ,RAm YAm KHAm GIS SREG SBYANG BYA, ,RGYUD DRUG SA BON 'BRU LNGAS SBYANG, ,ROL PA'I TSUL GYIS BSGRAL BYA ZHING, ,RNAM SHES SBYOR BA'I LHUMS SU 'PHANG, ,BYANG CHUB SEMS KYI 'PHRO 'DU YIS, ,SKU BSKYED YE SHES SKUR SPROS TE, ,RDZOGS SANGS RGYAS LA SOM NYI MED, , CES GSUNGS SO, ,DE LA 'DI NI GA nA BSGRUB PA'I THABS SO, ,MTSAN DANG LDAN PA'I GZUNGS MA LA, ,BSNYEN SGRUB LUNG BZHIN SBYOR BAR BYA, ,DKAR DMAR 'DRES PA'I BYANG CHUB SEMS, ,RDO RJE LCE YIS BLANG BAR BYA, ,SANGS RGYAS RNAMS LA MCHOD PAR BYA, ,'GRO DRUG SGRIB PA SBYONG BAR BYED, ,CES GSUNGS SO, ,DE LA 'DI NI SPYI BSGRUB PA'I THABS SO, ,
YID DAM BCAS PA BTANG NA YANG, ,BDAG LUS PHYAL PAR MI GTANG ZHING, ,DE NYID DRAN PA CHEN POR BYA, ,'PHAGS PA MCHOD PAR BRTZON PA DANG, ,RANG GI LTA BA GSAL BA DANG, ,BSANG SNGAGS SDOM LA GNAS PA DANG, ,SNGAGS DANG PHYAG RGYA MA NYAMS DANG, ,YO BYAD TSOGS NA NGES PAR 'GRUB, ,MI LDAN DON RNAMS BRLAG PAR 'GYUR, ,ZHES GSUNGS SO, ,DE LA 'DI NI MI 'GRUB PA'I CHAD PA'O, ,BSNYEN BSGRUB RIM PAR MA RDZOGS PAR, ,DNGOS LA ZHEN CING SGRUB BYED PA, ,RANG RGYUD SREG PAR GDON MI ZA, ,ZHES GSUNGS SO, ,DE LA 'DI NI BSGRUBS NAS MA GRUB PA'I CHAD PA'O, ,BKA' BZHIN SGRUB PA'I RNAL 'BYOR PAS, ,DUS BZHIN GRUB PAR MA GYUR NA, ,RDO RJE SEMS DPA' LA SOGS PA'I, ,YE SHES LAS GRUB LHA RNAMS KYANG, ,TSAL PAR 'GAS PA GDON MI ZA, ,ZHES GSUNGS SO, ,DNGOS GRUB GZHAN DAG DE DAG TU, ,MI ZAD BSAM GYIS MI KHYAB STE, ,DE DAG LA SOGS BSAM YAS MCHOG ,CHOS DBYINGS MNYAM DANG MI MNYAM DANG, ,NAM MKHA' DBYINGS KYI MTHA' KLAS PA, ,BRJOD MED BRJOD LAS 'DAS PA YO, ,DNGOS GRUB JI LTAR 'DOD PA 'GRUB,, CES GSUNGS SO, ,'PHAGS PA RGYUD KYI RGYAL PO YE SHES RNGAM PA GLOG GI 'KHOR LO'I MDO ZHES BYA BA LAS, DNGOS GRUB BSGRUB PA'I RNAM GRANGS BSHAD PA'I LE'U STE BCU GNYIS
, ,PA'O,, ,,DE NAS BCOM LDAN 'DAS GSANG BA MDOG GI BDAG PO DE MI 'DA' BA DAM TSIG GI RDO RJE ZHES BYA BA'I TING NGE 'DZIN LA SNYOMS PAR ZHUGS NAS NYID KYI SKU DANG, GSUNG DANG, THUGS RDO RJE LAS SDOM PA ZAB MO 'DI PHYUNG NGO, ,DE LA 'DI NI DAM TSIG GI SDOM PA CI'I PHYIR BSRUNG BA'O, ,SRID GSUM SEMS CAN THAMS CAD LA, ,LOG RTOG 'KHRUL PA BSAM MI KHYAB, ,DE NYID GZHIL BA'I GDUL THABS SU, ,PHYI NANG SDOM PA JI SNYED PA, ,RTOG 'DUL THABS SU DE SNYED GSUNGS, ,ZHES GSUNGS SO, ,DE LA 'DI NI DAM TSIG GI MDO KUN 'DIR 'DUS PA'O, ,JI SNYED SDOM PA BSAM YAS KUN, ,GSANG SNGAGS RGYA MTSO CHEN PO LAS, ,'DUL BA'I THABS SU SO SOR SNANG, ,SNANG YANG RTOG 'DUL MA GRUB PHYIR, ,RMAD BYUNG NGANG DU CIG PAR 'DUS, ,DE BAS GSANG SNGAGS NGO MTSAR CHE, ,ZHES GSUNGS SO, ,DE LA 'DI NI DAM TSIG RNAM PAR DAG PA'O, ,CHOS KUN YE NAS DAG PA'I PHYIR, ,LOG RTOG YE NAS RNAM PAR DAG ,DE BAS SDOM PA RNAM PAR DAG ,DAM TSIG 'DI NI RMAD PO CHE; ;ZHES GSUNGS SO, ,DE LA 'DI NI BSRUNG BA MED PA'I SDOM PA'O, ,THAMS CAD THIG LE RDO RJE BAS, ,BSRUNG BA'I THA SNYAD RNAMS DANG BRAL, ,KUN KHYAB BDAL BA'I NGANG
NYID LA, ,BSRUNG DU MED NA SDOM PA YIN, ,NAM MKHA' BZHIN DU KUN TU KHYAB, ,CES GSUNGS SO, ,DE LA 'DI NI RTOGS PA'I DAM TSIG GO ,BDE CHEN RNAM DAG LHUN GRUB PAR,, LTA BAS RTOGS SHING CHUD GYUR NA, ,DAM TSIG NYID KYANG RNAM DAG STE, ,LTA BA KHYAD PAR JI BZHIN DU, ,'DUL BA'I KHYAD PAR DE LTAR GNAS, ,DE BAS DAM CHIG CES BYA BA, ,RANG GI LTA BA YIN PAR GSUNGS, ,ZHES GSUNGS SO, ,DE LA 'DI NI DAM TSIG GI MDO GSANG BA'O, ,GSANG SNGAGS RGYA MTSO CHEN PO YI, ,DAM TSIG BSAM YAS JI SNYED PA, ,RTZA BA YAN LAG GNYIS SU 'DUS, ,RTZA BA'I DAM TSIG GSUM YIN TE, ,SKU GSUNG THUGS SU RGYAL BAS GSUNGS, ,YAN LAG DAM TSIG MI SPANG DANG, ,MI 'DOR SPYAD DANG SHES PA DANG, ,GRUB PA YIN TE RNAM LNGA PO, ,MDOR NA RNAM PA BRGYAD DU GRAGS, ,ZHES GSUNGS SO, ,DE LA 'DI NI MDO RGYAS PA'O, ,SKU YI DAM TSIG CES BYA BA, ,BLA MA SPUN LA GDUNG SEMS LDAN, ,MNGAN DANG DPYA SEMS SPANGS PA YIN, ,BLA MA LA YANG RNAM GSUM TE, ,DAM TSIG DBANG DANG SHES RAB RGYUD, ,MAN NGAG LUNG STON SLOB DPON LA; ;MNGAN DANG DPYA BA'I SEMS BOR NA, ,LUS NGAG SGO NAS SMOS CI DGOS, ,MGO DANG MIG DANG GSANG MA SNYING, ,RTAG TU 'BRAL BAR 'PHANGS PA LTAR, ,BLA MA RDO RJE SLOB
, ,DPON LA, ,MI 'BRAL SEMS KYIS DE LTAR LTA, ,DE YI PHYI BZHIN BE'U LTAR 'BRANG, ,DE YI DGOS PA CI YANG RUNG, ,SKONGS NA SOG LA'ANG MI LTA NA, ,ZANG ZING GZHAN LTA SMOS CI DGOS, ,LUS LA DBANG BA'I RGYAL PO'AM, ,LUS SROG BSKYED PA'I PHA MA BAS, ,SHIN TU GNYAN ZHING BKUR BAR BYA, ,CI PHYIR DBYINGS DANG RNAM THAR GYI, ,SGO RNAMS DE YI STON PA YIN, ,DNGOS GRUB BYE BRAG JI SNYED PA, ,DE LA RAG LAS RJES SU 'BRANG, ,MA RIG MUN PAS GTIBS PA LA, ,SEMS KYI SGRON MA DE YIS 'DEGS, ,LHA MI YONGS KYI 'DREN STON YIN, ,DUS GSUM SANGS RGYAS ZHAL MTHONG YIN, ,DGE BA'I RTZA BA'I SROG SHING YIN, ,YON TAN KUN GYI GTER MDZOD YIN, ,GAL TE YON TAN MI LDAN YANG, ,BLA MAR BZUNG NAS SPANG BYAS NA, ,KUN GYI SLOB DPON BRNYAS PA YIN, ,DUS GSUM SANGS RGYAS SKUR BA YIN,, DE YI NYAMS PA BRJOD MI LANG, ,YON TAN LDAN PA'I BLA MA DE, ,PHYOGS BCU'I SANGS RGYAS THAMS CAD DANG, ,RGYAL SRAS DANG NI MTHU CHEN RNAMS, ,PHYAG 'TSAL MCHOD CING BKUR STI BYED, ,'JIG RTAN 'DI NA MTHU CHEN KUN, ,DE YI DGONGS PA SKONG BA DANG, ,KHUR ZHING BRAN DU KHAS LEN NA, ,RDO RJE SLOB MAS SMOS CI DGOS, ,RDO
RJE SBUN LA GDUNG SEMS KYANG, ,'DRES DANG MA 'DRES YONGS KYI SPUN, ,YANG DAG LAM DU ZHUGS PA LA, ,MNGAN DANG DPYAS KYI SEMS TZAM YANG, ,RTAG TU SPANG BAR BYA BA YIN,, BRTZE ZHING GDUNG BA'I SHUGS PHYUNG LA, ,GCIG LA GCIG NI MIG BZHIN BLTA, ,MDOR NA SROG LA MI CHAGS PAR, ,SPUN DANG MING SRING DGOS PA SGRUB, ,CI PHYIR RDO RJE SPUN RNAMS NI, ,'DI NAS BYANG CHUB THUG PA RU, ,MI 'BRAL 'GROGS PA'I GROGS MCHOG STE, ,MAR ME 'OD DANG SDONG BU 'DRA'O, ,DPER NA 'JIG RTEN MI RNAMS KYANG, ,MANG PO 'DUS NA DKA' BA'ANG 'GRUB, ,DE BZHIN RDO RJE MING SRING SPUN, ,DNGOS GRUB SGRUB PA'I GROGS MCHOG YIN, ,DPER NA GROGS DANG LDAN PA'I MI, ,'TSE BA RNAMS KYIS MI TSUGS BZHIN, ,DE BZHIN RNAL 'BYOR GROGS LDAN YANG, ,RGOL BA RNAMS KYIS MI TSUGS SHING, ,'BRAS BU MYUR DU 'GRUB PAR 'GYUR, ,DE BAS NAN TAN BSKYED DE BSRUNG, ,DE YANG SKU YI DAM TSIG DE, ,BSRUNG BA YIN PAR RGYAL BAS GSUNGS, ,MDOR NA SNANG SRID THAMS CAD NI, ,GZUGS SU SNANG BA MTHA' YAS KUN, ,CHOS KYI SKU LAS MA G-YOS PAR, ,GZUGS SKU 'JA' TSON TSUL DU GSAL, ,DE NYID DON LAS MI 'DA' BAR, ,RTOGS PA SKU YI DAM TSIG CES, ,RGYAL BA RNAMS KYIS RAB TU GSUNGS, ,
, ,GSUNG GI DAM TSIG CES BYA BA, ,SNGAGS KYI RNAL 'BYOR GRAL SGO BAS, ,PHYAG RGYA BZHI RU RNAM GSAL NAS, ,RDO RJE SNGAGS RNAMS RGYUN MI GCAD, ,BSGOM DANG BZLAS DANG 'PHRO 'DU'I SNGAGS, ,TING 'DZIN ME DANG 'DRA BA LA, ,BZLAS BRJOD RLUNG DANG 'DRAS BSKYOD NAS, ,SGRIB PA'I BUD SHING BSREG PAR BYA, ,BZLAS BRJOD SNGAGS KYI BRTUL ZHUGS KYANG, ,SGRA CHEN MA YIN CHUNG BAR MIN, ,MGYOGS PAR MA YIN BUL BAR MIN, ,DRAG PAR MA YIN DAL BAR MIN, ,YIG 'BRU YAN LAG NYAMS MA YIN, ,YENGS MIN GLAL SOGS BAR GCOD MIN, ,RGYU BA'I SEMS RNAMS SPANGS PA DANG, ,BZLAS PA'I SKYON BCU SPANGS NAS NI, ,DUS DANG GRANGS DANG MTSAN MA YI; ;BSNYEN PA RAB TU RDZOGS PA GCES, ,YE SHES LHA RNAMS NYE BA DANG, ,DBYINGS DANG RNAM THAR 'DZOM PA DANG, ,DNGOS GRUB RNAM GSUM THOB PA DANG, ,'PHRO 'DUS 'GRO DON BYA BA DANG, ,DE YIS LHA RNAMS MNYES PA DANG, ,LAS DE MYUR DU 'GRUB PA'I PHYIR, ,BSRUNG BA'I DAM TSIG YIN PAR GSUNGS, ,MDOR NA SNANG SRID THAMS CAD KUN, ,SKYE MED GSUNG LAS MA G-YOS KYANG, ,GSUNG GI BYE BRAG NYID YIN PAR, ,RTOGS SHING SLAR YANG DBYINGS SU THIM, ,RTOGS PA GSUNG DU RGYAL BAS
GSUNGS, ,THUGS KYI DAM TSIG CES BYA BA, ,SPYIR GSANG BZHI DANG BAR GSANG BZHI, ,GSANG BAR 'OS DANG GNYER GTAD PA'I, ,GSANG SNGAGS GSANG BA'I DON RNAMS KUN, ,BUM PA'I NANG GI ME MAR BZHIN, ,SNOD MA YIN PA'I GANG ZAG LA, ,DUS DANG GNAS SKABS KUN TU GSANG, ,SNOD DANG LDAN PA RNAMS LA YANG, ,DBANG MA THOB PAR BSHAD PA MIN, ,CI PHYIR GSANG DON DE NYID LA, ,MA RTOGS PA RNAMS SKUR PA 'DEBS, ,LOG PAR RTOGS PA LTUNG BAR 'GYUR, ,DON MA RTOGS NA YID CHES MED, ,KHAMS GSUM SKYE BOS BCAS KAR 'GYUR, ,DNGOS GRUB BAR GCOD BGEGS SU 'GYUR, ,DE BAS GZHAN DU BSTAN PA MIN, ,MDOR NA THUGS KYI DAM TSIG NI, ,SRID GSUM SEMS CAN THAMS CAD KYI, ,SEMS RTOG RNAM PA THAMS CAD KUN, ,SKYE MED DBYINGS LAS MA G-YOS KYANG, ,SO SOR RTOGS PA THUGS NYID SNANG, ,SNANG NYID DBYINGS LAS MI 'DA' BAR, ,RTOGS PA THUGS SU RGYAL BAS GSUNGS, ,DE NI RTZA BA'I DAM TSIG GI ,MDO NYID RGYAS PAR BSHAD PA YIN, ,RTZA BA'I DAM TSIG GI MDO RGYAS PAR BSHAD PA'O, ,MI SPANG DAM TSIG CES BYA BA, ,'DOD CHAGS ZHE SDANG GTI MUG DANG, ,NGA RGYAL PHRAG DOG LNGA RNAMS NI, ,RIGS LNGA'I SANGS RGYAS NGO BO STE, ,YE SHES LNGA YI
, ,RANG BZHIN PAS, ,SPANGS NA RNAL 'BYOR DON DANG 'GAL, ,MI DOR DANG DU BLANG BA NI, ,DRI CHEN DRI CHU RAKTA DANG, ,MAm SA DANG NI ZIL PA LNGA, ,'BRAS BU LNGA YIS BSDUS PA RNAMS, ,RNAL 'BYOR PAS NI RTAG TU BZA', ,'DI YANG DAM TSIG RMANG PO CHE, ,SPYAD PAR BYA BA'I DAM TSIG NI, ,SBYOR DANG SGROL BDE MA BYIN LEN, ,BRDZUN DANG NGAG RTZUB SMRA DANG LNGA, ,DON LDAN SKYES BUS SPYAD PAR BYA, ,SHES PAR BYA BA'I DAM TSIG NI, ,PHUNG PO LNGA DANG 'BYUNG BA LNGA, ,DBANG PO YUL LNGA KHA DOG LNGA, ,RIGS LNGA YE SHES LNGA NYID DU, ,DON LDAN SKYES BUS SHES PAR BYA, ,LUNG DANG LDAN PA'I RNAL 'BYOR PAS, ,GRUB PAR BYA BA'I DON CHEN YANG, ,SANGS RGYAS LNGA LAS GZHAN MI BSGRUB, , GRUB PAR BYA BA'I DAM TSIG STE, ,'DI DAG BSRUNG BAR RAB TU GCES, ,DE YANG CI PHYIR BSRUNG ZHEN, ,'DOD CHAGS RANG DANG SPYIR SNANG BA, ,CHAGS SHING ZHEN PA THAMS CAD KUN, ,PADMA RIGS KYI NGO BO YIN, ,ZHE SDANG DE BZHIN RDO RJE'I RIGS, ,GTI MUG SANGS RGYAS YIN PAR GSUNGS, ,NGA RGYAL YID BZHIN NOR BU STE, ,PHRAG DOG CES BYA LAS SU BSHAD, ,DE BAS SPANG BAR BYA BA MIN, ,DRI CHEN SNANG MDZAD GTZO BO YIN, ,DRI CHU GDON MI ZA GRUB PA, ,RAKTA SNANG BA MTHA' YAS SKU, ,MAm SA RIN CHEN 'BYUNG LDAN
GTZO, ,BYANG CHUB SEMS NI RDO RJE SEMS, ,DES NA DANG DU BLANG BAR GSUNGS, ,SEMS CAN THAMS CAD GSAD BYA BA, ,RDO RJE SEMS DPA'I DAM TSIG YIN, ,BUD MED RNAMS LA CHAGS BYA BA, ,SNANG BA MTHA' YAS DAM TSIG STE, ,GZHAN GYI NOR 'PHROG RNAM SNANG GI ,RIN CHEN 'BYUNG BA'I BRDZUN PHRA MA, ,NGAG RTZUB GDEN MI ZA 'GRUB PA'I, ,DAM TSIG YIN PAR RGYAL BAS GSUNGS, ,DE BAS SPYAD PAR BYA BA 'O, ,GZUGS SU SNANG BA RNAM SNANG MDZAD, ,TSOR BA RIN CHEN 'BYUNG LDAN GTZO, ,'DU SHES SNANG BA MTHA' YAS TE; ;'DU BYED GDON MI ZA GRUB PA, ,RNAM SHAS RDO RJE SEMS DPA' 'O, ,SA NI RDO RJE ZHES SU BSHAD, ,RIN CHEN CHU STE PADMA ME, ,THOGS MED RLUNG GI RANG BZHIN TE, ,NAM MKHA'I KHAMS NI RNAM SNANG MDZAD, ,MIG GI DBANG PO RNAM SNANG MDZAD, ,RNA BA RIN CHEN 'BYUNG BA'I TSUL, ,SNANG BA MTHA' YAS SNA ZHES GRAGS, ,LCE NI GDON MI ZA GRUB PA, ,LUS NI MI BSKYOD PA RU BSHAD, ,GZUGS NI RNAM PAR SNANG MDZAD TSUL, ,SGRA NI RIN CHEN 'BYUNG BA STE, ,DRI NI SNANG BA MTHA' YAS SO, ,RO NI DON YOD GRUB PA YIN, ,REG RNAMS MI BSKYOD PA RU BSHAD, ,DE BZHIN DKAR BO RDO RJE'I RIGS, ,SER PO BDER GSHEGS RIGS SU BSHAD, ,MTHING GA RIN CHEN DMAR PO CHOS, ,LJANG GU
, ,LAS KYI RIGS SU BSHAD, ,DE PHYIR SHES PAR BYA BA YI, ,DAM TSIG YIN PAR DPA' BOS GSUNGS, ,GRUB PAR BYA BA'I 'DRAS BU YANG, ,RIGS LNGA NYID DU GRUB PAS NA, ,DE GRUB PA YI DAM TSIG YIN, ,DAM TSIG 'DI NI RMAD PO CHE, ,YAN LAG DAM TSIG 'DA' BA'O, ,ZHES GSUNGS SO, ,YAN LAG GI DAM TSIG MDO RGYAS PA'O, ,DE LA 'DI NI DBYE BA'O, ,RTZA BA YAN LAG DAM TSIG RNAMS, ,BSRUNG BA RTOG PA GNYIS SU DBYE, ,DE DAG DNGOS SU BSRUNG BAS NA, ,MI 'DA' BSRUNG BA'I SDOM BCAS YIN, ,RNAM PAR DAG PA'I NGANG NYID DU, ,DE DAG RTOGS PAS KHYAD PAR DU, ,RTOGS PA'I DAM TSIG YIN PAR GSUNGS, ,DE LA 'DI NI DAM TSIG NYAMS PA LTUNG BA'I GNAS SO, ,RTZA BA NYAMS PA'I SKYON CHEN YANG, ,BSKAL PA GRANGS MED BGRANGS PAR YANG, ,DMYAL BA'I GNAS SU LTUNG BAR 'GYUR, ,RDO RJE BLA MA'I SKU SMAD NA,, DUS GSUM SANGS RGYAS BRNYAS PA YIN, ,BYANG CHUB SEMS LA SKUR BAS NA, ,DE YI SDIG PA BRJOD MI LANG, ,DPER NA 'JIG RTEN SA YI RDUL, ,GRANGS KYIS BGRANG PAR SHES KYANG SRID, ,RGYA MTSO CHEN PO'I CHU THIGS KYANG, ,GRANGS KYIS BGRANG ZHING SHES SU RUNG, ,'DI YI SDIG PA BRJOD MI NUS, ,SHIN TU MI BZAD SDUG BSNGAL LAS,,
THAR BAR NAM YANG MI 'GYUR TE, ,SRID GSUM SEMS CAN GSAD PAS NI, ,BLA MA'I BKA' BCAG CHAR MI PHOD, ,RDO RJE SPUN LA SMAD PA NI, ,NYAMS PA'I SKYON YANG BRJOD PAR DKA', ,BSKAL PA GCIG GI RAB DAG TU, ,DMYAL BA CHEN POR LTUNG BAR 'GYUR, ,TSE 'DIR BSGRUB PA LOG PA DANG, ,'BAD PA'I 'BRAS BU MED PAR 'GYUR, ,GSUNG GI DAM TSIG NYAMS GYUR NA, ,DBYINGS DANG RNAM PAR THAR PA YI, ,SGO RNAMS NYAMS PAR GYUR PAS NA, ,BSGRUB PA THAMS CAD LOG PAR 'GYUR, ,YI DVAGS GNAS SU YUN RING STE; ;LKUGS PA'I GNAS SU GYUR PA YIN, ,THUGS KYI DAM TSIG NYAMS GYUR NA, ,YI DVAGS KYI NI LUS SU SKYE, ,THONG GSHOL 'BAR BA LNGA BRGYA YIS, ,DE YI LCE LA GSHOG PAR BYED, ,BSKAL PA DU MAR MYONG BA DANG, ,DNGOS GRUB 'BRAS BU MED PAR 'GYUR, ,MDOR NA RTZA BA NYAMS GYUR NA, ,'BRAS BU MED CING NGAN SONG LTUNG, ,RDO RJE SEMS DPA' BDAG NYID KYANG, ,DE YI SNYING KHRAG 'THUNG BAR NGES, ,MI SPANG DAM TSIG NYAMS BYUNG NA, ,DNGOS GRUB THAMS CAD SPANGS PAR 'GYUR, ,MI DOR DAM TSIG NYAMS GYUR NA, , DNGOS GRUB 'BRAS BU MI 'THOB CING, ,YI DVAGS SPRE 'U'I GNAS SU SKYE, ,SPYAD PA'I DAM TSIG NYAMS GYUR NA, ,'DU SHES MED PA'I 'GOG PAR LTUNG, ,SHES PA'I DAM TSIG
, ,NYAMS GYUR NA, ,'DU SHES MED BA'I KHROS PAS LTUNG, ,GRUB PA'I DAM TSIG NYAMS GYUR NA, ,BDUD KYI KHAMS SU LTUNG BAR 'GYUR, ,RTOG PA'I DAM TSIG NYAMS GYUR NA, ,RU TRA CHEN PO'I GNAS SU LTUNG, ,DE LA SOGS TE BSAM MI KHYAB, ,CES GSUNGS SO, ,DE LA 'DI NI NYAMS PA BSKANG BA'I TSAD DO, ,DAM TSIG NYAMS PAR GYUR PA NA, ,MGON BTZUN MNYAM PA'I DON RTOGS NA, ,DE NYID SKONGS PA'I GNAS SU 'GYUR, ,BLA MA SPUN LA SMAD GYUR NA, ,TSE 'DI NYID LA MNYES BYAS TE, MTHOL BSHAGS DRAG POS 'GYOD BYAS NA, ,DE NI SKONGS PA'I LAS SU 'GYUR, ,GAL TE BDAG GAM BLA MA SPUN, ,MA BSKANGS BAR DU TSE 'PHOS NAS, ,DE NI BSKANG BA'I TSAD LAS 'DAS, ,GSUNG GI THA TSIG RAL GYUR NA, ,RDO RJE CHOS SU BDAG BSGOMS LA, ,THA TSIG GANG BRLAG 'BUM 'BUM GDON, ,THUGS KYI THA TSIG RAL GYUR NA, ,RDO RJE SEMS DPAR BSGOMS PA LA, ,LO GSUM BAR DU MI SMRA BAR, ,BSAM GTAN SBYOR BAR RAB TU BYA, ,YAN LAG DAM TSIG NYAMS GYUR NA, ,SO SO'I RIGS KYIS DE BZHIN BSKANG, , ZHES GSUNGS SO, ,DE SKAD CES GSUNGS PAS 'DUS PA'I 'KHOR TSOGS RNAMS KYIS GSANG SNGAGS KYI DAM TSIG NI RANG RANG GI SNYING LA GNAS PAR MTHONG NAS, AA LA LA
ZHES PA'I SGRA PHYUNG NAS RANG RANG GI DAM TSIG LA DMIGS SO, ,'PHAGS PA RGYUD KYI RGYAL PO YE SHES RNGAM PA GLOG GI 'KHOR LO'I MDO ZHES BYA BA LAS, DAM TSIG RNAM PAR BKOD PA'I LE'U STE BCU GSUM PA'O,, ,,DE NAS BCOM LDAN 'DAS GSANG BA MCHOG GI BDAG POS BRTUL ZHUGS RNAM PAR ROL PA ZHES BYA BA'I TING NGE 'DZIN LA SNYOMS PAR ZHUGS SO, ,ZHUGS NAS KYANG GSANG SNGAGS THAMS CAD KYI BRTUL ZHUGS RNAM PAR ROL BA 'DI NYID KYI SKU DANG, GSUNG THUGS RDO RJE LAS PHYUNG NGO, ,GSANG SNGAGS RGYA MTSO CHEN PO YI, ,BRTUL ZHUGS NGO MTSAR RMAD BYUNG BA, ,CHOS KUN ROL PAR SNANG BA'I PHYIR, ,JI LTAR SPYAD KYANG BRTUL ZHUGS TE, ,DKA' THUB DKA' BA SPYAD MI DGOS,, DKA' THUB SDOM LA RTEN PA'I MIS, ,BSGRUBS KYANG 'GRUB PAR MI 'GYUR TE, ,DKA' THUB SDOM LA MI GNAS SHING, ,'DOD PA'I LONGS SPYOD RAB BRTEN PAS, ,BSGRUBS NA MYUR DU 'GRUB PAR 'GYUR, ,RIGS NGAN DANG NI SME SHA CAN, ,RTAG TU GSOD LA BRTZON PA DANG, ,MA BYIN LEN DANG MI TSANGS SPYOD, ,BRDZUN DU SMRA LA DGA' BA DANG, ,RTZUB PA'I NGAG LA DGA' BA NI, ,GSANG SNGAGS BSGRUBS PA'I SNOD DU 'GYUR, ,PHA DANG BU BO MES PO LA, ,ZHE SDANG SEMS KYIS BSGRAL BYAS NA, ,RDO RJE SEMS DPA'I DNGOS GRUB THOB, ,MA DANG BU MO
, ,SRING MO LA, ,'DOD CHAGS SEMS KYIS SBYOR BYAS NA, ,CHAGS PA CHEN PO'I DNGOS GRUB THOB, ,SNYING RJE MED PAR GSOD PA DANG, ,'JIGS PA MED PAR SBYOR BA LA, ,BSHANG GCI ZAS SU ZA BA DANG, ,RANG GI KHU BAS MCHOD PA DANG, ,DUR KHROD RGYAN LA DGA' BA NI, ,THEG MCHOG 'DI LA 'GRUB PAR 'GYUR, ,BSOD SNYOMS ZAS LA MI CHAGS SHING, ,MA BSLANG PA LA'ANG CHAGS MI BYA, ,NAGS TSAL DGON PA'I SA PHYOGS SU, ,BSOD SNYOMS BLANGS TE BZA' BAR BYA, ,SEMS KYI BRTUL ZHUGS CHEN PO YIS, ,TING 'DZIN STOBS DANG LDAN PAR BYA, ,LUS KYI BRTUL ZHUGS CHEN PO YIS, ,THOGS MED STANG THABS TSUL DU GNAS, ,NGAG GI BRTUL ZHUGS CHEN PO YIS, ,SNGAGS KYI YI GE DAG TU BRJOD, ,DBEN PA'I PHYOGS SU GNAS BCAS LA, ,G-YANG GZHI GOS SU GON NAS NI, ,CHE BA'I NGA RGYAL RTAG TU BSKYED, ,WA YI BRTUL ZHUGS CHEN PO YIS,, SPANG BAR BYA BA'I THABS SU SPYAD, ,CANG SHES BRTUL ZHUGS CHEN PO YIS, ,SHES BYA KUN LA 'JUG PAR BYA, ,LUS KYI RTZAL GYI BYA BA DAG ,GYI LING BRTUL ZHUGS CHEN POS BYA, ,PHAG GI BRTUL ZHUGS CHEN PO YIS, ,GTZANG SME MED PAR KUN LA SPYAD, ,GLANG CHEN MYOS PA'I BRTUL ZHUGS KYIS, ,MI 'BYED RMONGS TSUL BSTAN PAR BYA, ,
STAG MCHOG RNGAM PA'I BRTUL ZHUGS KYIS, ,DPA' BRTUL GTUM PA'I LAS CHEN BYA, ,KHYUNG CHEN MKHA' LDING BRTUL ZHUGS KYIS, ,LTA BA SPYI RGYA RLABS KYIS GCAD, ,GTUM THUNG DOM GYI BRTUL ZHUGS KYIS, ,RE BA MED PA'I LAS CHEN BYA, ,RGYA MTSO GTER GYI BRTUL ZHUGS KYIS, ,YID THUB MI LDOG BRTAN PAR BYA, ,LKUGS PA LUG GI BRTUL ZHUGS KYIS, ,GTI MUG BZHIN DU SHES RAB LDAN, ,RI BO LTA BU'I BRTUL ZHUGS KYIS, ,MI 'GYUR RAB TU BRTAN PAR BYA, ,NAM MKHA' LTA BU'I BRTUL ZHUGS KYIS, ,YANGS DOG KUN DANG BRAL BAR BYA, ,GNAM LCAGS LTA BU'I BRTUL ZHUGS KYIS, ,DRAG SHUL LAS LA SBYAR BAR BYA, ,LAG NA RDO RJE'I BRTUL ZHUGS KYIS, ,MTHU STOBS DAG LA SPYAD PAR BYA, , KHA DOG BRTUL ZHUGS CHEN PO YIS, ,ZON BAG KHU 'PHRIN SPYAD PAR BYA, ,GLANG CHEN CHUNG 'JUG BRTUL ZHUGS KYIS, ,NGES PA'I NGA RGYAL SPYAD PAR BYA, ,RI DVAGS SENG+GE'I BRTUL ZHUGS KYIS, ,GROGS NGAN LA SOGS SPANG BAR BYA, ,REG 'JAM BYA YI BRTUL ZHUGS KYIS, ,'GROGS NA BDE ZHING CHAGS PAR BYA, ,SGYU MA RGYA YI BRTUL ZHUGS KYIS, ,THABS LA MKHAS PA'I LAS CHEN BYA, ,LCE SPYANG KHRA YI BRTUL ZHUGS KYIS, ,GTZANG SME MED PAR SPYAD PA DANG, ,THOGS MED GSOD LA BRTZON PAR BYA, ,NGA RGYAL STAG MCHOG BRTUL
, ,ZHUGS KYIS, ,CHE BA'I NGA RGYAL BSKYED PAR BYA, ,MKHA' LDING LTA BU'I BRTUL ZHUGS KYIS, ,KUN TU MDZES PA'I SPYOD PA SPYAD, ,RGYAL PO 'KHOR SKYONG BRTUL ZHUGS KYIS, ,SA THUB 'KHOR DANG LDAN PAR BYA, ,BCU GNYIS DANG NI GSUM DAG GI ,BRTUL ZHUGS BLO DANG LDAN PAR BYA, ,DE LA SOGS TE BSAM MI KHYAB, ,CES GSUNGS SO; ;'PHAGS PA RGYUD KYI RGYAL PO YE SHES RNGAM PA GLOG GI 'KHOR LO'I MDO ZHES BYA BA LAS, RNAL 'BYOR GYI RIG PA'I BRTUL ZHUGS KYI LE'U STE BCU BZHI PA'O,, ,, DE NAS BCOM LDAN 'DAS GSANG BA MCHOG GI BDAG PO CHEN POS 'PHRIN LAS RGYA MTSO LHUN GYIS GRUB PA ZHES BYA BA'I TING NGE 'DZIN LA SNYOMS PAR ZHUGS SO, ,ZHUGS NAS YANG 'DUS PA'I 'KHOR RNAMS LA 'DI SKAD CES GSUNGS SO, ,'DUS PA'I 'KHOR RNAMS NYON CIG ,BTZAL MED LHUN GYIS DKYIL 'KHOR LAS, ,'PHRIN LAS RGYA MTSO BSAM YAS KYANG, ,RNAL 'BYOR DGOS PA'I DBANG DAG TU, ,LAS BZHI DAG TU RGYAL BAS GSUNGS, ,DANG PO ZHI BA'I LHA YIN TE, ,GNYIS PA RGYAS PA ZHES SU BYA, ,GSUM PA DBANG DU SDUD PA'I LAS, ,BZHI PA DRAG PO'I LAS SU GSUNGS, ,DE DAG LHA YI DKYIL 'KHOR DANG, ,GNAS DANG DUS DANG RDZAS RNAMS DANG, ,DBYIBS DANG KHA DOG MAndAL DANG, ,YUL DANG TING NGE
'DZIN DAG DANG, ,PHYOGS DANG STAN DANG 'DUG STANGS DANG, ,THO BA PHUR PA GTOR MA DANG, ,BZLAS BRJOD HO MA DANG BSKUL TSIG DANG, ,'KHOR LO ME LHA'I MTSAN NYID DO, ,YUL DANG GRUB PA'I 'BRAS BU STE, ,BCU GNYIS DANG NI GNYIS DAG GIS, ,BYA BA THAMS CAD RDZOGS PAR GSUNGS, ,YA NI ZHI BA'I MTSAN NYID DE, ,MA ZHES BYA BA RGYAS PA YIN, ,DBANG DU SDUD PA BAm DU BSHAD, ,AE NYID DRAG PO'I MTSAN NYID DO, ,LHA YI RNAL 'BYOR RIM PA YANG, ,RDO RJE SEMS DPA' ZHI DRAG BYA, ,RNAM SNANG MDZAD DANG RIN CHEN 'DZIN, ,RGYAS PA'I LAS NI BYED PAR 'GYUR, ,SNANG BA MTHA' YAS RGYAS PA DANG, ,DBANG GI LAS NI BYED PAR 'GYUR, ,GDON MI ZABS LAS KUN BYED, ,YANG NA DRAG PO NYID LA 'O, ,KUN TU BZANG POS CI YANG BYED, ,SPYAN NI ZHI BA'I MCHOG YIN TE, ,SRUNG BA M'A MA K'I YIS BYED, ,GOS DKAR CAN GYIS DBANG DU BYED, ,SGROL MA LAS RNAMS KUN LA SBYAR, ,SA YI SNYING POS RGYAS PAR BYED, ,NAM MKHA'I SNYING POS 'PHEL BAR BYED, ,PHYAG NA RDO RJES DRAG POR BYED, ,SPYAN RAS GZIGS KYIS SNYING BRTZE BAR, ,YID KYIS YID DU 'ONG BAR BYED, ,BYAMS PAS CHOS KYI 'KHOR LO BSKOR, ,SGRIB PA SEL BAS RNAM DAG BYED, ,KUN TU BZANG POS NOR SGRUB BYED, ,'JAM DPAL SHES RAB RNO BAR BYED, ,SGEG MOS SANGS RGYAS MTSAN
, ,RNAMS 'GRUB, ,PHRENG BAS RGYAN DANG LDAN PA DANG, ,SANGS RGYAS YUL DU PHYIN PAR BYED, ,GLU YIS DBYANGS SNYAN GRUB PAR BYED, ,RIG MA DAG DANG LHAN CIG RTZEN, ,GAR GYI PHYAG RGYA GAR MCHOG DANG, ,SANGS RGYAS RNAMS DANG LHAN CIG 'GROGS, ,BDUG PAS YID 'ONG DNGOS GRUB THOB, ,ME TOG RAB DGYES MDZES PAR BYED, ,D'I BAS 'OD GSAL MDANGS DANG LDAN, ,DRI YIS DRI NGA DAG PAR BYED, ,LCAGS KYU YIS NI SPYAN DRANG DANG, ,RDO RJES DGUG PA'I LAS RNAMS BYED, ,ZHAGS PAS 'DREN CING 'CHING BAR BYED, ,SGROG GIS DBANG DU BYED CING SDOM, ,DRIL BUS DGYES SGROL DBAB PAR BYED, ,BYED PA MO DANG BYA BA MOS, ,THAMS CAD THAMS CAD KUN LA SBYOR, ,RDUL SNYED DBANG PO DRUG RNAMS KYIS, ,CIS 'DUL THABS KYIS SNA TSOGS BYED, ,KHRAG 'THUNG CHEN POS GTI MUG 'JOMS, ,KHRAG 'THUNG RDO RJES ZHE SDANG 'JOMS, ,RIN CHEN HE RUS NGA RGYAL 'JOMS, ,PADMA HE RUS 'DOD CHAGS 'JOMS, ,LAS KYI HE RUS PHRAG DOG 'JOMS, ,KHRAG 'THUNG CHEN POS THIM PAR BYED, ,BADZRA KRO DHIS 'KHYUD PAR BYED, ,RATNA KRO DHIS SBYOR BAR BYED, ,PADMA KRO DHIS BSKYOD PAR BYED, ,KARMA KRO DHIS 'BEBS PAR BYED, ,DKAR MO'I TSOGS KYIS 'GUGS PAR BYED,,
RKUN MO'I TSOGS KYIS MTHU 'PHROG BYED, ,RMONGS MA'I TSOGS KYIS MYOS PAR BYED, ,THAL BYED MAS NI THAL BAR KLOG ,SBOS MO'I TSOGS KYIS DBANG DU BYED, ,GTUM POS SGROL ZHING MYOS PAR BYED, ,SME SHA CAN GYIS ZA BAR BYED, ,MA TSOGS MAS NI RGYUD 'PHEL BYED, ,SENG GDONG TSOGS KYIS ZIL GYIS GNON, ,STAG GDONG TSOGS KYIS 'JOMS PAR BYED, ,WA GDONG TSOGS KYIS ROL PAR BYED, ,KHYI GDONG TSOGS KYIS GSOD CING ZA, ,RGOD GDONG TSOGS KYIS RGYUG PAR BYED, ,DUR BYAS RNAM PAR 'DREN PAR BYED, ,BYA ROG TSOGS KYIS DBANG DU 'DU, ,'UG GDONG TSOGS KYIS 'DREN CING LTA, ,GSHED POS 'GUGS SHING SGROL BAR BYED, ,BDUD RTZI 'KHYIL PAS SKROD PAR BYED, ,GZHAN GYIS MI THUB MNGAG GZHUG BYED, ,RTA YIS DUG RNAMS 'JOMS PAR BYED, ,DBYUG SDON CAN GYIS GSOD PAR BYED, ,STOBS CHEN CHAR 'BEBS BYED PA'I MCHOG ,MI G-YO BAS NI SKRAG CING 'KHRUG ,RDO RJE H'Um GIS 'CHING BAR BYED, ,RNAM PAR RGYAL BAS GNON PAR BYED, ,KHAMS GSUM BDAG POS 'JOMS PAR BYED, ,PHRA MEN TSOGS RNAMS MANG PO KUN, ,MNGAG GZHUG PHO NYA'I LAS RNAMS BYED, ,SLAS DANG PHYI MO'I TSOGS RNAMS KYIS, ,THAMS CAD THAMS CAD BYED PAR 'GYUR, ,MDOR NA LHA YI RNAL 'BYOR NI, ,CIS 'DUL THABS KYIS DE LTAR RO, ,YID
, ,'ONG BKRA SHIS DBEN PA RU, ,RDO RJE ZHI BA SGRUB PAR SHIS, ,ME TOG NAGS TSAL SKYED MOS TSAL, ,NYAMS DGA' BAR NI RGYAS PAR SHIS, ,KHA DOG DMAR ZHING GCONG RONG MANG, ,RI BOR GNAS SU DBANG DU BYA, ,SUM MDO GROG GLE RKANG GCIG DRUNG, ,RTZUB PA'I GNAS SU DRAG PO BYA, ,SNGA DRO ZHI BA GUNG LA RGYAS, ,SROD LA DBANG BYA GUNG LA NI, ,DRAG PO'I LAS RNAMS BRTZAM PAR BYA, ,RDZAS DANG BSREG BYA'I RDZAS RNAMS DANG, ,DKAR ZHING DMAR BA'I RDZAS RNAMS DANG, ,ZHO DANG LDAN PA'I ZHING DAG GI ,RTZE MO LAS BYAS ZHI BA'I RDZAS, ,SER ZHING KHA BA'I ROR LDAN PA'I, ,BAR GYI SHING LAS BYAS PA KUN, ,RGYAS PA'I LAS SU BSNGAGS PA YIN, ,SKYUR ZHING KHA DOG DMAR BA DANG, ,DRUNGS PA LAS BYAS SHING GI RNAMS, ,DBANG GI LAS SU RAB TU GRAGS, ,GANG CING RTZUB PA TSA BA YI, ,ROR LDAN RTZA BA'I SHING LAS BYAS, ,RDO RJE DRAG PO NYID LA 'O, ,ZLUM PO DANG NI 'KHOR LO DAG ,ZHI BA YI NI LAS SU GSUNGS, ,ZUR BZHI ZUR DRUG ZUR BRGYAD DAM, ,PADMA'AM RIN CHEN DBYIBS 'DRA BA, ,RGYAS PA'I LAS LA SHIS PA'O, ,ZLA BA GAM DANG GZHU YI DBYIBS, ,PADMO SMYUNG PO'AM MKHA' 'DRA BA, ,DBANG DU BYA BA'I LAS YIN NO, ,GRU GSUM MAM NI GRU CHAD DAM, ,RDO RJE'I DBYIBS DANG MDA' 'DRA BAR,,
BYAS PA RDO RJE DRAG PO LA'O, ,DKAR PO ZHI BA SER PO RGYAS, ,DMAR PO DBANG LA NAG PO DRAG ,LJANG GU SPYI YI LAS SU GSUNGS, ,SER SKYA ZHI RGYAS LAS YIN TE, ,DMAR SKYA ZHI BA DBANG GI LAS, ,SNGO SKYA ZHI BA DRAG PO'I LAS, ,RGYAS DANG DBANG DANG DRAG PO LA'ANG, ,ZHI BA'I TSUL DU SBYAR BAR BYA, ,DES NA LAS RNAMS RE RE LA'ANG, ,BZHI BZHI DAG TU RGYAL BAS GSUNGS, ,ZLUM PO'I THAB KHUNG RDO RJE YIS, ,BRGYAN PA ZHI BA'I DKYIL 'KHOR YIN, ,PADMA GRU BZHI RIN PO CHES, ,BRGYAN PA RGYAS PA'I LAS SU SHIS, ,ZLA GAM KHUNG BU MDA' GZHUS BRGYAN, ,DBANG DU BSDU BA'I DKYIL 'KHOR YAN, ,GRU GSUM RTZANG THOD KYIS BRGYAN PA, ,DRAG PO SPYOD PA'I DKYIL 'KHOR YIN, ,LJON PA MA DANG LCUG PHRAN MA,, SDONG CIG MA DANG ME REG MA, ,SPYAN DANG M'A MA GOS DKAR SGROL, ,BYIN GYIS BRLAB PA'I GNAS BYAS TE, ,DAD BYAMS SNYING RJE DANG BA DANG, ,DGA' CHAGS BTANG SNYOMS KHROS PA YI, ,TING 'DZIN DAG GIS ZHI DANG RGYAS, ,DBANG DRAG SO SO'I 'PHRO 'DU BYA, ,BYANG DU BLTAS TE ZHI BA BYA, ,RGYAS PA'I TSE NA SHAR DU BLTA, ,DBANG LA NUB TU DRAG PO LHO, ,ZHI BA KU SHA'I KHRI STENG DU, ,RDZOGS PA'I SKYIL MO KRUNG DU GNAS, ,PADMA'I STENG DU SEMS DPA' YI, ,SKYIL MO KRUNG GI RGYAS PAR BYA, ,KHRI STENG DAG TU PHYED DKYIL GYIS, ,DBANG DU
, ,BSDU BA'I LAS BYA'O, ,SA GZHI GRU GSUM NYID LA NI, ,RUS SBAL GYI NI RGYAS BTAB KYIS, ,MNGON PAR SPYOD PA BRTZON PAR BYA, ,ZLUM PO GRU BZHI ZLA GAM DANG, ,ZUR GSUM THO BA'I GTUN TSOGS KYIS, ,LAS BZHI YUM GYI GTUN KHUNG DU, ,GTI MUG NGA RGYAL 'DOD CHAGS DANG, ,ZHE SDANG MTSAN MA RDUL DU BRDUNG, ,GSER DNGUL ZANGS DANG LCAGS DAG GAM, ,ZHO CAN SER SKYUR RTZUB SHING LA, ,RI RAB TSUL DU RAB BRJID PA'I, ,PHUR PA LAS RNAMS SO SO YI, ,LHA YI DKYIL 'KHOR BSGOMS PA LA, ,RTZE MO YAm BAm AE YI DBYIBS, ,MTSAN MA MING DU BCAS PA LA, ,BTAB NA ZHI RGYAS DBANG DRAG 'GYUR, ,DNGUL PHYE 'BRAS CHAN DKAR PO LA, ,ZHI BAR 'GYUR BA'I GTOR MAR SBYAR, , GSER PHYE 'BRU CHAN SER PO LAS, ,RGYAS PAR 'GYUR BA'I GTOR MA SBYAR, ,DBANG LA ZANGS PHYE 'BRU MAR CHAN, ,DRAG PO'I LCAGS PHYE SHA KHRAG LA'O, ,SHANTING PUshtING WA SHANG DANG, ,M'A RA YA YI SNGAGS TSIG LA, ,SV'A H'A SV'A H'A H'Um PHAt KYIS, ,BRGYAN PA'I MGO LA AOm BZHAG PA, ,BZLAS PA'I SNGAGS SU SHES PAR BYA, ,HOm KHUNG ZLUM PO GRU BZHI DANG,, ZLA GAM GRU GSUM GDENGS PA RU, ,RDO RJE RIN CHEN MDA' GZHU DANG, ,RDO RJE RTZE DGU'I PHYAG RGYA GZHAG ,ZHO CAN SER SKYUR RTZUB PA YI, ,YAM SHING DAG LA ME SBAR TE, ,LHAN
NE GZI BYIN LHUN CHEN DANG, ,GTUM CHEN RNGAM PA'I LHA TSOGS LA, ,LAS BZHI'I TSUL DU BSREGS NA 'GRUB, ,SNGAGS DANG 'DOD PA'I MING SPEL TE, ,BSKUL BAR BYA BA'I TSIG TU BSHAD, ,RAS SAM GRO GA SHING SHUN LA, ,ZHI RGYAS 'KHOR LO'I SNGAGS BCAS BRI, ,LCAGS GSUM GA BUR BCUG NAS NI, ,MCHOD CING BSKUL NA GDON MI ZA, , ZHING CHEN RAS SAM SMAD DKRIS LA, ,DBANG DRAG 'KHOR LO'I SNGAGS BCAS BRI, ,KHAM PHOR NANG NGAM THOD PAR GZHUG ,DUR KHROD GNAS LA SOGS PA RU, ,BSKUL ZHING MNAN PA BYAS NA NI, ,GDON MI ZA BAR MNAN PAR 'GYUR, ,LAS BZHI'I ME LHA'I MTSAN NYID NI, ,ME YI LHA NI SNANG MTHA' YAS, ,ME YI LHA MO GOS DKAR MO, ,THABS DANG SHES RAB 'BREL BAS NI, ,GANG 'DOD LAS DE BYED PAR 'GYUR, ,GDUG RTZUB RNAMS LA ZHI BA SBYAR, ,DBUL PHONGS RNAMS LA RGYAS PA SBYAR, ,DBANG NI 'DOD GZIR RNAMS LA STE,, ZHE SDANG CAN LA DRAG PO'I LAS, ,THAMS CAD ZHI BAR 'GYUR BA DANG, ,YID BZHIN NAM MKHA' 'GENGS PA DANG, ,'GUG CING PHYI BZHIN 'BRANG BA DANG, ,MYOS NAS GAS TE 'TSIG PA NI, ,LAS BZHI'I 'BRAS BUR RGYAL BAS GSUNGS, ,'PHAGS PA RGYUD KYI RGYAL PO YE SHES RNGAM PA 'KHOR LO'I MDO ZHES BYA BA LAS, LAS KYI RIM PAR PHYE BA'I LE'U STE
, ,BCO LNGA PA'O,, ,,DE NAS BCOM LDAN 'DAS GSANG BA MCHOG GI BDAG PO DES SKYE 'GRO THAMS CAD 'DUL BA ZHES BYA BA'I TING NGE 'DZIN LA SNYOMS PAR ZHUGS SO, ,RDO RJE SLOB DPON SMOD PA DANG, ,SANGS RGYAS BSTAN PA 'JIG PA DANG, ,LU GU RGYUD DANG 'GAL BYED DANG, ,RDO RJE SPUN LA 'KHU BYED PA; ;RNAL 'BYOR SPYI YI DGRAR GYUR DANG, ,SKYE BO YONGS LA GNOD PA DANG, ,MA CHAGS PA YI SEMS CAN LA, ,BRANG PA'I NAN TUR BYA BAR GSUNGS, ,DGUG PA'I LAS DAG BYA BA YANG, ,BDAG NYID RNAL 'BYOR LDAN BYAS TE, ,RKANG RJES NYID KYIS SA BLANGS LA, ,MI RUS BSREGS PA'I THAL BA DANG, ,DUR KHROD RO YI RAS DAG DANG, ,RGYA MTSOR 'BAB PA'I CHU BO YI, ,'GRAM NYID NAS NI BLANGS PA'I SA, ,RLUNG GIS KHYER BA'I SHING LO DANG, ,GROG MKHAR SA RNAMS BTAGS NAS SU, ,LUNG BONG GCIN GYIS SBRU BAR BYA, ,DE NAS YAN LAG TSANG BA YI, ,GZUGS LA SNYING GAR GRO GA 'AM, ,SHING SHUN LEGS PAR BLAN NAS NI, ,RA KHYI KHRAG GIS MING BRIS TE, ,H'Um DANG PHAt KYI BAR DU GZHUG ,DRAG PO'I DKYIL 'KHOR GRU GSUM DU, ,MGO NI LHO NUB MTSAMS SU BSTAN, ,GANG NA GNAS PA DE NYID NAS, ,DE YI RNAM PAR SHES PA NI, ,THOGS MED RLUNG DANG 'DRA BA STE, ,LCAGS
BYA [?] YIS NI SNYING DRANGS TE, ,YAm LAS RLUNG GIS BTEG NAS NI, ,BDAG GI DRUNG DU PHYIN PA DANG, ,GZUGS BRNYAN NANG DU DE BCUG PA, ,SRIN BU ME KHYER 'DRA BAR GSAL, ,ZHAGS BA'I PHYAG RGYAS DAM DU GZHUG ,LCAGS SGROG PHYAG RGYAS SGROG TU GZHUG ,DRIL BU'I PHYAG RGYAS BRTAN PAR BYA, ,GU GUL NAG PO'I DUD PAS BDUG ,YUNGS KAR RGYAL PO'I MTSON GYIS BRDEG ,RDO RJE MIG GIS BLTAR MNGON PAR, ,NYAMS PA DE NYID GNON PAR NI, ,NYIN MTSAN KUN LA DRANGS TE BSAM, ,YANG NA SUm BHA'ANG LHAG PAR 'JEBS,, DE NI DGUG PA'I MCHOG TU GSUGNS, ,GAL TE GSAD PA'I LAS BYAS NA, ,DGUG PA DE NYID SBYAR BYAS TE, ,DUG SHING SNYING PO'I CHER MA YIS, ,KHUGS PA'I GZUGS TE DBUG PAR BYA, ,DRAG POR GYUR PA'I PHUR PA YIS, ,DPRAL BA SNYING MGRIN PUS MO GNYIS, ,GNAS LNGA DAG TU BTAB PAR BSGOM, ,RDO RJE RTZE MO'I SNGAGS KYIS GDAB, ,RDO RJE RTZE GCIG PHYAG RGYA DANG, ,BE CON RDO RJE GNOD SBYIN DANG, ,RDO RJE BRJID PAS PHUR PA GNON, ,BSKAL PA'I MTHAR YANG ZUG BSAMS TE, ,GU GUL DUD PAS SMYOS SU GZHUG, YUNGS KAR RGYAL POS BRDEG PAR BYA, ,DE NAS GZUGS KYI RGYAL PO DE, ,RAB TU RNO BA'I MTSON CHA YIS, ,PHO NI RKANG PA G-YAS NAS BTUB, ,MO NI RKANG PA G-YON NAS BTUB,,
, ,RMAD DU BYUNG BA'I GTOR MA DANG, ,BCAS TE 'BAR BA'I LHA TSOGS DANG, ,DRAG PO HOM DU SBYIN SREG BYA, ,NYIN MTSAN GUNG LA BYA BAR GSUNGS, , LAS 'DI BYAS NA NGES PAR YANG, ,LHA YIS BSRUNGS KYANG 'CHI BAR 'GYUR, ,GAL TE SKAM PA'I LAS BYAS NA, ,DGUG PA DE NYID SBYAR BYAS TE, ,DE YI MING NAS SMOS NAS NI; ;GZUGS DE DUG GI TSER MAS DBUG ,DUG DANG SKE TSE LAN TSVA DANG, ,'BRU MAR TSVA BAR RAB BSRES TE, ,TSA BA'I RIMS KYIS GDAB PA'I PHYIR, ,DE YI LUS NANG GANG BAR DGANG, ,TSER MA'I ME LA BSKAM PAR BYA, ,MTSAN MA MING DU BCAS PA STE, ,KHAM PHOR RAM NI THOD PAR GZHUG ,DGRA YI SGO KHAR GNAN BYAS NA, ,SKAM PAR 'GYUR BA GDON MI ZA, ,YANG NA TSA BAS BTAB PAR 'GYUR, ,GAL TE GNAS NAS SPO BYA NA, ,TING 'DZIN LDAN PA'I RNAL 'BYOR PAS, ,DGUG PA DE NYID SBYAR BYAS TE, ,RDO RJE MIG GIS MTHONG BA DANG, ,RLUNG GI DKYIL 'KHOR STENG DAG TU, ,RDO RJE RNGA MO RAB BSAMS TE, ,DE NYID RGYAB TU BSKYON NAS NI, ,RDO RJE KHRO BO 'BAR BA YIS, ,GSHIN RJE'I PHYOGS SU KHRID PA DANG, ,GZHAN GYIS BRDEG PA'I THABS SU SBYAR, ,RAL GRIS RGYU MA GTUBS PA DANG, ,BYA ROG 'UG PA BYA RGOD KYIS, ,ZA ZHING 'THOG PAR RNAM BSAMS
NAS, ,DE YI MING NAS BSKUL BYAS NA, ,DES NI MYUR DU SKROD PAR 'GYUR, ,RDO RJE MI 'CHI LAS KYIS SBYAR, ,YANG NA RKANG RJES SA DANG NI, ,SHING LO RLUNG GIS BTZUBS PA LA, ,MTSAN MA MING DU BCAS PAR BYA, ,MING NAS DRAG TU BSKUL BYA ZHING, ,RDO RJE 'BAR BA'I KHRO BO YIS, ,GSHIN RJE'I DRUNG DU KHRID PA DANG, ,BGEGS KYI DRUNG DU MNAN BYAS NA, ,DES KYANG BSKRAD PA'I LAS SU 'GYUR, ,YANG NA DGRA YI SGO KHA RU, ,THOD PA MA GAS MA CHAG PAR, ,RDO RJE SNGAGS KYI TSIG BRIS TE, ,RDO RJE MI 'CHI RNAM PAR BSGOM, ,DGRA YI SGO RU BZHAG NA NI, , BSKRAD PAR 'GYUR BA GDON MI ZA, ,GAL TE DBYE BA'I LAS BYAS NA, ,KHO BO'I SNGAGS DANG MING SPEL TE, ,'UG PA'I SGRO LA BRIS NAS NI, ,BRAM ZE'AM DGE SBYONG SKRAS DKRIS TE, ,LAM GYI BZHI MDOR BRKOS TE GZHUG ,DE LA RDO RJE KHRO BO GNYIS, ,'THAB CING RTZOD PAR RNAM BSAMS NA, ,GSAD DE DBYE BAR GDON MI ZA, ,GAL TE MNAN PA'I LAS BYAS NA, ,DGUG PA DE NYID SBYAR BYAS TE, ,MNGON SUM KHUGS PAR GYUR PA DANG, ,DE STENG DBANG CHEN RIM PAR BSKYED, ,RI RAB STENG DU BSGOM PA NI, ,LAS KYI LHA DE DON YOD GRUB, ,RDO RJE RGYA GRAM BRJID LDAN PAS, ,BSKAL PA YUN DU GNON PAR BSAM, ,GZUGS BRNYAN THOD PA GANG BAR GZHUG ,LAM GYI BZHI MDOR DE BZHIN BYA, ,DES NI RAB TU MNAN PAR 'GYUR,,
, ,GAL TE BCING BAR 'DOD PA NA, ,DGUG PA DE NYID SBYAR BYAS TE, ,MTSAN MA MING DU BCAS PA DE, ,MTSON SKUD SNA LDAS MGO LUS DKRI, ,RDO RJE SGROG GIS BCINGS BSAMS NAS, ,THOD PA MA NYAMS NANG DU GZHUG ,LAM GYI BZHI MDO'AM DUR KHROD DU, ,SBAS NA NGES PAR BCINGS PAR 'GYUR, ,GZHAN YANG GSAD PA'I BRTUL ZHUGS NI, ,KHRAG DANG DRI CHU BSHAD GCI YIS, ,GSHER BAR BYAS PA'I GOS GON TE, ,KHRO BO'I RGYAL POS SBYAR BYAS NAS, ,RKANG PAS GZUGS BRNYAN MNAN NAS NI; ;KHROS PAS GSANG SNGAGS BRGYA RTZA BRGYAD, ,RDZOGS BAR 'DAS NA NGES PAR 'CHI, ,THAL BA'I SKYO MA SPANGS PA'AM, ,SKRA BSHIG GCER BUR PHUD PA'ANG RUNG, ,DE LTA BU YI SBYOR BA YIS, ,SANGS RGYAS DAG KYANG 'CHI 'GYUR NA, ,KHAMS GSUM SKYE BO SMOS CI DGOS, ,ZHES GSUNGS PAS 'DUS PA'I 'KHOR TSOGS THAMS CAD 'JIGS SKRAG STE RANG RANG GI STAN LA LANGS NAS LUS SA LA BRDABS PA'I PHYAG RNAL 'BYOR GYI LUGS SU BYAS TE CHO 'PHRUL RNAM PA DU MA BSTAN NAS NGO MTSAR RMAD DU BYUNG BA'I TSIG GIS BSTOD PA, ,AE MA'O NGO MTSAR YA MTSAN GYI, ,CHO 'PHRUL KUN GYI 'BYUNG GNAS GTZO, ,NGO MTSAR KUN GYI BDAG PO MCHOG ,RDO RJE RGYAL LA PHYAG 'TSAL 'DUD, ,BYANG
CHUB SEMS DPA' DKYIL 'KHOR DANG, ,PHYAG RGYA BSNYEN SGRUB BSGRUB PA DANG, ,SDOM DANG GSAL ZHUGS LAS RNAMS DANG, ,NAN TUR BDAG PO KHYOD LA 'DUD, ,KHYOD NI SANGS RGYAS KUN GYI YAB, ,DE BZHIN RGYAL SRAS SNYING POR 'GYUR, ,BDAG CAG RNAMS KYI RTEN PA'I GNAS, ,MA RUNGS 'DUL GTZO KHYOD LA 'DUD, ,AE MA'O SNANG DANG MI SNANG BRTAN G-YO LA SOGS CHOS KUN NYID KYI SGYU 'PHRUL DRA BA 'KHRUL LA SNANG, ,BSAM YAS BSAM DPAG LAS 'DAS CHOS KUN NGO MTSAR RMAD BYUNG CHO 'PHRUL SNA TSOGS KUN TU SNANG, , RTOG MED MNYAM NYID DBYINGS LAS CI SRID 'PHRUL KYANG DBYINGS LA G-YOS PA RDUL GYI CHA TZAM MED, ,DON DAM BDEN PA'I CHO 'PHRUL KUN RDZOB GSANG SNGAGS CHE BA'I KHYAD PAR RMAD 'BYUNG AE MA'O NGO MTSAR CHE, ,ZHES MGRIN GCIG TU GSOL BA BTAB STE, 'DUS PA'I 'KHOR TSOGS RNAMS LA LA NI BYANG CHUB SEMS KYI MTSAN NYID LA SEMS SHING CANG MI SMRA BAR 'KHOD DO, ,LA LA NI DKYIL 'KHOR RNAMS RIM GYIS DGOD, LA LA NI LHUN GYIS GRUB PA'I GAR DANG, PHYAG RGYA NYE BAR STON, LA LA NI GSANG SNGAGS KYI SGO ZAB MO BSNYEN SGRUB RNAM PA BZHIR 'JUG CING MI LDOG ,LA LA NI NGO MTSAR RMAD DU BYUNG BA'I CHE BA DAG STON, LA LA NI GSANG SNGAGS KYI DAM CHIG SNYING LA GNAS PAR SDOM,
, ,LA LA NI BRTUL ZHUGS ZAB MO LA 'JOL NYOG TU ROL, LA LA NI GDUG PA'I TSOGS NYEN CING CHAR GCOD, LA LA NI RMUGS PA DANG, RENGS PA DANG, 'DOD GZIR DANG, DREGS PA RNAMS DANG, SBYOR BA'I LAS KYI ROL PAS DGYES, LA LA NI NAN TUR GYI CHE BA STON CING LING LONG PHYAD, THAMS CAD BLA 'KHYAL BA'I SPYOD PA CAN DU GYUR TO, ,BCOM LDAN 'DAS GSANG BA MCHOG GI BDAG PO NI YUM RNGAM PA KRO DHI'I RGYAL MO DANG GNYIS SU MED PAR DE BZHIN NYID KYI DBYINGS LA DGONGS SHING CANG MI GSUNG BAR GYUR TO, ,'PHAGS PA RGYUD KYI RGYAL PO YE SHES RNGAM PA GLOG GI 'KHOR LO'I MDO ZHES BYA BA LAS, NAN TUR GYI LAS RIM PAR PHYE BA'I LE'U STE BCU DRUG PA RDZOGS SO,, ,,RGYA GAR GYI MKHAN PO BADZRA BI SHVA MI TRA DANG, ZHUS CHEN GYI LOTZTSA BA PA GOR BEE RO TZA NA RAKshI TAS BSGYUR CING ZHUS TE GTAN LA PHAB PA'O,, ,, DE NAS YANG SMRA BA'I SENG+GE BYED PA PO RDO RJE KUN TU BZANG POS BCOM LDAN 'DAS GSANG BA MCHOG GI BDAG PO DE DE BZHIN NYID KYI NGANG LA MI G-YO BAR BRNAL BZHIN DU CHO 'PHRUL 'BYUNG BA'I GLU 'DIS RNAM PAR BSKUL TO, ,AE MA'O MI DMIGS CHOS DBYINGS DAG PA LAS, ,'BAR BA'I SKU MCHOG BDAG LA BSTAN DU GSOL, ,ROL PA'I CHO 'PHRUL
MI ZAD RGYAN DU CHE, ,DON LA RNGAM PA'I SPYOD PAS ROL TU GSOL, ,AA LA LA HO ZHES BSKUL BAS BSKUL BAR THUGS SU CHUD NAS SKU NYI MA'I SNYING PO LTA BU MNGON DU PHYUNG STE CHO 'PHRUL RNAM PAR 'PHRUL PA SNOD BCUD DANG, SA'I KHYAD PAR THAMS CAD LA SNANG BAR MDZAD PA'O, ,DE NAS SMRA BA'I SENG+GE BYED PA PO RDO RJE KUN TU BZANG POS MCHOD PA RGYAS PA DE KHO NA NYID KYIS MNGON PAR MCHOD DE BRKYANG PHYAG BTZAL NAS GSOL BA BTAB PA, AE MA'O GSANG MCHOG DAG PA'I BDAG ,YE SHES ZHES BGYI JI LTAR LAGS, ,RNGAM PA ZHES NI GANG LA BGYI, ,GLOG PHRENG ZHES PA JI LTAR LAGS, ,'KHOR LO ZHES PA JI LTA BU, ,MDO YI DON NI JI LTAR LAGS, ,BCOM LDAN 'DAS KYIS BSHAD DU GSOL, ,ZHES GSOL BA BTAB BO, ,GSANG BA MCHOG GI BDAG POS GSOL BA BTAB PA THUGS SU CHUD NAS YE SHES SNYING PO CAN RNAMS NYON CIG ,YE SHES YE SHES ZHES BYA BA, ,SHES DANG SHES BYA THA DAD MIN, ,RIG PA'I NGO BO RNAM PA LNGA, ,STONG NYID SNYING RJE DBYER MED PAS, ,BYANG CHUB SEMS SU RGYAL BAS GSUNGS, ,DREGS PA 'DUL ZHING NAN TUR GYIS, ,THOGS CHAGS MED PA'I BRTUL ZHUGS PAS, ,SNGAGS SPYOD RNGAM PA'I KHYAD PAR DE, ,RNGAM PAS RNGAM PA'I MTSAN NYID YIN, ,GLOG NI MYUR DU 'JUG PA'I PHYIR, ,'JUG PA'I YAN LAG BZHI DAG DANG,,
, ,SDOM DANG LAS BZHI'I KHYAD PAR GYIS, ,DNGOS GRUB LAS LA MYUR 'JUG PA'O, ,RANG BZHIN TING 'DZIN GZUGS BRNYAN DANG, ,PHYAG RGYA DNGOS GRUB 'BREL BCAS NI, ,'KHOR LO ZHES SU RGYAL BAS GSUNGS, ,DE BAS MING NI DON MTHUN GRAGS, ,RIG CING GSAL BA'I NGO BO LAS, ,YE SHES ZHES SU BRJOD PA YIN, ,RNGAM PA ZHES PA DRAG SHUL SPYOD, ,MYUR ZHING BAR CHAD MED PAS NA, ,GLOG GI PHRENG BA ZHES SU BYA, ,SKOR DANG GCOD DANG RGYUN MI GCAD, ,'KHOR LO LTA BU'I RNAM PA DER, ,GSANG BA KUN 'DUS MDO BYA'O, ,ZHES GSUNGS SO, ,DE NAS SMRA BA'I SENG+GE BYED PA PO RDO RJE KUN TU BZANG POS GSOL PA, RGYUD CES BGYI BA JI LTA BU, ,MDO 'DI 'BREL BA JI LTAR LAGS, ,DE BZHIN DGOS DANG YANG DGOS CI, ,BRJOD PA JI LTAR SHES PAR BGYI, ,BCOM LDAN GSANG BA MCHOG GI BDAG POS BKA' STZAL PA, ,'BREL DANG MA TSANG MED PA DANG, ,PHUN SUM TSOGS PHYIR RGYUD CES BYA, ,'DI DON RIG PA'I SKYES BU YIS, ,GSANG BA KUN DON SHES PA'I PHYIR, ,PHYOGS BCU KUN TU RAB GRAGS PA'I, ,RGYUD KUN DANG NI 'BREL PAR BSHAD, ,GSANG BA'I SGOR ZHUGS RNAL 'BYOR PA, ,BYANG CHUB SEMS DANG DKYIL 'KHOR DANG, ,PHYAG RGYA BSNYEN DANG DNGOS GRUB DANG, ,SDOM DANG BRTUL ZHUGS MA RUNGS MNYES, ,LAS DANG NAN
TUR BYA BA'I RNAMS, ,MCHOG TU DGOS PAS DGOS PA YIN, ,BDEN GNYIS RTOGS NAS BDAG GZHAN DEN, ,GRUB PA YANG DGOS YIN PAR BSHAD, ,DGOS PA'I DON YANG BRJOD BYED PA'I, ,DON BSDUS MDO 'DI BRJOD PA YIN, ,DE BAS RNAM PA BZHI PO YIS, ,BDE BLAG TU NI RTOGS PAR 'GYUR, ,ZHES GSUNGS SO, ,YANG SMRA BA'I SENG+GES GSOL PA, DBANG MCHOG DAM PA MA THOB PAR,, SGRUB PA CI YANG MI 'GRUB PA, ,JI LTAR DBANG BSKUR MTSAN NYID LAGS, ,SNOD NI JI LTA BU DAG LAGS, ,RNAM GRANGS DAG GI MTSAN NYID CI, ,DBANG THOB RTAGS DANG MTSAN MA CI, ,BCOM LDAN SNYING POS BSHAD DU GSOL, ,GSANG BA MCHOG GI BDAG POS BKA' STZAL PA, ,GSANG BA'I TSIG LA GSAL 'DRIS SHING, ,DON LA GZHOL ZHING YID CHES KYANG, ,DBANG BSKUR BKA' RTAGS MA BYIN PAR, ,NOR BU BLON GRAL BSKOS PA LTAR, ,SA RNAMS THOB PAR MI 'GYUR RO, ,SEMS KYIS CHOS LA DBANG THOB NA, ,RDZAS TSIG GANG ZAG DBANG RNAMS KUN, ,MA SKUR NA YANG THOB PAR 'GYUR, ,BSKUR NA'ANG NYES PA MED PAR BSHAD, ,RIG PA RANG DBANG THOB 'GYUR NA, ,BSKUR BA'I DBANG LA THOGS PA MED, ,DE NI DBANG GI MTSAN NYID YIN, ,RAS CHOD BYED CING TSUL 'CHOS PA'I, ,DAD DANG MI LDAN BRTZON 'GRUS CHUNG, ,BLO ZHAN NGES MED 'PHYAR LA G-YENG, ,BLA MA SPUN LA SRI ZHU CHUNG, ,DE NI DBANG GI SNOD MA YIN, ,DAD DANG LDAN ZHING BRTZON 'GRUS CHE, ,
, ,MNYAN BSAM SLOB LA MI SKYO BA, ,BLA MA SPUN LA BKUR STI BYED, ,GSANG BA NYAN PA'I DBANG BSKUR RO, ,RNAM BZHI LAS KYI DGOS PA TSANG, ,BYA BA'I LAS LA MA RMONGS NA; ;KARMA LAS KYI DBANG BSKUR RO, ,LTA BAS MNYAM PA'I DON RTOGS NA, ,RGYAL 'THEB 'CHAD CING STON PA'I DBANG, ,CHAD MA GSUM DANG RAB LDAN ZHING, ,RKYEN THUB RDO RJE SLOB DPON DBANG, ,THEG PA'I RIM PA THAMS CAD LA, ,PHYOGS RIS MED CING MA RMONGS NA, ,RAB 'BYAMS RGYAL PO'I DBANG THOB PA'O, ,RKYEN THUB BRTUL ZHUGS CHE BA DANG, ,SKYON RNAMS SPANGS SHING DAM TSIG LDAN, ,GSANG BA SGRUB PA'I DBANG THOB BO, ,DANG PO GSANG BA NYAN PA'I DBANG, ,RIN CHEN RIGS KYI RNA BA LA'O, ,DE NAS RDO RJE LAS KYI DBANG, ,LAS KYI RIGS KYI YAN LAG LA'O DE NAS GSANG BA SGRUB PA'I DBANG, ,RDO RJE RIGS KYIS SNYING GAR RO, ,DE NAS RGYAL 'THAB RGYAL PO'I DBANG, ,SANGS RGYAS RIGS KYIS SPYI BO LA'O, ,DE NAS GSANG BA 'CHAD PA'I DBANG, ,PADMA'I RIGS KYIS LCE LA BSKUR, ,DE NAS RAB 'BYAMS RGYAL PO'I DBANG, ,YAN LAG RIGS LNGAS DBANG BSKUR RO, ,DANG PO GSUM PA BDAG GI DON, ,GNYIS PA BZHI PA GNYIS KA STE, ,LNGA PA DRUG PA GZHAN DON DU, ,DBANG MCHOG BSKUR BA'I GO RIMS YIN, ,RNAM GRANGS GA RIMS MTSAN NYID NI, ,DANG POR PHYI YI DBANG BCU BSKUR, ,DE NAS NANG DBANG BCU DANG GCIG ,DE NAS
SGRUB PA'I BCU DANG GSUM, ,THA MAR GSANG BA RNAM PA GNYIS, ,BCU PHRAG GSUM DANG DRUG DAG GIS, ,DBANG MCHOG DAM PA BSKUR BA YIN, ,DANG PO BKA' RTAGS PHYAG RGYA'I DBANG, , GNYIS PA RTAGS KYI MTSAN MA'I DBANG, ,GSUM PA SHES RAB GZUGS KYIS TE, ,BZHI PA BKRA SHIS BUM PA'I DBANG, ,LNGA PA BKRA SHIS RDZAS KYI DBANG, ,DRUG PA RIN CHEN SNA BDUN DBANG, ,BDUN PA GDAN MCHOG DAM PA'I DBANG, ,BRGYAD PA MDZES PA RGYAN GYI DBANG, ,DGU PA GSANG BA MING GI DBANG, ,BCU PA RGYAL RTAGS 'KHOR LO STE, ,PHYI DBANG BCU PO RDZOGS PA DANG, ,RDO RJE NANG DU GZHUG PAR BYA, ,DANG PO GSANG BA NYAN CING SLOB PA'I DBANG, ,GNYIS PA GLEGS BAM ZAB MO GTAD PAR BYA, ,GSUM PA RNAM BZHI LAS KYI RDZAS KYANG SBYIN, ,BZHI PA RGYAL TSAB DAM PA'I MDZOD GSUM SBYIN, ,LNGA PA SLOB DPON BZHI YI THEG CHEN RTAGS, ,DRUG PA NYI ZLA PADMA SEMS CAN GDAN, ,BDUN PA RGYAL PO GSANG BA'I RIN CHEN BDUN, ,BRGYAD PA GZUGS BRNYAN SPYI BOR GZHAG ,DGU PA SKU GSUM YE SHES SBYIN, ,BCU PA BKRA SHIS DAM RDZAS DBANG, ,DE NAS LAG TU RDO RJE SBYIN, ,BCU DANG GCIG GIS NANG BCUG NAS, ,SGRUB PA'I DBANG MCHOG SBYIN PAR BYA, ,DANG POR SEMS KYI GTAN TSIGS SBYIN, ,GNYIS PA SNYING RJE'I DBANG BSKUR SBYIN, ,GSUM PA YI GE 'KHOR LO SBYIN, ,BZHI PA THONG GSHOL 'BAR BA SBYIN, ,
, ,BAN DHA GANG BA SBYIN DANG LNGA, ,DRUG PA MTSON CHA SNA TSOGS TE, ,BDUN PA SKYON MED PADMA SBYIN, ,BRGYAD PA STI RA'I DBYUG PA SBYIN, ,DGU PA SPRUL NAG CHUN PA [?] SBYIN, ,BCU PA DRI MED LHA MO SBYIN, ,GCIG PA 'DOD PA'I LONGS SPYOD KUN, ,GNYIS PA SGRUB RDZAS RAB TU SBYIN, ,GSUM PA RDO RJE GSANG MI SBYIN, ,BCU DANG GSUM PO RDZOGS PA DANG, GSANG BA DAM PA SBYIN PA YANG, ,DKAR DMAR 'DRES PA'I BYANG CHUB SEMS, ,BU MCHOG DE YI LCE LA GZHAG ,SNYING PO DON DAM BYANG CHUB SEMS, ,DE YI BLO LA GZHAG PAR BYA, ,DBANG [?] MCHOG THOB PA'I LTAS RNAMS KYANG, ,BLO RTZAL CHE BA'I BDAG NYID DANG, ,SNANG BA LUS KYI SNGA LTAS DANG, ,NGO MTSAR CHE BA'I RDZAS SNYED DANG, ,MTSAN MA PRA YI RMI LTAS 'BYUNG, ,BLO RTZAL CHE BA'I KHYAD PAR DU, ,YANG DAG BDEN PA'I DON RNAMS LA, ,MI SKRAG DGA' MGU SKYE BAR 'GYUR, ,'KHOR BA'I CHOS LA SKYO SEMS 'BYUNG, ,RNAM GRANGS CHOS LA DAD MI 'GYUR, ,JI LTAR SNANG PA'I MTSAN MA KUN, ,SGYU MA BZHIN DU SHES PAR 'GYUR, ,'JIG RTEN PA YI MTHU CHEN LA, ,'JIGS SHING NYAM NGA MED PAR 'GYUR, ,DE LA SOGS TE MTHA' YAS MCHOG ,SNANG BA LUS KYI SNGA LTAS KYANG, ,LUS KYIS BZOD PA THOB PA DANG, ,'DU BA'I NAD DANG BRAL BA DANG, ,KHAMS KYI ZAS DANG BRAL BA DANG, ,DBANG PO'I GZI MDANGS GSAL BA DANG, ,BAR SNANG DAG LA LDING
BA DANG, ,SHING BAL LTA BUR YANG BA DANG, ,CHU LA MI 'BYING MES MI TSIG ,RLUNG GIS KHYER BAR NUS MI 'GYUR, ,DE LA SOGS TE MTHA' YAS MCHOG ,NGAG GI JI SNYED BRJOD PA BZHIN, ,'GYUR BA YIN PAR SHES PAR BYA, ,RDZAS KYI DAM PA YON TAN LDAN, ,SNYED CING THOB PA DAG TU 'GYUR, ,NYAMS DANG RMI LAM DAG TU YANG, ,DBANG MCHOG JI LTAR BSKUR BA BZHIN, ,DE DAG NUS PA'I RNAM PA 'BYUNG, ,DE DAG DBANG BSKUR THOB PA'I RTAGS, ,ZHES GSUNGS SO, ,DE NAS YANG SMRA BA'I SENG+GE BYED PA PO RDO RJE KUN TU BZANG POS 'DI SKAD CES GSOL BA BTAB PO,, YE SHES RNAL 'BYOR CAN RNAMS KYIS, ,GSANG BA SBAS PA'I THABS TSUL DU, ,SBAS PAS GRUB PA'ANG MYUR BA DANG, ,GSANG BA'I DAM LA GNAS BYA DANG, ,BRDA LA DGA' BA'I MI RNAMS KUN,, NYE ZHING GDUNG BAR BYA BA'I PHYIR, ,LUS DANG NGAG GI BRDA RNAMS KUN, ,GSANG BA'I BDAG POS BSHAD DU GSOL, ,ZHES GSOL BA BTAB PA DANG, ,GSANG BA'I BDAG POS BKA' STZAL PA, ,GSANG BA SBAS PA'I THABS TSUL DU, ,BRDA YI DAM TSIG BSHAD PAR BYA, ,'DUS PA'I 'KHOR RNAMS LEGS PAR NYON, ,LUS BRDA DAM TSIG PHYAG RGYA NI, ,LAG PA G-YAS PAS BYA BA KUN, ,RNAL 'BYOR PA YIS BYA BA'I BRDA, ,G-YON PAS BYA BA MA YI BRDA, ,SPYI BOR NYUG PA'I LAG BRDA NI, ,PHYAG 'TSAL BA YI BRDA YI RGYA, ,DPRAL BAR REG PAR
, ,PHYAG LEN YIN, ,LAG PA G-YAS PA BRKYAD BYAS TE, ,MGO BO BTUD PAR BYAS PA NI, ,KHAMS BDE'AM ZHES 'DRI BA'I BRDA, ,LAG PA G-YON PA BRKYANG NAS NI, ,G-YON DU 'DUD PA BDE BA'I LAN, ,MIG GNYIS DAG LA REG PA NA, ,GZUGS MDZES STON CIG CES PA'I BRDA, ,G-YAS PA SKYES PA MDZES PA YIN, ,G-YON PA BUD MED BZANG MOR BSHAD, ,RNA BA DAG LA REG PA'I BRDA, ,G-YON PA LEGS PA'I GLU SNYAN BRDA, ,G-YAS PA TSIG SNYAN SMRA BA'I BRDA, ,SNA BUG GNYIS LA REG PA NI, ,G-YAS PA BDUG PA 'DOD PA STE, ,G-YON PA DRI DAG SLONG BA'I BRDA, ,LCES NI LDAG PAR BYED PA'I BRDA, ,G-YAS SU LDAG PA SHA 'DOD PA'O, ,G-YON DU CHANG 'DOD BRDA RU BSHAD, ,MCHE BAS MA MCHU MNAN PA NI, ,G-YON PA BUD MED REG BYA 'DOD, ,G-YAS PA SKYES PA DE BZHIN NO, ,LKOG MAR REG PA G-YAS PA YI, ,THEG MCHOG GSANG BA SMRA BA'I BRDA, ,SKE LA REG PAR BYED PA NI, ,BDAG NYID DBYANGS SNYAN LEN PA'I BRDA, ,SNYING GA'I DKYIL DU REG PA NI, ,DON RTOGS PA YI BRDA RU BSHAD, ,REG NAS PHYIR LA 'GYED PA NI, ,SPYOS PA'I BRDA RU SHES PAR BYA, ,SLAR YANG SNYING GAR GTUGS PA NI, ,SLAR BSDU BA YI BRDA YIN NO, ,LTE BA'I DKYIL DU REG PA NI, ,DBU MA'I NAN TAN SPYOD PA YIN, ,DBANG PO RAB TU GSAL BYAS
NA; ;TING 'DZIN SGRIM ZHES BYA BA YIN, ,PHRAG PA GNYIS NI STON PA'I BRDA, ,G-YAS PA 'GUGS PA'I BRDA YIN NO, ,G-YON PA SLAR GTOD PA YI BRDA, ,DPUNG PA GNYIS LA NYUG PA'I BRDA, ,G-YAS PA DREGS PA 'DUL BA'I BRDA, ,G-YON PA LONGS SPYOD GRUB PA'I BRDA, ,KHU TSUR G-YAS BCANGS DBANG DU SDUD, ,G-YON PA BCANGS NA THONGS SHIG PA'O,, BRLA GNYIS MYUG PA'I BRDA DAG KYANG, ,G-YAS PA CHOS LA SBYOR BA'I BRDA, ,G-YON PA 'DOD CHAGS RTZOM PA'I BRDA, ,PUS MO LHA NGA'I BRDA DAG KYANG, ,G-YON PA RAB TU 'DUD PA YIN, ,YANG NA BCING BA YIN PAR BSHAD, ,G-YAS PAS RAB TU DGROL BA YIN, ,RKANG PAS G-YON PA'I BRDA DAG KYANG, ,G-YON PAS THAMS CAD GNON PAR BYED, ,G-YAS PAS 'JOMS PAR BYED PA YIN, ,MDZUB MO BSGRENG BA'I BRDA TSUL GYIS, ,KHRO BO'I BRDA RU BSHAD PA YIN, ,DBANG PO GYEN DU BSGRENG BA NI, ,DE TSE MDZA' BAR 'DOD PA'I BRDA, ,CHUNG NGU'I RTZE MO BSGRENG BA NI, ,DE TSE SBYOR BAR 'DOD PA'I BRDA, ,SBOM PO MNGON PAR STON PA NA, ,BKRES ZHES BYA BA'I BRDA YIN NO, ,GANG TSE SHIN TU MTHOR STON NA, ,MNGON PA'I NGA RGYAL BSKYED PA'I BRDA, ,KHRO MO LCAGS KYUR DRANGS BYAS NA, ,DE TSE TSUR SHOG BRDA YIN NO, ,DE NYID ZLOG PA KHYED GCIG PA'O, ,LAG GNYIS GAR THABS BSKOR NAS KYANG, ,SE GOL DRAG RDOBS 'DREN
, ,PA'I BRDA, ,BSKOR NAS SBYAR BA PHYAG RGYA'I BRDA, ,BSKOR NAS THAL MO SPYI BOR GZHAG ,'DI NI MCHOD PA'I BRDA YIN NO, ,BSKOR NAS SNYING GAR GZHAG PA NI; ;BSAM GTAN RTZE GCIG BRDA YIN NO, ,BSKOR NAS GNYIS KYIS STON PA NI, ,MCHOD PA STOBS PA'I BRDA YIN NO, ,DBANG MO LCE LA REG PA NI, ,TSOGS MCHOD DUS LA BAB PA'I BRDA'O, ,GAR THABS BSKOR NAS DBANG MOR 'THOR, ,DE NAS LCE LA REG PA NI, ,'DZA' GAD BRIM PA'I BRDA YIN NO, ,DE LA SOGS TE BSAM MI KHYAB, ,NGAG BRDA DAM TSIG PHYAG RGYA YANG, ,AA TI PU ZHES BYA BA NI, ,PHYAG 'TSAL ZHES PA'I BRDA YIN NO, ,PRA TI PU ZHES BYA BA NI, ,PHYAG LAN 'TSAL BA'I BRDA YIN NO, ,RI MO ZHES BYA GZUGS KYI BRDA, ,GLU NI SGRA YI BRDA RU BSHAD, ,TSIM BYED DRI YI BRDA YIN NO, ,RA SA YA NA RO YI BRDA, ,BDE BA ZHES BYA REG PA YIN, ,DGA' BA ZHES PA RAB TU REG ,SBYOR BA ZHES PA CHOS SU BSHAD, ,ME TOG CES BYA KHRAG YIN NO, ,BDUG PA ZHES PA MDANGS KYI BRDA, ,MAR ME ZHES PA SHA TSAN LA'O, ,DPA' BO ZHES PA CHANG DU BSHAD, ,SPOS SHES THAL CHEN DAG LA'O, ,'DOD CHAGS SRA BA TSVA YIN TE, ,KHU BA G-YON CAN SKYUR BO YIN, ,BRAN MO TSOD MA'I BRDA YIN NO, ,CHUR BA ZHO LA ZLAR RGYAS TE, ,SMAN GYI MCHOG NI SHA YI BRDA, ,ZAN NI TSE ZHES BYA BA'I BRDA, ,AARMA MI ZHES BYA BA'I BRDA, ,RGUN 'BRUM
ZHES PA RTA YI BRDA, ,GLANG PO PA NA SE ZHES BYA, ,NA LI KI RI KHYI YI BRDA, ,AA RU KA NI BA LANG NGO, ,TI ZHES MKHA' 'GRO'I BRDAR BSTAN TO, ,AA RAL ZHES PA MKHA' 'GRO MA, ,DAR DIR SIL SNYAN SGRA RU BSHAD, ,DZA ZHES BYA BA 'DREN PA'I BRDA, ,H'Um NI SDUD PA'I BRDA YIN NO, ,BAm NI SDOM PA YIN PAR BSHAD, ,HO NI ZHUGS NAS DBANG DU 'GYUR, ,AE HI ZHES PA TSUR SBYON BRDA, ,YA HI PHAR BZHUD CES PA 'O, ,TI STA HA NI DRONGS SHIG PA'O, ,KHA KHA KH'A HI ZO ZHIG PA'O, ,AA BA'I ZHES PA YANG NAS YANG, ,DA RA DA RA BYIN CIG PA'O, ,RU TA MA TA ROL ZHES PA'O, ,HU LU HU LU ZHUGS SHIG PA'O,, AA RA RA RA BSKUL CIG PA'O, ,DE LA SOGS TE BSAM YAS MCHOG ,CES GSUNGS SO, ,DE NAS YANG SMRA BA'I SENG+GE'I BYED PA PO RDO RJE KUN TU BZANG POS GSOL PA, AE MA'O GSANG CHEN BDE BA CHE, ,MI 'GYUR NAM MKHA' DNGOS PO MED, ,LHUN GRUB BDE CHEN RNAM PAR DAG ,DAG MCHOG LHA LA PHYAG 'TSAL BSTOD, ,GSANG BA ZHES BGYI RNAM PA DU, ,SBAS PA ZHES BGYI RNAM PA DU, ,THIG LE ZHES BGYI JI LTAR GNAS, ,MNYAM NYID CES PA RNAM PA DU, ,DAG PA ZHES PA RNAM PA DU, ,RTOGS PA RNAM PA DU RU BZHED, ,MTSAN NYID GSUM ZHES JI LTA BU, ,TING 'DZIN GSUM PO JI LTAR LAGS, ,BDAG CAG RNAMS LA SMAN SLAD DU, ,BDE BAR GSHEGS PAS BSHAD DU GSOL, ,ZHES GSOL BA BTAB PAS GSANG BA MCHOG GI BDAG POS THUGS SU
, ,CHUD DE BKA' STZAL PA, GSANG BA ZHES PA RNAM PA BZHI, ,RANG BZHIN DON GYI GSANG BA DANG, ,GAB PA SBAS PA'I GSANG BA DANG, ,BSTAN MED RDZAS KYI GSANG BA DANG, ,SNOD MED BKA' YI GSANG BA DANG, ,CHOS NYID RANG BZHIN GSANG BA DANG, ,THUGS KYI KLONG NAS BSKUNGS PA DANG, ,DMAN LA MI BSTAN RDZAS RNAMS DANG, ,GSANG SNGAGS THEG CHEN ZAB MO'I DON, ,RAB TU SHES PA DKA' BA'I PHYIR, ,BSTAN PAR YANG NI MI BYA BAS, ,GSANG BA ZHES SU RGYAL BAS GSUNGS, ,DE NYID SBAS PAS SBAS PA'I DON, ,SBAS PA RNAM PA GSUM YIN TE, ,PHYI YI SBAS PA GSANG BA DANG, ,DE BZHIN NANG GI SBAS PA DANG, ,GNYI GAR MA NGES SBAS PA DE, ,RMAD 'BYUNG SNGAGS KYI SPYOD PA STE, ,PHYI ROL SDE BAS MTHONG THOS NA, ,DE LA BZOD PA THOB MIN PAS, ,DE NI SBAS PA PHYI ZHES BYA, ,LHUN GRUB BDE CHEN ZAB MO DE, ,MING GI RNAL 'BYOR PHAL DAG GIS, ,RTOGS SHING KHONG DU CHUD PAR DKA', ,DE NI NAD GI SBAS PA YIN, , PHYI NANG GNYIS SU THA DAD MIN, ,BDEN PA GNYIS SU DBYER MED PA, ,RGYAL BA SANGS RGYAS SPYOD YUL DE, ,MA NGES SBAS PAR RGYAL BAS GSUNGS, ,SBAS PA'I DON RNAMS GSAL 'BYIN PA, ,BLA MA RDO RJE'I THUGS LA GNAS, ,DES NA SBAS ZHES NGES PAR GSUNGS, ,THABS DANG SHES RAB CES BYA BA, ,GNYIS SU MED PA'I BYANG CHUB SEMS, ,DE NYID THIG LE RNAM
GSUM STE, ,THABS MCHOG YAB KYI MKHA' NYID DANG, ,SHES RAB YUM GYI KLONG NYID DANG, ,GNYIS MED BDE CHEN NGANG NYID DU, ,CHOS KUN 'DUS SHING GCIG PA DANG, ,SPROS MED THIG LER GNAS PA'I PHYIR, ,THIG LE ZHES SU RGYAL BAS GSUNGS, ,MNYAM PA NYID KYANG RNAM GSUM STE, ,DON DAM DBYINGS SU MNYAM PA DANG, ,KUN RDZOB SGYU MAR MNYAM PA DANG, ,DBYER MED GCIG PAR MNYAM PA STE, ,MA SKYES MA GRUB DBYER MED PAR, ,CHOS KUN MNYAM PAR GNAS PAS NA, ,MNYAM PA ZHES SU BRJOD PA YIN, ,SNOD DANG BCUD DANG RGYUD RNAMS KUN, ,DAG PAS DAG PA GSUM YIN TE, ,YUM GYI DBYINGS DANG YAB KYI MKHA', ,YE SHES LNGA YI RANG BZHIN DU, ,SNOD BCUD RGYUD KUN DAG PA'I PHYIR, ,DAG PA GSUM DU RGYAL BAS GSUNGS, ,RTOGS PA YANG NI RNAM PA BZHIR, ,RNAL 'BYOR NANG PA BZHED PA STE, ,RGYU GCIG PA DANG YIG 'BRU'I TSUL, ,BYIN GYIS BRLABS DANG MNGON SUM PAS, ,RDZOGS CHEN DON LA 'JUG 'GYUR TE, ,RGYU NI BDEN GNYIS GCIG PA RU, ,GCIG PAS GCIG PA'I MTSAN NYID DANG, ,SKU GSUNG THUGS KYI YI GE RU, ,CHOS KUN RANG BZHIN RTOGS PA DANG, ,SKYED MED DBYINGS KYI BYIN BRLABS LAS, ,CHOS KUN SNANG BAR SHES PA DANG, ,DE LTA BU YI RANG BZHIN TE, ,GZHAN LA MA RTEN MI 'GRAL BAR, ,MNGON SUM RIG PAS THAG CHOD NA, ,RNAL 'BYOR
, ,SA LA SLEBS PA YIN, ,MA RTOGS PA YANG BZHI YIN TE, ,YE NAS MA RTOGS BLUN PA DANG, ,LOG PA'I RNAM PAR RTOG PA DANG, ,PHYOGS GCIG RTOGS PA'I KHYAD PAR DANG, ,GSANG BA DE NYID MA GTOGS PAR, ,BDE GSHEGS RGYAL BA NYID KYIS GSUNGS, ,DES NA RTOGS PA RNAM BZHI YIS, ,RNAL 'BYOR SA LA BSNYEN PA YIN, ,SHES PA DANG NI 'JUG PA DANG, ,'BRAS BU'I MTSAN NYID CES BYA BAS, ,SA LA NYE DANG SAR CHUD DANG, ,SA THOB 'BRAS BU RNAM PA GSUM, ,RGYU 'BRAS TSUL DU GNAS PA NI, ,NUS MTHUR LDAN PA'I SHES RAB KYIS, ,RIGS 'DZIN ZHING STE SHES RAB GSUM, ,YUM YANG MTSAN NYID GSUM YIN TE, ,KUN TU BRTAGS DANG GZHAN DBANG DANG,, YONGS SU GRUB PA ZHES SU BRJOD, ,LOG PA'I BSAM PAS MTHONG BRTAGS PA, ,KUN TU BRTAGS TE YOD PA MIN, ,BDEN GNYIS RGYU DANG 'BRAS BU'I CHUL, ,'BREL BA GZHAN DBANG YIN PAR GSUNGS, ,BDEN GNYIS RGYU 'BRAS DBYER MED PAR, ,YONGS SU GRUB PAR BDE GSHEGS GSUNGS, ,KUN BRTAGS LOG PAR SHES PA NI, ,SHES PA'I MTSAN NYID CES SU BYA, ,GZHAN DBANG TSUL DU GOMS BYA BA, ,'JUG PA'I MTSAN NYID CES SU BYA, ,YONGS SU GRUB LA GNAS BCAS NA, ,DE NYID 'BRAS BU'I MTSAN NYID YIN, ,DE BZHIN
NYID DANG KUN TU SNANG, ,RGYU YI TING 'DZIN RAB BSGOMS PAS, ,RDZOGS PA'I BYANG CHUB THOB PA STE, ,YONGS SU GRUB PA'I BLO GSAL NA, ,DE BZHIN NYID DU RNAM PAR GRAGS, ,KUN SNANG SNYING RJE'I NGO BO DANG, ,YIG 'BRU KHA DOG GSAL BA YI, ,RGYU YI TING 'DZIN GSAL BA NI, ,BSKYED PA GZHAN GYI DBANG YIN TE, ,DE NYID LOG RTOG KUN BRTAGS PA'O, ,DES NA RNAL 'BYOR SKYES BU YIS, ,MTSAN MED NGANG LA GNAS BCAS NAS, ,MTSAN MA'I RNAL 'BYOR BSGOM PAR BYA'O, ,MTSAN MA MED DANG MTSAN MA YANG, ,THA DAD MED PAR SHES PAR BYA, ,DE LTAR RIG PA'I RNAL 'BYOR PA; ;DE NYID NGA YIN SA THOB YIN, ,SANGS RGYAS ZHES KYANG DE LA BYA, ,SANGS RGYAS RNAMS KYANG MCHOD PA BYED, ,BYANG CHUB SEMS DPA' SMOS CI DGOS, ,'JIG RTEN LHA KLU MTHU CHEN YANG, ,DE LA MCHOD CING BKUR STI BYED, ,PHYA BZHIN 'BRENG ZHING DGOS PA SKONG, ,ZHES GSUNGS PAS 'DUS PA'I 'KHOR TSOGS RNAMS KYIS RANG RANG GI LUS SA LA BRDABS NAS AA LA LA ZHES BYA BA'I SGRA PHYUNG STE SHIN TU NGO MTSAR TO, ,DE NAS SMRA BA'I SENG+GE'I BYED PA PO RDO RJE KUN TU BZANG POS 'DI SKAD CES GSOL TO, ,BCOM LDAN 'DAS, THE TSOM THAMS CAD GCOD PA'I BDAG PO MCHOG RGYUD KYI RGYAL PO CHEN PO 'DI NYID YE SHES RNGAM PA GLOG GI 'KHOR LO'I MDO CHEN PO ZHES BYA BA RGYUD KYI 'GREL PA, RTAGS KYI ROL PA, DON GYI BKOD PA, RDO RJE RNAM PAR ROL PA'I GZHUNG CHEN PO 'DI YI BLA MA
, ,RDO RJE SLOB DPON SKYES BU DAM PAS MA NOR BAR RTOGS SHING GZHAN DAG LA'ANG MA NOR BAR STON PA DE LA BDAG CAG RNAMS KYIS JI LTAR BLTA BAR BGYI, JI LTA BU'I RANG BZHIN DU 'TSAL BAR BGYA, BCOM LDAN 'DAS, LUNG BSTAN DU GSOL, BDE BAR GSHEGS PA, LUNG BSTAN DU GSOL, DE NAS BCOM LDAN 'DAS GSANG BA MCHOG GI BDAG POS GSOL BA BTAB PA DE MKHYEN NAS 'DI SKAD CES GSUNGS SO, ,SMRA BA'I SENG+GE, NGA LA ZHU BAR SPOBS PA LEGS, RAB TU LEGS KYI NYON CIG ,GZHUNG 'DI BLA MA RDO RJE SLOB DPON DE NI SKYES BU DAM PA 'BA' ZHIG TU MA ZAD DE, DE NI BLA NA MED PA YANG DAG PAR RDZOGS PA'I SANGS RGYAS RDO RJE 'DZIN PA NYID DU BLTA BAR BYA, DE CI'I PHYIR ZHE NA, DE NI RDO RJE 'DZIN PA CHEN PO DANG, DBYER MED CING THA MI DAD TE BLA MA DE NI BSKAL PA CHEN PO GRANGS MED PA'I PHA MTHA' YI YANG PHA MTHA' 'DAS PA NAS RGYAL BA SANGS RGYAS BRJOD DU MED PA YI YANG BRJOD PA RNAMS LA CHOS THAMS CAD YONGS SU RDZOGS PAR SBYANGS SHING RANG GI SEMS KYI RGYUD RNAM PAR SBYANGS PA'I NUS MTHUS GSANG BA 'DI'I DON LA YID CHES SHING GSANG BA'I DON 'DI LTA BU'I BLA MA RDO RJE SLOB DPON CHEN PO NYID DU RIG PAR BYA STE, DE NI SANGS RGYAS NYID DANG THA MI DAD CING BYANG CHUB KYI SEMS NYID DU BLTA BAR BYA'O, ,DE LA 'DI NI PHYOGS BCU DUS BZHI'I SANGS RGYAS MA LUS MI LUS LUS PA MED PA'I SANGS RGYAS KYI ZHING RDUL PHRA RAB DANG
MNYAM PA RNAMS KYANG SPYI BO GTZUG GIS KHUR ZHING PHYAG 'TSAL BA DANG, MCHOD PA BYED CING RJES SU 'BRENG NA GZHAN BYANG CHUB SEMS DPA' DANG, RDO RJE 'DZIN PA RNAMS LA PHYAG 'TSAL ZHING MCHOD PA CI ZHIG SMOS TE, 'JIG RTEN GYI MTHU MO CHE RNAMS KYANG DE'I BRAN DU KHAS LEN CING 'KHOR GYI DKYIL 'KHOR YANG SKYONG ZHING CI BSGOM THAMS CAD KYANG BSAM PA YID BZHIN DU GRUB PAR BYED DO, ,DE BAS NA YANG DAG PAR RDZOGS PA'I SANGS RGYAS NYID DU BLTA BAR BYA'O, ,DE NA DE BZHIN GSHEGS PA, SKYES BU 'DUL BA, KHA LO SGYUR BA, 'JIG RTEN DANG, 'JIG RTEN LAS 'DAS PA'I STON PA CHEN PO YIN PAR BLTA'O, ,SEMS CAN THAMS CAD KYI MGON DANG, SKYABS DANG, RTEN DANG ,GLING DANG, DED DPON DANG, 'DREN PA DANG, SGROL BA'I GRU LTA BU YIN PAR SHES PAR BYA'O, ,DE NI YE SHES KYI SGRON MA CHEN PO 'DZIN PA STE DE BAS NA SANGS RGYAS NYID DU BLTA'O, ,DE BAS NA BLA MA DE DANG PHRAD PA'I GANG ZAG RNAL 'BYOR PA DES KYANG YANG DAG PAR RDZOGS PA'I SANGS RGYAS NYID DANG PHRAD PAR RIG PAR BYA'O, ,SMRA BA'I SENG+GES GSOL PA, BCOM LDAN 'DAS, BLA MA RDO RJE SLOB DPON DE'I RJES SU 'BRANG ZHING GSANG BA 'DI LTA BU LA MOS SHING 'DZIN PA DANG, RNA BA'I DBANG POS NYAN CING GZHUNG BZHIN DU SGRUB PA'I GANG ZAG RNAL 'BYOR PA DE'I RNAM PAR SMIN PA JI LTA BU ZHIG BDAG CAG RNAMS KYI JI LTAR 'TSAL PAR BGYI, ,GSANG
, ,PA MCHOG GI BDAG POS BKA' STZAL PA, BLA MA DE'I RJES SU 'BRANG ZHING GSANG BA 'DI LA MOS SHING 'DZIN PA DANG, RNA BA'I DBANG POS NYAN CING GZHUNG BZHIN DU SGRUB PA'I GANG ZAG RNAL 'BYOR PA DE NI GANG ZAG 'BA' ZHIG MA LAGS TE, SA LA BSNYEN PA DANG, SA THOB PA'I RNAL 'BYOR PA STE, RIGS KYI BU, KHYED RNAMS KYIS KYANG SPUN DANG, GROGS PO LTA BUR SHES PAR BYA'O, ,GANG PHYOGS BCU DUS BZHI'I SANGS RGYAS JI SNYED PA RNAMS KYANG RNAL 'BYOR PA DE LA NYE BA'I SRAS DAM PAR DGONGS SHING BYIN GYIS RLOB PAR 'GYUR RO, ,DE CI'I PHYIR ZHE NA, GANG ZAG GSANG BA 'DI NI THOS SHING MOS PA'I SKAL PA DANG LDAN PA'ANG BSKAL PA GRANGS MED PA'I PHA MTHA' NAS TSOGS BSAGS SHING SBYANGS PA'I MTHUS DE LTAR 'GYUR BAR RIG PAR BYA'O, ,DE BAS NA, SMRA BA'I SENG+GE, KHYOD NYID LA SOGS PA'I RDO RJE 'DZIN PA RNAMS DANG THA MI DAD PAR RIG PAR BYA'O, ,DE DAG GI DNGOS GRUB KYANG TSE 'DI NYID LA 'GRUB CING GZHAN 'JIG RTEN GYI MTHU CHEN RNAMS KYANG BKA' NYAN CING LAS BYED PAR 'GYUR RO, ,YANG SMRA BA'I SENG+GES GSOL PA, BCOM LDAN 'DAS, BLA MA RDO RJE SLOB DPON CHEN PO RNAL 'BYOR GYI 'KHOR DANG BCAS PA RNAMS GSAD PA'I THEG PA 'DI NYID LA MOS SHING DAD PA'I SEMS KYI G-YO SGYU DANG, GSOG 'JOG SPANGS
PA'I PHYI RABS KYI DAD PA CAN GYI SKYE BO DE'I RNAM PAR SMIN PA CIR 'GYUR, BDAG CAG LA SOGS PA RNAMS KYIS JI LTAR BLTA BAR BGYI, BCOM LDAN 'DAS KYIS BKA' STZAL PA, RIGS KYI BU, DAD PA CAN GYI SKYE BO BLA MA 'KHOR DANG BCAS PA GSANG BA'I THEG PA 'DI NYID LA MOS SHING DOD PA DANG, RNA BA'I DBANG POS NYAN CING G-YO SGYU DANG, GSOG 'JOG SPANGS PA DE'I RNAM PAR SMIN PA'I LEGS PA'I YON TAN YANG BRJOD CING TSAD GZUNG BAR RAB TU DKA'O, ,LA LA DAG GIS SO SO SKYE BO SANGS RGYAS KYI ZHING YONGS SU GANG BA LA SBYIN [?] BYIN PA'AM, SROG BTON PA'AM, DGE BA BCU DANG, TSAD MED PA BZHI DANG, BSDU BA'I DNGOS PO BZHIS RGYU'I THEG PA'I SGO NAS 'GRO BA'I DON BYAS PA BAS NI BLA MA 'KHOR DANG BCAS PA DANG, GSANG BA'I THEG PA 'DI'I SGO NAS SKAD CIG TZAM 'GRO BA GCIG GI DON BYAS PA'I BSOD NAMS KYI DGE BA'I RTZA BA 'BUM GYI CHA YANG MI PHOD DO, ,RIGS KYI BU, LA LA DAG GI SANGS RGYAS KYI ZHING YONGS SU GANG BA'I NYAN THOS SAM, RANG SANGS RGYAS SAM, BYANG CHUB SEMS DPA'I THEG PA DE SNYED LA RIM GRO BKUR STI TSUL BZHIN DU BSKAL PA GRANGS MED PA'I YUN DU BYAS PA'I BSOD NAMS KYIS NI GSANG BA'I THEG PA 'DI LA GNAS PA'I GANG ZAG RNAL 'BYOR PA GCIG LA THA NA DRO GCIG GAM, SKAD CIG YUD TZAM DU BKUR STI TSUL BZHIN DU BYAS PA'I BSOD NAMS
, ,KYI 'BUM GYI CHAR YANG MI PHOD DO, ,DE CI'I PHYIR ZHE NA, DE NI GSANG BA'I THEG PA 'DI NYID LAS NYAN THOS DANG, RANG SANGS RGYAS DANG, BYANG CHUB SEMS DPA'I THEG PA RNAMS 'BYUNG ZHING GSANG BA'I THEG PA NYID LA 'GRO BA GZUD PA'I THABS SU BSTI BA'I GNAS SU GSUNGS PA YIN GYI, GTAN DU BZHAG PA'I SA NI MA YIN NO, ,DE BAS NA NGA NYID KYI SPRUL PA BAS KYANG CHOS RNAM PA SNA TSOGS JI LTAR 'DUL BAR STON PA YIN NO, ,DE BAS NA GSANG SNGAGS KYI YON TAN NI BSAM GYIS KYANG MI KHYAB BO, ,RIGS KYI BU GANG ZAG LA LA DAG GIS BSKAL PA BRJOD DU MED PA'I YANG BRJOD DU MED PAR RGYU'I THEG PA'I SGO NAS DGE BA'I RTZA BA RGYAS PAR SPYAD PA BAS NI GSANG BA'I THEG PA 'DI'I DON SKAD CIG TZAM YID LA BYAS PA'I BSOD NAMS KHYAD PAR DU 'PHAGS TE 'BUM GYI CHAR YANG MI PHOD DO, ,RIGS KYI BU, GANG ZAG LA LA ZHIG GIS BSKAL PA GANG G'A'I KLUNG GI BYE MA SNYED DU SO SO'I SKYE BO'AM, NYAN THOS SAM, RANG RGYAL BA'AM, BYANG CHUB SEMS DPA' SANGS RGYAS KYI ZHING YONGS SU GANG BA SNYED LA ME TOG DANG, PHRENG BA DANG, BYUG SPOS DANG, BLA BRE DANG, RGYAL MTSAN DANG, BA DAN DANG, LHAB LHUB DANG, ROL MO'I KHYAD PAR MANG PO LA SOGS PAS SANGS RGYAS KYI ZHING YONGS SU GANG BAR BYAS TE
PHUL BA BAS THA NA GSANG BA'I THAG PA LA GNAS PA'I RNAL 'BYOR PA GCIG TZAM LA'ANG G-YO SGYU DANG, GSOG 'JOG SPANGS PA'I SGO NAS 'DOD PA'I YON TAN GYI TSOGS SKAD CIG TZAM BTEG CING LONGS SPYAD PA'I BSOD NAMS KHYAD PAR DU 'PHAGS TE 'BUM GYI CHAR YANG MI PHOD DO, ,DE CI'I PHYIR ZHE NA, SO SO'I SKYE BO'AM, NYAN THOS SAM, RANG SANGS RGYAS SAM; BYANG CHUB SEMS DPA'I BSOD NAMS DANG, YE SHES KYI PHUNG PO DE DAG PAS GSANG BA'I THEG PA LA GNAS PA GCIG GI BA SPU'I CHA GCIG GI BSOD NAMS DANG, YE SHES KYI PHUNG PO KHYAD PAR DU 'PHAGS TE 'BUM GYI CHAR YANG MI PHOD DO, ,DE BZHIN DU GANG ZAG LA LA ZHIG GIS ME TOG LA SOGS PAS SANGS RGYAS KYI ZHING YONGS SU GANG BA'I BSOD NAMS DANG YE SHES KYI PHUNG PO GANG YIN PAS 'DOD PA'I YON TAN GYI TSOGS CHEN PO GCIG GI RDUL PHRA RAB KYI CHA TZAM GYI BSOD NAMS DANG, YE SHES KYI PHUNG PO GANG YIN PA DE BAS 'DOD PA'I YON TAN TSOGS CHEN PO GCIG GI RDUL PHRA RAB KYI CHA TZAM GYI BSOD NAMS DANG, YE SHES KYI PHUNG PO KHYAD PAR DU 'PHAGS TE 'BUM GYI CHAR YANG MI PHOD DO, ,RIGS KYI BU, DE BAS NA DAD PA CAN GYI SKYE BO GSANG BA'I THEG PA NYID DANG, GSANG BA'I THEG PA LA GNAS PA'I BLA MA 'KHOR DANG BCAS PA LA DAD PA'I SEMS KYIS G-YO SGYU DANG, GSOG
, ,'JOG SPANGS PA DE'I BSOD NAMS DANG, YE SHES KYI PHUNG PO NI TSAD MED DO, ,DE BSOD NAMS DANG, YE SHES KYI PHUNG PO NI THAMS CAD MKHYEN PA'I SANGS RGYAS RNAMS KYIS KYANG BGRANG BAR MI NUS SO, ,DE NAS SMRA BA'I SENG GES 'DI SKAD CES GSOL TO, ,BCOM LDAN 'DAS, GSANG SNGAGS KYI YON TAN NI TSAD MA MCHIS SO, ,BDE BAR GSHEGS PA, TSAD MA MCHIS LAGS SO, ,BCOM LDAN 'DAS, 'ON KYANG BDAG CAG LA SOGS PA DANG, MA 'ONGS PA'I 'GRO BA RNAMS DRANG BA'I SLAD DU SNGON 'DAS PA'I LO RGYUS KYI GTAN TSIGS RNAMS ZHU BAR 'TSAL NA GNANG BA'I SKABS DBYE BAR GSOL, ,GSANG BA MCHOG GI BDAG POS BKA' STZAL PA, SMRA BA'I SENG+GE KHYOD NGA LA ZHU BAR SPOBS KYI CI DANG, CI 'DOD PA DRIS SHIG DANG, NGAS KHYOD LA BSHAD PAR BYA'O, ,DE NAS SMRA BA'I SENG+GES GSOL PA, BCOM LDAN 'DAS, GSANG BA'I THEG PA 'DI RNA BA'I DBANG POS THOS PA'I YON TAN DANG, RNAM PAR SMIN PA JI LTA BUR 'GYUR, GSANG BA MCHOG GI BDAG POS BKA' STZAL PA, RIGS KYI BU RNAMS NYON CIG ,GSANG BA'I THEG PA 'DI RNA BA'I DBANG POS THOS BA'I YON TAN NI MING TZAM THOS PAS KYANG NGAN 'GRO LAS SKYOB PAR 'GYUR RO, ,DE YANG JI LTAR YONGS SU
SHES SHE NA, SNGON 'DAS PA'I DUS DRAN PA THOG MA'I CHE GSANG BA'I THEG PA'I LHA'I GNAS RIM PA GSUM NA TSUL BZHIN DU SPYOD PA LAS 'OD LDAN ZHES BYA BA'I LHA'I BU ZHIG MI RTAG PA'I DUS LA BAB STE 'CHI BA'I SNGA LTAS RNAMS BYUNG BAR GYUR TE, DE RAB TU MI DGA' BA'I 'DU SHES SU GYUR NAS TSE PHYI MA LA GANG DU SKYE SNYAM PA'I 'DU SHES 'BA' ZHIG SKYES BA LAS, LHA'I BU DE NYID MNGON PAR SHES PA LAS MI GTZANG BA ZA BA'I BYOL SONG GI RIGS SU SKYE BAR MTHONG STE SHIN TU 'JIGS PA'I SEMS SKYES NAS MGON SKYABS GZHAN MED PAR MTHONG STE GSANG BA'I THEG PA'I MTSAN THOS NAS DE BZHIN DU YED LA DRAN PAR BYAS SO, ,DE'I TSE 'OD LDAN ZHES BYA BA LHA'I BU DE NGAN 'GRO'I LAM DE LAS GROL TE GSANG BA'I THEG PA 'DZIN PA'I GNAS GA LA BA DER SKYES SO, ,DER SKYES NAS KYANG TSOGS CHEN PO LA LONGS SPYOD PA SKAL PA CAN DU GYUR PA DE BZHIN DU SHES PAR BYA'O, ,YANG GSOL PA, GSANG BA MCHOG GI BDAG PO, GSANG BA'I THEG BA 'DI LA DGA' ZHING MOS PA DANG, 'DUN PA SKYES PA'I GANG ZAG DE NI RNAM PAR SMIN PA'I YON TAN JI LTA BUR 'GYUR LUNG BSTAN DU GSOL, GSANG BA MCHOG GI BDAG POS BKA' STZAL PA, GSANG BA'I THEG PA 'DI LA DGA' ZHING MOS PA DANG, 'DUN PA SKYED PA'I GANG ZAG DAM PA DE NI RIG 'DZIN RGYAL BA'I SRAS DAM PAR 'GYUR BAR GDON MI ZA'O, ,DE
, ,YANG JI LTAR YONGS SU SHES SHE NA, SNGON 'DAS PA'I DUS NGA DRAN PA THOG MA'I TSE BRAM ZE RGYAL BYED CES BYA BA' BU BYAMS LDAN ZHES BYA BA ZHIG GSANG BA'I THEG PA 'DI LA DGA' ZHING MOS NAS 'DUN PA SKYES TE GSANG BA'I THEG PA 'DI KUN TU BTZAL BAS RANG GI SGRIB PA'I BAG CHAGS STUG POS GEGS BYAS NAS RNYED PAR MA GYUR TES PHYOGS SHIN TU'ANG DBEN PA CIG TU 'DUG NAS GSANG BA LA RAB TU GDUNG BA'I SHUGS KYIS NGU ZHING SMRE SNGAGS KYI TSIG 'DI SKAD CES SMRAS SO, ,KYE MA'O, ,BDAG GI LAS 'DI SHIN TU PHAM, ,THOG MA SKYES NAS RGAS BAR DU, ,'BAD DE GSANG BA'I DON BTZAL YANG, ,GSANG BA MA RNYED LAS RE NGAN, ,DA YANGS JI LTAR BTZAL NA RNYED, ,BTZAL YANG RNYED PAR MI 'GYUR NA, ,THUGS RJES BDAG LA SKYABS MDZOD CIG ,CES SMRAS NAS NAM MKHA' STONG PA LAS CHO 'PHRUL GYI SGRA 'DI SKAD CES GRAG GO, ,BRAM ZE'I BU NI SKAL LDAN KHYOD, ,YI DAM BRTAN PA BZHIN DU LEGS, ,KHYOD NI DON GYI SKAL PA CAN, ,PHYOGS BCU KUN BZHI'I SANGS RGYAS KYIS, ,KHYOD LA BYIN GYIS RLOB PA MDZOD, ,RANG NYID LTA BA MA YENGS PAR, ,BAG CHAGS SBYANGS PA'I THABS DAG LA, ,MKHAS SHING BRTZON PAR BYA DGOS TE, ,RANG GI KHRAG RNAMS DRANGS NAS SU, ,DAD CING GTZANG BA TZANDAN
CHUR; ;DMIGS NAS RGYAL BA KUN MCHOD NA, ,MYUR DU GSANG DON RNYED PAR 'GYUR, ,ZHES BAR SNANG LA LUNG BSTAN PA THOS NAS RAB TU DGA' BA'I SEMS KYIS LUS KYI RTZA RNAMS KHRAG DRANGS NAS 'PHAGS PA RNAMS LA MCHOD PA DE NYID DU GSANG BA'I DON MTHONG STE RIG 'DZIN RGYAL BA'I SRAS DRAN PAR GYUR PA DE BZHIN SHES PAR BYA'O, ,DE NAS YANG SMRA BA'I SENG GES GSOL PA, BCOM LDAN 'DAS GSANG BA MCHOG GI BDAG POS GSANG BA'I THEG PA 'DI'I SGOR ZHUGS SHING TSOGS KYI DKYIL 'KHOR DAM PA MTHONG BA'I GANG ZAG DAM PA DE'I 'BRAS BU JI LTA LAGS, LUNG BSTAN DU GSOL, ,BDE BAR GSHEGS PAS LUNG BSTAN DU GSOL, GSANG BA MCHOG GI BDAG POS BKA' STZAL PA, GSANG BA'I THEG PA'I SGOR ZHUGS SHING TSOGS KYI DKYIL 'KHOR DAM PA MTHONG BA'I GANG ZAG DE NI DNGOS GRUB TU GYUR TO, 'TSAL BA THAMS CAD JI LTAR 'DOD PA BZHIN THOB PAR 'GYUR RO, ,DE NA'ANG JI LTAR YONGS SU SHES SHE NA, SNGON 'DAS PA'I DUS NGA DRAN PA THOG MA'I TSE LHA'I GNAS RIM PA GSUM NA GSANG BA SPYOD PA LAS DGE BA'I RGYAL PO BKOD PA ZHES BYA BA'I LHA'I BU ZHIG TSOM BU 'BUM DANG BCAS NAS GSANG BA RGYA CHER SPYOD PA LAS RIN CHEN 'OD LDAN ZHES BYA BA'I LHA'I BU ZHIG GSANG SNGAGS RGYA CHER SPYOD PA DE NYID LAS SHIN TU DAD PA SKYES PA LAS YO BYAD
, ,PHUN SUM TSOGS PA DANG BCAS PA GSANG BA'I GNAS DER PHYIN TE GSANG BA'I SGOR ZHUGS NAS TSOGS KYI LHA 'KHOR CHEN PO'ANG MTHONG BAR BYAS TE DE NYID KYI DUS KYI TSE DAG TU DNGOS GRUB TU GYUR TO 'TSAL BA THAMS CAD JI LTAR BSAM PA BZHIN DU THOB PAR GYUR PA DE BZHIN DU SHES PAR BYA'O, ,DE NAS SMRA BA'I SENG GES GSOL PA; GSANG BA'I THEG PA 'DI MNGON DU SPYOD PA'I RNAL 'BYOR PA GANG ZHIG LA DGA' BA'I YID KYIS MNGON DU PHYOGS PA DE'I 'BRAS BU JI LTA BUR LUNG BSTAN DU GSOL, GSANG BA MCHOG GI BDAG POS BKA' STZAL PA, SMRA BA'I SENG GE ,GZHAN YANG, GSANG BA'I THEG PA SPYOD PA LA MNGON DU PHYOGS PA'I GANG ZAG DE'I RNAM PAR SMIN PA NI GSANG BA DGNOS SU SPYOD PA'I RNAL 'BYOR PA DE DANG 'DRA BAR THOB PAR 'GYUR RO, ,DE'ANG JI LTAR YONGS SU SHES SHE NA, SNGON 'DAS PA'I DUS NGA DRAN PA THOG MA'I TSE RGYAL PO DBANG PHYUG 'OD LDAN ZHES BYA BA'I RNAL 'BYOR PA ZHIG TSOM BU 'BUM DANG BCAS NAS SNGAGS KYI SPYOD PA LA RGYA CHER ZHUGS TE 'BRAS BU NGO MTSAR RMAD DU BYUNG BA'I THOB PAR KUN TU GRAGS PA LAS, GZHAN GYI SDE PA BRAM ZE DGE SLONG BYA BA ZHIG SHIN TU DGA' BA'I SEMS SKYES NAS 'BYOR PA'I YO BYAD MANG PO DANG BCAS NAS TSOGS KYI DKYIL
'KHOR DE NYID DU 'DUG PAR GSOL BA BTAB PA LAS RGYAL POS MA GNANG STE GSANG SGO BSDAMS SO, ,BRAM ZE DE DAD PA MA LOG PAR 'BYOR PA'I YO BYAD CI YOD PA RGYAL PO'I SPYAN SNGAR PHUL TE RGYAL PO GNAS PA'I YUL PHYOGS SU YID KYIS PHYOGS TE SMON LAM BTAB CING RJES SU YID RANG BAR BYAS SO, ,DE'I RNAM PAR SMIN PAS RGYAL PO DANG, BRAM ZE GNYIS 'BRAS BU MTHON DMAN MED PAR THOB PA BZHIN DU SHES PAR BYA'O, ,YANG SMRA BA'I SENG GES GSOL PA, GSANG BA'I THEG PA 'DI'I BSLAB PA MTHAR PHYIN PA 'DI YON TAN GYI KHYAD PAR JI LTA BU LAGS, GSANG BA MCHOG GI BDAG POS BKA' STZAL PA, GSANG BA'I THEG PA 'DI'I BSLAB PA MTHAR PHYIN PA'I CHE BA'I KHYAD PAR GYIS THEG PA MTHA' DAG GI BSLAB PA'ANG, MTHAR PHYIN CING LUNG BSTAN PA'ANG THOB PAR 'GYUR RO, ,DE'ANG JI LTAR YONGS SU SHES SHE NA, SNGON 'DAS PA'I DUS SU NGA DRAN PA THOG MA'I TSE BRAM ZE'I BU GSAL SBYIN ZHES BYA BAS GSANG BA CHEN PO 'DI'I BSLAB PA MTHAR PHYIN TE, RANG GI SEMS GOMS PAR BYAS PAS THEG PA MTHA' DAG GI BSLAB PA MTHAR PHYIN CING DE NYID DU BAR SNANG LAS LUNG BSTAN PA'I SGRA; RIGS KYI BU, KHYOD DUS PHYI MA'I TSE CHOS KYI RGYAL POR GYUR NAS ZHING KHAMS RNAM PAR DAG PA ZHES BYA BAR SANGS RGYAS NAS SMRA BA'I SENG GE ZHES BYA BAR GRAGS PAR 'GYUR RO
, ,ZHES BYA BAR LUNG BSTAN PA DE BZHIN DU SHES PAR BYA'O, ,YANG SMRA BA'I SENG GES GSOL PA, TSOGS CHEN PO GCIG GIS BSOD NAMS KYI KHYAD PAR JI LTA BU LAGS, GSANG BA MCHOG GI BDAG POS BKA' STZAL PA, SMRA BA'I SENG GE ,SO SO'I SKYE BO'AM, NYAN THOS SAM, RANG SANGS RGYAS SAM, SA LA GNAS PA'I BYANG CHUB SEMS DPA' SANGS RGYAS KYI ZHING YONGS SU GANG BA SNYED LA SBYIN MCHOD SANGS RGYAS KYI ZHING PHYUR BUR GTAMS PAS BSKAL PA'AM, BSKAL PA GRANGS MED PAR BYIN PA'I BSOD NAMS KYIS NI RNAL 'BYOR GCIG LA TSOGS GCIG SKAD CIG TU MCHOD PA RGYA CHER BYAS PA'I BSOD NAMS DANG, YE SHES KYI TSOGS 'BUM GYI CHAR YANG MI PHOD DO; ;DE'ANG JI LTAR YONGS SU SHES SHE NA, SNGON 'DAS PA'I DUS NGA DRAN PA THOG MA'I TSE LAS DAG PA'I BRAM ZE'I BU GSAL LDAN ZHES BYA BA ZHIG GSANG BA'I THEG PA 'DI LA DAD PAR 'GYUR RO, ,BRAM ZE'I BU DGE LDAN ZHES BYA BA ZHIG NI RGYU'I THEG PA LA DAD PAR 'GYUR RO, ,DE'I TSE BRAM ZE'I BU DE GNYIS THA TSIG BCAS TE DGE LDAN GYIS MCHOD SBYIN BZANG PO RGYA CHER SPEL LO, ,GSAL LDAN GYIS NI TSOGS MCHOD RGYA CHER BYAS SO, ,DE GNYIS KYIS 'BRAS BU'I KHYAD PAR NI SNGAGS SPYOD PA'I BRAM ZE GSAL
LDAN NI TSE DE NYID LA MNGON PAR RDZOGS PAR SANGS RGYAS PAR GYUR TO, ,RGYU'I THEG PA LA SPYOD PA'I DGE LDAN NI BSKAL PA GRANGS MED PA GSUM DU DKA' BA BYAS NAS 'BRAS BU THOB PA DE BZHIN DU SHES PAR BYA'O, ,YANG SMRA BA'I SENG GES GSOL PA, GSANG BA'I THEG PA'I MDO 'DI RTAG TU 'CHANG BA'I GANG ZAG DE'I RNAM PAR SMIN PA JI LTA BUR 'GYUR BA LAGS, GSANG BA MCHOG GI BDAG POS BKA' STZAL PA, SMRA BA'I SENG GE ,MDO 'DI RTAG TU 'CHANG ZHING 'DZIN PA DE NI DPAL RDO RJE SEMS DPA' CHE BA'I YON TAN GYI GZUNGS DANG BCAS PA THOB BO, ,DE 'ANG JI LTAR YONGS SU SHES ZHE NA, SNGON 'DAS PA'I DUS NGA DRAN PA THOG MA'I TSE KHYIM BDAG DAD PA CAN MES SBYIN BYA BA DE TSOM BU BRGYA DANG BCAS PAS GSANG BA'I THEG PA'I MDO 'DI RGYUN RTAG PAR BCANGS PAS DPAL RDO RJE SEMS DPA'I 'KHOR DANG BCAS PA CI 'DRA BAR TSE 'DI NYID KYIS NGES PAR 'THOB CING MI BRJED PA'I GZUNGS THOB PA'O, ,DE BZHIN DU SHES PAR BYA'O, ,YANG SMRA BA'I SENG GES GSOL PA, GSANG BA'I MDO 'DI'I DON RTOGS NAS GZHAN DAG LA SMRA BAR BYED PA DE'I YON TAN JI LTA BU LAGS, LUNG BSTAN DU GSOL, GSANG BA MCHOG GI BDAG POS BKA' STZAL PA, SMRA BA'I SENG GE ,GSANG BA'I MDO 'DI'I DON RTOGS NAS GZHAN SNOD
, ,DANG LDAN PA'I 'GRO BA LA BSTAN TAM, BSHAD NA CHOS RGYAL PO CHEN POR 'GYUR TE NGA NYID DANG 'DRA BAR 'GYUR RO, ,DE'ANG JI LTAR YONGS SU SHES SHE NA, SNGON 'DAS PA'I DUS NGA DRAN PA THOG MA'I RNAL 'BYOR LA GNAS PA'I DRANG SRONG KA PA YA NA ZHES BYA BAS DRANG SRONG MANG PO RNAMS LA GSANG BA'I DON 'DI BSHAD CING BKROL BA LAS DRANG SRONG MANG POS RIG 'DZIN GYIS THOB, STON PA'I DRANG SRONG GSANG BA'I BDAG POR GYUR TO, ,DE BZHIN DU YONGS SU SHES PAR BYA'O, ,DE BAS NA GSANG SNGAGS CHE BA'I YON TAN GYI KHYAD PAR NI BSAM GYIS MI KHYAB PA'O, ,DE NAS SMRA BA'I SENG GE BYED PA PO RDO RJE KUN TU BZANG POS GSOL PA, BCOM LDAN 'DAS, THE TSOM THAMS CAD GCOD PA'I RGYAL POS GSANG SNGAGS SPYAD NYES PA'I SKYON GYI RNAM PA ZHU BAR 'TSAL NA GNANG BA'I SKABS DBYE BAR GSOL, BCOM LDAN 'DAS, GSANG BA'I DON LA MI GNAS PAS GSANG SNGAGS KYI SPYAD PAR TSUL 'CHOS PA'I NYES PA JI LTA BU LAGS, GSANG BA MCHOG GI BDAG POS BKA' STZAL PA, SMRA BA'I SENG GE, GSANG BA'I DON ZAB MOS YID CHES PA MED PAR TSUL 'CHOS SHING G-YO SGYUS BDEN PAR 'CHOS PA NI NGAN 'GRO LOG PA'I LAM DU LTUNG BAR NGES SO, ,DE 'ANG JI LTAR YONGS SU SHES SHE NA, SNGON 'DAS PA'I DUS NGA DRAN PA THOG MA'I TSE BSKAL PA KUN TU BKOD PA ZHES BYA BA
LA SANGS RGYAS KYI ZHING MNGON PAR 'BYUNG BA ZHES BYA BA DER SANGS RGYAS MNGON PAR 'BYUNG BA'I RGYAL PO ZHES BYA BA DE SKU MYA NGAN LAS 'DAS PAR GYUR PA'I 'OG TU BZANG RGYAN ZHES BYA BA'I RNAL 'BYOR DU KHAS 'CHES PA CIG BYUNG BAR GYUR TE, DIS MI SHES PA'I DBANG GIS MI SHES PA'I 'KHOR RNAMS LA GSANG BA'I TSUL DU BCOS NAS LOG PA'I TSOGS BSKYANGS PAS TSOM BU LNGA BRGYA DANG BCAS PAR YANG DAG PA'I DON LAS GOL ZHING NGAN 'GRO LOG PA'I LAM DU LTUNG BAR GYUR PA DE BZHIN DU SHES PAR BYA'O, ,DE NAS YANG SMRA BA'I SENG GES GSOL PA, GANG ZAG LA LA DAG GSANG BA'I DON ZAB MO RTOGS PA MED PAR DGA' BA'I GZHUNG BOR TE GZHAN NGES PA'I RNAL 'BYOR RNAMS LA SKUR PA 'DEBS PA'I RNAM PAR SMIN PA NI JI LTA BUR 'GYUR BA LAGS, GSANG BA MCHOG GI BDAG POS BKA' STZAL PA, SMRA BA'I SENG GE ,GANG ZAG LA LA DAG RANG NYID GSANG BA'I DON LA YID CHES PA'I NGES PA MED PAR GZHAN NGES PA'I RNAL 'BYOR PA RNAMS LA SGRO SKUR GYIS SUN 'BYIN PA'I BLO SKYE ZHING BDAG GI NI YIN, GZHAN GYI NI MA YIN ZHES BDAG LA BSTOD CING GZHAN LA SMOD PA NI DON LAS 'BEN THAG CHAD DE MNAR MED PAR LTUNG NGO, ,DE'ANG JI LTAR YONGS SU SHES SHE NA, SNGON 'DAS PA'I DUS NGA DRAN PA THOG MA'I TSE BSKAL PA KUN TU BKOD PA ZHES BYA BA'I DUS DE NYID LA DPAL SBYIN ZHES BYA BA'I RNAL 'BYOR ZHIG TU KHAS 'CHES PA
, ,ZHIG YANG DAG PA'I DON LA SHED MA BYE ZHING LAM GYI BGROD THABS LA MI MKHAS PAS DES BKA' NGES PA'I GZHUNG NI MA RTOGS, CHOS MA YIN PA'I CHOS LA CHOS SU SPYOD CING NOR BAS BDAG NYID SUN 'BYIN CING LOG PA'I TSAD MAS GZHAN NGES PA'I DON SPYOD PA'I RNAL 'BYOR PA LA KHYOD KYI DE NI YANG DAG PA'I DON MA YIN, YANG DAG PA'I BDUD RTZI DANG 'DRA BA NI CHOS 'DI YIN NO ZHES BDAG BSTOD, GZHAN LA NI SMOD PAS YANG DAG PA'I DON DANG NI GTAN DU 'GYANGS, MNAR MED PA'I SEMS CAN DMYAL BA CHEN POR BSKAL PA BCU GNYIS KYI BAR DU 'KHYAMS PAR GYUR TO, ,DE BZHIN DU SHES PAR BYA'O, ,DE NAS YANG SMRA BA'I SENG+GES GSOL PA, GANG ZAG LA LA DAG DON LA MKHAS PA'I RNAL 'BYOR GYI RJES SU 'BYUNG BA DAG GZHAN GYI DBON BSTABS NA MI SHES BZHIN DU RAL GCOD CING TSUL 'CHOS SHING SEMS GYA GYUS SLOB DPON GYIS 'DZIN PA'I RNAM PAR SMIN PA NI JI LTA BU LAGS, GSANG BA MCHOG GI BDAG POS BKA' STZAL PA, SMRA BA'I SENG+GE, BLA MA'I DON LA MKHAS PA'I RJES SU BYUNG BA'I MI SHES BZHIN DU TSUL 'CHOS SHING BLA MA'I SA BZUNG NAS TSOGS SKYONG BA DE NI DREGS PA'I RU TRA CHEN POR LTUNG BAR NGES SO, ,DE'ANG JI LTAR YONGS SU SHES SHEN, SNGON 'DAS PA'I DUS NGA DRAN PA THOG MA'I TSE BLA MA DON LA
MKHAS PA DAG GI RJES SU 'BYUNG BA'I DGE SLONG DRI MED SPYOD PA ZHES BYA BA ZHIG RNAL 'BYOR GYI TSUL 'DRA BA TZAM DU SPYOD DE, DE DON LA MKHAS PA'I BLA MA RNAMS MI BZHUGS NAS BLA MA DE DAG GI TSOM BU 'BUM GYI 'KHOR RNAMS KYIS BDAG CAG RNAMS KYI BLA MA'I GDUNG 'TSOB PAR GSOL ZHES DPON BSTABS PAS DGE SLONG DRI MED SPYOD PA ZHES BYA BA DE CHE BA'I DREGS PA SKYES TE MI SHES BZHIN DU TSUL 'DRA BA LOG PAR SPYAD PAS DE'I TSE DE'I DUS NYID DU DGE SLONG TSOM BU 'BUM GYI 'KHOR DANG BCAS PA DREGS PA CHEN PO'I RU TRAR BSKAL PA CHEN PO GRANGS MED PAR SKYES SO, ,DE BAS NA DE BZHIN DU SHES PAR BYA'O, ,YANG SMRA BA'I SENG+GES GSOL PA, GANG ZAG LA LA DAG BDAG NYID KYIS TSOGS SKYONG BA'I 'KHOR BLA MA GZHAN GYIS DBANG DU 'GYUR DU DOGS NAS DGE BA'I SGO 'GEGS PA DAG MCHIS NA DE'I RNAM PAR SMIN PA JI LTA BU ZHIG LAGS, GSANG BA MCHOG GI BDAG POS BKA' STZAL PA, SMRA BA'I SENG+GE, 'KHOR SGO RIGS DANG, RKYEN MTSAN SO SOR BCAD CING BLA MA GZHAN LA NYON MONGS PA'I SGO 'BYED PA NI, NGAN SONG GSUM GYI KHA BRGYUD CING SHO GAM GCAN CHEN GYI RIGS SU SKYE BAR NGES SO, ,DE'ANG JI LTAR YONGS SU SHES PAR 'GYUR ZHE NA, SNGON 'DAS PA'I DUS NGA DRAN PA THOG MA'I TSE DGE SLONG ZHI GNAS BA ZHES BYA BA'I TSOM BU LNGA BRGYA DANG BCAS PA DON DANG MI LDAN PA ZHIG SHIN TU GSANG BA'I SNGAGS
, ,SPYOD DO ZHES ZER NAS DGON PA'I GNAS BZUNG STE YUL KHAMS CHEN PO DE NA GNAS PA'I MI RNAMS KUN 'DUL BA'I DBANG DU SPYOD DO, ,DE'I TSE DE'I DUS SU GZHAN GYI SDE BAR GYUR PA'I DGE SLONG GROL BA'I BLO GROS ZHES BYA BA'I DON DANG LDAN PA ZHIG YUL KHAMS DE YANG DAG PA'I DON LA GZUNG PA'I CHED DU 'ONGS NAS GSANG BA'I THEG PA'I DON RGYA CHER BSTAN PAR BSAMS PA LAS, ZHIG GNAS PA ZHES BYA BA'I DGE SLONG DES NYON MONGS PA'I BSGO BA DRAG PO BYAS TE 'KHOR 'DI DAG NI BDAG GI ZHING KHAMS YIN PAS NA KHYOD 'DI LA MA RTOG CIG CES BSGO RIS SO SOR BCAD PAS, DE'I TSE DGE SLONG ZHI GNAS PA'I TSOM BU LNGA BRGYA'I 'KHOR DANG BCAS PA NYON MONGS PA 'KHOR BA'I LAM DU LHUNG STE SHOG GAM GCAN CHEN GYI RIGS SU GYUR TO, ,DE BAS NA DE BZHIN DU SHES PAR BYA'O, ,DE NAS YANG SMRA BA'I SENG+GES GSOL PA, GANG ZAG LA LA DAG RNAL 'BYOR PA TSOGS KYI YO BYAD KYI TSOGS SU BSNGOS PA LA SER SNAS GSOG 'JOG BGYID PA DAG MCHIS NA DE'I RNAM PAR SMIN PA JI LTA BUR 'GYUR BA LAGS, GSANG BA MCHOG GI BDAG POS BKA' STZAL PA, SMRA BA'I SENG GE , GSANG BA'I TSOGS CHEN POR BSNGOS PA'I YO BYAD LA SER SNAS GSOG 'JOG BYED CING GCIG GI YID GCIG GIS 'BYIN PAR BYED PA'I GANG ZAG DE NI NAM ZHAR LONGS SPYOD
THAMS CAD DANG BRAL TE YI DVAGS KHYI'I LUS SU SKYE'O, ,DE'ANG JI LTAR YONGS SU SHES SHEN, SNGON 'DAS PA'I DUS NGA DRAN PA THOG MA'I TSE RNAL 'BYOR BDE LDAN ZHES BYA BA ZHIG TSOM BU 'BUM DANG BCAS PA GSANG BA RGYA CHER SPYOD PA LAS, DE'I 'KHOR NA BUD MED BZANG LDAN ZHES BYA BA'I RNAL 'BYOR MA ZHIG CHOGS SBYONG BA'I GING DU BSKOS PA LAS YO BYAD PHUN SUM TSOGS PA LA SER SNA'I DBANG GIS GSOG 'JOG BYAS SO, ,DE'I TSE DE'I RNAM PAR SMIN PAS YI DVAGS KYI LUS SU SKYES NAS LONGS SPYOD KYIS BREL ZHING PHONGS PAR GYUR TO, ,DE BAS NA DE BZHIN DU SHES BAR BYA'O, ,DE NAS YANG SMRA BA'I SENG+GES GSOL PA, GAL TE GANG ZAG LA LA DAG RNAL 'BYOR GYI TSOGS LOG PAR SPYOD CING LTA BA LOG PA CAN GYI SBYI BRTOL DANG, KHROG TUM CHE BA'I SDIG PA SPYOD CING DON DANG MI LDAN YANG BDAG RNAL 'BYOR BA'O ZHES BAB COL DU BKA' RKU ZHING SLU BAR BYED PA DE'I RNAM PAR SMIN PA JI LTA BU LAGS, GSANG BA MCHOG GI BDAG POS BKA' STZAL PA, SMRA BA'I SENG+GE, LTA SPYOD LOG PAS RNAL 'BYOR DU KHAS 'CHES PA DE NI MU STEGS CHEN PO'I RIGS SU SKYE BAR 'GYUR RO, ,DE'ANG JI LTAR YONGS SU SHES SHE NA, SNGON 'DAS PA'I DUS PA DRAN PA THOG MA'I TSE DON LA MI MKHAS PA'I DGE SLONG PRA MA DE BA ZHES BYA BA ZHIG GIS BDAG NI YANG DAG PA'I LAM LA MKHAS PA'O ZHES KUN LA BSGRAGS NAS TSOGS NI BSKYANGS, SPYI BRTOL DANG, KHRO GTUM
, ,GYIS SDIG PA SPYAD PA'I RNAM PAR SMIN PAS MU STEGS KYI SPYOD PA'I KHAMS SU LHUNG BAR GYUR TO, ,DE BAS NA DE BZHIN DU SHES PAR BYA'O, ,MANG SMRA BA'I SENG+GES GSOL PA, GAL TE GANG ZAG LA LA DON LA NI RMUGS, THA TSIG NI NYAMS, DREGS PA'I NGA RGYAL GYIS RDO RJE RGYAL PO'I SA 'DZIN PAR 'DOD PA'I RNAM PAR SMIN PA JI LTA BUR 'GYUR, GSANG BA MCHOG GI BDAG POS BKA' STZAL PA, KHREL MED PA'I SPYI BRTOL GYIS MUN SBRUL DU BYED PA DE NI GTI MUG PHAG GIS LUS SU SKYES TE DE'ANG JI LTAR YONGS SU SHES SHE NA, SNGON 'DAS PA'I DUS NGA DRAN PA THOG MA'I TSE RTZA BA'I DAM TSIG NYAMS SHING YAN LAG GI DAM TSIG RMUGS SHING DREGS PA'I NGA RGYAL GYIS SNGAGS KYI TSUL DU SPYOD PA'I DRANG SRONG PE NA YA ZHES BYA BA ZHIG TSOM BU BRGYA DANG BCAS PA GNAS SO, ,DE'I TSE RNAM PAR SMIN PA DES GTI MUG PHAG GI LUS SU LTUNG BA DE BZHIN DU SHES PAR BYA'O, ,YANG SMRA BA'I SENG+GES GSOL PA GANG ZAG LA LA DAG TSIG TU MNYAM ZER YANG BLO MNYAM PA DANG MI NYE BAR CHAGS SDANG LA 'CHEL BA DAG MCHIS NA DE'I RNAM PAR SMIN PA JI LTA BU LAGS, GSANG BA MCHOG GI BDAG POS BKA' STZAL PA, MNYAM PA MA RTOGS BAR CHAGS SDANG LA 'CHEL PA DE NI RAKSHA SRIN PO'I RIGS SU 'GYUR TE, DE'ANG JI LTAR YONGS SU SHES SHE NA, SNGON 'DAS PA'I DUS NGA
DRAN PA THOG MA'I TSE MNYAM PA NYID MA GTOGS PAR CHAGS SDANG LA 'CHEL BA'I DGE SLONG DE SBYIN ZHES BYA BA TSOM BU STONG DANG BCAS PA ZHIG GIS GSANG BA'I SPYOD PA MNGON DU SPYAD PAS LAS DE'I RNAM PAR SMIN PAS RAKSHA SRIN PO'I GNAS SU SKYES SO, ,DE BAS NA DE LTAR SHES PAR BYA'O, ,YANG SMRA BA'I SENG+GES GSOL PA, GAL TE GANG ZAG LA LA DAG RDO RJE 'CHANG GI GRAL DU CHOGS PA'I TSE DON LA DGA' BA'I RNAL 'BYOR BA DAG GIS YANG DAG PA'I DON LA GLENG BSLANG BA DE LA 'JIGS SKRAG ZHUM STE MI DGA' ZHING GUD DU BYOL BA'I RNAM PAR SMIN PA JI LTA BU LAGS, GSANG BA MCHOG GI BDAG POS BKA' STZAL PA, YANG DAG PA'I DON GYIS 'JIGS PA'I PHRAG DOG CAN DE NI 'KHOR BA'I GNAS SU 'KHYAMS TE YAKshA GNOD SBYIN GYI GNAS SU LHUNG NGO, ,DE'ANG JI LTAR YONGS SU SHES SHE NA, SNGON 'DAS PA'I DUS PA DRAN PA THOG MA'I TSE RNAL 'BYOR LAS DANG PO'I SAR SLONG PA'I DGE SLONG LHA SBYIN ZHES BYA BA ZHIG DON DANG LDAN PA'I RNAL 'BYOR PHAL CHEN TSOGS PAR GYUR PA LAS RNAL 'BYOR DE DAG GIS YANG DAG PA'I DON GLENGS PA LAS, LHA SBYIN 'KHOR DANG BCAS PA GLENG BSLANG BA MI DGA' ZHING NGAN SEMS KYI PHRAG DOG SKYE NAS RANG GI GNAS SU KHYOL TE DE DAG LA MI SNYAN PAR BRJOD PAS DE'I RNAM PAR SMIN PAS, YANG DAG PA'I DON LAS GOL TE GNOD SBYIN KHA 'BAR MA'I GNAS SU SKYES SO, ,DE
, ,BSAN DE BZHIN DU SHES PAR BYA'O, ,YANG SMRA BA'I SENG+GES GSOL PA, GAL TE GANG ZAG LA LA DAG DON DANG LDAN PA'I RNAL 'BYOR LA MNGAN SEMS KYI SGRO SKUR 'DEBS PA DE'I RNAM PAR SMIN PA JI LTA BU LAGS, GSANG BA MCHOG GI BDAG POS BKA' STZAL PA, DON DANG LDAN PA'I SKYES BU LA MNGAN SEMS KYIS PHYAR 'DEGS PA NI MNAR MED PAR LTUNG STE LCE LA THONG GSHOL 'BAR BA LNGA BRGYAS 'DRAL BAR 'GYUR RO, ,DE'ANG JI LTAR SHES SHE NA, SNGON 'DAS PA'I DUS NGA DRAN PA THOG MA'I TSE RNAL 'BYOR DON DANG LDAN PA RNAM PAR DAG PA'I BLO GROS ZHES BYA BA LA, MI 'JIGS BLO GROS ZHES BYA BA DON DANG MI LDAN PA ZHIG GIS RNAM PAR DAG PA'I BLO GROS SDE MANG POS SKYENG BA'I SAR MI 'JIGS BLO GROS 'ONGS TE, MNGAN SEMS KYI SGRO SKUR MANG PO BTAB PAS DE'I RNAM PAR SMIN PAS MI 'JIGS BLO GROS MNAR MED PAR LHUNG NAS LCE LA THONG GSHOL 'BAR BA LNGA BRGYAS RMOS PAR GYUR TO, ,DE BAS NA DE BZHIN DU SHES PAR BYA'O, ,YANG SMRA BA'I SENG+GES GSOL PA, GANG ZAG LA LA DAG GI SHES RAB KYI RNAL 'BYOR KHONG DU MCHUD PAR SGRA THOS PA TZAM GYIS GZHUNG SPYAD NA JI LTA BUR 'GYUR BA LAGS, GSANG BA MCHOG GI BDAG POS BKA' STZAL PA, SGRA PHYIR 'BRENG BA'I RNAL 'BYOR DE NI LONG BA'I 'DU SHES THOB PAR 'GYUR RO, ,DE'ANG JI LTAR YONGS SU
SHES SHE NA, SNGON 'DAS PA'I DUS NGA DRAN PA THOG MA'I TSE RGYAL PO RAB GSAL 'DZIN ZHES BYA BA MTSAN MA'I RNAL 'BYOR CAN DE SHES RAB KYI TSIG MED PAR SPYI YUD TZAM LA LTOS NAS RNAL 'BYOR GYI TSUL 'BYUNG BAS DE'I DBANG GIS 'OG PA'I KHAMS SU LHUNG BA DE BZHIN DU SHES PAR BYA'O, ,RIGS KYI BU, DE BAS NA SHIN TU GSANG BA'I CHOS 'DI NI SHIN TU GAL SA CHE BAS MNYAM PA NYID KYI DON LA GOMS PA'I SGO NAS SPYOD CIG CES GSUNGS SO, ,DE NAS DE'I TSE 'DUS PA'I 'KHOR CHOGS RNAMS NGO MTSAR BAR GYUR TE, RMAD DU BYUNG BA'I CHO 'PHRUL RNAM PA DU MA STON CING NYES LEGS KYI KHYAD PAR DE DAG LA RAB TU NGO MTSAR NAS MGRIN GCIG TU 'DI SKAD CES GAM PA'I GLU 'DI BLANGS SO, ,AE MA HO, ,NGO MTSAR RMAD KYI STON PA GSANG MCHOG KUN TU BZANG,, GSANG BA KUN GYI MNGA' BDAG YE SHES ROL PA'I MDZOD, ,KUN NAS KUN GYI DBANG BSKUR DAM PA'I BDAG KHYOD BZHUGS, ,YID DANG 'THAD PA'I BLA MA KHYOD LA PHYAG 'TSAL 'DUD, ,GSANG SNGAGS YON TAN RGYA MTSO GRANGS MANG BSAM YAS KYANG, ,GZHUNG DANG 'GAL BYAS SNOD NGAN SKYON NYID LHUNG GNAS MANG PO BRJOD MI LANG, ,LEGS DANG NYES PA'I 'BRAS BU RNAM SMIN DE NYID KYIS NI RAB GSUNGS PA, ,BDAG CAG 'KHOR TSOGS DGA' SPRO GSANG NYID DON LA 'JUG CES DAM PAR GYUR, ,AA LA LA HO, ZHES BYA BA GLU 'DIS MNYES PAR BYAS SO, ,DE NAS SMRA BA'I
, ,SENG+GES PHYAG RNAL 'BYOR GYI LUGS SU BYAS TE MCHOD PA RGYAS PA DE KHO NA NYID KYIS MCHOD DE GSANG BA MCHOG GI BDAG PO LA 'DI SKANG CES GSOL TO, ,BCOM LDAN 'DAS GSANG BA MCHOG GI BDAG PO, GSANG BA'I THEG PA 'DI BDAG CAG 'KHOR DANG BCAS PA RNAMS LA BSGO BAR GSOL, CI NAS KYANG MA 'ONGS PA'I GANG ZAG RNAL 'BYOR PA RNAMS LA PHAN GDAGS PA'I PHYIR NAN TAN BGYI BA BSGO BAR GSOL, DE NAS GSANG BA MCHOG GI BDAG POS ZHAL 'DZUM PA MDZAD DE SMIN RINGS BSGYUR NAS BTZUN MO RNGAM PA KRO DHI' RGYAL MO LA RNAM PAR 'JUG PAR GYUR TO, ,DE'I TSE CHOS THAMS CAD GNYIS SU MED PA'I BYANG CHUB KYI RANG BZHIN DU GNAS PAR GYUR TO, ,DE'I TSE BYANG CHUB SEMS DPA' DE DAG SMRA BA'I SENG+GE BYED PA PO RDO RJE KUN TU BZANG POS BTZUN MO BYA BA MO KUN TU BZANG MO DANG GNYIS SU MED PA'I DKYIL 'KHOR LA THIM PAR MDZAD DO, ,DE NAS BCOM LDAN 'DAS GSANG BA MCHOG GI BDAG POS SMRA BA'I SENG+GE LA BKA' STZAL PA, SMRA BA'I SENG+GE, DA NGAS CHOS 'DI BSDUS TE BSHAD KYI NYON CIG ,GSANG BA CHEN PO'I RANG BZHIN NI, ,BSKYED PA MED CING BSGRUB PA MED, ,BSGOM PA MED CING GZUGS KYANG MED, ,PHYAG RGYA MED CING 'JUG SGO'ANG MED, ,'DOD PA MED CING BSRUNG BA MED, ,BRTUL ZHUGS MED CING BRTUL BA'ANG MED, ,YE NAS
RNAM DAG BRJOD MED CHOS, ,SKYON DANG YON TAN DBYINGS SU DAG ,NGO BO NYID NI BRJOD DU MED, ,DE LA GSAL 'DRIS GOMS PAR BYOS, ,MED PA'I DEN LAS KUN 'BYUNG BA, ,GSAL 'DRIS GOMS PA BYA BA'I PHYIR, ,SMRA BA'I SENG+GE KHYOD NYID KYIS, ,TSIG DON MA LUS THAMS CAD KUN, ,SHES RAB BLO LA GSAL BSDUS NAS, ,MI NUB RGYAL MTSAN RTZE MO LTAR, ,NAN TAN GYIS NI BRTZON 'GRUS BYA'O, ,ZHES GTAD DO, ,DE NAS SMRA BA'I SENG+GES AA LA LA HO ZHES PA'I SGRA PHYUNG STE YID KYI DKYIL 'KHOR PADMO LTA BU'I SGO PHYE STE GSANG BA'I DON 'DI NYID THUGS RIN PO CHE LA BZHAG STE GSUNG GI DKYIL 'KHOR DU GNAS SO, ,DE NAS SMRA BA'I SENG+GES BCOM LDAN 'DAS GSANG BA MCHOG GI BDAG PO DANG, GSANG BA'I MDO 'DI NYID DANG, 'DUS PA'I 'KHOR TSOGS RNAMS LA BSTOD PA'I GLU 'DI BLANGS SO, ,AOm, PHYOGS BCU DUS BZHI'I RGYAL BA'I SKU GSUNG THUGS, ,GSANG BA MCHOG GI BDAG PO BHA GA YONGS KYI GTER, ,GSANG BA YUM DANG GNYIS MED ROL PA'I CHO 'PHRUL BDAG ,'DUL DBANG 'JIGS BYED ZHI KHRO KUN GYI BDAG PO MCHOG ,THAMS CAD MKHYEN PA'I STON MCHOG GCIG PU KHYOD LA PHYAG 'TSAL BSTOD, ,AOm, BSAM GYIS MI KHYAB CHOS KUN 'DUS PA'I GTZO, ,LUNG DANG RIGS PA GTAN TSIGS KUN GYI GNAS, ,RGYUD LUNG MAN NGAG KUN GYI 'BYUNG GNAS GTZO, ,PHYI RABS RNAL 'BYOR KUN GYI YID CHES
, ,GTER, ,GSANG BA'I YANG GSANG MDZOD LA PHYAG 'TSAL BSTOD, ,AOm, PHYOGS BCU'I ZHING RNAMS KUN NAS 'DUS PA'I GTZO, ,RGYAL BA SRAS BCAS YUM CHAGS SPRUL PAR BCAS, ,NYID LAS MI GZHAN 'KHOR DUS KU SPRUL BA ,DBYINGS KYI DANG LAS MI 'DA'I DAM TSIG CAN, ,ZHI KHRO'I 'KHOR TSOGS RNAMS LA PHYAG 'TSAL BSTAD, ,HO, AA LA LA HO ZHES BRJOD PAS THAMS CAD MNYES PAR GYUR TO, ,DE NAS BCOM LDAN 'DAS GSANG BA MCHOG GI BDAG POS H'Um ZHES BRJOD PA TZAM GYIS DKYIL 'KHOR DE DAG THAMS CAD GSANG BA'I MDZOD DU THIM PAR GYUR TE MI SNANG BA, ,GSANG BA MCHOG GIS DAG PO NYID KYANG DUS BZHI MNYAM PA'I DBYINGS LAS MI GNAS PA'I TSUL GYIS RNAM PAR GNAS SO, ,'PHAGS PA MED [?] KYI RGYAL PO YE SHES RNGAM PA GLOG GI 'KHOR LO'I MDO ZHES BYA BA LAS, GSANG BA PHYI MA RNAM PAR BKOD PA'I LE'U STE BCU BDUN PA'O,, ,,'PHAGS PA RGYUD KYI LA PO YI SHES RNGAM PA GLOG GI 'KHOR LO'I MDO ZHES BYA BA THEG BA CHEN PO'I MDO RDZOGS SO,, ,,