acip-k_lha_sa-096-078 · GMLW-006807

DPAL RDO RJE SNYING PO RGYAN GYI RGYUD CES BYA BA (SHR'I BADZRA HRi DA YA AA LAm K'A RA TANTRA N'A MA)

נושאי-מדףSubjects:
RGYUDSecret Teachings (Tantra)
נושאיםTopics:Secret Wordsthe Secret Worldthe LamaPledgesEmpowermentEnlightenment
נמצא בfound inSecret Teachings (Tantra)
מספר טוהוקוTohoku numberToh 451 · Tantra
מהדורהrecensionLhasa
כותרת בסנסקריטSanskrit titleSHR'I BADZRA HRi DA YA AA LAm K'A RA TANTRA N'A MA
כניעה לhomage toDPAL RDO RJE SEMS DPA'
הפנדיטה ההודיIndian panditaKA MA LA GUPTA
הלוצאווה הטיבטיTibetan lotsawaCHEN PO MNGA' BDAG LHA YE SHES RGYAL MTSAN GYIS @454B
פוליוfolios424a–454a
צורהformverse
מצב תרגוםtranslationno English of the text
כיסוי המילון לכותרתdictionary coverage of the title100%
ז'אנרgenreRoot Texta tantra in verse
מקום החיבורplace of compositionOddiyanathe closing: arisen from the SECRET HERMITAGE of glorious Oddiyana
ישותdeityWarrior of Diamond (Vajrasattva)the homage is to the glorious Vajrasattva
אנשים ומקומותpeople and places namedKamalagupta · Lha Yeshe Gyaltsenthe colophon: the Indian abbot Kamalagupta with the great Tibetan lotsawa, THE SOVEREIGN Lha Yeshe Gyaltsen
רמת קושיlevelneeds a teacher
תלות קדםread firstinitiation into the highest class of tantrathe text opens inside the consort of the body, speech and mind of all the Ones Thus Gone
הכותרת אומתה מול הטקסטtitle verified against the textyeshead and closing agree; the closing adds "the ascertainment of suchness of the great yoga"

הקבציםThe files

acip-k_lha_sa-096-078_DPAL RDO RJE SNYING PO RGYAN GYI RGYUD CES BYA BA (SHR'I BADZRA HRi DA YA AA LAm K'A RA TANTRA N'A MA).txt/12. RGYUD_Secret Teachings (Tantra)/VOL 18 (TSA)

הטקסטThe text

טיבטיתTibetanacip-k_lha_sa-096-078_DPAL RDO RJE SNYING PO RGYAN GYI RGYUD CES BYA BA (SHR'I BADZRA HRi DA YA AA LAm K'A RA TANTRA N'A MA).txt75,249 תוויםcharacters
424a

RGYA GAR SKAD DU, SHR'I BADZRA HRi DA YA AA LAm K'A RA TANTRA N'A MA, BOD SKAD DU, DPAL RDO RJE

424b

SNYING PO RGYAN GYI RGYUD CES BYA BA, DPAL RDO RJE SEMS DPA' LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS DE BZHIN GSHEGS PA THAMS CAD KYI SKU DANG, GSUNG DANG, THUGS KYI SNYING PO BUD MED BCU'I DKYIL NA CHA SHAS LNGA PA'I TSUL DU BZHUGS SO, ,BRJOD DU MED PA'I YANG BRJOD DU MED PA'I 'KHOR RDO RJE DANG PADMAR SBYOR BA LA BZHUGS PA 'DI LTA STE, DAM TSIG YONGS SU SPYOD PA ZHES BYA BA'I RDO RJE MKHA' 'GRO DANG, YE SHES KYI LUS YONGS SU 'GRUB PA ZHES BYA BA'I RDO RJE MKHA' 'GRO DANG, SGRA BRNYAN LTA BU'I RDO RJE'I GSUNG 'BYUNG BA ZHES BYA BA'I RDO RJE MKHA' 'GRO DANG, GZHAN GYIS SHES PAR BYED PA ZHES BYA BA'I RDO RJE MKHA' 'GRO DANG, RTZE GCIG TU 'DRIS PA ZHES BYA BA'I RDO RJE MKHA' 'GRO DANG, GZHAN LAS 'PHAGS PA ZHES BYA BA'I RDO RJE MKHA' 'GRO DANG, RTEN PAR BYED PA ZHES BYA BA'I RDO RJE MKHA' 'GRO DANG, RLAN PAR BYED PA ZHES BYA BA'I RDO RJE MKHA' 'GRO DANG, SMIN PAR BYED PA ZHES BYA BA'I RDO RJE MKHA' 'GRO DANG, SKYOD PAR BYED PA ZHES BYA BA'I RDO RJE MKHA' 'GRO DANG, GO 'BYED PAR BYED PA ZHES BYA BA'I RDO RJE MKHA' 'GRO DANG, H'A RA NU P'U RA LA SOGS BAS MDZES PA ZHES BYA BA'I RDO RJE MKHA' 'GRO DANG, G'I TA AA [?] LA SOGS PA'I GLU MKHAN MA ZHES BYA BA'I RDO RJE MKHA' 'GRO DANG, SBRUL GYI SNYING PO LA SOGS PA'I DRI LDAN MA ZHES BYA BA'I RDO RJE MKHA' 'GRO DANG, TSOD MA SNA TSOGS ZA BA'I ZO LDAN MA ZHES

425a

, ,BYA BA'I RDO RJE MKHA' 'GRO DANG, RTZEN PA SNA TSOGS KYIS 'KHYUD MKHAN MA ZHES BYA BA'I RDO RJE MKHA' 'GRO DANG, GSUM RIG PAR BYED PA DNGOS MED MA ZHES BYA BA'I RDO RJE MKHA' 'GRO MA LA SOGS PA RI RAB KYI RDUL DANG MNYAM PA'I RDO RJE MKHA' 'GRO THAMS CAD DANG, RDO RJE MKHA' 'GRO CHEN MO NAM MKHA'I DBYINGS DANG MNYAM PA 'DI LTA STE, GZUGS KYI MTSAN NYID ZHU BA ZHES BYA BA'I RDO RJE MKHA' 'GRO CHEN PO DANG, TSOR BA'I MTSAN NYID SIM PA ZHES BYA BA'I RDO RJE MKHA' 'GRO CHEN PO DANG, 'DU SHES KYI MTSAN NYID NUB PA ZHES BYA BA'I RDO RJE MKHA' 'GRO CHEN PO DANG, 'DU BYED KYI MTSAN NYID LA RTOG PA ZHES BYA BA'I RDO RJE MKHA' 'GRO CHEN PO DANG, RNAM PAR SHES PA'I MTSAN NYID BSDUS PA ZHES BYA BA'I RDO RJE MKHA' 'GRO CHEN PO LA SOGS PA NAM MKHA'I DBYINGS DANG MNYAM PA RNAMS KYIS SANGS RGYAS KYI ZHING 'DI TIL GYI GANG BU LTA BUR GANG BAR SNANG NGO, ,DE NAS RDO RJE MKHA' 'GRO DE DAG THAMS CAD GCIG TU 'DUS NAS MKHA' 'GRO CHEN PO RDO RJE 'DZIN PA CHEN PO LA MCHOD PA'I SPRIN SPROS PA DU MA YID LAS BYUNG BA LHA DANG MI'I MCHOD PA LAS KHYAD PAR DU 'PHAGS PAS MCHOD NAS PHYAG 'TSAL TE, 'DI SKAD CES GSOL TO, ,DE BZHIN GSHEGS RNAMS THAMS CAD KYI, ,GSANG GSUM BSDUS PA'I SPYOD PA'I MCHOG ,RDO RJE SNYING PO'I RGYAN GYI RGYUD, ,'DREN PA MCHOG GIS BSHAD DU GSOL, ,DE NAS

425b

RDO RJE CHEN POS GSOL BA BTAB PA'I TSIG GSAN NAS MKHA' 'GRO THAMS CAD LA RNAM PAR BLTAS TE CANG MI GSUNG BAR BZHUGS SO, ,DE NAS BYANG CHUB SEMS DPA'I RDO RJE MKHA' 'GRO DE DAG THAMS CAD KYIS KYANG 'DI SKAD CES GSOL TO, ,BCOM LDAN 'DAS DE BZHIN GSHEGS PA THAMS CAD KYI DBANG PHYUG GI YON TAN KHYAD PAR DU 'PHAGS PA'I RDO RJE MKHA' 'GRO CHEN PO LA SOGS PA'I 'KHOR DU 'CHAD DU MI BZHED PA DE BDAG CAG LA MI DGYES SU MA MDZAD CIG ,DE NAS DE BZHIN GSHEGS PA'I BDAG PO RDO RJE 'DZIN PA CHEN POS 'KHOR GYI DKYIL 'KHOR LA RNAM PAR BLTAS TE TSIGS SU BCAD PA GSUNGS PA, SEMS DPA' CHEN POS ZHUS PA LEGS, ,SA 'OG MA YI SANGS RGYAS KYANG, ,'DI YI GZHUNG GIS SEMS RMONGS NA, ,SEMS DPA' GZHAN NI SMOS CI DGOS, ,SANGS RGYAS CHOS NYID DAG PA 'DI, ,BYIS PA RNAMS KYIS MI RTOGS PHYIR, ,BYIN GYIS BRLABS NAS 'CHAD PA NI, ,STON PA RNAMS KYI CHOS NYID DO, ,DE NAS RDO RJE MKHA' 'GRO DE DAG THAMS CAD RAB TU DGA' NAS YANG MCHOD PA'I TSOGS KYIS MCHOD DE PHYAG 'TSAL NAS 'DI SKAD CES GSOL TO, ,BCOM LDAN 'DAS LEGS SO LEGS SO, ,DE BZHIN GSHEGS PA THAMS CAD KYI DBANG PHYUG GIS BDAG CAG BYIN GYIS BRLAB PAR MDZAD DU GSOL, DE BZHIN GSHEGS PA THAMS CAD KYI GSANG BA THUN MONG MA YIN PA BSTAN CING RNAM PA THAMS CAD KYI DBANG PHYUG GIS BDAG CAG BYIN GYIS

426a

, ,BRLAB PAR MDZAD DU GSOL, DE NAS DE BZHIN GSHEGS PA THAMS CAD KYI DBANG PHYUG GIS RDO RJE MKHA' 'GRO DE DAG GIS GSOL BA BTAB PA MKHYEN NAS SEMS DPA' THAMS CAD BYIN GYIS RLOB PA RDO RJE ZHES BYA BA'I TING NGE 'DZIN LA SNYOMS PAR ZHUGS NAS, DE BZHIN GSHEGS PA THAMS CAD KYI SKU DANG GSUNG DANG THUGS KYI GSANG BA BSDUS PA ZHES BYA BA'I SNYING PO 'DI RANG GI THUGS LAS BYUNG NGO, ,AOm A'A:H'Um SA MA YA BADZRA, DE NAS BYUNG MA THAG TU DE'I 'OD ZER GYIS RDO RJE MKHA' 'GRO'I 'KHOR DE DAG THAMS CAD BSDUS NAS RANG GI SNYING GAR BTZUD NAS BUD MED KYI DKYIL NA THAMS CAD BRGYAL BA LTAR GNAS SO, ,DE NAS DE BZHIN GSHEGS PA THAMS CAD KYI DBANG PHYUG GIS DE BSLANG BA'I PHYIR MKHA' 'GRO THAMS CAD 'BYUNG BA ZHES BYA BA'I TING NGE 'DZIN LA SNYOMS PAR ZHUGS SO, ,SNYOMS PAR ZHUGS MA THAG TU DE DAG DRAN PA SLAR THOB CING JI LTA BA BZHIN DU GNAS SO, ,DE NAS DE BZHIN GSHEGS THAMS CAD KYI DBANG PHYUG GIS 'KHOR LO RNAM PAR DGOD PA ZHES BYA BA'I TING NGE 'DZIN LA SNYOMS PAR ZHUGS NAS, SNYOMS PAR ZHUGS MA THAG TU RDO RJE MKHA' 'GRO DE DAG THAMS CAD RANG RANG GI GNAS JI LTA BA BZHIN DU 'KHOD PAR GYUR TO, ,DE'I TSE BCOM LDAN 'DAS RDO RJE 'DZIN PA CHEN PO'I BYIN GYIS BRLABS KYIS NAM MKHA'I DBYINGS NA GNAS PA JI SNYED PA DE DAG

426b

THAMS CAD KYANG BDE BA DANG YID BDE BA MYONG BAR GYUR TO, ,DE NAS BCOM LDAN 'DAS DE BZHIN GSHEGS PA THAMS CAD KYI DBANG PHYUG GIS RDO RJE SNYING PO RGYAN GYI RGYUD 'BYUNG BA ZHES BYA BA'I TING NGE 'DZIN LA SNYOMS PAR ZHUGS NAS, SEMS CAN GYI KHAMS THAMS CAD MNYAM PA NYID DU DMIGS TE, DBUGS RNGUB PAR MI MDZAD, DBYUNG BAR MI MDZAD, LUS 'GYUR BAR YANG MI MDZAD, LUS GNAS PAR YANG MI MDZAD, DUS GSUM GYI DE BZHIN GSHEGS PA THAMS CAD LA MI GZIGS MI DGONGS NYE BAR MI 'JIG GO ,THABS DANG SHES RAB STONG PAR YANG MI MDZAD, SHIN TU 'GAL BA CAN YANG DAG PAR 'DZUD PAR MI MDZAD, MTHO RIS LA YANG MI 'JOG ,MA DAD PA RNAMS DAD PAR YANG MI MDZAD, MDUL BA RNAMS DUL BAR YANG MI MDZAD, NYE BAR 'TSE BA ZHI BAR YANG MI MDZAD, MA 'GAGS PA RNAMS 'GAG PAR YANG MI MDZAD, MA BSKUL BA RNAMS BSKUL BAR YANG MI MDZAD, MA RGYAS PA RNAMS RGYAS PAR YANG MI MDZAD, RNAM PAR RMONGS BA RNAMS RMONGS PA SEL BAR YANG MI MDZAD, DGA' BAR GYUR PA RNAMS MI DGA' BAR YANG MI MDZAD, MI DGA' BA RNAMS DGA' BAR YANG MI MDZAD, MA KHROS PA RNAMS KHROS PAR YANG MI MDZAD, MI SDUG PA RNAMS SDUG PAR YANG MI MDZAD, DRAG PO MA RUNGS PA CHEN PO DANG, GTUM PO CHEN PO DANG, LHA DANG LHA MA YIN DANG LOG 'DREN DANG GDUG PA CHEN PO DANG YI

427a

, ,DVAGS DANG SHA ZA DANG GNOD SBYIN DANG SRIN PO DANG SHIN TU GDUG PA'I DUG CHEN PO DANG TSA BA'I GDON DANG NAD DANG SBRUL DANG SEMS CAN THAMS CAD LA 'TSE BAR BYED PA RNAMS NYE BAR ZHI BAR YANG MI MDZAD DO, ,RNAM PAR DUL BAR YANG MI MDZAD DO, ,DE NAS BCOM LDAN 'DAS TING NGE 'DZIN DE LAS BZHENGS TE BRJID PA DANG BCAS PAR GAR MDZAD CING ZHAL 'DZUM PA DANG 'DOR BA DANG BSKUM PA DANG, 'GYED PA DANG SPYAN MDZES PAS SMIN RINGS BSKYOD CING BSGYUR BA DANG, PADMA'I PHYAG GI SOR MO G-YAS G-YON GAR GYI PHRENG BA'I TSUL GYIS SA'I NGOS LA ZHABS 'PHEN ZHING SGYUR BA DANG, 'DOR ZHING BSKUL BA DANG 'JOG CING 'DEGS PA'I RNAM PAR GNON PAS NAM MKHA'I DBYINGS 'DI THAMS CAD KUN DU KHYAB PAR MDZAD DE, RLUNG GI KHAMS CHEN POR KUN TU KHYAB PAR MDZAD, DE LA KHYAB NAS ME'I KHAMS CHEN POR KUN DU KHYAB PAR MDZAD DE, DE NAS CHU'I KHAMS CHEN POR KUN DU KHYAB PAR MDZAD, DE NAS SA'I KHAMS CHEN POR KUN DU KHYAB PAR MDZAD DO, ,DE YANG KUN DU KHYAB NAS BCOM LDAN 'DAS BYANG CHUB KYI SEMS LA KUN DU KHYAB PAR MDZAD DO, ,RI DANG SEMS CAN THAMS CAD DANG, ,SNA TSOGS PHRA BA SPOM PO DANG, ,BUD MED GZHON NU RGAN PO DANG, ,SKYES PA DANG NI MA NING DANG, ,LHA DANG KLU DANG GNOD SBYIN DANG, ,GDON DANG SKAR MA GSHIN RJE DANG, ,

427b

CHU BDAG BRGYA BYIN LA SOGS DANG, ,'BYUNG DANG 'BYUNG 'GYUR THAMS CAD LA, ,BCOM LDAN 'DAS NI BDE CHEN PO, ,KUN DU BZANG PO RDO RJE 'DZIN, ,KUN DU KHYAB PAR BYAS TE GNAS, ,DPAL RDO RJE SNYING PO RGYAN GYI RGYUD LAS RDO RJE MKHA' 'GRO BYIN GYIS RLOB PA'I LE'U STE DANG PO'O,, ,,DE NAS GZHAN YANG BSHAD BYA BA, ,LAS KYI MCHOG RNAMS 'GRUB BYED PA'I, ,GSANG SNGAGS RNAMS NI BSHAD PAR BYA, ,RTZE GCIG SEMS KYIS MNYAN PAR BYA'O, ,AOm AA K'A RO MU KHAm SARBA DHARM'A n'Am A'ADY'A NUTPANNA TV'ATA, GTOR MA'I SNGAGS SO, ,AA A'A, AI A'I, AU A'U, AE AEE, AO AOO, AAm AA:, BUD MED DO, ,Ri R'i, Li L'i, MA NING NGO, ,KA KHA GA GHA NGA, TZA TSA DZA DZHA NYA, tA thA dA dHA nA, TA THA DA DHA NA, PA PHA BA BHA MA, SKYES PA'I'O, ,YA RA LA WA 'BYUNG BA'I 'O, ,SHA shA SA HA 'JIGS PA LA SOGS PA'O, , KshA: CHOS KYI DBYINGS KYI SA BON NO, ,BADZRA DHRiKA H'Um, DZI NA DZIKA BHR'Um, RATNA DHRi KA AAm, A'A RO LI KA DZR'Im, PRADZNY'A DHRiK KHAm, MKHA' 'GRO CHEN PO LNGA'I'O, ,DVE shA RA TI M'Am, MO HA RA TI L'Am, R'A GA RA TI B'Am, BADZRA RA TI T'Am, RDO DZA MKHA' 'GRO BRTAN PAR BYED PA LA SOGS PA'I'O, ,KshI TI GARBHA KshIm, BADZRA P'A nI DZR'Im, GA GA NA GARBHA KHAm, LO KI SHVA RA BAm, NI BA RA nA BIshKAMBHI NI KAm ,SA MANTA BHA DRA SAm, RDO RJE MKHA' 'GRO DAM TSIG SPYOD PA LA SOGS PA'I'O, ,R'U PA BADZRA DZA:, SHABDA BADZRA H'Um, GANDHE BADZRA BAm, RA SA BADZRA HO:, SPARSHA BADZRA KHAm, DHARM'A DH'A TU BADZRA RAm, RDO RJE MKHA' 'GRO MDZES PAR BYED PA LA SOGS PA'I'O, ,YA M'ANTA KRiTA, PRA DZNY'ANTA KRiTA,

428a

, ,PADM'ANTA KRiTA, BIGHN'ANTA KRiTA, tAKKI R'A DZA, N'I LA DAndA, MAH'A BA LA, AA TZA LE KA nA H'Um, SUm BHA NI H'Um, TZAKRA BARTI NI H'Um BHR'Um, RDO RJE MKHA' 'GRO GSHIN RJE'I GSHED LA SOGS PA'I'O, ,WA RI DZI NA BHR'Um, TE DZO SKANDHA BHR'Um, MANTRA TZAKRA BHR'Um, BAR DHAN BHR'Um, BI SA RA nA BHR'Um, BI RA DZI NA BHR'Um, KA RO BHA BA BHR'Um, RDO RJE MKHA' 'GRO GTZUG TOR RGYAL PA LA SOGS PA'I 'O, ,H'Um HR'I:KHA RDO RJE MKHA' 'GRO'I'O, ,AOm ME DI NE BADZR'I BHA BA BADZRA BHA BANDHA H'Um, SA'I'O, ,AOm BADZRA PR'A K'A RA nA H'Um BAm H'Um, RA BA'I'O, ,AOm BADZRA BANYDZA RA H'Um YAm H'Um, DRA BA'I'O, ,AOm BADZRA BI T'A NA H'Um KHAm H'Um, GUR GYI'O, ,AOm BADZRA SHA RA DZA LA TR'Am SAm TR'Am, MDA'I'O, ,AOm BADZRA DZV'A L'A NA L'ARKA H'Um H'Um H'Um, 'OD KYI'O, ,AOm SH'U N+YA T'A DZNY'A NA BADZRA SVA BH'A BA A'ATMA KONYAHAm, STONG PA NYID KYI SNGAGS SO, ,AOm DHARMA DH'A TU SVA BH'A WA A'ATMA KONYAHAm, CHOS KYI DBYINGS KYI SNGAGS SO, ,AOm SARBA TA TH'A GA T'A K'A YA W'A KTZITTA BADZRA SVA BH'A BA A'ATMA KONYAHAm, SKU LA SOGS PA BYIN GYIS BRLAB PA'I'O, ,BADZRA SA MA YA S'U TRAm M'A TI KRA MA H'Um, THIG GDAB PA'O; ;BADZRA TZI TRA SA MA YA H'Um, TSON DGYE BA'I 'O, ,H'Um HAm:A'A DZNYEE:, DBAB PA'I 'O, ,BADZRA K'I LA YA MUNG+GA RA A'A KO tA YA H'Um PHAt, PHUR BUS BRDUNG BA'I'O, ,DE LA SOGS PA'I MTHA' YAS PA, , 'JIG RTEN GSUM DU RNYED DKA' BA'I, ,SNGAGS KYI TSOGS RNAMS JI SNYED PA, ,DE KUN SNGON DU RGYAS PA RU, ,GSANG BA DANG NI 'JIGS BYED DANG, ,BDE MCHOG SOGS LA NGA YIS NI, ,

428b

LAS DANG BCAS PAR RAB BSHAD PA, ,RNAL 'BYOR RTOGS PAS SHES BYA'O, ,DPAL RDO RJE SNYING PO RGYAN GYI RGYUD LAS SNGAGS KYI LE'U STE GNYIS PA'O,, ,,DE NAS MKHA' 'GRO'I GRONG KHYER MCHOG ,DKYIL 'KHOR 'JIGS PA BRI BAR BYA, ,LAS KYI CHO GA SHES PA YIS, ,CI RIGS PAR NI LAS RNAMS BYA, ,NYI SHU RTZA LNGA'I SRAD BU NI, ,SEMS MED LAS BYUNG BYAS NAS SU, ,BYIN RLABS MI BSKYOD RTAG PA RU, ,BYAS TE THIG NI GDAB PA'O, ,GRU BZHI PA LA SGO BZHI PA, ,TVE RA nA BZHIS BRGYAN PA STE, ,DAR DANG ME TOG PHRENG BAS BKLUBS, ,SRAD BU BZHI DANG RAB LDAN PA, ,ZUR GYI CHA NI THAMS CAD DU, ,ZLA BA RIN CHEN RDO RJE DGOD, ,LAS KYI BYE BRAG SHES PA YIS, ,BLO DANG LDAN PAS PHYAG RGYA DGOD, ,AINDRA N'I LA LTA BU YI, ,'JIGS BYED RDO RJE DBUS SU BRI, ,SHAR DU RTZIBS BRGYAD 'KHOR LO DKAR, ,LHO RU RIN CHEN ZUR DGU LJANG, ,NUB TU 'DAB BRGYAD PADMA DMAR, ,BYANG DU RAL GRI SNGON PO BRI, ,ME YI MTSAMS SU 'KHOR LO SNGON, ,BDEN BRAL AUTPAL DMAR PO DANG, ,RLUNG GI MTSAMS SU PADMA DMAR, ,DBANG LDAN AUTPAL SER PO STE, ,RDO RJE THO BA SHAR GYI SGO, ,LHO YI SGO RU RDO RJE DBYUG ,PADMA'I SDONG BU NUB KYI SGO, ,BYANG SGO RDO RJE KHA BYE BA, ,SBYOR BA LDAN PAS DGOD PAR BYA, ,RNAM PA NYI SHU RTZA LNGAR NI, ,TSON RTZI DAG KYANG BSGOM BYA STE, ,RDUL CON LNGA L SOGS PA RNAMS, ,RIM PA BZHIN DU GDAB PAR BYA, ,DE NAS BUM PA GZUNG BYA BA, ,RTZA BA NAG NOG MED PA YI, ,ZHABS BRTAN MGRIN

429a

, ,RING MCHU 'PHYANG BA, ,LHA YI GRANGS TZAM STA GON GNAS, ,MGUL BAR RAS KYIS YANG DAG DKRIS, ,LDUM PU YIS NI KHA MDZES PA, ,RIN CHEN SMAN 'BRU SNA LNGA DANG, ,SPOS CHU YIS NI RAB BKANG NAS, ,BUM PA MNGON PAR BSNGAGS PAR BYA, ,RNAM RGYAL BUM PA DKYIL 'KHOR GYI, ,BDAG PO LHA MO RNAMS KYI BZHI, ,LHA RNAMS KYI NI BUM PA BZHI, , SGO YI PHYOGS KYI BUM PA NI, ,LAS KUN BYED PAS BZLAS BYAS TE, ,KU SHA'I CHUN POS SEMS CAN CHE, ,'JUG PA KUN LA GTOR BAR BYA, ,YON DANG GTOR MA MCHOD PHUL NAS, ,DE DAG PHYI GRVAR RAB BKOD DE, ,G-YAS SU RGYAL BA SPYAN DRANG NGO, ,DE NAS LHA RNAMS RAB GNAS PA'I, ,BSAM PA'I SBYOR BAS BSAM BYA STE, ,PHYAG RGYA BRAL BA'I SBYOR BA NI, ,LUS CAN BYIN GYIS MI RLOB PAS, ,BU MO GZUGS BZANG LANG TSOS BRGYAN, ,DBANG THOB LUS RGYAS THOB PA MO, ,G-YON MA RGYAN GYIS RAB BRGYAN TE, ,DE YI 'KHOR LO SPRUL BAR BYA, ,DE LA MAR ME BRGYA SOGS PA'I, ,MCHOD PA PHUL NAS BSTOD BYA STE, ,BSHAD GCI KHU BA KHRAG RNAMS NI, ,DUNG CHEN PO RU BZHAG BYAS TE, ,LHA RNAMS LA NI DBUL BAR BYA, ,DE NAS MKHA' 'GRO GRONG MCHOG TU; ;SLOB MA RNAMS NI GZHUG BYA STE, ,RDO RJE YE SHES RAB THOB PA'I, ,DE BZHIN GSHEGS PA THAMS CAD KYI, ,PHO BRANG DKYIL 'KHOR DAM PA 'DIR, ,BDAG GIS SLOB MA GZHUG

429b

PAR BYA, ,DE NAS SLOB MA DE YIS KYANG, ,ME TOG SNGAGS 'DIS GTOR BA'O, ,AOm PRA T'ITZTSA BADZRA HO:, ,DE NAS TSIG 'DIS GDONG G-YOGS DGROL, ,DE RING DAD PA'I SHUGS KYIS NI, ,DKYIL 'KHOR DENG 'DIR BLTA BAR BYA, ,SANGS RGYAS RIGS SU KHYOD SKYES SO, ,SNGAGS DANG PHYAG RGYAS KHYOD BYIN BRLAB, ,DNGOS GRUB THAMS CAD PHUN SUM TSOGS, ,DAM TSIG MCHOG TU 'GRUB PAR BYED; ;RDO RJE PADMO ROL PA'I MCHOG ,SNGAGS KYI BDAG NYID SHES PAR BYA, ,P'A SHYA BADZRA, GANG DAG ME TOG GSANG BA STE, ,DE DE DE YI LHA YANG DAG ,DE YI SBYOR BA RAB SBYIN TE, ,DE YI NAN TAN DU SGRUB BO, ,DUNG CHEN BDUD RTZI LNGA BLUD DE, ,DMYAL BA'I CHU 'DIS KHYOD LA NI, ,DAM TSIG 'DAS NA SREG PAR BYED, ,DAM TSIG BSRUNGS NA DNGOS GRUB PA'I, ,'THUNG SHIG RDO RJE BDUD RTZI'I CHU, ,BADZRA AUNGKA thA, ,DE NAS SANGS RGYAS THAMS CAD KYI, ,DAM TSIG DANG NI SDOM PA RNAMS, ,BLA MAS SLOB MA SDIG BRAL LA, ,CI LTA BA BZHIN BSGRAG PAR BYA, ,DPAL RDO RJE SNYING PO RGYAN GYI RGYUD LAS RI MO'I DKYIL 'KHOR GYI LE'U STE GSUM PA'O,, ,,DE NAS GZHAN YANG BSHAD BYA BA, ,DBANG BSKUR BA YI CHO GA'I MCHOG ,GANG GIS LEGS PAR BYED 'GYUR NA, ,DE NI SANGS RGYAS NYID DU 'GRUB, ,SLOB DPON MTSAN NYID THAMS CAD LDAN, ,YANG DAG SHES SHING RGYUD SHES PA, ,DE NYID BCU LA SOGS PA YI, ,GSANG RIG CHO GA SHES PA POS, ,BSGRIMS TE SLOB MA YANG

430a

, ,DAG GZUNG, ,BLA MA LA GUS DAD PA'O, ,DGE BSGOM LHA RNAMS MCHED BYED PA, ,GTONG PHOD YON TAN LDAN PA'O, ,DE NAS SLOB MA DE YIS KYANG, ,LANGS TE ZHABS LA MGOS GTUGS NAS, ,RGYAL PO DBANG PHYUG BDE DAM PA, ,GOS DANG RGYAN GYIS LEGS PAR BGOS, ,STENG DU BLA RE BRE BAR BYA, ,GDUGS DANG RGYAL MTSAN BA DAN DANG, ,LHAM DANG TSANGS PA'I SKUD PA DANG, ,GDU BU DAG DANG SKA RAGS DANG, ,BKRA SHIS TSIGS BCAD SNA TSOGS KYIS, ,SLOB MA SDIG DANG BRAL BA LA, ,SLOB DPON GYIS NI DBANG BSKUR RO, ,DANG PO RNAM RGYAL BUM PA DANG, ,DE NAS LHA MO BZHI RNAMS DANG, ,LHA RNAMS KUN GYI BZHI PO YIS, ,BKRA SHIS TSIGS BCAD GLU SGRA DANG, ,RDO RJE DRIL BU GSIL BA YIS, ,SKYOB PA'I DKYIL 'KHOR MNGON SUM DU, ,TIL GYI GANG BU BZHIN GANG BA'I, ,RGYAL BAS BUM PA BZUNG NAS NI, ,DE NYID LA NI DBANG BSKUR BAR, ,DKYIL 'KHOR DE NYID RIG PAR BSAM, , DE LTA BU NI BSAMS NAS KYANG, ,CHOS KYI MTSAN NYID BSTAN PAR BYA, ,DE NAS YID 'ONG BU MO NI, ,LEGS PAR GOMS PA DBANG THOB PA, ,RGYAN GYIS RAB BRGYAN RAB MDZES PA, , BTZAL TE BLA MA LA PHUL NAS, ,DE NAS RGYAL DBANG SLOB MA DE, ,NANG GI SBAS PA BTUS BA YI, ,GSANG BA MNYAM PAR 'JUG PA YI, ,SBYOR DANG LDAN PAS DBANG BSKUR BYA, ,RDO RJE PADMO

430b

LAS DRANG BA, ,SBOM PO MTHA' LTAG RTZE SBYAR NAS, ,RKAN DU RDO RJE GZHAG PAR BYA, ,KYE MA'O BDE BA BDE BA CHE, ,KYE MA'O DAM TSIG BDE BRJOD CING, ,KYE MA'O BDE PA BLANG BAR BYA'O, ,'DI NI GSANG BA ZHES BYA BA'I, ,DE DBANG BSKUR BA'I THABS MCHOG GO ,YANG NA SHIN TU DAD LDAN BA, ,GZUGS BZANG SGRUB LA DGA' BA DANG, ,SBYOR GOMS BLA MA LA NI DBUL, ,BLA MAS BYIN BRLABS LHA MO DANG, ,SGRUB PA DE LA SBYIN PAR BYA, ,DE YIS BLANGS NAS BRTZON PA'I TSOGS, ,CI SKAD GSUNGS BZHIN RAB BYAS NAS, ,RANG GI LHA DANG SANGS RGYAS DANG, ,BYANG CHUB SEMS DPA'I TSOGS RNAMS KUN, ,MNYES BYED CHO GAS SEMS BRTAGS TE, ,MNGON SUM BDE BA RANG 'BYUNG BA, ,GZHAN GYIS GANG DU BSGRAG MI NUS, ,GO BA'I YUL DE BDE BA CHE, ,BLA MA DE LA DBUL BAR BYA, ,BLA MA GZHAN LA DE BZHIN DU, ,CI DGA' BAR NI YON YANG DBUL, ,SLOB DPON CUNG ZAD CI 'DOD PA, ,YID LA BSAMS PA DBUL BAR BYA, ,DAM TSIG 'DA' PAS 'JIGS PA'I PHYIR, ,BSGRIMS TE DE BZHIN DBUL BAR BYA, ,SLOB DPON GYI NI YUL GYI MCHOG ,RIGS KYI KHYAD PAR GYIS NI LNGA, ,BUM PA'I DBANG SOGS DBYEB YIS, ,YANG NA GSUM DU 'GYUR BA YIN, ,RANG GI MA DANG SENG GE GDAN, ,YON GYI MCHOG STE SANGS RGYAS RIGS, ,GSER DANG GLANG PO RIN CHEN DANG, ,SRING MO BLA MA LA DBUL BA, ,RDO RJE SEMS DPA'I RIGS YIN TE, ,YON

431a

, ,DE YON GYI MCHOG YIN NO, ,SHING RTA RTA NI SHIN TU BRGYAN, ,RANG GI CHUNG MA DBUL BYA STE, ,RIN CHEN SNA TSOGS RNAM DAG PA, ,YON DE RIN PO CHE YI RIGS, , MU TIG PHRENG BA SHIN TU MDZES, ,BU MO RIN CHEN 'DRA BA YIS, ,BRGYAN TE BLA MA LA DBUL BA, ,YON DE PADMA'I RIGS YIN NO, ,RGYAL PO DANG NI DBANG PHYUG DANG, ,CHUNG MA 'PHRUL GYI BZHON PA SOGS, ,GLANG PO RTA NI SHIN TU BRGYAN, ,DE BZHIN GSHEGS PA KUN GYI RJE, ,NAN TAN BLA MA DBUL BYA BA, ,SNA TSOGS RDO RJE'I RIGS YIN NO, ,DE RNAMS BZHI DANG 'GYUR BA DANG, ,MI 'GYUR BA YI BYE BRAG GIS, ,GSUM DU SHES BYA BLA MA LA, ,BLO LDAN RDO RJE SLOB MA YIS, ,CI STE BDE BA KUN 'DOD NA, ,DAD MOS SEMS KYIS DBUL BAR BYA, ,YID LA GANG BSAMS MA PHUL LAM, ,KHAS BLANGS DE NI MA PHUL NA, ,YI DVAGS DMYAL BA RNAM GNYIS SU, ,NGES PAR SKYES TE BRLAG PAR 'GYUR, ,DE BAS DE RNAMS RAB PHUL NAS, ,GSOL BA DAG NI RAB TU GDAB, ,RDO RJE DKYIL 'KHOR CHEN PO YI, ,DKYIL 'KHOR DU NI BDAG ZHUGS SO, ,SBYOR BA'I DKYIL 'KHOR CHEN PO YI, ,DKYIL 'KHOR DU NI BDAG ZHUGS SO, ,SBYOR BA'I DKYIL 'KHOR CHEN PO YI, , DKYIL 'KHOR BDAG GIS DE RING MTHONG, ,GSANG BA'I DKYIL 'KHOR CHEN PO YI, ,DKYIL 'KHOR DU NI BDAG DBANG BSKUR, ,DE NAS BLA MA DE YIS KYANG, ,DE LA DBANG BSKUR SBYIN BYA STE, ,

431b

DRI DANG ME TOG PHRENG BAS BRGYAN, ,BSGRIMS TE YANG DAG BRTAG PAR BYA, ,DANG PO LA NI BUM PA'I DBANG, ,GNYIS PA LA NI GSANG BA'I DBANG, ,GSUM PA SHES RAB YE SHES TE, ,BZHI PA DE YI YE SHES TE, ,BLA MA LAS NI THOB PA'O, ,DPAL RDO RJE SNYING PO RGYAN GYI RGYUD LAS PHAN YON DANG BCAS PAR DBANG BSKUR BA'I LE'U STE BZHI PA'O,, ,,GANG GI THABS KYIS RIGS LNGA'I DON, ,RANG GI DON GYUR KUN TU BZANG, ,'DI DAG GZHAN LA RAB BDE'I PHYIR, ,RDO RJE SEMS DPA'I SGRUB THABS BSHAD, ,YID 'ONG DBEN PA'I SA PHYOGS SU, ,CI BDER GNAS LA NAM MKHA' KUN, , SEMS KYIS KHYAB PAR BYAS NAS SU, ,RNAM BRTAGS AE MA'O 'JIG RTEN KUN, ,SDUG BSNGAL CHOS KYIS KUN NAS GTZES, ,BYANG CHUB SEMS NYAMS SEMS CAN RNAMS, ,KUN LAS 'BYUNG ZHES DAM BCAS PA'I, ,SNGAGS PAS SPYI BOR BZHAG PA NI, ,A'A:SEMS KYI RDUL PHRAN CHA DRUG RNAMS, ,PHYOGS BCU DAG TU PHYE NAS SU, ,CHOS KYI DON RNAMS DES BSAL NAS, ,SHIN TU DRI MED SEMS DAG PA, ,'DAS DANG MA 'ONGS PA YI SEMS, ,DA LTAR YANG NI DMIGS SU MED, ,GNYIS MED DE LA GNYIS MED MED, ,NAM MKHAR ZHES PA'ANG GNAS PA MED, ,DE LTAR KUN TU BRTAGS NAS SU, 'GRO BA THAMS CAD SHIN TU STONG, ,DRI MED RNAL 'BYOR NYID KYI YIN, ,DNGOS PO ME PAR RANG SEMS BSAM, ,'GRO BA 'DI NI DE LTA BU'I, ,DNGOS PO GANG DAG YOD MIN NA, ,SDUG BSNGAL SNA TSOGS

432a

, ,GANG DAG LAGS, ,SEMS NYAMS SEMS CAN 'BYUNG BAR BSGOM, ,'ON KYANG SNGON GYI SMON LAM SHUGS, ,DBYANGS YIG SPEL BA'I GLU LDAN BYA, ,RIN CHEN SEMS NI BLUGS PA LA, ,BDE GSHEGS RNAMS KYIS BSKUL BAR SNANG, ,SH'U N+YA T'A TI YO GA P'A DAm SV'AH'A, PRA BHA B'I A'A K'A SHA TA M'A PA GA T'A SA MA YA, AU PA TA PA YANTI SU GA TA SU GA TE GA TI SHR'I BADZRA SV'AH'A, P'U PU ST'Am H'Am, RNAM RTOG KUN SPANGS DRI MED PA'I, ,RNAM PAR MI RTOG SGOM PA'I SEMS, ,SNGAGS KYI DE NYID BSKYOD BYAS LA, ,H'Um ZHES PA YI GZUGS SU BRTAG ,TING NGE 'DZIN GYIS DBANG BSGYUR NA, ,GANG PHYIR DE NI BSGOMS PAS THOB, ,DAM PA NAM MKHA'I DBYINGS LA GNAS, ,BYANG CHUB SEMS TSOGS DER BCAS LA, ,RNAL 'BYOR YID KYIS KUN BSAMS NAS, ,RGYAS PAR RNAM PAR BRTAG PAR BYA, ,YI GE BHR'Um GYIS LHA YI GNAS, ,RDO RJE RIN CHEN GYIS NI BRGYAN, ,SGO KHYUD RTA BABS KA BA DAG ,DAR GYI PHRENG BAS RNAM PAR BKLUBS, ,GRU BZHI PA LA SGO BZHI PA, , DRIL BU'I DRA BDAG GIS BRGYAN, ,RTAG PAR DO SHAL ME LONG DANG, ,ME TOG PHRENG BAS RGYAN RNAMS BRES, ,DE YI DBUS SU SENG+GE'I GDAN, ,SENG+GE BRGYAD KYIS RNAM PAR BRGYAN, ,SMON LAM DBANG GIS DE DAG KUN, ,BYANG CHUB SEMS DPA' MTHU BO CHE, ,SHAR PHYOGS BA GLANG SHIN TU RGYAS, ,LHO PHYOGS RTA YI GDAN BZANG STE, ,NUB PHYOGS SU NI RMA BYA BSHAD, ,DE BZHIN BYANG PHYOGS NAM

432b

MKHA' LDING, ,MI BSKYOD KHRO BO BSAM PA NI, ,MTHING GA DKAR PO DMAR PO'I ZHAL, ,RDO RJE PHYAG RGYA THUGS KA NA, ,MTHING GA KHA DOG GSAL LA BZANG, ,G-YAS NA RIN CHEN 'KHOR LO STE, ,RAL GRI PADMA G-YON PA NA, ,'JIG RTEN KHAMS NI KUN 'KHRUG PA'O, ,BRTUL ZHUGS CAN GYIS ZHAL GSUM BSAM, ,DANG PO YI NI STONG PA NYID, ,GNYIS PA DE BZHIN MTSAN MA MED, ,GSUM PA SMON PA MED PA YI, ,ZHAL DU MKHAS PAS RIG PAR BYA, ,PHYAG DRUG RTAG TU 'BAR BAR BSGOM, ,MTSON CHA SNA TSOGS RNAMS DANG LDAN, ,PADMA LA NI MNYAM GZHAG NAS, ,YE SHES PHYAG RGYA SNYING GA NANG, , DBUS KYI GNAS SU BSAM PA NI, ,RDO RJE SKYIL MO KRUNG DU GNAS, ,SHAR GYI GNAS SU BSAM PA NI, ,SNGAGS PA RNAM SNANG THUB PA STE, ,DKAR DANG MTHING GA DMAR BA'I ZHAL, ,'KHOR LO PHYAG RGYA SNYING GA NA, ,RDO RJE 'BAR SOGS 'OD GSAL BA, ,RIN CHEN RDO RJE G-YAS PA NA, ,RAL GRI PADMA G-YON PA NA, ,RNAL 'BYOR CAN GYIS RTAG PAR BSAM, ,THOR TSUGS DBU RGYAN DAG GIS BRGYAN, , RIN CHEN MGON PO LHO PHYOGS NA, ,SER DANG MTHING GA DKAR BA'I ZHAL, ,RIN CHEN PHYAG RGYA SNYING GNAS, ,MA RGAD LTA BUR SNANG BA'O, ,G-YAS NA 'KHOR LO RAL GRI STE, ,RDO RJE PADMA G-YON NA'O, , RTAG PAR RNAL 'BYOR PAS BSAM PA, ,RIN CHEN CHAR DU 'BEBS PA'O, ,NUB PHYOGS GNAS SU DGOD BYA BA, ,SNANG BA MTHA' YAS BSAM PA NI, ,DMAR DANG MTHING GA DKAR BA'I ZHAL, ,PADMA

433a

, ,R'A GA'I MDOG LTA BU, ,PADMA'I PHYAG RGYA SNYING GA NA, ,RDO RJE RIN CHEN G-YAS PA NA, ,'KHOR LO RAL GRI G-YON PA NA, ,PADMA LA NI MNYAM GZHAG BSAM, ,BYANG PHYOGS GNAS SU DON GRUB NI, ,LJANG GU MTHING GA DKAR BA'I ZHAL, ,RAL GRI PHYAG RGYA SNYING GA NA, ,'BAR BA'I PHRENG BAS MNYAM PA'I 'O, ,PADMA RDO RJE G-YAS PA NA, ,'KHOR LO RIN CHEN G-YON PA NA, ,ZLA BA'I DKYIL 'KHOR DBUS GNAS PA, ,BYANG GI GNAS SU BSAM PAR BYA, ,SNGAGS PAS PHYAG DRUG BSAM PA NI, ,SPYAN DE ZHAL GSUM DKAR MO YI, ,RNAM PAR SNANG MDZAD PHYAG RGYA BZHIN, ,DE YI DON DU RNAM PAR BSGOM, ,M'A MA K'I YANG BSAM PA NI, ,AUTPAL DANG NI MTHING 'DRA BA, ,ZHAL GSUM PHYAG DRUG CHAGS PA STE, ,MI BSKYOD PHYAG RGYA MCHOG 'DZIN PA'O,, CHAGS PAS CHAGS BA RIGS KYI SNGAGS, ,ZHAL GSUM PHYAG DRUG DGE BA STE, ,SBYOR BA'I SA NI DKAR MO BSAM, ,PADMA R'A GA'I PHYAG RGYA'O, ,SGROL MA KHA DOG SER MO STE, ,'KHRIL BAG RGYAN GYIS RAB TU BRGYAN, ,ZHAL GSUM PHYAG DRUG RAB TU BSAM, ,THOGS MED RGYAL PO'I PHYAG RGYA'O, ,SGO BZHI SGO SRUNG DGOD BYA BA, ,SGO RNAMS SU NI KHRO BO BSAM, ,KHRO BO CHEN PO GSHIN RJE'I GSHED, ,GZHAN GYIS MI THUB DE BZHIN TE, ,THUB PAR DKA' BA RTA MGRIN DANG, ,KHRO BO BA DUD RTZI 'KHYIL BA BSAM, ,DE DAG KUN KYANG ZHAL GSUM PA, ,DRAG CING DRAG POR GNON

433b

BA'O, ,MTHING GSER PO DE BZHIN DMAR, ,LJANG GU DAG NI KHA DOG TU 'O, ,MTSON CHA SNA TSOGS 'DZIN PA STE, ,THOD PA'I PHRENG THOGS DE BZHIN NO, ,GDON RNAMS THAMS CAD SKRAG BYED PA, ,GNOD SBYIN SRIN PO PHRA MEN MA, ,MA HE SENG+GE STAG RNAMS DANG, ,BA LANG ZHON PA RNAMS BZHI'O, ,RNAM PAR 'GYUR BA'I KHRO GNYER CAN, ,KHRO BO SBYAN NI KUN NAS BSDUS, ,SNGAGS 'DI RNAMS KYIS BSAM PA NI, ,GSHIN RJE'I GSHED LA SOGS PA'O, ,SNGAGS KYI DE NYID RJES MTHUN PAR, ,SNGAGS PA'I DKYIL 'KHOR BSGRUBS NAS SU, ,SA YI SNYING PO LA SOGS PA, ,SEMS DPA' RNAMS NI DER GNAS BSAM, ,LUS DANG NGAG DANG SEMS DE NYID, ,H'Um ZHES BYA BA'I YI GE MCHOG ,SEMS NI DE RU ZHUGS PAR BSAM, ,MI BSKYOD PA NI BDAG NYID CHE, ,DBANG PO'I LAM DU GYUR NAS SU; ;DANG BA'I DKYIL 'KHOR GYIS NI BRGYAN, ,BDAG NYID GCIG CING GCIG 'GYUR BA, ,SKAD CIG GIS NI BRTAG PAR BYA, ,KHYOD NI RDO RJE SEMS ZHES BYA, ,DE LA SOGS PAS BSTOD PAR BYED, ,DE NAS RNAM SNANG MDZAD LA SOGS, ,RANG GI SNYING GAR RAB TU GZUNG, ,GZUGS RNAMS KYI NI RANG BZHIN DU, ,RNAM PAR SNANG MDZAD THUB PA BZHUGS, ,TSOR BA RIN CHEN MGON PO YIN, ,MTHA' YAS 'OD NI 'DU SHES SU'O, ,'DU BYED KUN TU GDON MA ZA, ,MI BSKYOD PA NI PHUNG PO LNGAR, ,DE BZHIN GSHEGS PA LNGA RNAMS NI, ,SNGAGS 'DI RNAMS KYIS BZHUGS PAR

434a

, ,BSAM, ,SA YI KHAMS GYI RANG BZHIN DU, ,DE NAS SPYAN NI GZHUG BYA STE, ,RNAL 'BYOR YID KYIS BSAM PA NI, ,DE YANG SPRO BAR GNAS BAR BSAM, ,M'A MA K'I YANG CHU YI KHAMS, ,BRLAN ZHING KHRAG NI RGYU BA'I PHYIR, ,RNAL 'BYOR PAS NI YID KYIS BSAM, ,DE YI LUS NI RGYAS PAR 'GYUR, ,ME YI KHAMS KYI RANG BZHIN DU, ,GOS DKAR MO YANG GZHUG PAR BYA, ,KUN TU KHYAB PAR BZHUGS PA YI, ,'OD RNAMS SU NI DER 'GYUR RO, ,SGROL MA RLUNG GI RANG BZHIN DU, ,BZHUGS PAR DE NI BSAM PAR BYA, ,RLUNG GI RNAM PA LNGA RU 'GYUR, ,DE BZHIN YID MGYOGS RDZU 'PHRUL 'GRUB, ,RDO RJE DBYINGS KYI DBANG PHYUG MA, ,NAM MKHA'I RANG BZHIN DAG TU 'JUG ,DE LUS KHONG STONG NYID LA NI, ,RANG SEMS YON TAN BSGOM PA'I SEMS, ,NAM MKHA'I DBYINGS KYI RNAL 'BYOR GYIS, ,SANGS RGYAS SGYU MA'I SBYOR BAS SU, ,DAG PA'I BDANG NYID CI 'DOD PAR, ,DE NAS RI RAB PHUL NAS 'GRO, ,SA YI SNYING PO BDAG NYID CHE, ,SANGS RGYAS SPYAN NI BDAG NYID DE, ,MIG GI PHYOGS SU ZHUGS NAS NI, ,'PHRUL GYI MIG TU RTA TU 'GYUR, ,PHYAG NA RDO RJE BDAG NYID CHE, ,RNA BA'I RNAM SHES SBYOR BAS NA, ,SGRA RNAMS THAMS CAD SHES PA DE, ,RNA BA'I RNAM SHES DE BZHIN 'GYUR, ,NAM MKHA'I SNYING PO BDAG NYID CHE, ,SNA YI RNAM SHES SBYOR BAS NA, ,

434b

SANGS RGYAS SHANGS NI BDAG NYID SHES, ,DE YANG DE YI NGO BOR 'GYUR, ,'JIG RTEN DBANG POR RAB CHAGS PA, ,RDO RJE LCE YI SBYOR BAS SU, ,RO YI DNGOS PO MYONG BA DES, ,SKAD CIG GCIG LA DE RU 'GYUR, ,BLO LDAN SGRIB PA THAMS CAD NI, ,RNAM PAR SEL BA'I MING DANG LDAN, ,NYON MONGS THAMS CAD RNAM PAR SEL, ,NYE BA'I NYON MONGS PA YANG 'JIG ,ME LONG GI NI RNAM PA LTAR, ,RTEN PA'I TSUL GYIS 'BYUNG BA NI, ,GZUGS BRNYAN GYI NI SBYOR BAS SU, ,SKAD CIG GIS NI DE RU 'GYUR, ,BCOM LDAN RDO RJE SEMS DPA' LA, ,RNAM PA BCU DANG DRUG TU YANG, ,SBYOR BA DE NI BYIN RLABS GNAS, ,SNGAGS PAS DE NI SEMS LA GZHUG ,KHRO BO LCAGS KYU DPUNG PA YIS, ,ZHAGS PA LTA BU GNYIS PA'O, ,LU GU RGYUD KYI KHA SPRAD GSUM, ,RGYAL MTSAN GZHUG PAR KHYAB PAR BZHUG ,DE LTAR DON RNAMS RAB TU ZHUGS, ,SANGS RGYAS KUN GYI NGO BOR BDAG ,RDO RJE PHYAG RGYA DANG LDAN PA, ,G-YON PA DRIL BSNAMS STA ZUR BRTEN, ,RDO RJE SEMS DPA' DE GNAS 'GYUR, ,RNAL 'BYOR CHEN PO DKAR BA'I GZUGS, ,DKAR DANG MTHING GA DMAR PO'I DBU, ,STONG NYID LA SOGS BDAG SBYOR BA, ,RDO RJE SEMS DPA' ZHES SU SMRA, ,RDO RJE PHYAG RGYA RJES SU CHAGS PA LA, ,AOm SARBA TA TH'A GA T'A AA NU R'A GA nA BADZRA SVA BH'A WA A'ATMA KO NYA HAm, ,SANGS RGYAS MCHOD PA LA, AOm SARBA TA TH'A GA TA B'U DZA BADZRA SVA BH'A WA A'ATMA KONYA HAm, RANG GI DKYIL 'KHOR

435a

, ,SNGA MA BZHIN, ,MDUN DU BSAMS NAS NAM MKHA' LA, ,KHYAB PA'I SBYOR BAS GCIG BYAS TE, ,DKYIL 'KHOR SNGA MA BZHIN BSAMS BZLAS, ,BCOM LDAN MI MNYAM GZHUG BCENG BZHUGS, ,RDO RJE PHYAG RGYA THUGS KAR BSNAMS, ,G-YAS PAR 'KHOR LO RIN PO CHE, ,PADMA RAL GRI G-YON PA'O, ,DE NYID GSUM GYI TSUL GYIS NI, ,CI TZAM NUS PAR BZLAS PAR BYA, ,SPRON YID KYIS DRANGS NAS NI, ,DE DAG THAMS CAD SNYING GAR GZHUG ,MNYAM PA NYID KYI GNAS 'DUG NA, ,LUS KYIS JI TZAM BSKYOD PA DANG, ,TSIG TU RAB TU 'GRO BA'I RNAMS, ,DE DAG SNGAGS DANG PHYAG RGYAR 'GYUR, ,RTAG TU BSGOM PA'I SBYOR BAS NI, ,DE LA SEMS DPA'I GZHAN MA YIN, ,RNAL 'BYOR NGO BO GZUGS CAN LA, , LHA MO RNAMS KYANG DE LA 'DZIN, ,DBANG PO LAM DU GANG GYUR PA, ,DE DANG DE YI NGO BO DAG ,SHIN TU MNYAM GZHAG SBYOR BAS SU, ,BDAG NYID LHAG PA'I LHAR BYA'O, ,DPAL RDO RJE SNYING PO RGYAN GYI RGYUD LAS LHA'I LE'U STE LNGA PA'O,, ,,DE NAS BCOM LDAN 'DAS RNAM PAR SNANG MDZAD CHEN PO SKU DANG GSUNG DANG THUGS RDO RJE'I DE BZHIN GSHEGS PA LA DE BZHIN GSHEGS PA THAMS CAD DANG, ,BYANG CHUB SEMS DPA' THAMS CAD KYIS TSIG MTHUN BAR SGRA DBYANGS GCIG GIS GSOL BA BTAB PA, BCOM LDAN DE BZHIN GSHEGS

435b

KUN GYI, ,YE SHES GCES PA DRI MED PA, ,BYANG CHUB SEMS NI RIN PO CHE, ,BLA NA MED PA BSHAD DU GSOL, ,DE NAS BCOM LDAN 'DAS LA DE BZHIN GSHEGS PA THAMS CAD KYIS GSOL BA BTAB PAR THUGS SU CHUD NAS, BYANG CHUB SEMS DPA' RNAMS LA 'DI SKAD CES BKA' STZAL TO, ,SEMS NI LUS KYI RNAM PA YIN LA, ,LUS KYANG SEMS KYI RNAM PA YIN ZHING SEMS KYANG TSIG GIS RAB TU BRJOD PA YIN NO, ,DE NAS BYANG CHUB SEMS DPA' DE DAG GIS DE BZHIN GSHEGS PA THAMS CAD KYI SKU DANG GSUNG DANG THUGS SBYOR BA THOB NAS CHED DU BRJOD PA 'DI CHED DU BRJOD DO, ,KYE MA KUN TU BZANG PO 'DI, ,SKU GSUNG THUGS KYI RDO RJE CAN, ,CHOS RNAMS SKYE BA MED PA STE, ,G-YO BA MED CING GNAS PA MED, ,RTOG PA'I DRI MA SPANGS PA YIN, ,BSKYED PAR BYA ZHES RAB TU GSUNGS, ,DE NAS BCOM LDAN 'DAS MI 'KHRUGS PA DE BZHIN GSHEGS PA GSUNG SPROS BA'I RDO RJE ZHES BYA BA'I TING NGE 'DZIN LA SNYOMS PAR ZHUGS NAS BYANG CHUB KYI SEMS 'DI GSUNGS SO, ,DNGOS PO 'DI DAG MA SKYES TE, ,CHOS CAN MED CING CHOS NYID MED, ,NAM MKHA' BZHIN DU DMIGS MED PA'I, ,BYANG CHUB SEMS NI BRTAN PA YIN, ,BCOM LDAN 'DAS DE BZHIN GSHEGS PA RDO RJE MI 'KHRUGS PAS GSUNGS SO, ,DE NAS BCOM LDAN 'DAS DE BZHIN GSHEGS PA RIN CHEN 'BYUNG GNAS KYI SA DE BZHIN GSHEGS PA THAMS CAD DMIGS SU MED PA

436a

, ,ZHES BYA BA'I TING NGE 'DZIN LA SNYOMS PAR ZHUGS NAS BYANG CHUB KYI SEMS 'DI GSUNGS SO, ,DNGOS PO 'DI DAG DNGOS MED DE, ,CHOS KYI MTSAN NYID SPANGS PA YIN, ,BDAG MED CHOS LAS LEGS BYUNG BA'I, ,BYANG CHUB SEMS NI BRTAN PA YIN, ,ZHES BCOM LDAN 'DAS RIN CHEN TOG GIS GSUNGS SO, ,DE NAS BCOM LDAN 'DAS DE BZHIN GSHEGS PA 'OD DPAG MED KYIS RDO RJE ME LCE 'BAR BA ZHES BYA BA'I TING NGE 'DZIN LA SNYOMS PAR ZHUGS NAS BYANG CHUB KYI SEMS 'DI GSUNGS SO, ,DNGOS PO SKYE BA MED PA STE, ,DNGOS PO NGO BO YOD MIN PAS, ,NAM MKHA'I GO 'PHANG 'THOB BO ZHES, ,DNGOS RNAMS RAB TU BRJOD PA YIN, ,ZHES BCOM LDAN 'DAS 'OD DPAG MED KYIS GSUNGS SO, ,DE NAS BCOM LDAN 'DAS DE BZHIN GSHEGS PA DON YOD GRUB KYIS DE BZHIN GSHEGS PA THAMS CAD KYI BLA MA'I YANG BLA MA'I RDO RJE ZHES BYA BA'I TING NGE 'DZIN LA SNYOMS PAR ZHUGS NAS BYANG CHUB KYI SEMS 'DI GSUNGS SO, , CHOS RNAMS RANG BZHIN 'OD GSAL BA, ,GZOD NAS DAG CING RNYOG PA MED, ,SEMS CAN MED CING SROG KYANG MED, ,SANGS RGYAS NYID DANG BYANG CHUB MED, ,RMI LAM SGYU MA LTAR SNANG BA'I, ,BYANG CHUB SEMS NI BRTAN PA YIN, ,ZHES BCOM LDAN 'DAS DON YOD GRUB KYIS GSUNGS SO, ,DE NAS YANG BYANG CHUB SEMS DPA' SEMS DPA' CHEN PO BYAMS PA LA SOGS PA DE BZHIN

436b

GSHEGS PA THAMS CAD KYI SKU DANG GSUNG DANG THUGS RDO RJE DE BZHIN GSHEGS PA'I BYANG CHUB KYI SEMS RNAM PAR DAG PA THOB NAS NGO MTSAR SKYES PAR GYUR TE CHED DU BRJOD BA 'DI CHED DU BRJOD DO; ;KYE MA'O SANGS RGYAS KYE MA'O DGE ,KYE MA'O CHOS NI BSTAN PA RNAM, ,BDAG MED CHOS LAS LEGS BYUNG BA, ,BYANG CHUB SEMS KHYOD PHYAG 'TSAL LO, ,BYANG CHUB SEMS KYI BSGOM PA YI, , MI G-YO YI GE LAS BYUNG ZHING, ,RMI LAM LA SOGS MA SKYES PA, ,BYANG CHUB SEMS KHYOD PHYAG 'TSAL LO, ,GNAS DANG BSTAN NI RNAM BSAMS TE, ,SEMS DPA'I SKYIL MO KRUNG BCAS NAS, ,DANG POR RANG BZHIN DAG GO ZHES, ,DAG PA'I CHOS KYI TSUL LA GNAS, ,YID KYIS H'Um BYAS RDO RJE CAN, ,RDO RJE SEMS MAS BYIN GYIS BRLAB, ,RIN CHEN LUS SU NGA RGYAL BYA, ,LAG PA BSTOD DE BSKOR BA NA; ;LCAGS KYU YIS NI SPYAN YANG DRANG, ,BYON NAS DRANG POR PHYOGS BCING STE, ,DAM TSIG MCHOG KYANG DBUL BAR BYA, ,GDAN RNAMS SO SOR PHUL NAS SU, ,MCHOD YON 'BUL BA'I SBYOR BA BYA, ,DBANG BSKUR MTSON CHA GO CHA SOGS, ,SIL SNYAN MCHOD SOGS NGO BO BYA, ,RNAM PA KUN GYIS MNYES BYA BA, ,RNAL 'BYOR BDAG NYID CAN GYI BDAG ,RNAL 'BYOR RNAM GSUM SHES BYA STE, ,BYIN GYIS BRLABS DANG YONGS BRTAGS DANG, ,GZUGS NYID YONGS SU RDZOGS PA DAG ,RNAL 'BYOR YIN ZHES SANGS RGYAS GSUNGS, ,SNGAGS KYI BYIN RLABS NGA RGYAL

437a

, ,BSKYED, ,RNAL 'BYOR BYIN RLABS YIN PAR GSUNGS, ,BYANG CHUB SEMS NI DAG PA DANG, ,GSANG SNGAGS SA BON SKYE BA CHE, ,PHYAG RGYA TSOGS SU BRTAG PA YI, , RIM GYIS GZUGS KYIS RDZOGS BYA BA, ,DE NI BRTAGS PAS BRJOD PA STE, ,RNAL 'BYOR CHOG YIN PAR GSUNGS, ,BSDU DANG SPRO BAR BYA BA LAS, ,RNAM PA'I MCHOG KUN LDAN PA DANG, , SKAD CIG YE SHES KYIS RDZOGS PA, ,RDZOGS PA'I RNAL 'BYOR ZHES BRJOD DO, ,DANG POR DAM TSIG BYIN BRLABS PAR, ,RNAL 'BYOR RIG PA DAG GIS BRTAN, ,RAB TU RDZOGS PAR BYA BDAG ,'DI NI RNAL 'BYOR CHO GAR BSHAD, ,NYON MONG SA DRI MAR BCAS PA'I SEMS, ,BYANG CHUB SEMS KYIS DAG BYA STE, ,DE NI RANG BZHIN DAG PA'O ZHES, ,BRJOD CING THAL MO GSUM GYIS SBYAR, ,DAG GYUR DE NAS BLO YIS NI, ,SEMS LA SO SOR BRTAG PAR BYA, ,SEMS LA SO SOR BRTAGS NAS KYANG, ,PHYI ROL RANG BZHIN STONG BAR BYA, ,SEMS TZAM LA NI GNAS NAS SU, ,BYANG CHUB TSOGS KYI BAG CHAGS DES, ,BSGOM PAR BYA BA'I NGO BO DAG ,ZLA BA'I GZUGS SU RNAM PAR BRTAG ,DAG PA'I PADMA LA GNAS PA, ,AOm GYI MYU GUS BSKRUN PA YI, ,YAN LAG KUN GYI MTSAN NYID GZUGS, ,RDO RJE SKU NI BSGOMS PAR BYA, ,A'A:ZHES BYA BA'I SPROS MED GSUNG, ,SEMS NI H'Um ZHES BYA BAR SPRUL, ,YI GE GSUM

437b

GYIS BYIN BRLABS LUS, ,SNYING LA GNAS PA ZLA BA'I GZUGS, ,DE LA RANG GI YI GE NI, ,MDOG GZUGS 'ONG MI BYED BSAMS TE, ,NGA RGYAL BSKYED NAS DE LA NI, ,RDO RJE'I BDAG NYID BDAG NYID BRJOD, , RGYAN KUN YONGS SU RDZOGS PA DANG, ,'OD GYI DKYIL 'KHOR GYIS BRGYAN PA, ,CHA SHAS KYI NI DRA BA CAN, ,YE SHES SEMS DPA' RDZOGS PAR BRTAG ,DE 'OG LAG PA'I PHYAG RGYA YI, ,GO CHA MTSON CHA LA SOGS BYA, ,RDZOGS SANGS RGYAS LNGA DBANG BSKUR TE, ,COD PAN PHRENG BA RNAMS KYIS BKLUBS, ,DA NAS DE 'OG SANGS RGYAS KYI, ,SPRUL PA MDZAD PA'I SGYU MA 'PHRO, ,YAN LAG BZHI PA DPUNG LDAN PA'I, ,PHYOGS BCUR KHRO BO BCU DAG DAN, ,BSNYEMS MA DANG NI TOG LDAN MA, ,MTSON CHA MA DANG RTZED MO CAN, ,SGYU MA'I CHA BYAD RNAM PA'O, ,RNAM PAR 'PHRUL PA BYIN GYIS BRLAB, ,KUN LA KHYAB PAR BYED PA YI, ,SNA TSOGS DBUS SU BZHAG NAS NI, ,DE NYID CHEN PO BDAG NYID LNGAS, ,PHYOGS BZHI 'KHOR LA KHYAB BYA STE, ,DGA' BAS DGA' BYED BZHI YANG SPRO, ,TING 'DZIN KUN GYI DGA' BA LA, ,'OS PAR BYED PA'I SNGAGS PA YI, ,'KHOR LO DANG NI RDO RJE'I GZUGS, ,PADMA'I GZUGS LA DE DAG NI, ,'KHOR LO KUN LA PADMA YI, ,NGO BO YIS NI ROL PA DANG, ,AE ZHES BYA BA 'PHRO BA LAS, ,MDOG LDAN BDAG NYID GZUGS SU BYA, ,MDZES PA'I RGYAN RNAMS KUN LDAN PA'I, ,NYID KYI GDAN LA BZHUGS

438a

, ,PAR BLTA, ,SGEG DANG GLU DANG GAR RNAMS DANG, ,RGYAL MTSAN LA SOGS TSON DGYE DANG, ,SIL SNYAN MCHOD PA'I RNAM PA NI, ,SNA TSOGS RNAMS KYIS MCHOD PA BYA; ;RNAM PA KUN DANG LDAN PAR NI, ,BDAG NYID KYI NI LUS BSGOMS NAS, ,MYUR CHES BYA BA PHUL BA DANG, ,MI GSAL GUG SKYED NYAMS PA DANG, ,RTOG PA NGAN PA RNAM PAR SPANGS, ,DE NAS GSANG SNGAGS BZLAS BRJOD BYA, ,BZLAS PAS SKYO NA LAG G-YAS KYIS, ,BSGRIMS NAS RDO RJE GSOR NAS SU, ,G-YON PAS DRIL BU LA GSIL ZHING, ,RDO RJE GLU TSUL SNA TSOGS DANG, , BA DAN TSUL DU BYAS PAS MCHOD, ,BZLAS PA YIS NI 'JUG BRTUL NAS, ,GSHEGS SU GSOL DANG RANG NYID 'GRUB, ,LUS DANG NGAG DANG SEMS BSGOMS TE, ,BRTAN POR CI BDER 'GRO BAR BYA, ,BAR CHAD DU NI GYUR NA YANG, ,YI GE BRGYA PAS BYIN GYIS BRLAB, ,DE LTAR BSGOMS PAS SGOM BYED PA, ,RDO RJE THEG PAS RAB RDZOGS PA'I, ,BYANG CHUB DE NI MYUR THOB NAS, , ZLA NYI DKYIL 'KHRO LTA BUR SNANG, ,SNA TSOGS LAS KYI THOG 'DREN CING, ,RIN CHEN RGYAL MTSAN RAB DGA' BYED, ,RGYAL BYED PADMA'I GDUNG BRGYUD CAN, ,GNAS CHEN 'JIG RTEN DBANG PHYUG 'GYUR, ,DPAL LDAN RIG SNGAGS KUN GYI GTZO, ,DGA' CHEN 'DOD DGUR LCAGS KYUR 'GYUR, ,SGYU MA BZHIN DU KUN SHES SHING, ,DREGS PA 'JOMS BYED KHRO BAR 'GYUR, ,

438b

DPAL RDO RJE SNYING PO RGYAN GYI RGYUD LAS BYANG CHUB KYI SEMS BSGOMS PA'I YE SHES BSGRUB PA'I LE'U STE DRUG PA'O,, ,,SBYIN SREG DE NYID LA GNAS PA'I, ,ME NI LHA YI ZHAL YIN PAS, ,SNA TSOGS LAS RNAMS GRUB BYED PA'I, ,SBYIN SREG LAS NI RAB TU BSHAD, ,SBYIN SREG GIS NI LHA RNAMS TSIM, ,TSIM PAR GYUR NAS DNGOS GRUB STER, ,GSANG SNGAGS LHAG CHAD GANG YIN PA, ,THAMS CAD SBYIN SREG DAG GIS BSKONGS, ,DE PHYIR SKU GSUM CHOS MCHOG GIS, ,SBYIN SREG RAB TU BSNGAGS PAR MDZAD, ,GTZUB SHING LAS NI BYUNG BA'I ME, ,DGE BA YI NI LAS RNAMS BYED, ,GDOL PA'AM DUR KHROD BYUNG BA YI, ,ME NI LAS RNAMS RAB TU BSGRUB, ,THAB KHUNG ZLUM PO GRU BZHI DANG, ,ZLA GAM DANG NI ZUR GSUM DANG, ,DKYIL 'KHOR GYI NI KHA KHYER LA; ;RDO RJE MTSAN MA DAG GIS BRGYAN, ,SBYIN SREG DE NYID TSUL RIG PAS, ,THAB KHUNG RNAMS KYI DBUS SU NI, ,PADMA'I STENG GNAS GTZUG TOR DANG, ,RDO RJE RIN CHEN PADMA BZHAG ,JI LTAR DMIGS PAS BDUGS NAS SU, ,LAG GNYIS PUS MO'I BAR BZHAG STE, ,DGANG GZAR MAR GYIS BKANG NAS NI, ,BLUGS GZAR BKANG STE DE BZHIN BSREG ,SBYIN SREG LA DGOS G-YAS SU BZHAG ,G-YON DU CHU YI SNOD DGOD DO, ,LAS KUN BYED PAS BZLAS NAS SU, ,BSANG GTOR DANG NI 'THOR 'THUNG BYA, ,KU SHA RTZE MO RNON PO YIS, ,THAB KHUNG KHOR YUG BSKOR BAR BYA, ,ME NI

439a

, ,'BAR BAR SHES PA DANG, ,G-YAS PA MI 'JIGS THOB SPYOD CING, ,GSANG SNGAGS 'DIS NI CHO GA BZHIN, ,ME YI LHA NI SBYAR DRANG NGO, ,TSUR SPYON TSUR SPYON 'BYUNG BO CHE; ;LHA YI DRANG SRONG BRAM ZE MCHOG ,SREG BLUGS ZHAL ZAS BZHES NAS KYANG, ,'DI NYID DU NI BZHUGS SU GSOL, ,AOm AAGNA YE A'A DI BYA A'A B'I SHI A'A B'I SHI MAH'A SHRI YE H'A BYA K'A BYA B'A H'AN'A YE SV'AH'A, PHYAG G-YON RDO RJE BSANG GTOR TE, ,MCHOD YON MCHOD PA RNAM LNGA DBUL, ,ME YI PHYOGS NAS BOD BA NI, ,GSUS PO CHE LA MIG GSUM PA, ,GDONG BZHI PA LA LAG BZHIR LDAN, ,MDOG DMAR RAL PA'I THOR TSUGS CAN, ,ME YI DKYIL 'KHRO LA GNAS SHING, ,LAS KYI 'OD ZER RNAMS KYIS BRGYAN, ,LAG PA DANG PO MCHOG SBYIN LA, ,GNYIS PA NA NI SNGAGS NOR PHRENG, ,G-YON PA RIL BA SPYI BLUGS TE, ,GNYIS PA NA NI BE CON NYID, ,MDOG DMAR RGYAN NI MED PA LA, ,DRANG SRONG RNAMS KYIS YONGS BSKOR BA, ,'DI LTA'I GZUGS NI BSAMS NAS KYANG, ,THAB KYI DBUS SU BZHUGS SU GSOL, ,DE LA SBYIN SREG LA DGOS PA, ,KUN LA LAN GSUM BSREG BLUGS DBUL, ,DE NAS 'THOR 'THUNG BYAS NAS SU, ,'BAR BA'I RNAM PAR BSGYUR BAR BYA, ,RIM PA 'DI YI TSUL GYIS NI, ,MKHAS PAS LHA RNAMS TSIM PAR BYA, ,LEGS PAR TSIM BYAS BZOD GSOL TE, ,'DOD PA'I DNGOS GRUB GSOL BA

439b

GDAB, ,BUM PA RGYAL MTSAN RDO RJE GDUGS, ,PADMA'I LCAGS KYU'I RNAM PA DANG, ,ME LCE MDOG DKAR SNANG BA DANG, ,'KHYIL PA'I MTSAN MAS MKHAS PAS BRTAG ,DES NI MYUR DU 'BYUNG 'GYUR BA, ,BSGOM DANG BZLAS LA 'BAD PAR BYA, ,ZHI DANG RGYAS DANG DBANG LA NI, ,AOm ZHES PA DANG SV'A H'A MTHAR, ,DBYANGS KYI RGYUD KYI BSRING BA NI, ,BAR CHAD MED PA'I DBYANGS KYIS SBYAR, ,ZHI BA'I SEMS NI ZHI BA LA, ,'BYOR PAS RGYAS PA MNGON PAR SPEL, ,DREGS BDE STABS TSUL BCAS PA DANG, ,DBANG DU GYUR PAS DBANG DU BYA'O, ,DRAG SHUL SPYOD TSUL LA GNAS PA, ,H'Um ZHES PA DANG PHAt DANG BCAS, ,LUS NI ME LCE 'BAR BA DANG, ,'JIG RTEN GSUM PO BZAR BSAMS NAS, ,BSKUL BA'I TSIG DAR SPEL BA YI, ,GSANG SNGAGS YI GE NGES PAR SBYOR, ,SNGAGS GRUB CHO GA SHES PA YIS, ,SBYIN SREG CHO GA THAMS CAD LA, ,SNA TSOGS LAS DANG LDAN PA YI, ,YANG DAG YIN PA MCHOD PAR BYA, ,SBYIN SREG DE NYID LA BSKUL ZHING, ,DANG POR DGANG BLUGS BSREG CING DBUL, ,PHYIS NI RIM BZHIN RNAM PAR SPEL, ,ZHI DANG RGYAS DANG DBANG RNAMS LA, ,DGE BA'I RDZAS RNAMS SBYIN SREG BYA, ,BSHAD GCI KHRAG RKANG RUS PA DANG, ,SHA CHEN DAG KYANG SBYIN SREG BYA, ,CI STE YE SHES SEMS DPA'I ZHAL, ,MI GTZANG BA YIS BKANG NA KO ,JI LTAR SDIG PA SKYE MI 'GYUR, ,GAL TE SDIG 'GYUR 'BRAS BU GANG, ,SEMS CAN MI SHES PAS

440a

, ,RMONGS PA, ,THABS DANG SHES RAB RNAM SPANGS SHING, ,PHYI ROL DNGOS LA MNGON ZHEN PA, ,RNAM RTOG DRA BA SA BLUGS BYAS GANG, ,DE DAG GIS NI DGE SDIG GI , PHUNG PO GNYIS SU RNAM PAR BRTAGS, ,CHOS 'DI RANG BZHIN GYIS DAG TE, ,SKYE BA MED CING GNAS MED KYANG, ,SEMS CAN SHES PA SPEL BA'I PHYIR, ,SANGS RGYAS RNAMS KYIS THABS SU BSTAN, ,DAM PA'I DON DU DGE SPANGS NAS, ,BSOD NAMS MIN PA CI ZHIG SMOS, ,DPER NA MI GANG CHU KLUNG GI ,PHA ROL 'GRO BA'I SEMS CAN DAG ,RTZVA DANG SHING LA SOGS BSDUS NAS; ;CHU LA RGAL BA'I GZINGS BYAS TE, ,DE LA 'JUG STE LEGS BRGAL NAS, ,BOR TE BDE BAR 'GRO BA LTAR, ,DE BZHIN 'KHOR BA'I PHA ROL GYI, ,CHOS KYI LAM NI BSKYED BYAS KYANG, ,CHOS DANG CHOS MIN RNAM SPANGS NAS, ,BYANG CHUB BDE BA THOB PA NI, ,DE PHYIR RNAM RTOG RNAM SPANGS LA, ,ZAB MO YI NI CHOS SPEL TE, ,DE BZHIN GSHEGS PAS GSUNGS RNAMS LA, ,SNGAGS RIG RNAM RTOG MA BYED CIG ,RNAM RTOG RMONGS PA CHEN PO STE, ,'KHOR BA'I RGYA MTSOR LTUNG BYED PAS, ,NAM MKHA' LTA BUR DRI MED PA'I, ,RNAM PAR MI RTOG TING 'DZIN GNAS, ,DBANG PO GNYIS NI MNYAM SBYAR TE, ,LUS DANG NGAG DANG SEMS BSDUS NAS, ,NGA'O SNYAM PAS GZI BSKYED LUS, ,RNAM PA KUN GYIS

440b

RNAM BRGYAN NA, ,RNAL 'BYOR LDAN PAS TSE 'DI LA, ,YE SHES RDZOGS PA NYID DU 'GYUR, ,LAS LAS BYUNG BAR BSTAN PA YI, ,SKYES BA BUD MED GZUGS MANG LA, ,MNYES PA NYID DU MI BYA 'DI; ;RDO RJE LUS CAN DAM TSIG YIN, ,NGAN RTOG BZANG RTOG DRA BA YI, ,SEMS KYIS SEMS CAN RNAMS LA NI, ,SNA TSOGS GDUNG BAS SUN MI 'BYUNG, ,RDO RJE DANG LDAN DAM TSIG YIN; ;SRED PAS BSKYED RTZUB PHRA MA YI, ,TSIG DAG RNAM PAR MI SMRA ZHING, ,MNYAN NA BDE BA BYED PA 'DI, ,RDO RJE NGAG CAN DAM TSIG YIN, ,RNAM PAR SNANG MDZAD CHEN 'KHRUG MCHOG , SHA YI KHAMS LA GNAS PA YIN, ,RKANG LA MI 'KHRUGS RGYAS PA STE, ,KHRAG LA RIN CHEN 'BYUNG BA GTZO, ,SEMS CAN RNAMS KYI RUS PHUNG GI ,RUS GONG LA NI 'OD DPAG MED, ,RTZA YI TSOGS RNAMS RNAM 'GREL LA, ,THUB PA SKYES MCHGO DON YOD LA, ,DAM TSIG SHES PA RNAMS LA NI, ,GSANG CHEN PA YIS BSTAN PA 'DI, ,BLO LDAN RDO RJE RNAMS KYIS NI, ,RTAG TU BRTEN CING BSGOM PAR BYA, ,'DOD CHAGS DE BZHIN GTI MUG RMONGS, ,SRED DANG 'DU BYED RNAM SEL BA'I, ,CHOS NI RNAM PA LNGA PO 'DI, ,THUB PA SKYES MCHGO RNAMS KYIS GSUNGS, , BSHANG GCI KHU CHU MCHIL MA KHRAG ,'DZAG PA 'BYUNG BA BZHIS BSDUS PA, ,BSGOM PA'I BLO GROS RTOGS PA YIS, ,DAM TSIG BRTAN PAR BYA BA STE, ,RTAG TU BZA' ZHING SBYIN PAR BYA, ,

441a

, ,DPAL RDO RJE SNYING PO RGYAN GYI RGYUD LAS SBYIN SREG GI LE'U STE BDUN PA'O,, ,,DE NAS GZHAN YANG BSHAD BYA BA, ,'GRO BA MI SHES MUN BSAL PHYIR, ,YE SHES NYI MA SHAR BA LAS, ,KEG BU MUN PA BSAL TSUL GSUNGS, ,GSHIN RJE'I GSHED LA SOGS PA YI, ,MDOG DANG PHYAG MTSAN LA SOGS PA, ,DE KUN SNGON DU RGYAS PA RU, ,BYE BRAG GIS NI RGYAS PAR BSTAN, ,DE NI LAS KYI KHYAD PAR GYI, ,DBANG DU BYAS PA KHRO BO'I TSOGS, ,GZHAN DU MA GSUNGS GANG YIN PA, ,DE DAG 'DI RU BSHAD PAR BYA, ,BRUm GYI YE SHES LAS BYUNG BA, ,GTZUG TOR GZI BRJID PHUNG PO STE, ,ZHAL GSUM SER PO MDANGS DANG LDAN, ,PHYAG DRUG NYI MA LA SOGS PA, ,'DZIN CING SKYIL MO KRUNG BCAS PA, ,RAL BA'I GTZUG TOR GYIS BRGYAN CING, ,'JIG RTEN KHAMS KUN 'KHRUG BYED PA'I, ,GZUGS KYI 'PHROS PAS NAM MKHA' GANG, , RIG MAS SKU LA RAB 'KHYUD PAS, ,CHAGS PHYIR SPRO BA'I RTZOL BA CAN, ,'DI 'DRA SGOM PAR BYED PA LA, ,BGEGS KYIS GNOD PA YONG MI GOS, ,SKYON MED RDO RJE ZHES BYA BA'I TING NGE 'DZIN TO, ,YANG NI BRUm GYIS YE SHES LAS, ,BYUNG BA SNGAGS KYI 'KHOR LO CAN, ,ZHAL GSUM GSER 'DRA MDANGS PO CHE, ,PHYAG DRUG 'KHOR LO LA

441b

SOGS PA, ,RAL BA'I GTZUG TOR GYIS BRGYAN PA, ,'DZIN CING STAG GI SMAD G-YOGS TE, ,THOD PA'I PHRENG BAS SKU LA BRGYAN, ,RIG MA DANG LDAN CHAGS PA PO, ,'JOL SGREG NYAMS KYI SBYOR BA MDZAD, ,'DI BSGOM SPRO BAR BYED PA LA, ,NYIN DANG MTSAN DU RDO RJE SEMS, ,'KHOR BCAS GNAS SU BYON NAS SU, ,RTAG TU SRUNG BA NYID DU BYED, ,BKA' BZHIN BYED PAS RDO RJE ZHES BYA BA'I TING NGE 'DZIN TO, ,DE BZHIN BRUm GYI YE SHES LAS, ,BYUNG BA'I KHRO BO GTZUG TOR RGYAL, ,ZHAL GSUM SER PO MDANGS DANG LDAN, ,PHYAG DRUG LCAGS KYU LA SOGS PA, ,'JIN CING SBRUL GYIS YANG DAG BRGYAN, ,'OG TU BGEGS KYI GTZO MNAN NAS, ,GAD MO'I SGRAS NI 'DEBS PAR BYED, ,RAL PA'I GTZUG TOR GYIS BRGYAN PA; ;KHRO BO 'DI 'DRA SGOM BYED PA'I, ,RNAL 'BYOR GANG LA SANGS RGYAS KYI, ,SPRUL PA'I BGEGS KYANG RLAG BYED NA, ,GZHAN MA RNAMS NI SMOS CI DGOS, ,SNYING 'GUGS PA RDO RJE ZHES BYA BA'I TING NGE 'DZIN TO, ,BRUm LAS YANG NI BYUNG BA YI, ,GTZUG TOR DAM TSIG COD PAN CAN, ,ZHAL GSUM GSER ZHUN MDANGS LDAN PA, ,PHYAG DRUG KA P'A LA SOGS PA, , 'DZIN CING SNA TSOGS RAB TU 'BAR, ,RAL PA'I GCUG TOR GYIS BRGYAN PA, ,ZHABS RNAMS BSGYUR ZHING RNAM PAR 'PHEN, ,SPRO DANG BSDU BA'I BLO GROS CAN, ,'DI 'DRA GANG

442a

, ,ZHIG BSGOM PA LA, ,BI N'A YA KA LA SOGS PA'I, ,BGEGS KYIS SKABS NI MI RNYED PHYIR, ,JI BZHIN RAB TU BSGOM PAR BYA, ,GZHAN GYIS MI THUB PA RDO RJE ZHES BYA BA'I TING NGE 'DZIN TO, ,BRUm GYI YI GE LAS KYANG BYUNG, ,MING GI GTZUG TOR RNAM PAR 'THOR, ,ZHAL GSUM GSER NI BTZO MA 'DRA, ,PHYAG DRUG TRI SH'U LA SOGS PA; ;'DZIN CING SROG SONG STENG NA GNAS, ,ROL PA'I STOBS KYIS BGEGS MCHU BCINGS, ,RAL PA'I GTZUG TOR GYIS BRGYAN PA, ,SANGS RGYAS SPRIN NI SPRO BA'O, ,GANG ZHIG DE 'DRA SGOM BYED PA'I, ,RNAL 'BYOR DE YIS GO CHA DGOS, ,SRA BA'I NGANG TSUL CAN YIN PAS, ,BGEGS LUS GANG GIS MI G-YO'O, ,BGEGS LAS RGYAL BA RDO RJE ZHES BYA BA'I TING NGE 'DZIN TO, ,BRUm GYI YE SHES MTHU LAS BYUNG, ,GTZUG TOR RNAM PAR 'JOMS PA'I MCHOG ,ZHAL GSUM GSER 'DRA'I NYI 'OD MTSUNGS, ,PHYAG DRUG RDO RJE LA SOGS PA, ,'DZIN CING TSEMS KYIS SGROS MNAN TE, ,CHAGS LDAN RIG MAS 'KHYUD PA'O, ,RAL PA'I GTZUG TOR GYIS BRGYAN PA, ,KHRAG CAN LJAGS KYANG 'DRIL BA STE, ,BLA MED BYANG CHUB THOB 'DOD PA, ,'DI 'DRA SGOM PAR BYED PA LA, ,BSKAL PA BRGYAD BCU'I BAR DU YANG, ,BGEGS KYI GNOD PA YOD MI 'ONG, ,BGEGS KYI

442b

STONG PA YE SHES RDO RJE ZHES BYA BA'I TING NGE 'DZIN TO, ,YANG NI BRUm GYI YE SHES LAS, ,YANG DAG BYUNG BA'I SKABS DKAR PO, ,ZHAL GSUM GSER ZHUN LTA BUR GNAS, ,PHYAG DRUG GDUGS LA SOGS 'DZIN CING, ,SKYABS MED PHONGS PA'I SKYABS MDZAD CING, ,MA NING RNAMS DANG ZA MA LA, ,BU NI SBYIN PAR BYED PA PO, ,RAL PA'I GTZUG TOR GYIS BRGYAN PA, ,RIG MA DANG LDAN SKU CHEN 'DI, ,RNAL 'BYOR GANG GIS SGOM BYED CING, ,BZLAS PA RTZE GCIG TU BYED NA, ,BGEGS KYI GNOD PAS DE MI BRDZI, ,RIN CHEN GYI SKYABS RDO RJE ZHES BYA BA'I TING NGE 'DZIN TO, ,RNAL 'BYOR KHYAD PAR CAN GYIS NI, ,'DI RNAMS BYANG CHUB BSRUNG BA'I PHYIR, ,'KHOR LO GTZO BOR RAB BSGOMS NA, ,NANG GI BGEGS KYIS YONG MI TSUGS, ,BYANG CHUB SNYING PO DON GNYER BAS, ,'DI 'DRA'I 'KHOR LO CAN BSGOMS NA, ,BSGRIMS NAS RNAL 'BYOR BSGOMS PA YIS, ,RING POR MI THOGS 'DOD PA THOB, ,DPAL RDO RJE SNYING PO RGYAN GYI RGYUD LAS BYANG CHUB KYI SNYING PO'I RGYAN GTZUG TOR 'BYUNG BA'I LE'U STE BRGYAD PA'O,, ,,DE NAS YANG RDO RJE MKHA' 'GRO MA THAMS CAD 'DUS NAS DE BZHIN GSHEGS PA THAMS CAD KYI DBANG PHYUG RDO RJE 'DZIN PA LA PHYAG 'TSAL NAS 'DI SKAD CES GSOL TO, ,'DI YI

443a

, ,DPAL NI GANG ZHIG LAGS, ,RDO RJE DANG NI SNYING PO DANG, ,DE BZHIN RGYAN GYI DON NI CI, ,KYE HO MCHOG DE BSTAN DU GSOL, ,DE NAS DE BZHIN GSHEGS PA THAMS CAD KYI DBANG PHYUG RDO RJE 'DZIN PAS DE DAG LA 'DI SKAD CES BKA' STZAL TO, ,'DI NI THUN MONG MA YIN PA'I, ,GSANG BA'I RGYUD DU RAB SBAS PA, ,JI BZHIN GNAS PA'I DE KHO NA, ,YANG DAG BSTAN GYIS RTZE GCIG NYON, ,LUS NGAG YID GSUM BDE DAM PAS, ,LHA MO LAS NI BSKYOD BYA STE, ,BYANG CHUB CHEN PO BDE BA YIS, ,CHUL BZHIN DU NI SNGAGS PAS BYA, ,BSKUL BA'I SNYING POS 'DI SMRA STE, ,DZDZA ZHES SKAD CIG SKAD CIG TU, ,RANG GI GNAS NA GNAS PA YIN, ,DE NYID LHA NYID BSKYED PAR BYA, ,BCU DRUG CHA DANG YANG DAG LDAN, ,RTZA BA GSANG BA'I THIG LE LA, ,ME TOG DANG NI DRA BA NYID, ,RLUNG GIS PHUL BAS BSKYOD PAR BYA, ,DE BZHIN BSKYOD PAS BSGRUB PAR BYA, ,DE BZHIN DU YANG BSKUL BYA BA, ,RGYUD KYI PHRENG NI 'OD GSAL BZHIN, ,STENG DANG MDUN DU RTZA GNYIS LAS, ,BCU DRUG GNAS SU YANG DAG GNAS, ,DE LAS SNYING DBUS RAB ZHUGS TE, ,RLUNG GI SBYOR BAS PHUL BYAS PAS, ,STENG DANG MDOG RAB MDZES RDZOGS SKU, ,BDAG GI DPAL DU SHES PAR BYA, ,DE LAS BYUNG BA'I DNGOS GRUB CHE, ,NOR BU LA GNAS RTOG BRAL BA, ,THIG LE YIG MED BSDUS PA'I SKU, ,LHAN CIG SKYES PAR SHES PAR BYA, ,DE LA DE YI GZUGS KYI SKU, ,NAM MKHA'I KHAMS KUN GANG BA YI, ,BRAL BA'I SHES PAS DON BYED PA, ,GZHAN GYI DPAL DU SHES PAR

443b

BYA, ,DE RNAMS RGYUD LAS BYUNG BA YI, ,YE SHES SHES RAB SHIN TU GSANG, ,GSANG BA RNAM PAR 'GRUB PA YI, ,RDO RJE SNYING PO'I RGYAN ZHES BYA, ,LHA MO LAS BYUNG BDE DANG LDAN, ,'JA' TSON LTAR GSAL RGYUD DAG PA SNANG BA'I SKU DE MI SHIGS PA, ,RDO RJE NGA YIS YANG DAG BSGRAGS, ,SNANG ZHING SRID PA'I CHOS RNAMS KUN, ,BSDUS PHYIR BRTZEGS PA'I SKU DAM PA, ,RTOG BRAL RGYUD DU SIM GNAS PA, ,'BYUNG PHYIR SNYING PO ZHES SU BSGRAGS, ,DAG DANG MA DAG THAMS CAD LA, ,'KHOR BA JI SRID BAR SNANG BA, ,GNYIS KA MDZES PAR BYED PAS NA, ,RGYAN DU YANG DAG BSGRAGS PA YI, ,DPAL DANG RDO RJE SNYING PO DANG, ,RGYAN ZHES BYA BA BZHI PO NI, ,'BREL CING GRUB PAR BYED PA'I PHYIR, ,RGYUD CES BYA BAR BSHAD PA'O, ,CHOS KYI PHUNG PO BRGYAD KHRI DANG, ,BZHI STONG GI NI GRANGS SNYED KYI, ,MTSAN GYI DON NI 'DI DON DU, ,YANG DAG 'DUS BAR NGAS BSHAD DO, ,GZHAN DU DON NI MA BSGRAGS PA, ,BLA MA LA NI GUS PA YI, ,SLOB MA LA NI MA RTOGS PA'I, ,RGYUD GZHAN DAG TU SBAS PA'O, ,DON 'DI YANG DAG MA SHES NA, ,JI SNYED DON NI BSAM YAS PA, ,SHES KYANG DE YI 'BRAS BU MED, ,DE 'DOD MNYES BYAS YANG DAG BLANG, ,DPAL RDO RJE SNYING PO RGYAN GYI RGYUD LAS YE SHES GSUM GYI MTSAN 'BYUNG BA ZHES BYA BA'I LE'U STE DGU PA'O,, ,,RTAG PAR MI PHYOGS SMRA BA DANG, ,BLA MA SMOD BYED BRTZON PA LA, ,DAM TSIG PHYIR NI YONGS BSGRAL BYA, ,DE YI SHA KHRAG KLAD PA RNAMS, ,

444a

, ,DRANGS TE CHOS KYI STON MO BYA, ,DE LTAR MA BYAS SDUG BSNGAL TSOGS, ,GTI MUG CAN DES THOB PAR 'GYUR, ,NAD THAMS CAD DANG KHROS CHEN DANG, ,'JIGS DANG NYE BAR 'TSE BA YI, ,BSKAL PA GRANGS MED BYE BA RU, ,SDUG BSNGAL CHEN POR RAB SNYED CING, ,'O DOD 'BOD PAS SBRUL GYIS BRGYAN, ,BSTIR MED CHEN POR RTAG PAR 'GRO, ,DE BAS LAS 'DIS RGYAS GDAB BO, ,BDAG NYID RDO RJE MKHA' 'GRO YI, ,KHRO BO GZUGS CAN NYID GYUR NAS, ,AUTPAL MTHING GA 'DRA BA YI, ,ZHAL GSUM PA LA PHYAG DRUG PA, ,RDO RJE TRI SH'UL PHUR BU DANG, ,THOD BA GRI GUG 'KHOR LO 'DZIN, ,MI SDUG KHROS PA LCE LNGA PA, ,BSAMS NAS DE 'OG NAM MKHA' LA, ,BSGRUB BYA RGYAS PAR DMIGS NAS SU, ,RDO RJE PHUR PA LA SOGS PA, , SEMS CAN DKYIL 'KHOR GNAS PA LA, ,SGRUB POS DE YI NYES PA BSGO, ,DE NAS PHYAG MTSAN TRI SHUL DANG, ,PHUR BU DRAG PO MCHOG DAG GIS, ,MGO DANG SNYING GA LTA BA DANG, ,RKANG PA GNYIS DANG LTE BA DANG, ,RKANG PA GNYIS DANG LAG PA YI, ,GA NAS LNGA RAB TU PHUG BYA STE, ,LCE LNGA'I 'OD ZER LNGA PO YIS, ,SRIN BU 'DZA' LU KA BZHIN DU, ,KHRAG KUN SNGAGS KYIS DRANGS NAS SU, ,THOD PAR PHAB NAS BTUNG BAR BYA, ,DE BZHIN SHA RNAMS YANG BSDUS NAS, ,BZA' BA RU NI RAB TU BRTAG ,RUS PA RNAMS KYANG 'CHOS BYAS NAS, ,SHES PA RDO RJE PADMAR SBYAR, ,'DI NI DON SGRUB

444b

RAB BYED PAS, ,ZLA BA PHYED NI TSUN CHAD KYI, ,RDO RJE 'DZIN PA CHEN PO YANG, ,'CHI BAR 'GYUR BAR GDON MI ZA, ,RDO RJE GSANG BA 'DI LTA BU, ,BSGRUB BYA LEGS PAR BSGRUB BYAS NAS, ,LAS NGAN DAG GIS DE MI 'KHOL, ,SANGS RGYAS SU NI SKYE BAR 'GYUR, ,RNAL 'BYOR DE YANG DE YI MTHUS, ,KHRO BO MKHA' 'GRO ZHES 'GYUR TE, ,KHAMS GSUM BSAD DANG GSOB DANG, ,SEMS KYIS RDO RJE BRTAN BYAS NAS, ,SKAD CIG TZAM DU BYED PAR 'GYUR, ,GSAL BAR NUS PA GDON MI ZA, ,DPAL RDO RJE SNYING PO RGYAN GYI RGYUD LAS RDO RJE MKHA' 'GRO KHRO BO'I SBYOR BAS DGRA BSAD PA'I LE'U STE BCU PA'O,, ,,DE NAS GZHAN YANG BSHAD BYA BA, ,'DOD CHAGS THABS CHEN PO YI RGYUD, ,GANG GIS LEGS PAR SHES NA NI, ,TSE 'DIS DNGOS GRUB SBYIN PAR BSHAD, ,GSANG BA 'DUS PA STONG PHRAG GCIG ,RDO RJE PHRENG BA 'BUM PHRAG GSUM, ,DGONGS PA LUNG STON STONG PHRAG BZHI, ,LHA MO BZHIS ZHUS BRGYA BDUN CU, ,AUTPA TANTR'A NYIS BRGYA BRGYAD, ,DE YI NYE BAR BSHAD PA'I RGYUD, ,DAM TSIG CHEN PO LNGA BCU LNGA, ,RDO RJE LNGA 'BUM STONG PHRAG GCIG ,KUN LAS BTUS PA 'BUM PHRAG GCIG ,MNYAM NYID RNAM RGYAL NYIS BRGYA BCU, ,ZLA GSANG THIG LE STONG PHRAG BDUN, ,RDO RJE SA 'OG BRGYA NYI SHU, ,COD PAN RDO RJE BDUN BRGYA LNGA, ,KHRO ZLA THIG LE 'BUM PHRAG LNGA, ,RDO RJE RNAM RGYAL BRGYA DGU BCU, ,MNYAM NYID GSANG BA STONG PHRAG LNGA, ,RDO RJE GSANG RGYAN STONG PHRAG LNGA, ,RDO RJE GSANG MDZES STONG PHRAG

445a

, ,BDUN, ,NOR BU GSANG THIG 'BUM PHRAG BCU, ,SNANG MDZAD RDZU 'PHRUL STONG DANG BRGYA, ,RDO RJE GSANG RGYAN STONG PHRAG GCIG ,RDO RJE THOD PA NYIS BRGYA BRGYA, ,DE NYID BRGYA STONG BRGYA STONG BDUN, ,DAM TSIG MNGON BRGYAN STONG PHRAG GSUM, ,'JAM DPAL DPA' BO 'BUM PHRAG GCIG ,GSANG CHEN 'DUS PA BRGYA LNGA BCU, , RIN CHEN SDONG PO DGU BRGYA BDUN, ,DUS KYI THIG LE BRGYA BRGYAD CU, ,LHA MO BSTAN CHOS LNGA BRGYA BDUN, ,'DI RNAMS DGONGS PA'I BYE BRAG GIS, ,NGA YIS YANG DAG BSTAN PAR BYA, , 'DI NI GNYIS GNYIS 'KHYUD PA YIS, ,RGYUD KYI DBYE BA BSTAN PA'O, ,DE BZHIN DU NI YAN LAG BCINGS, ,RGOD DANG BLTAS PAS SHES PAR BYA, ,DE BZHIN ZHE SDANG GTI MUG GIS, ,RGYUD RNAMS KUN KYANG SHES PAR BYA, ,MKHA' 'GRO MA YI RGYUD KUN YANG, ,'DI YI RIM PAS SHES PAR BYA, ,PHYI NANG DBYE BAR SHES PA YIS, ,RGYUD KYI DBYE BA SHES PAR BYA; ;NANG DU BSTAN PA'I BLA MA LAS, ,YANG DAG BLANGS TE BSGRUB PAR BYA, ,CI BZHIN GNAS PA LA DGONGS TE, ,BDE BAR GSHEGS PAS RGYUD KUN BSTAN, ,RDO RJE SNYING PO'I RGYAN GYI RGYUD, ,'DI YI RGYUD NI MKHA' 'GRO BA, ,RGYUD RNAMS KUN GYI PHYI MO STE, ,GZHAN DU MA BSGRAGS DON GANG ZHIG ,'DI RU YANG DAG BSTAN PA STE, ,RNAL 'BYOR GANG ZHIG LEN PA'AM, ,

445b

SGOM PAR BYED DAM 'CHAD PA 'AM, ,GROG PAR BYED PA RNAL 'BYOR CHE, ,DE YANG NGA DANG 'DRA BAR 'GYUR, ,DPAL RDO RJE SNYING PO RGYAN GYI RGYUD LAS RGYUD THAMS CAD DBYE BA'I LE'U STE BCU GCIG PA'O,, ,,DE NAS GZHAN YANG BSHAD BYA BA, ,SNA TSOGS MDO DANG RGYUD RNAMS KYIS, ,SDOM PA YANG DAG SHES 'GYUR NA, ,MKHA' 'GRO CHEN POR 'GYUR BAR BSHAD, , GANG GIS NYAN THOS RAB 'BYIN PA, ,SPONG BA LTUNG BA'I BYE BRAG BSHAD, ,BSGRUB PA DANG NI RDZAS GRAGS KYIS, ,'DI RU DES KYANG YONGS RDZOGS BYED, ,TSUL KHRIMS KYIS NI BSLAB PA GSUM, , DGE BA'I CHOS NI SDUD PA DANG, ,SDOM PA NYI SHU LA SOGS DANG, ,SEMS CAN DON BYED PA'I TSUL KHRIMS, ,BYANG CHUB SEMS DPA' RAB SBYIN PA, ,LUS NGAG YID GSUM RAB 'BYUNG BA'I, , SDOM PA DES KYANG MKHA' 'GRO YI, ,RGYUD RNAMS YANG DAG SBYOR BAR BYED, ,ZLA BA SMYUNG DANG GTZANG SPRA BSDAM, ,GRONG DANG GNAG LHAS THANG PA'AM, ,LUS DANG NGAG DANG YID KYIS NI, ,GNOD PA DANG NI YOD MI BYED, ,DE BZHIN GSHEGS PA'I SDOM PA MCHOG ,BLA NA MED PA'I BYANG CHUB SEMS, ,'GRO BA'I DON BYED BYANG CHUB SEMS, ,BYANG CHUB SEMS NI RAB TU BZUNG, ,RDO RJE MI BSKYOD RIGS CHEN PO, ,RDO RJE CHE DANG DRIL BU DANG, ,SLOB DPON YANG NI BZUNG BYAS LA, ,DE YI YON TAN THOB PAR BYED, ,RIN CHEN TOG GI RIGS MTHON PO, ,NYIN DANG MTSAN MO LAN GSUM DU, ,ZANG ZING MI 'JIGS CHOS DANG BYAMS,,

446a

, ,BYIN PAS DE YI YON TAN THOB, ,PADMO SNANG BA'I RIGS DAG LA, ,PHYI DANG NANG DANG GSANG BA YI, ,DAM TSIG RAB TU BZUNG BA YIS, ,BLA MED BYANG CHUB THOB PAR BYED, ,RNGA SBRA LAS KYI RIGS MANG PO, ,DAM TSIG DANG NI SDOM PAR LDAN, ,BSNYEN BKUR MCHOD PA SEMS CAN DON, ,BYAS PAS DE YI YON TAN THOB, ,SROG MI GCOD CING G-YEM MI BYA, ,MA BYIN MI LEN RDZUN MI SMRA, ,PHRA DANG KYAL TSIG RTZUB PO DANG, ,SMRA BA MI BYA BA RNAB SEMS DANG, ,GNOD SEMS LOG PAR LTA BA RNAMS, ,NAM YANG BYA BA MA YIN NO, ,DKON MCHOG GSUM NI YONG MI SPANG, ,LHA DANG BLA MA DE BZHIN NO, ,NYES PA KUN GYI RTZA BA'I PHYIR, ,CHANG YANG RNAM PAR SPANG BAR BYA, ,PHYAG RGYA BZHON PA MTSON CHA SOGS, ,MTSAN MA 'AM NI LHA YI GRIB, ,'GOM DANG BZA' BAR MI BYA BA, ,DE LA SOGS PA MTHA' YAS PA'I, ,SDOM PA GANG DE GSUNGS PA RNAMS, ,'DI RU DANG PO'I LAS CAN LA, ,DE YIS YANG DAG 'JUG PAR BYED, ,THUN MONG MA YIN PAS PHAM PA, ,BCU BZHIR GRAGS PA GANG 'DI NI, ,SNGAGS PAS DON KUN 'GRUB BYED PAS, ,SPANG ZHING DOR BAR MI BYA'O, ,SLOB DPON SNYING NAS SMOD PA DANG, ,BDE GSHEGS BKA' LAS 'DA' BYED DANG, ,ZHES SDANG GIS NI MCHED SUN 'BYIN, ,BYAMS SEMS MED PAR SEMS CAN SPANGS, ,BYANG CHUB SEMS CHEN 'DOR BA DANG, ,BDAG GZHAN GRUB PA'I MTHA' SMOD BYED, ,SNOD MI RUNG LA GSANG BA BSTAN, ,RGYAL BA'I BDAG NYID PHUNG PO SMOD, ,DAG PA'I CHOS LA SOM

446b

NYI BYED, ,GSUM LDAN KHRO LA BYAMS LDAN TE, ,STONG PA THAL BYUNG LA RTOG PA, ,DAD LDAN SEMS NI SUN 'BYIN BYED, ,DAM TSIG DANG LDAN RTZE MI BYED, ,SHES LDAN BUD MED SMOD PAR BYED, ,SNGAGS PAS DE DAG YONG SPANGS NAS, ,NGES PAR DNGOS GRUB THOB PAR BYED, ,DE LA SNGAGS PA YONG 'DAS NAS, ,NGES PAR BDUD DANG PHRAD PAR 'GYUR, ,NAD DANG SDUG BSNGAL 'PHEL 'GYUR TE, ,BSTIR MED SPYI'U TSUGS DMYAL BAR 'GRO, ,SBOM PO LTUNG BYED NYES DMIGS KYANG, ,DE DANG 'DRA BAR SHES PAR BYA, ,DAM TSIG MI LDAN RIG MAR BSTEN, ,TSOGS KYI 'KHOR LOR RTZOD PAR BYED, ,GSANG BA'I CHOS NI STON PA DANG, ,DAD LDAN RNAMS LA GZHAN DU STON, ,NYAN THOS NANG DU YUN RING GNAS, ,SNOD MI RUNG LA GSANG BA BSTAN, ,KHA NA MA THO SBOM 'GYUR TE, ,SNGAGS PA DE YI DAM SDOM ZAD, ,ZAD PAS 'GRUB PAR YOD MI 'GYUR, ,DE BAS NYIN RE LAN GSUM DU, ,KHA TON GYIS KYANG BKLAG PAR BYA, ,DKYIL 'KHOR MTHONG DANG ZHUGS PA DANG, ,DBANG BSKUR BA LA SOGS TSUL KYI, ,RDO RJE MKHA' 'GRO THOB PA GZHAN, ,BYANG CHUB SEMS DANG NYAN THOS DANG, ,BYA DANG GNYIS KA RNAL 'BYOR RGYUD, ,DGONGS GSUNGS RNAMS KYIS DE LTA MIN, ,DE LTA BAS NA SDOM PA'I MCHOG ,NGA YIS YANG DAG BSTAN PAR BYA, ,DRI CHEN DRI CHU RAKTA DANG, ,SHES DANG BYANG CHUB SEMS RNAMS NI, ,BZA' BA'I SBYOR BAS YANG DAG BZA', ,LTO YI YE SHES MIS SBYANGS PHYIR, ,PHYI ROL ZAS LAS KHYAD PAR 'GYUR, ,DE BZHIN GLAD

447a

, ,CHEN RTA SHA DANG, ,BA GLANG KHYI SHA SHA CHEN RNAMS, ,YE SHES LNGA YI NGO BO'I PHYIR, ,DGA' BA'I SEMS KYIS BZA' BAR BYA, ,DE BZHIN SEMS CAN GSAD PAR BYA; ;MA BYIN PAR YANG BLANG BAR BYA'O, ,BUD MED THAMS CAD 'DOD PA SPYOD, ,BRDZUN TSIG DAG KYANG SMRA BAR BYA, ,DE LTAR BYAS PAS SANGS RGYAS DANG, ,BYANG CHUB SEMS DPA' MNYES PAR 'GYUR, ,SEMS CAN RNAMS KYANG TSIM ZHING DGA', ,DE BZHIN RNAL 'BYOR SNYING PO YIS, ,SANGS RGYAS DANG NI BYANG CHUB SEMS, ,RANG 'DREN NYAN THOS SKU GZUGS SOGS, ,RANG NYID DAG PA GSUM SBYOR BAS, ,PHYAG BYAS NA NI MI RUNG 'GYUR, ,KUN DU RDO RJE SEMS DPA' YI, ,LUS NGAG YID KYI DKYIL 'KHOR LAS, ,RANG NYID BSAM GTAN GSUM SBYOR BAS, ,DBYER MED BLO YIS MI BYA'O, ,DKYIL 'KHOR DAG KYANG MI BRI'O, ,GLEGS BAM DAG KYANG MI BKLAG GO ,MCHOD RTEN LAS KYANG YONG MI BYA, ,LAG PA'I PHYAG RGYA RNAMS KYANG SPANG, ,NYIN RE ZHING NI DUS BZHI RU, ,BU MO LEGS PAR GOMS PA LAS, ,GA BUR TZANDAN KHAS BLANGS TE, ,CHO GA BZHIN DU LUS 'KHOR MCHOD, ,ROL MO'I THABS NI SNA TSOGS PA, ,NGA MI RGYUD LAS RAB BSTAN PAS, ,BCU DRUG THIG LE NGAL SO LAS, ,SNGAGS KYI SNYING PO BRTAG PAR BYA, ,BLA MA DAM PA THUGS RJE CHES, ,YANG DAG BSTAN PA LA

447b

DMIGS NAS, ,PHYIN CI LOG KHUR YONGS 'DOR TE, ,RDO RJE 'DZIN PA NGA 'DRAR 'GYUR, ,DPAL RDO RJE SNYING PO RGYAN GYI RGYUD LAS DAM TSIG DANG SDOM PA DBYE BA'I LE'U STE BCU GNYIS PA'O,, ,, DE NAS RO LANGS CHEN MO YI, ,SGRUB PA YANG DAG BSHAD PAR BYA, ,SGRUB POS LEGS PAR SHES GYUR NA, ,DNGOS GRUB THOB PAR 'GYUR BA'O, ,NAG PO YI NI TSES BRGYAD DANG, ,YANG NA BCU BZHI GANG YANG RUNG, ,SHING GCIG DUR KHROD MA MO'AM, ,YANG NA MI MED GRONG BAR DU, ,SNGON DU SGRUB PA'I BDAG NYID CAN, ,LAS KUN 'GRUB PAR BYED PAR SGRUB, ,MDA' MKHAN MA DANG SME SHA CAN; ;GDOL PA MO DANG GAR MKHAN SOGS, ,MDUN GYI SO LA LHAG YOD PA, ,BYAD DANG MDANGS LDAN RMA MED MA, ,LO NI SUM CU RTZA GNYIS BSPAGS, ,YANG NA NYI SHU RTZA LNGA'O, ,YANG NA CHU DANG DANG POR SKYES, ,SBYANGS NAS SHI BA MA SBAGS PA, ,YANG DAG BLANGS TE PHA BONG STENG, ,GZHAN YANG BU MO SKRA BZUNG STE, ,LHA BZHAD DANG NI DBANG PO LAG ,DKAR PO DANG NI RI SGRA DANG, ,GRU GNON CHU YIS BKRU BAR BYA, ,DE NAS TZANDAN DKAR PO YIS, ,BU MO LUS BYUGS RGYAN DANG GOS, ,YANG DAG BRGYAN TE MDUN BZHAG NAS, ,DKYIL 'KHOR 'JIGS PA BRI BYA STE, ,RTZA SOGS GSANG SNGAGS RAB TU BZLA, ,'BYUNG PO'I GTOR MA YANG BYIN TE, ,SHAN NAG PO MDANGS DANG LDAN, ,MYOS BYED BSREGS PA RO YI KHAR, ,MTSAN GCIG THOG THAG SBYIN SREG BYA, ,DE NAS

448a

, ,THO RAS DUS SU YANG, ,KHRAG CHEN PHYOGS BZHIR GTOR BYAS NAS, ,MAR KHU CHEN PO RO LA BSKU, ,DE NAS RO DE LANGS GYUR TE, ,KHRO DANG LDAN BA'I AAG TZAR GYIS, ,SA GSUM MO YI SGRAS 'GENGS BYED, ,DE TSE SGRUB PO SKRAG MI BYA, ,M'A MA KI YI SBYOR BA SOGS, ,SRUNG BA'I 'KHOR LOS BSRUNG BAR BYA, ,SKRAG NA DE MA THAG TU GSOD, ,DE TSE BSRUNG BAS BSRUNGS BYAS NAS, ,BDAG NYID LANGS TE DE YI MGOR, ,YUNGS KAR GYIS NI BRDEG PAR BYA, ,DE NAS DE NI BABS GYUR TE, ,SGRUB PA PO YI MDUN GNAS NAS, ,BKA' NOD 'DI SKAD SMRA BAR BYED, ,SEMS CAN CHEN PO KHYOD CI 'DOD, ,BDAG LA YANG DAG BKA' STZOL CIG ,RAL GRA MIG SMA NAS 'OG GAM, ,RKANG MGYOGS DE BZHIN BCUD KYIS LEN; ;MI SNANG 'GUGS PA LAS GANG DAG ,BDAG GIS GCIG CIG SBYAR BAR BYA, ,DE NAS SGRUB PO DE YIS KYANG, ,GANG 'DOD SMRAS NAS CANG TE'U BRDUNG, ,DE NAS RO LANGS KHA DE NAS,, DU BA 'THUL ZHING ME 'BAR BA, ,DE NAS SBRUL NAG LTA BU RU, ,RO YI KHA NAS 'BYUNG BAR BYED, ,DE DE SGRUB POS KHA YIS BLANG, ,BYUNG STE GSER GYI RAL GRIR 'GYUR, ,DE THOGS TSANGS PA'I 'JIG RTEN KHAMS, ,STENG DU NGES PAR 'GRO BAR BYED, ,DE BZHIN KUN DU 'GRO BAR BYED, ,DE BZHIN RDZAS KUN GANG LA BSTAN, ,THAMS CAD GSER 'GYUR RTZI LTA BU, ,DE BZHIN

448b

THABS SGRUB DE BYA NA, ,RO NI SNGA MKHO BZHIN 'GYUR TE, ,DE YIS SPYIN SREG RAB BYAS NAS, ,DKYIL 'KHOR YANG DAG TSIM PAR BYA, ,DE BAS 'DI NI SGRUB PA'I MCHOG ,DON KUN YANG DAG 'GRUB BYED PA, , LAS THAMS CAD KYI GTZO BO STE, ,BCOM LDAN RDO RJE SEMS DPAS GSUNGS, ,DPAL RDO RJE SNYING PO RGYAN GYI RGYUD LAS RO LANGS CHEN MO'I LE'U STE BCU GSUM PA'O,, ,,DE NAS NGA YIS SGRUB PO YI, ,DNGOS GRUB SLOB DPON LAS BYUNG PHYIR, ,RGYUD RNAMS KUN LAS GSUNGS PA YI, ,SLOB DPON BKUR PA'I CHO GA BSHAD, ,SLOB DPON MED PAR GYUR NA NI, ,DNGOS GRUB THOB PAR MI 'GYUR BAS, ,SLOB DPON GRANGS DANG MTSAN NYID NI, ,YID GCIG BSDUS LA MNYAN PAR GYIS, ,DAM SDOM GYI NI SNOD GTZANG LA, ,SLOB DPON MTSAN NYID YONGS RDZOGS PAR, ,BYED CING DANG PO LAS 'JUG PAR, ,BYED PA RGYU YI SLOB DPON NO, ,RI BONG 'DZIN PA SKUL BYED CING, ,DE YI SGRUB PO ZHING DAG CING, ,YE SHES SGYU MA'I SNOD RUNG BYED, ,RKYEN KYI SLOB DPON CHEN PO'O, ,LHAN CIG NYAN PAR GANG GYUR PA, , DE LAS DGA' BA YANG DAG THOB, ,THOB PAS YANG DAG RAB MTHAR PHYIN, ,LHAN CIG BYED PA'I SLOB DPON NI, ,MI 'GYUR BYAMS LDAN SHES RAB CAN, ,SNGAGS RGYUD SBYOR SHES DKYIL 'KHOR MKHAS, ,DE NYID BCU SHES THEG CHEN DGA', ,GSANG BA ZUNGS THUB SLOB DPON YIN, ,MIG BZANG YA SO BCU DRUG PA, ,KHU 'PHRIG RTOG PA YANG DAG SPANGS, ,BLA MA DGA' BA DAD MOS CAN, ,SHIN TU RGYAN GYIS RAB BRGYAN PA,,

449a

, ,DAD LDAN SBYOR BA LA GOMS PA, ,GZUGS BZANG 'DOD CHAGS KYIS MYOS BYED, ,SHIN TU DUL BA KHYAD PAR CAN, ,BKUR BA'I GNAS SU YANG DAG BLANGS, ,DGE DANG BSGOM PA LA DGA' BA, ,RTAG TU BLA MA LA GUS PA'I, ,SLOB MAS BLA MA 'DI LTAR BLTA, ,BLA MA SANGS RGYAS KUN DANG MNYAM, ,DE NYID RTAG TU RDO RJE 'CHANG, ,DE BZHIN GSHEGS PA RIN CHEN 'BYUNG, ,DE NI YE SHES RGYA MTSO CHE, ,YID BZHIN NOR BU RIN CHEN SBYIN, ,DE YI YON TAN THAMS CAD GZUNG, ,SKYON KUN SEMS KYIS KYANG MI BSAM, ,YON TAN BZUNG NAS DNGOS GRUB 'THOB, ,SKYON GYIS DNGOS GRUB NYAMS PAR BYED, ,MCHOD RTEN BSHIG DANG SDIG 'DRA'I PHYIR, ,DE YI GRIB MA'ANG MI 'GOM STE, ,STAN DANG LHAM DANG BZHON PA DANG, ,'GOM PAR BYA BA SMOS CI DGOS, ,RGYU BA DANG NI MI RGYU BA'I; ;MCHOG KUN DE YIS SBANGS PAR 'GYUR, ,SLOB DPON SMOD PAR BYED PA DE, ,RMI LAM DU YANG MTHONG MI BYA, ,DA NI BGEGS DANG LOG 'DREN 'DZIN, ,RIMS DANG SPYUG DANG GSHIN RJES 'DZIN, , 'CHI BAR RAB TU 'GYUR BA STE, ,NGAN PA GTUM PO BLUN CHEN TE, ,PHYOGS BZHI DAG TU SONG GYUR YANG, ,BLO LDAN RNAMS KYIS MI BSRUNG BAR, ,MDUNG LA SOGS PA'I MTSON CHA YIS, ,KHAN MTHO BYED PA BSAD, ,MDO SOGS BSTAN PA'I DMYAL BA RU, ,SLOB DPON SMOD PAR BYED PA DE, ,GNAS PAR 'GYUR BAR NGA YIS BSTAN, ,DE BAS BLA MA'I ZHABS DRUNG DU, ,BAG MA BZHIN DU NGO TSA BSRUNG, ,GLAL

449b

DANG DGOD DANG LUD PA SOGS, ,KHA LA LAG BAS BKAB NAS SU, ,SHIN TU 'JAM PAR SMRA BAR BYA, ,MGO THOD BCING DANG MTSON BYUG PA, ,BLA MA'I DRUNG DU MI BYA'O, ,BRO BRDUNG BA DANG BRKAM TSIG DAG, ,THOS PA'I YUL NAS MI BYA'O, ,MDUN 'GRO BA DANG RKANG PA BRKYANG, ,YANG DAG NYID DU MI BYA'O, ,LAS NI GANG DAG BYED PA'AM, ,MNYAN PA LA SOGS 'DOD PA LA, ,GZUNG PHYIR THAL MO MA BSHIG PAR, ,GNAS NAS LANGS TE MTHONG YUL DU, ,RGYAB KYIS PHYOGS PAR MI BYA STE, ,MTSAN MO DANG NI CHU BRGAL DANG, ,GCONG RONG DAG TU GNAS GYUR NA, ,BKA' LUNG GNYER DU DGUM PA'I PHYIR, ,MDUN DU 'GRO BA NYES MI 'GYUR, ,DE BAS THABS NI THAMS CAD KYIS, ,RDO RJE 'DZIN PA BLA MA MCHOG ,RJES SU MTHUN PAS MNYES PAR BYA, ,DE MNYES SANGS RGYAS THAMS CAD MNYES, ,GANG GIS SLOB DPON YANG DAG SMAD, , DE YIS RGYUD KUN BSGRUB PA'I MCHOG ,GNYID DANG 'DU 'DZI RNAM SPANGS TE, ,BSKAL PA STONG DU LEGS BSGRUBS KYANG, ,DMYAL SOGS SGRUB PAR BYED PA'O, ,DE PHYIR KUN GYIS RAB BSGRIMS TE, , BSAM PA 'BRAS BU SMIN BYED PA'I, ,SANGS RGYAS 'BRAS BU 'DOD PA YIS, ,SEMS CAN DAD DANG LDAN PAS MCHOD, ,DPAL RDO RJE SNYING PO RGYAN GYI RGYUD LAS BLA MA BKUR BA'I LE'U STE BCU BZHI PA'O,, ,, RDO RJE PADMO SBYOR BA LAS, ,YANG DAG YE SHES SKYE 'GYUR BAS, ,SGYU MA'I MCHOG NI BUD MED DE, ,DE YI MING DANG MTSAN NYID BSTAN, ,HA STI NI DANG SHANGKI NI, ,KA MA LA DANG TZI TRA MA, ,THAMS CAD RIGS NI

450a

, ,BZHIR 'GYUR TE, ,HA STI RAKTA RO TSA BA, ,SBOM MO 'DOD CHAGS YANG DAG CHA, ,PAD YANGS KHA NAS SHA RUL BRO, ,DKAR 'CHANG MTHA' PHRA GO SBOM BYED, ,SHANGKI RAKTA RO SKYUR BA, ,RKED PHRA SNA LEGS CUNG ZAD KHRO, ,KHA NAS DUD BRO 'GROS DAL LEGS, ,DKAR 'CHANG DPAL GYI 'BRAS BU 'DRA, ,KA MA'I RAKTA'I RO MNGAR ZHING, ,SHANGKI RAKTA RO SKYUR BA, ,PHRA SBOM RAN PA DMAR MO STE, ,'DOD CHAGS MIG NI MI 'DZUMS LTA, ,DKAR 'CHANG AA RI SHA 'DRA BA, ,TZI TRA RAKTA RO MNGAR ZHING, ,THUN RUNG KHRO BAG DANG BCAS PA, ,CHAGS MIN LTA BYED NGO GANG PA, ,DKAR 'CHANG G-YAS G-YON DGYE BA STE, ,'DI RNAMS YANG DAG PHRAD GYUR NA, ,SGRUB PA PO LA TSE 'DI RU, ,DNGOS GRUB YANG DAG STER BA STE, ,DE BAS 'DI RNAMS 'BAD PAS BTZAL, ,YANG DAG RNYED NAS GANG RUNG DU; ;BA LANG BZA' NI MDA' YI NANG, ,BTUNG BAS SHEL KHAMS RNAM PAR 'PHEL, ,DE NI THABS KYIS STER BA YIS, ,YANG DAG TU NI RANG BZHIN BRTAG ,RANG BZHIN NAM MKHA' LTA BU STE, ,DNGOS PO THAMS CAD ZAD PA STE, ,RNAM PAR RTOG PA THAMS CAD DANG, ,BRAL BA'I DGA' BA YANG DAG ZAB, ,BSAM MED ZAD MED PHRA MO STE, ,DAM PA ZHI BA RNAM DAG PA, ,'CHI MED RDO RJE BDUD RTZI BRJOD,, GANG GI DBUS SU 'DAB BRGYAD PA, ,SNYING PO LNGA YIS YANG DAG BRGYAN, ,DE DBUS DE GNAS CHA NAS LNGA, ,CHA GNYIS PA NI BRGYAD MTHAR DBYUNG, ,SUM CU BCU PA LNGA YI NI, ,CHA GNYIS LNGA PA DRUG PA

450b

YI; ;THIG LE RU NI GZHUG PA STE, ,SKYES BU GANG GIS DE LA NI, ,MIG GI 'OD ZER GYIS BLTA BA, ,DE LA CI BZHIN GNAS PA YI, ,YE SHES SKYE BAR THE TSOM MED, ,NAM ZHIG 'GOG PA'I SEMS GYUR NA, ,SANGS RGYAS KUN GYI MCHOG 'DZIN PA, ,DPAL LDAN MKHA' 'GRO 'DRA BAR 'GYUR, ,DE RING PHAN CHAD BU KHYOD NI, ,DKYIL 'KHOR YANG DAG 'DRI BA DANG, ,SGRUB PO RGYUD LA SBYOR BA YI, ,SLOB DPON CHEN PO NYID DU 'GYUR,, 'DI NI SANGS RGYAS KUN GYIS KYANG, ,DBANG BSKUR BAR NI RAB BSNGAGS TE, ,THAMS CAD SNGAGS NI SGRUB 'GYUR TE, ,LAS MCHOG KHYAD PAR CAN YANG 'GRUB, ,BU MO 'DI NI KHYOD DANG MTHUN, ,SEMS CAN KHYOD KYIS 'DOD PA GYIS, ,YID DU 'ONG BA'I RIG MA 'DI, ,BDE GSHEGS KUN GYIS KHYOD SPYOD GNAS, ,STONG PA LA NI SEMS SBYOR NA, ,KHYOD NI YANG DAG DAM PAR 'GYUR, ,'DI NI BDE GSHEGS BDE MDZAD PA, ,KHYOD NI 'DI LAS RAB BYUNG NGO, ,DPAL RDO RJE SNYING PO RGYAN GYI RGYUD LAS DMIGS PA DANG BCAS PA'I SHES RAB KYI MTSAN NYID BRTAG PA'I LE'U STE BCO LNGA PA'O,, ,,DE NAS YANG NI BSHAD BYA BA, ,DNGOS KUN CHO GA SHES MED NA, ,SGRUB PO DNGOS GRUB 'BYUNG MI 'GYUR, ,DE PHYIR 'DIR NI BRTUL ZHUGS BSTAN, ,SBYOR BA'I RTZOL BA THAMS CAD NI, ,DE NYID RIG PAS SPANG BAR BYA, ,RDO RJE SEMS DANG NGES 'DUG PA, ,SPANGS NAS GZHAN DU MI BYA'O, ,DAG PA DE NYID LA GNAS PAS, ,SBYOR BA RNAMS KYANG MI BYA STE, ,BDAG MED GNAS PA'I SBYOR BA YIS, ,CI SRID BAR DU SO SOR BRTAG ,DNGOS

451a

, ,MED GO 'PHANG LA GNAS DANG, ,THABS BZANG DAG DANG LDAN PA YIS, ,RGYUD LAS GANG CI 'BYUNG BA RNAMS, ,MA BRTAGS PAS NI 'BYUNG BAR 'GYUR, ,SGOM PA'I SBYOR BA'I STOBS KYIS NI, ,DNGOS GRUB MTSAN NYID GANG YANG RUNG, ,DE KUN SKAD CIG TZAM LA NI, ,RANG NYID GNAS PAR GYUR PA YIN, ,DE BAS DGE SLONG DNGOS GNAS DANG, ,DE BZHIN RTOG GE RGAN PO DANG, RANG GI BU DANG RGYAL PO LA, ,DE NYID YANG DAG BSHAD MI BYA, ,JI LTAR MAR ME BUM NANG GNAS, ,PHA ROL DU NI 'OD MI GSAL, ,BUM PA DE NYID CHAG GYUR NA, ,DE 'OG MAR ME GSAL BAR 'GYUR, ,DE BZHIN RANG LUS BUM PA NYID, ,BLA MA'I KHA YIS LEGS BCAG NAS, ,DE NYID MAR ME NYID LTA BU, ,SBYOR BA'I DE NYID STON PA YIN, ,SBYOR BA DE NYID LA GNAS NA, ,GANG TSE BSTAN PA MI RTAG LA, ,GNAS SHING 'JIG RTEN PA SPANGS TE, ,SPYOD PA THAMS CAD BYAS NA NI, ,DE LA DE TSE SANGS RGYAS GZIGS, ,KUN TU THE TSOM GCOD PA YIS, ,RIG PAS BYIS PA BZHIN DU SPYAD, ,GANG TSE CHAGS MED RNAL 'BYOR PA, ,DE TSE PHUN SUM TSOGS 'PHEL 'GYUR, ,SDIG PA MA LUS LDAN PA DANG, ,GTI MUG SGRIB PA RAB GNAS PA, ,SMYON PA'I RNAL 'BYOR SBYOR BA YIS, ,ZLA DRUG GIS NI DON YOD GRUB, ,RANG NYID SANGS RGYAS KUN MTHONG ZHING, ,'DOD PA KUN GYIS RAB TU 'GENGS, ,ZAD MED GZHOM DU MED PA DANG, ,DANG BA'I SKU TSA 'BYUNG BAR 'GYUR, ,BLA NA MED PA'I BYANG CHUB MCHOG ,'BAD PA MED

451b

PAR YANG DAG 'THOB, ,'DOD PA KUN GYI DGA' MOS RNAMS, ,'BAD BRAL BAS NI 'GRUB PAR 'GYUR, ,'GRO DANG 'DUG DANG GNAS PA NA, ,MCHOG TU ZAB PA'I GNAS LA BRTAG ,'OD GSAL YE SHES LAM MKHAN PA, ,MTSAN NYID RTOG PA'I RNAL 'BYOR PA'I, ,BSAM GTAN SBYOR BA 'DI YIS NI, ,SEMS KYI RIN CHEN BRTAN PAR 'GYUR, ,SANGS RGYAS BYANG CHUB RAB ZHUGS PA, ,BYIN GYIS BRLAB PA'ANG MDZAD PAR 'GYUR, ,DE LTAR GYUR PAS ZHUGS NAS KYANG, ,JI SRID SEMS NI MI SKYO BAR, ,MNYAM BZHAG YID NI BZANG PO YIS, ,DE LA 'BAD PAS BSGOM PAR BYA, ,DE 'OG LA NI CI DGA' BA'I, ,SPYAD PA YIS NI GCIG BYAS NA, ,CUNG ZAD SPYAN PHYE BA YI MTSAN, ,BYANG CHUB RGYA CHEN 'THOB PAR 'GYUR, ,DGOD DAM SMRA'AM 'DUG PA'AM, ,LA LAR RAB TU GAR BYED PAR, ,JI SRID SKYO BAR MI 'GYUR BAR, ,BSGOM PA'I SEMS LA ZHEN PAR BYA, ,DE LTA'I DAM TSIG LDAN GYUR CIG ,RNAM PAR MI RTOG SNGAGS PA YIS, ,DUS KYI NGES PAS YONGS SPANGS NAS, ,BLA MED BYANG CHUB 'THOB PAR 'GYUR, ,DPAL RDO RJE SNYING PO RGYAN GYI RGYUD LAS SHES BYED KUN TU SPYOD PA'I LE'U SNYE BCU DRUG PA'O,, ,,DE NAS MKHA' 'GRO DE DAG THAMS CAD GCIG TU 'DUS NAS BCOM LDAN 'DAS RDO RJE 'DZIN PA LA TSIGS SU BCAD PAS BSTOD PA, SANGS RGYAS KUN GYI RANG BZHIN LAS, ,BYUNG BA'I LHA STE KHYOD MCHOG PAS, ,SEMS DPA' KUN GYI PHYAG RGYA CHE, ,MKHA' 'GRO CHEN PO PHYAG 'TSAL LO, ,GTI MUG

452a

, ,THAMS CAD 'OD GSAL BA, ,MKHA' 'GRO SANGS RGYAS CHEN PO STE, ,GZUGS SNANG CHOS NI RNAM DAG PA, ,BDE GSHEGS MKHA' 'GRO KHYOD PHYAG 'TSAL, ,NGA RGYAL THAMS CAD 'OD GSAL BA, ,MKHA' 'GRO RE 'DOD SKONG BA STE, ,THIM SOGS CHOS NI RNAM DAG PA, ,RIN CHEN MKHA' 'GRO KHYOD PHYAG 'TSAL, ,'DOD CHAGS THAMS CAD 'OD GSAL BA, ,SKYON GYIS GOS MED MKHA' 'GRO CHE, ,MTSAN MAR 'DZIN PA RNAM DAG PA, ,PADMA MKHA' 'GRO KHYOD PHYAG 'TSAL, ,PHRAG DOG CHOS NI 'OD GSAL BA, ,MKHA' 'GRO SNA TSOGS LAS BYED PA, ,MNGON PAR 'DU BYED CHOS KUN DAG ;SNA TSOGS MKHA' 'GRO PHYAG 'TSAL BSTOD, ,MTSAN MCHOG 'DI YIS KHYOD BSTOD PAS, ,GANG ZAG DE YANG BSOD NAMS TSOGS, ,YE SHES TSOGS CHEN YONGS RDZOGS NAS; ;SANGS RGYAS 'GYUR BAR THE TSOM MED, ,DE NAS BCOM LDAN 'DAS RDO RJE 'DZIN PA CHEN POS KUN TU BZANG PO'I BDE BA CHEN PO NAM MKHA'I DBYINGS THAMS CAD DU KHYAB PA'I BDAG NYID CHEN POS, DE BZHIN GSHEGS PA THAMS CAD KYI SNYING PO MI SHIGS PA'I ZLA BA SKUL BAR BYED PA ZHES BYA BA'I TING NGE 'DZIN LA SNYOMS PAR ZHUGS TE, RANG GI THUGS KA'I MI SHIGS PA'I THIG LE LAS SHIN TU DGYES PA CHEN PO ZHES BYA BA'I 'OD ZER GYI TSOGS PHYUNG STE, DE BZHIN GSHEGS PA THAMS CAD KYI GSANG BA'I SNYING PO ZLA BA'I THIG LE'I DBUS SU RGYAS PAR BYAS TE, NAM MKHA'I

452b

DBYINGS THAMS CAD DU YANG SNANG BAR BYAS NAS STENG 'OG TU YANG BZHUGS TE, MA LUS SHING LUS PA MED PA'I RI DANG SEMS CAN THAMS CAD LA GSAL BAR BYAS NAS SHIN TU DGYES PA CHEN PO [?] MNYES PAR BYAS TE SLAR LOG NAS BCOM LDAN 'DAS SHIN TU DGYES PA CHEN PO'I BDE BA'I BDAG PO'I SNYING PO'I MCHOG GI ZLA BA'I THIG LE'I DBUS NA BDE BAR ZHUGS SO, ,DE NAS BCOM LDAN 'DAS DE BZHIN GSHEGS PA THAMS CAD 'OD ZER GYI TSOGS KYI PHRENG BA MCHOG TU BDE BAR GYUR PA'I SNYING PO DES BSKUL BA NA GAR MDZAD CING RANG RANG GI TING NGE 'DZIN DU DMIGS NAS BCOM LDAN 'DAS DPAL KUN TU BZANG PO'I THUGS KA'I ZLA BA'I THIG LE'I DBUS SU GSANG BA'I DGYES PA CHEN PO'I BDE BAR GCIG TU BSDUS PAR GYUR TE, RANG RANG GI SKU BUD MED KYI TSUL DU BSKYED NAS BCOM LDAN 'DAS KYI THUGS KA NAS MNGON PAR BYUNG BAR GYUR TO, ,DE NAS MKHA' 'GRO'I TSOGS DE DAG THAMS CAD RAB TU DGA' NAS CA CO'I SGRA YANG DAG PAR 'BYIN CING DBYANGS CHEN PO BRJOD PAR GYUR TO, ,KYE MA'O RDO RJE SEMS DPA' YI, ,RDO RJE SHIN TU DGYES CHEN PO, ,KYE MA'O SNA TSOGS THABS NI BDE BYED CHE, ,SNA TSOGS YE SHES BDE BA CHE, ,KYE MA'O KUN TU BZANG PO YI, ,DGE BA'I YE SHES BDE BYED CHE, , GANG BDE'I PHYIR NI RIG MA YI, ,PADMA LA NI GNAS PAR MDZOD, ,KYE MA'O REG PA SHIN TU ZAB, ,SHES RAB PHA ROL PHYIN MA 'DI, ,SEMS CAN KUN LA SHES RAB KYI, ,MUN PA THIBS PO SEL BAR MDZAD,,

453a

, ,KYE MA'O THAMS CAD NGO MTSAR CHE, ,MKHA' 'GRO 'DRA BAR GAR MDZAD CING, ,RNAM PAR SNANG MDZAD MYANG BA DANG, ,MNYE BA DANG NI 'PHROG PA MCHOG ,KYE MA'O SHIN TU RAB TU DGYES, ,SKAL LDAN SKAL SPYOD PA DANG NI, ,SNA TSOGS SKAL BAS BDE BYED CHE, ,SNA TSOGS RDO RJE SHIN TU MDZES, ,DE NAS DE BZHIN GSHEGS PA THAMS CAD KYI BDAG PO RDO RJE 'CHANG CHEN POS TING NGE 'DZIN LAS BZHENGS TE 'KHOR GYI DKYIL 'KHOR LA RNAM PAR BLTAS TE 'DI SKAD CES BKA' STZAL TO, ,A'A LI DANG NI K'A LI DANG, ,DE BYUNG ZLA BA RNAM PA GNYIS, ,ME LONG LTA BU'I YE SHES TE, ,GCIG TU GYUR PA MNYAM NYID DO, ,SA BON MTSAN MAR GYUR PA NI, ,SO SOR RTOG PAR NGAS BSHAD DO, ,DE BYUNG SANGS RGYAS THAMS CAD KYIS, ,'GRO DON BYED PA BYA NAN TAN, , GZUGS BRNYAN RDZOGS PA CHOS DBYINGS TE, ,LHA YI DBANG PO SANGS RGYAS BSKYED, ,DE LA BAR MAS KHU BAS BSKYED, ,BSKUR BAS RANG GI LHAR BSKYED NAS, ,BYIN GYIS BRLAB PA BYA BA NI, ,RGYUD RNAMS KYI NI THUN MONG NGO, ,GSANG DANG GSANG CHEN SHIN TU GSANG, ,RNAL 'BYOR RNAL 'BYOR CHEN PO DANG, ,RJES SU RNAL 'BYOR ZHES BYA DANG, ,STONG BA DANG NI SHIN TU STONG, ,CHEN PO STONG PA ZHES BYA DANG, ,DGA' DANG DGA' BA BAR MA DANG, ,DGA' BRAL GYI NI DGA' BA RNAMS, ,RGYUD RNAMS KUN GYI SPYI BO'O, ,PHYIR BZLOG GNYIS KYI CHO GA DANG, ,GSANG DANG SHES RAB YE SHES DANG, ,

453b

KHA SBYOR 'BYED PA'I CHO GA DANG, ,GTOR MA RDO RJE'I BZLAS PA DANG, ,DRAG SHUL SGRUB PA'I CHO GA DANG, ,RAB TU GNAS DANG DKYIL 'KHOR SGRUB, ,GSANG BA'I DE NYID BCU YIN NA, ,DKYIL 'KHOR TING 'DZIN PHYAG RGYA DANG, ,STANG STABS 'DUG STANGS BZLAS BRJOD DANG, ,SBYIN SREG MCHOD PA LAS SBYOR DANG, ,SLAR SDUD PA YI RNAM PA NI, ,PHYI YI DE NYID BCU YIN NO, ,YANG DAG DE NYID DNGOS PO MI SHES PAR; ;GSANG SNGAGS SMRA BA PO YIN ZHES BRJOD PA, ,DE DAG MNGON PA'I NGA RGYAL GSANG SNGAGS CHO GA 'CHAD, ,DE NI DAM NYAMS 'DI DANG PHA ROL BRLAG ,NYAMS PAS BDUD KYIS BZUNG NAS SHI NAS DMYAL BAR 'GRO, ,SEMS CAN RNAMS LA RAB BRTEN TO, ,BYANG CHUB DAM PA THOB 'GYUR BA, ,SEMS CAN SLU BAR MI BYA STE, ,BDE GSHEGS LAS LA SEMS CAN SBYAR, ,GANG ZHIG SBYOR 'DI MI BRTZON PAS, ,RKANG LAG MIG SOGS SBYIN PA DANG, ,DKA' THUB CI 'DRA SPYAD BYAS KYANG, ,BDUD RTZI RO THOB MI NUS SO, ,RNAL 'BYOR GCIG CIG SHES BYAS NAS, ,DBEN PAR SONG STE RAB 'BAD NA, ,SDIG DAG TSE 'DIR SANGS RGYAS 'GRUB, ,CHOS BDAG MED PAR RAB BSGOMS PAS, ,THAMS CAD MKHYEN PA KHONG DU CHUD, ,THABS SHES GNYIS KYI 'JO SGEG GIS, ,GSANG BA LNGA YI BDAG NYID MCHOD, ,DNGOS PO THAMS CAD DNGOS MED PAR, ,BZHI BCU'I DON NI RTOGS PA DANG, ,RDO RJE PADMA'I DBANG BSKUR BAS, ,BDUD RTZI YIS NI DGA' BAR BYED, ,GSANG BAR BYA BA'I CHOS

454a

, ,GSANG BAS, ,GSANG ZHING SBAS TE SPYAD PAR BYA, ,'DOD PA'I YON TAN LNGA LAS NI, ,RNAL 'BYOR SEMS PAS SPYAD BYA ZHING, ,DE BZHIN BZA' DANG BTUNG BYAS NAS; ;SEMS CAN THAMS CAD DBANG DU BYED, ,'DI LA KHRUS DANG GTZANG SBRA MED DE MCHOD PHYIR THOGS PA'ANG MED, ,DKYIL 'KHOR SBYIN SREG MED DE DUS DANG GZA' TSES MED, ,GTOR MA LA SOGS BYA BAR BYA BA MED DE MCHOG GI RAB MCHOG DANG PO'O,, ,,RDO RJE SEMS DPA'I SGRUB PA YANG DAG 'DI NYID YIN TE BRTZON BAR BYA, DE NAS MKHA' 'GRO DE DAG THAMS CAD RAB TU DGA' NAS, BCOM LDAN 'DAS RDO RJE 'DZIN PA CHEN PO LA LEGS SO ZHES GSOL TE, LEGS SO LEGS SO BDE BYED CHE, ,LEGS SO LEGS SO YE SHES CHE, ,LEGS SO LEGS SO BDE BA CHE,, LEGS SO LEGS SO SNA TSOGS CHE, ,LEGS SO LEGS SO SHES RAB CHE, ,LEGS SO LEGS SO DGYES PA CHE, ,DE NAS BCOM LDAN 'DAS RDO RJE 'DZIN BA CHEN POS, THUGS RJE CHEN PO'I THUGS RANG GI THUGS YANG DAG PA LA DMIGS NAS CANG MI GSUNG BAR BZHUGS SO, ,DPAL RDO RJE SNYING PO RGYAN GYI RGYUD RNAL 'BYOR CHEN PO'I DE KHO NA NYID NGES PA ZHES BYA BA, DPAL AOO dY'AN GYI GSANG BA'I DGON PA NAS BYUNG BA RDZOGS SO,, ,,RGYA GAR GYI MKHAN PO KA MA LA GUPTA DANG, BOD KYI LOTZTSA BA CHEN PO MNGA' BDAG LHA YE SHES RGYAL MTSAN GYIS

454b

BSGYUR CING ZHUS TE GTAN LA PHAB PA,, ,,