DKON MCHOG GSUM LA PHYAG 'TSAL LO, ,'JIG RTEN 'DI'AM GANG DAG 'DAS PA DANG, ,MTHO RIS DAG NA RIN CHEN MCHOG YOD PA, ,DE BZHIN GSHEGS PA LHA YI LHAR GYUR BA, ,MI YI MCHOG DANG 'DIR NI MTSUNGS PA MED, ,DE BAS 'DIR NI RIN CHEN MCHOG TU GSUNGS, ,BDEN PA DE YIS 'DIR NI DGE BAR SHOG ,ZAD PA CHAGS BRAL BDUD RTZI 'DUS MA BYAS, ,SHES PAS SH'AKYA THUB DES RAB TU PHYE, ,BDUD RTZI ZHI BA 'DUS BYAS MA YIN PA, ,CHOS DE DANG NI MTSUNGS PA GANG YANG MED, ,DE BAS 'DIS NI RIN CHEN MCHOG TU GSUNGS, ,BDEN PA DE YIS 'DIR NI DGE BAR SHOG ,MCHOG TU GANG 'DOD TSUL BZHIN RAB BSTAN PA, ,STON PA'I RNAL 'BYOR BLA MED RTAG SGRUB PA, ,RDO RJE LTA BU'I MIG GNYIS LAM MTHONG BA, ,TING 'DZIN DE DANG MNYAM PA YOD MA YIN, ,DE BAS 'DI NI RIN CHEN MCHOG TU GSUNGS, ,BDEN PA DE YIS 'DIR NI DGE BAR SHOG ,GANG ZAG CHEN PO BRGYAD PO RAB BSNGAGS SHING, ,GANG ZAG ZUNG BZHIR BRJOD PA DE DAG NI, ,DANG SONG CHEN PO GANG ZAG MTSUNGS MED PA, ,BDE BAR GSHEGS PAS SBYIN PA'I GNAS ZHES GSUNGS, ,DE LA BYIN NA 'BRAS BU CHER 'GYUR TE, ,ZHING RAB GSHIN
LA SA BON BTAB PA BZHIN, ,'DI NI DGE 'DUN RIN CHEN MCHOG TU GSUNGS, ,BDEN PA DE YIS 'DIR NI DGE BAR SHOG ,GANG DAG BSTAN PA'I YID KYIS RAB BRTZON ZHING, ,GO TA MA YI BSTAN LA 'JUG BYED PA, ,DE DAG THOB NAS BDUD RTZI 'JUG THOB STE, ,MUN PA BSAL NAS MYA NGAN 'DAS THOB PA, ,DE BAS DGE 'DUN RIN CHEN MCHOG TU GSUNGS, ,BDEN PA DE YIS 'DIR NI DGE BAR SHOG ,LTA BA 'DI LA SBYAR MA THAG TU NI, ,'JIG TSOGS LTA DANG TSUL KHRIMS BRTUL ZHUGS DANG, ,THE TSOM DANG NI NYON MONGS GSUM PO DAG ,GCIG CHAR SPANGS TE 'PHAGS PA'I BDEN MTHONG BA, ,DES NA DGE 'DUN RIN CHEN MCHOG TU GSUNGS, ,BDEN PA DE YIS 'DIR NI DGE BAR SHOG ,LUS SAM NGAG GAM 'ON TE YID KYIS KYANG, ,SDIG PA RNAM GSUM NAM YANG MI BYED CING, ,GLO BUR BYAS NA'ANG 'CHANG PAR MI BYED PA, ,DE LTAR DE DAG LTA BAS 'DZIN MI BYED, ,DE BAS DGE 'DUN RIN CHEN MCHOG TU GSUNGS, ,BDEN PA DE YIS 'DIR NI DGE BAR SHOG , CI LTANG DBANG PO'I SDONG PO SAR BTZUGS PA, ,PHYOGS BZHI'I RLUNG RNAMS KYIS NI MI G-YO LTAR, ,'PHAGS PA'I LAM GYI DAM PA MTHONG BA YI, ,GANG ZAG 'PHAGS PA'I DGE 'DUN DE BZHIN NO; ;DES NA DGE 'DUN RIN CHEN MCHOG TU GSUNGS, ,BDEN PA DE YIS 'DIR NI DGE BAR SHOG ,SHES RAB ZAB MOS SHIN TU BSTAN PA YI, ,'PHAGS PA'I BDEN PA SU DAG RNAM SGOM
, ,ZHING, ,LUS KYANG SBYIN PAR YID LA BYAS PA NI, ,DE DAG 'JIGS PA BRGYAD DANG PHRAD MI 'GYUR, ,DES NA DGE 'DUN RIN CHEN MCHOG TU GSUNGS, , BDEN PA DE YIS 'DIR NI DGE BAR SHOG ,CI LTAR ME NI RLUNG GI RAB GTOR BA, ,LAG TU BLANGS TE BGRANG DU MED PA NYID, ,DE LTAR KUN TU SBYOR BA RAB BTANG BA, ,SANGS RGYAS SRAS RNAMS BSTAN DU MED PAR 'GRO ,DES NA DGE 'DUN RIN CHEN MCHOG TU GSUNGS, ,BDEN BA DE YIS 'DIR NI DGE BAR SHOG ,SEMS CAN GANG DAG 'GRO DANG MI 'GRO BA, ,DE DAG THAMS CAD 'DIR NI BDER GYUR CIG ,STON MCHOG LHA DANG MIS NI MCHOD 'OS PA, ,SANGS RGYAS PHYAG 'TSAL DENG 'DIR DGE BAR SHOG ,SEMS CAN GANG DAG 'GRO DANG MI 'GRO BA, ,DE DAG THAMS CAD 'DIR NI BDER GYUR CIG ,ZHI BA CHAGS BRAL LHA MIS MCHOD 'OS PA, ,CHOS LA PHYAG 'TSAL DENG 'DIR DGE BAR SHOG ,SEMS CAN GANG DAG 'GRO DANG MI 'GRO BA, ,DE DAG THAMS CAD 'DIR NI BDER GYUR CIG ,TSOGS KYI DAM PA LHA MIS MCHOD 'OS PA, ,DGE 'DUN PHYAG 'TSAL DENG 'DIR DGE BAR SHOG ,'BYUNG PO GANG DAG 'DIR NI LHAGS GYUR TE, ,SA 'AM 'ON TE BAR SNANG 'KHOD PA DAG ,SKYES DGU RNAMS LA RTAG TU BYAMS BYED SHOG ,NYIN DANG MTSAN DU CHOS KYANG SPYOD PAR SHOG ,'DI NI RGYAL BA DGRA RGYAL BDEN GANG GIS,,
SHIN TU BDEN PA GSUNG ZHING BRDZUN MED PA, ,BDEN PA DE YIS 'DIR NI DGE BAR SHOG ,DE KUN 'JIGS PA CHE LAS THAR GYUR CIG ,SANGS RGYAS KUN GYI GZI BRJID DANG, ,RAB RGYAL DAG GI GZI BRJID DANG, ,DGRA BCOM DAG GI MTHU DAG DANG, ,GSANG SNGAGS 'DZIN PA THAMS CAD DANG, ,SH'A RI'I BU YI SHES RAB DANG, ,MOONG+GAL BU YI RDZU 'PHRUL DANG, ,MA 'GAGS PA YI MIG DANG NI, ,'OD SRUNG SBYANGS PA'I YON TAN DANG, ,KOOndA'IN+YA'I SNGAR THOB DANG, ,KUN DGA' BO YI THOS PA DANG, ,TSANGS PA YI NI BYAMS PA DANG, ,BRGYA BYIN GYI NI DBANG RNAMS DANG, ,'JIG CRTEN SKYONG BA'I YUL RNAMS DANG, ,DBANG PHYUG CHEN PO'I STOBS DAG DANG, ,SDE DPON RNAMS KYI MTHU DAG DANG, ,'PHROG MA'I GZI BRJID RDZU 'PHRUL DANG, ,DE DAG RNAMS KYI MTHU DANG GZIS,, BDAG GI DUG NI DUG MED SHOG ,STONG CHEN MO RAB TU 'JOMS PA LAS GSUNGS PA'I SMON LAM RDZOGS SO,, ,