'PHAGS PA SPYAN RAS GZIGS DBANG PHYUG YID BZHIN GYI NOR BU'I RTOG PA LAS SMON LAM 'BYUNG BA, DE BZHIN GSHEGS PA
DGRA BCOM PA YANG DAG PAR RDZOGS PA'I SANGS RGYAS 'OD DPAG MED LA PHYAG 'TSAL LO, ,DKON MCHOG GSUM LA PHYAG 'TSAL LO, ,'PHAGS PA SPYAN RAS GZIGS DBANG PHYUG LA PHYAG 'TSAL LO, ,BYANG CHUB SEMS DPA' SEMS DPA' CHEN PO THUGS RJE CHEN PO DANG LDAN PA MTHU CHEN THOB PA LA PHYAG 'TSAL LO, ,BTZUN PA SPYAN RAS GZIGS DBANG PHYUG THUGS RJE CHEN PO DANG LDAN PA DGONGS SU GSOL, 'PHAGS PA THUGS RJE'I DBANG PHYUG BDAG GIS RJES SU DRAN PA DANG, MTSAN NAS BRJOD PAS BDAG DANG, SEMS CAN THAMS CAD KYI SDUG BSNGAL MI BZAD PA THAMS CAD ZHI ZHING RGYUN CHAD PAR GYUR CIG ,BTZUN PA SPYAN RAS GZIGS DBANG PHYUG THUGS RJE CHEN PO DANG LDAN PA LA PHYAG 'TSAL LO, ,'PHAGS PA THUGS RJE'I DBANG PHYUG BDAG GIS RJES SU DRAN PA DANG, MTSAN NAS BRJOD PAS BDAG DANG, SEMS CAN THAMS CAD KYI 'JIGS PA DANG, GNOD PA DANG, PHYIR RGOL BA THAMS CAD RGYUN CHAD PAR GYUR CIG ,BTZUN PA SPYAN RAS GZIGS DBANG PHYUG THUGS RJE CHEN PO LDAN PA LA PHYAG 'TSAL LO, ,'PHAGS PA THUGS RJE'I DBANG PHYUG BDAG GIS RJES SU DRAN PA DANG, MTSAN NAS BRJOD PAS BDAG DANG, SEMS CAN THAMS CAD KYI LAS DANG, NYON MONGS PA THAMS CAD DANG, MI DGE BA'I CHOS DANG, BDUD KYI LAS SKYES PA THAMS CAD BYANG ZHING GROL BAR GYUR CIG ,BTZUN PA SPYAN RAS GZIGS DBANG PHYUG THUGS
, ,RJE CHEN PO DANG LDAN PA LA PHYAG 'TSAL LO, ,'PHAGS PA THUGS RJE'I DBANG PHYUG BDAG GIS RJES SU DRAN PA DANG, MTSAN NAS BRJOD PAS BDAG DANG, SEMS CAN THAMS CAD KYIS BTZUN PA SPYAN RAS GZIGS DBANG PHYUG ZHAL RTAG TU MTHONG ZHING SMON LAM JI SKAD BSTAN PA THAMS CAD KYANG MYUR DU THOB PAR GYUR CIG ,BTZUN PA SPYAN RAS GZIGS DBANG PHYUG THUGS RJE CHEN PO DANG LDAN PA LA PHYAG 'TSAL LO, ,'PHAGS PA SPYAN RAS GZIGS THUGS RJE'I DBANG PHYUG BDAG GIS RJES SU DRAN PA DANG, MTSAN NAS BRJOD PAS BDAG DANG, SEMS CAN THAMS CAD 'PHAGS PA GANG DAG ZHAL MNGON SUM DU LTA ZHING DAM PA MCHOG GSOL BA THAMS CAD KYANG DE BZHIN DU GRUB PAR GYUR CIG ,BTZUN PA SPYAN RAS GZIGS DBANG PHYUG THUGS RJE CHEN PO DANG LDAN PA LA PHYAG 'TSAL LO, ,'PHAGS PA THUGS RJE'I DBANG PHYUG BDAG GIS RJES SU DRAN PA DANG, MTSAN NAS BRJOD PAS BDAG DANG, SEMS CAN THAMS CAD KYI 'JIG RTEN DAG NA PHONGS SHING NYAMS THAG PA THAMS CAD LA PHAN PA DANG, BDE BAR BGYID PA LA MTHU CHEN PO THOB PAR GYUR CIG ,BTZUN PA SPYAN RAS GZIGS DBANG PHYUG THUGS RJE CHEN PO DANG LDAN PA LA PHYAG 'TSAL LO, ,'PHAGS PA THUGS RJE'I DBANG PHYUG BDAG GIS RJES SU DRAN PA DANG, MTSAN NAS BRJOD PAS 'JIG RTEN
DAG NA MU GE'I DGON PA CHEN PO DANG, ME DANG, CHU DANG, RLUNG LA SOGS PA'I GNOD PA GANG BYUNG BAS SKYE BO MANG PO NYAMS THAG PA DE DAG ZHI BA DANG, MA MCHIS PAR BGYID PAR GYUR CIG , BTZUN PA SPYAN RAS GZIGS DBANG PHYUG THUGS RJE CHEN PO DANG LDAN PA LA PHYAG 'TSAL LO, ,'PHAGS PA THUGS RJE'I DBANG PHYUG BDAG GIS RJES SU DRAN PA DANG, MTSAN NAS BRJOD PAS BDAG DANG, SEMS CAN GANG DAG 'JIG RTEN 'DI NAS PHA ROL TU 'CHI 'PHO BA'I 'JIG RTEN CHEN PO NYE BAR GNAS PA NA'ANG 'PHAGS PA THUGS RJE'I DBANG PHYUG KHYOD ZHAL MNGON SUM DU MTHONG ZHING DBUGS 'BYIN PA CHEN PO MDZAD PAR GYUR CIG ,BDAG DANG, SEMS CAN GZHAN 'CHI 'PHO BA DAG GIS KYANG NYON MONGS PA DAG GIS MA SPROS PA, CHOS BDAG MED PA DRAN PA DANG LDAN PA, BYANG CHUB KYI SEMS TSAD MED PAR BRTAN PA, SEMS MA ZHUM PA, SPOBS PA THOGS PA MED PA DANG LDAN ZHING SDUG BSNGAL GYI TSOR BA THAMS CAD NYE BAR ZHI ZHING DRAN PA NYE BAR GZHAG BZHIN DU 'CHI 'PHO BAR GYUR CIG ,TSE RABS THAMS CAD DU'ANG 'PHAGS PA SPYAN RAS GZIGS DBANG PHYUG GI ZHABS DRUNG DU SKYE ZHING TSE RABS RJES SU DRAN PA DANG, BYANG CHUB KYI SEMS PHUN SUM TSOGS PA DANG LDAN PAS 'PHAGS PA THUGS RJE'I DBANG PHYUG LAS SOGS PA MNYES PAR BGYID CING JI SKAD BSTAN PA BZHIN DU GRUB PA'I MTHU DANG LDAN PAR GYUR CIG,
, ,JI LTAR THUGS RJE'I DBANG PHYUG DES THUGS RJE CHEN PO'I RNAM PAR THAR BA'I SGO LHUN GYIS GRUB PA DANG, SANGS RGYAS THAMS CAD KYI THUGS RJE DANG RO GCIG PAR GYUR CIG ,JI LTAR THUGS RJE'I DBANG PHYUG GIS SEMS CAN YONGS SU SMIN PAR MDZAD PA DANG, SANGS RGYAS KYI ZHING YONGS SU DAG PA DANG, SANGS RGYAS KYI CHOS THAMS CAD YONGS SU RDZOGS PAR 'GYUR BA DE BZHIN DU BDAG DANG, SEMS CAN THAMS CAD KYIS KYANG SEMS CAN THAMS CAD YONGS SU SMIN PAR BGYID PA DANG, SANGS RGYAS KYI ZHING THAMS CAD YONGS SU DAG PA DANG, SANGS RGYAS KYI ZHING GI CHOS THAMS CAD YONGS SU RDZOGS PAR BGYID PAR GYUR CIG ,JI LTAR DUS GSUM GYI SANGS RGYAS DANG, BYANG CHUB SEMS DPA' THAMS CAD KYIS THUGS RJE'I BDAG NYID 'PHAGS PA SPYAN RAS GZIGS DBANG PHYUG RJES SU DRAN PA DANG, MTSAN NAS BRJOD PAS DUS GSUM GYI RGYAL BA SRAS DANG BCAS PA THAMS CAD KYI MTSAN NAS BRJOD CING BSNYEN BKUR BGYIS PAR GYUR CIG ,JI LTAR DUS GSUM GYI RGYAL BA SRAS DANG BCAS PA THAMS CAD KYIS THUGS RJE'I RANG BZHIN 'PHAGS PA SPYAN RAS GZIGS DBANG PHYUG DE RJES SU DRAN PA DANG, MTSAN NAS BRJOD CING MCHOD PA BGYIS PAS THUGS RJE CHEN PO'I YUL DU GYUR PA SEMS CAN THAMS
CAD LA'ANG SNYING RJE CHEN PO'I THABS KYI SBYOR BA RGYUN MI CHAD PAR 'BYUNG BAR GYUR CIG ,JI SRID BDAG NI 'KHOR BA'I TSE, ,DE SNYED BDAG NI LUS SKYES PAR, ,DE SRID MGON PO MCHOD BGYID CING, DE SNYED LUS SBYOR TSOGS BGYID SHOG ,JI SRID BDAG NI 'KHOR BA'I TSE, ,JI SKAD BDAG GIS NGAG SKYES PAR, ,DE SRID MGON PO MTSAN BRJOD CING, ,NGAG GI SBYOR BA TSOGS BGYID SHOG ,JI SRID BDAG NI 'KHOR BA NA, ,DE SNYED BDAG GI YID 'BYUNG BA, ,DE SNYED MGON PO RJES DRAN ZHING, ,YID SBYOR TSOGS PAR BGYID GYUR CIG ,DE LTAR LUS DANG NGAG YID KYIS, ,THUGS RJE'I DBANG PHYUG RTEN BGYIS PAS, ,LUS DANG NGAG YID SKYON BRAL ZHING, ,YON TAN PHUN SUM TSOGS GYUR CIG ,DE LTAR LUS NGAG YID KYIS SU, ,THUGS RJE'I DBANG PHYUG SKU GSUNG THUGS, ,RTAG TU SBYOR BAR BGYIS PAS NA, ,THUGS RJE'I DBANG PHYUG SPYAN RAS GZIGS, ,SRID GSUM RE BA'I GNAS GCIG BO, ,YON TAN BSAM GYIS MI KHYAB PA, ,DE 'DRAR BDAG KYANG GRUB GYUR TE, ,SRID GSUM RE RDZOGS BGYID GYUR CIG ,NA MO RATNA TRA Y'A YA, NA MA A'ARYA AA BA LO KI TE SHVA R'A YA, BO DHI SATV'A YA, MAH'A SATV'A YA, MAH'A KA RU NI KA YA, AOm TZAKRA BARTI, TZINT'A MA nI MAH'A PADMA RU RU TIsh'A; DZVA LA AA KARshA YA H'Um PHAt SV'AH'A, RTZA BA'I SNGAGS RDZOGS SO,, ,,AOm PADME TZINT'A MA nI DZVA LA H'Um, SNYING PO'O, ,AOm BHA RA TA PADME H'Um, NYE BA'I SNYING PO'O, ,AOm MA nI BADZRE nI H'Um,
, ,GSANG BA'I SNYING PO'O, ,SNGAGS SNYING BZHI 'BYUNG BA DANG, SMON LAM DANG, TSIGS SU BCAD PA DANG, SNGAGS SU BCAD PA RDZOGS SO,, ,,