DKYIL 'KHOR THAMS CAD KYI SPYI'I CHO GA GSANG BA'I RGYUD (SARBA MAndAL S'A M'A N+YA BI DHI NA GU HYA TANTRA)

RGYA GAR SKAD DU, SARBA MAndAL S'A M'A N+YA BI DHI NA GU HYA TANTRA, BOD SKAD DU, DKYIL 'KHOR THAMS CAD KYI SPYI'I CHO GA GSANG BA'I RGYUD, THAMS CAD MKHYEN PA LA PHYAG 'TSAL LO, ,DE NAS GZHAN YANG GSANG PA'I RGYUD, ,DKYIL 'KHOR DAG NI THAMS CAD KYI, ,SPYI YI CHO GA RGYAS PA DAG ,MDOR BSDUS RAB TU BSHAD PAR BYA, ,GZHAN

GYIS MI THUB LA SOGS GANG, ,DE BZHIN GSHEGS PA'I DKYIL 'KHOR DANG, ,RAB TU GNAS PA LA SOGS GANG, ,PAD MO RIGS KYIR BSHAD PA DANG, ,'JIG RTEN DAG LA BRTZE PHYIR NGAS, ,RNAM PAR GNON PA LA SOGS PA, ,DKYIL 'KHOR SUM STONG DAG DANG NI, ,LNGA BRGYAR BSHAD PA GANG YIN PA, ,DKYIL 'KHOR DE DAG RNAMS KYI SPYI'I, ,CHO GA 'DI NI NGAS BSHAD DE, ,DE LTA BAS NA CHO GA 'DIS, ,DKYIL 'KHOR THAMS CAD BRI BAR BYA, ,SLOB DPON BSTAN BCOS KUN SHES PA, ,TSUL KHRIMS LDAN ZHING SNYING RJE'I BDAG , DRANG ZHING BZOD LA GTZANG SBRA CAN, ,DAD DANG DRAN LDAN SNYING STOBS CAN, ,SMRA MKHAS MI 'JIGS SRAN THUB PA, ,SGYU RTZAL DAG LA MKHAS SHING GSAL, ,MDZES DANG LDAN ZHING DE BZHIN DU, ,GUS LDAN DUL LA KHONG GZO BA, ,RTAG TU DAM PA'I CHOS LA DGA', ,THEG PA CHE LA MOS PA CAN, ,GSANG SNGAGS SPYOD PA LA BSLABS SHING, ,DKYIL 'KHOR DAG GI BYE BRAG SHES, ,SLOB MA DAG GI TSUL SHES SHING, ,DE BZHIN GSANG SNGAGS RGYUD KYANG 'DZIN, ,RJES SU GNANG ZHING DBANG BSKUR LA, ,CHOG SHES BZLAS BRJOD LHUR LEN PA, ,SLOB DPON RIGS LA BSNYEN BKUR BYAS, ,DKYIL 'KHOR THAMS CAD KHONG DU CHUD, ,GSANG SNGAGS KUN DANG BLA MA DANG, ,DE BZHIN GLO BUR MGRON

, ,MCHOD BYED, ,PHYAG RGYA LA SOGS BCING BA DANG, ,DKYIL 'KHOR 'DRI BA'I LAS RNAMS DANG, ,GSANG SNGAGS SPYOD PA'I MCHOD PA LA, ,SLOB DPON GYIS NI MKHAS PAR BYA, ,DE NAS GZHAN YANG BSHAD PA NI, ,SA YI PHYOGS KYI MTSAN NYID DE, ,SA GZHI CI 'DRA BZANG BA DANG, ,MI BZANG BA DAG BSGRAGS PA'O,, MTHON DMAN CAN DANG TSER MA CAN, ,GYO MO DUM BU CAN DAG DANG, ,NGAM GROG RUS PA SDONG DUM CAN, ,GROG MKHAR THAL BA TSA SGO CAN, ,GSEG MA RDO DANG RDUL DANG SKRA,, SRIN BU GROG SBUR LA SOGS MANG, ,DE LTA BU YI SA GZHI NI, ,MKHAS PAS LAS RNAMS KUN LA SPANG, ,MTHO DMAN SNYOMS SHING GTZANG LA SNUM, ,ZUG RDU NYES PA RNAM PAR SPANGS, ,SHAR DANG BYANG DU GZHOL BA YIS, ,SA GZHI LAS RNAMS KUN LA SHIS, ,DANG POR PUS NUB TZAM BRKOS LA, ,SA DE NYID KYIS DGANG BAR BYA, ,GAL TE LHAG PAR GYUR NA NI, ,DNGOS GRUB DAG NI YOD PAR BSHAD, ,DE LAS BZLOG PAR GYUR NA NI, ,SGRUB PA POS NI LAS MI BRTZAM, ,BRTZAMS NA SDUG BSNGAL MYONG 'GYUR ZHING; ;LEGS PA DAG KYANG MI 'THOB BO, ,DKYIL 'KHOR SA NI GANG DAG GI ,NYE 'KHOR DAG NA CHU MOD PA, ,DE NI SHIS SHING DNGOS GRUB THOB, ,CHU DKON PA NI MKHAS PAS

SMAD; ;KHO RA KHOR YUG SNA TSOGS SHING, ,ME TOG 'BRAS BU LO MAR LDAN, ,'O MA CAN GYI SHING YOD PA, ,DKYIL 'KHOR DAG LA RAB TU SHIS, ,KHO RA KHOR YUG SHING LDAN PA'I; ;SA GZHI YON TAN KUN LDAN PA'I, ,NYA 'KHOR NA YANG CHU YOD PAS, ,DKYIL 'KHOR DAG LA LAS DE SHIS, ,ZHI BA'I LAS LA SA GZHI NI, ,DKAR PO DAG TU BRTAG PAR BYA, , RGYAS PA'I CHED DU DMAR SER BYA, ,DRAG SHUL SPYOD LA NAG PO SHIS, ,GANG DU CHU NGOGS PAD MO YI, ,MTSO DANG RGYA MTSO NYE 'KHOR DANG, ,CHU YI GLING NI NYAMS DGA' BAR, , ZHI BA'I DKYIL 'KHOR BRI BAR BYA, ,MA MO'I GNAS DANG DUR KHROD DANG, ,DBEN PA'I GNAS DANG KHANG STONG DANG, ,NYAMS MI DGA' BA'I YUL GANG YIN, ,DE DAG TU NI MNGON SPYOD BRI, ,RI RTZE DANG NI BA LANG LHAS, ,MCHOD RTEN SKU GZUGS KHANG PA DANG, ,DE LA SOGS PA'I PHYOGS DAG TU, ,RGYAS PA YI NI DKYIL 'KHOR BRI, ,MCHOD RTEN CHEN PO NYAMS DGA' DANG, ,DBEN PA CHEN PO'I GNAS DAG DANG, ,RI BO'I RTZE MO RGYA CHEN GYIS, ,DNGOS GRUB DKYIL 'KHOR BRI BAR BYA, ,RI RTZE DAG DANG RI BO DANG, ,RI YI ZOM DANG PHUG DAG TU,, LHA MIN DAG NI 'DOD PA YIS, ,SA 'OG RDO RJE DKYIL 'KHOR BRI, ,PADMA'I KHA NI BYE BA'I TSAL, ,NGANG SKYA DAG NI SGRA SGROGS PAR, ,RGYAL SRID 'DOD PA'AM NOR 'DOD PAS, ,DPAL

, ,KYI DKYIL 'KHOR THAMS CAD BRI, ,MA MO'I GNAS DANG RI RTZE DANG, ,LHA RNAMS KYI NI GNAS DAG TU, ,GDON DBAB PA DANG 'JOMS BYED PA, ,RDO RJE LCAGS KYU'I DKYIL 'KHOR BRI, ,LAM GYI BZHI MDO CHEN PO DANG, ,MCHOD RTEN PHYAG NA RDO RJE YI, ,MDUN DU SGRUB PA PO YIS NI, ,KHRO RGYAL DKYIL 'KHOR BGEGS 'JOMS BRI; ;DE BZHIN GSHEGS PA'I DKYIL 'KHOR NI, ,GNAS NI BZANG PO GZHAN DU YANG, ,MKHAS PA YIS NI KHYAD PAR DU, ,THAMS CAD BRI BAR BYA BA YIN, ,RAB TU GNAS SOGS DKYIL 'KHOR KUN, ,MKHAS PA YIS NI KHYAD PAR DU, ,PADMA'I MTSO YI NYE 'KHOR DU, ,CHO GA BZHIN DU BRI BAR BYA, ,RI YI RTZA MOR MKHAS PA YIS, ,MDO LAS BYUNG BA'I CHO GA BZHIN, ,RNAM PAR GNON SOGS DKYIL 'KHOR KUN, ,KHYAD PAR DU NI BRI BAR BYA, ,RNAM PAR NGES PA'I GNAS 'DI NI, ,KHYAD PAR DU NI BSTAN PA YIN, , RAB TU BSGRIMS TE THAMS CAD LA, ,SA NI RNAM GSUM YONGS SU BRTAG ,KHYAD PAR PHUN SUM MA LDAN NA, ,SPYI YI LAS KYIS BRI BAR BYA, ,PHUN SUM TSOGS PAR KUN BZANG BA'I, ,TSOGS PA DAG NI RNYED PAR DKA', ,MDOR NA SA GZH MNYAM PA DANG, ,MDANGS SNUM SHAR DU GZHOL BA BZHED, ,CHU MANG LDAN PA'I GNAS DANG NI, ,LJON

SHING BZANG POS BRGYAN PA DANG, ,BDAG GI MIG YID MGU BA DANG, ,'TSE MED ZUG RNGU SPANGS PA NI, ,DKYIL 'KHOR GNAS SU SHIS PA STE, ,MI YI DNGOS GRUB KUN THOB BYED,, DRANG SRONG GNAS DANG BA GLANG LHAS, ,PHUG DANG RI YI RTZE MO DANG, ,SA GZHI GANG NA 'THAS PA DANG, ,KHANG THOG DANG NI RDO LEB DANG, ,MCHOD RTEN DRUNG DANG 'BAB CHU'I GLING, ,MTSO RNAMS KYI NI 'GRAM DAG TU, ,SA GZHI SBYANG ZHING BRTAG PA DANG, ,NAN TAN DU NI BYA MI DGOS, ,DER NI ZUG RDU DBYUNG MI DGOS, ,'THAS PAR BCAG KYANG DER MI DGOS, , MTHO DMAN LA SOGS SKYON RNAMS GANG, ,DER NI DOGS PA BSKYED MI DGOS, ,GNYUG MAR GNAS PA'I SA GZHI LA, ,BYI DOR LEGS PAR BYAS NAS SU, ,LAG PAS BRAM ZHING GSANG SNGAGS BZLAS, ,DE YI SBYANG BA DE YIN NO, ,ZUG RDU NYES PA THAMS CAD NI, ,GAL TE DBYUNG PAR MI NUS NA, ,DER NI GSANG SNGAGS KHO NAS NI, ,SBYANGS PA LEGS PAR BYAS PAR 'GYUR, ,BRTAN PAR 'GYUR BA'I LAS RNAMS DANG, ,GDON RNAMS TSAR GCAD LA SOGS DANG, ,DRAG SHUL SPYOD PA DAG LA YANG, ,SA NI BRTAG PAR BYA MI DGOS, ,DKYIL 'KHOR SA GZHI CHO GA LA, ,KHRO BO K'I LI K'I LA YIS, ,BA YI RNAM LNGA LA BZLAS PA'I, ,BSANG GTOR BYAS NA SBYANGS PAR 'GYUR, ,GZHAN GYIS MI THUB LA SOGS

, ,PA, ,RGYAL BA'I GTZUG TOR NYID KYIS SBYANG, ,PHYAG NA PADMA'I DKYIL 'KHOR KUN, ,SA GZHI SBYANG BAR BYA BA NI, ,ZHI BA 'DREN PA ZHES BYA YI,, DPAL MOS CHO GA BZHIN DU SBYANG, ,PHYAG NA RDO RJE'I DKYIL 'KHOR RNAMS, ,KHYAD PAR DU NI KHRO BOS SBYANG, ,LAS SU BYA BA THAMS CAD KYANG, ,CHO GA BZHIN DU 'DI YIS BYA; ;RGYAL BA'I GTZUG DANG ZHI BA'I 'DREN, ,KHRO BO STOBS CHEN ZHES BYA BA, ,'DI GSUM RIGS NI GSUM CAR GYIS, ,LAS RNAMS KUN LA SBYAR BYAS TE, ,SA SBYANG BA DANG BSRUNG BA DANG, ,SLOB MA STA GON GNAS PA DANG, ,BGEGS RNAMS BSAL DANG DRI DAG DANG, ,ME TOG MNGON PAR BSNGAGS PA DANG, ,DE LA SOGS PA'I LAS KUN LA, ,BSGRIBS TE SBYANG BAR BYA BA YIN, ,SO SO'I RGYUD LA LAS DANG NI, ,GSANG SNGAGS RAB TU BSGRAGS PA GANG, ,STON ZLA 'BRING PO'I NYA NAS NI, ,DPYID ZLA THA CHUNGS NYA YI BAR, ,'DI YI NANG DU MKHAS PA YIS, ,DKYIL 'KHOR CHO GA BZHIN DU BRI, ,BGEGS KYI DKYIL 'KHOR NANG BCAD DANG, ,DE BZHIN BSGRUB PA'I DKYIL 'KHOR DAG ,DPYAD MI DGOS PAR DBYAR YANG NI, ,MKHAS PAS DUS BZHIN BRI BAR BYA, ,SLOB MA DBANG BSKUR CHED DU NI, ,DKYIL 'KHOR YONGS SU BSGRAGS

GANG DANG, ,GNANG BA'I DKYIL 'KHOR GANG YIN DANG, ,DAM TSIG DKYIL 'KHOR GANG YIN DANG, ,'BYOR PA'I CHED DU BSGRUB PA DANG, ,CHEN PO'I DKYIL 'KHOR GANG YIN PA, , DE DAG THAMS CAD MKHAS PA YIS, ,ZLA BA BDUN PO DAG LA BYA, ,YUL DANG DUS DANG SLOB MA DANG, ,BDOG PA'I YON TAN SHES BYA STE, ,MKHAS PAS DBYAR YANG DKYIL 'KHOR GYI, ,LAS NI CHO GA BZHIN DU BRI, ,DRI DANG ME TOG BDUG SPOS DANG, ,LHA BSHOS SBYIN SREG LAS KYI RNAMS, ,PHONGS PAR GYUR KYANG MI DBRI STE, ,PHRI NA NGES PAR 'CHI BAR 'GYUR, ,TSES GRANGS NGAN DANG DUS MIN DANG, ,GNAS MIN CHO GA MI LDAN PAR, ,MKHAS PAS DKYIL 'KHOR MI BRI'O, ,BRIS NA DOGS PA MED PAR 'CHI, ,MKHAS PAS JI LTAR BSHAD PA YI, ,ZLA BA YAR GYI NGO DAG LA, ,ZLA BA NYA 'AM BCU GSUM MAM, ,TSES BRGYAD DAG GAM BCU BZHI 'AM, ,TSES BCU DANG NI BCU GCIG GAM, ,YANG NA YAR GYI TSES GCIG GAM, ,TSES LNGA'AM YANG NA TSES BDUN NAM, ,YANG NA TSES GRANGS GSUM LA'ANG RUNG, ,NYI MA BCU PO 'DI DAG LA, ,DKYIL 'KHOR RAB TU BSGRIMS TE BRI; ;MAR GYI NGO YI DUS MTSAMS LA'ANG, ,DKYIL 'KHOR BRI BA 'GAL BA MED, ,TSES LNGA'AM YANG NA TSES BDUN NAM, ,ZLA BA NYA LA KHYAD PAR DU, ,PHYAG NA PADMA'I

, ,DKYIL 'KHOR GYI, ,CHO GA RNAMS NI BYA BAR SHIS, ,SA YI 'OG GI DKYIL 'KHOR DANG, ,DRAG SHUL GYI NI LAS RNAMS DANG, ,KHRO BO RNAMS KYI DKYIL 'KHOR GANG, ,DE DAG MAR NGO LA YANG BRI, ,ZLA BA NYA LA KHYAD PAR DU, ,RGYAL BA'I DKYIL 'KHOR BRI BAR SHIS, ,DPYID ZLA 'BRING DANG THA CHUNG LA,, MKHAS PAS DKYIL 'KHOR CHEN PO BRI, ,GANG TSE YO BYAD LDAN PA DANG, ,GANG TSE DAD PA BOD BA DANG, ,GANG TSE LAS LA BRTZON GYUR PA, ,DE YI TSE YANG DKYIL 'KHOR BRI; ;GANG TSE 'TSO BA KUN MOD CING, ,ME TOG MONG PA LA SOGS PA, ,PHUN SUM TSOGS PA'I DUS SHES PA'I, ,DE YI TSE YANG DKYIL 'KHOR BRI, ,GANG TSE SLOB MA'I BSNYEN BKUR GYIS, ,BLA MA DAG NI MGU GYUR PA, ,DE TSE DE LA GNANG BAS NA, ,DBANG BSKUR CHED DU DKYIL 'KHOR BRI, ,NYI MA ZLA BA GZAS ZIN DANG, ,YA MTSAN CHE LTAS BYUNG BA DANG, ,CHO 'PHRUL GYI NI ZLA BA LA, ,BSGRIMS TE DKYIL 'KHOR BRI BAR BYA, ,SNGA DRO RGYAS PA BSKYED PA STE, ,NYI MA GUNG LA DRAG SHUL SPYAD, ,DGONGS KAR ZHI BA BLO CAN GYIS,, CHO GA BZHIN DU DKYIL 'KHOR BRI, ,DKYIL 'KHOR DAG NI MA LUS PA, ,NYI MA TZER TZES NUB NAS BRTZAMS, ,NYI MA SHAR BAR MA GYUR PA, ,MCHOD NAS GSHEGS SU GSOL

PAR SHIS, ,KHYAD PAR CAN GYI CHO GA NI, ,LHA DUS BYA BA DUS BZHIN BSHAD, ,GZHAN DU CHO GA NYAMS PA'I PHYIR, ,DNGOS GRUB 'BYUNG BAR MI 'GYUR RO, ,SPYI YI DKYIL 'KHOR BLO LDAN PAS, ,NAM YANG NYIN PAR MI BRI'O, ,NYIN PAR BRIS NA DE DAG TU, ,SDUG BSNGAL NYAMS SU MYONG BAR 'GYUR, ,DGONGS MGO GTZUGS NAS NAM PHYED NA, ,DRAG SHUL SPYOD PAR GYUR PA YIN, ,MTSAN MO DUS LAS 'DAS PAS NA, ,NYES PA MANG PO 'BYUNG BAR 'GYUR, ,MTSAN MO RAB TU ZHI BA'I PHYIR, ,SPYIR NA 'DOD PAR BYA BA YIN, , DAM TSIG DAG LA SOGS PA'I LAS, ,DE LTA BAS NA MTSAN MO BRTZAM, ,NYI MA NUB NA LHA RNAMS NI, ,NGES PAR BYIN GYIS RLABS KYIS 'DU, ,GZHAN DAG KYANG NI KHYAD PAR DU; ;BYIN GYIS RLOB PAR BYED PAR 'GYUR, ,CHO GAS SPYAN DRANGS GSANG SNGAGS DANG, ,LHA YANG NYI MA NUB PA NA, ,PHAN PAR BZHED PAS DKYIL 'KHOR DU, ,NGES PAR BYIN GYIS RLOB PAR MDZAD, ,YANG DAG ZHI BA'I SEMS KYIS NI, ,DUS DANG TSES GRANGS ZHIB LA, ,SNGAGS KYIS SPYAN 'DREN BYED PA NI, ,BSAM PA'I DNGOS GRUB THOB PAR 'GYUR, ,PHUR BU DANG NI ZLA BA DANG, ,PA BA SANGS DANG NYI MA BZANG, ,GZHAN LA RAB TU DRAG PO YI, ,LAS NI KUN TU BRTZAM PAR BYA, ,RGYAL DANG SKAG DANG SA GA DANG, ,ME BZHI NAG PA THA SKAR

, ,DANG; ;SNON LA SOGS GSUM SA GA NI, ,DKYIL 'KHOR DAG LA RAB TU SHIS, ,DE LA SOGS PA'I ZHI BA DANG, ,RGYU SKAR DAG NI BZANG PO LA; ;BLO DANG LDAN PAS DKYIL 'KHOR BRI, ,DRAG PO LA NI DRAG PO BRI, ,'BEBS LDAN RNAM RGYAL RGYAL BYED DANG, ,GSAL DANG DMAR LDAN NOR CAN DANG, ,BZANG MO CHU LHA TSANGS MA DANG, ,DES DANG BKRA SHIS KHYAB 'JUG DANG, ,SKYE DGU'I BDAG DANG THA SKAR BYAMS, ,TSIG BZANG BA BA SANGS PA'O, ,YUD TZAM RNAMS KYI RGYUD KUN GYI; ;BYA BA'I CHO GA RNAMS LAS SHIS, ,DE DAG LA SOGS BZANG PO DANG, ,BYED PA BZANG LA RTAG TU BRI, ,MI BZANG PA LA BRTZAMS PA'I LAS, ,GANG DU CI YANG MI 'GRUB BO; ;DE LTA BAS NA YUD TZAM DANG, ,TSES GRANGS RGYU SKAR BYED PA DANG, ,RMI LAM BZANG PO BRTAG PAR BYA, ,BZANG PO DAG LA LAS BRTZAM STE, ,BZANG PO MIN LA BRTZAM MI BYA; ;BZANG PO MIN PA'I LAS RNAMS KYANG, ,BZANG PO NYID LA BRTZAM PAR BYA, ,LTAS NI BZANG DANG MI BZANG BAS, ,GRUB PA DANG NI MI GRUB STON, ,DE LTA BAS NA BRTZAMS PA LA; ;MTSAN MA RAB TU 'BAD DE BRTAG ,DE NAS GZHAN YANG SA DAG NI, ,SBYANG BAR BYA BAR RAB TU BSHAD, ,ZHAG BDUN GYI NI NANG LOGS SU, ,JI LTAR RIGS

PAS BSRUNG BYAS TE, ,'JOR GYIS SA NI BZLOG BYAS SHING, ,DE NAS ZUG RNGU DBYUNG BAR BYA, ,ZUG RDU BCAS PA'I SA GZHI NI, ,LAS BYAS PA DAG 'GRUB MI 'GYUR, ,ZUG RNGU NYES PA RUS PA DANG, ,GYO MO DANG NI THAL BA DANG, ,SDONG DUM DANG NI TSER MA DAG ,RAB TU BSGRIMS TE MA LUS DBYUNG, ,DE NAS THO BAS BONG BA DAG ,BKRUM NAS ZHIB MOR BYAS TE BCAG ,DE NAS BA YI GCIN GYIS NI, ,YANG NAS YANG DU GDAB BYA ZHING, ,LAG MTHIL LTA BUR MNYAM BYAS SHING, ,BA YI LCI BA CHUR SBYANGS NAS, ,SHAR PHYOGS NAS NI MGO BTZUGS TE, ,BLO DANG LDAN PAS LEGS PAR BYUGS, ,DE NAS DE YI DBUS SU NI, ,KHUNG BU CUNG ZHIG BRKOS NAS DER, ,'BRU RNAMS DANG NI RIN CHEN KUN, ,SNGAGS KYIS BTAB STE GZHUG PAR BYA, ,DE LTAR SBYANGS SHING DBYIG DAG GIS, ,DBYIG DANG LDAN PAR BYAS NAS NI, ,BLO DANG LDAN PAS CI RIGS PAR, ,SA GZHI YONGS SU GZUNG BYA BA, ,YANG DAG BSDAMS PAS ZHAG GSUM NA, ,LAS KUN BYED PA'I GSANG SNGAGS DANG, ,GANG GI DKYIL 'KHOR GANG YIN PA, ,DE DAG GIS NI YONGS GZUNG BYA, ,GCIG GIS DRI YI CHU YIS NI; ;DNGOS SU BSANG GTOR BYA BA STE, ,GCIG SHOS KYI NI LAG PA YIS, ,SA LA BRAM STE MNGON PAR BSNGAGS, ,BLO YIS YONGS SU GZUNG BYAS NA, ,GNAS NI YONGS SU GZUNG

, ,BA YIN, ,LAS KUN BYED PA'I GSANG SNGAGS KYIS, ,DE NAS SLOB MA YONGS SU GZUNG, ,BU MO GZHON NUS BKAL BA'I SKUD, ,BLANGS NAS BZHI BCU RTZA DGU BZLAS, ,SLOB MA RNAMS NI BLOS BSAM NAS, ,MNYAM PAR GZHAG STE MDUD PA BOR, ,DE NAS SLOB MAS YONGS BZUNG NAS, ,LAM LA BGEGS NI MED PAR 'GYUR, ,SANG NI DKYIL 'KHOR BRI BA'I TSE, ,DO NUB LTA BU STA GON GNAS, ,THOG MA NYI MA SHAR BA'I TSE, ,SA PHYOGS KYI NI CHA DAG BRTAG ,DE NAS DKYIL 'KHOR DGOD PA DAG ;YID KYIS LEGS PAR YONGS SU BRTAG ,SNGAGS RGYUD DAG LAS BYUNG BA'I ZAS, ,BZANG LA GTZANG ZHING SNUM BAG CAN, ,RJES SU MTHUN ZHING YID 'ONG BA, ,SLOB MAR BCAS PAS RAN PAR BZA', ,DE NAS NUB KAR KHRUS BYAS SHING, ,GTZANG LA GOS NI DKAR PO BGOS, ,BLA MA SLOB MA DANG BCAS PAR, ,DKYIL 'KHOR DRUNG DU DOR BAR BYA; ;DKYIL 'KHOR BRI BA'I SA GZHI NI, ,BYI DOR LEGS BYAS LEGS BYUGS LA, ,KHRO BO CHEN PO BZLAS PA YI, ,SPOS CHUS BSANG GTOR BYAS PA LA, ,DBUS SU STA GON GNAS PA DAG ,RIGS RNAMS KYI NI SNYING PO BZLAS, ,DKYIL 'KHOR BDAG PO'I GSANG SNGAGS KYIS, ,LAS RNAMS THAMS CAD BYA BAR BSHAD, ,SA GZHI'I STENG DU BYUG SPOS KYIS, ,DKYIL 'KHOR

SOR GRANGS BCU GNYIS BYA, ,DKYIL 'KHOR GYI NI RIG SNGAGS KYIS, ,LAG PA BRAM ZHING LAN BDUN BZLAS, ,DE NAS GTZO BO LHA RNAMS NI, ,MING GIS YID LA BSAMS NAS SU, ,BYUG SPOS ME TOG LA SOGS PAS, ,SNYING POS CI RIGS MCHOD PAR BYA, ,LHA BSHOS DAG KYANG DBUL BAR BYA, ,BDUG SPOS MNGON PAR BSNGAGS PA'ANG DBUL,, DE NAS TZANDAN SBYAR BA YI, ,CHU LA MNGON PAR SNGAGS BYA ZHING, ,DE LA ME TOG GIS GTOR NA, ,CHO GA BZHIN DU BDUG PAS BDUG ,SO SHING AU DUM WA RA'AM, ,AA SHVATTHA NI RMA MED PA, ,HA CANG MI SBOM MI PHRA BA'I, ,SOR GRANGS BCU GNYIS TSAD DU BYA, ,SPOS KYI CHUS NI LEGS PAR BKRUS, ,SKUD PA DAG GIS RNAM PAR DKRIS, ,SPOS KYIS BYUGS SHING BDUG PAS BDUG ,LAG PAS BRAM ZHING RIGS KYI NI, ,SNYING PO LAN GRANGS MANG PO'AM, ,YANG NA LAN BDUN BZLAS BRJOD BYA, ,SLOB MA RNAMS KYI GRANGS LAS NI,, SO SHING LA SOGS GSOG PAR BYA, ,SO SHING MGO ZHABS BSNYAMS BYAS LA, ,THOR TO GCIG NI MGOR BYAS NAS, ,RTZE MO NAS NI BCA' BAR BYA, ,DE NAS MKHAS PAS GNAS DANG NI, ,BDAG DANG SLOB MA BRTAN BSRUNGS NAS, ,LHA RNAMS THAMS CAD LEGS MCHOD DE, ,DANG POR BGEGS NI ZHI BA'I PHYIR, ,MAR LAS BTAGS PA'I YAM SHING

, ,DANG; ;MAR DANG SBYAR BA'I TIL DAG DANG, ,MAR GYI SREG BLUGS SBYIN SREG BYA, ,'BRAS CHAN ZHOR SBYAR SBYIN SREG BYA, ,DE YI 'OG TU SNYING PO STE; ;DE NAS ZHI BA'I SBYIN SREG NI, ,ZHI BA'I RIG SNGAGS NYID KYIS BYA, ,DE NAS SLOB MA LEGS BRTAGS TE, ,STA GON GNAS PA TSUL BZHIN BYA, ,SLOB MA RIGS BTZUN GTZANG SGRA CAN, ,SNYING STOBS CHE ZHING CHOS LHUR LEN, ,DAD PA CHE ZHING BZOD DANG LDAN, ,DRAN DANG LDAN ZHING MKHAS PA STE, ,DRANG RKAN CHE LA MDONGS GSOL CAN, ,BRTAN ZHING DUL LA SNYAN PAR SMRA, ,SMRA MKHAS PA LA BLO BSKYEL CAN, ,YANG DAG SHES SHING BYAS PA GZO, ,BLO DANG LDAN ZHING SPOBS PA CHE, ,CHEN POR 'DOD CING NGA RGYAL MED, ,MDOG DANG GZUGS DANG NA TSOD BZANG, ,BSTAN BCOS DAG LA GOMS PAR BYAS, ,HA CANG MI RING MI THUNG LA, ,DE LA SOGS PA'I YON TAN DANG, ,LDAN PA'I BLO CAN SLOB MAR SHIS, ,RANG BZHIN NGAN GTUM G-YON CAN DANG, ,SNYING RJE MED CING NGAN PAS 'TSO, ,YAN LAG NYAMS DANG YAN LAG LHAG ,HA CANG SBOM DANG SKEM DANG SNGAR, ,MIG DMAR GDONG NI KHRO GNYER CAN, ,KHA DOG 'BYAS SHING YAN LAG RNAMS, ,MTSAN DANG LDAN PA MA YIN PA, ,DE 'DRA'I SLOB MA SKYON MANG BA, ,SLOB

DPON GYIS NI SPANG BAR BYA, ,SHA TSUGS MI LEGS YON TAN MED, ,RIGS DMAN ZHING NI NGAN PAS 'TSO, ,NAD BU CAN DANG DAD MED PA'I, ,SLOB MA RNAMS NI YONGS SU SPANG; ;BDAG NYID NGAN PA'I MI GANG DAG ,SMAD 'TSONG MA LA RAB GDUNG ZHING, ,CHANG DAD CAN DANG RGYAN LA SRED, ,DE DAG RTAG TU YONGS SU SPANG, ,DKON MCHOG GSUM LA SEMS DAD CING, ,TSUL KHRIMS KYI NI SDOM PAS BSDAMS, ,THEG PA CHE LA LHAG MOS PA'I, ,SLOB MA YONGS SU GZUNG BAR SHIS, ,SLOB MA YAN LAG MA NYAMS DANG, , LHAG PAR YON TAN LDAN PA DANG, ,NAD MED RIGS NI BTZUN PA DANG, ,DAD CING BRTUL ZHUGS BRTAN PA DKON, ,DKON MCHOG GSUM LA GANG DAD CING, ,THEG PA CHEN PO'I LUGS LA DGA', ,BSOD NAMS 'DOD PA'I SEMS CAN NI, ,CHEN PO DE DAG MDOR GZUNG NGO, ,BDE GSHEGS GSANG SNGAGS SGRUB PA LA, ,DON GNYER BRTZON PA'I SLOB MA NI, ,GZUGS NGAN YON TAN MI LDAN YANG, ,BLO DANG LDAN PAS GZHUG PAR BYA, ,DKYIL 'KHOR CHO GA 'KHOR BZHI PO, ,THEG PA CHE LA DGA' BA'I BDAG ,RANG GI BSLAB PA LA BRTZON PA, ,KUN GYI CHO GA YIN PAR BSHAD, ,KHA CIG GSANG SNGAGS BSGRUB BYA'I PHYIR, ,DE LAS GZHAN PA BSOD NAMS 'DOD, ,GZHAN DAG 'JIG

, ,RTEN PHA ROL DON, ,'DI NA DKYIL 'KHOR 'JUG PAR BYED, ,'JIG RTEN PHA ROL CHED DU NI, ,DAD PA CHEN PO BSKYED BYAS NAS, ,BLO LDAN DKYIL 'KHOR 'JUG BYA YI, ,TSE 'DI 'BRAS BU 'DOD MI BYA, ,'JIG RTEN PHA ROL DON DU NI, ,SKYES BU TSE 'DI 'BRAS RGYAS PA, ,DE LTAR TSE 'DI 'DOD PA YI, ,'JIG RTEN PHA ROL RGYAS MI 'GYUR, ,MKHAS PAS SLOB MA GCIG GAM GSUM, ,LNGA'AM YANG NA BDUN DAG GAM, ,NYI SHU DAG NI LNGA YI BAR, ,ZUNG DU MA GYUR SLOB MA GZUNG, ,DE LAS LHAG PA'I SLOB MA DAG ,YONGS SU GZUNG BAR MI SHES SO, ,MDOR NA SLOB MA PHAN TSUN DU, ,NANG MI GSHIN PA MI BZUNG NGO, ,GCIG LA GCIG NI SEMS BZANG ZHING; ;ZHI DUL BLA MA LA PHAN PA, ,'PHAGS PA'I YUL DANG RIGS SKYES PA'I, ,SLOB MA MDOR NA GZUNG BAR BYA, ,DE DAG BSREG PAR BYA BA YIS, ,ZAS NI ZA GCIG BZA' BAR BYA, ,DE YI NUB MO CI NUS PAR, ,DE BZHIN SDOM PA 'DZIN DU GZHUG ,GTZANG MA GOS DKAR BGOS PA YI, ,SLOB MA DE LTA BU DAG GI ,SHAR PHYOGS KHA BLTAS 'KHOD PA LA, ,STA GON GNAS PA BRTZAM PAR BYA, ,DANG PO GSUM LA SKYABS SU BTANG, ,DE NAS BLA MAS BYANG CHUB SEMS, ,MA BSKYED PA NI BSKYED PAR BYA,,

BSKYED PA DAG KYANG DRAG PAR BYA, ,DE NAS KHRO BO BZLAS PA YI, ,SPOS CHU MGO LA GTOR BYA ZHING, ,MGO LA BRAMS TE MNYAM GZHAG NAS, ,LAN BDUN DU YANG BZLAS BRJOD BYA, , BYUG SPOS DAG GIS BSKUS PA YI, ,LAG PAS MGO LA BZHAG BZHIN DU, ,MKHAS PAS RIG PA'I RGYAL PO YIS, ,SNYING PO YANG NI LAN BDUN BZLAS, ,RGYAL BA'I RIGS LA RIGS SNGAGS RGYAL, ,'KHOR LOS BSGYUR BA'I YI GE GCIG ,PADMA'I RIGS LA RIG SNGAGS RGYAL, ,RTA MGRIN YI GE BCU PA'O, ,RDO RJE RIGS LA RIG SNGAGS RGYAL, ,DE BZHIN GNOD MDZES MTHU BO CHE, ,YI GE H'Um NI BZHI DANG LDAN, ,LAS RNAMS KUN LA RAB TU DRAG ,KHRO BO BDUD RTZI THAB SBYOR NI, ,RIGS GSUM DAG GI SPYI LA YANG, ,BGEGS RNAMS THAMS CAD GZHOM PA'I PHYIR, ,GSANG BA PA YI BDAG PO BSHAD, ,DE NAS LAS KUN BYED PA YI, ,SNGAGS KYIS SPYI BOR BRAM ZHING BZLAS, ,DE NYID KYIS NI BSANG GTOR BYA; ;BDUG SPOS DAG GIS RAB TU BDUG ,DBANG BSKUR BA YI BUM PA NI, ,'BRU LA SOGS PA KUN LDAN PA, ,CHU NI CUNG ZAD BLUGS NAS SU, ,RIG PA'I RGYAL POS MNGON BSNGAGS TE, ,SPOS CHU'I MCHOD YON PHUL NAS NI, ,CHO GA BZHIN DU STA GON BYA, ,ME TOG DAG KYANG BLUGS NAS SU, ,BDUG SPOS DAG GIS BDUG PAR BYA, ,PHYI DE NYIN PAR

, ,DUS GSUM DU, ,MKHAS PAS BZLAS BRJOD LEGS PAR BYA, ,DKYIL 'KHOR DU YANG BZLAS NAS NI, ,DE YIS MNGON PAR DBANG BSKUR RO, SLOB MA MTHUN PAR TSOGS PA RNAMS, ,BYANG GI PHYOGS SU KHA BLTAS SHING, ,THAL MO SBYAR TE 'KHOD PA LA, ,SO SHING GO RIMS BZHIN DU SBYIN, ,SLOB MA SHAR DU KHA BLTAS TE; ;MI SMRA BAR NI SO SHING BCA', ,BCA' BA ZIN NAS MI DGOS SHING, ,PHAN TSUN DU YANG MI DOR RO, ,SO SHING MDUN DU DRANG POR DOR, ,DE TSE MDUN DU LTA BA DANG, ,DE TSE GYEN DU 'GRENG 'GYUR NA, ,DE NI DNGOS GRUB MCHOG CES BYA, ,DE BZHIN SHAR DU KHA BLTAS NA, ,DE NI DNGOS GRUB 'BRING DU BSHAD, ,MTSAMS DANG BYANG DU KHA BLTAS NA; ;'JIG RTEN PA YI DNGOS GRUB 'GRUB, ,SO SHING POR BA BRGYA LAM NA, ,GAL TE THUR DU KHA BLTAS NA, ,DE NI NGES PAR SA 'OG GI ,DNGOS GRUB DE LA THE TSOM MED, , SLOB MA NYE REG BYAS NAS NI, ,SNGA MA BZHIN DU 'KHOD PA LA, ,RE RE LA YANG BTUNG BA'I PHYIR, ,BLA MAS LAS KUN BYED PA YI, ,GSANG SNGAGS DAG GI SPOS KYI CHUS, , SBYOR BAR BLUGS PAS LAN BDUN BLUD, ,DER NI 'THUNG STE LANGS NAS SU, ,PHYI ROL DU NI KHA BKRU BYA, ,DE NAS MCHOD PA YANG BYAS NAS, ,BDUG SPOS LAG TU THOGS

NAS SU, ,BLO GROS CAN GYIS LHA RNAMS LA, ,GUS PAR GSOL BA GDAB PAR BYA, ,GANG GI DKYIL 'KHOR YIN PA'I SNGAGS, ,DE LA THOG MAR GDAB PAR GSOL, ,GO RIMS DE YI TSUL GYIS NI, ,LHA RNAMS KUN LA GDAS PAR GSOL, ,'DI ZHES BYA BA'I BCOM LDAN 'DAS, ,RIG SNGAGS RGYAL LA PHYAG 'TSAL LO, ,BDAG NI BRTZE BAR GYUR NAS SU, ,SLOB MA RNAMS LA BRTZE BA DANG, ,KHYED RNAMS LA YANG MCHOD PA'I PHYIR, ,SANG NI DKYIL 'KHOR 'DRI BAR 'TSAL, ,BCOM LDAN 'DAS NI GUS PA LA, ,DE BAS GNANG BAR MDZAD PA'I RIGS, ,SANGS RGYAS 'JIG RTEN MGON BRTZE DANG, ,BYANG CHUB SEMS DPA' DGRA BCOM DANG, ,GSANG SNGAGS LHA GZHAN GANG LAGS DANG, ,'JIG RTEN SKYONG BA'I LHA RNAMS DANG; ;GANG YANG 'BYUNG PO MTHU CHEN DANG, ,GANG SU LHA YI SPYAN MNGA' BA'I, ,SEMS CAN BSTAN LA DGA' BA RNAMS, ,BDAG LA DGONGS PA MDZAD DU GSOL, ,BDAG MING 'DI ZHES BGYI BA YIS, ,SANG GI DKYIL 'KHOR BZANG PO'I MING, ,'DI ZHES BGYI BA CI NUS KYIS, ,CHO GA BZHIN DU 'DRI LAGS NA, ,BDAG DANG SLOB MAR BCAS PA LA, ,THUGS NI BRTZE BAR DGONGS NAS SU, ,TSOGS PA THAMS CAD DKYIL 'KHOR DU, ,BYIN GYIS BRLAB PAR MDZAD DU GSOL, ,DE LTAR LAN GSUM SMRAS NAS NI, ,BSAM PA DAG PAS PHYAG

, ,BYAS TE, ,BSTOD PA'I TSIG KYANG BRJOD NAS SU, ,DE NAS SLAR YANG GSHEGS SU GSOL, ,'DOD CHAGS BRAL DANG LDAN PA'I CHOS, , SLOB MA RNAMS LA BSHAD NAS NI, ,KU SHA BTING BA'I SA GZHI LA, LANGS NAS, ,RMI LAM CI MTHONG LANGS NAS, ,RMI LAM CI MTHONG DRI BAR BYA, ,THOS NAS BZANG NGAM MI BZANG BA, ,THE TSOM MED PAR BSHAD PAR BYA, ,RMI LAM SANGS RGYAS MTHONG NA NI, ,YON TAN RGYA MTSO MNGON SUM BZHIN, , MCHOD RTEN DANG NI SKU GZUGS MTHONG, ,DE LA MCHOD PA RTZOM PA DANG, ,DGE SLONG DAG LA CHOS NYAN TAM, ,YANG NA GZHAN LA NYAN KYANG RUNG, ,CHOS NI RNAM PAR SPYOD PA DANG, ,DE BZHIN GLEGS BAM KLOG PA DANG, ,RMI LAM DGE 'DUN MTHONG BA DANG, ,YANG NA DGE SLONG GCIG PO MTHONG, ,DE DANG 'GROGS SHING GTAM ZER DANG, ,YANG NA DGE SLONG DNGOS POR GYUR, ,GTZUG LAG KHANG DAG MTHONG BA DANG, ,DE BZHIN DGE SLONG MA DAG MTHONG, ,RGYAL BA'I SRAS DAG MTHONG BA DANG, ,DE BZHIN PHA MA BLA MA DANG; ;MDZA' BO RNAM PA SNA TSOGS RNAMS, ,RMI LAM DU NI MTHONG NA SHIS, ,RIG SNGAGS DANG NI DNGOS GRUB THOB, ,DE BZHIN BSLAB PA 'DZIN PA DANG, ,KUN DGA' RNAM

PA SNA TSOGS DANG, ,'BAB CHU RNAMS DANG RGYA MTSO DANG, RI DANG GLANG PO CHE DAG KYANG, ,MTHONG NA YANG NI BZANG BAR BSGRAGS, ,RGYAL PO DAG NI MTHONG NA SHIS, ,BDE GSHEGS SPYOD PA MTHUN PA YI, ,DKA' THUB CAN DANG BRAM ZE DANG, ,PHYUG PO SKYES BU DAM PA DANG, ,BA DANG RTA DANG DANG PA DANG, ,SENG+GE DANG NI RI DVAGS RNAMS, ,RMI LAM DU NI MTHONG NA SHIS, ,BKRA SHIS PA YI BYA RNAMS DANG, ,GSER DAG DANG NI GTER RNAMS DANG, ,RIN PO CHE DANG DNGUL DAG DANG, ,NOR NI RNAM PA SNA TSOGS DANG, ,MDOR NA 'BYUNG KHUNGS RNAM PA TSOGS, ,MTSON CHA RNAMS DANG 'BRU RNAMS DANG, ,'BRAS BU RNAMS DANG ME TOG DANG, ,RGYAN NI RNAM PA SNA TSOGS DANG, ,KHA ZAS DANG NI GOS RNAMS DANG; ;BYIS PA DANG NI GZHON NU DANG, ,BUD MED GZUGS NI BZANG MO DAG ,RMI LAM DU NI MTHONG NA BZANG, ,YANG NA THOB CING REG SMRA DANG, ,RMI LAM DU NI DBANG BSKUR DANG; ;RGYAL POR GYUR PA'I 'BYOR PA DANG, ,DMAG DPON DU NI GYUR PA DANG, ,G-YUL LAS RGYAL DANG DGRA GSOD DANG, ,GNYEN DANG LHAN CIG 'GROGS PA DANG, ,LHA RNAMS DAG NI MTHONG BA DANG, ,THEG PA DANG NI SHING RTA ZHON, ,DE BZHIN RI DANG KHANG THOG 'DZEG ,NGO MTSAR RNAM PA SNA TSOGS DAG ,RMI LAM DU NI MTHONG NA DGE ,YAM SHING ME

, ,LA SBYIN SREG BYED, ,BYA BA BZANG PO DAG LA 'JUG ,CHU LAS RKYAL TE RONG LAS RGAL, ,SKUN PO DAG NI TSAR GCOD PA, ,STOBS 'GYED PA LAS RGYAL BA DANG, ,GYAD STOBS RDEB CING 'GYING BA DANG, ,RTZED MO SNA TSOGS RMI BA DANG, ,DE BZHIN RTZAL SPUNGS BYED PA DANG, ,BKRA SHIS DAG NI THAMS CAD KYANG, ,MTHONG NA RAB TU DGE BAR BSHAD, ,GSANG SNGAGS CHO GA NYAN PA DANG, ,DGA' STON DGE BA MTHONG BA DANG, ,SGRUB PA BZANG PO RTZOM PA DANG; ;SGRUB PA PO DAG MTHONG BA DANG, ,DE LA SOGS PA'I LTAS RNAMS NI, ,DGE BA RNAM PA DU MA DAG ,BLO YIS RNAM PAR DPYAD BYA ZHING, ,DE LAS BZLOG PA SPANG BAR BYA; ;DGE BA RNAMS NI 'GRUB PAR 'GYUR, ,MI DGE RNAMS NI MI 'GRUB BO, ,MI DGE BA DAG SHES NAS SU, ,DE DAG MKHAS PAS SPANG BAR BYA, ,DGE BA YI NI LTAS RNAMS NI, ,RAB DANG 'BRING DANG THA MA LAS, ,GSANG SNGAGS DNGOS GRUB RNAM GSUM PO, ,RAB DANG 'BRING DANG THA MA 'GRUB, ,MI DGE BA LA ZHI BA YI, ,SBYIN SREG ZHI BA'I GSANG SNGAGS KYIS, ,BA YI MAR LA BRGYA RTZA BRGYAD, ,CHO GA BZHIN DU ZHI BAR BYA, ,DE NAS SLOB MA SDIG BRAL ZHING, ,RNAM PAR DAG PA DE DAG LA, ,RJES SU BRTZE BAR

BYA BA'I PHYIR, ,CI 'DOD PAR NI GZUD PAR BYA, ,DKYIL 'KHOR GYI NI GSANG SNGAGS KUN, ,NANG PAR RJES SU DRAN BYAS NAS, ,GOS DKAR BGOS SHING MA YENGS PAR, , DKYIL 'KHOR GYI NI DRUNG DU 'GRO, ,LAS KUN BYED PA'I GSANG SNGAGS KYIS, ,THOG MA NYID DU BSANG GTOR BYA, ,TSON SNA LNGA YI SRAD BU LA, ,DE DAG NYID KYIS BRGYAR BZLAS TE; ;BZANG PO'I LTAS DANG SBYAR NAS NI, ,MKHAS PAS DKYIL 'KHOR THIG GDAB BO, ,THIG SKUD KYI NI TSON SNA LNGA, ,DKAR DANG DMAR DANG DE BZHIN SER, ,SNGO DANG LNGA PA NAG PA STE; ;TSON RTZI RNAMS KYANG DE DANG 'DRA, ,DKON MCHOG GSUM LA MCHOD BYA ZHING, ,LHA RNAMS GNAS LA'ANG PHYAG BYAS NAS, ,MKHAS PAS SRAD BU BRE BAR BYA, ,NANG PAR NYI MA SHAR BA'I TSE, ,BLO YIS PHYOGS CHA LEGS BRTAGS LA, ,DANG POR SHAR NAS BSNYAMS TE GZUNG, ,SLOB DPON BYANG DU KHA BLTAS TE, ,SRAD BU 'DZIN PA DE LA BLTAS, ,DE NAS G-YAS PHYOGS BSKOR NAS NI, ,BDAG NYID NUB PHYOGS KHA BLTAS TE, ,DE NAS SRAD BU NUB PHYOGS SU, ,BDAG NYID KYIS NI BRE BAR BYA, ,DE YI 'OG TU BYANG PHYOGS SU, ,MKHAS PAS SRAD BU BRE BAR BYA, ,DANG POR BDAG NYID ME PHYOGS SU, ,'DUG NAS PHYOGS GNYIS BRTAG PAR BYA, ,DE YI 'OG TU RLUNG PHYOGS SU, ,

, ,PHYOGS GNYIS NAS NI SRAD BU BRE, ,BDEN BRAL DBANG LDAN GRVA GNYIS NAS, ,SRAD BU 'DZIN PA BLTA BAR BYA, ,GRU BZHI LHAM PAR BSNYAMS NAS SU, ,RGYA GRAM DU NI SRAD BU BRE, ,RGYA GRAM THAMS CAD MNYAM POR BSNYAMS, ,DE LTAR SAD BU GTAN LA DBAB, ,BSNYAMS NAS DE YI DKYIL DU NI, ,PHUR BU GCIG KYANG GDAB PAR BYA, ,DE NAS DE YI 'OG TU YANG, ,GRVA BZHIR PHUR BU BZHI GDAB BO, ,DE BZHIN DKYIL 'KHOR GNYIS PA DANG, ,GSUM PA LEGS PAR GRVA DAG NAS, ,CHE CHUNG DAG KYANG RIM PA BZHIN, YONGS SU BRTZAM PAR BYA BAR BSHAD, ,RIM GYIS PHYED PHYED DBRI BAR BYA, ,DE LAS GZHAN PA'I 'KHOR GYI NI,, DKYIL 'KHOR BSHAD PA GANG YIN PA, ,DE KUN PHYE MA DKAR PO YIS, ,TSIG RKYANG DU NI BRI BAR BSHAD, ,DKYIL 'KHOR NYIS RIM SUM RIM MAM, ,BZHI'AM MANG POR BYA BA LA, ,PHYI RIM GANG YIN DE LA NI, ,SGO GCIG PA DANG RGYA CHER BYA, ,GZHAN NI PHYOGS KYI CHA BZHIN DU, ,SGO BZHI SGO KHYUD BCAS PAR BYA, ,YANG NA THAMS CAD DOGS MED PAR, ,SGO RE RE BZHI BYA BA YIN, ,SNYING PO DKYIL 'KHOR NGES PAR NI, ,RAB TU BZANG PO SGO BZHIR BYA, ,NUB PHYOGS SGO'AM YANG NA NI, ,GANG LAS

'DI SKAD BSHAD PAR DGYI, ,LHAG MA RNAMS NI DKAR PO YI, ,PHYE MAS GCAD PAR BYA BA YIN, ,DKYIL 'KHOR RNAM GSUM DGOD PA YIS, ,DKYIL 'KHOR RAB TU MANG BSHAD KYANG; ;DE NI DKYIL 'KHOR MANG PO DAG ,RNAM PAR DGOD PA BSHAD PA GANG, ,DE DAG RNAMS NI THAMS CAD KYI, ,RNAM PAR DBYE BA YIN PAR GRAGS, ,LHA YI GTZO BOR GYUR PA RNAMS, ,RTAG TU DKYIL DU DGOD PAR BYA, ,DE YI LHAG MA'I DKYIL 'KHOR NI, ,GNYIS PA DAG TU DGOD PAR BYA, ,'JIG RTEN SKYONG BA LA SOGS PA, ,DKYIL 'KHOR GSUM PA BSDU BAR BSHAD, ,DE LAS GZHAN RNAMS JI SKAD DU, ,BSHAD PA DE BZHIN KHO NAR DGOD, ,DKYIL 'KHOR THIG GDAB THIG SKUD NI, ,KHA BSGYUR GTZANG MA SRA ZHING PHRA; ;DE BZHIN BU MO GZHON NUS BKAL, ,SAR PA SHIN TU GTZANG MA DANG, ,MDZES SHING SHIN TU RAN PAR DAG ,DRI ZHIM REG NA BDE BA DANG, ,LEGS PAR BKAL DANG SRA BA DANG, ,SBOM PHRA LA SOGS BKAL LEGS DANG, ,'JUR MDUD MED PAR GYUR PA YI, ,THIG SKUD ME TOG SPOS MCHOD PAS, ,SHES RAB CAN GYIS THIG GDAB BO,, MCHOD SBYIN SHING GI PHUR BU DAG ,THUR DU RTZE BSTAN MNGON BSNGAGS PA, ,DKYIL 'KHOR BRI BA'I CHO GA LA, ,PHYOGS BZHI DAG TU GDAB PAR BYA, ,LTAS NGAN BYUNG NA DNGOS

, ,MI 'GRUB, ,SRAD BU CHAD NA BLA MA 'CHI, ,RING THUNG KHYER NA NAD KYIS 'DEBS, ,PHYOGS 'KHRUL SLOB MA MYOS PAR 'GYUR, ,DE BAS THAMS CAD NAN TAN DU, ,MKHAS PAS LEGS PAR THIG GDAB BO, ,KHYIM SA'I DPYAD LAS CI BYUNG BA'I, ,SA YI NGES PA DE DANG 'DRA, ,DE NAS BLA MAS CI 'BYOR PAS, ,'PHAGS PA'I DGE 'DUN CHOS STON GSOL, ,YANG NA BLA MAS BSGOS PA YIS, ,SLOB MA RNAMS KYIS CHOS STON GSOL, ,GAL TE MI 'BYOR DGE 'DUN GYIS, ,BSKOS PA'I DGE SLONG CHOS STON SBYIN, ,YANG NA SANGS RGYAS MCHOD PA'AM, ,DGE 'DUN DAG LA YON YANG DBUL, ,BLA MA SLOB MA DANG BCAS PAR, ,KHRO BO RGYAL PO RJES DRAN ZHING, ,SKYU RU RA LA SOGS PA YIS, ,PHYI DRO TSUL BZHIN KHRUS BYA'O, ,KHRUS BYAS GTZANG ZHING GOS DKAR BGOS, ,YO BYAD RNAM PA KUN DANG LDAN, ,BYAMS PA'I SEMS NI NYER GZHAG NAS, ,DKYIL 'KHOR GYI NI DRUNG DU 'DONG, ,BLA MAS TSOGS RNAMS KUN BSAGS SHING, ,LTA BA NGAN PA THAMS CAD SPANGS, ,DKYIL 'KHOR BRI BA THAMS CAD LA, ,BLA MAS MKHAS PA DAG TU BYA, ,DANG POR DKYIL 'KHOR SA GZHI LA, ,BA YI GCIN DANG BSRES PA YIS, ,BA YI LCI BAS BSKU BYA ZHING, ,DE NAS

SPOS CHUS BSANG GTOR BYA, ,SA GZHI KHO RA KHOR YUG TU, ,CHAG CHAG GDAB CING PHYAG DAR BYA, ,YID NI MOS PAR BYA BA'I PHYIR, ,ME TOG SIL MA GTOR BAR BYA, ,SRAD BU DAG GIS YONGS SU BSKOR, ,RGYAL MTSAN RTA BABS DAG GIS MTSAN, ,BRGYUS PA'I PHRENG BA RNAMS BRE ZHING, ,BKRA SHIS CHO GAR BSTAN PAR BYA, ,DE NAS BYANG GI PHYOGS GCIG TU, ,YO BYAD THAMS CAD GSOG PAR BYA, ,KHRO BO RGYAL POS BSRUNGS NAS SU, ,BLO DANG LDAN PAS DGOD PAR BYA, ,GNAS NI BSANG GTOR BYA BA DANG, ,BGEGS RNAMS BSAL BAR BYAS NAS NI, ,BDAG DANG DKYIL 'KHOR DAG KYANG NI, ,DANG POR KUN NAS BSRUNG BYA STE, ,BKRA SHIS LTAS DANG SBYAR NAS NI, ,MOS PA'I SEMS NI BSKYED BYA ZHING, ,MTSAMS KYI DUS SU BAB PA YI, ,SROD KYI DUS LA BRTZAM PAR BYA, ,LTAS DANG MI LDAN GYUR NA YANG, ,SEMS NI ZHUM PAR MI BYA BAR, ,RIGS GSUM DAG LA PHYAG BYAS NAS, ,DAL GYIS LEGS PAR BRTZAM PAR BYA, ,LTAS NGAN DAG NI YANG DANG YANG, ,BSTUD MAR BYUNG BAR GYUR NA NI, ,DE NA DNGOS GRUB MED GYUR GYIS; ;DE TSE BRTZAM PAR MI BYA YI, ,YANG NA DE NI ZHI BA'I PHYIR, ,YAM SHING ME NI 'BAR BA LA, ,BA YI MAR LAS BRGYA RTZA BRGYAD, ,ZHI BA'I PHYIR NI SBYIN SREG BYA, ,DE

, ,BZHIN GSHEGS PA'I RIGS LA NI, ,SANGS RGYAS SPYAN GYIS ZHI BAR BYA, ,PADMA'I RIGS LA GRAGS LDAN MA, ,RDO RJE'I RIGS LA M'A MA K'I; ;RIGS GSUM DAG GI SPYI LA YANG, ,RIG SNGAGS CHEN MO M'A MA K'I, ,BLO DANG LDAN PAS LAS KUN LA, ,DE BAS DES NI ZHI BAR BYA, ,DKYIL 'KHOR BDAG PO CHO GA BZHIN, ,DE NAS MCHOD YON DBUL BAR BYA, ,SNOD NI GSER DANG DNGUL DAG DANG, ,ZANGS LAS BYAS PA'AM DUNG YANG RUNG, ,SHING LAS BYAS PA'AM RDO DAG GAM, ,KHAM PA SAR BA'I GTZANG MA'ANG RUNG, ,DER NI ME TOG DKAR PO BLUGS, ,BDUG SPOS KYIS KYANG BDUG PAR BYA, ,DE NAS DRI ZHIM CHU BLUGS NAS, , BLO LDAN LAG GIS BRIM BYA ZHING, ,BDUG SPOS KYIS NI BDUG BZHIN DU, ,YID KYIS RAB TU BZLAS BRJOD BYA, ,DE NAS BLO DANG LDAN PA YIS, ,RTZA BA'I GSANG SNGAGS ZLOS BYED CING, ,SA YI DBUS KYI PHYOGS SU NI, ,PUS MO GNYIS BTZUGS MCHOD YON DBUL, ,YANG NA DKYIL 'KHOR THAMS CAD KYI, ,LAS LA MCHOD YON DON DU NI, ,ME TOG DKAR PO'AM BDUG SPOS NI, ,BZANG PO'AM DRI ZHIM BYUG SPOS DBUL, ,BDUG SPOS DAG DANG BYUG SPOS NI, ,SROG CHAGS YAN LAG BCAS

PA SPANG, ,LAS SU BYA BA THAMS CAD LA, ,CHU NI GTZANG MA BTZAG PAR BYA, ,DKYIL 'KHOR NGAG TU CIG RKYANG PA'I, ,BYUG SPOS DAG GAM BDUG SPOS DAG ,ME TOG SKAM LAS SKYES PA NI, ,DRI ZHIM PA DANG DKAR PO SHIS, ,DE NAS SLOB MA BSOGS NAS NI, ,SPOS KYI CHU YIS BSANG GTOR BYA, ,TSOGS PA SRUNG BA BYAS PA RNAMS, ,PHYOGS GCIG TU NI BKOD NAS SU, ,SHES RAB PHA ROL PHYIN BKLAGS TE, ,GUS PAR YANG NI PHYAG BYAS NAS, ,'PHAGS PA'I TSOGS KUN BSAMS NAS SU, ,DE NAS DKYIL 'KHOR DRI BAR BYA, ,MKHAS PAS LCAGS NI RNAM LNGA 'AM, ,PHYE MA DKAR PO LA SOGS PA'AM, ,DAD CING YON TAN LDAN PA YI, ,SLOB MAS RIN CHEN PHYE MAS BRI, ,RIN CHEN LCAGS RNAMS MA 'BYOR NA, ,S'A LU BTAGS PA'I PHYEMS BYA, ,TSON RTZI LNGAR BSHAD ZHIB MO DANG, ,'BYUNG KHUNGS NAS BYUNG PHYE MA DANG, ,RDO YI KHAMS NI SNA TSOGS DAG , PHYE MA'I LAS LA SBYAR BAR BYA, ,DE LTAR RNAM PA BZHI PO DAG ,PHYE MA'I RGYUR NI BSGRAGS PA YIN, ,LCAGS RNAMS KUN DANG RIN CHEN DANG, ,'BYUNG KHUNG SA SA DANG 'BRAS GTAGS PA, ,DKYIL 'KHOR KUN GYI LAS RNAMS LA, ,PHYE MA'I DON DU SBYAR BAR BYA, ,YANG NA LAS KYI CHO GA LA, ,PHYE MA DMAR MO SO PHAG BSREGS, ,NAG PO THAL BA

, ,DKAR PO NI, ,NAS DANG GRO LAS BYAS PA GNANG, ,BYA BA RINGS PA 'BYUNG BA DANG, ,BGEGS RNAMS TSAR GCAD BYA BA DANG, ,DRAG SHUL SPYOD PA'I LAS DAG NI, ,DKYIL 'KHOR LAS LA THAL BA GNANG, ,DKYIL 'KHOR GYI NI CHO GA LA, ,PHYE MA'I RGYU NI SNGAR BSHAD PA, ,KUN KYANG RUNG STE KHYAD PAR DU, ,DANG PO LA SOGS RIM BZHIN SHIS, ,DAM TSIG LAS LA LCAGS KYI BZANG, ,RIN CHEN LAS BYUNG DBANG BSKUR LA, ,S'A LU'I PHYE MA ZHI BA LA, ,'BYUNG KHUNGS LAS BYUNG RGYAS PA LA, ,DRAG SHUL SPYOD LA KHYAD PAR DU, ,THAL BA LA SOGS BYA BAR SHIS, ,DE NI PHYI MA'I CHO GA'I RIM, ,KHYAD PAR DANG BCAS BSTAN PA YIN, ,BYANG SHAR MTSAMS NAS BRTZAMS NAS SU, ,RDO RJE KHU TSUR SBYOR BA'AM, ,YANG NA LCAGS KYU'I PHYAG RGYA'AM, ,LHUNG BZED RGYA YIS SBYOR BA 'AM, ,YANG NA RIG BYED LAG PAS BRI; ;DKAR PO DANG POR DGYE BAR BYA, ,DE YI 'OG TU DMAR PO DGYE, ,DE NAS SER PO DGYE BAR BYA, ,DE YI 'OG TU LJANG KHU DGYE, ,SNGAGS PAS KUN GYI PHYI ROL DU,, TSON RTZI NAG PO DGYE BAR BYA, ,G-YAS SU BSKOR ZHING RGYUN MI BCAD, ,THAMS CAD MNYAM ZHING BAR CHAD MED, ,NGAN PA DANG NI NYAMS PA DANG, ,MA SNYOMS PA DANG

BAR CHAD NA, ,GNOD PA MANG PO 'BYUNG BAR 'GYUR, ,DE BAS NAN TAN CHER BYAS TE, ,MKHAS PAS PHYE MA DGYE BAR BYA, ,PHYOGS RNAMS KUN TU MKHAS PA YIS, ,DBUS SU SGO NI GDOD PAR BYA, ,NGOS GNYIS SU NI CHA DAG KYANG, ,BZHI BZHI DAG NI DOR BAR BYA, ,CHAB SGO CHEN PO STEGS BUR BCAS, ,CUNG ZAD GCIG NI LHAG PAR BYA, ,CHAB SGO GZHAN RNAMS BCAD PAR NI, ,PHYE MA DKAR PO DAG GIS NI, ,SGO YI DBUS KYI CHA DAG TU, ,RI MO PHRA MO BRI BAR BYA, ,YANG NA SGO YI PHYAG RGYA'AM, ,SGO SRUNGS JI LTAR 'DOD PAR BRI, ,DANG PO TSON RTZI SNA LNGAS BRI, ,DKYIL 'KHOR GNYIS PA SNA GSUM GYIS, ,GSUM PA PHYE MA DKAR PO YIS, ,GCIG RKYANG DU NI BRI BAR BYA, ,GZHAN YANG KHA CIG GANG BSHAD PA, ,DE YI RI MO GCIG RKYANG NYID, ,THAL PHYER BSHAD PA GANG YIN PA, ,DE DAG THAMS CAD RI MO GCIG ,DE LTAR DKYIL 'KHOR BRIS NAS SU, ,CHA GSUM DU NI LEGS BTAGS LA, , CHU ZHENG DAG NI CHA GNYIS KYANG, ,SHIN TU LEGS PAR NGES PAR BYA, ,RNAM PAR DBYE BA 'DI DAG NI, ,RIGS GSUM DAG GI SPYIR BSTAN TO, ,YANG NA SO SO RGYUD RNAMS LAS,, GO RIM JI SKAD BSHAD BZHIN BYA, ,LHA YI GNAS KYI SA GZHI RNAMS, ,BA GLANG LCI BAS BSKU BAR BYA, ,DE YI 'OG TU KHYAD PAR DU, ,BA YI RNAM LNGA'I CHU YIS BSKU, ,THAMS CAD

, ,SPOS KYI CHUS GTOR NAS, ,DE YI 'OG TU PHYE MA DGYE, ,RIG SNGAGS RGYAL POS MNGON SNGAGS PA'I, ,SPOS KYI CHU YIS GTOR BAR BYA, ,DKYIL 'KHOR DAG GI CHOG NI, ,RNAM PA GSUM PO MA LUS LA, ,LHA RNAMS THAMS CAD DGOD PA NI, ,RNAM PA GSUM DU RAB TU BSHAD, ,DANG PO GZUGS SU BRI BAR BSHAD,, GNYIS PA DAG NI PHYAG RGYA BRI, ,GSUM PA STAN DANG GNAS DAG TU, ,BRI BA'I CHO GA YONGS SU BSGRAGS, ,BLO DANG LDAN PAS GZUGS KYI TSUL, ,BRI BA DE LA MKHAS PAR BYA,, GTZANG MAS BSGRIMS TE RANG GI NI, ,NGO BO JI SKAD BSHAD BZHIN BRI, ,GZUGS DANG 'TSAM PAR YAN LAG GDAGS, ,GSAL ZHING RNAM PAR 'BYES PAR BRI, ,GZUGS KYANG DKYIL 'KHOR RNAMS KYI NI, ,TSAD DANG SBYAR ZHING BYA BAR BSGRAGS, ,RANG GI LUNG LAS KHA DOG GZUGS, ,'BYUNG BA BZHIN DU GZUGS BRIS TE, ,CI NAS YAN LAG MA NYAMS SHING, ,RANG BZHIN ZHI BA'I GZUGS SU BRI, ,GSANG SNGAGS CHO GA SHES PA YIS, ,CHO GA 'DI YIS DKYIL 'KHOR BRI, ,BLO DANG LDAN BSAM BSLABS PAS; ;PHYAG RGYA RNAMS SU DGOD PAR BYA, ,BSLABS PAS KYANG NI PHYE MA YIS, ,YAN LAG RDZOGS PAR RAB TU DKA', ,YAN LAG RDZOGS SHING RGYAS BYA NA, ,CHO GA'I

LAS LA RING DU THOGS, ,GZUGS RNAMS LEGS PAR BSGRUBS NA NI, ,MANG PO RNAMS NI ZIN MI 'GYUR, ,YAN LAG NYAMS NA BYIN MI RLOB, ,DNGOS MI 'GRUB PAR RAB TU BSHAD, ,DE LTA BAS NA MKHAS PA YIS, ,PHYAG RGYA'I GZUGS SU LHA RNAMS DGOD, ,YANG NA RIGS GSUM BDAG PO RNAMS, ,CI 'DOD PAR NI GZUGS SU DGOD, ,DE LAS SANGS RGYAS BCOM LDAN GYI, ,PHYAG RGYA GTZUG TOR GO RIMS BZHIN, ,YID LA DE YI SNGAGS ZLOS SHING, ,PHYE MA DKAR POS BRI BAR BYA, ,'PHAGS PA SPYAN RAS GZIGS DBANG GIS, ,PHYAG RGYA PADMAR RAB TU BSGRAGS, ,PHYAG NA RDO RJE PHYAG RGYA NI, ,RDO RJE RNON PO RTZE GSUM 'BAR, ,LHA RNAMS GZHAN GYI PHYAG RGYA NI, ,LUNG LAS JI SKAD BSHAD PA BZHIN, YANG NA RIGS KYI BDAG PO'I RGYA, ,DE DANG DER NI SPYI YI YIN, ,LHA RNAMS GANG DANG GANG DAG GIS, ,MTSAN MA GANG DANG GANG YIN PA, ,DE DANG DE DAG DE YI RGYA, ,'DI NI MA NOR MDOR BSHAD BYA, ,DRAG PO'I PHYAG RGYA RTZE GSUM RNO, ,DKA' BZLOG PHYAG NA RTZE GSUM GDENGS, ,KHYAB 'JUG GI NI 'KHOR LO RNO, ,SDE CHEN GYI NI MDUNG THUNG YIN, ,TSANGS PA'I PADMA YIN PAR BSHAD, ,BRGYA BYIN GYI NI RDO RJER GSUNGS, ,ME LHA'I PHYAG RGYA ZHUGS THAB YIN, ,GSHIN RJE'I PHYAG RGYA BE CON YIN, ,BDEN BRAL GYI NI RAL GRI YIN,,

, ,CHU BDAG GI NI ZHAGS PAR BSHAD, ,RLUNG GI PHYAG RGYA RGYAL MTSAN YIN, ,KU BE RA YI DBYUG TO STE, ,DBANG BDAG GI NI RTZE GSUM GSUNGS,, 'DI BRGYAD PHYOGS KYI LHA BRGYAD KYI'O, ,SA YI PHYAG RGYA BUM PA YIN, ,NYI ZLA'I PHYAG RGYA ZLUM POR BYA, ,LHA RNAMS SO SO'I BYE BRAG LAS, ,SVASTI KA LA SOGS PA'I RGYA, , MKHAS PAS JI SKAD BSHAD BZHIN BRI, ,YANG NA KUN GYI ZLUM POR BRI, ,GANG DU LHA RNAMS GZUGS DAG TU, ,DGOD PA BSHAD PA RER YANG NI, ,PHYAG RGYA DAG GAM YANG NA NI, ,STAN DU DGOD PA'I CHO GA NI, ,'DI LAS GZHAN PA GSUM PAR BSHAD, ,DE LA SOGS PA'I PHYAG RGYA RNAMS, ,JI SKAD BSHAD PA'I CHO GA BZHIN, ,DKYIL 'KHOR DAG TU MA SMOS KYANG, ,CHO GA BZHIN DU BRI BAR BSHAD, ,DE LTAR PHYAG RGYA DGOD PA 'DIS, ,DGOD PA GNYIS PAR BSHAD PA YIN, ,STAN DU DGOD PA'I CHO GA NI; ;'DI LAS GZHAN PA GSUM PAR BSHAD, ,DKYIL 'KHOR DAG GI NANG DU NI, ,TSON RTZI PHYE MA'I THIG LER BRI, ,DKYIL 'KHOR DAG GI TSAD LAS NI, ,KHOR KHOR YUG RGYA CHER BSKOR, ,RIGS KYI BDAG PO'I LHA RNAMS NI, ,GO RIMS BZHIN DU DE LTAR BRI, ,LHA RNAMS GZHAN NI GDAN RNAMS KYI, ,SPYI YI CHO GA BSHAD PA YIN,

ZLUM PO'AM YANG NA GRU BZHI RUNG, ,THOG MA STAN NI DGOD PAR BYA, ,YID LA DE YI SNGAGS ZLOS SHING, ,DE YI STENG DU MKHAS PAS DGOD, ,PHYI ROL DU NI THIG LE LA, ,MKHAS PAS LHA RNAMS MING GIS DGOD, ,THAMS CAD THIG LER GNAS BYAS NAS, ,SPYAN DRANG PAR NI BRTZAM PAR BYA, ,'DI DAG STAN DU DGOD PA STE, ,GSUM PA YONGS SU BSGRAGS PA YIN; ;RINGS SAM YANG NA MI NUS NA, ,STAN DU DGOD PAR DKYIL 'KHOR BYA, ,YANG NA CHO GA SHES PA YIS, ,GSUM PO 'DI YI CHO GA NI, ,RE RE'AM GNYIS SAM GSUM CHAR RAM, ,BSRES NAS DKYIL 'KHOR LEGS PAR BRI, ,RIGS KYI BDAG PO GSUM RNAMS KYI, ,GSANG SNGAGS THOG MAR BKOD NAS SU, ,DKYIL 'KHOR NAD DU MKHAS PA YIS, ,LHAG MA RNAMS KYI PHYAG RGYA BRI, ,PHYI ROL DU NI STAN RNAMS BRI, ,'DI NI SPYI YI CHO GA STE, ,DKYIL 'KHOR DAG LA KHYAD PAR DU, ,BAR MA RAB TU BSNGAGS PA YIN,, GZUGS RNAMS LEGS PAR MA RDZOGS NA, ,NYES PA SNGAR NI BSHAD PA BZHIN, ,GNAS RNAMS STONG PAR 'GYUR BAS NA, ,CHO GA THA MA MI SHES SO, ,PHYAG RGYA RNAM GSUM GANG BKOD PA, ,BAR MA RAB TU BSGRAGS PA YIN, ,KHYAD PAR DU NI DE BSNGAGS TE, ,DE LA BYIN GYIS RLOB PAR 'GYUR, ,PHYAG RGYA BRI NA BDE BA STE, ,PHYAG RGYA GANG YIN DE NYID

, ,LHA; ;DE BAS MKHAS PAS NAN TAN DU, ,DKYIL 'KHOR DAG GI PHYAG RGYA BRI, ,DKYIL 'KHOR MA LUS PA RNAMS SU, ,MA BSHAD KYANG NI DOGS MED PAS, ,SANGS RGYAS BCOM LDAN 'OG LOGS SU, ,GZHAN GYIS MI THUB LHA MO BRI, ,DBUS KYI STONG PA GANG YIN PA, ,DER YANG BUM PA'I STENG DU NI, ,SHES RAB PHA ROL PHYIN PA GZHAG ,DER YANG MCHOD CING BKLAG PAR BYA, ,LA LA DAG TU MA GSUNGS KYANG, ,'PHAGS PA SPYAN RAS GZIGS DBANG GI ,DRUNG DU BLO DANG LDAN PA YIS; ;GOS DKAR CAN NI RTAG TU BRI, ,PHYAG NA RDO RJE'I DRUNG DU NI, ,BDUD RTZI THAB SBYOR KUN TU BRI, ,BRTZON 'GRUS CHEN MO M'A MA K'I, ,PHYAG RGYA CHEN MO BRI BAR BYA,, CHO GA SHES PAS SGO DRUNG DU, ,DGA' BO DE DANG BSNYEN DGA' BRI, ,MKHAS PAS JI SKAD BSHAD PA YI, ,'PHROG MA DE BZHIN MDUN DU BRI, ,SGO RNAMS KUN TU RDO RJE BRI; ;PHYOGS SKYONG PHYAG RGYA'ANG LUGS BZHIN DU, ,SO SO SO SOR DRAG PO'I GZUGS, ,SO SO'I PHYOGS KYI GNAS SU BRI, ,GNOD SBYIN NOR BU BZANG LA SOGS, ,BSTAN PA LA NI GANG DGA' BA, ,SGO YI BYANG GI PHYI ROL GYI, ,PHYI ROL DU YANG DE DGOD DO, ,GANG DAG TU YANG MA BSHAD KYANG, ,SHAR DU SANGS RGYAS THAMS CAD DANG, ,DE BZHIN

CHOS DANG DGE 'DUN LA, ,GUS PAR DKYIL 'KHOR BYAS NAS MCHOD, ,'JAM DPAL GZHON NUR GYUR PA DANG, ,RGYAL SRAS MTHU CHEN THOB PA DANG, ,NAM MKHA'I SNYING PO DON GRUB DANG, ,DRI MA MED PA'I BLO GROS DANG, ,DE LA SOGS PA'I SEMS DPA' CHE, ,DKYIL 'KHOR GYI NI PHYI ROL DGOD, ,BSKAL PA BZANG PO'I GROGS PO NI, ,BYAMS PA LA SOGS THAMS CAD DGOD, ,RDO RJE SDE DANG LAG BZANG DANG, ,DE BZHIN BGEGS KYI SDE DPON DANG, ,DBANG PHYUG CHEN PO CHUNG MAR BCAS, ,TSANGS PA CHEN PO MES PO BRI; ;RIG SNGAGS 'CHANG GI RGYAL PO YANG, ,GLANG PO CHE ZHES BYA BA DANG, ,YAN LAG BKRAM 'BYIN RTZE BRAN CAN, ,G-YON PHYOGS COD PAN MI BZAD DANG, ,SNA TSOGS 'OD DANG LEGS PAR GRUB, ,RIG SNGAGS 'CHANG BDUN BDAG PO STE, ,BDUN PO 'DI DAG RIGS KYI GTZO, ,DNGOS GRUB PA STE MTHU CAN RNAMS, ,DKYIL 'KHOR DAG NI THAMS CAD KYI, ,LHO YI PHYOGS SU LEGS PAR DGOD, ,MA MO RNAMS DANG SNA YON DANG, ,DE BZHIN GZA' RNAMS SNA TSOGS DANG, ,SGRA GCAN STOBS CAN RAB SIM DANG, , RNAM PAR SNANG BYED LA SOGS DANG, ,NOR RGYAS LA SOGS KLU RNAMS DANG, ,DE DAG NUB GYI PHYOGS SU DGOD, ,SHAR DU RDO RJE PHYAG RGYA NI, ,BRGYA BYIN LHA DANG BCAS PA DANG, ,

, ,DE BZHIN GNAS GTZANG LHA RNAMS KYANG, ,GUS PAR YANG NI MCHOD PAR BYA, ,NYI ZLA GNYIS KYI DKYIL 'KHOR NI, ,DKAR DANG DMAR BA'I BYE BRAG GIS, ,SHAR DANG NUB TU BRIS NAS NI, ,DE NAS DE GNYIS MKHAS PAS MCHOD, ,ME YI PHYOGS SU ZHUGS THOB RGYA, ,ME LHA DRANG SRONG 'KHOR BCAS BRI, ,LHO PHYOGS BE CON PHYAG RGYA NI, ,GSHIN RJE YI DVAGS LA SOGS BCAS, ,BDEN [?] BRAL PHYOGS SU RAL GRI'I RGYA, ,BDEN BRAL BA NI SRIN POR BCAS, ,CHU LHA'I PHYOGS SU ZHAGS PA'I RGYA, ,CHU LHA KLU DANG LHAN CIG TU, ,RLUNG GI PHYOGS SU RGYAL MTSAN RGYA, ,RLUNG GI LHA NI RLUNG DANG BCAS, ,BYANG DU DBYUG TO'I PHYAG RGYA YANG, ,KU BE RA YANG GNOD SBYIN BCAS, ,DBANG LDAN PHYOGS SU RTZE GSUM RGYA, ,DBANG LDAN TSOGS DANG LHAN CIG TU, ,'OG TU BUM PA'I PHYAG RGYA NI, ,SA YI LHA MO LHA MIN BCAS, , PHYOGS SKYONG RNAMS NI GO RIMS BZHIN, ,DE LTAR GNAS SU DGOD BYAS NAS, ,BYUG SPOS ME TOG LA SOGS PAS, ,MKHAS PAS SO SOR 'KHOR BCAS MCHOD,, MDZOD SPU DANG NI MDUNG THUNG DANG, ,'KHOR LOS BSGYUR BA CHER 'BYUNG BCAS, ,RIG SNGAGS CHEN MO SPYAN DANG NI, ,YID BZHIN NOR BU RGYAL MTSAN DANG,,

MNGAG GZHUG BRTZON 'GRUS CHEN PO DANG, ,DE BZHIN GZHAN GYIS MI THUB PA, ,DE BZHIN GSHEGS PA'I RIGS DAG GI ,DKYIL 'KHOR KUN LA DGOD PAR BYA, ,GRAGS LDAN MA DANG DKAR CHEN MO, ,DE BZHIN GOS DKAR CAN DANG NI, ,RTA MGRIN DANG NI RAL PA GCIG ,SGROL MA DKAR SHAM DPAL MO CHE, ,'DOD PA 'BYOR BYED GSANG SNGAGS DAG , 'PHAGS PA SPYAN RAS GZIGS DBANG GI, ,DKYIL 'KHOR MA LUS PA RNAMS SU, ,MKHAS PAS CHO GA BZHIN DU DGOD, ,RDO RJE LCAGS KYU KHU TSUR DANG, ,RIG PA'I RGYAL PO PHYAG RGYAR BCAS, ,KHRO BO CHEN PO THAB SBYOR DANG, ,GOM PA DOR NYID DANG NI, ,RDO RJE LUG RGYUD BE CON DANG, ,KHRO BO 'CHOL PA ZHES BYA DAG ,PHYAG NA RDO RJE'I DKYIL 'KHOR DU, ,MA SMOS KYANG NI DE DAG DGOD, ,DKYIL 'KHOR DANG PO'I NANG DU NI, ,JI SKAD SMOS PA'I LHA BKOD NAS, ,DE NAS MKHAS PAS DKYIL 'KHOR NI, ,GNYIS PAR RIM PA JI BZHIN DU, ,MA SMOS PA DANG 'DOD PA YI, ,GSANG SNGAGS RNAMS KYANG DGOD BYA ZHING, ,'KHRUL PA MED PAR GSUM PAR YANG, ,BYE BRAG TU NI DGOD PAR BYA; ;PHYOGS BZHIR CHOS KLOG BZHI BZHAG NAS, ,DE LA SHAR GYI PHYOGS SU NI, ,SHES RAB PHA ROL PHYIN PA BZHAG ,BYANG GI PHYOGS SU BZHAG PA NI, ,GSER 'OD DAM

, ,PA'I MDO SDE YIN, ,NUB KYI PHYOGS SU BZHAG PA NI, ,DE BZHIN GSHEGS PA'I GSANG BA'I MDO, ,THEG PA CHEN PO SDONG POS BSHAD,, LHO YI PHYOGS SU BZHAG NAS SU, ,GUS PAR DE DAG MCHOD PAR BYA, ,RGYUD KUN GYI NI GSANG SNGAGS BDAG ,YONGS SU MNYES PAR BYA BA'I PHYIR, ,MKHAS PAS DKYIL 'KHOR PHYI ROL TU, ,SPYI YI CHO GA GZHAN 'DI 'ANG BYA, ,BYANG DANG LHO DANG SHAR PHYOGS KYI, ,PHYOGS GSUM DU NI STEGS BU GSUM, ,BYAS TE RIGS GSUM BSAMS NAS SU, ,SPYAN DRANG BA YI CHO GA BYAS, ,DE BZHIN GSHEGS PA'I RIGS RNAMS KYIS, ,GSANG SNGAGS KUN LA DBUL LO ZHES, ,ME TOG SPOS CHUS BKANG BA YI; ;MCHOD YON DAG NI DBUL BAR BYA, ,SANGS RGYAS PA LA SHAR PHYOGS SU, ,PADMA 'DZIN LA BYANG PHYOGS SU, ,GSANG BA'I BDAG POS BSHAD PA YI, ,GSANG SNGAGS RNAMS LA LHO PHYOGS SU, ,DE LTAR BYAS NA RIGS GSUM GYI, ,GSANG SNGAGS 'KHOR DANG BCAS PA KUN, ,MCHOD PA BYAS PA 'DI RU NI, ,DGYES PAR GYUR PA GDON MI ZA, ,CHO GA 'DI YI NUB PHYOGS SU, ,'JIG RTEN PA YI LHA RNAMS NI, ,KUN LA DBUL LO ZHES BRJOD CING, ,PHYI ROL STEGS BU STENG DU MCHOD, ,ZHI BA DAG GI CHO GA LA,,

BYANG CHUB SEMS DPA' DKON MCHOG GSUM, ,GTZANG MA'I GNAS NA 'KHOD PA YI, ,LHA RNAMS KYANG NI DGOD PAR BYA, ,RGYAS PA LA NI KHYAD PAR DU, ,RIG SNGAGS GSANG SNGAGS THAMS CAD DANG, ,BSTAN PA LA NI DGA' BA YI, ,GNOD SBYIN RNAMS KYANG DGOD PAR BYA, ,DRAG SHUL SPYOD PA'I DKYIL 'KHOR DU, ,KHRO BO RNAMS KYI PHYAG RGYA NI,, DRAG SHUL CHEN PO'I RNAM DAG DANG, ,MNGAG GZHUG PHO MO MANG PO DGOD, ,DKYIL 'KHOR DAG NI THAMS CAD LA'ANG, ,LAS RNAMS GSUM DU SHES PAR BYA, ,DE BAS CHO GA 'DI RNAMS KYIS, ,DKYIL 'KHOR RNAM PA GSUM DU BRTAG ,DKYIL 'KHOR DAG GI DBUS DAG NI, ,SA STONG GAR YANG MA GTOGS PA, ,GANG NA YOD PA DE RU NI, ,SHES RAB PHA ROL PHYIN PA BZHAG ,YANG NA SGO YI G-YAS ROL DU, ,SLOB MA BZANG PO'I STENG DU GZHAG ,G-YON GYI PHYOGS SU SBYIN SREG PHYIR, ,ME NI YAM SREG SHING GIS SBAR; ;YANG NA SHAR LHO MTSAMS DAG TU, ,ME NI RAB TU SBAR BAR BYA, ,YANG NA LAS KYI RJES MTHUN PAR, ,PHYOGS KYI GO RIM BZHIN DU BZHAG ,DRI GTZANG KHANG NGAM GNAS KHANG NGAM, ,PHUG GAM YANG NA GO SKABS DAG ,DOG PA BZHIN DU BYED NA NI, ,DER NI JI LTAR 'DOD PAR BYA, ,GO SKABS DOG PA DAG TU NI, ,SGRUB PA'I DKYIL

, ,'KHOR MA GTOGS PA, ,SLOB DPON GYIS NI GZHAN MI BRI, ,BRIS NA MOD LA 'CHI BAR 'GYUR, ,DKYIL 'KHOR DAG NI MA LUS PAR,, GO SKABS YANGS PA'I PHYOGS SU SHING, ,KHANG BZANG DAG GAM KHYAMS SU YANG, ,GOMS PA YIS NI CI BDER BRI, ,RANG RONG DAG GAM SDONG DU MA DAG ,LJON SHING DAG DANG RNGO BA NI, ,RAB TU BSGRIMS NAS DBYUNG BYA STE, ,DE DAG ZUG RDU YIN PAR BSHAD, ,MKHAS PAS DE DBYUNG THABS MED NA, ,ZHI BA'I CHO GA BYAS TE BZHAG, SNYING PO'I DKYIL 'KHOR DU NI DE, ,BAG MED NAM YANG MI BZHAG GO, ,RANG RONG LA SOGS BYE BRAG DAG, ,DKYIL 'KHOR DBU MA MA GTOGS PAR, ,GNAS KHANG LA SOGS NYES MED DE, ,DE DAG DE NA RANG BZHIN GNAS, ,KHANG BZANG DAG LA SOGS PA NI, ,BSANG GTOR BYAS PAS DAG PAR BSHAD, ,RI LA SA GZHI MNYAM PA DANG; ;RDO BA'I ZUG RDU BRTAG MI DGOS, ,GAL TE GNAS KYI DBANG GIS SU, ,LHA RNAMS PHYOGS LOGS 'GOD BYED NA, ,MKHAS PAS ZHI BA BYAS TE GZHAG ,SNYING POR NAM YANG MI BYA'O, ,BYA BA'I DBANG GIS DE LA SOGS, ,'GAL BA GANG DANG GANG BYED PA, ,DE DANG DER NI MKHAS PA YIS, ,THAMS CAD ZHI BA'I LAS KYIS

BSAL, ,BLO DANG LDAN PAS CHO GA 'DIS, ,DKYIL 'KHOR RDZOGS PAR BRIS NAS NI, ,YID NI LEGS PAR MNYAM BZHAG NAS, ,DE YI 'OG TU YANG BRTAGS TE, ,BRGYA LA 'GA' ZHIG MA LEGS NA, ,DE NI PHYIR YANG BCOS PAR BYA, ,MKHAS PAS RANG GI GSANG SNGAGS SAM, ,SLOB MA'I SNGAGS KYANG 'DOD NA DGOD, ,SLOB MA BRTAGS PA LA LA ZHIG ;GAL TE DBANG NI BSKUR 'DOD NA, ,DBANG BSKUR DON DU DKYIL 'KHOR NI, ,PHYE MA DKAR POS BRI BAR BYA, ,DKYIL 'KHOR DAG DANG RJES MTHUN PAR, ,STEGS BU GRU BZHI BYAS NAS SU, ,DE YI DBUS SU TSON SNA LNGAS, ,PADMA YONGS SU RDZOGS PAR BRI, ,BKRA SHIS LA SOGS MTSAN MA RNAMS, ,DE NI JI LTAR 'DOD PA BRI, ,BKRA SHIS PHYIR NI GANG BSTAN PA, ,YANG NA DE NI DNGOS SU DGOD, ,MKHAS PAS G-YOS RNAMS GANG BZHAG PA'I, ,SA RIS RNAMS KYANG PHYE MAS BCAD, ,G-YOS SU BYAS PA'I RNAM PA KUN; ;BSOGS NAS DER NI DGOD PAR BYA, ,BUM PA DAG DANG RGYAL MTSAN DANG, ,RTA BABS BZHAG PA'I SA RIS DANG, ,PHYI ROL MDZES PAR BYA BA YANG, ,JI LTAR 'DOD PA PHYE MAS BYA, ,DE NAS GZHAN YANG LHA RNAMS NI, ,SPYAN DRANG BA YI CHO GA GANG, ,MCHOD PA'I GO RIM JI BZHIN DU, ,YANG DAG MDOR BSDUS BSHAD PAR BYA, ,DKYIL

, ,'KHOR CHO GA BZHIN BRIS NAS, ,NYE REG BYAS SHING GTZANG BAR BYA, ,LHA RNAMS LA YANG PHYAG BYAS NAS, ,BZANG NGAM MI BZANG BRTAG PAR BYA, ,PHYI ROL SHAR PHYOGS KHA BLTAS NAS, ,YID LA DKYIL 'KHOR BDAG PO YI, ,SNYING PO'AM GSANG SNGAGS KUN ZLOS SHING, ,MTSAN MA DAG NI BRTAG PAR BYA, ,JI SRID LTAS NI BZANG PO DAG ,'GA' ZHIG 'BYUNG BAR 'GYUR GYI BAR, ,DE NYID BSGRIMS TE YID GCIG TU, ,BZLAS BRJOD BYED LA 'BAD CING BSDAD, ,DE MTHONG BLO LDAN RANGS 'GYUR BAS, ,LAS KUN BYED PA'I GSANG SNGAGS SAM, ,BDAG GIS GANG ZHIG BZLAS PA YIS, , BSRUNG BA LEGS PAR SBYAR BAR BYA, ,YANG NA RGYUD RNAMS KUN GYI SPYIR, ,BGEGS RNAMS THAMS CAD BZLOG PA LA, ,RDO RJE BE CON BRTZON 'GRUS CHE,, KHRO BO BDUD RTZI THAB SBYOR DANG, ,MGO LA RDO RJE SMOS PA YIS, ,PHUR BU RA BA DRA BA GSUM, ,BLO DANG LDAN PAS LNGA PO DAG ,CHO GA BZHIN DU SBYAR BAR BYA; ;BSRUNG BA RTZA BA'I GSANG SNGAGS SAM, ,YANG NA DE YI SNYING POS BYA, ,SLOB MA RNAMS LA YID KYIS SU, ,BSRUNG BA SNGA MA BZHIN DU BYA, ,BSRUNG

BA BYAS NA DE 'OG TU, ,MKHAS PAS DKYIL 'KHOR 'JUG PAR BYA, ,ZHUGS NAS MCHOD YON SNOD THOGS TE, ,MCHOD YON DAG KYANG DBUL BAR BYA, ,MCHOD YON SNOD NI GSER DNGUL LAM, ,ZANGS SAM SHEL LAM NOR BU'AM, ,MCHING BU DKAR PO LAS BYAS PA, ,SHING NGAM DE BZHIN RDO LAS BYA, ,DUNG NGAM LO MA SKYONGS PU 'AM, ,NYA PHYIS DAG GAM KHAM PHOR NI, ,SAR PA YAN LAG MA NYAMS PA, ,DAG PAR BYAS LA BLANG BAR BYA, ,DER NI KHRO RGYAL BZLAS PA YI, ,ME TOG DAG KYANG BTZUG NAS SU, ,MNYAM PAR BZHAG STE DKYIL 'KHOR GYI, ,GSANG SNGAGS LAN BDUN BZLAS NAS NI, ,SNGA MA BZHIN DU DRI CHU YIS, ,MCHOD YON GUS PAR DBUL BAR BYA, ,DKYIL 'KHOR DBU MAR PHUL NAS NI, ,LHAG MA RNAMS LA GTOR BAR BSHAD, ,DKYIL 'KHOR THAMS CAD BSANG GTOR BYAS, ,DE NAS CHO GA 'DI BYA 'O, ,BUM PA NAG POR RI MED, ,GZUGS BZANG KHA DOG RAB TU DMAR, ,GSAR LA MA CHAG MA GAS PA, ,YANG DAG DBYIBS NI LEGS SHING ZLUM, ,BZLAS BRJOD DAG KYANG LAN BDUN BYAS, ,SPOS CHU DAG GIS BKANG BA LA, ,'BRU RNAMS KUN DANG LDAN BYAS SHING, ,SMAN RNAMS DANG YANG LDAN PA DANG, ,RIN CHEN KUN DANG

, ,RAB TU LDAN, ,MGUL PAR RAS SAR RANGS PAS DKRIS, ,ME TOG PHRENG BAS RNAM PAR BRGYAN, ,KHA RGYAN LDUM BU BZANG POS BYA, ,SHING TOG BKRA SHIS KHAR BLUGS PA, ,'BRAS BU ME TOG SIL MAR LDAN, ,SPOS KYIS BYUG CING BDUG PAS BDUG ,THAMS CAD BKRA SHIS DANG LDAN PA, ,BZLAS BRJOD LAN BDUN BYAS PA DAG ,BKRA SHIS DON DU GNYER BA YIN, ,PHYOGS DANG MTSAMS RNAMS DAG TU DGOD, ,YON TAN KUN DANG LDAN PA YI, ,BUM PA 'DI KUN MA 'BYOR NA, ,DBANG BSKUR PHYIR NI 'BRING PO GCIG ,NAN TAN BSKYED DE LEGS PAR GZHAG ,GRVA DANG SGOR NI MA LUS PAR, ,BUM PA DAG KYANG BZHAG NAS NI; ;BAR SGO CHEN PO GNYIS GNYIS SHIG ,KHYAD PAR DU NI GZHAG PAR BYA, ,BUM PA GCIG NI PHYI SGO YI, ,DRUNG DU MNGON PAR GZHAG PAR BYA, ,MANG PO'I 'BYOR PAR MA GYUR NA, ,BRGYAD DAM YANG NA BZHI BZHAG GO ,NYUNG NGU RNAMS NI KHYAD PAR DU, ,PHA ROL DAG TU DGOD PAR BYA STE, ,SGO YI DRUNG DU GCIG BZHAG PA, ,DE NI NGES PAR BYA DGOS SO, ,'BRAS KYI SO BA MON SRAN GRE'U, ,NAS DANG GRO DANG TIL DANG LNGA, ,'BRU RNAMS KUN ZHES BYA BA NI, ,LAS RNAMS KUN LA 'DI DAG GZUGS,,

SING GHRi BY'A GHRi KARNI KA ,HA SA HA SA DE BA STE, ,SMAN RNAMS KUN CES BYA BA LA, ,LNGA PO 'DI DAG SHES PAR BYA, ,BYU RU GSER GYI SA LE SBRAM, ,DUNG DANG MU TIG NOR BU STE; ;RIN CHEN KUN CES BYA BA LA, ,LNGA PO 'DI DAG SHES PAR BYA, ,RGYAL MTSAN GSAR PA SNA TSOGS DANG, ,BRGYAD NI KHO RA KHOR YUG TU, ,YU BA DRANG BO RING PO LA; ;SPYANGS NAS NYE BAR BZUNG BYAS TE, ,DKAR PO SHAR GYI PHYOGS SU GZUGS, ,SHAR LHO MTSAMS SU LE BRGAN GZUGS, ,LHO YI PHYOGS SU NAG PO GZUGS, LHO NUB MTSAMS SU DUD KA GZUGS, ,NUB KYI PHYOGS SU DMAR PO GZUGS, ,NUB BYANG MTSAMS SU KHRA BO GZUGS, ,BYANG GI PHYOGS SU SER PO GZUGS, ,BYANG SHAR MTSAMS SU LJANG SER GZUGS, ,DE LTAR RGYAL MTSAN BRGYAD PO RNAMS, ,GO RIMS BZHIN DU GZUGS PAR BYA, ,RGYAL MTSAN RNAMS KYI RTZE MO LA, ,TOG NI RMA BYA'I MDONGS KYIS BRGYAN, ,RGYAL MTSAN RNAMS NI MA RNYED NA, ,THAMS CAD THAL KAR GCIG PU 'AM, ,YANG NA DE BAS MANG YANG RUNG, ,SHAR GYI PHYOGS SU GZUGS PAR BYA, ,PHOG PHOR KHAM PA LAS BYAS PA, ,SOM BTANG BA DKAR PO BCU, ,BYAS NAS PHYOGS DANG PHYOGS MTSAMS NI, ,RGYAB DANG DE BZHIN MDUN DU DGOD,

, ,POG PHOR DAG TU MA 'BYOR NA, ,KHAM PA'I PHUR BU'I NANG NAS DBUL, ,DE DAG KYANG NI MA 'BYOR NA, ,GCIG CIG SGOR NI BZHAG NAS DBUL ME TOG PHRENG BAS BRGYAN PA YI, ,RTA BABS NGAG KYANG PHYOGS BZHIR BYA, ,NAS DANG GRO DANG 'BRU RNAMS KYI, ,MYU GU LEGS PAR BSKYED PA DGOD, ,DRIL BU GDUGS DANG RNGA MA DANG, ,SRAD BU DAG KYANG PHYOGS BZHIR NI, ,RTA BABS SOGS LA PHYI ROL TU, ,MDZES PAR BYA PHYIR MKHAS PAS GDAGS, ,'BRAS YOS 'BRU DANG BCAS PA YIS, ,ME TOG SIL MA RAB TU DGRAM, ,DKYIL 'KHOR DAG GI PHYI ROL TU; ,PHYE MAS DKYIL 'KHOR SDUG GU BRI, ,'JIG RTEN 'DI NA GRAGS PA YI, ,BKRA SHIS LA SOGS GANG YIN RNAMS, ,DKYIL 'KHOR DAG GI PHYI ROL TU, ,PHYOGS BZHI DAG TU MKHAS PAS DGOD, ,DE LTAR RGYAS DANG MDOR BSDUS PA, , CI NUS SU NI SBYAR BA DAG ,CHO GA BZHIN DU BYAS NAS SU, ,DE NAS SPYAN DRANG BRTZAM PAR BYA, ,MCHOD YON CHO GA SNGA MA BZHIN, ,MA YENGS PAR NI SBYAR NAS SU; ;SO SO SNGAGS KYIS CI RIGS PAR, ,MKHAS PAS SPYAN NI DRANG BAR BYA, ,DKYIL 'KHOR BDAG PO'I GSANG SNGAGS SAM, ,YANG NA THAMS CAD SNYING

POS BYA, ,SNGAGS RGYUD LAS NI CI BSHAD PA, ,DE BZHIN DU NI SPYAN DRANG BA'O, ,MKHAS PAS DE BZHIN GSHEGS RIGS LA, ,'KHOR LOS BSGYUR BAS SPYAN DRANG NGO, , YANG NA SPYAN DRANG CHO GA NI, ,SANGS RGYAS SPYAN GYIS BYAR YANG RUNG, ,PHYAG NA PAD MO'I RIGS KUN LA, ,RIG PA'I RGYAL POS SPYAN DRANG BYA, ,YANG NA SPYAN DRANG CHO GA LA; ;DPAL MOS LAS KUN BYED PAS BYA, ,MKHAS PAS RDO RJE 'DZIN RIGS LA, ,GNOD MDZES CES BYA'I GSANG SNGAGS SAM, ,MA YENGS PAR NI M'A MA K'IS,, SPYAN DRANG BA YI CHO GA BYA, ,SNGAGS RGYUD BDAG PO'I SNGAGS GANG YIN, ,DE 'AM DE YI SNYING PO YIS, ,LHA RNAMS KYI NI MING SMOS TE, ,MKHAS PAS SPYAN DRANG CHO GA BYA; ;YANG NA RANG GI RIGS KYI SNGAGS, ,GANG YIN DE 'AM DE SNYING NGAM, ,CHO GA JI SKAD GSUNGS PAS KYANG, ,SPYAN DRANG BA NI MKHAS PAS BYA, ,YANG NA CHO GA CI GSUNGS PAS, ,YANG NA PHYI 'AM NANG DAG GI ,RANG GI GSANG SNGAGS GANG YIN PA, ,DE DAG GIS NI SPYAN DRANG PA'AM, ,JI LTAR LOBS PAR BYAR YANG RUNG, ,MCHOD YON GYI NI CHO GA BZHIN, ,DE LTAR SPYAN DRANG BYAS NAS NI, ,MCHOD YON NYID KYIS LAN RE ZHING, ,DE NAS ZHABS BKRU'I CHO GA BYA, ,BDE BAR GSHEGS ZHES

, ,BYA LA SOGS, ,PHYAG KYANG GUS PAR 'TSAL PA DAG ,GO RIMS BZHIN DU BYAS NAS NI, ,MKHAS PAS DE NAS MCHOD PA BRTZAM, ,DANG PO BYUG SPOS DBUL BYAS TE, ,DE YI 'OG TU ME TOG DBUL, ,DE NAS LEGS PAR MNYAM GZHAG NAS, ,BDUG SPOS LHA BSHOS DAG KYANG DBUL, ,TZANDAN AA KAR GUR KUM DANG, ,AUTPAL RGYA SPOS PRI YANG KU, ,LI SHI SHING TSA SPANG SPOS SMRIG ,NAG PUshPA G'A N'A MA BU, ,GRAN TI SUG SMEL PA TRA DANG, ,LA NI STHO'U NER SAR LDAN, ,RDO DREG SHA TA PUshPA DANG, ,SNA MA'I LO MA TZA RONG DANG, ,KOON TI MA DHU RI KA DANG, ,DHYAN N+YA KA TZO LA SOGS BZANG, ,'BRAS BU THANG CHU'I TSOGS RNAMS NI; ;MKHAS PA RNAMS KYIS 'DI SBYAR NA, ,MKHAS PA BLO DANG LDAN PA YIS, ,PHYI DANG NANG GI LHA KUN LA, ,GO RIMS BZHIN DU GSANG SNGAGS KYIS, ,MNGON PAR SNGAGS NAS BYUG SPOS DBUL, ,SROG CHAGS YAN LAG SBYAR MI RUNG, ,RGYA SKYEGS CHANG SOGS SBYAR MI RUNG, ,RDZAS NGAN DAG DANG SBYAR MI RUNG, ,RTZABS DANG SBYAR BA'ANG MI RUNG NGO, ,SANGS RGYAS LA NI KHYAD PAR DU, ,BYUG SPOS GUR KUM LA BYAS PA'AM, ,AA KAR NAG PO DRI ZHIM PA, ,DRI ZHIM GYIS BSGOS

DBUL BAR BYA, ,'PHAGS PA SPYAN RAS GZIGS DBANG LA, ,TZANDAN DKAR PO RAB TU DBUL, ,PHYAG NA RDO RJE 'KHOR BCAS LA, ,TZANDAN DMAR PO DBUL BAR BYA; ;LHAG MA RNAMS LA BYUG SPOS DAG ,JI LTAR RIGS PAS SPYIR PHUL NAS, ,ME TOG SKAM LAS SKYES PA DANG, ,CHU LA SKYES PAR MCHOD PAR BYA; ;MA LI BA KUN KUN DA DANG, ,MI LA KI NA MA LI KA ,TZAM PA K'A SHO BU NA KA ,PRI YANG YU NI AU RA NA, ,GE SAR SA LA TI LA KA ,SHING GI AUTPA KAR nI KA ;TA KA KA RA B'I RA DANG, ,AA DZI DOG PA KA DAM DANG, ,PIN TI RI DANG KA TA RA, ,KAN TZA NA DANG PA TA LA, ,SHI TA GAN TI KU RA PA, ,BA NA DANG NI GING SHU NYID, ,CHO GA SHES PAS DE LA SOGS, ,SKAM LAS SKYES PA GO RIMS BZHIN, ,NAN TAN DU NI DBUL BYA ZHING, ,NGAN PA DAG NI RNAM PAR SPANGS, ,GAN DANG KU YA SHIG MU DANG, ,BU SHA PA TI MUKTA KA ,AA GOL DRANG KA NI PA DANG, ,KE TA KA DANG MA NA YAN, ,KU RAN TA DANG 'DA' MA KA ;KU TI BA LA MA LI KA ,DE LA SOGS PA MI SHIS PA, ,DRAG SHUL SPYOD LA SBYAR BAR BYA, ,PADMA DKAR DANG PADMA DMAR, ,AUTPAL RIGS NI

, ,SNA TSOGS DANG, ,KU MU DA SOGS CHU SKYES RNAMS, ,DKYIL 'KHOR LAS LA SBYAR BYA STE, ,DE YANG KU MU DA DMAR DANG; ;DE BZHIN SOO GAN TI KAR DANG, ,DRI MI ZHIM PA GZHAN DAG KYANG, ,DRAG SHUL SPYOD LA SBYAR BAR BYA, ,GE SAR KA NI KAR DANG, ,MA LA TI DANG ME TOG DKAR, ,DRI ZHIM PA DAG KHYAD PAR DU, ,DE BZHIN GSHEGS PA'I RIGS LA DBUL, ,PADMA LA SOGS CHU SKYES RNAMS, ,MKHAS PAS PADMA'I RIGS LA DBUL, ,AA SHO KU TI TI LA KA ,DE BZHIN NA BA MA LI KA ,PRI YANG KU DANG TA PA RA, ,KA RA B'I RA TRAG TRA KA ,AUTPAL SNGON PO NYID DAG KYANG, ,RDO RJE'I RIGS LA DBUL BAR BYA, ,DE BZHIN GSHEGS PA'I RIGS LA YANG, ,TZANDAN AA GAR BDUG SPOS DBUL, , MKHAS PAS SHI RI BI STA SOGS, ,THANG CHU PADMA'I RIGS LA DBUL, ,AA GAR NAG PO GU GUL GYI, ,BDUG SPOS RDO RJE'I RIGS DGYES SO, , BDUG SPOS DAG NI SPYIR BSHAD NA, ,SROG CHAGS YAN LAG SPANGS PA'I RDZAS, ,TZANDAN GA PUR AA KAR DANG, ,DU RUshKA DANG PO DKAR DANG,,

SHI RI BE STE SRA RTZI PHOG ,RA SA GU GUL SHAL LYA KI ,AU SHI RA DANG LA BA KA ,SPANG SPOS GLA SGANG GA PUR DANG, ,DE BA DA RU THANG SHING DANG, ,DE LA SOGS PA'I RDZAS RNAMS NI, ,JI SNYED PA DAG BSDU BYAS NAS, ,BLO DANG LDAN PAS BU RAM DANG, ,LHAN CIG TU NI SBYAR BAR BYA, ,DE LTA BU YI BDUG SPOS NI, ,LHA LA GO RIM BZHIN DU DBUL, ,DE DAG GANG YANG RUNG BA DANG, ,GZHAN YANG DRI ZHIM BSHAD PA GANG, ,RDZAS MANG DAG DANG SBYAR BA YI, ,BDUG SPOS DKYIL 'KHOR DAG LA DBUL, ,DKYIL 'KHOR GYI NI CHO GA BZHIN, ,RAB DANG SEMS KYIS CI 'BYOR PA, ,BDUG SPOS ME TOG LA SOGS PA, ,BYA BA DAG NI LEGS PAR BYA, ,ME TOG DE DAG RGYUD MKHAN GYIS, ,BRGYUS PA ZHIG NA NGAN PA NI, ,NYUNG SHAS YOD NA MI 'GAL TE, ,DE MANG NA NI RNAM PAR SPANGS, ,MI SHIS PA YI BYUG SPOS DAG ,MKHAS PAS DKYIL 'KHOR DBUL MI BYA, ,SROG CHAGS YAN LAG GIS GTUGS PA, ,DE YIS GZHAN DAG BDUG MI BYA, ,RGYA SKYEGS LA SOGS BDUG SPOS NI, ,DGE BA'I LAS LA DBUL MI BYA, ,DE 'DRA'I

, ,CHO GA 'DI SHES NAS, ,CHO GA'I LAS LA 'BAD PAR BYA, ,PHYI ROL BZHAG PA'I POG PHOR NANG,, KHAM PHOR NANG DU BSGRAGS PA GANG, ,DE DAG TU NI CI 'DOD PAR, ,SROG CHAGS YAN LAG SBYAR BA'ANG BZHAG ,DKYIL 'KHOR PHYI ROL 'JIG RTEN PA'I, ,LHA NI GANG DAG 'DRI BYED PA, ,DE YANG MKHAS PAS DE BZHIN DU, ,BDUG SPOS BYUG SPOS CI DGAR DBUL, ,RIGS KYI BDAG PO RNAMS LA NI, , MCHOD PA KHYAD PAR CAN DU BYA, ,DE YI 'OG TU LHA KUN LA, ,GO RIM BZHIN DU MCHOD PAR BYA, ,RIGS KYI BDAG PO RNAMS LA NI, ,BDUG SPOS SNOD KYANG RNAM GSUM GZHAG ,DBUS SU BDUG SPOS SNOD GCIG NI, ,BDUG SPOS 'THUL BA RGYUN MI 'CHAD, ,DKYIL 'KHOR RIM PA RE RE LA, ,BDUG SPOS SNOD NI RE RE BZHAG ,DE NYID NAS NI THAMS CAD DU, ,RTAG PAR BDUG SPOS DBUL BAR BYA, ,YANG NA THAMS CAD SPYI LA NI, ,BDUG SPOS SNOD NI GCIG BZHAG STE, ,BSANG GTOR YANG DANG YANG BYAS NAS, ,DE NAS BDUG SPOS DBUL BAR BYA, ,DE YI 'OG TU DKYIL 'KHOR DU, ,LHA RNAMS

KUN LA MCHOD YON DBUL, ,DE NAS YID LA SNGAGS ZLOS SHING, ,LHA BSHOS DBUL BA LEGS PAR BYA, ,LHA BSHOS DBUL BA 'BYOR PA DANG, ,GTZANG ZHING CHA YANG MNYAM PA RU, ,DKYIL 'KHOR GYI NI GO RIM BZHIN, ,MKHAS PAS NAN TAN BSKYED DE BYA, ,RIGS KYI BDAG PO RNAMS LA NI, ,DBUL BA KHYAD PAR CAN DU BYA, ,DKYIL 'KHOR GYI NI BDAG PO LA, ,LHA BSHOS DAG NI NYIS 'GYUR DBUL, ,'OG MA RNAMS LA GO RIM BZHIN, ,MKHAS PAS DE BAS CHUNG NGU DBUL, ,LHA BSHOS DBUL BA BAR BAR DU, ,CI DGAR KHYAD PAR CAN GYIS BYA, ,MCHOD PA'I BSHOS NI BZANG PO DAG ,GTZANG ZHING RAB TU RGYA CHE ZHING; ;DKYIL 'KHOR DAG TU LHA RNAMS KUN, ,RAB TU MNYES SHING 'GO BAR 'GYUR, ,DBUL BAR BYA BA RNAMS LA NI, ,BAR DU KHA CIG CHAD 'GYUR NA, ,DE LAS GZHAN PA DAG LA NI, ,MKHAS PAS LHA BSHOS LHAGS TE DBUL, ,'BUL BA HA CANG NYUNG BA GANG, ,RIGS KYI BDAG POR DBUL BAR BYA, ,YANG NA SNYING POR DKYIL 'KHOR DU, ,KUN GYI SPYI LA MA LUS DBUL, ,YANG NA GANG DANG GANG BSHAMS PA, ,DE DE MKHAS PAS THAMS CAD DU, ,DKYIL 'KHOR DANG PO'AM GNYIS PA'AM,,

, ,GSUM PA DAG TU DBUL BYAS NAS, ,RIGS DAG RNAMS DANG KHYAD MED PA'I, ,NYES PA 'GA' YANG YOD MIN PAS, ,DKYIL 'KHOR DAG NI MA BRTZAMS PAR, ,BAG DANG CHAS TE BRTAG PAR BYA, ,DANG PO CHU SHING PAD MO SOGS, ,LO MA'AM 'DAB MA BTING BYAS NAS, ,SVASTI KA LA SOGS PA YI, , BCA' BA DAG NI DBUL BYA ZHING, ,DE BZHIN 'BRAS CHAN LA SOGS PA, ,BZA' BA DAG KYANG RIMS BZHIN DBUL, ,DE YI 'OG TU RDO GU DANG, ,RTZA BA 'BRAS BU LA SOGS DBUL, ,GTOR MA GANG YIN LAS DAG LA, ,BCA' BA RNAM PA SNA TSOGS PA, ,NAS DANG GRO LAS BYAS PA YI, ,DRI ZHIM PA DANG LEGS PA'ANG DBUL, ,HVAGS NI RNAM PA SNA TSOGS DANG, ,LA DU DAG DANG LA BA NI, ,PE NA MA DU SHIR SHA DANG, ,SNUM KHUR AA SHO BRTA DANG, ,SHRI KA DA TSI LA KA DANG, ,PARPA TA DANG PARPA NI, , RA TZA HA SA GU HA DANG, ,KAR POD KA RI KA NYID DANG, ,PU SHA PARTA HA BI DANG, ,PURnA DE BZHIN ZHI THE'U DANG, ,BARTI PUshPA BE TI MA, ,PATTI KHA DANG, KHARDZU BA, ,SARDZA KA DANG MAN DA KA ;DZA LI TI BI KA DANG NI, ,SHAS KU LA DANG MO TA KA ,SNUM TSOS SNA TSOGS KHA RAR BCAS, ,AU LO BI GA KU LA DANG, ,DE BZHIN DU NI GLANG NA DANG, ,MA SHA'I KHUR BA LA

SOGS DANG, ,SHUS KA KA DANG LO MA'I DBYIBS, ,BRTA KA DANG BE REG DANG, ,SVA YA LI KA DVA TZE DANG, ,DE LA SOGS TE SNA TSOGS PA'I, ,BCA' BA DAG NI 'DIR DBUL LO, ,KRIS RA DANG 'O THUG DANG, ,'BRAS THUG CHU DANG SBYAR BA DANG, ,ZHO DANG DAR BA NAS THUG DANG, ,KHA DOG DMAR DANG SER SOGS BSGYUR, ,LO MA BTING BA 'DI DAG NI, ,KHAM PHOR DAG NAS DBUL BAR BYA, ,DE NAS S'A LU'AM DRUG CU YI, ,'BRAS CHAN BUNGS NI MI CHUNG DBUL, ,DE NAS TSOD MA SNA TSOGS PA, ,G-YOS LEGS PA LA DRI ZHIM PA, ,SRAN CHUNG TSOD MA LA SOGS PA'I,, TSOD MA RNAM PA SNA TSOGS DBUL, ,'BRAS CHAN ZHO SBYAR BU RAM CHAN, ,KHAM PHOR DAG NAS DBUL BAR BYA, ,MKHAS PAS ZAS RNAMS BZANG PO DAG ,GANG YANG RUNG BAS LHA BSHOS DBUL, , CHO GA SHES PAS ZAS RNAMS NI, ,DKAR GSUM 'BYUNG BO THAMS CAD LA, ,RGYA CHEN PO NI SNA TSOGS PA, ,JI LTAR RIGS PAR SBYAR BAR BYA, ,'BRAS CHAN MAR ZHO 'O MA SBYAR, ,DKAR GSUM ZHES BYA 'O THUG DANG, ,KRI SAR SRAN TSOD DANG SPYAR BA, ,DE MING 'BYUNG PO THAMS CAD PA'I, ,BCA' BA MANG BCAS RGYA CHEN DE, ,NAS THUG DANG SBYAR SNA TSOGS PA'O, ,DE LTAR KHA ZAS RNAM PA DRUG ,CI NUS PAR NI DBUL BAR BYA, ,DRI MI ZHIM DANG BSKA BA DANG, ,KHA BA DANG NI TSA BA DANG, ,TSOD MA ZHAG TU LON PA DANG, ,BKRA MI SHIS PA RNAM PAR SPANG, ,TSOD MA RNAMS NI MA 'BYOR NA,

, ,SRAN TSED GCIG PU DBUL BAR BYA, ,ZHO NI KUN TU 'BRAS CHAN GYIS, ,STENG DU BSGOS TE BLUGS PAR BYA, ,'O THUG MA SHA'I SRAN TSOD DANG, ,ZHO DANG 'BRAS CHAN SVA STI KA ,KRI SA RA DANG DRUG PO DAG ,GTOR MA'I LAS LA RTAG MI SPANG, ,DBUL PO'I GTOR MA'I LAS LA NI, ,DRUG PO KHO NA BRJOD PAR BYA, ,DE DAG GANG YANG RUNG BA ZHIG ,NYAMS DANG GTOR MA'I LAS NYAMS SO, ,'O THUG NANG DU SBRANG RTZI GDAB, ,DE BZHIN ZHO DANG BU RAM GDAB, ,SRAN TSOD NANG DU MAR ME GDAB, ,BDOG NA SGE'U GSHER DAG KYANG GDAB, ,'BRAS CHU DAG DANG RTZA BA DANG, ,RNAM PA SNA TSOGS BSGRIMS TE GDAB, ,LHA RNAMS DANG NI GSANG SNGAGS DANG, ,KHYAD PAR DU YANG DE LA DGYES, , AA MRA 'BRA GO BAL PO SE'U, ,RGUN 'BRUM RGYA SHUG TIN TU KA ,KA PID P'I DZA PU RA DANG, ,NA RAD KA DANG BA NA SA, ,SKYUR SHING LA KU CHU SHING 'BRAS, ,BHA BYA BA RA BRTA DANG, ,SHI RI DZAMPU SKYU RU RA, ,KA RA MA TA BA RI YA, ,DE LA SOGS PA'I 'BRAS BU NI, ,RNAM PA SNA TSOGS SMIN PA DAG ,MKHAS PAS GTOR MA'I LAS LA NI, ,GUS PA DAG TU DBUL BAR BYA; ;NA RI KE RA BIL BA'I 'BRAS, ,TA LA DANG NI SE'U 'BRU DANG, ,DE LA SOGS PA'I GEL BA YI, ,'BRAS BU DAG NI RNAM PAR SPANG, ,RDO BA'I RDO GU DAG DANG NI, ,BI TA RA

LA SOGS PA YI, ,LDUM BU BSHUS PA BZANG PO DAG ,THAMS CAD DU NI DBUL BAR BYA, ,SU RA NA YI RTZA BA DANG, ,KARYA DU TAN TA NYID DANG, ,DE LA SOGS PA'I RDO GU NI, ,MI SHES PA DAG RNAM PAR SPANGS, ,'BRAS BU'I MCHOG NI BAL PO'I SE'U, ,RDO GU'I MCHOG NI BI DI RI, ,DE DAG BLO DANG LDAN PA YIS, ,BSGRIMS TE DKYIL 'KHOR DAG TU DBUL, ,SRAN CHAN RNAM PA SNA TSOGS DANG, ,TIL NI KHA TSOS DANG BSRES PA, ,DE DAG DKYIL 'KHOR PHYI ROL GYI, ,LHA LA GO RIM BZHIN DU DBUL, ,DE NAS ME TOG DKAR PO DANG, ,TIL DANG 'BRAS YOS DKYIL 'KHOR DGRAM, ,MA THAR PHYOGS KYI GTOR MA NI, ,RGYA CHEN PHYOGS RNAMS KUN TU SBYIN, ,'BRAS YOS DANG NI TIL DU BCAS, ,'BRAS CHAN ME TOG CHU DANG BCAS, ,SRAN CHAN BCAS SHING MANG DU BYA, ,MAR DANG CHAG CHAG BCAS PA YIS, ,GTOR MA 'DI 'DRA SLOB DPON GYI, ,LAG TU BLANGS TE BKA' BZHIN DU, ,PHYOGS MTSAMS KUN TU GSUM GSUM DBUL, ,MCHOD YON DANG NI BDUG PA'ANG SBYIN, ,SRIN PO RNAMS DANG SHA ZA DANG, ,'BYUNG PO RNAMS DANG SHA RJEN ZA, ,SEMS CAN RNAM PA SNA TSOGS LA, ,MKHAS PAS GTOR MA PHYOGS SU GTONG, ,SEMS LA GANG DANG GANG DRAN PA, ,DE DAG KUN LA GTOR MA SBYIN, ,SA PHYOGS DE YIS SEMS CAN NI, ,LJON SHING GEL PAR GNAS RNAMS LA,

, ,SBYIN BYA GAL TE 'THOR BA'I TSE, ,GLO BUR LCE SPYANG SGRA GRAG NA, ,DER NI MNYAM BZHAG MA 'KHRUL BAR, ,GTOR MA YANG DANG YANG DU SBYIN, ,LCE SPYANG SGRA DANG SGRA CHEN DANG, ,'BYUNG PO DAG NI SNANG BA DANG, ,LJON SHING YAL GA CHAG SOGS DANG, ,'BRUG GI SGRA NI GRAG PA DANG, ,DEL SOGS PA YI MTSAN LTAS, ,GAL TE DER NI 'BYUNG 'GYUR BA, ,GTOR MA JI LTAR RIGS BYIN NAS, ,BSRUNG BA'I LAS NI BYA BAR BYA, ,CI THOS JI LTAR SHES PA DANG, ,CI MTHONG RIM PA JI LTAR BAR, LHA RNAMS KUN LA PHYOGS DAG TU, ,DE BZHIN GTOR MA SBYIN PAR BYA, ,DE LTAR PHYOGS KYI GTOR MA DAG ,BYIN NAS LEGS PAR LAG BKRUS TE, ,NYE REG BYAS NAS PHYI ROL TU, ,MKHAS PA YIS NI BDUG SPOS SBYIN, ,DE NAS NANG DU ZHUGS NAS NI, ,MCHOD YON SNGA MA BZHIN PHUL NAS, ,BDUG SPOS DAG GIS BDUG NAS SU, ,YID KYIS MCHOD PA'I BSHOS RNAMS DBUL, ,DKYIL 'KHOR DBU MA'I LHA RNAMS NI, ,THAMS CAD LA YANG NAN TAN DU, ,RAS NI DKAR LA PHRA BA DAG ,RE RE LA YANG ZUNG RE DBUL, ,'BYOR NA LHA RNAMS THAMS CAD LA; ;RAS NI ZUNG RE DBUL BAR BYA, ,MA 'BYOR NA YANG RIGS GSUM GYI, ,BDAG PO RNAMS LA ZUNG RE DBUL, ,YANG NA CHO GA SHES PA YI, ,DKYIL 'KHOR DBUS SU

RAS PHRAN NI, ,ZUNG GCIG SLOB MA'I STENG BZHAG STE, ,PHUL NAS KUN LA BSNGO BAR BYA, ,DE NAS SO SO'I GSANG SNGAGS NI, ,RE RE'ANG BDUN BDUN BZLAS BRJOD BYA, ,DKYIL 'KHOR BDAG PO'I GSANG SNGAGS KYANG, ,BRGYA RTZA BRGYAD DU BZLAS PAR BYA, ,YANG NA RIGS KYI SNYING PO RNAMS, ,RE RE ZHING YANG BRGYA BRGYA BZLAS, ,DE NAS SO SO'I PHYAG RGYA RNAMS, ,BZLAS BRJOD GSUM BYAS RIM BZHIN BZLAS, ,YANG NA SPYI YI PHYAG RGYA NI, ,RE RE LA YANG SO SOR BSTAN, ,DE LTAR BYAS NA MNYES PA DANG, ,BYIN GYIS RLOB CING DNGOS GRUB STZOL, ,THAL MO SBYAR BA BKAN PA LAS; ;MDZUB MO GNYIS NI CUNG ZAD BKUG ,'DI NI DE BZHIN GSHEGS RIGS KYI, ,DAM TSIG PHYAG RGYAR SHES PAR BYA, ,THAL MO LEGS PAR SBYAR BA LAS, ,SOR MO DBUS MA GSUM 'GYED PA, ,'DI NI PADMA'I PHYAG RGYA STE, ,PADMA KHA BYE'I MTSAN NYID DE, ,LAG PA GNYIS NI RGYAB BSNOL TE, ,MTHE'U CHUNG GNYIS DANG MTHEB GNYIS DKRI, ,'DI NI RDO RJE'I PHYAG RGYA STE; ;RDO RJE'I RIGS LA BSHAD PA YIN, ,DKYIL 'KHOR RNAMS NI THAMS CAD LA, ,DAM TSIG GSUM GYI PHYAG RGYA RNAMS, ,RIGS GSUM DAG LA BSHAD PA STE, ,SPYI YI YIN PAR RAB TU BSGRAGS, ,BSRUNG BA'I LAS DANG PHYOGS BCING BA, ,LHA RNAMS LA NI BSKUL BA DANG, ,DBANG BSKUR BA YI CHO GA DANG, ,BGEGS RNAMS DAG NI BZLOG PA DANG, ,ME TOG

, ,SOGS LA GDAB PA DANG, ,DE BZHIN DGRA RNAMS ZHI BYA DANG, ,GDON RNAMS TSAR GCAD BYA BA DANG, ,BCING BA DANG NI DGROL BA DANG, ,PHYAG RGYA PHYAG RGYA LE'U LAS NI, ,RGYAS PAR YANG DAG BSHAD PA YIN, ,DE DAG GI NI DKYIL 'KHOR DU, ,RNAM PAR DBYE STE LAS RNAMS BYA, ,GSANG SNGAGS GANG RNAMS SNGAR BSHAD PA, ,DE DAG THAMS CAD RGYAR BCAS TE, ,BSRUNG BA DAG LA SOGS PA LA, ,'DIR NI CHO GA BZHIN DU SBYAR, ,GDON LA SOGS PA KHYAD PAR DU, ,RDO RJE THO BAS MTSAMS BCAD DO, ,GDON GYI DKYIL 'KHOR DAG TU GANG, ,PHYAG RGYA BCO BRGYAD BSHAD PA'ANG SBYAR, ,RDO RJE LCAGS KYUS DGUG PAR BYA, ,BCING BA RDO RJE LCAGS SGROG GIS, ,RDO RJE KHU TSUR 'DUL BA LA, ,RDO RJE SDER MO SDIGS PA LA, ,KHRO BO CHEN PO STOBS PO CHE, ,DAM TSIG 'DZIN DU GZHUG LA SBYAR, ,RIGS SNGAGS RGYAL PO GNOD MDZES NI, ,PHYAG RGYAR BCAS LA GDON RNAMS 'JOMS, ,RAB TU DRAG PO'I GDON RNAMS LA, ,RDO RJE THO BA SBYAR BA NI, ,BRTZON 'GRUS MTHU RTZAL CHEN PO STE, ,GCIG PUS KYANG NI LAS RNAMS 'GRUB, ,GDON LAS SBYAR BA'I PHYAG RGYA NI, ,MA LUS PA DAG 'BAR 'GYUR ZHING, ,DE DAG GI NI MTHU STOBS KYANG, ,DER NI LHAG PAR MNGON PAR 'GYUR, ,DE BAS GDON RNAMS TSAR BCAD PAR, ,PHYAG

RGYA DAG NI 'BAD DE SBYAR, ,LAS LA JI LTAR MTHONG BA BZHIN, ,GZHAN DAG KYANG NI SBYAR BAR BYA, ,DE NAS YAM SHING DAG GIS NI, ,SBYAR BA'I ME LA SBYIN SREG BYA, ,SHAR DU KHA BLTAS KU SHA YI, ,KHRES LA 'DUG STE MNYAM BZHAG STE, ,KU SHA DGRAM DANG BSANG BA YANG, ,G-YAS PHYOGS DAG NAS BSKOR BYA ZHING, ,MCHOD SBYIN YAM SHING ME LA SBYAR, ,THOG MA DANG NI THA MAR YANG, ,MAR GYI SREG BLUGS DGANG BLUGS KYIS, ,SO SO DAG TU DBUL BAR BYA, ,GONG DU BZLAS BRJOD JI SKAD BSHAD, ,SBYIN SREG DAG KYANG DE BZHIN BSGRAGS, ,YANG NA RE RE'I CHED DU YANG, ,ZHI BA'I SNGAGS KYIS SO SOR BYA, ,GSANG SNGAGS THAMS CAD RIM BZHIN DU, ,RE RE NAS KYANG DRAN BYAS LA, ,SREG BLUGS BDUN BDUN BSREG BYA ZHING, ,YANG NAS YANG DU BSANG GTOR BYA, ,DE NAS MJUG TU ME BSANGS NAS, ,ZHI BA YI NI GSANG SNGAGS KYIS, ,SREG BLUGS BRGYA RTZA BRGYAD PHUL NAS, ,LHA RNAMS KUN LA BZOD PAR GSOL, ,SEMS NI RAB TU DAD BYAS LA, ,DKYIL 'KHOR DU NI BDUG SPOS DBUL, ,DE NAS RIGS KYI BDAG PO LA, ,BSTOD PA DAG NI LEGS PAR BYA, ,SDIG PA RNAMS KYANG GUS PAR BSHAGS, ,BSOD NAMS RJES SU YI RANG BYA, ,DE LTAR BSLABS SHING CI 'DOD PAS, ,SMON LAM DAG TU BTAB NAS SU, ,DKON MCHOG GSUM LA SKYABS 'GRO BA, ,YANG DANG YANG DU GUS PAR BYA, ,PHYIR

, ,MI LDOG PA'I DGE 'DUN DANG, ,RIGS SNGAGS GSANG SNGAGS TSOGS LA YANG, ,YID LA BSAMS TE YANG DANG YANG, ,BYANG CHUB TU NI SEMS KYANG BSKYED, DE LTAR BYAS NAS DE 'GO TU, ,GLEGS BAM CUNG ZAD BKLAG PAR BYA, ,DKYIL 'KHOR DAG TU SPYAN DRANG BA'I, ,CHO GA LEGS PAR BYAS NAS NI, ,BDUG SPOS RGYUN MI 'CHAD PAR DBUL,, YANG DANG YANG DU MCHOD YON GSOL, ,DE LTAR CHO GA 'DI BYAS NAS, ,LHA RNAMS LA YANG PHYAG BYAS TE, ,BLO DANG LDAN PAS CHO GA 'DIS, ,SLOB MA RNAMS NI LEGS PAR GZUNG, ,SLOB MA RE RE NAS 'DUG STE, ,BSANG GTOR SNGA MA BZHIN BYAS NAS, ,BYUG SPOS LA SOGS BYIN NAS SU, ,SNYING PO MNGON PAR SNGAGS NAS NI, ,LAS KUN BYED PA'I GSANG SNGAGS KYIS,, BTAB PA'I GOS KYIS GDONG G-YOGS TE, ,SNGAR BSTAN PA YI PHYAG RGYA LA, ,ME TOG DAG NI BZHAG NAS SU, ,DE NAS DKYIL 'KHOR BDAG PO'I SNGAGS, ,PHYAG RGYAR BCAS PA SPYI POR GZHAG ,GSANG SNGAGS LAN GSUM BZLAS BYAS NAS, ,NYID KYI BDEN PA'I BYIN RLABS GSOL, ,'DI LTAR BDAG GI SLOB MA 'DI, ,DKYIL 'KHOR DU NI LEGS BTZUD NA; ;LHA YI RIGS KYI RIM PA DAG ,'DI YI BSOD NAMS CI 'DRA LAS, ,DE BZHIN DU NI 'BAB GYUR CIG ,'DIS NI DNGOS GRUB GANG 'GRUB DANG, ,RIGS NI GANG GI SNOD DU 'GYUR,,

BSOD NAMS MTHU NI CI YOD PA, ,DKYIL 'KHOR 'DIR NI DE BZHIN 'GYUR, ,DE SKAD BRJOD NAS DE 'OG TU, ,DE NAS SGO YI PHYOGS SU DE, ,BZHAG STE ME TOG GTOR DU GZHUG ,GANG DU ME TOG BAB GYUR PA, ,DE NI DE YI RIGS SU GSUNGS, ,DE NAS GDONG G-YOGS BKROL NAS NI, ,DKYIL 'KHOR BZANG PO BSTAN PAR BYA, ,DE NAS BLA MA DGA' GYUR NAS, ,SLOB MA DE LA 'DI SKAD BSGO, ,DKYIL 'KHOR BZANG PO 'DI LA LTOS, ,DE NI DAD PA RAB TU BSKYED, ,KHYOD NI SANGS RGYAS RIGS SU SKYES, ,SNGAGS DANG RIGS PAS BYIN GYIS BRLABS, ,'GRO BA PHUN SUM DNGOS GRUB KYANG, ,THAMS CAD KHYOD LA MNGON DU 'GYUR, ,DNGOS SGRUB PHYIR NI DAM TSIG SRUNG, ,GSANG SNGAGS DAG LA'ANG BRTZON PAR GYIS, ,DE NAS SLOB MA BDAG NYID KYIS, ,ME TOG SNYIM PA BKANG NAS NI, ,RIGS GSUM DAG LA BSNGOS NAS SU, ,PHYAG BTZAL LAN GSUM GTOR BAR BYA, ,DE NAS DE TSE SLOB DPON GYIS, ,DKYIL 'KHOR DER NI RANG SNGAGS SAM, , SNYING PO SBYIN BYA DES KYANG DE, ,MNOS NA DKYIL 'KHOR GNYIS POR BZLAS, ,DNGOS GRUB RAB 'BRING RNAM GSUM NI, ,ME TOG BAB PA LAS BRTAGS TE, ,LHA RNAMS KYI NI KHYAD PAR DANG, , NAS KYI KHYAD PAR DAG LAS BRTAG ,GANG TSE SANGS RGYAS BCOM LDAN GYI, ,DBU LA ME TOG BAB GYUR NA, ,DE TSE GTZUG TOR MDZOD SPU DAG ,GDON MI ZA BAR 'GRUB PAR 'GYUR, ,

, ,SPYAN LA SOGS PA'I SNGAGS RNAMS KYANG, ,ZHAL DU BAB NA 'GRUB PAR 'GYUR, ,STOD DU BAB NA MCHOG RNAMS 'GRUB, ,RKED DU BAB NA 'BRING RNAMS 'GRUB,, RO SMAD PHYOGS SU BAB NA NI, ,DNGOS GRUB PHAL RNAMS 'GRUB PAR 'GYUR, ,BAR GYI SKU LA BAB NA NI, ,SNYING PO LA SOGS 'GRUB PAR 'GYUR, ,SMAD DU BAB PAR GYUR NA NI, ,MNGAG GZHUG LA SOGS 'GRUB PAR 'GYUR, ,RIM DES PADMA RDO RJE YI, ,RIGS KUN LA YANG BSGRE BAR BYA, ,DE BZHIN LHA GZHAN RNAMS LA YANG, ,DNGOS GRUB RNAM PA GSUM DU BSHAD,, GAL TE LHA YI GZUGS DAG LAS, ,RING DU ME TOG LHUNG GYUR NA, ,DE YI DNGOS GRUB YUN RING 'GYUR, ,NYEN DNGOS GRUB MYUR DU 'GRUB, ,GSANG SNGAGS KYI NI MCHOD PA DAG, GANG DU BKRAM PA TSUN CHAD NI, ,DE YI SA RIS DE YIN TE, ,ME TOG DER LHUNG DE YI RIGS, ,LHA GNYIS KYI NI BAR DAG TU, ,GAL TE ME TOG BAB GYUR NAS, ,GANG LA NYE BAR GYUR NA NI; ;DE NI DE YI RIGS SU BSHAD, ,GAL TE LA LA'I ME TOG DAG ,DKYIL 'KHOR DANG PO 'DAS LHUNG NA, ,DE LA DNGOS GRUB PHAL 'GRUB CING, ,DE NI DAD PA'ANG RAB TU CHUNG, , GAL TE ME TOG BOR BA DAG ,RA BA'I RI MO LA BAB NA, ,ZHI BA BYAS NAS DE NAS GDOD, ,NAN TAN BSKYED DE 'DOR DU GZHUG ,DE TSE THA TSOM GYUR NA NI, ,MKHAS PAS BZLAS

TE 'DOR MI GZHUG ,DER NI GANG YANG DES MED PAS, ,DES NI DNGOS GRUB THOB MI 'GYUR, ,GNYIS KYI BAR DU MNYAM PA DANG, ,DON MED PHYIR ROL LHUNG BA NI, ,ZHI BA'I SBYIN SREG BYAS RNAMS NI, ,DE NAS ME TOG 'THOR DU GZHUG ,SNYING POR ME TOG BAB NA NI, ,RTAG TU DON MED MI 'GYUR BA BSHAD, ,SRAD BU DAG GI CHO GA BZHIN, ,DE YIS SA 'KHOR SHES PAR BYA, ,RIGS GSUM LA YANG CHO GA BZHIN, ,DKYIL 'KHOR RNAM PA GSUM DU BRTAG ,JI LTAR GNAS PA'I TSUL DAG LAS, ,GTZO BO RNAMS KYI RIM GYIS BSKYED, ,SHES RAB PHA ROL PHYIN DBUS SAM, ,DKYIL 'KHOR GYI NI GTZO BO DANG, ,SGO SRUNG GNYIS LA MTSUNGS GYUR NA, ,DA LTA SNYING PO SPYOD YUL LEGS, ,GAL TE ME TOG BOR BA DAG ,MCHOD PA'I STENG DU BAB 'GYUR NA, ,DE NI RGYAS PA'I BSGRUB PA DAG ,KHYAD PAR DU NI SHES PAR BYA, ,DKYIL 'KHOR GYI NI BDAG PO LA, ,GANG GI ME TOG BAB GYUR NA, ,DES NI DE YI LAS RNAMS GYUR, ,MYUR DU 'GRUB CING MCHOG TU 'GYUR, ,SANGS RGYAS BCOM LDAN 'DAS LA NI, ,GANG GI ME TOG BAB GYUR PA, ,DE LA RIGS GSUM GSANG SNGAGS KUN, ,GDON MI ZA BAR 'GRUB PAR 'GYUR, ,PADMA 'DZIN LA RIGS GNYIS 'GRUB, ,RDO RJE 'DZIN LA RANG RIGS 'GRUB, ,YANG NA LHA NI BSNYAN PA BZHIN, ,GSANG SNGAGS 'GRUB PAR SHES PAR BYA, ,GANG

, ,GIS GNYIS DANG GSUM PA LAS, ,'DAS TE SONG BAR GYUR NA NI, ,DKYIL 'KHOR DE NAS DBYUNG BAR BYA, ,YANG NA DKYIL 'KHOR GZHAN DU GZHUG ,DE LA SOGS PA'I RNAM PA YIS, ,ME TOG RNAMS NI BOR BA LAS, ,BDAG GI MDUN DU GANG LHUNG BA, ,DE LA DE BZHIN BRTZAM PAR BYA, ,SBYIN SREG GIS NI ZHI BYAS NAS, ,DE NI SLAR YANG 'DOR DU GZHUG ,LAN GSUM SPOGS TE MA BABS NA, ,RE THAG BCAD DE SLAR GTANG NGO, ,BLO DANG LDAN PAS CHO GA 'DIS, ,SLOB MA THAMS CAD GZUNG BAR BYA, ,BTZUD NAS ME TOG DRI LA SOGS, ,DKYIL 'KHOR DU NI DBUL BAR BYA, ,SLOB MA GCIG NAS BKUG NAS NI, ,CHO GA BZHIN DU YON PHUL TE, ,CHO GA SHES PAS BSANG GTOR BYA, ,G-YON GYI PHYOGS SU BZHAG NAS NI, ,DE YIS LAG G-YAS MTHE BONG NAS, ,LAG PA G-YON GYIS BZUNG NAS NI, ,DKYIL 'KHOR BDAG PO'I GSANG SNGAGS KYIS, ,MKHAS PAS SREG BLUGS BDUN BDUN BYA, ,DE NAS ZHI BA'I GSANG SNGAGS KYIS, ,MAR GYI SREG BLUGS LAN BDUN BYA, ,DE NAS SLOB MA BLUGS GZAR GYIS, ,BSKOR ZHING LAN BDUN SREG BLUGS BYA, ,DE NAS SRAD BUS BCINGS NAS NI, ,BSANG GTOR SNGA MA BZHIN BYAS NAS, ,SNYING GAR BRAM ZHING SNGAGS BTAB LA, ,JI LTAR 'DOD PA SLAR GTANG NGO, ,SLOB MA RNAMS NI THAMS

CAD LA, ,CHO GA 'DI NI BSHAD PA YIN, ,SBYIN SREG LAS NI BA MAR GYIS, ,BLUGS GZAR NYID KYIS DE BZHIN DU, ,KU SHA'I CHU DANG KU SHA'I STAN, ,DE BZHIN KU SHA'I BSANG BYED DANG, ,KU SHA'I DGRAM PA DAG KYANG NI, ,SBYIN SREG LAS LA RAB TU BYA, ,MCHOD SBYIN SHING GI PUD SHING NI, ,BA MAR BSKUS PAS ME SBAR TE, ,DE LA YAM SHING RLON BSREG PA, ,SBYIN SREG DAG LA DE LTAR BSREG ,MAR GYI SBYIN SREG JI SNYED PA, ,TIL GYI SBYIN SREG DE SNYED BYA, ,'BRAS CHAN CI DGAR BSREGS NAS NI, ,THA MAR DGANG BLUGS DE BZHIN BYA, ,ME NI 'BOD DANG BTANG BA DAG ;RANG GI GSANG SNGAGS DAG GIS BYA, ,DE YI BSANG GTOR LAS KUN PA'I, ,GSANG SNGAGS DAG GIS BYA BA YIN, ,DKYIL 'KHOR DU NI SBYIN SREG LA, ,GSANG SNGAGS BSHAD PA GANG YIN PA, ,DE DAG GIS NI CHO GA BZHIN, ,MKHAS PAS DER NI SBYIN SREG BYA, ,DE NAS GZHAN YANG ZHI BA DANG, ,RGYAS PA DANG NI DE BZHIN DU, ,DRAG SHUL SPYOD PA'I SBYIN SREG LAS, ,KHYAD PAR DU NI BSHAD PAR BYA, ,LAS DANG JI LTAR RJES MTHUN PAR, ,DKYIL 'KHOR CHO GA BZHIN BRIS NAS, ,MNYAM GZHAG ZLAS NI 'DI DAG GIS, ,SBYIN SREG LAS NI RAB TU DBYE, ,BYANG DU KHA BLTAS ZHI BA'I PHYIR, ,SHAR DU KHA BLTAS RGYAS PA'I PHYIR, ,LHO PHYOGS KHA BLTAS DRAG PO YI, ,SBYIN SREG LAS NI BRTZAM PAR BYA, ,LAS RNAMS

, ,KUN LA KHA RAN NI, ,ZLUM PO DANG NI GRU BZHI DANG, ,GRU GSUM YIN TE DKAR PO DANG, ,SER PO NAG PO GSUM DU BSGRAGS, ,ZHI BA'I LAS NI PADMA'I STAN, , RGYAS PA'I LAS NI KU SHA'I KHRES, ,DRAG SHUL SPYOD LA STAN MED PAR, ,RKANG PA RKANG PAS MNAN TE BYA, ,LAS GSUM DAG LA ZHI BA DAG ,DGA' DANG DE BZHIN KHRO BYA STE, ,MKHAS PAS MDO LAS JI SKAD DU, ,'BYUNG BA'I CHO GA DE BZHIN BYA, ,ZHI LA YAM SHING RTZE MO STE, ,DBUS KYI LAS NI RGYAS PA LA, ,DRAG SHUL KUN LA RTZA BA STE, ,YAM SHING RNAM PA GSUM DU BSHAD, ,ZHI BA'I LAS NI KU SHA DANG, ,LO MA LA SOGS GYON NAS BYA, ,RGYAS PA DU GU LA LA SOGS, ,RAS PHRAN SER PO'I YONGS SU GRAGS, ,MNGON SPYOD GOS NI NAG PO LA, ,KHRAG GIS BTAB PAS BYA BA YIN, ,YANG NA GOS RNYING DRI MA CAN, ,BGO BA'AM GCER PUR BRTZAM PAR BYA, ,NAS DANG SBRANG RTZI 'O MA DANG, ,MAR DANG 'BRAS YOS 'O THUG DANG, ,D'UR BA MYU GU KUN 'DA' DANG, ,TZU TA'I LO MA TZANDAN DANG, ,AU DUM AA SHVAD PA LA SHA ,DE BZHIN SHA MYA'I YAM SREG SHING, ,DE LA SOGS PA THAMS CAD NI, ,ZHI BA'I SBYIN SREG RDZAS YIN NO; ;'O THUG ZHO DANG LAG PAN DANG, ,'O MA DANG NI NAS DKAR CAN, ,TIL NI RNAM PA GSUM SBYAR DANG, ,SGRON SHING SHU TE NYE 'U SHING, ,N'A GA PUshPA BIL BA'I 'BRAS, ,'BRU RNAMS

DANG NI YAM SREG SHING, ,DE LA SOGS PA'I RDZAS RNAMS NI, ,RGYAS PA'I SBYIN SREG RNAMS LA BSHAD, ,YUNGS KAR DANG NI SKYE TSE KHRAG ,YUNGS KAR MAR DANG DE BZHIN DU, ,RUS PHYE DUR KHROD THAL BA DANG, ,DE BZHIN SKRA NI GTUBS PA DANG, ,KO BI DA RA MGAL DUM DANG, ,SENG LDENG DANG NI AA RI STA, ,YAM SHING TSAR MA CAN LA SOGS, ,DRAG SHUL CAN GYI RDZAS SU BSHAD,, SNGAGS KYI RGYUD LAS MA GSUNGS KYANG, ,BLO DANG LDAN PA'I RDZAS 'DI RNAMS, ,RAB TU DRAG PO'I LAS DAG LA, ,CHO GA BZHIN DU SBYAR BAR BYA, ,SBYIN SREG CHO GA BYAS NAS NI, ,SLOB MA DBANG BSKUR 'OS RIGS NAS, ,CHO GA BZHIN DU NAN TAN DU, ,DBANG BSKUR BA YI CHO GA BYA, ,LAS KUN BYED PA'I GSANG SNGAGS KYIS, ,BTAB PA'I STAN NI GSAR BZHAG STE, ,BKRA SHIS LA SOGS KUN BYAS LA, ,BSRUNG BA NAN TAN CHER BYAS TE, ,DKYIL 'KHOR GYI NI SNGAGS BZLOS SHING, ,SPYI BOR GDUGS DKAR BZANG PO LA, ,ME TOG PHRENG BA DKAR POS BRGYAN, ,RAS PHRAN DKAR PO DPYANGS PA GZUNG, ,SLOB MA YON NI CHER PHUL ZHING, ,BLA MA BSNYEN BKUR BYAS PA DAG ,STAN LA DE NI BZHAG NAS SU, ,SNGAGS KYIS SKYON BSAL BKRA SHIS BYA, ,BDUG PA LEGS PAR SBYAR BA YI, ,GDUG PA KHRO BO'I RGYAL POS BDUG ,RNGA YAB LA SOGS GZUNG BA DANG, ,SPYI BO STENG DU GDUGS KYANG GZUNG, ,RNGA MA'I BSIL YAB BDUG SPOS DANG, ,ZHVA

, ,DANG GOS KYIS SLOB MA DGAB, ,'DI DAG DANG NI DE BZHIN DU, ,BUM PA BZHI YANG BSHAMS TE DGOD, ,SHIN TU BKRA SHIS TSIG BCAD BSGRAGS ,DE BZHIN BKRA SHIS RGYA CHER GDON, ,'BYOR PAR 'GYUR BA'I SIL SNYAN DANG, ,GLU DBYANGS DAG DANG RNGA SGRA BSGRAGS, ,MDOR NA DE LA SOGS PA YI, ,CHO GA RGYAS PA BYAS NAS SU, ,YID KYIS DKYIL 'KHOR LHA KUN LA, ,MKHAS PAS GSOL BA BTAB NAS NI, ,BUM PA BZLAS BRJOD BRGYAR BYAS LA, ,DE NI LEGS PAR BLANGS NAS SU, ,DKYIL 'KHOR DAL BUS LAN GSUM BSKOR, ,RTZA BA'I GSANG SNGAGS KUN 'DON CING, ,BLO DANG LDAN PAS DBANG BSKUR BYA, ,DE NAS PHYAG RGYA BCINGS NAS SU, ,GSANG SNGAGS BLOS NI SPYI BOS GTUGS, , GSANG SNGAGS RGYUD NI 'DZIN 'GYUR BA, ,BLO DANG LDAN PAS DBANG BSKUR RO, ,SLOB MA YON TAN KUN LDAN PA, ,NUB PHYOGS KHA BLTAS CHO GA BYA, ,BYANG PHYOGS KHA BLTAS ZHI BA'I PHYIR; ;RGYAS PA'I CHO GA SHAR DU BLTAS, ,DRAG SHUL SPYOD PA DE BZHIN DU, ,LHO PHYOGS KHA BLTAS BRTZON DE BYA, ,DE LTAR DBANG BSKUR BYAS NAS NI, ,DE LA SAR PA'I GOS RNAMS BSKON, ,ME TOG DRI LA SOGS PAS MCHOD, ,MCHOD PHYIR THOGS DANG GDUG PUR BCAS, ,DE NAS BLA MA BDAG NYID KYIS, ,DE YI SPYI BOR GDUGS KYANG GZUNG, ,THAL MO

SBYAR BA BYAS NAS NI, ,DKYIL 'KHOR LEGS PAR BSKOR DU GZHUG ,GDUGS DANG BCAS PAS SGO PHYOGS SU, ,SPYI BO BTUD DE PHYAG 'TSAL GZHUG ,GSANG SNGAGS RGYUD KYANG 'DZIN 'GYUR BA'I; ;SLOB MA 'DI NI PHUL BA LAGS, ,MKHAN POS DE SKAD SMRAS NAS SU, ,GDUGS BZHAG NAS NI SLOB MA DE, ,LAG PAS LEGS PAR BLANGS NAS SU, ,DE NAS 'DI SKAD SGO BAR BYA, , DA NI DKYIL 'KHOR SLOB DPON 'GYUR, ,GSANG SNGAGS RGYUD KYANG 'DZIN PAR 'GYUR, ,SANGS RGYAS BYANG CHUB SEMS DPA' DANG, ,LHA RNAMS KYANG NI KUN GYIS BKUR, ,SEMS CAN RNAMS LA SNYING BRTZE'I PHYIR, ,KHYOD KYIS DKYIL 'KHOR CHO GA BZHIN, ,NAN TAN BSKYED DE BRI BAR BYOS, ,SGRUB PA PO YANG RGYUD LA SBYOR, ,DE SKAD BSGO NAS DE 'OG TU, ,DE NAS SLOB MA DE YI PHYIR, ,SBYIN SREG CHO GA SNGON BZHIN BYA, ,YAM SREG SHING GI ME LA NI, ,DKYIL 'KHOR BDAG PO'I GSANG SNGAGS KYIS, ,MAR GYI SBYIN SREG BRGYA DAG BYAS, ,DE BZHIN ZHI BA'I GSANG SNGAGS KYIS,, ZHO DANG SBRANG RTZI MAR SBYAR BA'I, ,TIL GYIS SREG BLUGS BRGYA YANG BYA, ,SBYIN SREG ZIN NAS SPYI BOR NI, ,CHU DE NYID KYIS BSANG GTOR BYA, ,DE NAS DE LA DKYIL 'KHOR LA, ,RAB TU RGYAS PAR BSTAN PAR BYA, ,PHYAG RGYA CHEN PO DAG KYANG BSTAN, ,RIG SNGAGS RGYAL PO KLOG TU GZHUG ,BLA MAS DE LA CI NUS PAR, ,CHO GA BZHIN DU BZLOS SU GZHUG ,DE NAS SLOB MA BLO

, ,LDAN PA, ,ME TOG SNYIM PA BKANG NAS SU, ,BDAG GIS SNGAGS DANG LHA RNAMS KYANG, ,GO RIM BZHIN DU MCHOD BYAS NAS, ,SLOB DPON SBYIN SREG GNAS 'DUG LA, ,DGA' ZHING GUS PAS DRAN BYAS LA, ,DE TSE BLA MA CI 'DOD PAS, ,YON NI PHYAG RGYAS DBUL BAR BYA, ,BDAG DANG BDOG PA KUN BCAS PAR, ,SLOB DPON LA NI DBUL BAR BYA, ,BDAG NYID DBANG BA'I SKYE BO KUN, ,NOR DANG BCAS SHING RKANG 'GROS BCAS, ,GZHAN YANG NOR GYIS MGU BA 'AM, ,YANG NA GANG LA DGA' YANG RUNG, , YANG NA BDAG LA CI 'DOD PA, ,BLA MA LA NI DE DBUL LO, ,YANG NA DBUL POS BLA MA LA, ,BKUR STI DAG GIS MGU BAR BYA, ,SLOB DPON DAG NI THAMS CAD LA, ,BKUR STI BYA BA YON DU BSHAD, ,DANG POR RAS ZUNG GCIG PHUL NAS, ,PHYI NAS CHO GA 'DI KUN BYA, ,SLOB MAS GSANG SNGAGS GRUB 'DOD PAS, ,BLA MAS MCHOD PA BYA BA'I PHYIR, ,SLOB MA DAM TSIG BSRUNG BA YIS, ,GOS DANG GSER DANG BDAG NYID DANG, ,BU DANG BDOG PA THAMS CAD NI, ,BLA MA DAG LA YON DU DBUL, ,DE NAS BLA MA SLOB MA RNAMS, ,MA YENGS LEGS PAR BKOD NAS SU, ,SHES RAB PHA ROL PHYIN BKLAGS TE, ,DAM TSIG 'DI LA BSGO BAR BYA, ,DE RING PHYIN CHAD KHYED RNAMS KYIS, ,SANGS RGYAS CHOS

DANG DGE 'DUN DANG, ,BYANG CHUB SEMS DPA' RNAMS DANG NI, ,RIG SNGAGS GSANG SNGAGS TSOGS RNAMS LA, ,DAD PAS RAB TU BRTAN PAR BYA, ,RTAG PAR PHYAG RGYA CHEN PO LA, , KHYAD PAR DU NI MOS PAR BYA, ,DAM TSIG CAN DANG MDZA' BO DANG, ,BLA MA LA YANG GUS PAR BYA, ,LHA RNAMS KUN LA SDANG MI BYA, ,DUS MTSAMS DAG TU MCHOD PAR BYA, ,STON PA GZHAN GYI GZHUNG MI MCHOD, ,RTAG TU GLO BUR 'GRON MCHOD BYA, ,SROG CHAGS RNAMS LA BYAMS PA'I SEMS, ,RAB TU BSTAN PA NYE BAR GZHAG ,THEG PA LA NI DGA' RNAMS KYI, ,BSOD NAMS DAG LA NAN TAN BSKYED, ,BZLAS BRJOD BYED LA 'BAD PA YIS, ,GSANG SNGAGS SPYOD LA BRTZON PAR BYA, ,GSANG SNGAGS RGYUD LAS BSTAN PA YI, ,DAM TSIG RNAMS KYANG BSRUNG BAR BYA, , DAM TSIG MED PA RNAMS LA NI, ,SNGAGS DANG PHYAG RGYA MI SBYIN NO, ,GSANG SNGAGS RGYUD NI LEGS BSRUNG ZHING, ,DE YANG BDAG GIS RTOGS PAR BYA, ,DE LTAR DAM TSIG BSGO NAS NI, ,NYID KYI PHYAG RGYA RNAMS BSTAN LA, ,NYID KYI RIGS KYI RIG PA SBYIN, ,DKYIL 'KHOR DAG KYAGN BSHAD PAR BYA, ,DE NAS KHA LAG BKRUS NAS SU, ,LHA LA MCHOD YON PHUL NAS NI, ,GO RIM BZHIN DU THAMS CAD LA, ,BDUG SPOS CHO GA BZHIN DU DBUL, ,DE NAS DKYIL 'KHOR RIG SNGAGS KYIS, ,SBYIN SREG BRGYA RTZA BRGYAD DU DBUL, ,ZHI BA'I SNGAGS KYIS BRGYA RTZA

, ,BRGYAD, ,SNYING PO YIS NI NYI SHU GCIG ,JI LTAR BSTAN PA'I GSANG SNGAGS KYIS, ,MAR GYI SBYIN SREG SO SOR BYA, ,DE YI 'OG TU RANG SNGAGS KYIS, , SBYIN SREG JI LTAR 'DOD PAR BYA, ,DE NAS PHYOGS KYI GTOR MA SBYIN, ,BSNGAM ZHING KHA LAG YANG BKRUS NAS, ,ME TOG DRI LA SOGS PA YIS, ,SLOB MAS JI LTAR 'DOD PAR MCHOD, ,SLOB MA DANG BCAS MA YENGS PAR, ,MGO BOS GUS PAR PHYAG BTZAL TE, ,SNOD DU BSHAD PA GANG YIN PA, ,DE NAS SPOS CHU PHUL NAS SU, ,SO SO'I SNGAGS KYIS CI RIGS PAR, ,DE NAS SLAR NI GSHEGS SU GSOL, ,DMAN MA RNAMS NI PHYAG NAS SU, ,MTSO CHEN NANG DU DOR BAR BYA, ,BZA' BA DANG NI BCA' BA RNAMS, ,CI DGAR PHONGS PA RNAMS LA SBYIN, ,KHYI DANG BYA ROG LA SOGS LA, ,CUNG ZAD TZAM YANG MI SBYIN NO, ,YO BYAD RDZAS RNAMS THAMS CAD NI, ,SLOB DPON DAG GIS BSDUS NAS SU, ,BDAG RANG NYID KYIS SPYAD PAR BYA, ,SLOB MA RNAMS LA BGOR MI RUNG, ,DKYIL 'KHOR GYI NI YO BYAD KUN, ,SLOB DPON BDAG NYID DBANG BAR BSHAD, ,DE NAS SLOB MAS SPYAD NA NI; ;DAM TSIG LAS NI NYAMS BAR 'GYUR, ,GANG ZHIG SPYOD PAR MI 'DOD NA, ,DE YI CHO GA RIM 'DI'O, ,DKON MCHOG GSUM GYI YO BYAD DU, ,DE DAG CHO GA BZHIN DU DBUL,,

GDUGS DANG RNGA YAB DRIL BU SOGS, ,SANGS RGYAS NYID LA DBUL BAR BYA, ,GDAN DANG BDUG SPOS DRI LA SOGS, ,DAM PA'I CHOS LA DBUL BAR BYA, ,GOS DANG YO BYAD SNOD LA SOGS,, DGE 'DUN RNAMS LA DBUL BAR BYA, ,DE DAG LA NI SLOB MA YIS, ,CUNG ZAD TZAM YANG MI BKUR RO, ,DGE 'DUN MED NA DGE 'DUN SLONG SBYIN, ,YANG NA DGE SLONG MA LA SBYIN, ,GAL TE BDAG NYID MI 'DOD NA, ,DGE BSNYEN DAG LA SBYIN PAR BYA, ,DE NAS DE YI PHYI DE NYIN, ,NYES BYAS LHAG MA ZHI BA'I PHYIR, ,MKHAS PA YIS NI ZHI BA YI, ,SBYIN SREG BRGYA RTZA BRGYAD BYA'O, ,DE NAS GZHAN YANG RGYUD KUN LAS, ,DKYIL 'KHOR JI LTAR RGYAS BSHAD PA'I, ,CHO GA LHAG MA LUS PA DAG ,'DIR NI LHAG PAR RAB TU BSHAD, ,SLOB DPON GSANG SNGAGS RGYUD LA MKHAS, ,SNYING RJE'I BDAG NYID TSUL KHRIMS LDAN, ,DKYIL 'KHOR BRI BA LA MKHAS SHING, ,DRANG LAG TZANG SBRA CHE BA SHIS, ,KHANG STONG RDO THAL GYIS BYUGS PA, ,GTZANG MA BZANG PO YANGS PA DANG, ,LHA KHANG DU YANG DKYIL 'KHOR NI, ,JI SKAD BSHAD PA LEGS PAR BRI, ,JI LTAR CHU NA SPYOD PA YI, ,KHANG KHYIM BYED PA DE BZHIN DU, ,CHU STENG SPANG LEB BZANG PO YIS, ,BSNGAMS PA DAG TU BRI BAR BYA; ;MCHOD SBYIN SA DANG GRONG GIS, ,MI GTZANG BA YIS GANG BA DANG, ,GZHAN DU DKYIL 'KHOR DU SPYAD PA'I, ,SA NI 'BAD DE SPANG GBAR BYA, ,LA LA DKYIL 'KHOR BDAG PO NI, ,

, ,GCIG PU KHO NAR LAS BYAR BSGRAGS, ,DE NYID KYIS NI RGYA BA STE, ,SA 'OG DKYIL 'KHOR LTA BU YIN, ,KHA CIG TU NI 'KHOR TSOGS KYIS, ,LAS RNAMS BYA BA DAG TU BSHAD, ,DE YANG DE NYID KYIS BYAS TE, ,KHRO BO'I DKYIL 'KHOR LTA BU YI, ,GANG DU LAS NI YOD 'GYUR LA, ,RANG GI LAS KYI CHO GA MED, ,DER NI MKHAS PAS SPYI RGYUD LAS, ,GSUNGS PA'I LAS RNAMS BYA BA YIN, ,DKYIL 'KHOR DU NI DGOD PA'I SNGAGS, ,GANG DAG YONGS SU BSGRAGS PA NI, ,THOG MAR DE DAG RE RE LA, ,BZLAS BRJOD KHRI KHRI BYA BAR BSHAD, ,MKHAS PAS DKYIL 'KHOR GANG BRIS PA, ,DE DAG RGYAS PAR BZLAS NAS NI, ,DRAN PAR BYA BA'I PHYIR YANG NI, ,GLEGS DAM DER YANG NYE BAR GZHAG ,KHRUS LA SOGS PA BYED PA'I TSE, ,DKYIL 'KHOR LTA BA GZHAN BZHAG STE, ,DKYIL 'KHOR 'DRI BA'I TSE NA NI, ,NAM YANG STONG PAR MI GZHAG GO ,THIG 'DEBS DUS LA BAB PA'I TSE, ,SLOB MA GAL TE MED NA YANG, ,DE NI PHUR BU CHO GA YIS, ,BDAG RANG NYID KYIS THIG GDAB BO, ,DKYIL 'KHOR DAG GI LAS DAG LA, ,GAL TE GROGS SHIG MED NA YANG, ,DER NI MKHAS PA BDAG NYID KYIS, ,RNAM PA DE BZHIN LAS BYA 'O, ,NAD BU CAN DANG TSUL NYAMS DANG, ,GTZANG SBRA CHUNG ZHING MA BSLABS PA, ,DE LTA BU DAG RGYUD MTHONG NGAM, ,GROGS SU GZUNG

BAR MI BYA'O, ,BDER GSHEGS CHOS NI MI BYED PA, ,LA LA RIGS BTZUN DAD CING DRANG, ,DKYIL 'KHOR THOS NA DAD 'GYUR TE, ,GAL TE 'PHRAL LA 'ONGS NA NI, ,DE YI DAD PA BRTAN SHES NAS, ,DKYIL 'KHOR DAG NI BRIS NAS KYANG, ,BDAG GIS BSTAN LA GZHUG PA'I PHYIR, ,DE NI GCIG PU GZHUG PAR BYA, ,DE YI STA GON GNAS PA YANG, ,DE DAG NYID NI MOD LA BYA; ;SLOB MA NANG NI MTHUN PA DANG, ,CHO GA'I TSUL NI MED PA LA, ,JI SKAD BSHAD PA'I ZHI BA BYA, ,RGYAL PO'I MI NI DPA' SNYING CAN, ,LAG NA MTSON THOGS PAS BSRUNG ZHING, ,SA YI BDAG POS GNANG NAS NI, ,SLOB DPON GYIS NI DKYIL 'KHOR BRI, ,SLOB MA YONGS SU GZUNG BA GANG, ,STA GON GNAS TSE MED NA NI, ,DE YI GZUGS BRNYAN BYAS NAS SU, ,JI SKAD BSHAD PA'I LAS RNAMS BYA, ,SLOB MA YONGS SU GZUNG BA GANG, ,GAL TE RKYEN 'GA' ZHIG GIS NI, ,DER NI 'ONGS PAR MA GYUR NA, ,GZHAN DAG DE YI SKYIN PAR GZHUG ,STA GON GNAS PAR BYAS PA LAS, ,GAL TE RKYEN GYIS MA 'ONGS NA, ,BLA MA BLO LDAN MKHAS PA YIS, ,DER NI SLOB MA GZHAN MI GZUNG, ,STA GON GNAS PAR BYAS PA LAS, ,SLOB MA GAL TE DKYIL 'KHOR DU, ,GANG ZHIG 'ONGS PAR MA GYUR NA, ,NAD KYIS BTAB NAS NGES PAR 'CHI, ,RKYEN 'GA' ZHIG GIS BSKAL NAS SU, ,GAL TE NYIN CIG BAR CHAD NA, ,DE YI NYIN PAR

, ,ZHI BYAS NAS, ,SLAR YANG STA GON GNAS PAR BYA, ,YO BYAD GCES PA MA 'BYOR YANG, ,BSHOL PA DAG NI YONG MI BYA, ,GAL TE BSHOL NA BLA MA LA, ,GNOD PA MANG PO 'BYUNG BAR 'GYUR, ,DKYIL 'KHOR 'DRI BA'I TSE NA NI, ,GNOD PA 'GA' ZHIG 'BYUNG 'GYUR NA, ,BSHAD PA'I SNGAGS KYI STOBS KYIS SU, ,DE NI SLAR YANG BZLOG PAR BYA; ;DES KYANG BZLOG PAR MA NUS NA, ,MCHOD PA'I YO BYAD THAMS CAD NI, ,BSANG GTOR BYAS TE PHUL NAS SU, ,MCHOD YON PHUL TE SLAR GSHEGS GSOL, ,BLO DANG LDAN PAS PHYI DE NYIN, ,DKYIL 'KHOR SNGA MA BZHIN DU BRI, ,YANG NA MKHAS PAS SBYIN SREG GI ,LAS KYI ZHI BAR RAB TU BYA, ,MA BDUN GYI NI DKYIL 'KHOR DANG, ,GNOD SBYIN DKYIL 'KHOR BSHAD PA GANG, ,DE LA SOGS PA DGOD PA NI, ,NYES PA RIM BZHIN BRTAG MI DGOS, ,DE DAG TU NI DE BZHIN DU, ,DKYIL 'KHOR DGOD PA RGYAS PAR BYA, ,CHO GAR BYAS PA GZHAN DAG LAS, ,CHO GA 'DI NI CI RIGS SBYAR, ,MDOR BSDUS BSHAD PA GANG YIN DANG, ,RGYAS PAR BSHAD PA GANG YIN DANG, ,ZUR GYIS BSTAN DANG MDO LAS NI; ;SPYIR BSTAN PA NI GANG YIN PA, ,DE RNAMS BYA BA'I CHO GA LA, ,RGYUD 'DIR RGYAS PAR BSHAD PA YIN, ,MKHAS PAS CHO GA 'DI YIS NI, ,DKYIL 'KHOR THAMS CAD

BRI BAR BYA, ,DKYIL 'KHOR CHEN PO'I MDO LAS NI, ,CI BSHAD CHO GA RGYAS PAR BYA, ,BLA MAS JI SKAD BSTAN PA DANG, ,RTOG PA DAG LAS CI GSUNGS DANG, ,GSANG SNGAGS KUN GYI 'DUL BA LAS, ,CHO GA RIM PA CI BSHAD PA, ,DKYIL 'KHOR GYI NI CHO GA LA, ,MKHAS PAS CHO GA DE BZHIN SBYAR, ,GSANG SNGAGS KYI NI TSAD DAG LAS, ,BUM PA LA SOGS BSTAN BYAS PA, , DE YANG CHO GA 'DI YIS NI, ,LHAG PAR BYAS LA NYES PA MED, ,DE BZHIN GSANG SNGAGS CHO GA LA, ,LHA GZHAN GYI NI GTOR MA YANG, ,DKYIL 'KHOR DAG TU BSHAD PA LAS, ,LHAG PAR BYAS KYANG NYES PA MED, ,DE BAS GANG DU CUNG ZAD CIG ,BKLAGS TE BSHAD PA GANG YIN PA, ,DER NI DOGS PA MED SEMS KYIS, ,THAMS CAD DE BZHIN KHO NAR BYA, ,LA LAR SLOB MA DANG BCAS TE, ,BDUG SPOS DANG NI MAR ME DAG ,LAG TU THOGS TE MNYAM PAR NI, ,DKYIL 'KHOR BSKOR BAR BSHAD PA DANG, ,DAM TSIG STON TSE SLOB MA RNAMS, ,LAS KYI GRVAR NI ZHUGS NAS SU, ,ME TOG 'DOR BAR BYA'O ZHES, ,KHYAD PAR BSHAD PA GANG YIN DANG, ,DE LA SOGS PA'I CHO GA DAG ,GANG DU CUNG ZAD BSHAD PA NI, ,DER NI DGA' MGU NYID DU BYA'I, ,KUN LA DE KUN SBYAR MI BYA, ,LHA YI RIGS RNAMS MTHONG BA LAS, ,DBANG BSKUR BA NI RNAM PA BZHI, ,BLA MA MNYAM PAR BZHAG PA YIS, ,DE DAG SHES NAS CI

, ,RIGS BYA, ,SLOB DPON GO 'PHANG THOB PA'I PHYIR, ,DANG PO YONGS SU BSGRAGS PA YIN, ,RIG SNGAGS RNAMS NI BSGRUB BYA'I PHYIR, ,GNYIS PA LEGS PAR BSHAD PA YIN, ,BGEGS RNAMS RAB TU GZHOM PA'I PHYIR, ,GSUM PA RAB TU BSGRAGS PA YIN, ,BZHI PA 'BYOR PA THOB PA'I PHYIR, ,CHO GA RGYAS PA DE BSHAD DO, ,DANG PO CHO GA RGYAS PAR NI, ,NGA YIS THOG MAR BSHAD PA YIN, ,RIGS GSUM DBANG BSKUR CHO GA YANG, ,MDOR BSDUS NAS NI 'DIR BSHAD DO, ,SLOB MA LHA YI RIGS MTHONG BA, ,RIG SNGAGS GANG LA ZLOS 'DOD PA, ,DE YIS BRGYA RTZA BRGYAD BZLAS PA'I, ,BUM PAS MNGON PAR DBANG BSKUR BYA, ,DE NYID KYIS KYANG SBYIN SREG BYA, ,DE NYID DU NI DE YANG BZLAS, ,DE LTAR GANG ZHIG DBANG BSKUR BA, ,DBANG BSKUR CHO GA GNYIS PA YIN, ,SEMS NI BGEGS KYIS BRLAMS PA DAG ,ZHI BAR BYA BA GANG YIN PA, ,DE NI DBANG BSKUR GSUM PA STE, ,PHAN DANG BDE BA THOB PAR BSHAD, ,DPAL LA SOGS PA'I DKYIL 'KHOR DU, ,RGYAL SRID THOB PHYIR DBANG BSKUR DANG, ,BYUR NI MED PAR BYA BA DANG, ,DPAL YANG BSKYED PAR BYA BA DANG,, NOR DANG BU TSA 'PHAN PA DANG, ,DE LA SOGS PA DBANG BSKUR GANG, ,DE NI BZHI PA'I MI RNAMS LA, ,'BYOR PA SBYIN PAR SHES PAR BYA, ,DBANG BSKUR DANG PO THOB PA NI, ,SANGS RGYAS

RNAMS KYANG DGONGS PAR 'GYUR, ,DE SRAS GSANG SNGAGS SPYOD PA LA, ,BRTZON PA RNAMS KYIS BKUR BAR 'GYUR, ,RIG SNGAGS GSANG SNGAGS MANG PO DANG, ,'PHAGS PA SPYAN RAS GZIGS DBANG DANG, ,DPA' BO RDO RJE 'DZIN PA DAG ,NYID KYIS BYIN GYIS BRLABS PAR 'GYUR, ,DE YIS SBYAR NA SGRUB PA PO, ,LAS RNAMS THAMS CAD 'GRUB PAR 'GYUR, ,DE NI CIS KYANG MI TSUGS SHING, ,LHA RNAMS KYIS KYANG MCHOD PAR 'GYUR, ,'KHOR BA NA NI 'KHOR BA NA, ,DE NI NGAN SONG LTUNG MI 'GYUR, ,YAN LAG NYAMS DANG DBUL BA DANG, ,SMAD PA RNAMS SU SKYE MI 'GYUR, ,TSE RABS DRAN ZHING LONGS SPYOD CHE, ,TSUL KHRIMS LDAN ZHING GZUGS KYANG BZANG, ,RTAG TU LHA DANG MI RNAMS KYI, ,MTHO RIS RNAMS SU SKYE BAR 'GYUR, ,DE YI BSOD NAMS MTHU YIS NI, ,SANGS RGYAS BYANG CHUB LAS MI LDOG ,DES NI RING PO MI THOGS PAR, ,BYANG CHUB TSOGS NI RDZOGS PAR 'GYUR, ,DE LA SOGS PA'I YON TAN NI, ,MANG PO RGYA CHEN DAG DANG LDAN, ,RIG SNGAGS RNAMS KYI RIGS SKYE ZHING, ,DE NI BYANG CHUB SPYAD PA SPYOD, ,DE LTAR MNGON PAR DBANG BSKUR ZHING, ,BLO LDAN RGYUD NI MTHONG BA LA, ,BLA MA LAS NI LUNG THOB PAS,, DKYIL 'KHOR DAG NI BRI BAR BYA, ,YON TAN 'DI DANG MI LDAN PAR, ,GANG ZHIG DKYIL 'KHOR 'DRI BYED PA, ,DE NI MI BZAD SEMS DMYAL LTUNG, ,SLOB MA RNAMS KYANG DON MED

, ,'GYUR, ,MU GE DANG NI NAD MANG DANG, ,THAN PA DANG NI 'TSE BA 'BYUNG, ,RGYAL PO RNAMS KYANG 'THAB PA DANG, ,CHOM RKUN LA SOGS 'JIGS PA 'BYUNG,, DE DANG DE YI RGYU RNAMS KYIS, ,SLOB MA RNAMS KYANG PHUNG BAR 'GYUR, ,DKYIL 'KHOR CHO GA MI LDAN PAR, ,BRIS NA BLA MA MED PAR 'CHI, ,DE BZHIN GSHEGS RIGS DKYIL 'KHOR DU; ;GANG ZHIG LEGS PAR DBANG BSKUR BA, ,DE NI RIGS RNAMS GSUM CHAR GYIS, ,DKYIL 'KHOR LA SOGS SLOB DPON 'GYUR, ,'PHAGS PA SPYAN RAS GZIGS DBANG GI ,DKYIL 'KHOR DU NI DBANG BSKUR BA, ,DE NI RIGS GNYIS DKYIL 'KHOR GYI, ,SLOB DPON DU NI DBANG BSKUR 'GYUR, ,PHYAG NA RDO RJE GZI CHEN GYI, ,DKYIL 'KHOR DU NI DBANG BSKUR BA, ,DE NI RDO RJE RIGS GCIG GI ,DKYIL 'KHOR GYI NI SLOB DPON 'GYUR, ,MA MO GNOD SBYIN DRAG PO YI, ,DKYIL 'KHOR GANG DAG CI BSHAD PA, ,THAMS CAD DE DAG KUN GYIS KYANG, ,DGOS PA MED PAR BRI BAR BYA, ,BLA MAS SLOB MA GCIG PU NI, ,DKYIL 'KHOR DAG TU DBANG BSKUR BYA, ,MKHAS PAS CIG CHAR SLOB MA GNYIS, ,DBANG BSKUR BA NI YOD MI BYA, ,GNYIS SAM GSUM MA MA BZHI YANG RUNG, ,BLA MAS DBANG BSKUR BYA BA NI, ,YO BYAD SAR PA GZHAN RNAMS KYIS, ,THAMS CAD SO SO SO SOR BYA, ,RIG SNGAGS

DBANG NI THOB PA LA, ,BSGRUB PA'I DKYIL 'KHOR DBANG BSKUR BYA, ,DBANG BSKUR BA YI CHO GA DANG, ,SGRUB PA'I CHO GA'ANG DE BZHIN SBYIN, ,SLOB MA DAM TSIG SHES PA NI, ,GZHAN RNAMS LA NI RANG GI SNGAGS, ,CHO GAR BCAS SHING PHYAG RGYAR BCAS, ,CHO GA RGYAS DANG BCAS PAR SBYIN, ,DKYIL 'KHOR LEGS PAR MA MTHONG BAR, ,GANG ZHIG JI STE SNGAGS ZLOS NA, ,DES NI DNGOS GRUB THOB MI 'GYUR, ,SHI NA NGAN SONG LTUNG BAR ,SNGAGS DANG PHYAG RGYA CHO GA DAG ,GANG ZHIG DE LA STON PA YANG, ,DE NI DAM TSIG NYAMS GYUR NAS, ,NGU 'BOD SEMS CAN DMYAL BAR 'GRO, ,JI SKAD BSHAD PA'I DAM TSIG RNAMS, ,GAL TE NYAMS PAR GANG GYUR PA, ,DES NI RANG GI SNYING PA'I SNGAGS, ,GCIG 'BUM DU NI BZLAS BRJOD BYA, ,YANG NA MES RMONGS BYED PA'I GZUNGS, ,STONG DU BZLAS BRJOD BYAS KYANG RUNG, ,YANG NA ZHI BA'I SBYIN SREG BYA, ,YANG NA DKYIL 'KHOR DU YANG 'JUG ,GTI MUG DBANG GIS MI SHES PAR, ,MI GANG DKYIL 'KHOR 'DRI BYED PA, ,DE NI MTSAMS MED LNGA RNAMS DANG, ,'DRA BA'I GNAS SU 'GRO BAR 'GYUR, ,GANG ZHIG BSOD NAMS LAS BYED PA, ,CHO GA LEGS PAR 'DRI NA NI, ,BYANG CHUB SEMS DPA' MTHU CHEN TE, ,'DOD PA'I GNAS NI DAM PAR SKYE, ,GSHED BYED RNAMS DANG RO LANGS DANG, ,SHA ZA LTO 'PHYE CHEN PO DANG, ,RNAM PA SNA TSOGS GDON RNAMS DANG,,

, ,'JIGS PAR 'GYUR BA'I BGEGS RNAMS KYIS, ,LHA YI RIGS MTHONG DAM TSIG SHES, ,RTAG TU TSUGS PAR MI 'GYUR ZHING, ,DE YI MI DGE'I LAS 'BYANG ZHING, ,NGAN SONG DU YANG YONG MI LTUNG, ,DE YIS BSGRUBS NA NGES PAR NI, ,GSANG SNGAGS THAMS CAD 'GRUB PAR 'GYUR, ,DE LA BYANG CHUB SA BON NI, ,BRTAN PAR 'GYUR BAR DGOS PA MED, ,SLOB DPON BLO GROS CHEN PO YIS, ,GSANG SNGAGS RGYUD NI 'DZIN PA PO, ,SLOB MA BSDAMS PA SNYING RJE CAN, ,GCIG NI NAN TAN BSKYED DE BSGRUB, ,DKYIL 'KHOR RNAMS NI THAMS CAD KYI, ,CHO GA 'DI NI DAM PA STE, ,BLO DANG LDAN PAS CHO GA 'DIS, ,DKYIL 'KHOR RNAMS NI BRI BAR BYA, ,RIG SNGAGS RGYAL DANG PHYAG RGYA CHE, ,DKYIL 'KHOR RNAMS NI THAMS CAD KYANG; ;SLOB MA LA NI SNGAGS BYIN NAS, ,DE NAS BLA MAS RGYUD 'DI SBYIN, ,DBANG GI DKYIL 'KHOR GSHEGS SU GSOL, ,SGRUB PA CHEN PO BYA BA'I RGYUD KYI BZHED LUGS KYIS DKYIL 'KHOR GYI MDZAD BYANG MA LUS PAR YONGS SU RDZOGS PAR BSTAN PA YIN NO,, ,,DKYIL 'KHOR CHEN PO BKOD PA RIM PAR PHYE BA, PHYAG NA RDO RJE DBANG PHYUG CHEN PO BDAG NYID KYIS BSTAN PA LAS, LAS KYI DKYIL 'KHOR THAMS CAD KYI SPYI'I CHO GA GSANG BA SPYI'I RGYUD RDZOGS SO,, ,,