'PHAGS PA DPUNG BZANG GIS ZHUS PA ZHES BYA BA'I RGYUD (A'ARYA SU B'A HU BA RI PRiTZTSA N'A MA TANTRA)

RGYA GAR SKAD DU, A'ARYA SU B'A HU BA RI PRiTZTSA N'A MA TANTRA, BOD SKAD DU, 'PHAGS PA DPUNG BZANG GIS ZHUS PA ZHES BYA BA'I RGYUD, THAMS CAD MKHYEN PA LA PHYAG 'TSAL LO, ,GNOD SBYIN BDAG PO NYI MA STONG GI GZI, ,THUGS RJES RTZE GCIG YID GYUR BZHUGS PA LA, ,DPUNG BZANG TSUL BZHIN GUS PAS PHYAG BTZAL NAS, ,RIG DANG GSANG SNGAGS TSOGS KUN GRUB PA ZHUS, ,BDAG GIS SA STENG MI RNAMS BZLAS BRJOD DANG, ,SMYUNG DANG DKA' THUB NYES PAR SPYAD RNAMS KYIS, ,RAB TU BSGRIMS KYANG GRUB PA MA MTHONG NA, ,YAB GCIG CIS KYANG DKA' THUB DON MA MCHIS, ,GTZO BO GZI BRJID NYI MA ME LTA BU, ,KHYOD KYI SDIG 'JOMS DAG BYED RNAMS KYI MCHOG ,BDEN PA'I GSUNG GIS RAB TU BKA' STZAL NA, ,JI LTAR SNGAGS RNAMS 'BRAS BU MA MCHIS 'GYUR, ,RAB DANG 'BRING DANG DE BZHIN THA MA RNAMS, ,BSGRUBS KYANG GSANG SNGAGS 'BRAS BU MA STZOL

, ,LA; ;BSNYEN PAS CI STE CUNG ZAD 'GRUB MED NA, ,BSGRUBS PAS NYON MONGS KHO NA CI RUNG LAGS, ,RGYAL BAS YE SHES ZHI BA GANG YIN PA, ,DE YIS 'DI DAG GSO BAR SNGON GSUNGS NA, ,GANG LA'ANG SNGAGS DANG RIG PA GRUB MED PA, ,DE DAG RNAMS KYANG JI LTAR GSO BAR BGYI, ,THUGS RJE LDAN PAS 'GRO LA SMAN SLAD DU, ,KHYOD KYIS GSANG SNGAGS SNA TSOGS BSHAD PA RNAMS, ,DE DAG BZLAS BRJOD SBYIN SREG BRTUL ZHUGS DANG, ,BSNYEN LA SOGS PAS MA GRUB CI LAS GYUR, , CHO GA NYAMS SAM 'ON TE MTHU MA MCHIS, ,DUS KYI RANG BZHIN LAGS SAM SDIG PAS BSGRIBS, ,GSANG SNGAGS GZHAN DU GYUR TAM 'CHOL LAS GYUR, ,THAMS CAD MA LUS BCOM LDAN 'DAS KYIS GSUNGS, ,SRAS KYI TSIG DE NGES PAR GSAN GYUR NAS, ,YUD TZAM DGONGS NAS DKYUS RING SPYAN PHYE STE, ,PHYAG GI RDO RJE ME STAG ZER 'PHRO BA, ,GSOR NAS RDO RJE CAN GYIS 'DI SKAD GSUNGS, ,AE MA'O ZLA BA'I 'OD LTAR LHAM ME BA'I, ,SNYING RJES SEMS CAN PHAN PHYIR KHYOD 'DRI BA, ,SHIN TU DRI MA MED PA'I SEMS 'DI YIS, ,BDE GSHEGS SRAS NANG PHA ROL PHYIN PAR 'GYUR, ,BYANG CHUB SEMS DPA' RANG GI BDE MA CHAGS, ,RANG GI SDUG BSNGAL RNAMS KYIS MI BRDZI YANG,,

GZHAN GYI SDUG BSNGAL RNAMS KYIS SDUG BSNGAL TE, ,DE DAG BDE BAS DGA' DANG LDAN PAR 'GYUR, ,BU KHYOD RANG BZHIN BZANG PO 'DI LTA BUS, ,GANG PHYIR SEMS CAN PHAN PHYIN 'DI 'DRI BA, ,DE PHYIR MYUR DU RTZE GCIG YID BYOS DANG, ,GSANG SNGAGS MDO SDE'I TSUL DU NGAS BSHAD NYON, ,GSANG SNGAGS BZLAS BRJOD GANG DAG NGAS GSUNGS PA, ,DE YI BRTUL ZHUGS DANG POR NGAS BSHAD DO, ,DE YIS BDE BAR GSHEGS LA DAD BSKYED NAS, ,DE BZHIN DU NI BYANG CHUB SEMS KYANG BSKYED, ,SER SNA DREGS DANG RGYAGS PA RNAMS SPANGS TE, ,DKON MCHOG GSUM LA DAD PAS BSTEN PAR BYA, ,RDO RJE'I RIGS ZHES BRJOD PA RGYA CHEN DANG, ,NGA LA YANG NI DAD CING DGA' BAR BYA, ,TSIG RTZUB PHRA MA 'KHYAL PA SMRA BA DANG, ,GZHAN GYI BUD MED BGROD DANG BRDZUN SMRA ZHING, ,RKU DANG GZHAN GYI SROG GCOD GNOD BYED DANG, ,CHANG DANG BYED PA RTAG TU SPANG BAR BYA, ,RMONGS PA GANG GIS LUS DANG NGAG DANG NI, ,DE BZHIN YID KYIS BSOD NAMS BSAGS BYAS KYANG, ,THAMS CAD LOG PAR LTA BAS BCOM PAS NA, ,DE YI RNAM SMIN MI 'DOD 'BRAS BUR 'GYUR, ,DPER NA SA DANG CHU DANG DUS LDAN YANG; ;SA BON TSIG PA MYU GU MI SKYE LTAR, ,DE BZHIN MI SHES LOG LTAS BCOM PA YI, ,SEMS LAS DGE BA'I CHOS RNAMS MI SKYE 'O, ,DE PHYIR LOG PAR LTA BA RNAM SPANGS TE, ,

, ,YANG DAG LTA BA LA NI BSTEN PAR GYIS, ,RTAG TU SEMS NI DGE BA BCU DAG GI ,CHOS KYI LAM LA GNAS PAR BYAS NA LEGS, ,LHA DANG LHA MIN SHA ZA KHRAG 'THUNG BA, ,MTSAN MO RGYU BA MI BZAD 'JIG RTEN NA, ,SEMS CAN RNAMS LA GNOD PA BYED CING RGYU, ,BZLAS BRJOD BRTZON PA'I SEMS NI G-YENG BAR BYED, ,DE DAG RNAMS KYI GNYEN POR GYUR PA'I PHYIR, ,NGA YI GSANG SNGAGS RIG PA'I TSOGS MTHONG NA, ,SKRAG PAR BYED DO SNYAM DU DOGS SKYES PA, ,DE PHYIR ZLOS PA'I SEMS NI G-YENG BAR BYED, ,DE LTAR GNOD BYED DE DAG GZHOM PA DANG, ,BDAG NYID 'BYOR PAR BYA PHYIR NGAS GSUNGS PA'I, ,DKYIL 'KHOR LHA DANG LHA MIN GNAS GYUR PA, ,DAM TSIG JI BZHIN BSOD NAMS DON DU LTA, ,SNA TSOGS PA YI GDON RNAMS GNOS PA LA, ,GANG ZHIG RNAM PA SNA TSOGS LAS BYED PA'I, ,DKYIL 'KHOR DER NI GNOD BYED GZHOM PA'I PHYIR, ,MI YIS RAB TU BSGRIMS NAS 'JUG PAR BYA, ,GANG YANG RIG PA MCHOG TU GSUNGS PA DANG, ,KHRO BO'I DKYIL 'KHOR DU YANG 'JUG PAR BYA, ,DER NI DAM TSIG SNA TSOGS NGAS BSHAD PA; ;SDIG PA BSAL PHYIR RGYUN DU BLTA BAR BYA, ,RDO RJE'I RIGS GTZO PHO NYA MO YI TSOGS, ,RIG PA MANG POS BSTEN PA'I LHA MO DE, ,ZLOS PA MTHONG NA BGEGS RNAMS PHUNG BA

DANG; ;RNGAM PA 'DON CING SHIN TU SKRAG PAR 'GYUR, ,JI LTA JI LTAR DKYIL 'KHOR MTHONG BA DANG, ,DE LTA DE LTAR RDO RJE'I RIGS BSTEN DANG, ,RIG PA'I TSOGS LA BSTEN PA'I BSOD NAMS KYIS, ,DE YI LUS LA LUS KYI BYIN RLABS 'JUG ,MI TSUGS RDO RJE'I BDAG NYID DE MTHONG DANG, ,SA PHYOGS RDO RJE'I ME 'BAR DE SHES NA, ,LHA KLU LHA MIN GNOD SBYIN GRUB PA RNAMS, ,BZLAS BRJOD BYED PAS SKRAG NAS 'BYER BAR 'GYUR, ,NGA YI DAM TSIG MTHONG BA'I BU DAG GIS, ,'JIG RTEN 'JIG RTEN 'DAS PAS BSHAD PA YI, ,GSANG SNGAGS DE NI MA BSGRIMS BZHIN DU 'GRUB, ,BGEGS RNAMS THAMS CAD BRLAG PAR BYED PAR 'GYUR, ,RIG DANG DAM TSIG MA MTHONG SNYING RJE MED, ,DE BZHIN BYANG CHUB SEMS NI MA BSKYED CING; ;SANGS RGYAS MA DAD LHA GZHAN LA BRTEN PAS, ,NGA YI GSANG SNGAGS BZLAS NA PHUNG BAR 'GYUR, ,BSAM PA ZHAN CING NYAMS KYIS MI LCOGS PAS, ,DKYIL 'KHOR DE KUN BLTA BAR MI NUS NA'ANG, ,DE LAS GANG YANG RUNG BA'I DKYIL 'KHOR NI, ,GCIG TZAM ZHIG KYANG DAD PAS MTHONG GYUR NA, ,GNOD SBYIN TSOGS DANG MTSAN MO RGYU BA DANG, ,SA BLA'I GDON RNAMS KUN DANG KLU DAG DANG, ,LHA LA SOGS DANG BGEGS DANG LOG 'DREN RNAMS, ,BRTUL ZHUGS GNAS PA DE LA GLAGS MI LTA, ,DPER NA LO TOG THAMS CAD SA BDAG

, ,LA; ;BRTEN NAS SKYON MED PAR NI SKYE BA LTAR, ,DE BZHIN TSUL KHRIMS BRTEN NAS CHOS DKAR MCHOG ,SNYING RJE'I CHUS BRLAN PAS NI RNAM PAR SKYON RGYAL BA NGAS GSUNGS SO SOR THAR PA YANG, ,TSUL KHRIMS RNAM DAG 'DUL BA MA LUS LAS, ,SNGAGS PA KHYIM PAS RTAGS DANG CHO GA SPANGS, ,LHAG MA RNAMS NI NYAMS SU BLANG BAR BYA, ,DE LTAR SDIG PA'I CHOS LAS RNAM GROL NAS, ,BDE BAR GSHEGS PAS LEGS PAR GSUNGS PA'I CHOS, ,DAG CING GROL BA DANG NI LDAN GYUR PA, ,BZLAS PAS SKYON MDO SDE BKLAG PAR BYA, ,GTZANG ZHING RAB TU DBEN PA'I PHYOGS SU NI, ,'JIM PA'AM NI BYE MA LAS BYAS PA'I, ,BDE GSHEGS MCHOD RTEN RTEN 'BREL SNYING PO CAN, ,SDIG PA SBYANG BA'I PHYIR NI RTAG TU GDAB, ,RING BSREL CAN GYI SKU GZUGS MCHOD RTEN LA, ,BSTOD CING DRI DANG PHRENG BA MAR ME DANG, ,GDUGS DANG RGYAL MTSAN BA DAN ROL MO DANG, ,MCHOG TU DAD PA YIS NI MCHOD PAR BGYI, ,NAM YANG 'KHOR LO GCIG PA'I SHING RTA NI, ,RTA DANG LDAN YANG LAM DU MI 'GRO LTAR, ,DE BZHIN SGRUB PA PO YI GROGS MED NA, ,LUS CAN DNGOS GRUB THOB PAR MI 'GYUR RO, ,DE NI BLO LDAN GZUGS BZANG GTZANG SBRA CHE, ,RIGS NI BTZUN ZHING CHOS LA GZHOL BA DANG,

SPOBS PA CHE ZHING DPA' LA DBANG PO DUL, ,SNYAN PAR SMRA ZHING SBYIN PHOD SNYING RJE CAN, ,BKRES DANG SKOM DANG NYON MONGS BZOD PA DANG, ,BRAM ZE DAG DANG LHA GZHAN MCHOD MI BYED, , SGRIN ZHING GZO LA BYAS PA GZO BA DANG, ,DKON MCHOG GSUM LA DAD PA GROGS PO YIN, ,DE LTAR MA LUS YON TAN LDAN PA DAG ,RTZOD PA'I DUS NA SHIN TU DKON PAS NA, ,YON TAN PHYED DANG BZHI CHA BRGYAD CHA TZAM, ,DE LTA BU DAG SNGAGS PA'I GROGS POR BSTEN, ,'PHAGS PA DPUNG BZANG GIS ZHUS PA'I LE'U DANG PO'O,, ,,RANG SANGS RGYAS DANG BDE GSHEGS NYID SKYES DANG, ,RGYAL BA SNGON CHAD GANG NA BZHUGS PA YI, ,GNAS GANG BSOD NAMS LDAN ZHING YID DGA' BA, ,LHA DANG LHA MIN LA SOGS PHYAG BYAS MCHOD, ,GSO SBYONG SDOM PA DANG NI LDAN PA YIS, ,BDAG NYID DAG PAR BYA PHYIR BSNYEN PAR BYA, ,DE LTA BU DAG MA RNYED GZHAN YANG NI, ,CHU BO CHU KLUNG 'BAB CHU MOD PA DANG, ,PADMA AUTPA LAS NI BRGYAN PA'I MTSO, ,SKYE BO RNAMS KYANG SHIN TU MI RGYU BA, ,DVANG ZHING ZHIM PA'I CHU NI MANG BA DANG, ,MI BZAD GDON RNAMS KYANG NI MI GNAS PA, ,ME TOG 'BRAS BU GTZANG MA YOD PA DANG, ,SMAN LJONGS LJON SHING SNA TSOGS DKRIGS PA DANG, ,SA STENG GNAS MAL SHIN TU GTZANG BA DANG, ,GANG NA STAG GZIGS SENG+GE MED PA DANG, ,YID 'ONG MNYAM ZHING

, ,TSER MA MED PA DAG ,MI YI DNGOS GRUB GNAS SU BSGRAGS PA YIN, ,GROGS PO GROG MKHAR THAL BA SGRA SHAD DANG, ,NYAL NYIL SOL BA TSVA SGO'AM BTZOG CAN SPANG, ,DER NI SA BRKOS SBYANGS NAS GNAS BRTZIGS PA, ,DRO LA BRTAN ZHING 'JIM PAS ZHAL ZHAL BYA, ,SHAR RAM BYANG NGAM NUB TU SGO GTOD CING, , LHO PHYOGS SU NI NAM YANG SGO MI GTOD, ,DRI GTZANG KHANG PA DE YI PHYOGS GCIG TU, ,RGYAL BA LAM MCHOG RNAM PAR STON PA YI, ,RAS KYI SKU GZUGS LAS PHYIR BRTAN PAR GDAGS, ,YANG NA SHING GZUGS LEGS PA MCHOD PHYIR BZHAG ,THA GA PAS BTAGS 'JAM LA SNYOMS PA DANG, ,THAGS BZANG DE BZHIN SKRA SHAD MED PA DANG, ,KHO LAG CHE ZHING MA NYAMS KHA TSAR BCAS, ,RAS KYI GZUGS DES MI LA DNGOS GRUB STER, ,GTZANG MA'I SPOS CHU'I BTAB PA DE LA NI, ,TSON RTZI SPYIN MED SNOD GSAR BLUGS PA YIS,, KHRUS BYAS GTZANG LA GSO SBYONG BZUNG BA'I MI, ,MKHAS PAS BA LANG SKU YIS BRI BAR BYA, ,PHRENG BA BDUG SPOS MAR ME PHRENG BA DANG, ,BYUGS PA DAG GI SKU GZUGS CHER MCHOD DE, ,NUB PHYOGS ZHAL BSTAN MI G-YO BRTAN PA GDAGS, ,DE YI SPYAN SNGAR DNGOS GRUB BRTZAM PAR BYA, ,GTZUG PHUD BZHAG NAS SKRA NI BREGS NAS SU, ,'BYUNG

KHUNGS TSON GYIS GOS KYI KHA DOG BSGYUR, ,GOS DKAR DAG GAM SHING LO'AM GOS MA'AM, ,ZAR MA'AM SHING SHUN RNAMS KYI GOS BGO'O, ,KU BA'AM LCAGS SAM 'JIM PA LAS BYAS PA'I, ,DBYIBS NI LEGS SHING MI RTZUB 'JAM PA DANG, ,MA CHAGS ZLUM ZHING MA GAS RMA MED PA, ,YID DU 'ONG BA'I LHUNG BZED BCANG BAR BYA, ,HA CANG MI NYE HA CANG MI RING LA, , BZA' BTUNG MOD CING DMANGS RIGS MANG BA DANG, ,MGRON LA MCHOD BYED LEGS PAR BYIN PA'I GRONG, ,BRAM ZE PHYI ROL SKYE BA MED PAR BSTEN, ,NGA RGYAL GYIS NI NON PA'I BRAM ZE RNAMS, ,RIGS KYIS RLOM ZHING SNYING RJER MI LDAN PA, ,DE DAG BDE BAR GSHEGS PA'I MCHOD RTEN LA, ,MCHOD PA MTHONG NAS BGEGS KYANG BYED PAR ' GYUR, ,BRAM ZE SANGS RGYAS PA LAS JI LTAR DMAN, ,SMRANG LAS BRAM ZE DAG LAS DMANGS RIGS RNAMS, ,BSNYEN BKUR DANG NI MCHOD PA 'BYUNG BAS NA, ,DMANGS RIGS KYIS KYANG GSANG SNGAGS JI LTAR BZLAS, ,LHA DANG 'GRON MCHOD PA DANG LAS DRUG DANG, ,RGYAL PO DANG NI ME LHA BSTEN PA DANG, ,BU YI DON DU 'GRO BAR BYA BA DAG ,BRAM ZE RNAMS KYIS NGES PAR 'GRUB PA YIN, ,RGYAL RIGS RJE'U RIGS RNAMS KYANG RANG GI LAS, ,GRUB PAS 'DI LA THE TSOM MA BYED CES, ,RDZUN DU SMRA BA SNA TSOGS SKYON DAG GIS, ,BDAG DANG GZHAN GYI SEMS

, ,NI SREG PAR BYED, ,YAN LAG BRGYAD LAM GNAS PAS RTAG TU NI, ,NYI MA PHYED MTSAMS TSUN CHAD BLANG BAR BYA, ,BRAM ZE'I DUS NI PHYI DRO YIN PAS NA; ;DE PHYIR BRAM ZE'I KHYIM DU 'GRO MI BYA, ,DGE DANG MI DGE SHES PA BZUNG NA NI, ,BRAM ZE DMANGS RIGS DAG LAS KHYAD PAR MED, ,'ON KYANG 'GRO BA'I BLOS NI BRAM ZE DANG, ,'DI NI DMANGS RIGS YIN ZHES BRTAGS PAR ZAD, ,BDEN PA'I LAM DMIGS DGE BA'I RJES 'BRANGS NA, ,DMANGS RIGS DAG KYANG RGA SHI MED PAR 'GRO; ;LOG PA'I LAM ZHUGS NYES PAR SPYOD LDAN NA, ,BRAM ZE GANG YIN MI BZAD DMYAL BAR LTUNG, ,LUS CAN SHIN TU DRI MA LDAN PA DAG ,'DI NA GZHAN GYIS DAG PAR MI 'GYUR TE, ,DE NI SDIG PA RNAM PAR BSAL BA DANG, ,BSOD NAMS MA LUS YONGS SU BZUNG BAS 'DAG ,DPER NA RMA NI GSO DANG BSAL BA'I PHYIR, ,NAD PA DAG LA SMIN PA SBYIN PA LTAR, ,DE BZHIN 'DIR YANG BKRES PA'I SDUG BSNGAL DAG, ,BSAL PHYIR RGYAL BAS KHA ZAS BZA' BAR GSUNGS, ,LA LA LAM GYIS DUB CING 'GRO BA'I TSE, ,BKRES SKOM GDUNGS PAS RANG GI BU YI SHA ,ZA BA BZHIN DU RNAL 'BYOR SEMS DMAN ZHING, ,TSE DANG RGYAGS PHYIR BZA' BAR MI BYA'O, ,MANG DU BLUGS NA

RTZOL MED MTHO BA DANG, ,DE BZHIN NYUNG DUS SRANG NI DMA' 'GYUR LA, ,RAN PAS SKAD CIG MNYAM PAR 'GRO BA LTAR, ,LUS CAN KHA ZAS DE LTAR BZA' BAR BYA, ,DPER NA KHANG RNYING MI ZHIG BYA BA'I PHYIR, ,MI YIS KA BA BRTAN PO BTZUGS PA LTAR, ,DE BZHIN LUS KYIS 'KHRUL 'KHOR GNAS PA DANG, ,SHING RTA'I MIG BSKU BZHIN DU KHA ZAS BZA', ,'DOD PA'I KHAMS NI KHA ZAS KYIS GNAS ZHES, ,RGYAL BAS CHOS GCIG TU NI BKA' STZAL PA, ,LUS NI CHU SHING BZHIN DU RIG BYA STE, ,SEMS NI BZA' BTUNG SOGS LA CHAGS MI BYA; ;DBANG PO DRUG PO YUL LA 'PHRO BA DANG, ,BDE GSHEGS GSUNGS PA'I SHES PAS BSRUNG BAR BYA, ,LHUNG BZED DE DAG LAS NI GCIG THOGS NAS, ,GNYA' SHING GANG DU LTA ZHING BSOD SNYOMS SPYAD, ,'DZUM ZHING 'GRO LA SMRA ZHING ZUR MIG CAN, ,YAN LAG THAMS CAD YID 'PHROG BYED PA'I GZUGS, ,BUD MED GZUGS NI MTSON CHA 'DEBS 'DRA BAS, ,SKYES PA'I SEMS DAG MNGON DU 'PHROG PAR BYED, ,LCAGS KYI THONG LCAGS RAB TU 'BAR BA YIS, ,MIG NI RNAM PAR BKAB PA CHES BLA YI, , NYE NA DRAN PA NYAMS BYED BUD MED KYI, ,DKYUS RINGS MIG CAN BZHIN NI MA MTHONG BLA, ,GANG DU DGA' BAR 'GRO ZHING 'DZIN MED LA, ,SEMS KYIS SEMS NI RNAM PAR 'DUL

, ,BZHIN DU, ,RAB 'BRING LA SOGS RNAM PAR SPANGS NAS SU, ,MI SMRA BAR NI GZHAN GYI KHYIM DU 'GRO, ,GANG NA BZHON BE'U PHRUG CHUNG BA DANG, , GANG NA SKYES BU CHANG NI 'THUNG BA DANG, ,GANG NA BU MO GZHON BSTEN RTZE BA DANG, ,DE BZHIN GANG NA GZHON NU RTZE BA DANG, ,GANG NA DGA' STON KHYI ZA BYED PA DANG, ,GANG NA SKYE BO MANG PO 'DUS PA DANG, ,GANG NA DE BZHIN ROL MO BYED PA RNAMS, ,DER NI SKYES BU NAM YANG 'GRO MI BYA, ,BSOD SNYOMS CI SNYED KHYER TE 'ONGS NAS KYANG, ,DANG POR JI LTAR BDE BAR BGO BAR BYA, ,RKANG BKRUS GLO BUR BA LA BYIN NAS SU, ,LUS BSRUNG PHYIR NI KHA ZAS BZA' BAR BYA, ,DUS SU ZOS NAS DUS GSUM KHRUS BYAS TE, ,PHRENG BA MAR ME BDUG PA BSTOD DANG DRI, ,SHA CHANG MED PA'I LHA BSHOS PHUL NAS SU, ,KU SHA'I KHRES LA 'DUG NAS BZLAS BRJOD BYA, ,BDUG PA BYUG SPOS LA SOGS MA RNYED NA; ;DRI ZHIM ME TOG SNA TSOGS DBUL BAR BYA, ,SPRA BA AARGA BIL BA BRI HA TI, ,KU SHA DRI NGAN YID DU MI'ONG SPANG, ,'GRENG DANG 'DUG DANG MA LOG NYAL BA DANG, ,'GRO 'PHRES [?] GLOG BZLAS BRJOD BYED PA NA, ,RJES SU DRAN DRUG SO SO'I YON TAN DANG, ,RIG PAR BCAS TE RJES SU DRAN PAR BYA, ,'PHAGS PA DPUNG BZANG GIS ZHUS PA'I LE'U STE

GNYIS PA'O,, ,,'DOD CHAGS LA SOGS NYON MONGS TSOGS LDAN PA'I, ,SEMS NI 'KHOR BA YIN PAR KUN TU BRJOD, ,NYON MONGS RNAM GROL SHEL DANG ZLA 'DRA BA, , SRID PA'I RGYA MTSO'I MTHAR NI YONGS SU BSGRAGS, ,DPER NA DRI MED CHU NI CHUR SOGS KYIS, ,SKAD CIG TU YANG RNYOG PAR BYED PA LTAR, ,DE BZHIN RNAM DAG DRI MA MED PA'I SEMS, , 'DOD CHAGS LA SOGS SKYON GYIS RNYOG PAR 'GYUR, ,BO DE TZE DANG DUNG SHEL RU RAG SHA ,LUNG TANG PADMA'I SNYING PO ZHA NYE ZANGS, ,'KHAR BA'I BGRANG PHRENG BRGYA NI RTZA BRGYAD PA, ,DE DAG LAS NI BGRANG PHRENG GCIG BLANGS TE, ,DE NI LAG PA G-YAS PAS GZUNG BA'AM, ,LAG PA G-YON PAS BSGRIMS TE MI 'KHRUL GZUNG, ,TSAR RE PHYIN CING NOR BU RE RE NAS, , SNGAGS PA YIS NI RIM BZHIN DRANG BAR BYA, ,'DUG NAS DBANG PO YANG DAG BSDAMS PA DANG, ,LUS KYANG DRANG ZHING BRTAN PAR BZHAG NAS SU, ,PHYIS NI MA MCHU SHIN TU MDZES PAR YANG, ,BSKUL ZHING GSANG SNGAGS CI DGAR BZLAS BRJOD BYA, ,SEMS NI GLOG DANG SPRIN DANG RLUNG DANG MTSUNGS, ,RGYA MTSO CHEN PO YI NI RLABS DANG 'DRA, ,SGYU CAN 'DOD DGUR YUL LA MNGON DGA' BA, ,G-YO ZHING 'PHYAN PA NGES PAR GDUL BAR BYA, ,GANG TSE ZLOS DGA'I SEMS NI ZHI BA LA, ,BSTEN PAS GNYID KYIS DRAN BA RMONGS GYUR NA, ,LANGS NAS

, ,BCAG CING PHYOGS SU LTA BA DANG, ,CHU YIS GDONG YANG YONGS SU BKRU BAR BYA, ,LAS KYI DBANG BSGYUR BDAG PO MED PA DANG, ,MGON MED RTEN MED TSE RABS GCIG NAS GCIG ,LUS KYI KHA BRGYUD RJES SU RAB 'GRO BA, ,DE YI RJES SU DGE DANG MI DGE 'BRANG, ,TSOL DANG MDZA' BSHES DANG NI RNAM PAR BRAL, ,MI SDUG PA DANG PHRAD CING 'DOD PAS GDUNGS, ,NGAN PA SKYE RGA NA 'CHI'I SDUG BSNGAL CAN, ,YUL RNAMS KUN TU SONG NA'ANG MED PA MIN, ,SHA SBRANG TSA GRANG BKRES DANG NGAL LA SOGS, ,GANG DU SONG YANG SDUG BSNGAL NYID YIN PAS, ,YUL LA MNGON DGA'I SEMS NI 'BYUNG BA NA, ,RNAM RTOG DE DAG RNAMS KYIS BZLOG PAR BYA, ,'DOD CHAGS SHAS CHE MI GTZANG SHA TSIL DANG, ,PAGS PA KENG RUS LTA BAS RNAM PAR BZLOG ,BYAMS DANG SNYING RJE'I CHUS GDAB ZHE SDANG LA, ,GTI MUG LA NI RTEN 'BREL LAM GYIS SO,, RE ZHIG NA NI DGRA YANG MDZA' BOR 'GYUR, ,MDZA' BO DAG KYANG DGRAR NI 'GYUR BA NYID, ,DE BZHIN KHA CIG DAG NI BAR MAR 'GYUR, ,BAR MA DE NYID KYANG NI DGRA BOR 'GYUR, ,DE LTAR MDZA' BSHES 'GYUR BAR RIG BYA STE, ,BLO GROS LDAN PAS NAM YANG CHAGS MI BYA, ,GNYEN LA DGA' BA'I SEMS KYI RNAM RTOG DAG ,BZLOG

NAS DGE LA BDE BAR GZHAG PAR BYA, ,DANG PO ZLOS NAS BZLAS BRJOD ZIN PAR DU, ,BRAM ZE RGYAL RIGS RDE'U RIGS ZHING PA DANG, ,BUD MED MA NING KHYE'U DANG BU MO DANG, ,SNGAGS 'CHANG NAM YANG SMRA BAR MI BYA'O, ,CI STE DGOS PA YOD NA SNGAGS G-YOG DANG, ,BZLAS BRJOD ZIN NAS CUNG ZAD SMRA BAR BYA, ,SMRAS NA LUD PA BSHANG GCI BOR NAS KYANG, , CHU YI NANG DU ZHUGS NAS KHRUS KYANG BYA, ,ME TOG DRI SNOD MAR ME PHUL BA DANG, ,TSUL KHRIMS BRTZON 'GRUS DKA' THUB BYAS PA YI, ,DGE BA DE KUN BLA NA MED PA YI, ,SANGS RGYAS BYANG CHUB BLA NA MED PAR BSNGO, ,DPER NA CHU KLUNG RGYA MTSOR PHYIN PA NA, ,LAN TSVA'I ROR NI GCIG TU GYUR PA BZHIN, ,DE LTAR BLA MED BYANG CHUB BSNGOS PA YI, ,BSOD NAMS RGYAL BA'I ROR NI GCIG TU 'GYUR, ,DPER NA SKYES BU LA LAS 'BRAS BU'I PHYIR, ,S'A LU BSKYED KYI SOG MA'I PHYIR MIN LAS, ,S'A LU RNYED NAS BSGRIMS PA MED PAR NI; ;SOG MA'I PHUNG PO ZHAR LA 'BYUNG BA BZHIN, ,DE BZHIN BYANG CHUB 'BRAS BU 'DOD PA YIS, ,BSOD NAMS SGRUB KYI LONGS SPYOD PHYIR MIN YANG, ,SOG MA'I PHUNG PO DAG DANG MTSUNGS PAR NI, ,MA BSGRIMS BZHIN DU MI YI LONGS SPYOD 'GRUB, ,TSE RING BA 'DI LEGS PAR THOB PA DANG, ,CHOS BZHIN BSGRUB PA'I YUL DAG RNYED PA'AM, ,

, ,SKYO BA MED PAR 'GYUR ZHING 'GRO BA YI, ,BSAM PA RNAMS NI RTAG TU RDZOGS PAR BYA, ,GRAGS DANG MA GRAGS RNYED DANG MA RNYED DANG, ,BDE DANG SDUG BSNGAL DE BZHIN STOD SMAD DAG ,SEMS KYIS 'JIG RTEN TSOGS RNAMS RAB BCOM STE, ,SDIG PA'I GNAS SU GYUR PA SPANG BAR BYA, ,DPER NA RGYA MTSO SKAD CIG TZAM YANG NI, ,MI YI RO DANG LHAN CIG MI GNAS LTAR, ,DE BZHIN RNAM RTOG SEMS KYIS SDIG BYAS PA, ,SNGAGS PAS SKAD CIG TZAM YANG GNAS MI BYA, ,DPER NA RLUNG MED KHANG PA'I NANG DU NI, ,MAR ME GTZUG PA MI G-YO 'BAR BA LTAR, ,RTZE GCIG SEMS KYIS ZLOS LA MNGON DGA' BA'I, ,LUS LA CHOS KYANG DE BZHIN 'BAR BAR 'GYUR; ;STANGS DANG MCHONGS PA DANG NI GAR BYED DANG, ,GLU LEN RNGA DUNG SKYE BOS DPYAS 'GYUR DANG, ,LHAG PA'I NGA RGYAL 'DRID DANG 'DOD CHEN DANG, ,RGYAN PO DANG NI 'DUS LA LTA 'DOD DANG, ,DUS MIN GNYID DANG MI 'GRUB SMRA BA DANG, ,BSTAN BCOS NGAN DANG SNYAN DNGAGS KLOG 'DON DANG, ,CHAGS DANG 'TSIG DANG DREGS DANG RGYAGS PA DANG, ,ZHE LA 'DZIN DANG LE LO G-YO SGYU SBANG, ,SHA CHANG KE'U DANG TZONG DANG SGOG RDOG DANG, ,'BRU DANG TIL DANG LA PHUG SU RA nA, ,'BYUNG PO'I ZAS DANG LHA

BSHOS GTOR MA DANG, ,GU LANG MCHOD BYAS GTOR MA MI BZA'O, ,NGAS NI SNGAGS PAS KHA ZAS DKAR GSUM DANG, ,RTZA BA SDONG BU 'BRAS BU TSOD MA DANG, ,ZHO DANG NAS DANG 'O MA MAR DAG DANG, ,'BRU MAR TSIGS MA DAR BA 'O BSKOL DANG, ,THUG PA DAG NI BZA' BTUNG YIN PAR GSUNGS, ,SHA ZA SRIN PO DAG DANG GNON PO DANG, ,RO LANGS DANG NI 'JIG PA SGRUB PA DANG, ,LHA MIN BU MO'I 'KHRUL 'KHOR 'JOMS PA'I TSE, ,'BRU MAR TSIGS MA'I BZA' BA MCHOG TU BSNGAGS, ,DE LTAR BZLAS BRJOD BYED PA'I SGRUB PA POS, ,NYIN GCIG BZHIN DU BYAS NAS BZLAS PA NI, ,PHUL NAS CHO GA BZHIN DU GSHEGS SU GSOL, ,NUB MO KU SHA BTING NAS NYAL BAR BYA, ,BYAMS PA SNYING RJE DGA' BA BTANG SNYOMS LDAN PA DANG, ,BDE GSHEGS CHOS DANG DGE 'DUN BCAS PA DRAN BYA STE, ,SH'A RI'I BU DANG NGA LA BTUD NAS THAL SBYAR NYAL, ,DE LTAR SNGAGS PA'I SDIG PA MTHA' DAG ZAD PAR BYA, ,'PHAGS PA DPUNG BZANG GIS ZHUS PA'I LE'U GSUM PA'O,, ,,SGRUB PA POS NI NGES PAR BCANG BA YI, ,RDO RJE DE DAG GANG YIN BSHAD PAR BYA, ,SOR BCU BCU GNYIS BCU DRUG BCO BRGYAD DANG, ,MCHOG GI TSAD NI SOR YANG NYI SHU PA'O, ,GSER GYI RDO RJE RIG 'DZIN NYID DANG NI, ,SA RNAMS THOB PAR BYA PHYIR RAB TU SHIS, ,RGYAL

, ,PO'I DON DU DNGUL GYI MCHOG YIN TE, ,ZANGS KYI RIN CHEN 'BYUNG BA'I KLU BSGRUBS LA, ,LHA MIN DBANG PO'I 'KHRUL 'KHOR GZHIG PA DANG, ,PHUG TU 'GRO LA RDO YI RDO RJE 'O, ,DON KUN BSGRUB PA LA NI LCAGS GSUM GYI, ,GSANG BA'I SDE GZHOM PA LA LCAGS KYI 'O, ,GDON GZHAN LA NI SENG LDENG DPAL DANG TSE, ,NAD MED NOR RDZAS LA NI BIL PA'O, ,GNOD SBYIN MA MO'I SGRUB LA MA DU'I SHING, ,CHOS KYI DON LA AA SHVAD LAS BYAS SHIS, ,GSAL ZHING RTZE MO'I DGRA RNAMS GZHIG PA LA, , MI RNAMS BSAD PA LA NI MI RUS KYI, ,SHEL LAS BYAS PA MIG 'PHRUL CHEN PO LA, ,DBYE PHYIR 'JIM PA LAS BYAS RAB TU SHIS, ,GSAD CING BSKAM PAR BA RU RA YI SHING,, SHA ZA BSGRUB PA LA YANG RTAG TU SHIS, ,LHA DANG GNOD SBYIN DRI ZA BSGRUB PA LA, ,SGRON SHING LAS NI BYAS PA'I RDO RJE 'O, ,CI STE KLU NI DBANG DU BYED 'DOD NA, ,DE TSE KLU SHING RTZA BA LAS BYAS PA'I, ,GZUGS BSGYUR BA LA SA LAS BYAS PA STE, ,RO LANGS SGRUB PA LA NI KA DAM PA'O, ,PUN DA KA DANG RA DZA AARGA DANG, ,AA SHVAD SHING GI RDO RJE NOR GYI PHYIR; ;GLA BA AA MRA SHRI BARnA BA YI, ,AARDZU LA SOGS PA LAS BYAS PA DAG ,MI RNAMS G-YUL LAS RGYAL BAR BYA PHYIR RO, ,YID DU 'ONG BA'I 'DOD PA THOB BYA'I PHYIR, ,TZANDAN

DKAR PO DANG NI DMAR PO STE, ,DBYIBS LEGS 'JAM ZHING MA NYAMS RMA MED PA'I, ,RDO RJE RTZE LNGA SRA BA BCANG BAR BYA, ,DANG PO ZLOS TSE DE NI THOGS NAS SU, ,BZLAS BRJOD ZIN NAS MYUR BA KHO NAR YANG, ,DAD PA'I SEMS KYIS PHYAG BYAS DRI SOGS KYIS, ,MCHOD NAS RDO RJE RGYAL BA'I ZHABS DRUNG BZHAG ,NGA YI RIGS KYI GSANG SNGAGS SGRUB PA POS, ,RDO RJE MED NA 'GRUB PAR MI 'GYUR RO, ,DE LAS GCIG KYANG RNYED PAR MA GYUR NA, ,KHU TSUR BCANGS NAS RTZE GCIG SEMS KYIS BZLAS, ,LDONG ROS GI WANG RAL GRI AANYDZA NA, ,SPANG MA BA BLA ZHAGS PA LI KHRI BTZAG ,MAR DANG SHU DAG 'KHOR LO RDO RJE MDUNG, ,PAGS PA GO CHA MDUNG NI RTZE GSUM PA, ,RDZAS NI BCU BDUN BSGRUBS PA DE RNAMS KYIS, ,GRUB PA RNAM PA GSUM RNAMS THOB PAR BYED, ,RANG SNGAGS CHO GA LHAG PAR BSHAD PA GANG, ,DER YANG GRUB PA RNAM PA GSUM DU MTHONG, ,BGEGS DANG LOG 'DREN GRUB PAR MI DGA' BA; ;RIG PA'I TSOGS RNAMS KYI NI MDUN NA RGYU, ,RIG 'DZIN BRTZON PA'I BDAG NYID CAN DAG LA, ,RNAM PA SNA TSOGS GLAGS SKABS TSOL ZHING RGYU, ,BGEGS KYI RIGS NI RNAM PA BZHI YOD DE, ,SA STENG 'DI NA 'KHOD PA'I BGEGS RNAMS NI, ,RNAM PAR 'JIG DANG WA DANG NE'U LE DANG, ,DE BZHIN SO GCIG PA DANG RIGS RNAMS BZHI, ,DE DANG DE LAS

, ,'PHROS PA MTHA' YAS SO, ,SA STENG 'JIG RTEN SKYONG BA BZHI GANG YIN, ,DE DAG G-YOG 'KHOR MYA NGAN MED PA YIN, ,DE YI G-YOG 'KHOR BYE BA PHRAG BDUN RNAMS, ,DE DAG GSANG SNGAGS SGRUB LA GEGS BYED DO, ,WA YI RIGS NI BYE BA BCO BRGYAD DAG ,DBANG PHYUG CHEN PO'I 'KHOR TE DE RNAMS KYI, ,SDE DPON GLANG CHEN GDONG STE STOBS PO CHE, ,SA STENG MTHA' DAG KUN TU BGEGS KYANG BYED, ,SO GCIG RIGS KYI SDE DPON GTZUG 'PHYANG STE, ,BYE BA DRUG CU'I BGEGS LA DBANG BSGYUR ZHING,, TSANGS DBANG KHYAB 'JUG NYI MA ZLA BA RLUNG, ,DE RNAMS KYIS BSHAD SNGAGS LA BGEGS BYED DO, ,NE'U LE'I RIGS GANG YIN PA RGYA CHE STE, ,KHRAG KHRIG BYE BA THOR 'BUM PHRAG STONG DANG, ,DE DAG RNAMS KYI SDE DPON GTZUG NAS PHYUNG, ,NGA YI RIG DANG SNGAGS LA BGEGS BYED DO, ,DGA' BYED PADMA 'DRA BAR DKYUS RING MIG ,LDAS RTZEN SNGAGS RGYUD MA NI BGEGS KYANG BYED, ,NOR SPYOD BU NI GANG YIN GANG PO BA, ,RANG GI GSANG SNGAGS RGYUD LA BGEGS KYANG BYED, ,SGRUB PA PO LA 'BYOR BAR MI DGA' BA, ,BRTZE MED RANG RANG RIGS LA BGEGS BYED DO, ,RANG GI GSANG SNGAGS GZUGS SU RNAM SPRUL NAS, ,PHRENG BA DANG NI GTOR MA MNGON DU LEN, ,LHA YI LOG 'DREN GYIS

BYAS DE MTHONG NAS, ,KHROS SHING 'KHRUGS NAS PHYIR YANG PHYOGS PAR 'GYUR, ,SNGON CHAD SEMS NI 'JUNGS DANG RMONGS PA YIS, ,LHA YIS LOG 'DREN BGEGS KYI LUS 'DI STON,, LUGS 'DI LHA DANG KLU DANG GRUB PA DANG, ,SUM CU RTZA GSUM LHAS KYANG BZLOG MI NUS, ,BGEGS KYIS 'JIGS SU RUNG BAR BYOS PA DAG ,SNGAR BSHAD PAS NI DE DAG ZLOG PAR BYED; ;BZLAS BRJOD ZIN NAS LEGS PAR BSRUNG BA DANG, ,DKYIL 'KHOR MANG BYAS BSGRUB LA 'JUG PAR BYA, ,GZHAN DU MCHOD PA CHO GA MED PA DANG, ,BZLAS BRJOD SBYIN SREG CHO GA BRAL BA'AM, ,GANG ZHIG RTAG TU SEMS NI 'DI LTAR SEMS, ,RIG PA GANG ZHIG BDAG GIS BZLAS PA BYA, ,YUL DANG RGYAL SOGS GTAM LA CHAGS PA DE'I, ,LUS LA THOGS PA MED PAR RAB TU 'JUG ,'DI LTAR PHAN TSUN DU NI 'GRO BA NA, ,RIG PA 'DOD PA'I SEMS DAG G-YENG BAR BYED, ,DPER NA CHU NANG GRIB MA SNANG BA LTAR, ,DE BZHIN MI YI LUS LA 'JUG PAR 'GYUR, ,'KHRU TSE GZHAN LA ZLOS PA NA YANG GZHAN, ,NYAL NA GZHAN YIN ME TOG BDUG PA DANG, ,MAR ME 'BUL BA'I TSE NA'ANG GZHAN YIN LA, ,SBYIN SREG BYED PA NA YANG BGEGS GZHAN 'JUG ,DPER NA NYI ZER ME SHEL BAB PA YI, ,RKYEN GYIS MA BSGRIMS ME NI 'BYUNG BA LTAR, ,DE BZHIN BGEGS KYANG LUS LA ZHUGS BYUNG NA, ,

, ,'DOD CHAGS ME CHEN KUN TU SKYED PAR BYED, ,G-YO ZHING 'GUL BA ZHES NI BYA BA'I BGEGS, ,CHU NANG SKYES BU 'KHRU BA'I TSE NA 'DZIN, ,BKRES SHING LUS LA SNYOMS SHING GNYID KYANG CHA, ,DE BZHIN LUS LCI MCHOG TU KHRO BAR 'GYUR, ,DE BZHIN DRI ZA ZHES NI BYA BA'I BGEGS, ,DE NI DRI 'BUL BA NA LUS LA 'JUG ,YUL DANG RGYAL PO GNYEN DANG NOR LA SEMS, ,SNYOM ZHING BUD MED DAG LA CHAGS PAR 'GYUR, ,NAG PO'I LUS CHE SA NI BRTOL NAS SU, ,BDUG PA RAB TU 'BUL BA'I TSE NA 'JUG ,'JUNGS DANG G-YO SGYU BYED CING MI SRUN LA, ,'DOD CHEN CHE LA RAB TU KHU CHU 'DZAG ,MAR ME GTZUG PHUD GCIG PA GEGS BYED PA, ,SNYING GA TSA ZHING GZER THABS SEMS NYAMS BYED, ,BGRENG BA'I TSE NA GTZUG 'PHYANG 'JUG 'GYUR TE, ,RIMS DANG 'KHRU SKYUGS DRAG POS 'DEBS PAR BYED, ,ME TOG 'BUL TSE ME TOG CHER BKOD PA, ,RANG GI GNAS SKABS RNYED NAS LUS LA 'JUG ,RIMS DANG CHAM PA LUS TSIGS NA BA DANG, ,GROG PO DAG DANG RNAM PAR BRAL BAR BYED, , BGEGS KYIS BRLAMS PA PHYOGS NA LAM MIN LAM DU MTHONG, ,SPYOD PA SNA TSOGS BYED CING 'DOD CHAGS RNAMS KYIS GDUNGS, ,GLO BUR SMRA ZHING KLOG LA DON MED KUN TU

'PHYAN, ,DON DU SGRUB PA RNAMS LA SEMS KYANG YID GNYIS BYED, ,SEMS NI LOG PAR LTA BAS NON PAS NA, ,GSANG SNGAGS MED CING MTHO RIS LHA YANG MED, ,BSOD NAMS MED CING SDIG PA CUNG ZAD MED, ,THAR PA MED CING 'CHING BA'I RGYU YANG MED, ,SKYE BO DON MED NYON MONGS DKA' THUB CHES, ,SNA TSOGS 'KHYAL BA'I TSIG 'DI RTAG TU SMRA, ,SEN MOS RTZVA GCOD BONG RDO 'JIG PA DANG, ,MTSAN MO SO YANG KHRIG KHRIG 'CHA' BA DANG, ,BU MO BDAG 'DOD KHYO NI MI RNYED CING, ,SKYES PA BDAG 'DOD CHUNG MA GZHAR MI RNYED, ,DGOS PA'I DON MI 'GRUB CING MI DGOS 'GRUB, ,GAR YANG 'GRO DGOS GNYID MED MI YANG BRLAMS, ,DE BZHIN STAG GZIG SENG+GE KHYI DANG PHAG ,BONG BU RNGA MO BYI LA SHA ZA WA, ,BYA RGOD 'UG PA SKYAR MO MI'U THUNG HRUL, ,GCER BU THAL RIS CAN DANG MI NAG PO, ,KHRON SKAMS THOD PA RUS GONG PHUNG PO DANG, ,LCAGS DANG RDO KHUNG MI GTZANG KHANG RUL DANG, ,KHA BZHIN GYUR CING RAL GRI MDUNG THOGS PA, ,RMI LAM 'DI RNAMS RMIS PA'I MI YANG BRLAMS, ,BGEGS DANG LOG 'DREN RNAM PAR GZHIG PA'I PHYIR, ,BDUD RTZI THAB SBYOR DRAG SHUL THABS LAS SBYAR, ,SNGAGS PA DE YI GSANG SNGAGS LAS ZHUGS PA, ,BGEGS DANG LOG 'DREN RNAMS KYIS YONGS MI TSUGS, ,PHYUGS LHAS SHING GCIG LHA

, ,YI KHANG PA'AM, ,LAM GYI BZHI MDO'AM KHANG STONG NAGS TSAL DU, ,DKYIL 'KHOR GRU BZHI LHAM PA KHRU BZHI'I TSAD, ,TSON RTZI RNAM PA SNA TSOGS DAG GIS BRIS, ,PHYOGS KYI LHA RNAMS GNAS NI YONGS SU BZUNG, ,SGO BZHI PA LA KU SHA'I RTZVA YANG BKRAM, ,BZA' DANG SHA CHANG LA PHUG LA SOGS BCAS, ,'BRAS CHAN 'BRAS BU MANG PO'I GTOR MA SBYIN, ,BUM PA PADMA DMAR PO'I MDOG 'DRA BA, ,NAG PO RA RI MED CING RIN CHEN BCAS, ,SMAN DANG 'BRU DANG SPOS CHUS BKANG BA BZHI, ,LDUM BUS KHA BRGYAN RAS KYIS MGUL BA DKRI, ,LUS DMAR PO DANG K'I LI K'I LA DANG, ,'GRO LDING BA LA SOGS PAS BRGYA BZLAS TE, ,DKYIL 'KHOR KHOR YUG TU NI BZHAG PAR BYA, , DE NAS BYUG SPOS BDUG SPOS LA SOGS DBUL, ,BGEGS KYIS BRLAMS PAS SHAR PHYOGS KHA BSTAN TE, ,DKYIL 'KHOR DBUS SU BDE BA'I STAN LA BZHAG ,BZLAS BRJOD BYED CING BUM PA RE RES BKRU, ,'ON KYANG LOG 'DREN RNAMS LAS THAR BAR 'GYUR, ,SGRUB PA PO YI MI NI 'BA' ZHIG LA, ,BGEGS RNAMS GZHIG PHYIR PHAN PAR MA ZAD KYI, ,RGYAL PO'I 'KHOR DANG BUD MED BU MED DANG, ,BU MO DAG DANG ROL MO MKHAN RNAMS DANG, ,BUD MED PHAL DANG TSONG PA RNAMS KYANG RUNG, ,ZHING PA RNAMS DANG

DBUL ZHING PHONGS PA DANG, ,GDON GYIS ZIN CING RIM GYIS BTAB PA DANG, ,BUS PA'I GDEN DANG ME TOG 'BRAS BU 'PHROG ,RMI LAM SMYO DANG SEMS NI G-YENGS PA DANG, ,DUG KYANG SEL TE KHRUS 'DIS DAG PAR BYED, ,'PHAGS PA DPUNG BZANG GI ZHUS PA'I LE'U BZHI PA'O,, ,,BGEGS KYIS BSOD NAMS MA LUS ZAD PAR BYED, ,DE BAS MI YIS GSANG SNGAGS 'GRUB MI 'GYUR, ,JI LTAR ZLA BA SPRIN LAS RNAM GROL LTAR, ,DE BZHIN BGEGS LAS GROL BA RNAM PAR GSAL, ,DPER NAS CHU DUS RNAMS BRAL BA YI; ;SNOD GNAS 'BRAS BU ME TOG MYU GU MED, ,DE DANG MA BRAL MYU GU LO MA DANG, ,SDONG BU DAG DANG ME TOG 'BRAS BU SKYE, ,CHO GA NYAMS SHING YI GE GUG SKYED MED, ,MCHOD PA MED CING MI GTZANG BZLAS BRJOD BYAS, ,GUG SKYED YI GE LHAG PAR GYUR PA YIS, ,GSANG SNGAGS DNGOS GRUB RGYA CHEN MI STER RO, ,DPER NA DBYAR GYI DUS NI CHAR SPRIN DAG ,SKYE PO'I SKAL BZHIN CHAR PA LEGS PAR 'BEBS, ,DE BZHIN MI YI SKAL BA GZIGS NAS NI, ,'DOD PA BZHIN DU GSANG SNGAGS DNGOS GRUB STZOL, ,YUL DANG DUS DANG CHO GA LAS RNAMS DANG, ,SDIG PA SBYANG ZHING BSOD NAMS BSAGS PA DANG, ,GUS DANG BZLAS BRJOD KUN LA GZIGS NAS NI, ,DE DAG GSANG SNGAGS 'BRAS BU RNAM PAR STZOL, ,JI

, ,TZAM SDIG PA MANG POS RAB GANG ZHING, ,JI TZAM LAS DKAR BSOD NAMS MA BSAGS DANG, ,JI SRID CHO GA MED PAR BZLAS BYAS PA, ,DE SRID SNGAGS PAS DNGOS GRUB MI 'THOB BO, ,CHO GA NYAMS SAM BAR CHAD SNGAGS GZHAN BZLAS, ,BZLAS PA BTANG NGAM GZHAN LA BYIN GYUR NA, ,DUS GSUM MCHOD PA LA NI BRTZON BYAS NAS; ;SLAR YANG 'BUM BZLAS BSGRUB LA 'JUG PAR BYA, ,STONG PHRAG BCU 'AM BRGYAD DAM BDUN NAM BZHI, ,BZLAS MTHAR DE LA MAR GYI SBYIN SREG BYA, ,YANG NA MA GRUGS NAS SAM TIL NAG GAM, ,YUNGS KAR MAR DANG BSRES PA'I SBYIN SREG BYA, ,'DZAM BU MA DU BLAG SHA PA LA SHA, ,AU DUM SENG LDENG AA SHVAD AA PA MAR, ,AARKA AA SHO KA DANG RARDZA KA ,N+YA GRO BIL PA AA MRA SHA'I ME YI, ,YAM SHING GZHON NU SOR NI BCU GNYIS PA, ,BTZAL NAS ZHO MAR SBRANG RTZI LA BTAGS NAS, ,RTAG TU ME LA SBYIN SREG BYA BAR BYA, ,DE LTAR BYAS NA DNGOS GRUB MYUR DU 'THOB, ,GZHAN GYI GSANG SNGAGS KYIS NI GSANG SNGAGS GANG, ,BCAD DAM BCINGS SAM MNAN PAR GYUR KYANG RUNG, , DE YI GZUGS BRNYAN SA LAS BYAS NAS SU, ,NGA YI ZHABS DRUNG MNGON DU PHYOGS BZHAG STE, ,SNGAGS PAS K'I LI K'I LI SOGS SNYING POS, ,MAR DANG 'O MAS DE YIS GZUGS

BRNYAN BKRU, ,DE LTAR ZHAG BDUN BYAS PAS GSANG SNGAGS DAG ,BCINGS PA DANG NI MNAN LAS GROL BAR 'GYUR, ,MCHOD PA LA SOGS CHO GA LDAN YANG NI, ,CI STE GSANG SNGAGS 'BRAS BU MI STER NA, ,DE'I GZUGS DUG DANG SKE TSES BYUGS NAS SU, ,K'I LI K'I LI 'GRO LDING LA SOGS PAS, ,SNGAGS KYIS DE LA YUNGS MAR TSVA SBYAR BAS, ,ZHAG BDUN DUS GSUM SBYIN SREG LAS BYAS NA, ,GSANG SNGAGS 'ONGS NAS RMI LAM DAG TU NI, ,CHO GA NYAMS PA'AM YI GE LHAG CHAD STON, ,SNGON NI GSANG SNGAGS LUGS 'CHANG BSTAN MOD KYI, , JI LTAR RGYA MTSO DUS LAS MI 'DA' LTAR, ,SNGAGS KYIS GZHAN GYIS GSANG SNGAGS MI BSNAN CING, ,BCING DANG GCAD PA NAM YANG MI BYED DO, ,DPER NA BYAMS PA'I MI YIS MI GZHAN LA, ,CHE GE MO YI KHYIM 'DIR PHYIN CHAD KHYOD, ,BLTA BA'I PHYIR YANG 'GRO BAR MI BYA'O ZHES, ,RIGS PA'I TSIG GIS RNAM PAR BSTAN PA DANG, ,DES KYANG DE YIS TSIG DE MNYAN NAS SU, ,KHYIM DU SMRA DANG BLTA PHYIR MI 'GRO BA, ,DE BZHIN GSANG SNGAGS GANG YANG RUNG BA'I SNGAGS, ,BZLAS PAS GZHAN GYI GSANG SNGAGS BSNAN MI BYA, ,GSANG SNGAGS BCAD DANG BCING BA MI BYA ZHING, ,YI GE LHAG CHAD GSANG SNGAGS MI SBYIN NO, ,LAS RNAMS SPYAD PA GZHAN DU BSGYUR MI BYA, ,GNAS RNAMS GZIR BAR NAM YANG MI BYA'O, ,DBAB DANG BCING

, ,DANG BRDEG DANG RMONGS BYA DANG, ,YAN LAG MI GZHIG RIGS KYANG MI BRLAG CING, ,SNGAGS PAS KLU DANG GDON LA SOGS PA RNAMS, ,GZHAN DU BSKAD PA RNAM YANG MI BYA'O, ,DGAR DANG BSKRAD PA DANG NI BSAD PA DANG, ,BYIS PA GDON GYIS ZIN PA MI GSO ZHING, ,RGYA MO SA MDA' SNYI DANG 'DZOL BU YIS, ,SEMS CAN GNOD PA NAM YANG MI BYA'O, ,DNGOS GRUB PHYIR NI RNAM PA BCUR GSUNGS TE, ,SNGAGS PA DANG NI RANG SNGAGS G-YOG DANG RDZAS, ,BRTZON 'GRUS PHYOGS DANG SA GZHI DUS DANG NI, ,YAN LAG RDZOGS PA'I LHA DANG SEMS STOBS SO, ,GZHAN DAG KHA CIG RIG 'DZIN GROGS ZHES ZER, ,GZHAN DAG PHYOGS DANG BRTZON 'GRUS DUS RNAMS NYID; ;GZHAN NI RDZAS DANG SA GZHI LHA DANG SNGAGS, ,KHA CIG SEMS STOBS YIN ZHES RNAM PAR SMRA, ,SGRUB PHYIR DE LTAR BCU DANG BRGYAD DANG LNGA, ,DE BZHIN BZHI DANG GSUM DANG GCIG NYID CES, ,SNGAGS RIG RANG RANG BLO YI RNAM PAR 'CHAD, ,SANGS RGYAS RGYUD LA CHO GA GNYIS KYIS 'GRUB, ,SGRUB PA GANG ZHIG RANG GI YON TAN RDZOGS,, BRTZON 'GRUS MCHOG DANG YANG DAG LDAN PA DANG, ,GZHAN GYIS RNYED PA DAG LA PHRAG DOG MED, ,'DOD LA MA CHAGS LUS KYIS NYON MONGS BZOD, ,GUG SKYED KLAD KOR TSEG

TSANG ZUR PHYIN LA, ,GSANG SNGAGS DAG CING SHIN TU CHO GAR BCAS, ,SANGS RGYAS BYANG CHUB SEMS DPA' BSTEN PA YI, ,GNAS SU BZLAS NA YID 'ONG DNGOS GRUB THOB, ,JI LTAR RI DVAGS RGYAL PO BKRES PA DAG ,MTHU STOBS CHEN POS GLANG CHEN GSOD PA DANG, ,DE BZHIN SPYANG KI PHAG DANG RI DVAGS DANG, ,WA RNAMS KYANG NI MYUR DU GSOD PA LTAR, ,DE BZHIN SNGAGS PA SENG+GE'I TSUL GYIS SU, ,RAB DANG 'BRING DANG THA MA'I LAS RNAMS LA, ,BRTZON 'GRUS CHEN PO DANG NI LDAN PA DANG, ,'BAD PA'I MCHOG RNAMS KYIS KYANG BSTEN PAR BYA, ,RDZA RNGA'I SGRA DANG DUNG DANG RNGA SGRA DANG, ,SHIN TU 'JIGS BYED SKYE BO'I SGRA DAG DANG, ,GAD RGYANGS BSHUGS GLU DAG DANG GLU GAR DANG, ,GLING BU PI WANG RDZA RNGA CHEN PO'I SGRA, , BYA BRAN SNA TSOGS SGRA DANG CHU SGRA DANG, ,BUD MED RGYAN GYI SIL KHROL SGRA RNAMS DANG, ,SHA SBRANG TSA GRANG RLUNG GI GNOD PA YIS, ,MI YI SEMS NI G-YENG ZHING G-YO BAR BYED, ,BZLAS BRJOD BYED TSE MI MYUR MI DAL ZHING, ,SGRA CHER MI DBYUNG HA CANG CHUNG BA'ANG MIN, ,SMRA BZHIN MA YIN GZHAN DU G-YENGS BZHIN MIN, ,GUG SKYED KLAD KLOR TSEG RNAMS NYAMS PAR MIN; ;JI LTAR CHU KLUNG NYIN MTSAN RTAG TU NI, ,RGYUN MI 'CHAD PAR 'BAB PAR 'GYUR BA LTAR, ,DE BZHIN PHYAG BCAS BZLAS DANG BRTUL ZHUGS KYIS, ,BSOD NAMS LUS CAN

, ,LA NI 'PHEL BAR 'GYUR, ,LE LO 'DOD CHAGS MI DGER LDAN PA'I SEMS, ,GANG NAS GANG DU G-YENG ZHING RGYU BA DAG ,DE DANG DE NAS MYUR DU BZLOG NAS NI, ,GSANG SNGAGS YI GE MCHOG LA LEGS PAR SBYAR, ,SNA RTZER BLTA ZHING RNAM PAR RTOG PA SPONG, ,NAM ZHIG BSKYOD KYANG RNAM PAR MI G-YO BA, ,DE TSE DMIGS LA GNAS PA THOB PA STE, ,SEMS NI LAS SU RUNG BAR 'GYUR BAR NGES, ,RTZE GCIG SEMS DANG LDAN PA'I MI LA NI, ,YID LAS BYUNG BA'I DGA' BA RAB TU SKYED, ,DGA' BAS LUS NI SHIN TU SBYANGS PA 'THOB, ,LUS SBYANGS PAS NI BDE BA'I SKAL LDAN 'GYUR, ,LUS BDE RTZE GCIG SEMS DANG TING 'DZIN GYIS, ,DE TSE BZLAS BRJOD THOGS PA MED PAR 'GYUR, ,TSE RABS GZHAN DU GANG DANG GANG BYAS PA'I, ,SDIG PA MA LUS BZLAS BRJOD BYAS PAS 'BYANG, ,BZLAS PAS SDIG PA MA LUS BYANG GYUR NAS, ,DANG BA'I YID KYIS DNGOS GRUB THOB PAR 'GYUR, ,DE PHYIR BCOM LDAN RGYAL BA'I DBANG PO YIS, ,CHOS 'DI KUN GYI RTZA BA SEMS ZHES GSUNGS, ,SEMS NI DANG BAS LHA MI'I BDE BA DANG, ,MTHO RIS DANG NI BYANG GROL THOB PAR 'GYUR, ,SEMS KYI SKYON GYIS DUD 'GROR SKYE BA DANG, ,SEMS DMYAL GNAS SHING MI SDUG DBUL POR 'GYUR, ,SEMS NI RAB TU DANG BAR

GYUR PA'I MIS, ,SA CHU ME RLUNG SKYE RGA NA 'CHI SOGS, ,BAR DANG THA MAR GNOD PA KUN BRAL BA, ,RNAM GROL BDE ZHING ZHI BA THOB PAR 'GYUR, ,GSANG SNGAGS DNGOS GRUB KUN DANG THUN MONG BA, ,BDE BA CHUNG ZHING SDUG BSNGAL BRGYA DANG 'BREL, ,NYON MONGS DUG BCAS RNAM PAR 'JIG PAR 'GYUR, ,DANG BA'I SEMS KYIS THOB PAR 'GYUR BA YIN, ,'DOD RGYAL LAS LAS MA BYUNG DUS LAS MIN, ,RANG BZHIN DBANG PHYUG LAS KYANG BYUNG BA MIN, ,RGYU MED CAN MIN SKYES BUS MA BYAS KYANG, ,LAS DANG NYON MONGS PA LAS SEMS CAN BYUNG, , GZUGS NI 'BYUNG BA CHEN PO BZHI DANG LDAN, ,DE NI BDAG MIN bdag KYANG GZUGS MA YIN, ,GZUGS LA BDAG MED BDAG LA GZUGS MED DE, ,GZUGS NI STONG PA'O PHUNG BZHI'ANG RIG PAR GYIS, ,GZUGS NI DBU BA DAG DANG 'DRA BA STE, ,TSOR BA CHU BUR BZHIN DU RTAG PA MED, ,DE LTAR MTHONG BA LTA BA BZANG PO YIN, ,GANG ZHIG GZHAN GYUR DE NI LTA NGAN GSUNG, ,DE LTAR ZLOS PA'I GSANG SNGAGS NYE GYUR NA, ,MTSAN MO NYAL NA RMI LAM 'DI DAG MTHONG, ,KHANG BZANG LJON SHING RGYAL MTSAN SENG+GE RTA, ,RI BO SHING RTA SGRA LDAN SPRIN DANG GLU, ,STAG DANG BSE DANG GLANG CHEN KHYU MCHOG LA, ,RMI LAM NA NI DGA' BAS RMIS PA DANG, ,ME TOG PHRENG BA SPOS DANG DRI RNAMS DANG, ,SHA CHANG NYA DANG 'BRAS BU GLEGS BAM DANG,,

, ,LHA YI GZUGS DANG AUTPAL DMAR PO DANG, ,SHING RTA GANG BA'AM BA BZHON BE'U PHRUG CAN, ,GDUGS DKAR RNGA YAB LHAM DANG RAL GRI DANG, , BSIL YAB GSER G-YU CAN DANG PHRENG BA DANG, ,NOR BU MU TIG NYA PHYIS DUNG DANG DNGUL, ,BUD MED GZUGS BZANG YID 'ONG BU MO DANG, ,RIN CHEN SNA TSOGS RNAMS KYIS SPRAS PA'I RGYAN, ,MAL STAN DKAR PO BTING BA RNYED PA DANG, ,THO RANGS KHAR NI CHU BO CHU KLUNG DANG, ,'BAB CHU'AM RGYA MTSO DANG NI RDZING BU DANG, ,LU MA LA NI 'THUNG NGAM RKYAL RMI DANG, ,DE BZHIN KHRAG GIS LUS KHRUS BYED PA'AM, ,LHA KHANG MCHOD RTEN 'DUG NAS RGYAL BA'I GZUGS, ,BYANG CHUB SEMS DPA' MCHOG DANG RANG SANGS RGYAS, ,ZAG MED DGE 'DUN DGE SLONG DGE SLONG MA, ,DGE BSNYEN RNAMS DANG SA BDAG LHA RNAMS DANG, ,MCHOD GNAS BRAM ZE YID 'ONG SKYES BU DANG, ,MI DANG MI MCHOG PHYUG CING 'BYOR PA'I BU; ;PHA MA MDZA' BSHES GNYEN DANG GNOD SBYIN DANG, ,GRUB PA'I LHA DANG NA CHUNG TSOGS RNAMS DANG, ,JI SNYED NYI MA ZLA BA ZA BA DANG, ,SA YI NANG 'GRO SA BON 'THUNG BA DANG,, ME LA SRI ZHING SHA NI ZA BA DANG, ,LUS KYI NANG DU ME NI ZHUGS PA MTHONG, ,RMI LAM BZANG PO 'DI DAG MTHONG BA GANG, ,DE DAG RING POR MI THOGS GRUB PAR 'GYUR, ,ZLA BA

GCIG DANG ZLA PHYED NYIN ZHAG DANG, ,SKAD CIG GIS NI PHYI PHYIR NYE BAR 'GYUR, ,'PHAGS PA DPUNG BZANG GIS ZHUS PA'I LE'U LNGA PA'O,, ,,DNGOS GRUB NYE NA ZLOS LA DGA' BA DANG, ,SEMS NI NAM YANG SDIG LA DGA' MI 'GYUR, ,BKRES SKOM TSA GRANG RLUNG DANG NGAL BA YI, ,SDUG BSNGAL DRAG POS NYEN KYANG G-YO MI 'GYUR, ,SBRANG BU SHA SBRANG SRIN BU GROG SBUR DANG, ,SDIG SBRUL RKANG BRGYA PA DANG SBRUL DANG DRED, ,SHA ZA SPRUL PO RNAMS KYANG DE DAG GI ,LUS DANG GRIB MA LA NI MI 'GONG NGO, ,TSIG NI GZUNG BAR 'OS SHING YID GZHUNGS LA, ,SNYAN NGAG DANG NI DRI BA RNAMS LA MKHAS, ,CHOS LA MNGON DGA' GTER RNAMS MTHONG BA DANG, ,LUS KYI NAD DANG DRI MA MED PAR 'GYUR, ,SKYE BOS MTHONG NGAM THOS PAR GYUR KYANG RUNG, ,MYUR DU MNGON DGA' YID DU 'ONG BAR 'GYUR, ,BUD MED 'DOD LHA'I MDZAS PHOG PA RNAMS KYIS, ,'DOD LHA'I LONGS SPYOD PHYIR NI 'BOD PAR 'GYUR, ,GANG TSE MKHAS PAS LHA DANG GNOD SBYIN DANG, ,DRI ZA LHA YI BU MO'I GZUGS DANG SGRA, ,MIS NI DGA' BA'I YID KYIS MTHONG THOS NA, ,DE TSE SHIN TU NYE BAR GYUR PA YIN, ,LUS NI DRI MED DAG PAR RIG PA DANG, ,GSO SBYONG SDOM PA DANG NI LDAN PA YIS, ,NYIN ZHAG GCIG GAM GNYIS SAM GSUM DU NI, ,KHA ZAS SPANG ZHING SMYUNG BAR GNAS PA YI, ,NYIN ZHAG DE DAG

, ,'DAS PAR BYAS NAS SU, ,RANG GI 'BYOR PHYIR BSGRUB LA 'JUG PAR BYA, ,GSUNG DE DPUNG BZANG GIS THOS SLAR GSOL PA, ,ZAS KYIS MI 'DAG CES SNGAR GSUNGS PA DANG, ,MCHOD 'OS KHYOD KYIS LUS DAG BGYI PHYIR YANG, ,CI SLAD SMYUNG BA MI BZAD BGYI BAR GSUNGS, ,SRID PA'I MTHAR PHYIN BDE BAR GSHEGS PA YIS, ,SHING RTA'I MIG BSKU BZA' BA'ANG CI PHYIR GSUNGS, ,RDO RJE CAN GYIS DPUNG BZANG TSIG GSAN NAS, ,'BRUG SGRA ZAB 'DRA'I GSUNG GIS BKA' STZAL PA, ,BU GCIG LUS DAG BYA PHYIR SMYUNG BYA BAR, ,BDE GSHEGS 'DI NA NAM YANG MI GSUNG YANG, ,LUS 'DI MI GTZANG PAGS BA SHA KHRAG RKANG, ,KLAD RGYAS RGYU MA MCHER MCHIN MKHAL MA ZHAG ,MKHRIS PA BAD KAN KHU CHU PHYI SA DANG, ,GCIN SNABS BA SPU SKRA DANG RUS PA DANG, ,MIG DANG RNA BA SNA DANG KHA DANG NI, ,BSHANG SGO MTSAN DANG BU GA DGU PA YI; ;RMA NAS DRI MA SNA TSOGS MI GTZANG BA, ,'DZAG PA'I RGYUN NI RTAG TU 'BYUNG BA YIN, ,DE LTAR YAN LAG THAMS CAD 'DUS PA DANG, ,SA CHU ME RLUNG NAM MKHA' RNAMS DANG LDAN, ,DRI BZHIN LAS KYI RJES 'BRANG MI YI LUS, ,THAMS CAD LDAN PA'I GZUGS LA GNAS PA YI, ,BSHANG GCI SNABS DANG MCHIL MA BAD KAN DANG,,

'DI DAG ZAD PAR BYA PHYIR SMYUNG BAR GSUNGS, ,DRI MA ZAD NAS MI YI LUS DAG TU, ,RANG GI 'BYOR PHYIR BSGRUB LA BDE BAR 'JUG ,'DOD CHAGS KYIS NI GDUNGS PAR GYUR NA YANG, ,LUS KYI YAN LAG 'DI DAG THAMS CAD LA, ,DRAN PA RTZE GCIG MNGON DU BYAS NAS NI, ,YE SHES MIG GIS SO SOR RNAM PAR BRTAG ,DE LTAR RANG GIS NGES PAR BRTAGS PA NA; ;LUS DANG SROG LA RJES SU CHAGS PA YI, ,'DOD CHAGS RTZAD NAS YONGS YE ZHI 'GYUR TE, ,NYI MAS MUN NAG GTAN NAS BSAL BA BZHIN, ,PHAN YON DE YIS GSANG SNGAGS NYE BSNYEN NAS, ,RANG GI LAS LA NYE BAR RIG PA DANG, ,YAR GYI TSES BRGYAD DANG NI BCU BZHI 'AM, ,YANG NA BCO LNGA LA NI BZLAS BRJOD BYA, ,LHA YI GNAS KYI SA DAG BSTAR BA'I PHYIR, ,SA DANG LCI BSRES BA LA SOGS PAS BYUG ,DAD PAS BDE GSHEGS KUN LA PHRENG BA DANG, ,LHA BSHOS ME TOG DRI DANG MAR MES MCHOD, ,DE NAS RDO RJE 'DZIN PA DANG 'KHOR MCHOD, ,DE NAS RANG SNGAGS LHA LA DBUL BAR BYA, ,BSTOD 'OS SANGS RGYAS RNAMS LA'ANG BSTOD NAS SU, ,PHYIR ZHING BYANG CHUB SEMS KYANG DRAN BYAS TE, ,SEMS CAN SKYE RGAN 'CHIS GZIR BA LA, ,JI LTAR RIGS PAR SNYING RJE'ANG BSGOM PAR BYA, ,'DUS CHEN MDO SDE BKLAG PA'AM BKRA SHIS KYI, ,TSIGS SU BCAD PA'AM CHOS KYI 'KHOR

, ,LO MCHOG ,DE BZHIN GSHEGS PA'I GSANG BA'AM SGRON MA CHE, ;GANG YANG RUNG BA GCIG NI RIM BZHIN BKLAG ,DE NAS BLA 'OG PHYOGS RNAMS BCINGS NAS SU, ,LUS LA GO CHA BGO BAR BYAS NAS NI, ,GONG DU SMOS PA'I DKYIL 'KHOR DE RNAMS LAS, ,GCIG CIG TSON RTZI RNAMS KYIS BRI BAR BYA, ,RDO RJE ME CHU RLUNG DANG MDUNG THUNG DAG ,RIM BZHIN DKYIL 'KHOR 'DIR NI BRI BAR BYA, ,RA BAR BRIS LA LHA DANG LHA MIN DANG, ,SNANG BA'I BDAG NYID SEMS NI MYOS PAR 'GYUR, ,SENG+GE'I GDAN GYIS MNGON PAR BSNGAGS PA'I STAN, ,DE NI DKYIL 'KHOR DBUS SU BZHAG PAR BYA, ,BDAG NYID BSRUNG BA BYAS TE DER 'DUG NAS, ,RDZAS BLANGS MYUR DU BZLAS BRJOD BYAS NAS NI, ,BDUG PA'I SBYIN SREG STONG YANG SBYIN SREG BYA, ,DE NAS DE NI DRI CHUS BKRUS NAS SU, ,BGEGS MANG RNAMS KYANG RAB TU BSAL BYAS NAS, ,BYANG CHUB SHING LO GSUM GYI STENG DU BZHAG ,BZHI YIS BKAB NAS JI SRID GRUB PA NI, ,RNAM GSUM MTHONG GI BAR DU GSANG SNGAGS BZLAS, ,DROD DANG DUD 'THUL ME BZHIN 'BAR BA 'AM; ;RIM BZHIN BZLOG NAS 'BYUNG NA'ANG 'GRUB PAR GSUNGS, ,DRO BAS 'GRO BA THAMS CAD DBANG 'GYUR TE, ,DU BA 'THUL BAS LUS NI MI SNANG 'GYUR, ,'BAR BAS

MKHA' LA SHIN TU 'GRO 'GYUR TE, ,MI YI LUS NI LHA LTAR GSAL BAR 'GYUR, ,JI LTAR LUS LA GRANG BA 'JUG PA DANG, ,JI LTAR MNGAL DU DRI ZA 'JUG PA DANG, ,NYI ZER ME SHEL ZHUGS NAS ME 'BYUNG LTAR, ,DE BZHIN DNGOS GRUB LUS LA 'JUG PAR 'GYUR, ,MAR ME MCHED CING SHIN TU 'BAR BA DAG ,SNUM ZHING DKYUS RING GSER GYI MDOG LTAR DANG, ,'BRU MAR ZAD KYANG 'BAR BAR GYUR NA NI, ,DE TSE SNGAGS PAS DNGOS GRUB THOB 'GYUR TE, ,DE DAG RDZAS LAS BYUNG BA'I DNGOS GRUB BO, ,MIS NI RI MO'I SKU GZUGS 'GUL BA 'AM, ,PHRENG BA SMIN MA MIG DANG RNGA YAB BAM, ,GAL TE RGYAN RNAMS G-YO BAR GYUR PA 'AM, ,MKHA' LAS ME TOG CHAR RAM RDZI CHAR 'BAB, ,SA NI MYUR DU G-YO BAR GYUR PA 'AM, ,LUS MI SNANG BAR MKHA' LAS TSIG TU NI, ,BU CIG DAM PA CI 'DOD SLONGS SHIG CES, ,LHA YI RNGA SGRA'AM LUS KYI BA SPU LDANG, ,RGYAN GYI CHAR CHEN RAB TU 'BAB PA 'AM, ,JI STE MKHA' LA LHA DANG LHA MIN DANG, ,GSANG SNGAGS GZUGS NI MNGON DU MTHONG NA GRUB, ,MA NYAMS ME TOG DBYIG DANG CHU BSRES SHING, ,BSTOD DANG BCAS PAR MCHOD YON RGYUN SBRENG NAS, ,RTZE GCIG SEMS KYI MGO BTUD PHYAG BYAS TE, ,DAD DANG 'BAD PA'I RJES MTHUN MCHOG BLANG NGO, ,MCHOG THOB NAS NI DGA' BAS PHYAG

, ,BYAS TE, ,DAD PAS BSTOD CING MCHOD YON PHUL NAS SU, ,GSANG SNGAGS BRJOD CING SLAR YANG GSHEGS SU GSOL, ,GSANG SNGAGS KUN LA TSUL NI 'DI YIN NO, ,GANG ZHIG SEMS STOBS MCHOG TU LDAN PA DES, ,'DIR NI 'JIGS DANG BCAS PA'I LAS BYA'O, ,SEMS STOBS CHUNG BA'I MI LA SHA ZA YIS, , GLAGS MTHONG NAS NI PHUNG BAR BYED PAR 'GYUR, ,DPA' BO GO BGOS MTSON CHA'I THABS MKHAS PAS, ,CHAS PA'I GLANG CHEN MCHOG ZHON GZHU THOGS NAS, ,MDA' 'PHEN MTHU DANG LDAN PA GCIG PUS KYANG, ,DGRA YI TSOGS KUN LAS NI RGYAL BAR NUS, ,DE BZHIN SEMS STOBS CHEN PO'I TSUL KHRIMS KYIS, ,GO BGOS LEGS BSRUNGS GLANG CHEN ZHON NAS SU, ,GSANG SNGAGS GZHU THOGS BZLAS BRJOD MDA' 'PHEN PAS, ,'BYUNG PO LA SOGS MTSAN MO RGYU LAS RGYAL, ,SGUR PO'AM YAN LAG LHAG CHAD THUNG DU DANG, ,DE BZHIN RING PO YANG NA SBOM PO 'AM, ,SMAD PA'I MNGAL NA SKYES PA'AM MA NING NGAM, ,RNAM PA DE 'DRA'I RO DAG SPANG BAR BYA'O, ,MA ZHU BA DANG RIMS DRAG TSAD PA DANG, ,'KHRU SKYUG BCINGS DANG CHU DANG GSAL SHING DANG, ,SBRUL GYIS GSAD DAM DUG GIS SHI BA 'AM, ,BAD KAN SBRUL SOGS MTHONG MIN BSAD PA LA, ,YAN

LAG TSANG ZHING KHA NA MA SMAD PA, ,LUS LA RMA MED SKYES PA'I RO MTHONG NA, ,RAL GRI BE CON LAG NA THOGS PA YIS, ,NYIN PAR THOG THAG TU NI BSRUNG BAR BYA, ,DUR KHROD KHANG STONG DANG NI SHING GCIG DANG, ,BZHI MDO'AM 'BAB CHU DAG GAM CHU KLUNG NGAM, ,MTSO 'AM RGYA MTSO 'AM NI RI BO LA, ,SKAD CIG GIS KYANG RO LANGS 'GRUB PAR 'GYUR, ,GANG YANG RUNG BA'I GNAS GCIG BRTAGS NAS NI, ,SA DANG LCI BA LA SOGS BYUG PAR BYA, ,GTZANG MA DER NI DKAR NAG DMAR PO 'AM, ,TSON RTZI SNA TSOGS RNAMS KYIS DAM TSIG BRI, , GONG DU SMOS PA'I DKYIL 'KHOR DE RNAMS LAS, ,BSAMS NAS 'DOD PA GANG YANG RUNG BA GCIG ,DAD PA CHEN POS RIGS KYI YUM GYI MCHOG ,ZLOS SHING RAB TU BSGRIMS TE BRI BAR BYA, ,'JIGS PA MED PA'I G-YOG GIS DE BLANGS NAS, ,KHYER TE 'ONGS NAS KU SHA'I STENG BZHAG STE, ,SKRA DANG KHA SPU RNAMS KYANG BREGS BYAS NAS, ,DE YI MOD LA 'BRU MAR DAG GIS BSKU, ,DE NAS BUM PA ZHABS MI GNAG PA BZHI, ,GTZANG MA'I CHUS BKANG KHRUS RTZIS SBYAR TE BKRU, ,DE NAS GOS DMAR PHRUGS GCIG BSKON NAS SU, ,DE NAS DKYIL 'KHOR DBUS SU RTZVA STAN DANG, ,MA NYAMS ME TOG STENG DU RO BZHAG CING, ,RO YI MGO BO SHAR RAM BYANG DU BSTAN, ,DRI YIS BYUG CING BDUG PAS BDUG PAR BYA, ,PHRENG

, ,BA GDAGS SHING ME TOG SIL MAS GTOR, ,SHA DANG NYA SHA MAR KHU TIL BSRES PA'I, ,KHUR BA LA SOGS JI SNYED BUNGS BSKYED DE, ,'BYUNG PO KLU DANG SHA ZA GNOD SBYIN DANG, ,'DRE LA BLA 'OG PHYOGS SU SPYIN PAR BYA, ,GROGS PO MCHOG LDAN BDAG NYID BSRUNG BYA STE, ,RTZE GCIG SEMS KYIS GSANG SNGAGS BZLAS BRJOD BYA, ,RO NI LDANG DU NYE BA'I TSE NA NI, ,'JIGS PA'I GZUGS CAN BGEGS NI SNA TSOGS 'BYUNG, ,GTZUG TOR RGYAL PO'I SNGAGS KYIS THAL BA'AM, ,MA GRUGS YUNGS KAR SOGS LA SNGAGS NAS SU, ,GTOR NAS PHYOGS BZHI DAG NAS 'ONGS PA'I BGEGS, ,GSANG SNGAGS MTHU YIS DE DAG 'BYOR BAR 'GYUR, ,DE DAG ZHI BAR BYA PHYIR KHRO BO NI, ,BDUD RTZI THABS SBYOR DRAG SHUL LAS CAN SBYAR, ,BGEGS RNAMS BCOM PAS DE NAS 'ONGS BA'I BGEGS, ,GSANG SNGAGS MTHU YIS MYUR DU LDANG BAR 'GYUR, ,GANG ZHIG GSANG SNGAGS CHO GA ZHIB MO LAS, ,MTHONG BA DE NI THOGS MED NGES PAR 'GRUB, ,GAL TE RO DE LANGS PAR GYUR PA LAS, ,DE YI GSANG SNGAGS CHO GA MI SHES NA'ANG, ,GSANG SNGAGS GZHAN DU BSTAN PA'I CHO GA YIS, ,LANGS PA DE LA RANG GIS DNGOS GRUB BLANG, ,GTER GYI PHYOGS DANG PHUG TU 'GRO BA DANG, ,RAL GRI

AANYDZA BZHON PA MNGAG GZHUG DANG, ,'BYUNG KHUNGS GSER 'GYUR RTZI DANG BCUD KYIS LEN, ,MKHA' LA 'GRO BA'I DNGOS GRUB RAB TU STER, ,BSRUNG BA'I STOBS MED SNGAGS KYI STOBS MED DANG, ,DKA' THUB STOBS MED SEMS STOBS MED PA YI, ,BLO ZHAN GANG ZHIG RO LANGS DNGOS GRUB TSOL, ,DE NI MTSAN MO RGYU BA RNAMS KYIS BSAD, ,'PHAGS PA DPUNG BZANG GIS ZHUS PA'I LE'U DRUG PA'O,, ,,MI GANG MI YI SHA NI 'TSONG 'DOD DES, ,MAR GYI NGO LA DUR KHROD SONG NAS SU, ,SHING RDO MTSON DANG DUG DANG DBYUG TO SMAN, ,BGEGS LA SOGS PAS SHI BAR GYUR PA YI, ,BYIN PA BRLA DANG SKE DANG MGO BO DAG ,'JIGS PA MED PAS MTSAN MO BLANGS NAS SU, ,BTUBS TE SKON BU'AM GYO DUM SAR PA 'AM, ,GTZANG MA DER NI MI NYUNG BZHAG PAR BYA, ,LUS LA KHRAG GIS LAG RJES BRIS NAS SU, ,RGYU MAS MGO DANG MGRIN PA DKRI BAR BYA, ,LUS LA MI LPAGS SAR PA BGOS NAS KYANG, ,LAG G-YON SHAS BKANG GYO MO DE THOGS NAS, ,KHRAG GIS BSKUS PA'I RAL GRI LAG G-YAS KYIS, ,RAB TU BSGRIMS NAS DE NI THOGS NAS KYANG; ;SGRA CHER 'BOD CING TSIG TU SHA 'DI DAG ,KHYED CAG SU ZHIG NYO BAR BYED 'DOD CES, ,SHAR DANG BYANG DANG LHO DANG NUB PHYOGS SU, ,MYUR DU BSKOR ZHING SHIN TU BRJOD

, ,PAR BYA, ,CI STE LUS NI SNANG NGAM MI SNANG BAR, ,TSIG GIS KHYOD NI NOR RAM RIG PA 'AM, ,BCUD KYIS LEN PA'AM GRONG NGAM RGYAL SRID DAM, ,PHUG TU 'GRO 'AM CI 'DOD CES ZER NA, ,SNGAR NI GANG ZHIG SEMS KYIS BSAMS PA'I DON, ,DE NYID SMRA ZHING GZHAN NI SMRA MI BYA, ,RIG PA MANG POS BSTEN PA'I DUR KHROD 'DIR, ,DON 'DI'I PHYIR NI SDUG BSNGAL DRAG PO YIS, ,BDAG KYANG GDUNGS BZHIN 'ONGS KYI 'DI NYID NA, ,YOD NA SHA 'DI KHYER LA BDAG LA BYIN, ,CI STE SRANG LA BCAL TE MA GANG NA, ,RANG GI SHA YIS DE NI DGANG BAR BYA, ,GAL TE DUR KHROD 'DI NI STONG PA STE, ,NOR MED BU KHYOD GZHAN DU SONG SHIG CES, ,MTSAN MO RGYU BAS DE SKAD BSGO NA NI, ,DE LA BDAG NI GANG DU 'GRO ZHES DRI, ,LAN THOB DE NYID RANG GIS BRTAGS NAS SU, ,SHA DE BOR NAS DE NAS 'GRO BAR BYA, ,SHA YI CHO GA NGAS GSUNGS DE DAG NI, ,GSANG SNGAGS MA BZLAS PAS NI BSTEN MI BYA, ,RIGS MCHOG GTZUG TOR STOBS CHEN LA SOGS PAS, ,DUR KHROD DU NI BSRUNG BAR NGAS GSUNGS SO, ,GSANG SNGAGS DRAG POS GANG ZHIG SHA ZA BA, ,DE LA DUR KHROD MI SHA'I SBYIN SREG BYA, ,RAL GRIS SOR GNYIS SOR GSUM TSAD TZAM DU, ,BTUBS NAS ME LA SBYIN SREG STONG BYA

'O; ;ME TOG MA NYAMS 'BRAS YOS SHA KHRAG NYA, ,CHANG DANG SBRANG RTZI BU RAM CHANG DANG TIL, ,BDUG PA PHRENG BA MAR ME BYUG PA CAN, ,LHA BSHOS GTOR MA DUR KHROD GTOR BAR BYA, , DBAB DANG BSKRAD DANG GNYID KYIS MYOS BYA DANG, ,DMAG GZHOM GRONG KHYER PHUNG BAR BYA BA LA, ,SHA ZA MA MO'AM DRAG MO SRIN MO'I TSOGS, ,GNOD SBYIN RNAMS LA MI SHA'I SBYIN SREG BYA,, MI YI SHA NI RNYED PAR MA GYUR NA, ,BA LANG SHA YI SBYIN SREG DE BZHIN SHIS, ,MA HE'I SHA 'AM KHYI SHA MAR BSRES LA, ,TSES GRANGS DAG LA SMYUNG BYAS SBYIN SREG BYA, ,GNOD SBYIN MO YI CHO GA ZHIB MOR NI, ,BSANG SNGAGS MNYES BYAS GRUB PA 'DI RNAMS STER, ,MA DANG SGYUG MO SRU MO GROGS MO DANG, ,BU MO CHUNG MA MNA' MAR GRUB PAR 'GYUR, ,MA DANG SGYUG MO SRU MO GANG YIN DE, ,MED BZHIN RIN CHEN BZHIN DU GRUB PA MCHOG ,YID 'ONG GROGS MO BU MO GRUB PA 'BRING, ,CHUNG MA MNA' MA GRUB PA THA MAR BSGRAGS, ,DUS GSUM DU NI ME TOG PHRENG BA DRI, ,MAR RAM 'BRU MAR MAR ME TZANDAN DANG, ,AA GAR DRI ZHIM BDUG PAS MCHOD PA DANG, ,GTOR MA SNA TSOGS RTAG TU MTSAN MO SBYIN, ,GNOD SBYIN MO NI DGA' NAS MNGON PHYOGS NAS, ,RNYED PA RNYED CING SA BON 'BYUNG BAR BYED, ,'DOD CHAGS ZIL GYIS NON PA'I BUD MED DAG ,GNOD PAR BYED PA NGES PAR GNAS PAR

, ,'GYUR, ,BUD MED GNOD PA BYED TSE 'GRO MI BYA, ,RNYED PA MANG NYUNG LA YANG 'DOD MI SKYED, ,SNGAGS PAS MTSAN MO KHU BA DGAG BYAS LA, ,BRTZON 'GRUS RAB TU BSKYED DE BSGRUB PAR BYA, ,SEMS RMONGS GANG ZHIG GZHAN DU BRTZAM BYAS NA, ,GNOD SBYIN MOS NI MYUR DU PHUNG BAR BYED, ,BSAMS NA PHUNG BAR YANG NI 'GYUR BA NYID, ,SHA ZA GNOD SBYIN MO LA'ANG DE NYID DE, ,DE LAS CHO GA LHAG PA 'DI RNAMS BYA, ,SHA CHANG LA PHUG TSOD MA CUNG PENG DANG, ,NAS CHAN MA SHA CAN DANG 'BRAS CHAN NYA, , GTOR MA DE DAG KUN TU BDUG PA DBUL, ,GNAS NI KHANG STONG DAG GAM DUR KHROD SHIS, ,ME TOG SHIR SHA KUN DUR AARGA DANG, ,BIL PA PRI HA KU SHA RA DZA RKA, ,AA KAS AUTPAL AA TA RU SHA KA, SE'U CAN MYA NGAN TSANG SOGS ME TOG DBUL, ,KLU LA BU RAM 'O MA MAR SBYAR BA'I, ,BDUG PA DRI ZHIM AA GAR TZANDAN DRI, ,PHRENG BA ME TOG DRI ZHIM SNA TSOGS DANG; ;'BRAS CHAN ZHO DANG 'BRAS YOS 'BRAS BU DBUL, ,BA DAN SNGON PO BUM PA SNGON PO DANG, ,GOS KYANG SNGON PO LHA BSHOS GTOR MA DRI, ,PHRENG BA BYUG PA ME TOG SNGON PO DAG ,JI SNYED BRANG GIS 'GRO BA RNAMS LA DBUL, ,MTHE BONG ME LONG RAL GRI CHU DANG SHEL, ,MAR ME SA GZHI BCAS DANG NAM MKHA' DANG, ,LHUNG BZED NOR BU

DAG DANG ME 'BAR BA, ,'DI LA GSAL BAR STON PA RTAG TU 'BYUNG, ,'DAS PA DANG NI MA 'ONGS DA LTAR BYUNG, ,MTHO RIS SA STENG DUS DANG MI LDAN YANG, ,LHA DANG LHA MIN DAG DANG MI DGE BA'I, ,LAS RNAMS THAMS CAD GSAL BAR STON PAR RTOGS, ,CHO GA NYAMS PA'AM YANG NA PHYED BZLAS PA 'AM, ,YI GE CHAD DAM YI GE LHAG PA 'AM, ,BZLAS BRJOD MA BYAS DAD PA MED PA DANG, ,MCHOD PA MED CING SA GZHI MI GTZANG DANG, ,SPRIN GYI TSOGS KYIS NYI ZER BSGRIBS PA DANG, ,BYIS PA YAN LAG NYAMS SHING LHAG PA DANG, ,DE LTA BU LA MI YI GSAL STON PA, ,'BAD PAR MI 'GYUR DGOS PA YONG MI STON, ,GSAL STON DBAB PHYIR SNGON DU CHO GA BZHIN, ,BZLAS SHING TSES GRANGS BZANG LA SNGAGS PA YANG, ,SMYUNG BYAS DGONGS KAR SA DANG LCI BA YIS, ,BA KO TZAM GYIS SA GZHI LEGS PAR BYUG ,BYUG SPOS DANG NI ME TOG BDUG SPOS DANG, ,LHA BSHOS MAR ME DAG KYANG PHUL NAS SU,, BYIS PA GZHON NU STA GON GNAS PAR BYA, ,DE NAS NANG BAR CHO GA 'DI KUN BYA, ,KHRUS BYAS LUS LA GOS DKAR GTZANG BGOS TE, ,SHAR PHYOGS KHA BLTAS KU SHA'I GDAN STENG DU; ;'DUG NAS GSANG SNGAGS RJES SU DRAN PAR BYA, ,ME LONG THAL BA GTZANG MAS LAN BDUN NAM, ,BRGYAD DAM YANG NA BCUR NI PHYIS NAS SU, ,RTZE GCIG SEMS KYIS

, ,GSANG SNGAGS ZLOS BZHIN DU, ,BYIS PA GZHON NU NUB TU KHA BSTAN PAS, ,LHA YI MIG GIS BLTAS NA 'DAS PA DANG, ,DA LTAR DANG NI MA 'ONGS MTHONG BAR 'GYUR, ,ME LONG ZHES BYA'I CHO GA MTHA' DAG NI, ,RAL GRI GSAL BAR STON LA SBYAR BAR BYA, ,MTHE BONG RGYA SKYEGS KHU BAS BSKUS NAS SU, ,'BRU MAR DRI ZHIM DAG GIS BSKU BAR BYA, ,BUM PA GTZANG MA CHUS BKANG MI G-YOR BZHAG ,SA BTZUGS LHUNG BZED NOR BU CHU YIS DGANG, ,SKU GZUGS LA NI BDUG SPOS ME TOG DBUL,, DE NAS BYIS PA GZHON NUS BLTA BAR BYA, ,GSAL BAR STON NAM RMI LAM LA SOGS PAS, ,DNGOS GRUB BRTAGS TE DE NAS BZLAS BRJOD BYA, ,GAL TE YID NI CHES PAR MA GYUR NA, ,DE NAS RIG SNGAGS MI GDUG BZLAS BRJOD BYA, ,NGA YI GSANG SNGAGS DAG PA GANG YANG RUNG, ,GSO SBYONG BYAS NAS NAN TAN BZUNG NAS SU, ,RGYAL BA'I RING BSREL MCHOD RTEN DRUNG DU BZLAS, ,YANG NA SKU GZUGS MA NYAMS SPYAN SNGAR BZLAS, ,LUS DANG NGAG YID LAG PA MIG DANG NI, ,SMIN MTSAMS YAN LAG RNAM PAR G-YO BA DAG ;RAB TU BSNGAMS NAS DE LA YID GZHOL ZHING, ,BYAMS LA GNAS SHING KU SHA'I KHRES LA 'DUG ,JI SRID DU NI RTZE GCIG GNAS GYUR PA, ,DE SRID DU NI 'BUM MAM

NYIS [?] 'BUM BZLAS, ,NGA YI GSANG SNGAGS H'Um ZHES BYA BA 'DIS, ,SHING LA'ANG 'BAB NA MI LA SMOS CI DGOS, ,DE NAS DBAB PA'I SNOD RNAMS BRTAG PAR BYA, ,BU MO GZHON NU LO BCU'AM BCU GNYIS PA, ,BCU PA'AM BRGYAD DAM BDUN NAM BZHI 'AM GSUM, ,YANG NA KHYE'U 'ANG RUNG STE GNYIS SAM LNGA, ,TSIGS RUS RTZA MI MNGON CING GZUGS BZANG BA; ;YAN LAG RDZOGS SHING MIG DKYUS RING LA DKAR, ,KHA BZHIN ZLA 'DRA MCHE BA MNYAM LA RNO, ,SOR MO THAGS BZANG MDZES LA LONG BU NUB, ,LTE BA ZAB CING MDZES LA NU MJING LEGS, ,BA SPU RE RE SKRA YANG GNAG LA STUG ,LTO BA MI RLOG GNYER MA GSUM DANG LDAN, ,MDOG KYANG BZANG ZHING MNGA' BYAD DANG YANG LDAN, ,GANG LA YID DGA' LTA BA BRTAN PAR 'GYUR, ,BLTA BAS KYANG NI NGOMS PAR MI 'GYUR DANG, ,LHA GZHAN DAG LA MI PHYOGS DBAB PA'I SNOD, ,TSES GRANGS BZANG LA NYIN ZHAG GCIG TU NI, ,SMYUNG BA BYAS PAS BDUG SPOS PHRENG BA DANG, ,TZANDAN MAR ME ME TOG RNAMS KYIS MCHOD, ,BZA' DANG 'BRAS CHAN LA SOGS GTOR MA MANG, ,LHA DANG LHA MIN GNOD SBYIN RNAMS LA SBYIN, ,DBAB PA'I SNOD RNAMS KHRUS BYAS GOS DKAR BSKON, ,SHAR PHYOGS KHA BLTAS BRGYAN NI RNAM PAR SPANG, ,BYUG SPOS ME TOG LA SOGS DE LA SBYIN, ,BDUG PAS BDUG CING GSANG

, ,SNGAGS BZLAS BRJOD BYA, ,H'Um GIS GSANG SNGAGS THOG MAR BZLAS NAS SU, ,GRiHnA A'A BI SHA ZHES BRJOD PAR BYA, ,MIG NI GDANGS SHING 'DZUMS PAR MI BYED NA, ,RDZOGS PAR GYUR PAR SHES PAR BYAS NAS SU, ,'JIGS PA MED PAR DE TSE DRI BAR BYA, ,MCHOD YON DANG NI BDUG PA PHUL NAS SU, ,RIG PA MCHOG GIS GSANG SNGAGS DRAN BYAS NAS, ,PHYAG 'TSAL NAS NI LHA TSOGS GANG YIN DRI, ,DUS GSUM DAG GIS BDAG GI DGOS PA GANG, ,DE NI LEGS PAR DGONGS LA BKA' STZOL CIG , BDE DANG SDUG BSNGAL DNGOS GRUB THOB MI THOB, ,SHES NAS DE YANG DE BZHIN BZUNG NAS SU, ,DE MA THAG TU SLAR YANG GTANG BAR BYA, ,MI SDUG SNGAGS BZLAS CHO GA 'DI RNAMS KYIS; ;DBAB PA'I DON LA SEMS NI PHEBS 'GYUR GYIS, ,GANG ZHIG BLUN PAS GZHAN DU BRTZAMS NA NI, ,DE NI MI KUN RNAMS KYIS DPYAS PAR 'GYUR, ,ZHI ZHING GZHUNGS LA RGYA CHER DKYUS KYANG RING, ,BRTAN ZHING GZI CHE MDANGS LDAN DMAR BAR SNANG, ,'DZUMS SHING 'PHYAD MED LHA YI MIG 'DRA BA, ,DBAB PA'I SNOD LA LHA BABS DE LTAR 'GYUR,, MIG NI RAB TU DMAR ZHING ZLUM POR 'DUG ,BGRANG CING MI SDUG RAB TU 'JIGS 'JIGS LTA, ,'DZUMS PA MED CING 'JIGS MED BLTA BA NI, ,SRIN PO LTO 'PHYE GNOD SBYIN

BABS PA'I MIG ,GAL TE BABS PA SNOD NI MI GTONG NA, ,SHIN TU BKRA SHIS TSIGS BCAD BRJOD PA 'AM, ,STOBS PO CHE 'AM DGOD PA'AM LCAGS KYU BZLAS, ,YANG NA RAB TU 'DUS PA'I MDO SDE BKLAG ,SENG+GE'I GDAN GYI AARGA'AM PA LA SHA'I, ,YAM SHING MAR GYIS BSKUS PA BRGYA RTZA BSREG ,MA GRUGS TIL NI SBRANG RTZI'AM MAR GYIS SKUS, ,GTUM POS SBYIN SREG NYI SHU RTZA GCIG BYA, ,SNGA MA BZHIN DU GSANG SNGAGS CHO GA DAG ,DAM TSIG CHO GA JI BZHIN SPYAD NAS NI, ,BDAG GIS YID DANG MTHUN PA'I DNGOS GRUB THOB, ,SNGAGS PA YUN RING NYON MONGS MI 'GYUR RO, ,'PHAGS PA DPUNG BZANG GIS ZHUS PA'I LE'U BDUN PA'O,, ,,SANGS RGYAS KYIS GSUNGS YAN LAG BRGYAD LAM NI, ,YANG DAG 'TSO DANG LAS MTHA' TING 'DZIN DAG ,RTZOL DANG RTOG DANG DRAN DANG LTA BA RNAMS, ,SO SO SO SOR YANG DAG BSTEN PAR BYA, ,LAM 'DI RNAMS KYIS GSANG SNGAGS DNGOS GRUB CING, ,DE BZHIN 'DIS NI MTHO RIS THAR PA THOB, ,RGYAL SRAS SNGON GYI RGYAL BA 'DAS PA DAG ,'DI NAS GSHEGS SHING DE BZHIN GSHEGS PAR 'GYUR, ,NGOMS MED SEMS KYIS LUS DANG NGAG YID KYIS, ,GUS PAR BSOD NAMS GANG DAG BSAGS PA YANG, ,BDE GSHEGS GSUNGS PA'I BDEN PA'I LAM DMIGS NA, ,DGE BA'I LAM DE YANG DAG BSKYED

, ,PA YIN, ,YONGS SU 'DZIN PA RNAM PAR SPANGS NAS SU, ,CHOS GOS DANG NI BSOD SNYOMS NGAN DON DANG, ,SMAN DANG MAL STAN NGAN DON TZAM GYIS KYANG; ;CHOG PA'I SEMS DANG LDAN PAS BSOD NAMS THOB, ,BDAG LA BSTOD PA NAM MANG MI BYA ZHING, ,SEMS CAN GZHAN LA SMAD PAR MI BYA'O, ,STAG DANG SPRUL DANG ME 'DRAR 'JIG RTEN DAG ,BSAMS NAS SPANGS TE DBEN LA DGA' BAR BYA, ,BUD MED MTSAN NYID SKYES PA'I MTSAN NYID DANG, ,SMAN DANG GLANG CHEN BRTAG PA'AM SKAR MA'I DPYAD, ,MTSON CHA BRTEG PA'AM RTA DPYAD RANG BZO 'AM, ,BSTAN BCOS NGAN PA SLOB CING KLOG PA SPANG, ,GLANG CHEN RTA DANG BA LANG BYA GAG KHYI, ,GONG MO SREG PA 'UG PA SKYES PA DANG, ,BUD MED BU MO BYIS PAR LUG SOGS, ,'THAB MO 'GYED PA MI BLTA MI BYA'O, ,YUL SA'I GTAM DANG MI DBANG BSTEN PA DANG, ,DMAG DANG GYAD DANG NA CHUNG GTAM DAG DANG, ,SGRUNG SDEBS DANG NI SNGON GYI LO RGYUS DANG, ,'DOD CHAGS DANG NI SMAD 'TSONG GTAM MI BYA, ,SNGAGS PA GSANG SNGAGS BZLAS PA MNOS PA NI, ,GRONG DANG GRONG KHYER KHYIM DANG GCUG LAG KHANG, ,MCHOD RTEN BSTI GNAS RI DANG DKA' THUB GNAS, ,KUN DGA'I LU MA'AM RDZING BUR 'GRO MI BYA, ,

SNGAR BSHAD PA YI GNAS RNAMS MA RNYED NA, ,LHA KHANG STONG PA DAG GAM SHING DRUNG NGAM, ,RI DANG CHU BO CHU KLUNG 'BAB CHU DANG, ,NAGS TSAL STONG PA DAG DANG YUL STONG DANG, ,GNAS GANG RUNG BAR SNGAGS PAS GNAS SHING BZLAS, ,YANG NA GNAS NI NGES PAR MA BYAS NA, ,ZLA BA BRGYAD PO 'DI YIS DUS DAG TU, ,GNAS 'DI GANG YANG RUNG BA GCIG TU BSTEN,, MTSO DANG SHING DANG RI BO DGON PA'I GNAS, ,MTSE'U DANG KHANG PA GNAS SAM CHU NGOGS SU, ,DGUN DPYID ZLA BA RNAMS LA GNAS BYAS NAS, ,SNGAGS PAS DBYAR NI GCIG TU GNAS BYA STE; ,JI LTAR RGYAL BAS DGE SLONG DBYAR ZLA GSUM, ,TSUL ZHUGS GNAS GZHAN MI 'GROR GSUNGS PA BZHIN, ,DE BZHIN BCOM LDAN 'DAS KYIS SNGAGS PA YANG, ,ZLA BA GSUM DU GCIG TU GNAS PAR GSUNGS, ,SNGAGS PAS DBYAR NI BSGRUB LA MI 'JUG PAR, ,BZLAS BRJOD KYIS NI DUS KYANG BZLAS PAR BYA, ,DBYAR 'DAS NAS NI GSANG SNGAGS GZI BSKYED PAS; ;BDAG NYID BSRUNG BYAS BSGRUB LA 'JUG PAR BYA, ,ME THAB ZLUM PO GRU GSUM GRU BZHI DANG, ,PADMA LTA BUR BYA ZHING DBYIBS LEGS SHING, ,'JAM ZHING SHIN TU MNYAM PAR BYAS NAS SU, ,DE DAG SA DANG LCI BAS LEGS PAR BYUG ,ZLUM POR DBANG THANG BSKYED DANG NOR DGUG DANG, ,SPYAN DRANG ZHI BA'I CHO GA BYA BAR SHIS, ,GRU GSUM DU NI DGAR BSKRAD

, ,BSAD PA DANG, ,GSHED BYED LA SOGS DRAG PO RNAMS KYANG BYA, ,GRU BZHI PAR NI KLU DANG GSANG BA PA'I, ,SROG BSKAM PA 'AM YAN LAG GZHIG PAR BYA; ;PADMA'I DBYIBS SU BUD MED BU MO'I GRONG, ,YUL 'KHOR THOB PA'AM DON KUN BSGRUB PAR SHIS, ,ME THAB LCI BA GTZANG MAS BYUGS NAS KYANG, ,THA MA THOG THAG KU SHA DGRAM PAR BYA, ,DKON MCHOG GSUM DANG PHYAG NA RDO RJE DANG, ,YUM LA'ANG DAD PAS PHRENG BA BDUG PA DANG, ,DRI DANG MNYAMS ME TOG CI SNYED PAS, ,CHO GA BZHIN DU LEGS PAR MCHOD PAR BYA, ,YAM SHING MANG PO THAB KYI DRUNG BZHAG STE, ,RLUNG YAB KYIS NI ME NI SBAR BYAS NAS, ,SANGS RGYAS RNAMS LA PHYAG BYAS KHRO BO NI, ,BDUD RTZI 'KHYIL PAS MA NYAMS PADMA 'AM, ,MA GRUGS TIL NAG LAS NI BDUN NAM BRGYAD, ,BCU 'AM NYI SHUR SREG BLUGS ME LA BSREG ,KU SHA BTING BA'AM KHRES SAM RTZVA STAN LA, , 'DUG NAS SHAR PHYOGS KHA BLTAS RDZAS RNAMS NI, ,MAR RAM SBRANG RTZI 'O MA LA BTAGS NAS, ,RANG GI GSANG SNGAGS SGRUB PHYIR SBYIN SREG BYA, ,ME YI MTSAN MA NYE BAR BRTAG PA NI, ,ME STAG DU BA ME LCE SGRA RNAMS LAS, ,DE BZHIN 'GRUB DANG MI 'GRUB THAMS CAD KYANG, ,SNGAGS KYIS BYIN RLABS ME NI STON PAR BYED, ,DU BA MED CING

GSER GYI MDOG LTAR DVANGS, ,ME LCE RAB TU CHE LA G-YAS SU 'KHYIL, ,KHA DOG 'JA' 'DRA YANG NA DKAR YANG RUNG, ,YANG NA BYU RU BCAG PA'I KHA DOG 'DRA, ,SHIN TU SNUM LA ME LCE 'GAB NAS 'PHRO, ,RAB TU 'BAR BA NYI MA'I 'OD ZER 'DRA, ,DBYIBS NI BUM PA RGYAL MTSAN GDUGS KYANG 'DRA, ,DPAL BE'U DANG PADMA BLUGS GZAR 'DRA, ,ME LCE TRI SHUL RDO RJE RAL GRI 'DRA, ,YANG NA SHING RTA MCHOG DANG RNGA YAB 'DRA, ,RDZA RNGA RNGA CHEN DANG NI GLING BU'I SGRA, ,DU BA ME LCE DRI ZHIM ME STAG BZANG, ,YANG NA MA SBAR BAR YANG 'BAR GYUR NA, ,DE TSE DNGOS GRUB RGYA CHEN THOB PAR 'GYUR, ,DU BA CHE ZHING ME STAG RGOD PA DANG, ,'BAR BAR DKA' ZHING CUNG ZAD CUNG ZAD 'BAR, ,ME LCE RNAM PAR CHAD CING GZI MDANGS MED, ,RTZUB GNAG SPRIN DANG PA LA SHA YI MDOG ,GSAL SHING 'DRA ZHING ZHIB MA'I GZUGS KYANG 'DRA, ,PHYUGS KYI MGO 'DRA SKRA YANG RAB TU RTZUB, ,ME LCE 'PHRO BAS SBYIN SREG BYED PA TSIG ,MI RO'I DRI NGA DNGOS GRUB MED PA STON, ,ME LCE'I MTSAN MA 'DI 'DRA MTHONG NAS KYANG, ,STOBS PO CHE YI MAR GYIS SBYIN SREG BYA, ,BYIN PA DAG DANG MCHAN KHUNG SPU RNAMS NI, ,LAG PAS KYANG NI BTOG PAR MI BYA ZHING, ,ME YIS MI SREG SPU GRIS DREG MI BYA, ,SPU MED BYA PHYIR SMAN GYIS MI BYUG GO ,JI LTAR RAL GRI SO LA 'DZIN PA'I MIS, ,LEGS PAR MA BZUNG LAG

, ,PA CHOD PA LTAR, ,DE BZHIN SNGAGS KYANG LEGS PAR MA BZLAS NA, ,'BRAS BU MED PA'AM YANG NA PHUNG BAR 'GYUR, ,MI NI TSUL KHRIMS GTZANG SBRA MI LDAN YANG, ,GSANG SNGAGS LHA NI NAM YANG GNOD MI MDZAD, ,LHA YI 'KHOR DU GYUR PA GANG YIN RNAMS, ,MI YI GLAGS MTHONG NAS NI PHUNG BAR BYED, ,SGRUB PA KUN LA DANG PO KHO NAR NI, ,LHA BSHOS GTOR MA PHAL CHER DBUL BAR BYA, ,SNGAGS PA'I LAS GRUB NAS KYANG DUS KUN TU, ,RANG GI NYAMS KYIS JI SNYED DBUL BAR BYA, ,LHA DANG LHA MIN GNOD SBYIN LTO 'PHYE GRUL, ,NAM MKHA' LDING DANG 'DAB BZANG LUS SRUL BA, ,DRI ZA 'BYUNG PO GDON GYI RIGS RNAMS DANG, ,GANG DAGS LA GNAS PA'I RDZU 'PHRUL CAN, BU SMAD G-YOG 'KHOR TSOGS DANG BCAS RNAMS LA, ,BDAG GIS PUS MO SA LA BTZUGS NAS SU, ,THAL MO SBYAR NAS KHYED LA GSOL 'DEBS KYI, ,GSAN NAS PHAN GDAGS PHYIR NI LONGS SPYOD CIG ,'BYUNG PO GANG DAG RI RAB STENG GNAS DANG, ,DGA' BA'I CHAL DANG LHA YI GNAS RNAMS DANG, ,SHAR NUB RI DANG NYI ZLA'I KHYIM RNAMS DANG, ,RI BO KUN LA GANG DAG GNAS PA DANG, ,CHU BO KUN DANG CHU BO'I MDO RNAMS DANG, ,RIN CHEN GNAS NA LHAG PAR GANG GNAS DANG, ,MTSO DANG RDZING BU LTENG KA CHU NGOGS DANG,

G-YA' CHU SIL MA CAN NA GANG GNAS DANG, ,GRONG DANG PHYUGS LHAS GRONG KHYER STONG PA DANG, ,KHANG STONG DAG DANG LHA YI KHANG PA DANG, ,GTZUG LAG KHANG DANG MCHOD RTEN GNAS DAG GAM; ;DKA' THUB GNAS DANG GLANG CHEN BRES DAG DANG, ,RGYAL PO'I DKOR KHANG DAG NA GANG GNAS DANG, ,LAM SRANG 'DUN KHANG DANG NI BZHI MDO DANG, ,GANG DAG LAM PO CHE DANG SHING GCIG DANG, ,DUR KHROD CHEN PO'AM NAGS TSAL CHEN PO DANG, ,SENG+GE DRED DANG GCAN GZAN GNAS DAG DANG, ,'BROG CHEN 'JIGS SU RUNG BAR GANG GNAS DANG, ,GANG DAG GLING MCHOG RNAMS NA GNAS PA DANG, ,LHUN PO DUR KHROD DAG NA GNAS PA RNAMS, ,RAB TU DGYES SHING MGU BAR GYUR NAS SU, ,PHRENG BA ME TOG DRI DANG BDUG PA DANG, ,BSTOD DANG GTOR MA MAR ME GUS DBUL BA, ,'DI BZHES NAS NI BTUNG ZHING BSNAMS NAS SU, ,LAS 'DI RNAMS KYI 'BRAS BU MCHIS PAR MDZOD, ,DE LTAR GDON LA MCHOD PA BYAS NAS SU, ,DE NAS PHYOGS SKYONG RNAMS LA MCHOD PA BYA, ,DBANG PO 'BYUNG PO'I TSOGS DANG BCAS PA YIS, ,GTOR MA PHUL BA 'DI DAG BZHES SU GSOL, ,ME DANG GSHIN RJE SRIN PO CHU BDAG DANG, ;RLUNG DANG LUS NGAN 'BYUNG PO GDON DANG BCAS, ,STENG GI NYI ZLA TSANGS PA CHEN PO DANG, ,LHA RNAMS KUN DANG SA YI KLU RNAMS DANG, ,RI YI LHA DANG GNOD SBYIN TSOGS RNAMS

, ,LA; ;SO SO SO SOR GTOR MA PHUL 'DI RNAMS, ,RAB TU DGYES PA YIS NI BZHES NAS KYANG, ,RANG RANG PHYOGS SU LEGS PAR BZHUGS NAS SU RANG GI BU SMAD MDZA' BSHES GNYEN 'DUN DANG, ,NANG MI DMAG DANG DPUNG BCAS THABS GCIG TU, ,ME TOG DRI DANG BYUG PA GTOR MAR BCAS, ,'DI RNAMS BTUNG ZHING LEGS PAR GSOL NAS KYANG, ,BDAG GI LAS 'DI'I 'BRAS BU MCHIS PAR MDZOD, ,DE LTAR GANG ZHIG MTSAN MO RGYU BA LA, ,GTOR MA GTONG BA'I LAS RNAMS BYED PA DE'I, ,DNGOS GRUB MYUR ZHING SHIN TU BGEGS KYANG MED, ,YID DU 'ONG BA'I 'DOD PA'ANG THOB BAR 'GYUR, ,'PHAGS PA DPUNG BZANG GIS ZHUS PA'I LE'U BRGYAD PA'O,, ,, GANG ZHIG DGRA BCOM PHA MA GSOD PA DANG, ,MTHUN PA'I DGE 'DUN DBYEN NI BYED PA DANG, ,DE BZHIN GSHEGS LA SDANG BA'I SEMS KYIS SU, ,NAM ZHIG MI DAG SKU MTSAL 'BYIN PAR BYED, ,SHIN TU MI BZAD PA YI LAS 'DI RNAMS, ,RGYAL BAS MTSAMS MED LNGA PO YIN PAR BSHAD, ,GTI MUG CAN GYIS SDIG PA GCIG BYAS KYANG, ,PHUNG PO 'DI LA GRUB PA THOB MI 'GYUR; ;MCHOD RTEN BSHIG CING BYANG CHUB SEMS DPA' GSOD, ,NYON MONGS ZAD PA'I MA NI SUN 'BYIN DANG, ,SLOB PA GSOD CING DGE 'DUN

MNGA' BA LA, ,GANG ZHIG 'DOD PAS MANG NYUNG RKU 'PHROG PA, ,MTSAMS MED NYE LNGAR DE BZHIN GSHEGS PAS GSUNGS, ,TSUL NYAMS MI GANG ZHIG NI 'DI BYED PA, ,BSKAL BA'I BAR DU MNAR MED SDUG BSNGAL MYONG, ,GSANG SNGAGS DNGOS GRUB BSGRIMS KYANG YONG MI THOB, ,GANG ZHIG BDE GSHEGS GSUNG GI GLEGS BAM DAG ,CHUD GSON PA DANG MES NI BSREG PA DANG, ,BSAM PA NGAN PAS CHUR NI 'DOR BA DANG, ,YANG NA CHOS KYI SKU NI SPONG BA'AM, ,BSLAB TSIG MA LUS PAS NI BRGYAN PA YI, ,DGE SLONG DAG GAM DGE SLONG MA GSOD DAM; ;DGE BSNYEN DANG NI DGE BSNYEN MA GSOD DAM, ,NGAN PA'I SEMS KYIS LHA KHANG BSREGS KYANG RUNG, ,MI YI YUL NA SDIG PA 'DI BYAS PA, ,DKA' BA SPYOD PA LDAN YANG GRUB MI THOB; ;GANG ZHIG DKON MCHOG GSUM LA GNOD PA YI, ,BSAM PAS GNOD PA CUNG ZAD BYAS KYANG RUNG, ,BDAG NYID NGAN PAS DMYAL BAR BCOS PAR 'GYUR, ,DE NAS SHI NAS LAS KYI DBANG GIS KYANG, ,RIGS NGAN MI DANG DUD 'GROR SKYE BA 'THOB, ,'DI DAG NGAS NI KHYOD LA MDOR BSHAD PA'O, ,GANG ZHIG BYANG CHUB SEMS NI BLANGS PA LAS, ,RMONGS PAS 'JIG RTEN LHA TSOGS PHYAG BYAS NA, ,DE DAG DE LA MI DGAR GYUR NAS SU, ,DE YI GSANG SNGAGS DNGOS GRUB NYAMS PAR BYED, ,GANG GI TSE NA SEMS NI DANG BA YIS, ,MI YI YUL

, ,NA BYANG CHUB SEMS BLANGS PA, ,DE NI PHYIN CHAD LHA DANG LHA MIN DANG, ,'JIG RTEN MA LUS RNAMS KYIS PHYAG BYAR 'OS, ,MIS NI MNGON PAR MTHO BA MA LUS PA'I, ,BSLAB PA MTHA' DAG BLANGS PAR GYUR PA DANG, ,SEMS CAN KUN LA MI 'JIGS SBYIN PA DANG, ,DKON MCHOG GSUM GYI GDUNG YANG BSABS PA YIN,, GANG ZHIG MI BZAD LAS BYED THUB PA GSOD, ,RIG SNGAGS GCOD DAM GNOD PAR BYED PA'AM, ,BSAM PA NGAN PAS GSANG SNGAGS TSOGS MI MCHOD, ,DON MED BZHIN DU SEN MOS RTZVA GCOD DANG, ,RKANG PAS RKANG PA NYED PAR BYED PA DANG, ,PHYUGS LA SOGS PA SNA TSOGS SNA 'BUGS DANG, ,'PHAGS PA'I DGE 'DUN LA NI MI GUS PA, ,'BYUNG POR BYIN NAM LHA YI GTOR MA'AM, ,SA LA LHUNG BAS SNGAGS PAS BZA' MI BYA, ,'DOD CHAGS ZIL GYIS GNON PAS DUD 'GRO DANG, ,BUD MED BGROD BYA MIN PAR 'GRO MI BYA, ,GLANG CHEN MI GDUL SPRUL YANG MI GZUNG ZHING, ,RTA RGYUG GLO RDEBS LCAGS KYIS GZHU MI BYA, ,LAS DE RNAMS DANG LDAN PAR GYUR PA DE'I, ,DNGOS GRUB NAM YANG 'BYUNG BAR MI 'GYUR RO, ,SEMS CAN NAD KYIS GDUNGS DANG SDUG BSNGAL LA, ,RTAG TU BYAMS PA'I SEMS NI YID LA BYA, ,DPER NA NAM MKHA' MTHAR THUG MED PA LA,

'DOM GYIS GZHAL BAS MTHA' RTOGS MI NUS LTAR, ,DE BZHIN DKON MCHOG GSUM LA BRTEN NAS NI, ,PHAN GNOD BYAS PA'I DGE SDIG MTHA' MI RTOGS, ,RGYA DANG RNYI DANG BOD RGYA 'JOL BU MIS, ,KHYI LA SOGS PA'I SEMS CAN GSOD PA DANG, ,BYA ROG LA SOGS GZEB KYIS BCINGS BYAS NAS, ,'DI DANG PHA ROL TU YANG GRUB MI THOB, ,BDUD DGRA'I ME TOG RNYING PA POR BA RNAMS, ,RKANG PAS MI RDZI MGO LA GDAGS MI BYA, ,BKRES PAS GDUNG KYANG DE DAG RNAMS LA NI, ,PHUL BA'I LHA BSHOS RNAMS KYANG BZA' MI BYA, ,'JIGS KYANG TSANGS PA BRGYA BYIN KHYAB 'JUG DANG, ,DRAG PO RLUNG LHA SOGS LA PHYAG MI BYA, ,DES BSHAD PA YI CHOS LA MI BSTEN ZHING, ,DE DAG DKA' THUB MI SPYAD RTAGS MI MCHOD,, DE DAG CHOS LA'ANG NGAN SEMS MI BYA ZHING, ,DE YI SPYOD LA NAM YANG DGA' MI BYA, ,DE DAG BSTOD PA MI GDON SNGAGS MI BZLAS, ,SBYIN PA BYIN TSE SNYING RJE BSKYED NAS SBYIN,, BDE BAR GSHEGS PA RNAMS KYIS BRTEN PA YI, ,GNAS DANG RGYAL SRAS RNAMS LA PHYAG BYA'O, ,RANG SANGS RGYAS DANG RGYAL BA'I NYAN THOS RNAMS, ,DE DAG RTAG TU PHYAG BYA'I GNAS YIN NO, ,JI LTAR ZLA BA TSES LA MI RNAMS NI, ,PHYAG 'TSAL NYA LA LUS CAN PHYAG MI 'TSAL, ,DE BZHIN DAD PAS RGYAL BA'I THUGS SRAS LA, ,PHYAG BYA DE LTAR BDE BAR

, ,GSHEGS LA MIN, ,'JIG RTEN KUN GYI MNGON MTHO BSLAB PA CAN, ,SNYING RJE'I BDAG NYID 'GRO BA'I DON DU NI, ,SKYE BA LEN PA DE LA CI YI PHYIR,, BU GCIG BDAG NYID KUN DER PHYAG MI BYA, ,SKYES BU BSAM YAS RMAD BYUNG RDZU 'PHRUL CAN, ,DE LA MI NGAN GANG ZHIG MI 'DUD PA, ,DE LA RGYAL BA THAMS CAD THUGS NUR NAS; ;DE YI GSANG SNGAGS DNGOS GRUB MI STZOL TO, ,DPER NA SHING GI ME TOG DANG POR NI, ,YID 'ONG PHYI NAS 'BRAS BUR 'GYUR BA LTAR, ,SEMS CAN MCHOG RNAMS ME TOG 'DRA BAR LTOS, ,'BRAS BU BZHIN DU RGYAL BA RIG PAR GYIS, ,GANG ZHIG RANG BZHIN CHAGS SDANG RNAM BRAL YANG, ,BRTZEL SNYING RJE KHRO LA KHRO BA DANG, ,'DOD CHAGS CAN LA CHAGS CAN LTAR STON PA, ,BYANG CHUB TSUL GNAS DE LA PHYAG 'TSAL LO, ,GANG ZHIG LAS DANG RNAM SMIN MKHYEN PA YIS, ,'GRO BA KUN LA JI LTAR MTHUN PA YI, , GSANG SNGAGS GZUGS KYI RJES SU 'JUG MDZAD PA, ,SNGAGS KYI RNAM 'DREN DE LA PHYAG 'TSAL LO, ,'PHAGS PA DPUNG BZANG GIS ZHUS PA'I LE'U DGU PA'O,, ,, LHA DANG LHA MIN MI LA PHAN GDAGS PHYIR, ,GSANG SNGAGS RIG SNGAGS RNAM PA SNA TSOGS DAG ,BYA BA PHRAG GSUM DANG NI 'BUM PHRAG LNGA, ,RIG 'DZIN SDE SNOD BSHAD

PAR RGYAL BAS GSUNGS, ,NGAS NI GSANG BA PA RNAMS GZHOM PA DANG, ,DBUL BA'I SDUG BSNGAL BSAL BAR BYA BA'I PHYIR, ,DKYIL 'KHOR BCAS SHING PHYAG RGYAR LDAN PA YI,, GSANG SNGAGS BYE BA PHRAG BDUN RAB TU BSHAD, ,PHO NYA BCU DANG RIG PA'I RGYAL PO BDUN, ,DE BZHIN PHYAG BRNYAN DRUG CU RTZA BZHI DANG, ,NGA YI SNYING PO DAM PA BRGYAD RNAMS DANG, KHRO BO DRAG PO BDUD RTZI THAB SBYOR DANG, ,RIG PA MCHOG LA SOGS PA MTHU BO CHE, ,RIG PA'I BDAG PO GSANG SNGAGS RJES 'BRANG BCAS, ,DE SNYED RDO RJE'I RIGS NI GANG YIN BA, DE DAR NI 'DI DAG NGA YIS RGYA CHER BSHAD, ,SPYAN RAS GZIGS KYI GSANG SNGAGS BYE BA PHRAG ,GSUM DANG DE BZHIN 'BUM PHRAG LNGA RNAMS BSHAD, ,DE YI RIG SNGAGS BDAG PO RTA MGRIN DANG, ,DE YI MING CAN DKYIL 'KHOR DAM PA GSUM, ,BCU GNYIS PHYAG DANG PHYAG DRUG PA DANG NI, ,THOR TSUG COD PAN 'DOD PA 'BYOR BYED DANG, ,ZHAL BZHI DON YOD ZHAGS LA'ANG BDUN BSTAN PA, ,SA STENG GSANG SNGAGS NYI MA BDUN LTAR 'BAR, ,DE RNAMS RTA MGRIN DKYIL 'KHOR GSANG SNGAGS TE, ,MI LA MCHOG SBYIN 'JIG RTEN GSUM GYIS 'DUD, ,SGROL MA DKAR MO GOS DKAR CAN MA DANG, ,RNAM GZIGS RAL PA GCIG MA DKAR SHAM DANG, ,GRAGS LDAN KHRO GNYER CAN DANG 'DI DAG RNAMS, ,PADMA'I RIGS

, ,KYI RIG SNGAGS RGYAL MO MCHOG ,DE DAG DKYIL 'KHOR SMRA TSOGS GZUGS CAN DANG, ,PHYAG RGYA RNAM PA SNA TSOGS RNAMS DANG LDAN, ,RGYAL BA'I GSANG SNGAGS RGYUD DU 'OG PAG CAN, ,RIG PA'I DBANG PHYUG GSANG SNGAGS BDAG POR BSGOM, ,DE YI GSANG SNGAGS MI LA GRUB MCHOG STER, ,DE LA LNGAS RTZEN YANG NI MNGON PAR DGA', ,GNOD SBYIN DBANG PHYUG DE DANG RTAGS MTHUN PAS, ,DE YI BKA' YIS GSANG SNGAGS TSOGS RNAMS BSHAD, ,LNGAS RTZEN GYIS NI STONG PHRAG NYI SHU STE, ,DE YI CHUNG MAS DE YI PHYED BSHAD DO, ,NOR GYI BDAG POS STONG PHRAG SUM CU STE, ,GANG PO'I PHA YIS KYANG NI 'BUM BSHAD DO, ,LHA DANG LHA MIN LA SOGS RGYAL BA LA, ,DAD PA RNAMS KYIS GSANG SNGAGS MTHA' YAS BSHAD, ,KHA CIG NGA YI RIGS SU GTOGS PA STE, ,KHA CIG KYANG NI PADMA'I RIGS SU GTOGS, ,KHA CIG NOR GYI RIGS SU GTOGS PA YIN, ,GZHAN YANG KHA CIG GNAS MED RNAM PAR 'KHYAM, ,NOR SPYOD CES BYA NOR GYI RIGS SU GSUNGS, ,NGA NI RDO RJE'I RIGS LAS RAB TU BSTAN, ,SPYAN RAS GZIGS DBANG PADMA'I RIGS YIN TE, ,RIGS BZHI PA NI 'DIR YANG LNGAS RTZEN YIN, ,GSANG SNGAGS MDO SDER NGAS BSHAD GANG YIN DE, ,BZHI PO 'DIR NI RNAM PAR SBYAR BAR BYA, ,GZHAN

YANG 'DI NA KHA CIG GNAS MED PAR, ,BDE BAR GSHEGS LA BRTEN CING YONGS 'KHYAM PA, ,MDO SDE 'DIR NI DE DAG THAMS CAD KYANG, ,'BYOR BAR 'DOD PA'I MIS NI RNAM PAR SBYAR; ;LAM 'DI NYID DU ZHUGS PA'I SNGAGS PAS NI, ,YID DANG MTHUN PA'I DNGOS GRUB THOB BAR 'GYUR, ,SRID GSUM NANG NA RGYAL BA DKON MCHOG STE, ,DE YI 'OG TU DE LAS BYUNG BA'I CHOS, ,DE YI DGE 'DUN SKYES CHEN BRGYAD PO STE, ,SRID PA GSUM NA DKON MCHOG GSUM PO GTZO, ,'DI GSUM BSOD NAMS RNAM 'PHEL RGYU YIN PAS, ,DNGOS GRUB 'DOD PAS GSANG SNGAGS MGO LA GDON, ,BSOD NAMS CHED DANG LOG 'DREN RMONGS BYA'I PHYIR, ,PHYAG NA RDO RJE GTUM MCHOG PHYAG 'TSAL ZHES, ,GSANG SNGAGS RNAMS KYI MGO LA SBYAR BAR BYA, ,GNOD SBYIN MGON PO NGAS NI BSHAD PA YIN, ,NOR GYI RIGS DANG PADMA'I RIGS LA YANG, ,RANG GI GSANG SNGAGS BDAG POR LDAN PAR BYA, ,BDE BAR GSHEGS MIN NYAN THOS LAM ZHUGS DANG, ,RANG RGYAL RNAMS KYI LAM LA GNAS PA DANG, ,DAD PA MED CING TSUL KHRIMS 'JUNGS PA YIS, ,NGA YI RDO RJE NAM YANG BCANG MI BYA, ,GANG ZHIG THEG PA MCHOG LA SDANG BA DANG, ,BDUD KYIS BSHAD PA YIN ZHES SMRA BA DANG, ,RMONGS NAS NGA LA GNOD SBYIN ZHES SMRA DANG, ,BYANG CHUB SEMS DPA' LA NI MI 'DUD PA'I,

, ,DGE SLONG DGE SLONG MA DANG DGE BSNYEN DANG, ,DGE BSNYEN MA DANG 'JIG RTEN PA RNAMS KYIS, ,NGA YI RIGS KYI GSANG SNGAGS BZLAS BRJOD NA, ,DE DAG RNAMS KYIS LUS NI MYUR DU 'JIG ,GANG ZHIG NGA RIGS RJES SU 'BRANG BA'I GDON, ,'BYUNG PO GNOD SBYIN KLU DANG SHA ZA YIS, ,NGA YI SNGAGS ZLOS RDO RJE THOGS PA DAG MTHONG NAS KHROS NAS PHUNG BAR BYED PAR 'GYUR, ,GANG ZHIG THEG MCHOG RGYA CHEN KLOG PA DANG, ,DE LA DAD CING DE NYID 'CHAD PAR SPRO, ,BRTZON 'GRUS CHE ZHING BYANG CHUB SEMS BRTAN PA, ,DE LA NGA YI GSANG SNGAGS MCHOG SBYIN MDZAD, ,NGAS NI 'GRO LA PHAN PHYIR SANGS RGYAS PA'I, ,GSANG SNGAGS YANGS SHING RGYAS PAR BSHAD PA YIN, ,DE NAS GZHAN YANG 'JIG RTEN PA BSDUS NAS, ,ZHAR LA BSHAD PA 'DI DAG KHYOD KYIS NYON, ,DRAG PO YIS NI BYE BA PHRAG BCU BSHAD, ,NOR LHA'I BUS NI STONG PHRAG SUM CU STE; ;TSANGS PA YIS NI STONG PHRAG DRUG CU NYID, ,NYI MAS KYANG NI 'BUM PHRAG GSUM BSHAD DO, ,NAM MKHA' LDING GIS STONG PHRAG BCO BRGYAD DE, ,GTUM BYED MAS NI STONG PHRAG BRGYAD BSHAD DO, ,ME YIS KYANG NI BRGYA PHRAG BDUN NYID DANG, ,PHUR BU GSUM PA YIS NI STONG BSHAD DO, ,KLU MI RGYAL PO RNAMS KYIS LNGA STONG STE, ,MTSAN MO

RGYU DBANG STONG PHRAG BCU GNYIS BSHAD, ,'GRO LA PHAN PHYIR 'JIG RTEN BDAG PO BZHIS, ,'BUM PHRAG BZHI NI RAB TU BSHAD PA YIN, ,LHA MIN DBANG POS 'BUM PHRAG GNYIS NYID DE, ,LHA YI DBANG POS KYANG NI 'BUM PHRAG GSUM, ,GSANG SNGAGS PHYAG RGYA SNA TSOGS CHO GAR LDAN, ,SO SO'I GZHUNG GI DKYIL 'KHOR RNAMS DANG BCAS, ,RANG SNGAGS RDO RJE'I RJES 'BRANGS DAD BSKYED NA, ,MA BSGRIMS BZHIN DU THE TSOM MED PAR 'GRUB, ,DE LAS BZLOG NA DNGOS GRUB MI THOB LA, ,SDUG BSNGAL MANG PO YANG NI 'THOB PAR 'GYUR, ,'PHAGS PA DPUNG BZANG GIS ZHUS PA'I LE'U BCU PA'O,, ,,BCUD KYIS LEN DANG GTER DANG PHUG 'GRO DANG, ,NOR BSGYUR 'BYUNG KHUNGS SNGAGS DANG GSER BSGYUR RTZI, ,RIN THANG MED PA'I RIN CHEN NOR SBYIN TE, ,BRGYAD PO BSTAN PA YONGS SU BSGRAGS PA YIN, ,SNGAGS DANG PHUG TU 'GRO DANG BCUD KYIS LEN, ,SDIG PA SPONG BAR BYED PA MCHOG TU BSTAN, ,RIN CHEN DANG NI GTER DANG 'BYUNG KHUNGS 'BRING, ,GSER BSGYUR RTZI DANG NOR BSGYUR THA MA 'O, ,MI NI SEMS STOBS LDAN ZHING CHOS LA BRTZON, ,DKA' THUB GYIS PHYUG DANG POR BSTAN PA'I SNOD, ,RDUL SHAS CHE BA LA NI 'BRING POR GSUNGS, ,THA MA LA NI MUN PA CAN GYIS BSTEN, ,GANG ZHIG MCHOG TU BSTAN PA BSTEN 'DOD PA, ,DES NI THA MAR

, ,BSTAN PA RNAM PAR SPANG, ,GAL TE NOR LA SRED CING SDUG BSNGAL GYIS, ,GDUNGS NA 'BRING PO LA NI BSTAN PAR BYA, ,LHA YI BDE BA DANG NI 'BYOR PA DANG, ,TSE DANG STOBS GZUGS PHUN SUM TSOGS PA DANG, ,THOS MANG MDANGS BZANG GCIG TU YID GZHUNGS DANG, ,DBANG THANG CHE KUN DKA' THUB STOBS KYI 'THOB, , CHAGS DANG RNAM BRAL DGE LA DGA' BA DANG, ,RTAG TU DKON MCHOG GSUM LA SEMS GZHOL DANG, ,SDIG PA SPANGS SHING BZLAS BRJOD LDAN PA YI, ,MI LA LHA RDZAS DNGOS GRUB RING BA MED, ,RDO RJE MTSON ME GNAM LCAGS MTHU 'DRA BA'I, ,GSANG SNGAGS MI YI 'JIG RTEN MCHOG SBYIN MDZAD, ,'JIG RTEN 'DI DANG PHA ROL NYID NA YANG, , SDUG BSNGAL SEL CING SDIG 'JOMS GZHAN MED DO, ,GANG ZHIG DPAG BSAM LJON PA'I SHING LTA BU, ,LA LAR DNGOS GRUB LA LAR BSOD NAMS DANG, ,GZHAN LA GZUGS STOBS CHE DANG BDE BA DAG ,YID MTHUN 'BRAS BU 'DOD PA'I MI LA STZOL, ,GSANG SNGAGS SNA TSOGS GZUGS SU RNAM SPRUL NAS, ,GANG ZHIG SDUG BSNGAL GANG ZHIG 'JIGS SKRAG PA'AM, ,RGYAL PO CHOM RKUN THOG GIS 'JIGS SKRAG PA'I, ,'GRO BA'I TSOGS CHEN MTHA' DAG SKYOB PAR MDZAD, ,GANG ZHIG YUL DANG KHYIM LA BSTEN KYANG RUNG, ,

DKA' THUB MA NYAMS RTZE GCIG SEMS KYIS NI, ,NYIN ZHAG GCIG TU CUNG ZAD SNGAGS BZLAS NA, ,DE YI GSANG SNGAGS DUS SHIG NA NI 'GRUB, ,CHO GA BZHIN DU DANG POR 'BUM BZLAS NAS; ;DE NAS SNGAGS PA BSGRUB LA 'JUG PAR BYA, ,DE NAS DNGOS GRUB MYUR DU THOB 'GYUR LA, ,GSANG SNGAGS CHO GAS YUN RING NYON MI MONGS, ,LUS LA SA YIS DRIL PHYIS BYAS NAS SU, ,CHU CHEN RNYOG PA MED PAR ZHUGS NAS KYANG, ,CI TZAM 'DOD PA'I BAR DU KHRUS BYAS TE, ,BYUNG NAS SHAR RAM BYANG DU KHA BLTAS NAS, ,CHU YIS LAG PA RKANG PA BKRUS NAS SU, ,PUS MO PHYI ROL DU NI BSTAN BYAS TE, ,BAR DU LAG BZHAG TZOG TZOG POR 'DUG NAS, ,SGRA MED DBU BA MED PAS NYE REG BYA, ,LAN GSUM BAR DU CHU NI 'THUNGS NAS KYANG; ;MCHU LA LAN GNYIS YONGS SU PHYI BAR BYA, ,SO LA CHAGS PA LCE YIS REG PA DANG, ,SBRID PA BYUNG NA KHA YANG BKRU BAR BYA, ,RAB BYUNG SKYES PA BUD MED GZHON NU DANG, , GZHON NU MA DANG BRAM ZE RGAN MO RNAMS, ,DE LA NAM YANG SNGAGS PAS REG MI BYA, ,SNGAGS PAS DE DAG RNAMS LA MI BSAM MO, ,BRGYA LA DE DAG RNAMS KYIS REG GYUR TAM, SGRUB POS DE DAG RNAMS LA REG GYUR NA, ,SLAR YANG KHRUS DANG 'THOR 'THUNG BYAS NAS SU, ,DE NAS PHYIR YANG BZLAS LA 'JUG PAR BYA, ,GTZANG SBRA LA DAD ZLOS DGA' SNYING

, ,RJE CAN, ,RTAG TU LEN PA LAS NI LOG PA DANG, ,SLONG MO'I ZAS ZA LHA YI LAS LA BRTZON, ,DE YI LUS LA GSANG SNGAGS 'JUG PAR 'GYUR,, 'GA' YIS BUD MED GOS DANG NOR RNAMS DANG, ,BZHON PA RGYAN DANG BYUG PA BZA' BTUNG DANG, ,MAL STAN RNAMS NI MANG NYUNG BYIN GYUR NA, ,DE LA SGRUB LA GNAS PAR MI BLANG NGO, ,SA PHUNG BSHANG SGOR LNGA STE MTSAN LA GSUM, ,G-YON LA GSUM STE LAG PA GNYIS LA BDUN, ,YANG NA SA DANG CHU YIS JI SRID DU, ,DRI MA DRI BRAL DE SRID BAR DU BYA, ,SOS KA NAGS ME MCHED PA'I ME LCE YIS, ,MA BSGRIMS BZHIN DU TSANG TSING KUN BSREGS LTAR, ,BZLAS BRJOD ME LA TSUL KHRIMS RLUNG GIS SBAR, ,BRTZON 'GRUS CHEN PO'I ME LCES SDIG PA SREG ,JI LTAR GANGS LA NYI MA'I 'OD ZER GYIS, ,GDUNGS NA GZI BRJID MI BZOD 'JU BA BZHIN, ,TSUL KHRIMS NYI MA'I 'OD ZER BZLAS BRJOD KYIS, ,GDUNGS NA SDIG PA'I GANGS KYANG ZAD PAR 'GYUR, ,MUN NAG SMAG LA MAR ME PHYUNG PA YIS, ,MUN NAG MA LUS SEL BAR BYED PA LTAR, ,TSE RABS STONG NA GNAS PA'I SDIG PA'I MUN, ,BZLAS BRJOD MAR MES MYUR DU SEL BAR BYED, ,CI STE SBYIN SREG DANG NI BZLAS BRJOD KYIS, ,GSANG SNGAGS BSGRUBS KYANG DNGOS

GRUB MA THOB NA, ,'JIM PA LAS NI MCHOD RTEN 'BUM GDAB PA'AM, ,YANG NA CHU 'GRAM BYE MA DAG LA GDAB, ,DES NI DE YI SDIG PA SRID GZHAN LA, ,BYAS PA GANG YIN DE NI ZAD GYUR NA, ,DES NI GSANG SNGAGS MTHU YIS 'DI NYID DU, ,MTHONG BA'I CHOS LA BSOD NAMS 'BRAS BU THOB, ,SNGAGS KYI RTZA BA DANG PO TSUL KHRIMS TE, ,DE NAS BRTZON 'GRUS DANG NI BZOD PA DANG, ,RGYAL BA LA NI DAD DANG BYANG CHUB SEMS, ,GSANG SNGAGS DANG NI LE LO MED PA'O, ,DE LTAR MI DBANG YAN LAG BDUN LDAN PA, ,SKYO BA MED PAR SKYE DGU 'DUL BAR BYED, ,DE BZHIN SNGAGS PA'ANG YAN LAG 'DI BDUN DANG, ,LDAN PAR GYUR NA SDIG PA 'DUL BAR BYED, ,DANG PO BZLAS BRJOD PHAL CHER BYAS NAS SU, ,DE YI 'OG TU 'DIR NI SBYIN SREG BYA, ,SBYIN SREG DAG GIS GSANG SNGAGS MCHOG MYUR STZOL, ,YID DU 'ONG BA'I 'DOD PA'ANG SBYIN PAR MDZAD, ,GANG GIS DPAG TSAD BRGYA YI PHA ROL NAS, , GSANG SNGAGS MTHU YIS BUD MED BKUG KYANG NI, ,BUD MED MA YIN GNOD SBYIN BU MO STE, ,DE GZUGS CHA BYAD KYIS NI SNGAGS PA BSTEN, ,'DOD PA'I DON PHYIR BSGRUBS PA GANG YIN TE, ,GRUB NA'ANG GNOD SBYIN BU MOS SBYIN PAR BYED, ,DE NI BUD MED DE YI LUS SU YANG, ,SPRUL NAS MTSAN MO 'DOD PA BSTEN PAR BYED, ,JI LTAR MI DAG 'DOD PHYIR

, ,BUD MED LA, ,BSTEN PA'I MI NI NOR NI ZAD 'GYUR LTAR, ,DE BZHIN GNOD SBYIN MO 'AM BRAN MO DAG ,GSANG SNGAGS MTHUS BKUG BSTEN PAR BYED PA'O, ,GZHAN GYIS CHUNG MAR YID LA BZHAG NAS SU, ,GANG ZHIG DE LA 'DOD GDUNGS STEN BYED PA, ,MI SHES YID KYIS GZHAN GYI CHUNG MA LA, ,'DOD PA SPYAD PAS SDIG PA MANG DU THOB, ,RGYAL BA LA DANG GZHAN LA PHAN BRTZON PA'I, ,LHA KLU LHA MIN GNOD SBYIN DRI ZA DANG, ,GRUB PAR BCAS PA'I SNGAGS BSHAD GANG YIN PA; ;DE DAG RGYAL BA'I NYAN THOS RANG SANGS RGYAS, ,DE BZHIN GSHEGS DANG BYANG CHUB SEMS DPA' YIS, ,MA 'ONGS SEMS CAN MGON SKYABS MED RNAMS LA, , RAB TU GZIGS NAS BYIN GYIS BRLAB PA MDZAD, ,DE DAG 'BRAS BU RAB DANG 'BRING DANG NI, ,THA MAR DBYE BAS RNAM PA GSUM DU BSTAN, ,MKHA' LA 'GRO DANG DPAL GYI PHUG TU 'JUG ,'DOD DGU'I GZUGS CAN MI SNANG RNAM PA DANG, ,GNOD SBYIN MO YI KHYO DANG BCUD KYIS LEN, ,MIG 'PHRUL SGYU MA MTSAN MO RGYU BA STE, ,DE DAG MCHOG YIN 'BRING NI SA BDAG GO ,GRONG DANG NOR DANG DBYE DANG DGUG PA DANG, ,DGAR DANG BSKRAD PA DANG NI GSAD PA DANG, ,KLU YI GDON GYIS ZIN PA GSO BA DANG,,

GANG YANG 'DI LTA BU DANG MTHUN PA'I LAS, ,DE NI MKHAS PAS PHRAN TSEGS YIN PAR BSTAN, ,BYE PHRAG TU NI KLU DANG GNOD SBYIN DANG, ,BYIS PA GDON GYIS ZIN DANG GANG DAG TU,, LUS CAN RNAMS LA NGO MTSAR SNA TSOGS DAG ,STON PAR BYED PAR PHRA MO PHRAN TSEGS YIN, ,BYA BA DANG KHU TSUR THAL LCAG SKRA DRANG DANG, ,RNA BAR BZLAS DANG DBANG DANG BSKRAD PA PA DANG, ,BSAD DANG BCING LA SOGS PAS TSAR GCAD DANG, ,BOD DANG RIG PA'I GOS DANG SNGAGS GOS DANG, ,RDOG PAS BSNUN DANG RNAM PAR BSKYOD PA DANG, ,MIG TU DUG SONG [?] LTAR NI GZHUG PA DANG, ,KHAB KYIS GZUGS DANG KHA BCING SKYUG TU GZHUG ,PHU ZHES BUD DANG YAN LAG GZHIG PA DANG, ,BRANG GIS 'GRO BA DAG DANG DGUG PA DANG, ,PHYIR YANG BCING DANG MNAN PAR BYA BA DANG, ,RMONGS PAR BYED DANG DUG ZAR GZHUG PA DANG, ,DUG NI GZHAN LA SPO BAR BYA BA DANG, ,LCAGS KYUR LDAN PAS DRANG BAR BYA BA 'AM, ,LUS LA ZHEN PA'I DUG NI BSLANG BA 'AM, ,ZOS PAR BZA' DANG ZOS PA BCAD PA DANG, ,SA BCING BA DANG PHO NYA BTANG BA DANG, ,BSKRAD PA DANG NI KLU LA BSTAN PA DANG, ,DUNG DANG RDZA RNGA'I SGRAS NI BSLANG PA STE, ,RNAM PA 'DI DAG DUG GI RGYUD DU BSHAD, ,SA YI STENG NA SBRUL NI BRGYAD CU DAG ,GZHAN LA GNOD PAR BYED CING RNAM PAR 'KHYAM, ,DE DAG RNAMS NI

, ,NYI SHU GDENGS KA CAN, ,'KHYIL PA DRUG DANG DUG MED BCU GNYIS DANG, ,DE BZHIN SPRUL NI KHRO BO BCU GSUM STE, ,SUM CU GANG YIN RIGS DE'I NANG DU GTOGS, ,SBAL PA'I MGO DANG SDIG PA KHA BRGYAD DANG, ,RNAM PAR DBYE NA RAB TU MANG PO YOD, ,GCIN RTUG KHA CHU REG DANG MTHONG BA DANG, ,MCHE BA BTZUGS PA LAS NI DUG KYANG GTONG, ,DE LA DUG GI RGYUD LA MKHAS PA YIS, ,RAB 'BRING THA MA RNAM PA GSUM DU DBYE, ,DUG MOD KHRO BO'I DBANG BSGYUR SKRAG PA DANG, , DE BZHIN SNGAGS PA'AM, BKRES PA'I ZAS PHYIR RAM, ,SHA KHON YOD PA'AM GSHIN RJES BSTAN PA'AM, ,LUS LA BRDZIS NA DE DAG ZA BAR BYED, ,ZOS PA DE YANG RNAM PA BZHIR 'GYUR TE, ,MCHE BAS 'DZIN DANG SOS BCAD BTAB PA'O, ,GANG DU MCHE BA GCIG GIS KHRAG PHYUNG RJES, ,DE NI DUG CHUNG BAS NI ZIN PAR BSHAD, ,GANG DU MCHE BA GNYIS KYIS BTAB NAS SU, ,KHRAG DAG BYUNG BAR GYUR PA ZOS PA'O, ,GAL TE MCHE BA GSUM GYIS SHA BCAD NA, ,DE NI BCAD PAR GYUR PA YIN ZHES BSTAN,, GANG DU MCHE BA BZHI YIS BTAB NAS SU, ,SBRUL GYI LUS NI ZOS PAR GYUR PA DE, ,BTAB NAS ZOS PA YIN ZHES BSHAD PA STE, ,DE NI SMAN RNAMS KYIS KYANG BZLOG PAR

DKA', ,ME YI RANG BZHIN GNAD RNAMS 'DRAL BA'I DUG ,MTSON DANG ME DANG GZI BRJID MTSUNGS PA DANG, ,JI LTAR SNGAGS KYIS RAB TU ZHI 'GYUR BA, ,DE LTAR SMAN PAS SBYOR BAR MI NUS SO, ,JI LTAR ME DPUNG CHEN POS BUD SHING LA, ,NGES PAR SREG LA CHAR BAB SKAD CIG GIS, ,ZHI BAR GYUR PA DE BZHIN DUG DAG GIS, ,ME DPUNG LTA BU'ANG SNGAGS KYIS ZHI BAR BYED; ;DUG GI MTHU STOBS SHES NAS RAB BSGRIMS TE, ,GSANG SNGAGS CHO GA JI BZHIN BZLAS NAS NI, ,BA LANG KHYU NA SENG+GE JI LTA BAR, ,DUG CAN SPRUL DANG DOGS MED LHAN CIG RTZE; ;LHA KLU LHA MIN GNOD SBYIN GRUB PA DANG, ,DRI ZA 'BYUNG POS MTSUN DANG GSANG BA PA, ,YI DVAGS SHA ZA DAG DANG LUS SRUL PO, ,SMYO BYED DAG DANG 'PHROG MA GRIB GNON DAG ,SA YI STENG NA GDON NI SNA TSOGS PA, ,MI YI SHA TSIL ZA ZHING KHRAG KYANG 'THUNG, ,MI NGAN 'DOD GDUNGS KHRO BAS NYAM THAG PA'I, ,GLAGS SKABS RNYED NAS LUS LA 'JUG PAR BYED, ,DE DAG RNAMS KYIS ZIN PA'I MI 'PHYAN CING, ,GLU LEN GAR BYED DGOD CING KHRO BA DAG ,DGA' ZHING RNGAM PA TSE LA SMRA 'DOD DANG, ,SPYOD PA SNA TSOGS BYED CING LHA RNAMS DANG, ,LHA MIN LTAR BCOS SKYE BO'I BZHAD GANG BYED, ,GTOR MA 'DOD PA'AM RTZE MO BYED 'DOD PAS, ,GSANG BA'I DON TU LUS LA 'BAB CING 'JUG ,GSANG PA PA RNAMS GZHIG PHYIR RIG

, ,PA'I MCHOG ,MTHU CAN MCHOG SBYIN RDO RJE LCAGS KYU 'AM, ,GZHAN YANG NGA YI RIGS BYUNG RIG PA'AM, ,KHRO BO BDUD RTZI THAB SBYOR SOGS PAS GSO; ;CI LTAR GSANG SNGAGS 'DZIN PA'I MI DAG LA, ,GDON RNAMS 'JIGS PAR GYUR PA DE LTAR NI, ,MI MIN RLUNG MIN GRONG KHYER SUM BRTZEGS DANG, ,'JOMS BYED GZI BYIN NYI MA MES PO DANG, ,CHU BDAG MA YIN LHA MIN RNAMS KYI MIN, ,NOR BDAG MA YIN GNOD SBYIN RGYAL POS MIN, ,LHAG MA MKHA' LDING BYA YI RGYAL PO DANG, ,SA BSRUNGS BU ZHON KHYER 'JIGS RNAMS KYI MIN, ,'BYUNG PO'I RIG SNGAGS 'DIR NI KUN MTHONG DANG, ,GDON GYI SPYOD PA MA LUS SHES NAS SU, ,PHYI NAS GDON RNAMS DOGS MED BTUL NAS NI, ,GDON GYIS MI 'JIGS SLAR YANG TSUGS MI 'GYUR, ,RIG GSUM 'PHEL DANG SRID GSUM MTHAR PHYIN DANG, ,NYES PA GSUM SPANGS LAM GSUM THUGS SU CHUD, ,DE YIS SRAS DANG DE'I LAM RJES 'GRO BA'I, ,LHA DANG LHA MIN SOGS PAS BSHAD PA'I SNGAGS, ,BDAG NYID CHEN PO MUN PA SEL BA YI, , GSANG SNGAGS KYIS NI BYIN GYIS BRLABS DE LA, ,'JIG RTEN LHA TSOGS RNAMS KYIS BSNGAGS PA YI, ,GSANG SNGAGS MTHU YIS DE LA BSKYOD DU MED, ,RDO RJE 'CHANG GI

GSUNG THOS LHA DE RNAMS, ,TSANGS SOGS LHA MIN GNOD SBYIN GRUB PA DANG, ,RIG 'DZIN KLU DANG GNOD SBYIN DRI ZA DANG, ,GSANG BAB DANG MTSUN DANG 'BYUNG PO RNAMS, ,DAD PAS ZHABS LA SPYI BOS PHYAG BTZAL TE, ,GUS PAS THAL MO SBYAR NAS TSIG GSOL PA, ,KYE MA'O SROG CHAGS RNAMS LA THUGS RJER LDAN, ,KYE MA'O KHYOD KYI SPYOD PA SNA TSOGS PAS, , KHA CIG GIS NI RDO RJE 'BAR BAR MTHONG, ,GZHAN GYIS DBYUG TO GZHAN GYIS 'KHOR LO CAN, ,DE BZHIN GZHAN GYIS RTZE GSUM ZHAGS PA CAN, ,GZHAN GYIS RAL GRI GZHU DANG BE CON DANG, ,'JIGS PA'I GZUGS CAN MTSON CHA KUN THOGS DANG, ,GZHAN DAG GIS NI ZHI BA NYID DU MTHONG, ,DU MA'I SKU MNGA' DMIGS MED SKU MNGA' BAR, ,LHA DANG GNOD SBYIN GYIS MCHOD DE LA 'DUD, ,LHA MIN LHA YIS ZHABS LA PHYAG BGYIS PA, ,BYANG CHUB SEMS DPA' MCHOG LA PHYAG 'TSAL 'DUD, ,RIG PA'I DBANG PHYUG GZHU 'GENGS KHYOD LA 'DUD, ,KHYOD LA BDAG CAG THAMS CAD PHYAG 'TSAL 'DUD, ,KHYOD LA BDAG CAG DENG NAS SKYABS SU MCHI, ,KHYOD KYIS JI SKAD GSUNGS PA DE BZHIN DU, ,MI YIS LEGS PAR SPYAD PAR BGYIS NAS NI, ,DE DAG MYUR DU DBUL BA'I MUN BSAL NAS, ,NYI MA BZHIN DU SHIN TU RAB 'BAR 'GYUR, ,YAN LAG MI NYAMS SEMS KYANG MI NYAMS

, ,SHING; ;NAD DANG SDUG BSNGAL LUS NYAMS MI 'GYUR BA, ,KHYOD LA DAD PA'I MIS NI THOB PAR 'GYUR, ,DE SKAD KUN GYIS TSIG TU SMRAS NAS KYANG,, RDO RJE 'DZIN LA YANG YANG PHYAG BTZAL TE, ,GZHAL MED KHANG DU MNGON PAR ZHUGS NAS KYANG, ,JI LTAR 'ONGS PA'I NAM MKHA'I LAM LA DONG, ,LHA RNAMS DONG NAS PHYAG NA RDO RJE YIS, ,DPUNG BZANG LA NI TSIG TU YANG GSUNGS PA, ,LHA RNAMS KUN GYIS MDO 'DI SHES ZIN GYI, ,KHYOD KYIS 'JIG RTEN 'DIR NI GRAGS PAR GYIS, ,DE SKAD GSUNGS NAS DPUNG BZANG DE YIS NI, ,LANGS TE GUS PAR RAB TU PHYAG BTZAL NAS, ,GTZANG BYED SDIG 'JOMS DPAL YON LDAN PA 'DI, ,MI YI 'JIG RTEN 'DIR NI BSGRAGS PAR BGYI, ,'PHAGS PA DPUNG BZANG GIS ZHUS PA'I LE'U BCU GCIG PA'O,, ,,'PHAGS PA DPUNG BZANG GIS ZHUS PA'I RGYUD RDZOGS SO,, ,,