acip-k_lha_sa-094-014 · GMLW-006722

'PHAGS PA STOBS PO CHE ZHES BYA BA THEG PA CHEN PO'I MDO (A'ARYA MAH'A BA LA N'A MA MAH'A Y'A NA SU TRA)

נושאי-מדףSubjects:

RGYUDSecret Teachings (Tantra)

נושאיםTopics:Secret Wordsthe Greater WayEmpowerment

חיי היום-יוםDaily life:daily practice

נמצא בfound inSecret Teachings (Tantra)

מספר טוהוקוTohoku numberToh 757 · Tantra

מהדורהrecensionLhasa

כותרת בסנסקריטSanskrit titleA'ARYA MAH'A BA LA N'A MA MAH'A Y'A NA SU TRA

כניעה לhomage toBYANG CHUB SEMS DPA' THAMS CAD

פוליוfolios385b–401a

צורהformmixed

מצב תרגוםtranslationno English of the text

כיסוי המילון לכותרתdictionary coverage of the title100%

ז'אנרgenreRoot Texta sutra of the Greater Way with the full frame

מקום החיבורplace of compositionthe great mountainthe Buddha is teaching on the great mountain Tangzung

ישותdeityAngel of Great Power (Mahabala)Great Strength, named in both title lines

אנשים ומקומותpeople and places namedVajrapaniVajrapani sits before him, praised and honoured by all the buddhas

רמת קושיlevelintermediate

לחיי היום־יוםfor daily lifedaily practice

הכותרת אומתה מול הטקסטtitle verified against the textyesSanskrit and Tibetan title lines both match, and the closing repeats it

הקבציםThe files

acip-k_lha_sa-094-014_'PHAGS PA STOBS PO CHE ZHES BYA BA THEG PA CHEN PO'I MDO (A'ARYA MAH'A BA LA N'A MA MAH'A Y'A NA SU TRA).txt/12. RGYUD_Secret Teachings (Tantra)/VOL 16 (MA)

הטקסטThe text

טיבטיתTibetanacip-k_lha_sa-094-014_'PHAGS PA STOBS PO CHE ZHES BYA BA THEG PA CHEN PO'I MDO (A'ARYA MAH'A BA LA N'A MA MAH'A Y'A NA SU TRA).txt39,979 תוויםcharacters

385b

RGYA GAR SKAD DU, A'ARYA MAH'A BA LA N'A MA MAH'A Y'A NA SU TRA, BOD SKAD DU, 'PHAGS PA STOBS PO CHE ZHES BYA BA THEG PA CHEN PO'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS RI BTANG BZUNG CHEN PO NA CHOS STON TO, ,DE NAS BCOM LDAN 'DAS BYANG CHUB SEMS DPA' SEMS DPA' CHEN PO LAG NA RDO RJE SANGS RGYAS THAMS CAD KYIS BSTOD CING BSNGAGS TE BKUR NAS MNGON PAR DGA' BAR BYAS PA YANG DE NYID DU 'DUG PAR GYUR TO, ,DE NAS SANGS RGYAS BCOM LDAN 'DAS PHYAG GIS SEMS CAN RNAMS DBUGS 'BYIN CING SHAR PHYOGS NA ME LCE KUN TU 'BAR BA'I PHRENG BA'I PADMA'I GDAN LA BZHUGS SO, ,BCOM LDAN 'DAS KYI G-YAS LOGS NA STOBS PO CHE LAG PA BZHI PA LAG PA GCIG NA NI, RNGA YAB THOGS, LAG PA GCIG GIS NI, PHYAG 'TSAL, G-YAS PA NA NI, BE CON THOGS, G-YON PA NA NI, ZHAGS PA THOGS PA, SKRA KHAM PA GYEN DU BRDZES PA, MIG DMAR BA'O, ,DE'I 'OG NA NI, BCOM LDAN 'DAS RDO RJE 'DZIN 'KHOR DANG BCAS PA'O, ,G-YAS

386a

, ,NA NI, RIG SNGAGS KYI RGYAL PO GNOD MDZES SO, ,G-YON NA NI, BDUD RTZI THAB SBYOR RO, ,DE NAS SNYING PO RNAMS NI, ZLA BA KHAM BLTA BUR GZHAG GO ,SNYING PO NI; KI LI KI LA DANG, 'GRO LDING BA'I GZUNGS DANG, LUS DMAR PO DANG, RDO RJES RNAM PAR 'JOMS PA DANG, RDO RJE'I RGYAN CHEN TE, SNYING PO'I MCHOG GO ,RIG SNGAGS KYI RGYAL PO DRAG PO CHEN PO DANG NYE BA NA NI, 'PHAGS PA M'A MA K'I'O, ,'PHAGS PA BDUD RTZI THAB SBYOR GYI 'OG NA NI, RDO RJE'I LCAGS KYU DANG, RDO RJE LU GU RGYUD DO, ,SGO'I NANG LOGS SU NI, KHRO BO RDO RJE'I THO BA DANG, RDO RJE'I BE CON GNYIS MNGON DU PHYOGS PAR GZHAG GO ,G-YON LOGS SU NI, BCOM LDAN 'DAS 'PHAGS PA SPYAN RAS GZIGS DBANG PHYUG 'KHOR DANG BCAS PA'O, ,BCOM LDAN 'DAS KYI G-YAS LOGS SU NI, GOS DKAR MO'O, ,DE'I 'OG TU NI, SGROL MA DANG, KHRO GNYER CAN NO, ,G-YON DU RIG SNGAGS KYI RGYAL PO RTA MGRIN DANG, DE LA SOGS PA BYANG CHUB SEMS DPA' SEMS DPA' CHEN PO BRGYA PHRAG STONG DANG NGO, ,DE BZHIN DU SHAR PHYOGS SU NI, ZLA BA DANG, NYI MA DANG, YUL 'KHOR SRUNG DANG, DBANG PO'O, ,ME'I PHYOGS NA NI, ME'I LHA DRANG SRONG CHEN PO RNAMS KYIS BSKOR BA'O, ,LHO PHYOGS SU NI, GSHIN RJE DANG, KHYAB 'JUG GO, BDEN BRAL PHYOGS SU NI, SRIN PO'I BDAG PO MA MOS BSKOR BA'O, ,NUB PHYOGS SU NI, KLU'I

386b

BDAG PO KLU LA SOGS PAS BSKOR BA'O, ,RLUNG GI PHYOGS SU NI, RLUNG LHA 'KHOR DANG BCAS PA'O, ,BYANG PHYOGS SU NI, LUS NGAN PO 'KHOR DANG BCAS PA'O, ,DBANG BDAG GI PHYOGS SU NI, DBANG BDAG TSOGS KYIS BSKOR BA'O, ,LHA RNAMS KYI DBANG PO BRGYA BYIN DANG, KHYAB 'JUG DANG, TSANGS PA CHEN PO DANG, DE LA SOGS PA GNAS GTZANG MA'I RIS KYI LHA'I BU TSAD MED GRANGS MED DPAG TU MED PA DAG DANG NGO, ,SANGS RGYAS BCOM LDAN 'DAS 'KHOR DANG BCAS TE SNGA MA BZHIN NO, ,DE NAS BCOM LDAN 'DAS KYIS BKA' STZAL PA, GSANG BA PA'I BDAG PO LAG NA RDO RJE, MDO SDE 'DI SGRUB PA PO 'DI LA GSANG SNGAGS KYI GZHI 'DI RGYA CHER YANG DAG PAR BSHAD PAR BYA'O, ,DKON MCHOG GSUM LA PHYAG 'TSAL LO, ,GNOD SBYIN GYI SDE DPON CHEN PO LAG NA RDO RJE DRAG PO LA PHYAG 'TSAL LO, ,AOm KI LI KI LI BADZRA, K'I LI K'I L'A YA SV'AH'A, SPYI GTZUG LA SV'AH'A, DPRAL BA LA SV'AH'A, MIG LA SV'AH'A, DRAG SHUL CAN LA SV'AH'A, SHIN TU DRAG SHUL CAN LA SV'AH'A, RDO RJE'I ZHAGS PA LA SV'AH'A, LUS DMAR PO LA SV'AH'A, LAG NA RDO RJE LA SV'AH'A, LAG NA ZHAGS PA LA SV'AH'A, LAG NA RAL GRI LA SV'AH'A, LAG NA DGRA STA LA SV'AH'A, GZHU 'DZIN LA SV'AH'A, GTUN SHING 'DZIN LA SV'AH'A, LAG NA 'KHOR LO LA SV'AH'A, LAG NA MDUNG RTZE GSUM LA SV'AH'A, SNYING PO LA SV'AH'A, NYE BA'I SNYING PO LA SV'AH'A, DRAG PO LA SV'AH'A, K'I LI K'I L'A YA SV'AH'A, BYIS PA K'I LI

387a

, ,KI LA LA SV'AH'A, DMAR PO K'I LI K'I LA LA SV'AH'A, STOBS PO CHE LA SV'AH'A, RAL PA CAN LA SV'AH'A, GSUS 'PHYANG BO LA SV'AH'A, KHRO BO 'CHOL PA LA SV'AH'A, GSHIN RJE LA SV'AH'A; SRIN PO LA SV'AH'A, SRIN PO YA MUN LA SV'AH'A, DRAG PO CHEN PO LA SV'AH'A, SBRIN LA SV'AH'A, RI 'DZIN LA SV'AH'A, RI BTANG BZUNG 'DZIN LA SV'AH'A, RDO RJE'I BE CON LA SV'AH'A, 'JIGS BYED CHEN PO LA SV'AH'A, LUS 'JIGS BYED LA SV'AH'A, SDIGS BYED LA SV'AH'A, RDO RJE'I LU GU RGYUD LA SV'AH'A, RDO RJE'I GTAN PA LA SV'AH'A, RDO RJE LUS LA SV'AH'A, 'GRO LDING BA LA SV'AH'A, BDUD RTZI LA SV'AH'A, DKA' THUB 'DZIN LA SV'AH'A, LCAGS KYU LA SV'AH'A, DON YOD LA SV'AH'A, GTZUG TOR RGYAL PO LA SV'AH'A, MDOG DKAR PO LA SV'AH'A, SNGO BSANGS MDOG LA SV'AH'A, 'PHYANG PO LA SV'AH'A, GLANG PO LA SV'AH'A, BA LANG 'PHAL GYI LAG PA LA SV'AH'A, BDUD KYI RNAM PAR 'PHRUL PA LA SV'AH'A, SBRUL GYI SKE RAGS CAN LA SV'AH'A, RDO RJE'I PHUR PA LA SV'AH'A, LAG PA GNYIS KA LA SV'AH'A, AA RDO RJE LA SV'AH'A, 'BAR BA'I 'OD BYED PA LA SV'AH'A, BLO GROS BRTAN PA'I RDO RJE LA SV'AH'A, MYU GU LA SV'AH'A, 'OD BYED LA SV'AH'A, RDO RJES RNAM PAR 'JOMS PA LA SV'AH'A, RDO RJE'I DRA BA LA SV'AH'A, RDO RJE 'JIGS BYED LA SV'AH'A, RDO RJE KHU TSUR LA SV'AH'A, SPRIN RNAM PAR 'THOR BA LA SV'AH'A, CHAR PA RNAM PAR RTON PA LA SV'AH'A, RDO RJE LCAGS KYU LA SV'AH'A, RDO RJE'I SNYING PO LA SV'AH'A,

387b

RDO RJE NYE BA'I SNYING PO LA SV'AH'A, MTHE BO'I RGYAL PO LA SV'AH'A, BE CON GYI RGYAL PO LA SV'AH'A, GO CHA'I RGYAL PO LA SV'AH'A, AOm DHR'I AOm, DKON MCHOG GSUM LA PHYAG 'TSAL LO, ,GNOD SBYIN GYI SDE DPON CHEN PO LAG NA RDO RJE DRAG PO LA PHYAG 'TSAL LO, ,AOm HU LU HU LU, TIshthA TIshthA, BANDHA BANDHA, HA NA HA NA, AA MRi TE H'Um PHAt SV'AH'A, AOm AA MRi TA H'Um PHAt SV'AH'A, YUL 'KHOR SRUNG LA SV'AH'A, MIG MI BZANG LA SV'AH'A, 'PHAGS SKYES PO LA SV'AH'A, LUS NGAN PO LA SV'AH'A, DBANG PO LA SV'AH'A, ME LHA LA SV'AH'A, DRANG SRONG CHEN PO THAMS CAD LA SV'AH'A, NYI MA LA SV'AH'A, ZLA BA LA SV'AH'A, GSHIN RJE LA SV'AH'A, KHYAB 'JUG LA SV'AH'A, SRIN PO'I BDAG PO LA SV'AH'A, KLU'I BDAG PO LA SV'AH'A, RLUNG LHA LA SV'AH'A, DBANG BDAG LA SV'AH'A, DBANG BDAG GI CHUNG MA LA SV'AH'A, BRGYA BYIN LA SV'AH'A, NOR LHA'I BU LA SV'AH'A, RDO RJE CHEN PO LA SV'AH'A, TSANGS PA CHEN PO LA SV'AH'A, SA LA SV'AH'A, DBYANGS CAN LA SV'AH'A, LHA MO DPAL LA SV'AH'A, LHA MO DKA' THUB ZLOG LA SV'AH'A, RIG SNGAGS CHEN PO STOBS PO CHE'I RIG SNGAGS KYI RGYAL PO 'DI DKYIL 'KHOR GYI GNAS SU 'CHANG ZHING YID LA BYED NA, SRUNG BA DANG, SKYOB PA DANG, SBED PAR BYED PAR 'GYUR RO, ,LAS THAMS CAD 'GRUB PAR 'GYUR RO, ,SANGS RGYAS DANG, CHOS DANG, DGE 'DUN DANG, RANG SANGS RGYAS DANG, 'PHAGS PA NYAN THOS KYI DGE 'DUN THAMS CAD LA PHYAG 'TSAL LO, ,GNAS BRTAN BLO

388a

, ,GROS CHEN PO SH'AR DV'A TI'I BU LA PHYAG 'TSAL LO, ,BYAMS PA LA SOGS PA BYANG CHUB SEMS DPA' THAMS CAD LA PHYAG 'TSAL LO, ,YANG DAG PAR SONG BA RNAMS LA PHYAG 'TSAL LO, ,YANG DAG PAR ZHUGS PA RNAMS LA PHYAG 'TSAL LO, ,RDO RJE 'DZIN 'KHOR DANG BCAS PA LA PHYAG 'TSAL LO, ,TADYA TH'A, MU NI MU NI, MAH'A MU NI, KI LI KI LI, MAH'A KI LI KI LI, H'I GE, KA tA KA tA KA tA, MAH'A KAtA, SHA MA SHA MA SHA MA, MAH'A SHA MA, SH'A TRI SH'A TRI SH'A TRI, SH'ANTA SH'ANTA SH'ANTA, D'ANTA D'ANTA D'ANTA, DH'I RA DH'I RA DH'I RA, MAH'A ME GH'A DURDHA RA, HA RI HA RI HA RI, KUttI KUttI KUttI, TZTSINDA TZTSINDA TZTSINDA, BHINDA BHINDA BHINDA, SARBBA DUshtA, GU MU GU MU GU MU, HA RA HA RA HA RA, PRA MAm DA MA NI DA MA NI, tA tA tA, th'A th'A th'A, d'A d'A d'A, d'A d'A d'A, TZA TZA TZA, TZA TZA TZA, PA TZA PA TZA PA TZA, DA HA DA HA DA HA, H'Um H'Um H'Um, HE HE HE, PHAt PHAt PHAt, SHA BA RI SHA BA RI SHA BA RI, MA T'Am GI, TZAndA LI, HU HU HU, DZU HU DZU HU DZU HU, HA TA PRA TYARTHA NI, TZI LI TZI LI TZI LI, PHAt PHAt PHAt, TIshthA TIshthA TIshthA, TIshthA THA TIshthA THA TIshthA THA, M'A TI PRA MA THA, M'A T'Am GI, H'Um H'Um H'Um, HE HE HE, GAL TE MI 'DUG NA LAG PA DANG, RKANG PA DANG, KHA DANG, MID PA DANG, MIG DANG, SNYING DANG, NGAG THAMS CAD BCING NGO, ,DPROG GO ,DZVA LA DZVA LA DZVA LA, DUm DHU DUm DHU DUm DHU, BAm DHU BAm DHU BAm DHU BAm DHU, N'I LA N'I LA N'I L'Am GA BADZRA DHA RA, STOBS PO CHE ZHES BYA BA'I SNYING PO DRAN PAR GYIS

388b

SHIG ,KO tI KO tI KO tI NI, SARBA BH'U T'A NI, BADZRA M'A LI, BADZRA DHA RA, BADZRA AAttA H'A SA, TZARTU NARTU MARTU, KU RU KU RU KU RU, HU RU HU RU HU RU, SEMS CAN CHEN PO DRAN BAR GYIS SHIG ,H'Um H'Um H'Um ,HE HE HE; PHAt PHAt PHAt, TZAndA TZAndA TZAndA, MAH'A TZAndA, HU RTU HURTU HURTU, MU RU MU RU MU RU, GRIHnA GRiHnA GRiHnA, BADZRA P'A nI, HA NA HA NA, MA MA SARBBA SHA TR'U n'Am, M'URTI T'A dA YA PHAt, KU RU KU RU KU RU, LAG NA RDO RJE'I LAS DANG 'GAL BAR MA BYED CIG ,DAM TSIG LAS 'GAL BAR BYAS NA, DAM TSIG DRAL BA DANG, DE BZHIN GSHEGS PA'ANG BSLUS PAR 'GYUR RO, ,GSANG SNGAGS KYI GZHI NI, 'DI RNAMS YIN NO, ,TZU TZU TZU, HA RA HA RA, PHAttU PHAttU PHAttU, TA PA NI TA PA NI TA PA NI, PA TZA NI PA TZA NI PA TZA NI, LAG NA RDO RJE'I SNYING PO DE BZHIN GSHEGS PAS BYIN GYIS BRLABS PA DRAN PAR GYIS SHIG ,TZI LI TZI LI TZI LI, PHU LU PHU LU PHU LU, PHU PHU PHU, BCOM LDAN 'DAS GAL TE BDAG GI SNYING PO 'DI DANG 'GAL BAR BGYIS NA, DE BZHIN GSHEGS PAS RAB TU GSUNGS PA'I MTSAMS MED PA LNGA DANG LDAN PAR GYUR CIG ,DA RA PHU, TZA RA PHU, NA RA PHU, RDO RJE 'DZIN 'KHOR DANG BCAS PA LA PHYAG 'TSAL LO, ,BDAG LA GSANG SNGAGS KYI GZHI 'DI RNAMS GRUB PAR GYUR CIG ,SV'AH'A, RDO RJE 'DZIN 'KHOR DANG BCAS PA LA PHYAG 'TSAL LO SV'AH'A, RDO RJE 'DZIN GZI BRJID CHEN PO LA PHYAG 'TSAL LO SV'AH'A, AOm H'Um H'Um H'Um PHAt PHAt PHAt SV'AH'A, DE NAS DE'I TSE DE BZHIN

389a

, ,GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB BA'I 'OD ZER KUN TU 'BAR BA'I SNANG BAS STONG GSUM GYI STONG CHEN PO'I 'JIG RTEN GYI KHAMS LAS 'DAS NAS BDUD KYI KHYIM THAMS CAD KUN TU 'BAR, RAB TU 'BAR, KUN TU RAB TU MCHED CING 'BAR TE ME LCE GCIG TU 'BAR BAR KUN TU SNANG NGO, ,DE LTAR GYUR PA DANG, BDUD SDIG CAN RAL GRI DANG, 'KHOR LO DANG, GZHU DANG, MDA' LA SOGS PA'I MTSON CHA RNAMS LAG NA THOGS TE BGEGS KYI RNAM PAR 'PHRUL PA DU MA BYED DO, ,DE NAS SKAD CIG DE NYID LA BDUD SDIG CAN BDUD KYI RIS KYI LHA'I BU THAMS CAD DANG LHAN CIG TU BDUD KYI RNAM PAR 'PHRUL PA CHEN POS BCOM LDAN 'DAS GA LA BZHUGS PA DER DONG NGO, DE NAS DE LTAR GYUR PA DANG, KHRO BO 'CHOL BA MDOG DMAR PO, SBRANG RTZI LTAR MIG DMAR SER PO, ,MCHE BA GTZIGS PA, MI BZAD PA, SKRA KHAM PA GYEN DU BRDZES PA, LAG PA G-YAS PA NA BE CON THOGS PA, LAG PA G-YON PA NA RDO RJE THOGS PA, SBRUL GYIS BRGYAN PA, STAG LPAGS KYI SHAM THABS BGOS PA, SHAR PHYOGS KYI 'JIG RTEN GYI KHAMS GANG+GA'I KLUNG NYI SHU RTZA GCIG GI BYE MA SNYED 'DAS SHING, DE BZHIN DU LHO DANG, NUB DANG, BYANG GI PHYOGS SU YANG KUN TU SNANG NGO, ,DE NAS BDUD SDIG CAN DANG, BGEGS BYE BA KHRAG KHRIG BRGYA STONG PHRAG

389b

BRGYA KHRO BOR TSOL BAS 'DAR BAR 'GYUR TO, ,BDUD SDIG CAN MYOS SHING GZIR TE PHONGS NAS SROG LA MI LTA BA DANG, GSANG BA PA'I BDAG PO LAG NA RDO RJES ZHAGS PAS BCING PA LNGAS BCINGS SO; ;DE LTAR GYUR PA DANG, DE'I TSE 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED KYI LHA RNAMS KYIS SPOS DANG, ME TOG DANG, RGYAL MTSAN DANG, BA DAN SNA TSOGS LA SOGS PAS BCOM LDAN 'DAS LA CI NUS KYIS MCHOD NAS PHYOGS GCIG TU 'KHOD DO, ,DE NAS BYANG CHUB SEMS DPA' SEMS DPA' CHEN PO GSANG BA PA'I BDAG PO LAG NA RDO RJE SANGS RGYAS THAMS CAD KYIS BSTOD CING BSNGAGS TE MNGON PAR DGA' BAR BYAS NAS BCOM LDAN 'DAS KYIS RJES SU THUGS RANG BA MDZAD PAS SEMS CAN THAMS CAD KYI DON DANG, LHA DANG MI RNAMS KYI DON DANG, PHAN PA DANG, BDE BA'I PHYIR RIG SNGAGS MCHOG GI RGYUD CHEN PO'I NANG NAS DON 'DOD PA THAMS CAD SBYIN PA ZHES BYA BA STOBS DPAG TU MED PAS PHA ROL GNON PA, STOBS PO CHE STOBS CHEN PO'I RIG SNGAGS KYI RGYAL PO ZHES BYA BA'I GSANG SNGAGS KYI GZHI 'DI DAG SMRAS SO, ,GANG LA LA ZHIG 'DZIN TAM, 'CHANG NGAM, KLOG GAM, GZHAN DAG LA YANG RGYA CHER YANG DAG PAR RAB TU STON TAM, BSTI STANG DU BYED DAM, BLA MAR BYED DAM, RIM GROR BYED DAM, MCHOD PAR BYED NA, DKYIL 'KHOR THAMS CAD DU ZHUGS PAR 'GYUR RO, ,PHA ROL GYIS BYAS PA'I GSANG

390a

, ,SNGAGS THAMS CAD BSHIG PA DANG, BCOM PA DANG, BSGYEL BAR YANG 'GYUR RO, ,DE LTAR BCOM LDAN 'DAS RDO RJE 'DZIN GYIS RIG SNGAGS MCHOG GI RGYUD CHEN PO'I NANG NAS 'BYUNG BA SMRAS SO, ,DE NAS GSANG BA PA'I BDAG PO LAG NA RDO RJE BCOM LDAN 'DAS KYIS RJES SU THUGS RANGS PA MDZAD PAS DON 'DOD PA THAMS CAD SBYIN PA ZHES BYA BA STOBS DPAG TU MED PAS PHA ROL GNON PA, STOBS PO CHE'I GSANG SNGAGS KYI GZHI SMRAS PA, AOm BADZRA KRO DHA MAH'A BA LA, HA NA DA HA PA TZA MA THA BI DHVAm SA YA, DZA tI LA BO DA RA, AUTZUshMA KRO DHA H'Um PHAt SV'AH'A, DE NAS BCOM LDAN 'DAS LA GSANG BA PA'I BDAG PO LAG NA RDO RJES 'DI SKAD CES GSOL TO, ,BCOM LDAN 'DAS, RIGS KYI BU'AM RIGS KYI BU MO GANG LA LA ZHIG CHOS KYI RNAM GRANGS 'DI THOS NAS 'DZIN TAM, 'CHANG NGAM, KLOG GAM, GZHAN DAG LA RGYA CHER YANG DAG PAR RAB TU STON TAM, RIM GROR BGYID DAM, MCHOD PAR BGYID NA, DKYIL 'KHOR THAMS CAD DU DBANG BSKUR BAR 'GYUR RO, ,GSANG BA PA'I BDAG PO LAG NA RDO RJES YANG GSOL PA, STOBS PO CHE'I SNYING PO 'DZIN PA LA NI, GNOD SBYIN NAM, GNOD SBYIN GYI BU'AM, SRIN PO'AM, SRIN PO'I BU'AM, GRUL BUM MAM, GRUL BUM GYI BU'AM, NAM MKHA' LDING NGAM, NAM MKHA' LDING GI BU'AM, KLU'AM,

390b

KLU'I BU'AM, DRI ZA'AM, DRI ZA'I BU'AM, SHA ZA'AM, SHA ZA' BU'AM, SMYO BYED DAM, SMYO BYED KYI BU'AM, MKHA' 'GRO 'AM, MKHA' 'GRO'I BU'AM, SGRUB PA'AM, SBRUL 'DZIN BCAS PA LA SOGS PA DANG, BRJED BYED DANG, LUS SRUL PO DANG, RO LANGS LA SOGS PA DANG, GNON PO'I GDON THAMS CAD DANG, BRJED BYED LA SOGS PA'I GDON THAMS CAD KYIS MI TSUGS PAR 'GYUR RO, ,DE NAS BCOM LDAN 'DAS KYIS GSANG BA PA'I BDAG PO LAG NA RDO RJE LA 'DI SKAD CES BKA' STZAL TO, ,GSANG BA PA'I BDAG PO LAG NA RDO RJE LEGS SO LEGS SO, ,STONG PA NYID DO, ,DON DAM PA STONG PA NYID DO, ,PHYI MA'I MTHA' STONG PA NYID DO, ,STONG PA NYID STONG PA NYID DO, ,CHEN PO STONG PA NYID DO, ,DE BZHIN NYID STONG PA NYID DO, ,DE NAS BCOM LDAN 'DAS LA GSANG BA PA'I BDAG PO LAG NA RDO RJES 'DI SKAD CES GSOL TO, ,GANG MDO SDE 'DI RAB TU STON PA DE MCHOD PAR BGYI BA DANG, PHYAG BGYI BA DANG, RIM GROR BGYI BA DANG, BSKOR BAR BGYI BA'I 'OS SU 'GYUR BA LAGS SO, ,DE NAS BCOM LDAN 'DAS LAG NA RDO RJES STOBS DPAG TU MED PAS PHA ROL GNOD PA STOBS PO CHE'I GSANG SNGAGS KYI GZHI SMRAS PA, CHE'I GSANG SNGAGS KYI GZHI SMRAS PA, AOm H'Um H'Um H'Um, AOm H'Um H'Um H'Um, PHAt PHAt PHAt, LAG NA MDUNG RTZE GSUM THOGS PA DRAG SHUL CAN, H'Um H'Um H'Um, PHAt PHAt PHAt, AOm DZYO TA NI RN'A DI, H'Um H'Um H'Um, AOm AOm AOm, PHAt PHAt PHAt, STOBS PO CHE LA SV'AH'A,

391a

, ,AOm RDO RJE KHRO BO STOBS PO CHE, HA NA DA HA BA TZA MA THA BI KI RA, BI DHVA NA SA YA DZA tI LAm BO DA RA, AU TZUshMA KO DHA H'Um PHAt, AOm DZVA LA DZVA LA, SARBBA DUshtAm, STAm BHA YA, STAm BHA YA; DU R'A R'A, DUshtAN NI B'A RA YA, BDAG LA SRUNG SHIG SRUNGS SHIG SV'AH'A, AOm AA NANTA, BI DZA YA, MA H'A TZAndA H'Um PHAt SV'AH'A, AOm DHRi KA H'Um PHAt, AOm SHRI RE YE, SHI RO M'A LI NI, SI NI SI NI; SHI SHI NI SHI SHI NI, AOm SARBBA A'ATMA DZA, MA H'A TE DZA BADZRA, AA SHA NI BADZRA, P'A SHA AA NU, PRA BI SHYA SARBBA DUshtA, STAm BHA YA STAm BHA YA, H'Um PHAt, AOm H'Um BANDHA BANDHA H'Um, AOm AA NANTA, BI DZA YA, MA H'A TZAndE, H'Um PHAt, AOm PHAt PHAt, BADZRA KRODHA H'Um PHAt, AOm BADZRA KA DHA KA RI KA RA KA RA, CTSINDA TZTSINDA, H'Um PHAt, AOm BADZRA KRO DHA MAH'A BA LA DHA KA DHA KA ,DZVA LA DZVA LA H'Um PHAt, AOm BI PU RA RAKshA BADZRA, PRANYDZA RA H'Um PHAt, AOm KI LI KI LI, BADZRA BADZRI BHU RA BANDHA BANDHA H'Um PHAt, AOm BADZRA KRO DHA MAH'A PA LA A'A KARshA YA H'Um PHAt, AOm BADZRA KRO DHA MAH'A BA LA, DA RA DA RA, D'A RA YA D'A RA YA H'Um PHAt, AOm BADZRA KRO DHA MAH'A BA LA, HA NA HA NA, DA RA DA RA, D'A RA YA D'A RA YA, PA tA YA PA tA YA, MO tA YA MO tA YA H'Um PHAt, AOm BADZRA KRO DHA MAH'A BA LA, TA tA TA tA, TA tA YA TA tA YA H'Um PHAt, AOm BADZRA KRO DHA MAH'A BA LA DZVA LA DZVA LA, PRA DZRA LA PRA DZVA LA, DI PYA DA PYI, D'I PA YA D'I PA YA, H'Um PHAt, AOm TZU RU TZU RU, AU TZUshMA KRO DHA, SHI KHA RA HA RA HA RA H'Um PHAt, DKON MCHOG

391b

GSUM LA PHYAG 'TSAL LO, ,GNOD SPYIN GYI SDE DPON CHEN PO LAG NA RDO RJE DRAG BO LA PHYAG 'TSAL LO, ,AOm BADZRA KRO DHA MAH'A TZAndA HA NA DA HA PA TZA MA THA BI KI RA BI DHVA NA SA YA, BCOM LDAN 'DAS TSUR GSHEGS, TSUR GSHEGS, HA NA HA NA, HA RA HA RA, DA HA DA HA, PA TZA PA TZA, BI DHVA NA SA YA, BI DHVA NA SA YA, LHA DANG LHA MA YIN GYI BDAG POS MCHOD PA THAMS CAD KYI BDAG NYID LAS SKYES PA, GZI BRJID CHEN PO, SU RU SU RU, MU RU MU RU, KU RU KU RU, GHU RU GHU RU, KURBBA KURBBA, MAH'A KURBA, BI KURBA, KU NAttI, KU NAttI, NA tI NA tI, SHI NI SHI NI, KHI NI KHI NI, KHA KHA, KH'A HI KH'A HI, KU RU KU RU, TU tA TU tA, TUttA TUttA, TRAttA TRAttA, TU RU TU RU, 'BYUNG PO'I BDAG PO, KLU'I BDAG PO, LHA MA YIN GYI GRONG KHYER RNAM PAR 'JOMS PAR BYED PA KHRO BO 'CHOL PA STOBS PO CHE, DHA MA DHA MA, KA RA KA RA, KU RU KU RU, SU RU SU RU, H'Um PHAt, HA NA HA NA H'Um PHAt, DA HA DA HA H'Um PHAt, PA TZA PA TZA H'Um PHAt, HR'i:H'Um H'Um H'Um, PHAt PHAt PHAt PHAt SV'AH'A, AOm TZU LU TZU LU SV'AH'A, AOm BADZRA KRO DHA MAH'A BA LA SARBBA DUshPAm, STAm BHA YA STAm BHA YA, MO HA YA MO HA YA H'Um PHAt, AOm HA HA, SA RA SA RA, BI SA RA BI SA RA, GH'A TA YA GH'A TA YA, AOm BI SA RA, SAm TR'A SA YA H'Um, AOm BADZRA KRO DHA MAH'A BA LA; HA RA HA RA, KHA KHA, KH'A HI KH'A HI, N'A SHA YA N'A SHA YA H'Um PHAt, H'Um H'Um, M'A M'A, MA MA PHAt, AOm DHi KA KRO DHA NA, BDAG LA SRUNGS SHIG SRUNGS SHIG SV'AH'A, AOm MAH'A BA LA BADZRA DHA RA, KA RA KA RA,

392a

, ,BANDHA BANDHA H'Um PHAt SV'AH'A, AOm DZVA LA GRA SA AU TZUshMA S'A GA RA H'Um, RDO RJE'I PHO NYA MO DRUG CU RTZA BZHI PO DE DAG KYANG SRUNG BA DANG, YONGS SU SRUNG BA DANG, SKYOB PA DANG, SBED PAR BYED PAR 'GYUR RO, ,LAG NA RDO RJES SMRAS PA, GANG GZUNGS 'DI 'CHANG BA NI, DGE BAR 'GYUR, DUG MI GNOD PAR 'GYUR, SHI BA SOS PAR BYED PAR 'GYUR, DGRA RNAMS KYIS MI TSUGS PAR 'GYUR, BU MANG BAR 'GYUR RO, ,SA PHYOGS KYANG 'GAS PAR 'GYUR RO, ,GSANG SNGAGS THAMS CAD 'GRUB PAR 'GYUR RO, ,LAS THAMS CAD KYANG NUS PAR 'GYUR RO, ,GDUG PAS ZIN PA RNAMS LA NI, SKYOR CHUS 'TSO BAR 'GYUR RO, ,DUG THAMS CAD KYANG DUG MA YIN PAR BYED PAR 'GYUR RO, ,MNGAL NA GNAS PA'I KHYE'U DANG, BU MO YANG BDE BAR BTZAS PAR 'GYUR RO, ,MDO SDE 'DI ZHAG GSUM BCANGS NA, RGYAS PAR 'GYUR RO, ,ZHAG BDUN BCANGS NA, ZHIB CHEN POR 'GYUR RO, ,DE NAS 'BYUNG PO'I BDAG PO DBANG BDAG RIG SNGAGS 'CHANG BYE BA PHRAG DU MAS BSKOR BA 'KHOR GYI DKYIL 'KHOR DE NAS LANGS TE BYANG CHUB SEMS DPA' SEMS DPA' CHEN PO GSANG BA PA'I BDAG PO LAG NA RDO RJE'I RKANG PA LA MGO BOS PHYAG 'TSAL TE BYANG CHUB SEMS DPA' SEMS DPA' CHEN PO LAG NA RDO RJE LA 'DI SKAD CES SMRAS SO, ,STOBS PO CHE'I BSTAN PA THOGS PA MED PA DANG, STOBS

392b

DPAG TU MED PAS PHA ROL GNON PA, LAG NA RDO RJE DGA' BA, LHA DANG, MI DANG, LHA MA YIN DANG, TSANGS PA'I DBANG POS PHYAG BYAS PA, GNOD SBYIN DANG, SRIN PO DANG, RO LANGS DANG, LUS SRUL PO 'JIGS PAR BYED PA, SMYO BYED DANG, SKROD PA DANG, GSOD PA DANG, SKEM BYED DANG, SGO GLEGS DANG, 'KHRUL 'KHOR DANG, GTAN PA DANG, RDO RJES RNAM PAR 'JOMS PA LAS THAMS CAD BYED PA, DKYIL 'KHOR GSANG BA DANG BCAS PA, BYANG CHUB SEMS DPA' SEMS DPA' CHEN POS BSHAD DU GSOL, DE NAS THAMS CAD DANG LDAN PA'I 'KHOR GYIS 'BYUNG PO'I BDAG PO DBANG BDAG LA 'BYUNG PO'I BDAG PO LEGS SO, ,LEGS SO ZHES BYA BA BYIN NO, ,DE NAS BCOM LDAN 'DAS KYIS RDO RJE SBAR TE, RDO RJE LA BZHUGS PA'I TSUL GYIS BZHUGS NAS 'KHOR GYI DKYIL 'KHOR LA RNAM PAR GZIGS NAS RDO RJE MI BZAD PA KHRO BO CHEN PO BDUD KYI DKYIL 'KHOR THAMS CAD RNAM PAR 'JOMS PAR BYED PA ZHES BYA BA'I TING NGE 'DZIN DANG, SEMS CAN THAMS CAD LA CHER SNYING RJE BA ZHES BYA BA'I TING NGE 'DZIN DANG, 'OD ZER 'BAR BA'I SNANG BA ZHES BYA BA'I TING NGE 'DZIN DANG, CHOS THAMS CAD KYI DGA' BA KUN TU STON BA ZHES BYA BA'I TING NGE 'DZIN DANG, BDUD THAMS CAD KYI YUL 'JOMS PA ZHES BYA BA'I TING NGE 'DZIN DANG, PHYAG RGYA'I MTSAN NYID CES BYA BA'I TING NGE 'DZIN DANG, SEMS CAN THAMS CAD KYI YUL ZHES BYA BA'I

393a

, ,TING NGE 'DZIN DANG, MI G-YO BA ZHES BYA BA'I TING NGE 'DZIN DANG, CHOS KYI SKU ZHES BYA BA'I TING NGE 'DZIN DANG, CHOS KYI SGO ZHES BYA BA'I TING NGE 'DZIN DANG, STOBS PO CHE ZHES BYA BA'I TING NGE 'DZIN TO, ,DE NAS BCOM LDAN 'DAS LAG NA RDO RJES SDOM BAG CAN DU RDO RJE SBAR TE, DE NAS RDO RJE PADMA LA GNAS BA'I TSUL GYIS GNAS TE THAMS CAD DANG LDAN PA'I 'KHOR GYI DKYIL 'KHOR LA RNAM PAR BLTAS NAS RDO RJE MI BZAD PA KHRO BO 'CHOL PA LUS SBRUL GYI SKA RAGS KYIS BRGYAN PA DGA' BAR BYED PA ZHES BYA BA'I TING NGE 'DZIN LA SNYOMS PAR ZHUGS SO, ,ZHUGS MA THAG TU KHRO BO 'CHOL PAS BGEGS BYE BA BRGYA STONG PHRAG DU MA 'DAR TE GZIR BAR BDAG NYID KYIS MTHONG NGO, ,DE DAG TSIG NAS SMRE ZHING SROG BTANG STE, SREG PA'I BSKAL PA SNYAM DU SEMS SHING NYAM THAG PA'I SKRAD KYIS DUS TE, BYANG CHUB SEMS DPA' LAG NA RDO RJE'I GAN DU SON NAS BCOM LDAN 'DAS, YONGS SU BSKYAB TU GSOL, BYANG CHUB SEMS DPA', YONGS SU BSKYAB TU GSOL, BCOM LDAN 'DAS, BDAG CAG NI, BCOM LDAN 'DAS KYIS KHRO BO 'CHOL PAS GZIR CING MYOS TE 'PHONGS NAS SROG LA YANG MI BLTA'O, ,DE NAS BYANG CHUB SEMS DPA' SEMS DPA' CHEN PO LAG NA RDO RJE TING NGE 'DZIN DE LAS LANGS TE BDUD KYI DKYIL 'KHOR THAMS CAD LA SMRAS PA, KYE

393b

MA'O KHRO BO CHEN PO 'DI NI, RDZU 'PHRUL CHE BA'O, ,MTHU CHE BA'O, ,DE DAG GIS 'DI SKAD CES SMRAS SO, ,BCOM LDAN 'DAS, DE DE BZHIN TE, KYE MA'O KHRO BO CHEN PO 'DI NI, RDZU 'PHRUL CHE BA'O, , MTHU CHE BA'O, ,DE NAS BCOM LDAN 'DAS BYANG CHUB SEMS DPA' SEMS DPA' CHEN PO LAG NA RDO RJE SENG+GE'I LTA STANGS KYIS BLTAS NAS 'BYUNG PO'I BDAG PO KHRO BO 'CHOL BA'I DKYIL 'KHOR GSANG BA DANG BCAS PA SMRAS PA, AOm BADZRA KRO DHA MAH'A BA LA HA NA DA HA PA TZA MA THA BI DHVA NA SA YA, DZA tI LAm BO DHA RA, AU TZUshMA KRO DHA H'Um PHAt, AA AA MO MO SV'AH'A, GROGS PO DAG ,GANG LA LA ZHIG KHRO BO STOBS PO CHE 'DI'I DKYIL 'KHOR DU ZHUGS NA, DE'I DON THAMS CAD 'GRUB PAR 'GYUR RO, ,DUS MA YIN PAR 'CHI BAS DUS BYED PAR MI 'GYUR RO, ,DE'I LUS LA DRAG PO'I LAS DANG, NAD THAMS CAD KYIS MI TSUGS PAR 'GYUR RO, ,DE LA BGEGS DANG, MI DANG, RNAM PAR LOG 'DREN GYIS GLAGS RNYED PAR MI 'GYUR RO, ,SKYE BO THAMS CAD DGA' BAR 'GYUR RO, ,DGRA THAMS CAD MED PAR 'GYUR RO, ,'DIR ZHUGS NA, GSANG SNGAGS THAMS CAD 'GRUB PAR 'GYUR RO, ,KHRO BO THAMS CAD KYI CHO GA YANG LHUN GYIS GRUB PA NYID DU 'GRUB PAR 'GYUR RO, ,'DIR DBANG BSKUR NA, BKRA MI SHIS PA THAMS CAD LAS RNAM PAR GROL BAR 'GYUR RO, ,DPAL GYI BYIN GYIS BRLABS PAR 'GYUR RO, ,DE NAS KHRO BO CHEN PO LAN

394a

, ,KHRIS SNGAR SPYAD PAR BYAS TE KHRO BO CHEN PO'I DKYIL 'KHOR BYED PA, BYAS PA GZO BA, RGYUD SHES PA, GSO SBYONG GI YAN LAG BRGYAD DANG LDAN PA, GSUM LA SKYABS SU DONG BA, BYANG CHUB KYI SEMS DANG LDAN PA, BYAMS PA'I SEMS DANG LDAN PA, SNYING RJE CAN DU GYUR PA, DKYIL 'KHOR MTHONG BA, DBANG BSKUR BA, BLA MA RNAMS KYI LUNG BYIN PA, GANG BDUD THAMS CAD DANG, SDANG BA'I SEMS RNAM PAR 'JIGS PAR BYED PA, RIG SNGAGS KYI RGYAL PO STOBS PO CHE ZHES BYA BA 'DI 'CHANG BA DANG, KLOG PA DE BDUD DANG, DGRA THAMS CAD KYIS MI TSUGS PAR 'GYUR RO, ,GNOD SBYIN DANG, SRIN PO DANG, YI DVAGS DANG, SHA ZA DANG, LUS SRUL PO DANG, MKHA' 'GRO DANG, BRJED BYED DANG, SGRUB PA DANG, SBRUL 'DZIN BCAS PA LA SOGS PA THAMS CAD DANG, 'JIGS PA THAMS CAD LAS THAR BAR 'GYUR RO, ,DUS MA YIN PAR 'CHI BA THAMS CAD LAS THAR PAR 'GYUR RO, ,GSOD PA DANG, BCING BA THAMS CAD LAS THAR PAR 'GYUR RO, ,BCAD PA THAMS CAD LAS THAR BAR 'GYUR RO, ,RMUGS BYED DANG, RENGS BYED DANG, RMONGS BYED LA SOGS PA'I 'JIGS PA THAMS CAD LAS THAR PAR 'GYUR RO, ,KLU'I 'JIGS PA THAMS CAD LAS THAR PAR 'GYUR RO, ,BKRA MI SHIS PA THAMS CAD LAS THAR PAR 'GYUR RO, ,SEMS CAN DBUL PO GANG LA LA ZHIG CHOS KYI

394b

RNAM GRANGS 'DI DUS GSUM DU 'CHANG NGAM, KLOG GAM, YID LA BYED DAM, RJES SU DRAN PAR BYED NA, DBUL BA'I SDUG BSNGAL THAMS CAD LAS THAR PAR 'GYUR RO, ,LO NYES PA BYUNG BA'I TSE STOBS PO CHE LAN BDUN BKLAGS NA, SPRIN CHEN PO LAS CHAR 'BAB BO, ,GAL TE CHAR MI 'BAB NA, SPRIN GYI LHA RNAMS KYI SROG BSKAMS BAR 'GYUR RO, ,KLU'I RGYAL PO NAG PO DANG, KLU'I RGYAL PO 'KHOR LO DANG, KLU'I RGYAL PO MTHA' YAS LA SOGS PA KLU'I RGYAL PO RNAMS KYIS SPRIN CHEN PO LAS CHAR 'BEBS SO, ,GAL TE CHAR MI 'BEBS NA, SROG BSKAMS PAR 'GYUR RO, ,GONG DU SMOS PA'I CHO GA BZHIN DU PHYOGS KYI CHA'AM, RLUNG GI NGOGS SAM, RGYA MTSO'I 'GRAM MAM, MCHOD RTEN GYI GNAS SU BYANG CHUB SEMS DPA' SEMS DPA' CHEN PO LAG NA RDO RJE LA MCHOD PA CHEN PO BYAS TE TZANDAN DMAR PO DANG, KA RA B'I RA'I ME TOG DANG, PADMA DMAR PO DANG, AA TI MUKTA KA'I ME TOG DANG, RGYAL MTSAN DANG, BA DAN DMAR PO LA SOGS PA'AM, BUM PA SPOS CHUS BKANG BA LA SOGS PAS MCHOD PA BYAS TE, GANG MDO SDE 'DI 'CHANG BA DANG, KLOG PA DE DAG G-YUL NGO THAMS CAD DU ZHUGS KYANG PHA ROL GYIS MI TSUGS PAR 'GYUR RO; ;SEMS CAN THAMS CAD DGA' BAR 'GYUR RO, ,BKRA MI SHIS PA THAMS CAD LAS RNAM PAR GROL BAR 'GYUR RO, ,STOBS PO CHE RGYAL MTSAN GYI RTZE MO LA BTAGS TE G-YUL

395a

, ,NGOR SONG NA, PHA ROL GYIS MI TSUGS PAR 'GYUR RO, ,GSANG SNGAGS GRO GA LA BRIS TE SPYI BOR BTAGS NA, G-YUL NGOR MTSON CHA RNAMS ME TOG BZHIN DU LTUNG BAR 'GYUR RO, ,DE NAS BDUD DES BCOM LDAN 'DAS LA LAN GSUM BSKOR BA BYAS TE PHYOGS GCIG TU 'DUG NAS STOBS PO CHE ZHES BGYI BA CI LAGS ZHES GSOL PA DANG, BCOM LDAN 'DAS KYIS BKA' STZAL PA, STOBS PO CHE ZHES BYA BA NI, DE BZHIN GSHEGS PA'O, ,STOBS PO CHE ZHES BYA BA NI, CHOS SO, ,STOBS PO CHE ZHES BYA BA NI; CHOS KYI PHUNG PO'O, ,STOBS PO CHE ZHES BYA BA NI, CHOS KYI TSUL LO, ,STOBS PO CHE ZHES BYA BA NI, THEG PA CHEN PO'O, ,STOBS PO CHE ZHES BYA BA NI, LAG NA RDO RJE'O, ,DE NAS BDUD SDIG CAN GYIS SMRAS PA, GSANG BA PA'I BDAG PO LAG NA RDO RJE LEGS SO LEGS SO, ,SKYABS SU MCHI'O, ,SANGS RGYAS DANG, CHOS DANG, DGE 'DUN LA SKYABS SU MCHI'O, ,BCOM LDAN 'DAS, LEGS SO LEGS SO, ,DGE BSNYEN GYI YAN LAG GZUNG BAR BGYI'O, ,BDE DANG THAR DANG MTHO RIS DANG, MKHAS PA DAG DANG SEMS CAN NI, , DAM PA KUN LA PHAN PA'I PHYIR, ,STOBS PO CHE NI GZUNG BAR BGYI, ,DE NAS BDUD SDIG CAN CHOS LA 'GA' ZHING YID BDE BA DANG RANGS PA GZIGS NAS BCOM LDAN 'DAS KYIS

395b

'DI SKAD CES BKA' STZAL TO, ,RIG SNGAGS KYI RGYAL PO STOBS PO CHE'I MDO SDE 'DI NI, SEMS CAN DMYAL BA DANG, DUD 'GRO DANG, YI DVAGS DANG, GSHIN RJE'I 'JIG RTEN GYI SDUG BSNGAL LAS THAR PAR BYED PA'O, ,DE BSKAL PA STONG PHRAG NYI SHUR LHA'I RGYAL PO BYED PAR 'GYUR RO, ,BSKAL PA MTHA' YAS PAR GLING BZHI LA DBANG PA'I 'KHOR LOS BSGYUR BAR 'GYUR RO; ;BLA NA MED PA YANG DAG PAR RDZOGS PA'I BYANG CHUB LA 'JOG PAR BYED DO, ,RIG SNGAGS KYI RGYAL PO STOBS PO CHE'I SNYING PO 'DI NI, GTZANG SBRA CAN NAM, GTZANG SBRA MED PA'AM, SMYUNG BAR BYAS PA'AM, SMYUNG BAR MA BYAS PA'AM, 'KHRIG PA'I CHOS LA STEN PA LA'ANG 'GRUB PAR BYED DO, ,DE LA BAR CHAD DU MI 'GYUR RO, ,DE NAS RAB 'BYOR 'KHOR DE NYID NA 'DUG PAR GYUR PAS; BCOM LDAN 'DAS, RIG SNGAGS KYI RGYAL PO STOBS PO CHE JI LTAR GZUNG BAR BGYI, DAM PA NI, CI ZHIG STZOL CES GSOL PA DANG, BCOM LDAN 'DAS KYIS BKA' STZAL PA; LAG NA RDO RJE LA DRI BA DRIS SHIG ,RAB 'BYOR GYIS SMRAS PA, LAG NA RDO RJE, RIG SNGAGS KYI RGYAL PO STOBS PO CHE JI LTAR GZUNG BAR BGYI, DAM PA NI, CI ZHIG SBYIN PAR BGYI, LAG NA RDO RJES SMRAS PA, 'BRU SBYIN PAR BYED DO, ,GOS SBYIN PAR BYED DO, ,DNGUL SBYIN PAR BYED DO, ,GSER SBYIN PAR BYED DO, ,BA LANG SBYIN PAR BYED DO, ,DAM PA GANG 'DOD PA'I DAM PA DE SBYIN

396a

, ,PAR BYED DO, ,RAB 'BYOR GYIS SMRAS PA, CI'I 'BRAS BU ZHES BYA BA'AM, LAG NA RDO RJES SMRAS PA, RAB 'BYOR, DE DE BZHIN TE, SEMS CAN NYON MONGS PAS BSGRIBS PA RNAMS NI, 'BRAS BU'I DUS SU GNAS SO, ,'BRAS BU'I DUS KYI YON TAN GYI DON DU GNAS SO, ,YON TAN GYI DON GYIS BLA NA MED PA YANG DAG PAR RDZOGS PA'I BYANG CHUB KYI LAM LA 'JOG PAR BYED DO, ,RAB 'BYOR GYIS SMRAS PA, LAG NA RDO RJE LEGS SO LEGS SO, ,GSANG BA'I MTSAN NYID LDAN PA STE, ,STOBS PO CHE NI SHES RAB LDAN, , GSANG BA'I MTSAN NYID PHUN SUM TSOGS, ,SPYI NAS DBANG BSKUR YID KYANG GZHUNGS, ,MTSAN DANG YANG DAG LDAN PA STE, ,SBYIN DANG TSUL KHRIMS SHES RAB CHE, ,RDZU 'PHRUL CHE ZHING STOBS KYANG CHE, ,DBANG CHER GRAGS SHING BSOD NAMS CHE, ,YON TAN RTZE MO STOBS PO CHE, ,MDO SDE 'DI LA DBANG BSKUR PHYIR, ,SANGS RGYAS BRGYAD STONG DER GSHEGS SO, ,BYANG CHUB SEMS DPA' LAG NA RDO RJES MDO SDE 'DI NYID KYIS MI 'JIGS PA'I LAG PA SPYI BOR BZHAG STE DGE BA BYED PAR 'GYUR RO, ,GANG GIS GZUNGS 'DI SA'AM, RI'AM, KLUNG GI DOGS SAM, RGYA MTSO'I 'GRAM DU BCANGS NA, 'JIGS PA THAMS CAD KYIS 'JIGS PA MED PAR 'GYUR RO, ,DE NAS BCOM LDAN 'DAS LA BYANG CHUB SEMS DPA' LAG NA RDO

396b

RJES 'DI SKAD CES GSOL TO, ,SU MDO SDE 'DI 'CHANG BA DANG, KLOG PA DANG, GZHAN DAG LA YANG RGYA CHER YANG DAG PAR RAB TU STON PA DE BRO NAD MA MCHIS PAR LO BRGYA 'TSO BAR 'GYUR RO; ;LAG NA RDO RJES YANG GSOL PA, CHOS KYI RNAM GRANGS 'DI'I MING CI LAGS, 'DI JI LTAR GZUNG BAR BGYI, BCOM LDAN 'DAS KYIS BKA' STZAL BA, MDO SDE 'DI NI, DE BZHIN GSHEGS PA'I SPRUL PA ZHES BYA BAR ZUNGS SHIG ,CHOS KYI NYI MA ZHES BYA BAR YANG ZUNGS SHIG ,CHOS KYI ZLA BA ZHES BYA BAR YANG ZUNGS SHIG ,DON THAMS CAD GRUB PA CES BYA BAR YANG ZUNGS SHIG ,DE BZHIN GSHEGS PA THAMS CAD KYI CHOS KYI SPRIN CES BYA BAR YANG ZUNGS SHIG ,SDIG PA THAMS CAD BYANG BAR BYED PA'I GZUNGS SNGAGS ZHES BYA BAR YANG ZUNGS SHIG ,RIG SNGAGS 'CHANG THAMS CAD GRUB PA'I RGYAL PO ZHES BYA BAR YANG ZUNGS SHIG ,SHES RAB KYI PHA ROL TU PHYIN PA ZHES BYA BAR YANG ZUNGS SHIG ,CHOS KYI DBYINGS DE BZHIN GSHEGS PA THAMS CAD KYI SNGON DU 'GRO BA ZHES BYA BAR YANG ZUNGS SHIG ,RIG SNGAGS KYI RGYAL PO STOBS PO CHE ZHES BYA BAR YANG ZUNGS SHIG ,GSANG BA PA'I BDAG PO LAG NA RDO RJE, SU MDO SDE 'DI 'DZIN PA DANG, 'CHANG BA DANG, KLOG PA DANG, YI GER 'BRIR 'JUG PA DANG, BSTI STANG DU BYED PA DANG, BLA MAR BYED PA DANG, RIM GROR BYED PA DANG, MCHOD PAR BYED PA DES 'DAS PA DANG, MA

397a

, ,'ONGS PA DANG, DA LTAR BYUNG BA'I SANGS RGYAS DANG, BYANG CHUB SEMS DPA' RNAMS LA MCHOD PA BYAS PAR 'GYUR RO, ,'DAS PA DANG, MA 'ONGS PA DANG, DA LTAR BYUNG BA RNAMS KYIS MCHOD RTEN SKU GDUNG DANG BCAS PA LA MCHOD PAR BYAS PAR 'GYUR RO, ,LAG NA RDO RJES GSOL PA, BCOM LDAN 'DAS, LEGS SO LEGS SO, ,SHIN TU ZAB PA'I CHOS BSTAN PA DANG, CHO 'PHRUL GYI YON TAN GYI RGYAN GYI CHOS BSTAN PA GZUNG BAR BGYI'O, ,BCOM LDAN 'DAS KYIS BKA' STZAL PA, LAG NA RDO RJE, RIGS KYI BU'AM, RIGS KYI BU GANG MDO SDE 'DI 'CHANG BA DE LA SDANG BA'I SEMS CAN RNAMS CHU 'GRAM GYI SHING LTAR MA RUNGS PAR 'GYUR RO, ,SPOS DANG, ME TOG DANG, BDUG PA DANG, RGYAL MTSAN DANG, BA DAN SNA TSOGS LA SOGS PAS MCHOD PA BYAS NA, BSOD NAMS KYI PHUNG PO DPAG TU MED PA DANG LDAN PAR 'GYUR RO, ,DE LA BAR CHOD MI 'BYUNG BAR 'GYUR RO, ,MDO SDE 'DI GNAS GANG YANG RUNG BA NA 'CHANG NA; LHA DANG, MIR BCAS PAS MCHOD PA BYED PAR 'GYUR RO, ,RIG SNGAGS KYI RGYAL PO STOBS PO CHE BGEGS DANG, RNAM PAR LOG 'DREN THAMS CAD 'CHING BA YID LA BYED NA, SANGS RGYAS BRGYAD STONG DANG, BYANG CHUB SEMS DPA' SEMS DPA' CHEN PO RNAMS DANG, DRANG SRONG CHEN PO RNAMS DANG, LHA DANG, KLU DANG, DRI ZAR BCAS PA RNAMS DGYES DGA'O, ,STOBS PO

397b

CHE'I GZUNGS SNGAGS 'DI LA DGYES PA'I DUS KYI TSE DE BZHIN GSHEGS PA SH'AKYA THUB PAS 'DI SKAD CES BKA' STZAL TO, ,GSANG BA PA'I BDAG PO LAG NA RDO RJE, SU MDO SDE LA GUS PAR MI BYED PA DE DAG SEMS CAN DMYAL BA CHEN PO BRGYAD PO DAG TU SKYE BAR 'GYUR RO, ,GSANG BA PA'I BDAG PO LAG NA RDO RJE, SU MDO SDE 'DI LA GUS PAR BYED PA DANG, RIM GRO BYED PA DANG, MCHOD PA BYED PA DE BSOD NAMS KYI PHUNG PO DPAG TU MED PA DANG LDAN PAR 'GYUR RO, ,YI GE 'BRI'AM TSIG MNYAN NA, PHYIR MI LDOG PA'I BYANG CHUB KYI LAM THOB PAR 'GYUR RO, ,LAG NA RDO RJES GSOL PA, THUB PA'I CHOS BSAM GYIS MI KHYAB PA, SHIN TU PHRA BA, SHIN TU ZAB PA, BSAM GYIS MI KHYAB PA LA SEMS CAN RNAMS KYI NANG NAS GANG LOG PAR SEMS PA DE MYOS PAR 'GYUR RO, ,BCOM LDAN 'DAS KYIS BKA' STZAL PA, GSANG BA PA'I BDAG PO LAG NA RDO RJE, SEMS CAN RNAMS KYI DON GYI PHYIR MDO SDE 'DI BSHAD PAR BYA'O, ,SEMS CAN THAMS CAD KYI SGRIB PA BSAL BA DANG, ZHI BAR BYA BA DANG, RGYAS PAR BYA BA DANG, DBANG BSKUR BA DANG, BKRA MI SHIS PA THAMS CAD LAS THAR PAR BYA BA DANG, DPAL GYIS BYIN GYIS BRLAB PAR BYA BA DANG, SDIG PA THAMS CAD BYANG BAR BYA BA DANG, SEMS CAN THAMS CAD BLA NA MED PA YANG DAG PAR RDZOGS PAR BYANG CHUB PAR BYA BA'I PHYIR BSHAD PAR BYA'O, ,DE'I PHYIR DE BZHIN

398a

, ,GSHEGS PA BRGYA STONG DANG BAR MDZAD NAS DE BZHIN GSHEGS PA SH'AKYA THUB PA LA LAN GSUM BSKOR BA MDZAD DE THAL MO SBYAR NAS LEGS PAR RAB TU BSHAD PA LEGS SO ZHES MNGON PAR DGYES PAR MDZAD DO, ,DE BZHIN GSHEGS PA SH'AKYA THUB PAS SANGS RGYAS DE DAG LA SLAR GSUNGS PA, BCOM LDAN 'DAS DAG ,LEGS PAR RAB TU BSHAD PA LEGS SO LEGS SO, ,BCOM LDAN 'DAS KYIS BKA' STZAL PA, STOBS PO CHE'I GSANG BA'I CHOS BSTAN PA 'DI'I MTHUS BYANG CHUB SEMS DPA' LAG NA RDO RJES SDANG BA BGEGS DANG, RNAM PAR LOG 'DREN THAMS CAD KYI SNYING 'DAR ZHING 'GUL BAR MTHONG NGO, ,DKON MCHOG GSUM LA PHYAG 'TSAL LO, ,GNOD SBYIN GYI SDE DPON CHEN PO LAG NA RDO RJE DRAG PO LA PHYAG 'TSAL LO, ,TADYA TH'A, AOm HA NA HA NA BADZRA BADZRA, DA HA DA HA BADZRA, PA TZA PA TZA BADZRA, MA THA MA THA BADZRA, DZVA LA DZVA LA, SU RU SU RU, MU RU MU RU, KA tE KA tE, DZA YE BI DZA YE, AA DZI TE, AA PA RA DZ'I TE, MA RA SEE N+YA PRA MARDA NI YA SV'AH'A, BCOM LDAN 'DAS KYIS BKA' STZAL PA, GSANG BA PA'I BDAG PO LAG NA RDO RJE, RNAM PAR LOG 'DREN THAMS CAD SDIGS SHIG ,CHINGS SHIG ,RNAM PAR CHONGS SHIG ,MA GRUB PA RNAMS GRUB PAR GYIS SHIG ,GRUB PA RNAMS DUL BAR GYIS SHIG ,SANGS RGYAS DANG, BYANG CHUB SEMS DPA'

398b

THAMS CAD 'BAB PAR GYIS SHIG ,LHA DANG, KLU THAMS CAD TSUR SHOG TSUR SHOG ,NGAS STOBS PO CHE KHRO BO'I MTHUS DGE BAR BYA'O, ,DE NAS 'JAM DPAL GZHON NUR GYUR PA STAN LAS LANGS NAS BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, 'DU BYED THAMS CAD KYI MI RTAG PA'I MTSAN NYID JI LTA BU LAGS, BCOM LDAN 'DAS KYIS BKA' STZAL PA, BYANG CHUB SEMS DPA' 'JAM DPAL GZHON NUR GYUR PA NYON CIG ,'DU BYED THAMS CAD NI, DRI ZA'I GRONG KHYER DANG 'DRA'O, ,'DU BYED THAMS CAD NI, GLOG DANG SPRIN DANG 'DRA'O, ,'DU BYED THAMS CAD NI, KHYIM DANG, DBU BA DANG 'DRA'O, ,'DU BYED THAMS CAD NI, MAR ME DANG 'DRA'O, ,'DU BYED THAMS CAD NI, CHU'I CHU BUR DANG 'DRA'O, ,'DU BYED THAMS CAD NI, CHU SHING DANG 'DRA'O, ,'DU BYED THAMS CAD NI, RI MO'I RNAM PA DANG 'DRA'O, ,'DU BYED THAMS CAD NI, ME TOG DANG 'DRA'O, ,'DU BYED THAMS CAD NI, RMI LAM DANG 'DRA'O, ,'DU BYED 'DI DAG NI, BDE BA DANG SDUG BSNGAL GYI 'KHOR LO DANG 'DRA'O, ,'DU BYED 'DI DAG NI, BDE BA DANG, SDUG BSNGAL GYI KLUNG DANG 'DRA'O, ,'KHRUG PAR 'GYUR BAS RGYA MTSO DANG 'DRA'O, ,SKAR MA DANG 'DRA'O, ,SEMS CAN RNAMS NI,

399a

, ,'DU BYED 'DI DAG SKYE BAR MI SEMS, MI MTHONG, MI SHES, MI 'JAL GYI, DE BZHIN GSHEGS PA NYID KYIS GZIGS SO, ,DE BZHIN GSHEGS PA NYID KYIS 'JAL LO, ,DE BZHIN GSHEGS PA NYID KYIS MKHYEN TO, ,'DU BYED THAMS CAD NI, STONG PA NYID DU MTSAN NYID GCIG PAR MKHYEN TO, ,DON DAM PA STONG PA NYID KYI MTSAN NYID DU MKHYEN TO, ,MTHA' LAS 'DAS PA STONG PA NYID KYI MTSAN NYID DU MKHYEN TO, ,STONG PA NYID STONG PA NYID KYI MTSAN NYID DU MKHYEN TO, ,CHEN PO STONG PA NYID KYI MTSAN NYID DU MKHYEN TO, ,DE BZHIN NYID STONG PA NYID KYI MTSAN NYID DU MKHYEN TO, ,'JAM DPAL GZHON NUR GYUR PA, MTSAN NYID 'DI NYID MTHONG ZHING MTSAN NYID 'DI SHES TE SPYOD PA'I BYANG CHUB SEMS DPA' RNAMS NI, SBYIN PA'I PHA ROL TU PHYIN PA LA SPYOD DO, ,DE BZHIN DU TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI PHA ROL TU PHYIN PA LA SPYOD DO, ,MTSAN NYID 'DI NYID SHES PA NI, BYANG CHUB SEMS DPA' ZHES BYA'O, ,DE NAS BYANG CHUB SEMS DPA' SEMS DPA' CHEN PO 'PHAGS PA SPYAN RAS GZIGS DBANG PHYUG GIS BCOM LDAN 'DAS LA LAN GSUM BSKOR BA BYAS NAS PHYOGS GCIG TU 'DUG STE 'DI SKAD CES GSOL TO, ,BCOM LDAN 'DAS, MDO SDE 'DI

399b

MCHAN NYID GANG GIS NI, JI LTAR DE BZHIN GSHEGS PA'I SPRUL PA ZHES BGYI, BCOM LDAN 'DAS KYIS BKA' STZAL PA, 'PHAGS PA SPYAN RAS GZIGS DBANG PHYUG ,DE BZHIN GSHEGS PA YONGS SU MYA NGAN LAS 'DAS PA'I DUS KYI TSE DE BZHIN GSHEGS PA'I LAS RNAMS BYED PAR 'GYUR RO, ,MTSAN NYID DES NA, DE BZHIN GSHEGS PA'I SPRUL PA ZHES BYA'O, ,MDO SDE 'DI YONGS SU NUB PA'I TSE DE BZHIN GSHEGS PA'I BSTAN PA YONGS SU NUB PAR 'GYUR TE, MTSAN NYID DES NA, DE BZHIN GSHEGS PA'I SPRUL PA ZHES BYA'O, ,MDO SDE 'DI 'TSO ZHING SDOD NA, DE BZHIN GSHEGS PA'I BSTAN PA YANG 'TSO ZHING SDOD DE, MTSAN NYID DES NA, DE BZHIN GSHEGS PA'I SPRUL PA ZHES BYA'O, ,DE BZHIN GSHEGS PA THAMS CAD KYANG MDO SDE 'DI NYID LA PHYAG 'TSAL TE, MTSAN NYID DES NA, DE BZHIN GSHEGS PA'I SPRUL PA ZHES BYA'O, ,DE NAS 'PHAGS PA SPYAN RAS GZIGS DBANG PHYUG GIS BCOM LDAN 'DAS LA RJES SU YI RANG NAS BKA' LUNG BZHIN BGYI ZHING, SU MDO SDE 'DI 'CHANG BA'I GNAD DU MCHI 'O, ,ZHES GSOL PA DANG, BCOM LDAN 'DAS KYIS BKA' STZAL PA, MDO SDE 'DI NYID KYI MTHUS SANGS RGYAS DANG, BYANG CHUB SEMS DPA' THAMS CAD DANG, LHA THAMS CAD KYANG 'ONG NGO, ,LHA THAMS CAD KYIS 'DI SKAD CES GSOL TO, ,LEGS SO LEGS SO, ,BDAG CAG KYANG DAM PA STZAL

400a

, ,PAR MNGON PAR DGA' STE, SANGS RGYAS DANG BYANG CHUB SEMS DPA' THAMS CAD KYANG DAM PA 'DI NYID STZOL BA MDZAD PAR 'GYUR RO, ,BCOM LDAN 'DAS KYIS BKA' STZAL PA, GSANG BA PA'I BDAG PO LAG NA RDO RJE, STOBS PO CHE'I GSANG BA PA'I SNYING PO NI, SEMS CAN THAMS CAD LA BDE BA THAMS CAD SBYIN PAR BYED PA'O, ,DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO LAG NA RDO RJES 'DI SKAD CES GSOL TO, BCOM LDAN 'DAS, MTSAN NYID GANG GIS NA MDO SDE 'DI CHOS KYI DBYINGS SNGON DU 'GRO BA ZHES BGYI, BCOM LDAN 'DAS KYIS BKA' STZAL PA, RIGS KYI BU, DE BZHIN GSHEGS PA THAMS CAD BYUNG NAS ZHAG SUM CU RTZA GNYIS LON PA'I NYIN MO RI BTANG BZUNG CHEN POR MDO SDE 'DI NYID KYIS CHOS BSTAN TE, MTSAN NYID DES NA, CHOS KYI DBYINGS SNGON DU 'GRO BA ZHES BYA'O, ,MDO SDE 'DI NYID KYI MTHUS SANGS RGYAS DANG BYANG CHUB SEMS DPA' THAMS CAD SEMS DANG PO BSKYED PA GNAS TE, MTSAN NYID DES NA, CHOS KYI DBYINGS SNGON DU 'GRO BA ZHES BYA'O, ,MDO SDE 'DI NYID KYI MTHUS LHA'I BU GRANGS MED DPAG TU MED PA DAG RGYUN DU ZHUGS PAR GYUR TO, ,RIGS KYI BU, SU MDO SDE 'DI 'CHANG BA DANG, KLOG PA DE LA DE BZHIN GSHEGS PA THAMS CAD SRAS SU 'DU SHES BSKYED DO, ,'KHOR DE NYID DU

400b

'CHI BA'I DUS BYAS NAS MYA NGAN LAS 'DAS PA'I LAM LA 'JOG PAR MDZAD DO, ,LAG NA RDO RJES GSOL PA, SANGS RGYAS 'KHOR BA BGROD DKAR SEMS CAN GYI, ,SRID PA'I PHUR PA 'BYIN CING SHES RAB KYIS, ,SRID PHUR SEMS KLUNG 'JOMS SHING THUB PA YI, ,CHOS BSTAN PAS NI SDIG 'JOMS CHOS LEGS SPYOD, ,BCOM LDAN 'DAS KYIS BKA' STZAL PA, LAG NA RDO RJE, LEGS PAR RAB TU BSHAD PA LEGS SO LEGS SO, ,LAG NA RDO RJES GSOL PA, SU MDO SDE 'DI 'CHANG BA DANG, KLOG PA DANG, GZHAN DAG LA YANG RGYA CHER YANG DAG PAR RAB TU STON PAS BSOD NAMS KYI PHUNG PO CI ZHIG 'THOB PAR 'GYUR, BCOM LDAN 'DAS KYIS BKA' STZAL PA, RIGS KYI BU, SU MDO SDE 'DI 'CHANG BA DANG, KLOG PA DANG, GZHAN DAG LA YANG RGYA CHER YANG DAG PAR RAB TU STON PA NI, TING NGE 'DZIN BYE BA 'THOB PAR 'GYUR RO, ,SANGS RGYAS DANG, BYANG CHUB SEMS DPA' 'KHOR DANG BCAS PA BYE BA MTHONG BAR 'GYUR RO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BYE BA KHRAG KHRIG BRGYA STONG PHRAG MANG PO MTHONG NAS BSAM PA RGYA CHEN POS BSTI STANG BYED PAR 'GYUR RO, ,BLA MAR BYED PAR 'GYUR RO, , RIM GROR BYED PAR 'GYUR RO, ,MCHOD PAR BYED PAR 'GYUR RO, ,CHOS GOS DANG, BSOD SNYOMS DANG, MAL CHA DANG, NA BA'I GSOS SMAN DANG, YO BYAD RNAMS KYANG DBUL LO, ,BYANG CHUB SEMS

401a

, ,DPA' LA YANG BDE BAR SBYAR BA SGRUB BO, ,DGE 'DUN GYI TSOGS LA YANG RIM GRO BYED PAR 'GYUR RO, ,DGE BA'I RTZA BA DE DAG KYANG BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR BYED DO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG LA BSNYEN BKUR BYED PAR 'GYUR RO, ,DE DAG GIS CHOS BSTAN PA DE LA YANG BSTI STANG DU BYAS TE NYAN TO, ,'DZIN TO, ,KLOG GO, BYANG CHUB SEMS DPA' LAG NA RDO RJE JI LTA BA DANG MTSUNGS PAR STOBS KYIS PHA ROL GNON PAR 'GYUR RO; ;STOBS PO CHE PHA ROL GNON PA'I KHRO BO 'DI'I MTHUS BDAG DANG SEMS CAN THAMS CAD, SVASTI SVASTI, SIDDHI SIDDHI SV'AH'A, BCOM LDAN 'DAS KYIS DE SKAD CES BKA' STZAL PA DANG, 'PHAGS PA BYAMS PA DANG, 'JAM DPAL DANG, 'PHAGS PA SPYAN RAS GZIGS DBANG PHYUG LA SOGS PA BSKAL PA BZANG PO'I BYANG CHUB SEMS DPA' THAMS CAD DANG, BYANG CHUB SEMS DPA' SEMS DPA' CHEN PO RDO RJE'I SNYING PO LA SOGS PA PHYOGS BCU'I 'JIG RTEN GYI KHAMS NAS 'DUS PA DE DAG THAMS CAD DANG, LHA DANG, KLU DANG GNOD SBYIN DANG, SRIN PO DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO DANG, MI DANG, MI MA YIN PA DE DAG THAMS CAD DANG, THAMS

401b

CAD DANG LDAN PA'I 'KHOR DE DAG DANG, LAG NA RDO RJE YANG BCOM LDAN 'DAS KYIS GSUNGS PA LA YI RANG STE MNGON PAR BSTOD DO, ,'PHAGS PA STOBS PO CHE ZHES BYA BA THEG PA CHEN PO'I MDO RDZOGS SO,, ,,