BOD SKAD DU, RDO RJE GNAM LCAGS MCHU ZHES BYA BA'I GZUNGS, THAMS CAD MKHYEN PA LA PHYAG 'TSAL LO, ,DE NAS TSANGS PA DANG, KHYAB 'JUG DANG, DBANG PHYUG CHEN PO DANG, RGYAL PO CHEN PO BZHIS BCOM LDAN 'DAS LA LAN GSUM BSKOR BA BYAS TE PHYAG 'TSAL NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, BDAG CAG THAMS CAD 'DUS NAS KLU THAMS CAD KYI SNYING 'PHROG PAR BGYID PA, SNYING 'GUM PAR BGYID PA, KLU MA RUNGS PA RNAMS KYI RIGS PHUNG BAR 'GYUR BA, RLUNG DANG, SER BA'I SPRIN THAMS CAD ZLOG BAR BGYID PA, ME TOG DANG, 'BRAS BU DANG, LO TOG THAMS CAD 'BYOR PAR BGYID PA, RDO RJE GNAM LCAGS MCHU ZHES BYA BA'I GZUNGS BRJOD PAR 'TSAL GYI, BCOM LDAN 'DAS KYIS SEMS CAN THAMS CAD KYI DON MDZAD PA'I SLAD DU BYIN GYIS BRLAB TU GSOL, DE
NAS BCOM LDAN 'DAS KYIS TSANGS PA DANG, KHYAB 'JUG DANG, DBANG PHYUG DANG, RGYAL PO CHEN PO BZHI LA BKA' STZAL PA, RIGS KYI BU RNAMS, NGAS SEMS CAN THAMS CAD KYI DON DANG, 'PHAGS PA THAMS CAD KYI BDEN PAS BYIN GYIS BRLABS KYI, KHYED KYIS SMROS SHIG CES BKA' STZAL PA DANG, DE NAS TSANGS PA DANG, KHYAB 'JUG DANG, DBANG PHYUG DANG, RGYAL PO CHEN PO BZHIS GZUNGS SNGAGS 'DI SMRAS TE, DKON MCHOG GSUM LA PHYAG 'TSAL LO, ,BCOM LDAN 'DAS SH'AKYA THUB PA LA PHYAG 'TSAL LO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS THAMS CAD LA PHYAG 'TSAL LO, ,RDO RJE 'DZIN DRAG PO LA PHYAG 'TSAL LO, ,PHA ROL ZIL GYIS GNON PA'I MTHU BO CHE RNAMS LA PHYAG 'TSAL LO,, 'JIG RTEN GSUM GYI GTZO PO LA PHYAG 'TSAL LO, ,RGYAL PO CHEN PO BZHI LA PHYAG 'TSAL LO, ,RDO RJE GNAM LCAGS 'BAR BA MA RUNGS PA DRAG TU RGOD PA LA PHYAG 'TSAL LO, ,MA THA MA THA, PRA MA THA PRA MA THA, DZA LA TI, BI KR'I dA, BADZRA DZA YA DZA YA, MAH'A BA LA BHYO RA B'I RA BA RA KRA MA KRO DHA RA DZA, PRA MA BHA PU PU MA, PRA MA SVA RE, BHO BHO N'A GA DE BI DE, BYI SA RA MA DHA, PRA MA DHA NA DHE NA, M'U RA DH'A N'Am, SPHO tA Y'Am, H'Um H'Um, PHAt PHAt, BHA RA BHA RA, BARnA TZAKRA, H'A DHA NI BHO PA NA N'A GENDRA, MA TI KRA MA THA BRNA TZAKRA nA, SHI RI TZANTA MA nI H'Um TI H'Um TI LI H'Um H'Um PHAt PHAt MU DU MU DU MU GYANTU, SARBA
, ,DUsht'AN SPHO tA YA, HRi DA YA, MA HE SHVA RA DZVA LI TA, TRI SH'U LA DHA RA DHA RA, HA NA HA NA, H'Um H'Um PHAt PHAt, MU TZI MU TZI, DU DI BA BHA BA BHA, KshA nE KshA nE TZA TUR n'AN MAH'A RA DZA N'I, DZVA LI TA SHAKTI, DHA RA DHA RA, H'Um PHAt, SPHU RA PHU RA, BI SPHU RA BI SPHUR BI SPHU RA, TZA RA RBA TZA RA RBA TZA RA RBA, N'A SHA YA DUsht'AN N'A GA HRi DA YA, SPHO tA YA, H'Um H'Um PHAt PHAt, DUshtA A'A SH'A NI; BHUD TA MA GA SHI B'IRYA DZVA LA, BHASMIm KU RU H'Um H'Um PHAt PHAt SV'AH'A, SA MA YA MA NU SMA RA, BHO N'A G'A DHI PA TI PI TZINTU, BI BHO YA, BHO BHO TU TI TU TI TU, H'Um H'Um PHAt PHAt SV'AH'A, BADZRA A'A SH'A NI N'A SHA YA H'Um H'Um PHAt PHAt SV'AH'A, SARBA N'A GA HRI DA Y'A NI, BI SPHO tA K'A YA H'Um PHAt SV'AH'A, BUDDHA BI LO KA TI YA SV'AH'A, BRAHM'A YA SV'AH'A, BIshnU MU RU YA SV'AH'A, MA HE SHVA RA DZVA LI DZVA LI TA TRI SH'U L'A YA SV'AH'A, TZA TUR MA H'A R'A DZA SA MA DHA R'A YA SV'AH'A, PI TZA GA TI YA PHAt SV'AH'A, AOm DI RI DI RI SV'AH'A, DZVA LI TA P'A KA TR'A YA SV'AH'A, DZU TI DZU TI SV'AH'A, PHAt PHAt, RDO RJE 'BAR BA GNAM LCAGS MCHU ZHES BYA BA'I GZUNGS SNGAGS 'DI THOS MA THAG TU KLU MA RUNGS PA THAMS CAD LUS RUL NAS DRI MI ZHIM PA MNAM BAR 'GYUR RO, ,LUS SO SOR ZHIG CING 'PHO BAR GYUR NAS BCOM LDAN 'DAS KYI ZHABS LA GTUGS TE 'DI SKAD CES GSOL TO, ,BCOM LDAN 'DAS KYIS BSKYAB TU GSOL, LHA DANG, 'JIG RTEN DU BCAS PA THAMS CAD KYIS SMAD PAR GYUR, BDAG CAG NI,
MA RUNGS PAR GYUR TO, ,BCOM LDAN 'DAS KYIS BSKYAB TU GSOL, LHA DANG, 'JIG RTEN DU BCAS PA THAMS CAD KYIS SMAD PAR GYUR, BDAG CAG NI, MA RUNGS PAR GYUR TO, ,BCOM LDAN 'DAS; SLAN CHAD 'DZAM BU'I GLING DU SEMS CAN RNAMS LA GNOD PAR MI BGYID, 'GUM PAR MI BGYID, CHUNG DU NA MIG KYANG LTA BAR MI BGYID NA, SKABS LTA BA LTA CI SMOS, RGYA MTSO KLU'I RGYAL PO DANG, KLU'I RGYAL PO GDUGS LTA BU DANG, KLU'I RGYAL PO MTHU CHE BA DANG, MDANGS CHE BA DANG, MA RUNGS PA LA SOGS TE, KLU BYE BA KHRAG KHRIG BRGYA STONG GIS BCOM LDAN 'DAS KYI ZHABS LA MGO BOS GTUGS TE PHYAG 'TSAL NAS KLU THAMS CAD KYIS DUS PHYI MA'I TSE 'DZAM BU'I GLING GI SEMS CAN THAMS CAD LA GNOD PAR MI BGYID, ME TOG DANG, 'BRAS BU DANG, LO TOG DANG, LO MA DANG, YAL GA THAMS CAD SRUNG BAR BGYID, RLUNG DANG, SER BA THAMS CAD DGAG PAR BGYID, DUS DUS SU CHAR DBAB PAR BGYID PAR RANG GI BRO'I TSIG GI YI DAM DANG, DE BZHIN GSHEGS PA'I DAM TSIG RJES SU BSRUNG BAR BGYI'O, ,SEMS CAN THAMS CAD KYI RE BA YONGS SU SKONG BA DANG, YID LA BSAM PA YONGS SU RDZOGS PAR BGYID, GNOD PAR MI BGYID DO,, BCOM LDAN 'DAS, YON TAN GYI KHYAD PAR 'DI DAG LAS 'GAL BAR BGYID NA, BDAG CAG BYANG CHUB TU MNGON PAR RDZOGS PAR 'TSANG RGYA BAR MA GYUR CIG ,BRO'I TSIG KYANG 'DI LAGS TE,
, ,TADYA TH'A, AOm TA GI TZA GI ,GHU LI GHU LI, MU LI SHA SHA ,GU GU, SH'I T'I, B'I RA MA TI, HU YU HU YU SV'AH'A, CHAR CHE BA'AM, CHAR MI 'BAB PA'AM, DUS MA YIN PAR CHAR 'BAB PA'AM, RLUNG DANG, SPRIN DANG, SER BA DANG, GRANG BA'I RLUNG DANG, GNAM LCAGS LHUNG BA'I TSE RIG 'DZIN GYIS BRO TSIG 'DI KHANG THOG GAM, SA MTHON PO'AM, RI'I STENG DU YANG RUNG, KHA SHAR PHYOGS SU BLTAS TE LAN BDUN SKAD CHEN POR BZLAS, YUNGS KAR LA LAN BDUN BZLAS TE BYEN DU GTOR NA, GTOR MA THAG TU KLU THAMS CAD DUM BUR 'GYUR ZHING, NAN TAN BYAS PAS MYUR DU CHAR 'DEBS SO, ,GZUNGS 'DI NYID KYIS DRIL BU LA LAN NYI SHU RTZA GCIG BZLAS TE YUNGS KAR LA LAN NYI SHU RTZA GCIG BZLAS NAS NAN TUR DRAG POR BYAS TE PHYOGS BZHIR GTOR NA MTSAMS BCAD PAR 'GYUR, RDO RJE GNAM LCAGS MCHU LAN BRGYAD DU BZLAS PAS KLU DGUG PAR BYA, LAN GCIG DRAN PAS RLUNG DANG SER BA SLAR BZLOG PAR BYA'O, ,GNAM LAGS LHUNG NA YANG CHUR 'GYUR RO, ,RDO RJE BSKOR NA, PHYOGS GANG DU BSKOR BA DER SER BA 'BYOL LO, ,NANG PAR SNGAR SA DBEN PAR 'DUG STE SNGAGS 'DI LAN SUM CU RTZA GNYIS BZLAS NA, RLUNG DANG, SPRIN DANG, SER BA YANG 'GAG PAR 'GYUR RO, ,KLUS GNOD PA MI BYED CING PHYIS KYANG MI
TSUGS SO, ,YUNGS KAR LA BSNGAGS TE PHYOGS BZHIR GTOR NA, LO GCIG GI BAR DU MTSAMS BCAD DE, RLUNG DANG, SPRIN DANG, SER BA YANG MI G-YO'O, ,NGAG NYAN CING KUN TU SRUNG PA DANG, LAS BYED PAR 'GYUR RO, ,SNGAGS NYI SHU RTZA GCIG BZLAS TE DRIL BU DKROL NA, KLAD PA 'GAS SHING SA LA LTUNG BAR 'GYUR TE, GNOD PA BYED PA SEL LO, ,MCHOD PA TSUL BZHIN BSNGAGS PAR BYAS TE SKAD GSAL BAR BKLAGS TE PHYOGS BZHI STENG 'OG TU YUNGS KAR GTOR NA, SER BA DANG, RLUNG DANG, KLUS GNOD PAR BYED PA BCINGS PAR 'GYUR, LTAS NGAN PA DANG, MI DGE BA DANG, BKRA MI SHIS PA DANG, GZA' DANG, 'BYUNG PO DANG, SHA ZA DANG, GNOD SBYIN DANG, SRIN PO YANG PHYIR BSKRAD PAR 'GYUR, DPAG TSAD KHOR KHOR YUG TU MTSAMS BCAD PAR 'GYUR, NAD DANG, GNOD PAR SEMS PA DANG, LAS KYI RGOL BA'I DGRA BGEGS THAMS CAD BZLOG PAR 'GYUR RO, ,LO TOG DANG, 'BRAS BU DANG, KHU BA RGYAS PA DANG, SMIN PA DANG, CHE BAR 'GYUR, 'BYUNG PO DANG, GNOD PA THAMS CAD KYIS MI TSUGS PAR 'GYUR RO, ,RDO RJE GNAM LCAGS MCHU ZHES BYA BA'I GZUNGS RDZOGS SO,, ,,