'BYUNG PO 'DUL BA ZHES BYA BA'I RGYUD KYI RGYAL PO CHEN PO (BHU TA d'A MA RA MA H'A TANTRA R'A DZA N'A MA)

RGYA GAR SKAD DU, BHU TA d'A MA RA MA H'A TANTRA R'A DZA N'A MA, BOD SKAD DU, 'BYUNG PO 'DUL BA ZHES BYA BA'I RGYUD KYI RGYAL PO CHEN PO, DPAL RDO RJE SEMS DPA' LA PHYAG 'TSAL LO, ,DE NAS 'DIR NI BSHAD BYA BA, ,'BYUNG PO 'DUL BA'I RGYUD CHEN RGYAL, ,'BYUNG PO 'BYUNG MO KUN SGRUB PA'I, ,CHO GA RAB TU RGYAS PA'O, ,RDO RJE 'CHANG CHEN PO 'JIG RTEN GSUM GYI BDAG POS 'DI SKAD CES GSUNGS SO, ,CHU BO'I 'GRAM DANG, DUR KHROD DANG, SHING GCIG PA DANG, LHA GNAS PA'I KHANG PA DANG, DPAL RDO RJE 'CHANG GI KHYIM DANG, RIGS KYI GNAS RNAMS SU BSGRUB PAR BYA BA SKAD CIG NYID KYIS 'GRUB PAR 'GYUR RO, ,GAL TE MA GRUB NA, 'BYUNG PO DANG, 'BYUNG MI RIGS DANG RGYUD DANG BCAS PA MA LUS PA PHUNG BAR 'GYUR RO, ,DE NAS DBANG PHYUG CHEN PO'I LHA CHEN BCOM LDAN 'DAS KYI ZHABS LA SPYI BOS PHYAG 'TSAL TE BCOM LDAN 'DAS LA 'DI SKAD CES GSOL TO, ,KHRO BO'I BDAG PO CHEN PO GDUG PA DANG, MA RUNGS PA RNAMS GSOD PAR BYED PA BSHAD DU GSOL, DE NAS DBANG PHYUG CHEN POS LHA CHEN PO LA LEGS SO LEGS SO ZHES BYA BA BYIN NAS 'BYUNG PO THAMS CAD GSOD PA'I SNGAGS KYI TSIG GSUNGS PA, AOm BADZRA DZVA LI HA NA HA NA SARBA BH'U TA NA H'Um PHAt, DE NAS 'DI GSUNGS PA TZAM GYIS DPAL RDO RJE 'CHANG GI BA SPU'I BU GA RNAMS NAS RDO RJE

, ,'BAR BA DU MA BYUNG BAR GYUR TE, 'BYUNG PO THAMS CAD KYI LUS BSKAMS SHING, BRGYA BYIN DANG, TSANGS PA DANG, KHYAB 'JUG LA SOGS PA LHA THAMS CAD BSAD PAR GYUR TO, ,DE NAS DE BZHIN GSHEGS PA THAMS CAD KYI NGO MTSAR DANG BCAS PAS 'DI SKAD CES GSUNGS SO, ,LEGS SO DPAL LDAN RDO RJE 'CHANG KHRO BO'I BDAG PO CHEN PO, MA 'ONGS PA'I TSE MA 'ONGS PA'I DUS NA 'BYUNG PO DANG, 'BYUNG MO TSAR GCOD PAR BYED PA NI, LEGS SO, ,DE NAS YANG SLAR RO'I RNAM PAR SHES PA 'GUGS PA'I SNGAGS GSUNGS PA, AOm BADZRA A'A YU shE SA RA S'A R'A SMIN, DE NAS GSUNGS PA TZAM GYIS DPAL RDO RJE 'CHANG GI SHANGS KYI BU GA NAS RLUNG CHEN PO RO 'TSO BAR BYED PA BYUNG BAR GYUR TE, DE BYUNG BA TZAM GYIS 'BYUNG PO DANG 'BYUNG MO RNAMS KYI LUS LA ZHUGS SO, ,ZHUGS PA TZAM GYIS 'BYUNG PO DANG BDUD MO RNAMS LANGS TE CHER 'JIGS SHING RAB TU 'DAR BAR GYUR PAS BCOM LDAN 'DAS BSKYAB TU GSOL, BDE BAR GSHEGS PA BSKYAB TU GSOL, BCOM LDAN 'DAS KYI BKA' BZHIN BGYID DO ZHES SMRAS SO, ,DE NAS 'BYUNG PO'I BDAG PO GZHAN GYIS MI THUB PA 'KHOR GYI DKYIL 'KHOR DER BCOM LDAN 'DAS KYI ZHABS GNYIS LA SPYI BOS PHYAG 'TSAL NAS BCOM LDAN 'DAS KHRO BO'I BDAG

PO CHEN PO DPAL SRID PA GSUM LAS RNAM PAR RGYAL BA BDE BAR GSHEGS PA BSKYAB TU GSOL, BCOM LDAN 'DAS YONGS SU BSKYAB TU GSOL, ,DE NAS BCOM LDAN 'DAS KYIS BKA' STZAL PA, 'BYUNG PO'I BDAG PO, GLING BZHI PA THAMS CAD KYI MI RNAMS LA DNGOS GRUB RDZOGS PAR BYIN CIG ,DZAMBU GLING PA'I MI RNAMS LA DNGUL CHU DANG BCUD KYIS LEN PA'I RDZAS RNAMS SGRUB CING BDE BAR BYIN CIG ,DBYIG DANG, GSER DANG, DNGUL DANG, MU TIG DANG, BEE d'URYA DANG, PADMA R'A GA DANG, ME DANG CHU'I SHEL DANG, SPOS DANG, LHA'I NA BZA' RNAMS BYIN CIG ,'DI ZLOS PA'I 'BRAS BU 'GRUB PAR GYIS SHIG ,BSNYEN BKUR GYIS SHIG ,DE BZHIN GSHEGS PA THAMS CAD ZLOS PA'I RIN PO CHE'I COD PAN DANG, GOS DANG, DRI DANG, BDUG PA DANG, ME TOG LA SOGS PA DANG, YO BYAD DANG, RDZAS THAMS CAD BGEGS MED PAR BYIN CIG ,RGYAL PO'I 'JIGS PA DANG, DGRA'I 'JIGS PA DANG, SENGGE'I 'JIGS PA DANG, STAG GI 'JIGS PA THAMS CAD ZLOG CIG ,KYE KYE GZHAN GYIS MI THUB PA 'BYUNG PO'I DBANG PHYUG CHEN PO MYUR DU MYUR DU NYON CIG NYON CIG ,LE LO CAN DANG, TSUL KHRIMS 'CHAL BA DANG, SDIG PA BYED PA DANG, RDZUN SMRA BA RNAMS LA NGES PAR DNGOS GRUB BYIN CIG ,GAL TE RIG SNGAGS 'CHANG LA DNGOS GRUB MA SBYIN NA, KLU MO DANG, GNOD SBYIN

, ,MO DANG, SA LA 'JOMS PA DANG, LHA MA YIN MO DANG, MI'AM CI MO DANG, NAM MKHA' LDING MO DANG, LTO 'PHYE CHEN MO DANG, SHA ZA MO DANG, SRIN PO MO DANG, DRI ZA MO RNAMS KYI SPYI BO MI PHYED PA'I RDO RJES DAGS PAR BYA ZHING DMYAL BA CHEN PO BRGYAD DU LTUNG BAR BYA'O, ,DE NAS DE BZHIN GSHEGS PA THAMS CAD KYIS 'DI SKAD DU LEGS SO LEGS SO, ,LAG NA RDO RJE, LEGS PAR BSHAD DO, ,MI RNAMS LA PHAN PA'I PHYIR BYANG CHUB SEMS DPA' SEMS DPA' CHEN PO BRTZON 'GRUS DANG, STOBS DANG, PHA ROL GNON PA, MI PHYED PAR GRAGS PA, LHA THAMS CAD KYIS PHYAG BYAS PA, KHAMS GSUM PA'I CHOS KYI RGYAL PO CHEN PO, GLING BZHI PA'I 'JIG RTEN GYI KHAMS THAMS CAD GRUB PAR BYED PA, CHOS KYI 'KHOR LO THAMS CAD BSKOR BAR BYED PA, SDUG BSNGAL THAMS CAD 'JOMS PAR BYED PA'I SGRUB PA'I THABS RGYA CHEN PO CHO GA SNA TSOGS PA, PHYAG RGYA DANG, SNGAGS KYI TSIG GIS SGRUB PA'I THABS KHRO BO'I RGYAL PO CHEN PO BCOM LDAN 'DAS KHRO BO'I RGYAL PO BDAG PO SHOD CIG CES GSUNGS SO, ,DE NAS RDO RJE 'CHANG KHRO BO'I BDAG PO CHEN POS RO 'TSO BAR BYED PA'I SNGAGS GSUNGS PA, AOm KARDHA KARDHA MI TRA SAm DZ'I BA YA TI DH'A YA, DE NAS 'DI GSUNGS PA TZAM GYIS LHA THAMS CAD MYOS TE

BRGYAL ZHING 'GYEL NAS CHER 'JIGS SHING RAB TU 'BAD PAR GYUR TE GNAS SO, ,DE NAS LHA CHEN POS GSOL PA, BYANG CHUB SEMS DPA' CHEN PO SKYOBS SHIG SKYOBS SHIG , DE NAS RDO RJE 'CHANG KHRO BO'I BDAG PO CHEN POS 'DI SKAD CES GSUNGS SO, ,MA 'JIGS SHIG MA 'JIGS SHIG ,KYE 'BYUNG PO'I BDAG PO KHYED RNAMS GZHAN LAS RGYAL BAR BYA BA'I PHYIR LHA THAMS CAD DBANG DU BSDU ZHING 'BYUNG PO THAMS CAD TSAR GCAD PAR BYA'O, ,DE NAS RIG SNGAGS 'CHANG GI DBANG PO DANG LHA'I BUD MED THAMS CAD KYIS 'DI SKAD CES GSOL TO, ,BCOM LDAN 'DAS BSKYAB TU GSOL, ,DPAL RDO RJE 'CHANG RGYAL PO CHEN POS BSKYAB TU GSOL, ,DE NAS KHRO BO CHEN PO RDO RJE 'CHANG GIS 'DI SKAD CES GSUNGS SO; ;KYE BUD MED RNAMS GO BAR GYIS SHIG ,DPAL RDO RJE 'CHANG RGYAL PO CHEN PO LA SOGS PA'I BSNYEN BKUR BYOS SHIG ,DBYIG DANG, GSER DANG, MU TIG DANG, RIN PO CHE DANG, BEE d'URYA DANG, PADMA R'A GA DANG, RDZAS THAMS CAD PHUL CIG ,DE NAS LHA'I BUD MED LA SOGS PA LHA'I BU MO DANG, GNOD SBYIN MO THAMS CAD KYIS 'DI SKAD CES GSOL TO, ,BCOM LDAN 'DAS, 'GUM MO 'GUM MO, ,DPAL LDAN RDO RJE KHRO BO ZLOS PA RNAMS KYI BRAN MO BGYID DO, ,BSNYEN BKUR BGYID DO, ,GAL TE KHRO BO ZLOS PA'I BSNYEN BKUR MA BGYIS NA, RIGS

, ,DANG RGYUD DU BCAS PA BRLAG PAR GYUR CIG ,DAM PA'I CHOS SPANGS PAR GYUR CIG ,DE BZHIN GSHEGS PA THAMS CAD LA SMAD PAR GYUR CIG ,BCOM LDAN 'DAS KYI KHRO BO CHEN PO RDO RJES SPYI BO KHOS SHIG ,LAN BRGYAD RNAM PAR GSHEGS SHING SHI NAS MUR BA NYID DU DMYAL BA CHEN PO BRGYAD DU 'JUG PAR GYUR CIG , DE NAS BYANG CHUB SEMS DPA' SEMS DPA' CHEN PO PHYAG NA RDO RJES LHA'I BUD MED THAMS CAD DANG, KLU MO DANG, GNOD SBYIN MO RNAMS LA LEGS SO ZHES BYA BA BYIN TE, LHA'I BU MO DANG, KLU MO DANG, GNOD SBYIN MO RNAMS LEGS SO LEGS SO, ,MA 'ONGS PA'I TSE MA 'ONGS PA'I DUS NA DE BZHIN GSHEGS PA ZLOS PA'I MI RNAMS KYI BSNYEN BKUR GYIS SHIG ,DE NAS 'BYUNG PO'I RGYAL PO GZHAN GYIS MI THUB PA LA SOGS PA 'KHOR DANG BCAS PA LANGS TE, DPAL RDO RJE 'CHANG KHRO BO'I BDAG PO CHEN PO'I ZHABS LA MGO BOS BTUD NAS RANG GI SNYING PO PHUL BA, AOm SHR'I MA H'A BH'U TA KU LA SUNDA RI H'Um, AOm SHR'I BI DZA YA SUNDA RI HR'I:, AOm SHR'I BI MA LE SUNDA RI AA, AOm SHR'I RA TI SUNDA RI DHI, AOm SHR'I MA NO HA RA SUNDA RI AI, AOm SHR'I BHU shAm SUNDA RI M'Am, AOm SHR'I PA LA SUNDA RI M'Am, AOm SHR'I TZA KshU RA MA DHU MA SUNDA RI TIm, ZHES PA 'DI RNAMS NI, 'BYUNG PO'I RGYAL MO CHEN MO STE, DPAL GYI SGRAS

RAB TU GRAGS PA'O, ,DE NAS DPAL GYI SGRUB PA'I THABS BKLAGS PA TZAM GYIS DNGOS GRUB STER BA STE, DPAL RDO RJE 'CHANG GI MTSAN BRJOD PA TZAM GYIS 'BYUNG PO DANG 'BYUNG MO THAMS CAD MNGAG [?] ,ZHUG PAR 'GYUR RO, ,BCOM LDAN 'DAS [?] BKA' STZAL PA, GANG GI TSE DAM TSIG LAS 'DAS NA, 'PHRAL DU 'BYUNG PO DANG 'BYUNG MO THAMS CAD RIGS DANG RGYUD DU BCAS TE PHUNG BAR BYA'O, ,DE NAS 'BYUNG PO CHEN PO GDAN [?] GYIS MI THUB PAS 'DI SKAD CES GSOL TO, ,LHA CHEN PO'I DAM TSIG LA GNAS SHING 'JIG RTEN PA'I SNGAGS DANG PHYAG RGYA'I CHO GA THAMS CAD KYI DNGOS GRUB STZAL BAR BGYI'O, ,DPAL RDO RJE 'CHANG BZLAS PA TZAM GYIS THAMS CAD 'GRUB PAR 'GYUR TE, GAL TE MA GRUB NA, RIGS DANG RGYUD DU BCAS PA BRLAG PAR GYUR CIG ,DE BZHIN GSHEGS PA THAMS CAD KYIS GSUNGS PA'I DAM TSIG NYAMS PAR GYUR CIG ,DE BZHIN GSHEGS PA'I KHRO BO'I RDO RJES SPYI BO DAGS PAR GYUR CIG ,MYUR BA NYID DU SHI STE RNAM PA THAMS CAD DU DMYAL BA CHEN PO BRGYAD DU 'JUG PAR GYUR CIG ,DE NAS YANG DAG BSHAD BYA BA, ,SGRUB PA PO YI GNAS MCHOG STE, ,CHU BO'I 'GRAM DANG DUR KHROD DANG, ,PHYAG NA RDO RJE'I KHYIM DAG STE, ,DER NI 'BYUNG PO 'BYUNG MO KUN, ,'GRUB u'GYUR 'DI LA THE TSOM MED, ,'BYUNG PO'I RGYAL

, ,MO CHEN MO BRGYAD KYI SGRUB PA'I GNAS SO, ,DE NAS PHYAG RGYA BSHAD BYA BA, ,'BYUNG MO BRGYAD KYI SGRUB PA STE, ,LAG G-YON KHU TSUR DAM BCAS NAS, ,GUNG MO RAB TU BRKYANG BYAS PA, ,SPYAN DRANG MCHOD PA'I PHYAG RGYA STE, ,RIGS KYI MCHOG NI SGRUB BYED PA'O, ,KHU TSUR PHAN TSUN BCANGS NAS NI, ,MDZUB MO RAB TU BRKYANG BYAS PA, ,RANG GI DAM TSIG SRUNG BA YI, ,'BYUNG MO SKAD CIG DE LA SGRUB, ,LAG G-YON KHU TSUR DAM BCANGS NAS, ,MTHE CHUNG RAB TU BRKYANG BYAS PA, ,NYE BAR BYED PA'I PHYAG RGYA STE, 'BYUNG PO THAMS CAD RJES 'BRANG BA'O, ,LAG PA G-YON PA BRKYANG NAS NI, ,MDZUB MO BSKYIL BA BYAS NAS SU, ,MTHE BONG G-YAS NI MNAN BYAS PA, ,'BYUNG KUN DBANG DU BYED PA'O,, LAG G-YON KHU TSUR BCANGS PA LAS, ,SRIN LAG RAB TU BRKYANG BA NI, ,'BYUNG MO THAMS CAD 'GUGS PA STE, ,BGEGS KUN ZLOG PAR BYED PA'O, ,LAG G-YON KHU TSUR BCANGS NAS NI, ,MDZUB MO RAB TU BRKYANG BYAS PA, ,'BYUNG MO MNGON PHYOGS BYED PA STE, ,GDUG PA THAMS CAD ZA BYED PA'O, ,LAG PA G-YON PAS KHU TSUR BCANGS TE MTHE CHUNG BRKYANG BA NI, 'BYUNG MO'I DAM TSIG GI PHYAG RGYA STE, THAMS CAD DU LAS THAMS CAD BYED PA'O, ,LAG PA GNYI GA'I SOR MO RNAMS GCIG GI STENG DU GCIG BSKYON PA BYAS PA

LA LAG PA G-YAS PA RKED PA G-YAS PAR BZHAG LA, LAG PA G-YON PAS G-YAS MNAN PA'I STENG DU BZHAG PA NI, MCHOG GI SNYING PO STE, 'BYUNG MO THAMS CAD KYI PHYAG RGYA'O, ,PHYAG RGYA 'DI DAG BCINGS PA TZAM GYIS 'BYUNG MO RNAMS MYUR DU 'ONG STE, GAL TE MA 'ONGS NA, MIG DANG SPYI BO 'GAS SHING BSKAMS TE 'CHI BAR GYUR CIG ,DE NAS DPAL LDAN RDO RJE 'CHANG KHRO BO'I BDAG PO CHEN POS 'DI SKAD CES BKA' STZAL TO, ,GAL TE 'BYUNG MO RNAMS DAM TSIG LAS 'DA' BAR BYED NA, KHRO BO 'DI DANG BCAS PAS DGUG PA'I PHYIR BZLAS TE, AOm KA tU KA tU SRUm TRUm HR'I: CHE GE MO BH'Um TI NI H'Um PHAt, KHRO BO 'DI DANG BCAS PAS BRGYA PHRAG BRGYAD BZLAS NA, MYUR BAR 'ONG BAR 'GYUR RO, ,GAL TE MYUR DU MA 'ONGS NA, MIG DANG SPYI BO 'GAS PA'AM, BSKAMS TE 'CHI'O, ,DE NAS SGRUB PA'I THABS KYI CHO GA BSHAD PA, CHU BO'I 'GRAM DU SONG STE TZANDAN GYI DKYIL 'KHOR BYAS NAS ME TOG GCAL DU BKRAM STE GU GUL GYI DUD PAS BDUG CING STONG PHRAG BRGYAD BZLAS NA 'GRUB PAR 'GYUR RO, ,MTSAN MO YANG STONG BZLAS NA 'ONG STE, 'ONGS NAS 'DOD PA SBYIN PAR 'GYUR TE CHUNG MAR 'GYUR RO, ,GSER SRANG BRGYA MAL DU DOR NAS THO RANGS KYIS 'GRO BAR BYED DO, ,NYI MA RE RE 'DI LTAR BYAS NA, ZLA BA GCIG GI BAR DU NGES PAR 'GRUB BO, ,CHU BO'I 'GRAM DU SONG STE TZANDAN GYI DKYIL

, ,'KHOR BYAS NAS ZHO DANG 'BRAS CHAN GYI GTOR MA BYIN NA, NYI MA BDUN NA NGES PAR 'ONG NGO, ,'ONGS NAS TZANDAN GYI CHU'I MCHOD YON BYIN NA, DGA' BAR GYUR TE SDUG PA, NGAS CI BYA ZER TE, SGRUB PA POS RGYAL SRID SLONG ZHIG CES SMRA'O, ,DE NAS YUL 'KHOR YANG YONGS SU SKYONG BAR BYED DO, ,GOS DANG, RGYAN DANG, BZA' BA LA SOGS PA MTHUN PAR SBYIN PAR BYED DO, ,DPAL RDO RJE 'CHANG GI KHANG PAR SONG STE K'A RA B'I RA'I ME TOG SBYIN ZHING GU GUL GYIS BDUG PAS BDUGS LA STONG PHRAG BRGYAD BZLAS NA, 'GRUB PAR 'GYUR TE, MTSAN MO YANG STOD BZLAS NA, NGES PAR 'ONG NGO, ,'ONGS PA LA ME TOG GI STAN SBYIN ZHING LEGS PA 'ONGS SO ZHES BRJOD NA, CHUNG MAR 'GYUR TE, LHA'I DNGUL CHU DANG, BCUD KYIS LEN DANG, RDZAS KYI DNGOS GRUB STER ZHING DGRA THAMS CAD 'JOMS PAR BYED DO, ,RGYAB TU ZHON NA, MTHO RIS SU YANG 'KHYER PAR BYED DO, ,LO STONG PHRAG BCUR 'TSO'O, ,CHU BO'I 'GRAM DU SONG STE SPOS DKAR POS DKYIL 'KHOR BYAS NAS ME TOG DKAR PO BYIN TE DU RU KAS BDUGS LA STONG PHRAG BCU BZLAS NA 'GRUB PAR 'GYUR RO; ;MTSAN MO YANG STONG BZLAS NA, NGES PAR 'ONG NGO, ,'ONGS PA LA ME TOG GI CHU'I YON CHAB BYIN NAS BSGO NA SRING MOR 'GYUR RO, ,DNGUL CHU DANG, BCUD KYIS LEN DANG,

RDZAS KYI DNGOS GRUB STER ZHING DPAG TSAD STONG DU SONG NAS BUD MED BZANG MO BLANGS NAS STER BAR BYED CING MCHAN MO SLAR 'KHYER RO, ,LHA KHANG STONG PAR SONG NAS JI LTAR GSUNGS PA'I GTOR MA DANG MCHOD PA BYAS TE STONG PHRAG BRGYAD DU BZLAS NA, 'GRUB PAR 'GYUR RO, ,MTSAN MO YANG GTOR MA BYIN NAS STONG PHRAG BRGYAD BZLAS NA, NGES PAR 'ONG NGO, , 'ONGS PA LA 'DOD PA BYAS NA, CHUNG MAR 'GYUR TE, NYI MA RE RE DONG RTZE STONG STONG STER ZHING, RGYAB TU ZHON NA, RI RAB LA YANG 'KHYER BAR BYED DO, ,GZHAN RGYAL SRID SBYIN PAR BYED CING RGYAL PO'I BU MO BKUG NAS STER TE, LO STONG PHRAG LNGA 'TSO ZHING SHI NAS KYANG RGYAL RIGS SU SKYE'O, ,CHU BO 'DUS PA'I 'GRAM DU SONG STE SHA'I BZA' BA DANG, K'A RA B'I RA'I ME TOG SBYIN ZHING GU GUL GYI DUD PAS BDUGS LA STONG PHRAG BRGYAD BZLAS NA, 'GRUB PAR 'GYUR RO, ,MTSAN MO YANG MCHOD PA RGYAS PAR BYAS TE MAR ME RAB TU SBAR NAS STONG PHRAG BRGYAD BZLAS NA, 'KHOR LNGA BRGYAS YONGS SU BSKOR NAS RKANG GDUB KYI SGRA CHEN POS 'ONG NGO, ,'ONGS PA LA MI SMRA BAR GYUR PAS 'DOD PAR BYA STE, CHUNG MAR 'GYUR RO, , GAL TE SPONG BAR BYED NA, 'CHI BAR 'GYUR RO, ,RGYAB TU ZHON NA, NYI MA RE RE MTHO RIS SU YANG 'KHYER BAR BYED DO, ,GZHAN YANG RGYAL SRID STER ZHING STONG PHRAG LNGA 'TSO LA SHI NAS

, ,KYANG RGYAL RIGS SU SKYE'O, ,CHU BO'I 'GRAM DU SONG STE GU GUL GYI DKYIL 'KHOR BYAS NAS AA GA RU'I BDUG PA SBYIN ZHING JI LTAR GSUNGS PA'I GTOR MA BYIN NAS STONG PHRAG BRGYAD BZLAS NA, 'GRUB PAR 'GYUR RO, ,MTSAN MO YANG MCHOD PA RGYAS PAR BYAS TE STONG BZLAS NA, RANG NYID 'ONG STE SNANG BA CHEN PO BYAS NAS TZANDAN GYI CHUS MCHOD YON BYIN NA, DGA' BAR 'GYUR RO, ,SDUG PA, NGAS CI BYA ZHES SMRA BAR BYED DO, ,SGRUB PA POS MA GYIS SHIG CES SMRA BAR BYA STE, MA BZHIN DU YONGS SU SKYONG BAR BYED DO, ,'KHOR LNGA BRGYA'I 'BRAS CHAN DANG, RGYAN DANG, GOS RNAMS NYI MA RE RE STER ZHING LO KHRI 'TSO LA, GANG GI TSE 'CHI BA NA BRAM ZE'I RIGS SU SKYE'O; ;CHU BO 'DUS PA'I 'GRAM DU SONG STE MCHOD PA RGYAS PA BYAS NAS MAR ME RAB TU SBAR TE MTSAN THOG THAG BZLA'O, ,DE NAS NAM PHYED KYI DUS SU 'BYUNG MO SNANG BA CHEN PO BYAS NAS 'ONG STE, SDUG PA, NGAS CI BYA ZHES SMRA BAR BYED DE, DE NAS RGYAL SRID BYIN CIG CES SMRAS NA, NYI MA RE RE DONG TZE 'BUM 'BUM STER RO, ,LO KHRI 'TSO ZHING GANG GI TSE 'CHI BA NA SA BDAG GI RGYAL PO BYED DO, ,'BYUNG MO'I RGYAL MO CHEN MO BRGYAD KYI RTOG PA RDZOGS SO,, ,,DE NAS 'BYUNG MO CHEN MO DUR KHROD DU 'JUG PA

RNAMS LANGS TE DPAL RDO RJE 'CHANG GI ZHABS LA PHYAG 'TSAL NAS RANG GI SNYING PO PHUL BA, AOm HR'I H'Um HA, MCHOG GI SNYING PO'O, ,AOm H'Um KAttA KAttA SARBA BH'U TA N'A MA SA MA YA MA NU B'A LA YA: HA RA HA RA BANDHA BANDHA, AA KRA MA [?] KRA MA, BHO BHO MA H'A ROO DRI shMA SH'A NA BA SI NI A'A GATZTSA A'A GATZTSA SH'I GHRIm DHUm HA H'Um PHAt, 'BYUNG MO DUR KHROD NA GNAS PA RNAMS DGUG PA'I SNGAGS SO,, AOm BANDHA BANDHA DHU NA DHU NA, TZA LA TZA LA, TZA LA YA TZA LA YA, PHRE P'A SHA PHRE P'A SHA, TU RA TU RA, HA NA HA NA, TI shthA TIshthA, SA MA YA MA NU P'A LA YA BHO shMA SH'A NA PRA BE SHA NI H'Um PHAt PHAt SV'AH'A, 'BYUNG MO THAMS CAD KYI DAM TSIG GI SNGAGS SO, ,AOm TZA LA TZA LA, DHA KA DHA KA, MAH'A BHU TI NI S'ADHA KA NA PRI YE, SA RA SA RA, BI SA RA BI SA RA, KAttA KAttA, TZ'A LA YA [?] LA YA, BHRANYDZA BHU NYDZAM, RANG+GA RANG+GA, GRIHnA GRI HnA H'Um H'Um PHAt TR'I : SV'AH'A, MCHE BA GTZIGS MA'I 'O, ,AOm GHOO R'A MU KHI SMA SH'A NA BA SI NI S'A DHA KA AA NU KU LE, AA PRA TI HA TA SIDDHA DHA PA TI KE, AOm AOm AOm AOm NA MA: SV'AH'A, GDONG DRAG MO'I 'O, ,AOm DZA DZA RI MU KHI, TZI RA TZI RA TZINTA A'A BE SHA, SARBA SHA TR'Um BHA YAm KA RI, HA NA HA NA, DA HA DA HA, BA TZA BA TZA, M'A RA YA M'A RA YA, MA MA AA K'A LA MRi TYU KshA YAm KA RI, SARBA N'A GA BHA YAm KA RI, AAttA H'A SI NI SA BH'U TE SHVA RI, TH'A TH'A TH'A TH'A, DHA DHA DHA DHA, AOm AOm AOm AOm SV'AH'A, RGAN MO GDONG GI'O, ,AOm KA MA LA LO TZA NI

, ,MA NU shU PA TZA LI, SARBA DU: KHA NI N'A SHA NI, S'A DHA KA PRI YE DZA YA DZA YA, DE BYA RU'U PI nI HRi: GRiHnA GRiHnA, DZA DZA H'Um H'Um PHAt PHAt NA MA: SV'AH'A, PADMA'I MIG CAN MA'I 'O, ,AOm BI KAD DU MU KHI DAm shtRA KA R'A LO DZ'A LI TA LO TZA NI, SARBA YAKshA BHA YAm KA RI, DHA PA DHA P'A GATZTSA GATZTSA BHO BHO S'A DHA K'A N'A A'A DZNY'A PA YA TI SV'AH'A, MI SDUG GDONG MA'I 'O, ,AOm DHU DHU RI KARnA PI SH'A CI NI KAtYA KAtYA, DHU NA DHU NA MH'A S'URYA P'U DZI TI, TZTSINDA MAH'A KARnA PI SH'A TZI NI BHO BHO S'A DHU KI KA DO MI tI, BH'Um H'Um PHAt PHAt SV'AH'A,SPYOD NGAN MA'I 'O, ,AOm SA RA SA RA, KAttA KAttA, DZAMBHA YA DZAMBHA YA, STAMBHA YA STAMBHA YA, MO HA YA MO HA YA, BI DYU TA KA R'A LI AA PRA CI HA TA BA RI SIDDHI DA YA KE HA HA HE H'Um PHAt SV'AH'A, GLONG LTAR 'JIGS MA'I 'O, ,AOm SOO MYA MU KHI A'A KARshA YA SARBA BH'U TA NA DZA YA DZA YA BHO BHO MAH'A S'A DHA KA NI TIshthA TIshthA SA MA YA MA NU P'A LA YA A'ADZNY'A PA YA TI SV'AH'A, BZHIN MDZES MA'I 'O, ,DUR KHROD DU 'JUG MA CHEN MO BRGYAD KYI SNGAGS KYI TSIG GO ,DE NAS 'DIR DUR KHROD DU 'JUG MA RNAMS KYI PHYAG RGYA'I MTSAN NYID RNAM PAR BSHAD PA, KHU TSUR PHAN TSUN BCANGS NAS MDZUB MO GNYIS BRKYANG BA NI, 'BYUNG MO'I DAM TSIG GI PHYAG RGYA STE, PHYAG RGYA 'DI NYID KYIS DGUG PAR YANG BYA'O, ,DUR KHROD DU 'JUG PA'I SHA ZA MO CHEN MO BRGYAD KYI

PHYAG RGYA BSHAD PA, G-YON PA'I MDZUB MO BRKYANG BA NI, GDONG DRUG MA'I PHYAG RGYA'O, ,KHU TSUR SO SOR BCANGS NAS MTHE'U CHUNG GNYIS 'KHYUD DE MDZUB MO GNYIS BRKYANG NAS KHA'I PHYOGS SU SBYAR BA NI, MCHE BA GTZIGS PA'I PHYAG RGYA'O, ,LAG PA G-YON PA KHU TSUR BCANGS TE GUNG MO BRKYANG BA NI, RGAN MO GDONG GI PHYAG RGYA'O, ,PHYAG RGYA DE NYID LAS GUNG MO BKUG CING SRIN LAG BRKYANG BA NI, PADMA'I MIG CAN MA'I PHYAG RGYA'O, ,PHYAG RGYA 'DI NYID LAS SRIN LAG BKUG NAS MTHE'U CHUNG BRKYANG BA NI, MI SDUG GDONG MA'I PHYAG RGYA'O, ,LAG PA G-YAS PA KHU TSUR BCANGS NAS MDZUB MO BRKYANG BA NI, SPYOD NGAN MA'I PHYAG RGYA'O, ,PHYAG RGYA 'DI NYID LAS MDZUB MO BKUG CING GUNG MO BRKYANG BA NI, GLOG LTAR 'JIGS MA'I PHYAG RGYA'O, ,PHYAG RGYA 'DI NYID LAS MTHE'U CHUNG RAB TU BRKYANG BA NI, BZHIN MDZES MA'I PHYAG RGYA'O, ,DUR KHROD DU 'JUG MA'I 'BYUNG MO CHEN MO BRGYAD KYI PHYAG RGYA'I MTSAN NYID KYI CHO GA RGYAS PA'I LE'U 'O,, ,,DE NAS 'DIR NI BSHAD BYA BA, ,'BYUNG PO 'DUL BA'I RGYUD CHEN RGYAL, ,DUR KHROD 'JUG PA'I 'BYUNG CHEN MO, ,BRGYAD PO SGRUB PA'I CHO GA STE, ,DBUL PO RNAMS LA PHAN DON DU, ,BRAN MO'I SGRUB THABS DAM PA'O, ,DUR KHROD DU SONG NAS STONG PHRAG BRGYAD BZLAS NA, SNGON DU BSNYEN PA BYAS PAR 'GYUR RO, ,DE

, ,NAS SGRUB PAR BRTZAM PAR BYA STE, MTSAN MO DUR KHROD DU SONG NAS SENG LDENG GI YAM SHING ZHO DANG, SBRANG RTZI DANG, MAR GYIS BYUGS PAS SBYIN SREG BRGYA BYAS NA; DE NAS 'BYUNG MO DUR KHROD DU 'JUG MA MYUR DU 'ONG STE, NGAS CI BYA ZHES MNGAG GZHUG BYED PAR 'GYUR RO, ,DE NAS ZHING BSKYED PA'I ZHING GI LAS BYED CING NYI MA RE RE DONG TZE RE RE STER RO, ,MTSAN MO'I ZHING GI GSEB TU SONG STE NYA DANG SHAS JI LTAR GSUNGS PA'I GTOR MA SBYIN ZHING LAN NYI SHU RTZA GCIG YONGS SU BZLAS NA, LAS KYI SHA ZA MO JI LTAR BSTAN PA'I LAS THAMS CAD BYED DO, ,MTSAN MO DUR KHROD DU SONG STE STONG PHRAG BRGYAD BZLAS NA, SHA ZA MO NYAN RNAMS MYUR DU BZANG MO'I GZUGS KYIS 'ONG STE; MNGAG GZHUG MAR 'GYUR RO, ,KHYIM GYI LAS DANG, BYA BA DANG, SHAGS DANG, DRAG PO'I LAS LA SOGS PA BYED DO, ,MTSAN MO DUR KHROD DU SONG NAS STONG PHRAG BRGYAD BZLAS NA, SHA ZA MO NYAN RNAMS 'BYUNG MO'I 'KHOR LNGA BRGYAS YONGS SU BSKOR TE MYUR DU 'ONG NGO, ,'ONGS PA LA NYA DANG SHA LAS BYAS PA'I GTOR MA DMAR PO BYIN NA, DGA' BAR 'GYUR RO, ,BRAN GYI LAS BYED CING RAS ZUNGS GCIG DANG, DONG TZE GCIG DANG, 'BRAS CHAN DANG, RGYAN LA SOGS PA SGRUB PO DANG 'GRO BA LNGA LA NYI MA RE RE STER RO, ,DPAG

TSAD BRGYA NAS KYANG BUD MED BZANG MO BLANGS NAS STER RO, ,MDOR NA BRAN DANG, BRAN MO DANG 'DRA BAR JI SRID 'TSO'I BAR DU LAS THAMS CAD BYED DO, ,'BYUNG PO 'DUL BA'I RGYUD CHEN PO LAS, LAS KYI SHA ZA MO'I CHO GA RGYAS PA'I LE'U'O,, ,,DE NAS 'BYUNG MO GTUM MO CHEN MO KA TA YA NA GTUM MO CHEN MO LANGS TE 'KHOR GYI DKYIL 'KHOR CHEN PO DE DPAL KHRO BO'I BDAG PO CHEN PO'I ZHABS LA PHYAG 'TSAL TE RANG GI SNYING PO PHUL BA, AOm TRUm H'Um H'Um PHAt PHAt, KA TA YAN ZHI BA MA'I 'O, ,AOm BHU DZA LA H'Um PHAt, KA TA YA NA CHEN MO'I 'O, AOm AOm HR'I HR'I H'Um H'Um HE HE PHAt PHAt SV'AH'A, DRAG MO KA TA YA NA'I 'O, ,AOm ROO DRI BHA YAm KA RI AAttA HA SI NI S'A DHA KA PRI YE MAH'A BI TZI TA RU PE RATNA KA RI SU BARnA HA TE YA MA NI KRINTA NI SARBA DU: KHA PRA SHA MA NI AOm AOm AOm AOm H'Um H'Um H'Um H'Um SH'I GHRAm SIDDHI PRA YATZTSA HRI: DZA SV'AH'A, 'BYUNG PO'I DBANG PHYUG MA GTUM MO KA TA YA NA'I 'O, ,AOm YAm MA NI KRINTA NI YA K'A LA MRi TYU NI B'A RA nI KHANGKA SHU LA HA STE SH'I GHRAm PRA SIDDHI DH'A TU S'A DHA KA M'A DZNY'A PA YA TI HR'I: SV'AH'A, KA TA YA NA DREGS MA'I 'O, ,AOm HE MA KUndA LI DHA KA DHAKA DZVA LA DZVA LA DI BYA KUndA LI BHU shI TE DA MA NI BHA GA WA NA A'A DZNY'A PA YA TI SV'AH'A, KA TA YA NA RNA CHA CAN GYI'O, ,AOm BHRi KU tI MU KHI KA HA KA HA, DHA BA DHA BA, DZVA LA DZVA LA, HU TA AA SA NA MU KHI A'A GATZTSA A'A GATZTSA BE TA HOD THA BA NI, A'A BE SHA A'A BE SHA, H'Um H'Um,

, ,H'Um; PHAt PHAt PHAt, BHA GA WAN A'ADZNY'A PA YA TI HR'I: SV'A H'A, KA TA NA YA NA RGYAL BA'I BZHIN CAN MA'I'O, ,AOm BHI KU MA THA NI KA HA KA HA DZA YA DZA YA, SARBA AA SU RA PA TZA TE H'Um PHAt SV'AH'A, KA TA YA NA MDZES MA'I'O, ,AOm SU RA TA PRI YE DI BYA LO TZA NI K'A ME SHVA RI DZA GA DA MO HA NI SU BHA GE KAm TZA NA, AA LI BHU shI DE NA PU RA SHA BHE, A'A BE SHA A'A BA SHA ,BI PU RA PU RA, S'A DHA KA PRi YI HR'I: SV'A H'A, KA TA YA NA DES MA'I'O, ,KA TA YA NA'I 'BYUNG MO BRGYAD KYI RIG SNGAGS BKLAGS PA TZAM GYIS 'GRUB PA'O, ,DE NAS MCHOG TU GSANG BA'I 'BYUNG PO CHEN PO'I 'DUL BA'I RGYUD CHEN PO LAS, KA TA YA NA BRGYAD PO'I PHYAG RGYA'I MTSAN NYID 'BYUNG MO THAMS CAD SGRUB PAR BYED PA BSHAD PAR BYA STE, SOR MO RNAMS PHAN TSUN DU BSNOL NAS MDZUB MO BRKYANG STE BKUG PA NI, KA TA YA NA ZHI BA MA'I PHYAG RGYA'O, ,SOR MO RNAMS NANG DU BKUG NAS MDZUB MO GNYIS BSKYIL BA NI, KA TA YA NA CHEN MO'I PHYAG RGYA STE, 'BYUNG MO MA LUS PA 'GUGS PA'O, ,PHYAG RGYA 'DI NYID LAS GUNG MO KHAR GTAD NAS MTHE'U CHUNG GNYIS BKUG PA NI, 'BYUNG MO THAMS CAD GSOD PA STE, RIGS 'JOMS PAR BYED PA SGRUB PA PO CHEN PO DGA' BA'I 'BYUNG PO'I DBANG PHYUG MA'I PHYAG RGYA'O, ,PHYAG RGYA 'DI BCINGS PA TZAM GYIS MYUR DU 'GRUB PAR BYED DO, ,

KHU TSUR GNYIS PO SO SOR BCINGS NAS MDZUB MO GNYIS BRKYANG BA NI, KA TA YA NA DREGS MA'I PHYAG RGYA STE, DRI DANG, SPOS DANG, DE BZHIN DU ME TOG GIS MCHOD CING NYA DANG SHA'I GTOR MA YANG BYIN NA, 'BYUNG PO THAMS CAD SKAD CIG DE LA BRAN MOR 'GYUR RO, ,KHU TSUR GNYIS DAM DU BCINGS NAS MDZUB MO GNYIS 'KHYUD PA NI, 'BYUNG MO'I PHYAG RGYA STE, DE NYID KA TA YA NA GTUM MO MI 'GEBS MA'I PHYAG RGYA'O, ,MDZUB MO GNYIS BRKYANG BA NI, 'BYUNG MO THAMS CAD SGRUB CING 'BYUNG MO RNAMS 'GYEL ZHING GSOD PA'I PHYAG RGYA STE, RIGS DANG RGYUD DU BCAS PA SGRUB PA RGYAL BA'I GZHAN CAN MA'I PHYAG RGYA STE, 'BYUNG MO MA LUS PA DBANG DU BYED PA'O, ,KHU TSUR SO SOR BCINGS NAS MTHE'U CHUNG GNYIS 'KHYUD DE MDZUB MO GNYIS BRKYANG STE BKUG PA NI, 'JIG RTEN GSUM 'GUGS PAR BYED PA'I PHYAG RGYA STE, DRAG PO DANG, TSANGS PA DANG BRGYA BYIN DU BCAS PA YANG 'GUGS NA, 'BYUNG MO PHRAN TSEGS RNAMS LTA CI SMOS TE, DE NI, KA TA YA NA MDZES MA'I PHYAG RGYA'O, ,'BYUNG MO CHEN MO KA TA YA NA BRGYAD KYI PHYAG RGYA'I CHO GA RGYAS PA'I LE'U 'O,, ,,DE NAS 'DIR MCHOG TU GSANG BA GSANG CHEN 'BYUNG PO 'DUL BA'I RGYUD KYI RGYAL PO CHEN PO'I 'BYUNG MO KA TA YA NA RNAMS KYI SGRUB PA'I THABS RNAM PAR BSHAD PA, 'BYUNG MO KA TA YA NA RNAMS KYI SGRUB PA'I THABS

, ,NI, DUR KHROD DU SONG NAS BRGYA PHRAG BRGYAD BZLAS NA, NYI MA GSUM NA 'BYUNG MO THAMS CAD MYUR DU 'ONG STE, 'ONGS PA LA THOD PA KHRAG GIS YONGS SU BKANG STE MCHOD YON BYIN NA, DGA' BAR 'GYUR TE, SDUG PA, NGAS CI BYA ZHES SMRA STE, SGRUB PA POS MA GYIS SHIG CES SMRAS NA, MA DANG 'DRA BAR YONGS SU SKYONG BAR BYED DO; ;RGYAL SRID STER ZHING BSAM PA THAMS CAD YONGS SU RDZOGS PAR BYED LA, SGRUB PA PO RNAMS KYI BDAG POR 'GYUR RO, ,LO BRGYA PHRAG LNGA 'TSO ZHING SHI NAS KYANG RGYAL RIGS SU SKYE'O, ,DE NAS RDO RJE 'CHANG GI KHYIM DU SONG STE STONG PHRAG BRGYAD BZLAS NA, DES SNGON DU BSNYEN PA BYAS PAR 'GYUR RO, ,MTSAN MO YANG DPAL RDO RJE 'CHANG GI KHYIM DU SONG STE BZLAS NA, BUD MED BZANG MO'I GZUGS KYIS 'DUG NAS MCHOG STER RO, ,MTSAN MO LINGGA GCIG PAR STONG STE STONG PHRAG GCIG BZLAS NA, NYI MA GCIG NA RKANG GDUB KYI SGRA THOS SO, ,NYI MA GNYIS NA BUD MED BZANG MO MDUN DU 'DUG STE, SEMS SU NA MI DBYUNG ZHING SMRA BAR YANG MI BYA'O, ,NYI MA GSUM PA LA TSIG SMRA BAR BYED DE, KYE SGRUB PA PO, BKA' CI STZAL ZHES SMRA STE, SGRUB PA POS KYE LHA MO CHEN MO, BSNYEN BKUR GYIS SHIG CES SMRAS NA, JI SRID 'TSO'I BAR DU BSNYEN BKUR MAR 'GYUR RO, ,RGYAB

TU ZHON NA, RI RAB DANG RGYA MTSO LA SOGS PAR 'KHYER RO, ,GZHAN YANG NGAL BSO BA'I KHYIM DU SONG STE 'DUG NA, RDZAS BLANGS TE STER BAR BYED DO, ,'DZAM BU'I GLING GI KHONGS SU GTOGS PA NA GZUGS MCHOG DANG LDAN PA'I BU MO BLANGS NAS STER RO, ,DE NAS 'DOD PAR BYAS NA LO LNGA BRGYA 'TSO ZHING SHI BA NA RGYAL PHRAN GYI RIGS SU SKYE'O, ,MTSAN MO CHU BO 'DUS PA'I 'GRAM DU SONG STE STONG PHRAG BRGYAD BZLAS NA, 'BYUNG MO BUD MED BZANG MO'I GZUGS CAN DU 'KHOR DANG BCAS NAS 'ONG STE, 'ONGS PA LA 'BOD PAR MI BYA ZHING SUN DBYUNG BAR MI BYA STE, MI SMRA BAR GYUR PAS CHAGS PA SPYAD NA, NYI MA RE RE RTAG TU GNAS PAR 'GYUR RO, ,DONG TZE LNGA DANG RAS PHRUGS GCIG STER RO, ,MTSAN MO SKYED MOS TSAL DU SONG STE BRGYAD STONG BZLAS NA; NYI MA GSUM NA RKANG GDUB KYI SGRA THOS SO, ,NYI MA BZHIN 'BYUNG MO 'ONG BA MTHONG NGO, ,NYI MA LNGA NA MDUN NA 'DUG GO ,NYI MA DRUG NA DONG TZE LNGA STER RO, ,NYI MA BDUN NA YANG 'ONG STE, KHYIM DANG BCAS NAS 'ONGS PA LA CHAGS PA BYAS NA CHUNG MAR 'GYUR RO, ,DE BZHIN DU NYI MA BRGYAD PA LA SNGAS SU MAndAL BYAS LA GU GUL GYI BDUG PA BYIN TE STONG PHRAG BRGYAD BRGYAD BZLAS NA, 'BYUNG MO'I BU MO'I GZUGS KYIS KHYIM DANG BCAS NAS 'OD STE, 'ONGS PA LA CHAGS PA BYAS NA CHUNG MAR 'GYUR RO, ,LHA'I MU TIG GI DO SHAL MAL DU BOR NAS THO

, ,RANGS KYIS 'GRO STE, DES KYANG MU TIG GI DO SHAL BLANG BAR BYA'O, ,BLANGS PA TZAM GYIS DONG TZE NYI SHU RTZA LNGA DANG RAS ZUNG GCIG STER RO, ,DGRA THAMS CAD 'JOMS PAR BYED CING TSE LO STONG THUB PAR 'GYUR TE, SHI NAS RGYAL RIGS SU SKYE'O, ,LHA KHANG STONG PAR SONG NAS MTSAN MO BRGYAD STONG BZLAS NA, NYI MA GSUM NA 'BYUNG MO RANG NYID SNANG BA CHEN PO BYAS NAS 'KHOR BRGYAD BRGYAS YONGS SU BSKOR TE NGES PAR 'ONG NGO, ,'ONGS PA LA TZANDAN GYI CHU'I MCHOD YON BYIN NA, DGA' BAR 'GYUR TE; CHUNG MAR 'GYUR LA, DNGUL CHU DANG, BCUD KYIS LEN DANG, RDZAS KYIS GRUB PA STER RO, ,'KHOR BRGYAD BRGYAS GOS DANG, RGYAN DANG, BZA' BA LA SOGS PA STER RO, , LO LNGA STONG 'TSO ZHING, GANG GI TSE 'CHI BA NA RGYAL RIGS SU SKYE'O, ,MTSAN MO RGYAL PO'I KHAB TU SONG STE STONG PHRAG BRGYAD BZLAS NA, SNGON DU BSNYEN PA BYAS PAR 'GYUR RO, ,NUB SNGAR K'A RA B'I RA'I SHING GIS ME RAB TU SBAR TE MA LA TI'I ME TOG ZHO DANG MAR GYIS BYUGS TE BRGYAD BRGYA BSREGS NA, 'BYUNG MO'I RGYAL MO 'KHOR LNGA BRGYA'I RKANG GDUB KYI SGRA CHEN POS MYUR DU 'ONG NGO, ,'ONGS PA LA ME TOG GI MCHOD YON BYIN NA, MA DANG SRING MO DANG CHUNG MAR 'GYUR RO, ,GAL TE MAR GYUR NA, SEMS SUN DBYUNG BAR MI BYA STE,

LHAS 'DOD PA'I BZA' BA STER ZHING GSER SRANG 'BUM STER RO, ,GAL TE SRING MOR GYUR NA NI, RGYAL SRID STER ZHING DPAG TSAD STONG NAS KYANG BUD MED BLANGS NAS STER RO, ,GAL TE CHUNG MAR GYUR NA NI, BUD MED MDZES MA LTA BUS LUS KYI LONGS SPYOD STER ZHING RE BA THAMS CAD YONGS SU RDZOGS PAR BYED DO, ,LO KHRI 'TSO ZHING GANG GI TSE 'CHI BA NA RGYAL RIGS SU SKYE BAR BYED DO, ,DE NAS ZLA BA NYA BA LA KHRI BZLAS PA BYAS NAS MTSAN MO LHA KHANG DU SONG STE MCHOD PA RGYAS PAR BYAS NAS MTSAN THOG THAG BZLAS NA, THO RANGS NGES PAR 'ONG NGO, , 'ONGS PA LA KHRAG GI MCHOD YON BYIN NA, DGA' BAR 'GYUR ZHING MNGAG GZHUG MAR 'GYUR TO, ,NYI MA RE RE DONG RTZE LNGA LNGA STER ZHING LHA'I 'DOD PA'I BZA' BA STER RO, ,LO LNGA BRGYA 'TSO BAR 'GYUR RO, ,'DI NI, KA TA YA NA BRGYAD KYI SGRUB PA'I THABS KYI CHO GA RGYAS PA'I LE'U'O,, ,,DE NAS RNAM PAR BSHAD BYA BA, ,'BYUNG PO 'DUL BA'I RGYUD CHEN GYI, ,BRAN PHO DANG NI BRAN MO DAG ,SGRUB PAR BYED PA'I CHO GA'O, ,AOm R'A HU R'A HU, MAH'A TZA TU KANDAN RA DHA NA NA HI TA HA RA TH'A YA, AOm HRA HRA HRA HRA HRA, GRiHnA GRiHnA, M'Am SA SIDDHA MME PRA YA TZTSA SV'A H'A, RA SKYES NAG PO'I SHA BTZONG BA'I SNGAGS TE, MTSAN MO DUR KHROD DU SONG NAS BRGYA RTZA BRGYAD BZLAS NA, SHA THAMS CAD BTZONG BA'I LAS 'GRUB PAR 'GYUR RO, ,MTSAN MO DUR KHROD DU SONG NAS SHA

, ,SRANG BRGYAD KHYER NAS PHYOGS BZHIR RNAM PAR BLTAS TE, KYE KYE DUR KHROD NA GNAS PA'I 'BYUNG MO RNAMS SHA NYO'AM ZHES BOS NAS BRAM ZE'I GZUGS KYI MDUN DU 'DUG STE, KYE SKYES BU CHEN PO CI BZHED CES SMRA NA, SGRUB PA POS GSER 'DOD DO ZHES SMRA STE, GSER SRANG BRGYA STER BAR BYED DO, ,DE NAS SHA SBYIN TE, GAL TE MI 'DOD NA; MIG DANG SPYI BO 'GAS PA'AM 'CHI BAR 'GYUR RO, ,DE NAS DBANG PHYUG CHEN PO LHA CHEN PO RIG 'DZIN BYE BA DU MAS YONGS SU BSKOR TE LHA'I BU MO DU MA DANG, GNOD SBYIN DANG, KLU DANG, MI'AM CI DANG, LTO 'PHYE CHEN PO KHRI PHRAG BRGYAD STONG DU MA DANG LHAN CIG TU 'KHOR GYI DKYIL 'KHOR CHEN PO DER DPAL RDO RJE 'CHANG KHRO BO'I BDAG PO CHEN PO LA LAN GSUM BSKOR BA BYAS TE ZHABS LA MGO BOS PHYAG 'TSAL NAS BCOM LDAN 'DAS LA 'DI SKAD CES GSOL TO, ,BYANG CHUB SEMS DPA' SEMS DPA' CHEN PO RNAMS LA MI PHYED PAR BSTAN PA, KHAMS GSUM PA'I RGYAL PO CHEN PO 'BYUNG PO DANG, KLU DANG, GNOD SBYIN DANG, RIG 'DZIN RNAMS 'JIG PAR BYED PA, BGEGS THAMS CAD 'JOMS PA, SDUG BSNGAL BA DANG, NYON MONGS PA THAMS CAD SEL BA, GDON THAMS CAD DANG, RO LANGS DANG, LUS SRUL PO RNAMS BSOD PA, DKYIL 'KHOR

GSANG CHEN THAMS CAD 'GRUB PAR BYED PA BSHAD DU GSOL, DE NAS 'KHOR GYI DKYIL 'KHOR DER GNAS PA'I BYANG CHUB SEMS DPA' SEMS DPA' CHEN PO 'JAM DPAL GZHON NUR GYUR PAS 'BYUNG PO'I DBANG PHYUG LHA CHEN PO LA LEGS SO ZHES BYA BA BYIN TE, LEGS SO LEGS SO, ,LHA CHEN PO, MA 'ONGS PA'I DUS NA 'DZAM BU'I GLING GI MI RNAMS LA PHAN PA'I DON DU 'BYUNG PO THAMS CAD DANG, KLU DANG, GNOD SBYIN DANG, MI 'AM CI RNAMS BRAN MOR SGRUB PA'I THABS KHRO BO'I BDAG PO CHEN POS GSUNGS SHIG ,DE NAS 'DIR NI BSHAD BYA BA, ,DKYIL 'KHOR CHEN PO DAM PA STE, ,GRU BZHI PA LA SGO BZHI PA, ,RTA BABS DAG NI BZHIS BRGYAN CING, ,CHA RNAMS BCU DRUG DAG DANG LDAN, ,RDO RJE RA BAS MDZES BYAS PA, DE DBUS DGOD BYA DRAG PO STE, ,'BAR BA'I PHRENG BA YANG DAG 'KHRUG ,KHRO BO CHEN PO PHYAG BZHI PA, ,MIG SMAN SBYANGS BA'I 'OD 'DRA ZHING, ,PHYAG G-YAS KYIS NI RDO RJE GSOR, , G-YON PA'I PHYAG GIS SDIG MDZUB MDZAD, ,ZHAL GYI MCHE BA GTZIGS PA STE, ,SPRUL BRGYAD KYIS NI RNAM PAR BRGYAN, ,THOD PA'I PHRENG BA'I COD PAN CAN, ,'JIG RTEN GSUM YANG 'JIGS BYED CING, ,SGRA CHER DRAG TU BZHAD MDZAD LA, ,'JIG RTEN GSUM PA'I BDAG PO STE, ,G-YON BRKYANG BA YIS LEGS PAR BZHUGS, ,NYI MA PHYE BA'I GZI LDAN LA, ,

, ,GZHAN GYIS MI THUB ZHABS KYIS MNAN, ,PHYAG RGYA BCING BAS BZHUGS PA STE, ,SRIN LAG GNYIS NI 'KHYUD NAS SU, ,MDZUB MO GNYIS NI BKUG BYAS TE; ;MTHE'U CHUNG DANG NI GUNG MO DAG ,MTHE BO YIS NI MNAN BYAS PA, ,DPAL LDAN 'DI 'DRA'I RGYA 'DZIN CING, ,'JIG RTEN GSUM GYI 'BYOR 'GRUB PA'O, ,KHRO BO'I MDUN DU AU MA YI,, BDAG PO YANG DAG BRI BAR BYA, ,LHO RU KHYAB 'JUG BRI BAR BYA, ,NUB TU TSANGS PA LHA NYID DO, ,BYANG DU BDAG PO SMIN DRUG GO DBANG LDAN DU NI TSOGS BDAG PO, 'OD ZER STONG GIS MDZES PA NI, ,ME YI GRAR NI BRI BAR BYA, ,SGRA GCAN BDEN BRAL GRA RU BRI, ,DGA' BA'I DBANG PHYUG RLUNG GI GRAR, ,GSER GYI KHA DOG LTA BU'I LUS, ,RGYAN RNAMS KUN GYIS RNAM PAR BRGYAN, ,CUNG ZAD DGOD CING CHAGS PA YIS, ,BCOM LDAN 'DAS LA LTA BA YI, ,MCHOD PA'I LHA MO GNAS PA RNAMS, ,DKYIL 'KHOR PHYI ROL BRI BYA STE, ,KHRO BO YI NI G-YON LOGS SU, ,LHA MO AU MA BRI BAR BYA, ,KHRO BO YI NI MDUN NYID DU, ,DPAL GYI LHA MO BRI BAR BYA, ,LAG PA ME TOG THOGS PA'O, ,KHRO BO YI NI G-YAS LOGS SU, ,RGYAN KUN GYIS NI BRGYAN BYAS SHING, ,LAG PA NA NI SPOS THOGS PA'I, ,THIG LE MCHOG NI LEGS PAR BRI, ,KHRO BO YI NI RGYAB KYI CHAR, ,LHA YI RNA CHAS BRGYAN PA YI, ,LAG NA MAR

ME THOGS PAR NI, ,ZLA BA'I LHA MO BRI BAR BYA, ,LHA YI RNA CHAS BRGYAN PA YI, ,LAG NA LHA YI DRI THOGS PA, ,RIN CHEN RGYAN GYIS BRGYAN PA YI, ,LHA MO ME YI GRA RU BRI, ,KLU DANG SNYAN DNGAGS MANG SMRA BA'I, ,TSIG DBANG LHA MO SRIN POR BRI, ,GNOD SBYIN KUN GYI DBANG PHYUG MA, ,SDUG GU MDZES MA ZHES GRAGS PA, ,LAG NA RIN CHEN PHRENG THOGS PA, ,RLUNG GI GRAR NI BRI BAR BYA; ;'BYUNG PO KUN GYI DBANG PHYUG RGYAL, ,MI 'BYUNG ZHES BYA'I 'BYUNG MO NI, ,RGYAN RNAMS KUN GYIS BRGYAN PA RU, ,DBANG LDAN GRA RU BRI BAR BYA, ,BZHIN BZANG MIG GI DKYUS RING ZHING, ,GZUGS DANG LANG TSOS BRGYAN PA LA, ,MDOG NI GSER DANG 'DRA BA STE, ,SKRA NI MTHON MTHING 'KHYIL BA LA, ,YAN LAG KUN MDZES LHA MO NI, ,SGRUB PA'I RIGS LA DGA' RNAMS SO, ,BRGYA BYIN SHAR DU BRI BYA STE, ,ME NI ME RU LEGS PAR BRI, ,LHOR NI GSHIN RJE'I RGYAL PO STE, ,SRIN PO'I BDAG PO BDEN BRAL DU, ,NUB TU CHU YI RGYAL PO'O, ,RLUNG DU RLUNG GI LHA NYID DO, ,BYANG DU LUS NGAN RGYAL PO BDAG ,DBANG LDAN ZLA BA BRI BYA STE, ,RANG RANG GNAS SU DGOD PAR BYA, ,DE NAS DKYIL 'KHOR DU 'JUG PA'I CHO GA BSHAD PAR BYA STE, RDO RJE SLOB DPON BDAG NYID GTZUG TOR SNGON PO BCINGS TE RAS SNGON PO ZUNG GCIG BGOS NAS RDO RJE GSOR ZHING 'DI SKAD CES BRJOD DO, ,SEMS CAN KUN LA PHAN DON DU, ,MYUR DU DNGOS

, ,GRUB SBYIN MDZAD PA, ,GRUB PA'I RDO RJE KHRO BO CHE, ,LHA NYID DAM TSIG LA BZHUGS SHIG ,DE NAS DPAL KHRO BO CHEN PO LHA NYID DAM TSIG LA BZHUGS SHIG CES BRJOD DO, ,DE'I 'OG TU DPAL KHRO BO CHEN PO'I PHYAG RGYA BCINGS TE GZHUG CING 'DI SKAD CES BRJOD DO, ,H'Um BADZRA PHAt, 'DI SKAD BRJOD PA TZAM GYIS BDAG NYID KHRO BO 'JUG GO , DE NAS SLOB MA GZHUG PAR BYA STE, RAS SNGON POS GDONG G-YOGS NAS KHRO BO'I PHYAG RGYA SPYI BOR BZHAG STE RDO RJE'I CHU KHAR SBYIN PAR BYA'O, ,AOm TIshthA TIshthA SIDDHI H'Um H'Um, 'DIS SBYIN PAR BYA'O, ,AOm PRA PE SHA KRO DHA H'Um H'Um H'Um AA, 'DI DANG KHRO BO DBAB PA'I PHYAG RGYAS DBAB PAR BYA STE, YI GE H'Um GIS RI RAB KYI STENG NA 'DUG PA YANG 'BEBS SHING 'DAS PA DANG, MA 'ONGS PA DANG, DA LTAR BYUNG PA YANG SMRA BAR BYED DO, ,DE NAS ME TOG DOR BAR BYAS NAS DE'I 'OG TU GDONG G-YOGS BKROL TE LHA'I RIGS BSTAN CING MING GI DBANG BSKUR TE MCHOD PAR BYA ZHING, PHYAG RGYA DANG SNGAGS KYANG BSLAB PAR BYA'O, ,'BYUNG PO 'DUL BA'I RGYUD CHEN PO LAS, DNGOS GRUB KYI CHO GA RGYAS PA'I LE'U RDZOGS SO,, ,,DE NAS 'DIR 'BYUNG PO 'DUL BA'I RGYUD CHEN PO LAS CHO GA RGYAS PAR BSHAD PA, DANG PO RE ZHIG LAG PA GNYIS LA ZLA BA'I DKYIL 'KHOR BSGOMS TE, DE DAG GI DBUS SU YI GE H'Um 'BAR

BA'I PHRENG BA 'KHRUGS PA BSAMS TE SNGAGS 'DI BZLA BAR BYA'O, ,AOm SIDDHI BADZRA H'Um, DE NAS SDIG PA THAMS CAD 'JOMS PA'I SNGAGS BZLAS TE SNYING GAR ZLA BA'I DKYIL 'KHOR BSAMS TE DE'I STENG DU YI GER DMAR PO THIG LE DANG BCAS PA'I 'BAR BA'I PHENG BA 'KHRUGS PAR BSAMS NAS SDIG PA THAMS CAD 'JOMS PA'I SNGAGS 'DI BZLA'O,, AOm HA NA BI DHVA NAS YA BI DHVA NA SA YA, N'A SHA YA SV'A BAm H'Um PHAt, 'DI'I RJES THOGS KHO NAR STONG PA NYID DU BSGOMS TE MDUN DU ME TOG KUN DA DANG, SHEL LTA BUR BLTAS NAS DE'I DBUS SU YI GE H'Um DANG, PADMA 'DAB MA BRGYAD PA RNAM PAR BSAMS TE DE'I DBUS SU YI GE H'Um 'BAR BA'I PHRENG BA KUN NAS 'KHRUGS PA RNAM PAR BSAMS LA KHRO BO DBAB PA'I SNGAGS 'DIS DBAB PAR BYA'O, ,AOm KRO DHA A'A BE SHA YA H'Um H'Um H'Um AA, DE NAS KHRO BO DBAB PA'I PHYAG RGYA BCINGS TE SNGAGS 'DI BZLA BAR BYA'O, ,AOm BADZRA A'A BE SHA YA A'A BE SHA YA P'A TA P'A TA YA H'Um, DE NAS RANG LHA'I SKUR BSAM MO, ,DE NAS KHRO BO'I BDAG PO KHRO BO'I RGYAL PO'I PHYAG RGYAS YAN LAG DRUG TU DGOD PAR BYA STE, AOm HA NA BADZRA H'Um SPYI BOR RO, ,AOm DHA RA BADZRA H'Um SPYI GTZUG TU'O, , AOm D'IPTA BADZRA H'Um, MIG TU'O, ,AOm BADZRA RO shA NA H'Um SNYING GAR RO, ,AOm BADZRA DRI dHA BADZRA H'Um GO CHA'O, ,AOm HA NA DA HA PA TZA, KRO DHA BADZRA SARBA DUshtA NA, M'A RA YA H'Um PHAt MTSON CHA'O, ,KHRO BO'I RGYAL PO

, ,'DI DAG YAN LAG DRUG LA DGOD PAR GSUNGS SO, ,DE NAS DKYIL 'KHOR GYI LHA'I SNYING POS SPYAN DRANGS TE SOR MO PHAN TSUN DU BKUG NAS MDZUB MO GNYIS RTZE MO BKUG PA'I PHYAG RGYA 'DI LA SNGAGS SBYAR BAR BYA'O, ,AOm BADZRA DHA RA MAH'A KRO DHA SA MA YA MA NU P'A LA YA SH'I GHRAm A'A GATZTSA HR'I: DZA: H'Um PHAt SV'AH'A, 'DIS LHA THAMS CAD SPYAN DRANG BAR BYA'O, ,AOm SARBA DE BA TA PRA SIDDH'I H'Um AA, AOm N'A SHA YA DUsht'A NA DA HA PA TZA DUsht'A NA BHA SMI KU RU H'Um H'Um PHAt PHAt STANG STABS KYI'O, ,AOm BADZRA KRO DHA MA H'A TZAndA, BANDHA BANDHA, DA SHA DI SHA H'Um PHAt PHYOGS BCING BA'O, ,AOm BHU RBHU BA SV'AH'A LHA CHEN PO'O, ,AOm A'A SHRI BADZRA HA NA YE SV'AH'A KHYAB 'JUG GI'O, ,AOm DE BA KU RU DHE DHA R'A YA SV'AH'A SKYE RGU'I BDAG PO'I 'O,, AOm HR'I: KRO TZA SHAKTI DH'A RA nI PHAt PHAt GZHON NU'I SNGAGS SO, ,AOm GRUm GA nA PA TA YE SV'AH'A TSOGS BDAG GI'O, ,AOm SHR'I TZA YA AA TRA KI nE SV'AH'A NYI MA'I 'O, ,AOm NA RTE SHVA R'A YA, N'A TA N'A TA HR'I: SV'AH'A DGA' BA'I DBANG PHYUG GI'O, ,AOm TZANDRA SHA KRA PA RA KRA MA YE H'Um PHAt SGRA GTZAN GYI'O, ,AOm TZANDRA YA SHRI SHV'AH'A STENG GI ZLA BA'I 'O, ,DE NAS MCHOD PA'I LHA MO RNAMS KYI SNYING PO BSHAD PA, AOm BHRUm NA MA: LHA MO AU MA'I 'O, ,AOm SHR'I NA MA: DPAL GYI LHA MO'I 'O, ,AOm SHR'I YE NA MA THIG LE MCHOG MA'I 'O, ,AOm SA RA SVA TYEE G'A T'A YA SARBA SV'AH'A DBYANGS

CAN MA'I'O, ,AOm SHR'I TZA NA MA RTZOM MA MO'I 'O, ,AOm SHR'I NA MA: ZLA BA MA'I 'O, ,AOm YAKshA SH'A RI KshI SV'AH'A SDUG GU MDZES MA'I 'O, ,AOm A'A BHU TIR HR'I: MI 'BYUNG MA'I 'O, ,DE NAS 'BYUNG MO SGO SKYONG MA BRGYAD KYI'O, ,AOm AA SHR'I BAm MAm SV'AH'A, 'BYUNG PO BRGYAD KYI SNYING PO STE, SNGA MA BZHIN NO, ,'BYUNG PO 'DUL BA'I RGYUD KYI RGYAL PO CHEN PO LAS, DNGOS GRUB KYI DKYIL 'KHOR GYI CHO GA RGYAS PA'I LE'U RDZOGS SO,, ,,DE NAS 'BYUNG PO 'DUL BA'I RGYUD KYI RGYAL PO CHEN PO LAS PHYAG RGYA'I MTSAN NYID KYI CHO GA RGYAS PAR BSHAD PA, SOR MO PHAN TSUN BSNOL NAS MDZUB MO GNYIS BKAB PA LTAR BRKYANG BA BYAS PA NI, SDIG PA 'JOMS PA'I PHYAG RGYA'O, ,KHU TSUR PHAN TSUN BCANGS NAS MDZUB MO GNYIS 'KHYUD PA NI; KHRO BO DBAB PA'I PHYAG RGYA STE, 'JIG RTEN GSUM SKAD CIG GIS 'BEBS PA'I PHYAG RGYA CHEN PO'O, ,DE NAS YAN LAG DRUG GI PHYAG RGYA BSHAD PA, KHU TSUR PHAN TSUN BCANGS TE GUNG MO'I SOR MO BRKYANG BA NI, SPYI BO'I PHYAG RGYA'O, ,PHYAG RGYA DE NYID LAS GUNG MO NANG DU BCUG NAS MDZUB MO KHAB LTAR BYAS PA NI, SPYI GTZUG GI PHYAG RGYA'O, ,PHYAG RGYA DE NYID LAS MDZUB MO'I RTZAR MTHE BONG BZHAG STE MTHE BONG G-YAS PA MIG G-YAS PAR BZHAG STE MTHE BONG G-YON PA MIG G-YON PAR BZHAG PA NI, MIG GI PHYAG RGYA'O, ,KHU TSUR SO SOR

, ,BCANGS TE MTHE'U CHUNG GNYIS 'KHYUD PA LA MDZUB MO GNYIS BRKYANG BA NI, SNYING GA'I PHYAG RGYA'O, ,PHYAG RGYA DE NYID LAS MDZUB MO BSKYIL BA BYAS PA NI, GO CHA'I PHYAG RGYA'O, ,MDZUB MO GNYIS BRKYANG BA NI, MTSON CHA'I PHYAG RGYA'O, ,SNYIM PA MNYAM PAR BYAS NAS MTHE BONG GNYIS MDZUB MO LA BCANGS PA NI, YON CHAB KYI PHYAG RGYA'O; ;KHU TSUR SO SOR BCANGS PA LA MTHE BONG BRKYANG BA NI, STANG STABS KYI PHYAG RGYA'O, ,KHU TSUR SO SOR THA DAD PAR BCANGS TE MDZUB MO G-YON PA BRKYANG NAS DPUNG PA G-YAS PA'I RTZA BAR GZHAG GO ,G-YAS PAS MTHE BOS MTHE'U CHUNG GI SOR MO MNAN TE SOR MO LHAG MA BRKYANG NAS PHYOGS BCUR BSKOR BA NI, BCING BA'I PHYAG RGYA'O, ,DE NAS LHA CHEN PO'I PHYAG RGYA BSHAD PA, THAL MO MNYAM PAR SBYAR TE MTHE'U CHUNG DANG SRIN LAG BKUG PA NI, DRAG PO'I PHYAG RGYA'O, ,THAL MO MNYAM PAR SBYAR NAS MDZUB MO GNYIS 'KHYUD DE BKUG PA NI, SRED MED KYI BU'I DUNG GI PHYAG RGYA'O, ,SOR MO PHAN TSUN BSNOL NAS MTHE'U CHUNG RAB TU BRKYANG BA NI, SKYE RGU'I BDAG PO'I SPYI BLUGS KYI PHYAG RGYA'O, ,LAG PA G-YON PA KHU TSUR BCANGS TE GUNG MO SO SOR BRKYANG BA NI, KHRUNG KHRUNG 'JOMS PA'I MDUNG GI PHYAG RGYA'O, ,GUNG MO'I SOR MO'I TSIGS BKUG PA NI, TSOGS

KYI BDAG PO'I DGRA STA'I PHYAG RGYA'O, ,THAL MO MNYAM PAR BYAS NAS BKRA SHIS KYI LAG PAR BYAS TE G-YON PA'I MTHE'U CHUNG GIS SNYING PO BYAS NAS G-YON PA'I MTHE BO'I RTZE MOR BZHAG CING G-YAS PA'I MTHE BONG DE'I STENG DU BZHAG PA NI, NYI MA'I SHING RTA'I PHYAG RGYA'O, ,LAG PA G-YAS PA BRKYANG NAS MDZUB MO DANG SRIN LAG BKUG PA NI, SGRA GCAN GYI PHYAG RGYA'O,, LAG PA G-YAS PA GAR GYI TSUL GYIS G-YON PA'I STENG DU BZHAG CING LAG PA G-YON PA KHU TSUR BCANGS TE MDZUB MO DANG GUNG MO BRKYANG NAS MTHE BONG GIS MTHE'U CHUNG DANG, SRIN LAG GI SEN MO MNAN PA NI, DGA' BA'I DBANG PHYUG GI PHYAG RGYA'O, ,KHU TSUR SO SOR THA DAD PAR BCANGS TE MTHE'U CHUNG 'KHYUD PA NI, LHA MO DKA' ZLOG MA'I PHYAG RGYA'O, ,LAG PA GNYIS KA GDENGS KA LTAR BSTAN TE SPYI BOR BZHAG PA NI, DPAL LHA MO'I PHYAG RGYA'I MTSAN NYID DO, ,THAL MO SBYAR NAS NAM MKHA' LA BSKYOD PA NI, ZLA BA'I PHYAG RGYA'O, ,KHU TSUR SO SOR BCANGS LA MTHE'U CHUNG DANG MDZUB MO 'KHYUD PA NI, LHA MO ZLA BA MA'I PHYAG RGYA'O, ,DE NAS RIN CHEN RGYAN CAN MA'I PHYAG RGYA BSHAD PA, KHU TSUR SO SOR BCANGS TE MDZUB MO GNYIS BRKYANG NAS RIN PO CHE'I RNAM PAS DPRAL BA'I PHYOGS SU PHRENG BA BCINGS TE BZHAG PA NI, RIN CHEN RGYAN CAN MA'I PHYAG RGYA STE, SNGAGS NI, AOm RATNA SHR'I SV'AH'A,

, ,DE NAS DBYANGS CAN MA'I PHYAG RGYA BSHAD PA, SOR MO PHAN TSUN 'KHYUD DE MDZUB MO GNYIS BRKYANG NAS KHAR BZHAG PA'O, ,THIG LE MCHOG MA'I PHYAG RGYA BSHAD PA, SOR MO PHAN TSUN DU PADMA 'KHOR BA'I SBYOR BAS BSKOR TE SPYI BOR BZHAG PA NI, THIG LE MCHOG MA'I PHYAG RGYA'O, ,DE NAS RTZOM PA MO'I PHYAG RGYA BSHAD PA; LAG PA SO SOR SOR MO GCIG LA GCIG BSKOR BA'I SBYOR BAS SNYING GAR BZHAG PA NI, RTZOM PA MO'I PHYAG RGYA'O, ,DE NAS PHYI'I DKYIL 'KHOR GYI CHO GA RGYAS PAR BSHAD PA, AOm SHA KR'A YA SV'AH'A, SHAR DU BRGYA BYIN NO, ,AOm AAGNA YE SV'AH'A, MER ME LHA'I LHA'O, ,AOm YA M'A YA SV'AH'A, GSHIN RJE'I PHYOGS SU GSHIN RJE'O, ,AOm R'AKshA SA AA DHI PA TA YE DZA YA DZA YA SV'AH'A, BDEN BRAL DU SRIN PO'I BDAG PO'I 'O, ,AOm WA RU nA N'A GA AA DHI PA TA YE SV'AH'A, NUB TU CHU LHA'O, ,AOm B'A YA BE TZA LA TZA LA SV'AH'A, RLUNG DU RLUNG GI LHA'O, ,AOm KU BE R'A YA YAKshA AA DHI PA TA YE SV'AH'A, BYANG CHU LUS NGAN PO'I 'O, ,AOm TZANDRA YA SV'AH'A, DBANG LDAN GYI PHYOGS SU ZLA BA'O, ,AOm A'I SHA N'A YA SV'AH'A, DBANG LDAN GYI PHYOGS SU DBANG LDAN NYID DO, ,DE NAS GNOD SBYIN MO THAMS CAD KYI DBANG PHYUG MA SDUG GU MDZES MA'I PHYAG RGYA BSHAD PA, KHU TSUR SO SOR BCANGS TE MTHE'U CHUNG

RAB TU BRKYANG BA'O, ,DE NAS 'BYUNG MO'I PHYAG RGYA BSHAD PA, ,KHU TSUR SO SOR BCANGS TE MTHE'U CHUNG GNYIS 'KHYUD NAS SDIGS MDZUB BYAS TE 'DZIN PA NI, 'BYUNG PO'I DBANG PHYUG 'BYUNG MO THAMS CAD KYI RGYAL MO'I PHYAG RGYA'O, ,DE NAS 'BYUNG MO SGO SKYONG MA BRGYAD KYI PHYAG RGYA BSHAD PA, KHU TSUR SO SOR BCANGS TE MDZUB MO GNYIS 'KHYUD PA NI, 'BYUNG MO BRGYAD KYI PHYAG RGYA'O, ,DE NAS PHYI'I DKYIL 'KHOR GYI CHO GA RGYAS PAR BSHAD PA NI, LAG PA G-YAS PA'I THAL MO MNYAM PAR BYAS TE MTHE BOS MTHE'U CHUNG GI SOR MO MNAN NAS SOR MO LHAG MA BKRAM PA NI, BRGYA BYIN GYI RDO RJE'I PHYAG RGYA'O, ,LAG PA G-YON PA'I THAL MO MNYAM PAR BYAS TE CHUNG ZAD BSKYOD PA NI, ME'I PHYAG RGYA'O, ,LAG PA G-YAS PAR KHU TSUR BCANGS TE MDZUB MO BRKYANG BA NI, GSHIN RJE'I DBYUG TO'I PHYAG RGYA'O, ,LAG PA G-YAS PA KHU TSUR BCANGS TE MDZUB MO DANG GUNG MO BRKYANG BA NI, SRIN PO'I BDAG PO'I RAL GRI'I PHYAG RGYA'O, ,LAG PA G-YON PA'I KHU TSUR BCANGS TE MDZUB MO BRKYANG NAS BSKYIL BA NI, CHU'I LHA'I ZHAGS PA'I PHYAG RGYA'O, ,LAG PA G-YON PA'I KHU TSUR BCANGS LA MDZUB MO DANG GUNG MO BRKYANG PA NI, RLUNG LHA'I BA DAN GYI PHYAG RGYA'O, ,LAG PA G-YAS PA KHU TSUR BCANGS TE MTHE BONG BRKYANG BA NI, RNAM THOS KYI GLANG PO CHE'I PHYAG RGYA'O, ,

, ,LAG PA G-YON PA KHU TSUR BCANGS TE MTHE'U CHUNG GIS SOR MO MNAN NAS SOR MO LHAG MA BRKYANG BA NI, DBANG LDAN GYI TRI SH'U LA'I PHYAG RGYA'O, , DE NAS RDZOGS PAR BYED PA'I PHYAG RGYA BSHAD PA, THAL MO SBYAR BA NI, RDZOGS PAR BYED PA'I PHYAG RGYA'O, ,SNGAGS BSHAD PA, AOm SIDDHI BADZRA, AA SU R'A YA AA SU R'A YA H'Um; RDZOGS PAR BYED PA'I SNGAGS DANG, PHYAG RGYA'O, ,DE NAS DNGOS GRUB DGUG PA'I SNGAGS DANG, PHYAG RGYA BSHAD PA, KHU TSUR SO SOR BCANGS NAS MTHE'U CHUNG GNYIS 'KHYUD DE MDZUB MO GNYIS BRKYANG NAS BSKYIL BA NI, DNGOS GRUB DGUG PA'I PHYAG RGYA'O, ,SNGAGS NI, AOm BADZRA RO shA nA MAH'A KRO DHA SIDDHA A'A KARshA YA H'Um DZA; DNGOS GRUB DGUG PA'I SNGAGS SO, ,RGYAL PO CHEN PO'I DNGOS GRUB NI, ,KHRO BO'I BSTAN PA'I DNGOS GRUB STE, ,LHA RNAMS KUN GYI DNGOS GRUB MCHOG ,BDAG LA MYUR DU SGRUB TU GSOL,, RDO RJE GSOR ZHING SNGAGS DE NGANG 'DI BRJOD PAR BYA'O, ,DE NAS 'BYUNG MO'I GDONG GI PHYAG RGYA BSHAD PA, LAG PA G-YON PA'I THAL MO MNYAM PAR BYAS NAS MTHE BONG BSGRED STE LAG PA G-YAS PA'I KHU TSUR GYIS LAG PA G-YON PA'I GZHAN GYIS MI THUB PA'I PHYAG RGYA BCINGS TE G-YAS PA'I MTHE BONG BSGRENG BA NI, RDO RJE 'CHANG GI 'BYUNG PO GDON GYI PHYEG RGYA'O, ,

AOm DZA YA DZA YA MAH'A KRODHA AA DHI BTI [?] MO DHA R'A DZA, AI MAm BH'U TA A'A SA NAm, NGARSHA YA RAKshA SV'AH'A, GDAN GYI SNGAGS SO, ,DA NAS LHA'I GDAN GYI PHYAG RGYA BSHAD PA, THAL MO SBYAR BA BYAS TE, SOR MO THAMS CAD BA GRAM PA NI, PADMA'I PHYAG RGYAR BRJOD PA STE, 'DI NI, PHYAG RGYA'O, ,SNGAGS NI, AOm PADMA BHA GA BA NI shA nA SARBA DE PA DVAm SV'A H'A, LHA THAMS CAD KYI GDAN GYI PADMA'I PHYAG RGYA DANG, SNGAGS SO, ,PADMA'I PHYAG RGYA 'DI NYID LAS MTHE BO G-YON PA BSGUL BAS LHA THAMS CAD SPYAN DRANG BA DANG, GSHEGS SU GSOL BA'I PHYAG RGYA STE, SNGAGS NI, AOm SA RA SA RA, BI SA RA BI SA RA, GATZTSA GATZTSA SARBA DE BA T'A N'Am, SHR'I BADZRA DHA RA SA MA A'A DZNY'A PA YA TI SV'AH'A, GSHEGS SU GSOL BA'I SNGAGS SO, ,KHRO CHEN THAMS CAD GRUB MDZAD PA, DNGOS GRUB BDE BAR SBYIN MDZAD PA, ,MTHU CHEN BLA NA MED PA NI, BDAG LA STZAL TE GSHEGS SU GSOL, ,BSTOD PA 'DIS BSTOD PAR BYA'O, ,'BYUNG PO 'DUL BA'I RGYUD KYI RGYAL PO CHEN PO LAS, DNGOS GRUB KYI CHO GA DKYIL 'KHOR GYI SGRUB PA RDZOGS SO,, ,,DE NAS KHRO BO'I BDAG PO CHEN PO PHYAG NA RDO RJES 'DI SKAD CES GSUNGS SO, ,DKYIL 'KHOR CHEN PO 'DI MTHONG BA TZAM GYIS KHAMS GSUM PA'I RGYAL SRID 'THOB CING 'DI'I RDO RJE 'CHANG BZLAS PA TZAM GYIS RDO RJE 'CHANG DANG MTSUNGS

, ,PAR 'GYUR RO, ,GAL TE MA GRUB NA YANG GLING BZHI PA'I 'KHOR LOS BSGYUR BA'I RGYAL POR 'GYUR RO, ,DPAL RDO RJE 'CHANG KHRO BO'I BDAG PO BZLAS PA TZAM GYIS 'BYUNG PO THAMS CAD BRAN DU 'GYUR RO, ,GAL TE SNGAGS PA KHROS NA, KHROS PA TZAM GYIS 'JIG RTEN PA'I LHA THAMS CAD DUM BU BRGYAR ZHIG PAR 'GYUR RO, , KLU DANG GNOD SBYIN THAMS CAD MTHONG BA TZAM GYIS GSOD CING 'JIG RTEN PA'I LHA THAMS CAD H'Um GI SGRA TZAM GYIS 'BRES PAR BYED DO, ,DE NAS DPAL RDO RJE 'CHANG KHRO BO'I BDAG PO CHEN PO'I SNGON DU BSNYEN PA BYA BA BSHAD PA, BDAG NYID SRUNG BA'I SNGAGS 'BUM BZLAS NA, MYUR DU 'GRUB PAR BYED PA'O, ,DE NAS DPAL RDO RJE 'CHANG SGRUB PAR 'DOD NA, ZLA BA GCIG TU DUS GSUM DU STONG PHRAG RE BZLAS NAS DE NAS ZLA BA NYA LA CI LTAR 'BYOR PA'I MCHOD PA BYAS NAS KHRO BO'I PHYAG RGYA BCINGS TE MTSAN THOG THAG BZLA'O, , DE NAS THO RANGS SA G-YO BA DANG, PHYAG RGYA 'BAR BAR 'GYUR TE, 'BAR BA TZAM GYIS RDO RJE 'CHANG DANG MTSUNGS PAR 'GYUR ZHING, RGA BA DANG 'CHI BA MED LA LHA'I GZUGS SU 'GYUR RO, ,DE NAS LHA MO SGRUB PAR 'DOD NA, LHA MO DKA' ZLOG RKANG PA G-YON PAS MNAN NAS KHRI BZLAS NA, LHA MO RANG NYID 'ONG ZHING, DNGOS GRUB KYI RDZAS DANG, DNGUL

CHU DANG, BCUD KYIS LEN GYI GRUB PA STER ZHING CHUNG MAR 'GYUR RO, ,GAL TE MA GRUB NA, DUG DANG LAN TSVAS BYUGS TE RKANG PA G-YAS PAS MNAN NAS KHRO BO'I SNGAGS 'DI BZLA BAR BYA STE, AOm HA NA HA NA BADZRA M'A RA YA CHE GE MO H'Um PHAt, KHRO BO 'DI DANG BCAS PAS MNAN TE STONG PHRAG BRGYAD BZLAS NA, BZLAS PA TZAM GYIS SPYI BO 'GAS PA'AM BSKAMS NAS 'CHI'O, ,DE BZHIN DU KHRO BO'I SNGAGS KYIS GSAD PA THAMS CAD LA SBYAR BAR BYA'O, ,DE NAS DPAL LHA MO SGRUB PAR 'DOD NA, DPAL LHA MO RKANG PA G-YON PAS MNAN TE KHRI BZLAS NA, DPAL LHA MO 'ONG STE ME TOG GI STAN SBYIN ZHING LEGS PAR 'ONGS SO ZHES BRJOD LA CHUNG MA GYIS SHIG CES BSGO NAS JI LTAR 'DOD PA LTAR SPYAD NA RGYAL SRID STER BAR BYED DO, ,DE NAS 'JIGS BYED MA RKANG PA G-YON PAS MNAN TE KHRI BZLAS NA, 'JIGS BYED MA RANG GI GZUGS KYIS 'ONGS TE BRAN MO'I LAS RNAMS BYED DO, ,TZA MUNdI RKANG PA G-YON PAS MNAN TE KHRI BZLAS NA, TZA MUNtI RANG GI GZUGS KYIS 'ONG STE, TZA MUNtI BRAN MOR 'GYUR RO, ,DE BZHIN DU MA MO'I SGRUB PA THAMS CAD LA MNAN TE BSGRUBS NA, MYUR DU 'GRUB PAR 'GYUR RO, ,'BYUNG PO 'DUL BA'I RGYUD KYI RGYAL PO CHEN PO LAS, SGRUB PA'I THABS KYI CHO GA RGYAS PA'I RIM PAR PHYE BA DANG PO RDZOGS SO,, ,,PHYAG NA RDO RJE GTUM PO

, ,LA PHYAG 'TSAL LO, ,DE NAS 'DIR NI SHIN TU 'DA' BAR DKA' BA MCHOG TU DRAG PO CHEN PO'I SGRUB PA'I THABS SHIN TU DRAG PO LAS THAMS CAD SGRUB PAR BYED PA GSUNGS PA, LINGGA GCIG PA RKANG PA G-YON PAS MNAN TE STONG PHRAG BRGYAD BZLAS NA, NYI MA BDUN NA LHA CHEN PO MYUR DU 'ONG NGO, ,GAL TE MA 'ONGS NA, DE'I MDO LA 'CHI'O, , SRED MED KYI BU MNAN TE NYI MA BDUN DU STONG PHRAG BDUN BZLAS NA, NYI MA BDUN PA LA NGES PAR 'ONG NGO, ,GAL TE MA 'ONGS NA, SPYI BO 'GAS PA'AM, BSKAMS PAR 'GYUR RO, , NGES PAR SRED MED KYI BU 'KHOR DANG BCAS PA MNGAG GZHUG PAR 'GYUR RO, ,TSANGS PA MNAN TE STONG PHRAG BRGYAD BZLAS NA, NYI MA BDUN NA MYUR BAR 'ONG STE, GAL TE MA 'ONGS NA BSKAMS TE 'CHI'O, ,MNGAG GZHUG PAR 'GYUR RO, ,BRGYA BYIN RKANG PA G-YON PAS MNAN TE NYI MA BDUN DU STONG PHRAG BRGYAD BZLAS NA, NYI MA BDUN NA NGES PAR 'ONG STE, GAL TA MA 'ONGS NA NGES PAR 'CHI BAR 'GYUR RO, ,'DIS BRGYA BYIN MNGAG GZHUG PAR 'GYUR ZHING PANG NA GNAS PA BLANGS TE STER BAR BYED DO, ,GAL TE MA 'ONGS NA SPYI BO 'GAS SHING DUM BU BRGYAR 'JIG LA, RANG GI RIGS RGYUD RNAMS BRLAG PAR 'GYUR RO, ,GZHON NU MNAN NAS STONG PHRAG BRGYAD BZLAS NA, NYI MA BDUN NA MYUR DU 'ONG STE, GZHON NU MNGAG GZHUG PAR

'GYUR RO, ,GZHON NU'I GDON THAMS CAD BRAN DU 'GYUR ZHING, CHE GE MO 'TSO BAR GYIS SHIG ,CHE GE MO SOD CIG CES SMRAS NA, DE DAG THAMS CAD BYED DO, ,TSOGS KYI BDAG PO MNAN TE STONG PHRAG BRGYAD BZLAS NA, NYI MA BDUN NA MYUR DU 'ONG STE, GAL TE MA 'ONGS NA RIGS RGYUD BRLAG CING 'CHI BAR 'GYUR RO, ,LOG 'DREN THAMS CAD MNGAG GZHUG PAR 'GYUR RO, ,NYI MA RKANG PA G-YON PAS MNAN TE BRGYAD STONG BZLAS NA, NYI MA BDUN NA MYUR DU 'ONGS TE RGYAL SRID STER RO, ,GAL TE MA 'ONGS NA 'CHI BA'AM, RANG GI RGYUD BRLAG PAR 'GYUR RO, ,ZLA BA MNAN TE BRGYAD STONG BZLAS NA, NYI MA BDUN NA MYUR DU 'ONG ZHING MNGAG GZHUG PAR 'GYUR LA GSER SRANG BRGYA STER RO, ,GAL TE MA 'ONGS NA SPYI BO 'GAS SHING BSKAMS TE 'CHI BAR 'GYUR RO, ,RANG GI RIGS DANG, RGYUD PHUNG BAR 'GYUR RO, ,'DI NI, ZLA BA 'KHOR DU SGRUB PAR BSHAD PA'O, ,'JIGS BYED RKANG PA G-YON PAS MNAN TE NYI MA BDUN DU STONG PHRAG BRGYAD BZLAS NA YANG MTSAN MO MCHOD PA CHEN PO BYAS TE SHA CHEN POS MCHOD PA BYAS NAS SHA CHEN PO'I GTOR MA BYAS TE SHA CHEN PO NYID DANG TIL GYI MAR ME RAB TU SNGAR TE NAM PHYED NA SGRA CHEN PO BYUNG STE DRAG TU DGOD CING BSDAD NA, KYE SKYES BU CHEN PO 'DI BZA' YI, ,SLONGS SHIG ,CES ZER RO, ,DES SKRAG PAR MI BYA STE, GAL TE

, ,SKRAG PAR GYUR NA, YI GE H'Um BZLAS NA BDE BAR GNAS PAR 'GYUR RO, ,'JIGS BYED 'KHOR DANG BCAS PA BRAN DU 'GYUR RO, ,KHAMS GSUM PA'I RGYAL SRID STER ZHING YI GE H'Um BZLAS PA TZAM GYIS 'JIG RTEN PA'I LHA THAMS CAD 'JOMS SO, ,GAR GYI DBANG PHYUG RKANG PA G-YON PAS MNAN TE NYI MA BDUN DU BRGYAD STONG BZLAS NA, SKAD CIG DE LA 'ONG ZHING MNGAG GZHUG PAR 'GYUR RO, ,GAL TE MA 'ONGS NA BSKAMS PA'AM 'CHI BAR 'GYUR RO, ,NAG PO CHEN PO RKANG PA G-YON PAS MNAN TE STONG PHRAG BRGYAD BZLAS NA, NYI MA BDUN NA 'KHOR GYI TSOGS DANG BCAS TE 'ONG NGO, ,GAL TE MA 'ONGS NA SKAD CIG DE NYID LA 'CHI ZHING RANG GI RIGS RGYUD PHUNG BAR 'GYUR RO, ,LHA NAG PO CHEN PO 'KHOR GYI TSOGS DANG BCAS PA MNGAG GZHUG PAR 'GYUR RO, ,GDONG BZHI PA PHYUG PO'I KHANG PAR SONG STE RKANG PA G-YON PAS MNAN NAS KHRI PHRAG BZLAS NA, NYI MA BDUN NA 'KHOR GYI TSOGS DANG BCAS TE 'ONG NGO, ,GAL TE MA 'ONGS NA RIGS DANG RGYUD BRLAG PAR 'GYUR RO, ,RNAM PA THAMS CAD KYIS G-YOG 'KHOR DU 'GYUR LA, RGYAB TU ZHON NAS MTHO RIS SU YANG 'KHYER RO, , PANG PA NA GNAS PA BLANGS NAS STER ZHING DNGUL CHU DANG BCUD KYI LEN BZANG PO STER RO, ,BCOM LDAN 'DAS DPAL RDO RJE 'CHANG GIS DE SKAD CES GSUNGS SO, ,'BYUNG PO 'DUL BA'I

RGYUD KYI RGYAL PO CHEN PO LAS, MNGAG GZHUG SGRUB PA'I CHO GA RGYAS PA'I LE'U RDZOGS SO,, ,,DE NAS STOBS DANG PHA ROL GNON PA DPAG TU MED PA, 'JIG RTEN GSUM GYIS PHYAG BYAS PA'I BRAN MO SGRUB PA'I THABS KHRO BO NYID KYIS MI RNAMS LA PHAN PA'I DON DU GSUNGS PA DNGOS GRUB KYI MCHOG RGYAS PAR BSHAD PAR BYA STE, LE LO CAN DANG, SDIG PA BYED PA DANG, BRDZUN DU SMRA BAS KYANG 'GRUB PAR BYED DO, ,TSUL KHRIMS DANG LDAN PA DANG, ZANG ZING SPANGS PA DANG, TSANGS PAR SPYOD PA LA RTAG TU GNAS PA DANG, RTAG TU KHRO BO'I BZLAS PA LA GNAS PAS 'BYUNG MO DANG, KLU MO DANG, GNOD SBYIN MO SGRUB PAR 'DOD NA, SNGAGS KYI TSOGS KYIS DGUG PA LA SBYAR BAR BYA'O, ,LHA MO AU MA SGRUB PAR BYED PA RNAMS LA PHAN PA'I DON DU BSNYEN BKUR MAR BYA BAR BSHAD PA'O, ,DANG POR BSGRUB PAR BYA ZHING DE'I 'OG TU DNGOS GRUB KYI MCHOG BZANG PO RIG 'DZIN DANG, PHYOGS KYI BDAG PO DANG, NOR GYI CHAR DANG, GTER CHEN PO DANG, YID BZHIN GYI NOR BU DANG, BUM PA BZANG PO LA SOGS PA DANG, GNOD SBYIN MO'I SGRUB PA DANG, ,ZA MO DANG, SA LA 'JOMS MA LA SOGS PA GSUNGS PA RNAMS 'GRUB STE, SANGS RGYAS NYID KYANG 'GRUB NA, THA MAL 'BYUNG MO BRAN DU BYA BA RNAMS LTA SMOS KYANG CI DGOS TE, DE'I MOD LA 'GRUB PAR 'GYUR RO, ,'BYUNG PO 'DUL BYED KYI RGYUD CHEN PO

, ,LA NI, SGRUB PA PO RTAG TU KHRO BO'I BZLAS PA LA GNAS NA, SLOB DPON LA SMOD PA DANG, LHA THAMS CAD LA SMOD PA DANG, DAM PA'I CHOS SPONG BA DANG, THAMS CAD DU DAM TSIG NYAMS PA DANG, MED PA DANG, SNGAGS DANG, RGYUD SPANGS PAS KYANG GAL TE 'DOD NA NGES PAR DE'I MOD LA MYUR DU 'GRUB PAR 'GYUR BAR KHRO BO NYID KYIS GSUNGS SO, , BCOM LDAN 'DAS DPAL RDO RJE 'CHANG KHRO BO'I BDAG POS 'DI SKAD CES GSUNGS SO, ,DE NAS 'DIR MCHOG TU GSANG BA CHEN PO 'BYUNG PO 'DUL BA'I RGYUD KYI RGYAL PO'I SGRUB PA'I THABS GSUNGS PA, DANG PO RE SHIG BKLAGS PA TZAM GYIS 'GRUB PAR BYED PA BRAN PO DANG, BRAN MO THAMS CAD SGRUB PAR BYED PA, DPAL RDO RJE 'CHANG KHRO BO'I BDAG PO BZLAS BA TZAM GYIS MYUR DU 'GRUB PAR BYED PA, DON YOD CING BGEGS 'JOMS LA GRUB PAR BYED PA'I SNGAGS KYI TSIG RNAMS SO, ,AOm HR'I: H'Um KA tU KA tU CHE GE MO H'Um H'Um H'Um DZA, KHRO BO 'DI DANG BCAS PAS BRGYAD BRGYA BZLAS PA TZAM GYIS MYUR DU 'ONG STE, THAMS CAD BRAN DANG, BRAN MOR 'GYUR RO, ,GAL TE MA 'ONGS NA SPYI BO 'GAS SHING BSKAMS TE 'CHI LA, RIGS DANG RANG GI RIGS RGYUD BRLAG PAR 'GYUR RO, ,'BYUNG MO'I GZUGS BA LANG GI GI'U WANG GIS BRIS TE RKANG PA G-YON PAS MNAN NAS STONG PHRAG BRGYAD BZLAS NA, SKAD CIG DE LA

KYE MA KYE MA ZHES ZER ZHING 'ONG STE, 'GUM MO 'GUM MO, ,KYE SGRUB PA PO BKA' CI STZOL ZHES ZER RO, ,SGRUB PA POS KYE 'BYUNG MO, BDAG GI KHOL MO GYIS SHIG CES SMRAS NA, DE KHOL MO'I LAS THAMS CAD BYED DO, ,GRO BA'I SHUN PA LA BA LANG GI GI'U WANG GIS GZUGS BRNYAN BRIS TE RKANG PA G-YON PAS MNAN NAS STONG PHRAG BRGYAD BZLAS NA, DE'I MOD LA 'ONG NGO, , GAL TE DE'I MOD LA MA 'ONGS NA NYUNGS KAR GYIS KHA LA BSNUN CING SGRA CHEN POS BSGUL NA, 'BYUNG MO DE RIMS DRAG POS 'CHI'O, ,PHYIR GSO BA NI, MAR DANG SBRANG RTZI KHAR BCUG NA SLAR 'TSO'O, ,'BYUNG MO 'DIS BRAN MO'I LAS PHYED CING SGRUB PA PO BDAG NYID DANG GSUM LA GOS DANG, RGYAN DANG, BZA' BA NYI MA RE RE STER RO, ,GTZUG LAG KHANG GI SGOR SONG STE STONG PHRAG BRGYAD BZLAS NA, 'DIS BA GLANG MO'I BLO GROS ZHES BYA BA'I 'BYUNG MO 'ONG STE, 'ONGS PA LA GTOR MA BYIN NA SDUG PA NGAS CI BYA ZHES SMRA'O, ,MA GYIS SHIG CES BSGO NA, MA DANG 'DRA BAR YONGS SU SKYONG ZHING BDAG NYID DANG LNGA LA GOS DANG, RGYAN DANG BZA' BA LA SOGS PA STER RO, ,'BYUNG PO 'DUL BA'I RGYUD KYI RGYAL PO CHEN PO LAS, BRAN MO SGRUB PA'I CHO GA RGYAS PA'I LE'U RDZOGS SO,, ,,DE NAS MCHOG TU GSANG BA SHIN TU GSANG BA CHEN PO 'BYUNG PO 'DUL BA'I RGYUD CHEN PO LAS 'BYUNG MO SGRUB PA'I THABS KYI CHO GA RGYAS PAR BSHAD PAR

, ,BYA STE, DBUL PO RNAMS LA PHAN PA'I DON DU DNGOS GRUB KYI SGRUB PA'I THABS KHRO BO NYID KYIS GSUNGS PA'O, ,DE LA 'BYUNG MO RNAMS KYI MING BSHAD PA, RGYAN CAN MA DANG, RNA CAN MA DANG, DO SHAL CAN MA DANG, SENG+GE MA DANG, RGOD BYED MA DANG, GAR BYED MA DANG, DGA' BA MA DANG, 'DOD PA'I DBANG PHYUG MA DANG, LHA MO RNAMS SO, ,'BYUNG MO BRGYAD PO RNAMS CHUNG MAR DON DU GNYER RAM, MAR GNYER RAM, YANG NA SRING MOR GNYER NA, SGRUB PA PO SHING GCIG PAR SONG STE MTSAN MO DANG NYIN MO DUS GSUM DU STONG PHRAG BRGYAD PA ZLAS NAS BZLAS PA'I MTHAR MCHOD PA CHEN PO BYAS NAS GU GUL GYI BDUG PA BYIN TE BZLAS NA, DE NAS NAM PHYED KYI DUS SU RGYAN CAN MA NGES PAR 'ONG NGO, ,'ONGS PA LA TZANDAN GYI CHU'I YON CHAB BYIN NA DGA' BAR 'GYUR RO, ,MA DANG, SRING MO DANG, CHUNG MAR 'GYUR TE, GANG MNGON PAR 'DOD PA DE SMRA BAR BYA'O, ,GAL TE MAR GYUR NA NI, 'KHOR BRGYAD BRGYA'I GOS DANG, RGYAN DANG, BZA' BA LA SOGS PA STER RO, ,GAL TE CHUNG MAR GYUR NA NI, DONG TZE STONG STONG STER ZHING, DNGUL CHU DANG, BCUD KYIS LEN STER RO, ,GAL TE SRING MOR GYUR NA NI, DPAG TSAD STONG NAS BUD MED BZANG MO BLANGS NAS STER ZHING, DNGUL CHU DANG, BCUD KYIS LEN STER LA, LHA'I GTER STOR RO, ,MTSAN MOR DUR KHROD DU SONG STE KHRI BZLAS PA'I MTHAR RNA CHA

DANG, DO SHAL CAN GYI 'BYUNG MO NGES PAR 'ONG NGO, ,'ONGS PA LA KHRAG GI MCHOD YON BYIN NA DGA' BAR 'GYUR RO, ,MA GYIS SHIG CES BSGO NA, MA DANG 'DRA BAR YONGS SU SKYONG BAR BYED DO, , MTSAN MO LHA KHANG STONG PAR SONG STE KHRI BZLAS NA, 'BYUNG MO DO SHAL CAN MYUR DU 'ONG NGO, ,'ONGS PA LA CHAGS PA SPYAD NA CHUNG MAR 'GYUR RO, ,'GRO BA BCU GNYIS YONGS SU SKYONG BAR BYED CING DONG TZE NYI SHU RTZA LNGA DANG RAS ZUNG GCIG STER RO, ,DE NAS SENG+GE MA'I SGRUB THABS BSHAD PA, MTSAN MO LING+GA GCIG PAR SONG STE KHRI BZLAS NA, RANG NYID 'ONGS SHING KYE SGRUB PA PO BKA' CI STZOL ZHES SMRA ZHING, SGRUB PA POS CHUNG MA GYIS SHIG CES BSGO NA, LHA'I DNGUL CHU DANG, BCUD KYIS LEN STER ZHING, DONG TZE BRGYAD DANG, RAS ZUNG GCIG STER RO, ,DE NAS RGOD BYED MA'I SGRUB THABS BSHAD PA, PHYAG NA RDO RJE'I KHANG PAR SONG STE PHYAG NA RDO RJE DANG NYE BAR 'DAB MA LA BRIS LA K'A RA B'I RA'I ME TOG BYIN TE NAM PHYED KYI BAR DU BZLAS NA, RANG NYID RDO RJE 'CHANG GI KHYIM DU RIM PAR 'ONG NGO, ,'ONGS PA LA TZANDAN GYI CHU'I MCHOD YON BYIN NA, KYE SGRUB PA POS BKA' CI STZOL ZHES SMRA'O, ,SGRUB PA POS BDAG GI MNGAG GZHUG GYIS SHIG CES BRJOD NA, RTAG TU RJES SU 'BRANG ZHING RAS DANG, RGYAN DANG, BZA' BA LA SOGS PA STER RO, ,DE MA LUS PA ZAD PAR BYA STE,

, ,GAL TE CUNG ZAD BZHAG NA, PHYIS 'BYUNG BAR MI 'GYUR RO, ,MTSAN MO GZHAL YAS KHANG SKYED PAR BYED DO, ,DE NAS GAR BYED MA'I SGRUB PA'I THABS BSHAD PA, CHU BO 'DUS PA'I 'GRAM DU SONG STE BRGYAD STONG BZLAS NAS NYI MA BDUN NA MCHOD PA CHEN PO BYAS LA NYI MA SHAR BA TZAM GYIS BZLAS PA RDZOGS PAR BYAS TE TZANDAN GYI BDUG PA BYIN NAS YANG BZLAS NA, NAM PHYED KYI DUS NA NGES PAR 'ONG NGO, ,'ONGS PA LA 'DOD PAS LONGS SPYAD NA CHUNG MAR 'GYUR RO, ,LHA'I GSER SRANG BRGYA MA LA DU DOR NAS THO RANGS KYIS 'GRO'O, ,DE BZHIN DU NYI MA RE RE RTAG TU GNAS PAR 'GYUR RO, ,DE YANG MA LUS PAR ZAD PAR BYA STE, GAL TE CUNG ZAD LUS NA PHYIN CHAD 'BYUNG BAR MI 'GYUR RO, ,DE NAS BRAN MO CHEN MO SGRUB PA'I THABS KYI CHO GA RGYAS PA DNGOS GRUB SNA TSOGS GRUB PAR BYED PA, BZLAS PA TZAM GYIS RTAG TU 'GRUB CING SBYIN SREG GI LAS MI DGOS LA, SNGON DU BSNYEN PA BYAS PAS PHYAG NA RDO RJES JI LTAR GSUNGS PA LTAR SKAD CIG DE LA 'GRUB PA'I DGA' BYED MA'I SGRUB PA'I THABS BSHAD PA, MTSAN MO RANG GI KHYIM SGOR BZLAS NA, NYI MA GSUM NA NGES PAR 'ONG NGO, ,BRAN MO'I LAS BYED CING SA BON THAMS CAD DANG, ZHING GI LAS DANG, KHYIM GYI BYA BA LA SOGS PA SGRUB PAR BYED

DO; ;DE NAS 'DOD PA'I DBANG PHYUG MA'I SGRUB PA'I THABS BSHAD PA, SHA'I ZAS KHYER TE MA MO'I GNAS SU SONG NAS MTSAN MO NYA DANG SHAS BYA BA BYAS TE LAN STONG BZLAS NA, NYI MA BDUN NA NGES PAR 'ONG NGO, ,'ONGS PA LA KHRAG GI MCHOD YON BYIN NA, BDAG PO BKA' CI STZOL ZHES SMRA BAR BYED DO, ,SGRUB PA POS LHA MO CHUNG MAR GYUR CIG CES SMRAS NA, CHUNG MAR 'GYUR ZHING, RE BA THAMS CAD SKONG LA RGYAL SRID STER BAR BYED DO, ,DE NAS LHA MO'I SGRUB PA'I THABS BSHAD PA, MTSAN MO LHA MO'I KHANG PAR SONG STE STAN BSHAMS LA TZANDAN DKAR PO DANG SNA MA'I ME TOG GIS MCHOD CING GU GUL GYI BDUG PA BYIN NAS STONG PHRAG BRGYAD BZLAS NA, BZLAS PA'I MTHAR NGES PAR 'ONG NGO, ,'ONGS PA LA 'KHYUD PA DANG, 'O BYAS PA DANG, JI LTAR DGA' BA 'DOD PA BYAS NA, LHA MO GSER GYI MDOG CAN GZHON NU MA RGYAN THAMS CAD KYIS BRGYAN PA CHUNG MAR 'GYUR RO, ,DONG RTZE BRGYAD DANG, RAS ZUNG GCIG DANG, GNAS RNAMS DANG, BZA' BA BZANG PO RNAMS 'KHOR DANG BCAS PA LA STER RO, ,'DI NYID KYIS RNAM THOS SRAS KYI KHANG PAR 'DUG NA, GSANG BA'I MTHA' DANG, BZLAS PA'I MTHA' LA SHIN TU MYUR BAR RDZAS BLANGS NAS STER BAR BYED DO, ,BCOM LDAN 'DAS RDO RJE 'CHANG GIS DE SKAD CES GSUNGS SO, ,'BYUNG PO 'DUL BA'I RGYUD CHEN PO LAS, 'BYUNG MO BRGYAD

, ,KYI SGRUB PA'I THABS KYI CHOG RGYAS PA'I LE'U'O,, ,,DPAL RDO RJE 'CHANG LA PHYAG 'TSAL LO, ,DE NAS SHIN TU 'DA' BAR DKA' BA'I SGRUB PA'I THABS LHA CHEN PO THAMS CAD GSOD PAR BYED PA'I SNGAGS KYI CHO GA GSUNGS PA, AOm HA NA HA NA SARBA M'A RA YA BADZRA DZVA LE H'Um PHAt, DE NAS 'DI BSHAD PA TZAM GYIS STONG GSUM GYI STONG CHEN PO'I 'JIG RTEN GYI KHAMS RDO RJE RNON PO 'BAR BA'I PHRENG BA 'KHRUGS PAS GANG BAR GYUR TE, ,H'Um HA NA PHAt, DE NAS 'DI BSHAD PA TZAM GYIS TSANGS PA DANG, KHYAB 'JUG DANG DBANG PHYUG CHEN PO LA SOGS PA 'JIG RTEN PA'I LHA THAMS CAD DANG, RIG 'DZIN DU MA DANG, KLU DANG, GNOD SBYIN DANG, 'BYUNG PO DANG, YI DVAGS DANG, LHA'I BU MO DANG, SHA ZA DANG, DRI ZA DANG, MI'AM CI DANG, LTO 'PHYE CHEN PO DANG, NAM MKHA' LDING RNAMS DUM BU BRGYAR BYAS TE 'GUGS PAR 'GYUR RO, ,DE NAS BYANG CHUB SEMS DPA' SEMS DPA' CHEN PO 'JAM DPAL GZHON NUR GYUR PA LA SOGS PA BYANG CHUB SEMS DPA' DPAG TU MED PA YANG 'KHOR DER 'DUS PA RNAMS NGO MTSAR DU GYUR TE 'DI SKAD CES SMRAS SO, ,DPAL RDO RJE 'CHANG KHRO BO'I BDAG PO CHEN PO, MA 'ONGS PA'I TSE MA 'ONGS PA'I DUS NA GDUG PA DANG, LHA THAMS CAD TSAR GCOD PA NI, LEGS SO LEGS SO, DE NAS LHA'I BU MO RNAMS LANGS TE 'KHOR

GYI DKYIL 'KHOR DER DPAL RDO RJE 'CHANG GI ZHABS LA MGO BOS PHYAG 'TSAL TE RANG GI SNYING PO PHUL BA, AOm SHR'AI ZLA BA'I LHA MO'I 'O, ,AOm SHR'I THIG LE MCHOG MA'I'O, ,AOm SHR'I GSER GYI PHRENG BA MA'I'O, ,AOm SHR'I 'KHYIL BA'I PHRENG BA MA'I'O, ,AOm H'Um RIN CHEN PHRENG BA MA'I'O, ,AOm SA RTZOM PA MO'I'O, ,AOm SRU BRANG NA GNAS PA MO'I'O, ,AOm BAm DPAL RGYAN MA'I'O, ,DE NAS LHA'I BU MO BRGYAD KYI DNGOS GRUB KYI SGRUB PA THAMS CAD KYI CHO GA BSHAD PA, RI'I RTZE MO LA SONG STE 'BUM BZLAS NA 'GRUB PAR 'GYUR RO, ,DE NAS ZLA BA NYA BA LA CI LTAR 'BYOR BA'I MCHOD PA BYAS NAS MAR GYI MAR ME RAB TU SBAR NAS MTSAN THOG THAG BZLAS NA, THO RANGS LHA MO RANG NYID 'ONG NGO, ,'ONGS PA LA TZANDAN GYI CHU'I MCHOD YON BYIN NA DGA' TSIG SMRA BAR BYED DO, ,SGRUB PA POS BDAG GI CHUNG MA GYIS SHIG CES SMRAS NA, DNGOS GRUB KYI RDZAS DANG, DNGUL CHU DANG, BCUD KYIS LEN LA SOGS PA STER RO, ,DE'I BCUD KYIS LEN GYIS NI, LO STONG 'TSO'O, ,DE NAS THIG LE MCHOG MA'I SGRUB THABS BSHAD PA, TZANDAN DANG, 'O MA'I ZAS LA KHRI BZLAS NAS NYI MA BDUN NA MCHOD PA RGYAS PAR BYAS TE YAR GYI NGO'I TSES BRGYAD LA RI'I RTZE MOR SONG LA MTSAN THOG THAG BZLAS NA THO RANGS NGES PAR 'ONGS TE CUNG ZAD RGOD PAS CHAGS PA BYAS NAS MDUN DU SDOD DO, ,'KHYUD PA DANG 'O BYAS SHING DGA' BAS CHAGS PAR BYAS NA 'DI LTAR 'GRUB PAR 'GYUR TE, GANG

, ,'DOD PA DE STER ZHING, RGYAB TU ZHON NA MTHO RIS SU YANG 'KHYER BAR BYED DO, ,GZHAN YANG RGYAL SRID STER BAR BYED DO, ,DE NAS GSER GYI PHRENG BA MA'I SGRUB THABS BSHAD PA, CHU BO 'DUS PA'I 'GRAM DU SONG STE NYI MA BDUN DU STONG PHRAG BRGYAD BRGYAD BZLAS NA, NYI MA BDUN PA LA MCHOD PA RGYAS PAR BYAS TE GU GUL GYI BDUG PA BYIN NAS MTSAN THOG THAG BZLAS NA, DE'I THO RANGS NGES PAR 'ONG STE, 'DOD PA THAMS CAD SBYIN PAR BYED DO, ,DE NAS 'KHYIL BA'I PHRENG BA MA'I SGRUB PA'I THABS KYI CHO GA RGYAS PAR BSHAD PA, TSES GRANGS MI DGOS SHING RGYU SKAR YANG MI DGOS LA, ,SMYUNG BA YANG MI DGOS PAR 'GRUB PAR BYED PA STE, RI'I RTZE MOR SONG STE KHRI BZLAS NA, DE NAM PHYED NA NGES PAR 'ONG NGO, ,CHUNG MAR 'GYUR LA DONG TZE STONG STER ZHING, DNGUL CHU DANG, BCUD KYIS LEN DANG, GRUB PA'I RDZAS STER RO, ,DE NAS RIN CHEN PHRENG BA MA'I SGRUB THABS BSHAD PA, LHA'I KHANG PAR SONG STE ZLA BA GCIG TU STONG PHRAG BRGYAD BRGYAD BZLAS NAS ZLA BA DE'I THA MA LA ZLA BA NYA'I BAR DU BZLAS NA, NAM PHYED NA RKANG GDUB KYI SGRA CHEN POS 'ONG NGO, ,'ONGS PA LA ME TOG GI MCHOD YON BYIN NAS LHA MO LEGS PAR 'ONGS SAM ZHES SMRAS NA, BDAG PO, BDAG GIS CI BYA ZHES ZER TE, SGRUB PA POS CHUNG MA GYIS SHIG CES BSGO NA, CHUNG MA'I LAS

BYED CING LHA MOS 'DOD PA SBYIN PAR BYED DO, ,LO STONG 'TSO BAR BYED DO, ,DE NAS RTZOM PA MO'I SGRUB PA'I THABS BSHAD PA, TSES GCIG LA BRTZAMS TE MCHOD PA BYAS NAS TZANDAN GYI CHUS DKYIL 'KHOR BYAS TE GU GUL GYI BDUG PA SBYIN ZHING DUS GSUM DU STONG PHRAG BRGYAD BRGYAD BZLAS SHING ZLA BA NYA BA LA MCHOD PA CHEN PO BYAS NAS MTSAN THOG THAG BZLAS NA NGES PAR 'ONG NGO, ,GAL TE MYUR DU MA 'ONGS NA 'CHI BAR 'GYUR RO, ,'ONGS PA NA CHUNG MAR 'GYUR LA, DNGUL CHU DANG, BCUD KYIS LEN STER ZHING JI LTAR 'DOD PAS CHAGS PAR BYED LA LO KHRI 'TSO'O, ,GANG GI TSE 'CHI BA NA RGYAL RIGS SU SKYE'O, ,DE NAS BRANG NA GNAS PA'I SGRUB PA'I THABS BSHAD PA, MTSAN MO LHA'I KHANG PAR SONG STE, TZANDAN GYI BDUG PA SBYIN ZHING KHRI KHRI BZLAS NAS ZLA BA DE 'DAS PA DANG, JI LTAR 'BYOR BA'I MCHOD PA BYAS NAS MTSAN THOG THAG BZLAS NA THO RANGS MYUR DU 'ONG NGO, ,'ONGS PA LA ME TOG GI STAN SBYIN ZHING LEGS PAR 'ONGS SO ZHES BRJOD NA, SGRUB PA PO, BKA' CI STZAL ZHES ZER RO, ,SGRUB PA POS CHUNG MA GYIS SHIG CES SMRAS NA, DNGUL CHU DANG, BCUD KYIS LEN DANG, DNGOS GRUB KYI RDZAS STER RO, ,GZHAN GYI BUD MED LA MNGON PAR BGROD PA SPANG BAR BYA STE, LO STONG PHRAG LNGA 'TSO'O, ,MTSAN MO GCIG GTZANG SBRA BYAS TE GRO BA'I 'DAB MA LA GUR GUM GYIS DPAL GYI RGYAN CAN BRIS TE TZANDAN GYI BDUG PA SREG

, ,CING BZLAS LA ZLA BA DE'I THA MA LA MCHOD PA RGYA CHER BYAS TE RE ZHIG BZLAS NA, NAM PHYED NA NGES PAR 'ONG NGO, ,'ONGS PA LA MYUR DU CHAGS PAR BYAS NA ,DGA' BAR 'GYUR TE, DBYIG DANG, GSER DANG, MU TIG LA SOGS PA STER RO, ,NYI MA RE RE ZHING ZAS BZANG PO STER ZHING DNGUL CHU DANG, BCUD KYIS LEN STER BAR BYED DO, ,BCOM LDAN 'DAS KYIS GSUNGS SO, ,LHA'I BU MO RNAMS KYI CHO GA RGYAS PA'I LE'U,, ,,DE NAS GSANG BA'I BDAG PO PHYAG NA RDO RJES 'DI SKAD CES GSUNGS SO, ,GAL TE LHA'I BU MO RNAMS MA GRUB NA, DE'I TSE KHRO BO 'DI DANG BCAS TE BZLA BAR BYA'O, ,AOm HR'I: A'A KARDDHA A'A KARDDHYA CHE GE MO H'Um DZA: PHAt, KHRO BO 'DI DANG BCAS TE BZLAS PA TZAM GYIS SPYI BO 'GAS SHING DUM BU BRGYAD DU 'JIG GO ,SNGAGS 'DIS BCING BAR BYA'O, ,AOm BANDHA BANDHA HA NA HA NA CHE GE MO H'Um PHAt, SNGAGS 'DIS DBANG DU BYA'O, ,AOm TZA LA TZA LA CHE GE MO SA MA NA YE H'Um PHAt, LHA MO THAMS CAD SGRUB PA'O, ,DE NAS 'DIR NI, MI RNAMS LA PHAN PA'I DON DU LHA MO BRGYAD KYI PHYAG RGYA RAB TU BSHAD PAR BYA STE, DNGOS GRUB SNA TSOGS GRUB PAR BYED PA, DKON MCHOG GSUM GNAS PAR BYED PA, ,SNGAGS BZLAS PA BDE BAR GRUB PA'I PHYAG RGYA KHRO BO NYID KYIS BSHAD PA, RGYUD RNAMS KYI NANG NAS MCHOG TU GYUR PA 'BYUNG PO 'DUL BYED KYIS GSUNGS PA 'DI NYID LA MYUR

DU BDE BA SBYIN PA'I LHA MO RNAMS GRUB PAR BYED PA, BZLAS PA TZAM GYIS 'BYUNG MO RNAMS MA DANG, DRING MO DANG DE BZHIN DU CHUNG MA DANG BRAM MO SGRUB PAR BYED KHRO BO ZLAS PA RNAMS LA 'JIG RTEN 'DI'I BDE BA SBYIN PA'I BSNYEN BKUR MAR SGRUB PA'I THABS SO, KHU TSUR SO SOR BCANGS TE LAG PA GNYIS KA PADMA 'KHOR BA'I TSUL DU BYAS NAS GUNG MO'I SOR MO KHAB LTAR BYAS PA BRKYANG BA NI, LHA MO BRGYAD PO SPYI'I BDE BA THAMS CAD SGRUB PAR BYED PA'O, ,LAG PA GNYIS KA SOR MO GCIG GI STENG DU GCIG BSKYON PA'I SBYOR BAS BZUNG BA NI, LHA'I BU MO THAMS CAD DBANG DU BYED PA'I PHYAG RGYA STE, NYE BAR BYED CING MNGON DU PHYOGS PAR BYED LA, THAMS CAD DU 'DOD PA SGRUB PAR BYED PA'I PHYAG RGYA'O, ,LAG PA GNYIS KA PADMA 'KHOR BA'I SBYOR BAS BZUNG BA NI, LHA'I BU MO THAMS CAD RMONGS PAR BYED PA'I PHYAG RGYA STE, BCINGS PA TZAM GYIS SKAD CIG DE NYID LA BRAN MOR 'GYUR, AOm SARBA AA BA SA RA SA RA, AOm A'A GATZATSA H'Um DZA: DZA:, SNGAGS 'DIS LHA'I BU MO THAMS CAD 'BOD PAR BYA'O, ,AOm SARBA SIDDHI BHO GE SHVA RI SV'AH'A, NYE BAR BYED PA'I SNGAGS SO, ,AOm K'A MA DRI YE SV'A H'A, MNGON DU BYED PA'I SNGAGS SO, ,AOm BAm H'Um H'Um H'Um DZA: DZA:, LHA'I BU MO THAMS CAD RMONGS PAR BYED PA'I SNGAGS SO, ,'BYUNG PO 'DUL BA'I RGYUD CHEN PO LAS, LHA'I BU MO RNAMS SGRUB PA'I CHO GA RGYAS PA'I LE'U'O,, ,,DE NAS GNOD SBYIN MO THAMS CAD

, ,LANGS TE DPAL RDU RJE 'CHANG GI ZHABS LA SPYI BOS PHYAG 'TSAL TE RANG GI SNYING PO PHUL BA, AOm A'A GATZTSA SU RA SU NA DA RI S'VA H'A, SDUG GU MDZES MA'I 'O, ,AOm MA NO HA RI NA MA SV'A H'A, YID 'PHROG MA'I 'O, ,AOm KIA NA KE MEE MTHUN PRI YE SV'A H'A, GSER LDAN MA'I'O, ,AOm A'A GATZTSA K'A ME SHVA RI S'VA H'A, 'DOD PA'I DBANG PHYUG MA'I 'O, ,AOm RA TI PHRI YE SV'A H'A, RGAN MA'I 'O, ,AOm PADMA N'AI YE SV'A H'A, PADMA MA'I 'O, AOm NA RTI MA H'A NI TI SU R'U PA ME TI SV'A H'A, AOm AA NU R'A GI NI MEE THU NI SV'A H'A, RJES SU CHAGS MA'I 'O, ,DE NAS GNOD SBYIN MO BRGYAD KYI SGRUB PA'I THABS KYI CHO GA RGYAS PAR BSHAD PA, RDO RJE 'CHANG GI KHYIM DU SONG STE GU GUL GYI BDUG PA SBYIN ZHING DUS GSUM DU STONG PHRAG RE BZLAS NA ZLA BA GCIG GI NANG DU NGES PAR 'ONG NGO, ,'ONGS PA LA TZANDAN GYI CHUS MCHOD YON BYIN NA, MA DANG, SRING MO DANG, CHUNG MA'I LAS BYED DO, ,GAL TE MAR GYUR NA, SEMS SUN DBYUNG BAR MI BYA STE, DNGUL CHU DANG, BCUD KYIS LEN STER ZHING, NYI MA RE RE DONG TZE STONG STER RO, ,GAL TE SRING MOR GYUR NA NI, GRUB PA'I RDZAS DANG, DNGUL CHU DANG, BCUD KYIS LEN STER ZHING LHA'I BU MO BZANG PO BLANGS NAS STER LA, 'DAS PA DANG, MA 'ONGS PA DANG, DA LTAR BYUNG BA SMRA BAR BYED DO, GAL TE CHUNG MAR GYUR NA, BSAM PA THAMS CAD RDZOGS PAR BYED CING NOR GYI

BDAG PO CHEN PO BYED DO, ,DE NAS YID 'PHROG MA'I SGRUB PA'I THABS BSHAD PA, CHU BO'I 'GRAM DU SONG STE TZANDAN GYIS MAndAL NYE BAR BYUGS TE MCHOD PA SHIN TU CHEN PO BYAS NA, AA GA RU'I BDUG PA SBYIN ZHING NYI MA BDUN DU KHRI BZLAS NAS NYI MA BDUN PA LA MCHOD PA RGYAS PAR BYAS TE NAM PHYED KYI BAR DU BZLAS NA, DE NI, NGES PAR 'ONG NGO, ,GAL TE MA 'ONGS NA 'CHI BAR 'GYUR RO, ,BKA' STZOL CIG CES SMRA BAR BYED CING DES BDAG GI BRAN MO GYIS SHIG CES BSGO NA, 'KHOR BRGYAD BRGYA'I ZHAL TA BYED CING DONG RTZE BRGYA NYI MA RE RE LA STER TE, DES KYANG MA LUS PAR ZAD PAR BYA'O, ,GAL TE CUNG ZAD 'JOG NA, PHYIN CHAD 'BYUNG BAR MI 'GYUR RO, ,DE NAS GSER LDAN MA'I SGRUB PA'I THABS BSHAD PA, BA RU RA'I SHING GNAS PAR SONG STE NYA DANG, SHAS SGRUB CING, CHANG YANG BYIN NAS BDAG NYID KYANG BTUNG ZHING, SBAGS PAR GNAS PAR BZLA BAR BYA STE, STONG PHRAG RE RE BZLA'O, ,DE BZHIN DU NYI MA BDUN PA'I MTSAN MO BSGRUB PAR BYA STE, JI SRID NAM PHYED KYI BAR DU BZLAS NA, NAM PHYED NA RGYAN THAMS CAD KYI BRGYAN TE 'KHOR BRGYAD BRGYAS BSKOR NAS RANG NYID 'ONG NGO, ,'ONGS PA LA CHAGS PA BYAS NA CHUNG MAR 'GYUR RO, 'KHOR BCU GNYIS KYI GOS DANG, RGYAN DANG, BZA' BA BZANG PO RNAMS NYIN GCIG BZHIN DU STER ZHING, DONG TZE BRGYAD STER RO, ,DE NAS 'DOD PA'I DBANG PHYUG

, ,MA'I SGRUB PA'I THABS BSHAD PA, GRO GA'I 'DAB MA LA BA GLANG GI GI WANG GI GZUGS BRNYAN BRIS TE GCIG PU STAN LA 'DUG LA STONG PHRAG RE RE BZLA'O, ,DE NAS ZLA BA'I THA MA LA MCHOD PA RGYAS PAR BYAS TE MAR GYI MAR ME RAB TU SBAR NAS MI SMRA BAR GYUR PAS BZLAS NA, MTSAN MO DE'I PHYED NA NGES PAR 'ONG NGO, ,'ONGS PA LA CHAGS PAS LONGS SPYAD NA CHUNG MAR 'GYUR RO, ,LHA'I RGYAN MAL DU DOR TE THO RANGS KYIS 'GRO BAR 'GYUR RO, ,GZHAN GYI CHUNG MA LA MI BGROD PAR YANG BYA STE, GAL TE BGROD NA RNAM PAR 'JOMS PAR BYED DO, ,DE NAS RGAN MO'I SGRUB THABS BSHAD PA, GSER GYI MDOG CAN RGYAN THAMS CAD KYIS BRGYAN MA, LAG NA AUTPAL THOGS PA, GZHON NU MA RAS LA RI MO BRIS TE SNA MA'I ME TOG GIS MCHOD CING GU GUL GYI BDUG PA SBYIN LA STONG PHRAG BRGYAD BRGYAD BZLAS TE ZLA BA THA MA LA JI LTAR 'BYOR PA'I MCHOD PA BYAS NAS MAR GYI MAR ME RAB TU SBAR TE JI SRID NAM PHYED KYI BAR DU BZLAS NA, NAM PHYED NA NGES PAR DONG NGO, ,'ONGS PA LA DGA' BAS CHAGS PA BYAS NA CHUNG MAR 'GYUR RO, ,SGRUB PA PO 'KHOR DANG BCAS PA YONGS SU SKYONG BAR BYED CING, LHAS 'DOD PAR BYA BA'I ZAS DANG, DNGUL CHU DANG, BCUD KYIS LEN STER ZHING DONG TZE NYI SHU RTZA LNGA STER BAR BYED DO, ,DE NAS PADMA MA'I SGRUB THABS BSHAD PA, RANG GI KHYIM DU

MGO'I GNAS SU TZANDAN GYI DKYIL 'KHOR BYAS TE GU GUL GYI BDUG PA SBYIN ZHING ZLA BA PHYED DU BZLAS PA BYA'O, ,DE NAS ZLA BA NYA LA CI 'BYOR PA'I MCHOD PA BYAS TE JI SRID NAM PHYED KYI BAR DU BZLAS NA; NAM PHYED NA NGES PAR 'ONGS SO, ,'ONGS PA LA CHAGS PA BYAS NA CHUNG MAR 'GYUR TE, LHA MOS 'DOD PA STER ZHING DNGUL CHU DANG, BCUD KYIS LEN STER BAR BYED DO, ,DE NAS GAR BYED MA'I SGRUB THABS BSHAD PA, AA SHO KA'I SHING GI RTZAR SONG STE BSGRUB PAR BYA'O, SHA'I BZA' BA DANG, SPOS DANG, DRI DANG, ME TOG SBYIN ZHING STONG PHRAG BRGYAD BZLAS NA, ZLA BA GCIG GI NANG DU NGES PAR 'ONG NGO, ,MDOR BSDUS NA 'ONGS NA MA DANG, SRING MO DANG, CHUNG MAR 'GYUR RO, ,GAL TE CHUNG MAR GYUR NA, BZA' BA DANG, RAS ZUNG RE DANG, DNGUL CHU DANG, BCUD KYIS LEN STER ZHING DONG TZE BRGYAD STER BAR BYED DO, ,GAL TE MAR GYUR NA, BZA' BA BZANG PO DANG, RAS ZUNG RE STER ZHING GSER SRANG BRGYA STER RO, ,GAL TE SRING MOR GYUR NA, DPAG TSAD STONG NAS BUD MED BZANG MO BLANGS NAS STER ZHING GOS DANG, RGYAN DANG, BZA' BA BZANG PO STER RO, ,DNGUL CHU DANG, BCUD KYIS LEN YANG STER BAR BYED DO, ,DE NAS SRING MO SGRUB PA'I THABS BSHAD PA, GUR GUM GYIS GRO GA'I 'DAB MA LA GNOD SBYIN MO'I GZUGS BRIS TE, DE NAS TSES GCIG NAS BRTZAMS NAS SPOS DANG, ME TOG DANG, MAR ME SBYIN ZHING DUS GSUM DU BZLAS PA BYAS NAS

, ,ZLA BA NYA LA JI LTAR 'BYOR PA'I MCHOD PA BYAS TE MAR GYIS MAR ME RAB TU SBAR NAS MTSAN THOG THAG BZLAS NA, DE'I THOR RANGS NGES PAR 'ONG NGO, ,'ONGS PA LA 'DOD PAS LONGS SPYAD NA CHUNG MAR 'GYUR RO, ,LHA'I DONG RTZE STONG STER ZHING DNGUL CHU DANG, BCUD KYIS LEN STER ZHING LO STONG 'TSO'O, ,'BYUNG PO 'DUL BA'I RGYUD KYI RGYAL PO CHEN PO LAS, GNOD SBYIN MO'I SGRUB PA'I THABS KYI CHO GA RGYAS PA'I LE'U'O,, ,,DE NAS GSANG BA PA'I BDAG PO PHYAG NA RDO RJES 'DI SKAD CES GSUNGS SO, ,GAL TE DAM TSIG LA MI GNAS NA, KHRO BO 'DI DANG BCAS TE DGUG PA'I PHYIR BZLA BAR BYA'O, ,AOm BHRUm KA tU KA tU CHE GE MO YAKshI nI HR'i:DZA: DZA:, KHRO BO 'DI DANG BCAS TE SNGAGS STONG BZLAS NA MYUR DU 'ONG NGO, ,GAL TE MYUR DU MA 'ONGS NA MIG DANG SPYI BO 'GAS SHING DE'I MOD LA 'CHI STE, DMYAL BA CHEN PO BRGYAD DU LTUNG NGO, ,DE NAS KHRO BO'I PHYAG RGYA'I MTSAN NYID BSHAD PA, KHU TSUR SO SOR BCANGS TE MTHE'U CHUNG GNYIS 'KHYUD NAS MDZUB MO GNYIS BRKYANG STE BKUG PA 'DI NI, KHRO BO'I MI PHYED PA'I LCAGS KYU'I PHYAG RGYA'O, ,PHYAG RGYA 'DIS 'JIG RTEN GSUM YANG 'GUGS PAR BYED DO, ,DE NAS GNOD SBYIN MO'I PHYAG RGYA BSHAD PA, GUNG MO'I SOR MO GNYIS MI MNYAM PAR BYAS TE SRIN LAG RNAM PAR BRKYANG ZHING MDZUB MO GNYIS SBYAR BAR BYAS NAS MTHE'U CHUNG GNYIS SNYING POR BYAS PA NI, GNOD SBYIN MO

THAMS CAD KYI RTZA BA'I PHYAG RGYA DAM PA STE, 'DI BCANGS PA TZAM GYIS GNOD SBYIN MO THAMS CAD 'ONG NGO, ,PHYAG RGYA 'DI NYID LA MTHE BONG G-YAS PAS 'BOD PAR BYA'O, ,AOm HR'I: A'A GATZTSA A'A GATZTSA; SARBA YAKshA nI SV'A H'A, 'BOD PA'I SNGAGS SO, ,PHYAG RGYA 'DI NYID LAS MTHO BO G-YON PAS SLAR GTANG BAR BYA'O, ,AOm YAKshI A'A GATZTSA A'A GATZTSA, CHE GE MO YAKshI Ni SH'I GHRAm PU NA R'A GA NA MA YA SV'A H'A; KHU TSUR SO SOR BCANGS TE GUNG MO'I SOR MO RAB TU BRKYANG PA NI, GNOD SBYIN MO THAMS CAD MNGON DU MA PHYOGS PAR BYED PA'I PHYAG RGYA'O, ,AOm MA H'A YAKshI BI MI THU NA PRI YE SV'A H'A, KHU TSUR PHAN TSUN BCANGS LA MTHE'U CHUNG BRKYANG STE BKUG PA NI, GNOD SBYIN MO THAMS CAD NYE BAR BYED PA'I PHYAG RGYA'O, ,AOm K'A MA BHO GE SHVA RI SV'A H'A, KHU TSUR PHAN TSUN BSNOL TE LAG PA GNYIS MDZUB MO GCIG GI STENG DU GCIG BSKYON PA'I SBYOR BA BZHAG PA NI, GNOD SBYIN MO THAMS CAD KYI DAM TSIG GI PHYAG RGYA'O, ,KshI SNYING PO'O, ,KHU TSUR PHAN TSUN BCANGS TE MDZUB MO DANG GUNG MO BRKYANG BA NI, GNOD SBYIN MO THAMS CAD KYI BDUG PA DANG, ME TOG DANG, DRI DANG, MAR ME'I PHYAG RGYA'O, ,AOm SARBA MA NO HA RA PRI YE SV'A H'A, 'BYUNG PO 'DUL BA'I RGYUD KYI RGYAL PO CHEN PO LAS, GNOD SBYIN MO'I SGRUB PA'I THABS KYI CHO GA RGYAS PA'I LE'U'O,, ,,DE NAS KLU'I RGYAL PO RNAMS LANGS TE 'KHOR GYI DKYIL 'KHOR DER DPAL RDO RJE 'CHANG GI ZHABS SPYI BOS MNGON PAR BTUD NAS RANG GI

, ,SNYING PO PHUL BA, AOm AA, AOm PHU, AA NANTA MU KHI PHU, SHR'I PHU, B'A SU KHA MU KHI PHU, AI PHU, PADMA MA nI PHU, AA PHU, MA H'A PADMA nI PHU, DHI PHU, KA RKO tE MU KHI PHU, SA PHU; SHAm KHI NI PHU, DZU PHU, DZA LA MU KHI PHU, TR'Um PHU, DRU MA MU KHI KHU, KLU MO BRGYAD KYI SGRUB PA'I THABS KYI CHO GA RGYAS PAR BSHAD PA, KLU'I KHANG PAR SONG STE 'BUM BZLAS PAS SNGON DU BSNYEN PA BYAS PAR 'GYUR RO, ,KLU MO RNAMS DGA' BAR 'GYUR ZHING KLU MO THAMS CAD TSIG PAR 'GYUR RO, ,YAR NGO'I TSES BCU LA KLU'I KHANG PAR CHU 'BOGS TE BDUG PA DANG, DRI DANG, ME TOG DANG, 'O MA RNAMS KYIS JI LTAR BRJOD PA'I MCHOD PA BYAS TE, DE NAS KLU MO BRGYAD STONG PHRAG RE RE BZLAS NA, MYUR DU KLU MO'I BU MO RNAMS RANG GI KHYIM NAS 'ONG NGO, ,'ONGS PA LA LEGS PAR 'ONGS SO, ,ZHES BRJOD CING, BDAG GI CHUNG MAR GYIS SHIG CES BSGO NA, NYI MA RE RE ZHING DONG TZE BRGYAD BRGYAD SO SOR STER BAR BYED DO, ,CHE GE MO 'TSO BAR SHOG CIG ,CHE GE MO SONG ZHIG CES BYA BA LA SOGS PA THAMS CAD GRUB PAR BYED DO, ,CHU BO 'DUS PA'I 'GRAM DU SONG STE 'O MA'I BZA' BAS STONG PHRAG BRGYAD BZLAS NA, BZLAS PA'I MTHAR KLU'I BU MO BZANG MO 'ONG NGO, , 'ONGS PA LA SPYI BOR ME TOG SBYIN ZHING CHUNG MAR GYIS SHIG CES BSGO BAR BYA'O, ,LHA'I BZA' BA BZANG PO DANG, DONG RTZE LNGA LNGA NYI MA RE RE ZHING STER BAR BYED DO, ,KLU'I GNAS SU MTSAN MO SONG

TE STONG PHRAG BRGYAD BZLAS NA, BZLAS PA'I MTHAR SKAD CIG DE NYID LA KLU MO SPYI BO'I NAD CHEN PO DANG, TSA BAR GYUR PAS 'ONG ZHING, SDUG PA, NGAS CI BYA ZHES SMRA BAR BYED DO, ,CHUNG MAR GYUR CIG CES SMRAS NA, BDAG NYID DANG LNGA LA RAS DANG, RGYAN DANG, BZA' BA LA SOGS PA STER ZHING, DONG RTZE LNGA LNGA STAR RO, ,MTSAN MO PADMA'I TSIL DU SONG STE STONG PHRAG BRGYAD BZLAS NA KLU'I BU MO RNAMS MYUR DU 'ONG NGO, ,'ONGS PA LA CHAGS PA BYAS NA CHUNG MAR 'GYUR RO, ,DONG TZE BRGYAD BRGYAD STER TE, DES KYANG MA LUS PAR ZAD PAR BYA'O, ,GAL TE CUNG ZAD 'JOG NA, PHYIN CHAD 'BYUNG BAR MI 'GYUR RO, ,MTSAN MO CHU BO 'DUS PA'I 'GRAM DU SONG STE STONG PHRAG BRGYAD BZLAS NA, BZLAS PA'I MTHA' LA KLU'I BU MO NGES PAR 'ONG NGO, ,'ONGS PA LA GSER GYI PADMA'I GDAN BYIN TE LEGS PAR 'ONGS SO ZHES BRJOD CING BDAG GI CHUNG MAR GYIS SHIG CES BSGO NA, NYI MA RE RER GSER SRANG RE RE SBYIN PAR BYED DO, ,MTSAN MO RGYA MTSO CHEN POR SONG STE STONG PHRAG BRGYAD BZLAS NA; DE NAM BZLAS PA'I MTHA' LA KLU'I BU MO 'ONG NGO, ,'ONGS PA LA BDAG GI CHUNG MA GYIS SHIG CES BSGO NA, DONG TZE GCIG DANG, RAS ZUNG GCIG STER BAR BYED DO, ,KLU'I KHANG PAR SONG STE LTE BA NUB TZAM DU CHUR ZHUGS TE STONG PHRAG BRGYAD BZLAS NA, DE NAS BZLAS PA'I THA MA LA KLU'I BU MO 'ONG NGO, ,'ONGS PA LA SPYI BO ME TOG BYIN TE LEGS PAR 'ONGS SO ZHES BRJOD CING CHUNG

, ,MA GYIS SHIG CES BSGO NA, DONG RTZE BRGYAD DANG, LHA'I ZAS BZANG PO STE BAR BYED DO, ,MTSAN MO KLU'I KHANG PAR SONG STE MTSAN THOG THAG BZLAS NA, DE'I THO RANGS RGYAN THAMS CAD KYIS BRGYAN TE KLU'I BU MO SKAD CIG DE LA 'ONG NGO, ,'ONGS PA LA ME TOG DANG, TZANDAN GYI MCHOD YON BYIN TE LEGS SO ZHES BRJOD CING CHUNG MA GYIS SHIG CES BSGO NA; LHA'I DNGUL CHU DANG, BCUD KYIS LEN DANG, GRUB PA'I RDZAS STER ZHING BSAM PA THAMS CAD YONGS SU RDZOGS PAR BYED LA, RGYAL SRID STER BYED DO, ,MTSAN MO KLU'I GNAS SU SONG STE KHRI BZLAS NA, KLU'I BU MO NGES PAR 'ONG NGO, ,KLU 'ONGS PA LA MYUR DU CHAGS PAR BYAS NAS CHUNG MA GYIS SHIG BSGO NA, NYI MA RE RE DANG TZE BRGYAD DANG, LHA'I BZA' BA BZANG PO DANG, GOS RNAMS STER BAR BYED DO, ,MTSAN MO KLU'I KHANG PAR SONG LA STONG PHRAG BRGYAD BZLAS NA, DE NAS BZLAS PA'I THA MA LA KLU'I BU MO RINGS PAR 'ONG NGO, ,'ONGS PA LA KLU'I ME TOG SPYI BOR BYIN NA CHUNG MAR 'GYUR ZHING, LHA'I RAS DANG, RGYAN DANG, BZA' BA LA SOGS PA STOR RO, ,DE NAS KLU MO 'DI MA TSIG GI SNGAGS BSHAD PA, AOm PHU, A'A GATZTSA N'A GA NI PHU, 'BOD PA'I SNGAGS SO, ,AOm AI PHU, SPOS DANG, ME TOG GI SNGAGS SO, ,AOm PHU, AA PHU, DRI DANG, MCHOD YIN GYI SNGAGS SO, ,AA PHU, AI PHU, HAm PHUm, BAm PHU, KLU MO THAMS CAD KYI

DAM TSIG GI SNGAGS SO, ,PHU A'A GATZTSA A'A GATZTSA, SHR'I GHRAm PHU N'A YA SV'A H'A, SLAR GTANG BA'I SNGAGS SO, ,DE NAS KLU MO RNAMS KYI PHYAG RGYA'I MTSAN NYID BSHAD PA, THAL MO MNYAM PAR BYAS TE SOR MO RNAMS MGO BO'I TSUL DU SBYAR LA MDZUB MO KHA BSGYUR BAS MTHE BO'I SOR MO BRGYANG BA NI, KLU MO THAMS CAD KYI DAM TSIG GI PHYAG RGYA'O, ,LAS THAMS CAD BYED CING GRUB PA'O, ,DGUG PA'I PHYAG RGYA DANG, SLAR GTANG BA DANG, MCHOD PA'I PHYAG RGYA NI, KHU TSUR SO SOR BCANGS TE, MTHE'U CHUNG GI SEN MO MTHE BOS MNAN NAS SOR MO LHAG MA BRKYANG PA NI; KLU MO THAMS CAD KYI PHYAG RGYA'O, ,'BYUNG PO 'DUL BA'I RGYUD KYI RGYAL PO LAS, KLU MO RNAMS KYI SGRUB PA'I THABS KYI CHO GA RGYAS PA'I LE'U'O,, ,,DE NAS GSANG BA'I BDAG PO LAG NA RDO RJES KHRO ZHING GSER TE KHRO BO 'DI DANG BCAS NAS GSUNGS PA, AOm BHA RA nA BADZRA H'Um CHE GE MO N'A GI NI A'A KARshA YA H'Um H'Um PHAt PHAt, DE NAS 'DI BSHAD PA TZAM GYIS KLU THAMS CAD BRGYAL ZHING 'GYEL TE SPYI BO'I NAD CHEN POS SHI'O, ,GAL TE DAM TSIG LAS 'DAS NA KHRO BO 'DI DANG BCAS TE BZLAS PAS MYUR DU 'CHI ZHING DMYAL BA CHEN PO BRGYAD DU LTUNG BAR 'GYUR RO; ;ZHES DPAL RDO RJE 'CHANG GIS GSUNGS SO, ,'BYUNG PO 'DUL BA'I RGYUD KYI RGYAL PO CHEN PO LAS, KLU MO RNAMS SGRUB PAR BYED PA'I CHO GA RGYAS PA'I LE'U'O,, ,,DE NAS 'KHOR

, ,GYI DKYIL 'KHOR DER MI'AM CI MO DRUG LANGS TE BCOM LDAN 'DAS DPAL RDO RJE 'CHANG GI ZHABS LA SPYI BOS BTUD NAS RANG GI SNYING PO PHUL BA, AOm MA NO HA RI SV'A H'A, AOm SU BHA GA SV'A H'A, AOm BI SH'A LA NE TRI SV'A H'A, AOm SU RA BHI PRI YE SV'A H'A, AOm AA SHA MU KHI SV'A H'A, AOm PI SHA KA RA MU KHI sv'a h'a, de nas mi'am ci mo drug gi SGRUB PA'I THABS KYI CHO GA RGYAS PAR BSHAD PA, RI'I RTZE MO LA SONG STE STONG PHRAG BRGYAD BZLAS NA, MI'AM CI MO DRUG GI BZLAS PA BRJOD PA DANG, MCHOD PA SHIN TU CHEN PO BYAS TE BA LANG GI SHA DANG, GU GUL DANG LDAN PA'I BDUG PAS BDUG CING JI SRID NAM PHYED KYI BAR DU BZLAS NA, NAM PHYED NA NGES PAR 'ONG STE, DE LA 'JIGS PAR MA BYAS NA, KYE SGRUB PA PO, BKA' CI STZOL CES SMRA BAR BYED DO, ,SGRUB POS KYANG KYE BZANG MO, BDAG GI CHUNG MA GYIS SHIG CES SMRAS NAS RGYAB TU ZHON NA, LHA'I 'JIG RTEN DU 'KHYER BAR BYED CING BZA' BA BZANG PO STER BAR BYED DO; ;DE NAS SGRUB PA'I THABS PHYI MA BSHAD PA, RI'I DRUNG NGAM GTZUG LHAG KHANG DU KHRI BZLAS NA, BZLAS PA'I MTHA' LA RANG NYID 'ONG ZHING, LHA MO'I LAG PA 'JAM POS RKANG PA LA NYUG PAR BYED CING, MYUR DU CHAGS PA BYAS NA CHUNG MAR 'GYUR ZHING, DONG RTZE BRGYAD DANG, GOS ZUNG GCIG STER BAR BYED DO, ,CHU BO'I 'GRAM DU SONG NAS KHRI BZLAS NAS YANG MTSAN THOG

BZLAS NA THO RANGS NGES PAR 'ONG NGO, ,'ONGS NAS CHUNG MAR 'GYUR ZHING NYI MA RE RE DONG RTZE LNGA STER BAR BYED DO, ,MTSAN MO CHU BO 'DUS PA'I 'GRAM DU STONG PHRAG BRGYAD BZLAS NA, BZLAS PA'I MTHA' LA NGES PAR 'ONG ZHING LTA BAR BYED DO, ,NYI MA GNYIS PA LA MDUN DU 'DUG CING GTAM SMRA BAR BYED DO, ,NYI MA GSUM PA LA CHAGS PA SPYAD NA NGES PAR 'GRUB CING CHUNG MA'I LAS THAMS CAD BYED LA DONG TZE BRGYAD DANG, RAS PHRUGS GCIG STE BAR BYED DO, ,NYIN GCIG BZHIN DU RI'I RTZE MOR SHA ZA ZHING KHRI KHRI BZLAS NA, LHA MO'I GZUGS KYIS MYUR DU 'ONGS SHING MDUN DU SDOD DO, ,'KHYUD CING 'O BYAS TE MI SMRA BAS CHAGS PA BYAS NA CHUNG MAR 'GYUR TE, DONG RTZE BRGYAD STONG STER ZHING LHAS MNGON PAR 'DOD PA'I BZA' BA STER BAR BYED DO, ,'BYUNG PO 'DUL BA'I RGYUD KYI RGYAL PO CHEN PO LAS, MI'AM CI'I BU MO SGRUB PA'I THABS KYI CHO GA RGYAS PA'I LE'U'O,, ,,DE NAS GSANG BA'I BDAG PO PHYAG NA RDO RJES 'DI SKAD CES BKA' STZAL TO; ;DBANG PHYUG CHEN PO LHA CHEN PO, KHYOD NYON CIG ,'JIG RTEN GSUM GYI BDAG PO, LHA RNAMS KYIS 'DA' BAR BYA BA MA YIN PA, MNGAG GZHUG MA LUS PA SGRUB PAR BYED PA, MA RUNGS PA RNAMS DANG, LHA RNAMS LA BSTAN PAR BYA'O, ,DE NAS DBANG PHYUG CHEN PO LHA CHEN POS 'DI SKAD CES GSOL TO, ,BCOM LDAN 'DAS, MI PHYED PA BSTAN PA, 'JIG RTEN GSUM GYI LHA RNAMS

, ,KYIS 'DA' BAR BYA BA MA YIN PA, SGRUB PA'I THABS KYI CHO GA RGYAS PA'I LE'U DANG, PHYAG RGYA DANG, SNGAGS KYI RIM PAR PHYE BA BSHAD DU GSOL, DE NAS 'KHOR GYI DKYIL 'KHOR DE NA GNAS PA RNAMS KYIS LHA CHEN PO LA LEGS SO ZHES BYA BA BYIN TE, SHIN TU GDUL DKA' BA RNAMS 'DUL BAR BYED PA GSOL BA BTAB PA NI, LEGS SO LEGS SO, , DE NAS RDO RJE 'CHANG KHRO BO'I BDAG PO CHEN POS 'DI SKAD CES GSUNGS SO, ,KHRO BO'I DKYIL 'KHOR DAM PA NI, ,GRU BZHI PA LA SGO BZHI PA, ,RTA BABS BZHI YIS RNAM PAR BRGYAN, ,CHA RNAMS BCU DRUG DAG DANG LDAN, ,RDO RJE RA BAS MDZES PA'O, ,DE YI DBUS SU DRAG PO CHE, ,RDO RJE KHRO BO DGOD BYA BA, ,'BAR BA'I PHRENG BA 'KHRUG CING GSAL, ,BSKAL PA THA MA'I ME 'OD 'DRA, ,LHA CHEN MIG SMAN SBYAR 'DRA ZHING, ,THOD PA'I PHRENG BAS RGYAN DU BYAS, ,DRAG SHUL BZHAD CING CHER 'JIGS PA, ,'JIG RTEN GSUM PO 'JIGS MDZAD PA'O, ,BCOM LDAN 'DAS KYI G-YAS LOGS SU, ,LHA CHEN PO NI BRI BYA STE, ,BA ZHO MU TIG LTAR DKAR ZHING, ,DE BZHIN DKAR PO DUNG 'DRA ZHING, ,MIG GSUM PA LA LAG BZHI PA, ,ZHI ZHING LAG PA G-YON PA NA, ,MDUNG RTZE GSUM PA THOGS PA'O, ,G-YON PA'I PHYOGS KYI CHA RU NI, ,SRED MED BU NI BRI BYA STE, ,G-YAS PA NA NI RNGA YAB DUNG, ,G-YON NA 'KHOR LO GSAL SHING NGO, ,RGYAB TU BRGYA BYIN RGYAL PO STE, ,DE BZHIN

SMIN DRUG MDUN DU'O, ,TSANGS PA LAG NA GDUGS 'DZIN PA, ,KHA BA ME TOG KUN DA DANG, ,ZLA 'DRA BRGYA BYIN MDUN BRI STE, ,RANG GI STAN LA 'KHOD PAR RO, ,YANG NA SNGAGS PAS MU TIG DANG, , BA YI ZHO 'DRA DKAR PO NI, ,RNGA YAB THOGS PAR SMIN DRUG BRI, ,TSANGS PA KHA DOG DMAR PO BRI, ,BRGYA BYIN KHA DOG SER PO BRI, ,RGYAN KUN GYIS NI RNAM SPRAS SHING, ,RNGA YAB THOGS PAR KHYAB 'JUG BRI, ,DE BZHIN KHYU MCHOG LA ZHON PAR, ,LHA CHEN PO NI BRI BYA STE, ,KUN BGED LAG NA 'KHOR LO CAN, ,NGANG PA LA ZHON BRI BAR BYA, ,BRGYA BYIN GLANG CHEN ZHON PA STE, ,SMIN DRUG RMA BYA ZHON PA'O, ,PHYI ROL DANG NI GRA RNAMS SU, ,'BYUNG PO BRGYAD NI BRI BAR BYA, ,PADMA CAN DANG PAD CHEN DANG, ,RNAM 'BYUNG MA DANG LHA 'JOMS MA, ,'PHROG MA MCHOG DANG RIN PO CHE, ,RGYAN MA 'GRO BA SKYOD MA RNAMS, ,DPAL GYI SGRA YIS RAB GRAGS PA'I, ,'BYUNG MO CHEN MO BRGYAD PO STE, ,PADMA CAN DAD PAD CHEN MA, ,PADMA DKAR PO LTA BUR BRI, ,RNAM 'BYUNG MA DANG LHA 'JOMS MA, ,KHA DOG DMAR POR BRI BAR BYA, ,'BYUNG MO BZHI RNAMS MTSUNGS PAR NI, ,GSER GYI MDOG TU BRI BAR BYA, ,RDZU 'PHRUL CHE LDAN 'BYUNG MO BRGYAD, ,JI LTAR BSTAN BZHIN DE LEGS BRI, ,DE NAS 'DIR DKYIL 'KHOR GYI CHO GA BSHAD PA, RDO RJE SLOB DPON BDAG NYID ME TOG SNGON PO'I PHRENG BAS BRGYAN CING GTZUG TOR SNGON PO BCINGS NAS RAS SNGON PO ZUNGS GCIG BGOS TE SNGON BZHIN DU KHRO BO'I SNYING PO 'DI BRJOD

, ,PAR BYA STE, SEMS CAN KUN LA PHAN DON DU, ,MYUR DU DNGOS GRUB SBYIN MDZAD PA, ,GRUB PA'I RDO RJE KHRO BO STE, ,LHA NYID DAM TSIG LA BZHUGS SHIG ,AOm H'Um BADZRA PHAt SA, 'DI BRJOD PA TZAM GYIS LHA THAMS CAD GRUB PAR BYED DO, ,DE NAS 'DIR RDO RJE GSOR BA BSHAD PA, 'DI LTAR YI GE H'Um ZLOS SHING PHYAG NA RDO RJES GSUNGS PA LTAR, LHA THAMS CAD GZHOM ZHING LHA'I BU MO THAMS CAD DANG, GNOD SBYIN MO DANG, KLU MO DANG, 'BYUNG MO RDZU 'PHRUL CHEN MO CAN RNAMS SKAD CIG DE NYID LA GZHOM PAR BYA STE, RDO RJE GSOR BA'I SBYOR BA DANG LDAN PAS, AOm BADZRA D'IPTA MAH'A KRO DHA HA NA DA HA PA TZA M'A RA YA H'Um H'Um PHAt PHAt, BRGYA RTZA BRGYAD BZLAS TE, SKAD CIG DE NYID LA LHA THAMS CAD GSOD CING 'KHRUG PAR BYED DO, ,H'Um H'Um PHAt PHAt, SBYOR BA 'DIS KYANG NGES PAR SANGS RGYAS RNAMS KYANG ZHIG PAR BYED DO, ,DE NAS SLOB MA GZHUG PAR BYA STE, KHRO BO'I PHYAG RGYA GO CHA BYAS LA SNGAGS 'DIS DBAB PAR BYA'O, ,AOm BI SHYA KRO DHA H'Um H'Um AA DZVA LA MA LA AA KU LA, BHI shA NA BADZRA AA, 'DI BRJOD PA TZAM GYIS PHYI ROL GYI DBAB PA DANG, DGUG PA DANG, LHUNG BAR BYA BA RNAMS NUS PAR 'GYUR RO, ,DE NAS 'BYUNG PO 'DUL BA'I RGYUD CHEN PO LAS KHRO BA'I DKYIL 'KHOR GYI CHO GA RGYAS PAR BSHAD PA, AOm BH'U SHR'I SIDHA DHA DZA DHI RI HR'I: KHRO BO'I MDUN DU'O, ,AOm H'Um BH'Um MAH'A PADMA BA TI DHA NUR BANDHA RI H'Um, RGYAB TU'O, ,AOm H'Um BI H'Um TI, AOm KU SHO DHA RI NI H'Um DZA, LHO RU'O, ,

H'Um BHU SU RA HA RI NI TZINTA MA nI DHE DZVA DHA RI nI SRUm G-YON DU'O, ,AOm SHR'I BA RA HA RI NI PUshPA HA RE H'Um, ME TOG DBANG LDAN GYI GRAR RO, ,AOm SHR'I RATNE SHV'A RI DHU BA HA STE H'Um, SPOS ME'I GRA RU'O, ,AOm SHR'I BHU shI nI GANDHE HA STE H'Um, DRI BDEN BRAL DU'O, ,AOm SHR'I DZA GAD PA LI NI AA TE PA PA TE H'Um, MAR ME RLUNG DU'O, ,DE NAS 'BYUNG MO BRGYAD KYI PHYAG RGYA'I CHO GA RGYAS PAR BSHAD PA, KHU TSUR PHAN TSUN BCANGS TE MDZUB MO GNYIS BRKYANG BA NI, SENGGE'I RGYAL MTSAN MA'I PHYAG RGYA'O, ,LAG PA G-YON PA KHU TSUR BCANGS TE GUNG MO BRKYANG BA NI, YID BZHIN GYI NOR BU'I RGYAL MTSAN GYI PHYAG RGYA'O, ,PHYAG RGYA 'DI NYID RKED PA'I PHYOGS SU BZHAG PA NI, GZHU DANG, MDA'I PHYAG RGYA'O, ,LAG PA G-YAS PA KHU TSUR BCANGS TE MDZUB MO BRKYANG NAS BSKYIL BA NI, ,LCAGS KYU'I PHYAG RGYA'O, ,THAL MO MNYAM PAR BYAS TE MDZUB MO GNYIS BKUG PA NI, ME TOG GI PHYAG RGYA'O, ,SOR MO RNAMS PHAN TSUN DU 'KHYUD DE MDZUB MO GNYIS BRKYANG BA NI, SPOS KYI PHYAG RGYA'O, ,LAG PA SOR SOR BRKYANG STE DPUNG PA'I RTZA BA GNYIS SU BZHAG PA NI, DRI'I PHYAG RGYA'O, ,LAG PA G-YAS PA KHU TSUR BCANGS TE GUNG MO'I SOR MO RAB TU BRKYANG BA NI, MAR ME'I PHYAG RGYA'O, ,'BYUNG PO 'DUL BA'I RGYUD KYI RGYAL PO CHEN PO LAS, KHRO BO'I DKYIL 'KHOR GYI CHO GA RGYAS PA'I LE'U'O,, ,,DE NAS 'BYUNG PO BRGYAD KYI SGRUB PA'I THABS KYI CHO GA RGYAS PAR BSHAD PA, AOm HR'I: DZA, GZHAN GYIS MI THUB PA'I'O, ,AOm H'Um DZA, RGYAL

, ,BA'I 'O, ,AOm HR'I: DZA, RDZOGS BYED KYI'O, ,AOm BHRUm DZA, KUN TU RDZOGS BYED KYI'O, ,AOm SRUm DZA, DUR KHROD KYI BDAG PO'I 'O, ,AOm RUm DZA, RIG SNGAGS KYI DBANG PHYUG GI'O, ,AOm HR'I: H'Um DZA, 'BYUNG PO'I DBANG PHYUG GI'O, ,AOm AAm DZA, MNGAG GZHUG MCHOG GI'O, ,'BYUNG PO GZHAN GYIS MI THUB PA'I SGRUB PA'I THABS BSHAD PA, RDO RJE 'CHANG GI KHYIM DU SONG STE SNGON DU 'BUM BZLAS TE SNGON DU BSNYEN PA BYAS PAR 'GYUR RO, ,DE NAS ZLA BA NYA LA MCHOD PA RGYA CHEN PO BYAS TE JI LTAR GSUNGS PA'I 'BRAS CAN DKAR PO DANG, SBRANG RTZI DANG, ZHO DANG, BU RAM DANG, 'O MA DANG, SHA RNAMS KYIS MCHOD CING GU GUL BDUG PA BYIN NAS MTSAN THOG THAG BZLAS NA, THO RANGS NGES PAR 'ONG NGO, ,GAL TE NGES PAR MA 'ONGS NA SKAD CIG DE LA 'CHI'O, , 'ONGS NA BSGO BA DON YOD PAR MI BYED DO, ,SGRUB PA POS MNGAG GZHUG GYIS SHIG CES BSGO NA, DE BAN CHAD MNGAG GZHUG GI LAS BYED LA RIG PA 'DZIN PA'I RGYAL SRID STER BAR BYED CING DGRA THAMS CAD TSAR GCOD PAR BYED DO, ,ZLA BA'I LHA MO BLANGS NAS STER ZHING RGYAB TU ZHON NA LHA'I 'JIG RTEN DU YANG 'KHYER PAR BYED DO, ,BRGYA BYIN NYID KYANG STER BAR BYED CING BSKAL PA BDUN 'TSO'O, ,DE NAS RGYAL PA'I SGRUB PA'I THABS BSHAD PA, MTSAN MO SBYIN BYED MA'I MDUN DU SOR STE NYI MA RE RE STONG PHRAG BRGYAD BRGYAD BZLAS NAS NYI MA BDUN PA LA MCHOD PA RGYAS

PAR BYAS TE GTOR MA SBYIN ZHING GU GUL GYI BDUG PA BYIN NAS BZLAS NA, BZLAS PA'I MTHA' LA NGES PAR 'ONG STE, KYE SGRUB PA POS BKA' CI STZOL ZHES SMRA BAR BYED DO, ,SGRUB PA POS MNGAG GZHUG GYIS SHIG CES BSGO NAS RGYAB TU ZHON NA GLING BZHI PA RNAMS SU YANG 'KHYER BAR BYED CING, GZHAN YANG RGYAL SRID STER LA LO LNGA STONG 'TSO'O, ,DE NAS RDZOGS BYED KYI SGRUB PA'I THABS BSHAD PA, RDO RJE 'CHANG GI PHO BRANG DU SONG STE NYI MA MDUN DU STONG PHRAG BRGYAD BRGYAD BZLAS NAS NYI MA BDUN PA LA MCHOD PA RGYAS PAR BYAS TE 'BRAS CAN DKAR PO DANG, ZHOS JI LTAR GSUNGS PA LTAR BYIN NAS JI SRID NAM PHYED KYI BAR DU BZLAS NA, NAM PHYED NA RANG NYID 'ONG NGO, ,'ONGS PA LA ME TOG GI MCHOD YON BYIN NA DGA' BAR 'GYUR TE, RGYAL SRID STER BAR BYED DO, ,BSAM PA THAMS CAD YONGS SU RDZOGS PAR BYED CING LO STONG 'TSO'O, ,JI SRID DU 'TSO BA DE SRID DU MNGAG GZHUG GI LAS BYED DO, ,CHE GE MO 'TSO BAR GYIS SHIG ,CHE GE MO SOD CIG CES SMRAS NA, DE DAG THAMS CAD DO, ,KUN TU RDZOGS BYED KYI SGRUB PA'I THABS BSHAD PA, SKU GDUNG DANG BCAS PA'I MCHOD RTEN GYI DRUNG DU KHRI BZLAS NA, SNGON DU BSNYEN PAR BYAS PAR 'GYUR RO, ,DE NAS ZLA BA NYA LA JI LTAR 'BYOR BA'I MCHOD PA BYAS TE JI SRID NAM PHYED KYI BAR DU BZLAS NA, NAM PHYED NA RINGS PAR 'ONGS NAS MDUN DU SDOD DO, ,SKYE SDUG PA, NGAS CI BYA ZHES

, ,SMRA BAR BYED DO, ,SGRUB PA POS MNGAG GZHUG GYIS SHIG CES BSGO NA, DE PHAN CHAD MNGAG GZHUG GI LAS THAMS CAD BYED DO, ,GNOD SBYIN GYI BU MO BZANG MO BLANGS NAS STER ZHING GTER THAMS CAD STER LA, LHAS 'DOD PA'I BZA' BA STER RO, ,NYIN GCIG BZHIN DU RAS DMAR PO ZUNG RE STER ZHING DONG TZE LNGA LNGA STER LA LO LNGA BRGYA 'TSO'O, ,DE NAS DUR KHROD KYI BDAG PO'I SGRUB PA'I THABS KYI CHO GA RGYAS PAR BSHAD PAR MTSON MO DUR KHROD DU SONG TE NYI MA BDUN DU STONG PHRAG BRGYAD BZLAS NAS NYI MA BDUN PA LA 'BYUNG PO LA SHA DANG, NYA DANG, TIL DANG, DZAMBU TI DANG, MNGAR GSUM ZAN GYIS DRIL BA'I RIL BU DANG, RTA SHA KHAM TSAD DU GTUBS PA BSREGS NAS MAR LA RNGOS LA DZAMBU TI KA DANG, 'BRAS CHAN DANG, ZHO DANG BU RAM DANG, 'O THUG DANG, SRAN TSOD DANG, SNUM 'KHUR RNAMS KYIS JI LTAR GSUNGS PA BYIN NAS GU GUL GYI BDUG PA YANG BYIN TE JI SRID NAM PHYED KYI BAR DU BZLAS NA, HA HA ZHES BYA BA'I SGRA THOS PAR BYED DO, ,'JIGS PAR MA BYAS NA, RANG GI 'KHOR GYI TSOGS KYIS YONGS SU BSKOR TE 'ONG NGO, ,'ONGS PA LA GTOR MA BYIN NA DGA' BAR 'GYUR TE, 'BYUNG PO'I MNGAG GZHUG BYED DO, ,NYI MA RE RE DONG TZE BRGYAD BRGYAD STER ZHING DGRA THAMS CAD 'JOMS TE LO LNGA STONG 'TSO'O, ,DE NAS RIGS KYI DBANG PHYUG GI SGRUB PA'I THABS BSHAD PA, LHA'I KHANG PAR SONG STE SPOS

DMAR PO DANG, ME TOG DMAR PO DANG, GU GUL GYI BDUG PA SBYIN ZHING KHRI BZLAS NA, SNGON DU BSNYEN PA BYAS PAR 'GYUR RO, ,MTSAN MO NAG PO'I TSES BCU BZHI LA NYA DANG, SHA DANG, TIL DANG, DZAMBU TI DANG, 'BRAS CHAN DMAR POS JI LTA BAR SGRUB CING, DU RU KA DANG, ME TOG BYIN TE JI SRID NAM PHYED KYI BAR DU BZLAS NA, NAM PHYED NA SNANG BA CHEN PO DANG, 'JIGS PAR BYED PA'I GZUGS KYIS 'ONGS TE, DE LA 'JIGS PAR MA BYAS NA, SDUG PA NGAS CI BYA ZHES SMRA BAR BYED DO, ,SGRUB PA POS MNGAG GZHUG GYIS SHIG CES BSGO NA, NYI MA RE DUS GSUM DU DONG TZE LNGA LNGA STER BAR BYED DO, ,LHAS MNGON PAR 'DOD PA'I BZA' BA STER BAR BYED CING LO LNGA STONG 'TSO'O, ,DE NAS 'BYUNG PO'I DBANG PHYUG GI SGRUB PA'I THABS BSHAD PA, MTSAN MO LINGGA GCIG PAR SONG STE GCIG PU NUB GSUM DU 'BRAS CHAN DMAR PO DANG, NYA DANG, SHAS GTOR MA SBYIN ZHING RA SKYES KYI SHA DANG, GU GUL DANG, SBRANG RTZI DANG LDAN PA'I BDUG PAS BDUD CIG STONG PHRAG BRGYAD BZLAS NA NYI MA DANG PO LA RMI LAM DU MTHONG BAR BYED DO, ,NYI MA GNYIS PA LA RANG NYID MTHONG BAR BYED DO, ,NYI MA GSUM PA LA RINGS PAR 'ONG ZHING MDUN DU 'DUG NAS 'DI SKAD SMRA BAR BYED DO, ,BKA' CI STZOL, DE NAS SGRUB PA POS MNGAG GZHUG GYIS SHIG CES BRJOD PAR BYA'O, ,RTAG TU PHYI BZHIN 'BRANG BAR 'GYUR ZHING, RANG NYID 'ONGS NAS MI ZAD PA'I GTER STER ZHING 'DAS PA DANG, MA 'ONGS PA DANG,

, ,DA LTAR BYUNG BA RNAMS SMRA BAR BYED DO, ,GOS DANG, RGYAN DANG, BZA' BA BZANG PO RNAMS STER BAR BYED CING LO NYIS STONG 'TSO BAR BYED DO, ,DE NAS PHO NYA MCHOG GI SGRUB PA'I THABS BSHAD PA, RDO RJE 'CHANG GI KHANG PAR SONG STE NAG PO'I TSES BCU BZHI LA KHRI BZLAS NAS NYI MA BDUN PA LA SGRUB PA BRTZAM PAR BYA STE, TZANDAN GYI DKYIL 'KHOR BSGRUBS PAR BYAS NAS GU GUL GYI BDUG PA SBYIN ZHING ME TOG DKAR PO DANG, 'BRAS CAN DKAR PO PO DANG, MAR DANG, 'O THUG SBYIN ZHING KU SHA'I KHRI LA 'DUG STE MAR GYI MAR ME RAB TU SBAR NAS MTSAN MO JI SRID NAM PHYED KYI BAR DU BZLAS NA, MNGAG GZHUG MCHOG RANG NYID 'ONG STE, 'ONGS PA LA TZANDAN GYI MCHOD YON BYIN NA, KYE SGRUB PA PO, BDAG GIS CI BYA ZHES SMRA BAR BYED DO, ,DE NAS SGRUB PA POS BDAG GI MNGAG GZHUG GYIS SHIG CES BSGO NA, DE PHAN CHAD MNGAG GZHUG PAR 'GYUR ZHING, LHAS MNGON PAR 'DOD PA'I BZA' BA STER RO, ,DNGUL CHU DANG, BCUD KYIS LEN STER ZHING GTER RNYED PAR BYED LA RGYAB TU ZHON NA MTHO RIS SU YANG 'KHYER BAR BYED CING, GZHAN YANG RGYAL SRID STER BAR BYED DO, ,'BYUNG PO 'DUL BA'I RGYUD KYI RGYAL PO CHEN PO LAS, MNGAG GZHUG SGRUB PA'I CHO GA RGYAS PA'I LE'U 'O,, ,,DE NAS 'DIR YANG DAG PAR BSHAD PA NI, DNGOS GRUB SNA TSOGS SGRUB PAR BYED PA, SLOB DPON RNAMS LA PHAN PA'I DON DU JI LTAR GSUNGS

BA MNGAG GZHUG PA'I THABS TE, BSTEN PAR BYA BA MA YIN PA'I LE LO CAN DANG, SDIG PA BYED PA DANG, BRDZUN DU SMRA BA DANG, TSUL 'CHOS CAN DANG, DBUL PO DANG, NAD KYIS GDUNGS PA DANG, TSE THUNG BA DANG, SEMS MI BRTAN PA'I MI RNAMS KYANG SPANG BAR MI BYA STE, GAL TE LONGS SPYOD DANG, NOR DANG, GRAGS PA 'DOD NA YANG SKAD CIG GIS PHUN SUM TSOGS PAR STER RO, ,SNGAGS 'DIS DNGUL CHU DANG, BCUD KYIS LEN PA'I DNGOS GRUB DANG, LHA'I RGYAL SRID KYI DNGOS GRUB KYANG GRUB PAR BYED NA, MI RNAMS KYI RGYAL SRID GRUB PAR BYED PA LTA SMOS KYANG CI DGOS TE, DE BZHIN DU 'DIS LHA'I BU MO THAMS CAD SKAD CIG TZAM GYIS GRUB PAR BYED DO, ,GSANG SNGAGS 'DI NI BKLAGS PAS GRUB PAR BYED CING SHIN TU BRTZON 'GRUS DMAN PA RNAMS LA YANG JI LTAR BDE BAR LTAR MYUR DU GRUB PAR BYED CING SEMS CAN THAMS CAD LA BDE BA RAB TU SBYIN PA, YI GE BZHI PO CHER GSANG BA, DNGOS GRUB THAMS CAD STER BAR BYED PA, BKLAGS PA TZAM GYIS MNGON PAR GRUB PAR BYED PA STE, 'DI LA THE TSOM MI BYED DO, ,'BYUNG PO 'DUL HBA'I RGYUD CHEN PO LAS, DNGOS GRUB KYI SGRUB PA'I CHO GA RGYAS PA'I LE'U'O,, ,,DE NAS 'BYUNG PO 'DUL BA'I RGYUD CHEN PO LAS 'BYUNG PO BRGYAD KYI PHYAG RGYA'I MTSAN NYID BSHAD PA, SOR MO RNAMS PHAN TSUN 'KHYUD DE GUNG MO BRKYANG NAS KHAB LTAR BZUNG BA NI, 'BYUNG PO CHEN PO GZHAN GYIS MI THUB PA'I PHYAG RGYA'O, ,

, ,PHYAG RGYA 'DI NYID GUNG MO BKUG CING MDZUB MO BRKYANG NAS BKUG PA NI, RGYAL BA'I PHYAG RGYA'O, ,PHYAG RGYA 'DI NYID LAS MDZUB MO G-YON PA BSKYIL ZHING MTHE'U CHUNG BRKYANG STE SO SOR BZUNG BA NI, RDZOGS BYED KYI PHYAG RGYA'O, ,SOR MO PHAN TSUN 'KHYUD DE BZUNG BA NI, KUN TU RDZOGS PAR BYED PA'I PHYAG RGYA'O, ,PHYAG RGYA 'DI NYID LAS MTHE'U CHUNG DANG, MTHE BONG NANG DU BKUG STE BZUNG BA NI, DUR KHROD KYI BDAG PO'I PHYAG RGYA'O, ,MTHE'U CHUNG GNYIS RAB TU BRKYANG STE BZUNG BA NI, RIGS KYI DBANG PHYUG GI PHYAG RGYA'O, ,THAL MO KHA SBYAR TE MDZUB MO GNYIS BKUG PA NI, PHO NYA MCHOG GI PHYAG RGYA'O, ,'BYUNG PO 'DUL BA'I RGYUD KYI RGYAL PO CHEN PO LAS, 'BYUNG PO'I RGYAL PO CHEN PO BRGYAD KYI PHYAG RGYA'I MTSAN NYID RDZOGS SO,, ,, DE NAS GSANG BA'I BDAG PO PHYAG NA RDO RJE LA BCOM LDAN 'DAS KYIS 'DI SKAD CES BKA' STZAL TO, ,RDO RJE SLOB DPON LA PHAN PA'I DON DU BSNYEN BKUR MA'I SGRUB PA'I THABS DPAL CHEN PO ZHES BYA BA'I 'BYUNG MO RDO RJE SLOB DPON GYIS BSGRUB PAR BYA STE, 'BYUNG MO RNAMS KYIS NI, YID LA DGA' BA SKYED CING PHAN TSUN TSIM PAR BYED PA'O, ,DE NAS 'BYUNG PO 'DUL BA'I RGYUD CHEN PO LAS 'BYUNG MO DPAL CHEN MO'I SGRUB PA'I THABS KYI CHO GA RGYAS PAR BSHAD PA, DPAL KHRO BO'I BDAG PO BCOM LDAN 'DAS KYI MDUN DU 'BUM BZLAS NA, SNGON DU BSNYEN PA BYAS PAR

'GYUR RO, ,DE NAS ZLA BA NYA LA JI LTAR 'BYOR PA'I MCHOD PA BYAS TE GU GUL GYI BDUG PA SBYIN ZHING MTSAN THOG THAG BZLA'O, ,DE NAS THO RANGS NGES PAR 'ONG NGO, ,'ONGS PA LA TZANDAN GYI MCHOD YON SBYIN ZHING LEGS PAR 'ONGS SO ZHES BRJOD NA, KYE SGRUB PA PO, CI BKA' STZAL ZHES SMRA'O, ,SGRUB PA POS BDAG NYID KYI CHUNG MA GYIS SHIG CES BRJOD NA, LHA'I DNGUL CHU DANG, BCUD KYIS LEN PA STER ZHING DNGOS GRUB KYI RDZAS DANG, GTER DANG, RGYAL SRID RNAMS STER BAR BYED DO, ,ZHI BA'I SGRUB PA'I THABS KYI CHO GA RGYAS PA DANG PO'O, ,DE NAS GZHAN YANG NAN TUR GYIS SGRUB PA'I THABS BSHAD PA, GRO GA'I 'DAB MA LA 'BYUNG MO DPAL CHEN MO BRIS TE MTSAN MO GCER BUR GYUR PAS DPAL RDO RJE 'CHANG GI MDUN DU STONG PHRAG BRGYAD BZLAS NA MYUR DU 'ONG NGO, ,'ONGS PA LA CHAGS PA BYAS NA DGA' BAR 'GYUR RO, ,'JIG RTEN GSUM GYI RGYAL SRID KYANG STER BAR BYED DO, ,BRGYA BYIN KYANG STER RO, ,RGYAB TU ZHON NA MTHO RIS SU YANG 'KHYER ZHING LO KHRI 'TSO'O, ,GAL TE MA GRUB NA; MIG DANG SPYI BO 'GAS SHING SKAM LA SKAD CIG DE NYID LA 'CHI'O, ,ZHES KHRO BO NYID KYIS GSUNGS SO, ,GUR GUM GYI MING BRIS TE RKANG PA G-YON PAS MNAN NAS RDO RJE GSOR ZHING YI GE H'Um H'Um PHAt PHAt LAN BDUN BRJOD NA, BRJOD PAR GYUR PAS NGES PAR SKAD CIG GIS 'CHI BAR BYED DO, ,'BYUNG PO 'DUL BA'I RGYUD KYI RGYAL PO LAS, SGRUB PA'I THABS KYI CHO GA RGYAS PA'O,, ,,

, ,GU GUL GYI BDUG PA SBYIN ZHING GTOR MA BSHAMS TE RAS DKAR PO BKAB LA SNGAGS 'DI LAN GSUM BRJOD DO, ,DE BA SAm BH'U TA MA HI TA, PRI nA PA TA YA, BI BA DZA YID PRI THAG PRA THAG MA H'A BH'A TA, SVA STH'A NA MA, TA TRA GATZTSA TI SMA SH'A NI DE BA AA LA YE shU NA D'I TA TE, TZA TU: shU THE, AE LA LINGGE WA, DE BA AA YA TA NEE WA, SH'I GHRAm GATZTSANTU, BH'U TA N'A MA SA MA YA PRA TI P'A LA NU YA, YA DI SA AI BA NA GATZTSA TI TAKshE nA MURDHA NI, SU LA YID, BHU T'A N'Am REE RA WAm NA RA KAm PA TED, YA THA YA THA, SVA STH'A NE GATZTSANTU, YA THA SU KHI SV'A H'A, RDO RJE SLOB DPON GYIS LHA RNAMS NYE BAR BSDU BAR BYA'O, ,'BYUNG PO 'DUL BA'I RGYUD KYI RGYAL PO CHEN PO LAS, RIM PAR PHYE BA GNYIS PA RDZOGS TE, 'BYUNG PO 'DUL BA ZHES BYA BA'I RGYUD STONG PHRAG BCU DRUG PA LAS JI SNYED PA RNAMS RDZOGS SO,, ,,RGYA GAR GYI MKHAN PO BUDDHA A'A KA RA WARMA DANG, LO TZTSA BA DGE SLONG CHOS KYI SHES RAB KYIS BSGYUR CING ZHUS TE GTAN LA PHAB PA,