'PHAGS PA DON YOD ZHAGS PA'I SNYING PO ZHES BYA BA THEG PA CHEN PO'I MDO (A'ARYA AA MO GHA P'A SHA HRi DA YAm N'A MA MA H'A Y'A NA S'U TRA)

RGYA GAR SKAD DU, ,A'ARYA AA MO GHA P'A SHA HRi DA YAm N'A MA MA H'A Y'A NA S'U TRA, BOD SKAD DU, 'PHAGS PA DON YOD ZHAGS PA'I SNYING PO ZHES BYA BA THEG PA CHEN PO'I MDO, 'PHAGS PA DON YOD ZHAGS PA LA PHYAG 'TSAL LO, ,SANGS RGYAS LA PHYAG 'TSAL LO, ,THUGS RJE CHEN PO

, ,LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS BO tA LA KA'I RI'I RTZE MO 'PHAGS PA SPYAN RAS GZIGS DBANG PHYUG GI GNAS SA MA LA DANG, TA MA LA DANG, TZAM PA KA DANG, MYA NGAN MED PA DANG, AA TI MUKTA KA LA SOGS PA MANG PO DANG, SNA TSOGS PA'I RIN PO CHE'I SDONG POS YANG DAG PAR BRGYAN PAR DGE SLONG GI DGE 'DUN CHEN PO STONG PHRAG BCO BRGYAD DANG, BYANG CHUB SEMS DPA' BYE BA KHRAG KHRIG BRGYA STONG PHRAG DGU BCU RTZA DGU DANG, GNAS GTZANG MA'I LHA'I BU STONG PHRAG DU MAS YONGS SU BSKOR CING MDUN DU BYAS NAS MANG PO DANG THABS CIG TU BZHUGS SO, ,DBANG PHYUG DANG, DBANG PHYUG CHEN PO DANG, TSANGS RIS KYI LHA'I BU RNAMS GTZOR BYAS NAS CHOS STON TO, ,DE NAS BYANG CHUB SEMS DPA' SEMS DPA' CHEN PO 'PHAGS PA SPYAN RAS GZIGS DBANG PHYUG STAN LAS LANGS NAS BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE, GANG BCOM LDAN 'DAS LA DES THAL MO SBYAR ZHING PHYAG 'TSAL NAS ZHAL 'DZUM PAR GYUR BAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, BDAG LA DON YOD ZHAGS PA'I SNYING PO ZHES BYA BA

YOD DE, GANG SNGON BSKAL PA DGU BCU RTZA GCIG NA 'JIG RTEN RNAM PAR GZIGS PA ZHES BYA BA'I 'JIG RTEN GYI KHAMS SU 'JIG RTEN GYI DBANG PO RGYAL PO DE BZHIN GSHEGS PA [?] YANG DAG PAR RDZOGS PA'I SANGS RGYAS LAS BDAG GIS BLANGS TE, GANG YANG BDAG GIS DBANG PHYUG DANG, DBANG PHYUG CHEN PO GTZOR BYAS PA'I GNAS GTZANG MA'I RIS GYI LHA'I BU BRGYA STONG MANG PO YANG 'DUS SO, ,BLA NA MED PA YANG DAG PAR RDZOGS PA'I BYANG CHUB DON YOD ZHAGS PA'I YE SHES KYI GTZO BO'I TING NGE 'DZIN BCU PA BRGYA STONG BDAG GIS RAB TU RNYED DO, ,GZHAN YANG GANG GI TSE BCOM LDAN 'DAS, SA GZHI'I PHYOGS GCIG TU RAB TU SPYOD PA LAS RTOGS PAR BYA STE, BCOM LDAN 'DAS, DE'I TSE SA PHYOGS DE DBANG PHYUG DANG, DBANG PHYUG CHEN PO DANG, TSANGS RIS GTZOR BYAS PA'I LHA'I BU STONG PHRAG BCU GNYIS KYIS SRUNG BA DANG, BSKYAB PA DANG, SBED PA'I DON DU GNAS PAR 'GYUR RO, ,GANG 'DIR DON YOD ZHAGS PA'I SNYING PO RAB TU SPYOD NA, BCOM LDAN 'DAS, SA'I PHYOGS GCIG PO DE MCHOD RTEN DU 'GYUR RO, ,SEMS CAN GANG DAG DON YOD ZHAGS PA'I SNYING PO NYAN PA DE DAG NI, SANGS RGYAS MANG PO BYE BA KHRAG KHRIG BRGYA STONG LA MCHOD PAR 'GYUR RO, ,DE NAS BCOM LDAN 'DAS BYANG CHUB SEMS DPA' GANG

, ,'DIR DON YOD ZHAGS PA'I SNYING PO THOS PAS BDAG GI DGE BA'I RTZA BA BSKYED PAR 'GYUR RO, ,GANG KHA CIG BCOM LDAN 'DAS, SDIG PA'I SKYON BYED PA, SDIG PA'I CHOS THAMS CAD LA YANG DAG PAR SPYOD PA, 'PHAGS PA LA SKUR BA 'DEBS PA, DAM PA'I CHOS LA SMOD PA, MNAR MED PA LA GZHOL BA, SANGS RGYAS DANG, BYANG CHUB SEMS DPA' THAMS CAD DANG, 'PHAGS PA NYAN THOS DANG, RANG SANGS RGYAS LA SMOD PA PO DE, GAL TE 'GYOD PAR GYUR CING SLAN CHAD GCOD CING SDOM PAR GYUR NA, BCOM LDAN 'DAS, DES RE ZHIG DE NYID SMYUNG BAR GNAS PA GCIG GIS DE BZLAS NA, DE'I SKYE BA 'DI'I LAS YONGS SU DAG CING YONGS SU ZAD PAR 'GYUR RO, ,PHYIR ZLOG PAR 'GYUR RO, ,RIMS NYIN GCIG PA'AM, ,NYIN GNYIS PA'AM, NYIN GSUM PA'AM, NYIN BZHI PA'AM, DE'I PHYIR KHRAG TU 'KHRU BA'AM, TSAD PA'AM, LAG PA NA BA'AM, RKANG PA NA BA'AM, MGON BA'AM, HA LA HA LAS BTAGS PA'AM, MJO'AM, RKANG SHU'AM, 'BRUM BU PHRA MO'AM, LHOG PA'AM; 'BRAS SAM, BYE'U 'BRAS SAM, G-YAN PA'AM, MTSAN PAR RDOL BA'AM, 'BRUM BU'AM, BRJED BYED DAM, KHYAB PAR NA BA'AM, GSOD PA'AM, 'CHING

PA'AM, BRDEG PA'AM, BSDIGS PA'AM, MI SNYAN PAR BRJOD PA'AM, MDOR BSDU NA BCOM LDAN 'DAS, LUS KYI NA TSA'AM, SEMS KYI SDUG BSNGAL LAM, RMI LAM NGAN PA MTHONG BAS DE'I LAS YONGS SU DAG CING ZAD PAR 'GYUR RO, ,SNGAR NYID NAS DAG PA'I SEMS CAN DAD CING LHAG PAR MOS PA RNAMS SHIN TU YONGS SU BYANG BAR 'GYUR RO, ,GAL TE BCOM LDAN 'DAS, 'KHOR BZHI PO DANG, RIGS BZHI POS JI SNYED DU BDAG LA SGYU DANG G-YOS KYANG MCHOD PAR BYED, ,GANG 'DIR DON YOD ZHAGS PA'I SNYING PO NYAN PAR BYED PA DANG, DON 'DZIN PAR BYED PA, 'CHANG BAR BYED PA, KLOG PAR BYED PA, 'BRI BAR BYED PA, 'BRIR 'JUG PAR BYED PA, KUN CHUB PAR BYED PA, SEMS CAN GZHAN RNAMS NYAN DU 'JUG PAR BYED PA'AM, THA NA DUD 'GRO'I SKYE GNAS SU GTOGS PA'I RNA BUG TU GTUGS TE ZLOS PAR BYED, SNGAGS KYI TSIG 'DI SEMS PAR BYED PA DANG, DOR BA MED PA, GZUGS MED PA, RNAM PAR MI RTOG PA, YANG DAG PAR 'BYUNG BA MED PA, YUN RING DU 'BYUNG BA MED PA, RGYU MED PA, GOS PA MED PA, MNYAM PA'I SEMS G-YENG BA MED PA, PHUNG PO DANG BRAL BA'I SBYOR BA 'DIS NI, SANGS RGYAS RJES SU DRAN PAR BYA'O, ,DE DAG LA PHYOGS BCU'I SANGS RGYAS BRGYA STONG GIS ZHAL STON PAR 'GYUR RO, ,KHYED KYI BZLAS

, ,PAS SDIG PA BSHAGS PAR 'GYUR RO, ,JI SNYED PO TIR BRI BAR BYAS NAS KHYIM DU BZHUGS SU GSOL BAR BYA'O, ,BCOM LDAN 'DAS, MANG POS CI BYA STE, PHAN TSUN 'GRAN PAS NYAN PA'AM, RJE DPON GYIS 'JIGS PAS SAM, GZHAN GYI RJES SU 'JUG PAS SAM, GZHAN SMAD PAR BYA BA'I CHED DU NYAN PA NI, 'PHAGS PA SPYAN RAS GZIGS DBANG PHYUG GI BYIN GYI RLABS SU MKHAS PAS SHES PAR BYA'O, ,DE DAG GI RNA BUG TU DE'I SGRA SGAGS PAR 'GYUR RO, ,BCOM LDAN 'DAS, 'DI LTA STE; GANG LA LA'I SKYES BU'I TZANDAN NAM, GA BUR RAM, GUR GUM MAM, GLA RTZI GNUR ZHING BRGYAD CING RDO BA'AM SA LA GZHI BAS NAS BDAG NYID LA BYUGS NA, DE LA TZANDAN NAM; GA BUR RAM, GUR GUM MAM, GLA RTZI GNUR BA'AM BRGYAD PAS DE LTAR DRI 'PHO BAR MI 'GYUR RO, ,YANG DRI ZHIM PO YANG DE NYID DO, ,BCOM LDAN 'DAS, DE LTAR KHO NAR BDAG GIS DON YOD ZHAGS PA'I SNYING PO 'DI LA YANG GANG LA LA ZHIG GIS 'PHYA ZHING SMOD PA DANG, SNGA MA LTAR JI SNYED BDAG LA SGYU DANG G-YOS MCHOD PAR BYED PA DE DAG NI, BCOM LDAN 'DAS, RMU RGOD KYI SEMS CAN DE DAG GI DGE BA'I RTZA BA BSKYED PAR 'GYUR RO, ,'DOD PAS DKA' BAR 'DZIN PAR BRJOD DE, PHYI MA LA YANG NGO,

GANG DANG GANG DU SKYES PA DE DANG DER TSUL KHRIMS DANG, TING NGE 'DZIN DANG, SHES RAB DANG, BSOD NAMS KYI TSOGS KYI DRI DANG MI 'BRAL BAR 'GYUR RO, ,TSUL KHRIMS KYI DRI ZHIM PO NYID DU BYED DO, ,GANG YANG BCOM LDAN 'DAS, RIGS KYI BU'AM, RIGS KYI BU MO'AM, DGE SLONG NGAM, DGE SLONG MA'AM, DGE BSNYEN NAM, DGE BSNYEN MA'AM, DE LAS GZHAN PA'I KHA CIG DON YOD ZHAGS PA'I SNYING PO CHED DU BYAS NAS DKAR PO'I PHYOGS KYI TSES BRGYAD LA SMYUNG BAR GNAS PAR BYAS TE LAN BDUN DU DON YOD ZHAGS PA'I SNYING PO TSIG TU MI BRJOD PAR YONGS SU BZLAS NA, DE LA BCOM LDAN 'DAS, MTHONG BA'I CHOS NYID LA PHAN YON NYI SHU THAM PA SO SOR 'DOD PAR BYA'O, ,NYI SHU PO GANG ZHE NA, GANG DE'I LUS LA NAD MI 'BYUNG BA DANG, LAS KYI DBANG GIS NAD BYUNG BA YANG MYUR DU ZHI BAR 'GYUR RO, ,SNUM ZHING YID DU 'ONG BA'I LUS DKAR BAR YANG 'GYUR RO, ,SKYE BO MANG PO'I YID DU 'ONG BAR 'GYUR RO, ,DBANG PO SBUBS SU NUB PA DANG, NOR RNYED PAR YANG 'GYUR RO, ,NOR YOD PA YANG RKUN POS 'KHYER BAR MI NUS SO, ,MES MI 'TSIG GO ,CHUS MI 'KHYER RO; ;RGYAL PO'I YID KYIS KYANG 'PHROG PAR MI NUS SO, ,DE'I LAS KYI MTHA' RGYAS PAR 'GYUR RO, ,DE'I LUS LA CHU'I 'JIGS PA 'BYUNG BAR MI 'GYUR RO, ,RLUNG DANG CHAR PA'I,

, ,'JIGS PA 'BYUNG BAR MI 'GYUR RO, ,LAN BDUN DU DON YOD ZHAGS PA'I SNYING PO CHU'AM THAL BA LA YONGS SU BSNGAGS TE PHYOGS DANG, MTSAMS DANG, STENG DANG, 'OG GI ZHING LA BCING BA BYAS NA, NYE BAR 'TSE BA THAMS CAD NYE BAR ZHI BAR 'GYUR RO, ,MDANGS ZA BAS MDANGS 'PHROG PAR MI NUS SO, ,SEMS CAN THAMS CAD DGA' BAR 'GYUR RO, ,DGRAS 'JIGS PA BYUNG BA YANG MYUR DU ZHI BAR 'GYUR RO, ,MIS 'JIGS PAR MI 'GYUR RO, ,KHYAB PAR NA BA'I 'JIGS PA DANG, MKHA' 'GRO MA'I 'JIGS PA 'BYUNG BAR MI 'GYUR RO, ,NYON MONGS PA DRAG PO YANG 'BYUNG BAR MI 'GYUR RO, ,ME DANG CHU DANG MTSON GYIS 'CHI BA'I DUS BYED PAR MI 'GYUR RO, ,LHAS KYANG RGYUN DU NYE BAR SRUNG BA DANG, SKYOB PA DANG, SBED PAR BYED PAR 'GYUR RO, ,GANG DANG GANG DU SKYES PA DE DANG DER BYAMS PA DANG, SNYING RJE DANG, DGA' BA DANG, BTANG SNYOMS DANG 'BRAL BAR MI 'GYUR RO, ,PHAN YON NYI SHU PO 'DI DAG SO SOR 'DOD PAR BYA'O, ,GZHAN YANG CHOS BRGYAD SO SOR 'THOB STE, BRGYAD PO GANG ZHE NA, 'CHI BA'I DUS SU 'PHAGS PA SPYAN RAS GZIGS DBANG PHYUG DGE SLONG GI GZUGS KYIS ZHAL YANG DAG PAR STON PAR 'GYUR RO, ,BDE BAR TSE'I DUS BYED PAR 'GYUR RO, ,MTHONG

PAR 'KHRUL PA MED DO, ,LAG PA G-YOB PA MED DO, ,BSHANG BA MED DO, ,GCI BA MED DO, ,RLUNG GI RNAM PA MED DO, ,SHIN TU LEGS PAR GNAS SHING DRAN PA DANG LDAN PAR 'GYUR RO, ,KHA 'OG TU BLTAS NAS TSE'I DUS BYED PAR MI 'GYUR RO, ,'CHI BA'I DUS SU NYON MONGS PA MED PAR RAB TU BRJOD PAR 'GYUR RO, ,SANGS RGYAS KYI ZHING GANG DANG GANG DU SMON LAM BTAB PA DE DANG DER SKYE BAR 'GYUR RO, ,DGE BA'I BSHES GNYEN DANG 'BRAL BAR MI 'GYUR RO, ,NYIN RE ZHING DUS GSUM DU LAN GSUM DU BKLAG PAR BYA'O, ,CHANG DANG, SHA DANG, BTZOD DANG, SGOG SKYA DANG, BDE BYED LA BYIN PA'I LHAG MA KHYAD PAR DU SRUNG BAR 'DOD PAS DE RNAMS SPANG BAR BYA'O, ,DON YOD ZHAGS PA'I SNYING PO ZHES BYA BA'I CHOS KYI RNAM GRANGS 'DI SEMS CAN RNAMS LA NUS SAM MI NUS SHES PAR BYAS LA NYAN DU GZHUG PAR BYA'O, ,SLOB DPON GYIS SER SNA MI BYA STE, GANG GI PHYIR PHRAG DOG DANG SER SNA'I DRI MA SPANGS PA NI, BYANG CHUB SEMS DPA' YIN NO, ,SEMS CAN GYI DON GYI CHED DU SANGS RGYAS KYI BYANG CHUB THOB PA'I PHYIR BYANG CHUB SEMS DPA'I DGE 'DUN DU YANG 'GYUR RO, ,SHES RAB NI, BYANG CHUB TU BRJOD LA, SEMS DPA' NI, THABS TE, DE GNYIS DAG GIS SEMS CAN GYI DON NYID THOB PAR 'GYUR RO, ,BCOM LDAN 'DAS, GAL TE CHOS 'DI RJES SU ZLOS SHING SNYING PO DE BZHIN GSHEGS PA'I MDUN DU BRJOD PAR BYED

, ,PA NI, 'KHOR BZHI PO RNAMS LA PHAN PA DANG, BDE BA'I DON GYI PHYIR DANG, SDIG PA BYED PA GZHAN RNAMS KYI YANG PHYIR RO, ,DE NAS BCOM LDAN 'DAS KYIS BYANG CHUB SEMS DPA' SEMS DPA' CHEN PO 'PHAGS PA SPYAN RAS GZIGS DBANG PHYUG LA BKA' STZAL PA, GANG 'DI DAG PA'I SEMS CAN LA KHYOD KYIS BSTAN PA'I DUS LA BAB STE, DE BZHIN GSHEGS PAS KYANG RJES SU YI RANG NGO, ,PHYI MA'I TSE PHYI MA'I DUS NA BYANG CHUB SEMS DPA' RNAMS KYI PHA'I BYA BA BYED PAR 'GYUR RO, ,DE NAS BYANG CHUB SEMS DPA' SEMS DPA' CHEN PO 'PHAGS PA SPYAN RAS GZIGS DBANG PHYUG SPYAN MI 'DZUM PAR GYUR PAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, GSON CIG ,SANGS RGYAS DANG, BYANG CHUB SEMS DPA' THAMS CAD KYIS PHYAG BYAS PA'I RNAM PAR THAR PA'I DKYIL 'KHOR 'DI SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA RJES SU BRTZE BA DANG, SKYE RGU'I TSOGS CHEN PO LA PHAN PA DANG, BDE BA DANG, RNAM PAR THAR PA'I DON GYI PHYIR YANG NGO,, ,,NA MASTREE YA DHVA AA NU GA TA PRA TIshthI TE BHYA:, SARBA BUDDHA PO DHI SATVA BHYA:, NA MA: PRA TYE KA BUDDHA A'ARYA SHR'A BA KA SAm GHE BHYA:, AA T'I TA AA N'A GA TA PRA TYU TA PAnNE BHYA:, NA MA: SAMYAGGA T'A N'Am, NA MA: SAMYA KA PRA TI

PANN'A N'Am, NA MA: SH'A RA DVA TI PU TR'A YA MA H'A MA TA YE, NA MA A'ARYA MEE TRE YA PRA MU KHE BHYA:, MA H'A BO DHI SATVA SAm GHE BHYA:, NA MA: SU PRA TIshthI TE SHI LENDRA R'A DZA PRA MU KHE BHYA:, SARBA TA TH'A GA TA BHYA:, AARHAD BHYA:, SA MYA KSAm BUNGDHE BHYA:, BHA GA BA DE BHYA:, NA MA: SU BARnnA SU PRA TI BH'A SA BA NI RTI TE SHVA RA R'A DZ'A YA, TA TH'A GA T'A YA, NA MA: SIm HA BI KRI dI TA R'A DZ'A YA, TA TH'A GA T'A YA, NA MA AA MI T'A BH'A YA, DA TH'A GA T'A YA, NA MA: SU PRA TIshthi TE MA nI KLU tA R'A DZ'A YA, TA TH'A GA T'A YA, NA MA: SA MANTA RSMYUNG GA TA SHR'I K'U tA R'A DZ'A YA, TA TH'A GA T'A YA, NA MO BI PA SHYA NE, TA TH'A GA T'A YA, NA MA: SHI KHI NE TA TH'A GA T'A YA, NA MO BI SHVA BHU DZE TA TH'A GA T'A YA, NA MA: KRA KUTZTSA NA D'A YA, TA TH'A GA T'A YA, NA MA: KA NA KA MU NA YE, TA TH'A GA T'A YA, NA MA: K'A SHYA P'A YA, TA TH'A GA T'A YA, NA MA: SH'AKYA MU NA TE, TA TH'A GA T'A YA, AA RHA TE SAMYA KSAm BUNGDHA YA, TADYA TH'A, AOm MU NE MU NE MA H'A MU NA YE SV'A HA, AOm SHA ME SHA ME MA H'A SHA ME RAKshA RAKsHA M'Am SARBA STV'Am SHTZA SARBA P'A PAm PRA SHA MA NE SV'A H'A, NA MA: SU PA RI K'I RTI TA N'A MA DHE Y'A YA SHRI YE TA TH'A GA T'A YA, NA MA: SA MANTA AA WA BH'A SA BI DZI TA SAm GRA MA SHRI YE TA TH'A GA T'A YA, NA MA: AINDRA KE TU DHVA DZA SHIR YE TA TH'A GA T'A YA, NA MO RATNA PA BHA SE SHVA RA R'A DZ'A YA TA TH'A GA T'A YA, NA MO AA PRA TI HA TA BEE shA DZY'A R'A DZ'A YA TA TH'A GA T'A YA, NA MO BI KR'ANTA G'A MI NE TA TH'A GA T'A YA, NA MO BUNGDHA YA, NA MO DHA RM'A YA, NA MO: SAm GH'A YA, NA MO AA T'I TA AA N'A GA TA PRA TYUD PANNE BHYO, ,SARBA BUNGDHA

, ,BO DHI SATVA BHYO, BHA GA BAD BHYA:, TADYA TH'A, SMRAm TI BARDHA NI, MA TI BARDHA NI, GA TI BARDHA NI, DHRi TI BARDHA NI, PRA DNY'A BARDHA NI, PRA NI BH'A NA BARDHA NI, DHYA NA BARDHA NI, S'A MA THA BRDHA NI, BI B'A SHYA NA BARDHA NI, SARBA BO DHI BAKshA DHA RMA BARDHA NI, SA KU LA BUDDHA DHARMA BA RI P'U RA n'I YE SV'A H'A, MA NO RATNA TRA Y'A YA, NA MA A'A RYA AA WA LO KI TE SHVA R'A YA, BO BHI SATV'A YA, MA H'A STV'A YA, MA H'A KA RU nI K'A YA, NA MO MA H'A STH'A MA PRA BH'E YA, BO DHI SATV'A YA, MMA H'A STV'A YA, MA H'A KU RU nI K'A YA, AE BHYO NO MA SKRi DVA AI DAm A'ARYA AA BA LO KI YE SHVA RA MU KHO DA G'I RnnAm, AA MO GHA P'A SHA R'A DZ'A N'A MA HRI DA YAm, TA TH'A GA T'A SAm MU KHHI BH'I shI TAm, MA H'A TAm PA RA shAm MA DHE AA HA MI D'A N'I M'A BRTA YA shyA MI, SINGDHYA NTU ME MAnTRA PA DE, SARBA K'ARYA n'I SARBA BHA YE BHYO MA MA SARBA SATV'A N'A NYTZA RAKshA BHA WANTU, TADYA TH'A, AOm TZA RA TZA RA, TZI RI TZI RI, TZU RU TZU RU, MA RA MA RA, MI RI MI RI, MU RU MU RU, MA H'A K'A RU n'I K'A, SA RA SA RA, SI RI SI RI, SU RU SU RU, TZU RU TZU RU, TZI RI TSI RI, BI RI BI RI, PO RI PI RI, MI RI MI RI, MA H'A PADMA HA STA, KA LA KA LA, KI LI KI LI, KU LU KU LU, MA H'A SHNGDHA SA TVA, BUNGDHYA BUNGDHYA, BO DHA BO DHA, BI DHI BE SHI, BO DHA YA BO DHA YA, KA nA KA n, KI nI KI nI, KU nU KU nU, PA RA MA SHUNGDHA SATVA, KA RA KA RA, KI RI KI RI, KU RU KU RU, MA H'A STH'A MA PR'A PTA, TZA LA TZA LA, SANYTZA LA SANYTZA LA, BI TZA LA MI TZA LA, PRA TZA LA PA TZA LA,A

AE tA tA AE tA tA, BHA RA BHA RA, BHI RI BHI RI, BHU RU BHU RU, TA RA TA RA, TI RI TI RI, TU RU TU RU, AE HYE HI MA H'A K'A RU nI KA, MA H'A PA SHU PA TI BE shA DHA RA, DHA RA DHA RA, DHI RI DHI RI, DHU RU DHU RU, TA RA TA RA, SA RA SA RA, TZA RA TZA RA, PA RA PA RA, BA RA BA RA, MA RA MA RA, LA RA LA RA, HA RA HA RA, H'A HA' H'I H'I H'U H'U, AOm KA' RA PRA HMA BE sHA DHA RA, DHA RA DHA RA, DHI RI DHI RI, DHU RU DHU RU, TA RA TA RA, SA RA SA RA, TZA RA TZA RA, YA RA YA RA, BA RA BA RA, HA RA HA RA, MASMI SHA TA SA HA SRA PRA TI MAndI TA SHA R'I RA, DV'A LA DZVA LA, TA PA TA PA, BH'A SA BH'A SA, BHRA MA BHRA MA BHA GA W'A NA, SO MA A'A DA TYA, YA MA, BA RU nA, KU BE RA, BRAHMENDRA, B'A YU, AAGNI, DHA NA DA, DE BA, RI shI GA nA AA BHYA RTZI TA TZA RA nA, SU RU SU RU, TZU RU TZU RU, MU RU MU RU, GHU RU GHU RU, SA NA TVA KU M'A RA, RU DRA, B'A SA BA, BIshnU, DHA NA DA, B'A YU, AAGNI RI shI, N'A YA KA BI N'A YA KA, BA HU BI BI DHA BE sHA DHA RA, DHA RA DHA RA, DHI RI DHI RI, DHU RU DHU RU, TA RA TA RA, THA RA THA RA, GHA RA GHA RA, YA RA YA RA, LA RA LA RA, HA RA HA RA, PA RA PA RA, SA RA SA RA, BA RA BA RA, BA RA D'A YA KA ,SA MANTA AA WA LO KI TE, BI LO KI TE, LO KE SHVA RA, MA HE SHVA RA, TRI BHU BA NI SHVA RA, SARBA GU nA SA MA AA LAm KRi TA, AA BA LI KI TE SHVA RA, MU HU MU HU, MU RU MU RU, MU YA MU YAM MU NYTZA MU NYTZA, RKAshA RAKsHA M'Am SARBA STV'A SHTZA, SARBA BHA YE BHYA:, SARBO PA DRA PE BHYA:, SARBO PA SRGE BHYA:, SARBA GRA HE BHYA:, SARBA BY'A DHI

, ,BHYA:, SARBA BI shE BHYA:, SARBA DZVE RE BHYA, AE BAm BANDHA BANDHA NA, T'A dA NA, DARDZA NA, R'A DZA, TASKA RA, AAGNI, AU DA KA ,BI shA SHASTA PA RI MO TZA KA ,KA nA KA nA, KI nI KI nI, KU nU KU nU, TZA RA TZA RA, TZI RI TZI RI, TZU RU TZU RU, AINDRI YA, BA LA, BO DHYAm GA ,TZA TUR A'ARYA STVA SAm PRA K'A SHA KA ,TA PA TA PA, TA MA TA MA DA MA DA MA, SA MA SA MA, MA SA MA SA, DHA MA DHA MA, MA H'A KU RU nI KA ,MA H'A TA MO AANDHA K'A RA BI DHA MA NA, shA tA P'A RA MI T'A PA RI P'U RA KA ,MA LA MA LA, MI LI MI LI ,MU LU MU LU, tA tA tA tA, thA thA thA thA tI tI tI tI, tU tU tU tU tU, thI thI thI thI, thU thU thU thU, AE NA YA TZARMMA KRi TA PA RI KA RA, AE HYE HI MA H'A KA RU nI KA, A'I SHVA RA, MA HE SHVA RA, MA H'A BHU TA GA nA SAm BHA NYDZA KA ,KA RA KA RA, KI RI KI RI, KU RU KU RU, PA RA PA RA, HA RA HA RA, BA RA BA RA, SA RA SA RA, MA RA MA RA KA RA KA RA, KA tA KA tA, KI tI KI tI, KU tU KU tU, MA tA MA tA, MA H'A BI SHUNGDHA BI sh YA NI BA SI TA, MA H'A K'A RU nI KA SHVE TA YDZNYO AU PA B'I TA, RATNA MU KU tA, M'A L'A DHA RA, SARBA DZNY'A SHI RA, SI KRi TA DZA tA MU KU tA, MA H'A AA DA BHU TA KA MA LA AA LAm KRi TA KA RA LA TA, DHY'A NA SA M'A DHI BI MOKshA AA PRA KAMPYA, BA HU STVA SNTA TI PA RI P'A TZA KA ,MA H'A K'A RU nI KA ,SARBA KA RMA A'A WA RA nA BI SHO DHA KA, ,SARBA DNY' DZNY'A NA PA RI P'U RA KA, ,SARB ABY'A DHI PA RI MO TZA KA ,SARBA STVA AE SHA PA RI PU RA KA ,SARBA STVA SA M'A SHV'A SA KA RA NA MA: STU TE SV'A H'A,

AA MO GH'A YA SV'A H'A, AA MO GHA P'A sh'A YA SV'A H'A, AA DZI T'A YA SV'A H'A, AA PA R'A DZI T'A YA SV'A H'A, AA MI T'A BH'A YA SV'A H'A, AA MI T'A BHA SU TR'A YA SV'A H'A, M'A RA SEE N-YA PRA MARDA N'A YA SV'A H'A, AA BHA Y'A YA SV'A H'A, AA BHA YA PRA D'A YA SV'A H'A, DZA Y'A YA SV'A H'A, BI DZA Y'A YA SV'A H'A, DZA YA BI DZA Y'A YA SV'A H'A, BA RA D'A YA SV'A H'A, BA RA PRA D'A YA SV'A H'A, AA K'A LA MRi TYU PRA SHA MA N'A YA SV'A H'A, AI DANYTZA ME KA RMA KU RU NA MO STU TE SV'A H'A, AOm RA nA RA nA H'Um PHAt SV'A H'A, AOm DZA YA H'Um PHAt SV'A H'A, AOm DZRI DZRI DZUm SV'A H'A, AOm H'Um DZA YA SV'A H'A, AOm HRAm TREE LO KYA BI DZA YA AA MO GHA P'A SHA AA PRA TI HA TA HR'I: HA: H'Um PHAt SV'A H'A, AOm BA SU PA TI SV'A H'A, AOm A'A RO Li KA SV'A H'A, AOm BA HU LE BA HU LE SV'A H'A, AOm A'A RO Li KA HR'I: HR'I: H'Um PHAt SV'A H'A, NI YA TA AA NI YA TA, BE D'A N'I YA AA SHU BHA SYA ME BHA GA W'AN KA RMA nO AA SHE sHA T'A: KAsHA YAm KU RU SV'A H'A, AOm PADMA HA ST'A YA SV'A H'A, AOm BUDDHA DHA RMA SAm GH'A YA SV'A H'A, BKLAGS PAS LAS THAMS CAD 'GRUB PA YIN NO, ,DUS GSUM DU BZLAS NAS, MTSAMS MED PA LNGA RNAM PAR DAG PAR 'GYUR RO, ,LAS KYI SGRIB PA THAMS CAD RNAM PAR DAG PAR 'GYUR RO, ,AA GA RU'I BDUG SPOS DANG, THAL BA DANG, CHU DANG, YUNGS KAR DANG, SENG LDENG GI PHUR BU LA SOGS PAS MTSAMS BCING PO, ,RIMS NAD THAMS CAD LA SRUNG SKUD BCING BAR BYA'O, ,NAD THAMS CAD LA MAR RAM, MAR NAG GAM, CHU LA YONGS SU BZLAS TE SBYIN PAR

, ,BYA'O; ;LUS LA KHYAB PA'I NAD LA MTSON CHAS BCAD CING SRUNG SKUD KYANG BYA'O, ,LTO NA BA LA TSVA CHUS NYAMS PAR BYED PA'AM, 'JIM BAG GAM, CHUS KYANG BYA'O; ;MIG GI NAD LA SKUD PA DKAR PO RNA BA LA BCING BAR BYA'O, ,SO'I NAD LA K'A RA B'I RA'I SO SHING GIS SO, ,MTSAMS BCING BA LA NI, TSON SNA LNGA'I SKUD PA LA LAN NYI SHU RTZA GCIG GI BAR DU YONGS SU BZLAS NAS SENG LDENG GI PHUR BU BZHI LA BCINGS TE PHYOGS BZHIR GDAB PAR BYAS NA, MTSAMS BCINGS PA YIN NO, ,THAMS CAD DU SRUNG SKUD DAM, CHU'AM, THAL BAS BYA'O, ,GZA' THAMS CAD LA TSON SNA LNGA'I SKUD PAS BYA'O, ,RIMS THAMS CAD LA SKUD PA DKAR POS BYA'O, ,SBRUL DANG, SRIN BU DANG, PA SPU BYI BA DANG, LHOG PA DANG, GRE BA 'GAGS PA RNAMS LA SBRANG RTZI PI PI LING DANG LDAN PAS BYA'O, ,MIG GI NAD LA DRI ZHIM PO'I CHU'AM, RGYA SKYEGS KYI CHU'AM, SBRANG RTZI'AM, SHING MNGAR GYIS BYA'O, ,RTZOD PA'I DUS THAMS CAD DU RTZOD PA DANG, MI SNYAN PAR BRJOD PA LA CHU LA YONGS SU BZLAS TE GDONG BKRU BAR BYA'O, ,YUL GZHAN GYI RGYAL PO'I 'TSE BA LA YUL 'KHOR DU BUM PA GANG BA YANG DAG BAR BZHAG NAS GTZANG MAS GOS GTZANG MA GYON TE MCHOD PA CHEN PO BYAS SHING BKLAGS NA, ZHI BA CHEN POR 'GYUR RO, ,DE'I CHUS KYANG GTOR BAR BYAS NAS SEMS CAN THAMS

CAD SRUNG BA YIN NO, ,NYE BAR 'TSE BA THAMS CAD DANG, YAMS RNAMS ZHI BA YIN NO, ,PHYAG RGYA TZANDAN GYI THIG LE LA LAN NYI SHU RTZA GCIG GI BAR DU YONGS SU BZLAS NA, MTSAMS MED PA THAMS CAD ZAD PAR BYED DO, ,RTAG TU BZLAS NA KHYIM SRUNG BA'O, ,PADMA'I SBYIN SREG GIS SEMS CAN THAMS CAD KYI SRUNG BA'O, ,TZANDAN GYI SBYIN SREG GIS GZA' DANG, 'BYUNG PO DANG, RGYU SKAR THAMS CAD LAS SRUNG BA'O, ,RGYAL BA DANG, RNAM PAR RGYAL BA DANG, GZHAN GYIS MI THUB PA DANG, NA GU LI DANG, DRI'I NA GU LI DANG, DHA RA NI DANG, MI 'JIGS PA'I LAG PA DANG, DBANG PO'I LAG PA DANG, DRI'I PRI YANG KU DANG, TA KA RA DANG, 'KHOR LO DANG, 'KHOR LO CHEN PO DANG, RNAM PAR GNON PA DANG, SO MA R'A DZI DANG, SU NAT TA ZHES BYA BA STE, DE DAG GANG YANG RUNG BA LA BRGYA RTZA BRGYAD KYI BAR DU YONGS SU BZLAS NAS NOR BU LTA BUR BYAS NAS MGO BO DANG, DPUNG BA LA BCING BAR BYA'O, ,BYIS PA RNAMS KYI NI, MGUL DU'O, ,BUD MED RNAMS KYI 'DOMS SU BCANGS NA, RANG NYID MCHOG TU SKAL BA DANG LDAN PAR BYED DO, ,G-YANG MED PA NYAMS NAS BU YANG STER RO, ,NOR BU 'DI BCANGS PAS THAMS CAD DU SRUNG BA BYAS PA YIN NO, ,DUG DANG MES MI TSUGS SO, ,DUG GIS BYAS PA YANG SKYE BAR MI 'GYUR RO, ,NAD BYUNG BA YANG MI SKYE ZHING MYUR DU ZHI BAR 'GYUR RO, ,GZA' RAB TU ZHI BAR 'GYUR RO, ,RLUNG DANG, SPRIN DANG, THOG NI, CHUS RENGS PAR

, ,BYED DO; ;K'A RA B'I RA'I LCUG MAS NI, LAS THAMS CAD BYED DO, ,'PHAGS PA SPYAN RAS GZIGS DBANG PHYUG GI SNYING PO MCHOG TU GRUB PA 'DIS MA BSGRUBS PAR YANG LAS 'DI RNAMS BYED DO, ,DE NAS SGRUB PAR 'DOD NA, THANG SKU'I CHO GA NI, TSON SNA MA LUS PAS SANGS RGYAS KYI SKU GZUGS MNYAM PAR BRI BAR BYA STE, 'PHAGS PA SPYAN RAS GZIGS DBANG PHYUG RAL PA'I COD PAN 'CHANG BA RI DVAGS KYI PAGS PAS SMAD DKRIS BYAS SHING PHYUGS BDAG GA CHA LUGS 'CHANG BA RGYAN THAMS CAD KYIS BRGYAN PAR BYA'O, ,LHA BZO MKHAN GSO SBYONG DANG LDAN PAS RI MOR BRI BAR BYA'O, ,DE NAS SGRUB PA POS SKU GZUGS DE'I MDUN DU BA LANG GI LCI BAS DKYIL 'KHOR BYAS LA ME TOG DKAR PO BKRAM STE DRI ZHIM PO'I CHUS BKANG BA'I BUM PA BRGYAD GZHAG PAR BYA'O, ,NYE BAR SPYOD PA BRGYAD DANG, NYE BAR MKHO BA DRUG CU RTZA BZHI DANG, KHRAG MED PA'I GTOR MA SHA DANG BCAS PA BYA'O, ,AA GA RU'I BDUG SPOS BSREGS LA RIG PA STONG PHRAG BRGYAD BZLA BAR BYA'O, ,NYIN ZHAG GCIG TU SMYUNG BAR GNAS PA'AM, DKAR GSUM ZA ZHING DUS GSUM DU KHRUS BYAS NAS GOS GTZANG MA GYON PAR GYUR PAS BZLAS PA BYA'O; ;DE NAS SKU GZUGS KYI MDUN DU RANG NYID BRIS PA BLTAS TE DE MTHONG BAS DGA' BAR 'GYUR RO, ,JI SRID DU 'PHAGS PA SPYAN RAS GZIGS DBANG PHYUG BYON TE BSAM PA THAMS

CAD YONGS SU RDZOGS PAR BYED DO, ,LDONG ROS SAM MIG SMAN LA YONGS SU BZLAS TE MIG LA BSKUS NA, DE NAS MI SNANG BAR 'GYUR ZHING NAM MKHA' LA 'GRO BAR 'GYUR RO, ,YANG DAG PAR RMONGS PA MED PA'I TSOGS ZHES BYA BA'I TING NGE 'DZIN RAB TU 'THOB BO, ,SGRUB PA PO GANG 'DOD PA DE 'DIS BYED DO ZHES BYA'O, ,BCOM LDAN 'DAS KYIS DE SKAD CES BKA' STZAL PA DANG, BYANG CHUB SEMS DPA' SEMS DPA' CHEN PO 'PHAGS PA SPYAN RAS GZIGS DBANG PHYUG DANG, DGE SLONG DE DAG DANG, BYANG CHUB SEMS DPA' DE DAG DANG, GTZANG MA'I RIS KYI LHA'I BU DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANG STE BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA DON YOD ZHAGS PA'I SNYING PO ZHES BYA BA THEG PA CHEN PO'I MDO RDZOGS SO,, ,,RGYA GAR GYI MKHAN PO AA MO GHA BADZRA DANG, BOD KYI LOTZTSA BA DGE SLONG RIN CHEN GRAGS PAS BSGYUR CING ZHUS TE GTAN LA PHAB PA,, ,,