LHA MO SGROL MA'I MTSAN BRGYA RTZA BRGYAD PA (T'A RA DE B'I N'A MA AAshtA SHA TA KAm)

RGYA GAR SKAD DU, T'A RA DE B'I N'A MA AAshtA SHA TA KAm ,BOD SKAD DU, LHA MO SGROL MA'I MTSAN BRGYA RTZA BRGYAD PA, ,LHA MO CHEN MO SGROL MA RNAM PAR RGYAL BA'I NOR BU RNAM PA SNA TSOGS KYI DO SHAL DANG, NA BZA' DANG, SHAM THABS KYI GA SHAL KAS 'JIG RTEN GYI KHAMS CHEN PO'I BLA RE BYAS PA LA PHYAG 'TSAL LO, ,DE NAS LHA MO SGROL MAS DE'I TSE SNGON MA

MTHONG MA THOS PA'I GZUNGS KYI MCHOG BRJOD PA, AOm TRE LO KYA BI DZA YA, AA TZI TTA DZA YA, AA NI RA TZI DZA T'A YA, SU DZA YA, BI DZA YA, MA H'A DZA YA, BI DZA YA, DZA YA DZA YA, HE HE, SMA RA SMA RA, BA RA BA RA, BA RA DA, MA H'A DE BI, BI LA SA, BE LA SA, BI LA SA, BA DZA AA MO TA KA RI BI DZA YA DE BI H'I H'I, KI NI KI NI BI LAm BA SE, SMA RA SMA RA, MA H'A PRA DZNY'A AA NI BA TA, BADZRA MA H'A K'A RU nI K'A; BHA GI NI HR'Um HR'Um, SPU tA SPHU tA, SPHO tA SPHO tA, AA BE SHA YA, AA BE SHA YA, DHU NA DHU NA, BI DHU NA, BI DHU NA, KAMPA, KAMPA, KAMPA YA, SU RA BI GANDHA, A TI SI TA, MU KHE HA LA DA BA LA, SAm GA R'A DZ'A NA BI MA BI GI ,BI NA SHA YA BI N'A SHA YA, HE BHA GA BA TI, SANTRA SA YA, BI GA N'A NA, PA RI BA L'A YA, AASMA KAm AASMA KAm ,M'A DA NI M'A DA NI, SAM BO DHA YA SAm BO DHA YA, HA RA HA RA, HI RI HI RI, HU RU HU RU, BI TA RA KA BA RA DZA, HAm HAm, TRO T'A YA HAm HAm, SANTRI T'A YA, SANTRO YA, MANTA MANTA, MARDA MARDA, TZA RA TZA RA, SAm TZA RA SAm TZA RA, BE GA BE GA BE GA BA TI, NA MO NA MO NA MA: SV'A H'A, DE NAS LHA DANG LHA MIN TSOGS, ,SRIN PO GNOD SBYIN MI 'AM, CI, ,LTO 'PHYE CHEN PO'I TSOGS RNAMS DANG, ,'BYUNG PO DRI ZA LOG 'DREN RNAMS, ,'JIG RTEN GSUM DU GRAGS PA'I MCHOG ,GSANG SNGAGS CHEN PO 'DI THOS NAS, ,SKRAG CING MGO BO SMAD GYUR TE, ,LAG PA CHEN PO YONGS BSKYOD NAS, ,GANG GIS 'DI NAS SA GSUM 'DI, ,

, ,MTHA' DAG KHYAB PAR BYA BA'I PHYIR, ,'DOD PA'I LHA YI NGAG BZLOG PA, ,SGROL MA SPYAN YANGS PHYAG 'TSAL LO, ,SPYAN RAS GZIGS KYI RIGS SMRAS PA, ,CHE BA NYID KYIS GRAGS PA'O, ,SPYAN YANGS KHYOD NI SEMS CAN RNAMS, ,PHAN BZHED SLAD DU 'BYUNG BA LAGS, ,DE NAS DBANG PHYUG LA SOGS PA, ,LHA DANG LHA MIN 'DUS KUN DANG, ,RIG SNGAGS 'CHANG GI BDAG PO DANG, ,DE BZHIN RIG SNGAGS 'CHANG BA RNAMS, ,BLA GOS PHRAG PA GCIG GZAR TE, ,BSKOR BA MCHOG NI BYAS NAS KYANG, PUS MO'I LHA NGA SA STENG DU, ,BTZUGS NAS TSIG NI 'DI SKAD SMRAS, ,SGROL MA 'OD 'BAR DE LA NI, ,PHYAG 'TSAL PHYAG 'TSAL PHYAG 'TSAL LO, ,MING BRGYA RTZA BRGYAD DAM PA YIS, , DPE MED MING NI BRJOD PAR BGYI, ,BKRA SHIS RNAM RGYAL DPAL BZANG BA, ,SKYE RGU'I DBANG PHYUG MNGON SHES MYUR, ,DBANG PHYUG RAB DGA' 'JIGS LA DRAG ,RGOD BAG MED CING DREGS PA MED, ,PADMA'I SPYAN DANG PADMA'I ZHAL, ,PADMA'I LTE BA RAB GTZANG SBYIN, ,SPYAN BZANG SPYAN NI YANGS PA STE, ,SNGO BA AUTPAL SNGON PO'I 'OD, ,SKYOB PA SKYABS 'OS BDE BA SBYIN; ;DE BZHIN STOBS SBYIN GZUGS SBYIN PA, ,MGON PO MGON MDZAD DRAG MO STE, ,DKON MCHOG GSUM PO RGYAL MDZAD MA, ,SGROS DMAR SO NI DMAR BA STE, ,SPYAN RTZA DMAR

POS GZIGS PAR MDZAD, ,DGA' MDZAD DGA' STOBS PADMA LAGS, ,PADMA'I MDOG CAN PAD MDOG DGYES, ,'JIG RTEN GSUM 'DUL ZHI BA STE, ,'JIGS PA'I CHA LUGS STOBS MO CHE, ,'DUL DU 'JUG MA 'DUL MDZAD MA, ,BSTOD LDAN MI MCHOG DAM PA LAGS, ,RAB GSAL 'DUL BA RDO RJE CAN, ,RNAM PAR RGYAL BA 'OD GSAL BA, ,BYANG CHUB RDUL MED DRI MA MED, ,ZLA BA LHA MCHOG RNAMS KYI RJE, ,SRED BYA DANG NI SRED BYA'I BAR, ,RGYU ZHING GSHEGS LA 'OD ZER MDZES, ,CHU LHA G-YUL 'GYED 'GYING BAG CAN, ,SKYES MCHOG RANG BZHIN YID 'PHROS RGYAS, ,GTZUG PHUD GSUM PO LTO TSIL GSUM, ,SPYAN GSUM DRI MA GSUM SEL PA, ,SRID PA SEL MDZAD KHONG DGE BA, ,TSIG LDAN MA YANG DE BZHIN GRAGS, , RGYAL BA SBYIN PA BSOD NAMS SBYIN, ,SDIG PA 'JOMS MA 'JIGS PA MED, ,NOR SBYIN MDOG SBYIN ZHI BA MA, ,GZUGS BZANG PHYAL BZANG NU MA BZANG, ,SGYU 'PHRUL SGYU 'PHRUL LDAN ZHING 'DUL, ,DUL BA SRUNG BA RDUL SEL BA, ,PHRENG BA THOGS MA RGYAGS MDZAD MA, ,RGYAGS PA SBYIN MA DREGS SPONG MA, ,DRAG MO LAGS TE GZI SKYED MA, ,DKAR MO ZHI MDZAD BDE BA MO, ,SKYE RGU'I BDAG MO TSANGS PAR LDAN, ,TSANGS SBYIN DBANG PHYUG DAM PA LAGS, ,ZLA BA'I 'OD CAN ZLA BA'I ZHAL, ,ZLA BA'I GZI NI 'PHROG PAR MDZAD, ,NYI MA'I GZI 'PHROG

, ,DGYES PA MO, ,YID 'ONG BZANG ZHING ZHI BA MO, ,BDE BA BDE LDAN MU DANG STEGS, ,BKRA SHIS BGEGS RNAMS SEL MDZAD MA, ,NOR SBEL BSOD NAMS RNAM PAR RGYAL, ,DZAMBU'I CHU BO'I GSER DNGUL 'OD, ,'JIGS PA SEL BA 'JIGS MED SBYIN, ,SGROL MA LAGS TE ZLA BA'I ZHAL, ,SEMS CAN KUN LA MED MI 'GYUR, ,MCHOD GNAS PHYAG GNAS DGA' MDZAD MA, ,CHA LUGS SNGO BA CHA LUGS BZANG, ,RGYAN DMAR RGYAN DU THOGS PA STE, ,NA BZA' GSER MNABS GANG+G'A MA, ,DKAR MO 'BAR BA RNAM PAR GZIGS, ,GI 'U WA NGA GI [?] THIG LE SPOS, ,'KHOR LDAN RDO RJE CHU LHA NYID, ,DKYIL 'KHOR MCHOG MNGA' 'JIGS MDZAD MA, ,TSEMS DKAR BZHAD CING TSEMS DKAR 'DZUM, , DPUNG RGYAN SNYAN CHA GDUB KOR THOGS, ,DO SHAL 'BAR BA'I CHUN PO CAN, ,'OD DPAG BZANG LDAN ZHAL BZANG MA, ,GROG NI NIM PA'I LO MA THOGS, ,NOR BU'I COD PAN NOR BU 'CHANG, ,NOR BU'I RGYAN RNAMS RGYAN DU THOGS, ,NOR BU'I 'OD ZER SNANG BA CAN, ,NOR BU'I DKYIL 'KHOR RGYAN MNGA' BA, ,'BAR BA'I MDOG MNGA' RDO RJE CAN, ,SKYES PA BUD MED SAD PAR MDZAD, ,ZHI BA DBYIG THOGS MCHE BA CAN, ,TSANGS PA'I ZHUGS CAN RLUNG DANG LDAN, ,BUD MED LAGS TE MKHA' LAS GSHEGS, ,LHA MO MCHOG GI 'OD 'PHRO

MA; ;'OD DANG LDAN PA 'DOD PAS 'DUL, ,'DOD PA'I KHRO BO RAB 'JOMS MA, ,DRAG PO THOR TSUGS GTZUG PHUD CAN, ,TSANGS PA TSANGS PA'I GSUNG LDAN RGYAL, ,PINGKA'I SKAD 'DRA PHEG BZANG MA, ,'JIG RTEN DBANG PHYUG RIGS MCHOG SKYES, ,DBYIG PA'I SHING LA RDO RJE THOGS, ,DRAG MO RIN CHEN 'OD KYIS BRGYAN, ,GSHEGS NA SNYAN CHA DRI MED G-YO, , GSHIN RJE BA YI YID LA 'JUG ,RIG SNGAGS 'CHANG MA GZUGS 'CHANG MA, ,STOBS LNGA STOBS DANG LDAN PAR MDZAD, ,STOBS DANG STOBS MANG MNGA' BA STE, ,SHES RAB MTSON GYIS GCOD PAR MDZAD, ,SGYU RTZAL LAGS TE SGYU RTZAL LDAN, ,DE BZHIN BRJOD DANG SMRA BA LAGS, ,STENG NAS KHYAMS DANG KHYAMS BZANG TSUL, ,TZAM PA KA YI CHUN POS GSAL, ,SER MO CAN PA LEGS PA'I RTEN, ,DRAG MO PHYAG NA CHUN PO THOGS, ,SKAL PA BZANG MO GSHAL KA CAN, ,DE BZHIN SHIN TU SHAS CHER DGYES, ,RIGS MTSAN SHIN TU STOBS DANG LDAN, , RDO RJE KHRO BO DGA' MDZAD MA, ,BDE LDAN BLO LDAN RDO RJE'I THOGS, ,BLO MDZAD SHES RAB SKYED PAR MDZAD, ,LHA MO LA ME COD PAN CAN, ,LHA RNAMS KUN LA TSUL LHAG MA, ,SRED MED BU MO SDIG PA SEL, ,BKRA SHIS NGO TSA SHES DANG DGYES, ,RAB TU DGA' BA GROGS NA DGA', ,SPYOD TSUL DGA' LA DGA' DANG LDAN, ,DGA' MA DGA' BAR MDZAD PA STE, ,CHOS RNAMS

, ,KUN GYI LEGS PA'I RTEN, ,SANGS RGYAS SPRUL PA SPRUL MDZAD MA, ,NGA RGYAL SEL BAR MDZAD PA STE, ,LAS DANG NYON MONGS RAB 'JOMS SHING, ,'DOD PA'I SDE RNAMS RAB 'JOMS MA, ,SHES PA BCU MNGA' SANGS RGYAS PA, ,PHA ROL PHYIN PA BCU LA GNAS, ,SA BCU DAG LA MNGA' BRNYES PA, ,STOBS RNAMS BCU POS CHER GSAL MA, ,RDO RJE COD PAN RDO RJE 'CHANG, ,RDO RJE PHRA MO LHA MIN SEL, ,DUS KYI RDO RJE RAB TU RGYAGS, ,RDO RJE LCAGS KYU BDE BA DPAL, ,RDO RJE ZHAGS PA ZHAGS PA BZANG, ,SGEG MO RDO RJE PHYAG NA BSNAMS, ,YID 'ONG YID LA TSIM PAR MDZAD, ,PHA ROL BGEGS RNAMS SEL MDZAD PA, ,TSIM MDZAD SHAS CHER BDE BA STE, ,ROL CING GAR THABS STON PAR MDZAD; ;CHOS CAN HA LA HA LA'I 'OD, ,CHOS SBYIN RNAM PAR GZIGS PA LAGS, ,KHYOD NI RDO RJE 'PHRO BA DANG, ,BDUD RTZI RDO RJER BRJOD PA STE, ,RDO RJE 'BAR BA STOBS MO CHE, , LHA MO CHEN MO KHYOD PHYAG 'TSAL, ,BDAG CAG RNAMS KYIS BSTOD PA YIS, ,MTSAN BRGYA RTZA BRGYAD MCHOG 'DI BRJOD, ,KYE KYE BCOM LDAN MCHOG NYID NI, ,SMRA BA RNAMS KYI MCHOG LAGS GSUNGS, ,DE NAS ZLA BA'I 'OD 'DRA ZHING, ,'BAR LA 'PHRO BAR LDAN PA YI, ,LHA MO SGROL MA BRJID BAG CAN, ,'DZUM BZHIN DU NI RAB SMRAS PA, ,DBANG PHYUG

CHEN PO LA SOGS KUN, ,NGA YI TSIG NI MNYAN PAR GYIS, ,THAMS CAD RTAG TU MTHUN PAR NI, ,STOBS BCU DAG LA BRTZON PAR GYIS, ,DE BZHIN GSHEGS PA'I TSUL CHEN YANG, ,DUS KUN DU NI SRUNG BAR GYIS, ,ZHI BA'I LAM LA DMIGS PAS NI, ,'KHOR BA'I RGYA MTSO MI BZAD CING, ,'JIGS PA CHEN PO'I GZHIR GYUR PA, ,RGAL DGA' KHYED KYIS RGAL BAR GYIS, MYA NGAN 'DAS PA'I GRONG KHYER LA, ,DMIGS NAS BRTZON TE 'JUG PAR GYIS, ,DE NAS NYI 'OD 'BAR BA YI, ,PHRENG BA LTA BU MDZES PA'I ZHAL, ,DE BZHIN GSHEGS PA'I 'BRUG GI SGRA, , 'DRA BA'I TSIG NI BKA' STZAL PA, ,KYE MA RIG SNGAGS SGROL MA'I MCHOG ,MUN PA SEL BAR BYED PA DANG, ,MTHU STOBS RGYA CHEN SKYED BYED PA, ,SGRIB PA THAMS CAD GCOD BYED PA, , TSOGS RNAMS SKYED PA'I GZI BRJID KYIS, ,DAG PAR BYAS PA MA YIN PAS, ,SHAS CHER DGA' BAR BYED PA YI, ,GZUNGS 'DI THOS PAR MI 'GYUR RO, ,SNGON CHAD SANGS RGYAS BRTZON BYAS PA'I, ,BRTAN PO GZI BRJID DAG RNAMS LA, ,DAM TSIG CHEN PO RIG SNGAGS KYI, ,DAM TSIG 'DI NI 'BYUNG BAR 'GYUR, ,NYON MONGS MTHA' DAG RAB 'JOMS SHING, , SDIG PA THAMS CAD SEL BYED PA, ,SEMS CAN THAMS CAD RAB 'BYED PA'I, ,GZUNGS SNGAGS RDO RJE MCHOG 'DZIN PA, ,SU ZHIG MNYAM PAR BZHAG PA YIS, ,NYAN TAM 'CHANG

, ,NGAM KLOG BYED NA, ,RANG BYUNG GIS NI GSUNGS PA BZHIN, ,DE YI DON KUN 'GRUB PAR 'GYUR, ,NYON MONGS KUN LAS RNAM GROL ZHING, ,SEMS CAN KUN LAS LHAG PA'I MCHOG ,'JIG RTEN DAG TU CHOS SHES LA, ,'DZUD PA'I DE BZHIN GSHEGS DANG MTSUNGS, ,SU ZHIG MING BRGYA RTZA BRGYAD 'DI, ,'DON CING SGROL MA ZLA BA'I ZHAL, ,DE BZHIN BSTOD BYED DE DAG NI, ,SANGS RGYAS NYID KYANG THOB PAR 'GYUR, ,DE YI DON KYANG 'GRUB 'GYUR ZHING, ,RGYAL PO RNAMS DANG STOBS CHEN MI, ,GZHAN YANG SEMS CAN BGRANG BA GANG, ,THAMS CAD DE YI DBANG DU 'GYUR, ,LHA MO SGROL MA ZHAL BZANG BA'I, ,MING BRGYA RTZA BRGYAD GRAGS PA 'DI, ,'JIG RTEN DAG NA RGYAGS PA DANG, ,NYON MONGS MI RIGS KUN SEL BA'O, ,DE NAS BDUD RIS GYEN DU G-YOS PA'I RI BO 'KHRUG BYED PA, ,DE BZHIN GSHEGS PA'I RI BO MCHOG DANG 'DRA BA'I SKU MNGA' BA, ,'OD GSAL LHA DANG MI RNAMS LEGS PAR SAD PAR MDZAD PA PO, ,RGYAL SRAS THU BO RNAMS KYIS KHYAD PAR STOBS KYIS BSTEN PA YIS, ,GSUNG RAB RTAG TU TSOGS CHEN BRDA SPROD LA; ;DON CHEN GRAGS SHING PHAN PHYIR ZHUGS PA GANG, ,RAB DES CHOS DE DANG NI SDUD BYED DANG, ,DE BZHIN KHYAD PAR SEMS PA'I RIMS SEL BAS, ,BZOD MED NYON MONGS

SEL BA DANG, ,ZHI BA'I YID NI SKYED PA'I TSIG ,RGYAL BA MCHOG GIS BKA' STZAL NAS, ,GZHES PAR GYUR TE MI GSUNG BZHUGS, ,DE NAS SGROL MCHOG LHA MOS GTZER GYUR DGA' BAR BYED CING YID 'PHROG LA, ,DGA' BA RGYA CHEN SKYED CING TSE DANG BDE SBYIN BSTAN PA'I TSIG THOS PAS, ,LHA TSOGS LHA MIN TSOGS BCAS MTHA' DAG DGA' BA RGYAS SHING RMAD BYUNG NAS; ;RAB TU DGA' ZHING SPYI BOS THAL MO SBYAR TE SMRA BA ZHI BAR 'GYUR, ,SGROL MA'I MCHOG CES BYA BA'I GZUNGS TE, LHA MO SGROL MA'I MTSAN BRGYA RTZA BRGYAD PA RDZOGS SO,, ,,