acip-k_lha_sa-092-010 · GMLW-006689

'PHAGS PA SPYAN RAS GZIGS DBANG PHYUG SENGGE SGRA'I GZUNGS ZHES BYA BA (A'ARY'A BA LO KI TE SHVA R'A YA SIm HA N'A DA N'A MA DH'A RA nI)

נושאי-מדףSubjects:
RGYUDSecret Teachings (Tantra)
נושאיםTopics:Secret WordsCompassionEmpowerment
חיי היום-יוםDaily life:health and illnessdaily practice
נמצא בfound inSecret Teachings (Tantra)
מספר טוהוקוTohoku numberToh 703 · Tantra
מהדורהrecensionLhasa
כותרת בסנסקריטSanskrit titleA'ARY'A BA LO KI TE SHVA R'A YA SIm HA N'A DA N'A MA DH'A RA nI
כניעה לhomage toBCOM LDAN 'DAS RDO RJE 'CHANG
הלוצאווה הטיבטיTibetan lotsawaMGAR SHES RAB 'BYUNG GNAS ZHES BYA BAS
פוליוfolios37a–47a
צורהformmixed
מצב תרגוםtranslationno English of the text
כיסוי המילון לכותרתdictionary coverage of the title100%
ז'אנרgenreSecret Formularead individually: GZUNGS is the head noun of the title, and what follows it is a naming or descriptive clause
מקום החיבורplace of compositionKashmirthe colophon: at the self-arisen stupa in the Drisa charnel ground in the land of Kashmir
ישותdeityLoving Eyes (Avalokiteshvara)the Lion's Roar form, named in both title lines; the scene is his palace on the summit of Potala
אנשים ומקומותpeople and places namedDorje Semma · Gar Sherab Jungnethe colophon: the venerable LADY Dorje Semma, who had attained accomplishment, with the translating lotsawa Gar Sherab Jungne
רמת קושיlevelentry
לחיי היום־יוםfor daily lifehealth and illness · daily practice
הכותרת אומתה מול הטקסטtitle verified against the textyesSanskrit and Tibetan title lines both match, and the closing repeats it

הקבציםThe files

acip-k_lha_sa-092-010_'PHAGS PA SPYAN RAS GZIGS DBANG PHYUG SENGGE SGRA'I GZUNGS ZHES BYA BA (A'ARY'A BA LO KI TE SHVA R'A YA SIm HA N'A DA N'A MA DH'A RA nI).txt/12. RGYUD_Secret Teachings (Tantra)/VOL 14 (PHA)

הטקסטThe text

טיבטיתTibetanacip-k_lha_sa-092-010_'PHAGS PA SPYAN RAS GZIGS DBANG PHYUG SENGGE SGRA'I GZUNGS ZHES BYA BA (A'ARY'A BA LO KI TE SHVA R'A YA SIm HA N'A DA N'A MA DH'A RA nI).txt20,567 תוויםcharacters
37a

,RGYA GAR SKAD DU, A'ARY'A BA LO KI TE SHVA R'A YA SIm HA N'A DA N'A MA DH'A RA nI, BOD SKAD DU, 'PHAGS PA SPYAN RAS GZIGS DBANG PHYUG SENGGE SGRA'I GZUNGS ZHES BYA BA, BCOM LDAN 'DAS RDO RJE 'CHANG LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM

37b

LDAN 'DAS 'PHAGS PA SPYAN RAS GZIGS DBANG PHYUG GI PHO BRANG RI BO tA LA'I RTZE MO NA RIN PO CHE'I KHANG BZANG RIN PO CHE DANG, MU TIG DANG, NOR BU DPAG MED KYIS SPRAS PA, 'OD KYIS STONG GSUM KHYAB PA, ME TOG DRI ZHIM PO SNA TSOGS KYIS KUN NAS BRGYAN PA'I SA PHYOGS DE NA BYAMS PA LA SOGS PA'I BYANG CHUB SEMS DPA' DPAG TU MED PA DANG, NYAN THOS CHEN PO SH'A RA DVA TI'I BU LA SOGS PA DGE SLONG RAB TU MANG POS YONGS SU BSKOR ZHING, BCOM LDAN 'DAS SENGGE'I GDAN BSHAMS PA LA BZHUGS SO, ,'KHOR DER BYANG CHUB SEMS DPA' SEMS DPA' CHEN PO 'JAM DPAL ZHES BYA BA 'DUS TE 'DUG PAR GYUR PA DE RANG GI STAN LAS LANGS TE BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS NAS BCOM LDAN 'DAS KYI ZHABS LA MGO BOS PHYAG 'TSAL TE BCOM LDAN 'DAS LA 'DI SKAD CES GSOL TO, ,BCOM LDAN 'DAS, YUL MA GA DHA NA RGYAL PO DBANG PHYUG 'OD CES BGYI BA 'KHOR DANG, BTZUN MO DANG, LONGS SPYOD PHUN SUM TSOGS PA DANG LDAN PA LAS, RGYAL PO DE MDZE DANG, PHOL MIG DANG, DBUGS MI BDE BA SNYING NAD 'BAR BA BYUNG STE, DE

38a

, ,JI LTAR BSAL BAR BGYI, BCOM LDAN 'DAS KYIS BKA' STZAL PA, BYANG CHUB SEMS DPA' SEMS DPA' CHEN PO 'JAM DPAL, SNGON 'JIG RTEN GYI KHAMS 'DI NYID NA 'JAM DPAL KHYED NYID BYANG CHUB SEMS DPA' SHES RAB CHEN PO ZHES BYA BA YIN LA, 'PHAGS PA SPYAN RAS GZIGS DBANG PHYUG SENGGE SGRA 'DI NYID BYANG CHUB SEMS DPA' SNYING RJE'I MCHOG CES BYA BA YIN PAS, BYANG CHUB SEMS DPA' DE GNYIS STONG GSUM DU SEMS CAN GYI DON LA GSHEGS PA LA SENGGE DKAR PO GCIG DBANG DU BSDUS TE CHIBS PA BYAS, SKU LA RIN PO CHE'I RGYAN SNA TSOGS KYIS BRGYAN, MDUNG RTZE GSUM PA DANG, RAL GRI DANG, PADMA DANG, AUTPA LA THOGS NAS PHYIN PA LA RGYA MTSO CHEN PO LA RGAL BA'I DUS SU SENGGE BZHAG NAS 'KHUR RES BYAS SHING BYON PA LA; BYANG CHUB SEMS DPA' SHES RAB CHEN PO KHYOD NYID NI, GROGS LA PHAN PA'I SEMS KYIS RANG GI RAL GRIS RANG BKUM MO, ,BYANG CHUB SEMS DPA' SNYING RJE MCHOG GI BSAM PA LA STENG 'OG BAR SNANG GI KLU DANG, LHA LA SOGS PAS BSAD DAM SNYAM NAS BTUNG BA'I SNOD BRAM ZE'I THOD PA LAG NA THOGS

38b

TRI SH'U LA RTZE GSUM PA LAG NA THOGS, SENGGE DKAR PO LA ZHON, MYA NGAN DU RAL PA THOD DU BCINGS NAS STENG GI LHA LA BSDIGS TE, SNYING RJE'I STOBS KYIS SEMS CAN DON BYAS PAS, ,RANG GI GROGS POS SPANGS NAS GCIG PU LUS, ,LHA RNAMS KUN GYIS NYES NA CHAD PA'I LAS, ,GRONG KHYER 'JOMS SHING LHA RNAMS 'GUM PAR BGYID, ,CES SMRAS TE LHA RNAMS LA TRI SH'U LA GDENGS PA DANG, RGYAL PO CHEN PO BZHI DANG, LHA'I DBANG PO BRGYA BYIN DANG, MI MJED KYI BDAG PO TSANGS PA DANG, KHAMS GSUM GYI LHA DGA' BA'I MDANGS PHYUNG STE LHA'I ME TOG PADMA DANG, KU MU DA DANG, PUndA R'I KA DANG, TZAM PA KA LA SOGS PA PHUL TE THOD PA BKANG NGO, DE NAS BAR SNANG GI LHA DANG, KLU DANG, DRI ZA DANG, GNOD SBYIN DANG, LHA MA YIN DANG, GRUL BUM DANG, NAM MKHA' LDING DANG, MI'AM CI LA SOGS PA LA BSDIGS PA, TRI SH'U LA GDENGS NAS, SNYING RJE'I STOBS KYIS SEMS CAN DON BYAS PAS, ,RANG GI GROGS POS SPANGS NAS GCIG PU LUS, ,SDE BRGYAD TSOGS KYIS NYES NA CHAD PA'I LAS, ,GRONG KHYER 'JOMS SHING SDE BRGYAD 'GUM PAR BGYID, ,CES SMRAS TE, SDE BRGYAD LA TRI SH'U LA GDENGS PA DANG, KLU'I RGYAL PO

39a

, ,GTZUG NA RIN CHEN DANG, DRI ZA'I RGYAL PO ZUR PHUD LNGA PA DANG, GNOD SBYIN GYI RGYAL PO RNAM THOS KYI BU DANG, LHA MA YIN GYI RGYAL PO THAGS BZANG RIS DANG, MI'AM CI'I RGYAL PO LJON PA RTA MGO CAN DANG, GRUL BUM GYI RGYAL PO SBRUL MGO DGU PA DANG, NAM MKHA' LDING GI RGYAL PO GSER MIG CAN LA SOGS PA 'KHOR MANG PO DANG BCAS PA DGA' BA'I MDANGS PHYUNG STE SENGGE LA RIN PO CHE'I RGYAN PHUL LO, ,DE NAS SA'I 'OG NA GNAS PA'I KLU LA BSDIGS TE, SNYING RJE'I STOBS KYIS SEMS CAN DON BYAS PAS, ,RANG GI GROGS POS SPANGS NAS GCIG PU LUS, ,KLU TSOGS RNAMS KYIS NYES NA CHAD PA'I LAS, GRONG KHYER 'JOMS SHING KLU RNAMS 'GUM PAR BGYID, ,CES SMRAS TE, RGYA MTSO CHEN PO TRI SH'U LAS DKRUGS PA DANG, KLU'I RGYAL PO MA DROS PA DANG, KLU'I RGYAL PO WA RA nA DANG, KLU'I RGYAL PO 'JOG PO DANG, DE DAG LA SOGS PA RDZU 'PHRUL DANG LDAN PA, 'OD DANG LDAN PA, LHA DANG LHA MA YIN GYI G-YUL MYONG BAR BYED PA, KLU'I RGYAL PO 'BUM PHRAG DRUG G-YOG DANG 'KHOR DU BCAS PA 'DUS TE DGA' BA'I MDANGS PHYUNG NAS KLU'I RGYAL PO WA RU NA SBRUL DKAR

39b

PO GCIG TU BYAS NAS PHYAG 'TSAL BSKOR BA LAN GSUM BYAS TE, BYANG CHUB SEMS DPA' SNYING RJE CAN, ,KHYOD LA BDAG NI SKYABS SU MCHI, ,KLU RNAMS KUN GYI MGON MDZOD CIG ,NYAMS NA KLU YI GSHED MA MDZOD, ,CES SMRAS NAS TRI SH'U LA LA LAN GSUM DKRIS, KHA BYANG CHUB SEMS DPA' LA BSGYUR, ,PHU: PHU: ZHES BRJOD CING GUS PAS KHA NAS KHRAG 'BYIN CING GNAS SO, ,KLU'I RGYAL PO GZHAN RNAMS KYANG THAL MO SBYAR NAS BSKOR BA LAN GSUM GSUM BYAS NAS, BYANG CHUB SEMS DPA' SNYING RJE CAN, ,KHYOD LA BDAG CAG SKYABS SU MCHI'O, ,KLU RNAMS THAMS CAD SKYABS SU ZUNGS, ,NYAMS NA KLU YI GSHED MA MDZOD, ,CES SMRAS NAS KLU CHEN PO BRGYAD SBRUL DKAR PO GCIG TU BYAS NAS TSANGS SKUD LA 'KHRIS SO, ,KLU'I RGYAL PO DE RNAMS KYANG BDAG CAG NI, BRAN BGYID DO, ,CI BKA' STZAL PA NYAN NO, ,ZHES SMRAS NAS KLU RNAMS SO SO'I GNAS SU DENGS SO, ,'JAM DPAL, BYANG CHUB SEMS DPA' DE NI, SNYING RJE KLU 'DUL ZHES BYA'O, , SNYING NAD SEL BA ZHES BYA'O, ,'JAM DPAL, DE LTAR SNGON GYI BYANG CHUB SEMS DPA' SHES RAB CHEN PO DE 'JAM DPAL SMRA BA'I SENGGE KHYOD NYID YIN NO, ,DE'I

40a

, ,DUS KYI BYANG CHUB SEMS DPA' SNYING RJE MCHOG DE NI, DA LTA'I 'PHAGS PA SPYAN RAS GZIGS DBANG PHYUG SENGGE SGRA KLU'I DED DPON CHEN PO 'DI NYID YIN NO, ,'JAM DPAL, NGAS RGYAL PO CHEN PO DE'I DON DU THUGS RJE CHEN PO'I SNGAGS BRJOD PAR BYA'O, ,YID LA ZUNGS SHIG ,NA MO RATNA TRA Y'A YA, NA MA A'ARY'A BA LO KI TE SHVA R'A YA, BO DHI SATV'A YA, MA H'A SATV'A YA, MA H'A K'A RU nI K'A YA, TADYA TH'A, AOm AA KA tE, BI KA tE, NI KA tE, KA tAm KA tE, KA RO tE, TZI TI DZVA LA KA RO TI BIRYA SV'A H'A, GZUNGS 'DI NI, SANGS RGYAS BYE BA PHRAG BRGYAD CUS GSUNGS LA, DA LTAR NGA NYID KYIS BRJOD PA'O, ,'DI'I CHO GA NI, MI DGOS PAS LAS THAMS CAD 'GRUB PA'O, ,BCOM LDAN 'DAS SPYAN RAS GZIGS DBANG PHYUG SENGGE SGRA'I SKU LUGS MA'AM, BRIS SKU'I SPYAN SNGAR BA'I LCI BA SA LAM LHUNG BAS SO SOR MA 'DRES PAR MAndAL BRGYAD BYAS TE, MAnDAL RE RE LA ME TOG TSOM BU LNGA LNGA BKRAM STE ME TOG DANG, BDUG PA DANG, SPOS DANG, PHRENG BA DANG, PHYE MA RNAMS KYIS MCHOD NAS MAndAL RE RE LA GZUNGS LAN BCU GSUM BCU GSUM GYI BAR DU BZLAS LA LCI BA DE BSDUS TE, LCI BA LHAG MA LA BSNGAGS

40b

SHING NAD PA LA BYUGS NA, NAD THAMS CAD NYE BAR ZHI BAR 'GYUR RO, ,LHA DANG KLU LA SOGS PA'I DUG GI NAD THAMS CAD ZHI BAR 'GYUR RO, ,ZHAG NYI SHU RTZA GCIG LA GRUB PAR MA GYUR NA, 'JAM DPAL, THUGS RJE CHEN PO NYID KYIS MTSAMS MED PA LNGA'I LAS BYAS PA YIN NO, ,'JAM DPAL, THUGS RJE CHEN PO NYID KYIS DAM BCAS PA'I TSIG GO ,'JAM DPAL, RGYAL PO CHEN PO'I GNOD PA NI, GZUNGS 'DIS SNYING NAD 'BAR BA LAS GROL NAS SKYE BA PHYI MA LA BDE BA CAN GYI ZHING KHAMS SU SKYE BAR 'GYUR RO, ,'JAM DPAL, NYON CIG ,SANGS RGYAS 'OD DPAG MED LA SOGS PA SANGS RGYAS BYE BA PHRAG DGU BCU RTZA DGUS SNYING PO 'DI GSUNGS SO, , AOm A'A: HR'I: SIm HA N'A DA H'Um PHAt, DA LTAR NGA NYID KYIS BRJOD DE, RIG SNGAGS KYI SNYING PO 'DI LAN GCIG BRJOD PAS SDIG PA KUN LAS GROL BAR 'GYUR RO, ,SRID PA NYAM NGAR 'GRO MI 'GYUR, ,LUS LA MTSON GYIS TSUGS MI 'GYUR, ,DGRA DANG CHOM POS MI TSUGS CING, ,KLU LA SOGS PAS 'TSE MI 'GYUR, ,RTAG TU DPAL DANG LDAN PAR 'GYUR, ,BUD MED LUS SU MI 'GYUR ZHING, ,RTAG TU SKYE BA DRAN PAR 'GYUR, ,SHI NAS BDE BA CAN DU 'GRO, ,'JAM DPAL, DE VBZHIN GSHEGS PA RNAM

41a

, ,PAR GZIGS DANG, GTZUG TOR CAN DANG, THAMS CAD SKYOB DANG, LOG PAR DAD SEL DANG, GSER THUB DANG, 'OD SRUNG GIS KYANG GSANG SNGAGS 'DI GSUNGS LA, DA LTAR SH'AKYA THUB PA NGAS KYANG BRJOD PA STE, NA MO RATNA TRA Y'A YA, NA MA HA YA GRI B'A YA, NA MO LO KE SHVA R'A YA, TADYA TH'A, AOm HR'I: KU LU KU LU N'I LA KAnthA, HU LU HU LU, TIshthA, TIshthA, BANDHA BANDHA, M'A RA YA M'A RA YA, H'A H'A H'A H'A, BADZRA KRO DHA HA YA GRI BA HR'I: H'Um PHAt, 'JAM DPAL, GZUNGS 'DI 'PHAGS PA SPYAN RAS GZIGS DBANG PHYUG NYID PADMA HA YA GRI BA'I SNGAGS YIN TE, LAN GCIG KLOG PAR BYED PA'I MI, ,SDIG PA KUN LAS GROL 'GYUR ZHING, ,NGAN SONG SGO RNAMS GCOD PAR 'GYUR, ,KLU SOGS GDON GYIS 'TSE MI 'GYUR, ,BYAD DANG DUG LAS GROL 'GYUR ZHING, ,SANGS RGYAS KUN GYI GSUNG YIN NO, ,BYE BA GRANGS MED MTHU LAS BYUNG, ,DE YI YON TAN DPAG TU MED, ,LAN GCIG BKLAGS NA SDIG PA SEL, ,LAN GNYIS BKLAGS PAS DPAL DANG LDAN; ;GSUM GYIS TSE RNAMS RING BAR 'GYUR, ,'BUM PHRAG BCU YIS ZHAL MTHONG 'GYUR, ,PADMA CAN GYI ZHING DER 'GRO, ,'JAM DPAL, MI GZHAN DAG

41b

LA NI, KHRAG DANG MKHRIS PA LAS GYUR PA DANG, RLUNG DANG GRANG BA LAS GYUR PA DANG, KLU RGYAL RIGS KYIS ZIN PA DANG, KLU BRAM ZE'I RIGS KYIS ZIN PA DANG, KLU GDOL PA DANG DMANGS RIGS KYIS ZIN PA NI, SNYING MI DGA' BA DANG, SNYING NA BA DANG, DBUGS MI BDE BA DANG, LTO RGYAB TU NA BA DANG, KLAD KOR DU NA BA DANG, GZHOGS PHYED DU NA BA DANG, MA ZHU BA DANG, SBOS PA DANG, ZHA GRUM GYIS BTAB PA DANG, SBRUM PA LTA BUR NA BA DANG, SROG CHAGS SU NA BA DANG, TSIGS DANG SHA KHOL BUR NA BA DANG, ZA KHU CAN DANG, LUD PA GLO CAN DANG, RUS KHOL DU NA BA DANG, 'PHRES PA DANG, ZHA BA DANG, YI GA MI BDE BA DANG, THOR PA LTA BU'I NAD DANG, SKRAN CAN DANG, DMU CHU CAN DANG, 'BRAS DANG, ME DPAL DANG, LHOG PA DANG, GAG PA DANG, CHU THIG CAN DANG, GRANG LHANG LHANG DANG, TSA TZAG TZAG LA SOGS PA'I MDZE RIGS CAN DANG, PHOL MIG DANG BCAS PA DANG, LHA DANG, BDUD DANG, TSANGS PA DANG, GSHIN RJE DANG, BRAG SRIN DANG, SEMS 'KHRUG GI GDON DANG, THAB GZHOB DANG, MTSO SMAN DANG, KLU LA SOGS PAS ZIN PA DANG, GNOD SBYIN DANG, 'BYUNG PO DANG, LOG 'DREN DANG, SHA ZA'I GDON RNAMS KYIS ZIN

42a

, ,PA DANG, NAD SNA TSOGS 'BYUNG STE, DE YANG MI DGE BA LAS SDUG BSNGAL 'BYUNG BA YIN NO, ,BCOM LDAN 'DAS KYIS BKA' STZAL PA, BYANG CHUB SEMS DPA' SEMS DPA' CHEN PO 'JAM DPAL NYON CIG ,SNYING PO GZUNGS KYI CHO GA 'DI, ,DANG PO THUGS RJE CHEN PO LA, ,GUS SHING DAD PA'I SEMS BSKYED NAS, ,SNUM PA'I SA LA DKYIL 'KHOR BYA, ,LCI BA DRIR BCAS BYUGS NAS NI, ,TSON RTZI KHA DOG SNA LNGA YIS, ,DKYIL 'KHOR PADMA LTA BUR BRI, , BUM PA GANG BA LNGA DAG KYANG, ,PHYOGS BZHI DBUS DANG LNGA RU GZHAG ,GANG BA'I GTOR MA LNGA YANG BSHAMS, ,SENG LDENG PHUR BU LNGA YANG DGOD, ,DAR GYIS DKRIS PA'I MDA' BZHI DGOD, ,TSON SKUD LNGA YI DRA BA BRE, ,'PHAGS PA SPYAN RAS GZIGS DBANG PHYUG SENG+GE SGRA LA PHYAG 'TSAL LO, ,KHRO BO'I RGYAL PO RTA MGRIN LA PHYAG 'TSAL LO, ,BCOM LDAN 'DAS MA GOS DKAR MO LA PHYAG 'TSAL LO, ,BCOM LDAN 'DAS MA SGROL MA LA PHYAG 'TSAL LO, ,BYANG CHUB SEMS DPA' KLU'I RGYAL PO WA RU nA LA PHYAG 'TSAL LO, ,A'A: HR'I: HRI PAm TAm NAm, YI GE DRUG PA'I SNGAGS 'DI NI, ,BRJOD PAS SDIG PA SDUG BSNGAL SEL SV'A H'A, SANGS RGYAS

42b

MCHOD LA BRTZON PAR BYA, ME TOG DANG, BDUG PA DANG, SPOS DANG, ME TOG GI PHRENG BA DANG, BYUG PA DANG, GDUGS DANG, RGYAL MTSAN DANG, BA DAN DANG, PHYE MA DANG, RGYAN THAMS CAD KYIS MCHOD NAS, SENG LDENG RGYA SHUG ME BTANG LA, ,TSON SKUD BCANG ZHING 'BRU RNAMS BSREG ,RMA BYA RMAG SHAD LCUG MA YIS, ,KLU YI DUG RNAMS SEL BAR BYED, ,HR'I: NA GA LE LE, N'A GA DUM BA LE LE, N'A GA PHUD PHUD, HA LE HA LE, H'A LA H'A LA, SPHU tA SPHU tA, N'A GA KHROL KHROL SHIG SHIG SV'A H'A, KLU DANG, LOG 'DREN THAMS CAD KYI YID KYI DUG DANG, MTHONG BA'I DUG DANG, BCINGS PA'I DUG DANG, KHA RLANGS KYI DUG DANG, REG PA'I DUG DANG, DUG THAMS CAD PHYIR KHUD CIG SV'A H'A, DUG 'DIR MA 'DUG CIG ,SBYIN PAR BYED PA'I GAN DU SONG ZHIG ,'DZIN PA'I NANG DU SONG ZHIG ,ME'I NANG DU SONG ZHIG ,CHU'I NANG DU SONG ZHIG ,ZHI BAR GYUR CIG SV'A H'A, 'JAM DPAL, 'DI DAG NI, DE BZHIN GSHEGS PAS SPYI BO NAS DBANG BSKUR BA'O, ,HR'I: BHRUm AAm H'Um KHAm, RIGS LNGAS DBANG BSKUR BA'O, ,RDO RJE SRUNG BA'I MCHOG TU 'GYUR, ,BKRA SHIS LHA MO DPAL DANG LDAN, ,BSNYEN GNAS LA NI GNAS GYUR NAS, ,DKON MCHOG RJES DRAN SEMS BSKYED NAS, ,BUM CHU DAG

43a

, ,PAS LAS SGRIB SEL, ,LUS NGAG SEMS KYIS DAG PA THOB, ,PHA ROL PHYIN DRUG GNAS GYUR CING, ,SANGS RGYAS SEMS CAN MKHYEN PAR GYUR; ;TING 'DZIN THAMS CAD MNGON DU 'GYUR, ,BU MO GZHON NUS BKAL PA YI, ,SKUD PA DKAR PO SUM BSGRIL LA, ,BZLAS BRJOD NYI SHU BRGYAD BYAS NAS, , MGUL DU BTAGS NA NAD LAS GROL, ,NAD LA PHAN PA'I SMAN RNAMS LA, ,GZUNGS SNGAGS BZLAS SHING BTAB GYUR NA, ,NAD RNAMS KUN LAS GROL BAR 'GYUR, ,CHU LA GZUNGS SNGAGS MANG BZLAS NA, ,KLU NAD KHONG DU SEL BAR 'GYUR, ,LO TOG ZA BA KHA BCING NA, ,BYE MA SA DANG THAL BAS SEL, ,HA CANG CHAR PA CHES PA NA, ,LHA LA PHUL BA'I RNYING PA LA, ,KHAM PHOR GSAR PA'I NANG DU YANG, ,ME TOG GTZANG MA BLANGS NAS NI, ,BSREGS NA CHAR PA 'CHAD PAR 'GYUR, , SER BA DRAG PO 'ONGS PA NA, ,THAL CHE YUNGS KAR BZLAS BRJOD KYIS, ,SER BA NYA LCIB LCUG MA DANG, ,LCUM PO BTAGS TE BTZUGS GYUR NA, ,SER BA 'CHAD PAR 'GYUR BA YIN, ,LHA KLU DRI ZA LA SOGS PA'I, ,GDON NI GNOD PAR GYUR PA LA, ,DKYIL 'KHOR 'DOM GANG GRU BZHI LA, ,BUM PA GTZANG MA LNGA BZHAG STE, ,

43b

SMAN SBYAR CHUS NI GANG BA LA, ,BZLAS BRJOD BRGYA NI RTZA BRGYAD BZLAS, ,SLOB MA GOS ZAS DKAR PO SBYAR, ,DKYIL 'KHOR DE YI NANG DU GZHUG ,BUM PA'I CHU YIS BKRU BAR BYA, ,NAD DANG GNOD PA KUN LAS THAR, ,KLU SOGS GDON RNAMS DPAG MED KYIS, ,GLAGS KYANG RNYED PAR MI 'GYUR RO, ,BUS PA GDON GYIS 'JIGS PA LAS, ,GI WANG GIS NI SRUNG 'KHOR BRI, ,YUNGS KAR DAG DANG BCAS TE GDAGS, ,BYIS PA GDON DANG NAD LAS THAR, ,LAM DU ZHUGS TE 'GRO BA NA, ,THU BA G-YAS PA'I GOS KYI GRAR, ,BZLAS BRJOD BDUN BYAS MDUD PA BOR, ,SONG NA BDE ZHING DON YANG 'GRUB, ,RTA LA SOGS PA'I PHYUG RNAMS LA, ,CHU DANG YUNGS KAR BCAS PA LA, ,BZLAS NAS GTOR NA BDE BAR 'GYUR, ,MI NAD PHYUGS NAD THAMS CAD LA, ,YUNGS KAR DANG NI BUM PA'I CHUS, ,BKRU ZHING BTAGS NA MI NAD ZHI, ,AA MRA RI YI GZUNGS SEL LTAR, ,LAS RNAMS THAMS CAD 'GRUB PAR 'GYUR, ,BCOM LDAN 'DAS KYIS BKA' STZAL PA, BYANG CHUB SEMS DPA' SEMS DPA' CHEN PO 'JAM DPAL, ,RGYAL PO 'DI'I KHONG NA KLU'I DUG GIS GANG NAS 'DUG STE, 'DI NI, KLU'I RGYAL PO WA RU nA 'DIS KLU THAMS CAD LA DBANG

44a

, ,BYED PA YIN PAS 'DIS DBYUNG BAR BYA'O, ,BCOM LDAN 'DAS 'JIG RTEN DBANG PHYUG SENGGE SGRA LA PHYAG 'TSAL LO, ,KLU'I RGYAL PO WA RU nA LA PHYAG 'TSAL LO, ,KLU'I RGYAL PO TAKshA KA LA PHYAG 'TSAL LO, ,KLU'I RGYAL PO MTHA' YAS LA PHYAG 'TSAL LO, ,KLU'I RGYAL PO PADMA LA PHYAG 'TSAL LO, ,KLU'I RGYAL PO PADMA CHEN PO LA PHYAG 'TSAL LO, ,KLU'I RGYAL PO DUNG SKYONG LA PHYAG 'TSAL LO, ,KLU'I RGYAL PO RIGS LDAN LA PHYAG 'TSAL LO, ,KLU'I RGYAL PO DGA' BO LA PHYAG 'TSAL LO, ,KLU'I RGYAL PO NOR RGYAS LA PHYAG 'TSAL LO, ,AOm WA RU n'A YA SV'A H'A, AOm AA NANT'A YA SV'A H'A, AOm B'A SU K'A YA SV'A H'A, AOm TAKshA K'A YA SV'A H'A, AOm KARKO t'A YA SV'A H'A, AOm PADM'A YA SV'A H'A, AOm MA H'A PADM'A YA SV'A H'A, AOm SHAm KHA P'A L'A YA SV'A H'A, AOm KU LI K'A YA SV'A H'A, KLU YI GZUGS NI MANG PO YANG, ,DKAR GSUM MNGAR GSUM 'BRAS ZAN LA, ,LEGS BYAS KHA DOG BSGYUR BYAS LA, ,ME TOG SPOS DANG BYUG PA DANG, MAR ME ZHAL ZAS SGRA SNYAN DANG, ,GDUGS DANG RGYAL MTSAN ME TOG PHRENG, ,TSANGS PA'I SKUD PAS MNYES PAR BYA, ,RTZA BA LO MA SDONG BU DANG, ,ME TOG 'BRAS BU SMAN GYIS MCHOD, ,RMA BYA GZUNGS MO ME LONG GIS,,

44b

RGYAL PO'I KHONG GI DUG THON CIG ,RIN CHEN RMAG SHAD MCHOD PA'I RTEN, ,MI LDOG PA YI RDZAS SU CHONGS, ,BUM PA GTER GYIS GANG BA MDZES, ,SROG CHAGS YID 'ONG GZUGS KYIS MCHOD, ,ZHI 'GYUR 'DI LA THE TSOM MED, ,KLU YI RGYAL PO 'JOG PO YIS, ,ZIN KYANG SKAD CIG GCIG LA THON, ,'JAM DPAL, ,'DI GZHAN GYI MTHU MA YIN TE, 'PHAGS PA SPYAN RAS GZIGS DBANG PHYUG DE'I MTHU'O, ,STOBS SO, ,BYIN GYI RLABS SO, ,THUGS RJE DANG LDAN PA 'DI'I YON TAN BRJOD KYIS MI LANG YANG BDAG GIS CHA SHAS TZAM ZHIG BRJOD NA, AOm BCOM LDAN 'DAS, ,BYA BA BYAS SHING BYED PA BYAS, ,KHUR BOR BDAG DON RJES SU BRNYES, ,SRID PAR SBYOR BA YONGS SU ZAD, ,YANG DAG BKA' LAS RNAM PAR GROL, ,SEMS DPA' DBANG SGYUR THAMS CAD KYI, ,MCHOG TU PHA ROL PHYIN THOB PA, ,SRID LAS RGAL ZHING TSOGS GNYIS RDZOGS, ,A'A:, GZHAN LA PHAN BRTZON THUGS BRTZE CAN, ,SEMS CAN KUN LA MCHOG TU BYAMS, ,KHAMS GSUM KUN GYI GNYEN GCIG PU, ,MTHA' YAS SEMS CAN SGROL LA MKHAS, ,HR'I:, 'GRO BA NYAM THAG KUN TU SKYOB, ,DRI MA GSUM SPANGS PHA ROL PHYIN, ,MNGON SHES DRUG BRNYES N+YA GRO BU, ,SKYES BU CHEN PO'I

45a

, ,MTSAN RNAMS NI, ,SUM CU RTZA GNYIS DAG DANG LDAN, ,DPE BYAD BZANG PO BRGYAD CUS MDZES, ,SKU MDOG SHEL GYI KHA DOG 'DRA, ,GANGS RI NYI SHAR LTA BUR MTSON, ,SKU TSAD CHE LA 'OD ZER 'BAR, ,RIGS LNGA SANGS RGYAS SKU LA 'PHRO, ,DBU SKRA THOR TSUGS GYEN LA BARDZES, ,DBU LA 'OD DPAG MED PA BZHUGS, ,KLU RNAMS THAMS CAD 'DUL MDZAD PA, ,RTZE GSUM SBRUL GYIS RAB TU DKRIS, ,RIGS GSUM MGON PO'I BYIN RLABS 'DZIN, ,DUG GSUM RTZAD NAS GCOD LA BSTOD, ,SKYON GYIS MA GOS PADMA BSNAMS, ,SHES RAB PHUN SUM RAL GRI 'BAR, ,NYON MONGS DAG PA BRAM ZE'I MGO ,ME TOG DRI ZHIM TSOGS KYIS BKANG, ,KLU RNAMS KUN NAS DBANG BSDUS PAS, ,SBRUL GYI TSANGS SKUD MDZES LA BSTOD, ,SIm HA, PADMA DAG GI GDAN LA BZHUGS, ,BDUD BZHI ZIL GYIS GNON MDZAD PA, ,SENGGE DKAR PO'I GDAN LA BZHUGS, ,'DOD PA'I DON RNAMS SGRUB PA'I PHYIR, ,RIN CHEN SNA TSOGS RGYAN GYIS BRGYAN, ,BA SPU NYA GA MA RE RE YANG, ,SEMS CAN KUN GYI MCHOG TU 'GYUR, ,PHYAG 'TSAL THUGS RJE CAN LA BSTOD,, T'A, ,DAM CHOS RGYAL TSAB DBANG BSKUR BA, ,LHA MO SGROL MA RJES SU 'BRANG, ,'JIGS PA BRGYAD SKYOB SKU MDOG LJANG, ,GNOD

45b

PA SEL BA MI 'JIGS SBYIN, ,AUTPAL THUGS RJE'I BDAG NYID CAN, ,BTUD DE SPRUL PA MANG PO 'GYED, ,H'Um, GOS DKAR MO NI BKA' BZHIN BYED, ,YID BZHIN 'KHOR LO BDE BAR BSKOR, ,'DOD PA'I DON YOD SDUG BSNGAL ZHI, ,'JIGS PA BRGYAD PO SEL BA LA BSTOD, ,PHAt, HA YA GRI BA KHRO BO'I SKU, ,'PHAGS PA RTA MGRIN BDUD BZHI 'JOMS, ,KRO DHA MGRIN SNGON GDUG PA 'DUL, ,KLU BDUD 'DUL MDZAD H'Um GIS BSTOD, ,N'A, NAM MKHA' KLU RGYAL WA RU nA, ,CHU LHA STON PA'I ZHAL MTHONG ZHING, ,BSTAN LA RAB DGA' KLU RNAMS 'DUL, ,SA DANG PO YI BDEN PA MTHONG, ,BDE BAR GSHEGS PA'I RING BSREL 'DZIN, ,KLU RGYAL BYANG CHUB SEMS LA BSTOD, ,AOm T'A RE TUTT'A RE TU RE SV'A H'A, AOm KA tE BI KA tE NI KA tE, KA TAm KA RA SV'A H'A, GANG GIS BSTOD CING ZLOS PA DE MTSAMS MED PA LNGA BYAS PA'I LAS KYI SGRIB PA YANG YONGS SU BYANG BAR 'GYUR RO, ,DKYIL 'KHOR THAMS CAD DU ZHUGS PAR 'GYUR RO, ,GSANG SNGAGS THAMS CAD BZLAS PAR 'GYUR RO, ,BSKAL PA STONG GI BAR DU NGAN SONG DU MI SKYE'O, ,BUD MED KYI LUS SU MI SKYE'O, ,SU ZHIG NANG PAR LANGS NAS CHU DRI ZHIM POS KHRUS BYAS TE GTZANG SBRA LA GNAS NAS THUGS

46a

, ,RJE CHEN PO SENGGE SGRA'I SPYAN SNGAR GZUNGS 'DI KLOG GAM, 'BRI 'AM, 'CHANG NGAM, KLOG TU 'JUG GAM, KHA TON DU BTON NAS SNYING PO DANG, GZUNGS SNGAGS ZLOS NA NI, DE'I LUS LA MDZE DANG, SHU BA DANG, PHOL MIG DANG, 'BRAS DANG, BAS LDAGS DANG, ME DBAL DANG, G-YAN PA DANG, LHOG PA DANG, GAG PA DANG, SBOS PA DANG, DMU CHU DANG, SKEM PA DANG, MKHAL MA RDOL BA DANG, DON SNOD DU 'DUS PA DANG, BYAD KYI DKYIL 'KHOR LA NAD SNA TSOGS 'DUS PA DANG, GLO BA NA BA DANG, DBUGS MI BDE BA DANG, RLUNG MKHRIS BAD KAN 'DUS PA THAMS CAD LAS THAR PAR 'GYUR RO, ,'JAM DPAL, GZUNGS 'DI NI, DE BZHIN GSHEGS PA THAMS CAD KYIS BYIN GYIS BRLABS PA'O, ,SU ZHIG GAM RGYAL PO CHEN PO DES GZUNGS 'DI GLEGS BAM LA BRIS TE 'CHANG BA DANG, KLOG PA DANG, KUN CHUB PAR BYED PA DANG, MCHOD PA DANG, YI GER 'BRI BA DANG, GRONG NGAM, GRONG KHYER RAM, GRONG RDAL LAM, LJONGS SAM, RGYAL PO YUL 'KHOR DANG BCAS PA'AM, GTZUG LAG KHANG DU GLEGS BAM 'DI 'CHANG NA, DPAL NAG PO CHEN PO DANG, RGYAL PO CHEN PO BZHI DANG, KLU'I RGYAL PO WA RU

46b

nA DANG, KLU CHEN PO BRGYAD RNAMS SLAD BZHIN 'BRANG ZHING DPAG TSAD STONG TSUN CHAD DU SLAR RGOL BA DANG, LHA DANG, KLU DANG, GNOD SBYIN DANG, GDON MA RUNGS PA THAMS CAD DANG, LOG PAR 'DREN PA DANG, PHYIR RGOL BA THAMS CAD 'JOMS PAR 'GYUR RO, ,SGOM NYES PA DANG, BRI NYES PA DANG, SNGAGS NOR PA DANG, PHYAG RGYA NOR BA DANG, BSHAD NYES PA DANG, NYAN PA NOR BA YANG GZUNGS 'DI BKLAGS PAS DAG PAR 'GYUR RO, ,GZUNGS 'DIS SU LA SRUNG BA BYAS PA DANG, YONGS SU BSKYAB PA BYAS PA DANG, BSKYANG BA DANG, ZHI BA DANG, BDE LEGS SU BYAS PA DE LA MTSON DANG, DUG DANG, DBYIG DUG DANG, BYAD DANG, GSHED MA DANG, RIMS DANG, GNOD PA THAMS CAD DANG, DUS MA YIN PAR 'CHI BAS MI TSUGS SO, ,GNOD PAR BYED PA TSAR GCOD PAR 'GYUR RO, ,BCOM LDAN 'DAS KYIS DE SKAD CES BKA' STZAL NAS BYANG CHUB SEMS DPA' 'JAM DPAL DANG, NYAN THOS CHEN PO SH'A RA DVA TI'I BU DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANG STE BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA SPYAN RAS GZIGS DBANG PHYUG SENGGE SGRA ZHES BYA BA'I GZUNGS RDZOGS SO,, ,,

47a

, ,KHA CHE'I YUL DUR KHROD 'BRI SA KA RANG BYUNG GI MCHOD RTEN RTZAR DNGOS GRUB BRNYES PA'I RJE BTZUN MA RDO RJE SEMS MA DANG, SGRA SGYUR GYI LOTZTSA BA MGAR SHES RAB 'BYUNG GNAS ZHES BYA BAS BSGYUR CING ZHUS TE GTAN LA PHAB PA,