acip-k_lha_sa-092-006 · GMLW-006685

'PHAGS PA SPYAN RAS GZIGS DBANG PHYUG MTSAN BRGYA RTZA BRGYAD PA (A'ARYA'A BA LO KI TE SHVA RA SYA N'A MA AAshtA SHA TA KAm)

נושאי-מדףSubjects:

RGYUDSecret Teachings (Tantra)

נושאיםTopics:Compassion

חיי היום-יוםDaily life:daily practice

נמצא בfound inSecret Teachings (Tantra)

מספר טוהוקוTohoku numberToh 705 · Tantra

מהדורהrecensionLhasa

כותרת בסנסקריטSanskrit titleA'ARYA'A BA LO KI TE SHVA RA SYA N'A MA AAshtA SHA TA KAm

כניעה לhomage toBYANG CHUB SEMS DPA' THAMS CAD

פוליוfolios28b–31a

צורהformmixed

מצב תרגוםtranslationno English of the text

כיסוי המילון לכותרתdictionary coverage of the title100%

ז'אנרgenreEulogiesa name-litany in a sutra frame

ישותdeityLoving Eyes (Avalokiteshvara)the Sanskrit title names him

אנשים ומקומותpeople and places namedno translator is named

רמת קושיlevelentry

לחיי היום־יוםfor daily lifedaily practice

הכותרת אומתה מול הטקסטtitle verified against the textyesthe title matches, and the closing prefixes a second name — see the note

הקבציםThe files

acip-k_lha_sa-092-006_'PHAGS PA SPYAN RAS GZIGS DBANG PHYUG MTSAN BRGYA RTZA BRGYAD PA (A'ARYA'A BA LO KI TE SHVA RA SYA N'A MA AAshtA SHA TA KAm).txt/12. RGYUD_Secret Teachings (Tantra)/VOL 14 (PHA)

הטקסטThe text

טיבטיתTibetanacip-k_lha_sa-092-006_'PHAGS PA SPYAN RAS GZIGS DBANG PHYUG MTSAN BRGYA RTZA BRGYAD PA (A'ARYA'A BA LO KI TE SHVA RA SYA N'A MA AAshtA SHA TA KAm).txt6,712 תוויםcharacters

28b

RGYA GAR SKAD DU,

29a

, ,A'ARYA'A BA LO KI TE SHVA RA SYA N'A MA AAshtA SHA TA KAm, ,BOD SKAD DU, 'PHAGS PA SPYAN RAS GZIGS DBANG PHYUG MTSAN BRGYA RTZA BRGYAD PA, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS 'PHAGS PA SPYAN RAS GZIGS DBANG PHYUG GI PHO BRANG RI PO tA LA'I RTZE MO NA ME TOG DRI ZHIM PO SNA TSOGS KYIS BRGYAN PA, DZAMBU N'A DA'I GSER GYI KHA DOG DANG 'DRA BA, RIN PO CHE SNA TSOGS KUN TU 'BAR BA'I SA PHYOGS NA BZHUGS TE, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO DANG, BRGYA BYIN DANG, TSANGS PA DANG, 'JIG RTEN SKYONG BA DANG, MI DANG, MI MA YIN PA BYE BA KHRAG KHRIG BRGYA STONG DU MAS BCOM LDAN 'DAS LA BSTI STANG DU BYAS, BLA MAR BYAS, RIM GROR BYAS, MCHOD CING BKUR STIR BYAS TE YONGS SU BSKOR NAS MDUN DU BYAS PA LA CHOS STON TE, THOG MAR DGE BA, BAR DU DGE BA, THA MAR DGE BA, DON BZANG PO, TSIG 'BRU BZANG PO, MA 'DRES PA, YONGS SU BYANG BA, YONGS SU DAG PA, YONGS SU RDZOGS PA,

29b

YONGS SU GSAL BA, TSANGS PAR SPYOD PA 'BA' ZHIG YANG DAG PAR RAB TU STON TO, ,DE NAS TSANGS PA LA SOGS PAS BYANG CHUB SEMS DPA' SEMS DPA' CHEN PO 'PHAGS PA SPYAN RAS GZIGS DBANG PHYUG LA BSTOD PA, KYE BCOM LDAN 'DAS, BYA BA BYAS SHING BYED LA MKHAS, ,KHUR BOR BDAG DON RJES SU BRNYES, ,SRID PAR SBYOR BA YONGS SU ZAD, ,YANG DAG BKA' LA RNAM GROL SEMS, SHES RAB SHIN TU RNAM PAR GROL, ,KLU CHEN PO NA CING SHES PO, ,SEMS LA DBANG BA SGYUR THAMS CAD KYI, ,MCHOG TU PHA ROL PHYIN PA THOB, ,YE SHES TSOGS NI YONGS SU RDZOGS, ,SRID PA'I DGON PA RAB TU BRGAL, GZHAN LA PHAN PA MDZAD LA BRTZON, ,THUGS RJE DANG NI 'BREL BA'I THUGS, ,SKYE RGU KUN LA MCHOG TU BYAMS, ,BDE BAR BRTZON PA BYAMS LAS BYUNG, ,MTHA' YAS SEMS CAN GROL LA MKHAS, ,BDE BAR GSHEGS PA NYID LAS SKYES; ;BDE BAR GSHEGS PA NYID KYI BKA', ,KHAMS GSUM KUN GYI GNYEN GCIG PU, ,'DOD CHAGS ZHE SDANG GTI MUG MED, ,DRI MA GSUM NI RAB TU SPANGS, , RIG PA GSUM GYI PHA ROL PHYIN, ,MNGON PAR SHES PA DRUG KYANG BRNYES, ,N+YA GRO DHA NI LTA BUR ZLUM, ,SKYES BU CHEN PO'I MTSAN RNAMS NI, ,SUM CU RTZA GNYIS DAG DANG

30a

, ,LDAN; ;DPE BYAD BZANG PO BRGYAD CUS KYANG, ,SKU NI RNAM PA KUN TU BRGYAN, ,SKU MDOG GSER GYI KHA DOG 'DRA, ,SKU TSAD CHE LA DKAR SHAM PO, ,N'A GA GE SAR GZHON NU LTAR, ,CUNG ZAD DMAR BA 'DRA BA'I MDOG ,DBU YI THOR TSUGS DAG DANG LDAN, ,THOR TSUGS MANG POS NYE BAR G-YOGS, ,DBU LA 'OD DPAG MED PA BZHUGS, ,'OD ZER DAG NI RNAM PAR 'PHRO, ,'OD 'PHRO 'DOM GANG RAB TU 'BAR, ,GSER GYI RI 'DRA GRAGS PAS KHYAB, ,GZI BRJID DAG KYANG RAB TU CHE, ,SHAR GYI RI LA 'CHAR BA YI, ,NYI MA'I GTZUG TOR DAG DANG LDAN, ,NOR BU RIN CHEN 'BAR BA YI, ,SE RAL KHAS NI SKU PHYED BRGYAN, ,SA DAG LA NI RAB TU MKHAS, ,PHA ROL PHYIN PA BCU RNAMS SPYOD, ,TSUL KHRIMS MA NYAMS RAL PA MED; ;THONG GA SENG+GE MCHONG BA 'DRA, ,SKU NI 'JAM ZHING LDEM BAG CAN, ,GZIGS SHING GSHEGS PA KHYU MCHOG 'DRA, G-YAS SU 'KHYIL BA'I DUNG YANG 'DRA, ,DPRAL BA ZLA BA KHAM PA 'DRA,, DPRAL BA'I DBYIBS KYI RGYA YANG CHE, ,SMIN MTSAMS BAR YANG YONG MA CHAD, ,SPYAN NI NOR BU RIN CHEN 'BAR, ,SHANGS KYI DBYIBS NI CUNG ZAD MTHO, ,TSEMS KYI SGROS KYIS RNAM PAR GNON; ;LJAGS KYIS STONG GSUM KHEBS MDZAD CING, ,SNYAN GYI KHRUNG YANG RAB TU ZAB, ,MGUR KYANG BUM PA'I MGRIN PA 'DRA, ,DPUNG PA DAG KYANG RAB TU

30b

ZLUM; ;PHYAG SOR RNAMS KYI TSIGS KYANG RING, ,SOR MO 'JAM ZHING CUNG ZAD DMAR, ,PHYAG SOR RNAMS KYI BAR 'BREL BA, ,PHYAG DANG ZHABS KYI MTHIL RNAMS LA, ,'KHOR LO DAG GIS RAB TU BRGYAN, ,STON KA'I PADMA 'DRA BAR MDZES, ,SKU MDANGS 'JAM ZHING SHANGS KYANG RGYAS, ,GSUNG NI TSANGS PA'I DBYANGS LTAR SNYAN, ,YID DU 'ONG ZHING DGA' BAR 'GYUR, ,BLTA NA SDUG CING MDANGS DGA' BA, ,PADMA LAS 'KHRUNGS PADMA 'DRA, ,PADMA DAG LAS KUN TU SKYES, ,PADMA DAG GI GDAN LA BZHUGS, ,PHYAG NA PADMA BZANG PO BSNAMS, ,RIL BA SPYI BLUGS PHYAG NA BSNAMS, ,KHRI SNYAN SA LE'I PAGS PA MNABS, ,DBYUG PA DANG NI BGRANG PHRENG 'DZIN, ,BKRA SHIS DAG GIS GTZANG MAR GYUR, ,SNGA NAS GSUNGS SHING GSONG POR GSUNGS, ,BDUD RTZI'I CHAR NI RAB TU 'BEBS, ,YID BZHIN NOR BU RIN CHEN 'DRA, ,SEMS CAN THAMS CAD DGA' BAR MDZAD, ,BZANG PO SNANG BA'I LJON SHING LTAR, ,SEMS CAN KUN GYI GSOS SU GYUR, ,SANGS RGYAS KYI NI SPRUL PA LAGS, ,BDE BAR GSHEGS PA'I CHA LUGS MNGA', ,BDE BAR GSHEGS PA'I RING BSREL 'DZIN, ,BA SPU NYAG MA RE RE YANG, ,SEMS CAN RNAMS KYI GTZO BOR GYUR, ,BSOD NAMS MDZAD CING DGE BA MDZAD, ,BSHOL BA MED,

31a

, ,CING NGES PAR MDZAD, ,RAB TU DRAG PA'I BRTZON 'GRUS CAN, ,'KHOR BA DAG LAS RAB TU BRGAL, ,DAM CHOS RGYAL MTSAN MNGA' GSOL BA, ,YID BZHIN 'KHOR LO DGE BA SBYOR, ,DON YOD ZHAGS PA SDUG BSNGAL 'DREN, ,HA YA GRI BA BDUD BZHI 'JOMS, ,GRO DHA MGRIN SNGON GDUG PA SEL, ,CHU SRIN 'DZIN KHRI'I 'JIGS LAS SGROL, ,LHA MO SGROL MA RJES SU 'BRANG, ,KHRO GNYER CAN NI BKA' BZHIN BYED, ,RGYAL BA CAN NI TSUL DANG LDAN, ,MTHU CHEN LDAN ZHING DRAN DANG LDAN, ,YON TAN LDAN ZHING BYAMS DANG LDAN, ,SHES RAB LDAN ZHING DPAL DANG LDAN, ,TSUL KHRIMS LDAN ZHING DON DANG LDAN, ,DON RNAMS KUN NI RIG PA PO, ,THE TSOM THAMS CAD GCOD PA PO, ,CHOS RNAMS THAMS CAD SMRA BA'O, ,'JIG RTEN RNAMS KYI STON PA PO, ,ZHAL BZANG ZLA BA NYA BA 'DRA, ,SKU SMAD RIN CHEN KUN GYIS BRGYAN, ,GSER GYI MCHOD SDONG 'DRA BAR GNAS, ,'OD ZER NYI MA STONG BAS LHAG ,TSANGS PA LA SOGS PHYAG BGYIS PA'I, ,'JIG RTEN MGON LA PHYAG 'TSAL LO, ,GANG LA LA ZHIG 'PHAGS PA SPYAN RAS GZIGS DBANG PHYUG LA MTSAN BRGYA RTZA BRGYAD KYIS GANG ZHIG BSTOD PA BYED PA DE MTSAMS MED PA LNGA BYAS PA'I LAS KYI SGRIB PA YONGS SU BYANG BAR 'GYUR RO, ,DKYIL 'KHOR THAMS CAD DU ZHUGS PAR 'GYUR RO, ,GSANG SNGAGS

31b

THAMS CAD KYANG 'GRUB PAR 'GYUR RO, ,BSKAL PA STONG GI BAR DU YANG NGAN 'GROR MI SKYE'O, ,MNAR MED PAR MI 'GRO'O, ,SU ZHIG NANG PAR LANGS NAS KLOG GAM, KLOG TU 'JUG GAM, KHA TON DU 'DON NA, MI DE'I LUS LA MDZE DANG, SHU BA DANG, GLO NA BA DANG, DBUGS MI BDE BA LA SOGS PA'I NAD THAMS CAD LAS THAR BAR 'GYUR RO, ,SKYES SO COG TU SKYE BA DRAN PAR 'GYUR RO, ,LHA'I BU DANG 'DRA BAR 'GYUR RO, ,'CHI BA'I DUS KYI TSE NA YANG 'JIG RTEN GYI KHAMS BDE BA CAN DU SKYE BAR 'GYUR RO; ;GAR SKYES KYANG 'PHAGS PA SPYAN RAS GZIGS DBANG PHYUG DANG MI 'BRAL BAR 'GYUR RO, ,RTAG TU BZLAS BRJOD BYAS NA, YID GZHUNGS PAR 'GYUR RO, ,SEMS DPA' BAR 'GYUR RO, ,DBYANGS SNYAN PAR 'GYUR RO, ,SKAL BA BZANG POR 'GYUR RO, ,GTZUG LAG THAMS CAD LA MKHAS PAR 'GYUR RO, ,TSIG BTZUN PAR 'GYUR RO, ,BSTOD PA 'DIS BSTOD NA, SANGS RGYAS BCOM LDAN 'DAS GANGG'A'I KLUNG DRUG CU RTZA GNYIS KYI BYE MA SNYED DAG LA MCHOD PA BYAS PAR 'GYUR TE, RNAM PAR SMIN PA YANG DE DANG 'DRA BAS NA BYE BRAG MED DO,, RGYAL BA THAMS CAD KYI RING BSREL RIN PO CHE ZA MA TOG CES BYA BA 'PHAGS PA SPYAN RAS GZIGS DBANG PHYUG GI MTSAN BRGYA RTZA BRGYAD PA RDZOGS SO,, ,,