PADMA COD PAN ZHES BYA BA'I RGYUD (PADMA MU KU tA TANTRA N'A MA)

RGYA GAR SKAD DU, PADMA MU KU tA TANTRA N'A MA, BOD SKAD DU, PADMA COD PAN ZHES BYA BA'I RGYUD, BCOM LDAN 'DAS 'JAM PA'I RDO RJE LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS LHA'I GZHAL MED KHANG NA LONGS SPYOD RDZOGS PA'I SKUR SANGS RGYAS NAS BYANG CHUB SEMS DPA'I 'KHOR DPAG TU MED PA DANG THABS CIG TU BZHUGS TE, DE NAS BCOM LDAN 'DAS THUGS RJE CHEN PO'I SGO KUN NAS 'PHRO BA ZHES BYA BA'I TING NGE 'DZIN LA SNYOMS PAR ZHUGS TE, 'OD ZER GYIS RNAM PAR SNANG MDZAD GANG CHEN MTSO'I ZHING GI RDUL LA REG PAS REG MA THAG TU

BSKAL PA BZANG PO'I SANGS RGYAS STONG RTZA GNYIS LA MCHOD NAS 'OD ZER DE BCOM LDAN 'DAS KYI DBU'I GTZUG TOR DU NUB BO, ,NUB MA THAG TU THUGS RJE CHEN PO PHYAG STONG SPYAN STONG DANG LDAN PA, SKU MDOG GANGS KYI RTZE LA NYI MA SHAR BA LTAR DKAR BA, ZHAL BCU GCIG GI RTZA BA'I ZHAL DKAR PO, STENG GI ZHAL SER BA, G-YAS LJANG GU; G-YON DMAR BA, STENG GI GSUM NAG PO, BCOM LDAN 'DAS KYI DBU NI, BYI RU BCAG PA LTA BUR GYUR TE 'DZUM PA MDZAD NAS THUGS RJE CHEN PO'I BDAG PO 'PHAGS PA SPYAN RAS GZIGS DBANG PHYUG LA GZIGS SO, ,DE NAS BYANG CHUB SEMS DPA' 'PHAGS PA SPYAN RAS GZIGS DBANG PHYUG GIS THAL MO SBYAR TE BCOM LDAN 'DAS LA GSOL PA, SKU DANG SNGAGS DANG LAS RNAMS DANG, ,KHYAD PAR CHO GA BSTAN PAR GYIS, ,ZHES GSOL BA BTAB NAS BCOM LDAN 'DAS KYIS BYANG CHUB SEMS DPA' 'PHAGS PA SPYAN RAS GZIGS DBANG PHYUG LA LEGS SO, ,ZHES BYA BA BYIN NAS BKA' STZAL PA, SKU NI RNAM PA 'DI LTA STE, ,THUGS RJE DAG PAS CHU SHEL TE, ,MNYAM PAR BZHENGS PAS 'GRO DON MDZAD, ,CHU SHEL MDOG 'DRA ZHAL GSUM DKAR, ,LJANG GU'I MDOG CAN NAG PO CHE, ,SER PO DE BZHIN

, ,BCOM LDAN DMAR, ,DRANG SRONG DAG TU RI DVAGS BRGYAN, ,ZHI BA 'DZUM DANG BZHAD PA DANG, ,KHROS PA'I ZHAL MNGA' SPYAN GSUM MDZES, ,BCU PA SEMS DPA'I RTAGS CAN TE, ,BCU GCIG BCOM LDAN 'DAS KYI BDAG ,YON TAN NOR BU MU TIG PHRENG, ,'PHRIN LAS SNA TSOGS SMAD DKRIS PA, ,DANG PO'I PHYAG NI THAL SBYAR TE, ,G-YAS PA RIN CHEN PHRENG BA 'DZIN, ,G-YON PA DRI MED PADMA 'DZIN, ,G-YAS PA MCHOG SBYIN MDZAD PA'O, ,G-YON PA RIL BA SPYI BLUGS TE, ,G-YAS PA 'KHOR LO RAB TU 'DZIN, ,G-YON PA NA NI MDA' GZHU STE, ,LHAG MA MCHOG SBYIN SPYAN LDAN NO, ,DE NAS YANG BCOM LDAN 'DAS KYIS 'DZUM PA MDZAD DE COD PAN GNYIS NAS RIN PO CHE RAB TU 'PHRO BA DANG, BCOM LDAN 'DAS LA SANGS RGYAS THAMS CAD KYI BYIN GYI RLABS LAS BYUNG BA'I PADMA'I STENG DU RIGS LNGA BYUNG BA NI, 'DI LTA STE, RNAM PAR SNANG MDZAD DANG, RIN CHEN 'BYUNG LDAN DANG, SNANG BA MTHA' YAS DANG, DON YOD GRUB PA DANG, MI BSKYOD PA'O, ,KHANG BU BRTZEGS PA'I RIN PO CHE DE'I NANG DU SENG+GE DANG, RTA DANG, RMA BYA DANG, NAM MKHA' LDING DANG, GLANG PO CHE'O, ,DE DAG NI, COD PAN LAS BYUNG BA'O, ,YANG, YUM NI SKU MDOG SNGON MO STE, PADMA LAS BYUNG PADMA'I

STENG, ,TSAD MED BZHI STE PHYAG BZHIS MDZES, ,SEMS DPA'I RGYAN DANG LDAN PA YI, ,MNYAM PA YI NI SKYIL KRUNG BCAS, ,YAB NI SKU MDOG SER PO STE, ,PADMA LAS BYUNG PADMA'I STENG, ,THAL SBYAR NOR BU'I BGRANG PHRENG 'DZIN, ,RGYAN RNAMS YONGS SU 'DZIN PA'O, ,YANG NA 'OD ZER RAB BKYE STE, ,ZLA BA NYI MA LAS BYUNG BA'I, ,NYI MA'I MDOG CAN NYI MA NI; ;GZHON NU AUTPAL MCHOG SBYIN MDZAD, ,ZLA BA LAS SKYES NAM MKHA'I MDOG ,CUNG ZHIG KHROS PA RDO RJE CAN, ,DKAR PO GANGS LTAR DKAR BA STE, ,NYI ZLA'I STENG NA PADMA 'DZIN, ,DRAG PO GNYIS DANG HR'I YIG LAS, ,GNYIS MED TSUL GYIS 'BRAS BUR RDZOGS, ,HA YA GRI BAS KHAMS GSUM SDUD, ,KHRO GNYER CAN GYIS 'PHRIN LAS MDZAD, , GSHIN RJE GSHED PO GTER 'DZIN CING, ,KHAMS GSUM RNAM RGYAL BDUD SDE 'JOMS, ,'KHOR LO DKAR PO DGE BA'I STENG, ,GRU BZHI SGO BZHI RTA BABS BCAS, ,DANG POR DKON MCHOG RAB DAD CING, ,TSAD MAD BZHI NI YONGS SU RDZOGS, ,BYANG CHUB YAN LAG RDZOGS PA DANG, ,CHOS KYI RANG BZHIN STONG NYID DO, ,GLENG GZHI DANG, SKU BSTAN PA'I LE'U STE DANG PO'O,, ,,DE NAS GSANG SNGAGS BSTAN PA'I PHYIR BCOM LDAN 'DAS KYIS RNAM PAR SNANG MDZAD GANG CHEN MTSO'I ZHING KHAMS

, ,THAMS CAD DU 'OD BKYE NAS GTZUG TU NUB PAR GYUR TO, ,DE NAS YANG GSUNGS PA, AOm H'Um TR'Am HR'I:Y'A:, NA NO RATNA TRA Y'A YA, NA MA A'ARYA DZNY'A NA S'A GA RA BEE RO TZA N'A YA, BY'U HA R'A DZ'A YA, TA TH'A GA T'A YA AARHA TE, SAMYAKASm BUDDH'A YA, NA MA:SARBA TA TH'A GA TE BHYA:, AARHAD BHYA:, SAMYAKASm BUDDHE BHYA:, N'A MA A'ARYA AA BA LO KI TE SHVA R'A YA, BO DHI SA TVA YA, MA H'A SATV'A YA, MA H'A K'A RU nI K'A YA, TADYA TH'A, AOm DHA RA DHA RA, DHI RI DHI RI, DHU RU DHU RU, AIttE WA ttE, TZA LE TZA LE, PRA TZA LE PRA TZA LE, KU SU ME KU SU ME WA RE, AI LI MI LI, TZI TI DZVA LA MA PA NA YA SV'AH'A, SNGAGS 'DI RNAMS KHA TON BYED PA'I RIGS KYI BU'AM, RIGS KYI BU MOS LAN GCIG BRJOD DAM, DRAN ZHING YID LA BYAS SAM; LUS LA BCANGS NA, MTSAMS MED PA LNGA DANG, DE DANG NYE BA'I SDIG PA'I LAS 'BYANG ZHING SEMS CAN DMYAL BA DANG, YI DVAGS DANG, DUD 'GRO'I SKYE GNAS SU MI SKYE ZHING, MI KHOM PA BRGYAD DU SDUG BSNGAL DANG BCAS PAR MI 'GYUR RO, ,GCAN GZAN DANG, SRIN PO DANG, MI MA YIN PA DANG, NAD DANG, 'JIGS PA THAMS CAD LAS THAR BAR 'GYUR RO, ,AOm RAKshA RAKshA ZHES PAS KYANG BSRUNG BAR BYA'O, ,AOm AA K'A RO MU KHAm SARBBA DHARM'A nAm, A'A DYA NUTPANNA TVATA ZHES PAS GTOR MA'I CHUS YI DVAGS

LA MCHOD PAR BYA STE, AOm A'A:H'Um ZHES BAS SO, ,DE RNAMS SRUNG BA'I SNGAGS SO, ,AOm MA nI PADME H'Um, ZHES PAS SO, ,'DIS NI, RIGS GSUM GYI BDAG POR 'GYUR TE, DE'I PHAN YON NI, 'DI'O, ,CHOS KYI SKU DANG GZUGS KYI SKU'I THUGS RJE CHEN PO MTHONG BAR 'GYUR RO, ,AOm NA MA: SARBA TA TH'A GA T'A DHU PE P'U DZA ME GHA SA MU DRA SPHA RA nA SA MA YE H'Um, AOm NA MA:SARBA TA TH'A GA T'A PUshEPA P'U DZA ME GHA SA MU DRA SPHA RA nA SA MA YE H'Um, AOm NA MA:SARBA TA TH'A GA TA A'A LO KE P'U DZA ME GHA SA MU DRA SPHA RA nA SA MA YE H'Um, AOm NA MA: SARBA TA TH'A GA TA GANDHE P'U DZA ME GHA SA MU DRA SPHA RA nA SA MA YE H'Um, AOm NA MA: SARBA TA TH'A GA TA NEE WI DYA P'U DZE ME GHA SA MU DRA SPHA RA nA SA MA YE H'Um, AOm NA MA: SARBA TA TH'A GA TA SHAPTA P'U DZA ME GHA SA MU DRA SPHA RA nA SA MA YE H'Um, AOm NA MA: SARBA TA TH'A GA TA MAndA LA P'U DZA ME GHA SA MU DRA SPHA RA nA SA MA YE H'Um, DE NAS MCHOD PAS YANG DAG MCHOD, , STONG NYID YE SHES LAS BYUNG BA'I, ,THABS DANG SHES RAB GNYIS LDAN PA'I, ,HR'I: YIG DKAR PO YANG DAG LDAN, ,SNGAGS KYI LE'U STE GNYIS PA'O,, ,, LAS DANG CHO GA BSTAN PA'I PHYIR, ,DANG PO ZHI BA'I LAS BSGRUBS NA, ,YID DU 'ONG BA'I GNAS DAG TU, ,DKAR PO DANG PO GSAL DUS SU, ,DRI ZHIM CHU YIS LEGS

, ,BYUGS TE, ,ME TOG DKAR PO BKRAM BYAS NAS, ,KHRUS DANG KHA ZAS PHYOGS MTHUN PA'I, ,BDE BA'I STAN LA NYER 'DUG STE, ,BUM PA DKAR PO TZANDAN DKAR, ,DRIS BKANG GOS KYIS LEGS PAR DKRI, ,MAndAL DBUS SU LEGS PAR GZHAG ,HR'I: LAS BYUNG BA'I SEMS DPA'I SKU, ,ZHAL GCIG PHYAG GNYIS SKU MDOG DKAR, ,RGYAN RNAMS RDZOGS PA PADMA BSNAMS, ,ZLA BA'I GDAN LA LEGS BZHUGS PA, ,HR'I: LAS 'OD ZER 'PHRO BA BSGOM, ,PHYAG STONG SPYAN YANG DE BZHIN TE, ,RGYAS PA'I SKU NI MDUN BSAMS NAS, ,HR'I: YI 'PHRO 'DU GSAL BA NI, ,BZLAS PA RAB TU GSAL BA STE, ,GSANG SNGAGS 'DI NI BRJOD PAR BYA'O, ,NA MO RATNA TRA Y'A YA, NA MA A'ARYA DZNY'A NA SA G'A RA BEE RO TZA NA YA, BY'U HA R'A DZA YA, TA TH'A GA TA YA, AARHA TE SAMYAKSAm BUDDHA YA, NA MA: SARBA TA TH'A GA TE BHYA:, AARHAD BHYA:, SAMYAKSAm BUDDH'A BHYA:, NA MA A'ARYA AA BA LE KI TE SHVA R'A YA, BODHI SATV'A YA, MA H'A SATVA YA, MA H'A KA RU nI K'A YA, AA MI TA BHA YA CHE GE MO SH'ANTIm KU RU SV'AH'A, ZHES BZLAS PAR BYA'O, ,BRUm, RNAM PAR SNANG MDZAD BUM PA'I CHUS, ,GANG DAG LEGS PAR KHRUS BYED PA, ,DRI MA THAMS CAD YONGS DAG NAS, ,'BRAS BU BDE BA DE THOB 'GYUR, ,

'JIGS PA KUN LAS RNAM GROL NAS, ,MYUR DU CHU SKYES MTHONG BAR 'GYUR, ,DE NAS RGYAS PA SGRUB 'DOD NA, ,NAGS TSAL SHIN TU MTHO BAR NI, ,DRI ZHIM CHU YIS LEGS BYUGS LA, ,'BRAS BUR BCAS PA'I ME TOG DGRAM, ,RGYAN RNAMS YONGS SU BTAGS NAS NI, ,BDE BA'I STAN LA NYER 'DUG STE, ,RIN CHEN SNA LNGA 'BRU SNAR BCAS, ,RIN CHEN GA 'UR BLUG PAR BYA, ,MAndAL DBUS SU LEGS PAR GZHAG ,HR'I: LAS BYUNG BA'I SEMS DPA'I SKU, ,ZHAL GCIG PHYAG GNYIS SKU MDOG SER, ,RGYAN RNAMS RDZOGS PA PADMA BSNAMS, ,PHYAG STONG SPYAN YANG DE BZHIN TE, ,RGYAS PA'I SKU NI MDUN BSAMS NAS, ,MCHOD PA LNGA YIS YANG DAG MCHOD, ,HR'I: YI 'PHRO 'DU GSAL BAR BZLAS; ;NA MO RATNA TRA Y'A YA, NA MA A'ARYA DZNY'A NA SA GA RA BEE RO TZA NA YA, BY'U HA R'A DZ'A YA, TA TH'A GA T'A YA, AARHA TE SAMYAKSAm BUDDH'A YA, NA MA: SARBA TA TH'A GA TE BHYA:, AARHA DA BHYA:, SAMYAKSAm BHUDDHE BHYA:, NA MA: A'ARYA BA LO KI TE SHVA R'A YA, BO DHI SATVA YA, MA H'A SATVA YA, MA H'A K'A RU nI K'A YA, RATNA KU NA PUshtIm KU RU SV'A H'A, BANG MDZOD STONG PA'I THOG BZHAG NA; ;'BRU YIS YONGS SU KHENGS PAR 'GYUR, ,DE NAS DBANG GI LAS BYED NA, ,SDUD PAR BYED NA CHU KLUNG 'GRAM, ,PA LA SHA DANG AA SHVATTHA, ,ME TOG DMAR PO'I RIL BU

, ,BYAS; ;BSE GAB DMAR PO'I NANG DU GZHUG ,ME TOG DMAR POS RAB TU MCHOD, ,HR'I: YIG LAS BYUNG SGROL MA'I SKU, ,LJANG GU PHYAG NA LCAGS KYU 'DZIN, ,PHYAG STONG SPYAN YANG DE BZHIN TE, ,RGYAS PA'I SKU NI MDUN BSAMS NAS, ,MCHOD PA LNGA YIS MCHOD BYAS TE, ,HR'I: YI 'PHRO 'DU GSAL BAR BZLAS; ;NA MO RATNA TRA Y'A YA, NA MA A'ARYA DZNY'A NA SA GA RA BEE RO TZA N'A YA, BY'U HA R'A DZ'A YA, TA TH'A GA TA YA, AARHA TE, SAMYAKSAm BHUDDHE BHYA:, NA MA: SARBA TA TH'A GA TE BHYA:, AARHADA BHYA:, SAMYAKSAm BHUDDHE BHYA:, NA MA A'ARYA BA LO KI TE SHVA R'A YA, BO DHI SATV'A YA, MA H'A SATV'A YA, MA H'A K'A RU nI K'A YA, AA MO GHA BHASMI KU RU, AOm T'A RE TUTT'A RE TU RE AA MO GHA BHASMI KU RU SV'A H'A, RDZAS KYI LDE GUS LUS BYUGS NA, ,BYUGS PA DE YIS KHUGS PAR 'GYUR, ,DE NAS 'PHRIN LAS BYED 'DOD NA, ,DUR KHROD SHING GCIG DAG TU NI, , BA YI LCI BAS LEGS BYUGS NAS, ,ME TOG SNGON PO NIM PA YI, ,SPOS KYI TSOM BU LNGA STENG DGRAM, ,BYANG CHUB 'DUG STE LAS 'DI BRTZAM, ,GCAN GZAN STENG DU CHU SHEL TE; ;HR'I: YI YI GE LAS BYUNG BA'I, ,MDOG DKAR RAL PA'I THOR TSUGS CAN, ,ZHAL GCIG SPYAN NI GSUM PA STE, ,RI DVAGS PAGS PA 'DZIN PA YI, ,DRANG

SRONG KHROS PA'I CHA BYAD CAN, ,PHYAG BZHI DANG PO MCHOG SBYIN PA, ,G-YON PA PAD STENG RAL GRI CAN, ,G-YAS PA LTOS 'GROS BRGYAN PA'I MDUNG, ,RTZE GSUM DKAR POS BRGYAN PA'O; ;G-YON NA THOD PA DKAR PO STE, ,DRI ZHIM ME TOG DAG GIS BKANG, ,RGYAL PO CHEN PO ROL PA LTAR, ,CUNG ZHIG ZUR GYIS GZIGS PA'O, ,PHYAG STONG SPYAN YANG DE BZHIN TE, ,BSKAL PA BZANG PO'I SANGS RGYAS STONG, ,PADMA'I GDAN LA LEGS ZHUGS PA'I, ,RGYAS PA'I SKU NI LEGS BSAMS NAS, ,HR'I: YI 'PHRO 'DU LAS BYUNG BA'I; ;GSANG SNGAGS RGYAL PO BZLAS PAR BYA, ,NA MO RATNA TRA Y'A YA, NA MA A'ARYA DZNY'A NA S'A GA RA BEE RO TZA R'A YA, BY'U HA R'A DZ'A YA, TA TH'A GA T'A YA, AARHA TE, SAMYAKSAm BHUDDH'A YA, NA MA: SARBA TA TH'A GA TE BHYA:, AARHADA BHYA:, SAMYAKSAm BHUDDHE BHYA:, NA MA A'ARYA BA LO KI TE SHVA R'A YA, BO DHI SATV'A YA, MA H'A SATV'A YA, MA H'A K'A RU nI K'A YA, TADYA TH'A, AOm AA KA tE NI KA tE, KA tA KA tA KA RO tE KA RO tA B'I RYE SV'A H'A, AOm KARMA AA MO GHA BI BADZRA SIm HA NA DI H'Um PHAt, DRI'AM BYUG PA DAG LA NI, ,BTAB PA LUS LA BYUG PAR BYA, ,ME TOG SNGON PO MGO LA GZHAG ,MAndAL CHU YIS LUS LA BYUG ,NYI SHU RTZA LNGA BZLAS NA NI, ,LAS RNAMS THAMS CAD 'GRUB PAR 'GYUR, ,DE NAS BZHI GA SGRUB 'DOD NA, ,BKRA SHIS DUS

, ,SU RDZOGS DUS SU, ,RI BO YID 'ONG GNAS DAG TU, ,SA GZHI CHAG CHAG LEGS BTAB STE, ,MAndAL LEGS BYAS ME TOG NI, ,DRI ZHIM DKAR POS YONGS GTOR TE, ,GTZANG ZHING DAG PA'I RDZAS RNAMS DGRAM, ,GTZANG MA BRAM ZE BYAS TE GZHAG ,KHRUS DANG KU SHA'I STENG GNAS TE, ,HR'I: LAS BYUNG BA'I CHU SKYES STENG,, CHU SKYES MDOG 'DRA ZHAL GSUM YANG, ,'DZUM ZHING ZHI BA'I CHA BYAD CAN, ,LJANG GU BZHAD PA'I ZHAL GSUM PA, ,NAG PO KHROS PA DMAR SER SKRA, ,SER PO'I ZHAL NI 'DZUM PA STE, ,DMAR PO BCOM LDAN 'DAS KYI DBU, ,RI DVAGS PAGS PAS STOD G-YOGS SHING, ,SNA TSOGS SHAM THABS MNABS PA YI, ,ZHABS GNYIS PHYAG DRUG MNYAM PAR BZHENGS, ,G-YAS G-YON DANG PO THAL MO SBYAR, ,BAR MA BGRANG PHRENG PADMA BSNAMS, ,THA MA MCHOG SBYIN SPYI BLUGS 'DZIN, ,BUM PA RNAM SNANG LHA MO NI; ;L'A SYE MA LE GIRTI STE, ,NIRTI NANG GI LHA MO DAG ,ZLA BA'I GDAN LA LEGS PAR BZHUGS, ,HR'I: YI YI GE LAS BYUNG BA'I, ,GSANG SNGAGS RGYAL PO BZLAS PAR BYA, ,NA MO RATNA TRA Y'A YA, NA MA A'ARYA DZNY'A NA S'A GA RA BEE RO TZA N'A YA, BY'U HA R'A DZ'A YA, TA TH'A GA T'A YA, AARHA TE, SAMYAKSAm BUDDH'A YA, NA MA: SARBA TA TH'A GA TE BHYA:, AARHADA

BHYA:, SAMYAKSAm BUDDHE BHYA:, NA MA A'ARYA BA LO KI TE SHVA R'A YA, BO DHI SATV'A YA, MA H'A SATVA YA, MA H'A K'A RU nI K'A YA, TADYA TH'A, AOm DHA RA DHA RA, DHI RI DHI RI, DHU RU DHU RU, AAttE tE WAttE tE, TZA LE TZA LE, PRA TZA LE PRA TZA LE, KU SU ME KU SU MA WA RE, AI LI MI LI TZI TI DZVA LA MA PA NA YA SV'A H'A, BUM PA'I CHU LA LEGS BSGRUBS NAS, ,LUS LA BYUGS NA 'GRUB PAR 'GYUR; CHO GAS SGRUB PA'I LE'U STE GSUM PA'O,, ,,DE NAS THABS KYI RIM PA NI, GRO GA'AM RAS SAM SHING SHUN LA, ,RA YI 'O MAS BRIS PA YI; ;TSOM BU LNGA YI 'KHOR LO LA, ,DBUS SU SKU YI SA BON TE, ,LNGA PA YI NI LNGA PA STE, ,SHAR DU DE YANG BRI BAR BYA, ,BZHI PA'I LNGA PAS DBUS SU MTSAN, ,LHO RU DE NI YANG DAG DGOD, ,LNGA PA'I DANG PO BZHI PA'I GSUM, ,NUB TU DE NI YANG DAG DGOD, ,LNGA PA YI NI LNGA PA LA, ,AE YI RNAM PAR SBYAR BA STE, ,BYANG DU DE NI YANG DAG DGOD, ,DBUS SU THUGS KYI SA BON TE, ,SH'ANTIm KU RU MTSAMS SU'O, ,SV'A H'A DBUS SU DGOD PAR BYA, ,DE LTAR 'KHOR LO GSAL BKOD NAS, ,DNGUL LAM DKAR PO'I GA'UR GZHUG , THAMS CAD LAS KUN ZHI BAR 'GYUR, ,YUNG BA'I CHU YIS BRIS PA YI, ,PUshtIm KU RU MTSAMS SU'O, ,KHAM PHOR SER POR LEGS PAR GZHUG ,RGYAS PA'I LAS RNAMS

, ,'GRUB PAR 'GYUR, ,PA LA SHA YIS LEGS PAR BRIS, ,BA SHAm KU RU MTSAMS SU DGOD, ,KHAM PHOR DMAR POR LEGS PAR GZHUG ,DBANG GI LAS RNAMS 'GRUB PAR 'GYUR, ,NIM PA'I CHU YIS LEGS PAR BRIS, ,M'A RA YA NI MTSAMS SU DGOD, ,LCAGS SAM THOD PAR YANG DAG GZHUG ,'PHRIN LAS THAMS CAD 'GRUB PAR 'GYUR, ,TZANDAN DKAR PO DRI ZHIM ZHING, ,ZHI BAS DE NI ME LA BSREG ,'BRAS BU MNGAR DANG BCAS PA'I SHING,, RGYAS PAS DE NI ME LA BSREG ,DBANG NI PA LA SHA YI SHING, ,DE LA BSREGS NA KHUGS PAR 'GYUR, ,NIM PA'I SHING LA TSAR GCAD PA'I, ,BSREGS PAS 'PHRIN LAS 'GRUB PAR 'GYUR, ,'KHOR LO'I LE'U STE BZHI PA'O,, ,,DE NAS LAS KYI RIM PA NI, ,DUR BA'I RTZA DANG 'BRAS KYI 'DAB, ,TIL DANG YUNGS KAR CI TZE LA, ,GSANG SNGAGS BZLAS NAS GRUB PA NI, ,DA LI'I SHING LA LEGS BSREGS NAS, ,THAMS CAD RAB TU ZHI BAR 'GYUR, ,KU SHA STAR BU SHUG 'BRUM DANG, ,STAG PA'I ME TOG DMAR PO DANG, ,GSANG SNGAGS BZLAS PA RAB BYAS NAS, ,TZANDAN SHING LA LEGS BSREGS NAS, ,RGYAS PAR BYA BA'I LAS 'GRUB

CING, ,NUS PA MCHOG NI THOB PAR 'GYUR, ,PA LA SHA YI SHING DAG DANG, ,KHRE DANG CI TZE MO SRAN LA, ,GSANG SNGAGS BZLAS PA RAB BYAS TE, ,PADMA KA YI SHING LA BSREGS, ,NUS PA MCHOG NI THOB PAR 'GYUR, ,THAMS CAD DBANG DU 'DUS PAR 'GYUR, ,GRO DANG SO BA 'BRAS DANG NI, ,BRA BO MON SRAN TIL NAG PO, ,GSANG SNGAGS RAB TU BZLAS BYAS TE, ,KHA TI RA YI SHING LA BSREG ,NUS DANG LDAN TE LAS RNAMS NI, ,MYUR BA NYID DU 'GRUB PAR 'GYUR, ,PRA HA KHA TSA'I SHING DAG LA, ,LO MA 'BRAS BUR BCAS PA DANG, ,RDO RJE'I SHING LA SNGAGS BZLAS NAS, ,MYA NGAN 'TSANG GI SHING LA BSREG ,NUS PA THOB NAS MYUR DU NI, ,MI RNAMS THAMS CAD DBANG DU SDUD; ;LDONG ROS PADMA'I RTZA BA LA, ,MU LA PA TRA'I SHING DAG LA, ,GSANG SNGAGS RAB TU BZLAS BYAS NAS, ,AA RU RA YI SHING LA BSREG ,'KHOR LO'I 'OG TU BCUG PA YIS, ,RGYAL PO DBANG DU BYED PAR 'GYUR, ,PA LA SHA YI SHING DAG DANG, ,K'A RA BI RA'I 'BRAS DAG LA, ,GSANG SNGAGS RAB TU BZLAS BYAS NAS, ,'DZAM BU'I SHING LA RAB BSREGS NAS, ,RAL GRI 'OG TU BCUG NA NI, ,YUL DBANG YANG NI DBANG DU 'GYUR, ,TSE RABS BRGYA RU LON PA'I RUS, ,MTSON GYIS BSNUN PA'I RUS PA

, ,DAG ,GSANG SNGAGS RAB TU BZLAS BYAS NAS, ,SKYER PA'I ME LA RAB BSREGS TE, ,LCAGS KYU'I 'OG TU RAB BCUG NA, ,GLANG PO DBANG DU 'GYUR BAR BYED, ,BA LE TA DANG TA LE SHA, ,KHA TI RA DANG DHA TI MA, ,DUR KHROD SHING LA RAB BSREGS NA, ,STAG LA SOGS PA DBANG DU 'DU, ,NAS DANG 'BRAS DANG SO BA DANG, ,SMAN DANG RIN CHEN SNA TSOGS KYIS, ,MAndAL ZLUM PO LEGS BYAS TE, ,RGYAN RNAMS RDZOGS PA'I SANGS RGYAS NI, ,PADMA CHU SHEL LAS SKYES PA'I, , CHU SHEL MDOG CAN 'DZUM DANG BCAS, ,RDO RJE SKYIL MO KRUNG BCAS BZHUGS, ,KU SHA'I STAN LA SHAR DU 'DUG ,PADMA'I PHYAG RGYA BCAS PA YIS, ,BYAMS PA'I SEMS KYIS DBUL BAR BYA'O, ,NAD DANG RIMS DANG 'BRUM BU DANG, ,SHU BA G-YAN PA ME DPAL DANG, ,NAD DANG GDON NI THAMS CAD BZLOG ,MTSAMS MED LNGA DANG MI DGE BA'I, ,'BRAS BU SDUG BSNGAL THAMS CAD BZLOG ,ME'I LAS KYI LE'U STE LNGA PA'O,, ,,DE NAS RGYAL PO'I 'JIGS PA LA,, MAndAL DKAR PO LEGS BYAS LA, ,TZANDAN DKAR PO'I DRIS BSGOS TE, ,MCHOD YON ME TOG DKAR PO DANG, ,CI 'BYOR PA YIS MCHOD PA YIS, ,RGYAL PO LTA

BU'I GZUGS LA MCHOD, ,SDIG PA THAMS CAD DE MDUN DU, ,BSHAGS NAS MYUR DU SKYABS SU 'GRO, ,GRO GA DAG GAM SHING SHUN LA, ,RGYAL PO DAG GI GZUGS BYAS TE; ;YIG 'BRU LNGA YIS BTAB PA YIS, ,TSON SNA LNGA YIS RAB TU BCING, ,BYAMS PA'I SEMS KYIS CHU BO LA, ,BKUR NA RGYAL PO'I CHAD LAS THAR, ,AOm H'Um TR'Am HR'I: A'A: SHO NA HA RI MA KA TO, SA RA SA RA KA RA KA RA SV'A H'A, GCAN GZAN 'JIGS PA 'ONGS PA'I TSE, ,MAndAL DKAR PO LEGS BYAS LA, ,ME TOG DKAR POS RAB TU GTOR, ,MCHOD PA LNGA YIS RGYAL PO MCHOD, ,SDIG BSHAGS MYUR DU SKYABS SU 'GRO, ,'BRU SNA LNGA DANG RIN CHEN LNGA, ,TSON SNA LNGA YI PHUR MA LNGA, ,BYAS PA LUS LA BTAGS PA LA, , GCAN GZAN 'JIGS PA THAMS CAD LAS, ,MYUR BA NYID DU GROL BAR 'GYUR, ,AOm A'A: H'Um TRIm HR'I: SHO SHA NA HA RI HA TIRMA KA RO SA RA SA RA KA RA KA RA SV'A H'A, CHOM RKUN DAG GIS 'JIGS PA LA, ,ME TOG SNGON PO RDO RJE CAN, ,MTHING NAGS GNON PHYAG RGYA CAN, ,MCHOD NAS BDAG NYID SKYABS SU 'GRO, ,AOm AAKshO BHYA: TA KA KA RA nA GA RA KHA TI BA SVA DHI TZIKRA TA YA RI KA TZE TZA TRA TIN DU DANTA SA RA SA RA KA RA KA RA SV'A H'A, SBRUL GYI GDUG PAS 'JIGS PA LA, ,BAL PO SE 'U'I LCUG MA LA, ,BRAM ZE'I GZUGS KYI RGYAN

, ,BSGOMS NAS, ,RIN CHEN 'BYUNG LDAN SKUR BSGOMS TE, ,SPYI BOR MU TIG BYI RU DANG, ,MAN SHEL PADMA R'A GA DANG, ,AINDRA N'I LA DUNG G-YAS 'KHYIL; ;GSER DANG DNGUL DANG DUR BA DANG, ,RIN CHEN RGYAN DANG 'BRU SNAR BCAS, ,KU SHA GLA RTZI TZANDAN DANG, ,BA LU SKYER PA AUTPA LA, ,GUR GUM DRI ZHIM LUS LA BYUG ,AOm RATNA SAm BH'A BA SA TAm BI SHA SA RA SA RA KA RA KA RA SV'AH'A, ,LCE 'BAB PA YIS 'JIGS PA LA, ,STAG DANG 'BRUG GI RUS PA DANG, ,'KHAR BA'I PHYE MA LCAGS PHYE DANG, ,ZANGS PHYE RA GAN PHYE MA DANG, ,GSER GYI PHYE MA GRO BAR BTUM, ,SNANG BA MTHA' YAS SKUR BSGOMS TE, ,BYAMS PAS PHYOGS MTSAMS KUN TU BSTAN, ,DUG RNAMS SNA TSOGS DUD PAS BDUG ,AOm AA MRi TA BADZRA DZVA LA BADZRA DZVA LA, GARDZA GARDZA, SA RA SA RA KA RA KA RA SV'AH'A, MI YIS 'JIGS PA DAG LA NI; ;'BRUG RUS SEN DA WA SHA DANG, ,TIL DANG S'A LU TZI TZI DANG, ,NAS DANG GRO DANG RGUN 'BRUM GYI, ,THANG PHROM DAG LA SNGAGS BTAB STE, ,MI YI PHYOGS SU GTOR BAR BYA, ,AOm BEE RO TZA NA PRA BHA DZVA LA DZVA LA SA RA SA RA KA RA KA RA SV'AH'A, RNAM PAR SNANG MDZAD SKUR BSGOMS TE, ,ME LA GTOR NAS SA YIS GSOD, ,

CHU BO DAG GIS 'JIGS PA LA, ,MDZE CAN PHO MO'I THOD PA NI, ,RA DANG KHYI DANG PHAG GI KHRAG ,SA BDAG SDE BRGYAD GZUGS DANG BCAS, ,NANG DU BCUG STE CHU BOR DOR; ;DON YOD GRUB PA'I SKU RU GSAL, ,AOm AA MO GHA SIDDHI, AOm KA BEE T'A RA nI SA RA SA RA KA RA KA RA SV'AH'A, PHYAG STONG SPYAN YANG DE BZHIN TE, ,THUGS RJE CHEN PO'I SKU MCHOG NI, ,SO SOR GSAL ZHING BSGOM PAR BYA, ,SO SO'I DBU LA SO SOR BSAM, ,BYAMS PAS KUN LA RAB TU BLTA, ,'JIGS PA KUN LAS GROL BAR 'GYUR, ,'JIGS PA KUN SRUNG BA'I LE'U STE DRUG PA'O,, ,,SKU GDUNG ME TOG DKAR POS MCHOD, ,SA GZHI DRI YIS CHAG CHAG BTAB, ,SNYING PO GZUNGS DANG BCAS PA'AM, ,KHRU GANG TSAD KYI MCHOD RTEN LA, ,LEGS PAR MCHOD CING BSTOD PAR BGYI, ,STONG NYID YE SHES LAS BYUNG BA'I, ,THUGS RJE'I GZUGS KYI RTEN DU SHAR, ,RDZU 'PHRUL TSAD MED BZHI DANG LDAN, ,BYANG CHUB PHYOGS RNAMS YONGS SU RDZOGS, ,DRI MED DUNG 'DRA DKAR PO STE, ,RGYAL CHEN BZHI YANG DE BZHIN NO, , BYANG CHUB CHEN PO'I MCHOD RTEN NI, ,KHRI 'PHANG BCU GSUM TOG DANG LDAN, ,LHA YI ROL MO CHAR DU 'BAB, ,CHOS SGRA RGYUN MI 'CHAD PA'I GTER, ,RIN CHEN LNGA YI BDAG

, ,NYID DE; ;PHUR BUS GDAB CING YONGS SU GZUNG, ,SANGS RGYAS KUN GYI BYIN RLABS CHE, ,DE YI BSOD NAMS RAB BSTAN PA, ,MTSAMS MED LNGA DANG MI DGE BCU, ,NYON MONGS DBANG GYUR SDIG PA RNAMS, ,SKAD CIG TZAM GYIS DAG PAR 'GYUR, ,SHIN TU GTZANG BA'I GNAS DAG NI, , BYAMS LDAN SNYING RJE CAN GYIS BYAS, ,BRAM ZE'I RIGS LAS BYUNG BA YI, ,'BRI MKHAN SNYING RJE CAN GYIS BYA, ,RANG BSAM RNAM PAR DAG PA YIS, ,MDUN DU BDAR TE MCHOD PAR BYA, ,TSAD DANG KHA DOG YONGS DAG GSAL, ,YID DU 'ONG BA DAG LA'O, ,ZAS DAG YID DU 'ONG BA YI, ,DKAR GSUM SBAGS PA SPANGS BA YIS; ;SHA DANG SGOG PA LA PHUG DANG, ,ZAN DANG CHANG NI SHIN TU SPRANG, ,SHEL PHRENG PADMA'I SNYING PO DANG, ,BO DHI TZE DANG MU TIG SHIS, ,GLAL DANG SBRID PA MI TSIGS RNAMS, ,NAM YANG CHOD PAR MI BYA'O, ,YO BYAD DANG DAM TSIG BSTEN PA'I LE'U STE BDUN PA'O,, ,,LAS RNAMS SNA TSOGS SGRUB BYED NA; ;PO TI'AM LUGS MA RAS RIS LA, ,BRTEN NAS BDAG NI BYAMS SEMS LDAN, ,MUm LAS 'PHAGS PA 'JAM DPAL NI, ,DMAR SER AUTPAL PU TI

'DZIN; ;MNYAM PA SKYIL MO KRUNG GIS BZHUGS, ,BUM PA KHA DOG SER PO NI, ,RIN CHEN LNGA DANG 'BRU SNAR BCAS, ,TADYA TH'A, AOm DHA RA DHA RA, DHI RI DHI RI, DHU RU DHU RU, AIttE BAttE, TZA LE TZA LE, PRA TZA LE PRA TZA LE, KU SU ME KU SU ME WA RE, AI LI MI LI, TZI TI DZVA LA MA PA NA YA SV'AH'A, LAN BDUN YONGS SU BZLAS BYAS NA, ,GTI MUG THAMS CAD ZHI BAR 'GYUR, ,SHES RAB CHEN PO THOB PAR 'GYUR, ,RAS RIS MCHOD RTEN LA BRTEN NAS, ,MAndAL DRI ZHIM ME TOG DGRAM, ,DKAR GSUM MNGAR GSUM DAG DANG NI, ,'BRAS DANG TIL DANG YUNGS KAR DANG, ,PADMA'I RTZA BA DKAR PO LA, ,RIL BU RGYA SHUG 'BRUM BU TZAM, ,SPYAN RAS GZIGS KYI DBANG PHYUG NI, , HR'I: LAS BYUNG BA'I SKU MDOG DKAR, ,PHYAG NA PADMA MCHOG SBYIN MDZAD, ,SEMS DPA'I SKYIL MO KRUNG GIS BZHUGS, ,TADYA TH'A, AOm DHA RA DHA RA, DHI RI DHI RI, DHU RU DHU RU, AIttE BAttE, TZA LE TZA LE, PRA TZA LE PRA TZA LE, KU SU ME KU SU ME WA RE, AI LI MI LE, TZI TI DZVA LA MA PA NA YA SV'AH'A, RIL BU DAG LA SNGAGS BTAB STE, ,BYAMS PA'I SEMS DANG LDAN PAS BZA', ,SRID PA'I 'DOD CHAGS ZHI GYUR NAS, ,RAB TU BDE BA THOB PAR 'GYUR, ,MAndAL SNGON PO LEGS BYAS NAS, ,AUTPAL SNGON

, ,PO NIM PA DANG, ,AA GA RU DANG TZANDAN DANG, ,DRI YI CHU YIS BUM PA DGANG, ,PHYAG NA RDO RJE GOS SNGON CAN, ,SKU MDOG LJANG SNGON CUNG ZHIG KHRO, ,RDO RJE DRIL BU PHYAG NA BSNAMS, ,SEMS DPA'I SKYIL MO KRUNG GIS BZHUGS, ,TADYA TH'A, AOm DHA RA DHA RA, DHI RI DHI RI, DHU RU DHU RU, AAttE BAttE, TZA LE TZA LE, PRA TZA LE PRA TZA LE, KU SU ME KU SU ME WA RE, AI LI MI LI, TZI TI DZVA LA MA PA NA YA SV'AH'A, H'Um BSKYED PHYAG NA RDO RJE YIS, ,BUM PA'I CHU YIS KHRUS BYAS NA; ;ZHE SDANG RAB TU ZHI BAR 'GYUR, ,BZOD PA CHEN PO THOB PAR 'GYUR, ,DUG RAB TU ZHI BAR BYED PA'I LE'U STE BRGYAD PA'O,, ,,RAS SAM GRO GA SHING SHUN LA, ,'KHOR LO RTZIBS BZHI MU KHYUD BCAS, ,DHA RA DHA RA, DHI RI DHI RI, DHU RU DHU RU, CHE GE MO LA RAKshA RAKshA ZHES BYA'O, ,SRUNG BA LUS LA BTAGS BYAS NA, ,NAD DANG GDON DANG RIMS DANG NI, ,'JIGS PA'I NAD DANG GDON LAS THAR, ,BDE BA YONGS SU RDZOGS PAR 'GYUR, ,SKUD PA DAG NI DKAR PO LA; ;MDUD PA DAG NI RAB BYAS TE, ,BDUN NAM NYI SHU RTZA GCIG GAM, ,BRGYA RTZA BRGYAD NI LEGS BZLAS NAS, ,SRUNG BA'I DAM PA 'DI BYAS NA, ,SRUNG BA YI

NI DAM PA 'DIS, ,SRUNG BA'I MCHOG TU 'GYUR BA'O, ,MU TIG RIN CHEN BYI RU GSER, ,GA BUR GUR GUM GLA RTZI DANG, ,AA GA RU DANG DU RU SKA, ,PHUR MA SNYING GAR GDAGS PAR BYA; ;TZANDAN GLA RTZI GUR GUM DANG, ,GU GUL NAG PO BSREGS PA'I PHYE, ,BA YI 'O MAS LDE GU BYAS, ,GNAS GSUM DAG TU BYUGS PAS NI, ,GDON DANG NAD KYIS 'JIGS KUN LA, ,BYUGS PAS DE NI SRUNG BAR 'GYUR, ,SRUNG BA'I 'KHOR LO'I LE'U STE DGU PA'O,, ,,SER BA YONGS SU SRUNG BA NI, , SENG LDENG LHANG TI'I PHUR BU LA, ,GZUNGS SNGAGS BZLAS NAS DBUS SU NI, ,H'Um LAS BYUNG BA'I SKU BSKYED DO, ,PHYOGS BZHIR KHRO BO CHEN PO NI, ,SHAR DU KHAMS GSUM RNAM RGYAL NI, ,SKU MCHOG DKAR PO ME DPUNG 'BAR, ,RDO RJE 'KHOR LO SDIGS MDZUB MDZAD, ,AOm PRA DZNY'ANTA KRI TA HA NA HA NA H'Um PHAt, LHO RU GSHIN RJE GSHED PO NI, ,DMAR NAG LAG NA BE CON 'DZIN, ,AOm YA M'ANTA KRiTA TIshthA TIshtHA H'Um PHAt, NUB TU RTA MGRIN DMAR PO NI, ,ME DPUNG RDO RJE DBYUG PA 'DZIN, ,AOm HA YA GRI BA HU LU HU LU H'Um PHAt, BYANG DU KHRO GNYER CAN SKU NI, ,LJANG SNGON RAL GRI 'DZIN PA STE, ,AOm AA MO GHA KA BHRi KU tI BANDHA BANDHA H'Um PHAt, PHYOGS BZHIR PHUR BU DAG LA NE, ,BDUN NAM NYI SHU RTZA

, ,GCIG BZLAS, ,GCAN GZAN DRI MA YUNGS KAR BSRES, ,GSANG SNGAGS BZLAS SHING MKHA' LA GTOR, ,AOm BADZRA KRO DHA HU LU HU LU, TIshthA TIshthA, BANDHA BANDHA, HA NA HA NA H'Um PHAt, SER BA SRUNG BA'I LE'U STE BCU PA'O,, ,,DE NAS BCOM LDAN 'DAS KYIS 'OD ZAR RAB TU BKYE STE PHYAG STONG DANG SPYAN STONG LAS 'OD ZER BYUNG BA 'DI LTA STE, DKAR PO DANG, DMAR PO DANG, NAG PO DANG, LJANG GU DANG, SER PO STE, 'OD ZER DE DAG GIS 'GRO BA RIS DRUG PO DE DAG THAMS CAD LA KHYAB STE DBUGS DBYUNG BAR MDZAD DO, ,DE NAS RGYAL CHEN RIGS BZHI DANG, SUM CU RTZA GSUM DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED DANG, TSANGS RIS DANG, TSANGS PA KUN 'KHOR DANG, TSANGS PA MDUN NA 'DON DANG, TSANGS PA CHEN PO DANG, 'OD CHUNG DANG, TSAD MED 'OD DANG, 'OD GSAL DANG, DGE CHUNG DANG, TSAD MED DGE DANG, DGE RGYAS DANG, SPRIN MED DANG, BSOD NAMS SKYES DANG, 'BRAS BU CHE BA DANG, MI CHE BA DANG, MI GDUNG BA DANG, SHIN TU MTHONG BA DANG, GYA NOM SNANG BA DANG, 'OG MIN LA SOGS PA'I LHA'I BU DE

DAG GIS MCHOD PA'I SPRIN GYI CHAR PHAB NAS LHA'I BU RNAMS KYIS TSIGS SU BCAD PAS BSTOD PA, ,SPYAN RAS GZIGS DBANG THUGS RJE'I SKU, ,PHYAG STONG NYON MONGS SGROL BA'I PHYAG, SPYAN STONG SHES RAB 'OD GSAL TE, ,'GRO DON MDZAD LA PHYAG 'TSAL BSTOD, ,CES BSTOD NAS BCOM LDAN 'DAS THUGS RJE CHEN PO'I SKU DE MI SNANG BAR GYUR NAS BCOM LDAN 'DAS SH'AKYA THUB PAR GYUR TO, ,DE NAS LHA'I BUS GSOL PA, 'DI'I PHAN YON CI YIN ZHES ZHUS PA DANG, BCOM LDAN 'DAS KYIS BKA' STZAL PA; GANG ZHIG RGYUD 'DI YID BYED NA, ,NAD DANG RIMS DANG GDON DANG NI, ,RGYAL PO GCAN GZAN 'JIGS PA DANG, ,'JIGS PA KUN LAS GROL BAR 'GYUR, ,'DOD CHAGS ZHE SDANG GTI MUG DANG, ,MTSAMS MED SDIG PA MI DGE KUN, ,RAB TU ZHI BAR BYED PAR 'GYUR, ,DMYAL BA NGAN SONG SDUG BSNGAL DANG, ,MI KHOM BRGYAD LAS RNAM GROL TE, ,NYAN DANG 'CHAD DANG SGOM PAR 'GYUR, ,DRI MED NAM MKHA'I DKYIL LTA BUR, ,BCOM LDAN 'DAS KYANG MTHONG BAR 'GYUR, ,ZHES BKA' STZAL NAS BYANG CHUB SEMS DPA' SEMS DPA' CHEN PO 'PHAGS PA SPYAN RAS GZIGS DBANG PHYUG STAN LAS LANGS TE BCOM LDAN 'DAS KYI ZHABS LA SPYI BOS GTUGS NAS LEGS

, ,SO LEGS SO ZHES BYA BA GSUNGS NAS STAN LA 'KHOD DO, ,BYANG CHUB SEMS DPA' 'BUM PHRAG LNGA STONG DANG, LHA DANG, MI DANG, LHA MA YIN DU BCAS PA'I 'JIG RTEN YI RANG STE, BCOM LDAN 'DAS KYIS GSUNGS PA LA MNGON PAR BSTOD DO, ,PADMA COD PAN ZHES BYA BA'I RGYUD LE'U BCU GCIG PA RDZOGS SO,, ,,PAndI TA DHARMA SHR'I MI TRA DANG, LOTZTSA BA CHOS KYI BZANG POS BSGYUR CING ZHUS TE GTAN LA PHAB PA, ,