RGYA GAR SKAD DU MA H'A K'A RU nI KA N'A MA A'ARYA AA BA LO KI TE SHVA RA DH'A RA n'I AA NU SHAm SA SA HI TA S'U TR'A TA SAm GRA HI TA, BOD SKAD DU, ,'PHAGS PA SPYAN RAS GZIGS DBANG PHYUG THUGS RJE CHEN PO'I GZUNGS PHAN YON MDOR BSDUS PA ZHES BYA BA, 'PHAGS PA SPYAN RAS GZIGS DBANG PHYUG THUGS RJE CHEN PO LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS RI BO PO tA LA SPYAN RAS GZIGS DBANG PHYUG GI GNAS NA BYANG CHUB SEMS DPA' GRANGS MED DPAG TU MED PA'I 'KHOR GYIS BSKOR NAS, DE'I TSE 'PHAGS PA SPYAN RAS GZIGS DBANG PHYUG STAN LAS LANGS NAS THAL MO SBYAR ZHING BCOM LDAN 'DAS LA 'DI SKAD CES GSOL TO, ,NGA LA 'DI LTA BU'I GZUNGS YOD MING NI THUGS RJE CHEN PO ZHES ZER SEMS CAN KUN GYI MI DGE BA'I SDIG PA SHIN TU LCI BA'I SGRIB PA BDUD DANG 'JIGS PA THAMS CAD ZHI BAR BYED PA 'DOD PA THAMS CAD RAB TU TSIM PAR BYED PA'I PHYIR NGAS BSHAD DO, ,BCOM LDAN 'DAS LA BSHAD PA'I GNANG BA ZHUS NAS, DE NAS BCOM LDAN 'DAS KYIS RIGS KYI BU KHYOD KYIS THUGS RJE CHEN PO'I SGO NAS GZUNGS BSHAD PAR 'DOD PA'I DUS LA
, ,BAB BO, ,MYUR BAR BSHAD DU GSOL, ,NGA DANG SANGS RGYAS THAMS CAD KYIS KYANG RJES SU YI RANG NGO, ,BYANG CHUB SEMS DPA' 'PHAGS PA SPYAN RAS GZIGS DBANG PHYUG GIS BCOM LDAN 'DAS LA 'DI SKAD CES GSOL TO, ,GAL TE DGE SLONG NGAM, DGE SLONG MA'AM, DGE BSNYEN NAM DGE BSNYEN MA'AM, KHYE'U'AM, BU MOS 'DON PA DANG 'CHANG BAR 'DOD PAS SEMS CAN THAMS CAD KYI CHED DU THUGS RJE CHEN PO'I SGO NAS THOG MAR 'DI LTA BU'I SEMS BSKYED PAR BYA'O, ,SPYAN RAS GZIGS DBANG PHYUG THUGS RJE CHEN PO LA PHYAG 'TSAL LO, ,BDAG GIS CHOS RNAMS THAMS CAD MYUR DU RTOGS PAR SHOG ,SPYAN RAS GZIGS DBANG THUGS RJE CHE LA PHYAG 'TSAL LO, ,BDAG GIS YE SHES MIG NI MYUR DU THOB PAR SHOG ,SPYAN RAS GZIGS DBANG THUGS RJE CHE LA PHYAG 'TSAL LO, ,BDAG GIS SEMS CAN THAMS CAD MYUR DU SGROL BAR SHOG ,SPYAN RAS GZIGS DBANG THUGS RJE CHE LA PHYAG 'TSAL LO, ,BDAG GIS THABS MKHAS PA DAG MYUR DU THOB PAR SHOG ,SPYAN RAS GZIGS DBANG THUGS RJE CHE LA PHYAG 'TSAL LO, ,BDAG GI MYUR DU SHES RAB GRU YIS SGROL BAR SHOG ,SPYAN RAS GZIGS DBANG THUGS RJE CHE LA PHYAG 'TSAL LO, , BDAG NI MYUR DU SDUG BSNGAL MTSO LAS 'DA' BAR SHOG ,SPYAN RAS GZIGS DBANG THUGS RJE CHE LA PHYAG 'TSAL LO, ,BDAG NI MYUR DU TSUL KHRIMS RKANG GI LAM THOB SHOG ,SPYAN RAS
GZIGS DBANG THUGS RJE CHE LA PHYAG 'TSAL LO, ,BDAG NI MYUR DU MYA NGAN 'DA' BA'I RI 'DZEG SHOG ,SPYAN RAS GZIGS DBANG THUGS RJE CHE LA PHYAG 'TSAL LO, ,BDAG NI MYUR DU 'DUS MA BYAS KYI KHYIM PHYIN SHOG ,SPYAN RAS GZIGS DBANG THUGS RJE CHE LA PHYAG 'TSAL LO, ,BDAG NI MYUR DU CHOS NYID SKU DANG MTSUNGS PAR SHOG ,BDAG NI RAL GRI'I RI 'DZEG NA, ,RAL GRI'I RI NI RANG SNYIL SHOG ,BDAG NI CHU TSAN 'PHRAD GYUR NA, ,CHU TSAN ME TSUR RANG ZHIR SHOG ,SEMS CAN DMYAL BAR BDAG SONG NA, ,SEMS CAN DMYAL BA RANG SKAMS SHOG ,BDAG NI YI DVAGS GNAS SONG NA, ,BKRES SKOM DAG NI 'GRANGS PAR SHOG ,BDAG NI LHA MIN GNAS SONG NA, ,NGAN SEMS RANG NYID DUL BAR SHOG ,BDAG NI DUD 'GRO GNAS SONG NA, ,RANG NYID SHES RAB CHE THOB SHOG ,DE SKAD DU SMON LAM BTAB NAS SEMS RTZE GCIG TU BDAG GI MING NAS 'DON CING RJES SU DRAN PAR BGYI'O, ,GZHAN YANG BDAG GI STON PA DE BZHIN GSHEGS PA 'OD DPAG MED KYI MTSAN 'DON CING, DE NAS GZUNGS 'DI LAN CIG GAM LAN BDUN GYI BAR DU BTON NA, BSKAL PA 'BUM PHRAG BRGYA STONG JI SNYED 'KHOR BAR 'GYUR PA'I KHA NA MA THO BA'I LCI BA RNAMS BSAL CING 'BYANG BAR 'GYUR LAGS SO, ,GAL TE THUGS RJE CHEN PO 'DI 'DON CING 'CHANG NA 'CHI BA'I DUS KYI TSE, PHYOGS BCU'I DE BZHIN GSHEGS PA RNAMS DER GSHEGS NAS PHYAG RKYONG BAR 'GYUR BAS BSAMS PA BZHIN DU SANGS RGYAS KYI ZHING GANG DANG GANG DU SKYE BAR 'DOD PA DE DANG
, ,DER SKYE BAR 'GYUR LAGS SO, ,BCOM LDAN 'DAS LA YANG 'DI SKAD CES GSOL TO, ,BCOM LDAN 'DAS SEMS CAN GANG LA LA ZHIG THUGS RJE CHEN PO'I RIG SNGAGS 'DI 'DON CING YONGS SU 'DZIN PA DAG GAL TE NGAN SONG GSUM PO DAG TU LTUNG BAR GYUR NA BDAG NAM YANG MNGON PAR RDZOGS PAR SANGS RGYA BAR MI BGYI'O, ,THUGS RJE CHEN PO'I RIG SNGAGS 'DI 'DON CING YONGS SU 'DZIN PA DAG GAL TE TING NGE 'DZIN DANG SPOBS PA TSAD MED PA JI SNYED THOB PAR MA GYUR NA BDAG NAM YANG MNGON PAR RDZOGS PAR 'TSANG RGYA BAR MI BGYI'O, , THUGS RJE CHEN PO'I RIG SNGAGS 'DI 'DON CING YONGS SU 'DZIN PA DAG GAL TE TSE 'DI NYID LA SMON PA THAMS CAD CI LTAR SMON PA BZHIN DU GRUB PAR MA GYUR NA THUGS RJE CHEN PO'I SEMS KYI GZUNGS ZHES MI BGYI LAGS TE, MI DGE BA RNAMS DANG SEMS RTZE GCIG TU MA BGYIS PA NI MA GTOGS LAGS SO, ,BUD MED GANG LA LA ZHIG BUD MED KYI LUS LAS YONGS SU SKYO NAS SKYES PA'I LUS THOB PAR 'TSAL BA GANG LAGS PA DES THUGS RJE CHEN PO'I SEMS KYI GZUNGS KYI TSIG 'DI GDON CING YONGS SU GZUNG BAS GAL TE BUD MED KYI LUS LAS YONGS SU GYUR TE SKYES PA'I LUS THOB PAR MA GYUR NA BDAG NAM YANG MNGON PAR RDZOGS PAR 'TSANG RGYA BAR MI BGYI'O, ,THE TSOM GYI BSAM PA CUNG ZAD CIG BSKYED PAR GYUR NA GDON
MI ZA BAR GANG SMON PA'I 'BRAS BU DE MNGON PAR 'GRUB PAR MI 'GYUR LAGS SO, ,DE SKAD CES SMRAS NAS 'KHOR 'DUS PA'I MDUN DU THAL MO SBYAR TE, DRANG POR 'DUG NAS SEMS CAN RNAMS LA THUGS RJE CHEN PO'I SEMS BSKYED DE 'DZUM PA'I MDANGS KYIS THOGS PA MI MNGA' BA'I THUGS RJE CHEN PO'I SEMS RGYA CHER YONGS SU RDZOGS PA ZHES BYA BA'I GZUNGS GYA NOM PA 'DI DAG SMRAS SO; ;SNYING PO NI, AOm MA nI PADME H'Um, GZUNGS NI, NA MO RATNA TRA Y'A YA, NA MA A'ARYA AA BA LO KI TE SHVA R'A YA, BO DHI SATV'A YA, MAH'A SATV'A YA, MAH'A K'A RU nI K'A YA, TADYA TH'A, AOm SARBA BANDHA NA, TZTSE DA NA KA R'A YA; SARBA P'A PA SA MU DRA AUTZTSO shA nA KA R'A YA, SARBA BY'A DHI PRA SHA MA NA KA R'A YA, SARBA AI TYU BA DRA BA BI N'A SHA NA KA R'A YA, SARBA BHA YE shU TRA n'A [?] YA, TA SYA NA MA SKRi TV'A AI DAm A'ARYA AA BA LO KI TE SHVA RA TA BA N'I LA KAnthA N'A MA HRi DA YAm, A'A BARTA YI shY'A MI SARBA AARTHA S'A DHA NA, SHU BHA TZE TA NA, SARBA SATV'A N'Am, P'A PA M'ARGA BI SHO DHA KA ,TADYA TH'A, AA BA LO KI LO KA MA TI, LO KA GA TI, AE HYE HI, MA H'A BO DHI SATVA, HE BO DHI SATVA; HE MA H'A BO DHI SATVA, HE PRI YA BO DHI SATVA, HE K'A RU nI K'A SMA RA HRi DA YAm, AE HYE HI, A'ARYA AA BA LO KI TE SHVA RA PA RA MA MEE TRI TZI TTA K'A RU nI KA, KU RU KU RU, KARMAm S'A DHA YA S'A DHA YA, BI DAm [?] DE HI DE HI ME, AA RAm GA MAm GA MA, BI HAm GA MA H'A SIDDHA YO G'I SHVA RA, DU HU DU HU, B'I RA YANTE, MA H'A B'I RA YANTE, DHA RA DHA RA, DH'A RA n'I SHVA RA, DZVA LA DZVA LA, BI MA LA AA MA LA, M'URTI A'ARYA AA BA LO KI TE SHVA RA KRishnA
, ,AA DZI NA, DZA t'A MA KU tA, AA LAm KRi TA SHA R'I RA, AA LAm PA, PRA LAm PA, BI LAm PA, MAH'A SIDDHA, SHUDDHA DHA RA, BA LA BA LA, MAH'A BA LA, MAH'A MA LA MAH'A MA LA; DZVA LA DZVA LA, MAH'A DZVA LA, KRishnA PAKshA KRishnA BARnA, KRishnA P'A SHA ,NI RGH'A TA NA, HE PADMA HASTA, DZA YA KA RA NI SH'A TZA RE SHVA RA, KRishnA SARBA KRi TA YADZNYO PA B'I TA, AE HYE HI B'A R'A HA MU KHA TRI PU RA DA HA N'I SHVA RA N'A R'A YA nA PA LA R'U PA BE shA DHA RI, HE N'I LA KAnthA, HE MAH'A HA L'A HA RA, BI shA NI RA DZ'I TA LO KA SYA, R'A GA BI shA N'A SHA NA, DVE shA BI shA N'A SHA NA, MO HA BI shA N'A SHA NA, NI RA MO KshA nA, HU LU HU LU, MUNYTZA MUNYTZA, MU HU LU MU HU LU, H'A LA H'A LA, MAH'A PADMA N'A BHI, SA RA SA RA, SI RI SI RI, SU RU SU RU, BUDDHYA, BUDDHYA, BO DHA YA BO DHA YA, BO DHA Y'A MI, TA BA N'I LA KAnthA, AE HYE HI N'I LA KAnthA, AE HYE HI B'A MASKRI TA, SI DHA MU KHA, SA HA SA HA, MUNYTZA MUNYTZA, MAH'A AAtt'A tt'A HA SA NI RA N'A DI NI, AE HYE HI, BHO BHO MAH'A SIDDHA YO G'I SHVA RA, BAN DHA BAN DHA WA TZAm S'A DHA YA S'A DHA YA, BIDY'Am SNA RA SMA RA TV'Am, HE BHA GA B'A NA, LO KA BI LO KA STVAm, TA TH'A GA T'A NG'A NG'Am HI ME DARSHA NAm, PRA S'A DHA Y'A MI SV'AH'A, SIDDH'A YA SV'A H'A, MA H'A SIDDH'A YA SV'A H'A, SIDDH'A YO G'I SHVA R'A YA SV'AH'A, N'I LA KAnthAYA SVA' H'A, B'A R'A HA MU KH'A YA SV'A H'A, SI DHA MU KH'A YA SV'A H'A, MA H'A NA RA SIDDHA MU KH'A YA SV'A H'A, SIDDHA BIDY'A BHA R'A YA SV'A H'A, PADMA HA ST'A YA SV'A H'A, MA H'A PADMA HA ST'A YA
SV'AH'A, BADZRA HAST'A YA SV'A H'A, MA H'A BADZRA HA ST'A YA SV'A H'A, KRishnA SA RA YA KRi TA YADZNYHO PA B'I T'A YA SV'A H'A, MAH'A K'A LA MU YU tA DHA R'A YA SV'A H'A, TZA KRA A'A YU DHA DHA R'A YA SV'A H'A, SHI KHA SHABDHA NI RA N'A DA NA KA R'A YA SV'A H'A, BO DHA NA KA R'A YA SV'A H'A, P'A MASKANDHA DE SHA STHI TA KRishnA AA DZI N'A YA SV'A H'A, B'A MA HA STE BY'A GHRA TZA RA MA nI B'A SA N'A YA SV'A H'A, LO KI SHVA R'A YA SV'A H'A, MAH'A LO KI SHVA R'A YA SV'A H'A, SARBA SIDDHE SHVA R'A SV'A H'A, RAKshA RAKshA M'Am SV'A H'A, KU RU RAKshA M'URT'I N'Am SV'A H'A, NA MO BHA GA WA TE A'ARYA AA BA LO KI TE SHVA R'A YA, BO DHI SATV'A YA, MAH'A SATV'A YA, MAH'A K'A RU nI K'A YA, SIDDHYA NTU ME MANTRA PA D'A NI SV'A H'A, DE NAS BYANG CHUB SEMS DPA' SPYAN RAS GZIGS DBANG PHYUG GIS GZUNGS 'DI BSTAN ZIN NAS, GZUNGS 'DI 'DON CING YONGS SU 'DZIN PA DAG GI CHED DU, GNOD PA DANG BGEGS YONGS SU BSAL BA'I PHYIR, SHIN TU DANG BA'I TSIGS SU BCAD PA 'DI DAG SMRAS SO, ,GANG ZHIG RI DANG 'BROG DGON SONG BA LAS, STAG DANG SPYANG KI GCAN GZAN GTUM PO DANG, ,RTZANGS PA SBRUL DANG 'DRE SRIN PHRAD GYUR KYANG, ,GZUNGS 'DI 'DON PA THOS NAS GNOD MI NUS, ,GANG ZHIG CHU BO RGYA MTSOR ZHUGS PA LAS, ,GDUG PA'I KLU DANG CHU SRIN MA RUNGS DANG, ,GNOD SBYIN SRIN PO NYA DANG RU SBAL DAG ,GZUNGS 'DI THOS NAS SO SOR 'BYOR BAR 'GYUR, ,GANG ZHIG G-YUL SPRAD DGRA YIS BSKOR BA'AM, ,CHOM RKUN MA RUNGS NOR NI 'PHROG PA'I TSE, ,
, ,RTZE GCIG THUGS RJE CHEN PO'I GZUNGS BZLAS NA, ,DE DAG BRTZE SEMS SKYES NAS LDOG PAR 'GYUR, ,GANG ZHIG RGYAL PO'I GYOD LA THOGS PA DANG, ,LCAGS SGROG KHONG SGRIL BTZON RAR CHUD PA'I TSE, ,RTZE GCIG THUGS RJE CHEN PO'I GZUNGS BZLAS NA, ,RGYAL PO BRTZE SEMS KYIS NI GTONG BAR 'GYUR,, GANG ZHIG BYAD STEMS DUG MA'I KHYIM ZHUGS TE, ,ZAS SKOM DUG CAN GYIS NI GSOD PA'I TSE, ,RTZE GCIG THUGS RJE CHEN PO'I GZUNGS BZLAS NA, ,DUG NI ZIL DNGAR ZAS SKOM NYID DU 'GYUR, ,BUD MED SBRUM MA BU NI BTZA' BA'I TSE, ,BDUD KYIS BGEGS BYAS SDUG BSNGAL MI BZOD TSE, ,RTZE GCIG THUGS RJE CHEN PO'I GZUNGS BZLAS NA, ,'DRE GDON BYER NAS BDE BAR BTZA' BAR 'GYUR, ,KLU GDON GTUM POS GDUG PA'I DBUGS BTANG BAS, ,TSA BA'I NAD KYIS NYIN NAS 'CHIR NYE TSE, ,RTZE GCIG THUGS RJE CHEN PO'I GZUNGS BZLAS NA, ,RIMS NAD BSAL NAS TSE NI RING BAR 'GYUR, ,KLU GDON RGYU BAS GTZES TE SKRANGS PA DANG, ,SHU 'BRAS MI BZAD RNAG KHRAG 'DZAG PA'I TSE, ,RTZE GCIG THUGS RJE CHEN PO'I GZUNGS BZLAS NA, ,MCHIL MA LAN GSUM BYUGS PAS SKRANGS PA ZHI, ,SEMS CAN RNYOG PA MI DGE SPYOD PAS NA, ,
BYAD STEMS SNGAGS DANG DGRAS NI GTZOS PA'I TSE, ,RTZE GCIG THUGS RJE CHEN PO'I GZUNGS BZLAS NA, ,BYAD STE MAS GDON DE GTONG PA'I MI LA 'DUD, ,SDIG 'PHEL SNYIGS MA DAM CHOS 'JIG PA'I TSE, ,'DOD PA'I ME MCHED SEMS NI RMONGS LOG PAS, ,KHYO SHUG SO SOR GZHAN LA 'DOD ZHEN NAS, ,NYIN MTSAN LOG BSAM RGYUN NI MI 'CHAD TSE, ,GANG ZHIG THUGS RJE CHEN PO'I GZUNGS BZLAS NA, ,'DOD PA'I ME ZHI LOG PA'I SEMS BSAL 'GYUR, ,BDAG GIS GZUNGS 'DI MTHU STOBS RGYAS BRJOD NA, ,BSKAL BAR BRJOD KYANG MTHAR THUG YID MI 'GYUR, ,GAL TE THUGS RJE CHEN PO'I GZUNGS 'DI 'DON CING YONGS SU 'DZIN PA DE DAG CHU KLUNG DAM RGYA MTSOR ZHUGS TE KHRUS BYAS PA LAS, DE NA GNAS PA'I SEMS CAN DE DANG DE DAG GI LUS BKRUS PA'I CHUS LUS LA REG PAR GYUR NA SDIG PA'I LAS DANG, KHA NA MA THO BA'I LCI BA THAMS CAD YONGS SU BYANG NAS, ZHING YONGS SU DAG PA GZHAN DAG TU PADMA LA RDZUS TE SKYE BAR 'GYUR BAS MNGAL DANG, DROD GSHER DANG, SGO NGA LAS SKYES PA'I LUS LEN PAR MI 'GYUR NA, KHA DON DU 'DON PA DANG 'CHANG BA LA LTA SMOS KYANG CI DGOS, GZUNGS 'DI 'DON CING YONGS SU 'DZIN PA DE DAG LAM DU ZHUGS NAS 'GRO BA'I TSE RLUNG CHEN PO LANGS TE GANG ZAG DE'I LUS DANG, SPU DANG SKRA DANG, GOS LA
, ,BUS PA'I RLUNG GANG YIN PA DE'I PHYOGS SU SONG BA'I SEMS CAN GZHAN GYI LUS LA REG PAR GYUR NA, DE DAG GI SGRIB PA DANG, SDIG PA'I LAS [?] PA THAMS CAD MA LUS PAR YONGS SU 'BYANG BAR 'GYUR BAS YANG NGAN 'GRO GSUM PO DAG GI RNAM PAR SMIN PA MYONG BAR MI 'GYUR ZHING RTAG PAR SANGS RGYAS KYI SPYAN SNGAR SKYE [?] 'GYUR BAS NA 'DON PA DANG, YONGS SU 'DZIN PA DE DAG GIS THOS PA'I PHAN YON NI BSAM GYIS MI KHYAB PAR RIG PAR BYA'O, ,'PHAGS PA SPYAN RAS GZIGS DBANG PHYUG [?] CHEN PO'I GZUNGS PHAN YON DANG BCAS PA ZHES BYA BA MDO LAS BTUS PA RDZOGS SO,, ,,DGE SLONG SH'AKYA YE SHES KYIS BSGYUR BA'O, ,