RGYA GAR SKAD DU, DA SHA BHU MI DH'A R'A nI, BOD SKAD DU,
SA BCU PA'I GZUNGS, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,DE NAS GSANG SNGAGS LA 'JUG PA RNAMS KYIS DGOS PA THAMS CAD SO SOR SPRUL PAR 'GYUR BA NI, AOm ZHES BYA BA DON YOD ZHAGS PA PADMA GTZUG TOR GYI DKYIL 'KHOR THAMS CAD DU GSANG SNGAGS YI GE GCIG PO 'JIG RTEN MGON PO'I SPYAN SNGAR 'BUM DRAN PAR BYAS NA SA DANG PO LA GNAS PAR 'GYUR RO, ,SNGON SDIG PA BSAGS PA'I SEMS CAN DMYAL BA MI BZAD PA GANG CI YANG RUNG BA DE DAG THAMS CAD JI LTAR RLUNG GIS PHYAG DAR GTOR BA BZHIN 'JIG PAR 'GYUR RO, ,DNGOS GRUB THAMS CAD THOB PAR 'GYUR, DON THAMS CAD RJES SU 'JUG PAR 'GYUR, DE BZHIN GSHEGS PA THAMS CAD DANG, GANG DKYIL 'KHOR GYI LHA GZHAN YANG DGYES PAR 'GYUR LA, 'PHAGS PA SPYAN RAS GZIGS DBANG PHYUG RTAG TU MCHOG SBYIN PAR MDZAD DO, ,GSANG SNGAGS AOm ZHES BYA BA DRAN NAS TSE 'PHOS PA NI 'JIG RTEN GYI KHAMS BDE BA CAN DU 'GRO BAR 'GYUR RO, ,GSANG SNGAGS YI GE GCIG PA'O, ,AOm BHU: YI GE GNYIS PA 'BUM BZLAS BRJOD BYAS NAS GNYIS PA'I YON TAN THOB PAR 'GYUR RO, ,DE BZHIN GSHEGS PA SNANG BA MTHA' YAS KYI SPYAN SNGAR 'DUG PAR 'GYUR ZHING, MCHOG THAMS CAD RJES SU SBYIN PAR MDZAD DO, ,SDIG PA THAMS CAD KYANG RNAM PAR DAG PAR MDZAD, SNGON GYI LAS NGAN GYI NAD KYANG SOS PAR 'GYUR, NOR GYI DBANG PHYUG NOR BU BZANG PO'I BU DBANG DU 'GYUR ZHING NYE BAR GNAS PAR 'GYUR
, ,RO, ,MI GANG GIS KYANG PHYIR ZHING BAR CHAD BYED NUS PAR MI 'GYUR, TSE 'PHOS NAS KYANG RI GRU 'DZIN TU SKYE BAR 'GYUR, DON YOD ZHAGS PA'I DNGOS GRUB KYANG THOB PAR 'GYUR RO, ,YI GE GNYIS PA'O, ,AOm PADME, GSANG SNGAGS YI GE GSUM PA 'BUM BZLAS BRJOD BYAS NAS GSUM PA LA YANG DAG PAR 'JUG PAR 'GYUR, PADMA YANGS PA'I DKYIL 'KHOR GYI PHYAG RGYA DANG GSANG SNGAGS GANG YIN PA THAMS CAD LA ZHUGS PAR 'GYUR, 'PHAGS PA SPYAN RAS GZIGS DBANG PHYUG GZHON NU'I CHA BYAD CAN MDUN NA BZHUGS PAR 'GYUR RO, ,'DOD PA THAMS CAD KYI MCHOG RJES SU SBYIN PAR MDZAD DO, ,DON YOD ZHAGS PA'I PADMA GTZUG TOR GYI DKYIL 'KHOR STON PAR MDZAD, DE BZHIN GSHEGS PA THAMS CAD KYI GSANG BA'I DKYIL 'KHOR RNAMS STON PAR MDZAD, THAMS CAD DU DNGOS GRUB RJES SU SBYIN PAR MDZAD DO, ,YI GE GSUM PA'O, ,AOm PADMA HR'I: GSANG SNGAGS YI GE BZHI PA 'BUM BZLAS BRJOD BYAS NAS BZHI PA LA 'JUG PAR 'GYUR, 'PHAGS PA DE BZHIN GSHEGS PA MI 'KHRUGS PA SKU MDOG GSER GYI KHA DOG CAN MDUN NA BZHUGS SHING DPUNG PA BRKYANG NAS PHYAG SPYI BOR 'JOG PAR MDZAD LA, RIG SNGAGS 'CHANG LA LEGS SO ZHES BYA BA RJES SU SBYIN PAR MDZAD DE, RIG SNGAGS 'CHANG TSUR SHOG KHYOD KYI SDIG PA DANG SGRIB PA THAMS CAD YONGS SU DAG STE, RANG GI NGO BO THAMS CAD SHIN TU DRI MA MED PAR YONGS SU DAG GO, ,MI'I 'JIG RTEN 'DI NAS TSE 'PHOS NAS
NGA'I SANGS RGYAS KYI ZHING DU 'ONG ZHING TSE RABS DRAN PAR 'GYUR RO, ,PHYIR ZHING NAMS KYANG MNGAL NA GNAS PAS GOS PAR MI 'GYUR, 'JIG RTEN PA'I DGOS PA THAMS CAD 'GRUB PAR 'GYUR RO, ,SA BZHI PA'O, ,AOm PADMA BHU DZE GSANG SNGAGS YI GE LNGA PA 'BUM BZLAS BRJOD BYAS NA SA LNGA PA LA GNAS PAR 'GYUR RO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS PADMA'I BLA MA RAB TU STON PAR MDZAD DO,, SGRIB PA THAMS CAD YONGS SU ZAD PAR 'GYUR RO, ,RIG SNGAGS 'CHANG LA LEGS SO ZHES BYA BA'I SGRA SBYIN PAR 'GYUR TE, RIG SNGAGS 'CHANG LEGS SO LEGS SO, ,KHYOD LA BSOD NAMS KYI PHUNG PO CHEN PO SKYES TE, RIG SNGAGS 'CHANG KHYOD DGE BA'I RTZA BA CHEN PO BSKYED PAS RIG SNGAGS 'CHANG KHYOD TSE 'PHOS NAS DE BZHIN GSHEGS PA BYE BA KHRAG KHRIG DGU BCU RTZA GNYIS KYI DRUNG DU DGE BA'I RTZA BA MTSUNGS PAR BSKYED PAR 'GYUR ZHING, NGA'I SANGS RGYAS KYI ZHING DU SKYE BAR 'GYUR, KHYOD KYIS DON YOD ZHAGS PA'I PADMA'I GTZUG TOR GYI SNYING PO DANG, GSANG BA'I DKYIL 'KHOR DANG, PHYAG RGYA CHEN PO'I RIN PAR BYE BA 'GRUB CING RIG SNGAGS 'CHANG KHYOD SDIG PA DANG SGRIB PA THAMS CAD SPANGS KYIS BYA BA THAMS CAD KYIS SHIG ,YID LA BYA BA'I SGRUB PA THAMS CAD JI LTAR 'DOD PA BZHIN DU DE DAG THAMS CAD SHIN TU GRUB PAR 'GYUR RO, ,SA LNGA PA'O, ,AOm PADMA LO KI TE, GZUNGS SNGAGS YI GE DRUG PA 'BUM BZLAS BRJOD BYAS NA SA DRUG PA 'THOB STE 'JUG PAR 'GYUR, DE BZHIN GSHEGS PA THAMS
, ,CAD SNANG BAR MDZAD PAR 'GYUR, STONG GSUM GYI STONG CHEN PO'I 'JIG RTEN GYI KHAMS KYI RDUL PHRA MO SNYED KYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS GZIGS SHING MNGON SUM DU STON PAR MDZAD, DBUGS 'BYIN PAR MDZAD DO, ,DE NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS PADMA GZIGS PA'I RGYAL MTSAN DES RIG SNGAGS 'CHANG DE LA YANG DAG PAR DBUGS 'BYIN PAR MDZAD DE, RIG SNGAGS 'CHANG KHYOD NGA'I SANGS RGYAS KYI ZHING DU BYANG CHUB KYI SNYING PO'I MTHAR THUG GI BAR DU TSUR SHOG, LAS BYAS PA SHIN TU YONGS SU ZAD CING, KHYOD KYIS SEMS CAN DMYAL BA'I SGO RNAMS BCAD, KHYOD KYIS SANGS RGYAS KYI ZHING THAMS CAD KYI SGO RNAMS NI PHYE, KHYOD KYIS DE BZHIN GSHEGS PA RNAMS KYI SA BON DANG RIGS SPYI NI KHONG DU CHUD, KHYOD KYIS DON YOD PA'I ZHAGS PA'I PADMA'I GTZUG TOR GYI SNYING PO DANG, GSANG BA'I DKYIL 'KHOR NI GRUB, KHYOD KYIS THAMS CAD DU GNAS KYI SGO RNAMS NI PHYE BAS, 'JIG RTEN DANG 'JIG RTEN LAS 'DAS PA'I LAS SGRUB PA RNAMS JI LTAR YID LA BYAS PA BZHIN LAS THAMS CAD BYOS SHIG, AOm PADMA DZVA LA H'Um DHRi KA, YI GE BDUN PA 'BUM BZLAS BRJOD BYAS MA THAG TU TING NGE 'DZIN PADMA DRI MA MED PA SGRIB PA DANG BRAL PA DAG PA ZHES BYA BA THOB PAR 'GYUR LA, TING NGE 'DZIN GANG THOB PAS LUS SHIN TU 'BAR BAR 'GYUR
ZHING, 'OD ZER KHA DOG SNA TSOGS SU 'GYUR, SA BDUN PA LA GNAS PAR 'GYUR, LUS KYI SNANG BA GANG GIS STONG GSUM GYI STONG CHEN PO'I 'JIG RTEN GYI KHAMS KYI SANGS RGYAS KYI ZHING THAMS CAD KYI GNAS RNAMS SNANG BAR BYED CING, GANG DANG GANG DU 'OD ZER CHEN PO CHER 'BAR BA RNAM PA SNA TSOGS PA DAG BAB PA LAS ME TOG GI CHAR SNA TSOGS PA RNAMS 'BYUNG BAR 'GYUR LA DE BZHIN GSHEGS PA LA MCHOD PAR 'GYUR RO, , DE NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DRI MA MED PA'I 'OD ZER 'BAR BA GSER GYI KHA DOG CAN DPUNG PA BRKYANG STE, PHYAG G-YAS PA RIG SNGAGS 'CHANG GI SPYI BOR 'JOG CING LEGS SO ZHES BYA BA BYIN NAS DBUGS 'BYIN PAR MDZAD DE, RIG SNGAGS 'CHANG LEGS SO LEGS SO 'DI NI SANGS RGYAS BCOM LDAN 'DAS KYI SNYING PO GSANG BA BRJOD KYI CHO GA MCHOD PA'I MCHOG YIN NO, , 'DI NI 'PHAGS PA SPYAN RAS GZIGS DBANG PHYUG GI SNYING PO GSANG BA GCES PA'I DKYIL 'KHOR DON YOD PA PADMA GTZUG TOR GYI SNYING PO YANG DAG PA'O, ,RIG SNGAGS 'CHANG KHYOD KYI DKYIL 'KHOR MTHA' DAG RDZOGS PA DANG, PADMA GTZUG TOR GYI SNYING PO'I CHO GA ZHI BA MO DANG, DON YOD ZHAGS PA'I SNYING POR SPRUL PA GRUB KYIS, RIG SNGAGS 'CHANG BA'I SANGS RGYAS KYI ZHING DU SONG LA SANGS RGYAS KYI MDZAD PA GYIS SHIG, AOm AA MO GHA MA nI PADME, GZUGS KYI SNYING PO YI GE BRGYAD PA 'BUM BZLAS BRJOD BYAS NA LUS SHIN TU YONGS SU DAG CING DRI MA MED PAR 'GYUR, BZLAS BRJOD BYAS PA TZAM
, ,GYIS NOR BU RIN PO CHE ME SHEL LTAR PHYI NANG SHIN TU YONGS SU DAG PA STE, DE LTAR RIG SNGAGS 'CHANG LUS YONGS SU DAG PAR 'GYUR SA BRGYAD PA LA GNAS PAR GYUR, BYANG CHUB SEMS DPA' SEMS DPA' CHEN PO 'PHAGS PA SPYAN RAS GZIGS DBANG PHYUG RANG GI LUS YONGS SU DAG PA RANG GI GZUGS KYI NGO BOR STON CING, RIG SNGAGS 'CHANG GI MDUN DU GNAS PA LA RIG SNGAGS 'CHANG YANG DAG PAR DBUGS 'BYIN PAR MDZAD DE, PHYAG G-YAS PA MGO'I SPYI BOR 'JOG PA MDZAD, LEGS SO ZHES BYA BA YANG SBYIN PAR MDZAD DE, RIG SNGAGS 'CHANG LEGS SO LEGS SO, ,RIG SNGAGS 'CHANG KHYOD LHAG PA'I BSAM PA DGA' BA LA ZHUGS SO, ,RIG SNGAGS 'CHANG SANGS RGYAS KYI ZHING MNYAM PAR 'BREL PA'I 'JIG RTEN RNAM PAR LTA BAR TSUR SHOG ,DER KHYOD KYIS SANGS RGYAS KYI MDZAD PA BYED PAR 'GYUR RO, ,KHYOD KYIS DON YOD ZHAGS PA PADMA'I GTZUG TOR GYI SNYING PO DKYIL 'KHOR GSANG BA GRUB KYIS, 'JIG RTEN DANG, 'JIG RTEN LAS 'DAS PA'I SGRUB PA DAM PA BYA BA THAMS CAD GYIS SHIG, AOm PADMO LO TZA NE HU RU H'Um, GZUNGS SNGAGS YI GE DGU PA 'BUM BZLAS BRJOD BYAS NAS DGU PA LA GNAS PAR 'GYUR, 'PHAGS PA SPYAN RAS GZIGS DBANG PHYUG GI SRAS KYI GTZO BOR 'GYUR, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BYE BA KHRAG KHRIG DGU BCU DAG RIG SNGAGS 'CHANG LA MNGON SUM DU
STON CING, SANGS RGYAS KYI YUL RNAM PAR SPRUL PA SNA TSOGS STON PAR BYED DE, RIG SNGAGS 'CHANG GI SPYI BOR THAMS CAD KYI PHYAG 'JOG PAR MDZAD DE, LEGS SO ZHES BYA BA YANG SBYIN PA MDZAD DE, RIG SNGAGS 'CHANG CHEN PO LEGS SO LEGS SO, ,KHYOD KYIS NGAL ZHING SBYANGS PA'I LAS LEGS PAR SGRUB PAR BYAS SO, ,KHYOD KYIS 'JIG RTEN PA DANG, 'JIG RTEN LAS 'DAS PA SANGS RGYAS NYID DU SGRUB PA GRUB STE, DON YON ZHAGS PA'I DKYIL 'KHOR GYI CHO GA ZHI BA MOR SGRUB PA DANG, MDO SDE DANG, LUNG DANG BCAS PA SGRUB PA DANG, 'JIG RTEN GYI 'DREN PAS BSTAN PA GANG YIN PA DE DAG GRUB PA YIN, AOm PADMOO shnI shA PI MA LE H'Um PHAt, GSANG SNGAGS YI GE BCU PA 'BUM BZLAS BRJOD BYA NA PHYIR MI LDOG PAR GYUR NAS SA BCU LA GNAS PAR 'GYUR ZHING, LHAG DANG, MI'I SKYE DGU DAG 'DI NI DE BZHIN GSHEGS PA'O, , ZHES BRJOD LA, BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR 'GYUR, DON YOD ZHAGS PA PADMA'I GTZUG TOR GYI 'KHOR LOS SGYUR BAR 'GYUR TE, THE TSOM MI BYA'O, ,GSANG SNGAGS YI GE BCU PA'I SGRUB PA DE KHO NA NYID KYI DNGOS GRUB BLA NA MED PA 'DI NI DON YOD ZHAGS PA'I SNYING PO RNAM PAR SPRUL PA BZLAS BRJOD TZAM GYIS 'GRUB PA YIN TE, BDAG GIS SNGAR BSTAN PA THAMS CAD LHAG PAR ZHEN PA GTZANG MA, GTZANG SBRA SPYOD PA, GOS GTZANG MA BGOS PA, BYAMS PA'I SEMS DANG, SNYING RJE SKYES PAR BDEN PAR SMRA BA, BLA MA LA GUS PA, DKON MCHOG GSUM LA DAD PA CHE BA,
, ,BLA MA DANG SLOB DPON LA RTAG TU MCHOD PA BYED PA 'DI NI BZLAS BRJOD KYI CHO GA YIN TE, SANGS RGYAS KYI BYANG CHUB BLA NA MED PAR BSTAN TO, ,SA BCU BA'I GZUNGS PHAN YON DANG RTOG PA RDZOGS SO,, ,,