BOD SKAD DU, 'JUR 'GEGS ZHES BYA BA'I GZUNGS, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,SER SNA LAS CHER LHAG PA, GZHAN GYI LA 'JUR 'GEGS BYAS PA'I NYES PA'I 'BRAS BU 'DI LTA STE, 'PHAGS PA SH'A RI'I BU DANG, 'PHAGS PA MOO GAL GYI BU GNYIS BAS MTHA' ZHIG NA SO SOR RTOG PA'I SHES RAB
YID LA BYED CING YOD PA LAS, NYI MA'I GUNG LA GNYIS POS KHAMS GSENG DU MCHIS PA'I SA NA YI DVAGS ME LUS SNGO LA SKAM PA, KHOG KHOG ZER BA, SKRA 'DZINGS PA; MIG DMAR LA MI G-YON DU YO BA, MA MCHU RING LA G-YAS SU YO BA, SKE DANG, RKANG LAG SHIN TU PHRA LA RING BA, LAG PA KHU TSUR BSDAMS PA'I SEN MOS THAD KAR PHUG NAS SEN MO SNGO ZANG NGE YOD PA, KHA NAS SGRA RNAM PA LNGA SGROG PA NI, 'DI LTA STE, DGOS NA ZHES BYA BA DANG, MED NA ZHES BYA BA DANG, MA SBYIN CIG CES BYA BA DANG, STER NA YANG CHE CHES PAR 'ONG NGO ZHES BYA BA DANG, DE TZAM JE CHES KYIS PHRI LA BYIN CES BYA BA DANG LNGA BRJOD PA, SKYI ZING BYED PA ZHIG DANG PHRAD PA LAS, DER GANG ZAG GNYIS PO DES BSAM PA, DGON PA BAS GRONG YUL THAG NYE LA ZAS MOD PAS GRONG KHYER DU PHYIN TE BSLANGS PAS DKAR GSUM DANG, MNGAR GSUM DANG, 'BRAS DANG, NAS KYI ZAN LA SOGS PA BZA' BA DANG, BTUNG BA MANG DU RNYED NAS YI DVAGS KYI DRUNG DU KHYER TE PHYIN NAS BSTABS PAS MI LEN PAR GONG GI SGRA RNAM PA LNGA SGROG CING BROS SO, ,DER GANG ZAG GNYIS PO DES SHIN TU MA DGA' NAS YI DVAGS MO DE'I SEMS SU SONG NAS, GZHAN YID LA MA DRAN TE BCOM LDAN
, ,'DAS 'OD MA'I TSAL NA BZHUGS PA CAN DU DE MA THAG PHYIN TE ZHABS LA PHYAG BTZAL BAS 'KHANGS NAS THANG CHAD DE DRI BA MA SPOBS SO; ;BCOM LDAN 'DAS KYIS BKA' STZAL PA, RIGS KYI BU, KHYED CI NYES, DRI BA YOD NA DBUGS PHYUNG LA DRIS SHIG CES GSUNGS SO, ,BCOM LDAN 'DAS LAGS; BDAG CAG NI, SHIN TU MA DGA' STE, NYID LA KHONG YUS CHE NAS 'KHAMS PA LAGS SO, ,BKA' STZAL PA, CI LAS GYUR, SMRAS PA, BDAG CAG GNYIS NI BAS MTHA' ZHIG NA BCOM LDAN 'DAS KYI ZHAL NAS GSUNGS PA SO SOR RTOG PA YID LA BYED PA LAS RGYANG RING POR 'CHAG TU PHYIN PA LAS YI DVAGS MO LUS PO SNGO LA SKAM PA, KHOG KHOG ZER BA, SKRA 'DZINGS PA, MIG DMAR LA G-YON DU YO BA, MA MCHU RING LA G-YAS SU YO BA, SKE DANG RKANG LAG SHIN TU PHRA LA RING BA, LAG PAS KHU TSUR BSDAMS PA'I SEN MOS THAD KAR PHUG NAS SNGO BZANG NGE BA, KHA NAS SGRA RNAM PA LNGA SGROG PA 'DI LTA STE, DGOS NA ZHES BYA BA DANG, MED NA ZHES BYA BA DANG, MA SBYIN CIG CES BYA BA DANG, STER NA YANG CHE CHES PAR 'ONG NGO ZHES BYA BA DANG, DE TZAM JE CHES KYIS PHRI LA BYIN CES BYA BA
DANG LNGA BRJOD PA, SKYI ZING BYED PA ZHIG DANG PHRAD NAS BDAG CAG GNYIS KYIS BSAM PAS DGON PA BAS GRONG YUL THAG NYE LA ZAS MOD PAS GRONG KHYER DU PHYIN TE BSLANGS PAS DKAR GSUM DANG, MNGAR GSUM DANG 'BRAS DANG, NAS KYI ZAN LA SOGS PA BZA' BA DANG BTUNG BA MANG DU RNYED NAS YI DVAGS MO DE'I DRUNG DU KHYER NAS BSTABS BAS KHA NAS GONG GI SGRA RNAM PA LNGA BRJOD CING GANG BYIN PA MI LEN PAR BROS TE THAL NA, 'DI CI LAS GYUR PA DANG, 'DI LA SMAN PA'I THABS CI MCHIS ZHU RU MCHIS PA LAGS SO, ,BKA' STZAL PA, RIGS KYI BU DAG ,DE NI, SHIN TU LEGS SO, ,NGAS BSHAD KYI, LEGS PAR NYON LA YID LA ZUNGS SHIG ,DE CI LAS GYUR NA, LUS SRO LA SKAM PA NI, RANG GIS ZA MA PHOD PA LAS GYUR PA'O, ,SKE PHRA BA NI, GZHAN ZA ZHING SPYOD PA LA BDAG GIS SER SNA BYAS PA LAS GYUR TO, ,YAN LAG PHRA LA SOR MOS THAD KAR PHUG PA NI, GZHAN LA SBYIN PA DAG LA CHES KYIS PHRI LA BYIN CES BYAS PA DANG, RANG GIS KYANG SPYOD MI PHOD PA LAS GYUR TO, ,SKRA 'DZINGS PA NI, KUN GYI YID DU MI 'ONG BA BYAS PA LAS GYUR TO, ,MIG DMAR BA NI, 'DOD CHAGS KYIS YONGS SU RGYAS PA LAS GYUR TO, ,G-YON DU YO BA NI, MIG MI LEGS PAR
, ,GZHAN LA BLTAS PA LAS GYUR TO, ,MA MCHU RING LA G-YAS SU YO BA NI, STER NA YANG CHES BAR 'ONG NGO ZHES BYAS PA LAS GYUR TO, ,KHA NAS SGRA RNAM PA LNGA SGROG PA NI, BYED PA RGYU MTHUN PA'I 'BRAS BU STE, SNGON BRJOD PA'I BAG CHAGS BRTAS PA LAS GYUR TO, ,DE LTA BU'I LAS KYI DBANG GIS GZHAN CI BYIN YANG PHAN PAR MI 'GYUR TE, CHU GCIG PU LAS RANG GIS SBYIN NUS PA MA YIN TE, GZHAN GYI CHU LA 'JUR 'GEGS MA BYAS PAS DA LTA YANG CHU GTZANG MA RTZAM PAS MA REG PA LA SNGAGS LAN GCIG BTAB STE SE GOL LAN GCIG GTOGS TE BYIN NA, DE'I RGYUD GROL ZHING 'DOD PA TSIM PAR 'GYUR RO, ,DE 'DI LTA STE, AOm DZVA LA MI DAm SARBA PRE TA BHYA: SV'A H'A, GSOL BA, DE'I 'BRU DON BSHAD DU GSOL, BKA' STZAL PA, SOm NI, YE SHES LNGA'I RANG BZHIN TE, DON DAM PA'O, , DZVA LA NI; 'DOD PA ME LTAR 'BAR BA'O, ,MI DAm NI, MI'I RGYUD KYIS SER SNA DANG, 'JUR 'GEGS BYAS PA'O, ,SARBA NI, DE LTA BU'I LAS LAS GYUR PA THAMS CAD DO; ;PRE TA NI, YI DVAGS KYI SNYING PO STE, LAS KYI RGYUD SMIN PA'I DON TO, ,BHYA: NI, LAS DANG, SDUG BSNGAL BYANG BAR BYA BA'I DON TO, ,SV'AH'A NI, LAS DANG
SDUG BSNGAL BKRES SKOM BYANG BAR GYUR CIG PA'O, ,DA MYUR DU SONG LA DE LTAR GSOS SHIG CES GSUNGS PAS, DE NAS GNYIS KYIS MYUR DU PHYIN NAS DE BZHIN DU BGYIS PAS GZOD DGA' NAS LONGS SPYOD CING LUS BAG GLAN NO, ,DE NAS CHOS STON LA BAB NAS GNYIS PO RES MOS BYAS TE SH'A RI'I BUS BSHOS GSOL NAS GCIG GSOL DU STZAL TE CHAB BYIN PAS YANG GONG BZHIN BRJOD DE BROS SO, ,YANG GNYIS KYIS YID MA CHES NAS BCOM LDAN 'DAS LA ZHUR MCHIS SO, ,BCOM LDAN 'DAS LAGS; BDAG CAG GIS GSUNGS PA BZHIN BGYIS LAGS PAS, GSO RU BTUB PA GDA' BA LA CHOS STON YOL DU DOGS NAS 'TSAL NAS YANG SNGAR BRJOD CING BROS NAS YANG ZHU RU MCHIS SO, ,BKA' STZAL PA, DE NI, KHYOD KYI SEN BAR DU RTZAM PA LUS PAS LAN PA YIN GYI, LAG PA KHRUS LA GZOD BYIN CIG ,DE'I DRUNG DU 'GRO MI DGOS TE, 'DI NYID KYIS BTUB BO, ,ZHES GSUNGS SO, ,DE GNYIS KYIS KHRUS BGYIS TE CHU SBYIN STZAL BAS YI DVAGS MO DE NYID DU 'ONGS NAS CUNG ZAD NA MDANGS DANG LDAN PAR GYUR TO, ,DE NAS YANG BCOM LDAN 'DAS KYIS BKA' STZAL PA, 'DI LTA BU'I CHU SBYIN 'DI NI, 'DIR MA ZAD DE, DUS THAMS CAD
, ,DU YANG YI DAM DU GYIS LA THONG ZHIG ,GZHAN LA YANG RGYA CHER SPEL CIG ,DE CI'I PHYIR ZHE NA, 'DI'I PHAN YON NI, DPAG TU MED DE TSAD LAS 'DAS SO, ,MDO TZAM BRJOD NA 'DI LTA STE, 'JIG RTEN GYI KHAMS KYI MI PHYUG PO RNAMS LA SBYIN PA BYAS PA BAS DBUL PO 'GA' ZHIG LA SBYIN PA BYAS NA; DE'I BSOD NAMS BRGYA'I CHAR YANG MI NYE STE, DE CI STE ZHE NA, PHYUG PO RNAMS NI, NGA RGYAL TE DREGS PA DANG RGYAGS PAS GNAS NGAN LEN SPRO BAR BYED DO; ;'JIG RTEN GYI KHAMS KYI DBUL PO RNAMS LA SBYIN PA BYAS PA BAS YI DVAGS 'GA' ZHIG LA SBYIN PA BYAS NA, DE'I BSOD NAMS BRGYA'I CHAR YANG MI NYE'O; ;DE CI STE ZHE NA, DBUL PO RNAMS LA NI, 'BAD DU YOD, BTZAL DU YOD DE, BSLANG DU YOD DO, ,YI DVAGS LAS KYIS DE LTA BU DAG MA YIN GYI, MA BSNGOS NA KHA RU CHUD KYANG DUG CHEN POR 'GYUR RO, 'JIG RTEN GYI KHAMS KYI YI DVAGS LA SBYIN PA BYAS PA BAS 'JUR 'GEGS YI DVAGS GCIG LA CHUB BYIN NA; DE'I BSOD NAMS BRGYA'I CHAR YANG MI NYE'O, ,DE CI STE ZHE NA, YI DVAGS DE DAG LA NI, DMIGS PAS TSIM PA DANG, BSHAMS PAS TSIM PA DANG,
BSNGOS PAS TSIM PA DANG, REG PAS TSIM PA DANG, RJES KYIS TSIM PA DANG, BSHAL BAS TSIM PA YOD DE, LAS KYI RIM PA BZHIN NO, ,'JUR 'GEGS NI, GZHAN DKA' BA'I LAS KYIS SNGAGS DANG, PHYAG RGYA DANG, DMIGS PA GZHAN GYIS MI THOB, ,RDZAS THAMS CAD LA 'THAMS TE BKAG PAS RDZAS GZHAN MI MYONG, GZHAN GYI CHU GCIG PU MA BKAG PAS, CHU GTZANG RTZAM PAS MA REG PA LAS DBANG MED, RANG GI RGYUD ZHI BAR BYED PA'I SNGAGS DANG, PHYAG RGYA SE GOL GCIG MIN PA GZHAN GANG GIS KYANG THOB PAR MI NUS SO, ,SE GOL GCIG TU BZHAG PA CE ZHE NA, GNYIS SU GYUR NA GZHAN GYI SGRAR GYUR NAS MI THOB, DES NA RANG GI GO BA BSKYED PA SGRA GCIG TU NGES PA'O, ,'DIS NI, BAR CHAD KYIS MI TSUGS PA DANG, NAD NYUNG BA DANG, TSE RING BA DANG, LONGS SPYOD DANG LDAN PA DANG, YI GA 'CHUS PA RNAMS 'BYED PAR BYED PA DANG, MDANGS NYAMS PA RNAMS GSAL BAR BYED PA DANG, 'DI GZHAN LA SPEL NAS RGYUD GROL NAS YI DVAGS KYI RGYUD CHAD DE MTHAR MNGON PAR RDZOGS PAR 'TSANG RGYA'O, , DE SKAD CES BKA' STZAL NAS RIGS KYI BU DE DAG GIS BCOM LDAN 'DAS KYIS GSUNGS PA LA MNGON PAR BSTOD DO, ,'JUR 'GEGS ZHES BYA BA'I GZUNGS
, ,RDZOGS SO,, ,,