acip-k_lha_sa-091-036 · GMLW-006663

—

נושאי-מדףSubjects:

RGYUDSecret Teachings (Tantra)

נושאיםTopics:GivingSuffering

חיי היום-יוםDaily life:death and dyingdaily practice

נמצא בfound inSecret Teachings (Tantra)

מספר טוהוקוTohoku numberToh 646 · Tantra

מהדורהrecensionLhasa

כניעה לhomage toDE BZHIN GSHEGS PA RIN CHEN MANG

פוליוfolios218a–222a

צורהformprose

מצב תרגוםtranslationno English of the text

כיסוי המילון לכותרתdictionary coverage of the title100%

מקום החיבורplace of compositionKapilavastuthe Buddha is teaching in the monastery at Kapilavastu

אנשים ומקומותpeople and places namedAnandaAnanda is sitting apart at night when the ghost comes to him; the whole text is spoken to him

רמת קושיlevelentry

לחיי היום־יוםfor daily lifedeath and dying · daily practice

הכותרת אומתה מול הטקסטtitle verified against the textnoour record has NO title — the text carries one and the filename does not

הקבציםThe files

acip-k_lha_sa-091-036.txt/12. RGYUD_Secret Teachings (Tantra)/VOL 13 (PA)

הטקסטThe text

טיבטיתTibetanacip-k_lha_sa-091-036.txt9,130 תוויםcharacters

218a

, ,YI DVAGS KHA NAS ME 'BAR BA LA SKYABS MDZAD PA'I GZUNGS, DE'I TSE BCOM LDAN 'DAS YUL SER SKYA NA DGE 'DUN KYI GNAS NA DGE SLONG GI DGE 'DUN DANG, BYANG CHUB SEMS DPA' GRANGS MED PAS YONGS SU BSKOR BA LA CHOS STON TE, DE'I TSE NA TSE DANG LDAN PA DGA' BO BAS MTHA' ZHIG NA CHOS YID LA BYED CING DRAN PA MNGON DU BZHAG NAS 'DUG PA LAS, DE'I NUB MO NAM GYI CHA SMAD LA YI DVAGS KHA NAS ME 'BAR BA ZHES BYA BA, GZUGS BYAD MI SDUG PA, SHIN TU RID CING SKEM PA, KHA NAS ME 'BAR BA, MGRIN PA MO KHAB TZAM DU PHRA BA, SKRA 'DZINGS PA, SEN MO DANG MCHE BA RING LA RNO BA SHIN TU 'JIGS SU RUNG BA ZHIG DGA' BO'I DRUNG DU 'ONGS NAS DGA' BO LA 'DI SKAD CES SMRAS SO, ,KHYOD DA STE ZHAG BDUN NA TSE'I DUS BYAS TE YI DVAGS KYI KHAMS SU SKYE BAR 'GYUR RO, ,ZHES SMRAS SO, ,DGA' BOS DES SMRAS PA THOS NAS SHIN TU 'JIGS SKRAG STE YI DVAGS DE LA 'DI SKAD CES SMRAS SO, ,BDAG TSE'I DUS BYAS NAS YI DVAGS KYI KHAMS SU SKYE BAR 'GYUR BA 'DI THABS CI BYAS NA, SDUG BSNGAL DE LAS YONGS SU THAR PAR 'GYUR, DE NAS YI DVAGS DES

218b

DGA' BO LA 'DI SKAD CES SMRAS SO, ,GAL TE KHYOD KYIS SANG GI NYIN MO LA YI DVAGS GANG+G'A'I KLUNG GI BYE MA KHRAG KHRIG BRGYA STONG SNYED LA GTOR MA BYIN TE, BRAM ZE DANG, DRANG SRONG BRGYA STONG SNYED LA YUL DBUS 'GYUR TSAL GYI BRE TSANG MA RE RE'I ZHAL ZAS MCHOG DAM PA PHUL TE, KHO BO'I PHYIR DKON MCHOG GSUM LA MCHOD PA BYAS NA; TSE RING ZHING YI DVAGS KYI SDUG BSNGAL DANG BRAL TE MTHO RIS KYI LHAR SKYE BAR 'GYUR RO, ,DE'I TSE KUN DGA' BOS YI DVAGS KHA NAS ME 'BAR BA LUS MI SDUG PA DANG, SHIN TU RID CING SKEM PA DANG, KHA NAS ME 'BAR BA DANG, MGRIN PA MO KHAB TZAM LA SKRA 'DZINGS PA DANG, SEN MO DANG MCHE BA RING ZHING RNO BA YANG MTHONG LA, YID DU MI 'ONG, MI 'DOD PA'I TSIG KYANG THOS NAS LUS SKYI BUNG ZHES BYED PA TZAM DU 'JIGS SKRAG NAS 'DUG PA LAS LANGS TE MYUR BAR BCOM LDAN 'DAS GA LA BA DER SONG NGO, ,BCOM LDAN 'DAS KYI SPYAN SNGAR PHYIN NAS LUS SMAD LNGA SA LA GTUGS TE BCOM LDAN 'DAS KYI ZHABS LA SPYI BOS PHYAG 'TSAL NAS LUS 'DAR BZHIN DU SDUG BSNGAL GYIS GDUNGS PA'I DPUNG GNYEN MDZAD DU GSOL, ZHES BCOM LDAN 'DAS LA 'DI SKAD CES GSOL TO, ,

219a

, ,BDAG BAS MTHA' ZHIG NA CHOS YID LA BGYID CING MCHOS PA LAS, YI DVAGS KHA NAS ME 'BAR BA ZHES BGYI BA DE BDAG LA 'DI SKAD CES MCHI'O, ,KHYOD DA STE ZHAG BDUN NA NGES PAR TSE'I DUS BYAS TE YI DVAGS KYI KHAMS SU SKYE BAR 'GYUR RO ZHES MCHI'O, ,BDAG GIS DE LA THABS CI BGYI NA, YI DVAGS KYI SDUG BSNGAL DE LAS YONGS SU THAR PAR 'GYUR ZHES DRIS NA, DES BDAG LA KHYOD KYIS YI DVAGS GANGG'A'I KLUNG GI BYE MA KHRAG KHRIG BRGYA STONG SNYED LA GTOR MA BYIN TE, BRAM ZE DANG, DRANG SRONG LA SOGS PA BRGYA STONG SNYED LA ZHAL ZAS MCHOG DAM PA PHUL NA TSE RING BAR 'GYUR ZHES MCHI NA , BCOM LDAN 'DAS, BDAG GIS JI LTA BUR YI DVAGS DANG, DRANG SRONG LA SOGS PA DE SNYED KYI KHA ZAS 'BYOR BAR 'GYUR, ,DE NAS BCOM LDAN 'DAS KYIS DGA' BO LA BKA' STZAL PA, KHYOD 'JIGS PAR MA BYED CIG ,KHYOD KYIS YI DVAGS GANGG'A'I KLUNG GI BYE MA KHRAG KHRIG BRGYA STONG SNYED DANG, BRAM ZE DANG DRANG STONG LA SOGS PA LA KHA ZAS DANG GTOR MA MANG PO 'BYOR BA'I THABS NGA LA YOD KYI, ,YID BLONG BAR MA BYED CIG ,DE NAS BCOM LDAN 'DAS KYIS DGA' BO LA

219b

BKA' STZAL PA, NGA LA GZUNGS SNGAGS GZI BRJOD TSAD MED PA'I DBANG DU GYUR PA'I 'OD ZER RNAM PAR RGYAL BA'I SHUGS ZHES BYA BA YOD DE, ,GANG ZHIG GIS GZUNGS 'DI BRJOD NA, YI DVAGS GANGG'A'I KLUNG GI BYE MA KHRAG KHRIG BRGYA STONG SNYED DANG, BRAM ZE DANG DRANG SRONG LA SOGS TE MANG PO'I KHA ZAS DANG GTOR MA MCHOG DMAG 'GYUR TE, DE DAG LA SOGS PA GCIG KYANG KHA ZAS YUL DBUS 'GYUR TSAL GYI BRE TSAD MAS BCAL PA'I BRE BDUN SNYED THOB PAR 'GYUR RO, ,DGA' BO, NGA YANG BRAM ZER GYUR PA NA BYANG CHUB SEMS DPA' SPYAN RAS GZIGS DBANG PHYUG DANG, DE BZHIN GSHEGS PA DBANG SGYUR YON TAN ZHES BYA BA LAS GZUNGS 'DI THOS BAS NA, DE'I DBANG GIS YI DVAGS TSAD MED PA SNYED DANG, DRANG SRONG MANG PO LA KHA ZAS DANG, GTOR MA BYIN PAR GYUR TE, YI DVAGS KYI KHAMS SU SKYES PA DE DAG KYANG SDUG BSNGAL LAS RNAM PAR GROL NAS MTHO RIS KYI LHAR SKYES PAR GYUR TO, ,DGA' BO, ,KHYOD KYIS ZUNGS SHIG ,BSOD NAMS DANG TSE'I TSAD KYANG 'PHEL ZHING SKYE BAR 'GYUR RO, ,DE'I TSE BCOM LDAN 'DAS KYIS DGA' BO LA GZUNGS SNGAGS 'DI BKA' STZAL TO, ,NA MA: SARBA TA TH'A GA TA AA BA LO KI TE, SAm BHA RA SAm BHA RA H'Um,

220a

, ,BCOM LDAN 'DAS KYIS DGA' BO LA BKA' STZAL PA, RIGS KYI BU'AM, ,RIGS KYI BU MO GANG LA LA ZHIG TSE RING BAR 'DOD DAM, BSOD NAMS CHE ZHING 'PHEL BA DANG, SBYIN PA'I PHA ROL TU PHYIN PA MYUR DU YONGS SU RDZOGS PAR BYA BAR 'DOD NA, RTAG TU SNGA DRO'I DUS SAM, ,YANG NA DUS THAMS CAD DU BYAS KYANG BAR CHAD DU 'GYUR BA MED DO, ,SNOD GTZANG MA'I NANG DU CHU GTZANG MA BLUGS LA CHAN NAM, ,PHYE'AM, 'KHUR BA LA SOGS PA BCUNG ZAD CIG BTAB STE LAG PA G-YAS PA SNOD KYI STENG DU BZHAG STE GZUNGS 'DI LA LAN BDUN BSNGAGS NAS DE BZHIN GSHEGS PA BZHI'I MTSAN NAS BRJOD PAR BYA'O,, DE BZHIN GSHEGS PA RIN CHEN MANG LA PHYAG 'TSAL LO, ,DE BZHIN GSHEGS PA RIN CHEN MANG GI MTSAN NAS BRJOD PA'I BYIN GYI RLABS KYIS YI DVAGS THAMS CAD SKYE BA MANG PO'I SER SNA BYAS PA MI DGE BA'I LAS BCOM ZHING, BSOD NAMS YONGS SU RDZOGS PAR 'GYUR RO, ,DE BZHIN GSHEGS PA GZUGS DAM PA LA PHYAG 'TSAL LO, ,DE BZHIN GSHEGS PA GZUGS DAM PA'I MTSAN NAS BRJOD PA'I BYIN GYI RLABS KYIS YI DVAGS MANG PO BYAD GZUGS MI SDUG

220b

PA BCOM ZHING GZUGS DANG MTSAN PHUN SUM TSOGS PAR 'GYUR RO, ,DE BZHIN GSHEGS PA SKU 'BYAMS KLAS LA PHYAG 'TSAL LO, ,DE BZHIN GSHEGS PA SKU 'BYAMS KLAS KYI MTSAN NAS BRJOD PA'I BYIN GYI RLABS KYIS YI DVAGS MANG PO'I SKOM PA SPANGS SHING TSIM PAR 'GYUR TE, SBYIN PA'I GNAS YID BZHIN DU ZA BA DANG CHOG CING 'GRANGS PAR 'GYUR RO, ,DE BZHIN GSHEGS PA 'JIGS PA DANG BRAL BA LA PHYAG 'TSAL LO, ,DE BZHIN GSHEGS PA 'JIGS PA DANG BRAL BA'I MTSAN NAS BRJOD PA'I BYIN GYI RLABS KYIS YI DVAGS MANG PO 'JIGS PA THAMS CAD DANG BRAL TE YI DVAGS KYI KHAMS ZHI BAR 'GYUR RO, ,BCOM LDAN 'DAS KYIS DGA' BO LA BKA' STZAL PA, RIGS KYI BU LA SOGS PAS DE BZHIN GSHEGS PA'I MTSAN NAS BRJOD DE BYIN GYIS BRLABS PA'I 'OG TU SE GOL LAN GSUM BYAS TE GTOR MA'I SNOD BLANGS NAS LAG PA BRKYANG STE SA GTZANG MAR BLUG PAR BYA'O, ,DE LTAR GTOR MA BYIN PAR BYAS NA, PHYOGS BZHI NAS LHAGS PA'I YI DVAGS GANGG'A'I KLUNG GI BYE MA KHRAG KHRIG BRGYA STONG SNYED SO SO NAS YUL DBUS 'GYUR TSAL GYI BRE TSAD MAS BCAL BA'I BRE BDUN BDUN THOB PAR 'GYUR RO, ,KHA ZAS DE DAG YID DVAGS KYI YID BZHIN DU ZA BA

221a

, ,DANG, CHOG 'GRANGS PA DANG, YI DVAGS KYI KHAMS SPONG BA DANG, MTHO RIS KYI LHAR SKYE BAR 'GYUR RO, ,DGA' BO, GAL TE DGE SLONG PHA'AM, DGE SLONG MA'AM, DGE BSNYEN NAM, DGE BSNYEN MA GANG ZHIG RTAG TU GZUNGS 'DIS KHA ZAS LA BSNGAGS TE YI DVAGS LA SBYIN PA BYIN NA BSOD NAMS TSAD MED PA SNYED YONGS SU RDZOGS PAR 'GYUR ZHING, DE NAS SANGS RGYAS BYE BA KHRAG KHRIG BRGYA STONG SNYED LA MCHOD PA BYAS PA'I BSOD NAMS DANG KHYAD PAR MED DE; TSE RING BA DANG, BSOD NAMS DANG, MDANGS DANG, STOBS SKYE ZHING 'PHEL BA DANG, DGE BA'I RTZA BA YONGS SU RDZOGS PA DANG, MI MA YIN PA DANG, GNOD SBYIN DANG, SRIN PO DANG, YI DVAGS MA RUNGS PA THAMS CAD KYIS GTZE ZHING GNOD PAR BYED MI NUS PA DANG, GZHAN LA GZI BRJID TSAD MED PA DANG LDAN PAR 'GYUR RO, ,GAL TE GANG ZHIG BRAM ZE DANG, DRANG SRONG LA SBYIN PA BYED 'DOD NA, KHA ZAS YONGS SU DAG PA SNOD GCIG GI NANG DU BKANG STE GZUNGS SNGAGS LAN BDUN BZLAS TE 'BAB CHU GTZANG MAR GTOR NA, DE LTAR BYAS PAS LHA RDZAS KYI ZHAL ZAS MCHOG DAM PAR GYUR TE, DES NA BRAM ZE DANG, DRANG SRONG DE DAG KYANG

221b

SNGAGS KYIS BTAB PA'I ZAS THOB NAS SNGAGS KYI BYIN GYIS SO SO NAS SNGON CHAD CI DANG CI LA DGA' ZHING MOS BA'I DGE BA'I RTZA BA'I BSOD NAMS SU YONGS SU 'GYUR BAS; SO SO NAS MTHUN PAR DUS GCIG TU DE LA TSE RING BA DANG, MDANGS DANG, STOBS SU LDAN TE BDE ZHING SKYID PAR GYUR CIG CES SMON LAM 'DEBS SO, ,GZHAN YANG MI DE SEMS BSAM PA BZHIN DU MTHONG BA DANG, THOS PA'I SGO NAS YONGS SU DAG CING, SHES PA MI NOR BA DAG TSANGS PA'I LHA'I SPYOD PA MCHOG DANG LDAN ZHING YONGS SU RDZOGS PAR 'GYUR, GZHAN YANG SANGS RGYAS BCOM LDAN 'DAS GANG+G'A'I KLUNG GI BYE MA KHRAG KHRIG BRGYA STONG SNYED LA MCHOD PA BYAS PA'I BSOD NAMS DANG 'DRA STE, PHAS KYI RGOL BA THAMS CAD KYIS GNOD PA MI NUS PAR 'GYUR RO, ,GAL TE DGE SLONG PHA'AM, DGE SLONG MA'AM, DGE BSNYEN PHA'AM, DGE BSNYEN MA GANG ZHIG SANGS RGYAS DANG, CHOS DANG, DGE 'DUN LA MCHOD PA BYED PAR 'DOD NA, SPOS DANG, ME TOG DANG, ZHAL ZAS DAM PA LA GZUNGS SNGAGS 'DI LAN NYI SHU RTZA GCIG TU BZLAS TE DKON MCHOG GSUM LA DBUL BAR BYA'O, ,DE NAS RIGS KYI BU PHO DANG, RIGS KYI BU MO DES PHUL BA'I ZHAL ZAS DE LHA RDZAS KYI

222a

, ,ZHAL ZAS SU GYUR TE PHYOGS BCU'I 'JIG RTEN GYI KHAMS NA SANGS RGYAS DANG, CHOS DANG, DGE 'DUN LA MCHOD PA BYAS PAR 'GYUR RO; ;DE NAS BSTOD PA DANG, GSOL BA GDAB PA DANG, RJES SU YI RANG BA'I BSOD NAMS DANG LDAN PAR 'GYUR TE, RTAG TU SANGS RGYAS BCOM LDAN 'DAS KYIS BSNGAGS SHING DGONGS PAR 'GYUR RO, ,LHA MANG POS RTAG TU SRUNG ZHING SKYOB PA DANG, SBYIN PA'I PHA ROL TU PHYIN PA YANG RDZOGS PAR 'GYUR RO, ,DGA' BO, KHYOD KYIS 'DI RJES SU CHOS BZHIN YID LA BYAS TE SEMS CAN THAMS CAD KYIS MTHONG ZHING THOS PAR BYA BA'I PHYIR YONGS SU RGYAS PAR STON CIG DANG, BSOD NAMS TSAD MED PA THOB PAR 'GYUR RO, ,YI DVAGS KHA NAS ME 'BAR MA LA SKYABS MDZAD PA'I GZUNGS RDZOGS SO,, ,,