acip-k_lha_sa-091-032 · GMLW-006659

'PHAGS PA RO LANGS BDUN PA ZHES BYA BA'I GZUNGS (A'ARYA SAPTA BE TA dA KA N'A MA DH'A RA n'I)

נושאי-מדףSubjects:

RGYUDSecret Teachings (Tantra)

נושאיםTopics:Secret Words

חיי היום-יוםDaily life:health and illness

נמצא בfound inSecret Teachings (Tantra)

מספר טוהוקוTohoku numberToh 616 · Tantra

מהדורהrecensionLhasa

כותרת בסנסקריטSanskrit titleA'ARYA SAPTA BE TA dA KA N'A MA DH'A RA n'I

כניעה לhomage toBYANG CHUB SEMS DPA' THAMS CAD

הפנדיטה ההודיIndian panditaBI SHUDDHA SIm HA

פוליוfolios207b–213a

צורהformmixed

מצב תרגוםtranslationno English of the text

כיסוי המילון לכותרתdictionary coverage of the title100%

ז'אנרgenreSecret Formulathe Tibetan title ends in GZUNGS — the work names itself a Secret Formula

מקום החיבורplace of compositionVulture Peakthe Buddha is at Rajgir on the Vulture's Peak with two hundred and fifty monks, Ananda walking behind him

אנשים ומקומותpeople and places namedAnanda · Vishuddhasimha · Yeshe Nyingpo · Vidyakarasimha · Yeshe Dethe colophon has two teams: Vishuddhasimha with Bande Yeshe Nyingpo translated, Vidyakarasimha with the chief editor-translator Yeshe De examined and settled

רמת קושיlevelentry

לחיי היום־יוםfor daily lifehealth and illness

הכותרת אומתה מול הטקסטtitle verified against the textyesSanskrit and Tibetan title lines both match, and the closing repeats it

הקבציםThe files

acip-k_lha_sa-091-032_'PHAGS PA RO LANGS BDUN PA ZHES BYA BA'I GZUNGS (A'ARYA SAPTA BE TA dA KA N'A MA DH'A RA n'I).txt/12. RGYUD_Secret Teachings (Tantra)/VOL 13 (PA)

הטקסטThe text

טיבטיתTibetanacip-k_lha_sa-091-032_'PHAGS PA RO LANGS BDUN PA ZHES BYA BA'I GZUNGS (A'ARYA SAPTA BE TA dA KA N'A MA DH'A RA n'I).txt13,454 תוויםcharacters

207b

, ,RGYA GAR SKAD DU, A'ARYA SAPTA BE TA dA KA N'A MA DH'A RA n'I, BOD SKAD DU, 'PHAGS PA RO LANGS BDUN PA ZHES BYA BA'I GZUNGS, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB NA BYA RGOD KYI PHUNG PO'I RI LA DGE SLONG NYIS BRGYA LNGA BCU'I DGE SLONG GI DGE 'DUN CHEN PO DANG THABS GCIG TU BZHUGS TE, PHYI BZHIN 'BRANG BA'I

208a

, ,DGE SBYONG TSE DANG LDAN PA KUN DGA' BO DANG YANG THABS CIG GO ,DE'I TSE NA MU STEGS CAN KUN TU RGYU BA RNAMS KYIS BCOM LDAN 'DAS LA GNOD PAR BYA BA'I PHYIR RO LANGS CHEN PO BDUN BTANG BAR GYUR TO, ,DE DAG BCOM LDAN 'DAS KYI THAD DU SONG BA LAS DE DAG GIS GLAGS MA RNYED, DMIGS PA MA RNYED DO, ,DE DAG GIS GLAGS MA RNYED, DMIGS PA MA RNYED NAS DE DAG TSE DANG LDAN PA KUN DGA' BO GA LA BA DER SONG STE PHYIN NAS TSE DANG LDAN PA KUN DGA' BO'I LUS LA REG GO ,REG MA THAG TU KUN DGA' BO DE SDUG BSNGAL MI BZOD PA, DRAG PA, TSA BA, SHI LA THUG PA'I TSOR BA RNAMS DANG LDAN PAR GYUR TO; ;DE NAS TSE DANG LDAN PA KUN DGA' BO 'DI SNYAM DU SEMS TE, BDAG NI, SDUG BSNGAL MI BZAD PA, DRAG PA, TSA BA, SHI LA THUG PA'I TSOR BA RNAMS DANG LDAN NO; ;BCOM LDAN 'DAS DE MA DGONGS SO, ,BDAG 'DI LTAR NYAM NGA BAR GYUR NA, DE BZHIN GSHEGS PAS MA DGONGS SO SNYAM MO, ,DE'I TSE NA TSE DANG LDAN PA SH'A RI'I BU DANG, TSE DANG LDAN PA MOO GAL GYI BU CHEN PO TSE DANG LDAN PA KUN DGA' BO DANG THAG MI RING BA ZHIG NA 'DUG PAR GYUR TO, ,TSE DANG LDAN PA KUN DGA' BO'I NYE BA'I NYON

208b

MONGS PA DE LTA BU DE TSE DANG LDAN PA SH'A RI'I BU DANG, TSE DANG LDAN PA MOO GAL GYI BU CHEN POS THOS SO, ,DE NAS DE GNYIS TSE DANG LDAN PA KUN DGA' BO GA LA BA DER SONG STE PHYIN NAS 'DI SKAD CES SMRAS SO, ,TSE DANG LDAN PA KUN DGA' BO, SDUG BSNGAL MI BZAD PA, DRAG PA, TSA BA'I TSOR BA MYONG NAS BDAG LA DE BZHIN GSHEGS PAS MA DGONGS SO ZHES CI DE SKAD SMRA'AM, DE SKAD CES SMRAS PA DANG, TSE DANG LDAN PA KUN DGA' BOS DE DAG LA 'DI SKAD CES SMRAS SO, ,TSE DANG LDAN PA DAG ,BDAG GI LUS LA TSOR BA DANG LDAN PA NI, DPER NA, SOG LES MGO BO GSHEG PA LTAR KUN DGA' BO LA REG PA YANG DE DANG 'DRA'O, ,KUN DGA' BO, MA 'JIGS SHIG ,BDAG CAG GIS KHYOD KHRI'I STENG DU BZHAG STE, DE BZHIN GSHEGS PA'I DRUNG DU BKUR RO, ,BCOM LDAN 'DAS DE KHYOD LA YONGS SU SKYOB PA MDZAD PAR 'GYUR RO, ,DE NAS TSE DANG LDAN PA SH'A RI'I BU DANG, TSE DANG LDAN PA MOO GAL GYI BU CHEN POS TSE DANG LDAN PA KUN DGA' BO NYAL KHRI'I STENG DU BZHAG NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI DRUNG DU BZHAG GO ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO, KHYOD CI SDUG BSNGAL MI

209a

, ,BZAD PA, DRAG PA, TSA BA'I TSOR BAS THEBS SAM, BTZUN PA BCOM LDAN 'DAS, DE LTA LAGS SO, ,KUN DGA' BO, KHYOD DE'I PHYIR LEGS PAR RAB TU NYON LA YID LA ZUNGS SHIG DANG BSHAD DO, ,KUN DGA' BO, KHYOD LA REG PA'I RO LANGS CHEN PO STOBS CHE BA, GDUL DKA' BA, MTHONG NA GNOD PA BDUN YOD DE, BDUN GANG ZHE NA, 'DI LTA STE, PHRENG BA 'DZIN CES BYA BA DANG, NOR BU 'DZIN DANG, GTUM PO DANG, GDOL PA DANG, RMA BYA'I SNYING DANG, TSE ZAD DANG, LA BA CAN TE, RO LANGS CHEN PO BDUN PO DE DAG NI STOBS CHE BA, GDUL DKA' BA, BSNYEN PAR DKA' BA, RDZU 'PHRUL CHE BA, MTHU CHE BA'O; ;KUN DGA' BO, RO LANGS RE RES KYANG 'DOD NA RKANG PA G-YON PA'I MTHE BOS RI'I RGYAL PO RI RAB KYANG 'PHEN TO, ,RI'I RGYAL PO RI RAB YUNGS 'BRU TZAM DU RNAM PAR 'JIG GO ,STENG DU BLTAS NAS 'GAS PAR BYED DO, ,PHYOGS SU BLTAS NA 'CHI BAR 'GYUR RO, ,PHYOGS MTSAMS SU BLTAS NA MES SREG PAR BYED DO, ,DE DAG GIS KHYOD LA REG GO ,DE LTA MOD KYI DE BZHIN GSHEGS PA'I MTHU DANG, CHOS THOS PA'I GUS PA DANG, DE BZHIN GSHEGS PA'I BYIN GYI

209b

RLABS KYIS DA DUNG DU KHYOD KYI LUS 'TSO BA YIN NO, ,KUN DGA' BOS GSOL PA, BCOM LDAN 'DAS, LEGS PAR BSAL DU GSOL, PHYIR BZLOG TU GSOL, PHYAG RGYA BCING DU GSOL, SKUD PAS BCING DU GSOL, BCOM LDAN 'DAS KYIS BKA' STZAL PA, KUN DGA' BO, DE'I PHYIR LEGS PAR RAB TU NYON LA YID LA ZUNGS SHIG DANG BSTAN PAR BYA'O, ,TADYA TH'A, HA RA, MA H'A GE RE, GHA SA RA BA TI, DHA RA DHA RI, DHA RA nI, TSO RA TSO RA nI, KA RO TI TI, SA TO TA SA M'A DHI nI, SA MA RA SA RA nI, SA RA NA KO TA MA TI, SA MA BHA BE, BHA BA NA, N'A GA RE, BHA DI NA SA DHA NI TI SV'A H'A, KUN DGA' BO, GZUNGS SNGAGS KYI TSIG 'DI DAG LAN LNGA BCU RTZA GNYIS BZLAS BRJOD BYAS TE MDUD PA LNGA BCU RTZA GNYIS BOR NA, BRJED BYED THAMS CAD DANG, 'BYUNG PO THAMS CAD KYI SNYING LA GNOD PA BYAS PAR 'GYUR RO, ,GDON THAMS CAD KYIS BYAS PA LAS THAR BAR 'GYUR RO, , BCOM LDAN 'DAS, LEGS SO, DE LTAR MDZOD CIG ,SLAR YANG MI MCHI BAR MDZAD DU GSOL, KUN DGA' BO, DE'I PHYIR NYON LA LEGS PAR YANG ZUNGS SHIG ,TADYA TH'A, BAD TZA LE BA LE, MA H'A BAD TZA LE BA LE, BHI LE BHI LE, MA H'A BHI RI nI, NI MI RI NI, HA NA HA NA HA TI RI, MA TZA TH'A, MA BI TZA RA TH'A, STI RI STHI RA MU LE, MA

210a

, ,THA NI RMA THA NI, TZA LA NI, M'A KA N'I, DZAm BHA NI, P'I D'A NI, BA YA SVA KRi ni, BHA GA BA TI, TA TH'A GA TA, BI TA THE, TI BE GHA DHA RE, PA RA PRA DE, HA RE THIshthA; N'I L'A BA SI NA SV'A H'A, KUN DGA' BO, RO LANGS 'DI DAG NI, 'TSOG PA, SDANG BA, GTUM POR GYUR PA, GSOD PAR GYUR BA'O, ,DE LA RIG SNGAGS 'DIS KE MU RU KA'I SKUD PA LA LAN NYI SHU RTZA GCIG BZLAS BRJOD BYAS TE MDUD PA NYI SHU RTZA GCIG POR RO, ,DE NAS 'BYUNG PO CHEN PO SHIN TU 'KHRUG PAR 'GYUR RO, ,'DIS THAMS CAD KYANG SPANG BAR 'GYUR, 'DZEM PAR 'GYUR, ZHI BAR 'GYUR ZHING, 'DIS 'BYUNG PO THAMS CAD KYANG DBANG DU 'GYUR, 'DIS 'BYUNG PO THAMS CAD KYANG RAB TU ZHI BAR 'GYUR RO, ,KUN DGA' BO, NYON CIG DANG BSTAN PAR BYA'O, ,TADYA TH'A, DA RA DA RA DA RA, KA RA KA RA KA RA, MA H'A KAKKA RA, TZA RA TZA RA, TZA DA TZA RA MA H'A TZA DA TZA RA, HA LA HA LA HA LA, HI LI HI LI, HU LU HU LU, HI RE BI RE, HI RI KI RI, BEE REE BI CI NI KA RA NA KA RI, SARBA BH'U T'A N'AN, PRA DZAm BHA NI, N'I LA BA RA SA NI, TZA TZTSU, TZA KRA TZA KRA, A'A YU DHE SV'A H'A, KUN DGA' BO, 'DI DAG NI, GNOD SBYIN THAMS CAD DANG, SRIN PO THAMS CAD DANG, GSANG SNGAGS

210b

THAMS CAD DANG, YI DVAGS DANG, BYAD DANG, SDIG PA RAB TU ZHI BAR BYED PA'O, ,RGYAL POS BKRABS PA DANG, LA GCAN PA PHYIR ZLOG PAR BYED DO, ,DE LA RIG SNGAGS 'DI SKUD PA DMAR PO LA LAN SUM CU RTZA BDUN BZLAS BRJOD BYAS TE MDUD PA SUM CU RTZA BDUN BOR NA, THAMS CAD RENGS PAR 'GYUR RO, ,KUN DGA' BO, GSANG SNGAGS KYI TSIG 'DI DAG ZUNGS SHIG ,CHONGS SHIG ,LEGS PAR RAB TU YID LA ZUNGS SHIG ,RJES SU SBYOR BAR GYIS SHIG ,DE LTA BAS NA KUN DGA' BO; ;KHYOD KYIS DRAN PA DANG LDAN PAS GZUNG BAR BYA'O, ,TADYA TH'A, DHA RA DHA, DHA DHA RA, KHA RA KHA RA, MA H'A KH'A RA, MA H'A BA LE, BA BA NA SHA NI, GO DA tA, KUttA NI; KUttA N'I, SA MA H'A RE, K'U tA DAm shtE, KA KHA KHA RE, MA KU tA, DHA RE nI, MU LU KA KA ,KshA nE KA N'I KE ,SA ME SMRA SH'A NI, KI NI, GI RI nI, BHO GI SA RE, S'A S'A BE TA dA; KU M'A RA KA ,KRI TI SV'A SI, KIN NI BA BUDDHA SI, BI BUDHYA, BI BUDHYA GRI HA NA BHYE, KRi TA BEE RA BA, BI KRI TE BHEE RA BA, MA H'A BA YE, KRi TO NA, HA RA SI, KIN NA M'A RA YA SI KI NA NI SARBA DE BA, N'A GA ,YAKshA, GANDHA RBA, AA SU RA, SARBA AA SU RA, SARBA BHA YA SHA MA NA, MA TA SA RA SV'A H'A, KUN DGA' BO, RIG SNGAGS 'DI SBYIN

211a

, ,SREG GAM, SKUD PAS BCINGS NA, 'DOD PA'I MTHAR GTOGS PA THAMS CAD 'JIGS PAR BYED, LTUNG BAR BYED, ZA BAR BYED DO; ;KUN DGA' BO, RO LANGS THAMS CAD RENGS BAR BYED PA'I RIG SNGAGS ZUNGS SHIG ,TADYA TH'A, SE ME LE, MA H'A HA HA LE, HA RA DHA RE, GHO RA DHA RE, DHA RITTI, RITTI; BI ROTTI, KU nATTI, KU TA NI, SAm GO TZA NI, KA TZA RI, KHA TZA RA, KHA TZA RI, MA HA nE, HU HU, MA RE nA, MA H'A M'A LA DHA RE, NA YO NA MA TI SV'A H'A, KUN DGA' BO, GSANG SNGAGS KYI TSIG 'DI DAG DMOD PA DRAG PO DANG MTSUNGS SHING 'DRA STE, 'BYUNG PO THAMS CAD RNAM PAR BSHIG PA'I PHYIR BAL GTZANG MA'I SKUD PA LA LAN NYI SHU RTZA BZHIR BZLAS BRJOD BYAS TE MDUD PA NYI SHU RTZA BZHI BOR NA, LOG 'DREN THAMS CAD KYIS MI TSUGS PAR 'GYUR RO, ,KUN DGA' BO, GSANG SNGAGS KYI TSIG 'DI DAG ZUNGS SHIG ,LEGS PAR RAB TU GZUNG BAR GYIS SHIG ,KUN DGA' BO, GSANG SNGAGS 'DI GANG YANG RUNG BAS GZUNG BAR MI NUS SO, , KUN DGA' BO, DE LTA BAS NA LEGS PAR GZUNG BAR GYIS SHIG ,TADYA TH'A, TZA TA TZA RA, MA H'A TZA TA TZA RA, TZI RI TZI RI, BU RU BU RU, MA H'A BU RU, SAm BHA LE,

211b

MA H'A SAm BHA LE, MA H'A BA LE SV'A H'A, KUN DGA' BO, LHA DANG BCAS, BDUD DANG BCAS, TSANGS PA DANG BCAS, DGE SBYONG DANG, BRAM ZE DANG, SKYE RGUR BCAS PA'I 'JIG RTEN NA GANG ZHIG GSANG SNGAGS 'DI LA MI SPRO BA NI, NGAS RJES SU MA MTHONG STE, SRUNG BA DANG, RJES SU 'BRANG BA YIN NO, ,GSANG SNGAGS 'DI NI, MI BZAD PA STE, SREG PAR BYED, 'TSED PAR BYED, 'CHING BAR BYED, 'JOMS PAR BYED, 'BAR BAR BYED PA YIN TE, RIG SNGAGS LAN DRUG CU RTZA GCIG BZLAS BRJOD BYAS TE MDUD PA DRUG CU RTZA GCIG BOR NA, SDIG PA THAMS CAD RAB TU ZHI BAR BYED, RIG SNGAGS GCOD PAR BYED, ,DE NAS BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO, ,BCOM LDAN 'DAS, LEGS SO, ,LEGS PAR BZUNG LAGS SO, ,MDUD PA BOR DU GSOL, PHYAG RGYA GZHAG PAR MDZAD DU GSOL, KUN DGA' BO, DE'I PHYIR, TADYA TH'A, BHA BHA RE, BHA RE, BHA RA nI HA RE, PRA HA RE, HA RA nI, KU THA NI TA dI, LED TSAD DA TI, TSANGS PAS BYAS PA'I RIG SNGAGS BCAD DO, ,DBANG PHYUG CHEN MOS BYAS PA'I RIG SNGAGS BCAD DO, ,KHYAB 'JUG GIS BYAS PA'I RIG SNGAGS BCAD DO, ,BRGYA BYIN GYIS

212a

, ,BYAS PA'I RIG SNGAGS BCAD DO, ,RGYAL PO CHEN PO BZHIS BYAS PA'I RIG SNGAGS BCAD DO, ,GNOD SBYIN GYI SDE DPON GYIS BYAS PA'I RIG SNGAGS BCAD DO, ,ZLA BA DANG NYI MAS BYAS PA'I RIG SNGAGS BCAD DO, ,GZA' DANG NYI MAS BYAS PA'I RIG SNGAGS BCAD DO, ,GZA' DANG RGYU SKAR GYIS BYAS PA'I RIG SNGAGS BCAD DO, ,PHYOGS NAS BYAS PA'I RIG SNGAGS BCAD DO, ,PHYOGS MTSAMS NAS BYAS PA'I RIG SNGAGS BCAD DO, ,STENG NAS BYAS PA DANG 'OG NAS BYAS PA'I RIG SNGAGS BCAD DO, ,LHAS BYAS PA'I RIG SNGAGS BCAD DO, ,KLUS BYAS PA'I RIG SNGAGS BCAD DO, ,GNOD SBYIN GYI BYAS PA DANG, NAM MKHA' LDING GIS BYAS PA'I RIG SNGAGS BCAD DO, ,GRUL BUM GYIS BYAS PA DANG, TSOR BA POS BYAS PA DANG, DGE SBYONG DANG, BRAM ZE DANG, RGYAL RIGS DANG, RJE'U RIGS DANG, DMANGS RIGS DANG, SKYES PA DANG, BUD MED DANG, GDOL PAS BYAS PA DANG, KLA KLO DANG, RI KHROD PAS BYAS PA DANG; SENG+GE DANG, SPRUL GYIS BYAS PA DANG, 'GRO LDING BA'I YID KYIS BYAS PA DANG, G-YUNG POS BYAS PA DANG, TONG SA LA PAS BYAS PA DANG, MU DA GA RI

212b

KHROD PAS BYAS PA DANG, SEMS CAN THAMS CAD RIG SNGAGS 'CHANG PAS BYAS PA'I RIG SNGAGS BCAD DO, ,TADYA TH'A, GA GA G'A RA LI PHU, MA H'A GA GA G'A RI LA PHU, BI SHE PHU; SHA PA RA SINGDHE PHU, TZAndA LI PHU, MA H'A TZAndA LI PHU, TZO GI PHU, TZI MI RE PHU, TZI TZI MI RE PHU, TZA KRE PHU, TZAKRA DHA RE PHU, KRishnA PHU, KRishnA PHU, KRishnA RU PE PHU, TZAndE PHU, SO GE PHU; PANYTZA PRA LI PHU, PANYTZA LE PHU, BHI MI PHU, BHI P'A PA LE PHU, BIm GA LE PHU, PIm GA LA AAKshE PHU, A'A NANDE PHU, SA MANTE PHU, N'A SHA NI PHU, TZTSE DA NI PHU, BI TZTSE DA NI PHU SV'A H'A; KRI SA NI, BAKshA NI, M'A RA NI, PANDA NI, PIN DYA NAN, BAKshA nI, N'A SHA NI, KH'A DA DYA KA NAN, G'A LA BHI NA SHA NI, D'A H'A MA SI, BHASMA, BHASMA NI, MA SA NI, BANDHA NI SV'A H'A, KUN DGA' BO, NYI MA 'CHAR BA'I TSE RO LANGS CHEN PO GNOD BYED CES BYA BA ZHIG YOD DE, DE STON GYI DUS KYI TSE NYI MA'I 'OD ZER GYI RJES SU ZHUGS NAS GANG 'OD ZER DE DAG GIS GANG LA REG PA 'OD ZER GYI DRA BAS REG NAS RIMS SU 'GYUR TE, DE YANG BCAD DO, ,KUN DGA' BO, RO LANGS KHA GCIG PA ZHES BYA BA ZHIG YOD DE, DE YANG 'DI NYID KYI NANG DU BSDU BAR BYA'O, ,KLU'I RGYAL PO SA 'DZIN CES BYA BA YANG 'DI NYID KYI NANG DU BSDU BAR BYA'O, ,KLU THAMS CAD DANG,

213a

, ,GRUL BUM THAMS CAD DANG, YI DVAGS DANG, SHA ZA THAMS CAD KYANG 'DI NYID KYI NANG DU BSDUS, NAM MKHA' LDING YANG 'DI NYID KYI NANG DU BSDUS, NOR 'DZIN YANG 'DI NYID KYI NANG DU BSDUS, RLUNG LHA YANG 'DI NYID KYI NANG DU BSDUS, SGYU MA LEN GYI BU PA RA PA dI SHES RUD DRO YANG 'DI NYID KYI NANG DU BSDUS, PHUNG PO 'DZIN DANG, MDUNG THUNG 'DZIN KYANG DE BZHIN DU BSDUS, DE BZHIN DU BLON PO DANG BCAS PA DANG, 'KHOR DANG BCAS PA YANG 'DI NYID KYI NANG DU BSDUS SO, ,KUN NAS DPAG TSAD BRGYA DAG TU, ,NGA YIS CHAD PA DAG BYAS PAS, ,NGA LA 'BYUNG POS BYAR CI YOD, ,NGA YIS SDANG BA THAMS CAD BCOM, ,GSOD PAR GYUR PA STOBS PO CHE, ,RO LANGS DAG GIS BYAR CI YOD, ,DE DAG KYANG NI NGA'I ZHAGS PAS, ,KUN NAS YONGS SU BSKOR BA YIN, ,ZHAGS PA KUN GYIS DE DAG KYANG, ,RMUGS SHING SHIN TU RMONGS PAR BYAS, ,'DI YIS BDAG GIS KUN 'GRUB CING, ,GSANG SNGAGS TSIG RNAMS GRUB GYUR CIG ,NA MA: SINGDHA N'AN, SIDDHYANTU MANTRA P'A D'A SVA STIR ME SARBA SATVA NANYTZA SV'A H'A, SANGS RGYAS KUN GYI STOBS GANG DANG, ,DGRA BCOM RNAMS KYI STOBS GANG DANG, ,DAM PA'I CHOS KYI GZI BRJID KYIS, ,BDE

213b

LEGS SU NI RAB GYUR CIG ,'PHAGS PA SANGS RGYAS KYI GZI YIS, ,RTAG TU 'JIGS PA THAMS CAD LA SV'A H'A, CHO GA NI, LAN DRUG CU RTZA GCIG BZLAS BRJOD BYAS TE KE ME RU DANG, BAL GTZANG MA LA SOGS PA'I SKUD PA DMAR PO LA MDUD PA BOR RO, ,DE BZHIN DU BYA BA YANG BYA'O, ,'BYUNG PO THAMS CAD DANG, BRJED BYED DANG, SEMS RNAM PAR G-YENG BYED LA SOGS PA DANG, DUG BYIN PA DANG, DUG BYAS PA DANG, RKANG GNYIS PA DANG, RKANG BZHI PA RNAMS LA KUN TU 'GRO BA GRUB PA'I MCHOG YIN NO; ;BCOM LDAN 'DAS KYIS DE SKAD CES BKA' STZAL NAS TSE DANG LDAN PA KUN DGA' BO DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANG STE BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA RO LANGS BDUN PA ZHES BYA BA'I GZUNGS RDZOGS SO,, ,, RGYA GAR GYI MKHAN PO BI SHUDDHA SIm HA DANG, BANDHE YE SHES SNYING PO'I SDES BSGYUR, RGYA GAR GYI MKHAN PO BIDY'A KA RA SIm HA DANG, ZHU CHEN GYI LOTZTSA BA BANDHE YE SHES SDES ZHUS TE GTAN LA PHAB PA,