—

NA MO RATNA TRA Y'A YA, AOm PA SU DHA RE SV'AH'A, SNYING PO'O, NA MO RATNA TRA Y'A YA, AOm B'A SU SHR'I SV'A H'A, NYE BA'I SNYING PO'O, ,NA MO RATNA TRA Y'A YA, AOm B'A SU SV'AH'A, NYE BA'I SNYING PO'I YANG NYE BA'I SNYING PO'O, ,THAL MO SBYAR TE GUNG MO GNYIS DANG, DE NAS SRIN LAG GNYIS DANG, MTHE'U CHUNG GNYIS GSHIBS TE BSDIGS MDZUB PHAN TSUN SBREL LA, MTHE'U CHUNG GNYIS CUNG ZHIG BSNOL TE RTZE MO GNYIS RGYAB SPRAD DE KHAB LTA BU BYAS LA, GUNG MO RTZE SPRAD PA LA MTHEB MO ZUNG GCIG DE'I 'OG TU SBYAR TE REG PA BCAS PA NI, RAB TU GZUNG BA'I RTOG PA LAS GSUNGS PA STE, LAS THAMS CAD SGRUB PA'I BCOM LDAN 'DAS MA NOR RGYUN MA'I GZUNGS 'DI THUB PAS GSUNGS PA'O, ,NA MO RATNA TRA Y'A YA, AOm SHR'I KA RI, DHA NA KA RI DHA NA KA RI SV'AH'A,

[BP]

[BP]

, ,BSGRUB PAR BYA BA'I SNGAGS SO, ,RIG PA 'DI'I DANG PO RE ZHIG DAM TSIG GI PHYAG RGYA NI SOR MO RNAMS THAL MO SBYAR LA MTHEB CHEN DBUS SU BCUG PA NI BCOM LDAN 'DAS MA'I DAM TSIG GI PHYAG RGYA'O; ;AOm SA MA YE, SA ME SA MA YA KA RI, MA H'A SA MA YE SV'A H'A, DAM TSIG GI PHYAG RGYA DANG SNGAGS SO, ,PHYAG RGYA DE NYID LA SDIGS MDZUB GNYIS BRKYANG BA NI ME TOG GI PHYAG RGYA YIN TE, AOm BA SU DHE SV'AH'A, ME TOG GI PHYAG RGYA DE NYID LAS GUNG MO BRKYANG BA NI BDUG SPOS KYI PHYAG RGYA YIN TE, SNGAGS NI, AOm BA SU DHA RE SV'AH'A, PHYAG RGYA 'DI NYID LA MING MED BRKYANG BA'I PHYAG RGYA YIN TE, SNGAGS NI, AOm BA SU DHA MA TI SHRI YE SV'AH'A, PHYAG RGYA 'DI NYID LA MTHE'U CHUNG GI SEN MO MTHEB CHEN GYIS BKAB STE SOR MO GZHAN RNAMS RDO RJE'I MTSAN NYID DU BYAS PA NI MAR ME'I PHYAG RGYA STE, SNGAGS NI, AOm BA SU DHA RI nI SV'AH'A, SEN MO GAN RKYAL DU BYAS LA MTHE BONG GNYIS LOGS SU SBYAR BA NI GTOR MA'I PHYAG RGYA STE, SNGAGS NI, AOm BA SU DHA RE NE SV'AH'A, LHAG MA NYE BAR SPYOD PA NYI SHU RTZA BA'I SNGAGS KYIS THUN MONG GI PHYAG RGYA'AM, SNGAGS KYIS BSGRUB PAR BYA'O,, BCOM LDAN 'DAS MA'I THANG GA'I CHO GA NI NYAMS PA MED CING, ,SKRA'I NYAMS PA MED PA SKUD PA MA CHAD PA'I ZHENG DU MTHO GANG GI TSAD NYID LA RING DU MTHO DO BYAS TE STENG DU BCOM LDAN 'DAS BRI, G-YAS SU 'PHAGS PA SPYAN RAS GZIGS BYA, G-YON DU RDO RJE 'CHANG BYA, BCOM LDAN 'DAS KYI 'OG THANG GA'I DBUS SU BCOM LDAN 'DAS MA BRI STE, GSER GYI MDOG CAN RGYAN THAMS CAD KYIS BRGYAN PA, GOS SRAB MO'I SHAM KAG MNABS PA,

DE BZHIN DU GOS SRAB MO'I STOD G-YOGS CAN, KHA DOG SNA TSOGS KYI SHAM THABS DANG LDAN PA'O, ,DE NAS 'OG PHYOGS SU SGRUB PA PO LAG NA MCHOD PA'I CHO GA BYA'O, ,DE NAS SGRUB PA POS GTZANG SBRA BYAS GOS GTZANG MA GYON TE GSO SBYONG YAN LAG BRGYAD BYA'O, ,DE'I MDUN DU BSNYEN PA 'BUM PHRAG GCIG BYAS LA JI LTAR 'BYOR PAS MCHOD PA'I CHO GA BYA'O, ,DE NAS SGRUB PA PO DANG LDAN PAS SMYUNG BA BYAS TE ZHING GI DBUS SU THANG SKU BZHUGS SU GSOL TE, DRI DANG, ME TOG DANG, BDUG PA DANG, NYE BAR LONGS SPYOD PA'I GTOR MA BYAS LA BRGYAD BRGYA BZLAS PAR BYA'O, ,THANG GA'I 'OG TU LAN BRGYA RTZA GCIG GIS SNGAGS BYAS PA'I BUM PA CHUS YONGS SU GANG BA BZHAG PAR BYA'O, ,BUM PA'I CHUS GTOR MA BTANG ZHING, GLENG BU DANG, THONG 'DZIN GNYIS LA GTOR BAR BYA'O, ,GLENG BU'I MGUL PA DANG, THONG 'DZIN GYI MGUL PAR ME TOG GI PHRENG BA GDAGS PAR BYA'O, ,DE RNAMS KYI MDUN DU SNGAGS PAS CHU'I RGYUN ZHING LA LAN G-YAS LOGS SU BSKOR BAR BYA BA NI SNGAGS PAS MDUN DU 'GRO ZHING SNGAGS PA'I RTING NI ZHING RMOR 'GRO BAR BYA'O, ,PHYIS SA BON 'DEBS PA'I DUS SU CHO GA 'DIS BRGYAD BRGYA BSNGAGS LA SA BON SBAR BA GANG LA LAN BDUN BZLAS TE ZHING LA GTOR BAR BYA'O, ,SA BON GDAB PA'I CHO GA'O, ,DE NI ZHING BRNGA BA'I DUS SU YANG CHO GA 'DIS BYA'O, ,CHO GA LHAG PO NI 'DIR DGE SLONG BZHI LA ZHING GI MTSAMS BZHIR CI 'DOD KYI STON MO BYAS TE, DE NAS SNGAGS PAS CHANG BA BDUN BZLAS PA BYED CING, BRNGA BA NI LO TOG RTZA BA BYA BA'I CHO GA'O, ,DA NI G-YUL 'CHAG PA BYA BA'I CHO GA BSHAD PAR BYA STE, G-YUL 'CHAG PA'I DUS SU SNGAGS PAS RANG NYID GTZANG SBRA BYAS LA GOS GTZANG MGON LA SHAR DU ZHAL

, ,BSTAN TE SKU GZUGS BZHUGS SU GSOL LA DRI DANG, ME TOG DANG, BDUG PA DANG, YANG NA NYE BAR LONGS SPYOD PA'I GTOR MA BYAS LA BZLAS PA BYAS TE 'BRU'I PHUNG PO MTSAMS BZHIR GZHON NU MA GSAR DU BAG MA BYAS SHING KHYO YOD PA'I BUD MED BZHI LA STON MO BYAS LA, DE SNYED KYI MTHAR ZAD PA MED PAR GNAS SO, ,DE NAS SKYES BUS 'BRU 'DRAL ZHING GRANGS BYED PA'I DPRAL BA LA SNGAGS DGOD PAR BYA'O, ,BCOM LDAN 'DAS MA'I SNGAGS DE SRED DU SMRA BCAD BYAS LA BZLAS PA BYA'O, ,JI SNYED DU SNGO LA BLTAS NA GNYIS 'GYUR DU 'GRO BAR 'GYUR RO, ,DE SNYED BZLAS PA BYA'O, ,DE NAS 'BRU'I LHAG MA DE MI 'JAL BAR 'CHING PA'I MI LA SOGS PA BOS SHING SBYIN PA'AM, DGE 'DUN LA SBYIN PAR BYA'O, ,G-YUL 'CHAG PA'I CHO GA'O, ,DA NI, 'BRU BANG MDZOD DU 'JUG PA'I CHO GA BSHAD PAR BYA STE, DANG PO RE ZHIG MDZOD KYI SGO G-YAS G-YON DU 'BYUNG PO GNYIS GCER BU GSUS PA 'CHANG BA, DBANG PO 'PHYANG BA, G-YON PA'I LAG NA 'BRU'I SNOD GZUNG ZHING 'BRU SKYUG BZHIN PA, GSER GYI MDOG RGYAN THAMS CAD KYIS BRGYAN PA GNYIS BRI BAR BYA'O, ,MDZOD KYI KHANG PAR YANG DRI DANG, BYUG PA DANG, MCHOD

YON SBYIN ZHING, GDUGS DANG, RGYAL MTSAN DANG, BA DAN LA SOGS PAS BCOM LDAN 'DAS MA'I THANG GA'I MDZOD KYI NANG DU GZHUG PAR BYA'O, ,DE NAS 'O MA'I CHU RGYUN GTOR BZHIN PA'I SNGAGS PAS 'GRO BAR BYA ZHING, DE'I RGYAB NAS DE NAS BRI BAR KHYIM DU GZHUG PAR BYA'O, ,DE'I RJES LA 'BRU'I MDZOD KHANG DU PHYAG RGYA GZHAG PAR BYA'O, ,DE NAS MDZOD KYI KHANG PA'I SGO RU DGE 'DUN GYI STON MO BYAS LA DRI DANG, ME TOG DANG, BDUG PA LA SOGS PAS MCHOD DO, ,NOR RGYUN MA'I GZUNGS RDZOGS PAR BKLAG PAR BYA'O; ;GTOR MA RGYA CHEN PO BYAS LA THANG GA'I MDUN DU DE NAS SKYES BUS 'BRU PHYIR 'BYIN PAR BYED DE, DE NAS BCOM LDAN 'DAS MA DANG 'DRA BAR BSAM LA GUR GUM GYIS GRO GA LA SNGAGS BRIS LA, SPYI BOR BCINGS LA KHA GOS KYIS BKAB LA NYI MA RE RE ZHING 'BRU PHYIR DBYUNG BAR BYA'O, ,MDZOD KHANG GI SGO RU NYIN RE NOR RGYUN MA ZHES BYA BA'I GZUNGS KYI MDO BKLAG PAR BYA'O, ,SNGAGS PA BSGRUB BYA'I SNGAGS BLTAS LA DUS GSUM DU BRGYAD BRGYA BZLAS PA BYA'O, ,JI LTAR RNYED PA'I BCOM LDAN 'DAS MA NOR RGYUN MA'I RTOG PA RDZOGS SO,, ,,