TSOGS KYI BDAG PO CHEN PO'I RGYUD CES BYA BA (MA H'A GA nA PA TI TANTRA N'A MA)

RGYA GAR SKAD DU, MA H'A GA nA PA TI TANTRA N'A MA, BOD SKAD DU TSOGS KYI BDAG PO CHEN PO'I RGYUD CES BYA BA, 'JIG RTEN DBANG PHYUG LA PHYAG 'TSAL LO, ,DE NAS DPAL LDAN TSOGS BDAG CHE, ,PHYAG 'TSAL DPAL LDAN TSOGS BDAG DGYES, ,GZUGS BRNYAN MAndAL GRU BZHIR BZHAG ,ZLA BA DRUG TU MCHOD PAR BYA, ,LHA YI 'KHOR LOS BSGYUR BA DANG, ,TSE 'DI NYID LA BSKAL PA MNYAM, ,BSOD NAMS CHEN PO THOB PAR 'GYUR, ,LONGS SPYOD LHA DANG MNYAM PA DANG, ,TSE YANG RING BA'I MCHOG TU 'GYUR, ,MI LA SOGS PA DBANG DU 'GYUR, ,LHA YI BU YANG BRAN BZHIN 'GYUR, ,BDAG GIS BSGO BA NYAN PAR 'GYUR, ,KLU YANG DE YI BSGO BA NYAN, ,BRAN BZHIN LAS RNAMS BYED PAR 'GYUR, , LHA YI LONGS SPYOD MNGA' RIS LAS, ,'DOD PA'I LONGS SPYOD 'BYUNG BAR 'GYUR, ,DNGOS GRUB SGRUB PA'I SKAL BA CAN, ,GDUL BYA'I DBANG GIS SKU SPRUL PA, , LHA CHEN TSOGS BDAG CHEN POS BYA, ,DNGOS GRUB DAM PA MCHOG SGRUB NA, ,MTHU STOBS PHUN SUM TSOGS LDAN ZHING, ,LONGS SPYOD YID BZHIN 'PHEL BAR BYED,,

'JIG RTEN PHAN MDZAD LHA YI LHA, ,GANG GIS MCHOD PA DNGOS GRUB YIN, ,LHA CHEN TSOGS KYI BDAG PO'I RGYUD LAS, DNGOS GRUB 'BYUNG BA ZHES BYA BA'I LE'U SNYED PO'O;; ,,DE NAS DBEN PA'I GNAS SU NI, ,DKYIL 'KHOR GRU BZHI DAG BYA STE, ,BA YI LCI BAS LEGS PAR BYUGS, ,'JAM ZHING MNYEN LA DBUS MTHO BA'I, ,DBUS SU TSOGS BDAG SKU GZUGS BZHUGS, ,ME TOG DKAR POS DE LA GTOR, ,BDAG NYID GCER BUR BYUNG BYAS TE, ,LOG 'DREN GZUGS KYIS YANG DAG MCHOD, ,BA RA TA KA ZLA BA DRUG ,NYIN RE BZHIN DU DUS GSUM DU, ,GSANG SNGAGS BRGYA NI RTZA BRGYAD BZLAS, ,YID LA RE BA THAMS CAD RDZOGS, ,BSAM PA THAMS CAD 'GRUB PAR 'GYUR, ,AOm NI BKRA SHIS DPAL DANG LDAN, ,GSANG SNGAGS MGO LA GZHAG PAR BYA, ,YID BZHIN NOR BU LTA BU YI, ,DNGOS GRUB GTER BYED YI GE YANG, ,DE 'OG GRAL LA GZHAG PAR BYA, ,NYI MA LTA BU'I YI GE YANG, ,DE YI RJES LA BKLAG PAR BYA, ,DE BZHIN GSHEGS PA'I MTSAN DANG PO, ,YI GE'I MCHOG NI BLANG BAR BYA, ,GSAL BYED YI GE DANG PO YANG, ,DE YI MJUG TU BRJOD PAR BYA, ,RIN CHEN YI GE SV'A ZHES BYA, ,LAS KYI YI GE H'A ZHES BYA, ,DNGOS GRUB 'DOD

, ,PAS GSANG SNGAGS BZLAS, ,LHA CHEN DNGOS GRUB SGRUB PA'I RGYUD LAS, LHA'I DNGOS GRUB KYI GSANG SNGAGS BSTAN BA'I LE'U STE GNYIS PA'O,, ,,DE NAS TSOGS KYI BDAG PO BSHAD, ,TSOGS KYI BDAG PO SKU MDOG DKAR, ,GLANG PO CHE YI MGO BO CAN, , MCHE BA YA GCIG CHAG PA DANG, ,PHYAG G-YAS LA PHUG BSNAMS PA DANG, ,BYI BA'I GDAN LA BCIBS PA DANG, ,RIN PO CHE YIS SKU BRGYAN PA, ,ZLA BA TSES BAS DBU BRGYAN PA, ,'OD GSAL BA, 'OD ZER 'PHRO BA, MDOG BZANG BA, KHA DOG BZANG BA, GSUS PA CHE BA, RGYAN GYIS SPUD PA'O, ,DNGOS GRUB SGRUB PA'I RGYUD LAS, TSOGS KYI BDAG PO BSTAN PA'I LE'U STE GSUM BA'O,, ,,DE NAS SKAR MA RGYAL GYI NYIN PAR ME TOG DKAR PO BLANGS TE TSOGS KYI BDAG PO'I SKU GZUGS BRIS TE, KHA DOG DKAR PO GLANG PO CHE'I DBU CAN, PHYAG G-YAS NA LA PHUG BSNAMS PA, G-YON PA NA RIN PO CHE'I NOR BU BSNAMS PA, GSUS PA CHE BA, RGYAN THAMS CAD KYIS BRGYAN PA, ZLA BA DANG BYI BA'I KHRI LA BZHUGS PA MKHAS PAS BYA'O, ,DE LA DKYIL

'KHOR GYI DBUS SU BDAG LA ZHAL PHYOGS PAR BZHAG LA, BDAG NYID LOG 'DREN GYI GZUGS KYIS YANG DAG PAR MCHOD DO, ,TSOGS KYI BDAG PO ZHAL GCIG PHYAG BZHI PA SGRUB PA'I LE'U STE BZHI PA'O,, ,,DE NAS DBANG LDAN GYI MTSAMS SU TSOGS KYI BDAG PO DKAR PO GLANG PO CHE'I MGO CAN, BYI BA LA ZHON PA, MIG GSUM PA, ZLA BA PHYED PA 'DZIN PA, G-YAS NA LA PHUG DANG DGRA STA 'DZIN PA, G-YON PA TRI SH'U LA DANG THOD PA 'DZIN PA, LAG PA KHU TSUR BCANGS PA'I MDZUB MO DANG GUNG MO BRKYANG LA MDZUB MO BKUG LA GUNG MO'I TSIGS SU GZUNG BAR BYA BA NI, TSOGS KYI BDAG PO'I PHYAG RGYA'O, ,TSOGS KYI BDAG PO'I PHYAG RGYA BSTAN PA'I LE'U STE LNGA PA'O,, ,,DE NAS GSANG SNGAGS BSTAN PA NI, ,AOm NI DPAL LDAN MGO LA GZHAG ,DE NAS YID BZHIN NOR BU NI, ,RIN PO CHE YI YI GE BRI, ,SDE TSAN GSAL BYED DANG PO YANG, ,DE YI RJES SU BRI BAR BYA, ,DE BZHIN GSHEGS PA'I MTSAN DANG PO, ,DBYANGS YIG BRGYAD PAS MDZES PAR BYA, ,GSAL BYED DANG PO'I YI GE YANG, ,BLO YIS BLANGS TE YID KYIS BRI, ,SDE TSAN GSUM PA'I GSUM PA LA, ,DANG PO'I BZHI PA SBYAR BAR BYA, ,

, ,SDE TSAN BDUN PA'I GSUM PA LA, ,GSUM PA'I DANG PO 'OG TU SBYAR, ,YID BZHIN NOR BU'I YI GE LA, ,BZHI PA'I LNGA PA ZLA LA GZHAG ,DBYANGS YIG GSUM PAS BRGYAN PAR BYA, ,BZHI PA'I GSUM PAS DE NAS BRJOD, ,DNGOS GRUB SGRUB PA'I YI GE NI, ,DE YI RJES LA BRI BAR BYA, , GSANG SDOGS DRAG PO'I YI GE YANG, ,KUN GYI MTHAR NI BRJOD PAR BYA, ,GSANG SNGAGS 'DI YI DNGOS GRUB NI, ,'JIG RTEN DBANG PHYUG NYID KYIS BYIN, , DGOS PA THAMS CAD 'GRUB PAR 'GYUR, ,TSOGS BDAG CHEN PO'I GSANG SNGAGS BSTAN PA'I LE'U STE DRUG PA'O,, ,,DE NAS GZHAN YANG GSUNGS PA NI, ,DNGOS GRUB THAMS CAD SGRUB PA YI, ,MTSAN GYI GSANG SNGAGS ZHES BYA BA'I, ,DNGOS GRUB SGRUB PA'I SNYING PO NI, ,DPAL DANG YAm GYI YI GE STE, ,AOm ZHES BYA BA'I MGO LA GZHAG ,YID BZHIN NOR BU'I YI GE LAS, ,NYI MA'I YI GE 'OG TU SPRAS, ,DBYANGS YIG DRUG PA'I 'OG TU SBYAR, ,THIG LE N'A DAS BRGYAN PAR BYA, ,MTSAN GYI DANG PO'I YI GE NI, ,DE YI RJES LA BRJOD PAR BYA, ,BZHI PA'I LNGA PA DE NAS SBYAR, ,LNGA PA'I DANG PO BRI BAR BYA, ,

DE BZHIN GSHEGS PA'I MTSAN DANG PO, ,'BYUNG BA RLUNG GI YI GE YANG, ,DBYANGS YIG BRGYAD PAS BRGYAN PA NI, DE YI RJES LA BRI BAR BYA, ,ZHI BA'I YIG 'BRU GNYIS PA YANG, ,KUN GYI MTHAR NI BRJOD PAR BYA, ,MTSAN GYI GSANG SNGAGS ZHES BYA BA, ,'DOD PA THAMS CAD GRUB BYED YIN, ,MTSAN GYI GSANG SNGAGS BSTAN PA'I LE'U STE BDUN PA'O,, ,,DE NAS GZHAN YANG BSHAD PAR BYA, ,SKAR MA RGYAL GYI NYIN PAR NI, ,ME TOG DKAR PO'I RTZA BA BLANG, , TZANDAN DKAR PO DAG LAS NI, ,TSOGS KYI BDAG PO'I SKU GZUGS NI, ,MTHE BONG GI NI TSAD TZAM BYA, ,GSUS PA CHE LA PHYAG BZHI PA, ,MKHAS PAS BYAS TE LEGS PAR BYA, ,RIN PO CHE YI SNOD DU GZHUG ,DKAR CHEN MNGON PAR GSAL BA'I TSE, ,NANG GI CHA RIS SKU KHRUS GSOL, ,GSAL ZHING DVNGAS LA YID DU 'ONG, ,DRI DANG LDAN PA'I BUM PA YIS, ,ME TOG DKAR PO'I DRI YIS NI, ,'DAG CHAL LDAN PAS KHRUS BYA'O, ,DE NAS DE MA THAG TU NI, ,DKYIL 'KHOR DBUS SU SPYAN DRANGS LA, ,ME TOG DKAR PO DBUL BAR BYA, ,LA PHUG LA DUR BCAS PA YI, ,GTOR MA CHEN PO'ANG DE NAS DBUL, ,SPOS DANG DRI DANG MAR ME DANG, ,LHA

, ,BSHOS DAG GIS MCHOD PAR BYA, ,GSANG SNGAGS 'DIS LA PHUG DANG, ,LA DU DANG, ,CHU DANG, DKAR GSUM GYI GTOR MAS TSOGS KYI BDAG PO LA PHUL TE, SPOS DANG ME TOG RNAMS KYANG DBUL, DE LTAR BYAS NA PHYIS BGEGS BYED PAR MI NUS SO, ,TSOGS KYI BDAG PO'I MCHOD PA'I LE'U STE BRGYAD PA'O,, ,,DE NAS LA PHUG CES BYA BA, ,RO BRGYAD LDAN PA'I NYUNG MA STE, ,ZAS RNAMS KUN GYI MCHOG KYANG YIN, ,RO MCHOG BRGYAD DANG LDAN PA YIN; ;KHA DANG SKYUR DANG BSKA BA DANG, ,MNGAR DANG TSVA DANG LAN TSVA'I RO, ,BZHUN DANG BRO MCHOG CHE BA YANG, ,NAD SNA BRGYAD KYI GNYEN PO YIN, ,MKHRIS PA BDE KAN 'DUS PA DANG, ,KHRAG DANG CHU SER MA ZHU BA, ,RLUNG DANG RIMS NAD KUN LA PHAN, ,'DI 'DRA BYUNG BA'I KHA ZAS MED, ,LHA RNAMS KUN GYI MCHU YANG 'GUL, ,DNGOS GRUB 'GRUB PA'I ZHAL ZAS YIN, ,TSOGS KYI BDAG PO MCHOD PAR BYA, ,LA DU ZHES BYA'I ZHAL ZAS NI, ,MNGAR GSUM 'BRAS BU GSUM PA NI, ,DE BZHIN ZHIM PA'I SPOS KYIS BRAN, ,BAG ZAN GYI NI RIL BU BYA, ,'O MA MANG DU BTZOS BYAS LA, ,TSOGS PA'I GTOR MA CHEN PO BYA, ,MAR DANG

'KHUR BA MNGAR GSUM DANG, ,MTHUN PA'I ZHAL ZAS SNA TSOGS KYIS, ,TSOGS BDAG CHEN PO MCHOD PAR BYA, ,DE LTAR TSOGS KYI BDAG PO LA'O, ,TSOGS KYI BDAG PO'I SKU GZUGS LAG PA G-YAS PA'I MTHIL DU BZHUGS LA, SEMS GZHAN DU MA G-YENGS PAR BZLAS BRJOD 'BUM BYAS TE LA PHUG LA SNGAGS KYIS BTAB STE TSOGS KYI BDAG PO MCHOD NA, TSE 'DI NYID LA 'KHOR LOS BSGYUR BA'I RGYAL PO DANG BSOD NAMS MNYAM PAR 'GYUR RO, ,ME TOG DKAR POS MCHOD NA, RGYAL PO LA SOGS PA PHAM PAR MI 'GYUR RO, ,RGYAL PO LA SOGS PA SGRUB PAR 'GYUR RO, ,RGYAL PO DANG BLON PO LA SOGS PA BDAG GI DBANG DU 'DUS PAR 'GYUR RO, ,DNGOS GRUB SGRUB PA'I ZHAL ZAS BSTAN PA'I LE'U STE DGU BA'O,, ,,DE NAS CHO GA BSHAD PAR BYA, ,DNGUL ZHES BYA BA'I RIN CHEN LA, ,TSOGS BDAG CHEN PO'I GZUGS BYAS TE, ,YID BZHIN NOR BU LAG NA THOGS, ,DKYIL 'KHOR CHEN PO KHRU GANG TSAD, ,RIN CHEN ME TOG DKAR PO DGRAM, ,GSANG SNGAGS 'BUM DU BZLAS BYAS PAS, ,NAD DANG SDUG BSNGAL ZHI BAR 'GYUR, ,SHEL DANG DUNG LAS TSOGS BDAG SKU, ,MKHAS PAS

, ,JI LTAR 'BYOR BAR BYA, ,SDUG BSNGAL THAMS CAD SEL BAR 'GYUR, ,RIN CHEN SHEL LAS TSOGS BDAG SKU, ,MTHO BONG GI NI TSAD TZAM BYA, ,SE NA PRA ZHES BYA BA'I SNGAGS, ,RIG PA 'BUM DU BZLAS BYAS TE, ,SHEL GYI SKU DE KHRUS BYAS NAS, ,SKAR MA RGYAL GYI NYIN BAR NI, ,BDAG NYID SHAR DU KHA BLTAS NAS, ,GOS DKAR GYON TE KHRUS BYAS LA, ,THAL SBYAR YID KYIS GSOL BA GDAB, ,BDAG LA GNOD PA'I BGEGS GANG YIN, , SHEL GYI SKU DE ME LONG STE, ,MI G-YO MI 'GUL RAB TU ZHUGS, ,BDAG NYID KHRUS BYAS SHAR DU BLTA, ,DZA RA PA DANG RKUN MA NI, ,GANG YIN ME LONG NANG DU 'BYUNG, ,DE TSE DE YIS NGOS ZIN 'GYUR, ,TSOGS BDAG SHEL GYI SKU DE NI, ,MCHOD PA RAB GSAL LEGS BYAS LA, ,N'A GA KU RU ZHES BYA BA'I, ,RIG PA 'BUM DU BZLAS BYAS NA, ,NAD DANG SDUG BSNGAL GYIS NYEN LA, ,SKU DE BSTAN PA TZAM GYIS NI, ,NAD RNAMS THAMS CAD SOS PAR 'GYUR, ,SDUG BSNGAL LAS KYANG THAR BAR 'GYUR, ,ZHI BA CHEN PO'I CHO GA YIN, ,RIN CHEN GSER ZHES BYA BA LA, ,TSOGS BDAG CHEN PO'I SKU BYAS TE, ,RGYAL GYI NYIN PAR MIG PHYE NA, ,MCHOD

DANG RAB TU GNAS PA BYA, ,BA RA ZHES BYA'I GSANG SNGAGS NI, ,'BUM PHRAG GCIG TU BZLAS PA YIS, ,SKU GZUGS BZHUGS PA'I KHYIM DER NI, ,NOR RNAMS THAR CAD 'PHEL BAR 'GYUR, ,GSER GYI TSOGS BDAG MTHONG BA YIS, ,BGEGS RNAMS THAMS CAD NOR 'BUL 'GYUR, ,BGEGS KYIS GNOD PA MI NUS TE, ,RGYAL PO BZHIN DU MCHOD PAR 'GYUR, ,GSER GYI TSOGS BDAG GNAS PA YIS, ,SA PHYOGS RIN CHEN CHAR PA 'BEBS, ,GSER GYI TSOGS KYI BDAG PO LA, ,BGEGS KYI RGYAL PO THAMS CAD KYIS, ,NOR RNAMS THAMS CAD 'BUL BA YIN, ,BDAG NYID PHUN SUM TSOGS PAR 'GYUR, ,TSOGS KYI BDAG PO'I SKU GZUGS MCHOG ,BYAS PA'I YON TAN RNAMS LA NI, ,GNOD SBYIN RNAMS KYI GTER KHA 'BYED, ,SKYE BA 'DI DANG PHYI MA LA, ,RTAG TU YO BYAD 'PHEL BAR 'GYUR, ,NOR GYI BDAG PO RNAM THOS BUS, ,RGYAL BU BZHIN DU BSNYEN BKUR BYED, ,DE NAS DPAL LDAN TSOGS BDAG GIS, ,SKU GZUGS DKYIL 'KHOR GRU BZHIR GZHAG ,BHA GZHES BYA'I GSANG SNGAGS NI, ,BZLAS PA 'BUM DU BYAS PA YIS, ,TSE DE NYID LA DNGOS GRUB NI, ,CI 'DOD PA NI SBYIN PAR MDZAD, ,LHA YI RGYAL PO'I MNGA' THANG

, ,NI; ;SGRUB PA PO LA STZOL BAR MDZAD, ,SHIN TU THUGS RJE'I BDAG NYID PAS, ,DPAL LDAN TSOGS BDAG THUGS RJE CAN, , THUGS RJE'I PHUNG POS DBUL BA SKYOB, ,NOR LHA CHEN PO'I BDAG NYID 'DI, ,DAR RAM RAS LA LEGS BRIS TE, ,RGYAL GYI NYIN PAR SPYAN PHYA NAS, ,GANG GI KHYIM DU BZHUGS PA DE'I, ,SA PHYOGS DE NI BKRA SHIS 'GYUR, ,ZANGS LA TSOGS BDAG CHEN PO'I SKU, ,MKHAS PAS LEGS PAR BZO BYAS TE, ,TZANDAN DMAR POS BYUGS PA'I SAR, ,MAndAL STENG DU LEGS PAR GZHAG ,BHANDU KA YI ME TOG DANG, ,PADMA R'A GA'I RIN CHEN DANG, ,ME TOG DMAR PO KUN GYIS MCHOD; ;BRUm ZHES BYA BA'I RIG SNGAGS BZLAS, ,RGYAL PO'I BU MO DBANG DU 'GYUR, ,LHA YI BU MO KLU MO DANG, ,MI 'AM CI YI BU MO DANG, ,BRAM ZE'I BU MO MTSAN LDAN MO, ,MCHOG TU GZUGS BZANG GUS PAR 'GYUR, ,BRAN MO BZHIN DU BSGO BA NYAN, ,DE LA SOGS PA MTHA' YAS MCHOG ,SKU GZUGS DAG LA BRTEN TE 'GRUB, ,MCHOD PA TZAM GYIS 'BYUNG BA YIN, ,GZHAN YANG TSOGS BDAG CHEN PO'I SKU, ,RIN PO CHE YI RGYU LAS BYAS, ,DKYIL 'KHOR STENG DU BZHUGS

BYAS TE; ;RATNA SIDDHI ZHES BYA BA'I, ,RIG PA 'BUM DU BZLA BAR BYA, ,SA 'OG GTER RNAMS STON PAR 'GYUR, ,CI DGA' BAR YANG SPYOD PAR 'GYUR, ,TSOGS BDAG CHEN PO'I RGYUD LAS, RGYAL PO LA SOGS PA SGRUB PA'I LE'U STE BCU PA'O,, ,,DE NAS DPAL LDAN TSOGS BDAG TSE, ,DRAG PO CHEN PO DRAG SHUL CAN, ,SANGS RGYAS THUGS LA BYOL SONG DBU, ,GLANG CHEN GZHON NUS ZHAL BRGYAN PA, ,SPYAN GSUM MCHE BA BZHI DANG LDAN, ,PHYAG BZHI ZHABS BZHI KLU CHEN GDAN, ,DBANG PO MCHE BA DKAR PO 'DZIN, ,DE 'OG ZHAGS PA G-YON PA NA, ,DGRA STA KHA tV'Am RTZE GSUM 'DZIN, ,MTHING GA GSUS PA CHE BA 'O, ,DE LTA BU YI TSOGS BDAG SKU, ,KHAR BA KHRO CHU DAG LA BYA, ,RGYAL GYI NYIN PAR RAB TU GNAS, ,DES NA SGOM ZHING SGRUB PA NI, ,DKYIL 'KHOR BYA BA'I SA BRTAG PA, , LE'U TSE DGU PA'I DKYIL 'KHOR BRI, ,SGO DANG SGO KHYUD LDAN PAR BYA, ,DBUS SU PADMA 'DAB BRGYAD LA, ,TSOGS BDAG CHEN POS BSGRUB BYA MNAN, ,ZLA BA'I GDAN LA YUM DANG NI, ,GNYIS SU MED PAR DGOD PAR BYA, ,DE'I MING AA RTZI KA RI STE, ,RDO RJE PHAG GDONG MA ZHES BYA, ,DGRA STA BANDHA LAG NA THOGS, ,KHRAG GIS GANG BA GTZO

, ,LA STOB, ,SHAR GYI LE'U TSE SER PO LA, ,KHAMS GSUM GYI BDAG PO LA PHUG DANG, GRI 'DZIN PA'O, ,LHO PHYOGS KYI LE'U TSE SNGON PO LA GNOD SBYIN CHEN PO RDO RJE MCHU MA HE DE BA'I GDONG CAN DBYUG THO DANG, THO BA 'DZIN PA NAG PO'O, ,NUB PHYOGS KYI LE'U TSE DMAR PO LA GNOD SBYIN GYI BDAG PO SPRIN GYI BDAG CES BYA BA DMAR BO CHUS GANG BA'I SPRIN PHUNG DANG, ZHAGS PA 'DZIN PA'O, ,BYANG PHYOGS KYI LE'U TSE LJANG GU LA GNOD SBYIN GYI BDAG PO NOR GNAS ZHES BYA BA LJANG GU DBYUG THO DANG, RIN PO CHE'I KHA tR'Am GA THOGS PA'O, ,BYANG SHAR GYI LE'U TSE DKAR PO LA BGEGS KYI RGYAL PO BI NA YA KA GLANG PO CHE'I GDONG MDUNG RTZE GSUM PA DANG, LA PHUG THOGS PA NAG PO'O, ,SHAR LHO'I LE'U TSE DMAR PO LA YI DVAGS KYI RGYAL PO DRAG PO ZHES BYA BA DGRA STA DANG, THOD PA RIL PO THOGS PA NAG PO'O, ,LHO NUB KYI LE'U TSE NAG PO LA SPRIN PHUNG GI SGRON MA ZHES BYA BA SPRIN PHUNG DANG, GLOG GI 'OD DU BCAS PA LAG PA GNYIS KYIS THOGS PA'O, ,BYANG NUB KYI LE'U TSE NAG PO LA BGEGS KYI RGYAL PO LOG 'DREN SNA YON ZHES BYA BA GLANG PO CHE'I SNA CAN RTZE GSUM

DANG, THOD PA SKAM PO'I NANG DU LA PHUG DANG SHAS BKANG BA THOGS PA'O, ,LHA RNAMS LA KLU'I RGYAL PO BRGYAD BKA' NYAN PA NI, KLU'I RGYAL PO AA BA LA DANG, WA RU nA DANG, DUNG SKYONG DANG, 'JOG PO DANG, RIGS LDAN DANG, MTHA' YAS DANG, PADMA DANG, PADMA CHEN PO RNAMS SO, ,SHAR GYI SGOR RGYAL PO CHEN PO YUL 'KHOR SRUNG, LHO SGOR 'PHAGS SKYES PO, NUB SGOR SPYAN MI BZANG, BYANG SGOR RNAM THOS SRAS RNAMS SKU MDOG DKAR BA DANG, SNGO BA DANG, DMAR BA DANG, LJANG GUR SHES PAR BYA'O, ,LAG NA NOR BU RIN PO CHE RE RE, RAL GRI RE RE'O, ,'DI RNAMS KYI CHUNG MA NI, MI BRI'O, ,'DI LTAR BRIS PA'I BYANG SHAR DU GSAD PA'I DKYIL 'KHOR GRU GSUM LA, DE'I NANG DU DGRA PO'I GZUGS SPRA TSIL LAS BYAS PA, RID PA, NAG PA, SKRA ZING PA, TIL MAR GYIS BYUGS TE SNYING GAR MING RUS BRIS LA GZHUG GO ,DE'I SKER RO SKRA LAS BYAS PA'I THAG PA GDAGS SO, ,DE LTAR BYAS NAS GNOD SBYIN CHEN PO BRGYAD LA LA DU DANG, LA PHUG DANG BCAS PA'I GTOR MA DANG, GNOD SBYIN CHEN PO BRGYAD LA NYA SHA DANG, SGOG TZONG DU SBYAR BA'I DMAR GYI GTOR MA RE RE BSHAM, KLU CHEN PO BRGYAD LA

, ,GTOR MA CHE BA GCIG DANG, RGYAL PO CHEN PO BZHI LA RE RE BYA, GAL TE MA 'BYOR NA, CHE BA GCIG BYA, LHA GSOS RE RE DBUL BAR BYA'O, ,GZHAN YANG DRAG PO'I RDZAS SPYANG KI'I THONG BA DANG, ZI RA NAG PO DANG, SKE CHE DANG, NYUNG KAR DANG, NYUNG NAG GZHAG PAR BYA'O, ,TSOGS BDAG CHEN PO'I DKYIL 'KHOR GYI LE'U STE BCU GCIG PA'O,, ,,DE NAS GZHAN YANG BSHAD PAR BYA, ,SGOM PA'I RIM PA 'DI LTA BU,, MA BYUNG 'BYUNG BAR MI 'GYUR BAS, ,SHIN TU GSANG STE BSGRUB PAR BYA, ,YA YI RANG BZHIN STONG PA LAS, ,SNANG BA'I RANG BZHIN H'Um DANG NI, ,YA TSOGS BRGYAD PA'I SA BON 'BYUNG, ,MING GI SNGAGS LAS RAB TU BSKYED, ,KHRO BO'I SPRUL PAS STONG GSUM BKANG, ,'OD BSDUS THOG MA'I H'Um LA 'DUS, TSOGS KYI BDAG PO CHEN PO DES, ,'GRO BA'I DON DU BZHENGS PA NI, ,KHRO BO CHEN PO 'JIGS PA'I GZUGS, ,YUM DANG 'KHOR YANG RDZOGS PAR BSKYED, , PHU BRGYAD KLU BRGYAD SEMS DPA'I TSUL, ,RGYAL PO DE BZHIN KHRO BO'I TSUL, ,YI GE BHE DANG MING LAS BSKYED, ,'OD ZER TSUL GYIS SPYAN DRANGS LA, ,DZA DANG DZA

YI 'PHRO 'DU DANG, ,H'Um DANG H'Um GI GSANG SNGAGS DANG, ,LCAGS KYU'I PHYAG RGYAS SPYAN DRANGS LA, ,NUS PA'I MTHU DANG LDAN PAR BYA, ,MCHOD DANG GTOR MA BSTAB PAR BYA; ;BA LI GRiHnA KH'A YI SNGAGS, ,SNYING PO DAG DANG SPEL BAR BYA, ,SGOM PA'I RIM PA'I LE'U STE BCU GNYIS PA'O,, ,,DE NAS GSANG SNGAGS RGYAL PO NI, ,DBYANGS YIG GSAL BYED DAG LAS BTU, ,DANG PO BZHI PA RDO RJES BRI, ,BZHI PA'I LNGA PA GRAL LA GZHAG ,YID BZHIN NOR BU'I YI GE DANG, ,DE YI RJES SU BSAM PAR BYA, ,DE BZHIN GSHEGS PA'I MTSAN DANG PO, ,DE YI RJES SU BRJOD PAR BYA, ,DE LA DBYANGS YIG BRGYAD PAS BRGYAN, ,DGUG PA'I YI GE DAG DANG NI, ,'BYUNG BA RLUNG GI YI GE LA, ,DBYANGS YIG GNYIS PA SBYAR BA YIS, ,RGYAL BA'I RGYAL PO ZHES BYA'O, ,YID BZHIN NOR BU'I YI GE LA, DBYANGS YIG GNYIS PA SBYAR BAR BYA, ,NYI MA YI NI YI GE DANG, ,BZHI PA'I LNGA PA DE NAS BRI, ,DE LA DBYANGS YIG BRGYAD PAS BRGYAN, ,GNYIS PA'I BZHI PA'I YI [?] ,DBYANGS YIG BZHI PAS BRGYAN PAR BYA, ,LNGA PA'I BZHI PA'I YI GE LA, ,GSUM PA'I LNGA PA SBYAR BAR BYA, ,BZHI PA'I DANG PO'I YI GE LA, ,DBYANGS YIG BZHI

, ,PAS BRGYAN PAR BYA, ,'BYUNG BA RLUNG GI YI GE LA, ,DE YI 'OG TU SBYAR BAR BYA, ,RIN PO CHE YI YI GE DANG, ,LAS KYI YI GE MTHA' MAR BRJOD; ;TSOGS BDAG CHEN PO'I RTZA BA'I SNGAGS, ,'DOD PA THAMS CAD SGRUB BYED YIN, ,GNOD SBYIN BRGYAD KYI GSANG SNGAGS NI, ,YA ZHES BYA BA LA SOGS BA; ;YA YA ZHES BYA LA SOGS DANG, ,BAm ZHES BYA BA LA SOGS DANG, ,BI N'A YA KA ZHES BYA BA LA SOGS PA DANG, BHE RA ZHES BYA BA LA SOGS PA DANG, H'Um ZHES BYA BA DANG, TRI ZHES BYA BA STE, BRGYAD LA H'Um DANG PHAt KYIS MTHA' RTEN PAS SROG GI SNYING PO'O, ,KLU YI SNGAGS NI MING LAS BSKYED, ,AOm DANG H'Um PHAt LDAN PAR BYA, ,RGYAL PO CHEN PO'I GSANG SNGAGS NI, ,BHE ZHES BYA BA DANG, BHI ZHES BYA BA DANG, BHA ZHES BYA BA'I SNGAGS SU 'GYUR RO, ,GNOD SBYIN CHEN PO RNAMS KYI GSANG SNGAGS 'BYUNG BA'I LE'U STE BCU GSUM PA'O,, ,,BSGRUB BYA DGUG PA'I SNGAGS NI, YA DANG KshA DANG KA DANG LA, ,MA DANG H'A DANG BHE RA BHE, ,TRI DANG RA DANG TZA DAG GIS, ,SHA TR'Um NRI DZA NI DZA ZHES, ,LAN GRANGS MANG DU BZLAS PAR BYA'O, ,GNOD SBYIN BRGYAD KYI GSANG SNGAGS KYIS, ,DGRA BO'I BLA

RDO BLANG BAR BYA, ,DE NAS BLA RDO BSREG PAR BYA, ,DE NAS BLA RDO MNAN PAR BYA, ,RBAD PA'I GSANG SNGAGS RGYAL PO NI, YA DANG KshA DANG KA DANG LA, ,MA DANG H'A DANG BHE RA BHE, , DE BA YAKshA YAM DANG, ,N'A GAN'A GA THUM RIL YAm, ,CHE GE DGRA BO THUM RIL YA, ,YA YA CES KYANG BSKUL BAR BYA, ,DE GSAD PA YI GSANG SNGAGS NI, ,MA DANG H'A DANG BHE RA BHE, ,YAKshA LA SOGS GONG DANG MTHUN, ,DE'I RJES 'DI SKAD BRJOD PAR BYA, ,N'A SHA YA NA LAN GNYIS SO, ,SHA YA TZ'U RnA TZ'U RnA YA, ,N'A YA KA TRA M'A RA YA, , HA NA TZAKRA RI MA PA GNYIS, ,BI N'A YA KA DZI BHINDA, ,TANTA KA RA DE NAS BRJOD, ,CHE GE M'A RA YA ZHES PA, ,H'Um H'Um, PHAt PHAt, DRAG PO GSAD PA SNGAGS KYI LE'U STE BCU BZHI PA'O,, ,,DE NAS YANG NI DRAG PO'I SNGAGS, ,AOm BIGHnAm BHI BA BHI SARBA BIDY'A SHA YA HRi DA MI TA YA, ,H'Um TZI TU PA TU, PRA MA RU T'A YA; HA NA HA NA, GRiHnA GRiHnA, PA TZA PA TZA ,PRAHMA BRAHMA, BRAHM'A YA BRAHM'A YA, H'Um H'Um PHAt PHAt, 'KHAR BAm'AM, YANG NA ZANGS DAG LA, ,LOG 'DREN CHEN PO'I GZUGS BYAS LA, ,DE LA RAB GNAS MCHOD PA BYA, ,DGRA BO'I GZUGS BRNYAN 'OG TU GZHUG ,TSOGS KYI BDAG PO'I STAN DU BYA, ,DGRA DE 'CHI BAR THE TSOM MED, ,

, ,YANG NI SBYOR BA'I LAS RNAMS NI, ,DGOS PA CHEN PO 'DI GSUNGS SO, ,TSOGS KYI BDAG PO'I SKU TZANDAN NA NAM RIN PO CHE LAS BYAS TE RAB GNAS BYAS LA MCHOD PA PHUL TE, SER BA GCOD PAR 'DOD NA, SER BA'I BDAG PO RLUNG LHA DANG, CHU LHA'I GZUGS BYAS TE, SPRIN GYI GZUGS DANG, 'BRUG GI GZUGS BYAS LA TSOGS KYI BDAG PO'I GDAN DU MNAN PAR BYA'O, ,BDAG NYID KYIS KYANG MNAN PAR BSAMS TE HI KA TAndA ZHES BYA BA LA SOGS PA'I SNGAGS BZLAS NA, SER BA CHOD PAR 'GYUR RO, ,YUNGS KAR YANG PHYOGS SU GTOR BAR BYA'O, ,SER PA 'BEBS PAR 'DOD NA, CHU DANG SPRIN GYI MAndAL MNGON PAR BRIS TE TSOGS BDAG CHEN PO 'BRUG LA ZHON PAR BSGOMS TE BDAG GI BKA' NYAN PAR GSANG BA'I RDZAS SU BYA BA LA , LCAGS PHYE GSER PHYE ZANGS PHYE RNAMS, ,GNAM CHU 'BRAS KYI PHYES SBRUS TE, ,SER BA JI TZAM 'DOD PA'I DBYIBS CHE CHUNG BYAS LA KHRAG GI BYUGS LA BDUN DANG BDUN PHRAG MANG DU BYAS TE KA KA KI KU'I THOD PA'I NANG DU BLUGS TE SPRIN GYIS DGAB PAR BYA'O, ,KA KA'I THOD PA LA SNGAGS BRI BAR BYA'O, ,RIM PA GSUM MO, ,RTEN

GYI RDZAS KYANG GZHAG PAR BYA'O, ,BRUm BRUm BHA RI SHA YA ZHES BYA BA LA SOGS PA'I SNGAGS 'BUM PHRAG GCIG BZLAS PA DANG, KA KA'I THOD PA'I NANG DU SER BA DNGOS SU GSUM MAM BDUN NAM BRGYAD BYUNG BA DANG, DGRA'I YUL DU BSKYAL TE SNGAGS LDOG NAS BZLAS PAS 'BAB BO, ,GAL TE MA BAB NA, TSOGS KYI BDAG PO'I SKU DBU THUR LA BSTAN, ZHABS GYEN LA BSTAN PA DGRA BO'I YUL GYI DBUS SU SBA'O, ,MDO LA SER BA 'BAB STE, BYA KA LANTA KA'I SGO NGA TZAM DANG, DBYIBS DMAR PO SHA BA'I RLIG 'BRAS TZAM PA YUN RING PO 'BAB BO, ,LO TOG 'JOMS PA'I SNGAGS NI, BRUm ZHES BYA BA'O, ,DE GCOD PAR 'DOD NA NI, SKU DANG KA KI MA BYUNG BA LA NYI MA RE RER 'BAB PAS DBYUNG BAR BYA'O, ,TSOGS KYI BDAG PO'I SKU LA MCHOD PA DBUL BAR BYA'O, ,GSANG SNGAGS KYANG DBU ZHABS MA NOR BAR RIN PO CHE'I PHRENG BA BRGYA RTZA BRGYAD BZLA BAR BYA'O, ,SKU KHRUS GSOL BA BDAG GI DKYIL 'KHOR GYI DBUS SU BZHUGS SU GSOL LO, ,DE LA SOGS PA MTHA' YAS MA CHOG ,TSOGS KYI BDAG POS BYED PA YIN, ,PHYAG 'TSAL DPAL LDAN TSOGS BDAG DGYES, ,PHYAG 'TSAL DPAL LDAN TSOGS BDAG CHE, ,PHYAG

, ,'TSAL DPAL LDAN ZHI KHRO CHE, ,DNGOS GRUB 'BYUNG BA'I RGYUD LAS, TSOGS KYI BDAG PO LA BSTOD PA'I LE'U STE BCO LNGA PA'O, , TSOGS KYI BDAG PO'I RGYUD DNGOS GRUB 'BYUNG BA ZHES BYA BA RDZOGS SO,, ,,RGYA GAR GYI MKHAN PO D'I PAm KA RA SHR'I DZNY'A NAS, 'JIG RTEN DNGOS GRUB CHED DU NI, ,RGYA GAR YUL NAS BSNAMS NAS BYON, ,RGYAL BA'I 'BYUNG GNAS GTAD PA YIN, ,RGYUD 'DI BSAM PA 'GRUB PA YIN,