, ,RGYA GAR SKAD DU, A'ARYA MA H'A ME GHA, BOD SKAD DU, 'PHAGS PA SPRIN CHEN PO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS KLU'I RGYAL PO DGA' BO DANG, NYE DGA'I GNAS NA NOR BU RIN PO CHE DPAL GYI SNYING PO SPRIN GYI DKYIL 'KHOR CHEN PO'I KHANG PA BRTZEGS PA NA DGE SLONG GI DGE 'DUN CHEN PO DANG, BYANG CHUB SEMS DPA'I DGE 'DUN CHEN PO DANG, KLU'I RGYAL PO'I TSOGS CHEN PO 'DI LTA STE, KLU'I RGYAL PO DGA' BO DANG, NYE DGA' DANG, RGYA MTSO DANG, MA DROS PA DANG, GZI CAN DANG, CHU LHA DANG, 'JOG PO DANG, YUL 'KHOR SRUNG DANG, NOR RGYAS KYI BU DANG, KLU'I RGYAL PO BTANG BZUNG DANG, SA SRUNG GI BU DANG, MDONGS BU DANG, DPAL GYI GZI BRJID DANG, DPAL BZANG DANG, GLOG GI PHRENG BA DANG, GTZUG NA NOR BU RIN PO CHE DANG, GTZUG NA NOR BU THOGS DANG, SNANG LDAN GTZUG PHUD CAN DANG, GTZUG PHUD 'JA' CAN DANG, KLU'I RGYAL PO DBANG PO'I RGYAL MTSAN DANG, DBANG PO'I MCHOD SDONG DANG, 'DZAM BU'I RGYAL MTSAN DANG, BKRA SHIS LDAN DANG, DKYIL 'KHOR CHEN PO CAN DANG, LAG GIS 'GRO CHEN PO DANG,
, ,SKAR MDOG DANG, ZLA BA'I GZI BRJID DANG, DPAL GYI BLO GROS DANG, ZLA MTHONG DANG, KLU'I RGYAL PO LEGS MTHONG DANG, SHIN TU BRTAN DANG, MGUL NA NOR BU DANG, SPRIN BYUNG DANG, CHAR RGYUN DANG, RAB 'JOMS DANG, RNAM PAR 'JOMS DANG, MTHU BSGYINGS DANG, GDENGS KA CHEN PO DANG, DBYANGS ZAB DANG, KLU'I RGYAL PO CHER SGROG DANG, RNAM PAR SGRA 'BYIN DANG, AUTPA LA DANG, RTZAL CHEN DANG, GSHOL MDA' 'DZIN DANG, SNA TSOGS SDE DANG, ZHAGS PA CHEN PO DANG, KLU'I RGYAL PO AE LA'I 'DAB MA DANG, KUN TU SNANG DANG, RNA RTZUB DANG, DUNG DANG, DAR DAR DANG, KLU'I RGYAL PO AU BA DAR DAR DANG, BDE BYED DANG, LAG 'GRO DANG, LAG 'GRO CHEN PO DANG, DRI MA CHEN PO DANG, 'PHUR LDING DANG, SOG MA MED DANG, 'PHYANG BA DANG, SRIN BU GNAS DANG, NAG PO DANG, KLU'I RGYAL PO DBANG PO SDE DANG, 'DAM BU DANG, NYE BA'I 'DAM BU DANG, DUNG THOGS DANG, 'GRO LDING DANG, RAB MDZES DANG, GLANG CHEN SNA DANG, RNON PO DANG, SER SKYA DANG, GLOG 'BAR DANG, GLOG 'OD CHEN PO DANG, STOBS LHA DANG, CHU STOBS DANG, KLU'I RGYAL PO DAM PA 'GEBS DANG, BDUD
RTZI CAN DANG, MU STEGS CAN DANG, BEE d'URYA'I 'OD CAN DANG, GSER MDOG SGRA DANG, GSER 'OD DANG, ZLA BA'I RGYAL MTSAN 'OD DANG, NYI 'OD DANG, 'CHAR PA DANG, BA LANG MGO DANG, KLU'I RGYAL PO DKAR PO DANG, NAG PO DANG, GSHIN RJE DANG, DGE TSUL DANG, SBAL PA DANG, NGANG PA'I GZI BRJID DANG, MU KHYUD 'DZIN DANG, SA 'DZIN DANG, MGO STONG CAN DANG, GTZUG NA NOR BU DANG, KLU'I RGYAL PO DON YOD MTHONG BA DANG, SPRIN CHEN DANG, SDE BZANG DANG, SA SKYONG DANG, MIS BYIN DANG, RNAM PAR DUL DANG, DGA' BA 'BYUNG DANG, CHU SRIN KUMBHI RA DANG, CHU SRIN KUMBHI RA'I GDONG DANG, DUG 'DZIN DANG, KLU'I RGYAL PO MYUR GDUG DANG, PADMA KA DANG, MJUG MA DANG, RAB 'PHYANG DANG, 'JIGS BYED DANG, GZI BRJID MDZES DANG, MGO LNGA PA DANG, BAL LI RA DANG, SHING RTAS RGYAL DANG, KLU'I RGYAL PO BLA MA DANG, KLU'I RGYAL PO MJUG RING DANG, MGO BO CHE DANG, PIMBI KA DANG, BI TA RA DANG, MGYOGS 'GRO DANG, KLU'I RGYAL PO MGO GSUM PA DANG, KLU SDE DANG, GZI CHEN DANG, 'DAM BU BYIN DANG, KLU'I RGYAL PO SKRAG BYED DANG, 'OD 'BAR DANG, MGO BDUN PA DANG, SDONG CHEN DANG, MTHONG DGA' DANG, RAB TU CHER GTUM DANG,
, ,DRI MED GZI BRJID DANG, MIG BZANG DANG, DRAG PO CHEN PO DANG, 'OD 'PHRO PHUNG PO DANG, KLU'I RGYAL PO GTUM PO DANG, KHRO BO DRAG SHUL CAN DANG, RIN CHEN CHU SBYIN DANG, CHU SBYIN SPRIN CHEN DANG, DBANG PO'I 'OD DANG, RKANG PAS 'THUNG DANG, SPRIN ZLA DANG, RGYA MTSO'I SPRIN DANG, ME TOG DRI CHEN PO DANG, KU MU DA'I 'BYUNG GNAS DANG, KLU'I RGYAL PO RIN CHEN MIG DANG, TOG CHEN PO'I RGYAL MTSAN DANG, SPRIN CHEN SNYING PO DANG, KHA BA CAN DANG, DPAL GYI SNYING PO DANG, SPRIN MTHU CAN DANG, MTSAN MO 'DZIN DANG, CHU SBYIN DANG, CHU SBYIN CHEN PO DANG, KLU'I RGYAL PO GZI BRJID ME 'DRA DANG, SPRIN GYI DBANG PHYUG RGYAL PO DANG, KHRO MED DANG, SA'I BUM PA DANG, KLU DPA' DANG, CHU 'DZIN DANG, SPRIN GDUGS DANG, AANG GI RA'I GDONG DANG, KLU'I RGYAL PO GZI CAN DANG, SPRIN LAS MNGON BYUNG DANG, KLU'I RGYAL PO GOM STABS MTHA' YAS DANG, CHA BYAD MDZES DANG, LUS CHEN DANG, SPYAD LTO DANG, ZHI BA DANG, DPA' BA DANG, GSER DAD CAN DANG, MCHOG TU BRTZON DANG, DUG DRAG DANG, DBYANGS SNYAN DANG, KLU'I RGYAL PO BDUD RTZI SNYING PO DANG, RAB TU CHAR 'BEBS CHEN PO DANG, RNAM PAR
G-YO DANG, 'BRUG SGRA DANG, RNGA SGRA DANG, BDUD RTZI'I RGYUN DANG, DGA' BAR BYED PA DANG, 'BRUG SGROG DANG, DPA' SDE DANG, SRED MED KYI BU DANG, RGYA MTSO'I KLONG DANG,, KLU'I RGYAL PO YON PO DANG, KLU'I RGYAL PO CHEN PO DE DAG LA SOGS PA KLU BYE BA KHRAG KHRIG BRGYA STONG PHRAG BRGYAD CU RTZA BZHI DAG 'DUS TE 'KHOD PA DANG THABS CIG TU BZHUGS SO, ,DE'I TSE KLU'I RGYAL PO DE DAG 'KHOR DANG BCAS TE STAN LAS LANGS NAS BLA GOS PHRAG PA GCIG TU GZAR TE PUS MO G-YAS PA'I LHA NGA SA LA BTZUGS NAS BCOM LDAN 'DAS GA LA BA DE LOGS SU THAL MO SBYAR BA BTUD NAS BLA MA LA GUS PA DANG, PHU DUD CHEN PO BYED PAS, ME TOG DANG, BDUG PA DANG, SPOS DANG, PHRENG BA DANG, BYUG PA DANG, PHYE MA DANG, NA BZA' DANG, GDUGS DANG, RGYAL MTSAN DANG, BA DAN DANG, DAR GYI LDA LDI DANG, ROL MO'I SGRA DANG, SIL SNYAN DANG, PHEG RDOB PA DANG, GLU DBYANGS DANG, RIN PO CHE'I ME TOG DANG, RIN PO CHE'I LNGA LDI DANG, MU TIG GI PHRENG BA DANG, KLU'I ME TOG DANG, MU TIG GI DRA BA MCHOG TU MDZES PA RNAM PA SNA TSOGS DPAG TU MED PA GRANGS MED PA DAG BCOM LDAN 'DAS LA PHUL NAS BSKOR BA BYAS TE PHYOGS GCIG TU 'DUG GO ,PHYOGS
, ,GCIG TU 'DUG NAS SMON LAM RNAMS BTAB PA, LUS RGYA MTSO 'JIG RTEN GYI KHAMS RGYA MTSO THAMS CAD KYI RDUL PHRA RAB KYI RDUL SNYED KYI SANGS RGYAS DANG, BYANG CHUB SEMS DPA'I 'KHOR GYI DKYIL 'KHOR RGYA MTSO THAMS CAD DANG, 'JIG RTEN GYI KHAMS RAB 'BYAMS RGYA MTSO THAMS CAD DANG, SA DANG, CHU DANG, ME DANG, RLUNG THAMS CAD KYI RDUL PHRA RAB KYI RDUL RNAMS DANG, GZUGS SU SNANG BA THAMS CAD KYI RDUL PHRA RAB KYI RDUL RNAMS LAS RDUL PHRA RAB KYI RDUL RE RE LA YANG LUS KYI SPRIN RGYA MTSO BGRANGS PA'I RGYA MTSO THAMS CAD LAS YANG DAG PAR 'DAS PA, GRANGS MED, DPAG TU MED, BSAM GYIS MI KHYAB, MTSUNGS PA MED, GZHAL DU MED, BRJOD DU MED PA LAS YANG DAG PAR 'DAS PA DAG DANG, LUS RE RE LA YANG LAG PA RGYA MTSO'I SPRIN PHYOGS KUN GYI RGYUN TU MNGON PAR PHYOGS PA, DPAG TU MED PA, GRANGS MED PA DAG BYIN GYIS BRLABS NAS RDUL PHRA RAB KYI RDUL GYI CHA RE RE LAS KYANG MCHOD PA THAMS CAD KYI SPRIN RGYA MTSO PHYOGS KUN GYI GZHI RGYAS PAR 'GANGS PA, MA 'DRES PA RNAMS KYIS SANGS RGYAS DANG, BYANG CHUB SEMS DPA' THAMS CAD LA
MCHOD PAR BYA'O, ,SNYAM PA 'DI LTA STE, KUN TU SPYOD PA'I LUS RGYA MTSO'I SPRIN MA 'DRES PA DPAG TU MED, GRANGS MED, BSAM GYIS MI KHYAB, GZHAL DU MED, TSAD MED, BRJOD DU MED PA DAG GIS NAM MKHA'I DKYIL KUN TU KHEBS PAR BYIN GYIS BRLABS NAS BYANG CHUB SEMS DPA'I LUS RGYA MTSO SPRIN RNAMS KYIS JI LTA BA DE BZHIN DU RIN PO CHE THAMS CAD KYI KHA DOG DANG, 'OD ZER STUG PO DANG, NYI MA DANG, ZLA BA THAMS CAD LTA BU'I LUS KYI 'KHOR GYI DKYIL 'KHOR RGYA MTSO SPRIN RNAMS DANG, RIN PO CHE THAMS CAD KYI PHRENG BA DANG, ME TOG GI RGYA MTSO SPRIN RNAMS DANG, RIN PO CHE THAMS CAD KYI SNANG BA CHEN PO'I SNYING PO KHANG PA BRTZEGS PA RGYA MTSO SPRIN RNAMS DANG, PHYE MA DANG, SHING LJON PA THAMS CAD KYI MDZOD RGYA MTSO SPRIN RNAMS DANG, SPOS DANG, BDUG PA THAMS CAD KYI GZUGS KUN TU STON PA RGYA MTSO SPRIN RNAMS DANG, SGRA THAMS CAD SGROG PA'I ROL MO'I RGYA MTSO SPRIN RNAMS DANG, SPOS THAMS CAD KYI SHING LJON PA RGYA MTSO SPRIN RNAMS DANG, NAM MKHA'I DKYIL KUN TU KHEBS PAR BYIN GYIS BRLABS NAS DE LA SOGS PA MCHOD PA THAMS CAD KYI SPRIN RGYA MTSO DPAG TU MED PA, GRANGS MED, BSAM GYIS MI KHYAB,
, ,GZHAL DU MED, TSAD MED, BRJOD DU MED PA, MA 'DRES PA RNAMS KYIS SANGS RGYAS DANG, BYANG CHUB SEMS DPA' RGYA MTSO THAMS CAD LA BSTI STANG DU BYA'O, ,BLA MAR BYA'O, ,RI MOR BYA'O, ,MCHOD PAR BYA'O, ,YUL THAMS CAD DU BKOD PA RNAM PAR SNANG BAR BYAS PA'I SNYING PO CAN GYI NOR BU'I RGYAL PO RGYA MTSO SPRIN RNAMS KYIS NAM MKHA'I DKYIL KUN TU KHEBS PAR BYIN GYIS BRLABS TE SANGS RGYAS DANG, BYANG CHUB SEMS DPA' RGYA MTSO THAMS CAD LA BSTI STANG DU BYA'O, ,BLA MAR BYA'O, ,RI MOR BYA'O, ,MCHOD PAR BYA'O, ,THAMS CAD KUN TU SNANG BA'I NOR BU RIN PO CHE'I CHAR 'BAB PA BKOD PA'I NOR BU'I RGYAL PO RGYA MTSO SPRIN RNAMS DANG, RIN PO CHE THAMS CAD KYI 'OD 'PHRO BA 'BAR BA DANG LDAN PA, SANGS RGYAS LA NGES PAR GYUR PA'I DBYANGS KYI NOR BU'I RGYAL PO RGYA MTSO SPRIN RNAMS DANG, KUN TU SGRAS 'GENGS PA SANGS RGYAS KYI CHOS THAMS CAD KYI DBYANGS CAN NOR BU'I RGYAL PO RGYA MTSO SPRIN RNAMS DANG, KUN NAS SGO RIN PO CHE 'OD ZER GYIS SANGS RGYAS KYI SPRUL PA SNANG BAR BYED PA RGYA MTSO SPRIN RNAMS DANG, 'KHOR GYI DKYIL 'KHOR MA 'DRES PA RNAMS SU BKOD
PA THAMS CAD SNANG BA KUN TU STON PA'I NOR BU'I RGYAL PO RGYA MTSO SPRIN RNAMS DANG, 'OD 'PHRO BA SGRON MA SANGS RGYAS KYI YUL THAMS CAD KYI RJES SU 'JUG PA'I NOR BU'I RGYAL PO RGYA MTSO SPRIN RNAMS DANG, SANGS RGYAS KYI ZHING BSAM GYIS MI KHYAB PA RNAMS SU DE BZHIN GSHEGS PA'I GZHAL MED KHANG SNANG BA KUN TU STON PA'I NOR BU'I RGYAL PO RGYA MTSO SPRIN RNAMS DANG, RIN PO CHE SNA TSOGS THAMS CAD KYI RDUL LA DUS GSUM GYI SANGS RGYAS KYI SKU SNANG BA RNAM PAR SNANG BAR BYED PA'I NOR BU'I RGYAL PO RGYA MTSO'I SPRIN RNAMS KYIS NAM MKHA'I DKYIL KUN TU KHEBS PAR BYIN GYIS BRLABS TE SANGS RGYAS DANG, BYANG CHUB SEMS DPA' RGYA MTSO SPRIN THAMS CAD LA BSTI STANG DU BYA'O, ,BLA MAR BYA'O, ,RI MOR BYA'O, ,MCHOD PAR BYA'O, ,RIN PO CHE DANG, SPOS DANG, ME TOG SNA TSOGS KYI KHANG PA BRTZEGS PA MA 'DRES PA RGYA MTSO SPRIN RNAMS DANG, NOR BU RIN PO CHE'I RGYAL PO KHA DOG MTHA' YAS PA THAMS CAD KYIS RAB TU BRGYAN PA KHANG PA BRTZEGS PA RGYA MTSO SPRIN RNAMS DANG, RIN PO CHE'I SGRON MA DANG, SPOS KYI 'OD 'PHRO BA CAN GYI KHANG PA BRTZEGS PA RGYA MTSO SPRIN RNAMS DANG, MU TIG THAMS CAD KYIS RNAM PAR SPRAS
, ,PA'I KHANG PA BRTZEGS PA RGYA MTSO SPRIN RNAMS DANG, ME TOG THAMS CAD KYI ZE BRGYA MTSO SPRIN RNAMS DANG, RIN PO CHE'I PHRENG BA MTHA' YAS PAS LEGS PAR BRGYAN PA'I KHANG PA BRTZEGS PA RGYA MTSO SPRIN RNAMS KYIS NAM MKHA'I DKYIL KUN TU KHEBS PAR BYIN GYIS BRLABS NAS PHYOGS BCU KUN TU 'OD ZER SNANG BA'I SNYING PO CAN BKOD PA THAMS CAD YANG DAG PAR 'DU BA'I KHANG PA BRTZEGS PA RGYA MTSO SPRIN RNAMS DANG, RIN PO CHE THAMS CAD KYI RDUL PHRA RAB KYIS RAB TU BRGYAN PA BKOD PA DU MA KUN TU STON PA KHANG PA BRTZEGS PA RGYA MTSO SPRIN RNAMS DANG, BKOD PA THAMS CAD KYIS RAB TU BRGYAN PA KUN TU RGYAS PAR 'GENGS PA'I KHANG PA BRTZEGS PA RGYA MTSO SPRIN RNAMS DANG, SGO KUN TU ME TOG GI RTA BABS DRIL BU'I DRA BA DBYANGS PA RGYA MTSO SPRIN RNAMS KYIS NAM MKHA'I DKYIL KUN TU KHEBS PAR BYIN GYIS BRLABS TE SANGS RGYAS DANG, BYANG CHUB SEMS DPA' RGYA MTSO THAMS CAD LA BSTI STANG DU BYA'O, ,BLA MAR BYA'O, ,RI MOR BYA'O; ;MCHOD PAR BYA'O, ,GSER DANG, RIN PO CHE SNA TSOGS KYI TSONG TSONG DANG, PHRENG BA DANG, RIN PO CHE'I MGUL GDUB KYI SNYING PO CAN GYI SENG+GE'I KHRI RGYA MTSO
SPRIN RNAMS DANG, ME TOG LTAR SNANG BA SNA TSOGS KYI SNYING PO CAN GYI SENGGE'I KHRI RGYA MTSO SPRIN RNAMS DANG, AANDA RNYIL DANG, 'DZAM BU CHU BO'I GSER GYI PADMA SNA TSOGS KYI SNYING PO CAN GYI SENG+GE'I KHRI RGYA MTSO SPRIN RNAMS DANG, NOR BU RIN PO CHE'I SGRON MA'I PADMA'I SNYING PO CAN GYI SENG+GE'I KHRI RGYA MTSO SPRIN RNAMS DANG, NOR BU RIN PO CHE SNANG GSAL RGYAL MTSAN GYI PADMA SNA TSOGS KYI SNYING PO CAN GYI SENG+GE'I KHRI RGYA MTSO SPRIN RNAMS DANG, RIN PO CHES BRGYAN PA'I PADMA SNA TSOGS KYI SNYING PO CAN GYI SENG+GE'I KHRI RGYA MTSO SPRIN RNAMS DANG, AANDA RNYIL MDZES PAR 'BAR PA'I 'OD ZER LDAN PA'I PADMA'I SNYING PO CAN GYI SENG+GE'I KHRI RGYA MTSO SPRIN RNAMS DANG, 'OD ZER 'BAR BA ZAD MI SHES PA'I GZI BRJID DANG LDAN PA'I PADMA'I SNYING PO CAN GYI SENG+GE'I KHRI RGYA MTSO SPRIN RNAMS DANG, RIN PO CHE 'BAR BA THAMS CAD 'BYUNG BA'I PADMA'I SNYING PO CAN GYI SENG+GE'I KHRI RGYA MTSO SPRIN RNAMS DANG, RIN PO CHE 'BAR BA MCHOG DAM PA THAMS CAD 'BYUNG BA'I PADMA'I SNYING PO CAN GYI SENG+GE'I KHRI RGYA MTSO SPRIN RNAMS DANG, SANGS RGYAS KYI GSUNG SGRA'I 'OD ZER DANG LDAN PA'I PADMA'I SNYING PO CAN GYI SENG+GE'I KHRI RGYA MTSO SPRIN MA 'DRES PA RNAMS KYIS NAM MKHA'I DKYIL KUN TU KHEBS PAR BYIN GYIS BRLABS
, ,TE SANGS RGYAS DANG, BYANG CHUB SEMS DPA' RGYA MTSO THAMS CAD LA BSTI STANG DU BYA'O, ,BLA MAR BYA'O, ,RI MOR BYA'O, ,MCHOD PAR BYA'O; ;SPOS DANG, NOR BU SNA TSOGS PA THAMS CAD KYI SHING LJON PA RGYA MTSO SPRIN RNAMS DANG, KUN NAS SGO LO MA LAS THAL MO SBYAR BA'I SPRIN 'BYUNG BA'I SPOS KYI SHING LJON PA RGYA MTSO SPRIN RNAMS DANG, SHING LJON PA THAMS CAD KYI GZUGS MTHA' YAS PA BKOD PA KUN TU STON PA'I SHING LJON PA RGYA MTSO SPRIN RNAMS DANG, ME TOG THAMS CAD KYI SPRIN RAB TU 'PHYANG BA'I SPRIN SHING LJON PA RGYA MTSO SPRIN RNAMS DANG, BKOD PA THAMS CAD 'BYUNG BA'I MDZOD MTHA' YAS PA DANG LDAN PA'I SHING LJON PA RGYA MTSO SPRIN RNAMS DANG, RIN PO CHE'I 'OD 'PHRO BA THAMS CAD KYI DKYIL 'KHOR RNAM PAR SNANG BAR BYED PA'I SHING LJON PA RGYA MTSO SPRIN RNAMS DANG BYANG CHUB SEMS DPA'I LUS PHYED TZAM NA THAMS CAD KYI PHYE MAR KUN TU STON PA'I SHING LJON PA RGYA MTSO SPRIN RNAMS DANG, BYANG CHUB KYI SNYING PO THAMS CAD KYI BKOD PA BSAM GYIS MI KHYAB PA'I 'OD CAN GYI SHING LJON PA'I RIN PO CHE'I GOS THAMS CAD KYI MDZOD NYI MA LTAR SNANG BAR BYAS PA DANG LDAN PA'I SHING LJON PA RGYA MTSO
SPRIN RNAMS DANG, SGRA DBYANGS THAMS CAD SGROG PA YID DU 'ONG BA'I DBYANGS KUN TU GTONG BA'I SHING LJON PA RGYA MTSO SPRIN RNAMS DANG, RIN PO CHE KHA DOG MTHA' YAS PA'I PADMA'I SNYING PO CAN GYI SENGGE'I KHRI RGYA MTSO SPRIN RNAMS DANG, KUN TU MNGON PAR PHYOGS PA'I NOR BU'I RGYAL PO SNANG BAR BYED PA'I SNYING PO CAN GYI SENG+GE'I KHRI RGYA MTSO SPRIN RNAMS DANG, RGYAN BKOD PA THAMS CAD KYIS RAB TU BRGYAN PA'I SNYING PO CAN GYI SENG+GE'I KHRI RGYA MTSO SPRIN RNAMS DANG, RIN PO CHE SNA TSOGS 'OD 'PHRO BA'I SGRON MA'I PHRENG BA'I SNYING PO CAN GYI SENG+GE'I KHRI RGYA MTSO SPRIN RNAMS DANG, KUN NAS SGRA RIN PO CHE'I SHING LJON PA 'BYUNG BA'I SNYING PO CAN GYI SENG+GE'I KHRI RGYA MTSO SPRIN RNAMS DANG, SPOS DANG ME TOG DANG PADMA THAMS CAD KYI PHRENG BA RIN PO CHE'I SNYING PO CAN GYI SENG+GE'I KHRI RGYA MTSO SPRIN RNAMS DANG, SANGS RGYAS THAMS CAD KYI GDAN BKOD PA KUN TU STON PA'I NOR BU RIN PO CHE'I RGYAL PO'I SNYING PO CAN GYI SENG+GE'I KHRI RGYA MTSO SPRIN RNAMS DANG, BKOD PA THAMS CAD KYI PHRENG BA RAB TU DPYANGS PA'I RTA BABS STEGS BUS RAB TU BRGYAN PA RIN PO CHE'I SPRIN GYI SNYING PO CAN GYI SENG+GE'I KHRI RGYA MTSO SPRIN RNAMS DANG, NOR BU RIN PO CHE'I YAL GA DANG, PHYE MA'I MDZOD YOD
, ,PA'I SDONG PO THAMS CAD KYI SNYING PO CAN GYI SENGGE'I KHRI RGYA MTSO SPRIN RNAMS DANG, SPOS SNA TSOGS DANG, RIN PO CHE'I DRIL BU G-YER KA'I DRA BA KUN NAS BRGYAN PA NYID SNANG BAR BYED PA'I SNYING PO CAN GYI SENG+GE'I KHRI RGYA MTSO SPRIN RNAMS KYIS NAM MKHA'I DKYIL KUN TU KHEBS PAR BYIN GYIS BRLABS TE SANGS RGYAS DANG, BYANG CHUB SEMS DPA' RGYA MTSO THAMS CAD LA BSTI STANG DU BYA'O, ,BLA MAR BYA'O, RI MOR BYA'O, ,MCHOD PAR BYA'O, ,YID BZHIN GYI NOR BU'I RGYAL PO THAMS CAD KYI GZHAL MED KHANG RGYA MTSO SPRIN RNAMS DANG, AANDA RNYIL GYI ZE BA CAN GYI ME TOG BKOD PA THAMS CAD KYI BLA RE RGYA MTSO SPRIN RNAMS DANG, SPOS DANG, NOR BU THAMS CAD KYI BLA RE RGYA MTSO SPRIN RNAMS DANG, RIN PO CHE 'OD 'PHRO BA'I SGRON MA'I GZUGS KYI BLA RE RGYA MTSO SPRIN RNAMS DANG, SANGS RGYAS KYI RDZU 'PHRUL RNAM PAR STON PAR SNANG BA'I DBYANGS CAN GYI NOR BU'I RGYAL PO'I BLA RE RGYA MTSO SPRIN RNAMS DANG, NOR BU SNA TSOGS KYI GOS BKOD PA THAMS CAD SNANG BA KUN TU STON PA'I BLA RE RGYA MTSO SPRIN RNAMS DANG, ME TOG THAMS CAD KYI CHU BO 'BAR BAR SNANG BA'I RIN PO CHE'I BLA RE RGYA MTSO SPRIN RNAMS DANG, DRIL BU SNA TSOGS
KYI SGRAS KUN TU RGYAS PAR 'GENGS PA'I DRA BA BLA RE RGYA MTSO SPRIN RNAMS DANG, PADMA 'BAR BA KHA DOG MTHA' YAS PA SNA TSOGS SU SNANG BA'I NOR BU'I SNYING PO CAN GYI PADMA'I DRA BA'I BLA RE RGYA MTSO SPRIN RNAMS DANG, GSER GYI DRA BA CAN GYI 'OD ZER SNANG BA'I RGYAL MTSAN GYI BLA RE RGYA MTSO SPRIN RNAMS DANG, BKOD PA BSAM GYIS MI KHYAB PAR SNANG BA'I 'OD ZER MTHA' YAS PA BKOD PA THAMS CAD KYI RGYAN BLA RE RGYA MTSO SPRIN RNAMS KYIS NAM MKHA'I DKYIL KUN TU KHEBS PAR BYIN GYIS BRLABS TE SANGS RGYAS DANG, BYANG CHUB SEMS DPA' GANG CHEN MTSO'I SPRIN GYI RGYA MTSO THAMS CAD LA BSTI STANG DU BYA'O, ,BLA MAR BYA'O, ,RI MOR BYA'O, ,MCHOD PAR BYA'O,, NOR BU RIN PO CHE SNA TSOGS THAMS CAD KYI GDUGS RGYA MTSO SPRIN RNAMS KYIS NAM MKHA'I DKYIL KUN TU KHEBS PAR BYIN GYIS BRLABS LA, RIN PO CHE BCU'I 'OD ZER SNANG BA BKOD PA'I ME TOG GI GDUGS RGYA MTSO SPRIN RNAMS DANG, MU TIG KHA DOG MTHA' YAS PA'I MDZOD KYI GDUGS RGYA MTSO SPRIN RNAMS DANG, SANGS RGYAS DANG, BYANG CHUB SEMS DPA' THAMS CAD KYI SNYING RJE'I SGO'I SGRA'I NOR BU'I RGYAL PO'I GDUGS RGYA MTSO SPRIN RNAMS DANG, RIN PO CHE SNA TSOGS KYI 'OD 'PHRO BA'I GDUGS
, ,RGYA MTSO SPRIN RNAMS DANG, NOR BU RIN PO CHE RDUL KUN TU SNANG BAS RAB TU BRGYAN PA'I DRIL BU'I DRA BA DPYANGS PA'I GDUGS RGYA MTSO SPRIN RNAMS DANG, NOR BU THAMS CAD KYI SDONG BU YAL GA'I RGYAN GYI GDUGS RGYA MTSO SPRIN RNAMS DANG, NYI MA RNAM PAR SNANG BAR BYED PA'I 'OD 'PHRO BA'I NOR BU'I RGYAL PO DANG, SPOS DANG BDUG PA THAMS CAD KYI GDUGS RGYA MTSO SPRIN RNAMS DANG, TZANDAN GYI PHYE MA'I MDZOD KUN TU RGYAS PAR 'GENGS PA'I GDUGS RGYA MTSO SPRIN RNAMS DANG, SANGS RGYAS KYI YUL RGYA CHEN PO SNANG BAR BYED PA KUN TU BKOD PA RGYAS PAR 'GENGS PA'I GDUGS RGYA MTSO SPRIN MA 'DRES PA RNAMS KYIS SANGS RGYAS DANG, BYANG CHUB SEMS DPA' RGYA MTSO THAMS CAD LA BSTI STANG DU BYA'O, ,BLA MAR BYA'O, ,RI MOR BYA'O, ,MCHOD PAR BYA'O, ,RIN PO CHE THAMS CAD SNANG BA'I DKYIL 'KHOR RGYA MTSO SPRIN RNAMS DANG, RIN PO CHE 'OD 'PHRO BA THAMS CAD KYI GZUGS KYI 'OD KYI DKYIL 'KHOR RGYA MTSO SPRIN MA 'DRES PA RNAMS DANG, ME TOG GI SPRIN SNANG BAR BYED PA'I 'OD KYI DKYIL 'KHOR RGYA MTSO SPRIN RNAMS DANG, RIN PO CHE THAMS CAD KYI 'OD ZER SANGS RGYAS KYI SPRUL PA'I
'OD KYI DKYIL 'KHOR DANG LDAN PA RGYA MTSO SPRIN RNAMS DANG, SANGS RGYAS KYI ZHING THAMS CAD SNANG BAR GTOGS PA'I 'OD KYI DKYIL 'KHOR RGYA MTSO SPRIN RNAMS DANG, KUN NAS SGO SANGS RGYAS KYI YUL SGROG PA RIN PO CHE'I YAL GA'I 'OD KYI DKYIL 'KHOR RGYA MTSO SPRIN RNAMS DANG, BEEd'URYA DANG, RIN PO CHE'I RIGS DANG, NOR BU RIN PO CHE'I RIGS DANG, NOR BU'I RGYAL PO THAMS CAD KYI 'OD ZER GYI DKYIL 'KHOR RGYA MTSO SPRIN RNAMS DANG, SEMS CAN GYI GZUGS MTHA' YAS PA DAG SEMS KYI SKAD CIG LA KUN TU STON PA'I 'OD KYI DKYIL 'KHOR RGYA MTSO SPRIN RNAMS DANG, SANGS RGYAS THAMS CAD KYI SMON LAM LAS BYUNG BA YID DU 'ONG BA'I SGRA RAB TU 'BYIN PA DANG LDAN PA'I 'OD KYI DKYIL 'KHOR RGYA MTSO SPRIN RNAMS DANG, 'KHOR GYI DKYIL 'KHOR THAMS CAD DU SEMS CAN 'DUL BA'I DBYANGS CAN NOR BU'I RGYAL PO'I 'OD KYI DKYIL 'KHOR RGYA MTSO SPRIN RNAMS KYIS SANGS RGYAS DANG, BYANG CHUB SEMS DPA' RGYA MTSO THAMS CAD LA BSTI STANG DU BYA'O, ,BLA MAR BYA'O, ,RI MOR BYA'O, , MCHOD PAR BYA'O, ,NOR BU THAMS CAD KYI MDZOD KYI 'OD ZER RGYA MTSO SPRIN RNAMS DANG, SANGS RGYAS THAMS CAD KYI GZUGS DANG, ,SGRA DANG, DRI DANG, RO DANG REG BYA'I
, ,'OD ZER RGYA MTSO SPRIN RNAMS DANG, RIN PO CHE THAMS CAD KYI 'OD 'PHRO BA RGYA MTSO SPRIN RNAMS DANG, SANGS RGYAS THAMS CAD KYI CHOS SGROG PA RGYAS PAR 'GENGS PA'I 'OD ZER RGYA MTSO SPRIN RNAMS DANG, SANGS RGYAS KYI ZHING BKOD PA THAMS CAD SNANG BAR BYED PA'I 'OD ZER RGYA MTSO SPRIN RNAMS DANG, ME TOG GI KHANG PA BRTZEGS PA THAMS CAD KYI 'OD ZER RGYA MTSO SPRIN RNAMS DANG, RIN PO CHE THAMS CAD KYI RDUL GYI 'OD ZER RGYA MTSO SPRIN RNAMS DANG, BSKAL PA GCIG NAS GCIG TU BRGYUD PA THAMS CAD DU SANGS RGYAS 'BYUNG BAS SEMS CAN YONGS SU SMIN PAR BYED PA SGROG PA CAN GYI 'OD ZER RGYA MTSO SPRIN RNAMS DANG, RIN PO CHE MI ZAD PA THAMS CAD BSTAN PA DANG, ME TOG THAMS CAD KYI ZE BA'I 'OD ZER RGYA MTSO SPRIN RNAMS DANG, KHRI STAN BKOD PA THAMS CAD KUN TU STON PA'I 'OD ZER RGYA MTSO SPRIN MA 'DRES PA RNAMS KYIS SANGS RGYAS DANG, BYANG CHUB SEMS DPA' RGYA MTSO THAMS CAD LA BSTI STANG DU BYA'O, ,BLA MAR BYA'O, ,RI MOR BYA'O, ,MCHOD PAR BYA'O, ,RIN PO CHE'I 'OD 'PHRO BA KHA DOG MTHA' YAS PA RGYA MTSO SPRIN MA 'DRES PA RNAMS DANG, KUN TU 'OD KYI NOR BU'I RGYAL PO
'OD 'PHRO BA RGYA MTSO SPRIN RNAMS DANG, SANGS RGYAS THAMS CAD KYI ZHING RGYA CHEN PO BKOD PA SNANG BAR BYED PA'I 'OD 'PHRO BA RGYA MTSO SPRIN RNAMS DANG, SPOS THAMS CAD KYI 'OD 'PHRO BA RGYA MTSO SPRIN RNAMS DANG, BKOD PA THAMS CAD KYI 'OD 'PHRO BA RGYA MTSO SPRIN RNAMS DANG, SANGS RGYAS THAMS CAD KYI SPRUL PA'I 'OD 'PHRO BA RGYA MTSO SPRIN RNAMS DANG, RIN PO CHE SNA TSOGS KYI SHING GI ZE BA 'OD 'PHRO BA RGYA MTSO SPRIN RNAMS DANG, GOS THAMS CAD KYI 'OD 'PHRO BRGYA MTSO SPRIN RNAMS DANG, BYANG CHUB SEMS DPA' MTHA' YAS PA'I SPYOD PA DBYANGS CAN NOR BU'I RGYAL PO'I 'OD 'PHRO BA RGYA MTSO SPRIN RNAMS DANG, MU TIG GI SGRON MA THAMS CAD KYI 'OD 'PHRO BA RGYA MTSO SPRIN MA 'DRES PA RNAMS KYIS SANGS RGYAS DAG, BYANG CHUB SEMS DPA' GANG CHEN MTSO'I SPRIN GYI RGYA MTSO THAMS CAD LA BSTI STANG BU BYA'O, ,BLA MAR BYA'O, ,RI MOR BYA'O ,MCHOD PAR BYA'O, ,SPOS DANG ME TOG SNA TSOGS THAMS CAD KYI RGYA MTSO SPRIN BSAM GYIS MI KHYAB PA RNAMS DANG, RIN PO CHE 'OD 'PHRO BA THAMS CAD KYI PADMA'I DRA BA RGYA MTSO SPRIN RNAMS DANG, NOR BU RIN PO CHE KHA DOG MTHA' YAS PA'I 'OD KYI DKYIL 'KHOR RGYA MTSO SPRIN RNAMS DANG, RIN PO CHE THAMS CAD KYI KHA DOG
, ,DANG LDAN PA'I MU TIG GI MDZOD RGYA MTSO SPRIN RNAMS DANG, RIN PO CHE DANG, SPOS DANG, TZANDAN THAMS CAD KYI PHYE MA RGYA MTSO SPRIN RNAMS DANG, RIN PO CHE THAMS CAD KYI GDUGS RGYA MTSO SPRIN RNAMS DANG, NOR BU'I RGYAL PO YID DU 'ONG ZHING SDUG PA MDZES PA'I DBYANGS CAN RGYA MTSO SPRIN RNAMS DANG, ,NYI MA'I 'OD KYI NOR BU'I TSOGS KYI PHRENG BA RGYA MTSO'I SPRIN RNAMS DANG, RIN PO CHE'I MDZOD MTHA' YAS PA RGYA MTSO SPRIN RNAMS DANG, THAMS CAD KUN TU BZANG PO'I LUS MA 'DRES PA RGYA MTSO SPRIN RNAMS KYIS SANGS RGYAS DANG, BYANG CHUB SEMS DPA' GANG CHEN MTSO'I SPRIN GYI RGYA MTSO THAMS CAD LA BSTI STANG DU BYA'O, ,BLA MAR BYA'O, ,RI MOR BYA'O, , MCHOD PAR BYA'O, ,ZHES DE LTA BU'I SMON LAM BTAB NAS KLU'I RGYAL PO DE DAG GI YANG BCOM LDAN 'DAS LA LAN GSUM BSKOR BA BYAS TE ZHABS LA PHYAG 'TSAL BA DANG, BCOM LDAN 'DAS KYIS GNANG NAS RANG RANG GI STAN LA 'KHOD DO, ,DE'I TSE STONG
GSUM GYI STONG CHEN PO'I KLU'I BDAG PO CHEN PO PHYIR MI LDOG PA'I SMON LAM GYI STOBS CAN G-YOG MTHA' YAS RGYA MTSO'I SPRIN BKOD PA'I GZI BRJID KYI DKYIL 'KHOR GDUGS LTA BU'I RGYAL PO ZHES BYA BA DE BZHIN GSHEGS PA LA MCHOD PA DANG, PHYAG BYA BA DANG, BSNYEN BKUR BYA BA DANG, CHOS NYAN PA'I PHYIR 'DZAM BU'I GLING 'DIR 'ONGS SO, ,DE NAS KLU'I RGYAL PO G-YOG MTHA' YAS RGYA MTSO SPRIN BKOD PA'I GZI BRJID KYI DKYIL 'KHOR GDUGS LTA BU'I RGYAL PO STAN LAS LANGS TE BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,GAL TE ZHUS NAS ZHU BA LUNG BSTAN PA'I SLAD DU BCOM LDAN 'DAS KYIS BDAG LA SKABS PHYE NA, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA BDAG PHYOGS 'GA' ZHIG ZHU'O, ,DE SKAD CES GSOL BA DANG, BCOM LDAN 'DAS KYIS KLU'I BDAG PO G-YOG MTHA' YAS RGYA MTSO'I SPRIN BKOD PA'I GZI BRJID KYI DKYIL 'KHOR GDUGS LTA BU'I RGYAL PO LA 'DI SKAD CES
, ,BKA' STZAL TO, ,KLU'I BDAG PO, ,CI DANG CI 'DOD PA DRIS SHIG DANG, NGAS DRIS PA DE DANG DE'I LUNG BSTAN PAS KHYOD KYI SEMS RANGS PAR BYA'O, ,DE SKAD CES BKA' STZAL BA DANG, BCOM LDAN 'DAS LA KLU'I BDAG PO G-YOG MTHA' YAS RGYA MTSO'I SPRIN BKOD PA'I GZI BRJID KYI DKYIL 'KHOR GDUGS LTA BU'I RGYAL POS 'DI SKAD CES GSOL TO, ,BCOM LDAN 'DAS, JI LTAR NA, KLU THAMS CAD KYI KLU'I SDUG BSNGAL THAMS CAD RGYUN CHAD PAR 'GYUR, ,BDE BA THAMS CAD DANG LDAN PA DANG, RAB TU DGA' BAR 'GYUR, 'DZAM BU'I GLING 'DIR DUS DUS SU CHAR GYI RGYUN 'BEBS PAR 'GYUR, RTZVA DANG, SHING GEL BA DANG, SMAN DANG, NAGS TSAL THAMS CAD 'KHRUNGS PAR 'GYUR, 'BRU THAMS CAD SKYE BAR 'GYUR, BCUD THAMS CAD YANG DAG PAR SKYE BAR 'GYUR, GANG GIS 'DZAM BU'I GLING GI MI RNAMS BDE BA DANG LDAN PAR 'GYUR, DE SKAD CES GSOL BA DANG, BCOM LDAN 'DAS KYIS KLU'I BDAG PO G-YOG MTHA' YAS RGYA MTSO SPRIN BKOD PA'I GZI BRJID KYI DKYIL 'KHOR GDUGS LTA BU'I RGYAL PO LA 'DI SKAD CES BKA' STZAL TO, ,KLU'I BDAG PO, KHYOD
SEMS CAN THAMS CAD LA PHAN PA DANG, BDE BA'I PHYIR ZHUGS TE, DE BZHIN GSHEGS PA LA DON 'DI YONGS SU 'DRI BAR SEMS PA LEGS SO, ,LEGS SO, ,KLU'I BDAG PO, ,DE'I PHYIR LEGS PAR RAB TU NYON LA ZUNGS SHIG DANG, NGAS KHYOD LA BSHAD DO, ,KLU'I BDAG PO, CHOS GCIG DANG LDAN NA, KLU THAMS CAD KYI KLU'I SDUG BSNGAL THAMS CAD RGYUN CHAD PAR 'GYUR, BDE BA DANG LDAN PAR 'GYUR RO, ,CHOS GCIG PO GANG ZHE NA, 'DI LTA STE, BYAMS PA'O, ,KLU'I BDAG PO, BYAMS PA DE LA GNAS PA'I LHA DANG, MI RNAMS NI, ,MES MI 'TSIG, MTSON GYIS MI TSUGS, CHUS MI 'KHYER, DUG GIS MI TSUGS, PHA ROL GYI DMAG PA'I TSOGS KYIS ZIL GYIS MI NON, BDE BAR GNYID KYIS LOG PAR 'GYUR, BDE BAR SAD PAR 'GYUR, RANG GI BSOD NAMS KYIS YONGS SU SRUNG BAR 'GYUR, ,BSOD NAMS CHEN PO'I GZI BRJID KYIS GZI CAN DU 'GYUR, ,LHA DANG BCAS PA'I 'JIG RTEN GYIS MI RDZI BAR 'GYUR, MDZES PA DANG, MTHONG NA DGA' BAR 'GYUR, 'GRO BA THAMS CAD DU THAGS THOGS MED PAR 'GYUR, SDUG BSNGAL THAMS CAD RGYUN CHAD PA DANG, RAB TU DGA' BAR 'GYUR, BDE BA THAMS CAD DANG LDAN PA DANG, MI'I CHOS
, ,BLA MA RTOGS NAS LUS ZHIG PA'I 'OG TU TSANGS PA'I 'JIG RTEN DU SKYE BAR 'GYUR TE, KLU'I BDAG PO, LHA DANG MI'I BYAMS PA LA GNAS PA RNAMS KYI PHAN YON NI 'DI DAG GO ,KLU'I BDAG PO, DE BAS NA, BYAMS PA'I LUS KYI LAS DANG, BYAMS PA'I NGAG GI LAS DANG, BYAMS PA'I YID KYI LAS KYIS GNAS PAR BYA'O, ,KLU'I BDAG PO, GZHAN YANG BDE BA THAMS CAD SBYIN PA ZHES BYA BA'I GZUNGS BRJOD PAR BYA STE, DES KLU THAMS CAD KYI KLU'I SDUG BSNGAL THAMS CAD RGYUN GCOD PAR BYED, BDE BA THAMS CAD SBYIN PAR BYED, 'DZAM BU'I GLING 'DIR DUS DUS SU CHAR GYI RGYUN 'BEBS PAR BYED, RTZVA DANG, SHING GEL BA DANG, SMAN DANG, NAGS TSAL DANG, LO TOG THAMS CAD SKYE BAR BYED DO, ,KLU'I BDAG PO, DE LA BDE BA THAMS CAD SBYIN PA ZHES BYA BA'I GZUNGS DE GANG ZHE NA, TADYA TH'A, DHA RA NI DHA RA NI, AUTTA RA NI, SAm PRA TIshthI TE, B'I DZA YA BARnA, SAD TYA BRA TI DZNY'A SA RA HA, DZNY'A NA BA TI, AUD DE B'A DA NI, BHI N'A MA NI, AA BHI shE TZA NI, AA BHI BYA H'A RA, SHU BHA BA TI, AA DZI MA DU, AE HI KUM PA LA NI, BA HA H'A RA KLE SHA NA, DHU NA P'A PAm, SHO DHA YE MARGAN, NIR TI KA, DHARMA T'A
SHUDDHA, LO KA BI TI M'I RA R'A DZA SA DU KH'A SHA MA N'A SARBA BUDDHA AA BA LO KA N'A AA DHIshthI TE, PRA DZNY'A DZNY'A PI SV'AH'A, KLU'I BDAG PO, GZUNGS KYI TSIG DON THAMS CAD SGRUB PAR BYED PA; CHOS KYI SKU LA 'JUG PA, SANGS RGYAS THAMS CAD KYI BYIN GYIS BRLAB PA, BDE BA THAMS CAD SBYIN PA 'DI DAG GZUNG BAR BYA, BRJOD PAR BYA'O, ,KLU'I BDAG PO, ,GZHAN YANG SPRIN GYI RIGS LAS 'BYUNG BA'I BYIN GYIS BRLABS BKOD PA GZI BRJID KYI SNYING PO SPRUL PAR SNANG BAR BYED PA, YE SHES KYI TOG GI CHU'I RGYUN GYI SPRIN GYI DKYIL 'KHOR DPAL DANG LDAN PA GSER GYI 'OD ZER RNAM PAR SNANG BAR BYED PA, SKRA'I RTZE MO'I CHA SHAS GCIG LAS BYUNG BA'I RUS DANG, RIGS KYI DE BZHIN GSHEGS PA RNAMS KYI MTSAN GZUNG BAR BYA, YID LA BYA'O, ,DE DAG GIS KLU THAMS CAD DANG, KLU'I RIGS THAMS CAD DANG, KLU'I RUS THAMS CAD DANG, KLU'I CHO RIGS THAMS CAD DANG, KLU'I 'BYUNG BA THAMS CAD DANG, KLU'I SKYE GNAS THAMS CAD DANG, KLU'I RGYAL PO THAMS CAD DANG, KLU'I BU MO THAMS CAD DANG, KLU'I G-YOG THAMS CAD KYI KLU'I SDUG BSNGAL THAMS CAD GCOD PAR BYED, BDE BA'I YO BYAD THAMS CAD SGRUB PAR BYED DO, ,KLU'I BDAG PO, ,DE LA
, ,DE BZHIN GSHEGS PA'I MTSAN DE DAG GANG ZHE NA, 'DI LTA STE, BCOM LDAN 'DAS DE BZHIN GSHEGS PA KLU'I RIGS LAS BYUNG BA SPRIN GYIS RNAM PAR MDZES PA LA PHYAG SNYING PO CAN GYI SPRIN CHEN PO LA PHYAG 'TSAL LO, ,BCOM LDAN 'DAS DE BZHIN GSHEGS PA KLU'I RIGS LAS BYUNG BA SPRIN GYIS RNAM PAR MDZES PA LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN GYI CHU 'DZIN LA PHYAG 'TSAL LO, ,BCOM LDAN 'DAS DE BZHIN GSHEGS PA DPAL LDAN SPRIN GYI GZI BRJID LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN 'BYUNG LA PHYAG 'TSAL LO, ,BCOM LDAN 'DAS DE BZHIN GSHEGS PA RLUNG GI DKYIL 'KHOR THAMS CAD RNAM PAR 'JOMS PA'I SPRIN LA PHYAG 'TSAL LO, ,BCOM LDAN 'DAS DE BZHIN GSHEGS PA NAM MKHA' DPAG MED LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN PO'I GLOG 'BAR BA'I TSOGS LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN MTHU RTZAL DPA' BO LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN MDZES LA PHYAG 'TSAL
LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN SDUD CHEN PO LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN GYI DKYIL 'KHOR CHEN PO LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN GYI 'OD LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN SENG+GE LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN GDUGS LA PHYAG 'TSAL LO, ,BCOM LDAN 'DAS DE BZHIN GSHEGS PA BLTA SDUG SPRIN CHEN LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN POS KHEBS PA LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN LAS BYUNG BA SNANG BAR BYED PA'I DKYIL 'KHOR PHYOGS BCU MTHO 'GEBS RNGA'I SGRA DBYANGS SHIN TU RAB SGROG LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN BSIL 'BYUNG MI DGA' RAB 'JOMS SGRA ZAB SGROG LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN GDA' LA PHYAG 'TSAL LO, ,BCOM LDAN 'DAS DE BZHIN GSHEGS GANG+G'A'I CHU SPRIN LA PHYAG 'TSAL LO, ,BCOM LDAN 'DAS DE BZHIN GSHEGS PA
, ,RTZAL GYI SPRIN LTAR DPA' BO LA PHYAG 'TSAL LO, ,BCOM LDAN 'DAS DE BZHIN GSHEGS PA 'BRUG SGRA BSGRAGS PA LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN KUN TU STON PA LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN RGYA CHEN PO LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN 'DZAG LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN LTAR RNAM PAR SGROG LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN LTAR 'PHAGS LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN LTA BU'I NA BZA' MNABS PA LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN GYIS LO TOG BSKYED LA PHYAG 'TSAL LO; ;BCOM LDAN 'DAS DE BZHIN GSHEGS PA SPRIN GYI GNAS LA GNAS PA LA PHYAG 'TSAL LO, ,BCOM LDAN 'DAS DE BZHIN GSHEGS PA CHER SPRIN GYI SPRIN LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN 'DU BAR MDZAD LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN RNAM
PAR RGYAS LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN AUTPA LA LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN SPOS KYI SKU LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN 'PHAGS LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN DBANG PHYUG LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN 'OD MDZAD LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN BYIN LA PHYAG 'TSAL LO, ,BCOM LDAN 'DAS DE BZHIN GSHEGS PA NOR BU RIN PO CHE CHEN PO'I SPRIN LTA BU LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN LTAR RNAM PAR 'JOMS PA LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN GYI CHU BO LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN SDUD LA PHYAG 'TSAL LO, ,BCOM LDAN 'DAS DE BZHIN GSHEGS PA DUS MA YIN PA'I SPRIN DANG LCE 'BAB PA RNAM PAR 'JOMS PA LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN PO LTAR NAM MKHA' MTHO NAS BSGRAGS
, ,PA LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN SGA 'BYIN LA PHYAG 'TSAL LO, ,BCOM LDAN 'DAS DED BZHIN GSHEGS PA SPRIN CHEN CHAR CHU SKYES LA PHYAG 'TSAL LO, ,BCOM LDAN 'DAS DE BZHIN GSHEGS PA SNYAMS PA'I GZI BRJID SGRUB PA'I SPRIN LA PHYAG 'TSAL LO, ,BCOM LDAN 'DAS DE BZHIN GSHEGS PA RO BRO BA DRUG DANG LDAN PA'I CHU CHEN PO'I SPRIN LA PHYAG 'TSAL LO, ,BCOM LDAN 'DAS DE BZHIN GSHEGS PA CHU 'THOR SPRIN CHEN LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN CHEN RGYA MTSO 'GENGS LA PHYAG 'TSAL LO, ,BCOM LDAN 'DAS DE BZHIN GSHEGS PA CHAR MI 'BAB PA NA SPRIN GYIS KUN TU 'GEBS PA LA PHYAG 'TSAL LO, ,BCOM LDAN 'DAS DE BZHIN GSHEGS PA SPRIN GZUGS MTHA' YAS LA PHYAG 'TSAL LO, ,BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SPRIN CHEN PO THAMS CAD RNAM PAR SGRUB PA, 'DZAM BU'I SPRIN GYI DPAL GYI GZI BRJID 'OD MDZAD PA SPRIN GYI 'OD ZER CAN RNAMS LA PHYAG 'TSAL
LO; ;KLU'I BDAG PO, DE BZHIN GSHEGS PA'I MTSAN 'DI DAG BRJOD PAS KLU THAMS CAD KYI SDUG BSNGAL THAMS CAD RGYUN 'CHAD PA DANG, BDE BA THAMS CAD DANG LDAN PA DANG, 'DZAM BU'I GLING 'DIR DUS DUS SU CHAR PA'I RGYUN 'BAB PA DANG, RTZVA DANG, SHING GEL BA DANG, SMAN DANG, NAGS TSAL DANG, LO TOG THAMS CAD SKYED PAR BYED DO, ,DE NAS BCOM LDAN 'DAS LA STONG GSUM GYI STONG CHEN PO'I KLU'I BDAG PO G-YOG MTHA' YAS RYGA MTSO'I SPRIN BKOD PA'I GZI BRJID KYI DKYIL 'KHOR GDUGS LTA BU'I RGYAL POS GSOL BA BTAB PA, BCOM LDAN 'DAS, SLAD MA'I TSE SLAD MA'I DUS NA 'DZAM BU'I GLING 'DIR CHAR MI 'BAB PA'I TSE GANG DAG BRJOD NA, CHAR GYI RGYUN CHEN PO 'BAB PAR BGYID PA DANG, MI BZAD PA'I DUS KYI TSE DANG, GNOD PA 'BYUNG BA'I DUS KYI TSE DANG, CHOS MA LAGS PAS SKYE BO 'THAB PA'I DUS KYI TSE DANG, YAMS KYI NAD DANG GNOD PA 'BYUNG BA'I DUS KYI TSE DANG, NAD DANG 'CHI BA'I DUS KYI TSE DANG, SKAR MA MA RUNGS PA GNAS PA'I DUS KYI TSE YAMS KYI NAD DANG, 'TSE BA DANG, GNOD PA THAMS CAD RAB TU ZHI BAR BGYID PA, DE LTAR BU'I GZUNGS KYI GSANG SNGAGS
, ,KYI GZHI RNAMS BSHAD DU GSOL, SANGS RGYAS KYI BYIN GYI RLABS KYIS BYIN GYIS BRLAB PAR GSOL, GANG DAG KLU THAMS CAD LA YANG DAG PAR SKUL MA 'DEBS PAR 'GYUR BA DANG, LHA THAMS CAD RAB TU DGA' BAR 'GYUR BA DANG, BDUD THAMS CAD RNAM PAR 'JOMS PAR 'GYUR BA DANG, SEMS CAN THAMS CAD KYI 'JIGS PA THAMS CAD 'JIG PAR 'GYUR BA DANG, GNOD PA THAMS CAD ZLOG PAR 'GYUR BA DANG, ZHI BA DANG, BDE LEGS SU 'GYUR BAR BGYID PA DANG, RGYU SKAR MA RUNGS BAS BGYIS PA RAB TU ZHI BAR 'GYUR BA DANG, BCOM LDAN 'DAS KYIS CHAR PA'I BAR CHAD LNGA GSUNGS PA GANG LAGS PA DE DAG THAMS CAD SEL BAR 'GYUR BA DANG LDAN PAS BSHAD DU GSOL, BCOM LDAN 'DAS, BDAG DE BZHIN 'GYUR BA DE LTA BU'I GZUNGS KYI GSANG SNGAGS KYI GZHI RNAMS BCOM LDAN 'DAS MCHOG TU THUGS RJE DANG LDAN PA, SEMS CAN THAMS CAD LA PHAN PAR THUGS BRTZE BA DANG LDAN PAS BSHAD DU GSOL, BCOM LDAN 'DAS, BDAG DE BZHIN GSHEGS PA LA GSOL BA 'TSAL LO, ,DE SKAD CES GSOL BA DANG, BCOM LDAN
'DAS KYIS KLU'I RGYAL PO G-YOG MTHA' YAS RGYA MTSO SPRIN BKOD PA'I GZI BRJID KYI DKYIL 'KHOR GDUGS LTA BU'I RGYAL PO LA 'DI SKAD CES BKA' STZAL TO, ,KLU'I BDAG PO, KHYOD SEMS CAN THAMS CAD KYI DON DANG, PHAN PA DANG BDE BA'I PHYIR DE BZHIN GSHEGS PA LA GSOL BA 'DEBS PA LEGS SO LEGS SO, ,KLU'I BDAG PO, DE'I PHYIR LEGS PAR RAB TU NYON LA YID LA ZUNGS SHIG DANG, SNYING RJE CHEN PO LAS BYUNG BA 'BRUG CHEN PO'I SGRA CAN BSGYINGS PA DPA' BA'I TOG CES BYA BA'I GZUNGS, SEMS CAN THAMS CAD KYI DON DANG PHAN PA DANG BDE BA'I PHYIR SANGS RGYAS THAMS CAD KYIS GSUNGS PA, BYIN GYIS BRLABS PA, RJES SU YI RANG BA BSHAD PAR BYA STE, DE NI, CHAR MED PA'I TSE CHAR 'BEBS PAR BYED, CHAR CHES NA GCOD, 'CHI BA'I GNOD PA RAB TU ZHI BAR BYED, KLU THAMS CAD LA SKUL BAR BYED, LHA THAMS CAD SIM PAR BYED, BDUD THAMS CAD RNAM PAR 'JOMS PAR BYED, SEMS CAN THAMS CAD BDE BA THAMS CAD DANG LDAN PAR BYED DO, ,TADYA TH'A, MA H'A DZNY'A NA, AA BA BH'A SA NI, SHV'I TE DZO LA GASMI tI tA BI KRA M'A, BADZRA SAm H'A TA NE, PA RA MA BI RA DZA, NIRMA KU NA KE TU S'URYA PRA BHE, BI MA LAm GA YIshtA,
, ,BHA RA BHA RA, SAm BHA RA SAm BHA RA, DU DU MA BU, HA NA HA NA, MA H'A PRA BHE BIm DH'U TA MA H'A MO HA AAm DHA K'A RA, PRA DZNY'A GRA SHUDDHE, PA RI P'U RA nA MI TRE; MEE TRI B'I RA MA NA SKANDHA, MEE TRI MA BUDDHA RE, DZVA LA DZVA LA DZVA LA, DZVA LAm BUDDHA RE, DZVA LAm BHUDDHA RE, BO DHYADGA KU SU ME DA SHA BA LE, TZA TU RA DU BEE SH'A RA DYE, AAshta DA SHA, AA BE nI KA BUDDHARME, SHU BHA MA TI, PU n+YA R'A SHI, SHU KLA DHARMA SA MA NVI TI, GAMBHI RE, BI RA DZI SKE, BI MA LO, BI SHE shA, PRA PA TE, NI R'A PRA BHA DHARME, SARBA LO KA DZYEshthA DZYEshthA, PA RA PRA BA RE, AA NU TA TA RE, AA SANGGE, DHA RA DHA RA, DHI RI DHI RI, DHU RU DHU RU, SH'ANTA MA TE, SH'ANTA MA TE, TZA RA TZA RA, TZI RI TZI TI, TZU RU TZU RU, PA RA MA BUDDHA NU MA TE, MA H'A PRA DZNY'A P'A RA MI TE SV'A H'A, DE BZHIN GSHEGS PA RNAM PAR SNANG MDZAD YE SHES RGYA MTSO DANG LDAN PA LA PHYAG 'TSAL LO; ;SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,DE NAS 'DZAM BU'I GLING 'DIR CHAR DBAB PA'I PHYIR KLU THAMS CAD KYI SNYING PO BRJOD PAR BYA'O, ,SANGS RGYAS DANG, BYANG CHUB SEMS DPA' THAMS CAD KYI BDEN PAS CHAR PA'I BAR CHAD BYED PA LNGA BSAL BAR BYA'O, ,SYAD YA THE DA NA, SA RA
SA RA; SI RI SI RI, SU RU SU RU, N'A G'A N'A NA, DZA BA DZA BA, DZI BI DZI BI, DZU BU DZU BU, KLU CHEN PO DAG TSUR SHEG ,SANGS RGYAS KYI BDEN PAS, 'DZAM BU'I GLING 'DIR CHAR RAB TU PHOB CIG ,TZA RA TZA RA, TZI RI TZI RI, TZU RU TZU RU, KLU'I BDAG PO CHEN PO DAG TSUR SHEG ,KYE KLU CHEN PO DANG, ,SANGS RGYAS KYI BDEN PAS, 'DZAM BU'I GLING 'DIR CHAR RAB TU PHOB CIG ,BA RA BA RA, BI RI BI RI, BU RU BU RU, SANGS RGYAS KYI BDEN PAS KLU THAMS CAD DGUG PAR BYA'O, ,BYAMS PA'I SEMS DANG, SNYING RJE'I SEMS DANG, DGA' BA'I SEMS DANG, BTANG SNYOMS KYI SEMS DANG, SANGS RGYAS DANG, BYANG CHUB SEMS DPA' THAMS CAD KYI BYIN GYI RLABS DANG, BDEN PA DANG, BSAM PA CHEN POS KLU'I BDAG PO CHEN PO DAG TSUR BSHEG ,SANGS RGYAS RNAMS DANG, SANGS RGYAS KYI CHOS RNAMS DANG, BYANG CHUB SEMS DPA'I YON TAN RNAMS DRAN PAR GYIS SHIG ,BHA RA BHA RA, BHI RI BHI RI, BHU RU BHU RU, CHU CHEN PO'I CHU DANG, SPRIN GYI CHU 'CHANG BA CAN LAG GIS 'GRO CHEN PO'I G-YOG RNAMS BYAMS PA'I SEMS KYIS TSUR SHOG ,STON PA'I BSTAN PA DAM PA DRAN PAR GYIS SHIG ,GHA tA GHA tA, GHI tI GHI tI, GHU tU GHU tU, DRAG SHUL CAN KHRO BA SHUGS
, ,CHEN PO DANG LDAN PA, DUG CHEN PO'I LCE 'BYIN PA RNAMS BYAMS PA'I SEMS DANG LDAN PAS TSUR SHOG ,DE BZHIN GSHEGS PA THAMS CAD KYI BDEN PAS 'DZAM BU'I GLING 'DIR CHAR PHOB CIG SV'A HA, TA tA TA tA, TI tI TI tI, TU tU TU tU, NOR BU RIN PO CHE'I COD PAN THOGS PA DANG LDAN PA, SBRUL GDUG PA'I GZUGS CAN RNAMS DKON MCHOG GSUM GYI BYIN GYI RLABS DRAN PAR GYIS LA, ,RDO RJE 'CHANG GI BDEN PAS 'DZAM BU'I GLING 'DIR CHAR PHOB CIG SV'AH'A, KA LA KA LA, KI LI KI LI, KU LU KU LU, CHU CHEN PO LA GNAS PA DANG LDAN PA, SPRIN CHEN PO BRTZEGS PA'I BZHON PA LA ZHON NAS MNGON 'GRO BA RNAMS TSUR SHOG ,BYAMS PA'I SEMS KYIS 'DZAM BU'I GLING 'DIR CHAR GYI RGYUN THONG ZHIG ,DE BZHIN GSHEGS PA'I BDEN PA DANG, DE BZHIN GSHEGS PA'I BYIN GYI RLABS KYIS LAG NA RDO RJES BSGO BA, RA LA RA LA, RI LI RI LI, RU LU RU LU, LAG GIS 'GRO THAMS CAD KHYED RNAMS GNYID MED PAR DUS GSUM GYI DE BZHIN GSHEGS PA'I BDEN PAS GHA MA GHA MA, GHI MI GHI MI, GHU MU GHU MU SV'A H'A, KLU THAMS CAD DGUG GO ,BYAMS PA'I SEMS
KYIS BYANG CHUB KYI SEMS SNGON DU 'GRO BAS NA RA NA RA, NI RI NI RI, NU RU NU RU SV'A H'A, YON PO SNA TSOGS SU GYUR PA'I MGO STONG PA, MGO DANG MIG DMAR BA, STOBS CHE BA'I LTO 'PHYE CHEN PO RNAMS DGUG PAR BYA'O, ,KYE KYE LAG GIS 'GRO CHEN PO DAG ,MCHOG TU THUGS RJE CAN, BSOD NAMS THAMS CAD KYI GZI BRJID KYIS BRJID PA, NYON MONGS PA DANG BRAL BA, DE BZHIN GSHEGS PA RNAMS KYIS BYIN GYIS BRLABS PA DRAN PAR GYIS SHIG ,GA dA GA dA, GI dI GI dI, GU dU GU dU SV'A H'A, STOBS DANG, PHA ROL GNON PA DANG, GZI BRJID THOGS PA MED PA DANG LDAN PA DAG GIS 'DZAM BU'I GLING 'DIR CHAR GYI RGYUN RNAMS PHOB CIG ,SHA RA SHA RA, SHI RI SHI RI, SHU RU SHU RU SV'A H'A, KYE KYE KLU CHEN PO RNAMS, ,RANG RANG GI RIGS DANG, CHO RIGS DRAN PAR GYIS LA MA SHOL BAR LHA THAMS CAD KYI BDEN PA'I BYIN GYI RLABS KYIS 'DZAM BU'I GLING 'DIR CHAR GYI RGYUN PHOB CIG SV'A H'A, TSANGS PA'I BDEN PA'I BYIN GYI RLABS KYIS 'DZAM BU'I GLING 'DIR CHAR RAB TU PHOB CIG SV'A H'A, BRGYA BYIN GYI BDEN PAS 'DZAM BU'I GLING 'DIR CHAR RAB TU PHOB CIG SV'A H'A, RGYAL PO CHEN PO BZHI'I BDEN PAS
, ,'DZAM BU'I GLING 'DIR CHAR RAB TU PHOB CIG SV'A H'A, KLU CHEN PO DAG ,BRGYAD PO'I BDEN PAS 'DZAM BU'I GLING 'DIR CHAR RAB TU PHOB CIG SV'A H'A, KLU CHEN PO DAG ,RGYUN DU ZHUGS PA'I BDEN PAS 'DZAM BU'I GLING DU CHAR RAB TU PHOB CIG SV'A H'A, KLU CHEN PO DAG ,LAN GCIG PHYIR 'ONG BA'I BDEN PAS 'DZAM BU'I GLING 'DIR CHAR RAB TU PHOB CIG SV'A H'A, KLU CHEN PO DAG ,PHYIR MI 'ONG BA'I BDEN PAS 'DZAM BU'I GLING 'DIR CHAR RAB TU PHOB CIG SV'A H'A, KLU CHEN PO DAG ,DGRA BCOM PA'I BDEN PAS 'DZAM BU'I GLING 'DIR CHAR RAB TU PHOB CIG SV'A H'A, KLU CHEN PO DAG ,RANG SANGS RGYAS KYI BDEN PAS 'DZAM BU'I GLING 'DIR CHAR RAB TU PHOB CIG SV'A H'A, KLU CHEN PO DAG ,SANGS RGYAS DANG, BYANG CHUB SEMS DPA' THAMS CAD KYI BDEN PAS 'DZAM BU'I GLING 'DIR CHAR RAB TU PHOB CIG SV'A H'A, KLU CHEN PO DAG ,DE BZHIN GSHEGS PA THAMS CAD KYI BDEN PA DANG BYIN GYI RLABS KYIS 'DZAM BU'I GLING 'DIR CHAR RAB TU PHOB CIG SV'A H'A, LHA THAMS CAD KYI BDEN PAS GNOD PA THAMS CAD ZHI BAR GYIS SHIG SV'A H'A, KLU THAMS CAD KYI BDEN PAS SA CHEN
PO 'DIR CHAR RAB TU PHOB CIG SV'A H'A, GNOD SBYIN THAMS CAD KYI BDEN PAS SEMS CAN THAMS CAD SRUNGS SHIG SV'A H'A, DRI ZA THAMS CAD KYI BDEN PAS MI RNAMS KYI 'KHRUG PA DANG, GNOD PA THAMS CAD SOL CIG SV'A H'A, LHA MA YIN THAMS CAD KYI BDEN PAS RGYU SKAR MA RUNGS PA THAMS CAD RNAM PAR ZLOG CIG SV'A H'A, NAM MKHA' LDING THAMS CAD KYI BDEN PAS KLU THAMS CAD BYAMS PAR BYOS LA 'DZAM BU'I GLING 'DIR CHAR CHEN PO'I RGYUN PHOB CIG SV'A H'A, MI'AM CI'I THAMS CAD KYI BDEN PAS SDIG PA THAMS CAD ZHI BAR GYIS SHIG SV'A H'A, SEMS CAN THAMS CAD NI, TSIM PAR GYIS SHIG SV'A H'A, LTO 'PHYE CHEN PO THAMS CAD KYI BDEN PAS YANGS SHING RGYA CHE BA'I CHAR GYI RGYUN PHOB CIG SV'A H'A, 'DIR CHAR LA SGRIB PA LNGA PO YANG DAG PAR ZUNGS SHIG SV'A H'A, MI THAMS CAD KYI BDEN PAS MI THAMS CAD LA YONGS SU SRUNGS SHIG SV'A H'A, KA RA KA RA, KI RI KI RI, KU RU KU RU, DA RA DA RA, DI RI DI RI, DU RU DU RU, NA TA NA TA, NA TI NA TI, NU TU NU TU, SHIN TU MGYOGS PAR BZHUD MA, SPRIN CHEN PO'I CHU 'DZIN MA, SPRIN LDAN MA, SPRIN CHEN LDAN MA, SPRIN CHEN CHU 'DZIN MA, SPRIN GSAL MA, SPRIN 'BYUNG MA,
, ,DUS SPRIN MA, SPRIN GYI 'BYUNG GNAS MA, SPRIN SGROG MA, SPRIN BZHUGS MA, SPRIN GYI COD PAN LDAN MA, SPRIN GYI PHRENG BA MNGA' MA, SPRIN GYIS RNAM PAR BRGYAN MA, SPRIN BCIBS MA, SPRIN LA GNAS BCAS MA, SPRIN GYI SNYING PO'I SPRIN GYI RAL PA CAN, SPRIN 'OD MA, SPRIN GYI 'KHOR LDAN MA, RGYA CHEN SPRIN BZHUGS MA, MCHOD PHYIR SPRIN THOGS MA, LO TOG 'ONGS SGRUB MA, RI SUL NA BZHUGS MA, KLU'I YUM BCOM LDAN 'DAS MA, SPRIN CHEN DPAL LDAN DKAR MDOG CAN, BSIL REG MA, TSUB MA CHEN MO SPYOD YUL MA, KLU CHEN RNAM PAR ROL MDZAD MA; BCOM LDAN 'DAS MA BON TRA BCUD KYIS LEN DRUG 'DZIN MA, SANGS RGYAS KYI BDEN PAS 'DZAM BU'I GLING 'DIR CHAR RAB TU DBAB TU GSOL SV'A H'A; GHA RA GHA RA, GHI RI GHI RI, GHU RU GHU RU, GHI RI nI GHI RI nI, GHU MA GHU MA GHU MA, GHU MA GHU MA GHU MA, GHU MA GHU MA GHU MA RI, DBU DGU DANG LDAN MA, SPRIN CHEN PHRENG LDAN MA, GLOG TSOGS PHRENG LDAN MA, LAG GIS 'GRO THAMS CAD 'DZIN MA, SPRIN LTA BU'I NA BZA' MNABS MA, DUG DRAG PO THAMS CAD
SPYOD YUL MA, SPRIN BKOD PA LA BCIBS MA, 'BRUG SGROG MA, SGRA SGROG MA, KLU TSOGS LE SKUL MA, LHA MO SPRIN CHEN PHRENG LDAN MA KLU THAMS CAD LA MA SHOL BAR DE BZHIN GSHEGS PA'I BYIN GYI RLABS KYIS 'DZAM BU'I GLING 'DIR CHAR PHOB CIG CES BSKUL DU GSOL SV'A H'A, YA RA YA RA, YI RI YI RI, YU RU YU RU, DZA RA DZA RA, DZI RI DZI RI, DZU RU DZU RU, DZHA RA DZHA RA, GU tU GU tU, GU GU tU, GA dA GA dA, GI dI GI dI, HA RA HA RA, HI LI HI LI, MU LU MU LU, TA LA TA LA, TI LI TI LI; TU LU TU LU, HA NA HA NA, DA HA DA HA, PA TZA PA TZA, GRiHnA GRIHnA, MARDA MARDA, PRA MARDA, PRA BA RA SHA BIGHA N'AN, MEE TRE YA DZNY'A PA YA TI SV'A H'A, BUDDHE BUDDHE, BU BUDDHE, BU BUDDHE, HA RA P'A PAm, SARBA SAT'A N'AN, AA DHIshthI YA PA n+YA MA, SARBA BUDDHA N'AN DHA RI nI DHA RE, SHU BHA MA TE GU n'A GRA PRA BHE nE, MA H'A DZNY'A NO, ,LA GE ,SHU KA LA DHARME SA TYA BA TI DZNYE, MA H'A YA N'A DHUshthI TRE LO KA DZNYEshTHA BHA GA BA TI, BUDDHA MEE TRI A'A P'U R'A YA SARBA K'E TR'A n'I, SHU KLE SHVE TV'A MA, PA RA DZHA RE, PA NA TA RA PA SA NI, DHU DHU RE, DHU DHU RU, SHA MA SHA MA, SH'ANTA MA NA SA, CHAR GYI BGEGS THAMS CAD RNAM PAR BSAL BAR GSOL SV'A H'A, DUS GSUM GYI DE BZHIN GSHEGS PA THAMS CAD KYI BDEN PAS
, ,BYAMS PA'I THUGS KYIS YANG DAG PAR BRTUL ZHUGS DANG, DKA' THUB KYI THUGS SKYON MED PAS KLU CHEN PO RNAMS LA YANG DAG PAR BSKUL LO, ,KLU'I RGYAL PO CHEN PO G-YOG MTHA' YAS RGYA MTSO'I SPRIN BKOD PA'I GZI BRJID KYI DKYIL 'KHOR GDUGS LTA BU'I RGYAL BO LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, KLU'I RGYAL BO DGA' BO DANG NYE DGA' BO LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, KLU'I RGYAL PO RGYA MTSO LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, KLU'I RGYAL PO MA DROS PA LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, KLU'I RGYAL PO GZI CAN LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, KLU'I RGYAL PO CHU LHA LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, KLU'I RGYAL PO 'JOG BO LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, KLU'I RGYAL PO YUL
'KHOR SRUNG LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, KLU'I RGYAL PO NOR RGYAS KYI BU LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, KLU'I RGYAL PO BTANG BZUNG LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, KLU'I RGYAL PO SA SRUNG GI BU LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, KLU'I RGYAL PO NU TA LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, KLU'I RGYAL PO DPAL GYI GZI BRJID LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, KLU'I RGYAL PO DPAL BZANG LA YANG DAG PAR BSKUL LO, ,'DZAM BU'I GLING 'DIR 'CHAR RAB TU PHOB CIG SV'A H'A, KLU'I RGYAL PO GLOG GI PHRENG BA LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, KLU'I RGYAL PO GTZUG NA NOR BU CHEN PO LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, KLU'I RGYAL PO GTZUG NA NOR BU THOGS PA LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A
, ,KLU'I RGYAL PO SNANG LDAN GTZUG PHUD CAN LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, DE DAG LA SOGS PA KLU'I RGYAL PO THAMS CAD LA YANG DAG PAR BSKUL LO, ,'DZAM BU'I GLING 'DIR CHAR RAB TU PHOB CIG SV'A H'A, N'A GE N'A GE, MA H'A N'A GE, GHO RA MA NA SE, N'A GA HRi DA YA, DHU M'A KU LE, AU GRA RO shE PRA TZAndA TE DZE, BI shO GRE, Ash'I BI SHI ,AA HI GO RE, KRI shA PONGGA LE, TZNYTZA LE, LO LA DZI HE, MA H'A PHA NA KA RE, K'A LA P'A SHE, ROO TRA B'A SI NI, dU dU M'A BE, GHA nA GHA nA, SHI KI N'I, KA NA KA NA, GA nA GA nA, MA H'A GA nA GA nE, PA RA PA RA, PI RI PI RI, PU RU PU RU, BI SPU RDZA NE, BHU RU BHU RU, MA H'A BHO GI MA nI DA RE, PHI RI PHI RU, PHU RU PHU RU, PHA RA PHA RA, BARshA BARshA, DZA LAMBU DA RA, SHAMBU SHAMBU, BA TA TU tU MA ME; DHUm DHUm, DHUm DHUm BE, ME GHA PRA BHE, ME GHA BHA GHI NI, DHA KA DHA KA ,dhA KA DHU DHU MA BE, GHA N'A GHA N'A, SHI KI NI, KA NA KA NA, GA nA GA nA, MA H'A N'A GA GA NE, NI RA TRA ntU, PA DZA DAR KA RI MA H'A N'A D'I DA YE, GHU MA GHU MA, GHU MA P'A YA TI KA, DZ'Am GA RI BHU DZAm GA ME, BI KA tA SAm KA tE, GO RI BISPU RDZA NI BADZRA BHA nA, KLU THAMS CAD DGUG
GO ,SANGS RGYAS THAMS CAD KYI BYIN GYI RLABS DANG, DUS GSUM GYI DE BZHIN GSHEGS PA THAMS CAD KYI BDEN PA DANG, BYAMS PA'I THUGS KYIS 'DZAM BU'I GLING 'DIR CHAR RAB TU PHOB CIG SV'A H'A, NA MA: SARBA BUNGDHE BHYA: SINGDHYA NTU MANTRA P'A DA NI SV'A H'A, 'PHAGS PA SPRIN CHEN PO THEG PA CHEN PO'I MDO STONG PHRAG BRGYA BA LAS, CHAR DBAB PA RLUNG GI DKYIL 'KHOR CES BYA BA'I LE'U STE DRUG CU TZA BZHI BA'O,, ,,CHO GA NI, CHAR CHEN DBAB PAR 'DOD NA, BLA GAB MED BA'I SA PHYOGS GTZANG MAR BLA RE SNGON PO BRE, BA DAN SNGON PO DPYANG NGO, ,CHOS SMRA BA LUS BKRUS LA YAN LAG BRGYAD PA LA NYE BAR GNAS SHING GOS GTZANG MA SNGON PO BSGOS LA SPOS DRI ZHIM POS BSKUS NAS ZAS DKAR GSUM ZOS LA STAN SNGON PO'I STENG DU 'DUG NAS KHA SHAR PHYOGS SU BLTAS TE, DE BZHIN GSHEGS PA THAMS CAD LA GSOL BA BTAB NAS SPRIN CHEN PO'I DKYIL 'KHOR GYI LE'U 'DI NYIN MTSAN RGYUN MI 'CHAD PAR BKLAG PAR BYA'O, ,CHU SNGON POS BKANG BA'I BUM BA GANG BA BZHI GZHAG PAR BYA'O, ,GTOR MA DANG, BDUG PA DANG, ME TOG CI NUS KYIS SBYAR RO, ,DE LA CHOS SMRA PAS PHYOGS BZHIR BA'I LCI BA'I KHU BAS BRI BAR
, ,BYA STE, SHAR PHYOGS SU KHRU GSUM TZAM DU KLU'I RGYAL PO MGO BO GSUM PA KLU'I G-YOG 'KHOR SNA TSOGS DANG BCAS PA'I LCI BAS BRI BAR BYA'O, ,LHO PHYOGS SU KHRU LNGA TZAM DU KLU'I RGYAL PO MGO BO LNGA PA KLU'I G-YOG 'KHOR SNA TSOGS DANG BCAS PA BRI BAR BYA'O, ,NUB PHYOGS SU KHRU BDUN TZAM DU KLU'I RGYAL PO MGO BO BDUN PA KLU'I G-YOG 'KHOR SNA TSOGS DANG BCAS PA BRI BAR BYA'O, ,BYANG PHYOGS SU KHRU DGU TZAM DU KLU'I RGYAL PO MGO BO DGU PA KLU'I G-YOG 'KHOR SNA TSOGS DANG BCAS PA BRI BAR BYA'O, ,CHOS SMRA PAS RANG GI LUS BSRUNGS LA BYAMS PA LA GNAS TE SEMS CAN THAMS CAD LA SNYING RJE'I SEMS NYE BAR BZHAG NAS SANGS RGYAS DANG BYANG CHUB SEMS DPA' THAMS CAD LA GSOL BA BTAB NA, KLU RNAMS DANG DGE BA'I RTZA BA BGO BAR BYA STE, 'DI NI; CHO GA'O, ,GANG ZHIG CHAR MI 'BAB PA'I TSE SPRIN CHEN PO'I RLUNG GI DKYIL 'KHOR GYI LE'U 'DI KLOG NA, NYIN ZHAG GCIG GAM GNYIS NAS NYIN ZHAG BDUN TSUN CHAD GDON MI ZA BAR CHAR 'BAB BAR 'GYUR RO, ,RGYA MTSO NI, DUS LAS YOL YANG SRID KYI, THUB PA CHEN PO'I GSUNG RAB CHAR GYI CHO GA 'DI NI, GZHAN
DU MI 'GYUR RO, ,DE LTA MOD KYI, TSUL KHRIMS DANG, YON TAN LA GNAS TE, 'CHAL BA'I TSUL KHRIMS DANG, SHA DANG, NYA SHA LA SOGS PA YONGS SU SPANG PAR BYA'O, ,'O THUG DANG, ZHO DANG, 'O MA DANG, 'BRAS CAN BU RAM CAN LA SOGS PA DANG, MNGAR GSUM ZA ZHING BKLAG PAR BYA'O, ,DE LTAR NA 'GRUB PAR 'GYUR TE, THUB PA'I RGYAL POS GSUNGS PA BZHIN DU THE TSOM MED PAR BYA'O, ,'PHAGS PA SPRIN CHEN PO THEG PA CHEN PO'I MDO LAS, CHAR DBAB PA RLUNG GI DKYIL 'KHOR GYI LE'U ZHES BYA BA DRUG CU RTZA BZHI PA CHO GA DANG BCAS PA RDZOGS SO,, ,,RGYA GAR GYI MKHAN PO DZI NA MI TRA DANG, SH'I LENDRA BO DHI DANG, ZHU CHEN GYI LO TZ'A BA BANDHE YE SHES SDES BSGYUR CING ZHUS TE, SKAD GSAR BCAD KYIS KYANG BCOS NAS GTAN LA PHAB PA,