RGYA GAR SKAD DU, A'ARYA DZAMBHA LA N'A YA AAshtA SHA TA KAm, BOD SKAD DU, 'PHAGS PA GNOD 'DZIN GYI MTSAN BRGYA RTZA BRGYAD PA, 'PHAGS PA GNOD 'DZIN LA PHYAG 'TSAL LO, ,DE NAS GNOD SBYIN 'BROG GNAS PO, ,GSER DAG GIS NI LEGS PAR BRGYAN, ,RIN CHEN GYIS NI RAB MDZES SHING, ,ME NI SHIN TU 'BAR 'DRA BA, ,LCANG LO CAN DU BZHUGS NAS KYANG, ,GSANG BDAG RDO RJE 'CHANG BA YI, ,ZHABS GNYIS
, ,LA NI RAB 'JUS NAS, ,SHIN TU MNYAM BZHAG DRIS BA NI, ,BCOM LDAN GNOD 'DZIN RGYAL DBANG PO, ,GSANG SNGAGS TSOGS NI KUN GYI BDAG ,RIG SNGAGS 'CHANG RNAMS KUN GYIS MCHOD, ,LHA DANG LHA MIN PHYAG BYAS PAS, ,MA RUNGS 'DUL LA BRTZON PA PO, ,BYANG CHUB SEMS DPA'I YON TAN LDAN; ;MGON PO SEMS CAN KUN DON MDZAD, ,SANGS RGYAS KUN GYI GSANG BA 'DZIN, ,SEMS CAN RNAMS LA PHAN 'DOD PAS, ,SNYING RJES NON PA'I YID KYIS SU; ;YANG DAG RDZOGS PA'I BYANG CHUB PHYIR, ,BDAG GIS KYANG NI SEMS BSKYED DE, ,MI RNAMS NOR NI NYUNG BA DANG, ,BSOD NAMS CHUNG ZHING DBANG CHUNG BA, ,MTHONG NAS SDUG BSNGAL CHEN PO YIS, ,RAB TU GZIR TO GSANG BA'I BDAG ,DE NAS GNOD 'DZIN GYIS SMRAS NAS, ,BCOM LDAN GSANG BA GSANG BA'I BDAG ,SNYING RJES NON TE SMRAS PA NI, ,LEGS PAR NYON CIG GSANG BA PA, ,MGON PO GNOD 'DZIN DPAL DANG LDAN, ,SEMS CAN KUN GYI DON BYED PA, ,DBUL PO'I NYON MONGS SEL BA PO, ,NOR RO COG GI DBANG PHYUG GI ,MTSAN BRGYA RTZA BRGYAD BSOD NAMS LDAN, ,DBUL BA'I NYES SDIG SEL BYED PA, ,GANG+G'A'I BYE MA'I GRANGS SNYED KYI, ,RGYAL
MCHOG RNAMS KYIS SNGON GSUNGS PA, ,'OD ZER BRGYA PA ZHES PA YI, ,ZHING NA SANGS RGYAS NYI MA'I ZHAL, ,CHOS STON PA NA BDAG GIS KYANG, ,DE NI RANG GIS SNGON THOS TE; ;DBUL BA SEL CING BSOD NAMS LDAN, ,DE NI BDAG GI SHES RAB KYIS, ,SEMS CAN KUN DON BRTZON PA PO, ,KHYOD LA LEGS PAR BSTAN PAR BYA, ,KHYOD NI MNYAM BZHAG RAB TU NYON, ,'PHAGS PA LHA DANG LHA MIN BLA, ,SHES RAB LDAN ZHING CHOS LA GUS, ,SNYING BRTZE'I BDAG NYID BZOD LDAN BRTAN, ,DBANG PO ZHI BA DBANG PO THUL; ;DGE BAS SDIG 'JOMS SHES NYEN CAN, ,NGES SHING DON KUN SGRUB PA PO, ,MI GNANG MI SLU DPAL DANG LDAN, ,MDZOD BDAG GZHAN GYIS MI THUB PA, ,DKON MCHOG GSUM GYI SKYABS GCIG PA, ,SANGS RGYAS KUN GYIS GZIGS PA PO, ,GTER RNAMS SKYONG BA GZI BRJID CAN, ,RTAG SBYIN NOR NI 'PHEL BYED PA, ,RIN CHEN 'BYUNG GNAS SKYE BO 'DUL, ,CHU YI BDAG PO CHU 'BEBS PA, ,GNOD SBYIN CHU SPYOD BDAG NYID CAN, ,GTER DON NYE BAR STON PA PO, ,GSER GYI RI BO LHUN PO STE, ,DBUL BA'I GDON LAS THAR BYED PA, ,DBANG PO NYE DBANG 'GRO BA'I MGON, ,CHU YI DBANG PO SPRIN MDOG CAN, ,'JIG RTEN MIG DANG 'JIG RTEN BLA, ,NYI MA ZLA BA THER ZUG PA, ,NOR
, ,CHEN RGYAL PO CHEN PO STE, ,LAG NA NE'U LE RAB GNAS PA, ,GZHON NU SENG+GE TOG CAN TE, ,GNOD SBYIN CHEN PO RDZU 'PHRUL CHE, ,TSIG GI BDAG PO BZHIN 'DZUM PA, ,GSONG POR SNYAN PAR SMRA BA PO, ,BRAM ZE 'DOD PA'I LCAGS KYU STE, ,CHE BA DON GRUB GRUB PAS MCHOD, ,RIG SNGAGS 'CHANG BA 'KHOR LOS BSGYUR, ,KU BE RA DANG MI LA ZHON, ,BUM PA'I LTO CAN MIG YANGS PA, ,LHA YI DRI LDAN YID LTAR MGYOGS, ,KHYAB BDAG BDE 'BYUNG NOR BZANG SRAS; ;SEMS CAN RNAMS NI SKYONG LA DGA', ,'DOD RGYUR SGYUR GZUGS YID KYI LHA, ,COD PAN CAN DE RIGS DGA' BA, ,G-YON PHYOGS COD PAN LAG PA DBYUG ,LAG PA BRGYA PA STOBS PO CHE, ,SA BRGYAD DBANG PHYUG LHA YUL BA, ,ZLA BA NYA BA'I ZHAL MDOG CAN, ,DED DPON TSOGS KYI BDAG PO STE, GNAS BRTAN TSONG PA SKAL BA BZANG, ,YID BZHIN NOR BU BUM PA BZANG, ,DPAG BSAM LJON SHING MI YI BDAG ,MCHOG DON 'OS PA GTZO BO STE, ,MCHOG SBYIN MI'U THUNG KHYAB 'JUG PA, ,SKYABS 'OS BKRA SHIS SRUNG BA PO, ,RIN CHEN PHRENG BAS RNAM PAR BRGYAN, ,LHA YI SENG+GE'I KHRI LA BZHUGS, ,BYANG CHUB SEMS DPA' DPAL GYI
BDAG ,RAB TU DAR BA NOR MI ZAD, ,SENG+GE'I RTZAL GYI MTHU RTZAL CAN, ,STON PA 'JIG RTEN GSUM LAS RGYAL, ,GTZO BO TSONG PA RIGS KYI MCHOG ,PADMA'I LTE BA THUB MED RGYAL, ,TSANGS PAR SPYOD PA RGYA MTSO CHE, ,GNOD 'DZIN BDAG NYID CHE BA YI, ,MING BRGYA RTZA BRGYAD NGAS BSHAD 'DI, ,SDIG PA THAMS CAD 'JOMS BYED CING, ,DBUL BA'I NYON MONGS SEL BYED PA, ,'BYOR DANG SKAL BZANG SKYED PA PO, ,GLANG PO RTA NOR 'PHEL BYED PA, ,GZA' DANG RGYU SKAR RMI LAM NGAN, ,LTAS NGAN SEL BAR BYED PA STE; ;NAGS SAM GAL TE GRONG DANG NI, ,DUR KHROD YANG NA RI YANG RUNG, ,MKHAS PA GANG NA KLOG PA DAR, ,G-YUL DANG DGRA NI NYAM NGA BA, ,SBRUL DANG ME CHU CHOM RKUN SOGS, ,STAG DANG DOM DANG 'JIGS PA CHE, ,RGYA MTSO BGROD DKA' MI BZANG LAS, ,ME NI RAB TU ZHI BAR 'GYUR, ,DBANG PO ME DANG CHU LHA DANG, ,GSHIN RJE SRIN BDAG RLUNG LHA DANG, ,NOR SBYIN DPAL LDAN KU BE RA, ,NOR BU BZANG SRAS LNGA RTZEN DANG, ,RTZE MO CAN DANG 'BROG GNAS DANG, ,LHA DANG GNOD SBYIN GZHAN DAG KYANG, , G-YEL BA MED PAR NYIN MTSAN DU, ,RAB TU DGA' BZHIN SRUNG BAR BYED, ,GANG NA MING 'DI KLOG PA DER, ,GLANG CHEN RTA DANG BA LANG DANG, ,LO TOG RNAM PA SNA TSOGS DANG,
, ,'BRAS BU ME TOG RNAMS KYANG 'PHEL, ,MI NAD DANG NI 'GO BA'I NAD, ,GNOD PA KUN LAS BYUNG BA RNAMS, ,THAMS CAD DU NI BDE LEGS 'GYUR, ,LHAG PAR BYIS PA RNAMS LA SHIS, ,DE LA YI DVAGS KLU RNAMS DANG, ,MA MO DANG NI GDON DRAG DANG, ,MKHA' 'GRO MA DANG MI'AM CI, ,SRIN PO RNAMS KYANG 'CHI MI BYED, ,NAD DO COG LAS RNAM PAR GROL, ,DE BZHIN BDE ZHING NOR DANG LDAN, ,BU DAG DANG NI TSA BO DANG, ,DPAL DANG GTONG BA RNAMS KYIS, RGYAS; ;RIGS MCHOG RGYAL BA 'BYUNG BA DANG, ,LONGS SPYOD CHEN PO'I NANG DU SKYE, ,TSE DANG DPAL DANG LDAN PA DANG, ,NAD MANG RIGS DANG BRAL BAR 'GYUR, ,TSE RABS KUN TU SKYE BA DRAN, ,LOBS SKYEN THOS PA 'DZIN PA DANG, ,BYANG CHUB SEMS DPA'I YON TAN LDAN, ,SKAL BA BZANG PO NYID DU 'GYUR, PHYAG 'TSAL PHYAG 'TSAL GNOD SBYIN RJE, ,GSANG BDAG KHYOD LA PHYAG 'TSAL TE, ,MA RUNGS 'DUL LA BRTZON PA PO, ,LAG NA RDO RJE KHYOD LA 'DUD, ,SEMS CAN DAD LA MNYES GSHIN PA, , NOR BZANG SRAS KYI GRAGS PA 'DI, ,DBUL BA'I NAD NI ZHI BYED PA, ,RAB TU BSHAD PA LEGS PAR GSUNGS, ,DON KUN GRUB PA GSANG BA'I SNGAGS, ,BDAG GIS KYANG
NI 'DIR DBUL TE, ,DE NI LEGS PAR DRAN TZAM GYIS, ,ME NI DBUL LAS GROL 'GYUR ZHING, ,GZHAN GYIS MI TSUGS SRUNG BAR 'GYUR, ,DGRA RNAMS KYIS KYANG MI TSOR ZHING, ,SKAL PA BZANG DANG SKAL DANG LDAN, ,LO BRGYA YANG NI 'TSO BAR 'GYUR, ,LHA YI GLANG PO RIN CHEN DANG, ,RGYAL DANG RGYAL SRID 'OS RNAMS KYANG, ,NGES PAR MYUR DU THOB 'GYUR TE, ,RGYAL SRID KYANG NI THE TSOM MED, ,NA MO RATNA TRA YA Y'A, NA MO MA nI BHA DRA YA, ,MA H'A YAKshA SE NA PA TA YE, ,AOm HR'Im H'RAm Ksh'A DZR'Im H'Am HR'Am, D'IPA BYA RRATNOO GA PA RI SHA NA AA TA W'A KA DE BA YAKshA SA MA YA MA NU SMA RA HI: H'Um PHAt S'VA H'A, 'PHAGS PA GNOD 'DZIN GYI MTSAN BRGYA RTZA BRGYAD PAR RDZOGS SO,, ,,