RGYA GAR SKAD DU, A'A RYA DHA RM'A S'A GA RA N'A MA DH'A RA n'I, BOD SKAD DU, 'PHAGS PA CHOS KYI RGYA MTSO ZHES BYA BA'I GZUNGS, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM
LDAN 'DAS W'A RA n'A SI NA DRANG SRONG SMRA BA RI DVAGS KYI NAGS NA DGE SLONG LNGA BRGYA THAM PA'I DGE SLONG GI DGE 'DUN CHEN PO DANG THABS CIG TU BZHUGS TE, DE NAS BCOM LDAN 'DAS KYIS DGE SLONG RNAMS LA BKA' STZAL PA DANG, DGE SLONG DE DAG GIS BCOM LDAN 'DAS LA NYAN PA DANG, BCOM LDAN 'DAS KYIS 'DI SKAD CES BKA' STZAL TO, ,DGE SLONG DAG, NGAS NI, CHOS ZAB MO MTHONG BAR DKA' BA, RTOGS PAR DKA' BA, CHA PHRA BA, BRTAG PA MKHAS SHING SHES PAS RIG PAR BYA BA RTOGS SO, ,NGAS NI, SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, SKYE BO PHAL PO CHE'I DON DANG, LHA DANG, MI RNAMS LA PHAN PA DANG, BDE BA'I PHYIR CHOS KYI 'KHOR LO BSKOR TO; ;NGAS THOGS PA MED PA'I CHOS KYI 'KHOR LO BSKOR BA'I PHYIR NGES PA KHO NAR BSGRUB PAR BYA'O, ,DGE SLONG DAG ,CHOS KYI RGYA MTSO'I GZUNGS ZHES BYA BA'I CHOS KYI RNAM GRANGS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DRAN PA'I BLO DANG LDAN PA, BLO GROS DANG LDAN PA, RTOGS PA'I BLO DANG LDAN PA, BRTAN PA'I BLO DANG LDAN PA; SHES RAB KYI BLO DANG LDAN PA, GSUNG GI MCHOG DANG LDAN PA, SPOBS PA MCHOG DANG LDAN PA, MKHYEN CING GZIGS PA DAG GIS BSTAN CING BSHAD PA YOD DE,
, ,GANG DAG DE SHES PA DANG, GANG DAG DE 'DZIN PA DE DAG GIS NI, MYUR BA KHO NAR CHOS LNGA THOB PAR 'GYUR RO, ,LNGA GANG ZHE NA, 'DI LTA STE, THOS PA 'DZIN PA'I DRAN PA DANG LDAN PAR 'GYUR RO, ,BRJED NGES PA MED PA'I DRAN PA DANG LDAN ZHING CHOS BZUNG BA RNAMS CHUD ZA BAR MI 'GYUR BA'I BLO GROS DANG LDAN PAR 'GYUR BA DANG, RNON PO THOB PA'I RTOGS PA DANG LDAN PAR 'GYUR BA DANG, YI GE DANG DON DANG TSIG LA 'JUG PA'I SPOBS PA THOGS PA MED PA DANG LDAN PAR 'GYUR BA DANG, SEMS CAN RNAMS KYI RGYU'I LAM MNGON PAR SHES NAS SNGON GYI GNAS RJES SU DRAN PA LA MKHAS PAR 'GYUR BA STE, CHOS LNGA PO 'DI DAG NI, SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS BZHAG GO ,DA LTAR NGA YANG 'JOG GO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO, CHOS THAMS CAD KYI SNGOM GYI GZHI BSDU BA KHYOD LA BSTAN PAR BYA STE, DES NA KHYOD KYIS MA THOS PA'I CHOS RNAMS THOS PAR 'GYUR RO, ,THOS PA'I CHOS RNAMS 'DZIN PAR 'GYUR RO, ,BZUNG BA'I CHOS RNAMS NI, NYAMS SU LEN PAR 'GYUR RO, ,NYAMS SU BLANGS PA'I CHOS NI, GZHAN DAG LA KHONG DU CHUD PAR BYED DO,,
TSIG GI RAB TU DBYE BA LNGA NI, 'DI LTA STE, 'DU BYED KYI TSIG GI RAB TU DBYE BA DANG, DE BZHIN DU MA THOS PA'I CHOS KYI TSIG GI RAB TU DBYE BA DANG, BLA NA MED PA'I TSIG GI RAB TU DBYE BA DANG, SA NAS SA BRTAGS PA'I YI GE'I TSIG GI RAB TU DBYE BA DANG, NGES PA'I TSIG DANG BRDA SNA TSOGS KYI TSIG GI RAB TU DBYE BA'O, ,DE LA 'DI DAG NI, GZI BYIN BRTAN PAR BYED PA'I TSIG RIG SNGAGS DANG LDAN PA STE, GLING BZHI PA'I 'JIG RTEN GYI KHAMS KYI GNOD SBYIN DANG, SRIN PO DANG, GRUL BUM DANG, YI DVAGS DANG, SHA ZA 'DZAM BU'I GLING DU LHAGS PA THAMS CAD KYIS GANG ZAG DE LA ZAS KYI RNAM GRANGS RNAMS DANG, SMAN RNAMS SBYIN PAR 'GYUR RO, ,DE LA GSANG SNGAGS KYI TSIG CHOS LAS BYUNG BA, GZHAN DAG LA MI GNOD PA; DE BZHIN GSHEGS PAS GSUNGS PA, LHA DANG, KLU DANG, GNOD SBYIN DANG, DRI ZA RNAMS KYIS MNOS PA, BSTAN PA YONGS SU 'DZIN PA NI, 'DI DAG YIN TE, KUN DGA' BO, GSANG SNGAGS KYI TSIG 'DI DAG NYON CIG, KHYOD PHYIS 'GYOD TA RE, SY'AD YA THE DAN, KARMA KE TA MA NUD TZE, RA TI RU TA GRANDRA MA, THU MA NA, NEE LA TA, AA SAm KU LA STH'A, BU MI AA NU SMA RI; AI SHAm GA MA AI SHASTH'A, KLE NA AA NU GA TE, Y'A MU LA GUm BHE, PA BHE MA GU RA BA YA BA, AA SYA B'AKYA SYA BI LAm GA BE LA MA TH'A SHR'I BA BA R'I PANYTZA KA ,PRA SA TE, AA BA BE LA, AA GRA BE
, ,LA; NI SHI KHU AU TZE DZU ME, AU DZE DZU ME, KUN DGA' BO, 'DI DAG NI, GNOD SBYIN GYI DBANG PA GRUB PA DANG, GNOD SBYIN GANG DAG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'OD SRUNG MTHONG LA BSNYEN BKUR YANG BYED BYED, RIM GRO YANG BYED BYED PA RNAMS 'CHING BA STE, KUN DGA' BO, KHYOD KYIS GNOD SBYIN DBAB PA GRUB PA, DE BZHIN GSHEGS PAS GSUNGS PA RNAMS ZUNGS SHIG, KUN DGA' BO, GANG LA LA GSANG SNGAGS KYI TSIG SKYON MED PA'I TSIG 'DI DAG 'DZIN PA DANG, 'CHANG BA DANG, KUN CHUB PAR BYED PA DE LA NI, RGYAL PO CHEN PO BZHI SEMS BZHIN DU GNAS SO, ,KUN DGA' BO, GANG LA LA GSANG SNGAGS KYI TSIG 'DI DAG BZUNG BAS NI, DRAN PA DANG LDAN PAR 'GYUR RO, ,SANGS RGYAS RNAMS DANG BRAL BAR MI 'GYUR RO, ,KUN DGA' BO, SHAR GYI LUS 'PHAGS PA'I GLING NA NI, GNOD SBYIN SRID PA SNANG BYED CES BYA BA GNAS SO, ,KUN DGA' BO, NUB KYI BA LANG SPYOD KYI GLING NA NI, GNOD SBYIN CHER SPYOD CES BYA BA GNAS SO, ,KUN DGA' BO, BYANG GI SGRA MI SNYAN GYI GLING NA NI, GNOD SBYIN RNAM GRAGS ZHES BYA BA GNAS SO, ,KUN DGA' BO, 'DZAM BU GLING NA NI, GNOD SBYIN GRAGS THOB CES BYA BA GNAS TE, KUN DGA' BO,
GNOD SBYIN DE DAG GIS KYANG RJES SU DRAN PAR 'GYUR RO, ,KUN DGA' BO, GNOD SBYIN GZHAN GZI BRJID ZA BA GANG YIN PA DE DAG KYANG DAD PA THOB PAR 'GYUR RO, ,DAD PA THOB PAR GYUR NAS KYANG DAD PA MI PHYED PAR THOB PAR BYA BA'I PHYIR 'GRO BAR BYED DO, ,KUN DGA' BO, DE LA 'DI DAG NI, SHES BZHIN GYI TSIG DRANG SRONG GIS BSTAN PA DAG YIN TE, KUN DGA' PO, KHYOD KYIS DE BZHIN GSHEGS PA DRANG SRONG GI MCHOG GI TSIG GI MCHOG SROG CHAGS 'BYUNG PO THAMS CAD LA RNAM PAR MI 'TSE BA'I TSIG RNAMS ZUNGS SHIG DANG PAS BSHAD DO, ,KUN DGA' BO, DE LA NGA'I PHYI NA 'BRANG BA'I GNOD SBYIN GANG YIN PA DE DAG GIS KYANG BAR CHAD BYED MI NUS SO, ,SYAD YA THE DAN, DANDHA RA MA H'A HA RA, HA RA MA BA RA NA, RUD DRA TRA, KU MA TI DRI TRA, AINDRA MANTU KE, AA BA TE, SA H'A R'A, SA DHU MA TI, AI LA LA BA MA TI, AA BA TI, TA RA DA RA, YI BIshtA SA DA BIshtA, AA BA TIshthA, PA RI BARTA, AI SHA BARTA SA DA BARTA, KRA MA KRA MA TI RA NA, AA SI BA TZA MA LA BI NA HE THI, THA SHA SU RE, DHU RA DHU RA, AUGGRA MUGGRA, AUGGRA BA TI, PI SA RA GRA MA TI, THAMS CAD DANG LDAN PA'I GLING BZHI PA CHEN PO'I 'JIG RTEN GYI KHAMS KYI GNOD SBYIN DANG, 'BYUNG PO DANG, GRUL BUM DANG, YI DVAGS DANG, SRUL PO DANG, KLU DANG, DRI ZA DANG, SHA ZA GNAS PA GANG YANG RUNG BA DE
, ,DAG GIS KHYIM GYI NANG NA GNAS PA DANG, LAM DU ZHUGS PA RNAMS KYIS DE BZHIN GSHEGS PAS GSUNGS PA'I TSIG 'DI DAG THOS NAS DGA' BAR 'GYUR RO, ,KUN DGA' BO, KHYOD KYIS GZUNGS SNGAGS KYI TSIG 'DI DAG ZUNGS SHIG ,PHYIS 'GYOD TA RE, DE NAS DE'I TSE BCOM LDAN 'DAS KYIS TSIGS SU BCAD PA 'DI DAG BKA' STZAL TO, ,GNOD SBYIN GRUB PA 'DI DAG NI, ,GLING BZHI DAG NA GTZO ZHES BYA, ,GSANG SNGAGS 'DI DAG SU 'CHANG PA, ,DE YI DRAN PA 'PHEL BAR 'GYUR, ,SANGS RGYAS RNAMS KYIS GSUNGS PA YI, ,GNOD SBYIN DE DAG LHAGS NAS NI, ,CHOS RGYAL RNAMS KYIS BSTAN PA DAG ,NYAMS PAR GYUR PA DE LA STON, ,DPAG TSAD BRGYA PHRAG MANG PO YANG, ,MTHAR GYIS SU NI SONG NAS KYANG, ,ZAB CING DON DANG LDAN PA YI, ,TSIG 'DI DAG NI MNYAN PAR DYA, ,'DI DAG CHOS KUN RTZA BA STE, ,DE DAG MKHAS RNAMS NYAN PAR GYIS, ,DRAG PO DAG GIS THOS NA YANG, ,PHYI NAS MCHOG TU DGA' BA STE, ,GANG LA BDE DANG SDUG BSNGAL MED, ,DE LA DE NI DGA' BAR 'GYUR, ,SA 'DI CHAGS PA MED PA STE, ,SANGS RGYAS SA NI BSAM MI KHYAB, ,CHAGS PA MED PAR BSTAN PA YI, ,BSAM YAS SA DE THOB GYUR NAS, ,NYI MA SPRIN LAS BYUNG BA LTAR, ,DE
NI SA STENG DE BZHIN SNANG, ,'DI LA SKYE MCHED PHUNG PO RNAMS, ,BDEN DANG BYANG CHUB YAN LAG DBANG, ,DGE BA'I CHOS NI ZAB MO RNAMS, ,SANGS RGYAS GSUNGS PA CI YANG YOD, , DE YI THOS PA'I TSOGS RNAMS GANG, ,NAM YANG CHUD ZAR MI 'GYUR TE, ,MA THOS CHOS RNAMS DE DAG THOS, ,NYES DANG NYES MIN RNAMS LA MKHAS, ,RTOGS PAR KHONG DU CHUD PA'I MCHOG, MIG BZANG RNAMS KYANG DAG PAR 'GYUR, ,'CHANG BA DANG NI STON BYED PA, ,DE NI RTAG TU SANGS RGYAS BSNGAGS, ,SANGS RGYAS KYI NI CHOS RNAMS LA, ,THE TSOM MI MNGA' BDEN PA GANG, ,BDEN DES BDAG LA LUNG MNOS PA, ,CI YOD THAMS CAD GNAS GYUR CIG ,SANGS RGYAS RNAMS NI 'BYUNG RNAMS LA, ,BYAMS PAS GNAS PA'I BDEN PA DES, ,RANG GI SEMS DANG GZHAN SEMS LA, ,STON PAR RAB TU GNAS GYUR CIG ,GLING BZHI'I GNAS KYI GNOD SBYIN DAG ,MA DAD PA DANG DAD PAR BSTAN, ,GANG LA RTOGS PA MI SNANG BA, , DE LA DON KUN DON STON 'GYUR, ,GNOD SBYIN SKAR GDONG GANG YIN DANG, ,GLANG CHEN SNANG DANG KHYAD PAR STOBS, ,DRAG PO DGA' BYED GSOD BYED DANG, ,ZLA BA MGO MED LUS GSOD PA, ,DPA' SDE DANG NI LAG DPA' DANG, ,SRIN PO DANG NI SA 'DZIN PA, ,LJANG GU KHA DANG SNA BZANG DANG, ,RAL GRI'I SBU CAN BONG BU RNAMS, ,THAMS CAD GRUB PAR BYED PAR
, ,SHOG ,GSANG SNGAGS 'DI DAG SU 'DZIN LA, ,GNOD SBYIN SRIN PO DE DAG NI, ,SPRO BAR GYUR NAS 'DZUD PAR BYED, ,RTAG TU DE NI SPOBS PA DANG, ,TSIG RNAMS DANG NI LUNG BSTAN DANG, ,NGES PA'I TSIG DANG CHOS KUN DANG, ,YI GE RNAMS LA MKHAS PAR 'GYUR, ,LUNG MNOS PA YANG CHUD MI ZA, ,RTOGS PA MTHA' YAS 'PHEL BAR 'GYUR, ,RTAG TU DON DANG YI GE LA, ,DE YI SHES PA 'PHEL BAR 'GYUR, ,SUM CU RTZA GSUM LHA RNAMS DANG, ,MI MDZED BDAG PO TSANGS PA YANG, ,DE YI LEGS BSHAD NYAN PA RNAMS, ,DE YI MOD LA DRAN PAR BYED, ,SYAD YA THE DAN, HU KU NA, MU KU NA, HA RA NA, BI HA RA NA, AI SHA SAm KRA MA NA, AOm SU MU KHA, TA KA nA, AA GA nA, AA PRI YA; AU STHA ME, KO BA HA RE, AU RU PA, PRA BA nA TA NA, SAm GRA ME BA HA DZA GA RE, PRA SHI GA RE, GU dHA PA NE, AUTTA NA, BI KU nA, AI SHA KU NI, AA TU LA TU LA, AI tI BA tI, BA RI TZA MO SHA ;HA RA, DZA GA TA, AE PA SAm PRA MU KHE, AA GA BHA RE, thA HU SA HU, AI TI YA, TH'A HU, TZA TUR DV'I BI KA YA NA, thA HU MA HU, AUGGRA HU, DHA RA SA HU, SAm GRA HA, AA BI NA GRA HA; AA BI NA GRA HA, PRA DZNY'A BRI DDHA YE, thA HU SA HU, KA RA KU RU, DHU SA HU, DE LA 'DI SKAD CES BYA STE, ,GSANG SNGAGS KYI NI TSIG 'DI DAG, GANG GI LAG DANG LUS LA YOD, ,
DE NI THOS LA RMONGS PA MED, ,DE NI SHES RAB MED MI 'GYUR, ,SKAR MDA' JI BZHIN NYI MA BZHIN, ,ZLA BA JI LTAR SNANG BA BZHIN, ,DE LTAR THOS DANG DON GYIS KYANG, ,MYA NGAN 'DAS PA'I BAR LA REG ,DE NAS BCOM LDAN 'DAS KYIS DE'I TSE GSANG SNGAGS 'DI DAG BKA' STZAL TO, ,SY'AD YA THE DAN, TZA RA DHE, BI TZA RA DHE, AA MAm KU TE, AA TI MI TI, PA RA HA RE, GHA nA BHE; HI PA RA ME, M'A H'A PRA TI BA H'A NE, DZA YA DZA YA, AA NU KE ,PA LA PA LE, AUGGRA BA TI, SVA RA SVA RA, AA BI SA RE, GU GUNTE, PRA BI BA DHE, SA ME, AA DZA TA DZA YE, NU PA LA SU KHO MA SU SIDDHA NI KU MA NO; ;SAKshE, TZ'A PE TZ'A PE, TZU PE TZU PE, TZU LU TZU LU, PU LU PU LU, BYA BA PRA SA RA, KA RA KA BHI NDHE, BI DZVA BI DZE, AA PRA TI SANDHI, N'A N'A NU MA TI, PRA N'A NU MA TI, ,AA RI DE SI, DZE shthA NU PA NI DE, AA SAm GRA AA PA TI, RIG SNGAGS BSDUS PA'I GSANG SNGAGS KYI TSIG 'DI DAG LUS LA THOGS TE 'CHANG NA, GLING BZHI PA CHEN PO'I 'JIG RTEN GYI KHAMS NA GNOD SBYIN DANG, SRIN PO DANG; GRUL BUM DANG, YI DVAGS DANG, SHA ZA GNAS PA DE DAG THAMS CAD DBANG DU 'GYUR ZHING, DBANG DU MA GYUR PA RNAMS KYANG DBANG DU 'GYUR RO, ,GDON THAMS CAD KYANG DE BZHIN GSHEGS PAS GNANG BA BZHIN DU 'CHO BA'I MTHAR THUG GI BAR DU 'CHI BAR MI 'GYUR, DE LA CHO GA NI, 'DI YIN TE, DGON PAR 'DUG LA GZUNGS LAGS 'DI
, ,DAG THAMS CAD ZHAG BDUN GYI BAR DU BRJOD DE, NYIN LAN GSUM MTSAN LAN GSUM DU DRAN PAR BYA'O, ,DE NAS ZHAG BDUN LON PA'I 'OG TU BSAM PA THAMS CAD 'GRUB PAR 'GYUR RO, ,BCOM LDAN 'DAS KYIS DE SKAD CES BKA' STZAL NAS TSE DANG LDAN PA KUN DGA' BO DANG, THAMS CAD DANG LDAN PA'I 'KHOR DE DANG, LHA DANG; MI DANG, LHA MA YIN DANG, DRI ZAR BCAS PA'I 'JIG RTEN YI RANG STE BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA CHOS KYI RGYA MTSO ZHES BYA BA'I GZUNGS RDZOGS SO,, ,,RGYA GAR GYI MKHAN PO SU RANDRA BO DHI DANG, PRA DZNY'A WA RMA DANG, ZHU CHEN GYI LO TZA BA BANDHE YE SHES SDE LA SOGS PAS BSGYUR CING ZHUS TE GTAN LA PHAB PA,