RGYA GAR SKAD DU, A'ARYA SU MU KHAm N'A MA DH'A RA n'I [?], BOD SKAD DU, 'PHAGS PA SGO BZANG PO ZHES BYA BA'I GZUNGS, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS BA [?] DUS GCIG NA, BCOM LDAN 'DAS BYANG CHUB KYI SHING DRUNG NA BYANG CHUB SNYING PO'I MCHOD RTEN CHEN PO NA DGE SLONG STONG NYIS BRGYA LNGA BCU'I DGE SLONG GI DGE SLONG CHEN PO 'DI LTA STE, TSE DANG LDAN PA SH'A RA DVA TI'I BU DANG, TSE DANG LDAN PA MOO GAL GYI BU CHEN PO LA SOGS PA NYAN THOS CHEN PO THAMS CAD DANG THABS CIG TU BZHUGS TE, BYANG CHUB SEMS DPA'I DGE 'DUN CHEN PO 'DI LTA STE, BYANG CHUB SEMS DPA' SEMS DPA' CHEN PO LAG NA RDO RJE DANG, BYANG CHUB SEMS DPA' SEMS DPA' CHEN PO RDO RJE RGYAL MTSAN DANG, BYANG CHUB SEMS DPA' SEMS DPA' CHEN PO RDO RJE'I SNYING PO DANG, BYANG CHUB SEMS DPA' SEMS DPA' CHEN PO BYAMS PA LA SOGS PA BSKAL PA BZANG PO'I BYANG CHUB SEMS DPA' SEMS DPA' CHEN PO RNAMS DANG YANG THABS CIG GO ,DE NAS BYANG CHUB SEMS DPA' SEMS DPA' CHEN PO LAG NA RDO RJES BCOM LDAN 'DAS LA 'DI SKAD CES GSOL TO, ,BCOM LDAN 'DAS, DE BZHIN GSHEGS PA DGRA BCOM PA
, ,YANG DAG PAR RDZOGS PA'I SANGS RGYAS KYIS SGO BZANG PO ZHES BGYI BA'I CHOS KYI RNAM GRANGS BSHAD DU GSOL, GANG GIS SEMS CAN RNAMS LA SNANG BA BGYIS PAR 'GYUR BA DANG, PHYIR RGOL BA DANG, DGRA THAMS CAD KYIS GNOD PAR BGYI BA SRUNG BA DANG, BSKYAB PAR 'GYUR BA DANG, 'DI LTA STE, LHA'I DBANG PO RNAMS DANG, KLU'I DBANG PO RNAMS DANG, GNOD SBYIN GYI DBANG PO RNAMS DANG, SRIN PO'I DBANG PO RNAMS DANG, 'BYUNG PO'I DBANG PO RNAMS KYIS 'JIGS PAR MI 'GYUR BA DANG, SDIG PA DANG, MTSON DANG, DUG DANG, BYAD KYIS GNOD PAR MI 'GYUR BA DANG, PHAR MCHI'AM, SLAR MCHI'AM, NYAL LAM, GNYID KYIS LOG GAM, SMYOS SAM, RAB TU SMYOS KYANG RUNG, THAMS CAD DU YANG SKYOB PAR 'GYUR BA DANG, DE DAG GI DON DU DE LTA BU'I GSANG SNGAGS KYI GZHI RNAMS BSHAD DU GSOL, JI LTAR BDAG RTAG TU DE BZHIN GSHEGS PA'I RIM GRO 'TSAL BA DANG, RTAG TU SRUNG BA DANG, YONGS SU SKYOB PAR 'TSAL BA DANG, DE BZHIN DU SEMS CAN THAMS CAD KYI DON DANG, BYANG CHUB SEMS DPA'I THEG PA PA'I RIGS KYI BU'AM, RIGS KYI BU MO DE DAG 'THAB PA DANG, MTSANG 'DRU BA DANG, RTZOD PA DANG, NAD DANG, DUS MA LAGS PA'I 'GUM PA LAS BSRUNG BA DANG,
YONGS SU BSKYANG BA BGYI BA'I SLAD DU DE BZHIN GSHEGS PA LA GSOL BA 'TSAL LAGS SO, ,DE NAS BCOM LDAN 'DAS KYIS BYANG CHUB SEMS DPA' SEMS DPA' CHEN PO LAG NA RDO RJES GSOL BA BTAB PA THUGS SU CHUD NAS DE LA 'DI SKAD CES BKA' STZAL TO, ,LAG NA RDO RJE, KHYOD SEMS CAN THAMS CAD KYI DON GYI PHYIR DE BZHIN GSHEGS PA LA GSOL BA 'DABS PA LEGS SO, ,LEGS SO, ,DE'I PHYIR LAG NA RDO RJE, KHYOD LEGS PAR RAB TU NYON LA YID LA ZUNGS SHIG DANG, SGO BZANG PO ZHES BYA BA'I CHOS KYI RNAM GRANGS BSHAD PAR BYA'O, ,AU GU MU GU BA LI NI, BANDHA NI, BA LA TZA MA NA, BA HU BA HU BA HU LI BRTA YA SV'AH'A, DE BZHIN GSHEGS PAS SBYI BO NAS DBANG BSKUR BA'I GZUNGS SNGAGS KYI GZHI RNAMS BKA' STZAL TO, ,DE BZHIN GSHEGS PAS KYANG GSUNGS PAR 'GYUR RO, ,BYIN GYIS RLOB PAR 'GYUR RO, ,TADYA TH'A, BADZRI BADZRI BADZR'A BADZRI DHA RI, BADZRA PA' nI, BADZR'I DHA RI; TZAKRA BADZR'I, TZAKRA DHA RI, BA tU DHI DHI RI, BHI RI, MU RI, TZI RI, AA HU RI, BHA GA, BHI BHI RI, SHI RI TRA, SHI RI, RU RU TZE, RU RU TZE, TZA RI TZA RI, DA RI TZA LE, TZU RU MU RU PAndA RE, SDIG PA THAMS CAD 'JIG PAR BYED PA, NAD THAMS CAD RAB TU ZHI BAR BYED PA, DUS MA YIN PAR 'CHI BA 'GOG PA NAS RMI LAM NGAN PA'I BAR DU 'GOG PAR BYED PA, TADYA
, ,TH'A; BANDHI DA, GA GA RI NI, M'URTA NI, PRA M'URTA NI, N'A SHA NI, PRA N'A SHA NI, NAD RAB TU ZHI BAR BYED PA NAS RMI LAM NGAN PA'I BAR DU 'GOG PAR BYED PA, 'DI LTA STE; N'A SHA NI, N'A SHA NI, BANDHA NI, BANDHA NI, TZTSINDA NI, TZTSINDA NI, TZI RE MI RE, MA HE HA DA NI, BA NI BA RE, KHA RE BE RE, BI RI BI RI, BO DHI BO DHI, SU shA nI, SHA RA NI, BA RU BA RI NI, BA RA H'Um YE, BRHMA TZA RI nI, AINDRA PA TI, DHI DHI R'I YA nI, NA MO MAHE SHVA RA YA NI, RI SHI, BHANYDZA NI P'A PA DZA HA NI K'A LA PA TI NI, BHU TA BA DA NI, SATYA GA THE, SO MA B'A DI, SO MA PRA DHE SV'AH'A, TSE RING BAR 'GYUR, TADYA TH'A, HA RA HA RA HA RA H'A NI SV'AH'A, TADYA TH'A, AI dI TA GA dI TA, PA DI DA, AA YE NA, AA RI, BHAm DZA NI, KA K'I RTI NI, PU TRA DA DA HA NI, MARGA AA BHI RO HA NI, HU SA BA TI, MU PA BI TA, HI LI HI LI, YA TH'A BA DZU YA, YA TH'A AAGNI, YA TH'A PA RAm TZA YA TH'A NA LA YA, YA TH'A BADZRA nA, YA TH'A HRi DA YA SV'AH'A, LAG NA RDO RJE, 'DI NI, SGO BZANG PO ZHES BYA BA'I GZUNGS TE; DE BZHIN GSHEGS PA RNAMS KYIS THUGS RJES SEMS CAN RNAMS KYI DON DU BSHAD DO, ,JI LTAR SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYIS GSUNGS SHING BYIN GYIS BRLABS PA DANG, BDEN PA'I THUGS DAM GYIS RNAM PAR BZHAG BZHIN DU NGA YANG 'CHAD DO, ,DE NAS BCOM
LDAN 'DAS KYIS SKYES BU CHEN PO'I MTSAN SMIN MTSAMS KYI MDZOD SBU NAS 'OD ZER PHYUNG STE SANGS RGYAS KYI ZHING THAMS CAD DU 'OD ZER GYI SNANG BA BYUNG NGO, ,'OD ZER GYI SNANG BA DES BSKUL BAS RANG RANG GI SANGS RGYAS KYI ZHING DAG NAS CHAS TE 'JIG RTEN GYI KHAMS MI MJED 'DIR BYON NAS BCOM LDAN 'DAS SH'AKYA THUB PA LA LEGS SO ZHES BYA BA BYIN TE; SH'AKYA THUB PA KHYOD KYIS SEMS CAN THAMS CAD KYI DON DU SGO BZANG PO ZHES BYA BA'I CHOS KYI RNAM GRANGS GZUNGS SNGAGS KYI GZHI RNAMS SNANG BAR BYED PA, MCHOG TU DGA' BAR BYED PA, DRAN PAR BYED PA, BSHAD PAR BYED PA LEGS SO LEGS SO, ,BDAG CAG GIS KYANG BYIN GYIS BRLAB BO, ,LEGS SO ZHES BYA BA BYIN NO, ,RIGS KYI BU'AM, RIGS KYI BU MO GANG LA LA GZUNGS SNGAGS KYI GZHI 'DI DAG 'DZIN CING, NANG PAR LANGS NAS KLOG PA'I RIGS KYI BU'AM, RIGS KYI BU MO DE'I YON TAN GYI PHAN YON NYI SHUR SHES PAR BYA STE, NYI SHU GANG ZHE NA, 'DI LTA STE, SANGS RGYAS THAMS CAD KYI BYIN GYIS BRLABS PAR 'GYUR BA DANG, SANGS RGYAS THAMS CAD KYIS DGONGS PAR 'GYUR BA DANG, NGAN SONG DU 'GYUR BA'I LAS KYI SGRIB PA THAMS CAD MED PAR 'GYUR BA DANG, TSE RING BAR 'GYUR BA DANG, RING DU 'TSO ZHING GRAGS PA DANG LDAN PA DANG, LONGS SPYOD DANG LDAN PA DANG, STOBS DANG LDAN
, ,PA DANG, GZI BRJID DANG LDAN PA DANG, RTAG TU NAD MED PA DANG LDAN PA DANG, BRTZON 'GRUS DANG LDAN PA DANG, SANGS RGYAS BCOM LDAN 'DAS THAMS CAD DGYES SHING THUGS SU BYON PAR 'GYUR BA DANG, LHA THAMS CAD KYIS BSAM PAR 'GYUR BA DANG, DGE BAR SPYOD PAR 'GYUR BA DANG, DGE BA'I DON LA RAB TU BRTZON PA DANG, SNANG BAR BYED PAR 'GYUR BA DANG, MCHOG TU DGA' BA DANG DRAN PA DANG LDAN PAR 'GYUR BA DANG, MTSAN PHUN SUM TSOGS PAR 'GYUR BA DANG, MI 'JIGS PAR 'GYUR BA DANG, DGE BA'I RTZA BA THAMS CAD DANG LDAN PAR 'GYUR RO, ,LAG NA RDO RJE, 'DI NI, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYIS GSANG BA'I GNAS KYI GZUNGS SNGAGS KYI GZHI 'DI RNAMS GSUNGS SHING, SANGS RGYAS THAMS CAD KYIS BYIN GYIS BRLABS PA YIN NO, ,DE NAS BYANG CHUB SEMS DPA' SEMS DPA' CHEN PO LAG NA RDO RJES BCOM LDAN 'DAS LA 'DI SKAD CES GSOL TO, ,BCOM LDAN 'DAS, BDAG GIS KYANG RIGS KYI BU'AM, RIGS KYI BU MO DA LA BSRUNG BA DANG, YONGS SU BSKYANG BA'I SLAD DU GZUNGS SNGAGS KYI GZHI RNAMS BSHAD PAR BGYI'O, ,SU ZHIG SGO BZANG PO ZHES BGYI BA'I CHOS KYI RNAM GRANGS, TSE SKYONG BA'I RIG
SNGAGS 'DI 'DZIN CING, NANG PAR LANGS NAS KLOG PA DE, RNAM PAR 'TSE BA THAMS CAD LAS BSRUNG BAR BGYI'O, ,TADYA TH'A, SHI KHI SHI KHI SHI KHI SHI KA, TZI TZI TZI TZI,BHA BHA BHA BHA, RU RU RU RU; DZI DZI DZI DZI, GRA GRA GRA GRA, HRI HRI HRI HRI, HA HA HA HA, MA MA MA MA, HA NA HA NA ME, SARBA PRA TYITHA K'A, DA HA DA HA ME, SARBA SHA TRA BA, PA TZA PA TZA ME, SARBA AA HI TE shI NA SV'AH'A, DE NAS BCOM LDAN 'DAS KYIS BYANG CHUB SEMS DPA' SEMS DPA' CHEN PO LAG NA RDO RJE LA LEGS SO ZHES BYA BA BYIN TE, LAG NA RDO RJE, SEMS CAN THAMS CAD KYI DON GYI PHYIR DNGOS GRUB DAM PA'I GZUNGS SNGAGS KYI GZHI RNAMS SMRAS PA LEGS SO LEGS SO, ,BYANG CHUB SEMS DPA' LAG NA RDO RJES GSOL PA, BCOM LDAN 'DAS, GANG SGO BZANG PO ZHES BGYI BA'I CHOS KYI RNAM GRANGS, TSE SKYONG BA'I RIG SNGAGS 'DI 'DZIN CING, NANG PAR LANGS NAS KLOG PA DE'I SBU'I KHUNG BU RNAMS SU MDANGS THAMS CAD STZAL BAR BGYI BA BSHAD PAR BGYI'O, ,TADYA TH'A, HI LI MI LI TZA LI SV'AH'A, PRAHMA SV'A RE SV'AH'A, BRAHMA AA BA SU GARBHE, AA KALPE, PU shA SAm STA RE SV'AH'A, BTZUN PA BCOM LDAN 'DAS, 'DI NI, GANG NANG PAR LANGS NAS KLOG PA'I RIGS KYI BU'AM RIGS KYI BU MO DE SRUNG BA DANG, YONGS SU SKYONG BA'I GZUNGS SNGAGS KYI GZHI RNAMS LAGS SO, ,DE NAS BCOM LDAN 'DAS LA LHA'I DBANG PO
, ,BRGYA BYIN GYIS 'DI SKAD CES GSOL TO, ,BTZUN PA BCOM LDAN 'DAS, BDAG GIS KYANG GANG GI TSE SKYONG BA'I RIG SNGAGS 'DI DAG 'DZIN CING, NANG PAR LANGS NAS KLOG PA'I RIGS KYI BU'AM, RIGS KYI BU MO 'BSRUNG BA DANG, YONGS SU BSKYANG BA'I SLAD DU SANGS RGYAS KYI BYIN GYI RLABS KYIS GZUNGS SNGAGS KYI GZHI RNAMS BSHAD PAR BYA'O, ,TADYA TH'A, BO DHI TZITTE, BA RA nI, B'A MA RAndE, DITTI DITTI, GOO RI, GANDHA RI, SA RA MA TANTA, BADZRA TU LA NI, DZV'A LA M'A LI NI, TZAKRA BA KA, SHA BA RE SHA BA RE, SHA MA RE SHA MA RA SV'AH'A, DE NAS RGYAL PO CHEN PO RNAM THOS KYI BU DANG, RGYAL PO CHEN PO YUL 'KHOR SRUNG DANG, RGYAL PO CHEN PO 'PHAGS SKYES PO DANG, RGYAL PO CHEN PO MIG MI BZANG GIS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS, BDAG CAG RGYAL PO CHEN PO BZHIS KYANG GANG SGO BZANG PO ZHES BGYI BA'I CHOS KYI RNAM GRANGS, TSE SKYONG BA'I RIG SNGAGS 'DI 'DZIN CING, NANG PAR LANGS NAS KLOG PA'I RIGS KYI BU'AM, RIGS KYI BU MO DE LA BSRUNG BA DANG, YONGS SU BSKYANG BA'I SLAD DU GZUNGS KYI GSANG SNGAGS 'DI RNAMS BRJOD PAR BGYI'O, ,TADYA TH'A, BUshPE SU PUshPE, SHO DHA NI, SAm SHO DHA
NI; DHU MA PA YI TA RE, A'ARYA PRA SHA STE, SHANTE, NI RA MUKTE, MAm GA LYE, HI RA n+YA GARBHE, STA RE STA PA TA SV'AH'A, DE NAS 'BYUNG PO'I MA MO 'PHROG MAS BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS, BDAG GIS KYANG GANG SGO BZANG PO'I CHOS KYI RNAM GRANGS, TSE SKYONG BA'I RIG SNGAGS 'DI 'DZIN CING, ,NANG PAR LANGS NAS KLOG PA DANG, YID LA BGYID PA'I RIGS KYI BU'AM, RIGS KYI BU MO DE LA BSRUNG BA DANG, YONGS SU BSKYANG BA'I SLAD DU GZUNGS KYI GSANG SNGAGS KYI GZHI RNAMS BRJOD PAR BGYI'O, ,TADYA TH'A, PI LI SI BA PI LI, SI LI, MA H'A PI PI LI, SI MI LI SE, GU RU nE, GU RU GU RU nE, MA H'A GU RU nE PHU SV'AH'A, DE NAS GNOD SBYIN GYI SDE DPON CHEN PO LNGAS RTZEN GYIS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS, BDAG GIS KYANG GANG SGO BZANG PO ZHES BGYI BA'I CHOS KYI RNAM GRANGS 'DI 'DZIN CING, NANG PAR LANGS NAS KLOG PA'I RIGS KYI BU'AM, RIGS KYI BU MO DE LA BSRUNG BAR BGYI'O, ,TADYA TH'A, AAttA PHU, BAttA PHU, NAttE PU, KU NAttE PHU; MA NAttE PHU, MAndA TA HA KE PHU, SHRI PHU, BHAm GE PHU, MAm GE PHU SV'AH'A, DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO LAG NA RDO RJES 'DI SKAD
, ,CES GSOL TO, ,BCUN PA BCOM LDAN 'DAS, BDAG GIS KYANG GANG SGO BZANG PO ZHES BGYI BA'I CHOS KYI RNAM GRANGS 'DI 'DZIN CING, NANG PAR LANGS NAS KLOG PA'I RIGS KYI BU'AM, RIGS KYI BU MO DE LA BSRUNG BAR BGYI'O, ,YONGS SU BSKYANG BA DANG, YONGS SU GZUNG BA DANG, YONGS SU BSKYANG BA DANG, ZHI BA DANG, BDE LEGS SU 'GYUR BA DANG, CHAD PA SPANG BA DANG, DUG GZHIL BAR BGYI'O, ,MTSAMS GCAD PAR BGYI'O, ,TADYA TH'A, HE BADZRE, HE BADZRE, H'I H'A, BI SI BI SI, MA H'A BI SI PHU SV'AH'A, DE NAS BCOM LDAN 'DAS LA LHA'I BU DBANG PHYUG CHEN POS 'DI SKAD CES GSOL TO, ,BTZUN PA BCOM LDAN 'DAS, BDAG GIS KYANG GANG SGO BZANG PO ZHES BGYI BA'I CHOS KYI RNAM GRANGS 'DI 'DZIN CING, NANG PAR LANGS NAS KLOG PA'I RIGS KYI BU'AM, RIGS KYI BU MO DE LA BSRUNG BA DANG, YONGS SU BSKYANG BA'I SLAD DU GZUNGS SNGAGS KYI GZHI RNAMS BRJOD PAR BGYI'O, ,TADYA TH'A, HU LU HU LU HU LU HU LU HU LU LU, SARBA BHU TA PRA TI shE DHA NAm KA RO MI SV'AH'A, DE NAS SDE DPON GZHON NUS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS, BDAG GIS KYANG GANG SGO BZANG PO ZHES BGYI BA'I CHOS KYI RNAM GRANGS
GTZANG MA 'DI 'DZIN CING, NANG PAR LANGS NAS KLOG PA'I RIGS KYI BU'AM, RIGS KYI BU MO DE LA BSRUNG BA DANG, YONGS SU BSKYANG BAR BGYI BA'I SLAD DU GZUNGS SNGAGS KYI GZHI RNAMS BRJOD PAR BGYI'O, ,TADYA TH'A, HI LI HI LI, HI LI HI LI, HI LI HI LI, MI LI MI LI, TU RU TU RU, TU RU TU RU, SARBA BHU TA PRA TI sHE DHA N'Am KA RO MI SV'AH'A, DE NAS LHA'I BU ZLA 'OD KYIS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS, BDAG GIS KYANG GANG SGO BZANG PO ZHES BGYI BA'I CHOS KYI RNAM GRANGS GTZANG MA 'DI 'DZIN CING, NANG PAR LANGS NAS KLOG PA'I RIGS KYI BU'AM, RIGS KYI BU MO DE LA BSRUNG BA DANG, YONGS SU BSKYANG BAR BGYI'O; ;TADYA TH'A, AAm GE, BAm GE, TZAm GE, HI NI, dI dI, DI DI, TZI TZI PHU SV'AH'A, DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO 'PHAGS PA SBYAN RAS GZIGS DBANG PHYUG GIS 'DI SKAD CES GSOL TO, ,BTZUN PA BCOM LDAN 'DAS, BDAG GIS KYANG GANG SGO BZANG PO ZHES BGYI BA'I CHOS KYI RNAM GRANGS, TSE SKYONG BA'I RIG SNGAGS 'DI 'DZIN CING, NANG PAR LANGS NAS KLOG PA'I RIGS KYI BU'AM, RIGS KYI BU MO DE LA BSRUNG BA DANG, YONGS SU BSKYAB PAR BGYI'O, ,TADYA TH'A, HA TE, BI HA TE, NI
, ,HA TE; SARBA PRA TYA R'I K'A ,PRA TY'A, MI TRA SHUDDHE, MUKTE, BI MUKTE, BI MA LE, NI RMA LE, PRA BHA SVA RE, PRA BHA KA RE PHU SV'AH'A, DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO BYAMS PAS 'DI SKAD CES GSOL TO, ,BTZUN PA BCOM LDAN 'DAS, BDAG GIS KYANG GANG SGO BZANG PO ZHES BGYI BA'I CHOS KYI RNAM GRANGS; TSE SKYONG BA'I RIG SNGAGS 'DZIN CING, NANG PAR LANGS NAS KLOG PA'I RIGS KYI BU'AM, RIGS KYI BU MO DE LA BSRUNG BAR BGYI'O, ,TADYA TH'A, DZVA LE DZVA LE, MA H'A DZVA LE DZVA LA; DZVA LE NI AUKKE MUKKE, SHA ME PRA SHA ME, MA H'A PRA SHA ME, SHA ME SA M'A DHE, MA H'A SA M'A DHE, SA M'A BA DHE, DZVA LE MA H'A DZVA LA, DZVA LA BA ME PHU SV'AH'A, DE NAS GNOD SBYIN GYI SDE DPON KHA BA CAN GYIS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS, BDAG GIS KYANG GANG SGO BZANG PO ZHES BGYI BA'I CHOS KYI RNAM GRANGS, TSE SKYONG BA'I RIG SNGAGS 'DI 'DZIN CING, NANG PAR LANGS NAS KLOG PA'I RIGS KYI BU'AM, RIGS KYI BU MO DE LA BSRUNG BA DANG, YONGS SU BSKYANG BAR BGYI'O, ,TADYA TH'A, AU DUm BA RE, AU DUm BA RE, DU MA BE, PRA DU MI BE, BYA BA DHE, A'A NA GHE, SA M'A DHE, MA H'A S'A M'A DHE, N'I LE N'I LE, N'I LE KE
SHE KE SHI NI, KU LE KU LE, MA H'A KU LE, N'I LA KU LE, SIDDHI SIDDHI, NA MO H'A RE, AAttE, BAttE, NAttE, KU NAttE, SA MA THE, BA BA LA, KUTZE, D'ANTE, N'I LA KA SHE, KU LE, N'I LA D'ANTA, DZ'Am GU LE HU SHE; M'U SHE, BA LAm KU SHE, HA LA KU SHE ,PHA LA MU TZE SV'AH'A, DE NAS GNOD SBYIN GYI SDE DPON CHEN PO BDE BA'I RI GNAS KYIS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS, BDAG GIS KYANG GANG SGO BZANG PO ZHES BGYI BA'I CHOS KYI RNAM GRANGS, TSE SKYONG BA'I RIG SNGAGS 'DI 'DZIN CING, NANG PAR LANGS NAS KLOG PA'I RIGS KYI BU'AM, RIGS KYI BU MO DE LA BSRUNG BA DANG, YONGS SU BSKYANG BAR BGYI'O, ,TADYA TH'A, AA MA LE, BI MA LE; NIRMA LE, MAm GA YE, HI RA n+YA GARBHE, SARBA AARTHA S'A DHA NI, KA MA SHTZI NI, YU BI RA DZE, KU tA KU tA, KAm BA LE, PRAHMA SVA RE, BRAHMA SIDDHI, SIDDHI MA NO RA THE PHU SV'AH'A, DE NAS LHA MO CHEN MO RDO RJE LU GU RGYUD KYIS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS, BDAG GIS KYANG GANG SGO BZANG PO ZHES BGYI BA'I CHOS KYI RNAM GRANGS, TSE SKYONG BA'I RIGS SNGAGS 'DI 'DZIN CING, NANG PAR LANGS NAS KLOG PA'I RIGS KYI BU'AM, RIGS KYI BU MO DE LA
, ,BSRUNG BA DANG, YONGS SU BSKYAB PA DANG, YONGS SU GZUNG BA DANG, YONGS SU BSKYANG BA'I SLAD DU GZUNGS SNGAGS KYI GZHI 'DI RNAMS BRJOD PAR BYA'O,, TADYA TH'A; BADZRE BADZRE, MA H'A BADZRE, BADZRE nI, BUDDHA BADZRE, BUDDHA AA DDHIshthI TE BADZRE, SU BUDDHE, NI BU DDHE, BA HU BU DDHE, BI SHI shtA BU DDHE, SHUDDHE, BUDDHE BUDDHE, NI SHAm GRA MA NI, DZA GE LE, AA LE SE, TI LI ME; TI LE, TI LI LE, MARGE, SH'ANTA SH'ANTA G'A M'I NI PHU SV'AH'A, DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO RDO RJE'I SDES 'DI SKAD CES GSOL TO; ;BTZUN PA BCOM LDAN 'DAS, BDAG GIS KYANG GANG SGO BZANG PO ZHES BGYI BA'I CHOS KYI RNAM GRANGS, TSE SKYONG BA'I RIGS SNGAGS 'DI 'DZIN CING, NANG PAR LANGS NAS KLOG PA'I RIGS KYI BU'AM, RIGS KYI BU MO DE LA BSRUNG BAR BGYI'O, ,TADYA TH'A, HI LI BADZRE, HE HI BADZRE, HE HE BADZRA, YA BA KI RI KI RI BADZRA SV'A H'A, TADYA TH'A, AAndA RE, PAndA RE, SHVE DE, PAndA RA BA SI NI, KINNA RE, KA R'A DE, KE YU RE, AI H'A BUDDHE, TA TVA BUDDHE, BHU DZE BHU DZE, BHU DZE GA ME, BHU DZA P'A PA TE, BHA YE BHA YE, BHA YA AA GRA BA TE, BI NI BI NI, SHI RA PA THE, SHI PA PA THE, AA D'I DYA PA THE, TE DZE TE DZE BA TO, ,A'A K'A SHA PA THE PHU SV'AH'A, DE NAS RDO RJE PHO NYA MOS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI
SKAD CES GSOL TO, ,BTZUN PA BCOM LDAN 'DAS, BDAG GIS KYANG GANG SGO BZANG PO ZHES BGYI BA'I CHOS KYI RNAM GRANGS, TSE SKYONG BA'I RIG SNGAGS 'DI 'DZIN CING, NANG PAR LANGS NAS KLOG PA'I RIGS KYI BU'AM, RIGS KYI BU MO DE LA BSRUNG BA DANG, BSKYANG BA DANG, SBA BAR BGYI'O, ,TADYA TH'A, KU tE KU tE, KU tI NI, KU tA KU tA RE SV'A H'A, N'I LE N'I LE, N'I LA KE SHE SV'AH'A, P'I TE B'I TE, B'I TA KE SHE SV'A H'A, LO HI TE LO HI TE, LO HI TA KE SHE SV'AH'A, AA BA D'A DE AA PA D'A DE, AA PA D'A DA KE NI SV'A H'A, MANYDZI shthE MANYDZE shthE, MANYDZE shthA KE SHES SV'A H'A, TZA KRE TZAKRE, BADZRA TZA KRE SV'AH'A, DE NAS BCOM LDAN 'DAS KYIS PHYAG G-YAS PA GSER GYI KHA DOG CAN BRKYANGS NAS BRGYA BYIN DANG, TSANGS PA DANG, 'JIG RTEN SKYONG BA THAMS CAD LA LEGS SO ZHES BYA BA BYIN TE, BZHIN BZANG DAG ,DE BZHIN GSHEGS PA'I BYIN GYI RLABS KYIS LHA DANG, 'JIG RTEN SKYONG BA KHYOD KYIS SEMS CAN THAMS CAD LA PHAN GDAGS PA DANG, BSRUNG BA'I PHYIR GZUNGS SNGAGS KYI GZHI 'DI DAG LEGS PAR BRJOD PA LEGS SO LEGS SO, ,DE NAS BCOM LDAN 'DAS KYIS YANG BYANG CHUB SEMS DPA' LAG NA RDO RJE LA BKA' STZAL PA, LAG NA RDO RJE, RIGS KYI BU'AM, RIGS KYI BU MO GANG LA LA ZHIG GANG SGO BZANG PO ZHES BYA BA'I CHOS KYI RNAM GRANGS, TSE SKYONG BA'I RIG SNGAGS 'DI 'DZIN CING
, ,NANG PAR LANGS NAS KLOG PA DE SANGS RGYAS THAMS CAD KYIS BYIN GYIS BRLAB PAR 'GYUR, LHA'I DBANG PO DANG, KLU'I DBANG PO DANG, KLU'I DBANG PO DANG, GNOD SBYIN GYI DBANG PO DANG, LHA MA YIN GYI DBANG PO DANG, NAM MKHA' LDING GI DBANG PO DANG, MI 'AM CI'I DBANG PO DANG, LTO 'PHYE CHEN PO'I DBANG PO THAMS CAD KYIS BSAM PAR 'GYUR RO, , BCOM LDAN 'DAS KYIS DE SKAD CES BKA' STZAL NAS BYANG CHUB SEMS DPA' LAG NA RDO RJE DANG, BRGYA BYIN DANG, TSANGS PA DANG, 'JIG RTEN SKYONG BA THAMS CAD DANG, THAMS CAD DANG LDAN PA'I 'KHOR DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANG STE BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA SGO BZANG PO ZHES BYA BA'I GZUNGS RDZOGS SO,, ,,RGYA GAR GYI MKHAN PO DZI NA MI TRA DANG, D'A NA SH'I LA DANG, ZHU CHEN GYI LO TZ'A BA BANDHE YE SHES SDES BSGYUR CING ZHUS TE SKAD GSAR BCAD KYIS KYANG BCOS NAS GTAN LA PHAB PA,