RGYA GAR SKAD DU, A'ARYA DR'A BI dA BIDYA R'A DZA, BOD SKAD DU, 'PHAGS PA 'GRO LDING BA'I RIG SNGAGS KYI RGYAL PO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA SMYIG MA'I MYU GU'I 'KHOR GYI KHYAMS NA BZHUGS TE, DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL BA, KUN DGA' BO, KHYOD KYIS GLOG THAMS CAD ZLOG PA, SO SOR 'BRANG BA, SNGON GYI YANG DAG PAR RDZOGS PA'I SANGS RGYAS RNAMS KYIS GSUNGS PA NGA YANG DA LTAR 'CHAD KYI, ZUNGS SHIG ,KUN DGA' BO, SHAR PHYOGS NA 'ONG BA ZHES BYA BA'I GLOG YOD, KUN DGA' BO, LHO PHYOGS NA SKAD BRGYA PA ZHES BYA BA'I GLOG YOD, KUN DGA' BO, NUB PHYOGS NA 'OD NYAMS PA ZHES BYA BA'I GLOG YOD, KUN DGA' BO, BYANG
, ,PHYOGS NA RGYUN GYI BDAG PO ZHES BYA BA'I GLOG YOD DE, KUN DGA' BO, GANG LA LA GLOG 'DI RNAMS KYI MING SHES PA DANG, PHYOGS RNAM PAR GNAS PA SHES PA DE LA GLOG GI 'JIGS PA THAMS CAD DU MI 'BYUNG BAR SHES PAR BYA'O, ,GLOG GI MING 'DI DAG YI GER BRIS TE GNAS GANG DAG TU BZHAG PA'I GNAS DE DAG TU GLOG THAMS CAD MI 'BAB BO, ,DE NAS BCOM LDAN 'DAS KYIS DE'I TSE 'GRO LDING BA'I GSANG SNGAGS KYI GZHI 'DI DAG BKA' STZAL TO, ,TADYA TH'A, NI MI NI NI MI NI NI MI NI NI MIN DHA RE, 'JIG RTEN GSUM SNANG BAR BYED PA, LAG NA RTZE GSUM PAS PHYOGS 'DIR GLOG THAMS CAD LAS BDAG LA SRUNGS SHIG ,SRUNGS SHIG SV'AH'A, YANG DE'I TSE BYANG CHUB SEMS DPA' SEMS DPA' CHEN PO 'PHAGS PA SPYAN RAS GZIGS DBANG PHYUG 'KHOR DE NYID DU 'DUS PAR GYUR TE 'DUG PA DES BCOM LDAN 'DAS LA 'DI SKAD CES GSOL TO, , BCOM LDAN 'DAS LA 'DI SKAD CES GSOL TO, ,BCOM LDAN 'DAS, BDAG GIS KYANG CHOS KYI RNAM GRANGS 'DI LA 'GRO LDING BA'I GSANG SNGAGS KYI GZHI 'DI RNAMS BRJOD PAR BGYI'O, ,TADYA TH'A, HA TE BI HA TE, NI HA TE, PRA TYE RTHI KE, PRA TYA MI TRE, SHUDDHE, MUKTE, BI MA LE, PRA BHA SVA RE, AAndA RE, PAndA RE, SHVE TE, PAndA RA B'A SI NI, HA RI KA RA DI, PIm GA
L'AKshI DA DHI MU KHI, DUS MA YIN PAR 'CHI BA THAMS CAD LAS BDAG LA SRUNGS SHIG ,SRUNGS SHIG ,'PHAGS PA SPYAN RAS GZIGS DBANG PHYUG GI GZI BRJID KYIS BDAG DUS MA YIN PAR 'CHI BA THAMS CAD MTHONG BAR MA GYUR CIG SV'AH'A, DE NAS GSANG BA PA'I BDAG PO LAG NA RDO RJES BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS, BDAG GIS KYANG CHOS KYI RNAM GRANGS 'DI LA GZUNGS KYI TSIG RNAMS BRJOD PAR BGYI'O, ,TADYA TH'A; MU NI MU NI, MU NI MU NI, RE RI, MA TI MA TI, SU MA TI, MA H'A MA TI, H'A H'A H'A H'A, KHYOD LA SDIG PA MED KYI, MA 'JIGS SHIG CES LAG NA RDO RJES SMRAS KYI, DR'I dHA SV'AH'A, BCOM LDAN 'DAS, BDAG GI SRUNG BA GZHAN GYIS MI THUB PA 'DI SU'I SNYING LA 'DZIN TAM, YI GER BRIS NA, DE LA BDAG GIS RTAG PAR RGYUN DU 'JIGS PA THAMS CAD LAS BSRUNG BAR BGYI'O, ,DUS MA LAGS PAR 'GUM PA THAMS CAD LAS THAR PAR BGYI'O, ,DE NAS MI MJED KYI BDAG PO TSANGS PAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, BDAG GIS KYANG SEMS CAN THAMS CAD KYI DON DANG, SMAN PA DANG, BDE BA BSKYED PA'I SLAD DU CHOS KYI RNAM GRANGS 'DI LA GZUNGS
, ,KYI GSANG SNGAGS KYI GZHI RNAMS BRJOD PAR BGYI'O, ,TADYA TH'A, HI LI MI LI, TZI LI SV'AH'A, BRAHMA SVA RE SVA RE SV'AH'A, BRAHMA GARBHA PUshPA SAm STA RE SV'AH'A, BCOM LDAN 'DAS, 'DI NI, BDAG GI SRUNG BA TSANGS PA'I CHAD PA ZHES BGYI BA STE, DUS MA LAGS PAR 'GUM PA THAMS CAD LAS YONGS SU SKYOB PA, SDIG PA THAMS CAD RAB TU ZHI BAR BGYID PA LAGS SO, ,DE NAS LHA'I DBANG PO BRGYA BYIN GYIS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS, BDAG GIS KYANG CHOS KYI RNAM GRANGS 'DI LA GZUNGS KYI GSANG SNGAGS KYI GZHI RNAMS BRJOD PAR BGYI'O, ,TADYA TH'A, NI W'A RA nI, BANDHA BANDHA, M'A DANDHE, MA TI MA TI, TI tI, GOO RI, GANDHA RI, TZAndA LI, MA TAm GI, BA RA LA NI, HI NA MA DHYA MA DH'A RA n'I MA LA NI, DA LA MATTE, TZAKRA BA KRI, SHA BA RI SHA BA RI SV'AH'A, BTZUN PA BCOM LDAN 'DAS, 'DI NI, BDAG GI RIG SNGAGS RDO RJE LCE 'BEBS PA ZHES BGYI STE, 'JIGS PA THAMS CAD LAS RNAM PAR THAR PAR BGYID PA, DUS MA LAGS PAR 'GUM PA THAMS CAD LAS YONGS SU SKYOB PA LAGS SO, ,DE NAS RGYAL PO CHEN PO YUL 'KHOR SRUNG DANG, 'PHAGS SKYES PO DANG, MIG MI BZANG
DANG, RGYAL PO CHEN PO RNAM THOS KYI BUS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS; BDAG GIS KYANG SKYE BO MANG PO LA SMAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA'I SLAD DU CHOS KYI RNAM GRANGS 'DI LA GZUNGS KYI GSANG SNGAGS KYI GZHI RNAMS BRJOD PAR BGYI'O, ,TADYA TH'A, PUshPE PUshPE, DHARMA BA RI HA RI, A'ARYA PRA SHA STE, NI RA MUKTE, MANG+GA LE, STU TE, STYA BAm TE SV'AH'A, BTZUN PA BCOM LDAN 'DAS, 'DI NI, RGYAL PO CHEN PO BZHI PO BDAG CAG GI SRUNG BA 'JIGS PA MA MCHIS PA ZHES BYA STE, 'JIGS PA THAMS CAD LA MI 'JIGS PAR BGYID PA, TSE SKYONG BA, DUS MA LAGS PAR 'GUM PA THAMS CAD LAS YONGS SU SKYOB PA LAGS SO, ,DE NAS KLU'I RGYAL PO RGYA MTSO DANG, KLU'I RGYAL PO GLOG 'OD DANG, KLU'I RGYAL PO MA DROS PA DANG, KLU'I RGYAL PO GLOG LCE DANG, KLU'I RGYAL PO 'OD ZER BRGYA PAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS, BDAG CAG GI SRUNG BA CHEN PO YID BZHIN GYI NOR BU ZHES BGYI BA GLOG THAMS CAD ZLOG PA, DUS MA LAGS PAR 'GUM PA THAMS CAD SEL BA, DUG
, ,RNAMS MI GDUG PAR BGYID PA, GSHED BYED DANG, BYAD DANG, RO LANGS DANG, BKRA MI SHIS PA 'JIGS PAR BGYID PA MCHIS NA, BCOM LDAN 'DAS, BDAG CAG KLU'I SKYE GNAS 'DI NAS DBYUNG BA DANG, SER SNA SPANG BA'I SLAD DU THUGS BRTZE BAR DGONGS TE BZHES SU GSOL, DE CI'I SLAD DU ZHE NA, BCOM LDAN 'DAS; BDAG CAG KLU RNAMS NI, SEMS SER SNA CAN TE, SEMS SER SNAS KUN NAS DKRIS PA LAGS PA'I SLAD DU'O, ,TADYA TH'A, AA RA DZE, AA MA RE, AAMRi TE, AAKshA YE; PU n+YA PARYA BA TE, SARBA P'A PA PRA SHA MA N'A YA SV'AH'A, AARYA PU n+YA SO PA K'I YE SV'AH'A, BTZUN PA BCOM LDAN 'DAS, GSANG SNGAGS KYI GZHI 'DI DAG SKYES PA'AM, BUD MED GANG LA LA'I LCE LA 'DON TAM, YI GER BRIS PA DE LA GLOG GI 'JIGS PA THAMS CAD MA MCHIS PAR RIG PAR BGYI'O, ,RTZA BA'I DUG GAM, MCHE BA'I DUG GAM; DBYIG DUG GAM, GANG DAG GZHAN YANG YAN LAG LAS BYUNG BA'I DUG DE DAG GIS DE 'GUM PA'I DUS BGYID PAR MI 'GYUR RO, ,BDAG 'JIGS PA THAMS CAD DANG, GNOD PA THAMS CAD LAS BDE LEGS SU GYUR CIG ,DE NAS BCOM LDAN 'DAS KYIS BRGYA BYIN DANG, TSANGS PA DANG, 'JIG RTEN SKYONG BA DANG, KLU'I
RGYAL PO DE DAG LA LEGS SO ZHES BYA BA BYIN TE, BZHIN BZANG DAG ,SKYE BO MANG PO LA DAD PA DANG, SKYE BO MANG PO LA BDE BA'I PHYIR ZHUGS PA STE, CHOS KYI RNAM GRANGS 'DI RJES SU GZUNG BA'I PHYIR 'GRO LDING PA'I GSANG SNGAGS KYI TSIG RNAMS BSHAD PA LEGS SO LEGS SO, ,PHYOGS RNAMS NA GNYID LOG PA DANG, MYOS PA DANG, RAB TU MYOS PA RNAMS SRUNG BAR 'GYUR RO, ,BCOM LDAN 'DAS KYIS DE SKAD CES BKA' STZAL NAS DGE SLONG DE DAG DANG, BRGYA BYIN DANG, TSANGS PA DANG, 'JIG RTEN SKYONG BA DE DAG DANG, KLU'I DBANG PO DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANG STE BCOM LDAN 'DAS KYIS GSUNGS PA LA MNGON PAR BSTOD DO; ;'PHAGS PA 'GRO LDING BA'I RIG SNGAGS KYI RGYAL PO RDZOGS SO,, ,,RGYA GAR GYI MKHAN PO DZI NA MI TRA DANG, D'A NA SH'I LA DANG, ZHU CHEN GYI LOTZTSA BA BANDHE YE SHES SDES BSGYUR CING ZHUS TE SKAD GSAR BCAD KYIS KYANG BCOM NAS GTAN LA PHAB PA,