acip-k_lha_sa-090-067 · GMLW-006615

'PHAGS PA TZANDAN GYI YAN LAG CES BYA BA'I GZUNGS (A'ARYA TZANDAN AANG+GA N'A MA DH'A RA nI)

נושאי-מדףSubjects:
RGYUDSecret Teachings (Tantra)
נושאיםTopics:Secret Words
חיי היום-יוםDaily life:health and illness
נמצא בfound inSecret Teachings (Tantra)
מספר טוהוקוTohoku numberToh 518 · Tantra
מהדורהrecensionLhasa
כותרת בסנסקריטSanskrit titleA'ARYA TZANDAN AANG+GA N'A MA DH'A RA nI
כניעה לhomage toSANGS RGYAS DANG BYANG CHUB SEMS DPA' THAMS CAD
פוליוfolios414b–417a
צורהformprose
מצב תרגוםtranslationpartly translated
כיסוי המילון לכותרתdictionary coverage of the title100%
ז'אנרgenreRoot Texta sutra frame with the world rejoicing at the close
אנשים ומקומותpeople and places namedShilendrabodhi · Yeshe Dethe colophon names the Indian abbot and the chief editor-translator — but it stands at the HEAD of the file, not the foot
רמת קושיlevelentry
לחיי היום־יוםfor daily lifehealth and illness
הכותרת אומתה מול הטקסטtitle verified against the textyesSanskrit and Tibetan title lines match the filename, though the closing writes TZANDNA for TZANDAN

הקבציםThe files

acip-k_lha_sa-090-067_'PHAGS PA TZANDAN GYI YAN LAG CES BYA BA'I GZUNGS (A'ARYA TZANDAN AANG+GA N'A MA DH'A RA nI).txt/12. RGYUD_Secret Teachings (Tantra)/VOL 12 (NA)

הטקסטThe text

טיבטיתTibetanacip-k_lha_sa-090-067_'PHAGS PA TZANDAN GYI YAN LAG CES BYA BA'I GZUNGS (A'ARYA TZANDAN AANG+GA N'A MA DH'A RA nI).txt6,417 תוויםcharacters
414b

RGYA GAR GYI MKHAN PO SH'I LENDRA BO DHI DANG, ZHU CHEN GYI LOTZTSA BA BANDHE YE SHES SDES BSGYUR CING ZHUS TE GTAN LA PHAB PA, RGYA GAR SKAD DU, A'ARYA TZANDAN AANG+GA N'A MA DH'A RA nI, BOD SKAD DU, 'PHAGS PA TZANDAN GYI YAN LAG CES BYA BA'I GZUNGS, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, , 'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB NA DGE SLONG GI DGE 'DUN CHEN PO DGE SLONG KHRI NYIS STONG LNGA BRGYA'I DGE SLONG GI DGE 'DUN CHEN PO DANG, BYANG CHUB SEMS DPA' SEMS DPA' CHEN PO RAB TU MANG PO DANG, GZHAN YANG LHA KHYAD PAR CAN MANG PO DANG THABS CIG TU BZHUGS TE, DE NAS BCOM LDAN 'DAS GDAN BSHAMS PA LA DE BZHIN GSHEGS PA'I CHO 'PHRUL GYIS LHAM ME, LHAN NE, LHANG DER BZHUGS SO, ,DE NAS BCOM LDAN 'DAS KYIS 'KHOR DER BYANG CHUB

415a

, ,SEMS DPA' SEMS DPA' CHEN PO SPYAN RAS GZIGS DBANG PHYUG DANG, ZLA 'OD GZHON NUR GYUR PA LA BKA' STZAL PA, RIGS KYI BU, 'JIG RTEN GYI KHAMS 'DI'I PHA ROL GYI YANG CHES PHA ROL 'JIG RTEN GYI KHAMS BYE BA KHRAG KHRIG 'BUM PHRAG GANG+G'A'I KLUNG GRANGS MED PA'I BYE MA SNYED 'DAS PA NA TZANDAN GYI DPAL ZHES BYA BA'I 'JIG RTEN GYI KHAMS YOD DE, DE NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS TZANDAN GYI YAN LAG CES BYA BA DA LTAR YANG BZHUGS TE 'TSO ZHING GZHAS LA CHOS KYANG STON TO, ,GANG 'JIG RTEN GYI KHAMS DE'I SEMS CAN DE DAG THAMS CAD NI, PHYIR MI LDOG PAR 'GYUR BA SHA STAG STE, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS TZANDAN GYI YAN LAG DES SEMS CAN THAMS CAD KYI DON GYI PHYIR TZANDAN GYI YAN LAG CES BYA BA'I GZUNGS KYI RIG PA'I GSANG SNGAGS KYI GZHI GSUNGS PA 'DI THOS NAS PHYIR MI LDOG STE SDIG PA DANG BRAL ZHING BYANG CHUB KYI SEMS DANG MI 'BRAL LO, ,BCOM LDAN 'DAS DE BZHIN GSHEGS PA TSE DPAG MED DANG, DE BZHIN GSHEGS PA MAR ME MDZAD DANG, GZHAN YANG 'DAS PA'I SANGS RGYAS BCOM LDAN 'DAS RNAMS KYIS

415b

KYANG SNGON CHAD GSUNGS TE, NGAS KYANG DA KHYED RNAMS LA BSHAD KYI, SEMS CAN THAMS CAD RJES SU GZUNG BA'I PHYIR LEGS PAR RAB TU NYON LA YID LA ZUNGS SHIG DANG, PHYI MA'I TSE PHYI MA'I DUS LNGA BRGYA THA MA LA DAM PA'I CHOS RNAM PAR 'JIG PA'I TSE THAMS CAD CHOS DANG MI LDAN PA, MTSAMS MED PA BYED PA, DAM PA'I CHOS LA SMOD PA, MCHOD RTEN 'DRAL BA, DGE 'DUN GYI RDZAS LA RKU 'PHROG BYED PA, DGE SBYONG MA YIN PAR DGE SBYONG DU KHAS 'CHI BA, SLOB DPON DANG MKHAN PO SPONG BA DAG 'BYUNG STE, DE DAG RJES SU GZUNG BA'I PHYIR TZANDAN GYI YAN LAG GI GZUNGS KYI GSANG SNGAGS KYI GZHI SANGS RGYAS THAMS CAD KYI BYIN GYIS BRLABS PA 'DI BSHAD KYI, BYANG CHUB SEMS DPA' RNAMS NGA LA NYON CIG ,DE NAS BYANG CHUB SEMS DPA' SPYAN RAS GZIGS DBANG PHYUG DANG, ZLA 'OD GZHON NUR GYUR PAS BCOM LDAN 'DAS KYI ZHABS GNYIS LA MGO BOS PHYAG 'TSAL NAS BSKUL BA, BYANG CHUB SEMS DPA' SEMS DPA' CHEN PO RNAMS DANG, GZHAN YANG SEMS CAN BYE BA KHRAG KHRIG 'BUM PHRAG RNAMS LA THUGS BRTZE BA DANG, SDIG PA BYANG BAR BGYI BA'I SLAD DU, BCOM LDAN 'DAS, BSHAD DU GSOL, BDE BAR GSHEGS PA, BSHAD DU GSOL, DE BZHIN GSHEGS PA, BSHAD DU GSOL, BDAG CAG GIS

416a

, ,KYANG GZUGS KYI GSANG SNGAGS KYI GZHI DE DAG GZUNG BAR BGYI STE, SEMS CAN THAMS CAD KYI DON DU RGYA CHER YANG DAG PAR BSHAD PAR BGYI'O, ,SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,TADYA TH'A, TZI R'A TE, M'A RI TZI KE, DU RDA ME, DU DU RDANTE DU RR'A NU, PRA BIshtE, CANDNA N'A DGA DZE, SA MA NTRA BA RI, SHO DHA NI; BI SHU DDHA SH'I LE, TZA RI TTA BA TI, AA NA TZA DYA PRA TI BH'A NE, SARBA BDDHA AA DHI shshI TE, BHA GA BA TI, P'A PAKAshA YA, A'A SH'A PA RI PU RA YA SV'AH'A, RIGS KYI BU PHO'AM, RIGS KYI BU MO GANG LA LA ZHIG GZUNGS CHEN PO'I GSANGS SNGAGS 'DI DAG 'DZIN TAM, KLOG GAM, STON TAM, KUN CHUB PAR BYED NA, DE'I TSE 'DI NYID LA MIG RNAM PAR DAG PAR 'GYUR RO, ,THOS MA THAG TU SDIG PA'I LAS RAB TU GROL BAR 'GYUR, ,BYANG CHUB SEMS DPA' THAMS CAD KYI BYIN GYIS BRLABS PAR 'GYUR, ,DE BZHIN GSHEGS PA'I SKU GZUGS KYANG MTHONG BAR 'GYUR, ZLA BA PHYED KYI BAR DU BZLAS PA BYAS NA, 'PHAGS PA SPYAN RAS GZIGS DBANG PHYUG DANG, ZLA 'OD GZHON NUR GYUR PA MTHONG BAR 'GYUR, MTSAMS MED PA LNGA'I SDIG PA BYAS PA YANG 'BYANG BAR 'GYUR, SKYE BA DRAN PAR 'GYUR, TSE BRJES NAS KYANG LHA RNAMS KYI NANG DU SKYE BAR 'GYUR,

416b

KHYIM BDAG CHEN PO SKYID PA DAG GI NANG DU SKYE BAR 'GYUR, ,SKYE BO THAMS CAD DGA' BAR 'GYUR RO, ,'DI LTAR SA CHEN POR LUS BA 'DI NI, GRUM PAR 'GYUR YANG SRIN, ,RGYA MTSO NI, BSKAMS KYANG SRID, DE BZHIN DU RI'I RGYAL PO RI RAB NI, 'JIG PAR 'GYUR YANG SRID, RLUNG NI, ZHAGS PAS BCING DU RUNG YANG SRID, ZLA BA DANG NYI MA NI, SA'I STE DU LHUNG YANG SRID, NAM MKHA' NI, LAG PA GNYIS KYIS MNAN DU RUNG YANG SRID, ME NI, CHUR 'GYUR YANG SRID, 'BYUNG BA CHEN PO BZHI NI, GZHAN DU 'GYUR YANG SRID, SEMS CAN THAMS CAD KYI SEMS NI, GCIG TU 'GYUR YANG SRID KYI, DE BZHIN GSHEGS PAS GSUNGS SHINGS BYIN GYIS BRLABS PA NI, GZHAN DU 'GYUR MI SRID DE, SUS KYANG BSKYOD PA'AM, BSGUL BAR MI NUS SO, ,'DI NI, BDUD SDIG CAN GYIS GLAGS RNYED PAR MI 'GYUR RO, ,DE NAS BYANG CHUB SEMS DPA' SEMS DPA' CHEN PO SPYAN RAS GZIGS DBANG PHYUG GIS BCOM LDAN 'DAS LA PHYAG 'TSAL NAS 'DI SKAD CES GSOL TO, ,BCOM LDAN 'DA,S BDAG GIS KYANG GZUNGS 'DI'I CHO GA BSHAD PAR, BGYI'O, ,CHOS KYI RGYAL PO'I MCHOD RTEN RING BSREL DANG BCAS PA'AM, SANGS RGYAS KYI SKU GZUGS KYI SPYAN SNGAR TZANDNA DKAR PO'I DKYIL 'KHOR BGYIS TE ME TOG SIL

417a

, ,MA GTOR LA, TZANDNA GYI BDUG PAS BDUGS TE ZLA BA TSES PA NAS BRTZAMS NAS TSES BCO LNGA'I BAR DU DUS GSUM DU KHRUS BGYI ZHING GOS KYANG LAN GSUM DU BRJES TE [?] BSREG BYA 'TSAL ZHING, GSO SBYONG DANG LDAN PA, SEMS CAN THAMS CAD LA SEMS SNYOMS PA DANG,, ZLA BA NYA'I BAR GZHAG GCIG SMYUNG BAR BGYIS TE, RMA BAM GYI STENG DU MCHIS SHING, RTZVA BAM BTING BA'I STENG DU NYAL LA SEMS RTZE GCIG TU BZLAS PA BGYI ZHING, ME TOG DRI ZHIM PO LAN BRGYA STONG DU GTOR NAS G-YO BAR 'GYUR, BDAG NYID KYANG BCOM LDAN 'DAS DE BZHIN GSHEGS PA 'OD DPAG MED DANG, SPYAN RAS GZIGS DBANG PHYUG MTHONG BAR 'GYUR, GZUNGS CHEN PO THOS MA THAG TU CI 'DOD PA DE THOB PAR 'GYUR, THOS PA 'DZIN PAR YANG 'GYUR, LAS KYI SGRIB PA THAMS CAD KYANG 'BYANG BAR 'GYUR RO, ,BCOM LDAN 'DAS KYIS DE SKAD CES BKA' STZAL NAS DGE SLONG DE DAG DANG, BYANG CHUB SEMS DPA' DE DAG DANG, THAMS CAD DANG LDAN PA'I 'KHOR DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANG STE BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA TZANDNA GYI YAN LAG CES BYA

417b

BA'I GZUNGS RDZOGS SO,, ,,