KHRO BO RNAM PAR RGYAL BA'I RTOG PA GSANG BA'I RGYUD (KRO DHA BI DZA YA KALPA GU HYA TANTRA)

RGYA GAR SKAD DU, KRO DHA BI DZA YA KALPA GU HYA TANTRA, BOD SKAD DU, KHRO BO RNAM PAR RGYAL BA'I RTOG PA GSANG BA'I RGYUD, BCOM LDAN 'DAS 'JAM PA'I DBYANGS LA PHYAG 'TSAL LO,,

DE NAS 'JAM PA'I DBYANGS KYI NI, ,KHRO BO 'DI MING GSHIN RJE GSHED, ,MTSON CHA ME LCE 'BAR BAS 'KHRUGS, ,DRAG LA MTHU RTZAL DRAG LDAN PA, ,DE MTHONG NAS NI KHRO BO GZHAN; ;THAMS CAD KYI NI LAG CHA SHOR, ,DE BZHIN DU NI 'JIG RTEN PA'I, ,LHA RNAMS LUS KYIS 'DUD PAR BYED, ,GZHAN YANG THAL MO SBYAR BYAS TE, ,SKRAG NAS BSTOD PA MANG PO BYED, ,LHA RNAMS MANG PO JI SNYED KUN, ,'JAM DPAL KHRO BO'I GZI BRJID KYIS, ,GZIR BZHIN DU NI RAB SMRAS PA, ,BCOM LDAN BDAG CAG SANGS RGYAS DANG, ,CHOS DANG DGE 'DUN SKYABS MCHIS KYI, ,RAB TU MI BZAD 'JIGS PA'I GZUGS, ,GZI BRJID 'BAR BAS PHYOGS KHYAB PA, ,KHAMS GSUM 'KHRUG PAR MDZAD PA MTHONG, ,GANG TSE LHA DANG LHA MIN RNAMS, ,SKRAG NAS SKYABS SU DONG BA NA, ,DE TSE 'JAM PA'I DBYANGS KYI NI, ,KHRO BO SLAR YANG ZHI BAR 'GYUR, ,GSHIN RJE GSHED CES BYA BA YI, ,KHRO BO CHEN PO ZHI BA LA; ;DE NAS SKYABS SU DONG BA YI, ,LHA RNAMS KUN GYIS ZHUS PA NI, ,KHYOD KYI BRTZON 'GRUS MCHOG 'TSAL BAS, ,JI LTA BUR NA MNYES PAR BGYI, ,JI LTAR YANG NI DANG BAR 'GYUR; ;BDAG CAG THE TSOM CHEN PO MCHIS, ,KHRO BOS LHA RNAMS TSIG GSAN NAS, ,GSHIN RJE'I GSHED KYIS BKA' STZAL BA, ,LHA RNAMS THAMS CAD KHYOD NYON CIG ,

, ,DA NI DUS GSUM SNGON DU 'BYUNG, ,SANGS RGYAS KUN GYI SNGON DU BYUNG, ,NGA NI DUS GSUM PHYIS KYANG 'BYUNG, ,NGA NI DUS GSUM DA LTAR 'BYUNG, ,NGA NI LNGA BRGYA THA MA'I TSE, ,NGA YI BSTAN PA 'BYUNG BAR BYED, ,BSTAN PA THAMS CAD NUB PA'I TSE, ,NGA YI BSTAN PA 'BYUNG BAR BYED, ,LAS NGAN MTSAMS MED BYED PA'I TSE, ,DE TSE NGA YI BSTAN PA 'BYUNG, ,ZAS NGAN LCI BA ZA BA'I TSE, ,DE TSE NGA YI BSTAN PA 'BYUNG, ,GOS NGAN DUG HRUL GYON PA'I TSE, ,DE TSE NGA YI BSTAN PA 'BYUNG, ,NGA NI DUS GSUM 'BYUNG BA'I SKU,, BSTAN PA THAMS CAD NUB PA'I TSE, ,DE TSE NGA YI BSTAN PA 'BYUNG, ,JI LTA BUR NI ZHIR 'GYUR YANG, ,NGA NI THAMS CAD ZHI BA'I SKU, ,JI LTA BUR NI KHROS GYUR KYANG, ,THAMS CAD KHROS PA NGA YI SKU, ,GZI BRJID CHEN PO KHYED RNAMS KUN, ,GANG TSE GSUM LA SKYABS SONG BA, ,DE TSE NGA YI MI BZAD PA, ,KHRO BO YID LA GNAS PAR GYIS, ,DKON MCHOG GSUM NI GNAS PA DANG, ,DE YI BKA' YANG BSKYANG BA DANG, ,SEMS CAN KUN LA SNYING BRTZE'I PHYIR, ,NGA YI YID NI ZHI 'GYUR GYI, ,KHYED RNAMS SKYABS SU DONG BA YI, ,BYANG CHUB SEMS DANG LDAN PA YI, ,THAMS CAD DON NI SGRUB PA'I MCHOG ,YI GE 'BRU NI BCU BDUN PO, ,NGA YI SNYING PO YID LAS BYUNG, ,LHA RNAMS KUN GYIS GZUNG BAR GYIS, ,GSHIN RJE'I

GSHED PO BDAG NYID KYI, ,SNYING PO RAB TU GSUNGS PA NA, ,DE NAS SA NI G-YOS PAR 'GYUR, ,RGYA MTSO YANG NI RAB TU 'KHRUGS, ,GNOD SBYIN DANG NI SRIN PO DANG, ,SHA ZA LA SOGS PHUNG BAR 'GYUR, ,LHA RNAMS KUN NI PHYAG 'TSAL ZHING, ,YAN LAG KUN NAS SBU LANGS NAS, ,GSHIN RJE'I GSHED PO KHRO BO YI, ,KHRO BO SNYING PO DE GZUNG NGO, ,DE NAS DAM CHOS BSRUNG BA'I PHYIR, ,KHRO BO RNAM PAR RGYAL BA YI, ,RTOG PA 'DI NI DE DAG LA, ,GSHIN RJE'I GSHED KYIS RGYAS PAR GSUNGS, ,DE NAS KHRO BO RNAM RGYAL GYIS, ,RTOG PA KHRO BO NYID KYIS GSUNGS, ,SNYING RJE BYANG CHUB SEMS LDAN PA'I, ,LHA RNAMS KYIS THOS DGA' GYUR NAS, ,DKON MCHOG GSUM NI BSRUNG BA'I PHYIR, ,SO SO YI NI RTOG PA BSHAD, ,DE DAG GI NI RTZA BA'I RGYUD, ,KHRO BO NYID KYIS RAB GSUNGS PA, ,KHRO BO RNAM RGYAL ZHES BYA 'DI, ,'JIG RTEN 'DAS DANG 'JIG RTEN PAS, ,SNGON NAS PHYAG BYAS KHRO BO YI, ,ZHAL NAS JI BZHIN THOS NAS KYANG, ,KHRO BO NYID KYIS GSUNGS PA YI, ,RGYUD 'DI BYANG CHUB SEMS RNAMS KYIS, ,SNYING RJES DE BZHIN RGYAS PA DANG, ,RNAM PA MANG POR BYIN GYIS BRLABS, ,'JAM DPAL GYI RTZA BA'I RTOG PA KHRO BO RNAM PAR RGYAL BA LAS, RGYUD 'BYUNG BA ZHES BYA BA'I SKABS TE DANG PO'O,, ,,DE NAS KHRO BO RNAM PAR RGYAL, ,'JAM DPAL KHRO BOS BSHAD PA YI, ,RTAG

, ,PA RMAD DU BYUNG BA'I MCHOG ,MDOR NI RAB TU BSHAD PAR BYA, ,DE LA 'DI YI DKYIL 'KHOR NI, ,DNGOS GRUB THAMS CAD SBYIN MDZAD PA'I, ,'JIG RTEN GSUM PO 'KHRUGS PAR MDZAD, ,YI DVAGS MANG PO ZHES BYA'O, ,THAMS CAD DU NI DKYIL 'KHOR 'DI, ,GNAS NI GANG DU 'GRUB PAR 'GYUR, ,SNGAGS PAS THOG MA NYID DU NI, ,DE YI GNAS NI BRTAG PAR BYA, ,SHING GCIG PA 'AM DUR KHROD DANG, ,KHYIM STONG DANG NI BZHI MDO DANG, ,MCHOD RTEN DANG NI MU GNYIS DANG, ,THIBS PO STONG PA LAM SRANG RNYING, ,SKYED MOS TSAL DANG RI YI RTZE, ,CHU YI 'GRAM DANG NAGS TSAL DANG, ,YANG NA MTSO YI 'GRAM DANG NI, ,LHA CHEN GYI NI GNAS KYANG RUNG, ,BA LANG LHAS SAM G-YUL GYIS, ,KHYAD PAR DU NI YUL GTZANG BAR, ,GANG DU YID NI DGA' BAR YANG, ,DER NI DKYIL 'KHOR RAB TU BYA, ,DE NAS RIG 'DZIN NAN TAN GYIS, ,SA NI YANG DAG SBYANG BYA STE, ,BA TSVA MED CING MA GAS PA, ,MNYAM ZHING ZUG RNGU MED PA LA, ,SHAR DANG BYANG NI MTHO BA DANG, ,KHA DOG SNUM BA LHAG PAR BZANG, ,BA LAS BYUNG BA RNAM LNGA DANG,, LDAN PA YI NI LCI BAS BYUG ,CI RIGS PAR NI BYUGS NAS KYANG, ,SLOB DPON GYIS NI KHRUS BYAS NAS, ,SMYUNG BA BYAS TE MNYAM BZHAG NAS, ,KHRO BO'I SRUNG BAS BYIN GYIS

BRLAB; ;YI DVAGS PHAL CHEN ZHES BYA BA'I, ,DKYIL 'KHOR GSANG MCHOG NUB MO BRI, ,ZAR MA'I RAS SAM RAS BAL LAS, ,THIG SKUD SUM SGRIL MDZES PA YI, ,GRU BZHI DANG NI SGO BZHI PAR, ,MKHAS PAS DKYIL 'KHOR THIG BTAB STE, ,THOG MAR SHAR DANG BYANG NAS NI, ,LHO DANG NUB KYI BAR DU'O, ,THIG SKUD DE NI PHYOGS MTSAMS NAS, ,DE NAS KYANG NI DRANG BAR BYA, ,SHAR DANG LHO YI MTSAMS DANG NI, ,NUB DANG BYANG GI MTSAMS DAG TU, ,THIG GIS RAB TU TSAD BYAS TE, ,GRU BZHI PAR NI THIG GDAB BO, ,RIM PA GCIG PA MDZES PA LA; ;SGO BZHI DAG GIS MDZES PAR BYA, ,LHO PHYOGS KYI NI SGO PHYE LA, ,LHAG MA RNAMS NI GCAD PAR BYA, DKYIL 'KHOR DANG NI 'TSAM PA YI, ,DBUS SU PADMO BRI BAR BYA, ,PADMA DANG NI PHYOGS BZHI SGO, ,THE TSOM MED PAR MNYAM PAR BYA, ,MDZES BYED SGO YI PHYED DU BYA, ,'GRAM PA 'DAM MA'I TSAD DANG MNYAM, ,NYE BA YI NI MDZES BYED KYANG, ,MDZES BYED DANG NI 'DRA BAR BYA, ,CHO GA BZHIN DU DKYIL 'KHOR TE, ,KUN TU THIG NI BTAB NAS KYANG, ,PHYI NAS TSUL BZHIN RIG 'DZIN GYIS, ,DUR KHROD THAL BAS BRI BA NI, ,RTAG TU BYANG SHAR LA SOGS PA'I; ;GRA YI NANG NI DE DAG TU, ,MKHAS PAS BE CON PHYAG RGYA BRI, ,PHYOGS KYI SGOR NI YI DVAGS BZHAG ,GZHAN YANG YI DVAGS LNGA PA NI, ,PADMA'I STENG DU BSAM PAR BYA, ,DE BZHIN PHYI

, ,SGO'I NANG DAG TU, ,PHYOGS RNAMS DE DAG THAMS CAD DU, ,MI RO MGO MED YI DVAGS RNAMS, ,DUR KHROD THAL BAS DNGAR TE BRI, ,DE PHYIR YI DVAGS PHAL CHEN YIN, ,KHRU GANG LA SOGS RIM PA NAS, ,KHRU BRGYAD PA YI BAR DU STE, ,DE LAS LHAG PAR YONG MI BRI, ,RTAG TU BDAG NYID MCHOD PA NI, ,KHRU GANG BA NI BRI BAR BYA, ,ZHI BA DANG NI RGYAS PA DANG, ,MI RGYAL SGRUB PA KHRU DOR BSTAN, ,SEMS CAN KUN NI BSKRAD PA DANG, ,DE BZHIN GZHIG LA KHRU GSUM PA, ,KHRU BZHI DBANG DANG DGUG PA YI, ,LAS RNAMS KYI NI MCHOG TU GSUNGS, ,KHRU LNGA NAD DANG MI NAD DANG, ,DGRA RNAMS MED PAR BRTZAL BA'I MCHOG ,KHRU DRUG BGEGS RNAMS THAMS CAD DANG, ,GDON RNAMS NGES PAR ZLOG PAR BYED, ,KHRU BDUN PA NI LHA YI RNAMS, ,DBANG DANG DGUG PA'I LAS RNAMS BYED, ,KHRU BRGYAD PA NI DNGOS GRUB KUN, ,SBYIN SREG MCHOG TU SHES PAR BYA, ,DE LTAR CI RIGS BRIS NAS NI, ,DE NAS GTZANG MAS NYE REG BYA, ,CHU YI PHYIR NI CHU YI NI SNOD, ,CHUS NI RAB TU DGANG BAR BYA, ,DE BZHIN ME TOG DON DU YANG, ,ME TOG SDUG GU DRI ZHIM DANG, ,ME TOG PHRENG BAS SNOD MCHOG GZHAN, ,LEGS PAR DGANG ZHING MDZES PAR BYA, ,DRI YI DON DU BYA BA NI, ,TZANDAN DKAR PO DMAR PO BLANG, ,AA GA RU DANG SBYAR BA YI,,

GU GUL BDUG PA DE BZHIN NO, ,MAR ME MAR GYI MAR ME DANG, ,MKHAS PAS SNYING PO 'JAM PA'O, ,DRAG PO YI NI LAS NGAG LA, ,MI YI TSIL GYIS BYA BAR BSHAD, ,GTOR MA NYA DANG SHA LA SOGS, ,SBYAR DUG LA SOGS LHAG PAR DBUL, ,DE LTAR DER NI TSOGS BSAGS NAS, ,DE NAS RIG SNGAGS 'CHANG BA YIS, ,SANGS RGYAS KUN LA PHYAG BYAS TE,, BYANG CHUB SEMS DPA' LA DMIGS NAS NI, ,RI MO YI NI LAS RNAMS DAG ,GAL TE 'BRI BAR MI NUS NA, ,YI DVAGS PHAL CHEN DBUS DAG TU, ,PADMA SNGAR BRIS GANG YIN PA, ,DE YI STENG DU YI DVAGS NI, ,MKHAS PAS YID KYIS BSAM PAR BYA, ,YI DVAGS KYI NI SNGAGS MCHOG GIS, ,BSAM PA DAG NI BYAS NAS KYANG, ,GRA YI BE CON BZHI PO YANG, ,SNGAGS NYID KYIS, NI BSAM PAR BYA, ,GAL TE 'BRI BAR NUS NA NI, ,SNGAGS NYID STENG DU GZHAG PAR BYA, ,SGO YI YI DVAGS BZHI PO YANG, ,GAL TE BRI BAR MA NUS NA, ,DE BZHIN YI DVAGS 'DZIN SNGAGS KYIS; ;BYIN GYIS RLOB PAR GSUNGS PA YIN, ,DE YI NANG DU RANG SNGAGS KYIS, ,BYIN GYIS BRLAB BAR BYA BA'I PHYIR, ,RKANG LAG MGO BO DPUNG BA DANG, ,DE BZHIN GZHAN YANG DPUNG PA DANG, ,GZHAN YANG DE BZHIN LAG PA'I PHRENG, ,THOD PA KENG RUS MI LPAGS RLON, ,RO YI PHRENG BA BSAM PAR BYA, ,DE YI NANG DU RANG SNGAGS KYIS, ,BYIN GYIS BRLAB TU GZHUG PAR BYA,

, ,DA LTAR CHO GA BZHIN BSAM NAS, ,MJUG TU KHRO BO GSHEN RJE'I GSHED, ,SNGAGS BRJOD PAS NI SPYAN DRANGS NAS, ,RANG GI SNYING POS BZHUGS SU GSOL; ;KHRO BO 'KHRUGS PA 'JIGS MDZAD PA, ,SKU NI ME LCE 'BAR BA 'DRA, ,GZI BRJID 'PHAGS PA BSAM PA NI, ,SKU MDOG STANG ZIL BCAG 'PHRO 'DRA, ,ZHAL DRUG SKRA YANG KHAM PAR 'DUG ,SMIN MA KHAM PA MIG KYANG SER, ,SPYAN GSUM MIG NI ZLUM PA STE, ,PHYAG NI BCU GNYIS PA YI GZUGS, ,DE BZHIN YI DVAGS STENG NA BZHUGS, ,ZHABS DRUG GIS NI MDZES PAR BYAS, ,TRI SHUL RAL GRI DBYUG DGRA STA, ,SBYIN PA'I PHYIR NI PHYAG BRKYANG BA, ,LCAGS KYU YI NI MTSON CHA DAG ,G-YAS PA'I PHYAG NA DE BZHIN BSNAMS,, DE BZHIN G-YON PA'I DRUG PO YANG, ,THOD PA MDUNG THUNG MDA' PO CHE, ,MDZUB MOS BSDIGS DANG ZHAGS PA RNAMS, ,PHYAG NA DBYUG THO BSAM PAR BYA, ,MI MGO RLON DANG SKAM PO DANG, ,YI DVAGS PHRENG BAS RNAM PAR BRGYAN, ,STAG GI PAGS PA'I NA BZA' GSOL, ,SKU YANG CHE LA GSUS KHYIM CHE, ,ZHAL GYI DBYIBS NI DU MA STE, ,SKRA NI RGYA MTSO 'KHRUGS PA 'DRA; ;ZHAL GCIG BZHAD CING ZHAL GCIG ZHI, ,ZHAL GCIG 'JIGS PAR BGRANG PA'I ZHAL, ,ZHAL GCIG ZHAL NI GDANGS PA STE, ,LJAGS KYANG BSKYOD PAR MDZAD PA

DANG, ,ZHAL GCIG KYANG NI MCHE BA GTZIGS, ,DE LTAR SNYING POS LEGS PAR NA, ,SPYAN DRANGS MCHOD YON DBUL BAR BYA, ,DE NAS DRI DANG SBYAR BA'I CHUS, ,MCHOD YON CHO GA BZHIN PHUL NAS, ,YI DVAGS KYI NI SPYI BOR YANG, ,ME TOG DMAR PO GZHAG PAR BYA, ,BLO CHEN GYIS NI KHRO BO LA, ,DE NAS TZANDAN DMAR PO DBUL, ,DRI YI 'OG TU ME TOG RNAMS, ,TZANDAN GYI NI GTOR MA DBUL, ,ME TOG ME TOG PHRENG BA RNAMS, ,ME TOG SNGAGS KYIS DBUL BAR BYA, ,ME TOG SNGAGS KYIS RIM BZHIN DU, ,ME TOG CHO GA BZHIN PHUL NAS, ,RANG GI SNYING PO SNGAGS KYIS KYANG, ,KHRO BO YI NI SPYI BO DANG, ,KHRO BA GTZO BO'I SNYING GAR NI, ,SNYING PO RNAM PAR DGOD PAR BYA, ,MTSOG MAR DE YI MTSOG MA DANG, ,DE YI GTZUG TU SPYI GTZUG GZHAG, DE YI LUS LA GO CHA DANG, ,MTSON CHA'I TSOGS LA MTSON BZHAG STE, ,'DI SKAD BSTAN PA 'DI DAG NI, ,ME TOG DAG GIS DGOD PAR BYA, ,DE LTAR CI RIGS MCHOD NAS KYANG, , BDUG PA RANG GI SNGAGS KYIS DBUL, ,DE NAS MAR ME 'BA' BAR BA, ,PHYOGS BRGYAD DU YANG DGOD PAR BYA, ,'BYUNG PO'I GTOR MA KHRO BO LA, ,PHUL NAS YI DVAGS PHAL CHEN GYI,, PHYI ROL TU NI MKHAS PA YIS, ,SMRE GTOR RNAMS NI SBYIN PAR BYA, ,KHRO BO GTZO LA DA PHYOGS TE, ,DE NAS YANG NI BDUG PA DBUL, ,DE YI PHYI ROL CHU BCAS SNOD, ,ME TOG GIS NI

, ,BKANG STE GZHAG ,CHO GAS KHRUS KYI SMYUNG BA YI, ,SLOB MA DAG NI BOS NAS KYANG, ,SNGAGS KUN GYIS NI GZI BSKYED LA, ,KHRO BO YI NI SNYING PO YIS, ,LAG GNYIS ME TOG BIN NAS NI, ,GOS KYIS GDOD NI G-YOGS PAR BYA, ,DKON MCHOG GSUM NI DRAN BYAS LA, ,SLOB DPON GYIS NI GZHUG PAR BYA, ,RANG GI SNYING POS ME TOG NYID, ,DKYIL 'KHOR LA NI GTOR DU GZHUG ,DE NAS BE CON ZHES PA YI, ,PHYAG RGYA SNGAGS PAS DE LA BSTAN, ,DKON MCHOG GSUM NI GSANG BA YI, ,DAM TSIG DE LA SBYIN PAR BYA, ,DE NAS GRUB PAR BYA BA'I PHYIR, ,SNGAGS PAS CHU DANG ME TOG GIS, ,KHRO BO'I GTZO BO'I GSANG SNGAGS DAG, ,DBANG BSKUR NAS NI DE LA SBYIN, ,DE NAS KHRO BO SNYING PO YI, ,CHO GA BZHIN DU DBANG BSKUR NAS, ,ME TOG BDUG PA'I PHRENG BA YIS, ,SNYING PO DE LA SBYIN PAR BYA, ,KHRO BO YI NI SNYING PO MCHO ,DES KYANG DE LTAR MNOS NAS NI, ,DE NAS BLA MAS PHYAG BYAS NAS, ,CI NUS SBYIN PAS MCHOD PAR BYA, ,SNGAGS PAS BLA MA MCHOD BYAS NAS, ,DNGOS GRUB THOB 'GYUR GZHAN DU MIN, ,SLOB MA SNYING PO BYIN NAS KYANG, ,PHRENG BA TZANDAN LA SOGS PAS, ,MCHOD NAS DE YI 'OG TU NI, ,PHYI ROL DU NI SNGAR BZHAG PA'I, ,DRI CHU LA SOGS BGANG [?] BA'I SNOD, ,DE BLANGS MCHOD YON PHUL NAS NI, ,'JAM DBYANGS KHRO BO MI BZAD PA'I, ,MTHU RTZAL DRAG

PO GSHEGS SU GSOL, ,BZHUD NAS KYANG NI YON CHU DE, ,DKYIL 'KHOR LA YANG DBUL BAR BYA, ,RGYA CHEN SA YI DKYIL 'KHOR NA, ,DNGOS GRUB MTSUNGS MED 'DOD PA YI, ,RIG SNGAGS 'CHANG GIS DE LTAR NI, ,MCHOD PA RTAG TU LEGS PAR BYA, ,DE NAS DNGOS GRUB THOB PAR 'GYUR, ,'JAM DPAL GYI RTZA BA'I CHO GA ZHIB MO KHRO BO RNAM PAR RGYAL BA'I RGYUD CHEN PO LAS, YI DVAGS PHAL PO CHE'I DKYIL 'KHOR RIM PAR PHYE BA STE GNYIS PA'O,, ,,DE NAS GZHAN YANG GSANG SNGAGS RNAMS 'BYUNG STE, AOm NA MA:SARBA TA TH'A GA TA BHYA:, PRE TA MU KHA KHA DA KLA SV'AH'A; DBUS KYI YI DVAGS KYI'O, ,AOm NA MA:SARBA TA TH'A GA TE BHYA:, AA KRO DHA BI DZ'A YA, AAGNI RA DZV'A LI TI DZI HE PRE HE SHVA RI H'Um PHAt, 'DI NI, GRVA'I BE CON BZHI'I SNGAGS SO, ,AOm NA MA:SARBA TA TH'A GA TE BHYA:, AOm PRE TA THOD LAKPA YA H'Um PHAt, SHAR GYI SGO'I YI DVAGS KYI'O, ,AOm PRE TA BIGHNANTA KA H'Um PHAt, LHO SGO'I YI DVAGS KYI'O, ,AOm PRE TA DZVA LA H'Um PHAt, NUB KYI SGO'I YI DVAGS KYI'O; ;AOm KshI PRA PRE TO TA KI tA H'Um PHAt, BYANG SGO'I YI DVAGS KYI'O, ,AOm NA MA:SARBA TA TH'A GA TE BHYA:, PRE TA M'A LE BI KRi TE, PRE TA M'A LE BI KRi TE, PRE TA M'A LE BI KRi TE, GU HYE PE TZI KA MU KHAm SARBA RAKshO PA DZV'UshtO H'Um PHAt, YI DVAGS PHRENG BA'I 'O, ,'DI NI, YI DVAGS KYI DKYIL 'KHOR GYI SNGAGS KYI TSOGS SO, ,DA NI, KHRO BO GSHIN RJE'I GSHED SBYAN DANGS PA LA SOGS PA'I SNGAGS

, ,LA SOGS PA 'BYUNG NGO, ,AOm NA MA BUDDHA DHARMA SAm GHE BHYA:, KRO DHA BA RA BI RA SARBA MA YE NA, A'A GATZTSA AA GATZTSA, AOm A'A:H'Um, AI DAm PRE TA, A'A SA NA nA, PRE TA TA GA TA NA RAKshA RAKshA SV'AH'A, KHRO BO'I RGYAL PO GSHIN RJE'I GSHED SPYAN DRANGS PA'I SNGAGS SO, ,AOm DZVA LA DZVA LA TE BI GRA HA H'Um PHAt, GO CHA'I 'O, ,AOm AA KRO DHE K'A YA MANTA KA HA NA MA TH'A BHA NYTZA H'Um PHAt, 'DI NI, KHRO BO'I RGYAL PO GANG GI RTOG PA 'DI YIN PA DE'I SNGAGS YI GE 'BRU BCU BDUN PA'O, ,AOm A'A:H'Um, DE NYID KYI SNYING PO'O, ,AOm K'A LA H'Um PHAt, MTSOG MA'I'O; ;AOm YA MANTA KA AE KA B'I RA H'Um PHAt, SPYI GTZUG GI'O, ,AOm BEE BAS SVA T'ANTA KA H'Um, MTSON CHA'I'O, ,'DI NI, KHRO BO'I RGYAL PO GSHIN RJE GSHED KYI YAN LAG LNGA PA'O,, AOm AE KA B'I RA YA MANTA KA BI SA RA SV'AH'A, MCHOD YON 'BUL BA'I SNGAGS SO, ,AOm BHI M'ANTA KA TE DZO BA LIN NI SV'AH'A, LHA BSHOS KYI SNGAGS SO, ,AOm W'A KA TZI TA SHO NI TRA RA TRA, SAm GANDHA BI GRA HA SV'AH'A, DRI'I SNGAGS SO, ,AOm D'I BYA SRE KA MA LYA DHA RI nE SV'AH'A, ME TOG GI SNGAGS SO, ,AOm TZI TI DHU PA BRI Y'A YA SV'AH'A, BDUG PA'I SNGAGS SO, ,AOm D'I BYA DZYO TI shthA TE SV'AH'A, MAR ME'A SNGAGS SO, ,AOm SARBA AA MI shE BHYA BA H RI nE SV'AH'A, SME GTOR THAMS CAD KYI SNGAGS SO, ,AOm DI BYA NAN BHYO DZA NI, HA RA HA RA DRI DRI KHA HI SV'AH'A, GTOR MA THAMS

CAD DBUL BA'I SNGAGS SO, ,AOm KHU KHU NI PRE TOT KA TE, PRE TA M'A LE LA LI NI, MLA MLA KLE DHA KLE DHA PRI BRI TI SHI PHRE DRI DRIm DRIm DRA: KHU KHU NI GRi HA B'A LIm SV'AH'A, YI DVAGS MANG BO'I DKYIL 'KHOR GYI GTOR MA'I SNGAGS SO, ,'JAM DPAL GYI RTZA BA'I CHO GA ZHIB MO KHRO BO RNAM PAR RGYAL BA LAS, YI DVAGS PHAL PO CHE'I DKYIL 'KHOR GYI SNGAGS RIM PAR PHYE BA STE GSUM PA'O,, ,, DE NAS GZHAN YANG 'JAM DBYANGS KYIS, ,KHRO BO DPA' BO GCIG BU NI, ,TSAD MED GZI BRJID BDAG NYID CHE, ,DE YI PHYAG RGYA BSHAD PAR BYA, ,THOG MAR DKON MCHOG GSUM PO YI,, DAM TSIG MNGON PAR BSTAN BYAS NAS, ,LAG PA G-YAS PA CHO GA BZHIN, ,LEGS PAR RAB TU BCING BAR BYA, ,RIG 'DZIN DAG GIS RTAG PAR NI, ,LAG PA'I SER MO THAMS CAD KYIS; ;MTHE BONG LEGS PAR SBAS PA NI, ,RAB TU BSDAMS PA BZANG PO BCING, ,CHO GA ZHES PA'I BE CON RGYA, ,SNYING PO SNGAGS SAM LOGS SHIG TU, ,SNGAGS PA PHYAG RGYA SNGAGS KYIS BCING, ,GZHAN DU NAM YANG MI BCING NGO, ,AOm NA MO BUDDHA DHARMMA SAm GHE BHYA:, AOm SARBBA TA TH'A GA TE KRO DHA BI DZ'A YA, AAGNI RA DZVA LI TA DZI H'A, PRE TA SHI RA H'Um PHAt, BE CON GYI PHYAG RGYA'I SNGAGS SO; ;PHYAG RGYA GCIG PUR GYUR BA 'DI, ,KHRO BO'I SNYING PO SNGAGS 'BAR BYED, ,MTSON CHA MA LUS PA YI GTZO, ,BDUD RNAMS THAMS CAD ZHI BAR BYED, ,JI LTAR DKYIL 'KHOR DU BRI BA, ,DE

, ,YI CHO GA BSHAD PAR BYA, ,BE CON DBYIG PA LTA BU'I TSUL, ,'DI NI BE CON ZHES PAR GRAGS, ,KHYAD PAR DU NI DE YI RTZER, ,YI DVAGS MGO BO MKHAS PAS BRI,, YI DVAGS MANG PO RTAG TU BRI, ,DE LAS GZHAN DU NAMS KYANG MIN, ,RIG 'DZIN GYIS NI CHO GA BZHIN, ,RGYA 'DI DUR KHROD THAL BAS BRI, ,YANG NA 'DI NYID LOGS SHIG TU, ,GANG GIS TSEN SGRUB 'DOD PA, ,SGRUB PA DNGOS GRUB 'DOD PA YI, ,RANG GI DKYIL 'KHOR DAG TU BRI, ,DE NAS PHYAG RGYA SGRUB PA YIS, ,DKYIL 'KHOR 'DIR NI BSHAD PAR BYA, ,SNGA MA BZHIN DU GRU BZHI PA, ,YI DVAGS PHAL CHEN 'DIR YANG BRI, ,DE YI DBUS SU BE CON GZHAG ,PHYOGS BRGYAD RNAMS SU'ANG DE BZHIN NO, ,PHYAG RGYA DGU DANG LDAN PA YI, ,PHYAG RGYA'I DKYIL 'KHOR ZHES KYANG BYA, ,DE BZHIN DU NI LHO YI SGO, ,PHYE STE DE NAS MCHOD PA BYA, ,PHYAG RGYA SNGAGS NI MA LUS PA, ,KHRO RGYAL RANG GI SPEL MA BYA, ,DE YIS 'DIR NI MCHOD GYUR LA, ,RIM GYIS GSANG BA'I MCHOD BYAS 'GYUR, ,AOm NA MO BUDDHA DHARMA SAm GHE BHYA:, AOm A'A SARBBA TA TH'A GA TA KRO DHA BI DZ'A YA, AAGNI RA DZV'A LI TA PRE TA SHIR H'Um PHAt H'Um, 'DI NI, KHRO BO RNAM PAR RGYAL BA'I GONG DU BCUG PA'I BE CON GYI PHYAG RGYA'I SNGAGS SO, ,'DI LAS THAMS CAD BSGRUB PAR BYA'O, ,DE NAS DNGOS GRUB KUN GYI MCHOG, ,KHRO BO'I GTZO BO DE KHO NA, ,GSANG BA'I MCHOD DANG LDAN

BA YI; ;BE CON SGRUB BA BSHAD PAR BYA, ,SNYING PO ZE BA MDZES PA YI, ,PADMA 'DAB MA BRGYAD BYAS LA, ,'DAB MA RTZE MO'I PHYOGS BRGYAD DU, ,BE CON KHRO BO'I BAR BCUG BRI, ,DBUS SU DGU PA BZHAG NAS NI, ,GZHAN RNAMS SHAR PHYOGS NAS BRTZAMS TE, ,BSKOR BA'I TSUL DU GO RIM BZHIN, ,ME TOG DAG GIS GZHAG PAR BYA, ,BE CON KUN GYI SA BON H'Um, ,YI DAGS SBYI BOR GZHAG PAR BYA, ,THOG MAR AOm DANG LDAN BYAS TE, ,AOm DANG NA MA MCHOD PAR 'GYUR, ,AA 'DI KHRO BO RNAMS RGYAL GYI, ,SA BON DAM TSIG YIN PAR BSHAD, ,AOm A'A:H'Um, AOm NA MO BUDDHA DHARMMA SAm GHE BHYA:, SANGS RGYAS KUN GYIS MNGON PAR BSTOD, ,BE CON RNAMS NI THAMS CAD KYANG, ,RANG GI DAM TSIG BSKUL BAR LDAN, ,THAMS CAD RANG GI DAM TSIG LDAN, ,DE BZHIN GSHEGS PA'I RIGS LAS BYUNG, ,SKUL BA'I TSIG NI RAB LDAN ZHING, ,KHRO BO'I LTA BAS BRTAGS PA DANG, ,RANG RANG RTAGS KYIS BSKUL NA NI, ,DE MA THAG TU LAS BYED 'GYUR,, A'A:'DI KHRO BO RNAM RGYAL GYIS, ,KHRO BO'I LTA BAS BLTAS BA'O, ,RANG GI DAM TSIG DANG LDAN PA, ,H'Um DANG LDAN PA BSKUL BA BZHIN, ,ZHI BA RGYAS BA DBANG DANG DGUG ,DBYE BA DANG NI BSKRAD PA RNAMS; ;GSANG BA'I MCHOD PA'I SBYOR BA YIS, ,BDAG GI MDOR NI BSHAD PAR BYA, ,DE YI THOG MAR YI GE AOm, ,DE LAS GZHAN BA SNGAGS 'PHEL BYED, ,DE BZHIN GSHEGS PA'I

, ,DAM TSIG NYID, ,GSUM PA YIN PAR YONGS SU BSGRAGS, ,BZHI PA DNGOS GRUB STER BYA'I PHYIR, ,'DIR NI SNGAGS LA SKUL BA'I TSIG ,AOm A'A:H'Um, SARBA TA TH'A GA TA H'Um SV'AH'A, ZHES BRJOD PA SNGAGS KYI BDAG NYID DO, ,MJUG GI H'Um NI KHRO BO YI, ,SNGAGS NI 'PHEL BAR BYED PAR BSHAD, ,DE LAS GZHAN NI KHYAD PAR DU, ,RANG GIS SKUL BA'I TSIG GIS BYED, ,DBANG DU BYA BAR 'DOD BAS NI, ,RANG GI NGO BO SMAS PAR BYA, ,LHA DBANG DBANG DU BYOS SHIG CES, ,BRJOD NAS THA MAR SV'AH'A SBYAR, ,ZHI BA'I PHYIR NI BSKUL BA NYID; ;MJUG TU BOO shAt BRTAG PAR BYA, ,DE BZHIN GSHEGS RIGS LAS BYUNG BA'I, ,DPAL NI MTSUNGS MED 'DOD PA YIS, ,SKUL BA'I TSIG GI MJUG TU YANG, ,NA MA:SV'AH'A RTAG TU SBYAR; ;RGYAS PA'I PHYIR NI SNGON BZHIN DU, ,BSKUL DUS BOO shAt SBYAR BAR BYA, ,RGYAS PHYIR BSKUL BA'I THOG MA DANG, ,THA MAR KHRO BO'I H'Um YANG SBYAR, ,GSANG BA LA NI PHAt CES BYA,, 'BAR BA 'DI LA LHAG PA YIN, ,RIG RNAMS BRLAG PAR BYA BA LA, ,H'Um DBUS KHRO DANG LDAN PA'I PHAt, ,DE BZHIN BSKRAD DANG BSKUL BA YI, ,MGO DANG MJUG TU H'Um GZHAG GO , YANG DAG 'BAR BA'I PHAt KYANG GZHAG ,GSAR BA'I MCHOD PA'I CHO GAR GRAGS, ,DE LTAR MCHOD PA'I RIM PA DER, ,BE CON DGU NI BYAS PAR 'GYUR, ,GSANG BA'I MCHOD

PA'I SBYOR BA YIS, ,BDUG PA ME TOG DE BZHIN DRI, ,DE BZHIN GTOR MA MAR ME DANG, ,BZLAS PA MED KYANG 'GRUB PAR 'GYUR, ,DBANG DU BYA DANG DBYE BA DANG, ,BSKRAD DANG BSAD LA SOGS PA NI; ;JI SKAD GSUNGS PA'I TSUL DAG DANG, ,DE LTAR SBYOR BA DE 'DRA LAS, ,TSES GRANGS DAG DANG SKAR MA DANG, ,SMYUNG BA DAG KYANG BYA MI DGOS, ,GSANG BA'I MCHOD PA'I CHO GA SHES,, PHYAG RGYA'I DKYIL 'KHOR LEGS BYAS LA, ,KHRUS BYAS KHRUS NI MA BYAS RUNG, ,JI LTAR 'DOD PA RANG DGAR SPYOD, ,CI YANG RUNG BA'I GTOR MA DANG, ,LO MA ME TOG 'BRAS BUS KYANG,, GANG DAG GSHIN RJE'I GSHED PO YI, ,SNYING PO PHYAG RGYA MCHOD BYED LA, ,BYANG CHUB SEMS DANG LDAN 'GYUR ZHING, ,RAB TU GUS NA ZLA DRUG GIS, ,DE NI CI 'DOD DGOS PA RNYED, ,JI LTAR 'DOD PA'I LAS KYANG BYED, ,'JAM DPAL GYI RTZA BA'I CHO GA ZHIB MO KHRO BO RNAM PAR RGYAL BA LAS, ,BE CON GYI PHYAG RGYA'I DKYIL 'KHOR GSANG BA'I MCHOD PA RIM PAR PHYE BA STE BZHI PA'O;; ,,DE NAS BE CON PHYAG RGYA YI, ,JI SKAD GSUNGS PA DE DAG SGRUB, ,DE YI DKYIL 'KHOR GNYIS PA'ANG GZHAN, ,DKYIL NA YI DVAGS ZHES BYA BA, ,SGRUB PAS MTSAN MO DUR KHROD DU; ;DUR KHROD DAG GI THAL BA YIS, ,GRU BZHI PA LA SGO BZHI BRI, ,MI RO'I RO SMAD DAG DANG LDAN, ,BLA RE RNGA YAB ME LONG DRIL, ,ME TOG PHRENG BAS MDZES PAR BYA, ,LHA RDZAS YI DVAG

, ,MANG PO DNGAR, ,THOD PA BRGYAD KYIS RNAM PAR SPRAS, ,PHYIS NI BE CON PHYAG RGYA YANG, ,MGO MED RO YI STENG DU BRI, ,DKYIL NA YI DVAGS ZHES BYA BA'I, ,THAMS CAD GRUB BYED DKYIL 'KHOR 'DI, ,KHRO BO'I GTZO BO'I PHYAG RGYA YIS, ,MCHOD PA JI SKAD GSUNGS PA BYA, ,SME GTOR THAMS CAD BYIN NAS NI, ,GTZANG MA GO CHA BGOS NAS KYANG, ,'BUM PHRAG GCIG NI SNGAR BSNYEN PA, ,BYAS NAS 'DI NI BRTZAM PAR BYA, ,PHYUGS CHEN DAG GI KHRAG GIS KYANG, ,SHIS PA'I THOD PA BKANG NAS KYANG, ,DE BZHIN MI LAS BYUNG BA'I SHA ,PHYAG RGYA LA NI DBUL BAR BYA, ,PHYUGS CHEN GYI NI TSIL BU LAS, ,MAR ME 'BAR BA BYAS PA DAG ,DE YI PHYI ROL PHYOGS BRGYAD DU, ,SNGAGS SRUNG DE LA DBUL BAR BYA; ;CHO GA SHES PAS DE LTA BUR, ,BYAS NAS MJUG LA BSGRUB PAR BYA, ,DPAL LDAN GOS NI DMAR PO GYON, ,TZANDAN DMAR POS BSKUS MAS NI, ,CUNG ZAD DAG KYANG MI BYED PAR; ;MAR GYI BRGYAD LA GCIG BUS BYAS, ,DPA' LA SEMS DRAG MTHU LDAN PA'I, ,GROGS NI GSUM DANG LHAN CIG TU, ,SGRUB PA BLO LDAN SEMS STOBS CAN, ,DPAD PO LEGS PAR BSDAMS PA YIS, ,YI DVAGS KYI NI DKYIL 'KHOR DU, ,SGRUB PA LA NI 'JUG PAR 'GYUR, ,DE NAS MTSAN MO RGYA BCINGS TE, ,BRTAN PAR 'DUG LA LEGS PAR

BZLAS; ;BGEGS RNAMS SNA TSOGS MTSAN GCIG TU, ,'BYUNG STE DE LAS RGYAL BAR BYA, ,DE LTAR SRIN PO'I TSOGS CHEN LAS, ,RGYAL NAS PHYAG RGYA 'PHRAB PAR 'GYUR, ,MI 'GRUB PA YI LAS RNAMS KYANG, ,DE NAS THOGS PA MED PAR BYED, ,'JAM PA'I DBYANGS KYI KHRO BO YIS, ,BSKUL NAS 'DIR NI DOGS PA MED, ,HA NI [?] tA BANYDZA BANYDZA ZHES, , BSKUL BA'I THA MAR H'Um BRJOD CING, ,G-YON BRKYANG BA YI TSUL GNAS NAS, ,KHROS PAS RI RTZE BGROD DKA' DANG, ,RA PA YANG THOG SGO GANG DANG, ,BU SHU KHANG PA DNGAR RA BDAG ,SKAD CIG GIS NI SNYIL BAR BYED, ,DHA RA BI SPHO tA BAm DZA ZHES, ,BSKUL BA'I MJUG TU H'Um BRJOD NA, ,RI BO DAG NI MANG PO DANG, ,DE BZHIN LHA MIN SGO DAG DANG, ,DE BZHIN SA DANG GZHAN DAG DANG, ,JI LTAR 'DOD PA 'GAS PAR BYED, ,PA TZA BI DHVA NA SAm SHO ZHES, ,BSKUL NAS THA MAR H'Um BRJOD NA, ,PHYAG RGYA 'DI YIS CHU RNAMS NI, ,THOGS PA MED PAR SKAM PAR BYED, , MTSO CHEN DANG NI CHU BO DANG, ,RGYA MTSO DAG KYANG SKAM PAR BYED, ,STAm BHA YA ZHES LAN GNYIS BRJOD, ,THA MAR H'Um DANG DE BZHIN MU, ,DE NAS DE YI MJUG TU H'Um, ,SE NA STAMBHA ZHES SBYAR NA; ;PA TZA BI DHVA NA SA YA SHO sHA YA SHO sHA YA DA H'Um PHAt, RI MO LA NI GNAS PA BZHIN, ,NGES PAR MYUR DU GNON PAR 'GYUR, ,THA MAR H'Um BZHAG DE NAS DRIm, ,KshO PA YE ZHES LAN

, ,GNYIS BRJOD, ,DE YI THA MAR YI GE MA, ,MKHAS PA DAG GIS SBYOR BA NI, ,DPUNG RNAMS 'KHRUG PAR 'GYUR PA LA, ,KHROS NA NGO MTSAR CI ZHIG CHE, ,THA MAR H'Um DANG GA BZHAG LA, ,DE NAS TIshthA TIshthA BZHAG ,SNGAGS PAS GAL TE SBYAR NA NI, ,CHO GA 'DI NI GLAD PO GNON, ,HA NA BI DHVA NA SA M'A RA YA, BSKUL NAS THA MAR H'Um BRJOD CING, ,DE BZHIN THA MAR PHAt BRJOD NA, ,DPUNG DAG RAB TU 'CHI BAR 'GYUR, ,KHA KHA KH'A HI KH'A HI ZHES, ,BSKUL NAS THA MAR H'Um BRJOD NA, ,DPUNG RNAMS PHAN TSUN 'KHRUG PAR NI; ;THOGS PA MED PAR RAB TU 'GYUR, ,THA MAR H'Um NGANG DE BZHIN PHAt, ,DRIm DRIm DZA DZA DRIm DRIm DAG ,NGES PA DAG TU SBYAR NA NI, ,SNGAGS PA KHRO DANG LDAN PA YIS, ,KHRAG GI CHAR 'BAB BYED PAR GSUNGS, ,THA MAR H'Um BRJOD HA HA H'A H'A BEE T'A LI H'Um PHAt CES BDAG GIS BYA, SNGAGS PA DPA' DANG LDAN PA YIS, ,BSKUL NAS MYUR DU RMONGS PAR 'GYUR, ,THA MAR H'Um BRJOD HA HA HA, ,DE BZHIN AANTA YA DANG PHAt, ,BSKUL BA 'DI DAG DANG LDAN NA, ,'GRO BA DAG NI MDONGS PAR BYED, ,THA MAR H'Um BRJOD DE NAS H'Um, ,DE BZHIN NI DRIm DRIm DZA DZA GZHAG, THA MAR DRIm DANG PHAt LDAN NA, ,'GRO BA DE MA THAG TU 'BEBS, ,KHRO BO CHEN PO 'DI YI NI, ,PHYAG RGYA DE LTAR GRUB GYUR NA, ,DE TSE LAS RNAMS THAMS CAD NI, ,YID KYIS BSKUL

PA TZAM GYIS BYED, ,BYANG CHUB SEMS DPA' THAMS CAD KYI, ,DAM TSIG RAB TU BSKOD PA YIN, ,SGRUB PA GANG DANG GAD 'DOD PA, ,DE NI THOGS PA MED PAR BYED, ,GAL TE DER NI MA GRUB NA; ;'DI YI SNGON DU BSNYEN PA NI, ,CHO GA BZHIN DU 'BUM BYAS LA, ,DE NAS BLO LDAN SGRUB LA 'JUG ,DE TSE DE BZHIN GSHEGS PA YI, ,SNGA MA'I DAM TSIG BSKUL BA BZHIN, ,DE NAS SLAR YANG SNGAGS RNAMS LA, ,THOGS PA MED PAR DE BZHIN SBYAR, ,PHYAG 'TSAL BA DANG KUN TU LDAN, ,DE YI THOG MAR AOm BZHAG LA, ,AOm ZHES BYA BA GZHAN YAD GZHAG , AA ZHES BYA BA GNYIS PA 'O, ,DE YI TSIG GI MJUG TU H'Um, ,BZHAG STE DE NAS TSIG RNAMS KUN, ,DE LTAR KRO DHA BI DZA YA, ,AAGNI RA DZVA LI DZI HVA HA SHR'I ,TSIG RNAMS GZHAN NI BRJOD PAR BYA; ;DE NAS DE YI THA MAR H'Um, ,DE BZHIN TSIG GI THA MAR AOm, ,MTHA' MAR A'A BZHAG DE YAm MTHAR, ,H'Um DANG SI tI LAG GNYIS BSGOM, ,PRA BU TA ZHES LAG GNYIS BSGOM, ,DE NAS DE BZHIN GSHEGS PA YI, ,BKA' LUNG GIS NI PHYAG RGYA DE, ,GZIR NAS RANG GIS BZLAS BRJOD BYA, ,DE LTAR BZLAS BRJOD 'BUM BYAS NAS, ,KHRO BO CHEN PO DE YIS NI, ,KUN LA CI RIGS BSKUL NAS SU, ,LAS RNAMS THAMS CAD BSGRUB PAR BYA, ,KHRO BO GTZO PO DE YI NI, ,BKA' BZHIN BYED DE GZHAN DU MIN, ,GANG GIS SNGON DU BSNYEN BYAS PA, ,DE YIS

, ,BSKUL BA'I CHO GA NI, ,JI SKAD GSUNGS PA'I LAS RNAMS LA, ,MA GRUB NA NI NGES PAR SBYAR, ,GZHAN DU SNGAGS NI GZIR BYAS NA, ,BDAG NYID NGES PAR 'CHI BAR 'GYUR, ,KHYAD PAR DU NI DPA' BO YIS, ,KHRO BO'I GTZO BO'I SNYING PO NI, ,PHYAG RGYA 'DI NI GZIR BYAS NA, ,'GRO BA MA LUS 'KHRUG PAR 'GYUR, ,SNGAGS 'DI GANG DU BZLAS PA DER, ,'JIG RTEN 'JIG RTEN LAS 'DAS PA, ,DE DAG KUN GYI LUS RNAMS NI, ,DOGS PA MED PAR 'JIG PAR 'GYUR, ,PHYAG RGYA 'DI YIS GZIR GYUR NA, ,DPAG TSAD BDUN GYI DKYIL 'KHOR NA, ,GZHAN GYI SNGAGS RNAMS GANG YOD DANG, ,DGRA RNAMS DREGS PA MED PAR BYED, ,'BYUNG PO SKRAG PAR BYED PA DANG, ,DE BZHIN LHA RNAMS 'GUG PAR BYED, ,KHRO BO RAB TU DGA' PAR BYED, ,GSHIN RJE'I GSHED PO'I MTHU YANG SKYED, ,YI DVAGS RO LANGS RIGS DAG NI, ,DE BZHIN RAB TU 'JIGS PAR BYAS, , BYAD DANG GNOD PA SKAG PA YANG, ,RAB TU BSKUL NA 'JIGS PAR BYED, ,BGEGS RNAMS THAMS CAD 'JIGS PAR BYED, ,'CHI BA THAMS CAD MED PAR BYED, ,PHONGS PA THAMS CAD MED BYED LA, ,BE CON PHYAG RGYA DRAG POR BSGRAGS, ,DGRA DANG DE BZHIN GZHAN DAG KYANG, ,SKYE BO DAG LA 'DI BCINGS BSTAN, ,GSHIN RJE'I GSHED PO SBYAR NA NI, ,DE YI

MOD LA SROG KYANG 'PHROG ,MDOR NA SNYING PO PHYAG RGYA YI, ,CHO GA RANG GI DAM TSIG CAN, ,KHRO BO'I ZHAL NAS GSUNGS PA 'DI, ,GSANG BAR RAB TU BSTAN PA YIN, ,SNGAGS PAS KHRO BO'I GTZO BO NI, ,GSHIN RJE'I GSHED PO GCIG DPA' BA'I, ,SNYING PO PHYAG RGYA BE CON DANG, ,SNYING PO DAG GI SBYAR BAR BYA, ,'JAM DPAL GYI RTZA BA'I CHO GA ZHIB MO KHRO BO RNAM PAR RGYAL BA LAS, ,BE CON GYI PHYAG RGYA'I CHO GA ZHIB MO RNAM PAR PHYE BA STE LNGA PA'O,, ,,DE NAS YI GE BCU BDUN PA'I, ,RTZA BA'I SNGAGS NI GANG YIN PA, ,DE YI PHYAG RGYA GZHAN DAG KYANG, ,RO LANGS ZHES NI BYA BA YOD, ,GSHIN RJE'I GSHED PO DRAG BRTZON PA'I, ,SNYING NI DGA' BYED GSANG BA'O, ,SNGAGS PA DAG GIS GANG DAG TU, ,BCINGS PA DER NI BYIN RLOB PA, ,RO LANGS ZHES BYA'I PHYAG RGYA 'DI, ,KHRO BOS GSUNGS PA BSHAD PAR BYA, ,DUR KHROD DAG GI THAMS CAD NI, ,GANG LA RTAG TU RAG LUS PA'O, ,DE NAS LAG PA GNYIS KA YI; ;SOR MO PHAN TSUN BSNOL BYAS TE, ,SOR MO GUNG MO GSHIBS TE BSGRENG, ,MDZUB MO GNYIS KYIS SRIN LAG GNYIS, ,MTHE BONG GNYIS KYIS SRIN LAG GNYIS, ,LEGS PAR BZUNG NAS DGUG PAR BYA, ,MTHE'U CHUNG GNYIS KYANG NANG DU DGUG ,DE BZHIN DU NI MTHE BONG GNYIS, ,PHAN TSUN BSNOL TE BRKYANG BAR BYA, ,SHES RAB CAN GYIS RO LANGS 'DI, ,

, ,RTAG TU TSUL BZHIN KHRO BOS BSTAN, ,KHRO BO GTZO BO'I GSANG SNGAGS GANG, ,YI GE BCU BDUN LEGS GSUNGS PA, ,DE NYID 'DI DANG SBYAR BAR BYA, ,RO LANGS PHYAG RGYA LDAN PA STE, ,BDAG NYID 'DOD PA THAMS CAD DE, ,HA HAR GYUR PA'I DKYIL 'KHOR DU, ,CHO GA BZHIN DU SBYAR BAR BYA, ,HA HAR GYUR PA'I DKYIL 'KHOR NI, ,KHRO BO 'BAR BYED BSHAD PAR BYA, ,TSIG BZHIN DU NI SBYAR BAR BYA, ,YI DVAGS PHAL CHEN BSHAD PA BZHIN, ,'DI YANG GRU BZHI LHAM PAR BYA, ,KHYAD PAR DAG TU PHYOGS KUN TU, , MKHAS PAS ME NI SBAR BAR BYA, ,KHRU BRGYAD LHAG CHAD MED PAR NI, ,CHO GA BZHIN DU BRI BAR BYA, ,SGO SGO DAG TU GSAL SHING GIS, ,PHUG PA'I YI DVAGS KHRAG CAN GZHAG , DBUS SU MGO DANG BRAL BA YI, ,MI RO RO SMAD GSAL BAR GZHAG ,YI DVAGS PHAL CHEN DKYIL 'KHOR BZHIN, ,THA MAR YI DVAGS PHRENG BA DGOD, ,KHRO BO YI NI GTZO BO'I SNGAGS,, MTSOG MA SPYI GTZUG LA SOGS MED, ,YI GE BCU BDUN BLO LDAN GYIS, ,MGO MED RO YI STENG DU GZHAG ,ZHAL DRUG PA LA ZHABS KYANG DRUG ,DE BZHIN PHYAG NI BCU GNYIS PA; ;RAB TU 'BAR BA DRAG PO'I GZUGS, ,SNGA MA BZHIN DU GZHAG PAR BYA, ,YI DVAGS MANG PO SBYAR BA NI, ,SNGA MA BZHIN DU BZHAG NAS KYANG, ,ME TOG BDUG PA PHRENG LAS SOGS, ,

SNGAGS DES DE LA MCHOD PAR BYA, ,'DIR NI GTOR MA SHA CHEN DU, ,GSUNGS PAS GZHAN GYIS MI BYA'O, ,KHRAG GI GTOR MA'I CHO GA DANG, ,DE BZHIN BDUG PA KUN SMRE BA'I, ,DE NAS DPAL LDAN RIG 'DZIN GYIS, ,RO LANGS PHYAG RGYA BCINGS NAS NI, ,GTOR MA ME TOG DBUL LA SOGS, ,RNAM PA KUN TU KHRO BOS BYA, ,DKYIL 'KHOR GYI NI KHOR YUG GI ,PHYOGS BRGYAD DAG TU MAR ME DGOD, ,DUR KHROD DAG GI MGAL DUM MAM, ,YANG NA GSAL SHING DAG GIS BUD, ,SENG LDENG DAG GI GZAR BU YIS, ,TSIL CHEN DAG LA LAN BDUN DU, ,LHO PHYOGS ME LA BSREGS NAS NI, ,DE NAS KHRO BO BSGRUB PAR BYA, ,DE LA SNGON DU BSNYEN PA DANG, ,BZLAS PA DANG NI BSNGAMS PA'ANG MED, ,RIG 'DZIN NYID KYI SEMS STOBS NYID, ,'DI YI RGYUR NI SHES PAR BYA, ,LHO PHYOGS SGOR NI NAN TAN DU, ,RMA MED PA YI RO BZHAG STE, ,SNYING GAR RO LANGS RGYA BZHAG LA, ,DE LA RAB TU BSKOR PAR BYA, ,DE NAS KHRO BO CHEN PO YIS, ,SHIN TU BKRUS SHING LEGS PAR BRGYAN, ,DRI DANG ME TOG DMAR SNGON GYIS, ,LEGS PA DAG TU MCHOD NAS KYANG, ,MKHAS PAS RO LANGS PHYAG RGYA YIS, ,THOG MAR BDAG NYID BSRUNG BAR BYA, ,GSHIN RJE'I GSHED BYED YAN LAG LNGA, ,DE BZHIN LUS LA SBYAR BAR BYA, ,DPA' BO MTHU CHEN BDAG NYID KYIS, ,RAL GRI LAG PAR BLANGS NAS NI, ,DPA' BO'I RKANG PA G-YON PA YIS, ,DE YI

, ,SNYING GAR MNAN NAS NI, ,KHRO BO YI NI GTZO BO YI, ,YI GE BCU BDUN SNGAGS BZLAS SO, ,AOm AA KRO DHI KA YA MANTA KA ,HA NA MA TH'A BHANYDA H'Um PHAt, 'DI NI, RTZA BA'I SNGAGS YI GE 'BRU BCU BDUN PA'O, ,DE SNGAGS DRAG BOS BSKUL BA DANG, ,YI DVAGS DE NI G-YO BAR 'GYUR, ,HA HAR GYUR PA 'KHRUGS PA DANG, ,DE BZHIN HA HA'I SGRA YANG 'BYIN; ;DE NAS BDAG GIS LANGS PA LA, ,MTSON CHA RNON PO 'BAR BA YIS, ,BCAD PA'I SHA DANG KHRAG BCAS PA'I, ,MCHOD YON DE LA DBUL BAR BYA, ,RIG PA 'DZIN PA DE YI NI; ;SEMS KYI DROD NI DES SHES NAS, ,MCHOD YON BLANGS TE DKYIL 'KHOR NI, ,HA HAR GYUR PA 'JIGS PAR BYED, ,DE NAS BDAG NYID CHEN PO DE, ,'JIGS SU RUNG BA'I GZUGS MTHONG NAS, ,GSHIN RJE'I GSHED PO DPA' BO YI, ,RO LANGS PHYAG RKYA BSTAN PAR BYA, ,DE NAS GSHIN RJE'I GSHED PO NI, ,YI DVAGS LUS LA GNAS PA DES, ,RO LANGS NYID KYI RGYA MTHONG NAS, ,RIG PA 'DZIN PA DE YI NI, ,SEMS DROD RIG NAS 'DOD PA'I MCHOG ,SBYIN PAR BYED LA GDON MI ZA, ,KHRO BO'I RGYAL PO SLAR GSHEGS NAS, ,MI RO SA LA 'GYEL BAR 'GYUR, ,DE YI LUS NI DE NYID KYANG, ,GSER DU 'GYUR BA GDON MI ZA, ,DE TSE GROGS PO RNAMS DANG YANG, ,SEMS CAN RNAMS LA CI BDER SBYIN, ,

BDAG NYID CHEN PO DPA' BO YIS, ,SGRUB PA BSHAD PA 'DI YIN TE, ,SEMS NI RAB TU DPA' BAS BYA'I, ,NGAN SONG GZHAN GYIS YONG MI BYA, ,SEMS ZHAN PA YI SGRUB PA POS, ,KHRO BO'I RGYAL PO DE BSGRUBS NA, ,DE NI LANGS NAS MYUR BAR NI, ,GROGS DANG BCAS PA GSOD PAR 'GYUR, ,RO LANGS PHYAG RGYA MI SHES NA, ,DES NI JI LTAR DRAG GYUR KYANG, ,KHRO BO'I RGYAL PO DE YIS NI; ;SGRUB PA PO NI GSOD PAR 'GYUR, ,RIG 'DZIN MCHOG GIS GANG DAG TU, ,DE BZHIN GSHEGS PA'I DAM TSIG GIS, ,BRGYAN CING KHRO BO BSKUL BA YIS, ,RO LANGS PHYAG RGYA BCINGS PA DER; ;GDON MI ZA BAR KHRO BO NI, ,LEGS PAR BYIN GYIS RLOB PAR 'GYUR, ,MYUR DU MCHOG KYANG STZOL BAR MDZAD, ,'GO BAR GYUR PA GDON MI ZA, ,AOm NA MO BUDDHA DHA RMMASAm GE BHYA:, AA KRO DHE K'A YA MANTA KA HA NA MA TH'A BHANYDZA H'Um GE THA PI RAKshA MANTA TA TH'A GA TO A'ADZNY'A PA YA TI SV'AH'A, DE BZHIN GSHEGS PA'I DAM TSIG GI BKAS BRGYAN PA RO LANGS KYI KHRO BO'I PHYAG RGYA'I SNGAGS SO, ,HA HAR GYUR PA'I DKYIL 'KHOR DU, ,RO LANGS PHYAG RGYA RANG SNGAGS DANG, ,LDAN NA MYUR DU KHRO BO NI, ,NGES PAR BYIN GYIS RLOB PAR MDZAD, ,DPA' BO DAG GI SBYOR BAR NI, , SNGAR BSNYEN LA SOGS BYED NA YANG, ,SGRUB PA PO NI 'DOD PA BZHIN, ,KHRO BO NGES PAR MYUR DU 'GRUB, ,YANG NA RO LANGS PHYAG RGYA 'DI, ,SKYES BU SEMS NI MI DPA' PAS, ,HA HAR GYUR,

, ,BA'I DKYIL 'KHOR DU, ,BDAG NYID KYIS NI DAM TSIG GIS, ,MKHAS PAS BZUNG NAS BZLAS PAR BYA, ,'DI NYID KYIS KYANG DBANG BSKUR NAS, ,JI LTAR NUS PAS GANG DU'ANG RUNG, ,KHRO PO MCHOG GI RI MO 'AM, ,DKYIL 'KHOR CHO GA BZHIN BYAS PA'AM, ,DE BZHIN SKU GZUGS GZHAN YANG RUNG, ,YID DANG DBANG PO BSDAMS BYAS TE; ;THOG MAR TSIG 'BUM BZLAS PAR BYA, ,DE LTAR SNGON DU BSNYEN PA NI, ,JI LTAR 'DOD PAR BYAS NAS GDOD, ,PHYI NAS SMYUNG BA BYAS NAS DE, ,RO LANGS PHYAG RGYA SGRUB LA 'JUG, HA HAR GYUR PA'I DKYIL 'KHOR NI, ,CHO GA BZHIN DU DUR KHROD PRI, ,YANG NA SEMS NI MI DPA' BAS, ,DUR KHROD THAL BAS KHYIM DU BRI, ,KHYIM DE STONG PA YIN YANG RUNG, ,GAL TE KHYIM DE MI STONG NA, ,HA HAR GYUR BA MTHONG BA DANG, ,ZHAG BDUN LON MA THAG TU 'JIG ,DE NAS YI DVAGS MANG PO LAS, ,GSUNGS PA'I MCHOD PA CI RIGS BYAS, ,DE NAS LHO PHYOGS SGOR 'DUG STE, ,BYANG GI PHYOGS SU KHA BLTAS LA, ,RANG GI DAM TSIG LAS GSUNGS PA'I, ,RO LANGS PHYAG RGYA BCINGS TE BZLAS, ,ZLA BA MAR GYI TSES BRGYAD LA, ,BLO LDAN CHO GA SHES PA YIS, ,MTSAN MA BSTAN CING 'DUG NAS NI, ,NYI MA SHAR GYI BAR DU BZLAS, ,DE NAS KHRO BOS DGONGS PA YIS, ,RO LANGS LHA MO 'GRUB PAR 'GYUR, ,KHRO BO LHA YI SNGAGS

DAG DANG, ,SKUL BA'I TSIG NI MCHOG RNAMS KYIS, ,JI SKAD GSUNGS PA'I LAS RNAMS NI, ,THAMS CAD DE NAS BYED PAR 'GYUR, ,PE CON ZHES BYA PHYAG RGYA LA'ANG, ,DE DAG NYID LA MYUR DU SBYAR, ,SBYAR NA DOGS PA MED PAR YANG, ,'DI NI DE DAG BYED PAR 'GYUR, ,RO LANGS PHYAG RGYA SGRUB PA BRI, ,SNGAGS PA RNAMS LA 'DIR GSUNGS SO, ,DE NI ZHAN PA'I SEMS RNAMS KYIS, ,SGRUB PA DAG NI GSUM PA 'BYUNG, ,CHO GA BZHIN DU SNGAR BSHAD PA'I, ,YI DVAGS MANG PO DE TSE BRI, ,GAR YANG RUNG BAR CI RIGS PAR, ,SNGAGS DE RNAMS KYIS SBYAR BAR BYA; ;DE NAS YI DVAGS MANG PO YIS, ,DKYIL 'KHOR BLTA NA SDUG PA 'DI, ,KHYIM MAM YANG NA GZHAN YANG RUNG, ,DER NI DKYIL 'KHOR BRIS NAS NI, ,DE DBUS YI DVAGS SPYI BO LA, ,RO LANGS MA NI 'DIR GZHAG GO ,KHRO BO'I YI GE GZI BSKYED PA, ,ZHI ZHING KUN TU DGA' BYED PA, ,RO LANGS SNYING PO'I PHYAG RGYA NI, ,BCINGS NAS DE LA SBYAR BAR BYA, ,DE NAS RO LANGS PHYAG RGYA YIS, ,GSANG BA'I YI GE BCU GSUM PA'O, ,ZHI BA GZHAN YANG SHES BYAS NAS, ,JI LTAR 'DOD PAR BZLAS PAR BYA, ,AOm A'A:H'Um BEE T'A LI RAKshA RAKsHA MAm SV'AH'A, RO LANGS PHYAG RGYA'I SNYING PO 'DI, ,GANG YANG RUNG BAR CI 'DOD PAR, ,BCUR BSGYUR BA YI GRANGS RNAMS SU, ,CHE GA JI BZHIN BZLAS NAS NI, ,RMAD DU BYUNG BA'I LAS RNAMS KYANG, ,YID KYIS BSAM

, ,PAS BYED PAR 'GYUR, ,GSANG BA'I RIG SNGAGS DAM PA 'DI, ,LAS RNAMS THAMS CAD BYED PA'O, ,DE NAS DE NI 'DI YI LAS, ,KHRO BO'I RGYAL PO NYID KYIS KYANG, ,CHO GA ZHIB LAS GANG GSUNGS PA, ,DE DAG MDOR NI BSHAD PAR BYA, ,RMUGS DANG GNAD DANG RMONGS PA DANG, ,DE BZHIN DBAB PA'I CHO GA DANG, ,DBANG DU BYA DANG BYED PA DANG, ,BSAD PA DANG NI BSKRAD PA DANG, ,PHAN TSUN 'THAB CING GSOD PA DANG, ,DE BZHIN GZHAN YANG MIG 'PHRUL DANG, ,ZHI DANG RGYAS PAR SBYOR BA DANG, ,DE BZHIN DGA' BAR BYED PA DANG, ,DGUG PAR BYED PA'I CHO GA YANG, ,MDOR BSDUS NAS NI BSHAD PAR BYA, ,RO LANGS PHYAG RGYA LAS BSGRUB PHYIR, ,CHO GA BZHIN DU SNGAR BSNYEN BYAS, ,SO SO'I DON RNAMS BSGRUB PA'I PHYIR, ,CHO GA 'DI NI RNAM PAR BRTZAM, ,RMA BYA'I MJUG MA'I SGRO DAG GI ,MDONGS BRGYA BAM POR SBAMS NAS KYANG, ,SENG LDENG YU BA 'PHAN MED PA, ,BZANG PO KHRU GANG TSAD LA NI, ,BU MOS BKAL BA'I SKUD PA YIS, ,MKHAS PA DAG GIS BCINGS PAR BYA, ,YU BA DE YI RTZA BA LA'ANG, ,MCHOD RTEN BZANG PO LEGS PAR BYA, ,GRO GA LA NI GI'U WANG GIS, ,KHRO BOS MTHAR BYAS RO LANGS BRI, ,MKHAS PAS MCHOD RTEN 'OG TU GZHAG ,DE NAS ZLA BA GZAS ZIN PA'I, ,NUB MO YI DVAGS PHAL CHEN GYI, DKYIL

'KHOR MTSO 'GRAM BRIS NAS BZLAS, ,DE NAS GRUB PHYIR SNGAGS PA YIS, ,MJUG MA DE LA YID GTAD NAS, ,LAG PA G-YON PAS BZUNG NAS NI, ,ZLA BA DE LA BLTA ZHING BZLAS,, SEMS NI BDUD KYIS MI 'KHRUGS PA'I, ,SEMS DPA' CHEN PO KHA CIG LA, ,DROD DANG DUD 'THUL 'BAR BA DAG ,MJUG MA DE LAS 'BYUNG BAR 'GYUR, ,DRO BAR GYUR PA MTHONG NA NI, , BYANG CHUB SEMS DPA' 'DRA BA YIS, ,SEMS CAN RNAMS NI THAMS CAD LA, ,DES NI PHAN 'DOGS GNOD PA NUS, ,MJUG MA BZANG PO DE LAS NI, ,DU BA 'BYUNG BA MTHONG NA YANG, ,MYUR DU MI SNANG BAR YANG 'GYUR, ,'DAD PA'I GZUGS CAN YID MGYOGS BZHIN, ,RGA BA DANG NI 'CHI BA MED, ,GNOD SBYIN RNAMS NI YONGS SU BSKOR, ,SEMS CAN CHEN PO DE YI GZIS, , GAL TE DE NI 'BAR 'GYUR NA, ,RIG 'DZIN DPAL DANG LDAN PAR 'GYUR, ,NAM MKHA' LA NI MYUR DU 'GRO, ,BDE BA KUN DANG LDAN PA YIS, ,RIG 'DZIN RNAMS KYI MCHOG TU 'GYUR,, GAL TE ZLA BA GZAS BTANG LA, ,DE TSE GRUB PAR MA GYUR NA'ANG, ,MJUG MA LAN GCIG BSKOR PA YIS, ,DBUNG RNAMS GNON PA'I DNGES GRUB DANG, ,GANG YANG RUNG BA GCIG KYANG GNON, ,MYOS PAS DREGS PA'I GLANG PO DANG, ,STAG DANG SENG+GE WA RNAMS DANG, ,RTA DANG SHING RTA BYA RNAMS DANG, ,GRU DANG GRU CHEN BZHON PA RNAMS, ,BSKOR NA THAMS CAD GNON

, ,PAR BYED, ,MNAN BA DAG LAS THAR BAR YANG, ,MJUG MA 'DIS NI GDON MI ZA, ,DE NAS GZHAN YANG RO LANGS KYIS, ,RMUGS PAR BYA BA GSANG BAR BSHAD; ;DE NAS TSIL CHEN BLANGS NAS NI, ,DE YANG THOD PA'I NANG DU GZHUG ,AA SHVA MA RA DMAR PO YIS, ,SHING BAL 'JAM PO'I SNYING PO BYA, ,GDOL PA'I ME YIS 'BRAB BYAS NAS; ;NYI MA ZLA BA GZAS ZIN CHE, ,THOD PA'I DUD PA BLANGS PAS NI, ,ZLA BA'AM YANG NA NYI MA DAG ,BTANG BA'I BAR DU BZLAS PAR BYA, ,YANG NA AARKA'I SHING BAL LAS, ,DE YI 'OG TU LCAGS THUR GYIS, ,MIG GNYIS DAG NI BSKU BAR BYA, ,DE LTAR MIG GNYIS BSKUS PA YIS, ,GANG DAG BLTAS PA DE DAG NI, ,RMUGS PAR 'GYUR BAR GDON MI ZA, ,DE NAS GDONG BKRUS BLTAS NA NI, ,SLAR YANG DE LAS THAR PAR 'GYUR, ,DE NAS GZHAN YANG RMONGS PA NI, ,RMONGS PAR BYED PA MCHOG BSHAD DO, ,AARKA GCIG GI RTZA BA DANG, ,KA NA KA YI RTZA BA DANG, ,AA SHVA MA RA RU RTA DANG, ,MO HA NA YI RTZA BA DANG, ,MA HA NA LA'I RTZA BA DANG, ,SHA RA BU KAR LDAN BYAS SHING, ,YI DVAGS ME TOG SNYING PAR LDAN, ,MDUN SO DAG DANG LDAN BYAS TE; ;SKYES PA DAG GAM BUD MED KYI, ,GSANG BA'I PAGS PA DANG LDAN PA, ,PU MO 'DOD PA MA SPYAD PAS, ,MAR GYI BRGYAD LA LEGS PAR BTAB, ,PHYIS NI BUD MED KHRAG

DAG DANG, ,BONG BU'I KHU BAS SBRU BAR BYA, ,DUR KHROD THAL BA DANG SBYAR TE, ,DE NAS MAR GYI TSES BRGYAD LA, ,THOG MAR YI DVAGS MANG BRIS NAS, ,RIG PA 'DZIN PAS MTSAN MO BZLAS,, STONG RTZA BRGYAD NI LEGS BZLAS NA, ,DE NAS RDZAS NI GRUB PAR 'GYUR, ,RMONGS PAR BYED PA'I PHYE MA 'DI, ,SEMS CAN KUN LA SBYAR NA NI, ,DE NAS RMONGS PAR BYED PAR 'GYUR, ,'DI LA THE TSOM MI BYA'O, ,'THAB MO DANG NI RTZOD PA DANG, ,RGYAL PO G-YUL NGO CHEN PO LA, ,BDAG GI PHYOGS NI BSRUNG BA'I PHYIR, ,SBYOR BA SHES PAS 'DI BSKUL BA'I, ,BA DAN DAG KYANG BSGRENG NA NI; ;DGRA RNAMS KUN TU RMONGS PAR 'GYUR, ,PHYE MA 'DI YIS REG NA NI, ,DE MA THAG TU MI RNAMS RMONGS, ,CHUR ZHUGS NA NI THAR PAR 'GYUR, ,NGES PAR GZHAN DU MA YIN NO, ,DE NAS GZHAN YANG DBAB PA NI, ,CHO GA'I MCHOG NI BSHAD PAR BYA, ,CI NAS 'BYUNG PO THAMS CAD NI, ,MOD LA 'BAB PAR 'GYUR BA'O, ,STAG GI PAGS PA DANG LDAN PAR, ,SBRUL GYI SHUN PA BRTAGS NA NI, ,DUG DANG YUNG BA'I RTZA BA DANG, ,MO HAN DANG MA LA TI, ,RA YI GCIN LAS BTAGS NAS NI, ,DE NAS DE DAG RIL BUR BYA, ,TZA NA KA YI 'BRU TSAD LA, ,BDUN NAM BRGYAD DAM DGU 'AM YANG, ,GZHAN YANG RI BONG KHRAG DAG DANG, ,GUR GUM LAS SU BTAGS NAS NI, ,BDUN NAM BRGYAD DAM DGU DAG TU, ,RIL BU SNGA MA BZHIN DU BYA,,

, ,DE NAS SNGA MA'I RIL BU LA, ,SNGAGS PAS THOD PA SNOD DU GZHAG ,MAR GYI TSES BRGYAD MTSAN MA NI, ,BRGYA RTZA BRGYAD DU BZLAS PAR BYA, ,GUR GUM CAN NI AA RI STA'I, ,SNOD NI GTZANG MAR GZHAG PAR BYA, ,DE BZHIN STONG RTZA BRGYAD BZLAS TE, ,RTZE MOR RAB TU SBYAR BAR BYA, ,SNGAR NI LEGS PAR SBYAR BYAS PA'I, ,RIL BU THA MAL GDUG PA LA, ,BTAB NA MYUR DU 'BAB PA NI, ,RING POR MI THOGS GZHAN DU MIN, ,BSAMS NAS MYUR DU BTANG BA NI, ,DE NAS GUR GUM RIL BUS BYA, ,DE NAS GZHAN YANG GRUB PA 'DI, ,DBANG DU BYED PA GANG GI MCHOG ,RIG PA 'DZIN PA'I YID LAS 'BYUNG, ,LAS KYIS NGES 'GYUR BSHAD PAR BYA, ,RAKTA ZHES NI 'DIR GRAGS PA, ,RTZA BA RAKTA MU LI KA ,DER BLANGS SHA RA BU KA DANG, ,MI LAS BYUNG BA'I MDUN SO DANG, ,TSUB MAS BTZUGS PA'I SHING LO NI, ,LDING ZHING LHAG DANG BCAS PA DAG, GZHON NU MAS NI MTSAN MO BTAGS, ,PHYE MA MCHOG DE LAN BDUN DU, ,BDAG GI KHU BAS SBRU BAR BYA, ,DE NAS BDAG GIS SBYAR BA DE, ,PADMO SNYING PO LA BZHAG LA, ,GTZANG MAS MAR GYI TSES BRGYAD LA,, BLO LDAN LAG PAS BZUNG NAS NI, ,SNGAGS KYIS STONG DU GDAB PAR BYA, ,PHYE MA'I RGYAL PO DBANG BYED PA, ,DE NAS DNGOS GRUB THOB PAR 'GYUR, ,BZA' BA'AM BTUNG BA DAG LA

SBYIN; ;YANG NA PHYE MA GDAB PAR BYA, ,YANG NA RLUNG GI PHYOGS SU GTANG, ,YANG NA GOS LA LAN GCIG GDAB, ,YANG NA BYUG PA'AM SO YI RTZI, ,GANG YANG RUNG BAR SBYAR NA NI, ,DE LA 'DIS NI LAN GCIG GIS, ,MYOS SHING DREGS PA'I DGRA DAG NI, ,RGYANG NAS KYANG NI DBANG DU 'GYUR, ,BRAN BZHIN DU NI LEGS PAR BYED, ,PHYE MA 'DI YIS REG PA NI, ,SHI NA'ANG RJES SU 'BRANG BAR 'GYUR, ,GAL TE RGYAD NI RING PO NAS, ,PHYE MAS REG PAR MI 'GYUR NA, ,DE YI GZUGS BRNYAN BYAS NAS NI, ,PHYE MA 'DI YIS GDAB PAR BYA, ,ZHAG BDUN GYIS NI RIG 'DZIN GYI, ,MING NI DE YIS THOS NAS KYANG, ,BDAG LA 'DIR NI SGOR BCAS PA, ,GDON MI ZA BAR DBANG DU 'GYUR, ,DE NAS SBYOR BA 'BA' ZHIG GIS, ,'KHON PA'I LAS DAG BSHAD PAR BYA, ,RMA BYA'I MDONGS NI BZANG PO DANG, ,DE BZHIN SBRUL GYI SHUN PA DANG, ,RTA DANG MA HE SPU DAG DANG, ,KA NA KA YI SA BON DANG, ,AA SHVA MA RA'I ME TOG DANG, ,DE BZHIN GLANG PO'I PYI PYI LING, ,'DI RNAMS THAMS CAD MNYAM BYAS TE, ,BYI BA BYI LA'I KHRAG LAS BTAG ,BDAG GIS RIL BU MNYAM PAR BYA, ,BYAS NAS CHO GA SHES PA YIS, ,MTSAN MO STONG RTZA BRGYAD DU BZLAS, ,BYI BA DANG NI BYI LA YI, ,SPU YI BDUG PAS BDUG PAR BYA, ,DE NAS SBYOR BA SHES PA YIS, ,DE LA RIL BU GCIG BLANGS NAS, ,GANG DAG DBYE BAR BYA BA NI,,

, ,DE DAG GCIG GI SPYI BO LAS, ,RIL BU'AM YANG NA PHYE MA DAG ,DBYE BAR BYA BA'I PHYIR GDAB BO, ,DBYE PAR BYED PA'I MCHOG 'DI NI, ,KHRO BO NYID KYIS GSUNGS PA'O, ,DE NAS 'DI NI GSAD BYA BA, ,SBYOR BA'I TSUL BZHIN LEGS SBYAR NA, ,DOGS PA MED PAR 'GRUB 'GYUR BA, ,GSOD BYED MCHOG NI BSHAD PAR BYA, ,MI DBANG RNAM PA DU MA YIS, ,DKON MCHOG GSUM LA GNOD BYED PA, ,DE LA SBYOR BA 'DI SBYAR GYI, ,NGAN SONG GZHAN LA MA YIN NO, ,'DI NI BYANG CHUB SEMS LDAN LA, ,GRUB PAR 'GYUR GYI GZHAN DU MIN, ,DE BZHIN GSHEGS PA'I DAM TSIG 'DI, ,DNGOS GRUB THAMS CAD STER BAS NA, ,CHO GA GZHAN DU LEGS PAR SRUNG, ,GZHAN DU BYAS NA 'GRUB MI 'GYUR, ,DE BZHIN GSHEGS PA DNGOS GRUB KUN, ,'DOD NA SROG CHAGS PHAN 'DOD PAS, ,'OG DANG 'PHUR BA'I DNGOS GRUB KYANG, ,BSHOL BA MED PAR BSGRUB PAR BYA; ;KHRO DANG GTUM PA'I SPYOD PA CAN, ,'DOD PHYIR GSOD PAR 'DOD DE LA, ,DE BZHIN GSHEGS PA'I DNGOS GRUB DAG ,RMI LAM DU YANG DAG LA BYUNG, ,SNYING RTE BZOD DANG DE BZHIN BYAMS, ,RANG BZHIN GYIS NI SNYING RJE CAN, ,JI SKAD BSTAN PA'I SNGAGS PA NI, ,BYANG CHUB SEMS NYID SEMS BYED LA, ,DE BZHIN GSHEGS PA'I DNGOS GRUB KUN,,

GDON MI ZA BAR DE LA 'GRUB, ,GDUG PA RNAMS NI 'DUL BA'I PHYIR, ,SBYOR BA 'DI NI KUN TU GSUNGS, ,DKON MCHOG GSUM LA CHER GNOD LA, ,BYA BAR BSHAD KYI GZHAN DU MIN; ;SEMS GDUG BSGRUB PAR BYA BA YI, ,RKANG PA'I RJES KYI SA BLANGS LA, ,DE NAS GTZANG MA'I MA HE YI, ,GCIN GYIS DE NI SBRUS NAS KYANG, ,DE YI GZUGS BRNYAN BYAS NAS NI; ;DUR KHROD THAL BAS BSKU BAR BYA, ,SOL BA TSER MA RNON PO DANG, ,DE BZHIN RUS PA PHUB MA DAG ,DE YI SNYING GAR GDAB PAR BYA, ,DE BZHIN GZHAN YANG LTO BA DANG, ,RNA BA SNA DANG MIG DANG KHA, ,RAB TU BKANG NAS G-YANG SAR GZHAG ,RKANG PA G-YON PAS MNAN PAR BYA, ,DE NAS RO LANGS ZHI BA'I SNGAGS, ,PHYIN CI LOG TU LDOG STE BZLAS, ,BSGRUB PAR BYA BA'I MING SMOS NAS, ,SGRUB PA STONG RTZA BRGYAD BZLAS LA, ,ZLOG PA'I RIM PA 'DI NYID KYIS, ,PHAt GNYIS DAG GI BAR DU GZHUG ,LAS 'DI BYAS PAS NGES PAR NI, ,BSGRUB PAR BYA BA SPOS GYUR NAS, ,NGES PAR 'CHI BDAG DBANG DU 'GYUR, ,SRO DANG LDAN PAS BSGRUB BYA YI, ,DREGS PAS DE LTAR BSAL BYAS NA, ,NA BA KUN GYIS BTAB PA DE, ,DE NAS SLAR YANG THAR PAR BYA; ;GZHAN DU BYAS NA MOD LA NI, ,NGES PAR 'CHI BDAG MDUN DU 'GRO, ,DKON MCHOG GSUM NI BSRUNG BA'I PHYIR, ,GNOD PAR BYED PA THAMS CAD LA, ,NAD LA SOGS PA

, ,SBYAR NA YANG, ,'CHI BAR 'GYUR BA 'DI BSHAD DO, ,DAM TSIG SHES LA MI BYA STE, ,GAL TE BYAS NA BDAG NYID 'CHI, ,BSKRAD PAR BYA BA'I CHO GA YANG, ,'JAM DBYANGS RAB TU DPA' BO YANG, ,KHRO BO NYID KYIS JI SKAD DU, ,GSUNGS PA DE NI BSHAD PAR BYA, ,SENG LDENG LAS BYAS PHUR BU NI, ,SOR BRGYAD TZAM DU BYAS PA LA, ,YUNGS MAR TSA BAS BYUGS NAS NI, ,DUR KHROD THAL PAS GDAB PAR BYA, ,DE NAS KHVA NI RANG SHI BA, ,DE YI PHAGS [?] PAS DKRI BAR BYA, ,SGRUB PAS NUB MO PHUR BU DE, ,SKUD PA DMAR POS BCINGS NAS NI, ,DE NAS RO LANGS PHYAG RGYA NI, ,SKAD CIG PA YI TSIG LDAN PAS, ,BSGRUB PAR BYA BA'I MING SMOS TE, ,MKHAS PAS STONG RTZA BRGYAD BZLAS PA, ,DE NAS SKROD PAR 'DOD PA YIS, ,BSGRUB PAR BYA BA'I SGO GAR NI, ,PHUR BU DE NI GDAB PAR BYA, ,'DI NI SKROD PA'I MCHOG TU GSUNGS, ,'ON KYANG BRGYA BYIN STOBS LDAN PA'I, ,BSGRUB PAR BYA BA'ANG BSKRAD PAR 'GYUR, ,DE NAS GZHAN YANG GCIG LA GCIG ,'THAB DANG RTZOD BA BSHAD PAR BYA, ,DKON MCHOG GSUM LA GNOD BYED PAR, ,RIG NAS JI LTAR 'DOD PA NI; ;DE DAG RANG GI PHYOGS 'KHRUGS PAR, ,SNGAGS PAS JI SKAD GSUNGS BZHIN BYA, ,PA RA HE DANG RI TZI RA, ,PA TRA DANG NI KE SHI NI, ,DE BZHIN THA MA SU KA RA, ,RDZOGS

PA'I BYANG CHUB BZHUGS BZHUGS PA, ,MTHU CHEN SMAN NI 'DI RNAMS LAS, ,GANG YANG RUNG PA GCIG BLANGS TE, ,LO MA RLUNG GIS BTAB PAR SBYAR, ,DE BZHIN BA LA KA TA DANG, ,GO SNYOD NAG PO LDONG ROS DAG ,'DI DAG BTAGS TE PHYE MAR BYA, ,MI YI TSIL GYIS SBRUS NAS SU, ,RO LANGS STONG RTZA BRGYAD DU BZLAS, ,NAM LANGS PA RU GYUR PA DANG, ,GDUG PA 'KHRUG PAR BYED CES BYA, ,GANG GIS BSNAMS TE DE DAG NI, ,RANG GI PHYOGS RNAMS PHAN TSUN 'KHRUG ,GCIG LA GCIG KYANG 'THAB PAR 'GYUR, ,YUL 'KHOR DANG NI GRONG KHYER DANG, ,DPUNG LA GNOD PA BYA BA'I PHYIR, ,PHAN TSUN GSOD PAR BYA BA LA, ,BDUG PA 'DI NI SBYAR BAR BYA, ,PHAN TSUN 'THAB CING GSOD PA DAG ,CI RIGS BSTAN PA 'DI YIN NO, , DE NAS GZHAN YANG MIG 'PHRUL GYI, ,CHO GA TSUL BZHIN BSHAD PAR BYA, ,DUR KHROD DAG GIS THAL BA YIS, ,MIG 'PHRUL DNGOS PO 'GRUB PAR 'GYUR, ,MI THOD BZANG POR THAL BA DANG, ,RI BONG DAG GI KHRAG BLUGS TE, ,YI DVAGS PHAL CHEN DKYIL 'KHOR GYI, ,JI SKAD GSUNGS PA BRIS PA GZHAG ,DE YI NANG DU RO LANGS LA, ,MCHOD PA CHEN PO BYAS NAS NI; ;DER YANG LHO PHYOGS SGO DAG TU, ,ZHUGS THAB TU NI ME BUS TE, ,DE NAS THAL BA DE LA NI, ,MAR GYIS BDUGS TE SBYIN SREG BYA, ,DE NAS THAL BA DE LA YANG, ,STONG RTZA BRGYAD

, ,DU BZLAS BYAS TE, ,STONG RTZA BRGYAD PO DE NYID KYIS, ,NAM LANGS PAR NI NGES PAR YANG, ,MKHAS PAS MIG 'PHRUL RTZED MO RNAMS, ,THAL BA DES NI BYED PAR 'GYUR, ,ME TOG DKAR LA THAL PA DES, ,LAN RE DAG TU BSKUS NAS NI, ,NAM MKHAR GTOR NA NGES PAR YANG, ,RDZOGS PA'I SANGS RGYAS STON PAR 'GYUR, ,THAL BA DE YIS SNGA MA BZHIN, ,ME TOG SER PO LA BSKUS TE, ,DE BZHIN NAM MKHA' LA GTOR NA, ,'DOD CHAGS BRAL BA STONG DAG DANG, ,NYID KYIS GNAS BCAS SANGS RGYAS KUN; ;STON PAR BYED DE GZHAN DU MIN, ,ME TOG DKAR POS 'JIG RTEN PA'I, ,LHA RNAMS KUN KYANG SNGA MA BZHIN, ,GANG DANG GANG GI 'DOD PA DAG ,YID LA BSAM PAS STON PAR BYED, ,ME TOG SNGON POS DE BZHIN DU, ,GNOD SBYIN SRIN PO SNGA MA BZHIN, ,YI DVAGS MKHA' 'GRO GRUL BUM DANG, ,YANG NA GANG DANG GANG 'DOD PA'O, ,CHU LAS LAN BDUN BZLAS BA NI, ,GYEN DU GTOR NAS NGES PAR YANG, ,MIG 'PHRUL SLAR YANG BSDU BAR BYA, ,YANG NA KHU TSUR BCANGS PAS SO, ,KHVA YI SGRO BDUN MI RUS KYI, ,YU BA DAG LA BCINGS NAS SU, ,DE LA THAL BA DE BSKUS TE, ,MIG 'PHRUL BSAMS LA CI 'DOD PAR, ,TSOGS KYI NANG DU BSKOR NAS NI, ,MTSO DANG RGYA MTSO RGAL BA DANG, ,DE BZHIN KHANG PA LI

PA DANG, ,G-YUL DANG 'KHRUG CING 'CHI BA DANG, ,LTAD MO CHEN PO MCHOG RNAMS NI, ,RAB TU SBYAR BA STON PAR 'GYUR, ,KHU TSUR BCANGS PAS DE BZHIN SDUD, ,SA YI 'OG KYANG STON PA DANG, ,'GRO BA MANG PO 'DUS PA DANG, ,GYEN DU 'GRO DANG DE BZHIN 'KHRUG ,RANG GI DPUNG DANG RGYA MTSO'ANG 'KHRUG ,MJUG MA DE DANG THAL BA YIS, ,GZHAN YANG GANG DANG GANG 'DOD PA, ,DE DAG NGES PAR BYED PAR 'GYUR, ,KHU TSUR BCANGS PAS DE BZHIN SDUD, ,DE LTAR MIG 'PHRUL MDOR BSDUS PA, ,JI SKAD BSHAD PA DE BZHIN BYA, ,RO LANGS DE YI NGO BO NYID, ,ZHI BA'I PHYIR NI TSUL BZHIN BZLAS, ,BDAG GAM 'ON TE GZHAN YANG RUNG, ,BSGRUB BYA ZHI BA'I TSIG SMOS TE, ,STONG RTZA BRGYAD DU BZLAS BYAS NAS, ,ME TOG DKAR PO BZANG PO NI, ,BSUNG ZHIM YID DU 'ONG BA DAG ,TZANDAN DKAR PO CHUS BTAB NAS, ,RGYA MTSOR 'GRO BA'I CHU NANG DU, ,ZHUGS NAS RE RE LA BZLAS SHING, ,BRGYA RTZA BRGYAD NI DOR BAR BYA, ,'ON TANG BDAG GAM GZHAN YANG RUNG, ,MTSUNGS PA MED PA ZHI BAR 'GYUR, ,RGYAL PO'I YUL LAM LJONGS DAG GAM, ,GRONG NGAM YANG NA GRONG KHYER DAG ,ZHI BA'I LAS DE BYAS PA YIS, ,ZHI BAR 'GYUR PAR GDON MI ZA, , DE NAS RGYAS PA'I LAS RNAMS KYANG, ,TSUL BZHIN DU NI BSHAD PAR BYA, ,MCHOD RTEN LA MCHOD SNA TSOGS PA, ,BYAS NAS DE YI MDUN 'DUG STE, ,RO LANGS PHYAG RGYA CHEN PO NI, ,RDZOGS

, ,SANGS RGYAS KYIS MCHOD PA BZLAS, ,GAL TE MCHOD RTEN RING BSREL CAN, ,YIN NA DE MA THAG TU 'GYUR, ,BSGRUB BYA'I MING SMOS BZLAS NA NI, ,SKYES PA BUD MED RGYAS PAR 'GYUR, ,DAM CHOS MCHOD RTEN MDUN DU NI, ,CHO GA BZHIN DU KHRI BZLAS NA, ,JI SRID RGYAS PAR 'GYUR GYI BAR, ,DE SRID RGYAL PHYIR RIM GYIS BZLAS, ,DE BZHIN GSHEGS PA'I MCHOD PA DAG ,MKHAS PAS MCHOD RTEN KUN LA BYA, ,RING BSREL CAN LA CHO GA BZHIN, ,KHYAD PAR DU NI BSHAD PAR BYA, ,THOG MAR MCHOD RTEN DRUNG DU NI, ,MKHAS PA DAG GIS DKYIL 'KHOR BYA, ,DE NAS DER NI ME TOG DAG, SHIN TU YID 'ONG DGRAM PAR BYA, ,ME MAR RAB TU 'BAR BA BRGYAD, ,MKHAS PAS DE LA DBUL BAR BYA, ,SHIN TU YID 'ONG CHU DANG BCAS, ,SNA TSOGS PA YI BSHOS PHUL NAS, ,GU GUL BDUG PA PHUL NAS NI, ,BYANG CHUB SEMS DANG LDAN PA YIS, ,DE BZHIN GSHEGS PA THAMS CAD LA, ,ZHE SAR BCAS PAS PHYAG BYAS NAS, ,MCHOD RTEN LA NI MNGON PHYOGS TE, ,ZHI DANG RGYAS PHYIR BZLAS PAR BYA, ,DAM PA'I CHOS KYANG BKLAG PA DANG, ,DUS DUS SU YANG MCHOD RTEN BYA, ,DE LTAR NYIN MTSAN PHYED BYAS NA, ,ZHI BA DAG DANG RGYAS PAR 'GYUR, ,RGYAS PA'I LAS NI BSHAD ZIN TO, ,GZHAN YANG SGRUB PA PO LA NI, ,'JIG RTEN THAMS CAD NGES PAR YANG, ,

DGA' BAR 'GYUR BA BSHAD PAR BYA, ,JI LTAR MA LA BU SDUG PA, ,DE 'DIR DE BZHIN GZHAN DU MIN, ,MKHAS PA YIS NI GI'U WANG DAG ,NGES PAR BDAG GI KHRAG DANG SBYAR, ,LAN [?] GRANGS MANG DU SBYAR NAS KYANG, ,MKHAS PAS DE NI THOD PAR GZHAG ,DE NAS ZLA BA GZAS ZIN TSE, ,ZLA BA LA NI MIG BLTAS SHING, ,BTANG GI BAR DU LEGS PAR BZLAS, ,NANG PAR BDAG GI DPRAL BA LA, ,THIG LE GCIG NI BYAS NAS KYANG, ,DE NAS RGYAL BA'I 'KHOR DU 'GRO, ,'GRO BA DBANG BYED SBYOR BA 'DI, ,MDOR BSDUS NAS NI BSHAD PA STE, ,RGYU DANG MI RGYU 'JIG RTEN DAG ,MTHONG BA YIS NI DGA' BAR 'GYUR, ,'DI NI 'JIG RTEN PA RNAMS KUN, ,DGA' BAR BYED PA BSTAN PA YIN, ,DE NAS DGUG PA'I CHO GA YANG, ,'JAM DBYANGS MGON PA [?] GCIG PU YI, ,KHRO BO'I ZHAL NAS GSUNGS PA DAG ,MDOR BSDUS NAS NI BSHAD PAR BYA, ,BUD MED BU MO SHI SKRA LAS, ,MAR GYI BRGYAD LA NAN TAN DU, ,ZHAGS PA LEGS PAR BKAL BYAS TE, ,DE NAS THOD PA'I NANG DU GZHUG ,DE NAS ZLA BA GZAS ZIN PAR, ,'GYUR BA'I BAR DU NYIN RE BZLAS, ,ZLA BA GZAS ZIN GYUR PA DANG, ,CHU 'GRAM GTZANG MA DAG TU YANG, ,DER NI YI DVAGS PHAL CHEN GYI, ,DKYIL 'KHOR DE BRIS MCHOD PA BYA, ,KHRO BO'I GTZO BOS GSUNGS PA YIS, ,RO LANGS KHRO BO LDAN PA LA, ,GTOR MA RGYA

, ,CHEN BYAS NAS NI, ,DE NAS PHYI ROL 'BYUNG PO LA'O, ,DE NAS DE LA LAG GIS MNAN, ,MI THOD NANG DU 'DUG PA YI, ,ZHAGS PA JI SRID G-YO YI BAR, ,ZLA BA LA BLTAS BZLAS BRJOD BYA, ,DE NAS GYEN DU 'PHAR NA NI, ,SGRUB PA LA NI 'GRUB CES BYA, ,DE TSE ZHAGS PA BLANGS NAS NI, ,'JIG RTEN LHA RNAMS SKAD CIG GIS, ,BSAM PAS DE YIS DRANGS NAS NI, ,DE NAS RIG PA 'DZIN PA YI, ,YID KYIS BSAMS SAM TSIG GIS KYANG, ,GANG DANG GANG 'DOD LEGS PAR BYED, ,BRGYA BYIN LA SOGS LHA RNAMS KYANG, , DE YI BKA' BZHIN NGES PAR BYED, ,SKAD CIG GIS NI NAM MKHA' LAS, ,RDZU 'PHRUL TSE DANG LDAN PA DANG, ,ZHAGS PA DES NI DRANGS NAS SU, ,'DOD PA'I MCHOG NI RAB TU DPUL; ;GNOD SBYIN BU MO'AM DRI ZA MO, ,YANG NA LHA YI BU MO DAG ,BDAG GI DRUNG DU SKAD CIG GIS, ,ZHAGS PA DES NI DRANGS NAS SU, ,DE NAS RIG PA 'DZIN MCHOG GIS, , YID DU 'ONG BA'I LAS RNAMS BYED, ,GAL TE BSGRUBS NA DMAN PA DAG ,'DOD PAS GDUNGS PAR GYUR PA NI, ,DE TSE ZHAGS PA DE NYID KYIS, ,LHA YI NGO BO BKUG NAS NI, ,DOGS PA MED PAR BSTEN PAR BYA, ,'DOD PAS GDUNGS KYANG BUD MED MIN, ,DGA' DANG MYA NGAN GYIS GDUNGS NA, ,NAD DANG GTZO BOS SMA PHAB PA, ,GCIN DANG RDUL DANG DRI MA CAN, ,

MI YI BUD MED RTAG TU SPANG, ,GAL TE 'DOD PAS GDUNGS GYUR NA, ,LHA YI BUD MED BSTEN PAR BYA, ,'ON TE SEMS DPA' CHEN PO DE, ,DE TSE BRTZE LDAN MA YIN NA, ,LHA YI DBANG PHYUG DGE BA DANG, ,GNOD SBYIN GDUG PA DAG GIS BSKOR, ,RANG GI GZHAL YAS KHANG BZANG NA, ,'DUG CING GANG DU 'DOD PAR 'GRO, ,GZHAL MED KHANG NI BZANG PO DAG ,LHA RNAMS DE LA RAB TU DBUL, ,BCUD KYIS LEN NI DU MA DANG, ,DPAG BSAM SHING GI 'BRAS BU YANG, ,LHA YI DBANG PHYUG MNYAM LDAN PA, ,DOGS PA MED PAR THOB PAR 'GYUR, ,BKRES SKOM NAD LAS NGES PAR THAR, ,RIG PA 'DZIN PAR KUN GYIS MCHOD, ,ZHAGS PA 'GUL LAM G-YO NA NI, ,DNGOS GRUB 'DI 'DRA THOB PAR 'GYUR, ,'GUL LAM G-YOS SAM GZHAN PA DAG ,GAL TE GRUB PAR MA GYUR NA, ,MA GRUB PA YI ZHAGS PAS KYANG, ,'JIG RTEN PA YI LAS RNAMS BYA, ,SKYES PA'AM YANG NA BUD MED DAG ,YID LA 'DOD PA BSAMS NAS NI, ,MTSAN MO ZHAGS PA DE BRKYANG STE, ,DE NI DE NA PHYOGS SU BZLAS, ,BSGRUB BYA MING NI TSIG DANG BCAS, ,DE NI TSIG GI MJUG TU SBYAR, ,ZHAGS PA GANG NA 'DUG PA DER; ;NAM MKHA' LAS NI BYA BZHIN DU, ,BDAG GI DRUNG DU SKAD CIG GIS, ,THE TSOM MED PAR 'ONG BAR 'GYUR, ,MI DBANG SLAS DANG BCAS PA 'AM, ,YANG NA SKYE BO PHAL PA 'AM, ,BA

, ,LANG RTA DANG SHING RTA DANG, ,'BRAS BU'I ME TOG GANG YANG RUNG, ,DE BZHIN 'DOD PA'I RDZAS DAG KYANG, ,MTHONG BA'AM YANG NA THOS PA'ANG RUNG, ,DE YI MING TSIG BSKUL BA DAG ,DE TSE DES NI 'GUGS PAR 'GYUR, ,YUL GZHAN DAG NA GNAS PA NI, ,DPAG TSAD BRGYA NA 'DUG PA YANG, ,DAM TSIG DAG GIS BSKUL NA NI, , ZHAGS PA 'DIS NI NGES PAR KHUGS, ,KHRO BO 'KHRUG PA RO LANGS SAM, ,KHRO BO RNAM RGYAL CHO GA 'DIR, ,ZHAGS PAS GRUB PA'I LAS RNAMS DANG, ,MA GRUB GRUB PA GANG YIN DE'I, ,LHA DANG LHA MIN GNYIS KA DAG ,DGUG PA'I CHO GAR GSUNGS PA STE, ,RO LANGS MA YI CHO GA 'DI, ,TSUL BZHIN RIM PA BZHIN DU BSHAD, ,'JAM DPAL GYI RTZA BA'I CHO GA ZHIB MO KHRO BO RNAM PAR RGYAL BA LAS, RO LANGS MA'I CHO GA ZHIB MO RNAM PAR PHYE BA STE DRUG PA'O,, ,,'DI NI RO LANGS CHO GA MCHOG ,RIG PA 'DZIN PA RNAMS LA NI, ,DNGOS GRUB CHEN PO MCHOG STER BA, ,TSUL BZHIN MDOR BSDUS BSHAD PA YIN, ,DE NAS KHRO BO'I CHO GA NI, ,ZHIB MO RMAD DU BYUNG BA'I MCHOG ,KHRO BO'I PADMO'I ZHAL NAS BYUNG, ,YANG DAG RGYAS PAR BSHAD PAR BYA, ,SNGAGS KYI GRANGS NI BCU BDUN PO, ,KHRO BO NYID KYIS GSUNGS PA GANG, ,THOS PA TZAM GYI MOD LA YANG, ,LHA DAG KUN

TU RMONGS 'GYUR BA, ,'JAM PA'I DBYANGS KYIS RAB BSKUL BA, ,KHRO BO DE NYID 'BAR BA YI, ,BZLAS PA'I GRANGS NI NGES PA DAG ,CHO GA ZHIB MO 'DIR BSHAD BYA, ,THOG MAR DRUG 'BUM BZLAS BAS NI, ,SNGON DU BSNYEN PA BYAS PAR 'GYUR, ,DE NAS BU DON CHO GA YIS, ,PHYIS KYANG DRUG 'BUM BZLAS PAR BYA, ,DE BZHIN RI RTZER 'BUM BZLAS NA, ,GRUB PAR 'GYUR TE GZHAN DU MIN, ,PHYIS NI MKHAS PAS CI 'DOD PAR, ,SGRUB BA LA NI 'JUG PAR BYA, ,DE NAS KHRO BO RNAM RGYAL GYI, ,SNGON DU BSNYEN LA SOGS PA'I RIM, ,SGRUB PA PO LA PHAN PA'I PHYIR; ;CHO GA 'DIR NI BSHAD PAR BYA, ,GCIG TU DPA' BA'I KHRO BO NYID, ,BDUD RNAMS THAMS CAD TSAR GCOD PA, ,DNGOS GRUB THAMS CAD RAB STZOL CING, ,'TSE BA THAMS CAD 'JIGS MDZAD PA, ,THOG MAR KHRO BO'I RGYAL PO YIS, ,KHRUS KYI CHO GA NYIN RE BYA, ,DE NAS KHRO BOS BSKUL BA YIS, ,SRUNG BA RANG GI LUS LA BYA, ,BHAm GYI SA BON LAS BYUNG BA'I, ,YID KYIS PADMA'I STAN LA 'DUG ,BDAG NYID DE YI STENG DU YANG, ,SA BON H'Um LAS GYUR PA'I SKU, ,SGOM PAR BYAS TE BSGOMS NAS NI, ,BDAG GI SPYI BOR YI GE AOm, ,MIG GNYIS SU NI YI GE AAN; ;BSRUNG BAR BYA STE DE NAS YANG, ,SNGAGS NI YI GE BCU BDUN PO, ,ZLOS SHING DE BZHIN GSHEGS DRAN NAS, ,RANG GI LUS LA SNGAR BKOD PA'I, ,SNYING PO SNYING GAR GZHAG PAR

, ,BYA; ;DE NAS KHRO BO'I MTSOG MA YI, ,BDAG GI MTSOG MAR REG PAR BYA, ,KHRO BO'I GTZO BO'I SPYI GTZUG KYANG, ,PHYIS NI GTZUG TU GZHAG PAR BYA, ,DE NAS LUS LA GO CHA YANG, ,LAG PAS CHO GA BZHIN DU BYA, ,DE NAS BDAG GI LAG GNYIS LA, ,BLO DANG LDAN PAS MTSON CHA DGOD, ,RANG GI DAM TSIG LDAN PA'I RGYA, ,MKHAS PAS CHO GA BZHIN BCINGS NAS, ,KHRO BO'I GTZO YI RO LANGS MA, ,BDAG GI SNYING GAR GZHAG PAR BYA, ,DE BZHIN BE CON PHYAG RGYA YANG, ,SHIN TU DRAG PO'I MTSON CHA'I GNAS, , LAG PA G-YAS PAS BCINGS NAS NI, ,KHRO BO'I MCHOD LA 'JUG BAR BYA, ,KHRO MCHOD BSHAD PA BZHIN BYAS PAS, ,'DOD PA THAMS CAD STZOL BAR MDZAD, ,YI DVAGS PHAL CHEN DKYIL 'KHOR DANG, ,GZHAN YANG RTAG PAR SKU GZUGS DANG, ,JI SRID BSTAN PA'I RI MO LA, ,YID KYIS MCHOD PA BYA BAR BSGRAGS, ,LHA YI ME TOG DRI ZHIM DANG, ,BIL BA'I LO MA BZANG PO DANG, ,SPOS CHU DAG GI SA LA 'AM, ,YANG NA SKU GZUGS DAG LA MCHOD, ,DGOS PA KUN GYIS DON SGRUB PA, ,SKU GZUGS MTSAN NYID BSHAD PAR BYA, , SNGAR BSNYEN CHO GA BZHIN BYAS NAS, ,DE NAS SKU GZUGS BYED DU GZHUG ,GSER RAM YANG NA DNGUL YANG RUNG, ,DE BZHIN KHAR BA'AM ZANGS LA BYA, ,RA GAN AINDRA N'I LA

DANG, ,MTHING BU SHEL DANG RIN CHEN TE, ,RGYAL SRID 'DOD PAS GSER LA BYA, ,LONGS SPYOD 'DOD PAS DNGUL LA BYA, ,NAD RNAMS 'JIG PHYIR KHAR BAS BYA, ,ZANGS NI 'DOD PA RAB TU STER, ,DGRA RNAMS BSHIG PHYIR RA GAN TE, ,RANG GI LONGS SPYOD 'PHEL BA'I PHYIR, ,AINDRA N'I LA DAG LAS BYA, ,MCHOG DANG 'DOD PA THAMS CAD DE, ,MCHING BU RNAM PA SNA TSOGS PAS, ,NOR STER BAR NI YONGS SU BSGRAGS, ,DRI MED SHEL LAS BYAS NAS NI, ,ZHI DANG RGYAS PA'I MCHOG RNAMS TE, ,RIN CHEN LAS BYAS RAL GRI DANG, ,SA 'OG LHA YI DNGOS GRUB STER, ,THAMS CAD GRUB PAR BYA BA'I PHYIR, ,DA NI TSAD RNAMS BSHAD PAR BYA, ,GSER LAS SOR BRGYAD TZAM BYAS TE, ,MCHOD NA RGYAL SRID DPAL YANG 'THOB, ,LONGS SPYOD RTAG PAR 'DOD PA YIS, ,DNGUL LAS SOR BCU'I TSAD DU BYA, ,KHAR BA DE BZHIN NAD SEL BA, ,SOR GRANGS BCU DRUG TSAD DU BYA, ,SOR NI NYI SHU TSAD DAG TU, ,ZANGS LAS BYAS TE MCHOD PAR BYA, ,RA GAN GYI YANG ZANGS BZHIN DU, ,SOR GRANGS NYI SHU GNYIS KYI TSAD, ,AINDRA N'I LAS BYAS BA YANG, ,SOR GRANGS BCU DRUG TSAD DU BYA, ,MCHING BU LAS NI SOR BRGYAD SHIS, ,SHEL LAS SOR GRANGS BCU GNYIS SO, ,RIN CHEN SOR NI BRGYAD PAR BYA, ,DE LTAR JI SKAD GSUNGS PA YI, ,SKU GZUGS 'DOD PA KUN STON PA'I, ,DNGOS GRUB 'DOD

, ,PAS LEGS PAR MCHOD, ,YAN LAG MA NYAMS GSAL LA BZANG, ,RTAG PAR BZO BO MKHAS PAS BYA, ,MTSAN NYID SNGA MA RNAMS DANG 'DRA, ,MTSON CHA BZANG POS RGYAS PAR BYAS, ,YI DVAGS LA BCINGS ZHAL YANG DRUG ,SPYAN GSUM 'JIGS PAR GZIGS PA'I TSUL, ,GZI CAN PHYAG BZANG BCU GNYIS PA, ,ZHABS NI GSAL BAR DRUG DANG LDAN, ,MI MGO YI DVAGS PHRENG BA RNAMS, ,SE RAL KHA YI THABS SU THOGS, ,G-YON BRKYANG BA YI TSUL DU BZHUGS, ,NA BZA' STAG LPAGS GSOL BAR DGYES, ,DE LTA BU YI SKU GZUGS DAG ,SNGA MA BZHIN DU YONGS RDZOGS PAR, ,JI SKAD GSUNGS PA'I KHRO BO 'DI, ,SNGAGS PAS BZO BO BYED DU GZHUG , YANG NA SHING GI SNYING PO LAS, ,KHRO BO GTZO BO'I SKU GZUGS DAG ,JI SKAD GSUNGS PA'I MTSAN NYID BZHIN, ,BYAS NAS RTAG TU MCHOD PAR BYA, ,DE NAS SHING LAS BYAS PA YIS; ;SKU GZUGS TSUL BZHIN BSHAD PAR BYA, ,GTZANG MA 'DOD PA KUN STER BA, ,DE YANG DE BZHIN SBYAR BAR BYA, ,RIG 'DZIN KUN GYI MCHOG 'DOD NA, ,TZANDAN SHING LAS BYAS PA YI, ,SKU GZUGS SOR GRANGS NYI SHU'I TSAD, ,SNGAGS PA DAG GIS BYED DU GZHUG ,TZANDAN DMAR PO'I SHING DAG LAS, ,SOR NI BCU DRUG TSAD DAG TU, ,

'DOD PA THAMS CAD KUN STER BA'I, ,SKU GZUGS LEGS PAR BYED DU GZHUG ,R'A DZA AARKA'I RTZA BA LAS, ,BYAS PA 'DOD PA'I DON RNAMS TE, ,SOR GRANGS BCU BZHI'I TSAD DU SHIS; ;BDE DANG PHUN SUM TSOGS KUN 'BYUNG, ,AA SHO KA YI SNYING PO LAS, ,BZO BO MKHAS PAS LEGS PAR BYAS, ,GSAR PA SOR LNGA'I TSAD DU GSUNGS, ,'DI NI DBANG DU BYED PAR BSHAD, ,DE BZHIN TA LA'I SHING DAG LAS, ,SOR DRUG PAR NI BYAS NA YANG, ,LHA DANG LHA MIN BDAG PO DANG, ,DE BZHIN KLU RNAMS 'GUGS PAR BYED, ,N'A GA GE SAR SHING DAG LAS, ,DE BZHIN SOR BDUN TSAD DU BYA, ,NAD RNAMS 'JIG PAR BYA BA DANG, ,DGRA RNAMS RMONGS PA'I PHYIR BSHAD PA'O, ,MI THOD DAG LAS BYAS PA NI, ,RTAG TU SOR GRANGS BCU GNYIS SHIS, ,RING POR MI THOGS MCHOG STER CING, ,'DOD PA'I DNGOS GRUB RAB TU STER, ,MI THOD LAS NI BYAS PA DAG ,SNGAR BSNYEN LA SOGS MA BYAS PAR, ,MCHOD PA 'BA' ZHIG BYAS PAS KYANG, ,DGOS PA'I DON RNAMS SGRUB PAR BYED, ,SKU GZUGS BZANG PO'I MTSAN NYID DAG ,RGYAS PAR BSHAD PA 'DI YIN NO, ,KHRO BOS JI SKAD GSUNGS PA BZHIN, , RI MO'I MTSAN NYID BSHAD PAR BYA, ,MI RO'I GOS BZANG BKRUS PA NI, ,MKHAS PAS KHRU TSAD GANG DAG LA, ,MI RO NYID KYI SKRA DAG GIS, ,PIR GYIS LEGS PAR BRI BAR BYA, ,TSON GYI

, ,KHA DOG KUN MED PAR, ,RI BONG KHRAG GIS BRI BAR BYA, ,YANG NA DE YI SKU GZUGS NI, ,SNGA MA BZHIN DU BTZAG GIS BRI, ,KHROS SHING 'BAR BAS 'JIGS 'JIGS LTAR, ,G-YON BRKYANG BSKUM PA'I TSUL DU GNAS, ,ZHAL DRUG DBU YANG GYEN DU BRDZES, ,SMIN MA SER SHING SPYAN YANG SER, ,SPYAN NI ZLUM PO GSUM DANG LDAN, ,BCU GNYIS PHYAG DANG LDAN PA'I SKU, ,DE BZHIN YI DVAGS STENG NA BZHUGS, ,ZHABS NI DRUG GIS MDZES PAR BYAS, ,G-YAS KYI PHYAG NA MCHOG SBYIN CING, ,RTZA GSUM RAL GRI DGRA STA DANG, ,BE CON DNGON LCAGS KYU BSNAMS, ,KHROS PA'I PHYAG G-YON BSDIGS PAR BYED, ,PHYAG NA SHAKTI THO MA RA, ,G-YON PA'I PHYAG NA DBYUG TO BSNAMS, ,PHYAG NA THOD PA ZHAGS PA BSNAMS, ,GSHIN RJE'I GSHED PO BRI BAR BYA, ,NA BZAR STAG GI PAGS PA GSOL, ,'JIGS PAS PHA ROL GNON PA'I ZHAL, ,DE YI MCHE BA GTZIGS PAR NI; ;MKHAS PAS RI MO BRI BAR BYA, ,DE NAS GLO GNYIS DAG TU YANG, ,PHYAG RGYA'I GZUGS DAG BRI BA NI, ,G-YAS SU SKYES PA KHRO BO'I GZUGS, ,KHA GDANGS PA NI 'JIGS 'JIGS LTA, ,GYEN DU SKRA BRDZES RAB TU SER, ,BE CON PHYAG RGYA MTSON CHAR THOGS, ,G-YAS BRKYANG BSKUM PA'I TSUL DU GNAS, ,BSDIGS SHING ZHAL NI KHRO GNYER CAN, ,

ZHAL DANG SPYAN YANG KHROS PA'I TSUL, ,G-YON DU RO LANGS MO BRI BA, ,'BAR BA'I KHA LAG GZI YANG CHE, ,MIG GSUM GDONG GI KHRO GNYER CAN, ,RAB TU 'JIGS PA'I KHA YANG GDANGS,, GYEN DU SKRA BRDZES GSUS PO CHE, ,GTUM PO DUG HRUL GOS GYON PA, ,DE BZHIN LAG NA TRI SHUL THOGS, ,GZI CHEN RAB TU BSDIGS PAR BYED, ,LUS NI ME LCE 'BAR BA LA, , GDONG DANG MIG NI KHROS PA'I TSUL, ,BDE GSHEGS SRAS KYI BKA' NOD PA, ,GSANG BA'I PHYAG RGYA RI MO 'DI, ,DBEN PA'I GNAS SU GZHAG PAR BYA, ,CHO GA SHES PAS BE CON RGYA, , SKU GZUGS 'DI LA BZLAS PAR BYA, ,YANG NA RO LANGS PHYAG RGYA NI, ,BZLAS NA PHYAG RGYA'I DNGOS GRUB 'THOB, ,DBEN ZHING 'DU 'DZI MED PAR NI, ,BZHAG NAS NYIN RE MCHOD PAR BYA, , YANG NA PHYAG RGYA'I DKYIL 'KHOR DU, ,RTAG TU RI MO 'DI BKRAM STE, ,MNYAM GZHAG DNGOS GRUB 'DOD PA YIS, ,MCHOD PA DANG NI BZLAS PA BYA, ,BDAG GI PHYAG RGYA SGRUB PA LA, ,RI MO TSUL BZHIN BSHAD PA'O, ,DE NAS GSHIN RJE'I GSHED PO YI, ,RI MO GZHAN YANG BSHAD PAR BYA, ,SNGAR BSNYEN BYAS PA'I 'OG TU NI, ,MI RO'I GOS BZANG BSKRUS PA NI, ,KHRU GANG TSAD DU BYAS PA LA, ,TSON RTZI SPYIN MED BZANG PO YIS, ,SPRIN NI NAG PO 'DRA BA YI, ,KHRO BO DBANG PO GCIG PU NI, ,SNGA MA BZHIN DU BRI BAR BYA, ,SNGAR BSNYEN BYAS PA'I 'OG TU NI, ,JI

, ,LTAR RIGS PAR BRIS NAS KYANG, ,RAB TU DBEN PAR BZHAG NAS SU, ,DE NAS MCHOD PA'I CHO GA BZHIN, ,NYIN RE RTAG TU MCHOD NAS NI, ,RAB TU DBEN PAR BZHAG NAS KYANG, ,DE YI 'OG TU BZLAS PA BRTZAM, ,DE NAS GZHAN YANG BZLAS PA YI, ,CHO GA JI SKAD GSUNGS PA BSHAD, ,RI MO BKRAM NAS MCHOD BYAS TE, ,DE BZHIN GSHEGS PA KUN MCHOD NAS, ,KU SHA'I STAN LA 'DUG NAS NI, ,MNYAM PAR BZHAG STE MI SMRA BAR, ,RI MO GCIG PO LA BLTAS SHING, ,MGO NI RMA BYA BZHIN BKUG STE, ,RU RAKshA YI PHRENG BA YIS, ,JI SRID YID NI MI SKYO'I BAR, ,RTZE GCIG SEMS KYIS BZLAS BYA STE, ,SKYO NA BZLAS PA GTANG BAR BYA, ,DE LTAR 'BUM PHRAG GSUM BZLAS NAS, ,BSNYEN PA BYAS PA'I 'OG TU NI, ,DE NAS RI KHAR GNAS BCAS TE, ,RLUNG ZA ZHING NI BZLAS BRJOD BYA, ,DNGOS GRUB MCHOG 'PHANG 'DOD PA YIS, ,DE NAS DE YI BRTUL ZHUGS SPYAD, ,CHO GA LAS GSUM MI 'DOD NA, ,SNGAR GSUNGS PA YI BZLAS PA YIS, ,'BRING DANG THA MA'I DNGOS GRUB DANG, ,BRTUL ZHUGS MED PAR LEGS PAR NI, ,BSGRUBS NA DNGOS GRUB THOB PAR 'GYUR,, BRTUL ZHUGS DES NI MCHOG KYANG 'GRUB, ,DE NAS GZHAN YANG 'DI RU NI, ,DPA' BO ZHES BYA BRTUL ZHUGS 'BYUNG, ,LAM MI ZUR DANG MI SMRA BA, ,SLONG MO ZA ZHING DBANG PO

BSDAMS, ,SENG LDENG DBYUG PA 'DOM GANG BA, ,SRA BA BZANG PO THOGS NAS SU, ,GSHIN RJE MTHAR BYED BZO BYED CING, ,BGROD DKA' BA YI LAM NAS 'GRO, ,KHRO BO DPA' BO BRTUL ZHUGS DAG ,DPA' BO GZUGS SU ZLA DRUG TU, ,SGRUB PA GANG GIS YANG DAG SPYOD, ,DE NAS DNGOS GRUB MCHOG KYANG 'THOB, ,DPAL LDAN BRTUL ZHUGS SPYAD NAS NI, ,DE NAS SGRUB PA LA ZHUGS NAS, ,GDON MI ZA BAR DAM PA NYID, ,DE LTAR DE NYID MYUR DU 'GRUB, ,MI BZAD BRTUL ZHUGS BZUNG BA'O, ,SGRUB PA LA NI BDUD KYI RIGS, ,LHA MO 'DOD PA'I GZUGS DAG DANG, ,DE BZHIN GZHAN GYI LUS SU NI, ,RNAM PA SNA TSOGS GZUGS DAG GIS, ,DBANG PO BSDAMS LA 'TSE BAR BYED, ,DE DANG LHAN CIG SMRA MI BYA, ,CUNG ZAD KYANG NI CHAGS MI BYA,, BYANG CHUB SEMS DANG MNYAM LDAN PA, ,KHRO BO LA GZHOL ZLOS BYED PA, ,GAL TE DE LTAR 'GRO BA NA, ,MI BZAD PA YI GZUGS DAG GAM, ,GZHAN YANG SHIN TU NGO MTSAR BA, ,BDE GSHEGS BSAM PAS MTHONG NA NI, ,DE DAG GIS NI 'JIGS MI BYA, ,GNON DANG SDANG BAR BYED NA NI, ,BDE GSHEGS KYI NI BKA' GCOG PA, ,KHRO BDAG NYID NI RNAM PAR 'JIG BDE GSHEGS BSAM PA BSGOMS PA YIS, ,RTUL PHOD PA YI DPA' BO YIS, ,BRTUL ZHUGS 'DI NI BSTEN BYA BA, ,DPA' BOS BYA YI GZHAN DU MIN, ,SGRUB PA MCHOG RNAMS

, ,'DOD PA YIS, ,LHA YI BRTUL ZHUGS GSUNGS PA 'DI, ,JI SKAD GSUNGS PA'I TSUL BZHIN DU, ,NAN TAN GYIS NI BSTEN PAR BYA, ,'JAM DPAL GYI RTZA BA'I CHO GA ZHIB MO KHRO BO RNAM PAR RGYAL BA LAS, KHRO BO'I BRTUL ZHUGS RIM PAR PHYE BA BDUN PA'O,, ,,JI SKAD GSUNGS PA'I GZUGS RNAMS LA, ,ME TOG JI SKAD BSHAD PA BZHIN, ,RTAG TU GANG ZHIG MCHOD BYED NA, ,DGE BA'I BRTUL ZHUGS 'DI DAG DANG, ,DE BZHIN MNGON DU BSNYEN PA YANG, ,DRAN PA TZAM NI 'BA' ZHIG GIS, , NGES PAR 'DOD DE DE DAG NYID, ,MCHOD PAS MYUR DU 'GRUB PAR 'GYUR, ,RGYAL SRID SBYIN PA'I GZUGS LA NI, ,TZANDAN GUR GUM AA GA RU, ,CI RIGS PAR NI BYUGS NAS KYANG, ,AUTPAL PUndA R'I KA MDZES, ,TZAM PA KA DANG MA LI KA, KE SA RA NI DRI ZHIM PAS, ,MCHOD NAS BDUG PA MAR BCAS PA'I, ,GU GUL MKHAS PAS DBUL BAR BYA, ,DE LTAR BYAS NA KHYIM PAS KYANG, ,DE LA BSAM ZHING BRGYAD BRJOD DE, ,CI 'BYOR PA YI MCHOD PA'I BSHOS, ,DE YIS SPYAN SNGAR DBUL BAR BYA, ,SNGAR BSNYEN LA SOGS MED KYANG BLA, ,DE LTAR SBYOR BAS ZLA DRUG GIS, ,RKUN PO DANG NI DGRA MED CING, ,THE TSOM MED PAR RGYAL SRID 'THOB, ,MA BSGRUBS NA YANG NYIN GCIG BZHIN, ,MCHOD PA BYAS PAS YUL

RNYED 'GYUR, ,LAS 'DI GDON MI ZA BAR NI, ,DE NI 'BUM NI RNYED PAR 'GYUR, ,LONGS SPYOD SBYIN PA'I GZUGS LA NI, ,TZANDAN GUR GUM AA GA RUS, ,BDAG GIS LEGS PAR BSKUS NAS NI, ,ME TOG PHRENG BAS RAB TU MCHOD, ,ME TOG DKAR PO'I PHRENG BA YIS, ,NYIN GCIG BZHIN DU MCHOD BYAS NAS, ,MAR DANG LDAN PA'I GU GUL LAM, ,KUN TU RU YI BDUG PA'ANG DBUL, ,ME TOG AA TI MUKTA KA ,RE RE CHO GA BZHIN BZLAS NAS, ,MJUG TU 'BUM NI DBUL BAR BYA, ,DES NA LONGS SPYOD CHEN PO RNAMS, ,DE YI MJUG TU 'BYUNG 'GYUR TE, , 'DI LA SPYAD PA DOGS PA MED, ,NAD SEL BA YI GZUGS LA NI, ,TZANDAN DMAR POS BSKUS NAS KYANG, ,SHA TA SHING GI BDAG PO DAG ,PHUL NAS ME TOG GTZANG MA YIS, ,MCHOD PA'I BSHOS NI DBUL BAR BYA, ,MJUG TU NAD SEL DANG BCAS PA, ,KHRO BO'I SNGAGS NI DE BZLAS NAS, ,BDAG GAM PHA ROL PO DAG GAM, ,SU YANG RUNG BA'I GCOD CAN YANG, ,DE NI ZA MA GCIG GIS 'JOMS, ,SNGAR BSNYEN LA SOGS MED KYANG BLA, ,'DOD RGUR SBYIN PA'I GZUGS LA NI, ,DE LTAR YANG NI MCHOD BYAS NA, ,ZHI BA RGYAS PA DBANG DANG DGUG ,DBYE DANG BSKRAD DANG GSAD PA DANG, ,ZLOS PAS MJUG TU KHYAD PAR DU, ,SKUL BA'I TSIG BCUG BSGRUB PAR BYA, ,GZHAN YANG GANG DAG 'DOD PA YIS, ,YID DANG MTHUN PA'I 'DOD PA'I DON, ,DE

, ,YANG DE LTAR YANG DAG SGRUB, ,SKU GZUGS RAB TU MCHOD BYAS NAS, ,GANG DU CI 'DRA DE LTA BUR, ,GUS PAS ZLA BA DRUG BZLAS TE, ,SKU GZUGS NYIN GCIG BZHIN DU NI, ,DE LTAR KUN TU RAB MCHOD NAS, ,RTAG TU DE YI BZLAS PAS NI, ,BLO DANG LDAN PAS KUN BYAS NA, ,GRUB PA NYID NI MA THOB KYANG, ,DNGOS GRUB PHRA MO THOB PAR 'GYUR, , YANG NA KHRO BO'AM PHYAG RGYA'ANG RUNG, ,DE TSE SGRUB PAR NUS NA NI, ,DE YI RI MO GSUNGS PA DANG, ,LHA YI BRTUL ZHUGS DES KYANG 'GRUB, ,DE NAS GZHAN YANG BRTUL ZHUGS KYI, , MCHOG GI DNGOS GRUB GANG YIN PA, ,CHO GA BZHIN DU MDOR BSDUS TE, ,RGYAS PAR BDAG GIS BSHAD PAR BYA, ,DE NAS KHRO BO GTZO BO YIS, ,RTZE GSUM SHIN TU GSAL BSGRUBS NA, ,AUR MO'I LCAGS LAS BYAS PA YI, ,RTZE GSUM SOR NI SUM CU PA, ,RNOL BZANG ZHING RAB LEGS PA, ,THOG MCHOG BZHIN BYAS NAS, ,RI YI RTZE MOR 'DUG NAS SU; ;RI MO BZANG PO DE BRIS NAS, ,YI DVAGS MANG PO ZHES PA YI, ,DKYIL 'KHOR THAL BAS TSUL BZHIN BRI, ,DE NAS MCHOD PA RGYA CHEN DANG, ,NYA DANG SHA RNAMS SNA TSOGS KYIS; ;PHYOGS KYI GTOR MA KUN TU BYA, ,TSES GRANGS NYI SHU GSUM GYI DGONG, ,RTZE GSUM DKYIL 'KHOR ME TOG LA, ,BZHAG NAS ME TOG DAG GIS MCHOD, ,TZANDAN

DMAR POS KUN BSKUS SHING, ,ME TOG DAG GIS THAMS CAD BRGYAN, ,CHO GA BZHIN DU LAG GIS GZUNG, ,RI MO LA NI MNGON PHYOGS BDUG ,KHRO BO MCHOG GI SNGAGS DAG GIS,, RTZE GSUM PA LA LA MKHAS PAS BZLAS, ,DE YIS NYES PA SBYANG BA'I PHYIR, ,BRGYA RTZA BRGYAD DU BZLAS NAS SU, ,KHRO BO MCHOG GI SNGAGS DAG GIS, ,DER NI ME YANG RAB SBAR NAS, ,CHO GA BZHIN DU RTZE GSUM LA, ,BDUG PA'I SBYIN SREG STONG BYAS NAS, ,LAG PAS BSGRENG STE BZUNG NAS SU, ,DPA' ZHING BSTAN PA'I TSUL DU GNAS, ,JI SRID ME LTAR 'BAR GYUR BA, ,DE SRID BLO DANG LDAN PAS BZLAS, ,RTZE GSUM 'BAR BA NYID KYIS NA, ,DE NAS GYEN DU 'BAR BAR 'GYUR, ,SNGAGS KYI MTHU YIS MIG GSUM LAS, ,'OD KYANG NYI MA BZHIN DU 'BYUNG, , RIG 'DZIN GZHAN RNAMS THAMS CAD KYANG, ,DE LA MCHOD CING DGA' BAR BYED, ,DBANG PHYUG KUN DANG RAB TU LDAN, ,'DOD PA'I GZUGS CAN YID BZHIN 'GYUR, ,DE STE RTZE GSUM DU BA 'BYUNG, ,DE NA LUS NI MI SNANG 'GYUR, ,'ON TE DE NI TSA GYUR NA, ,DPUNG DANG LHA MA YIN GYI GNAS, ,G-YUL NGO CHEN PO LA SOGS PAR, ,'JIGS SHING SKRAG PAR BYED, , DE LTAR DANG PO SGRUB PA'I MCHOG ,'DI NI RAB TU BSHAD PA YIN, ,DA NI RAL GRI BZANG PO YANG, ,'DIR NI SGRUB PAR RAB TU BSHAD, ,AUR MO'I LCAGS LAS BYAS PA YIS, ,RAL GRI

, ,SOR NI SUM CU GNYIS, ,LEGS PAR BYAS SHING PHAN BYED LA, ,GLANG PO'I SO LA DNGO BYED LA, ,RI YI RTZE MOR 'DUG NAS SU, ,MCHOD PA LA SOGS SNGON BZHIN BYA, ,BDUG PA'I SBYIN SREG BYAS NAS SU, ,RAL GRI LAG PAR BZUNG STE BZLAS, ,SNGAGS PA'I CHANG BAS BZUNG NAS NI, ,RAB TU SNANG BA 'BAR BA 'BYIN, ,'BAR BA DE NI MTHONG NAS SU, ,RIG 'DZIN MCHOG TU DE 'GYUR RO, ,DE STE DE LAS DU BA 'BYUNG, ,DE NAS DE NI MI SNANG 'GYUR, ,TSA BAR GYUR NA DE BZHIN DU, ,STOBS CHEN RKANG PA MGYOGS PAR 'GYUR, ,LO BRGYA RAB TU TSANG BAR 'TSO, ,'DI LA RNAM PAR DPYAD MI DGOS, ,GAL TE 'DI LA MA BRTEN NAS, ,GRUB PA THOB PAR MA GYUR NA, ,RAL GRI BRTZON 'GRUS MCHOG LDAN PAS, ,G-YUL NGOR PHYIN NAS THAMS CAD DU, ,MYUR ZHING MI NGAL NYON MI MONGS, ,PHAM PA MED PAR STONG YANG THUB, ,RAL GRI SGRUB PA BSHAD ZIN TE, ,DA NI BE CON SGRUB PA BSHAD, ,KO BI DA RA'I BE CON NAM, ,YANG NA SENG LDENG DAG LAS NI, ,GSHIN RJE'I BE CON LTA BU BZANG, ,SOR NI BZHI BCU GNYIS PA BYA, ,DE NAS BLO LDAN DUR KHROD DU; ;GTOR MA CHO GA RGYA CHEN BYA, ,BE CON MCHOG LA SNGON BZHIN DU, ,BDUG PA'I SBYIN SREG BYAS NAS SU, ,GOS DMAR BGOS SHING THAL BA DANG, ,ME TOG DMAR

BOS BRGYAN NAS SU, ,BSREG GZHI DER 'DUG BE CON LAS, ,JI SRID HA HA ZHES PA DANG, ,LAG NA BE CON 'GUL BA'I BAR, ,DE SRID CHO GA BZHIN DU BZLAS, ,DE NAS DANG PO KHRO BO'I BDAG ,DBANG PHYUG KUN DANG RAB LDAN PA, ,DE YI BCIBS PA MA HE LA, ,ZHON NA MKHA' LA 'GRO BAR 'GYUR, ,SKRA NI LCANG LO 'KHYIL BA STUG ,SNUM ZHING MTHING GA LTA BUR 'GYUR, , DUS MTHA'I SPRIN GYI KHA DOG 'DRA, ,DE YI LUS MCHOG STOBS KYANG CHE, ,GAL TE KHRO BO DE 'DOD NA, ,BE CON GYIS NI LHA RNAMS GSOD, ,BE CON SGRUB PA BSHAD PA YIN, ,DE BZHIN LEGS PAR MDOR BSDUS NA, ,DGRA STA BZANG PO SGRUB PA DAG ,DE BZHIN BDAG GIS BSHAD PAR BYA, ,SNGA MA BZHIN DU AUR MO LAS, ,DGRA STA BZANG PO BYAS PA YANG, ,YU BA SOR NI BCU DRUG PA, ,DGRA STA DE NI SOR DRUG PA, ,CHO GA SNGA MA BZHIN BSGRUBS NA, ,DNGOS GRUB DE DAG DE YIS 'THOB, ,DE NAS GZHAN YANG LCAGS KYU'I MCHOG ,SGRUB PA BDAG GIS BSHAD PAR BYA; ;AUR MO'I LCAGS LAS BYAS PA YIS, ,LCAGS KYU SOR NI BZHI PAR BYA, ,DE YI YU BA MNYAM PA LA, ,SOR NI BCO BRGYAD YOD PAR BYA, ,NYI SHU DGU YI TSES GRANGS LA, ,NUB MO MCHOD PA GTOR MA BYAS, ,RI YI RTZE LA 'DUG NAS SU, ,LCAGS KYU CHO GA BSGRUB PAR BYA, ,SER SKYA LAS BYUNG MAR DAG GIS, ,BDUG PA'I SBYIN SREG BYAS NAS SU, ,JI SRID SGRON MA BZHIN

, ,'BAR BA, ,DE SRID LAG PAS BZUNG STE BZLAS, ,DE NAS DE NI THOGS PA YIS, ,THE TSOM MED PAR NAM LANGS NA, ,'OD NI ME BZHIN KUN TU SNANG, ,GYEN DU 'BAR ZHING 'GRO BAR 'GYUR, ,'JIG RTEN PA YI LHA RNAMS NI, ,BRAN G-YOG BZHIN DU DBANG DU 'GYUR, ,DE BZHIN GSHEGS PA'I BKA' MCHOG BZHIN, ,BKA' YANG RAB TU NYAN PAR 'GYUR; ;'ON TE DE YI LCAGS KYU'I MCHOG ,DU BA 'BYUNG BAR GYUR NA NI, ,DE TSE DU BA BYUNG BA YIS, ,STOBS CHEN GRIB MA'ANG MI SNANG 'GYUR, ,SNGAGS PA BYA BA GSUM DU GSON, , GNOD SBYIN RIG 'DZIN RNAMS KYIS MCHOD, ,BDE BA KUN DANG RAB TU LDAN, ,'DOD PAS 'BYOR ZHING STOBS KYANG CHE, ,KHRO BO SNGAGS KYIS MTHU STONGS NAS, ,GAL TE DE NI TSAR GYUR NA,, NANG BAR BKRA SHIS BYAS NAS SU, ,LCAGS KYU BZANG PO DE THOGS NAS, ,BZLAS NA BRGYA BYIN LA SOGS PA'I, ,LHA RNAMS 'GUGS PA GDON MI ZA, ,GNOD SBYIN RIG 'DZIN RNAMS DAG DANG, ,DE BZHIN LTO 'PHYE MI 'AM CI, ,LHA MA YIN GYI BU MO DANG, ,DE BZHIN DRI ZA'I BU MO DANG, ,YI DVAGS RO LANGS RIGS RNAMS DANG, ,DE BZHIN GZHAN YANG MYOS DREGS RNAMS, ,BKUG NAS BDAG GIS LAS RNAMS NI, ,JI LTAR 'DOD PA BYED DU GZHUG ,GSER 'GYUR RTZI DANG BCUD KYIS LEN, ,GRUB PA YI NI RDZAS RNAMS DANG, ,GZHAN

YANG YID LA GANG 'DOD PA, ,DE DAG THAMS CAD DE LA NI, ,LHA DANG GNOD SBYIN TSOGS LA SOGS, ,JI SNYED PA DAG 'BUL BAR BYED, ,DE YI BKA' NI THAMS CAD KYANG, ,'JIGS PAS NGES PAR NYAN PAR 'GYUR, ,NGO MTSAR KUN GYIS BRGYAN PA YIS, ,RANG GI BZHON PAS YONGS BSKOR CING, ,GNAS DANG SKYED MOS TSAL MANG PO, ,NGO MTSAR KUN DANG RAB LDAN PA, , KHYIM DANG SLAS KYI GNAS RNAMS DANG, ,'JIG RTEN MA LUS STON PAR BYED, ,RDZU 'PHRUL YON TNA LONGS SPYOD KYIS, ,SGRUB PA PO NI DGA' BAR BYED, ,JI SRID LCAGS KYU 'CHANG BA'I MI, ,DE YI BKA' YIS NGES PA RU, ,GNOD SBYIN MO DAG RANG RANG GI ,'DOD PA'I LONGS SPYOD N YE BAR SBYOR, ,DE STE LAS KYI SKYON DAG GIS, ,TSA BA TZAM DU MA GYUR NA, ,LCAGS KYU DE NYID 'DIR BZUNG STE, ,NANG PAR DBEN PAR 'DUG NAS SU, ,BU MO GANG GI MING BCUG STE, ,JI SRID 'DOD PA BZLAS NAS NI, ,DPAG TSAD BRGYA BRGYAN GNAS PA, ,DE NAS MYUR DU 'ONG BAR 'GYUR, ,BU MO'AM YANG NA KHYE'U YANG RUNG, ,JI LTAR 'DUG PA MYUR DU 'GRUB, ,ME TOG 'BRAS BU DE BZHIN GRUB, ,SHING RTA DANG NI LJON SHING DAG ,MA GRUB NA YANG RTAG PA RU, ,DE NI NGES PAR KHUGS PAR 'GYUR, ,DE LTAR LCAGS KYU DAM PA 'DI, ,SGRUB PA RAB TU BSHAD PA YIN, ,THOD PA'I DNGOS GRUB GANG YIN PA, ,DE YANG 'DIR NI BSHAD PAR BYA, ,RTZE GSUM RAL GRI BE CON DANG, ,

, ,DE BZHIN DGRA STA LCAGS KYU YI, ,SGRUB PA GANG DAG BSHAD PA YI, ,LAG PA G-YAS PAS GZUNG BAR BYA, ,THOD PA LA SOGS GZHAN RNAMS NI, ,LAG PA G-YON PAS BZUNG BSGRUBS NA, ,DE NAS DE DAG BSHAD PA BZHIN, ,DNGOS GRUB NGES PAR THOB PAR 'GYUR, ,SHING LAS LEGS PAR BYAS PA YI, ,THOD PA SOR NI NYI SHU PA, ,MNYAM PAR RAB TU LEGS BYAS LA, ,NYES PA THAMS CAD RNAM SPANGS PA, ,RI YI RTZEMOR 'DUG NAS SU, ,MCHOD RTEN GTOR MA'I RIM PAR BYAS, ,BDUG PA'I SBYIN SREG BYAS NAS SU; ;SNGAGS KYANG SRUNG BA MTHU BSKYED DE, ,THDO PA LAG PA G-YON PAS GZUNG, ,LAG PA G-YAS PAS BSTEN NAS NI, ,DE YI KHA YANG DGAB PAR BYA, ,JI SRID DE LA 'BAR BA DANG, ,DU BA'AM TSA BA BYUNG GI BAR, ,DE SRID SNGAGS NI BZLAS PAR BYA, ,'BAR NAS NAM MKHA' 'GRO BAR 'GYUR, ,'JIG RTEN GSUM GYI BDAG POR BSHAD, ,DU BA BYUNG BAR GYUR NA YANG,, DE BZHIN NGES PAR MI SNANG 'GYUR, ,'ON TE TSA BAR DE GYUR NA, ,DE YI TSE NA GANG BSAM PA, ,THOD PA DE LAS 'BYUNG BAR 'GYUR, ,DE LA RNAM PAR DPYAD MI DGOS, ,'ON TE DE NI MA GRUB NA; ;DE NAS SA LA MI GZHAG PAR, ,DE YI THOD PA BLANGS NAS SU, ,SHING GI KHRI LA GZHAG PAR BYA, ,RAS KYIS G-YOGS TE BZHAG NAS SU, ,YID LA CI 'DOD BSAM PA

YIS; ;ZAN DANG BZA' DANG BYA NA RNAMS, ,GANG YANG RUNG BA DE DAG NYID, ,RAS G-YOGS LAG GIS BZUNG NAS SU, ,STONG RTZA BRGYAD DU BZLAS BYAS NA, ,GRUB PA LA NI NYIN RE ZHING, ,DE NAS GANG YANG RUNG BA'I ZAS, ,BYA NA BCANGS PAS NGES PAR RU, ,THOD PA DE NANG GANG BAR 'GYUR, ,SEMS CAN RNAMS NI GANG LA YANG, ,BDUD RTZI ZAS NI SBYIN PAR BYA, ,TSUL BZHIN PA YI 'OG TU NI, ,GTZANG SBRA BYAS TE TSUL BZHIN BZA', ,THOD PA SGRUB PA BSHAD PA 'DI, ,LAG PA G-YON PAS GZUNG BAR BYA, ,MDUNG THUNG RNON PO LEGS BYAS PA, ,BSHOL BA MED PA BSGRUB PAR BYA, ,AUR MO'I LCAGS LAS BYAS PA MCHOG ,BKRA SHIS SOR NI SUM CU GNYIS, ,DE NAS CHO GA SNGA MA BZHIN, ,CHU 'GRAM GTZANG MA DAG TU NI, ,SNGON BZHIN MTSAN MO BSGRUB PAR BYA; ;DNGOS GRUB 'BRAS BU GSUM DU BSHAD, ,DE LTAR JI LTAR BSHAD PA BZHIN, ,MDA' BO CHE YANG MKHAS PAS BSGRUB, ,AUR MO'I LCAGS LAS BYAS PA'I MCHOG ,RAB TU RNO BA SNGA MA BZHIN, ,BDUG PA'I SBYIN SREG BYAS NAS SU, ,TZANDAN DMAR POS GDAB PAR BYA, ,SGRUB PA POS NI CHO GA BZHIN, ,RI YI RTZE MOR 'DUG NAS NI, ,SNGA MA BZHIN DU MTSAN MO BSGRUB,, GRUB NA 'BRAS BU SNGA MA BZHIN, ,LAG PA G-YON PA'I MDZUB MO NI, ,LAG PA G-YAS PAS G-YOGS NAS SU, ,CHO GA SNGA MA BZHIN BYAS NAS, ,ZLA BA GZA' YIS ZIN PA'I TSE, ,STAN

, ,GCIG PA LA LEGS 'DUG NAS, ,BLO DANG LDAN PAS BZLAS BYAS NAS, ,DE NAS MDZUB MO DE LAS NI, ,GDON MI ZA BAR 'BAR BAR 'GYUR, ,YANG NA DU BA 'BYUNG BA'AM, ,DE NI TSA BAR 'GYUR YANG SRID, ,DE NI NGES PAR 'BAR GYUR NA, ,RIG 'DZIN GO 'PHANG THOB PAR 'GYUR, ,DU BA BYUNG BAR GYUR PA LAS, ,DE BZHIN MI SNANG 'GYUR BAR BSHAD; ;DE TSE RAB TU TSAR GYUR NA, ,RKANG PA MGYOGS PAR RAB TU 'THOB, ,DE STE LAG PA G-YON PA YI, ,MDZUB MO GRUB PAR MA GYUR TE, ,DNGOS GRUB NYAMS KYANG NGES PAR NI, ,LAS RNAMS SNA TSOGS BYED PAR 'GYUR, ,KHROS NAS DE YIS BSDIGS NA NI, ,MI DE JI LTAR 'DOD PA RU, ,DE MA THAG TU 'GYEL BAR 'GYUR, ,SNGAGS MKHAN DAG GIS BSAD NAS KYANG, , DE NAS SHI BAR GYUR PA DE, ,DE NAS LAG PA G-YAS PA YIS, ,JI SRID 'DOD PAR SLONG BAR BYED, ,RAB TU 'KHRUGS PA'I DPUNG CHEN YANG, ,DE NAS DE YIS BSDIGS PAR NUS, ,GLANG PO DANG NI RTA RNAMS DANG, ,LJON SHING DANG NI NAGS TSAL RNAMS, ,RING POR MI THOGS 'JIG PAR BYED, ,RI RNAMS KUN GYI RTZE MO DAG ,RAB TU BZANG ZHING MTHO BA YANG, ,DE NAS DE YI MDZUB MO DES; ;RING POR MI THOGS SNYIL BAR BYED, ,MDZUB MO DNGOS GRUB KUN SBYIN PA'I, ,GRUB PA'I MCHOG NI BSHAD PA YIN, ,DE NAS GZHAN YANG ZHAGS PA YI, ,SGRUB PA'ANG 'DIR NI

BSHAD PAR BYA, ,SHIS PA'I SKRA LA ZHAGS PA NI, ,SBOM ZHING YID DU 'ONG BA BYA, ,CHO GA SNGA MA BZHIN BSGRUBS NA, ,DE YIS DNGOS GRUB DE NYID 'THOB, ,SHING NI RAB TU BZANG PO LAS, , DBYUG TO SOR NI BCU DRUG BYA, ,LEGS PAR GZHOGS DANG LEGS BRIS PA, ,BZANG PO YID DU 'ONG BYAS NA, ,DE YI MGO BO DAG LA YANG, ,RAB TU BZANG PO'I GSER GYIS DKRI, ,DE YI RTZE LA NOR BU NI, ,PADMA R'A GAS SPRAS PAR BYA, ,DE NAS TSUL BZHIN RI RTZE LA, ,CHO GA SNGON DU BSHAD PA BZHIN, ,MNGON DU BDUG PA'I SBYIN SREG BYA, ,SGRUB PA PO YIS NUB MO BSGRUB, ,'BAR BA DE NI BLANGS NAS SU, ,NAM MKHAR 'PHAGS PA GDON MI ZA, ,SNGA MA BZHIN DU GRUB RNAMS KYI, ,GTZO BOR GYUR CING 'DOD GZUGS CAN, ,DU BA TSAL SOGS PAS KYANG, ,DE YI 'BRAS BU SNGON BZHIN 'THOB, ,MTSON CHA MCHOG RNAMS SGRUB PA NI, ,DE LTAR MDOR BSDUS BSHAD PA YIN, ,DE NAS CHO GA LAS BYUNG BA'I, ,DNGOS GRUB GZHAN YANG BSHAD BYA STE, ,JI LTAR KHRO BO MCHOG GIS NI, ,NYID KYIS MDOR BSDUS BSHAD PA'O, ,YI DVAGS MANG PO ZHES BYA BA'I, ,DKYIL 'KHOR THOG MAR BRIS NAS SU, ,RMA MED PA YI RO BLANGS NAS, ,MKHAS PAR KHRUS BYAS LEGS PAR BRGYAN, ,ME TOG SPOS KYIS MCHOD NAS SU, ,SHA DANG BCAS PA'I GTOR MA SBYIN, ,LAS NI DUR KHROD DAG TU BYA, ,'DI NI GZHAN DU YONG MI BYA, ,ME TOG BKRAM PA'I GNAS MAL DU,,

, ,NUB PHYOGS SGO PHYOGS MGO BSTAN GZHAG ,THOD PA BZANG PO ZAS MCHOG GIS, ,RAB TU BKANG BA BLANGS NAS SU, ,ZAS MCHOG DAG GI NANG DU YANG, ,TSIL CHEN DAG GIS BLUG PAR BYA, ,MKHAS PA DE DAG DE YI TSE, ,KHRO BO SNGAGS KYIS BTAB PA YI, ,SBYIN BLUGS BRGYA NI TSANG TSANG DU, ,GZAR BUS MI YI KHAR BLUGS NA, ,DE YI LCE YANG 'BYUNG BAR 'GYUR, ,DE NAS MTSON GYIS GCAD PAR BYA, ,LCE NI RTZA BAR BCAD PA LAS, ,KHRO BO MTHU YIS MYUR BAR RU, ,DE NAS DE NYID RAL GRI'I GZUGS, ,BZANG PO SUM CU RTZA GNYIS 'GYUR; ;DE NAS RAL GRI BLANGS NAS SU, ,GROGS RNAMS LA NI RE RE SBYIN, ,SGRUB PA PO YIS BLANGS NAS NI, ,DE MA THAG TU 'GRUB PAR 'GYUR, ,RIG 'DZIN DE DAG THAMS CAD KYIS, , KUN TU BKUR BA'I RGYAL POR 'GYUR, ,GROGS PO DE RNAMS DANG BCAS PAR, ,BSKAL PA BDUN DU GNAS PAR 'GYUR, ,YANG NA MKHAS PAS DUR KHROD DU, ,YI DVAGS MANG PO ZHES BYA BA'I; ;DKYIL 'KHOR DE NI BRIS NAS SU, ,MCHOD PA JI SKAD GSUNGS PA BYA, ,SKYES PA BUD MED SHI BA YI, ,RMA MED PA YI RO BLANGS NAS, ,LEGS PAR KHRUS BYAS RGYAN GYIS BRGYAN, , DKYIL 'KHOR DE YI SGOR BZHAG STE, ,DE YI SNYING GAR DE 'DUG NAS, ,STONG RTZA BRGYAD DU BZLAS PA BYA, ,KHRO BO MCHOG TU GYUR PA'I SNGAGS, ,YI GE BCU BDUN STONG RTZA BRGYAD, ,DE BZLAS

NAS NI DNGOS GRUB THOB, ,MI RO DE NI LDANG BAR 'GYUR, ,MCHOD YON LEGS PAR DBUL BAR BYA, ,DE YI MGO LA LAG G-YON GYIS, ,DE MA THAG TU REG BYAS NA, ,LDONG ROS ME YI MDOG 'DRA BA; ;DE BAS BDAG NYID CAN DE YI, ,KHA NAS MYUR DU 'BYUNG BAR 'GYUR, ,SGRUB PA PO YIS DE BLANGS TE, ,YAN LAG THAMS CAD BSKUS NAS NI, ,BTZO MA'I GSER GYI MDOG TU 'GYUR, ,GROGS RNAMS LA YANG DE BZHIN SBYIN, ,DE MA THAG TU DE DAG KUN, ,BTZO MA GSER GYI MDOG TU 'GYUR, ,JI LTAR 'DOD PA'I GZUGS CAN 'GYUR, ,RIG 'DZIN RNAMS NI THAMS CAD KYI, ,THOG MAR 'GRO BA DE DAG 'GYUR, ,RDZAS RNAMS THAMS CAD GRUB PAR NI, ,GRUB NA DE LA DE NAS YANG, ,DKON MCHOG GSUM LA CHA GCIG DBUL, ,DE NAS MKHAS PAS BDAG NYID BKUR, ,GROGS PO RNAMS NI THAMS CAD LA'ANG, ,BYIN NAS 'DI NAS NAM MKHAR 'PHUR, ,RDZAS GCIG GRUB PAR GYUR PA LA, ,CHO GA GZHAN YANG SPYAD BYA STE, ,RDZAS GCIG GRUB PAR GYUR NA NI, ,THOG MAR PHYAG KYANG BYAS NAS SU, ,DKON MCHOG GSUM LA CHO GA BZHIN, ,BDAG NYID RAB TU DBUL BAR BYA, ,DE YI 'OG TU RDZAS DE BLANGS, ,GROGS PO RNAMS LA RIM BZHIN DU, ,RDZAS DE BYIN NAS 'PHUR BAR 'GYUR, ,PHYI NAS CHO GA 'DI RNAMS SPYAD, ,DE LTAR MA BYAS GRUB NA YANG, ,DE YI RDZAS NI 'PHROG PAR 'GYUR, ,DE BAS DNGOS GRUB MCHOG RNAMS LA, ,KUN TU JI SRID

, ,BSHAD BZHIN BYA, ,DE NAS GZHAN YANG AANYDZA NA, ,BZA' BA SGRUB PA JI BZHIN PA, ,DGOS PA THAMS CAD 'GRUB PA'I PHYIR, ,DAM PA 'DI NI BSHAD PAR BYA, , ZHAG GSUM SMYUNG BAR 'DUG NAS SU, ,DUR KHROD DAG TU DKYIL 'KHOR BRI, ,DE NAS CHO GA SNGA MA BZHIN, ,DER NI GTOR MA'I LAS BYA'O, ,DE NAS MI RO BSREGS PA YI, ,THAL BAS BDAG NYID BSRUNG BAR BYA, ,DE YIS BDAG NYID BYUGS NAS SU, ,GROGS PO'I MCHOG LDAN DGA' BA DES, ,DE YIS BDAG NYID BYUGS NAS SU, ,AANYDZA NA YI SNYING PO DE, ,GSAL SHING GIS BSAD MGO LA GZHAG ,SHI BA'I GOS KYIS G-YOGS NAS SU, ,LAG PAS BZUNG STE BZLAS BYAS TE, ,DNGOS GRUB RNAM GSUM 'BYUNG BA'I BAR, ,BLO CAN GYIS NI DE SRID BZLAS; ;TSA BA'AM YANG NA DU BA 'BYUNG, ,YANG NA ME BZHIN 'BAR BAR 'GYUR, ,DE YIS MIG DAG BSKUS NA NI, ,'BAR BAS NAM MKHA' 'GRO BAR 'GYUR, ,DU BAS LUS NI MI SNANG BAR, ,GDON MI ZA BAR 'GYUR BAR BSHAD, ,TSA BAR GYUR NA BLTAS PA YIS, ,'GRO BA DAG NI GSOD PAR 'GYUR, ,SLAR YANG LEGS PAR GSO BA NI, ,RING POR MI THOGS GDON MI ZA, ,'DI LA SGRUB PAR MA GYUR NA'ANG, ,MIG DAG LEGS PAR BSKUS NA NI, ,BLTAS PAS 'GRO BA DBANG DU 'GYUR, ,PUS MOS BTZUGS SHING MGO BOS 'DUD, ,AANYDZA

NA YI CHO GA BZHIN, ,MKHAS PAS GI'U WANG BSGRUB PAR BYA, ,DNGOS GRUB DAG KYANG DE BZHIN BSTAN, ,MA GRUB 'GRO BA DBANG DU 'GYUR, ,LI KHRI DANG NI BA LA DANG, ,LDONG ROS DAG, KYANG DE BZHIN TE, ,AANYDZA NA YI DPYAD BZHIN DU, ,MKHAS PA DAG GIS BSGRUB PAR BYA, ,SHI BA'I GOS KYANG CHO GA BZHIN, ,SGRUB PA GZHAN DAG DE BZHIN DU, ,KHRO BO NYID KYIS GSUNGS PA'I SNGAGS, ,MDOR BSDUS RAB TU BSHAD PAR BYA, ,DUR KHROD DAG TU DKYIL 'KHOR BRI, ,MCHOD PA DANG NI GTOR MA BYA, ,SHI BA'I GOS DE BGOS NAS NI, ,CHO GA SHES PAS MTSAN MO BZLAS; ;DE NAS GOS DE DANG BCAS PAR, ,MTSAN MO RAB TU 'BAR 'GYUR NA, ,'BAR ZHING 'BAR BAS YONGS BSKOR NAS, ,NAM MKHA' DAG LA LEGS PAR 'PHAR, ,GAD MO RAB TU DGOD PA'I SGRA, ,'JIG RTEN SKRAG PAR BYED PAR 'BYIN, ,RTAG TU 'DOD PA'I GZUGS DANG LDAN, ,KHRO BO BZHIN DU DE SPYOD 'GYUR, ,DE BZHIN DU BA BYUNG NA YANG, ,GDON MI ZA BAR MI SNANG BA'I; ;MCHOG TU 'GYUR BAR RAB TU BSHAD, ,SGRUB PA DE YI GOS DE NI, ,DE BZHIN TSA BAR GYUR NA YANG, ,RKANG PA MGYOGS SHING STOBS CHER 'GYUR, ,SA STENG RNAMS SU KHYAB PAR 'GRO,, NAD MED LO BRGYA 'TSO BAR 'GYUR, ,DE STE SGRUB PAR MA GYUR NA'ANG, ,'GRO BA MA LUS DBANG DU 'GYUR, ,GANG RNAMS MTHONG ZHING DE BZHIN TE, ,MTHONG BA DE DAG BRAN BZHIN 'GYUR, ,GAL TE

, ,'DI DAG GNOD SBYIN MO, ,MI YIS SGRUB PAR 'DOD NA NI, ,BA TI SHING DRUNG NYAMS DGA' BA, ,DE TSE DKYIL 'KHOR BRIS NAS SU, ,SKRA BA SHIG GOS KYANG MED BYAS LA; ;ZAS MCHOG LEGS PAR BTZOS PA YIS, ,LHUNG BZED BZANG PO YONGS BKANG NAS, ,MAR GYI NGO YI MTSAN MO BSGRUB, ,DE NAS CHANG BU BDUN PHYUNG STE, ,SNGAGS KYIS LAN BDUN BTAB NAS SU, ,LHA YI BZANG PO 'DI BZHES ZHES, ,BYAS NAS DE YI RGYAB TU DOR, ,DE NAS GZHAN YANG CHANG BU BDUN, ,SNGAGS KYIS BTAB STE BZA' BAR BYA, ,LHA YI BZANG PO ZHES BYA BA, ,GRUB PA GNOD SBYIN KUN GYI RJE, ,'KHOR RNAMS MANG POS KUN BSKOR NAS, ,DE NAS DE YI 'OD 'BAR 'GYUR, ,DE NAS KHA BKRUS DE LA NI, ,SPOS DANG ME TOG MCHOG LDAN PA'I, ,MCHOD YON CHU NI DBUL BAR BYA, ,LEGS 'ONGS ME TOG DAG KYANG DBUL, ,DE NAS STAN BZANG NYAMS DGA' BAR, ,ME TOG LDAN PA PHUL NA NI, ,DA NI KHYOD KYIS BDAG GRUB STE, ,BKA' BZHIN BYED CING DE BZHIN DU, ,GZHAN DU MI 'GYUR BKA' NYAN GYI, ,BKA' STZOL CIG CES DE LA SMRA, ,MA 'AM YANG NA SRING MO 'AM, ,MDZA' MO'AM YANG NA CHUNG MAR 'GYUR, ,MAR BRJOD PAS NI NGES PAR YANG, ,DE YIS LDONG ROS LA SOGS PA, ,GRUB PA'I RDZAS NI MANG PO DAG ,GDON MI ZA BAR DE LA STER, ,SRING MOS ME TOG

'BRAS BU DANG, ,BDUD RTZI MCHOG DANG GSER 'GYUR RTZI, ,RTAG TU SGRUB PA PO DE LA, ,GDON MI ZA BAR STER BAR 'GYUR, ,MDZA' MOR GYUR CIG CES SMRAS NAS, ,MTSAN MO LDING KHANG MCHOG RNAMS DANG, ,YID DU 'ONG BA GZHAN RNAMS KYANG, ,BDAG NYID DGA' BAR STON PAR BYED, ,MYUR DU CHUNG MA SDUG PA DANG, ,DPAG TSAD BRGYA NAS KHRI DE 'ONG, ,GZHAN YANG SGRUB PA PO DE LA; ;DES SHING 'DOD DANG DGA' BA STER, ,DE STE DE LA CHUNG MAR SMRAS, ,'DOD PA'I GZUGS CAN RNAM PAR MDZES, ,DBANG PHYUG LONGS SPYOD THAMS CAD KYIS, ,GRUB PA DE NI DGA' BAR BYED, ,DES SHING 'DOD PA DGA' BA STER, ,'DZUM ZHING SRI ZHU 'JO MA DANG, ,DBANG PHYUG LONGS SPYOD THAMS CAD NI, ,SGRUB PA JI SRID 'DOD PA SPYOD, ,GAL TE MNGAL NAS SKYES PA YIS; ;SHA ZA MO DAG SGRUB 'DOD NA, ,SGRUB PA PO LA DE YI LAS, ,DE DAG 'DI NI BSHAD PAR BYA, ,SHE LA KA TA'I SHING DRUNG NI, ,GTZANG MAR DKYIL 'KHOR BRI BAR BYA, ,MCHOD PA CHEN PO BYAS NAS SU, ,GTOR MA'I LAS KYANG SNGON BZHIN BYA, ,DER NI DUR KHROD SHING DAG GIS, ,SNGAGS PAS MI NI RAB SNGAR NAS, ,GOS MED SKRA YANG HAG BYAS TE, ,DE NAS MI YANG 'BAR BA LA; ;DER NI GZEGS MA'I SBYIN SREG RNAMS, ,SNGAGS KYIS STONG RTZA BRGYAD BSREGS NA, ,DE TSE GDON ME ZA BAR YANG, ,SHA ZA MO NI 'BAR BA'I GDONG, ,'ONG BAR 'GYUR TE DE YI TSE, ,

, ,SEMS NI DPA' BAR BYAS NAS SU, ,MI 'JIGS MDUN DU MCHOD YON DBUL, ,DE YI 'OG TU DE LA NI, ,BDAG NYID GZUGS NI BZANG POR STON, ,DE YI MING NI KANG RANG GI ,RANG MING SNGAGS KYIS SBYIN SREG BYA, ,GANG BSAM PA YI NOR DE RNAMS, ,'ONGS NAS RING POR MI THOGS PAR, ,GDON MI ZA BAR RAB TU DBUL, ,KANG RANG GI NI ZHES BYA BA; ;SHA ZA MO NI KUN GYI MCHOG ,SGRUB PA PO NI SEMS DPA' ZHING, ,GZI YANG RAB TU CHE BA LA, ,GDON RNAMS THAMS CAD RAB TU SGRUB, ,DE LTAR MIN NA MYUR BAR NI, ,SGRUB PO YANG NI GSOD PAR BYED, ,DE STE KLU YI BU MO DAG ,DE LA RIG 'DZIN DPAL LDAN PAS, ,SGRUB PA DAG TU 'DOD PA LA, ,DE YI CHO GAR 'DI BSHAD DO, ,PADMA DKAR PO'I MTSO 'GRAM DU, ,SONG NAS CHO GA SNGA MA BZHIN, ,YI DVAGS MANG PO ZHES BYA BA'I, ,DKYIL 'KHOR DER NI BRI BAR BYA, ,DE NAS DER NI MKHAS PA YIS, ,GTOR MA'I CHO GA SNGA MA BZHIN, ,AU DUM BA RA'I YAm SHING GIS, ,THOG MAR ME NI RAB SBAR NAS, ,N'A GA GE SAR PHYE MA DAG ,MKHAS PAS STONG RTZA BRGYAD DU BSREG ,SBYIN SREG BYED TSE MYUR BAR NI, ,DE NAS KLU YI BU MO DAG ,'JIGS SHING SKRAG NAS 'ONG BAR 'GYUR, ,GAL TE MTSAN MO DE BSREGS NA, ,SGRUB PA PO NI GANG 'DOD PA, ,GDON MI ZA BAR RAB TU STER, ,DE STE SNGAGS PA LHA MIN GYI, ,PHUG SGOR SONG

NAS CI DGA' BAR, ,LHA MA YIN MO THAMS CAD NI, ,LAS 'DI DAG NI THAMS CAD BSGRUB, ,DKYIL 'KHOR SNGA MA BZHIN BRIS NAS, ,GTOR MA'I CHO GA RGYA CHER BYA, ,BRING KU YI SHING DAG GIS, ,ZHUGS THAB TU NI ME SBAR NAS, ,CHO GA BZHIN DU SNGAGS ZLOS SHING, ,YUNGS KAR DKAR PO GUR GUM LA, ,SMYUGS NAS STONG RTZA BRGYAD BZLAS LA, ,DE NAS NGES PAR BSREG PAR BYA, ,DE NAS SBYIN SREG BYED PA'I TSE, ,LHA MIN NA CHUNG 'BYUNG BAR BYED, ,SGRUB PA PO NI GANG 'DOD PA, ,GDON MI ZA BAR RAB TU STER, ,LHA MA YIN GYI GNAS DAG TU, ,BDE BA'I LAM NAS 'JUG PAR BYED, ,DBANG PHYUG KUN DANG LDAN PAR NI, ,DE NA DE NI 'GRUB PAR BYED, ,GAL TE 'DIR NI SNGAGS PA DAG ,SHA CHEN DAG NI 'CHONG 'DOD NA, ,DANG POR DUR KHROD 'DUG NAS SU, ,DPA' BA'I SEMS KYIS SHA CHEN BLANG, ,BLANGS NAS SRUNG BA BYAS NAS SU, ,LAG PA G-YON PAS CHU GRI THOGS, ,G-YAS PAS SHA CHEN SKYO MED GZUNG, , MTSAN MO DUR KHROD DU ZHUGS NAS, ,SEMS PA DPA' BAS GSHIN RJE'I GSHED, ,KHRO BO YID LA ZLOS BYED CING, ,SHA 'TSONG PA YI SGRA SGROG GO ,BDAG NYID CHEN PO DE YI TSIG , SRIN PO DAM TSIG MED PA DANG, ,SEMS CAN PHRA MO KHA CIG GIS, ,THOS NA RAB TU 'JIGS PAR 'GYUR, ,GANG GZHAN LHAG PA'I SEMS YOD CING, ,DRAG PO'I DUR KHROD GNAS

, ,SKYONG BA; ;SNA TSOGS GZUGS CAN STOBS PO CHE, ,DE DAG LUS NI STON PAR BYED, ,GRUB PA 'JIGS PAR MI BYA BAR, ,DE NAS SEMS NI DRAG PO DES, , LEGS PAR 'ONGS ZHES SMRA BAR BYA, ,DE NAS GNAS SKYONG BSGRUB PA'I PHYIR, ,DE NAS AANYDZA NA DAG DANG, ,RDZAS NI GANG RNAMS 'DOD PA DE, ,SHA YIS RAB TU SBYIN BYOS ZHES, , SGRUB PA POS KYANG SMRA BAR BYA, ,SGRUB PA POS KYANG GZHAN MI SMRA, ,SEMS NI DPA' BAR SHES NAS SU, ,SBYIN PAR BYED KYI GZHAN LA MIN, ,DE NAS GZHAN YANG 'DI YI LAS, ,DPUNG RNAMS MNAN PAR BYA BA GANG, ,KHRO BO MCHOG GIS GSUNGS PA NI, ,DE DAG 'DIR NI BSHAD PAR BYA, ,MI RO'I GOS LAS BYAS PA YIS, ,BA DAN SHIN TU BZANG PO BYA, ,DE NI MTHON KA LAS BYA 'O, ,SOR BCU DRUG GI TSAD DU BYA, ,SMYUG MA'I YU BA SDUG GU DAG ,KHRU GANG TSAD DU BYAS PA LA, ,BTAGS TE DE NAS BSGRENGS NAS SU, ,DUR KHROD DU NI MTSAN MO BSGRUB, ,DKYIL 'KHOR RGYA CHEN BRIS NAS KYANG, ,DER NI TZOG BUR GNAS NAS SU, ,BA DAN LAG NA THOGS NAS NI, ,MTSAN MO THOG THAG BZLAS PAR BYA, ,DE NAS NAM NI NANGS PA NA, ,DE YI LAG NA THOGS PA YIS, ,DE TSE'I DGRA YI DPUNG 'KHRUGS PA, ,THE TSOM MED PAR GNAS PAR 'GYUR, ,LAG NA THOGS PA GZHAN DAG KYANG, ,SGRUB PA POS

NI MTHONG BA YIS, ,DE DAG THAMS CAD MTHONG MA THAG ,MNAN TE RI BZHIN MI G-YOR 'GYUR, ,GLANG PO RGYAL PO MYOS PA DANG, ,SHING RTA RTA DANG GLANG POR BCAS, ,RKANG THANG 'KHRUGS PA MANG BCAS PA'I, ,DGRA YI DPUNG RNAMS NGES PAR NI, ,MTHONG BA TZAM NI NYID KYIS SU, ,MNAN PA BZHIN DU SNANG BAR 'GYUR, ,DE NAS GZHAN YANG DUR KHROD KYI, ,SBYOR BA BKRA SHIS DGE BA DANG, ,KHRO BO MCHOG GIS GSUNGS PA DE, ,DE NI NGES PAR BSHAD PAR BYA, ,DES NI MI RO BSREGS PA YI, ,MTSAN MO ME 'BAR BLTAS NAS SU, ,SKRA BSHIG GOS KYANG MED BYAS LA; ;BZLAS PA DAG KYANG BSKOR ZHING BYA, ,DE NAS DER NI SNGAGS PA YIS, ,LAN GCIG THAL BA SBAR BA GANG, ,LAG PA G-YON PAS BLANGS NAS SU, ,MKHAS PAS KHYIM DU 'GRO BAR 'GYUR; ;YANG NA LHA KHANG STONG PAR 'GRO, ,PHYIR YANG STONG PAR YONG MI BYA, ,DE NAS DER YANG THAL BA DE, ,NAM NANGS BAR DU BZLAS BAR BYA, ,NAM NI NANGS PAR GYUR PA NA, ,THAL BA DA NI BSRUNGS NAS SU, ,GSAR PA'I SNOD DU GZHAG BYA ZHING, ,SA LA GZHAG PAR YONG MI BYA, ,DGRA YI DPUNG DAG MNAN PA'I PHYIR, ,THAL BA DE NI GTOR BYAS NA, ,SHING RTA DANG NI GLANG PO DANG, , MTSON CHA THAMS CAD 'KHRUG PA DANG, ,SKYE BO MANG POR LDAN PA'I G-YUL, ,THAL BA DE YIS THAMS CAD DU, ,LANG CIG GTOR BA TZAM GYIS KYANG, ,LUS RNAMS MI 'GUL GDON MI ZA, ,

, ,'DI NI MTSON RNAMS GNON PA DANG, ,DPUNG YANG GNON BYED DGE BA'O, ,DE BZHIN GNYID KYIS LOG BYA DANG, ,MYOS PAR BYED PAR SBYOR BA YANG, ,RLUNG PHYOGS DAG TU SONG BA'AM, ,YANG NA BSNYEN TE BYAS NA'ANG RUNG, ,BGROD DKA'I DGRA NI MTSON 'KHRUGS LA, ,BYAS NAS 'GRO BA MI 'GUL 'GYUR, ,DUR KHROD DAG GI SBYOR BA YIS, ,DPUNG MNAN DE LTAR BSHAD ZIN TO, ,'GRO BA DBANG BYED SBYOR BA NI, ,RNAM PA GZHAN DAG BSHAD PAR BYA, ,DUR KHROD DAG TU DKYIL 'KHOR BRI, ,MCHOD PA SNGA MA BZHIN DU BYA, ,GTOR MA RGYA CHEN BYAS NAS NI, ,MI YI TSIL GYI SNUM DAG LAS, ,MAR ME 'BAR BA BYAS NAS SU, ,DE NAS THOD PA BZANG PO LA, ,MKHAS PA DAG GI SNAG TSA SBYAR, ,DU BA'I SNAG TSA SBYAR NAS KYANG, ,NAM NANGS BAR DU BSLAB PAR BYA, ,DE NAS NANG BAR NAM NANGS TE, ,DU BA'I SNAG TSAS MIG BSKUS NA, ,GANG MTHONG DE YI DBANG DU 'GYUR, ,DE LTAR 'GRO BA DBANG BYED PA'I, , SBYOR BA DE NI BSGRAGS PA YIN, ,BTZAG GI SBYOR BA'I DNGOS GRUB KYANG, ,DGE BA DAG NI DA BSHAD DO, ,YUG SNAM BTZAG NI DGE BA DAG ,MI RO'I KHAR NI BCUG NAS SU, ,DE NAS DE PHYED TSIG NAS NI, ,GROGS MED PAR NI MTSAN MO BLANG, ,BLANGS NAS LHA YI KHANG STONG DU, ,MKHAS BA DAG GIS BZLAS PA BYA, ,BGEGS KYANG RNAM PA SNA TSOGS 'BYUNG, ,JI

SRID NAM NANGS BAR DU NI, ,DE NA 'DUG CING DE LA BZLAS, ,DE NA NAM NANGS GYUR PA DANG, ,RAS NI DMAR POS DKRIS NAS NI, ,MCHOD CING BSRUNGS NAS GZHAG PAR BYA, ,DE NAS GANG YANG RUNG BA'I MING, ,BTZAG GI YUG SNAM DE YIS SU, ,CI 'DOD PAR NI 'BRI BAR BYA, ,SGRUB PA PO YI MING NAS KYANG, ,BSKUL NAS DOGS PA MED PAR YANG, ,BSGRUB PAR BYA BA MYUR DU 'ONG, ,BTZAG BSGRUBS KHA RU GSUNGS PA DAG ,MDOR BSDUS BSHAD PA DE YIN NO, ,DA NI JI LTAR RIGS PA RU, ,SOR GDUB SGRUB PA SBYOR BA BCAS, ,CHO GA BZHIN DU GSUNGS PA DAG ,MDOR NI RAB TU BSHAD PAR BYA, ,MI YI RO KHYER 'GRO BA NA, ,DER SONG NAS NI DE YI KHAR, ,GSER GYI SOR GDUB GZHAG PAR BYA, ,MKHAS PAS KHRO BO GCIG PU'I SNGAGS, , ZLOS PA BYED DE 'DUG PA NA, ,MA YIS TSIG PAR GYUR PA NI, ,RO YI KHA NA 'DUG PA YI, ,SOR GDUB LAG PA G-YON PAS BLANG, ,NAM LANGS BAR DU BZLAS PAR BYA, ,DE NAS SOR GDUB BZANG PO DE, ,LAG PA G-YON PA'I MDZUB MO LA, ,MKHAS PA DAG GIS GZHAG PAR BYA, ,DE YI LAG PA G-YON PA YIS, ,GANG DANG GANG DAG REG 'GYUR BA, ,DE KUN DE YI LAS BYED 'GYUR, ,PHYI BZHIN DU YANG 'BRANG BAR 'GYUR, ,'DI LA DPYOD PAR YONG MI BYA, ,DE NAS GZHAN YANG YUNGS KAR DAG ,SHIN TU NGO MTSAR DANG LDAN PA, ,KHRO BO NYID KYIS JI LTA BAR,,

, ,SGRUB PA'I SBYOR BA GSUNGS PA BSHAD, ,SI TA'I SHING LAS GAB TZE YANG, ,BZANG PO SOR NI BRGYAD PAR BYA, ,DE YI NANG DU YUNGS KAR DGANG, ,DNGOS GRUB MCHOG NI DER BLUGS LA, ,ZLA BA GZAS NI ZIN BAR DU, ,NYI MA RE RE BZLAS BRJOD BYA, ,DKYIL 'KHOR CHO GA BZHIN BRIS NAS, ,GTOR MA RGYA CHEN DAG KYANG BYA, ,GAB TZE NANG GI YUNGS KAR KUN, ,SGRA BYUNG BA 'AM GAS KYI BAR, ,DE SRID YUNGS KAR BZLAS PAR BYA, ,DE NAS YUNGS KAR GRUB GYUR PA, ,BLANGS NAS GANG YANG RUNG BAR NI, ,CHO GA BZHIN DU SBYAR BYAS NA, ,DE YIS MI NUS CI YANG MED, ,DES NI SA YANG 'GAS PAR BYED, ,CHU KLUNG DAG KYANG SKAM PAR BYED, ,RI MTHO RNAM PA MANG PO DAG ,PHYE MA DAG TU RLOG PAR BYED, ,DE BZHIN RI YI RTZE MO YANG, ,SBYAR NA RAB TU SNYIL BAR BYED, ,KHRAG DANG SOL BA'I CHA DAG KYANG, ,'BEBS PAR BYED DE THE TSOM MED, ,GNAM LCAGS DANG NI SER BA DAG ,GLO BUR DAG TU 'BEBS PAR BYED, ,SA G-YO BA DANG SPRIN BSDU LA, ,RIG PA 'DZIN PAS SBYAR BYAS NA, ,GLO BUR DU YANG THOGS MED 'GYUR, ,MTSO DANG RGYA MTSO G-YO BA DANG, ,SHING RNAMS RAB TU LDEG PA DANG, ,SA YI 'OG KYANG G-YO BYED KYANG, ,DE BZHIN KLU RNAMS BSDIGS PA DANG, ,MTSO CHEN DANG NI LTENG KA DANG, ,KLU RNAMS TSAR GCAD BYA BA DANG, ,GZHAN YANG

GANG 'DOD BYA BA YI, ,LAS NI RNAM BA SNA TSOGS PA, ,GSUNGS PA DANG NI MA GSUNGS PA, ,MKHAS PAS RANG BZHIN BLOS BRTAGS LA, ,YUNGS KAR GRUB PAS GTOR TZAM GYIS, , THOGS PA MED PAR BYED PAR 'GYUR, ,YUNGS KAR DNGOS GRUB KUN SBYIN PA'I, ,SGRUB PA DAG NI BSGRUBS ZIN TO, ,DPA' BO'I BRTUL ZHUGS SPYOD PA YIS, ,DE DAG LA SOGS SNA TSOGS DANG, ,SNGA MA BZHIN DU SNA TSOGS DANG, ,'BRING RNAMS LA SOGS BSGRUB PAR BYA, ,KHRO BO MCHOG GI CHO GA 'DI, ,LAS NI GANG DAG BSHAD PA RNAMS, ,DE DAG KUN LA BRTUL ZHUGS LA, ,MED PAR BYAS NA 'BRAS BU MED, ,PHYAG RGYA GNYIS KYI LAS RNAMS NI, ,GANG DAG 'DIR NI BSHAD PA RNAMS, ,BRTUL ZHUGS BYED NI MA NUS NA, ,DE LTAR KHRO BO MCHOG 'DI LA; ;SNGON BZHIN MCHOD PA BYED PA DANG, ,JI SKAD BSHAD ZIN BZLAS BYAS PAS, ,LAS RNAMS JI SKAD BSTAN PA DANG, ,DNGOS GRUB JI SKAD BSTAN PA 'THOB, ,RTAG TU BDE GSHEGS SEMS DPA' DES, ,BRTUL ZHUGS RTAG TU MI RUNG NA'ANG, ,NYIN GCIG BZHIN DU BZLAS BRJOD LA, ,SBYOR BAS 'DOD PAS DON RNAMS 'THEB, ,DE LTAR BRTUL ZHUGS KYIS BSGRUBS DANG, ,SGRUB PA SNA TSOGS CHO GA 'DIR, ,KHRO BO MCHOG GIS CI GSUNGS PA, ,MA LUS PAR NI BSHAD PA YIN, ,'JAM DPAL GYI RTZA BA'I CHO GA ZHIB MO KHRO BO RNAM PAR RGYAL BA LAS, KHRO

, ,BO GSHIN RJE'I GSHED KYI RTZA BA'I CHO GA ZHIB MO RIM PAR PHYE BA STE BRGYAD PA'O,, ,,DE NAS CHO GA PHYI MAR NI, ,JI LTAR BRTUL ZHUGS MED KYANG RUNG, ,DE PHYIR KHRO BO BDAG NYID KYIS, ,GSUNGS PA DE YI CHO GA BRJOD, ,SNGAGS NI YI GE BCU BDUN PO, ,KHRO BO ZHES NI GANG BRJOD PA, ,DE LA THOG MAR STON BZHIN DU, ,RI MO BRIS LA DE MDUN DU, ,TSUL BZHIN DU NI MCHOD PAR BYA, ,MKHAS PAS YANG NA SKU GZUGS KYANG, ,BYED DU BCUG STE DE 'OG TU, ,MKHAS PAS BRGYAD 'BUM BZLAS PAR BYA, ,DE YI MTHA' MAR DKON MCHOG NI, ,GSUM PO DAG LA MCHOD CHEN BYA, ,DE YI 'OG TU KHRO MCHOG NI, ,JI SKAD GSUNGS BZHIN MCHOD PA BYA, ,'ON KYANG GRUB STE DE YI TSE, ,'BYUNG PO'I GDON DANG DUG RNAMS DANG, ,YID LA GANG DANG GANG 'DOD PA, ,DE YIS BSAM PA'I LAS KYANG NUS, ,NAM YANG DNGOS GRUB PHRAN TSEGS LA, ,DE NI SBYAR BAR MI BYA'O, ,DUG LA SOGS TE GANG BRJOD PA, ,LAS KYI RNAMS NI TSIG GIS BYA, ,GZHAN DU YANGS PA'I TSIG GIS KYANG, ,BDAG NYID JI LTAR 'DOD BZHIN NO, ,DE BZHIN SEMS CAN SDANG RNAMS LA, , TSAR GCAD PA DANG PHAN 'DOGS NUS, ,GANG ZHIG NAG POS ZIN BA LAS, ,LAS RNAMS KYANG NI BYED 'GYUR TE, ,CHU YIS NGES PAR GTOR BA DANG, ,LCAG GAM YANG NA SKAD PA

YIS; ;KHRO BOS JI SKAD GSUNGS PA BZHIN, ,THE TSOM MED PAR SOS PAR 'GYUR, ,DE LTAR KUN TU YID KYIS SAM, ,YANG NA TSIG GIS BSKUL BAR BYA, ,JI LTAR KHROS PA MED PAR YANG,, PHRAN TSOGS LAS NI 'GRUB 'GYUR TE, ,DRAN BTZAM NI 'BA' ZHIG GIS, ,BYED PA PO YI LAS DE 'GRUB, ,DE NAS SNOD LA DBAB PA YIS, ,LAS GZHAN 'DI NI RAB TU BYA, ,GZHON NU MTSAN DANG LDAN 'GYUR ZHING, ,NYES PA'I SKYON MED YAN LAG TSANG, ,SHIN TU BKRUS TE RGYAN GYIS BRGYAN, ,BA LAS BYUNG BA'I LNGA YANG BLUD, ,DE YI 'OG TU SMYUNG BYAS TE, ,NAM NANGS PA DANG BKRUS BYAS LA, ,DRI ZHIM PA YI DRIS BYUGS SHING, ,GOS RNAMS DANG NI RGYAN GYIS BRGYAN, ,DE LTAR MCHOD PA BYAS NAS NI, ,SHAR GYI PHYOGS SU KHA BSTAN TE, ,CHO GA BZHIN DU KU SHA YI, , STAN LA BZHAG STE DE NAS NI, ,DE YI LAG PA GNYIS KAR YANG, ,TZANDAN GTOR MA'I ME TOG SBYIN, ,AA KAR NAG PO'I BDUG PA SBYIN, ,DES NI MYUR DU SNGAGS BRJOD DE, ,SGRUB PA CHO GA 'DI YIS NI, ,SNOD LA DBAB PA'I LAS BYA'O, ,SNOD LA DBAB 'GYUR DE YIS NI, ,DGE DANG MI DGE BRI BAR BYA, ,DE NAS BYUNG BAR 'GYUR BA DANG, ,BYUNG BA GANG YIN BDEN PAR SMRA,, SEMS CAN CHEN PO 'DI GYIS LA, ,'DI NI MIN ZHES ZLOG PAR BYED, ,YIG SNGAGS CHAD DAM LHAG PA DAG ,SNGAGS KYANG 'DIR NI TSANG BAR BYED, ,DE NAS KHRO BO MCHOG DE LA, ,

, ,ME TOG LDAN PA'I MCHOD YON DBUL, ,DE NAS BDE GSHEGS BSTAN PA YIS, ,DAM TSIG DAG KYANG BSTAN PAR BYA, ,SNOD KYIS THOS NAS DE NAS SU, , BTANG NAS DE NI SA LA 'GYEL, ,RIG PA KHRO BO GSHIN RJE'I GSHED, ,GRUB PAR DE NAS BZHUD PAR 'GYUR, ,DE NAS SNOD NI BLANGS NAS SU, ,PHYIS KYANG RAB TU KHRUS BYAS TE, ,ZAN ZAR BCUG LA ZOS NAS KYANG, ,MCHOD PA BYAS TE SLAR GTANG NGO, ,JI SKAD GSUNGS PA'I LAS RNAMS KYIS, ,SNOD LA DBAB PAR BYAS NAS NI, ,DE NAS CHO GA PHYI MA YI, ,CHO GA LAS GSUNGS LAS RNAMS BYA, ,DE NAS GAL TE SNGAGS PA NI, ,RGYAL PO DBANG DU BYED 'DOD NA, ,DE TSE RI MO SPYAN SNGA RU, ,DUR KHROD THAL BAS GZUGS BRIS TE, ,DE YI SNYING GAR 'DUG NAS SU, ,RTZE GCIG YID KYIS KHRI BZLAS TE, ,CHE GE MO ZHIG DBANG GYUR NAS, ,DE YI MING NI SNGA MA BZHIN, ,KHRO SNGAGS JI SKAD GSUNGS PA'I MTHAR, ,SBYAR TE MJUG TU SV'AH'A BRJOD, ,KHRO BOS DBANG DU BYA BA'I PHYIR, ,SBYOR BA RTAG TU BSHAD PA YIN, ,DE NAS RGYAL DE DBANG GYUR NAS, ,MDZA' SDUG SKYE BOS BTANG NAS SU, ,BDAG NYID DANG NI NOR DAG GIS, ,NGES PAR BRAN BZHIN LEGS PAR BYED, ,DE BZHIN BZLAS PA KHRI BYAS NA, ,BRAM ZE DAG KYANG DBANG DU 'GYUR, ,RJE'U RIGS DMANGS RIGS MA LUS

PAR; ;DRUG STONG DAG GIS NGES PAR 'GYUR, ,BUD MED RNAMS DANG BU MO LA, ,KHRI DAG TU NI BZLAS PA BYA, ,DE NAS PHAN TSUN MDZA' BO GNYIS, ,DBYE BAR BYA BAR 'DOD NA NI, ,DE NAS GCIG GIS GZUGS BRNYAN NI, ,DE BZHIN BRIS NAS SNYING GA RU, ,RKANG PA GCIG BZHAG TZOG PUR 'DUG ,DE YI MING NI MTHAR SBYAR NAS, ,KHRO BO GSHIN RJE'I GSHED BZLAS PA, ,CHE GE MO ZHIG MYUR BA RU, ,'DI DANG DBYE 'GYUR PHAt CES BYA, ,DE LTAR DBYE BA BYA 'DI LA, ,STONG PHRAG BCUR NI BZLAS PA BYA, ,DE NAS SEMS CAN RAB GDUG PAR, ,SHES NAS LEGS PAR GDUG BYA NA; ;DKON MCHOG GSUM LA GNOD BYED LA, ,KHRO BOS BYA YI GZHAN DU MIN, ,DGRA BO'I GZUGS BRNYAN MING SMOS NAS, ,DUR KHROD THAL BAS BRIS NAS SU, ,DE NAS SENG LDENG PHUR BU LA; ;BRGYA RTZA BRGYAD DU BZLAS BYAS TE, ,DE YI SNYING GAR BTAGS NAS SU, ,DE YI 'OG TU KHRI BZLA 'O, ,DE NAS KHRO BO GSHIN RJE'I GSHED, ,SNGAGS KYI MTHA' MAR MING BCUG STE, ,CHE GE MO ZHIG SOD CIG CES, ,H'Um DANG PHAt KYIS MTHA' RTEN TE, ,KHRI DAG YONGS SU TSANG BA NI, ,GAL TE DE LTAR BZLAS BYAS NA, ,LAS DE YIS NI 'CHI 'GYUR TE, ,'DI LA RNAM PAR DPYAD MI DGOS; ;RTAG TU BDE GSHEGS BSAM PAR BYA, ,NGAN PA'I SEMS KYIS YONG MI BYA, ,DE YI SNYING LAS SDUG BSNGAL DAG ,BSKYED NAS 'DAG PA MA GTOGS SO, ,ZHI BA DAG GI CHO GA

, ,YIS; ;DE NAS ZHI BA DGE BAR BYA, ,JI LTAR JI SKAD GSUNGS PA 'DI, ,MNGON PAR SPYOD PA YONG MI BYA, ,SEMS CAN RNAMS LA BRTZE BA'I PHYIR, ,BDE GSHEGS BSAM PAS BYA BAR BSTAN, ,DE BZHIN GSHEGS PA CI GSUNGS PA'I, ,DE BZHIN DNGOS GRUB THOGS MED PA'I, ,DNGOS GRUB 'DOD PAS THOB 'DOD NA, ,DE LTAR KHRO BO SEMS MI BYA, ,BDE GSHEGS BSAM PA GANG MED PA, ,DE NI DNGOS GRUB NYAMS PAR 'GYUR, ,MDOR NA BYANG CHUB SEMS MED PA, ,'JAM DPAL KHRO BO GTZO BO YIS, ,BRTUL ZHUGS BZLAS PA DANG BCAS PA, ,RTOG PAS CHO GA BZHIN GSUNGS PA'I, ,DNGOS GRUB MCHOG NI NYAMS PAR 'GYUR, ,GANG ZHIG BDE GSHEGS BSAM LDAN NAS, ,BRTUL ZHUGS BZANG PO MED PA DANG, ,DE BZHIN GZUGS LA SOGS MED KYANG, ,DNGOS GRUB MCHOG RNAMS DES THOB CING, ,NYON MONGS MED PAR CI 'DOD PAR, ,'DOD PA THAMS CAD RNYED PAR 'GYUR; ;GANG ZHIG BDE GSHEGS BSAM LDAN ZHING, ,BLO NI MA RMONGS BRTAN PA YIS, ,SRID PA NYON MONGS BGROD DKA' RGOL, ,DE BZHIN GSHEGS PA THAMS CAD LA, ,PHYAG BYAS NAS NI DNGOS GRUB MCHOG ,BDE GSHEGS BSAM PA LDAN PAS 'THOB, ,DE LTAR SHES NAS DE YI TSE, ,BDE GSHEGS LAM MCHOG BSTAN PAR BYA, ,NYON MONGS SDUG BSNGAL

'JIG 'GYUR BA, ,'JIG RTEN LHA NI YOD MI BSNYEN, ,DE LTAR SEMS CAN GDUG 'DUL BA'I, ,LAS RNAMS JI SKAD GSUNGS PA YANG, ,DKON MCHOG GSUM NI BSRUNG PHYIR GYIS, , GZHAN DU GAR YANG YONG MI SBYAR, ,DE NAS GZHAN YANG BSKRAD PA'I LAS, ,'DI DAG GAR YANG RUNG BAR NI, ,DE BZHIN BYED PAR 'DOD PA LA, ,DE BZHIN PAR NI BSHAD PAR BYA, ,DE BZHIN DUR KHROD THAL BA YIS, ,MKHAS PAS DGRA YI GZUGS BRNYAN BRI, ,DE STE RKANG GNYIS 'DUG NAS SU, ,'JAM DPAL KHRO BO'I SPYAN SNGAR NI, ,CHE GE MO ZHIG SKROD CIG CES, ,DE YI MING NI MTHAR SBYAR NAS, ,DE BZHIN H'Um DANG PHAt DAG DANG, ,H'Um YANG BRJOD DE KHRI BZLAS NI, ,GDON MI ZA BAR BSKRAD PAR 'GYUR, ,YANG NA THAL BA DE NYID KYIS, ,DGRA YI GZUGS BRNYAN BRIS NAS NI, ,DE YI SNYING GAR RKANG G-YON GYIS, ,GDON MI ZA BAR BRDZIS NAS SU, ,NYI MA LA NI KHA BLTAS NAS, ,GSHIN RJE'I GSHED PO BZLAS NA NI, ,SKAD CIG GIS NI DGRA BO DE,, RAB TU TSA BA'I NAD KYIS 'DEBS, ,DE NAS ZHI BA'I CHO GA YIS, ,BDAG NYID KYIS NI ZHI BAR BYA, ,DE LTAR MA BYAS ZHAG BDUN GYIS, ,GDON MA ZA BAR 'CHI BAR 'GYUR, ,DE LA SOGS PA'I LAS RNAMS NI, ,BDE GSHEGS SEMS DPAS YONG MI BYA, ,SEMS CAN RNAMS NI THAMS CAD LA, ,ZHI BA DANG NI RGYAS PA BYA, ,BYANG CHUB SEMS KYI BDAG NYID CAN, ,RING POR

, ,MI THOGS 'GRUB PAR 'GYUR, ,DE NAS SEMS CAN THAMS CAD NI, ,BDE PHYIR ZHI BA'I LAS RNAMS DANG, ,DE BZHIN DU NI RGYAS PA'I LAS, ,JI SKAD GSUNGS PA BSHAD PAR BYA, ,MCHOD RTEN DAG GAM DKYIL 'KHOR DU, ,DE BZHIN GSHEGS PA'I MCHOD PA BYA, ,DKON MCHOG GSUM PO DAG LA NI, ,YANG DANG YANG DU PHYAG KYANG BYA,, NYIN PAR DANG NI MTSAN MO YANG, ,DGE BA GANG DAG CI BSAGS PA, ,DKON MCHOG GSUM LA DE BRTEN NAS, ,BDE BAR GSHEGS PA'I BSAM PAS BYA, ,'DI YIS SEMS CAN THAMS CAD NI, ,SHIN TU SDUG BSNGAL BDER GYUR CIG ,DE YIS DNGOS GRUB CUNG ZAD GANG, ,PHRA MO DAG KYANG 'THOB 'GYUR BA, ,RTAG TU SEMS CAN RNAMS LA NI, ,MKHAS PA DAG GIS PHAN PAR BYA, ,MKHAS PAS MCHOD RTEN LAS BYA ZHING, ,DE BZHIN DAM PA'I CHOS KYANG BKLAG ,DGE BA CUNG ZAD GZHAN DAG KYANG, ,CHUNG DU ZIN KYANG 'DI NYID LA; ;DNGOS GRUB MCHOG NI THOB 'DOD PAS, ,RTAG TU SEMS CAN RNAMS LA BSNGO, ,DE LTAR 'DI NI BYANG CHUB SEMS, ,CHOS KYI DON DU YUL DU 'GYUR, ,BYANG CHUB SEMS DPA' NYER BSNYEN PA'I, ,MTSAN NYID RNAMS KYANG RAB TU BSTAN, ,DE LTAR BLO GROS BRTAN BYAS NAS, ,DGE BA DAG NI SPEL BAR BYA, ,DGE BA DAG KYANG SPEL NAS SU, ,SEMS

CAN RNAMS LA YONGS SU BSNGO, ,SNGAGS PA BDE GSHEGS SEMS LDAN GANG, ,DE LTA BUR NI RTAG PA RU, ,SEMS CAN KUN LA PHAN BYAS NAS, ,ZHI BA DAG DANG RGYAS PA 'PHEL,, THOG MAR DKON MCHOG GSUM PO LA, ,MCHOD PA SNA TSOGS BYAS NAS SU, ,DE YI 'OG TU KHRO BO MCHOG ,GSHIN RJE'I GSHED LA ME TOG NI, ,DKAR PO MCHOG GIS MCHOD PA BYA; ;MCHOD PA BYAS NAS 'DI DAG TU, ,CHO GA BZHIN DU BZLAS PA BYA, ,BDE ZHING STAN LA BDER 'DUG LA, ,RAB TU DANG ZHING BDE GSHEGS SEMS, ,DE YI MING SMOS ZHI 'GYUR ZHES, , KHRO BO'I TSIG GIS MTHAR SBYAR TE, ,BOO shA tA DAG KYANG THA MAR SBYAR, ,GANG YANG RUNG BA ZHIG LA NI, DE LTAR STONG DU BZLAS PA BYA, ,YUL DANG YUL GYI PHYOGS RNAMS DANG, ,RGYAL PO DAG LA NYIS 'GYUR BYA, ,RTA RNAMS DANG NI GLANG PO DANG, ,BA LANG DAG LA STONG DU BZLAS, ,RA LUG DANG NI MA HE LA, ,RTAG PAR STONG DU BZLAS PAR GSUNGS, ,YANG NA LUS CAN THAMS CAD LA, ,BZLAS PA DAG NI BYAS NAS KYANG, ,BYANG CHUB SEMS DANG LDAN PA YIS, ,ZHI BA'I MCHOG TU NGES PAR 'GYUR, ,DE BZHIN DU YANG RGYAS GYUR PA, ,KHYAD PAR DU NI ME TOG MCHOG ,DKAR PO TZANDAN GYIS BSKUS PA, ,BZLAS SHING BZLAS PA'I CHO GA BZHIN, ,'JAM DPAL KHRO BO'I SPYAN SNGAR NI, ,'O MAS GANG BA'I SNOD DU DBUL, ,STONG GIS RAB TU

, ,RGYAS PAR 'GYUR, ,SNYING LA RAB TU DGA' 'GYUR BA'I, ,RGYAS PA DE DAG BYA 'DOD NA, ,GANG YANG RUNG BA DE YI MING, ,CHO GA BZHIN DU THA MAR SBYAR, ,MKHAS PAS RGYAS PAR GYUR CIG CES, ,DE MTHAR BSHAD PA SBYAR NAS SU, ,ME TOG YID DU 'ONG BA RNAMS, ,'O MAR BLUGS PAS RGYAS PAR BYA, ,DE NAS GZHAN YANG DPAL 'DOD PA, , DER YANG SNGA MA BZHIN DU NI, ,TZANDAN DKAR POS BSKUS PA YI, ,ME TOG YID DU 'ONG BAS MCHOD, ,AA KAR NAG PO BZANG PO YIS, ,BDUG PA DAG KYANG SNGAGS KYIS DBUL, , NYIN RE DE LTAR BYAS NAS SU, ,CHO GA BZHIN DU BZLAS PA BYA, ,DPAL NI BDAG LA STZOL CIG CES, ,MTHA' MA DAG TU SBYAR NAS SU, ,DE NAS NA MA: SV'AH'AR LDAN, ,CHO GA SNGON BZHIN KHRI BZLAS TE, ,DE NAS RGYA MTSOR RAB 'GRO BA'I, ,KLUNG GI 'GRAM DU SONG NAS NI, ,LTE BA NUB PAR CHUR 'DUG NAS, ,ME TOG PUndA R'I KA NI, ,TZANDAN DKAR POS BSKUS NAS NI; ;BZLAS SHING BZLAS SHING CHUR 'BUL BA, ,BLO DANG LDAN PAS 'BUL BYAS NAS, ,DE YI MJUG TU DPAL CHEN 'THOB, ,YANG NA PADMA DMAR PO NI, ,TZANDAN DMAR POS BSKUS NAS NI; ;GAL TE DE RU PHUL NA NI, ,DE NAS DE YI MTHA' MA RU, ,LAS 'DI DAG GIS NGES PAR NI, ,MI ZAD PA YI GTER 'THOB 'GYUR, ,AA TI MUKTA'I ME TOG RNAMS, ,BZLAS SHING

BZLAS SHING SNGA MA BZHIN, ,GAL TE CHIG 'BUM PHUL NA NI, ,CHO GAS GSUNGS PA BZHIN GNAS PA'I, ,SNGAGS PAS NGES PAR DE MTHAR NI, ,'DI NOR 'BUM NI THOB PAR 'GYUR, ,'DI LA RNAM PAR DPYAD MI BYA, ,DE STE DE YI SNGA MA BZHIN, ,SUM 'BUM DBUL BAR BYAS NA NI, ,GDON MI ZA BAR GNOD SBYIN MA, ,DE YI DBANG DU 'DI 'GYUR RO, ,CHO GA 'DI YIS SGRUB PA PO, , RIN CHEN DAG KYANG THOB PAR 'GYUR, ,DE STE SNGAGS PAS SNGA MA BZHIN, ,ME TOG SNA TSOGS MANG PO NI, ,TZANDAN DAG GIS BSKUS PA RNAMS, ,DE NAS SNGAGS PAS CHIG 'BUM DU, ,CHU YI NANG DU PHUL NA NI, ,SA YI STENG NA 'DOD PA 'THOB, ,YANG NA PADMA DKAR PO NI, ,MNGAR GSUM DAG GIS BSKUS PA RNAMS, ,ME 'BAR NANG DU LEGS BSREGS NA, ,DE YIS DPA' BO MNGON SUM MTHONG, ,DE YIS DE LA 'DOD MCHOG DANG, ,NOR DAG KYANG NI RNYED PAR 'GYUR, ,BLO DANG LDAN PA ZAS KYI MCHOG ,MAR DANG SBRANG RTZIR SBYAR BA DANG, ,ZHAG BDUN DU NI GZAR BU YIS, ,DE YIS DE LA 'DOD MCHOG DANG, ,NOR DAG KYANG NI RNYED PAR 'GYUR, ,'BAR BA'I ME LA BSREGS NAS SU, ,YUL GRU BDUN RNAMS RAB TU 'THOB, ,'DI LA RNAM PAR DPYAD MI DGOS, ,YANG NA 'BRU RNAMS THAMS CAD KYI, ,SBYIN SREG DON RNAMS THAMS CAD SGRUB, ,SBYIN SREG CIG 'BUM BYAS PA YIS, ,DE DAG NYID NI MI ZAD 'GYUR, ,BIL BA MAR

, ,GYIS BSKUS PA 'BUM, ,ME NI RAB TU 'BAR BA LA, ,BSREGS NAS SA YI BDAG PO LA, ,NOR BCAS DAG NI THOB PAR 'GYUR, ,DUR BA'I 'JAG MA MA GRUB BA; ;NA MA SV'AH'A MTHAR LDAN PAS, ,'O MA LAS SMYUGS BSREGS NA NI, ,MI YI TSE NI RING BAR 'GYUR, ,DE BZHIN MAR DANG SPRANG RTZI DAG ,'BAR BA'I ME LA RTAG TU BSREG ,GDON MI ZA [?] BAR GYUR BA RU, ,YID GZHUNGS PA YANG THOB PAR 'GYUR, ,RGYA SKYEGS SHING GI ME DAG LA, ,DE BZHIN NYIN RE MAR GYI HOM, ,BYAS NA TSE DANG YID GZHUNGS GRAGS, ,RGYAS DANG STOBS DANG GZI BRJID DANG, ,DRAN DANG DGA' DANG MDANGS BZANG DANG, ,DPAL DANG SEMS DPA'I DNGOS GRUB DAG ,THOB PAR 'GYUR BA GDON MI ZA, ,DE BZHIN ZAS RNAMS KUN BSREGS PAS, ,GZI DANG RGYAS DANG STOBS DANG GRAGS, ,'DOD PA THAMS CAD PHUN SUM TSOGS, ,THOB PAR 'GYUR BA GDON MI ZA, ,JI LTAR CHO GA PHYI MA LAS, ,PHAL CHER 'JAM DBYANGS KHRO BO YI, ,PADMA'I ZHAL NAS NGES 'BYUNG BA, ,DE DAG MDOR BSDUS BSHAD PA YIN, ,'JAM DPAL GYI RTZA BA'I CHO GA ZHIB MO KHRO BO GSHIN RJE'I GSHED RNAMS PAR RGYAL BA'I CHO GA ZHIB MO KUN GYI PHYI MA LAS, 'PHAGS PA 'JAM DPAL GYI KHRO BO'I CHO GA ZHIB MO PHYI BA RIM PAR PHYE MA STE DGU PA RTOGS PA PHYI MA RDZOGS SO,, ,,DE

NAS CHO GA THAMS CAD KYI, ,PHYI MA'I PHYI MA ZHES BYA BA, ,SBYAR BAR BCAS SHING RGYAS PA YI, ,CHO GA DA NI BSHAD PAR BYA, ,YI GE BCU BDUN SNGAGS KYIS NI, ,DPA' BO BRTUL ZHUGS BZANG PO DANG, ,DE BZHIN SNGON DU [?] LA SOGS, ,CHO GA NGAG NI 'DIR BSHAD ZIN, ,DA NI YI GE 'BRU GCIG PA, ,SNGAGS MCHOG DAG NI GANG GSUNGS PA, ,DE YI LAS KYI CHO GA BSHAD; ;DPA' BO BRTUL ZHUGS MED PAR YANG, ,'JAM PA'I DBYANGS KYI KHRO BO GANG, ,MING NI GSHIN RJE'I GSHED CES BYA, ,DE YI SNYING PO MCHOG DE NI, ,H'Um ZHES BYA BA'I YI GE GCIG ,THOG MAR AOm BZHAG CHO GA BZHIN, ,RI MO'I SPYAN SNGAR 'DUG NAS SU, ,'DI NI 'BUM PHRAG BCUR BZLAS NAS, ,DE YI 'OG TU SGRUB LA 'JUG ,DE NAS DE YI RI MO MCHOG , DON RNAMS THAMS CAD SGRUB PA GZHAN, ,GANG GIS DNGOS GRUB RAB THOB PA, ,TSUL BZHIN DU NI RAB TU BSHAD, ,RAS NI GSAR PA KHRU GANG TZAM, ,LEGS PAR BSKRUS SHING DRIS BSKUS LA, ,TSON RTZA BZANG PO SBYIN MED PAS, ,KHRO BO GSHIN RJE'I GSHED BRI BYA, ,ZHAL NI BGRAD CING 'JIGS PA'I GZUGS, ,SMIN MA SER ZHING SPU YANG SER, ,CHAR SPRIN NAG PO'I KHA DOG 'DRA, ,THOD PA DAG GIS RGYAN DU BYAS, ,SPYAN GSUM DBU SKRA GYEN DU BRDZES, ,ZHAL GCIG PA LA MDANGS KYANG GSAL, ,PHYAG GNYIS PA LA BE CON BSNAMS, ,

, ,PHYAG G-YON PAS NI BSDIGS PAR MDZAD, ,ZHABS KYANG RAB TU BZANG PO GNYIS, ,MA HE LA NI BCIBS PAR BYA, ,STAG LPAGS NA BZA' MNABS PAR DGYES; ;'KHRUG CING 'JIGS PA'I GSUNG YANG 'BYIN, ,YAN LAG THAMS CAD YONGS RDZOGS PA, ,'OD ZER 'BAR BA BCAS PA'I SKU, ,DE NAS DE LA MKHAS PA YIS, ,MCHOD PA YAN LAG MCHOG GIS MCHOD, ,SNGAGS PA BRTUL ZHUGS BRTAN PA NI, ,DE YI 'OG TU BRAG PHUG ZHUGS, ,RI MO'I SPYAN SNGAR 'DUG NAS SU, ,KHA ZAS ZA BA DAG SPANGS NAS,, RI DBANG DE NI JI TZAM DU, ,G-YO BAR 'GYUR GYI, ,BAR DU BZLAS, ,YANG NA KHRO BO GSHIN RJE'I GSHED, ,BZHAD DAM G-YOS KYI BAR DU BZLAS, ,YANG NA RAB TU 'BAR GYI BAR, ,BZLAS NA DE TSE DNGOS GRUB 'THOB, ,DE LTAR LHA 'DI BZLAS PA YI, ,DNGOS GRUB YA MTSAN DE YIN NO, ,DE NAS RIG 'DZIN DPAL DANG LDAN, ,GRUB PAR 'DOD RNAMS KUN BSGRUBS PA, ,CI BSAM PA NI DE DAG KUN, ,RING POR MI THOGS 'BYOR PAR 'GYUR, ,KHROS NA SA YANG 'GAS PAR 'GYUR, ,CHU DAG KYANG NI SKAM PAR 'GYUR, ,RI RNAMS THAMS CAD SNYIL BAR NUS,, RGYA MTSO DAG KYANG SKAM PAR BYED, ,DE LA SOGS PA'I LAS RNAMS NI, ,YA MTSAN CHEN PO THAMS CAD DANG, ,SEMS CAN RNAMS NI THAMS CAD LA, ,PHAN PA RNAM PA SNA TSOGS

BYED; ;CHO GA SNGA MA GSUNGS PA KUN, ,CHO GA SNGA MA BZHIN DU BSGRUBS, ,BSGRUBS NAS SEMS CAN THAMS CAD LA, ,'BRAS BU MCHOG RNAMS SBYIN PAR BYA, ,GRUB PA'I MTHU NI GANG YOD PA; ;BDE GSHEGS BSAMS NA DE DAG KUN, ,'JUNGS PA MED PA'I BSAM PA YIS, ,SKYE BO PHONGS PA RNAMS LA SBYIN, ,SNYING RJE CAN GYIS BDAG GIS LUS, ,PONGS PA DAG LA RTAG TU SBYIN, ,DE LTAR SBYIN PA'I PHA ROL PHYIN, ,DRI MA MED PAR BSGRUBS NAS SU, ,DGE BA 'DI YIS SEMS CAN KUN, ,BDE BAR GSHEGS LDAN DGE BAR 'GYUR, ,BDE BA THAMS CAD YONGS RDZOGS SHING, ,DGE BA KUN GYI SNOD GYUR CES, ,YID KYIS YONGS SU BSNGO BAR BYA, ,GANG ZHIG DE LTAR SNGAGS BSGRUBS KYANG, ,DI MA MED PA'I BYANG CHUB SEMS, ,BDE BA RTAG TU SPYOD PA DE, ,DNGOS GRUB RTOG LAS GANG GSUNGS PA, ,DE BZHIN GSHEGS PA'I ZHAL NAS BYUNG, ,THAMS CAD DE LA NYE BAR GNAS, ,SGRUB PA PO DE RDZU 'PHRUL GYI, ,YON TAN KUN DANG LDAN PAR 'GYUR, ,DE LTAR 'JAM DPAL KHRO BO YI, ,ZHAL NAS GSUNGS PA'I CHO GA NI, ,KHRO BO RNAM RGYAL RGYA CHER BSTAN, ,CHO GA THAMS CAD BSDUS PA 'O, ,'JAM DPAL GYI CHO GA ZHIB MO KHRO BO THAMS CAD RNAM PAR RGYAL BA'I CHO GA ZHIB MO BSDUS PA LAS, 'PHAGS PA 'JAM DPAL GSHIN RJE'I GSHED KYI CHO GA ZHIB MO PHYI MA'I YANG PHYI

, ,MA RIM PAR BYE BA STE BCU PA'O,, ,,'JAM PA'I DBYANGS KYI KHRO BO YI, ,YI GE GCIG PA BSHAD ZIN TE, ,DE NAS GZHAN YANG DE YI NI, ,CHO GA ZHIB TU RGYA CHER BSHAD, ,GSHIN RJE RAB TU 'JOMS PA YI, ,ZHAL NI H'Um ZHES BYA BAR BSHAD, ,DE NAS 'JAM DPAL KHRO BO NI, ,H'Um ZHES BYA BA MCHOG RIG BYA, ,DE YI DKYIL 'KHOR GZHAN YIN TE, ,'DOD PA KUN SBYIN SHES PAR BYA, ,DUR KHROD GNAS SU BYA BA STE, ,DUR KHROD GNAS PA GANG YIN PA'O, ,'KHRU BRGYAD LAS NI SGRO BZHI PA, ,YANG NA KHRU BZHI PA YANG RUNG, ,DUR KHROD GNAS PA BZANG PO STE, ,DUR KHROD THAL BAS BRI BAR BYA, ,DE YI DBUS SU YI DVAGS NI, ,PHRENG BA DAG GIS BRGYAN PA BRI, ,SGOR NI YI DVAGS RO SMAD GZHAG ,MTHA' MA DAG TU MGO BO GZHAG ,GRVA BZHIR SH'U LA BZHI RNAMS DANG, ,THOD PA DAG KYANG BRI BAR BYA, ,GAL TE BRI BAR NUS NA NI, ,MKHAS PAS DE DAG THAL BAS BRI; ;DE STE DE DAG RI MO NI, ,BRI BA DAG TU MI NUS NA, ,DE TSE SA GZHI BZANG PO LA, ,TZANDAN DMAR POS BSKUS NAS SU, ,DUR KHROD GNAS SU DANG POR NI, ,SNGAGS PAS YI GE DGOD PAR BYA, ,DE NAS GSHIN RJE RAB 'JOMS PA, ,DE RU SPYAN DRANGS MCHOD PAR BYA, ,'JIGS PA'I ZHAL NI 'BAR BA DRUG ,DE BZHIN ZHABS KYANG DRUG DANG LDAN, ,

SPYAN GSUM CHAR SPRIN SNGON PO'I MDOG ,PHYAG KYANG BCO BRGYAD DAG GIS BRGYAN, ,KHRO BO GSHIN RJE RAB 'JOMS PA, ,GZIG LPAGS NA BZA' GSOL BAR DGYES, ,MTSON CHA BZANG PO DU MA BSNAMS, ,YI DVAGS STENG DU MCHOD PA BYA, ,'JAM DPAL KHRO BO GSHIN RJE'I GSHED, ,CHO GA BZHIN DU MCHOD NAS KYANG, ,MAR DANG SBRANG RTZI SBYAR BA YI, ,'O MA 'BRAS THUG GTOR MAR DBUL, ,AA GA RU YI BDUG PA DBUL, ,MAR ME DAG NI MAR LAS BYA, ,DE NAS GSHIN RJE RAB 'JOMS PA'I, ,SA BON YI GE GCIG PA 'DI, ,KHRO BO'I SPYAN SNGAR 'DUG NAS SU, ,STONG RTZA BRGYAD DU BZLAS PA BYA, ,DE YI 'OG TU MKHAS PA YIS, ,DUR KHROD GNAS SU SLOB MA GZUNG, ,KHRO BO GSHIN RJE GSHED BYED PA, ,H'Um GI ZHAL NI ZLOS SHING GZUNG, ,BTZUD NAS DE YI SNYING GAR NI, ,H'Um ZHES BYA BA GZHAG PAR BYA, ,DE NAS SH'U LA'I PHYAG RGYA NI, ,RAS KYIS G-YOGS TE BCING BAR BYA, ,SLOB MA DAG LA LEGS BSTAN NAS, ,DE YANG MCHOD PA BYED DU GZHUG ,DE NAS GSHIN RJE RAB 'JOMS PA'I, ,KHRO BO MNGON PAR DBANG BSKUR NAS, ,'JAM DPAL KHRO BO GSHIN RJE'I GSHED; ;DE YI YI GE 'BRU GCIG SBYIN, ,DE NAS MCHOD PA YANG BYAS NAS, ,KHRO BO DE NI GSHEGS SU GSOL, ,SH'U LA PHYAG RGYA BCINGS NAS SU, ,DE BZHIN RTAG PAR GSHEGS

, ,SU GSOL, ,KHRO BO SPYAN NI DRANG BA DAG ,SH'U LA'I PHYAG RGYA LDAN PAR BYA, ,DKON MCHOG GSUM LA PHYAG 'TSAL NAS, ,SH'U LA RAB TU BSTAN PAR BYA,, MKHAS PAS LAG PA GNYIS DAG GIS, ,SOR MO PHAN TSUN BSNOL NAS SU, ,GUNG MO'I SOR MO MCHOG GNYIS NI, ,DBUS NAS GYEN DU BSGRENGS NAS GZHAG ,SRIN LAG GNYIS NI NANG DU BCUG ,MDZUB MO GNYIS KYI NANG DU GZHAG ,DE LTAR DE GNYIS BSGRENGS NAS NI, ,LHAG MA RNAMS NI LEGS PAR BYA, ,GSHIN RJE GSHED KYI PHYAG RGYA 'DI,, SH'U LA'I PHYAG RGYA ZHES GRAGS PA'O, ,'DI YI LAS RNAMS THAMS CAD NI, ,RNAM PAR DPYAD PA MED PAR BYA, ,DE NAS GZHAN YANG RIM PA BZHIN, ,GSHIN RJE RAB TU 'JOMS PA 'DI; ;SNGAGS RNAMS THAMS CAD MA LUS PA, ,DKYIL 'KHOR 'DIR NI SMRA BAR BYA, ,AOm H'Um TRI:, DBUS KYI YI DVAGS KYI'O, ,AOm H'Um LAm L'A HA, YI DVAGS PHRENG BA'O, , AOm H'Um DZRAm TRI:, YI DVAGS RO SMAD DE, SGO BZHI CHAR DU'O, ,AOm H'Um H'A, 'OG STE THA MAR RO, ,AOm H'Um HR'I, sht'I:KHA, SH'U LA BZHI CHAR GYI'O, ,AOm H'Um HR'I HA:, THOD PA RNAMS KYI'O, ,LHO PHYOGS KYI NI SGO PHYE NAS, ,LHAG MA GZHAN NI GCAD PAR BYA, ,DUR KHROD GNAS SU RTAG PA RU, ,GSHIN RJE RAB TU 'JOMS PAR NI, ,SNGAGS RNAMS KYIS NI RAB BRGYAN NA, ,DUR

KHROD KYI NI GNAS SU 'GYUR, ,TZANDAN DMAR POS BSKUS PA YI, ,SA GZHI KHRU GANG TZAM LA NI, ,JI LTA BUR YANG GANG YANG RUNG, ,DKYIL 'KHOR DAG NI BRIS NAS SU, ,DKYIL NAS CHO GA SHES PA YIS, ,SNGAGS KYIS MCHOD PA'I RIM BZHIN BYA, ,AOm H'Um HR'I:sht'I:AA GATZTSA YA YAm PHRAm THA NA SV'AH'A, SPYAN DRANGS PA'O, ,AOm H'Um HR'I K'A LI TH'A NA HA, MCHOD YON GYI SNGAGS SO, , AOm H'Um HR'I:sht'I:KHUm KHA, DRI'I SNGAGS SO, ,AOm H'Um H'Um H'Um H'Um H'Um H'Um, KA RA LA RA NA HA HA:, ME TOG GI SNGAGS SO, ,AOm H'Um TRI, H'Um BA SHI KHA H'A, BDUG PA'I SNGAGS SO, ,AOm DZRAm DZRAm H'A, MAR ME'I SNGAGS SO, ,AOm H'Um H'Um H'Um H'Um H'Um H'Um H'Um KHAD KA KHA, GTOR MA'I SNGAGS SO, ,AOm H'Um SV'AH'A, KHRO BO'I SNYING PO'O, ,AOm H'Um HR'I:shtRI:GATZTSA H'Um PU NA R'A GA MA N'A YA SV'AH'A, SLAR GSHEGS SU GSOL BA'I SNGAGS SO, ,'JAM DPAL GYI RTZA BA'I CHO GA ZHIB MO KHRO BO RNAM PAR RGYAL PA'I PHYI MA'I YANG PHYI MA LAS, GSHIN RJE RAB TU 'JOMS PA'I YI GE 'BRU GCIG PA'I RGYAL PO'I DKYIL 'KHOR BKOD PA'I RIM PAR PHYE BA STE BCU GCIG PA'O,, ,,DE NAS DE YI RI MO'I MCHOG ,SGRUB PA PO YIS BRI BAR BYA, ,JI SKAD GSUNGS PA'I LAS RNAMS BYA'I, , BZLAS PA'I LAS NI RAB TU BYA, ,RAS PHRAN KHRU GANG TZAM PO NI, ,BZANG PO GSAR PA BKRUS PA LA, ,TSON RTZI DKAR PO SBYIN MED PAS, ,GSHIN RJE RAB TU 'JOMS PA BRI, ,ZHAL DRUG

, ,DBU SKRA GYEN DU BRDZES, ,DE YANG SPYAN GSUM 'JIGS 'JIGS LTAR, ,KHROS PA'I PHYAG KYANG BCO BRGYAD PA, ,ZHABS RNAMS RAB TU GSAL BA DRUG , GZIG GI PAGS PA NA BZAR GSOL, ,TSUL BZHIN YI DVAGS STENG NA BZHUGS, ,SH'U LA RAL GRI 'KHOR LO DANG, ,DGRA STA MCHOG KYANG SBYIN PA'I PHYAG ,LCAGS MDA' BE CON RDO RJE DANG, ,MDA' BO CHE YANG BSNAMS PA NI, ,G-YAS PA'I PHYAG STE G-YON PA NA, ,DBYUG TO ZHAGS PA GSHOL DANG GZHU, ,THOD PA LCAGS KYU MDUNG THUNG DANG, ,RTZE GSUM GDENGS DANG DE BZHIN BSDIGS, ,DE LTAR JI SKAD GSUNGS PA'I GZUGS, ,BUNG BA DANG NI SPRIN 'DRA BA, ,BRIS NAS DE YANG LEGS PAR SBA, ,YID DU 'ONG BA'I GNAS DAG TU; ;BZHAG NAS BZLAS PA DAG KYANG BYA, ,BZLAS PA'I CHO GA 'DIR BSHAD DO, ,RIG PA 'DZIN PAS RTAG PA RU, ,'BAR BA'I SNGAGS KYIS KHRUS BYA 'O, ,BDUD RTZI 'BYUNG BA'I SNGAGS KYIS NI, ,THOG MAR TSUL BZHIN RAB BKRUS NAS, ,BDAG GI LUS LA SNGAGS SHES PAS, ,DE NAS SRUNG BA LEGS PAR BYA, ,DE YI 'OG TU CHO GA BZHIN, ,MKHAS PAS KHRO BO'I KHANG PAR 'DUG ,ZHUGS NAS BU GA LAS BYAS PA'I, ,STAN BZANG DE LA 'DUG NAS SU, ,DE NAS CHO GA SNGON GSUNGS PAS, ,KHRO BO LA NI MCHOD PAR BYA, ,LAG

PA GNYIS NI DRIS BSKUS PAS, ,SNGAGS KYI NOR BU BLANGS NAS SU, ,NYES PA'I SKYON DAG SPYAD PA'I PHYIR, ,KHRO BO BDUD RTZI LAN BDUN BZLAS, ,DE NAS SNGAGS PA KHRO BO LA, ,MNGON PAR PHYOGS 'DUG BZLAS PAR BYA, ,RAB TU DANG ZHING RTZE GCIG YID, ,YID NI MI SKYO BAR DU BYA, ,DE NAS MKHAS PAS BZLAS PA'I MTHAR, ,KHRO BO GSHIN RJE RAB 'JOMS PA, ,SH'U LA'I PHYAG RGYA BCINGS GSHEGS GSOL, ,DE LTAR LEGS PAR NYIN RE BZHIN, ,YI GE GCIG PA'I SNGAGS 'DI NI, ,RNAM PA KUN TU CHO GA BZHIN, ,GANG ZHIG BYE BA GCIG ZLOS PA,, DE YIS DNGOS GRUB DAM PA 'THOB, ,DE NAS GZHAN YANG CI BSTAN PA'I, ,KHRO BO NYID KYIS GSUNGS PA YI, ,CHO GA DAG GI SNGAGS RNAMS NI, ,SGRUB PA RNAMS LA PHAN PHYIR BSHAD,, AOm H'Um D'I BHA TE DZA SV'AH'A, KHRUS KYI SNGAGS SO, ,AOm H'Um AA MRi TA PRA BHA PAm PA, KHA BKRU BA'I SNGAGS SO, ,AOm H'Um SA SARBA HA RAKshA MANTA TA TH'A GA TO DZNY'A NA PA YA TI SV'AH'A, SRUNG BA'I SNGAGS SO, ,AOm NA MA:SARBA TA TH'A GA TE BHYA:H'Um MANYDZU GHO shA DZNY'A NA YA SARBA DUshtAm BANDHA BANDHA SV'AH'A, BDUG PA RNAMS BCING PA'O, ,NA MA:SARBA TA TH'A GA TE BHYA:H'Um DHRi KA PRA K'A RA PHAt, RA BA'I SNGAGS SO, ,AOm NA MA: SARBA TA TH'A GA TE BHYA:H'Um H'Um H'Um H'Um H'Um H'Um, YA MA PRA MA TH'A NA RAKshA RAKshA, NA MA:SARBA BHU TA BHA YE BHYA:TA TH'A GA TO DZNY'A NA PA YA TI SV'AH'A, 'DI NI, YAN LAG THAMS CAD SRUNG PA'O, ,AOm H'Um K'A LA MA

, ,TH'A NA PHAt, KHRO BO'I KHANG PAR 'JUG PA'I SNGAGS SO, ,AOm H'Um RAKshA RAKshA MAm SV'AH'A, GDAN GYI SNGAGS SO, ,AOm H'Um SI TYI BA H'Um DZRAm DZRAm, SNGAGS KYI NOR BU BLANG BA'I SNGAGS SO, ,AOm H'Um KRO DHA AA MRi TA DZA GAD PRA BHA SV'AH'A, SNGAGS KYI NOR BU LA GDAB PA'I SNGAGS SO, ,'JAM DPAL GYI RTZA BA'I CHO GA ZHI BA MO KHRO BO RNAM PAR RGYAL BA'I PHYI MA'I YANG PHYI MA LAS, GSHIN RJE RAB TU 'JOMS PA'I YI GE GCIG PA'I RI MO DANG, MCHOD PA DANG, BZLAS PA'I CHO GA RIM PAR PHYE BA STE BCU GNYIS PA'O,, ,,DE YI SNGON DU BSNYEN PA NI, ,BYE BA GCIG TU NGES PAR BSHAD, ,KHRO BO BRTUL ZHUGS PHYIS SPYAD NA, ,DNGOS GRUB MCHOG NI THOB PAR 'GYUR, ,SHING LAS BYAS PA'I THONG PA NI, ,NYI SHU RTZA DRUG SOR TSAD BYAS, ,MKHAS PAS RTZE GSUM RNON PO NI, ,LAG PA G-YAS DANG G-YON DU BZUNG, ,GZIG LPAGS KYI NI GOS BGOS NAS, ,LUS NI THAL BA DAG GIS BSKU,, RUS PA DAG GI PHRENG BA YIS, ,RGYAN DU BYAS NAS BRTUL ZHUGS SPYAD, ,'JIG RTEN 'JIGS PAR BYED PA YI, ,GAD MO SGRA CHEN DAG KYANG 'BYIN, ,DUR KHROD DAM NI SHING GCIG GAM; ;RI 'AM YANG NA TSAL YANG RUNG, ,MKHAS PAS ZLA BA DRUG TU NI, ,LCI BA BZA' ZHING BRTUL ZHUGS SPYAD, ,BLO LDAN GRONG DU YONG MI 'JUG ,MNYAM PAR BZHAG CING

TSIG MI SMRA, ,GTZANG ZHING TSANGS PAR SPYOD PA DUL, ,RTAG TU BDE GSHEGS SEMS DANG LDAN, ,BYANG CHUB SEMS DANG KUN LDAN ZHING, ,KHRO BO BRTUL ZHUGS GANG SPYOD CING, ,RTAG TU BZLAS LA BRTZON BYED PA, ,DE NI DNGOS GRUB MCHOG THOB 'GYUR, ,GSHIN RJE RAB TU 'JOMS PA 'DI, ,DNGOS GRUB GZHAN DU YONG MI 'GYUR, ,GANG TSE 'DI YI BRTUL ZHUGS NI, , BSNYEN PAR BYA BAR MI NUS NA, ,DE TSE LCI BA ZA ZHING NI, ,TSUL BZHIN BYE BA GSUM DU BZLA, ,BZLAS PA BYAS PA'I THA MAR YANG, ,MKHAS PAS MCHOD PA RGYA CHER BYA, ,DE NAS SNA MA'I ME TOG STONG, ,RI MO DAG LA PHOG PAR DBUL, ,RIG PA 'DZIN PAS LEGS PA RU, ,DE YIS PHOG PAR PHUL NAS NI, ,GANG TSE RAB TU 'BAR GYUR PA, ,DE TSE RI MO DE YIS NI, ,NAM MKHAR 'PHAR BAR GDON MI ZA, ,DE NAS RIG 'DZIN THAMS CAD KYI, ,MCHOG TU 'GYUR TE THOG MAR 'GRO, ,'ON TE PHOG PAR PHUL NA NI, ,RAB TU G-YO BAR GYUR NA NI, ,CHE GA ZHIB LAS BSHAD PA BZHIN, ,DE LA DNGOS GRUB 'BRING DU 'GYUR, ,DE STE RAB TU MI G-YO BAR, ,RI MO RANG BZHIN DU 'DUG LA, ,DNGOS GRUB THA MA THOB PAR 'GYUR, ,JI LTAR 'BRAS BU RNAM GSUM BSHAD; ;LUS NI NYON MONGS SPYAD PA LAS, ,DNGOS GRUB RNAM GSUM 'THOB PAR 'GYUR, ,BRTUL ZHUGS SMYUNG LA RAB TU 'BAD, ,YANG NA CHU YI KLUNG DAG BZA', ,CI LA MA CHAGS

, ,PHYUGS GCIN BTUNG, ,BYANG CHUB SEMS DANG KUN LDAN NA, ,DE TSE DNGOS GRUB DAM PA 'THOB, ,RIG PA'I MCHOG KUN BSGRUBS PA LA, ,DNGOS GRUB MCHOG DANG 'BRING RNAMS DANG, ,THA MA DAG NI BSGRUB PA'I PHYIR, ,'DI DAG SPYIR NI SGRUB BSTAN YIN, ,GANG TSE DNGOS GRUB MCHOG RNAMS DANG, ,'BRING YANG GAL TE MI 'DOD LA, , LONGS SPYOD RTAG TU 'DOD NA NI, ,DE TSE RTAG PAR BZLAS PAR BYA, ,'DI YI CHO GA GZHAN DAG KYANG, ,DE NAS MDOR NI BSHAD PAR BYA, ,SA GZHI RAB TU MDANGS DGA' BA, ,LCI BA BZANG POS BSKUS PA LA, ,DER NI TZANDAN DMAR PO YI, ,DKYIL 'KHOR DAG NI MKHAS PAS BYA, ,DE YANG BZANG PO KHRU GANG TZAM, ,RAB TU MNYAM ZHING YID DU 'ONG, ,GSHIN RJE RAB TU 'JOMS PA'I GANG, ,DKYIL 'KHOR DUR KHROD GNAS GSUNGS PA, ,DE NAS DER NI SNGAGS DAG GIS, ,DKYIL 'KHOR MCHOG DE BYAS NAS NI, ,DE YI 'OG TU SNGAGS RIG PAS, ,JI SKAD GSUNGS PA'I LAS DAG GIS, ,CI 'BYOR PA DANG CI NUS KYIS, ,KHRO BO LA NI MCHOD PAR BYA, ,NYI MA RE RE CHO GA BZHIN, ,BZLAS PA DAG KYANG STONG DU BYA, ,DE LTAR RTAG TU BYAS PA YIS, ,'DOD PA'I 'BRAS BU THOB PAR 'GYUR, ,'JIG RTEN THAMS CAD DGA' BAR YANG, ,GDON MI ZA BAR 'GRUB PAR 'GYUR, ,DE YI DGRA YANG MED

PAR 'GYUR, ,NAD MED PAR NI GDON MI ZA, ,DE YI LONGS SPYOD 'PHEL BAR 'GYUR, ,RGYAL PO'ANG DE YI DBANG DU 'GYUR, ,GANG ZHIG RTAG PAR CHO GA 'DIS, ,GSHIN RJE'I GSHED NI ZLOS BYED NA, ,DE LAS DE YI DBANG PO DANG, ,G-YO DANG MI G-YO 'JIG RTEN RNAMS, ,BYANG CHUB SEMS LDAN DE YI NI, ,DBANG DU 'GYUR BA GDON MI ZA, ,'JAM DPAL GYI RTZA BA'I CHO GA ZHIB MO KHRO BO RNAM PAR RGYAL BA'I PHYI MA'I YANG PHYI MA LAS, GSHIN RJE RAB TU 'JOMS PA'I YI GE 'BRU GCIG PA'I BRTUL ZHUGS RIM PAR PHYE BA STE BCU GSUM PA'O,, ,,DE NAS GZHAN YANG BRTUL ZHUGS KYIS, ,SGRUB PA'I LAS RNAMS BSHAD PAR BYA, ,DNGOS GRUB MCHOG RNAMS THAMS CAD NI, ,GSHIN RJE RAB TU 'JOMS PA 'DI, ,BRTUL ZHUGS DAG NI 'DI NYID KYIS, ,RNAM PA KUN TU BSGRUB PAR BYA, ,PHAL CHER DNGOS GRUB MCHOG RNAMS NI, ,BRTUL ZHUGS MED PAS MI 'GRUB STE, ,DE BAS GSHIN RJE 'JOMS PA YI, ,BRTUL ZHUGS SPYAD PA BYAS NAS SU, ,DNGOS GRUB MCHOG RNAMS LEGS PAR BSGRUB, ,MKHAS PAS GZHAN LA MA YIN NO, ,JI SKAD BSTAN PA'I MTSON CHA RNAMS, ,RTZA BA'I RTOG PA'I CHO GA BZHIN; ;SNGAGS RIG SBYOR BA SNGA MA BZHIN, ,DE DAG RTAG TU LEGS PAR BSGRUB, ,DE LA 'DIR NI RTOG PA RU, ,DUR KHROD GNAS PA'I DKYIL 'KHOR NI, ,DNGOS GRUB THAMS CAD RAB

, ,'BYIN PA, ,BYE BRAG TU NI LOGS SHIG GSUNGS, ,RAL GRI SA 'OG RO LANGS DANG, ,MIG 'PHRUL AANYDZA GI'U WANG DANG, ,YUNGS KAR BA BLA BTZAGS RNAMS DANG, ,GZHAN YANG LAS DAG CI 'DOD DANG, ,MI SNANG BA DANG RKANG MGYOGS DANG, ,GSER 'GYUR RTZI DANG BCUD KYIS LEN, ,GNOD SBYIN MO RNAMS SGRUB PA DANG, ,KLU YI BU MO LA SOGS SGRUB, ,DGUG PA'I CHO GA DAM PA YI, ,BUD MED DAM PA SPYAD SGRUB PA, ,RTZA BA'I RTOG PA'I CHO GA YIS, ,TSUL BZHIN GNAS NAS SGRUB PA BYA, ,DE LAS 'DI NI KHRO BO 'DI; ;YI GE 'BRU GCIG KHYAD PAR BSHAD, ,DE NAS JI SKAD GSUNGS BSTAN KUN, ,MA SMOS PA YANG BSGRUB PAR BYA, ,'JAM DPAL KHRO BO'I SNYING PO 'DI, ,H'Um ZHES BYA BA RGYAS PA STE; ;'DI NI RTZA BA'I CHO GA YIN, ,BSDU BA YONGS SU BSGRAGS PA 'O, ,'JAM DPAL GYI RTZA BA'I CHO GA ZHI BA MO KHRO BO RNAM PAR RGYAL BA'I PHYI MA'I YANG PHYI MA LAS, KHRO BO GSHIN RJE'I GSHED KYI RTZA BA'I CHO GA ZHI BA MO BSDUS PA RIM PAR PHYE BA STE BCU BZHI PA'O,, ,,RTOG PA MDO RU BSDUS PA DANG, ,RGYAS PA DAG TU BSHAD PA DANG, ,BRTUL ZHUGS DANG NI NGES PA YIS, ,DE NAS KHRO BO GZI CAN GYI, ,ZHAL DRUG H'Um ZHES BYA BA'I SNGAGS, ,BZLAS PA TZAM GYIS GRUB PA NI, ,GSANG BA MDO RU BSHAD PAR BYA, ,BRTUL ZHUGS SPYAD

DANG BRTUL ZHUGS DKA', ,DE DAG 'DI LA YONG MED DE, ,LAN GCIG BZLAS PA TZAM GYIS KYANG, ,LAS RNAMS THAMS CAD BYED PAR 'GYUR, ,AOm NA MA:SARBA TA TH'A GA TE BHYA:, H'Um H'Um H'Um H'Um H'Um H'Um; YA MA PRA MA TH'A RAKshA RAKshA MAm SARBA BHU TA BHA YE BHYA: TA TH'A GA TO DZNY'A NA PA YA HI SV'AH'A, YI GE BZHI BCU RTZA GSUM 'DI, ,KHRO BO BKLAGS PA TZAM GYIS 'GRUB, ,DNGOS GRUB THAMS CAD RAB TU STER, ,SANGS RGYAS KUN GYIS MNGON PAR BSTOD, ,DE NI RTAG PAR BZLAS NA NI, ,DNGOS GRUB THAMS CAD STER BAR BSHAD, ,DUR KHROD GNAS SU RTAG PAR NI, ,RTAG TU ZLOS PA CHO GA 'DIS, ,LHA DANG LHA MIN DRI ZA DANG, ,GNOD SBYIN SRIN PO KLU YI RIGS, ,DPAG TSAD BDUN NI KHOR YUG TU, ,DE YI GZIS NI 'BYER BAR 'GYUR, ,KHRO BO GSHIN RJE'I GSHED MDZAD PA, ,ZHAL DRUG H'Um GI SNGAGS 'DI NI, ,GANG ZHIG ZLOS PA BYED PA NI, ,'GRO DANG MI 'GRO 'JIG RTEN NA, ,DE LA DKA' BA CUNG ZAD MED, ,ZHAL DRUG H'Um ZHES BYA BA'I SNGAGS,, SH'U LA PHYAG RGYA LDAN PA NI, ,KHRO BO RNAM RGYAL RGYUD 'DI LA, ,DE NI GRUB PAR RAB TU BSGRAGS, ,DUR KHROD GNAS SU CHO GA BZHIN, ,DE YI SNGON DU BSNYEN PA NI, ,THOG MA NYID DU CHIG 'BUM BYA, ,DE NAS RTAG PA'I CHO GAR SPYAD, ,RTAG PAR SPYOD PA'I CHO GA YIS, ,DE NAS CHIG 'BUM BZLAS NAS KYANG, ,DE 'OG JI SKAD GSUNGS PA YI, ,LAS RNAMS KYIS NI SGRUB LA

, ,'JUG ,RTZA BA'I RTOG PA'I CHO GA YIS, ,DE NAS THAMS CAD LAS GRUB PAR, ,ZHAL DRUG H'Um ZHES BYA BA YI, ,CHO GA 'DIR NI MDOR BSHAD PA, ,'JAM DPAL LAS BYUNG KHRO BO NI, ,H'Um ZHES BYA BA'I ZHAL NYID YIN, ,GSHIN RJE GSHED CES BYA BAR GRAGS, ,'DI LA DKA' BA'ANG CI YANG MED, ,KHRO BO'I ZHAL NAS MDO RU NI, ,CHO GA BZANG PO CI GSUNGS PA'I, ,CHO GA DE BZHIN BDAG GIS BSHAD, ,ZHAL DRUG H'Um ZHES BYA BA 'DIS, ,H'Um ZHES BYA BA DRUG TU BSGRAGS, ,DE BZHIN GZHAN YANG RTOG PA RU, ,H'Um GI MTHA' NI BSKUL BAR BYA, ,H'Um TRAm SH'U LA'I PHYAG RGYAR LDAN, ,RI RNAMS KUN KYANG 'GAS PAR BYED, ,H'Um TRI RAB TU SBYAR NA NI, ,MYUR DU RAS KYANG GOS PAR 'GYUR, ,H'Um TSIG RIG SNGAGS THAMS CAD DANG, ,MTSON CHA RNAMS NI GCOD PAR BSHAD, ,SH'U LA'I PHYAG RGYA DANG LDAN PAR, ,H'Um KHA RTAG PAR RAB SBYAR NAS, ,SDANG BA RNAMS NI ZA BA DANG, ,DGRA YI DPUNG DAG RAB TU 'JIG ,H'Um GA RAB TU SBYAR NA NI, ,GLANG PO GNON PA RAB TU BSGRAGS, ,H'Um THA MTSON CHA KUN 'PHEL TSE, ,LHA DANG LHA MIN 'JIGS PAR BYED, ,H'Um HA DPUNG RNAMS 'JIG PA DANG, ,RMONGS PAR BYED PA YONGS SU BSGRAGS, ,H'Um DGRA RAB TU SBYAR NA NI, ,PHAN TSUN MTSON CHA 'KHRUG PA BYED, ,H'Um AA RAB TU SBYAR NA NI, ,SLAR YANG THAR PAR BYED PA YIN, ,H'Um GA GLANG PO SENG+GE

DANG, ,RTA DANG MI DANG BYA RNAMS DANG, ,GRU DANG SHING RTA'I BZHON PA DANG, ,'BAB CHU DAG KYANG MYUR BAR 'DIR, SH'U LA'I PHYAG RGYAR LDAN BYAS NA, ,GNOD PAR BYED PA'I MCHOG YIN NO,, H'Um BA RAB TU SBYAR NA NI, ,MNAN PA RTAG TU THAR PAR BYED, ,H'Um DHAm RAB TU SBYAR NA NI, ,LHA DANG LHA MIN GZHAN YANG RUNG, ,DNGOS GRUB PHRA MO THAMS CAD LA, ,BSKUL NA DE YI 'BRAS BUR 'GYUR; ;H'Um BAm KUN TU DBANG BYED PA, ,THA MAR RA BZHAG DBYE BAR BYED, ,HA DANG SBYAR NA SDANG BAR BYED, ,MA DANG SBYAR NA GSOD PAR BYED, ,YA DANG SBYAR NA DE BZHIN GSOD, ,LA DANG SBYAR NA MIG 'PHRUL BYED, ,ZHI DANG RGYAS LA 'BA' ZHIG GO ,DE LA SOGS PA GZHAN RNAMS KYANG, ,RTZA BA'I CHO GAS SBYAR BAR BYA, ,DE NAS JI SKAD GSUNGS PA YI, ,LAS RNAMS KYIS NI SGRUB PAR BYED, ,DE LTAR GSHIN RJE'I GSHED 'DI YI, ,DNGOS GRUB NGES PAR 'THOB PAR 'GYUR, ,'DI NI KHRO BO RNAM RGYAL GYI, ,RTOG PA'I YI GE GCIG PA GANG, ,'JAM DPAL KHRO BO GTZO BO YI; ;GSANG BA GZHAN DAG BSHAD PA YIN, ,'JAM DPAL GYI RTZA BA'I CHO GA ZHIB MO KHRO BO RNAM PAR RGYAL BA'I PHYI MA'I YANG PHYI MA LAS, KHRO BO'I RGYAL PO GSHIN RJE'I GSHED ZHAL DRUG H'Um ZHES BYA BA LAS BYUNG BA'I CHO GA ZHIB MO RIM PAR PHYE BA STE BCO LNGA PA'O,, ,,DE NAS CHO GA ZHIB RGYAS PA, ,GSHIN RJE'I GSHED PO GCIG PO YI, ,CHO GA KUN GYI

, ,MCHOG DANG RAB, ,DON GRUB CES PA BSHAD PAR BYA, ,DE LA RIG 'DZIN DPAL LDAN PAS, ,LAS RNAMS THAMS CAD BSGRUB PA'I PHYIR, ,MNYAM BZHAG BYANG CHUB SEMS LDAN PAS, ,THOG MAR DKYIL 'KHOR BRI BAR BYA, ,MTSO 'AM RGYA MTSO'I 'GRAM DAG GAM, ,GCONG RONG DUR KHROD DU YANG RUNG, ,DE DANG DER NI SA BRTAGS NAS; ;ME TOG SIL MA DAG GIS BRGYAN, ,DPA' BO GCIG PA'I SNGAGS 'BAR BAS, ,ME LCE 'BAR BAS 'KHRUGS BYAS TE, ,SA DANG SKYU RU RA LA SOGS, ,BSANGS NAS KHRUS LA BRTZAM PAR BYA, ,RIG 'DZIN KHRUS BYAS GTZANG MA YIS, ,DE NAS SNGAGS DES THAMS CAD NI, ,BDAG GI LUS LA DGOD PAR BYA, ,KHRO MIG DMAR POR GYUR PA YIS; ;DE NAS SA PHYOGS GTZANG MA NI, ,PHYAG DAR ZANG ZING YONGS SPANGS PA, ,BGEGS RNAMS ZHI BAR BYA BA'I PHYIR, ,GSANG SNGAGS ZLOS SHING BLTA BAR BYA, ,DE NAS KHRO BO GSHIN RJE'I GSHED, ,DPA' BO GCIG PU'I SNGAGS ZLOS SHING, ,DKYIL 'KHOR BZANG PO GRU BZHI PAR, ,DUR KHROD THAL BAS BRI BAR BYA, ,NUB PHYOGS SGO GDONG SGO BZHI PAR; ;DE YI DBUS SU PADMA BRI, ,BE CON PHYAG RGYA RTZE 'BAR BA, ,GRA BZHI DAG TU BRI BAR BYA, ,'DI NI BE CON MANG PO YIN, ,SH'U LA CAN GYI SH'U LA MANG, ,MDUNG THUNG RNAMS KYIS

YONGS BSKOR BA, ,DE BZHIN MDUNG THUNG MANG ZHES BYA, ,DE BZHIN THOD PA MANG PO YIN, ,MI RO DANG LDAN MI RO MANG, ,MI RO MI SDUG MGO MED PA, ,YI DVAGS 'BAR DANG SRIN POR LDAN PHYOGS BCU KUN NAS 'JIGS PA CAN, ,DE NI DUR KHROD MANG ZHES BYA, ,GSHIN RJE'I GSHED PO DPA' BO YI, ,DKYIL 'KHOR RNAM PA DRUG TU BSHAD, ,DE LA BE CON MANG PO NI, , LONGS SPYOD THAMS CAD 'PHEL BAR BSHAD, ,SH'U LA MANG PO SRIN RNAMS NI, ,'JOMS PA RAB TU BSGRAGS PA YIN, ,DE BZHIN MDUNG THUNG MANG PO NI, ,BGEGS RNAMS THAMS CAD TSAR GCOD PA'O, ,THOD PA MANG ZHES BYA BA RNAMS, ,'KHRUL 'KHOR THAMS CAD RAB TU 'JIGS, ,MI RO MANG PO ZHES BYA BA, ,RO LANGS THAMS CAD SGRUB PA 'O, ,DUR KHROD MANG PO RAB GRAGS PA, ,DNGOS GRUB THAMS CAD RAB SBYIN PA'O, ,DE LA PADMA'I DBUS SU NI, ,'JAM PA'I DPAL GYI KHRO BO'I MCHOG ,GSHIN RJE'I GSHED CES BYA BA DE, ,CHO GA BZHIN DU BZHUGS PAR BSAM, ,AINDRA N'I LA BCAG 'PHRO'I MDOG ,ZHAL DRUG SPYAN YANG 'JIGS PAR GZIGS, ,KHROS SHING ZHAL YANG BGRAD PA STE, ,'JIGS 'JIGS LTA LA 'JIGS PAR GNON, ,SPYAN GSUM DBU SKRA GYEN DU BRDZES, ,TSEMS KYIS SGROS MNAN 'JIGS 'JIGS LTA, ,BCO BRGYAD PHYAG NI DRAN PAR BYA, ,ZHABS KYANG RAB TU 'BAR BA

, ,DRUG ,MI RO MGO MANG PHRENG BA YIS, ,SE RAL KHA YI RGYAN DU BYAS, ,MDUNG THUNG THO BA ZHAGS PA YI, ,RAL GRI LCAGS KYU MTSON CHA THOGS, ,SH'U LA RDO RJE DBYUG TO DANG, ,BE CON MTSON CHA RNAMS DANG NI, ,DE LTAR G-YAS PA'I PHYAG NA BSNAMS, ,G-YON PAS BSDIGS SHING DRIL BU DANG, ,THOD PA BZANG PO KHA tV'Am KA ,MI MGO RLON DANG KENG RUS DANG, ,'JIGS PA'I MI RO DBYUG TO 'BAR, ,DE DAG PHYAG NA RTAG TU THOGS, ,KHRO BO GSHIN RJE'I GSHED PO NI, ,SHI BA'I RO YI STENG NA BZHUGS, ,'JIGS BA MTSON GDENGS 'JIGS 'JIGS LTA, ,DUR KHROD NA NI RTAG TU BZHUGS, ,SBRUL DANG SRIN PO THAMS CAD 'JOMS, ,LHA RNAMS KUN GYIS PHYAG BYAS SHING, ,KHRO BO THAMS CAD LEGS PAR 'DUD, ,SKU NI RAB TU 'BAR BA CAN, ,'KHRUG CING RAB TU ZA BA RNAMS, ,STAG LPAGS NA BZA' MNABS PAR DGYES, ,'JIG RTEN LHA NI KHRO BO RNAMS,, MTSON CHA DANG NI MTHU SPANGS NAS, ,RJES SU 'BRANG ZHING PHYAG BYAS PA'I, ,KHRO BO GSHIN RJE'I GSHED DRAN BYA, ,DE LTAR 'JIGS MED BYAS NAS SU, ,BDAG GI SNGAGS KYIS DRAN BYAS NAS, ,SPYAN DRANGS TZANDAN GYIS BSKUL NAS, ,ME TOG SPOS KYIS MCHOD PAR BYA, ,RTAG TU RIG PA 'DZIN PA YIS, ,TZANDAN DMAR PO DBUL BAR BYA, ,BDUG

PA DANG NI GTOR MA YIS, ,RIM PA BZHIN DU MCHOD NAS NI, ,SLOB MA KHRO BO'I SNGAGS DAG DANG, ,SANGS RGYAS SPYAN GYI SNGAGS DAG GIS, ,BCUD NAS ME TOG 'DOR DU GZHUG ,DE NAS RIG 'DZIN DPAL DANG LDAN, ,BDUD RTZI THAB SBYOR BZLAS NAS SU, ,PHRENG BA TZANDAN DKAR LA SOGS, ,MCHOD PA BYAS NAS SLOB MA LA, ,DE NAS SANGS RGYAS SPYAN YANG BZLAS,, KHRO BO GSHIN RJE'I GSHED PO NI, ,'JIGS PA PHA ROL GNON PA SBYIN, ,LHA KHYOD BDAG GIS MNOS SO ZHES, ,DE SKAD SLOB MAS LAN GSUM SMRAS, ,DE NAS SNGAGS RIG CHO GA BZHIN; ;BLA MA DAG LA PHYAG BYAS NAS, ,CHO GA BZHIN DU DBANG BSKUR BAS, ,KHRO BO GSHIN RJE'I GSHED PO BZLAS, ,'JAM DPAL GYI RTZA BA'I CHO GA ZHIB MO KHRO BO RNAM PAR RGYAL PHYI MA'I YANG PHYI MA LAS, KHRO BO'I RGYAL PO GSHIN RJE'I GSHED RIM PAR PHYE BA STE BCU DRUG PA'O,, ,,DE NAS GZHAN YANG GSHIN RJE YI, ,GSHED PO'I SNGAGS 'DI MNOS NAS SU; ;MI RO DAG GI GOS BLANGS NAS, ,DE LA DE YI GZUGS KYANG BRI, ,DE NAS TSON RTZI SBYIN MED PAS, ,BZANG PO SNGA MA BZHIN DU BYA, ,BZANG PO KHRU GANG TSAD DU BYA, ,YANG NA KHRU BZHI'I TSAD DU BYA, ,GANG TSE SDAGS BA BDAG NYID KYIS, ,BRI BAR MI NUS DE YI TSE, ,BZO BO SMYUNG BA BYAS PA NI, ,KHRIMS MNOS PA DAG 'BRI RU GZHUG ,SHI BA'I RO YI STENG DU

, ,BZHUGS, ,PHYAG NI BCO BRGYAD RNAMS KYIS BRGYAN, ,ZHAL DRUG ZHABS KYANG DRUG TU BSTAN, ,'JIGS PA GNON PA 'JIGS 'JIGS LTA, ,KHA CIG BZHAD CING KHA CIG NI, ,LJAGS 'DRIL KHA CIG MCHE BA GTZIGS, ,KHA CIG ZHAL GDANGS KHA CIG KHROS, ,KHA CIG 'JIGS PA PHA ROL GNON, ,KHRO BO DE 'DRA'I ZHAL 'DRA BA, ,SMIN MTSAMS SER LA SPYEN YANG SER, ,JI SKAD GSUNGS PA'I MTSON CHA RNAMS, ,PHYAG NA BSNAMS PA BRI BAR BYA, ,DBEN ZHING 'DU 'DZI MED PA RU, ,SDAGS PAS DE LTAR 'BRIR GZHUG GO ,DE LTAR BRIS NAS SNGAGS MKHAN DE, ,RI MO LA NI BLTAS NAS 'DUG ,CHO GA SHES PAS 'BUM BZLAS TE, ,RI MO BRIS PAS DE NYID KYIS, ,DE NAS SGRUB LA 'JUG PAR BYA, , GSHIN RJE'I GSHED PO DE YI SNGAGS, ,DRAG PO GANG YIN DE BSHAD DO, ,AOm NI DE YI DBANG PO YIN, ,AA ZHES BYA BA GNYIS PA YIN, ,KRO ZHES BYA BA GSUM PA STE, ,DHE ZHES BYA BA BZHI PA YIN, ,KA ZHES BYA BA LNGA PA YIN, ,YA ZHES BYA BA GSANG BA DRUG ,M'AN ZHES BYA BA BDUN PA STE, ,TA NI BRGYAD PAR SHES PAR BYA, ,KA NI DGU STE H'Um DANG BCU, ,DE BZHIN PHAt BYA LHAG PA STE, ,MI MNYAM SNGAGS NI BCU GCIG PA'O, ,'JAM DPAL GYI NI KHRO BO MCHOG ,GSHIN RJE'I GSHED CES BYA BA DE, ,CHO GA PHYI MA'I PHYI MA STE, ,SANGS RGYAS

KUN GYIS MNGON BSTOD PA'I, ,SNGAGS DE DE LTAR MNOS NAS SU, ,CHO GA MNOS NAS BZLAS BYAS NAS, ,RIG 'DZIN GO 'PHANG THOB PAR 'GYUR, ,AOm AA KRO DHE KA YA M'ANTA KA H'Um PHAt, GSHIN RJE GSHED PO LHA'I LHA'O, ,AOm AA MRi TA KUndA LI, SARBA BIGHNA NA TA KRiTTA NA H'Um H'Um H'Um PHAt, BDUD RTZI THAB SBYOR GYI'O, ,AOm BUDDHA LO TZA NE SV'AH'A, SANGS RGYAS SPYAN GYI'O, ,DE NAS GZHAN YANG BZLAS PA YI, ,GNAS DAG JI LTAR YIN PAR BSHAD, ,DUR KHROD YANG NA RI YANG RUNG, ,TSANG TSING PADMA'I MTSO 'GRAM DU, ,KHRO ZHING GSHIN RJE GSHED PO NI, ,BZLAS NA DNGOS GRUB THOB PAR 'GYUR, ,KU SHA'I RTZVA YI STAN LA 'DUG ,RI MO LA NI PHYOGS 'DUG STE, ,LAG PA GNYIS KA DRIS BSKUS NAS, ,RU RAKshA YI PHRENG THOGS LA, ,SNGAGS PAS RTAG TU BZLAS PAR BYA, ,DE BZHIN 'DUG PA AARGA DBUL, ,MYUR BA DANG NI BUL BA DANG, ,DE BZHIN YI GE 'DRES PAR NI, ,NAM YANG SMRA BAR YONG MI BYA, ,RTAG TU RAB TU GSAL BAR SMRA, ,CHO GA BZHIN DU YID BSAM NAS, ,BU DON LA NI SEMS BZHAG STE, ,SKYE BA MED PA'I SEMS KYIS NI, ,YI GE GO RIM BZHIN DU BZLAS, ,'BUM GCIG BZLAS PA'I THA MA NI, ,BSGRUB PAR BYA BA BSHAD KYI NYON, ,MTSO YI 'GRAM DU DKYIL 'KHOR NI, ,DUR KHROD MANG PO BRI BAR BYA, ,DE YI NANG DU RI MO BKRAM, ,SEMS DPA' MTSAN MO ZHUGS NAS NI, ,GROGS BZANG

, ,SEMS KYANG MA RMONGS PA, ,GU GUL BDUG PA DE BZHIN BSREG ,ZLOS SHING SNANG MA'I ME TOG STONG, ,SNYING GAR PHOG PAR BYA ZHING DBUL, ,DE NAS KHRO BO GSHIN RJE'I GSHED; ;RI MO LA BZHUGS KHRO PO'I SPYAN, ,RI MO DE NI NGES PA RU, ,G-YO 'AM YANG NA 'GUL BAR 'GYUR, ,DE NAS LHA DE GRUB GYUR NAS, ,GANG 'DOD PA YI LAS RNAMS BYED, ,DE STE GRUB PAR MA GYUR NA, ,GZHAN YANG CHIG 'BUM BZLAS PAR BYA, ,DE NAS DE YI MTHA' MAR BSGRUB, ,DES KYANG MA GRUB GSUM PA LA, ,MTSAMS MED LNGA RNAMS BYED PA YANG, ,GDON MI ZA BAR 'GRUB PAR BYED, ,GRUB PA'I LAS RNAMS GANG DAG 'DIR, ,BYED PAR 'GYUR BA BSHAD PAR BYA, ,BSGRUB PAR DKA' BA'I LAS RNAMS KYANG, ,YID LA GANG DANG GANG 'DOD PA,, DE DAG MTHAR PHYIN MYUR BAR NI, ,RIG SNGAGS 'CHANG BA BYED PAR 'GYUR, ,RI RNAMS KYI NI RTZE MO DANG, ,GCONG RONG RNAMS NI SNYIL BAR BYED, ,SA YANG RAB TU 'GAS PAR BYED, ,CHU DAG KYANG NI SKAM PAR NUS, ,DPUNG RNAMS MI G-YO GNON PAR BYED, ,KHRAG GI CHAR YANG 'BEBS PAR BYED, ,STONG DAM YANG NA 'BUM YANG RUNG, ,DE MA THAG TU GSOD PAR NUS, , GNOD PA DANG NI RMONGS PA DANG, ,DE MA THAG TU 'BEBS PAR BYED, ,SHING RTA'AM YANG NA GRU DAG DANG, ,GLANG PO MYOS PA GNON PAR NUS, ,PHA ROL DPUNG DAG 'KHRUG PAR BYED, ,YUL

PHYOGS MYUR DU RMONGS PAR NUS, ,KHROS NAS SA YANG G-YO BAR BYED, ,GLING DANG NAGS TSAL SREG PAR NUS, ,DE NI GANG BA'I MTSO YANG SKEM, ,BSKAMS PA DAG KYANG 'GENGS PAR NUS, , SPRIN YANG LEGS PAR GNON PAR NUS, ,CHAR PA DAG KYANG 'BEBS PAR BYED, ,DUS MIN CHAR YANG 'BEBS PAR NUS, ,KLU YI BDAG PO DAG KYANG 'GUGS, ,DE NI NAG POS ZIN PA YANG,, MTHONG BA'AM YANG NA SPRIN TZAM GYIS, ,'GUGS PAR BYED DE THE TSOM MED, ,SER BA DANG NI SOL BA'I CHAR, ,DE MA THAG TU 'BEBS PAR NUS, ,'BRAS BU ME TOG MCHOG RNAMS DANG, , YAL GA DAG GIS BRGYAN PA'I SHING, ,BLTAS PA'AM YANG NA RDO 'PHANGS PAS, ,GLO BUR DU YANG 'GYEL BAR BYED, ,DE NI SBYAR BA TZAM GYIS SU, ,SA YI 'OG KYANG 'KHRUG PAR BYED, ,DE BZHIN LHA DANG MI RNAMS DANG, ,GNOD PA CHEN PO 'BYUNG BAR BYED, ,KHRO BO'I RGYAL PO 'DI YIS NI, ,NGES PAR DBANG DU MI 'GYUR BA'I, ,DNGOS PO 'DAS DANG DA LTAR DANG, ,PHYIS 'BYUNG BA DAG GANG YANG MED, ,LHA DE GRUB PAR MA GYUR KYANG, ,MTHONG BA TZAM MAM TSIG GIS KYANG, ,DUG DANG RI MAS DANG GDON RNAMS SOGS, ,ZHI BAR BYED PA'I MCHOG TU 'GYUR, ,DBANG DU BYED DANG DBYE BA DANG, ,GSANG DANG BSKRAD PAR BYA BA DANG, ,MIG 'PHRUL AAm DZA BSKU BA RNAMS, ,BDUG DANG DRIS BYUGS SBYOR BA YIS, ,LAS RNAMS 'DI DAG THAMS CAD NI, ,BZLAS PA,

, ,BRGYA BYAS 'GRUB PAR BYED, ,SNGAGS PA GTER CHEN YOD PAR NI, ,SONG STE GRUB PAR BYAS NAS SU, ,BGEGS RNAMS KYIS NI MI 'JIGS PAR, ,NOR DE BZLAS PA STONG BYAS BAS, ,BDAG GI KHYIM NAS LEN PA BZHIN, ,PHRA MO RNAMS NI BRGYA YIS 'THOB, ,BZLAS DANG SBYIN SREG MA BYAS KYANG, ,GSHIN RJE'I GSHED KYI MING TZAM GYIS, ,LHA RNAMS SKRAG PAR 'GYUR BA NI, ,RING POR MI THOGS GDON MI ZA, ,MA RUNGS PAR NI BYA BA DANG, ,BYAD DANG STEMS DAG BYA BA DANG, ,RMONGS DANG MNAN PA'I DNGOS GRUB RNAMS, , BLTAS PAS RNAM PA DU MA YI, ,CHO GA GZHAN GYI CHO GA YANG, ,RING POR MI THOGS 'GRUB PAR NUS, ,YUL DANG YUL PHYOGS DAG TU YANG, ,GNOD PA DANG NI NAD KYANG 'BYIN, , RMUGS PA DANG NI GNOD PA DANG, ,RMONGS DANG MI MTHONG BYED PA DANG, ,'KHRUG PA DANG NI SKRAG PA DANG, ,SKYO ZHING SLAR YANG G-YO BA DANG, ,NOR 'GUGS PA DANG GNON PA DANG, ,SKYE BO DAG KYANG 'GUGS PA DANG, ,YUN DU 'TSE ZHING 'JIGS PA DANG, ,'KHRUG PA 'THAB MO SER BA DANG, ,BRU BA NYID KYIS MYOS PA DANG, ,GANG YANG GZHAN DAG DE 'DOD PA, ,SNGAGS PAS GSHIN RJE'I GSHED DRAN PAS, ,DE DAG THAMS CAD BYED PAR 'GYUR, ,DE NAS CHO GA PHYI MA 'DI, ,JI LTAR YIN PA DE BSHAD DO, ,LHA MA YIN GYI PHUG SGOR SONG, ,MKHAS

PAS RI MO BKRAM NAS SU, ,KHA ZAS MI ZA STAN GCIG 'DUG ,KHRI YI GRANGS TSAD BZLAS BYAS NAS, ,DE NAS BUD MED GZUGS MCHOG LDAN, ,BZANG PO RNAMS NI SGOR PHYUNG NAS, , SGRUB PA DE YI MDUN DU NI, ,NANG DU GSHEGS ZHES DGA' BAR BYED, ,DE NAS GROGS PO YID GCUGS DANG, ,SGRUB PA PO NI LHAN CIG TU, ,NGES PAR DAM TSIG DAG GIS NI, ,DE YI GNAS SU 'JUG PAR BYA, ,DE BZHIN JI LTAR 'DOD PA RU, ,GNOD SBYIN MA YI MING RNAMS DANG, ,SHA ZA MO 'AM DRI ZA MO, ,YANG NA GANG 'DOD PA YI LHA'I, ,MING BRIS DE YI MDUN BZHAG NAS; ;RI MO LA NI NYIN RE ZHING, ,DE YI TSIG NI MTHAR SBYAR NAS, ,MI SKYO BAR NI 'BUM BZLAS NA, ,SGRUB PA PO NGES 'JIG GYUR NAS, ,DE DAG THAMS CAD 'ONG BAR 'GYUR, ,SGRUB PO JI SRID 'DOD PAR NI, ,'DI RU LAS RNAMS BYED PAR 'GYUR, ,LHA RNAMS DAG NI THAMS CAD KYANG, ,GNOD SBYIN LA SOGS BSGRUBS BSHAD ZIN, ,'DI YI CHO GA PHYI MA YI, ,PHYI MA DAG KYANG BSHAD PAR BYA, ,RI MCHOG DAG GI RTZE MO LA, ,YI DVAGS MANG PO'I DKYIL 'KHOR BRI, ,YI DVAGS DKYIL 'KHOR BRIS NAS KYANG, ,KUN LA SHA YI GTOR MA BYA, ,GROGS PO SEMS NI DPA' BA DANG, ,YON TAN LDAN ZHING BZO BA DANG, ,MI RO'I GOS LA BRIS PA YI, ,RI MO BZHAG LA DE NAS SU, ,BDAG GI YAN LAG THAMS CAD LAS, ,DUS PA DAG GIS

, ,KHRAG PHYUNG STE, ,MI YI THOD PA'I NANG DU BZHAG ,LUS LA KHRAG NI CI BYIN PA, ,MI RO SKRA YI PIR DAG GIS, ,DE NAS DE YI LUS DAG DANG, ,MIG KYANG RAB TU GSAL BAR BYA, ,DE LA BGEGS KYANG MANG DU 'GYUR, ,DE NI DPA' BOS BSHAD PAR GSUNGS, ,DPA' PO DAG GIS LAS KYANG BYA, ,DE YI 'OG TU BZO BO LA, ,DPA' BO DAG GIS YON YANG DBUL, ,DE NYID YONGS SU RDZOGS PAR NI, ,GYUR GYI BAR DU TSUL BZHIN GYIS, ,THA MAR DPA' BO GCIG PU DE, ,RI MO MTSAN MOR RAB 'BAR RAM, ,YANG NA DGOD DAM G-YO YANG RUNG, ,DE NAS DNGOS GRUB THOB PAR BSHAD, ,RI MO DE NI BLANGS PA YIS, ,NAM MKHAR 'BAR BA GDON MI ZA, ,DPAL LDAN THOGS PA MED PAR 'GRO, ,MTSAN MO NYI MA BZHIN DU 'BAR, ,DPA' BO DAG GIS SGRUB PA 'DI, ,RIG 'DZIN KUN GYI THOG MAR 'GRO, ,GRUB PA DE LA LHA RNAMS KYANG, ,GDON MI ZA BAR PHYAG 'TSAL 'GYUR, ,RIG 'DZIN RNAMS NI THAMS CAD KUN, ,KUN TU BKUR BA'I RGYAL POR 'GYUR, ,YANG NA CHO GA SHES PA'I RGYAL, ,RI MO ZHI BA SNGON BZHIN DU, ,BLANGS TE BSREGS PA'I STENG DU BZHAG ,DE NAS BSREGS PA DER 'DUG NAS, ,GCIG PO RAL GRI BLANGS NAS SU, ,MTSAN MO GSHIN RJE'I GSHED BZLAS PA, ,'BAR BAR 'GYUR GYI BAR DU 'AM, ,DU BA'AM TSA BA'I BAR DU BZLAS, ,'BAR

BA 'GYUR PA DPAL DANG LDAN, ,RIG 'DZIN DU NI DE 'GYUR RO, ,DU BA BYUNG BAS MI SNANG BA, ,NAM MKHAR 'GRO BA'I MCHOG TU 'GYUR, ,DE TSE TSA BAR GYUR NA NI, ,SA YI RGYAL POR NGES PAR 'GYUR; ;RAL GRI MCHOG DE BYA BA YANG, ,SOR NI SUM CU RTZA GNYIS SHING, ,YAN LAG THAMS CAD YONGS RDZOGS PA, ,BSGRUB PAR BYA BA SO YI RDO, ,DE LTAR CHO GA PHYI MA YANG, ,MDOR NI LEGS PAR BSHAD PA YIN, ,LAG PA G-YAS PA'I SOR MO YIS, ,MTHE BONG SBAS NAS GYEN DU NI, ,BSGRENGS PAR BYAS PA'I PHYAG RGYA 'DI, ,BE CON ZHES NI BSGRAGS PA YIN, ,HA NYID KYIS NI SNGAGS LDAN PAR, ,LAS RNAMS KUN LA BCING BAR BYA, ,SPYAN DRANGS PA DANG MCHOD PA DANG, ,GSHEGS SU GSOL DANG BZHUGS PA DANG, ,LAS RNAMS BYA BA'I TSE DAG DANG, ,GZHAN YANG DGOS PA 'BYUNG BA'I TSE, ,TSUL BZHIN PHYAG RGYA 'DI BCINGS NAS, ,GSHIN RJE'I GSHED KYI LHA BZLAS SO, ,SNGAGS PA RGYAL PO'I DRUNG SONG NAS, ,MGO BTUD PUS MO BCUGS NAS SU; ;BDAG NYID DANG NI NOR BCAS PAR, ,GDON MI ZA BAR MYUR DU 'GRUB, ,'JAM DPAL GYI RTZA BA'I CHO GA ZHIB MO KHRO BO RNAM PAR RGYAL BA'I RGYUD CHEN PO THAMS CAD KYI PHYI MA'I YANG PHYI MA LAS; ;BCOM LDAN 'DAS 'JAM DPAL GSHIN RJE'I GSHED KYI GSAL SHING KHRO BO RNAM PAR RGYAL BA'I CHO GA ZHIB MO PHYI MA'I YANG PHYI MA GSANG BA GSAL SHING RGYUD DE RIM PAR PHYE BA

, ,BCU BDUN PA'O,, ,,AOm AA KRO DHE KA YA M'ANTA KA H'Um H'Um H'Um PHAt PHAt PHAt SV'AH'A, 'DI YANG BCOM LDAN 'DAS KYI SNGAGS GZHAN NO, ,AOm A'A: H'Um, 'DI YANG DE BZHIN NO, ,YI GE BCU GCIG RGYAL PO YI, ,DE NYID BZLAS PAS 'GRUB PAR 'GYUR, ,KHRO BO RNAM PAR RGYAL BA YI, ,RTZA BA DANG NI PHYI MA DANG, ,DE BZHIN PHYI MA'I PHYI MA 'DI, ,RTOG PA MA LUS RGYAS PA DAG ,LHA DE RNAMS KYI LEGS THOS NAS, ,'JIG RTEN 'JIG RTEN 'DAS PA KUN, ,THAL MO RAB TU SBYAR NAS SU, ,KHRO BO RNAM PAR RGYAL BA NI, ,GSHIN RJE GSHED LA 'DI SKAD SMRAS; ;BCOM LDAN KHYOD KYI RTOG PA 'DI, ,SGRUB PA RNAMS LA PHAN PA'I PHYIR, ,RAB TU NGO MTSAR BSHAD LAGS TE, ,BZLAS DANG HOM DANG MCHOD LA SOGS, ,KHRO BO CHEN PO BRTUL ZHUGS DANG, DE BZHIN DKA' THUB DRAG PO DANG, ,JI SKAD GSUNGS PA'I SMYUNG BA YIS, ,KHRO BO K'I LI K'I LA LAS, ,SOGS PA'ANG DUS LA BAB NA NI, ,SNGAGS ZLOS PA LA DNGOS GRUB STER, ,BCOM LDAN 'DAS KYI RTOG PA DANG, ,KHYAD PAR GYUR PA CI ZHIG MCHIS, ,DE BAS BZLAS DANG SBYIN SREG DANG, ,SMYUNG DANG BRTUL ZHUGS DKA' THUB DANG, ,MED PAR RANG DBANG NYID DU NI, ,DNGOS GRUB DAM PA KHYOD KYIS GSUNGS, ,LHA MCHOG DE DAG THAMS CAD KYIS, ,PHYAG 'TSAL DE SKAD SMRAS PA DANG, ,KHRO BO DRAG TU BZHAD PA YIS, ,RAB TU DRAG PO'I TSIG TU GSUNGS, ,DRAG TU BZHAD PA'I

ZHAL 'DZUM PAS, ,LHA YI TSOGS RNAMS 'JIGS RMONGS LA, ,MA 'JIGS MA 'JIGS ZHES GSUNGS PA'I, ,PHAN PA'I TSIG GIS DBUGS PHYUNG NAS, ,KHYED RNAMS KYIS NI GANG SMRAS PA,, SGRUB PA DAG NI MED PAR YANG, ,SBYOR BA SHES PAS 'GRUB 'GYUR BA, ,LHA RNAMS KUN GYIS MNYAN PAR GYIS, ,BDE GSHEGS DNGOS GRUB GCIG PU LAS, ,GYES PA RNAM PA THA DAD 'GYUR,, DE NAS TING 'DZIN TSUL LAS NI, ,MTSAN MA DANG NI DNGOS GRUB DE, ,THOG MAR BYANG CHUB RTZA LA BRTEN, ,SHES RAB DE LTA BU YANG BSGOM, ,SEMS KYANG RNAM PAR MI RTOG PAS, ,BDE GSHEGS DNGOS GRUB DE DAG THOB, ,DE NGA'I GZUGS SU GYUR PAR BYOS, ,SA BON MTSON CHA MANG POR LDAN, ,KHRO BO DE YI ZHAL DRUG BSGYUR, ,DRIL BU GSIL BA'I SGRA YANG 'BYIN, ,KHRO BO'I ZHAL NI BCAS PAR LDAN, ,DE YI GZI DANG MTHU LDAN BYAS, ,KUN TU DGA' BA'I SNYING POR LDAN, ,GANG GI YID LA GANG BSGOMS PA, ,DE LA NGA YI THUGS G-YOS PAS, ,JI LTA BA 'AM GAR YANG RUNG, ,MDUN NAM YANG NA RGYAB NAS KYANG, ,LAS KUN BYED NUS GRUB PAR 'GYUR, ,GANG DAG NGA NI PHYAG LNGA BCU, ,BE CON GDENGS PAS SDIGS PAR MDZAD, ,TRI SHUL RAL GRI DGRA STA KYU, , THOD PA SHAKTI THOD MAR DBYUG ,DE DAG LAS NI PHYAG GSUM DRUG ,G-YAS PA BE CON MDA' RAL GRI ,G-YON NA 'KHOR LO RDO RJE 'DZIN, ,RDO RJE RTZE GCIG MIG DRUG PA, ,DBRAL BA'I GNYER MA

, ,BSNYER BA DANG, ,KHRO GNYER BSNYER BA'I LTA BA CAN, ,'JIGS PA'I SBRUL GYI RO STOD DKRIS, ,THOD PA DAG GIS RGYAN DU BYAS, ,CHAR SPRIN SNGON PO'I KHA DOG 'DRA,, ZHAL GCIG SPYAN YANG MI MNYAM PA, ,'BRUG GI SGRA DBYANGS SGRA SGROG PA, ,STAG LPAGS NA BZANG GSOL BAR DGYES, ,MTSON CHA MTSON RNAMS 'BAR ZHING 'KHRUG ,SPYAN DANG GTZUG PHUD RTZA DMAR SER, ,ZHABS GNYIS GDANGS PA'I TSAM NGAM MDZAD, ,SA YI STENG NA ZA ZA LTA, ,MCHE BA DAG KYANG GTZIGS PA'I ZHAL, ,BCIBS PA MA HE BCIBS PA STE, , SEMS PA'AM RI MO LA BRIS PA, ,SGRUB PO MYUR DU MCHOD BYED NA, ,DE LA NGA NI MYUR BA RU, ,DGYES NAS MNGON DU PHYOGS PAR 'GYUR, ,JI LTAR 'DOD PA'I DON RNAMS NI, ,GDON MI ZA BAR GRUB PAR BYED, ,RNAM PAR GNON PA'I GZUGS 'DI NI, ,BDUD LAS RGYAL BA YIN PAR BSGRAGS, ,THOG MAR BDAG GI DAM TSIG SBYIN, ,SRUNG MCHOG TSUL BZHIN BYAS NAS SU,, RAS 'DI SUM CU SOR TSAD LA, ,SNGAGS PA BZO BO YON TAN CAN, ,YID NI BRTAN PAR BYA BA'I PHYIR, ,DBEN PA'I GNAS SU MI MNGON PAR, ,TSON RTZI DGE BA BZANG PO YIS, ,RI MO THOG MAR BRI BAR BYA, ,ZIN NAS KYANG NI DBEN PAR GZHAG ,SU LA'ANG BSTAN PAR YONG MI BYA, ,NGA YI GZUGS SU GYUR PAR BYAS, ,SA BON MTSON CHA BZANG POR LDAN, ,NGA YI ZHAL NI KHRO BOR

'GYUR; ;DRIL BU GSIL BA'I SGRA DANG LDAN, ,KHRO BO'I ZHAL NI BSAM PAR BYA, ,NGA YI GZI DANG MTHUR LDAN BYAS, ,KUN DGA' YI NI SNYING POR LDAN, ,GAL TE DAM TSIG MI LDAN PA'I, ,SKYE BOS RI MO DE MTHONG NA, ,MYUR DU RNAM PAR MYOS PAR 'GYUR, ,DE BAS RNAM PA THAMS CAD DU, ,SRUNG BA DRAG PO KUN TU BYA, ,GRONG NGAM YANG NA GRONG KHYER DU, ,RNAM PA GZHAN DU BZHAG GYUR TAM; ;GONG DU MCHOD PA MA BYAS NA, ,MYUR DU 'JIGS PA SKYE BAR 'GYUR, ,RI MO LA NI GNAS PA'I GZUGS, ,DE LTAR RTAG TU GOMS BYAS SHING, ,DER BSGYUR DE YI YID DU 'GYUR, ,JI SRID GANG DAG GOMS GYUR CING, ,KUN TU MDUN NA GNAS PA RU, ,GANG TSE MTHONG BAR GYUR PA NA, ,DE TSE RI MO MED PAR YANG, ,JI LTA BU YI TSUL NYID KYIS, ,RTAG TU SBYOR BA BYAS NAS NI, ,SBYOR BA NYID KYIS RTAG PA RU, ,KHRO BO KUN TU SBYOR BA NI, ,DE LAS LAS RNAMS THAMS CAD BYED, ,'DI NI GSANG BA BSTAN PA YIN, ,YANG NA BDAG NYID DE 'DRA BAR, ,JI SRID GCIG TU GRUB PA'I BAR,, YID LA LEGS PAR BSGOMS NA NI, ,DE NAS DE YI DNGOS GNAS PAR, ,YID LA CUNG ZAD GANG BSAM PA, ,DNGOS POR GOMS PAR BYAS NA NI, ,DE NYID 'BRAS BU YONG PAR 'GYUR, ,GANG PHYIR KHRO BO BSGOMS PA YIS, ,KHRO BO YONG YE BSGOMS NA NI, ,BZLAS PA LA SOGS MED PAR YANG, ,DNGOS GRUB DAM PA THOB PAR 'GYUR, ,SGRUB PA RNAMS LA DAM TSIG NI, ,GAL TE SBYIN PAR BYA NA YANG,,

, ,DE TSE SA NA RAB SBYANGS NAS, ,THOG MAR SPOS CHUS GDAB PAR BYA, ,KUN TU ZLUM PO ZHES BYA BA'I, ,DKYIL 'KHOR 'DI NI LOGS SHIG TU, ,KUN TU ZLUM POR BRI BAR BYA,, MTSON RTZI NAG POR LEGS BRIS TE, ,NUB PHYOGS SGO BTOD KHRU DO TZAM, ,DE YI DBUS SU MCHOG BRI BA, ,'GYING ZHING LDEM BAG CAN GYI LUS, ,CHAR SPRIN DANG NI BUNG BA'I MDOG ,'JAM ZHING MNYEN PA DPAL DANG LDAN, ,GSER GYI DRIL BU'I SGRA DANG LDAN, ,G-YAG RNGA'I BSIL YAB G-YOB PA CAN, ,AA DZA NA YI RI LTA BU'I, ,MA HE CHEN PO DAM PA NI, ,DKYIL 'KHOR DAM PA DE BRIS TE, ,SRUNG BA CHO GA BZHIN BYAS NAS, ,SNGAGS SHES PAS NI MCHOD BYAS PA, ,CHO GA BZHIN DU 'DIR BSHAD DO, ,SPYAN DRANGS GDAN DU BSTABS PA DANG, ,AARGA GTOR MAS MCHOD PA DANG, ,MAR ME BDUG PA BSTAN PA DANG, ,THA MAR SLAR GSHEGS BSTAN PA 'O, ,GZUGS DGOD PA DAG THOG MA RU, ,LHA DGOD PA DAG YIG 'BRUS BSKYED, ,SA BON GYIS NI TSUL BZHIN BSHAD, ,DE LAS DANG POR THAMS CAD NI, ,SA BON KHRO BO'I GZUGS YIN TE, ,DE NYID PHAL CHER RAB TU GRAGS, ,GCIG PU MTSON CHA DU MA'I MCHOG ,DE NYID DER NI BRTAN BYA BA'I, ,RTAG TU MTSON CHA 'BAR BYED PA, ,DE YI GZUGS 'DIR GCIG PU LA, ,SA BON GYIS NI BSKUL BA'I ZHAL, ,DRIL BU'I SA BON DRUG RNAMS KYIS, ,SGRA DE RNAMS BZHIN

SGROG PAR BRTAG ,'DI NI KHRO BO'I ZHAL YIN GSUNGS, ,'DI NI THOG MA NYID KYI GZUGS, ,DE YI MTHU YANG CI 'DRA BA, ,TSUL BZHIN DU YANG 'DIR BSHAD DO, ,GANG GIS DRAN PA TZAM GYIS NI; ;BDUD DPUNG GDUG PA'I GDON LA SOGS, ,MTHU RTZAL GNOD PAS NYAMS NAS SU, ,'JIGS SHING SPA BKOD BYED PAR 'GYUR, ,ZUNGS SHIG PA YI TSIG GNYIS LDAN,, ZHAL YANG GDANGS SHING 'BAR BA CAN, ,SNYING PO DAG PAR RAB TU GZHAG ,MTSON CHA 'DEBS PA'I MTHU RTZAL CAN, ,DE LTAR KHRO BO RGYAL BA'I GSUGS, ,SA BON ZHES SU BYA BA YI, ,SNGAGS KYI DNGOS PO SHES NAS NI, ,SNGAGS PAS DNGOS GRUB THOB PAR 'GYUR, ,MTSON CHA 'PHANGS PA TZAM GYIS NI, ,DE YI KUN TU BSRUNG BAR BYA, ,SA BON BKOD PA'I TSUL BZHIN DU, ,BDAG GI LUS LA SBYAR BAR BYA, ,GZUGS NI GZUGS LA BZHAG NAS SU, ,MTSON CHA DE NYID LAG NA THOGS, ,SA BON RNAMS KYANG KHAR BZHAG STE, ,RKANG PA GNYIS KYANG TSAM NGAM BYA,, DE NAS KUN TU KHROS NAS SU, ,RANG GI SA BON DGOD PAR BYA, ,THOG MA BDAG LA MA YENGS PAR, ,SRUNG BA DE LTAR BYAS NAS SU, ,DKYIL 'KHOR DU NI SPYAN DRANGS TE, ,DE NAS MDUN DU MCHOD PA BYA, ,SNGAGS KYI SNYING PO THA MA LA, ,TSUR GSHEGS PA YI TSIG GNYIS DANG, ,RTAG TU LDAN PAR BYAS NAS SU, ,SPYAN DRANGS PA DAG BYA BAR BSHAD, ,ME TOG DAG GI

, ,GDAN 'DI LA, ,BZHUGS SU GSOL ZHES RTAG TU BYA, ,DE LTA BUR NI SPYAN DRANGS NAS, ,ME TOG DAG GIS SNGA MA BZHIN, ,BZHUGS SHIG PA YI TSIG GNYIS KYIS, ,CHO GA BZHIN DU BZHUGS SU GSOL, ,KHRO BO'I RGYAL PO DE LA NI, ,BZHUGS PAR BYA BA BSTAN PA YIN, ,ME TOG SNGAGS KYIS BTAB PA YIS, ,DE LTAR BZHUGS PAR BYAS NAS SU, ,AARGA 'DI NI BZHES SHIG CES, ,TSIG GI MJUG TU BRJOD NAS SU, ,SPOS CHU ME TOG SBYAR BA YIS, ,AARGA DE LA DBUL BAR BYA, ,ME TOG BDAG GIS PHUL BA 'DI; ;BZHES SU GSOL ZHES BRJOD NAS SU, ,SPOS CHUB ZANG PO BTAB PA YI, ,ME TOG DAG NI SNGON BZHIN DBUL, ,SNGAGS PAS RTAG TU TSIG MJUG LA, ,GTOR MA BDAG GIS PHUL BA 'DI, ,BZHES SU GSOL ZHES BRJOD NAS SU, ,GTOR MA SNA TSOGS DBUL BAR BYA, ,MAR ME BDAG GIS PHUL BA 'DI, ,BZHES SU GSOL ZHES MJUG TU BRJOD,, MAR GYIS LEGS PAR GANG BA YI, ,MAR ME DAG NI DBUL BAR BYA'O, ,BDUG PA BDAG GIS PHUL BA 'DI, ,BZHES SU GSOL ZHES MJUG TU BRJOD, ,BDUG PA THANG CHU RNAM PA LNGA; ;SNGAGS KYIS BTAB STE DBUL BAR BYA, ,DER NI MCHOD PA BYAS NAS KYANG, ,DKYIL 'KHOR DAG GAM RI MO LA, ,RANG GI YAN LAG BKOD PA DAG ,DAM TSIG CAN LA

BSTAN NAS NI, ,MTHONG BA TZAM NI NYID KYIS SU, ,RIG 'DZIN DAM TSIG CAN DU 'GYUR, ,DE NAS RTOG PA LAS GSUNGS PA'I, ,LAS RNAMS MYUR DU BYED PAR 'GYUR, ,DE LTAR KHRO BO'I RGYAL PO YIS, ,MCHOD PA LEGS PAR BYAS NAS SU, ,SGRUB PA PO NI MA YENGS PAR, ,SNGAGS BRJOD SLAR YANG GSHEGS SU GSOL, ,SLAR YANG GSHEGS PAR MDZAD NAS SU, ,SLAR YANG GSHEGS PA'I TSIG GNYIS BRJOD, ,ME TOG SNYIM PA BKANG NAS SU, ,PHYAG 'TSAL SLAR YANG GSHEGS SU GSOL, ,DKYIL 'KHOR DAG GAM GSANG SNGAGS BZLAS, ,DE NAS BZHAN YANG PHYAG RGYA NI, ,RAB TU 'BAR BA GCIG PU BSHAD, ,GSHIN RJE'I GSHED CES BYA BA'I LHA, ,GANG GIS GRUB PAR GYUR PA'O, ,LAG PA G-YAS PA'I SOR MO YIS, ,MTHE BONG SBAS TE GYEN DU NI, ,BSGRENG BAR BYA BA'I PHYAG RGYA 'DI, ,BE CON ZHES NI GRAGS PA YIS, ,LHA NYID KYIS NI SNGAGS LDAN PAS, ,LAS RNAMS KUN LA BCING BAR BYA, ,SPYAN DRANGS PA DANG MCHOD PA DANG, ,GSHEGS SU GSOL DANG BZHUGS PA DANG, ,LAS RNAMS BYA BA'I TSE DAG DANG, ,GZHAN YANG RGOL BA BYUNG BA'I TSE, ,TSUL BZHIN PHYAG RGYA 'DI BCINGS NAS,, GSHIN RJE'I GSHED KYANG LHA BZLAS SO, ,SNGAGS PA'I RGYAL PO'I DRUNG 'GRO NA, ,MGO BTUD BUS MO BTZUGS NAS SU, ,GDON MI ZA BAR DBANG 'GYUR BA, ,BDAG NYID DANG NI NOR GYIS

, ,SO; ;KHRO BO RNAM PAR RGYAL BA'I RGYUD CHEN PO 'JAM DPAL GYI RTZA BA'I RTOG PA THAMS CAD KYI PHYI MA'I PHYI MA LAS, KHRO BO RNAM PAR RGYAL BA BCOM LDAN 'DAS GSHIN RJE'I GSHED KYI RGYAL PO RTOG PA PHYI MA'I YANG PHYI MA GSANG BA'I RIM PAR PHYE BA STE BCO BRGYAD PA'O,, ,,MA ME M'A MI MU M'U MU, ,MU MI M'A ME MA YIG ZUNG, ,THOG MA THA MA ZUNG GCIG TU, ,ZUNG DANG GNOL BA'I BYE BRAG GIS, ,SBAR BAR BYA BA 'DIR BSHAD DO, ,SA BON ZHES BYA DKYIL DU GZHAG ,KHRO BO DAG NI SO SO RU, ,ZUNG MA'I ZUNG MIN TSIG 'DI LA; ;THA MA'I ZUNG NI MA YIN NO, ,ZUNG MA'I ZUNG MA TSIG 'DI LA, ,HE HE HA HA HI HI HI, ,HI HA HA HE HE GNYIS SBYAR, ,KHRO CHEN TSIG GIS THOG MAR BCAS, ,AOm AOm SV'A H'A PHYAG 'TSAL GZHAG ,RGYAS PAR 'DOD PAS DGA' BZHIN DU, ,MEL TSE THUN GCIG RTAG TU BZLAS, ,RI MO, CHO GA BZHIN DU SGRUB PA YIS, ,RTAG PAR MCHOD PA'I CHO GA 'DI, ,MDO RU BSDUS NAS BSHAD PA YIN, ,BZLAS PA DANG NI HO MA DAG DANG, ,BRTUL ZHUGS DKA' THUB MA BYAS KYANG, ,SNGAGS KYI DNGOS 'DI SHES NAS NI, ,MCHOD PA 'BA' ZHIG DBUL BAR BYA; ;'DI LA MCHOD PA BYA BA NYID, ,KHRO BO'I RGYAL PO RTAG PA RU, ,MNYES BYAS YIN PAR GANG SHES PA, ,SNGAGS PAS DNGOS GRUB THOB PAR 'GYUR, ,RTAG TU SNGAGS PAS

SEMS PA DANG, ,RTAG TU SNGAGS KYI BDAG NYID 'GYUR, ,RTAG TU YID LA ZHEN PA DANG, ,RTAG TU MCHOD LA BRTZON PA DANG, ,RTAG TU KHRO BOR 'DU SHES PA, ,LAS RNAMS THAMS CAD 'GRUB PA'I PHYIR, ,CHO GA MDOR BSDUS D'I BSHAD PA, ,KHRO BO RNAM PAR RGYAL BA 'JAM DPAL GYI RTZA BA'I RTOG PA LAS, GSANG BA'I RTOGS PAR GTOGS PA STE DANG PO'O,, ,, MA ME M'A MI MU M'U MU, ,M'U MI MA MEE MA'I YI GE ,ZUNG DANG YA BRAL BYE BRAG GIS, ,THOG MA THA MA ZUNG GCIG TU, ,'KHOR LO 'DI NI CI RIGS PAR, ,SBYAR BAR BYA BA 'DI BSHAD DO,, SA BON ZHES BYA DKYIL 'KHOR GZHAG ,KHRO BO DAG NI SO SO RU, ,DBANG DANG 'KHON DANG GSAD PA DANG, ,DE BZHIN BSKRAD DANG ZHI BA DANG, ,YANG NA RGYAS PAR BYA BA'I PHYIR, ,ZUNG DANG BSNOL BAS MUR DU 'GRUB, ,KHRO BO ZHES BYA'I DKYIL 'KHOR NI, ,DKYIL DU BZHAG STE SO SOR, ,ZUNGS SHIG TSIG GNYIS THA MAR GZHAG ,TSEG MO ZHIG DBANG DU BYOS, ,MTSON CHA MED PA'I SA BON GZHAG ,SV'A H'A'I TSIG NI BAR BAR GZHUG, ,BSGRUB PAR BYA BA'I GZUGS BYAS NAS, ,DE LA RKANG PAS BRDZI BA NI, ,SNGAGS PAS 'GRENG STE 'DUG PA NI, ,RKANG SKYO BA YI BAR DU BYA, ,RGYAL PO DBANG DU MA GUR PA, ,DE YI DBANG DU MYUR DU 'GYUR, ,GCIG BO DE LA SPOS NAS SU, ,MYUR DU GO RIM BZHIN BZHAG PA'O, ,SA BON GNYIS PA GNAS

, ,LA NI; ;GNAS NAS GDONG YANG BSGYUR NAS SU, ,ZUNG SHIG TSIG GNYIS THA MAR GZHAG ,CHE GE MO YI MDZA' BO DE, ,SDANG BAR GYUR CES THA MAR BYA,, BSKRAG PAR BYA BA CUNG ZAD MED, ,SGRUB PAR BYA BA GNYIS KA YI, ,GZUGS NI 'JIGS PA'I LAS BYED DE, ,GCIG TU DPA' BAR MNYAM LDAN PAR, ,GNYIS KA LA YANG RKANG PAS MNAN, ,SNGAGS MKHAN DE LA GNAS PA YIS, ,MEL TSE THUN NI PHYED TZAM GYIS, ,DE NAS SGRUB PA 'DOD PA BZHIN, ,DE GNYIS PHAN TSUN DGRAR GYUR PA, ,KHRO BO RIM BZHIN BSGOMS PAS NI, ,LAN GCIG BYAS PA TZAM GYIS 'GYUR, ,SA BON GNYIS PA DE LAS KYANG, ,DRAG PO RTZAL GYIS SPOS NAS DE, ,KHRO BO CHEN PO MIG RTZA DMAR,, GNAS NI GSUM PA LA GNAS TE, ,G-YON PA'I GNON PAS MNAN PAS NI, ,DRAG PO SHUGS CAN MA LUS MNAN, ,KHA DANG BRLA DANG RGYAB KYANG BSGYUR, ,DRIL BU DKROL BA'I SGRA MYUR 'GYUR, ,PHYIS KYANG RIM GYIS 'DI LA GNAS, ,LOGS SHIG KHRO BO'I 'KHOR LO'I BKAS, ,RKANG PA'I TSAM NGAM DE BZHIN BYAS, ,GDONG YANG DAL BUS BSGYUR NAS SU, ,DANG PO'I SA BON GANG YIN PA'I, ,DBANG DU BYED LA RGYAS PAR 'GYUR, ,DE YI MTHA' YANG LHAN CIG TU, ,ME DANG 'DRA BA 'BAR BA STE, ,KUN GYI LAS NI GRUB 'DOD NA, ,SHIN TU LEGS

BAR SBYAR BAR BYA, ,DE YI ZUNG MAS BSKUL BA YANG, ,SO SO'AM GCIG TU'ANG RUNG BAR BSHAD, ,KHRO BO YI NI 'KHOR LO'I MTHU, ,BRGYAD PA DAG LAS MYUR BAR GNAS, ,RIM PA SNGA MA'I TSUL GYIS NI, ,'KHON PA'I SA BON DAG GIS BSKUL, ,SA BON ZUNG MAS BSKUL BA YANG, ,BRGYAD PA 'BYED PAR SGRUB PA LA, ,MDZA' BA MYUR DU BZLOG PA'I PHYIR, ,CHO GA BZHIN DU RIM PAR SBYAR,, RIM PA SNGA MA'I TSUL BZHIN DU, ,MYUR DU GSAD PAR 'DOD PA YIS, ,KHRO BO YI NI 'KHOR LO'I GNAS, ,DGU PA A'A BTZI RA YI, ,CHO GA 'DI YIS DGRA BO DAG, MYOS PAR BYAS NAS, ,'JIGS PAR 'GYUR, ,LHA RNAMS KYIS NI SBAS PA YANG, ,GSHAD PE'I DRUNG DU KHRID PAR 'GYUR, ,RIM PA SNGA MA'I TSUL GYIS SU, ,KHRO BO YI NI 'KHOR LO'I GNAS, ,BCU PA DAG LA RIM GYIS GNAS, ,DRAG SHUL CAN GYIS DRAG TU MNAN; ;DE YI SA BON GYIS KYANG PHYE, ,SNGON GYI SA BON RAB 'BAR BA, ,SNGA MA BZHIN DU RIM GYIS BZLAS, ,SNGAR BSHAD PA YI LAS BSGRUB BO, ,'KHOR LO RIM PA BCU GCIG PO, ,GANG YIN PA NI DE BZUNG NAS,, DE NAS ZHI BAR BYED PA YIS, ,SA BON DE YIS BSKUL BAR BYA, ,SNGA MA'I BZHIN DU BSKUL BA DANG, ,SNGA MA'I LAS NI BYED PAR 'GYUR, ,ZHI BDAG LA GANG GSUNGS PA, ,RGYAS PA DAG LA SBYAR BAR BYA, ,'KHOR LO YI NI GNAS KYI MCHOG ,BCU GNYIS PA LA GNAS NAS SU, ,DE YI SA BON BSKUL BAR BYAS, ,BDAG GIS MTHU TZAL GNOD BRTAGS PAS, ,SA BON ZUNG MA SBYOR BA YIS,,

, ,SA BON MTHU NI 'BAR BA CAN, ,'KHOR LO BKOD PA'I LAS RNAMS NI, ,SNGON GSUNGS PA DAG GRUB PAR BYA, ,DE LTAR KHRO BO'I 'KHOR LO NI,, CHO GAR BCAS PA RGYAS PA DAG, GSANG BA BSKUL MAR BCAS PA YI, ,SBYOR BA MA LUS BSHAD PA YIN, ,SA BON ZUNG MAS BSKUL BA GANG, ,GNYIS PA RAB TU GRAGS PA YIN; ;DE 'DIR SA BON GNYIS PA YIN, ,MYUR DU GRUB PAR 'GYUR BAR BSHAD, ,THA MA'I SA BON THAMS CAD LA, ,PHUL BA'I TSIG GNYIS RTAG TU SBYAR, ,ZUNG MA'I ZUNG MA'I TSIG 'DI LA, ,YA MTHA' DAG DANG THA MA RU'O, ,'KHOR LO BKOD PA BSTAN PA 'DI, ,JI LTAR RIM PAR SHES NA NI, ,SBYIN SREG BZLAS BRJOD MA BYAS KYANG, ,KHRO BO'I RGYAL PO'I DNGOS GRUB 'THOB, ,KHRO BO'I 'KHOR LO GSANG BA NI, ,'DI MI SHES PAR GANG SBYOR BA, ,DE 'DI DNGOS GRUB MI 'THOB KYI, ,MYUR DU SMYO BA THOB PAR 'GYUR,, MA ME MA M'I MU M'U YI, ,YI GE DRUG PO RNAMS KYIS NI, ,DBANG DANG 'KHON DANG GSAD PA DANG, ,BSKRAD DANG ZHI DANG RGYAS PA'I MTHAR, ,MKHAS PA DAG GIS BSGRUB PAR BYA, ,DE DAG NYID LA BZLAS PA YIS, ,DE BZHIN DE NI BSKUL BAR BYA, ,JI SKAD GSUNGS PA 'DI RNAMS NI, ,MA GRUB NA STE GZHAN DU MED, ,MU M'U MI MA MEE M'I NI, ,MA NI RGYAS

MTHAR DE BZHIN DU, ,'KHOR LO'I RTZIBS KYI GNAS RNAMS NI, ,DE DANG DE DAG GNYIS SU SBYAR, ,DE BZHIN 'KHOR LO'I NANG DU YANG, ,KHRO BO SKU MCHOG SA BON YANG, ,BZHAG NAS TSIG GI MTHA' MAR YANG, ,KHRO BO'I DRIL BU DKROL BA DGOD, ,'KHOR LO'I MU RAN NANG DAG TU, ,ZUNGS SHIG BA YI TSIG GNYIS BRJOD, ,MKHAS PAS 'KHOR LO'I MIG GI NANG, ,SA BON BKOD PA RNAMS LA GNAS, ,KHRO BO'I 'KHOR LO BSGRAGS PA NI, ,SHES NA JI SKAD BSHAD PA YI, ,DNGOS GRUB RNAMS NI THOB PAR 'GYUR, ,DNGOS GRUB TSUL BZHIN 'THOB 'GYUR BA, ,DE YI SBYOR BA BSHAD PAR BYA, ,THOG MAR PHYAG RGYA BCINGS NAS SU, ,SKU NAS SKU NI SKUR BSGYUR TE, ,LAS RNAMS TSUL BZHIN MTHONG BA YIS, ,SBYOR BA DAG NI LEGS PAR BYA, ,GDONG DANG KHA MIG RKANG PA MNYAM, ,RAB TU DANG ZHING ZHI BA'I SEMS, ,SNYING YANG DE BZHIN RAB TU DGA', ,DBANG DU BYA BA'I SNGAGS GSUNGS PA, ,SHIN TU MNYAM PAR BZHAG PAS BSGRUB, ,RKANG PA YA GCIG THUNG NGUR GZHAG, GDONG DANG NU 'JING GCUS TE MNAN, ,KHA DANG MIG NI YA GCIG 'DZUM, ,TSAM NGAM GNON PA CHEN PO BYAS; ;BE CON LA NI MIG GIS BLA, ,BSGRUB PAR BYA BSGRUB LA 'BAD, ,GANG DGAR BYE BAR 'DOD PA YIS, ,DE DAG DBYE BA BRTZAM PAR BYA, ,RKANG PA GNYIS PA BTEG PA

, ,YIS; ;TSAM NGAM BYA BSLAR LA GZHAG ,BZHIN BSNYER PHYAG RGYA BCINGS NAS SU, ,KHRO BAR LTA ZHING YID KYANG KHROS, ,RAB TU DPA' BA SRAN DANG BCAS, ,RTZAL GYIS GNON PAR RAB TU 'DUD, ,SNGAGS PA SNGON BZHIN SNGAGS TSUL GNAS, ,GANG 'DOD PA NI GZHOM PAR BYA, ,DE LA RKANG PA YA GCIG KYANG, ,DRAG SHUL CAN DU BRKYANG STE GZHAG, ,BZUR TE 'DUG PA'I TSUL DU GNAS, ,GDONG YANG YON PAR BSNYER BAR BYA, ,MDZUB MO BSGRENG STE GDENGS PA DANG, ,BRE CON PHYAG RGYA DAG GIS BSDIGS,, DGRA DAG BSKRAD PAR 'DOD NA NI, ,MYUR DU BSKRAD PAR BYA BAR 'GYUR, ,DE NAS RKANG PA MNYAM PAR GZHAG, LAG PA G-YAS PA MTHO BAR BYA, ,DPA' DANG LDAN PAS G-YON PA SMAD, ,ZHI BAR 'DOD NA ZHI BAR 'GYUR, ,PHYED NI DMA' BAR BKUG STO GNAS, ,RKANG PA G-YAS PAS TSAM NGAM BED, ,SNGAGS TSUL GNAS PAS BSGRIMS NAS NI; ;RGYAS PAR 'DOD NA THOB PAR 'GYUR, ,SLAR YANG DE BZHIN SHES BYA BA, ,LDOG STE BYA BA GZHAN DU MED, ,GRUB PA BDAG NYID CHEN PO YI, ,TSAM NGAM RIM PA DRUG GSUNGS PA, ,DANG PO'I MING NI LOG PAR PHYOGS, ,DE YI 'OG MA RGYAB KYIS PHYOGS, ,DE BZHIN TSAM NGAM GSUM PA NI, ,KHRO BO CHE ZHES BSGRAGS PA YIN, ,BZHI PA

MDZUB MO BSGRENG BA YIN, ,LNGA PA LA NI STOBS ZHES BYA, ,DRUG PA STOBS PO CHE ZHES BYA, ,'DI RNAMS TSAM DAM DRAG TU BSGRAGS, ,TSAM NGAM GDANGS PA BYAS PA YIS, ,DGRA YI 'KHOR RNAMS G-YEN SPYO BA, ,'KHOR LO'I MCHOG LA GOMS BYED PAS, ,GRAGS PA CHEN [?] THOB PAR 'GYUR, ,KHRO BO CHEN POS GSUNGS PA YI, ,RAB GSUNGS PA YI RGYUD 'DI DKON, ,KHRO BO RNAM PAR RGYAL BA 'DI, ,DE BAS KYANG NI SHIN TU DKON, ,GSANG BA'I RTOG PA BZANG PO 'DI, ,KUN TU DGNOS GRUB KUN SPYIN PAR, ,GSANG BA'I RTOG PA DE BAS KYANG, ,'KHOR LO 'DI NI SHIN TU DKON, ,HOM DANG LDAN PA YONGS MI DGOS, ,SNGON DUB SNYON PA BYA ME DGOS, ,KHRO BO'I RGYAL PO'I BRTUL ZHUGS DANG, ,DKA' THUB DRAG PO'ANG BYA MI DGOS, ,BSAM GTAN SBYOR BA'ANG MI DGOS TE, ,GANG LA 'KHOR LO 'BA' ZHIG YOD, ,GANG GSUNGS PA YI DNGOS GRUB NAS, ,DE MA THAG TU DNGOS GRUB THOB, ,DE BAS 'DI NI GSANG BYAS NAS,, THAMS CAD SGRUB PA'I SGRUB PA POS, ,BDAG GI DON MCHOG GANG 'DOD PA, ,SHIN TU LEGS PAR BSGRUB PAR BYA, ,KHRO BO RNAM PAR RGYAL BA'I RTOG PA LAS, GSANG BA'I RTOG PHAG [?] GTOGS PA STE GNYIS PA'O,, ,,KHRO BO'I RGYAL PO'I DNGOS GRUB NI, ,SNA TSOGS THOGS MED THA DAD PA, ,SNGAGS PA 'DOD NA CHO GA MCHOG ,DANG POR BYAS

, ,NA DNGOS GRUB THOB, ,RAB TU GSANG BA'I SNGAGS 'DI NI, ,RE ZHIG 'DI YI MTSAN NYID NI, ,GZHAN DAG 'DIR NI BSHAD PAR BYA, ,DE YI LAS NI GANG GSUNGS PA; ;GANG DAG PHYIS KYANG GRUB 'GYUR BA, ,DPA' BO GCIG PU 'BA' ZHIG GIS, ,THAMS CAD NYID DE GANG GSUNGS PA, ,THAMS CAD DE NI BSHAD PAR BYA, ,SNGAGS DES LAS RNAMS KUN BYAS PAS, ,RGYUD LA DNGOS GRUB GANG GSUNGS PA, ,DPA' BO GCIG PU'I MTHUS KYANG 'GRUB, ,AOm NI DE YI THOG MA STE, ,BDE BAR GSHEGS PA'I DAM TSIG YIN, ,THOG MA DANG NI GNYIS PA YANG, ,DRAG PO'I BRTZEGS KYIS PHUL BA'I LUGS, ,KLAD KYI 'KHOR GYIS MNAN PA'I RIGS, ,SNGAGS KYI YI GE PHRENG BKOD LA, ,SNGAGS RNAMS THAMS CAD GSAL BYED PA, ,KHRO BO'I RGYAL PO'I SNYING PO NI, ,GSUM PO DE NAS SBYAR BAR BYA, ,DE NAS KHRO BO'I RGYAL PO YI, ,SKU NI DE YI 'OG TU BSTAN, ,SNGAGS PAS SNGAGS RNAMS KUN GYI MTSAN, ,DE DAG RTAG TU RIG PAR BYA, ,THOGS PA MED PA'I SNGAGS RNAMS NI, ,BDAG NYID CHEN PO'I THAMS CAD KYIS, ,SRUNG LA SOGS PA'I LAS RNAMS KUN, ,GO RIM BSHAD PA BZHIN DU BYA, ,THAMS CAD BDAG NYID CHEN PO 'DIS, ,SRUNG BA DAG NI BYAS NAS SU, ,SNGON GYI TSUL BZHIN RAB DBEN PA, ,SKU GZUGS

DON MCHOG GZHAN NAS NI, ,CHO GA JI SKAD SNGAR GSUNGS PA, ,CHO GA BZHIN DU MCHOD PA BYA, ,NYIN RE ME TOG PHRENG BA LA, ,LAN BDUN BZLAS PA RNAMS KYIS MCHOD, ,MCHOD NAS K'A RA B'I RA YIS, ,ME TOG DMAR PO KHA 'BUS PA'I, ,BRGYA NI RTZA BRGYAD GRANGS RNAMS KYIS, ,BU DON LA NI PHOG PAR DBUL, ,CHO GA 'DI NI DUS GSUM DU, ,ZLA BA GCIG TU BYAS NA NI; ;KHRO BO MNGON SUM NYE GYUR NAS, ,RMI LAM DU NI DNGOS GRUB STER, ,CHO GA 'DI LTAR SNGAR BYAS NA, ,GANG 'DOD PA YI DGOS PA DAG ,DE TSE GDON MI ZA BAR 'GRUB, ,DE YI CHO GA MCHOG BSHAD PA, ,DE LTAR ZLA GCIG BSNYEN BYAS NA, ,MI YI LAS RNAMS GANG BYA BA, ,DE YI CHO GA MDOR BSDUS NAS, ,DA NI LEGS PAR BSHAD PAR BYA, ,DE NAS DANG 'GRO DANG SBYAR BA'I; ;DUG NI RNAM PA GSUM DAG DANG, ,GDON DANG 'BYUNG PO'I GDON RNAMS DANG, ,LTO 'PHYE SRIN POR BCAS PA 'JIG ,BDAG GIS BYAS PA'I PHYAG RGYA'I SNGAGS, ,SBYOR BA LAN GCIG BDAG GIS SRUNG, ,YID LA BSAM PA TZAM GYIS KYANG, ,GZHAN DAG GIS KYANG MCHOD PAR BYED, ,BZHI BA'I RIMS LA SOGS DE YANG, ,THOS PAS MYUR DU MED PAR BYED; ;MA DANG BYIS PA'I GDON RNAMS DANG, ,THAL BA'AM YANG NA SAS KYANG RUNG, ,BDAG NYID DAG PAR BSAMS NAS NI, ,BDAG DGAR PHAB NAS DGOS PA'I DON, ,GANG

, ,DANG GANG DAG 'DOD PAR NI, ,BSGOMS PAS DE DANG DE DAG BYED, ,YID LA BSAM PAS DE DAG THAR, ,RDO LA LAN GSUM BZLAS PA YI, ,CHU SRIN KUMBHI RA LA SOGS, ,MCHE BA CAN DAG PHYOGS MED PAR, ,CHU BSAL BA YI MCHOG TU 'BYUNG, ,'GRO TSE YID LA BZLAS NA NI, ,LAM NA RKUN PO'I 'JIGS PA MED, ,SENG+GE STAG DANG DGRA RNAMS DANG, ,NAD KYIS 'JIGS [?] PA MED PAR 'GYUR, ,RGYAL PA'I DRUNG DU 'GRO NA YANG, ,SNGAGS KYI SPYI GTZUG BCINGS NAS NI, ,RGYAL PO KHROS PA MYUR RAB TU, ,BRKYANG NAS THAL MO SBYOR BAR BYED, ,SHAGS 'GYED PA DANG RGYAN PO DANG, ,MTSON DANG ME YIS 'JIGS PA LA, ,YID LA DRAN ZHING BZLAS BYAS NA, ,MI BDE KUN LAS THAR PAR 'GYUR; ;'TSE BA THAMS CAD ZHI BA'I PHYIR, ,MI BDE NYAM THAG GYUR PA LA, ,SNGAGS 'DI MYUR DRAN BRJOD BYAS NA, ,SPRIN DAG MNAN PAR BYA BA DANG, ,'DOD BZHIN MYUR DU SLAR YANG ZLOG ,GNAM LCAGS SER BA 'BAB PA YANG, ,DBYUG PA'I PHYAG RGYAS ZHI BAR BYED, ,PHYAG RGYAS BCINGS PA DE NYID KYIS, ,YID KYIS SPRIN RNAMS DBAB PAR BYA, , DE LTAR PHYAG RGYAS BSDIGS NAS NI, ,SMIN MTSAMS DAG KYANG BSGYUR BAR BYA, ,RNAM PA DE DAG NYID KYIS NI, ,GNAM LCAGS SER BA GCAD PAR BYA, ,SBYOR BA MKHAS

PAS CI 'DOD PA, ,CHAR PA DAG KYANG GCAD PAR BYA, ,GOS NI SNGON PO BGOS NAS NI, ,KHO RA KHOR YUG BSRUNGS BYAS NAS, ,MID PA NUB PAR CHUR ZHUGS TE, ,NYIN GSUM LEGS PAR BZLAS BYAS NA, ,BRGYA BYIN GYIS NI SPRIN BSDUS NAS, ,'DOD PA BZHIN DU CHAR PA 'BEBS, ,DE NAS SPRIN CHEN LAS BYUNG BA, ,CHAR BABS SA STENG KHYAB PAR 'GYUR, ,NYI MA LA NI MNGON PHYOGS NAS, ,NYIN RE RTAG TU BZLAS BYAS NA, ,BDAG DANG DE BZHIN GZHAN RNAMS KYI, ,NAD RNAMS DE NAS MED PAR 'GYUR, ,RGYAL PO DBANG DU BYA YANG RUNG, ,YUNGS KAR DKAR PO BZANG PO LAS, ,GZUGS BRNYAN LEGS PAR BYAS NAS SU, ,DE YI GZUGS KYI STENG 'DUG LA, ,GANG GI MING SMOS NYIN BDUN DU, ,BZLAS BRJOD LEGS PAR BYAS NA NI, ,DE NI MYUR DU CHO GA 'DIS, ,BRAN BZHIN DU NI [?] DU 'GYUR, ,ZHAG GCIG SMYUNG BYAS PA YIS, ,DMANGS RIGS DAG NI DBANG DU 'GYUR, ,ZHAG GNYIS SMYUNG BA DE BZHIN DU, ,BZLAS NA RJE'U RIGS 'DOD PA BZHIN, ,ZHAG GSUM BYAS PAS RGYAL RIGS TE, ,ZHAG BZHI DAG GIS BRAM ZE DAG ,BZLAS PA'I CHO GA BZHIN BYAS NA, ,'DOD PA BZHIN DU DBANG DU 'GYUR, , 'BRU DANG PHUB MA THAMS CAD LAS, ,BU DANG BU MO GANG YANG RUNG, ,DE BZHIN GZUGS BRNYAN BYAS NA NI, ,DMANGS RIGS LA NI MTSAN GCIG GIS, ,RAB TU SDANG BA BYA

, ,BAR 'GYUR, ,RJE RIGS LA NI ZHAG GNYIS KYIS, ,DE STENG TZOG PUR 'DUG NA NI, ,DE BZHIN MDZA' DANG BRAL BAR BYED, ,NYIN ZHAG GSUM DANG BZHI DAG GIS, ,RGYAL RIGS DANG NI BRAM ZE'O, ,JI LTAR JI SKAD GSUNGS PA YI, ,LAS KYIS BYA YI GZHAN GYIS MIN, ,GANG YANG RUNG BA'I GZUGS BRNYAN NI, ,DUR KHROD SOL BAS LEGS PA RU, ,SNGA MA BZHIN DU LEGS PAR BRI, ,DE NAS SENG LDENG PHUR BU LA, ,SNGAGS KYIS STONG DU BZLAS BYAS NAS, ,DE YI 'OG TU LUS LA GDAB, ,DGRA BO DE YI MING SMOS NAS, ,DE LA KHROS PAR BYAS NAS SU, ,DE NAS DE YI SNYING GAR 'DUG ,PHUR BU BTAB STE BZLAS BYA BA, ,DE NYID LAG PAS BZUNG NAS SU, ,DUS GSUM NYI MA GSUM BYAS NA, ,DGRA BO GANG DU BTAB PA DER, ,GZER THABS DRAG POS BTAB NAS SU, ,'GUL MI PHOD PAR SA LA LTUNG, ,ZHAG BDUN LON NAS 'CHI BAR 'GYUR, , MA MO'I [?] GNAS SU SONG NAS SU, ,LAG PAS BE CON PHYAG RGYA BCING, ,LAG PA G-YON PA'I MDZUB MO YIS, ,BSDIGS SHING NYI MA NUB NAS SU, ,KHROS SHING DGRA YI MING SMOS BZLAS, ,DE NAS DGRA BO MO GDON GYIS, ,ZIN NAS SPYOD PA SNA TSOGS PAS, ,'CHI BAR 'GYUR BA DAG NI BYED, ,DE NAS SGRUB POS ZHI BA YI, ,CHO GAS DE LA ZHI BAR

BYA; ;MA MO RNAMS KYI MDUN 'DUG NAS, ,ZHI BA'I CHO GA MKHAS PA YIS, ,DBANG PO BSDAMS SHING YID BDE BAS, ,NYIN ZHAG GSUM DU BZLAS BYAS NAS, ,DE NAS DE LA LAS DE YI,, ZHI BAR 'GYUR BA GDON MI ZA, ,NYI MA LA NI MNGON PHYOGS NAS, ,LAG PAS DGRA BO'I MGO BYUG CING, ,DGRA YI MING SMOS MNAN NAS SU, ,NYI MA NUB TU BZLAS BYAS NA, ,DE YI KLAD PA NA 'GYUR BA, ,TSABS CHEN SHI LA THUG PAR 'GYUR, ,DE NAS THAL MO SBYAR NAS SU, ,NYIN PAR ZLOS SHING ZHI BAR BYA, ,SA STENG RKANG PA GCIG GIS 'DUG, NYIN PAR LAG PA GYEN DU BRKYANG, ,MI DGA' KHROS SHING BZLAS BYAS PA, ,DGRA YI MING SMOS CI 'DOD PAR, ,NYI MA NUB KAR DE NAS DGRA, ,MI DGA' BA DANG MYOS 'GYUR TE, ,GNYEN DANG MDZA' BO RNAMS POR TE, ,DE NAS GZHAN GYI GNAS SU 'GRO, ,DE LA 'DIR NI ZHI BA 'AM, ,'ON TE RGYAS PA BYA 'DOD NA, ,GTZANG SBRA BYAS TE GOS DKAR BGOS, ,BDE ZHING BRTAN PAR MA G-YOS PAR; ;MCHOD PA BZANG PO BYAS NAS SU, ,DE BZHIN GSHEGS LA PHYAG 'TSAL NAS, ,'O MA BTUNG ZHING BZLAS BYAS PA, ,ZHI BAR 'GYUR GYI BAR DU'O, ,DE LTAR 'DI NI SNA TSOGS PA; ;SBYOR BCAS RGYAS PAR BSHAD PA YIN, ,RTOG PA'I CHO GA BZHIN DU NI, ,MA GSUNGS PA YANG LEGS PAR SGRUB, ,KHRO BO RNAM PAR RGYAL PA 'JAM DPAL GYI RTZA BA'I RTOG PA

, ,GSANG BA'I RTOG PAR GTOGS PA STE GSUM PA'O,, ,,DE NAS GZHAN YANG BZANG PO 'DI, ,HE LA'I DKYIL 'KHOR RGYAS PA NI, ,DE BAS BZANG PO GZHAN MED PA, ,JI LTAR RIGS PA BSHAD PAR BYA, ,DANG POR HE ZHES GANG GSUNGS PA, ,SKUL BA'I SA BON THAMS CAD PA'O, ,DE NI LEN DANG 'DZIN PA STE, ,LAS LA MYUR DU SKUL BA 'O, ,DE BAS THOG MAR BSKUL BA DANG, ,DON BZHIN DU NI GZUNG BA LAS, KHRO BO YI NI RGYAL PO YI, ,HE LA'I DKYIL 'KHOR RIM BZHIN BSTAN, ,HE HE HA HA HI HI HI; ;HI HA HA HE HE GNYIS SBYAR, ,KHRO CHEN TSIG GIS THOG MAR SBYAR, ,ZUNGS SHIG PA YI TSIG GNYIS PA'O, ,ZUNG DRUG 'KHOR LO'I MTHA' MAR DGOD, ,MU RA NA RTZIBS KYI MIG RNAMS SU, ,SNGAGS LAS 'BYUNG BA'I RE RE 'O, ,DON RNAMS THAMS CAD SGRUB PAR 'GYUR, ,BCU GNYIS DAG TU GSUNGS PA'I SNGAGS, ,GNAS SU JI LTAR DGOD PA DANG, ,JI LTAR SMOS SHING GANG GNAS PA, ,SO SO'I LAS LA SBYAR BAR BYA, ,DE NAS 'DI DAG BKOD PA DE, ,SNGAGS RNAMS BSDU BA TSUL BZHIN BSHAD, ,DE'I NANG MU RAN GSUM PO DANG, ,DBUS KYI MU RAN BZANG POR LDAN, ,MTHA' YI MU RAN DRUG PO DANG, ,RTZIBS KYI ZUR DRUG RAB BZANG BA, ,RAB DBEN 'DU 'DZI MED PA'I

SAR; ;CHO GA BZHIN DU LEGS BRIS NAS, ,DE YI GNAS SU SBYAR BA DANG, ,DE YI GO RIM BZHIN DU SBYAR, ,DA YI TSAM NGAM GSAL BA YIN, ,SNGAGS RNAMS 'DI NI BSDU BAR BYA; ;DBUS SU DE BZHIN GSHEGS PA YI, ,SNYING PO MTSAN NI BRJOD PA'I MCHOG ,BZHAG NAS DE YI GNAS DAG LA, ,SNGAGS NI GRUB PAR BYED PA GZHAG ,MU RAN GNYIS LA GNAS NAS SU, ,KHRO BO'I SNYING PO GZHAG PAR BYA, ,DE NI KHRO BO'I ZHABS KYIS MNAN, ,DRIL BU DKROL BA'I SGRA YANG BSGRAG, KHRO PO ZHABS KYIS BCAGS BYAS PA, ,RTZIBS RNAMS KHRO BO MTHU DANG LDAN, ,DBUS SU SNYING PO DAG PAR LDAN, ,RAB TU 'BAR ZHING NGES BYAS PA, ,MU RAN GSUM GYI BAR DU STE, ,THAMS CAD DON RNAMS KUN 'GRUB PA'O, ,HE HE HA HA HI HI HI; ;HI HA HA HE HE GNYIS SBYAR, ,KHRO BO CHEN PO'I TSIG DBUS NAS, ,SA BON GZUNG BA'I PHYI ROL GZHAG, THOG MAR SKUL BA'I TSIG RNAM DGOD, ,KHRO BO DU MAS BSKUL BA STE, , THAMS CAD KUN TU DON RNAMS KUN, ,GRUB PA'I PHYIR NI DE LA GNAS, ,DE LTAR 'KHOR LO BYAS PA YI, ,PHYI NAS BDUD RTZI 'KHYIL PA GZHAG ,SKUL BA'I TSIG RNAMS BKOD PA'I MTHAR; ;KHRO BO GZHAN RNAMS DGOD PAR BYA, ,DE NAS GZHAN YANG RIM BZHIN DU, ,KHRO BO CHEN PO DGOD PA'I PHYIR, ,SKUL BAR BYED PA BCU GNYIS PO, ,'DI DAG TSUL

, ,BZHIN BSHAD PAR BYA, ,DANG POR KHRO BO RGYAL POS GSUNGS, ,'BAR BA'I PHRENG BA CHE ZHES BYA, ,RDO RJE ME YI RGYAL POR GZHAG ,RAB TU DRAG PO'I SHUGS GZHAG GO, RAB TU DRAG SHUL STOBS PO CHE, ,RGYA CHE KHRO BO LNGA PA YIN, ,DRUG PA GZHAN GYIS MI THUB PA, ,'JIG PAR BYED PA ZHES BYA BA, ,KHRO BO BDUN PAR BYED PA YIN, , ZUR DU KHRO BO BRGYAD PO GRAGS, ,PHONGS PA SGROL BA DE BZHIN DGU, ,RAB TU 'JOMS PA BCU PA YIN, ,DE BZHIN K'I LI K'I LI GZHAG ,K'I LI K'I LA CHEN PO DANG, ,BCU GNYIS SU NI GSUNGS PA YIN, ,KHRO BO RAB TU SNANG BYED PA, ,BCU GNYIS BGRANGS PA 'DI DAG NI, ,KHRO BO'I RGYAL POS KUN TU MNAN, ,THAMS CAD RIM PA BZHIN DU GSUNGS, , 'KHOR LO'I PHYI ROL GNAS PA 'KHOD, ,'BAR ZHING DRAG PO'I MTHU DANG LDAN, ,THAMS CAD BSTAN NAS 'KHOD PA NI, ,KHRO BO CHEN PO SNANG BYED PA, ,MTHU RTZAL CHEN PO STOBS SU LDAN, ,KUN KYANG BDUD RTZI 'KHYIL BA 'O, ,SA BON SNGA MA MTHA' YAS RNAMS, ,GUG SKYED DRUG DANG LDAN PAR BYA, ,STENG DU KLAD KYI 'KHOR GYIS MTSAN, ,SA BON BDUD RTZI 'KHYIL PA'O, ,DANG PO DKYIL 'KHOR NA GNAS GCIG ,TSIG DANG BCAS PA'I DON KUN BSGRUB, ,RAB TU 'BAR BA'I SNGAGS KYI MTHAR, ,'BAR BA'I

PRENG BA CAN GYIS BSGRAG ,SA BON GNYIS PA GANG YIN PA, ,TSEG DANG BCAS PAR DE BZHIN GNAS, ,RDO RJE ME RGYAL ZHES BYA BA, ,KHRO BO DON KUN GRUB BYED PA'O, ,DANG PO'I SA BON GSUNGS PA YANG, ,SNGA MA BZHIN DU TSEG DANG BCAS, ,RAB TU SHUGS DRAG CHER GRAGS PA, ,KHRO BO'I RGYAL PO KHRO BOR SNANG, ,SNANG BYED KHRO BO'I RIM PA LAS, ,CHEG DRAG DE BZHIN KHRO BO CHE, ,DE NI STOBS PO CHE ZHES GSUNGS, ,GNYIS PAR 'KHOR LO TSEG MTHA' CAN, ,GANG GSUNGS KHRO BO RGYA CHEN NI, ,DE NI SNYING POR GRAGS PA YANG, ,MI THUB GTZO BO TSEG DANG BCAS, ,DE YI GSUM PO TSEG BCAS PA, ,DE YANG DE BZHIN BSGRAGS PA YIN, ,'JIGS PA ZHES BYA RAB TU CHE, ,KHRO 'DI KHRO BO SNANG BYED PA, ,RGYA CHEN GYI NI RIM BZHIN DU, ,BZHI PA YONGS SU BSGRAGS PA YIN, ,TSEG BCAS RAB TU DRAG PO NYID, ,SU RU KHRO BO DE BZHIN GZHAG ,DE YI SA BON LNGA PA YIN, ,'BAR BA'I PHRENG CHEN ZHES BYA GANG, ,TSEG DANG BCAS PA DE BZHIN DU, ,KHRO BO PHONGS PA SGROL ZHES BYA'O, ,LNGA PO RGYAL CHEN NYID YIN TE, ,TSEG DANG BCAS PAR BSGRAGS PA'O, ,RAB TU 'JOMS PA ZHES BSGRAGS PA, ,KHRO BO KHRO BO SNANG BYED PA'O, ,SA BON SNGA MA MTHA' MED LAS, ,SNGA MA TSEG BCAS DE BZHIN GZHAG ,K'I LI K'I LI BYA BA YI, ,DNGOS GRUB THAMS

, ,CAD RAB TU STER, ,DE BZHIN DE YI SA BON NYID, ,TSEG BCAS DE BZHIN 'DIR BSHAD DO, ,K'I LI K'I L'I CHEN PO DE, ,KHRO BO KHRO BO SNANG BYANG PA'O, ,KHRO BO'I RGYAL PO DE DAG NI, ,SA BON 'DI DAG RNAMS KYIS BSGRAGS, ,KHRO BO'I RGYAL PO SBYOR BA YIS, ,RAB TU SNANG BAR BYED CES BSGRAGS, ,KHRO BO'I RGYAL PO'I 'KHOR LOS GNAS; ;GSHIN RJE'I GSHED PO YIN PAR GSUNGS, ,DANG POR DE NI 'KHOR LO BSTAN, ,KHRO BO BDUD RTZI 'KHYIL PA DANG, ,KHRO BO'I RGYAL PO DE LAS GZHAN, ,KHRO BO'I BDAG PO SNANG BYED PA'O, ,DE LTAR KHRO BO GSUM PO DE, ,GANG DANG GANG DU RAB SBYAR BA, ,DE DANG DE RU SNGAGS RNAMS NI, ,SKUL BAR BYED PAS DE BZHIN BSKUL, ,CHO GA SHES PAS NAN TAN DU, ,GANG DANG GANG 'DOD BSGRUB PAR BYA, ,KHRO BO SGOM DANG LDAN PA YIS, ,HE LA'I 'KHOR LO YONGS BSGOMS NAS, ,DKA' ZHING BSGRUB TU'ANG MI RUNG BA, ,BRTUL ZHUGS HO MA DANG BCAS LA SOGS, ,DE YIS DGOD PA MA BYAS KYANG, ,SNGAGS DGOD SHES NA SGRUB PA'O, ,HE LA'I 'KHOR LO TSUL SHES PA, ,DE YIS DKA' BA MA BYAS KYANG, ,GDON MI ZA BAR MYUR DU 'GRUB, ,BRTUL ZHUGS HO MA DANG BCAS GTAN DANG, ,JI LTAR GSUNGS PA'I DKA' THUB DANG, ,MNGON PAR BRTZON ZHING DAD PA'I

BDAG ,LAN GRANGS BCU GNYIS GANG BSNYEN PA, ,RTOG LAS GSUNGS PA'I LAS RNAMS BYED, ,RAB TU YA MTSAN STON PA'O, ,HE LA'I 'KHOR LO TSUL SHES PAS, ,RING POR MI THOGS BDE BA NI, ,KHRO BO SGOM PA DANG LDAN ZHING, ,HE LA'I 'KHOR LO GNAS 'DUG NA, ,KHAMS GSUM DAG KYANG LAN GCIG GIS, ,THOGS MED MYUR DU G-YO BAR BYED, ,DE BAS RAB TU BSGRIMS NAS SU, ,KHRO BO SGOM PA GOMS BYAS TE, ,HE LA'I 'KHOR LO LAS 'BYUNG SNGAGS, ,SBYOR BA DAG GIS GOMS PAR BYA, ,KHRO BO RNAM PAR RGYAL BA YI, ,RTOG PA DANG POR GANG BSGRAGS PA, ,DE YI RTOG PA GSANG BSHAD PA, ,CHO GA 'DI NI GSANG BA'I MCHOG ,KHRO BO'I 'KHOR LO BSGRAGS PA 'DI, ,CHO GA DE BAS SHIN TU GSANG, ,KHRO BO'I 'KHOR LO GSANG BSHAD PA, ,RAB TU SNANG BYED DE BAS KYANG, ,HE LA'I 'KHOR LO BSGRAGS PA 'DI, ,RAB TU GSANG BA'I MCHOG YIN TE, ,RTOG PA 'DI DAG THAMS CAD KYI, ,RAB TU GSANG BA BSHAD PA YIN, ,RTOG PA RAB TU GSANG BA NI, ,'DI DAG RNAM PA KUN LA YANG, ,HE LA'I 'KHOR LO 'DRA BA YI, ,'KHOR LO MA BYUNG PHYIS MI 'BYUNG, ,GANG ZHIG 'DI YI DON THOS NAS, ,KHRO BO'I GRUB PA SGOM BYED NA, ,DE YI 'BAD PA MA BYAS KYANG, ,'JIG RTEN NA NI BSGRUB DKA' MED, ,HE LA'I 'KHOR LO'I GNAS LA NI, ,JI LTAR 'DOD

, ,PAR GNAS SU, ,KHRO BO SGOM DANG RAB LDAN PAS, ,KHRO BO'I GZUGS SU GNAS NAS NI, ,RTZE GCIG TU YANG TSIG GI MCHOG ,GRUB PA MCHOG NI SBYIN PAR BYED, ,THOGS PA MED PAR 'JAM DPAL MTHONG, ,JI LTAR RIG PA'I DON BZHIN DU'O, ,KHRO BO RNAM PAR RGYAL BA'I RTOG PA LAS, GSANG BA'I RTOG PAR GTOGS PA STE BZHI PA'O,, ,,KHRO BO CHEN PO'I TSIG GI MTHAR, ,SKUL CIG CES PA'I TSIG GNYIS GZHAG ,SKUL CIG CES PA'I TSIG GNYIS MTHAR, ,KHRO BO BDUD RTZI 'KHYIL PA'O; ;KHRO BO CHEN PO PHRENG BA DANG, ,BDUD RTZI 'KHYIL PA 'DI YI MTHAR, ,KUN TU DANG PO G-YO BA DANG, ,SNGAGS SHES TSAM NGAM MDZES PA YI, ,HE LA'I 'KHOR LO LA GNAS TE, ,DANG PO GNAS SU 'DUG NAS SU, ,BE CON PHYAG RGYA LAN GCIG BCING, ,DE NAS KHRO BO'I SNGAGS BZLAS PA, ,SNGAGS PA 'GRENG STE 'DUG PA NI, ,RKANG PA GNYIS NI BSGYUR BA DANG, ,KHRO BO SGOM PA 'DI LA NI, ,SEMS NI RAB TU ZHEN BYAS NAS, ,SA 'DI RAB TU G-YOS PA 'AM, ,RI DVAGS G-YO BA'I BAR DU 'O, ,DE NAS 'KHOR LO SGRUB PA YIS, ,GNYIS PA'I GNAS LA SONG NAS SU, ,KHRO BO CHEN PO'I TSIG MTHAR GNAS, ,SKOMS SHIG CES PAR DBANG BSKUR RO, ,DE TSIG THOG MAR BKOD NAS NI, ,

DE YI THA MAR BDUD RTZI 'KHYIL, ,DE BZHIN BDUD RTZI 'KHYIL PA'I MTHAR, ,RDO RJE ME YI RGYAL PO'I SNGAGS, ,RAB TU G-YO BA MDZES PA DANG, ,TSAM NGAM GSAL BA DAG LA GNAS, , BE CON PHYAG RGYA BCINGS NAS NI, ,KHRO BO BSGOMS PAS SNGAGS BZLAS SO, ,RAB TU SBYOR BA'I THABS 'DI NI, ,MTSO DANG RDZING CHEN KLUNG CHEN RNAMS, ,KHROS PAS MYUR DU SKEM PAR BYED; ;'BAB CHU DAG KYANG GYEN DU 'BEBS, ,KHRO BO MTHU CHEN GNON LDAN PA, ,SNGAGS KYI YI GE DGOD PAR BYA, ,RTZIBS RNAMS RIM PAS KUN MNAN PA, ,GNYIS PO DE LAS 'PHOS NAS SU, ,DE NAS GSUM PA'I GNAS LA 'DUG ,MTHU RTZAL LDAN PAS RIM PAR MNAN, ,KHRO BO CHEN PO'I TSIG GI MTHAR, ,BSKRAD PAR BYOS ZHES TSIG GNYIS BSKUL, , DE NI SNGA MA BZHIN BKOD NAS, ,DE YI THA MAR BDUD RTZI 'KHYIL, ,KHRO BO BDUD RTZI 'KHYIL PA'I MTHAR, ,RAB TU DRAG PA'I SHUGS GZHAG GO ,RNAM PAR SKRAG BYED GSAL BA YIS, , KHRO BO TSAM NGAM BSNYEN PAR GNAS, ,GLANG PO MYOS PA'I SHUGS CAN DAG ,MNGON DU 'ONG BAR GYUR NA YANG, ,DE MA THAG TU SKRAG PAR BYED, ,MYOS PA'I SHUGS KYANG RAB TU 'DOR, , SLAD DU LOG PAR PHAN TSUN DU, ,BSKOR ZHING MI DGA' BZHIN DU 'GRO, ,GLANG PO'I RGYAL PO DE MYOS SHING, ,BDE BA MA THOB BABS PAR 'GYUR, ,SGRUB PA KHRO BO SGOM PA YI, ,CHO

, ,GA'I TSUL NI DE BZHIN NO, ,HE LA'I 'KHOR LO ZHES BYA BA'I, ,BZHI PA'I GNAS LA 'DUG NAS KYANG, ,KHRO BO CHEN PO'I TSIG GI MTHAR, ,NON CIG CES PA'I TSIG GNYIS BSKUL, ,DE NAS CHO GA SNGAR BSHAD PAS, ,BDUD RTZI'I 'KHYIL PA GZHAG PAR BYA, ,BDUD RTZI 'KHYIL BA DE YI MTHAR, ,KHRO BO CHEN PO STOBS CHEN GZHAG , KUN TU SDOM PA MDZES PA YI, ,TSAM NGAM GYIS NI MI G-YOR MNAN, ,DPUNG NGAM YANG NA GLANG PO 'AM, ,GRU 'AM YANG NA SHING RTA 'AM, ,RTA DANG RNGA MO LUG LA SOGS, , KHRO BO BSGOMS PA'I TSUL BZHIN BYAS, ,SBYOR BA DE LA GNAS NAS NI, ,RAB TU MNAN PA BYAS PAR 'GYUR, ,DE NAS HE LA ZHES BYA BA'I, ,'KHOR LO LNGA PA LA GNAS NAS, , KHRO BO CHEN PO'I TSIG GI MTHAR, ,DKRUGS SHIG DKRUGS SHIG TSIG GNYIS GZHAG ,KHRO BO BDUD RTZI 'KHYIL BA YANG, ,MTHA' YI TSIG GI GNAS SU GZHAG ,KHRO BO RGYA CHEN ZHES BYA BA, ,RAB TU 'BAR BAR GYUR PAR BYA, ,KHRO BO BDUD RTZI 'KHYIL BA YANG, ,RAB TU 'KHRUG PA ZHES BYA BA'I, ,TSAM NGAM MCHOG GIS MYUR DU NI, ,DGRA YI DPUNG RNAMS PHAN TSUN DU, ,RAB TU RNAM PAR DKRUG PAR BYA, ,DE NAS HE LA'I 'KHOR LO YI, ,RIM PA DRUG LA GNAS NAS NI, ,KHRO BO CHEN PO'I TSIG GI MTHAR, ,

RMONGS PAR GYUR CES TSIG GNYIS BSKUL, ,KHRO BO BDUD RTZI 'KHYIL BA YANG, ,TSIG GI THA MAR KUN TU GZHAG ,KHRO BO GZHAN GYIS MI THUB PA, ,CHO GA SNGA MA BZHIN DU BSKUL, RMONGS PAR BYED PA'I TSAM NGAM GYIS, ,CHO GA BZHIN DU RAB BSKUL NAS, ,RI MO DAG LA GNAS PA BZHIN, ,'GRO BA MYUR DU RMONGS PAR 'GYUR, ,DE NAS HE LA'I 'KHOR LO 'DI, , RIM BDUN PA LA GNAS NAS SU, ,KHRO BO CHEN PO'I TSIG GI MTHAR, ,SGROGS SHIG SGROGS SHIG TSIG GNYIS GZHAG ,KHRO BO 'DZIN PAR BYED PA YIS, ,BDUD RTZI 'KHYIL PA SKUL BAR BYED, ,'JIGS PAR GYUR PA'I SGRA SGROG PA, ,KHRO BO'I TSAM NGAM MYUR BAR NI, ,DUS MIN PAR YANG SPRIN GYIS KHEBS, ,DE NAS 'DOD BZHIN CHAR PA 'BEBS, , DE NAS HE LA'I 'KHOR LO YI, ,RTZI BAS KYI RIM PA BRGYAD PA LA, ,GNAS NAS 'DIR NI SNGA MA BZHIN, ,KHRO BO CHEN PO'I TSIG GI MTHAR, ,HE HE SA BON GNYIS BZHAG NAS, ,DE YI 'OG TU BDUD RTZI 'KHYIL, ,KHRO BO ZUR DU DE BZHIN DU, ,BDUD RTZI 'KHYIL PA'I THA MAR GZHAG ,KHRO BO TSAM NGAM KHA GDANGS PA, ,MCHOG CES BYA BA MYUR BAR NI, ,RKANG PA YA GCIG GDANGS PA'I STABS, ,SAD DANG SER BA RLUNG LA SOGS, ,DUS SAM YANG NA DUS MIN PAR, ,SGRUB PA KHRO BO BSGOMS PA YIS, ,KHRO BO'I SNGAGS KYI TSUL BZHIN

, ,DU; ;SA YI STENG DU 'BEBS PAR BYED, ,HE LA'I 'KHOR LO GNAS BRGYAD PO, ,SGRUB PA YI NI SAR BO NAS, ,KHRO BO'I SA BON TSIG GSAL BA, ,DGU BA BZANG PO LA GNAS TE, ,KHRO BO CHEN PO'I TSIG GI MTHAR, ,SLONG ZHIG PA YI TSIG GNYIS BSKUL, ,KHRO BO BDUD RTZI 'KHYIL PA YI, ,THA MAR PHONGS PA SGROL BA GZHAG ,KHRO BO BSGOMS PAS MDZES PA YI, ,TSAM NGAM GSAL BA BYAS NAS NI, ,KHRO BO GSHIN RJE'I GSHED PO BZLAS, ,KHRO BO NYID KYI TSIG GIS GSAL, ,H'Um ZHES BYA BA BZANG PO YIS, ,KHRO BO DNGOS POR BSGOMS NAS NI, ,SHING GI RTZE DANG YAL GA DGUG, ,YANG NA SHING CHEN RTZA NAS 'BYIN, ,ME TOG 'BRAS BU GLOG PA 'AM, ,YANG NA 'DOD BZHIN G-YO BAR BYED, ,LJON SHING CHEN PO RNAMS KYANG NI, ,JI LTAR 'DOD PAR MI G-YOR 'GYUR, ,HE LA ZHES BYA'I 'KHOR LO YI, ,RTZIBS NI BCU PA LA GNAS NAS, ,KHRO BO CHEN PO'I TSIG GI MTHAR, , CHOMS SHIG CES PA'I TSIG GNYIS BSKUL, ,KHRO BO CHEN PO RAB 'JOMS PA, ,KHRO BO BDUD RTZI 'KHYIL BA'I MTHAR, ,SNGA MA BZHIN DU GZHAG PAR BYA, ,'JIGS PAR BYED PA'I TSAM NGAM BYED, ,RI CHEN DAG GI RTZE MO DANG, ,SGO DANG LUGS SGROG RNAMS KYI NI, ,KHRO BO'I RGYAL POR SNGON BZHIN DU, ,BSGOMS NA RAB MCHOG GRUB BYED PA, ,HE

LA YI NI 'KHOR LO YI, ,RTZIBS NI BCU GCIG LA GNAS TE, ,KHRO BO CHEN PO'I TSIG GI MTHAR, ,SNYIL CIG CES PA'I TSIG GIS BSKUL, ,KHRO BO K'I LI K'I LA YIS, ,BDUD RTZI 'KHYIL PA BSKUL BYA BA, ,TSIG GI THA MAR GNAS PA STE, ,CHO GA BZHIN DU BSHAD PA BZHIN, ,K'I LI K'I LA ZHES BYA BA, ,TSAM NGAM MCHOG LA DE BZHIN GNAS, ,BE CON GYI NI PHYAG RGYA BCINGS, ,GSHIN RJE'I GSHED PO BSGOMS PA NI, ,RI CHEN RTZA BA BRTAN PA YANG, ,RTZE MO NAS KYANG SNYEL BAR BYED, ,YANG NA RI KHAR SKYE BA YI, ,BRTAN PA'I SHING RNAMS 'GYEL BAR BYED, ,DE NAS HE LA'I 'KHOR LO YI, ,BCU GNYIS PA YI RTZIBS LA GNAS, ,KHRO BO CHAN PO'I TSIG GI MTHAR, ,ZHUGS SHIG CES PA'I TSIG GIS BSKUL, , BSKUL NAS DE YI THA MAR NI, ,BDUD RTZI 'KHYIL BA GZHAG PAR BYA, ,KHRO CHEN K'I LI K'I LA YA, ,DE YI THA MAR GZHAG PAR BYA, ,K'A LI K'I LA CHEN PO ZHES, ,BYA BA'I TSAM NGAM DE BZHIN BYA, ,BE CON PHYAG RGYA BCINGS NAS SU, ,KHRO BO CHEN PO GSHIN RJE'I GSHED, ,YID LA RAB TU GSOMS BYAS NA, ,RTZIG PA SHING SKAM RDO LA SOGS, ,BABS NA PHYUNG STE NAM MKHAR GNAS, ,NAM MKHA' LA NI BYUNG NAS KYANG, ,'DOD PA BZHIN DU LTUNG BAR BYED, ,'DI NI RANG BYUNG NGO MTSAR LA, ,D'I NI DUS GSUM SNGON DU BYUNG, ,SPYOD PA

, ,GZHAN YANG SNGA MA BZHIN, ,KHRO BO BSGOMS PAS BYED PAR GSUNGS, ,HE LA'I 'KHOR LO DGOD PA NI, ,RAB TU GSANG BA YIN PAR BSHAD, ,GSANG DANG BCAS SHING SBYOR BCAS PA, ,SHES NA DNGOS GRUB THEB PAR 'GYUR, ,DE NAS GZHAN YANG CI RIGS PAR, ,CHAM NGAM BCU GNYIS SBYOR BA DAG ,MDO DANG RGYAS PA'I TSUL DAG GIS ,DA NI RAB TU BSHAD PA BYA, ,KUN TU G-YO BA DANG PO YIN, ,DE BZHIN RAB TU G-YO BAR BSHAD, ,SKRAG PAR BYED PA GSUM PA STE, ,BZHI PA KUN TU SDOM PAR BYED; ;RAB TU 'KHRUG CES BYA BA LNGA, ,RMONGS PAR BYED PA DE BZHIN DRUG ,MYUR BA TSAM NGAM DE LA GNAS, ,KHA GDANGS PA NI BRGYAD PAR BSHAD, ,MDZES ZHES BYA BA DGU PA STE; ;'JIGS PAR BYED PA BCU PA YIN, ,K'I LI K'I LA ZHES BYA DANG, ,K'I LI K'I LA CHEN PO YI, ,KHRO BO TSAM NGAM BCU GNYIS SO, ,'DI DAG RIM BZHIN BSHAD PA YIN, , THOG MAR BSDIGS PA'I RIM PA YIS, ,PE CON PHYAG RGYA LDAN PAR BYA, ,PHYI NAS RANG GZUGS JI BZHIN DU, ,SNGAGS PA NGAG GIS SHES PAR BYA, ,RANG GI GZUGS KYANG RAB GNAS PA, ,BSDIGS SHING TSAM NGAM BYED LA SOGS, ,SKRAG PAR BYED PA'I KHA NI ZAB, ,KHRO BO'I LTA BA GDON 'GYUR BA, ,RKANG PA 'GYED PAR BZHAG PA DAG ,

TSAM NGAM MTSAN NYID BSHAD PA YIN, ,RKANG PA YA GCIG MYUR DU BZHAG ,GDONG DANG NU 'JING YON PO BYAS, ,KHRO GNYER 'JIGS PAR BYED PAR BSNYER, ,G-YON PA MDZUB MO GCIG GIS BSDIGS, ,TSAM NGAM BYED CING BE CON GDENGS, ,GDONG DANG BRLA DANG RKANG PA G-YON, ,KUN TU G-YO ZHES BYA BA STE, ,KHRO BO TSAM NGAM SNYEMS DANG BCAS, ,KUN TU G-YO BA'I RIM GSUNGS LA, ,RAB TU G-YO ZHES BYA BA NI, ,CUNG ZAD DU NI DBUS DMAN PA'O, ,RAB TU G-YO BA BRTAG PAR BYA, ,DE BZHIN DPUNG BRKYANG PA DANG, ,RKANG PA G-YON PA GDANGS PA DANG, ,LAG GNYIS DRAG TU RDOB PA NI, ,DE BZHIN SKRAG PAR BYED PAR BSHAD, ,BE CON LA NI LTA BAR GTAD, ,RKANG PA G-YAS PA GSAL BAR 'PHYAR, ,DE NI KUN TU SDOM PAR BSHAD, ,G-YON PA'I MDZUB MOS BSDIGS PAR BYED, ,DPUNG PA GDENGS PA G-YON BZHIN DU, ,MIG NI MDZUB MO GCIG LA GTAD, ,RKANG PA G-YAS PA 'PHYAR BA NI, ,KUN TU 'KHRUG PA ZHES BYA'O, ,RKANG PA G-YON PA GDANGS BYAS TE, ,G-YON PHYOGS SU NI 'PHYAR ZHING BSKOR, ,DPUNG PA BRKYANG PA'I BE CON GDENGS, ,BSDIGS PA GCIG TU RMONGS PAR BYED, ,MYUR DU TSAM NGAM ZHES BYA BA, ,DE NYID DPUNG BRDABS BSDIGS PA'O, ,DE NYID LAS NI KHA GDANGS PA, ,KHA GDANGS PA ZHES BSGRAGS PA YIN, ,

, ,SRAN DANG BCAS LA BZHI NI BSKOR, ,MTHU RTZAL CHE BA'I STABS SU STZOL, ,MCHU YI MTHA' MA SO YIS MNAN, ,LAG PA PHYAR TE BSDIGS PAR BYED, , SNYEMS DANG BCAS SHING SGRA YANG 'BYIN, ,'JIGS PAR BYED PA'I H'Um BSGRAGS PA'I, ,TSAM NGAM LEGS PAR BSHAD PA NI, ,MDZES PA'I KHRO BOS GNON PA 'O, ,BTZAN THABS SU NA BSKOR BAR BYA, ,RKANG PA G-YAS PA BTZUGS TE MNAN, ,LAG PA GNYIS KA DRAG RDOB PA, ,BYAS NAS 'JIGS PAR BYA BA NI, ,DE BZHIN SNYEMS DANG BCAS BSHAD PA, ,TSAM NGAM BDAG NYID CHEN PO 'DI, ,'JIGS PAR BYED PA ZHES BYA STE, ,RTAG TU KHRO BO SGOM PA'O, ,RKANG PA MNYAM PAR BZHAG STE 'DUG, G-YAS PA CUNG ZAD MTHO BAR BYA, ,DPAL DANG LDAN PAS G-YON PA SMAD, ,G-YON PA SOR MO GCIG NI BSDIGS, ,DPUNG PA BTEG STE BE CON 'PHYAR, ,RKANG PA DANG NI GDONG BSGYUR BA; ;RTAG TU KHRO BO SGOM PA NI, ,K'I LI K'I LA ZHES BYA'O, ,K'I LI K'I LA CHEN PO NI, ,DE NYID LAS NI RGYAB TU BLTA, ,KHRO BO MIG NI YA GCIG BTZUMS, ,MYUR DU MCHONG STABS BYED PA'O, ,'DI NI TSAM NGAM SBYOR BA STE, ,HE LA'I 'KHOR LO RTZIBS RIM LAS, ,MDOR NA JI LTAR DGOD PA DAG ,LEGS PAR BSHAD PA 'DI YIN NO, ,HE

LA'I 'KHOR LO'I MTHU SNGAGS DANG, ,TSAM NGAM G-YAS KYI MTHU DGA' YIS, ,LAS RNAMS RAB TU NGO MTSAR BA, ,JI SKAD GSUNGS PA'I LAS RNAMS BYA'O, ,SGRUB PA DE DAG GSANG RGYUD DANG, ,HE LA'I 'KHOR LO 'DI SHES NA, ,KHRO BO DNGOS DANG GCIG 'GYUR BAS, ,KHRO BO'I SKAD DU SPYOD PAR 'GYUR, ,RTOG PA 'DI NI GSANG BAR BCAS, ,GSANG BA'I SNYING PE'I MCHOG TU BSHAD, ,KHRO BO'I RGYAL PO'I RTOG 'DI LAS, ,MCHOG TU GYUR PA GZHAN MED DO, ,KHRO BO RNAM PAR RGYAL BA LAS, ,RTOG PA PHYI MA'I PHYI MA 'DI, ,RAB TU GSANG BA ZHES BYA BA, ,THOS NAS GSANG BA'I DON BSGOMS PAS, ,LHA DE THAMS CAD YI RANG NAS, ,KHRO BO MCHOG LA PHYAG 'TSAL TE, ,RAB TU DGA' BA'I MCHOG TU 'GYUR, , GSANG BA'I RTOG PAR GTOGS PA LNGA PA STE, BCOM LDAN 'DAS 'JAM DPAL GSHEN RJE'I GSHED PO LA RJES SU YI RANG BA'I RIM PAR PHYE BA STE NYI SHU RTZA GNYIS PA'O,, ,, KHRO BO KHAMS GSUM RNAM PAR RGYAL BA'I RTOG PA'I RGYAL PO GSANG BA'I RGYUD RDZOGS SO,, ,,