acip-k_lha_sa-090-040 · GMLW-006588

'PHAGS PA 'OD ZER DRI MA MED PA RNAM PAR DAG PA'I 'OD CES BYA BA'I GZUNGS (A'ARYA RASMI BI MA LE BI SHUDDHE PRA BHA n'A N'A MA DHA RA nI)

נושאי-מדףSubjects:
RGYUDSecret Teachings (Tantra)
נושאיםTopics:Secret Wordsa Spiritual BlockStaying Aware of Death
חיי היום-יוםDaily life:death and dyingdaily practice
נמצא בfound inSecret Teachings (Tantra)
מספר טוהוקוTohoku numberToh 510 · Tantra
מהדורהrecensionLhasa
כותרת בסנסקריטSanskrit titleA'ARYA RASMI BI MA LE BI SHUDDHE PRA BHA n'A N'A MA DHA RA nI
כניעה לhomage toBYANG CHUB SEMS DPA' THAMS CAD
הפנדיטה ההודיIndian panditaBIDY'A KA RA SIm HA
הלוצאווה הטיבטיTibetan lotsawaBANDHE DPAL GYI LHUN PO'I SDES
פוליוfolios292b–309a
צורהformprose
מצב תרגוםtranslationno English of the text
כיסוי המילון לכותרתdictionary coverage of the title100%
ז'אנרgenreSecret Formulathe Tibetan title ends in GZUNGS — the work names itself a Secret Formula
מקום החיבורplace of compositionKapilavastuthe Buddha is in the great courtyard of the palace of the great city of Kapilavastu
אנשים ומקומותpeople and places namedSarvanivaranavishkambhin · Vidyakarasimha · Palgyi Lhunpo'i De · Atisha · Dre Mastonthe colophon has THREE stages — see the note
רמת קושיlevelintermediate
לחיי היום־יוםfor daily lifedeath and dying · daily practice
הכותרת אומתה מול הטקסטtitle verified against the textyesSanskrit and Tibetan title lines both match, and the closing repeats it

הקבציםThe files

acip-k_lha_sa-090-040_'PHAGS PA 'OD ZER DRI MA MED PA RNAM PAR DAG PA'I 'OD CES BYA BA'I GZUNGS (A'ARYA RASMI BI MA LE BI SHUDDHE PRA BHA n'A N'A MA DHA RA nI).txt/12. RGYUD_Secret Teachings (Tantra)/VOL 12 (NA)

הטקסטThe text

טיבטיתTibetanacip-k_lha_sa-090-040_'PHAGS PA 'OD ZER DRI MA MED PA RNAM PAR DAG PA'I 'OD CES BYA BA'I GZUNGS (A'ARYA RASMI BI MA LE BI SHUDDHE PRA BHA n'A N'A MA DHA RA nI).txt38,215 תוויםcharacters
292b

RGYA GAR SKAD DU, A'ARYA RASMI BI MA LE BI SHUDDHE PRA BHA n'A N'A MA DHA RA nI, BOD SKAD DU, 'PHAGS PA 'OD ZER DRI MA MED PA RNAM PAR DAG PA'I 'OD CES BYA BA'I GZUNGS, ,SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS GRONG KHYER CHEN PO SER SKYA'I GNAS KYI PHO BRANG GI 'KHOR GYI KHYAMS CHEN PO NA DGE SLONG GI DGE 'DUN CHEN PO DANG, BYANG CHUB SEMS DPA' SEMS DPA' CHEN PO RAB TU MANG PO DANG THABS CIG TU BZHUGS PA LA 'DI LTA STE, BYANG CHUB SEMS DPA' SEMS DPA' CHEN PO SGRIB PA THAMS CAD RNAM PAR SEL BA DANG, LAG NA RDO RJE DANG, 'PHAGS PA SPYAN RAS GZIGS DBANG PHYUG DANG, 'JAM DPAL DANG, SHES RAB 'OD DANG, BYAMS PA LA SOGS PA BYANG CHUB SEMS DPA' SEMS DPA' CHEN PO GRANGS MED PA RNAMS DANG, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NA MA MKHA' LDING DANG, MI 'AM CI DANG, LTO 'PHYE CHEN PO DANG, MI DANG, MI MA YIN PA LA SOGS PA GRANGS MED PAS BCOM LDAN 'DAS LA ZHE SAR BYAS, RI MOR BYAS, BKUR STIR BYAS TE YONGS SU BSKOR BA LA CHOS STON CING BZHUGS SO, ,DE'I TSE SER SKYA'I GRONG KHYER NA GNAS PA BRAM ZE CHEN PO

293a

, ,SER SKYA'I ZLA BA ZHES BYA BA, BCOM LDAN 'DAS KYIS BSTAN PA LA YID MI CHES SHING LOG PAR LTA BA ZHIG GNAS PA DE DUS GZHAN ZHIG GI TSE, GZHAN ZHIG GI RMI LTAS SU RMIS TE BSTAN PA, BRAM ZE CHEN PO, KHYOD DA STE ZHAG BDUN NA 'CHI BA'I DUS BYED PAR 'GYUR RO, ,ZHES ZER BA THOS NAS BRAM ZE DE SHIN TU YANG MI DGA' STE 'JIGS SKRAG NAS YID LA BSAM PA, DE BDAG GI SROG GI SKYABS SU LA BTZAL BAR BYA, YANG DGE SBYONG GOO TA MA THAMS CAD MKHYEN PA RDZU 'PHRUL DANG LDAN PA ZHIG YIN NO ZHES GRAGS NA, BDAG DE'I GNAS SU SONG STE, DE THAMS CAD MKHYEN PA YIN YANG DAG NA, DE 'JIGS PAS NYAM THAG PAR 'GYUR BA'I SKYABS MDZAD PA'I CHOS PHYIR STON GOR MA CHAG GO SNYAM BSAM NAS BCOM LDAN 'DAS KYI GAN DU SONG BA DANG, RGYANG RING PO NAS BCOM LDAN 'DAS 'KHOR MANG PO DANG THABS CIG TU BZHUGS PA MTHONG NAS BCOM LDAN 'DAS LA ZHU BAR MA SPOBS TE SEMS SHING 'DUG LA, BCOM LDAN 'DAS YANG DAG PAR RDZOGS PA'I SANGS RGYAS DUS GSUM MKHYEN PA, THAMS CAD GZIGS PA; SGRIB PA MI MNGA' BAS BRAM ZE'I BSAM PA MKHYEN NAS BYAMS PA'I THUGS KYIS BRTZE BAR DGONGS TE BKA' STZAL PA, BRAM ZE CHEN PO, KHYOD DA STE ZHAG BDUN NA 'CHI

293b

BA'I DUS BYAS NAS NGAN SONG NGAN 'GRO MNAR MED PA'I SEMS CAN DMYAL BAR SKYE BAR 'GYUR RO, ,DE NAS YANG RIM GYIS SEMS CAN DMYAL BA CHEN PO BCU DRUG TU KHA BRGYUD DE SKYE BAR 'GYUR RO, ,DE LAS THAR NAS KYANG RIGS NGAN SHAN PA'I RIGS SU SKYE BAR 'GYUR RO, ,DE NAS SHI 'PHOS NAS YANG PHAG GI LUS SU SKYE BAR 'GYUR TE, RTAG TU NGAN SKYUG MI GTZANG BA ZA ZHING 'DAB RDZAB KYI NANG DU YANG YUN RING DU GNAS TE RGYUN DU SDUG BSNGAL MYONG BAR 'GYUR RO, ,DE NAS GAL TE MI'I LUS THOB NA YANG SHIN TU DBUL BA DANG, MI GTZANG BA DANG, DRI NGA BA DANG, MDOG MI SDUG CING NAG PA DANG, LUS RING CING NYAM CHUNG BA DANG, MDZE NAD CAN DU 'GYUR TE, SKYE BO YONGS LA MI SDUG CING RTAG TU BKRES PAS NYAM THAG PA; SKYE BO YONGS KYI SMAD PA, RTAG PAR BRDEG BTZOG BYA ZHING SHIN TU SDUG BSNGAL BAR 'GYUR RO, ,ZHES BKA' STZAL PA DE THOS NAS BRAM ZA DE SHIN TU 'JIGS SKRAG STE YID GDUNGS PAS DUS NAS BCOM LDAN 'DAS KYI ZHABS LA MGO BOS PHYAG 'TSAL TE GSOL BA, BCOM LDAN 'DAS, YANG DAG PAR RDZOGS PA'I SANGS RGYAS RNAMS NI, SEMS CAN THAMS CAD KYI MGON DANG SKYABS MDZAD PA LAGS NA, BDAG NI, SDIG PA'I LAS THAMS CAD 'CHAGS TE, DENG SLAN CHAD BCOM LDAN 'DAS KYI BKA' BZHIN DU BGYID NA,

294a

, ,BDAG NGAN SONG NGAN 'GRO SEMS CAN DMYAL BAR SKYE BA'I SDUG BSNGAL LAS SKYABS MDZAD PAR GSOL, DE SKAD CES GSOL PA DANG, BCOM LDAN 'DAS KYIS BKA' STZAL PA, BRAM ZE CHEN PO, KHYOD SONG LA GRONG KHYER SER SKYA'I LAM GYI SUM MDON MCHOD RTEN RING BSREL CAN RNYING PA RAL PA ZHIG YOD PA DE SLAR BRTZIGS TE MCHOD RTEN GYI RTZE MOR SROG SHING BTZUGS LA GSANG SNGAGS YI GER BRIS PA DE'I NANG DU BCUG STE MCHOD PA BYAS NAS GSANG SNGAGS LAN BDUN BTON NA, KHYOD KYI TSE YANG PHYIR NUR TE 'PHEL BAR 'GYUR LA, 'CHI BA'I DUS BYAS NAS KYANG BDE 'GRO MTHO RIS KYI GNAS LONGS SPYOD CHE BA RNAMS SU SKYE STE, BSKAL PA STONG PHRAG BRGYA'I BAR DU BDE BA'I LONGS SPYOD KYANG PHYIR 'PHEL ZHING RGYAS PAR 'GYUR, DE NAS KYANG DE BZHIN GSHEGS PA MI 'KHRUGS PA'I SANGS RGYAS KYI ZHING YONGS SU DAG PAR SKYE BAR 'GYUR TE, BSKAL PA BRGYA STONG DU MAR BDE BA CHEN PO MYONG BAR 'GYUR RO, ,DE NAS YANG SHI 'PHOS NAS RGYAL CHEN RIS BZHI'I LHA RNAMS KYI GNAS SU SKYE BAR 'GYUR TE, DER YANG BSKAL PA CHEN PO STONG PHRAG BRGYA'I BAR DU BDE BA'I LONGS SPYOD MI ZAD PA MYONG BAR 'GYUR RO, ,TSE RABS GANG DU SKYES PA'I GNAS KUN TU YANG YID GZHUNGS SHING TSE'I BAR CHAD MED PA DANG, LAS KYI SGRIB PA THAMS CAD ZAD

294b

NAS NAM DU YANG SEMS CAN DMYAL BAR LTUNG BAR MI 'GYUR RO, ,RTAG TU YANG DAG PAR RDZOGS PA'I SANGS RGYAS 'BYUNG BA RNAMS DANG PHRAD CING RJES SU DGONGS PAR MDZAD DO, ,BRAM ZE CHEN PO, GZHAN YANG DGE SLONG NGAM, DGE SLONG MA'AM, DGE BSNYEN NAM, DGE BSNYEN MA'AM, RIGS KYI BU MO GANG LA LA TSE THUNG BA'AM, NAD MANG PA ZHIG YOD NA, DES MCHOD RTEN RNYING PA BCOS SAM, GSAR DU BRTZIGS KYANG RUNG STE, GSANG SNGAGS 'DI BRIS LA NANG DU GZHUG NAS DKYIL 'KHOR BYI DON BYAS TE MCHOD NA, DE DAG GI YON TAN NI, TSE ZAD PA YANG TSE SLAR NUR ZHING RING BA DANG, NAD KYIS BTAB CING SDUG BSNGAL BA YANG NAD DO COG LAS THAR PA DANG, NAM DU YANG NGAN SONG NGAN 'GROS SEMS CAN DMYAL BA DANG, BYOL SONG GI SKYE GNAS DANG, GSHIN RJE'I 'JIG RTEN DU SKYE BAR MI 'GYUR TE, DE DAG GI SGRA RNA LAM DU YANG GRAG PAR MI 'GYUR NA, DE DAG TU SKYE BA LTA CI SMOS, DE NAS BRAM ZE DES DE SKAD THOS NAS SHIN TU YID RANGS TE MCHOD RTEN ZHIG PA BCOS PAR BSAM NAS DE 'KHOR DE NAS LANGS TE SONG NGO, ,DE'I TSE 'KHOR DE NYID NA BYANG CHUB SEMS DPA' SEMS DPA' CHEN PO SGRIB PA THAMS CAD RNAM PAR SEL BA ZHES BYA BA ZHIG STAN LAS LANGS NAS THAL MO SBYAR TE BCOM LDAN 'DAS LA 'DI SKAD CES GSOL TO, ,BCOM LDAN 'DAS KYI GSANG SNGAGS KYI CHO GA 'DI JI LTA BUR BGYIS NA, YON TAN DANG,

295a

, ,LEGS PA DANG, DGE BA'I RTZA BA BSKYED PAR 'GYUR, DA SKAD CES GSOL BA DANG, BCOM LDAN 'DAS KYIS BKA' STZAL PA, GSANG SNGAGS CHEN PO RNAMS KYI MCHOG ,BDAG NYID CHE BA, DRI MA MED CING RNAM PAR DAG PA'I 'OD CES BYA BA 'DI DKYIL 'KHOR CHEN PO'I CHO GA BZHIN BYAS NA, DE BZHIN GSHEGS PA THAMS CAD KYI BYIN GYI RLABS KYIS SEMS CAN THAMS CAD KYI PHAN PA DANG BDE BAR 'GYUR RO, ,LA LA ZHIG GIS GSANG SNGAGS 'DI THOS NA, MTSAMS MED PA LNGA BYAS PA'I SDIG PA YANG MA LUS PAR 'BYANG BAR 'GYUR RO, , SER SNA DANG, BRNAB SEMS DANG, PHRAG DOG LA SOGS PA MI DGE BA'I RTZA BA THAMS CAD KYANG 'BYANG BAR 'GYUR TE, TSE ZAD PA LAS KYANG TSE RING DU NUR PA DANG, BKRA SHIS DANG, LEGS PA PHUN SUM TSOGS PA THAMS CAD 'GRUB PAR 'GYUR RO, ,DE SKAD CES BKA' STZAL PA DANG, BYANG CHUB SEMS DPA' SEMS DPA' CHEN PO SGRIB PA THAMS CAD RNAM PAR SEL BAS BCOM LDAN 'DAS LA GSOL PA, BCOM LDAN 'DAS, BCOM LDAN 'DAS KYIS SEMS CAN THAMS CAD KYI SROG GI SKYABS MDZAD PA DANG, LAS KYI SGRIB PA THAMS CAD BSAL BA'I SLAD DU BCOM LDAN 'DAS KYIS GSANG SNGAGS KYI CHO GA 'DI THAMS CAD DANG LDAN PA'I 'KHOR LA BKA' STZAL DU GSOL, DE SKAD CES GSOL BA DANG, BCOM LDAN

295b

'DAS KYIS GNANG STE BCOM LDAN 'DAS KYI DBU'I GTZUG TOR GYI STENG NAS 'OD ZER GYI SNANG BA CHEN PO BYUNG NAS STONG GSUM GYI STONG CHEN PO'I 'JIG RTEN GYI KHAMS THAMS CAD 'OD KYIS KHYAB PAR MDZAD DE, DE BZHIN GSHEGS PA THAMS CAD LA YANG MKHYEN PAR MDZAD NAS 'OD ZER DE DAG SLAR 'DUS TE BCOM LDAN 'DAS KYI DBU'I GTZUG TOR TU NUB BO, , DE NAS BCOM LDAN 'DAS DGYES SHING BYA KA LA BINGKA'I GSUNG DBYANGS KYIS GSANG SNGAGS BKA' STZAL PA, NA MA: SAPT'A N'AN, SAMYAKSAm BUDDHA KO t'I N'AN, PA RI SHUDDHE, MA NA SI, AA BHYA RTZI TA DUshtI T'A N'AN, NA MO BHA GA BHA BA TI, AA MRi TA A'A YU: SYA TA TH'A GA TA SYA, AOm SARBA TA TH'A GA TA SHUDDHI, A'A YUR BI SHO DHA NI, SAm HA RA SAm HA RA nE, SAm HA RA SAm HA RA, SARBA TA TH'A GA TA BIRYA BA LE NA PRA TI SAm HA RA, A'A YU: S'A RA S'A RA, SARBA TA TH'A GA TA SA MA YA, BO DHI BO DHI, BUDDHYA BUDDHYA, BO DHA YA BO DHA YA, MA MA SARBA P'A PAm A'A BA RA nI BI SHUDDHE, BI GTA MA LAm, TSA RA SU BUDDHE BUDDHE, HU RU HU RU SV'AH'A, 'DI NI, RTZA BA'I SNGAGS TE, GANG LA LA 'DI'I CHO GA BYED PAR 'DOD NA, TSES BRGYAD DANG, BCU GSUM DANG, BCU BZHI DANG, BCO LNGA RNAMS GANG YANG RUNG BA LA MCHOD RTEN RING BSREL CAN LA LAN BDUN CU RTZA BDUN BSKOR LA, GSANG SNGAGS 'DI LAN BDUN CU RTZA BDUN BZLAS BRJOD BYAS TE KHRUS BYAS LA DKYIL 'KHOR BYAS

296a

, ,GSANG SNGAGS KYI YI GE BDUN CU RTZA BDUN BRIS TE, DE'I TSE GSANG SNGAGS 'DON PA DANG, YI GER 'BRI BA YANG KHRUS BYAS LA GOS GTZANG MA GYON TE LUS SPOS KYIS BYUGS NAS KHA ZAS GTZANG MA ZOS LA ME TOG DANG BDUG PAS MCHOD DE, DE LA RIN PO CHE SNA BDUN YANG YON DU PHUL LAM, YANG NA BDAG GI NYAMS KYIS CI 'BYOR PAR PHUL YANG RUNG STE, SEMS MGU BAR BYA'O, ,CHOS BTZUN PAR BYA BA'I PHYIR BA STI STANG DANG, RI MO CHER BYA'O, ,GSANG SNGAGS KYI YI GE LA YANG DKON ZHING RIN PO CHER 'DU SHES BZHAG STE MCHOD RTEN CHE CHUNG JI TZAM NUS PA BDUN CU RTZA BDUN GDAB PAR BYA ZHING, DE RE RE'I NANG DU GSANG SNGAGS BCUG STE SEMS RTZE GCIG TU MCHOD PA CHEN PO BYAS NA; TSE ZAD PA LAS TSE SLAR NUR TE TSE RING BAR 'GYUR RO, ,SNGON GYI LAS KYI SGRIB PA TSE RABS GRANGS MED PA'I SDIG PA THAMS CAD BYANG NAS NAM DU YANG SEMS CAN DMYAL BA DANG, DUD 'GRO DANG, YI DVAGS KYI SKYE GNAS THAMS CAD DU SKYE BAR MI 'GYUR RO, ,GANG DU SKYES PA'I GNAS THAMS CAD DU YANG SNGON GYI TSE RABS RJES SU DRAN PAR 'GYUR, YID LA BSAM PA THAMS CAD KYANG DE BZHIN DU 'GRUB PAR 'GYUR, DE BZHIN GSHEGS PA 'BUM PHRAG BDUN CU RTZA BDUN SNYED LA DGE BA'I RTZA BA BSKYED PAR 'GYUR, NAD

296b

DANG SDUG BSNGAL THAMS CAD LAS THAR PAR 'GYUR RO, ,GANG LA LA ZHIG NAD TSA BAS PO CHES BTAB STE 'CHI BA'I DUS BYED PA LA THUG NA, DKYIL 'KHOR GRU BZHI PAR BYAS LA DE'I STENG DU TSON SNA LNGAS RI MOR BRIS TE DBUS KYI CHAR NI, 'KHOR LO DANG, RDO RJE DANG, DUNG DANG, MDUNG RTZE GSUM PA DANG, G-YUNG DRUNG RIS DANG, PADMO RNAMS BRI'O, ,GRA BZHIR YANG PADMO RE RE BRIS TE, DE'I STENG DU SPOS CHUS BKANG BA'I BUM PA RE RE GRA BZHIR GZHAG GO ,BDUG SPOS KYI SNOD BKANG BA SPOS SNA TSOGS 'THUL BA YANG GZHAG GO, KHA DOG SNA LNGA'I SNOD DU KHA ZAS SNA TSOGS DANG, ZAS DKAR GSUM DANG 'BRAS CHAN DU SBYAR BA GZHAG ,YANG DRI'I CHU DANG, ME TOG DANG, 'BRAS SAM 'BRU'I SNOD BKANG BA PHOR BU RE RE BLAGS PA DANG, YANG KHA ZAS SNA TSOGS SBYAR BA'I GTOR MA SPOS CHU BUM PA GANG DANG SBYAR TE DKYIL 'KHOR GYI STENG DU GZHAG GO ,GTOR MA DE DANG, 'BRAS KYI DRUNG DU NYE BAR TSOGS KYI BDAG PO'I GZUGS BRIS LA DE'I SPYI BO'I STENG DU MAR ME GZHAG GO ,DE NAS DKYIL 'KHOR GYI NUB PHYOGS SU NAD PA BZHAG LA DKYIL 'KHOR GYI NANG DU KHA BSTAN PA'I NAD PA'I MDUN DU YANG MCHOD PA'I BSHOS BZHAG STE 'BUL DU GZHUG GO ,DE NAS SNGAGS MKHAN GTZANG SBRA CHER BYAS TE NAD PA DE LA GSANG SNGAGS BDUN CU RTZA BDUN GYIS BTAB

297a

, ,STE CHO GA 'DI LTAR BYAS NA, NAD PA TSE ZAD DE 'CHI BA'I DUS BYED DU NYE BA ZHAG BDUN NAS DRAN PA NYAMS SHING 'KHRUL BAR 'GYUR BA YANG TSE SLAR NUR ZHING RING POR 'GYUR RO, ,RMI LAM GYI SDUG BSNGAL YANG MYONG BAR MI 'GYUR RO, ,GANG LA LA ZHIG GIS GTZANG SBRA CHER BYAS TE NYIN GCIG BZHIN RTAG PAR GSANG SNGAGS LAN RE RE JI SRID 'TSO'I BAR DU BTON NA, DE 'CHI BA'I DUS BYAS NAS LONGS SPYOD DANG, BDE BA MI ZAD PA'I GNAS SU SKYE BAR 'GYUR RO, ,RTAG PAR DUS THAMS CAD DU BZLAS BRJOD BYAS NA, SANGS RGYAS BZHUGS PA'I ZHING DU SKYE BAR 'GYUR ZHING, TSE RABS RJES SU DRAN PAR 'GYUR RO, ,DUS MA YIN PA'I 'CHI BA DANG, SGRIB PA THAMS CAD BYANG BAR 'GYUR RO, ,YANG GANG LA LA ZHIG GIS MI SHI BA'I CHED DU PHAN PAR 'DOD PAS SEMS THAG PA NAS GSANG SNGAGS LAN BDUN CU RTZA BDUN BZLAS BRJOD BYAS NA, SHI BA DE NGAN SONG GI GNAS SU LHUNG NA YANG DE'I MOD LA LAS KYI SGRIB PA RNAMS ZAD NAS MTHO RIS KYI LHA'I GNAS SU SKYE ZHING BDE BA MYONG BAR 'GYUR RO, ,YANG GANG LA LA ZHIG GIS GSANG SNGAGS YI GER BRIS PA GZHAN GYI MING NAS SMOS TE MCHOD RTEN GYI NANG DU BCUG LA NAN TAN DU MCHOD PA BYAS NA, SHI BA GANG YIN PA DE NGAN SONG GI GNAS NAS THAR TE MTHO RIS SU SKYE BAR 'GYUR RO, ,YANG DGA' LDAN GYI LHA'I RIS SU

297b

SKYE BAR 'GYUR TE, SANGS RGYAS KYI BYIN GYI RLABS KYIS NGAN SONG DU LHUNG BAR MI 'GYUR RO, ,RIGS KYI BU'AM RIGS KYI BU MO GANG LA LA ZHIG MCHOD RTEN DA LA BSKOR BA BYAS SAM, PHYAG BYAS SAM, MCHOD PA PHUL YANG RUNG STE, DE BZHIN GSHEGS PA'I BYIN GYIS RLABS KYIS BLA NA MED PA'I BYANG CHUB KYI LAM LAS PHYIR MI LDOG PAR YANG 'GYUR RO, ,SNGON GYI LAS KYI SGRIB PA RNAMS KYANG MA LUS PAR BYANG BAR 'GYUR RO, ,THA NA BYA DANG RI DVAGS LA SOGS TE GANG DAG LA MCHOD RTEN DE'I GRIB MA PHOG PA DE DAG KYANG NAM YANG DUD 'GRO LA SOGS PA NGAN SONG GI GNAS SU SKYE BAR MI 'GYUR RO, ,GANG LA LA MTSAMS MED PA LNGA'I SDIG PA CHEN PO DANG LDAN PA YANG MCHOD RTEN DE LA REG GAM, DE'I GRIB MAS PHOG KYANG RUNG STE, DE'I SDIG PA THAMS CAD BYANG ZHING ZAD PAR 'GYUR RO, ,MCHOD RTEN DE'I GNAS NAS 'BYUNG PO DANG, GNOD SBYIN DANG, SRIN PO DANG, YI DVAGS DANG, SHA ZA LA SOGS PA LUS LA 'JUG CING GNOD PA DANG, GCAN GZAN KHRO BO DANG, THOG 'BAB PA NGANG, SDIG SBRUL KHA GDUG PA DANG, SBYAR DUG LA SOGS PA THAMS CAD KYIS KYANG MI TSUGS SHING MED PAR 'GYUR RO, ,GZHAN YANG PHA ROL GYI DMAG TSOGS DANG, MTSON DANG, ME DANG, CHU DANG, SER BA DANG, MU GE DANG, DUS MA YIN PAR 'CHI BA DANG, RMI LAM NGAN PA DANG, BKRA MI SHIS PA DANG, SDUG BSNGAL GYI

298a

, ,GNOD PA THAMS CAD MED PAR 'GYUR RO, ,YUL DER LTAS NGAN ZHIG BYUNG NA YANG MCHOD RTEN DANG, SANGS RGYAS KYI BYIN GYI RLABS KYIS 'OD ZER CHEN PO BYUNG BAS LTAS NGAN DANG, BKRA MI SHIS PA THAMS CAD ZLOG PAR 'GYUR RO, ,GANG GZHAN ZHIG BSAM PA NGAN PAS DMAG DANG, CHOM RKUN GYIS GNOD PA BYA BAR SEMS SAM, DGRA RGOL BA ZHIG BYUNG NA YANG GNAS DER MCHOD RTEN DE LA 'OD ZER CHEN PO 'BYUNG STE, DE BZHIN GSHEGS PA'I RDZU 'PHRUL GYIS ME LCE KUN TU 'BAR BAS BSKOR BA'I NANG NAS DMAG GI DPUNG DANG, MTSON CHA'I CHAR MNGON PAR BSTAN PAS PHA ROL GYI DMAG TSOGS THAMS CAD ZHI ZHING PHYIR ZLOG PAR 'GYUR RO, ,LHA RNAMS KYIS KYANG SRUNG BA DANG, SKYOB PAR BYED DE, PHYOGS BZHIR DPAG TSANG BRGYA TSUN CHAD DU MTSAMS BCAD DE BSRUNGS PAS DE'I NANG DU 'KHRUG PA DANG, NAD 'GO BA DANG, PHYUGS NAD THAMS CAD MI 'BYUNG NGO, ,'THAB CING RTZOD PA MI 'BYUNG, CHOS MA YIN PAR SPYOD PA MED PAR 'GYUR RO, ,'DI LA GSANG SNGAGS GZHAN GYIS GCAD PA DANG, MNAN PAR MI NUS TE, GSANG SNGAGS THAMS CAD KYI RTZA BA YIN PA'I PHYIR RO, ,YANG MCHOD RTEN DE'I SROG SHING GI GSANG SNGAGS BSHAD PA, AOm SARBA TA TH'A GA T'A BI PU LA YAshtI, MA nI KA NA R'A DZA TA, BI BU SHI

298b

TA YAshtI DHU RU DHU RU, SA MANTE BI LO TE, SA RA SA RA, MA MA SARBA P'A BAm BI SHO DHA nI, SAm BO DHA nI, PRA BA RA YAshtI, PA RI MA nI DUshtA HU RU TZI RA MA LA BI SHUDDHE H'Um H'Um SV'AH'A, RIGS KYI BU, CI NAS KYANG GSANG SNGAGS 'DI NAN TAN DU DGU BCU RTZA DGUR YI GER BRIS TE MCHOD RTEN GYI SROG SHING GI NGOS BZHIR GZHUG GO ,DE YANG CHO GA'I GZHUNG 'DI NYID KYANG BRIS TE SROG SHING GI NANG DU GZHUG GO ,CHO GA DE LTAR BYAS NA, MCHOD RTEN DGU KHRI DGU STONG GI SROG SHING BTZUGS PA DANG 'DRA'O, ,DE'I GONG DU YANG MCHOD RTEN RING BSREL CAN DGU KHRI DGU STONG BZHENGS PA DANG 'DRA'O, ,DE'I YANG GONG DU DE BZHIN GSHEGS PA LA MCHOD PA'I LAS KYI PHYIR CHOS BZANG LHA'I MDUN SA DANG 'DRA BA'I GTZUG LAG KHANG GI MCHOD RTEN DGU KHRI DGU STONG BRTZIGS PA DANG 'DRA'O, ,YANG GANG LA LA ZHIG GIS 'JIM PA LAS MCHOD RTEN CHUNG NGU ZHIG BYAS TE, DE'I NANG DU GSANG SNGAGS 'DI DAG BCUG NA YANG RIN PO CHE SNA BDUN GYI MCHOD RTEN LHA DGU KHRI DGU STONG BRTZIGS PA DANG 'DRA'O, ,YANG GANG LA LA ZHIG GIS MCHOD RTEN 'DI LA BSKOR BA BYAS SAM, PHYAG BYAS SAM, THAL MO SBYAR RAM, ME TOG PHUL LAM, BYUG PA DANG, BDUG SPOS PHUL LAM, DRIL BU DANG, BA DAN DANG, GDUGS 'GA' ZHIG PHUL NA YANG DE BZHIN GSHEGS PA DGU KHRI DGU STONG GI MCHOD RTEN LA PHUL BA'I BSOD NAMS DANG MNYAM

299a

, ,PA YIN NO, ,DGE BA'I RTZA BA THAMS CAD YONGS SU RDZOGS PA'I DPAL DANG, MTHU STOBS RGYA CHEN PO THOB PAR 'GYUR TE, THA NA BYA DANG SBRANG MA LA SOGS PA MCHOD RTEN DE'I GRIB MAS PHOG NA YANG DE BZHIN GSHEGS PAS MKHYEN CID RJES SU DGONGS PAR MDZAD DE, BLA NA MED PA YANG DAG PAR RDZOGS PA'I BYANG CHUB 'THOB CING PHYIR MI LDOG PA'I SA LA GNAS PAR YANG 'GYUR RO, ,YANG GANG LA LA ZHIG GIS MCHOD RTEN 'DI LTA BU'I RMI LAM DU RMIS SAM, RGYANG NAS MTHONG NGAM, DRIL BU'I SGRA THOS SAM, MCHOD RTEN BZHENGS PA RNA BAR GTAM THOS PA DE DAG KYANG MTSAMS MED PA LNGA LA SOGS TE SDIG PA DANG SGRIB PA THAMS CAD BYANG STE, RTAG TU DE BZHIN GSHEGS PA RNAMS KYIS SRUNG BA DANG, RJES SU DGONGS PA MDZAD DE, BLA NA MED PA YANG DAG PAR RDZOGS PA'I BYANG CHUB KYI LAM YONGS SU DAG PA 'THOB PAR 'GYUR RO, ,GSANG SNGAGS 'DI NI, MCHOD RTEN GYI SROG SHING GI GSANG SNGAGS ZHES BYA'O, ,YANG RIGS KYI BU DE BZHIN GSHEGS PA'I MCHOD RTEN BYA BA'I GSANG SNGAGS DE DAG GI SNYING PO NI, 'DI YIN NO, ,AOm SARBA TA TH'A G'A TA MA LA BI SHO DHA NI, RUD DHA BA LE BRA TI SAm SKA RA TA TH'A GA TA DHU TU DHA RE, DHA RA DHA RA, SANDHA RA SANDHA RA SARBA TA TH'A GA TA AA DHIshthA NA AA DHIshthI TE SV'AH'A, DGE SLONG NGAM, DGE

299b

SLONG MA'AM, DGE BSNYEN NAM, DGE BSNYEN MA'AM, GANG LA LA ZHIG GIS MCHOD RTEN BDAG NYID KYIS BYAS SAM, GZHAN BYED DU BCUG GAM, MCHOD RTEN RNYING PA BCOS LEGS BYAS KYANG RUNG, SA 'JIM LAS MCHOD RTEN CHUNG DU BYAS SAM, SO PAG GAM RDO BA LAS BYAS KYANG RUNG STE, DANG POR GSANG SNGAGS KYI SNYING PO STONG RTZA BRGYAD DU BZLAS BRJOD BYAS TE, DE'I 'OG TU MCHOD RTEN SEN MO GANG TZAM GYI SA LA BYAS SAM, KHRU GANG GI TSAD DU BYAS SAM, DPAG TSAD GCIG TZAM GYI TSAD DU BYAS NA YANG RUNG STE, GSANG SNGAGS KYI MTHU DANG, SEMS RTZE GCIG TU BYAS PA'I STOBS KYIS MCHOD RTEN DE LA YANG SPOS KYI NGANG LDANG STE, TZANDAN DANG, GA BUR DANG, GLA RTZI DANG, GUR GUM LA SOGS PA'I DRI BRO'AM, LHA'I SPOS DRI ZHIM PA'I NGAD LDANG BAR 'GYUR RO, ,BDAG DANG GZHAN MCHOD RTEN GYI LAS BYED PA DANG, BZLAS BRJOD BYED PA DE BSAM PA THAMS CAD KYANG YID BZHIN DU 'GRUB PAR 'GYUR RO, ,DGE BA'I RTZA BA RGYA CHEN PO BSAGS PAR 'GYUR TE, YON TAN DANG, LEGS PA PHUN SUM TSOGS PA YANG THOB PAR 'GYUR, TSE THUNG BA'I LAS SHIG YOD NA YANG TSE NUR ZHING RING BAR 'GYUR, NAM 'CHI BA'I DUS BYED NA YANG SANGS RGYAS BYE BA KHRAG KHRIG 'BUM PHRAG DGU BCU RTZA DGU'I ZHAL MTHONG ZHING, DE BZHIN GSHEGS PA DE DAG GIS RJES

300a

, ,SU DGONGS TE, SKYE GNAS PHYI MAR SANGS RGYAS KYI ZHING YONGS SU DAG PAR SKYE BAR 'GYUR ZHING MNGON SUM DU LUNG STON PAR 'GYUR, DER YANG TSE LO BYE BA KHRAG KHRIG BRGYA STONG THUB PAR 'GYUR TE, SNGON GYI GNAS RJES SU DRAN PA DANG, LHA'I MIG DANG, LHA'I RNA BA RNAM PAR DAG PA 'THOB CING PHA ROL GYI SEMS SHES PA DANG, 'CHI 'PHO BA DANG, SKYE BA SHES PA 'THOB BO, ,LUS LAS TZANDAN GYI DRI'I NGAD 'BYUNG ZHING, KHA NAS AUTPA LA'I BSUNG LDANG BAR 'GYUR TE, BLA NA MED PA YANG DAG PAR RDZOGS PA'I SANGS RGYAS BYANG CHUB KYI LAM THOB NAS PHYIR MI LDOG PA'I SA YANG 'THOB PAR 'GYUR RO, ,YANG DRI'I BYUG PA YUNGS 'BRU TZAM YANG RUNG STE GSANG SNGAGS BZLAS NAS MCHOD RTEN BSKUS NA, DE DAG GI YON TAN DANG, LEGS PA SNGAR BSHAD PA BZHIN DU THOB PAR 'GYUR RO, ,YANG DGE SLONG DANG, DGE SLONG MA DANG, DGE BSNYEN DANG, DGE BSNYEN MA GANG LA LA ZHIG GIS BDAG NYID GTZANG BAR BYAS TE GSANG SNGAGS KYI TSIG 'DI DAG DKON PA DANG, RIN PO CHER 'DU SHES PAS BZUNG NA, DE BZHIN GSHEGS PA DANG 'DRA BAR DAD PAR BYA STE, GSANG SNGAGS RNAMS LA GUS PA BSKYED NAS YI GER BRI BAR BYA'O, ,GONG DU BSHAD PA BZHIN GSANG SNGAGS DANG PHYAG RGYA CHO GA BZHIN DU BRIS NAS MCHOD RTEN GYI SROG SHING GI RTZA BAR SNYING PO BCUG STE MCHOD

300b

RTEN BYAS NA, DE DGE BA'I RTZA BRGYA CHEN PO BSAGS PAR 'GYUR TE, YON TAN DANG LEGS PA THAMS CAD 'THOB PAR 'GYUR RO, ,DE NAS BCOM LDAN 'DAS KYIS GSANG SNGAGS KYI PHYAG RGYA'I CHO GA 'DI DAG BSHAD PA'I TSE PHYOGS BCU'I 'JIG RTEN GYI KHAMS NA BZHUGS PA'I DE BZHIN GSHEGS PA THAMS CAD RJES SU THUGS RANGS PAR MDZAD NAS GSUNGS PA, YANG DAG PAR RDZOGS PA'I SANGS RGYAS SH'AKYA THUB PAS SEMS CAN THAMS CAD MNYAM PAR DGONGS SHING THAMS CAD CHOS KYI DBYINGS LA BKOD NAS GSANG SNGAGS CHEN PO'I PHYAG RGYA'I CHO GA BYIN GYI RLABS 'THOB PAR BSTAN PA NI, LEGS SO LEGS SO, ,SHIN TU YANG LEGS TE, DGE BA'I RTZA BA DE DAG GIS BLA NA MED PA YANG DAG PAR RDZOGS PA'I BYANG CHUB 'THOB CING PHYIR MI LDOG PAR YANG 'GYUR RO, ,DE NAS 'KHOR GYI DKYIL 'KHOR DE NYID NA LHA DANG, KLU DANG, GNOD SBYIN DANG, SRIN PO DANG, DRI ZA DANG, LHA MA YIN DANG, MI'AM CI DANG, LTO 'PHYE CHEN PO 'DUS PA RNAMS DANG, BYANG CHUB SEMS DPA' LAG NA RDO RJE DANG, RGYAL PO CHEN PO BZHI DANG, 'JIG RTEN SKYONG BA'I MES PO TSANGS PA DANG, KHYAB 'JUG DANG, DBANG PHYUG CHEN PO DANG, BRGYA BYIN DANG, GSHIN RJE DANG, CHU LHA DANG, KU BE RA DANG, DE DAG LA SOGS PA RDZU 'PHRUL CHE BA'I LHA DE DAG GIS BCOM LDAN 'DAS KYIS GSUNGS PA DE THOS

301a

, ,NAS BDAG CAG RANG RANG GI SPYOD YUL LA SKYO ZHING YID 'BYUNG BAR GYUR TE MTHAR GYIS YON TAN CHEN PO THOB PAR 'DOD PA'I PHYIR GCIG LA GCIG POS TE SMRAS PA; KYE MA YANG DAG PAR RDZOGS PA'I SANGS RGYAS 'BYUNG BA NI, SHIN TU YANG RNYED PAR DKA'O, ,DE'I BSTAN PA DAM PA'I CHOS THOS PA YANG SHIN TU RNYED PAR DKA', GSANG SNGAGS DANG PHYAG RGYA'I TSOGS YANG DAG PAR RDZOGS PA'I SANGS RGYAS KYI BSTAN PA THOS PA YANG SHIN TU RNYED PAR DKA' STE, 'DI NI, SHIN TU NGO MTSAR TO ZHES SMRAS SO, ,DE NAS DE'I TSE BRAM ZE SER SKYA'I ZLA BA ZHES BYA BA BCOM LDAN 'DAS LAS DE LTA BU'I GSANG SNGAGS DANG, CHO GA'I YON TAN CHEN PO DE DAG THOS SHING THOB NAS SEMS KYI SGRIB PA'I RDUL DANG RNYOG PA RNAMS DVANGS PAR GYUR, 'CHI BA'I 'JIGS PA DANG, SDIG PA DANG, LAS KYI SGRIB PA THAMS CAD KYANG DAG PAR GYUR, TSA YANG PHYIR NUR TE RING BAR GYUR NAS DGA' MGU YI RANG STE YID BDE BA CHEN PO THOB PAR GYUR TO, ,DE NAS 'BYUNG PO'I TSOGS THAMS CAD KYANG SEMS DANG ZHING RJES SU YI RANG BAR GYUR TO, ,DE NAS BYANG CHUB SEMS DPA' SEMS DPA' CHEN PO SGRIB PA THAMS CAD RNAM PAR SEL BAS DE BZHIN GSHEGS PA LA MCHOD PA'I LAS KYI PHYIR 'KHOR DER RIN PO CHE'I KHANG PA BRTZEGS PA NOR

301b

BU SNA TSOGS KYIS SPRAS PA ZHIG MNGON PAR SPRUL NAS CHOS LA DGA' BA'I PHYIR BCOM LDAN 'DAS LA PHUL TE LAN GSUM BSKOR BA BYAS NAS BCOM LDAN 'DAS KYI ZHABS LA MGO BOS PHYAG 'TSAL TE BCOM LDAN 'DAS LA GSOL PA, BCOM LDAN 'DAS KYIS GSANG SNGAGS DANG, PHYAG RGYA DANG, DKYIL 'KHOR GYI CHO GA SHIN TU RNYED PAR DKA' BA, SEMS CAN THAMS CAD LA PHAN PA DANG BDE BA RNAMS KYI MCHOG 'DZAM BU'I GLING GI SEMS CAN SGRIB PA CHE BA RNAMS KYI DON DU BSHAD DE DGE BA'I RTZA BA BSKYED CING TSE RING BA DANG, SDUG BSNGAL GYI PHUNG PO THAMS CAD LAS THAR PAR MDZAD PA LAGS NA, DENG 'DIR BDAG CAG BYANG CHUB SEMS DPA' RNAMS KYIS KYANG SANGS RGYAS BCOM LDAN 'DAS THAMS CAD LA GSOL TE, DE BZHIN GSHEGS PA'I SPYAN SNGAR YANG DAG PA'I YE SHES CHUB PAR BGYID PA'I PHYAG RGYA DANG, GSANG SNGAGS KYI TSIG BSHAD PAR 'TSAL TO, ,NA MO BHA GA BHA BA TE, NA BA NA BA t'I N'Am, SAm MYAKSAm BUDDHA KO tI YU TA SHA TA SA HA SRA n'Am, NA MA:SARBA nI BA RA nA BI SKAMBI NI BHO DHI SA TVA YA, AOm TU RU TU RU MA MA SARBA A'A BA RA nA BI SHO DHA NI; SARBA TA TH'A GA TA A'A YUR BA L'A N'I BI BU LA NI M'E SARBA SIDDHI N'A MA ,SKRI DV'Am, BA RA BA RA, SARBA SATVA AA BA LO KI NI, AOm SARBA NI B'A RA nA BI SKAMBI NI MA MA SARBA P'A PAm BI

302a

, ,SHO DHA NI KU RU SV'AH'A, BCOM LDAN 'DAS, BDAG GI GSANG SNGAGS 'DI NI, SANGS RGYAS BYE BA PHRAG DGU BCU RTZA DGUS BSHAD PA LAGS TE; GANG LA LA ZHIG GIS MA YENGS PA'I SEMS KYIS RTZE GCIG TU BYAS TE SKAD CIG GCIG BTON NA YANG SDIG PA THAMS CAD BYANG BAR 'GYUR RO, ,YANG GANG LA LA ZHIG GIS GSANG SNGAGS 'DI CHO GA BZHIN DU DGU BCU RTZA DGU YI GER BRIS TE MCHOD RTEN GYI NANG DU BCUG NA, MCHOD RTEN DE LA LA LA ZHIG GIS PHYAG BYAS SAM, TSIG SNYAN PAS BSTOD DAM, SPOS DANG, ME TOG DANG, BYUG PA DANG, MAR ME 'BUL NA, RIGS KYI BU DE DE'I TSE 'DI NYID LA SDIG PA THAMS CAD BYANG ZHING LAS KYI SGRIB PA THAMS CAD BSAL TE BSAM PA THAMS CAD YID BZHIN DU GRUB PAR 'GYUR, SANGS RGYAS BCOM LDAN 'DAS BRGYA STONG GRANGS MED PA'I GANG+G'A'I KLUNG GI BYE MA SNYED LA MCHOD CING BSNYEN BKUR BYAS PA DANG 'DRA BAR 'GYUR RO, ,DE BZHIN DU MCHOD RTEN RING BSREL GYI SNYING PO CAN BRGYA STONG BYE BA KHRAG KHRIG GANG+G'A'I KLUNG GI BYE MA SNYED LA MCHOD PA BYAS PAR 'GYUR RO, ,DE'I DGE BA'I RTZA BA RGYA CHEN PO GSOG PAR 'GYUR RO, ,YANG DGE SBYONG GANG ZHIG GIS TSES BRGYAD DANG, BCU BZHI DANG, BCO LNGA GANG YANG

302b

RUNG BA LA KHRUS DANG GTZANG SBRA BYAS TE GOS GTZANG MA GYON LA ZHAG GCIG SMYUNG BA'AM, YANG NA ZAS DKAR GSUM ZOS TE MCHOD RTEN LA BSKOR ZHING GSANG SNGAGS 'DI LAN BRGYA RTZA BRGYAD BZLAS BRJOD BYAS NA, BSKAL PA BRGYA STONG DU BSAGS PA'I LAS KYI SGRIB PA THAMS CAD DANG, MTSAMS MED PA LNGA BYAS PA YANG YONGS SU 'BYANG BAR 'GYUR, GZHAN YANG LAS DANG NYON MONGS PA'I SGRIB PA THAMS CAD RNAM PAR DAG PAR GYUR NAS BYANG CHUB SEMS DPA' SGRIB PA THAMS CAD RNAM PAR SEL BA BDAG NYID KYI LUS MNGON PAR BSTAN TE BSAM PA THAMS CAD DNGOS GRUB TU SBYIN PAR MDZAD CING, YANG DAG PAR RDZOGS PA'I SANGS RGYAS THAMS CAD KYI ZHAL YANG MTHONG BAR 'GYUR RO, ,DE BZHIN DU GANG LA LA ZHIG GIS NYIS BRGYA RTZA BRGYAD BTON NA, TING NGE 'DZIN 'THOB PAR 'GYUR RO, ,GANG GIS SUM BRGYA RTZA BRGYAD BTON NA; SGRIB PA THAMS CAD BYANG STE PHYIR MI LDOG PA'I SA LA GNAS PAR 'GYUR RO, ,YANG GANG GIS BZHI BRGYA RTZA BRGYAD BTON NA, RGYAL CHEN RIS BZHI'I RGYAL PO CHEN PO DAG KYANG NYE BAR 'ONGS NAS LUS MNGON PAR BSTAN TE, SRUNG BA DANG, SKYOB PAR BYED CING SHES RAB KYI STOBS KYANG BSKYED NAS BSOD NAMS THAMS CAD NYE BAR SGRUB BO, ,

303a

, ,GANG GIS LNGA BRGYA RTZA BRGYAD BTON NA, DGE BA'I RTZA BA DE NYID KYIS 'DUS MA BYAS KYI LAM LA GNAS PA 'THOB BO, ,YANG GANG GIS DRUG BRGYA RTZA BRGYAD BTON NA, RIG SNGAGS 'CHANG DU 'GYUR TE, NAM MKHA' LA RIG 'DZIN GYI GNAS SU 'GRO BAR 'GYUR RO, ,YANG GANG GIS BDUN BRGYA RTZA BRGYAD BTON NA, LEGS PAR YON TAN THAMS CAD LDAN PAR 'GYUR RO, ,YANG GANG GIS BRGYAD BRGYA RTZA BRGYAD BTON NA, GZHAN GYIS BSGO BA MED PA'I RANG DBANG THOB STE SEMS RNAM PAR DAG PAR 'GYUR RO, ,YANG GANG GIS DGU BRGYA RTZA BRGYAD DU BTON NA, PHUNG PO LNGA RNAM PAR DAG PAR 'GYUR RO, ,YANG GANG GIS STONG RTZA BRGYAD DU BTON NA, RGYUN DU ZHUGS PA'I 'BRAS BU 'THOB BO, ,GANG GIS NYIS STONG TSANG BAR BTON NA, LAN GCIG PHYIR 'ONG BA'I 'BRAS BU 'THOB BO, ,GANG GIS SUM STONG TSANG BAR BTON NA; PHYIR MI 'ONG BA'I 'BRAS BU 'THOB BO, ,GANG GIS BZHI STONG TSANG BAR BTON NA, DGRA BCOM PA'I 'BRAS BU 'THOB BO, ,GANG GIS LNGA STONG TSANG BAR BTON NA, RANG SANGS RGYAS KYIS 'THOB PAR 'GYUR RO, ,GANG GIS DRUG STONG TSANG BAR BTON NA, BYANG CHUB SEMS DPA'I RDZU 'PHRUL GYI GNAS 'THOB PAR 'GYUR RO, ,YANG GANG GIS

303b

BDUN STONG TSANG BAR BTON NA, BYANG CHUB SEMS DPA' SA DANG PO 'THOB PAR 'GYUR RO, ,YANG GANG GIS BRGYAD STONG TSANG BAR BTON NA, BYANG CHUB SEMS DPA'I SA LNGA PA GNON PAR 'GYUR RO, ,YANG GANG GIS DGU STONG CHANG BAR BTON NA, RIG SNGAGS DANG, GSANG SNGAGS RNAMS KYI BDAG PO GSANG BA PA'I LUS 'THOB PAR 'GYUR RO, ,YANG GANG GIS KHRI TSANG BAR BTON NA, BYANG CHUB SEMS DPA'I SA BRGYAD BA MI G-YO BA GNON PAR 'GYUR RO, ,YANG GANG GIS NYI KHRI TSANG BAR BTON NA, BLA NA MED PA YANG DAG PAR RDZOGS PA'I SANGS RGYAS KYI SKU 'THOB PAR 'GYUR TE, SENG+GE'I SGRA CHEN PO SGROG PAR 'GYUR RO, ,YANG GANG LA LA ZHIG GIS PHA MA'I DON GYI PHYIR BSOD NAMS KYI LAS BYA BAR 'DOD NA, MCHOD RTEN RNYING BA RING BSREL CAN ZHIG RAL DU GYUR PA GSOS LA BCOS LEGS BYAS TE GANG YANG PHYOGS SU BSKOR BA BYED CING SNGAGS LAN BRGYA RTZA BRGYAD TSANG GI BAR DU BSKOR BA BYAS NA, BSAM PA THAMS CAD YID BZHIN DU 'GRUB PAR 'GYUR RO, ,DE NAS BCOM LDAN 'DAS KYIS BYANG CHUB SEMS DPA' SGRIB PA THAMS CAD RNAM PAR SEL BA LEGS SO ZHES BYA BA BYIN TE, LEGS SO LEGS SO, ,RIGS KYI BU, KHYOD KYIS NGA'I GROGS BYAS TE DE BZHIN GSHEGS PA'I GSANG SNGAGS KYI

304a

, ,CHOS TSUL BZHIN DU BSHAD PA DE KHO NA BZHIN NO, ,DE NAS GNOD SBYIN THAMS CAD KYI RGYAL PO GSANG BA PA'I BDAG POS BCOM LDAN 'DAS LA GSOL PA, BCOM LDAN 'DAS KYIS GSANG SNGAGS KYI RGYAL PO GSANG SNGAGS KYI CHO GA 'DI DAG DE BZHIN GSHEGS PA RNAMS DANG 'DRA BA, DE BZHIN GSHEGS PA'I CHOS KYI SKU LAS BYUNG BA LAGS NA, BCOM LDAN 'DAS, SNYING PO DAM PA 'DI DAG 'DZAM BU GLING NA GNAS PA'I SEMS CAN RNAMS KYI LAS KYI SGRIB PA DANG, SDIG PA THAMS CAD BSAL NAS DE PHYIN CHAD BCOM LDAN 'DAS KYI BSTAN PA LA 'JUG PAR 'GYUR RO, ,DE SKAD CES GSOL PA DANG, BCOM LDAN 'DAS KYIS GSANG BA PA'I BDAG PO LA BKA' STZAL PA, GSANG BA PA'I BDAG PO, GSANG SNGAGS KYI CHO GA 'DI DAG NI, MA 'ONGS PA'I DUS NA YANG DE BZHIN GSHEGS PA 'JIG RTEN NA ZHUGS PA DANG 'DRA BA YIN NO, ,NGAS CHO GA JI SKAD BSTAN PA BZHIN DU BYAS NA, LAS KYI SBYOR BA CHUNG NGUS KYANG 'BRAS BU CHEN PO 'GRUB CING PHAN YON CHER GNAS PAR GYUR NA, LAS KYI SBYOR BA CHER BYAS PA LTA CI SMOS TE, DGE BA'I RTZA BA THAMS CAD BSAGS PAR 'GYUR RO, ,DE LTA BAS NA, DE DAG

304b

GI YON TAN NI, DE BZHIN GSHEGS PA BRGYA STONG BYE BA KHRAG KHRIG GANG+G'A'I KLUNG GI BYE MA SNYED KYIS BSHAD KYANG MI RDZOGS TE, DE BZHIN GSHEGS PA DE DAG GIS MKHYEN CING GZIGS PAR ZAD DE, GSANG BA PA'I BDAG POS GSOL PA, BCOM LDAN 'DAS, LAS CHEGS CHUNG NGU JI LTA BU ZHIG BGYI BA BSOD NAMS KYI 'BRAS BU CHEN PO 'GRUB CING BSOD NAMS CHEN PO THOB PAR 'GYUR, BCOM LDAN 'DAS KYIS BKA' STZAL PA, DE'I PHYIR LEGS PAR NYON CIG DANG BSHAD PAR BYA'O, ,DGE SLONG DANG, DGE SLONG MA DANG, DGE BSNYEN MA GANG LA LA ZHIG GIS BSOD NAMS KYI 'BRAS BU CHEN PO THOB YON TAN THOB PAR 'DOD PAS GSANG SNGAGS KYI RGYAL PO'I CHO GA SNGAR BSTAN PA BZHIN DU BYAS TE DGU BCU RTZA DGU YI GER BRIS LA SANGS RGYAS KYI MCHOD RTEN GYI MDUN DU DKYIL 'KHOR GRU BZHIR BYAS LA BA'I LCI BAS BYUGS TE GRA BZHIR DRI'I CHU PHOR BU BKANG BA RE RE BZHAG ,BDUG SPOS KYI SNED 'THUL BA YANG BZHAG NAS SNOD CHEN PO'I NANG DU ME TOG DANG, DRI'I CHU DANG, 'BRAS SKAM PO RNAMS BLUGS TE DKYIL 'KHOR GYI STENG DU BZHAG PA DANG, YANG TIL NAG PO DANG, SRAN MA MA shA DANG, 'BRAS RNAMS BSRES TE BCOS PA'I 'BRAS THUG KRI SA RA ZHES

305a

, ,BYA BA DANG, ZAS DKAR GSUM DANG, 'DI RNAMS BUM PA'I NANG DU BLUGS PA DANG, YANG SHING TOG SNA TSOGS 'BRAS BU DGU BCU RTZA DGU DANG, KHA ZAS MING GIS SMROS PA 'DI RNAMS DANG, SPOS DANG, ME TOG LA SOGS PA DKYIL 'KHOR GYI STENG DU BKRAM LA, GSANG SNGAGS KYI YI GE MCHOD RTEN GYI SROG SHING GI NANG DU BCUG NAS MCHOD RTEN GYI PHYOGS BZHIR PHYOGS BCU'I DE BZHIN GSHEGS PA THAMS CAD MNGON DU DMIGS TE PHYAG BYAS LA SEMS RTZE GCIG PAS GSANG SNGAGS 'DI DAG GDEN PAR BYA'O, ,'DI LTA STE, AOm BI PU LA BI PU LA BI MA LE, PRA BA RE DZI NA BA RE, SA RA SA RA, SARBA TA TH'A GA TA DH'A TU GARBHE, AA DHIshthI TI SV'AH'A, AA YA TA TO BA NI SV'AH'A, SARBA DE BA NA, BA HA YA BI SHUDDHE AA DHIshthA NA SA MA YE SV'AH'A, BDUG SPOS 'THUL BA RGYUN MI 'CHAD PAR BYA ZHING, GSANG SNGAGS LAN NYI SHU RTZA BRGYAD BTON NA, BYANG CHUB SEMS DPA' SEMS DPA' CHEN PO BRGYAD DANG, GNOD SBYIN GYI SDE DPON CHEN PO BRGYAD DANG, GSANG BA PA'I BDAG PO DANG,

305b

RGYAL PO CHEN PO BZHI DANG, TSANGS PA DANG, DBANG PHYUG CHEN PO DANG, SRED MED KYI BU RNAMS DE'I MOD LA MCHOD RTEN DE LA MCHOD PA DANG, RIM GRO BYED SROG SHING BRTAN PAR BYED DO, ,DE BAS GONG DU YANG SANGS RGYAS BYE BA 'BUM PHRAG DGU BCU RTZA DGU DANG, GANG+G'A'I KLUNG GI BYE MA SNYED KYANG GNAS DER GSHEGS TE MCHOD RTEN DE LA MCHOD PA DANG, CHOS KYI SKUR BYIN GYIS RLOB CING RING BSREL DANG LDAN PAR MDZAD DO, ,DE LTAR SEMS THAG PA NAS CHO GA TSUL BZHIN DU BYAS NA, YON TAN DE DAG DANG, GZHAN YANG MCHOD RTEN DE YID BZHIN GYI NOR BU RIN PO CHE LAS BYAS PA'I BSOD NAMS THOB PAR 'GYUR TE, RIN PO CHE'I RNAM PA BYE BA KHRAG KHRIG BRGYA STONG DU MA LAS MCHOD RTEN BYAS PA DANG 'DRA BAR 'GYUR TE, DGE BA'I RTZA BA RGYA CHEN PO DANG LDAN ZHING LUS RNAM PAR DAG LA TSE RING ZHING NAD MED PA DANG, BGEGS THAMS CAD KYIS MI TSUGS PAR 'GYUR RO, ,GANG GZHAN LA LA ZHIG GIS MCHOD RTEN 'DI MTHONG NGAM, MCHOD RTEN DE'I DRIL BU'I SGRA DE THOS NA YANG LAS KYI SGRIB PA DANG, SDIG PA THAMS CAD BYANG BAR 'GYUR TE, MTSAMS MED PA LNGA BYAS PA YANG YONGS SU BYANG NAS 'CHI BA'I DUS BYAS PA'I 'OG TU BDE BA CAN GYI 'JIG

306a

, ,RTEN DU SKYE'O, ,GANG LA LA ZHIG GIS MCHOD RTEN DE'I MING TZAM THOS PA YANG 'CHI BA'I DUS BYAS NAS BLA NA MED PA'I BYANG CHUB KYI LAM THOB PAR 'GYUR; THA NA BYA DANG, RI DVAGS LA SOGS PA SEMS CAN GANG GIS MTHONG BA DE YANG TSE 'PHOS NAS DUD 'GRO'I SKYE GNAS SPANGS TE BSOD NAMS DANG LDAN PA'I LUS THOB PAR 'GYUR RO, ,GANG LA LA ZHIG GIS PHA ROL TU PHYIN PA DRUG YONGS SU RDZOGS PAR SPYOD PAR 'DOD PA DES SNGA MA BZHIN DU DKYIL 'KHOR GRU BZHI PA BYAS TE SA DANG LCI BAS BYUGS LA DE'I STENG DU SPOS KYI SKYANG NUL GYIS BYUGS TE DKYIL 'KHOR GYI GRA BZHIR DRI'I CHUS BKANG BA'I SNOD RE RE BZHAG LA, SNGAR BSTAN PA'I GSANG SNGAGS BZHI PO DAG LAS RNAM PA GCIG KYANG DGU BCU RTZA DGU BRIS TE, RANG GI LAG GIS MCHOD RTEN CHUNG NGU DGU BCU RTZA DGU GDAB CING GSANG SNGAGS RNAMS GCIG KYANG RE RE'I NANG DU GZHUG GO ,DE NAS YANG GSANG SNGAGS 'DI DGU BCU RTZA DGU YI GER BRIS TE MCHOD RTEN GYI 'PHANG LO RNAMS KYI NANG DU BCUG STE MCHOD RTEN RNAMS DKYIL 'KHOR GYI STENG DU BZHAG STE ME TOG DANG, BYUGS PAS MCHOD LA, LAN BDUN BDUN DU BSKOR ZHING GSANG SNGAGS 'DI YANG GDON PAR BYA'O, ,NAM:NA PA N'A t'I N'Am, TA TH'A

306b

GA TA GAm GA n'A N'Am dI B'A LU K'Am ,KO tI NI YUKTA SHA TA SA HA SA n'Am, AOm PO BO RI, TZA RI nI TZA RI, MO RI GO RI TZA LA BA RI SV'AH'A, CHO GA 'DI LTAR BYAS NA PHA ROL TU PHYIN PA DRUG YONGS SU RDZOGS PAR SPYAD PAR YANG MA ZAD DE, DES NI, RIN PO CHE'I MCHOD RTEN BYE BA KHRAG KHRIG BRGYA STONG GANG+G'A'I KLUNG GI BYE MA SNYED BYAS PAR 'GYUR RO, ,YANG DAG PAR RDZOGS PA'I SANGS RGYAS BYE BA KHRAG KHRIG BRGYA STONG PHRAG DGU BCU RTZA DGU SNYED LA MCHOD CING BSNYEN BKUR BYAS PAR 'GYUR RO, ,DE'I GONG DU YANG LHA THAMS CAD KYIS MCHOD PA'I SBRIN SNA TSOGS BSDUS TE MCHOD RTEN DE LA YO BYAD SNA TSOGS SBYAR NAS DE BZHIN GSHEGS PA'I PHO BRANG DANG, YO BYAD SNA TSOGS SBYAR NAS MCHOD PAR 'GYUR TE, YANG DAG PAR RDZOGS PA'I SANGS RGYAS DE DAG SNYED KYIS MKHYEN CING GZIGS TE BYIN GYIS RLOB PAR MDZAD DO, ,RIGS KYI BU'AM RIGS KYI BU MO DE'I DGE BA'I RTZA BRGYA CHEN PO'I BSOD NAMS DANG, YON TAN THAMS CAD THOB PAR MDZAD DO, ,YANG GANG LA LA ZHIG GIS GSANG SNGAGS KYI RGYAL PO'I SNYING PO 'DI MA NOR BAR YI GER BRIS LA RTAG TU BTEN TE MCHOD PA'I LAS BYAS LA LUS LA THOGS NA, RIG PA DE NYID KYIS SRUNG BA DANG, SKYOB PA MDZAD DE, PHAS KYI RGOL BA'I DGRA THAMS CAD DANG, SHAR GNYER BA RNAMS DANG, GNOD SBYIN DANG, SRIN PO DANG,

307a

, ,YI DVAGS LA SOGS PA THAMS CAD KYANG GNOD PAR BYED PAR MI 'GYUR TE, 'JIGS SHING SKRAG NAS SO SOR 'BYER BAR 'GYUR RO, ,GANG LA LA ZHIG GIS RIG PA 'DON PA DE DANG GTAM BYAS PA YANG MTSAMS MED PA LNGA'I LAS KYI SGRIB PA YONGS SU 'BYANG BAR 'GYUR RO, ,GANG LA LA ZHIG GIS SNGAGS PA DE'I SGRA THOS SAM, GRIB MAS PHOG GAM, LUS LA REG KYANG RUNG STE, DE'I TSE RABS GZHAN GYI LAS KYI SGRIB PA DANG, SDIG PA THAMS CAD YONGS SU 'BYANG BAR 'GYUR RO, , GANG RIG PA 'DON PA DE'I LUS LA DUG GIS MI TSUGS, MES MI TSUGS, CHUS KHYER BAR MI 'GYUR, GDON THAMS CAD KYIS KYANG GLAGS MI RNYED, THOG 'BAB PAR MI 'GYUR TE, SANGS RGYAS KYIS SRUNG BA DANG, SKYOB PA MDZAD CING SPYAN RAS KYIS 'TSO BAR MDZAD DO, ,LHA THAMS CAD DANG, DAM TSIG CAN THAMS CAD KYIS KYANG DE LA STONG GROGS BYED PAR 'GYUR TE, GZHAN GYI RIG SNGAGS DANG, BYAD DANG, SBYOR BA THAMS CAD KYIS MI TSUGS PAR 'GYUR RO, ,DE LTA BAS NA RIG PA 'DON PA GNAS GANG NA 'DUG KYANG GSANG SNGAGS 'DI'I CHO GA DON DU GNYER BAR BYA STE, GSANG SNGAGS YI GER BRIS LA LAM GYI BZHI MDO'AM, SUM MDO SKYE BO MANG PO PHAN TSUN 'GRO BA'I

307b

GNAS SU MCHOD RTEN BYAS LA DE'I NANG DU BCUG NA, 'GRO BA THAMS CAD DANG, BYA DANG, SBRANG MA DANG, THA NA GROG SBUR YAN CHAD KYIS MTHONG BA DANG, THOS PA DANG, REG PA DANG DE LA PHOG PA'I SA DANG, RDUL DANG, RLUNG DANG, GRIB MAS PHOG NA YANG BYOL SONG DANG, YI DVAGS DANG, NGAN SONG LOG PAR LTUNG BA SEMS CAN DMYAL BAR SKYE BAR 'GYUR BA'I SDIG PA THAMS CAD DANG BRAL ZHING 'CHI BA'I DUS BYAS NAS BDE 'GRO MTHO RIS KYI LHA RNAMS KYI NANG DU SKYE BAR 'GYUR TE, SNGON GYI LAS KYI SGRIB PA YONGS SU BYANG BAS TSE RABS RJES SU DRAN PA 'THOB PAR 'GYUR ZHING PHYIR MI LTUNG BA'I CHOS CAN DU 'GYUR RO, ,DE NAS BCOM LDAN 'DAS KYIS BYANG CHUB SEMS DPA' SEMS DPA' CHEN PO SGRIB PA THAMS CAD RNAM PAR SEL BA DANG, GSANG BA PA'I BDAG PO LAG NA RDO RJE DANG, RGYAL PO CHEN PO BZHI DANG, TSANGS PA MI MJED KYI BDAG PO DANG, TSANGS RIS KYI LHA RNAMS DANG, DBANG PHYUG CHEN PO LA SOGS PA'I LHA RNAMS LA BKA' STZAL PA, SKYES BU DAM PA DAG ,NGAS GSANG SNGAGS KYI RGYAL PO'I SNYING PO 'DI DAG KHYED RNAMS LA YONGS SU GTAD KYI, RTAG TU RIM GROR BYA ZHING YONGS SU GZUNG BAR BYA STE, RIN PO CHE'I ZA MA TOG GI NANG DU CHUG LA GNAS THAMS CAD DU BSGRAGS TE, NAM DU YANG RGYUN MA CHAD PAR SEMS

308a

, ,CAN LA STON CING, MTHONG ZHING THOS PAR BYAS NA MTSAMS MED PA LNGA'I SDIG PA YANG 'BYUNG BAR 'GYUR RO, ,DE NAS BYANG CHUB SEMS DPA' SEMS DPA' CHEN PO SGRIB PA THAMS CAD RNAM PAR SEL BA DANG, GSANG BA PA'I BDAG PO LAG NA RDO RJE DANG, RGYAL PO CHEN PO BZHI DAG DANG, TSANGS PA DANG, DBANG PHYUG CHEN PO DANG, SRED MED KYI BU DANG, LHA DANG, KLU DANG, GNOD SBYIN DANG, SRIN PO DANG, LHA MA YIN DANG, LTO 'PHYE CHEN PO LA SOGS PA THAMS CAD KYIS BCOM LDAN 'DAS KYI ZHABS LA PHYAG 'TSAL NAS TSIG MTHUN PAR SMRAS TE GSOL PA, BCOM LDAN 'DAS, BCOM LDAN 'DAS KYIS BDAG CAG LA THUGS BRTZE BAR DGONGS TE GSANG SNGAGS 'DI'I CHO GA DANG, MCHOD RTEN BGYI BA'I CHO GA JI SKAD GSUNGS PA RNAMS SEMS CAN THAMS CAD LA SMAN PA'I SLAD DU BDAG CAG KUN GYIS BSRUNG ZHING RIM GROR BGYI, RTAG PAR GZUNGS SU BZUNG ZHING MI BSKYUD PAR BGYI, YI GER BRI BA DANG, BKLAG PA DANG, MCHOD PA'I LAS RNAMS KYANG BGYI STE, MA 'ONGS PA'I DUS NA SEMS CAN GANG LA LAS CHOS KYI RNAM GRANGS 'DI THOS SHING KHONG DU CHUD NAS NGAN SONG NGAN 'GRO SEMS CAN DMYAL BA LA SOGS PA DANG, SDIG PA THAMS CAD LAS THAR PAR 'GYUR BAR BCOM

308b

LDAN 'DAS KYIS GSUNGS PAS NA, BDAG CAG RNAMS KYIS BCOM LDAN 'DAS KYIS BKA' DRIN SPYI BOS BLANG BA'I SLAD DU GSANG SNGAGS KYI CHO GA 'DI DAG RIM GROR BGYI, BTZUN PAR BGYI, GUS PAR BGYI, RIN PO CHE'I 'DU SHES GZHAG PAR BGYI, RGYA CHER 'PHEL BAR BGYI, BCOM LDAN 'DAS KYI ZHAL DANG 'DRA BAR BLTA BAR BGYI STE, NAM DU YANG NUB PAR MI 'GYUR ZHING CI NAS KYANG RGYAS PAR BGYI BA'I SLAD DU NAN TAN BGYI BAR 'TSAL LO, ,DE SKAD CES GSOL PA DANG, BCOM LDAN 'DAS KYIS BKA' STZAL PA, SKYES BU DAM PA RNAMS, DAM TSIG LA GNAS PAS GSANG SNGAGS KYI CHO GA 'DI DAG BSRUNG BA DANG, RIM GROR BYA BA DANG, YONGS SU GZUNG BAR KHAS BLANGS PA NI, LEGS SO LEGS SO; ;SHIN TU YANG LEGS SO, ,BCOM LDAN 'DAS KYIS DE SKAD CES BKA' STZAL NAS THAMS CAD DANG LDAN PA'I 'KHOR DE DAG YID RANGS TE BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA 'OD ZER DRI MA MED PA RNAM PAR DAG PA'I 'OD CES BYA BA'I GZUNGS RDZOGS SO,, ,,RGYA GAR GYI MKHAN PO BIDY'A KA RA SIm HA DANG, ZHU CHEN GYI LOTZTSA BA BANDHE DPAL GYI LHUN PO'I SDES BSGYUR CING ZHUS TE GTAN LA PHAB PA, JO BO AA TI SHA DANG, DGE BSHES 'BRE MA STON PAS SNGAGS RNAMS DAG BAR BCOS

309a

, ,SO;; ,,