RGYA GAR SKAD DU, A'ARYA AARSHA PRA SHA MA nI S'U TRA, ,BOD SKAD DU, 'PHAGS PA GZHANG 'BRUM RAB TU ZHI BAR BYED PA'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB NA 'OD MA'I TSAL BYA KA LAN DA
KA GNAS PA'I TSAL NA DGE SLONG LNGA BRGYA TZAM GYI DGE SLONG GI DGE 'DUN CHEN PO DANG THABS CIG TU BZHUGS TE, DE NAS BCOM LDAN 'DAS BCO LNGA'I GSO SBYOD ZLA BA NYA BA DE NYID KYI TSE DGE 'DUN GYI MDUN NA GDAN BSHAMS PA LA BZHUGS SO, ,DE'I TSE TSE DANG LDAN PA KUN DGA' BO BCOM LDAN 'DAS KYI SNAM LOGS NA RNGA YAB THOGS TE BCOM LDAN 'DAS LA G-YOB CING 'DUG PAR GYUR TO, ,DE NAS TSE DANG LDAN PA KUN DGA' BO BLA GOS PHRAG PA GCIG TU GZAR TE PUS MO G-YAS PA'I LHA NGA SA LA BTZUGS NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS, RGYAL PO'I KHUB 'DI NA DGE SLONG GZHANG 'BRUM CAN MANG PO DGRA GZHANG 'BRUM GYI BRO NAD KYIS GZIR TE, SDUG BSNGAL MI BZAD PA, DRAG PO, MI BDE BA, YID DU MI 'ONG BA'I TSOR BA MYONG BAR GYUR NA, BTZUN PA BCOM LDAN 'DAS, DE DAG LA BDAG GIS J LTAR BSGRUB PAR BGYI, DE SKAD CES GSOL PA DANG, BCOM LDAN 'DAS KYIS TSE DANG LDAN PA KUN DGA' BO LA 'DI SKAD CES BKA' STZAL TO, ,KUN DGA' BO, KHYOD KYI GZHANG 'BRUM SEL BA'I MDO 'DI LONGS SHIG ,KUN DGA' BO, GANG LA LA ZHIG GIS GZHANG 'BRUM SEL BA'I MDO'I MING DANG, TSIG DANG, YI GE SHES NA, DE JI SRID 'TSO'I BAR DU GZHANG
, ,'BRUM GYI NAD KYIS BTAB PAR MI 'GYUR RO, ,TSE RABS BDUN GYI BAR DU TSE RABS DRAN PAR 'GYUR RO, ,TADYA TH'A, AA LENTE, AA MA LE, SHVA LI TZI LI, KU SHES SAm BHA BE SV'AH'A, KUN DGA' BO, D'I LTA STE, BYANG PHYOGS NA RI'I RGYAL PO GANGS ZHES BYA BA DE NA SA LA'I SHING RNAM PAR RGYAL BA ZHES BYA BA DE'I ME TOG GSUM YOD DO, ,GCIG NI; 'PHEL BA ZHES BYA, GNYIS PA NI, 'DZAM PA ZHES BYA, GSUM PA NI, SKAM PO ZHES BYA STE, JI LTAR DE BSKAMS PA DE BZHIN DU SEMS CAN RNAMS KYI RLUNG GI 'BRUM BU BSKAMS PAR GYUR CIG, MKHRIS PA'I 'BRUM BU BSKAMS PAR GYUR CIG ,BAD KAN GYI 'BRUM BU BSKAMS PAR GYUR CIG, MI GTZANG BA'I 'BRUM BU BSKAMS PAR GYUR CIG ,KHRAG GI 'BRUM BU BSKAMS PAR GYUR CIG, 'DUS PA'I 'BRUM BU BSKAMS PAR GYUR CIG ,DE BZHIN DU BDAG DANG SEMS CAN THAMS CAD KYI BAD KAN GYI 'BRUM BU BSKAMS PAR GYUR CIG ,MI GTZANG BA'I 'BRUM BU BSKAMS PAR GYUR CIG, KHRAG GI 'BRUM BU BSKAMS PAR GYUR CIG ,'DUS PA'I 'BRUM BU BSKAMS PAR GYUR CIG , SNA'I 'BRUM BU BSKAMS PAR GYUR CIG ,'PHYANG BA'I 'BRUM BU BSKAMS PAR GYUR CIG ,TADYA TH'A, SHA ME SHA M'A NE, SHAM SHA M'A NE SV'AH'A, NA BAR MA GYUR CIG, RENGS PAR
MA GYUR CIG ,SGRA 'BYUNG BAR MA GYUR CIG ,'DZAG PAR MA GYUR CIG ,SDUG BSNGAL BAR MA GYUR CIG ,RAB TU SDUG BSNGAL BAR MA GYUR CIG ZAG PAR MA GYUR CIG ,RAB TU ZAG PAR MA GYUR CIG ,'DI NYID DU ZAD PA DANG, YONGS SU ZAD PA DANG, MED PAR GYUR CIG, 'OG TU SONG ZHIG, NA MO BHA GA BA TE, BUDDHA YA SADYA B'A D'I N'A SIDDHYANTU MANTRA PA D'A NI SV'AH'A, BCOM LDAN 'DAS KYIS DE SKAD CES BKA' STZAL NAS TSE DANG LDAN PA KUN DGA' BO YI RANG STE BCOM LDAN 'DAS KYIS GSUNGS PA LA MNGON PAR BSTOD DO, ,DE LA CHO GA NI, 'DI YIN TE, BKLAGS PAS 'GRUB PA 'DI SRAD BU DMAR PO LA LAN BDUN BZLAS PA BYAS LA MDUD PA BDUN BOR TE MGUL DU GDAGS SO, ,'PHAGS PA GZHANG 'BRUM RAB TU ZHI BAR BYED PA'I MDO RDZOGS SO;; ;;RGYA GAR GYI MKHAN PO 'DZIN MI TRA DANG, D'A NA SH'I LA DANG, ZHU CHEN GYI LO TZTSA BA BANDHE YE SHES SDES BSGYUR CING GTAN LA PHAB PA,