, ,RJE BTZUN RDO RJE RNAL 'BYOR MA N'A RO MKHA' SPYOD KYI SGRUB THABS THUN MONG MA YIN PA BDE CHEN NYE LAM ZHES BYA BA BZHUGS SO,, 'DI DBANG DANG BYIN RLABS THOB KYANG RIM GNYIS GYI ZAB KHRID MA THOB PAS BLTA BAR MI BYA'O,,
, ,NA MO GU RU BADZRA DHARM'A YA, ZAG MED BDE BA MCHOG GI DKYIL 'KHOR DU, ,STONG DANG SPROS KUN SDOM MKHAS HE RU KA ,DPAL LDAN DPA' BO'I DBANG PHYUG YAB YUM GYIS, ,RTAG TU MI SHIGS THIG LER DGYES DGUR ROL, ,SNYING RJER RO GCIG AE DBYINGS SGYU MA'I GAR, , YID 'ONG DGA' MA'I GAR GYIS NYAM THAG 'GRO, ,BDE CHEN DBYINGS SU 'DREN PA'I THABS MKHAS MA, ,RGYAL YUM RDO RJE BTZUN MOS RTAG SKYONG MDZOD, ,NYER BZHI'I YUL NA SKAL LDAN RJES GZUNG PHYIR, ,MA NGES RNAM 'GYUR DU MA'I MIG 'PHRUL MKHAN, ,ZHING SNGAGS LHAN CIG SKYES PA'I
, ,MKHA' 'GROS KYANG, ,BRTZE BAS RJES GZUNG 'DOD PA'I DNGOS GRUB STZOL, ,JI TZAM SNYIGS MAR GYUR LA LHAG PAR DU, ,ZAB MYUR KHYAD PAR LHAG PA'I NYE LAM MCHOG ,MKHA' 'GRO'I SNYING BCUD RGYUD DON RGYA MTSO'I DBYID, ,RJEN PAR PHYUNGS 'DI SKAL BZANG RGYAN DU LONGS, (,DE LA 'DIR DPAL 'KHOR LO BDE MCHOG GI RTZA BSHAD KYI RGYUD RNAMS LAS GSAL BAR BSTAN CING, 'PHAGS PA'I YUL DU PAn GRUB KUN GYI GTZUG GI NOR BUR GYUR PA JO BO N'A RO TA PAS, RJE BTZUN MA'I ZHAL MNGON SUM DU GZIGS TE GDAMS PA RNAMS MA NOS NAS LEGS PAR BKRAL ZHING, BOD YUL DU DPAL LDAN SA SKYAB YAB SRAS KYI SNYAN BRGYUD GSER CHOS BCU GSUM GYI NANG TSAN, KHAMS GSUM CHOS KYI RGYAL PO TZONG KHA PA CHEN PO'I THUGS LA GAB PA'I SPAS CHOS THUN MONG MA YIN PA, N'A RO MKHA' SPYOD DU GRAGS PA RJE BTZUN RDO RJE RNAL 'BYOR MA'I SGRUB THABS THUN MONG
MA YIN PA LTAR NYAMS SU LEN PA'I TSUL LAG TU BLANG BDE BAR 'GOD PA LA, RNAL 'BYOR PA LAM THUN MONG BAS RGYUD LEGS PAR SBYANGS SHING, BDE DGYES SOGS MA RGYUD KYI DKYIL 'KHOR TSAD LDAN GANG YANG RUNG BA ZHIG TU DBANG BZHI RNAM PAR DAG PA SKU BZHI'I SA BON THEBS NGES SU MNOS TE, DAM TSIG DANG SDOM PA RNAMS MIG 'BRAS BZHIN DU SRUNG BA LA BRTZON PAR BYED CING, DE'I STENG DU 'DI NYID KYI SINDHU RA'I DKYIL 'KHOR DU BYIN RLABS ZAB MO PHYI NANG GSANG BA'I RDO RJE BTZUN MO NGO 'PHROD NGES SU LEGS PAR MNOS TE, THUN MONG DANG, THUN MONG MA YIN PA'I MAN NGAG ZHAL SHES RNAMS DANG BCAS PA GSANG CHEN SLOB BSHAD PA'I PHYAG BZHES 'KHRUL MED LTAR THOB NAS NYAMS SU LEN PA'I RIM PA LA GNYIS, THUN GYI NGO BO LA JI LTAR BYA BA DANG, THUN MTSAMS SU JI LTAR BYA BA'I RIM PA'O, ,DANG PO LA SBYOR DNGOS RJES GSUM LAS, DANG PO NI, DBEN ZHING YID DANG MTHUN PA'I GNAS SU BRIS 'BUR GYI SKU DANG, DAM TSIG GI RDZAS d'A DRIL KHA tV'Am GA SOGS DANG, PHYI NANG GI MCHOD GTOR RNAMS LEGS PAR TSOGS PAR BYAS LA, BDE BA'I STAN LA KHA NUB TU PHYOGS PA'AM PHYOGS PAR MOS TE, DNGOS GZHI NYAMS SU LEN PA'I RIM PA NI, RJE SA CHEN GYIS, NYAL DANG LDANG DANG BDUD RTZI MYANG, ,
, ,TSAD MED BLA MA BDAG LHAR BSKYED, ,'GRO BA DAG PA'I RNAL 'BYOR DANG, ,DPA' BO DPA' MOS BYIN GYIS BRLAB, ,NGAG BZLAS YID BZLAS GNYIS GCIG YIN, ,BSAM GYIS MI KHYAB RNAL 'BYOR DANG, ,SPYOD LAM GYI NI RNAL 'BYOR TE, ,DE LTAR RNAL 'BYOR BCU GCIG GO ,ZHES GSUNGS PA LTAR, DANG PO NYAL BA'I RNAL 'BYOR DANG, GNYIS PA LDANG BA'I RNAL 'BYOR DANG, GSUM PA BDUD RTZI MYANG BA'I RNAL 'BYOR RNAMS SNGON DU BTANG STE, BZHI PA TSAD MED KYI RNAL 'BYOR NI, LUS GNAD DANG LDAN PAR 'KHOD NAS,) MDUN GYI NAM MKHAR BLA MA 'KHOR LO SDOM PA YAB YUM LA RTZA BRGYUD KYI BLA MA YI DAM MCHOG GSUM BKA' SDOD SRUNG MA'I TSOGS KYIS BSKOR NAS BZHUGS PAR GYUR, (RANG DANG SEMS CAN THAMS CAD KYIS SKYABS SU 'GRO BAR MOS NAS,) BDAG DANG 'GRO BA NAM MKHA'I MTHA' DANG MNYAM PA'I SEMS CAN THAMS CAD DUS 'DI NAS BZUNG STE JI SRID BYANG CHUB SNYING PO LA MCHIS KYI BAR DU DPAL LDAN BLA MA DAM PA RNAMS LA SKYABS SU MCHI'O, ,RDZOGS PA'I
SANGS RGYAS BCOM LDAN 'DAS RNAMS LA SKYABS SU MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, (,ZHES LAN GSUM GYIS SKYABS 'GRO DANG,) BDAG GIS RDZOGS PA'I SANGS RGYAS KYI GO 'PHANG THOB PAR BYAS LA, SEMS CAN THAMS CAD 'KHOR BA'I SDUG BSNGAL GYI RGYA MTSO LAS BSGRAL NAS RDZOGS PA'I BYANG CHUB KYI BDE BA LA DGOD PAR BYA, DE'I PHYIR DU RDO RJE RNAL 'BYOR MA'I LAM GYI RIM PA NYAMS SU BLANG BAR BGYI'O, (,ZHES LAN GSUM GYIS SEMS BSKYED, TSAD MED BZHI SPYI LTAR BGYIS KYANG RUNG NGO, ,DE NAS THAL MO SBYAR TE,) BLA MA DANG DKON MCHOG RIN PO CHE RNAM PA GSUM LA PHYAG 'TSAL ZHING SKYABS SU MCHI'O, ,KHYED RNAMS KYIS BDAG GI RGYUD BYIN GYIS BRLAB TU GSOL, (ZHES BRJOD PAS,) MDUN GYI SKYABS YUL RNAMS 'OD ZER DKAR DMAR MA THING GSUM GYI RNAM PAR ZHU NAS RANG LA THIM PAS SKU GSUNG THUGS KYI BYIN RLABS THOB PAR GYUR, (DE NAS,) RANG NYID SKAD CIG GIS RJE BTZUN RDO RJE RNAL 'BYOR MAR GYUR, (NANG MCHOD ZHAL BZHI PA'I SNGAGS KYIS BSAM, YANG NA,) AOm KHAndA RO HI H'Um H'Um PHAd (KYIS BSANGS,) SVA BH'A WAS SBYANGS, STONG PA'I NGANG LAS YAm LAS RLUNG, RAm LAS ME, A'A:LAS MI MGO'I SGYED PU GSUM GYI STENG DU A'A:
, ,LAS THOD PA YANGS SHING RGYA CHE BA'I NANG DU AOm KHAm AAm TRAm H'Um RNAMS LAS BDUD RTZI LNGA, LAm MAm PAm TAm PAm RNAMS LAS SHA LNGA YI GE DE DAG GIS MTSAN PA, RLUNG GA-YOS ME SBAR BAS THOD PA'I NANG GI RDZAS RNAMS ZHU BAR GYUR, DE DAG GI STENG DU H'Um LAS SKYES PA'I KHA tV'Am GA DKAR PO MGO THUR DU BLTAS NAS ZHU BA THOD PAR LHUNG NAS RDZAS DE DAG DNGUL CHU'I MDOG CAN DU GYUR, DE'I STENG DU DBYANGS GSAL GYI PHRENG PA GSUM BRTZEGS SU GNAS PA AOm A'A:H'Um DU GYUR PA'I 'OD ZER GYIS PHYOGS BCU'I DE BZHIN GSHEGS PA DANG, DPA' BO DANG RNAL 'BYOR MA THAMS CAD KYI THUGS KA NAS YE SHES KYI BDUD RTZI BKUG NAS BSNAN PAS MANG POR SBAR ZHING SPEL BAR GYUR, AOm A'A:H'Um, (LAN GSUM BRJOD PAS BYIN GYIS BRLAB,) AOm KHAndA RO HI H'Um H'Um PHAd (KYIS BSANGS,) SVA BHA WAS SBYANGS, STONG PA'I NGANG LAS KAm LAS THOD PA'I SNOD RNAMS KYI NANG DU H'Um LAS MCHOD RDZAS RNAMS RANG BZHIN STONG NYID, RNAM PA MCHOD RDZAS SO SO'I RNAM PA CAN, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN STER BAR GYUR, AOm AARGHAm A'A:H'Um, AOm P'ADYAm A'A:H'Um, AOm BADZRA PUshPE A'A:H'Um, NAS, AOm BADZRA SHPTA A'A:H'Um (GI BAR GYIS CHU GNYIS NYER SPYOD ROL MO DANG BCAS PA BYIN GYIS BRLAB, BDAG 'JUG SKABS MTSAMS 'DIR, SNGON 'GRO'I
GTOR MA DANG GNAS YO BYIN RLABS SOGS DKYIL CHOG LAS 'BYUNG BA LTAR BYA, DE NAS RDOR SEMS SGOM BZLAS NI, RANG GI SPYI BOR PAD ZLA'I GDAN LA RDO RJE SEMS DPA' YAB YUM SKU MDOG DKAR PO ZHAL GCIG PHYAG GNYIS KYIS RDOR DRIL DANG GRI THOD 'DZIN PAS PHAN TSUN 'KHYUD PA, YAB PHYAG RGYA DRUG DANG YUM PHYAG RGYA LNGAS BRGYAN CING, RDO RJE DANG PADMA'I SKYIL KRUNG GIS BZHUGS PA'I THUGS KAR ZLA BA'I STENG DU H'Um GI MTHAR SNGAGS PHRENG GIS BSKOR BA LAS BDUD RTZI DKAR PO'I RGYUN BABS PAS NAD GDON SDIG SGRIB THAMS CAD SBYANGS PAR GYUR (PAR BSAMS LA,) AOm BADZRA HE RU KA SA MA YA, MA NU P'A LA YA, HE RU KA ,TVE NO PA TIshthA, DRi DHO ME BHA WA; SU TO SHYO ME BHA WA, SU PO SHYO ME BHA WA, AA NU RAKTO ME BHA WA, SARBA SIDDHI MME PRA YATZTSA, SARBA KARMA SU TZA ME TZITTAm SHRE YA:KU RU H'Um, HA HA HA HA HO: BHA GA W'AN, BADZRA HE RU KA M'A ME MUNYTZA, HE RU KO BHA WA, MAH'A SA MA YA SA TVA A'A:H'Um PHAd, (CES NYER GCIG BZLAS MTHAR,) RDO RJE SEMS DPA' YAB YUM RANG LA THIM PAS, RANG GI SGO GSUM DANG RDO RJE SEMS DPA'I SKU GSUNG THUGS DBYER MI PHYED PAR GYUR (PAR BSAMO, ,LNGA PA BLA MA'I RNAL 'BYOR NI,) MDUN GYI NAM MKHAR DAG GSAL GNYIS SU MED PA'I YE SHES KYI RANG SNANG LAS GRUB PA'I GZHAL YAS KHANG GRU BZHI SGO BZHI RGYAN RTA BABS DANG BCAS PA MTSAN NYID THAMS CAD YONGS SU
, ,RDZOGS PA'I DBUS SU SENG+GE CHEN PO BRGYAD KYIS BTEG PA'I RIN PO CHE'I KHRI SNA TSOGS PADMA ZLA BA NYI MA'I GDAN GYI STENG DU DRIN CAN RTZA BA'I BLA MA DE NYID SANGS RGYAS RDO RJE CHOS KYI RNAM PA CAN SKU MDOG DMAR PO ZHAL GCIG PHYAG GNYIS KYIS RDO RJE DANG DRIL BU THUGS KAR BSNOL NAS 'DZIN PA, DBU SKRA RAL PA'I COD PAN CAN, ZHABS RDO RJE'I SKYIL MO KRUNG GIS BZHUGS PA, GZHON NU LANG TSO BCU DRUG LON PA'I NA TSOD CAN, DAR DANG RUS PA DANG RIN PO CHE'I RGYAN THAMS CAD KYIS BRGYAN PA, DE'I MDUN NAS BRTZAMS TE GA-YON SKOR DU SANGS RGYAS RDO RJE 'CHANG NAS RTZA BA'I BLA MA'I BAR GYI BRGYUD PA'I BLA MA THAMS CAD DPA' BO RDO RJE CHOS KYI RNAM PA CAN SKU MDOG DMAR PO ZHAL GCIG PHYAG GNYIS, GA-YAS PAS BDE STONG GI SGRA SGROG PA'I d'A MA RU 'KHROL BA, GA-YON PAS THOD PA BDUD RTZIS GANG PA THUGS KAR 'DZIN PA, GRU MO GA-YON NA KHA tV'Am GA BSNAMS PA, ZHABS RDO RJE'I SKYIL KRUNG GIS BZHUGS PA, RUS PA'I RGYAN DRUG GIS BRGYAN CING, GZHON NU LANG TSO DAR LA BABS PA, GTZO 'KHOR THAMS CAD KYI DPRAL BAR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS, RANG BZHIN GYI GNAS NAS BLA MA YI DAM DKYIL 'KHOR GYI LHA TSOGS DANG, SANGS RGYAS
BYANG SEMS DPA' BO MKHA' 'GRO, CHOS SKYONG SRUNG MA'I TSOGS DANG BCAS PA AOm BADZRA SA M'A DZA:, DZA:H'Um BAm HO:RE RE'ANG SKYABS GNAS KUN 'DUS KYI NGO BOR GYUR (PAR BSAMS LA, THAL MO SBYAR TE,) GANG GI DRIN GYIS BDE CHEN GNAS, ,SKAD CIG GIS NI THOB 'GYUR BA, ,BLA MA RIN CHEN LTA BU'I SKU, ,RDO RJE CAN ZHABS PAD LA 'DUD, (,CES PHYAG BYA,) RANG GI THUGS KA NAS SPROS PA'I MCHOD PA'I LHA MO RNAMS KYIS MCHOD PAR GYUR (PAR BSAMS LA,) AOm AARGHAm PRA T'I TZTSA SV'AH'A, AOm P'ADYAm PRA T'I TZTSA SV'AH'A, AOm BADZRA PUshPE A'A:H'Um SV'AH'A, (DE BZHIN DU PUshPE'I GNAS SU, DHA PE DANG, D'I PE DANG, GANDHE DANG, NEE WI DYE DANG, SHAPTA RNAMS BCUG PA DANG,) AOm A'A:BADZRA A'A DARSHE H'Um, AOm A'A:BADZRA B'I NI H'Um, AOm A'A:BADZRA GANDHE H'Um, AOm A'A:BADZRA RA SE H'Um, AOm A'A:BADZRA SPARSHE H'Um, AOm A'A:BADZRA DHARME H'Um, (RNAMS KYIS PHYI MCHOD DANG,) AOm GU RU BADZRA DHARMA SA PA RI W'A RA AOm A'A:H'Um, (GIS NANG MCHOD 'BUL, RANG GI THUGS KA NAS PADMA CAN LA SOGS PA'I RIG MA DPAG TU MED PA SPROS PA RNAMS RDO RJE RNAL 'BYOR MA'I SKUR GYUR PA DANG BLA MA YAB YUM SNYOMS PAR ZHUGS PAS ZAG MED KYI BDE BAS KHYAB PAR BSAMS LA,) YID 'ONG LANG TSO'I DPAL 'DZIN DRUG CU BZHI'I, ,'DOD PA'I SGYU RTZAL LA MKHAS LUS PHRA MA, ,ZHING SKYES SNGAGS SKYES LHAN SKYES PHO NYA'I TSOGS, ,MDZES SDUG SGYU MA'I PHYAG RGYA RNAMS KYANG 'BUL, (,ZHES GSANG BA'I MCHOD PA 'BUL, MCHOD PA'I 'KHOR
, ,GSUM BDE STONG DBYER MED KYI RTZIS ZIN PAR BYAS LA,) SGRIB BRAL LHAN SKYES BDE BA'I YE SHES CHE, ,CHOS KUN RANG BZHIN SPROS DANG BRAL BA'I DBYINGS, ,DBYER MED LHUN GRUB SMRA BSAM BRJOD, LAS 'DAS, ,DON DAM BYANG CHUB SEMS MCHOG KHYOD LA 'BUL, (,ZHES DE KHO NA NYID KYI MCHOD PA 'BUL,) DKON MCHOG GSUM LA BDAG SKYABS MCHI, (,ZHES SOGS KYIS RGYUN BSHAGS BYA, DE NAS KU S'A LE'I TSOGS GSOG NI,) RANG SEMS MKHA' SPYOD DBANG MO MTHOB SOR TZAM, ,SPYI BO NAS THON RTZA BA'I BLA MA DANG, ,ZHAL SBYOR MDZAD CING SLAR YANG PHYIR BYON TE, ,RANG BYUNG MI MGO'I SGYED PU GSUM GYI STENG, ,LUS PO RNYING PA'I THOD PA BKOG NAS BKAL, ,DE NANG LHAG MA SHA KHRAG RUS PA RNAMS, ,GTUBS TE SPUNGS LA SPYAN CHER GZIGS PA YIS, ,SBYANGS RTOGS PAR BYAS BDUD RTZI'I RGYA MTSOR GYUR, ,AOm A'A:H'Um HA HO HR'I: (LAN GSUM GYIS BYIN GYIS BRLABS LA,) RANG GI SNYING GNAS LHA MO THOD PA THOGS PA DPAG TU MED PA SPROS TE BDUD RTZI NAS THOD PAS LUM LUM BCUS TE MGRON RNAMS LA PHUL BAS LJAGS RDO RJE'I 'OD ZER GYI SBU GUS DRANGS TE GSOL BAR GYUR (PAR BSAMS LA,) SKU BZHI'I BDAG NYID RTZA BA'I BLA MA LA, ,DAM RDZAS BDUD RTZI 'BUL LO MNYES GYUR CIG (,CES BRJOD,) AOm A'A:H'Um
BDUN GYIS RTZA BA'I BLA MA LA LAN BDUN PHUL,) DNGOS GRUB 'BYUNG GNAS BRGYUD PA'I BLA MA LA, ,DAM RDZAS BDUD RTZI 'BUL LO MNYES GYUR CIG ,AOm A'A:H'Um, BLA MA YI DAM MCHOG GSUM SRANG TSOGS LA, ,DAM RDZAS BDUD RTZI 'BUL LO MNYES GYUR CIG ,AOm A'A:H'Um, GNYUG MAR GNAS PA'I GNAS GZHI GRONG BDAG LA, ,DAM RDZAS BDUD RTZI 'BUL LO STANG GROGS MDZOD, ,AOm A'A:H'Um, RIGS DRUG BAR DO'I SEMS CAN THAMS CAD LA, ,DAM RDZAS BDUD RTZI 'BUL LO GROL GYUR CIG ,AOm A'A:H'Um, PHUL BAS MGRON KUN ZAG MED BDE BAS TSIM, ,SEMS CAN RNAMS KYANG SGRIB BRAL CHOS SKU THOB, ,MCHOD PA'I 'KHOR GSUM SMRA BSAM BRJOD 'DAS KYI, ,BDE STONG GNYIS SU MED PA'I NGO BOR GYUR, (,CES DANG, MAndAL 'BUL BA NI,) AOm BADZRA BH'A MI A'A:H'Um, (ZHES PA NAS,) DPAL LDAN BLA MA DAM PA RNAMS LA DBUL BAR BGYI'O, THUGS RJES 'GRO BA'I DON DU BZHES SU GSOL, BZHES NAS BYIN GYIS BRLAB TU GSOL, BDE STONG LHAN CIG SKYES PA'I YE SHES KYI, ,GZUNG RNAM PHUNG KHAMS SKYE MCHED LAS BYUNG BA'I, ,RI GLING RIN CHEN GTER BUM NYI ZLAR BCAS, ,SKYABS MGON THUGS RJE'I GTER LA DBUL BAR BGYI, ,BDAG GI CHAGS SDANG RMONGS GSUM SKYE BA'I YUL, ,DGRA GNYEN BAR GSUM LUS DANG LONGS SPYOD
, ,BCAS, ,PHANGS PA MED PAR 'PHUL GYIS LEGS BZHES NAS, ,DUG GSUM RANG SAR GROL BAR BYIN GYIS RLOBS, ,AI DAm GU RU RATNA MAndAL LA KAm NIR+YA TA Y'A MI, (DE NAS BLA BRGYUD GSOL 'DEBS NI,) RGYAL BA RGYA MTSO'I RIGS BDAG RDO RJE CHOS, ,RGYAL BA'I YUM MCHOG RDO RJE RNAL 'BYOR MA, ,RGYAL SRAS THU BO N'A RO TA BA'I ZHABS, ,GSOL BA 'DEBS SO LHAN SKYES YE SHES STZOL; ;GSANG CHEN SLOB BSHAD 'DZIN PA'I PHAM MTHING PA, ,GSANG MDZOD KUN GYI GTER GYUR SHES RAB BRTZIGS, ,GSANG SNGAGS RGYA MTSO'I MNGA' BDAG MAL LO'I ZHABS, , GSOL BA 'DEBS SO LHAN SKYES YE SHES STZOL, ,RDO RJE 'CHANG DBANG BLA CHEN SA SKYA PA, ,RDO RJE'I SRAS MCHOG RJE BTZUN BSOD NAMS RTZE, ,RDO RJE 'DZIN PA'I GTZUG RGYAN GRAGS PA'I ZHABS, ,GSOL BA 'DEBS SO LHAN SKYES YE SHES STZOL, ,SA SKYA PAn CHEN GANGS CAN MKHAS PA'I RJE, ,SA GSUM SKYE DGU'I GTZUG RGYAN 'PHAGS PA'I MTSAN, ,SA SKYA'I BSTAN 'DZIN ZHANG STON CHOS RJE'I ZHABS, ,GSOL BA 'DEBS SO LHAN SKYES YE SHES STZOL, ,GRUB PA'I DBANG PHYUG NA BZA' PHRAG PHUG PA, ,GRUB MCHOG MKHAS PA'I DED DPON CHOS KYI
RJE; ;GRUB RIG SNYAN BRGYUD MNGA' BDAG YAR KLUNGS PAR, ,GSOL BA 'DEBS SO LHAN SKYES YE SHES STZOL, ,BDAG GZHAN 'GRO BA'I SKYABS MGON RGYAL PA MCHOG ,BDAG NYID CHEN PO 'JAM DBYANGS NAM MKHA'I MTSAN, ,BDAG CHEN CHOS RJE BLO GROS RGYAL MTSAN ZHABS, ,GSOL PA 'DEBS SO LHAN SKYES YE SHES STZOL, ,BKA' DRIN MNYAM MED RJE BTZUN RDO RINGS PA; ;BKA' BZHIN SGRUB PA'I BSTAN 'DZIN BLO GSAL DBANG, ,BKA' BRGYUD GSANG CHEN SMRA PA MKHYON BRTZE'I ZHABS, ,GSOL BA 'DEBS SO LHAN SKYES YE SHES STZOL, ,RIG SNGAGS 'CHANG BA BSLAB GSUM RGYAL MTSAN DANG, ,RIGS BRGYA'I KHYAB BDAG DBANG PHYUG RAB BRTAN DPAL, ,RIGS KYI GTZO BO RJE BTZUN BKA' 'GYUR BA, ,GSOL BA 'DEBS SO LHAN SKYES YE SHES STZOL; ;DKYIL 'KHOR RGYA MTSO'I KHYAB BDAG ZHVA LU BA, ,DKYIL 'KHOR KUN GYI GTZO BO MKHYEN RAB RJE, ,DKYIL 'KHOR 'KHOR LO'I BDAG PO RMOR CHEN ZHABS, ,GSOL BA 'DEBS SO LHAN SKYES YE SHES STZOL, ,SNYAN BRGYUD RGYA MTSO'I DED DPON GNAS GSAR BA, ,SNYAN BRGYUD MNGA' BDAG BLO GSAL PHUN TSOGS DANG, ,SNYAN BRGYUD SPEL MKHAS BSTAN 'DZIN 'PHRIN LAS ZHABS, ,GSOL
, ,BA 'DEBS SO LHAN SKYES YE SHES STZOL, ,DGA' LDAN BSTAN 'DZIN KHYAB BDAG BKA' 'GYUR BA, ,DGA' LDAN DAR RGYAS SNYI GAS DUS 'GRO BA'I GNYEN, ,DGA' LDAN LUGS 'DZIN DHA RMA BHA DRA'I ZHABS, ,GSOL BA 'DEBS SO LHAN SKYES YE SHES STZOL, ,MDO RGYUD KUN GYI LAM GYI GNAD RDZOGS PA'I, ,MDO RGYUD MNGA' BDAG BLO BZANG CHOS 'PHEL DANG, ,MDO RGYUD SBEL MKHAS 'JIGS MED DBANG PO'I ZHABS, ,GSOL BA 'DEBS SO LHAN SKYES YE SHES STZOL, ,N'A RO MKHA' SPYOD SMIN GROL LAM BZANG GNAD, ,N'A RO PA BZHIN LEGS PAR 'DOMS PA LA, ,N'A ROS BYIN BRLABS RTZA BA'I BLA MA LA, ,GSOL BA 'DEBS SO LHAN SKYES YE SHES STZOL, ,BSKYED RIM ZAB MO MKHA' SPYOD RNAL 'BYOR PA, ,RDZOGS RIM DBU MA'I RNAL 'BYOR BSGOMS PA'I MTHUS, ,BDE CHEN LHAN SKYES YE SHES SKYE BA DANG, ,MKHA' SPYOD GO 'PHANG 'THOB PAR BYIN GYIS RLOBS, ,DE NAS DBANG BZHI BYIN RLABS NI, SKYABS GNAS KUN 'DUS SU BLA MA LA, ,GSOL BA 'DEBS SO BYIN GYIS RLOBS, ,DBANG BZHI RDZOGS PAR BSKUR BA DANG, ,SKU BZHI'I GO 'PHANG STZAL DU GSOL, ,ZHES LAN GSUM GYIS GSOL BA BTAB PAS, BLA MA'I DPRAL PA'I AOm LAS BDUD RTZI 'OD
ZER DKAR PO 'PHROS, RANG GI DPRAL BAR THIM, LUS KYI SDIG SGRIB DAG ,BUM PA'I DBANG THOB, BLA MA'I SKU'I BYIN RLABS LUS LA ZHUGS, BLA MA'I MGRIN PA'I A'A: LAS BDUD RTZI 'OD ZER DMAR PO 'PHROS, RANG GI MGRIN PAR THIM, NGAG GI SDIG SGRIB DAG ,GSANG BA'I DBANG THOB, BLA MA'I GSUNG GI BYIN RLABS NGAG LA ZHUGS, BLA MA'I THUGS KA'I H'Um LAS BDUD RTZI 'OD ZER SNGON PO 'PHROS, RANG GI SNYING GAR THIM, YID KYI SDIG SGRIB DAG ,SHES RAB YE SHES KYI DBANG THOB, BLA MA'I THUGS KYI BYIN RLABS YID LA ZHUGS, BLA MA'I GNAS GSUM GYI YI GE LAS BDUD RTZI 'OD ZER DKAR DMAR MTHING GSUM 'PHROS, RANG GI GNAS GSUM LA THIM, LUS NGAG YID GSUM GYI SDIG SGRIB DAG ,DBANG BZHI PA TSIG DBANG RIN PO CHE THOB, BLA MA'I SKU GSUNG THUGS KYI BYIN RLABS RANG GI LUS NGAG YID GSUM LA ZHUGS PAR GYUR (PAR BSAM, DBANG BZHI LEN TSUL THUN MONG MA YIN PA NI ZHAL LAS SHES PAR BYA'O, ,DE NAS SLAR YANG,) DUS GSUM SANGS RGYAS THAMS CAD KYI NGO BO BLA MA RIN PO CHE LA GSOL BA 'DEBS SO; ;BDAG GI RGYUD BYIN GYIS BRLAB TU GSOL (LAN GSUM,) ZHES GSOL BA BTAB PAS, MTHA' SKOR GYI BRGYUD PA'I BLA MA RNAMS DBUS KYI RTZA PA'I BLA MA LA THIM, RTZA BA'I BLA MA YANG RANG LA RJES SU CHAGS PAS 'OD
, ,DMAR PO'I RNAM PAR ZHU BA, RANG GI SPYI GTZUG NAS ZHUGS, SNYING GAR PAm YIG DMAR PO'I RNAM PAR GYUR PA DANG RANG SEMS DBYER MED DU 'DRES PAR GYUR, (DRUG PA BDAG LHAR BSKYED PA'I RNAL 'BYOR NI,) PAm YIG DE NYID JE CHER SONG STE NAM MKHA'I MTHA' DANG MNYAM PAR GYUR PAS SNOD BCUD THAMS CAD BDE STONG GI RANG BZHIN DU GYUR, SLAR YANG MTHA' NAS RIM GYIS BSDUS TE SHIN TU PHRA BA'I BAm YIG TU GYUR PA 'OG NAS RIM GYIS N'A DA'I BAR DU THIM, N'A DA YANG MI DMIGS PAR BDE STONG DBYER MED KYI CHOS SKUR GYUR, AOm SH'U N+YA T'A DZNY'A NA BADZRA SVA BH'A WA A'A TMA KO NYA HAm, (ZHES PA NI 'CHI BA CHOS SKU'I LAM 'KHYER RO, ,DE LTAR SNANG BA THAMS CAD BSDUS PA'I STONG PA'I NGANG LAS NGO BO RANG SEMS BDE STONG GNYIS SU MED PA'I YE SHES KYI GZUNG RNAM YIN PA LA RNAM PA BAm YIG DMAR PO GYEN DU 'GRENG BA'I RNAM PAR NAM MKHAR GNAS PAR GYUR, (CES PA NI BAR DO LONGS SKU'I LAM 'KHYER RO, ,STONG PA'I NGANG LAS AE AE LAS CHOS 'BYUNG DMAR PO GRU GSUM NYIS BRTZEGS KYI NANG DU AA LAS ZLA BA'I DKYIL 'KHOR DKAR LA DMAR BA'I MDANGS CAN GYI STENG DU, AOm AOm AOm SARBA BUDDHA t'A KI N'I YE BADZRA WARnnA N'I YE, BADZRA BEE RO TZ'A NI YE H'Um H'Um H'Um PHAd PHAd PHAd SV'AH'A, ZHES PA'I SNGAGS GA-YON
SKOR DU 'KHOD PAR GYUR, RANG NAM MKHA'I BAm YIG GIS ZLA BA MTHONG BA NA DE'I DBUS SU SKYE BA LEN PA'I 'PHEN PA DANG LDAN PAS ZLA BA'I DBUS SU ZHUGS, ZLA BA BAm YIG SNGAGS PHRENG DANG BCAS PA LAS 'OD ZER 'PHROS, 'KHOR 'DAS KYI SNOD BCUD THAMS CAD RJE BTZUN RDO RJE RNAL 'BYOR MA'I RANG BZHIN DU BYAS, DE RNAMS TSUR 'DUS TE BAm YIG SNGAGS PHRENG DANG BCAS PA LA THIM PA YONGS SU GYUR PA LAS, RTEN DANG BRTEN PA'I DKYIL 'KHOR DUS GCIG TU RDZOGS PAR GYUR, (CES PA NI SKYE BA SPRUL SKU'I LAM 'KHYER RO,) ,DE YANG RDO RJE'I SA GZHI RVA BA GUR BLA RE DANG BCAS PA'I PHYI ROL TU KHA DOG SNA LNGA PA'I ME DPUNG GA-YON SKOR DU 'KHYIL ZHING 'BAR BA, DE'I NANG DU GTUM DRAG LA SOGS PA'I DUR KHROD CHEN PO BRGYAD KYIS BSKOR BA'I DBUS SU CHOS 'BYUNG DMAR PO GRU GSUM NYIS BRTZEGS KYI GDENGS KA CHE BA GYEN DU PHYOGS SHING, RTZE MO PHRA BA THUR DU ZUG PA, MDUN RGYAB GNYIS SPANGS PA'I GRVA BZHIR DGA' 'KHYIL DMAR SKYA GA-YON SKOR DU 'KHOR BA RE RES MTSAN PA, CHOS 'BYUNG GI NANG DU SNA TSOGS PADMA 'DAB MA BRGYAD BA'I LTE BAR NYI MA'I DKYIL 'KHOR GYI STENG DU RANG NYID RJE BTZUN RDO RJE RNAL 'BYOR MA'I SKUR GYUR PA NI, ZHABS GA-YAS BRKYANGS PAS DUS MTSAN MA DMAR MO'I NU MA'I STENG NAS MNAN PA, GA-YON BSKUMS PAS
, ,'JIGS BYED NAG PO MGO BO RGYAB TU BLTAB NAS MNAN PA, SKU MDOG DMAR MO BSKAL PA'I ME LTA BU'I GZI BRJID CAN, ZHAL GCIG PHYAG GNYIS SPYAN GSUM DAG PA MKHA' SPYOD DU GZIGS PA, PHYAG GA-YAS PAS RDO RJES MTSAN PA'I GRI GUG THUR DU BRKYANGS NAS 'DZIN PA, GA-YON PAS THOD PA KHRAG GIS GANG BA STENG PHYOGS SU BZUNG NAS ZHAL GYEN DU PHYOGS PAR GSOL BA; PHRAG PA GA-YON PAR RDO RJES MTSAN PA'I KHA tV'Am GA LA d'A MA RU DANG DRIL BU DANG 'PHAN RTZE GSUM PA 'PHYANG BZHIN PA BSNAMS PA, DBU SKRA NAG PO SIL BUR GYUR PAS SKU SKED YAN CHAD KHEBS PA; LANG TSO DAR LA BAB CING 'DOD PA'I NU 'BUR RGYAS PA, BDE BA SKYED PA'I NYAMS CAN, MI MGO SKAM PO LNGA'I DBU RGYAN DANG, SKAM PO LNGA BCU'I DO SHAL CAN, GCER PU PHYAG RGYA LNGAS BRGYAN PA, YE SHES KYI ME 'BAR BA'I DBUS NA BZHUGS PA'O, (BDUN PA 'GRO BA DAG PA'I RNAL 'BYOR NI,) RANG GI SNYING GAR CHOS 'BYUNG DMAR PO GRU GSUM NYIS BRTZEGS KYI NANG DU ZLA BA'I DKYIL 'KHOR GYI DBUS SU BAm YIG LA SNGAGS PHRENG GIS BSKOR BA LAS 'OD ZER 'PHROS TE, BA SBU'I BU GNAS PHAR SONG, RIGS DRUG GI SEMS CAN THAMS CAD LA PHOG PAS SDIG SGRIB BAG CHAGS DANG BCAS PA SBYANGS, DE THAMS CAD
RDO RJE RNAL 'BYOR MA'I SKUR GYUR, BRGYAD PA DPA' BO DPA' MOS BYIN GYIS BRLAB PA LA GSUM LAS, DANG PO LUS DKYIL NI,) RANG GI SNYING GA'I CHOS 'BYUNG ZLA GDAN DANG BCAS PA'I DBUS KYI BAm YIG 'BYUNG BA BZHI'I BDAG NYID LAS BYE BA'I 'BYUNG BA BZHI'I SA BON YA RA LA WA'I YI GE BZHI, SNYING GA'I 'DOD MA LA SOGS PA PHYOGS BZHI'I RTZA 'DAB KYI RANG BZHIN DU GNAS PA YONGS SU GYUR PA LAS, GA-YON NAS BRTZAMS TE, L'A MA; DU MA SKYES MA, GZUGS CAN MA, MKHA' 'GRO MA DANG BZHI, DBUS SU BAm YIG GI ZLA PHYED THIG LE N'A DA DANG BCAS PA SHIN TU PHRA BA'I DPYID THIG ZUNG 'JUG GI NGO BO RJE BTZUN RDO RJE RNAL 'BYOR MA'O, , DE'I PHYI RIM DU LUS KYI SKRA MTSAMS DANG SPYI GTZUG LA SOGS PA'I GNAS NYER BZHI'I RTZA MI PHYED MA LA SOGS PA DANG, SO DANG SEN MO 'BAB PA LA SOGS PA'I KHAMS NYER BZHI, RTZA KHAMS NGO BO DBYER MED SHAR NAS GA-YON SKOR DU GNAS PA'I AOm AOm SOGS SNGAGS KYI YIG 'BRU NYER BZHI'I NGO BOR GNAS PA YONGS SU GYUR PA LAS ,RAB GTUM MA, GTUM MIG MA, 'OD LDAN MA, SNA CHEN MA, DPA' BO'I BLO CHEN MA; KHAR WA RI, LANGKA'I DBANG PHYUG MA, SHING GRIB MA STE THUGS KYI RIGS KYI DPA' MO BRGYAD, SA SRUNG MA, 'JIGS BYED CHEN MO, RLUNG SHUGS MA, CHANG 'THUNG MA, SDO SANGS LHA MO, RAB BZANG MA, RTA RNA MA, BYA
, ,GDONG MA STE GSUNG GI RIGS KYI DPA' MO BRGYAD, 'KHOR LO'I SHUGS CAN MA, DU MA SKYES MA, CHANG TSONG MA, 'KHOR LO'I GO CHA MA, SHIN TU DPA' MO, STOBS CHEN MA, 'KHOR LOS SGYUR MA, BRTZON 'GRUS CHEN MO STE SKU'I RIGS KYI DPA' MO BRGYAD RNAMS SU GYUR PA, PHYI ROL GYI P'U LI RA MA LA SOGS PA'I GNAS NYER BZHI'I DPA' BO GNYIS MED KYI RNAL 'BYOR MA DNGOS SO, ,KHA LA SOGS PA'I SGO BRGYAD KYI RTZA KHAMS RNAMS H'Um H'Um LA SOGS PA'I YIG 'BRU BRGYAD PO DANG NGO BO DBYER MED LAS KHVA GDONG MA ,'UG GDONG MA, KHYI GDONG MA, PHAG GDONG MA, GSHIN RJE BRTAN MA, GSHIN RJE PHO NYA MO, GSHIN RJE MCHE BA MA, GSHIN RJE 'JOMS MA RNAMS SU GYUR PA THAMS CAD KYANG RJE BTZUN MA'I SKU'I RNAM PA CAN RGYAN CHA LUGS YONGS SU RDZOGS PA'O, (,'DI NI LUGS 'DI'I ZAB GNAD THUN MONG MA YIN PA'I MAN NGAG MTHAR THUG PA YI GE RNYING PA RNAMS SU SA BON TZAM LAS MI GSAL BA BLA MA'I ZHAL GYI MAN NGAG LA BRTEN NAS SHIN TU GO BDE BAR BKOD PA YIN PAS GCES PAR ZUNGS SHIG ,GNYIS PA YE SHES PA BCUG STE PHO NYA GSUM BSRE BA NI, 'BAR BA'I PHYAG RGYA DANG BCAS, PHEEm; RANG GI THUGS KA'I BAm YAG LAS 'OD ZER 'PHROS PA SMIN MTSAMS NAS THON TE PHYOGS BCUR SONG BAS, PHYOGS BCU'I DE BZHIN GSHEGS PA DANG, DPA' BO
DANG RNAL 'BYOR MA THAMS CAD RDO RJE RNAL 'BYOR MA'I RNAM PAR SBYAN DRANGS, DZA:H'Um BAm HO:SA (DGUB, GZHUG BCING MNYES BYA, PAD KOR GYI MTHAR 'KHYUD RGYA BYAS LA,) AOm YO GA SHUDDH'A:SARBA DHARMA'A YO GA SHUDDH'ONYHAm, CHOS THAMS CAD RNAM PAR DAG PA'I RNAL 'BYOR GYI BDAG NYID DE NGA'O (SNYAM DU NGA RGYAL BYA'O, ,GSUM BGO CHA BGO BA NI,) RANG GI GNAS RNAMS SU ZLA BA'I DKYIL 'KHOR GYI STENG DU, LTE BAR AOm BAm DMAR MO RDO RJE PHAG MO, SNYING GAR HAm YOm SNGON MO GSHIN RJE MA, KHAR HRIm MOm DKAR MO RMONGS BYED MA, DPRAL BAR HRIm HRIm SER MO SKYONG BYED MA, SPYI GTZUG TU H'Um H'Um LJANG GU SKRAG BYED MA, YAN LAG THAMS CAD LA PHAd PHAd DUD KHA TZAndI KA'I NGO BO RNAMS SU GYUR, (DE NAS DBANG BSKUR RGYAS GDAB BYED NA,) PHEEm; RANG GI THUGS KA'I BAm YIG LAS 'OD ZER 'PHROS PAS, DBANG GI LHA DPAL 'KHOR LO SDOM PA'I RTEN DANG BRTEN PA'I DKYIL 'KHOR SPYAN DRANGS, DE BZHIN GSHEGS PA THAMS CAD KYIS MNGON PAR DBANG BSKUR DU GSOL, ZHES GSOL BA BTAB PAS, SGO MTSAMS MA BRGYAD KYIS BGEGS BSKRAD, DPA' BO RNAMS KYIS SHIS PA BRJOD, DPA' MO RNAMS KYIS RDO RJE'I GLU LEN, GZUGS RDO RJE MA LA SOGS PAS MCHOD, GTZO BOS DBANG BSKUR BA'I DGONGS PA MDZAD, YUM BZHI PHAR MO DANG BCAS PAR RIN PO CHE'I BUM PA BDUD RTZI LNGAS GANG BA
, ,BZUNG STE SPYI BO NAS DBANG BSKUR BAR GYUR, JI LTAR BLTAMS PA TZAM GYIS NI, ,DE BZHIN GSHEGS KUN KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,AOm SARBA TA TH'A GA TA AA BHI shE KA TA SA MA YA SHR'I YE H'Um, ZHES DBANG BSKUR BAS LUS THAMS CAD GANG, DRI MA THAMS CAD DAG ,CHU'I LHAG MA SPYI GTZUG TU GNAS PA YONGS SU GYUR PA LAS RNAM SNANG HE RU KA YUM DANG BCAS PAS DBU BRGYAN PAR GYUR, (CES BRJOD, BDAG 'JUG SKABS MTSAMS 'DIR BDAG BSKYED KYI MCHOD PA BYIN GYIS BRLAB, DE NAS,) RANG GI THUGS KA NAS SPROS PA'I MCHOD PA'I LHA MO RNAMS KYIS MCHOD PAR GYUR, AOm AARGHAm PRA T'I TZTSA SV'AH'A, AOm P'A DYAm PRA T'I TZTSA SV'AH'A, AOm BADZRA PUshPE A'A:H'Um SV'AH'A, (DE BZHIN DU PUshPE'I GNAS SU, DH'U PE DANG, D'I PHE DANG, GANDHI DANG, NEE WI DYE DANG, SHAPTA RNAMS BCUG PA DANG,) AOm A'A:BADZRA A'A DA RshE H'Um, AOm A'A:BADZRA B'I NI H'Um, AOm A'A:BADZRA GANDHE H'Um, (DE BZHIN DU,) RA SE, PA RSHE, DHA RMA (RNAMS BCUG PAS PHYI MCHOD DANG,) AOm AOm AOm SARBA BUDDHA t'A KI N'I YE BADZRA WAdshnA N'I YE; BADZRA BEE RO TZA N'I YE H'Um H'Um H'Um PHAd PHAd PHAd SV'AH'A, AOm A'A:H'Um (GIS NANG MCHOD DANG,) RANG NYID RDO RJE RNAL 'BYOR MA DANG KHA tV'Am GA 'KHOR LO SDOM PAR GYUR PA SNYOMS PAR ZHUGS PAS LHAN SKYES KYI BDE STONG SKYES PAR GYUR BAR MOS TE GSANG BA DANG DE KHO NA NYID KYI MCHOD
PA 'BUL, YANG NA, RANG NYID RNAL 'BYOR MAR GSAL BA'I, ,NU MA SPANGS PA B'O LAR GYUR, ,KAKKO LA DBUS YANG DAG GNAS, ,'GRAM GNYIS DRIL BU DAG TU 'GYUR, ,ZE'U 'BRU B'O LA NYID DU 'GYUR, ,DGA' CHEN HE RU KA YI GZUGS, ,GSANG YUM RDO RJE RNAL 'BYOR MA, , MKHA' 'GRO KUN 'DUS BDAG NYID GYUR, ,YAB KYI GSANG GNAS MI DMIGS PA'I NGANG LAS H'Um DKAR PO LAS BYUNG BA'I RDO RJE DKAR PO RTZE LNGA PA BY'A DMAR PO LAS BYUNG PA'I NOR BU DMAR PO RTZE MOR BYA SER POS MTSAN PA, YUM GYI GSANG GNAS MI DMIGS PA'I NGANG LAS A'A LAS BYUNG PA'I PADMA DMAR PO 'DAB MA GSUM PA DY'A DKAR PO LAS BYUNG BA'I BYANG SEMS DKAR PO MTSON PA'I LTE BA DKAR PO RTZE MOR DY'A SER POS MTSAN PA, AOm SHR'I MAH'A SU KHA BADZRA HE HE RU RU KAm A'A:H'Um H'Um PHAd SV'AH'A, (YAB YUM SNYOMS PAR ZHUGS PAS BYANG SEMS ZHU BA SPYI BO NAS MGRIN PAR SLEB PA NA DGA' BA, MGRIN PA NAS SNYING GAR SLEB PA NA MCHOG DGA', SNYING GNAS LTE BAR SLEB PA NA KHYAD DGA', LTE BA NAS NOR BU'I RTZER SLEB PA NA LHAN SKYES KYI YE SHES SKYES PAS BDE BA DANG STONG PA NYID DBYER MED PA'I TING NGE 'DZIN LA SNYOMS PAR ZHUGS, DE LTAR BDE STONG DBYER MED DU SBYAR BA DES MCHOD PA'I 'KHOR GSUM RANG BZHIN GYIS STONG PA'I DE KHO NA NYID KYI DON LA RTZE GCIG TU MNYAM PAR BZHAG PA'I GSANG BA DANG DE KHO NA NYID KYI MCHOD PAS MNYES PAR GYUR, CES RANG NYID RNAL 'BYOR MA HE RU KA RA BRGYAL 'PHOS TE RTAGS BSGYUR NAS GSANG MCHOD DANG DE KHO NA NYID KYI MCHOD PA PHUL LA, SLAR YANG RJE BTZUN MA'I RNAM PAR GYUR PAR BSAM MO, ,DE NAS BSTOD PA NI, AOm NA MO BHA GA WA TI BADZRA W'A RLA H'I BAM H'Um H'Um PHAd, AOm NA MO A'AR+YA AA PA R'A DZI
, ,TE TREE LO KYA M'A TE BI DYE SHVA R'I H'Um H'Um PHAt, AOm NA MA:SARBA BHU TA BH'A Y'A BA HE MAH'A BADZRE H'Um H'Um PHAt, AOm NA MO BADZR'A SA NI AA DZI TE AA PA R'A DZI TE W'A SHAm KA RI NE TRA H'Um H'Um PHAt, AOm NA MO BH'A MA nI SHO shA nI RO shA nI KRO DHE KA RA LE H'Um H'Um PHAt, AOm NA MA ST'A SA NI M'AR nI PRA BHE DA N'I PA R'A DZA YE H'Um H'Um PHAt, AOm NA MO BI DZ'A YE DZAMBHA NI STA MBHA NI MO HA NI H'Um H'Um PHAt, AOm NA MO BADZRA W'A R'A H'I MA H'A YO GI N'I K'A ME SHVA RI KHA GE H'Um H'Um PHAt, (CES YUM GYI RKANG BRGYAD KYIS SNGAGS MCHOD DANG BSTOD PA BYA'O, ,DGU PA NGAG BZLAS DANG YID BZLAS KYI RNAL 'BYOR LA GNYIS LAS, NGAG BZLAS NI,) RANG GI SNYING GAR CHOS 'BYUNG DMAR PO GRU GSUM NYIS BRTZEGS KYI NANG DU ZLA BA'I DKYIL 'KHOR GYI DBUS SU BAm YIG LA SNGAGS PHRER KHA DOG DMAR POS GA-YON SKOR DU BSKOR BA LAS 'OD ZER DMAR PO DPAG MED 'PHROS, SEMS CAN THAMS CAD KYI SDIG SGRIB SBYANGS, SANGS RGYAS THAMS CAD MCHOD, DE RNAMS KYI BYIN RLABS NUS MTHU THAMS CAD 'OD ZER DMAR PO'I RNAM PAR SPYAN DRANGS BAm YIG SANGS PHRENG DANG BCAS PA LA THIM PAS RGYUD BYIN GYIS BRLABS PAR GYUR (PAR BSAMS LA,) AOm AOm AOm SARBA BUDDHA d'A KI N'I YE BADZRA WARnnA N'I YE, BADZRA BEE RO TZA N'I YE H'Um H'Um H'Um PHAt PHAt PHAt SV'AH'A, (RGYUN DANG DAM BCA' JI LTAR YOD PA LA NYUNG MTHAR BYAS NAS BZLA'O, ,YID BZLAS NI, LUS GNAD BCAS TE SNYING GA'I CHOS 'BYUNG ZLA BA YIG 'BRU DANG BCAS PA BDE BA BSKYED PAR 'DOD NA GSANG
GNAS DANG, MI RTOG PA BSKYED PAR 'DOD NA LTE BAR PHAB LA RLUNG KHA SBYAR TE, YID KYIS SNGAGS PHRENG GA-YON SKOR DU GNAS PA KLOG PA'I TSUL DU LAN GSUM LNGA BDUN TZAM BGRANG, DE NAS CHOS 'BYUNG GI MDUN RGYAB GNYIS SPANGS PA'I GRVA BZHIR DGA' 'KHYIL DMAR SKYA GA-YON SKOR DU 'KHOR BA DANG, KHYAD PAR DBUS KYI BAm YIG N'AD LAS ME 'BAR LA KHAD PA LA SEMS GTAD NAS RLUNG 'DZIN, DE NAS, DBU MA'I YAR SNE MAR SNE NAS DGA' 'KHYIL DKAR DMAR NAS 'BRU TZAM RE GA-YON SKOR DU 'KHOR BZHIN DU BYUNG BA SNYING GAR 'DRES NAS STONG YAL DU SONG BA'I BDE STONG LA MNYAM PAR 'JOG GO ,BCU PA BSAM GYIS MI KHYAB PA'I RNAL 'BYOR LA GNYIS LAS, THUN MONG MA YIN PA NI KHRID LAS BYUNG BA LTAR NYAMS SU BLANG, THUN MONG BA NI,) RANG GI SNYING GA'I BAm YIG SNGAGS PHRENG DANG BCAS PA LAS 'OD ZER 'PHROS, KHAMS GSUM THAMS CAD KHYAB, GZUGS MED KHAMS 'OD ZER SNGON PO'I RNAM PAS LUS KYI STOD KYI CHA LA THIM, GZUGS KHAMS 'OD ZER DMAR PO'I RNAM PAS BAR GYI CHA LA THIM, 'DOD KHAMS 'OD ZER DKAR PO'I RNAM PAS SMAD KYI CHA LA THIM, RANG YANG STOD SMAD NAS RIM BZHIN 'OD DU ZHU NAS CHOS 'BYUNG LA THIM, DE ZLA BA LA THIM, DE SNGAGS PHRENG LA THIM, DE BAm YIG LA THIM, DE BAm GYI MGO BO LA THIM, DE ZLA TSES LA THIM, DE THIG LE LA THIM, DE N'A DA LA THIM, DE YANG JE PHRA JE PHRAR 'OD GSAL STONG PA NYID DU THIM PAR GYUR (PAR BSAM MO, ,LUS DKYIL SGOM PA'I TSE,) DE ZLA BA LA THIM, DE RNAL 'BYOR MA SO GNYIS LA THIM, DE
, ,RNAL 'BYOR MA BZHI LA THIM, DE LUS DKYIL GYI GTZO MO LA THIM, GTZO MO YANG STOD SMAD NAS RIM BZHIN 'OD DU ZHU NAS CHOS 'BYUNG LA THIM, (DE ZLA BA LA THIM, DE SNGAGS PHRENG LA THIM, ZHES SOGS BRJOD DGOS SO, BCU GCIG PA SPYOD LAM GYI RNAL 'BYOR NI,) STONG PA'I NGANG LAS RANG NYID SKAD CIG GIS RJE BTZUN RDO RJE RNAL 'BYOR MAR GYUR (PAR BSAMS) PA'I GNAS RNAMS SU ZLA BA'I DKYIL 'KHOR GYI STENG DU, LTE BAR AOm BAm DMAR MO RDO RJE PHAGS MO, SNYANG GAR HAm YOm SNGON MO GSHIN RJE MA, KHAR HRIm MOm DKAR MO RMONGS BYED MA, DPRAL PAR HREm HRIm SER MO SKYOD BYED MA, SPYI GTZUG TU H'Um H'Um LJANG GU SKRAG BYED MA, YAN LAG THAMS CAD LA PHAt PHAt DUD KHA TZAndI K'A'I NGO BO RNAMS SU GYUR, (CES GO CHA DANG,) AOm SUMBHA NI SUMBHA H'Um H'Um PHAt, AOm GRIHnA GRIHnA HUm H'Um PHAt, AOm GRIHnA PA YA GRIHn'A PA YA H'Um H'Um PHAt, AOm A'A NA YA HO BHA GA W'A NA BADZRA HUm H'Um PHAt, (CES LAN GNYIS BRJOD LA TSAN, RNGAMS KYI BSRUNG BA BYA'O, ,GNYIS PA THUN MTSAMS SU JI LTAR BYA BA'I RIM PA NI, 'KHYER SO GSUM GYI RNAL 'BYOR DANG, GA-YON PA'I KUN SPYOD, PHYI ROL MCHOD PA, CHOS BCU'I MCHOD PA, GZHAN YANG NYAL LDANG DANG, KHRUS, KHA ZAS, GOS KYI RNAL 'BYOR SOGS KHRID LAS 'BYUNG BA LTAR BYA ZHING, GTOR MA'I RNAL 'BYOR NI, MCHOD PA DANG GTOR MA PHYAG LEN LTAR BSHAMS LA,) AOm KHAndA RO HI H'Um H'Um PHAt (KYIS BSANGS,) SVA BH'A WAS SBYANGS, STONG PA'I NGANG LAS KAm LAS THOD PA'I SNOD RNAMS KYI NANG
DU H'Um LAS MCHOD RDZAS RNAMS RANG BZHIN STONG NYID, RNAM PA MCHOD RDZAS SO SO'I RNAM PA CAN, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN STER BAR GYUR, AOm AARGHAm A'A:H'Um, (NAS) SHAPTA A'A:H'Um (GI BAR GYIS MCHOD PA BYIN BRLAB, GTOR MA) AOm KHAndA RO HIS BSANGS, SVA BR'A WAS SBYANGS, STONG PA'I NGANG LAS YAm LAS RLUNG, RAm LAS ME, A'A:LAS MI MGO'I SGYED BU GSUM GYI STENG DU A'A:LAS THOD PA YANGS SHING RGYA CHE BA'I NANG DU AOm KHAm AAm TRAm H'Um RNAMS LAS BDUD RTZI LNGA, LAm MAm PAm TAm BAm RNAMS LAS SHA LNGA YI GE DE DAG GIS MTSAN PA, RLUNG GA-YOS ME SBAR BAS THOD PA'I NANG GI RDZAS RNAMS ZHU BAR GYUR, DE DAG GI STENG DU H'Um LAS SNYES PA'I KHA tAm GA DGAR PO MGO THUR DU BLTAS NAS ZHU PA THOD PAR LHUNG NAS RDZAS DE DAG DNGUL CHU'I MDOG CAN DU GYUR, DE'I STENG DU DBYANGS GSAL GYI PHRENG BA GSUM BRTZEGS SU GNAS PA AOm A'A:H'Um DU GYUR PA'I 'OD ZER GYIS PHYOGS BCU'I DE BZHIN GSHEGS PA DANG DPA' BO DANG RNAL 'BYOR MA THAMS CAD KYI THUGS KA NAS YE SHES KYI BDUD RTZI BKUG NAS BSNAN PAS MANG POR SBAR ZHING SPEL BAR GYUR, AOm A'A:H'Um, (LAN GSUM GYIS BYIN GYIS BRLABS LA,) PHEEm; RANG GI THUGS KA'I BAm YIG LAS 'OD ZER 'PHROS PAS, 'OG MIN NAS RJE BTZUN RDO RJE RNAL 'BYOR MA LA BLA MA YI DAM SANGS RGYAS BYANG SEMS DPA' BO MKHA' 'GRO CHOS DANG 'JIG
, ,RTEN SKYONG BA'I TSOGS KYIS BSKOR BA MDUN GYI NAM MKHAR SPYAN DRANGS, MGRON RNAMS KYI LJAGS LA H'Um LAS SKYES PA'I RDO RJE RTZE GSUM PA NAS 'BRU TZAM 'KHOD PA'I 'OD ZER GYI SPU GUS GTOR MA'I BCUD DRANGS TE GSOL BAR GYUR (PAR BSAMS LA,) AOm BADZRA A'A RA LI HO: DZA:H'Um BAm HO:BADZRA d'A KI N+YA SA MA YA STVAm TRI SHYA HO: (LAN GSUM MAM BDUN GYIS 'BUL,) AOm KHA KHA, KH'A HI KH'A HI, SARBA YAKshA RAKshA SA, BH'U TA, PRE TA, PI SH'A TZA, AUNM'A DA, AA PASM'A RA, BADZRA d'A KA d'A KI N+Y'A DA YA, AI MAm BA LIm GRIHNA NTU, SA MA YA RAKshA NTU, MA MA SARBA SIDDHI MME PRA YATZTSA NTU, YA THEE BAm, YA THEshtAm, BHU DZA THA, PI P'A THA, DZI GRA THA, M'A TI KRA MA THA, MA MA SARBA KARTA YA; SAD SU KHAm BI SHUDDHA YE, SA HA YI KA BHA WANTU H'Um H'Um PHAt PHAt SV'AH'A, (ZHES PA LAN GNYIS KYIS 'JIG RTEN PA'I MKHA' 'GRO RNAMS LA 'BUL, AOm BADZRA YO GI N'I SA PA RI W'A RA AARGHAm, P'A DYAm, PUshPE, DH'U PE, A'A LO KE, GANDHE NA NEE WIDY'A, SHAPTA A'A:H'Um (GIS MCHOD, SNGAGS DE LA,) AOm A'A:H'Um (BTAGS PAS NANG MCHOD 'BUL,) DPAL LDAN RDO RJE MKHA' 'GRO MA, ,MKHA' 'GRO MA YI 'KHOR LOS BSGYUR, ,YE SHES LNGA DANG SKU GSUM BRNYES, , 'GRO BA SKYOB LA PHYAG 'TSAL LO, ,JI SNYED RDO RJE MKHA' 'GRO MA, ,KUN TU RTOG PA'I 'CHING GCOD CING, ,'JIG RTEN BYA BAR RAB 'JUG MA, ,DE SNYED RNAMS LA PHYAG 'TSAL LO, (,ZHES BSTOD,) MTHA' YAS
RGYAL BA'I BDE STONG ZLOS GAR NI, ,SRID ZHI'I MIG 'PHRUL CIR YANG 'CHAR BA LAS, ,DENG 'DIR MKHA' SPYOD DPAL MO YID 'ONG MA, ,SNYING NAS DRAN NO 'KHYUD PA'I RTZE DGAS SKYONGS, ,'OG MIN ZHING NA LHAN SKYES RGYAL YUM MA, ,NYER BZHI'I YUL NA ZHING SKYES d'A KI MA, ,NOR 'DZIN KHYAB PA'I KARMA MU DR'A MA, ,RNAL 'BYOR BDAG GI SKYABS MCHOG RJE BTZUN MA, ,KHYOD NI SEMS NYID STONG PA'I RANG RTZAL TE, ,RDO RJE'I GRONG NA AE DBYINGS BAm GYI DNGOS, ,SGYU MA'I GLING NA 'JIGS RUNG SRIN MO DANG, ,'DZUM DKAR GA-YO BA'I LANG TSO GSAR PA STON, ,BDAG GIS JI LTAR BTZAL YANG 'PHAGS MA KHYOD, ,BDEN PAR GRUB PA'I NGES PA MA RNYED NAS, , SPROS PAS DUB PA'I SEMS KYI GZHON NU DE, ,BRJOD BRAL NAGS KYI KHANG BUR NGAL GSO BSTEN, ,AE MA DA NI d'A KI DBYINGS NAS BZHENGS, ,HE RU KA DPAL RGYUD KYI RGYAL PO LAS, ,RDO RJE BTZUN MO'I NYE BA'I SNYING PO MCHOG ,BKLAGS PAS 'GRUB CES GSUNGS PA'I BDEN PAS SKYONGS, ,AOO dI BI SHA'I BAS MTHA'I NAGS KHROD DU, ,GRUB PA'I DBANG PHYUG RDO RJE DRIL BU PA, ,'KHYUD DANG TZUM BHA'I BDE BAS RJES BSKYANGS TE, ,KHA SBYOR MCHOG GIS ROL BZHIN BDAG KYANG SKYONGS, ,GANG+G'A'I GLING NAS RJE BTZUN KU S'A LI, ,MNGON SUM NAM MKHA'I DBYINGS SU KHRID PA DANG, ,DPAL LDAN N'A RO TA PA RJES BZUNG LTAR, ,
, ,BDAG KYANG MKHA' SPYOD DGA' MA'I GRONG DU KHRID, ,RTZA BRGYUD BLA MA MCHOG GI THUGS RJE DANG, ,RGYUD CHEN GSANG MTHA'I MYUR LAM ZAB KHYAD DANG, ,RNAL 'BYOR BDAG GI LHAG BSAM DAG PA'I MTHUS, ,MKHA' SPYOD DGA' MA'I 'DZUM ZHAL MYUR MTHONG SHOG (,CES MKHA' SPYOD ZHAL BZANG LTA BA'I SMON LAM DANG,) RJE BTZUN RDO RJE RNAL 'BYOR MAS, BDAG DANG SEMS CAN THAMS CAD DAG PA MKHA' SPYOD DU 'KHRID PAR MDZAD DU GSOL, 'JIG RTEN DANG 'JIG RTEN LAS 'DAS PA'I DNGOS GRUB MA LUS PA STZAL DU GSOL, (ZHES 'DOD DON LA GSOL BA GDAB CING TSOGS 'KHOR BYED NA 'DIR BYED DO, ,DE NAS,) AOm A'A: H'Um, HA HO HR'I: (LAN GSUM,) H'Um; 'OG MIN BDE CHEN DAG PA'I PHO BRANG NAS, ,RNAM SNANG THUGS LAS SPRUL PA'I MTHU BO CHE, ,BSTAN SRUNG KUN GYI GTZO BO RDO RJE GUR, ,DPAL LDAN MGON PO 'DIR BYON MCHOD GTOR BZHES, ,YONGS 'DU'I TSAL DANG GSHIN RJE'I PHO BRANG DANG, ,'DZAM GLING DE W'I KO tI'I GNAS MCHOG NAS, ,'DOD KHAMS GTZO MO NAM GRU RE MA T'I, ,DPAL LDAN LHA MO 'DIR BYON MCHOD GTOR BZHES, ,SNANG SRID BHA GA DBYINGS KYI DKYIL 'KHOR NAS, ,'KHOR 'DAS KUN GYI BDAG MO DBYINGS PHYUG YUM, ,SNGAGS SRUNG DRAG MO MA MO MKHA' 'GRO'I GTZO, ,YUM CHEN RAL GCIG
'DIR BYON MCHOD GTOR BZHES, ,BSIL BA TSAL DANG HA HA RGOD PA DANG, ,SING GA GLING DANG TE SE'I GANGS RI DANG, ,DAR LUNG GNAS DANG KHA'U'I BRAG RDZONG NAS, ,ZHING SKYONG DBANG PO 'DIR BYON MCHOD GTOR BZHES, ,DUR KHROD BRGYAD DANG LHO PHYOGS RI SUL DANG, ,RDO RJE GDAN DANG DPAL GYI BSAM YAS DANG, ,NA LA RTZE DANG DPAL LDAN SA SKYA NAS, ,LAS MGON PHO MO 'DIR BYON MCHOD GTOR BZHES, ,BYANG SHAR MA RU TZE YI DUR KHROD DANG, ,RGYA GAR BANG SO DMAR PO'I BRANG RI DANG, ,DAR LUNG BRAG RAM LA SOGS GNAS MCHOG NAS, ,GNOD SBYIN LCAM DRAL 'DIR BYON MCHOD GTOR BZHES, ,KHYAD PAR AYON MKHA' 'GRO'I YUL DANG NI, ,RANG BZHIN GNAS NAS 'JIG RTEN 'JIG RTEN LAS, ,'DAS PA'I MKHA' 'GROS YONGS BSKOR DUR KHROD KYI, ,BDAG PO YAB YUM 'DIR BYON MCHOD GTOR BZHES, ,GSOL LO MCHOD DO RGYAL BA'I BSTAN SRUNG TSOGS, ,BSGRUBS SO BSTEN NO BLA MA'I BKA' SRUNG CHE, ,'BOD DO BSKUL LO RNAL 'BYOR DGRA LHA'I TSOGS, ,RINGS PA'I TSUL GYIS 'DIR BYON MCHOD GTOR BZHES, , SHA KHRAG DMAR GYIS BRGYAN PA'I GTOR MAS MCHOD, ,DZA GAD SMAN PHUD RAKTA'I BTUNG BAS MCHOD, ,RNGA CHEN RKANG GLING ROL MO'I SGRA YIS MCHOD, ,DAR NAG 'PHAN CHEN SPRIN LTAR GTIBS PAS MCHOD, ,YID
, ,'PHROG SPYAN GZIGS NAM MKHA' MNYAM PAS MCHOD, ,RAB BRJID SNYAN PA'I DBYANGS KYI NGA ROS MCHOD, ,PHYI NANG GSANG BA'I DAM RDZAS RGYA MTSOS MCHOD, ,BDE STONG DBYER MED YE SHES ROL PAS MCHOD, ,SANGS RGYAS BSTAN PA GNYAN PO KHYED KYIS SRUNGS, ,DKON MCHOG DBU 'PHANG GNYAN PO KHYED KYIS STOD, ,DPAL LDAN BLA MA'I 'PHRIN LAS KHYED KYIS SPEL, ,RNAL 'BYOR BCOL BA'I 'DOD DON KHYED KYIS SGRUBS, (,ZHES GTOR BRJOD BYA'O, ,DE NAS,) AOm BADZRA HE RU KA SA MA YA, MA NU P'A LA YA, HE RU KA TE NO PA TIshthA, DRi dHO ME BHA WA, SU TO shYO ME BHA WA, SU PO shYO ME BHA WA, AA NU RAKTO ME BHA WA, SARBA SIDDHI MME PRA YATZTSA, SARBA KARMA SU TZA ME TZITTAm SHRE YA:KU RU H'Um, HA HA HA HA HO:BHA GA W'AN, BADZRA HE RU KA M'A ME MU NYTZA, HE RU KO BHA WA, MAH'A SA MA YA SATVA A'A:H'Um PHAt, (CES HE RU KA'I YIG BRGYA BZLAS TE,) MA RNYED YONGS SU MA SHES DANG, ,GANG YANG NUS PA MA MCHIS PAS, ,'DIR NI BYA BA GANG BGYIS PA, ,DE KUN KHYED KYIS BZOD MDZAD RIGS, (,ZHES SOGS KYIS BZOD GSOL BYA,) AOm BADZRA MU: GTOR MGRON YE SHES PA RNAMS RANG NYID LA THIM ZHING, 'JIG RTEN PA RNAMS RANG GNAS SU GSHEGS PAR GYUR, (SMON LAM NI,) DGE BA 'DI YIS MYUR DU BDAG ,MKHA' SPYOD MA DNGOS 'GRUB GYUR
NAS; ;'GRO BA GCIG KYANG MA LUS PA, ,DE YI SA LA 'GOD PAR SHOG ,'CHI TSE MGON DANG DPA' BO MA TSOGS KYIS, ,ME TOG GDUGS DANG RGYAL MTSAN THOGS NAS SU, ,ROL MO SIL SNYAN SGRA SNYAN SOGS MCHOD CING, ,MKHA' LA SPYOD PA'I GNAS SU 'KHRID PAR SHOG ,LHA MO TSAD MA DAM TSIG TSAD MA DANG, ,DES BRJOD GSUNG YANG MCHOG TU TSAD MA STE, ,BDEN PA 'DI DAG GIS NI LHA MO RNAMS, ,BDAG CAG RJES SU 'DZIN PA'I RGYUR GYUR CIG (,CES SOGS SMON LAM GDAB, SPRO ZHING LONG YOD DUS,) DAL 'BYOR GRU CHEN MI RTAG DRAN PA YI, ,BA DAN DKAR PO BSKYOD PA LAS 'BRAS KYI, ,BLANG DOR MTHUN PA'I RLUNG GIS RAB BSKUL NAS, ,'JIGS RUNG 'KHOR BA'I MTSO LAS SGROL BAR SHOG ,SLU MED SKYABS GNAS GTZUG GI NOR BUR BSTEN, ,MAR GYUR 'GRO BA'I DON CHEN SNYING LA ZHUGS, ,RDOR SEMS BDUD RTZIS NYES PA'I DRI MA 'KHRUD, ,RJE BTZUN BLA MA'I THUGS RJES SKYONG BAR SHOG ,YID 'ONG RGYAL YUM PHYI YI RNAL 'BYOR MA, ,BAm YIG NANG GI RDO RJE BTZUN MO'I MCHOG ,SEMS NYID STONG GSAL GSANG BA'I MKHA' SPYOD YUM, ,RANG ZHAL MTHONG BA'I RTZE DGAS ROL BAR SHOG ,SNOD KYI 'JIG RTEN AE YIG GZHAL MED KHANG, ,BCUD KYI SEMS CAN BAm YIG RNAL 'BYOR MA, ,ZUNG 'JUG BDE BA CHEN PO'I TING 'DZIN GYIS, ,
, ,CIR SNANG DAG PA'I SNANG BAR 'CHAR BAR SHOG ,DE LTAR PHYOGS DANG ZLA BA'I RNAL 'BYOR GYIS, ,NAM ZHIG DUS NA DGA' MA BYU RU'I MDOG ,LI KHRI'I SKRA GROL DMAR SER MIG GA-YO MAS, ,MNGON SUM RIG 'DZIN GRONG DU 'KHRID PAR SHOG ,SINDHUR LANG+GA LI YI SDONG BUR BCAS, ,RO LDAN GNAS SU BSGRUBS SHING YUL KUN TU, ,MYUL BAS GANG GI MDZOD SPUR 'KHYIL RIS CAN, ,'PHOS PA'I MDZES MAS MKHA' SPYOD 'KHRID PAR SHOG ,NANG GI PHAG MOS GZUNG 'DZIN 'KHRI SHING BCOM, ,MCHOG GI DH'U T'IR ZHUGS PA'I GAR MKHAN MA, ,TSANGS PA'I SGO NAS SPRIN LAM DBYINGS SU 'THON, ,KHRAG 'THUNG DPA' BOR 'KHYUD CING NGOL BAR SHOG ,LTE BA'I PADMOR RLUNG LNGA'I TI LA KA ,RTZE GCIG SGOM PA'I KHA SBYOR RNAL 'BYOR GYIS, ,LUS SEMS RTZAL DRI BZHIN ZHUGS PA YI, ,BDE BA MCHOG GIS BDAG RGYUD TSIM PAR SHOG ,THA MAL 'OD KYI GTUM MO MDZES LDAN MAS, ,DH'U T'IR 'DZUM DKAR BZHAD PA'I ROL RTZED KYIS, ,HAm YIG GZHON NU YONGS SU MNYES BYAS NAS, ,ZUNG 'JUG BDE BA CHEN PO'I SA THOB SHOG ,LTE BA'I RTZA GSUM DBUS GNAS DMAR NAG RAm, ,STENG 'OG RLUNG GIS SBAR BA'I TSANGS PA'I MES, ,STONG PHRAG DON GNYIS SNYIGS MA'I KHAMS BSREGS TE, ,DVANGS MAS DH'U T'I
YONGS SU GANG BAR SHOG ,KHA DOG LNGA LDAN SMIN MTSAMS THIG LE NI, ,SPYI BOR SON LAS BYUNG BA'I ZLA CHU'I RGYUN, ,GSANG BA'I CHU SKYES ZE'U 'BRU'I BAR DAG TU, ,YAS BAB MAS BRTAN DGA' BZHIS TSIMS PAR SHOG ,THIG LE DE LAS 'PHROS PA'I 'OD LNGA'I ZER, ,PHOG PAS RANG LUS LA SOGS BRTAN GA-YO KUN, ,DVANGS GSAL 'JA' TSON PHUNG POR GYUR LAS SLAR, ,RANG GNAS BDE STONG DBYINGS SU 'JUG PAR SHOG ,SKYE 'GAG GNAS GSUM BRAL BA GDOD MA'I GSHIS, ,STONG GSAL BRJOD DU MED PA GNYUG MA'I DANG, ,ZUNG 'JUG BLO 'DAS RANG SEMS RNAL 'BYOR MA, ,RANG NGO SHES NAS RTAG TU SKYONG BAR SHOG , RTZA RLUNG THIG LE AE WAm DBYINGS SU THIM, ,SEMS NYID BDE CHEN CHOS SKU'I DPAL THOB NAS, ,BGRANG YAS GZUGS SKU'I RNAM ROL DPAG MED KYIS, ,NAM MKHA'I MTHA' KLAS 'GRO 'DI SKYONG BAR SHOG , RMAD BYUNG SRAS BCAS RGYAL BA'I BYIN RLABS DANG, ,RTEN 'BREL BSLU BA MED PA'I BDEN PA DANG, ,BDAG GI LHAG BSAM DAG PA'I MTHU STOBS KYIS, ,RNAM DAG SMON PA'I GNAS KUN 'GRUB PAR SHOG , (CES TSAR PA RDO RJE 'CHANG GIS MDZAD PA'I SMON LAM 'DON, SHIS BRJOD NI,) PHUN TSOGS DGE LEGS KUN GYI DPAL MNGA' BA, ,RDO RJE 'CHANG DBANG PAn CHEN N'A RO SOGS, ,DPAL LDAN BLA MA DAM PA'I TSOGS RNAMS KYI, ,BYIN
, ,RLABS MYUR DU 'JUG PA'I BKRA SHIS SHOG ,RGYAL BA'I YUM MCHOG SHES RAB PHA ROL PHYIN, ,RANG BZHIN 'OD GSAL GDOD NAS SPROS DANG BRAL, ,BRTAN GA-YO'I DNGOS KUN SPROS DANG SDUD MDZAD MA MKHA' SPYOD CHOS KYI SKU YI BKRA SHIS SHOG ,MTSAN DPE'I DPAL 'BAR RAB MDZES BRJID PA'I SKU, ,DRUG CU'I DBYANGS LDAN THEG MCHOG SGROG PA'I GSUNG, ,YE SHES LNGA LDAN BDE GSAL MI RTOG THUGS, , LHAN SKYES LONGS SPYOD RDZOGS SKU'I BKRA SHIS SHOG ,SNA TSOGS ZHING DU SNA TSOGS GZUGS SKU YIS, ,SNA TSOGS THABS KYIS SNA TSOGS GDUL BYA'I DON, ,SNA TSOGS BSAM PA JI BZHIN SGRUB MDZAD MA,, ZHING SKYES SPRUL PA'I SKU YI BKRA SHIS SHOG ,PADMA R'A GA'I MDOG MTSUNGS RJE BTZUN MA, ,'DZUM KHRO'I NYAMS LDAN ZHAL GCIG PHYUG GNYIS KYIS, ,GRI THOD LEGS 'DZIN ZHABS ZUNG BRKYANGS BSKUMS TSUL, , SNGAGS SKYES MKHA' SPYOD MCHOG GI BKRA SHIS SHOG ,GANG GI RNAM SPRUL GRANGS MED BYE BA PHRAG ,STONG PHRAG BDUN CU RTZA GNYIS TSOGS RNAMS KYIS, ,SGRUB PA PO YI BAR CHAD KUN SEL CING, ,'DOD DON DNGOS GRUB STZOL BA'I BKRA SHIS SHOG (,CES BYAMS PA CHOS LEGS KYIS MDZAD PA 'DI BTON NA LONGS SPYOD 'PHEL BA'I RTEN 'BRAL KYANG YOD PAR GSUNGS PA 'DI NYID SOGS SHIS BRJOD KYIS MTHA' BRGYAN PAR BYA'O,) ,NYI ZLA'I LAM DU
RNAM PAR GA-YO BA'I KHAMS, ,SGRA GCAN MAL DU SAD PA'I GNYUG MA'I DBYINGS, ,BDE CHEN ROL PAR SHAR BA'I DGA' STON LA, ,SPYOD PA'I GDAMS ZANG BDUD RTZI'I GTER DU BSGRUBS, (,DE LTAR RJE BTZUN RDO RJE RNAL 'BYOR MA N'A RO MKHA' SPYOD KYI SGRUB THABS THUN MONG MA YIN PA BDE CHEN NYE LAM ZHES BYA BA 'DI NI LAM 'DI NYAMS SU LEN PA'I RNAL 'BYOR BA DAG GI RGYUN GYI RNAL 'BYOR DANG, MTSAMS BSNYEN SOGS KYI SKABS NYAMS SU LEN BDE BA'I RIM PA KHO NAR SGRIGS KYI, DKYIL 'KHOR SGRUB MCHOD DANG 'BREL BA'I SKABS DKYIL CHOG DANG SBRAGS NAS NYAMS SU LEN TSUL GYI KHYAD PAR PHYED PAR BYA'O, ,BDE MCHOG RTZA RGYUD LE'U NGA GCIG PA LAS,) GOS DANG PHYAG RGYA LNGA LA SOGS, ,SHES RAB YAN LAG PHUR BU GUR, ,A'A LI K'A LI ZHES BRJOD NAS, ,RGYU SOGS STONG PA SNGON 'GRO BA, ,'JUG PA SGRA LA SOGS PA NAS, ,JI SRID BSDUS PA'I SBYOR LDAN PA, ,BDUD RTZI TSIMS BYED MYA NGAN 'DAS, ,LAG PA'I MCHOD PA DBANG BSKUR BA, ,GO CHA CHEN POS YANG DAG BSRUNG, ,SNGAGS RNAMS KUN GYIS MCHOD PAR BYA, ,DE LTAR DE NYID BCU BZHI NI, ,MDOR BSDUS NAS NI BSHAD PA YIN, (,ZHES GSUNGS SO, ` MTHONG GROL LDE MIG LAS) SNGON 'GRO DNGOS GZHI RJES GSUM DANG PO LA, ,THUN MONG THUN MONG MIN PA'I THUN MONG BAR, ,DAL 'BYOR RHE DKA' MI RTAG LAS 'BRAS DANG, ,'KHOR BA'I NYES DMIGS THUN MONG MA YIN PAR, ,SKYABS
, ,SEMS RDOR SEMS BLA MA'I RNAL 'BYOR KHRID, ,DNGOS GZHIR BSKYED RDZOGS GNYIS KYI BSKYED PA'I SKABS, ,BYA BA BYED CAN GNYIS LAS PHYI MA'I GANGS, , NGA RGYAL RNAM PA GNYIS KYI RNAM PA LA, ,SPYI DANG BYE BRAG LUS DKYIL SEMS 'DZIN PA, ,RDZOGS PA'I RIM PAR GZHI LAM 'BRAS BU GSUM, ,GNYIS PAR CHOS NYID DNGOS DANG BRGYUD NAS STON, ,PHYI MAR CHAGS CAN CHAGS BRAL RNAM PA GNYIS, ,CHAGS BRAL RLUNG SEMS DBU MAR BSDU BSGOM ZUNG, ,BSGOM PAR BDE BA DANG NI STONG PA SGRUB, ,GSUM PA 'BRAS BU YAN LAG BDUN LDAN THOB, ,BSAM MI KHYAB BYA MJUG SDUD TSAR CHOS STON,, (,,ZHES GSUNGS SO,, 'GRO DON 'PHEL,, ,, ,,DAD LDAN RGYU SBYOR 'JIGS MED CHOS SGRON RAS, ,BLA MA LHA SRUNG SKU BDUD BZHENGS PA'I MTHUS, ,TSE RABS KUN TU MANGS RJES 'DZIN ZHING, ,MKHA' SPYOD RIG 'DZIN GO 'PHANG THOB PAR SHOG , ,, SA BYI LOR 'DZUd ZHUS LEd PAR SONG,,)