—

@(i) *, ,BOD KYI NANG BSTAN DPE TSOGS LTE BA,, Tibetan Buddhist Resource Center Text Scan Input Form - Title Page TBRC Volume Number 4694 TBRC Work Number (W) 20482 Title MDZOD 'GREL MNGON PA'I RGYAN, mdzod 'grel mngon pa'i rgyan Author 'JAM PA'I DBYANGS, 'jam pa'i dbyangs Descriptor Original Publication gangs ljongs shes rig gi nying bcud; Place pe cin Publisher krung go'i bod kyi shes rig dpe skrun khang Date 1989 Total Volumes 1 Current Volume of Total) 1 Number of TBRC Introductory Pages 2 Number of Introductory Pages 10 Number of Text Pages 768+2 TBRC Scanning Information scanned at m/s satluj infotech images, 63-f sujan singh park, new delhi 110003, india for the tibetan buddhist resource center, 150 17th st., new york city, ny 10011, usa 2005 @(ii) Mdzod 'grel mnon pa'i rgyan / Mchims 'Jam-pa'i-dbyans. LC Control Number: 96915734 Type of Material: Text (Book, Microform, Electronic, etc.) Personal Name: Mchims Nam-mkha'-grags, d. 1289 or 90. Main Title: Mdzod 'grel mnon pa'i rgyan / Mchims 'Jam-pa'i-dbyans. Variant Title: Chinese colophon title: Ju she lun zhu shi Caption Title: Chos mnon pa mdzod kyi tshig le'ur byas pa'i 'grel pa mnon pa'i rgyan Edition Information: Par thens 1. Published/Created: Zi-lin : Krun-go'i Bod kyi ses rig dpe skrun khan : Mtsho-snon 'Zin-chen 'Zin- hwa dpe khan gis bkram, 1989. Description: 2, 3, 768 p.; 27 cm. ISBN: 7800570169 Summary: Commentary on the Abhidharmako'sa of Vasubandhu. Subjects: Vasubandhu. Abhidharmako'sa. Abhidharma--Early works to 1800. Series: Gans ljons 'ses rig gi n~in bcud LC Classification: BQ2685 .M36 1989 Overseas Acq. No.: LC-Tib-A96-915734 Quality Code: lcode @(iii) GANGS LJONGS SHES RIG GI NYING BCUD, *, ,MDZOD 'GREL MNGON PA'I RGYAN, , MCHIMS 'JAM PA'I DBYANGS, KRUNG GO BOD KYI SHES RIG DPE SKRUN KHANG, @(iv) 'DI GA DPE SKRUN KHANG GIS MDZOD 'GREL 'DI'I MA PHYI LHA SA'I PAR MA GZHIR BZUNG STE BSGRIGS PA YIN, ? ? MDUN SHOG JUS 'GOD PA, REN ZHA'O CUS, ? ? ZHU DAG PA, 'PHRIN LAS DON GRUB, ? ? DPE SGRIG 'GAN 'KHUR PA, 'JIGS MED BSAM GRUB, ? ? MDZOD 'GREL MNGON PA'I RGYAN, MCHIMS 'JAM PA'I DBYANGS KYIS BRTZAMS, RDO RJE RGYAL POS BSGRIGS, KRUNG GO'I BOD KYI SHES RIG DPE SKRUN KHANG GIS PAR DU BSKRUN, MTSO SNGON MI RIGS PAR KHANG GIS PAR BTAB, MTSO SNGON ZHING CHEN ZHIN HVA DPE TSONG KHANG GIS BKRAM, 1989 LO'I ZLA 6 PAR PAR GZHI DANG PO BSGRIGS PA, 1989 LO'I ZLA 6 PAR ZI LING NAS PAR THENGS DANG PO BRGYAB PA, DEB RER SGOR, 18 @(v) *, ,<<GANGS CAN SHES RIG GI NYING BCUD>> CES PA'I DPE TSOGS 'DI SGRIG SPEL BYED PA'I DON SNYING GSAL BSHAD MDOR BSDUS, DANG PO, DMIGS YUL NI, BOD ZAL MO SGANG PA ZHES SU GRAGS PA 'DZAM GLING GI SGAL STENG DU CHAGS PA'I MI RIGS 'DI NYID LO RGYUS RING LA RTZA BA'I RIG GNAS MI RIGS KYI KHYAD CHOS LDAN PA'I GZHUNG LUGS KYANG GZHAN DRING MI 'JOG PA YOD PA ZHIG YIN GSHIS DENG SKABS 'DZAM GLING THOG RGYAL KHAB DANG SA KHUL KHAG NYI SHU LHAG TZAM ZHIG GI NANG DU BOD KYI RIG GNAS LA ZHIB 'JUG BYED MKHAN TSOGS PA CHE CHUNG MANG PO ZHIG CHED BTZUGS KYIS DO SNANG CHEN PO BYED PA DE DAG GI DGOS MKHO SKONG CHED DANG, RGYAL NANG DU SPYI TSOGS RING LUGS KYI DENG RABS CAN BZHI DANG, DNGOS PO DANG BSAM PA'I DPAL YON GNYIS 'DZUGS SPEL GYI RBA RLABS 'PHYUR BZHIN PA 'DI NYID DAR 'PHEL CI YONG MI'I SHES RIG LA RAG LAS STABS MI RIGS KYI RTZA BA'I RIG GNAS PHUL BYUNG RNAMS NYAMS PA SOR CHUD DANG MA NYAMS GONG 'PHEL GTONG DGOS PA'I DGOS MKHO SKONG BA'I CHED DU YIN, GNYIS PA, BYED THABS NI, 'DI GA KRUNG GO'I BOD KYI SHES RIG ZHIB 'JUG LTE GNAS KYIS SNGAR RGYA DKAR RGYA NAG SOGS KYI YI GE NAS BOD YIG TU BSGYUR PA'I BKA' 'GYUR RANG BSTAN 'GYUR CHA TSANG BA DPE SKRUN BYA RGYU'I LAS 'GO BTZUGS ZIN PA PHUD, DA PHAN BOD RANG NYID KYI KHAS PAS MDZAD PA'I BSTAN BCOS MI TZAM YOD PA DA LTA DKAR CHAD DANG GLEGS BAM DNGOS SU MTHONG BAR RTZOM PA PO NYIS STONG LHAG TZAM GYI GSUNG RTZOM POD KHRI PHRAG GSUM TZAM ZHIG 'DUG PA DE DAG YONGS RDZOGS SDEB CIG TU DPE SKRUN THUB THABS MED PAR BRTEN SNGA 'PHROS LAG LEN DU 'KHYOL THUB TSOD LA DPAGS TE 'DEMS SGRUG GIS LO RERE DEB BCU RE BTON TE LO LNGA'I NANG LA DEB LNGA BCU THAM PA 'DON SPEL BYA RGYU'I 'CHAR GZHI BKOD PA LTAR 1988 LO'I LO SMAD NAS BZUNG RGYAL KHAB PHYI NANG GANG SAR 'GREMS RGYU YIN, GSUM PA, DE DAG GI NANG DON NI, SGRA RIG PA DANG, TSAD MA RIG PA, BZO RIG PA, GSO BA RIG PA BCAS THUN MONG BA'I RIG GNAS BZHI DANG, THUN MONG MIN PA NANG DON RIG PA STE RIG GNAS @(vi) CHE BA LNGA DANG, SNYAN NGAG DANG, MNGON BRJOD, SDEB SBYOR, ZLOS GAR, SKAR RTZIS BCAS RIG GNAS CHUNG BA LNGA, GZHAN YANG LO RGYUS DANG, CHOS 'BYUNG, RNAM THAR SOGS TE, MDOR NA SHES BYA'I GNAS LA DON GNYER GYI SBYANG BRTZON DANG, BRTAG ZHIB, LAG BSTAR SOGS MDZAD PA PO RNAMS KYIS KHUNGS 'TSOL SA DANG, GZHI 'DZIN SA, PHUGS BCOL SA BCAS KYI DON SNYING LDAN PA RNAMS YIN, BZHI PA, DE DAG LA PHAN NUS CI YOD DAM, DPE DEB 'DI DAG LA NUS PA GANG ZHIG YOD DAM ZHE NA, DPE DEB 'DI RNAMS MKHAS PAS 'CHAD NYAN DPYAD GSUM MAM, DGAG BZHAG SPANG GSUM SOGS BSREGS BCAD BRDAR GSUM GYI SGO NAS GTAN LA PHAB PA LUNG DANG RIGS PA GANG THAD NAS GDENG 'KHEL BA RNAMS BDAMS NAS BSGRIGS PA ZHIG YIN PAS RANG NYID LA GSUNG RAB DANG GZHUG GI DKA' GNAD GANG ZHIG PHRAD RUNG DE THAD KYI GZHUNG GI 'GREL PA RNAMS 'PHYUGS MED LAG LEN DU 'KHYOL NA DKA' GNAD DE THAG GCOD THUB NGES SHA STAG YIN, NANG DON GTZO BO RNAMS DEB SO SO'I 'GOR YANG NGO SPROD BYAS YOD, KRUNG GO'I BOD KYI SHES RIG ZHIB 'JUG LTE GNAS NAS 1987 LO'I ZLA 7 PA'I TSES 1 LA, @(vii) DPE SKYAN GSAL BSHAD, <<CHOS MNGON PA MDZOD KYI TSIG LE'UR BYAS PA'I 'GREL PA MNGON PA'I RGYAN>> ZHES PA 'DI NI MCHIMS CHEN PO 'JAM PA'I DBYANGS KYIS MDZAD PA ZHIG YIN, MKHAS GRUB DAM PA 'DI'I 'KHRUNGS YUL DANG 'KHRUNGS LO SOGS GSAL PO ZHIG MA RNYED KYANG PHAL CHER RAB BYUNG GSUM PA'I SMAD TZAM LA 'KHRUNGS, RAB BYUNG LNGA PA'I BGRANG BYA DANG PO'I ME YOS (SPYI LO 1267) LA 'DAS, MKHAS PA'I DBANG PO 'DI NI SKU NA CHUNG BA'I DUS NAS DGE BA'I BSHES GNYEN DU MA'I ZHABS LA GTUGS TE SKU TSE GANG POR THOS BSAM SGOM GSUM LA RTZE GCIG TU GZHOL BAS MKHAS PA CHEN PO'I GO 'PHANG BRNYES, SPYIR MNGON PA MDZOD LA GANGS CAN GYI MKHAS PA SO SO'I 'GREL BSHAD MANG DU YOD NA'ANG 'GREL PA 'DI NI LO RGYUS KYI CHA NAS CHES SNGA SHOS YIN PA DANG, MAN NGAG GI KHUNGS BCOL SA NI RGYAL BA'I BKA' DANG, YE SHES LA 'JUG PA SOGS MNGON PA SDE BDUN, SLOB DPON DBYIG GNYEN GYIS MDZAD PA'I MNGON PA MDZOD RTZA 'GREL SOGS YIN PA DANG, MDZOD 'GREL MNGON PA'I RGYAN GYI GZHUNG 'DIS NI PHAL CHER KHA CHE BYE BRAG TU SMRA BA'I TSUL GRUB PA DANG MTHUN PAR KHAMS DANG, DBANG PO DANG, 'JIG RTEN DANG, LAS DANG, PHRA RGYAS DANG, LAM DANG, GANG ZAG DANG, YE SHES DANG, SNYOMS 'JUG STE GNAS BRGYAD KYI BDAG NYID CAN DU BSHAD PAS 'GREL PA 'DI NYID MDZOD 'GREL GZHAN LAS KHYAD PAR DU 'PHAGS SHING, SA DGE RNYING GSUM DANG JO 'BRUG KAR GSUM SOGS GRUB MTHA' RIS MED KYI MKHAS PA DU MAS CHOS MNGON PA MDZOD KYI KHUNGS GTUGS SA NI LEGS BSHAD 'DI LA BCOL BA YIN STABS CHES RTZA CHE BA DANG SKAD GRAGS CHE BA, DPE RGYUN DKON PA BCAS YIN PA DANG, LHAG PAR DU BOD KYI RIG GNAS BCUR BSDUS PA'I RIG GZHUNG RGYA MTSO LTA BU LA 'JUG DANG 'JUG BZHIN PA'I BLO LDAN RNAMS KYI DGOS MKHO LA DMIGS TE PAR DU BSKRUN PA YIN, KRUNG GO'I BOD KYI SHES RIG DPE SKRUN KHANG GIS, 1988 LO'I ZLA 5 TSES 20 LA, @(viii) DKAR CHAG MCHOD PAR BRJOD PA, ... (1) BSTAN BCOS KYI SNGON DU 'GRO BA SPYIR BSHAD PA, ... (3) GZHUNG DNGOS 'CHAD PA LA, ... (31) GNAS DANG PO, KHAMS BSTAN PA, ... (31) (GCIG) DBANG PO LNGA BSHAD PA, ... (37) (GNYIS) DON LNGA BSHAD PA, ... (38) 1. GZUGS SEMS LAS GZHAN PA'I PHUNG KHAMS SKYE MCHED BSHAD PA, ... (48) 2. RTOG BCAS DPYOD BCAS SOGS BSHAD PA, ... (78) GNAS GNYIS PA, DBANG PO BSTAN PA, ... (101) (GCIG) DBANG PO'I RANG BZHIN BSHAD PA, ... (101) (GNYIS) 'DUS BYAS KYI SKYE TSUL RGYAS PAR BSHAD PA, ... (124) 1. RGYU RKYEN 'BRAS BU DANG BCAS PA BSHAD PA, ... (184) 1. BYED RGYU BSHAD PA, ... (185) 2. LHAN CIG 'BYUNG BA'I RGYU BSHAD PA, ... (186) 3. SKAL MNYAM GYI RGYU BSHAD PA, ... (193) 4. MTSUNGS LDAN GYI RGYU BSHAD PA, ... (197) 5. KUN 'GRO'I RGYU BSHAD PA, ... (197) 6. RNAM PAR SMIN PA'I RGYU BSHAD PA, ... (198) 2. 'BRAS BU BSHAD PA, ... (198) 3. RKYEN BSHAD PA, ... (203) (ix) GNAS GSUM PA, 'JIG RTEN BSTAN PA, ... (230) (GCIG) SEMS CAN GYI 'JIG RTEN BSTAN PA, ... (230) (GNYIS) SNOD KYI 'JIG RTEN 'CHAD PA, ... (279) 1. MI MJED 'JIG RTEN GYI KHAMS 'DI'I RNAM BZHAG BSTAN PA, ... (280) 2. SEMS CAN GYI GNAS BSTAN PA, ... (290) 3. 'JAL BYED KYI TSAD BSHAD PA, ... (320) GNAS BZHI PA, LAS BSTAN PA, ... (338) (GCIG) LAS KYI RANG BZHIN BSHAD PA, ... (338) (GNYIS) MDO LAS GSUNGS PA'I LAS RGYAS PAR BSHAD PA, ... (385) 1. LAS SUM TSAN DU DBYE BA, ... (386) 2. MYONG 'GYUR GYI DBYE BA, ... (390) 3. DKAR NAG LA SOGS PA BZHIR DBYE BA, ... (398) 4. THUB PA GSUM LA SOGS PAR DBYE BA, ... (401) 5. LEGS SPYAD NYES SPYAD DU DBYE BA, ... (403) 6. DGE BCU MI DGE BCUR DBYE BA, ... (404) 7. LAS 'BRAS BU DANG BCAS PAR DBYE BA, ... (429) 8. RIGS PA DANG RIGS PA MA YIN PAS BSKYED PA'I DBYE BA, ... (432) 9. 'PHEN BYED DANG RDZOGS BYED KYI DBYE BA, ... (433) 10. SGRIB PA GSUM BSHAD PA, ... (435) 11. MTSAMS MED PA LNGA BSHAD PA, ... (437) 12. DE DANG NYE BA LNGA BSHAD PA, ... (445) 13. BSOD NAMS BYA BA'I GZHI GSUM BSHAD PA, ... (454) 14. CHA MTHUN GYI DGE BA GSUM BSHAD PA, ... (477) 15. RIGS PAS RAB TU BCUG PA'I LAS BSHAD PA, ... (477) GNAS LNGA PA, PHRA RGYAS BSTAN PA, ... (480) @(x) (GCIG) PHRA RGYAS KYI RANG BZHIN, ... (480) (GNYIS) PHRA RGYAS JI LTAR SPONG TSUL BSHAD PA, ... (538) (GSUM) SPANGS PA'I 'BRAS BU YONGS SHES BSHAD PA, ... (543) GNAS DRUG PA, LAM DANG GANG ZAG BSTAN PA, ... (551) (GCIG) MTSAMS SBYAR BA'I TSUL GYIS MDOR BSTAN PA, ... (551) (GNYIS) DMIGS PA'I YUL BDEN PA BSHAD PA, ... (552) (GSUM) MNGON PAR RTOGS PA'I RIM PA BSHAD PA, ... (558) (BZHI) SGOM PA PO'I GANG ZAG RNAM PAR BZHAG PA, ... (591) (LNGA) MNGON PAR RTOGS PA'I LAM STON PA, ... (634) GNAS BDUN PA, YE SHES BSTAN PA, ... (652) (GCIG) BZOD PA DANG SHES PA DANG LTA BA'I KHYAD PAR BSHAD PA, ... (652) (GNYIS) SHES PA BYE BRAG TU BSHAD PA, ... (653) (GSUM) DE DAG GI YON TAN BSHAD PA, ... (682) GNAS BRGYAD PA, SNYOMS PAR 'JUG PA BSTAN PA, ... (713) (GCIG) BSAM GTAN GZUGS MED BSHAD PA, ... (713) (GNYIS) DE LA BRTEN PA'I YON TAN BSHAD PA, ... (748) THA MAR DGE BA MJUG GI DON, ... (765) MDZAD BYANG, ... (767) @001 CHOS MNGON PA MDZOD KYI TSIG LE'UR BYAS PA'I 'GREL PA MNGON PA'I RGYAN ZHES BYA BA BZHUGS, , @002 BLANK PAGE @003 BSTAN BCOS KYI SNGON DU 'GRO BA SPYIR BSHAD PA, 'DI LTAR BDE BAR GSHEGS PA MYA NGAN LAS 'DAS NAS LO STONG DU NYE BA NA RIG PA'I GNAS MA LUS PA THUGS SU CHUD CING RANG DANG GZHAN GYI GZHUNG LUGS RGYA MTSO'I PHA ROL TU SON PAS THUB PA'I GSUNG RAB MA LUS PA'I MIG GCIG PUR GYUR PA SLOB DPON CHEN PO DBYIG GNYEN ZHABS ZHES BYA BA BYUNG STE, DE NI SANGS RGYAS BCOM LDAN 'DAS KYIS 'JAM DPAL RTZA BA'I RGYUD LAS, DE 'OG RNAM PAR GRAGS PA NI, ,LHO YI PHYOGS SU BRAM ZE NI, ,YI GE'I DANG PO BA BSTAN PA, ,SANGS RGYAS BSTAN LA DE GTZO BYED, ,CES LUNG BSTAN PA YIN NO, ,DE LTA BU'I SLOB DPON CHEN PO DES YE SHES LA 'JUG PA LA SOGS PA MNGON PA SDE BDUN DANG, BYE BRAG TU BSHAD PA CHEN PO'I DON RNAMS LEGS PAR BSDUS TE, KHA CHE BYE BRAG TU SMRA BA'I GRUB PA'I TSUL RNAM PAR BSHAD NAS DE DAG GIS RNAM PAR BRTAGS PA'I LUGS LUNG DANG RIGS PA LAS 'ONGS PA MA YIN PA 'GA' ZHIG DGAG PA'I TSIG GI ZUR DANG BCAS PA'I BSTAN BCOS 'DI MDZAD PA YIN NO,, 'DI YANG BSHAD PA LA 'JUG PA DANG, BSHAD PA DGOD PA DANG, YONGS SU RDZOGS PA'I BYA BA GSUM GYIS NGES PAR BYA'O, ,DANG PO LA'ANG GSUM LAS MCHOD PAR BRJOD CING BSHAD PAR DAM BCA' BA (LA'ANG GNYIS KYI DANG PO MCHOD PAR BRJOD PA,) NI GANG ZHIG CES BYA BA LA SOGS PA STE, ('DI LA GSUM LAS DANG PO,) 'DI YANG DON GSUM GYIS NGES PAR BYA STE, DGOS PA DANG, BSDUS PA DANG, TSIG GI DON TO, ,DANG PO LA'ANG GNYIS LAS MCHOD PAR BRJOD PA'I DGOS PA ('I DON NI) SANGS RGYAS BCOM LDAN 'DAS LA YON TAN BRJOD PA SNGON DU 'GRO BA'I PHYAG 'TSAL BA LA NI GNAS SKABS (DANG MTHAR THUG) KYI DGOS PA (GNYIS LAS DANG PO LA'ANG) GSUM YOD DE, STON PA'I CHE BA SHES PA DANG, BSOD NAMS 'PHEL BA DANG, DAM PA RNAMS KYI SPYOD PA DANG MTHUN PA'O, , MTHAR THUG GI DGOS PA NI THAR PA THOB PA NYID YIN NO, ,YANG NA SANGS RGYAS BCOM LDAN 'DAS LA BSTOD PAS NI STON PA'I CHE BA RTOGS PAR BYED CING, PHYAG 'TSAL BAS BSOD NAMS 'PHEL BAR BYED @004 LA, GNYIS KAS DAM PA DANG RJES SU MTHUN ZHING, CHE BA SHES PAS DE LA GUS PAS DE'I GSUNG RAB LA THOS PA LA SOGS PAS RIM GYIS 'JUG PA DANG, BSOD NAMS 'PHEL BAS RTZOM PA MTHAR PHYIN PA DANG, DAM PAR SHES NAS DE'I BSTAN BCOS LA ZHUGS PAS MTHAR MYANG 'DAS THOB PAS NA THAMS CAD KYI DGOS PA NI THAR PA NYID YIN TE 'GREL BA LAS, [BSTAN BCOS BYED PAR 'DOD PAS RANG GI STON PA'I CHE BA'I BDAG NYID SHES PAR BYA BA'I PHYIR DE LA YON TAN BRJOD PA SNGON DU 'GRO BA'I PHYAG 'TSAL BA RTZOM MO ZHES BYA BA DANG, tIKA LAS PHYAG 'TSAL BA RTZOM PA NI RANG GI BSOD NAMS SPEL BA'I PHYIR RO ZHES BYA BA DANG, RNAM PA GCIG TU NA DAM PA RNAMS KYI SPYOD PA'I RJES SU 'JUG PAR RAB TU BSTAN PA'I PHYIR TE, DAM PA RNAMS KYI SPYOD PA NI MNGON PAR 'DOD PA'I LHA LA MCHOD PA DANG BSTOD PA DANG PHYAG BYAS NAS BYA BA RTZOM PA YIN NO ZHES PA DANG, CHE BA'I BDAG NYID SHES CI DGOS SHE NA, DE LA GUS PA BSKYED PA'I PHYIR RO, ,GUS PA BSKYED PA YANG GUS PAR BYAS TE DE'I GSUNG RAB MNYAN PAR BYA BA'I PHYIR RO, ,DE LA GUS PAR BYAS TE MNYAN PA YANG RIM GYIS THOS PA DANG BSAM PA DANG BSGOMS PA LAS BYUNG BA'I SHES RAB BSKYED PA'I PHYIR RO, ,DE BSKYED PA YANG NYON MONGS PA SPANG BA'I PHYIR LA, DE YANG SDUG BSNGAL THAMS CAD NYE BAR ZHI BA'I MTSAN NYID MYA NGAN LAS 'DAS PA THOB PAR BYA BA'I PHYIR TE DGOS PA NI DER ZAD DO ZHES BSHAD PA'I PHYIR RO, ,BKA' LA GUS NA DE LA BRTEN PA'I BSTAN BCOS LA GUS PA'ANG SHUGS 'GRUB STE, DE NI DE'I TSIG DON NYID 'CHAD PA'I PHYIR RO, , GNYIS PA BSHAD PAR DAM BCA' BA'I (LA'ANG GSUM LAS DANG PO,) DGOS PA (LA GNYIS LAS RANG DON) NI RTZOM PA THAR PHYIN PAR 'GYUR BA YIN TE, SKYES BU DAM PA RNAMS NI DAM BCAS PA'I KHUR MI 'DOR BA'I PHYIR TE, JI SKAD DU, GZHAN DON BRTZE BA CAN RNAMS SROG PHYIR YANG, ,RANG GI NUS PA LHOD PAR MI BYED DE, ,SKYES BU DAM PA KHUR LCI 'KHUR BA DAG ,NYAM NGA'I LAM DU NAM YANG 'DOR MI BYED, ,CES GSUNGS PA LTA BU'O, ,(GZHAN DON NI BSTAN BCOS KYI MTSAN DANG BCAS TE BSTAN PAS 'JUG SGO NGO SHES PA'O) BSDUS PA'I DON NI TSIGS BCAD 'DIS SANGS RGYAS BCOM LDAN 'DAS LA BSTOD PA SNGON DU 'GRO BA CAN GYI PHYAG 'TSAL BA DANG, BSHAD PAR DAM BCA' BA GNYIS BSTAN PA YIN NO, ,TSIG (GSUM PA) GI DON LA (GNYIS LAS MCHOD YUL NGOS GZUNG BA NI GANG ZHIG DE LA ZHES BA STE DE LA,) GANG ZHIG NI SPYI'I SGRA YIN YANG (BYE BRAG LA 'JUG PA'I RGYU SKABS DANG SHUGS DANG LDAN BRAL DANG KHYAD PAR GYI SGRA DANG SBYAR BA BZHI LAS 'DIR NI,) KHYAD PAR GYI SGRA SBYAR BAS SANGS RGYAS BCOM LDAN 'DAS SU @005 SHES TE KUN LA MUN PA GTAN BCOM PA LA SOGS PA'I KHYAD PAR GYI SGRA DANG 'BREL BA'I PHYIR DPER NA BRAM ZE RNAMS KYI NANG NAS KHA DOG DKAR SHAM GOS DKAR PO GYON PA GANG YIN PA DE KHRID LAS SHOG CES BRJOD NA BRAM ZE LHA SKYID KHO NA GO BA LTA BU'O, ,DE NYID KYI PHYIR 'GREL PA LAS, [GANG ZHIG CES BYA BA NI SANGS RGYAS BCOM LDAN 'DAS KYI DBANG DU BYAS NAS SMRAS PA'O] ZHES 'BYUNG NGO ZHES RGYAL PO'I SRAS 'CHAD DO, , SLOB DPON GANG SPEL NI 'DI NI CHOS MNGON PA 'CHAD PA'I SKABS YIN LA, DE 'CHAD PA NAS SANGS RGYAS LAS GZHAN LA BSTOD PA MI BYED PAS SKABS KYI STOBS KYIS SPYI SGRA BYE BRAG LA GO BA DANG, BE'U DANG BCAS PA'I BRUS MA 'ON CIG CES PA LTAR LDAN BRAL GYI STOBS KYIS SPYI SGRA BYE BRAG LA GO BA GNYIS KA YIN PAR 'CHAD MOD KYI 'ON KYANG SKABS KYI STOBS KYIS NI MA YIN TE, DE NI SEN DHA PA 'ON ZHES PA LTA BU KHYAD PAR GYI SGRA MED PA'I RTZOM PA YIN NA, 'DIR NI KHYAD PAR GYI SGRA SBYAR BA'I PHYIR RO, ,(DE LA JI LTAR MCHOD PAR BRJOD PA LA BSTOD PA DANG PHYAG GNYIS LAS DANG PO LA GSUM GYI RANG DON LA SPANGS RTOGS GNYIS LAS DANG PO NI,) KUN LA ZHES BYA BA NI SKYE MCHED BCU GNYIS TE, MDO LAS BRAM ZE THAMS CAD CES BYA BA NI SKYE MCHED BCU GNYIS JI RNYED PA YIN NO ZHES GSUNGS PA'I PHYIR RO, ,MUN PA NI YANG DAG PA'I DON MTHONG BA LA GEGS SU GYUR PA'I PHYIR NYON MONGS PA DANG SHES BYA'I SGRIB PA STE MUN PA DANG 'DRA BA'I PHYIR RO, , DE LA DANG PO NI 'DOD CHAGS LA SOGS PA'I BDAG NYID YIN LA, ([RANG SANGS RGYAS DANG NYAN THOS RNAMS KYANG NYON MONGS PA CAN GYI RMONGS PA DANG BRAL BA'I PHYIR,]) GNYIS PA NI THEG CHEN PA LTAR GZUNG 'DZIN GNYIS SNANG GI RTOG PA LA 'DOD MOD KYI, NYAN THOS SDE PA DAG GIS NI MA YIN TE, DE NI SANGS RGYAS LA'ANG YOD PAR 'DOD PA'I PHYIR TE, PHYI ROL DON GRUB LAS, RING DANG PHRA SOGS SHES PA LAS, , RNAL 'BYOR CAN ZHES BYE BRAG DBYE'I, ,THAMS CAD MKHYEN MIN THAL 'GYUR PHYIR, ,GNYIS KYI RNAM PA LAS GROL MIN ZHES BYA BA DANG, GNYIS RNAM GROL BA'I SHES PA LA, ,RNAM PA KUN TU KUN RIG CES, ,BYA BA 'DI NI NGO MTSAR CHE, ,DE PHYIR 'DZIN PA'I NGO BOR YOD CES GSUNGS PA'I PHYIR RO, , DES NA NYON MONGS PA CAN MA YIN PA'I MI SHES PA NI SHES BYA'I SGRIB PA STE, 'GREL PA LAS, ['DI LTAR DE DAG LAS SANGS RGYAS KYI CHOS DANG, YUL DANG, DUS SHIN TU BSKAL BA DANG, DON RAB TU DBYE BA MTHA' LAS PA RNAMS LA NYON MONGS PA CAN MA YIN PA'I MI SHES PA YOD PA NYID DO] ZHES GSUNGS PA'I PHYIR RO, ,('O NA DE GANG YIN NA, DE NI MTHA' GZHAN BKAG PA'I RIGS PAS SHES TE, SHES BYA THAMS CAD 'DUS BYAS DANG 'DUS MA BYAS GNYIS SU NGES SHING 'DUS BYAS LA ZAG MED DANG ZAG BCAS GNYIS SU @006 NGES PA LAS 'DUS MA BYAS DANG ZAG MED 'DUS BYAS NI LDONGS PAR MI BYED CING GNYEN PO YIN PAS MUN PA'I BYED PA DANG MTSAN NYID DANG MI LDAN PAS MUN PA MA YIN LA ZAG BCAS LA'ANG GNYIS LAS NYON MONGS CAN NI MUN PA DANG PO NYID YIN PAS NYON MONGS CAN MA YIN PA DGE BA ZAG BCAS DANG MA BSGRIBS LUNG MA BSTAN GYI BYE BRAG 'OG NAS 'BYUNG BA'I MI SHES PA'I RGYU BZHI BO LTA BU YIN TE,) DE LA SANGS RGYAS KYI CHOS MI SHES PA NI (MDO LAS,) GNAS BRTAN SH'A RI'I BU LA STON PAS (SH'A RI'I BU,) KHYOD KYIS DE BZHIN GSHEGS PA'I TSUL KHRIMS KYI PHUNG PO LA SOGS PA SHES SAM ZHES BKA' STZAL PA NA, GSOL PA, MA 'TSAL TO ZHES BYA BA SOGS PA GSUNGS PA BZHIN NO, , YUL GYIS BSKAL BA MI SHES PA NI GNAS BRTAN MO'U 'GAL GYI BUS RANG GI NA 'OD ZER CAN GYI 'JIG RTEN DU SKYES BA MA SHES PA DANG, DUS KYIS BSKAL BA MI SHES PA NI 'PHAGS PA SH'A RI'I BUS KHANG BDAG DPAL SKYES KYIS SNGON THAR PA'I CHA MTHUN BSKYED PA MA SHES PA DANG, DON RAB TU DBYE BA MTHA' YAS PA NI KHAMS DANG 'GRO BA DANG SKYE GNAS DANG SKYE BA LA SOGS PA'I BYE BRAG RTOGS PAR DKA' BA RNAMS TE, DE DAG MI SHES PA NI DPER NA RMA BYA'I MDONGS KYI KHA DOG SNA TSOGS KYI RGYU MI SHES PA LA SOGS PA LTA BU STE, GNAS BRTAN SGRAG CAN ZIN GYIS MA BYA'I MDONGS NI GCIG LA YANG, ,RGYU YI RNAM PA THAMS CAD NI, ,KUN MKHYEN MIN PAS SHES BYA MIN, ,DE SHES KUN MKHYEN STOBS YIN NO ZHES GSUNGS PA LTA BU'O, ,DES NA MI SHES PA BZHI PO DE LTA BU NI SHES BYA'I SGRIB (NYON MONGS PA CAN MA YIN PA'I MUN,) PA YIN NO ZHES NGES PAR BYA'O, ,(NGES TSIG NI SKYE BO LONG BA DANG 'DRA BAR LDONGS PAR BYED PAS NA MUN PA STE, 'GREL PA LAS MI SHES PA NI YANG DAG PA'I DON MTHONG BA LA GEGS SU GYUR PA'I PHYIR MUN PA STON ZHES PA DANG, CHED DU BRJOD PA'I TSOMS KYI 'GREL PA LAS KYANG, 'JIG RTEN MTHONG BAR NUS PA LA JI LTAR GEGS NI BYED PA YI, ,MUN PA DE BZHIN MA RIG PA, ,DE NYID MTHONG LA BSHAD PA YIN, , ZHES 'BYUNG PA'I PHYIR RO, ,RNAM GRANGS NI MI SHES PA DANG, ,DE NYID MTHONG LA BSHAD PA YIN, , PA'O, ,SPANG BYA GZHAN YANG YOD KYANG 'DIR MUN PA KHO NA SLOS PA NI SPANG BYA'I GTZO BO YIN PA'I PHYIR DANG, YE SHES PHUN SUM TSOGS PA'I DNGOS KYI 'GAL ZLA YIN PA'I PHYIR RO ZHES SLOB DPON GANG SPEL 'CHAD DO, , GNYIS PA DE JI LTAR BCOM PA'I TSUL NI MUN PA DE DAG RDZOGS PA'I SANGS RGYAS KYIS GNYEN PO YE SHES BRNYES NAS BAG CHAGS DANG BCAS PA SHES BYA THAMS CAD LA PHYIS YE MI SKYE BA'I CHOS CAN DU GTAN NAS BCOM ZHING SPANGS PA YIN,) GTAN NAS BCOM PA NI GNYEN PO BRNYES PAS PHYIS YE MI SKYE BA'I CHOS CAN DU @007 BYAS PA'O, ,'DIS NI NYAN THOS LA SOGS PA LAS SPANGS PA KHYAD PAR CAN DU BSTAN TE, DE DAG LA NYON (MONGS PA CAN GYI MUN PA) SGRIB SPANGS PA TZAM YOD KYANG (BAG CHAGS DANG BCAS PA MA SPANGS PAS,) NYAMS PA SRID PA'I PHYIR DANG, (NYON MONGS PA CAN MA YIN PA'I,) SHES SGRIB NI RNAM PA THAMS CAD DU MA SPANGS PA'I PHYIR RO, ,(DE'I PHYIR 'GREL BA LAS, RANG SANGS RGYAS DANG NYAN THOS RNAMS KYANG NYON MONGS PA CAN GYI RMONGS PA DANG BRAL BA'I PHYIR KUN LA MUN PA BCOM PAR NI 'DOD MOD GYIS GTAN NAS NI MA YIN TE, 'DI LTAR DE DAG LA SANGS RGYAS KYI CHOS DANG, ,YUL DANG, DUS SHIN TU BSKAL BA DANG, DON RAB TU DBYE BA MTHA' YAS PA RNAMS LA NYON MONGS PA CAN MA YIN PA'I MI SHES PA YOD PA NYID DO, ,ZHES 'BYUNG STE, DE DAG NI BSHAD ZIN TO,,) DE LTA NA NYAN THOS LA SOGS PA DE DAG SDUG BSNGAL MTHAR BYAS MA YIN PAR 'GYUR TE, MDO LAS, DGE SLONG DAG CHOS GCIG MNGON PAR MA SHES SHING YONGS SU MA SHES PAR YANG SDUG BSNGAL GYI MTHAR BYED PAR NGA MI SMRA'O ZHES PA DANG, MDO GZHAN LAS, CHOS GCIG YONGS SU MA SHES SHING MA SPANGS PAR YANG SDUG BSNGAL GYI MTHAR BYED PAR NGA MI SMRA'O ZHES GSUNGS PA'I PHYIR RO, ,ZHE NA, MA YIN TE, DE DAG GIS NYON SGRIB NI NGO BO'ANG SPANGS LA, SHES SGRIB NI 'DUN PA'I 'DOD CHAGS DANG BRAL BA'I TSUL GYIS SPANGS TE, MDO LAS, DGE SLONG DAG KHYED KYIS MIG LA 'DUN PA DANG 'DOD CHAGS GANG YIN PA DE SPONGS SHIG DANG, DE LTA NA KHYED KYIS MIG DE SPANGS PAR 'GYUR RO ZHES GSUNGS PA LTA BU'O, ,DES NA SGRIB PA DE DAG SPANGS PA TZAM YIN MOD KYI 'ON KYANG GTAN NAS SPANGS PA NI MA YIN TE, DE NI YE MI SKYE BA'I CHOS CAN DU BYAS PA LA BRJOD LA NYAN THOS LA SOGS PA LA NI DE DAG KUN TU 'BYUNG BA'I PHYIR RO ZHES BYA BA'O, ,DES NA SHES BYA THAMS CAD LA SGRIB PA THAMS CAD GTAN NAS BCOM PAS NI SPANGS PA PHUN SUM TSOGS PA BSTAN PA YIN LA, 'DIS NI YE SHES PHUN SUM TSOGS PA'ANG SHUGS LA BSTAN TE, SHES BYA THAMS CAD MKHYEN PA'I GEGS THAMS CAD BCOM PAR BSTAN PA'I PHYIR DANG, SPANGS PA YANG GNYEN PO LA MI 'KHRUL BA'I PHYIR DANG, GNYEN PO'ANG JI SNYED PA DANG JI LTA BA MKHYEN PA'I YE SHES (DE YANG THEG PA CHEN PO YE SHES BZHI'AM LNGAR 'DOD KYANG SDE PAS JI LTA BA DANG JI SNYED PA MKHYEN PA GNYIS KHO NAR 'DOD DO,) YIN PA'I PHYIR RO, ,'DIR SLOB DPON GANG SPEL KUN LA'I SGRAS SPANGS PA DANG, GTAN ZHES PAS YE SHES PHUN SUM TSOGS PA BSTAN TO ZHES 'CHAD PA NI LEGS PA MA YIN TE, DE DAG BRJOD BYA DANG RJOD BYED DU MA GRUB PA'I PHYIR DANG, SHUGS LA'ANG MI GO BA'I PHYIR RO, ,DE LTAR NA SPANGS @008 RTOGS PHUN SUM TSOGS PA NI RANG GI DON PHUN SUM TSOGS PA YIN NO,, GZHAN GYI DON PHUN SUM TSOGS PA NI 'KHOR BA'I ZHES PA STE, KHAMS GSUM DU 'KHOR BAS NA 'KHOR BA STE, DE DAG TU SKYE 'CHI THOG MTHA' MED PAR BRGYUD PA'I PHYIR RO, ,DE NYID KUN TU CHAGS PA'I GNAS YIN PAS 'BYING BA'I BDAG NYID YIN PA DANG, G-YO ZHING GZHAN LA BRTEN NAS RGAL DGOS PAS RGAL BAR DKA' BAS 'DAM DANG 'DRA STE 'KHOR BA NI SRED PA LA SOGS PAS MNGON PAR BRLAN PAS 'GRO BA KUN DU CHAGS PA'I GNAS YIN LA, LTA BA DANG THE TSOM GYIS BSKYOD PA'I PHYIR DANG, RGAL BA NA SANGS RGYAS LA BRTEN NAS RGAL DGOS PAS RGAL BAR DKA' BA'I PHYIR 'KHOR BA'I 'DAM MO, ,DER BYING BA'I 'GRO BA RNAMS DRANGS MDZAD PA NI DE LAS THAR BAR MDZAD PA'O, ,(GZHAN LA PHAN PA SGRUB PA'I THABS PHUN SUM TSOGS PA NI, 'O NA GZHAN GYI DON DE,) THABS GANG GIS BYAS SHE NA, DON BZHIN STON PA STE THAR PA'I LAM JI LTA BA BZHIN BSTAN PAS YIN NO, ,(STON PA THUGS BRTZE BA DANG LDAN PAS BDEN BZHI'I DON JI LTA BA BZHIN PHYIN CI MA LOG PAR STON PA GSUNG GI 'PHRIN LAS DAM PA'I CHOS STON PA'I PHYAG BRKYANG BAS GDUL BYA RNAMS SKAL BA JI LTA BA BZHIN 'KHOR BA LAS DRANGS KYI THABS GZHAN GYIS NI MA YIN NO, ,GAL TE 'KHOR BA DANG 'GRO BA LA THA DAD MED PAS 'BYUNG KHUNGS KYI SGRA MI 'THAD DO, ,ZHE NA, SPYI DANG BYE BRAG SKAL BA DANG LDAN PA RNAMS DRANGS PAS SKYON MED DO, ,) 'DIS NI 'GREL PA LAS, RDZU 'PHRUL DANG DAM PA SBYIN PA'I MTHUS NI MIN NO ZHES 'BYUNG BAS KHA CIG KHYAB 'JUG GI RDZU 'PHRUL GYI MTHU DANG, DBANG PHYUG CHEN POS DAM PA SBYIN PA'I MTHUS 'GRO BA DRANGS SO ZHES ZER BA DANG, YANG NA RDZU 'PHRUL DANG DAM PA SBYIN PA DANG MTHU ZHES THA DAD DU BYAS TE, DE LA MTHU NI NUS PA STE NOR BU DANG SMAN LA SOGS PA'I NUS PAS RIMS NAD SEL BA LA SOGS PAS DRANGS SO ZHES ZER BA RNAMS BSAL TE, YANG DAG PA'I LAM BSTAN PA MED PAR 'KHOR BA LAS 'DREN PA NI GANG GIS KYANG MI NUS PA'I PHYIR TE, CHED DU BRJOD PA'I TSOMS LAS, SRED PA'I ZUG RNGU GCOD MDZAD PA'I, ,LAM NI KHYOD LA NGAS BSTAN BYA, ,KHYED NYID KYIS NI BSGRUB BYA STE, ,DE BZHIN GSHEGS PA STON MDZAD YIN ZHES GSUNGS PA DANG, DE'I 'GREL PAR, THUB RNAMS SDIG PA CHU YIS 'KHRU BAR MI MDZAD LA, ,'GRO BA'I SDUG BSNGAL PHYAG GIS KYANG NI SEL MI MDZAD, ,NYID KYI RTOGS PA GZHAN LA SPO BAS MA YIN TE, ,CHOS NYID ZHIB BSTAN PAS GROL BAR MDZAD PA YIN ZHES BYA BA DANG, 'PHAGS PA KLU SGRUB KYIS KYANG, BRTZE @009 BAS BSTAN PA'I PHYAG BRKYANG NAS, ,THAR PA'I SA BON BSKRUN PA YI, ,SEMS CAN RNAMS NI NGAN 'GRO DANG, ,SRID PA DAG LAS 'DREN PAR MDZAD, ,CES GSUNGS PA YIN NO, ,DE LTAR NA (GNYIS PA PHYAG 'TSAL BA NI,) RAB GZHAN GYI DON (THABS DANG BCAS PA,) PHUN SUM TSOGS (PA GSUM DANG LDAN,) PA'I STON PA DE LA (TSUL NI 'GREL PA LAS PHYAG 'TSAL NAS ZHS BYA BA NI MGOS BTUD NAS SO ZHES 'BYUNG BAS DES MTSON NAS SGO GSUM GUS PAS,) PHYAG 'TSAL LO ZHES BYA BA STE MCHOD BAR BRJOD PA'O, ,DE NYID KYI PHYIR SLOB DPON GANG SPEL GYIS TSIGS SU BCAD PA 'DIS NI GZHAN GYI STON PA DANG BSTAN PA DANG SLOB MA DAG LAS BCOM LDAN 'DAS DANG DE'I BSTAN PA DANG SLOB MA RNAMS KHYAD PAR DU 'PHAGS PAR BSTAN PA YIN TE, SPANGS PA DANG YE SHES PHUN SUM TSOGS PA DANG LDAN PA'I PHYIR DANG, 'KHOR BA LAS BRGAL BA'I THABS YIN PA'I PHYIR DANG, 'KHOR BA'I 'DAM LAS BRGAL BA'I PHYIR RO ZHES BSHAD DO, ,(GNYIS PA BSDUS PA'I DON NI GANG GIS GANG JI LTAR BSHAD PAR BYA BA GSUM GYIS BSTAN TO, ,GSUM PA TSIG GI DON NI,) DE LTAR PHYAG 'TSAL NAS (CI BYED CE NA,) CHOS MNGON MDZOD KYI BSTAN BCOS RAB (TU) BSHAD (PAR) BYA ('O), ,ZHES BYA BA NI BSHAD PAR DAM BCA' BA STE, DE LA CHOS MNGON PA DANG MDZOD NI 'CHAD PAR 'GYUR LA, BSTAN BCOS NI SH'A STRA ZHES PA'I SH'A SA NA 'CHOS PA DANG, TRA YA TI NI SKYOB PA STE, NYON MONGS DANG RNAM RTOG LAS 'CHOS SHING NGAN 'GRO DANG SRID PA LAS SKYOB PAS NA DE SKAD DU BRJOD DE, SLOB DPON 'PHAGS PA'I LHAS, NYON MONGS DGRA RNAMS MA LUS 'CHOS PA DANG, ,NGAN 'GRO SRID LAS SKYOB PA GANG YIN PA, ,'CHOS SKYOB YON TAN PHYIR NA BSTAN BCOS TE, ,GNYIS PO 'DI DAG GZHAN GYI LUGS LA MED CES GSUNGS PA YIN NO, ,YANG CI'I PHYIR BSTAN BCOS 'DI LA CHOS MNGON PA DANG DE'I MDZOD CES BYA ZHE NA, ,DE'I LAN DU DON DANG LDAN PA'I MTSAN BSHAD PA'I PHYIR CHOS MNGON SHES BYA BA LA SOGS PA GSUNGS TE, DE LA (CHOS MNGON PA'I NGO BO DANG DBYE BA DANG 'KHOR DANG BCAS NA PHUNG PO DU YIN PA DANG, NGES TSIG BZHI LAS DANG PO NI CHOS RAB TU RNAM PAR 'BYED PA'I SHES RAB 'KHOR DANG BCAS PA YIN LA, GNYIS PA LA GNYIS SU DBYE BA DANG, GSUM DU DBYE BA GNYIS KYI DANG PO,) CHOS MNGON PA NI RNAM PA GNYIS TE, DON DAM PA DANG, BRDAR BTAGS PA'O, ,DANG PO NI (MTHONG SGOM MI SLOB PA'I LAM GSUM GYI,) CHOS RAB TU RNAM PAR 'BYED PA'I SHES RAB DRI MA (STE ZAG PA,) MED PA RJES SU 'BRANG BA'I 'KHOR PHUNG PO LNGA'AM BZHI DANG BCAS PA'O, , @010 DRI MA NI 'DIR ZAG PA YIN PAR 'DOD DO, ,DES NA ZAG MED KYI SHES RAB MTHONG SGOM MI SLOB PA'I LAM GSUM GYI 'KHOR DU SKYES PA RJES SU 'BRANG BA DANG BCAS PA NI DON DAM PA'I CHOS MNGON PA'O,, (GSUM PA 'KHOR DANG BCAS NA PHUNG PO DU YIN PA LA GNYIS LAS MTSAN NYID PA 'KHOR DANG BCAS NA PHUNG PO DU YIN PA NI RJES 'BRANG BCAS ZHES PA'I,) RJES SU 'BRANG BA NI (TSOGS PA GCIG TU MI 'BRAL BAR SKYES PA YIN PAS,) LAM GSUM PO DE DAG BSAM GTAN GYI SA DRUG LA BRTEN NA NI PHUNG PO LNGA BA STE, ZAG MED KYI SDOM PA NI GZUGS KYI PHUNG PO DANG, DANG PO DANG GNYIS PA'I DNGOS GZHI'I YID BDE DANG, GSUM PA NA BDE BA DANG, DANG PO'I NYER BSDOGS DANG DANG PO'I DNGOS GZHI KHYAD PAR CAN DANG BA PA'I DNGOS GZHI'I BTANG SNYOMS RNAMS NI TSOR BA YIN LA, 'DU SHES DANG 'DU BYED DANG RNAM SHES KYI PHUNG PO'ANG YOD PA'I PHYIR RO, ,LAM PHYI MA GNYIS GZUGS MED DANG PO GSUM LA BRTEN NA NI PHUNG PO BZHI PA STE, DE NA GZUGS MED CING TSOR BA LA SOGS PA GZHAN DAG YOD PA'I PHYIR RO, ,MI LCOGS MED PA DANG, KHYAD PAR BSAM GTAN SA BA'O ZHES PA DANG, DE NI CHOS MCHOG DANG SA GCIG CES 'CHAD PAR 'GYUR BA'I PHYIR MTHONG LAM GZUGS MED LA BRTEN PA NI MED DE, ,MTHONG LAM GYIS 'DOD PA'I BDEN PA LA'ANG DMIGS LA GZUGS MED PAS NI DE LA DMIGS PAR MI NUS PA'I PHYIR DANG, GONG NA MTHONG LAM MED CES 'BYUNG BAS MA MTHONG LAM NI 'DOD PA'I RTEN CAN KHO NA YIN PA'I PHYIR DANG, DES BSAM GTAN GYI SEMS MA THOB NA GZUGS MED KYI SEMS KYANG MI THOB LA, THOB NA NI DE NYID LA BRTEN NAS LAM BSGOM PAR BYED DE, BSAM GTAN DAG GI LAM RNAMS SLA, ,SA GZHAN DAG GI DKA' BA YIN, ,ZHES 'CHAD PAR 'GYUR BAS YAN LAG GIS ZIN CING ZHI GNAS DANG LHAG MTHONG ZUNG DU 'BREL PA DE LA BRTEN NA LAM BSKYED SLA BA'I PHYIR RO, ,('DIR RNAM SHES SHES RAB KYI RJES 'BRANG GI 'KHOR DU BSTAN KYANG SPYIR SEMS DANG SEMS BYUNG GI GTZO 'KHOR 'TSOL BAR NI MI 'GYUR TE, CHOS RAB TU RNAM 'BYED LA LTOS PA'I PHYIR DPER NA MI'I GTZO BO RGYAL PO YIN YANG YI GE 'BRI BA'I TSE YIG MKHAN GTZO BO BZHIN NO,) DE'I PHYIR MTHONG LAM GYI ZAG MED KYI SHES RAB NI 'KHOR DANG BCAS NA PHUNG PO LNGA BA KHO NAR NGES SO, ,ZEN PA'I DON YANG LAM DE DAG BSAM GTAN GZUGS MED KYI TING NGE 'DZIN GYI RANG BZHIN DU SKYES PA LA BRJOD KYI 'KHAR GZHONG LA RGYA SHUG BRTEN PA LTAR NI MA YIN NO, , GNYIS PA BRDAR BTAGS PA'I CHOS MNGON PA'ANG RNAM PA GNYIS TE, DON DAM PA'I CHOS MNGON PA DE THOB PAR BYA BA'I PHYIR ZHUGS PA'I RGYU SKYES THOB DANG THOS DANG BSAM PA DANG BSGOMS PA LAS BYUNG @011 BA'I SHES RAB ZAG BCAS RJES 'BRANG DANG BCAS PA GANG DANG, DE DAG RJOD PAR BYED PA'I BSTAN BCOS (KYIS BSDUS PA'I CHOS MNGON PA,) GANG YIN PA STE, (RIM PA LTAR 'BRAS BU DANG BRJOD BYA'I MING GIS RGYU DANG RJOD BYED LA BTAGS PA'I PHYIR RO, ,GNYIS PA BTAGS PA BA PHUNG PO DU YIN PA LA,) SKYES THOB NI KHAMS (DER SKYE BA THOB PA LAS SKYES PA STE THOS PA LA SOGS PA'I SBYOR BA LA MA LTOS PAR RANG BZHIN GYI SHES RAB CHE BA STE DE NI,) GSUM GA DANG SA THAMS CAD DANG RNAM SHES THAMS CAD KYI 'KHOR NA YOD DO, , RJES SU 'BRANG BA'I GZUGS NI MED DE MNYAM GZHAG GI SA BAM YIN PA'I PHYIR RO, ,THOS BYUNG GI SHES RAB LA SOGS PA GSUM NI YID SHES KYI 'KHOR NA YOD KYI DBANG SHES KYI 'KHOR NA NI MED DE, SHES RAB GSUM NI SBYOR BYUNG YIN PA'I PHYIR DANG, DBANG SHES NI DE LTA MA YIN PA'I PHYIR RO, ,KHA CIG THOS BYUNG GI SHES RAB NYAN SHES KYI 'KHOR NA'ANG YOD DO ZHES ZER BA NI RIGS PA MA YIN TE, DE NI MING GI YUL CAN DU BSHAD PAS NA (DMIGS PA MTSUNGS DGOS PAS,) RNA BA'I RNAM SHES NI MING GI YUL CAN MA YIN PA'I PHYIR DANG, GAL TE YIN NA SGRA (CHOS SKYE'I YUL CAN DANG,) DON SNANG BA'I RTOG PAR THAL BA'I PHYIR RO, ,DE LA THOS BYUNG GI SHES RAB NI 'DOD GZUGS NA YOD KYI GONG MA NA MED DE, DE NI NYAN SHES KYI RJES SU 'BRANG BA'I YID SHES KYI 'KHOR DU 'BYUNG BA YIN PAS NA GZUGS MED NA SGRA DANG RNA BA'I RNAM SHES MED PA'I PHYIR DANG, GANG ZAG PHAN TSUN DU BRJOD PA'ANG MED PA'I PHYIR RO, ,DE NI MNYAM GZHAG MA YIN PAS NA RJES SU 'BRANG BA'I GZUGS KYANG MED DO, ,BSAM BYUNG GI SHES RAB NI KHAMS GONG MA GNYIS NA MED DE, BSAM BYUNG NI (MING DON GYI 'BREL PA 'DZIN DGOS PAS YID KHO NA'I 'KHOR DU 'BYUNG ZHING,) KHA NANG DU LTA BA YIN LA, GONG MA DAG MNYAM GZHAG GI SA PA YIN PAS (SEMS PAR RTZOL ZHING,) SEMS NANG DU BLTAS NA SGOM BYUNG DU 'GYUR BA'I PHYIR RO, ,DES NA BSAM BYUNG NI 'DOD PA KHO NA NA YOD CING RJES SU 'BRANG BA'I GZUGS KYANG MED DO, ,SGOM BYUNG GI SHES RAB NI 'DOD PA'I SEMS LA MED DE, DE MNYAM GZHAG GI SA PA MA YIN PA'I PHYIR DANG, SGOM BYUNG GI SHES RAB NI MNYAM GZHAG GI SA PA YIN PA'I PHYIR DANG, 'GREL PA LAS KYANG, 'DOD PA'I KHAMS NA NI YID LA BYED PA GSUM STE, THOS PA DANG, BSAMS PA LAS BYUNG BA DANG, SKYES NAS THOB PA RNAMS SO, ,GZUGS KYI KHAMS NA NI GSUM STE, THOS PA DANG, BSGOMS PA LAS BYUNG BA DANG, SKYES NAS THOB PA RNAMS SO, ,BSAMS PA LAS BYUNG BA NI MED DE, GANG GI TSE DE DAG SEMS PAR RTZOM PA DE'I TSE DE DAG GI TING NGE 'DZIN KHO NA NYE BAR @012 GNAS PA YIN NO, ,GZUGS MED PA'I KHAMS NA NI BSGOMS PA LAS BYUNG BA DANG, SKYES NAS THOB PA DAG GO ZHES 'BYUNG LA, SLOB DPON GANG SPEL GYIS KYANG 'DOD PA'I KHAMS NI MNYAM PAR MA BZHAG PA YIN PA'I PHYIR BSGOMS PA LAS BYUNG BA MED DO ZHES BSHAD PA'I PHYIR DANG, 'PHAGS PA THOGS MED KYIS KYANG SA'I DNGOS GZHI LAS, CI'I PHYIR BSAM GTAN DANG RNAM PAR THAR PA DANG TING NGE 'DZIN DANG SNYOMS PAR 'JUG PA KHO NA LA MNYAM PAR BZHAG PA'I SA ZHES BYA LA, 'DOD PA'I KHAMS KYI RTZE GCIG PA NI MNYAM PAR BZHAG PA MA YIN ZHE NA, BSAM GTAN LA SOGS PA DE DAG NI 'GYED PA MED PA DANG MCHOG TU DGA' BA DANG DGA' BA DANG SHIN TU SBYANGS PA DANG BDE BAS MNGON PAR BSGRUBS PA YIN LA, 'DOD PA NA SPYOD PA NI DE LTA MA YIN TE, 'DOD PA'I KHAMS NA YANG DAG PA'I CHOS LA NYE BAR SEMS PA MED PA NI MA YIN NO ZHES PA DANG, SHIN TU SBYANGS PA MED PA'I PHYIR MNYAM PAR MA BZHAG PA NI 'DOD PA'I SEMS DANG SEMS LAS BYUNG BA RNAMS TE, DE LA SEMS RTZE GCIG TU BYED PA YOD KYANG SEMS DANG SEMS BYUNG RNAMS SHIN TU SBYANGS PAS MA ZIN PA'I PHYIR RO ZHES BSHAD PA'I PHYIR RO, ,(DES NA YID KHO NA'I 'KHOR DU 'BYUNG LA 'DI NGO BO ZAG BCAS YIN LA,) 'KHOR DANG BCAS NA NI GZUGS NA SPYOD PA'I SGOM BYUNG NI RJES SU 'BRANG BA'I PHUNG PO LNGA PA YIN TE, THA MA GNYIS NI SEMS RJES 'BRANG ZHES 'BYUNG BAS BSAM GTAN GYI SDOM PA NI RJES SU 'BRANG BA'I GZUGS YIN PA'I PHYIR RO, , GZUGS MED KYI SGOM BYUNG NI PHUNG PO BZHI PA YIN TE, RJES SU 'BRANG BA'I GZUGS MED PA'I PHYIR RO,, (SHES RAB SKYES THOB KYIS NI BSTAN BCOS NYAN PA'I SGO NAS DON GYI RJES SU 'BRANG BAS SHES RAB SKYES THOB LAS THOS BSAM SGOM GSUM RIM GYIS 'BYUNG LA SGOM BYUNG YANG ZAG BCAS LAS ZAG MED 'BYUNG BAS 'DI DAG GI GO RIM YANG DE LTAR DU NGES SO, ,) 'DI DAG KYANG BYE BRAG TU SMRA BA'I GRUB PA'I MTHA' TSAD MAR BYAS NAS DPYAD PA YIN GYI MDO SDE PA DANG RNAL 'BYOR SPYOD PA PA NI 'KHOR DANG BCAS NA PHUNG PO BZHI PA KHO NAR 'DOD DE, ZAG BCAS ZAG MED KYI SHES RAB LA RJES SU 'BRANG BA'I GZUGS KHAS MI LEN PA'I PHYIR RO, ,BSTAN BCOS LA NI (KHA CIG NA RE,) GTZO 'KHOR GYI RNAM PAR BZHAG PA MED DE, (MTSUNGS LDAN MA YIN PAS SKYE SOGS YOD KYANG KHA CHE BA) 'DU BYED KYI PHUNG PO GCIG PU KHO NAR ZAD PA'I PHYIR RO, , (ZHES ZER RO,,) (KHA CIG NA RE MTSUNGS LDAN MA YIN YANG MING TSIG YI GE'I TSOGS NI GTZO BO YIN LA, DE DAG GI MTSAN NYID SKYE BA LA SOGS PA 'KHOR YIN NO ZHES ZER RO, ,MDO SDE PA,) GANG DAG BSTAN BCOS SGRA RANG GI MTSAN NYID DU 'DOD PA LTAR NA NI 'KHOR SKYE BA LA SOGS PA 'DU BYED KYI PHUNG PO DANG BCAS PA'I @013 GZUGS TE PHUNG PO GNYIS PAR 'DOD DO, , KHA CIG NA RE BSTAN BCOS LA'ANG YE SHES LA 'JUG PA NI GTZO BO YIN LA, CHOS KYI PHUNG PO LA SOGS PA DRUG NI (YAN LAG YIN PAS,) 'KHOR YIN NO ZHES ZER RO, ,(GSUM DU DBYE BA NI,) ZAG MED KYI SHES RAB 'BRAS BU'I CHOS MNGON PA DANG, SKYES THOB KYI SHES RAB LA SOGS PA BZHI, RGYU'I CHOS MNGON PA DANG, BSTAN BCOS NI GZHUNG GI CHOS MNGON PA (DANG GSUM DU 'GYUR,) STE, DANG PO NI DON DAM PA DANG, PHYI MA DAG NI 'BRAS BU'I MING GIS RGYU LA BTAGS PA DANG, BRJOD BYA'I MING GIS RJOD BYED LA BTAGS PA YIN TE, SLOB DPON PHYOGS KYI GLANG POS, SHES RAB PHA ROL PHYIN GNYIS MED, ,YE SHES DE NI DE BZHIN GSHEGS, ,BSGRUB BYA'I DON DE DANG LDAN PAS, ,GZHUNG LAM DAG LA DE'I SGRA YIN ZHES BSHAD PA LTAR RO, ,(BZHI PA NI,) CI'I PHYIR CHOS MNGON PA ZHES BYA ZHE NA, DHARMMA ZHES BYA BA NI DHAR ZHES PA 'DZIN PAS NA CHOS DANG, AA BHI MU KHA ZHES BYA BA MNGON DU BYED PA'I SGO DANG, AA BHI KshA NA ZHES BYA BA MNGON PAR YANG NAS YANG DANG, AA BHI BHU YA ZHES BYA BA MNGON PAR ZIL GYIS GNON PA DANG, AA BHI SA MA YA ZHES BYA BA MNGON PAR RTOGS PAS NA MNGON PA STE, RIM PA LTAR RANG DANG SPYI'I MTSAN NYID 'DZIN PA'I PHYIR DANG, BDEN PA DANG BYANG CHUB KYI PHYOGS DANG MTHUN PA DANG RNAM PAR THAR PA'I SGO LA SOGS PA STON PAS MYA NGAN LAS 'DAS PA LA MNGON DU PHYOGS PAR BYED PA'I SGO DANG, CHOS RE RE LA'ANG GZUGS CAN DANG GZUGS CAN MA YIN PA DANG, BSTAN YOD BSTAN MED LA SOGS PA RNAM PA'I RAB TU DBYE BAS YANG NAS YANG DU MNGON PAR GTAN LA 'BEBS PA DANG, BRTZAD PA DANG RTZOD PA'I GZHI LA SOGS PAS PHAS KYI RGOL BA MNGON PAR ZIL GYIS GNON PA DANG, MDO'I DON MNGON PAR RTOGS PA'I PHYIR TE, DE SKAD DU YANG, MDO SDE'I RGYAN LAS, MNGON DU'I PHYIR DANG YANG YANG DANG, ,ZIL GNON RTOGS PHYIR MNGON PA'I CHOS ZHES GSUNGS PA'I PHYIR RO, , CI'I PHYIR MDZOD CES BYA ZHE NA, BSTAN BCOS 'DIR MNGON PA SDE BDUN DANG BYE BRAG TU BSHAD PA'I DON DE DAG DON DU YANG DAG PAR TE GCES GCES RNAMS CHUD PA'I PHYIR MNGON PA'I MDZOD DE RAL GRI GANG DU GZHUG PA DE NI RAL GRI'I SHUBS YIN PA BZHIN NO, ,RNAM PA GCIG TU NA BSTAN BCOS 'DI'I 'BYUNG BA'I GNAS MNGON PA SDE BDUN DANG BYE BRAG TU BSHAD PA CHEN PO DE YIN PAS NA CHOS MNGON PA'I MDZOD CES BYA STE MNGON PA'I MDZOD NAS PHYUNG BA'I NOR YIN PA'I PHYIR DPER NA RAL GRI GANG NAS 'BYIN PA @014 DE NI DE'I SHUBS YIN PA'AM, MDZOD NAS PHYUNG BA'I NOR LA'ANG 'DI BDAG GI MDZOD YIN NO ZHES BRJOD PA BZHIN NO, ,DA NI DGOS PA DANG DANG PO'I STON PA 'CHAD PA NI 'GREL BA LAS, YANG CI'I PHYIR CHOS MNGON PA BSTAN, 'DI DANG PO NYID DU SUS BSTAN NA, 'DI LTAR SLOB DPON CHOS MNGON PA'I MDZOD 'CHAD PAR GUS SHE NA ZHES 'BYUNG BAS, (GAL TE DGOS PA DANG MI LDAN PA DANG YID CHES PA'I STON PA KHYAD PAR CAN GYIS MA BSTAN PA'I BSTAN BCOS LA NI 'JUG PA DANG DE'I DON GTAN LA 'BEBS PA'I BSTAN BCOS BRTZAM PAR MI RIGS PAS DGOS PA GANG DANG LDAN ZHING DANG POR YID CHES PA'I STON PA SU ZHIG GIS GSUNGS SHE NA,) BSTAN BCOS RTZOM PA'I THOG MAR DGOS PA GANG GI PHYIR CHOS MNGON PA GSUNGS PA DANG, DE GSUNG PA PO'I STON PA'ANG BRJOD PAR BYA STE, DGOS PA DANG MI LDAN PA DANG, STON PA KHYAD PAR CAN MA YIN PA'I BSTAN BCOS NI MKHAS PA RNAMS KYIS BSHAD PA DANG MNYAN PAR BYA BA MA YIN PA'I PHYIR RO, ,DES NA 'GREL PA'I DON NI DGOS PA GANG DANG LDAN ZHING, STON PA KHYAD PAR CAN SUS GSUNGS NA 'DI LTAR SLOB DPON CHOS MNGON PA'I MDZOD 'CHAD PA LA GUS SHING SPRO BAR BYED CE NA ZHES BYA BA YIN PAS DE'I LAN DU CHOS RNAMS RAB TU RNAM 'BYED CES BYA BA LA SOGS PA GSUNGS TE, 'DI LA DGOS PA DANG, BSDUS PA DANG, TSIG GI DON GSUM GYI DANG PO LA'ANG GSUM LAS GZHAN GYI LUGS DGAG PA NI GZHON NU MA LEN PA NA RE, BSTAN BCOS DAG NI THAMS CAD DAM, ,YANG NA LAS NI 'GA' ZHIG LA, ,JI SRID DGOS PA MA BRJOD PA, ,DE SRID DU NI SU ZHIG 'DZIN, , ZHES DGOS PA STON PA'I NGAG LAS TSAD MA'I RTOGS PA SKYES NAS 'JUG PA YIN NO ZHES ZER BA NI MA YIN TE, TSIG TZAM DON LA 'KHRUL PA MTHONG ZHING, SKYES BU KHYAD PAR CAN GYI TSIG NI SHES PAR MI NUS LA, SKYES BUS MA BYAS PA'I RIG BYED KYANG MI SRID PA'I PHYIR RO, , GNYIS PA RANG GI RIGS LA SLOB DPON ZHI BA 'TSO NI BSTAN BCOS 'DI BRTZAM PAR BYA BA MA YIN TE, DGOS PA DANG MI LDAN PA'I PHYIR BYA ROG GI SO BRTAG PA'I BSTAN BCOS BZHIN NO ZHES PA'I LOG RTOG BSAL BA'I PHYIR 'DI NI DGOS PA DANG LDAN PA'I PHYIR BRTZAM PAR RIGS TE GSO BA RIG PA BZHIN NO ZHES BSTAN BCOS RTZOM PA'I SKABS 'GOG PA'I LOG RTOG BSAL PA'I PHYIR DGOS PA STON PAR BYED PA'I NGAG RTZOM PAR BYED DO ZHES 'CHAD DO, ,SLOB DPON CHOS MCHOG NI DGOS PA LA SOGS PA LA SHAS CHER 'DZIN PA'I THE TSOM BSKYED NAS GZHAN DAG BSTAN BCOS LA 'JUG PA'I PHYIR DGOS PA LA SOGS PA STON PA'I NGAG RTZOM PAR BYED DE, SPYIR NGAG TZAM DON DANG LDAN PA MA YIN KYANG BSTAN BCOS RTZOM PA PO NI BSTAN BCOS KYI SLAD @015 DU DON DANG MI LDAN PA'I NGAG 'GOD PAR MI RIGS PA'I PHYIR RO ZHES 'CHAD PA YIN NO, ,SLOB DPON SHANG KA R'A NAN DA NI GZHUNG BKOD PA'I KHYAD PAR MDZES PAR BYA BA'I PHYIR YIN NO ZHES 'CHAD DE, LUGS GSUM PO 'DI DAG DGOS PA LA SOGS PA STON PA'I NGAG LA THAMS CAD KYANG MI 'GAL BA NYID DU SHES PAR BYA'O, , GSUM PA RTZOD PA SPANG BA NI, NGAG 'DI LOG RTOG SEL BYED DU MI 'THAD DE, RIGS PA MED PA'I TSIG TZAM YIN PA'I PHYIR RO, ,THE TSOM YANG RANG GI NGAG GIS SKYE BA'I PHYIR DE'I DON DU NGAG MI DGOS SO, ,GZHUNG MDZES PAR YANG MCHOD BRJOD DANG BSHAD PAR DAM BCAS BYAS PA'I PHYIR DE DGOS PA MED LA, DE DAG GIS MDZES PAR MI BYED NA DES KYANG MDZES PAR BYED PAR MI 'GYUR TE, KHYAD PAR MED PA'I PHYIR RO, ,NGAG GCIG LA 'BRAS BU DU MA'ANG JI LTAR 'THAD CE NA, 'DI LA DGOS PA LA SOGS PA BZHI DANG LDAN PAS BSTAN BCOS BRTZAM PAR BYA BA NYID DU SGRUB PA NI RIGS PA YIN PA'I PHYIR DANG, DGOS PA LA SOGS PA LA YOD PAR SHAS CHER 'DZIN PA NI RANG GI NGANG GIS SKYE BA MED PAR NGAG LA LTOS PA'I PHYIR DANG, MCHOD BRJOD DANG BSHAD PAR DAM BCAS MDZES PAR BYAS KYANG DGOS PA STON PA'I NGAG GIS KYANG MDZES PAR BYED DGOS PA'I PHYIR DANG, RGYU GCIG LAS KYANG 'BRAS BU DU MA SKYE BAR MAR ME LA SOGS PA LA MTHONG BA'I PHYIR RO, ,GNYIS PA BSDUS PA'I DON NI, BSTAN BCOS KYI LUS LA DGOS PA LA SOGS PA BZHI YOD PAR BSTAN PA YIN NO, ,DE LA GNYIS LAS GANG LA YOD PA BSTAN BCOS KYI NGO BO NI 'CHAD PAR 'GYUR LA, NGES TSIG NI BSHAD ZIN TO, , 'GRUB PA'I TSAD NI YI GE DU MA 'DUS PA LAS DON GYI NGO BO TZAM STON PA'I MING DANG, DE 'DUS PA LAS DON GYI KHYAD PAR STON PA'I TSIG DANG, DE 'DUS PA LAS NGAG DANG, DE 'DUS PA LAS RAB TU BYED PA DANG, DE 'DUS PA LAS BSTAN BCOS 'GRUB BO ZHES BTZUN PA SPYAN RAS GZIGS BRTUL ZHUGS 'CHAD DO, ,DE LA YOD PA'I DGOS 'BREL LA GSUM LAS, DANG PO NGO BO NI ZAG BCAG ZAG MED KYI CHOS RNAMS NI 'DI'I BRJOD BYA DANG, DE DAG RAB TU RNAM 'BYED KYI SHES RAB NI DGOS PA DANG, SDUG BSNGAL RGYU DANG BCAS PA NYE BAR ZHI BA'I MYANG 'DAS THOB PA NI DGOS PA'I DGOS PA DANG, CHOS RNAMS NI BRJOD BYA DANG BSTAN BCOS 'DI RJOD BYED DU 'BREL BA NI 'BREL PA YIN NO, ,YANG NA BOD KYI SLOB DPON RNAMS NI DGOS PA'I DGOS PA DGOS PA LA RAG LAS PA DANG, DGOS PA BSTAN BCOS LA RAG LAS PA NI 'BREL PA YIN NO ZHES 'CHAD PAR BYED DO, ,DE BZHIN DU NGAG TZAM LA YOD PA'I DGOS 'BREL BZHI @016 DANG, DGOS 'KHREL GYI NGAG LA YOD PA'I DGOS 'BREL BZHI YANG SHES PAR BYA STE, DE DAG NI SHES PAR SLA BAS 'DIR MA BRIS SO, , GNYIS PA GRANGS NGES PA NI, CI'I PHYIR BSTAN BCOS LA 'JUG PA'I YAN LAG TU DGOS PA LA SOGS PA RNAM PA BZHI KHO NA BSTAN ZHE NA, 'DIR DGOS PA LA LTOS NAS RNAM PA BZHI NYID DU BSTAN PA YIN TE, DE YANG SLOB DPON CHOS MCHOG GI BSTAN BCOS 'DI LA DGOS PA MED PA NYID DAM, YOD KYANG SGRUB PAR MI NUS PA NYID DAM, NUS KYANG 'DOD BYA MA YIN PA NYID DAM, 'DOD BYA YIN KYANG MA 'BREL LAM SNYAM PA'I DOGS PA BZLOG PA'I PHYIR BRJOD BYA LA SOGS PA BZHI KHO NA BSTAN PA YIN NO ZHES 'CHAD DO, ,SLOB DPON DUL LHA LA SOGS PA NI BRJOD BYA MED PA NYID DAM, DGOS PA MED PA NYID DAM, NYING DGOS GYA NOM PA MED PA NYID DAM, DE DAG THABS 'DI DANG MA 'BREL LAM SNYAM PA'I DOGS PA BKAG NAS BSTAN BCOS LA 'JUG PA NYID DU SGRUB PA'I PHYIR RNAM PA BZHI KHO NA BSTAN TO ZHES 'CHAD DE, GANG LTAR YANG 'GAL BA MED PA NYID DU SHES PAR BYA'O, ,GAL TE DGOS PA LA SOGS PA STON PA'I NGAG GIS DOGS PA DE DAG SEL NA NI SGRA MI RTAG CES BRJOD PAS KYANG RTAG 'DZIN GYI LOG RTOG SEL BAR 'GYUR LA, DE LTA NA NI RTAGS DANG DPE DON MED PA NYID DU 'GYUR RO, ,SGRA MI RTAG CES BRJOD PAS RTAG 'DZIN MI SEL NA DGOS PA STON PA'I NGAG GIS KYANG MI SEL BAR THAL BAR 'GYUR TE, KHYAD PAR MED PA'I PHYIR RO ZHE NA SGRA MI RTAG CES BRJOD PAS RTAG 'DZIN GYI LOG RTOG SEL BAR NI 'DOD MOD KYI, 'ON KYANG BYAS PA LA SOGS PA'I RTAGS DANG DPE LA SOGS PA NI THE TSOM DANG MA RTOGS PA BSAL NAS YANG DAG PA'I TSAD MA'I RTOGS PA BSKYED PA'I PHYIR YIN PAS 'GAL BA MED DO, , GSUM PA GCIG DANG THA DAD DPYAD PA NI, 'O NA BRJOD BYA LA SOGS PA DE DAG GCIG DANG THA DAD JI LTAR ZHE NA, DGOS PA DANG DGOS PA'I DGOS PA DANG 'BREL PA RNAMS NI BRJOD BYA DANG GCIG YIN TE, 'DI'I BRJOD BYA NI CHOS THAMS CAD YIN PA'I PHYIR RO, ,DGOS PA DANG DGOS PA'I DGOS PA NI THA DAD YIN TE RGYU 'BRAS YIN PA'I PHYIR RO, ,'BREL PA LA RGYU 'BRAS KYI 'BREL PAR 'DOD PA LTAR NA NI DE DAG LAS GZHAN DU MED LA, BRJOD BYA RJOD BYED KYI 'BREL PA LA 'DOD NA NI BRDA DANG THA SNYAD BYED PA PO'I RNAM RTOG GIS KUN TU BRTAGS PA YIN GYI DON LA GCIG DANG THA DAD LAS GROL TE, SLOB DPON PHYOGS KYI GLANG POS, GANG PHYIR MING BCOS BRJOD BYA YI, ,CHOS DE DAG KYANG BRTAGS YIN PAS, ,SGRA DON DAG GI 'BREL PA NI, ,NGO BO NYID DU DES MI BZHED, ,CES GSUNGS @017 PA LTAR RO ZHES GZHAN DAG 'DOD MOD KYI GRUB MTHA' 'DI'I LTAR NA BRJOD BYA RJOD BYED KYI 'BREL PA YIN KYANG SGRA SPYI DANG DON SPYI GNYIS KYANG YID SHES KYI YUL MING DANG MTSAN MA, MI LDAN PA'I 'DU BYED RDZAS GRUB YIN PAS DE BRJOD BYA DANG NGO BO GCIG YIN LA, GZHAN GNYIS DANG THA DAD YIN NO, ,GSUM PA TSIG GI DON NI 'GREL PA LAS, CHOS MNGON PA BSTAN PA MED PAR NI SLOB MAS CHOS RAB TU RNAM PAR DBYE BAR MI NUS SO ZHES 'BYUNG BAS (CHOS THAMS CAD KYI RANG DANG SPYI'I MTSAN NYID PHYIN CI MA LOG PA STON PA'I CHOS MNGON PA MA BSTAN NA SHES BYA THAMS CAD PHYIN CI MA LOG PAR SHES PA'I SHES RAB MI 'BYUNG BA'I PHYIR RO, ,DGOS PA,) GDUL BYA'I RGYUD LA CHOS RAB TU RNAM 'BYED KYI SHES RAB BSKYED PA DE'I PHYIR TE CHED DAM DON DU, CHOS MNGON PA (BSTAN PA YIN NO, ,DGOS PA SHES RAB BSKYED PA LA CHOS MNGON PA KHO NA BSTAN CI DGOS SHE NA,) SDE BDUN PO 'DI NI 'JIG RTEN LHA DANG BCAS PA'I STON PA SANGS RGYAS BCOM LDAN 'DAS KYIS GSUNGS SO, ,'O NA DGOS PA DE'I CHED DU CHOS MNGON PA GSUNG BA'I RGYU MTSAN GANG GI PHYIR ZHE NA, 'DI LTAR CHOS MNGON PA BSTAN PA MED PAR NI GDUL BYA'I RGYUD LA CHOS RAB TU RNAM 'BYED KYI SHES RAB MI 'BYUNG ZHING ('O NA SHES RAB MED NA NYES PA CI YOD CING YOD NA PHAN YON CI YOD CE NA,) MDO LAS, NYON MONGS PA RNAMS NI YE SHES KYIS GZHOM BAR BYA BA YIN NO, ,ZHES GSUNGS PAS (GANG GI PHYIR,) ZAG BCAS ZAG MED KYI CHOS RNAMS GZUGS DANG TSOR BA DANG MI RTAG SDUG BSNGAL LA SOGS PAR RAB TU RNAM PAR 'BYED PA'I SHES RAB MED PAR NI 'KHOR BA'I RGYU RTZA BA DANG NYE BA'I NYON MONGS PA RNAMS NYE BAR ZHI BAR BYA BA STE BYED PA'I THABS GZHAN MED LA DE DAG NYE BAR MA ZHI NA NYON MONGS PA RNAMS KYIS KYANG LAS BSAGS TE DE GNYIS KYIS 'JIG RTEN PA RNAMS SRID PA 'KHOR BA'I RGYA MTSO CHEN PO 'DIR YANG DANG YANG DU 'KHYAMS PAR GYUR TE, DE LTAR CHOS RAB TU RNAM 'BYED KYI SHES RAB MED NA 'KHOR BA'I RGYU MA SPANGS PAS 'BRAS BU 'KHOR BA LAS THAR BAR MI 'GYUR BA DE BAS TE DE'I PHYIR ZHES LDOG PA DNGOS SU BSTAN NAS CHOS MNGON PA BSTAN NA GDUL BYA'I RGYUD LA DGOS PA CHOS RAB TU RNAM 'BYED KYI SHES RAB SKYE ZHING, DE NYID LAM BZHIR GOMS PAR BYAS PAS DGOS PA'I DGOS PA 'KHOR BA'I RGYU KUN 'BYUNG NYON MONGS PA DANG DES BSAGS PA'I ZAG BCAS KYI LAS NYE BAR ZHI BA'I LHAG BCAS DANG 'BRAS BU SDUG BSNGAL THAMS CAD KYANG NYE BAR ZHI BA'I LHAG MED KYI MYANG 'DAS 'THOB PAR 'GYUR BA YIN NO ZHES PA'I RJES 'GRO SHUGS LA BSTAN PA YIN NO, ,DRANGS ZHES BYA BA DANG, 'KHYAMS ZHES BYA BA NI DUS GSUM @018 SGRA GCIG GIS BSTAN PA YIN TE, BZANG SPYOD LAS, DUS GSUM GSHEGS PA MI YI SENG DGE KUN, , ZHES GSUNGS PA BZHIN NO, , (DES NA DGOS PA DANG BCAS PAR GRUB BO, ,DER MA ZAD CHOS MNGON PA SDE BDUN PO 'DI DAG NI DANG POR YID CHES PA'I GNAS STON PA SANGS RGYAS BCOM LDAN 'DAS KYIS GSUNGS SO, ,) DE YANG BYE BRAG TU SMRA BA RNAMS NA RE 'PHAGS PA SH'A RI'I BU LA SOGS PA DGRA BCOM PA CHEN PO RNAMS KYIS KYANG SANGS RGYAS LA MA BRTEN PAR THOG MAR CHOS KYI MTSAN NYID BSTAN PA DANG RAB TU DBYE BAR MI NUS PAS CHOS MNGON PA DE NI STON PA BCOM LDAN 'DAS NYID KYIS GDUL BYA'I BSAM PA DANG DRI BA LA LTOS NAS LUNG DE DANG DE LAS DANG PO SIL BUR GSUNGS PA RNAMS BTZUN PA KA BYA'I BU LA SOGS PA DGRA BCOM PA RNAMS KYIS YE SHES LA 'JUG PA LA SOGS PAR NI PHYIS BSDUS PA YIN TE, DPER NA BTZUN PA CHOS SKYOB KYIS KYE MA 'DUS BYAS RNAMS MI RTAG CES BYA BA LA SOGS PA CHED DU BRJOD PA'I SDE STON PAS GDUL BYA'I DBANG GIS MDO DE DANG DER SIL BUR GSUNGS PA RNAMS SDE TSAN DU BYAS KYANG STON PA'I GSUNG YIN PA BZHIN NO, , DE'I PHYIR CHOS MNGON PA NI SANGS RGYAS KYIS GSUNGS PA KHO NA YIN TE, DGRA BCOM PA RNAMS KYIS BSDUS PA'I PHYIR MDO SDE DANG 'DUL BA BZHIN NO, ,RTAGS MA GRUB PA'ANG MA YIN TE, 'PHAGS PA 'OD SRUNG GIS BSDUS PA'I PHYIR RO ZHES ZER RO, ,LO ZHES BYA BA NI PHA ROL KYI 'DOD PA STON PAR BYED PA YIN TE, MDO SDE PA RNAMS NA RE 'DI NI BYE BRAG TU SMRA BA CHOS MNGON PA BA RNAMS KYI GZHUNG LUGS YIN GYI KHO BO CAG NI MI 'DOD DE, 'DUS MA BYAS RDZAS SU SMRA BA LA SOGS PA RIGS PA DANG 'GAL BA DU MA SNANG BA'I PHYIR RO, ,DE YANG CHOS MNGON PA BYED PA NI MANG PO ZHIG GRAGS TE DE'I PHYIR DE DAG KYANG DGRA BCOM PA DAG GIS BYAS PA YIN GYI BCOM LDAN 'DAS KYIS GSUNGS PA BSDUS PA NI MA YIN NO, ,DE YANG GANG ZHIG GANG GIS BYAS PA NI, ,YE SHES LA 'JUG KA TYA'I BUS, ,RAB TU BYED PA DBYIG BSHES KYIS, ,RNAM SHES TSOGS NI LHA SKYID KYIS, ,CHOS KYI PHUNG PO SH'A RI'I BUS, ,GDAGS PA'I BSTAN BCOS MO'U 'GAL BUS, ,'GRO BA'I RNAM GRANGS GSUS PO CHES, ,KHAMS KYI TSOGS NI GANG POS BYAS, ,ZHES BYA BA NI SLOB DPON RGYAL PO'I SRAS GRAGS PA'I BSHES GNYEN GYI GZHUNG LAS 'BYUNG BA SDOM DU BSDUS PA'O, , SLOB DPON GANG SPEL NI 'GRO BA'I RNAM GRANGS SH'A RI'I BUS BYAS PAR 'CHAD DO, ,DES NA KHO BO CAG MDO TSAD MAR BYED KYI BSTAN BCOS NI MA YIN NO ZHES ZER RO, , BYE BRAG TU SMRA BAS 'O NA MDO LAS DGE SLONG SDE SNOD GSUM PA ZHES 'BYUNG BA'I SDE SNOD GSUM DU RNAM @019 PAR BZHAG PA MED PAR 'GYUR TE, (SDE BDUN PO,) 'DI LAS GZHAN PA'I MNGON PA'I SDE SNOD NI MI SNANG BA'I PHYIR RO ZHES SMRAS PA DANG, MDO SDE PA NA RE (SDE BDUN BKA' YIN MIN DPYOD CIG ,MNGON PA SANGS RGYAS KYIS MA GSUNGS PAR NGED MI 'DOD PAS DES NA,) MDO SDE'I KHYAD PAR GANG DAG LAS DON DAM PA GTAN LA 'BEBS SHING CHOS KYI MTSAN NYID RJOD PAR BYED PA DE DAG NYID LA CHOS MNGON PA'I SDE SNOD DU RNAM PAR 'JOG GO ZHES ZER RO, ,'O NA CI'I PHYIR BYE BRAG TU SMRA BA DANG MDO SDE PA ZHES BYA ZHE NA, BSTAN BCOS BYE BRAG TU BSHAD PAS RTZE ZHING SPYOD PAS SAM, YANG NA BYE BRAG TU BSHAD PA RIG PAS NA BYE BRAG TU SMRA BA ZHES BYA'O, ,DE LA'ANG GANG DAG KHA CHE'I YUL NA GNAS PA DE DAG NI KHA CHE BA YIN ZHING, GANG DAG KHA CHE'I YUL GYI NUB PHYOGS NA GNAS PA DE DAG LA NI NUB PHYOGS PA ZHES BYA LA, NUB PHYOGS PA DANG RGYA GAR GYI YUL DBUS LA SOGS PA KHA CHE'I YUL LAS GZHAN DAG NA GNAS PA RNAMS NI NYI 'OG PA ZHES BYA'O, ,GANG DAG MDO TSAD MAR BYED KYI BSTAN BCOS TSAD MAR MI BYED PA DE DAG NI MDO SDE PA ZHES BYA STE, MING GZHAN DPES STON PA ZHES KYANG BYA'O ZHES tIKA BYED DAG 'CHAD DO, , 'DIR GAL TE CHOS MNGON PA'I MTHAR THUG GI DGOS PA LHAG BCAS LHAG MED KYI MYANG 'DAS YIN NA DE DAG GI NGO BO DANG KHYAD PAR CI YIN ZHE NA, NYAN THOS SDE PA DAG NI 'PHAGS PA GANG LA RGYU LAS DANG NYON MONGS PAS BSDUS PA'I KUN 'BYUNG GI BDEN PA SPANGS PA'I SO SOR BRTAGS 'GOG THOB CING MNGON DU BYAS LA 'BRAS BU SDUG BSNGAL SPANGS PA'I 'GOG PA MNGON DU MA BYAS PA NI LHAG BCAS TE, CI RIGS PAR SDUG BSNGAL GSUM GYI LHAG MA DANG BCAS PA'I PHYIR TE, 'DOD PA'I RTEN CAN LA NI 'PHAGS PA SGUR CHUNG THAL SKYO GSOL TE GRONGS PA DANG, 'PHAGS PA 'CHAR KA GZUGS 'TSONG MA'I GNAS SU DBU BCAD DE BKRONGS PA DANG, RANG SANGS RGYAS DUG MDAS BKRONGS PA DANG, SANGS RGYAS BCOM LDAN 'DAS KYANG ZHABS LA SENG LDENG GI TSAL PA ZUG PA DANG, SKU RO RGYAB BSNYUNG BA DANG, LHAS BYIN GYIS 'KHRUL 'KHOR GYI SGYOGS KYI CHA SHAS PHOG PAS SKU MTSAL PHYUNG BA LA SOGS PA SDUG BSNGAL GYI SDUG BSNGAL DANG BCAS PAR MDO DE DANG DE LAS 'BYUNG BA'I PHYIR RO, ,NYAN THOS DGRA BCOM PA NI KHAMS GSUM GYI RTEN CAN YIN PAS BSAM GTAN DANG PO GSUM NA SDUG BSNGAL GYI SDUG BSNGAL MED PA'I PHYIR (ZAG BCAS KYI TSOR BA 'GYUR BAS,) 'GYUR BA DANG, 'DU BYED KYI SDUG BSNGAL KYI LHAG MA DANG BCAS SO, ,BSAM GTAN BZHI PA YAN CHAD NA NI 'GYUR BA'I SDUG BSNGAL YANG MED PA'I PHYIR 'DU BYED KYI SDUG BSNGAL GYI LHAG MA DANG BCAS SO, ,DGRA BCOM DE DAG GANG GI TSE (SKU TSE BSTAN? @020 PA'AM SDUG BSNGAL GSUM DANG,) ZAG BCAS KYI PHUNG PO THAMS CAD 'GAGS PA'I 'GOG PA MNGON DU BYAS PA DE'I TSE NI LHAG MA MED PA ZHES BYA STE, CHED DU BRJOD PA'I TSOMS LAS, LUS ZHIG TSOR BA BSIL BAR GYUR, ,'DU SHES 'GAGS SHING 'DU BYED ZHI, ,RNAM PAR SHES PA NUB GYUR PA, ,'DI 'DRA 'DI NI SDUG BSNGAL MTHA' ZHES GSUNGS PA'I PHYIR RO ZHES 'DOD LA, (DE LTA NA LHAG MED THOB PA NA PHUNG PO LNGA GA 'GAG NA 'DUS BYAS KYI 'JUG PA RGYUN CHAD PAR THAL LO ZHE NA RTAGS MA GRUB STE ZAG BCAS KYI PHUNG PO KHEGS SU CHUG KYANG ZAG MED KYI PHUNG PO MI KHEGS TE DE LA BRTAGS 'GOG MI 'JUG PAS SO, ,ZAG MED NI SKYE BA'I RKYEN MTSANG BAS BRTAGS MIN GYIS 'GOG GO ZHE NA JI LTAR MTSANG STE, THA MA'I SEMS NI SEMS GZHAN DANG, , MTSAMS SBYOR BA LA 'GAL CI YOD CES SOGS DANG 'GAL BAS SO, ,) THEG CHEN PA NI NYAN RANG GI THAR PA NI YANG DAG PA'I THAR PA MA YIN ZHING, LHA DANG BCAS PA'I STON PA LA SENG LDENG GI TSAL PA ZUG PA LA SOGS PA NI DE'I TSE GDUL BYA 'GA' ZHIG GI DON DU MKHYEN NAS BSTAN PA YIN GYI SDUG BSNGAL NI GTAN NAS MED PA NYID DE, SRID ZHI'I SKYON THAMS CAD SPANGS PA'I PHYIR (DANG, GZUGS SKU YANG YE SHES YIN PA'I PHYIR,) RO ZHES BYA BA 'DI BZHED DO, ,'ON KYANG GZUGS SKU GNYIS LA LHAG BCAS DANG, CHOS SKU LA LHAG MED KYI THA SNYAD YOD DE, SKU GSUM LA 'JUG PA LAS, PHUNG POR BCAS PA'I MYA NGAN 'DAS, ,THUB SKU GNYIS LA BZHAG PA YIN, ,PHUNG PO KUN DANG BRAL BA'I PHYIR, ,CHOS KYI SKU LA PHUNG PO MED, ,CES GSUNGS PA BZHIN NO, ,DES NA 'DI SKAD DU CHOS RNAMS ZHES BYA BAS BRJOD BYA DANG, RAB TU RNAM 'BYED CES BYA BAS DGOS PA DANG, MED PAR ZHES PA NAS DE BAS DE PHYIR ZHES PA'I BAR KYIS BZLOG PAS DGOS PA'I DGOS PA BSTAN LA, 'BREL PA NI SHUGS LA BSTAN PAR LTA'O ZHES BRJOD DO, , SLOB DPON RGYAL PO'I SRAS NI CHOS MNGON PA BSTAN PA'I DGOS PA NI PHUNG PO LA SOGS PA LA MKHAS PA YIN LA, MKHAS PA DES NI PHAN YON RNAM PA GNYIS 'THOB STE, RANG NYID YID LA BYED PAS ZHI GNAS DANG LHAG MTHONG 'PHEL BA DANG, GZHAN LA 'BEL BA'I GTAM BRJOD PAS DRI BA THAMS CAD LUNG STON PA LA MI 'JIGS PA THOB PA'O ZHES 'CHAD DO, , DA NI BSHAD PA DGOD PA LA MDOR BSTAN PA DANG, RGYAS PAR BSHAD PA GNYIS LAS DANG PO NI CHOS MNGON PA'I BRJOD BYA'I CHOS RNAMS (GONG DU BSTAN PA DE,) GANG ZHE NA, ZAG PA DANG BCAS PA @021 DANG ZAG PA MED PA NI CHOS RNAMS ZHES BYA STE, DE GNYIS NI PHAN TSUN RNAM PAR GCOD PA'I 'GAL BA YIN PA'I PHYIR PHUNG PO (GSUM PA) GZHAN MED DO, ,DE NYID KYI PHYIR SLOB DPON GANG SPEL GYIS KYANG ZAG PA DANG BCAS PA DANG ZAG PA MED PA'I CHOS NI RNAM PA GNYIS KHO NA STE RNAM PAR BRTAG PA GZHAN MED PA'I PHYIR RO ZHES BSHAD DO, ,CI STE 'DUS BYAS 'DUS MA BYAS DANG, THOGS BCAS THOGS MED DANG, 'JIG RTEN DANG DE LAS 'DAS PA LA SOGS PA'ANG YOD PA MA YIN NAM CI'I PHYIR 'DI GNYIS KHO NA BSTAN ZHE NA, GCIG TU SPANG BYA DANG BLANG BYA YIN PA'I PHYIR RAM, YANG NA 'DIS GZHAN RNAMS KYANG MTSON PAR BYED PA'I PHYIR 'GAL BA MED DO, ,RGYAS BSHAD LA GSUM LAS DANG PO ZAG BCAS ZAG MED RGYAS PAR BSHAD PA NI LAM GYI BDEN PA MA GTOGS PA'I 'DUS BYAS NI KUN 'BYUNG DANG SDUG BSNGAL GYI BDEN PA STE DE RNAMS NI ZAG PA DANG BCAS PA YIN TE, GANG GI PHYIR ZHE NA DE DAG LA ZAG PA RNAMS DMIGS PA DANG MTSUNGS LDAN GYIS DUS KUN TU RGYAS PAR 'GYUR BA DE'I PHYIR RO, , 'DIR ZAG PA NI RTZA BA DANG NYE BA'I NYON MONGS PA YIN LA, RGYAS PA NI (DNGOS PO GANG ZHIG SRED PA DANG LTA BAS BDAG GIR BYAS PA DE LA 'DOD CHAGS SAM NYON MONGS RNAMS,) GNAS THOD PAS RGYUN CHAGS SU 'BYUNG BA'AM, ZAG PA RNAMS (KYANG RKYEN) DE DAG LA 'PHROD CING MTHUN PA'I PHYIR RAM, (RKYEN) DE DAG KYANG ZAG PA LA 'PHROD CING MTHUN PA'I PHYIR YIN NO, ,KUN LAS BTUS LAS, ZAG PA'I SGO DRUG DANG 'BREL BAS ZAG BCAS SU GSUNGS PA'I ZAG PA DE'I BDAG NYID NI RTZA NYON DANG NYE NYON RNAMS ZAG PA'I NGO BO DANG, ZAG PA DANG 'BREL BA NI ZAG PA DANG LHAN CIG 'BYUNG BA'I SEMS SEMS BYUNG DANG BDAG RKYEN MIG LA SOGS PA RNAMS DE DANG MTSUNGS PAR LDAN PA DANG RTEN YIN PA DANG, ZAG PAS BCINGS PA NI KHAMS GSUM GYI DGE BA ZAG BCAS RNAMS DES SRID PA'I RGYUR KUN NAS BCINGS PA DANG, ZAG PA'I RJES SU 'BREL PA NI ZAG PA'I GNAS NGAN LEN DANG LDAN PA DANG, ZAG PA'I RJES SU MTHUN PA NI DE'I GNYEN PO MA YIN PAR DE LA 'PHROD PA'AM, YANG NA GZUGS LA SOGS PA NI ZAG PA RTZA BA DANG NYE BA'I NYON MONGS PA'I YUL DU GYUR PAS DE DAG LA DMIGS NAS ZAG PA RGYAS PAR 'GYUR PAS ZAG PA'I DMIGS PA YIN PA DANG, ZAG PA'I RGYU LAS BYUNG BA NI DE'I 'BRAS BU YIN PAS ZAG BCAS SU BSHAD PA NA DE DAG TSOGS PA YAN? NA ZAG BCAS MI SRID PAR 'GYUR TE, DE DAG GCIG LA 'DUS PA MI SRID PA'I PHYIR RO, ,RE RES YIN NA RNAM PA DRUG TU BRJOD PA DON MED PAR 'GYUR BAS NA DRUG PO GANG YANG RUNG BA DANG CI RIGS PAR 'BREL BAS ZAG BCAS SU SHES PAR BYA'O, (ZAG PA DANG LHAN CIG 'BYUNG BAS YIN NA NYER @022 LEN GYI PHUNG PO LNGA KHO NA DER 'GYUR BAS, ,DGE SEMS KYI DUS KYI PHUNG PO ZAG BCAS DANG PHYI ROL ZAG BCAS MI SRID PAR THAL BAS SO, ,) 'DIR KHA CIG ZAG PA DANG MTSUNGS PAR LDAN PAS ZAG BCAS SU 'DOD PA DANG, ZAG PAS DMIGS PAS ZAG BCAS SU 'DOD PA DANG, DPES STON PA ZAG PA'I RTEN BYED PAS ZAG BCAS SU 'DOD PA RNAMS LA NI SEMS DANG SEMS BYUNG NYON MONGS CAN LAS GZHAN PA'I ZAG BCAS MI SRID PAR THAL BA DANG, 'GOG LAM GYI BDEN PA'ANG ZAG BCAS SU THAL (BAS KHYAB CHES) BA DANG, NYON MONGS PA KUN DU SPYOD PA'I GNAS SKABS KYI SKYE MCHED DRUG KHO NA ZAG BCAS SU THAL (BAS SNGA PHYI KHYAB CHUNG) BA'I SKYON YOD DO, (NAM MKHA' DANG BRTAGS MIN NI ZAG PA'I DMIGS PA MIN NO 'GOG LAM LA DMIGS NAS ZAG PA SKYE YANG DE DAG ZHI BAS ZAG PA RGYAS PAR MI 'GYUR ZHING BDAG GIR MA BYAS GNYEN PO'I PHYIR SA GONG MA LA DMIGS PA'I 'OG MA'I NYON MONGS KYANG GONG MA RGYAS PAR MI 'GYUR TE BDAG GIR MA BYAS SHING GNYEN PO YIN PAS SO, ,) ZAG PA MED PA'I CHOS NI LAM GYI BDEN PA DANG DER MA ZAD 'DUS MA BYAS RNAM PA GSUM PO YANG YIN PAR RIG PAR BYA STE, GANG GI PHYIR ZHE NA DE DAG LA ZAG PA RNAMS RGYAS PAR MI 'GYUR BA DE'I PHYIR ZHES 'DIR YANG SBYAR TE, ZAG PA'I GNAS MI THOD PA DANG, ZAG PA RNAMS DE DAG LA MI MTHUN PA DANG, DE DAG KYANG ZAG PA LA MI MTHUN PA'I PHYIR RO, ,'DIR GSUM ZHES SMOS PA NI GNAS MA'I BU'I SDE PA DAG 'DUS MA BYAS MYANG 'DAS GCIG PUR SMRA BA DANG, BYE BRAG PA 'DUS MA BYAS RDUL PHRA RAB LA SOGS PA MANG PO SMRA BA DAG DGAG PA'I PHYIR RO ZHES RGYAL PO'I SRAS 'CHAD DO, ,CI STE LAM MA GTOGS PA'I 'DUS BYAS ZAG BCAS SU BSHAD PA NYID KYIS LAM DANG 'DUS MA BYAS NI ZAG MED DU SHUGS LA GO BA'I PHYIR YANG BRJOD PA NI DON MED DO ZHE NA, 'DI LA SLOB DPON YON TAN BLO GROS DANG GANG SPEL NI LAM GYI SGRA NI 'JIG RTEN PA DANG 'JIG RTEN LAS 'DAS PA'I LAM GNYIS KA LA'ANG 'JUG PAS DE'I PHYIR 'JIG RTEN PA'I LAM YANG ZAG MED DU DOGS PAR 'GYUR BAS DE LAS KHYAD PAR DU BYA BA'I PHYIR ZAG MED LAM GYI BDEN PA DANG ZHES BDEN PA'I SGRA SMOS TE, 'JIG RTEN PA'I LAM NI LAM KHO NA YIN GYI LAM GYI BDEN PA NI MA YIN TE, SDUG BSNGAL DANG KUN 'BYUNG GI BDEN PAS BSDUS PA'I PHYIR RO, ,YANG NA GRUB ZIN BZHIN DU RTZOM PA NI NGES PAR BYA BA'I PHYIR TE, GRAGS PA NI DON GYI GO BAS NGES PAR 'GYUR GYI MA GRAGS PA NI MA YIN LA 'DUS MA BYAS KYANG MA GRAGS PA'I PHYIR RO ZHES 'CHAD DO, ,KHA CIG NI DON GYIS GO YANG TSOR BA LA BDE SDUG BTANG SNYOMS GSUM YOD PA LTAR DGAG SGRUB KYI PHYOGS KYI PHUNG PO GSUM PA'I DOGS PA DGAG PA'I PHYIR YIN TE, DPES STON PA DAG DGRA BCOM PA'I MIG LA SOGS PA DANG PHYI @023 ROL KYI GZUGS LA SOGS PA RNAMS ZAG PA'I RTEN MA YIN PAS ZAG MED KYANG YIN LA, ZAG PA'I GNYEN PO MA YIN PAS ZAG BCAS KYANG YIN (PA'I PHUNG PO GSUM,) PAR 'DOD PAS DE LTA BU'I LOG RTOG DANG THE TSOM DGAG PA'I PHYIR YANG ZAG MED LAM GYI BDEN PA DANG ZHES PA LA SOGS PA SMOS TE, BYE BRAG TU SMRA BA LTAR NA DGRA BCOM PA'I RGYUD LA YOD PA'I MIG SOGS DANG PHYI SNOD KYI GZUGS NI ZAG BCAS KHO NA YIN PA'I PHYIR RO ZHES ZER RO, , GNYIS PA 'DUS MA BYAS RGYAS PAR BSHAD PA NI 'O NA 'DUS MA BYAS RNAM PA GSUM PO NYID GANG ZHE NA, NAM MKHA' DANG NI SO SOR BRTAGS 'GOG DANG BRTAGS MIN GYI 'GOG PA GNYIS SO, ,CI STE NA, RGYU RKYEN GYIS MNGON PAR 'DUS MA BYAS PA'I PHYIR RO, ,GAL TE SO SOR BRTAGS 'GOG NI LAM GYIS MNGON PAR 'DUS BYAS PA MIN NAM CI'I PHYIR 'DUS MA BYAS SU BRJOD CE NA, DE NI LAM GYIS SPANG BYA ZAG BCAS SPANGS PA LA BRAL BA'I 'BRAS BU ZHES BRJOD KYI NGO BO GSAR DU BYAS PA NI MA YIN TE, BYE BRAG TU SMRA BA RTAG PA'I RDZAS SU 'DOD PA'I PHYIR DANG, SDE BA GZHAN GYIS NGO BO NYID MED PAR SMRAS PA'I PHYIR RO, ,GAL TE DE BZHIN NYID KYANG 'DUS MA BYAS MA YIN NAM CI'I PHYIR RNAM PA GSUM DU BRJOD CE NA, DE BZHIN NYI NI BDAG MED PA LA 'DOD NA CHOS KYI BDAG MED NI SDE PA DAG GIS MI 'DOD LA, GANG ZAG GI BDAG MED NI BDEN BZHI'I MI RTAG PA LA SOGS PA RNAM PA BCU DRUG LA 'DOD PAS NA, 'GOG BDEN GYI RNAM PA RNAMS NI SO SOR BRTAGS 'GOG GI NGO BO NYID YIN LA, BDEN PA GSUM GYI RNAM PA RNAMS NI 'DUS BYAS KYI BDAG NYID YIN PA'I PHYIR DE BZHIN NYID CES BYA BA'I 'DUS MA BYAS LOGS PA NI MED DO, (GNYIS PA 'DUS MA BYAS RGYAS PAR BSHAD PA NA,) 'DUS MA BYAS GSUM PO DE DAG GI NGO BO GANG ZHE NA, RNAM PA GSUM YOD PA DE LA NAM MKHA' (MTSAN GZHI) NI ('DUS MA BYAS MA BSGRIBS LUNG MA BSTAN RDZAS GRUB DANG,) MTSAN NYID (NA GANG NA GZUGS KYI GO YOD PAS) MI SGRIB PA CAN (RTEN GYI DON BYED NUS PAS,) TE, BSGRIB BYA DANG SGRIB BYED GNYIS DANG BRAL BA'I PHYIR RO, ,DES NA SGRIB PA DANG BRAL BA GZUGS CAN GYI GO 'BYED PA NI NAM MKHA' 'O, ,'O NA NI SEMS LA SOGS PA 'DU BYED THOGS MED DANG, 'GOG PA GNYIS KYANG NAM MKHAR 'GYUR TE, SGRIB PA MED PA'I PHYIR RO ZHE NA, MA YIN TE, RNAL 'BYOR PA RNAMS KYI TING NGE 'DZIN GYI MTHUS GZHAN DAG GI 'GRO BA DANG SDOD PA LA SOGS PA DANG, SEMS SO NA GNAS PA LA SOGS PA LA SGRIB PA'I PHYIR DANG, (TING NGE 'DZIN GYI RANG GIS DGAG BYA'I SEMS SEMS BYUNG SKYE BA LA'ANG SGRIB PA'I PHYIR RO,) SO SOR BRTAGS 'GOG GIS (LDAN PA'I RDZAS,) ZAG BCAS SKYE PA'I @024 CHOS CAN DANG, SO SOR BRTAGS MIN GYIS ZAG BCAS ZAG MED KYI 'DUS BYAS MI SKYE BA'I CHOS CAN DAG KHO NA SKYE BA LA SGRIB PA'I PHYIR RO ZHES LAN 'DEBS MOD KYI, DE LTA NA NAM MKHA' LA'ANG MI SGRIB PA MA TSANG BAR 'GYUR TE, RLUNG LA SOGS PA THUR DU LTUNG BA LA GEGS SU GNAS PA'I PHYIR RO, ,DER MI GNAS NA NAM MKHA' RLUNG GI RTEN DU MA GRUB PAR THAL BA 'DI BYE BRAG TU SMRA BAS SPANG DGOS SO, , MDO SDE PA NI NAM MKHA' GZUGS CAN DANG BRAL BAS GZUGS KYI GO 'BYED PA TZAM LA NAM MKHA' ZHES BRJOD KYI NGO BO NYID MED DO ZHES 'DOD DO, ,DE LTA MOD KYI BYE BRAG TU SMRA BA NI MDO LAS, KYE GO'U TA MA SA CI LA RTEN LAGS, BRAM ZE SA NI CHU LA RTEN NO, ,KYE GO'U TA MA CHU CI LA RTEN LAGS, BRAM ZE CHU NI RLUNG LA RTEN NO, ,KYE GO'U TA MA RLUNG CI LA RTEN LAGS, BRAM ZE RLUNG NI NAM MKHA' LA RTEN NO, ,KYE GO'U TA MA NAM MKHA' CI LA RTEN LAGS, ,BRAM ZE HA CANG THAL CHES TE BRAM ZE NAM MKHA' NI RTEN MED PA SNANG BA MED PA DMIGS PA MED PA'O ZHES SA CHU DANG, CHU RLUNG DANG, RLUNG NAM MKHA' LA RTEN PAR BSHAD PA'I PHYIR RDZAS SU YOD DO ZHES 'DOD DO, ,(SGRA'I DON NI GO 'BYED PA'O,) GAL TE RTZIG PA LA SOGS PA SGRIB PA YOD PA'I GO SA NA NAM MKHA' YOD NA NAM MKHA' 'ANG GZUGS CAN DANG SGRIB PA DANG BCAS PA DANG, MED NA NAM MKHA' RES 'GA' BA DANG MI RTAG PAR 'GYUR RO ZHE NA, RTZIG PA LA SOGS PA'I GO SA NA GZUGS CAN MA YIN PA'I NGO BO NYID KYIS GO 'BYED PA'I NAM MKHA' NI YOD PA NYID DE, DE MED NA DE NA RTZIG PA LA SOGS PA NYID MED PAR 'GYUR TE, GO 'BYED PA'I NAM MKHA' MED PA'I PHYIR DANG, GZUGS CAN GZHAN GYIS DE LA GEGS BYED PA'I PHYIR RO, ,DE'I PHYIR DE NA NAM MKHA' YOD KYANG GZUGS CAN DU MI 'GYUR TE, RANG GI NGO BO GZUGS MED YIN PA'I PHYIR LUS LA SEMS YOD KYANG SEMS GZUGS CAN DU MI 'GYUR BA BZHIN NO, ,SO SOR BRTAGS PAS 'GOG (PA'I MTSAN GZHI NI 'DUS MA BYAS RTAG CING DGE BA'I RDZAS SO, ,MTSAN NYID NI,) GANG YIN PA DE NI BAR CHAD MED PA'I LAM GYIS BSDUS PA'I ZAG MED KYI SHES RAB KYI STOBS KYIS THOB PAR BYA BA'I (DGAG BYA,) ZAG BCAS DANG BRAL BA (SA THOB PAR BYA BA'ANG YANG NA GNYEN PO'I STOBS KYIS DGAG BYA SKYE BA LA GTAN DU GEGS BYED PA'O, ,SGRA DON NI SDUG BSNGAL LA SOGS PA'I BDEN PA RNAMS LA SHES RAB KYIS SO SOR BRTAGS PAS THOB PAR BYA BA'I 'GOG PA YIN PAS SO SOR BRTAGS PAS 'GOG PA ZHES BYA STE,) RTAG CING DGE BA'I RDZAS (MTSAN NYID DES NI RNAM GROL 'DUS BYAS DANG, RANG LAS GZHAN PA'I 'GOG PA BZHI BSAL TE, DANG PO NI 'GOG PA YIN LA PHYI MA BZHI BRAL LAM GYIS THOB PA MIN PAS SO,) TE, RTZA BAR THOB @025 PAR BYA BA'I ZHES BYA BA'I BAR GYI TSIG DE MI MNGON PAR BYAS PA'I PHYIR TE, DPER NA BA LANG DAG DANG LDAN PA'I SHING RTA LA BA LANG GI SHING RTA ZHES LDAN PA'I SGRA MI MNGON PAR BYAS PA BZHIN NO, ,'O NA 'JIG RTEN PA'I LAM GYIS THOB PAR BYA BA'I 'GOG PA SO SOR BRTAGS 'GOG MA YIN PAR 'GYUR RO (DES NA KHYAB CHUNG NGO,) ZHE NA, 'JIG RTEN PA'I LAM (ZHI RAGS CAN,) KHO NAS THOB PAR BYA BA'I 'GOG PA NI MED KYI DE NI 'JIG RTEN LAS 'DAS PAS (CIS) KYANG THOB PAR BYA (DGOS) BA YIN TE, ('DAS PA DES NI KHAMS GSUM PA'I ZAG BCAS THAMS CAD KYI 'GOG PA THOB PA'I PHYIR RO,,) DES NA MTSAN NYID MA KHYAB PAR MED DO ZHES 'CHAD MOD KYI 'ON KYANG GNYEN PO'I STOBS KYIS ZAG BCAS DANG BRAL BA'O ZHES BYA BA NI LEGS PA YIN NO, DE'I PHYIR SLOB DPON GANG SPEL GYIS KYANG SO SOR BRTAGS PAS 'GOG PA ZHES BYA BAS NI MTSAN GZHI BSTAN LA, GANG BRAL BA'O SO SO SO YIN ZHES BYA BAS NI 'GOG PA GZHAN BZHI BCAD PA'I SGO NAS MTSAN NYID BSTAN TE, DE RNAMS NI BRAL BA MA YIN PA'I BDAG NYID YIN PA'I PHYIR RO ZHES BSHAD DO, , DE'I PHYIR 'GREL PA LAS KYANG SDUG BSNGAL LA SOGS PA 'PHAGS PA'I BDEN PA RNAMS LA SO SOR RTOG PA NI BRTAGS PA STE SHES RAB KYI BYE BRAG GO ZHES 'BYUNG BA NI PHAL CHE BA'AM GTZO BO YIN PA'I PHYIR TE, GZHAN DU NA 'JIG RTEN PA'I LAM GYIS THOB PA SO SOR BRTAGS PAS 'GOG PAR MI 'GYUR RO ZHES BSHAD DO, ,GAL TE (DBYE BA LA GNYIS LAS DANG PO NI CI ZAG BCAS KYI CHOS RNAMS KYI SO SOR,) 'GOG PA DE GCIG GAM THA DAD CE NA, ('GREL PA LAS LDAN PA'I RDZAS RNAMS JI SNYED PA BRAL BA'I RDZAS RNAMS KYANG DE SNYED DO ZHES 'BYUNG BAS LDAN PA'I RDZAS NI ZAG BCAS THAMS CAD YIN TE DES KHAMS GSUM DU KUN TU SBYOR BAR BYED PAS DES NA LDAN RDZAS,) SPANG BYA (RIS LNGA BO,) SO SO BA RNAMS KYI (LDAN PA'I RDZAS SO SO PA YIN PA LTAR DE DAG GI BRAL BA'I,) 'GOG PA'ANG SO SOR THA DAD PA YIN TE, SDUG BSNGAL MTHONG SPANG SPANGS PA'I 'GOG PA KUN 'BYUNG MTHONG SPANG SPANGS PA'I 'GOG PA LAS THA DAD PA LA SOGS PA LTA BU'O, , DE LTA MA YIN PAR 'GOG PA GCIG TU 'DOD NA SDUG BSNGAL MTHONG SPANG SPANGS PA'I 'GOG PA MNGON DU BYAS PAS BDEN PA LHAG MA GSUM GYI MTHONG SPANG DANG SGOM SPANG SPANGS PA'I 'GOG PA'ANG MNGON DU BYAS PAR 'GYUR LA, DE LTA NA LAM PHYI MA RNAMS BSGOMS PA DON MED PAR THAL BA 'DI SPANG BAR MI NUS, (PHA'I PHYIR DANG GZHAN YANG 'PHAGS PA'I GANG ZAG RNAMS KYI SPANGS PA'I BYE BRAG SO SOR GZHAG TU MED PAR THAL TE SPANG BYA SPANGS PA'I 'BRAS BU 'DUS MA BYAS THA DAD MED PA'I PHYIR RO,) DES NA (MTHONG SPANG SPANGS @026 PA'I) 'GOG PA NI THA DAD (PA GYA DGU LA SOGS,) YIN NO ZHES BYA BAR GRUB BO, , (GNYIS PA LUNG DANG 'GAL BA SPANGS PA NI, ,) 'O NA LUNG BAR MA'I CHOS SBYIN GYI MDO LAS, (RANG GI SNGAR GYI KHYO,) TSE DANG LDAN PA SA GAS DGE SLONG MA CHOS SBYIN LA 'PHAGS MA 'GOG PA 'DRA BA YIN NAM ZHES DRIS PA NA, TSE DANG LDAN PA SA GA 'DRA BA MA YIN NO ZHES JI LTAR GSUNG BAR 'GYUR TE, GAL TE THA DAD (CING MANG BO NYID) YIN NA NI 'GOG PA DE DAG 'DRA BAR 'GYUR BA'I PHYIR RO ZHE NA, BDEN MOD KYI 'ON KYANG MDO 'DI NI (SO SOR BRTAGS 'GOG NI RTAG PAS,) 'GOG PA LA 'DRA (BAR BYED) PA'I RGYU (GZHAN YOD PA) 'GOG PA DANG, 'GOG PA'ANG (RANG NYID) 'GA' ZHIG GI 'DRA BA'I RGYU YIN PA 'GOG PA YIN, (TE 'DUS BYAS KHO NA 'DRA BA'I RGYU YIN PAR 'DOD PA'I PHYIR RO DES NA,) 'GOG PA PHAN TSUN 'DRA BA TZAM MED PAR STON PA NI MA YIN NO ZHES BYE BRAG TU SMRA BA 'CHAD MOD KYI, 'GOG PA'I RDZAS DAG DUS RIM GYIS RGYUD LA THA DAD PAR 'BYUNG BAR 'DOD NA MI RTAG PA DANG 'DUS BYAS SU THAL BAR 'GYUR TE, YUL DANG DUS DANG RDZAS RES 'GA' BA YIN PA'I PHYIR MYU GU LA LA SOGS PA BZHIN NO ZHES BYA BA 'DI BYE BRAG TU SMRA BAS SPANG DGOS SO, ,MDO SDE BA NI 'GOG PA GNYEN PO'I STOBS KYIS SPANG BYA ZAG BCAS DANG BRAL BA TZAM YIN GYI NGO BO NYID MED PA LA GCIG DANG THA DAD DU RNAM PAR BZHAG PA MED DO ZHES 'DOD DO, ,BYE BRAG TU SMRA BA RNAMS NI MDO LAS 'GOG PA'I BDEN PA NI BDEN BZHI'I YA GYAL DU GSUNGS PA'I PHYIR RDZAS SU YOD DE LAM GYI BDEN PA BZHIN NO ZHES 'DOD DO, , 'GOG PA GNYIS PA ('O MTSAN GZHI NI 'DUS MA BYAS MA BSGRIBS LUNG MA BSTAN RDZAS SU GRUB PA'I KHYAD PAR TE MDO LAS RGYUN DU ZHUGS PA'I NGAN SONG GI 'GRO BA 'GAGS SO ZHES GSUNGS PA'I PHYIR RKYEN MA TSANG BA TZAM YIN NA RES 'GA' DE'I RKYEN NYE BA'ANG SRID PAS SKYE BAR 'GYUR BA LAS GTAN DU NGAN SONG DU MI SKYE BA'I PHYIR 'GOG BYED RDZAS SU YOD ZER BA LA DE'I MTSAN NYID,) NI ZAG BCAS SAM ZAG MED KYANG RUNG STE (RKYEN MA TSANG BA'I STOBS KYIS,) CHOS MA 'ONGS PA RNAMS SKYE BA LA GTAN DU GEGS BYED PA SO SOR BRTAGS 'GOG LAS GZHAN PA NI SO SOR BRTAGS PA MIN PAS 'GOG PA STE, RKYEN MA TSANG BA'I STOBS KYIS GTAN DU BRAL (DE YANG DPER NA DAD PA'I RJES 'BRANG GI LAM BSAM GTAN SA DRUG GANG RUNG LA RTEN PA GCIG MNGON DU GYUR NA LHAG MA LNGA DANG CHOS KYI RJES 'BRANG GI LAM YANG BRTAGS MIN 'THOB LA, DA YANG THEG DMAN GYI MTHONG LAM LAN GNYIS MI SKYE BAS SO, ,SDUG BSNGAL LA CHOS SHES PA'I BZOD PA'I TSE DE MA 'ONGS PA RNAMS KYANG DE BZHIN TE RGYU MTSAN SNGA MA BZLOG PAS SO, ,DE LTA BAS NA SO SOR BRTAGS @027 PA MED PAR RKYEN MA TSANG BA'I PHYIR MA 'ONGS PA'I CHOS DE LTA BU DAG SKYE BA LA NGES PAR 'GOG PAR 'GYUR PA DE NI SO SOR BRTAGS BA MA YIN PAS 'GOG PA ZHES BYA'O,) BA'O, ,(SGRA DON NI SO SOR BRTAGS PA'I SHES RAB MED PAS THOB PAR BYA BA ZHES MED DGAG GAM YANG SO SOR BRTAGS PA'I SHES RAB LAS GZHAN RKYEN MA TSANG BAS THOB PAR BYA BA ZHES MA YIN DGAG TU BYAS KYANG RUNG STE, DE'I PHYIR SO SOR BRTAGS PA MIN PAS 'GOG PA ZHES BYA'O,) DE LA MI RTAG PA DANG, SNYOMS 'JUG DANG, SKYE BA DANG, SO SOR BRTAGS PA DANG, BRTAGS MIN TE 'GOG PA LNGA YOD PA LAS SKYE BA LA GEGS BYED PA ZHES BYA BAS NI MI RTAG PA'I 'GOG PA SEL TE, DE NI DA LTAR BA GNAS PA LA GEGS BYED KYI (SKYES ZIN PAS,) SKYE BA LA MI BYED PA'I PHYIR RO, ,SO SOR BRTAGS 'GOG LAS GZHAN PA'I 'GOG PAS NI SO SOR BRTAGS 'GOG SEL LO, ,GTAN DU GEGS BYED PAS NI SNYOMS 'JUG GNYIS DANG, 'DU SHES MED PA DANG, 'DUS BYAS DANG, NAM MKHA' SEL TE, DANG PO GSUM (GYI DGAG BYA MA 'ONGS PA YIN YANG,) RE ZHIG SKYE BA LA GEGS BYED PA TZAM YIN PA'I PHYIR DANG, 'DUS BYAS NI SKYE BA DANG BCAS PA'I PHYIR DANG, NAM MKHA' LA GEGS BYED PA MED PAR SNGAR BSTAN PA'I PHYIR RO, , 'DI LA DPER BRJOD PA NI MIG (SHES) DANG YID GZUGS SNGON PO LA G-YENGS PA'I TSE (SNGON PO DE LAS) YUL GZHAN (SER PO SOGS DANG SGRA SOGS,) LA DMIGS PA'I DBANG PO'I SHES PA MI SKYE BA (DE YANG DA LTA MI SKYE BA NI DE MA THAG RKYEN GYI RNAM SHES DU MA'I GO MI 'BYED PAS SNGON PO 'DZIN PA LAS GZHAN PA'I DE MA TSANG BA YIN LA, MA 'ONGS PA NA MI SKYE BA NI DMIGS RKYEN MA TSANG BA STE SNGAR GYI YUL DE DAG NI 'DAS PAR GYUR LA, DBANG SHES LNGA NI DA LTAR BA'I YUL CAN YIN PAS 'DAS PA LA DMIGS PA'I MTHU MED PAS SO,) BZHIN NO ZHES BYA BAR SHES PAR BYA'O, ,'DIR 'GREL PAR MU BZHI GSUNGS PA NI SO SOR BRTAGS 'GOG KHO NA 'THOB PAR BYA BA'I DGAG BYA'I GZHI NI ('GOG PA GNYIS DANG 'BREL BA'I MU BZHI LA SPYIR BSTAN PA DANG MU GSUM PA BYE BRAG TU BSHAD PA GNYIS LAS DANG PO LA DRI BA NI 'O NA GANG SO SOR BRTAGS 'GOG THOB PA'I GZHI YIN PA DE BRTAGS MIN GYI'ANG YIN NAM, GANG BRTAGS MIN 'THOB BA'I GZHI YIN PA DE SO SOR BRTAGS 'GOG GI'ANG YIN NAM ZHE NA, DE'I LAN LA MU BZHI LAS MU DANG PO NI,) ZAG BCAS 'DAS PA DANG DA LTAR BYUNG BA DANG MA 'ONGS PA NA 'BYUNG BAR 'GYUR BA LTA BU STE, DE DAG ZAG BCAS YIN PAS GNYEN PO'I STOBS KYIS DGAG BYA YIN PA BRTAGS 'GOG NI 'THOB PAR RUNG LA, BRTAGS MIN NI 'THOB PAR MI NUS TE SKYE BA'I CHOS CAN YIN PA'I PHYIR (DANG BRTAGS MIN NI SKYE BA LA GTAN DU @028 GEGS BYED PA'I PHYIR) RO, , SO SOR BRTAGS MIN GYI 'GOG PA KHO NA 'THOB PA'I DGAG BYA NI ZAG MED YE MI SKYE BA'I CHOS CAN TE, ZAG MED YIN PAS (NYES PA MED CING SPANG BYA MIN PAS,) GNYEN PO'I STOBS KYIS DGAG BYA MA YIN PA'I PHYIR DANG, RKYEN MA TSANG BAS GTAN DU MI SKYE BA'I PHYIR (DANG SKYE BA LA GEGS BYED BA'I PHYIR) RO, , GNYIS KA YIN PA NI ZAG BCAS YE MI SKYE BA DANG, GNYIS KA MA YIN PA NI ('DUS MA BYAS,) ZAG MED ('DUS BYAS,) SKYE BA'I CHOS CAN LTA BU'O ZHES 'CHAD MOD KYI, ('DUS MA BYAS LA 'GOG PA GNYIS MI SRID DE DE LA SKYE BA SRID PAS SO, ,GNYIS PA NI,) ZAG MED DANG ZAG BCAS MI SKYE BA'I CHOS CAN DE DAG GTAN NAS KYANG SKYE BA MA YIN NA 'DUS BYAS MA YIN PAR 'GYUR TE, RGYU RKYEN GYIS BYAR MED PA'I PHYIR RO, ,DE LTA NA YANG DE DAG GI DGAG BYA MA YIN PAR 'GYUR TE, 'GOG PA GNYIS KYI DGAG BYA NI 'DUS BYAS YIN PA'I PHYIR RO, ,CI STE ZAG BCAS ZAG MED NI 'DUS BYAS YIN LA, DE DAG SKYE BA MED PA NI MI SKYE BA'I CHOS CAN DU 'DOD KYI, MI SKYE BA DANG 'DUS BYAS GZHI MTHUN PA MI 'DOD DO ZHE NA, 'DI NI BYE BRAG TU SMRA BA'I 'DOD PA MA YIN TE, DES NI MA 'ONGS PA RDZAS SU GRUB PAR KHAS BLANGS PAS DE LA SKYE BA DANG MI SKYE BA GNYIS KHAS BLANGS PA'I PHYIR RO, ,'GOG PA GNYIS PO RANG NYID RANG GI DGAG BYAR YANG 'GYUR TE, DE DAG DGAG BYA 'DUS BYAS SKYE BA BKAG PA'I BDAG NYID YIN PA'I PHYIR RO, ,DES NA MA 'ONGS PA MI SKYE BA'I CHOS CAN NI BYE BRAG TU SMRA BAS KUN BRTAGS PA YIN NO, , ('DIR GNYIS KA 'THOB PA YANG CIG CAR THOB PA MIN GYI 'DI LTAR,) 'DIR SLOB DPON RGYAL PO'I SRAS KYIS SO SOR BRTAGS 'GOG SNGON LA THOB PA LA CIG SHOS PHYIS THOB PA (DAD MOS KYIS SGOM SPANG SPANGS NA BRTAGS 'GOG GI THOB PA DE'I TSE SKYE LA, NYAMS PA SRID PAS BRTAGS MIN GYI NI DBANG PO 'PHOS PA LA SOGS PA'I TSE NA'O YANG,) DGRA BCOM PA GZUGS GCIG LA MIG DANG YID G-YENGS PA NA DE LAS GZHAN PA'I GZUGS LA SOGS PA YUL LNGA 'DZIN PA'I SHES PA RNAMS LTA BU'O, ,(DBANG SHES LNGA NI ZAG BCAS YIN PAS DGRA BCOM GYIS ZAG BCAS THAMS CAD LA SNGAR BRTAGS 'THOB BO, ,) SO SOR BRTAGS MIN SNGAR THOB PA CIG SHOS PHYIS 'THOB PA NI BZOD PA THOB PA RNAMS KYI NGAN SONG GI 'GRO BA ('I PHUNG PO BRTAGS MIN KYIS 'GOG LA, DE'I BRTAGS 'GOG NI SGOM LAM SKYES PA NA 'THOB PA,) LTA BU'O, , GNYIS KA LHAN CIG THOB PA NI (MTHONG LAM THOB PAS MTHONG SPANG DANG,) MTHONG BAS THOB PA RNAMS KYI SGOM SPANG CHEN PO'I CHEN PO SPANGS PA ('AM NA DE DAG CHEN PO MA 'ONGS PA RNAMS KYI BRTAGS MIN THOB @029 PA,) (DAD MOS KYANG 'DOD PAR CHA GYUR PA'AM GONG MA'I RTEN CAN GYIS GCIG CAR 'THOB,) LTA BU'O, , ('DI DUS DANG MI SBYAR BAR GROL BA LA CI STE MI MTSUNGS ZHE NA, DE NI MI SLOB PA YIN PAS 'THOB BYED MA YIN NO ZHES 'CHAD DO,,) GNYIS KA MI THOB PA NI DE LAS GZHAN PA LTA BU'O ZHES BYA BA'I MU BZHI YANG BSHAD DO, ,(DE LTA BU LA SOGS PA MU BZHI BRTZI BA'I GZHI NI 'GAL 'BREL MED PA STE, DNGOS 'GAL ZAG BCAS ZAG MED LTA BU LA, PHUNG GSUM SEL BAS MU THA MA GNYIS MED CING, BRGYUD 'GAL SNGO SER LTA BU LA NGO BO 'GAL BAS MU GSUM PA MED LA, BDAG GCIG PA'I 'BREL PA BYAS MI RTAG LTA BU LA MU DANG PO GNYIS MED CING, DE LAS BYUNG BA'I 'BREL PA ME DU LTA BU LA MU GSUM PA MED PA'I PHYIR RO, ,MU BZHI RTZIS PA'I DGOS PA NI SHES BYA LA MKHAS PAR 'GYUR BA'O, ,SGRA DON NI MU ZHES PA MTHA' STE, DRI BA DE LTA BU LA LTOS NAS LAN MTHA' BZHI KHO NAR NGES KYI LNGA PA LA SOGS PA MED PA'I DON TO, ,) DA NI GSUM PA 'DUS BYAS RGYAS BSHAD LA GNAS BRGYAD LAS DE DAG GI SPYI'I DON NI GNAS BRGYAD KYI (GRANGS NGES BA DANG,) RNAM BZHAG DANG, 'BREL DANG, (GO RIM NGES PA DANG,) GNAS GANG NAS BRJOD BYA GANG STON PA GSUM GYIS NGES PAR BYA BA LAS, DANG PO LA, SLOB DPON GANG SPEL NI ZAG BCAS ZAG PA MED CHOS RNAMS ZHES MDOR BSTAN PA'I DON RGYAS PAR 'CHAD PA'I DBANG DU MDZAD NAS GNAS BRGYAD DU MDZAD DO, ,DE LA ZAG BCAS ZAG MED SPYIR BSTAN PA'I PHYIR GNAS DANG PO GNYIS SO, ,ZAG BCAS BYE BRAG TU STON PA'I DBANG DU MDZAD NAS GNAS GSUM STE, GANG KUN NAS NYON MONGS PA SEMS CAN GYI 'JIG RTEN KHAMS GSUM DANG 'GRO BA LNGA DANG, GANG DU KUN NAS NYON MONGS PA SNOD KYI 'JIG RTEN DANG, JI LTAR KUN NAS NYON MONGS PA SKYE GNAS BZHI DANG RTEN 'BREL YAN LAG BCU GNYIS STON PA 'JIG RTEN BSTAN PA'I MDZOD DANG, GANG GIS KUN NAS NYON MONGS PAR BYED PA'I DBANG DU MDZAD NAS LAS BSTAN PA DANG PHRA RGYAS BSTAN PA'I MDZOD BSTAN TO, , ZAG MED BYE BRAG TU STON PA'I DBANG DU BYAS NAS GNAS PHYI MA GSUM STE, GANG RNAM PAR BYANG BA'I GANG ZAG DANG, GANG DU RNAM PAR BYANG BA'I KHAMS GSUM DANG, JI LTAR RNAM PAR BYANG BA'I MNGON PAR RTOGS PA'I RIM PA STON PA LAM DANG GANG ZAG BSTAN PA'I MDZOD DANG, GANG GIS RNAM PAR BYANG BAR BYED PA YE SHES BSTAN PA'I MDZOD DANG, YE SHES KYI RTEN BSTAN PA'I DBANG DU MDZAD NAS SNYOMS 'JUG BSTAN PA'I MDZOD BSTAN TO ZHES 'CHAD DE, DE NYID NI 'BREL RNAM PAR BZHAG PA'ANG YIN NO, , SNGON GYI SLOB DPON KHA CIG NI DMIGS PA DANG, SPYOD PA DANG, 'BRAS BU STON PA'I DBANG DU MDZAD @030 NAS GNAS BRGYAD DU BSTAN TE, JI SNYED PA STON PA'I DBANG DU BYAS NAS GNAS DANG PO GNYIS DANG, JI LTA BA STON PA GNAS GSUM PA DANG BZHI PA DANG LNGA PA RNAMS DANG, JI LTAR SPYOD PA'I MNGON PAR RTOGS PA STON PA GNAS DRUG PA DANG, 'BRAS BU YE SHES DANG, DE'I YON TAN STON PA'I DBANG DU MDZAD NAS GNAS PHYI MA GNYIS BSTAN TO ZHES 'CHAD DO, , GNYIS PA GNAS DE DAG GI 'BREL RNAM PAR BZHAG PA NI, CHOS MNGON PA'I BRJOD BYA ZAG BCAS ZAG MED KYI CHOS RNAMS BSTAN PA'I DBANG DU MDZAD NAS GNAS DANG PO BSHAD DO, ,DER MING TZAM SMOS PA'I DBANG PO RGYAS PAR BSTAN PA'I PHYIR DE'I RJES LA GNAS GNYIS PA BSHAD DO, ,DE DAG TU KHAMS GSUM GYI MING TZAM SMOS PA BSHAD PA'I PHYIR DE'I RJES LA GNAS GSUM PA BSHAD PA YIN NO, ,KHAMS GSUM BSTAN PA DE'I RGYU DBANG PHYUG LA SOGS PA BKAG NAS DNGOS SU LAS LAS BYUNG NGO ZHES BSTAN PA'I PHYIR DE'I RJES LA GNAS BZHI PA BSHAD DO, ,LAS DE YANG KUN NAS SLONG BA'I RGYU PHRA RGYAS YIN NO ZHES BSTAN PA'I PHYIR GNAS LNGA PA DE'I RJES LA BSTAN TO, ,PHRA RGYAS DE DAG SPONG BYED NI LAM YIN NO ZHES BSTAN PA'I PHYIR DE'I RJES LA GNAS DRUG PA BSHAD DO, ,DER SMOS PA'I SHES PA BYE BRAG TU BSHAD PA'I GNAS BDUN PA DE'I RJES LA BSHAD DO, ,DE LAS NI SANGS RGYAS LA THUN MONG DANG THUN MONG MA YIN PA'I YON TAN GNYIS BSTAN PA LAS THUN MONG BA RGYAS PAR BSHAD PA'I PHYIR GNAS BRGYAD PA BSTAN TO, ,GSUM PA GNAS GANG NAS BRJOD BYA GANG STON PA NI GZHUNG GI DON LAS SHES PAR 'GYUR RO, , @031 GZHUNG DNGOS 'CHAD PA LA, GNAS DANG PO, KHAMS BSTAN PA, GZHUNG GI DON LA GNAS BRGYAD LAS DANG PO KHAMS BSTAN PA LA GSUM STE, 'DUS BYAS MDOR BSDUS PA'I RAB TU DBYE BA DANG, MING GI RNAM GRANGS DANG, PHUNG PO KHAMS DANG SKYE MCHED RGYAS PAR BSHAD PA'O, ,DANG PO NI, SNGAR LAM MA GTOGS PA'I 'DUS BYAS RNAMS, ZAG BCAS ZHES GANG SMRAS PA'I 'DUS BYAS KYI CHOS RNAMS ZHES SMOS PA DE DAG GANG ZHE NA ZHES DRIS PA'I LAN DU, ('DUS BYAS ZHES PA LA SOGS PA SMOS TE DE LA LNGA LAS GANG LA DBYE BA'I GZHI NI, SPYOD 'JUG LAS, RKYEN GCIG GIS NI KUN BTUS PA, ,GANG NA YANG NI YOD MA YIN, ,ZHES PA DANG, SKYES RABS LAS, RGYU GCIG GIS NI KUN 'GRUB PA, ,GANG NA YANG NI YOD MA YIN, ,ZHES 'BYUNG BAS, RGYU RKYEN GCIG LAS SKYE BA MED PAS RGYU RKYEN DU MA 'DUS SHING PHRAD NAS BYAS PAS NA 'DUS BYAS DANG, CHOS NI RNAM BSHAD RIGS PAR DON BCU LA 'JUG PAR BSHAD PA LAS LUNG SIL BU LAS MTSAN NYID 'DZIN LA CHOS SHES BRJOD CES PAS, 'DIR SHES BYA RANG GI MTSAN NYID 'DZIN PA'I CHOS RNAMS DE DAG GO, KYANG ZHES PA NI CHOS RNAMS DANG 'DUS MA BYAS LA DBYE BA YOD PAR MA ZAD 'DUS BYAS KYI CHOS LA YANG YOD CES PA'O, , GANG DAG PHYE BA'I DNGOS PO NI TSUL KHRIMS LA SOGS PA RNAM GROL GYI PHUNG PO DANG GZUGS LA SOGS PA YUL LNGA BSAL BA'I GZUGS LA SOGS PA TSOR BA DANG 'DU SHES DANG 'DU BYED DANG RNAM PAR SHES PA'I PHUNG PO RNAMS, SNGA MA DAG GIS NI 'DUS BYAS THAMS CAD MA BSDUS SO, ,JI SNYED PHYE BA'I GRANGS NI LNGA'O, ,DE SNYED PHYE BA'I GRANGS NGES NI BDAG DANG BDAG GIR 'DZIN PA'I GZHI BSTAN PA'I PHYIR LNGAR GRANGS NGES TE, BYIS PA PHAL CHER RNAM SHES LA BDAG DANG GZUGS SOGS LA BDAG GIR 'DZIN TE, RIM PA LTAR PHYI NANG GI GZUGS NI BYED PA DANG LAS SU BYA BAR BDAG DANG 'BREL LO SNYAM PA DANG, TSOR BA NI BDAG GIS MYONG PAR BYA'O SNYAM PA DANG, 'DU SHES NI MTHONG THOS LA SOGS PA'I DON RNAMS LA BDAG TU 'DU SHES PA'I @032 SGO NAS THA SNYAD 'DOGS PAR BYED DO SNYAM PA DANG, BDAG TU 'DZIN PA'I SEMS NI 'DU BYED RNAMS KYIS DGE BA LA SOGS PA LA 'JUG PAR BYED DO SNYAM DU BDAG GIR 'DZIN PA'I PHYIR TE, BYE BSHAD LAS PHUNG PO NI LNGA KHO NA STE, BDAG DANG BDAG GIR 'DZIN PA'I GZHI RAB TU BSTAN PA'I PHYIR MANG BA'AM NYUNG BA MA YIN TE, BYIS PA DAG NI PHAL CHER RNAM PAR SHES PA NYID LA NI BDAG TU 'DZIN LA, GZUGS LA SOGS PA LHAG MA RNAMS LA NI BDAG GIR 'DZIN TE ZHES PA DANG, KUN LAS BTUS LAS KYANG BDAG TU 'DZIN PA'I GZHI RNAM PA LNGA BSTAN PA'I PHYIR PHUNG PO BSTAN TO ZHES DGOS PA LA LTOS NAS GRANGS NGES PAR BSHAD DO, ,YANG NA 'DUS BYAS LA GZUGS CAN DANG DE MA YIN PA GNYIS SU NGES SHING, GZUGS CAN MA YIN PA LA SEMS DANG SEMS MA YIN PA GNYIS SU NGES LA 'DUS BYAS GZUGS DANG SEMS MA YIN PA NI TSOR BA LA SOGS PA PHUNG PO GSUM DU NGES PA'I PHYIR RO, ,ZHES GSUNG NGO, ,DE LTAR PHYE BA'I DON NI CI PHUNG PO LNGA PO 'DI RDZAS THA DAD PA'AM, MING GI RNAM GRANGS PA'AM, NGO BO GCIG LA LDOG PA THA DAD PA'AM, GCIG PA BKAG PA'I THA DAD YIN ZHE NA,) GANG DAG GZUGS KYI PHUNG PO DANG SOGS PA'I SGRAS BZUNG BA TSOR BA DANG, 'DU SHES DANG, 'DU BYED DANG, RNAM PAR SHES PA'I PHUNG PO STE PHUNG PO LNGA PO DE DAG YIN NO ZHES BYA BA'O, ,'DUS BYAS NI RKYEN RNAMS PHRAD CING 'DUS NAS BYAS PA STE RKYEN GCIG GIS BSKYED PA NI 'GA' YANG MED DO, ,'O NA MA 'ONGS PA MI SKYE BA'I CHOS CAN RNAMS JI LTAR 'DUS BYAS YIN ZHE NA, SKYE BAR 'GYUR BA'I CHOS CAN DE DANG RIGS MTHUN ZHING RANG GI MTSAN NYID 'DRA BA'I PHYIR 'DUS BYAS ZHES BYA STE, NU MA LAS BYUNG BA'I 'O MA DANG RIGS MTHUN PAS MI 'JO BA BZHON GYI LUS LA GNAS PA LA'ANG 'O MA ZHES BRJOD PA BZHIN NO, ,KYANG GI SGRA NI 'DUS MA BYAS LA DBYE BA YOD PAR MA ZAD 'DUS BYAS LA'ANG DBYE BA YOD DO ZHES BSTAN PA'I PHYIR RO, ,GZUGS LA SOGS PA DANG PHUNG PO ZHES SMOS PA NI TSUL KHRIMS LA SOGS PA RNAM GROL GYI PHUNG PO DANG PHYI'I SKYE MCHED BSAL BA'I PHYIR RO, , CI PHUNG PO 'DI DAG RDZAS GCIG PA'AM, THA DAD PA'AM, GCIG PA BKAG PA'AM, MING GI RNAM GRANGS PA YIN ZHE NA, BYE BRAG TU SMRA BA NI RDZAS THA DAD PAR 'DOD DE, 'DI LTAR GZUGS KYI PHUNG PO NI RAGS PA DANG RDUL PHRA RAB KYI BDAG NYID DU 'DOD LA, DE GNYIS KA'ANG RDZAS SU 'DOD DO, ,TSOR BA DANG 'DU SHES DANG MTSUNGS LDAN GYI 'DU BYED DANG GZUGS DANG SEMS LAS THA DAD CING DE DAG NANG YANG THA DAD PAR 'DOD DO, ,MI LDAN PA'I 'DU BYED NI GZUGS DANG SEMS DANG SEMS BYUNG LAS THA DAD PA'I DNGOS POR 'DOD DO, ,RNAM SHES KYANG PHUNG PO GZHAN LAS THA @033 DAD PA'I PHYIR PHUNG PO LNGA PO THAMS CAD RDZAS SU YOD PAS LHAS BYIN GYI LUS ZHES PA LTAR PHUNG PO'ANG YIN LA GZUGS KYANG YIN PA'I PHYIR GZUGS KYI PHUNG PO ZHES GZHI MTHUN PA'I BSDU BA YIN NO, ,DE BZHIN DU GZHAN LA'ANG SBYAR RO, ,MDO SDE PA NI GZUGS DANG TSOR BA DANG 'DU SHES DANG MTSUNGS LDAN GYI 'DU BYED DANG RNAM SHES RDZAS SU YOD KYI MI LDAN PA'I 'DU BYED NI GZUGS DANG SEMS DANG SEMS BYUNG GI GNAS SKABS LA BTAGS KYI RDZAS SU MED DE, ,RDUL DANG SKAD CIG MA RDZAS SU YOD KYI RAGS PA DANG RGYUN RDZAS SU MED PA'I PHYIR PHUNG PO'ANG BTAGS PA YIN NO, ,DES NA GZUGS NI RDZAS SU YOD LA PHUNG PO BTAGS PA YIN PA'I PHYIR GZUGS KYI PHUNG PO ZHES GZHI THA DAD PA'I BSDU BA STE LHAS BYIN GYI RIM PA ZHES BYA BA LTA BU'O, ,DE BZHIN DU RNAM PA GZHAN LA'ANG SBYAR RO, ,RNAL 'BYOR SPYOD PA PA RNAMS NI GZUGS NI SEMS DANG SEMS BYUNG LAS RDZAS THA DAD PAR MED LA, MI LDAN PA'I 'DU BYED KYANG DE DAG LAS GZHAN DU MED CING, RGYUN YANG RDZAS SU MA GRUB PA'I PHYIR PHUNG PO'ANG BTAGS YOD NYID DU 'DOD DO, , GNYIS PA MING GI RNAM GRANGS NI, tI KA DAG LAS CHOS MNGON PA THAMS CAD NI MDO'I DON DANG MDO GTAN LA 'BEBS PA DANG MDO RNAM PAR 'CHAD PA YIN PAS 'DIR MDO LAS GSUNGS PA'I DUS LA SOGS PA PHUNG PO'I RNAM GRANGS KYI NGO BO DAG BRJOD DO ZHES 'BYUNG BAS DE DAG BSTAN PAR BYA STE, DE LA GANG DAG 'DUS BYAS SU BSHAD PA DE DAG NYID NI DUS GSUM DU'ANG GSUNGS TE, DE LA DE DAG SONG BA NI 'DAS PA'O, ,'GRO BA NI DA LTAR BA'O, ,'GRO BAR 'GYUR BA NI MA 'ONGS PA'O, ,DE BZHIN DU 'DUS BYAS DE DAG NYID LA GTAM GYI GZHI ZHES KYANG BYA STE, GTAM NI (YI GE'I BDAG NYID KYI SGRA'AM,?) NGAG GO, DE'I GZHI STE BRJOD PAR BYA BA'I MING NGO, ,DE LTA NA MING DE KHO NA GTAN GYI GZHIR 'GYUR RO ZHE NA, MA YIN TE (GTAM GYI) GZHI (NGAG DE'I,) GZHI ('DUS BYAS THAMS CAD,) DANG BCAS PA SMOS PA'I PHYIR 'DUS BYAS THAMS CAD GTAN GYI GZHI YIN TE, NGAG NI MING LA 'JUG LA (MING,) DES 'DUS BYAS THAMS CAD BRJOD PA'I PHYIR RO, ,(DE YANG NGAG GI DNGOS KYI BRJOD BYA NI MING YIN DON NI ZHEN PA'I BRJOD BYA YIN PAS 'DUS BYAS THAMS CAD GTAM GYI GZHI'O,) 'DUS MA BYAS MING GI BRJOD BYA YIN KYANG RGYU MA YIN PA'I PHYIR DANG, BRJOD PA NYUNG BA'I PHYIR GTAM GYI GZHIR MA BSTAN TO, ,DE LTAR NA RAB TU BYED PA LAS GTAM GYI GZHI RNAMS NI KHAMS BCO BRGYAD KYIS BSDUS SO ZHES GSUNGS PA DE LEGS PAR DRANGS PAR 'GYUR RO, ,YANG 'DUS BYAS DE DAG NYID NGES PAR 'BYUNG BA DANG BCAS PA ZHES KYANG BYA STE, NGES PAR 'BYUNG BA NI MYA NGAN LAS 'DAS PA STE, NGES PAR 'BYUNG BYA'I MYA NGAN NI 'DUS BYAS @034 YIN LA DE LAS 'DUS PA NI 'DUS BYAS KYI MTHA' YIN PA'I PHYIR NGES PAR 'BYUNG BCAS SO, ,'O NA LAM GYI BDEN PA NGES PAR 'BYUNG BYA MA YIN PAS 'DUS BYAS THAMS CAD NI NGES PAR 'BYUNG BA DANG BCAS PAR MI 'GYUR RO ZHE NA LUNG BAR MA LAS CHOS KYI RNAM GRANGS GZINGS LTA BUR SHES PA RNAMS KYIS CHOS RNAMS KYANG SPANG BAR BYA NA CHOS MA YIN PA RNAMS LTA CI SMOS ZHES PA DANG, MDO SDE'I RGYAN LAS KYANG, 'DON SHES PAS NI CHOS RNAMS KUN, ,GZINGS NGANG 'DRA BA NYID DU RIG ,CES 'BYUNG BAS DE YANG LHAG MED DU 'JUG PA NA NGES PAR 'BYUNG BYA YIN PA'I PHYIR RO, , YANG 'DUS BYAS DE DAG NYID GZHI DANG BCAS PA ZHES KYANG BYA STE, 'DIR GZHI NI RGYU YIN PAR 'DOD DO, , DE LTAR NA DE DAG NI 'DUS BYAS KYI RNAM GRANGS YIN NO, ,DE'I KHYAD PAR ZAG BCAS KYI RNAM GRANGS NI 'DUS BYAS GANG DAG ZAG BCAS SU BSHAD PA DE DAG NI NYE BAR LEN PA'I PHUNG PO'ANG YIN TE, NYE BAR LEN PA NI NYON MONGS PA YIN LA DE LAS BYUNG BAS NA NYE BAR LEN PA'I PHUNG PO STE RTZVA DANG SOG MA'I ME BZHIN NO, ,(YANG NA NYER LEN LA RAG LUS PAS NA NYE BAR LEN PA'I PHUNG PO STE RGYAL PO LA RAG LUS PA'I MI LA RGYAL PO'I MI ZHES PA BZHIN NO,) YANG NA DE DAG LAS NYE BAR LEN PA NYON MONGS PA RNAMS 'BYUNG BA'I PHYIR NYE BAR LEN PA'I PHUNG PO STE ME TOG DANG 'BRAS BU'I SHING BZHIN NO, ,(DES NA PHUNG PO YIN LA NYER LEN MA YIN PA 'DUS BYAS ZAG MED DANG, GNYIS KA YIN PA 'DUS BYAS ZAG BCAS DANG, GNYIS KA MA YIN PA 'DUS MA BYAS TE MU GSUM DU 'GYUR BAS,) YANG GANG DAG ZAG BCAS SU BSHAD PA DE DAG NI ('THAB MO LTAR RANG GZHAN LA GNOD PAS 'THAB PA NI NYON MONGS PA YIN LA DE ZAG BCAS GYIS RGYAS PAR BYED PAS NA,) 'THAB PA DANG BCAS PA ZHES KYANG BYA LA, DE BZHIN DU (SDUG BSNGAL GSUM GYIS CI RIGS PAR SDUG BSNGAL ZHING 'PHAGS PA RNAMS DANG MI MTHUN PAS,) SDUG BSNGAL DANG, (ZAG BCAS RGYUR GYUR PA 'DI LAS 'BRAS BUR GYUR PA'I SDUG BSNGAL KUN 'BYUNG BAS,) KUN 'BYUNG DANG, ('JIG CING RAB TU 'JIG PAS SAM GNYEN POS KYANG 'JIG PAS NA,) 'JIG RTEN DANG, LTA BA'I GNAS DANG, (MDO LAS SRID PA GANG ZHE NA NYE BAR LEN PA'I PHUNG PO LNGA'O ZHES 'BYUNG BAS ZAG BCAS THOG MA MED PA NAS 'BYUNG BAS NA,) SRID PA ZHES BYA BA'ANG DE DAG (GI MING GI RNAM GRANGS DON DANG MTHUN PA,) YIN NO, , RIM PA LTAR BDAG GZHAN LA GNOD PAS 'THAB PA NYON MONGS PA DANG BCAS PA DANG, 'DU BYED KYI SDUG BSNGAL GYIS 'PHAGS PA RNAMS DANG MI MTHUN ZHING SDUG BSNGAL GSUM GYIS SDUG BSNGAL BA DANG, RGYUR GYUR PA'I (ZAG BCAS KYI,) PHUNG PO RNAMS NI KUN 'BYUNG YIN LA 'BRAS BUR GYUR PA'I (ZAG BCAS KYI,) @035 PHUNG PO RNAMS NI SDUG BSNGAL YIN PAS RGYUR GYUR PA 'DI LAS 'BRAS BUR GYUR PA'I SDUG BSNGAL MA LUS PA KUN 'BYUNG BA DANG, 'JIG PA DANG LDAN PA DANG, MDO LAS DGE SLONG DAG GANG KHA CIG BDAG DANG BDAG GIR YANG DAG PAR RJES SU LTA BA NA YANG DAG PAR RJES SU LTA BA DE DAG NI NYE BAR LEN PA'I PHUNG PO 'DI NYID LA BDAG DANG BDAG GIR YANG DAG PAR RJES SU LTA'O ZHES 'BYUNG BAS (ZAG BCAS 'DI LA,) 'JIG TSOGS LA LTA BA LA SOGS PA'I LTA BA RGYAS PAR 'GYUR BA ('I SGO NAS GNAS PAS NA, DGRA BCOM GYI ZAG BCAS KYI PHUNG PO'ANG NYER LEN YIN TE DE LA DMIGS NAS GZHAN RGYUD KYI NYER LEN NYON MONGS RNAMS 'BYUNG BAS SO, ,) DANG, YANG NYING MTSAMS SBYOR BA'I PHYIR RO, ,GAL TE ZAG BCAS KYI DNGOS PO LA NYON MONGS PA THAMS CAD RGYAS PAR 'GYUR BA YIN NA DE LA LTA BA KHO NA'I GNAS ZHES CI'I PHYIR BRJOD CE NA, NYON MONGS PA GZHAN RNAMS KYANG RGYAS PAR 'GYUR MOD KYI 'ON KYANG 'DIR LTA BA KHO NA'I GNAS SU BRJOD PA NI GANG ZHIG ZAG BCAS KYI DNGOS PO THAMS CAD LA DUS THAMS CAD KYI TSE RNAM GRANGS MED PAR BRTAN PAR 'DZIN PA DE LA GNAS ZHES BRJOD PA YIN NA 'DOD CHAGS DANG KHONG KHRO DANG NGA RGYAL NI NYON MONGS PA RANG GI MTSAN NYID PA YIN PAS THAMS CAD LAM YIN LA, DUS THAMS CAD KYI TSE'ANG MA YIN TE, GANG LA DE SKYES MA SPANGS PA'I ZHES 'CHAD PAR 'GYUR BA'I PHYIR RO, , MA RIG PA NI DUS THAMS CAD KYI TSE YIN KYANG RNAM GRANGS MED PAR PHYOGS GCIG TU NI MA YIN TE, 'DOD CHAGS LA SOGS PA DANG MTSUNGS PAR LDAN PA RNAMS 'DOD CHAGS LA SOGS PA BZHIN DU RTOGS PA'I PHYIR RO, ,THE TSOM LA NI GZHAN RNAMS YOD KYANG BRTAN PAR 'DZIN PA MED PA'I PHYIR RO, , DE NYID KYI PHYIR SLOB DPON GANG SPEL GYIS, DUS KUN PA DANG THAMS CAD LA, ,RNAM GRANGS MED DANG MI G-YO BA, ,LTA YIN DE LTAR CHAGS SOGS DANG, ,MA RIG PA DANG THE TSOM MIN, ,ZHES BSHAD DO, ,(DE LTA NA LAM BDEN YANG ZAG BCAS SU 'GYUR TE, 'DU BYED KYI SDUG BSNGAL DANG LDAN PA'I PHYIR DANG, LAM BDEN GYIS DE MA THAG RKYEN BYAS NAS KHAMS GSUM GYI DGE BA ZAG BCAS KYI SDUG BSNGAL KUN 'BYUNG BA'I PHYIR DANG, MI RTAG PA 'JIG RTEN DANG, LOG LTAS DMIGS PA DANG, SNGA MA LAS PHYI MA 'BYUNG BAS SRID PA'ANG YIN PA'I PHYIR RO ZHE NA, MI 'GYUR TE, MI RTAG KYANG 'PHAGS PA DANG MI MTHUN PA MED CING SDUG BSNGAL DANG PO GNYIS LAS 'DAS PA'I PHYIR DANG, MI RTAG BAS 'JIG PA YOD KYANG GNYEN POS 'JIG PA MED PA'I PHYIR DANG, LOG LTAS DMIGS KYANG MI RGYAS PA'I PHYIR DANG, 'KHOR @036 BA THOG MED NAS 'BYUNG BA MED PAS ZAG BCAS KYI DON DANG MI LDAN ZHING SGRA 'JUG PA'ANG MED PA'I PHYIR, MA HE KHO NA LAS STENGS NYAL ZHES BRJOD PA BZHIN NO, ,) GSUM PA PHUNG PO KHAMS DANG SKYE MCHED RGYAS PAR BSHAD PA LA DE DAG GI RANG BZHIN DANG, DE GSUM GZHAN YANG 'DIR BSDU BA DANG, KHAMS LA RNAM PA'I RAB DBYE BSHAD PA GSUM KYI DANG PO LA'ANG MTSAN GZHI'I DBYE BA DANG, MTSAN NYID DANG, DGOS PA DANG, GRANGS NGES PA DANG, GO RIMS NGES PA LNGA'O, ,DANG PO LA'ANG LNGA LAS GZUGS KYI PHUNG PO KHAMS DANG SKYE MCHED KYI DBYE BA LA PHUNG PO DANG, KHAMS DANG SKYE MCHED DU BSTAN PA GNYIS LAS DANG PO LA'ANG MDOR BSTAN PA NI, SNGAR GZUGS LA SOGS PA'I PHUNG PO LNGA ZHES SMRAS PA DE LA GZUGS KYI PHUNG PO'I MTSAN GZHI NI MIG LA SOGS PA'I DBANG PO LNGA DANG GZUGS LA SOGS PA'I DON LNGA DANG RNAM PAR RIG BYED MIN PA'I GZUGS DANG BCU GCIG PO NYID DO, ,GZHAN DU BCO LNGA BSHAD PA NI REG BYA BZHI LOGS SU PHYE BA'I PHYIR RO, ,DE DAG GZUGS KYI PHUNG POR MTSON PA'I MTSAN NYID NI GZUGS SU RUNG BA NYID DO, ,DE'I DON GZUGS CAN (NANG,) PHRAD PA LAS (SNGA MA DANG PHYI MA,) RNAM PAR 'GYUR BA MI 'DRA BA SKYE BA'I GNOD PA BYAR RUNG BA'O, , KHA CIG NA RE THOGS PA NI GZUGS SU RUNG BA YIN NO ZHES ZER RO, ,'PHAGS PA THOGS MED KYIS NI GZUGS SU YOD PA GNYIS BSHAD DE, YUL DPYAD PA DANG, REG PAS GZUGS SU YOD PA'O, , DANG PO NI, 'DI NI 'DI NA'O, ,PHA BI NI PHA BI NA'O ZHES PHYOGS KYI CHA DANG BCAS PA YIN LA, GNYIS PA NI, SNGAR BSHAD PA'I GNOD PA BYAR RUNG BA YIN NO, ,DES NA RNAM PA GNYIS KYIS GZUGS SU RUNG BA NI GZUGS KYI MTSAN NYID YIN NO ZHES BSHAD PA NI LEGS PA YIN NO, ,(SLOB DPON 'PHAGS PAS NI KUN LAS BTUS LAS GZUGS KYI PHUNG PO'I MTSAN NYID CI ZHE NA, GZUGS SU YOD PA RNAM PA GNYIS KYI GZUGS SU YOD PA'I MTSAN NYID DE, REG PAS GZUGS SU YOD PA DANG, YUL DPYAD PAS GZUGS SU YOD PA'O ZHES GZUGS SU YOD PA GNYIS GSUNGS PA'I DANG PO NI LAG PA'I 'DUS TE REG PAS REG NA GZUGS SU RUNG BA LA SOGS PAR BSHAD PAS 'DIR BSHAD PA'I GNOD PA BYA RUNG NYID LA, GNYIS PA NI DE NYID LAS GANG YUL LA GZUGS 'DI DANG 'DI'O, ,GZUGS 'DI LTA BU DANG 'DI LTA BU'O ZHES MNYAM PAR BZHAG PA'AM, MNYAM PAR MA BZHAG PA YANG RTOG PA DANG MTSUNGS PAR LDAN PAS BKRA BAR 'DZIN PA'O ZHES YUL CHA DANG BCAS PAR BLO LA SNANG BA LA BSHAD DE DE NYID RIGS BAR BLTA'O, ,) 'O NA RDUL PHRA @037 RAB GZUGS MA YIN PAR 'GYUR TE, CHA MED CING GNOD PAR BYAR MI RUNG BA'I PHYIR RO, ,ZHE NA, DE DAG (RDZAS KYI RDUL PHRAN,) GCIG PU BA LA DE MED KYANG MANG DU TSOGS NA YOD PA'I PHYIR RO, 'O NA RIG BYED MA YIN PA GZUGS SU MI 'GYUR RO ZHE NA, DE LA'ANG (DE SLONG BYED KYI,) RGYU RIG BYED GZUGS SU YOD PA'I PHYIR (SHING LJON PA G-YOS NA, DE'I GRIB MA G-YO BA BZHIN NA, 'O NA SHING LOG NA DE'I GRIB MA LDOG PA BZHIN DU RTEN RIG PHYED LDOG NA BRTEN PA RIG BYED MIN PA YANG LDOG PAR THAL BAS DPE DON MI MTSUNGS ZHES SO, ,) RAM, DE'I RTEN 'BYUNG BA GZUGS SU YOD PA'I PHYIR GZUGS SU RUNG NGO ZHES LAN 'DEBS MOD KYI BYE BRAG TU SMRA BAS GZUGS SU BRTAGS PA YIN KYI MTSAN NYID PA MA YIN PA NYID DU 'CHAD PAR 'GYUR RO, , RGYAS PAR BSHAD PA LA GSUM LAS DBANG PO LNGA BSHAD PA NI, (GCIG) DBANG BO LNGA SBHAD PA, GZUGS LA SOGS PA YUL LNGA PO GANG DAG SMOS PA DE DAG RNAMS KYI RNAM PAR SHES PA'I RTEN GZUGS CAN DANG BA RNAMS NI MIG LA SOGS PA'I DBANG PO STE, MDO LAS DGE SLONG MIG NI NANG GI SKYE MCHED DE, 'BYUNG BA CHEN PO BZHI DAG RGYUR BYAS PA GZUGS DANG BA'O ZHES BYA BA LA SOGS PA (DANG RNAM PAR SHES PA'I TSOGS LAS KYANG DE NI GZUGS KYI RNAM PAR SHES PA YIN GYI GANG ZAG GI RNAM PAR SHES PA NI MA YIN NO ZHES,) GSUNGS PA'I PHYIR RO, ,RNAM PA GCIG TU NA MIG LA SOGS PA GANG DAG SMOS PA DE DAG RNAMS KYI RNAM PAR SHES PA'I RTEN GZUGS CAN DANG BA RNAMS TE, RAB TU BYED PA LAS, MIG GI DBANG PO GANG ZHE NA, MIG GI RNAM PAR SHES PA'I RTEN GZUGS DANG BA'O ZHES BYA BA LA SOGS PA GSUNGS PA'I PHYIR RO, ,SLOB DPON RGYAL PO'I SRAS NI LUGS SNGA MA NI MDO SDE DANG MTHUN LA, PHYI MA NI 'JIG RTEN PA DANG MTHUN NO ZHES 'CHAD LA, GANG SPEL NI LUGS SNGA MA NI 'JIG RTEN LA GRAGS PA'I DBANG DU BYAS LA PHYI MA NI GSUNG RAB LA GRAGS PA YIN NO ZHES 'CHAD DO, ,('ON KYANG GZUGS LA SOGS PA LA NI YID? SHES KYIS KYANG DMIGS PAS GZUGS KYI RNAM SHES ZHES BRJOD NA YID SHES DANG SGO LNGA'I RNAM SHES KYI DBYE BA MI SHES LA MIG LA SOGS PA'I RNAM SHES ZHES BRJOD NA YID SHES LAS THA DAD DU GRUB PAS PHYI MA NYID 'THAD DO, ,) DE DAG LA RAB TU DBYE BA NI RTEN BCAS DANG DE MTSUNGS GNYIS GNYIS SU DBYE'O, ,MING GI @038 DON NI LTA BAR BYED PA DANG NYAN PAR BYED PA DANG SNOM PAR BYED PA DANG MYONG BAR BYED PA DANG RIG PAR BYED PA LA MIG LA SOGS PA'I BRDA 'DOD RGYAL BA YIN NO, , (GNYIS) DON LNGA BSHAD PA, GNYIS PA DON LNGA BSHAD PA (LA GNYIS LAS DANG POS,) NI MIG GI SPYOD YUL DU 'GYUR BA'I GZUGS NI BSDUS NA KHA DOG DBYIBS RNAM PA GNYIS DANG, DE DAG KYANG RGYAS PAR PHYE NA RNAM PA NYI SHUR RAB TU BYED PA LAS GSUNGS TE, DE LA KHA DOG LA NI RTZA BA'I KHA DOG SNGON PO DANG SER PO DANG DMAR PO DANG DKAR PO BZHI DANG, DE DAG GI BYE BRAG SPRIN DANG, DU BA DANG, RDUL DANG, KHUG RNA DANG, GRIB MA DANG, NYI MA DANG, SNANG BA DANG, MUN PA STE YAN LAG GI KHA DOG BRGYAD DE BCU GNYIS DANG, RING PO DANG, THUNG NGU DANG, LHAM PA DANG, ZLUM PO DANG, MTHON PO DANG, DMA' BA DANG, PHYAL LE BA DANG, PHYAL LE BA MA YIN PA STE DBYIBS BRGYAD DO, ,DE LA RDUL NI RDUL TSUB BO, ,KHUG RNA NI LHO 'UR MA'O, ,GRIB MA NI GANG NA GZUGS RNAMS SNANG BA STE, RNAM BSHAD RIGS PA LAS KYANG GANG GIS YUL NYI MA DANG BAR DU CHOD PA NA GZUGS RNAMS GSAL BAR BYED PA'O ZHES BSHAD DO, ,MUN PA NI DE LAS BZLOG PA'O, ,NYI MA NI NYI MA'I 'OD DO, ,SNANG BA NI NOR BU (ZLA BA DANG SKAR MA DANG ME DANG,) LA SOGS PA'I 'OD DO, ,LHAM PA NI GRU BZHI'O, ,ZLUM PO NI RIL RIL PO'O, ,DBYIBS MNYAM PA'AM NGOS YANGS PA NI PHYAL LE BA DANG, MI MNYAM PA'AM, NGOS DOG PA NI PHYAL LE BA MA YIN PA'O, ,GZHAN DAG NI SHES PAR SLA'O, ,'O NA LJANG KHU DANG NAG PO DANG DUR KHA DANG SKYER KHA LA SOGS PA'ANG YOD PA MA YIN NAM ZHE NA, SER PO DANG 'DUS PA'I SNGON PO SHAS CHE BA NI LJANG KHU DANG, DMAR PO DANG 'DUS PA'I SNGON PO SHAS CHE BA LA NAG PO DANG, DMAR PO DANG 'DUS PA'I SER PO SHAS CHE BA LA DUR KHA DANG, DKAR PO DANG 'DUS PA'I SER PO SHAS CHE BA LA SKYER KHA DANG, DKAR PO DANG 'DRES PA'I SNGON PO LA SNGO SKYA LA SOGS PA YIN PA'I PHYIR RO, , KHA (THAG RING PO NAS BEE d'URYA'I RTZIG PA LTAR SNANG BA'O, ,) CIG NA RE STENG NA SNGON POR SNANG BA'I NAM MKHA' KHA DOG GCIG PA DANG NYI SHU RTZA GCIG GO ZHES ZER RO, ,DE DAG GI STENG DU KUN LAS BTUS LAS RDUL PHRA MO DANG RAGS PA STE DBYIBS GNYIS DANG, MNGON PAR SKABS YOD PA DANG, RNAM PAR RIG @039 BYED DE, KHA DOG GI GZUGS GNYIS TE BZHI BSNAN NAS NYI SHU RTZA LNGA BSHAD DO, ,GAL TE SPRIN DANG DU BA LA SOGS PA GZUGS KYI DBYE BAR 'CHAD NA 'DI NYUNGS PAR SMRAS PA YIN TE, CHU DANG ME DANG KA BA DANG BUM PA LA SOGS PA MTHA' YAS PA'I PHYIR RO, ,DE DAG SNGON PO LA SOGS PA'I KHA DOG DANG RING PO LA SOGS PA'I DBYIBS SU (SNGO SER DMAR DANG DKAR BA DANG, ,SNANG MUN SPRIN DANG DU BA DANG, , RDUL DANG KHUG RNA NYI MA DANG, ,GRIB MA RING THUNG LHAM PA DANG, ,ZLUM PO MTHON PO DMA' BA DANG, , PHYAL LE PHYAL LE MA YIN PA'O, ,DANG PO BCU GNYIS KHA DOG YIN, ,BZHI NI RTZA BA'I KHA DOG STE, , BRGYAD PO DE'I BYE BRAG GO ,DBYIBS KYIS GZUGS NI RNAM PA BRGYAD, ,) 'DUS PAS MI 'BYED NA NI 'O NA SPRIN LA SOGS PA'ANG BRJOD PAR BYA BA MA YIN TE, ,DE DAG KYANG KHA DOG DANG DBYIBS DE DAG TU 'DUS PA'I PHYIR RO ZHE NA, ,DE LTA YIN MOD KYI SPRIN DANG DU BA DANG RDUL DANG KHUG RNA RNAMS NI 'JIG RTEN PAS RDZAS SU MA GRUB PA DANG, GRIB MA LA SOGS PA BZHI NI SA GZHI LA SOGS PA LAS LOGS SU MA GRUB PO SNYAM PA'I LOG RTOG BZLOG PA'I PHYIR MDO LAS, 'DI DAG GZUGS KYI DBYE BAR BSHAD KYI GZHAN DAG LA NI DGOS PA MED PA'I PHYIR MA BSHAD DO, ,BYE BRAG TU SMRA BAS (GZUGS KYI SKYE MCHED GANG,) KHA DOG TU YOD LA DBYIBS SU MED PA SNGON PO LA SOGS PA RTZA BA'I KHA DOG BZHI DANG GRIB MA DANG NYI MA DANG SNANG MUN TE BRGYAD DANG, DBYIBS SU YOD LA KHA DOG TU MED PA (DBYIBS BRGYAD KYI PHYOGS GCIG LA DMIGS PA'I SEMS KYIS KUN NAS BSLANG BA'I,) LUS KYI RIG BYED KYI NGO BOR GYUR PA (LUS KYI LAS,) RING PO LA SOGS PA BRGYAD DANG, GNYIS KAR YOD PA (NI DE MA GTOGS PA'I DBYIBS RNAMS DANG,) SPRIN LA SOGS BZHI YIN (GZHAN DAG MU DANG PO NI SNANG MUN KHO NA YIN GYI SNGON PO LA SOGS PA NI RING PO LA SOGS PAR SNANG BAS DE DAG KYANG MU GSUM PAR 'DOD DO, ,DBYE GZHI GCIG LA RTZI BAS MU BZHI BA MI SRID DO, , DE YANG BYE BRAG TU SMRA BA'I BSAM PA NI SNANG BA LA SOGS PA 'DZIN PA NI DBYIBS LA MI LTOS LA, LUS KYI RIG BYED 'DZIN PA NI, KHA DOG LA MI LTOS PAR 'BYUNG GI LHAG MA 'DZIN PA NI GNYIS KA LA LTOS NAS 'BYUNG NGO SNYAM PA YIN NO, ,) NO ZHES ZER MOD KYI MDO SDE BAS KHA DOG GI RDUL GYI BKOD PA MI 'DRA BA LAS RING PO LA SOGS PAR (YID KYIS BRTAGS NAS,) 'JOG GI DBYIBS RDZAS SU MA GRUB PA'I PHYIR KHA DOG MA YIN PA'I DBYIBS 'BA' ZHIG BA (KHA DOG GAM REG BYA MA GZUNG BAR MIG GIS 'DZIN PA,) MED DO ZHES SMRA BA NYID RIGS PA YIN NO, ,GZUGS BSHAD ZIN TO, , SGRA NI RNA BA'I DBANG PO'I YUL TE DE NI RNAM PA BRGYAD YOD DE, 'DI LTAR (DBANG PO THA MI DAD PAR @040 'JUG PA,) ZIN PA'I 'BYUNG BA CHEN PO'I RGYU LAS BYUNG BA DANG, MA ZIN PA'I 'BYUNG BA CHEN PO'I RGYU LAS BYUNG BA'I SGRA GNYIS SO, ,DE DAG RE RE LA'ANG SEMS CAN DU STON PA DON RJOD PAR BYED PA DANG, (DE LAS BZLOG PA,) SEMS CAN DU STON PA MA YIN PA DON RJOD PAR BYED PA MA YIN PA GNYIS GNYIS TE RNAM PA BZHI'O, ,DE RE RE LA'ANG (RNA BAR SNYAN PA DANG MI SNYAN PAS,) YID DU 'ONG BA DANG MI 'ONG BA GNYIS GNYIS TE DE LTAR NA BRGYAD DU 'GYUR RO, ,DE LA SEMS CAN DU STON PA MA ZIN PA'I 'BYUNG BA'I RGYU LAS BYUNG BA NI SUM CU RTZA GSUM GYI LHA'I RNGA LAS TSIGS SU BCAD PA 'BYUNG BA LA SOGS PA LTA BU'O, ,GZHAN DAG NI SHES PAR SLA'O, ,'PHAGS PA THOGS MED KYIS ZIN PA DANG MA ZIN PA GNYIS KA'I 'BYUNG BA CHEN PO'I RGYU LAS BYUNG BA RNGA'I SGRA LTA BU'O ZHES GSUNGS PA NI BYE BRAG TU SMRA BAS MI 'DOD DE, 'BRAS BU'I GZUGS GCIG 'BYUNG BA BZHI TSAN GNYIS LA BSTEN PAR MI 'DOD PA'I PHYIR RO, ,'ON KYANG RNGA DANG LAG PA GNYIS KA LAS 'BYUNG BA NI DE DAG RKYEN TZAM YIN GYI RTEN NI MA ZIN PA'I 'BYUNG BA CHEN PO YIN NO ZHES BYA BA 'DI 'DOD PA YIN NO, , RO NI LCE'I DBANG PO'I SPYOD YUL TE, DE NI RNAM PA DRUG GO, MNGAR BA DANG, SKYUR BA DANG, LAN TSVA DANG, TSA BA DANG, KHA BA DANG, BSKA BA'O, ,DRI NI SNA'I DBANG PO'I YUL TE, DE NI DRI ZHIM PA DANG, NGA BA GNYIS LAS RE RE LA'ANG MNYAM PA DANG MI MNYAM PA GNYIS GNYIS SU PHYE BAS RNAM PA BZHI'O, ,DE LA MNYAM PA NI DRI ZHIM PA DANG NGA BA GNYIS SHAS CHUNG BA DANG, MI MNYAM PA NI SHAS CHE BA YIN PAR 'DOD DO, ,BSTAN BCOS LAS NI DRI ZHIM PA DANG NGA BA DANG MNYAM PA GSUM 'BYUNG STE, DE LA KHA CIG MNYAM PA NI GSUM PA YIN PAR 'DOD LA, GZHAN DAG NI MNYAM PA GNYIS PO DE'I PHYOGS GCIG YIN PAS DON NI KHYAD PAR MED DO ZHES ZER RO, ,LUS KYI DBANG PO'I SPYOD YUL NI REG BYA STE, DE NI (DBYE NA RGYU'I REG BYA 'BYUNG BA BZHI DANG 'BRAS BU'I REG BYA 'JAM RTZUB LCI YANG GRANG BA BKRES SKOM BDUN TE,) BCU GCIG GI BDAG NYID DO, ,GANG ZHE NA, RGYU'I REG BYA SRA BA LA SOGS PA 'BYUNG BA BZHI DANG, 'BRAS BU'I REG BYA 'JAM PA DANG RTZUB PA DANG LCI BA DANG YANG BA DANG, GRANG BA DANG BKRES PA DANG SKOM PA STE BDUN NO, ,DE LA GRANG BA NI SPYIR 'BYUNG BA (BZHI LAS GRUB KYANG KHYAD PAR DU,) CHU DANG RLUNG SHAS CHE BA LAS GYUR PA'I REG BYA DRA BA 'DOD PAR BYED PA'O, ,BKRES PA NI PHO BA'I NANG DU 'BYUNG BA RLUNG SHAS CHE BA LAS GYUR PA'I REG BYA ZAS 'DOD PAR BYED PA'O, ,SKOM PA NI ME SHAS CHE BA LAS GYUR PA'I REG BYA SKOM 'DOD PAR BYED PA STE, DE DAG LA ZAS 'DOD PA DANG SKOM 'DOD @041 PA ZHES SMOS PA NI RGYU LA 'BRAS BU'I MING GIS BTAGS PA'I PHYIR RO, ,GZHAN DAG NI SHES PAR SLA'O, , GAL TE (DE LTA NA,) LUS NANG REG PA NA LUS KYI DBANG PO'ANG REG BYAR 'GYUR TE, LUS KYI DBANG PO'I SPYOD YUL YIN PA'I PHYIR RO ZHE NA, DBANG PO NI REG PAR BYA BA MA YIN GYI (REG PAR BYED PA YIN PAS,) LUS NANG REG PAR SNANG BA NI LUS KYI TSOGS PA NA YOD PA'I RGYU'I REG BYA DANG 'BRAS BU'I REG BYA LA (LUS KYI) DBANG POS REG (PAR BYA,) PA LA DE LTAR 'DU SHES PA'I PHYIR RO, ,DE LA (GNYIS PA CHOS KYI KHYAD PAR LA BZHI LAS YUL DBANG DE DAG KHAMS DANG SA GANG NA YOD PA NI,) YUL RNAM PA LNGA PO DE DAG 'DOD PA NA NI THAMS CAD YOD DO, ,GZUGS KHAMS NA DRI RO DANG BKRES SKOM RNAMS MED DE, KHAM GYI ZAS LA 'DOD CHAGS DANG BRAL BA'I PHYIR RO,, (LUS DANG RTEN RNAMS 'OD LTAR DANG PA'I PHYIR DANG GDAGS PA LAS GOS KYANG SRANG LA GZHAL DU MED PAR BSHAD PA'I PHYIR LCI BA JI LTAR YOD CE NA YOD DE GOS RE RE NAS MI 'JAL YANG BRTZEGS PA 'JAL BAS SO GRANG BA RDUL YIN PAS JI LTAR YOD CE NA,) GRANG BA'I REG PA NI YOD DE, GNOD PAR BYED BA'I REG BYA MED KYANG PHAN 'DOGS PA YOD DO ZHES BYE BRAG TU SMRA BA 'DOD DO, ,SLOB DPON RANG GI GZHUNG LUGS NI DE NA TING NGE 'DZIN KHO NA PHAN PAR BYED PA YIN PAS DE NA GRANG BA BRTAGS PAS CI ZHIG CES BYA BA 'DI YIN NO,, (TING NGE 'DZIN KHO NA PHAN BYED YIN NA BSAM GTAN DANG PO'I RNAM SHES TSOGS GSUM GYI BDE BAS PHAN MI 'DOGS PAR 'GYUR RO DES NA SHAN TU SBYANGS PA'I REG BYA LAS GZHAN PA'I REG BYAS PHAN 'DOGS PA MED DO, ,) DBANG PO RNAM PA LNGA NI KHAMS 'OG MA GNYIS NA YOD KYI GZUGS MED NA NI DE DAG MED DE, GZUGS LAS 'DOD CHAGS DANG BRAL BA'I PHYIR RO, , (GNYIS PA,) YUL GYIS RNAM SHES SKYED PA'I TSUL LA GZUGS KYIS NI RES 'GA' MANG POS RNAM SHES GCIG SKYED PA'ANG YOD DE, ZA 'OG LTA BU KHA DOG DANG DBYIBS KYI GZUGS DU MAS DE 'DZIN PA'I RNAM SHES GCIG SKYED PA LTA BU'O, ,RES 'GA' NI GCIG GIS DU MA SKYED PA'ANG YOD DE DUNG GI GZUGS GCIG GIS SKYES BU DU MA'I RNAM SHES SKYED PA LTA BU'O, ,GCIG GIS GCIG SKYED PA DANG DU MAS DU MA'ANG SKYED PAR SHES PAR BYA'O, ,DE BZHIN DU SGRA LA'ANG SHES PAR BYA'O, ,YUL THA MA GSUM PO DAG NI DBANG PO DANG PHRAD NAS 'DZIN PAS YUL GCIG GIS RNAM SHES DU MA SKYED PA NI MED DE, GANG GCIG DANG PHRAD PA'I YUL (THOGS BCAS YIN PAS,) DE GZHAN GYI DBANG PO DANG MI PHRAD PA'I PHYIR DANG, MA PHRAD NA DE'I RNAM SHES MI SKYES PA'I PHYIR RO, ,REG BYAS LUS KYI RNAM SHES SKYED PA LA NI, KHA CIG NA RE @042 SHIN TU MANG NA 'BYUNG BZHI DANG 'JAM PA NYID LA SOGS PA GANG RUNG ZHIG DANG LNGAS SKYED DO ZHES ZER LA, (LTO BA BKUG PA LA SOGS PA'I TSE LUS KYI PHYOGS DU MA NAS 'DZIN PAR BSAMS NAS,) GZHAN DAG NA RE BCU GCIG PO THAMS CAD KYIS SKYED DO ZHES ZER RO, ,GCIG GIS GCIG SKYED PA DANG MANG POS GCIG SKYED PA NI YOD DE, GCIG DANG PHRAD PA DANG MANG PO DANG PHRAD PA'I DBANG POS DE DAG 'DZIN PA'I RNAM SHES GCIG SKYED PA'I PHYIR RO, ,MANG POS MANG PO SKYED PA NI SHES PAR SLA'O, ,(GAL TE DE LTA NA SGO LNGA'I RNAM SHES RTOG PAR 'GYUR TE SNGO SER LA SOGS PA NAS REG BYA BCU GCIG GA BAR GYI TSOGS PA SPYI LA DMIGS PA'I PHYIR RTOG BCAS KYI YID SHES BZHIN NO ZHE NA, SKYE MCHED KYI SPYI'I MTSAN NYID LA DMIGS NA RTOG PAR 'GYUR GYI RDZAS KYI SPYI LA DMIGS PAS NI RTOG PAR MI 'GYUR TE RDZAS YOD KYI SPYI LA DMIGS PA YIN YANG SKYE MCHED KYI RANG GI MTSAN NYID LA DMIGS PA'I PHYIR RO, ,DE'I PHYIR 'GREL PA LAS, 'DI DAG NI SKYE MCHED KYI RANG GI MTSAN NYID KYI YUL CAN DU 'DOD KYI RANG GI RDZAS KYI MTSAN NYID KYI NI MA YIN PAS NYES PA MED DO ZHES PA DANG, TSAD MA KUN LAS BTUS LAS KYANG DER DON DU MA SKYED PA'I PHYIR RO, ,RANG DON SPYI'I SPYOD YUL CAN, DU MA'I NGO BO'I CHOS CAN NI, ,DBANG PO LAS RTOGS SRID MA YIN, ,ZHES BA SHAD DO, ,) DE BZHIN DU (GSUM PA ZHAR LA,) DBANG POS RNAM SHES SKYED PA'ANG ('I TSUL NI) DBANG PO (BZHI NA) RIL POS RNAM SHES SKYED PA DANG, PHYOGS GCIG GIS SKYED PA'ANG YOD DO ZHES RIG PAR BYA'O, , KHA CIG NA RE, LUS DBANG RIL POS RNAM SHES SKYED PA NI MED DE, DE NI PHRAD NAS RNAM SHES SKYED PA NA LUS RIL PO REG BYA DANG PHRAD PA MI SRID PA'I PHYIR TE, 'BAR BA'I SEMS CAN DMYAL BA'I LUS RIL PO ME DANG PHRAD NA LUS ZHIG PAR 'GYUR BA'I PHYIR RO ZHES ZER RO, , GZHAN DAG NA RE DE NI LAS KYI DBANG GIS LUS 'DZIN PAS ZHIG PAR MI 'GYUR RO ZHES ZER RO, , YUL DAG GIS RNAM SHES GANG SNGAR BSKYED PA LAM PHRAD PAR 'DZIN PA DAG NI NGES PA MED LA, PHRAD NAS 'DZIN PA DAG NI GANG GI YUL SHAS CHE BAS SNGAR SKYED DO ZHES RIG PAR BYA'O, ,(BZHI PA LCE LUS GNYIS SPYIR YUL DANG PHRAD NA RNAM SHES GANG SNGAR SKYE DPYAD PA NI,) 'O NA LUS DANG LCE'I DBANG PO GNYIS CIG CAR YUL DANG PHRAD NA RNAM SHES GANG SNGAR SKYE ZHE NA, YUL SHAS CHE CHUNG YOD NA GANG GI YUL SHAS CHE BA DE SNGAR SKYE LA, YUL MNYAM PA DANG PHRAD NA NI LCE'I RNAM SHES SNGAR SKYE STE, ZA BAR 'DOD PAS (DE MA THAG RKYEN GYIS GO PHYE NAS,) RGYUD GTAD PA'I PHYIR RO, , DA NI GSUM PA RIG BYED MA YIN PA 'CHAD PA LA GNYIS LAS DANG POS (LA'ANG GSUM LAS MTSAN @043 NYID,) NI KUN NAS SLONG BA'I SEMS LAS GZHAN DU G-YENGS PA'I SEMS DANG, (DES RIG BYED LAS KHYAD PAR DU BYED LA,) SEMS MED PA 'DU SHES MED PA DANG 'GOG PA'I SNYOMS 'JUG GNYIS PO'I YANG RJES SU BYED PA YIN PA DANG, (DES NI SEMS SEMS BYUNG LAS KHYAD PAR DU BYED DO, ,) YANG GI SGRAS GZUNG BA MA G-YENGS PA SEMS DANG BCAS PA STE, RANG KUN NAS SLONG BA'I SEMS KYI TSE NA'ANG (GTONG RGYU MA BYUNG GI BAR DU RGYUN CHAGS SU,) 'BYUNG ZHING, NGO BO DGE BA DANG MI DGE BA GANG YANG RUNG BAR NGES PA STE, (LUNG MA BSTAN MED DO ZHES BYA BA'I THA TSIG GO,) RGYUN DU RJES SU 'BREL PA (DANG THOB PA'I RGYUN LA'ANG DE TZAM YOD PAS DE LAS KHYAD PAR DU BYA BA'I PHYIR SKYED PA DANG RTEN PA DANG GNAS PA DANG 'PHEL BA'I RGYU BYED PA'I MU,) 'BYUNG BA CHEN (PO BZHI,) PO RNAMS RGYUR BYAS PA'I GZUGS GANG YIN PA DE NI RNAM PAR RIG BYED MIN PA NYID DU BRJOD DO, ,'O NA RIG BYED MA YIN PA RJES SU BYED PA'I SEMS MED NYID DU YOD CE NA, SEMS MED NI SPYIR RNAL 'BYOR SPYOD PA PA LTAR NA SUM CU PA'I RAB TU BYED PA LAS, YID KYI RNAM SHES 'BYUNG BA NI, ,RTAG TU'O 'DU SHES MED PA DANG, ,SNYOMS PAR 'JUG PA RNAM GNYIS DANG, ,SEMS MED GNYID DANG BRGYAL MA GTOGS, ,ZHES ('DU SHES MED PA PA RGYU 'BRAS LA NYON YID DANG KUN GZHI YOD CING 'GOG PA'I SNYOMS 'JUG LA,) KUN GZHI YOD KYANG YID SHES MED PAS SEMS MED KYI GNAS SKABS LNGA BSHAD CNG, SA'I DNGOS GZHI LAS LNGA PO DE RNAMS DANG LHAG MED MYANG 'DAS KYI DBYIBS DANG SEMS MED DRUG YOD PA LAS DANG PO LNGA NI KUN GZHI RNAM SHES MA 'GAGS PAS KUN RDZOB DANG GNAS SKABS KYI SEMS MED YIN LA, PHYI MA NI KUN GZHI'ANG 'GAGS PAS DON DAM PA'I SEMS MED DANG, GZHAN YANG SEMS PHYIN CI LOG RTAG PA LA SOGS PAR 'DZIN PA DANG, SMYO BA DANG SEMS 'KHRUGS PA LA'ANG 'KHRUL BA'I SEMS MED CES SEMS MED BTAGS PA BA DANG BDUN BSHAD LA, BYE BRAG TU SMRA BA'I BTZUN PA DBYIG BSHES 'GOG PA'I SNYOMS 'JUG YID KYI RNAM SHES DANG BCAS PAR 'DOD PAR 'GREL PA DANG, LAS GRUB PA DANG, RTEN 'BREL GYI 'GREL PA LA SOGS PAR BSHAD CING, SLOB DPON DUL LHAS SDE PA THA DAD KLAG PA'I 'KHOR LO LAS GNAS BRTAN PA'I SDE BA GSUM GA'ANG 'GOG PA'I SNYOMS 'JUG SEMS DANG BCAS PAR 'DOD PAR BSHAD MOD KYI KHA CHE BYE BRAG TU SMRA BA LTAR NA SPYIR SNYOMS 'JUG GNYIS DANG 'DU SHES MED PA PA DANG SEMS MED GSUM KHO NAR 'DOD DE, SLOB DPON GANG SPEL GYIS GNYID DANG BRGYAL BA SEMS MED PAR KHAS MA BLANGS PA'I PHYIR DANG ZHES BSHAD PA'I PHYIR @044 DANG, LHAG MED KYI DBYINGS NI 'DUS BYAS KYI 'JUG PA THAMS CAD RGYUN CHAD PAS RGYUD KYIS BSDUS PA'I SEMS MED MA YIN PA'I PHYIR DANG, SMYO BA LA SOGS PA NI G-YENGS PA'I SEMS BCAS YIN PA'I PHYIR DANG, 'DI'I GZHUNG GANG 'OG KUN DU'ANG SEMS MED GSUM PO KHO NA LAS GZHAN MA BSHAD PA'I PHYIR RO, ,DE LTAR SEMS MED GSUM YOD KYANG 'DIR NI SNYOMS 'JUG GNYIS KHO NA GZUNG STE, 'DU SHES MED PA PA RTEN GZUGS KHAMS PA YIN PA'I (PAS RIG BYED MIN PA MED,) PHYIR DANG, ('DU SHES MED PA PA,) MNYAM GZHAG SEMS BCAS MA YIN PAS RIG BYED MA YIN PA MI SRID PA'I PHYIR DANG, 'GREL PA LAS KYANG SEMS MED PA'I YANG ZHES BYA BA NI 'DU SHES MED PA DANG, 'GOG PA'I SNYOMS PAR 'JUG PA'I YANG YIN PA'O ZHES 'DIR SEMS MED SNYOMS 'JUG GNYIS PO KHO NA LA BSHAD PA'I PHYIR DANG, SLOB DPON GANG BA SPEL BAS KYANG 'DU SHES MED PA PA LA RNAM PAR RIG BYED MA YIN PA MED PA'I PHYIR SEMS MED PA NI SNYOMS PAR 'JUG PA GNYIS KHO NA YIN NO ZHES STON PAR BYED DO ZHES BSHAD PA'I PHYIR RO, , GAL TE DE LTA NA SNYOMS 'JUG GNYIS KYANG MI SMOS PAR 'GYUR TE, MNYAM GZHAG SEMS BCAS MA YIN PAS BSAM GTAN DANG ZAG MED KYI RIG BYED MA YIN PA MED PA'I PHYIR RO ZHE NA, DE GNYIS MED KYANG 'DOD PA'I RTEN CAN DE GNYIS LA SNYOMS PAR ZHUGS PA LA SO SO THAR PA'I SDOM PA LA SOGS PA RIG BYED YIN PA YOD PA'I PHYIR RO, ,DE YANG 'DIR RIG BYED MA YIN PA'I GZUGS DNGOS LA BSAM GYI, THOB PA NI, GZUGS MED 'DU SHES MED SEMS CAN, ,RNYED PAS BDUN YOD CES 'DU SHES MED PA'I SEMS CAN DANG GZUGS MED KYI 'PHAGS PA LA'ANG YOD PAR BSHAD PA'I PHYIR RO, ,'DIR RGYUN RJES SU 'BREL PA NI THOB NAS MA BTANG GI BAR DU'O, ,DE LA G-YENGS PA DANG SEMS MED PA'I TSE RGYUN 'BREL PAS NI LUS LA SOGS PA'I RIG BYED SEL ZHING, DGE MI DGE NYID DU NGES PAS NI MIG LA SOGS PA SEL LA, 'BYUNG BA CHED PO DAG RGYUR BYAS PAS NI THOB PA'I RGYUN BSAL NAS GZUGS NYID DU SHES PAR BYED DO, ,RIG BYED MA YIN PA NI RANG KUN NAS SLONG BA'I BSAM PA GZHAN LA RIG PAR BYED PA YIN PA'I PHYIR RO, ,(KHA CIG RNAM PAR RIG BYED MA YIN PA'I GZUGS NAGS LA ME ZHUGS PA LTAR LUS THAMS CAD LA KHYAB PAR GNAS PAR BYE BRAG TU SMRA BA 'DOD DO ZHES 'CHAD PA NI MI RIGS TE, GZUGS MED KHAMS NA GNAS MED DO, ,ZHES PA'I 'GREL PA DANG t'IKAR RNAM PAR RIG BYED MA YIN PHA NI GZUGS CAN YIN LA DA LTAR GYI DAG KYANG YUL NA MI GNAS ZHES BYA BAR NGES PA YIN NO ZHES PA DANG GNAS BZHI PAR RNAM RIG BYED @045 MIN MA ZIN DANG ZHES DBANG PO'I TSOGS PA NA MED PAS SEMS DANG SEMS BYUNG GI RTEN DU MI RUNG BA DANG, RDUL PHRAN BSAGS PA'I GZUGS MA YIN PAS GZUGS MED LTAR YUL GANG NA'ANG MI GNAS PAR BSHAD PA'I PHYIR RO, ,DES NA 'DI NI LUS KYI RIG BYED LA LA RIG BYED MA YIN PAR 'KHRUL BA KHO NAR ZAD DO,) 'DI DAG GI MTSAN GZHI'I DBYE BA NI LAS BSTAN PA NYID DU 'CHAD PAR 'GYUR RO, ,(SGRA DON NI 'GREL PAS GZUGS DANG BYED PA'I RANG BZHIN YIN YANG RNAM PAR RIG BYED BZHIN DU GZHAN DAG LA RNAM PAR RIG PAR BYED PA MA YIN PAS RNAM PAR RIG BYED MA YIN PA'O, ,ZHES 'BYUNG BAS RDUL PHRAN BSAGS PA'I GZUGS MA YIN YANG 'BYUNG BZHI RGYUR BYAS PA'I GZUGS DANG BYED PA LUS NGAG GI LAS KYI RANG BZHIN YIN YANG LUS NGAG GI RNAM PAR RIG BYED BZHIN DU RANG KUN NAS SLONG BA'I BSAM PA DGE MI DGE LA SOGS PA GZHAN DAG LA RNAM PAR RIG CING GO BAR MI BYED PAS NA RNAM PAR RIG BYED MA YIN PA ZHES BYA STE, 'DI NI DGAG PA GNYIS LAS MA YIN PAR DGAG PA DANG DE LAS KYANG RGYAL PO LA SOGS PA BRAM ZE DANG MI 'DRA BA LA BRAM ZE MA YIN PA ZHES ZER BA LTAR RNAM PAR RIG BYED DANG MI 'DRA BAS 'DRA BA LA DGAG PA YIN NO ZHES SLOB DPON GANG SPEL 'CHAD DO, ,DE NYID KYI PHYIR SLOB DPON RGYAL PO'I SRAS KYIS KYANG DNGOS PO GANG ZHIG GZUGS YIN LA BYED PA DANG GZHAN LA GO BYED MA YIN PA MIG SOGS DBANG PO LNGA DANG DRI RO REG BYA DANG LUS NGAG GI RIG BYED MA YIN PA'I GZUGS SGRA LTA BU DANG, BYED PA LAS KYI RANG BZHIN YIN LA GZUGS DANG GZHAN LA GO BAR MI BYED PA YID KYI LAS SEMS PA LTA BU DANG GZUGS DANG BYED PA DANG, GZHAN LA GO BYED GSUM GA YIN PA LUS NGAG GI RNAM PAR RIG BYED LTA BUS GZUGS DANG BYED PA YIN LA, GZHAN LA GO BAR MI BYED PA RNAM PAR RIG BYED MA YIN PA LTA BU'O ZHES PA'I MU BZHI BSHAD DO, ,) DON 'DI LA SLOB DPON DGE 'DUN BZANG PO NI, 'DI LA MA TSANG BSTAN BCOS 'GAL, , NYAMS DANG DE MIN DE NYID THAL, ,YANG SGRA LHAG BRJOD KHYAD PAR DU, ,BYA BA KHYAD PAR MA BYAS SO, ,ZHES SUN 'BYIN PAR BYED DE, 'DI LTAR RGYUN DU 'BREL PA YIN NA RIG BYED MA YIN PA'I SKAD CIG DANG PO RGYUN MA YIN PA'I PHYIR DE LA MTSAN NYID MA TSANG BA DANG, RGYUN MI RDZAS SU MED PA'I PHYIR DE RDZAS SUM GRUB PAR 'GYUR NA BSTAN BCOS LAS RDZAS SU BSHAD PA DANG 'GAL BA DANG, G-YENGS PA DANG SEMS MED PA'I RJES SU 'BREL BA DGOS NA TING NGE 'DZIN LAS BYUNG BA'I RIG BYED MA YIN PA (LA MED PAS DE,) DER MI 'GYUR BAS NYAMS PA DANG, MA G-YENGS PA DANG SEMS DANG BCAS PA'I TSE 'BREL (PAR YOD) PAS NYES PA MED DO ZHES 'DOD NA (DGE MI DGE BA'I,) RIG BYED KYANG RIG BYED MA @046 YIN PAR THAL BAS NA DE MIN PAS DE NYID DU THAL BA DANG, SEMS G-YENGS PA NA 'BREL PAR BSTAN PAS SEMS DANG BCAS PA'I TSE 'BREL PAR GO BA'I PHYIR (RANG 'GREL GYI) YANG GI SGRA LHAG PA BRJOD PA DANG, (SEMS MED LA YOD PAS NI DGE BA'I RIG BYED MIN PA KHYAD PAR DU BSTAN DGOS TE MI DGE BA MA SPANGS NA SNYOMS 'JUG GNYIS MI 'BYUNG BAS,) BSTAN DU MED CING THOGS PA MED PA'I GZUGS ZHES BYA BA'I KHYAD PAR MA BSTAN PA'I PHYIR THUN MONG MA YIN PA'I BYA BA KHYAD PAR DU MA BYAS SO ZHES BRJOD NAS, (SLOB DPON RGYAL PO'I SRAS KYIS SKAD CIG MA DANG PO RGYUN MIN NA PHYI MA'ANG MIN PAS RGYUN MI SRID BAR THAL PA DANG, RGYUN RJES SU 'BREL PAR 'BYUNG BA RDZAS SU GRUB PA BSTAN BCOS DANG MI 'GAL BA DANG, MA G-YENGS SEMS BCAS KYI RJES SU BYED PAS MNYAM GZHAG LA KHYAB PA DANG, RIG BYED LA NI LUNG MA BSTAN YOD PAS KHO RANG DGE MI DGE KHO NAR NGES PAS KHYAB CHES PA MANG LA, KHAMS GZUGS CAN BCU KHO NA THOGS BCAS SU BSHAD PAS KHO THOGS MED DU GRUB PAS BYA BAS KHYAD PAR DU BYAS SO ZHES 'CHAD PAR BYED DO, ,SLOB DPON 'DUN BZANG,) RANG GI LUGS KYI, BYAS PA DANG YANG MI 'DRA BA'I, ,SEMS PA'ANG SEMS MED PA LA GANG, ,LUNG BSTAN THOGS PA MED PA'I GZUGS, ,DE NI RNAM RIG BYED MIN 'DOD CES DE'I MTSAN NYID 'JOG PAR BYED DO, ,LUGS GNYIS KA LTAR NA'ANG MA G-YENGS SEMS BCAS KYI RJES SU BYED PAS DER 'DOD NA RIG BYED KYANG DER THAL BA DANG, SEMS MED KYI'ANG RJES SU BYED PAS DER 'DOD NA TING NGE 'DZIN LAS SKYES PA'I SDOM PA GNYIS DE MA YIN PAR THAL PA'I NYES PA NI SO NA GNAS SO, ,(DES NA THOGS PA MED PA'I GZUGS ZHES BRJOD SKYON MED DE, ,) GNYIS PA ZHAR LA DE'I RGYU 'BYUNG BA BSHAD PA NI 'BYUNG BA CHE RNAMS RGYUR BYAS PA ZHES PA'I 'BYUNG BA CHEN PO RNAMS GANG ZHE NA, RGYUR GYUR PA'I 'BYUNG BA CHEN PO BZHI PO DAG NI SA'I KHAMS DANG CHU'I KHAMS DANG ME'I KHAMS DANG RLUNG GI KHAMS RNAMS TE, DE DAG LAS 'BRAS BU'I GZUGS RNAMS 'BYUNG BA'I PHYIR DANG, SEMS CAN GYI LAS KYI DBANG GIS THOG MA MED PA'I 'KHOR BA NAS NAM YANG MA BYUNG MA MYONG BAS NA 'BYUNG BA'O, ,CHEN PO NI RANG RANG GI BYA BA LA SHAS CHER 'JUG PA'I PHYIR RO, ,SLOB DPON BLO BRTAN GYIS NI RGYUR BYAS PA'I GZUGS THAMS CAD KYI RTEN YIN PAS BRTEN PA GTOS CHA BA DANG, GZUGS 'DUS PA THAMS CAD LA SRA BA LA SOGS PA YOD PAS YOD PA RGYA CHE BA DANG, GNAS PA THA GRU CHE PA'I PHYIR CHEN PO'O ZHES BSHAD DO, ,KHAMS NI RANG GI MTSAN NYID DANG RGYUR BYAS PA'I GZUGS 'DZIN PA'I PHYIR DANG, 'BRAS BU'I GZUGS KYI RGYU'I PHYIR RO, ,DE DAG GI LAS GANG ZHE NA 'DZIN PA DANG SOGS PA'I SGRAS GZUNG @047 BA SDUD PA DANG SMIN PA DANG RGYAS PAR BYED PA DAG NI RIM PA BZHIN DU SA DANG CHU DANG ME DANG RLUNG GI LAS RNAMS SU GRUB PA YIN NO, ,'DIR BYE BRAG TU SMRA BA ('BYUNG BA RE RE LA'ANG GZHAN GSUM GSUM GYI LAS DMIGS SHING LAS NI NGO BO LA MA 'KHRUL BAS,) 'BYUNG BA GCIG GI TSOGS PA NA'ANG BZHI GA YOD PA NYID DU 'DOD LA, ,(LAS DANG NGO BO'I KHYAD PAR NI SLOB DPON GANG SPEL GYIS LAS DANG RANG BZHIN LA KHYAD PAR CI YOD CE NA, 'BYUNG BA'I MTSAN NYID DANG LAS RNAMS NI DUS GSUM PA DANG, DUS GCIG PA NYID YIN PA'I PHYIR RO, ,DNGOS PO RNAMS KYI MTSAN NYID NI RANG BZHIN KHO NA YIN NO ZHES BSHAD DO, ,) 'DI LTAR SA'I TSOGS PA NA CHU DANG ME DANG RLUNG DAG YOD DE, SDUD PA DANG SMIN PA DANG BSKYOD PA'I BYA BA YOD PA'I PHYIR SA BZHIN NO, ,DE BZHIN DU CHU LA SOGS PA LA'ANGA'? DEGS PA LA SOGS PA YOD PAS SA LA SOGS PA YOD PA NYID DU SGRUB PAR BYED DO, ,MDO SDE PA LA SOGS PA DAG GANG SNANG BA NI MNGON GYUR DU YOD LA MI SNANG BA NI SA BON GYI TSUL DU YOD KYI NGES PAR MNGON DU GYUR PA NI MED DO ZHES BYA BAR 'DOD DE RGYAS PAR 'OG TU BSHAD PAR BYA'O, , SA LA SOGS PA'I MTSAN NYID GANG ZHE NA, SRA ZHING 'THAS PA DANG, RLAN ZHING GSHER BA DANG, DRO BA NYID DANG, YANG ZHING G-YO BA RNAMS TE GO RIM BZHIN NO, ,'O NA NI ME LA SOGS PA MIG GIS MTHONG NGO ZHES 'JIG RTEN NA BRJOD PAR JI LTAR 'GYUR TE, DE DAG REG BYAR NGES PA'I PHYIR RO ZHE NA ZHES PA'AM, YANG NA 'GREL BA LAS SA LA SOGS PA DANG SA'I KHAMS LA SOGS PA LA BYE BRAG CI YOD CE NA ZHES 'BYUNG STE, DE LA GSUNG RAB LAS NI REG BYA LA BSHAD MOD KYI 'JIG RTEN PA RNAMS KYI THA SNYAD DU NI KHA DOG DANG DBYIBS LAS ZHES BYA BA'I SGRAR BRJOD DE SA SNGON PO DANG GRUB BZHI LA SOGS PAR GRAGS BA'I PHYIR RO, ,'ON KYANG 'JIG RTEN GYI GRAGS PA DANG MTHUN PAR GSUNG RAB TU SBYAR BA'ANG YOD DE, MDO LAS GSER GYI SA GZHI LA BEEd'URYA'I MIG MANGS RIS SU BRIS PA ZHES BYA BA LA SOGS PA GSUNGS PA'I PHYIR RO, ,SA'I KHAMS LA DE LTAR GRAGS PAR MA ZAD SA LA JI LTA BA BZHIN DU CHU DANG ME'I KHAMS LA YANG 'JIG RTEN NA KHA DOG DANG DBYIBS LA GRAGS TE CHU SNGON PO RING DU 'BAB PA ZHES BYA BA DANG, ME DMAR PO GYEN DU 'BAR BA ZHES BYA BA LA SOGS PAR GRAGS PA'I PHYIR RO, ,GSUNG RAB LAS KYANG DE DANG MTHUN PAR MDZAD PA YOD DE, MDO LAS, DE NA LCAGS 'BAR SA GZHI STE, ,'BAR BA'I ME DANG LDAN PA YIN, ,DPAG TSAD BRGYA PHRAG DU MAR NI, ,ME LCE DAG GIS KHYAB PAR GNAS, ,ZHES GSUNGS PA DANG, @048 SLOB DPON DPA' BOS DE NAS AANDA RNYIL GYI 'OD LTAR SNGO, ,NYI MA'I 'OD KYIS GNAM SNGO BZHU BA BZHIN, ,KHO RA KHOR YUG CHU 'GRAM BLTAR MI MTHONG, ,GTING DPAG DKA' BA'I MTSO 'JING NANG DU ZHUGS, ,ZHES GSUNGS PA LTA BU'O, ,RLUNG GI TSOGS KYI KHAMS NI G-YO BA'I REG BYA NYID LA 'JIG RTEN PA'ANG RLUNG YIN PAR BRJOD DE, LUS LA RLUNG REG GO ZHES BYA BAR GRAGS PA'I PHYIR RO, ,JI LTAR 'JIG RTEN GYI THA SNYAD DU KHA DOG DANG DBYIBS LAS LA SOGS PAR BRJOD PA DE DANG 'DRA BAR RLUNG LA'ANG KHA DOG DANG DBYIBS LA GRAGS PA'ANG YIN TE, RLUNG SKYA BO BAR SNANG DU SLEB PA ZHES BYA BA LA SOGS PA BRJOD PA'I PHYIR RO, ,GSUNG RAB LAS KYANG DE DANG MTHUN PAR MDZAD PA YOD DE, RLUNG SNGO SKYA GZHU'I DBYIBS CAN ZHES BYA BA LA SOGS PA GSUNGS PA'I PHYIR RO, , GNYIS PA DE KHAMS DANG SKYE MCHED DU BSTAN PA NI, GANG DAG SNGAR GZUGS KYI PHUNG POR BSTAN PA'I DBANG PO LNGA DANG DON LNGA PO DE DAG KHO NA LA MIG GI SKYE MCHED LA SOGS PA'I GZUGS CAN GYI SKYE MCHED BCU DANG, MIG GI KHAMS LA SOGS PA'I GZUGS CAN GYI KHAMS BCUR 'DOD DE, DE DAG NYID SKYE BA'I SGO DANG RIGS KYI CHA NAS YIN PA'I PHYIR RO, ,(KHO NAS RIG BYED MIN PA BSAL LO, ,) 1. GZUGS SEMS LAS GZHAN PA'I PHUNG KHAMS SKYE MCHED BSHAD PA, DA NI GNYIS PA GZUGS SEMS LAS GZHAN PA'I PHUNG PO KHAMS DANG SKYE MCHED BSHAD PA LA TSOR BA NI RANG STOBS KYIS DON GYI KHYAD PAR MYONG BA'AM, KHA CIG NI DON DU GNYER BYA'I MYONG BA LA 'DOD DO, , DBYE BA NI, (NGO BO'I SGO NAS,) BDE BA DANG SDUG BSNGAL BTANG SNYOMS GSUM MAM, YID BDE DANG YID MI BDE DANG BCAS PA LNGAR DBYE'O, ,RTEN GYI SGO NAS LUS TSOR SEMS TSOR GNYIS SAM, RNAM PA GCIG TU NA TSOR BA'I TSOGS RUG GO, GAL TE SEMS DANG SEMS BYUNG GZHAN LA MYONNG BA YOD NA DE DAG KYANG TSOR BAR 'GYUR LA, MED NA RIG PA TZAM DU MI 'GYUR RO ZHE NA, RANG STOBS KYIS MYONG BA'I BDAG NYID MA YIN YANG GZHAN STOBS KYIS MYONG BA YIN PA'I PHYIR SKYON MED DO ZHES LAN 'DEBS PAR BYED DO, ,'DU SHES NI MTSAN MAR 'DZIN PA'I BDAG NYID DO, ,DE YANG SNGON PO LA SOGS PA'I KHYAD PAR YONGS SU GCOD PA'O, ,DBYE BA NI (NGO BO'I SGO NAS,) DON LA MTSAN MAR 'DZIN PA SNGON PO LA SOGS PAR 'DZIN PA DANG, THA SNYAD LA MTSAN MAR 'DZIN PA SKYES PA DANG BUD MED CES BYA BA LA SOGS PAR 'DZIN PA GNYIS SO, ,YANG NA RTEN GYI SGO NAS 'DU SHES KYI TSOGS DRUG GO, (DMIGS @049 PA'I SGO NAS DBYE NA KUN LAS BTUS LAS BYIS PA BRDA MI SHES PA LTA BU THA SNYAD LA MI MKHAS PA DANG MTSAN MA MED PA'I DBYINGS 'GOG PA DON LA SNYOMS PAR ZHUGS PA DANG, SRID RTZE LA SNYOMS PAR ZHUGS PA'I 'DU SHES GSUM MA GTOGS PA'I 'DU SHES THAMS CAD NI SGRO GTOGS MING GI MTSAN MA DANG 'DUS BYAS DON GYI MTSAN MA DANG, GSAL BA'I MTSAN MA DANG BCAS PAS MTSAN MA DANG BCAS PA'I 'DU SHES DANG, THA SNYAD LAM MKHAS PA LA SOGS PA'I 'DU SHES GSUM PO DE DAG NI RIM PA LTAR SGRA DON 'DRES PAR BSRE MI SHES PAS SGRA BTAGS MING GI MTSAN MA MED PA DANG YUL CHOS NYID GSAL BAR SNANG BAS SGRO BTAGS MING GI MTSAN MA DANG 'DUS BYAS DON GYI MTSAN MA GNYIS MED PA DANG, SRID RTZE RGYU BA MI GSAL BAS GSAL BA'I MTSAN MA MED PAS GSUM PO DE DAG NI MTSAN MA MED PA'I 'DU SHES DANG 'DOD KHAMS SHES PA'I 'DU SHES NA CHUNG NGU'I 'DU SHES DANG GZUGS KHAMS SHES PA'I 'DU SHES NI RGYA CHEN POR GYUR PA'I 'DU SHES DANG GZUGS MED DANG PO GNYIS SHES PA'I 'DU SHES NI TSAD MED PA'I 'DU SHES DANG, CI YANG MED PA'I SKYE MCHED SHES PA NI CI YANG MED PA'I 'DU SHES ZHES PA DRUG BSHAD DO, ,) YANG NA 'DOD PA'I 'DU SHES RGYA CHUNG NGU DANG, GZUGS KYI 'DU SHES RGYA CHEN PO DANG, GZUGS MED PA'I 'DU SHES TSAD MED PA GSUM DBYE'O, ,GAL TE 'PHAGS PA RNAMS KYI MNYAM GZHAG GI YE SHES LA 'DU SHES YOD NA MTSAN MAR 'DZIN PAR 'GYUR ZHING, DE LTA NA MTSAN 'DZIN LAS GROL BAR BSHAD PA DANG 'GAL LO, ,'DU SHES MED NA'ANG 'DU SHES SEMS KYI KUN 'GRO MA YIN PAR 'GYUR RO ZHE NA, 'PHAGS PA RNAMS KYI YE SHES LA'ANG RANG NYID GSAL BA DANG MI GSAL BA DANG SIM GDUNG LA SOGS PA'I KHYAD PAR 'DZIN PA NI YOD MOD KYI MTSAN MA LAS GROL BAR BSHAD PA NI BDAG GNYIS SU ZHEN PA LAS GROL BA YIN PAS SKYON GNYIS LAS GROL BA NYID DO, , 'DU BYED NI GZUGS DANG TSOR BA DANG 'DU SHES DANG RNAM SHES KYI PHUNG PO BZHI LAS GZHAN PA'I 'DUS BYAS TE, DBYE BA NI TSOR BA DANG 'DU SHES LAS GZHAN PA'I SEMS BYUNG RNAMS NI MTSUNGS LDAN DANG, THOB PA LA SOGS PA RNAMS NI MI LDAN PA'I 'DU BYED DE GNYIS SO, ,'DI NI BYE BRAG TU SMRA BAS MI LDAN PA'I 'DU BYED RDZAS GRUB TU 'DOD PAS DE'I DBANG DU BYAS NAS BSHAD KYI GZHAN GYI LUGS LA 'BRAS BU MNGON PAR 'DU BYED PA NI DE'I MTSAN NYID DU 'GYUR RO, ,'DIR SEMS LAS BYUNG BA DE DAG SEMS LAS THA DAD PA'AM GCIG PA ZHIG YIN ZHE NA, SKAL LDAN KHYAD PAR CAN LA SOGS PA NI GCIG TU 'DOD DE SRID PA 'PHO BA'I MDO LAS SEMS NYID GNYIS SU SNANG BA STE, ,DE BZHIN CHAGS SOGS SNANG BA'AM, , @050 DAD LA SOGS PAR SNANG BAR 'DOD, ,NYON MONGS DGE CHOS YOD MA YIN, ,ZHES GSUNGS PA'I PHYIR DANG, MYONG BA DANG MTSAN MAR 'DZIN PA LA SOGS PA LAS THA DAD NA BEM PO'AM DNGOS MED DANG MTSAN 'DZIN LAS GROL BA'I YE SHES SU THAL BAR 'GYUR BA LA SOGS PA'I SKYON YOD PA'I PHYIR ZHES 'DOD DO, , BTZUN PA SH'I R'A DZA NA RE TSOR BA DANG 'DU SHES PHUNG PO GZHAN DU GSUNGS PA'I PHYIR SEMS LAS THA DAD KYI GZHAN NI SEMS KYI GNAS SKABS LA BTAGS PA YIN NO ZHES ZER RO, ,BTZUN PA KU M'A R'A DZA NA RE TSOR BA DANG 'DU SHES DANG REG PA DANG SEMS PA BZHI NI SEMS LAS THA DAD LA, GZHAN NI SEMS KYI GNAS SKABS LA BTAGS PA YIN NO ZHES BYA BAR 'DOD DO, ,DE DAG LA 'PHAGS PA THOGS MED KYIS BSDU BA LAS, DGE SBYONG DANG BRAM ZE LA LA MING LAS SEMS TZAM ZHIG RDZAS SU 'DOD LA SEMS LAS BYUNG BA'I CHOS RNAMS NI MI 'DOD PA GANG DAG YOD PA DE YANG MI 'THAD DO, ,CI'I PHYIR ZHE NA, LNGA NYID 'THAD PA MIN PHYIR DANG, ,DE YI GNAS SKABS SKYON PHYIR DANG, ,BYED RGYU BYE BRAG MED PHYIR DANG, , LUNG DANG 'GAL BAR 'GYUR PHYIR RO ZHES SKYON BRJOD PAR MDZAD DE, DE'I DON NI TSOR BA LA SOGS PA SEMS LAS GZHAN DU MA GRUB NA PHUNG PO LNGAR GSUNGS PA MI 'THAD PAR THAL BA'I PHYIR DANG, SEMS KYI GNAS SKABS LA TSOR BA LA SOGS PA'I PHYUNG POR BTAGS PAR 'DOD NA'ANG SEMS DANG TSOR BA LA SOGS PA LA MTSAN NYID DANG BYED PA THA DAD YOD NA DNGOS PO THA DAD DU THAL BA DANG, THA DAD MED NA GNAS SKABS DANG GNAS SKABS CAN GYI DBYE BA NYID MI 'THAD PA'I SKYON YOD PA'I PHYIR DANG, SEMS SEMS BYUNG DE DAG YUL DANG DBANG PO DANG YID LA BYED PA LA SOGS PA BYED RGYU LA BYE BRAG MED PA LA 'BRAS BU LA KHYAD PAR MI 'THAD PA'I PHYIR DANG, MDO LAS KYANG, SEMS DANG LHAN CIG SKYES PA'I TSOR BA DANG 'DU SHES DANG SEMS PA DANG REG PA DANG YID LA BYED PA ZHES BYA BA LA SOGS PA DANG, 'DOD CHAGS KYIS KUN NAS NYON MONGS PAR BYAS PA'I SEMS MI 'GROL LO, ,GTI MUG GIS KUN NAS NYON MONGS PAR BYAS PA'I RIG PA MI MTHONG ZHES BYA BA DANG, SEMS NI 'DOD CHAGS KYIS KUN NAS NYON MONGS PAR BYED DO, ,DAD PAS RNAM PAR BYANG BAR BYED DO ZHES BYA BA LA SOGS PA GSUNGS PA'I LUNG DANG 'GAL BA'I PHYIR RO ZHES BYA BA 'DI YIN NO, ,GZHAN YANG SKYON 'DI DAG KYANG BRJOD PAR BYA STE, SEMS DANG SEMS BYUNG RDZAS GCIG TU 'DOD NA MTSUNGS LDAN GYI RGYU MI SRID PAR 'GYUR TE, SEMS DANG SEMS BYUNG DAG DER BSHAD PA NA GCIG TU 'DOD PA'I PHYIR RO, ,GAL TE DE DAG SNGA PHYI BA DAG MTSUNGS LDAN GYI RGYU YIN GYI DUS MNYAM PA GCIG @051 YIN PAS MA YIN NO ZHE NA, DE DAG NI DUS MI MTSUNGS PA'I PHYIR MTSUNGS LDAN MA YIN NO, ,GZHAN YANG SEMS DAD PA LA SOGS PA'I DGE BA DANG KHONG KHRO LA SOGS PA'I MI DGE BA DANG GCIG YIN NA DE'I TSE SEMS DE DAG NGO BO NYID KYIS DGE MI DGER 'GYUR TE, NGO BO NYID KYI DGE MI DGE DE DAG GI BDAG NYID YIN PA'I PHYIR RO, ,DE LTA NA'ANG MTSUNGS LDAN GYIS DGE MI DGE MI SRID PAR THAL BAR 'GYUR RO, ,GZHAN YANG TSOR BA LA SOGS PA SEMS LAS BYUNG BA NYID DU'ANG MI 'GYUR TE, DE DANG GCIG YIN PA'I PHYIR RO, ,RGYU 'BRAS GCIG TU 'DOD PA NI SER SKYA BA'I LUGS YIN NO, ,SEMS SNGA MA LAS TSOR BA LA SOGS PA PHYI MA BYUNG BAS ZHES BYA BA'ANG RIGS PA MA YIN TE, DE DAG MTSUNGS LDAN LNGAS MTSUNGS PAR GNAS PA LAS SNGA PHYI BA LA DE MED PA'I PHYIR, DES NA SEMS DANG SEMS BYUNG NI THA DAD PA NYID DU SHES PAR BYA'O, ,GAL TE DE DAG THA DAD NA KHYAD PAR GANG ZHE NA, DBUS MTHA' LAS, DE LA DON MTHONG RNAM PAR SHES, ,DE'I KHYAD PAR SEMS LAS BYUNG, , ZHES GSUNGS PA'I PHYIR, DON GYI RANG GI NGO BO RANG STOBS KYIS MTHONG BA NI SEMS DANG, KHYAD PAR RANG STOBS KYIS MTHONG BA NI SEMS LAS BYUNG BA YIN NO, ,'O NA NI SEMS LA DON GYI NGO BO SNANG BA NA KHYAD BAR SNANG NA NI DE NYID SEMS LAS BYUNG BAR YANG 'GYUR RO, ,KHYAD PAR 'DZIN PA'I PHYIR RO, , MI SNANG NA NGO BO DANG KHYAD PAR MI GCIG PA NYID DU THAL BAR 'GYUR RO, ,DE BZHIN DU SEMS LAS BYUNG BA LA KHYAD PAR SNANG BA NA NGO BO SNANG BA DANG MI SNANG BA LA'ANG 'GYUR RO ZHE NA, 'DI LA KHA CIG SEMS LA NGO BO SNANG BA NA KHYAD PAR SNANG YANG DER MA ZHEN LA NGO BOR ZHEN PA'I PHYIR RO ZHES ZER BA NI MA YIN TE, RTOG MED LA ZHEN PA MED PA'I PHYIR RO, ,DES NA RANG STOBS KYIS DON GYI NGO BO 'DZIN PA NA RANG STOBS KYIS KHYAD PAR MI SNANG YANG GZHAN STOBS KYIS SNANG BA'I PHYIR SKYON GNYIS KA LAS GROL LO, ,DE BZHIN DU SEMS LAS BYUNG BA LA'ANG BRJOD PAR BYA'O, ,GAL TE NGO BO DANG KHYAD PAR NI DMIGS PA DANG RNAM PA YIN NA SEMS DANG SEMS BYUNG DAG DMIGS RNAMS MI MTSUNGS PAR 'GYUR TE, SEMS NI NGO BO LA DMIGS SHING DE'I RNAM PA 'DZIN LA, SEMS BYUNG NI KHYAD PAR LA DMIGS SHING DE'I RNAM PA 'DZIN PA'I PHYIR RO, ,ZHE NA, MA YIN TE, SEMS DANG SEMS BYUNG DE DAG YUL GCIG LA DMIGS NAS DE'I RNAM PA 'DZIN PAR NI GNYIS KA'ANG KHYAD PAR MED PA'I PHYIR RO, ,'ON KYANG DON KYI NGO BO 'DZIN PA DANG KHYAD PAR 'DZIN PA NI 'DZIN STANGS THA DAD PA STE, SEMS NI YUL RIG PA TZAM DANG, SEMS BYUNG NI YUL DE'I KHYAD PAR MYONG BA LA SOGS PAR SKYE BA'I PHYIR RO, ,DE LTA NA'ANG @052 'DZIN STANGS KYANG KHYAD PAR MED PAR 'GYUR RO, ,BLO'I 'DZIN STANGS NI DMIGS PA DANG RNAM PA'I YUL LAS YIN PAS NA DE GNYIS KA KHYAD PAR MED PA'I PHYIR DANG, RANG STOBS DANG GZHAN STOBS KYI KHYAD PAR KYANG MED PAR THAL BA ZHES BYA BA 'DI'I LAN BRJOD DGOS SO, ,YANG YID RTOG BCAS KYI 'KHOR DU TSOR BA LA SOGS PA SKYES PA NA DE DAG KYANG RTOG PA YIN NA RGYUD GCIG LA RTOG PA DU MA YOD PAR 'GYUR NA, RTOG GNYIS CIG CAR 'JUG PA MED, ,'DI LTAR RNAM PAR RTOG PA RNAMS, ,RIM GYIS 'BYUNG BAR YANG DAG RTOGS, ,ZHES RNAM 'GREL LAS BSHAD PA DANG 'GAL LO, ,RTOG MED YIN NA SEMS DANG MTSUNGS LDAN MA YIN PAR 'GYUR TE, DMIGS RNAM DANG RDZAS KYANG MI MTSUNGS PA'I PHYIR RO ZHE NA, YID RTOG BCAS KYI 'KHOR DU TSOR BA LA SOGS BRTOG PA YIN KYANG RIGS PA MKHYEN PA'I GZHUNG DANG 'GAL BAR MI 'GYUR TE, DE NI GTZO BO YID KYI RTOG PA GNYIS CIG CAR MI 'JUG PA'I DBANG DU BYAS NAS DE SKAD GSUNGS PA'I PHYIR TE, MDO LAS, SEMS CAN RNAMS NI RNAM PAR SHES PA'I RGYUD RE RE PA'O ZHES GSUNGS PA'I PHYIR RO, , SRID PA 'PHO BA'I MDO LAS SEMS NYID GNYIS SU SNANG BA STE ZHES BYA BAS NI PHYI ROL GYI DON 'GOG PA YIN LA, DE BZHIN CHAGS SOGS SNANG BA'AM, ,DAD LA SOGS PAR SNANG BAR 'DOD, ,NYON MONGS DGE CHOS YOD MA YIN ZHES BYA BAS NI KUN NAS NYON MONGS DANG RNAM BYANG GI BYED PA PO SEMS SEMS BYUNG LAS GZHAN PA'I DBANG PHYUG LA SOGS DGAG PA'I PHYIR YIN NO, ,DE LTAR ZHAR LA BYUNG BA BRJOD NAS DE KHAMS DANG SKYE MCHED DU RNAM PAR BZHAG PA NI TSOR BA DANG 'DU SHES DANG 'DU BYED KYI PHUNG PO DE GSUM DANG RNAM PAR RIG BYED MIN PA'I GZUGS DANG, 'DUS MA BYAS SNGAR BSHAD PA RNAMS DANG BCAS PA NI SKYE MCHED DU GZHAG PA NA CHOS KYI SKYE MCHED DANG, KHAMS SU GZHAG PA NA CHOS KYI KHAMS ZHES BYA BA NYID DU SHES PAR BYA'O, , DA NI GSUM PA RNAM SHES KYI PHUNG PO DANG SKYE MCHED DANG KHAMS KYI RNAM PAR BZHAG PA LA RNAM PAR SHES PA'I MTSAN NYID NI YUL GYI NGO BO RANG STOBS KYIS SO SOR RNAM PAR RIG PA'O, ,DE LA NI SDE PA DAG GIS MIG GI RNAM SHES LA SOGS PA DRUG TU 'DOD LA, RNAL 'BYOR SPYOD BA PA'I SLOB DPON PHAL CHE BA NI DE DAG DANG KUN GZHI DANG NYON YID DANG BRGYAD 'DOD DE, RGYAN MTHUG PO'I MDO LAS, JI LTAR ZLA BA SKAR TSOGS DANG, ,LHAN CIG MKHA' LA GNAS PA LTAR, ,DE BZHIN KUN GZHI RNAM SHES KYANG, , @053 RNAM SHES BDUN DANG LHAN CIG GNAS, ,ZHES BYA BA LA SOGS PA GSUNGS PA'I PHYIR RO ZHES ZER RO, , YANG SLOB DPON YANG DAG BDEN PA NI DE DAG DANG DRI MA MED PA'I YID DANG DGU YIN NO ZHES ZER RO, , DGA' BO DANG KLU'I SDE LA SOGS PA NI BRAM ZE'I TSOMS LAS, GANG ZHIG LUS MED PHUG NA GNAS, , RING DU 'GRO ZHING GCIG PU RGYU, ,GDUL BAR DKA' BA'I SEMS 'DUL BYED, ,DE NI BRAM ZER NGAS BSHAD DO, ,ZHES SEMS KYI MTSAN NYID GCIG PU NYID DU GSUNGS PA'I PHYIR DANG, MDO GZHAN LAS KYANG, SEMS CAN RNAMS NI RNAM PAR SHES PA'I RGYUD RE RE BA'O ZHES GSUNGS PA'I PHYIR DANG, SKYE MCHED BCU GNYIS BSTAN PA'I MDO LAS KYANG, RNAM PAR SHES PA'I TSOGS DRUG NI YID KYI SKYE MCHED GYIS BSDUS SO ZHES GSUNGS PA'I PHYIR RNAM SHES NI YID KYI RNAM SHES RDZAS GCIG NYID YIN TE, 'ON KYANG DE DBANG PO'I SGO THA DAD LAS 'THON PA LAS NI RNAM PA DRUG TU MNGON PA YIN NO ZHES ZER RO, , DBU MA PA'I SLOB DPON ZLA BA GRAGS PA NI DBU MA BA LA 'JUG PA LAS, GANG PHYIR RANG BZHIN GYIS DE MI 'GAG PA, ,DE PHYIR KUN GZHI MED KYANG 'DI NUS PHYIR, ,LA LAR LAS 'GAGS YUN RINGS LON LAS KYANG, ,'BRAS BU YANG DAG 'BYUNG BAR RIG PAR GYIS, ,ZHES PA DANG, KUN GZHI YOD CING GANG ZAG NYID YOD LA, ,PHUNG PO 'DI DAG 'BA' ZHIG NYID YOD CES, ,BSTAN PA 'DI NI DE LTAR CHES ZAB DON, ,RIG PAR MI 'GYUR GANG YIN DE LA'O, ,ZHES KUN GZHI DANG NYON YID NI TSOGS DRUG LAS GZHAN PA MI SNANG BA'I PHYIR DANG, LANG KAR GSHEGS PA LA SOGS PA LAS BSTAN PA'ANG BDAG CHAD PA'I 'JIGS PA CAN RNAMS DRANG BA'I DON DU GSUNGS PA'I PHYIR KUN RDZOB TU RNAM SHES KYI TSOGS DRUG KHO NA YIN PAR 'DOD DO, ,SLOB DPON GZHAN DAG NI YANG DAG PAR NA CHOS 'GA' YANG GRUB PA MED PA'I PHYIR DANG, THA SNYAD DU RNAM SHES PHYI MA GNYIS KYANG BCOM LDAN 'DAS KYIS GSUNGS PA'I PHYIR KUN RDZOB TU RNAM PAR SHES PA TSOGS BRGYAD YIN NO ZHES BRJOD DE, SLOB DPON GYIS KYANG SEMS 'GREL LAS, DPER NA RGYA MTSO'I MTHAS GTUGS PA'I, ,SA YANG G-YO BAR BYED PA LTAR, ,DE BZHIN KUN GZHI RNAM SHES KYANG, ,RTEN GYI LUS NI G-YO BAR BYED, ,CES GSUNGS PA'I PHYIR RO ZHES 'DOD DO, ,DE LA DRI MA MED PA'I YID 'DOD PA LA NI DE 'PHAGS PA RNAMS KYI YE SHES LA BRJOD NA NI DE NI YID KYI RNAM SHES YIN PA'I PHYIR DGU BA MA YIN NO, ,SO SO'I SKYE BO LA'ANG 'DOD NA NI DE DAG 'PHAGS PA NYID DU 'GYUR TE, ZAG MED KYI YE SHES CAN YIN PA'I PHYIR RO ZHES BRJOD PAR BYA'O, ,RNAM SHES THAMS CAD RDZAS GCIG TU 'DOD PA LA NI YUL GSAL BA DANG MI GSAL BAR SNANG BA DANG, DON NYE BA LA LTOS MI LTOS @054 DANG, DBANG PO GZUGS CAN LA LTOS MI LTOS DANG, SKYE BA DANG 'GAG PA LA SOGS PA 'GAL BA'I CHOS MED PAR THAL BA'I PHYIR DANG, BRAM ZE'I TSOMS LAS LUS MED PA DANG LUS KYI PHUG NA GNAS PA DANG RING DU 'GRO BA DANG GCIG PUR RGYU BA DANG GDUL DKA' BA'I SEMS ZHES GSUNGS PA NI YID KYI RNAM SHES 'BA' ZHIG GI DBANG DU MDZAD NAS GSUNGS PA YIN TE, 'CHING BA DANG GROL BA NI YID KYIS BYED PA'I PHYIR DANG, RNAM PAR SHES PA'I RGYUD RE RE BAR GSUNGS PA NI RIGS MTHUN PA'I RNAM SHES RE RE BA LA DGONGS PA'I PHYIR DANG, RNAM PAR SHES PA'I TSOGS DRUG NI YID KYI SKYE MCHED KYIS BSDUS SO ZHES BYA BA NI CHOS THAMS CAD SKYE MCHED BCU GNYIS SU BSDU BA'I DBANG DU MDZAD NAS RNAM SHES TSOGS DRUG YID KYI SKYE MCHED DU BSDUS PAR GSUNGS PA'I PHYIR NA DE DAG RNAM SHES THAMS CAD RDZAS GCIG TU STN PA MA YIN NO ZHES BRJOD PAR BYA'O, ,GZHAN DAG NI JI LTAR GUS PA BZHIN 'DOD PAR BYA'O, ,RNAM SHES KYI PHUNG PO DE NYID SKYE MCHED DU RNAM PAR BZHAG PA NI RNAM SHES KYI PHUNG PO GANG YIN PA DE NYID NI YID KYI SKYE MCHED KYANG YIN TE, YID KYANG YIN LA RNAM SHES PHYI MA SKYE BA'I SGO'ANG YIN PA'I PHYIR RO, ,RNAM SHES KYI PHUNG PO DE NYID KHAMS SU RNAM PAR BZHAG PA NI SEMS KYI KHAMS BDUN DAG TU'ANG 'DOD PA STE, BDUN GANG ZHE NA, MIG GI RNAM SHES NAS YID KYI RNAM SHES KYI BAR RNAM PAR SHES PA'I KHAMS DRUG DANG YID KYI KHAMS SO, , 'O NA RNAM SHES DRUG LAS THA DAD PA'I YID KYI KHAMS GANG ZHE NA, DE DAG LAS GZHAN NI MED KYI MIG GI RNAM SHES LA SOGS PA DRUG PO DE DAG NYID LAS 'DAS MA THAG PA'I GNAS SKABS KYI (RNAM SHES GZHAN GYIS BAR DU MCHOD PA'I,) RNAM PAR SHES PA GANG YIN PA DE LA BTAGS NAS YID NYID DU BRJOD DO, , (DE LTA NA RNAM SHES DRUG DANG YID PHAN TSUN 'DUS PAS YID GTZO NA KHAMS BCU GNYIS DANG RNAM SHES GTZO NA KHAMS BCU BDUN DU 'GYUR RO ZHE NA, PHYI MA LTAR YIN YANG NYES MED DE, DGOS PA LA LTOS PA'I PHYIR RO, ,YID 'DAS MA THAG PAS DA LTAR BA DANG SEMS BYUNG BSAL LO, ,YID DA LTAR BA NI BRTAN PA YIN YANG DE NYID DUS GZHAN NA KHAMS TE BU DE NYID GZHAN GYI PHAR 'GYUR BA LTA BU'O, ,RNAM SHES LNGA NI RANG RANG GI RIGS 'DRA PHYI MA SKYED PAS KHAMS SO SO YIN LA, RGYUN 'GAGS PA'I RJES SU RANG RANG GI YUL LA 'JUG PA'I YID SKYED PAS YID KYI KHAMS SU 'JOG GO, DE LA NANG GI KHAMS NI GSUM GA THA DAD LA, PHYI'I KHAMS NI RIGS DANG RNAM SHES THA DAD LA, RNAM SHES KYI KHAMS NI RIGS DANG SPYOD YUL THA DAD DE, CHOS KHAMS NI YID KYI THUN MONG MIN PA'I SPYOD YUL LO, ,RNAM PAR SHES PA DRUG NI SPYIR @055 YID KYI KHAMS YIN NO, ,GANG GI DE MA THAG PA GANG ZHIG RNAM PAR SHES PA GZHAN GYIS BAR DU MCHOD PA DE NI DE'I RTEN YIN GYI BAR DU CHOD PA NI DE'I RTEN MA YIN TE, 'DAS PA 'DI NI GZHAN MA 'ONGS PA GANG ZHIG BAR MA DES BAR DU MA CHOD PA'I RTEN YIN NO, ,DE NYID KYI PHYIR SEMS MED PA'I GNAS SKABS NA SNYOMS PAR 'JUG PA'I 'JUG SEMS 'DAS NA YUN RING YANG RNAM SHES GZHAN GYIS BAR MCHOD PA'I PHYIR 'JUG PA'I SEMS LDANG BA'I SEMS KYI RTEN YIN NO,,) DGOS PA GANG GI DON DU ZHE NA, DRUG PA YID KYI RNAM PAR SHES PA'I BDAG RKYEN GYI RTEN DBANG PO NI YOD DO ZHES RAB TU BSGRUB PAR BYA BA'I PHYIR RO, , MIG GI RNAM PAR SHES PA'I KHAMS LA SOGS PA'I BDAG RKYEN NI MIG GI KHAMS LA SOGS PA YIN PAR BSTAN NAS YID KYI KHAMS MA BSTAN NA NI YID KYI RNAM SHES LA BDAG RKYEN MED PA NYID DU DOGS PAR 'GYUR BAS YID KYI KHAMS RNAMS SHES DRUG LAS THA DAD DU MED KYANG KHAMS THA DAD DU PHYE NAS BSHAD DE, DE LTAR NA KHAMS NI BCO BRGYAD DAG TU BCOM LDAN 'DAS KYIS GSUNGS PA YIN NO ZHES BYA BAR 'DOD DO, ,DE LTA MA YIN NA RIGS KYI SGO NAS KHAMS SU 'JOG NA GRANGS BCU GNYIS SU THAL BAR 'GYUR TE, RNAM SHES DRUG NI YID KYI SKYE MCHED DU BSDUS PA'I PHYIR RO, ,RDZAS KYI SGO NAS YIN NA NI BCU BDUN DU THAL BAR 'GYUR TE, RNAM SHES NI RDZAS DRUG YIN PA'I PHYIR RO ZHES BYA BA 'DI 'DOD PA YIN NO,, GOS DMAR BA'I SDE PA NI YID KYI RNAM SHES KYI RTEN SNYING GI DNGOS POR 'DOD CING DE NI GZUGS MED NA'ANG YOD PAR 'DOD LA, RNAL 'BYOR SPYOD PA PA NI NYON YID NYID YID KYI KHAMS YIN PAR 'DOD DO, , BZHI PA MDOR BSDUS PA'I DON NI (PHUNG POS 'DUS BYAS THAMS CAD DANG NYER LEN KYI PHUNG POS ZAG BCAS THAMS CAD DANG SKYE MCHED DANG KHAMS KYIS CHOS THAMS CAD BSDUS LA, DE BAS KYANG MDOR BSDU NA,) GZUGS KYI PHUNG PO DANG YID KYI SKYE MCHED DANG CHOS KYI KHAMS GCIG STE RNAM PA GSUM PO DAG GIS NI CHOS THAMS CAD BSDUS TE, GZUGS KYI PHUNG POS NI GZUGS KYI PHUNG PO DANG GZUGS CAN GYI KHAMS BCU DANG SKYE MCHED BCU DANG CHOS KYI SKYE MCHED DANG CHOS KYI KHAMS KYI PHYOGS GCIG RNAM PAR RIG BYED MA YIN PA'I GZUGS BSDUS PA'I PHYIR DANG, YID KYI SKYE MCHED KYIS NI RNAM SHES KYI PHUNG PO DANG YID KYI SKYE MCHED DANG SEMS KYI KHAMS BDUN BSDUS PA'I PHYIR DANG, CHOS KYI KHAMS KYIS NI GZUGS KYI PHUNG PO'I PHYOGS GCIG RIG BYED MA YIN PA'I GZUGS DANG TSOR BA DANG 'DU SHES DANG 'DU BYED KYI PHUNG PO GSUM DANG CHOS KYI SKYE MCHED DANG CHOS KYI KHAMS RNAMS BSDUS TE, 'DIR RNAM PAR RIG BYED MA YIN PA NI LAN GNYIS BSDUS SO ZHES t'I KA LAS BSHAD DE, GZUGS KYI PHUNG PO DANG CHOS KYI SKYE MCHED GNYIS KAR GTOGS PA'I @056 PHYIR RO DE DAG LAS GZHAN PA'I CHOS KYANG MED PA'I PHYIR RO ZHES BYA BA'O, ,JI LTAR BSDUS SHE NA RANG GI NGO BO NYID KYIS RANG GI NGO BO NYID BSDUS PA YIN TE, GZUGS KYI PHUNG PO DANG YID KYI SKYE MCHED DANG CHOS KYI KHAMS LAS GZHAN GYI DNGOS PO'I CHOS DANG MI LDAN PA'I PHYIR TE 'DUS BYAS THAMS CAD MI RTAG PAS BSDUS PA BZHIN NO, ,RNAM PA GCIG TU NA CHOS RNAMS NI GZHAN GYI DNGOS PO DANG MI LDAN PA'I PHYIR GZHAN GYIS GZHAN BSDUS PAR NI MI 'THAD DO, ,DES NA DE DAG RANG GIS RANG BSDUS PA YIN NO, ,'O NA STON PAS 'KHOR BSDUS SO ZHES BYA BA JI LTAR BSTAN ZHE NA, DE NI RES 'GA' BSDUS KYANG RES 'GA' MA BSDUS PA'I PHYIR BTAGS PA BA YIN GYI BSDUS PA YANG DAG PA PA NI MA YIN NO ZHES SHES PAR BYA'O, , (GAL TE SDUD PHYED GSUM GYIS BSDU BYA SUM CU RTZA GNYIS BSDUS PA DE DAG BYAS PAS MI RTAG PA LTAR RANG GIS RANG BSDUS PA'I BSDU BA MTSAN NYID PA'AM, 'ON TE STON PAS BSDU DNGOS BZHIS 'KHOR BSDUS PA LTAR GZHAN GYIS GZHAN BSDUS PA'I BSDU BA BTAGS PA BA YIN ZHE NA, DE DAG NI RANG GIS RANG BSDUS PA'I BSDU BA MTSAN NYID PA YIN GYI BTAGS PA BA NI MA YIN TE, RIM PA LTAR BSDU BYA DE DAG SDUD BYED DE DAG GI RANG GI NGO BO NYID KYIS TE RANG GI NGO BO NYID YIN PA'I PHYIR DANG, GZHAN GYI DNGOS PO DANG MI LDAN PA'I PHYIR RO, ,) LNGA PA KHAMS MANG BAR THAL BA'I RTZOD PA SPANG BA NI 'O NA MIG DANG RNA BA DANG SNA DAG GNYIS GNYIS YOD PA'I PHYIR KHAMS NYI SHU RTZA GCIG TU THAL LO ZHE NA, MIG LA SOGS PA GNYIS GNYIS YOD PA NI BDEN MOD KYI GNYIS PO'ANG MIG GI RANG BZHIN DU RIGS 'DRA (ZHING MTSAN NYID GCIG) BA'I PHYIR DANG, SPYOD YUL GZUGS SU 'DRA BA'I PHYIR DANG, 'BRAS BU GZUGS 'DZIN PA'I RNAM PAR SHES PAR 'DRA BA'I PHYIR NA KHAMS GCIG NYID DU BSHAD DE, RNA BA LA SOGS PA LA'ANG DE BZHIN DU SHES PAR BYA'O, ,'O NA GNYIS GNYIS LA DGOS PA MED PA NYID DU 'GYUR RO ZHE NA MI 'GYUR TE, RTEN GYI LUS MDZES PAR BYA BA'I PHYIR NA MIG LA SOGS PA GNYIS GNYIS 'BYUNG NGO, ,DE YANG DBANG PO GNYIS LA SRED PA DANG BCAS PAS LAS BSAGS PA'I PHYIR DE'I DBANG GIS 'BYUNG BA YIN GYIS MDZES PAR 'DOD PA TZAM GYIS NI MA YIN TE, HA CANG THAL BA'I PHYIR RO, , SLOB DPON 'DUN BZANG NI RNAM SHES GSAL POR BYA BA'I PHYIR YIN NO ZHES 'DOD PA LA, SLOB DPON RGYAL PO'I SRAS NI DE NI RGYA CHEN PO GCIG GIS KYANG 'GRUB PA'I PHYIR DGOS PA MED DO ZHES 'CHAD MOD KYI BYE BRAG TU BSHAD PA LAS NI, KHA CIG NA RE MDZES PAR BYA BA'I PHYIR GNYIS BYUNG NGO ZHES ZER RO, , GZHAN DAG NA RE GSAL BAR BYA BA'I PHYIR RO ZHES ZER RO ZHES GNYIS KA'ANG BSHAD DO, , @057 GNYIS PA MTSAN NYID BSTAN PA LA CHOS DU MA SPUNGS PA'I DON NI PHUNG PO'I MTSAN NYID YIN TE, DNGOS PO'I CHOS DU MA TSOGS SHING 'DUS PA'I PHYIR TE, MDO LAS, GZUGS GANG YIN PA CI YANG RUNG 'DAS PA'AM, MA 'ONGS PA'AM, DA LTAR BYUNG BA'AM, NANG GI'AM, PHYI'I 'AM, RAGS PA'AM, PHRA BA'AM, NGAN PA'AM, GYA NOM PA'AM, THAG RING PO NA YOD PA GANG YIN PA'AM, NYE BA NA YOD PA GANG YIN PA DE DAG THAMS CAD GCIG TU BSDUS TE GZUGS KYI PHUNG PO ZHES BYA BA'I GRANGS SU 'GRO'O ZHES BYA BA NAS RNAM PAR SHES PA'I BAR DU GSUNGS PA'I PHYIR RO, ,MDO'I DON BYE BRAG TU SMRA BA 'DAS PA LA SOGS PA NI DUS GSUM GYIS BSDUS PA'I GZUGS SO, ,NANG GI NA RANG GI RGYUD KYIS BSDUS PA'O, ,DE LAS GZHAN NI PHYI'I YIN NO, ,YANG NA NANG DANG PHYI'I SKYE MCHED KYI GZUGS SO, ,RAGS PA DANG PHRA BA NI THOGS BCAS DANG THOGS MED DAM, YANG NA RDUL LA SOGS PA LTOS PA LA LTOS NAS PHRA RAGS SU GZHAG GO, NGAN PA DANG GYA NOM PA NI NYON MONGS PA CAN DANG NYON MONGS PA CAN MA YIN PA'O, , RING BA NI 'DAS PA DANG MA 'ONGS PA'O, ,NYE BA NI DA LTAR BYUNG BA'O, ,DE BZHIN DU RNAM SHES KYI BAR DU'ANG SHES PAR BYA STE, 'ON KYANG KHYAD PAR 'DI YOD DE, RAGS PA DANG PHRA BA NI DBANG PO LNGA LA BRTEN PA DANG YID LA RTEN PA'AM, YANG NA LAS LAS RIG PAR BYA'O ZHES 'CHAD DO, ,BTZUN PA NI 'DAS PA LA SOGS PA NI RANG GI MING GIS BSTAN LA, RAGS PA DANG PHRA BA NI DBANG PO LNGA DANG YID KYIS GZUNG BAR BYA BA'O, ,NGAN PA DANG GYA NOM PA NI YID DU MI 'ONG BA DANG 'ONG BA'O, ,RING BA DANG NYE BA NI YUL MI SNANG BA DANG SNANG BA CAN NO, ,TSOR BA LA SOGS PA LA'ANG DE BZHIN DU SHES PAR BYA'O, ,RING BA DANG NYE BA NI RTEN GYI LUS NYE RING LAS YIN LA, RAGS PA DANG PHRA BA NI SNGA MA BZHIN NO ZHES 'CHAD DO, , PHUNG PO LNGA PA LAS NI, DANG PO GSUM DUS DANG, PHYI NANG RGYUD DANG, PHRA RAGS RNAM PA DANG, NGAN PA GYA NOM 'GRO BA DANG, THAG NYE RING YUL GYIS BSDUS PA LA BSHAD DO, ,DBUS MTHA' LAS NI, THOG MA DU MA NYID DANG NI, ,BSDUS DANG YONGS SU PHYE BA'I DON ZHES GSUNGS TE, THOG MA KHO NAR PHUNG PO RNAMS 'DAS PA LA SOGS PA DU MAR BSTAN PA DANG, DE DAG THAMS CAD GCIG TU BSDUS TE SPUNGS PA'I DON GYIS PHUNG POR BSTAN PA DANG, GZUGS LA SOGS PA RANG RANG GI MTSAN NYID THA DAD DU YONGS SU PHYE BA'I DON GYIS PHUNG POR GZHAG PA'O, , GAL TE CHOS DU MA SPUNGS PA PHUNG PO YIN NA SKAD CIG DANG RDUL PHRA MO GCIG PHUNG PO MA YIN PAR 'GYUR TE, DE'I MTSAN NYID MED PA'I PHYIR RO ZHE NA, (BYA BA'I KHUR KHYER BA'I DON DAM YONGS SU CHAD PA'I @058 DON NI PHUNG PO'I DON YIN PA LA, DES NA RDUL PHRA RAB YANG PHUNG PO YIN TE RANG GI BYA BA'I KHUR KHYER NUS PA'I PHYIR DANG, GZUGS KYI PHUNG POR YONGS SU CHAD PA'I DON YIN PAS SO, ,DES NA RDUL PHRA RAB DANG 'DAS PA SOGS RE RE'ANG PHUNG PO YIN TE DPER NA SKRA DANG SPU DAG GO ZHES SKRA LA SOGS PA RE RE YANG KHAMS YIN PAR BSTAN PA BZHIN NO ZHES LAN 'DEBS PA DANG YANG NA,) DE DAG KYANG LDOG PA'I CHA DU MA SPUNGS PA'AM, YANG NA DE DAG TSOGS PA PHUNG PO YIN GYI GCIG PU NI PHUNG PO MA YIN TE, DE NYID KYI PHYIR PHUNG PO'ANG BTAGS PA'I YOD PA NYID DU BSHAD DE, BYE BRAG TU BSHAD PA LAS, GAL TE CHOS MNGON PA BA ZHIG PHUNG PO BTAGS PA'I YOD PAR LTA NA NI DE RDUL PHRA RAB KHAMS GCIG DANG SKYE MCHED GCIG DANG PHUNG PO GCIG GI PHYOGS YIN NO ZHES SMRA'O, ,'ON TE MI LTA NA NI DE RDUL PHRA RAB KHAMS GCIG DANG SKYE MCHD GCIG DANG PHUNG PO GCIG YIN NO ZHES SMRA'O ZHES BSHAD PA'I PHYIR RO, SEMS DANG SEMS BYUNG RNAMS SKYE BA'I SGOR GYUR PA'I DON NI SKYE MCHED KYI MTSAN NYID YIN TE, DE LA MIG SOGS DRUG NI BDAG RKYEN GYI TSUL GYIS SKYE BA'I SGO YIN LA, GZUGS SOGS DRUG NI DMIGS RKYEN GYI TSUL GYIS SKYE BA'I SGO YIN NO, ,RIGS KYI DON NI KHAMS RNAMS KYI MTSAN NYID YIN TE, DE YANG RGYU'I DON DANG, RANG BZHIN GYI DON GNYIS LA 'JUG STE, DPER NA NYAN RANG GI RIGS LA SOGS PA LTA BU DANG RGYAL PO DANG BRAM ZE'I RIGS LA SOGS PA LTA BU'O, ,'DIR NI GNYIS KA LTAR YANG RIGS YIN TE, DE DAG RANG RANG GI SKAL BA MNYAM PA'I RGYU YIN PA'I PHYIR DANG, RANG BZHIN MI 'DRA BA BCO BRGYAD YOD PA'I PHYIR RO, ,DE LTAR NA SPUNGS PA'I DON DANG SKYE BA'I SGO'I DON DANG RIGS KYI DON NI PHUNG PO DANG SKYE MCHED DANG KHAMS RNAMS YIN PAR SHES PAR BYA'O, ,(DBUS MTHA' LAS NI TSOR DANG DON RNAMS YONGS GCOD KYI, ,NYER SPYOD 'BYUNG SGO GZHAN YIN NO, ,ZHES NANG GI SKYE MCHED DRUG NI TSOR BA'I NYE BAR SPYOD PA SKYE BA'I SGO YIN LA, PHYI'I SKYE MCHED DRUG NI DON YONGS SU GCOD PA'I NYE BAR SPYAD PA'I SKYE BA'I SGO YIN PA'I PHYIR PHUNG PO DANG KHAMS LAS GZHAN SKYE MCHED DRUG YIN PAR BSHAD LA, DE NYID LAS 'DZIN DANG GZUNG DANG DE 'DZIN PA'I, , SA BON DON DE GZHAN DU 'DOD, ,CES 'DZIN PA'I SA BON GYI DON, NANG GI KHAMS DRUG DANG, GZUNG BA'I SA BON GYI DON, PHYI'I KHAMS DRUG DANG, GZUNG BA DE DAG 'DZIN PA'I SA BON GYI DON, RNAM PAR SHES PA'I KHAMS DRUG YIN PAS PHUNG PO DANG SKYE MCHED LAS GZHAN KHAMS BCO BRGYAD DU 'DOD DE, KHAMS NI SA BON YIN LA DE YANG 'BRAS BU GSUM LA LTOS NAS 'DZIN PA'I KHAMS DANG GZUNG BA'I KHAMS DANG DE DAG 'DZIN PA'I KHAMS DRUG DRUG STE BCO BRGYAD DU RNAM PAR BZHAG GO ZHES BSHAD DO, ,) @059 GSUM PA DE DAG BSTAN PA'I DGOS PA NI YANG CI'I PHYIR BCOM LDAN 'DAS KYIS PHUNG PO LNGA DANG SKYE MCHED BCU GNYIS DANG KHAMS BCO BRGYAD GSUNGS TE RDZAS THA DAD MED PAS DE DAG RE RES KYANG 'DUS BYAS DANG CHOS THAMS CAD BSDUS PA'I PHYIR RO, ,ZHE NA, DE LTA MOS KYI DGOS PA LA LTOS NAS RNAM PA GSUM BSTAN TE, 'DI LTAR 'JIG RTEN GDUL BYA RNAMS NI RMONGS PA RNAM PA GSUM DANG, DBANG PO RNAM PA GSUM DANG, 'DOD PA RNAM PA GSUM DANG LDAN PAS DE DAG GI DON GYI PHYIR PHUNG PO DANG SOGS PAS BSDUS PA SKYE MCHED DANG KHAMS RNAM PA GSUM DU BSTAN TO, ,DE LA SEMS LAS BYUNG BA LA RIL POR 'DZIN PA'I RMONGS PA BZLOG PA'I PHYIR PHUNG PO LNGAR BSTAN TE, SEMS BYUNG LA TSOR BA LA SOGS PA PHUNG PO GSUM DU PHYE BA'I PHYIR RO, ,GZUGS LA RIL POR 'DZIN PA'I RMONGS PA BZLOG PA'I PHYIR SKYE MCHED BCU GNYIS SU BSTAN TE, GZUGS LA SKYE MCHED BCUR PHYE NAS GSUNGS PA'I PHYIR RO, ,GZUGS DANG RNAM SHES LA RIL POR 'DZIN PA'I RMONGS PA BZLOG PA'I PHYIR KHAMS BCO BRGYAD DU BSTAN TE GZUGS LA KHAMS BCU DANG RNAM SHES LA KHAMS BDUN DU PHYE NAS GSUNGS PA'I PHYIR RO, ,SLOB DPON GANG SPEL NI BDE BAR GSHEGS PA'I DGONGS PA NI SHES PAR DKA' MOD KYI RTOG GES BRTOGS NA 'DI LTAR SNANG STE, GANG ZHIG SEMS BYUNG LA MONGS PA DE NI MONGS PA'I RNAM PA CHUNG BA YIN TE, DNGOS PO PHRA BA DANG RIGS MTHUN PA LA RMONGS PA'I PHYIR RO, ,GANG ZHIG GZUGS LA RMONGS PA DE NI RMONGS PA'I RNAM PA 'BRING PO YIN TE, DNGOS PO RAGS SHING RIGS MTHUN PA LA RMONGS PA'I PHYIR RO, ,GANG ZHIG GZUGS DANG SEMS GNYIS KA LA RMONGS PA DE NI RMONGS PA'I RNAM PA CHEN PO YIN TE, DNGOS PO PHRA BA DANG RAGS PA DANG RIGS MTHUN PA DANG MI MTHUN PA THAMS CAD LA RMONGS PA'I PHYIR RO, ,DE LTAR NA PHUNG PO BSTAN PAS 'JIG TSOGS LA RIL 'DZIN SNGON DU 'GRO BA CAN LDOG CING, DE LOG PAS DE SNGON DU 'GRO BA CAN GYI NYON MONGS PA LDOG GO ZHES 'CHAD DO, ,YANG DBANG PO RNON PO'I ('GO SMOS PAS GO BA,) DBANG DU MDZAD NAS PHUNG PO LNGA (KHAMS SKYE MCHED RANG GIS DE'I ZHAR LA RTOGS PAS,) DANG, 'BRING PO'I (RNAM PAR SPROS NA GO BA,) DBANG DU MDZAD NAS SKYE MCHED BCU GNYIS (BSTAN TE KHAMS ZHAR LA RTAGS PA,) DANG, RTUL PO'I (TSIG LHUR LEN PA,) DBANG DU MDZAD NAS KHAMS BCO BRGYAD DU (RGYAS PAR MA BSHAD NA MI GO BA DE,) BSHAD DO, ,YANG ZHI GNAS SPYAD PA TSIG BSDUS PA LA DGA' BA DANG, ZHI GNAS DANG LHAG MTHONG GNYIS KA SPYAD PA 'BRING LA DGA' BA DANG, LHAG MTHONG SPYAD PA RGYAS PA LA DGA' BA'I GDOD PA GSUM GYI PHYIR YANG PHUNG PO LA SOGS PA GSUM BSTAN TO, , @060 DE'I PHYIR BYE BSHAD LAS, SANGS RGYAS BCOM LDAN 'DAS RNAMS KYI BSHAD PA THAMS CAD NI SEMS CAN GYI DON DU 'GYUR BA DANG, NYON MONGS PA'I GNYEN PO YIN PAS DGOS PA DANG BCAS PA'O ZHES BSHAD DO, ,BZHI PA GRANGS NGES PA NI YANG CI'I PHYIR PHUNG PO LNGA NYID DU NGES SHE NA, RE ZHIG GZUGS DANG DE MA YIN PA GNYIS SU NI DNGOS PO LA NGES PA YIN LA, GZUGS MA YIN PA LA SEMS DANG DE MA YIN PA GNYIS SU NGES SHING, GZUGS DANG SEMS MA YIN PA NI TSOR BA DANG 'DU SHES DANG 'DU BYED GSUM DU PHYE BA'I PHYIR RO, ,YANG CI'I PHYIR SEMS BYUNG GZHAN RNAMS LAS TSOR BA DANG 'DU SHS GNYIS PHUNG PO LOGS SHIG TU BSHAD CE NA, TSOR BA (DANG 'DU SHES) NI KHYIM PA (DANG RAB TU BYUNG BA'I) PHYOGS (GNYIS) KYI RTZOD PA'I RTZA (BA DE'I RGYU GSUM LAS DANG PO NI RTZOD PA'I RTZA BAR GYUR PA'I PHYIR TE DE LA GNYIS LAS 'DOD PA DANG LTA BA LA LHAG PAR ZHEN PA KHYIM PA DANG RAB TU BYUNG BA GNYIS KYI TZOD PA'I GZHI NI RIM PA LTAR CHU DANG ZHING 'BROG BUD MED DANG RANG GZHAN GYI LTA BA YIN LA, DE GNYIS KYI RGYU'I GTZO BO NI RIM PA LTAR 'DOD PA LA MNGON PAR ZHEN PAS TSOR BA BDE BA'I RO MYANG PAR 'DOD PA DANG RANG GZHAN GYI LTA BA LA BZANG NGAN DU 'DU SHES PA LA 'DU SHES PHYIN CI LOG GIS SGRUB PA DANG SUN 'BYIN PAR 'DOD) BAR GYUR PA'I PHYIR TE, 'DOD PA (DANG LTA BA) LA LHAG PAR ZHEN PAS (RIM PA LTAR) TSOR BA'I RO MYANG BAR 'DOD (PA DANG 'DU SHES PHYIN CI LOG GIS RANG GZHAN GYI GRUB MTHA' LA BZANG NGAN GYI MTSAN MAR 'DZIN) PAS (CHU DANG) ZHING DANG ('BROG DANG BUD MED DANG) KHANG PA DANG NOR DANG (RANG GZHAN GYI PHYOGS SGRUB CING SUN DBYUNG BA'I) CHED DU RGYAL PO DANG RGYAL PO LA SOGS PA (DANG RAB TU BYUNG BA DANG RAB TU BYUNG BA) RNAMS RTZOD PA'I PHYIR RO, (DE SKAD DU YANG, MDO LAS TSE DANG LDAN PA KA TYA NA CHEN PO B'A RA nA SI'I CHU BO SGRIB PA CAN GYI 'DAM PA CAN GYI CHU NGOGS NA BZHUG SA PA'I DRUNG DU BRAM ZE LAG NA DBYUG PA CAN ZHES BYA BA 'ONGS NAS RAB TU DGA' BAR 'GYUR BA'I GTAM SNA TSOGS BYAS TE PHYOGS GCIG TU 'DUG NAS KA TYA NA LA SMRAS PA KA TYA NA RGYU RKYEN DANG GIS RGYAL PO LA RGYAL PO DANG, ZHING PA LA ZHING PA DANG, BRAM ZE LA BRAM ZE, DANG KHYIM BDAG LA KHYIM BDAG GIS LHAN CIG RTZAD PAR GYUR, SMRAS PA, BRAM ZE 'DOD PA LA CHAGS PA DANG, ZHEN PA DANG, 'BREL PA DANG, MNGON PAR 'DOD PA DANG, YANG DAG PAR CHAGS PA'I RGYUS RGYAL PO LA RGYAL POS LHAN CIG RTZOD PA NAS, KHYIM BDAG LA KHYIM BDAG GIS LHAN CIG RTZOD PA'I BAR DU GYUR TO, ,SMRAS PA KA TYA NA 'DOD PA LA CHAGS PA'I RGYUS RGYAL PO LA RGYAL POS LHAN CIG RTZOD PA LA SOGS PAR GYUR NA, 'O NA RGYU DANG RKYEN GANG GIS RAB TU BYUNG BA DANG RAB TU BYUNG BA RNAMS LHAN CIG RTZOD @061 PAR GYUR, SMRAS PA, BRAM ZE LTA BA LA CHAGS PA DANG, ZHEN PA DANG, 'BREL BA DANG, MNGON PAR 'DOD PA DANG, YANG DAG PAR CHAGS PA'I RGYUS RAB TU BYUNG BA DANG RAB TU BYUNG BA RNAMS LHAN CIG RTZED BAR GYUR TE, ,SMRAS PA, KA TYA NA, DA LTA NA, DA LTA KHA CIG 'DOD PA DANG LTA BA LA CHAGS PA NAS YANG DAG PAR CHAGS PA'I BAR LAS YANG DAG PAR 'DAS PA YOD DAM, SMRAS PA, BRAM ZE YOD DE, BDAG GI STON PA SANGS RGYAS BCOM LDAN 'DAS TE, DE NI 'DOD PA DANG LTA BA LA CHAGS PA NAS YANG DAG PAR CHAGS PA'I BAR LAS 'DAS SO, ,SMRAS PA KA TYA NA KHYOD KYI STAN PA DE DA LTA GANG NA BZHUGS, SMRAS PA, BRAM ZE DA NI SHAR PHYOGS KYI YUL MNYAN YOD CES BYA BA'I GRONG KHYER NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE NAS BRAM ZE, LAG NA DBYUG PA CAN DAD NAS STAN LAS LANGS TE THAL MO SBYAR NAS SANGS RGYAS BCOM LDAN 'DAS GANG 'DOD PA DANG LTA BA LA CHAGS PA LAS YANG DAG PAR 'DAS PA DE LA PHYAG 'TSAL LO, ,ZHES SMRAS TE, SHAR PHYOGS SU PHYAG BTZAL NAS MNGON PAR DGA' ZHING RANG GI GNAS SU SONG NGO ZHES GSUNGS TE, DON DE NYID THUGS LA GZHAG NAS SLOB DPON SNA TSOGS BLO GROS KYIS RTZOD PA MI MNGA' BAR BSTEN PA LAS, 'DOD PA MI SNANG 'BREL MED CING, ,LTA BA'I 'DRA BA BCOM GYUR PAS, ,DES NA RTZOD PA MI 'BYUNG STE, ,RTZA BA MED PAR GA LA 'BYUNG, , ZHES GSUNGS SO, ,) 'DU SHES NI RAB TU BYUNG BA RNAMS KYI RTZOD PA'I RTZA BAR GYUR PA YIN TE, LTA BA LA LHAG PAR ZHEN PAS 'DU SHES PHYIN CI LOG TU GYUR TE, RANG GZHAN GYI GRUB MTHA' LA BZANG NGAN GYI MTSAN MAR 'DZIN PAS DGE SBYONG DANG DGE SBYONG LA SOGS PA RNAMS RTZOD PA'I PHYIR RO, , DES NA GNYIS PO RTZOD PA'I RTZA BAR GYUR PA YIN NO ZHES SHES PAR BYA BA'I PHYIR DANG, BDE BA LA SOGS PA'I TSOR BA LA CHAGS PA LA SOGS PA DANG LDAN PA RNAMS LAS GSOG CING, DE YANG 'DU SHES PHYIN CI LOG GIS YIN PAS DE DAG 'KHOR BA'I RGYU'I GTZO BO YIN PA'I PHYIR RO ZHES SHES PAR BYA BA'I PHYIR DANG, RAGS PA LA SOGS PA 'OG NAS 'CHAD PA'I RIM PAR STON PA'I RGYU MTSAN BZHI YOD PA'I PHYIR YANG SEMS LAS BYUNG BA GZHAN RNAMS LAS TSOR BA DANG 'DU SHES NI LOGS SHIG TU PHUNG POR BCOM LDAN 'DAS KYIS RNAM PAR BZHAG GO ZHES SHES PAR BYA'O, ,YANG CI'I PHYIR SKYE MCHED DANG KHAMS DAG TU 'DUS MA BYAS KYANG BSHAD LA PHUNG POR MA BSHAD CE NA, PHUNG PO DAG TU 'DUS MA BYAS MA BSHAD DE, 'DUS MA BYAS NI PHUNG PO LNGA'I MTSAN NYID DANG MI LDAN PAS DE DAG DE'I DON DU MI RUNG LA, PHUNG PO DRUG PAR YANG MI RUNG STE, CHOS 'DAS PA LA SOGS PA DU MA SPUNGS PA ZHES BYA BA'I DON DU MI RUNG BA'I PHYIR RO, ,GZHAN YANG @062 KUN NAS NYON MONGS KYI GZHI SHES PAR BYA BA'I PHYIR NYER LEN GYI PHUNG PO DANG, KUN NAS NYON MONGS DANG RNAM BYANG GNYIS KA'I GZHI SHES PAR BYA BA'I PHYIR PHUNG PO BSTAN PA YIN PA LA, 'DUS MA BYAS NI DE GNYIS KA'I GZHI'I DON DU MI RUNG BA'I PHYIR RO, , KHA CIG NA RE DPER NA BUM PA CHAG PA BUM PA MA YIN PA BZHIN DU 'DUS MA BYAS NI PHUNG PO ZHIG PA YIN PAS PHUNG POR MI 'OS SO ZHES ZER MOD KYI, DE NI KHAMS DANG SKYE MCHED LA'ANG HA CANG THAL BAR 'GYUR PAS MI 'THAD DO, ,SKYE MCHED DANG KHAMS KYI DON DU NI DMIGS PA'I TSUL GYIS SKYE BA'I SGO DANG RIGS KYI DON YOD PA'I PHYIR BSHAD DO, (PHUNG PO LNGA'I GRANGS NGES NI BSHAD ZIN TO, ,) SKYE MCHED BCU GNYIS SU NGES PA NI GZUGS CAN NI BCUR DNGOS PO LA NGES LA, GZUGS CAN MA YIN PA DAG YID DANG CHOS GNYIS SU NGES PA'I PHYIR RO, ,KHAMS BCO BRGYAD DU NGES PA NI GZUGS CAN LA BCU DANG, GZUGS CAN MA YIN PA LA CHOS DANG SEMS GNYIS SU NGES SHING SEMS LA RNAM PA BDUN DU NGES PA'I PHYIR RO, ,DE DAG NI DBANG DON DE DAG KHO NA LA ZHES BYA BA LA SOGS PAR SNGAR BSHAD ZIN PA'I PHYIR 'DIR NI SKYE MCHED DANG KHAMS KYI GRANGS NGES MA BSTAN TO ZHES SHES PAR BYA'O, ,KUN LAS BTUS LAS NI BDAG TU 'DZIN PA'I GZHI RNAM PA LNGA BRJOD PA'I PHYIR PHUNG PO LNGA BSTAN TE, BDAG GI GZHI LAS YONGS SU GZUNG BA DANG BCAS PA BSTAN PA'I PHYIR GZUGS KYI PHUNG PO BSTAN TE, DBANG PO LNGA NI LUS DANG YUL LNGA NA GZUNG BA YIN PA'I PHYIR RO, ,BDAG GI GZHI LONGS SPYOD BRJOD PA'I DBANG DU BYAS NAS TSOR BA'I PHUNG PO BSTAN TE, BDE BA LA SOGS PA NI LUS DANG GZUNG BA DE LA BRTEN NAS MYONG BAR BYA BA YIN PA'I PHYIR RO, ,BDAG GI GZHI THA SNYAD BRJOD PA'I DBANG DU BYAS NA 'DU SHES KYI PHUNG PO BSTAN TE, DE NI THA SNYAD SNA TSOGS 'DOGS PA PO YIN PA'I PHYIR RO, ,BDAG GI GZHI CHOS DANG CHOS MA YIN PA MNGON PAR BRJOD PA'I DBANG DU BYAS NAS 'DU BYED KYI PHUNG PO BSTAN TE, DAD SOGS NI BLANG BYA DANG, CHAGS SOGS BLANG BYA MA YIN PA'I 'DU BYED YIN PA'I PHYIR RO, ,BDAG GI GZHI DE DAG GI GNAS BRJOD PA'I DBANG DU BYAS NAS RNAM SHES KYI PHUNG PO BSTAN TE, RNAM SHES LA BDAG TU GZUNG BA LAS NI DE DAG LA BDAG GIR 'DZIN PA KUN TU 'BYUNG BA'I PHYIR RO, ,SKYE MCHED BCU GNYIS SU NGES PA NI LUS DANG YONGS SU GZUNG BA GNYIS MA 'ONGS PA'I NYE BAR SPYOD PA DRUG SKYE BA'I SGO'I DBANG DU BYAS NAS GSUNGS TE, LUS NI MIG LA SOGS PA'I DBANG PO DRUG DANG, YONGS SU GZUNG BA NI YUL DRUG GO, MA 'ONGS PA'I NYE BAR SPYOD PA DRUG NI RNAM SHES DRUG SKYE BA'I SGO YIN PA'I PHYIR RO, , @063 KHAMS BCO BRGYAD DU NGES PA NI LUS DANG YONGS SU GZUNG BA GNYIS KYIS 'DAS PA DANG DA LTAR GYI NYE BAR SPYOD PA RNAM PA DRUG 'DZIN PA'I PHYIR TE, LUS NI MIG LA SOGS PA DRUG DANG, YONGS SU GZUNG BA GZUGS LA SOGS PA DRUG GIS 'DAS PA DANG DA LTAR GYI NYE BAR SPYOD PA MIG LA SOGS PA'I RNAM PAR SHES PA DRUG GNAS DANG DMIGS PA'I SGO NAS 'DZIN PA'I PHYIR RO ZHES BYA BA'I DON DU 'CHAD DO, ,DES NI 'DI SKAD BSTAN PA YIN TE, BDAG TU 'DZIN PA'I 'KHRUL PA'I GZHI LNGA YIN NO ZHES BYA BA'I DON DU PHUNG PO LNGA DANG, RNAM SHES DRUG MTSUNGS LDAN DANG BCAS PA SKYE BA'I RGYU'I DBANG DU BYAS NAS SKYE MCHED BCU GNYIS DANG, RGYU 'BRAS BU DANG BCAS PA'I DBANG DU BYAS NAS KHAMS BCO BRGYAD DU BSTAN TO ZHES BYA BA'O, , LNGA PA GO RIM NGES PA LA RE ZHIG PHUNG PO LNGA'I RIM PA NI THOG MAR GZUGS NI GZUGS CAN THOGS BCAS YIN PAS THAMS CAD PAS RAGS PA DANG, DE NAS GZUGS CAN MA YIN PA LAS TSOR BA RGYU BA RAGS PA LA SOGS PA'I PHYIR TE, (GZUGS NI KUN LAS RAGS TE THOGS PA DANG BCAS SHING BSTAN DU YOD PAS SO, ,BZHI LAS TSOR BA RAGS RKANG PAS TSOR RO ZHES SOGS RTOGS SLA BAS SO, ,GSUM LAS 'DU SHES RAGS TE SNGO SOGS SU MTSAN MAR 'DZIN PAS GNYIS PAS RTOGS SLA BAS SO, ,GNYIS LAS 'DU BYED RAGS TE BDAG BDE BAR BYA'O SDUG BSNGAL BAR MI BYA'O ZHES 'DOD PAS RTOGS SLA BAS SO, , RNAM SHES NI KUN LAS PHRA STE DON GYI NGO BO TZAM RIG PAR 'BYUNG BAS RTOGS DKA' BAS SO,,) RAGS PA DANG PHRA BA NI 'DIR RTOGS PAR SLA BA DANG DKA' BA LA BRJOD DO, ,KUN NAS NYON MONGS PA SKYE BA'I RIM PA YOD PA'I PHYIR YANG STE, THOG MA MED PA NAS SKYE BO DAG GZUGS LA MNGON PAR DGA' 'O, ,DE LAS NI BDE BA LA SOGS PA'I TSOR BA LA RO MYANG BA'I CHAGS PA 'BYUNG NGO, ,DE LAS NI (GTZANG BDE SOGS SU,) 'DU SHES PHYIN CI LOG 'BYUNG NGO, ,DE LAS 'DOD CHAGS LA SOGS PA'I NYON MONGS PA'I TSOGS 'BYUNG NGO, ,DES KYANG SEMS KUN NAS NYON MONGS PAR BYED PA'I PHYIR RO, ,YANG NA SNOD DANG SOGS PA'I SGRAS GZUNG BA, ZAS DANG TSOD MA DANG BYAN PO DANG ZA BA PO DANG CHOS MTHUN PA'I DON GYI PHYIR RO, , (GZUGS NI TSOR BA'I RTEN YIN PAS SNOD LTA BU YIN NO, ,TSOR BA NI RO MYANG BAR BYA BA YIN PA'I PHYIR ZAS LTA BU YIN NO, ,'DU SHES NI TSOR BA LA DE'I MTSAN MAR 'DZIN PAS GSAL BAR BYED PA'I PHYIR TSOD MA LTA BU YIN NO, ,SEMS PA NI RNAM PAR SMIN PA'I TSOR BA MNGON PAR 'DUS BYAS NAS NYE BAR GTOD PA'I PHYIR BYAN PO LTA BU YIN NO, ,RNAM SHES DE LA TSOR BAS PHAN 'DOGS PA'I PHYIR RNAM SHES NI ZAB PO LTA BU @064 YIN PAS SNOD SOGS KYI GO RIM BZHIN NO, ,) YANG NA 'DOD PA LA SOGS PA'I KHAMS KYI GO RIM JI LTA BA BZHIN DU BSTAN NO ZHES BYA STE, KHAMS DE DAG NI GZUGS LA SOGS PAS RAB TU PHYE BA'I PHYIR TE, 'DI LTAR 'DOD KHAMS NI GZUGS KYIS PHYE STE, 'DOD PA'I YON TAN DAG GZUGS YIN PA'I PHYIR RO, , GZUGS KYI KHAMS DAG TSOR BAS PHYE STE, BSAM GTAN DANG PO NA BDE BA DANG YID BDE DANG, GNYIS PA NA YID BDE DANG, GSUM PA NA SEMS BDE DANG, BZHI PA NA BTANG SNYOMS YOD PAS GZHAG PA'I PHYIR RO, , GZUGS MED DANG PO GSUM NI 'DU SHES KYIS PHYE LA SRID RTZE NI 'DU BYED TZAM GYIS PHYE (STE DES TSE BSKAL PA BRGYAD KHRIR 'PHEN,) ZHING RNAM PAR SHES PA NI DE DAG GI GZHI YIN PA'I PHYIR DE LTAR GO RIM DU BSTAN TO, ,'DI DAG GIS NI GRANGS NGES PA'ANG 'GRUB BO ZHES 'CHAD DO, ,SKYE MCHED DRUG GI GO RIM NI SKYE MCHED DRUG LAS DA LTAR BA'I DON 'DZIN PA'I PHYIR DANG PO MIG LA SOGS PA GZUGS CAN LNGA SNGON LA BSTAN LA, YID NI DUS GSUM DANG DUS MA YIN PA 'DUS MA BYAS KYI YUL CAN YANG YIN PA'I PHYIR PHYIS BSHAD DO, ,LNGA PO DE DAG LAS KYANG 'BYUNG BA LAS GYUR PA'I DON 'BRAS BU'I GZUGS KHO NA'I YUL CAN YIN PA'I PHYIR MIG LA SOGS PA (DANG PO,) BZHI SNGON LA BSTAN LA, LUS NI GNYIS KA'I YUL CAN YIN PA'I PHYIR PHYIS BSHAD DO, ,BZHI PO DE DAG LAS KYANG GZHAN MIG DANG RNA BA GNYIS NI RGYANG RING PO LA 'JUG PA'I PHYIR SNGAR SMOS LA, SNA DANG LCE NI PHRAD NAS 'DZIN PAS YUL NYE BA KHO NA LA 'JUG PA'I PHYIR PHYIS BSHAD DO, (DANG PO GNYIS KYIS,) MIG NI RNA BA BAS KYANG CHES RGYANG RING BA LA 'JUG PA'I PHYIR SNGAR BSHAD DO, ,(SNA LCE GNYIS KYI'ANG,) SNA NI LCE BAS CHES MYUR DU 'JUG PA'I PHYIR SNGAR BSHAD LA LCE NI DE'I PHYI LA BSHAD DO, ,YANG NA JI LTAR GNAS PA'I RIM PA BZHIN BSHAD DE, MIG NI DANG PO NA GNAS PA NAS LUS PHAL CHE BA 'OG NA GNAS PA'I BAR GYI PHYIR RO, ,DE LTAR NA 'DIS NI NANG GI SKYE MCHED DRUG GI GO RIM BSHAD PA NA PHYI'I SKYE MCHED KYI GO RIM YANG SHES TE, YUL CAN KYI RIM PA LTAR BSTAN PA'I PHYIR RO, ,DES NI KHAMS KYI GO RIM YANG 'GRUB STE, 'BRAS BU RNAM SHES KYI KHAMS DRUG NI RGYU'I GO RIM LTAR BSTAN PA'I PHYIR RO, , YANG CI'I PHYIR MIG GI YUL KHO NA LA GZUGS KYI SKYE MCHED DANG KHAMS DANG, YID KYI YUL KHO NA LA CHOS KYI SKYE MCHED DANG KHAMS ZHES BRJOD DE, MIG LA SOGS PA BCU GA'ANG GZUGS YIN PA'I PHYIR DANG, SKYE MCHED DANG KHAMS THAMS CAD KYANG CHOS YIN PA'I PHYIR RO ZHE NA, BCU PO THAMS CAD GZUGS YIN @065 YANG DE DAG SO SOR SKYE MCHED YIN GYI SPYIR NI MA YIN NO ZHES RTOGS PAR BYA BA'I PHYIR MIG LA SOGS PA DGU NI RANG RANG GI MING GIS BSTAN LA, MING GZHAN MED PA'I MIG GI YUL DE GZUGS ZHES BYA BA'I SPYI'I SGRAS BYE BRAG TU RTOGS PA'I DON GYI PHYIR MIG GI YUL GCIG PU NI GZUGS KYI SKYE MCHED DANG KHAMS ZHES BYA BAR BRJOD DE RTAGS MED PA NYID KYIS DMAG LA SOGS PA BYE BRAG TU RTOGS PA BZHIN NO, ,YANG NA MIG GI YUL NI BSTAN DU'ANG YOD LA THOGS PA DANG BCAS PAS GZUGS KYI GTZO BO YIN PA'I PHYIR YANG DE'I SGRAS BRJOD DE MI'I MCHOG GIS RGYAL PO GO BA BZHIN NO, ,YANG 'JIG RTEN NA YANG DE GZUGS SO ZHES GRAGS KYI GZHAN DAG LA NI MA YIN NO, ,ZHES 'GREL PA LAS 'CHAD DO, ,GZHAN DAG NA RE RNAM PA NYI SHUS RAGS PA'I PHYIR DANG, (RNAM BSHAD RIGS PA'I 'GREL PA LAS, SHA'I SPYAN NI BDAG CAG LTA BU'I YOD PA GANG YIN PA'O, ,LHA'I SPYAN NI MNGON PAR SHES PA'I SPYAN TE, BSAM GTAN DANG PO LA SOGS PA'I SA PA'O, ,'PHAGS PA'I SHES RAB KYI SPYAN NI ZAG PA MED PA'I YE SHES SO, ,CHOS KYI SPYAN NI 'JIG RTEN LAS 'DAS PA'I RJES LAS THOB PA'I YE SHES TE, GANG GI CHOS RAB TU RNAM PAR 'BYED PA'O, , SANGS RGYAS KYI SPYAN NI SHES BYA THAMS CAD LA RNAM PA THAMS CAD MKHYEN PA'O, ,ZHES 'BYUNG BA'I,) SHA DANG LHA DANG 'PHAGS PA'I SHES RAB KYI MIG GSUM GYI SPYOD YUL YIN PA'I PHYIR MIG GI YUL KHO NA LA GZUGS KYI SKYE MCHED DU BSTAN TO ZHES ZER RO, ,(THAMS CAD LA CHOS SU BRJOD NA SKYE MCHED GCIG TU 'GYUR BA'I PHYIR DANG,) YANG SKYE MCHED DANG KHAMS THAMS CAD CHOS YIN PA BDEN YANG YID KYI YUL KHO NA LA CHOS KYI SKYE MCHED DANG KHAMS KYI SGRAS BRJOD PA NI GZHAN DAG NI RANG RANG GI MING GIS SMOS LA, MING GZHAN MED PA'I YID KYI YUL LA CHOS ZHES SPYI'I SGRAS YID KYI YUL BYE BRAG TU RTOGS PA'I DON GYI PHYIR TE MING MED NYID MING DU GYUR PA BZHIN NO, ,YANG NA TSOR BA LA SOGS PA BSDU BYA'I CHOS MANG BA'I PHYIR DANG, CHOS KYI MCHOG MYA NGAN LAS 'DAS PA SO SOR BRTAGS 'GOG KYANG DER BSDUS PA'I PHYIR YID KYI YUL GCIG PU NI CHOS KYI SKYE MCHED DANG KHAMS ZHES BYA BAR BRJOD DO, ,DE DAG GIS NI PHUNG PO DANG SKYE MCHED DANG KHAMS KYI RANG BZHIN BSHAD ZIN TO, , GNYIS PA DE DAG GZHAN YANG 'DIR BSDU BA LA GNYIS LAS PHUNG PO'I MING CAN PHUNG POR BSDU BA NI GAL TE 'DUS BYAS THAMS CAD PHUNG PO LNGA DANG, 'DUS BYAS DANG 'DUS MA BYAS THAMS CAD SKYE MCHED DANG KHAMS KYIS BSDUS NA CHOS KYI PHUNG PO BRGYAD KHRI BZHI STONG ZHES BYA BA LA SOGS PA DANG, ZAD PAR DANG ZIL GYIS GNON PA'I SKYE MCHED LA SOGS PA DANG, KHAMS MANG PO PA'I MDO LAS KHAMS DRUG CU RTZA GNYIS @066 BSHAD PA (DE DAG DANG, MDO GZHAN DAG LAS PHUNG PO LA SOGS PA'I MING CAN GZHAN DAG KYANG 'BYUNG NA,) DE DAG 'DIR SMOS PA RNAMS KYIS MA BSDUS NA DE DAG LAS THA DAD PA'I CHOS YOD (PAS DE DAG TU GRANGS MA NGES,) PAR 'GYUR LA BSDUS NA JI LTAR BSDUS SHE NA, DE'I LAN LA (GNYIS LAS DANG PO CHOS KYI PHUNG PO PHUNG POR BSDU BA NI,) CHOS KYI PHUNG PO BRGYAD KHRI DAG GANG RNAMS THUB PA SANGS RGYAS KYIS GSUNGS PA DE DAG NI MDO SDE PAS RNA BA'I YUL DU GYUR PA TSIG GAM STE (NGAG GI RIG BYED,) TSIG GI RANG BZHIN DANG BYE BRAG TU SMRA BAS YID KYI YUL DU GYUR PA MING GI RANG BZHIN YIN PAR 'DOD PAS DE DAG NI RIM PA LTAR GZUGS KYI PHUNG PO DANG 'DU BYED KYI PHUNG PO DAG TU 'DUS LA, CHOS MNGON PA BA RNAMS NI YE SHES LA 'JUG PA LAS, SANGS RGYAS KYI GSUNG GANG ZHE NA, GANG DE BZHIN GSHEGS PA'I BKA' DANG GSUNG DANG BRJOD PA DANG DBYANGS DANG NGES PA'I GSUNG DANG GSUNG GI LAM DANG GSUNG DBYANGS DANG GSUNG GI 'PHRIN LAS DANG GSUNG GI RNAM PAR RIG BYED YIN NO ZHES PA DANG, SANGS RGYAS KYI GSUNG ZHES BYA BA 'DI CHOS GANG ZHIG YIN ZHE NA, GANG MING GI TSOGS DANG TSIG GI TSOGS DANG YI GE'I TSOGS RNAMS GO RIM DU BKOD PA DANG GO RIM DU GZHAG PA DANG GO RIM DU YANG DAG PAR SBYAR BA'O ZHES 'BYUNG BAS GNYIS KA'I RANG BZHIN YIN PA'I PHYIR GNYIS KAR 'DUS SO ZHES 'DOD DO, ,SDE PA GZHAN DAG NI CHOS KYI PHUNG PO BRGYAD KHRI DANG BZHI STONG DU 'DOD DE, KUN DGA' BO'I MDO LAS, KUN DGA' BOS BDAG GIS CHOS KYI PHUNG PO BRGYAD KHRI LHAG GCIG NI BCOM LDAN 'DAS LAS MNGON SUM DU GZUNG NGO, ,GNYIS NI DGE SLONG DAG LAS SO ZHES GSUNGS PA'I PHYIR DANG, RNAM BSHAD RIGS PA LAS KYANG, NYAN THOS KYI THEG PA LA YANG BRGYAD KHRIR MA 'DUS TE, KUN DGA' BO'I MDO LAS, BRGYAD KHRI LHAG GCIG BCOM LDAN 'DAS LAS BZUNG ZHING, GNYIS NI DGE SLONG DAG LAS SO ZHES GSUNGS PA DE DAG KYANG KUN DGA' BOS LO NYI SHU LHAG GCIG STON PA'I RIM GRO PA BYED PA NAS THOS PA YIN GYI RIM GRO MI BYED PA'I GONG DU GSUNGS PA RNAMS NI DES MA GZUNG BAR SHES LA, DE'I GONG DU CHOS NYUNG DU GSUNG BAR YANG MI 'THAD PAS DGE SLONG DAG LAS GZUNG BA DE DAG KHO NA SNGAR GSUNGS PA RNAMS YIN NO ZHES BYA BAR YANG MI RIGS PA'I PHYIR RO ZHES PA DANG, KUN LAS BTUS KYI 'GREL PA LAS KYANG, NYAN THOS KYI THEG PA'I SKABS SU GNAS BRTAN KUN DGA' BOS CHOS KYI PHUNG PO BRGYAD KHRI BZHI STONG GANG DAG GZUNG BA RNAMS NI SDE SNOD GSUM PO 'DI DAG NYID YIN NO ZHES 'BYUNG BA'I PHYIR DANG, SDE PA GZHAN GYI LUNG LAS KYANG CHOS KYI PHUNG PO BRGYAD KHRI BZHI STONG ZHES @067 GSUNGS PA'I PHYIR RO, ,DES NA BRGYAD KHRIR 'DOD PA NI KHA CHE BYE BRAG TU SMRA BA KHO NA'I LUGS YIN PAR MNGON NO, , 'O NA CHOS KYI PHUNG PO RE RE'I TSAD JI TZAM YIN ZHE NA, KHA CIG NI SH'A RI'I BUS NYE BAR BSDUS PA'I BSTAN BCOS CHOS KYI PHUNG PO'I TSAD DANG MNYAM (LA DE LA NI SHO LO KA DRUG STONG YOD,) ZHES ZER TE, DE LA NI SHO LO KA DRUG STONG YOD LA DE YANG CHOS KYI PHUNG PO GCIG YIN TE GZHAN NI PHAL CHER NUB BO ZHES ZER TE, DE LTAR NA CHOS KYI PHUNG PO BRGYAD KHRI LA (BAM PO SA YA PHRAG GCIG DRUG 'BUM BRGYAD KHRI DANG,) TSIG LE'UR BYAS PA DUNG PHYUR PHRAG BZHI DANG BYE BA PHRAG BRGYAD DU 'GYUR RO, ,(SEMS TZAM PA LTAR NA,) KUN LAS BTUS KYI 'GREL BA LAS NI, CHOS KYI PHUNG PO GCIG GIS TSAD JI TZAM ZHE NA, GRANGS BRGYA PHRAG BCU NI CHOS KYI PHUNG PO STE GRANGS STONG ZHES BYA BA'I THA TSIG GO ZHES CHOS KYI PHUNG PO RE RE LA TSIG LE'UR BYAS PA STONG STONG YOD PAR BSHAD CING, DE NYID LAS, BGRANG BA'I TSUL 'DIS CHOS KYI PHUNG PO BRGYAD KHRI BZHI STONG NI TSIG LE'UR BYAS PA BYE BA PHRAG BRGYAD DANG 'BUM PHRAG BZHI BCUR 'GYUR RO ZHES BSHAD DO, , TSIG LE'UR BYAS PA'I TSAD NI SLOB DPON CHOS KYI BSHES GNYEN GYIS TSIGS SU BCAD PA RE RE LA YI GE'I 'BRU SUM CU RTZA GNYIS NYID DO ZHES RGYA GAR GYI YI GE BRGYAD BZHI SUM CU RTZA GNYIS LA BSHAD PAS BOD KYI NI TSIG PAR NYI SHU RTZA BRGYAD DU 'GYUR RO, , GZHAN DAG NA RE PHUNG PO DANG SKYE MCHED DANG KHAMS DANG RTEN CING 'BREL PAR 'BYUNG BA LA SOGS PA'I DON GYI SDE TSAN RE (RDZOGS PAR) RE STON PA'I GTAM RGYUD RE RE CHOS KYI PHUNG PO RE RE YIN GYI TSIGS SU BCAD PA'I GRANGS NGES PA NI MED DO ZHES 'DOD DO, ,'O NA DE DAG CI'I PHYIR BSTAN ZHE NA, 'DOD CHAGS DANG ZHE SDANG GTI MUG DANG NGA RGYAL DANG LTA BA DANG THE TSOM LA SOGS PA'I (SEMS CAN GYI NYON MONGS PA'I,) SPYOD PA ('DOD CHAGS LA SOGS PA) THA DAD PA BRGYAD KHRI RNAMS KYI GNYEN POR CHOS KYI PHUNG PO'ANG DE DAG DANG MTHUN PAR (MI SDUG PA DANG BYAMS PA DANG RTEN 'BREL DANG KHAMS KYI RAB DBYE SOGS BRGYAD KHRI,) GSUNGS SO, ,NI'I SGRA NI SNGAR BSHAD PA'I PHYOGS BSAL BA'I PHYIR RAM, NGES PAR GZUNG BA'I DON YIN NO ZHES RGYAL PO'I SRAS 'CHAD DO, ,LUGS PHYI MA 'DI SLOB DPON RANG GI LUGS YIN NO ZHES KYANG KHA CIG 'CHAD DO, , BOD KYI SLOB DPON KHA CIG NI 'DOD CHAGS LA SOGS PA GSUM DANG DE DAG CHA MNYAM PAS KUN NAS BSLANGS PA'I SPYOD PA NYI KHRI DANG STONG STONG YOD PAS DE'I GNYEN POR CHOS KYI PHUNG PO BRGYAD KHRI BZHI STONG @068 YIN TE, DKON MCHOG TA LA LA'I GZUNGS LAS STONG PHRAG BRGYAD CU RTZA BZHI GANG YIN PAS, ,RGYAL BA GANG DAG 'GRO BA'I DON MDZAD PA'I, ,CHOS KYI BYE BRAG SGO MO DE DAG GIS, ,BSAM PA JI BZHIN 'JIG RTEN SEMS CAN 'DUL, ,ZHES PA DANG, KLOG THOB KYIS ZHUS PA'I MDO LAS KYANG DE LTAR GSUNGS PA'I PHYIR RO ZHES ZER RO, ,DE DAG KYANG THEG PA THUN MONG GI DBANG DU BYAS PA YIN GYI THEG CHEN PA LTAR NA NI BRGYAD KHRI BZHI STONG DU'ANG MA 'DUS PAR GSAL TE, SLOB DPON CHOS KYI BSHES GNYEN GYIS, THEG PA BLA NA MED PA'I DBANG DU BYAS TE LHA'I DBANG PO'I GLANG PO CHE RAB BRTAN GYIS BKUR BAR 'OS PA'I SNAG TSAS NI CHOS KYI PHUNG PO GCIG 'DRI BAR NUS SO ZHES GSUNGS TE, DE LTAR BYAS NA MDO DAG LAS LHAS BYIN GYIS GLANG PO CHE LNGA STONG GIS BKUR BAR BYA BA'I GLEGS BAM RNAMS KHA TON DU BRJOD PAR BYED DO ZHES GSUNGS PA 'DI YANG RIGS PAR 'GYUR RO ZHES BSHAD PA'I PHYIR DANG, (SANGS RGYAS PHAL PO CHE LAS LHO PHYOGS KYI RGYUD NA PHYOGS KYI LJONGS RGYA MTSO'I SGO ZHES BYA BA NA GZHON NU NOR BZANG GI BLA MA DGE SLONG RGYA MTSO'I SPRIN GYIS THOS SHING GZUNG LA SHES PA'I KUN NAS MI GCES BYA BA CHOS KYI RNAM GRANGS DE 'DRI NA, SNAG TSA RGYA MTSO CHEN PO'I CHU'I PHUNG PO TZAM DANG, SMYUG MA'I PHUNG PO RI RAB RI'I RGYAL PO TZAM ZAD PAR GYUR KYANG CHOS KYI RNAM GRANGS DE LAS LE'U RE RE TZAM DANG SGO RE RE DANG, CHOS KYI TSUL RE RE DANG CHOS KYI TSOGS RNAM PAR PHYE BA RE LAS ZAD PA'AM MTHAR THUG PAR MI 'GYUR RO ZHES GSUNGS PA DANG, DRIN LAN BSAB PA'I MDO LAS KYANG LHAS BYIN GYIS MDO SDE SPOS KYI GLANG PO CHE'I KHAL DRUG KHRI RNYED KHA TON SHES ZHES GSUNGS PA'I PHYIR RO, ,GAL TE CHOS KYI PHUNG PO DE SNYED CIG GSUNGS NA DE DAG DA LTAR GLING 'DI NA MI SNANG BAS GANG NA BZHUGS SHE NA, SLOB DPON CHOS KYI BSHES GNYEN NI KHA CIG NI 'JIG RTEN GYI KHAMS GZHAN NA RNAM PAR SPYOD CING, GZHAN PHAL CHER KLU RNAMS KYI GNAS NA SPYOD DE, SLOB SPRINGS LAS, BSTAN PA RIN CHEN MCHOG LTAR BZANG LA 'PHAN MED PA, ,RNAM PAR DAG TSUL GANG YIN KLU MGO'I GDENGS KA CAN, ,CHEN PO RNAMS KYI GTZUG GI RGYAN BZHIN GUS MNOS NAS, , SA'I GTING NA GNAS PA'I RAB RIB SEL BAR MDZAD, ,CES BSHAD PAS SO, ,ZHES 'CHAD LA, SLOB DPON DBYIG GNYEN NI RNAM BSHAD RIGS PA LAS, YANG DAG BSDUS PA'I GZHI NYAMS PHYIR, ,MTHA' DAG MIN PAR RTOGS PA YIN ZHES 'BYUNG BAS LUNG ZHU BA'I 'GREL PA LAS, STON PA 'DAS PA'I 'OG TU BRAM ZE RGYAL PO RGYAL BYED BSHES ZHES BYA BAS MCHOD RTEN BSHIG DGE SLONG YANG BSAD, BKA'I GLEGS BAM @069 DANG GTZUG LAG KHANG YANG BSREGS SO, ,ZHES 'BYUNG BAS DE DANG SPRANG PO NYI MA'I DNGOS GRUB LA SOGS PAS YANG DAG BSDUS PA'I GZHI NYAMS PAR BYAS PAS PHAL CHER NUB LA, BZHUGS PA RNAMS LA'ANG MA CHANG BA YOD PAS MTHA' DAG MI SNANG BA YIN NO ZHES BZHED DO, ,SLOB DPON RGYAL PO'I SRAS KYIS t'I KA LAS KYANG, CHOS KYI PHUNG PO DE DAG NI NUB STE 'DI GCIG PU LUS SO ZHES PA DANG, RGYU DRUG TSANG BAR STON PA'I MDO DE NI NUB STE, 'DI LTAR GCIG LAS 'PHROS PA'I LUNG CHOS BRGYA'I BAR DU STON PAR 'GYUR BA LAS, DA LTAR BCU'I BAR STON PAR SNANG NGO ZHES BSHAD DO, , GNYIS PA DE GZHAN LA SBYAR BA NI JI LTAR CHOS KYI PHUNG PO DAG PHUNG POR BSDUS PA DE BZHIN DU (GZHAN YANG BSDU BAR BYA'O ZHES SBYAR TE GANG GANG DU JI LTAR BSDU ZHE NA PHUNG PO SKYE MCHED KHAMS RNAMS NI ZHES PA DANG JI SKAD BSHAD PAR ZHES PA DANG, CI RIGS PAR RANG GI MTSAN NYID LEGS DPYAD DE ZHES PA RIM PA LTAR BSTAN TO, ,RIM PA LTAR MDO DAG GZHAN LAS 'BYUNG BA'I PHUNG PO DANG SKYE MCHED DANG KHAMS KYI MING CAN RNAMS NI BSTAN BCOS 'DIR SNGAR PHUNG PO DANG SKYE MCHED DANG KHAMS JI SKAD BSHAD PAR CI RIGS PAR RANG RANG GI MTSAN NYID RNAMS LEGS PAR DPYAD DE GANG ZHIG GANG GI MTSAN NYID DANG LDAN PA DE DER BSDU BAR BYA'O,) MDO GZHAN DAG LAS GSUNGS PA'I PHUNG PO LA SOGS PA'I MING CAN GZHAN LA YANG CI RIGS PAR PHUNG PO DANG SKYE MCHED DANG KHAMS RNAMS NI RANG RANG GI MTSAN NYID RNAMS LEGS PAR DPYAD DE BSTAN BCOS 'DI LAS (SNGAR PHUNG PO DANG SKYE MCHED DANG KHAMS,) JI SKAD BSHAD PAR BSDU BAR BYA STE, DE LA (GSUM LAS PHUNG PO'I MING CAN PHUNG POR BSDU BA NI MDO LAS,) RE ZHIG TSUL KHRIMS DANG TING NGE 'DZIN DANG SHES RAB DANG RNAM PAR GROL BA DANG RNAM PAR GROL BA'I YE SHES GZIGS PA'I PHUNG PO ZHES BYA BA LNGA NI BYE BRAG TU SMRA BA LTAR NA GZUGS KYI PHUNG PO DANG 'DU BYED KYI PHUNG POS BSDUS TE, TSUL KHRIMS NI LUS NGAG GI SPONG BDUN YIN PAS GZUGS SU 'DOD CING, GZHAN NI (PHUNG PO PHYI MA GNYIS KYANG RIM PA LTAR MOS PA DANG SHES RAB KYI BYE BRAG YIN PAS,) TSOR BA DANG 'DU SHES LAS GZHAN PA'I SEMS LAS BYUNG (BA YIN PA'I PHYIR RO,,) BA'I KHYAD PAR YIN TE, RNAM GROL GYI PHUNG PO NI, (MI SLOB PA'I,) MOS? PA YIN LA RNAM PAR GROL BA'I YE SHES MTHONG BA NI SHES RAB KYI BYE BRAG YIN PA'I PHYIR RO,, (THA MA BZHI 'KHOR DANG BCA NA PHUNG PO BZHI'AM LNGAS KYANG BSDUS TE, BSAM GTAN SA DRUG LA MNYAM PAR BZHAG PA'I DE DAG LA RIG BYED MA YIN PA'I GZUGS KYANG YOD BA'I PHYIR RO, ,) MDO SDE PA LA SOGS PA NI TSUL KHRIMS KYI PHUNG PO'ANG SEMS PA'I KHYAD PAR LA 'DOD PA'I PHYIR THAMS CAD KYANG 'DU BYED KYI PHUNG POS BSDUS PAR @070 'DOD DO, ,DE BZHIN DU SDIG PA BSHAGS PA DANG RJES SU YI RANG BA DANG GSOL BA GDAB PA'I PHUNG PO ZHES BYA BA'ANG 'DU BYED KYI PHUNG POS BSDUS TE, 'GYOD PA DANG DAD PA 'DUN PA'I RANG BZHIN YIN PA'I PHYIR RO,, DE DAG KYANG 'KHOR DANG BCAS NA NI PHUNG PO BZHIS BSDUS SO, ,GZHAN YANG YANG DAG PAR NGES PA'I PHUNG PO DANG LOG PAR NGES PA'I PHUNG PO DANG MA NGES PA'I PHUNG PO ZHES GSUNGS PA NI PHUNG PO LNGAS BSDUS PA YIN TE, 'PHAGS DANG MTSAMS MED BYED PA DAG YANG DAG LOG PA NYID DU NGES ZHES 'PHAGS PA DANG MTSAMS MED BYED PA DANG DE LAS GZHAN PA'I GANG ZAG GI DBANG DU BYAS NAS GSUNGS PA'I PHYIR RO,, (GNYIS PA SKYE MCHED KYI MING CAN SKYE MCHED DU BSDU BA NI,) YANG ZAD PAR GYI SKYE MCHED BCU BSHAD PA'I DANG PO BRGYAD NI ZAD PAR BCU'O, ,BRGYAD MA CHAGS ZHES 'BYUNG BAS MA CHAGS PA'I RANG BZHIN YIN PA'I PHYIR CHOS KYI SKYE MCHED KYIS BSDUS SO, ,'KHOR DANG BCAS NA NI PHUNG PO LNGA'I RANG BZHIN YIN PAS YID DANG CHOS KYI SKYE MCHED KYIS BSDUS SO, ,GNYIS NI GZUGS MED DAG CES 'BYUNG BAS NAM MKHA' RNAM SHES GNYIS NI GZUGS MED DANG PO GNYIS KYI RANG BZHIN YIN PA'I PHYIR PHUNG PO BZHI PA YIN PAS YID DANG CHOS KYI SKYE MCHED KYIS BSDUS SO, ,DE BZHIN DU ZIL GYIS GNON PA'I SKYE MCHED BRGYAD KYANG MA CHAGS PA'I RANG BZHIN YIN PAS CHOS KYI SKYE MCHED KYIS BSDUS LA, 'KHOR DANG BCAS NA NI YID DANG CHOS KYI SKYE MCHED KYIS BSDUS SO, ,YANG MDO LAS, 'DI LA DGE SLONG LA STON PA'AM TSANGS PA MTSUNGS PAR SPYOD PA MKHAS PA BLA MA LTA BU GANG YANG RUNG BA ZHIG CHOS STON PAR BYED NA 'DI LA STON PA'AM TSANGS PA MTSUNGS PAR SPYOD PA MKHAS PA BLA MA LTA BU GANG YANG RUNG BA ZHIG JI LTA JI LTAR CHOS STON PAR BYED PA DE LTA DE LTAR CHOS DE DAG LA DON SO SO YANG DAG PAR RIG PAR YANG 'GYUR ZHING CHOS SO SO YANG DAG PAR RIG PAR YANG 'GYUR RO, , DE NA SO SO YANG DAG PAR RIG CING CHOS SO SO YANG DAG PAR RIG PA DE LA RAB TU DGA' BA SKYE'O, , RAB TU DGA' BA LA YID DGA' BA SKYE'O, ,YID DGA' BAR GYUR NA LUS SHIN TU SBYANGS PAR 'GYUR RO, , LUS SHIN TU SBYANGS NA BDE BA NYAMS SU MYONG BAR 'GYUR RO, ,BDE BAR GYUR NA SEMS MNYAM PAR 'JOG PAR 'GYUR RO, ,SEMS MNYAM PAR BZHAG NA YANG DAG PA JI LTA BA BZHIN RAB TU SHES SHING YANG DAG PA JI LTA BA BZHIN MTHONG BAR 'GYUR RO, ,YANG DAG PA LTA BA JI LTA BA BZHIN SHES SHING YANG DAG PA JI LTA BA BZHIN MTHONG NA YID 'BYUNG BAR 'GYUR RO, ,YID BYUNG NA 'DOD CHAGS DANG 'BRAL BAR 'GYUR RO, ,'DOD CHAGS DANG BRAL NA RNAM PAR GROL BAR 'GYUR TE 'DI NI RNAM PAR GROL BA'I SKYE MCHED DANG PO'O, ,ZHES PA DANG, DE BZHIN DU DBYANGS KYIS KHA TON BYED PA DAG GZHAN LA RGYAS PAR STON PA @071 DANG, SEMS PAR BYED PA DANG, SGOM PAR BYED PA LA'ANG RGYA CHER SBYAR NAS RNAM GROL GYI SKYE MCHED LNGA GSUNGS PA DE DAG NI SHES RAB YIN PAS CHOS KYI SKYE MCHED KYIS BSDUS TE, GZHAN GYIS BSTAN PA DANG KHA TON LAS BYUNG BA'I DON DANG CHOS RIG PA NI THOS PA LAS BYUNG BA'I SHES RAB DANG, GZHAN LA STON PAR BYED PA DANG, SEMS PA LAS BYUNG BA'I DON DANG CHOS RIG PA NI BSAM PA LAS BYUNG BA DANG, BSGOMS PA LAS DON DANG CHOS RIG PA NI BSGOMS PA LAS BYUNG BA'I SHES RAB YIN PA'I PHYIR RO, ,DE LA YID RAB TU DGA' BA NI YID BDE BA'O, ,LUS SBYANGS PA NI LUS LAS SU RUNG BA'O, ,BDE BA MYONG BA NI SEMS LAS SU RUNG BA'O, ,MNYAM PAR BZHAG PA NI TING NGE 'DZIN TE ZHI GNAS KYI TSOGS SO, , YANG DAG PA JI LTA BA BZHIN (SHES SHING,) MTHONG BA NI SHES RAB STE LHAG MTHONG GI TSOGS SO, ,YID 'BYUNG BA NI SDUG BSNGAL DANG KUN 'BYUNG LAS SO, ,'DOD CHAGS DANG 'BRAL BA NI LAM GYIS SO, , RNAM PAR GROL BA NI 'GOG PA MNGON DU BYED PA YIN NO ZHES SHES PAR BYA'O, ,'KHOR DANG BCAS NA NI KHA TON DU BYED PA DANG GZHAN LA STON PA LA SGRA THOS PA DANG MTSUNGS LDAN GYI GROGS DANG MTSAN NYID LA SOGS PA YANG YOD PAS SGRA DANG YID DANG CHOS KYI SKYE MCHED KYIS BSDUS SO, ,YANG NAM MKHA' MTHA' YAS SKYE MCHED LA SOGS PA BZHI GSUNGS PA NI YID DANG CHOS KYI SKYE MCHED GNYIS KYIS BSDUS TE, GZUGS PAS? GZHAN PA'I PHUNG PO BZHI'I RANG BZHIN YIN PA'I PHYIR RO, , YANG MDO LAS, SEMS CAN GZUGS CAN LA 'DU SHES MED CING SO SOR 'DU SHES MED PA DAG KYANG YOD DE, 'DI LTA STE 'DU SHES MED PA'I SEMS CAN RNAMS LTA BU STE 'DI NI SKYE MCHED DANG PO YIN NO, ,SEMS CAN GZUGS MED PA LA CI YANG MED PA'I SKYE MCHED LAS YANG DAG PAR 'DAS TE 'DU SHES MED 'DU SHES MED MIN GYI SKYE MCHED RDZOGS PAR BYAS TE GNAS PA DAG KYANG YOD DE, 'DI LTA STE, 'DU SHES MED 'DU SHES MED MIN SKYE MCHED DU NYE BAR 'GRO BA RNAMS LTA BU STE, 'DI NI SKYE MCHED GNYIS PA'O ZHES GSUNGS PA'I 'DU SHES MED PA NI SKYE MCHED BCUS BSDUS TE, DE NI DRI RO MA GTOGS PA'I GZUGS CAN BRGYAD DANG YID DANG CHOS KYI RANG BZHIN YIN PA'I PHYIR TE, 'DI'I YID NI SKYE BA DANG 'CHI 'PHO BA NA YOD DO, ,'DU SHES MED 'DU SHES MED MIN SKYE MCHED NI GZUGS MED PAS PHUNG PO BZHI'I RANG BZHIN YIN PA'I PHYIR YID DANG CHOS KYI SKYE MCHED KYIS BSDUS SO, , (GSUM PA KHAMS KYI MING CAN KHAMS SU BSDU BA NI,) YANG KHAMS MANG PO PA'I MDO LAS, KHAMS DRUG CU RTZA GNYIS GSUNGS PA DE DAG LAS MIG LA SOGS @072 PA'I KHAMS BCO BRGYAD NI SDUD BYED SNGAR BSHAD PA RNAMS SO, ,(BCO BRGYAD PA LAS GZHAN PA'I KHAMS ZHE BZHI'I SDOM NI DRUG TSAN GSUM DANG BZHI TSAN GCIG ,GSUM TSAN DRUG DANG GNYIS TSAN GNYIS, , ZHES SO,) DE'I RJES LA KHAMS DRUG BSHAD PA'I SA LA SOGS PA BZHI NI REG BYA'I KHAMS KYIS BSDUS TE SNGAR BSHAD ZIN TO, ,NAM MKHA' DANG RNAM SHES KYI KHAMS MA BSHAD PAS SGO DANG SKAR KHUNG LA SOGS PA'I BU GA NI NAM MKHA'I KHAMS SU SHES PAR BYA STE, (BYE BRAG TU SMRA BA RNAMS NI PHYI NANG GI DBYE BA GSUNGS PA'I PHYIR NAM MKHA'I KHAMS NI NAM MKHA' LAS THA DAD DE MDO LAS NANG GI NAM MKHA' GANG ZHE NA, LUS 'DI'I NAM MKHA' GANG ZHIG NANG LA BRTEN PA NAM MKHAR GYUR PA MI GSAL BA, KHRAG DANG LPAGS PAS MA KHYAB PA STE DPER NA MIG GI BU GA LTA BU STE ZHES PA LA SOGS PA DANG, PHYI'I NAM MKHA' GANG ZHE NA, PHYI'I NAM MKHA' GANG ZHIG NAM MKHAR GYUR PA, MI GSAL BA, GZUGS SU GYUR PA LAS MA KHYAB PA ZHES PA LA SOGS PA GSUNGS SO, ,GZHAN YANG GZUGS KYI 'DOD CHAGS DANG BRAL BA LA NAM MKHA'I KHAMS YANGS PAR GSUNGS PA'I PHYIR TE MDO LAS, GANG GI PHYIR DE'I SEMS KHAMS LNGA RNAMS LAS 'DOD CHAGS DANG BRAL BAR RNAM PAR GROL BAR 'GYUR LA, DE NAS DE'I RNAM PAR SHES PA NYID LHAG MAR LUS PAR 'GYUR RO ZHES GSUNGS LA, ZAG MED NI SPANG BYA MA YIN NO ZHES GSUNGS SO ZHES ZER RO, ,) DE YANG NYIN MO SNANG BA DANG MTSAN MO MUN PA'I RANG BZHIN DAG YIN PA'I PHYIR GZUGS KYI KHAMS KYIS BSDUS SO LO, ,'DI NI BYE BRAG TU SMRA BA'I 'DOD PA STE (RTZIG PA LA SOGS PA'I THOGS BCAS KYI NYE 'KHOR NA YOD PA,) THOGS BCAS NYE 'KHOR BA('I GZUGS) YIN NO ZHES ZER RO, , MDO SDE PA NA RE 'DI NI MDO'I DGONGS PA MA YIN TE, SNANG BA DANG MUN PA NI 'DUS BYAS YIN PA'I PHYIR DANG, NAM MKHA'I KHAMS KYANG 'DUS MA BYAS SU BSHAD PA'I PHYIR THOGS MED NYE 'KHOR BA YIN NO ZHES ZER RO, ,'DI LTAR NA NAM MKHA'I KHAMS CHOS GYI KHAMS SU 'DUS SO, ,RNAM SHES THAMS CAD NI RNAM SHES KYI KHAMS MA YIN GYI 'ON KYANG ZAG PA DANG BCAS PA'I RNAM PAR SHES PA'I KHAMS YIN PAR 'DOD DE, (ZAG MED SRID PA GCOD PAR BYED PA YIN PA LA,) KHAMS DRUG PO DE DAG BCOM LDAN 'DAS KYIS SRID PAR SKYE BA DANG RGA BA DANG NA BA DANG 'CHI 'PHO BA'I RTEN DU GSUNGS PA'I PHYIR RO, ,MDO LAS, DGE SLONG DAG SKYES BU 'DI NI KHAMS DRUG PA YIN NO ZHES BYA BA DANG, KHAMS DRUG LA BRTEN NAS MA'I MNGAL DU 'JUG PAR 'GYUR RO ZHES GSUNGS PA'I PHYIR RO, ,DES NA RNAM SHES KYI KHAMS NI SEMS KYI KHAMS BDUN DU 'DUS SO, ,(KHAMS DRUG PO DE DAG LAS SRID PA SKYED PA YIN TE RNAM SHES NI SRID PAR NYID @073 MTSAMS SBYOR BA'I SA BON NO, ,DE GSO BAR BYED PA NI 'BYUNG BA BZHI STE RTEN DU GYUR PA YIN PA'I PHYIR RO, ,'PHEL BAR BYED PA NI NAM MKHA' STE GO 'BYED PA'I PHYIR RO DE LTAR NA 'DI DAG NI YANG SRID RGYAS PA'I SA BON GYI DON GYIS NA KHAMS SO, ,DE DAG LAS 'DIR GNYIS KHO NA 'CHAD PA NI LA LA BSHAD ZIN CING LA LA 'CHAD PAR 'GYUR BA'I PHYIR DE KHAMS NI BCO BRGYAD 'BYUNG BA BZHI, ,DUS GSUM TSOR BA LA SOGS BZHI, ,ZAG BCAS ZAG MED 'DUS BYAS DANG, ,'DUS MA BYAS DANG 'GOG KHAMS TE, , BSHAD ZIN SO BZHI'O, ,SA SOGS LAS GZHAN DRUG TSAN DANG, DUS GSUM 'GOG PA LAS GZHAN PA'I GSUM TSAN 'CHAD 'GYUR NYER DRUG ,CES GSUNGS LA, YANG NA 'PHRO LUS PA 'DI GNYIS KYIS KHA BSKANG BA'AM, LOG RTOG BZLOG PA'I PHYIR RO, ,) DE'I RJES LA 'DOD PA DANG GNOD SEMS DANG RNAM PAR 'TSE BA DANG NGES PAR 'BYUNG BA DANG GNOD SEMS MED PA DANG RNAM PAR MI 'TSE BA'I KHAMS ZHES BYA BA DRUG BSHAD PA NI CHOS KYI KHAMS KYIS BSDUS TE, DANG PO GSUM NI 'DOD PA'I 'DOD CHAGS DANG SEMS CAN LA ZHE SDANG BA DANG, SEMS CAN LA THO 'TSAM PA'I RANG BZHIN SPANG BAR BYA BA'I SEMS BYUNG DANG, PHYI MA GSUM NI MA CHAGS PA DANG ZHE SDANG MED PA DANG SNYING BRTZE BA'I RANG BZHIN GNYEN PO'I SE MAS BYUNG YIN PA'I PHYIR RO, ,DE'I RJES LA BDE BA DANG SDUG BSNGAL DANG YID BDE BA DANG YID ME BDE BA DANG BTANG SNYOMS DANG MA RIG PA'I KHAMS ZHES BYA BA DRUG GSUNGS PA'ANG CHOS KYI KHAMS KYIS BSDUS TE, DANG PO LNGA NI TSOR BA DANG DRUG PA NI 'DU BYED KYI NAN DU 'DUS PA'I PHYIR RO, ,DE'I RJES LA TSOR BA DANG 'DU SHES DANG 'DU BYED DANG RNAM PAR SHES PA'I KHAMS BZHI GSUNGS PA NI DANG PO GSUM CHOS KYI KHAMS DANG BZHI PA SEMS KYI KHAMS BDUN GYIS BSDUS SO, ,DE'I RJES LA 'DOD PA DANG GZUGS DANG GZUGS MED PA'I KHAMS GSUM GSUNGS PA NI RIM PA BZHIN KHAMS BCO BRGYAD DANG DRI RO DANG SNA LCE'I RNAM SHES MA GTOGS PA BCU BZHI DANG KHAMS THA MA GSUM GYIS BSDUS SO, ,DE'I RJES LA GZUGS DANG GZUGS MED PA DANG 'GOG PA'I KHAMS GSUM GSUNGS PA NA KHAMS BCU BZHI DANG THA MA GSUM DANG CHOS KYI KHAMS KYIS BSDUS TE, 'DIR 'GOG PA'I KHAMS NI SO SOR BRTAGS PA DANG BRTAGS MIN GYI 'GOG PA YIN NO, ,DE NAS 'DAS PA DANG MA 'ONGS PA DANG DA LTAR BYUNG BA'I KHAMS GSUM GSUNGS PA NI KHAMS BCO BRGYAD PO? THAMS CAD KYIS BSDUS SO, ,DE'I RJES LA NGAN PA DANG BAR MA DANG GYA NOM PA'I KHAMS GSUM GSUNGS PA NI 'DOD PA'I KHAMS LA SOGS PA GSUM PO NYID YIN NO, ,DE'I RJES LA DGE BA DANG MI DGE BA DANG LUNG @074 DU MA BSTAN PA'I KHAMS GSUM GSUNGS PA'I DANG PO GNYIS NI GZUGS DANG SGRA DANG CHOS DANG SEMS KYI KHAMS BDUN GYIS BSDUS SO, ,THA MA NI KHAMS BCO BRGYAD KYIS BSDUS SO, ,DE'I RJES LA SLOB PA DANG MI SLOB PA DANG GNYIS KA MA YIN PA'I KHAMS GSUM GSUNGS PA'I DANG PO GNYIS NI YID DANG CHOS DANG YID KYI RNAM PAR SHES PA'I KHAMS GSUM GYIS BSDUS SO, ,GSUM PA NI KHAMS BCO BRGYAD DU BSDUS SO, ,DE'I RJES LA ZAG PA DANG BCAS PA DANG ZAG PA MED PA'I KHAMS GNYIS GSUNGS PA LAS DANG PO NI KHAMS BCO BRGYAD KYIS BSDUS LA, PHYI MA NI YID DANG CHOS DANG YID KYI RNAM PAR SHES PA'I KHAMS (THA MA GSUM) GYIS BSDUS SO, ,DE'I RJES LA 'DUS BYAS DANG 'DUS MA BYAS KYI KHAMS GNYIS GSUNGS PA LAS DANG PO NI KHAMS BCO BRGYAD KYIS BSDUS LA, PHYI MA NI CHOS KYI KHAMS KYIS BSDUS TE, DE LTAR NA DE DAG NI KHAMS DRUG CU RTZA GNYIS TE DE DAG LA MKHAS NA MKHAS PA KHAMS LA MKHAS PA ZHES GSUNGS SO, , YANG STONG CHUNG NGU'I 'JIG RTEN GYI KHAMS DANG, STONG GNYIS BAR MA'I 'JIG RTEN GYI KHAMS DANG, STONG GSUM GYI STONG CHEN PO'I 'JIG RTEN GYI KHAMS ZHES GSUNGS PA NI BYE BRAG MED PAR KHAMS BCO BRGYAD KYIS BSDUS TE, DE YANG 'DOD PAR GTOGS PA NI BCO BRGYAD PO THAMS CAD DANG, BSAM GTAN DANG PO NI BCU BZHIS BSDUS SO ZHES SHES PAR BYA'O, , GSUM PA, KHAMS LA RNAM PA'I RAB DBYE BSHAD PA LA BRGYAD NA RAB DBYE NYI SHU RTZA GNYIS YOD KYANG BRJOD BDE BA'I DBANG DU BYAS NAS BSTAN YOD LA SOGS PA LNGA DANG, RTOG BCAS DPYOD BCAS LA SOGS PA'I RNAM PA'I RAB DBYE DANG, DMIGS BCAS LA SOGS PA LNGA DANG, BYUNG BA SUM GYI RNAM PA'I RAB DBYE DANG, RDZAS DANG LDAN PA LA SOGS PA LNGA DANG, MTHONG SPANG LA SOGS PA'I RNAM PA'I RAB DBYE DANG, LTA BA DANG LTA BA MA YIN PA'I RNAM PA'I RAB DBYE DANG, GNYIS KYIS SHES PAR BYA BA LA SOGS PA GSUM BSHAD PA DANG BRGYAD DU BSDU BAR BYA'O, , DE LA DANG PO NI KHAMS BCO BRGYAD PO DE DAG LAS BSTAN DU YOD PA RNAMS NI DU, BSTAN DU MED PA RNAMS NI DU ZHE NA ZHES PA LA SOGS PA'I DRI BA NI 'OG MA RNAMS LA'ANG SHES PAR BYA'O, ,DE'I LAN DU BSTAN DU YOD PA NI 'DIR GZUGS KYI KHAMS GCIG PU YIN TE, DE NI 'DI NI 'DI NA'O, ,PHA BI NI PHA BI NA'O ZHES (SGRAS BSTAN PAS,) MIG GI DBANG PO ('I SHES PA BSKYED CING MIG SHES,) LA BSTAN DU YOD PA'I PHYIR RO, ,DES NA SLOB DPON RGYAL PO'I SRAS KYIS YANG NA TSIG GIS GZHAN GYI MIG GI RNAM (PAR) @075 SHES (PA) SKYED PA NI BSTAN PA YIN LA DE DANG LHAN CIG 'JUG PA NI BSTAN YOD DE, DE YANG GZUGS KYI KHAMS GCIG PU YIN NO ZHES BSHAD DO, ,KHAMS BCU BDUN NI DE LTA MA YIN PAS BSTAN DU MED PA ZHES BYA BA YIN NO, (MDO LAS KYANG DGE SLONG GZUGS NI PHYI'I SKYE MCHED YIN TE 'BYUNG BA CHEN PO BZHI DAG RGYUR BYAS PA GZUGS DANG BA, GZUGS CAN BSTAN DU YOD LA THOGS PA DANG BCAS PA'O ZHES PA DANG, DGE SLONG MIG NI NANG GI SKYE MCHED YIN TE 'BYUNG BA CHEN PO BZHI DAG RGYUR BYAS PA GZUGS DANG PO GZUGS CAN BSTAN DU MED LA THOGS PA DANG BCAS PA'O ZHES LUS KYI BAR DU GSUNGS SO, ,DGE SLONG CHOS RNAMS NI PHYI'I SKYE MCHED DE SKYE MCHED BCU GCIG GIS MA BSDUS PA BSTAN DU MED PA THOGS PA MED PA'O ZHES GSUNGS SO, ,) YANG KHAMS BCO BRGYAD LAS GCIG TU (SGRIB PA'I,) THOGS PA DANG BCAS PA NI MIG LA SOGS PA'I GZUGS CAN BCU YIN TE, DE LA THOGS PA NI RDUGS PA YIN TE, (YUL LA THOGS PA DE DAG SGRIB PA LA THOGS SAM ZHE NA MU BZHI STE, DANG PO YUL THOGS SGRIB MI THOGS NI SEMS KYI KHAMS BDUN DANG CHOS KHAMS KYI MTSUNGS LDAN NO, ,GNYIS PA NI YUL LNGA'O, ,GSUM PA NI DBANG PO LNGA'O, , BZHI PA NI CHOS KHAMS KYI MTSUNGS LDAN MA GTOGS PA'O, ,YUL THOGS DAG DMIGS PA LA THOGS SAM ZHE NA TSIG PHYI MA DANG SBYAR TE, DMIGS PA LA THOGS PA DE DAG YUL LA'ANG THOGS TE YUL MED PAR MTSUNGS LDAN RNAMS MI SKYE BAS SO, ,YUL LA THOGS LA DMIGS PA LA MI THOGS PA NI DBANG PO LNGA'O,) DE YANG RNAM PA GSUM STE, SGRIB PA LA THOGS PA DANG, YUL LA THOGS PA DANG, DMIGS PA LA THOGS PA'O, ,DE LA DANG PO NI RANG GI YUL DU GZHAN SKYE BA'I GEGS BYED PA STE GZUGS CAN DAG GCIG GI GO SAR GCIG RDUGS (NAS GZUGS CAN GNYIS PA MI 'BYUNG) PA'O, , (RDUL RDZAS BRGYAD CES BYA BA'ANG RANG RANG GO SAR RTZIB MA BZHIBS NAS GNAS PA YIN NO, ,) GNYIS PA NI MIG LA SOGS PA RNAMS RANG GI YUL LA 'JUG GI GZHAN LA MI 'JUG PA'O, , GSUM PA NI SEMS DANG SEMS BYUNG RNAMS RANG GI YUL LA 'DZIN GYI GZHAN LA MI 'DZIN PA'O, , DE LA 'DIR NI DANG PO'I DBANG DU BYAS PA YIN TE, MIG LA SOGS PA'I RDUL PHRAN RNAMS GCIG GI GO SAR GCIG 'ONG BA LA GEGS BYED PAR GNAS PA'I PHYIR RO, ,KHAMS LHAG MA BRGYAD NI DE LTA MA YIN PI PHYIR THOGS PA MED PAR GRUB BO, ,'O NA 'DIR YUL DANG DMIGS PA LA KHYAD PAR CI YOD CE NA, DBANG PO LNGA'I YUL GANG YIN PA DE NI YUL YIN LA, GANG ZHIG SEMS DANG SEMS BYUNG GIS 'DZIN PA DE NI DMIGS PA DANG YUL GNYIS KA YIN NO, ,'DIR 'GREL BA LAS YUL THOGS KYI SKABS SU GDAGS PA @076 LAS GSUNGS PA'I MIG LA CHU DANG SKAM LA THOGS MI THOGS KYI MU BZHI DANG, MTSAN MO DANG NYIN PAR THOGS MI THOGS KYI MU BZHI DANG, GZHAN YANG YUL DANG SGRIB THOGS KYI MU BZHI DANG, YUL DANG DMIGS THOGS KYI MU GNYIS KYANG BSHAD DO, , DE NYID KYI PHYIR SLOB DPON BLO GROS BRTAN PAS KYANG BSTAN DU YOD LA THOGS PA DANG BCAS PA NI MIG GI DBANG PO'I YUL LO, ,BSTAN DU MED LA THOGS PA DANG BCAS PA NI MIG LA SOGS PA LNGA DANG SGRA DANG DRI DANG RO DANG REG BYA BZHI'O ZHES BSHAD DO, ,YANG KHAMS BCO BRGYAD LAS DGE BA DANG MI DGE BA'I NGO BOR LUNG BSTAN DU MED PA'I PHYIR GCIG TU LUNG DU MA BSTAN PA NI BRGYAD DE, GANG ZHE NA, THOGS BCAS SU BSHAD PA'I GZUGS CAN BCU PO GANG DAG YIN PA DE DAG NYID LAS GZUGS DANG SGRA (GNYIS NI DGE MI DGER YANG 'GYUR BAS DE GNYIS,) MA GTOGS PA DBANG PO LNGA DANG DRI RO REG BYA RNAMS SO, , GZUGS SGRA MA GTOGS PA NI DE DAG DGE MI DGER YANG 'GYUR BA'I PHYIR RO, ,KHA CIG NA RE RNAM PAR SMIN PA'I PHYIR LUNG BSTAN DU MED PA NI LUNG MA BSTAN YIN NO ZHES ZER BA NI MI RIGS TE, ZAG MED 'DUS BYAS KYANG DER THAL BA'I PHYIR RO, ,DES NA DE'I MTSAN NYID KYANG DE NYID YIN TE, BYE BSHAD LAS KYANG, DGE BA DANG MI DGE BA'I DNGOS POR LUNG BSTAN DU MED PAS LUNG DU MA BSTAN PA'O ZHES BSHAD PA'I PHYIR RO, ,KHA CIG DE'I MTSAN NYID BLANG DOR DU MA GRUB PA YIN NO ZHES 'CHAD PA NI MI RIGS TE, MIG GSAL BA LA SOGS PA BLANG BYA DANG, 'DOD PA'I LTA BA DANG PO GNYIS MTSUNGS LDAN DANG BCAS PA DANG, KHAMS GONG MA GNYIS KYI NYON MONGS PA RNAMS DOR BYA MA YIN PAR 'GYUR BA'AM, YANG NA DE DAG LUNG MA BSTAN MA YIN PAR 'GYUR BA'I PHYIR RO, ,KHAMS GZHAN BCU PO DAG NI DGE MI DGE LUNG MA BSTAN RNAM PA GSUM YIN TE, DE LA GZUGS SGRA NI LUS NGAG GI RIG BYED KYIS BSDUS PA SEMS DGE MI DGES KUN NAS BSLANG BAS KUN SLONG GIS DGE MI DGE DANG, SEMS LUNG MA BSTAN GYIS KUN NAS BSLANG BA DANG, (RGYUD KYIS BSDUS KYANG,) RIG BYED KYIS MA BSDUS PA (RGYUD KYIS MA BSDUS PA THAMS CAD,) NI NGO BO NYID KYI LUNG MA BSTAN YIN NO, ,SEMS KYI KHAMS BDUN NI GROGS MA CHAGS PA DANG, CHAGS PA LA SOGS PA DANG MTSUNGS PAR LDAN PAS DGE MI DGE DANG LUNG MA BSTAN KYANG YIN NO, ,CHOS KYI KHAMS NI KHA CIG NGO BO NYID KYIS DGE BA DANG, KHA CIG MTSUNGS LDAN GYIS DGE BA DANG, KHA CIG KUN SLONG GIS DGE BA DANG, KHA CIG DON DAM PAR DGE BA'ANG YOD DO, , (DE DAG GI MTSAN NYID THOB PA DANG BCAS PA'ANG DGE BA'O, ,) MI DGE BA DANG LUNG MA BSTAN LA'ANG DE @077 BZHIN DU SHES PAR BYA'O, , DGE MI DGE'I MTSAN NYID NI RIM PA LTAR DAM PAS BSDAGS SHING GNOD MED KYI 'BRAS BU SKYED PA DANG, DE LAS BZLOG PA'O, ,KHA CIG DGE BA'I MTSAN NYID YUN DU BDE BA DANG 'BRAS BU YID DU 'ONG BA SKYED PA'O ZHES 'CHAD PA NI MI RIGS TE, BSAM GTAN BZHI PA YAN CHAD KYI TSOR BA SKYED BYED DGE BA MA YIN PAR 'GYUR BA'I PHYIR RO, ,GAL TE BTANG SNYOMS KYANG YID DU 'ONG BA YIN NO ZHE NA, MA YIN TE, YID 'ONG YID DU MI 'ONG DANG ZHES YID DU 'ONG BA NI BDE BA LA BSHAD PA'I PHYIR RO, ,YANG KHAMS BCO BRGYAD LAS 'DOD PA'I KHAMS SU GTOGS PA (STE MA BRAL BA,) NI BCO BRGYAD PO THAMS CAD DO, ,(DE'I SRED PAS BDAG GIR BYAS PA'I PHYIR RO, ,) GZUGS KYI KHAMS NA NI BCU BZHI'O, ,GANG ZHE NA DRI DANG RO DANG SNA'I RNAM SHES DANG LCE'I RNAM SHES KYI KHAMS MA GTOGS PA RNAMS SO, ,DRI RO GNYIS NI GZUGS KHAMS NA MED DE, DE DAG NI KHAM GYI ZAS YIN LA (BSNAM PA DANG MYANG BA LAS GZHAN PA'I DRI RO LA LONGS SPYOD PA MED LA DES NA,) DE LAS 'DOD CHAGS DANG BRAL BA DAG DER SKYE BA'I PHYIR RO, , 'O NA NI REG BYA'ANG MED PAR 'GYUR RO ZHE NA, DE LA NI KHAM GYI ZAS DANG ZAS MA YIN PA GNYIS YOD PAS KHAM ZAS SU GYUR PA'I REG BYA MED KYANG DBANG PO LA SOGS PA'I GZUGS KYI RTEN 'BYUNG BA DANG (KHANG BA LA SOGS PA'I GZHI DANG,) GOS KYI REG BYA LA SOGS PA YOD PA'I PHYIR RO, ,DRI RO LA NI KHAM ZAS MA YIN PA MED DO, ,GAL TE YOD DU CHUG KYANG GZUGS KHAMS NA DGOS PA MED PA'I PHYIR RO, , DE'I PHYIR SNA LCE'I RNAM SHES GNYIS KYANG MED DE, ,DE DAG GI YUL MED PA'I PHYIR DANG, GZUGS SGRA 'DOD PA NA YOD PA DAG KYANG DE PA'I DBANG POS 'DZIN MOD KYI DRI LA SOGS BA NI PHRAD NAS 'DZIN PA'I PHYIR 'DOD PA NA YOD PA'ANG DE'I YUL MA YIN PA'I PHYIR RO ZHES BYE BRAG TU SMRA BA RNAMS ZER RO, ,GAL TE DGOS PA MED PAS MI 'BYUNG NA SNA LCE'I DBANG PO DAG KYANG MED PAR 'GYUR RO ZHE NA, DE NI (DGOS PA DANG BCAS TE) LUS MDZES PAR BYA BA'I PHYIR RO, ,MDZES PA NI DBANG RTEN GYIS BYA BAR NUS SHING, (DBANG PO RTEN MED YIN PA'I PHYIR DANG,) DGOS PA YOD KYANG RGYU MED NA MI 'BYUNG LA, (DGOS PA'I DBANG GIS 'BYUNG BA MA YIN GYI,) DBANG PO'I RGYU YANG DE LA SRED PAS LAS BSAGS PA YIN ZHING, (DE YOD PAS RGYU MED MA YIN PAS RGYU'I DBANG GIS YIN PA'I PHYIR DANG,) GANG ZHIG YUL LA SRED PA DANG BRAL BA DE NI YUL CAN DBANG PO LAS KYANG SRED PA DANG BRAL BA YIN PA'I PHYIR RGYU MED PAS MI 'BYUNG BAR RIGS SO ZHES SLOB DPON SKYON BRJOD PAR BYED DO, , @078 BYE BRAG TU SMRA BA NI DBANG PO MED PA'I RTEN MI SRID LA, SKYE BO RNAMS KYANG DBANG PO DANG BCAS PA'I LUS LA SRED PA DANG BCAS PAS LAS GSOG PA'I PHYIR DANG, MDO LAS KYANG GZUGS NA SPYOD PA'I DBANG DU MDZAD NAS DBANG PO RNAMS MA TSANG BA MED CING MED MA YIN NO ZHES GSUNGS (PA DANG 'GAL LO ZHE NA DER  DBANG PO GANG DAG SRID PA DE DAG MA TSANG BA MED PA LA DGONGS KYI, GZHAN DU NA PHO MO'I DBANG PO'ANG YOD PAR THAL LO, ,DES NA RANG RGYUD KYI SGO NAS MI GA LA SOGS PA'I SKYE MCHED DRUG LA SRED PA KUN TU SPYOD KYI YUL DMIGS PA'I SGO NAS MA YIN PAS YUL LA CHAGS PA DANG BRAL YANG DBANG PO LA BRAL BA MA YIN NO, ,DES NA RGYU YOD PAS SNA DANG LCE'I DBANG PO YOD DO, ,PHO MO'I DBANG PO'I NI RGYU YUL LA RAG PA'I SGO NAS SRED PA KUN TU SPYOD BAS YUL GYI SGO NAS SRED PA SPYOD PA YIN PAS DE LA 'DOD CHAGS BRAL BAS DE NA MED LA GANG MA BRAL DE DAG MA SPANGS,) PA'I PHYIR SNA LCE'I DBANG PO NI YOD DO ZHES 'DOD DO, ,GZUGS MED PA'I KHAMS SU GTOGS PA NI YID DANG CHOS DANG YID KYI RNAM PAR SHES PA'I KHAMS GSUM YIN TE, GZUGS LAS 'DOD CHAGS BRAL BA DAG DER SKYE BAS DE NA GZUGS CAN GYI KHAMS BCU MED CING DE DAG MED PAS DE DAG GI (BRTEN PA DANG DMIGS PA'I,) 'BRAS BU RNAM SHES KYI KHAMS LNGA'ANG MED PA'I PHYIR RO, ,YANG KHAMS BCO BRGYAD LAS GANG DAG BSHAD MA THAG PA YID DANG CHOS DANG YID KYI RNAM SHES KYI KHAMS DE GSUM LA NI ZAG PA DANG BCAS PA DANG ZAG PA MED PA DAG KYANG YOD DE, LAM GYI BDEN PAR GTOGS PA'I DE GSUM DANG 'DUS MA BYAS NI ZAG MED YIN LA, GZHAN NI ZAG BCAS YIN PA'I PHYIR RO, , LHAG MA GZUGS CAN GYI KHAMS BCU DANG DE DAG GI 'BRAS BU RNAM SHES KYI KHAMS LNGA STE BCO LNGA PO RNAMS NI GCIG TU ZAG PA DANG BCAS PA YIN TE, SGOM SPANG YIN PA'I PHYIR DANG, ZAG PA RNAMS RGYAS PAR 'GYUR RO,, DPES STON PA RNAMS NI DGRA BCOM PA'I GZUGS KYI PHUNG PO DANG SNOD KYI 'JIG RTEN NI ZAG PA'I GNYEN PO MA YIN PA DANG ZAG PA'I RTEN MA YIN PAS ZAG BCAS ZAG MED GNYIS KA YIN NO ZHES 'DOD PA NI MA YIN TE, DE DAG RNAM PAR GCOD PA'I 'GAL BA YIN PAS PHUNG PO GSUM PA MI SRID PA'I PHYIR RO,, GNAS BRGYAD PA'I BSAM GTAN GYI YAN LAG 'CHAD PA'I SKABS LAS NI DPES STON PAS LUS SHIN TU SBYANGS PA BYANG CHUB KYI YAN LAG GIS BSDUS PA'I REG BYA DANG LUS KYI RNAM SHES KYANG ZAG MED DU 'DOD PAR BSHAD DO, , 2. RTOG BCAS DPYOD BCAS SOGS BSHAD PA, GNYIS PA RTOG BCAS DPYOD BCAS LA SOGS PA'I RNAM PA'I RAB DBYE NI YANG KHAMS BCO BRGYAD LAS @079 GCIG TU RTOG PA DANG BCAS SHING DPYOD PA DANG BCAS PA NI MIG LA SOGS PA'I RNAM PAR SHES PA'I KHAMS LNGA PO YIN TE, KHA PHYIR BLTAS SHING (RTOG DPYOD KYI SAS BSDUS PA RNAM SHES YIN LA,) RTZING ZHIB DANG MTSUNGS PAR LDAN PA'I PHYIR RO, ,DES NA 'DI LA 'BREL RNAM GCOD YIN PAS ('CHAD PA NA 'DI SKAD DU,) RNAM PAR SHES PA'I KHAMS LNGA PO, ,RTOG DANG DPYOD DANG BCAS KHO NA ZHES GDON PAR BYA STE, (t'IKA BYED DAG GIS NI ZHES BYA BA'I SGRA NI RTOG PA DANG DPYOD PA DANG BCAS PA KHO NA'O ZHES NGES PA GZUNG BA YIN NO ZHES BSHAD PA'I PHYIR RO, ,) THA MA YID DANG CHOS DANG YID KYI RNAM SHES KYI KHAMS GSUM NI RTOG PA DANG BCAS SHING DPYOD PA DANG BCAS PA DANG, RTOG PA MED LA DPYOD PA TZAM DANG, RTOG PA YANG MED DPYOD PA YANG MED PA RNAM PA GSUM YIN TE, 'DI LTAR 'DOD PA DANG BSAM GTAN DANG PO'I DNGOS GZHI (TZAM PO,) NA YOD PA'I YID DANG YID KYI RNAM SHES KYI KHAMS DANG, RTOG DPYOD LAS GZHAN PA'I CHOS KYI KHAMS SEMS LAS BYUNG BA RNAMS NI RTOG PA DANG BCAS SHING DPYOD PA DANG BCAS PA YIN TE, DE DAG DANG MTSUNGS PAR LDAN PA'I PHYIR RO, ,BSAM GTAN DANG PO'I DNGOS GZHI KHYAD PAR CAN NA YOD PA'I DPYOD PA LAS GZHAN PA'I YID LA SOGS PA DE DAG DANG, 'DOD PA DANG BSAM GTAN DANG PO'I (DNGOS GZHI BSAM GTAN KHYAD PAR CAN GYI DBANG SHES GSUM NI RTOG MED DPYAD TZAM MO, ,YANG NA GNYIS KA YOD KYANG DANG PO'I DNGOS GZHI TZAM SO SO'I SAS BSDUS SO ZHES 'DOD DO, ,) DNGOS GZHI TZAM PO NA YOD PA'I RTAG PA NI RTOG PA MED CING DPYOD PA DANG BCAS PA YIN TE, ('DOD NGAN RTOG PA LA RTOG PA GNYIS PA MED CING GROGS SU DPYOD PA NGES PAR LDAN LA KHYAD PAR CAN NA RTOG PA SPANGS SHING DPYOD PA YOD PA'I PHYIR RO, ,) RTOG PA SPANGS SHING DPYOD PA DANG MTSUNGS PAR LDAN PA'I PHYIR DANG, (PHYI MA GNYIS KYI) RTOG PA LA RTOG PA GNYIS PA MED PA'I PHYIR RO, ,BSAM GTAN GNYIS PA YAN CHAD GYI GYID LA SOGS PA DANG, BSAM GTAN DANG PO'I DNGOS GZHI KHYAD PAR CAN NA YOD PA'I DPYOD PA DANG, SEMS LAS BYUNG BA MA YIN PA'I CHOS KYI KHAMS THAMS CAD NI RTOG PA YANG MED DPYOD PA YANG MED PA YIN TE, BSAM GTAN GNYIS PA YAN CHAD RTOG DPYOD SPANGS PA'I SA PA YIN PA'I PHYIR DANG, DPYOD PA LA DPYOD PA GNYIS PA MED PA'I PHYIR DANG, MTSUNGS LDAN MA YIN PA DAG RTOG DPYOD GNYIS KA DANG MI LDAN PA'I PHYIR RO, , (DE'I PHYIR RTOG DPYOD DANG BCAS PA'I SA NA CHOS BZHI YOD DO, ,) 'O NA NI DPYOD PA MED LA RTOG PA TZAM YANG YOD PAR 'GYUR TE, DPYOD PA THAMS CAD LA'ANG DPYOD PA GNYIS PA MED PA'I PHYIR DANG, BSAM GTAN DANG PO MAN CHAD KYI DPYOD PA NI RTOG PA DANG MTSUNGS PAR LDAN PA'I PHYIR RO ZHE NA, DE NI @080 DE LTA YIN MOD KYI 'ON KYANG MDO LAS RTOG BCAS DPYOD BCAS LA SOGS PA LA GSUM DANG, TING NGE 'DZIN GSUM GSUNGS PA DANG RJES SU MTHUN PAR MDZAD NAS THAM GSUM NI RNAM GSUM MO ZHES GSUNGS PA YIN NO, ,LHAG MA MIG LA SOGS PA GZUGS CAN BCU PO RNAMS NI RTOG DPYOD GNYIS KA SPANGS PA YIN PAS GCIG TU RTOG PA YANG MED DPYOD PA YANG MED PA NYID DU NGES PA YIN TE MTSUNGS LDAN MIN PA'I PHYIR RO, , GAL TE MIG LA SOGS PA'I RNAM SHES LNGA PO DAG RTOG DPYOD DANG BCAS PA YIN NA, MDO LAS DGE SLONG DAG MIG GI RNAM PAR SHES PA DANG LDAN PAS SNGON PO SHES KYI SNGON PO'I SNYAM DU MA YIN NO ZHES RTOG BRAL DU BSHAD PA DANG (RTOG MED KYIS LUS NGAG GI LAS MI SLONG BAR BSHAD PA DANG,) 'GAL LO ZHE NA, RTOG PA NI RNAM PA GSUM STE, NGO BO NYID KYI RTOG PA DANG NGES PAR RTOG PA'I RTOG PA DANG RJES SU DRAN PA'I RTOG PA'O, ,DE LA DBANG PO'I RNAM SHES RNAMS NI NGES PAR RTOG PA DANG RJES SU DRAN PA'I RNAM PAR RTOG PAS RNAM PAR MI RTOG BAR BSHAD PA YIN GYI NGO BO NYID KYI RTOG PA DANG BRAL BAR BSHAD PA NI MA YIN NO, ,'O NA RTOG PA DE DAG GANG ZHE NA, NGO BO NYID KYI RTOG PA NI SEMS BYUNG GI NANG DU 'CHAD PAR 'GYUR LA, NGES PAR RTOG PA DANG RJES SU DRAN PA'I RTOG PA DE DAG NI RIM PA BZHIN DU YID KYI RNAM SHES DANG MTSUNGS PAR LDAN PA'I SHES RAB YUL LA RNAM PAR G-YENG BA DANG, YID KYIS RNAM SHES DANG MTSUNGS PAR LDAN PA'I MING LA MA LTOS PAR DON DRAN PA MNYAM PAR BZHA MA BZHAG THAMS CAD NYID YIN PAR SHES PAR BYA'O, ,DE LA YID KYI SHES RAB RNAM PAR G-YENG BA NI DE DANG MTSUNGS PAR LDAN (PA MNYAM GZHAG MIN) PA'I THOS PA DANG BSAMS PA LAS BYUNG BA DANG SKYES NAS THOB PA'O, , GSUM PA DMIGS BCAS LA SOGS PA LNGA NI YANG KHAMS BCO BRGYAD LAS GCIG TU DMIGS PA DANG BCAS PA'I KHAMS NI YUL LA DMIGS NAS 'DZIN PAR BYED PA'I PHYIR SEMS KYI KHAMS BDUN YIN NO, , CHOS KYI KHAMS KYI PHYED SEMS LAS BYUNG BA RNAMS KYANG DMIGS PA DANG BCAS PA YIN NO, ,KHAMS LHAG MA PHYED DANG BCU GCIG NI MTSUNGS LDAN MA YIN PAS DMIGS PA MED PAR GRUB BO, ,KHAMS DE DAG LAS GCIG TU SEMS KYIS MA ZIN PA NI DGU YIN NO, ,GANG ZHE NA, GANG DAG DMIGS BCAS SU BSHAD PA PHYED DANG BRGYAD DANG CHOS KHAMS KYI PHYED DANG BCAS PA BRGYAD PO DE DAG RNAMS DANG SGRA'O, , (DE LA BRGYAD PO NI GZUGS CAN MIN PAS DBANG PO LNGA'I TSOGS PAS MA BSDUS PA'I PHYIR DANG SGRAS NI RIG BYA 'DZIN PA MA SKYED PAS SO, ,) KHAMS LHAG MA MIG LA SOGS PA LNGA DANG GZUGS DANG DRI DANG @081 RO DANG REG BYA ZHES BYA BA GZHAN DGU PO RNAMS NI ZIN PA DANG MA ZIN PA RNAM PA GNYIS KA YIN NO, , DE LA DBANG PO LNGA 'DAS PA DANG MA 'ONGS PA NI MA ZIN PA DANG, DA LTAR BYUNG BA DAG ZIN PA DAG YIN NO, ,GZUGS LA SOGS PA BZHI NI DA LTAR BYUNG BA DBANG PO'I TSOGS PA NA YOD PA DAG NI ZIN PA YIN LA, DE DAG LAS GZHAN PA RGYUD KYIS BSDUS PA DA LTAR BA YIN KYANG RTZA BA MA GTOGS PA'I SKRA DANG BA SPU DANG SEN MO DANG SO DANG BSHANG GCI DANG MCHIL MA DANG SNABS DANG KHRAG LA SOGS PA DANG, RGYUD KYIS MA BSDUS PA'I GZUGS SOGS BZHI PO RNAMS KYANG MA ZIN PA'O, ,'DIR ZIN PA'I DON NI DBANG PO LA PHAN GNOD BYAS BA'I DBANG GIS TSOR BA BDE SDUG SKYE BA'I PHYIR SEMS DANG SEMS BYUNG RNAMS KYIS RTEN GYI DNGOS POR NYE BAR GZUNG BA STE 'JIG RTEN NA SEMS DANG BCAS PA ZHES BRJOD PA GANG YIN PA'O, , DE NYID KYI PHYIR SLOB DPON GANG SPEL GYIS KYANG ZIN PA NI LUS SU GTOGS PA RNAMS TE, PHAN TSUN MTHUN PAR BYED PA'I PHYIR SEMS DANG SEMS LAS BYUNG BA DAG GIS RTEN GYIS DNGOS POR NYE BAR GZUNG BA'I PHYIR RO ZHES BSHAD DO, ,'DIR MIG SOGS DBANG PO LNGA 'DAS PA DANG MA 'ONGS PA MA ZIN PA YIN NO ZHES BYA BA NI BYE BRAG SMRA BAS KUN BTAGS PA YIN TE, 'DAS MA 'ONGS NI 'GAGS PA DANG MA SKYES PA NYID KYIS DNGOS POR MED PA'I PHYIR DANG, DNGOS PO MED PA'ANG DBANG POR MI 'THAD PA'I PHYIR RO, ,DES NA KUN LAS BTUS DANG PHUNG PO LNGA PA LAS KYANG MIG SOGS LNGA ZIN PA KHO NAR BSHAD CING, BYE BSHAD LAS KYANG, GZHAN LAS 'DI DAG GNYIS SU MA BSTAN TAM ZHE NA, BSTAN MOD KYI DE LA YANG 'DAS PA DANG MA 'ONGS PA NI ZIN PA MA YIN PAR MA BRJOD DE, DE NI MED PA NYID DO, ,MED PA NI ZIN PA'AM ZIN PA MA YIN PAR BRJOD DU MI RUNG NGO, ,DA LTAR BA NI RANG YOD PAR GNAS PA DANG, SEMS DANG SEMS LAS BYUNG BA RNAMS KYIS ZIN PA NYID DE, MIG LA SOGS PA NI MA ZIN PA MA YIN NO ZHES BSHAD DO, ,DE'I PHYIR DBANG PO DAG NI GCIG TU ZIN PA YIN PAS NA MA ZIN PA DGU DANG ZIN PA LNGA DANG GNYIS KA YIN PA NI BZHI YIN NO ZHES BYA BA NYID RIGS PAR MNGON NO, ,YANG KHAMS BCO BRGYAD LAS REG BYA'I KHAMS NI 'BYUNG BA DANG 'BYUNG BA LAS GYUR PA RNAM PA GNYIS KA YIN TE SA LA SOGS PA BZHI 'BYUNG BA DANG, 'JAM PA LA SOGS PA BDUN 'BYUNG BA LAS GYUR PA YIN PA'I PHYIR RO, ,LHAG MA MIG LA SOGS PA GZUGS CAN DGU PO NI 'BYUNG BA LAS GYUR PA YIN NO, ,CHOS KYI KHAMS KYI PHYOGS GCIG RNAM PAR RIG BYED MA YIN PA'I GZUGS KYANG 'BYUNG BA LAS GYUR PA YIN TE, 'BYUNG BA CHE RNAMS RGYUR BYAS PA, ,DE NI RNAM RIG BYED MIN BRJOD, ,CES RIG BYED MA YIN PA 'BRAS BU'I @082 GZUGS SU 'DOD PA'I PHYIR RO, ,LHAG MA SEMS KYI KHAMS BDUN RIG BYED MA YIN PA MA GTOGS PA'I CHOS KYI KHAMS NI 'BYUNG BA DANG 'BYUNG GYUR GNYIS KA MA YIN NO ZHES BYA BAR GRUB (STE GZUGS CAN MIN) BO, , 'DIR BTZUN PA SANGS RGYAS LHA SKYE MCHED GZUGS CAN BCU 'BYUNG BA TZAM YIN NO ZHES ZENG BA NI RIGS PA MA YIN TE, MDO LAS 'BYUNG BA RNAMS NI BZHI NYID DU GSUNGS PA'I PHYIR DANG, DE DAG KYANG SRA BA LA SOGS PA'I MTSAN NYID CAN DU GSUNGS PA'I PHYIR DANG, SRA BA LA SOGS PA DE DAG KYANG REG BYA YIN PA'I PHYIR DANG, MIG LA SOGS PAS SRA BA LA SOGS PA MI 'DZIN ZHING LUS KYI DBANG POS KYANG KHA DOG LA SOGS PA MI 'DZIN PA'I PHYIR DANG, MDO LAS, DGE SLONG (REG BYA NI PHYI'I SKYE MCHED YIN TE 'BYUNG BA CHEN PO BZHI DAG DANG 'BYUNG BA CHEN PO BZHI DAG RGYUR BYAS PA'O ZHES PA DANG,) MIG NI NANG GI SKYE MCHED YIN TE, 'BYUNG BA CHEN PO BZHI DAG RGYUR BYAS PA GZUGS DANG BA GZUGS CAN BSTAN DU MED LA THOGS PA DANG BCAS PA'O ZHES BYA BA LA SOGS PA GSUNGS PA'I PHYIR RO, ,'O NA MDO LAS, GANG MIG GI SHA'I GONG BU LA SRA BA MKHRANG BAR GYUR PA GANG YIN PA ZHES (MIG DANG SA KHAMS GCIG TU,) GSUNGS PA'I DON JI LTAR YIN ZHE NA, DE NI DBANG PO DANG TSOGS PA'I DBANG RTEN GYI DBANG DU BYAS NAS GSUNGS PA YIN PA'I PHYIR DANG, DGE SLONG MI 'DI NI KHAMS DRUG PA YIN NO ZHES (KHAMS DRUG LAS MED PA SKAD DU BSTAN) PA'ANG SEMS CAN GYI RDZAS KYI GZHI BSTAN PA'I PHYIR GSUNGS PA YIN GYI DE TZAM KHO NA NI MA YIN TE, SEMS LAS BYUNG BA RNAMS MED PAR THAL BA'I PHYIR DANG, RNAM SHES NYID SEMS LAS BYUNG BA'ANG MA YIN TE, MDO LAS, 'DU SHES DANG SEMS PA'I CHOS 'DI NI SEMS LAS BYUNG BA SEMS LA BRTEN PA'O ZHES PA DANG, SEMS 'DOD CHAGS DANG BCAS PA LA SOGS PA GSUNGS PA'I PHYIR RO, ,YANG KHAMS BCO BRGYAD LAS MIG LA SOGS PA'I KHAMS GZUGS CAN BCU NI (RDUL PHRAN 'DUS PA'I PHYIR,) GCIG TU RDUL PHRAN BSAGS PA'O, ,LHAG MA BRGYAD NI BSAGS PA MA YIN PA'O, ,YANG KHAMS DE DAG LAS GCOD PAR BYED PA STA RE LTA BU DANG, BCAD PAR BYA BA SHING LA SOGS PA LTA BU NYID NI GZUGS DRI RO REG BYA ZHES BYA BA PHYI ROL GYI KHAMS BZHI PO DE DAG NYID YIN GYI DBANG PO RNAMS NI BCAD PAR BYA BA MA YIN TE, DE NI 'DUS PA'I RGYUN 'BREL PAR 'BYUNG BA DUM BUR BYED PA LA BRJOD PA NA DBANG PO RNAMS NI 'BREL PA'I RGYUN GNYIS SU BYAR MED DE, LUS LA SOGS PA BCAD PA'I YAN LAG LA DBANG PO MED (PAS DBANG @083 PO GNYIS SU BYAR,) BA'I PHYIR RO, ,(YOD NA DES KYANG DE BSKYED PAR 'GYUR RO, ,) 'O NA SNA LA SOGS PA'I RTZE MO BCAD PA 'BYAR BA NA DE DAG GIS REG BYA 'DZIN PAR JI LTAR 'GYUR ZHE NA, BCAD PA'I SNA'I RTZE MO LA SOGS PAS NI REG BYA MI 'DZIN GYI DE DAG 'BYAR BA NA 'DZIN PA NI DBANG PO CAN GYI LUS DANG 'BREL PAS RGYAS BYUNG GI DBANG PO SLAR SKYES PAS YIN NO, ,RMID PU LA SOGS PA'I MJUG MA BCAD PA 'GUL BA'ANG RLUNG GIS YIN GYI DBANG PO DANG SEMS PAS NI MA YIN TE, RGYUD GNYIS SU THAL BA'I PHYIR RO, ,DBANG PO RNAMS NI GCOD PAR BYED PA'ANG MA YIN TE, 'OD LTAR DANG BA'I PHYIR RO, ,SGRA NI RGYUN MED PA'I PHYIR DANG, CHOS KYI KHAMS DANG SEMS KYI KHAMS BDUN NI LUS MED PAS 'DUS PAR MI GNAS PA'I PHYIR GCOD PAR BYED PA DANG BCAD PAR BYA BA GNYIS KA MA YIN NO, ,JI LTAR PHYI ROL GYI KHAMS BZHI PO DAG GCOD BYED DANG BCAD BYA YIN PA DE BZHIN DU MES BSREG PAR BYA BA DANG SRANG GIS 'JAL BAR BYED PA'ANG BZHI PO DE DAG NYID DO, ,SREG PAR BYED PA ME DANG GZHAL BAR BYA BA MAR LA SOGS PA LA NI MI MTHUN PAR SMRA'O, ,JI LTAR SMRA ZHE NA, KHA CIG NA RE SREG PAR BYED PA NI ME KHO NA YIN PAS REG BYA DANG, GZHAL BAR BYA BA NI LCI BA KHO NA YIN PAS GNYIS KA'ANG REG BYA KHO NA YIN NO ZHES ZER LA, KHA CIG NA RE REG BYA KHO NA MA YIN GYI 'ON KYANG PHYI ROL GYI KHAMS BZHI PO DE DAG NYID ('DUS PA,) YIN NO ZHES ZER RO, , BZHI PA BYUNG BA GSUM GYI RNAM PA'I RAB TU DBYE BA NI YANG KHAMS BCO BRGYAD LAS RNAM PAR SMIN PA LAS BYUNG BA DANG RGYAS PA LAS BYUNG BA NI MIG LA SOGS PA NANG GI KHAMS LNGA YIN TE, MI DGE BA DANG DGE BA ZAG BCAS KYIS BSKYED PA'I PHYIR DANG, RGYAS PA'I RGYU DAG GIS RGYAS PAR BYAS PA'I PHYIR RO, ,DE LA RNAM PAR SMIN PA'I RGYU LAS BYUNG BAS NA RNAM PAR SMIN PA LAS BYUNG BA ZHES RGYU ZHES PA'I BAR GYI TSIG MI MNGON PAR BYAS PA STE DPER NA BA LANG DANG LDAN PA'I SHING RTA LA BA LANG GI SHING RTA ZHES BYA BA BZHIN NO, , DE YANG LAS NUS PA MTHU LDAN DU SMIN PA NI RNAM PAR SMIN PA STE, DE LAS BYUNG BA'I PHYIR RNAM PAR SMIN PA LAS BYUNG BA ZHES 'BRAS BU LA RGYU'I MING GIS BTAGS PA'AM, YANG NA RNAM SMIN GYI RGYU LA 'BRAS BU RNAM SMIN GYI MING GIS BTAGS NAS DE LAS BYUNG BA'I PHYIR RNAM PAR SMIN PA LAS BYUNG BA STE LO MA LA TSOD MA ZHES BRJOD PA BZHIN NO, ,DE LA RGYAS PA'I RGYU NI BZHI STE, ZAS DANG, BSKUM MNYE DANG DRIL PHYIS LA SOGS PA LEGS PAR BYA BA DANG, GNYID DANG TING NGE 'DZIN NYID DO, ,KHA CIG NI TSANGS PAR SPYOD PA DANG LNGA YIN NO ZHES ZER MOD KYI DE NI MI GNOD PA TZAM DU ZAD KYI RGYAS PAR BYED PA NI MA YIN NO, ,ZHES (BYE BRAG @084 TU SMRA BA,) SLOB DPON 'CHAD DO, ,DE DAG LAS BYUNG BA'I PHYIR RGYAS PA LAS BYUNG BA'O, ,RGYAS PA'I RGYUD NI RNAM SMIN GYI RGYUD (DE DBANG PO,) LA PHYIR BZHIN DU BSKOR TE GNAS PAS KUN DU SRUNG NGO, , (STE ZAS SOGS KYIS RGYAS PAS RNAM SMIN GYI DBANG PO LA YANG PHAN 'DOGS PAS SO, ,) GAL TE NANG GI LNGA LA RGYU MTHUN LAS BYUNG BA YOD NA BYUNG BA GNYIS KHO NAR MI 'THAD LA, MED NA THA MA GSUM, SKAD CIG MA STE ZHES PA'I 'GREL PAR SDUG BSNGAL LA CHOS SHES PA'I BZOD PA'I TSOGS KYI SKAD CIG DANG PO MA GTOGS PA'I 'DUS BYAS GZHAN NI RGYU MTHUN PA LAS MA BYUNG BA 'GA' YANG MED DO ZHES BSHAD PA DANG 'GAL LO ZHE NA, DE GNYIS LA RANG RANG GI RIGS 'DRA SNGA MA LAS PHYI MA 'BYUNG BA'I RGYU MTHUN YOD PAS SKYON PHYI MA MED LA GNYIS LAS MA GTOGS PA'I RGYU MTHUN LAS BYUNG BA GSUM PA MED PAS SKYON DANG PO LAS GROL LO, ,(THA DAD PA YOD NA SHI BA'I RO LA YANG DBANG PO GZUGS CAN GYI RGYUN DMIGS PAR THAL TE GZUGS SOGS KYI RGYU MTHUN DMIGS PA BZHIN NO, ,SPYIR RNAM SMIN CHAD KYANG RGYAS BYUNG GIS GNAS PA YOD DE ROL BZHIN, RGYAS BYUNG MED KYANG CIG SHOS KYI GNAS PA YOD PA DE DMYAL BA'I LUS BZHIN NO, ,) SGRA'I KHAMS NI RNAM SMIN LAS SKYES PA MIN TE, RNAM SMIN GZUGS CAN (NI CHAD NAS MTSAMS MI SBYOR ZHING,) 'DOD PA TZAM GYIS 'BYUNG BA MA YIN LA, SGRA NI (CHAD NAS MTSAMS SBYOR ZHING BRJOD PAR) 'DOD PA'I DBANG GIS 'BYUNG BA'I PHYIR RO, ,'O NA GDAGS PA'I BSTAN BCOS LAS, DE BZHIN GSHEGS PA'I GSUNG SGRA GDANGS KYI MTSAN, ,GANG GIS 'THOB PAR 'GYUR BA MNYAN PAR GYIS, ,TSIG RTZUB DANG NI KYAL PA RNAM SPANGS PAS, ,DE BZHIN GSHEGS PA'I MTSAN NI THOB PAR 'GYUR ZHES (STON PA'I GSUNG,) RNAM SMIN LAS SKYES PAR BSHAD PA DANG, LUNG PHRAN TSEGS LAS, (CHO DANG LDAN PA,) SNYAN PA BZANG LDAN GYI NGA RO SNYAN PA'ANG SNGON SANGS RGYAS 'KHOR BA 'JIG GI MCHOD RTEN LA DRIL BU PHUL BA DANG KHU BYUG TU SKYES PA NA SANGS RGYAS 'OD SRUNG LA SEMS DAD PAS SKAD SNYAN PA BYUNG STE BSKOR BA BYAS PA'I RNAM SMIN LAS BYUNG BAR BSHAD PA DANG 'GAL LO ZHE NA, 'DI LA NYI 'OG BYE BRAG TU SMRA BA RNAMS NI LAS DE DAG LAS RNAM SMIN GYI BDAG NYID KYI 'BYUNG BDAG 'GRUB LA, DE LAS NI GSUNG TSANGS PA'I SGRA DBYANGS LTAR SNYAN PA 'BYUNG BAS BRGYUD PA GSUM PA YIN NO ZHES BYA BAR 'DOD LA, KHA CHE BA NI LAS LAS RNAM SMIN LAS SKYES PA'I 'BYUNG BA DANG, DE LAS RGYAS BYUNG DANG, DE LAS RGYU MTHUN LAS BYUNG BA DANG, DE LAS GSUNG DBYANGS 'BYUNG BA'I PHYIR BRGYUD PA LNGA PA YIN NO ZHES @085 ZER TE, GNYIS KA LTAR NA'ANG DE DAG LAS BRGYUD NAS BYUNG BAS DE LTAR BSHAD KYI DNGOS SU NI MA YIN TE, DE NI 'DOD PA TZAM GYIS MI 'BYUNG BA DANG, CHAD NAS MTSAMS MI SBYOR BAR THAL BA'I PHYIR RO, , (DE TZAM GYIS RNAM SMIN DU MI 'GYUR NA TSER BA LA'ANG MTSUNGS TE LAS LAS 'BYUNG BA DE LAS TSOR BA SKYES PAS SA ZHE NA MI MTSUNGS TE SGRA 'DOD DGUR 'BYUNG BAS DANG LUS TSOR 'GA' ZHIG MI 'DOD KYANG 'BYUNG BAS RNAM SMIN YIN LA DA LTAR GYI YUL GYI RKYEN LAS BYUNG BA KHA CIG NI RNAM SMIN YIN NO, ,) DE'I PHYIR SGRA LA (LUS RGYAS NA SKAD CHE BAS,) RGYAS BYUNG DANG (RIGS 'DRA PHYE MA YOD PAS,) RGYU MTHUN LAS BYUNG BA NI YOD DO ZHES BYA BAR SHES SO, ,RGYU MTHUN LAS BYUNG BA DANG RNAM SMIN LAS SKYES PA NI SEMS KYI KHAMS BDUN DANG CHOS KYI KHAMS TE THOGS PA MED PA BRGYAD PO DE DAG YIN TE, SKAL MNYAM DANG KUN 'GRO'I RGYUS BSKYED PA DANG, RNAM SMIN GYI RGYUS BSKYED PA DAG YOD PA'I PHYIR DANG, RGYAS BYUNG NI MED DE, BRGYAD PO DE DAG BSAGS PAR MA GNAS PAS GZUGS CAN RGYAS PA MED PA'I PHYIR RO, ,KHAMS LHAG MA GZHAN GZUGS DRI RO REG BYA RNAM PA BZHI NI RNAM SMIN LAS BYUNG BA LA SOGS PA RNAM GSUM GA YOD DE, DBANG PO'I TSOGS PA NA YOD PA DAG LA RNAM PA GSUM GA DANG, PHYI ROL NI RGYU MTHUN LAS BYUNG BAR GNAS SO, , LNGA PA RDZAS YOD LA SOGS PA LNGA BSHAD PA NI YANG KHAMS BCO BRGYAD LAS GCIG TU RTAG CING BRTAN PA'I RDZAS SU NGO BOR YOD PA DANG LDAN PA NI CHOS KYI KHAMS ZHES BYA BA GCIG PU'I PHYOGS 'DUS MA BYAS SO, ,DE LA RDZAS SU YOD PA NI RTAG CING BRTAN PAR GNAS PA DANG, DON BYED NUS PA DANG, RANG RGYUD DU GRUB PA DANG, DE LAS GZHAN PA BZHI LAS 'DIR NI DANG PO'I DBANG DU BYAS PA'O, ,DE LAS GZHAN PA'I KHAMS LHAG MA RNAMS NI ('DUS BYAS YIN PAS,) RTAG CING BRTAN PA'I RDZAS SU MED PAR GRUB BO, ,KHAMS DE DAG LAS THA MA YID DANG CHOS DANG YID KYI RNAM SHES KYI KHAMS GSUM GYI PHYOGS GCIG NI RGYU MTHUN LAS MA BYUNG BA'I SKAD CIG MA (YANG YOD) STE, DE DAG KYANG GANG ZHE NA, SDUG BSNGAL LA CHOS SHES PA'I BZOD PA'I SKAD CIG MA DANG PO'I TSOGS PA NA YOD PA'I YID DANG CHOS DANG YID KYI RNAM SHES KYI KHAMS ZAG MED GSUM NI 'JIG RTEN CHOS MCHOG MAN CHAD ZAG BCAS YIN PAS ZAG MED SNGA MA SNGON DU MA SONG BAS (DE YANG 'DI DUS MTHA' MA'I SKAD CIG YIN LA, SDUG BSNGAL LA CHOS BZOD BYA RDZOGS KYI SKAD CIG YIN PAS DE YANG DUS MTHA'I SKAD CIG GNYIS PA PHAN CHAD RGYU MTHUN LAS BYUNG BA YIN NO, ,) 'DI DAG GIS NI RGYU MTHUN LAS BYUNG RNAM SMIN SKYES, THOGS PA MED BRGYAD CES BYA BA'I SPYIR BTANG BA LA @086 DMIGS KYIS BSAL BA STON PAR BYED DE, (ZAG MED SKAD CIG DANG PO'I,) YID LA SOGS PA GSUM RGYU MTHUN DANG RNAM SMIN LAS MA BYUNG BA DANG, CHOS KYI KHAMS KYI PHYOGS GCIG 'DUS MA BYAS RTAG PA NI BYUNG BA GSUM GA MA YIN PAR BSTAN PA'I PHYIR RO, ,(ZAG MED DANG PO SKAD CIG DANG PO MA YIN PA'I 'DUS BYAS THAMS CAD NI RGYU MTHUN LAS BYUNG BA YIN NO, ,) 'O NA GANG MIG GI KHAMS DANG MI LDAN PA LAS GSAR DU THOB PA DE MIG GI RNAM SHES KYI KHAMS KYANG GSAR DU THOB BAM ZHE NA, MU BZHI STE, 'DI LTAR MIG GI KHAMS DANG MIG GI RNAM SHES KYI KHAMS DAG SO SO DANG ZHES PAS MU DANG PO GNYIS BSTAN TE, DE LA MU DANG PO MIG GI DBANG PO DANG MI LDAN PA LAS LDAN PA THOB LA MIG SHES DANG MI LDAN PA NI 'DOD PAR SKYES PA RIM GYIS MIG GI DBANG PO 'THOB PA (LA LUNG MA BSTAN GYI THOB PA PHYIR MI 'BYUNG GI DUS MNYAM PAS,) DANG, GZUGS MED NAS SHI 'PHOS NAS BSAM GTAN GNYIS PA YAN CHAD DU SKYES PA STE, DANG PO NI MIG SHES DGE BA DANG NYON MONGS CAN (GYI THOB PA DUS GSUM DU 'BYUNG BAS DES NA,) SNGAR DU THOB ZIN PA'I PHYIR DANG, GNYIS PA (GZUGS MED) NI BSAM GTAN GNYIS PA YAN CHAD RANG SA NA MIG SHES MED PA'I PHYIR DANG, DBANG PO NI GSAR DU THOB PA'I PHYIR RO, ,(DE YANG MIG KHAN DANG LDAN PA NI BSAM GTAN PHYI MA GSUM DU SKYES PA MIG SHES MNGON DU MI BYED PA NA'O, ,MIG SHES KHO NA DANG LDAN PA NI 'DOD PA NA MIG MA THOB PA DANG NYAMS PA DANG STE, MIG LUNG MA BSTAN GYI THOB PA SNGAR PHYIR MI 'BYUNG BA MIG SHES DANG NYID MTSAMS SBYAR BA DANG LDAN NO, , GNYIS KA DANG LDAN PA NI 'DOD PA NA MIG THOB LA MA NYAMS PA DANG, DANG PO DANG GNYIS PA LA SOGS PAR SKYES PA GZUGS LA BLTA BA'I TSE STE, BSAM GTAN DANG PO GSUM LA NI GZHAN GYI SA PA'I MIG KYANG SRID DO, ,BZHI PA NI GZUGS MED DU SKYES PA NA'O, ,DE BZHIN DU MIG DANG GZUGS DAG DANG, MIG SHES DANG GZUGS DAG THOB PA DANG LDAN PA'I MU BZHI SOGS KYANG RIG PAR BYA STE, MIG DANG YIN LA GZUGS DANG MA YIN PA NI RIM GYIS MIG DBANG THOB PA NA'O, ,GZUGS GSAR DU THOB LA MIG MA THOB PA NI MED DE, GZUGS MED NAS 'OG MAR SKYE BA'ANG BAR SRID DBANG PO TSANG BAR 'BYUNG NGES SO, ,MU GSUM PA DANG BZHI PA NI SNGAR BSHAD PA THAMS CAD SHES PAR BYA'O, ,YANG GANG MIG GI KHAMS DANG LDAN PA DE GZUGS DANG YANG YIN NAM ZHE NA TSIG SNGA MA DANG SBYOR TE MIG DANG LDAN PA DE GZUGS DANG YANG LDAN NO, ,GZUGS DANG YIN LA MIG DANG MA YIN PA YOD DE, DMUS LONG DANG MIG MA THOB PA NUR NUR BO LA SOGS PA DANG RKYEN GYIS NYAMS PA'O, ,MIG SHES GSAR DU THOB PA DE GZUGS KYANG THOB BAM ZHE NA, @087 SO SO DANG, LHAN CIG TU YANG THAB PA YOD CES PA MU BZHI STE, DANG PO NI BSAM GTAN GNYIS PA LA SOGS PAR SKYES PA MIG SHES MNGON DU BYED PA NA'O, ,GNYIS PA NI GZUGS MED NAS BSAM GTAN GONG MA GSUM DU SKYES PA NA'O, ,GSUM PA NI GZUGS MED NAS 'DOD PA DANG TSANGS PA'I 'JIG RTEN DU SKYES PA NA'O, ,BZHI PA NI GZUGS MED NAS DE NYID DU SKYE BA DANG, 'DOD PA DANG, DANG PO NAS SHI NAS DE NYID DU SKYE BAS TE 'DI LA SNGAR NAS LDAN PAS SO, ,MIG SHES DANG LDAN PA DE GZUGS DANG YANG LDAN NAM ZHE NA LDAN NO ZHES BRJOD DE, GZUGS DANG LDAN PAS MIG SHES DANG MI LDAN PA NI BSAM GTAN GONG MA GSUM DU SKYES PA MIG SHES MNGON DU MA BYAS PA NA'O, ,RNA BA LA SOGS PA LA'ANG DE BZHIN DU SBYAR RO, ,) MIG SHES MI LDAN PA LDAN PA THOB LA MIG DANG MI LDAN PA'I MU GNYIS PA NI BSAM GTAN GNYIS PA YAN CHAD PA DAG BSAM GTAN DANG PO'I MIG SHES MNGON DU BYAS NAS GZUGS LA LTA BA DANG, (RANG SA NA MIG SHES MED PAS SNGAR NAS MI LDAN NA, ,) BSAM GTAN GNYIS PA LA SOGS PA NAS SHI 'PHOS NAS 'DOD PA DANG BSAM GTAN DANG POR BAR SRID DU NYING MTSAMS SBYOR BA'I TSE NA STE, DANG PO NI GZUGS KHAMS PA DAG DBANG PO TSANG BA CAN YIN PAS MIG SNGAR NAS YOD PA'I PHYIR DANG, PHYI MA NI BAR SRID DU NYING MTSAMS SBYOR BA NA RNAM SHES DGE BA DANG NYON MONGS CAN (GSAR DU) THOB KYANG t'IKA LAS MIG GI KHAMS DANG NI SNGAR MED LDAN PA MA YIN TE, DBANG PO NI BAR MA CHAD PAS THOB ZIN PA BZHIN DU LDAN PA'I PHYIR RO ZHES 'BYUNG BA'I PHYIR RO, , MU GSUM PA MIG GI KHAMS DANG MIG GI RNAM SHES KYI KHAMS DAG LHAN CIG TU YANG 'THOB PA YOD DE, GZUGS MED NAS SHI 'PHOS NAS 'DOD PA DANG BSAM GTAN DANG BOR SKYE BA LTA BU STE, DE NI SNGAR DE GNYIS DANG MI LDAN PAS BAR SRID DU NYING MTSAMS SBYOR BA NA BAR SRID PA NI DBANG PO TSANG BA CAN YIN PA'I PHYIR DANG, MIG SHES DGE BA DANG NYON MONGS CAN 'DAS MA 'ONGS KYI THOB PA'ANG GNAS SKABS DER 'BYUNG BA'I PHYIR RO, ,MU BZHI PA GNYIS KA MA YIN PA NI YANG ZHES PAS BSTAN TE RNAM PA DE DAG MA GTOGS PA'O, ,(STE GZUGS MED NAS SHI BA DE NYID DU SKYE BA DANG, BSAM GTAN PHYI MA GSUM DU SKYES PA MIG SHES MNGON DU MI BYED PA DANG, 'DOD PA'I MIG LDAN CIG CAR SHI BA KHAMS GONG MA GNYIS SU SKYES PA DANG RGYUD KYIS MA BSDUS PA RNAMS SO, ,) GZHAN YANG YANG GI SGRAS 'GREL PA LAS LDAN PA'I MU BZHI DANG MIG DANG GZUGS DANG, MIG SHES DANG GZUGS KYIS 'THOB PA DANG LDAN PA GZUNG BAR 'CHAD DO, , @088 YANG KHAMS DE DAG LAS GCIG TU NANG GI YIN PA NI MIG LA SOGS PA (DUG DANG RNAM SHES DRUG DANG,) BCU GNYIS TE, GANG ZHE NA, GZUGS DANG SOGS PAS BSDUS PA SGRA DANG DRI DANG RO DANG REG BYA DANG CHOS KYI KHAMS TE DRUG MA GTOGS PA'O, ,DES NA GZUGS LA SOGS PA DRUG NI PHYI'I YIN PAR GRUB BO, ,CHOS KYI KHAMS LA TSOR BA LA SOGS PA MTSUNGS PAR LDAN PA DAG NANG YIN LA, MTSUNGS PAR MI LDAN PA'I 'DU BYED PHAL CHE BA DANG 'DUS MA BYAS DAG PHYI YIN PAS GNYIS KA YIN PAR BSHAD PAR RIGS MOD KYI 'ON KYANG PHYI'I SKYE MCHED DRUG CES GRAGS PA DANG MTHUN PA'I DBANG MDZAD NAS BSHAD PAR MNGON NO, ,'DIR NANG DANG PHYI NI SEMS CAN GYI RGYUD KYIS BSDUS PA DANG MA BSDUS PA LA BRJOD PAR 'DOD KYI BDAG LA NANG DANG BDAG MED PA LA PHYI YIN NO ZHES PHYI ROL PAS KUN BTAGS PA LTAR NI MA YIN NO, , 'O NA LUNG SIL BU LAS, BDAG NYID BDAG GI MGON YIN GYI, ,GZHAN LTA SU ZHIG MGON DU 'GYUR, ,MKHAS PAS BDAG NYID SHIN TU NI, ,DUL BAS MTHO RIS THOB PAR 'GYUR, ,ZHES GSUNGS PA DANG 'GAL LO ZHE NA, DE NI SEMS LA BDAG GI SGRA MDZAD PA YIN TE, DE'I MJUG THOGS SU GZUNG BAR DKA' ZHING MYUR BAR 'JUG ,GANG DU 'DOD PA DER 'JUG BYED, ,SEMS DUL BA NI LEGS PA STE, ,SEMS DUL BAS NI BDE BA 'DREN, ,ZHES GSUNGS PA'I PHYIR RO, ,YANG KHAMS BCO BRGYAD PO DE DAG LAS CHOS KYI KHAMS ZHES BYA BA NI GCIG TU RTEN PA DANG BCAS PA ZHES BYA BA YIN TE, (YUL GANG ZHIG SHES PA GANG GI YUL DU NGES LA DE LA SHES PA DE SKYES PA'AM SKYE BAR 'GYUR BA'I YUL DE NI RTEN BCAS YIN NA YID SHES MA SKYES PA'AM SKYE BAR MI 'GYUR BA'I YUL LAM CHOS DE NI GANG MED PAS 'DI LTAR,) 'PHAGS PA'AM SO SO'I SKYE BO YANG RUNG STE DE DAG GIS YID KYI RNAM SHES SKYE BA'I BYA BA BYED PAS KHYAB PA'I PHYIR TE, 'DI'I LUGS KYI RANG RIG MI 'DOD PAS CHOS THAMS CAD BDAG MED DO ZHES BYA BA'I YID KYI YUL DU NI RANG GI SHES PA DANG DE DANG LHAN CIG 'BYUNG BA'I MTSUNGS LDAN MA YIN PA DAG MA GTOGS PA THAMS CAD KYANG 'GYUR BA'I PHYIR RO ZHES BYA BAR 'DOD DE, RANG RIG 'DOD NA NI DE YANG 'GYUR BA'I PHYIR 'DI NI BYE BRAG TU SMRA BA'I YIN NO, ,'DI'I LUGS KYIS KYANG SKAD CIG MA GNYIS PA'I YID SHES KYI DMIGS BAR NI CHOS THAMS CAD 'GYUR PAS CHOS KYI KHAMS NI RTAG TU RTEN BCAS YIN NO, ,('O NA KHAMS BCO BRGYAD PO THAMS CAD RTEN BCAS KHO NAR 'GYUR TE BDAG MED RTOGS PA'I SHES PA'I YUL YIN PA'I PHYIR RO ZHE NA DE KHO NAS RTEN BCAS SU MI 'JOG GI STE, LHAG MA RNAMS LA NI RANG RANG BYED PA GZHAN @089 RE YOD PAS DE MI BYED PA NI DE MTSUNGS SO, ,) KHAMS LHAG MA BCU BDUN PO DAG NI DE DANG MTSUNGS PA DAG KYANG YIN NO, ,KYANG GI SGRAS RTEN PA DANG BCAS PA'ANG YOD DO ZHES BSDU BA'I PHYIR RO, ,'O NA RTEN BCAS DE MTSUNGS KYI DON GANG ZHE NA, MIG GANG GIS GZUGS BLTAS PA DANG LTA BA DANG LTA BAR 'GYUR BA NI RTEN BCAS YIN PA NAS LUS KYI BAR DU'ANG DE BZHIN DU SHES PAR BYA STE, (KHAMS GANG ZHIG RANG GI LAS BYED PAS SO, ,) DE DANG MTSUNGS PA NI MIG GANG GIS GZUGS MA MTHONG BAR 'GAGS PA DANG, 'GAG PA DANG, 'GAG PAR 'GYUR BA DANG MI SKYE BA'I CHOS CAN DANG BZHI YIN NO ZHES KHA CHE BA DAG ZER LA, NUB PHYOGS BA NI MI SKYE BA'I CHOS CAN LA ('DOD PA DANG DANG PO'I LTA BU,) RNAM SHES DANG LDAN PA DANG (GNYIS PA SOGS KYI,) MI LDAN PA GNYIS YOD PAS LNGAR 'GYUR RO ZHES ZER RO, ,DE BZHIN DU GZUGS LA SOGS PA'I KHAMS LNGA LA'ANG (MTHONG BA DANG MA MTHONG BAR 'GYUR BA DANG ZHES SOGS,) SBYAR BAR BYA'O, ,(DE LA MIG SOGS BZHI'I RDUL NI RES 'GA' CAD RTEN BCAS SAM DE MTSUNGS DANG RES DBANG PO LA SOGS PA DANG PHRA CAD KYI MI BSKYED DE ZHIG PAR THAL BAS SO ZHES ZER KYANG THAMS CAD KYIS SKYED KYANG ZHIG PAR MI 'GYUR TE LAS KYIS GZUNG BAS SO ZHES LAN 'DEBS SO, ,) SEMS KYI KHAMS BDUN NI SKYE BA THAMS CAD RTEN BCAS (YIN TE DMIGS PA 'DZIN PAS) DANG, MI SKYE BA (DE MI 'JIN PA,) NI DE DANG MTSUNGS PA YIN NO ZHES RIG PAR BYA STE, RNAM SHES SKYE BA DAG RANG GI YUL LA BYA BA BYED PAR DES PA'I PHYIR RO, , 'O NA RTEN BCAS DANG DE MTSUNGS KYI KHYAD PAR GANG ZHE NA, KHAMS GANG ZHIG RANG GI BYA BA'I LAS MI BYED PA DE DANG MTSUNGS PA DANG, BYED PA DE NI RTEN BCAS TE, DE YANG MIG NAS YID KYI BAR KHAMS DRUG NI SKYES BU GNYIS LA SOGS PA MIG LA SOGS PA GCIG GIS LTA BA LA SOGS PA BYED PA MI SRID PAS GCIG GIS RTEN BCAS YIN PA DE THAMS CAD KYI RTEN BCAS DANG, GCIG GI DE MTSUNGS YIN PA DE THAMS CAD KYI DE MTSUNGS YIN LA, (DE YANG GCIG GI RTEN BCAS YIN PA DE KUN GYI RTEN BCAS YIN TE GZHAN LA LTOS NAS KYANG RANG GI BYA BA BYAS PAS SO, ,GZHAN GYI LTA BA LA SOGS PA'I BYA BA MA BYAS PA'I PHYIR DE LA RTEN BCAS MIN NO ZHE NA GZHAN GYI LTA BA LA SOGS PA KHO NA'I BYA BA MA YIN TE GANG ZAG GCIG GI DBANG PO DANG SHES PAS GANG ZAG DU MA'I YUL LTA BA LA SOGS BA'I BYA BA MI BYED PAS SO DES NA 'DI GANG ZAG THAMS CAD KYI THUN MONG BA MIN PAS DE'I BYA BA YANG RGYUD GCIG GI BZHAG GO ,) GZUGS NAS REG @090 BYA'I BAR KHAMS LNGA NI ZLA BA DANG BRO GAR DANG GYAD DANG RNGA SGRA LA SOGS PA LA GCIG LTA BA LA SOGS PA BYED PA DE LA GZHAN MANG PO'ANG LTA BA LA SOGS PA BYED PA SRID PAS DE DAG THUN MONG BA YIN PAS GANG ZHIG LTA BA LA SOGS PA DE LA LTOS NAS RTEN BCAS DANG, GANG ZHIG LTA SOGS MI BYED PA DE LA LTOS NAS NI DE MTSUNGS YIN NO, ,(DE YANG YUL NI THUN MONG MA YIN PAS GANG ZAG DU MA'I SHES PA SKYED PA'I NUS PA YOD PA'I PHYIR RGYUD DU MA'I DBANG GIS 'JOG GO ,) GAL TE GZUGS SGRA GNYIS MA PHRAD PAR 'DZIN PAS DE LTA YIN DU CHUG NA DRI LA SOGS PA NI PHRAD NAS 'DZIN PAS GANG DAG LHAS BYIN GYI DBANG POS 'DZIN PA DE DAG MCHOD SBYIN GYI DBANG POS MI 'DZIN PAS THUN MONG BA MA YIN PA'I PHYIR MIG SOGS DANG MTSUNGS PAR 'GYUR RO ZHE NA, MI MTSUNGS TE, DE DAG NI GAL TE LHAS BYIN GYI SNA'I DBANG PO LA SOGS PA DANG PHRAD NA DE'I SNA'I RNAM SHES SOGS SKYED LA, 'ON TE MCHOD SBYIN GYI SNA'I DBANG PO LA SOGS PA DANG PHRAD NA DE'I SNA'I RNAM SHES LA SOGS PA SKYED KYI GANG ZAG GCIG KHO NA'I SNA'I RNAM SHES SOGS SKYED PA'I NGES PA MED BA'I PHYIR DANG, SNA'I NANG NA GNAS PA'I SRIN BU PHRA MO LA SOGS PA'I SNA'I RNAM SHES LA SOGS PA'ANG SKYED PA SRID PAS GANG GI SNA'I DBANG PO LA SOGS PA DANG PHRAD PA DE KHO NA'I SNA'I RNAM SHES LA SOGS PAR SKYED PAR NGES PA MED PA'I PHYIR RO, ,DES NA MIG LA SOGS PA NI THUN MONG BA MA YIN PAS RGYUD GCIG GI DBANG GIS BZHAG LA, GZUGS SOGS LNGA NI THUN MONG BA YIN PAS RGYUD DU MA'I DBANG GIS RNAM PAR BZHAG GO ZHES SHES PAR BYA'O, ,('O NA CHOS KYANG GANG 'DZIN PA'I RTEN BCAS DANG MI 'DZIN PA'I DE MTSUNGS MIN ZHE NA, DON LNGA NI DE LTA BA KHO NA YUL YIN PAS KHA CIG YUL DU MA BYAS PAR 'GAG PA YOD LA, CHOS NI DUS GSUM PA DANG DUS KYIS MA BSDUS PA THAMS CAD YID SHES SKAD CIG GNYIS KYI YUL DU 'GYUR BAS MI MTSUNGS SO, ,) 'DIR SEMS KYI KHAMS BDUN LA RTEN BCAS DANG DE MTSUNGS GNYIS KA uYOD PAR BSHAD PA NI BYE BRAG TU SMRA BAS MA 'ONGS PA MI SKYE BA'I CHOS CAN ZHES BYA BA 'DOD PA'I DBANG DU BYAS PA STE, GONG MA BA DAG NI DE MI 'DOD PAS KUN LAS BTUS DANG, PHUNG PO LNGA PA LA SOGS PA LAS DNGOS SU MIG LA SOGS PA NANG GI KHAMS GZUGS CAN LNGA PO NYID RTEN BCAS DANG DE MTSUNGS SU BSHAD LA, KHAMS GZHAN DAG LA NI DE GNYIS MA BSHAD MED KYI SHUGS KYIS SEMS KYI KHAMS BDUN DANG CHOS KYI KHAMS DANG BRGYAD NI RTEN BCAS KHO NA YIN LA, GZUGS SOGS PHYI ROL KYI KHAMS LNGA NI RTEN BCAS DANG DE MTSUNGS GNYIS KAR 'GYUR TE, @091 BYE BSHAD LAS, MIG LA SOGS PA 'DI DAG NI THUN MONG MA YIN PA'I PHYIR GCIG GI RTEN PA MTSUNGS PA DANG DE DAG DANG MTSUNGS PA GANG YIN PA DE DAG NI SEMS CAN THAMS CAD KYI'ANG YIN PAS 'DI DAG GI RTEN PA MTSUNGS PA DANG DE DAG DANG MTSUNGS PA NI NGES PA'O, ,GZUGS LA SOGS PA NI SO SO'I RGYUD LA RTEN PA MTSUNGS PA DANG DE DAG DANG MTSUNGS PA NYID DU GNAS SO, ,RNAM PAR SHES PA LAS BYED PA GZHAN MED PA'I PHYIR GZHAN DAG LA NI RTEN PA MTSUNGS PA DANG DE DAG DANG MTSUNGS PA ZHES MI BRJOD DO ZHES 'BYUNG BA'I PHYIR RO, , DRUG PA MTHONG SPANG LA SOGS PA'I RNAM PA'I DBYE BA NI YANG KHAMS BCO BRGYAD LAS, MIG GI KHAMS LA SOGS PA GZUGS CAN BCU NI SGOM PAS SPANG BAR BYA BA YIN TE, ZAG BCAS YIN PAS SPANG BYA YIN PA'I PHYIR DANG, BDEN PA LA LOG PAR MI RTOG PA'I PHYIR DANG, (DES KUN NAS MA BSLANGS PAS,) DE DANG 'BREL BA'ANG MA YIN PAS MTHONG SPANG YANG MA YIN PA'I PHYIR RO, ,JI LTAR GZUGS CAN BCU SGOM SPANG YIN PA DE BZHIN DU MIG LA SOGS PA'I RNAM SHES LNGA YANG SGOM SPANG YIN TE, (KHA PHYIR LTOS SHING,) RGYU MTSAN NI SNGA MA DANG MTSUNGS PA'I PHYIR RO, ,KHAMS THA MA YID DANG CHOS DANG YID KYI RNAM SHES KYI KHAMS GSUM NI SGOM SPANG DANG, MTHONG SPANG DANG, SPANG BYA MA YIN PA RNAM PA GSUM DU 'GYUR RO, ,LTA BA (DANG THE TSOM,) LA SOGS PA 'OG NAS 'CHAD PA'I PHRA RGYAS BRGYAD CU RTZA BRGYAD DANG, DE DAG DANG MTSUNGS PAR LDAN PA DANG, DE DAG GI MTSAN NYID DANG, RJES SU MTHUN PA'I MTSAN NYID DANG, THOB PA DANG BCAS PA NI MTHONG SPANG DANG, ZAG BCAS LHAG MA RNAMS NI SGOM SPANG DANG, (NYES PA MED PAS,) ZAG MED RNAMS NI SPANG BYA MA YIN PA'O, , 'DIR GNAS MA'I BU'I SDE PA DAG SO SO SKYE BO DANG NGAN SONG BA'I LUS NGAG GI LAS MTHONG SPANG YIN TE, ('PHAGS LAM DANG 'GAL BAS,) MTHONG LAM SKYES PA NA SO SO'I SKYE BO 'GAG PA'I PHYIR DANG, MDO LAS RGYUN DU ZHUGS PA'I NGAN SONG GI 'GRO BA 'GAGS SO ZHES GSUNGS PA'I PHYIR ZHES BYA BAR 'DOD DO, ,DE DGAG PA NI SO SO'I SKYE BO NYID NI NYON MONGS PA CAN MIN PA'I PHYIR MTHONG BAS SPANG BAR BYA BA MIN TE, (NYON MONGS CAN MIN PA'I PHYIR RO, ,DE NYID JI LTAR GRUB CE NA,) GAL TE SO SO'I SKYE BO NYON MONGS CAN YIN NA 'DOD PA'I SO SO'I SKYE BO 'JIG RTEN PA'I LAM GYIS 'DOD CHAGS DANG BRAL BA DAG SO SO'I SKYE BO MA YIN PAR THAL BA'I PHYIR DANG, (DGE BA YIN NA,) DGE RTZA CHAD PA DAG SO SO'I SKYE BO MA YIN PAR 'GYUR BA'I PHYIR DGE BA'ANG MA YIN NO, ,DES NA SO SO'I SKYE BO NI MA BSGRIBS LUNG MA BSTAN @092 YIN NO, ,NGAN SONG BA'I LUS NGAG GI LAS KYANG GZUGS YIN PA'I PHYIR, MTHONG SPANG MIN TE, DE NI BDEN PA LA LOG PAR MI RTOG CING DE'I RJES 'BRANG DANG THOB PA'ANG MA YIN PA'I PHYIR RO, ,(DES NA GZUGS DANG DBANG SHES NI NYON MONGS CAN YIN YANG MTHONG SPANG MIN NO, ,) DE LA NGAN SONG BA'I LUS NGAG NI DER SKYE BA'I RGYU LAS MI DGE BA'O, ,SO SO'I SKYE BO DANG NGAN SONG BA'I LUS NGAG GNYIS KA'ANG DRUG PA YID KYI RNAM SHES MIN PA LAS SKYES PA'I PHYIR MTHONG SPANG MIN TE, MTHONG SPANG LA YID LAS SKYES PA DANG DE DANG 'BREL PAS KHYAB PA'I PHYIR RO, ,GZHAN YANG SO SO'I SKYE BO MTHONG SPANG YIN ('GAG 'GYUR GYIS SPONG BAS,) NA SDUG BSNGAL LA CHOS SHES PA'I BZOD PA'I TSE SO SO'I SKYE BOR YANG 'GYUR TE, DE'I TSE NA MTHONG SPANG YOD PA'I PHYIR RO ZHES BYA BA'ANG BRJOD DO, ,('DOD NA SO SKYES GANG ZHE NA 'PHAGS PA'I CHOS RNAMS KYIS MA THOB PA'O ZHES 'BYUNG BAS 'DI NI 'PHAGS PA YIN PAS GSAL LA, BYE BRAG TU SMRA BA SO SKYES NI SA DGU PA STE, SGOM LAM GYIS SO SO'I NYON MONGS SA DGU PA'I RNAM PA SPONG BA NA DE YANG SPONG STE, NYON MONGS PA CAN MIN PA'I ZAG BCAS THAMS CAD KYI SPONG TSUL NI DER 'DOD DO, 'O NA 'PHAGS PA CHAGS BCAS KYANG SO SKYER 'GYUR RO ZHE NA MI 'GYUR TE, DU: KHA LA CHOS SHES PA'I BZOD PA SKYES PA NA DE THOB PA GCOD PAS RNAM PAR NYAMS PA'I PHYIR TE, DE THOB DANG, SA 'PHOS NAS NI RNAM NYAMS 'GYUR ZHES PAS SO, ,DE TZAM GYIS SPANGS PAR MI 'GYUR TE GNYEN PO SKYES NA YIN NO, ,) 'O NA MTHONG LAM SKYES PA NA DE DAG 'GAG PA CI ZHE NA, DE NI SO SOR BRTAGS MIN GYIS 'GOG PA YIN NO, , BDUN PA LTA BA DANG LTA BA MA YIN PA'I RNAM PA'I DBYE BA NI YANG KHAMS BCO BRGYAD LAS MIG GI KHAMS DANG CHOS KYI KHAMS KYI PHYOGS GCIG NI LTA BA YIN TE, MIG NI GZUGS LA LTA BA'I PHYIR DANG, CHOS KYI KHAMS KYI PHYOGS GCIG NI YUL LA NGES PAR RTOG PA'I PHYIR RO, ,CHOS KYI KHAMS KYI PHYOGS GCIG GANG ZHE NA, 'JIG TSOGS LA LTA BA LA SOGS PA LNGA DANG, 'JIG RTEN PA'I YANG DAG PA'I LTA BA DANG, SLOB PA'I LTA BA DANG, MI SLOB PA'I LTA BA STE RNAM PA BRGYAD DO, ,DE LA DANG PO LNGA NI NYON MONGS CAN DANG, DRUG PA NI DGE BA ZAG BCAS DANG, PHYI MA GNYIS NI SGOM SPANG GI SA BON DANG BCAS PA DANG DE MED PA'I ZAG MED YIN PAS DE DAG GIS SHES BYA'I CHOS LA LTA BA NA RIM PA LTAR (ZAG MED YE SHES KYI SNANG BA MED CING MA RIG PA'I SPRIN GYIS G-YOGS PAS DANG, BDEN BZHI SPYI'I TSUL TZAM DU RTOGS PAS LOG LTA SPRIN MED PAS DANG, MTHONG SPANG GI SPRIN MED LA SGOM SPANG GI SPRIN YOD PAS DANG NYON SGRIB KYI SPRIN MED @093 PAS SO, ,) SPRIN DANG BCAS PA DANG SPRIN MED PA'I MTSAN MO DANG NYIN MO GZUGS LA LTA BA BZHIN DU MI GSAL BA DANG CUNG ZAD GSAL BA DANG SHIN TU GSAL BA DANG SHIN TU CHES GSAL BA YIN NO, ,'JIG RTEN PA'I YANG DAG PA'I LTA BA NI YID KYI RNAM SHES DANG MTSUNGS PAR LDAN PA'I SHES RAB DGE BA ZAG BCAS KHO NA YIN GYI MIG LA SOGS PA'I RNAM SHES LNGA DANG MTSUNGS PAR LDAN DU SKYES PA'I BLO STE SHES RAB DGE BA NI JI LTAR 'JIG RTEN PA'I YANG DAG PA'I LTA BA (MA YIN ZHE NA, DE NI) MA YIN TE, (LTA BA,) DE NI NGES PAR RTOG PA YIN NA DE DAG NI NGES PAR RTOG PA MED PA YIN PA'I PHYIR RO, , 'O NA NI MIG KYANG LTA BA MA YIN PAR 'GYUR TE, NGES PAR RTOG PA MED PA'I PHYIR RO ZHE NA, MIG GIS NI GZUGS RNAMS MTHONG BA'I PHYIR LTA BA ZHES BYA'I NGES PAR RTOG PA'I PHYIR NI MA YIN NO, ,(SHES RAB NI DE LTA MA YIN PA'O, ,) MIG THAMS CAD KYIS LTA'AM ZHE NA, RNAM SHES (SGRIB PA LA,) RTEN PA DANG BCAS PA'I MIG GIS MTHONG GI DE DANG MTSUNGS PAS NI MA YIN NO, ,DE LTA NA MIG LA BRTEN PA'I RNAM SHES KHO NAS MTHONG BAR 'GYUR RO ZHE NA, MIG DE LA BRTEN PA'I RNAM SHES KHO NAS MTHONG BA NI MIN TE, GANG GI PHYIR ZHE NA, RNAM SHES KYIS MTHONG NA DE NI THOGS MED YIN PAS RTZIG PA LA SOGS PAS BAR DU CHOD PA'I GZUGS KYANG MTHONG BAR 'GYUR NA RTZIG PA LA SOGS PA'I SGRIB PAS BAR DU CHOD PA'I GZUGS NI MTHONG BA MIN PA'I PHYIR RO, ,LO ZHES BYA BA NI MDO SDE PAS DE ZLOG PAR BYED DE, RNAM SHES KYIS MTHONG YANG BSGRIBS PA THAMS CAD LA 'JUG PAR MI 'GYUR TE, (MUN PA LA SOGS,) SGRIB BYED KYIS BAR DU CHOD PA LA RGYU MA TSANG BAS RNAM SHES MI SKYE BA'I PHYIR DANG, RGYU TSANG NA (MCHING BU DANG,) CHU DANG SHEL DANG LHANG TSER LA SOGS PAS CHOD PA LA'ANG RNAM SHES SKYE BA'I PHYIR RO, ,(RNAM SHES THOGS MED YIN KYANG CHOD PA'I YUL MI MTHONG STE RKYEN SNANG BA DANG YID BYED LA SOGS PA LA LTOS PA DANG BCAS PA'O, ,) 'O NA MDO LAS MIG GIS GZUGS RNAMS MTHONG NAS ZHES GSUNGS PA DANG 'GAL LO ZHE NA, DE NI MIG LA RTEN PA'I RNAM SHES KYIS MTHONG BA LA BSHAD PA YIN TE DPER NA KHRI'U DAG 'BOD DO ZHES BRJOD PA LTA BU'O, , GAL TE MIG (GIS GZUGS MTHONG NA RE RES MIG SHES RE RE SKYED PA'I TSUL,) GCIG GIS MTHONG NGAM ('ON TE,) GNYIS KAS (MIG SHES GCIG SKYED PA'I TSUL GYIS,) MTHONG ZHE NA, MIG NI GNYIS KA DAG GIS RNAM SHES (RDZAS) GCIG SKYED PA'I TSUL GYIS GZUGS MTHONG STE MIG GCIG GIS BLTAS NA MI GSAL BA LA MIG GNYIS KA PHYE NAS BLTAS NA SHIN TU GSAL BAR MTHONG BA'I PHYIR (DANG GCIG KHO NAS @094 MTHONG NA SNGA PHYI KHYAD MED DU THAL BA'I PHYIR,) RO, ,RTEN RNAM PAR CHAD PAS RNAM SHES CHAD PAR THAL (DE 'DOD NA RNAM SHES RDZAS RE RE BAR MTSUNGS PA'I RDZAS MTSUNGS NYAMS PAR THAL,) BA'ANG MED DE, RNAM SHES NI GZUGS CAN MA YIN PAS YUL NA MI GNAS PA'I PHYIR (DANG BRGYA BYIN LTA BU'I MIG STONG GIS KYANG MIG SHES GCIG BSKYED PA'I PHYIR,) RO, ,KYANG ZHES PA NI GANG RUNG RE RES KYANG MTHONG BAR STON PA'O, ,GAL TE MIG LA SOGS PAS YUL PHRAD NAS 'DZIN NA, (NYE RING MI 'THAD LA,) 'ON TE (PHRAD PA,) MA YIN ZHE (NA THOGS PA MI 'THAD DO, ,) NA, MIG DANG YID DANG RNA BA'I KHAMS GSUM NI YUL DANG MA PHRAD PAR 'DZIN TE, (SHEL LA SOGS PAS CHOD PA MTHONG BA'I PHYIR DANG,) RGYANG RING PO'I GZUGS SGRA MTHONG BA DANG THOS PA'I PHYIR DANG, YID KYIS KYANG 'DAS MA 'ONGS DANG THAG RING PO DAG KYANG 'DZIN PA'I PHYIR DANG, YID NI GZUGS CAN MA YIN PA'I YANG PHYIR RO, ,(YID NI GZUGS CAN MIN PAS YUL DANG MI PHRAD LA MIG KYANG MA PHRAD PA 'DZIN TE PHRAD NAS 'DZIN NA MIG LA BYUGS PA'I MIG SMAN LA SOGS PA'ANG MTHONG BAR THAL BA DANG, THAG RING PO'I GZUGS KYANG PHRAD NAS YUN RING POS MTHONG BAR 'GYUR TE, MIG DE 'GRO DANG LDAN GYUR CIG ,RGYANG RING YUN RING GIS MTHONG 'GYUR ZHES SO, , KHA CIG RNA BA'I NANG GI SGRA THOS PAS RNA BA PHRAD MA PHRAD GNYIS KA'O ZER MOD KYI, 'DI LTAR SHAR PHYOGS LA SOGS PA NA GRAGS PA'I SGRAS 'DIR 'ONG NA RGYUN DANG LDAN PAR 'GYUR LA, SHES PA DER SONG NA LUS DANG BRAL BAR THAL BAS MA PHRAD PAR MNGON NO, ,GZHAN YANG YUL DANG PHRAD PA YIN NA 'DOD KHAMS SU BSAM GTAN PA RNAMS LA LHA'I MIG RNA BA'I MNGON SHES MI SKYE BAR 'GYUR TE SNA LA SOGS PA YUL DANG PHRAD NAS 'DZIN PAS MNGON SHES MI SRID PA BZHIN NO MA PHRAD NA THAG RING BA DANG CHOD PA LA SOGS PA'I GZUGS THAMS CAD KYANG MI 'DZIN ZHE NA, DE NI PHRAD PA YANG MTSUNGS TE MIG SMAN DANG RANG DANG LHAN CIG SKYES PA'I DRI LA SOGS PA JI LTAR MI 'DZIN, 'ON KYANG RUNG YUL GHAN MI 'DZIN PA NI NUS PA'I KHYAD PAR TE KHAB LEN GYIS LCAGS 'DREN PA BZHIN NO, ,) SNA DANG LCE DANG LUS KYI KHAMS GSUM NI MA PHRAD PA LAS GZHAN DU YUL DANG PHRAD NAS 'DZIN TE, (RTEN RGYANG RING NA GNAS PA'I DRI YANG) DBUGS MA RNGUBS PAR MI 'DZIN PA'I PHYIR DANG, GZHAN YANG GZHAN GYIS BAR DU CHOD PA'I DRI LA SOGS PA MI 'DZIN PA'I PHYIR RO, ,PHRAD PA ZHES BYA BA'ANG (DBANG PO DANG YUL GYI RDUL PHRAN,) 'DAB CHAGS PAR GNAS PA STE, DE YANG BAR (NA RDUL PHRAN GZHAN) MED PAR GNAS PA LA BRJOD KYI REG PA NI MA YIN TE, (DE YANG BAR NA RDUL PHRAN GZHAN MED CING GNYIS 'DAB CHAGS PAR GNAS PA NI PHRAD PA'I DON NO, ,) PHYOGS THAMS CAD @095 KYIS REG NA RDUL PHRAN RNAMS 'DRES (PAS RAGS PA RTZOM MI NUS PAR 'GYUR,) PA DANG, PHYOGS RES REG NA CHA BCAS SU 'GYUR BA'I PHYIR RO, ,DES NA RDUL PHRAN NI MI REG LA BSAGS PAR GNAS PA REG KYANG DE NI CHA BCAS SU 'DOD PA'I PHYIR SKYON MED DO, , YANG SNA LA SOGS PA YUL DANG PHRAD PAR BSHAD PA GSUM GYIS NI DBANG PO'I RDUL PHRA RAB DANG YUL GYI RDUL PHRA RAB RNAMS NI MNYAM PAR 'DZIN PAR 'DOD DE, GANG PHRAD PA DE 'DZIN CING MA PHRAD PA MI 'DZIN PA'I PHYIR RO, ,YID NI LUS CAN MA YIN PAS TSAD MI DPYAD LA, MIG DANG RNA BA GNYIS KYIS NI MA NGES TE, RES 'GA' DBANG PO BAS CHE BA DANG, RES 'GA' CHUNG BA DANG, RES 'GA' MNYAM PAR 'DZIN PA'I PHYIR RO, ,(BSAGS PA LA DMIGS PAS RDUL PHRAN GCIG GIS BSKYED PA MED DO, ,) YANG KHAMS DE DAG LAS THA MA YID KYI RNAM PAR SHES PA'I KHAMS KYI RTEN NI 'DAS PA 'GAGS MA THAG PA'I YID KHO NA YIN LA, MIG GI RNAM SHES LA SOGS PA LNGA PO RNAMS KYI RTEN NI MIG LA SOGS PA RNAMS SHES DE DAG DANG LHAN CIG SKYES PA'I DBANG PO GZUGS CAN DA LTAR BA'ANG YIN NO, ,'ANG GI SGRAS NI YID 'DAS PA'ANG YIN NO ZHES BSDU BA'I PHYIR RO, ,'DIR 'GREL PA LAS DE NYID KYI PHYIR GANG MIG GI RNAM PAR SHES PA'I RTEN GYI DNGOS PO YIN PA DE DE'I MTSUNGS PA DE MA THAG PA'I RKYEN GYI DNGOS PO YANG YIN NAM ZHE NA, MU BZHI STE ZHES 'BYUNG BAS RNAM SHES TSOGS LNGA LA LTOS NAS DBANG PO GZUGS CAN LNGA NI RNAM SHES LNGA'I RTEN GYI DNGOS PO YIN GYI SEMS DANG SEMS BYUNG MA YIN PAS MTSUNGS PA DE MA THAG RKYEN GYI DNGOS PO NI MA YIN PAS MU DANG PO DANG, CHOS KYI KHAMS KYI SEMS BYUNG 'DAS MA THAG PA NI SEMS DANG SEMS BYUNG SKYES PA RNAMS, ,THA MA MIN MTSUNGS DE MA THAG CES 'BYUNG BAS MU GNYIS PA (YIN TE RNAM SHES DRUG RTEN DBANG BO DRUG TU NGES PAS,) DANG, 'DAS MA THAG PA'I YID NI GNYIS KA YIN PAS MU GSUM PA DANG, PHYI'I KHAMS GZUGS CAN LNGA DANG CHOS KYI KHAMS MTSUNGS LDAN MA YIN PA RNAMS NI GNYIS KA MA YIN PAS MU BZHI PA'O, ,YID KYI RNAM SHES LA LTOS NAS YID SNGA MA RTEN DANG DE'I MTSUNGS PA DE MA THAG RKYEN GYIS DNGOS PO GNYIS KA YIN PAS MU GSUM PA DANG, MU GNYIS PA DANG BZHI PA NI SNGAR BSHAD PA DANG 'DRA LA, MU DANG PO NI MED DE, YID SHES KYI RTEN GANG YIN PA DE DE'I MTSUNGS PA DE MA THAG RKYEN KYANG YIN PA'I PHYIR RO, ,GAL TE MIG GI RNAM SHES LA SOGS PA YID DANG MIG LA SOGS PA GNYIS KA LA RTEN PA YIN PA'I PHYIR DANG, GZUGS LA SOGS PA LAS KYANG SKYE BA YIN NA CI'I PHYIR MIG GI RNAM SHES LA SOGS @096 PAR BRJOD KYI GZUGS KYI RNAM SHES LA SOGS PAR MI BRJOD CE NA MIG LA SOGS PA DE DAG GYUR PAS MIG GI RNAM SHES LA SOGS PA RNAMS 'GYUR BA NYID KYI PHYIR TE, PHAN GNOD KYIS BDE SDUG DANG MTSUNGS LDAN DU SKYE BA'I PHYIR DANG, RNAM 'GREL LAS, GAL TE RING MTHONG TSAD YIN NA, ,TSUR SHOG BYA RGOD BRTEN PAR GYIS, , ZHES 'BYUNG BA LTAR BYA RGOD KYI MIG NI RANG BZHIN GYIS GSAL BAS GZUGS MI GSAL BA YANG DPAG TSAD DU MAS BAR DU CHOD PA LA'ANG MIG SHES SKYE ZHING, RNA BA LA SOGS PA'ANG DE DANG 'DRA BAS DBANG PO GSAL BA DANG MI GSAL BAS RNAM SHES GSAL PA DANG MI GSAL BAR SKYE BA'I PHYIR DANG, GZUGS SOGS 'GYUR BAS NI RNAM SHES DE DAG 'GYUR BAR MA NGES PA'I PHYIR RO, ,(YUL SDUG MI SDUG GI TSOR BA BDE SDUG TU 'GYUR BA NI YUL LA CHAGS BRAL LAM 'DOD PA LA CHAGS BRAL LA MED PA'I PHYIR DANG, DBANG PO GSAL NA YUL MI GSAL YANG BYA RGOD LTAR SHES PA GSAL BAR SKYE BA'I PHYIR DANG, DBANG PO MI GSAL NA YUL GSAL YANG DE LTA MA YIN PA'I PHYIR RO, ,) DE LTA BAS NA MIG GI RNAM SHES LA SOGS PA'I RTEN NI MIG LA SOGS PA YIN NO, ,GANG GI PHYIR MIG GI RNAM SHES LA SOGS PA'I RTEN DBANG PO DE DAG KHO NA YIN PA DE'I PHYIR DANG DBANG PO DE DAG RGYUD GCIG DANG THA DAD LA LTOS NAS RNAM SHES SKYED PA'I THUN MONG MA YIN PA'I RGYU YIN PA'I PHYIR MIG GI RNAM SHES ZHES BYA BA LA SOGS PA BDAG RKYEN DBANG PO DE DAG GI SGO NAS NI RNAM PAR SHES PA BSTAN TE RNGA'I SGRA DANG NAS KYI MYU GU ZHES BYA BA LTA BU'O, ,GZUGS LA SOGS PA'I YUL DANG YID DANG YID NI MIG LA SOGS PA'I RNAM SHES DANG YID KYI RNAM SHES GNYIS KA'I THUN MONG GI RGYU YIN PA'I PHYIR DE DAG GIS NI MA BSTAN TE, (GZUGS NI SHES PA THUN MONG BA'I RGYU YIN TE MIG SHES DANG YID SHES GNYIS KYI RGYU YIN LA MIG NI MIG SHES 'KHOR BCAS KHO NA'I YIN PAS THUN MONG MA YIN NO, ,GZUGS NI GANG ZAG THUN MONG BA'I SHES PA'I RGYU YIN TE GANG ZAG DU MA'I MIG SHES DANG YID SHES SKYED PAS SO MIG GIS RGYUD GCIG KHO NA'I MIG SHES SKYED PAS THUN MONG MA YIN PAS,) DE NYID KYI PHYIR TSAD MA KUN LAS BTUS LAS KYANG, THUN MONG MA YIN RGYU YI PHYIR, ,DE YI THA SNYAD DBANG POS BYAS, ,ZHES BSHAD DO, ,YANG GAL TE LUS GANG LA GNAS TE MIG (YID DANG BA,) GI GZUGS LA LTA BA DANG RNA BA LA SOGS PAS SGRA LA SOGS PA NYAN PA LA SOGS PA BYED PA NA LUS DANG MIG LA SOGS PA DANG GZUGS LA SOGS PA DANG RNAM SHES RNAMS SA GCIG GAM THA DAD CE NA, THA DAD PA DANG GCIG PA'ANG YOD DO ZHES BSTAN PA'I PHYIR LUS LA ZHES BYA BA LA SOGS PA SMOS TE, (DE LA 'DOD PAR SKYES PA RANG @097 GI SA PA'I MIG GIS GZUGS LA LTA BA NA THAMS CAD RANG GI SA PA'O, ,'DOD PA BAS BSAM GTAN BZHI BA'I MIG GI BSAM GTAN GNYIS PA DANG GSUM PA'I GZUGS LA LTA NA BZHI GAS THA DAD PA STE, GZHAN LA NI CI RIGS SU SBYAR RO, ,BZHI GA SA GCIG PA NI 'DOD PA DANG DANG BO'I SA PA KHO NA STE DE YAN CHAD NA RANG GI SA PA'I DBANG ZHES MED PAS SO, ,RTEN BCAS KYI DBANG PO DANG, YANG NA SHES PA KHO NAS YUL MTHONG BA LA SOGS YIN NA BSAM GTAN GONG MA GSUM DBANG SHES MNGON DU MA BYAS PA'I TSE YUL MI MTHONG BA SOGS SU THAL LO, ,) LUS NI 'DIR RTEN KHOG PA LA 'DOD DO, ,DE LA MIG LA SOGS PA DBANG PO GZUGS CAN LNGA DANG YUL GZUGS SGRA REG BYA GSUM NI (SA LNGA PA STE,) 'DOD PA DANG BSAM GTAN BZHI NA YOD DO, , MIG SNA LUS KYI RNAM SHES GSUM NI 'DOD PA DANG BSAM GTAN DANG PO'I SA KHO NA NA YOD DO, ,DRI RO DANG SNA LCE'I RNAM SHES NI 'DOD PA'I SA PA KHO NA YIN NO, ,DE LA GONG MA'I LUS LA 'OG MA'I MIG RTEN PA MA YIN TE, RANG SA NA MIG MCHOG YOD PAS 'OG MA'I MIG GIS DGOS PA MED PA'I PHYIR RO, ,DES NA DE'I SA PA'I MIG GAM GONG MA'I SA PA'I MIG GI RTEN YIN NO, ,'OG MA'I MIG GI YUL NI SA GONG MA'I GZUGS MA YIN TE, GONG MA'I GZUGS NI PHRA BAS DES DE MTHONG BAR MI NUS PA'I PHYIR RO, ,DES NA RANG GI SA PA DANG 'OG MA'I SA PA'I GZUGS NI MIG GI YUL YIN NO, ,(DES NA 'DOD PA'I MIG SA GCIG NAS BZHI PA'I SA LNGA PA YIN NO, ,) SA GONG MA'I MIG GI RNAM PAR SHES PA'ANG SA 'OG MA'I MIG LA RTEN PA MA YIN TE, GONG MA'I RNAM SHES MCHOG NI 'OG MA'I MIG DMAN PA LA MI RTEN PA'I PHYIR RO, ,(GAL TE RTEN NA DBANG SHES DES RANG GIS PA'I YUL MI MTHONG BAR THAL TE DE'I RTEN MIG RES YUL GONG MA MI MTHONG BA'I PHYIR RO KHYAB PA YOD DE DBANG SHES NI DE'I RTEN DBANG PO DE DANG YUL LA LHAN CIG TU 'JUG PA'I PHYIR RO,,) (DMIGS BSAL,) 'OG MA'I (BSAM GTAN DANG PO,) RNAM SHES DANG RANG GI SA PA NI RTEN PA YIN NO, ,'ON KYANG 'OG MA'I RNAM SHES RTEN PA ZHES BYA BA'ANG 'DOD PA'I RNAM SHES NI BSAM GTAN DANG PO'I MIG LA RTEN PA MA YIN TE, DANG PO NA RNAM SHES GYA NOM PA YOD PAS (DE MNGON DU BYAS PA LA,) DGOS PA MED PA'I PHYIR RO, ,DES NA BSAM GTAN GNYIS PA YAN CHAD RANG SA NA SGO LNGA'I RNAM SHES MED PA'I DBANG DU BYAS NAS DE SKAD DU BSTAN TE, BSAM GTAN GNYIS PA YAN CHAD GZUGS LA LTA BA NA DANG PO'I MIG SHES MNGON DU BYED PA'I PHYIR RO, , 'O NA RNAM SHES KYIS SA GANG PA'I GZUGS MTHONG LA LUS GANG LA BRTEN NAS SA GANG GI RNAM SHES KYI RTEN BYED CING GZUGS MTHONG ZHE NA, MIG GI RNAM SHES (TZAM PO) DE'I (SA) GZUGS NI SA THAMS CAD DU @098 MTHONG STE, RANG SA DANG 'OG SA DANG GONG MA'I SA PA'I GZUGS THAMS CAD MTHONG NGO, ,DE YANG CI RIGS KYI DBANG DU BYAS PA YIN GYI KHYAD PAR NI 'DI YOD DE, 'DOD PA'I MIG SHES KYIS NI RANG GI SA PA'I GZUGS KHO NA MTHONG GI GONG MA'I GZUGS MTHONG BA NI MED DE, DE NI BSKAL BA'I DON LA MI 'JUG PA'I PHYIR RO, ,DES NA 'DIR NI BSAM GTAN DANG PO'I MIG SHES KYIS RANG SA DANG 'OG SA DANG GONG MA'I SA PA'I GZUGS MTHONG BA'I DBANG DU BYAS NAS BRJOD DO, ,(DE YANG DANG PO'I MIG SHES BZHI PA'I MIG LA RTEN NA LNGA CHAR GYI GZUGS MTHONG BA'I PHYIR RO 'O NA MCHOG DMAN PA'I YUL DU 'GYUR RO ZHE NA SKYON MED DE, RTEN GONG MA'I DBANG BO MCHOG YIN PAS MI NGAN RGYAL PO MCHOG LA RTEN NAS BYA BA BZANG PO SGRUB PA BZHIN NO, ,) RNAM SHES KYIS SA THAMS CAD PA'I GZUGS MTHONG BAR MA ZAD RTEN LUS KYI'ANG (YUL) GZUGS DANG RNAM SHES GNYIS KA SA THAMS CAD DU MTHONG ZHING RTEN BYED (NUS,) DE, 'DI LTAR GZUGS NI 'DOD PA'I LUS LA BRTEN NAS RANG GI SA PA DANG (GONG MA'I MIG SKYED NAS DANG PO'I MIG SHES KYIS LTA NA,) GONG MA'I SA PA('I GZUGS,) MTHONG NGO, ,BSAM GTAN DANG PO NAS GSUM PA'I BAR GYIS RANG SA DANG 'OG SA DANG GONG SA'I GZUGS MTHONG NGO, ,BSAM GTAN BZHI PA'I LUS LAS NA RANG SA DANG 'OG MA'I GZUGS THAMS CAD MTHONG (GONG NA GZUGS MED PAS SO, ,) NGO, ,(THAMS CAD MTHONG BA'I RTEN DU RUNG BA NI 'DOD PA'I LUS LA BSAM MO, ,) RNAM PAR SHES PA'I NI 'DOD PA'I LUS LA BRTEN NAS RANG SA'I RNAM SHES DANG BSAM GTAN DANG PO'I RNAM SHES SKYED PAR BYED DO, ,BSAM GTAN DANG PO'I LUS LA NI RANG SA'I RNAM SHES KHO NA SKYED PAR BYED DO, , BSAM GTAN GNYIS PA YAN CHAD KYI LUS LA NI 'OG MA BSAM GTAN DANG PO'I RNAM SHES KHO NA SKYED PAR BYED DO, ,DES NA LUS KYI'ANG GNYIS KA THAMS CAD DU ZHES BYA BA'ANG CI RIGS KYI DBANG DU BYAS NAS GSUNGS SO ZHES RIG PAR BYA'O, ,DBANG PO GZHAN LA SBYAR BA'I DBANG DU BYAS NAS JI LTAR MIG LA RGYAS PAR BSHAD PA LTAR RNA BA'ANG DE BZHIN DU SHES PAR BYA'O ZHES BYA STE, LUS LA 'OG MA'I RNA BA MIN, , RNA BA'I GONG MA'I SGRA MA YIN, ,RNAM PAR SHES PA'ANG DE YI SGRA, ,LUS KYI'ANG GNYIS KA THAMS CAD DU, ,ZHES RGYA CHER SBYAR BAR BYA'O, ,SNA DANG LCE DANG LUS KYI KHAMS GSUM PO DAG GI NI YUL DANG RNAM SHES DANG RTEN GYI LUS THAMS CAD RANG GI SA PA NYID YIN TE, DE DAG DBANG PO DANG PHRAD PA 'DZIN PAS CHOD PA DANG RING BA'I DON LA MI 'JUG PA'I PHYIR RO, ,DE LTAR SPYIR BTANG NAS DMIGS KYIS PAS LA BA NI LUS DANG LUS KYI DBANG PO DANG REG BYA NI RANG GI SA PA YIN LA LUS KYI RNAM SHES NI BSAM GTAN GNYIS @099 PA NAS BZHI PA'I BAR DU SKYES PA DAG REG BYA 'DZIN NA 'OG MA BSAM GTAN DANG PO'I SA PA DANG, 'DOD PA DANG BSAM GTAN DANG POR SKYES PA DAG REG BYA 'DZIN NA RANG RANG GI SA PA KHO NA YIN NO, , YID DANG CHOS DANG YID KYI RNAM SHES DANG DE'I RTEN LUS NI SA MA NGES TE, RES 'GA' THAMS CAD SA MTSUNGS PA DANG RES 'GA' MI MTSUNGS PA'I YANG PHYIR RO, ,(DE YANG SA LNGA CHAR GYI LUS LA CI RIGS SU SBYAR TE DE LA BZHI KA SA MTSUNGS PA 'DOD PA'I LUS LA 'DOD PA'I YID DBANG GIS 'DOD PA'I CHOS LA DMIGS PA'I 'DOD PA'I YID KYI RNAM SHES SKYED PA LTA BU'O, ,MI MTSUNGS PA 'DOD PA'I YID KYI BSAM GTAN LA 'JUG PA'AM, 'DOD PA'I SPRUL BA LAS LDANG BA NA YID NI 'DOD PA YIN LA YID SHES NI BSAM GTAN GAR RUNG NGO GONG NAS 'OG TU SKYE BA NA YID NI SA GONG MA DANG RNAM SHES DANG RTEN NI 'OG SA PA STE 'OG NAS GONG DU SKYEN BZLOG PA'O, ,CHOS NI RANG SA DANG SA THAMS CAD PA DANG SAS MA BSDUS PA'ANG YUL DU BYED DO, BSAM GTAN DGE YUL YOD DGU YIN, ZHES PA DANG, GZUGS MED DNGOS GZHI DGE RNAMS KYI, ,SPYOD YUL ZAG BCAS 'OG MA YIN, ,ZHES DMIGS BSAL DANG BCAS TE 'CHAD PAS SO, ,) 'DI NI GNAS GSUM PA DANG BRGYAD PAR (YANG,) 'CHAD PAR 'GYUR RO, , BRGYAD PA GNYIS KYIS SHES PAR BYA BA LA SOGS PA GSUM BSHAD PA NI YANG KHAMS BCO BRGYAD LAS (RNAM SHES GANG GI SHES SHE NA CHOS DANG MIG SOGS GSAL BA'I PHYIR,) RNAM SHES GNYIS KYIS SHES PAR BYA BA NI GZUGS NAS REG BYA'I BAR PHYI'I SKYE MCHED LNGA (KHO NA) YIN TE, GZUGS NI MIG GI RNAM SHES KYIS SHES PAR BYA BA DANG, YID KYI RNAM SHES KYIS SHES PAR BYA BA YIN PA LA SOGS PA'O, , DE NYID KYI PHYIR MDO LAS KYANG DGE SLONG DAG GZUGS SHES PA'I SHES PA DE NI RNAM PA GNYIS TE, DBANG PO LA RTEN PA DANG, YID LA RTEN PA'O ZHES GSUNGS SO, ,LHAG MA KHAMS BCU GSUM NI SGO LNGA'I RNAM SHES KYI YUL MA YIN PAS YID KYI RNAM SHES GCIG PUS SHES PAR BYA BA NYID DU GRUB PA YIN NO, , (BRAM ZE RANG BZHIN NYAN GYI DBANG DU MDZAD NAS MIG SOGS DBANG PO DRUG DANG, MO DANG PHO DANG SROG DANG TSOR BA LNGA DANG DAD SOGS LNGA DANG MI SHES PA KUN SHES PAR BYED PA LA SOGS PA GSUM STE, DBANG PO NYI SHU RTZA GNYIS GSUNGS PA LA CHOS MNGON PA BA RNAMS NI DMIGS BCAS YIN PAS YID SROG GI DBANG PO'I MJUG TU 'DON MOD KYI MDO SDE PA NI DE LTAR BYAS NA SKYE MCHED DRUG RNAM PAR BZHAG PA LA MA GUS PAR 'GYUR BAS MDO LAS 'BYUNG BA LTAR 'DON BAR BYED DO, ,) YANG KHAMS BCO BRGYAD LAS CHOS KYI KHAMS KYI PHYOGS GCIG 'DUS MA BYAS KYI CHOS NI SKAD CIG MA MA YIN (ZHING BRTAN) PAS RTAG PA ZHES BYA'O, , @100 GZHAN DAG NI 'DUS BYAS YIN PAS MI RTAG PA NYID DU SHES PAR BYA'O, , YANG MDO LAS, DBANG PO RNAMS SHES 'BYUNG NA KHAMS DE DAG LAS DBANG PO YIN PA NI DU, MA YIN PA NI DU ZHE NA, KHAMS DE DAG (BRAM ZE RANG BZHIN NYAN GYI DBANG DU MDZAD NAS MDO LAS, MIG SOGS DRUG DANG, MO DANG PHO DANG SROG DANG BDE BA LA SOGS PA LNGA DANG DAD SOGS LNGA DANG MI SHES PA KUN SHES PAR BYED PA LA SOGS PA ZAG MED GSUM STE DBANG PO NYI SHU RTZA GCIG GSUNGS PA,) LAS CHOS KYI KHAMS KYI PHYED SROG DANG TSOR BA BDE BA LA SOGS PA LNGA DANG DAD PA LA SOGS PA LNGA DANG ZAG MED KYI DBANG PO GSUM GYI CHA STE BCU BZHI DANG, MIG LA SOGS PA'I KHAMS GANG DAG NANG GIR BSHAD PA (MIG SOGS LNGA DANG, SEMS KYI KHAMS BDUN TE,) BCU GNYIS PO DE DAG NI DBANG PO YIN TE, MIG LA SOGS PA LNGA NI SO SOR DBANG PO LNGA DANG, PHO MO'I DBANG PO NI LUS KYI NANG DU BSDUS PA'I PHYIR DANG, YID KYI DBANG PO NI SEMS KYI KHAMS BDUN DANG ZAG MED KYI DBANG PO GSUM GYI CHA YIN PA'I PHYIR RO, , DE LTAR NA LHAG MA CHOS KYI PHYED DANG GZUGS LA SOGS PA LNGA NI DBANG PO MA YIN PA ZHES BYA BAR GRUB BO, , DGE SLONG GNAS GSUM DAG LA MKHAS 'DOD PA, ,GANG DE CHOS MNGON GZHUNG GI CHA SHAS LAS, , YIN PHYIR GANG LA 'DUN PA RAB 'JUG PA, ,DE YIS DANG POR GZHUNG 'DIR 'JUG PAR GYIS, ,CHOS MNGON PA'I MDZOD KYI 'GREL PA MNGON PA'I RGYA NA LAS KHAMS BSTAN PA ZHES BYA STE GNAS DANG PO'I BSHAD PA'O, , @101 GNAS GNYIS PA, DBANG PO BSTAN PA, DA NI GNAS GNYIS PA 'CHAD PA NA 'DAS MA THAG PAR, CHOS KYI PHYED DANG GANG DAG NI, ,BCU GNYIS NANG GIR BSHAD DBANG PO, ,ZHES BSHAD PA'I DBANG PO'I GRANGS DAG NI DU, DON GANG ZHE NA, DBANG PO'I GRANGS NI MDO LAS, BRAM ZE RANG BZHIN NYAN GYI DBANG DU MDZAD NAS, BRAM ZE DBANG PO NI NYI SHU RTZA GNYIS PO 'DI DAG YIN TE, NYI SHU RTZA GNYIS GANG ZHE NA, THAMS CAD KYI MTHAR DRUG PA'I SGRA DANG DBANG PO ZHES SBYAR TE MIG DANG RNA BA DANG SNA DANG LCE DANG LUS DANG YID DANG MO DANG PHO DANG SROG DANG BDE BA DANG SDUG BSNGAL DANG YID BDE BA DANG MI BDE DANG BTANG SNYOMS DANG DAD PA DANG BRTZON 'GRUS DANG DRAN PA DANG TING NGE 'DZIN DANG SHES RAB DANG MI SHES PA KUN SHES PAR BYED PA DANG KUN SHES PA DANG KUN SHES LDAN PA'I DBANG PO'O, ,BRAM ZE 'DI DAG NI DBANG PO NYI SHU RTZA GNYIS TE, 'DI TZAM GYIS DBANG PO RNAMS BSDUS PA YIN NO ZHES NYI SHU RTZA GNYIS GSUNGS SO, , DE'I DON NI LHAG PAR DBANG BYED PA YIN PAS DE BSHAD PA LA DBANG PO'I RANG BZHIN NGES PAR BYA BA DANG, ZHAR LA 'DUS BYAS KYI SKYE TSUL RGYAS PAR BSHAD PA GNYIS LAS, (GCIG) DBANG PO'I RANG BZHIN BSHAD PA, DANG PO LA DRUG LAS DBANG PO'I MTSAN NYID NI GANG ZHIG GANG LA THUN MONG MA YIN PAR DBANG BYED PA YIN NO, ,GANG ZHIG GANG LA DBANG BYED CE NA, MIG LA SOGS PA'I DBANG PO LNGA PO RNAMS NI LUS MDZES PAR BYED PA DANG, LUS YONGS SU BSRUNG BA DANG MIG GI RNAM SHES MTSUNGS LDAN DANG BCAS PA LA SOGS PA SKYED PA DANG, GZUGS BLTAS SO, ,SGRA SNYAN NO ZHES BYA BA LA SOGS PA THA SNYAD THUN MONG MA YIN PA ZHES BYA BA'I DON BZHI BZHI LA DBANG BYED DO, ,DE LA LUS YONGS SU BSRUNG BA LA DBANG BYED PA NI MIG DANG RNA BAS YUL YID DU MI 'ONG BA DAG MTHONG BA DANG THOS NAS YANG BA LAS LUS SRUNG BA'I PHYIR @102 DANG, SNA LCE LUS GSUM GYIS KHAM ZAS LA LONGS SPYAD PAS LUS RGYAS PAR BYED PA'I PHYIR, PHO MO DANG SROG DANG YID KYI DBANG PO BZHI PO RNAMS NI RE RE ZHING DON GNYIS GNYIS LA DBANG BYED DO, ,DE LA PHO MO'I DBANG PO DE DAG NI PHO'O MO'O ZHES PHO DANG MO MA YIN PA'I SEMS CAN LAS BYE BRAG TU 'BYED PA DANG, KHYAD PAR DU PHO'I DBANG POS NI MO LAS KYANG KHYAD PAR LA DBANG BYED PA DANG, DE DAG LAS BZLOG PA MO'I DBANG POS NI PHO LAS KHYAD PAR LA DBANG BYED DO, ,GZHAN DAG NI KUN NAS NYON MONGS DANG RNAM BYAD LA'ANG DBANG BYED DO, DE DAG NI SDOM MIN DANG MTSAMS MED DANG, DGE RTZA GCOD PA DANG, SDOM PA DANG, 'BRAS BU 'THOB PA DANG, 'DOD CHAGS DANG BRAL BA'I GZHIR RUNG GI ZA MA DANG MA NING DANG MTSAN GNYIS PA NI MA YIN PA'I PHYIR RO ZHES 'CHAD DO, , SROG GI DBANG POS NI RIS MTHUN PAR NYING MTSAMS SBYOR BA DANG, DE'I RGYUN GNAS PA GNYIS LA DBANG BYED DO, ,YID KYIS NI YANG SRID DU NYING MTSAMS SBYOR BA DANG, YID DGE BAR GNAS NA DE'I DBANG GIS BYUNG BA'I LUS LA SOGS PA'ANG DGE BAR BYED PA LA SOGS PA DBANG PO'I NGO BO DANG MTHUN PAR DBANG BYED DE, RNAM PAR 'BYED PA BSDUS PA'I SDOM GYI TSIGS SU BCAD PA GNYIS PA'I DANG PO'I MDO LAS, 'JIG RTEN SEMS KYIS KHRID PA STE, ,SEMS KYIS YONGS SU DRANGS PA YIN, ,SEMS KYI CHOS NI GCIG PU YI, ,DBANG GI RJES SU CHOS KUN 'GRO, ,ZHES GSUNGS PA LTA BU'O, ,LO ZHES BYA BA NI BYE BRAG TU SMRA BA'I 'DOD PA LA MA RANGS PA STE, LUS MDZES PAR NI DBANG RTEN GYIS BYED PA'I PHYIR DANG, LUS SRUNG BA DANG THA SNYAD THUN MONG MA YIN PA'ANG DBANG PO LA RTEN PA'I RNAM SHES KYIS BYED PA'I PHYIR DANG, MDO LAS PHO TSANGS PA BYED PA'I GNAS YOD KYI BUD MED TSANGS PA BYED PA'I GNAS MED DO ZHES GSUNGS PAS PHO MO'I DBANG PO MED PA'I GZUGS KHAMS PA'I LHA DANG BSKAL PA DANG PO'I MI'ANG PHO YIN PA'I PHYIR DANG, SROG KYANG NYON MONGS CAN MA YIN PAS NYING MTSAMS SBYOR BYED MA YIN PA'I PHYIR RNAM PAR BZHAG PA DE DAG NI MI 'THAD DO ZHES BYA BA NI MDO SDE PA LA SOGS PAS BRJOD PA YIN NO, TSOR BA LNGA DANG DAD SOGS LNGA DANG KUN SHES BYED SOGS GSUM STE BRGYAD PO DE RNAMS NI RIM PA LTAR KUN NAS NYON MONGS PA DANG RNAM PAR BYANG BA LA DBANG BYED DE, TSOR BA BDE BA YID BDE BA DANG, SDUG BSNGAL YID MI BDE BA DANG, BTANG SNYOMS KYIS RIM PA LTAR CHAGS SDANG RMONGS GSUM BSKYED PA'I PHYIR DANG, TSOGS SBYOR GYI DAD SOGS LNGA RNAM BYANG GI RGYU DANG, MTHONG SGOM MI SLOB PA'I LAM GYI BRGYAD PO RNAM BYANG @103 GI NGO BO YIN PA'I PHYIR RO, ,KHA CIG NA RE BDE BA LA SOGS PAS KYANG RNAM BYANG LA DBANG BYED DE, 'DI LTAR SKYE MCHED DRUG GI MDO DANG, CHED DU BRJOD PA BSDUS PA'I SDOM GYI TSIGS SU BCAD PA GNYIS PA'I MDO LAS, BDE BAR GYUR PA'I SEMS MNYAM PAR 'JOG PAR 'GYUR RO ZHES BYA BA LA SOGS PA DANG, SDUG BSNGAL GYI RGYU CAN GYI DAD PA ZHES BYA BA DANG, MIG GIS RNAM PAR SHES PAR BYA BA'I GZUGS RNAMS LA RTEN TE YID BDE BA NGES PAR 'BYUNG BA LA RTEN PA SKYE'O ZHES BYA BA LA SOGS PA YID BDE BA NGES PAR 'BYUNG BA LA RTEN BA DRUG DANG, YIN MI BDE BA NGES PAR 'BYUNG BA LA RTEN PA DRUG DANG BTANG SNYOMS NGES PAR 'BYUNG BA LA BRTEN PA DRUG GSUNG PA'I PHYIR RO ZHES ZER RO, ,DE LA SKYES BU LA LA NI THOB PAR BYA'O SNYAM DU YID BDE BA YIN NO, ,LA LA NI SPANG BAR BYA'O SNYAM DU YID MI BDE BA YIN NO, ,LA LA NI GZUGS LA SOGS PA LA SO SOR BRTAGS NAS BTANG SNYOMS SU BYED PA YIN NO, , MDO SDE PA'I LUGS NI MIG LA SOGS PA LNGA PO RNAMS NI RANG RANG GI DON GZUGS LA SOGS PA LA DMIGS PAR BYED PA'I RNAM SHES MTSUNGS LDAN DANG BCAS PA SKYED PA LA DBANG BYED PA'I PHYIR DANG, YID NI DON GZUGS LA SOGS PA YUL THAMS CAD LA DMIGS PAR BYED PA'I RNAM SHES MTSUNGS LDAN DANG BCAS PA SKYED PA LA DBANG BYED PA'I PHYIR NA MIG LA SOGS PA DBANG PO DRUG GO ,GZUGS LA SOGS PAS KYANG RNAM SHES SKYED PAR NI BYED MOD KYI LHAG PAR DBANG BYED PA NI MA YIN PAS DE DAG DBANG POR THAL BA MA YIN NO, , MO'I DBANG PO NI NU MA CHE BA LA SOGS PA DANG NGA RO CHUNG BA DANG BSAM PA ZHAN PA DANG PHO LA SEMS PA LA SOGS PA NYID LA DBANG BYED PA DANG, PHO'I DBANG PO NI NU MA CHUNG BA DANG DBYIBS 'JAR BA LA SOGS PA DANG NGA RO GSANG MTHO BA DANG BSAM PA DRAG PA DANG MO LA SEMS PA ZHES BYA BA'I PHO'I CHOS NYID LA DBANG BYED PA'I PHYIR DBANG POR GZHAG CING, DE DAG KYANG LUS KYI DBANG PO'I CHA SHAS LAS MO'I DBANG PO DANG PHO'I DBANG PO DAG TU GZHAG GI RDZAS LOGS SU GRUB PA NI MED DO (REG BYA LA DMIGS PA'I SHES PA BSKYED PA'I BDAG RKYEN GZUGS DANG BA YIN PA'I PHYIR RO, ,), ,SROG GI DBANG PO NI RIS MTHUN PAR GNAS PA LA DBANG BYED PA DANG, TSOR BA'I DBANG PO LNGA PO RNAMS NI KUN NAS NYON MONGS PA LA DBANG BYED PA DANG, DAD PA LA SOGS PA'I DBANG PO LNGA NI RNAM PAR BYANG BA LA DBANG BYED PA'I PHYIR TE, CHOS SBYIN GYI MDO LAS, CHE DANG LDAN PA SA GA ,BDE BA'I TSOR BA LA 'DOD CHAGS RGYAS PAR 'GYUR RO, , SDUG BSNGAL GYI TSOR BA LA ZHE SDANG RGYAS PAR 'GYUR RO, ,BDE BA YANG MA YIN SDUG BSNGAL YANG MA YIN PA'I @104 TSOR BA LA GTI MUG RGYAS PAR 'GYUR RO ZHES BDE BA LA SOGS PA LA 'DOD CHAGS LA SOGS PA RGYAS PAR GSUNGS PA'I PHYIR DANG, 'JIG RTEN PA'I LAM GYI TSOGS PA NA YOD PA'I DAD SOGS KYIS NYON MONGS PA RNAMS KYANG RNAM PAR GNON CING NYAMS SMOD PA'I PHYIR DANG, MDO LAS, 'PHAGS PA NYAN THOS DAD PA'I SGO GTAN PHUN SUM TSOGS PA, BRTZON 'GRUS KYI DPUNG PHUN SUM TSOGS PA, DRAN PA'I SGO BSRUNGS PHUN SUM TSOGS PA, SEMS MNYAM PAR BZHAG PA NI SHES RAB KYI MTSON GYIS RNAM PAR GROL BAR 'GYUR RO ZHES 'BYUNG BAS NGES 'BYED CHA MTHUN LA SOGS PA'I LAM YANG 'DREN PA'I PHYIR SO SOR DBANG POR 'DOD DO, ,MYA NGAN 'DAS SOGS ZHES BYA BA LA, GONG NAS GONG DANG MYANG 'DAS 'THOB, ,SOGS PA LA NI DBANG BYED PHYIR, ,ZHES BYA BAR SBYAR TE, RANG GI GONG MA KUN SHES PA'I DBANG PO 'THOB PA LA DBANG BYED PA'I PHYIR KUN SHES PAR BYED PA'I DBANG PO DANG, GONG MA KUN SHES LDAN PA'I DBANG PO 'THOB PA LA DBANG BYED PA'I PHYIR KUN SHES PA'I DBANG PO DANG, LHAG MED KYI MYANG 'DAS 'THOB PA LA DBANG BYED PA'I PHYIR KUN SHES LDAN PA'I DBANG POR GZHAG GO ,DE BZHIN ZHES PA NI JI LTAR MIG LA SOGS PA NAS DAD SOGS KYI BAR RNAMS SO SOR DBANG PO YIN PA DE BZHIN DU KUN SHES BYED PA LA SOGS PA GSUM YANG SO SOR DBANG PO YIN NO ZHES BSTAN PA'I PHYIR RO ZHES SLOB DPON GANG SPEL 'CHAD DO, ,SOGS PA'I SGRAS NI MI SHES PA KUN SHES PAR BYED PA'I DBANG PO NI MTHONG SPANG SPONG BA DANG, KUN SHES PA'I DBANG PO NI SGOM SPANG SPONG BA DANG, KUN SHES LDAN PA'I DBANG PO NI MTHONG BA'I CHOS LA BDE BAR GNAS PA LA DBANG BYED DE, NYON MONGS LAS RNAM PAR GROL BAS YID BDE BA DANG SHIN TU SBYANGS PA'I BDE BA DAG SO SOR MYONG BA'I PHYIR RO ZHES PA SDUD PA'O, , GNYIS PA DBANG PO'I GRANGS NGES BSHAD PA NI GAL TE DBANG BYED PA'I PHYIR DBANG PO YIN NA MA RIG PA LA SOGS PA'ANG 'DU BYED LA SOGS PA LA DBANG BYED PA'I PHYIR DANG, KHA DANG LAG PA DANG RKANG PA DANG RKUB DANG 'DOMS RNAMS KYANG TSIG SMRA BA DANG ZAS LA SOGS PA LEN PA DANG 'GRO BA DANG BSHANG GCI 'BYIN PA DANG KUN DU DGA' BA LA RIM PA BZHIN DBANG BYED PA'I PHYIR DBANG POR 'GYUR RO ZHE NA, RGYU BYED PA TZAM GYIS NI DBANG POR MI 'JOG GI 'ON KYANG DGOS PA LA BLTOS NAS MDO LAS DBANG PO NYI SHU RTZA GNYIS SU BSHAD DE, KUN NAS NYON MONGS DANG RNAM BYANG GI GZHI DANG NGO BO'AM, 'BRAS BU'I DBANG DU BYAS PA'I PHYIR RO, ,DE LA SEMS CAN GYI RDZAS KYI GZHI'I DBANG DU BYAS NAS SEMS RNAM SHES KYI RTEN DU GYUR PA MIG LA SOGS PA'I DBANG PO DRUG DANG, SEMS CAN DE'I BYE BRAG TU 'BYED PA'I DBANG DU BYAS @105 NAS PHO MO'I DBANG PO DANG, SEMS CAN DE DAG RIS MTHUN PAR GNAS PA'I DBANG DU BYAS NAS SROG GI DBANG PO GSUNGS TE, DE LTAR NA DBANG PO DGU PO DE DAG NI KUN NAS NYON MONGS PA'I GZHI YIN NO, , TSOR BA RNAMS NI KUN NAS NYON MONGS PAR BYED PA'I NGO BO NYID YIN PA'AM, DE'I 'BRAS BU YIN PA'I PHYIR BSTAN TO, ,DAD SOGS LNGAS TSOGS GSOG PAR BYED PA'I PHYIR RNAM BYANG GI GZHI YIN NO, , DBANG PO THA MA GSUM GYIS NI RNAM PAR BYANG BAR BYED PA'AM, RNAM BYANG GI NGO BO YIN PA'I PHYIR BSTAN TE, DE LTAR NA KUN NAS NYON MONGS DANG RNAM BYANG GI GZHI DANG RANG GI NGO BO'I GRANGS JI SNYED PA DANG RJES SU MTHUN PAR DBANG PO DAG KYANG DE SNYED DU BSTAN TO ZHES BYA BA YIN NO, ,YANG NA SDE PA GZHAN DAG NI 'KHOR BAR 'JUG LDOG GI DBANG DU MDZAD NAS GSUNGS PAR 'DOD DE, DE LA 'KHOR BAR 'JUG PA'I RTEN NI DBANG PO DRUG YIN TE, SEMS CAN GYI RDZAS KYI GZHI YIN PA'I PHYIR DANG, BAR DO'I SKYE MCHED DRUG LA BRTEN NAS SKYE SRID DU NYING MTSAMS SBYOR BA'I PHYIR RO, ,'KHOR BAR SKYE BA NI PHO MO'I DBANG PO YIN TE, DE DAG LAS SKYE BA'I PHYIR RO, ,RDZUS TE SKYE BA LA SOGS PA LA MED KYANG GTZO CHE BAS DE SKAD BRJOD DO, ,SEMS CAN DE DAG GNAS PAR BYED PA NI SROG GI DBANG PO DANG, SEMS CAN RNAMS KYI NYE BAR LONGS SPYOD PA LAS NI BDE BA LA SOGS PA LNGA STE, DE LTAR 'KHOR BAR 'JUG PA'I DBANG DU MDZAD NAS BCU ZHI YIN NO, ,JI LTAR 'KHOR BAR 'JUG PA LA RTEN DANG SKYE BA DANG GNAS PA DANG LONGS SPYOD PA BZHI YOD PA DE BZHIN DU 'KHOR BA LAS LDOG PA LA'ANG RTEN DANG SKYE BA DANG GNAS PA DANG, GNAS PA NYER SPYOD NI SNGA MA RNAMS LAS GZHAN DBANG PO BRGYAD BO RNAMS YIN NO, ,DE LA LDOG PA'I RTEN NI DAD SOGS LNGA YIN TE, DE DAG LA BRTEN NAS 'JIG RTEN LAS 'DAS PA'I LAM MNGON DU BYED PA'I PHYIR RO, ,RNAM BYANG NYID DU SKYE BA NI MI SHES PA KUN SHES PAR BYED PA'I DBANG PO YIN TE, DE NI ZAG MED DU DANG POR SKYE BA'I PHYIR RO, ,RNAM PAR BYANG BAR GNAS PA NI KUN SHES PA'I DBANG PO YIN TE, SGOM LAM RNAM PA DGU RGYUN CHAGS SU GNAS PA'I PHYIR RO, ,RNAM PAR BYANG BA NYE BAR LONGS SPYOD PA NI KUN SHES LDAN PA'I DBANG PO YIN TE, RNAM PAR GROL BAS DGA' BA DANG BDE BA SO SOR MYONG BA'I PHYIR RO, ,DBUS MTHA' LAS NI, 'DZIN DANG GNAS DANG RGYUN MI CHAD, ,SPYOD DANG DAG PA GNYIS KYI PHYIR, ,ZHES MIG SOGS DRUG DANG, SROG DANG, PHO MO GNYIS DANG, TSOR BA LNGA DANG, DAD SOGS LNGA DANG, KUN SHES BYED SOGS GSUM PO RNAMS RIM PA LTAR YUL DRUG 'DZIN PA DANG MI 'CHI BAR GNAS PA DANG RIGS 'TSO BA PAS RGYUN MI CHAD PA DANG, DGE MI DGE'I LAS KYI 'BRAS BU @106 LA NYE BAR SPYOD PA DANG, 'JIG RTEN PA'I RNAM DAG DANG, 'JIG RTEN LAS 'DAS PA'I RNAM DAG LA DBANG BYED PA'I PHYIR DBANG PO NYI SHU RTZA GNYIS SU GRANGS NGES PAR BSHAD DO, , GSUM PA DBANG PO'I NGO BO BSHAD PA NI DBANG PO NYI SHU RTZA GNYIS LAS MIG SOGS DRUG DANG PHO MO'I DBANG PO STE BRGYAD NI BSHAD ZIN LA, DAD SOGS LNGA DANG SROG GI DBANG PO STE DRUG NI 'OG NAS 'CHAD PAR 'GYUR BAS 'DIR NI TSOR BA'I DBANG PO LNGA DANG ZAG MED KYI DBANG PO GSUM STE BRGYAD 'CHAD DE, DE LA LUS NI 'DIR DBANG PO GZUGS CAN THAMS CAD LA BRJOD PAR 'DOD DE, DE LA BRTEN NAS SKYES PA'I TSOR BA SIM PA MA YIN PA GANG YIN PA DE NI SDUG BSNGAL GYI DBANG PO YIN TE, MIG LA SOGS PA'I RNAM SHES LNGA'I 'KHOR DU SKYES PA'I TSOR BA GDUNG BA LA DE SKAD DU BRJOD DO, ,DE DAG GI 'KHOR DU SKYES PA'I TSOR BA SIM PA NI BDE BA'I DBANG PO STE, PHAN 'DOGS PAR BYED PA'I TSOR BA NI SIM PA YIN NO, , RNAM SHES LNGA'I 'KHOR DU SKYES PA'I SIM PA KHO NA BDE BA YIN PAR MA ZAD BSAM GTAN GSUM PA NA SEMS TE YID KYI RNAM SHES KYI 'KHOR DU SKYES PA'I TSOR BA SIM PA GANG YIN PA DE NI BDE BA'I DBANG PO YIN TE, DE NA SGO LNGA'I RNAM SHES MED PAS LUS TSOR MED PA'I PHYIR DANG, DGA' BA LAS 'DOD CHAGS DANG BRAL BAS SIM PA DE YID BDE'ANG MA YIN PA'I PHYIR RO, ,'O NA YID BDE GANG ZHE NA, BSAM GTAN GSUM PA LAS GZHAN 'DOD PA DANG BSAM GTAN DANG PO DANG GNYIS PA DAG NA YID KYI RNAM SHES KYI 'KHOR DU SKYES PA'I TSOR BA SIM PA GANG YIN PA DE NI YID BDE BA YIN TE, DGA' BA LAS 'DOD CHAGS DANG MA BRAL BAS SA DE DAG GI YID KYI 'KHOR DU SKYES PA'I SIM PA NI DGA' BA YIN PA'I PHYIR RO, ,'ON SEMS BDE DANG YID BDE'I KHYAD PAR GANG YIN ZHE NA, 'DOD PA NAS BSAM GTAN GNYIS PA'I BAR GYI YID DGA' BA RNAM PAR RTOG PA TZAM GYIS SKYE ZHING MI BRTAN PA NI YID BDE YIN LA, BSAM GTAN GSUM PA NA BRTEN PAR GNAS PA'I YID KYI SIM PA NI SEMS BDE'I DBANG PO YIN NO, ,BSAM GTAN GSUM PA NA DGA' BA MED PA DANG BDE BA YOD PAR YANG MDO LAS SHES TE, DE DGA' BA LAS 'DOD CHAGS DANG BRAL BAS DRAN PA DANG LDAN ZHING SHES BZHIN DU BTANG SNYOMS SU GNAS TE, BDE BA LUS KYIS MYONG LA 'PHAGS PA RNAMS KYIS DE LA DRAN PA DANG LDAN PA BDE BA LA RNAM PAR SPYOD PA BTANG SNYOMS PA'O, ,ZHES BRJOD PA STE DGA' BA MED PA'I BSAM GTAN GSUM PA RDZOGS PAR BYAS TE GNAS SO ZHES BYA BA LA SOGS PA GSUNGS PA'I PHYIR RO, ,SEMS TE YID KYI RNAM SHES KYI 'KHOR DU SKYES PA'I TSOR BA SIM PA MA YIN PA GANG YIN PA DE NI YID MI BDE BA'I DBANG PO'O, , @107 BTANG SNYOMS KYI DBANG PO NI SNGAR SMOS PA'I TSOR BA DE DAG GI BAR MA'I TSOR BA'O, ,CI DE LUS KYI'AM SEMS KYI YIN ZHE NA, LUS DANG SEMS GNYIS KA'I BAR MA NI BSDOMS NAS BTANG SNYOMS SU GZHAG GO ,CI STE ZHE NA, RNAM PAR MI RTOG PAR NGANG GIS SKYE BA'I PHYIR TE, SEMS KYI BDE SDUG NI RNAM RTOG TZAM GYIS SKYE LA LUS KYI NI MA YIN PA'I PHYIR DANG, LUS KYI BDE SDUG NI LUS LA PHAN PA DANG GNOD PAR BYED PA'I PHYIR DE DAG NI THA DAD DU BYAS LA, BTANG SNYOMS NI RNAM PAR MI RTOG PAR SKYE BA'I PHYIR DANG, PHAN GNOD MED PAR SKYE BA'I PHYIR GNYIS KA GCIG TU BSDOMS SO, ,MTHONG BA DANG SGOM PA DANG MI SLOB PA'I LAM GSUM LA RIM PA BZHIN YID DANG BDE BA DANG YID BDE DANG BTANG SNYOMS DANG DAD SOGS LNGA STE DGU PO DE DAG NI MI SHES PA KUN SHES PAR BYED PA DANG, KUN SHES PA DANG, KUN SHES LDAN PA'I DBANG PO GSUM YIN GYI DE DAG RDZAS GZHAN DAG NI MED DO, ,DE LA BDE BA NI BSAM GTAN GSUM PA LA BRTEN PA YIN NA SEMS BDE YIN PAS DE SKAD BRJOD KYI LUS BDE NI MA YIN TE, SGO LNGA'I RNAM SHES 'KHOR BCAS NI ZAG BCAS NYID DU NGES PA'I PHYIR RO, ,(DBUS MTHA'I t'IKA DANG, KUN LAS BTUS KYI 'GREL PAR RNAL 'BYOR SPYOD PA LTAR NA DANG PO NYID KYI GDAGS GZHI YID MI BDE'ANG YIN PAS BCUR BSHAD DO, ,TSOR BA GSUM PO DE DAG KYANG MI LCOGS MED DANG, KHYAD PAR CAN DANG, BSAM GTAN BZHI PA DANG, GZUGS MED DANG PO GSUM GYI SA PA YIN NA, BTANG SNYOMS DANG, BSAM GTAN DANG PO DANG GNYIS PA'I SA PA YIN NA YID BDE DANG, BSAM GTAN GSUM PA'I SA PA YIN NA BDE BA 'BYUNG BAS TSOR BA GSUM GDAGS GZHIR BSHAD KYI TSOGS PA GCIG LA GSUM CHAR 'BYUNG BA NI MA YIN NO, ,) BZHI PA RNAM PA'I DBYE BA BSHAD PA NI DBANG PO DE DAG LAS GCIG TU ZAG PA DANG BCAS PA RNAMS NI DU, ZAG PA MED PA RNAMS NI DU ZHE NA, 'DAS MA THAG PAR BSHAD PA'I MI SHES PA KUN SHES PAR BYED PA LA SOGS PA GSUM NI GCIG TU DRI MA STE ZAG PA MED PA KHO NA YIN NO, ,MIG LA SOGS PA DBANG PO GZUGS CAN BDUN DANG, SROG GI DBANG PO DANG, YID MI BDE DANG, SDUG BSNGAL DAG STE BCU NI SGOM SPANG YIN PAS GCIG TU ZAG PA DANG BCAS PA YIN NO, ,YID DANG BDE BA DANG YID BDE DANG BTANG SNYOMS DANG DAD SOGS LNGA STE DGU NI ZAG BCAS ZAG MED RNAM PA GNYIS KA YIN TE, LAM GSUM GYI TSOGS PA NA YOD PA ZAG MED DANG, GZHAN DAG NI ZAG BCAS YIN PA'I PHYIR RO, , KHA CIG DAD SOGS LNGA YANG GCIG TU ZAG MED KHO NA YIN NO, ,ZHES ZER BA NI MA YIN TE, LUNG GZHI LAS, SEMS CAN 'JIG RTEN DU SKYES SHING 'JIG RTEN DU RGAS PA RNAMS LA DBANG PO RNON PO DAG @108 KYANG MCHIS, DBANG PO 'BRING PO DAG KYANG MCHIS, DBANG PO RTUL PO DAG KYANG MCHIS SO ZHES TSES KYI 'KHOR LO MI BSKOR BA'I DUS SU GSUNGS PA'I PHYIR DANG, GZHAN YANG MDO LAS, NGAS JI SRID DU DBANG PO LNGA PO 'DI DAG GI KUN 'BYUNG BA DANG, MI SNANG BA DANG, RO MYANG BA DANG, NYES DMIGS DANG, NGES PAR 'BYUNG BA YANG DAG PA JI LTA BA BZHIN MA SHES PA DE SRID DU NGA 'JIG RTEN LHA DANG BCAS PA, BDUD DANG BCAS PA, TSANGS PA DANG BCAS PA, DGE SBYONG DANG BRAM ZE'I SKYE DGU DANG BCAS PA LHA DANG MIR BCAS PA 'DI LAS 'GROL BA DANG, NGES PAR 'BYUNG BA DANG, MI LDAN PA DANG, BRAL BA DANG, PHYIN CI LOG DANG BRAL BA'I SEMS KYIS MANG DU GNAS PAR MI 'GYUR RO ZHES PA LA SOGS PA GSUNGS PA'I PHYIR TE, GAL TE ZAG MED YIN NA NYES DMIGS LA SOGS PA'I BRTAG PA MI RIGS PA'I PHYIR RO, , 'O NA MDO LAS, GANG LA DBANG PO LNGA PO 'DI DAG THAMS CAD DU THAMS CAD MED PA DE NI PHYI ROL SO SO'I SKYE BO'I PHYOGS LA GNAS PAR NGA SMRA'O ZHES 'BYUNG BA JI LTA BU ZHE NA, DE NI 'PHAGS PA'I GANG ZAG RNAM PAR BZHAG PA LAM GSUM GYI DAD PA LA SOGS PA'I DBANG DU BYAS NAS GSUNGS PA'AM, YANG NA DGE RTZA KUN DU CHAD PA LA PHYI ROL SO SO'I SKYE BO ZHES GSUNGS PA'I PHYIR RO, ,(SLOB DPON 'PHAGS PAS NI KUN LAS BTUS LAS MI SHES PA KUN SHES PAR BYED PA'I DBANG PO GANG ZHE NA, SBYOR BA'I LAM DANG MTHONG BA'I LAM GYI SEMS KYI SKAD CIG BCO LNGA LA GANG DBANG BYED PA'O ZHES PA DANG, PHAL CHE BA'I DBANG DU MDZAD NAS RNAM PAR GTAN PA DBAB PA BSDU BA LAS KYANG BYANG CHUB SEMS DPA' RNAMS KYIS MI SHES PA KUN SHES PAR BYED PA'I DBANG PO LA SOGS PA GSUM JI LTAR RNAM PAR BZHAG CE NA, SMRAS PA, MOS PAS SPYOD PA'I SA LA NI DANG PO RNAM PAR BZHAG GO , DE LAS GZHAN PA LHAG PA'I BSAM PA RNAM PAR DAG PA'I SA DAG LA NI GNYIS PA KUN SHES PA'O, DE BZHIN GSHEGS PA'I SA LA NI DBANG PO GSUM PA KUN SHES LDAN PA RNAM PAR BZHAG PAR LTA BAR BYA'O ZHES PA DANG, MI SHES PA KUN SHES PAR BYED PA'I DBANG PO NI DGE SBYONG GI TSUL GYI 'BRAS BU DANG THAG RING ZHING 'JIG RTEN PA'I RNAM PAR RTOG PA GANG YIN PA DE NI ZAG PA DANG BCAS PA YIN LA, DGE SBYONG GI TSUL GYI 'BRAS BU DANG THAG NYE ZHING 'JIG RTEN LAS 'DAS PA'I RNAM PAR RTOG PA GANG YIN PA DE NI ZAG PA MED PA YIN PAR LTA BAR BYA'O ZHES SA MTSAMS DANG NGO BO 'DI LAS GZHAN DU BSHAD DO, ,) YANG DBANG PO DE DAG LAS SROG NI GCIG TU RNAM PAR SMIN PA KHO NA YIN TE, MTHO RIS NA DGE BA ZAG BCAS DANG, NGAN SONG NA MI DGE BAS 'PHANGS PA'I PHYIR RO, ,'O NA BSTAN BCOS LAS, TSE'I 'DU BYED DAG JI LTAR 'JOG PAR BYED CE NA, DGE SLONG DGRA BCOM PA RDZU 'PHRUL DANG @109 LDAN PA SEMS LA DBANG THOB PAS DGE 'DUN NAM GANG ZAG LA LHUNG BZED DAM, CHOS GOS SAM, DGE SBYONG GI 'TSO BA'I YO BYAD GANG YANG RUNG BA PHUL NAS, DE BSAMS TE RAB KYI MTHA' PA'I BSAM GTAN BZHI PA LA SNYOMS PAR 'JUG CING, DE DE LAS LANGS NAS BDAG GI LONGS SPYOD KYI RNAM PAR SMIN PA GANG YIN PA DE TSE'I RNAM PAR SMIN PAR GYUR CIG SNYAM DU SEMS SKYED PAR BYED CING TSIG TU YANG SMRA BAR BYED DE, DE'I LONGS SPYOD KYI RNAM PAR SMIN PA GANG YIN PA DE TSE'I RNAM PAR SMIN PAR 'GYUR RO ZHES 'BYUNG BA'I DGRA BCOM PA TSE BSRINGS PA ('I TSE) DE GANG GI RNAM SMIN DU 'GYUR TE, MTSUNGS LDAN LAS GZHAN PA'I RNAM PAR SMIN PA NI 'DOD DGUR SNGON DU MI 'GYUR BA ZHIG NA DE 'JOG PAR 'DOD NA GNAS PA DANG GTONG BAR 'DOD NA 'DOR BA'I PHYIR RO, ,ZHE NA, KHA CIG NA RE DE NI (SGO GSUM GYI LAS DGE BA ZAG BCAS DE'I) MTHONG CHOS KYI LAS KYI RNAM SMIN KHO NA YIN NO ZHES ZER RO, ,KHA CIG NI DGRA BCOM PA THAMS CAD LA TSE BSRING DU YOD PA MA YIN GYI SNGON TSE MA ZAD PAR BAR MA DOR (DUS MIN DU) SHI 'PHOS TE TSE'I LHAG MA LUS PA DAG DGE 'DUN LA YO BYAD PHUL NAS (RAB MTHA'I BSAM GTAN GYI STOBS KYIS,) 'DREN PAR 'DOD DE, DE'I LTAR NA LONGS SPYOD KYI RNAM PAR SMIN PA TSER 'GYUR RO ZHES BYA BA NI (SNGAR GYI) RNAM PAR SMIN PA (SMON LAM GYI) 'DREN PAR BYED PA LA DE'I RNAM PAR SMIN PA ZHES BTAGS PA NYID DU SHES SO, ,BTZUN PA DBYANGS SGROGS NI BSAM GTAN GYI STOBS KYIS GZUGS NA SPYOD PA'I 'BYUNG BA TSE DANG MTHUN PA ('AM 'GAL BA) DAG MNGON DU BYED DO, , DE'I STOBS KYIS TSE RING (BA DANG THUNG) BAR BYED PAS DE NI RNAM SMIN MA YIN NO, ,LONGS SPYOD KYI RNAM PAR SMIN PA TSER 'GYUR RO ZHES BYA BA NI BTAGS PA BA DANG, SROG GI DBANG PO RNAM SMIN DU BSHAD PA NI GTZO CHE BAS BSHAD DO ZHES 'CHAD DO, ,(LONGS SPYOD KYI RNAM SMIN TSER BSGYUR BA DANG TSE LHAG 'DREN PAR 'DOD PA GNYIS KA LTAR YANG CHE NI SNGON GYI LAS KYI RNAM SMIN YIN LA LONGS SPYOD DANG SMON LAM SOGS NI DE BSGYUR BA'I RKYEN TZAM YIN NO, ,SLOB DPON NI TING NGE 'DZIN GYI MTHU KHO NAS SNGON GYI LAS KYIS 'PHANGS PA'I TSE'I DUS NGES PA ZLOG NAS, TING NGE 'DZIN LAS GSAR DU SKYES PA'I TSE GTONG 'JOG BYED PAR 'DOD DO, ,DE DANG DBYANGS SGROGS LTAR NA SROG RNAM SMIN DU BSHAD PA NI THA MAL PA'I DBANG DU BYAS NAS GTZO CHE BA LA DGONGS PAS CI DGAR BYAR YOD PA'I TSE'ANG YOD DO ZHES SO, ,) DE BZHIN DU TSE GTONG BA'ANG (SMAN LA SOGS PAS GNAS PA'I THABS MA MTHONG NA) BSAM GTAN BZHI PA LA SNYOMS PAR ZHUGS PA LAS LANGS NAS YO BYAD GANG YANG RUNG BA, DGE 'DUN (NAM 'GOG PA LAS LANGS MA THAG PA @110 LA SOGS PA'I GANG ZAG) LA PHUL NAS (RAB MTHA'I BSAM GTAN BZHI PA LA ZHUGS NAS DE LAS LANGS TE,) BDAG GI TSE'I RNAM SMIN GANG YIN PA DE LONGS SPYOD KYI RNAM SMIN DU GYUR CIG SNYAM DU SEMS BSKYED CING TSIG TU'ANG SMRAS PAS GTONG BAR BYED DO, ,(RAB MTHA'I BSAM GTAN DE'I LONGS SPYOD KYI RNAM SMIN TSE'I RNAM SMIN DU 'GYUR RO ZHES BSTAN BCOS LAS BYUNG STE DE DAG NI LUS DANG YID DANG NGAG GI LAS SO, ,GTONG NA DE NYID ZLOG GO,) DE YANG GSON PAS GZHAN NA PHAN PA DANG DGOS PA MA MTHONG ZHING, RANG GI LUS NAD LA SOGS PA LTA BUR MTHONG NAS TSE GTONG BA YIN TE, LUNG RNAM 'BYED LAS (NYE SDE LA SH'A RI'I BUS SMRAS PA) TSANGS SPYOD 'DI LA LEGS SPYAD CING, ,LAM LA'ANG SHIN TU BSGOMS NA NI, ,TSE ZAD PA LA DGA' 'GYUR TE, ,DPER NA NAD DANG BRAL BA BZHIN, , ZHES GSUNGS PA LTA BU'O, ,'JOG PA NI GZHAN GYI DON DANG BSTAN PA GNAS PA LA SOGS PAR MTHONG NAS (TING NGE 'DZIN DANG SEMS LA DBANG BA DANG NYON MONGS SPANGS PA'I PHYIR,) DUS DANG MI SBYOR BA'I DGRA BCOM PA PHO MO GNYIS KA'I CHA LAS RNAM PAR GROL BA DAG GIS GLING GSUM GYI MI'I NANG KHO NAR (DBANG PO RNO BAS) TSE BSRING BAR BYED DO, ,(DE YANG GNAS BRTAN BCU DRUG LTA BU'O, ,) 'O NA LUNG PHRAN TSUGS LAS BCOM LDAN 'DAS KYIS SROG GI 'DU BYED DAG BYIN GYIS BRLABS NAS TSE'I 'DU BYED DAG GTONG NGO ZHES GSUNGS PA'I TSE SROG LA KHYAD PAR CI ZHIG YOD CE NA, KHA CIG NA RE KHYAD PAR CUNG ZAD KYANG MED DE, YE SHES LA 'JUG PA LAS, SROG GI DBANG PO GANG ZHE NA, KHAMS GSUM PA'I TSE YIN NO ZHES BSHAD PA'I PHYIR RO ZHES (BYE BRAG SMRA BA) ZER RO, ,KHA CIG NA RE SNGON GYI LAS KYI 'BRAS BU NI TSE YIN LA, DA LTAR GYI LAS KYI 'BRAS BU NI SROG YIN TE, RIM PA LTAR LAS KYI MTHUS RIS MTHUN PAR GNAS PA DANG, DUS GZHAN GYI BAR DU 'TSO BA'O ZHES ZER RO, ,DAG CES MANG PO'I TSIG GIS BSTAN PA NI TSE SROG GI 'DU BYED KYI SKAD CIG MA MANG PO'I RGYUN LA GTONG 'JOG BYED KYI SKAD CIG MA GCIG LA NI DUS THUNG BAS GTONG BA DANG BYIN GYIS RLOB PA MED PA'I PHYIR RO, , KHA CIG NA RE DE DAG NI 'DU BYED KYI RGYUN MANG PO RNAMS LA TSE SROG CES BYA BA'I PHYI ROL PAS BRTAGS PA LTA BU'I RDZAS GCIG PU NI MED DO ZHES BSTAN PA'I PHYIR DAG CES MANG PO'I SGRA SMOS SO ZHES ZER RO, , GAL TE BCOM LDAN 'DAS KYIS CI'I PHYIR SKU TSE GTONG BA DANG BYIN GYIS BRLABS PA DAG MDZAD CE NA, SKU TSE LA MNGA' BRNYES PA NYID DU BSTAN PA'I PHYIR DANG, DE PHYIN CHAD GDUL BYA'I DON MED PA'I PHYIR GRONG KHYER RTZVA CAN DU NI SKU'I 'DU BYED BTANG LA, TSE LA MNGA' BRNYES PA DANG, GANG YANG NGAS RDZU 'PHRUL GYI @111 RKANG PA BZHI PO DE LTAR BSGOMS PA DAG GIS 'DOD NA BSKAL PA'AM BSKAL PA LAS LHAG PAR BZHUGS PAR BYA'O ZHES DAM BCAS PA DE YANG BSGRUB PA'I PHYIR YANGS PA CAN DU ZLA BA GSUM BYIN GYIS BRLABS TE BZHUGS SO, ,(DE TZAM GYIS RAB BZANG SMIN PAS SO, ,) BYE BRAG TU SMRA BA NA RE BDUD BZHI LAS RGYAL BAR BYA BA'I PHYIR TE, BYANG CHUB KYI SHING DRUNG DU NI NYON MONGS PA DANG LHA'I BU'I BDUD LAS RGYAL LO, ,YANGS PA CAN DU SKU TSE BYIN GYIS BRLABS PAS 'CHI BDAG GI BDUD LAS RGYAL LO (DES NA BYIN GYIS BRLABS SO, ,), ,RTZVA CAN DU SKU TSE BTANG BAS NI PHUNG PO'I BDUD LAS RGYAL BA'I PHYIR RO ZHES ZER RO, ,DBANG PO BCU GNYIS NI RNAM SMIN DANG RNAM SMIN MA YIN PA GNYIS KA YIN NO, ,BCU GNYIS GANG ZHE NA, DAD PA LA SOGS PA DGE BA'I DBANG PO THA MA BRGYAD DANG YID MI BDE BA MA GTOGS PA SROG GI DBANG PO LAS GZHAN PA RNAMS TE, DAD SOGS BRGYAD NI DGE BA 'BA' ZHIG PA YIN PA'I PHYIR DANG, YID MI BDE NI YID MI BDE BA RNAM GNYIS ZHES 'BYUNG BAS YANG NA DGE BA DANG YANG NA MI DGE BA NYID DU NGES PA'I PHYIR RO ZHES BYA BA'O, ,DE LA MIG LA SOGS PA BDUN GYI RGYAS BYUNG RNAMS DE RNAM SMIN MA YIN LA, RNAM SMIN LAS BYUNG BA RNAMS NI DE YIN NO, , YID DANG TSOR BA GZHAN BZHI NI DGE BA DANG, NYON MONGS CAN DANG, ('BAD DE SGRUB DGOS PA'I PHYIR,) SPYOD LAM PA DANG, BZO'I GNAS PA DANG, SPRUL PA ('I SEMS) RNAMS NI RNAM SMIN MA YIN LA, (DE LA SPYOD LAM PA DANG BZO'I GNAS PA GNYIS NI YID BDE DANG BTANG SNYOMS DANG, SPYOD LAM PA NI GZUGS NA BDE BA DANG, LDAN PA YANG YOD LA, SPRUL PA SEMS NI THAMS CAD DU YANG BTANG SNYOMS DANG NGO BTZUN PA GO CHA MTHA' YAS NI DE GSUM GA BTANG SNYOMS DANG NGO ZHES PA NI MI RIGS TE, SBYOR BA'I KHYAD PAR GYIS SGRUB PA LA BDE BA DANG YID BDE BKAG GO ,LHAG MA RNAMS NI RNAM SMIN TE SROG DANG GZUGS CAN BDUN NI BDE 'GRO NA DGE BA DANG, NGAN 'GRO NA MI DGE BA'I RNAM SMIN NO BDE BA YID BDE BTANG SNYOMS GSUM NI DGE BA DANG SDUG BSNGAL NI MI DGE BA'I RNAM SMIN NO, ,) RNAM SMIN LAS SKYES PA RNAMS NI DE YIN NO, ,THA MA BRGYAD DANG YID MI BDE NI GCIG TU RNAM SMIN MA YIN PA NYID DU GRUB BO, , (GAL TE YID MI BDE RNAM SMIN DU MI RUNG NA YID MI BDE MYONG BAR 'GYUR BA'I LAS BSHAD PA DANG 'GAL ZHE NA DE NI MTSUNGS LDAN MYONG 'GYUR LA DGONGS KYI RNAM SMIN MYONG 'GYUR LA DGONGS PA MIN NO, ,'O NA YID BDE DANG BTANG SNYOMS MYONG 'GYUR LA'ANG MTSUNGS ZHE NA MI MTSUNGS TE, DE GNYIS NI MYONG 'GYUR GNYIS KAR MI 'GAL LA RES 'GA' MI RTOG BZHIN DU YID BDE DANG BTANG SNYOMS LUNG MA BSTAN SKYE BAS @112 SO, ,YID MI BDE NI MI 'DOD PA LA SOGS PA RTAG PA TZAM GYIS SKYE BAS RNAM SMIN GYI SKABS MED DO, ,) YANG DBANG PO DE DAG LAS GANG SNGAR MA GTOGS PAR BSHAD PA'I YID MI BDE BA DE GCIG PU NI 'BRAS BU RNAM PAR SMIN PA DANG BCAS PA KHO NA YIN TE, DE LA LUNG DU MA BSTAN PA MED CING, MNYAM PAR BZHAG PA MA YIN PA'I PHYIR ZAG MED KYANG MED PAS MI DGE BA'AM DGE BA ZAG BCAS KHO NAR NGES PA'I PHYIR RO, , DBANG PO BCU PO DAG NI RNAM SMIN DANG BCAS PA DANG RNAM SMIN MED PA RNAM PA GNYIS KA YIN NO, , BCU GANG ZHE NA, YID KYI DBANG PO DANG YID MI BDE MA GTOGS PA'I TSOR BA GZHAN BZHI DANG DAD PA LA SOGS PA LNGA'O, ,DE LA YID DANG TSOR BA BZHI STE LNGA PO DE DAG MI DGE BA DANG, BCU CHAR GYI DGE BA ZAG BCAS RNAMS NI RNAM SMIN DANG BCAS PA DANG, LUNG MA BSTAN DANG ZAG MED RNAMS NI RNAM SMIN MED PA'ANG YIN NO, ,LHAG MA DBANG PO GZUGS CAN BDUN DANG SROG DANG (BRGYAD NI LUNG MA BSTAN KHO NA YIN PAS SA BON RUL BA DANG 'DRA LA,) ZAG MED KYI DBANG PO GSUM NI (SRED PAS MA BRLAN PAS,) RNAM SMIN MED PA KHO NA YIN NO, ,YANG DBANG PO DE DAG LAS GCIG TU DGE BA NI THA MA BRGYAD YIN LA, DAD SOGS LNGA DANG ZAG MED KYI DBANG PO GSUM MO, ,YID MI BDE BA NI DGE (BA ZAG BCAS DANG) MI DGE RNAM PA GNYIS KA YIN NO, ,YID KYI DBANG PO DANG YID MI BDE MA GTOGS PA'I TSOR BA GZHAN BZHI NI DGE BA DANG MI DGE BA DANG LUNG MA BSTAN RNAM PA GSUM GA YIN TE, GSUM GA DANG MTSUNGS PAR LDAN PA YIN PA'I PHYIR RO, ,DBANG PO LHAG MA GZHAN MIG LA SOGS PA BDUN DANG SROG NI LUNG MA BSTAN GYI RNAM PA GCIG TU NGES PA YIN NO, , YANG DBANG PO DE DAG LAS DRI MA MED PA'I DBANG PO GSUM MA GTOGS PA DBANG PO BCU DGU NI 'DOD PAR GTOGS PA STE 'DOD PA'I SA PA YANG YOD DO, ,BCU DGU PO DE DAG LAS PHO MO'I DBANG PO DANG, SDUG BSNGAL DAG STE YID MI BDE DANG SDUG BSNGAL GYI DBANG PO DAG MA GTOGS PA DBANG PO BCO LNGA NI GZUGS SU GTOGS PA YIN TE, DE NA 'KHRIG PA LAS 'DOD CHAGS DANG BRAL BA'I PHYIR DANG, MI MDZES PAR BYED PA'I PHYIR PHO MO'I DBANG PO DAG MED LA, MNYAM GZHAG GIS PA YIN PA'I PHYIR SDUG BSNGAL GYI DBANG PO DAG KYANG MED DE, LUS SHIN TU DANG BA'I PHYIR BSNUN PA LA SOGS PA 'PHRAL GYI RKYEN GYIS BSKYED PA'I SDUG BSNGAL MED CING MI DGE BA MED PA'I PHYIR RNAM PAR SMIN PA'I SDUG BSNGAL YANG MED LA, RGYUD ZHI GNAS KYIS BRLAN PA'I PHYIR DANG, KUN NAS MNAR SEMS KYI GZHI DGU MED PA'I PHYIR YID @113 MI BDE'ANG MED DO, (BSAM GTAN DANG PO NA BCO LNGA YOD DO, ,) GAL TE GZUGS KHAMS NA PHO'I DBANG PO MED NA KHAMS MANG PO PA'I MDO LAS, MO TSANGS PA NYID BYED PAR 'GYUR BA GANG YIN PA DE NI GNAS MA YIN ZHING GO SKABS MED DE, PHO GANG YIN PA DE NI GNAS YOD DO ZHES GSUNG BAR JI LTAR 'GYUR ZHE NA, PHO'I MTSAN NYID NGA RO GSANG MTHO BA LA SOGS PA 'DOD PA NA YOD PA DE DAG GZUGS NA'ANG YOD PA'I PHYIR DE SKAD DU BRJOD DO, , BCO LNGA PO DE DAG LAS GZUGS CAN GYI DBANG PO MIG LA SOGS PA RNAMS DANG BDE BA DANG YID BDE BA'I DBANG PO'ANG MA GTOGS PA LHAG MA (SROG YID BTANG SNYOMS DANG DAD SOGS LNGA STE,) BRGYAD NI GZUGS MED PAR GTOGS PA (YIN) STE, GANG ZHE NA YID DANG SROG DANG BTANG SNYOMS DANG DAD SOGS LNGA STE BRGYAD YIN NO ZHES BYA STE, ZAG MED KYI DBANG PO GSUM NI THAMS CAD DU'ANG KHAMS SU MA GTOGS PAR SHES PAR BYA'O, ,YANG DBANG PO DE DAG LAS YID DANG BDE BA DANG YID BDE DANG BTANG SNYOMS KYI TSOR BA GSUM STE BZHI NI MTHONG SPANG DANG MTSUNGS PAR LDAN PA MTHONG SPANG DANG, SGOM SPANG DANG MTSUNGS PAR LDAN PA SGOM SPANG DANG, SPANG BYA MA YIN PA DANG MTSUNGS PAR LDAN PA SPANG BYA MA YIN PA ZHES BYA BA RNAM PA GSUM DU 'GYUR RO, ,(BDE BA DER 'GYUR BA NI BSAM GTAN GSUM PA'I BDE BA YID SHES 'KHOR DU SKYES PA'I SEMS BDE YIN GYI DBANG SHES 'KHOR DU SKYES PA NI SGOM SPANG KHO NA'O, ,) MTHONG SGOM GNYIS KYIS SPANG BAR BYA BA NI YID MI BDE BA STE, DE NI ZAG BCAS SU NGES SHING SPANG BYA GNYIS KA DANG MTSUNGS PAR LDAN PA'I PHYIR RO, ,MIG LA SOGS PA GZUGS CAN BDUN DANG SROG DANG SDUG BSNGAL GYI DBANG PO DANG DGU NI BSGOM PAS SPANG BAR BYA BA YIN TE, ZAG BCAS SU NGES SHING DRUG PA LAS MA SKYES LA MTHONG SPANG MA YIN PA'I PHYIR RO, ,DAD PA LA SOGS PA LNGA PO NI ZAG BCAS BSGOM PAS SPANG BAR BYA BA'ANG YIN LA, ZAG MED SPANG BAR BYA BA MIN PA YANG YIN TE, ZAG BCAS ZAG MED KYI BYE BRAG GIS SO, ,MI SHES PA KUN SHES PAR BYED PA LA SOGS PA (THA MA) GSUM NI SPANG BAR BYA BA MIN TE, ZAG MED NYES MED NI SPANG BAR 'OS PA MA YIN PA'I PHYIR DANG, GNYEN PO YIN PA'I PHYIR RO, , LNGA PA DBANG PO'I 'THOB PA DANG GTONG BA BSHAD PA LA DANG PO 'THOB PA NI 'DIR DBANG PO THAMS CAD KYI 'THOB TSUL STON PA NI MA YIN GYI 'ON KYANG RNAM PAR SMIN (PAS BSDUS) PA'I DBANG PO DAG 'THOB PA'I TSUL 'CHAD DE, DE YANG 'DOD PAR NYID MTSAMS SBYOR BA NA SKYE GNAS DANG PO GSUM GYIS NI DANG POR RNAM SMIN (GYI NGO BO LUS SROG) GYI DBANG PO GNYIS GSAR DU RNYED DE, LUS KYI DBANG PO DANG SROG GI @114 DBANG PO DAG GO, YID LA SOGS PA NI RNAM PAR SMIN PAR MA NGES PA'I PHYIR (TE YID DANG BTANG SNYOMS NYON MONGS CAN YIN LA MIG SOGS LNGA MED PA'I PHYIR,) DANG, (KHA CIG) SNGAR YOD PA'I PHYIR RO, , THAMS CAD DU'AM ZHE NA, RDZUS TE SKYE BAS NI GNYIS KHO NA RNYED PA MIN GYI 'O NA DU ZHE NA RDZUS TE SKYE BDE YIS NI (BSKAL BA DANG BO'I MI LTA BU PHO MO'I MTSAN GNYIS KA MED PA ZHIG YIN NA MIG SOGS LNGA SROG DANG,) DRUG GAM ZHES BYA BA NI DE GAL TE MTSAN MED PA ZHIG YIN NA NI DBANG PO DRUG RNYED DE, MIG SOGS LNGA DANG SROG GI DBANG PO'O, ,DE GAL TE ('PHAGS PA LHA DANG 'DOD LHA LTA BU,) PHO MO'I DBANG PO GANG RUNG ZHIG DANG LDAN PA YIN NA DE BSNAN PA'I BDUN RNYED DO, ,DE GAL TE MTSAN GNYIS PA ZHIG YIN NA BRGYAD RNYED DE, DE LA RDZUS SKYES MTSAN MED PA NI BSKAL PA DANG PO'I MI RNAMS LTA BU'O, ,MTSAN GCIG PA NI 'PHAGS PA LHA DANG 'DOD PA'I LHA RNAMS LTA BU'O, ,MTSAN GNYIS PA NI NGAN SONG RNAMS NA SRID DO, ,GZUGS KHAMS SU NYING MTSAMS SBYOR BA NA NI MIG SOGS LNGA DANG SROG DANG DRUG RNYED DE, PHO MO'I DBANG PO DAG NI DE NA MED PAR BSHAD ZIN PA'I PHYIR RO, ,GZUGS KHAMS KYI GONG MA GZUGS MED PA'I KHAMS SU NI SROG DBANG GCIG PU GSAR DU RNYED DE, RNAM SMIN GYI DBANG PO GZHAN DAG NI SA DE NA MED PA'I PHYIR RO, ,(RDZUS SKYES DBANG PO TSANG BAR SKYES PAS MIG SOGS LNGA DUS GCIG TU 'THOB LA, RNAM SMIN LUNG MA BSTAN GYI THOB PA SNGA PHYIR MI 'BYUNG BA DUS MNYAM DU 'BYUNG BA'I DBANG DU BYAS NAS SO, ,) GAL TE SKYE BA NA DE LTAR 'THOB NA 'CHI BA NA DU LHAN CIG GTONG ZHE NA, (MA BSGRIBS LUNG MA BSTAN DANG NYON MONGS CAN GYI SEMS LA GNAS TE,) GZUGS MED PA'I KHAMS DAG TU 'CHI BA'I TSE NI SROG DANG YID KYI DBANG PO DANG TSOR BA BTANG SNYOMS KYI DBANG PO NYID DANG GSUM DUS GCIG TU 'GAG PAR 'GYUR RO, ,ZHES GSUNGS TE, SEMS DGE BA LA GNAS TE 'CHI 'PHO BA MA YIN PA'I DBANG DU BYAS NAS ZHES SBYAR RO, ,GZUGS KHAMS SU 'CHI BA NA RDZUS SKYES THAMS CAD NI DBANG PO RNAMS TSANG BAR SKYE ZHING 'CHI BAS MIG SOGS LNGA DANG SNGAR BSHAD PA GSUM STE BRGYAD DUS GCIG LA 'GAG PAR 'GYUR RO, , 'DOD PAR RDZUS SKYES MTSAN GNYIS PA (DBANG PO TSANG BA,) ZHIG 'CHI BA NA GZUGS CAN BDUN DANG SROG LA SOGS PA GSUM STE BCU 'GAG PA'AM, GAL TE MTSAN GCIG PA ZHIG YIN NA (PHO MO GANG RUNG GCIG DANG,) DGU'AM, MTSAN MED PA ZHIG YIN NA (SROG SOGS GSUM MIG SOGS LNGA STE) BRGYAD 'GAG PAR 'GYUR RO, ,('DOD PA'I RDZUS SKYES DBANG PO MA TSANG BAR 'CHI BA'ANG YOD DO, ,) DE LTAR @115 NA CIG CAR 'CHI BA ('I RDZUS SKYES) LA NI TSUL DE LTA BU YIN LA, (CIG CAR 'CHI BA NI RDZUS SKYES YIN LA,) MNGAL SKYES LA SOGS PA SKYE GNAS DANG PO GSUM LAS SKYES PA ZHIG 'CHI 'PHO BA NI RIM GYIS 'CHI 'PHO BA YIN PAS DE DAG LA NI (MIG SOGS SNGAR 'GAGS PAS MTHAR,) LUS DANG SROG DANG BTANG SNYOMS DANG YID DANG BZHI (CIG CAR) 'GAG PAR 'GYUR RO, ,DE DAG THAMS CAD NI ('CHI SEMS GSUM LAS,) MA BSGRIBS LUNG MA BSTAN (GYI SEMS) DANG SEMS NYON MONGS CAN GYI DBANG DU BYAS TE BSHAD PA YIN GYI SEMS DGE BA SKYES THOB LA GNAS TE 'CHI BA DAG LA NI KHAMS GSUM (GYI GNAS SKABS DRUG) PO THAMS CAD DAG TU SNGAR GYI (GSUM LA SOGS PA) RNAMS KYI STENG DU DAD SOGS LNGA BSNAN PA'I DBANG PO RNAMS DUS GCIG LA 'GAG PAR 'GYUR TE, GZUGS MED PA'I KHAMS SU BRGYAD 'GAG PA LA SOGS PA'O, ,'DIR DBANG PO ZAG MED RNAMS NI 'CHI BA NA 'GAG PAR MA BSHAD DE, DE DAG NI RNAM SMIN KYANG MA YIN ZHING, 'CHI SEMS KYANG MA YIN LA, 'CHI BA NI DE DAG GI GTONG RGYU'ANG MA YIN PA'I PHYIR RO, ,RGYUN ZHUGS LA SOGS PA'I 'BRAS BU DE DAG DBANG PO DUS 'THOB CE NA, 'BRAS BU THA MA STE SNGA PHYI RGYUN ZHUGS DANG DGRA BCOM GNYIS NI DBANG PO DGU DGUS 'THOB STE, DE LA RGYUN ZHUGS KYI 'BRAS BU NI DAD SOGS LNGA DANG (DE DANG MTSUNGS LDAN GYI) YID DANG ('PHAGS PA CHAGS BCAS YIN PAS MI LCOGS MED KYI TSOR BA,) BTANG SNYOMS DANG KUN SHES BYED PA DANG KUN SHES PA'I DBANG PO DANG DGUS 'THOB STE, SKAD CIG BCO LNGA PA MAN CHAD NI KUN SHES BYED PA DANG, BCU DRUG PA NI KUN SHES PA YIN TE, RIM PA LTAR BAR CHAD MED PA DANG RNAM GROL GYI LAM YIN PAS DANG POS NI BRAL BA'I THOB PA 'DREN PA DANG, GNYIS PAS NI BRAL THOB 'DZIN PA'I PHYIR RO, , DGRA BCOM PA NI DAD SOGS LNGA DANG YID DANG TSOR BA NI BSAM GTAN DANG PO DANG GNYIS PA'I DNGOS GZHI LA BRTEN NA YID BDE DANG, GSUM PA'I DNGOS GZHI LA BRTEN NA (SEMS YID KYI) BDE BA DANG SA GZHAN (GONG MA DANG MI LCOGS MED,) LA BRTEN NA BTANG SNYOMS TE GANG YANG RUNG BA ZHIG DANG, (DA LTAR BA,) BAR CHAD MED PA'I LAM LA (RDOR TING NI,) KUN SHES PA (DA LTAR BA,) DANG RNAM GROL GYI LAM LA KUN SHES LDAN PA'I DBANG PO STE DGUS 'THOB BO, ,'BRAS BU BAR PA LAN CIG PHYIR 'ONG DANG PHYIR MI 'ONG GNYIS NI DBANG PO BDUN DANG BRGYAD DANG DGUS 'THOB PA'ANG YOD DE, DE LA LAN CIG PHYIR 'ONG BDUN GYIS 'THOB PA NI (RGYUN ZHUGS THOB RJES SU,) 'PHAGS PA MTHAR GYIS PA ZHIG 'JIG RTEN PA'I LAM (ZHI RAGS CAN,) GYIS ('DOD PA'I SGOM SPANG DRUG PA'I BAR DU SPANGS NAS,) 'BRAS BU THOB @116 PAR BYED PA (NA ZAG MED YIN BAS KUN SHES PA'I DBANG PO'I MING THOB LA, BAR CHAD MED LAM DANG RNAM GROL LAM GNYIS KA YANG TSOR PA'I DBANG PO MI LCOGS MED KYI BTANG SNYOMS SU GCIG PAS SO, ,) STE, DE LA DAD SOGS LNGA DANG YID (DE KUN 'GRO DRUG) DANG (MI LCOGS MED KYI,) BTANG SNYOMS DANG BDUN NO, , GAL TE (PHYIR 'ANG) MTHAR GYIS PA DE 'JIG RTEN LAS 'DAS PA'I LAM GYIS 'THOB PAR BYED NA BRGYAD KYIS 'THOB STE, SNGAR GYI BDUN DANG KUN SHES PA'I DBANG PO'O, , (DANG BRGYAD KYIS TE DAD SOGS) GAL TE SNGAR 'JIG RTEN PA'I LAM GYIS PHAL CHER LAS 'DOD CHAGS DANG BRAL BA ('I CHAGS BRAL SNGON 'GRO,) ZHIG MTHONG BA'I LAM MNGON DU BYAS PAS LAN CIG PHYIR 'ONG 'THOB PAR BYED NA NI DGUS 'THOB STE, (RGYUN ZHUGS BZHIN DU,) SNGAR GYI BRGYAD KYI STENG DU KUN SHES BYED PA'O, ,DE LA PHYIR MI 'ONG BDUN GYIS 'THOB PA NI MTHAR GYIS PA DBANG PO RTUL PO ZHIG 'JIG RTEN PA'I LAM GYIS 'THOB PAR BYED PA NA STE, DAD SOGS LNGA DANG YID DANG (MI LCOGS MED KYI,) TSOR BA BTANG SNYOMS TE, DE DBANG PO RTUL BAS (DANG PO'I) DNGOS GZHI'I YID BDE RNAM GROL DGU PA'I CHE MNGON DU BYED MI NUS (TE DANG PO MNGON DU BYED MI NUS,) PA'I PHYIR RO, ,BRGYAD KYIS 'THOB PA LA MTHAR GYIS PA DE GAL TE DBANG PO RTUL PO ZHIG 'JIG RTEN LAS 'DAS PA'I LAM GYIS PHYIR MI 'ONG 'THOB PAR BYED NA SNGAR GYI BDUN GYI STENG DU KUN SHES PA'I DBANG PO STE BRGYAD DANG, GAL TE DBANG PO RNON PO ZHIG 'JIG RTEN PA'I LAM GYIS 'THOB PAR BYED NA BAR CHAD MED PA'I LAN LA (MI LCOGS MED KYI,) BTANG SNYOMS DANG, RNAM GROL DGU PA'I TSE (DANG PO'I) DNGOS GZHI'I YID BDE MNGON DU BYED PA'I PHYIR (SNGAR GYI BDUN YID BDE DANG,) BRGYAD DO, ,DGUS 'THOB PA NI MTHAR GYIS PA DE GAL TE DBANG PO RNON PO ZHIG 'JIG RTEN LAS 'DAS PA'I LAM GYIS 'THOB PAR BYED NA DAD SOGS LNGA DANG YID DANG BAR CHAD MED PA'I TSE KUN SHES PA DANG (MI LCOGS MED KYI,) BTANG SNYOMS DANG RNAM GROL DGU PA'I TSE (DANG PO'I DNGOS GZHI'I,) YID BDE MNGON DU BYED PA'I PHYIR RO, ,('DI DAG GI BAR CHAD MED MED LAM LA NI THAMS CAD MI LCOGS MED KYI BTANG SNYOMS KHO NA DANG DBANG PO RTUL NA RNAM GROL DGU PA'I TSE'ANG YIN NO DE YANG DNGOS GZHI NI MA THOB LA NYER BSDOGS GZHAN LA THAR LAM ZAG MED MI RTEN PAR BSHAD PAS SO, ,) YANG 'DOD PA LAS 'DOD CHAGS DANG BRAL BA ZHIG PHYIR MI 'ONG 'THOB PAR BYED NA DAD SOGS LNGA DANG YID DANG TSOR BA GSUM LAS GANG YANG RUNG BA ZHIG DANG KUN SHES BYED PA DANG KUN SHES PA DANG DGUS @117 'THOB BO, ,(GAL TE 'DI DBANG PO RNO NA BCUS 'THOB PAR 'GYUR TE DE MI LCOGS MED LA BRTEN NAS BDEN PA MTHONG BAS DNGOS GZHI'I DE LA'ANG 'JUG NUS PAS SO ZHE NA, DNGOS GZHI LA MI 'JUG STE, THOB ZIN PA LA MA GUS PAS SO ZHES RGYAL SRAS GSUNG PA NI LAN DU MI RIGS TE, GAL TE MA GUS NA RANG GI GZHUNG LUGS 'JIG PAR 'GYUR RO, ,DANG PO LAN NI 'DI YIN TE CHAGS BRAL SNGON 'GRO'I 'BRAS BU NI MTHONG LAM SKAD CIG BCU DRUG GIS 'THOB LA, MTHONG LAM GYI SKAD CIG DANG PO SA GANG LA RTEN PA DE LA SKAD CIG GZHAN RNAMS KYANG RTEN GYIS GZHAN DANG GZHAN DU 'PHO BA MED PAS SA GZHAN GYI TSOR BA JI LTAR 'BYUNG DES NA 'DI NI DBANG PO RNO RTUL GANG GI YANG DBANG PO DGUS 'THOB PA KHO NA'O, ,) GAL TE DGRA BCOM PA DBANG PO DGUS 'THOB NA YE SHES LA 'JUG PA LAS, DBANG PO DU ZHIG GIS DGRA BCOM PA NYID 'THOB CE NA, SMRAS PA, BCU GCIG GIS 'THOB BO ZHES BSHAD PA DE JI LTAR DRANG ZHE NA, DE LAS DBANG PO BCU GCIG DAG GIS DGRA BCOM PA NYID THOB PAR BSHAD PA NI YANG NAS YANG DU NYAMS PA SOR CHUD PAR BYED PA 'GA' ZHIG LA SRID PA'I PHYIR BSHAD PA YIN LA, 'DIR DGUS 'THOB PA NI DUS CIG CAR DU THOB PA'I DBANG DU BYAS NAS BSHAD PA YIN NO, ,DE LAS NYAMS PA SOR CHUD PA NI DGRA BCOM PA 'GA' ZHIG (MI LCOGS MED DAM,) BSAM GTAN BZHI PA YAN CHAD GANG YANG RUNG BA'I TSOR BA BTANG SNYOMS (KYI SA DRUG GANG RUNG,) LA BRTEN NAS THOB PA DAG NYAMS NAS BSAM GTAN GSUM PA'I DNGOS GZHI LA BRTEN NAS SOR CHUD PAR BYED NA BDE BA DANG, DE YANG (LAN GNYIS) NYAMS NAS BSAM GTAN DANG PO GNYIS KYI YID BDE LA BRTEN NAS SOR CHUD PAR BYED PAS DE LTAR NA DAD SOGS LNGA DANG YID DANG KUN SHES PA DANG KUN SHES LDAN PA DANG TSOR BA GSUM TE DE LTAR BCU GCIG GIS 'THOB PA SRID PA'I PHYIR RO, , DE LAS MANG BA NI MI SRID DE, LAN DU MA NYAMS KYANG TSOR BA GSUM LAS GZHAN LA RTEN PA NI MI SRID PA'I PHYIR RO, , (DE LAN CIG NYAMS PA SOR CHUD PAR BYED NA NI BCUS 'THOB PA'ANG YOD,) GAL TE DE LTAR NA PHYIR MI 'ONG DAG NYAMS PA SOR CHUD PAR BYED NA'ANG BCU GCIG GIS 'THOB PA SRID PAR 'GYUR TE, TSUL DE MTSUNGS PA'I PHYIR RO ZHE NA MA YIN TE, PHYIR MI 'ONG DBANG PO RNON PO LA NYAMS PA MI SRID CING, RTUL PO (RIM GYIS PA LA,) NYAMS (PA SRID,) KYANG BDE BA'I DBANG POS SOR CHUD PAR BYED PA MI SRID PA'I PHYIR TE, ('DI LTAR PHYIR MI 'ONG GI 'BRAS BU LAS NYAMS NA GSUM PA'I BDE BA MED LA DE YOD NA NYAMS PA MA NAS TE, GSUM PA'I BDE BA DANG LDAN PA'I THEG DMAN 'PHAGS PA SLOB PA NI PHYIR MI 'ONG KHO NA YIN PAS KHYAB PA'I PHYIR DANG,) 'DI LTAR DE NYAMS NA NI @118 'DOD PA'I NYON MONGS MNGON DU GYUR PA YIN NA DE SPONG BA NI (DANG PO'I) NYER BSDOGS KYI SEMS KHO NA LA LTOS LA (NYER BSDOGS) DE YANG BTANG SNYOMS KYIS PA YIN PA'I PHYIR RO, ,DE YANG NYER BSDOGS KYIS BTANG SNYOMS DANG RNAM GROL DGU PA'I TSE (DANG PO'I DNGOS GZHI'I,) YID BDE MNGON DU BYED PA DBANG PO RTUL PO (RIM GYIS PA,) NYAMS PA DAG DBANG PO (RTUL BO NI RNON POR,) SBYANGS PA LA SRID PA'I PHYIR YID BDES 'THOB PA SRID KYANG DAD SOGS LNGA DANG YID DANG KUN SHES PA DANG TSOR BA BTANG SNYOMS DANG YID BDE DANG DGU KHO NAS 'THOB KYI DE BAS MANG BAS 'THOB PA MI SRID PA'I PHYIR RO, ,(GAL TE PHYIR MI 'ONG NYAMS PA NI DBANG RTUL RIM GYIS PA YIN DGOS LA, DES BAR CHAD MED LAM GYI BTANG SNYOMS KYI DBANG PO RNAM GROL DGU PA'I CHA DNGOS GZHI'I YID BDE BA'I DBANG POR SPO MI NUS PAS, YID BDE'I 'BRAS BU SOR CHUD PA MED DO ZHE NA, SRID DE DBANG RTUL RIM GYIS PA NYAMS PA DES PHYIS MI LCOGS MED LA BRTEN NAS DBANG PO RNON POR 'PHOS TE PHYIR MI 'ONG GI 'BRAS BU THOB PAR BYED PA LA RNAM GROL DGU PA'I TSE YID BDE SOGS SRID PAS DGUS THOB BO ZHES BSHAD DO, ,) 'O NA 'JIG RTEN PA'I LAM GYIS 'DOD PA LAS 'DOD CHAGS DANG BRAL BA DAG BSAM GTAN BZHI PA YAN CHAD KYI SEMS KYIS NGES PA LA 'JUG PA NA TSOR BA BTANG SNYOMS DANG KUN SHES PAR BYED PA DANG KUN SHES PA DANG DAD SOGS LNGA DANG YID DANG DGUS 'THOB LA, DE LAS (DBANG PO 'PHOS TE MI LCOGS MED LAS) NYAMS PA SOR CHUD PA LA (NI RNAM GROL DGU PA'I TSE,) YID BDE DANG BDE BA'ANG SRID PA'I PHYIR BCU GCIG GIS 'THOB PAR 'GYUR RO ZHE NA, MA YIN TE, 'DOD CHAGS DANG BRAL BA SNGON DU 'GRO BA'I PHYIR MI 'ONG LA NI NYAMS PA MI SRID PA'I PHYIR TE, DE NI 'JIG RTEN DANG DE LAS 'DAS PA'I LAM GNYIS KYIS 'THOB PAS LAM DE GNYIS KYIS ('BRAS BU DE,) BRTAN PAR BYAS PA'I PHYIR RO, ,DE NYID KYI PHYIR 'GREL PA LAS KYANG, 'DI NI YONGS SU NYAMS PHAN CHAD NAM YANG BDE BA'I DBANG POS 'THOB PA MED DO, ,'DOD CHAGS DANG BRAL BA SNGON DU 'GRO BA LA NI YONGS SU NYAMS PAR 'GYUR BA'ANG MED DE, DE'I 'DOD CHAGS DANG BRAL BA NI (SNGAR 'JIG RTEN PA DANG PHYIS 'DAS PA'I,) LAM GNYIS KYIS ('BRAS BU DE,) 'THOB PA'I PHYIR RO ZHES BSHAD DO, , DRUG PA DBANG PO'I LDAN TSUL 'CHAD PA NA (NGES LDAN NI,) BTANG SNYOMS DANG SROG DANG YID KYI DBANG PO DANG GSUM LAS GANG YANG RUNG BA ZHIG DANG LDAN PA DE LA NI GZHAN GNYIS DANG YANG LDAN PAS NGES PAR GSUM DANG LDAN PA YIN TE (THAMS CAD DANG SEMS CAN GYI RTEN THAMS CAD LA KHYAB PAS) DE DAG NYID DO, ,'O NA SEMS MED GNYIS LA SNYOMS PAR ZHUGS PA NA YID DANG TSOR BA BTANG SNYOMS MED @119 PA'I PHYIR SROG KYANG MI LDAN PAR 'GYUR ZHE NA, DE DAG GI MNGON GYUR MED KYANG THOB PA YOD PA'I PHYIR LDAN PA NI 'THAD DO ZHES BYA BA YIN NO, ,DANG PO GSUM PO DE DAG LAS GZHAN NI NGES PAR LDAN PA MA YIN TE, MIG DANG RNA BA DANG SNA DANG LCE'I DBANG PO DAG DANG NI 'DOD PA NA (NUR NUR BO SOGS,) MA THOB PA DANG (LANG BA SOGS,) RNAM PAR NYAMS PA DANG (RIM GYIS 'CHI BA DANG,) MI LDAN ZHING, PHO MO'I DBANG PO DANG NI 'DOD PA NA MA THOB PA DANG RNAM PAR NYAMS PA DANG MI LDAN LA, KHAMS GONG MA GNYIS SU SKYES PA DAG (PHO MO DANG,) MI LDAN NO, (LUS KYI DBANG PO DANG GZUGS MED DU SKYES PA DANG MI LDAN NO, ,) SDUG BSNGAL GYI DBANG PO DANG NI KHAMS GONG MA GNYIS SU SKYES PA DAG MI LDAN NO, ,YID MI BDE BA DANG NI 'DOD PA LAS 'DOD CHAGS DANG BRAL BA DAG MI LDAN TE, MDO LAS, 'DOD CHAGS DANG MA BRAL BA LA NI ZUG RNGU'I TSOR BA GNYIS BSHAD DE, LUS KYI SDUG BSNGAL DANG SEMS K,I YID MI DE BA'ANG SO SOR MYONG BAR 'GYUR RO ZHES BYA BA DANG, 'DOD CHAGS DANG BRAL BA LA NI ZUG RNGU GCIG STE, LUS KYI SDUG BSNGAL KHO NA SO SOR MYONG BAR 'GYUR RO ZHES GSUNGS PA'I PHYIR DANG, BSTAN BCOS LAS KYANG YID MI BDE BA DANG 'DOD CHAGS DANG BRAL ZHING MI LDAN PA YIN NO ZHES 'BYUNG BA'I PHYIR RO, ,GZUGS MED PA LA MIG SOGS KYI DBANG PO GZUGS CAN BDUN MI LDAN PA'I PHYIR DANG, SO SO'I SKYE BO LA ZAG MED RNAMS MI LDAN PA'I PHYIR TE, ZAG MED RNAMS KYANG KUN SHES BYED PA DANG, SGOM LAM DANG MI SLOB PA'I LAM LA GNAS PA DAG SNGAR THOB ZIN PA BTANG BAS MI LDAN ZHING, KUN SHES PA DANG MTHONG LAM DANG MI SLOB PA'I LAM LA GNAS PA DAG MI LDAN LA, KUN SHES LDAN PA DANG SLOB PA DAG MI LDAN PA'I PHYIR DANG, DGE RTZA CHAD PA RNAMS LA DAD SOGS LNGA MI LDAN PA'I PHYIR DANG, BSAM GTAN GSUM PA (DANG BZHI PA,) YAN CHAD KYI SO SO'I SKYE BO LA (RIM BA LTAR,) YID BDE DANG BDE BA'ANG MI LDAN PA'I PHYIR DANG DE BZHIN DU PHO LA MO DANG MO LA PHO MI LDAN PA DANG, KUN SHES PAR BYED PA LA PHYI MA GNYIS MI LDAN ZHING KUN SHES PA LA SNGA PHYI GNYIS MI LDAN LA, KUN SHES LDAN PA LA SNGA MA GNYIS MI LDAN PA'I PHYIR TE, DE DAG NI 'OG MA RNAMS SU 'ANG SHES PAR BYA'O, ,YANG BDE BA DANG LDAN PA NI BSAM GTAN BZHI PA DANG GZUGS MED DU SKYES PA'I SO SO'I SKYE BO MA GTOGS PA'I SKYE 'PHAGS THAMS CAD DE, DE DANG LDAN PA LA NI NGES PAR YID DANG SROG DANG BTANG SNYOMS DANG BDE BA RANG NYID DANG BZHI DANG LDAN TE, (BDE BA DANG LDAN LA YID BDE DANG MI LDAN PA NI BSAM GTAN GSUM PA'I BYIS PA @120 LA'O, ,) DE LA BDE BA DANG LDAN LA LUS DANG MI LDAN PA NI BSAM GTAN GSUM PA'I SAS BSDUS PA'I BDE BA ZAG MED THOB (NAS GZUGS MED DU SKYES,) PA'I 'PHAGS PA PHYIR MI 'ONG DANG DGRA BCOM PA GZUGS MED PAR SKYES PA YIN PA'I PHYIR RO, ,LUS KYI DBANG PO DANG LDAN PA NI 'DOD PA DANG GZUGS NA SPYOD PA STE, DE DAG LA'ANG SNGAR BSHAD PA GSUM DANG LUS DBANG STE BZHI DAG DANG LDAN NO, ,LUS KYI DBANG PO DANG LDAN YANG MIG LA SOGS PA DANG MI LDAN PA NI 'DOD PA NA MIG MA THOB PA DANG NYAMS PA LA SOGS PA'O, ,MIG DANG SOGS PA'I SGRAS GZUNG BA RNA BA DANG SNA DANG LCE'I DBANG PO DAG DANG LDAN PA NI NGES PAR (RANG RANG DANG SNGAR BSHAD PA BZHI STE,) LNGA LNGA DANG LDAN TE, RANG RANG DANG SNGAR BSHAD PA'I LUS LA SOGS PA BZHI'O, ,YID BDE BA'I DBANG PO DANG LDAN PA YANG (GNYIS PA MAN CHAD KYI BYIS PA LA,) LNGA DANG LDAN TE, BTANG SNYOMS DANG SROG DANG YID DANG BDE BA DANG YID BDE RANG NYID DO, , (DE YANG BDE BA NI 'DOD PA NA DBANG SHES LNGA'I 'KHOR DU SKYES PA DANG, DANG PO NA GSUM GYI DANG, GSUM PA NA YID KYI 'KHOR DU SKYES PA'I SEMS BDE'O, ,) GAL TE BSAM GTAN GNYIS PA NA (BYIS PA LA,) YID BDE YOD KYANG BDE BA NI MED DE, LUS KYI BDE BA NI DANG PO MAN CHAD PA'I SA PA YIN PAS (SA 'PHOS PAS,) SPANGS PA'I PHYIR DANG, SEMS KYI I BDE BA NI GSUM PA'I SA PA YIN PAS DE NI MA THOB PA'I PHYIR RO ZHE NA, GSUM PA'I BDE BA NYON MONGS CAN GYIS THOB PA NI DE NA'ANG YOD PA'I PHYIR DANG, (SA GONG MA'I NYON MONGS CAN MA SPANGS PA DE DANG LDAN NA ZHES PA NI GRUB PA'I MTHA'O,,) SDUG BSNGAL GYI DBANG PO DANG LDAN PA (NI 'DOD PA STE DE,) LA NI NGES PAR LUS DANG SROG DANG YID DANG BDE BA DANG YID BDE DANG BTANG SNYOMS DANG SDUG BSNGAL RANG NYID DANG BDUN DANG LDAN TE, YID MI BDE BA NI ('DOD KHAMS PA YIN YANG) 'DOD PA LAS 'DOD CHAGS DANG BRAL BA LA MI LDAN PA'I PHYIR DANG, ,TSOR BA GZHAN DAG NI ('DOD PA LA CHAGS BRAL 'DOD PA'I RTEN CAN LA'ANG,) DGE BA DANG NYON MONGS CAN GYI THOB PA CI RIGS PAR LDAN PA'I PHYIR RO, , MO'I DBANG PO DANG LDAN PA NI NGES PAR BRGYAD DANG LDAN TE, SDUG BSNGAL LA SOGS PA SNGAR SMOS PA BDUN DANG RANG NYID DO, ,SOGS PA'I SGRAS GZUNG BA NI PHO'I DBANG PO DANG YID MI BDE BA DANG DAD SOGS LNGA PO RNAMS TE, DE LA PHO'I DBANG PO DANG YID MI BDE BA NI SNGAR SMOS PA RNAMS DANG RANG NYID DANG BRGYAD DO, , (DGE RTZAM CHAD PA'I KHAMS GSUM PA THAMS CAD LA LDAN PA'I,) DAD SOGS LNGA NI BTANG SNYOMS DANG SROG DANG YID DANG DE DAG RNAMS DANG LDAN NO, , (DE LA PHO MO YID MI BDE GSUM YANG @121 'DOD PAS BSDUS SO, ,) KUN SHES PA'I DBANG PO DANG LDAN PA ('I SGOM LAM PA,) LA NI RANG NYID DANG BDE BA DANG YID BDE BA DANG BTANG SNYOMS DANG SROG DANG YID DANG DAD PA LA SOGS PA LNGA STE DBANG PO BCU GCIG DANG NGES PAR LDAN NO, ,DE BZHIN DU KUN SHES LDAN PA'I DBANG PO DANG LDAN PA('I MI SLOB PA,) LA'ANG DE DANG 'DRA BAR SNGAR GYI BCU PO DANG RANG NYID DANG BCU GCIG DANG NGES PAR LDAN NO, , ('DI DAG GZUGS MED PA'ANG YOD PAS LUS DANG NGES PAR LDAN PA'I KHYAB BO, ,) GAL TE KUN SHES PA'I DBANG PO DANG LDAN PA'I 'PHAGS PA PHYIR MI 'ONG DANG DGRA BCOM LA ZHUGS PA NI KHAMS GSUM CHAR DU 'THOB PA SRID PAS BSAM GTAN GSUM PA MAN CHAD NA BCU GCIG DANG LDAN PAR RIGS NA BSAM GTAN BZHI PA DANG GZUGS MED DU SKYES PA'I 'PHAGS PA SLOB PA KUN SHES PA'I DBANG BO DANG LDAN PA DE DAG LA JI LTAR BDE BA DANG YID BDE'I DBANG PO DANG LDAN TE, RANG SA NA MED CING, BSAM GTAN GTOGS PA'I DGE BA NI, ,SA 'PHOS NYAMS PA DAG GIS GTONG, ,ZHES SA 'PHOS PAS 'OG SA'I DE GNYIS SPANGS PA'I PHYIR RO ZHE NA, ZAG BCAS KYI BDE BA DANG YID BDE SPANGS PAS MI LDAN MED KYI ZAG MED KYI DE GNYIS DANG LDAN TE, 'DI LTAR 'PHAGS PAS NI 'DOD PA LAS 'DOD CHAGS DANG BRAL BA NA NGES PAR BSAM GTAN DANG PO'I YID BDE'I DBANG PO 'THOB CING, BSAM GTAN GNYIS PA LAS 'DOD CHAGS DANG BRAL BA NA BSAM GTAN GSUM PA'I BDE BA'I DBANG PO 'THOB LA, DE DAG NI SA 'PHOS PAS MI GTONG STE, 'DI LTAR SA 'PHOS PAS ZAG BCAS GTONG GI ZAG MED KYI GTONG RGYUR MA BSHAD LA, ZAG MED MI 'PHAGS PA, 'BRAS BU THOB SBYANGS NYAMS PA LAS, ZHES BSHAD MOD KYI 'BRAS BU THOB PA DANG DBANG PO SBYANGS PA NA'ANG ZHUGS PA'I LAM DANG DBANG PO RTUL BA'I LAM GYIS BSDUS PA'I ZAG MED GTONG YANG 'BRAS BU DANG DBANG PO RNON PO'I LAM GYIS BSDUS PA'I BSAM GTAN DANG PO DANG GNYIS PA'I YID BDE DANG GSUM PA'I BDE BA'I DBANG PO ZAG MED KYI THOB PA 'BYUNG STE, GANG LAS CHAGS BRAL BYA PHYIR GANG, ,'THOB PA DER YANG 'OG MA'ANG 'THOB, ,CES 'BYUNG BA'I PHYIR RO, , DE'I PHYIR BSAM GTAN BZHI PA DANG GZUGS MED DU SKYES PA'I 'PHAGS PA'I BDE BA DANG YID BDE'I DBANG PO ZAG MED NI SA 'PHOS BAS MI GTONG PAS NA GANG ZHIG KUN SHES PA'I DBANG PO DANG LDAN PA DE NI NGES PAR DBANG PO BCU GCIG DANG LDAN NO ZHES BYA BAR GRUB BO, ,DE BZHIN DU KUN SHES PA DANG LDAN PA'I DBANG PO DANG LDAN PA LA'ANG DBANG PO BCU GCIG NGES PAR LDAN PA'I TSUL YANG SHES PAR BYA'O, , (DES NA BZHI PA YAN CHAD PA'I 'PHAGS PA LA BDE BA GNYIS ZAG MED DANG GSUM PA MAN CHAD LA ZAG @122 BCAS ZAG MED GNYIS KA LDAN NO, ,) DBANG PO GZHAN MI LDAN PA NI SNGA MA BZHIN NO, ,KUN SHES PAR BYED PA'I DBANG PO DANG LDAN PA NI 'DOD KHAMS KYI RTEN CAN GYI MTHONG LAM PA YIN LA, DE LA NI NGES PAR RANG NYID DANG YID DANG SROG DANG LUS KYI DBANG PO DANG YID BDE DANG BDE BA DANG SDUG BSNGAL DANG BTANG SNYOMS DANG DAD SOGS LNGA STE BCU GSUM DAG DANG LDAN PA YIN NO, , GAL TE (DE LTA NA,) GONG NA MTHONG LAM MED, ,MI SKYO LUNG LAS 'DIR RTZOM ZHING, ,DER MTHAR PHYIN CES 'BYUNG PHYIR RO, ,ZHES 'BYUNG BA'I PHYIR KUN SHES BYED PA'I DBANG PO DANG LDAN PA NI 'DOD PAR SKYES PA'I MTHONG LAM PA KHO NA YIN LA, DE LA NI PHO MO'I DBANG PO GANG RUNG ZHIG DANG NGES PAR LDAN DGOS TE, PHO MO'I DBANG PO DANG MI LDAN PA DANG RNAM PAR NYAMS PA LA SDOM PA DANG 'BRAS BU 'THOB PA DANG 'DOD CHAGS DANG BRAL BA MI SRID PAS PHO MO'I DBANG PO GANG RUNG ZHIG MA TSANG NA MTHONG LAM MI SKYE BA'I PHYIR RO, ,DE'I PHYIR PHO MO'I DBANG PO GANG RUNG ZHIG BSNAN TE DBANG PO BCU BZHI DANG NGES PAR LDAN PAR 'GYUR RO ZHE NA, 'DI'I LAN LA KHA CIG NA RE, BCU BZHIR MI 'GYUR TE, SNGAR PHO MO'I DBANG PO GANG RUNG ZHIG LDAN PA'I TSE SDOM PA BLANGS TE, SDOM PA DANG LDAN PA DES PHYIS LAM BSGOMS TE 'BRAS BU THOB PA'I RJES LA PHO MO'I DBANG PO NYAMS TE MTSAN GNYIS PA LA SOGS PAR GYUR NA, MTSAN GNYIS BYUNG BAS SO SO THAR PA'I SDOM PA GTONG GI 'BRAS BU THOB PA NI MI GTONG BAS 'BRAS BU THOB PA LA MTSAN GNYIS PA LA SOGS PA'ANG SRID PA'I PHYIR RO, ,DE'I PHYIR THOG MAR MTHONG LAM MA THOB PA 'THOB PA'I RTEN DU PHO MO'I DBANG PO GANG RUNG ZHIG DGOS KYI THOB ZIN GNAS PA'I RTEN DU NI MI DGOS TE, MTHONG LAM THOB NAS PHO MO'I MTSAN MA TSANG YANG MTHONG LAM MI GTONG BA'I PHYIR DANG, THOG MAR MTHONG LAM 'THOB PA'I DUS NA PHO MO GANG RUNG GI MTSAN TSANG BAR YOD KYANG PHYIS MTSAN MA TSANG BA SRID PA'I PHYIR RO, , YANG NA 'DOD KHAMS PA NGES 'BYED CHA MTHUN GOMS PAR BYAS PA ZHIG RIM GYIS 'CHI BA NA DBANG PO GZUGS CAN RNAMS RIM GYIS 'GAG PAS 'CHI KAR PHO MO'I DBANG PO 'GAGS MA THAG MTHONG LAM SKYE BSRID PAS DE'I PHYIR DBANG PO BCU GSUM DANG NI NGES PAR LDAN GYI PHO MO'I DBANG PO NI 'CHI KAR PHO MO'I DBANG PO DANG MI LDAN PA LA MTHONG LAM SKYES PAS KUN SHES BYED PA'I DBANG PO DANG LDAN PA'I PHYIR RO, , ZHES ZER RO, , GZHAN DAG NA RE DE NI MI RIGS TE, MNYAM PAR MA BZHAG PAR MTHONG LAM MI SKYE ZHING, MNYAM GZHAG DGE BA SBYOR BYUNG LA GNAS BZHIN DU 'CHI BA MI SRID PA'I PHYIR RO, ,DES NA 'DIR NI GANG ZAG @123 SPYI'I DBANG DU BYAS NAS NGES PAR LDAN PA'I TSUL BSHAD PA YIN GYI PHO MO GCIG KHO NA'I NGES PAR LDAN TSUL BSHAD PA MA YIN PAS PHO LA BRTZIS NA MO DBANG DANG MI LDAN LA, MO LA BRTZIS NA PHO DBANG DANG MI LDAN PAS MTHA' GCIG TU MA NGES PAS DE GNYIS NGES LDAN DU MA BRTZIS SO (DE GNYIS GANG YANG MIN PA'I DE GNYIS GANG RUNG MI SRID DO, ,) ZHES ZER BA NYID RIGS SO, ,TSOR BA'I DBANG PO BZHI NI DUS GCIG LA MNGON GYUR MI SRID KYANG THOB PA DANG LDAN PA'I PHYIR RO, ,DE DAG LAS GZHAN MI LDAN PA NI SNGA MA BZHIN NO, ,(DE YANG YID MI BDE DANG 'DOD CHAGS DANG BRAL NA MI LDAN LA MIG SOGS NYAMS PA LA'ANG MI LDAN PA SOGS SO, ,) DE DAG GIS NI DBANG PO GANG ZHIG LDAN PA DE LA GZHAN NGES PAR LDAN PA'I TSUL BSHAD PA YIN NO, ,DA NI (SRID LDAN LA,) NANG NA NYUNG BA DAG DANG LDAN NA DU DANG LDAN ZHE NA, DGE BA'I RTZA BA MED PA NI 'DOD PA PA KHO NA STE, DE LA NI NANG NA NYUNG BA DANG LDAN PA NI LUS DANG ('CHI KHA LTA BU NA DE LA CHAGS BRAL MI SRID PAS,) TSOR BA LNGA DANG SROG DANG YID KYI DBANG PO STE BRGYAD DANG LDAN GYI DE DAG LAS GZHAN NI YOD PAR NGES PA MED LA, DE DAG GI THOB PA NI NGES PAR YOD PA'I PHYIR RO, ,JI LTAR DGE BA MED PA NANG NA NYUNG BA DBANG PO'I GRANGS BRGYAD DANG LDAN PA LTAR GZUGS MED PA'I BYIS PA SO SO'I SKYE BO'ANG DE BZHIN DU GRANGS BRGYAD DANG LDAN TE GANG ZHE NA, BTANG SNYOMS DANG SROG DANG YID DANG DAD PA LA SOGS PA'I DBANG PO DGE BA LNGA PO RNAMS DANG LDAN NO, ,DE DAG PAS NYUNG BA DANG LDAN PA'I GANG ZAG NI MI SRID DO, ,YANG DBANG PO NANG NA MANG POR LDAN PA LA BCU DGU DANG LDAN PA ('I BYIS PA,) SRID DE, GANG ZHE NA DRI MA MED PA'I DBANG PO GSUM PO RNAMS MA GTOGS PA RNAMS SO, ,DE YANG 'DOD PA PA'I GANG ZAG DBANG PO RNAMS TSANG ZHING MTSAN GNYIS PA LA YIN NO, ,DE NI SO SO'I SKYE BO LA YIN GYI DER MA ZAD GZHAN YANG 'PHAGS PA CHAGS BCAS (RGYUN ZHUGS LAN CIG PHYIR 'ONG YANG DBANG PO BCU DGU DANG LDAN PA SRID PA YIN,) TE, RGYUN ZHUGS DANG LAN CIG PHYIR 'ONG 'DOD PA LAS 'DOD CHAGS DANG MA BRAL BA'ANG GRANGS BCU DGU DANG LDAN PA SRID DE, GANG ZHE NA ('PHAGS PA LA MTSAN GNYIS PA MI SRID CING CHAGS BRAL LA YID MI BDE MI LDAN LA 'PHAGS PA CHAGS BCAS SLOB PAR NGES PAS,) PHO MO'I MTSAN GANG YANG RUNG BA GCIG MA GTOGS PA DANG, KUN SHES PAR BYED PA DANG LDAN PA ('I RGYUN ZHUGS,) LA (PHO MO GANG RUNG GCIG) DRI MA MED PA'I DBANG PO PHYI MA GNYIS MA GTOGS PA RNAMS DANG LDAN LA, KUN SHES PA DANG LDAN PA ('I PHYIR 'ONG,) LA DRI MA MED PA'I DBANG PO SNGA PHYI GNYIS (DANG PHO MO GANG RUNG GCIG) MA GTOGS PA RNAMS DANG LDAN PA'I PHYIR, ,'PHAGS PA LA MTSAN @124 GNYIS PA MI SRID PA'I PHYIR MTSAN GCIG MA GTOGS ZHES BYA BA DANG, 'DOD PA LAS 'DOD CHAGS DANG BRAL BA'I 'PHAGS PA RNAMS NI YID MI BDE MI LDAN PA'I PHYIR CHAGS BCOS SMOS PA YIN NO, ,DE DAG GIS NI DBANG PO RNAMS BSHAD ZIN TO, , (GNYIS) 'DUS BYAS KYI SKYE TSUL RGYAS PAR BSHAD PA, DA NI 'DUS BYAS KYI SKYE TSUL RGYAS PAR BSHAD PA LA DON DNGOS DANG, ZHAR LA RGYU DANG RKYEN 'BRAS BU DANG BCAS PA BSHAD PA GNYIS KYI DANG PO 'CHAD PA NA 'DIR SPYI'I DON NI SHES BYA THAMS CAD GZHI LNGAS BSDUS PA YIN TE, GZUGS DANG, SEMS DANG, SEMS LAS BYUNG BA DANG, MI LDAN PA'I 'DU BYED DANG 'DUS MA BYAS SO, ,DE LA BYE BRAG TU SMRA BA NI DE THAMS CAD RDZAS SU YOD PAR 'DOD DE, THAMS CAD YOD PAR SMRA BA YIN PA'I PHYIR RO, ,DE LA GZUGS NI GZUGS KYI PHUNG PO STE RDUL PHRA RAB DANG RAGS PA DANG, DE GNYIS KA MA YIN PA'O, ,RDUL PHRA RAB RNAMS NI CHA SHAS MED PA'I PHYIR PHAN TSUN REG PA NI MED KYI GCIG LA DU MAS BSKOR BA'I BAR DANG BCAS PA YIN TE, RIG NA NI PHYOGS THAMS CAD KYIS REG NA PHAN TSUN 'DRES PAR 'GYUR LA, PHYOGS RES REG NA CHA BCAS SU THAL BA'I PHYIR RO ZHES 'DOD DE, PHYI ROL DON GRUB LAS, RDUL PHRAN PHYOGS CHA THA DAD PHYIR, ,MED CES SMRA GANG DE MA 'BREL, , 'GA' YIS KHYAD PAR DANG BCAS PA'O, ,RDUL LA PHYOGS KYI SGRAR BSTAN BYA, ,DE PHYIR PHYOGS CHA'I KHYAD PAR GYIS, ,DE NI MANG POS YONGS BSKOR BAR, ,BRJOD PAR ZAD KYI RDUL DE NI, ,CHA SHAS BCAS PA'I BDAG NYID MIN, ,ZHES BYA BA DANG, PHAN TSUN BDAG NYID MA REG PAR, ,CHA SHAS MED PAR RNAM GNAS TE, ,DE PHYIR SA YI DKYIL 'KHOR SOGS, ,BSAGS PA LAS NI BYUNG BA YIN, ,ZHES GSUNGS PA BZHIN NO, , GAL TE BSAGS PAR GNAS PA 'DI DAG GIS RDUL PHRA RAB RNAMS MA REG NA ZHIG PAR 'GYUR RO ZHE NA, MI 'GYUR TE, RLUNG GIS BZUNG BA'I PHYIR DANG, RDZAS KYI MTHUS KYANG 'BREL PAR BYED PA'I PHYIR TE, DE NYID LAS, PHAN TSUN DU NI PHAN 'DOGS PA'I, ,BYE BRAG GIS NA BRGYUS PA BZHIN, ,RDO RJE LA SOGS RDUL PHRAN RNAMS, ,DE DAG CHAD PAR MI 'GYUR TE, ,JI LTAR SNGAGS KYI MTHU YIS NI, , @125 'DRE SBRUL LA SOGS 'DZIN PA BZHIN, ,RDZAS KYI MTHU YIS PHAN TSUN DU, ,'DZIN PA LU GU RGYUD BZHIN DU, ,ZHES GSUNGS PA YIN NO, , 'O NA TSA REG GIS GRANG REG LA GNOD PA BYED PA DANG, SNANG BAS MUN PA LA GNOD PA DANG, MUN PAS GZUGS CAN LA SGRIB PA DANG, SNANG BAS GSAL BYED DU'ANG MI 'GYUR TE, DE DAG PHAN TSUN PHRAD PA MED PA'I PHYIR RO ZHE NA, MA YIN TE TSA REG DANG SNANG BA'I RDUL LA SOGS PA NYE BAR GNAS PA NA GRANG REG DANG MUN PA LA SOGS PA RDUL GYI 'GROS 'GAG PAS GNOD PA DANG SGRIB PA LA SOGS PAR BRJOD KYI CHA GZHAN PHRAD PAS NI MA YIN TE, DE NYID LAS, GANG ZHIG DANG NI NYE BA LAS, ,'GROS LDAN GANG GI 'GROS 'GAG PA, ,DES DE'I SGRIB PAR RAB TU BSHAD, ,CHA SHAS GZHAN GYIS MA YIN NO ZHES GSUNGS PA YIN NO, ,GAL TE RDUL PHRAN PHRAD PA MED NA RNGA LA SOGS PA LA DBYUG GU BSNUN PA LA SOGS PA LAS SGRA MI 'BYUNG BAR 'GYUR RO ZHE NA, MA PHRAD KYANG DE DAG SHIN TU NYE BA DANG RLUNG 'DUS PA LAS SGRA 'BYUNG BA'I PHYIR RO, , KHA CIG RDUL PHRA RAB ZLUM PO CHA SHAS MED PA ZHES ZER BA DE NI MA YIN TE, RDUL PHRA RAB LA DBYIBS MED PA'I PHYIR TE, GNYIS GZUNG 'GYUR DE RDUL LA MED CES 'CHAD PAR 'GYUR BA'I PHYIR RO, ,RDUL PHRA RAB KYI TSAD DANG LHAN CIG TU GNAS PA'I TSUL NI 'OG TU STON PAR 'GYUR RO, ,RAGS PA NI DBANG PO LNGA DANG DON LNGA YIN TE, DBANG PO LNGA NI MIG GI DBANG PO'I RDUL PHRA RAB RNAMS NI MIG GI 'BRAS BU LA GO SNYOD NAG PO'I ME TOG BZHIN DU GNAS TE, DE DAG SO SO SIL BUR GNAS KYANG KHA DOG DANG BAS BKAB PAS NA SO SOR 'GYES PAR MI 'GYUR RO, , KHA CIG NA RE GONG BU BZHIN DU RIL RIL POR BLA 'OG TU GNAS KYANG SHEL BZHIN DU DANG BAS DBUS DANG MTHA' NA GNAS PA RNAMS PHAN TSUN MI SGRIB BO ZHES ZER RO, ,RNA BA'I DBANG PO'I RDUL PHRA RAB RNAMS NI RNA 'BRUG CES BYA BA GRO GA'I 'DZER BU LTA BU'I NANG NA GNAS SO, ,SNA'I DBANG PO'I RDUL PHRA RAB RNAMS NI ZANGS KYI MO KHAB LTA BU STE MTSUL PA'I NANG SNA'I RGYUD NA GNAS TE, DBANG PO DANG PO GSUM PO DE DAG NI PHRENG BA BZHIN DU KOR KOR POR GNAS SO, ,LCE'I DBANG PO'I RDUL PHRA RAB RNAMS NI ZLA BA BKAM PA LTA BU STE, LCE'I DBUS NA SKRA'I RTZE MO'I KHYON TZAM ZHIG LCE'I DBANG PO'I RDUL PHRA RAB DAG GIS MA KHEBS PAR GNAS SO, ,LUS KYI DBANG PO'I RDUL PHRA RAB RNAMS NI LUS BZHIN DU GNAS SO, ,LUS KYI DBANG PO'I BYE BRAG MO'I DBANG PO'I RDUL PHRA RAB RNAMS NI RNGA'I SBUBS LTA BU YIN NO, ,PHO'I DBANG PO'I @126 RDUL PHRA RANG RNAMS NI MTHE BONG LTA BU YIN NO ZHES BSTAN BCOS LAS GSUNGS PA'I PHYIR DANG, 'GREL PA LAS, DBANG PO'I RDUL PHRA RAB BAM YUL GYI RDUL PHRA RAB GCIG GIS RNAM SHES SKYED PA NI MED DE, RNAM PAR SHES PA'I TSOGS LNGA PO DAG GI RTEN DANG DMIGS PA NI BSAGS PA YIN PA'I PHYIR RO ZHES BYA BA DANG, DBU MA'I RGYAN LAS, RNAM SHES LNGA'I KHAMS RNAMS NI, ,BSAGS LA DMIGS PA'I RNAM PA YIN, , ZHES 'BYUNG BA'I PHYIR RO, ,RDUL PHRA RAB DANG RAGS PA GNYIS KA MA YIN PA NI RIG BYED MA YIN PA'I GZUGS SO, , SEMS KYI GZHI NI RNAM PAR SHES PA'I TSOGS DRUG STE, DE DAG GIS YUL 'DZIN PA NI YUL GYI RNAM PA MA SHAR BZHIN TU 'DZIN PA YIN GYI RNAM PA DANG BCAS PA NI MA YIN TE, SNANG BA 'DI DON MA YIN NA MI SNANG BA'I DON YOD PA LA SGRUB BYED MED PA'I PHYIR DANG, RAGS SNANG SHES PA YIN NA RAGS PA RDUL DRAN BSAGS PA MA YIN PAR THAL BA'I PHYIR RO, ,RNAM PAR SHES PA RNAMS KYANG YUL GZHAN YONGS SU GCOD PA YIN PHYI RANG NYID GCOD PA NI MA YIN TE, BDAG NYID LA BCAD BYA GCOD BYED GNYIS MED PA'I PHYIR RO, ,DE LTAR YANG PHYI ROL DON GRUB LAS, GANG GI TSE NA RNAM SHES DON, ,YONGS GCOD TZAM DU 'DOD DE'I TSE, ,SHES PAS JI LTAR RANG GI YUL, ,RIG PAR 'GYUR ZHES SMRAS MA 'BREL, ,RNAM SHES DE YI BYED PO MIN, ,DAM PA'I DON DU BYA BA'ANG MIN, ,RIG PA TZAM DU ZAD MOD KYI, ,BYED PA NYID DU SGRO BTAGS GSUNGS, ,ZHES 'BYUNG BA LTAR RO, ,SEMS LAS BYUNG BA DANG, MI LDAN PA'I 'DU BYED KYI GZHI NI 'OG TU STON PAR 'GYUR LA, 'DUS MA BYAS NI BSHAD ZIN TO, , MDO SDE PA RNAMS NI RDUL PHRA RAB RNAMS BAR MED PAR GNAS PA LA REG PAR 'DU SHES PA YIN GYI REG PA NI MA YIN TE, CHA BCAS SU THAL BA'I PHYIR RO, ,BAR DANG BCAS NA'ANG BAR DER RDUL GZHAN 'JUG PA LA SUS GEGS BYED DE, NYIN MO SNANG BA DANG MTSAN MO MUN PA'I RDUL NI DE DAG GI BAR DU GNAS PAR RIGS PA'I PHYIR DANG, MI GNAS NA DE DAG SNANG BYED DANG SGRIB BYED DU MA GRUB PAR THAL BA'I PHYIR RO, ,DE'I PHYIR 'GREL PA LAS KYANG, BTZUN PA NA RE REG PA NI MED KYI 'DAB CHAGS PA LA REG GO SNYAM DU 'DU SHES PAR ZAD DO ZHES ZER TE, BTZUN PA'I LUGS 'DOD PAR BYA'O, ,DE LTA MA YIN NA NI RDUL PHRA RAB BAR DANG BCAS PA RNAMS KYI BAR STOD PA DAG TU 'GRO BA LA SU ZHIG 'GOG NA 'DI LTAR THOGS PA DANG BCAS PA DAG TU 'DOD CES BSHAD DO, ,DES NA BAR MED CING MA REG PA ZHES BYA BAR 'GYUR RO, ,RAGS SNANG NI SHES PA'I BDAG NYID YIN PA'I PHYIR DANG, RDUL PHRA RAB 'DUS PA ZHES BYA BA'ANG @127 RDUL DU MA BAR MED PAR GNAS PA LA BRJOD PA'I PHYIR RAGS PA NI RDZAS SU MED DO, ,SHES PA RNAM PA DANG BCAS PA MA YIN NA SHES PA GCIG GIS DON THAMS CAD RIG PAR THAL BA'I PHYIR DON GYI RNAM PAR SKYES PA LA DON RIG PA ZHES BRJOD DE, DBU MA'I RGYAN LAS, SHES PA RNAM BCAS PHYOGS LA NI, ,DNGOS SU DE GNYIS THA DAD KYANG, ,DE DANG GZUGS BRNYAN 'DRA BAS NA, ,GDAGS PA TZAM GYIS TSOR BAR RANG, ,ZHES BSHAD DO, ,DE BZHIN DU SHES PA RNAMS KYANG RANG NYID RANG GIS RIG PA YIN TE, RANG MA RIG NA GZHAN RIG BYED DU MA GRUB PAR 'GYUR TE, RANG NYID MA GRUB PA'I PHYIR DANG, GZHAN GYIS DMIGS NA'ANG THUG MED DU THAL BA'I PHYIR TE, RNAM NGES LAS, DMIGS PA MNGON SUM MA YIN NA, ,DON MTHONG RAG TU 'GRUB MI 'GYUR, ,ZHES BSHAD PA YIN NO, ,MI LDAN PA'I 'DU BYED NI GZUGS LA SOGS PA GSUM LAS GZHAN DU MED LA, 'DUS MA BYAS KYANG RDZAS SU MED DO ZHES BYA BAR 'DOD DO, , RNAL 'BYOR SPYOD PA PA RNAMS NI DON DU SNANG BA NI SHES PA LA DNGOS SU GSAL BA'I PHYIR DANG, MI SNANG BA'I RDUL PHRAN LA SGRUB BYED MED PA DANG, BAR DANG BCAS NA'ANG RAGS PA GCIG TU MI SNANG BA DANG, BAR MED NA'ANG RDUL PHRA RAB RNAMS PHAN TSUN REG PAR 'GYUR LA, DE LTA NA'ANG PHYOGS THAMS CAD KYIS REG NA RDUL RNAMS 'DRES PA DANG, PHYOGS RES REG NA CHA BCAS SU THAL BA'I PHYIR RDUL CHA MED NI RDZAS SU MED DO, ,RAGS BA'ANG DON DU MED DE, RDUL PHRA RAB BSAGS PA YIN PA'I PHYIR DANG, CHA DANG BCAS PA'I PHYIR RO, ,DE'I PHYIR BAG CHAGS KYI STOBS KYIS RNAM PAR SHES PA NYID GZUNG 'DZIN GNYIS SU SNANG BA YIN TE, JI SKAD DU NYI SHU PA LAS, ,RANG GI SA BON GANG LAS SU, ,RNAM RIG SNANG BA GANG BYUNG BA, ,DE DANG DE YI SKYE MCHED NI, ,RNAM PA GNYIS SU THUB PAS GSUNGS, ,ZHES 'BYUNG BA LTA BU'O, ,DE BAS NA YANG DAG PAR NA GZUNG 'DZIN GNYIS MED PA'I RANG GSAL BA NI RDZAS SU YOD DE, GSAL BAR NYAMS SU MYONG LA GNYIS LA GNOD PA YOD PA'I PHYIR TE, RNAM PAR NGES PA LAS, GZUNG DANG 'DZIN PA MED PA'I PHYIR, ,DE NI DE LTAR RANG NYID GSAL ZHES GSUNGS PA LTA BU'O, ,MI LDAN A'I 'DU BYED RNAMS NI GNAS SKABS LA BTAGS PA YIN PAS GZUGS DANG MTSUNGS LDAN RNAMS LAS DE NYID DANG GZHAN DU BRJOD DU MED PAR 'DOD DE, PHUNG PO LNGA PA LAS, SEMS DANG LDAN PA MA YIN PA'I 'DU BYED RNAMS GANG ZHE NA, GANG DAG GZUGS DANG SEMS DANG SEMS LAS BYUNG BA'I GNAS SKABS LA GDAGS PA STE, DE NYED DANG GZHAN DU MI @128 GDAGS SO ZHES 'BYUNG BA'I PHYIR RO, ,DE'I PHYIR SEMS DANG SEMS LAS BYUNG BA'I GZHI RDZAS SU YOD KYI GZHAN NI MA YIN NO ZHES BYA BAR 'DOD DO, ,DE LTAR ZHAR LA 'DAS PA BA RJOD NA SU RNAL MA'I DON NI GNYIS SU GNAS TE, GZUGS CAN GYI (LHAN CIG) SKYE TSUL DANG, GZUGS CAN MA YIN PA'O, ,(DE LA RDZAS KYI RDUL PHRAN NI SHAR LA SOGS PA'I CHA MED PA'O, ,BSAGS PA'I RDUL PHRAN NI DE LAS PHRA BA'I 'DUS PA GZHAN DU MED PA'O,,) DE LA DANG PO NI 'DOD PA'I KHAMS NA LUS SOGS KYI DBANG PO MED PA DANG SGRA MED PA'I BSAGS PA'I RDUL PHRA RAB NYI ZER GYI RDUL CHNG NGU LTA BU LA BSAGS PA MA YIN PA'I RDUL CHA SHAS MED PA'I RDZAS 'BYUNG BA BZHI DANG GZUGS DRI RO REG BYA STE BRGYAD NGES PAR LHAN CIG SKYE'O, ,BSAGS PA'I RDUL SMOS PA NI RDUS PHRA RANG CHA MED PA NI GCIG PUR GNAS PA'I PHYIR RDZAS GZHAN 'DUS PA MED DO SNYAM DU BSAM PA'O, ,GAL TE SNGA BA LA SOGS PA DANG LDAN PA LA TSA BA LA SOGS PA MA DMIGS PA'I PHYIR NGES PAR LHAN CIG SKYE BA MA YIN NO ZHE NA, BYE BRAG TU SMRA BA NA RE DPER NA KHAB DANG SDONG BU'I TSOGS LA REG PA DANG, PHYE DANG LAN TSA'I RO LTAR DMIGS MA DMIGS NI SHAS CHE CHUNG YIN GYI THAMS CAD LA'ANG TSANG BAR YOD DE, 'DZIN PA DANG SDUD PA DANG SMIN PA DANG G-YO BA'I BYED PA DANG LDAN PA'I PHYIR DANG, RKYEN DANG PHRAD NA LCAGS LA SOGS PA'I SRA BA'ANG GSHER BA LA SOGS PAR MNGON SUM DU SNANG BA'I PHYIR RO ZHES ZER RO, , BYE BSHAD LAS KYANG, PHAN TSUN THA DAD DU MI 'JUG PAR CIS MNGON ZHE NA, LAS LAS MNGON TE ZHES PA DANG, DE DAG GI RANG GI NGO BO MI DMIGS KYANG RDO LA SOGS PA LA YOD PAR LAS LAS JI LTAR RJES SU DPOG CE NA, 'DI LTAR RDO LA SOGS BA LA 'DUS PA DANG SKAM PA G-YO BA RNAMS YOD PA LAS CHU DANG ME DANG RLUNG RNAMS SA'I KHAMS DANG LHAN CIG 'JUG PAR MNGON NO, ,CHU LA YANG SHING 'DEGS PA DANG PAD MA'I 'DAB MA RGYAS PA DANG CHU G-YO BA RNAMS YOD PA LAS SA DANG ME DANG RLUNG RNAMS CHU'I KHAMS DANG LHAN CIG 'JUG PAR MNGON NO, ,ME LA'ANG ME LCE 'DEGS PA DANG 'DUS PA DANG G-YO BA RNAMS YOD PA LAS SA DANG CHU DANG RLUNG RNAMS ME DANG LHAN CIG 'JUG PAR MNGON NO, ,RLUNG LA'ANG 'DEGS PA DANG MI 'GYES PA DANG GOS LA SOGS PA SKAM PAR BYED PA YOD PA LAS SA DANG CHU DANG ME RNAMS RLUNG GI KHAMS DANG LHAN GCIG 'JUG PAR MNGON NO ZHES BSHAD DO, ,LAS DANG NGO BO'I KHYAD PAR YANG DE NYID LAS, RANG GI NGO BO GRUB TZAM NYID NA DNGOS PO GZHAN THAMS CAD LA MI LTOS PAR GNAS PA NI NGO BO YIN LA, BYA BA LA LTOS NAS GZHAG DGOS PA NI LAS YIN TE, 'BYUNG BZHI'I LAS RTEN 'DZIN PA DANG SDUD PA DANG SMIN @129 PA DANG G-YO BA RNAMS NI GZUNG BYA DANG BSDU BYA DANG SMIN BYA DANG 'PHEL (BA'AM G-YO,) BYA'I DNGOS PO GZHAN LA LTOS NAS 'JOG PA'I PHYIR RO ZHES BSHAD DO, ,(YANG NA BYE BRAG TU SMRA BA LTAR NA NGO BO NI DUS GSUM PA DANG LAS NI DA LTA BAS BSDUS PA KHO NA YIN NO ZHES SLOB DPON GANG SPEL 'CHAD DO, ,) MDO SDE BA NA RE BYED PA'I LAS THAMS CAD NGES PAR LHAN CIG TU DMIGS PAS KHYAB PA MED PA'I PHYIR DANG, 'GA' ZHIG TU SRID KYANG DES 'BYUNG BZHI LHAN CIG PA SRID BAR DPAG PAR NUS KYI KHYAB PAR NI MA YIN PA'I PHYIR DANG, RKYEN DANG PHRAD NA MNGON SUM DU 'GYUR BA NI DE DANG DER GSAR DU SKYES PA YIN PA'I PHYIR NGES PAR LHAN CIG TU SKYE BA NI MA YIN GYI 'ON KYANG RANG GI NGO BOR NI MED CING SA BON GYI SGO NAS THAMS CAD YONG LA, GANG LA GANG DMIGS PA DE MNGON GYUR GYI SGO NAS KYANG YOD DE, BCOM LDAN 'DAS KYIS SHING GI PHUNG PO 'DI LA KHAMS RNAM PA SNA TSOGS YOD DO, ,ZHES GSUNGS PA'I PHYIR RO, ,ZHES ZER RO, , RNAL 'BYOR SPYOD PA PA RNAMS NI KUN LAS BTUS LAS 'DUS PA GANG LA 'BYUNG BA GANG DMIGS PA DE NI DE NA YOD DO, ,ZHES BRJOD PAR BYA'O, ,'BYUNG BA GCIG LAS GYUR PA'I 'DUS PA'ANG YOD, 'BYUNG BA GNYIS LAS GYUR PA'ANG YOD PA NAS 'BYUNG BA THAMS CAD LAS GYU PA'ANG YOD DO, ,RGYUR BYAS PA'I GZUGS LA'ANG RGYUR BYAS PA'I GZUGS GANG 'DUS PA GANG LA DMIGS PA DE NI DE NA YOD PA ZHES RIG PAR BYA'O ZHES 'BYUNG BAS 'BYUGN BA GCIG LAS GYUR PA'I GZUGS BONG BA SKAM PO LTA BU DANG, GNYIS LAS GYUR PA DE NYID GSHER BA DANG, GSUM LAS GYUR PA DE NYID DRO BA DANG, BZHI LAS GYUR PA DE NYID G-YO BA LTA BU'O, ,DE BZHIN DU 'BRAS BU'I GZUGS KYANG GZUGS GCIG PU DANG LDAN PA 'OD DANG, GNYIS DANG LDAN PA SGRA DANG DRI DANG LDAN PA'I RLUNG DANG, GSUM DANG LDAN PA GZUGS DANG DRI DANG REG BYA YANG BA DANG LDAN PA'I DU BA DANG, BZHI DANG LDAN PA AA KA RU'I GONG BU DANG, LNGA DANG LDAN PA DE NYID SGRAGS BCAS MA LTA BU'O ZHES 'DOD DO, ,'O NA MDO LAS GZUGS GANG YIN PA CI YANG RUNG STE, DE DAG THAMS CAD 'BYUNG BA CHEN PO BZHI DAG DANG 'BYUNG BA CHEN PO BZHI DAG RGYUR BYAS PA'O ZHES GSUNGS PA JI LTA BU ZHE NA, DE NI BZHI GA TSANG BA SRID PA LA DGONGS NAS GSUNGS PA YIN NO ZHES 'DOD DO, ,DE LA BYE BRAG TU SMRA BA'I RDZAS BRGYAD LHAN CIG TU SKYE BA LA SKYE MCHED LA RDZAS SU 'DOD NA MANGS PAR SMRAS TE, 'BYUNG BA BZHI NI REG BYA'I SKYE MCHED DU 'DUS PA'I PHYIR RO, ,RDZAS LA RDZAS SU 'DOD NA NI 'DI NYUNGS PAR SMRAS PA YIN TE, DER NI DBYIBS DANG YANG BA LA SOGS PA GZHAN YANG YOD PA'I PHYIR RO, ,'BYUNG @130 BA NI RDZAS KHO NA LA RDZAS SU GZUNG LA GZHAN NI SKYE MCHED LA RDZAS SU GZUNG NGO ZHES BYA BA'ANG MA YIN TE, 'BRAS BU'I GZUGS PHAL CHER 'BYUNG BA BZHI TSAN LA RTEN PA'I PHYIR RDZAS DU MAR THAL BAR 'GYUR RO ZHES BRJOD PAR BYA'O, ,YANG 'DIR DPYAD PA 'DI YOD DE, GAL TE RDZAS BRGYAD PO DE DAG GO SA GCIG TU 'BYUNG BA LHAN CIG GI DON YIN NA RDUL PHRAN RNAMS THOGS BCAS MA YIN PAR 'GYUR RO, ,GAL TE 'DAB 'BYOR DU GNAS PA NYID DE'I DON DU 'DOD NA BUM PA LTA BU LA RDUL PHRAN GRANGS MED PA 'DAB 'BYOR DU GNAS PA'I PHYIR BRGYAD LA SOGS PAR NGES PA MED DO ZHE NA, KHA CIG 'DIR GO SA GCIG PA NYID LA 'DOD DE, RDUL PHRAN RNAMS THOGS BCAS SU BSHAD PA NI RIGS MTHUN PA RNAMS YIN GYI RIGS MI MTHUN PA RNAMS NI THOGS BCAS MA YIN TE, GZUGS KYI GO SA NA REG BYA DANG, REG BYA'I GO SA NA DRI LA SOGS PA'ANG YOD PA'I PHYIR RO ZHES 'DOD DO, ,(DE MI 'THAD DE THOGS BCAS MA YIN PAR THAL BAS SO, ,) (RAGS PA MI RTZOM PAR YANG THAL LO,) KHA CIG NI RIGS MI MTHUN RNAMS KYANG THOGS PA DANG BCAS TE, GAL TE GZUGS KYI RDUL GYI GO SA NA REG BYA LA SOGS PA YOD NA THA DAD MED PAR THAL BA'I PHYIR RO, , DE'I PHYIR 'DAB 'BYOR DU GNAS PA NYID LA LHAN CIG GI DON DU 'DOD DE, BUM PA LA SOGS PA'I RDUL MANG PO RNAMS NI NGES PAR LHAN CIG TU SKYE BA MA YIN PA'I PHYIR DANG, BRGYAD LA SOGS PA NI NGES PAR LHAN CIG TU SKYE BA'I DBANG DU BYAS NAS BSHAD PA'I PHYIR 'GAL BA MED DO, ,DE NYID KYI PHYIR 'GREL PA LAS, THAMS CAD PAS PHRA BA'I GZUGS NI BSAGS PA'I RDUL PHRA RAB CES BYA STE, DE LAS CHES CHUNG BA NI MI MNGON NO, ,DE 'DOD PA'I KHAMS NA SGRA YANG MED DBANG PO YANG MED PA ZHIG YIN NA NI RDZAS BRGYAD DANG LDAN PAR SKYE STE, GANG YANG RUNG BA ZHIG MED PAR NI MA YIN NO ZHES GSUNGS PA'I PHYIR RO ZHES ZER TE DE NYID DGONGS PA YIN NO, ,(RLUNG LA KHA DOG JI LTAR YOD CE NA DE LA DE YOD DE DRI YOD PA'I PHYIR, RNA MA'I ME TOG BZHIN NO, ,) RDZAS BRGYAD LAS MANG BA DANG MI LDAN NAM ZHE NA, LUS KYI DBANG PO DANG LDAN PA LA NI SNGAR GYI BRGYAD DANG LUS KYI DBANG PO NYID DANG RDZAS DGU LDAN TE, DBANG PO'I TSOGS PA NA BRGYAD PO NI NGES PAR YOD CING DBANG PO NI DE DAG LAS RDZAS GZHAN YIN PA'I PHYIR RO, ,YANG MIG LA SOGS PA'I DBANG PO GZHAN DANG LDAN PA LA NI RDZAS BCU STE, SNGAR GYI DGU DANG MIG LA SOGS PA GANG YANG RUNG BA ZHIG GO , DE BZHIN DU BRGYAD DANG DGU DANG BCU DANG LDAN PA DE DAG SGRA DANG BCAS PAR SKYE NA NI DGU DANG BCU DANG BCU GCIG DANG LDAN PAR 'GYUR TE, DE DAG DANG SGRA GZHAN DU BGRANG BA'I PHYI @131 RO, ,GZUGS KHAMS NA NI DRI RO MED PA'I PHYIR DBANG PO MED PA NI DRUG DANG, LUS KYI DBANG PO DANG LDAN PA BDUN DANG, DBANG PO GZHAN DANG LDAN PA BRGYAD DANG, SGRA DANG BCAS NA DGU LHAN CIG SKYE BA YIN LA, GZUGS MED NA NI SPYIR GZUGS TZAM MED PAS GZUGS CAN LHAN CIG SKYE BA MED DO ZHES SHES PAR BYA'O, , GNYIS PA GZUGS CAN MA YIN PA'I LHAN CIG SKYE BA'I TSUL LA GNYIS LAS DANG PO MDOR BSTAN PA NI SEMS DANG SEMS LAS BYUNG BA RNAMS NI NGES PAR LHAN CIG TU SKYE STE, PHAN TSUN MED NA MI 'BYUNG BA'I PHYIR RO, ,'DUS BYAS THAMS CAD NI 'DUS BYAS KYI MTSAN NYID SKYE BA LA SOGS PA BZHI DANG NGES PAR LHAN CIG TU SKYE'O ZHES BYA BA NI BYE BRAG TU SMRA BA'I GRUB PA'I MTHA'O, ,RANG GI RGYUD KYIS BSDUS PA'I THOB PA (DUS MNYAM PA LUS DANG GRIB MA LTA BU,) DANG THOB BYA'I CHOS LHAG CIG SKYE BA DANG, 'GOG PA GNYIS KYI LTA BU THOB PA SKYES KYANG THOB BYA MI SKYE BA'ANG YOD PA'I PHYIR RAM ZHES RNAM PAR BRTAG PA'I SGRA MDZAD DO, , GNYIS PA RGYAS PAR BSHAD PA LA MTSUNGS LDAN DANG, MTSUNGS LDAN MA YIN PA RGYAS PAR BSHAD PA GNYIS LAS DANG BO NI SEMS BYUNG ZHES PAS MDOR BSTAN PA YIN TE, SEMS LAS BYUNG BA NGES PA RNAMS NI SDE TSAN RNAM PA LNGA STE, SEMS KYIS MANG PO PA DANG, SOGS PA'I SGRAS GZUNG BA DGE BA'I SA MANG PO PA RNAMS DANG, NYON MONGS PA'I SA MANG PO PA RNAMS DANG, MI DGE BA'I SA MANG PO PA RNAMS DANG, NYON MONGS PA CHUNG NGU'I SA PA ZHES BYA BAR SDE TSAN THA DAD PA'I PHYIR RO, ,DE DAG GI SPYI'I DON NI MTSAN NYID DANG RDZAS DANG BTAGS PA'I KHYAD PAR DANG, KHAMS DANG SA'I RNAM PAR BZHAG PA DANG, RNAM SHES GANG GI 'KHOR DU GANG 'BYUNG BA DANG, SGRA'I DON LNGA LAS DANG PO NI SEMS DANG MTSUNGS LDAN LNGAS MTSUNGS PAR GNAS PA STE, DE LA DMIGS PA MTSUNGS PA YUL GYI NGO BO GCIG LA DMIGS PA DANG, RNAM PA MTSUNGS PA NI DE'I KHYAD PAR GCIG RNAM PAR BYED PA DANG, RTEN MTSUNGS PA NI DBANG PO GCIG LA BRTEN NAS SKYES PA DANG, DUS MTSUNGS PA NI DUS GCIG PA DANG, RDZAS MTSUNGS PA NI RDZAS RE RE BAR 'DRA BA'O, ,DBUS MTHA'I t'I KA LAS NI DE DAG KYANG RTEN DANG DMIGS PA DANG DUS DANG RDZAS MTSUNGS PA NYID KYIS MTSUNGS PAR LDAN PA YIN GYI RNAM PAR SHES PA DANG KHYAD PAR MED PAR THAL BAR 'GYUR BAS RNAM PA MTSUNGS PAS NI MA YIN NO ZHES SEMS DANG SEMS BYUNG RNAM PA MI MTSUNGS PAR BSHAD DE, DE'I DON NI BSHAD ZIN TO, , @132 KHA CIG NI DON GYI KHYAD PAR RANG STOBS KYIS 'DZIN PA STE, GZHAN SEMS KYI STOBS KYIS NGO BO'ANG 'DZIN PA'I PHYIR DANG, DE BZHIN DU SEMS KYANG RANG STOBS KYIS NGO BO 'DZIN LA, SEMS BYUNG GI STOBS KYIS KHYAD PAR YANG 'DZIN PA'I PHYIR RO ZHES 'DOD DO, ,GNYIS PA NI BYE BRAG TU SMRA BA (SDE TSAN LNGAR NGES PA'I SUM CU RTZA BRGYAD DANG,) SA MANG PO PA BCU DANG, DGE BA'I SA PA BCU DANG, NYON MONGS PA'I SA PA DRUG DANG, MI DGE BA'I SA PA GNYIS DANG, NYON MONGS PA CHUNG NGU'I SA PA BCU DANG, MA NGES PA BRGYAD DANG, GTI MUG MED PA'I DGE RTZA DANG, RTZA NYON GYI LTA BA DANG, CHOS MNGON PA LAS BYUNG BA'I NYON MONGS PA'I SA MANG PO PA SHES BZHIN MA YIN PA DANG, BRJED NGAS DANG, RNAM PAR G-YENG BA DANG, TSUL BZHIN MA YIN PA YID LA BYED PA DANG, LOG PAR MOS PA LNGA STE BDUN DANG, GZHI PHRAN TSEGS LAS 'BYUNG BA'I MI DGA' BA DANG, (GLAL BYED PA DANG, SEMS ZHUM PA DANG, SMYA BA DANG ZAS KYI DROD MI ZIN PA DANG, THA DAD PA'I 'DU SHES DANG, YID LA MI BYED PA DANG, LUS KYI GNAS NGAN LEN DANG, RU GDUG DANG, 'PHYA SMOD, GNAM PA NYID DANG, MI GNAM PA NYID DANG, RANG BZHIN DU MI 'DUG PA NYID DANG, 'DOD PA'I RNAM PAR RTOG PA DANG, 'TSE BA'I RNAM PAR RTOG PA DANG, NYE DU'I RNAM PAR RTOG PA DANG, YUL MI'I RNAM PAR RTOG PA DANG, MI 'CHI BA'I RNAM PAR RTOG PA DANG, BRNYAS PA DANG LDAN PA'I RNAM PAR RTOG PA DANG, RIGS SNYEMS PA DANG LDAN PA'I RNAM PAR RTOG PA DANG, MYA NGAN DANG, SDUG BSNGAL BA DANG, YID MI BDE BA DANG,) 'KHRUG PA DANG, NYI SHU RTZA BZHI STE, BDUN CU RTZA BDUN YOD PA LAS SDE TSAN LNGA DANG, MA NGES PA BRGYAD DE BZHI BCU RTZA DRUG DANG, GZHI PHRAN TSEGS KYI NYI SHU RTZA BZHI STE BDUN CU RDZAS YOD DANG, LHAG MA BDUN BTAGS YOD YIN TE, DANG PO GSUM SHES RAB DANG, PHYI MA BZHI RIM PA LTAR DRAN PA DANG TING NGE 'DZIN DANG YID LA BYED PA DANG MOS PA RNAMS LA BTAGS PA YIN TE, SHES RAB DGE BA KHO NA GTI MUG MED PA DANG, SHES RAB NYON MONGS CAN KHO NA LTA BA DANG, SEMS DANG SEMS BYUNG NYON MONGS CAN DANG MTSUNGS PAR LDAN PA'I SHES RAB KHO NA SHES BZHIN MA YIN PA YIN LA, DRAN PA DANG TING NGE 'DZIN DANG YID LA BYED PA DANG MOS PA NYON MONGS CAN KHO NA BRJED NGAS (DANG RNAM G-YENG DANG TSUL BZHIN MA YIN PA YID LA BYED PA DANG, LOG PAR MOS PA,) LA SOGS PA YIN PA'I PHYIR RO, ,ZHES 'DOD DO, ,ZHES SNGA RABS PA DAG 'CHAD MOD KYI LEGS PAR DPYAD NA (RNAM PAR MI 'TSE BA DANG, RNAM 'TSE GNYIS KA ZHE SDANG MED PA DANG KHONG KHRO LA BTAGS PAR BYAS NA 'THAD DE, ZHE SDANG MED BYAMS SNYING RJE YANG ZHES, ZHE SDANG MED @133 PA'ANG SNYING RJER BSHAD CING RNAM PAR MI 'CHO BA SNYING BRTZEB DANG RNAM 'TSE SEMS CAN SDUG BSNGAL BAR 'DOD PA LA BSHAD PAS BYE BRAG TU SMRA BA LTAR NA BTAGS YOD DGUR BYAS NA 'THAD PAR SEMS SO, ,) GZHI PHRAN TSEGS LAS 'BYUNG BA'I MI DGA' BA DANG SEMS ZHUM PA DANG YID LA MI BYED PA DANG MYA NGAN DANG SDUG BSNGAL BA DANG, YID MI BDE BA DANG 'KHRUG PA RNAMS KYANG TSOR BA DANG LE LO DANG SHES RAB NYON MONGS CAN DANG KHONG KHRO LA SOGS PA LA BTAGS PAR BSHAD KYANG 'GAL BA MED PA'I PHYIR RO, ,GONG MA PA DAG NI SEMS LAS BYUNG BA, TSOR DANG 'DU SHES SEMS PA DANG, ,YID BYED REG DANG KUN 'GRO LNGA, ,'DUN MOS DRAN DANG TING 'DZIN DANG, ,SHES RAB CES BYA YUL NGES LNGA, ,DAD DANG NGO TSA SHES KHREL YOD, ,MA CHAGS LA SOGS GSUM BRTZON 'GRUS, ,SHIN TU SBYANGS DANG BAG YOD DANG, ,BTANG SNYOMS RNAM PAR MI 'TSE BA, ,BCU GCIG DGE BA'O RTZA NYON NI, ,'DOD CHAGS KHONG KHRO NGA RGYAL DANG, ,MA RIG LTA BA THE TSOM DRUG ,KHRO DANG KHON 'DZIN 'CHAB DANG 'TSIG ,PHRAG DOG SER SNA SGYU DANG G-YO, ,RGYAGS PA DANG NI RNAM PAR 'TSE, ,NGO TSA KHREL MED RMUGS RGOD DANG, ,MA DAD LE LO BAG MED DANG, ,BRJED NGAS SHES BZHIN MA YIN DANG, ,RNAM PAR G-YENG BA ZHES BYA BA, ,NYE BA'I NYON MONGS BCU TSAN GNYIS, , GNYID 'GYOD RTOG DPYOD GZHAN 'GYUR BZHI ZHES PA LNGA BCU RTZA GCIG LA, SUM CU PA DANG, PHUNG PO LNGA PA LAS, KUN TU 'GRO DANG BYE BRAG NGES, ,SEMS LAS BYUNG BA DGE BA DANG, ,DE BZHIN NYON MONGS NYE NYON MONGS, ,ZHES PA DANG 'GYOD DANG GNYID KYANG DE BZHIN TE, ,RTOG PA DANG NI DPYOD PA DAG , NYE BA'I NYON MONGS GNYIS RNAM GNYIS ZHES DANG PO LNGA NI SEMS THAMS CAD DANG MTSUNGS PAR LDAN PAS KUN DU 'GRO BA DANG, 'DUN PA BSAMS PA'I DNGOS PO KHO NA DANG, MOS PA NGES PA'I DNGOS PO KHO NA DANG, DRAN PA 'DRIS PA'I DNGOS PO KHO NA DANG, TING NGE 'DZIN DANG SHES RAB SKYON YON BRTAG PA'I DNGOS PO KHO NA LA 'JUG GI MA BSAMS PA LA SOGS PA YUL GZHAN LA MI 'JUG PAS 'DUN PA LA SOGS PA LNGA NI YUL SO SOR NGES PA DANG, DAD PA LA SOGS PA BCU GCIG NI DGE BA DANG, 'DOD CHAGS LA SOGS PA DRUG NI NYON MONGS PA THAMS CAD KYI RTZA BA YIN ZHING SEMS NYON MONGS PAR BYED PAS RTZA BA'I NYON MONGS DANG, LHAG MA KHRO BA LA SOGS PA NYI SHU PO RNAMS NI RTZA NYON RNAMS KYI CHAR GTOGS SHING DE DAG DANG NYE LA SEMS NYON MONGS PAR BYED PAS NYE BA'I NYON MONGS PA KHO NA DANG, GNYID 'GYOD DANG RTOG DPYOD GNYIS TSAN GNYIS TE BZHI NI NYE NYON KHO NAR MA NGES KYI NYON MONGS CAN DANG NYON MONGS CAN MA YIN @134 PA RNAM PA GNYIS SAM NYON MONGS CAN MA YIN PA LA'ANG DGE BA DANG MA BSGRIBS LUNG MA BSTAN GNYIS SU 'GYUR BAS GSUM MAM, NYON MONGS CAN LA'ANG MI DGE BA DANG BSGRIBS LA LUNG MA BSTAN GNYIS TE BZHIR YANG 'GYUR BAS GZHAN DU YANG 'GYUR BA STE, SDE TSAN DRUG TU BSHAD PA LAS SDE TSAN DANG PO GNYIS DANG GSUM PA'I GTI MUG MED PA DANG, BAG YOD BTANG SNYOMS RNAM PAR MI 'TSE BA STE BZHI MA GTOGS PA LHAG MA BDUN DANG, LTA BA LAS GZHAN PA'I RTZA NYON LNGA STE NYI SHU RTZA GNYIS NI BRJOD PA SGRA DANG RGYU MTSAN GZHAN LA MA LTOS PAR BLO YUL DU 'GYUR BAS RDZAS YOD DANG, LHAG MA NYI SHU RTZA DGU NI RGYU MTSAN DE LAS BZLOG PAS BTAGS YOD YIN (PA'AM, KHA CIG NA RE GANG ZHIG RANG GI NGO BO LOGS SU GRUB PA NI RDZAS YOD DANG, GANG ZHIG LAS RANG BZHIN LOGS SU GRUB PA MED PA LOGS SU BRJOD PA NI BTAGS YOD YIN NO ZHES ZER,) TE, 'DI LTAR GTI MUG MED PA DANG LTA BA DANG SHES BZHIN MA YIN PA GSUM NI SHES RAB KHO NA DANG, BAG YOD DANG BTANG SNYOMS NI DGE RTZA GSUM BRTZON 'GRUS DANG BCAS PA DANG, RNAM PAR MI 'TSE BA ZHE SDANG MED PA DANG, KHRO BA DANG KHON 'DZIN DANG 'TSIG PA DANG PHRAG DOG DANG RNAM 'TSE LNGA NI KHONG KHRO DANG, SER SNA DANG RGYAGS PA DANG RGOD PA GSUM NI 'DOD CHAGS DANG, 'CHAB PA DANG RMUGS PA DANG MA DAD PA DANG LE LO BZHI GTI MUG DANG, G-YO SGYU GNYIS 'DOD CHAGS DANG GTI MUG DANG, NGO TSA KHREL MED DANG RNAM G-YENG GSUM DUG GSUM DANG, BAG MED NI DUG GSUM LE LO DANG BCAS PA LA BTAGS PA'AM, DON GSANG LAS 'DOD CHAGS DANG GTI MUG GI CHAR GTOGS PAR BSHAD DO, ,(RNAM 'TSE KHONG KHRO LA BTAGS PAR BSHAD,) BRJED NGAS NI DRAN PA NYON MONGS CAN YIN LA, GNYID DANG 'GYOD PA NYE NYON GYIS BSDUS PA NYON MONGS CAN NI GTI MUG LA BTAGS PA DANG, DGE BA DANG MA BSGRIBS LUNG MA BSTAN NI SHES RAB LA BTAGS PAR DON GSANG LAS BSHAD DO, ,RTOG DPYOD GNYIS NI SEMS PA DANG SHES RAB LA BTAGS PA'I PHYIR RO ZHES 'DOD DO, ,'DIR YANG KUN LAS BTUS LA SOGS PA LAS BTAGS YOD NYI SHU RTZA DGUR BYAS NAS SPYIR SEMS BYUNG LNGA BCU RTZA GCIG LAS DNGOS SU MA BSHAD KYANG GZHI PHRAN TSEGS LAS 'BYUNG BA'I NYI SHU RTZA BZHI PO RNAMS KYANG GZHI BSDU BA LAS BSHAD PA'I PHYIR BTAGS YOD (LNGA BCU RTZA GSUM,) YIN PAS SEMS BYUNG BDUN CU RTZA LNGA LA SOGS PAR 'GYUR RO ZHES SHES PAR BYA'O, ,GSUM PA NI SDE TSAN DANG PO GSUM DANG, NYON MONGS CHUNG NGU'I SA PA'I RGYAGS PA DANG, MA NGES PA'I CHAGS PA DANG NGA RGYAL DANG THE TSOM STE SUM CU PO RNAMS NI KHAMS GSUM SA DGU CHAR DANG, MI DGE BA'I SA PA @135 GNYIS DANG NYON MONGS CHUNG NGU'I SA PA'I G-YO SGYU RGYAGS PA GSUM MA GTOGS PA BDUN DANG, MA NGES PA'I 'GYOD GNYID KHONG KHRO STE BCU GNYIS PO RNAMS NI 'DOD KHAMS KHO NA DANG, NYON MONGS CHUNG NGU'I SA PA'I G-YO SGYU DANG, MA NGES PA'I RTOG DPYOD GNYIS TE BZHI NI 'DOD PA DANG BSAM GTAN DANG PO KHO NA YOD DE, DE DAG NI GTAN TSIGS DANG BCAS TE GZHUNG NYID DU SHES PAR BYA'O, , BZHI PA NI SDE TSAN DANG PO BZHI DANG, MA NGES PA'I RTOG DPYOD DANG CHAGS SDANG STE SUM CU RTZA GNYIS PO RNAMS NI RNAM SHES DRUG KA'I 'KHOR DU CI RIGS PAR 'BYUNG LA, NYON MONGS PA CHUNG NGU'I SA PA RNAMS DANG, MA NGES PA'I 'GYOD GNYID NGA RGYAL THE TSOM STE BCU BZHI PO RNAMS NI YID SHES KHO NA'I 'KHOR DU 'BYUNG BA, ,RNAM PAR SHES PA'I TSOGS BRGYAD DU 'DOD PA LTAR NA (SUM CU PA LAS, RTAG TU REG DANG YID BYED DANG, ,RAG DANG 'DU SHES SEMS PAR LDAN, ,ZHES PA DANG, DE LA TSOR BA BTANG SNYOMS (TE, ,KUN GZHI DE NI MA BSGRIBS LUNG MA BSTAN ZHES PAS) KUN GZHI'I 'KHOR DU KUN 'GRO LNGA (TSOR BA BTANG SNYOMS KHO NA,) DANG, NYON YID KYI 'KHOR DU KUN 'GRO LNGA DANG, BSGRIBS LA LUNG MA BSTAN GYI 'JIG TSOGS LA LTA BA DANG MA RIG PA DANG NGA RGYAL DANG 'DOD CHAGS TE RTZA NYON BZHI (KUN LAS BTUS LAS BSHAD PA'I RMUGS RGOD MA DAD LE LO BAG MED LNGA DANG, RNAM PAR GTAN LA DBAB PA BSDU BA LAS BSHAD PA'I BRJED NGAS RNAM G-YENG SHES BZHIN MA YIN PA GSUM STE NYON MONGS PA'I SA MANG BO PA'I NYE NYON BRGYAD DE BCU BDUN,) 'BYUNG (ZHING, SUM CU PA'I 'GREL PAR DE LA YANG TSOR BA BTANG SNYOMS NYID DE BSGRIBS LA LUNG DU MA BSTAN PA'O ZHES TSOR BA BTANG SNYOMS KHO NA DANG MTSUNGS PAR LDAN,) BAR 'DOD DE, DE DAG GI RGYU MTSAN YANG (RANG RANG GI,) GZHUNG LAS RTOGS PAR BYA'O, ,SEMS SEMS BYUNG GI KHYAD PAR DANG, GCIG DANG THA DAD DPYAD PA NI BSHAD ZIN TO, , LNGA PA NI SEMS LAS 'PHRAL 'PHRAL DU SKYES PA'I PHYIR SEMS LAS BYUNG BA STE, MDO LAS, 'DU SHES DANG SEMS PA'I CHOS 'DI RNAMS NI SEMS LAS BYUNG BA SEMS LA BRTEN PA'O ZHES GSUNGS PA'I PHYIR RO, , ('DI LA RANG RANG GI RIGS 'DRA SNGA MA LAS PHYI MA 'BYUNG BA'I RGYUN MED CES 'OD ZER 'DOD DO, ,) GNYIS PA GZHUNG GI DON LA NGES PA'I SEMS BYUNG GI RAB TU DBYE BA DANG, ZHAR LA MA NGES PA BSHAD PA DANG, SEMS GANG GI 'KHOR DU SEMS BYUNG DU 'BYUNG BA BSHAD PA DANG, 'DRA BA LTA BU'I SEMS BYUNG RNAMS KYI KHYAD PAR BSHAD PA DANG, SEMS DANG SEMS BYUNG GI MING GI RNAM GRANGS BSHAD PA LNGA'I DANG PO LA'ANG LNGA LAS SEMS KYI SA MANG PO PA BSHAD PA'I TSOR BA'I MTSAN NYID DANG DBYE BA NI BSHAD ZIN LA, @136 LAS NI (SA'I DNGOS GZHI LAS, TSOR BA LAS CI BYED CE NA, SRED PA SKYE BA DANG, BTANG SNYOMS SU 'JOG PA'I LAS BYED DO ZHES 'BYUNG BAS BDE SDUG GI,) SRED PA'I RTEN BYED (LA ZAG MED DANG, THA MAS BTANG SNYOMS SU 'JOG) PA'O, ,SEMS PA NI GANG ZHIG YOD NA KHAB LEN GYIS LCAGS LTAR YUL DRUG LA DMIGS NAS SEMS MNGON PAR 'DU BYED CING SEMS DMIGS PA LA G-YO BAR BYED PA YID KYI LAS TE, JI SKAD DU SKAD CIG GZHAN DU MI GNAS SHING, ,BYED MED YID KYANG GANG GIS NA, ,BYED DANG BCAS PAR SNANG BYED PA, ,SEMS PA DE NI YID KYI LAS ZHES BSHAD DO, ,DBYE NA SEMS PA'I TSOGS DRUG GO, BYED LAS NI LUS NGAG GI LAS KUN NAS SLONG BAR BYED PA'O, ,'DU SHES KYI MTSAN NYID DANG DBYE BA NI BSHAD ZIN LA, BYED LAS (SA'I DNGOS GZHI LAS 'DU SHES LAS CI BYED CAN DMIGS PA LA MTSAN MA 'DZIN PA'I THA SNYAD KYI LAS BYED DO ZHES 'BYUNG BAS,) THA SNYAD 'DOGS PAR BYED PA'O, , 'DUN PA NI YUL DRUG LA DMIGS NAS BYED 'DOD PA STE DMIGS PA'I YUL DON DU GNYER BA'O, , DBYE BA NI 'DAS PA LA PHRAD PA DANG, DA LTAR BA LA MI 'BRAL BA DANG, MA 'ONGS PA LA DON DU GNYER BAR 'DUN PA STE, BRTZON 'GRUS RTZOM PA'I LAS CAN NO, ,REG PA NI YUL DANG DBANG PO DANG RNAM SHES GSUM 'DUS NAS YUL GYI 'GYUR BA YONGS SU DPYOD PA STE, DBYE NA REG PA'I TSOGS DRUG GO, LAS NI TSOR BA'I RTEN BYED PA'O, ,BLO GROS NI SHES RAB STE, ZAG BCAS ZAG MED LA SOGS PA'I CHOS RNAMS RAB TU RNAM PAR 'BYED PA STE, DBYE NA SKYES THOB DANG THOS PA DANG BSAMS PA DANG BSGOMS PA LAS BYUNG BA'I SHES RAB BZHI'AM, (YANG NA SA'I DNGOS GZHI LAS 'BYUNG BA'I PHYIN CI LOG BZHI DANG BRAL BA'I DGE BA'I ZAG BCAS ZAG MED DANG, DE LAS BZLOG PA DANG, LUNG MA BSTAN GYI SHES RANG KYIS CHOS LA NYE BAR SEMS PA RNAMS NI RIM PA LTAR) RIGS PAS BSKYED PA DANG, RIGS PA MA YIN PAS BSKYED PA DANG, DE GNYIS LAS GZHAN PA GSUM MO, ,BYED LAS NI SOM NYI ZLOG PA'I LAS CAN NO, 'O NA SOM NYI DANG LDAN PA'I SEMS LA SHES RAB YOD NA SOM NYI MED PAR 'GYUR LA, MED NA DE SEMS KYI SA MANG PO PAR MI 'GYUR RO ZHE NA, SOM NYI DANG LDAN PA'I SEMS LA'ANG SHES RAB CUNG ZAD YOD MOD KYI DE SHAS CHUNG LA, SOM NYI SHAS CHE BA'I PHYIR DE MED PAR YANG MI 'GYUR TE BA TSVA CAN GYI RGYA MTSO DANG 'DRES PA'I YAN LAG BRGYAD DANG LDAN PA'I CHU BZHIN NO, ,DE BZHIN DU KHRO BA DANG LDAN PA'I SEMS LA 'DUN PA DANG, RNAM G-YENG DANG LDAN PA LA TING NGE 'DZIN DANG, BRJED NGAS DANG LDAN PA LA DRAN PA DANG, MA DAD PA LA MOS PA YOD DAM MED CES BYA BA LA SOGS PA'I DPYAD PA'ANG SHES PAR BYA'O, ,SDE PA GZHAN GYIS NI DE @137 LTA BU'I NYES PA YOD PA'I PHYIR 'DUN PA LA SOGS PA LNGA NI YUL SO SOR NGES PA YIN GYI KUN DU 'GRO BA NI MA YIN NO ZHES BZHED DO, , DRAN PA NI DMIGS PA MI BRJED PA STE, DBYE NA NYON MONGS PA CAN DANG DE MA YIN PA GNYIS SO, , LAS NA DMIGS PA LA SEMS MI G-YENG BAR BYED PA'O, ,YID LA BYED PA NI SEMS YUL LA GTOD PA'I SEMS KYI 'JUG PA STE, DBYE NA TSUL BZHIN DU YID LA BYED PA DANG, TSUL BZHIN MA YIN PAR YID LA BYED PA GNYIS SO, ,LAS NI MDO LAS, YID LA BYED PA THOB PA NI TING NGE 'DZIN THOB PA'O, ,ZHES 'BYUNG BAS DMIGS PA LA SEMS 'DZIN PAR BYED DO, ,MOS PA NI 'DOD PA'AM DMIGS PA LA YON TAN CAN DU 'DZIN PA STE, DBYE NA YANG DAG PAR MOS PA DANG, LOG PAR MOS PA GNYIS SO, ,LAS NI SLOB DPON BLO GROS BRTAN PAS MOS PA GCES SU BYED PA NI PHAS KYI RGOL BA RNAMS KYIS RANG GI GRUB PA'I MTHA' LAS 'PHROG PAR MI NUS SO ZHES BSHAD PAS DMIGS PA LAS MI 'PHROGS PAR BYED PA'O, , TING NGE 'DZIN NI DMIGS PA GCIG LA RNAM PA GCIG TU 'JUG PA'I RTZE GCIG PA STE, 'DIR RTZE NI DMIGS PA'O, ,DBYE NA SA DGU NA TING NGE 'DZIN DGU DANG, 'JIG RTEN LAS 'DAS TE PA BCU'O, , LAS NI SEMS MNYAM PAR BZHAG NA YANG DAG PA JI LTA BA BZHIN DU SHES PA 'BYUNG BAS JI LTA BAR SHES PA'I RTEN BYED PA'O, ,BCU PO DE DAG NI SEMS THAMS CAD LA 'BYUNG BA'I PHYIR SEMS KYI SA MANG PO PA ZHES BYA'O, ,GAL TE SEMS THAMS CAD LA DE DAG 'BYUGN NA 'DUN PA DANG MOS PA DANG DRAN PA DANG, TING NGE 'DZIN DANG SHES RAB BSKYED PA'I PHYIR BRTUL ZHUGS CAN RNAMS BRTZON PA DON MED PAR 'GYUR RO ZHE NA, MA YIN TE, DE DAG KHYAD PAR CAN BSKYED PA'I PHYIR RO ZHES BYE BRAG TU SMRA BA 'DOD DO, ,GAL TE SEMS GCIG LA DE LTA BU'I THA DAD PA BCU NI MA DMIGS SO ZHE NA, 'DI DAG GI KHYAD PAR NI YID CHES PA'I LUNG LAS SHES PAR BYA BA YIN GYI PHRA BAS RTOGS PAR DKA' BA'I PHYIR DBANG PO'I YUL NI MA YIN TE, GANG DAG DBANG PO'I YUL DU GYUR PA SBYAR BA'I SMAN LA SOGS PA GZUGS CAN RNAMS LA'ANG THA DAD PA'I KHYAD PAR GZUNG BAR MI NUS NA SEMS DANG SEMS LAS BYUNG BA RNAMS LA LTA CI SMOS, DE NYID KYI PHYIR 'GREL PA LAS, SEMS DANG SEMS LAS BYUNG BA RNAMS KYI BYE BRAG NI PHRA BAS DE NI RE ZHIG RGYUN RNAMS LA YANG YONGS SU BCAD PAR DKA' NA SKAD CIG MA DAG LA LTA SMOS KYANG CI DGOS, RE ZHIG SMAN LA SOGS PA GZUGS CAN RNAMS LA YANG RO MANG PO KHA CIG GI RO'I KHYAD PAR DBANG POS GZUNG BAR BYA BA RNAMS NGES PAR GZUNG BAR DKA' NA CHOS GANG DAG GZUGS CAN MA YIN ZHING BLOS GZUNG BAR BYA BA RNAMS LTA SMOS @138 KYANG CI DGOS ZHES BSHAD DO, ,GAL TE KHYAD PAR MA MTHONG BA TZAM GYIS THA DAD MED PAR RTOG NA KUN DU 'GRO BA LNGAR SMRA BA RNAMS LA'ANG MTSUNGS PA'I PHYIR RO, ,LUNG LAS JI SKAD DU BSHAD CE NA, DRAN PA NYER GZHAG GI MDO LAS, 'DI LTAR SA CHEN PO'I CHOS BCU NI TSOR BA DANG 'DU SHES DANG SEMS PA DANG REG PA DANG YID LA BYED PA DANG 'DUN PA DANG MOS PA DANG DRAN PA DANG TING NGE 'DZIN DANG SHES RAB STE DE LTAR DMIGS PA GCIG LA MTSAN NYID GZHAN DU 'DOD DO, ,RNAM PAR SHES PA LA SOGS PA CHOS BCU GCIG PO DE DAG KYANG JI LTAR NYI MA'I 'OD ZER GCIG TU 'DU YANG 'ON KYANG NGO BO NYID GZHAN YIN PA DE BZHIN DU RNAM PAR SHES PA'I NGO BO NYID GZHAN PA NAS SEMS PA'I BAR DU GZHAN NO ZHES SA MANG PO PA BCU YIN PA DANG, SEMS SEMS BYUNG DE DAG RDZAS THA DAD YIN PAR YANG BSHAD PA'I PHYIR RO, , GNYIS PA DGE BA'I SA MANG PO PA BSHAD PA'I DAD PA NI SEMS NYON MONGS PA DANG NYE BA'I NYON MONGS PA'I RNYOG PA DANG BRAL BAR BYED PA'I DANG BA STE, DBYE NA LAS 'BRAS LA YID CHES PA DANG, DKON MCHOG GSUM GYI YON TAN LA DANG BA DANG, BDEN BZHI LA SPANG ZHING BSGRUB PAR 'DOD PA'O, , LAS NI 'DUN PA BSKYED PAR BYED PA'O, ,BAG YOD PA NI DAD PA LA SOGS PA'I DGE BA'I CHOS RNAMS LA GCES SPRAS SU BYED CING SGOM PA ('AM ZAG PA DANG ZAG PA'I GNAS LAS SEMS BSRUNG,) STE, DBYE NA BSOD NAMS DANG THAR PA DANG NGES 'BYED CHA MTHUN DANG ZAG MED KYI DGE BA SGOM PA'I BAG YOD PA BZHI'O, ,LAS NI 'JIG RTEN DANG DE LAS 'DAS PA'I PHUN SUM TSOGS PA THAMS CAD RDZOGS PAR BYED PA'O, ,SHIN TU SBYANGS PA NI SEMS DMIGS PA LA GTAD BZOD PA'I LAS SU RUNG BA STE, DBYE NA LUS SHIN TU SBYANGS PA SGO LNGA'I RNAM SHES KYI 'KHOR DU BYUNG BA DANG, SEMS SHIN DU SBYANGS PA YID SHES KYI 'KHOR DU BYUNG BA GNYIS SO, ,YANG NA LUS SHIN DU SBYANGS PA LUS SHING BAL LTAR YANG BA DANG RKED PA GSER GYI DONG TSE BRTZEGS PA LTAR MNYAM PA LA SOGS PA LUS NYID LAS SU RUNG BA YIN PA'I PHYIR SEMS LAS BYUNG BA NI MA YIN NO, ,'GREL PA LAS KYANG, LUS SHIN TU SBYANGS PA DES SEMS LAS SU RUNG BA BYANG CHUB KYI YAN LAG 'DREN PAR BYED PAS DE DANG MTHUN PA'I PHYIR DE LA'ANG BYANG CHUB KYI YAN LAG TU BTAGS NAS BRJOD DE, DPER NA MDO LAS, DGA' BA DANG DGA' BA'I GNAS LTA BU'I CHOS RNAMS DGA' BA YANG DAG BYANG CHUB KYI YAN LAG TU GSUNGS PA DANG, KHONG KHRO BA DANG KHONG KHRO BA'I RGYU MTSAN GNOD SEMS KYI SGRIB PAR @139 GSUNGS PA DANG, YANG DAG PA'I RTOG PA DANG RTZOL BA SHES RAB KYI RANG BZHIN MA YIN YANG DE DAG MTHUN PAS SHES RAB KYI PHUNG POR BRJOD PA BZHIN NO ZHES BSHAD DO, ,LAS NI NYON MONGS PA LA SOGS PA'I SGRIB PA THAMS CAD SEL BAR BYED PA'O, ,('DU BYED) BTANG SNYOMS NI SEMS BYING RGOD DANG BRAL BA'I RNAL DU 'DUG PA STE, DBYE NA THOG MAR RES 'GA' BYING RGOD 'BYUNG BA'I MNYAM PA NYID DANG, BAR DU DOGS PA YOD KYANG MI 'BYUNG BA'I RNAL DU GNAS PA DANG, THA MAR DOGS PA'ANG MED PA'I LHUN GYIS GRUB PA GSUM MO, ,LAS NI ZAG PA RNAMS KYI SKABS MI 'BYED PA'O, , NGO TSA SHES PA DANG KHREL YOD PA NI 'CHAD PAR 'GYUR LA, DE DAG GI LAS NI NYES SPYOD SDOM PA'O, , RTZA BA GNYIS NI 'DOD CHAGS MED PA DANG ZHE SDANG MED PA STE, GTI MUG MED PA NI SHES RAB KYI CHA LA BTAGS PA'I PHYIR 'DIR MA BRJOD DO, ,'DIR MA CHAGS PA DANG 'DOD CHAGS MED PA ZHES PA'I MA DANG MED CES PA NI MED PA DANG, GZHAN PA DANG, GNYEN PO GSUM LA 'JUG PA LAS 'DIR NI CHAGS PA'I GNYEN PO LA 'JUG GI MED PA DANG GZHAN PA LA NI MI 'JUG GO, DO BZHIN DU ZHE SDANG MED PA DANG GTI MUG MED PA LA'ANG BRJOD PAR BYA'O ZHES BYE BSHAD LAS BSHAD DO, ,DE DAG GI LAS NI SROG GCOD PA LA SOGS PA NYES SPYOD LA MI 'JUG PAR BYED PA'O, , RNAM PAR MI 'TSE BA NI SNYING BRTZE BA STE, DBYE NA SEMS CAN LA DMIGS PA DANG, CHOS LA DMIGS PA DANG, DMIGS PA MED PA'O, ,SEMS CAN LA DBYUG PA LA SOGS PAS THO MI 'TSAM PA'I LAS CAN NO, ,BRTZON 'GRUS NI DGE BA'I BYA BA LA SEMS MNGON PAR SPRO BA STE, MI DGE BA'I BYA BA LA SEMS MNGON PAR SPRO BA NI BRTZON 'GRUS MA YIN GYI BYA BA NGAN ZHEN GYI LE LO YIN TE, MDO LAS, 'DI LAS PHYI ROL PA RNAMS KYI BRTZON 'GRUS GANG YIN PA DE NI LE LO KHO NA YIN NO, ,ZHES GSUNGS PAS BRTZON 'GRUS DMAN PA LA DGAG PA'I SGRAR BRJOD DO, ,DBYE BA NI (THEG PA CHEN PO'I MDO SDE'I RGYAN LAS, THOG MAR GO CHA'I BRTZON 'GRUS DE NAS NI, ,TSUL BZHIN RAB ZHUGS SBYOR BA'I BRTZON 'GRUS TE, ,MA ZHUM MI 'GONG CHOG MI SHES BRTZON 'GRUS, ,ZHES PA LNGA'AM, KUN LAS BTUS LAS NI GO CHA DANG, SBYOR BA DANG, MI 'GONG BA DANG, MI LDOG PA DANG, CHOG PAR MI 'DZIN PA LA SEMS MNGON PAR SPRO BA STE ZHES PA LNGA DANG, YANG NA,) GO CHA DANG SBYOR BA DANG, PHYIR MI LDOG PA'I BRTZON 'GRUS GSUM MO, ,LAS NI DGE BA THAMS CAD RDZOGS PAR BYED PA'O, ,BCU PO 'DI DAG NI RTAG TU DGE BA'I SEMS THAMS CAD LA 'BYUNG BA'I PHYIR DGE BA'I SA MANG PO PA DAG CES BYA'O, ,GAL TE DAD PA NI DGA' BA'I RNAM PA CAN @140 YIN PA'I PHYIR DANG, SNYING BRTZE BA NI YID GDUNG BA YIN PA'I PHYIR SEMS GCIG GI 'KHOR DU DE DAG JI LTAR 'BYUNG BAR 'GYUR, DE BZHIN DU YID LA BYED PA RTZOL BCAS DANG BTANG SNYOMS RTZOL MED DANG, 'DOD KHAMS PA RNAMS NI RNAM PAR G-YENG BA DANG BCAS PA'I PHYIR SHIN TU SBYANGS PA 'BYUNG BAR JI LTAR 'GYUR ZHE NA, DE DAG SHAS CHE CHUNG MA GTOGS PA CHA SHAS KYIS THAMS CAD LA 'BYUNG BAR 'DOD DO ZHES SNGAR BSHAD ZIN TO,, SDE PA GZHAN GYIS NI 'DI DAG NGO BO NYID KYIS DGE BA YIN GYI DGE BA'I SEMS THAMS CAD LA NI 'DI DAG GIS KHYAB PA MA YIN NO ZHES BYA BAR BZHED PA NYID RIGS PA YIN NO, , GSUM PA NYON MONGS PA'I SA MANG PO PA'I RMONGS PA NI LAS 'BRAS DANG BDEN PA DANG DKON MCHOG LA SOGS PA MI SHES SHING MI GSAL BA STE RMONGS PA DANG MA RIG PA DANG GTI MUG CES BYA BA NI RNAM GRANGS TE, LAS NI RTZA BA DANG NYE BA'I NYON MONGS PA THAMS CAD KYI RTEN BYED PA'O, ,BAG MED PA NI BAG YOD PA'I MI MTHUN PHYOGS DGE BA MI SGOM ZHING ZAG BCAS LAS SEMS MI BSRUNG BA STE, LAS NI NYES SPYOD KYI RTEN BYED PA'AM, MI DGE BA 'PHEL BA DANG DGE BA 'GRIB PAR BYED PA'O, , LE LO NI BRTZON 'GRUS KYI MI MTHUN PHYOGS DGE BA LA SEMS MNGON PAR MI SPRO BA STE, LAS NI DGE BA LA SBYOR BA'I BAR DU GCOD PA NYID DO, ,MA DAD PA NI DAD PA'I MI MTHUN PHYOGS SEMS MA DANG BA STE, (DBYE NA BYA BAR NGAN ZHEN DANG, SGYID LUG PA DANG, SNYOM LAS 'DZIN PA'I LE LO STE GSUM MO, ,) LAS NI LE LO'I RTEN BYED PA'O, ,RMUGS PA NI LUS SEMS LCI ZHING DMIGS PA MI GSAL BA'I BLONG BLONG PO STE LUS SEMS LAS SU MI RUNG BA'O, ,DBYE NA (SGO LNGA'I RNAM SHES DANG YID SHES KYI 'KHOR DU 'BYUNG BA,) LUS SEMS KYI RMUGS PA GNYIS SO, ,DE LA LUS KYI RMUGS PA NI SGO LNGA'I RNAM SHES KYI 'KHOR DU 'BYUNG BA'O, ,LAS NI NYON MONGS PA DANG NYE BA'I NYON MONGS THAMS CAD KYI GROGS BYED PA'O, , RGOD PA NI SEMS MA ZHI BAR DMIGS PA LAS GZHAN DU 'PHRO BA STE, LAS NI ZHI GNAS KYI BAR DU GCOD PA NYID DO, ,DRUG PO DE DAG NI NYON MONGS PA CAN GYI SEMS THAMS CAD LA RTAG TU 'BYUNG BA'I PHYIR NYON MONGS PA'I SA MANG PO PA YIN NO, ,GAL TE RGOD PA NI DMIGS PA LA GSAL BAR 'JUG LA, RMONGS PA DANG RMUGS PA DAG NI MI GSAL BAR 'JUG PA'I PHYIR SEMS GCIG LA DE DAG JI LTAR 'BYUNG ZHE NA, 'DI YANG SNGA MA BZHIN DU SHES PAR BYA'O, ,'O NA MNGON PA'I BSTAN BCOS LAS RMUGS PA MI 'BYUNG LA, BRJED NGAS DANG, RNAM PAR G-YENG BA DANG, SHES BZHIN MA YIN PA DANG, TSUL BZHIN @141 MA YIN PA YID LA BYED PA DANG, LOG PAR MOS PA DANG, RMONGS PA LA SOGS PA LNGA STE BCU 'BYUNG BA'I SNGA MA LNGA 'DIR MI 'CHAD PA CI STE ZHE NA, PHYE BRAG TU SMRA BA RMUGS PA NI TING NGE 'DZIN DANG RJES SU MTHUN PA'I PHYIR MNGON PA LAS MA SMOS LA, BRJED NGAS LA SOGS PA NI DRAN PA LA SOGS PA LA BTAGS PA YIN PA'I PHYIR 'DIR MA SMOS SO ZHES SO ZHES BYA BAR 'DOD LA, SLOB DPON NI RMUGS PA'ANG RGOD PA DANG 'DRA BAR TING NGE 'DZIN DANG MI MTHUN PAS 'DIR SMOS SO ZHES BZHED DO, ,(GRANGS MANG PO PA YIN PA DE DAG NYON MONGS PA'I SA MANG PA PA YANG YIN NAM ZHE NA MU BZHI STE, DANG PO NI KUN 'GRO LNGA'O, ,GNYIS PA NI MA DAD PA LA SOGS PA LNGA'O, ,GSUM PA NI DRAN PA NYON MONGS CAN LA SOGS PA YUL NGES LNGA'I ZLOG PHYOGS SO, ,BZHI PA NI DE DAG LAS GZHAN NO, ,) BZHI PA MI DGE BA'I SA MANG PO PA NI, MI DGE BA'I SEMS THAMS CAD LA NI KHREL MED PA DANG NGO TSA MED PA GNYIS PO 'DI DAG GIS KHYAB PO ZHES SHES PAR BYA'O ZHES BYA BA STE, DE DAG NI 'CHAD PAR 'GYUR LA, LAS NI NYON MONGS PA DANG NYE BA'I NYON MONGS PA THAMS CAD KYI GROGS BYED PA NYID DO, ,LNGA PA NYON MONGS PA CHUNG NGU'I SA PA'I KHRO BA NI GNOD PA BYED PA'I SEMS CAN LA SOGS PA MNGON DU GYUR PA LA SEMS KHONG NAS 'KHRUG PA STE, THO 'TSAMS PA'I LAS CAN NO, , KHO NA DU 'DZIN PA NI KHROS PA'I 'OG TU DE LA RGYUN DU 'DZIN PA STE, LAS NI MI BZOD PA'I RTEN BYED PA'O, ,G-YO NI (RANG GIS BYAS 'DI NYES PA LA,) NYES PAR KHAS MI LEN PAR SEMS GYA GYU (ZHING GTAM RLUNG LA BSKUR,) BA STE, YANG DAG PA'I GDAMS NGAG RNYED PA LA BAR DU GCOD PA'I LAS CAN NO, , PHRAG DOG NI GZHAN GYI PHUN SUM TSOGS PA LA MI BZOD PA STE, BLO MI BDE BA'I RTEN BYED PA'O, ,'TSIG PA NI SDIG PA LA MNGON PAR ZHEN PA'O, ,PHUNG PO LNGA PA LAS NI 'TSIG PA GANG ZHE NA, TSIG BRLANG POS ZHER 'DEBS PA NYID DO ZHES KHROS PA'I SEMS KYIS TSIG BRLANG POR ZHER 'DEBS PA ZHE SDANG GI CHAR GTOGS PA LA BSHAD DE DE NYID RIGS PA YIN NO, ,LAS NI DAG GI NYES SPYOD SKYED PA DANG, BDE BA LA REG PAR MI GNAS PA DANG, BSOD NAMS MA YIN PA 'PHEL BAR BYED PA'O, ,DE'I PHYIR SLOB DPON BLO GROS BRTAN PAS DE DANG LDAN PA'I GANG ZAG DANG 'GROGS PAR DKA' BA'I PHYIR RO ZHES BSHAD DO, , 'CHAB PA NI NYES PA SBED CING GSONG BA STE, LAS NI NYES PA BCABS NA 'GYOD CING NGES PAR YID MI BDE 'BYUNG BAS 'GYOD PA DANG, BDE BA LA REG PAR MI GNAS PA'I RTEN BYED PA'O, ,SER SNA NI CHOS DANG ZAD ZING DANG (YON TAN GYI SER SNA,) MKHAS PA'I DNGOS PO RNAMS LA CHAGS NAS GZHAN LA MI @142 GTONG BAR 'DZIN PA STE, YO BYAD MI BSNYUNGS BAR BYED PA'I LAS CAN NO, ,SGYU NI RNYED BKUR LA SOGS PA LA CHAGS NAS RANG LA YON TAN YOD PA LTAR 'CHOS PA STE, LAS NI LOG 'TSO'I RTEN BYED PA'O, , RGYAGS PA NI STON PAR 'GYUR LA, DE'I LAS NI NYON MONGS PA DANG NYE BA'I NYON MONGS PA THAMS CAD KYI RTEN BYED PA'O, ,RNAM PAR 'TSE BA NI SEMS CAN DAG SDUG BSNGAL BAR 'DOD PA STE, THO 'TSAM PA'I LAS CAN NO, ,DE LTAR RNAM PA BCU PO DE DAG NI NYON MONGS PA CHUNG NGU'I SA PA RNAMS TE, RTZA BA'I NYON MONGS PA (GZHAN DANG MTSUNGS PAR MI LDAN LA RANG DBANG CAN YIN PAS GROGS,) MA RIG PA TZAM DANG MTSUNGS PAR LDAN PA DANG, (BDEN PA LA LOG PAR MI RTOGS PAS,) SPANG BYA SGOM SPANG KHO NA DANG, SGOM SPANG GI YID KYI RNAM SHES KHO NA DANG MTSUNGS PAR LDAN (PA'I YID KYI SA PA YIN,) PA'I PHYIR RO, , GNYIS PA ZHAR LA MA NGES PA BSHAD PA NI 'O NA SLOB DPON GANG SPEL DANG DBYIG BSHES KYI t'I KA LAS, RTOG DANG DPYOD DANG 'GYOD PA DANG, ,GNYID DANG KHONG KHRO CHAGS RNAMS DANG, ,NGA RGYAL THE TSOM ZHES BYA BA, ,BRGYAD NI NGES PA MIN PAR BSHAD, ,CES GSUNGS PA DAG KYANG SEMS LAS BYUNG BA'I DBYE BAR CI'I PHYIR MA BSHAD CE NA, NGES PA RNAMS DNGOS SU BSHAD PA NYID KYIS DE DAG MA NGES PAR SHUGS LA GO BA'I PHYIR MA BSHAD DO, ,JI LTAR MA NGES SHE NA, RE ZHIG (SDE TSAN DANG PO BZHI NI MA NGES TE, RIM PA LTAR RO,,) SA MANG PO PA NI MA YIN TE, SEMS THAMS CAD KYI 'KHOR DU MI 'BYUNG BA'I PHYIR RO, ,DGE BA'I SA PA'ANG MA YIN TE, DGE BA THAMS CAD KYI 'KHOR DU MI 'BYUNG BA'I PHYIR RO, , NYON MONGS PA'I SA PA'ANG MA YIN TE, NYON MONGS CAN GYI SEMS THAMS CAD KYI 'KHOR DU 'BYUNG BAR MA NGES PA'I PHYIR RO, ,MI DGE BA'I SA PA'ANG MA YIN TE, MI DGE BA THAMS CAD KYI 'KHOR DU 'BYUNG BAR BA THAMS CAD KYI 'KHOR DU 'BYUNG BAR MA MA NGES PA'I PHYIR RO, ,NYON MONGS PA CHUNG NGU'I SA PA'ANG MA YIN TE, (NYON MONGS CHUNG NGU'I SA BAR MI 'JOG PA'I RGYU MTSAN,) RTOG DPYOD LA GSUM CHAR DANG, 'GYOD PA LA DANG PO DANG, GNYID LA DANG PO GNYIS (MED DE SPANG BYA GNYIS KA YIN PAS,) DANG, CHAGS SDANG LA THA MA GNYIS (SU MA NGES PAS,) DANG, NGA RGYAL (SPANG BYA GNYIS KA,) DANG THE TSOM (MTHONG SPANG YIN PAS DE,) LA BAR MA MED PAS MA RIG PA TZAM DANG SGOM SPANG TZAM DANG YID TZAM DANG MTSUNGS PAR LDAN PA KHO NA MA YIN PA'I PHYIR RO, ,DE LTA BU'I RGYU MTSAN YANG GANG LAS SHE NA, GSUM PA SEMS GANG GI 'KHOR DU SEMS BYUNG DU 'BYUNG BA BSTAN PA NI 'DOD PA'I KHAMS NA (DGE BA DANG MI DGE 'DRES MA 'DRES GNYIS DANG, LUNG MA @143 BSTAN BSGRIBS MA BSGRIBS GNYIS TE SEMS LNGA YOD PA LAS,) DGE BA'I SEMS THAMS CAD LA NI SEMS LAS BYUNG BA NYI SHU RTZA GNYIS 'BYUNG NGO ZHES SBYAR RO, ,CI STE NA, SDE TSAN DANG PO GNYIS DANG, RTOG PA DANG DPYOD PA GNYIS DANG BCAS PA'I PHYIR DANG, DGE BA'I SEMS YIN PAR SDE TSAN PHYI MA GSUM DANG, MA NGES PA'I KHONG KHRO DANG CHAGS PA DANG NGA RGYAL DANG THE TSOM RNAMS MI 'BYUNG LA, GNYID DANG 'GYOD PA RES 'GA' 'BYUNG YANG MA NGES PA'I PHYIR RO, ,DE BZHIN DU 'OG MA RNAMS SU'ANG CI RIGS PAR GTAN TSIGS SHES PAR BYA'O, ,'DOD PA'I DGE BA'I SEMS THAMS CAD LA 'GYOD PA MI 'BYUNG BAS GANG LA 'GYOD PA DGE BA YOD PA'I SEMS LA LA DAG TU NI 'GYOD PA BSNAN PAS DE DANG NYI SHU RTZA GSUM DU RIG PAR BYA STE, DGE BA MA BYAS PA DANG MI DGE BA BYAS PA LA 'GYOD PA NI DGE BA YIN PA'I PHYIR RO, , 'GYOD PA NI NGAN PAR BYAS PA LA DMIGS PA'I YID LA GCAGS PA YIN LA, DGE BA LA 'GYOD PA LA'ANG NGAN PAR BLO LA SNANG BA DANG, MA BYAS PA LA 'GYOD PA'ANG BYA BAR 'OS PA MA BYAS PA LA NGAN PAR BYAS PA'I MING GIS BRJOD PA'I PHYIR MA KHYAB PA MA YIN NA ZHES 'CHAD MOD KYI DMIGS PA LA GNOD PA'I YID LA GCAGS PA YIN PAR RIGS SO, ,LAS NI SEMS GNAS PA'I BAR DU GCOD PAR BYED PA'O, , DE LA 'DIR 'DOD PA NA SPYIR SEMS DGE MI DGE LUNG MA BSTAN GSUM YOD CING, MI DGE BA'I SEMS LA'ANG MA 'DRES PA MA RIG PA TZAM DANG MTSUNGS PAR LDAN PA DANG, 'DRES PA NYON MONGS PA GZHAN DANG YANG MTSUNGS PAR LDAN PA GNYIS DANG, LUNG MA BSTAN LA'ANG BSGRIBS PA DANG, MA BSGRIBS PA GNYIS YOD PAS LNGAR 'GYUR BA LAS DE LA RE ZHIG MI DGE BA'I SEMS LA NI (RTZA NYON GZHAN DAG NYON MONGS CAN YIN PAS,) MA 'DRES PA MA RIG PA TZAM DANG MTSUNGS PAR LDAN PA (LA'ANG NYI SHU 'BYUNG LA,) DANG (GI SGRAS 'DRES PA LA'ANG NYI SHU 'BYUNG BA YOD DE DE YANG,) 'JIG TSOGS DANG MTHAR 'DZIN LAS GZHAN PA LOG LTA LA SOGS PA LTA BA (PHYI MA,) GSUM DANG MTSUNGS PAR LDAN PA ('DRES PA,) LA'ANG SEMS LAS BYUNG BA NYI SHU 'BYUNG STE, (SEMS SEMS BYUNG YIN PAS,) SA MANG PO PA BCU DANG, NYON MONGS PA'I SA PA DRUG DANG, (MI DGE BA YIN PAS,) MI DGE BA GNYIS DANG, ('DOD SEMS YIN PAS,) RTOG DPYOD GNYIS DANG MTSUNGS PAR LDAN PA'I PHYIR DANG, MA RIG PA RANG NYID NI (DNGOS SU MI SMOS PA,) NYON MONGS PA'I SAR BGRANGS SHING, LTA BA (MI SMOS PA,) NI SHES RAB KYIS BSDUS PAS RDZAS GZHAN DU MED LA, DGE BA'I SA PA RNAMS MI SRID PA'I PHYIR RO, ,'DIR 'DRES PA NI RTZA NYON GZHAN DANG YANG MTSUNGS PAR LDAN PA YIN LA, MA 'DRES PA NI RTZA NYON MA RIG PA KHO NA DANG MTSUNGS PAR @144 LDAN PA YIN TE, 'GREL PA LAS, MA 'DRES PA ZHES BYA BA NI SEMS GANG LA MA RIG PA 'BA' ZHIG YOD KYI 'DOD CHAGS LA SOGS PA NYON MONGS PA GZHAN MED PA'O ZHES BSHAD PA'I PHYIR RO, ,(LTA BA DANG PO GNYIS DANG MTSUNGS LDAN NI 'DIR MI GZUNG STE, MI DGE BA MA YIN PA'I PHYIR RO, ,) SEMS MI DGE BA LTA BA DANG LDAN PA NI 'JIG TSOGS DANG MTHAR 'DZIN LAS GZHAN PA'I LTA BA GSUM DANG MTSUNGS PAR LDAN PA YIN TE, DE GNYIS NI BSGRIBS LA LUNG MA BSTAN YIN PA'I PHYIR RO, ,'DOD CHAGS DANG KHONG KHRO DANG NGA RGYAL DANG THE TSOM STE RTZA BA'I NYON MONGS PA BZHI (PO GANG YANG RUNG BA,) DANG, KHRO BA LA SOGS PA NYON MONGS PA CHUNG NGU'I SA PA RNAMS (GANG YANG RUNG BA,) DANG, 'GYOD PA MI DGE BA DANG MTSUNGS PAR LDAN PA'I SEMS LA NI NYI SHU RTZA GCIG 'BYUNG (BA NI SNGAR GYI NYI SHU'I STENG DU RANG RANG BSNAN PA,) STE, SNGAR SMOS PA'I NYI SHU DANG, 'DOD CHAGS LA SOGS PA RE RE (PO RANG NYID,) BSNAN PA'I PHYIR DANG, 'DOD CHAGS DANG MTSUNGS PAR LDAN PA NI MA RIG PA MA GTOGS PA RTZA BA'I NYON MONGS PA KHONG KHRO LA SOGS PA GZHAN DANG MTSUNGS PAR MI LDAN PA'I PHYIR DANG, KHONG KHRO DANG MTSUNGS PAR LDAN PA'ANG MA RIG PA MA GTOGS PA RTZA BA'I NYON MONGS PA 'DOD CHAGS LA SOGS PA GZHAN DANG MTSUNGS PAR MI LDAN LA, KHRO BA LA SOGS PA'ANG MA RIG PA TZAM DANG MTSUNGS PAR LDAN GYI RTZA NYON GZHAN DANG DE DAG NANG YANG PHAN TSUN MTSUNGS PAR MI LDAN PA'I PHYIR DANG, ,('DI DAG NI CHIG SKYA THUB PA'I NYON MONGS YIN PA'I PHYIR DANG,) MA RIG PA NI NYON MONGS PA'I SA PAR BGRANGS ZIN PA'I PHYIR RO, ,DE YANG RNAM PAR GTAN LA DBAB PA BSDU BA LAS NI 'DI DANG MTHUN PAR 'DOD CHAGS DANG KHONG KHRO DANG NGA RGYAL DANG THE TSOM RNAMS NI PHAN TSUN MI MTHUN PA'I PHYIR PHAN TSUN MTSUNGS PAR MI LDAN TE ZHES MA RIG PA MA GTOGS PA PHAN TSUN MTSUNGS PAR MI LDAN PAR BSHAD LA, KUN LAS BTUS LAS NI 'DOD CHAGS DANG NGA RGYAL DANG LTA BA RNAMS KYANG MTSUNGS PAR LDAN ZHING, KHONG KHRO DANG THE TSOM YANG PHAN TSUN MTSUNGS PAR LDAN PAR BSHAD MOD KYI 'DIR NI MA RIG PA MA GTOGS PA RTZA NYON RNAMS PHAN TSUN MTSUNGS LDAN DU MI 'DOD DE, (GAL TE DE DAG MTSUNGS PAR LDAN NA 'DOD CHAGS LA SOGS PA BZHI DANG MTSUNGS LDAN GYI SEMS LA SEMS BYUNG NYI SHU RTZA GNYIS 'BYUNG BAR THAL BA LAS NYI SHU RTZA GCIG LAS 'BYUNG BAR BSHAD PAS GNAD DO, ,) 'JIG TSOGS LA LTA BA DANG MTHAR 'DZIN PAR LTA BA DANG, MTSUNGS PAR LDAN PA ('I SEMS GANG YIN DE NI BSGRIBS LA LUNG MA BSTAN YIN PAS,) BSGRIBS LA LUNG MA BSTAN GYI SEMS LA NI SEMS LAS BYUNG BA BCO @145 BRGYAD 'BYUNG STE, SEMS KYI SA MANG PO PA BCU DANG, NYON MONGS PA'I SA PA DRUG DANG, (MA NGES PA'I SA PA'I,) RTOG DPYOD GNYIS DANG BCAS PA'I PHYIR RO, ,BSGRIBS LA LUNG MA BSTAN LAS GZHAN MA BSGRIBS LUNG MA BSTAN DANG LDAN PA'I SPRUL SEMS SOGS BZHI LA NI SEMS LAS BYUNG PA BCU GNYIS 'BYUNG BA DAG TU (KHA CHE BA,) 'DOD DE, SEMS KYI SA MANG PO PA RNAMS DANG RTOG DPYOD GNYIS DANG BCAS PA'I PHYIR RO, , GNYID NI RGYU NYAM CHUNG BA DANG NGAL BA DANG LUS LCI BA DANG MUN PA'I MTSAN MA YID LA BYED PA DANG KHA ZAS LA SOGS PA LA BRTEN NAS LUS 'DZIN MI NUS PAR 'JUG PA RANG DBANG MED PAR DBANG PO LA SEMS SDUD PA STE, BYA BA SHOR BA'I RTEN BYED PA'I LAS CAN NO, ,DE LTA BU DE NI KUN SLONG DANG MTSUNGS LDAN GYI DBANG GIS DGE MI DGE LUNG MA BSTAN GSUM GA SRID PAS DGE MI DGE'I SEMS DANG BSGRIBS PA DANG MA BSGRIBS LUNG MA BSTAN GYI SEMS KUN LA MI 'GAL BAR 'BYUNG SRID PA'I PHYIR SEMS GANG LA GNYID YOD PA DE DAG LA GNYID DES BSNAN TE BGRANG BAR BYA'O, ,DE LTAR NA NYI SHU DANG LDAN PA LA NI NYI SHU RTZA GCIG LA SOGS PA 'BYUNG NGO, ,NYI 'OG BYE BRAG TU SMRA BA DANG SDE PA GZHAN DAG NI 'GYOD PA'ANG DGE MI DGE LUNG MA BSTAN GSUM CHAR DU 'GYUR BA SRID PA'I PHYIR GNYID DANG 'DRA BAR 'DOD DE, DE LA 'GYOD PA LUNG MA BSTAN NI BYAS PA'AM MA BYAS PA LA YID LA GCAGS PA STE NGAS MA ZHU BAR CI'I PHYIR ZAS ZOS ZHES PA'AM, RTZEG PA DE LA CI STE RI MO MA BRIS SNYAM PA YIN LA, DE DANG MTSUNGS LDAN GYI YID MI BDE BA'ANG YID BDE DANG 'DRA BAR LUNG MA BSTAN DU 'DOD DO, ,DE DAG GI LTAR NA MA BSGRIBS LUNG MA BSTAN GYI SEMS 'GYOD PA DANG MTSUNGS PAR LDAN PA LA NI BCU GSUM DU 'GYUR RO, ,KHA CHE BA RNAMS NI YID MI BDE BA DANG MTSUNGS PAR LDAN PA'I PHYIR DANG, 'DOD CHAGS DANG BRAL BA LA YID MI BDE MED PA'I PHYIR 'GYOD PA LUNG MA BSTAN NI MED DE, YID MI BDE BA NI DGE BA DANG MI DGE BAR NGES (PAR SNGAR BSHAD ZIN,) PA'I PHYIR RO, ,DE'I PHYIR RNAM SMIN MA YIN NO ZHES KYANG BSHAD ZIN TO ZHES ZER TE DE'I RGYU MTSAN YANG DRI BAR BYA'O, ,DE LTA BU NI 'DOD KHAMS KYI SEMS KYI DBANG DU BYAS PA YIN NO, , KHAMS GONG MA DAG GI BSHAD PA NI 'DOD KHAMS KYI SEMS GANG LA SEMS LAS BYUNG BA DU ZHIG 'BYUNG BA BSHAD PA DE LAS 'GYOD PA DANG GNYID DANG MI DGE BA'I SEMS LAS BYUNG BA MA NGES PA'I KHONG KHRO DANG MI DGE BA'I NGO TSA MED PA DANG KHREL MED GNYIS DANG, G-YO SGYU DANG RGYAGS PA GSUM MA GTOGS PA NYON @146 MONGS PA CHUNG NGU'I SA PA BDUN PO RNAMS NI BSAM GTAN DANG PO DAG NA MED DE, 'GYOD PA NI YID MI BDE DANG MTSUNGS PAR LDAN PA YIN PA LA DE NI RGYUD ZHI GNAS KYIS BRLAN PAS DE NA GROGS YID MI BDE MED PA'I PHYIR DANG, GNYID NI DE LAS 'DOD CHAGS DANG BRAL BA'I PHYIR DANG SEMS MNGON PAR SDUD PA'I MTSAN NYID CAN YIN LA, GZUGS KHAMS PA DAG NI SEMS BSDUS PA NA TING NGE 'DZIN KHO NAR 'GYUR BA'I PHYIR RO, ,ZHES SLOB DPON GANG SPEL 'CHAD DO, ,(NYON MONGS SKYES KYANG RNAM SMIN SDUG BSNGAL MI 'BYIN CING LUS NGAG GI NYES SPYOD MI SLONG BAS KHRO SOGS MED DO, ,DES NA DE NA DGE BA LA MANG NA SA MANG BCU RTOG DPYOD GNYIS TE NYI SHU RTZA GNYIS DANG, NYON MONGS CAN MA 'DRES PA LA SA MANG BCU NYON MONGS KYI SA PA DRUG RTOG DPYOD GNYIS TE BCO BRGYAD DO, ,'DRES PA LA LTA BA DANG LDAN PA LA'ANG BCO BRGYAD PO DE NYID DE LTA BA BTAGS YOD YIN PAS SO, ,GZHAN CHAGS SOGS DANG LDAN PA LA DE NYID DANG BCU DGU'O, ,MA BSGRIBS PA'I SEMS GSUM LA SA MANG BCU, RTOG DPYOD GNYIS DANG BCU GNYIS SO, ,DE NA BZO'I SEMS MED DO, ,SPYIR KHAMS GONG NA MI DGE BA MED PAS SEMS BZHI YOD DE DGE BA DANG, NYON MONGS CAN LA 'DRES MA 'DRES GNYIS DANG, MA BSGRIBS LUNG MA BSTAN NO, ,DE LA NYON MONGS CAN THAMS CAD NI BSGRIBS PA KHO NA YIN TE DE MI DGE BAR MI 'GYUR ZHING ZHI GNAS KYIS BRLAN PAS SO, ,) GANG DAG BSAM GTAN DANG PO NA MED PA DE DAG DANG DE DAG TU MA ZAD RTOG PA'ANG BSAM GTAN DANG PO'I DNGOS GZHI KHYAD PAR CAN NA MED CING, (THAMS CAD LA RTOG PA PHRI BAS DGE BA SNGAR BSHAD PA NYER GCIG ,MA 'DRES PA LA BCU BDUN 'DRES PA LA LTA BA DANG LDAN NA'ANG BCU BDUN, GZHAN CHAGS SOGS LDAN PA BCO BRGYAD, MA BSGRIBS PA'I SEMS LA BCU GCIG GO,) BSAM GTAN DANG PO'I DNGOS GZHI KHYAD PAR CAN DE YI GONG MA BSAM GTAN GNYIS PA NAS SRID RTZE'I BAR NA NI BSAM GTAN DANG PO DANG DE'I DNGOS GZHI KHYAD PAR CAN NA MED PAR BSHAD PA RNAMS DANG DE DAG TU MA ZAD DPYOD PA YANG MED DO ZHES SBYAR RO, ,YANG ZHES PAS DE DAG NA G-YO SGYU GNYIS KYANG MED DO ZHES STON PA STE, GANG NA RGYAL RIGS DANG, BRAM ZE DANG, KHYIM BDAG DANG, DGE SBYONG DANG, RGYAL CHEN BZHI DANG, SUM CU RTZA GSUM DANG, BDUD DANG, TSANGS PA'I 'KHOR TE 'KHOR BRGYAD PO DE DAG DANG 'BREL BA DE NA G-YO SGYU YOD KYI BSAM GTAN GNYIS PA YAN CHAD NA 'KHOR DANG 'BREL BA MED PA'I PHYIR RO, , GZHAN DAG NI 'DOD PA'I KHAMS JI LTA BA BZHIN DU SHES PAR BYA STE, BSAM GTAN DANG PO'I DNGOS @147 GZHI MAN CHAD KYI DGE BA'I SEMS DANG BSGRIBS PA DANG MA BSGRIBS PA NI 'DOD PAR BSHAD PA LTAR NYI SHU RTZA GNYIS DANG, BCO BRGYAD DANG, BCU GNYIS DANG LDAN ZHING, DNGOS GZHI KHYAD PAR CAN NA RTOG PA MA GTOGS PA NYI SHU GCIG DANG, BCU BDUN DANG, BCU GCIG DANG, BSAM GTAN GNYIS PA YAN CHAD NI (RTOG DPYOD GNYIS BOR BA'I SA MANG BCU DGE BCU STE, SA NYON MONGS CAN MA 'DRES PA LA SA MANG BCU, NYON MONGS PA SA MANG DRUG STE,) NYI SHU DANG BCU DRUG DANG ('DRES MA'I LTA BA DANG LDAN LA'ANG BCU DRUG DANG CHAGS SOGS GZHAN DANG LDAN PA LA SA BCU NYON MONGS KYI SA MING DRUG CHAGS SOGS RANG NYID DANG BCU BDUN DANG MA BSGRIBS PA LAS MANG,) BCU DANG LDAN PAR 'BYUNG BAR NGES SO ZHES BYA'O, , BZHI PA 'DRA BA LTA BU'I SEMS LAS BYUNG BA RNAMS KYI KHYAD PAR BSHAD PA NI 'O NA NGO TSA MED PA DANG KHREL MED PA LA (GNYIS KA 'DZEM MED DU GCIG PA MIN NAM,) THA DAD DU BYA BA CI YOD CE NA, YON TAN DANG YON TAN CAN LA MA GUS PA NI NGO TSA MED PA DANG, KHREL MED PA NI SROG GCOD PA LA SOGS PA'I KHA NA MA THOB LA 'JIGS PAR MI LTA BA STE DE DAG GI KHYAD PAR NI DE YIN NO ZHES BYA'O, ,DE LA'ANG MI 'JIGS PAR LTA BA NI SHES RAB YIN LA, 'JIGS PAR MI LTA NA NI MA RIG PA YIN PA'I PHYIR DE GNYIS KYI RGYU NYE BA'I NYON MONGS PA YIN NO ZHES BYE BRAG TU SMRA PA 'DOD DO, ,SDE PA GZHAN GYIS NI RIM PA LTAR BDAG GZHAN LA LTOS NAS SDIG PA LA MI 'DZEM PAR 'JUG PA NI NGO TSA MED PA DANG, KHREL MED PA YIN NO ZHES ZER RO, ,NGO TSA MED PA DANG KHREL MED LAS BZLOG PA NI NGO TSA SHES PA DANG KHREL YOD YIN NO,, YANG DGA' BA DANG GUS PA LA THA DAD DU BYA BA CI YOD CE NA, DGA' BA LA GNYIS LAS NYON MONGS CAN MA YIN PA YON TAN DANG YON TAN CAN LA DGA' BA NI DAD PA YIN LA, NYON MONGS CAN BU DANG CHUNG MA LA SOGS PA LA DGA' BA NI 'DOD CHAGS YIN NO, ,DAD PA LA'ANG DGA' BAS KHYAB PA MED DE, SDUG BSNGAL DANG KUN 'BYUNG LA DMIGS PA LTA BU'O, ,DGA' BA LA'ANG DAD PAS MA KHYAB STE, DGA' BA NYON MONGS CAN BU DANG CHUNG MA LA SOGS PA LA DGA' BA LTA BU'O, ,DE NYID KYI PHYIR 'GREL PA LAS DGA' BA DANG DAD PA LA MU BZHI BSHAD DO, ,(DE YANG DAD PA DANG DGA' BA LA CHOS DANG GANG ZAG LA LTOS NAS MU BZHI STE, DANG PO CHOS LA DMIGS PA'I MU BZHI LA, BDEN PA DANG NGO GNYIS LA YID CHES PA NI DAD PA YIN LA DGA' BA MIN TE DE GNYIS DGA' BYA MIN PAS SO, ,DGA' BA NYON MONGS CAN NI GNYIS PA STE SRED PA YIN PAS SO, ,GSUM PA NI 'GOG LAM LA DMIGS PA'I DAD PA STE YID CHES SHING DGA' BYA YIN PAS SO, ,BZHI BA NI DE DAG MIN PA'I SEMS 'BYUNG DANG LDAN MIN SOGS SO, ,GANG ZAG LA @148 DMIGS PA'I DGA' GUS KYI MU BZHI NI BU DANG CHUNG MA LA SOGS LA DGA' BA NI DGA' BA YIN, GUS PA MIN PA'I MU DANG PO'O, ,GNYIS PA NI GZHAN GYI BLA MA LA SOGS LA GUS PA DANG, GSUM PA NI RANG GI BLA MA SOGS LA GUS PA DANG, BZHI PA NI SDANG BA'I YUL GYI SEMS CAN LA DMIGS PA LTA BU'O, ,'DI GNYIS KHYAD CHE STE GUS PA NI DGE BA KHO NA YIN LA DGA' BA LA DGE BA DANG 'DOD CHAGS GNYIS YOD PAS SO, ,) GUS PA NYID NI YON TAN DANG YON TAN CAN LA BKUR BA'I NGO TSA SHES PA YIN NO, ,SDE PA GZHAN DAG NI DGA' BA DANG GUS PA NYID NI DAD PA DANG NGO TSA SHES PA MA YIN GYI DAD PA DANG GUS PA NI RIM PA LTAR YON TAN LA YID CHES PA DANG YON TAN DANG YON TAN CAN LA BKUR BA DANG BCAS PA YIN LA, DE GNYIS LAS SKYES PA'I DGA' BA DANG 'JIGS PA DANG BCAS PAS 'DZEM PA NI RIM PA LTAR DGA' BA DANG NGO TSA SHES PA YIN NO ZHES 'DOD DO, ,DGA' BA DANG GUS PA DE GNYIS KYANG 'DOD PA DANG GZUGS KYI KHAMS DAG NA YOD DO ZHES BYA BA'ANG GANG ZAG LA DMIGS PA'I DBANG DU BYAS PA YIN TE, (DE GNYIS NI LUS NGAG GI LAS YIN PAS SO,,) CHOS LA DMIGS PA'I DE GNYIS NI GZUGS MED NA'ANG YOD PA'I PHYIR RO, , YANG RTOG DPYOD LA THA DAD CI YOD CE NA, RTOG PA DANG DPYOD PA NI RIM PA BZHIN DU SEMS DON GYI NGO BO'I RNAM PA CAN GYI RTZING BA DANG, KHYAD PAR GYI RNAM BA CAN GYI ZHIB PAR 'JUG PA NYID YIN LA 'DI GNYIS KYI LAS NI BDE BA LA REG PAR GNAS PA DANG, REG PAR MI GNAS PA'I RTEN BYED PA'O, ,'O NA SEMS GCIG LA DE GNYIS CIG CAR 'BYUNG BAR JI LTAR 'GYUR ZHE NA, KHA CIG NA RE RTOG PAS NI SEMS HA CANG ZHIB PAR MI 'GYUR LA, DPYOD PAS NI HA CANG RTZING PAR MI 'GYUR TE CHU NANG GI MAR LA NYI MA PHOG PA BZHIN NO, ,DE LTA MA YIN NA BSAM GTAN DANG PO YAN LAG LNGA PAR MI 'GYUR TE, RTOG DPYOD GNYIS GCIG YOD PA'I TSE GCIG MED PA'I PHYIR RO ZHES ZER RO, , SDE PA GZHAN DAG NI DE LTA NA RTOG DPYOD SRID RTZE'I BAR DU YOD PAR 'GYUR TE, LTOS SA LA LTOS PA'I RTZING ZHIB YOD PA'I PHYIR RO, ,DES NA YUL GCIG LA LTOS NAS RTZING ZHIB RNAM PA 'GAL BA'I PHYIR SEMS GCIG LA YOD PA NI MA YIN GYI 'ON KYANG YID SHES KYI 'KHOR DU 'BYUNG BA DON GYI NGO BO 'TSOL BA NI RTOG PA DANG, KHYAD PAR 'TSOL BA NI DPYOD PA YIN LA, DE DAG KYANG (RTOG PAS NGO BO TZAM BRJOD PA'I NGAG DANG DPYOD PAS KHYAD PAR BRJOD PA'I,) NGAG KUN NAS SLONG BA YIN TE, MDO LAS BRTAGS SHING DPYAD NAS TSIG TU SMRA'I MA BRTAGS MA DPYAD PAR NI MA YIN NO, ,ZHES BYA BA DANG, @149 GSANG BA BSAM GYIS MI KHYAB PA BSTAN PA'I MDO LAS, ZHI BA'I BLO GROS GANG GI NUB MO DE BZHIN GSHEGS PA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DANG, GANG GI NUB MO LEN PA MI MNGA' BAR YONGS SU MYA NGAN LAS 'DA' BAR 'GYUR BA DE'I BAR DU DE BZHIN GSHEGS PAS THA NA YI GE 'BRU GCIG KYANG MA GSUNGS SO, ,GSUNG BAR MI 'GYUR RO, ,DE CI'I PHYIR ZHE NA, ZHI BA'I BLO GROS DE BZHIN GSHEGS PA NI RTAG TU MNYAM PAR BZHAG PA STE, DE BZHIN GSHEGS PA LA DBUGS 'BYUNG BA'AM RNGUB PA MI MNGA' 'O, ,RNAM PAR MI RTOG GO ,RNAM PAR MI DPYOD DO, ,RNAM PAR RTOG PA DANG RNAM PAR DPYOD PA MED NA NGAG MI 'BYUNG BA STE ZHES GSUNGS PA LTA BU'O, ,BSAM GTAN DANG PO YAN LAG LNGAR BSHAD PA'ANG SA LAS YIN GYI SKAD CIG LAS NI MA YIN NO ZHES BYA BAR 'CHAD DO, ,YANG NGA RGYAL DANG RGYAGS PA LA THA DAD DU BYA BA CI YOD CE NA, NGA RGYAL NI PHA ROL PO LAS GANG YANG RUNG BA'I KHYAD PAR BRTAGS NAS RIGS LA SOGS PA LA DMIGS NAS SEMS (KHO LAS NGA MTHO SNYAM DU,) KHENGS PA YIN LA, DBYE NA BDUN YOD DE 'OG NAS 'CHAD PAR 'GYUR RO, ,LAS NI BLA MA LA SOGS PA RNAMS LA MI GUS PA DANG YANG SRID KYI SDUG BSNGAL 'BYUNG BA'I RTEN BYED PA'O, ,RGYAGS PA NI RANG GI RIGS DANG GZUGS LA SOGS PA'I CHOS LA CHAGS PA'I SEMS YONGS SU GTUGS SHING ZAD PAR BYED PA'O,, (DE GNYIS RANG GI CHOS LA DMIGS PA DANG GZHAN GYI CHOS LA DMIGS PA'I KHYAD YOD,) SLOB DPON 'DUN BZANG NI RIGS LA SOGS PA LA CHAGS NAS SEMS DGE BA LAS PHYIR LOG PA NI GTUGS PA'I DON DU 'CHAD DO, ,SLOB DPON KHA CIG NI RANG GI RIGS LA SOGS PA LA CHAGS PA LAS SKYES PA'I YID DGA' BA YIN NO ZHES 'DOD DO, ,'DI BYE BRAG TU SMRA BA NI MI 'DOD DE, YID DGA' BA BSAM GTAN GSUM PA NAS MED LA RGYAGS PA KHAMS GSUM PAR BSHAD PA'I PHYIR RO,, DBYE BA NI BSHES SPRING LAS, RIGS DANG GZUGS DANG THOS PA LANG TSO DANG, ,DBANG THANG CHE BAS RGYAGS PA DGRA BZHIN GZIGS, ,ZHES RNAM PA LNGA BSHAD PA YIN NO, ,(BYED LAS DGE BA LA SEMS MI 'JUG PAR BYED PA'O,) MA NGES PA'I SA PA'I 'DOD CHAGS DANG KHONG KHRO DANG THE TSOM RNAMS NI 'OG TU STON PA'I PHYIR 'DIR MA BSHAD DO, , LNGA PA SEMS DANG SEMS BYUNG RNAMS KYI RNAM GRANGS BSHAD PA NI MDO LAS SEMS DANG YID DANG RNAM PAR SHES PA ZHES GSUNGS PA NI DON GCIG LA MING GI RNAM GRANGS KYI BRJOD PA YIN TE, DGE MI DGE LA SOGS PAR 'BYED PAS NA SEMS DANG, GZUGS LA SOGS PA SHES PAS NA YID DANG, DMIGS PA RNAM @150 PAR SHES PAS NA RNAM SHES ZHES GSUNGS PA'I PHYIR RO ZHES BYE BRAG TU SMRA BAS 'DOD DO, ,MDO SDE PA NI DGE MI DGE'I BAG CHAGS BSAGS PAS NA SEMS DANG, RTEN DU GYUR PAS NA YID DANG, BRTEN PAR 'GYUR PAS NA RNAM BAR SHES PA DANG, DE BZHIN DU (DON GSANG LAS NYAN THOS KYI THEG PA'I DBANG DU MDZAD NAS BYED PA DANG DUS DANG GDUL BYA LA BSTAN PA'I BYE BRAG GIS NGES TSIG GSUM DU BSHAD DO, ,DANG PO NI RING DU 'GRO ZHING GCIG PU RGYU ZHES 'BYUNG NGAS RING DU 'GRO BAR BYED PAS NA SEMS DANG CHOS THAMS CAD YID SNGON DU 'GRO BA CAN NO ZHES 'BYUNG BAS NA SNGON DU 'GRO BAR BYED PAS NA YID DANG, 'DU BYED KYI RKYEN GYIS RNAM BAR SHES PA'I ZHES 'BYUNG BAS NYING MTSAMS SBYOR BAR BYED PAS NA RNAM PAR SHES PA DANG, GNYIS PA NI,) MA 'ONGS PA NI SEMS DANG 'DAS PA NI YID DANG, DA LTAR BYUNG BA NI RNAM PAR SHES PA DANG, (GSUM PA NI) KHAMS (BSTAN PAR SEMS KYI KHAMS BDUN,) DANG SKYE MCHED BSTAN PAR YID KYI SKYE MCHED DANG, PHUNG PO BSTAN PAR RNAM PAR SHES PA'I PHUNG PO ZHES GSUNGS SO, , DE'I PHYIR MKHAS PA DAG BYED PA GSUM DANG, DUS GSUM DANG, BSTAN PA GSUM GYI DBANG GIS SO ZHES 'CHAD DO, ,RNAL 'BYOR SPYOD PA PA NI SEMS NI KUN GZHI RNAM SHES DANG, YID NI NYON YID DANG, RNAM SHES NI 'JUG PA'I RNAM SHES LA 'DOD DO, , 'THUG PO BKOD PA'I MDO LAS, SEMS NI KUN GZHI RNAM SHES TE, ,DE LA NGAR 'DZIN YID YIN NO, ,YUL LA RNAM PAR RIG PA GANG, ,DE NI 'JUG PA'I RNAM SHES 'DOD CES GSUNGS PA'I PHYIR RO, ,SEMS LA SOGS PA GSUM DON GCIG PA DE BZHIN DU SEMS DANG SEMS LAS BYUNG BA DANG, RTEN DANG BCAS PA DANG, DMIGS PA DANG BCAS PA DANG, RNAM PA DANG BCAS PA DANG, MTSUNGS PAR LDAN PA ZHES GSUNGS PA'ANG DON GCIG STE, SEMS DANG SEMS LAS BYUNG BA DE NYID DBANG PO DRUG LA RTEN PA'I PHYIR DANG, GZUGS LA SOGS PA'I DMIGS PA DANG BCAS PA'I PHYIR DANG, SNGON PO LA SOGS PA'I RNAM PA DANG BCAS PA'I PHYIR DANG, MTSUNGS PAR LDAN PA LNGAS MTSUNGS PAR GNAS PA'I PHYIR RO, , RNAM PA LNGA NI SEMS DANG SEMS LAS BYUNG BA DAG RTEN GCIG PA DANG, DMIGS PA GCIG PA DANG, RNAM PA GCIG PA DANG, DUS GCIG PA DANG, RDZAS RE RE BAR 'DRA BA YIN NO,, GNYIS PA MTSUNGS LDAN MA YIN PA BSHAD PA LA GSUM LAS MDOR BSTAN PA NI SEMS DANG MI LDAN PA'I 'DU BYED RNAMS NI RNAM PA BCU BZHI STE (THOB PA RGYUD KYIS MA BSDUS PA'I PHYI ROL KYI DON THUN MONG BA ZHIG YIN NA DE NI NYE RING MED PAS THAMS CAD LA YOD PA MI 'GAL BAS DGRA BCOM LA SO SKYE'I NYON MONGS @151 KYI THOB PA YOD PA SRID PAR 'GYUR RO, ,DE 'DOD NA DGRA BCOM NYON MONGS SPANG BA'I PHYIR 'BAD PA BYAS PA DON MED DU THAL LO, ,YANG SO SKYE LA DGRA BCOM GYI MI SLOB LAM GYI THOB PA YOD PAR 'GYUR RO, , DE 'DOD NA SO SKYE 'BAD MED DU GROL BAR THAL LO, ,DES NA 'BAD PA DON MED MI 'GYUR ZHING 'BAD MED DU MI GROL BA DES NA RGYUD KYIS MA BSDUS PA'I 'JUS BYAS LA THOB PA MED CING MA THOB PA YANG DE BZHIN TE DNGOS MED LA'ANG SO SKYE YOD PAR 'GYUR TE 'PHAGS PA'I CHOS MA THOB PA'I PHYIR ZHES SOGS 'BYUNG BAS RGYUD KYIS BSDUS SO, ,) THOB PA DANG, MA THOB PA DANG, SKAL BA MNYAM PA DANG, 'DU SHES MED PA PA DANG, 'DU SHES MED PA'I SNYOMS 'JUG DANG, 'GOG PA'I SNYOMS 'JUG CES BYA BA SNYOMS PAR 'JUG PA DAG STE GNYIS DANG, SROG GI DBANG PO DANG, 'DUS BYAS KYI MTSAN NYID SKYE BA LA SOGS PA BZHI PO RNAMS DANG, MING GI TSOGS DANG, SOGS PA'I SGRAS GZUNG BA NGAG GI TSOGS DANG, YI GE'I TSOGS DANG, YANG GI SGRA NI DGE 'DUN GYI DBYEN LA SOGS PA DAG KYANG BSDU BA'I PHYIR RO, , KHA CIG CHUD MI ZA BA'I RDZAS KYANG SDUD CES 'CHAD PA NI MA YIN TE, DE NI BYE BRAG TU SMRA BA MANG BOS BKUR BA'I LUGS YIN GYI KHA CHE BA'I LUGS NI MA YIN TE, DE NI RGYUN GYIS MI RTAG PAR 'DOD KYI SKAD CIG GIS MI RTAG PA MA YIN PAR 'DOD PAR DBU MA'I GZHUNG DAG LAS 'BYUNG BA'I PHYIR RO, ,RNAL 'BYOR SPYOD PA PA'I GZHUNG DAG LAS NI DE DAG DANG, GZHAN YANG SKAD CIG DANG RGYUN CHAD PA LA RGYU 'BRAS MI 'THAD PAS RGYU 'BRAS RGYUN MI CHAD PA'I GNAS SKABS LA BTAGS PA'I 'JUG PA DANG, RGYU DGE MI DGE'I 'BRAS BU YID DU 'ONG MI 'ONG THA DAD DU 'BYUNG BA LA SOGS PA'I GNAS SKABS LA BTAGS PA SO SOR NGES PA DANG, SBYIN PA'I 'BRAS BU LONGS SPYOD PHUN SUM TSOGS PAR RJES SU MTHUN ZHING 'TSAM PA LA SOGS PA'I GNAS SKABS LA BTAGS PA'I 'BYOR BA DANG, KHA CIG LAS NI 'BYOR 'BREL BA ZHES KYANG 'BYUNG NGO, ,RGYU 'BRAS MYUR DU 'BYUNG BA'I GNAS SKABS LA BTAGS PA'I MGYOGS PA DANG, RGYU 'BRAS GNYIS DUS GCIG CAR MI 'BYUNG GI RIM PA LTAR 'BYUNG BA'I GNAS SKABS LA BTAGS PA'I GO RIM DANG, RGYU 'BRAS BYUNG NAS 'GAGS PA DANG, MA BYUNG BA DANG, BYUNG LA MA 'GAGS PA'I GNAS SKABS LA BTAGS PA'I DUS DANG, RGYU 'BRAS GZUGS CAN PHYOGS BCU NA YOD PA'I GNAS SKABS LA BTAGS PA'I YUL DANG, 'DU BYED SO SO THA DAD PA'I GNAS SKABS LA BTAGS PA'I GRANGS DANG, 'BRAS BU BSKYED PA'I RGYU RKYEN 'DUS PA'I GNAS SKABS LA BTAGS PA'I TSOGS PA ZHES BYA BA STE DGU DANG LDAN PA MA YIN PA'I 'DU BYED NYI SHU RTZA GSUM BSHAD LA, GZHAN YANG GNAS BCU BSTAN PA'I MDO LAS MI LDAN PA'I 'DU @152 BYED BDUN BRGYA BSHAD DO ZHES KYANG GRAG GO, CI'I PHYIR DE DAG LA MI LDAN PA'I 'DU BYED CES BYA ZHE NA, GZUGS KYANG MA YIN LA SEMS SEMS BYUNG DANG MTSUNGS PAR LDAN PA'ANG MA YIN PA'I 'DUS BYAS YIN PA'I PHYIR RO, ,'DI DAG KYANG BYE BRAG TU SMRA BAS NI GZUGS DANG SEMS DANG SEMS LAS BYUNG BA RNAMS LAS RDZAS THA DAD PA'I DNGOS POR 'DOD LA, MDO SDE PAS NI GSUM PO DE DAG GI GNAS SKABS LA BTAGS PA DANG, RNAL 'BYOR SPYOD PA PAS NI SEMS DANG SEMS BYUNG GI GNAS SKABS LA BTAGS PAR 'DOD DO, , GNYIS PA SO SO'I RANG BZHIN BSHAD PA LA DGU LAS DANG PO THOB PA BSHAD PA LA, THOB PA NI THOB BYA'I CHOS LDAN PAR BYED PA'O, ,(DANG PO THOB PA LA SGRUB BYED DANG, DES BSGRUBS PA'I THOB PA BSTAN PA GNYIS LAS, DANG PO LA LUNG RIGS GNYIS LAS, DANG PO LUNG NI MDO LAS 'PHAGS LAM YAN LAG BRGYAD RNAM PAR GROL BA DANG RNAM PAR GROL BA'I YANG DAG PA'I YE SHES TE MI SLOB PA'I CHOS BCU PO 'DI DAG THOB CING LDAN NA, 'DOD CHAGS GNYIS RGOD NGA RGYAL RMONGS TE YAN LAG LNGA SPANGS PA'I 'PHAGS PAR 'GYUR RO ZHES MI SLOB PA'I CHOS BCU DANG 'PHAGS PA'I CHOS DE DAG GANG ZAG DE'I RGYUD PA LDAN PAR BYED PA'I RDZAS SU BSHAD PAS SO ZHES SO, ,SLOB DPON DE NI THOB PAS BYAS PA MIN TE, THOB BYA'I CHOS DE LA DBANG THOB PA TZAM LA DE DANG LDAN PAR BTAGS TE DPER NA RIN CHEN SNA BDUN GYI NOR BU DANG 'KHOR LO SOGS PHYI ROL GYI DON YIN PAS RGYUD KYIS MA BSDUS PA'I 'DUS BYAS LA THOB PA MED PAR KHYED RANG YANG 'DOD KYANG, 'KHOR LOS BSGYUR RGYAL RIN CHEN SNANG BDUN LA DBANG BYAR 'BYUNG BA TZAM LA RIN CHEN SNA BDUN DANG LDAN NO ZHES LDAN PA'I SGRA SBYAR BA BZHIN NO, ,GNYIS PA RIGS PA NI THOB PA RDZAS SU MED NA 'PHAGS PAS 'JIG RTEN PA'I LAM MNGON DU BYAS DUS NA SO SKYE DANG SPANGS RTOGS KHYAD MED DU THAL TE 'DAS LAM MNGON GYUR MED CING 'DAS LAM GYI THOB PA RDZAS GRUB KYANG MED PAR SO SKYE DANG MTSUNGS PA'I PHYIR RO, ,YANG RGYUN ZHUGS DANG PHYIR 'ONG DANG PHYIR MI 'ONG SOGS 'PHAGS PA NANG YANG SPANGS RTOGS KHYAD MED PAR THAL TE, SPANGS RTOGS MTHO DMAN DU BYED PA'I CHOS THOB PA RDZAS SU MED PA'I PHYIR DES NA DE DAG THOB PAS BYAS PAS RDZAS YOD DU YOD DO ZHES SO, ,SLOB DPON NI THOB PA RDZAS SU MED KYANG 'PHAGS PA DANG SO SKYE SPANGS RTOGS KHYAD PAR YOD DE MTHONG SPANGS BON SPANGS MA SPANGS YOD PAS SO, ,'PHAGS PA NANG YANG SPANG BYA MANG DU SPANGS PA DANG ZAG MED KYI DBANG PO MANG DU THOB PA'I KHYAD PAR YOD PAS SO, ,ZHES GSUNG NGO, ,GNYIS PA,) DE LA'ANG GNYIS TE, GSAR DU RNYED PA DANG, @153 (SKAD CIG GNYIS PA PHAN CHAD) RGYUN LDAN PA'O, ,GSAR DU RNYED PA LA'ANG SNGAR (YE) MA THOB PA LAS (GSAR DU,) RNYED PA ZAG MED KYI SKAD CIG MA DANG PO ('I THOB PA,) LTA BU DANG (SNGAR THOB PA) RNAM PAR NYAMS PA LAS (PHYIS GSAR DU,) RNYED PA BSAM GTAN DANG GZUGS MED LA SOGS PA LTA BU, (NYAMS PA LAS RNYED PA'I THOB PA STE RNYED PA'I THOB PA GNYIS DANG,) RGYUN LDAN PA (STE LDAN PA'I THOB PA,) NI DE DAG GI RGYUN LDAN PA GNYIS DANG, SO SO'I SKYE BO RNAMS LA SRID RTZE'I NYON MONGS PA ('I GNYEN PO SKYED MA MYONG BAS DE'I NYON MONGS KYI THOB PA,) YE NAS LDAN PA STE MDOR NA RNAM PA LNGA'O ZHES BYE BRAG TU SMRA BA 'CHAD DO, ,GAL TE THOB PA DANG MA THOB PA 'DI DAG CHOS THAMS CAD LA YOD DAM ZHE NA, THOB PA DANG MA THOB PA NI SO SO RANG RANG GI RGYUD DU GTOGS PA'I CHOS RNAMS KYI DE DAG 'BYUNG GI GZHAN GYI RGYUD DU GTOGS PA DANG, SEMS CAN GYI RGYUD DU MA GTOGS PA'I NI MA YIN TE, GZHAN GYI CHOS NI GZHAN GYIS THOB (NA SO SKYE LA 'PHAGS PA SRID,) PAR 'GAL BA'I PHYIR DANG, RGYUD DU MA GTOGS PA (GOS DANG RGYUN SOGS,) LA THOB PA MED (CING THUN MONG YIN,) PA'I PHYIR TE, THOB PA NI GANG ZAG GIS THOB PA YIN (PAS THUN MONG BA YIN,) PA'I PHYIR RO, ,('DI NI 'DUS BYAS KYI NGES PA'O,,) DE LTAR SPYIR BTANG NAS RGYUD DU MA GTOGS KYANG SO SOR BRTAGS PA DANG DE MA YIN PAS 'GOG PA GNYIS KYI THOB PA NI GANG ZAG GI RGYUD LA 'BYUNG NGO, ,ZHES DMIGS KYIS BSAL BA STON TE, DE YANG CHOS MNGON PA LAS, ZAG PA MED PA'I CHOS DANG SU ZHIG LDAN ZHE NA, SMRAS PA, SEMS CAN THAMS CAD DO ZHES 'BYUNG BAS NA SO SOR BRTAGS MIN DANG NI SKYE 'PHAGS THAMS CAD LDAN LA, SO SOR BRTAGS 'GOG DANG NI 'CHING BA MTHA' DAG DANG LDAN PA'I ZAG MED KYI SKAD CIG MA DANG PO LA GNAS PA MA GTOGS PA'I 'PHAGS PA THAMS CAD DANG SO SO'I SKYE BO KHA CIG KYANG LDAN TE, 'CHING BA MTHA' DAG DANG LDAN PA'I ZAG MED SKAD CIG DANG PO LA GNAS PA NI BAR CHAD MED PA'I LAM YIN GYI RNAM GROL GYI LAM MA YIN PA'I PHYIR DANG, ('GAG 'GYUR GYI SPONG BA'I PHYIR DANG,) SO SO'I SKYE BO KHA CIG KYANG BSAM GTAN GZUGS MED KYI NYER BSDOGS KYI STOBS KYIS SA DANG SA LAS 'DOD CHAGS DANG 'BRAL BA'I RTAGS THOB PA'I PHYIR RO, ,NAM MKHA' LA NI (THOB BYA MANG BAS RGYUD DANG MA 'BREL BA'I) THOB PA GANG YANG MED PA'I PHYIR MA BSHAD DO, ,('GOG PA GNYIS LA MI MTSUNGS TE DGAG BYA RGYUD DANG 'BREL BAS SO,) GANG LA THOB PA MED PA DE LA NI MA THOB PA YANG MED LA, GANG LA THOB PA YOD PA DE LA MA THOB PA YANG YOD DO ZHES BYA BA NI BYE BRAG TU SMRA BA'I GRUB PA'I MTHA' YIN NO, ,THOB PA DE YANG THOB PAR BYA BA'I CHOS PHYIR, 'DAS PA @154 DANG MA 'ONGS PA DANG DA LTAR BYUNG BA STE DUS GSUM PA'I THOB PA'ANG 'DAS PA DANG MA 'ONGS PA DANG DA LTAR BYUNG BA RNAM PA GSUM DU 'GYUR TE, (THOB BYA'I CHOS STOBS CAN KHA CIG LA THOB PA DUS GSUM PA SRID PAS 'DIR DE NYID DPER BRJOD NA THOB BYA'I CHOS 'DAS PA'I THOB PA 'DAS PA NI CHOS DE RANG DANG DUS MNYAM PA DANG DE'I SNGAR DE'I THOB PA BYUNG BA THAMS CAD YIN NO, ,DE'I THOB PA DA LTAR BA NI DE 'GAGS MA THAG TU DE'I THOB PA BYUNG BA'O, ,DE'I THOB PA MA 'ONGS PA NI DE 'GAGS PA'I SKAD CIG GNYIS PA PHAN CHAD DU DE'I THOB PA BYUNG BA RNAMS SO, ,THOB BYA'I CHOS DA LTAR BA'I THOB PA 'DAS PA NA RANG DUS LAS SNGAR DE'I THOB PA BYUNG BA RNAMS SO, ,DE'I THOB PA DA LTAR BA NI RANG DANG DUS MNYAM DU DE'I THOB PA BYUNG BA'O, ,DE'I THOB PA MA 'ONGS PA NI DE 'GAGS PA'I RJES SU DE'I THOB PA BYUNG BA RNAMS SO, ,THOB BYA'I CHOS MA 'ONGS PA SKYE BA'I CHOS CAN GYI THOB PA MA 'ONGS PA NI DE RANG DANG DUS MNYAM PA'I DE'I THOB PA'O, ,DE'I THOB PA DA LTAR BA NI DE DA LTAR BAR 'PHOS PA'I SKAD CIG MA DE'I THOB PA'O, ,DE'I THOB PA 'DAS PA NI DE DA LTAR 'PHOS PA DE'I SKAD CIG GNYIS PA PHAN CHAD DE'I THOB PA 'BYUNG BA RNAMS SO, ,SHES PA JI LTAR SKYES PA RNAMS MA 'ONGS PA THOB CES SOGS LA, THOB PA DUS GSUM PA YANG YOD LA, DE YANG CHOS MA 'ONGS PA LAS KYANG DE'I THOB PA DA LTAR DANG 'DAS PAR 'PHO A YOD PAR 'DOD PAS SO,,) CHOS 'DAS PA'I THOB PA'ANG 'DAS PA DANG, CHOS 'DAS KYANG THOB PA DA LTAR BA DANG, MA 'ONGS PA NA YOD PA'ANG SRID LA, DE BZHIN DU CHOS DA LTAR BA'I THOB PA 'DAS PA DANG DA LTAR BYUNG BA DANG MA 'ONGS PA DANG, CHOS MA 'ONGS PA'I THOB PA 'DAS PA DANG DA LTAR BA DANG MA 'ONGS PAR 'BYUNG BA'ANG SRID DO ZHES BYA BA YIN NO, ,('GOG PA GNYIS KYI THOB PA DUS KYIS BSDUS KYANG THOB BYA'I CHOS LA DUS KYI DBYE BA MED DO, ,) YANG THOB PA 'DI DAG DGE MI DGE LUNG MA BSTAN RNAMS KYI GANG ZHE NA, CHOS DGE BA DANG SOGS PAS GZUNG BA MI DGE BA DANG LUNG MA BSTAN RNAMS KYI THOB PA'ANG RIM PA LTAR SO SOR DGE BA LA SOGS PA GSUM YIN NO, ,(DE LTA MIN NA CHAGS BRAL LA MI DGE BA DANG, DGE RTZA CHAD PA LA DGE BA'I CHOS LDAN PAR THAL TE THOB PA THOB BYA DANG RIS MI 'DRA NA DE LDAN DU RUNG BAS,) DE BZHIN DU CHOS 'DOD PA DANG GZUGS DANG GZUGS MED PA'I KHAMS DER GTOGS PA RNAMS KYI THOB PA NI RANG RANG GI KHAMS SU GTOGS PA STE, RIM PA LTAR 'DOD PA'I CHOS KYI THOB PA 'DOD PAR GTOGS PA LA SOGS PA'O, ,CHOS KHAMS SU MA GTOGS PA ZAG MED 'GOG LAM GNYIS PO RNAMS KYI THOB PA NI 'DOD PA LA SOGS PA KHAMS @155 GSUM DANG KHAMS SU MA GTOGS PA ZAG MED DANG RNAM PA BZHI YIN TE, DE LA SO SOR BRTAGS MIN GYI 'GOG PA (THOB BYA'I CHOS GANG YIN YANG THOB PA,) 'DOD PAR THOB PA NI 'DOD PA DANG, GZUGS SU THOB PA GZUGS DANG, GZUGS MED PAR THOB PA GZUGS MED PAR GTOGS TE RGYUD STOBS CHE BA'I PHYIR RO, ,(DE YANG BRTAGS MIN CHOS GANG LA THOB KYANG DE'I THOB PA DE KHAMS DANG SA GANG DU THOB PA'I KHAMS DANG SA DES BSDUS PAR 'JOG STE GANG ZAG GI RGYUD DBANG CHE BAS SO, ,CHOS DE MA SKYES PA DE NI RTEN DE LAS THA DAD DU MA GRUB PA'I PHYIR RO, ,THOB BYA'I CHOS KYIS 'JOG NA LAM GYI BRTAGS MIN GYI THOB PA KHAMS KYIS MA BSDUS PAR 'GYUR RO, ,) SO SOR BRTAGS 'GOG 'JIG RTEN PA'I BSAM GTAN GYIS THOB PA GZUGS DANG, 'JIG RTEN PA'I GZUGS MED PAS THOB PA GZUGS MED DANG, ('DI 'DOD PAR GTOGS PA NI MED DE 'DOD PA GNYEN POR MI RUNG BAS DE DE MI THOB PAS SO, ,) ZAG MED KYI LAM GYIS THOB PA ZAG MED DU GTOGS TE, DE NI RGYU'AM GNYEN PO STOBS CHE BA'I PHYIR RO, ,(BRTAGS 'GOG 'PHAGS PAS 'JIG RTEN PA'I LAM GYIS THOB PA LA THOB PA GNYIS TE, ZAG MED DANG ZAG BCAS SO, ,DE YANG 'PHAGS LA BRAL BA'I THOB RNAM GNYIS ZHES 'BYUNG BAS SO, ,DE LA ZAG MED KHAMS SU MA GTOGS LA, ZAG BCAS NI THOB BYED KYI DBANG GIS GZUGS GZUGS MED GANG RUNG DU GTOGS KYI 'DOD PAR MI GTOGS PA SNGAR BZHIN NO, ,SLOB PAS BRTAGS 'GOG 'JIG RTEN PA'I LAM GYIS THOB PA'I THOB PA ZAG MED NI SLOB PA DANG ZAG BCAS NI GNYIS MIN NO, ,DGRA BCOM LA'ANG DE BZHIN SBYAR RO, ,) LAM GYI BDEN PA'I THOB PA NI ZAG MED DU GTOGS TE, DE NI CHOS STOBS CHE BA'I PHYIR RO, , YANG SLOB (PA DANG MI SLOB,) PA'I CHOS (LAM BDEN,) RNAMS KYI THOB PA NI (RIM PA LTAR,) SLOB PA DANG, MI SLOB PA'I CHOS (LAM BDEN,) RNAMS KYI THOB PA NI MI SLOB PA YIN LA, SLOB PA DANG MI SLOB PA GNYIS KA MIN PA'I CHOS (DE YANG NAM MKHA' DANG RGYUD KYIS MA BSDUS PA LA THOB PA MED PAS 'GOG PA GNYIS DANG, RGYUD KYIS BSDUS PA'I ZAG BCAS,) RNAMS KYI THOB PA NI SLOB PAR GTOGS PA DANG, MI SLOB PAR GTOGS PA DANG, GNYIS KA MA YIN PAR GTOGS PA GSUM YIN NO, ,DE LA SLOB PA DANG MI SLOB PA'I CHOS NI LAM GYI BDEN PA DANG, GNYIS KA MA YIN PA NI ZAG BCAS DANG 'DUS MA BYAS RNAMS YIN TE, DE YANG ZAG BCAS KYI THOB PA DANG, SO SOR BRTAGS MIN GYI 'GOG PA'I THOB PA DANG, SO SOR BRTAGS 'GOG GI THOB PA 'PHAGS PA MA YIN PAS THOB PA RNAMS NI SLOB PA'ANG MA YIN MI SLOB PA YANG MA @156 YIN NO, ,SO SOR BRTAGS 'GOG GI THOB PA SLOB PAS THOB PA ('DAS LAM,) NI SLOB PA DANG, MI SLOB PAS ('DAS LAM SRID RTZE SPONG BA'I RNAM GROL DGU PAS,) THOB PA NI MI SLOB PA YIN NO,, (GAL TE MI SLOB PAS BRTAGS 'GOG THOB PA'I THOB PA MI SLOB PAR 'DOD PA NI MI RIGS TE MI SLOB PA NI RNAM GROL GYI LAM YIN PAS SPANG BYA DANG 'BRAL BA'I LAM MA YIN PA'I PHYIR DANG, MI SLOB PAS BRTAGS 'GOG THOB PA NI RDO RJE LTA BU'I TING NGE 'DZIN GYIS SRID RTZE'I SGOM SPANG CHUNG NGU'I CHUNG NGU SPANGS PAS THOB PA'I PHYIR SLOB PA'I THOB PA YIN GYI MI SLOB PA'I MA YIN PA'I PHYIR RO ZHE NA, BDEN MOD KYI BAR CHAD MED PAS DRANGS PA'I BRAL THOB KYI RTEN BYED PAS NA MI SLOB PA'I THOB PAR BRJOD DO, ,) YANG MTHONG SPANG (DANG SGOM SPANG,) GI THOB PA (RIM PA LTAR,) MTHONG SPANG DANG, SGOM SPANG GI THOB PA SGOM SPANG YIN NO ZHES BYA BA NI RTOGS PAR SLA BA'I PHYIR MA BSHAD LA, , SPANG BAR BYA BA MIN PA'I THOB PA NI SGOM SPANG DANG SPANG BYA MA YIN PA (ZAG MED DANG,) RNAM PA GNYIS SU 'DOD DE, ,DE LA SPANG BYA MA YIN PA'I ZAG MED DO, ,DE YANG SO SOR BRTAGS MIN GYI 'GOG PA'I THOB PA (LUNG MA BSTAN THAMS CAD,) DANG, SO SOR BRTAGS 'GOG 'PHAGS PA MA YIN PAS THOB PA'I THOB PA NI (DGE BA ZAG BCAS YIN PAS,) SGOM SPANG DANG, SO SOR BRTAGS 'GOG 'PHAGS PA'I ('DAS PA'I,) LAM GYIS THOB PA'I THOB PA DANG, LAM BDEN GYI THOB PA NI SPANG BYA MA YIN PAR NGES SO,, ('PHAGS PAS BRTAGS 'GOG 'JIG RTEN PA'I LAM GYIS THOB PA'I THOB PA ZAG BCAS NI SGOM SPANG DANG ZAG MED NI SPANG BYA MIN PA'O,,) GAL TE CHOS THAMS CAD LA THOB PA DUS GSUM PAR NGES SAM ZHE NA, DE'I DMIGS KYIS BSAL BA NI DGE BA DANG NYON MONGS CAN DU LUNG BSTAN PA (DBANG PO LTA BU,) MIN PA'I CHOS MA BSGRIBS LUNG MA BSTAN RNAMS KYI THOB PA NI THOB BYA'I CHOS DANG LHAN CIG SKYE'I SNGA PHYIR SKYE BA MED DE, (RNAM SMIN MED PAS SAM 'DUS MA BYAS PAR SKYE BAS) CHOS DE RNAMS STOBS CHUNG BA'I PHYIR RO, ,'O NA MA BSGRIBS LUNG MA BSTAN DE YANG THAMS CAD DU NGES SAM ZHE NA, LHA'I MIG DANG RNA BA'I MNGON SHES LUNG MA BSTAN GNYIS DANG, SPRUL PA'I SEMS LUNG MA BSTAN MA GTOGS PA RNAMS NI DA LTAR NGES LA, DE GSUM NI MI 'DRA STE, DE DAG GI THOB PA NI DUS GSUM DU'ANG SKYE BA YOD DE, SBYOR BA (DRAG PO'I,) KHYAD PAR GYIS BSGRUB (DGOS,) PAS STOBS CHE BA'I PHYIR RO, ,DE BZHIN DU ('DU BYED KYI KHYAD PAR GYIS BSGUBS PAS LAS THAMS CAD PA'I LTA BU,) BZO SHIN TU GOMS PA DANG, SPYOD LAM LA SHIN TU GOMS PA (BCOM LDAN 'DAS DANG RTA THUL GYI SPYOD LAM LTA BU,) KHA CIG GI THOB PA'ANG DUS GSUM PAR SKYE BA SRID (PAR BYE BRAG SMRA @157 BA 'DOD,) DO,, (MA BSGRIBS LUNG MA BSTAN GYI THOB PA DE LTAR NGES NA 'O NA,) CHOS DANG THOB PA LHAN CIG SKYE BA GZHAN YANG (YOD DAM ZHE NA,) YOD PAR BSTAN PA NI BSGRIBS LA LUNG DU MA BSTAN PA'I GZUGS KYI RIG BYED KYI'ANG THOB PA LHAN CIG TU SKYE'O ZHES SBYAR RO, ,DE YANG BSGRIBS LA LUNG MA BSTAN GYI GZUGS NI 'DOD PA NA MED DE, KUN SLONG MED PA'I PHYIR RO, ,DES NA DE NI BSAM GTAN DANG PO NA RANG GI SA PA'I NYON MONGS PAS KUN NAS BSLANG BA'I LUS NGAG GI LAS THAMS CAD YIN PAS (DE KHO NA NA YOD KYI KUN SLONG MED PAS KHAMS DANG SA GZHAN NA MED DO,,) GNYIS PA YAN CHAD RANG SA NA BSGRIBS PA'I GZUGS MED PAR 'DOD DO, ,(DGE MI DGE LA DMIGS BSAL NI,) GZHAN YANG 'DOD PA NA SPYOD PA'I DGE MI DGE'I RIG BYED DANG RIG BYED MA YIN PA'I GZUGS KYI THOB PA'ANG LHAN CIG DANG PHYIS SKYE BA YOD KYI CHOS LAS SNGAR NI SKYE BA MED (CES BKAG PAS DE DAG GI SKAD CIG MA DANG PO LHAN CIG KHO NA DANG GNYIS PA SOGS LA PHYIS SKYE BA'ANG YOD,) DE, SO SO THAR GNAS JI SRID DU, ,MA BTANG BAR DAG DA LTAR GYI, ,RNAM RIG MIN LDAN SKAD CIG MA, ,DANG PO PHYIN CHAD 'DAS PA DANG, ,SDOM MIN GNAS PA'ANG DE DANG 'DRA, ,ZHES PA DANG, RNAM RIG BYED NI THAMS CAD LA, ,BYED PA DAG LA DA LTAR LDAN, ,MA BTANG BAR DU SKAD CIG MA, ,PHYIN CHAD 'DAS LDAN MA 'ONGS MED, ,CES 'CHAD PAR 'GYUR BA'I PHYIR RO, ,('DI NI DON RDZOGS PA MIN GYI SNYOMS 'JUG GNYIS DANG SKYE BA'I CHOS CAN GYI MTHONG LAM DANG MNGON SHES DANG CHAD MED LTA BU MA 'DRES PA RNAMS DANG YE SHES BSTAN PA'I SHES PA DANG LTA BA LA SOGS PA SBYOR BAS THOB PA PHAL CHE BA RNAMS LA'ANG SNGAR SKYES MED DO, ,) DES NA 'DI SKAD BSTAN PA YIN TE, SEMS SEMS BYUNG NYON MONGS CAN RNAMS DANG, DGE BA RNAMS DANG, GZUGS NA YOD PA'I DGE BA GZUGS CAN RNAMS DANG, MI LDAN PA'I 'DU BYED DGE MI DGE THAMS CAD KYI THOB PA NI DUS GSUM PA YIN NO ZHES BYA'O, , 'DIR SMRAS PA, CHOS KUN THOB PA DUS GSUM BAR, ,GSUNGS LA LUNG MA BSTAN PA DANG, , BSGRIBS GZUGS 'DOD PA'I GZUGS DAG GI ,THOB PA DMIGS KYIS BSAL BA'I PHYIR, ,MTSUNGS LDAN NYON MONGS CAN DANG DGE ,GONG MA'I DGE BA GZUGS CAN DANG, ,MTSUNGS LDAN MIN PA DGE MI DGE ,THAMS CAD DUS GSUM PAR 'DOD DO, ,GAL TE THOB PA THOB BYA'I CHOS DANG RGYUD LAS THA DAD PAR YOD DO ZHES BYA BA LA TSAD MA CI YOD CE NA, BYE BRAG TU SMRA BA LUNG TSAD MA NYID DU STON TE, 'DI LTAR MDO LAS, DE MI SLOB PA'I CHOS BCU PO 'DI DAG BSKYED CING SO SOR THOB LA KUN TU LDAN PAS NA YAN @158 LAG LNGA RNAM PAR SPANGS PA'I 'PHAGS PAR 'GYUR RO ZHES GSUNGS TE, DE LA YAN LAG LNGA NI KHAMS GONG MA GNYIS KYI 'DOD CHAGS GNYIS DANG RGOD PA DANG NGA RGYAL DANG MA RIG PA STE GONG MA'I CHA MTHUN LNGA YIN LA, 'PHAGS PA NI DGRA BCOM PA YIN NO, ,) DE RJES SU YOD DE DE'I 'BRAS BU DMIGS PA'I PHYIR ZHES ZER RO,,) DE SLOB DPON GYIS SUN 'BYIN PA NA LUNG DE NI 'PHAGS PA DAG DBANG 'BYOR BAS LDAN PAR BSHAD PA YIN GYI THOB PA RDZAS SU YOD PAR BZHED PA NI MA YIN TE, DE LTA NA RIN PO CHE BDUN LA SOGS PA RGYUD DU MA GTOGS PA RNAMS LA'ANG THOB PA YOD PAR 'GYUR TE, MDO LAS DGE SLONG DAG 'KHOR LOS BSGYUR BA'I RGYAL PO NI RIN PO CHE SNA BDUN DANG LDAN PA YIN NO ZHES BYA BA LA SOGS PA RGYAS PAR GSUNGS PA'I PHYIR RO, ,DE LA GNOD PAR BYED PA'ANG YOD DE, 'DI LTAR RGYUD DANG CHOS LAS THA DAD PA'I THOB PA NI DNGOS POR YOD PA MA YIN TE, DE DAG RTOGS PA'I TSAD MA LA BLTAR RUNG BA LAS MA DMIGS PA'I PHYIR SA PHYOGS LA SOGS PAR BUM PA LA SOGS PA BZHIN NO, , GZHAN YANG DE LA NGES PAR YOD PA'I THA SNYAD DU'ANG MI 'GYUR TE, TSAD MAS MA GRUB PA'I PHYIR DANG, LUNG GI DON YANG GZHAN DU BSHAD PA'I PHYIR RO, ,DE BZHIN DU MA THOB PA LA SOGS PA GZHAN LA'ANG SBYAR BAR BYA'O, ,GZHAN YANG THOB PA CHOS RNAMS KYI (SNGAR SKYES NAS,) BSKYED PA'I RGYU YIN NAM, 'ON TE RNAM PAR 'JOG PA'I RGYU YIN, DANG PO LTAR NA 'DUS MA BYAS GNYIS LA THOB PA MED PAR 'GYUR TE, SKYE BA MED PA'I PHYIR RO, ,DE BZHIN DU ZAG MED KYI SKAD CIG DANG PO MA THOB PA DANG, SA 'OG MAR SKYE BA DANG, 'OG MA LAS 'DOD CHAGS DANG BRAL BA LA SOGS PA RNAMS LA RIM PA BZHIN DU ZAG MED KYI LAM DANG, 'OG MA'I SAS BSDUS PA'I NYON MONGS PA CAN MA YIN PA DANG NYON MONGS PA CAN RNAMS DANG, GONG MA'I SAS BSDUS PA'I DE DAG GI SKYE BAR 'GYUR TE, (THOB PA PHYI MA SKYES SNGA MA BTANG BAS,) DE DAG GI GONG DU THOB PA MED PA'I PHYIR RO, ,GAL TE LHAN CIG PA SKYE BA'I RGYU YIN NO ZHES BYA BAR YANG MI RUNG STE, (DE DAG THOB PAS MA SKYED KYI SKYE BAS SKYED PAR 'DOD PAS,) MTSAN NYID DU 'DOD PA'I (MA SKYES PA GSAR DU RNYED PA'I,) SKYE BA DON MED PAR THAL BA'I PHYIR RO, ,(GZHAN YANG 'CHING BA KUN LDAN GYI NYON MONGS CHE CHUNG 'BRING DGU'I KHYAD PAR MI 'THAD PAR THAL TE DE'I RGYU THOB PA DANG LHAN CIG SKYE BAR KHYAD PAR MED PA'I PHYIR RO, ,'ON TE GOMS PA LA SOGS PAS CHE CHUNG DU 'GYUR NA RGYU GZHAN DE KHO NA LAS DE SKYE BA YIN PAS THOB PA RGYUR BZHAG PA DON MED DO,) GAL TE THOB PA RNAM PAR 'JOG PA'I RGYU YIN TE, SO SO'I SKYE BO'I CHOS KYI THOB PA DANG LDAN PAS SO SO'I SKYE BO DANG, 'PHAGS PA'I CHOS KYI THOB PA DANG LDAN PAS 'PHAGS @159 PA'O, ,ZHES BYA BA LA SOGS PAR RO ZHE NA, DE NI MA YIN TE, MTHONG SPANG GI NYON MONGS PA LA SOGS PA'I SA BON SPANGS PA DANG MA SPANGS PA NYID KYIS 'GYUR BA'I PHYIR THOB PA DON MED DO, ,GAL TE SA BON NYID THOB PA YIN NO ZHE NA, MING DU 'DOD NA MI DGAG GO, DON NI MA YIN TE, DE LTA NA THOB PA CHOS RNAMS KYI RGYUR 'GYUR NA DE NI BKAG ZIN TO,, GZHAN YANG DA LTAR BA'I THOB PA MA 'ONGS PA NA 'BYUNG BAR MI 'GYUR TE, DE'I RGYU YIN PA'I PHYIR RO,, DE BZHIN DU RNAM PAR BYANG BA'I SA BON LA SOGS PA LA'ANG SBYAR BAR BYA'O, ,GZHAN YANG THOB PA LA'ANG THOB PA DANG MA THOB PA YOD LA, MA THOB PA LA'ANG THOB PA DANG MA THOB PA YOD DO, ,ZHES PA'ANG RIGS PA MA YIN TE, THOB PA LA THOB PA YOD NA THUG MED DU 'GYUR BA'I PHYIR DANG, THOB PA DNGOS POR MA GRUB PAS DE MA THOB PA'ANG MI 'THAD PA'I PHYIR DANG, MA THOB PA LA THOB PA 'GAL BA'I PHYIR DANG, MA THOB PA LA MA THOB PA YOD NA'ANG THUG MED DU 'GYUR BA'I PHYI RO, ,DE'I PHYIR CHOS RNAMS KYI SA BON DANG DBANG DANG MNGON DU RGYU GSUM SKYE BO DANG 'PHAGS PA RNAMS KYI RGYUD LA LDAN PA LA THOB PA DANG, MI LDAN PA LA MA THOB PA ZHES GDAGS KYI RDZAS GZHAN GYUR PA NI CI YANG MED DO,, DE LA SA BON NI BAG LA NYAL BA DANG, DBANG NI SA BON MNGON DU RGYU SKYE BA LA PHYOGS PA DANG, MNGON DU RGYU NI CHOS RNAMS KYI RANG GI NGO BO YIN NO, ,ZHES SHES PAR BYA'O, ,(DE YANG DGE BA SKYES THOB NI RTEN LA LOG LTAS SA BON NYAMS PAR MKHAS PA'I PHYIR LDAN LA, NYAMS NA MI LDAN NO ZHES GDAGS SO, , SBYOR BYUNG NI SKYES PA DANG RGYUD LA DE SKYE BA'I DBANG THOGS MED YOD PA'I PHYIR LDAN NO, ,THOGS BCAS NI MI LDAN NO, ,) GNYIS PA MA THOB PA BSHAD PA NI MA THOB PA NI SEMS CAN GYI RGYUD KYIS BSDUS PA'I CHOS RNAMS DANG 'GOG PA GNYIS DANG MI LDAN PA'O, ,DE YANG MA RNYED PA DANG, MI LDAN PA DANG, YE NAS MI LDAN PA STE, DE LA MA RNYED PA NI CHOS DE DAG SNGAR THOB PA LAS GSAR DU MI LDAN PA'O, , MI LDAN PA NI DE'I RGYUN MI LDAN PA'O, ,YE SHES MI LDAN PA NI SO SO'I SKYE BO LA ZAG MED KYI LAM MI LDAN PA LTA BU'O, ,(THOB PA BZHIN DU MA THOB PA LA'ANG DGE MI DGE SOGS YOD DAM ZHE NA MED DE,) DE LTA BU'I MA THOB PA'I NGO BO NI MA BSGRIBS LA LUNG DU MA BSTAN PA (KHO NA,) YIN TE, GAL MA TE THOB PA NYON MONGS PA CAN (GYI CHOS DANG 'DRA BA,) YIN NA NYON MONGS SPANGS PA RNAMS LA MED PAR 'GYUR LA, (ZAG MED KYI MA THOB PA'ANG ZAG MED DU 'GYUR ZHING,) DGE BA YIN NA DGE RTZA CHAD PA RNAMS LA MED PAR 'GYUR BA'I PHYIR RO, ,ZHES BYE BRAG TU SMRA BA ZER TE, LA LAR NI DGE BA YIN ZHING, LA LAR NI NYON MONGS @160 CAN YIN LA, LA LAR NI MA BSGRIBS LUNG MA BSTAN YIN NO ZHES SMRA BA LA SU ZHIG DGAG PA BYED PAR 'GYUR, 'O NA CHOS RNAMS KYI MA THOB PA'ANG DUS GSUM PA YIN NAM ZHE NA, KHYAD PAR YOD DE, CHOS 'DAS PA DANG MA SKYES PA MA 'ONGS PA RNAMS KYI MA THOB PA DE NI RNAM PA GSUM YIN TE, (MA THOB PA DUS GSUM PA DE YANG SDOM PA LTA BU LA DPE BRJOD NA SO THAR GYI SDOM PA 'DAS PA DE 'DAS PA'I GANG ZAG DES 'DAS PAR MA THOB PA NI RANG SKYES PA'I GANG ZAG DE'I RGYUD LA DE MA SKYES GONG DU DE'I MA THOB PA SKYES PA LTA BU'O, ,'DAS PA'I DE DA LTAR MA THOB PA NI DE GTONG RGYUS BTANG BA'I SKAD CIG GNYIS PA PHYIN CHAD SKYES PA LTA BU'O, ,'DAS PA'I DE MA 'ONGS PAR MA THOB PA NI DE BTANG BA'I SKAD CIG GNYIS PA PHYIN CHAD DE'I MA THOB PA SKYES PA RNAMS LTA BU'O, ,SO THAR GYI SDOM PA DA LTAR BA'I MA THOB PA DA LTAR BA NI MED DE DA LTAR BA YIN NA DE MA THOB PAR 'GAL BAS SO, ,DE'I MA THOB PA 'DAS PA NI DE THOB PA'I GANG ZAG DE'I RGYUD LA DE MA THOB PA GONG DU DE'I MA THOB PA SKYES PA LTA BU'O, ,DE'I MA THOB PA MA 'ONGS PA NI DE GTONG RGYUS BTANG BA'I SKAD CIG GNYIS PA LA DE'I THOB PA BTANG ZHING MA THOB PA SKYES PA LTA BU'O, ,SO THAR GYI SDOM PA MA 'ONGS PA SKYE BA'I CHOS CAN GYI MA THOB PA MA 'ONGS PA NI, MA 'ONGS PA RANG DANG DUS MNYAM DU SDOM PA DE'I MA THOB PA 'BYUNG BA LTA BU'O, ,DE'I MA THOB PA DA LTAR BA NI DE'I MA THOB PA RANG NYID DA LTAR BAR 'PHOS PA LTA BU'O, ,SO THAR GYI SDOM PA MA 'ONGS PAR MA THOB PA DE'I MA THOB PA MA 'ONGS PA NI MA THOB PA MA 'ONGS PA DA LTAR BAR 'PHOS PA DE'I SKAD CIG GNYIS PA PHAN CHAD DU DE'I MA THOB PA BYUNG BA RNAMS LTA BU'O, ,DE LTAR DU NGES TE,) CHOS 'DAS PA DE 'DAS PAR MA THOB PA DANG, DA LTAR MA THOB PA DANG, MA 'ONGS PAR MA THOB PA YOD PA'I PHYIR DANG, MA 'ONGS PA'ANG DE DANG 'DRA BA'I PHYIR RO, ,GAL TE 'DAS PA'I CHOS 'DAS PAR MA THOB PA DANG, MA 'ONGS PA'I CHOS MA 'ONGS PAR MA THOB PA NI MI SRID DE, DE DAG TU CHOS DE DAG YOD NA MA THOB PAR 'GAL BA'I PHYIR RO ZHE NA, DUS DE DAG NI RING BAS 'OD SRUNG GI DUS NA YOD PA'I CHOS NI 'KHOR BA 'JIG DANG GSER THUB KYI DUS SU MA THOB PA YOD CING, BYAMS PA'I DUS KYI CHOS KYANG SENG GE DANG RAB GSAL LA SOGS PA'I DUS NA MA THOB PA SRID PA'I PHYIR RO, ,ZHES BYA STE, 'ON KYANG 'DI DAG NI BYE BRAG TU SMRA BAS RNAM PAR BRTAGS PA STE RI BONG GI RVA LA RING THUNG DPYOD PA DANG 'DRA'O, ,DA LTAR BA'I CHOS KYI MA THOB PA NI 'DAS PA DANG MA 'ONGS PA KHO NA NA YOD KYI DA LTAR BA NI MA YIN TE, CHOS DE YOD NA MA THOB PA 'GAL BA'I (PHYIR DANG NGES PAR THOB PA YOD PA'I,) PHYIR RO, , 'O NA MA THOB PA KHAMS GANG DU GTOGS SHE NA, 'DOD PA'I CHOS 'DOD PAR MA THOB PA NI 'DOD PA @161 DANG, SOGS PA'I SGRAS GZUNG BA (KHAMS GONG MA GNYIS SU MA THOB PA YANG KHAMS DE DAG NYID DU,) GZUGS SU MA THOB PA GZUGS DANG, GZUGS MED PAR MA THOB PA GZUGS MED PAR GTOGS LA, DE BZHIN DU GZUGS DANG GZUGS MED PA'I CHOS 'DOD PA LA SOGS PA GSUM DU MA THOB PA'ANG DE DAG TU GTOGS PA DANG (DE YANG 'DOD PA'I RTEN LA 'DOD PA'I CHOS 'DOD PA'I YON TAN SBYOR BYUNG DANG SKYES THOB DANG GONG MA GNYIS KYI YON TAN SBYOR BYUNG DANG ZAG MED KYI MA THOB PA'ANG 'DOD PAS BSDUS PA YIN PA NAS GONG MA GNYIS KYI YANG DE BZHIN TE, 'DI NI RTEN GYIS GZHAG GI CHOS KYIS MIN TE ZAG MED KYI MA THOB PA ZAG BCAS YIN PA LA SOGS PA CHOS DANG 'GAL BAS SO, ,KHA CIG GZUGS MED KYI RTEN LA 'OG MA GNYIS KYIS THOB PA MI SBYAR TE DE GNYIS KYIS THOB PA MI 'JUG PAS SO, ,ZHES PA RIGS SO,,) KHAMS SU MA GTOGS PA DRI MA MED PA LAM DANG 'GOG PA GNYIS KYI MA THOB PA'ANG 'DOD PA LA SOGS PAR GTOGS SO ZHES SBYAR RO, ,GAL TE ZAG MED KYI MA THOB PA JI LTAR KHAMS GSUM DU GTOGS SHE NA, ZAG MED KYI LAM GYI MA THOB PA NI SO SO'I SKYE BOR 'DOD PAS ZAG BCAS KHO NAR NGES PA'I PHYIR TE, BSTAN BCOS RAB TU BYED PA LAS SO SO'I SKYE BO NYID GANG YIN ZHE NA, 'PHAGS PA'I CHOS RNAMS KYIS MA RNYED PA'O ZHES GSUNGS PA'I PHYIR RO, ,'PHAGS PA'I CHOS RNAMS ZHES BYA BA'ANG NYAN RANG DANG SANGS RGYAS KYI RIGS CAN RNAMS KYI CHOS GANG YANG MA RNYED PA YIN GYI GANG RUNG GI NI MA YIN TE, GAL TE YIN NA DE DAG KYANG SO SO'I SKYE BOR 'GYUR TE, NYAN THOS KYIS RANG RGYAL GYI MA RNYED PA LA SOGS PA'I PHYIR RO, ,DE BZHIN DU 'GOG PA GNYIS KYI MA THOB PA'ANG ZAG BCAS KHO NA YIN TE, DE GNYIS NI ZAG MED YIN LA, ZAG MED MA THOB PA NI ZAG BCAS YIN PA'I PHYIR RO ZHES BYA'O, , 'ON KYANG SO SOR BRTAGS MIN GYI 'GOG PA'I MA THOB PA NI 'PHAGS PA RNAMS LA'ANG YOD DE, YE SHES LA SOGS PA'I SO SOR BRTAGS MIN GYIS 'GOG PA'I MA THOB PA MED NA YE SHES LA SOGS PA SO SOR BRTAGS MIN GYIS 'GOG PA YOD PAR 'GYUR LA, DE LTA NA'ANG YE SHES DANG YON TAN LA SOGS PA MED PAR THAL BA'I PHYIR RO, ,'GOG PA DE'I MA THOB PA ZAG BCAS YIN NO ZHES BYA BA'ANG MA YIN TE, YE SHES LA SOGS PA LAS GZHAN DU MED PA'I PHYIR RO, ,GZHAN YANG ZAG MED KYI MA THOB PA ZAG BCAS YIN PA LTAR ZAG BCAS KYI MA THOB PA CI'I PHYIR ZAG MED DU MI 'GYUR TE, KHYAD PAR MED PA'I PHYIR RO, ,ZAG BCAS KYI MA THOB PA SO SO'I SKYE BO LA YOD PA RNAMS NI KHAMS GSUM PA DANG, 'PHAGS PA LA YOD PA RNAMS NI 'GOG PA LAS GZHAN DU MED PA'I PHYIR RO ZHES BYA BAR YANG MI RUNG STE, DE NI ZAG MED KYI MA THOB PA @162 LA'ANG MTSUNGS PA'I PHYIR DANG ZAG BCAS KYI MA THOB PA 'GOG PA GNYIS YIN NA MA THOB PA THAMS CAD ZAG BCAS SU 'DOD PA NYAMS PA'I PHYIR DANG, GZHAN YANG LAM GYI MA THOB PA SO SO'I SKYE BO YIN NA DE'I MA THOB PA LAM DU CI'I PHYIR MI 'GYUR TE, KHYAD PAR MED PA'I PHYIR RO, ,DE LTA NA'ANG MA THOB PA ZAG MED YOD DO ZHES NGES PAR BYA'O, ,SO SO'I SKYE BO DE JI LTAR GTONG BAR 'GYUR ZHE NA, (DE YANG LOGS LAS 'DOD CHAGS DANG BRAL BA'I RNAM GROL DGU PA LAS DE'I SO SKYE 'DUN PA'I 'DOD CHAGS DANG BRAL BAS SPONG YANG RNAM PAR NYAMS PA MA YIN LA, GONG DU SKYES PA'I SA 'PHOS PAS RNAM PAR NYAMS PA YIN YANG SPONG BA MA YIN TE, SNGAR SPANGS ZIN PA'I PHYIR RO, ,SO SKYES SPANGS NA 'PHAGS PAR 'GYUR RO ZHE NA MI 'GYUR TE, SA GCIG GI SKYE SPANGS KYANG SA GZHAN GYI SO SKYE SKYE BAS SO, ,ZHES 'CHAD KYANG, BYIS PA'I DBANG DU BYAS KYIS 'PHAGS PA LA NI LAM GYI MTHU KHO NAS SO SKYE'I THOB PA MI SKYE BA YIN NO, ,CI MA THOB PA'I THOB PA DANG, THOB PA'I MA THOB PA'ANG YOD DAM ZHE NA, GNYIS KA'ANG GNYIS KA YOD DE, MA THOB PA'I THOB PA 'CHAD LA, THOB PA 'CHAD PAS MA THOB PA SKYE BA'I PHYIR RO, ,'O NA THOB PA THUG MED DU 'GYUR RO ZHE NA, PHAN TSUN LDAN PA'I PHYIR MI 'GYUR TE, 'DI LTAR SO THAR GYI SDOM PA LTA BU LA THOB PA'I DGA' STON DPER BRJOD NA, THOB BYA'I CHOS SO THAR GYI SDOM PA SKAD CIG DANG PO DANG DE'I THOB PA DANG THOB PA'I THOB PA GSUM DUS GCIG TU SKYE LA, THOB PAS NI CHOS DANG THOB PA'I THOB PA GANG ZAG DE'I RGYUD LA LDAN PAR BYED LA, THOB PA'I THOB PAS RTZA BA'I THOB PA KHO NA LDAN PAR BYED DO, ,SKAD CIG MA GNYIS PA LA CHOS GSUM PO DE LDAN PAR BYED PA'I THOB PA GSUM, THOB PA GSUM PO LDAN BYED RJES KYI THOB PA GSUM STE DRUG DUS GCIG TU SKYE LA CHOS DANG BCAS NA DGU'O, ,SKAD CIG GSUM PA LA CHOS DGU PO LDAN BYED THOB PA DGU DE DGU LDAN BYED RJES THOB DGU STE BCO BRGYAD DUS GCIG LA SKYE LA CHOS DANG BCAS NA NYER BDUN NO, ,SKAD CIG BZHI PA LA CHOS NYER BDUN PO LDAN BYED THOB PA NYER BDUN, DE LDAN BYED RJES THOB NYER BDUN TE LNGA BCU NGA BZHI DUS GCIG TU SKYE LA CHOS DANG BCAS NA GYA GCIG DANG, SKAD CIG LNGA PA LA CHOS GYA GCIG PO LDAN BYED THOB PA GYA GCIG ,DE LDAN BYED RJES THOB GYA GCIG STE BRGYA RE GNYIS DUS GCIG TU SKYE LA, CHOS DANG BCAS NA NYIS BRGYA ZHE GSUM, SOGS SU 'GYUR RO, ,DE LTAR GONG NAS GONG DU BSGRES NA DPAG TU MED DO, ,DE YANG SKAD CIG MA DANG PO'I THOB PA'I TSUL CUNG ZAD YIN GYI, GNYIS PA SOGS LA RTZI NA THUG PA MED PAS SEMS CAN GCIG GI THOB PA 'JIG RTEN DU MI SHONG BA GZHAN YANG 'DOD DO,) 'PHAGS PA'I LAM DE THOB PA DANG, 'DOD PA NAS BSAM GTAN DANG POR SKYE BA LA SOGS PA GONG @163 MAR 'PHO BA DANG, SRID RTZE NAS CI YANG MED PAR SKYE BA LA SOGS PA 'OG MAR SKYE BA'I SA 'PHOS NAS NI SO SO'I SKYE BO RNAM PAR NYAMS PAR 'GYUR RO ZHES SBYAR TE, DE YANG 'PHAGS PA'I LAM THOB PAS NI KHAMS GSUM CHAR GYI SAS BSDUS PA'I SO SO'I SKYE BO GTONG BAR 'GYUR LA, SA 'PHOS PAS NI GANG NAS 'PHOS PA DE'I SO SO'I SKYE BO GTONG BAR 'GYUR RO ZHES SHES PAR BYA'O, , 'DIR YANG BYE BRAG TU SMRA BAS SEMS CAN GYI RGYUD LAS THA DAD PA'I SO SO'I SKYE BO 'DOD PA NI RIGS PA MA YIN TE, 'PHAGS PA DANG SO SO'I SKYE BO GNYIS KA MA YIN PA'I SEMS CAN SRID PAR THAL BA'I PHYIR DANG, DE LTA BU MA DMIGS PA'I YANG PHYIR RO, ,DE'I PHYIR 'PHAGS PA'I LAM DANG MI LDAN PA'I SEMS CAN GYI RGYUD NYID SO SO'I SKYE BO YIN TE, DE NYID LAS DANG NYON MONGS PA'I DBANG GIS KHAMS GSUM DANG, SA DGU DANG, RIS LNGAR SO SO SO SOR SKYE BA DANG 'CHI 'PHO BA'I PHYIR TE, ZLA BA SGRON MA'I MDO LAS, SO SO THA DAD 'GRO BAS NA, ,SO SO'I SKYE BOR BRJOD PA YIN ZHES BSHAD PA YIN NO, ,DES NA 'PHAGS PA'I LAM DANG LDAN PA'I RGYUD NI 'PHAGS PA YIN NO, , 'GREL PA LAS, GZHAN DAG GI YANG DE BZHIN DU SBYAR BAR BYA'O ZHES GSUNGS PA'I DON NI 'DI YIN TE, KHAMS GSUM GYI DGE BA SBYOR BYUNG DANG SKYES THOB KYI MA THOB PA NI DGE BA DE DAG THOB PAS GTONG BAR 'GYUR LA, KHAMS GSUM PA'I 'GRO BAS BSDUS PA'I PHUNG PO RNAMS NI SA 'PHOS PAS GTONG BA YIN NO ZHES CIG NI RNAM PAR PHYE STE 'CHAD DO, ,KHA CIG NA RE DE DAG GIS MA THOB PA NI THOB PA DANG SA 'PHOS PA GNYIS KAS GTONG STE, BSAM GTAN DANG PO'I DGE BA DANG 'GRO BA'I PHUNG PO NI 'DOD PA NA SPYOD PA BAS MA THOB LA, DE NI DE DAG THOB PA DANG, BSAM GTAN DANG POR SA 'PHOS PA GNYIS KAS GTONG BA LTA BU'O ZHES ZER RO, , 'ON KYANG SBYOR BA LAS BYUNG BA MA THOB PA NI THOB PAS GTONG LA, GZHAN DAG NI THOB PA DANG SA 'PHOS PA GNYIS KAS GTONG NGO ZHES SHES PAR BYA'O, , GSUM PA SKAL MNYAM 'CHAD PA NI SKAL BA MNYAM PA NI SLOB DPON GANG SPEL GYIS, G-YO BA RANG BZHIN MTSUNGS 'GYUR CING, ,BSAM PA GUS MTSUNGS SEMS CAN RNAMS, ,GANG GIS MNYAM PAR 'GYUR BA NI, ,DE LA SKAL BA MNYAM ZHES BRJOD, ,CES BSHAD PAS SEMS CAN DANG SEMS CAN GYIS BSDUS PA'I CHOS RNAMS KYI 'DRA BA'I SPYI'O, ,SEMS CAN SMOS PAS SEMS CAN GYIS MA BSDUS PAS LU LA SOGS PA LA SKAL MNYAM MED PAR BSTAN PA'I PHYIR RO, SKAL MNYAM YANG GNYIS TE, SPYI'I SKAL MNYAM SEMS CAN THAMS CAD KYI SPYI DANG, BYE BRAG GI SKAL MNYAM MI DANG LHA LA SOGS PA'I SPYI LTA BU'O, ,YANG NA @164 SEMS CAN GYI SKAL MNYAM SNGAR SMOS PA DE LTA BU DANG, CHOS KYI SKAL MNYAM PHUNG PO DANG KHAMS DANG SKYE MCHED LA SOGS PA'I SPYI LTA BU'O, ,'DI LA YE SHES LA 'JUG PA LA SOGS PA LAS NI RIS MTHUN PA ZHES BSHAD DO, ,BYE BRAG TU SMRA BA RNAMS NA RE GAL TE DE LTA BU'I SKAL MNYAM GYI SPYI MED NA SEMS CAN DANG CHOS RNAMS LA SGRA DANG BLO MTHUN PA 'JUG PAR MI 'GYUR TE, RGYU MTSAN MED PA'I PHYIR RO, ,BCOM LDAN 'DAS KYIS KYANG, SROG GCOD PA KUN DU BSTAN PA DANG GOMS PAR BYAS PA DANG LAN MANG DU BYAS PAS DMYAL BA DAG TU SKYE BAR 'GYUR RO, ,BRGYA LA MI RNAMS DANG SKAL BA MNYAM PA 'DI LTA BU NYID DU 'ONG NA YANG SROG BCAD PAS TSE THUNG BAR 'GYUR RO ZHES BYA BA LA SOGS PA RGYA CHER SKAL MNYAM GSUNGS PA'I PHYIR RO ZHES ZER RO, , ('CHI 'PHO ZHING SKYE LA SKAL MNYAM MI 'DOR BA YOD DAM ZHE NA MU BZHI STE, DANG PO 'CHI 'PHO ZHING SKYE LA SKAL MNYAM MI 'DOR BA NI SA GANG NAS 'CHI 'PHOS NAS SA DE NYID DU SKYE DU SKYES NA'O, ,GNYIS PA SKAL MNYAM 'DOR LA 'CHI 'PHO MIN PA NI NGES PA LA 'JUG PA STE SEMS CAN GYI SKAL MNYAM 'DOR LA 'PHAGS PA'I SKAL MNYAM THOB PAS SO, ,GSUM PA GNYIS YIN NI 'GRO BA 'PHO BA NA'O, ,BZHI PA GNYIS MIN NI SKYE 'PHAGS GSON BZHIN SA GONG MA'I YON TAN CUNG ZAD KYANG MA THOB PA'I RGYUN NO, ,'DI NI BYE BRAG GI 'DRA BA LA RTZI YI GZHAN DU NI MU GSUM PA MI 'GRUB BO, ,CHOS LAS THA DAD PA'I SPYI RDZAS GRUB 'DOD PA,) DE NI LEGS PA MA YIN TE, MDO'I DON NI 'GRO BA RIS MTHUN PA'I DBANG DU MDZAD NAS GSUNGS KYI SPYI THA DAD PA MA YIN PA'I PHYIR DANG, SKAL MNYAM (GYI SPYI,) MED PAS SGRA BLO MTHUN PA MI 'JUG NAS LU LA SOGS PA LA'NG MI 'JUG PAR THAL BA'I PHYIR DANG, THA DAD PAR SNANG BA'I BDAG NYID MA DMIGS PA'I PHYIR DANG, SA SO'I SKYE BO DON MED PAR THAL PA'I PHYIR DANG, BYE BRAG PA'I SPI DGAG PA DANG MTSUNGS PA'I PHYIR RO, ,DE'I PHYIR SEMS CAN DANG CHOS RIS MTHUN TZAM LA SKAL MNYAM ZHES BTAGS KYI SEMS CAN DANG CHOS LA THA DAD PAR NI MED DO, , BZHI PA 'DU SHES MED PA PA BSHAD PA LA 'DU SHES MED PA PA NI 'DU SHES MED PAR SKYES PA'I SEMS CAN GYI RGYUD LA MA 'ONGS PA'I SEMS DANG SEMS LAS BYUNG BA RNAMS 'GOG PA'I RDZAS GANG YIN PA'O, ,DE YANG RE ZHIG SKYER MI STER BAR CHU LON GYIS CHU BSKYIL PA LTAR 'GOG GI GTAN DU NI MA YIN TE, 'GOG PA GNYIS DANG KHYAD PAR MED PAR 'GYUR BA'I PHYIR RO,, DE YANG (NGO BO NI,) 'DU SHES MED PA'I SNYOMS 'JUG GI (RDZOGS PA'I,) RNAM SMIN GYI 'BRAS BU YIN GYI, RGYAS BYUNG NI MA YIN TE, GZUGS CAN MA YIN PA'I PHYIR RO, , ('DI'I SROG DANG RIS MTHUN LA SOGS PA'I 'PHEN BYED NI BZHI PA'I NYER BSDOGS YIN NO,,) @165 DE LTA BU DANG LDAN PA'I SEMS CAN DE YANG 'BRAS BU CHE'I PHYOGS GCIG NA YOD DE, DE'I PHYIR BSAM GTAN BZHI PA'I LHA YIN (PAS GNAS GZHAN MED PA YIN,) NO, ,DE LA SEMS DANG SEMS LAS BYUNG BA THAMS CAD DU MI 'BYUNG NGAM ZHE NA, SKYE BA DANG 'CHI BA NA 'BYUNG BAR 'GYUR TE, MDO LAS, SEMS CAN DE DAG DUS RING MO ZHIG TU 'DUG 'DUG STE 'DU SHES SKYES NAS GNAS DE NAS 'CHI 'PHO BAR 'GYUR RO ZHES BYA BA DANG, 'DI NYID LAS KYANG, 'CHI 'PHO SKYE BA BTANG SNYOMS LA ZHES BYA BA DANG, 'CHAD DANG MTSAMS SBYOR 'DOD CHAGS BRAL, ,NYAMS DANG 'CHI 'PHO SKYE BA RNAMS, , YID KYI RNAM SHES KHO NAR 'DOD CES BYA BA 'DI NGES PA'I PHYIR RO, ,'DI YANG LHA TSE RING PO'I RGYUD LAS THA DAD PA'I RDZAS NI MED DE, MTSUNGS LDAN BKAG PA NI DNGOS POR 'GAL BA'I PHYIR DANG, JI SRID DU MTSUNGS LDAN BKAG PA DE SRID DU NI GTAN DU BKAG PA YIN PA'I PHYIR DANG, MA 'ONGS PA NA SKYE BA RNAMS NI DE'I DGAG BYA MA YIN PA'I PHYIR (GTAN DU 'GOG GI,) RE ZHIG 'GOG PA'ANG MI 'THAD DO, ,DES NA MDO SDE PAS LAS KYI 'PHEN PAS LHA DE'I LUS LA BSKAL PA CHEN PO LNGA BRGYAR MTSUNGS LDAN THAMS CAD 'GOG PAR 'DOD LA, RNAL 'BYOR SPYOD PA PA NI KUN LAS BTUS LAS, 'DU SHES MED PA PA GANG ZHE NA, SEMS CAN 'DU SHES MED PA'I LHA RNAMS KYI NANG DU SKYES PA'I SEMS DANG SEMS LAS BYUNG BA'I CHOS BRTAN PA MA YIN PA RNAMS 'GOG PA LA 'DU SHES MED PA PA ZHES GDAGS SO ZHES 'BYUNG BAS KUN GZHI DANG NYON YID LA TSOGS DRUG 'KHOR BCAS 'GOG PAR 'DOD DO, ,GNYIS KA LTAR NA'ANG LUS SEMS LA MTSUNGS LDAN BKAG PA'I PHYIR BTAGS PA PA YIN GYI RDZAS SU NI MED DO ZHES BYA BA YIN NO, ,DE LTA BU'I SEMS CAN DE YANG (YUN RING GNYID LOG PA LAS SANGS PA LTAR,) SNGON GYI LAS (DANG SNYOMS 'JUG) KYI 'PHEN PA ZAD PA DANG, (SEMS MED PAS,) LAS GSAR PA MA BSAGS PA'I PHYIR SHI 'PHOS NAS 'DOD PA KHO NAR SKYE BAR 'GYUR GYI GZHAN DU NI MA YIN LA, 'DOD PAR SKYE BA NI (SGRA MI SNYAN PA LA 'DOD LHAR SKYE BA'I LAS YOD PA LTAR 'DOD PAR,) LAN GRANGS GZHAN LA MYONG BAR 'GYUR BAS YIN NO ZHES BZHED PA YIN NO, , LNGA PA 'DU SHES MED PA'I SNYOMS 'JUG BSHAD PA NI JI LTAR 'DU SHES MED PA PA SEMS DANG SEMS BYUNG 'GOG PA DE BZHIN DU 'DU SHES MED PA'I SNYOMS PAR 'JUG PA'ANG SEMS DANG SEMS BYUNG 'GOG PA YIN NO, ,'DU SHES MED PA PA'I RGYU YIN PA'I PHYIR RAM, 'DI LA 'BRAS BU 'DU SHES MED PA YOD PA'I PHYIR 'DU SHES MED PA'I SNYOMS PAR 'JUG PA'O, ,DE YANG BYE BRAG TU SMRA BAS SNYOMS 'JUG DE LAS MA LANGS KYI BAR DU MTSUNGS LDAN RNAMS 'GOG PA'I RDZAS SU YOD DO, ,DE RDZAS SU MED NA SEMS DANG SEMS @166 BYUNG RNAMS SKYE BAR 'GYUR TE, 'GOG BYED MED PA'I PHYIR CHU LAN MED PA'I RGYUN NGOGS SU CHU KLUNG 'BAB PA BZHIN NO, ,DE BZHIN DU 'DU SHES MED PA PA DANG 'GAG PA'I SNYOMS 'JUG LA'ANG SHES PAR BYA'O, , ZHES 'DOD DO, ,SNYOMS 'JUG DE YANG SA NI BSAM GTAN THA MA BZHI BAR GTOGS PA YIN LA, BSAM PA NI ('KHOR BA'I,) SDUG BSNGAL LAS NGES PAR 'BYUNG BA STE THAR PAR 'DOD PAS (TE SNYOMS 'JUG LA LAM DANG 'DU SHES MED PA PA LA THAR PAR 'DU SHES PAS,) SNYOMS PAR 'JUG GO , DE'I PHYIR KUN SLONG GIS DGE BA'O, , (DE YANG BSAM GTAN GYIS BSDUS PA'I DGE BA'O,,) DE YANG SKYES NAS MYONG BAR 'GYUR BA'I DGE BA NYID YIN TE, (SKYE 'CHI'I SEMS YOD PAS,) 'DI'I RNAM PAR SMIN PA NI 'DU SHES MED PA PA'I SEMS CAN GYI PHUNG PO LNGA 'GRUB BO, ,GANG DAG GIS 'DI THOB NAS NYAMS PA DE DAG KYANG (DE LA GUS PAS DE,) GDON MI ZA BAR SOR CHUD PAR BYAS NAS SKYED PA'I PHYIR LAN GRANGS GZHAN LA MYONG BA DANG MYONG BAR MA NGES PA'ANG MA YIN LA, SNYOMS 'JUG DE DANG LDAN PA TSE 'DI LA 'DU SHES MED PAR SKYE BA MED PA'I PHYIR MTHONG CHOS LA MYONG 'GYUR YANG MA YIN NO, , (DE'I PHYIR DE THOB PA NGES PA LA MI 'JUG STE 'GOG PA MNGON SUM DU MTHONG BAR RLOM PAS SANGS RGYAS KYI'ANG GDUL BYA MIN PA'I PHYIR RO ZHES ZER RO,,) SLOB DPON GANG SPEL NI 'GREL PA LAS, GANG ZHIG GIS 'DI BSKYED NAS YONGS SU NYAMS PA DE YANG GDON MI ZA BAR YANG BSKYED NAS 'DU SHES MED PA'I SEMS CAN RNAMS KYI NANG DU SKYE BAR 'GYUR RO, , ZHES GRAG GO ZHES 'BYUNG BA'I GRAG GO ZHES BYA BA'I SGRA NI LUGS GZHAN BSTAN PA'I PHYIR TE, GZHAN DAG NA RE SKYES NAS MYONG 'GYUR DANG MYONG BAR MA NGES PA'ANG YIN NO ZHES ZER RO, ,DES NA NYAMS SAM MA NYAMS KYANG RUNG STE, GAL TE DGE BA'I BSHES GNYEN DANG PHRAD PA LAS SKYON DU LTA BAR GYUR NA NI DE NAS NGES PA LA 'JUG CING YANG MI SKYED CING MNGON DU'ANG MI BYED DO ZHES 'CHAD DO, ,DE YANG GANG ZAG NI SO SO SKYE BO KHO NA'I YIN GYI (THAR BA DE DANG DE'I LAM MNGON DU 'GYUR PA'O, ,) 'PHAGS PA'I NI MA YIN TE, 'DI LAS LHA TSE RING BOR SKYE BA YIN LA, DE YANG MI KHOM PA'I GNAS YIN PA'I PHYIR RNAM PAR LTUNG BA'I GNAS SU GZIGS PA'I PHYIR (DANG SRID PA LA THAR BAR 'DU SHES MED PA'I PHYIR,) RO, ,DE'I PHYIR 'DI LA THAR PAR 'DU SHES PA'I BYIS PA RNAMS KHO NA 'JUG PA YIN NO, ,DES NA GANG DAG YID LA BYED PA THAMS CAD BKAG NAS SGOM PA DE DAG NI 'DU SHES MED PA'I SNYOMS 'JUG KHO NA YIN TE, MTSAN NYID THAMS CAD TSANG BA'I PHYIR RO, ,DE YANG 'DAS MA 'ONGS NI MI 'THOB KYI (SKAD CIG MA DANG PO LA NI,) @167 DUS GCIG PA DA LTAR BA KHO NA 'THONG STE ('DI 'DRES PA YIN YANG 'BAD PA CHEN POS SGRUB DGOS SHING,) SEMS MED PA'I PHYIR RO, ,'ON KYANG MA BTANG GI BAR DU NI (THOB PA,) 'DAS PA DANG YANG LDAN TE SO SO THAR BA'I SDOM PA BZHIN NO, , (SEMS MED PAS MA 'ONGS PA NI MI 'THOB BO, ,) 'DIR YANG YID LA BYED PA'I KHYAD PAR GYI LUS SAM SEMS LA RNAM SHES SOGS DRUG BKAG PA LA DE LTA BU'I SNYOMS 'JUG TU BTAGS KYI LUS SEMS LAS RDZAS GZHAN DU GYUR PA NI MED DO, ,DE RDZAS SU MED KYANG YID LA BYED PA'I KHYAD PAR GYIS MTSUNGS LDAN RNAMS SKYE BAR YANG MI 'GYUR TE, RTOG PA THAMS CAD NANG DU BSDUS PA'I TING NGE 'DZIN BZHIN NO, ,DE BZHIN DU GONG 'OG DAG LA'ANG SHES PAR BYA'O, , DRUG PA 'GOG PA'I SNYOMS 'JUG BSHAD PA NI 'GOG PA'I SNYOMS PAR 'JUG PA ZHES GSUNGS PA'ANG GONG MA 'DU SHES MED PA'I SNYOMS 'JUG JI LTA BA DE BZHIN DU SEMS DANG SEMS DANG SEMS BYUNG 'GOG PA NYID DO, , YID LA BYED PA LA SOGS PA LA KHYAD PAR YOD PAS DANG PO YID LA BYED PA NI SNYOMS 'JUG 'DI NI 'DU SHES DANG TSOR BA ZHI (BA NI ZHI BA'O SNYAM NAS ZHI,) BAR GNAS PA'I DON DU SNYOMS PAR 'JUG GI NGES PAR 'BYUNG BAS NI MA YIN NO, ,SA NI SRID PA'I RTZE MOR SKYES PA STE 'DU SHES MED 'DU SHES MED MIN SKYE MCHED LA BRTEN PA YIN TE, PHRA BA PHRA BA'I MJUG THOGS SU ZHES 'BYUNG BAS SEMS PHRA BA'I MJUG THOGS SU MTSUNGS LDAN RNAMS DGAG SLA BA'I PHYIR DANG, (DE'I RNAM SMIN LA SRID RTZI'I PHUNG PO BZHI 'GRUB PAS SAM SRID PA LA RGYAB KYIS LTAS SHING SEMS MTHAR THUG PAR SPYOD PA'I RNAM THAR DE SA GZHAN NA MED PAS SRID RTZE'I SA PA'O,,) SLOB DPON GANG SPEL GYIS KYANG, CI'I PHYIR SRID RTZE KHO NAR 'GAG PA LA SNYOMS PAR 'JUG GI SA GZHAN 'OG MA DAG TU MA YIN ZHE NA, RNAM PAR THAR PA DE NI DMIGS PA LA RGYAB KYIS PHYOGS PA DANG, SEMS MTHAR THUG PAR GCOD PA STE RGYU GNYIS KYIS BZHAG NA SA 'OG MA RNAMS NA DE GNYIS MED PA'I PHYIR RO ZHES BSHAD PA'I PHYIR RO, ,'DI SDE PA GZHAN GYIS BSAM GTAN BZHI PA'I SA PAR 'DOD PA NI MA YIN TE, BCOM LDAN 'DAS KYIS BSAM GTAN BZHI DANG GZUGS MED BZHI DANG 'GOG PA'I SNYOMS 'JUG RNAMS MTHAR GYIS GNAS PA'I SNYOMS 'JUG TU GSUNGS PA'I PHYIR RO, , ('PHAGS PA RNAMS NYON MONGS CAN NAM LUNG MA BSTAN LA ZHI BAR MI 'DZIN PAS,) NGO BO NI KUN SLONG GIS DGE BA'O, , ('DI DGE BA ZAG BCAS YIN PAR 'DOD PAS,) MYONG 'GYUR NI SKYES NAS MYONG 'GYUR DANG, LAN GRANGS GZHAN LA MYONG 'GYUR ZHES BYA BA GNYIS SU MYONG BAR 'GYUR BA DANG, MYONG BAR MA NGES PA GSUM DU 'GYUR GYI MTHONG @168 BA'I CHOS LA MYONG 'GYUR NI MA YIN TE, 'DI'I RNAM SMIN SRID RTZE'I MING BZHI'I PHUNG PO YIN LA, 'DOD GZUGS SU SKYES PA DAG SKYE BA DE LA DER SKYE BA MI SRID PA'I PHYIR RO, , DE LA SKYE NAS MYONG 'GYUR NI 'DOD PA'I 'PHAGS PA DAG DE THOB NAS MA NYAMS PAR SRID RTZER 'GRO BA'O, ,LAN GRANGS GZHAN LA MYONG 'GYUR NI 'DOD PAR THOB PA NYAMS PA DAG GZUGS KHAMS SU MNGON DU BYAS TE SRID RTZER 'GRO BA'O, ,MYONG BAR MA NGES PA NI DE GNYIS KA 'DOD GZUGS SU DGRA BCOM PA THOB PAR BYED PA'O, ,GANG ZAG NI 'PHAGS PA'I YIN GYI BYIS PA'I SKYE BO'I NI MA YIN TE, MDO LAS, YANG SRID MED PAS GNOD 'GYUR TE, ,G-YANG SA DAG GIS BYIS PA BZHIN, ,ZHES 'BYUNG BAS (SRID RTZE THOB PA'I BYIS PA NI SEMS KYI RGYUD LA BDAG TU ZHEN PA BKAG NA,) BDAG CHAD DU DOGS PAS 'JIGS PA'I PHYIR DANG, 'PHAGS PA'I LAM GYI STOBS KYIS BSKYED PAR BYA BA YIN PA'I PHYIR DANG, MTHONG BA'I CHOS LA MYA NGAN LAS 'DA' BAR NUS PA'I PHYIR MI 'ONG DANG DGRA BCOM DAG NI 'GOG PA 'DI LA MOS PA'I PHYIR DANG, SO SO'I SKYE BO NI DE LTA BU YANG MA YIN PA'I PHYIR RO, ,DE'I PHYIR SLOB DPON 'DUN BZANG GIS KYANG SRID RTZE'I MTHONG SPANG MA SPANGS PAR DER 'GOG PA'I SNYOMS 'JUG BSKYED MI NUS LA, SO SO'I SKYE BOS NI DE SPANGS PA MA YIN PA'I PHYIR RO ZHES BSHAD DO, ,DES NA 'PHAGS PA'ANG THAMS CAD KYIS 'DI LA SNYOMS PAR 'JUG MI NUS TE, 'DI NI SRID RTZE'I SEMS LA BRTEN NAS 'JUG NA 'PHAGS PA CHAGS BCAS DANG, PHYIR MI 'ONG KHA CIG DANG, SHES RAB KYIS RNAM PAR GROL BA'I DGRA BCOM PA RNAMS KYIS NI SRID RTZE'I SEMS MA THOB PA'I PHYIR RO, ,DE NYID KYI PHYIR SA'I DNGOS GZHI LAS KYANG, 'GOG PA'I SNYOMS 'JUG LA TSOS GNYIS GCES SPRAS BYED PA YIN TE, ZHI GNAS DANG LHAG MTHONG NGO, ,DE LA ZHI GNAS NI 'DIR MTHAR GYIS GNAS PA'I SNYOMS 'JUG BRGYAD YIN LA, LHAG MTHONG NI 'PHAGS PA'I SHES RAB YIN TE, DE GNYIS LAS GCIG MED NA SNYOMS PAR 'JUG TU MI RUNG BA'I PHYIR GNYIS KA TSOGS NA GCES SPRAS BYED PAR 'GYUR RO ZHES BSHAD DO, , DES NA PHYIR MI 'ONG SRID RTZE'I SEMS THOB PA DANG, GNYIS KA'I CHA LAS RNAM PAR GROL BA'I DGRA BCOM PA NI MTHONG BA'I CHOS LA ZHI BA'I 'GOG PA LUS KYIS MNGON SUM DU BYED NUS PA YIN PAS DE DAG DANG, RANG RGYAL DANG BYANG CHUB SEMS DPA' SA DRUG PA YAN CHAD DANG SANGS RGYAS RNAMS KYIS 'DI LA SNYOMS PAR 'JUG NUS SO,,'PHAGS PA'I YANG SEMS KYI STOBS BSKYED PA'I SBYOR BAS 'THOB KYI 'DOD CHAGS DANG BRAL BA TZAM GYIS NI MA YIN TE, DE'I PHYIR (YONGS SU NYAMS NAS SKYED NA YANG SNGON MED PA @169 KHO NA DUS GCIG 'THOB STE,) SO SO THAR PA'I SDOM PA BZHIN DU DA LTAR BA KHO NA 'THOB KYI 'DAS MA 'ONGS NI MI 'THOB BO, ,'O NA 'PHAGS PA THAMS CAD KYI SBYOR BAS 'THOB BAM ZHE NA, (DE NI NYAN RANG GI TSUL LO DMIGS BSAL NI,) THUB PA'I NI ZAD PA MKHYEN PA THOB PA NA DE DANG DUS MNYAM DU BRNYES PAS NA (SRID RTZE LA 'DOD CHAGS DANG BRAL BAS THOB PAR BYA BA YIN PAS, DUS NI 'JUG SEMS KYI 'PHEN PA LTAR TE, 'GOG SNYOMS LA ZHUGS DUS SU 'CHI BA MED KYANG LANGS MA THAG 'CHI BAS, 'DOD PAR KHAM ZAS KYI NUS PA GTUGS PAR 'GYUR BAS ZHAG BDUN LAS LHAG PAR MI 'JUG LA, GONG MAR JI LTAR 'DOD PA LTAR RO,,) BYANG CHUB KYIS 'THOB PAR BYA BA YIN GYIS SBYOR BAS NI MA YIN TE, YON TAN THAMS CAD LA RTZOL BA MED PA'I PHYIR TE, THAMS CAD MKHYEN PA GRUB PAR, BSTOD PA LAS, ,DGE BA MTHAR PHYIN KHYOD LA NI, ,SBYOR BA LAS BYUNG CUNG ZAD MED, ,KHYOD NI GANG DU BZHED NGES PA, ,BZHED PA TZAM LA RAG LAS LAGS, ,ZHES BSHAD PA LTA BU'O, ,GAL TE THUB PAS ZAD PA DANG MI SKYE BA SHES PA MNGON DU BYAS PA'I TSE 'GOG PA'I SNYOMS 'JUG THOB PA YIN GYI MNGON DU BYAS PA MA YIN NA DE GNYIS KA'I CHA LAS RNAM GROL MA YIN PAR 'GYUR TE, 'GOG PA MNGON DU MA BYAS PAR SNYOMS 'JUG GI SGRIB PA LAS MI GROL BA'I PHYIR RO ZHE NA, 'DI LA KHA CHE'I NUB PHYOGS NA 'KHOD PA'I BYE BRAG TU SMRA BA DAG NA RE THUB PAS BYANG CHUB KYI SHING DRUNG DU BSAM GTAN BZHI PA'I SEMS LA BRTEN NAS MTHONG LAM BSKYED CING, DE'I RJES LA SRID RTZE'I SEMS LA BRTEN NAS 'GOG PA'I SNYOMS 'JUG BSKYED LA, DE LAS LANGS NAS BSAM GTAN BZHI PA'I SEMS LA BRTEN TE SRID RTZE'I SGOM SPANG RNAMS SPANGS TE ZAD PA DANG MI SKYE BA SHES PA MNGON DU BYAS PA'I PHYIR GNYIS KA'I CHA LAS RNAM GROL YIN TE GNAS BRTAN NYE BSRUNGS KYI LUGS KYI TSIG GI BSTAN BCOS LAS, DE BZHIN GSHEGS PA NI 'GOG PA'I SNYOMS PAR 'JUG PA BSKYED NAS ZAD PA MKHYEN PA BSKYED PAR MDZAD DO ZHES BRJOD PAR BYA'O ZHES BSHAD PA'I PHYIR ZHES ZER RO, ,KHA CHE BA NA RE ZAD PA DANG MI SKYE BA SHES PA'I DANG POR TE SNGON DU NI 'GOG PA MNGON DU BYAS PA MA YIN TE, CI'I PHYIR ZHE NA, BYANG CHUB SEMS DPA' NI STAN GCIG KHO NA LA BAR CHAD MED PA DANG RNAM GROL GYI LAM GYI YE SHES SKAD CIG MA SUM CU RTZA BZHI RGYUN CHAGS SU BSKYED NAS BYANG CHUB 'THOB PA'I PHYIR RO, ,SUM CU RTZA BZHI NI MTHONG LAM LA BAR CHAD MED PA DANG RNAM GROL GYI YE SHES SKAD CIG MA BCU DRUG DANG, SRID RTZE'I SGOM SPANG DGU SPANG BA'I PHYIR SGOM LAM BAR CHAD MED PA DANG RNAM GROL GYI YE SHES SKAD CIG MA BCO BRGYAD DE, 'OG SA BRGYAD KYI MTHONG SPANG DANG SGOM SPANG RNAMS @170 NI DE BZHIN GSHEGS PA CHAGS BRAL SNGON 'GRO YIN PAS RING 'PHUR LHAG PHAD KYI DRUNG DU SNGAR NYID DU 'JIG RTEN PA'I LAM GYIS SPANGS ZIN PA'I PHYIR DE DAG GI GNYEN PO NI 'DIR MI BSKYED DO, ,'DOD PA'I MTHONG SPANG SNGAR SPANGS ZIN PAS DA SPANG DU MED PA'I PHYIR CHOS BZOD BSKYED MI DGOS PAR THAL LO ZHE NA DE SPANGS KYANG CHOS BZOD CHOS SHES BRGYAD BSKYED PA NI CHOS SHES PHYOGS KYI MTHONG LAM MED PAR RJES SHES PHYOGS KYI MTHONG LAM SKYE MI SRID PA'I PHYIR RO, ,DE BZHIN GSHEGS PA GNYIS KA'I CHA LAS RNAM GROL NI (YIN TE 'GOG SNYOMS BSKYED PA'I GEGS DANG BRAL BAS,) 'GOG PA MNGON DU BYAS PA DANG 'DRA BAR MNGA' BRNYES PA'I PHYIR RO ZHES ZER RO, , (MTHONG SGOM GYI BAR DU 'GOG PA BSKYED NA BYANG CHUB MA THOB KYI BAR DU ZAG PA MED PA'I LAM LAS MI LDANG BAR BYA'O ZHES DAM BCAS PA'I DAM BCA' DANG 'GAL ZHING BSAM PA LDANG BA CAN DU 'GYUR RO ZHES SO,,) NUB PHYOGS PA RNAMS NA RE SKAD CIG MA SUM CU RTZA BZHI RGYUN MA CHAD PAR BSKYED PA'I PHYIR ZHES BYA BA NI MA GRUB STE, MTHONG SGOM GI LAM GYI BAR DU 'GOG PA ZHUGS PA'I PHYIR RO, ,DE DAG RIM PAR GOMS PAS BYANG CHUB THOB PA'I PHYIR ZHES BYA BA NI MA NGES PA YIN NO ZHES ZER RO, , KHA CHE BA RNAMS NA RE 'GOG PAS BAR CHOD NA BYANG CHUB SEMS DPA' BSAM PA LDANG BA CAN DU 'GYUR RO ZHES ZER RO, ,NUB PHYOGS PA NI MI 'GYUR TE, LUNG GZHI LAS JI SRID ZAG PA ZAD PA MA THOB KYI BAR DU SKYIL MO KRUNG GZHIG PAR MI BYA'O ZHES DAM BCAS PAR GSUNGS KYI ZAG MED KYI LAM LAS MI LDANG BAR NI MA YIN PA'I PHYIR SKYON MED DO ZHES LAN 'DEBS PAR BYED DO, , (MDO LAS KYANG, STAN 'DIR BDAG GI LUS 'DI BSKAMS KYANG RUNG, ,PAGS PA RUS PA'I TSOGS RNAMS ZHIG KYANG RUNG, , SKAL MANG RNYED DKA'I BYANG CHUB MA RNYED PAR, ,STAN 'DI LAS NI LUS SKYOD MI BYA'O, ,ZHES GSUNGS PAS SO SLOB DPON GYI BZHED PA NI,) 'GREL PA LAS NI, SNGA MA KHO NA YIN NO ZHES BRJOD DE ZHES 'BYUNG BAS BAR DU 'GOG PA MA BSKYED KYI ZAD PA MKHYEN PA DANG DUS MNYAM DU BRNYES PA NYID RIGS SO ZHES BYA BA'O, , (SNYOMS 'JUG 'DI GNYIS KHYAD PAR NI MANG STE, SA NI BSAM GTAN BZHI PA DANG SRID RTZE, YID BYED NGES 'BYUNG DANG GNAS PA, RTEN SO SKYE DANG 'PHAGS PA, 'BRAS BU 'DU SHES MED PA DANG SRID RTZE LAS MYONG BAR NGES PA DANG GNYIS KA DANG POR SKYE BA LA'ANG KHAMS GNYIS DANG MIR SKYED PA'I KHYAD PAR YOD DO, ,NYAN THOS GZUGS MED 'GOG PA LA MI 'JUG STE DER SKYES PA'I 'PHAGS PA LA MTSUNGS LDAN MA ZHI BA MED PAS, MA ZHI BA'I CHOR 'DUS MI SKYE ZHING, SO SKYE LA SEMS SEMS BYUNG 'GAGS NA @171 MI LDAN PA'I 'DU BYED 'BA' ZHIG GNAS PA'I MTHU MED PAS, DE LA ZHUGS NA LHAG MED DU 'DA' BAR THAL BA LAS MYONG NGES KYI LAS 'BRAS BU MA RDZOGS PAR MYA NGAN LAS 'DA' MI SRID DE LAS DE GEGS KYI NGO BOR GNAS PAS SO, ,YANG NA RTEN MED PAS MI 'JUG STE, SROG NI YANG NA GZUGS DANG YANG NA SEMS LA BRTEN NAS 'JUG NA DER 'GOG PA LA ZHUGS NA DE RGYUN CHAD PAR 'GYUR BAS SO ZHES 'DOD DO,,) 'O NA SNYOMS 'JUG LUS GANG LA BRTEN PA YIN ZHE NA, SNYOMS 'JUG GNYIS KA 'DOD PA DANG GZUGS KYI KHAMS PA'I RTEN CAN YIN GYI GZUGS MED PA'I NI MA YIN TE, DGAG GZHI MED PA'I PHYIR DANG, 'DU SHES MED PA'I SNYOMS 'JUG BSAM GTAN BZHI PAS BSDUS PA'I PHYIR DANG, 'GOG PA NI 'DU SHES DANG TSOR BA RAGS PAS SKYO BAS YIN NA GZUGS MED PA NI ZHI BAR GNAS PAS DE DAG GIS SKYO BA MED PA'I PHYIR RO, , RNAM PAR GTAN LA DBAB PA BSDU BA LAS, SKYE BA LAS NI KUN GZHI RNAM SHES RNAM PAR MA BZHAG NA NI DANG POR 'DIR SKYED CING DE'I 'OG TU GZUGS KYI KHAMS SU MNGON DU BYED DE, MNGON DU BYED PA DE NI GZUGS KYI LUS LA RAGS LAS PA YIN PA'I PHYIR RO, ,KUN GZHI RNAM SHES RNAM PAR BZHAG NA NI MNGON DU BYED PA KHAMS GSUM THAMS CAD DU 'GRO BA YIN PAR LTA BAR BYA'O ZHES 'BYUNG BAS RNAL 'BYOR SPYOD PA PA GANG DAG KUN GZHI RNAM SHES NYID DGAG GZHIR 'DOD PA DE DAG GI LTAR NA NI 'GOG PA'I SNYOMS 'JUG GZUGS MED KYI KHAMS SU'ANG MNGON DU BYED DO, ,KHYAD PAR NI 'DI YOD DE 'GOG PA'I SNYOMS 'JUG NI SNGAR MA THOB PA DAG GIS DANG POR MNGON DU BYED PA NI MI'I NANG DU YIN TE, SNGAR MA 'DRIS PAS BSKYED DKA' LA MI BLO GSAL BA'I PHYIR RO, ,DE THOB NAS NYAMS PA DAG GIS NI PHYIS GZUGS KYI KHAMS SU'ANG MNGON DU BYED DO, ,(KHA CIG 'GOG SNYOMS NI MYANG 'DAS DANG 'DRA BAS NYAMS PA MI SRID PAR 'DOD KYANG MI BSHAD DE,) SLOB DPON GANG SPEL GYIS KYANG 'GOG PA'I SNYOMS PAR 'JUG PA NI DANG PA MI KHO NA'I NANG DU BSKYED DE, STON PA PO DANG 'CHAD PA PO DANG SBYOR BA'I STOBS YOD PA'I PHYIR RO, ,PHYIS NYAMS PA NI GZUGS SU YANG BSKYED LA, GZUGS MED DU NI MA YIN TE, RTEN MED PA'I PHYIR RO, ,'DU SHES MED PA'I SNYOMS 'JUG NI DANG PO GZUGS KYI KHAMS SU YANG BSKYED DE, 'KHOR BA THOG MA MED PA NAS 'DRIS PA'I PHYIR RO, ,ZHES BSHAD CING, 'CHAR BYED KYI MDO LAS KYANG CHE DANG LDAN PA SH'A RI'I BUS, DGE SLONG RNAMS LA SMRAS PA, CHE DANG LDAN PA DAG 'DI NA DGE SLONG TSUL KHRIMS PHUN SUM TSOGS PA YANG YIN, TING NGE 'DZIN PHUN SUM TSOGS PA @172 YANG YIN, SHES RAB PHUN SUM TSOGS PA YANG YIN PA DE NI YANG DANG YANG DU 'DU SHES DANG TSOR BA 'GOG PA LA SNYOMS PAR 'JUG PA DANG LDANG BA'I GNAS DE YOD DO ZHES BYA BAR YANG DAG PA JI LTA BA BZHIN DU RAB TU SHES SO, ,DE NI MTHONG BA'I CHOS KHO NA LA DANG PA NYID DU KUN SHES PA'I CHOS THOB PAR YANG MI BYED CING, 'CHI BA'I DUS KYI TSE YANG MA YIN LA, LUS ZHIG NAS KYANG KHAM GYI ZAS ZA BA'I LHA LAS 'DAS TE YID LAS BYUNG BA'I LHA'I LUS GANG YANG RUNG BA ZHIG TU SKYE BAR 'GYUR RO, ,DE DER SKYES NAS YANG DANG YANG DU 'DU SHES DANG TSOR BA 'GOG PA LA SNYOMS PAR 'JUG PA DANG LDANG BA'I GNAS DE YOD DO, , ZHES BYA BAR YANG DAG PA JI LTA BA BZHIN DU RAB TU SHES SO ZHES GSUNGS PA'I PHYIR TE, 'DI LA KUN SHES PA'I CHOS NI DGRA BCOM PA'O, ,KHAM GYI ZAS ZA BA'I LHA NI 'DOD PA'I LHA RNAMS SO, ,YID LAS BYUNG BA'I LHA'I LUS NI GZUGS KYI KHAMS PA'I LHA RNAMS SO, ,GAL TE 'DOD PAR 'GOG PA'I SNYOMS 'JUG THOB PA MA NYAMS NA SRID RTZER SKYE BA'I PHYIR GZUGS KYI KHAMS SU SKYES NAS 'GOG PA MNGON DU BYED PAR JI LTAR 'GYUR ZHE NA, NYAMS PA SOR CHUD PAR BYED PAR 'GYUR RO, ,'O NA 'GOG PA'I SNYOMS 'JUG LAS NYAMS PA YOD NA 'PHAGS PA LA NYAMS PA YOD PAR 'GYUR TE, 'DI NI 'PHAGS PA KHO NAS MNGON DU BYED PA'I PHYIR RO ZHE NA, BYE BRAG TU SMRA BA NI 'PHAGS PA LA'ANG NYAMS PA YOD PAR 'DOD DE, MDO SDE PA NI 'PHAGS PA'I LAM LA NYAMS PA MED KYI MDO'I DON NI SRID RTZE'I SEMS DANG 'GOG PA'I SNYOMS 'JUG LAS NYAMS PA YOD PAR BSHAD PA YIN NO ZHES BYA BAR 'DOD DO, ,'DU SHES MED PA'I SNYOMS 'JUG NI DANG PO MNGON DU BYED PA'ANG 'DOD GZUGS GNYIS KAR MNGON DU BYED LA, NYAMS PA SOR CHUD PA'ANG SO SOR YIN 'DOD PAR NYAMS PA GZUGS SU SOR CHUD PA DANG, BSAM GTAN DANG POR NYAMS PA GNYIS PA LA SOGS PAR MNGON DU BYED PA NI MED DE, MYONG BAR MA NGES PA DANG, LAN GRANGS GZHAN LA MYONG 'GYUR DU THAL BA'I PHYIR RO, ,RNAM PAR GTAN LA DBAB PA BSDU BA LAS NI 'DU SHES MED PA'I SNYOMS 'JUG NI DANG POR 'DIR BSKYED CING, DE'I 'OG TU GZUGS KHAMS SU BSAM GTAN BZHI PAR 'BRAS BU MYONG BAR 'GYUR RO ZHES DANG PO 'DOD PA KHO NAR BSKYED PAR YANG BSHAD DO, ,KHA CIG GIS 'DU SHES MED PA'I SNYOMS 'JUG GZUGS KHAMS SU MI 'DOD PA NI MI RIGS TE, YE SHES LA 'JUG PA LAS, GZUGS KYI SRID PA YIN PA DE RNAM PAR 'DRID PA CAN LNGA MA YIN PA YOD DE, GZUGS NA SPYOD PA'I SEMS CAN LHA 'DU SHES CAN SEMS MI 'DRA BA LA GNAS PA RNAMS 'DU @173 SHES MED PA'I SNYOMS PAR 'JUG PA DANG, 'GOG PA'I SNYOMS PAR 'JUG PA LA SNYOMS PAR ZHUGS PA RNAMS DANG, LHA 'DU SHES MED PA 'DU SHES MED PA PA THOB PA RNAMS KYI SRID PA GANG YIN PA LTA BU'O ZHES GSUNGS TE, 'DI LA RNAM PAR 'DROD PA CAN LNGA ZHES BYA BA NI NYE BAR LEN PA'I PHUNG PO LNGA STE, 'DUN PA DANG 'DOD CHAGS DANG LDAN PA'I PHUNG PO LNGA NI DBU BA RDOS PA LA SOGS PA DANG 'DRA BAS BYIS PA RNAMS 'DRID CING SLU BA'I PHYIR SANGS RGYAS 'OD SRUNG GI DUS NA PHUNG PO LNGA LA MING DE SKAD DU GRAGS SO, ,SEMS MI 'DRA BA NI SEMS MED MNGON DU BYAS PA YIN LA, 'DRA BA NI ZAG BCAS KYI SEMS YOD PA'I TSE YIN NO, , KHA CIG SEMS MI 'DRA BA LA GNAS PA RNAMS DANG ZHES 'DON CING SEMS 'DRA BA DANG MI 'DRA BA NI ZAG BCAS DANG ZAG MED LA 'DOD DO, ,DES NA GZUGS NA SPYOD PA'I SEMS CAN LHA 'DU SHES CAN SEMS MI 'DRA BA SNYOMS 'JUG GNYIS LA GNAS PA'I SRID PA NI SEMS MED YIN PA'I PHYIR DANG, 'DU SHES MED PA'I LHA 'DU SHES MED PA PA THOB PA LA'ANG SEMS MED PA'I PHYIR RNAM PAR 'DRID PA CAN LNGA MA YIN TE, DE DAG GSUM GA LA'ANG ZAG BCAS MTSUNGS LDAN GYI PHUNG PO BZHI MED PA'I PHYIR RO, , GZUGS KYI SRID PA NI YIN PA'I PHYIR MU DANG PO YIN TE DES NA DE LTA BU'I BSTAN BCOS DANG 'GAL LO, , MU GZHAN NI DE NYID LAS RNAM PAR 'DRID PA CAN LNGA'I SRID PA YIN LA GZUGS KYI SRID PA MA YIN PA NI 'DOD PA NA SPYOD PA'I SEMS CAN SEMS 'DRA BA LA GNAS PA RNAMS KYI SRID PA GANG YIN PA LTA BU'O, , GZUGS KYI SRID PA'ANG YIN LA SRID PA DE RNAM PAR 'DRID PA CAN LNGA'ANG YIN (PA'I MU GSUM,) PA NI... GZUGS NA SPYOD PA'I LHA 'DU SHES CAN SEMS 'DRA BA LA GNAS PA RNAMS DANG, 'DU SHES MED PA'I LHA RNAMS KYI 'DU SHES MED PA PA MA THOB PA RNAMS KYI SRID PA GANG YIN PA LTA BU'O, ,GZUGS KYI SRID PA'ANG MA YIN LA SRID PA DE RNAM PAR 'DRID PA CAN LNGA'ANG MA YIN (PA'I MU BZHI,) PA'ANG YOD DE, 'DOD PA NA SPYOD PA'I SEMS MI 'DRA BA LA GNAS PA RNAMS 'DU SHES MED PA'I SNYOMS PAR 'JUG PA DANG 'GOG PA'I SNYOMS PAR 'JUG PA LA SNYOMS PAR ZHUGS PA RNAMS KYI SRID PA GANG YIN PA DANG, GZUGS MED PA RNAMS KYI SRID PA GANG YIN PA LTA BU'O ZHES GSUNGS TE, 'DU SHES MED PA'I LHA 'DU SHES MED PA PA MA THOB PA NI DER SKYE BA DANG 'CHI BA'I TSE SEMS 'BYUNG BAS DE LA ZAG BCAS KYI PHUNG PO LNGA YOD PA'I PHYIR RO SNYAM DU DGONGS PA'O, ,GAL TE 'GOG PA 'DI DAG SEMS MED YIN NA RJES KYI SEMS RGYU MED PAR 'GYUR RO ZHE NA, BYE BRAG TU SMRA BA 'DAS PA'ANG RDZAS SU GRUB PA'I PHYIR 'DAS PA'I SEMS (SNYOMS 'JUG GI DE MA @174 THAG RKYEN,) LAS SKYE BAR 'DOD LA, MDO SDE PA LUS SEMS PHAN TSUN SA BON CAN YIN PAS DBANG PO DANG BCAS PA'I LUS LA SEMS KYI SA BON YOD PA'I PHYIR DE LAS SKYE BAR 'DOD MED KYI BYE BRAG TU SMRA BA LA 'DAS PA'I SEMS DE'I RGYUD LA YOD NA SEMS MED DE DAG LA MTSUNGS LDAN THAMS CAD BKAG PA MA YIN PAR THAL BA'I PHYIR DANG, DE'I RGYUD LA MED NA 'DAS PA RDZAS SU MA GRUB PAR 'GYUR RO ZHES BRJOD PAR BYA'O, ,SDE PA GZHAN LA'ANG SEMS KYI SA BON SEMS SU 'DOD NA MTSUNGS LDAN THAMS CAD BKAG PA MA YIN PAR 'GYUR ZHING, SA BON DON DU 'DOD NA BEMS PO SEMS KYI NYER LEN GYI RGYUR 'GYUR LA, DON DANG MTSUNGS LDAN LAS GZHAN PA'I DNGOS PO'ANG MI SRID PA'I PHYIR RGYU MED PAR THAL BAR 'GYUR RO ZHES BRJOD PAR BYA'O, ,DE'I PHYIR RNAL 'BYOR SPYOD PA PA DAG GI SA KUN GZHI RNAM SHES MA BKAG PA'I PHYIR DE LAS SKYE'O ZHES SMRA BA NYID LEGS PA YIN NO, ,GAL TE DE LTA NA SNYOMS 'JUG GNYIS LA KHYAD PAR MED PAR 'GYUR TE, SEMS DANG SEMS BYUNG THAMS CAD LUS LA BKAG PA NYID DE DAG GI NGO BO YIN PA'I PHYIR RO ZHE NA, MDO SDE BA DANG BYE BRAG TU SMRA BA NI DE TZAM DU KHYAD PAR MED KYANG KUN SLONG DANG, DANG PO SKYED TSUL DANG, KHAMS DANG, SA DANG, GANG ZAG DANG, RNAM SMIN DANG, MYONG 'GYUR LA KHYAD PAR YOD PA'I PHYIR TE, 'DU SHES MED PA'I SNYOMS 'JUG NI DE LA THAR PAR SHES PA'I LOG PA'I KUN SLONG DANG, DANG PO'ANG KHAMS 'DOD PA DANG, (DES NA SNYOMS 'JUG 'DI GNYIS KYI RTEN LA MU BZHI STE, DANG PO 'DU SHES MED SNYOMS KYI RTEN MA YIN PA NI TSANGS CHEN DANG 'DOD LHA RIGS DRUG GO ,'GOG PA'I YIN LA CIG SHOS KYI MIN PA NI GNAS GTZANG LNGA'O, ,GNYIS KA'I YIN PA NI GZUGS KYI LHA RIS GNAS GTZANG MA MA GTOGS PA BCU GCIG DANG GLING GSUM GYI MI PHO MO'O, ,GNYIS MIN NGAN SONG GSUM DANG SGRA MI SNYAN DANG GZUGS MED BZHI'O ZHES SO,,) KHAMS NI 'DOD GZUGS KYI KHAMS DANG, SA NI BSAM GTAN BZHI PA DANG, GANG ZAG NI BYIS PA DANG, RNAM SMIN NI 'DU SHES MED PA'I SEMS CAN DANG, MYONG 'GYUR NI SKYES NAS MYONG 'GYUR NYID DU NGES LA, 'GOG PA'I SNYOMS 'JUG NI ZHI BAR GNAS PA'I KUN SLONG DANG, DANG PO MI'I NANG KHO NAR DANG, GZUGS MED PA'I KHAMS PA DANG, SRID RTZE'I SA BA DANG, 'PHAGS PA'I GANG ZAG DANG, SRID RTZE'I RNAM SMIN DANG, SKYES NAS MYONG 'GYUR LA SOGS PA GSUM DU NGES PA'I PHYIR RO ZHES LAN 'DEBS PAR BYED DO, ,RNAL 'BYOR SPYOD PA PA RNAMS NI DGAG BYA LA'ANG KHYAD PAR YOD DE, KUN LAS BTUS LAS, 'DU SHES MED PA'I SNYOMS PAR 'JUG PA GANG ZHE NA, DGE RGYAS KYI @175 'DOD CHAGS DANG BRAL LA STENG MA'I 'DOD CHAGS DANG MA BRAL BA 'BYUNG BA'I 'DU SHES SNGON DU BTANG BA'I YID LA BYED PAS SEMS DANG SEMS LAS BYUNG BA'I CHOS BRTAN PA MA YIN PA RNAMS 'GOG PA LA 'DU SHES MED PA'I SNYOMS PAR 'JUG PA ZHES GDAGS SO, ,'GOG PA'I SNYOMS PAR 'JUG PA GANG ZHE NA, CI YANG MED PA'I SKYE MCHED KYI 'DOD CHAGS DANG BRAL BA SRID PA'I RTZE MO LAS GYEN DU BSKYOD PA ZHI BAR GNAS PA'I 'DU SHES SNGON DU BTANG BA'I YID LA BYED PAS SEMS DANG SEMS LAS BYUNG BA'I CHOS BRTAN PA MA YIN PA RNAMS DANG BRTAN PA DE DAG LAS KYANG KHA CIG 'GOG PA LA 'GOG PA'I SNYOMS PAR 'JUG PA ZHES GDAGS SO ZHES DANG POS TSOGS DRUG 'KHOR BCAS DANG, GNYIS PAS TSOGS BDUN 'KHOR BCAS 'GOG PAR BSHAD DO, ,SRID PA'I RTZE MO LAS GYEN DU BSKYOD PA NI DGRA BCOM DANG PHYIR MI 'ONG GI RIM PA LTAR SRID RTZE LAS 'DOD CHAGS DANG BRAL BA DANG DE'I MTHONG SPANG SPANGS PA'O, ,DE LA GANG YANG GNAS BRTAN DBYIG BSHES KYIS YONGS SU DRI BA ZHES BYA BA'I BSTAN BCOS LAS, 'DI NI GANG GI LTAR NA 'GOG PA'I SNYOMS PAR 'JUG PA SEMS MED PA YIN PA DE LA SKYON DU 'GYUR GYI KHO BO NI 'GOG PA'I SNYOMS PAR 'JUG PA SEMS DANG BCAS PA YIN NO ZHES ZER RO, ,ZHES 'BYUNG BA DE YANG SEMS KUN GZHI RNAM SHES LA 'DOD NA NI DE LTA MOD KYI 'ON KYANG DE NI MI 'DOD DE, BYE BRAG TU SMRA BA YIN PA'I PHYIR RO, , RNAM SHES TSOGS DRUG LA 'DOD NA DE 'DU SHES DANG TSOR BA 'GOG PA MA YIN PAR 'GYUR TE, DE DAG NI SEMS KYI KUN 'GRO YIN PA'I PHYIR RO, ,MTSUNGS LDAN RAGS PA 'GOG GI PHRA BA MI 'GOG GO ZHES BYA BAR YANG MI RUNG STE, PHRA BA'I DON NI KUN GZHI RNAM SHES 'KHOR BCAS YIN NA DE NI MI 'DOD LA RNAM SHES TSOGS DRUG LA NI PHRA RAGS KYI KHYAD PAR DBYE BAR MI NUS PA'I PHYIR RO, ,DE'I PHYIR BTZUN PA DBYANGS SGROGS KYIS MDO LAS, RNAM PAR SHES PA YOD NA GSUM 'DUS PA LAS REG PA DANG REG PA'I RKYEN GYIS TSOR BA DANG 'DU SHES DANG SEMS PA'I TSOGS RNAMS 'BYUNG BAR GSUNGS PA DANG 'GAL LO ZHES BRJOD PA'ANG RIGS PA YIN NO, ,GAL TE DE DAG LA SEMS MED NA SNYOMS PAR 'JUG PAR JI LTAR 'GYUR TE, DE NI BSAM GTAN PA DAG DMIGS PA LA SEMS MNYAM PAR 'JOG PA LA 'DOD PA'I PHYIR RO ZHE NA, MA YIN TE, YID LA BYED PA'I KHYAD PAR GYIS 'BYUNG BA CHEN PO DAG SEMS SKYE BA DANG MI MTHUN PAR CHA MNYAM PAR SGRUB PA'I PHYIR RAM, YANG NA SNYOMS 'JUG GI SBYOR BA'I TING NGE 'DZIN GYI STOBS KYIS RIM PA LTAR 'DU SHES DANG TSOR BA 'GOG PA'I PHYIR DE DAG GI SNYOMS PAR 'JUG PA ZHES BYA'O ZHES SDE PA DAG GIS LAN 'DEBS SO, , @176 RNAL 'BYOR SPYOD PA PA NI YID LA BYED PA'I STOBS KYIS KUN GZHI LA RNAM SHES TSOGS DRUG DANG BDUN SKYE BA MED PAR 'JOG PA'I PHYIR DE DAG LA SNYOMS PAR 'JUG PA (DE DAG RDZAS SU YOD DE SEMS SKYE BA'I GEGS BYED NUS PAS SO ZHES SO,,) ZHES ZER RO, ,(SLOB DPON NI DE DAG GIS GEGS BYAS PAS SEMS MA SKYES PA MIN GYI SNYOMS PAR 'JUG SEMS KYIS GEGS BYAS PAS SEMS MA SKYES PA YIN NA DE YANG SEMS SKYE BA DANG MI MTHUN PA'I LUS SAM KUN GZHI SKYED PA YIN NO, ,DE YANG MA 'ONGS PA'I SEMS SEMS 'BYUNG MI SKYE BA DE TZAM LA SNYOMS 'JUG CES BTAGS SO, ,DE MA SKYES PA'I GNAS SKABS KYI LUS SAM KUN GZHI LA SNYOMS 'JUG TU BTAGS PAS 'DUS BYAS SU 'DOD DO,,) BDUN PA SROG GI DBANG PO BSHAD PA NI SROG GI DBANG PO NI KHAMS GSUM PA'I TSE YIN TE, (CHOS MNGON PA LAS,) SROG GI DBANG PO GANG ZHE NA, KHAMS GSUM PA'I TSE YIN NO ZHES BSHAD PA'I PHYIR RO, ,TSE DE YANG (MI LDAN PA'I 'DU BYED RDZAS GRUB,) LUS KYI DROD DANG (GSUM GA NA,) RNAM PAR SHES PA'I RTEN GANG YIN PA STE DE NI MI LDAN PA'I 'DU BYED RDZAS SU GRUB PA'O, ,DE YANG KHAMS 'OG MA GNYIS SU NI LUS DANG RNAM SHES GNYIS KA'I RTEN YIN LA, GZUGS MED DU NI RNAM SHES GCIG PU'I RTEN YIN GYI RNAM SHES RIS MTHUN PA TZAM NI SROG GI DBANG PO MA YIN TE, 'DU SHES MED PA PA DANG SEMS MED PA'I SNYOMS 'JUG (LA GNAS PA,) DAG LA, SROG GI DBANG PO MED PAR THAL BA'I PHYIR DANG, GZUGS MED PA'I SEMS CAN DAG GI SKYES NAS MA SHI'I BAR GYI RNAM SHES THAMS CAD RNAM SMIN KHO NAR 'GYUR TE, DE NA NI YID KYI RNAM SHES GCIG PU LAS MED PA'I PHYIR DANG, DE YANG SROG GI DBANG PO YIN PA'I PHYIR DANG, SROG GI DBANG PO'ANG RNAM SMIN KHO NAR NGES PA'I PHYIR RO, , DE LTA NA'ANG GZUGS MED PA LA DGE BA MI SRID PAR 'GYUR TE, RNAM SMIN NI LUNG MA BSTAN KHO NA YIN PA'I PHYIR RO, ,DE'I PHYIR SROG GI DBANG PO NI LUS DANG RNAM SHES KYI RTEN DU GYUR PA'I MI LDAN PA'I 'DU BYED RDZAS SU GRUB PA KHO NA YIN TE, DGE SLONG MA CHOS SBYIN GYI MDO LAS, TSE DANG DROD DANG RNAM SHES 'DIS, ,GANG CHE LUS NI 'DOR BYED CING, ,BOR NAS DE TSE 'DUG PA NI, ,SEMS MED JI LTAR SHING BZHIN NO, ,ZHES GSUNGS SO ZHES BYE BRAG TU SMRA BA ZER RO, ,DE LA MDO SDE BA DAG NI LUS DANG RNAM SHES SROG LA BRTEN PAR 'DOD NA SROG GANG LA BRTEN PA YIN, DE YANG RTEN MED PAR GNAS PAR MI 'GYUR TE LUS DANG RNAM SHES BZHIN NO, ,SROG KYANG LUS DANG RNAM SHES LA BRTEN PA YIN NO ZHE NA, DE LTA NA PHAN TSUN LTOS NAS 'GRUB PA'I PHYIR GNYIS KA MA GRUB PA'AM, GAL TE GRUB NA'ANG (SROG) LDOG PAR MI 'GYUR TE, @177 RGYU (RNAM SHES,) MA TSANG BA MI SRID PA'I PHYIR RO, ,GAL TE DE DAG LAS KYIS 'PHANGS PA'I PHYIR 'JUG PA DANG LDOG PAR 'GYUR RO ZHE NA, 'O NA NI LUS DANG RNAM SHES LAS THA DAD PA'I SROG GI DBANG PO DON MED DE, LAS KYI STOBS KYIS LUS DANG RNAM SHES DUS NGES PAR 'PHANGS PA'I PHYIR RO, ,DE'I PHYIR YID KYI RNAM SHES SA BON DANG BCAS PA RIS MTHUN PAR GNAS PA LA SROG GI DBANG POR GDAGS SO ZHES 'DOD DO, ,RNAL 'BYOR SPYOD PA PA DAG PHYOGS GNYIS KA LA SNGAR SMOS PA'I KLAN KA YOD PA'I PHYIR LAS KYI STOBS KYIS KUN GZHI RNAM SHES RIS MTHUN PAR GNAS PA LA SROG GI DBANG POR GDAGS SO ZHES 'DOD PA NI CHES LEGS PA YIN NO, , GAL TE TSE ZAD PA KHO NAS 'CHI 'PHO BAR 'GYUR RAM ZHE NA, GDAGS PA LAS, TSE ZAD NAS 'CHI BA DANG, BSOD NAMS ZAD NAS 'CHI BA DANG, GNYIS KA ZAD NAS 'CHI BA DANG, BAR MA DOR 'CHI BA BZHI YOD PAR GSUNGS TE, (DE LA TSE ZAD BAS 'CHI LA BSOD NAMS ZAD PAS MIN PA'I MU DANG PO NI TSE'I RNAM SMIN CAN GYI LAS ZAD PA'O MU GNYIS PA,) BSOD NAMS ZAD PA NI LONGS SPYOD KYI RNAM SMIN (CAN GYI LAS,) ZAD PA'O, ,(MU GSUM PA DE NI GNYIS KA ZAD NAS 'CHI BA'O, , BZHI PA NI DE GNYIS KA MA ZAD PAR BAR MA DOR SHI BA'O,,) BAR MA DOR 'CHI BA NI DUG LA SOGS PA'I ZAS DANG, G-YANG SA LA SOGS PA'I SBYOR BA DANG, GDON LA SOGS PAS MDANGS 'PHROGS PAS GNOD PAS 'CHI (BA DANG CHE LA DBANG BA RNAMS TSE GTONG,) BA'O, ,DE LA TSE ZAD PA DANG, TSE DANG BSOD NAMS GNYIS KA ZAD NAS 'CHI BA NI 'PHAGS PA TSE LA DBANG 'BYOR PA RNAMS MA GTOGS PA TSE BSRING BA'I THABS MED DO, ,BSOD NAMS ZAD NAS 'CHI BA LA NI DGE SBYOR DANG SBYIN PA LA SOGS PAS TSE BSRING DU YOD DO,, DUG DANG G-YANG SA LA SOGS PA'I BAR MA DOR 'CHI BA LA NI SMAN DANG SPYOD LAM GYIS TSE BSRING DU YOD DO,, GDON LA SOGS PA 'BYUNG BO'I GNOD PA LA NI RIG SNGAGS 'CHANG GRUB PA RNAMS KYI CHO GAS TSE BSRING DU YOD DO, ,TSE LA DBANG BA RNAMS TSE GTONG BA'ANG BAR MA DOR 'CHI BA YIN PAR SNANG NGO, ,YANG MDO LAS, LUS THOB PA NI BZHI STE, LUS THOB PA GANG LA BDAG NYID (KYIS,) 'CHI BAR 'GYUR GYI GZHAN GYIS GSOD PAS 'CHI BA MA YIN PA YANG YOD CES PA LA SOGS PA MU BZHI GSUNGS PA LAS, BDAG NYID KYIS 'CHI LA GZHAN GYIS MI 'CHI BA (MU DANG PO,) NI SANGS RGYAS RNAMS DANG 'DOD PA'I LHA RTZED MOS MYOS PA DANG YID RAB TU 'KHRUGS PA RNAMS SO, ,GZHAN GYIS 'CHI LA BDAG GIS NI MI 'CHI BA (MU GNYIS PA,) NI MNGAL NA GNAS PA DANG SGO NGA NA GNAS PA RNAMS SO,, (MU GSUM PA,) GNYIS KAS 'CHI BA NI 'DOD PA NA SPYOD PA @178 PHAL CHE BA RNAMS SO, ,GNYIS KAS MI 'CHI BA (MU BZHI BA,) NI 'DOD PA NA DMYAL BA PA RNAMS DANG, BYANG GI SGRA MI SNYAN PA RNAMS DANG, MTHONG LAM DANG, BYAMS PA DANG, SEMS MED PA'I SNYOMS 'JUG GNYIS LA SNYOMS PAR ZHUGS PA RNAMS DANG, RGYAL PO'I DRANG SRONG DANG, RGYAL PO'I PHO NYA DANG, RGYAL BAS LUNG BSTAN PA DANG, CHOS LEN DANG, MCHOG CAN DANG, GANG GI LEN DANG, TSONG DPON GYI BU GRAGS PA GZHON NU DANG, 'TSO BYED LA SOGS PA RNAMS DANG, LUNG PHRAN TSEGS LAS, SRID PA THA MA PA'I SEMS CAN ZAG PA ZAD PA MA THOB KYI BAR DU BAR MA DOR RGYUN CHAD CING DUS BYED PAR 'GYUR BA GANG YIN PA DE NI GNAS MA YIN ZHING GO SKABS MED DO ZHES 'BYUNG BAS SRID PA THA MA PA RNAMS DANG, SRID PA THA MA PA'I BYANG CHUB SEMS DPA'I YUM DE LHUMS NA GNAS PA DANG, 'KHOR LOS BSGYUR BA DANG, 'KHOR LOS BSGYUR BA'I MA DE MNGAL NA GNAS PA DANG, SRID PA BAR MA PA THAMS CAD DANG, KHAMS GONG MA GNYIS KYI LHA RNAMS LTA BU STE, DE LA RGYAL PO'I DRANG SRONG GI SNGON 'KHOR LOS BSGYUR BA LAS RAB TU BYUNG BA'O, ,DE YANG BDAG GIS 'CHI BA NI LCE BA PA YIN LA, GZHAN GYIS 'CHI BA NI GSOD PA'O, ,BRGYAD PA MTSAN NYID 'CHAD PA NI 'DUS BYAS KYI MTSAN NYID DAG NI ('DUS BYAS KYI) CHOS RNAMS (MA 'ONGS PA NAS DA LTAR BAR,) SKYED PAR BYED PA'I SKYE BA DANG, RNYINGS PAR BYED PA'I RGA BA DANG, GNAS PAR BYED BA'I GNAS PA DANG, 'JIG PAR BYED PA'I MI RTAG PA NYID CES BYA BA BZHI'O,, (DE LA 'DUS BYAS GCIG SKYE BA NA 'DUS BYAS SU MTSON PA'I MTSAN GZHI BUM PA LTA BU GCIG DANG DE SKYE BAR BYED, GNAS PAR BYED, RGA BAR BYED, 'JIG PAR BYED PA'I RTZA BA'I MTSAN NYID BZHI DANG, RTZA BA'I SKYE BA SKYED PAR BYED PA'I SKYE BA'I SKYE BA DANG, RTZA BA'I GNAS PA SKYED PA'I GNAS PA'I GNAS PA DANG, RTZA BA'I RGA BA SKYED BA'I RGA BA'I RGA BA DANG, RTZA 'JIG 'JIG PA SKYED BYED 'JIG PA'I 'JIG PA STE MTHUN PA'I MTSAN NYID BZHI STE CHOS BRGYAD MA 'ONGS PA NAS DA LTAR BAR SKYED PAR BYED CING RANG YANG DE DUS SKYE BAS CHOS DGU DUS GCIG TU SKYE'O, ,SGRA MED PHRA RAB RDUL RDZAS BRGYAD LA SOGS PA NGES PAR LHAN CIG TU SKYE BA GZHAN DAG NI RTZA BA'I SKYE BAS SKYED DO, ,RGA 'JIG GIS NI DA LTAR NAS MA 'ONGS PAR 'PHO BAR BSKYED LA, GNAS PA NI 'DUS MA BYAS LA'ANG YOD PAS DE NI BYED LAS CHUNG NGO, ,DE BZHIN DU RTZA BA'I GNAS RGA 'JIG GSUM GYIS KYANG RANG RANG MA GTOGS PA CHOS BRGYAD BRGYAD BSKYED PAS RTZA BA'I MTSAN NYID BZHI PO RE RE LA'ANG 'DUS BYAS KYI MTSAN NYID GSUM GSUM TSANG MOD, SKYE BA SKYE BA MA TSANG BA NAS 'JIG PA LA 'JIG PA MA TSANG BA'I BAR DU'O ZHE NA, SKYE BA'I SKYE BAS @179 RTZA SKYE KHO NA SKYED PA NAS 'JIG PA'I 'JIG PAS RTZA 'JIG KHO NA SKYED PA'I BAR DU YIN PAS SKYON MED DO, , DES NA 'DUS BYAS KYI MTSAN NYID BZHI'ANG 'DUS BYAS SU MTSON PA LA RANG MA GTOGS PA'I MTSAN NYID GROGS PO GSUM GSUM MTHUN PA'I MTSAN NYID SKYE SOGS RE RE BSNAN PAS MTSAN NYID BZHI BZHI'ANG TSANG NGO ZHES SO,,) ,NYID NI DNGOS PO'I RKYEN NO, ,'O NA MDO LAS, DGE SLONG DAG GSUM PO 'DI DAG NI 'DUS BYAS KYI MTSAN NYID YIN NO, ,GSUM GANG ZHE NA, DGE SLONG DAG 'DUS BYAS SKYE BAR YANG MNGON NO, ,'JIG PAR YANG MNGON NO, ,GNAS PA GZHAN DU 'GYUR BA NYID DU YANG MNGON NO ZHES GSUM DU JI LTAR GSUNG BAR 'GYUR ZHE NA, MTSAN NYID BZHI YIN MOD KYI MDO LAS, GNAS PA GZHAN DU 'GYUR BA'I RGAS PA DANG 'BREL PAR BSTAN PAS RTAG 'DZIN DGAG CING 'DUS BYAS LA YID SKYO BAR BYA BA'I PHYIR TE BKRA SHIS MA DANG 'BREL PA'I RNA NAG MA BZHIN NO, ,GAL TE BUM PA LA SOGS PA 'DUS BYAS SU BYED PA LA SKYE BA LA SOGS PA THA DAD DGOS PAR 'DOD NA DE DAG 'DUS BYAS SU BYED PA LA'ANG SKYE BA LA SOGS PA THA DAD DGOS PAR 'GYUR LA, MI DGOS NA NI BUM PA LA SOGS PA'ANG MI DGOS SO ZHE NA, SKYE BA LA SOGS PA DE DAG LA'ANG SKYE BA'I SKYE BA DANG, SOGS PA'I SGRAS BZUNG BA RGA BA'I RGA BA DANG, GNAS PA'I GNAS PA DANG, MI RTAG PA'I MI RTAG PA NYID CES BYA BA RJES SU MTHUN PA'I MTSAN NYID BZHI YOD DO, ,'O NA NI DE DAG LA'ANG GZHAN DGOS PA'I PHYIR THUG PA MED PAR 'GYUR ZHE NA, MA YIN TE, SKYE BA DE NI RGA BA LA SOGS PA GSUM DANG, SKYE BA'I SKYE BA LA SOGS PA BZHI DANG, BUM PA LA SOGS PA'I MTSAN GZHI DANG, CHOS BRGYAD LA 'JUG CING SKYED PAR BYED LA, SKYE BA'I SKYE BA DE NI SKYE BA'I CHOS GCIG BU DE KHO NA LA 'JUG CING SKYED PAR BYED PA'I PHYIR RO, ,DE BZHIN DU RGA BA LA'ANG SHES PAR BYA STE, DE'I PHYIR THUG PA MED PAR YANG MI 'GYUR ZHES 'DOD DO, , MDO SDE PA LA SOGS PA NI BUM PA LA SOGS PA LAS THA DAD PA'I SKYE BA LA SOGS PA NI YOD PA MA YIN TE, TSAD MA LA LTAR RUNG BA'I BDAG NYID MA DMIGS PA'I PHYIR SA PHYOGS LA BUM PA MA DMIGS PA BZHIN NO, ,GZHAN YANG 'DUS BYAS DANG SKYE BA THA DAD PAR 'DOD NA NI 'DUS BYAS RANG NYID SKYE BA MED PAR 'GYUR LA, RANG NYID SKYE BA YIN PA NA'ANG THA DAD PAR MI 'GYUR RO, ,SKYE BA'ANG MA YIN SKYE BA MED PA'ANG MA YIN NA NI DE DAG RNAM PAR SPYOD PA'I 'GAL BA MA YIN PAR 'GYUR RO, ,'O NA MDO LAS, BTZUN PA GNYIS KAS MI DGUM PA DE GANG LAGS, SH'A RI'I BU 'DU SHES MED MIN SKYE MCHED NYE BAR 'GRO BA RNAMS YIN NO, ,ZHES GSUNGS SHE NA, 'DIR BDAG NYID 'CHI BA NI RANG SA'I ZAG MED DANG, @180 GZHAN GYIS GSOD PA NI GONG SA'I NYER BSDOGS KYIS SPONG BA LA DGONGS TE, 'DU SHES MED MIN PA NA DE GNYIS KA MED PA LA DGONGS SO, ,'O NA MED MIN PA DER YANG SA GZHAN GYI 'PHAGS LAM GYIS SPONG NGO, , ZHE NA MNYAM GZHAG GI SA PAS SPONG BA LA RANG SA ZAG MED DANG GONG MA'I NYER BSDOGS KYIS SPONG BAR MOS PAS MNYAM GZHAG GI SA GNYIS KA DER GO'O, ,GZHAN YANG 'DUS BYAS LAS SKYE BA THA DAD PAR 'DOD NA SKYE BA 'DUS MA BYAS SU 'GYUR RO, ,'DUS BYAS KYANG MA YIN 'DUS MA BYAS KYANG MA YIN NA NI DE DAG RNAM PAR GCOD PA'I 'GAL BAR MI 'GYUR RO, , DE'I PHYIR MDO LAS, GANG ZUNG ZAD SKYE BA'I CHOS CAN DE RNAMS CAD 'GOG PA'I CHOS CAN YIN NO ZHES GSUNGS PA DANG YANG 'GAL BA YIN TE, CHOS CAN GYI SGRA NI RANG BZHIN LA BZHED PA YIN NO, ,DE BZHIN DU RGA BA DON GZHAN LA SOGS PA LA'ANG BRJOD PAR BYA'O, ,GSUM PO 'DI DAG NI 'DUS BYAS KYI MTSAN NYID YIN NO ZHES BYA BA LA SOGS PA'I MDO'I DON NI 'DUS BYAS KYI RGYUN DANG PO NI SKYE BA DANG, RGYUN RJES SU 'JUG PA GNAS PA DANG, RGYUN GYI SNGA PHYI'I BYE BRAG NI GNAS PA GZHAN DU 'GYUR BA DANG, RGYUN 'GOG PA LA MI RTAG PA'I DBANG DU MDZAD NAS GSUNGS LA, DE DAG KYANG 'DUS BYAS KYI BDAG NYID YIN GYI GZHAN NI MA YIN TE, SLOB DPON GYI 'GREL PA LAS, RGYUN GYI DANG PO SKYE BA YIN, ,CHAD PA 'JIG PA GNAS PA DE, ,DE NYID SNGA PHYI'I BYE BRAG NI, ,GNAS PA GZHAN DU 'GYUR BA NYID, ,CES BYA BA DANG, SNGON MED LAS BYUNG SKYE BA STE, ,RGYUN GNAS DE CHAD 'JIG PA YIN, ,RGYUN GYI SNGA PHYI'I BYE BRAG NI, , GNAS PA GZHAN DU 'GYUR BAR 'DOD, ,CES GSUNGS PA YIN NO, ,MDO LAS, SKAD CIG MA'I DBANG DU MDZAD NAS GSUNGS PA NI MA YIN TE, ,SKAD CIG MA NI SKAD CIG RE RE LA 'JIG PA YIN NA DE LA GNAS PA MI SRID CING GNAS NA'ANG SKAD CIG MA MA YIN PA'I PHYIR RO, ,SKAD CIG MA GCIG TU GNAS SO ZHES BYA BA'ANG MA YIN TE, DE NI MI GNAS PA'I MTHAR THUG PA YIN PA'I PHYIR RO, , DE LTAR YANG 'GREL PA LAS, SKAD CIG MA'I CHOS LA NI, ,GNAS PA MED NA 'JIG PAR 'GYUR, , DE YANG 'JIG 'GYUR DE'I PHYIR, ,DE YI DE RTOG DON MED DO ZHES GSUNGS TE, DE LA GNAS PA MED NA 'JIG PAR 'GYUR ZHES BYA BA NI GNAS PA MED PA'I PHYIR 'JIG PA YIN NO ZHES BYA BA'O, ,DE YANG ZHES BYA BA NI SKAD CIG MA'O, ,DER RTOG CES BYA BA NI GNAS PA DER RO, ,DES NA SKAD CIG MA NI 'JIG PA YIN PA'I PHYIR GNAS PA MA YIN NO ZHES BYA BA'O, ,'DIS KYANG SKAD CIG MA LA SKYE BA DANG MI RTAG PA NI DON GCIG PAR STON BA MA BKAG PA'I PHYIR DON GCIG TU BSTAN TO, ,SKAD CIG MA LA RGA BA'ANG YOD PA @181 MA YIN TE, 'GREL PA LAS, DE BZHIN NA NI RGA MI 'GYUR, ,GZHAN DU 'GYUR NA DE GZHAN NYID, ,DE LTA BAS NA DNGOS GCIG LA, ,RGA ZHES BYA BA MI 'THAD DO ZHES 'BYUNG BAS RGA BA NI GZHAN DU 'GYUR BA YIN NA SKAD CIG MA GCIG PO DE NYID GZHAN DU 'GYUR BAR MI RIGS PA'I PHYIR DANG, 'GYUR NA'ANG SKAD CIG MA GCIG TU MI 'THAD PA'I PHYIR RO, ,DE LTAR YANG DE'I PHYIR MDO'I DON NI RGYUN GYIS DBANG DU MDZAD NAS GSUNGS PA YIN GYI SKAD CIG LA NI MA YIN LA, DE MTSAN NYID DU 'DOD NA'ANG SKAD CIG LA MA KHYAB PAR 'GYUR BAS 'DUS BYAS KYI MTSAN NYID NI YANG DAG PAR NA SNGAR MED PA SKYE BA DANG, SKYES NAS KYANG 'GAG PA NYID YIN TE, MDO LAS 'DUS BYAS ZHES BYA BA NI GANG MA BYUNG BA LAS 'BYUNG BA DANG, BYUNG NAS KYANG YANG MI 'BYUNG BA 'DI NI 'DUS BYAS KYI MTSAN NYID YIN NO ZHES GSUNGS PA'I PHYIR RO ZHES 'DOD DO, ,(GAL TE DUS GCIG TU CHOS GCIG MTSAN NYID BZHI TSANG NA SKYE 'JIG GNAS RGA DUS GCIG TU BYED PAR THAL LA MA TSANG NA 'DUS BYAS SU MI 'GYUR RO ZHE NA SKYE BA MA 'ONGS PA CHOS MA 'ONGS PA LA BYA BA BYED LA, DA LTAR BA'I CHOS LA GNAS PA SOGS BYA BA BYED PAS DUS THA DAD PAS SKYON MED DO YANG,) GAL TE MA 'ONGS PA'I SKYE BAS 'DUS BYAS SKYED PAR BYED PA YIN NA 'DUS BYAS THAMS CAD CIG CAR SKYE BAR 'GYUR RO ZHE NA, DE LTAR THAL PAR MI 'GYUR TE, RANG RANG GI RGYU DANG RKYEN (TSEGS PA,) DAG MED PAR NI SKYE BA 'BA' ZHIG GIS NI BSKYED PAR BYA BA MA 'ONGS PA RNAMS (DA LTAR DU,) SKYED PAR BYED PA MIN GYI 'ON KYANG RGYU RKYEN DANG TSOGS PAS YIN NO (ZHE NA 'O NA RGYU RKYEN TSOGS NA DES 'BRAS BU BSKYED PAS DE DAG RGYU YIN GYI SKYE BA DON GZHAN YOD KYANG RGYU RKYEN MA TSOGS NA MI SKYED PAS DE RGYUR 'DOD PA DON MED DO YOD DE DBANG SOGS BZHIN,) ZHES BYE BRAG TU SMRA BA ZER MOD KYI SKYE BA DON GZHAN NI BKAG ZIN TO, ,DGU PA MING GI TSOGS LA SOGS PA BSHAD PA NI MDOR BSTAN PAR MING GI TSOGS LA SOGS PA YANG ZHES BYA BA'I SOGS PA'I SGRAS NI NGAG DANG YI GE GZUNG BAS DE DAG NI MING DANG NGAG DANG YI GE'I TSOGS GSUM MO, ,DE LA MING NI DON GYI NGO BO RJOD PAR BYED PA STE GZUGS ZHES PA LTA BU'O, ,NGAG NI TSIG STE DON GYI KHYAD PAR STON PA KYE MA 'DUS BYAS RNAMS MI RTAG CES BYA BA LA SOGS PA'AM, BSTAN DU MED LA THOGS PA DANG BCAS PA'I GZUGS ZHES BYA BA LTA BU JI TZAM GYIS DON YONGS SU RDZOGS PA (RA STON PA BSTAN BCOS LA SOGS PA,) STE, TSIG GANG GIS LHAS BYIN (DKAR SHAM,) 'GRO ZHES PA LA SOGS PA'I BYA BA DANG, KHA DOG DKAR SHAM LA SOGS PA'I YON TAN DANG, BCOS SO 'TSED DO 'TSED PAR 'GYUR RO ZHES PA LA SOGS PA (NGO BO DANG YON TAN DANG BYA BA DANG,) DUS KYI 'BREL PA'I KHYAD PAR RTOGS PAR 'GYUR BA'O, ,YI GE NI @182 MING DANG TSIG GI GZHIR GYUR PA'AM CHA SHAS TE KA LA SOGS PA'O, ,NGES TSIG NI AAKshAR ZHES BYA BA MI 'GYUR BA STE, BRDA'I DBANG GIS RNAM GRANGS GZHAN DU MI 'GYUR BA'I PHYIR TE KA ZHES BYA BA'I YI GE NI BRDA MI MTHUN PA'I SKYE BO DU MA LA 'GYUR BA MED PA BZHIN NO, ,BYA NYDZA NA ZHES (BYED LAS,) PA GSAL BAR BYED PA STE, MING DANG TSIG GI GSAL BYED YIN PA'I PHYIR RO, ,YANG NA (DGOS PA,) RGYUD NAS DON RJOD PAR BYED PA'I PHYIR YI GE'O, ,DE'I PHYIR SGRA PA DAG GIS, RNAM GRANGS DU MA MED PA DANG, , MING TSIG GSAL BAR BYED PA DANG, ,DON RNAMS RJOD PAR BYED PA'I PHYIR, ,YI GE ZHES NI BRJOD PA YIN ZHES BSHAD DO, ,MING DANG TSIG NI BRDA'I DBANG GIS GZHAN DANG GZHAN DU 'GYUR TE LTO LDIR LA SOGS PA LA BUM PA DANG GHA tA LA SOGS PA BZHIN NO, ,TSOGS NI 'DUS PA STE PHRENG BA LA SOGS PA BZHIN NO, ,DON STON PA'ANG BYE BRAG TU SMRA BA NI NGAG MING LA 'JUG LA MING GIS DON RJOD PAR BYED DO ZHES 'DOD DO, , MDO SDE PA NA RE (BUM PA ZHES SOGS,) BRDAS MTSAMS BCAD NA NI GNYIS KAS DON (LTO LDIR BA,) GO BAR RUNG BA'I PHYIR NGAG DANG MING GI RIM PA LA MI LTOS TE, 'GREL PA LAS, NGAG PHYOGS SA DANG 'OD ZER DANG, ,PHYUGS DANG MIG DANG RDO RJE DANG, ,MTHO RIS CHU DANG DON DGU LAS, , MKHAS PAS GO'I SGRA NGES GZUNG BYA ZHES GOS DON DGU BRJOD PAR BSHAD PA LTA BU'O, ,BRDAS MTSAMS MA BCAD NA NI GNYIS KA'ANG DON GYI RJOD BYED DU MI 'GYUR BA'I PHYIR DANG, NGAG MING LA 'JUG PA'ANG GSAL BAR BYED PA DANG SKYED PAR BYED PA GNYIS KA MI 'THAD PA'I PHYIR TE, NGAG NI SGRA'I RANG BZHIN YIN PA'I PHYIR SGRA TZAM THAMS CAD KYIS MING GSAL BA DANG SKYED PAR 'GYUR RO ZHES BYA BA DANG, MING LA SOGS PA'ANG SGRA'I RANG BZHIN LA 'DOD NA NI GZUGS KYI PHUNG PO LA BTAGS PA YIN LA, RNAM RTOG GI YUL GYI SGRA'I SPYI LA 'DOD NA NI NGO BO NYID MED PA'I PHYIR RDZAS SU MED DO ZHES ZER RO, ,BYE BRAG TU SMRA BA NI SGRA'I RANG BZHIN NI MA YIN GYI 'ON KYANG RNAM RTOG GI YUL NYID YIN NO, ,DE YANG RDZAS SU MED NA DON RJOD BYED MA YIN PAR THAL BAR 'GYUR RO ZHES 'DOD DO, , (GAL TE YI GE'ANG YIG 'BRU'I YAN LAG GI MIN NAM ZHE NA, MIN TE YI GE NI YID KHO NA LA GSAL BA'I KA SOGS YIN LA DE DAG GO BAR BYA BA'I PHYIR YIG 'BRU'I GZUGS SU GYUR PA'I KA SOGS BYAS PA YIN NO SGRA TZAM GYIS DON MI GO BA'I PHYIR MING TSIG YI GE GSUM NI SGRA MIN DES NA NGAG NI MING GSAL BA'AM SKYED PA'I MING LA 'JUG LA, MING GI DON BRJOD CING RTOGS PAR BYED DO ZHES BYE BRAG SMRA BA ZER RO, ,MDO SDE PA @183 SGRA TZAM NGAG MIN GYI, SGRA GANG ZHIG SMRA BA POS DON LA BUM PA ZHES SOGS BRDAS MTSAMS BCAD PA NI DON GO BAR BYED PAS NGAG YIN PAS RTOGS YUL GYI MING SOGS BTAGS PAS CI ZHIG BYA ZHES ZER RO, ,) GSUM PA CHOS KYI KHYAD PAR BSHAD PA'I SGO NAS DON BSDU BA NI MING LA SOGS PA DE DAG KYANG (KHAMS GSUM LAS,) 'DOD PA'I KHAMS DANG GZUGS KYI KHAMS SU GTOGS KYI GZUGS MED PAR NI MA YIN TE, DE DAG NI SGRA RANG GI MTSAN NYID 'DZIN PA'I SHES PA'I RJES SU 'BRANG BA'I RNAM RTOG LA SNANG BA YIN NA GZUGS MED NA SGRA DANG SNANG BA'I RNAM SHES MED PA'I PHYIR DANG, MING LA SOGS PA NI DON RJOD BYED YIN LA, GZUGS MED NA NI GANG ZAG PHAN TSUN YUL MA YIN PAS RJOD BYED MA YIN PA'I YANG PHYIR RO, ,KHA CIG NA RE GZUGS MED NA NI MING MED NA RNAM RTOG MED PAR THAL BAR 'GYUR PA'I PHYIR MING YOD KYANG TSOG MED PA'I PHYIR BRJOD BYA DANG RJOD BYED NI MA YIN NO ZHES 'DOD DO, ,(STON PA GNYIS LAS,) SEMS CAN DU STON PA'ANG YIN TE, (RJOD PA PO'I) RTZOL BA LAS BYUNG BA DANG, RGYUD DU GTOGS PA'I PHUNG PO'I TSOGS PA NA YOD PA'I PHYIR RO, ,(SKAL MNYAM GYI RGYUS BSKYED PAS BYUNG BA GSUM LAS,) RGYU MTHUN LAS BYUNG BA YIN GYI RGYAS BYUNG DANG RNAM SMIN LAS BYUNG BA NI MA YIN TE, RDUL PHRAN BSAGS PA MA YIN PAS RGYAS PA'I RGYU DAG GIS RGYAS PAR MI 'GYUR BA'I PHYIR DANG, 'DOD PA TZAM GYIS SKYE BA DANG 'GAG PA'I PHYIR DANG, (MTSUNGS LDAN MA YIN PA LA,) RNAM SMIN LAS BYUNG BA NI 'DOD PA'I RJES SU MI BYED PA'I PHYIR RO, ,DGE BA DANG NYON MONGS CAN DU LUNG BSTAN PA NI MIN TE, 'DOD CHAGS DANG BRAL BA DANG DGE RTZA CHAD PA RNAMS LA'ANG LDAN PA'I PHYIR RO, ,DE'I PHYIR MA BSGRIBS LUNG MA BSTAN KHO NA YIN NO, ,JI LTAR MING LA SOGS PA DE DAG SEMS CAN DU STON PA DANG, RGYU MTHUN LAS BYUNG BA DANG, MA BSGRIBS LUNG MA BSTAN YIN PA DE BZHIN DU SKAL MNYAM YANG YIN NO, ,'ON KYANG SKAL MNYAM 'DI NI RNAM PAR SMIN PA LAS BYUNG BA'ANG YIN TE, DBANG PO LA SOGS PA RNAM PAR SMIN PA'I SKAL MNYAM DAG SNGON GYI LAS LAS BYUNG BA'I PHYIR RO, ,('DI'I RGYU MTHUN LAS BYUNG BA NI DGE BA LA SOGS PA'I CHOS KYI SKAL MNYAM MO, ,) 'DOD PA LA SOGS PA'I KHAMS GSUM PA STE, GZUGS MED NA'ANG SKAL MNYAM YOD PA'I PHYIR RO ZHES BYA BA NI SNGA MA LAS KHYAD PAR YIN NO, ,THOB PA NI RGYU MTHUN DANG RNAM SMIN LAS BYUNG BA RNAM PA GNYIS YIN LA, KHYAD PAR GZHAN DAG NI BSHAD ZIN TO, ,DE BZHIN DU SKYE BA LA SOGS PA'I MTSAN NYID RNAMS KYANG RGYU MTHUN DANG RNAM SMIN LAS BYUNG BA DANG, KHAMS GSUM PA DAG YIN NO, ,SEMS CAN DU STON MI STON GNYIS KA DANG, DGE MI DGE LUNG MA BSTAN GSUM GA @184 YOD DO, SNYOMS 'JUG GNYIS DANG, MI LDAN PA DAG NI RGYU MTHUN LAS BYUNG BA YIN GYI RGYAS PA DANG RNAM SMIN LAS BYUNG BA NI MED DE, DE GSUM GA GZUGS CAN MA YIN PA'I PHYIR DANG, (RNAM SMIN GYI MA THOB PA YANG RNAM SMIN MIN NA GZHAN LTA CI SMOS SHING,) SNYOMS 'JUG GNYIS KA DGE BA KHO NAR NGES PA DANG, MI LDAN PA DAG NI DGE MI DGE'I LAS KYIS 'PHANGS PA MA YIN PAR ZHAR LA 'BYUNG BA'I PHYIR RO,, DE DAG GI KHYAD PAR LHAG MA DANG, 'DU SHES MED PA PA DANG, SROG GI DBANG PO'I KHYAD PAR DAG NI BSHAD ZIN TO, , 1. RGYU RKYEN 'BRAS BU DANG BCAS PA BSHAD PA, GNYIS PA ZHAR LA RGYU RKYEN 'BRAS BU DANG BCAS PA BSHAD PA LA RGYU DANG 'BRAS BU DANG RKYEN BSHAD PA GSUM GYI DANG PO LA'ANG GSUM LAS MDOR BSTAN PA NI CHOS MNGON PA PA RNAMS KYIS RGYU NI RNAM PA DRUG TU 'DOD DO ZHES 'BYUNG GIS, RGYU NI RNAM PA DRUG TU GSUNGS ZHES MI 'BYUNG BA NI, BSTAN BCOS MNGON PA'I MDZOD RTZOM PA'I DUS SU RAB TU BSDU BA'I GZHI BO NYAMS PAS RGYU DRUG PHYOGS GCIG TU STON PA'I MDO MA GZIGS LA RGYU DRUG SO SOR STON PA'I MDO NI GZIGS TE, MIG DANG GZUGS LA BRTEN NAS MIG GI RNAM PAR SHES PA SKYE'O ZHES PA GSUNGS PA NI BYED RGYU STON PA'O, ,LAM GYIS YAN LAG GSUM PO 'DI DAG NI YANG DAG PA'I LTA BA'I RJES SU 'BRANGS PA YIN TE, LHAN CIG SKYES PA'I TSOR BA DANG 'DU SHES DANG SEMS PA'O, ,ZHES GSUNGS PA NI LHAN CIG 'BYUNG BA'I RGYU STON PA'I MDO'O, ,SKYES BU GANG ZAG 'DI NI DGE BA'I CHOS DANG LDAN LA, MI RIG PA'I CHOS RNAMS DANG YANG LDAN ZHES BYA BA NAS 'DI LA DGE BA'I RTZA BA KUN DU MA CHAD PA GANG LAS 'DI'I DGE BA RTZA BA LAS DGE BA RTZA GZHAN SKYE BAR 'GYUR BA CHUNG NGU DANG LHAN CIG PA MNGON, DE LTAR NA SKYES BU GANG ZAG 'DI PHYIS RNAM PAR DAG PA'I CHOS CAN 'GYUR RO ZHES PA NI SKAL MNYAM GYI RGYU STON PA'I MDO'O, ,RTOGS NAS SHES PA DANG LDAN PAR MTSUNGS PA' DI NI MTHONG BA'I GZHI CAN GYI DAD PA'O ZHES PA NI MTSUNGS PAR LDAN PA'I RGYU STON PA'I MDO'O, ,SKYES BU GANG ZAG LOG PAR LTA BA CAN GYI LUS KYI LAS GANG YIN PA DANG, NGAG GI LAS GANG YIN PA DANG, SEMS PA GANG YIN PA DANG, SMON PA GANG YIN PA DANG, DE DAG DANG RJES SU MTHUN PA'I 'DU BYED GANG YIN PA DE THAMS CAD MI 'DOD PAR 'GYUR BAR MI SDUG PAR 'GYUR BA DANG, MI DGA' BA NYID DU 'GYUR BA DANG, YID DU MI 'ONG BA NYID DU 'GYUR BAR BYED PA'O ZHES PA KUN 'GRO'I RGYU STON PA'I MDO'O, , @185 CHED DU BSAMS PA'I LAS BYAS SHING BSAGS PA'I RNAM PAR SMIN PA ZHES PA NI RNAM PAR SMIN PA'I RGYU STON PA'I MDO'O, ,ZHES SBYAR RO, ,GANG ZHE NA BYED PA'I RGYU DANG, LHAN CIG 'BYUNG BA'I RGYU DANG, SKAL BA MNYAM PA'I RGYU DANG, MTSUNGS PAR LDAN PA'I RGYU DANG, KUN TU 'GRO BA'I RGYU DANG, RNAM PAR SMIN PA'I RGYU ZHES BYA BA'O,, (RGYU DRUG TU GRANGS NGES TE 'BRAS BU THAMS CAD KYI THUN MONG GI RGYU BYED RGYU, SO SO'I RGYU LA LHAN CIG 'BYUNG BA SPYI'I RGYU LHAN CIG 'BYUNG RGYU DANG, BYE BRAG GI RGYU MTSUNGS LDAN NO, , DUS THA DAD PA LA 'DRA BAR SKYED PA SKAL MNYAM DANG, NYON MONGS CAN KHO NA 'DRA BAR SKYED PA KUN 'GRO DANG, MI 'DRA BAR SKYED PA RNAM SMIN GYI RGYU DANG DRUG TU NGES SO,,) SO SO'I RANG BZHIN BSHAD PA LA DRUG LAS, 1. BYED RGYU BSHAD PA, DANG PO BYED RGYU NI (RANG LA RANG GI BYED PA 'GAL BAS,) 'BRAS BU RANG NYID LAS GZHAN PA... ('DUS BYAS MA BYAS,) THAMS CAD NI BYED RGYU'I RGYU ZHES BYA BAR 'DOD DO, ,CI STE NA, 'BRAS BU SKYE BA LA GEGS MI BYED PA'I NGO BOR GNAS PA'I PHYIR RO, ,GAL TE GEGS MI BYED PA TZAM GYIS RGYUR JI LTAR 'GYUR TE, MYU GU LA SOGS PA'I RGYUR 'DUS MA BYAS DANG, GZUGS MED PA'I PHUNG PO'I RGYU DMYAL BA'ANG YIN PAR 'GYUR RO ZHE NA, 'DIR BYED RGYU NI NUS BCAS DANG NUS MED GNYIS LAS DANG PO NI MYU GU LA SOGS PA LA SA BON LA SOGS PA LTA BU STE BYED RGYU MTSAN NYID PA YIN NO, ,GNYIS PA NI, 'DUS MA BYAS LA SOGS PA DANG GZUGS MED PA'I PHUNG PO LA DMYAL BA LA SOGS PA LTA BU STE, 'DI NI GEGS MI BYED PA LA RGYUR BTAGS PA YIN TE GRONG BA RNAMS RGYAL POS KHRAL DMAG LA SOGS PAS SDUG BSNGAL BAR MA BYAS PA LA BDAG CAG BDE BAR BYAS SO ZER BA LTA BU'O, ,KHA CIG NA RE THAMS CAD KYANG THAMS CAD LA BRGYUD NAS CI RIGS PAR 'DUS MA BYAS DANG DMYAL BA LA SOGS PAS KYANG YID KYI RNAM SHES DMIGS PA'I TSUL GYIS BSKYED PAR NUS LA, DE LAS DGE MI DGE DANG, DE LAS KYANG RIM GYIS SNOD KYI 'JIGS RTEN DANG GZUGS MED PA'I PHUNG PO LA SOGS PA SKYE BA'I PHYIR RO ZHES ZER RO, ,GAL TE SKYE BA LA GEGS MI BYED PA RGYU YIN NA SNANG BA DANG TSA REG LA SOGS PA MUN PA DANG GRANG REG LA SOGS PA'I BYED RGYUR MI 'GYUR TE, DE DAG NI CHOS DE DAG LA GEGS BYED PA'I PHYIR RO, ,DE LTAR NA'ANG RANG LAS GZHAN PA THAMS CAD BYED RGYUR MI 'GYUR RO ZHE NA, SNANG BA LA SOGS PA DE DAG MUN PA LA SOGS PA MI SKYE BA'I CHOS CAN LA GEGS BYED KYI SKYE BA LA NI GEGS BYA BAR MI NUS (TE MA TSANG MED RGYUD LA NI, 'BRAS BU @186 GANG GIS BZLOG PAR BYED CES 'BYUNG,) PA'I PHYIR DANG, BYED RGYU NI SKYE BA LA GEGS MI BYED PA YIN PA'I PHYIR DE DAG KYANG DE DAG GI BYED RGYU (YIN TE GEGS BYED NUS KYANG GEGS MA BYAS PAS RGYU YIN TE RJE BOS BDE BAR BYAS SO ZHES PA DANG 'DRA BAS,) YIN NO ZHES BA NI BYE BRAG TU SMRA BA'I GRUB PA'I MTHA' YIN NO, ,YANG NA SNANG BA LA SOGS PAS MUN PA LA SOGS PA NUS CHUNG DU BSKYED PA LA GEGS SU 'DOD NA DE NI BYED RGYU NYID YIN PA'I PHYIR DANG, MUN PA LA SOGS PA MED PA DANG 'JIG PA NI SNANG BAS BYAS PA MA YIN PA'I PHYIR DANG, DE DAG LAS GZHAN PA'I GEGS KYANG MI 'THAD PA'I PHYIR YANG DAG PAR NA GEGS BYED PA NI RGYU MA TSANG BAS 'BRAS BU MI SKYE BA'AM, NUS CHUNG DU SKYES PA'I RGYU LA BRJOD PA'I PHYIR 'GAL BA MED DO ZHES BYA'O, , 2. LHAG CIG 'BYUNG BA'I RGYU BSHAD PA, GNYIS PA LHAN CIG 'BYUNG BA'I RGYU NI GANG ZHIG PHAN TSUN GYI 'BRAS BU CAN YIN NO, ,DE YANG DPER BRJOD PA (TSOGS PA GCIG PA'I,) NI SA LA SOGS PA'I 'BYUNG BA CHEN PO BZHI PHAN TSUN LHAN CIG 'BYUNG BA'I RGYU YIN PA BZHIN DANG SEMS KYI RJES 'JUG RNAMS DANG SEMS KYANG PHAN TSUN LHAN CIG 'BYUNG BA'I RGYU YIN PA BZHIN DANG, 'DUS BYAS KYI MTSAN NYID RNAMS KYANG MTSAN GZHI'I RGYU YIN LA, MTSAN GZHI'ANG MTSAN NYID KYI RGYU YIN PA BZHIN NO, ,BZHIN ZHES PA NI 'DIR DNGOS SU MA BRJOD PA SEMS KYI RJES 'JUG PHAN TSUN DANG, MTSAN NYID RNAMS KYANG PHAN TSUN 'BRAS BU YIN NO ZHES MTSON PA'O, , ZHES SLOB DPON GANG SPEL 'CHAD DO, ,GAL TE PHAN TSUN DU RGYUR GYUR PA YIN NA BUM PA LA SOGS PA'I CHOS RNAMS SKYE BA'I SKYE BA LA SOGS PA MTHUN PA'I MTSAN NYID RNAMS KYIS LHAN CIG 'BYUNG BA'I RGYUR MI 'GYUR TE, MTHUN PA'I MTSAN NYID RNAMS CHOS LA PHAN MI 'DOGS PA'I PHYIR RO ZHE NA, DE LTA MOD KYI 'ON KYANG 'DI NI PHAL CHE BA'I DBANG DU BYAS PA YIN GYI KHYAB PA NI MA YIN NO ZHES KHA BSKANG BA DANG BCAS PA'O, ,(DE LA SPYIR 'DUS BYAS SU MTSON PA'I MTSAN GZHI BUM PA LTA BU GCIG GI RANG GI MTSAN NYID BZHI DE DAG GI RJES MTHUN GYI MTSAN NYID BZHI DANG BRGYAD KYI LHAN KYI LHAN CIG 'BYUNG RGYU BYED CING SKYED KYANG MTHUN PA'I MTSAN NYID BZHI NI MTSAN GZHI DANG RANG GI GROGS GSUM GSUM DANG LHAN CIG TU 'BYUNG YANG DE DAG SKYES PA'I LHAN CIG 'BYUNG RGYU MIN TE RGYAL PO'I NYING G-YOG GIS RGYAL PO LA DNGOS SU BYA BA BYED MI NUS PA BZHIN DANG, GROGS GSUM LA'ANG SKYED PA'I BYA BA MI 'JUG PAS SO, ,SEMS DANG SEMS KYI RJES 'JUG RNAMS GCIG GCIG GI 'BYUNG RGYU YIN KYANG MTHUN PA'I MTSAN NYID THAMS CAD RANG RANG GI @187 MTSAN GZHI THAMS CAD KYI LHAN CIG GI 'BYUNG RGYU MIN TE NYING G-YOG BZHIN NO, ,GZUGS SGRA DRI RO REG RNAMS DANG SO THAR GYI SPONG BDUN DANG 'BYUNG BZHI LHAN CIG 'BYUNG ZHING 'BYUNG BA DE DAG GI YIN YANG DE DAG 'BYUNG BA'I MIN NO ZHES SO, ,DE YANG 'DUS BYAS BUM PA DANG DE'I MTSAN NYID SKYE SOGS RANG RANG MA GTOGS PA CHOS BRGYAD BRGYAD KYI LHAN CIG 'BYUNG RGYU BYED CING SKYE BA'I SKYE BAS RTZA SKYE KHO NA SKYED CING LHAN CIG 'BYUNG RGYU BYED PA NAS 'JIG PA'I 'JIG PAS RTZA 'JIG KHO NA SKYED PA'I BAR DU'O, ,SEMS BYUNG DANG SDOM PA GNYIS DANG SEMS DANG SEMS KYI RJES 'JUG DE DAG GI MTSAN NYID RNAMS NI SEMS KYI RJES 'JUG YIN TE RNAM PA BCUS SEMS KYI RJES SU 'JUG PA'I PHYIR RO, ,RNAM PA BCU NI SPYIR DUS TZAM GCIG STE, SEMS GRUB PA'I DUS SU DE DAG KYANG GRUB PA'I PHYIR RO, ,KHYAD PAR DU SKYE DUS GCIG PA DANG, GNAS DUS GCIG PA DANG, 'GAG PA DUS GCIG PA STE, DUS GCIG PA BZHI DANG, BDAG 'BRAS NI CHOS THAMS CAD KYI THUN MONG BA YIN PAS DE BOR LA, SKYES BU BYED 'BRAS DANG BRAL 'BRAS GCIG PA 'BRAS BU TZAM GCIG PA DANG, SEMS KYI RNAM SMIN 'BRAS YIN NA DE DAG GI'ANG YIN PAS RNAM SMIN 'BRAS GCIG PA DANG, DE'I RGYU MTHUN 'BRAS YIN NA DE DAG GI'ANG YIN PA RGYU MTHUN GYI 'BRAS BU GCIG PA STE 'BRAS BU GCIG PA GSUM DANG, SEMS DE DAG NI RJES 'JUG DGE BA LA SOGS PA GSUM STE BCUS SEMS KYI RJES SU 'JUG GO,) 'DI'I MTSAN NYID LA KHA CIG DUS MNYAM PA'I RGYU 'BRAS MTSUNGS LDAN GYI RGYU LAS GZHAN PA ZHES ZER BA NI MA YIN TE, MTSUNGS LDAN GYI LHAN CIG 'BYUNG BA'I RGYU MA YIN PAR 'GYUR BA DANG, BUM PA DANG DE 'DZIN MIG SHES DANG MAR ME DANG 'OD DANG MYU GU DANG GRIB MA DANG SA GZHI LA CHU BRTEN PA LA SOGS PA'ANG LHAN CIG 'BYUNG BA'I RGYUR THAL BA'I PHYIR RO, ,DES NA 'DI'I MTSAN NYID NI SNGA MA NYID YIN NO, ,MA KHYAB PA BRJOD PA NI GRUB MTHA'I NYES PA YIN NO, ,'O NA SEMS KYI RJES SU 'JUG PA'I CHOS DE DAG GANG ZHE NA, SEMS LAS BYUNG BA RNAMS DANG BSAM GTAN ZAG MED KYI SDOM PA GNYIS DANG SEMS DANG (SEMS KYI RJES 'JUG,) SEMS BYUNG RNAMS DANG SDOM PA GNYIS PO DE DAG GI SKYE BA LA SOGS PA'I MTSAN NYID RNAMS NI SEMS KYI RJES SU 'JUG PA YIN NO, ,CI'I PHYIR ZHE NA, SEMS DANG, (SPYIR,) DUS GCIG PA'I PHYIR DANG, (BDAG 'BRAS DANG SKYES BU BYED PA DANG BRAL BA'O,,) 'BRAS BU GCIG PA DANG SOGS (PA RNAM SMIN DANG RGYU MTHUN GYI 'BRAS BU GCIG) PA'I PHYIR DANG, DGE BA LA SOGS PA GCIG PAS SO, ,ZHES PA'I GTAN TSIGS KYI PHYIR RO, ,DE LA DUS GCIG PA NI SPYIR DUS (TZAM,) GCIG PA DANG, KHYAD PAR DU SKYE BA GCIG PA DANG, GNAS PA GCIG PA DANG 'GAG PA GCIG PA RNAMS BSDUS SO, ,'BRAS BU GCIG PA NI @188 BDAG PO'I 'BRAS BU DANG SKYES BU BYED PA DANG BRAL BA'I 'BRAS BU RNAMS GCIG PA'O, ,SOGS PA'I SGRAS RGYU MTHUN DANG RNAM SMIN GYI 'BRAS BU GNYIS GZUNG STE, DE 'BRAS BU GCIG PA NI NGO BO GCIG PA STE GANG SEMS KYI RNAM SMIN GYI 'BRAS BU YIN PA DE SEMS KYI RJES 'JUG GI'ANG YIN NO ZHES BYA BA LA SOGS PA'O,, DUS DANG DGE (BA LA SOGS,) BAR GCIG PA NI SEMS (SKYE BA LA SOGS PA DANG,) DGE BA (LA SOGS PA,) YIN NA RJES 'JUG RNAMS KYANG (SKYE BA LA SOGS PA DANG,) DGE BA (LA SOGS PA,) YIN PAS, 'DI (DAG) NI 'DRA BA LA GCIG PAR BRJOD PA YIN NO, ,SOGS PA'I SGRAS NI MI DGE BA DANG LUNG MA BSTAN GZUNG NGO, , DES NA 'GREL PA LAS, RGYU BCUS SEMS KYI RJES SU 'JUG PA ZHES BYA'O ZHES GSUNGS PA'ANG CI RIGS KYI DBANG DU BYAS KYI YANG DAG PAR NA BRGYAD YIN TE, DGE BA LA SOGS PA GSUM SEMS GCIG LA 'DU BA MI SRID PA'I PHYIR RO, ,BRGYAD KYANG MANG BA'I MTHA' GZUNG BA YIN GYI MA BSGRIBS LUNG MA BSTAN DANG ZAG MED LA RNAM SMIN GYI 'BRAS BU MI SRID CING, MI SKYE BA'I CHOS CAN LA NI DUS GCIG PA TZAM MA GTOGS PA SKYE BA DANG, GNAS PA DANG, 'GAG PA GCIG PA'ANG MI SRID PA'I PHYIR RO, ,(DE YANG LUNG MA BSTAN MI SKYE BA'I CHOS CAN LA DGE MI DGE GNYIS SKYE GNAS 'JIG GSUM RNAM SMIN GYI 'BRAS BU DOR BA'I LHAG MA BZHI, RNAM SMIN GYI RGYU MI SKYE BA'I CHOS CAN LA SNGAR GYI BZHI'I STENG DU RNAM SMIN 'BRAS BU BSNAN PAS LNGA, ZAG MED SKYE 'GYUR LA MI DGE BA LUNG MA BSTAN RNAM SMIN GYI 'BRAS BU DANG GSUM DOR BAS BDUN LUNG MA BSTAN SKYE 'GYUR LA'ANG DGE MI DGE GNYIS RNAM SMIN 'BRAS DANG GSUM DOR BA BDUN, RNAM SMIN SKYE 'GYUR LA DGE MI DGE GNYIS DOR BA'I LHAG MA BRGYAD 'BYUNG BA SOGS SHES PAR BYA'O, ,) DE LA SEMS 'KHOR NYUNG BA BSAM GTAN GNYIS PA YAN CHAD KYI MA BSGRIBS LUNG MA BSTAN NI LNGA ('KHOR KUN 'GRO BCU LAS MI 'BYUNG BAS KHOS PHAR LA,) BCU RTZA BRGYAD KYI LHAN CIG 'BYUNG BA'I RGYU BYED DE, SEMS KYIS MANG PO PA BCU DANG, DE DAG GI MTSAN NYID BZHI BCU DANG, (SEMS,) RANG NYID KYI MTSAN NYID BZHI DANG, (RANG GI,) MTHUN PA'I MTSAN NYID BZHI'O, ,SEMS (RANG NYID,) LA (TSUR LA RANG GI BZHI 'KHOR BZHI BCU DANG,) NI LNGA BCU RTZA BZHIS BYED DE, (RANG GI,) MTHUN PA'I MTSAN NYID BZHI PO (DANG 'KHOR GYI MTHUN PA'I MTSAN NYID BZHI PO,) RNAMS MA GTOGS PA STE, DE DAG NI RANG GI MTSAN NYID SKYE BA (CHOS KHO NA,) LA SOGS PA LA PHAN 'DOGS PA LHUR BYED KYI GZHAN LA NI MA YIN TE RGYAL PO'I NYING G-YOG (GIS RGYAL PO LA DNGOS SU BYA BA BYED MI NUS PA,) BZHIN NO ZHES KHA CHE BYE BRAG TU SMRA BA RNAMS 'DOD DO, ,NYI 'OG PA @189 RNAMS NI SEMS LA BCU BZHIS BYED DE SEMS LAS BYUNG BA'I MTSAN NYID RNAMS KYANG RANG GI MTSAN GZHI LA BYED KYI STOBS CHUNG BAS SEMS LA NI MA YIN TE, (RING BA'I PHYIR RO, ,) RGYAL PO'I NYING G-YOG BZHIN NO ZHES 'DOD DO, , KHA CHE BA RNAMS NA RE DE LTA NA BSTAN BCOS RAB TU BYED PA LAS SDUG BSNGAL GYI BDEN PA LA 'JIG TSOGS LA LTA BA'I RGYU CAN YIN LA 'JIG TSOGS LA LTA BA'I RGYU MA YIN PA YANG YOD DE, 'JIG TSOGS LA LTA BA DANG, DE DANG MTSUNGS PAR LDAN PA'I CHOS RNAMS KYI SKYE BA DANG RGA BA DANG, GNAS PA DANG, MI RTAG PA DAG MA GTOGS PA DE DAG LAS GZHAN PA'I SDUG BSGAL GYI BDEN PA NYON MONGS PA CAN GANG YIN PA'O, ,'JIG TSOGS LA LTA BA'I RGYU CAN YANG YIN LA 'JIG TSOGS LA LTA BA'I RGYU YANG YIN PA NI MA GTOGS PA GANG YIN PA'O ZHES GSUNGS PA DANG 'GAL BAR 'GYUR TE, SEMS LAS BYUNG BA'I MTSAN NYID RNAMS (KYANG MUDANG POR 'GYUR GYI MU GSUM PAR MI 'GYUR TE,) SEMS KYI LHAN CIG 'BYUNG BA'I RGYU MA YIN NA 'JIG TSOGS LA LTA BA DANG MTSUNGS PAR LDAN PA'I SEMS DANG SEMS LAS BYUNG BA RNAMS KYI MTSAN NYID RNAMS 'JIG TSOGS LA LTA BA'I RGYU CAN YIN PA RGYU MA YIN PA'I MUR 'GYUR TE, MTSAN NYID RNAMS DE'I SKAL MNYAM DANG KUN 'GRO DANG MTSUNGS LDAN GYI RGYU NI MA YIN LA LHAN CIG 'BYUNG BA'I RGYU YANG MA YIN PA'I PHYIR RO, ,DES NA RAB TU BYED PA LAS DE DAG GNYIS KA YIN PA'I MUR BSHAD PA'I PHYIR DANG, JI LTAR 'JIG TSOGS LA LTA BA DANG MTSUNGS PAR LDAN PA'I SEMS DANG SEMS LAS BYUNG BA'I MTSAN NYID RNAMS 'JIG TSOGS LA LTA BA'I LHAN CIG 'BYUNG BA YIN PA LTAR RGYU MTSAN MTSUNGS PA'I PHYIR SEMS DANG MTSUNGS PAR LDAN PA'I MTSAN NYID RNAMS KYANG SEMS KYI LHAN CIG 'BYUNG BA'I RGYU YIN NO ZHES ZER RO, ,NYI 'OG PA RNAMS NI DE SKAD DU NI RAB TU BYED PA LAS MI 'DON GYI 'JIG TSOGS LA LTA BA'I SKYE BA DANG ZHES BYA BA LA SOGS PAR 'DON PA'I PHYIR 'GAL BA MED DO ZHES ZER RO, ,KHA CHE BA RNAMS NI (DNGOS SU,) MI 'DON KYANG DON GYIS THOB PAS GDON PAR BYA'O ZHES ZER RO, , 'DIR DE TZAM GYIS CHOG MOD KYI 'ON KYANG BSHAD PA MDZAD PA RNAMS KYIS RAB TU BYED PA'I GZHUNG GI ('JIG TSOGS LA LTA BA'I RGYU DANG RGYU CAN GYI,) MU'I BSHAD PA SHIN TU SPROS PA DANG BCAS PAR 'CHAD PA'I PHYIR KHO BOS (KYANG,) BRI STE, DE LA 'DIR RGYU DRUG LAS BYED RGYU NUS MED NI MI BRTZI STE, BTAGS PA BA YIN PA'I PHYIR RO, ,NUS BCAS KYANG (SHES BYA THAMS CAD BYED RGYU YIN PAS,) RGYU LNGA'ANG KHO'I KHONGS SU GTOGS PA'I PHYIR LOGS SU MI BGRANG NGO, ,RNAM SMIN GYI RGYU 'BRAS DANG BRAL 'BRAS KYANG MI GZUNG @190 STE, 'JIG TSOGS LA LTA BA (BSGRIBS LA LUNG MA BSTAN YIN PAS,) RNAM SMIN GYI RGYU 'BRAS GNYIS KAR MI 'THAD PA'I PHYIR DANG, 'JIG TSOGS LA LTA BA BRAL BA MA YIN ZHING (LAM MIN PAS,) BRAL BA'I RGYUR YANG MI RUNG BA'I PHYIR RO, ,BDAG 'BRAS KYANG MI BRTZI STE, 'DUS BYAS THAMS CAD BDAG 'BRAS YIN PA'I PHYIR RAM, YANG NA 'BRAS BU BZHI'I KHONGS SU 'DU BA'I PHYIR RO, ,DES NA RGYU NI LHAN CIG 'BYUNG BA DANG SKAL MNYAM DANG MTSUNGS LDAN DANG KUN 'GRO BZHI DANG, 'BRAS BU NI RGYU MTHUN DANG SKYES BU BYED 'BRAS GNYIS LA RGYU DANG RGYU CAN GYI MU BRTZI BAR BYA'O, , (DE YANG RAB TU BYED PA LAS BDEN BZHI LA BRTZAMS NAS GSUNGS KYANG 'DIR BDEN BZHI DANG NAM MKHA' BRTAGS MIN DANG BCAS PA LA BRTZI STE,) DE YANG MU BZHI PA SNGON LA BSHAD NA GO BDE BAS BDEN PA BZHI LAS 'JIG TSOGS LA LTA BA'I RGYU 'BRAS GNYIS KA MA YIN PA NI 'GOG LAM GYI BDEN PA DANG, NAM MKHA' DANG BRTAGS MIN GYI 'GOG PA DANG, SDUG BSNGAL GYI BDEN PA'I SGOM SPANG NYON MONGS CAN MA YIN PA (DGE BA ZAG BCAS DANG MA BSGRIBS LUNG MA BSTAN,) RNAMS TE, DE DAG DANG 'JIG TSOGS LA LTA BA LA PHAN TSUN DU RGYU BZHI DANG 'BRAS BU GNYIS MI SRID PA'I PHYIR RO, ,RGYU MTSAN DE NYID KYIS NAM MKHA' DANG SO SOR BRTAGS MIN GYI 'GOG PA'ANG GNYIS KA MA YIN PAR LTA'O, ,'JIG TSOGS LA LTA BA'I RGYU YIN LA 'BRAS BU MA YIN PA'I MU GNYIS PA NI MI SRID DE, 'JIG TSOGS LA LTA BA'I RGYU RNAM PA BZHI YIN PA DE NI NYON MONGS CAN KHO NAR NGES LA, NYON MONGS CAN THAMS CAD KYANG 'JIG TSOGS LA LTA BA KUN 'GRO'I RGYU LAS SKYE BA'I PHYIR RO, ,'JIG TSOGS LA LTA BA'I 'BRAS BU YIN LA RGYU MA YIN PA NI (SPANG BYA RIS LNGA LAS,) SDUG BSNGAL MTHONG SPANG GI PHRA RGYAS (BCU LAS,) 'JIG TSOGS LA LTA BA RANG NYID DANG GZHAN RNAM PA DGU LAS MA RIG PA MA GTOGS PA BRGYAD PO MA 'ONGS PA MTSUNGS LDAN DANG BCAS PA RNAMS YIN TE, DE DAG NI NYON MONGS CAN YIN PAS 'JIG TSOGS LA LTA BA 'DAS DA LTAR GYI KUN 'GRO'I RGYU LAS SKYES PA'I PHYIR DANG, 'JIG TSOGS LA LTA BA'I RGYU NI MA YIN TE, MA 'ONGS PA NI (KUN 'GRO SKAL MNYAM DUS GNYIS PA ZHES PAS,) SKAL MNYAM DANG KUN 'GRO'I RGYU MA YIN PA'I PHYIR DANG, MA RIG PA MA GTOGS PA RTZA BA'I NYON MONGS PA PHAN TSUN MTSUNGS PAR MI LDAN PA'I PHYIR DANG, LHAN CIG 'BYUNG BA'ANG MA YIN PA'I PHYIR RO, , 'JIG TSOGS LA LTA BA RANG NYID MA 'ONGS PA'ANG RANG NYID 'DAS DA LTAR GYI SKAL MNYAM KUN 'GRO LAS SKYE LA, MA 'ONGS PA RGYU DE GNYIS MA YIN ZHING RANG NYID RANG DANG LHAN CIG 'BYUNG BA DANG MTSUNGS SY @191 PAR MI LDAN PA'I PHYIR, LTA BA DE'I 'BRAS BU YIN LA RGYU MA YIN PA'O, ,DE BZHIN DU KUN 'BYUNG MTHONG SPANG KUN 'GRO MA 'ONGS PA MTSUNGS LDAN (MTSAN NYID,) DANG BCAS PA RNAMS KYANG (SPANG BYA RIS THA DAD LHAN CIG TU MI 'BYUNG BA SOGS,) RGYU MTSAN DE DAG MTSUNGS PA'I PHYIR 'JIG TSOGS LA LTA BA'I 'BRAS BU YIN LA RGYU MA YIN PA'O, ,(DE RNAMS KUN 'GRO YIN PAS KUN 'GRO'I RGYUR MI RUNG LA, RIS THA DAD PAS SKAL BA MI MNYAM LA MTSUNGS PAR MI LDAN PAS LHAN CIG KYANG MI 'BYUNG BAS,) KUN 'BYUNG MTHONG SPANG KUN 'GRO MA YIN PA MTSUNGS LDAN DANG BCAS PA DUS GSUM PA RNAMS DANG, 'GOG LAM MTHONG SPANG DANG SGOM SPANG NYON MONGS CAN RNAMS KYANG 'JIG TSOGS LA LTA BA KUN 'GRO'I RGYU LAS SKYES LA, (SDUG KUN LAS GZHAN LA KUN 'GRO'I NYON MONGS MI 'DOD PAS,) DE DAG NI KUN 'GRO'I RGYU MA YIN ZHING (RANG RIS SA PA'O SNGAR SKYES RNAMS ZHES PAS RIS THA DAD,) SKAL BA MI MNYAM LA RIS THA DAD LA MTSUNGS PAR MI LDAN PA DANG LHAN CIG 'BYUNG BA'ANG MA YIN (PAS RGYU BZHI MI SRID,) PA'I PHYIR 'JIG TSOGS LA LTA BA NI DE DAG GI 'BRAS BU MA YIN NO, ,DE BZHIN DU 'JIG TSOGS LA LTA BA LA SOGS PA NYON MONGS CAN THAMS CAD KYI THOB PA (DUS GSUM PA,) RNAMS (KYANG NYON MONGS CAN YIN PAS 'JIG LTA'I 'BRAS BU YIN LA RGYU MIN PA'I MU STE 'DI'I BYED PA THOB PA PHYI MA 'JUG GI CHOS LA MI 'JUG CING LHAN CIG 'BYUNG YANG NUS PA MI 'JUG PAS RGYU MA YIN PA'I PHYIR,) (DUS GSUM PA,) DANG, 'JIG TSOGS LA LTA BA DANG DE DANG MTSUNGS LDAN RNAMS KYI MTSAN NYID RNAMS MA GTOGS PA NYON MONGS CAN GZHAN GYI MTSAN NYID THAMS CAD KYANG 'JIG TSOGS LA LTA BA 'DAS DA LTAR GYI SKAL MNYAM KUN 'GRO CI RIGS PA'I 'BRAS BU YIN LA RGYU MA YIN PA'O, ,RGYU 'BRAS GNYIS KA YIN PA NI (TSAN PA BZHI LAS,) SDUG BSNGAL MTHONG SPANG PHRA RGYAS BCU PO 'DAS DA LTAR BA MTSUNGS LDAN DANG BCAS PA (RNAMS NI 'JIG TSOGS LA LTA BA SNGA MA'I SKAL MNYAM KUN 'GRO'I RGYU LAS BYUNG BA'I PHYIR DANG, 'JIG TSOGS LA LTA BA'ANG DE DAG SNGA MA'I SKAL MNYAM KUN 'GRO'I RGYU CI RIGS PA LAS BYUNG BA YIN TE, THAMS CAD KYI SKAL MNYAM DANG, LTA BA BZHI DANG MA RIG PA DANG THE TSOM GYI KUN 'GRO'I RGYU LAS KYANG BYUNG BA'I PHYIR RO,,) YIN TE, 'JIG TSOGS LA LTA BA NI BCU PO DE DAG GI SKAL MNYAM KUN 'GRO'I RGYU YIN PA'I PHYIR DANG, BCU PO'ANG 'JIG TSOGS LA LTA BA'I SKAL MNYAM GYI RGYU YIN ZHING, DE DAG GI LTA BA RNAMS DANG THE TSOM DANG MA RIG PA NI LTA BA DANG PO DE'I KUN 'GRO'I RGYU'ANG YIN PA'I PHYIR RO, , RTZA NYON LAS MA RIG PA DANG DE LAS GZHAN PA'I SEMS SEMS BYUNG 'JIG TSOGS LA LTA BA DANG @192 MTSUNGS LDAN DUS GSUM PA RNAMS KYANG 'JIG TSOGS LA LTA BA'I RGYU 'BRAS GNYIS KA YIN TE, MTSUNGS LDAN DE DAG 'JIG TSOGS LA LTA BA'I RGYU BZHI KA LAS 'BYUNG BA'I PHYIR DANG, 'JIG TSOGS LA LTA BA'ANG MTSUNGS LDAN 'DAS DA LTAR GYI RGYU BZHI DANG, MA 'ONGS PA'I LHAN CIG 'BYUNG BA DANG MTSUNGS LDAN LAS 'BYUNG BA'I PHYIR RO, ,DE BZHIN DU KUN 'BYUNG MTHONG SPANG KUN 'GRO'I PHYOGS 'DAS DA LTAR BA'ANG 'JIG TSOGS LA LTA BA'I KUN 'GRO'I RGYU LAS 'BYUNG BA'I PHYIR DANG, 'JIG CHOGS LA LTA BA'ANG DE DAG GI KUN 'GRO'I RGYU LAS 'BYUNG BA'I PHYIR GNYIS KA YIN PA'I MU YIN NO, ,('JIG LTA'I RGYU 'BRAS GNYIS KA YIN PA NI SDUG BSNGAL MTHONG SPANG BCU PO 'DAS DA LTAR LA 'CHAD KYANG DE'I MA RIG PA NI DUS GSUM PA LA'ANG DE BRTZIR RUNG NGO, ,MA RIG PA MA GTOGS PA DGU BO NI SNGA PHYI LA BLTAS NAS SKAL MNYAM KUN 'GRO'I RGYU DANG 'BRAS BU NI RGYU MTHUN GYI 'BRAS BUR NGES SHING, MA RIG PA DANG 'JIG LTA GNYIS DANG MTSUNGS LDAN GYI NYON MONGS GZHAN NI 'JIG LTA DANG CI RIGS SU RGYU BZHI DANG 'BRAS BU GNYIS KAR 'GYUR RO, ,KHO NYID MA 'ONGS PA'I MTSUNGS LDAN YANG DE BZHIN TE, RGYU BZHI CHAR DU 'GYUR LA DUS MNYAM PA GNYIS KYI 'BRAS BU'O, ,KHO NYID DUS GSUM PA'I MTSAN NYID DANG, DE'I MTSUNGS LDAN GYI MTSAN NYID RNAMS NI MTSUNGS LDAN LAS GZHAN PA'I RGYU GSUM GYIS RGYU DANG RGYU CAN YIN GYI MTSAN NYID DE DAG MI LDAN PA YIN PAS MTSUNGS LDAN GYI RGYU 'BRAS MIN NO, ,MU BZHI BA NI DGE BA ZAG BCAS DANG, MA BSGRIBS LUNG MA BSTAN DANG 'DUS MA BYAS DANG LAM BDEN NO,,) 'JIG TSOGS LA LTA BA'I MTSAN NYID BZHI DANG, DE DANG MTSUNGS PAR LDAN PA'I SEMS SEMS BYUNG RNAMS KYI MTSAN NYID RNAMS KYANG 'JIG TSOGS LA LTA BA'I SKAL MNYAM DANG KUN 'GRO DANG LHAN CIG 'BYUNG BA'I RGYU LAS SKYE LA 'JIG TSOGS LA LTA BA'ANG MTSAN NYID DE DAG GI LHAN CIG 'BYUNG BA'I RGYU LAS SKYE BA'I PHYIR GNYIS KA YIN NO ZHES KHA CHE BA DAG 'DOD LA, NYI 'OG PA NI 'JIG TSOGS LA LTA BA'I MTSAN NYID RNAMS DE'I RGYU 'BRAS GNYIS KA YIN GYI DE DANG MTSUNGS LDAN RNAMS KYI MTSAN NYID RNAMS NI 'JIG TSOGS LA LTA BA'I RGYU MA YIN PAS DE NI 'BRAS BU YIN LA RGYU MA YIN PA'I MU YIN NO ZHES 'DOD DO, , 'DI DAG KYANG BYE BRAG TU SMRA BA'I GRUB MTHAS BRTAGS PA YIN PAS YANG DAG PA MA YIN NO, ,'DIR BYE BRAG TU SMRA BAS LHAN CIG 'BYUNG BA'I RGYU YIN PA DE NI LHAN CIG PA KHO NAR NGES LA, LHAN CIG 'BYUNG BA LA NI LHAN CIG 'BYUNG BA'I RGYUS MA KHYAB STE, MTHUN PA'I MTSAN NYID RNAMS CHOS KYI LHAN CIG 'BYUNG BA'I RGYU MA YIN PA DANG, MTHUN PA'I MTSAN NYID NANG RNAMS KYANG LHAN CIG 'BYUNG BA'I RGYU MA YIN PA LTA @193 BU'O, ,(DE YANG BUM PA 'DUS BYAS SU MTSON PA'I MTSAN NYID BZHI DANG BUM PA GCIG GCIG GI LHAN CIG 'BYUNG RGYU YIN GYI MTSAN GZHI KUN DANG MTSAN NYID KUN GYI MIN NO SPYIR 'DUS BYAS DANG KHYAD PAR DU, SEMS KYI MTHUN PA'I MTSAN NYID LHAN CIG 'BYUNG YANG 'DUS BYAS DANG SEMS NI RANG RANG GI MTHUN PA'I MTSAN NYID KYI LHAN CIG GI 'BYUNG RGYU YIN TE, DPER NA RGYAL PO DE RANG GI 'KHOR KUN SKYONG BA BZHIN NO, , MTHUN PA'I MTSAN NYID DE DAG NI 'DUS BYAS DANG SEMS KYI LHAN CIG SKYES NA 'BYUNG RGYU MIN TE DE DAG RGYAL BO DANG 'DRA BA NYING G-YOG GIS DNGOS SU BYA BA BYED MI NUS PA BZHIN NO, ,YANG 'BYUNG GYUR GYI GZUGS SGRA DRI RO REG SOGS RDZAS BRGYAD 'DUS PA LTA BU'I GZUGS SOGS LNGA LHAN CIG 'BYUNG YANG MTSAN NYID KYIS RING BAS DE DAG LHAN CIG 'BYUNG RGYU MIN NO, ,BSAM GTAN ZAG MED KYI SPONG BYA NI NANG PHAN TSUN GCIG GCIG GI 'BYUNG RGYU YIN TE GCIG SKYE NA GZHAN RNAMS KYANG NGES PAR SKYE LA GCIG MI SKYE NA GZHAN RNAMS KYANG MI SKYE BA'I PHYIR RO, ,SO THAR LA NI NGES PA MED DE SNA GCIG SPYOD SOGS YOD PAS SO, , DUS MNYAM PA'I THOB BYA'I CHOS DANG DE'I THOB PA DUS GCIG 'BYUNG YANG 'BYUNG RGYU MIN TE THOB PA DE NI SHING SHUN DANG 'DRA BAS CHOS DANG RGYUN THA DAD PAS 'BRAS BU MI GCIG PAS SO,,) ,THOB PA DANG THOB BYA'I CHOS RNAMS DANG, 'DOD PA NA GZUGS DANG DRI LA SOGS PA RDZAS BRGYAD NGES PAR LHAN CIG SKYE (YANG MA YIN,) PA DANG, BSAM GTAN ZAG MED KYI SDOM PA DAG GI SPONG BDUN (DE YIN PAS DE,) MA GTOGS PA RGYUR BYAS PA'I GZUGS THAMS CAD RANG GI 'BYUNG BA DAG DANG LDAN CIG 'BYUNG YANG LHAN CIG 'BYUNG BA'I RGYU MA YIN PA LTA BU'O, ,GNYIS KA MA YIN PA NI SHIN TU MANG BA YIN NO ZHES 'DOD DO, ,MDO SDE PA NI LHAN CIG 'BYUNG BA DAG NI RGYU MA YIN TE, GNYIS KA DUS MNYAM PAR GRUB PA DAG LA NI BSKYED BYA SKYED BYED MED PA'I PHYIR DANG, BSKYED BYA SKYED BYED DAG KYANG LHAN CIG 'BYUNG BA MA YIN TE, BSGRUB BYA DANG SGRUB BYED YIN PA'I PHYIR RO, ,MTSAN NYID DANG MTHUN PA'I MTSAN NYID LA SOGS PA NI BYE BRAG TU SMRA BAS BRTAGS PA YIN LA, 'DOD PA NA GZUGS LA SOGS PA LHAN CIG 'BYUNG BA DANG, 'BYUNG BA LA SOGS PA NI TSOGS PA SNGA MAS GO SA GCIG TU 'PHANGS PA'I PHYIR MTSE MA'I SPUN DANG 'DRA'O ZHES BYA BAR 'DOD DO, , 3. SKAL MNYAM GYI RGYU BSHAD PA, GSUM PA SKAL MNYAM GYI RGYU BSHAD PA NI SKAL BA MNYAM PA'I RGYU NI DGE BA DANG, NYON MONGS CAN DANG, MA BSGRIBS LUNG MA BSTAN DU 'DRA BA SKYED PA'I RGYU'O, ,(SKAL MNYAM RGYU'I 'DRA BA'I DON NI 'BRAS @194 BU DANG DGE BA'AM NYON MONGS CAN NAM MA BSGRIBS LUNG MA BSTAN DU RGYU 'BRAS 'DRA'O ZHE NA, 'O NA 'DOD PA'I 'DOD CHAGS DANG 'JIG LTA GCIG GI GCIG GI SKAL MNYAM GYI RGYU MIN PAR THAL CHAGS PA MI DGE BA DANG 'JIG LTA LUNG MA BSTAN RIS MI 'DRA BAS SO, ,DES NA DGE BA ZAG BCAS ZAG BCAS SU DANG, ZAG MED ZAG MED DU DANG, NYON MONGS CAN NYON MONGS CAN DU DANG, MA BSGRIBS LUNG MA BSTAN MA BSGRIBS LUNG MA BSTAN DU RIS GCIG PA GCIG DGOS SO, ,DE YANG SPANG BYA RIS LNGA LAS SDUG BSNGAL MTHONG SPANG SDUG BSNGAL MTHONG SPANG DU RIS 'DRA BA NAS, SGOM SPANG SGOM SPANG DU RIS 'DRA BA SOGS SO, ,DE TZAM 'DOD PA'I SDUG BSNGAL MTHONG SPANG DANG KHAMS GONG GI LA'ANG YOD PAS DE DAG GCIG GCIG GI SKAL MNYAM DU THAL BAS, DES NA 'DOD PA'I SDUG BSNGAL MTHONG SPANG GIS 'DOD PA'I SDUG BSNGAL MTHONG SPANG GI SKAL MNYAM BYED PA LA SOGS PA 'DRA BA GCIG DGOS SO, ,DE TZAM 'DOD PA'I LHAS BYIN MCHOD SBYIN LA'ANG YOD PAS GANG ZAG RGYUD GCIG GIS BSDUS PA'I CHOS GCIG DGOS SO, ,DE TZAM RGYUD GCIG GIS SEMS SEMS BYUNG DUS MNYAM PA LA'ANG YOD PAS DE DAG DER THAL BAS DUS SNGAR BYUNG BA RNAMS RANG GI RIGS 'DRA PHYI MA RNAMS KYI YIN NO, ,DES NA 'DOD PA'I LHAS BYIN GYI SDUG BSNGAL MTHONG SPANG RIS 'DRA SNGA MA RANG GI RIS 'DRA PHYI MA'I YIN PA NAS, SGOM SPANG RIS 'DRA SNGAMA PHYI MA'I SKAL MNYAM YIN PA'I BAR DU YIN LA, RIS GZHAN DANG SA GZHAN NI SKAL BA MI MNYAM PAS MIN NO, ,DE YANG SNGAR SKYES RNAMS PHYIS KYI 'DAS DA LTAR GYI YIN GYI PHA 'ONGS PA RNAMS NI SNGA PHYI 'CHOL ZHING PHYI MA SKYE BA'I GO SKABS 'BYED PAR MA NGES PAS SKAL MNYAM GYI RGYUR MI GZHAG GO, SEMS KYI SKAL MNYAM NI DE'I 'KHOR GYI'ANG YIN NO,,) DGE BA'ANG ZAG BCAS ZAG MED SA SOR 'DRA BA YIN GYI DGE BA TZAM DU 'DRA BAS NI MA YIN TE, ZAG MED KYI SKAD CIG DANG PO'ANG SKAL MNYAM GYI RGYU LAS SKYE BAR THAL BAR 'GYUR PA'I PHYIR RO, ,(DES NA ZAG MED SKAD CIG DANG PO MIN PA KUN LA 'DI YOD DO, ,) ,DE YANG SDUG BSNGAL MTHONG SPANG DANG KUN 'BYUNG MTHONG SPANG DANG 'GOG PA MTHONG SPANG DANG LAM MTHONG SPANG DANG SGOM SPANG STE SPANG BYA RIS LNGA DANG, KHAMS GSUM GYI DGU PO RNAMS RANG RANG GI RIS DANG, RANG RANG GI SA PA SKYED PAR BYED PA SKAL MNYAM YIN GYI RIS GZHAN DANG SA GZHAN NI MA YIN TE, RIS GZHAN DANG SA GZHAN NI SKAL BA MI MNYAM PA'I PHYIR RO, ,(DGE BA'I PHUNG PO LNGA NI DE NYID KYI SKAL MNYAM YIN PA NAS, NYON MONGS CAN DANG MA BSGRIBS LUNG MA BSTAN YANG RANG RANG GI YIN PA'I BAR DU'O, ,LUNG MA BSTAN LA KHA CIG GZUGS NI DMAN PAS PHUNG PO LNGA'I YIN LA, GZHAN BZHI NI DE LAS MCHOG YIN PAS GZUGS KYI @195 MIN ZHES SO, ,RIS MTHUN PA GCIG LA MER MER PO NI GNAS SKABS BCU'I YIN PA NA RGAS PA NI RANG RIS PHYE MA KHO NA YI'O, ,MI NAS MIR SKYE BA LTA BU LA RGAS PA YANG BCU CHAR GYI'O, ,PHYI LA NAS NI NAS KYI SOGS SO, ,NANG LA MIG KYANG MIG GI SOGS SO, ,DE YANG G-YAS NI G-YAS KYI SOGS SO, ,'DIS NI 'DAS BA'I 'BYUNG BA RNAMS KYANG MA 'ONGS PA'I 'BYUNG BA'I SKAL MNYAM DU BSTAN TE DES DE'I SKAL MNYAM GYI RGYU LAS RGYU GZHAN MI SRID PAS SO,,) ,DE YANG SNGAR SKYES PA 'DAS PA DANG DA LTAR BA RNAMS PHYI MA SKYES PA DANG MA SKYES PA RNAMS KYI YIN GYI MA 'ONGS PA NI MA YIN TE, SKAL MNYAM DANG KUN 'GRO DAG NI GO 'BYED PA'I RGYU YIN NA 'DAS PAS NI 'DAS PA DANG DA LTA BA'I GO 'BYED LA, DA LTAR BAS NI DA LTAR BA DANG MA 'ONGS PA'I GO 'BYED NA MA 'ONGS PA LA GO DBYE BAR BYA BA'I 'BRAS BU NYID MED PA'I PHYIR RO, ,(GAL TE) MA 'ONGS PAS MA 'ONGS PA 'BYED NAMA 'ONGS PA LA RGYU DANG 'BRAS BU'I SNGA PHYI'I DBYE BA YOD PAR 'GYUR NA MA 'ONGS PA NI SNGA PHYI'I DBYE BA MED DO ZHES 'DOD DO, , DE'I PHYIR BSTAN BCOS LAS, SKAL BA MNYAM PA'I RGYU GANG ZHE NA, DGE BA'I RTZA BA SNGAR BYUNG BA RNAMS NI RANG GI KHAMS NA DGE BA'I RTZA BA PHYIS 'BYUNG BA RNAMS DANG, DE DAG DANG MTSUNGS PAR LDAN PA'I CHOS RNAMS KYI SKAL BA MNYAM PA'I RGYUS RGYU YIN NO, ,DE LTAR NA 'DAS PA RNAMS NI 'DAS PA DANG DA LTAR BYUNG BA RNAMS KYI YIN NO, ,'DAS PA DANG DA LTAR BYUNG BA RNAMS NI MA 'ONGS PA RNAMS KYI YIN NO ZHES BRJOD PAR BYA'O ZHES 'BYUNG NGO, ,GAL TE MA 'ONGS PA LA SNGA PHYI MED PAS SKAL MNYAM DANG KUN 'GRO'I RGYU 'BRAS MI RUNG NA RGYU GZHAN GSUM YANG MI RUNG BAR 'GYUR RO ZHE NA, BYE BRAG TU SMRA BA NI RGYU GZHAN GSUM PO NI RGYU 'BRAS MTSAN NYID THA DAD PAS RNAM PAR DBYE BA YOD PA'I PHYIR DANG, SKAL MNYAM DANG KUN 'GRO'I RGYU 'BRAS NI SNGA PHYI'I BYE BRAG GIS BZHAG GI MTSAN NYID MI 'DRA BA MED PA'I PHYIR MA 'ONGS PA LA MED DO ZHES 'DOD DO, ,MA 'ONGS PA LA SNGA PHYI MED LA 'DAS PA LA YOD DO ZHES BYA BA NI KHYAD PAR MED PA LA DBYE BA BYED PA BYE BRAG TU SMRA BA'I GRUB MTHA' YIN GYI YANG DAG PA MA YIN TE, 'DAS PA LA SNGA PHYI YOD NA MA 'ONGS PA LA'ANG MTSUNGS LA, SNGA PHYI MED NA 'DAS PA 'DAS PA'I SKAL MNYAM DANG KUN 'GRO MA YIN PAR 'GYUR BA'I PHYIR RO, , DA LTAR BA DA LTAR BA'I SKAL MNYAM DANG KUN 'GRO'I RGYU YIN NO ZHES BYA BA'ANG MI RIGS TE, DA LTAR BA LA'ANG SNGA PHYI MED PA'I PHYIR RO, ,SNGA PHYI YOD NA DA LTAR BA MA YIN PAR THAL BA 'DI SPANG DGOS SO, ,GRUB PA'I MTHA' LAS NI SA LU NI SA NI SA LU'I SKAL MNYAM DANG, NAS NI NAS LA SOGS PA DANG, MI NI MI'I SKAL MNYAM DANG, MIG NI MIG GI SKAL MNYAM LA SOGS PA RANG @196 GI RIS PA DANG, 'DOD PA NI 'DOD PA'I SKAL MNYAM LA SOGS PA RANG GI SA PA KHO NAR BSHAD DO, , 'O NA SKAL MNYAM GYI RGYU RANG GI SA PA DANG RANG GI RIS PA KHO NAR NGES SAM ZHE NA, ZAG BCAS LA DE LTAR NGES KYI ZAG MED LA NI BSAM GTAN DANG PO'I NYIR BSDOGS DANG, KHYAD PAR CAN DANG, BSAM GTAN BZHI DANG, (BSAM GTAN SA DRUG DANG,) GZUGS MED PA DANG PO GSUM STE SA DGU'I LAM GYI BDEN PA NI SA MI MTSUNGS PA DAG KYANG PHAN TSUN DU SKAL PA MNYAM PA'I RGYU YIN TE, LAM DE DAG NI SA DE DAG TU GLO BUR DU 'ONGS PA YIN PAS SA DE DAG GI SRED PAS BDAG GIR MA BYAS PA'I PHYIR KHAMS SU MA GTOGS PA'O, ,DE YANG SA 'OG MA'I LAM NI GONG MA'I SA PA'I YANG YIN LA, GONG MA'ANG 'OG MA'I SA PA'I YIN PA'I PHYIR PHAN TSUN DU ZHES SMOS PA YIN NO, ,THAMS CAD DU'AM ZHE NA DE (YANG RANG DANG,) MNYAM PA DANG (RANG LAS,) KHYAD PAR CAN GYI YIN GYI DMAN PA'I NI MA YIN NO, , DE YANG SDUG BSNGAL LA CHOS SHES PA'I BZOD PA NI MNYAM PA RANG NYID KYI RIGS PHYI MA DANG, KHYAD PAR CAN SDUG BSNGAL CHOS SHES PA LA SOGS PA DANG, SGOM LAM DANG MI SLOB PA'I LAM GYI BDEN PA KHYAD PAR CAN GYI RGYU YIN PA DANG, DE BZHIN DU DAD PAS RJES 'BRANG NI RANG NYID DANG, CHOS KYI RJES 'BRANG DANG, DAD MOS DANG, MTHONG THOB DANG, DUS KYIS RNAM PAR GRAL BA DANG, DUS DANG MI SBYOR BAR RNAM PAR GROL BA DRUG GI YIN PA LA SOGS PA'O, ,DE YANG BSAM GTAN BZHI PA'I SA PA'I DAD PAS RJES 'BRANG DANG, GSUM PA MAN CHAD KYIS PA'I DAD PAS RJES 'BRANG YANG MNYAM PA YIN TE, GNYIS KA'ANG DBANG PO RTUL PA'I PHYIR RO, ,DE DAG PAS NI BSAM GTAN DANG PO'I SA PA'I CHOS KYI RJES 'BRANG KHYAD PAR CAN YIN TE, DE'I PHYIR SA GONG MA'I (ZAG MED KYI,) LAM GYIS SA 'OG MA'I (ZAG MED) LAM GYI SKAL MNYAM GYI RGYU BYED PA NI BSAM GTAN BZHI PA'I SA PA DBANG PO RTUL PO DAG DBANG PO SBYANGS TE GSUM PA MAN CHAD KYI DBANG PO RNON PO CHOS KYI RJES 'BRANG GI LAM SKYED PA LTA BU'O, ,DE BZHIN DU DAD MOS LA SOGS PA LA'ANG SBYAR RO, ,SLOB DPON RGYAL PO'I SRAS NI DAD MOS SGOM LAM PA YIN PAS DE LA DBANG PO 'THOB YOD KYI DAD PAS RJES 'BRANG NI MTHONG LAM PA YIN PAS DE LA NI MED DO ZHES 'DOD LA, SLOB DPON DBYIG BSHES NI YOD PAR BZHED DO, ,ZAG MED KHO NAR MA ZAD SBYOR BYUNG GI DGE BA ZAG BCAS THAMS CAD KYANG MNYAM PA DANG KHYAD PAR CAN DE GNYIS KHO NA'I SKAL MNYAM GYI RGYU YIN NO, ,DE YANG GANG ZHE NA, THOS BYUNG NI RANG NYID DANG BSAMS BYUNG DANG SOGS PA'I SGRAS GZUNG BA SGOM BYUNG DANG GSUM GYI YIN LA, BSAMS BYUNG NI RANG NYID DANG SGOM BYUNG DANG GNYIS KYI YIN LA, SGOM BYUNG NI DE @197 NYID KYI YIN NO, ,(LUNG MA BSTAN BZHI DANG 'DOD PA'I SPRUL PA BZHI NAS GCIG GI BAR DU DE LTAR DU SBYAR RO, ,DE'I SHUGS LA DGE BA SKYES THOB RNAMS DANG NYON MONGS CAN RNAMS PHAN TSUN SKAL MNYAM DU BSTAN TE DGE BA SKYES THOB CHUNG NGU'I SKAL MNYAM NYON MONGS CAN NI DGE RTZA GCAD PA DANG GNYEN POS SPONG BA'I DUS LTA BU'O,,) 4. MTSUNGS LDAN GYI RGYU BSHAD PA, BZHI PA MTSUNGS LDAN GYI RGYU NI MTSUNGS PAR LDAN PA'I RGYU NI SEMS DAG DANG SEMS LAS BYUNG BA MIG LA SOGS PA'I RTEN MTSUNGS PA CAN RNAMS SO ZHES SMOS PAS, DMIGS PA DANG RNAM PA DANG DUS DANG RDZAS MTSUNGS PA'ANG GZUNG NGO, ,DES NA SEMS DANG SEMS BYUNG NI PHAN TSUN RGYU 'BRAS YIN PA'I PHYIR DANG, MTSUNGS PAR LDAN PA LNGAS MTSUNGS PAR GNAS PA'I PHYIR MTSUNGS LDAN GYI RGYU ZHES BYA'O, ,DE YANG LHAN CIG 'BYUNG BA'I RGYU NI SPYI YIN LA, MTSUNGS LDAN GYI RGYU NI BYE BRAG YIN NO, , 5. KUN 'GRO'I RGYU BSHAD PA, LNGA PA KUN 'GRO'I RGYU NI KUN 'GRO ZHES BYA BA'I RGYU NI SDUG BSNGAL MTHONG SPANG GI LTA BA LNGA DANG THE TSOM DANG MA RIG PA STE BDUN DANG, KUN 'BYUNG MTHONG SPANG GI LTA BA MCHOG 'DZIN DANG, LOG LTA DANG, THE TSOM DANG, MA RIG PA DANG BZHI STE BCU GCIG (DANG KHAMS GONG MA GNYIS NA'ANG DE LTAR BCU GCIG BCU GCIG STE PHRA RGYAS SUM CU RTZA GSUM THOB PA LAS GZHAN MTSUNGS LDAN DANG MTSAN NYID DANG BCAS PA GNAS LNGA PAR 'CHAD 'GYUR RNAMS NI KUN 'GRO'I RGYU, GNAS LNGA PAR 'CHAD PAR 'GYUR BA'I KHAMS GSUM GYI BDEN PA DANG PO GNYIS KYI PHRA RGYAS KUN 'GRO SUM CU RTZA GSUM THOB PA LAS GZHAN PA MTSUNGS LDAN DANG MTSAN NYID DANG BCAS PA RNAMS,) YIN TE (RGYUD GCIG GI,) NYON MONGS PA CAN RNAMS KYI SNGON DU 'GRO BA'I RGYU THUN MONG MA YIN PA YIN PA'I PHYIR RO, ,THAMS CAD DU'AM ZHE NA RANG GI SA PAR GTOGS PA'I YIN GYI SA GZHAN GYI LTA BA LA SOGS PA NI SA GZHAN GYI MA YIN NO, ,RIS GZHAN NI RIS GZHAN GYI KUN 'GRO'I RGYU YIN TE, SDUG BSNGAL DANG KUN 'BYUNG MTHONG SPANG NI NYON MONGS PA'I RIS LNGA CHAR GYI KUN 'GRO'I RGYU YIN PA'I PHYIR RO, ,DE YANG MA 'ONGS PA LA KUN 'GRO'I RGYU MI 'THAD PA'I PHYIR KUN 'GRO'I RGYU NI SNGAR SKYES PA KHO NA YIN NO, ,'O NA 'PHAGS PA'I GANG ZAG GI KUN NAS NYON MONGS PA RNAMS RGYU DE LAS MA SKYES PAR 'GYUR TE, KUN 'GRO DE DAG SPANGS NAS MED PA'I PHYIR ZHE NA, BYE BRAG TU SMRA BA LTAR NA DE DAG NI 'DAS PA LAS SKYE BAR 'DOD DE, DE LTAR YANG RAB TU BYED PA LAS, MTHONG BAS @198 SPANG BAR BYA BA'I RGYU LAS BYUNG BA'I CHOS RNAMS GANG ZHE NA, NYON MONGS PA CAN GYI CHOS RNAMS DANG, MTHONG BAS SPANG BAR BYA BA'I CHOS RNAMS KYI RNAM PAR SMIN PA GANG YIN PA'O ZHES GSUNGS SO, ,GANG DAG KUN 'GRO'I RGYU SKAL MNYAM GYI BYE BRAG YIN NO ZHES BYA BA NI NGES PA MED DE, SDUG BSNGAL DANG KUN 'BYUNG MTHONG SPANG KUN 'GRO RNAMS 'GOG LAM MTHONG SPANG DANG SGOM SPANG NYON MONGS CAN GYI KUN 'GRO'I RGYU YIN YANG SKAL MNYAM GYI RGYU MA YIN PA'I PHYIR RO, , 6. RNAM PAR SMIN PA'I RGYU BSHAD PA, DRUG PA RNAM PAR SMIN PA'I RGYU NI MI DGE BA THAMS CAD DANG DGE BA ZAG PA DANG BCAS PA RNAMS KHO NA YIN TE, (RANG GI NGO BO STOBS DANG LDAN ZHING RKYEN SRED PA'I RLAN DANG BCAS PA'I PHYIR RO, ,LUNG MA BSTAN DANG ZAG MED NI RIM PA LTAR RANG GI NGO BO STOBS CHUNG BA DANG STOBS DANG LDAN YANG RKYEN SRED PA'I RLAN MED PA'I PHYIR RNAM SMIN GYI RGYU MA YIN TE, DPER NA SA BON RUL BA DANG, RLAN DANG BRAL BA'I SA BON GRUNG PO BZHIN NO, ,DE GNYIS LAS GZHAN PA'I 'DUS BYAS LHAG MA NI RNAM SMIN GYI RGYU YIN NO, ,MI DGE BA NI LAS DANG NYON MONGS PA GNYIS KA GZUNG STE SA GANG GI SRED PAS RKYEN BYAS PA DER RNAM SMIN 'GRUB PO 'DI'I 'BRAS BU LAS BYAS MA THAG TU 'DREN PA NA MED KYI RGYUN LA LTOS NAS MI 'DRA BA SMIN TE BSKAL BA BRGYAR YANG CHUD MI ZA BAS SO, ,) 'BRAS BU RNAM SMIN 'BYIN PA'I PHYIR RO, ,LUNG MA BSTAN RNAMS NI STOBS CHUNG BA'I PHYIR RNAM SMIN 'BYIN PA MED DE SA BON RUL BA BZHIN NO, ,ZAG MED RNAMS NI SRED PA'I RLAN DANG BRAL BA'I PHYIR RNAM SMIN MI 'BYIN TE RLAN DANG BRAL BA'I SA BON GRUB PO BZHIN NO, ,DES NA 'BRAS BU RNAM SMIN 'BYIN PA'I LAS DE NI RNAM SMIN GYI RGYU YIN NO ZHES SHES PAR BYA'O, , GSUM PA RGYU DE DAG GI DON BSDU BA NI KUN 'GRO DANG SKAL MNYAM GYI RGYU NI (RGYU MTHUN GYI 'BRAS BU SKYED PAS,) 'DAS DA LTA BA'I DUS GNYIS PA KHO NA YIN GYI MA 'ONGS PA NI MED DE, RGYU MTSAN NI BSHAD ZIN PA NYID DO, ,LHAN CIG 'BYUNG BA DANG MTSUNGS LDAN DANG RNAM SMIN GYI RGYU GSUM PO DAG NI DUS GSUM PA YIN NO, ,BYED RGYU'I 'DUS BYAS RNAMS NI DUS GSUM PA DANG, 'DUS MA BYAS DUS KYIS MA BSDUS PA'ANG YOD PA'I PHYIR NGES PA MA BSHAD DO,, 2. 'BRAS BU BSHAD PA, GNYIS PA 'BRAS BU BSHAD PA NI 'DUS BYAS LA RNAM SMIN DANG RGYU MTHUN DANG BDAG PO DANG SKYED PA'I @199 SKYES BU BYED 'BRAS TE PHYED DANG BZHI DANG, 'DUS MA BYAS LA, THOB PA'I SKYES BU BYED 'BRAS DANG ZAG BCAS GNYEN POS BRAL 'BRAS SO SOR BRTAGS 'GOG DANG BCAS PA (PHYED DANG GNYIS SU PHYE BA) NI 'BRAS BU YIN TE, BSTAN BCOS LAS, 'BRAS BU'I CHOS RNAMS GANG ZHE NA, 'DUS BYAS KYI CHOS THAMS CAD DANG, SO SOR BRTAGS PAS 'GOG PA'O ZHES 'BYUNG BA'I PHYIR RO, ,DES NA 'DUS MA BYAS LA NI 'BRAS BU PHYED DANG GNYIS SU 'GYUR RO, ,(NAM MKHA' NI BYA BYED DANG BRAL ZHING THOB BYA MIN LA, BRTAGS MIN NI RKYEN MA TSANG BA TZAM GYIS THOB PAS 'BRAS BU MIN NO,) GAL TE DE LTAR NA BRTAGS 'GOG NI 'DUS MA BYAS YIN LA DE YANG 'BRAS BU YIN PA'I PHYIR DE'I RGYU YANG BRJOD DGOS LA, 'DUS MA BYAS BYED RGYUR 'DOD PA'I PHYIR DE'I 'BRAS BU'ANG BRJOD DGOS SO (DE DAG YOD NA 'DUS BYAS SU 'GYUR RO,,) ZHE NA, 'DUS MA BYAS LA NI ('BRAS BUR BZHAG PA'I TSE,) DE SKYED PA'I RGYU RNAM PA DRUG DANG (RGYUR BZHAG PA'I TSE,) DES BSKYED PAR BYA BA'I 'BRAS BU LNGA PO DE DAG MED PA'I PHYIR BRJOD PAR BYA BA MA YIN NO, ,GAL TE LAM BRAL BA'I BYED RGYU MA YIN NAM ZHE NA, MA YIN TE, DE NI SKYE BA LA GEGS MI BYED PA MIN NA 'DUS MA BYAS LA SKYE BA MED PA'I PHYIR RO, ,DES NA 'DUS MA BYAS NI RGYU 'BRAS BTAGS PA BA YIN NO, ,'O NA MDO LAS, DBANG PO LNGA PO 'DI DAG KUN TU BSTEN, GOMS PAR BYAS, LAN MANG DU BYAS NA 'DAS PA DANG MA 'ONGS PA DANG DA LTAR BYUNG BA'I SDUG BSNGAL SPANGS PAR 'GYUR RO ZHES GSUNGS PA DANG 'GAL TE, SDUG BSNGAL SPANGS PA NI 'GOG PA YIN PA'I PHYIR DANG, DE LAM GYIS BYED PAR BSHAD PA'I PHYIR RO ZHE NA, DER YANG LAM GOMS PAS NYON MONGS PA PHYIS SKYE BA LA GEGS BYED PA'I PHYIR DANG, NYON MONGS DANG BRAL BA'I RNAM GROL GYI YE SHES BSKYED PA'I PHYIR DANG, LAM GYI STOBS KYIS 'GOG PA DE YANG MNGON DU BYED PA'I PHYIR DE LTAR GSUNGS KYI 'GOG PA GSAR DU SKYED PA NI MA YIN TE, 'DUS BYAS SU THAL BA'I PHYIR RO, ,'O NA 'BRAS BU DE DAG RGYU GANG GI YIN ZHE NA, RNAM SMIN GYI 'BRAS BU NI RGYU THA MA RNAM SMIN GYI RGYU'I YIN NO, ,BDAG PO ('AM DBANG BYED PA) 'I 'BRAS BU NI RGYU DANG PO BYED RGYU'I YIN NO, ,RGYU MTHUN GYI 'BRAS BU NI SKAL MNYAM DANG KUN DU 'GRO BA'I RGYU GNYIS KYI YIN NO, ,(SKYES BUS LAS BYED PA LTAR GYU RKYEN TSOGS PA'ANG DE DANG 'DRA BAS,) SKYES BU'I BYED PA CAN GYI 'BRAS BU NI LHAN CIG 'BYUNG BA DANG MTSUNGS LDAN GYI RGYU GNYIS KYI YIN NO, ,DE YANG RGYU GNYIS PO DE LA 'BRAS BU GZHAN NGES PA MED PA'I PHYIR DANG, DE NI NGES PA'I PHYIR DE LTAR BSTAN GYI DE GNYIS KHO NA'I 'BRAS BU NI MA YIN TE, ('DI DAG GTZO CHE BA'I DBANG DU BYAS KYI DUS GCIG TU NGES PA MED DE 'DUS BYAS THAMS CAD LA BDAG BYED GNYIS @200 KA YOD LA SKYES NA'ANG DUS MI MNYAM YOD PAS SO,,) BYED RGYU DANG SKAL MNYAM KUN 'GRO RNAMS KYIS KYANG SKYES BU BYED PA'I 'BRAS BU SKYED PA'I PHYIR, 'BRAS BU DE DAG (GI MTSAN NYID,) GANG ZHE NA, RNAM SMIN GYI 'BRAS BU NI MA BSGRIBS LA LUNG DU MA BSTAN PA'I CHOS YIN NO, ,DE TZAM NI PHYI'I 'BYUNG BA DANG 'BYUNG 'GYUR LA'ANG YOD PAS SEMS CAN GYI RGYUD KYIS BSDUS PA'I CHOS SU BRJOD DO ZHES GSUNGS SO, ,(DE YANG LAS BYED PA POS MYONG BAS SO,) DA LTA NA DBANG BO LA SOGS PA'I RGYAS PA DANG RGYU MTHUN LAS BYUNG BA'ANG DER THAL BAR 'GYUR BAS RGYU LUNG BSTAN PA DGE MI DGE LAS BYUNG BA (DANG) ZHES GSUNGS SO, ,DE TZAM NI TING NGE 'DZIN GYIS RGYAS PA ('I DBANG PO'I 'BYUNG BA,) DANG SPRUL SEMS LA'ANG YOD (SPRUL SEMS KYIS NI DE THAG TU SPRUL BA 'DREN CING SA THA DAD PA YOD PA'I PHYIR RO,,) PAS DE GSAL BA'I PHYIR DGE BA DANG MI DGE BA LAS DUS PHYIS (LAS KYI NUS PA SMIN NAS,) 'BYUNG BA SMOS PA YIN NO, , DE NI LAS GYI RNAM SMIN YANG YIN LA 'BRAS BU'ANG YIN PA'I PHYIR RNAM SMIN GYI 'BRAS BU'O, ,RGYU MTHUN GYI 'BRAS BU NI RGYU DANG 'DRA BA (PHYIS SKYES PA,) STE, DE YANG ZAG BCAS LA NI NGO BO DANG RIS DANG SA 'DRA BA YIN LA, (DE YANG KUN 'GRO SKYED PA NI SA DANG NYON MONGS CAN DU 'DRA LA SKAL MNYAM GYI SKYED PA NI RIS DANG RNAM PA'ANG 'DRA'O, ,) ZAG MED LA NI NGO BO 'DRA BA YIN TE SKAL BA MNYAM PAR BSHAD PA BZHIN NO, ,BRAL BA'I 'BRAS BU NI BLO YIS TE SHES RAB KYI STOBS KYIS SPANGS BYA ZAG BCAS ZAD PA STE SO SOR BRTAGS PAS 'GOG PA'O, ,RGYU GANG GI STOBS KYIS 'BRAS BU GANG SKYE BA'I 'BRAS BU DE NI SKYES BU'I BYED PA LAS SKYES PA'I 'BRAS BU ZHES BYA STE, LAM GYIS SO SOR BRTAGS 'GOG THOB PA LA NI GANG GI STOBS KYIS GANG 'THOB PA DE NI ZHES BRJOD PAR BYA'O, ,RGYU DE NI 'BRAS BU LA SKYES BU'I BYED PA DANG 'DRA BA'I PHYIR SKYES BU BYED PA STE SMAN SER PO KHRA RKANG DANG NAG PO BYA ROG RKANG LA SOGS PA LTA BU'O,, 'DI YANG KHA CIG GIS NI RGYU'I DE MA THAG GAM CIG CAR DU 'BYUNG BA LA 'DOD DE, (DE YANG SKYED PA'I SKYES BU BYED 'BRAS NI,) SA 'OG MA'I SBYOR BA'I SEMS KYIS SA GONG MA'I TING NGE 'DZIN DANG, 'JIG RTEN CHOS MCHOG GI RJES SU MTHONG LAM 'BYUNG BA LA SOGS PA DANG, LHAN CIG 'BYUNG BA'I RGYU LAS 'BRAS BU 'BYUNG BA LTA BU'O, ,(BSAM GTAN GYI SEMS KYIS SPRUL SEMS LTA BU'O, ,THOB PA'I SKYES BU BYED 'BRAS NI, ,GANG GI STOBS KYIS GANG THOB PA'I, ,'BRAS DE SKYES BU'I BYED LAS THOB, ,CES BRJOD DE, NGA'I NOR SKYES SO ZHES NOR THOB PA LA'ANG SKYES PA'I SGRA BRJOD PA BZHIN NO, ,DE LA GANG MTHONG SPANG SPANGS PA NI 'PHAGS PA MTHAR GYIS PA'I SKYES BU BYED PA DANG BRAL 'BRAS GNYIS KA DANG, CHAGS BRAL SNGON 'GRO NI @201 SKYES BU BYED 'BRAS KHO NA'O,,) KHA CIG NI CHOD PA'I RGYU LAS KYANG SKYES BU BYED PA'I 'BRAS BU 'BYUNG STE ZHING PA RNAMS KYIS LO TOG LTA BU'O, ,ZHES ZER TE, 'DI LTAR NA 'BRAS BU THAMS CAD LA SKYES BU BYED PAS KHYAB PAR 'DOD DO, ,(DE LA 'BRAS BU SNGA NA RGYU DON MED DU THAL BAS RGYU LA LTOS NAS,) SNGON BYUNG BA MA YIN PA'I 'DUS BYAS GSAR DU SKYES PA (RGYU DANG DUS MNYAM PA DANG PHYIS BYUNG BA,) THAMS CAD NI 'DUS BYAS THAMS CAD KYI BDAG PO'I 'BRAS BU YIN NO, ,('DUS MA BYAS LA 'BRAS BU 'DZIN PA DANG SMIN PA'I MTHU MED PAS,) 'DUS MA BYAS KYI MA YIN PA'I PHYIR KHO NA ZHES SMOS PA YIN NO, ,'O NA SKYES BU BYED 'BRAS DANG KHYAD PAR CI YOD CE NA, BYE BRAG TU SMRA BA NI (SKYE BU BYED 'BRAS NI BYED PA PO KHO NA'I 'BRAS BU YIN LA BDAG 'BRAS NI BYED PA PO LAS GZHAN GYI'ANG YIN LA GZHAN YANG,) SKYES BU BYED 'BRAS NI BZO RNAMS NI BZO'I SKYES BU BYED PA DANG BDAG 'BRAS GNYIS KA DANG, SPRUL PA RNAMS NI BSAM GTAN GYI SKYES BU BYED 'BRAS DANG BDAG 'BRAS GNYIS KA YIN GYI GZHAN GYI NI SKYES BU BYED 'BRAS MA YIN NO, , ZHES SO SOR NGES PA YIN LA, BDAG PO NI DE DAG KYANG 'DUS BYAS THAMS CAD KYI BDAG 'BRAS YIN TE, DE DAG SKYE BA LA 'DUS BYAS THAMS CAD MI SGRIB PAR GNAS PA'I PHYIR RO, ,ZHES 'DOD DE, DE LTA NA 'DUS MA BYAS KYI BDAG 'BRAS SU'ANG THAL BAR 'GYUR BAS KUN BRTAGS SO, ,'ON KYANG BDAG 'BRAS NI SPYI DANG GZHAN NI BYE BRAG YIN NO, ,RGYUS 'BRAS BU SKYED PA'I TSUL NI BYED RGYU LAS GZHAN PA'I RGYU LNGA PO DA LTAR BA NI 'BRAS BU (SA BON NAM,) NUS PA'I TSUL DU 'DZIN PA YIN NO, ,('BRAS BU 'DZIN PA NI 'BRAS BU SKYED PA'I NUS PA MTHU CAN YIN PAS 'BRAS BU 'BYIN PA NI 'BRAS BU DNGOS SU SKYED PA'O,,) ,'DAS PA NI (GZUNG ZIN PAS,) BYA BA 'GAGS PA'I PHYIR DANG, MA 'ONGS PA BYA BA MA SKYES PA'I PHYIR DANG, BYED RGYU NI (DA LTAR BA DE DANG 'DRA MED KYANG,) 'BRAS BU DANG BCAS PA LA NGES PA'I PHYIR NUS PA CAN DU MA BRJOD DO, ,'BRAS BU JI LTAR 'BYIN ZHE NA, LHAN CIG 'BYUNG BA DANG MTSUNGS LDAN GYI GNYIS NI 'BRAS BU 'DZIN 'BYIN DUS MNYAM PAS 'BRAS BU DA LTAR (GYI, LAS KHO NAS,) DU RAB TU 'BYIN PAR BYED PA'ANG YIN NO, ,DE LA 'BYIN PA NI SKYED PA STE RGYU DANG DUS MNYAM DU 'BRAS BU SKYED PA ZHES BYA BA'I DON TO, ,DA LTAR GYI RGYU DANG 'DAS PA'I RGYUS 'BRAS BU 'BYIN PA NI SKAL MNYAM DANG KUN 'GRO'I RGYU DAG GIS TE, DA LTAR 'BYIN PA NI (MJUG THOGS,) DE MA THAG TU 'BYIN PA YIN LA, 'DAS PAS 'BYIN PA NI BAR CHOD PA DAG YIN GYI DUS MNYAM PA NI MED DE, 'DI DAG NI RGYU MTHUN GYI 'BRAS BU SKYED PA YIN NA DE NI RIGS 'DRA BA PHYI MA SKYED PA LA 'DOD PA'I PHYIR RO, ,DES NA 'DIR DAG CES PA NI GNYIS KYI SGRA @202 YIN PAS GNYIS NI DA LTAR 'DAS PA DAG GIS ZHES GDON PAR BYA'O, ,(GAL TE DGE BA'I SKAL MNYAM GYI RGYU 'BRAS BU 'DZIN LA MA 'BYIN PA YOD DAM ZHE NA MU BZHI STE, MU DANG PO 'DZIN LA MI 'BYIN PA NI DGE RTZA GCOD PA NA DGE BA'I THOB PA THA MA'O, ,GNYIS PA 'BYIN LA MI 'DZIN PA NI NYING MTSAMS SBYOR BA'I TSE'I DGE BA'I THOB PA DANG PO'O, ,GSUM PA GNYIS KA YIN PA NI DGE RTZA MA CHAD PA'I GNAS SKABS LHAG MA'O, ,BZHI PA GNYIS MIN NA DE DAG MA GTOGS PA STE, GANG SA LAS NYAMS PA'AM, DGE RTZA CHAD PA'I GNAS SKABS SO,,) RNAM PAR SMIN PA'I RGYU GCIG PU NI 'DAS PA KHO NAS 'BRAS BU 'BYIN PAR 'GYUR GYI DUS MNYAM PA DANG DE MA THAG TU 'BYIN PA NI MED DO, , CHOS MNGON PA BA KHA CIG RTEN GYI 'BRAS BU RLUNG GI DKYIL 'KHOR LA CHU BRTEN PA LA SOGS PA DANG, SBYOR BA'I 'BRAS BU LAM SNGA MAS PHYE MA SKYED PA DANG, TSOGS PA'I 'BRAS BU MIG LA SOGS PA'I MIG GI RNAM SHES LA SOGS PA DANG, BSGOMS PA'I 'BRAS BU GZUGS NA SPYOD PA'I LAM GYI SPRUL PA'I SEMS LTA BU'O ZHES ZER BA NI SKYES BU BYED 'BRAS DANG BDAG 'BRAS KYI BYE BRAG YIN NO, ,YANG RGYU DU ZHIG GIS 'BRAS BU GANG ZHIG SKYED CE NA, 'BRAS BU RNAMS NI MTSUNGS LDAN SEMS DANG SEMS BYUNG DANG, DE MA YIN PA GNYIS SU NGES SO, ,DE DAG KYANG RNAM PA BZHI BZHIR NGES TE, NYON MONGS CAN DANG, RNAM SMIN SKYES DANG, ZAG MED DANG PO DANG, DE DAG GI LHAG MA'O, ,DE LA MTSUNGS LDAN SEMS SEMS BYUNG NYON MONGS CAN (MI DGE BA DANG BSGRIBS PA,) NI RIM PA BZHIN DU RNAM SMIN GYI RGYU MA GTOGS PA LHAG MA LNGA LAS SKYE STE RNAM SMIN GYI RGYU LAS MI SKYE BA NI NYON MONGS CAN RNAM SMIN GYI 'BRAS BUR MI RIGS PA'I GTAN TSIGS KYI PHYIR RO, ,RNAM PAR SMIN PA LAS SKYES PA RNAMS NI RIM PA BZHIN DU KUN 'GRO'I RGYU MA GTOGS PA LHAG MA LNGA LAS SKYE STE, KUN 'GRO LAS MI SKYE BA NI NYON MONGS CAN MA YIN PA'I PHYIR RO, ,LHAG MA NI RNAM SMIN SKYES MA GTOGS PA'I MA BSGRIBS LUNG MA BSTAN SPYOD LAM PA DANG, BZA'I GNAS PA DANG, SPRUL SEMS LA SOGS PA RNAMS DANG, ZAG MED KYI SKAD CIG MA DANG PO LAS GZHAN PA'I DGE BA RNAMS TE, DE DAG NI RIM PA BZHIN DU RNAM SMIN DANG KUN 'GRO'I RGYU DE GNYIS MA GTOGS PA LHAG MA BZHI LAS SKYE STE, DE GNYIS LAS MI SKYE BA NI (RIG PA GANG ZHIG) RNAM SMIN SKYES DANG NYON MONGS CAN MA YIN PA'I PHYIR RO, ,DANG PO 'PHAGS PA NI SDUG BSNGAL LA CHOS SHES PA'I BZOD PA'I SKAD CIG MA DANG PO STE DE'I SEMS DANG SEMS LAS BYUNG BA NI RIM PA BZHIN DU RNAM SMIN DANG KUN 'GRO'I RGYU DE GNYIS DANG SKAL MNYAM GYI RGYU MA GTOGS PA LHAG MA GSUM LAS SKYE STE, SKAL MNYAM LAS MI SKYE BA NI 'JIG RTEN @203 CHOS MCHOG MAN CHAD ZAG BCAS YIN PAS (RIGS 'DRA SNGON DU SONG PAS,)DE DAG GI RGYU MTHUN LAS MA BYUNG BAS RIS MI 'DRA BA'I PHYIR RO, ,RNAM SMIN DANG KUN 'GRO LAS MI SKYE BA NI DE DGE BA YIN PA'I PHYIR RO, ,DE DAG NI SEMS DANG SEMS LAS BYUNG BA'I DBANG DU BYAS PA YIN NO, ,JI LTAR SEMS DANG SEMS BYUNG LA BSHAD PA LTAR SEMS DANG SEMS BYUNG LAS GZHAN LA'ANG DE BZHIN DU SHES PAR BYA'O ZHES SBYAR TE, DE LA GZHAN NI MI LDAN PA'I 'DU BYED DANG GZUGS SO, ,THAMS CAD DU 'DRA'AM ZHE NA, MTSUNGS LDAN GYI RGYU NI MA GTOGS TE, DE DAG NI (BEMS PO YIN PAS,) SEMS DANG SEMS BYUNG MA YIN PA'I PHYIR DANG, MTSUNGS LDAN GYI RGYU YANG DE DAG LA BRJOD PA'I PHYIR RO, ,ZAG MED SKAD CIG MA DANG PO'I GZUGS DANG MI LDAN PA'I 'DU BYED NI ZAG MED KYI SDOM PA DANG POR THOB PA DANG SEMS SEMS BYUNG DANG SDOM PA DE DAG GI THOB PA DANG MTSAN NYID LA SOGS PA LA 'DOD DO, ,GZHAN DAG NI SHES PAR SLA'O, , 3. RKYEN BSHAD PA, GSUM PA RKYEN BSHAD PA LA LNGA LAS MDOR BSTAN PA NI RKYEN NI BZHI PO DAG TU GSUNGS SO ZHES BYA STE, GANG LAS GSUNGS SHE NA, MDO LAS RKYEN NI BZHI STE, RGYU'I RKYEN NYID DANG, DE MA THAG PA'I RKYEN NYID DANG, DMIGS PA'I RKYEN NYID DANG, BDAG PO'I RKYEN NYID DO ZHES GSUNGS SO, ,'O NA DE LA 'DIR RGYU DANG RKYEN GYI KHYAD PAR GANG ZHE NA, KHA CIG NA RE 'BRAS BU SKYES PA NA RANG GI RGYUN LDOG PA DANG MI LDOG PA DANG, 'BRAS BU LA THUN MONG MA YIN PA DANG THUN MONG GI SGO NAS PHAN 'DOGS PA NI RIM PA LTAR DE GNYIS YIN NO ZHES ZER BA DANG, t'IKA BYED DAG GIS KYANG NYE BA'I RKYEN NI RGYU YIN NO, , RING BA NI RKYEN KHO NA YIN NO, ,GZHAN DAG NA RE SKYED PAR BYED PA NI RGYU'O, ,RKYEN NI DMIGS PA TZAM DU ZAD DO ZHES ZER RO ZHES BYA BA LA SOGS PA BSHAD MOD KYI 'DIR BYE BRAG TU SMRA BA NI 'DI GNYIS MING GI RNAM GRANGS TZAM LAS KHYAD PAR MED PAR 'DOD DE, t'IKA DON GSAL LAS, RGYU RNAMS DANG RKYEN RNAMS LA KHYAD PAR CI ZHIG YOD CE NA, SMRAS PA, CUNG ZAD KYANG MED DE, 'DI LTAR BCOM LDAN 'DAS KYIS RGYU GNYIS DANG RKYEN GNYIS NI YANG DAG PA'I LTA BA SKYED PAR BYED PA YIN NO, ,GNYIS GANG ZHE NA, GZHAN GYI SGRA DANG, NANG GI TSUL BZHIN YID LA BYED PA'O ZHES PA DANG, DGE @204 SLONG DAG MING NI RGYU DANG BCAS, RKYEN DANG BCAS, GZHI DANG BCAS PA YIN NO, ,DGE SLONG DAG MIG GI RGYU NI GANG YIN, RKYEN NI GANG YIN, GZHI NI GANG YIN ZHE NA, DGE SLONG DAG MIG GI RGYU NI LAS YIN NO, ,RKYEN NI LAS YIN NO, GZHI NI LAS YIN NO ZHES DANG, DE BZHIN DU MA RIG PA'I RGYU RKYEN TSUL BZHIN MA YIN PA YID LA BYED PA LA'ANG (SBYAR NAS,) RGYAS PAR GSUNGS SO, , DES NA RGYU DANG RKYEN DANG GZHI DANG BYED RGYU DANG RGYU MTSAN DANG RTAGS RGYU DANG 'BRAS GNAS ZHES BYA BA NI RNAM GRANGS DAG YIN NO ZHES BSHAD PA'I PHYIR RO, ,DES NA 'BRAS BU SKYED PA DANG 'GRUB PAR BYED PAS NA RIM PA LTAR RGYU DANG RKYEN DU BRJOD KYI DON LA THA DAD MED PAR SHES PAR BYA'O, ,'ON KYANG BCOM LDAN 'DAS KYIS LA LAR RGYU DRUG DANG, LA LAR RKYEN BZHIR GSUNGS PA NI PHUNG PO KHAMS DANG SKYE MCHED BSTAN PA LTAR GDUL BYA'I MOS PA DANG BSTUN PA'I PHYIR RO, , RGYAS PAR BSHAD PA NI RKYEN BZHI PO DE DAG KYANG GANG ZHE NA, DE LA RGYU'I RKYEN ZHES BYA BA NI BYED RGYU MA GTOGS PA RGYU LNGA YIN NO, ,SEMS DANG SEMS LAS BYUNG BA RNAMS NI MTSUNGS PA DE MA THAG PA'I RKYEN YIN NO ZHES SBYAR RO, ,THAMS CAD DAM ZHE NA, DGRA BCOM PA MYA NGAN LAS 'DA' KA MA'I SEMS DANG SEMS LAS BYUNG BA'I THA MA NI MTSUNGS PA DE MA THAG PA'I RKYEN MIN TE, SEMS SEMS BYUNG RGYUN CHAD PAR 'DOD PA'I PHYIR RO, ,'DIR RDZAS MTSUNGS PA'I PHYIR MTSUNGS PA ZHES BYA STE, RNAM PAR SHES PA GCIG GI DE MA THAG TU RNAM PAR SHES PA GCIG DANG, TSOR BA GCIG GI DE MA THAG TU TSOR BA GCIG ('BYUNG BA,) LA SOGS PA'O, ,DE'I PHYIR GZUGS LA NI DE MA THAG PA'I RKYEN MA BSHAD DE, (MI MNYAM PAR 'BYUNG BAS,) RDZAS MI MTSUNGS PA'I PHYIR RO, ,DES NA RKYEN 'DI NI MTSUNGS PA'ANG YIN LA DE MA THAG PA'ANG YIN PAS MTSUNGS PA DE MA THAG RKYEN ZHES BYA'O, ,DE YANG BTZUN PA DBYIG BSHES NI (MI MNYAM PA'I DON,) RGYAS BYUNG GI GZUGS KYI RGYUD GCIG MA 'GAGS PAR RGYAS BYUNG GNYIS PA 'BYUNG BA'I PHYIR RO (DES NA 'CHOL LO,) ZHES 'DOD DE, DE'I DON NI ZAS KYIS RGYAS PA MA 'GAGS PAR GNYID DANG LEGS PAR BYA BA DANG TING NGE 'DZIN GYIS RGYAS PA 'BYUNG BA'I PHYIR RO ZHES BYA'O, ,MDO SDE PA'I GNAS BRTAN BTZUN PA NA RE MANG PO LAS NYUNG NGU DANG, NYUNG NGU LAS KYANG MANG PO 'BYUNG BA'I PHYIR TE, SOG MA LAS THAL BA NYUNG NGU DANG, N+YA GRO DHA'I SA BON LAS YAL GA LA SOGS PA MANG PO 'BYUNG BA BZHIN NO, ,ZHES ZER RO, ,'GREL PA LAS MI MNYAM PAR 'BYUNG BA'I PHYIR GZUGS NI MTSUNGS PA DE MA THAG PA'I RKYEN MA YIN TE, 'DI LTAR 'DOD PA NA SPYOD PA'I GZUGS KYI MJUG THOGS SU RES 'GA' NI 'DOD @205 PA NA SPYOD PA DANG, GZUGS NA SPYOD PA'I RNAM PAR RIG BYED MA YIN PA'I GZUGS 'BYUNG NGO, ,RES 'GA' NI 'DOD PA NA SPYOD PA DANG, ZAG PA MED PA 'BYUNG BAS GZUGS MNGON DU 'GYUR BA 'CHOL PA YIN NO, ,MTSUNGS PA DE MA THAG PA'I RKYEN NI 'CHOL PA MA YIN NO ZHES 'BYUNG STE, DE'I DON NI SO SO THAR PA'I SDOM PA BLANGS NAS GAL TE MNYAM PAR MA BZHAG NA NI SO SO THAR PA'I SDOM PA KHO NA 'BYUNG LA, GAL TE DES ZAG BCAS KYI BSAM GTAN LA MNYAM PAR BZHAG NA BSAM GTAN GYI SDOM PA 'BYUNG LA, 'ON TE (MNYAM PAR MA BZHAG PA DANG ZAG BCAS DANG,) ZAG MED KYI BSAM GTAN LA SNYOMS PAR ZHUGS MA (RIM PA LTAR SO SO THAR PA KHO NA DANG BSAM GTAN DANG,) ZAG MED KYI SDOM PA'I GZUGS 'BYUNG BAS 'CHOL BA YIN NO ZHES BYA BA YIN MOD KYI DE NI SEMS DANG SEMS BYUNG LA'ANG MTSUNGS TE, 'DOD PA NA SPYOD PA'I SEMS (DANG,) SEMS BYUNG LAS RES 'GA' 'DOD PA NA SPYOD PA DANG, RES 'GA' GZUGS NA SPYOD PA DANG, RES 'GA' ZAG MED KYI SEMS (DANG) SEMS BYUNG (LA NYER GNYIS SOGS KYANG,) 'BYUNG BA'I PHYIR RO, ,DE'I PHYIR SNGA MA DAG LEGS PAR MNGON NO, ,DE'I PHYIR MTSUNGS PA NI (TSOR BA RIS GNYIS MI 'BYUNG BA LA SOGS,) RDZAS MTSUNGS PA DANG, DE MA THAG PA NI 'BRAS BU DE MA THAG TU SKYED PA'O, ,(MI LDAN PA'I 'DU BYED RNAMS KYANG 'CHOL TE KHAMS GSUM PA DANG, ZAG MED RNAMS DUS CIG CAR MNGON DU 'GYUR BAS SO,) DE YANG SKYES PA ('DAS DA LTAR,) RNAMS KHO NA YIN GYI MA 'ONGS PA NI MA YIN TE, MA 'ONGS PA LA SNGA PHYI MED PA'I PHYIR DANG, (DA LTAR BA DA LTAR BA'I DE MA THAG RKYEN MIN PA BZHIN NO,,) DE MA THAG PA'I RKYEN YANG SNGA PHYI LA RNAM PAR BZHAG PA'I PHYIR RO, ,GAL TE MA 'ONGS PA LA SNGA PHYI MED NA RIM PAR MI 'BYUNG BA DANG, DE SANGS RGYAS KYIS ('DI'I RJES SU 'DI 'BYUNG ZHES,) RIM CAN DU MI MKHYEN PAR 'GYUR RO ZHE NA MA YIN TE, SPYIR RGYU DANG 'BRAS BU 'BREL BA'I PHYIR 'BYUNG BA NA RIM PAR SKYE LA, DE SANGS RGYAS KYIS MKHYEN PA NI 'DAS PA DANG DA LTA BA'I RIM PA DNGOS SU MKHYEN PA'I SHUGS LA MKHYEN PA'AM 'DAS DA LTAR LAS RJES SU DPAGS PAS MKHYEN TO ZHES KHA CIG 'DOD LA, KHA CIG NI (SEMS CAN GYI RGYUD LA,) MA 'ONGS PA RIM PAR 'BYUNG BA'I 'BRAS BU'I RTAGS SU GYUR PA MI LDAN PA'I 'DU BYED KYI KHYAD PAR ZHIG YOD DE, DE MNGON SUM DU MKHYEN NAS MA 'ONGS PA'I RIM PA MKHYEN PA YIN GYI, DA LTAR BA'I YE SHES KYIS MA 'ONGS PA'I RIM PA DNGOS SU MKHYEN PA NI MA YIN TE, MA 'ONGS PA'I TSE NI RIM PA MED PA'I PHYIR RO, , MA 'ONGS PA LA RIM PA GSUNGS PA NI DE DAG SKYES PA NA RIM PAR 'BYUNG BAR 'GYUR BA YIN NA SKYES @206 PA NI 'DAS DA LTAR BAR 'GYUR BA'I PHYIR ZHES 'DOD DE, MA 'ONGS PA'I RIM PA 'DAS DA LTAR BA'I SHUGS LA MKHYEN PAR 'DOD PA LA NI SNGON GYI MTHA' MA MKHYEN PAR PHYI MA'I MTHA' MI MKHYEN PAR THAL BA'I SKYON YOD DO, ,BCOM LDAN 'DAS KYIS MA 'ONGS PA CHE GE MO ZHIG GI MJUG THOGS SU MA 'ONGS PA 'DI 'BYUNG NGO ZHES MA 'ONGS PA RIM PAR 'BYUNG BA'I 'BRAS BU'I RTAGS MKHYEN PA LAS MKHYEN PAR 'DOD PA LA NI SANGS RGYAS LA RJES SU DPAG PA YOD PAR THAL BA DANG, RGYU BAS LNGA BA'I 'BRAS BU SRID PAR THAL BA'I SKYON YOD DO, ,GAL TE 'DAS PA'I SEMS DANG SEMS BYUNG RANG GI DUS NA MTSUNGS PA DE MA THAG PA NYID DU BYUNG NGO ZHES 'DOD NA MA 'ONGS PA'I SEMS DANG SEMS BYUNG RNAMS KYANG RANG GI DUS NA 'BYUNG BAR 'GYUR BA'I PHYIR MA 'ONGS PA'ANG DE MA THAG PA'I RKYEN DU 'GYUR RO, ,MA 'ONGS PA MA SKYES PAS DA LTAR BA'I TSE NA RKYEN MA YIN PAR 'DOD NA NI 'DAS PA'ANG MA YIN PAR 'GYUR TE 'GAGS PA'I PHYIR RO, ,BYA BA 'GAGS KYI DNGOS PO MA 'GAGS SO ZHES BYA BA'ANG LAN MA YIN TE, MA 'ONGS PA LA'ANG MTSUNGS PA'I PHYIR RO, ,'DIS NI SKAL MNYAM DANG KUN 'GRO MA 'ONGS PA LA MI 'DOD PA'ANG BKAG PAR LTA'O, , 'DIR 'GREL PA LAS, SEMS KYI MTSUNGS PA DE MA THAG PA CAN DANG SEMS KYI DE MA THAG PA CAN GYI MU BZHI DANG, SEMS KYI MTSUNGS PA DE MA THAG PA CAN DANG SNYOMS 'JUG GNYIS KYI DE MA THAG PA CAN GYI MU BZHI GNYIS BSHAD DO, ,DE LA DANG PO NI CHOS GANG DAG SEMS KYI MTSUNGS PA DE MA THAG PA CAN YIN PA DE DAG SEMS KYI DE MA THAG PA CAN YANG YIN NAM ZHE NA, MU BZHI STE, DE LA MU DANG PO NI SEMS MED KYI SNYOMS 'JUG GNYIS LAS LTA BA'I SEMS DANG, SNYOMS 'JUG GNYIS KYI SKAD CIG MA GNYIS PA LA SOGS PA STE, ('JUG SEMS KYIS BSKYED KYANG BAR DU CHOD PA'I PHYIR RO,) DE LA LDANG SEMS NI SNYOMS 'JUG GI SKAD CIG MA RNAMS KYIS BAR DU CHOD KYANG SEMS GZHAN GYIS BAR DU MA CHOD PA'I PHYIR DANG, SNYOMS 'JUG GNYIS KYI SKAD CIG MA GNYIS PA LA SOGS PA NI GSUM GYIS SNYOMS PAR 'JUG PA GNYIS ZHES 'BYUNG BAS SEMS KYI MTSUNGS PA DE MA THAG PA CAN YIN LA, LDANG SEMS NI SNYOMS 'JUG GI SKAD CIG MA RNAMS KYIS BAR DU CHOD PA'I PHYIR DANG, SNYOMS 'JUG GNYIS KYI SKAD CIG MA GNYIS PA LA SOGS PA NI CI RIGS PAR SNYOMS 'JUG GNYIS KYI SKAD CIG MA DANG PO LA SOGS PAS BAR DU CHOD PA'I PHYIR SEMS KYI DE MA THAG PA CAN NI MA YIN NO, ,MU GNYIS PA NI SEMS MED KYI SNYOMS 'JUG GNYIS KYI SKAD CIG MA DANG PO 'I SKYE BA LA SOGS PA'I MTSAN NYID DANG RJES SU MTHUN PA'I MTSAN NYID DANG THOB PA @207 LA SOGS PA DANG, SEMS DANG BCAS PA'I GNAS SKABS KYI SEMS DANG SEMS BYUNG THAMS CAD KYI SKYE BA LA SOGS PA'I MTSAN NYID DANG RJES SU MTHUN PA'I MTSAN NYID DANG THOB PA LA SOGS PA RNAMS TE, DE DAG NI SEMS SNGA MA DANG GNYIS KYI BAR DU SKAD CIG MA GZHAN GYIS BAR DU MA CHOD PA'I PHYIR SEMS KYI DE MA THAG PA CAN YIN LA, SEMS KYI MTSUNGS PA DE MA THAG PA CAN GYI NGO BO MA YIN PAS SEMS KYI MTSUNGS PA DE MA THAG PA CAN NI MA YIN TE, SEMS KYI MTSUNGS PA DE MA THAG PA CAN NI SEMS DANG SEMS BYUNG RNAMS DANG SEMS MED KYI SNYOMS 'JUG GNYIS KHO NA YIN PA'I PHYIR RO, ,'DU SHES MED PA PA NI SEMS KYIS MNGON PAR 'DUS MA BYAS PAR LAS KYI MTHUS SKYE BA'I PHYIR BSTAN BCOS LAS SEMS KYI MTSUNGS PA DE MA THAG PA CAN YIN PAR MI 'BYUNG NGO ZHES RGYAL PO'I SRAS 'CHAD DO, ,MU GSUM PA NI SEMS MED KYI SNYOMS 'JUG GNYIS KYI SKAD CIG MA DANG PO DANG, SEMS DANG BCAS PA'I GNAS SKABS KYI SKAD CIG MA GZHAN GYIS BAR MA CHOD PAR SEMS SNGA MA'I MJUG THOGS SU SEMS DANG SEMS BYUNG PHYI MA 'BYUNG BA RNAMS TE, DE DAG NI RIM PA LTAR SEMS KYI MTSUNGS PA DE MA THAG RKYEN GYIS BSKYED PA'I 'BRAS BU YIN PA'I PHYIR DANG, SEMS SNGA MA'I RJES SU SKAD CIG MA GZHAN GYIS BAR DU MA CHOD PAR DE MA THAG TU 'BYUNG BA'I MTSUNGS LDAN YIN PA'I PHYIR SEMS KYI MTSUNGS PA DE MA THAG PA CAN YANG YIN LA SEMS KYI DE MA THAG BA CAN YANG YIN NO, , MU BZHI PA NI SEMS MED KYI SNYOMS 'JUG GNYIS KYI SKAD CIG MA GNYIS PA LA SOGS PA'I SKYE BA LA SOGS PA'I MTSAN NYID DANG THOB PA LA SOGS PA DANG, SNYOMS 'JUG GNYIS LAS LDANG SEMS KYI SKYE BA LA SOGS PA'I MTSAN NYID DANG THOB PA LA SOGS PA STE, DE DAG NI SEMS DANG SEMS BYUNG DANG SNYOMS 'JUG GNYIS MA YIN PAS SEMS KYI MTSUNGS PA DE MA THAG PA CAN YANG MA YIN LA, SNYOMS 'JUG GI SKAD CIG MA DANG PO LA SOGS PAS BAR DU CHOD PA'I PHYIR SEMS KYI DE MA THAG PA CAN YANG MA YIN NO,, MU BZHI GNYIS PA NI CHOS GANG DAG SEMS KYI MTSUNGS PA DE MA THAG PA CAN YIN PA DE DAG SNYOMS 'JUG GNYIS KYI DE MA THAG PA CAN YANG YIN NAM ZHE NA, 'DI LA'ANG MU BZHI LAS MU DANG PO NI SNYOMS 'JUG GNYIS KYI SKAD CIG MA DANG PO DANG, SEMS DANG BCAS PA'I GNAS SKABS KYI SEMS SNGA MA'I MJUG THOGS SU SKAD CIG MA GZHAN GYIS BAR DU MA CHOD PAR SEMS DANG SEMS BYUNG PHYI MA BYUNG BA RNAMS TE, DE DAG NI RIM PA LTAR GSUM GYIS SNYOMS PAR 'JUG PA GNYIS ZHES PA DANG, BZHI YIS SEMS DANG SEMS BYUNG RNAMS ZHES 'BYUNG BAS SNYOMS 'JUG GNYIS YIN PAS SEMS KYI MTSUNGS PA DE MA THAG @208 RKYEN GYIS BSKYED PA'I 'BRAS BU YIN PA'I PHYIR DANG, SEMS SNGA MA'I RJES SU SKAD CIG MA GZHAN GYIS BAR DU MA CHOD PAR DE MA THAG TU BYUNG BA'I MTSUNGS LDAN YIN PAS SEMS KYI MTSUNGS PA DE MA THAG RKYEN GYIS BSKYED PA'I PHYIR SEMS KYI MTSUNGS PA DE MA THAG PA CAN NI YIN LA, SNYOMS 'JUG GNYIS KYI DE MA THAG PA CAN NI MA YIN TE, SNYOMS 'JUG GNYIS KYI SKAD CIG MA DANG PO LA SNYOMS 'JUG GI SKAD CIG MA SNGA MA SNGON DU SONG BA MED PA'I PHYIR DANG, SEMS DANG BCAS PA'I GNAS SKABS DE DAG LA'ANG SNYOMS 'JUG GNYIS SKAD CIG MA GZHAN GYIS BAR DU MA CHOD PAR SNGON DU SONG BA MED PA'I PHYIR RO, , MU GNYIS PA NI SNYOMS 'JUG GNYIS KYI SKAD CIG MA GNYIS PA LA SOGS PA'I SKYE BA LA SOGS PA'I MTSAN NYID DANG THOB PA LA SOGS PA DANG, SNYOMS 'JUG GNYIS LAS LDANG SEMS KYI SKYE BA LA SOGS PA'I MTSAN NYID DANG THOB PA LA SOGS PA RNAMS TE, DE DAG NI SKAD CIG MA GZHAN GYIS BAR DU MA CHOD PAR SNYOMS 'JUG GNYIS KYI DE MA THAG TU 'BYUNG BA'I PHYIR SNYOMS 'JUG GNYIS KYI DE MA THAG PA CAN NI YIN LA, SNYOMS 'JUG GNYIS DANG SEMS DANG SEMS BYUNG BA YIN PAS SEMS KYI MTSUNGS PA DE MA THAG PA CAN NI MA YIN NO, , MU GSUM PA NI SEMS MED PA'I SNYOMS 'JUG GNYIS LAS LDANG SEMS DANG, SNYOMS 'JUG GNYIS KYI SKAD CIG MA GNYIS LA SOGS PA STE, DE DAG NI SNYOMS 'JUG GI SKAD CIG MA RNAMS KYIS BAR DU CHOD KYANG SEMS GZHAN GYIS BAR DU MA CHOD PA'I PHYIR DANG, SKAD CIG MA GZHAN GYIS BAR DU MA CHOD PAR SNYOMS 'JUG GNYIS KYI DE MA THAG TU 'BYUNG BA'I PHYIR RIM PA LTAR SEMS KYI MTSUNGS PA DE MA THAG PA CAN YANG YIN LA, SNYOMS 'JUG GNYIS KYI DE MA THAG PA CAN YANG YIN NO, , MU BZHI BA NI SNYOMS 'JUG GNYIS KYI SKAD CIG MA DANG PO'I MTSAN NYID SKYE SOGS DANG THOB PA LA SOGS PA DANG, SEMS DANG BCAS PA'I GNAS SKABS KYI SEMS DANG SEMS BYUNG RNAMS KYI MTSAN NYID SKYE SOGS DANG THOB PA LA SOGS PA RNAMS TE, DE DAG NI SNYOMS 'JUG GNYIS DANG SEMS DANG SEMS BYUNG MA YIN PAS SEMS KYI MTSUNGS PA DE MA THAG PA CAN YANG MA YIN LA, DE DAG GI SNGON DU SKAD CIG MA GZHAN GYIS BAR DU MA CHOD PAR SNYOMS 'JUG GNYIS KYIS SKAD CIG MA SONG BA MED PA'I PHYIR SNYOMS 'JUG GNYIS KYI DE MA THAG PA CAN YANG MA YIN NO, , DE LTAR NA MU BZHI TSAN GNYIS YOD KYANG MU BZHI DANG PO'I MU GSUM PA DANG BZHI PA NI MU BZHI GNYIS PA'I MU DANG PO DANG GNYIS PA YIN LA, MU BZHI DANG PO'I MU DANG PO DANG GNYIS PA NI MU BZHI GNYIS @209 PA'I MU GSUM PA DANG BZHI PA YIN NO, ,ZHES 'GREL PA LAS 'BYUNG NGO, ,DES NA GRUB PA'I MTHA' SMRA BA 'DI'I LTAR NA SEMS KYI MTSUNGS PA DE MA THAG RKYEN DANG SEMS KYI DE MA THAG RKYEN DANG SNYOMS 'JUG GI DE MA THAG RKYEN GSUM YOD PA LAS SEMS MED KYI SNYOMS 'JUG GNYIS DANG SEMS DANG SEMS BYUNG LA NI SPYIR GSUM GA YOD DE, SNYOMS 'JUG GNYIS LAS LDANG SEMS KYANG SNYOMS 'JUG GNYIS KYI DE MA THAG PA CAN DU BSHAD PA'I PHYIR RO, ,SEMS MED KYI SNYOMS 'JUG GNYIS DANG SEMS DANG SEMS BYUNG MA YIN YANG SNYOMS 'JUG GNYIS KYI SKAD CIG MA DANG PO'I MTSAN NYID SKYE SOGS DANG THOB PA LA SOGS PA DANG, SEMS DANG SEMS BYUNG GI MTSAN NYID SKYE SOGS DANG THOB PA LA SOGS PA LA'ANG SEMS KYI MTSUNGS PA DE MA THAG RKYEN MI 'BYUNG YANG SEMS KYI DE MA THAG RKYEN DANG SNYOMS 'JUG GI DE MA THAG RKYEN GNYIS KYIS BSKYED PAR 'DOD LA, SEMS MED KYI SNYOMS 'JUG GNYIS MTSUNGS LDAN MA YIN YANG SNYOMS 'JUG RANG RANG GI SKAD CIG MA PHYI MA RNAMS DANG, SNYOMS 'JUG GNYIS KYI SKAD CIG MA GNYIS PA LA SOGS PA'I MTSN NYID SKYE SOGS DANG THOB PA LA SOGS PA RNAMS KYANG SNYOMS PAR 'JUG PA'I DE MA THAG RKYEN GYIS BSKYED PAR 'DOD DO, ,GAL TE SEMS MED GNYIS KYI LDANG SEMS NI DE GNYIS LA 'JUG SEMS KYI MTSUNGS PA DE MA THAG PA'I 'BRAS BUR MI RUNG STE, SKAD CIG MA DU MAS BAR DU CHOD PA'I PHYIR RO ZHE NA, SKAD CIG MA DU MAS BAR DU CHOD PA TZAM GYIS NI DE MA YIN PAR MI 'GYUR GYI SEMS GZHAN GYIS BAR DU CHOD NA DE MA YIN PAR 'GYUR BA LAS 'DI NI SEMS GZHAN GYIS BAR DU MA CHOD PA'I PHYIR RO, , DE'I PHYIR 'GREL PA LAS KYANG DA NI JI LTAR LDANG BA'I SEMS YUN RING MO ZHIG TU CHAD PA SNYOMS PAR 'JUG PA'I SEMS KYI MTSUNGS PA DE MA THAG PA ZHES BYA ZHE NA, SEMS GZHAN GYIS BAR DU MA CHOD PA'I PHYIR RO ZHES BSHAD DO, ,MDO SDE PA NI DBANG PO DANG BCAS PA'I LUS LA SEMS KYI SA BON YOD PA DANG, SEMS TZAM PA NI RNAM SHES BRTAN PA DAG YIN PAR 'DOD DO ZHES BSHAD ZIN TO, , DMIGS PA'I RKYEN NI MIG GI RNAM SHES LA SOGS PA RANG RANG GI RNAM SHES MTSUNGS LDAN DANG BCAS PA'I DMIGS RKYEN NI RANG RANG GI YUL ZAG BCAS GZUGS LA SOGS PA'I CHOS DA LTAR BA RNAMS YIN LA, YID KYI RNAM SHES KYI DMIGS RKYEN NI ZAG BCAS ZAG MED KYI CHOS DUS GSUM DANG DUS KYIS MA BSDUS BA (YUL DU RUNG BA) THAMS CAD DO, GAL TE GZUGS LA SOGS BA DAG LA RNAM SHES KYIS MI DMIGS BA DE'I TSE DMIGS PA'I RKYEN DU JI LTAR 'GYUR ZHE NA, DMIGS PA'I GZUGS LA SOGS PA DANG RIS 'DRA BA'I PHYIR DE DAG KYANG DMIGS PAR GZHAG STE DPER NA SHING LA SOGS PA MI SREG PA DAG KYANG DE LTA @210 BA'I RIS DANG MTSAN NYID 'DRA BA'I PHYIR BUD SHING ZHES BRJOD PA BZHIN NO, ,YANG NA 'GA' ZHIG GIS MA DMIGS KYANG 'GA' ZHIG GIS DMIGS PA'I PHYIR RO, ,CI STE CHOS THAMS CAD YID KYI RNAM SHES KYI DMIGS RKYEN YIN NA 'DUS MA BYAS KYANG YIN PAR 'GYUR LA, DE LTA NA'ANG 'DUS MA BYAS DNGOS POR 'GYUR TE, 'BRAS BU SKYED PA'I DON BYED NUS PA'I PHYIR RO ZHE NA, BYE BRAG TU SMRA BA NI 'DUS MA BYAS DE DAG DNGOS POR THAL BA 'DOD PAR BYED MOD KYI 'ON KYANG DE DAG GIS 'BRAS BU SKYED NA RTAG TU SKYED PA'AM, YANG NA NAM YANG MI SKYED PAR 'GYUR T, RTAG PA'I DNGOS POR KHAS BLANGS PA'I PHYIR RO, ,RES 'GA' SKYED PA DANG MI SKYED PA NI RES 'GA' BA YIN PA'I PHYIR MI RTAG PAR 'GYUR RO ZHES BYA BA'I SKYON YOD DO, ,DES NA 'DUS MA BYA NI NGO BO MED PA'I PHYIR DMIGS PA'I YUL TZAM YIN GYI 'BRAS BU SKYED PA'I RKYEN NI MA YIN NO ZHES BYA BAR 'DOD PA NYID LEGS PA YIN NO, ,SNGAR SMOS PA'I BYED PA'I RGYU ZHES BYA BA GANG YIN PA DE NI (BYE BRAG MED PAR PHAN 'DOGS PAS,) BDAG PO'I RKYEN YIN PAR BSHAD DO, ,'O NA DMIGS RKYEN YANG CHOS THAMS CAD YIN LA, BDAG RKYEN YANG CHOS THAMS CAD YIN PA'I PHYIR KHYAD PAR CI YOD CE NA, (BDAG RKYEN NI RANG MA GTOGS PA RANG DANG LHAN CIG 'BYUNG BA CHOS LA SOGS PA THAMS CAD YIN LA RANG DANG LHAN CIG 'BYUNG BA DMIGS RKYEN MIN PA'I PHYIR DANG,) DMIGS RKYEN NI SEMS DANG SEMS 'BYUNG RANG RANG GI YUL NYID DMIGS RKYEN YIN GYI GZHAN GYI YUL NI GZHAN GYI DMIGS RKYEN MA YIN NO, ,CHOS THAMS CAD DMIGS RKYEN DU BRJOD PA NI SEMS DANG SEMS LAS BYUNG BA'I CI RIGS PAR DMIGS PAR BRJOD KYI THAMS CAD KYIS THAMS CAD LA DMIGS PA MA YIN NO, ,GZHAN YANG DMIGS RKYEN NI GANG DAG DMIGS BCAS DE DAG GI RKYEN YIN GYI DMIGS BCAS MA YIN PA RNAMS KYI NI MA YIN PA'I PHYIR DANG, BDAG RKYEN NI RANG LAS GZHAN PA'I CHOS THAMS CAD YIN PAS KHYAD PAR YOD DO, ,MTSUNGS LDAN DANG LHAN CIG 'BYUNG BA DAG BDAG RKYEN YIN YANG DMIGS RKYEN MA YIN PA'I YANG PHYIR RO, , DE NYID KYI PHYIR 'GREL PA LAS, RKYEN 'DI NI LHAG PA YIN PAS BDAG PO'I RKYEN NO ZHES BYA BA DANG, 'DI LA LHAG PA CI ZHIG YOD CE NA, LHAN CIG 'BYUNG BA'I CHOS RNAMS NI NAM YANG DMIGS PA MA YIN GYI BDAG PO'I RKYEN NI YIN PAS 'DI LA LHAG PA YOD PA NYID DO, ,YANG NA LHAG PA'I RKYEN YIN TE, CHOS THAMS CAD RANG GI NGO BO MA GTOGS PA'I 'DUS BYAS THAMS CA KYI YIN NO ZHES BSHAD DO, ,RKYEN GYIS 'BRAS BU SKYED PA'I TSUL NI DE LA RE ZHIG RGYU'I RKYEN LA RGYU RNAM PA LNGA YOD PA LAS LHAN CIG 'BYUNG BA DANG @211 MTSUNGS LDAN GYI RGYU GNYIS PO DAG NI 'BRAS BU 'GAG PA LA MNGON DU PHYOGS PA DA LTAR BA LA BYA BA BYED DE, (PHAN TSUN 'BRAS BU YIN PA'I PHYIR RO,) SKAL MNYAM DANG KUN 'GRO DANG RNAM SMIN GYI RGYU GSUM PO NI 'BRAS BU SKYE BA LA MNGON DU PHYOGS PA LA MA 'ONGS PA LA BYA BA BYED PA'O, ,RGYU'I RKYEN DE LAS GZHAN PA MTSUNGS PA DE MA THAG PA DANG DMIGS PA'I RKYEN GNYIS PA DAG NI RGYU'I RKYEN LA DA LTAR BA LA BYA BA BYED PA DANG MA 'ONGS PA LA BYA BA BYED PA GNYIS SU BSTAN PA'I GO RIM DE LAS BZLOG PA MTSUNGS PA DE MA THAG RKYEN NI SKABS 'BYED PA'I PHYIR SKYE BA LA MNGON DU PHYOGS PA MA 'ONGS PA DANG, DMIGS RKYEN NI SEMS DANG SEMS BYUNG RNAMS KYIS 'DZIN PA'I PHYIR 'GAG PA LA MNGON DU PHYOGS PA DA LTAR BA LA BYA BA BYED DO ZHES BYA BA YIN NO, ,GAL TE DE LTAR SEMS DANG SEMS BYUNG DAG 'DAS MA 'ONGS PA (DANG 'DUS MA BYAS,) LA MI DMIGS PAR 'GYUR TE, DMIGS RKYEN DA LTAR BAS SEMS DANG SEMS BYUNG DA LTAR BA SKYED PA'I PHYIR RO ZHE NA, (DE NI GTZO CHE BA'I DBANG DU BYAS PA'AM, YANG NA,) BYE BRAG TU SMRA BAS 'DAS MA 'ONGS KYANG DA LTAR DNGOS POR YOD PA'I PHYIR DE DAG LA DMIGS PA'ANG DUS MNYAM PA KHO NA'O ZHES BYA BAR MNGON NO, , MDO SDE PA NI RGYU 'BRAS THAMS CAD DUS MI MNYAM PA KHO NA YIN PA'I PHYIR RGYU RKYEN THAMS CAD 'BRAS BU SKYE BAR 'GYUR BA LA BYA BA BYED PA YIN GYI DA LTAR BA NI BYA BA BYED PA MED DO ZHES 'DOD DE, RNAM 'GREL LAS, RGYU RNAMS THAMS CAD SNGAR YOD YIN ZHES 'BYUNG BA'I PHYIR RO, ,'O NA LHAN CIG 'BYUNG BA DANG MTSUNGS LDAN DAG PHAN TSUN RGYU 'BRAS SU MI 'GYUR LA, DE LTA NA'ANG RGYU DE DAG MI SRID PAR 'GYUR RO ZHE NA, TSOGS PA SNGA MA'I STOBS KYIS PHYI MA DAG LHAN CIG 'BYUNG BA DANG MTSUNGS LDAN RNAM PA LNGA CAN DU'ANG 'BYUNG BA'I PHYIR LHAN CIG 'BYUNG BA DANG MTSUNGS LDAN GYI RGYU YIN NO, ,PHAN TSUN RGYU 'BRAS SU GSUNGS PA NI RGYUN LA LTOS NAS YIN GYI SKAD CIG MA'I RDZAS LA NI MA YIN NO ZHES BYA BAR 'DOD DO, ,'O NA NI SEMS MED LAS LANGS MA THAG PA'I SEMS KYI SKAD CIG MA DANG PO DE LA TSOR BA LA SOGS PA MED NA DE DAG KUN 'GRO MA YIN PAR 'GYUR LA, YOD NA SEMS LAS BYUNG BAR MI 'GYUR TE, DUS MNYAM PA'I SEMS LAS NI MA BYUNG BAR 'DOD PA'I PHYIR DANG, SNGA MA NA SEMS MED PA'I PHYIR RO, ,DANG PO DUS MNYAM PA'I SEMS LAS BYUNG NA PHYI MA RNAMS KYANG 'BYUNG BAR 'GYUR TE, KHYAD PAR MED PA'I PHYIR RO, , TSOR BA LA SOGS PA SEMS LAS MA BYUNG NA NI SEMS LAS BYUNG BAR 'DOD PA NYAMS PA YIN NO, ,MDO LAS KYANG, 'DU SHES DANG SEMS PA'I TSOGS 'DI DAG NI SEMS LAS BYUNG BA, SEMS LA BRTEN PA, @212 SEMS LAS SKYES PA DAG YIN NO ZHES GSUNGS PA DANG 'GAL LO, ,GANG YANG KHA CIG GIS SEMS MED LA SNYOMS PAR ZHUGS PA NA KUN GZHI RNAM SHES LA SOGS PA'I RNAM SHES MA 'GAGS PA YOD PA DE LAS BYUNG NGO ZHES BYA BA DE YANG RIGS PA MA YIN TE, KUN GZHI'I SEMS LAS BYUNG BA NI SEMS GZHAN DANG LHAN CIG 'BYUNG BA'I 'KHOR DU 'GAL BA'I PHYIR DANG, KUN GZHI'I SA BON LAS BYUNG BA DE LTA NA'ANG DE RGYU'I RKYEN YIN PA'I PHYIR RO, ,SEMS KYI SKAD CIG MA DANG PO LA NI TSOR BA LA SOGS PA DUS MNYAM DU MED DO ZHES BYA BA'ANG RIGS PA MA YIN TE, PHYI MA RNAMS LA'ANG MED PAR 'GYUR TE, KHYAD PAR MED PA'I PHYIR RO, , SKAD CIG MA DANG PO LA SEMS SKYE NA NI SEMS LAS BYUNG BA'ANG SKYE BAR 'GYUR TE, RGYU MA TSANG BA MED PAR MTSUNGS PA'I PHYIR RO, ,DE'I PHYIR, MA TSANG MED RGYU DE LAS NI, ,'BRAS BU GANG GIS ZLOG PAR 'GYUR ZHES RNAM 'GREL LAS GSUNGS SO, ,DE'I PHYIR DUS MNYAM PA'I RGYU 'BRAS NI YOD PAR SHES SO, ,'ON KYANG 'DAS MA 'ONGS LA DMIGS PA NI MED PA LA DMIGS PA'I PHYIR DE DAG DMIGS RKYEN MA YIN LA, GANG DMIGS RKYEN YIN PA DE DMIGS BYED DANG DUS MNYAM PA'O ZHES BYA BA'I LAN LEGS SO, , BDAG RKYEN NI (BYA BA DANG BCAS PAR MA NGES SHING,) GNAS SKABS THAMS CAD DU MI SGRIB PA'I NGO BOR GNAS PAS DE DAG LAS GZHAN DU MED PA'I PHYIR LOGS SHIG TU MA BSHAD DO, ,'O NA 'DUS BYAS DAG RKYEN BZHI GA LAS SKYE'AM, 'ON TE RE RE LAS SKYE ZHE NA, RKYEN BZHI PO YIS NI SEMS DANG SEMS LAS BYUNG BA RNAMS SKYED PAR BYED DO, ,(RGYU'I RKYEN NI RGYU LNGA CI RIGS LA SOGS,) RI BONG GI RVA'O, ,NAM MKHA'I ME TOG GO ZHES BYA BA'I YID KYANG KHA CIG GIS RI BONG DANG RVA LA SOGS PA KHA YAR BAR YOD PA'I PHYIR DE LAS SKYE BAR 'DOD CING, BYE BRAG TU SMRA BA RI BONG GI RVA LA SOGS PA'I MING DANG MTSAN MA RDZAS SU YOD PA'I PHYIR DE DAG LAS SKYE'O ZHES 'DOD LA, KHA CIG SEMS DANG SEMS BYUNG PHYIN CI MA LOG PA DAG DMIGS RKYEN LAS SKYE'I PHYIN CI LOG NI DMIGS RKYEN LAS MI SKYE'O ZHES 'DOD DE DE NYID LEGS SO, , DMIGS RKYEN MA GTOGS PA GSUM GYIS NI 'DU SHES MED PA DANG 'GOG PA'I SNYOMS PAR 'JUG PA GNYIS PO DAG SKYED PA YIN TE, (RGYU'I RKYEN LHAN CIG 'BYUNG BA DANG SA MTSUNGS PA'I DGE BA'I PHUNG PO LNGA'AM BZHI'O,,) 'DI LA MTSUNGS PA DE MA THAG RKYEN NI SNYOMS PAR 'JUG PA'I SEMS YIN NO, ,DE'I PHYIR SNYOMS 'JUG 'DI GNYIS SEMS KYIS MNGON PAR 'DU BYED PA LAS SKYE BAS SEMS KYI MTSUNGS PA DE MA THAG PA CAN YIN GYI SEMS SKYE BA LA GEGS BYED PAS NA MTSUNGS PA DE MA THAG PA'I RKYEN NI MA YIN NO, , DMIGS PA'I RKYEN LAS NI MI SKYE STE, DMIGS PAR BYED PA MA YIN PA'I PHYIR RO, ,DES NA BYE BRAG TU @213 SMRA BAS GZUGS MTSUNGS PA DE MA THAG RKYEN MI 'DOD KYI MTSUNGS LDAN MA YIN PA 'GA' ZHIG LA NI MTSUNGS PA DE MA THAG RKYEN 'DOD DE, SNYOMS 'JUG GNYIS KYANG MI LDAN PA'I 'DU BYED MTSUNGS LDAN MA YIN PA BEMS PO YIN PA'I PHYIR RO, ,'DU SHES MED PA PA NI SNGON MA LAS KYIS 'PHANGS PAS RANG GI NGANG GIS 'JUG PA YIN GYI SEMS KYIS MNGON PAR 'DUS BYAS PAS BSKYED PA MA YIN PA'I PHYIR DE MA THAG PA'I RKYEN LAS SKYES PAR MA BRJOD DO, ,DE'I PHYIR SLOB DPON RGYAL PO'I SRAS KYIS 'DU SHES MED PA NI SEMS KYIS MNGON PAR 'DUS MA BYAS PAR LAS KYI MTHUS SKYE BA'I PHYIR BSTAN BCOS LAS SEMS KYI MTSUNGS PA DE MA THAG PA CAN MIN PAR MI 'BYUNG NGO ZHES PA DANG SLOB DPON GANG SPEL GYIS KYANG, GAL TE 'DU SHES MED PA PA'ANG SEMS KYI DE MA THAG CAN YIN NA CI'I PHYIR GSUM GYIS SNYOMS PAR 'JUG PA GNYIS ZHES BSHAD CE NA, BDEN MOD KYI DE NI RNAM SMIN LAS SKYES PA YIN PAS RANG GI NGANG GIS 'JUG PAS SEMS KYI MNGON PAR 'DU BYED PA LAS MA SKYES PAS MA BRJOD DO, ,DES NA 'DI NI MDO PHYI MAR BSDU'O ZHES BSHAD DO, , SEMS DANG SEMS BYUNG DANG SNYOMS PAR 'JUG PA DAG LAS GZHAN LDAN PA MA YIN PA LHAG MA RNAMS DANG GZUGS CAN RNAMS NI RGYU'I RKYEN DANG BDAG RKYEN GNYIS PO DAG LAS SKYE BA YIN NO, ,MTSUNGS PA DE MA THAG PA DANG DMIGS RKYEN LAS NI MI SKYE STE, MTSUNGS LDAN MA YIN PA'I PHYIR RO, ,DE LTA NA SNYOMS 'JUG GNYIS KYANG (MTSUNGS PA DE MA THAG RKYEN LAS,) MI SKYE BAR 'GYUR RO ZHE NA, SNYOMS 'JUG SEMS MED DU 'DOD PA DAG LA NI SKYON 'DI YOD PA NYID DE, GAL TE SEMS KYI MJUG THOGS SU BYUNG BA TZAM GYIS MTSUNGS PA DE MA THAG PA'I RKYEN LAS SKYE BAR 'DOD NA RIG BYED MA YIN PA DAG KYANG MTSUNGS PA DE MA THAG PA'I RKYEN LAS SKYE BAR 'GYUR BA'I PHYIR RO, , DE'I PHYIR RNAL 'BYOR SPYOD PA PA DAG GIS SNYOMS 'JUG SEMS DANG BCAS PAR 'DOD PA LA MTSUNGS PA DE MA THAG PA'I RKYEN LAS SKYE BAR RUNG NGO, ,DE LTA NA DMIGS RKYEN LAS KYANG SKYE BAR 'GYUR RO ZHE NA, DGAG GZHI NI DE LTAR YIN MOD KYI 'DIR NI BKAG PA'I NGO BO LA BRJOD LA, DE NI DMIGS PA MED PA YIN PA'I PHYIR RO, ,'O NA MTSUNGS PA DE MA THAG PA'I RKYEN LAS KYANG SKYES PAR 'GYUR RO ZHE NA, DE LTA MOD KYI BKAG PA DANG LDAN PA MTSUNGS PA DE MA THAG PA LAS SKYE BA'I PHYIR DE SKAD DU BRJOD DO, ,'ON KYANG BYE BRAG TU SMRA BA LTAR NA 'BYUNG BZHI LA MI LTOS PAR SNYOMS 'JUG GI SBYOR SEMS KYIS MNGON PAR 'DUS BYAS PA LAS 'BYUNG BA'I PHYIR SNYOMS 'JUG GNYIS MTSUNGS PA DE MA THAG RKYEN LAS SKYE BAR 'DOD DE, MTSUNGS PA'I DON YANG RKYEN DANG RKYEN CAN GNYIS SEMS KYIS MNGON PAR 'DUS BYAS PAR MTSUNGS PA NYID LA @214 'DOD PA'I PHYIR RO, ,BYE BRAG PA LA SOGS PA DBANG PHYUG RTAG PA GCIG PU LAS 'GRO BA 'DI DAG SKYE BAR 'DOD LA SOGS PAS BSDUS PA SPYOD PA LA SOGS PA BDAG RTAG PA GCIG PU DANG, GRANGS CAN PA GTZO BO RTAG PA GCIG PU DANG, KHA CIG GIS RDUL PHRAN RTAG PA DANG, SKYES BU DANG DUS LA SOGS PA RTAG PA LAS SKYE BAR 'DOD MOD KYI 'ON KYANG DE DAG LAS NI 'GRO BA 'DI DAG SKYES PA MIN TE, DUS RIM GYIS 'BYUNG BA'I PHYIR DANG, SOGS ZHES BYA BA YUL RES 'GA' BA DANG, RDZAS RES 'GA' BA YIN PA'I PHYIR RO, ,'DI LTAR DBANG PHYUG RTAG PA DE 'GRO BA 'DI SKYED BYED NYID DU RTAG TU GNAS NA NI RDZAS THAMS CAD YUL THAMS CAD DU DUS RTAG TU 'BYUNG BAR 'GYUR BA 'DI NGES PA YIN NO, ,SKYED BYED MA YIN PA NYID DU RTAG NA NI 'GA' YANG GANG DU YANG NAM YANG MI SKYE BAR 'GYUR RO, ,DUS DANG YUL DANG RDZAS RES 'GA' BA YIN NA NI MI RTAG PA DANG DU MA YIN TE, DE DAG GI MTSAN NYID NI DE LTA BU YIN PA'I PHYIR RO, , GAL TE DBANG PHYUG RTAG PA GCIG PU YIN YANG DE'I 'DOD PAS 'DI NI SNGON LA SKYE BAR GYUR CIG ,'DI NI PHYIS SKYE BAR GYUR CIG ,'DI NI YUL 'DIR SKYE'I GZHAN DU MA YIN LA, RDZAS 'DI SKYE'I GZHAN NI MA YIN NO ZHES 'DUN PA'I PHYIR RES 'GA' BA YIN NO ZHE NA, 'O NA NI 'DI DAG DBANG PHYUG LAS MA SKYES PAR 'GYUR TE, 'DOD PA MI RTAG PA DU MA LAS SKYE BA'I PHYIR DANG, DBANG PHYUG RTAG PA GCIG PU YIN PA'I PHYIR RO, ,'DOD PA NYID DBANG PHYUG YIN NA'ANG MI RTAG PA DANG DU MAR THAL BA 'DI SE NA YOD DO, , DE BZHIN DU SKYES BU DANG GTZO BO LA SOGS PA LA'ANG SBYAR BAR BYA'O, , RGYU'I RKYEN (NAM GNYIS PA DAG LAS SKYE BA,) BYE BRAG TU BSHAD PA NI GAL TE 'BYUNG BA DE'I RGYU 'BYUNG BA YIN NA NI SKAL MNYAM DANG LHAN CIG 'BYUNG BA RNAM PA GNYIS YIN TE RIS MTHUN SNGA MAS PHYI MA SKYED NA SKAL MNYAM DANG (GZHAN GSUM DANG TSOGS PA GCIG PA'I) DUS MNYAM PA DAG NI PHAN TSUN LHAN CIG 'BYUNG BA YIN NO, ,'BYUNG BA DAG GIS 'BYUNG BA LAS GYUR PA'I GZUGS (BDAG RKYEN BYAS NAS,) SKYED NA BYED RGYU'I RGYU KHO NA RNAM PA LNGA BYED DO, ,RNAM PA LNGA NI 'GREL BA LAS, SKYED PHYIR RTEN PHYIR GNAS PHYIR DANG, ,RTON PA'I PHYIR DANG 'PHEL BYED PHYIR ZHES PA DANG, GANG SPEL GYIS DE'I TSIG RKANG PA SNGA MA GNYIS KHA BSKANGS TE, SKYE DANG RJES MTHUN RTEN DANG NI, RGYUN MI CHAD DANG 'PHEL BA LAS GSUNGS TE, 'BRAS BU'I GZUGS SNGAR MA GRUB PA GSAR DU SKYED PA'I PHYIR DANG, SLOB DPON LAS SLOB MA LTAR SKYES PA'I RGYUN RNAMS RJES SU MTHUN PAR BYED PA'I PHYIR DANG, RI MO'I RTZIG PA BZHIN RGYUN GNAS PA'I GZHI BYED PA'I PHYIR DANG, LUS KYI KHA ZAS LTAR RGYUN MI CHAD PA'I RGYU YIN PA'I PHYIR DANG, GONG @215 NAS GONG DU 'PHEL BAR BYED PA'I PHYIR RIM PA BZHIN DU SHES PAR BYA'O, , DE RNAMS KYANG BSDU NA MA SKYES PA BSKYED PA DANG, SKYES ZIN GNAS PA DANG, GNAS PA 'PHEL BAR BYED PA'I RGYU GSUM DU 'GYUR RO, ,DE LTAR NA RNAM PA LNGA PA DE DAG NI BYED RGYU'I BYE BRAG YIN PA'I PHYIR 'BYUNG BA RNAMS KYIS NI 'BYUNG BA LAS GYUR PA'I BYED PA'I RGYU BYED KYI GZHAN NI MA YIN TE, SKAL BA MI MNYAM PA DANG, LHAN CIG 'BYUNG YANG PHAN TSUN RGYU 'BRAS MA YIN PA DANG, KUN 'GRO MA YIN PA DANG, MTSUNGS PAR MI LDAN PA DANG, 'BYUNG BA DAG NI DGE MI DGER 'GYUR BA MI SRID PA'I PHYIR RO,, 'BYUNG BA LAS GYUR PA'I GZUGS (KYIS 'BYUNG GYUR,) PHAN TSUN DU SKYED NA LHAN CIG 'BYUNG BA DANG SKAL MNYAM DANG RNAM SMIN GYI RGYU RNAM PA GSUM BYED DO ZHES SBYAR RO, ,DE LA LHAN CIG 'BYUNG BA NI ('BYUNG BZHI TSOGS PA GCIG LAS SKYE BAS) BSAM GTAN DANG ZAG MED KYI SDOM PA'I SPONG BA BDUN PO DAG PHAN TSUN YIN GYI GZHAN (TSOGS PA THA DAD PAS BSKYED NAS MIG SOGS DANG DE'I YUL LNGA DANG SO THAR SOGS,) NI MA YIN NO, ,SKAL MNYAM NI DGE BA'AM NYON MONGS CAN LA SOGS PA RIS MTHUN SNGA MAS PHYI MA SKYED PA'I TSE'O, ,RNAM SMIN GYI RGYU NI RIG BYED DANG RIG BYED MA YIN PA DGE BA ZAG BCAS DANG MI DGE BA ('I LUS NGAG GI LAS,) DAG GIS MTHO RIS DANG NGAN SONG GI DBANG PO DANG BCAS PA'I (MIG SOGS DANG,) LUS SKYED PA LTA BU'O, ,'BYUNG BA RNAMS KYI RGYU ('I RKYEN) 'BYUNG BA LAS GYUR PA DE YIN NA RNAM SMIN GYI RGYU RNAM PA GCIG PU NYID BYED DO, ,DE YANG (LUS NGAG GI LAS,) RIG BYED DANG RIG BYED MA YIN PA DGE BA ZAG BCAS DANG MI DGE BA DAG GIS SKYE BA PHYI MA'I RNAM SMIN SKYES KYI DBANG BO'I TSOGS PA NA YOD PA'I 'BYUNG BA SKYES PA YIN NO, ,BYED RGYU'ANG YOD MOD KYI DE NI BYE BRAG MED PAR 'JUG PA'I PHYIR RTAG TU MI BGRANG NGO ZHES 'GREL PA LAS 'BYUNG NGO, ,(BDAG RKYEN NI RTOGS SLA BAS MA BSHAD DO, ,) DE MA THAG RKYEN RGYAS PAR STON PA NI 'DOD PA'I KHAMS KYI YID DE SEMS SEMS BYUNG DANG BCAS PA NI DGE BA DANG MI DGE BA DANG BSGRIBS LA LUNG DU MA BSTAN PA DANG MA BSGRIBS LA LUNG DU MA BSTAN PA STE BZHI YIN NO, ,GZUGS KYI KHAMS DANG GZUGS MED PA'I KHAMS DAG NA NI MI DGE BA'I SEMS LAS GZHAN GSUM GSUM YOD DO, ,ZAG MED LA NI SLOB PA DANG MI SLOB PA GNYIS YOD DO, ,DE LTAR NA 'KHOR 'DAS KYI SEMS THAMS CAD RNAM PA BCU GNYIS SU 'DUS SO, ,DE DAG GANG GI DE MA THAG TU GANG 'BYUNG ZHE NA, 'DI LA NI TSE DRUG GAM BRGYAD KYI RNAM PAR DBYE BA SHES PAR BYA STE, RGYUN GYI TSE DANG, SA MTSUNGS BA DANG, SNYOMS PAR 'JUG PA DANG, (SNYOMS 'JUG) LAS LDANG BA DANG, NYING MTSAMS SBYOR BA @216 DANG, SNYOMS 'JUG NYON MONGS CAN GYIS GZIR BA'I TSE'O,, (DRUG LAS DANG PO,) DE LA RGYUN GYI TSE ZHES BYA BA NI RIS 'DRA BA RGYUN CHAGS SU 'BYUNG BA'I DUS TE, DE NI DGE BA LAS DGE BA DANG MI DGE BA LAS MI DGE BA LA SOGS PA RIS 'DRA BA 'BYUNG BA YIN NO, ,SA MTSUNGS PA ZHES BYA BA (GNYIS PA) NI (RIS MI MTHUN KYANG,) 'DOD PA LA SOGS PA'I 'DRA BA STE, DER NI RANG GI SA PA'I DE MA THAG PAR RANG GI SA PA'I SPRUL SEMS MA GTOGS PA DGE BA LA SOGS PA THAMS CAD 'BYUNG NGO, ,SNYOMS PAR 'JUG PA'I TSE (GSUM PA,) NI 'OG MA'I DGE BA SBYOR BYUNG LAS GONG MA'I DGE BA SBYOR BYUNG DANG ZAG MED GNYIS 'BYUNG BA YIN NO, ,SNYOMS 'JUG LAS LDANG BA'I TSE (BZHI PA,) NI GONG MA'I DGE BA SPYOR BYUNG DANG ZAG MED GNYIS KYI MJUG THOGS SU 'OG MA'I DGE BA 'BYUNG BA NI 'DOD PA'I DGE BA GNYIS KA DANG, KHAMS GONG MA GNYIS KYI DGE BA SBYOR BYUNG KHO NA 'BYUNG BA NYID DU NGES SO, ,SPRUL BA LA 'JUG BA'I TSE NI DAG DANG RANG LAS DE LAS GNYIS ZHES 'BYUNG BAS GZUGS KYI DGE BA SBYOR BYUNG GI RJES SU 'DOD PA'I SPRUL SEMS DANG GZUGS KYI SPRUL SEMS LUNG MA BSTAN GNYIS KHO NA 'BYUNG NGO, ,SPRUL PA LAS LDANG BA'I TSE NI SEMS GNYIS PO DE'I MJUG THOGS SU GZUGS KYI DGE BA SBYOR BYUNG 'GYUR TE, SPRUL PA LAS LANGS NAS BSAM GTAN GYI SEMS MNGON DU BYED PA'I PHYIR RO, ,SPRUL PA LAS 'JUG PA NI SNYOMS 'JUG LAS LDANG BA DANG, SPRUL PA LAS LDANG BA NI SNYOMS PAR 'JUG PA YIN PA'I PHYIR TSE LOGS SU MA BSHAD DO ZHES 'DOD MOD KYI LOGS SU BYAS TE TSE BRGYAD DU BYAS NA 'JUG PA BDE BAR SNANG NGO, ,(DE YANG DGE BA LAS GONG 'OG GI NYON MONGS 'BYUNG BA NI DGE BA SKYES THOB KYI RJES SU YIN LA, 'DOD PA'I LUNG MA BSTAN LAS GZUGS KYI DGE BA 'BYUNG BA NI 'DOD PA'I SPRUL SEMS KHO NA'I RJES SU YIN LA, ZAG MED LA 'JUG PA NI YID BYED GSUM GYIS TE, CHOS RANG SPYI'I MTSAN NYID YID BYED DANG, MI RTAG LA SOGS BCU DRUG GI SPYI YID BYED DANG, RNAM THAR ZAD PAR ZIL GNON MI SDUG PA CHAD MED SOGS NI YANG DAG DON GYI YUL CAN MIN PAS DE DAG YID BYED NI MOS PA YID BYED DE, DE GSUM GANG RUNG GIS ZAG MED LA 'JUG LDANG BYED DO, ,MI LCOGS MED LA BRTEN NAS DGRA BCOM THOB PA'I LDANG SEMS NI GOMS PAS DE NYID KYI SAPA? 'AM, 'DOD PA'I SA PA YIN LA, CI YANG MED PA LA BRTEN NAS THOB PA NI DE NYID KYI SA PA'AM, SRID RTZER SKYES PA YIN NA, SRID RTZE'I SA PAS LDANG NGO, ,SA LHAG MA RNAMS SU NI LDANG SEMS RANG GI SA PA KHO NA STE, GZHAN GYI SA PA NI SBYOR BA KHO NAS BSGRUB DGOS LA, RANG GI SA PA NI RANG GIS 'BYUNG BAS SO, ,YID LA BYED PA LA'ANG 'DOD PA NA THOS BSAM DANG SKYES THOB STE GSUM YOD @217 LA, GZUGS NA THOS SGOM DANG SKYES THOB GSUM MO, ,GZUGS MED NA SGOM SKYES GNYIS SO, ,DE DAG LAS SKYES THOB GSUM MA GTOGS PA LNGA'I RJES SU 'PHAGS LAM MNGON DU 'GYUR TE SBYOR BA RAG LAS PAS SO, , LAM GYI MJUG THOGS SU NI GSAL BAS 'DOD SEMS DGE BA SKYES THOB KYANG MNGON DU BYED DO, ,DES NA DES BSAM GTAN DANG PO DANG GNYIS PA'I LDANG SEMS KYANG BYED LA, NYON MONGS CAN GYIS GZIR BA'ANG DE LA BRTEN PA YOD DO, ,GONG MA GNYIS KYI SKYES THOB NI MI GSAL BAS DE DANG MI MTSUNGS SO,,) NYING MTSAMS SPYOR BA'I TSE (LNGA PA) NI 'CHI SRID NAS BAR SRID DANG (NAS,) SKYE SRID DU NYING MTSAMS SBYOR BA STE, DE YANG 'CHI SEMS NI ZAG MED GNYIS DANG DGE BA SBYOR BYUNG DANG BZO'I GNAS PA DANG SPRUL SEMS MA GTOGS PA RANG GI SA PA'I DGE BA SKYES THOB DANG MI DGE BA DANG BSGRIBS LA LUNG MA BSTAN DANG RNAM SMIN SKYES DANG SPYOD LAM PA RNAMS CI RIGS PA YIN LA, SKYES SEMS NI SKYE BA'I SRID PA NYON MONGS CAN ZHES PA DANG, 'CHI 'PHO DAG LAS NYON MONGS KUN ZHES 'BYUNG BAS GANG DU SKYES PA'I SA PA DE'I NYON MONGS CAN GYI SEMS YIN PA'I PHYIR BSGRIBS LA LUNG MA BSTAN DANG MI DGE BA GNYIS YIN NO, ,DE YANG SA 'OG MA NAS GONG MAR SKYE BA'I 'CHI SEMS NI DGE BA SKYES THOB DANG MA BSGRIBS LUNG MA BSTAN RNAM SMIN SKYES DANG SPYOD LAM PA YIN LA, SKYES SEMS NI BSGRIBS LA LUNG MA BSTAN KHO NA YIN TE, NYON MONGS CAN LAS GONG MA MIN ZHES 'BYUNG BAS 'OG MA'I NYON MONGS CAN LAS GONG MAR SKYE BA MI SRID PA'I PHYIR DANG, GONG NA MI DGE BA MED PA'I PHYIR RO, ,GONG MA NAS 'OG MAR SKYE BA'I 'CHI SEMS NI DGE BA SKYES THOB DANG BSGRIBS PA DANG MA BSGRIBS PA RNAM SMIN SKYES DANG SPYOD LAM PA CI RIGS PA YIN ZHING, SKYE SEMS NI 'DOD PAR SKYE NA MI DGE BA DANG BSGRIBS PA CI RIGS PAR 'GYUR LA, KHAMS GONG MA DAG TU SKYE NA BSGRIBS PA KHO NA YIN NO, ,RANG GIS NAS RANG GI SA RU SKYE NA 'CHI SEMS NI DGE BA SBYOR BYUNG DANG SPRUL SEMS DANG BZO'I GNAS PA MA GTOGS PA RANG SA NA GANG YOD PA'I SEMS YIN LA, SKYE SEMS NI 'DOD PA NA NYON MONGS CAN MI DGE BA DANG BSGRIBS LA LUNG MA BSTAN DANG, GONG MA NA BSGRIBS PA KHO NA YIN MOD KYI 'DI LA NI SKABS SU NYE BAR MKHO BA MED DO, ,ZAG MED GNYIS NI 'CHI BA DANG SKYE BA'I SEMS GNYIS KAR MI 'GYUR TE, DE NI SRID PA'I GNYEN PO YIN PA'I PHYIR RO, ,SNYOMS 'JUG NYON MONGS CAN GYIS GZIR BA'I TSE (DRUG PA) NI NYON MONGS 'OG MA'I DAG GCIG KYANG ZHES 'BYUNG BAS GONG MA'I BSGRIBS LA LUNG MA BSTAN LAS 'OG MA'I DGE BA 'BYUNG STE, DE YANG GZUGS KYI NYON MONGS CAN GYI TING NGE 'DZIN LAS LANGS PA'I TSE 'DOD PA'I DGE BA GNYIS KA DANG, GZUGS MED KYI NYON MONGS CAN @218 GYI TING NGE 'DZIN LAS LANGS PA'I TSE GZUGS KYI DGE BA SBYOR BYUNG KHO NA 'BYUNG BA'O, ,(DAG DANG RANG LAS DE LAS GNYIS ZHES 'BYUNG BAS GZUGS KYI DGE BA SBYOR BYUNG DANG SPRUL SEMS RANG NYID LAS 'DOD GZUGS KYI SPRUL SEMS 'BYUNG BA SPRUL PA LA 'JUG PA'I TSE DANG, 'DOD GZUGS KYI SPRUL SEMS LAS KYANG SPRUL SEMS RANG NYID DANG, GZUGS KYI DGE BA SBYOR BYUNG 'BYUNG BA SPRUL PA LAS LDANG BA'I TSE GNYIS SNYOMS PAR 'JUG LDANG GI TSER BSDUS NAS TSE DRUG TU KHA CIG 'CHAD MOD KYI DE GNYIS THA DAD DU BYAS TE TSE BRGYAD DU BYAS NA 'JUG PA BDE BAR SNANG NGO, ,) DON DE DAG BLO LA BZHAG NAS SEMS GANG GI RJES THOGS SU SEMS GANG 'BYUNG BA STON PA NI 'DOD PA'I SEMS DGE BA LAS NI RJES THOGS SU SEMS DGU 'BYUNG STE, RGYUN GYI TSE ('DOD PA'I DGE BA) DANG SA MTSUNGS PA'I TSE NI (ZLA BO GZHAN GSUM STE,) RANG GI SA PA BZHI 'BYUNG LA, SNYOMS PAR 'JUG PA'I TSE 'DOD PA'I DGE BA SBYOR BYUNG LAS GZUGS KYI DGE BA SBYOR BYUNG DANG, ZAG MED GNYIS DANG, (GZUGS DGE SBYOR BYUNG NI DANG PO'I NYER BSDOGS DANG DNGOS GZHI'O ZHES RGYAL SRAS ZER, KHA CIG THOD RGAL TSE GNYIS PA LA SOGS KYANG 'BYUNG ZHES SO, ,ZAG MED GNYIS NI SNGAR THOB ZIN 'BYUNG GI GSAR BA MA 'BYUNG NGO,,) NYING MTSAMS SBYOR BA'I TSE 'DOD PA'I DGE BA SKYES THOB LAS KHAMS GONG MA GNYIS KYI BSGRIBS PA GNYIS SO, ,GAL TE SNYOMS PAR 'JUG PA'I TSE 'DOD PA'I DGE BA'I RJES SU GZUGS MED KYI DGE BA'ANG 'BYUNG BA MA YIN NAM DE LTA NA BCU 'BYUNG BAR 'GYUR RO ZHE NA, 'DOD PA'I DGE BA LAS NI GZUGS MED LA SNYOMS PAR MI 'JUG STE, (RTEN LA SOGS PA,) RING BA NYID BZHIS RING BA'I PHYIR RO,, DE LA RTEN RING BA NI GZUGS MED PA'I RTEN GYIS 'DOD PA'I SPRUL SEMS LA SOGS PA GANG YANG MNGON DU MI BYED PAS SNYOMS 'JUG GI MTSUNGS PA DE MA THAG PA'I RKYEN GYI RTEN DU MI SRID PA'I PHYIR RO, ,(YANG NA 'DOD PA'I SEMS NI GZUGS MED KYI MTSUNGS PA DE MA THAG PA'I RKYEN DU MI SRID PAS RTEN RING BA'O,,) RNAM PA RING BA NI 'DOD PA LA RAGS PA DANG DE LA ZHI BA'I RNAM PAR MI LTA BA'I PHYIR RO, ,DMIGS PA RING BA NI (DES 'OG SA LA DMIGS MI NUS PAS,) DES 'DOD PA LA MI DMIGS PA'I PHYIR RO, ,GNYEN POS RING BA NYID NI 'DOD PA'I GNYEN PO DES MI BYED PA'I PHYIR (TE DE'I 'DOD PA YUL MIN PAS SU NANG BYUNG MI NUS PA'I PHYIR,) RO, ,DE'I PHYIR GZUGS KYI SEMS KYIS 'DOD PA'I SPRUL SEMS MNGON DU BYED PAS GZUGS KYI SEMS LA BRTEN PA DANG, DE LA RAGS PA DANG GZUGS MED LA ZHI BA'I RNAM PAR LTA BA DANG, GZUGS LA DMIGS PA DANG, DES GZUGS KYI NYON MONGS PA'I GNYEN PO BYED PA'I PHYIR @219 'DOD PA'I DGE BAS KUN NAS BSLANG NAS GZUGS MED LA SNYOMS PAR 'JUG NA'ANG PAR DU BSAM GTAN GYI SEMS MNGON DU BYED PA LA LTOS PA'I PHYIR RO, ,DES NA GZUGS MED KYI DGE BA DANG, MA BSGRIBS LUNG MA BSTAN DANG, GZUGS KYI MA BSGRIBS LUNG MA BSTAN GSUM DANG 'DOD PA'I DGE BA LA NI RGYU 'BRAS SU GYUR PA'I TSE DRUG PO DE DAG MI SRID PA'I PHYIR RO, ,'DOD PA'I DGE BA'I SEMS DE NI SEMS BRGYAD PO KHO NA LAS 'BYUNG STE, RGYUN DANG SA MTSUNGS PA'I TSE RANG GI SA PA BZHI DANG, SNYOMS 'JUG LAS LDANG BA NA DGE BA SKYES THOB LA SNYOMS PAR 'JUG PA MI SRID PAS GZUGS KYI DGE BA SPYOR BYUNG DANG, ZAG MED GNYIS DANG, SNYOMS 'JUG NYON MONGS CAN GYIS GZIR BA'I TSE GZUGS KYIS BSGRIBS PA'I SEMS LAS SO, ,(DE YANG GONG MA'I NYON MONGS CAN LAS 'OG MA'I DGE PA BZANG BAS SO,,) DE YANG 'DOD PA'I DGE BA SKYES THOB KYANG GSAL BA'I PHYIR GZUGS KYI SBYOR BYUNG DANG ZAG MED GNYIS DANG SNYOMS 'JUG NYON MONGS CAN GYI LDANG SEMS SU 'GYUR BA SRID PAS BZHI PO DE DAG LAS 'DOD PA'I DGE BA SKYES THOB DANG SBYOR BYUNG GNYIS KA 'BYUNG NGO, ,'DIR SA MTSUNGS PA'I TSE 'DOD PA'I DGE BA LAS MA BSGRIBS PA 'BYUNG BAR BSHAD PA NI SPRUL SEMS LAS GZHAN RNAMS 'BYUNG BA YIN GYI SPRUL SEMS NI DAG DANG RANG LAS DE LAS GNYIS ZHES 'BYUNG BAS RANG NYID DANG GZUGS KYI DGE BA SBYOR BYUNG KHO NA LAS 'BYUNG GI 'DOD PA'I DGE BA LA SOGS PA'I SEMS RNAMS LAS NI MI 'BYUNG NGO, ,DE BZHIN DU 'OG MA RNAMS SU RGYUN DANG SA MTSUNGS PA'I TSE'I SKABS SU'ANG SHES PAR BYA'O, , GZHAN DAG MI 'BYUNG BA NI TSE DRUG GI RNAM PAR BZHAG PA MI 'THAD PA'I PHYIR RO, ,'DOD PA'I MI DGE BA'I SEMS NI ZAG MED GNYIS MA GTOGS PA BCU PO DAG LAS 'BYUNG STE, (GONG MA GNYIS KYI SEMS DRUG PO GANG LAS SHI YANG 'DOD PAR MTSAMS SBYOR BA MI 'GAL BAS SO DE YANG,) RGYUN DANG SA MTSUNGS PA'I TSE SPRUL SEMS MA GTOGS PA RANG GI SA PA BZHI DANG, NYING MTSAMS SBYOR BA'I TSE KHAMS GONG MA GNYIS NAS SHI 'PHOS NAS 'DIR SKYE BA NA GZUGS KYI DGE BA SBYOR BYUNG DANG SPRUL SEMS DANG GZUGS MED KYI DGE BA SBYOR BYUNG MA GTOGS PA LA 'CHI SEMS SRID PAS DE DAG GI SEMS GSUM GSUM GYI RJES SU 'JUG PA'I PHYIR RO, ,ZAG MED GNYIS DANG NI TSE DRUG MI SRID PA'I PHYIR RO, ,'DOD PA'I MI DGE BA'I SEMS DE LAS NI (RANG GIS PA,) BZHI (KHO NA,) 'BYUNG STE RGYUN DANG SA MTSUNGS PA NA SPRUL SEMS MA GTOGS PA RANG GI SA PA DAG GO, (MI DGE BA NI SA GONG MA'I DGE BA'I SBYOR BAR MI SRID LA, DE MA SPANGS PAR SA GONG MA'I SKYE BA'I SEMS KYANG MI 'BYUNG BA'I PHYIR RO GZHAN YANG,) GONG MA'I SEMS DRUG @220 DANG ZAG MED GNYIS NI MI 'BYUNG STE, MI DGE BA SNYOMS PAR 'JUG SEMS MA YIN PA DANG, MI DGE BA LAS GONG MAR NYING MTSAMS SBYOR BA MI SRID PA DANG, RGYUN MI GCIG PA DANG, SA MI MTSUNGS PA'I PHYIR RO, ,'DOD PA'I BSGRIBS LA LUNG MA BSTAN GYI SEMS KYANG JI LTAR 'DOD PA'I MI DGE BA'I SEMS SEMS BCU'I RJES SU 'BYUNG ZHING, DE LAS BZHI 'BYUNG BAR BSHAD PA DE BZHIN DU SEMS BCU'I RJES SU 'BYUNG ZHING, DE LAS BZHI 'BYUNG BAR SHES PAR BYA'O, , 'DOD PA'I MA BSGRIBS LA LUNG DU MA BSTAN PA'I SEMS NI SEMS LNGA DAG LAS 'BYUNG STE, RGYUN DANG SA MTSUNGS PA NA RANG GI SA PA BZHI DANG, SPRUL PA LA 'JUG PA'I TSE 'DOD PA'I SPRUL SEMS GZUGS KYI DGE BA SBYOR BYUNG LAS 'BYUNG BA'I PHYIR RO, ,'DOD PA'I MA BSGRIBS LUNG MA BSTAN GYI SEMS DE LAS NI MJUG THOGS SU SEMS (LNGA PO DE NYID DANG GONG MA GNYIS KYI BSGRIBS PA GNYIS TE,) BDUN 'BYUNG BA YIN NO, ,'DI LTAR RGYUN DANG SA MTSUNGS PA NA RANG GI SA PA BZHI DANG SPRUL PA LAS LDANG BA NA BSAM GTAN LA MA ZHUGS PAR SPRUL SEMS LAS LDANG BA MED PAS GZUGS KYI DGE BA SBYOR BYUNG RA DANG, 'DOD PA NAS KHAMS GONG MA GNYIS SU NYING MTSAMS SBYOR BA NA 'DI DAG LA GNAS PA LA 'CHI BA DANG SHI NAS GONG DU SKYE BA SRID PAS 'DOD PA'I RNAM SMIN SKYES DANG SPYOD LAM PA GNYIS LAS KHAMS GONG MA DE DAG GI BSGRIBS PA GNYIS 'BYUNG BA'I PHYIR RO, ,GZUGS NA SPYOD PA'I SEMS DGE BA LAS NI (GZUGS MED KYI MA BSGRIBS LUNG MA BSTAN MA GTOGS PA,) SEMS BCU GCIG 'BYUNG STE, RGYUN DANG SA MTSUNGS PA NA DGE BA SBYOR BYUNG LAS MA BSGRIBS PA GSUM GA DANG, SKYES THOB LAS SPRUL SEMS LAS GZHAN GNYIS DANG, BSGRIBS PA NI DGE BA GNYIS KA LAS 'BYUNG BAS RANG GI SA PA GSUM DANG, SNYOMS 'JUG LAS LDANG BA NA GZUGS KYI SBYOR BYUNG LAS 'DOD PA'I DGE BA GNYIS KA DANG, SPRUL PA LA 'JUG PA NA GZUGS KYI SBYOR BYUNG LAS 'DOD PA'I MA BSGRIBS LUNG MA BSTAN SPRUL SEMS KHO NA DANG, NYING MTSAMS SBYOR BA NA GZUGS KYI SKYES THOB LAS 'DOD PA'I MI DGE BA DANG BSGRIBS PA GNYIS DANG, GZUGS KYI SKYES THOB LAS GZUGS MED KYI BSGRIBS PA DANG, SNYOMS PAR 'JUG PA NA GZUGS KYI SBYOR BYUNG KHO NA LAS GZUGS MED KYI DGE BA SBYOR BYUNG DANG ZAG MED DAG 'BYUNG BA'I PHYIR RO, ,GZUGS MED KYI MA BSGRIBS LUNG MA BSTAN GCIG PU NI 'BYUNG BA MED DE, DE DANG TSE DRUG GI RNAM PAR BZHAG PA MED PA'I PHYIR RO, ,GZUGS KYI SEMS DGE BA DE NI (GZUGS MED KYI MA BSGRIBS PA DE DANG 'DOD PA'I NYON MONGS CAN GNYIS MA GTOGS PA,) SEMS DGU'I MJUG THOGS SU 'BYUNG STE, RGYUN DANG SA MTSUNGS PA @221 NA (DGE BA,) SBYOR BYUNG NI SPRUL SEMS KHO NA LAS 'BYUNG LA, SKYES THOB NI GZHAN (RNAM SMIN DANG SPYOD LAM PA,) GNYIS LAS 'BYUNG BAS RANG GI GSUM DANG, SNYOMS PAR 'JUG PA NA 'DOD PA'I DGE BA SBYOR BYUNG LAS GZUGS KYI'ANG SBYOR BYUNG KHO NA DANG, SPRUL PA LAS LDANG BA NA 'DOD PA'I MA BSGRIBS LUNG MA BSTAN SPRUL SEMS LAS GZUGS KYI SBYOR BYUNG DANG SNYOMS 'JUG LAS LDANG BA NA GZUGS MED KYI DGE BA SBYOR BYUNG (LAS,) DANG, ZAG MED GNYIS LAS (GZUGS DGE,) SBYOR BYUNG KHO NA DANG, (GZUGS MED KYI,) SNYOMS 'JUG NYON MONGS CAN GYIS GZIR BA NA GZUGS MED KYIS BSGRIBS PA'I RJES SU GZUGS KYI SBYOR BYUNG KHO NA 'BYUNG BA'I PHYIR RO, ,'DOD PA'I MI DGE BA DANG, BSGRIBS PA DANG, GZUGS MED KYI MA BSGRIBS LUNG MA BSTAN GSUM LAS NI MI 'BYUNG STE, DE DAG DANG TSE DRUG TU RNAM PAR BZHAG PA MI 'THAD PA'I PHYIR RO, ,GZUGS NA SPYOD PA'I BSGRIBS LA LUNG DU MA BSTAN PA'I SEMS NI SEMS ('DOD PA'I NYON MONGS CAN GNYIS ZAG MED GNYIS MA GTOGS PA,) BRGYAD LAS 'BYUNG STE, (DE YANG 'DOD PA'I NYON MONGS CAN SHI BA GONG DU MI SKYE LA, NYON MONGS CAN GYI ZAG MED LAS LDANG BA MI SRID PAS SO DE LA,) RGYUN DANG SA MTSUNGS PA NA SPRUL SEMS MA GTOGS PA RANG GI SA PA GSUM DANG, NYING MTSAMS SBYOR BA NA 'DOD PA'I DGE BA SKYES THOB DANG, MA BSGRIBS LUNG MA BSTAN SPYOD LAM PA DANG RNAM SMIN SKYES GNYIS DANG, GZUGS MED KYI SA PA DGE BA SBYOR BYUNG MA GTOGS PA ('I 'CHI SEMS,) GSUM GYI RJES SU 'BYUNG BA'I PHYIR RO, ,GZHAN 'DOD PA'I NYON MONGS CAN GNYIS DANG ZAG MED GNYIS LAS MI 'BYUNG BA NI SNGA MA BZHIN NO, ,GZUGS KYI BSGRIBS LA LUNG MA BSTAN GYI SEMS DE LAS NI SEMS (RANG GI GSUM 'DOD PA'I DANG PO GSUM DANG,) DRUG 'BYUNG STE, RGYUN DANG SA MTSUNGS PA NA SPRUL SEMS MA GTOGS PA RNAMS 'BYUNG BAS RANG GI SA PA GSUM DANG, NYING MTSAMS SBYOR BA NA 'DOD PA'I MI DGE BA DANG BSGRIBS PA DANG, SNYOMS 'JUG NYON MONGS CAN GYIS GZIR BA NA 'DOD PA'I DGE BA GNYIS KA 'BYUNG BA'I PHYIR RO, ,GZHAN DAG MI 'BYUNG BA NI SNGA MA BZHIN NO, , GZUGS NA SPYOD PA'I MA BSGRIBS LA LUNG DU MA BSTAN PA NI RGYUN GYI TSE SPRUL SEMS NI RANG NYID LAS 'BYUNG LA, SPYOD LAM PA DANG RNAM SMIN SKYES NI SPRUL SEMS MA GTOGS PA PHAN TSUN DANG, SA MTSUNGS PA NA DGE BA SBYOR BYUNG LA MA BSGRIBS PA GSUM GA DANG, SKYES THOB DANG BSGRIBS PA LAS NI SPRUL SEMS LAS GZHAN GNYIS PO 'BYUNG BAS NA RANG GI SA PA GSUM LAS 'BYUNG GI GZHAN DAG LAS NI MI 'BYUNG STE, TSE DRUG GAM BRGYAD DU RNAM PAR BZHAG PA MI 'THAD PA'I PHYIR RO, ,GZUGS KYI MA BSGRIBS LUNG MA @222 BSTAN GYI SEMS DE LAS NI (RANG GI SA PA GSUM 'DOD PA DANG GZUGS MED KYI NYON MONGS CAN GSUM DANG,) SEMS RNAM PA DRUG 'BYUNG STE, RGYUN GYI TSE SPRUL SEMS RANG NYID LAS DANG, SPYOD LAM PA DANG RNAM SMIN SKYES PHAN TSUN DU 'BYUNG BA DANG, SA MTSUNGS PA NA RANG GI SA PA GSUM DANG, NYING MTSAMS SBYOR BA NA GZUGS KYI SPYOD LAM PA DANG RNAM SMIN SKYES GNYIS LAS 'DOD PA'I MI DGE BA DANG BSGRIBS PA DANG, GZUGS MED PA'I BSGRIBS PA'O, ,GZHAN DAG MI 'BYUNG BA NI SNGA MA BZHIN NO, ,JI LTAR GZUGS KYI MA BSGRIBS LUNG MA BSTAN GSUM LAS 'BYUNG ZHING, DE LAS DRUG 'BYUNG BAR BSHAD PA LTAR GZUGS MED PA'I MA BSGRIBS LA LUNG DU MA BSTAN PA'ANG DE'I TSUL DU SHES PAR BYA STE, RANG NYID NI RGYUN DANG SA MTSUNGS PA'I TSE RANG GI SA PA GSUM KHO NA LAS 'BYUNG LA, DE LAS NI NYING MTSAMS SBYOR BA NA RNAM SMIN SKYES LAS 'DOD PA'I NYON MONGS CAN GNYIS DANG, GZUGS KYI BSGRIBS PA DANG, RGYUN GYI TSE RNAM SMIN SKYES RANG NYID DANG, SA MTSUNGS PA NA DGE BA SKYES THOB KHO NA DANG BSGRIBS PA 'BYUNG BAS RANG GI SA PA GSUM STE DRUG KHO NA 'BYUNG BA'I PHYIR RO, ,GZUGS MED PA'I DGE BA'I SEMS LAS NI ('DOD PA'I DGE BA DANG 'DOD GZUGS KYI MA BSGRIBS PA GNYIS POR BAS,) SEMS DGU DAG 'BYUNG STE, RGYUN GYI TSE DGE BA GNYIS KA PHAN TSUN DANG, SA MTSUNGS PA NA DGE BA GNYIS KA LAS BSGRIBS MA BSGRIBS GNYIS KA 'BYUNG BAS RANG GI SA PA GSUM DANG, SNYOMS PAR 'JUG PA NA SBYOR BYUNG KHO NA LAS ZAG MED GNYIS DANG, (ZAG MED SLOB PA NI SGOM LAM MO, ,) SNYOMS 'JUG LAS LDANG BA NA GZUGS MED KYI SBYOR BYUNG KHO NA LAS GZUGS KYI DGE BA SBYOR BYUNG KHO NA DANG, NYING MTSAMS SBYOR BA NA GZUGS MED KYI DGE BA SKYES THOB KHO NA LAS 'DOD PA'I NYON MONGS CAN GNYIS DANG, GZUGS KYI BSGRIBS PA 'BYUNG BA'I PHYIR RO, ,GZUGS MED PA'I DAG PA'I SEMS DE NI (RANG SA GSUM GZUGS DGE ZAG MED GNYIS TE,) SEMS DRUG GI RJES SU 'BYUNG STE, RGYUN GYI TSE DGE BA GNYIS PHAN TSUN DANG, SA MTSUNGS PA NA BSGRIBS PA LAS DGE BA GNYIS KA DANG, MA BSGRIBS PA RNAM SMIN SKYES LAS DGE BA SKYES THOB KHO NA 'BYUNG BAS RANG GI SA PA GSUM DANG, SNYOMS PAR 'JUG PA NA GZUGS KYI DGE BA SBYOR BYUNG KHO NA LAS GZUGS MED KYI'ANG SBYOR BYUNG KHO NA DANG, SNYOMS 'JUG LAS LDANG BA NA ZAG MED GNYIS KYI RJES SU GZUGS MED KYI SBYOR BYUNG KHO NA 'BYUNG BA'I PHYIR RO, ,GZUGS MED PA'I BSGRIBS LA LUNG DU MA BSTAN PA'I SEMS LAS NI (RANG SA GSUM 'OG GI NYON MONGS CAN GSUM DGE BA SBYOR BYUNG STE,) SEMS BDUN 'BYUNG STE, RGYUN DANG SA MTSUNGS PA NA RANG GI SA PA GSUM DANG, NYING @223 MTSAMS SBYOR BA NA GZUGS KYI BSGRIBS PA DANG, 'DOD PA'I NYON MONGS CAN GNYIS DANG, SNYOMS 'JUG NYON MONGS CAN GYIS GZIR BA NA GZUGS KYI DGE BA SBYOR BYUNG KHO NA 'BYUNG BA'I PHYIR RO, ,JI LTAR GZUGS MED PA'I BSGRIBS PA LAS BDUN 'BYUNG BA LTAR BSGRIBS PA DE YANG DE BZHIN DU ('OG MA GNYIS KYI NYON MONGS CAN GSUM DANG ZAG MED GNYIS POR BA,) BDUN LAS 'BYUNG STE, RGYUN DANG SA MTSUNGS PA NA RANG GI SA PA GSUM DANG, NYING MTSAMS SBYOR BA NA GZUGS KYI DGE BA SKYES THOB DANG, 'DOD PA'I DGE BA SKYES THOB DANG, 'DOD GZUGS KYI MA BSGRIBS LUNG MA BSTAN RNAM SMIN SKYES DANG SPYOD LAM PA KHO NA'I RJES SU 'BYUNG BA'I PHYIR RO, ,SLOB PA'I SEMS NI BZHI LAS 'BYUNG STE, SNYOMS PAR 'JUG PA'I TSE KHAMS GSUM GYI DGE BA SBYOR BYUNG GSUM PO KHO NA DANG, RGYUN GYI TSE SLOB PA RANG GI MJUG THOGS SU SLOB PA RANG NYID 'BYUNG BA'I PHYIR RO, ,SLOB PA'I SEMS DE LAS NI LNGA 'BYUNG STE, SNYOMS 'JUG LAS LDANG BA NA 'DOD PA'I SKYES THOB KYANG GSAL BAS SKYES THOB DANG SBYOR BYUNG GNYIS KA 'BYUNG LA, KHAMS GONG MA GNYIS KYI SKYES THOB NI MI GSAL BA'I PHYIR LDANG SEMS MA YIN PAS SBYOR BYUNG GNYIS PO KHO NA 'BYUNG BAS NA KHAMS GSUM GYI DGE BA GSUM DANG, RGYUN GYI TSE SLOB PA DANG NYID DANG, SNYOMS PAR 'JUG PA'I TSE SLOB PA RDO RJE LTA BU'I TING NGE 'DZIN GYI MJUG THOGS SU MI SLOB PA ZAD SHES 'BYUNG BA'I PHYIR RO, , MI SLOB PA'I SEMS NI LNGA DAG LAS 'BYUNG STE, SNYOMS PAR 'JUG PA'I TSE KHAMS GSUM GYI DGE BA SBYOR BYUNG GSUM PO KHO NA DANG, SLOB PA RDO RJE LTA BU'I TING NGE 'DZIN GYI RJES DANG, RGYUN GYI TSE MI SLOB PA RANG NYID LAS 'BYUNG BA'I PHYIR RO, ,MI SLOB PA DE LAS NI SEMS BZHI DAG 'BYUNG STE, SNYOMS 'JUG LAS LDANG NA KHAMS GSUM GYI DGE BA SNGA MA LTAR 'DOD PA'I GNYIS KA DANG KHAMS GONG MA GNYIS KYI SBYOR BYUNG GNYIS TE GSUM DANG, RGYUN GYI TSE (ZAD SHES LAS MI SKYE BA SHES PA LTA BU,) MI SLOB PA RANG NYID 'BYUNG BA'I PHYIR RO, ,GAL TE DE LTA NA MI SLOB PA LAS SEMS LNGA 'BYUNG BAR 'GYUR TE, YONGS SU NYAMS PA'I TSE MI SLOB PA'I MJUG THOGS SU SLOB PA 'BYUNG BA'I PHYIR ZHE NA, NYON MONGS PA MNGON DU MA BYAS PAR NI MI SLOB PA LAS MI NYAMS LA, NYON MONGS MNGON DU BYAS PA NA NYON MONGS PAS BAR DU CHOD PA'I PHYIR (DE MA THAG RKYEN MIN PA'I PHYIR,) RO, ,DE NYID KYI PHYIR t'I KA BYED DAG GIS KYANG MI SLOB PA'I MJUG THOGS SU SLOB PA NI MI 'BYUNG STE, YONGS SU NYAMS PA'I TSE'ANG NYON MONGS PA KUN DU 'BYUNG BAS BAR DU CHOD PA'I PHYIR RO ZHES BSHAD DO, ,'ON KYANG KHAMS GSUM GYI BSGRIBS PA'I SEMS GSUM @224 DANG BDUN 'BYUNG BAR THAL BAR 'GYUR BA'I NYES PA NI SPANG DGOS SO, ,('O NA DE'I MJUG THOGS SEMS BRGYAD 'BYUNG BAR THAL DGE BA GSUM MI SLOB PA RANG NYID, DE LAS NYAMS NA KHAMS GSUM GYI NYON MONGS GSUM, SLOB PA DANG BRGYAD 'BYUNG BAS SA, ,ZHE NA, NYON MONGS CAN DANG SLOB PA DE'I DE MA THAG TU MI 'BYUNG STE MI SLOB LAS MA LANGS PAR NI MI NYAMS LA, LANGS PA NA DGE SEMS LAS LANGS DGOS PAS NYON MONGS DANG SLOB PA'I BAR DU DGE BAS CHOD BA'I PHYIR RO,) DE DAG NI SEMS BCU GNYIS KYI DE MA THAG PA'I RKYEN BSHAD PA'O, ,(SEMS NYI SHU BSHAD PA LA GSUM LAS DANG PO NI,) YANG SEMS BCU GNYIS PO DE DAG NI NYI SHUR YANG BSHAD DO, ,JI LTAR BYAS NAS SHE NA, KHAMS GSUM DU DGE BA RNAM PA GNYIS (GNYIS) SU PHYE NAS (BCO LNGA,) BSHAD PA'I PHYIR RO ZHES SBYAR RO, ,GNYIS PO GANG ZHE NA, SKYES NAS THOB PA DANG, (SKYES THOB NI KHAMS 'OG MA GNYIS NA SBYOR BA LAM LTOS PAR BAR SRID NYING MTSAMS SBYOR BA'I TSE 'THOB LA, GZUGS MED SKYE SRID DU NYING MTSAMS SBYOR BA'I TSE THOB PA'O, ,SBYOR BYUNG NI SBYOR BA GOMS PAS THOB PA THOS BSAM SGOM GSUM CI RIGS PA NI,) SBYOR BA LAS BYUNG BA'O, ,DE LTA NA BCO LNGA LAS MED DO ZHE NA, 'DOD PA'I KHAMS NA DGE BA DANG NYON MONGS CAN DU LUNG BSTAN PA MIN PA MA BSGRIBS LUNG MA BSTAN GYI SEMS RNAM PA BZHIR PHYE (NAS BCO BRGYAD YOD,) BA'I PHYIR RO, , BZHI PO GANG ZHE NA, RNAM PAR SMIN PA LAS SKYES PA DANG, ('GRO NYAL SOGS,) SPYOD LAM PA DANG, BZO'I GNAS DANG, (SPRUL PA'I PHYIR,) SPRUL PA'I SEMS SO ZHES SBYAR RO, ,DE LTAR NA'ANG BCO BRGYAD DO ZHE NA, GZUGS KYI KHAMS NA BZO'I SEMS MA GTOGS PA RNAM PA GSUM YOD PA'I PHYIR RO, ,DE NA BZO'I SEMS NI MED DE, (GZHAL MED KHANG DANG GOS DANG RGYAN LA SOGS PA NI LAS LA BYUNG BA DANG SPRUL PA YIN LA MKHAN BZOS BYAS PA CUNG ZAD KYANG MED PAS,) BZO'I LAS DAG MED PA'I PHYIR RO, ,GZUGS MED NA NI SPYOD LAM PA DANG SPRUL SEMS KYANG MED PA'I PHYIR RNAM SMIN SKYES GCIG PU YOD DO, ,DE'I PHYIR SEMS NYI SHUR 'GYUR RO, ,'DI DAG GANG GI MJUG THOGS SU GANG 'BYUNG BA'ANG 'GREL PA LAS BSHAD DE 'DIR NI YI GE MANG BAS 'JIGS NAS MA BRIS SO, ,DE LTAR NA KHAMS GSUM NA DGE BA LA GNYIS GNYIS DANG, MA BSGRIBS LUNG MA BSTAN LA KHAMS 'OG MA GNYIS NA BZHI DANG GSUM DU DBYE BA YOD KYANG BCU GNYIS KYI SKABS SU DGE BA GNYIS KA'ANG GCIG TU BGRANG ZHING, MA BSGRIBS LUNG MA BSTAN BZHI GNANG GCIG TU BGRANG BAR BYA'O, ,(LUNG MA BSTAN BZHI'I RNAM SMIN SKYES @225 NI YUL THAMS CAD LA DMIGS SHES TSOGS DRUG LA YOD DO, ,PHYI MA GSUM NI SPYOD PA LA SOGS PA'I GZUGS RO DRI RAG BZHI DANG BZO'I GNAS PA'I SGRA DANG LNGA LA CI RIGS DMIGS SO, ,RTOG PAS MNGON PAR 'DU BYED DGOS PAS YID SHES KHO NA LA 'BYUNG NGO, ,SPYOD LAM PA DANG BZO'I GNAS PA'I SBYOR DBANG SHES LNGA STE, MTHONG THOS SOGS LAS SKYE BA'I PHYIR RO, ,RNAM SMIN SKYES LA NI LAS KYI MTHUS RANG GI NGANG GIS 'BYUNG BAS SBYOR BA MED LA, SPRUL SEMS KYI SBYOR BA NI BSAM GTAN GYI DNGOS GZHI'I SEMS SO, ,DES NA 'DOD PA NA SEMS BRGYAD DANG GZUGS NA DRUG DANG GZUGS MED NA BZHI DANG ZAG MED GNYIS DANG NYI SHU'O, ,YANG NA DGE BA BRGYAD DANG NYON MONGS CAN BZHI DANG BSGRIBS PA BRGYAD DANG NYI SHU'O,,) NYI SHUR PHYE BA'I DGOS PA NI KHAMS GSUM GYI DGE BA SKYES THOB DANG, MA BSGRIBS LUNG MA BSTAN RNAM SMIN SKYES DANG SPYOD LAM PA LA 'CHI SEMS YOD KYI, DGE BA SBYOR BYUNG DANG, MA BSGRIBS LUNG MA BSTAN GZHAN GNYIS LA MED PA DANG, KHAMS GSUM GYI DGE BA SBYOR BYUNG KHO NA LA SNYOMS PAR 'JUG SEMS YOD KYI GZHAN LA MED PA DANG, 'DOD GZUGS KYI SPRUL SEMS GNYIS GZUGS KYI DGE BA SBYOR BYUNG DANG RANG NYID LAS 'BYUNG GI GZHAN LAS MI 'BYUNG BA DANG, SNYOMS 'JUG LAS LDANG SEMS DANG, SNYOMS 'JUG NYON MONGS CAN GYIS GZIR BA'I TSE'ANG 'DOD PA'I NI GSAL BAS DGE BA SKYES THOB LA'ANG YOD LA, KHAMS GONG MA GNYIS KYI NI SKYES THOB MI GSAL BAS LDANG SEMS MED KYI DGE BA SBYOR BYUNG KHO NA LA YOD DO ZHES PA'I DMIGS BSAL DE DAG SHES PAR BYA BA'I PHYIR RO, ,(BCU GNYIS DANG NYI SHU KHYAB GANG CHE DPYAD PA NI,) 'O NA SEMS NYI SHU DANG BCU GNYIS KHYAB GANG CHE ZHE NA, DE NI BCU GNYIS KHYAB CHE STE, 'GREL PA LAS, GZHAN DAG NA RE BZO'I GNAS PAS MNGON PAR BSGRUBS PA'I YID KYI RNAM PAR SHES PA SKYE MCHED BCU GNYIS LA DMIGS PA YANG YOD DO ZHES ZER RO (ZHES PAS RTEN GYI DNGOS PO MTHA' DAG LA DMIGS PA'I LUNG MA BSTAN KYANG YOD DO, ,) ZHES 'BYUNG BA'I PHYIR DANG, SLOB DPON RGYAL PO'I SRAS KYIS KYANG DES MTSON NAS GZHAN YANG YOD PAR BSTAN TE, DE LTA MA YIN NA GNYIS PA SOGS NA LUS MIG DANG, ,RNA BA'I RNAM SHES RNAM RIG SLONG, ,GANG YIN DE NI DANG POR GTOGS, ,DE LUNG MA BSTAN NYON MONGS MIN ZHES PA DANG, SMRAR 'JUG PA NI 'OG MAS KYANG ZHES PA DAG KYANG SNGAR BSHAD PA BZHI PO DE DAG TU MA 'DUS PA'I PHYIR DANG, BTZUN PA GO CHA MTHA' YAS KYI 'GREL BSHAD LAS KYANG, BZHI PO DE DAG TU MA GTOGS PA'I RNAM @226 PAR SHES PA LUNG DU MA BSTAN PA GZHAN DAG KYANG YOD DO ZHES BSHAD DE, DES NA BSHAD PA 'DI NI LHAG MA DANG BCAS PA YIN PAR KHONG DU CHUD PAR BYA'O ZHES PA DANG, GNAS GSUM PA'I t'I KAR DGRA BCOM PA LHAG MED DU 'JUG PA'I SPYOD LAM PA'I SEMS KYANG SPYOD LAM PA DANG 'DRA BA ZHIG YIN TE, LUNG MA BSTAN NI BZHI PO KHO NAR ZAD PAR MI 'DOD DO ZHES BSHAD PA'I PHYIR RO, ,SEMS BCU GNYIS KYI RNYED PA BSHAD PA NI 'DOD PA LA SOGS PA KHAMS GSUM PA'I NYON MONGS PA CAN NI 'DOD PA NA MI DGE BA DANG BSGRIBS PA GNYIS DANG, GONG MA GNYIS NA BSGRIBS PA GNYIS TE BZHI LAS RE ZHIG DE LA 'DOD PA'I NYON MONGS CAN GYI SEMS GNYIS MNGON DU GYUR NA DRUG RNYED PA DANG, GZUGS KYI BSGRIBS PA'ANG MNGON DU GYUR NA DRUG RNYED PA DANG, GZUGS MED KYI BSGRIBS PA MNGON DU GYUR NA GNYIS RNYED DO, , DE YANG 'DIR 'GREL PA LAS, SKYE DANG SNYOMS PAR 'JUG PA DANG, ,'DOD CHAGS BRAL DANG YONGS NYAMS DANG, ,DGE BA'I NYING MTSAMS SBYOR BA'I TSE, ,SEMS DE LDAN PA MIN LAS RNYED CES 'BYUNG STE, DE LA SKYE BA KHAMS GONG MA NAS 'OG MAR SLAR LDOG PA'I TSE DANG, SNYOMS PAR 'JUG PA NI BSAM GTAN DANG PO DANG NAM MKHA' MTHA' YAS SKYE MCHED KYI NYER BSDOGS THOB PA NA RIM PA LTAR KHAMS GONG MA GNYIS KYI DGE BA 'THOB PA SNYOMS PAR 'JUG PA'I TSE DANG, 'DOD CHAGS DANG BRAL BA NI SA DANG SA LAS 'DOD CHAGS DANG BRAL BA'I TSE DANG, YONGS SU NYAMS PA NI KHAMS GSUM GYI NYON MONGS PA MNGON DU GYUR NAS DGRA BCOM LAS NYAMS PA'I TSE DANG, DGE BA'I NYING MTSAMS SBYOR BA NI DGE RTZA CHAD NAS THE TSOM MAM YANG DAG PA'I LTA BAS NYING MTSAMS SBYOR BA'I TSE STE TSE LNGA BSHAD PA LAS, 'DI LTAR 'DOD KHAMS SU SLAR LDOG PA'I TSE 'DOD PA'I NYON MONGS CAN MI DGE BA'AM BSGRIBS PA'I SEMS GANG YANG RUNG BA ZHIG MNGON DU GYUR NA NYON MONGS CAN DE GNYIS KA'I THOB PA DANG, ('DOD PA'I) DGE BA SKYES THOB KYI THOB PA 'BYUNG NGO, ,'DOD KHAMS SU DGE RTZA CHAD PA DAG THE TSOM GYIS NYING MTSAMS SBYOR BA (DANG GONG MA GNYIS NAS 'DIR SKYES,) NA SNGAR DU BGRANGS PA'I DGE BA SKYES THOB KYI THOB PA 'BYUNG BA DANG, 'DOD PA'I MI DGE BAS DGRA BCOM LAS NYAMS PA NA KHAMS GONG MA GNYIS KYIS BSGRIBS PA GNYIS DANG, SLOB PA'I THOB PA 'BYUNG STE, DE LTAR NA SPYIR 'DOD PA'I NYON MONGS CAN GYI SEMS MNGON DU GYUR NA SEMS DRUG GI THOB PA SNGAR MI LDAN PA LAS GSAR DU RNYED PA YIN GYI MNGON DU GYUR PA NI MA YIN NO, ,(DE YANG DRUG KA GCIG CAR RNYED PA MIN GYI SEMS NYON MONGS CAN GCIG DANG POR MNGON DU GYUR NA CI RIS? NAS DRUG GI RNYED PA 'BYUNG RUNG GI RGYUN LA BRTZI'O, ,DE LA TSE LNGA PA BRTZI BAS, @227 DGE RTZA CHAD PA 'DOD PA'I THE TSOM NYON MONGS CAN MNGON DU GYUR PAS MTSAMS SBYOR NA 'DOD PA'I DGE BA SKYES THOB KYI THOB PA GSAR DU RNYED DO, ,GONG MA GNYIS NAS 'DOD PAR SKYE NA'ANG DE NYID GSAR DU RNYED DE SNGAR 'DOD PA'I DGE BA'I THOB PA NI GONG DU SKYES PAS BTANG BAS SO, ,GZUGS NAS 'DOD PAR SKYE BA NI LA 'DOD PA'I NYON MONGS CAN GNYIS GANG MNGON DU GYUR KYANG 'DOD PA'I NYON MONGS CAN GNYIS KA'I THOB PA GSAR DU RNYED DO, ,DE YANG BAR SRID DU RNYED DO, ,GZUGS MED NAS 'DOD PAR SKYE BA'I TSE BAR SRID GZUGS KYI NYON MONGS CAN DANG 'DOD PA'I NYON MONGS CAN GNYIS DANG GSUM GYI THAB PA GSAR DU RNYED DO, ,'DOD PA'I MI DGE BA MNGON DU GYUR NAS DGRA BCOM LAS NYAMS NA KHAMS GSUM GA'I NYON MONGS CAN GSUM GYI THOB PA DANG SLOB PA'I THOB PA'ANG GSAR DU RNYED DU RUNG NGO, ,'DOD PA'I NYON MONGS CAN MI DGE BA MA GTOGS BSGRIBS PA'I 'JIG LTA MTHAR LTA SOGS KYIS NI 'PHAGS PA NYAMS PA DE MTHONG SPANG YIN PAS SO, ,DES NA 'DOD PA'I SEMS NYON MONGS CAN DANG POR MNGON DU GYUR NA 'DOD PA'I DGE BA SKYES THOB NYON MONGS CAN GNYIS TE 'DOD SEMS GSUM GONG MA GNYIS KYI NYON MONGS CAN GNYIS, ZAG MED SLOB PA DANG DRUG GI THOB PA GSAR DU RNYED DU RUNG ZHES PA'O, ,) GZUGS KHAMS KYI NYON MONGS CAN GYI SEMS MNGON DU GYUR PA LAS KYANG SNGAR MI LDAN PA LAS DRUG RNYED DE, GZUGS MED NAS GZUGS KHAMS SU SKYE BA'I TSE GZUGS KYI BSGRIBS PA MNGON DU GYUR NA DE NYID DANG, GZUGS KYI DGE BA SKYES THOB DANG, (THOB PA SNGAR SKYES YOD PAS,) GZUGS KYI SPRUL SEMS DANG, 'DOD PA'I SPRUL SEMS (DANG GNYIS TE,) BZHI THOB PA 'BYUNG NGO, ,GZUGS KYI BSGRIBS PAS DGRA BCOM LAS NYAMS PA NA GZUGS MED KYI BSGRIBS PA DANG, SLOB PA'I SEMS (KYI THOB PA,) 'BYUNG NGO, , GZUGS MED KYI NYIN MONGS CAN GYI SEMS KYIS DGRA BCOM LAS NYAMS PA NA GZUGS MED KYI NYON MONGS CAN DE (NYID) DANG SLOB PA STE GNYIS RNYED DO, ,('DI KHAMS SU SLAR LOG PA LAS RNYED PA NI MED DE RANG GI GONG NA GNAS GZHAN MED CING RANG SA'I SNGAR NAS LDAN PAS SO,,) 'DOD PA LAS 'DOD CHAGS DANG BRAL BA NA GZUGS KYI KHAMS SU SKYES PA BSAM GTAN DNGOS GZHI'I DGE BA (DANG POR,) MNGON DU BYAS PA LA NI (RANG SA'I DGE BA DANG 'DOD GZUGS KYI SPRUL SEMS GNYIS TE,) GSUM DAG 'THOB STE, GZUGS KYI DGE BA DANG, 'DOD GZUGS KYI SPRUL SEMS GNYIS TE, BSAM GTAN GYI SEMS THOB PA NA DE DAG GI THOB PA'ANG NGES PAR 'BYUNG BA'I PHYIR RO, ,SLOB PA'I SEMS MNGON DU GYUR PA LA NI BZHI 'THOB BO, ,NGES PA (STE ZAG MED SKAD CIG DANG PO,) LA 'JUG PA NA SLOB PA DE NYID DANG, 'PHAGS @228 PA'I LAM (MI LCOGS MED ZAG MED,) GYIS 'DOD PA LAS 'DOD CHAGS DANG BRAL BA ('I RNAM GROL DGU PA'I TSE,) NA 'DOD GZUGS KYI SPRUL SEMS GNYIS DANG, (SA DRUG GANG RUNG LA BRTEN PA'I,) 'PHAGS PA'I LAM GYIS GZUGS LAS 'DOD CHAGS DANG BRAL BA NA GZUGS MED KYI DGE BA'I THOB PA 'BYUNG STE DE LTAR NA RIS BZHI'O, ,GZUGS KYI DGE BA NI RIGS TZAM SNGAR (DROD THOB PA,) NAS YOD PAS SLOB PA'I STOBS KYIS GSAR THOB MA YIN PAS MI BGRANG NGO, ,(DRUG PO DE DAG GI,) LHAG MA ('DOD PA DANG GZUGS MED KYI DGE BA DANG MI SLOB PA DANG KHAMS GSUM GYI MA BSGRIBS LUNG MA BSTAN GSUM STE,) SEMS (DRUG) LA NI DE NYID KYI THOB PA 'BYUNG GI GZHAN MA YIN, (SEMS KHA CIG NI SNGAR NAS THOB LA, LA LA DE'I TSE MA THOB PAS SO, ,) LHAG MA NI DRUG STE, 'DOD PA DANG GZUGS MED KYI DGE BA DANG, MI SLOB PA DANG, KHAMS GSUM GYI MA BSGRIBS LUNG MA BSTAN NO, , SPEL MA MDZAD PA'I SLOB DPON DAG ,NYON MONGS CAN GYI SEMS LA NI, ,MKHAS PA RNAMS KYIS (GZUGS MED KYI DGE BA DANG MA BSGRIBS PA DE GNYIS MI SLOB PA DANG GSUM MA GTOGS PA,) DGU RNYED BRJOD, ,DGE BA'I SEMS LA (SPRUL SEMS GNYIS GONG DGE GNYIS ZAG MED DANG PO THA MA GNYIS TE,) DRUG YIN TE, ,LUNG MA BSTAN LA DE NYID DO ZHES 'CHAD PA NI KHAMS GSUM GYI NYON MONGS CAN GYI SEMS MNGON DU GYUR PA LAS 'DOD PA'I BZHI DANG, GZUGS KYI GSUM DANG, GZUGS MED KYI BSGRIBS PA DANG, ZAG MED DANG DGU CI RIGS PAR RNYED DO ZHES BYA BA STE SNGAR BSTAN PA LAS MA 'DAS SO, , (RANG RANG GI TING NGE 'DZIN THOB CING,) DGE BA'I SEMS MNGON DU GYUR PA LAS (GONG SEMS GNYIS SAM,) KHAMS GSUM GYI DGE BA GSUM DANG, ('DOD CHAGS DANG BRAL BA THOB PA LAS,) 'DOD GZUGS KYI SPRUL SEMS GNYIS DANG, ZAG MED DANG DRUG RNYED DO ZHES ZAG MED GCIG TU BSAMS MOD KYI DER NI DGE BA'I SEMS LA BDUN YIN TE ZHES BRJOD PAR RIGS TE, (KHA CIG YANG DAG LTA BAS DGE RTZA CHAD PA MTSAMS SBYOR BA LAS 'DOD DGE 'BYUNG BAS DE DANG BDUN DU 'DOD DO KHA CIG NI,) ZAG MED LA SLOB MI SLOB GNYIS SU DBYER YOD PA'I PHYIR (BDUN NO ZHES ZER,) RO, , DE NYID KYI PHYIR SLOB DPON GYIS, ,NGES 'JUG DGRA BCOM NYID KYI TSE, ,SLOB PA DANG NI MI SLOB PA'O ZHES NGES PA LA 'JUG PA MTHONG LAM THOB PA NA SLOB PA ZAG MED DANG, DGRA BCOM THOB PA NA MI SLOB PA ZAG MED THOB PAR BSHAD DO, ,MA BSGRIBS LUNG MA BSTAN GSUM LA NI (LUNG BSTAN MIN THOB LHAN CIG SKYE ZHES PAS,) DE NYID KYI RNYED PA 'BYUNG NGO ZHES BYA STE (DE'I ZHAR LA RANG GZHAN SNGA @229 PHYIR THOB PA NI MED CES,) SNGAR BSTAN PA BZHIN NO, ,(DE'I ZHAR LA SEMS NYI SHU RANG GZHAN GANG GIS RNYED TSUL DPYAD PA NI MA BSGRIBS LUNG MA BSTAN BRGYAD KYIS SPRUL SEMS GNYIS LAS GZHAN DRUG LA THOB PA SNGAR SKYES MED PAS RANG NYID MNGON DU GYUR PA'I TSE RNYED LA, 'DOD PA DANG GZUGS KYI DGE BA SBYOR BYUNG GNYIS NI RANG GI SBYOR BAS THOB LA, MI SLOB PA ZAD PA SHES PAS 'THOB PA'I PHYIR RANG KHO NAS RNYED PA DGU DANG, SPRUL SEMS GNYIS NI GZUGS KYI DGE BA DANG BSGRIBS PA DANG SLOB PAS RNYED LA, GONG MA GNYIS KYI SKYES THOB KYANG NYING MTSAMS SBYOR BA'I BSGRIBS PAS RNYED PA'I PHYIR GZHAN KHO NAS RNYED PA BZHI DANG 'DOD PA'I SKYES THOB YANG DAG PA'I LTA BAS MTSAMS SBYAR NA RANG DANG, THE TSOM GYIS MTSAMS SBYOR BA DANG, SKYE BA LEN PA'I TSE GZHAN GYIS RNYED LA, NYON MONGS CAN GNYIS PO SKYE BA'I TSE GANG MNGON DU GYUR PA RANG GIS DANG CIG SHES GZHAN GYIS DANG, GONG MA'I BSGRIBS PA GNYIS RANG RANG GIS NYAMS NA RANG DANG 'OG MAS NYAMS NA GZHAN DANG GZUGS MED KYI SBYOR BYUNG NAM MKHA'I NYER BSDOGS LA ZHUGS PA'I TSE RANG DANG, SLOB PAS RNYED NA GZHAN DANG, SLOB PA YANG ZAG MED SKAD CIG DANG PO'I TSE RANG DANG, DGRA BCOM LAS NYAMS PA'I TSE GZHAN GYIS RNYED PA'I PHYIR GNYIS KAS RNYED PA BDUN YIN NO ZHES GSUNGS SO,) DBANG PO RNAMS DANG 'DUS BYAS SKYE BA'I TSUL, ,GZUGS CAN MTSUNGS LDAN LDAN PA MA YIN DANG, ,RGYU RKYEN 'BRAS BCAS JI BZHIN LEGS RTOGS PA, ,GNAS 'DI LAS YIN DE PHYIR 'DI MNYAN RIGS, ,CHOS MNGON PA'I MDZOD KYI 'GREL PA MNGON PA'I RGYAN LAS DBANG PO BSTAN PA ZHES BYA BA STE GNAS GNYIS PA'I BSHAD PA'O, , @230 GNAS GSUM PA, 'JIG RTEN BSTAN PA, DA NI 'JIG RTEN BSTAN PA'I MDZOD 'CHAD PA NA KHAMS BSTAN PAR 'DOD KHAMS GTOGS PA THAMS CAD DO ZHES BYA BA LA SOGS PA DANG, DBANG PO BSTAN PAR DRI MED MA GTOGS 'DOD PAR GTOGS ZHES BYA BA LA SOGS PAS KHAMS GSUM GYI MING TZAM ZHIG BSHAD PAS DE'I DON BSTAN PA'I PHYIR 'JIG RTEN BSTAN PA'I MDZOD 'CHAD PAR BYED DO, ,(YANG NA GNAS DANG PO GNYIS KYIS JI LTA BA DANG JI SNYED PA'I DMIGS PA THUN MONG DU BSHAD NAS, 'DI MAN CHAD KYIS GTZO CHER JI LTA BA'I DMIGS PA STON NO, ,DE YANG BDEN PA BZHI YIN PA LAS THOG MAR SDUG BDEN 'CHAD PA'I MTSAN GZHI NI GANG SKYE BA SEMS CAN DANG GANG DU SKYE BA SNOD KYI 'JIG RTEN DANG GNYIS TE, THUN MONG MIN PA DANG THUN MONG GI LAS GRUB PA'O, ,MTSAN NYID NI SDUG BSNGAL GSUM GYIS CI RIGS SU SDUG BSNGAL BA'O, ,'JIG RTEN THAMS CAD SDUG BSNGAL YIN NAM ZHE NA, SDE PA GNYIS NI DE LTAR 'DOD DE, DE GSUM ZAG BCAS ZAG PA MED, ,LHAG MA RNAMS NI ZAG BCAS SO, ,ZHES BSHAD PAS SO, ,'ON KYANG SDUG BSNGAL GYI SDUG BSNGAL DANG MI LDAN PA DE DAG YONGS SU DAG PA'I 'JIG RTEN YIN NO, ,DAG PA'I 'JIG RTEN SLOB DPON 'PHAGS PA LAM BDEN DU 'DOD CING BSDU BA LAS DE DAG DUS GSUM PA THOB PA'I BYANG SEMS RNAMS SMIN LAM GYI DBANG GIS SKYE BAR BSHAD DO,, (GCIG) SEMS CAN GYI 'JIG RTEN BSTAN PA, DE LA'ANG SEMS CAN GYI 'JIG RTEN DANG, SNOD KYI 'JIG RTEN GNYIS LAS DANG PO LA'ANG (LAS GSOG PA PO SEMS CAN BSHAD PA LA,) SEMS CAN GYI DBYE BA DANG, KHYAD PAR GYI CHOS DANG, RNAM GZHAG GIS RGYAS PAR BSHAD PA GSUM LAS DANG PO LA'ANG KHAMS GSUM DU DBYE BA NI BSOD NAMS MA YIN PA'I LAS KYIS KHRID PA'AM, DGA' BAR MI BYED PA'I PHYIR DMYAL BA STE, NA RA KA ZHES BYA BA LA NA DGAG @231 PA DANG RA KA DGA' BA YIN PA'I PHYIR RO, ,SLOB DPON 'DUN BZANG NA RE SKYABS MED PAS NA DMYAL BA ZHES BYA'O ZHES ZER RO, ,ZAS SKOM YID LA BTAGS PA'AM DER SONG BA RNAMS PHYIR MI LDOG PAS SAM, SKOM PA DANG LDAN PAS YI DVAGS TE PRE TA ZHES BYA BA'I DON TO, ,DUD CING 'GRO BAS NA DUD 'GRO STE TIRYA KA ZHES BYA BA'I DON TO, ,'JIG RTEN PA RNAMS YID KYI BU ZHES ZER ZHING YID SHAS CHE BAS MI STE MA NU shA'I DON TO, ,DES NA BSKAL PA DANG PO'I MI RNAMS KYANG YID LAS SKYES ZHES BYA BAR SGROGS SO, , RNAMS ZHES PA NI BZHI GA LA SBYAR RO, ,LHA NI TSANGS PA'I LUS LAS SKYES PA DANG, (BDUD RTZI ZA BAS SAM LUS LA 'OD YOD PAS SAM,) BDE BA LA ROL PA DANG, MCHOD PAR 'OS PA DANG, GZHAL YAS KHANG NAM MKHA' LA YOD PA'I PHYIR TE DE BA'I DON TO, ,DE YANG RGYAL CHEN (RIS, BZHI,) PA DANG, SUM CU RTZA GSUM PA DANG, 'THAB BRAL BA DANG, DGA' LDAN PA DANG, 'PHRUL DGA' BA DANG, GZHAN 'PHRUL DBANG BYED PA STE DRUG GO, DE LTAR NA DMYAL BA NAS LHA DRUG GI BAR SNOD DANG BCAS PA DAG NI 'DOD PA'I KHAMS YIN TE, 'DIR SEMS CAN RNAMS NI (YUL,) KHAM ZAS DANG 'KHRIG PA LA 'DOD CHAGS DANG BCAS SHING 'DOD YON LNGAS 'TSO BA'I PHYIR DANG, (MNYAM PAR MA GZHAG PA DANG 'DOD PA'I 'DOD CHAGS RGYAS PAR 'GYUR BA'I PHYIR DANG,) SNOD KYANG 'DOD PA DANG LDAN PA'I SEMS CAN GYI GNAS YIN PA'I PHYIR DANG, RANG GI MTSAN NYID 'DZIN PA'I PHYIR TE, LUNG SIL BU LAS, 'JIG RTEN SNA TSOGS GANG DE 'DOD PA MIN, ,SKYES BU'I KUN RTOG 'DOD CHAGS 'DOD PA YIN, ,'JIG RTEN DAG NA SNA TSOGS DE BZHIN GNAS, ,'ON KYANG BRTAN RNAMS 'DI LA BDUN PA 'DUL ZHES GSUNGS PA BZHIN NO, ,('O NA 'DOD PA'I SBRUL SEMS LA'ANG 'DOD PA'I 'DOD CHAGS RGYAS PAR THAL LO ZHE NA, SPRUL PA'I DBANG GIS SPRUL SEMS LA'ANG CHAGS PA'AM 'DOD PA KHO NA'I CHOS DRI RO SPRUL PA STE SA GZHAN GYI SPRUL SEMS GYIS SA GZHAN PHYI SPRUL PA BYED PA MED PA'I PHYIR DANG YANG SPRUL PA BYED PA GZHAN LAS THOS NAS BYED PAS CHAGS PA MED KYANG BYED PA'AM YANG NA RANG GI SPRUL PA NYAMS NA DE LA CHAGS PA 'BYUNG BAS SO, ,DE LA DE RGYAS PAR MI 'GYUR RO, ,) DE RNAMS KYANG RGYAS PAR DBYE NA DMYAL BA LA TSA DMYAL BRGYAD DANG, MI LA GLING BZHIR DBYE BA LAS NI 'DOD PA'I KHAMS DE NYI SHUR SHES PAR BYA'O, ,GRANG DMYAL DANG NYE 'KHOR BA RNAMS NI TSA DMYAL GYI 'KHOR GNAS PA'I PHYIR DANG NYI TSE BA LA GNAS NGES PA MED PA'I PHYIR MA BGRANGS SO, ,GLING PHRAN RNAMS KYANG GLING GI 'KHOR YIN PA'I PHYIR RO,, LHA MA YIN LA SOGS PA RNAMS KYANG 'DOD KHAMS YIN MOD KYI DE NI 'DOD PA'I 'GRO BA LNGAR 'DUS @232 PAR 'CHAD PAR 'GYUR RO, ,DE LTAR NA NGAN SONG GNAS BCU DANG MTHO RIS GNAS BCU STE NYI SHU'O, , SA'I DNGOS GZHI LAS NI TSA DMYAL BRGYAD, GRANG DMYAL BRGYAD, YI DVAGS DANG, LHA MA YIN DANG, MI'I GLING BZHI GLING PHRAN BRGYAD DE BCU GNYIS, RGYAL CHEN RIS BZHI LA SOGS PA LHA RIS DRUG STE GNAS GZHAN SUM CU RTZA DRUG PO 'DI DAG NI 'DOD PA'I KHAMS ZHES BYA'O, ,DUD 'GRO NI LHA DANG MI DANG LHAN CIG RGYU BA NYID YIN PAS DE'I PHYIR DE DAG GI GNAS GZHAN LOGS SHIG TU RNAM PAR MI GZHAG GO ZHES BSHAD CING, SLOB DPON KLU SGRUB KYIS KYANG SA LU LJANG PA'I 'GREL PA LAS, KHAMS 'GRO SKYE 'GRO BYE BRAG GIS, 'DOD SRID RNAM PA SUM CU DRUG CES PA DANG MTHUN PAR SUM CU RTZA DRUG NYID DU BSHAD DE, GZHAN DAG NI DMYAL BA LA BCO BRGYAD DANG, YI DVAGS DANG DUD 'GRO LA GNAS NA GNAS PA DANG, KHA 'THOR BA GNYIS GNYIS SU PHYE BAS BZHI DANG, MI LA BCU GNYIS DANG, LHA MA YIN (LA SGRA GCAN MGUL 'PHRENG RAB GNON, THAG BZANG RIS TE,) BZHI DANG, LHA DRUG STE (MTHO RIS NYER GNYIS, NGAN SONG NYER GNYIS TE 'DOD PA'I GNAS GZHAN,) BZHI BCU RTZA BZHI'O ZHES ZER RO, ,GZUGS KYI KHAMS BSHAD PA NI 'DOD PA LAS YON TAN DANG GNAS GZHAN GYIS GONG MA'I GNAS BCU BDUN PO DAG NI GZUGS KYI KHAMS KYI GNAS YIN TE, 'DOD PA LAS 'DOD CHAGS DANG BRAL ZHING GZUGS LA 'DOD CHAGS DANG BCAS PA'I PHYIR DANG, (SNYOMS 'JUG DANG DE'I RTEN LUS LA GZUGS KYI 'DOD CHAGS DANG BCAS PA'I PHYIR DANG BYED PA MED LA,) RANG GI MTSAN NYID 'DZIN PA'I PHYIR RO, ,GAL TE GZUGS KYI KHAMS NI BSAM GTAN BZHIS BSDUS PA'I PHYIR JI LTAR BCU BDUN DU DBYE ZHE NA, GZUGS KYI KHAMS DER BSAM GTAN DANG PO GSUM PO SO SO'I SA STE RGYU SNYOMS 'JUG GI SEMS NI CHUNG NGU DANG 'BRING DANG CHEN PO GSUM GSUM DU GOMS PAS 'BRAS BU SKYE BA'I GNAS GZHAN YANG TSANGS PA'I SDER GTOGS PAS TSANGS RIS PA DANG, TSANGS PA'I MDUN NA RIG BYED 'DON PA LTAR GNAS PAS TSANGS PA'I MDUN NA 'DON DANG, TSE DANG KHA DOG LA SOGS PA KHYAD PAR 'PHAGS SHING TSANGS PA'I GTZO BO YIN PA'I PHYIR TSANGS CHEN TE BSAM GTAN DANG PO LA GSUM DANG, GONG MA BAS 'OD CHUNG BAS 'OD CHUNG DANG, 'OD TSAD MED PAS TSAD MED 'OD DANG, 'OD SHIN TU GSAL BA'I PHYIR 'OD GSAL TE BSAM GTAN GNYIS PA LA GSUM DANG, GONG MA BAS SEMS KYI BDE BA CHUNG BAS BDE CHUNG DANG, BDE BA TSAD MED PA DANG LDAN PA'I PHYIR TSAD MED BDE DANG, BDE BA SHIN TU RGYAS PA'I PHYIR BDE RGYAS TE BSAM GTAN GSUM PA LA GSUM STE, 'DI LA DGE CHUNG LA SOGS PAR BSHAD @233 PA NI KU SHA LA ZHES BYA BA BDE BA DANG DGE BA GNYIS KA LA 'JUG PAS LO TZTSI BA RNAMS KYIS DGE BAR BSGYUR TE, DON NI YID KYI SA PA'I BDE BA YIN PA'I PHYIR RO, ,DES NA BSAM GTAN DANG PO GSUM RE RE LA'ANG GSUM GSUM PA YIN PA'I PHYIR DANG, BSAM GTAN BZHI PA NI RGYU ZAG BCAS KYIS BSAM GTAN BZHI PA CHUNG NGU 'BRING CHEN PO GSUM DANG, DE NYID ZAG MED DANG SPEL MA CHUNG NGU DANG 'BRING DANG CHEN PO DANG SHIN DU CHEN PO DANG CHES SHIN TU CHEN PO LNGA STE BRGYAD DU BSGOMS PA'I BYE BRAG GIS 'BRAS BU GNAS GZHAN YANG 'OG GZHI SPRIN LTAR 'DAB CHAGS PAR GNAS PA MED PAS SPRIN MED DANG, MI G-YO BA'I BSOD NAMS LAS SKYES PAS BSOD NAMS SKYES DANG, GZUGS KYI KHAMS PA'I SO SO'I SKYE BO RNAMS KYI DGE BA'I 'BRAS BU SHIN DU CHE SHOS YIN PA'I PHYIR 'BRAS BU CHE ZHES BYA BA SO SO'I SKYE BO'I GNAS GZHAN GSUM DANG, GNAS GCANG MA GONG MA DAG PAS DMAN PA'I PHYIR MI CHE BA DANG, NYON MONGS PAS GDUNG BA MED PA'I PHYIR MI GDUNG BA DANG, CHOS MTHONG BA BZANG BA'I PHYIR GYA NOM SNANG BA DANG, LTA BA BZANG BA'I PHYIR SHIN TU MTHONG BA DANG, DE'I GONG NA GNAS GZHAN MED PA'I PHYIR 'OG MIN ZHES BYA BA 'PHAGS PA'I GNAS GZHAN LNGA STE BRGYAD PA YIN PA'I PHYIR RO, ,'PHAGS PA'I GNAS LNGA PO DAG LA SO SO'I SKYE BO DANG MA 'DRES PAS GTZANG MA'I RIS ZHES KYANG BYA'O, , 'DI LA KHA CHE BYE BRAG TU SMRA BA NI 'GREL PA LAS, TSANGS PA'I MDUN NA 'DON KHA NA DAG NA TSANGS PA CHEN PO'I GNAS CHES MCHOG TU GYUR PA GTZO BO GCIG PA GCIG SPAGS PA BZHIN DU MNGON PAR GRUB KYI SA GZHAN NI MED DO ZHES GRAG GO ZHES 'BYUNG BAS MDUN NA 'DON LAS GNAS GZHAN THA DAD PA'I TSANGS CHEN MED PAS GNAS GZHAN BCU DRUG TU 'DOD LA, NYI 'OG PA DANG MDO SDE PA NI GNAS GZHAN LOGS PA YIN PAS BCU BDUN YIN NO ZHES 'DOD DO,, THEG CHEN PA NI SA'I DNGOS GZHI LAS, GNAS GTZANG MA RNAMS LAS 'DAS PA NA DBANG PHYUG CHEN PO'I GNAS YOD DE, BYANG CHUB SEMS DPA' SA BCU LA GNAS PA RNAMS KYIS SA BCU YONGS SU BSGOMS NAS GANG DU SKYE BA'O ZHES PA DANG, ZLA GSANG THIG LE LAS, GTZANG MA'I GNAS NI RNAM SPANGS NAS, , 'OG MIN GNAS NI NYAMS DGA' BAR, ,YANG DAG SANGS RGYAS DER 'TSANG RGYA, ,SPRUL PA PO NI 'DIR 'TSANG RGYA ZHES GSUNGS PAS 'OG MIN GYI STENG NA'ANG 'OG MIN CHEN PO ZHES BYA BA YOD DE, DE NI LONGS SPYOD RDZOGS PA'I SKU'I ZHING KHAMS YIN LA, DE NYID LA DBANG PHYUG CHEN PO'I GNAS ZHES BYA STE, DBANG PHYUG CHEN PO ZHES BYA BA NI CHOS KYI SPRIN LA CHOS KYI DBANG PHYUG THOB PA'I PHYIR RO ZHES STOD 'GREL LAS BSHAD @234 PA'I PHYIR DANG, SA BCU PA'I BYANG CHUB SEMS DPA' RNAMS LA SANGS RGYAS RNAMS KYI 'OD ZER GYIS DBANG BSKUR BAR BSHAD PA'I PHYIR RO ZHES BZHED DO,, MDO LAS, BSAM GTAN DANG PO LA TSANGS RIS DANG, TSANGS LHA NYE PHAN DANG, TSANGS PA KUN 'KHOR DANG, TSANGS CHEN DANG, GNYIS PA LA SNANG BA DANG, CHUNG SNANG DANG, TSAD MED SNANG BA DANG, KUN SNANG DANG BA DANG, GSUM PA LA DGE BA DANG, CHUNG DGE DANG, TSAD MED DGE BA DANG, DGE RGYAS DANG, BZHI PA LA CHE BA DANG, CHUNG CHE DANG, TSAD MED CHE BA DANG, 'BRAS BU CHE BA ZHES BSAM GTAN RE RE LA GNAS GZHAN BZHI BZHIR BSHAD PA'I DANG PO NI MDOR BSTAN DANG, GZHAN DAG NI MING GI RNAM GRANGS YIN PAR SNANG NGO, ,SGRA DON NI GZUGS MCHOG DANG LDAN ZHING RANG GI MTSAN NYID 'DZIN PA'I PHYIR RO, ,GZUGS MED PA'I KHAMS BSHAD PA NI GZUGS MED PA'I KHAMS NA NI (SNGAR BSHAD PA LTAR,) GNAS GZHAN THA DAD PA NI MED DO, ,CI STE NA GZUGS MED PA'I PHYIR DANG, GNAS GZHAN THA DAD PA'ANG GZUGS KYIS PHYE BA'I PHYIR RO, ,'ON KYANG (LUS,) GANG DU SHI BA DE NYID DU GZUGS MED PA'I TING NGE 'DZIN (GANG THOB PA DE,) DANG LDAN PA NYID DU SKYE'O, ,'O NA (MTHO DMA',) RNAM PA BZHIR JI LTAR 'GYUR ZHE NA, SNGON RGYU NAM MKHA' MTHA' YAS DANG, RNAM SHES MTHA' YAS DANG, CI YANG MED PA DANG, 'DU SHES MED 'DU SHES MED MIN SKYE MCHED KYI SNYOMS 'JUG BSGOMS PAS KHAMS DER 'BRAS BU'I SNYOMS 'JUG MI 'DRA BAR SKYE BA'I BYE BRAG LAS NI NAM MKHA' MTHA' YAS LA SOGS PA RNAM PA BZHIR GZHAG GO, MTSAN NYID NI 'DOD GZUGS LAS 'DOD CHAGS DANG BRAL ZHING GZUGS MED LA 'DOD CHAGS DANG BCAS PA'O, ,KHAMS KYI DON NI SNGA MA BZHIN NO, ,SGRA DON NI GNAS BRGYAD PAR 'CHAD PAR 'GYUR RO, ,GOS DMAR BA LA SOGS PA'I SDE PA GZHAN NI GZUGS MED NA'ANG GZUGS PHRA BA YOD PAR 'DOD DE, DE DAG GI LTAR NA DMAN PA LA DGAG PA'I SGRA SBYAR BA YIN LA, GNAS GZHAN YANG 'ON MIN GYI STENG NA YAR BRTZEGS TE YOD PAR LTA'O, , GAL TE GZUGS MED NA GZUGS CI YANG MED PA LTAR NA SEMS GANG LA BRTEN ZHE NA, GZUGS MED PA'I KHAMS DER NI RIS MTHUN PA DANG SROG GI DBANG PO LA SEMS KYI RGYUD NI BRTEN PAR 'DOD PA YIN LA, YANG GI SGRAS NI LAS LA BRTEN PA GSUNG NGO, ,SLOB DPON RGYAL PO'I SRAS NI YANG GI SGRAS SO SO'I SKYE BO DANG, MI LDAN PA DANG, THOB PA DANG, SKYE BA LA SOGS PA BSDU'O ZHES 'CHAD DO, ,GAL TE 'DOD GZUGS NA'ANG DE DAG LA JI LTAR MI BRTEN ZHE NA, DE DAG TU GZUGS KYI 'DU SHES DANG MA BRAL @235 BAS SROG LA SOGS PA STOBS CHUNG BA'I PHYIR RO, ,GZUGS MED PA'I KHAMS SU NI GZUGS KYI 'DU SHES DANG BRAL BA'I SNYOMS PAR 'JUG PA'I KHYAD PAR LAS SKYES PAS SNGON GYI LAS KYIS 'PHAGS PA'I SROG LA SOGS PA STOBS CHE BA'I PHYIR DE LA SEMS RTEN LA SEMS LA'ANG DE DAG BRTEN PA YIN NO ZHES BYA BA NI GRUB PA'I MTHA'O, ,MDO SDE PA NI SNGON? GYI LAS KYI STOBS KYIS DER MING BZHI'I PHUNG PO RIL PO RNAM PAR SMIN PAR THAL BA'I SKYON YOD PA'I PHYIR RNAL 'BYOR SPYOD PA PAS MING BZHI'I PHUNG PO GZHAN NI KUN GZHI RNAM SHES LA RTEN LA, KUN GZHI NI SNGON GYI LAS LA BRTEN PA NYID RIGS PA YIN NO ZHES 'DOD PA YIN NO, , ('DOD PA DANG GZUGS DANG MING BZHI'I PHUNG PO LA SRED PAS SO SOR BCAD PAS KHAMS GSUM YIN LA, 'DOD PA NA GNAS RIGS DU MA YOD KYANG SA SO SO'I SRED PA MI 'DRA BA MED PAS SA'ANG GCIG GO, GONG MA GNYIS NI SRED PA MI 'DRA BA BZHI BZHIS RIS SU BCAD PAS SA'ANG MI 'DRA BA BZHI BZHI BYUNG NGO, ,) DE LTAR NA KHAMS GSUM DU RNAM PAR BZHAG PA YIN NO,, 'GRO BA LNGAR BSHAD PA NI KHAMS GSUM PO BSHAD PA GANG YIN PA DER NI DMYAL BA DANG SOGS PA'I SGRAS BZUNG BA DUD 'GRO DANG YI DVAGS DANG LHA DANG MI STE 'GRO BA LNGA YIN PAR SRID PA BDUN BSTAN PA'I MDO LA SOGS PA LAS RANG RANG GI MING GIS BSTAN TO, ,(DE'ANG 'DOD PAR BZHI DANG LHA'I PHYOGS GANG MA GNYIS SU NA LHA'I PHYOGS SO, ,) KHYAD PAR GYI CHOS LA GNYIS LAS DANG POS NI DE LTA BU'I 'GRO BA LNGA PO GANG DAG YIN PA DE DAG GI NGO BO YANG NYON MONGS PA CAN BSGRIBS PA DANG MI DGE BA YANG MIN LA, LUNG BSTAN PA DGE BA YANG MIN TE, GAL TE NYON MONGS CAN DANG DGE BA YIN NA 'PHAGS PA DANG DGE RTZA CHAD PA RNAMS 'GRO BAS MA BSDUS PAR 'GYUR BA'I PHYIR RO, ,LA LAR DGE BA DANG, LA LAR NYON MONGS CAN DANG, LA LAR MA BSGRIBS LUNG MA BSTAN YIN NO ZHES BYA BA'ANG MI RIGS TE, TSE MA BRJES PAR 'GRO BA RNAM PAR 'PHO BAR THAL BA'I PHYIR RO, ,'GRO BA DE DAG SEMS CAN ZHES BYA BA YIN KYANG BAR SRID NI MIN TE, SRID PA BDUN BSTAN PA'I MDO LAS, SRID PA NI BDUN TE, DMYAL BA'I SRID PA DANG, DUD 'GRO'I SRID PA DANG, YI DVAGS KYI SRID PA DANG, LHA'I SRID PA DANG, MI'I SRID PA DANG, LAS KYI SRID PA DANG, SRID PA BAR MA'O, ,ZHES BAR SRID DMYAL BA LA SOGS PA LAS THA DAD PAR GSUNGS PA'I PHYIR DANG, GDAGS PA LAS KYANG, SKYE GNAS BZHIS NI 'GRO BA LNGA BSDUS KYI 'GRO BA LNGAS NI SKYE @236 GNAS BZHI MA BSDUS TE, GANG ZHIG MA BSDUS SHE NA, SRID PA BAR MA'O ZHES GSUNGS LA, CHOS KYI PHUNG PO LAS KYANG, MIG GI KHAMS GANG ZHE NA, 'BYUNG BA CHEN PO BZHI DAG RGYUR BYAS PA'I GZUGS DANG BA GANG YIN PA DMYAL BA PA'AM, DUD 'GRO'I SKYE GNAS PA'AM, YI DVAGS KYI YUL PA'AM, LHA'AM, MI'AM, BSGOMS PA LAS BYUNG BA'AM, SRID PA BAR MA PA'I MIG DANG, MIG GI DBANG PO DANG, MIG GI SKYE MCHED DANG, MIG GI KHAMS SO ZHES SRID PA BAR MA'I MIG DMYAL BA LA SOGS PA LAS THA DAD PAR GSUNGS PA'I PHYIR RO, ,DE'I PHYIR 'GRO BA MA BSGRINGS LUNG MA BSTAN DU GRUB STE, 'GRO BA DE DAG 'GRUB PA'I RGYU LAS KYI SRID PA LAS THA DAD PAR GSUNGS PA'I PHYIR DANG, LUNG SIL BU LAS, GNAS BRTAN SH'A RI'I BUS TSE DANG LDAN PA DMYAL BA'I ZAG PA RNAMS MNGON DU GYUR PA LAS DMYAL BA MYONG BAR 'GYUR BA'I LAS RNAMS BYED CING STZOGS PAR 'GYUR RO, ,TSE DANG LDAN PA LUS DANG NGAG DANG YID KYI DKYIL 'KHOR DANG SKYON DANG SNYIGS MA DE DAG GI RNAM PAR SMIN PA GZUGS DANG TSOR BA DANG 'DU SHES DANG 'DU BYED DANG RNAM PAR SHES PA NI DMYAL BA DAG TU SMIN PAR 'GYUR TE, RNAM PAR SMIN PA GRUB NAS DMYAL BA ZHES BYA BA'I GRANGS SU 'GRO'O, ,TSE DANG LDAN PA DE LA CHOS DE DAG LAS MA GTOGS PA DMYAL BA MA GTOGS SO ZHES GSUNGS BA'I PHYIR TE, LAS KYIS 'PHANGS PA'I RNAM SMIN GYI PHUNG BO NI 'GRO BAR BSHAD PA'I PHYIR RO, ,(DE'ANG RNAM SMIN KHO NAR 'DOD PA DANG, RGYAS BYUNG YOD PAR 'DOD PA YOD DE,) GAL TE 'GRO BA LNGA YIN NA MDO GZHAN DAG LAS LHA MA YIN DANG DRI ZA LA SOGS PA GANG DAG BSHAD PA DE DAG GANG GIS BSDUS SHE NA, LHA MA YIN NI DRAN PA NYER GZHAG LAS YI DVAGS KYI 'GRO BAR GTOGS PA DANG, DUD 'GRO'I 'GRO BAR GTOGS PA RNAMS SO, DE LA DANG PO'I BDUD KYI RIS KYI YI DVAGS RNAMS DANG, YI DVAGS RDZU 'PHRUL CHEN PO RNAMS SO,, GNYIS PA NI RGYA MTSO'I GTING GI SA GZHI LA GNAS PA STE RI RAB KYI RTEN DPAG TSAD BRGYAD KHRI BZHI STONG YOD PA'I SA 'OG NA GNAS SO ZHES YI DVAGS DANG DUD 'GROR 'DUS PAR GSUNGS LA, SLOB DPON THOGS MED NI LHA DANG LONGS SPYOD 'GRAN BZOD PA DANG GNYEN YANG SDEB PA'I PHYIR LHA'I NANG DU 'DUS PAR BZHED DE, SA LAS, LHA MA YIN RNAMS KYANG LHA'I 'GRO BAS BSDUS PA KHO NAR LTA BAR BYA'O, ,'ON KYANG DE DAG G-YO SGYU SHAS CHE BAS LHA RNAMS BZHIN DU DKAR PO'I CHOS KYI SNOD DU MA GYUR PAS DE'I PHYIR CHED 'GA' MDO GZHAN DAG LAS 'GRO BA THA DAD PAR BSTAN TO, ,DE DAG LHA NYID YIN YANG LHA'I CHOS YANG DAG PAR BLANGS TE GNAS PA MA YIN PAS DE'I PHYIR LHA MA YIN RNAMS ZHES BYA'O, ,ZHES DMAN PA LA @237 DGAG PA'I SGRAR BSHAD DO, ,(SA'I STOD 'GREL LAS SLOB DPON 'DUN BZANG LHA MA YIN NI BDEN PA MI RTAGS PAS MI MA YIN PA ZHIG TU NGES PAS YI DVAGS KYI 'GRO BAR GTOGS SO ZHES PA NI RTAGS MA NGES PAS MI RIGS SO ZHES SUN PHYUNG NGO,,) SLOB DPON YON TAN 'OD NI LHA DANG YI DVAGS KYI 'GRO BAR 'DUS PAR 'DOD DE, PHUNG PO LNGA PA'I RNAM BSHAD LAS, LHA MA YIN KYI 'GRO BA NI LHA DANG YI DVAGS KYI 'GRO BAR 'DUS PA'I PHYIR GUD DU MA SMOS SO ZHES BSHAD PA'I PHYIR RO, ,KHA CIG NI YAB DANG SRAS MJAL BA LAS, SEMS CAN TSOGS KYI 'GRO DRUG GANG BSTAN PA (SEMS CAN DMYAL DANG DUD 'GRO YI DVAGS DANG, ,LHA MIN RIS DANG MI DANG LHA YI RNAMS, ,MI YI SENG GES KUN RDZOB BTAGS PA MDZAD, ,TSANGS PA LA LTA BA DE 'BYUNG BA'I RGYU NI KHOS SMON LAM BTAB MA THAG DE DAG SKYES PAS LAN NO, ,) ZHES GSUNGS PA'I PHYIR RIS DRUG PA YIN PAR 'DOD DO, ,DRI ZA NI BAR SRID DANG, LHA'I ROL MO BYED PA GNYIS LAS DANG PO NI 'GRO BAS MA BSDUS LA, PHYI MA NI LHA YIN NO, ,GRUL BUM DANG LUS SRUL PO NI YI DVAGS SHAS CHE LA LHA'I SDER GTOGS PA DAG KYANG YOD DO, ,KLU DANG NAM MKHA' LDING DANG MI'AM CI DANG LTO 'PHYE CHEN PO NI DUD 'GRO'I NANG DU GTOGS SO, ,SHA ZA DANG SMYO BYED DANG BRJED BYED DANG MA MO DANG RDUL KHROD KYI SHA ZA LA SOGS PA NI YI DVAGS SO, ,SRIN PO NI MI'I BYE BRAG YIN LA, GNOD SBYIN DANG, PHYOGS SKYONG DANG, 'JIG RTEN SKYONG BA DANG, BDUD RNAMS NI PHAL CHER LHA'I SDER GTOGS LA, KLU DANG YI DVAGS SU GTOGS PA'ANG YOD DO, ,RNAM SHES GNAS PA DANG SEMS CAN GYI GNAS BSHAD PA NI 'GRO BA LNGA'I KHAMS GSUM PO 'DIR RNAM SHES GNAS PA BDUN BSHAD DE, MDO LAS, SEMS CAN GZUGS CAN LUS THA DAD CING 'DU SHES THA DAD PA DAG KYANG YOD DE, 'DI LTA STE MI RNAMS DANG LHA KHA CIG GO ,'DI NI RNAM PAR SHES PA GNAS PA DANG PO'I ZHES GSUNGS TE, DE LA LUS DANG 'DU SHES THA DAD PA'I SEMS CAN NI (NGAN SONG GSUM DANG,) MI RNAMS DANG, 'DOD PA'I LHA RNAMS DANG, BSAM GTAN DANG POR PHYIS SKYES PA RNAMS TE, LUS KYANG KHA DOG DANG RTAGS DANG DBYIBS THA DAD PA'I PHYIR DANG, 'DU SHES KYANG BDE BA DANG SDUG BSNGAL DANG BTANG SNYOMS THA DAD PA'I PHYIR RO, ,YANG MDO LAS, SEMS CAN GZUGS CAN LUS THA DAD CING 'DU SHES GCIG PA DAG KYANG YOD DE, 'DI LTA STE TSANGS RIS KYI LHA GANG DAG DANG POR BYUNG BA DE DAG GO ,'DI NI RNAM PAR SHES PA GNAS PA GNYIS PA'O, ,ZHES GSUNGS TE, DE LA LUS THA DAD CING 'DU SHES GCIG PA NI BSAM GTAN DANG POR SNGAR SKYES PA RNAMS TE, (SMRA BA DANG GOS DANG @238 TSANGS CHEN,) LUS CHE BA DANG ('KHOR,) CHUNG BA'I PHYIR DANG, 'DU SHES NI TSANGS PA CHEN PO NI 'DI DAG BDAG GI 'DOD PA LAS BYUNG NGO SNYAM (DU RGYU 'DIS BYED PAR MTSUNGS,) LA, DE'I 'KHOR DU DANG POR SKYES PA DE DAG KYANG BDAG CAG NI TSANGS PA CHEN PO'I 'DOD PA LAS BYUNG NGO SNYAM DU SEMS PA'I PHYIR RO, ,GAL TE TSANGS PA'I 'KHOR DU BYUNG BA DE DAG GIS BDAG CAG TSANGS PA CHEN PO'I SMON PA LAS BYUNG NGO ZHES JI LTAR SHES TE, (DE DAG GIS BSAM GTAN GNYIS PA'I SEMS THOB NA TSANGS PA LA DMIGS PA'I TSUL KHRIMS DANG BRTUL ZHUGS MCHOG 'DZIN SPANGS PAS 'BYUNG BAR MI RIGS LA, MA THOB NA DMAN PA'I YUL MCHOG MA YIN PAS GNYIS PA'I SNGON GYI GNAS DRAN PAR MI RIGS PA'I PHYIR RO, ,) DE DAG NI BSAM GTAN GNYIS PA NAS SHI 'PHOS PA YIN NA SA DE NA GNAS PA'I TSE TSANGS PA CHEN PO SMON LAM 'DEBS PA MTHONG YANG 'OG MAR SKYES PA NA DRAN PA MED PA'I PHYIR TE, DRAN NA NI SA 'OG MA PA DAG GONG MA LA DMIGS PAR THAL BA'I PHYIR RO, ,GONG MA NA GNAS PA DE'I TSE TSANGS PA CHEN PO'I SMON LAM LAS BDAG CAG SKYE'O ZHES 'DZIN PA'ANG MA YIN TE, DE NI SA GONG MA'I SEMS CAN YIN PA'I PHYIR TSANGS PA CHEN PO LA DMIGS PA'I RGYU MA YIN DU 'DZIN PA MI SRID PA'I PHYIR RO, ,SRID KYANG GONG MA'I 'DU SHES YIN PA'I PHYIR RO,, KHA CIG NA RE BAR DO'I TSE SNGON GYI GNAS DRAN PA YIN NO ZHES ZER BA'ANG RIGS PA MA YIN TE, BAR DO NI DUS THUNG BA YIN PAS TSANGS PA CHEN PO'I YUN RING POR GCIG PUR GNAS PA MI MTHONG BA'I PHYIR DANG, MDO LAS, BDAG CAG GIS SEMS CAN 'DI TSE RING ZHING DUS RING POR GNAS PAR MTHONG LA ZHES YUN RING POR GNAS PA MTHONG BAR BSHAD PA'I PHYIR RO ZHE NA, BSAM GTAN DANG POR SKYES PA NAS DE PA'I SNGON GNAS RJES DRAN SKYES THOB KYIS SNGON TSANGS PA CHEN PO SMON LAM 'DEBS PA DRAN PA'I PHYIR SKYON MED DE, GNYIS KA'ANG BSAM GTAN DANG PO'I SA PAR MTSUNGS PA'I PHYIR RO, ,YANG NA DE LAS THOS PA'I PHYIR RO, ,ZHES RGYAL PO'I SRAS 'CHAD DO, ,YANG MDO LAS, SEMS CAN GZUGS CAN LUS GCIG CING 'DU SHES THA DAD PA DAG KYANG YOD DE, 'DI LTA STE 'OD GSAL GYI LHA RNAMS SO, ,'DI NI RNAM PAR SHES PA GNAS PA GSUM PA'O ZHES GSUNGS TE, DE LA LUS THA DAD CING 'DU SHES GCIG PA LAS BZLOG PA LUS GCIG CING 'DU SHES THA DAD PA NI BSAM GTAN GNYIS PA'I LHA RNAMS TE, LUS NI 'OD KYI RANG BZHIN DU GCIG PA DANG KHA DOG DANG DBYIBS DANG RTAGS KYANG 'DRA BA'I PHYIR DANG, 'DU SHAS NI DNGOS GZHI'I YID BDES SKYO NA NYER BSDOGS KYI BTANG SNYOMS MNGON DU BYED LA, NYER BSDOGS KYI BTANG @239 SNYOMS KYIS SKYO NA DNGOS GZHI YID BDE MNGON DU BYED PAS THA DAD PA'I PHYIR RO, ,DE LTA NA BSAM GTAN GSUM PA RNAMS KYANG DER THAL BAR 'GYUR RO ZHE NA, MI 'GYUR TE, YID BDE NI SEMS G-YO BAR BYED PA MA ZHI BAS DES SKYO LA, BDE BA NI ZHI BA YIN PAS DES MI SKYO BA'I PHYIR RO, ,MDO SDE PA NI MDO LAS BSAM GTAN GNYIS BAR SKYES NAS RING DU LON PA 'JIG CHAGS LA MKHAS PA RNAMS NI BSKAL PA 'JIGS PA NA DANG PO MAN CHAD MER 'BAR BAS 'JIGS PA MED PA'I PHYIR DANG, DER SKYES NS RING PO MA LON PA 'JIG CHAGS LA MI MKHAS PA RNAMS NI 'JIGS PA DANG BCAS PAR GSUNGS PA'I PHYIR 'DU SHES THA DAD PAR 'DOD DO, ,'DI LA MDO LAS 'OD GSAL GYI LHA 'BA' ZHIG SMOS PA NI YA MTHA' GZUNG BAS 'OD CHUNG DANG TSAD MED 'OD KYANG MTSON PA'I PHYIR TE, DE LTA MA YIN NA DE DAG RNAM SHES GNAS PA BDUN GYIS MA BSDUS PAR 'GYUR RO, ,MDO LAS, SEMS CAN GZUGS LUS GCIG CING 'DU SHES GCIG PA DAG KYANG YOD DE, 'DI LTA STE DGE RGYAS KYI LHA RNAMS SO, ,'DI NI RNAM PAR SHES PA GNAS PA BZHI PA'O, ,ZHES GSUNGS TE, DE LA LUS DANG 'DU SHES GNYIS KA GCIG PA NI BSAM GTAN GSUM PA'I LHA RNAMS TE, LUS NI KHA DOG DANG DBYIBS DANG RTAGS 'DRA BA'I PHYIR DANG, 'DU SHES NI SEMS BDE BAR 'DRA BA'I PHYIR RO, ,'DI LA'ANG MDO LAS DGE RGYAS 'BA' ZHIG SMOS PA NI 'OG MA GNYIS KYANG MTSON PA'I PHYIR RO, ,(DE LA 'DU SHES DANG PO NI NYON MONGS CAN DANG, GNYIS PA NI SNYOMS 'JUG GI DBANG GIS DGE BA DANG GSUM PA NI RNAM SMIN SKYES KYI 'DU SHES SU GCIG PA STE, GZHAN DU NA BTANG SNYOMS KYANG YOD DO DE DAG NI GZUGS CAN GYI RNAM SHES GNAS PA BZHIN YIN NO, ,) (DE BZHIN DU,) GZUGS CAN MA YIN (PA NAM MKHA' MTHA' YAS DANG, RNAM SHES MTHA' YAS DANG, CI YANG MED PA'I SKYE MCHED,) GSUM PO DAG KYANG RNAM SHES GNAS PA YIN TE, MDO LAS, SEMS CAN GZUGS CAN MA YIN PA GANG DAG RNAM PA THAMS CAD DU GZUGS KYI 'DU SHES LAS YANG DAG PAR 'DAS TE NAM MKHA' MTHA' YAS SO SNYAM NAS NAM MKHA' MTHA' YAS SKYE MCHED RDZOGS PAR BYAS TE GNAS PA'ANG YOD DE, 'DI LTA STE NAM MKHA' MTHA' YAS SKYE MCHED DU NYE BAR 'GRO BA'I LHA DAG GO, 'DI NI RNAM PAR SHES PA GNAS PA LNGA PA'O, ,SEMS CAN GZUGS CAN MA YIN PA GANG DAG RNAM PA THAMS CA DU NAM MKHA' MTHA' YAS SKYE MCHED LAS YANG DAG PAR 'DAS TE RNAM PAR SHES PA MTHA' YAS SO SNYAM NAS RNAM SHES MTHA' YAS SKYE MCHED RDZOGS PAR BYAS TE GNAS PA'ANG YOD DE, 'DI LTA STE RNAM SHES MTHA' YAS SKYE MCHED DU NYE BAR 'GRO BA'I LHA DAG GO , 'DI NI RNAM PAR SHES PA GNAS PA DRUG PA'O, ,SEMS CAN GZUGS CAN MA YIN @240 PA GANG DAG RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE CI YANG MED DO SNYAM NAS CI YANG MED PA'I SKYE MCHED RDZOGS PAR BYAS TE GNAS PA DAG KYANG YOD DO, 'DI LTA STE CI YANG MED PA'I SKYE MCHED DU NYE BAR 'GRO BA'I LHA DAG GO ,'DI NI RNAM PAR SHES PA GNAS PA BDUN PA'O ZHES 'BYUNG BA'I PHYIR RO, ,DE LTAR NA DE DAG NI RNAM SHES GNAS PA ZHES BYA STE, DE DAG TU RNAM SHES (SRID PA'I TSUL GYIS RTEN CING) RGYAS PA'I PHYIR RO,, GAL TE SEMS KYI GNAS GZHAN DAG KYANG YOD PA MA YIN NAM CI'I PHYIR DE DAG KHO NA RNAM SHES GNAS PAR BSTAN ZHE NA, SNGAR SMOS PA DE DAG GI LHAG MA NGAN SONG GSUM DANG BSAM GTAN BZHI PA DANG SRID RTZE BA RNAMS NI RNAM PAR SHES PA GNAS PA MA YIN TE, (NGAN SONG GSUM NA SDUG BSNGAL DANG, BSAM GTAN BZHI PA NA 'DU SHES MED PA PA RGYU 'BRAS DANG SRID RTZE NA 'GOG PA'I SNYOMS 'JUG GIS,) RNAM PAR SHES PA DE 'JOMS PAR BYED PA DANG LDAN PA'I PHYIR DANG, NGAN SONG RNAMS SU SDUG BSNGAL GYIS 'JOMS PA'I PHYIR DANG, BSAM GTAN BZHI PA NA 'DU SHES MED PA PA DANG 'DU SHES MED PA PA'I SNYOMS 'JUG DANG, SRID RTZE NA 'GOG PA'I SNYOMS 'JUG GIS RNAM SHES 'JOMS PA'I PHYIR RO, ,GZHAN YANG NGAN SONG BA NI DER GNAS PAR MI 'DOD PAR GONG DU BSKYOD PAR 'DOD PA'I PHYIR DANG, BSAM GTAN BZHI PA'I SO SO'I SKYE BO RNAMS NI 'DU SHES MED PA DANG, 'PHAGS PA RNAMS NI GNAS GTZANG MAR BSKYOD PAR 'DOD PA'I PHYIR (DANG GNAS GTZANG BA RNAMS MYANG 'DAS SU BSKYOD PAR 'DOD PA'I PHYIR,) DE DAG RNAM SHES GNAS PA MA YIN TE, RNAM PAR SHES PA GNAS PA NI GZHAN NA GNAS PA DER 'GRO BAR 'DOD PA DANG DER GNAS PA GZHAN DU BSKYOD PAR MI 'DOD PA YIN NA DE DAG NI DE LTA MA YIN PA'I PHYIR DANG, (RNAM SHES GNAS PA NI SEMS GSAL LA,) SRID RTZE BA SEMS KYI RGYU BA MI YI RGYU BA MI OZHES 'CHAD DO, , YANG SEMS CAN GYI GNAS DGU BSHAD PA GANG ZHE NA, SNGAR SMOS PA'I RNAM SHES GNAS PA BDUN DANG, SRID PA'I RTZE MO DANG 'DU SHES MED PA'I SEMS CAN RNAMS NI SEMS CAN GYI GNAS DGU YIN PAR MDO LAS BSHAD ('DI DAG TU SEMS CAN RNAMS RANG DGAR GNAS PAS SO, ,) DO, ,'DI LA 'DU SHES MED PA'I SEMS CAN SMOS PAS BSAM GTAN BZHI PA THAMS CAD GZUNG STE, 'DU SHES MED PA'ANG SEMS CAN GYI GNAS YIN NA GZHAN LHA CI SMOS PA'I PHYIR RO, ,SLOB DPON 'DUN BZANG NI 'DU SHES MED PA'I SEMS CAN MA GTOGS PA'I BSAM GTAN BZHI PA GZHAN RNAMS NI SEMS CAN GYI GNAS MA YIN TE, SNGAR RNAM SHES GNAS PA MA YIN PAR BSHAD PA LTAR BSAM GTAN BZHI PA'I SO SO'I SKYE BO RNAMS NI 'DU SHES @241 MED PAR 'JUG PAR 'DOD LA, 'PHAGS PA NI SPRIN MED PA DANG BSOD NAMS SKYES PA RNAMS GNAS GTZANG MA DANG GZUGS MED DU 'JUG PAR 'DOD CING, GNAS GTZANG MA PA RNAMS MYANG 'DAS SU 'JUG PAR 'DOD PAS DE NA GNAS 'DOD KYI BLO MED CING, DE NAS BSKYOD PAR 'DOD PA'I BLO DANG LDAN PA'I PHYIR RO,, 'O NA SLOB DPON GYIS 'GREL PA LAS, GZHAN GANG ZHE NA, NGAN SONG RNAMS TE ZHES BSHAD PA DANG 'GAL LO ZHE NA, DE NI SGO TZAM ZHIG BSHAD PAR ZAD DO ZHES 'DOD DO, ,GAL TE NGAN SONG RNAMS SEMS CAN GYI GNAS SU JI LTAR MI 'GYUR ZHE NA, DE DAG TU NI SEMS CAN SNGON GYI LAS KYIS MI 'DOD BZHIN GNAS KYI RANG DGAR GNAS PA MED PA'I PHYIR SNGAR GYI DGU LAS GZHAN NGAN SONG BA RNAMS NI SEMS CAN GYI GNAS MIN PAR RIG PAR BYA STE, BTZON RA DANG GSHED MA LA SOGS PA SEMS CAN GYI RANG DGAR DGA' MGUR GNAS PA'I GNAS MA YIN PA BZHIN NO, ,YANG MDO GZHAN LAS, RNAM PAR SHES PA ('DOD PAR,) GNAS PA GZUGS SU NYE BAR 'GRO BA DANG, (GZUGS SU,) TSOR BA DANG (GZUGS MED DANG PO GSUM DU,) 'DU SHES DANG (SRID RTZER,) 'DU BYAD DU NYE BAR 'GRO BA'O ZHES RNAM PAR SHES PA'I GNAS PA DAG NI YANG BZHIR GSUNGS TE, (RNAM SHES GNAS PA,) DE DAG KYANG RIM PA BZHIN DU ZAG PA DANG BCAS PA'I GZUGS LA SOGS PA'I PHUNG PO BZHI YIN LA, DE YANG RANG GIS PA NYID YIN GYI ZAG MED DANG, SA GZHAN NI MA YIN TE, ZAG MED NI RNAM SHES KYI GNYEN PO YIN PA'I PHYIR DANG, SA GZHAN NI SA GZHAN GYI RNAM SHES KYI RTEN DU MI 'THAD PA'I PHYIR RO, ,GAL TE GZUGS LA SOGS PA KHO NA YIN GYI RNAM SHES MA YIN PA CI ZHE NA RNAM SHES NI RNAM PAR SHES PA'I GNAS PAR MA BSHAD DO, ,CI STE NA, RNAM SHES NI GNAS PA PO (YIN PAS RNAM SHES KYI NGO BO,) 'BA' ZHIG (NI GNAS PA MA,) YIN PA'I PHYIR DANG, GNAS PA PO DANG GNAS NI SA BON DANG ZHING LTAR BRTEN PA DANG RTEN YIN PA'I PHYIR DANG, GCIG LA RTEN DANG BRTEN PA 'GAL BA'I PHYIR RO, ,GAL TE RNAM SHES GNAS PA BDUN DANG GNAS PA BZHI PO DAG GANG GIS GANG BSDUS SHE NA, DE DAG GI BSDU BA DPYAD NA MU NI BZHI YIN NO, ,'DI LTAR BDUN GYIS BSDUS LA BZHIS MA BSDUS PA NI RNAM PAR SHES PA GNAS PA BDUN DU GTOGS PA'I RNAM SHES SO,, (DE YANG BDUN NI PHUNG PO LNGA'I NGO BO YIN PAS SO, ,) BZHIS BSDUS LA BDUN GYIS MA BSDUS PA NI NGAN SONG GSUM DANG BSAM GTAN BZHI PA (ZAG BCAS,) DANG SRID PA'I RTZE MO PA RNAMS KYI RNAM SHES LAS GZHAN PA'I PHUNG PO'O, ,GNYIS KA YIN PA NI RNAM PAR SHES PA GNAS PA BDUN DU (GTOGS LA RNAM SHES SU MA,) GTOGS @242 PA'I PHUNG PO BZHI'O, ,GNYIS KA MA YIN PA NI NGAN SONG GSUM DANG BSAM GTAN BZHI PA DANG SRID RTZE'I RNAM SHES DANG ZAG PA MED PA'O, ,(SEMS CAN) DA NI DE RNAM GZHAG GIS RGYAS PAR BSHAD PA LA SEMS CAN GYI SKYE BA DANG, GNAS PA DANG, 'CHI BA BSHAD PA GSUM LAS DANG PO LA'ANG GANG DU 'JUG PA'I SKYE BA'I GNAS NI 'GRO BA LA SOGS PA'I BYE BRAG GIS THA DAD PA'I KHAMS GSUM PO BSHAD PA GANG YIN PA DER NI SEMS CAN SKYE BA'I GNAS BZHI DAG TU RIG PAR BYA'O, ,GANG ZHE NA SGO NGA LAS SKYE BA DANG, SOGS PAS GZUNG BA (NANG MA'I) MNGAL NAS SKYE BA DANG (PHYIS 'BYUNG BA'I DANG) DROD GSHER (RGYUN CHAGS) LAS SKYE BA DANG, (MDZES PAR SKYE BA,) RDZUS TE SKYE BA'I SKYE GNAS (CIG CAR YAN LAG DANG NYING LAG SKYE BAS RGYU GZHAN GSUM LA MI LTOS,) SO, ,DE DAG NI SEMS CAN RNAMS SKYE BA'I GZHI YIN PA'I PHYIR GNAS SO,, SLOB DPON GANG SPEL NI SKYE GNAS ZHES BYA BA NI SEMS CAN RNAMS KYI RIGS YIN GYI SKYE BA NI MA YIN NO, ,DES NA SGO NGA LAS SKYES PA'I SKYE GNAS NI SGO NGA LAS SKYES PA'I RIGS ZHES BYA BA'I DON TO, ,DE BZHIN DU SKYE GNAS GSUM LA'ANG SBYAR RO, ,'DI DAG GI RANG BZHIN YANG RDZUS SKYES NI PHUNG PO BZHI DANG LNGA'I RANG BZHIN YIN LA, GZHAN GSUM NI PHUNG PO LNGA'I RANG BZHIN YIN NO, ,THAMS CAD KYANG RNAM SMIN DANG RGYAS PA'I RGYUD KYI RANG BZHIN YIN NO ZHES PA DANG, SKYE GNAS THAMS CAD DU SKYES PA RNAMS LA 'PHAGS PA'I CHOS THOB PA'I GO SKABS YOD MOD KYI 'PHAGS PA'I CHOS THOB ZIN PA RNAMS NI SGO NGA DANG DROD GSHER SKYES KYI SKYE GNAS DAG TU MI SKYE'O ZHES 'CHAD DO, ,(SKYE GNAS DE DAG GANG BZANG ZHE NA,) SGO NGA LAS SKYE BA NI MNGAL NAS KYANG SKYE BA'I PHYIR SKYE GNAS GNYIS PA STE 'DI KHO NA DMAN PA YIN NO, ,DE BAS MNGAL NAS SKYE BA DANG, DE BAS DROD GSHER LAS SKYE BA DANG, DE BAS KYANG RDZUS TE SKYE BA'I SKYE GNAS BZANG NGO, ,'GRO BA GANG NA SKYE GNAS DU ZHIG YOD CE NA, MI DANG DUD 'GRO RNAMS NI SKYE GNAS RNAM PA BZHI GA LAS SKYE BA YIN TE, DE LA RE ZHIG MI SGO NGA LAS SKYE BA NI GNAS BRTAN BRAG DANG NYE BA'I BRAG DANG, RI DVAGS 'DZIN GYI MA'I (SA GA,) BU SUM CU RTZA GNYIS DANG, RGYAL PO LNGA LEN GYI (BTZUN MO LHA CHEN LA SGO NGA LNGA BRGYA SKYES PA, SGROM DU BCUG NAS CHU LA BSKUR BA LAS,) BU LNGA BRGYA (BYUNG BA) RNAMS LTA BU'O, ,MNGAL NAS SKYE BA NI DA LTAR GYI MI RNAMS LTA BU'O, , DROD GSHER LAS SKYE BA NI (RGYAL PO BSNYEN GNAS PA'I SPYI BO LAS SKYES PA,) RGYAL PO NGA LAS NU DANG, (DE'I PHRAG PA G-YAS LA SKYES PA,) MDZES PA DANG, NYE MDZES (DE'I G-YON LAS,) DANG, (DE'I BRLA @243 G-YAS LAS,) MDZES LDAN DANG, (DE'I BRLA G-YON LAS,) MDZES CAN DANG, (DE'I BRANG LAS SKYES PA,) BU MO THI BA'I PHRENG BA CAN DANG, (AA SMRA'I SDONG PO LAS SKYES PA,) AA SMRA SKYONG MA LA SOGS PA LTA BU'O, ,RDZUS TE SKYE BA NI BSKAL PA DANG PO'I MI RNAMS DANG, 'PHAGS PA LHA DANG, MTSO SKYES LA SOGS PA BZHIN NO, , DUD 'GRO LA SKYE GNAS GZHAN DAG NI MNGON DU GYUR LA, RDZUS TE SKYE BA NI KLU DANG NAM MKHA' LDING RNAMS LA YOD PAR ('DOD DE STONG SPYI PHUD KYI 'JIG RTEN GYI KHAMS NA KLU RIGS STONG RGYA MTSO CHEN PO NA GNAS SO, , NAM MKHA' LDENG GI RIGS STONG SHING SHAL MA LI LA GNAS SO, ,DE LA SGO NGA LAS SKYES PA STONG DANG MNGAL NAS SKYES PA STONG DANG, DROD GSHER LAS SKYES PA STONG DANG, RDZUS TE SKYE BA STONG RNAMS SO ZHES,) GDAGS PA LAS BSHAD DO, ,DMYAL BA RNAMS DANG LHA RNAMS DANG SRID PA BAR MA RNAMS NI RDZUS TE SKYE BA 'BA' ZHIG YIN LA, YI DVAGS RNAMS NI MNGAL NAS SKYE BA'ANG YIN NO, ,'ANG GI SGRA NI PHAL CHER RDZUS TE SKYE BA YIN NO ZHES BSDU BA'O, ,MNGAL NAS SKYE BA YOD PAR NI YI DVAGS MO'I RTOGS PA BRJOD PA LAS (YI DVAGS MOS,) BDAG GIS MTSAN MO BU LNGA DANG, ,DE BZHIN NYIN MO GZHAN LNGA DAG ,BSKYED NAS DE DAG ZA MOD KYI, , 'ON KYANG BDAG NI TSIM PA MED CES GNAS BRTAN MO'U DGAL GYI BU LA SMRAS PAS SHES SO, ,GAL TE SKYE GNAS DAG LAS RDZUS SKYES BZANG (DE LTA,) NA SRID PA THA MA PA'I BYANG CHUB SEMS DPA' SKYE BA LA DBANG THOB PA MNGAL NAS SKYE BAR STON ZHE NA, DE NI (RIGS BZANG BAR RLAM PA'I SH'AKYA,) NYE DU RNAMS CHOS LA GZUNG PA'I PHYIR DANG, 'KHOR LOS BSGYUR BA'I RIGS SU SHES NAS GZHAN DE LA RIM GRO BSKYED DU GZHUG PA'I PHYIR DANG, MI RNAMS PHAL CHER MNGAL NAS SKYE BA DANG RJES SU MTHUN PAR MDZAD PA'I PHYIR RAM, YANG NA MIR GYUR PA DAG GIS KYANG GRUB PA 'DI 'THOB BO ZHES GDUL BYA RNAMS SPRO BA BSKYED PA'I PHYIR RO, ,GZHAN YANG (RIGS DANG GDUNG MED NA,) MU STEGS CAN GCER BU PA GNYEN GYI BU LA SOGS PA DAG KHA ZER BA'I SGYU MAR RTOG PA SPANG PA DANG, SKU GDUNG RING BSREL BZHAG PA'I PHYIR RO, ,(RDZUS SKYES SHI BA RNAMS KYI LUS MI GNAS PAS DE MI RUNG BAS SO ZHES ZER RO, ,) DES NA SKYE GNAS THAMS CAD KYI NANG NA RDZUS SKYES KHO NA MANG STE, DE NI 'GRO BA (LHA DMYAL) GNYIS DANG (GZHAN,) GSUM GYI PHYOGS DANG SRID PA BAR MA PA THAMS CAD YIN PA'I PHYIR RO, ,DA NI GANG GIS 'JUG PA'I BAR SRID LA'ANG GSUM LAS (DANG PO,) NGO BO NI 'DIR PHUNG PO (LNGA'I RGYUN,) GANG ZHIG 'CHI SRID DANG GANG DU SKYE BA'I SRID PA GNYIS KYI BAR DU 'BYUNG BA DE NI SRID PA BAR MA'O, ,DE NI BGROD PAR BYA BA'I YUL RNAM PAR SMIN PA'I PHUNG PO YONGS SU RDZOGS PAR MA PHYIN PA'I PHYIR SRID PA BAR MA LA BYUNG BA'I SRID PA ZHES BYA BA NI MIN TE, BYUNG BA NI SNGON DUS KYI SRID PA @244 YIN PA'I PHYIR RO, ,(DBYE NA KHAMS KYI GNYIS DANG, SAS LNGA DANG, GNAS GZHAN GYI SO BDUN DANG RA, BA 'BRING GIS SANGS RGYAS RANG RGYAL 'KHOR LOS SGYUR BA GSUM DE LAS GZHAN DANG BZHI YIN NO GSUNG NGO, ,) GNYIS PA SGRUB BYED NI PHAL CHEN PA'I SDE PA DAG NI 'CHI SRID NAS SKYE SRID DU 'JUG PA'I BAR NA NI SRID PA MED DE, DES NA BAR CHAD PA KHO NA LAS SKYE BA'I SRID PAR 'JUG STE, BCOM LDAN 'DAS KYIS BRAM ZE RGAN PO'I DBANG DU MDZAD NAS, BRAM ZE NA TSOD KHYER ZIN RGA BA DANG, ,NA BA YIN TE GSHIN RJE'I DRUNG DU PHYIN, ,BAR NA KHYOD KYI GNAS KYANG YOD MIN ZHING, ,KHYOD KYI LAM RGYAGS KYANG NI YOD MA YIN ZHES SRID PA GNYIS KYI BAR NA GNAS MED PAR BSHAD PA'I PHYIR DANG, BDUD SUN 'BYIN BYED CES BYA BAS SANGS RGYAS 'OD SRUNG GI NYAN THOS MKHAS MGU ZHES BYA BA'I KLAD DU KHU TSUR BSNUN PA LAS DES MA RANGS PA'I SKAD PHYUNG BA DANG SKAD CIG DE NYID LA RANG GI LUS KHO NAS SEMS CAN DMYAL BA CHEN PO MNAR MED PAR LHUNG BAR BSHAD PA'I PHYIR DANG, GZHAN YANG MDO LAS, MTSAMS MED PA LNGA'I LAS GANG DAG BYAS SHING BSAGS NAS DE MA THAG TU DMYAL BA DAG TU SKYE'O ZHES GSUNGS PA'I PHYIR ZHES 'DOD DO, ,DE NI 'THAD PA MA YIN PAS SKYE BA'I SRID PA DE NI 'CHI SRID DANG GNYIS KYI BAR CHAD PA LAS 'BYUNG BA MIN TE ZHES BYA BAS BAR SRID LAS BYUNG BA YIN NO ZHES BSGRUB PAR BYA'O, ,GANG GI PHYIR ZHE NA, SA BON LAS MYU GU DANG DE LAS SDONG BU LA SOGS PA BAR MA CHAD PAR 'BYUNG BA'I 'BRU'I RGYUN DANG RGYUN GYI 'BRAS BU NYID DU CHOS MTHUN PA'I PHYIR RO, ,'DI NI RTAGS DANG DPE CIG CAR DU STON PA'I NGAG STE 'BRU'I RGYUN BZHIN ZHES BYA BA NI DPE'O, ,DE DANG CHOS MTHUN PA NI SNGA MA'I PHUNG PO'I RGYUN GYI 'BRAS BU YIN PA'O DES NA GANG ZHIG RGYUN GYI 'BRAS BU YIN PA DE NI SNGA MA'I RGYUN MA CHAD PA LAS SKYES PA'I 'BRAS BU YIN TE 'BRU'I RGYUN BZHIN NO, ,SKYE BA'I SRID PA'ANG RGYUN GYI 'BRAS BU YIN NO ZHES RGYU SNGON DU SONG BA NYID DU SGRUB PA'I 'BRAS BU'I RTAGS YIN NO,, GAL TE BAR MA CHAD PA YIN MOD KYI BAR SRID NI MI 'GRUB STE, 'CHI SRID KYI RJES NYID DU SKAD CIG MA GZHAN GYIS BAR MA CHAD PAR SKYE SRID 'BYUNG BA'I PHYIR RO ZHE NA, DE NI 'THAD PA MA YIN TE, 'DI NAS SHI 'PHOS NAS MNAR MED DANG LHA'I GNAS LA SOGS PA YUL THAG RING POR SKYE BA RNAMS LA SKAD CIG MA TZAM LA 'GRE BA MI RIGS PA'I PHYIR RO, ,GANG DU SHI BA'I YUL DE NYID DU YUL GZHAN DANG RIS GZHAN GYI SRID PA 'GRUB PA'ANG MA YIN TE, 'GRO BA RNAMS YUL LA SOGS PA 'CHOL BAR THAL BA'I PHYIR RO, ,DE'I PHYIR 'DI NAS SHI 'PHOS NAS SKYE SRID DU SBYONG BA'I PHUNG PO'I RGYUN NI BAR SRID YIN NO, ,GAL TE YUL DUS @245 KYIS BAR DU CHOD PA LAS KYANG 'BRAS BU 'BYUNG BA MTHONG STE, SKYES BU'I BYAD BZHIN LAS ME LONG LA SOGS PAR GZUGS BRNYAN 'BYUNG BA BZHIN NO, ,DE'I PHYIR RTAGS 'DI MA NGES PA YIN NO ZHE NA, ME LONG GI NANG DU NI GZUGS BRNYAN GYI GZUGS MA GRUB BA'I PHYIR 'KHRUL PA'I DPE MA YIN (ZHING RTAGS GRUB,) TE, YUL GCIG NA DUS LHAN CIG TU ME LONG DANG GZUGS BRNYAN GYI GZUGS GNYIS MED PA'I PHYIR RO, , 'DI LTAR ME LONG LAS THA DAD PA'I GZUGS BRNYAN NI MA GRUB STE, ME LONG GI YUL LAS THA DAD PAR MA DMIGS PA'I PHYIR DANG, ME LONG GI YUL NA YOD NA'ANG RDUL PHRAN RNAMS THOGS BCAS MA YIN PAR THAL BA'I PHYIR RO, ,ME LONG NYID BYAD BZHIN GYI RNAM PA CAN DU SKYES SO ZHES BYA BA'ANG MI RIGS TE, ZUR NA GNAS PAS KYANG DE DE LTAR DU MTHONG BAR THAL BA'I PHYIR RO, ,DE'I PHYIR GZUGS BRNYAN NI 'GA' ZHIG GI 'BRAS BU NYID DU MA GRUB STE, RKYEN GYI STOBS KYIS MED BZHIN DU SNANG BA'I PHYIR SGRA BRNYAN LA SOGS PA BZHIN NO, ,RNAM PA GCIG TU NA GZUGS BRNYAN GRUB TU ZIN KYANG RGYUN GYI 'BRAS BU YIN PA'I PHYIR ZHES BYA BA'I RTAGS DANG MI 'DRA BA'I PHYIR NA 'KHRUL PA'I DPE MA YIN TE, GZUGS BRNYAN NI BYAD BZHIN GYI RGYUN GYI 'BRAS BU MIN PA'I PHYIR DANG, BYAD BZHIN DANG ME LONG GNYIS LAS 'BYUNG BA'I PHYIR DANG, SKYE SRID NI BAR SRID KYI PHUNG PO'I RGYUN GCIG PU'I 'BRAS BU YIN PA'I PHYIR RO, ,DES NA 'DI SKAD DU GZUGS BRNYAN MA GRUB PA'I PHYIR RAM, GRUB KYANG BYAD BZHIN GYI RGYUN GYI 'BRAS BU MA YIN PA'I PHYIR RTAGS KHYAD PAR BA MA ZHUGS PAS MA NGES PA'I YUL MA YIN NO ZHES BSTAN PA YIN NO, ,SKYE SRID BAR SRID GCIG PU LAS SKYES PA ZHES BYA BA NI GTZO BO'I RGYU'I DBANG DU MDZAD PA YIN TE, MNGAL NAS SKYE BA DAG BAR DO DANG PHYI'I KHU KHRAG LA SOGS PA LAS KYANG SKYE BA'I PHYIR DANG, KHU KHRAG LA SOGS PA GTZO BO'I RGYU YIN NO ZHES BYA BA'ANG RIGS PA MA YIN TE, RDZUS TE SKYE BA RNAMS LA DE MED KYANG SKYE BA'I PHYIR RO, ,DES NA RIGS PAS SRID PA BAR MA YOD PA NYID DU SHES SO,, LUNG GIS BSGRUB PA NI SRID PA BDUN PA'I MDO LAS, SRID PA NI BDUN TE, DMYAL BA'I SRID PA DANG, DUD 'GRO'I SRID PA DANG, YI DVAGS KYI SRID PA DANG, LHA'I SRID PA DANG, MI'I SRID PA DANG, LAS KYI SRID PA DANG, SRID PA BAR MA'O ZHES STON PA'I MGUR NYID NAS DNGOS SU GSUNGS PA'I PHYIR BAR SRID YOD PAR GRUB BO, ,GAL TE MDO DE MI 'DON NO ZHE NA, 'O NA MNGAL DU 'JUG PA'I MDO LA SOGS PA LAS, GNAS GSUM MNGON DU GYUR PA LAS MA'I MNGAL DU BU 'CHAGS PAR 'GYUR TE, GSUM GANG ZHE NA, MA RUNG ZHING ZLA MTSAN DANG LDAN PA DANG, PHA MA CHAGS PAR GYUR CING PHRAD PA DANG, @246 DRI ZA YANG NYE BAR GNAS PAR GYUR NA'O ZHES DRI ZA GSUNGS SHING DRI ZA NI SRID PA BAR MA YIN PA'I PHYIR TE, CI STE DE YANG DRI ZA ZHES NI MI 'DON GYI, PHUNG PO ZHIG PA ('I MED DGAG GCIG GSAR DU,) NYE BAR GNAS PAR GYUR NA'O ZHES 'DON TO ZHE NA, DE LTA NA RTA LEN GYI BU'I MDO LAS, BCOM LDAN 'DAS KYIS BRAM ZE RTA LEN GYI BU LA, RTA LEN GYI BU KHYOD KYIS MCHOS BRANG LA DRI ZA NYE BAR GNAS PA GANG YIN PA DE RGYAL RIGS SAM, BRAM ZE'AM, RJE'U RIGS SAM, DMANGS RIGS SAM, 'ON TE SHAR PHYOGS NAS 'ONGS PA ZHIG GAM, 'ON TE LHO DANG NUB DANG BYANG NAS 'ONGS PA ZHIG SHES SAM ZHES GSUNGS PA'I PHYIR TE, PHUNG PO ZHIG PA LA RIGS DANG PHYOGS KYI BRTAG PA DANG, DE NI 'ONG BAR YANG MI 'THAD PA'I PHYIR RO, ,LUNG PHRAN TSEGS LAS, DGA' BO PHA MA CHAGS PAR GYUR CING PHRAD PA DANG, MA YANG RUNG BAR GYUR CING ZLA MTSAN DANG LDAN PA DANG, DRI ZA YANG NYE BAR GNAS PAR GYUR CING 'JUG PAR 'DOD NA STE, DGA' BO DRI ZA ZHES BYA BA DE NI SRID PA BAR MA PA'I SEMS CAN GYI TSIG BLA DAGS YIN NO ZHES GSUNGS PA'I PHYIR RO, ,'ON TE DE YANG KHO BO CAG MI 'DON NO ZHE NA, 'O NA PHYIR MI 'ONG BA LNGAR GSUNGS PA'I MDO LAS SHES TE, BCOM LDAN 'DAS KYIS PHYIR MI 'ONG BA NI LNGA STE, BAR MA DO DANG, SKYES NAS DANG, MNGON PAR 'DU BYED PA MED PA DANG, MNGON PAR 'DU BYED PA DANG BCAS PAR YONGS SU MYA NGAN LAS 'DA' BA DANG, GONG DU 'PHO BA'O ZHES GSUNGS PA'I BAR MA DOR MYA NGAN LAS 'DA' BA NI SRID PA BAR MA YIN PA'I PHYIR RO, ,GAL TE DE YANG KHAMS BAR MA'AM BAR MA DO ZHES BYA BA'I LHA DAG CIG YIN NO ZHE NA, DE LTA NA SKYES NAS LA SOGS PA'ANG LHA DAG CIG YIN PAR THAL BAR 'GYUR RO, ,GZHAN YANG SKYES BU DAM PA'I 'GRO BA BDUN BSTAN PA'I MDO LAS ZHAGS MA'I ME CHUNG NGU MNGON PAR GRUB BZHIN DU 'CHI BA DANG, LCAGS KYI TSVA TSVA GNAM DU YAR BZHIN DU 'CHI BA DANG, LCAGS KYI TSVA TSVA GNAM DU YAR NAS SA LA MA LHUNG BA NYID DU 'CHI BAR 'GYUR BA LTA BU'I DPE GSUM GYIS MTSON NAS BAR MA DOR MYA NGAN LAS 'DA' BA LA MYUR BA DANG, MYUR BA MA YIN PA DANG, YUN RING MO ZHIG NA YENGS SU MYA NGAN LAS 'DA' BA GSUM DU PHYE NAS SKYES MYA NGAN LAS 'DA' BA LA SOGS PA BZHI STE SKYES BU DAM PA'I 'GRO BA BDUN GSUNGS PA'I PHYIR YANG GRUB STE, KHAMS BAR MA DOR MYUR BA LA SOGS PA NI SKYES NAS MYA NGAN LAS 'DA' BA LA SOGS PA YIN PA'I PHYIR RO, ,GZHAN YANG KYANG ZHES PAS DE LTA MA YIN NA GZUGS MED DU'ANG BAR MA DOR MYANG 'DAS GSUNG BAR 'GYUR BA ZHIG NA NYAN THOS KYI RNAM PAR BSHAD PA'I SDOM GYI TSIGS SU BCAD PA NYI SHU PA LAS SPEL MA MDZAD PAS, BSAM GTAN DAG GIS BCU TSAN BZHI, ,GZUGS MED DAG GIS BDUN TSAN GSUM, , @247 'DU SHES KYIS NI DRUG TSAN DU, ,MDZAD NAS TSOMS SU YANG DAG BSDEBS ZHES BSAM GTAN RE RE LA GNAS GZHAN GSUM GSUM DANG, SNGAR BSHAD PA'I BAR MA DOR MYA NGAN LAS 'DA' BA NAS GONG DU 'PHO BA'I BAR RNAM PA LNGA DANG, 'CHI BA MED PA'I DBYINGS LA SEMS GTOD PA DANG, SEMS RNAM PAR GROL BA ZHES BYA BA BCU BCU DANG, GZUGS MED DANG PO GSUM LA BAR MA DOR MYA NGAN LAS 'DA' BA MA GTOGS PA BZHI BZHI DANG, GNAS GZHAN THA DAD MED PA'I RIS GCIG DANG, 'CHI BA MED PA'I DBYINGS LA SEMS GTOD PA DANG, SEMS RNAM PAR GROL BA BDUN BDUN DANG, 'DU SHES MED 'DU SHES MED MIN LA GONG DU 'PHO BA MA GTOGS PA DRUG GSUNGS PAS KYANG GRUB STE, DE LA 'CHI BA MED PA NI MYA NGAN LAS 'DAS PA DANG, SEMS RNAM PAR GROL BA NI ZAG PA LAS GROL BA'I YE SHES TE LHAG BCAS LHAG MED KYI MYANG 'DAS YIN PAR MNGON NO, ,DES NA GZUGS KHAMS SU BAR MA DOR MYA NGAN LAS 'DA' BA GSUNGS LA, GZUGS MED DU MA GSUNGS PA'I PHYIR YANG BAR SRID YOD PAR SHES SO, ,(RNAM PAR GTAN LA DBAB PA BSDU BA LAS KYANG, SHI 'PHOS NAS SEMS DANG SEMS BYUNG RTEN MED PA RNAMS NI YUL GZHAN DU PHYIN MI SRID PA'I PHYIR DANG, RNAM PAR 'KHRUL PA TZAM YIN PAS BRAG CHA LTA BUR MI RUNG, MA 'GAGS PA'I PHYIR GZUGS BRNYAN LTA BUR YANG MI RUNG NGO, ,MED PA'I PHYIR DMIGS PA 'DZIN PA LTA BUR YANG MI RUNG STE, GANG GI PHYIR DPE DE DAG MI RUNG BA DE'I PHYIR BAR MA DO'I SRID PA YOD PAR RIG PAR BYA'O ZHES GSUNGS SO, ,) BRAM ZE LA BAR NA GNAS MED PAR BSHAD PA NI SKYE BA 'DI DANG NGAN SONG GI BAR NA MTHO RIS KYI GNAS MED PAR BSHAD PA YIN LA, BDUD SUN 'BYIN BYED ME 'BAR BZHIN PA'I LUS KYIS DMYAL BAR SONG BA NI MTHONG BA'I CHOS LA LUS 'DI LA ME 'BAR TE SHI NAS BAR SRID NAS DMYAL BAR SKYE BAR GSUNGS PA LA DGONGS PA YIN NO, ,(DE YANG SKYES NAS MYONG 'GYUR SKYE BA DE NYID DU SMIN PA MED PA'I PHYIR RO, ,) MTSAMS MED PA LNGA'I LAS GANG DAG BYAS SHING BSAGS NAS DE MA THAG TU DMYAL BA DAG TU SKYE'O ZHES GSUNGS PA NI SKYE BA GZHAN GYIS BAR MA CHOD PA'I DBANG DU MDZAD NAS GSUNGS PA'I PHYIR RO,, GNYIS PA KHYAD PAR GYI CHOS LA KHYAD PAR GYI CHOS RGYAS PAR BSHAD PA DANG, SKYE GNAS SU 'JUG PA'I TSUL GNYIS LAS DANG PO NI SRID PA BAR MA DE NI SNGON DUS KYI SRID PA 'BYUNG BAR 'GYUR BA'I SHA TSUGS DANG CHA BYAD CAN YIN TE, 'BYUNG BAR 'GYUR BA'I SNGON DUS KYI SRID PA DANG BAR SRID GNYIS 'PHEN PA'I LAS GCIG LAS SKYES PA'I PHYIR RO, ,'O NA KHYI MO LA SOGS PA'I MNGAL DU GNAS PA DAG SHI STE DMYAL BA'I SRID PA BAR MA GRUB NA MNGAL DANG DE NA GNAS PA GZHAN DAG KYANG 'TSIG PAR 'GYUR TE, DE'I SNGON DUS NI ME @248 'BAR BA'I RNAM PA CAN YIN LA, BAR SRID GANG DU SHI BA DE NYID DU 'GRUB PA'I PHYIR RO ZHE NA MI 'GYUR TE, RANG RANG GI LAS KYIS MTSAMS BCAD PA'I PHYIR DANG, SRID PA BAR MA SHIN DU DANG BA YIN PAS BLTAR MI RUNG BA BZHIN DU REG TU'ANG MI RUNG BA'I PHYIR RO, ,(DE'I KHA DOG NI LUNG PHRAN TSEGS LA SOGS PA LAS DMYAL BA DANG DUD 'GRO DANG YI DVAGS DANG 'DOD PA'I LHA MI DANG GZUGS KHAMS PA RNAMS KYI BAR SRID NI RIM PA LTAR SDONG DU MA 'TSIG PA DANG DU BA DANG CHU DANG GSER LTA BU DANG DKAR POR GSUNGS SHING,) YANG GAL TE BAR SRID GANG DU SKYE BAR 'GYUR BA'I SHA TSUGS CAN YIN NA, 'O NA 'DZAM BU'I GLING NAS 'OG MIN DU SKYE BA'I BAR SRID 'DZAM BU'I GLING DU 'GRUB PA'I SKABS MED PAR 'GYUR TE, BAR SRID NI GANG DU SHI BA DER 'GRUB PA YIN PA LA 'OG MIN PA'I LUS DPAG TSAD KHRI DRUG STONG BA YIN PA'I PHYIR DANG, GZUGS KHAMS PA'I PAR SRID LUS RDZOGS PAR 'GRUB PA'I PHYIR DANG, 'DZAM BU'I GLING LA NI DPAG TSAD DRUG STONG DANG PHYED DANG BZHI LAS MED PA'I PHYIR RO ZHE NA, NAM MKHA' YANGS SHING RTEN 'OD LTAR DANG BAS 'GAR YANG THOGS PA MED PA'I PHYIR RO, ,ZHES SLOB DPON GANG SPEL 'CHAD DO, ,DE'I PHYIR KUN LAS BTUS LAS KYANG GANG DU SKYE BAR 'GYUR BA DE'I BYAD GZUGS SO ZHES BSHAD DO, ,DE'I KHA DOG NI LUNG PHRAN TSEGS LAS, DE YANG KHA DOG BZANG PO DANG NGAN PA RNAM PA GNYIS TE, SEMS CAN DMYAL BA RNAMS KYI SRID PA BAR MA NI KHA DOG NGAN PA DPER NA SDONG PO 'TSIG PA LTA BU'O, ,DUD 'GRO'I SKYE GNAS SU SONG BA RNAMS KYI SRID PA BAR MA NI KHA DOG DU BA LTA BU'O, ,YI DVAGS RNAMS KYI NI KHA DOG CHU LTA BU'O, ,MI RNAMS DANG LHA RNAMS KYI NI SRID PA BAR MA NI KHA DOG GSER LTA BU'O, ,GZUGS NA SPYOD PA'I LHA RNAMS KYI NI DKAR PO'O ZHES PA DANG, KUN LAS BTUS LAS KYANG, MI DGE BA BYED PA'I BAR MDO'I SRID PA MNGON PAR GRUB PA NI DPER NA PHYAR BA NAG PO'AM MTSAN MO MUN PA MUN NAG TU SNANG BA LTA BU'O, ,DGE BA BYED PA NI DPER NA SNAM BU DKAR PO'AM ZLA BA'I 'OD DANG BCAS PA'I MTSAN MOR SNANG BA LTA BU'O ZHES BSHAD DO,, 'O NA BYANG CHUB SEMS DPA' DON THAMS CAD GRUB PA GLANG PO CHE THAL KAR MCHE BA DRUG DANG LDAN PAR YUM GYI RMANG LAM DU SNANG BA DANG, SLOB DPON CHOS LDAN RAB 'BYOR GYIS KYANG, GLANG CHEN DKAR PO MCHE BA DRUG LDAN PA, ,RKANG BZHI MDZES DANG LDAN PAR ZHAL BZHES NAS, ,DRANG SRONG GNAS SHES PA NI JI BZHIN DU, ,YUM GYI LHUMS KYI GNAS SU ZHUGS PAR GYUR ZHES GSUNGS PA DANG 'GAL LO ZHEN NA, YUM GYI RMANG LAM NI RMI LAM GYI RNAM PA NYID YIN PA'I PHYIR DANG, SLOB DPON RTA DBYANGS KYIS KYANG RMANG @249 LAM DANG RJES SU MTHUN PAR MDZAD PA'I PHYIR TE, DPER NA MA GA DHA BZANG MO'I RTOGS PA BRJOD PA LAS, RGYAL PO KRI KRIS GLANG PO CHE LUS THON NAS MJUG MA SKAR KHUNG LA THOGS PA DANG, KHRON PAS SKOM PA MA RNYED PA'I MI'I RJES BSNYEGS NAS NGA LA 'THUNG ZHES ZER BA DANG, PHYE DANG MU TIG MNYAM POR BRJE BA DANG, TZAN DAN GOR SHIR SHA DANG SHING PHAL PA MNYAM POR BRJE BA DANG, DGE 'DUN GYI KUN DGA' RA BA DANG SKYED MOS TSAL CHOM RKUN PAS LONGS SPYOD PA DANG, GLANG PO CHE'I PHRUG GUS SPOS KYI GLANG PO CHE SKOD PA DANG, SPRE'U ZHIG RANG GI RGYAB MI GTZANG PAS GOS PAR GYUR PA DE SPRE'U GZHAN LA BKOD PAR PHYED PA DANG, SPRE'U GCIG GIS GCIG LA DBANG BSKUR BA DANG, MI BCO BRGYAD RAS YUG GCIG LA BRTZAD PAS THAMS CAD KYIS RAS YUG RE RE THOB NAS GCIG SHUL DU LUS PA DANG, SKYE BO PHAL PO CHE 'THAB PA ZHES BYA (GLANG PO KHRON PA PHYE DANG TZAN DAN TSAL, ,GLANG PHRUG SPREL GNYIS RAS YUG 'THAB MO'I ZHES PA,) BA'I RMI LAM BCU SH'AKYA'I RGYAL PO'I NYAN THOS KYI RNAM PAR THAR PA'I MTSAN MA NYE BAR SHAR BAR GSUNGS PA BZHIN NO,, DE'I PHYIR BYANG CHUB SEMS DPA'I BAR SRID KYANG GZHON NU THOR BU MTSAN DANG DPE BYAD KYIS BRGYAN PA YIN LA, MI GZHAN RNAMS KYIS NI LO LNGA'AM DRUG GI TSAD DU YOD CING, GZUGS KHAMS PA'I LHA RNAMS KYI NI LUS RDZOGS PA DANG, NGO TSA SHES PA SHAS CHE BAS GOS DANG BCAS PA YIN LA, BYANG CHUB SEMS DPA' DANG, DGE SLONG MA DKAR MO NI 'DOD KHAMS PA YIN YANG GOS DANG BCAS PA YIN NO, , 'DOD KHAMS NA SRID PA BAR MA GZHAN DAG NI NGO TSA MED PA SHAS CHE BAS GCER BU YIN NO, ,DRAN PA NYER GZHG LAS RAB TU TSA BA DANG MNAR MED KYI BAR SRID NI TSE LO BRGYAD KHRI BZHI STONG THUB PA'I BYIS PA LO BRGYAD LON PA'I TSAD DU GSUNGS SO,, GAL TE SRID PA BAR MA SNGON DUS KYI SRID PA 'BYUNG BAR 'GYUR BA'I RNAM PA CAN GYIN NA SNGNO DUS KYI SRID PA NYID GANG ZHE NA, SNGON DUS KYI SRID PA DE NI 'CHI BA'I SRID PA'I SNGON ROL GYI SRID PA YIN TE, SKYE BA'I SRID PA'I SKAD CIG MA PHAN CHAD KYI NYER LEN GYI PHUNG PO LNGA'I RGYUN NYID DO, ,DES NA SRID PA BZHI LAS BAR SRID DANG SNGON DUS KYI SRID PA NI BSHAD ZIN LA, SKYE BA'I SRID PA NI 'GRO BA RNAMS SU NYING MTSAMS SBYOR BA'I SKAD CIG MA'O, ,SNGON DUS KYI SRID PA NI DE PHAN CHAD SKYES NAS MA SHI'I BAR GYI PHUNG PO LNGA'I RGYUN NO, ,'CHI BA'I SKAD CIG MA THA MA NI 'CHI BA'I SRID PA YIN TE, GAL TE SEMS CAN GZUGS CAN DAG GI NANG DU SKYE NA GANG GI 'OG TU BAR SRID 'BYUNG BA'O,, DES NA SKYE SRID DANG 'CHI SRID GNYIS NI SKAD CIG MA DANG, SRID PA GZHAN GNYIS NI RGYUN YIN NO, ,DE @250 YANG 'DAS PA NI BYUNG BA YIN LA, SRID PA BAR MA NI 'BYUNG BAR 'GYUR BA'I SNGON DUS KYI SRID PA'I CHA BYAD CAN YIN NO ZHES SHES PAR BYA'O, ,SRID PA BAR MA DE YANG LHA LA SOGS PA'I SRID PA BAR MAR RIS MTHUN PA DANG, LHA'I MIG RNAM PAR DAG PA BSGOMS PA LAS BYUNG BA RNAMS KYIS MTHONG GI (BAR SRID 'DI,) SHIN TU DANG BAS SKYES NAS THOB PA LA SOGS PA GZHAN GYIS NI MA YIN NO, ,DE'I PHYIR KUN LAS BTUS LAS KYANG SKAL PA MNYAM PA'I SEMS CAN RNAMS KYANG MTHONG NGO ZHES BSHAD DO, ,DE LA LHA'I MIG RNAM PAR DAG PA NI DON RGYAS PA'I CHOS KYI RNAM GRANGS LAS 'BYUNG BA'I THE TSOM DANG, YID LA MI BYED PA DANG, LUS KYI GNAS NGAN LEN DANG, RMUGS PA DANG GNYID DANG RGOD PA DANG, BRTZON 'GRUS BRTZAM DRAGS PA DANG, SEMS YA YA BO DANG, BAG TSA BA DANG, 'DU SHES SNA TSOGS DANG, SMRA BA MANG BA PA DANG, DE YANG LHA'I BAR SRID KYIS 'GRO BA LNGA GA'I BAR SRID MTHONG BA NAS MI DANG YI DVAGS DANG DUD 'GRO'I BAR SRID KYIS BZHI DANG GSUM DANG GNYIS DANG DMYAL BA'I BAR SRID KYIS DMYAL BA'I BAR SRID KHO NA MTHONG BAS GONG MA GONG MA'I SRID PA BAR MA DANG, (DMAN PA'I YUL MCHOG MIN PAR BSAM PA'O,,) LHA'I MIG RNAM PAR DAG PA GSUM GYIS MTHONG NGO ZHES ZER RO, ,SRID PA BAR MA DE YANG SNGON GYI LAS KYIS BSKYED PA'I RDZU 'PHRUL GYI SHUGS CHEN PO DANG LDAN PAS SHIN TU MGYOGS PA YIN NO, ,DE'I PHYIR 'GREL PA LAS KYANG, DES NA 'DI NI SANGS RGYAS RNAMS KYIS KYANG DGAG PAR MI SPYOD DE LAS STOBS DANG LDAN PA'I PHYIR RO ZHES BSHAD DO, ,DE YANG RNAM PAR SMIN PA'I SNYING PO DANG PO YIN PA'I PHYIR RO, ,SRID PA 'TSOL BA YIN PA'I PHYIR MIG LA SOGS PA'I DBANG PO GZUGS CAN LNGA PO KUN TSANG ZHING, RI DANG BRAG LA SOGS PA LA'ANG THOGS PA MED PA DANG LDAN PA YIN TE, RDO BA DANG BRAG SRA BA LA SOGS PA'I DKYIL NA'ANG SRIN BU LA SOGS PA DMIGS PA'I PHYIR RO, ,'ON KYANG MA'I LTO DANG RDO RJE'I GDAN LA THOGS SO ZHES GRAG GO, DE NYID KYI PHYIR 'GREL PA LAS, SRID PA BAR MA PA NI LTO BRDOL TE 'JUG PA MA YIN GYI SKYE GNAS KYI SGO NAS 'JUG STE, DE NYID KYI PHYIR MTSE MA LAS GANG PHYIS BYUNG BA DE NI PHO BO ZHES BYA'O, ,GANG SNGAR BYUNG BA DE NI NU BO ZHES BYA'O ZHES BSHAD DO, ,KHA CIG RI RAB LA'ANG THOGS PAR 'CHAD PA NI MI RIGS TE DRAN PA NYER GZHAG LAS 'BYUNG BA PHRA MO DE LTAR MED CING THOGS PA MED PAS GANG RI RAB PHUG NAS 'GRO BA'ANG BDAG NYID DANG RI RAB LA'ANG GNOD PA MED NA RI GZHAN DAG LA LTA SMOS KYANG CI DGOS ZHES 'BYUNG BA'I PHYIR RO, ,KUN LAS BTUS LAS KYANG, 'GRE BA LA THAGS THOGS MED DO ZHES 'BYUNG NGO, , @251 DMYAL BA LA SOGS PA 'GRO BA GANG DU SKYE BAR 'GYUR BA'I SRID PA BAR MA GRUB NA NI LHA LA SOGS PA'I BAR SRID GZHAN DU MI BZLOG TE, LAS KYIS 'PHANGS PA'I RNAM PAR SMIN PA GRUB ZIN PA'I PHYIR RO, ,'O NA SHI 'PHOS PA'I RJES SU DGE BA BYED PA RNAMS DON MED PAR 'GYUR RO ZHE NA, MI 'GYUR TE, DMYAL BA LA SOGS PAR SKYES KYANG SDUG BSNGAL CHUNG BA DANG MYUR DU THAR BA DANG, DE NAS MTHO RIS SU SKYE BA LA SOGS PA'I DON BYED PA'I PHYIR RO, ,KUN LAS BTUS LAS NI, CI STE NA LDOG GO ,DE NA GNAS PA YANG LAS GSOG GO ZHES DMYAL BA LA SOGS PA'I SRID PA BAR MA GRUB NAS MI'I SRID PA BAR MAR 'GYUR TE MIR SKYE BA LA SOGS PA'ANG YOD PAR BSHAD DE, DE DAG GI LUGS LA NI SHI 'PHOS PA'I DON GYI DGE BA NI SHIN TU'ANG 'BRAS BU DANG BCAS PA YIN NO,, 'DOD PA'I BAR SRID DE NI SKAL BA BZANG NGAN GYIS DRI ZHIM PA DANG MI ZHIM PA ZA BA'I PHYIR DE LA DRI ZA ZHES KYANG BYA'O, ,GJUGS KYI LHA'I BAR SRID NI DRI ZA BA MA YIN TE, KHAM GYI ZAS LA 'DOD CHAGS DANG BRAL BA'I PHYIR RO, ,'O NA SRID PA BAR MA PA DE DUS JI SRID KYI BAR DU GNAS SHE NA, BTZUN PA DBYIG BSHES NA RE ZHAG BDUN DU GNAS LA, GAL TE DE'I TSE SKYE GNAS KYI TSOGS PA MA RNYED NA DE SHI 'PHOS NAS YANG SRID PA BAR MAR SKYES NAS SKYE BA'I GNAS 'TSOL BAR BYED DO ZHES ZER RO, ,KUN LAS BTUS LAS KYANG, RE LTAR THOGS NA ZHAG BDUN GNAS TE DE TSUN CHAD KYIS 'CHI 'PHO'O ZHES BSHAD DE, GZHAN DAG NI ZHAG BDUN PHRAG BDUN DU GNAS SO ZHES 'DOD DO, ,MDO SDE PA BTZUN PA NA RE DE LTA BU'I NGES PA NI MED DE JI SRID SKYE GNAS KYI TSOGS PA MA RNYED KYI BAR DU GNAS LA, DE'I TSE 'PHEN PA LOGS SHIG NA MED DE, RIS MTHUN PA GCIG PA'I PHYIR RO, ,DE LTA MA YIN NA DE'I TSE ZAD PAS 'CHI SRID DU'ANG THAL BAR 'GYUR RO ZHES ZER RO, ,BYE BRAG TU SMRA BA RNAMS NI 'DI SRID PA 'TSOL BA YIN PAS DUS THUNG BAR GNAS TE SKYE BA'I GNAS SU 'JUG GO, 'O NA SKYE BA'I GNAS MA RNYED NA JI LTAR ZHE NA, GAL TE DER NGES PAR SKYE BAR 'GYUR BA ZHIG YIN NA NI DE'I LAS KYIS SKYE GNAS KYI TSOGS PA (PHA MA LA SOGS,) 'DREN LA, 'ON TE DER SKYE BAR MA NGES NA NI DE LAS GZHAN PA'I YUL DU SKYE BAR 'GYUR RO ZHES ZER RO, ,GZHAN DAG NA RE DE DANG 'DRA BA'I SKYE GNAS SU 'JUG PAR 'GYUR TE DBYAR LTA BU DUS NGES PA CAN BA LANG GI SRID PA BAR MA RANG GI SKYE GNAS MA RNYED PA RNAMS NI DUS MA NGES PA BA MEN DANG, KHYI RNAMS NI LCE SPYANG DANG, RTA RNAMS NI BONG BU DANG, DOM RNAMS NI DRED RNAMS SU SKYE'O ZHES ZER TE, DE LA NI 'PHEN PA GCIG PA'I @252 PHYIR GANG DU SKYE BAR 'GYUR BA'I BYAD GZUGS CAN YIN NO ZHES PAS GNOD PAS SNGA MA NYID 'THAD PA YIN NO,, GNYIS PA SKYE GNAS SU 'JUG PA NI SEMS CAN DE (LAS LAS BYUNG BA'I MIG GIS THAG RING NA GNAS PA'I RANG SKYE BA'I GNAS MTHONG STE,) PHOR SKYE BAR 'GYUR BA YIN NA NI PHA LA SDANG BA DANG MA LA ('KHRIG PA BYA BAR,) CHAGS PA'I BLO NI PHYIN CI LOG TU GYUR PAS MA DE DANG RTZE BA DANG DGA' BAR BYA BAR 'DOD PAS 'GRO BAR BYA BA'I YUL DU MNGON PAR 'DOD PA'I MNGAL DU 'GRO STE, DER SONG NAS MA'I LTO G-YAS PHYOGS SU KHA RGYAB TU BSTAN TE TZOG TZOG POR SKYE'O, ,'ON TE MOR SKYE BA ZHIG YIN NA MA LA SDANG BA DANG, 'ON TE PHA LA CHAGS PA'I BLO PHYIN CI LOG TU GYUR PAS PHA DANG RTZE BA DANG DGA' BAR BYA BAR 'DOD PAS 'GRO BA'I YUL MA'I MNGAL DU SONG STE MA'I LTO G-YON DU KHA MDUN PHYOGS SU BSTAN TE 'DUG GO, GAL TE MA NING DU SKYE BA YIN NA'ANG BAR SRID NI PHO MO GANG RUNG ZHIG TU YOD DE, DBANG PO KUN TSANG BAR 'DOD PA'I PHYIR RO, ,DE'I PHYIR MNGAL DU ZHUGS PA NA PHYIS MA NING GI LUS 'DZIN CING PHO MO'I 'DOD CHAGS GANG DANG LDAN PA BZHIN DU GNAS PAR 'GYUR RO, ,DE'I PHYIR GDAGS PA LAS, DE'I TSE DRI ZA LA SEMS GNYIS LAS RJES SU CHAGS PA DANG LDAN PA'AM KHONG KHRO BA DANG LDAN PA'I SEMS GANG YANG RUNG BA ZHIG MNGON DU GYUR PA YIN NO, ,ZHES PA DANG, SLOB DPON GANG SPEL GYIS KYANG, 'DI NI RANG GI RIGS SU MNGAL SKYES SAM, ,GAL TE SGO NGA LAS SKYES 'BYUNG 'GYUR NA, ,DE'I DUS SU MA DE DANG NI PHA, ,SBYOR BA MTHANG NAS DREGS PAS RAB DGAR 'GYUR, ,RTZE DAGS DE DAG DRUNG RGYUG PHA YI NI, ,KHU CHU DE MTHONG KUN DU RMONGS PA YIS, ,BDAG NYID JI BZHIN DE LA CHAGS 'GYUR TE, ,MO NA MO BZHIN PHO NA PHO BZHIN NO ZHES BSHAD DO, ,DE LTAR MNGA' DU ZHUGS PA NA BAR SRID THOGS MED 'GAGS NAS RNAM SMIN THOGS BCAS 'GRUB PAR 'GYUR RO, ,GAL TE PHA MA'I MI GTZANG BA LAS DBANG PO RNAMS SKYE NA DE DAG NYID LAS SAM, 'ON TE DE DAG LAS BYUNG BA'I 'BYUNG BA GZHAN ZHIG LAS YIN ZHE NA, KHA CIG NA RE DE DAG LAS SKYE STE, KHU KHRAG DBANG PO MED PA 'GAGS NAS NUR NUR PO DBANG PO DANG BCAS PA SKYE BA'I PHYIR TE, MDO LAS, DGE SLONG DAG KHYED KYIS NI YUN RING POR SDUG BSNGAL DRAG PA TSA BA RTZUB PA NYAMS SU MYONG ZHING DUR KHROD BSKYED DO, ,KHRAG GI THIGS PA BLANGS SO ZHES PA DANG, YANG MDO GZHAN LAS KYANG, PHA MA'I NUR NUR PO MI GTZANG BA LAS SKYES PA ZHES GSUNGS PA'I PHYIR RO ZHES ZER RO, ,KHA CIG NA RE PHA MA'I MI GTZANG BA LAS 'BYUNG BA GZHAN ZHIG SKYE LA, DE LAS NI DBANG PO DANG BCAS PA'I LUS SKYE STE LO MA @253 LAS BYUNG BA'I SRIN BU LA SOGS PA BZHIN NO, ,MDO'I DON NI MI GTZANG BA LA BRTEN NAS SKYES PA LA DE SKAD BRJOD PAR ZAD DO ZHES ZER RO, ,DE DAG NI SKYE GNAS DANG PO GNYIS SU 'JUG TSUL LO, ,'GREL PAR GZHAN LA NI CI RIGS PAR BRJOD PAR BYA'O ZHES ZER TE, DE LA RIGS PA NI 'DI YIN PAR SNANG NGO ZHES 'BYUNG BA NI CHOS MNGON PA BA'I SLOB DPON DAG SKYE GNAS PHYI MA GNYIS LA NI CI RIGS PAR BRJOD PAR BYA'O ZHES ZER BA'I RIGS PA'I DON SLOB DPON GYIS 'CHAD PA NI LAS JI LTA BA BZHIN DU DRI DANG GNAS LA MNGON PAR 'DOD CING SRED PAS (SKYE GNAS SU,) 'JUG PA (RE 'DOD PA,) NI (RIM PA LTAR,) SKYE GNAS (DANG PO GNYIS LAS,) GZHAN DROD GSHER SKYES DANG RDZUS SKYES GNYIS SU 'JUG TSUL LO, ,GAL TE DMYAL BAR ME 'BAR BA DANG GRANG BA'I REG PA LA MNGON PAR 'DOD PA JI LTAR 'BYUNG ZHE NA, ('DIR YANG,) BLO PHYIN CI LOG TU GYUR PA'I PHYIR TE RLUNG DANG CHAR BA LA SOGS PAS SDUG BSNGAL BA DAG ME 'BAR BAR 'DOD PA DANG, NYI MA DANG ME LA SOGS PAS GDUNGS PA DAG BSIL BAR 'DOD NAS RGYUG PA'I PHYIR TSA BA DANG GRANG BA'I DMYAL BAR SKYE BA LEN NO, ,SNGON GYI SLOB DPON THOGS MED LA SOGS PA KHA CIG NI SNGAR SROG GCOD LA SOGS PA BYAS PA'I SEMS CAN DAG RMI LAM LTAR MTHONG STE, DE DAG LA ZHUGS PA NA DMYAL BAR SKYE STE, MDO LAS, JI LTAR 'GYUR BAS DE MYONG LAS, ,SNGAR BYAS PA NI RMI LAM LTAR, ,SEMS CAN DE 'DRA MTHONG GYUR NAS, ,DMYAL BAR RAB TU RGYUG BAR 'GYUR ZHES GSUNGS SO ZHES ZER RO, ,('O NA SHA'I PHUNG BO RI RAB TZAM YOD NA 'BU RI TZAM 'GRUB 'GYUR GYI BAR SRID DE DAG SHA DE MA BYUNG BAR DU GANG DU GNAS SHE NA, DE MA BYUNG GI BAR DU SDOD PA NI MIN TE, 'DI LTAR SRIN BUR GYUR PA'I BAR SRID GRANGS MED PA YOD DE, DE DAG RANG SKYE BA DANG MTHUN PA'I DROD GSHER GYI TSOGS PA GANG DANG PHRAD PA DER SKYE'I DROD GSHER GYI TSOGS PA 'DI KHO NA LAS SKYE BA'I NGES PA MED PAR MNGON NO, ,) SRID PA BAR MA DE DAG LAS DMYAL BA'I SRID PA BAR MA'I DBYIBS NI GSHIN RJE'I ZHAGS PAS BTAGS TE SPYI'U TSUGS KHO NAR 'KHRID PA YIN TE, YONGS SU GDUNG BA DANG BCAS PA DANG YONGS SU GDUNG BA MED PA BSTAN PA'I MDO LAS, YANG DAG SDOM DANG DKA' THUB CAN, ,DRANG SRONG RNAMS LA SKUR 'DEBS PA, ,DE DAG SPYI'U TSUGS DAG TU NI, ,DMYAL BA KHO NAR LTUNG BAR 'GYUR ZHES PA DANG, RIN PO CHE'I PHRENG BA LAS KYANG, GZHAN YANG 'DI NI LOG GZUNG NA, ,BLUN PO MKHAS PA'I NGA RGYAL CAN, ,SPONG BAS MA RUNGS BDAG NYID CAN, ,MNAR MED PAR NI SPYI'U TSUGS 'GRO ZHES GSUNGS PA'I @254 PHYIR RO, ,YI DVAGS DANG DUD 'GRO'I NI SKAS LA 'BAB PA LTA BU'O, ,MI'I NI THANG LA 'GRO BA LTA BU'O, , (YI DVAGS KYI NI RGYAB KYIS 'GRO BA YANG BSHAD DO, ,) LHA YI NI STAN LAS LDANG BA LTA BUR GYEN DU 'GRO'O, , GAL TE BLO NI PHYIN CI LOG GYUR PAS, ,RTZE DAGS 'GRO BA'I YUL DU 'GRO ZHES GANG BSHAD PA DE MNGAL DU 'JUG PA THAMS CAD LA DE LTAR NGES SAM ZHE NA, MA NGES TE, 'DI LA RNAM PAR DBYE BA YOD PAS MDO DANG LUNG PHRAN TSEGS LAS, DGA' BO MNGAL DU 'JUG PA NI BZHI STE ZHES GSUNGS TE, 'DIR GNAS PA DANG 'BYUNG BA 'JUG PA MA YIN YANG 'JUG PA GTZO BO YIN PAS DE'I MING GIS BSTAN TO ZHES SLOB DPON GANG SPEL 'CHAD DO, ,BZHI GANG ZHE NA, DE LA GCIG NI MA'I MNGAL DU SHES BZHIN DU 'JUG GO , GNAS PA DANG 'BYUNG BA NI MI SHES PA DAG GO ,YANG GZHAN DAG NI 'JUG PA DANG GNAS PA SHES BZHIN DU GNAS LA 'BYUNG BA NI MI SHES PA DAG GO ,YANG GZHAN DAG NI 'JUG PA DANG GNAS PA SHES BZHIN DU BYED PAR MA ZAD 'BYUNG BA'ANG SHES BZHIN DU 'BYUNG NGO, ,YANG MNGAL DU 'JUG PA SNGA MA GSUM LAS GZHAN DAG NI 'JUG GNAS 'BYUNG BA THAMS CAD LA RMONGS PA DAG GO ,'DI LA SGO NGA LAS SKYES PA NI RTAG TU 'JUG GNAS 'BYUNG BA LA RMONGS PA KHO NA'O, ,'DIR SKYES PA ZHES BRJOD PA NI 'BYUNG 'GYUR GYI MING GIS BSTAN PA STE PHYE 'THAG CES ZER BA BZHIN NO, ,DE'I PHYIR GNAS BRTAN BRAG DANG NYE BA'I BRAG DANG YUL LNGA LEN GYI RGYAL PO'I BU SGONG SKYES KYI RANG RGYAL RNAMS KYANG 'JUG PA LA SOGS PA LA RMONGS PA YIN NO, ,DES NA BLO PHYIN CI LOG GIS MNGAL DU 'JUG PA NI SHES BZHIN MA YIN PAR 'JUG PA RNAMS KYI DBANG DU BYAS PA YIN GYI THAMS CAD LA NI MA YIN NO, ,GZHAN YANG SHES BZHIN MA YIN PAR MNGAL DU 'JUG PA NI GNYIS LAS SEMS CAN DBANG CHUNG BAR GRAGS PA RNAMS NI MA'I MNGAL DU 'JUG PA NA RLUNG LANGS PA'AM CHAR BA 'BAB PA'AM GRANG BA'AM YUL NGAN NAM SKYE BO PHAL PO CHE'I CA CO 'DON PA SNYAM BYED NAS RTZVA THIBS PO'AM NAGS THIBS PO'AM RTZVA DANG LO MA'I SPYIL PO DANG SHING DRUNG NGAM RTZIG PA'I DRUNG DU 'GRO'I SNYAM NAS 'JUG LA, GNAS PA DANG 'BYUNG BA NA'ANG DE DAG TU GNAS PA DANG DE DAG NAS 'BYUNG BA'I 'DU SHES DANG MOS PA PHYIN CI LOG 'BYUNG NGO, ,SEMS CAN DBANG CHE BAR GRAGS PA RNAMS NI 'JUG PA NA KUN DGA' RA BA'AM SKYED MOS TSAL LAM KHANG BZANG DU 'JUG PA'AM, KHANG PA BRTZEGS PA'AM, KHRI LA 'DZEG GO SNYAM PA DANG, GNAS PA DANG 'BYUNG BA NA YANG DE DAG TU GNAS SO, ,DE DAG NAS 'BYUNG NGO SNYAM DU 'DU SHES DANG MOS PA PHYIN CI LOG 'BYUNG BA'O, ,SHES BZHIN DU 'JUG PA NI MA'I MNGAL NYID DU SHES NAS DE NYID DU 'JUG PA DANG GNAS PA DANG DE NYID NAS 'BYUNG BAR SHES PAS @255 PHYIN CI LOG GI 'DU SHES DANG MOS PA MI 'BYUNG BA'O, ,GAL TE SNGAR PHA MA LA CHAGS SDANG GIS MNGAL DU 'JUG PAR BSHAD BZHIN DU YANG 'DIR NAGS THIBS PO DANG KUN DGA' RA BA LA SOGS PAR 'JUG PA'I TSUL GZHAN BSHAD CE NA, DE NI CHAGS SDANG GNYIS KHO NAS 'JUG PA'I NGES PA MED KYI 'ON KYANG RTZVA'I THIBS PO DANG KUN DGA' RA BA LA SOGS PAR 'DU SHES PAS KYANG 'JUG PAR BSTAN PA'I PHYIR TE, DE LTAR BSHAD NA SKYE BA'I SRID PA NYON MONGS CAN, RANG GI SA PA'I NYON MONGS KUN ZHES PA 'DI'ANG 'THAD PAR 'GYUR RO ZHES SLOB DPON GANG SPEL 'CHAD DO,, KHA CIG NA RE SNGA MA NI RANG DANG RING PA'I GNAS SKABS SU YIN LA, 'DI NI RANG DANG NYE BA'I GNAS SKABS SU YIN NO ZHES ZER RO, ,YANG 'JUG PA SHES LA PHYI MA GNYIS MI SHES PA DANG, DANG PO GNYIS SHES LA 'BYUNG BA MI SHES PA DANG, GSUM GSHES PA ZHES BYA BA'I MNGAL DU 'JUG PA NI GSUM DAG STE, DE LA 'KHOR LOS BSGYUR BA'I RGYAL PO NI DANG PO DANG, RANG BYUNG RANG RGYAL DANG (RDZOGS PA'I) SANGS RGYAS BCOM LDAN 'DAS GNYIS NI GNYIS PA DANG GSUM PA YIN NO, ,CI'I PHYIR ZHE NA, 'KHOR LOS BSGYUR BA ('I BAR SRID) NI (BSOD NAMS KYI) LAS RGYA CHE BA'I PHYIR DANG, RANG SANGS RGYAS NI BSKAL PA BRGYAR GOMS (SHING DNGOS PO DRUG SHES,) PA'I YE SHES RGYA CHE BA'I PHYIR DANG, SANGS RGYAS NI BSOD NAMS DANG YE SHES GNYIS KA RGYA CHE BA'I PHYIR NA GO RIM BZHIN DU SBYAR RO, ,(BSGYUR RANG GNYIS GNAS SKABS DER MA LA SRED PAS SEMS NYON MONGS CAN YIN YANG SHES BZHIN NI 'DU SHES DANG MOS PA PHYIN CI MA LOG PA LA BRJOD DO, ,) DE DAG 'JUG PA NA SANGS RGYAS LA SOGS PA MA YIN KYANG 'BYUNG BAR 'GYUR BA'I MING GIS BSTAN PA'O, ,SGONG LAS SKYE BA DANG GANG ZAG GSUM PO DE LA DMIGS KYIS BSAL BAS SKYE GNAS GZHAN DAG LA NI SHES BZHIN DU 'JUG PA LA SOGS PA BZHI PO DE CI RIGS PAR YOD DO ZHES BYA BA 'DI SHUGS LA 'PHANGS PA YIN NO, ,GAL TE RANG SANGS RGYAS KYIS 'JUG GNAS GNYIS SHES PA DANG SGONG SKYES RTAG TU RMONGS PA GNYIS 'GAL TE, LNGA LEN GYI RGYAL PO'I BU LA SOGS PA SGONG SKYES YIN YANG RANG SANGS RGYAS YIN PA'I PHYIR RO ZHE NA, 'JUG GNAS SHES PA NI RANG SANGS RGYAS BSE RU LTA BU'I DBANG DU BYAS NAS GSUNGS PA YIN LA, SGONG SKYES DE DAG NI CHOGS NA SPYOD PA YIN PAS NYES PA MED DO, ,ZHES SLOB DPON GANG SPEL 'CHAD DO, ,YANG NA 'JUG GNAS SHES PA NI MNGAL SKYES KYI DBANG DU BYAS PA'O, ,('JUG PA MI SHES PA LA GZHAN GNYIS SHES PA MED DO, ,) DA NI BAR DU GNAS PA'I TSUL 'CHAD PA NA JI LTAR GNAS PA'I RTEN 'BREL DANG, GANG GIS GNAS PA'I ZAS BSHAD PA GNYIS LAS DANG PO LA GSUM GYI (DANG PO,) MDOR @256 BSTAN PA NI CHOS 'DI LAS PHYI ROL PA RNAMS NI 'CHI SRID NAS SKYE SRID DU NYING MTSAMS SBYOR BA NI BAR SRID MA YIN TE, DE NI MI RTAG PAR KHAS BLANGS PA'I PHYIR RO, ,SKYE BA GZHAN DU 'PHO BA'I GANG ZAG MI RTAG PA YIN NA BDAG CHAD PA DANG LAS BYAS PA CHUD ZOS PA DANG MA BYAS PA DANG PHRAD PAR THAL BA'I SKYON YOD DO, ,DE'I PHYIR BDAG RTAG PA NYID SKYE BA GZHAN DU 'PHO BA YIN NO ZHES ZER RO, ,DE LTA BU'I SRID PA GZHAN DU 'PHO BA'I BDAG RTAG PA NI MED DE, SKYE SRID LA SOGS PA LAS GZHAN DU MA DMIGS PA'I PHYIR DANG, DE DAG GI BDAG NYID YIN NA MI RTAG PAR THAL BA'I PHYIR TE, DE NI MI RTAG PAR CHAD MAS GRUB PA'I PHYIR RO, ,'DI DGAG PA RGYAS PAR NI GANG ZAG DGAG PA NYID DU SHES PAR BYA'O, , 'O NA 'CHI SRID NAS NYING MTSAMS SBYOR BA DE GANG ZHE NA, GZUGS LA SOGS PA'I PHUNG PO LNGA'I RGYUN TZAM NYID DO, ,DE LA TZAM NI LHAG PA 'GOG PA STE, PHUNG PO CHOS TZAM LAS MA GTOGS PA'I BDAG MED PA'I PHYIR RO, ,JI LTAR ZHE NA, SKYE BA SNGA MA'I NYON MONGS PA DANG LAS KYI MNGON PAR 'DUS BYAS PA'I SRID PA BAR MA'I PHUNG PO'I RGYUN GYIS NA SKYE BA 'DI'I SKYE BA'I GNAS SU GYUR PA'I MNGAL DU 'GRO STE SKYE BA'I SRID PAR MTSAMS SBYOR RO, ,MNGAL DU 'GRO BAS NI DROD GSHER LA SOGS PA'I SKYE GNAS GZHAN DU 'GRO BA'ANG MTSON PAR BYED DO, ,BAR SRID NYID SKYE SRID DU 'PHO BA NI MA YIN TE, BAR DO'I PHUNG PO LA BRTEN NAS SKYE SRID KYI PHUNG PO LNGA SKYE BA DANG, DE LAS DUS SNGA MA DANG, DE LAS 'CHI BA DANG, DE LAS BAR DO DANG, DE LAS SKYE SRID DU NYING MTSAMS SBYOR BA'I PHYIR TE, DPER NA MAR ME SKAD CIG MA YIN YANG RGYUN GYIS YUL GZHAN DU 'GRO BA BZHIN DU 'DIR YANG YIN NO, ,DES NA BDAG RTAG PA MED KYANG PHUNG PO'I RGYUN MA'I MNGAL DU 'JUG PA MI 'GAL LO, ,DPE 'DIS NI KHA THON LAS PHA ROL PO LA RTOGS PA SKYE BA DANG, ME LONG LAS GZUGS BRNYAN DANG, RGYA LAS 'BUR DANG, ME SHEL LAS ME DANG, SKYUR BA'I RO LAS 'GRAM CHU DANG, SA BON LAS MYU GU 'BYUNG BA LA SOGS PA RTEN CING 'PHO BA MED PA'I DPE GZHAN YANG SHES PAR BYA STE, 'PHAGS PA KLU GRUB KYIS, KHA THON MAR ME ME LONG RGYA, ,ME SHEL SA BON SKYUR DANG SGRAS, ,PHUNG PO NYING MTSAMS SBYOR BA YANG, ,MI 'PHO BAR YANG MKHAS RTOGS BYA ZHES GSUNGS SO, ,DON DE NYID STONG PA NYID CHEN PO'I MDO LAS KYANG, LAS NI YOD DO, ,RNAM PAR SMIN PA NI YOD DO, ,CHOS SU BRDAR BTAGS PA MA GTOGS PA GANG PHUNG PO 'DI DAG 'DOR ZHING PHUNG PO GZHAN DAG TU NYING MTSAMS SBYOR BAR BYED PA'I BYED PA PO NI MI DMIGS SO, ,DE LA CHOS SU BRDAR BTAGS PA NI 'DI YIN TE, @257 'DI LTA STE, 'DI YOD PAS 'DI 'BYUNG ZHES BYA BA LA SOGS PA DANG, LUNG PHRAN TSEGS LAS BRAM ZE RGYA SHUG GI BU'I DBANG DU MDZAD NAS, 'DI NA BDAG GAM SEMS CAN MED, ,CHOS 'DI DAG NI RGYU DANG BCAS ZHES BYA BA DANG, KHYAD PAR DU 'PHAGS PA'I BSTOD PA LAS KYANG, LUS LAS LUS GZHAN DAG TU NI, ,PHRA BA'I SROG NI 'PHO ZHES GRAG ,KHYOD KYI LUS LAS GZHAN GYUR PA'I, ,SROG YOD PA NI MIN ZHES GSUNGS ZHES PA DANG, BRAM ZE 'GRO BA RNAMS KYI RGYU, ,SKYES BU RTAG PA YIN ZHES BSGRAGS, ,KHYOD KYIS RTAG PA ZHES BYA BA'I, ,RGYU NI CI YANG MED CES BSTAN ZHES PA DANG, SER SKYA DE NYID RIG PAS NI, ,GTZO LAS 'GRO BA SKYE BAR BSHAD, ,KHYOD KYIS 'GRO BA'I SKYE BA NI, ,NYON MONGS LAS LAS 'BYUNG PAR BSGRAGS ZHES GSUNGS SO,, GAL TE BAR SRID LAS SKYE SRID 'BYUNG NA DE LAS CI 'BYUNG ZHE NA, SNGON GYI LAS DANG NYON MONGS PAS JI LTAR 'PHANGS PA BZHIN NUR NUR PO DANG, MER MER PO DANG, NAR NAR PO DANG, 'KHRANG GYUR DANG, RKANG LAG 'GYUS PA STE, MNGAL GYI GNAS SKABS LNGA DANG, DE LAS SKYE MCHED DRUG DOD PA DANG, (DE NAS MNGAL NAS BYUNG STE,) BYIS PA DANG GZHON NU DANG DAR LA BAB PA DANG DAR YOL BA DANG RGAS PA ZHES BYA BA BTZAS PA'I GNAS SKABS LNGA'I RIM GYIS PHUNG PO LNGA'I RGYUN SKYE STE, GNOD SBYIN DBANG POS ZHUS PA'I MDO LAS, JI LTAR RIM GYIS GONG BUR 'GYUR, ,JI LTAR LUS 'DI MNGON 'PHEL 'GYUR ZHES GNOD SBYIN DBANG POS ZHUS PA'I LAN DU DANG POR NUR NUR PO YIN NO, , NUR NUR PO LAS MER MER SKYE, ,MER MER PO LAS NAR NAR (PO) SKYE, ,NAR NAR PO LAS 'KHRANG GYUR SKYE, ,'KHRANG (GYUR) LAS RKANG LAG 'GYUS PA DANG, ,SKRA SPU SEN MO LA SOGS DANG, ,DBANG PO GZUGS CAN RNAMS DANG NI, ,MTSAN RNAMS RIM GYIS SKYE BAR 'GYUR ZHES GSUNGS PA LTA BU'O, ,'DI DAG LA SA'I DNGOS GZHI LAS NI, NUR NUR PO LA SOGS PA MNGAL NA GNAS PA'I DUS DANG, BTZAS NAS 'KHOGS PA'I BAR SPYI LA BTZAS PA'I DUS DANG, BTZAS NAS 'GRO BA DANG RTZE MI NUS PA MAN CHAD BYIS PA'I DUS DANG, DE DAG NUS LA 'DOD PA SPYOD MI NUS PA'I BAR LA GZHON NU'I DUS DANG, 'DOD PA SPYOD NUS NAS LO SUM CU MAN CHAD LANG TSO'I DUS DANG, DE NAS LO LNGA BCU MAN DAR LA BAB PA'I DUS DANG, DE NAS LO BDUN CU MAN CHAD RGAS PA'I DUS DANG, DE MAN CHAD 'KHOGS PA'I DUS SO ZHES (DUS BRGYAD DU,) BSHAD DO, ,DE LTAR SKYES NAS NYON MONGS PAS LAS GSOG CING YANG 'CHI SRID DANG TSE 'DIR BSAGS PA'I LAS DANG NYON MONGS PA RNAMS KYIS 'JIG RTEN PHA ROL KYI BAR SRID DANG, DE NAS @258 YANG DE'I SKYE BA'I SRID PAR RIM GYIS SKYE BDAG TU 'GRO LA, BDAG MED RTOGS PA'I YE SHES KYIS SRID PA'I RTZA BA MA BCAD PA RNAMS DE NAS KYANG 'CHI 'PHO DANG SKYE BAR GZHOL BA THUG PA MED PA'I PHYIR SRID PA BZHI'I 'KHOR LO 'KHOR BA LA NI THOG MA DANG THA MA'ANG MED PA YIN NO, ,('CHI BA 'BYUNG BAR YANG MI RTAG PA'I TSOMS LAS KHA CIG MNGAL DU 'CHI 'GYUR TE, ,DE BZHIN KHA CIG BCAS PA DANG, ,DE BZHIN KHA CIG GOG TZAM DANG, ,DE BZHIN KHA CIG YONGS RGYUG DANG, ,LA LA GZHON DANG LA LA RGAN, ,DAR LA BAB PAR GYUR PA'I MI, ,RIM GYIS RAB TU 'CHIR 'GYUR TE, ,'BRAS BU SMIN PA LTUNG BA BZHIN ZHES GSUNGS SO, ,) 'DIR SKYE BA SNGA MA DANG PHYI MA SGRUB PA'I RIGS PA'ANG SHES PAR BYA STE, RNAM 'GREL DANG, KA MA LA SH'I LA'I TSAD MA'I DE KHO NA NYID BSDUS PA'I 'GREL PA LA SOGS PAR RGYAS PAR BLTA'O, ,DES NA KHA CIG GIS 'KHOR BA THAMS CAD STONGS PAR 'GYUR RO ZHES ZER BA NI RIGS PA MA YIN TE, SEMS CAN LA MTHA' YOD PAR THAL BA LAS BZANG PO SPYOD PA LAS, NAM MKHA'I MTHAR THUG GYUR PA JI TZAM PA, , SEMS CAN MA LUS MTHA' YANG DE BZHIN TE ZHES GSUNGS PA'I PHYIR RO, ,'KHOR BA LA MTHA' YOD PAR 'GYUR TE, SNON PA MED LA 'BRID PA YOD PA'I PHYIR DBUL PO'I NOR BZHIN NA ZHES BYA BA'ANG RIGS PA MA YIN TE, CHAD MED PA RNAMS NI PHRI YANG ZAD PAR MI 'GYUR BA'I PHYIR TE NAM MKHA' LA SOGS PA BZHIN NO, ,DE'I PHYIR 'KHOR BA LA THOG MA NI SPYI DANG BYE BRAG THAMS CAD LA MED DE, GANG THOG MA DANG BCAS PA'I SEMS CAN DE RGYU MED PAR THAL BA'I PHYIR DANG, RGYU MED NA RES 'GA' BA MA YIN PAR THAL BA'I PHYIR RO, ,MTHA' MA NI SPYI LA MED LA BYE BRAG 'GA' ZHIG LA YOD DO, ,ZHES BYA BAR 'DOD DE, LUS ZHIG TSOR BA BSIL BAR GYUR, ,'DU SHES 'GAGS SHING 'DU BYED ZHI, ,RNAM PAR SHES PA NUB GYUR PA, ,'DI 'DRA 'DI NI SDUG BSNGAL MTHA' ZHES GSUNGS PA'I PHYIR RO, ,'O NA DGRA BCOM PA MYA NGAN LAS 'DA' KA MA'I SEMS DES SEMS PHYI MA SKYED NA BYE BRAG LA'ANG MTHA' MED PAR 'GYUR LA, MI BSKYED NA DNGOS PO MED PAR 'GYUR TE, DON BYED PAS STONG PA'I PHYIR RO ZHE NA, SDE PA DAG GIS NI SEMS KYI RGYUN PHYI MA MI BSKYED PA'I PHYIR DANG, THAMS CAD MKHYEN PA'I YE SHES KYI DMIGS RKYEN LA SOGS PA 'GA' ZHIG BYED PA'I PHYIR SKYON GNYIS KA MED DO ZHES 'DOD DO, ,THEG PA GONG MA PA DAG NI 'KHOR BA LAS GROL BA'I YE SHES KYI RGYUN PHYI MA BSKYED PA'I PHYIR DANG, 'KHOR BA'I NANG DU CHUD PA'I SEMS NI MI BSKYED PA'I PHYIR SKYON DU GLENGS PA MED DO ZHES LAN 'DEBS SO,, GSUM PA RGYAS PAR BSHAD PA LA GNAS SKABS PA'I RTEN 'BREL DANG, KUN NAS NYON MONGS PA @259 GSUM DU BSDU BA DANG, RGYU DANG 'BRAS BU'I DBYE BA DANG, MDO'I DON BSHAD PA DANG, RGYUN CHAGS PA DANG, MTSON BA'I DPE DRUG LAS DANG PO NI DE LTAR PHUNG PO'I RGYUN SKYE BA SNGA MA DANG DA LTAR BA DANG PHYI MA'I PA DAG NYID KYIS 'KHOR BA'I 'KHOR LO GANG YIN PA DE NI (MA RIG PA NAS RGA SHI'I BAR,) RTEN CING 'BREL PAR 'BYUNG BA'I YAN LAG BCU GNYIS SU 'GYUR RO, ,DE YANG SNGON GYI MTHA' DANG, PHYI MA'I MTHA' DANG, DA LTAR GYI CHA'AM SDE TSAN GSUM MO, ,DE YANG JI LTAR ZHE NA, SNGON GYI MTHA' MA RIG PA DANG 'DU BYED GNYIS DANG, PHYI MA'I MTHAR SKYE BA DANG RGA SHI GNYIS DANG, BAR DU RNAM SHES DANG MING GZUGS DANG SKYE MCHED DRUG DANG REG PA DANG TSOR BA DANG SRED PA DANG LEN PA DANG SRID PA'I BAR STE BRGYAD DO, ,DE YANG 'DOD PA'I SKYE GNAS DANG PO GSUM GYIS BSDUS PA'I TSE YONGS SU RDZOGS PA DANG LDAN PA LA DGONGS PA YIN GYI RDZUS SKYES DANG BAR MA DOR 'CHI BA DANG KHAMS GONG MA PA GNYIS LA NI DE LTAR MA NGES PA'I PHYIR RO, ,DE LTA BU DE DAG KYANG GANG ZHE NA, MA RIG PA NI SKYE BA SNGON (TSE SNGA,) MA LA NYON MONGS PA SPYOD PA'I GNAS SKABS KYI PHUNG PO LNGA (STE NYON MONGS,) YIN NO,, (MA RIG PA NI 'PHEN BYED YIN PAS MTHONG SPANG YIN NO ZHES 'DOD KYANG BDEN PA MA MTHONG BA LA SGOM SPANG GI MA RIG PAS KYANG 'PHEN PA DANG MTHONG SPANG RDZOGS BYED KYI LAS SLONG BA MI 'GAL, MTHONG NAS 'PHEN PA NI 'KHOR BA LA SRED PA LOG PA'O, ,ZHES 'CHAD DO, ,SLOB DPON THOGS MED MTHONG SGOM GNYIS KA'I SPANG BYAR 'DOD DO, ,) 'DU BYED DAG NI SKYE BA SNGON (TSE SNGA) MA LA (BSOD NAMS) DGE BA LA SOGS PA'I LAS (GSUM) SPYOD PA'I GNAS SKABS KYI PHUNG PO LNGA'O, ,(STE LAS SO, ,) RNAM SHES NI SKYE BA 'DIR MA'I MNGAL DU NYING MTSAMS SBYOR BA'I SKAD CIG GIS PHUNG PO LNGA YIN NO, ,(RNAM SHES DANG SKYE BA GNYIS SKAD CIG MA RE RE LA GZHAN RNAMS RGYUN CHAGS PA YIN NO, ,) MING DANG GZUGS NI MTSAMS SBYAR BA'I SKAD CIG MA DE PHAN CHAD NAS GZUNG NAS SKYE MCHED DRUG DOD TSUN CHAD DE SKYE MCHED DRUG MA DOD KYI BAR TE, (MNGAL GYI GNAS SKABS DANG PO BZHI YIN NO, ,) DE LA MING NI TSOR BA DANG 'DU SHES DANG 'DU BYED DANG YID KYI RNAM SHES YIN TE, MING LTAR THOGS PA MED PA'I PHYIR RO, ,GZUGS NI MER MER PO LA SOGS PA'O, ,(DOD NAS SKYE MCHED DRUG TU 'JOG STE,) SKYE MCHED DRUG PO DE NI YUL DANG DBANG PO DANG RNAM SHES GSUM 'DUS NAS YUL LA LONGS SPYOD PA TSUN CHAD DE SKYE MCHED DRUG DOD NAS DBANG PO DANG YUL DANG RNAM SHES GSUM MA 'DUS KYI BAR GYI MIG LA SOGS PA DOD PA'I GNAS SKABS (TE MA BTZAS KYI BAR RO, ,) SO, ,(GSUM 'DUS NAS REG PAR 'JOG STE,) REG PA NI GSUM 'DUS NAS YUL YONGS SU GCOD PA NAS GZUNG STE BDE BA DANG SDUG @260 BSNGAL DANG (SOGS PA,) BTANG SNYOMS KYI RGYU YUL YID DU 'ONG BA DANG MI 'ONG BA DANG BAR MA LA BLANG DOR SHES NUS PA TSUN CHAD DO, ,DE YANG GSUM 'DUS NAS TSOR BA GSUM GYI RGYU YONGS SU GCOD PAR MI NUS PA'I BAR GYI PHUNG PO LNGA'O, ,(STE SDUG BSNGAL GYI RGYUR MA SHES NA ME LA REG PA'I DUS SOGS SO,,) (YUL LONGS SPYOD NUS NAS TSOR BAR 'JOG STE,) TSOR BA NI TSOR BA GSUM GYI RGYU SPYOD NUS PA DE NAS BZUNG NAS 'KHRIG PA LA SPYOD MI NUS PA TSUN CHAD DE DNGOS SU MI SPYOD PA'I BAR GYI PHUNG PO LNGA'O, ,('KHRIG SPYOD NUS NAS SRED PAR 'JOG STE,) SRED PA NI 'DOD YON GYI LONGS SPYOD DANG 'KHRIG PA LA SPYOD CING YUL 'TSOL BA LA MA ZHUGS KYI BAR GYI CHAGS PA CAN GYI PHUNG PO LNGA'O, , NYE BAR LEN PA NI SRED PA'I YUL DU GYUR PA'I LONGS SPYOD RNAMS THOB PAR BYA BA'I PHYIR YONGS SU RGYUG (PA STE 'TSOL BA LA ZHUGS NAS THAMS CAD DU RGYU,) PA'I GNAS SKABS KYI PHUNG PO LNGA'O, ,(DE NI ZHING LAS DANG GNYEN THABS LA SOGS PA'I DUS KYI SRID PA PHYI MA'I LAS SLONG BYED TSOR BA'I RGYU LA DMIGS PA'I 'DOD CHAGS KYI CHAR GTOGS PA'I PHUNG PO LNGA YIN NO,,) DE NAS DE LTAR RGYUG PA DE YANG SRID SKYE BA PHYI MA'I BDE BA DANG SDUG BSNGAL LA SOGS PA'I 'BRAS BU 'BYUNG BAR 'GYUR BA'I RGYU LAS DGE MI DGE BYED PA'I PHUNG PO LNGA PO DE NYID NI SRID PA YIN NO, ,('GROL PA LAS 'DI LA RNAM PAR SHES PA'I YAN LAG GANG YIN PA DE NI TSE GZHAN DU SKYE BA YIN NO ZHES PA DANG, 'DI LA YAN LAG BZHI PO MING DANG GZUGS DANG SKYE MCHED DRUG DANG REG PA DANG TSOR BA GANG DAG YIN PA DE DAG NYID GZHAN DU RGA SHI YIN NO ZHES 'BYUNG BAS,) 'DI NAS SHI 'PHOS NAS SKYE BA PHYI MAR NYING MTSAMS SBYOR BA DE NI SKYE BA YIN LA, 'DI LA RNAM SHES KYI YAN LAG GANG YIN PA DE NI TSE GZHAN DU SKYE BA YIN NO, ,ZHES 'GREL PA LAS 'BYUNG NGO, ,PHYI MA'I GNAS SKABS KYI MING GZUGS NAS TSOR BA'I BAR BZHI NI (TSE 'DI GZHAL BA'I,) RGA SHI YIN NO, ,DE LTA BU'I RTEN 'BREL DE YANG SKAD CIG MA DANG, RGYUN CHAGS PA DANG, 'BREL BA CAN DANG, GNAS SKABS PA DANG BZHIR GSUNGS PA LAS DE LTAR BSTAN PA 'DI NI GNAS SKABS PA'I RTEN CING 'BREL PAR 'BYUNG BAR 'DOD PA YIN NO, ,LO ZHES BYA BA NI BYE BRAG TU SMRA BA'I 'DOD PA STE 'DI'I DPYAD PA NI 'OG TU BYA'O, , GAL TE PHUNG PO LNGA PA NYID DU THAMS CAD NGES PA YIN NA CI'I PHYIR MA RIG PA LA SOGS PAR BSTAN ZHE NA, GNAS SKABS DE NA MA RIG PA GTZO BO YIN PA'I PHYIR NA GTZO BO'I MING GIS YAN LAG BSGRAGS PA YIN TE DPUNG GI TSOGS YAN LAG BZHI DANG LDAN PA LA'ANG RGYAL PO BYUNG NGO ZHES BRJOD PA BZHIN NO, ,DE BZHIN DU 'DU BYED LA SOGS PA LA'ANG SHES PAR BYA'O, ,DE NYI DA NI 'BREL BA CAN DANG, RGYUN CHAGS PA'I @261 RTEN 'BREL YANG YIN TE, RGYU DANG 'BRAS BUR 'BREL BA'I PHYIR DANG, TSE GSUM BAR CHAD MED PAR RGYUN CHAGS SU 'BYUNG BA'I PHYIR RO, ,SKAD CIG MA'I RTEN 'BREL NI SROG GCOD PA LA SOGS PA'I TSE KUN NAS SLONG BA RMONGS PA NI MA RIG PA DANG, SEMS PA LAS 'DU BYED DANG, YUL RIG PA RNAM SHES DANG, DE DANG LHAN CIG 'BYUNG BA'I PHUNG PO BZHI MING DANG GZUGS DANG, MIG GI DBANG PO LA SOGS PA SKYE MCHED DRUG DANG, GSUM 'DUS PA REG PA DANG, REG PA NYAMS SU MYONG BA TSOR BA DANG, SHA LA SOGS PA LA CHAGS PA SRED PA DANG, DE DANG MTSUNGS PAR LDAN PA'I NGO TSA MED PA LA SOGS PA'I KUN NAS DKRIS PA RNAMS LEN PA DANG, DES KUN NAS BSLANG BA'I LUS NGAG GI LAS NI SRID PA DANG, SNGAR MED PA 'BYUNG BA SKYE BA DANG, YONGS SU SMIN PA RGA BA DANG, DE ZHIG PA SHI BA ZHES BYA BA RNAMS SKAD CIG MA GCIG LA TSANG BAR YOD PA'I PHYIR RO, ,GAL TE SEMS CAN MA YIN PAR STON PA SA BON LAS MYU GU LA SOGS PA 'BYUNG BA'ANG RTEN CING 'BREL PAR 'BYUNG BA MA YIN NAM, SEMS CAN DU STON PA MA RIG PA LA SOGS PA KHO NA CI'I PHYIR RTEN CING 'BREL PAR 'BYUNG BAR GSUNGS SHE NA, SNGON GYI MTHA' DANG PHYI MA'I MTHA' DANG BAR GSUM PO DAG LA BDAG 'DAS PA'I DUS NA BYUNG BAR GYUR TO, ,MA 'ONGS PA NA 'BYUNG BAR 'GYUR RO, ,DA LTAR BDAG ZAS NI 'DI LTA BU ZHIG ZA'O, ,GOS NI 'DI LTA BU ZHIG GYON NO ZHES PA DANG, CI BDAG 'DAS PA NA BYUNG NGAM, MA BYUNG NGAM, MA 'ONGS PA 'BYUNG NGAM, MI 'BYUNG NGAM, DA LTAR GYI 'DI JI LTA BU ZHIG SNYAM DU THE TSOM SKYE BAS DE LTA BU'I THE TSOM DANG DE'I RGYU BDAG TU RMONGS PA RNAM PAR BZLOG PA'I PHYIR RO,, GNYIS PA KUN NAS NYON MONGS PA GSUM DU BSDU BA NI RTEN 'BREL DE DAG LAS NYON MONGS PA NI MA RIG PA DANG SRED PA DANG LEN PA GSUM MO, ,LAS NI 'DU BYED DANG SRID PA GNYIS SO, ,LAS DANG NYON MONGS PA'I RTEN YIN PA'I PHYIR GZHI NI RNAM SHES LA SOGS PA (GZHAN) LNGA DANG SKYE BA DANG RGA SHI GNYIS TE BDUN NO, ,JI LTAR YAN LAG BDUN PO GGAZHI YIN PA DE BZHIN DU 'BRAS BU'I YAN LAG KYANG YIN NO, , LAS DANG NYON MONGS PA DE DAG NI RGYU'I YAN LAG KYANG YIN PAS THAMS CAD KYANG RGYU DANG 'BRAS BU'I YAN LAG GNYIS SU 'GYUR RO, ,DE'I PHYIR SLOB DPON KLU SGRUB KYIS KYANG RTEN 'BYUNG LAS BCU GNYIS CHOS NI GSUM DU 'DUS, ,DANG PO BRGYAD PA DGU NYON MONGS, ,GNYIS DANG BCU PA LAS YIN TE, ,LHAG MA BDUN YANG SDUG BSNGAL YIN ZHES BSHAD DO, ,DES NA RTEN CING 'BREL PAR 'BYUNG BA NI RNAM PA GNYIS TE, SNGON GYI MTHA' PA DANG, PHYI MA'I MTHA' PA'O, ,DE DAG RE RE LA YANG RGYU DANG 'BRAS BU GNYIS GNYIS @262 YOD PA LAS MA RIG PA DANG 'DU BYED NI SNGON GYI MTHA' PA'I RGYU DANG, RNAM SHES NAS TSOR BA'I BAR NI 'BRAS BU YIN LA, SRED LEN SRID PA GSUM NI PHYI MA'I MTHA' PA'I RGYU DANG, SKYE BA RGA SHI NI 'BRAS BU YIN NO, ,KUN LAS BTUS LAS NI, 'DU BYED GANG YIN PA DAG DANG, RNAM PAR SHES PA GANG YIN PA DANG, SRID PA GANG YIN PA 'DI NI LAS KYI KUN NAS NYON MONGS PAR BSDU'O ZHES KUN GZHI RNAM SHES LAS KYI BAG CHAGS 'DZIN PA'I CHA NAS LUS SU BSHAD DO, ,DE BZHIN DU DE NYID LAS, 'PHEN PA'I YAN LAG DANG, 'PHANGS PA'I YAN LAG DANG, MNGON PAR 'GRUB PAR BYED PA'I YAN LAG DANG, MNGON PAR GRUB PA'I YAN LAG DANG BZHIR BSHAD DE,, DE LA MA RIG PA DANG 'DU BYED DANG RNAM SHES GSUM NI 'PHEN PA'I YAN LAG YIN TE, MA RIG PAS KUN NAS BSLANG BA'I LAS KYI BAG CHAGS SEMS LA BSGOS NAS MING GZUGS LA SOGS PA 'PHEN PA'I PHYIR RO, ,MING GZUGS NAS TSOR BA'I BAR BZHI NI 'PHANGS PA'I YAN LAG YIN TE, DE DAG NI LAS KYI BAG CHAGS LAS SKYES PAS RNAM SHES KYIS DNGOS DANG SNGA MA GNYIS KYIS BRGYUD NAS 'PHANGS PA'I PHYIR RO, , SRED LEN SRID PA GSUM NI MNGON PAR 'GRUB PAR BYED PA'I YAN LAG YIN TE, SKYE BA DNGOS SU 'GRUB PAR BYED PA'I PHYIR RO, ,SKYE BA DANG RGA SHI GNYIS NI MNGON PAR GRUB PA'I YAN LAG YIN TE, SRED LEN SRID PA GSUM LAS GRUB PA'I PHYIR RO,, GSUM PA RGYU DANG 'BRAS BU'I DBYE BA NI GAL TE RTEN CING 'BREL PAR 'BYUNG BA RGYU DANG 'BRAS BUR 'BREL BA LA KHYAD PAR MED BZHIN DU SNGON GYI MTHA' PA'I RGYU NI GNYIS SU BSDUS SHING 'BRAS BU NI LNGAR PHYE LA, PHYI MA'I MTHA' PA'I RGYU NI GSUM DU PHYE LA 'BRAS BU NI GNYIS SU BSDUS SHE NA, SNGON GYI MTHA' PA'I 'BRAS BU NI RNAM PA LNGAR PHYE ZHE NA, SKYE BA SNGA PHYI GNYIS KYI GO RIM BZHIN DU RGYU DANG 'BRAS BU MDOR BSDUS TE BSTAN PA NI BAR MA 'DIR 'BRAS BU LA RNAM PA LNGAR PHYE BA DANG RGYU LA GSUM DU PHYE BA'I RJES SU DPAG PA LAS PHYI MA'I SKYE BA DANG RGA SHI YANG RNAM PA LNGAR RJES SU DPAG PAR NUS LA, SNGA MA'I MA RIG PA DANG 'DU BYED KYANG RNAM PA GSUM DU RJES SU DPAG PAR NUS PA'I PHYIR RO, ,DE BZHIN DU SNGA MA'I RGYU DANG PHYI MA'I 'BRAS BU MDOR BSDUS TE BSTAN PA'I RJES SU DPAG PA LAS BAR MA'I 'BRAS BU DANG RGYU MDOR BSDU BAR YANG RJES SU DPAG PAR NUS SO, ,DE'I PHYIR RGYU DANG 'BRAS BU MDOR BSDU BA DANG DBYE BA RGYAS PAR RTOGS PA'I DON DU DE LTAR BSTAN PA YIN GYI DON LA NI KHYAD PAR MED DO ZHES SHES PAR BYA'O, ,GAL TE DE LTA NA'ANG MA RIG PA LA RGYU YOD CING RGA SHI LA 'BRAS BU YOD NA NI RTEN CING 'BREL PAR 'BYUNG BA BCU @263 GNYIS SU NGES PAR MI 'GYUR LA, MED NA MA RIG PA RGYU MED PA DANG, RGA SHI DON BYED PAS STONG PA DANG, 'KHOR BA THOG MTHA' CAN DU'ANG 'GYUR RO ZHE NA, BSHAD PA NYON MONGS PA SRED PA LAS NYON MONGS PA LEN PA 'BYUNG BA DANG, NYON MONGS PA LEN PA DANG MA RIG PA LAS BYA BA STE LAS SRID PA DANG 'DU BYED 'BYUNG BA NYID DO, ,LAS SRID PA DANG 'DU BYED DE (BYA BA,) DE LAS NI GZHI 'BYUNG STE, 'DU BYED LAS RNAM SHES DANG SRID PA LAS SKYE BA 'BYUNG BA'I PHYIR RO, ,GZHI DE DAG LAS KYANG GZHI 'BYUNG STE, RNAM SHES LAS MING DANG GZUGS NAS REG PA LAS TSOR BA 'BYUNG BA'I BAR DANG SKYE BA LAS RGA SHI 'BYUNG BA'I PHYIR RO, ,GZHI DE DAG LAS KYANG NYON MONGS PA SKYE STE, TSOR BA LAS SRID PA DANG, TSOR BA'I BAR NI RGA SHI YIN LA SRED PA MA RIG PA YIN PAS RGA SHI LAS MA RIG PA 'BYUNG BA'I PHYIR RO, ,DE LTA NA DE LTA BU 'DI NI SRID PA'I YAN LAG BCU GNYIS KYI LUGS RNAM PAR BZHAG PA YIN PAS, DE'I PHYIR SKYON GNYIS KA LAS GROL TE, MA RIG PA'I RGYU NI RGA SHI YIN PA'I PHYIR DANG, RGA SHI'I 'BRAS BU'ANG MA RIG PA YIN PA'I PHYIR RO, ,DE'I PHYIR SNGON DANG PHYI MA'I MTHA' MED PAR RTEN CING 'BREL PAR 'BYUNG BA YAN LAG BCU GNYIS NYID 'KHOR BA YIN TE, RTEN 'BYUNG LAS, GSUM PO DAG LAS GNYIS 'BYUNG STE, ,GNYIS LAS BDUN 'BYUNG BDUN LAS KYANG, ,GSUM 'BYUNG SRID PA'I 'KHOR LO DE, ,NYID NI YANG DANG YANG DU 'KHOR, ,'GRO KUN RGYU DANG 'BRAS BU STE, ,'DI LAS SEMS CAN GZHAN CI'ANG MED CES PA DANG, RIN PO CHE'I PHRENG BA LAS KYANG, LAM GSUM THOG MTHA' DBUS MED PAR, ,'KHOR BA'I DKYIL 'KHOR 'GAL ME YI, ,'KHOR LO LTA BUR PHAN TSUN GYI, ,RGYU CAN 'DI NI 'KHOR BAR 'GYUR ZHES 'BYUNG BA'I PHYIR RO, ,DE LTAR NA RTEN CING 'BREL PAR 'BYUNG BA'I RGYU NI LNGA DANG 'BRAS BU NI BDUN YIN NO, ,KUN LAS BTUS LAS NI, RNAM SHES NI SA BON GYI KUN GZHI YIN PAS RGYU YIN PA'I PHYIR RGYU DRUG DANG 'BRAS BU DRUG TU BSHAD LA, RTEN CING 'BREL PAR 'BYUNG BA'I MDO'I 'GREL PAR NI MING GZUGS LA SOGS PA BZHI YANG SA BON GYI KUN GZHI YIN PA'I PHYIR RGYU BCU DANG 'BRAS BU GNYIS YIN PAR BSHAD MOD KYI, 'DIR RGYU NI LAS DANG NYON MONGS PA YIN LA 'BRAS BU NI SDUG BSNGAL GYI GZHI'I DBANG DU BYAS PA YIN PAS NA MING GZUGS LA SOGS PA NI GZHI NYID DU NGES PA'I PHYIR RGYU'I YAN LAG MA YIN NO, ,GAL TE 'BRAS BU BSKYED PA TZAM GYIS DE DAG RGYU'I YAN LAG TU SMRA NA NI SKYE BA DANG RGA SHI'ANG DE LTAR THAL BA'I PHYIR RO, ,DE'I PHYIR SNGA MA KHO NA LEGS SO, ,GAL TE NYON MONGS PA'I YAN LAG TU MA RIG PA DANG, SRED LEN KHO NA SMOS KYI KHONG KHRO LA @264 SOGS PA CI'I PHYIR MA SMOS SHE NA, MA RIG PA NI NYON MONGS PA THAMS CAD KYI RTZA BA YIN PA'I PHYIR DE SMOS NA GZHAN DAG KYANG MTSON PAR 'GYUR BA'I PHYIR TE, DON NI SKYE BA SNGA MA'I NYON MONGS PA THAMS CAD RGYU YIN PA'I PHYIR RO, ,SRED LEN NI SKYE BA'I SRID PAR NYING MTSAMS SBYOR BA'I GTZO BO YIN PA'I PHYIR DE DAG BSTAN PAS GZHAN THAMS CAD KYANG MTSON PA'I PHYIR YIN NO,, BZHI PA MDO'I DON BSHAD PA NI MDO LAS, DGE SLONG DAG KHYED LA RTEN CING 'BREL PAR 'BYUNG BA DANG, RTEN CING 'BREL PAR BYUNG BA'I CHOS RNAMS KYANG BSTAN PAR BYA'O ZHES GSUNGS PA'I DON CI ZHE NA, BSTAN BCOS LAS NI GNYIS KA RANG 'DUS BYAS KYI CHOS THAMS CAD KYI RNAM GRANGS YIN PAR KHYAD PAR CUNG ZAD KYANG MED PAR BSHAD MOD KYI 'ON KYANG GANG LA LTOS NAS RGYU YIN PA DE DE LA LTOS NAS 'BRAS BU MA YIN LA, GANG LA LTOS NAS 'BRAS BU YIN PA DE DE LA LTOS NAS RGYU MA YIN PAS MDO LAS, DE LTAR GSUNGS PA 'DIR NI RTEN CING 'BREL PAR 'BYUNG BA NI PHYI MA SKYED PA'I RGYU ('I YAN LAG LNGA,) YIN TE 'DI LAS 'BRAS BU 'BYUNG BA'I PHYIR RO, ,RTEN CING 'BREL PAR BYUNG BA NI SNGA MA LAS SKYES PA'I 'BRAS BU YIN PAR 'DOD DE, RGYU LAS BYUNG BA'I PHYIR RO, ,CI'I PHYIR DE DAG LA RTEN CING 'BREL PAR 'BYUNG BA ZHES BYA ZHE NA, 'DIR SANG SKRi TA'I SKAD LA BRA T'I TYA SA MUD B'A DA ZHES 'BYUNG STE, DE LA NYER BSGYUR PRA TI NI PHRAD PA DANG RTEN PA'O, ,SKAD KYI DBYANGS AI TI NI 'GRO BA YIN YANG NYER BSGYUR PRA TI DANG 'BREL PA NA NAS DANG CING LA SOGS PAR YONGS SU 'GYUR BA'I PHYIR PHRAD NAS DANG PHRAD CING ZHES BYA BA YIN TE, SGRA PA DAG GIS, SKAD KYI DBYINGS NI STOBS LDAN YANG, ,NYE BAR BSGYUR BAS ZIL GNON 'GYUR, ,GANG GA'I CHU NI MNGAR MOD KYI, ,RGYA MTSO'I CHU YIS JI BZHIN NO ZHES BSHAD PA LTA BU'O, ,SKAD KYI DBYANGS P'A DA YOD PA YIN YANG NYER BSGYUR SA MUD GONG NA YOD PA NI 'BYUNG BA LA 'JUG PA'I PHYIR RGYU RKYEN DANG 'BRAS BU PHRAD NAS YANG DAG PAR 'BYUNG BA YIN NO, ,PHRAD PA'I DON YANG BAR MA CHAD PAR 'BYUNG BA YIN LA, PHRAD NAS 'BYUNG BA'ANG PHRAD PA NYID KYI TSE 'BYUNG BA YIN TE KHA GDANGS NAS NYAL LO ZHES BRJOD PA BZHIN NO, , DE'I PHYIR BRDA SPROD PA PAS MED PA PHRAD PAR MI RUNG BA'I PHYIR DANG, YOD PA PHRAD NA'ANG DE'I RJES LA 'BYUNG BA MI 'THAD DE, GRUB ZIN PA'I PHYIR DANG, PHRAD NAS 'BYUNG BA'ANG RIM GYIS PA'I SGRA YIN PA'I PHYIR PHRAD NAS 'BYUNG BA'I SGRA NI SKYON DANG BCAS SO ZHES SMRAS PA'ANG BSAL BA YIN NO,, KHA CIG GIS 'DIR RTEN CING 'BREL PAR 'BYUNG BA'I SA MTSUNGS DPYAD MOD KYI, 'DI'I LUGS NI TSE GSUM DANG CHA GSUM DU BSTAN PA NYID KYI SHUGS LA SHES PA'I PHYIR DANG, RNAM PAR DPYAD PA DE YANG @265 GZHAN GYI LUGS YIN PA'I PHYIR BDAG GIS MA BYAS SO, ,YANG MDO LAS, 'DI YOD NA 'DI 'BYUNG, 'DI SKYES PAS 'DI SKYE'O ZHES RNAM GRANGS GNYIS GSUNGS PA NI MA RIG PA LA SOGS PA 'DI YOD NA 'DU BYED LA SOGS BA 'DI 'BYUNG GI MED NA NI MI 'BYUNG LA, DE BZHIN DU 'DI SKYES NA 'DI SKYE'I 'DI MA SKYES NA NI 'DI MI SKYE'O ZHES NGES PAR GZUNG BA'I DON DANG, MA RIG PA 'DI YOD NA 'DU BYED 'DI 'BYUNG LA, 'DU BYED 'DI SKYES PAS RNAM PAR SHES PA 'DI SKYE'O, ,ZHES BYA BA LA SOGS PA YAN LAG BRGYUD PAR BSTAN PA'I PHYIR RAM, SNGON GYI MTHA' 'DI YOD NA DA LTAR GYI MTHA' 'DI 'BYUNG LA, DA LTAR GYI MTHA' 'DI SKYES PAS PHYI MA'I MTHA' 'DI SKYE'O ZHES TSE BRGYUD PA GNYIS BSTAN PA'I PHYIR RAM, DE DAG GNYIS KA LTAR NA YANG DNGOS DANG BRGYUD PA'I RGYU DANG 'BRAS BUR BSTAN PA'I PHYIR TE, MA RIG PA'I RKYEN GYIS 'DU BYED CES BYA BA LA SOGS PA NI RGYAS PAR BSHAD PA YIN NO, ,RNAM PA GCIG TU 'DI YOD NA 'DI 'BYUNG BAS NI SEMS PA MED PA'I RGYU LA LTOS PA DANG, 'DI SKYES PAS 'DI SKYE BAS NI MI RTAG PA'I RGYU LA LTOS PA DANG, MA RIG PA'I RKYEN GYIS 'DU BYED LA SOGS PAS NI NUS PA'I RGYU LA LTOS PAR BSTAN PA'I PHYIR RO, ,RNAM PA GCIG TU NA LHAN CIG PA DANG DE MA THAG PA DANG 'GAGS NAS YUN RING DU LON PA'ANG RGYUR 'GYUR RO, ,ZHES BSTAN PA'I PHYIR 'DI YOD NA ZHES PA LA SOGS PA GSUNGS PA YIN NO, ,THAMS CAD KYI LTAR NA'ANG RGYU MED PA DANG BDAG RTAG PA LA SOGS PA MI MTHUN PA'I RGYU DGAG PA'I PHYIR GSUNGS PA YIN NO,, LNGA PA RGYUN CHAGS PA'I RTEN 'BREL 'CHAD PA NI MDO SDE PA LA SOGS PA NA RE MA RIG PA LA SOGS PA GNAS SKABS PHUNG PO LNGA PA NI MA YIN TE, MDO LAS, MA RIG PA GANG ZHE NA, SMRAS PA, SNGON GYI MTHA' MI SHES PA GANG YIN PA'O ZHES PA LA SOGS PA MA RIG PA NI MI SHES PA'I SEMS LAS BYUNG BA DANG, 'DU BYED NI SEMS PA LA SOGS PA KHO NA LA GSUNGS PA'I PHYIR RO, ,MA RIG PA LA SOGS PA GTZO CHE BA'ANG MA YIN TE, RNAM SHES KHO NA GTZO CHE BA'I PHYIR DE 'BA' ZHIG STON PAR THAL BA'I PHYIR RO, ,SHAS CHE BA LA GTZO BO'I SGRAS BRJOD NA CHE SNGA MA LA MA RIG PA KHO NA SHAS CHE LA 'DI LA SRED LEN KHO NA SHAS CHE BA'I NGES PA MED PA'I PHYIR DANG, RNAM SHES DANG MING GZUGS NI 'DOD GZUGS NA KHYAD PAR MED PAR YOD PA'I PHYIR RO, ,DE'I PHYIR DE LTAR BSTAN PA 'DI NI RGYU DANG 'BRAS BU'I BYE BRAG 'BA' ZHIG KHO NA STON PA YIN GYI 'DUS BYAS KYI RTEN CING 'BREL PAR 'BYUNG BA'I SPYI STON PA NI MA YIN TE, SA BON LAS MYU GU 'BYUNG BA LA SOGS PA PHYI'I RTEN CING 'BREL BAR 'BYUNG BA'ANG MA BSDUS PA'I PHYIR RO, ,DES NA MA RIG PA DANG @266 'DU BYED LA SOGS PA SGRA JI BZHIN PA KHO NA YIN PA'I PHYIR DE BSHAD PAR BYA'O ZHES ZER RO, ,'O NA MA RIG PA ZHES BYA BA'I DON GANG YIN ZHE NA, 'DI LTAR YANG DAG PAR RIG PA'I DNGOS KYI MI MTHUN PHYOGS SU GYUR PA BDEN PA DANG LAS DANG 'BRAS BU DANG DKON MCHOG LA SOGS PA MI GSAL BA'I SEMS LAS BYUNG BA CHOS GZHAN ZHIG MA RIG PA YIN GYI DNGOS MED DANG BEM PO'ANG DER 'GYUR BAS RIG PA MED PA DANG MA YIN PAR DGAG PA TZAM NI MA RIG PA MA YIN TE DPER NA MI MDZA' BA DANG RDZUN TE MI BDEN PA DANG, SOGS PA'I SGRAS GZUNG BA CHOS MA YIN PA DANG DON MA YIN PA DANG BYA BA MA YIN PA LA SOGS PA DGRA DANG RDZUN DANG MI DGE BA DANG LOG PA'I DON DANG NGAN PA'I BYA BA LA SOGS PA GO BA BZHIN NO, ,GAL TE MA RIG PA RIG PA MED PA TZAM MA YIN PAR GANG LAS SHE NA, MDO LAS, MA RIG PA'I RKYEN GYIS 'DU BYED RNAMS 'BYUNG NGO ZHES RKYEN GYIS DNGOS POR BSTAN PA'I PHYIR DANG, GZHAN YANG MDO DAG LAS MA RIG PA'I KUN DU SBYOR BA DANG SOGS PAS BSDUS PA 'CHING BA DANG PHRA RGYAS DANG CHU BA DANG SBYAR BA ZHES BYA BA'I TSIG GIS GSUNGS PA'I PHYIR TE, MED PA NI DE DAG TU 'OS PA MA YIN NO, ,DA LTA MOD KYI GAL TE SHES RAB NGAN PA NI MA RIG PA YIN TE BU NGAN PA LA BU MA YIN ZHES BRJOD PA BZHIN NA ZHE NA, DE NI YANG DA PA MIN TE, SHES RAB NGAN PA NI LTA BA YIN PA'I PHYIR DANG, LTA BA DANG MA RIG PA RTZA BA'I NYON MONGS PA THA DAD DU GSUNGS PA'I PHYIR DANG, CHU BO LA SOGS PA'ANG THA DAD DU GSUNGS PA'I PHYIR RO, ,GAL TE LTA BA MA YIN PA'I SHES RAB MA RIG PA YIN NO ZHE NA, DE YANG MA YIN TE, LTA BA NI MA RIG PA DE DANG MTSUNGS PAR LDAN PAR BSHAD PA'I PHYIR DANG, LTA BA'ANG SHES RAB YIN PAS SHES RAB KYI RDZAS GNYIS MTSUNGS PAR LDAN PA'ANG MI SRID PA'I PHYIR DANG, MDO LAS, 'DOD CHAGS KYIS NYE BAR NYON MONGS PA CAN DU GYUR PA'I SEMS NI RNAM PAR MI 'GROL LO, ,MA RIG PAS NYE BAR NYON MONGS PA CAN DU GYUR PA'I SHES RAB NI RNAM PAR MI 'DAG GO ZHES MA RIG PA NI SHES RAB KUN NAS NYE BAR NYON MONGS PAR BYED PO NYID DU BSTAN PA'I PHYIR DANG, SHES RAB RANG NYID NI RANG NYID LA NYON MONGS PAR BYED PAR 'GAL BA'I PHYIR RO, ,'DI DAG GIS NI BTZUN PA DPAL LEN MA RIG PA NYON MONGS PA SPYI'I MING DU 'DOD PA DANG, BTZUN PA CHOS SKYOB NGA'O SNYAM DU SEMS CAN LA 'JUG PA DANG, SLOB DPON CHOS KYI GRAGS PAS NYES PA'I RNAM PA MA LUS PA, ,'JIG TSOGS LTA LAS SKYES PA YIN, ,DE MA RIG CES 'JIG TSOGS LA LTA BA MA RIG PAR BZHED PA'ANG BSAL BAR LTA'O, ,DE'I RJES LA MING DANG GZUGS KYI GZUGS NI BSHAD ZIN LA, MING NI TSOR BA LA SOGS PA @267 GZUGS CAN MIN PA'I PHUNG PO BZHI YIN TE, DE DAG NI (LHAS BYIN ZHES SOGS KYI,) MING GI DBANG GIS DON LA 'JUG PA'I PHYIR DANG, MING LTAR THOGS PA MED PA'I PHYIR DE SKAD DU BRJOD DO, ,DE'I RJES LA REG PA NI MIG GI 'DUS TE REG PA NAS YID KYI 'DUS TE REG PA'I BAR DRUG STE, DE DAG KYANG (DBANG PO DANG YUL DANG,) MIG GI DBANG PO DANG GZUGS DANG MIG GI RNAM SHES GSUM 'DUS TE YUL YONGS SU GCOD PA 'BYUNG BA YIN NO, ,DE BZHIN DU RNA BA'I 'DUS TE REG PA LA SOGS PA LA'ANG SHES PAR BYA'O, ,'DI LA SNGON GYI SLOB DPON KHA CIG NI MDO LAS, DE LTAR NA CHOS GSUM PO 'DI DAG 'BREL ZHING 'DUS LA TSOGS PA GANG YIN PA DE NI REG PA YIN NO ZHES GSUNGS PA'I PHYIR REG PA GSUM 'DUS PA LA BTAGS PA YIN GYI GZHAN NI MED DE ZHES ZER RO, ,KHA CIG NI DRUG TSAN DRUG GI MDO LAS, CHOS KYI RNAM GRANGS DRUG TSAN DRUG GANG ZHE NA, NANG GI SKYE MCHED DRUG DANG, PHYI'I SKYE MCHED DRUG DANG, RNAM PAR SHES PA'I TSOGS DRUG DANG, REG PA'I TSOGS DRUG DANG, TSOR BA'I TSOGS DRUG DANG, SRED PA'I TSOGS DRUG GO ZHES GSUNGS PA'I PHYIR REG PA NI GSUM 'DUS PA LAS BYUNG BA'I YUL YONGS SU GCOD PA'I SEMS LAS BYUNG BA GZHAN ZHIG YIN TE, GAL TE GSUM 'DUS PA TZAM YIN NA PHYI NANG GI SKYE MCHED BCU GNYIS DANG RNAM SHES DRUG LAS LOGS SU GSUNG BAR MI RIGS PA'I PHYIR RO ZHES ZER RO, ,REG PA'I TSOGS DRUG PO DE DAG LAS MIG GI 'DUS TE REG PA LA SOGS PA (DANG PO) LNGA NI THOGS PA'I REG PA YIN TE, THOGS BCAS KYI DBANG PO LA RTEN PA'I PHYIR RO, ,DRUG PA YID KYI 'DUS TE REG PA NI TSIG BLA DVAGS KYI REG PA ZHES BYA STE, TSIG BLA DVAGS NI MING YIN LA, YID NI GTZO BOR MING LA DMIGS PAS YUL GYIS YUL CAN LA BTAGS PA'I PHYIR RO, ,DE'I PHYIR MDO LAS KYANG, MIG GI RNAM PAR SHES PAS NI SNGON PO RNAM PAR SHES KYI SNGON PO'I ZHES BYA BAR NI RNAM PAR MI SHES SO, ,YID KYI RNAM PAR SHES PAS NI SNGON PO'ANG RNAM PAR SHES LA SNGON PO'O ZHES BYA BAR YANG RNAM PAR SHES SO ZHES GSUNGS SO, , (YANG NA TSOGS PA SNGA MAS PHYI MA SKYED PA TZAM LA DUS MNYAM DU GZHAG GO,) DES NA THOGS PA'I REG PA NI RTEN GYIS RAB TU PHYE BA YIN LA, GNYIS PA NI DMIGS PAS RAB TU PHYE BA YIN NO, ,KHA CIG NA RE SGO LNGA'I RNAM SHES NI TSIG LA MA LTOS PAR DON LA 'JUG GI YID SHES NI TSIG GI DBANG DU BYAS NAS DON LA 'JUG PAS NA TSIG BLA DVAGS YIN LA DE DANG MTSUNGS LDAN GYI REG PA LA'ANG TSIG BLA DVAGS KYI REG PA ZHES BYA STE, DES NA 'DI NI MTSUNGS LDAN GROGS KYIS RAB TU PHYE BA YIN NO ZHES ZER RO, ,YANG REG PA NI GSUM STE, RIG PA'I REG PA DANG, MA RIG PA'I REG PA DANG, DE GNYIS LAS GZHAN RIG PA'ANG MA YIN MA RIG PA'ANG MA @268 YIN PA'I REG PA STE, DE DAG KYANG RIM PA BZHIN DU DRI MA STE ZAG PA MED PA'I REG PA DANG, NYON MONGS PA CAN GYI REG PA DANG, LHAG MA DGE BA ZAG BCAS DANG MA BSGRIBS LUNG MA BSTAN DANG MTSUNGS PAR LDAN PA'I REG PA'O, ,MA RIG PA'I REG PA'ANG GNYIS TE, GNOD SEMS DANG RJES SU CHAGS PA DANG MTSUNGS PAR LDAN PA'I REG PA'O, , YANG REG PA THAMS CAD BSDU NA GSUM STE, BDE BA MYANG BAR 'GYUR BA DANG, DE LA SOGS PA SDUG BSNGAL MYONG BAR 'GYUR BA DANG, BTANG SNYOMS MYONG BAR 'GYUR BA'I REG PA DANG GSUM YIN NO, , DE LTAR NA REG PA BCU DRUG GO, ,DE'I RJES LA TSOR BA NI (DBYE NA,) REG PA DE DAG LAS BYUNG BA'I TSOR BA (NI MIG GI 'DUS TE REG PA LAS BYUNG BA LA SOGS PA,) DRUG (YIN PA) STE MIG GI 'DUS TE REG PA LAS BYUNG BA'I TSOR BA LA SOGS PA'O, ,TSOR BA'I MTSAN NYID NI BSHAD ZIN PA'I PHYIR 'DIR DBYE BA TZAM ZHIG SMOS SO, ,TSOR BA DRUG PO DE DAG LAS DANG PO LNGA NI DBANG PO GZUGS CAN LA RTEN PA'I PHYIR LUS KYI TSOR BA STE, LUS NI GZUGS LA BRJOD PAR 'DOD PA'I PHYIR RO, ,SEMS KYI TSOR BA NI MIG LA SOGS PA LAS GZHAN PA'I YID LA RTEN PA STE, DE NI BDAG PO'I RKYEN SEMS TZAM LA RTEN PA'I PHYIR RO, , GAL TE REG PA LAS TSOR BA DUS MNYAM DU'AM DE'I RJES SU 'BYUNG, DUS MNYAM PA NI MA YIN TE, GNYIS KA GRUB PA NGAG LA BSKYED BYA SKYED BYED GNYIS MI 'THAD PA'I PHYIR RO, ,DE'I RJES SU 'BYUNG BA YIN NA REG PA DANG LDAN PA'I SEMS LA TSOR BA MED PAR 'GYUR NA, DE LTA NA'ANG TSOR BA SEMS KYI SA MANG PO PA MA YIN PAR 'GYUR RO ZHE NA, BYE BRAG TU SMRA BA NI LHAN CIG 'BYUNG BA'I RGYU YIN PA'I PHYIR DUS MNYAM DU 'BYUNG STE MAR ME LAS 'OD DANG MYU GU LAS GRIB MA BZHIN NO, ,MDO LAS KYANG, MIG DANG GZUGS RNAMS LA BRTEN NAS MIG GI RNAM PAR SHES PA DANG, GSUM 'DUS PA'I REG PA DANG, LHAN CIG SKYES PA'I TSOR BA DANG, 'DU SHES DANG, SEMS PA SKYE'O ZHES GSUNGS PA'I PHYIR RO ZHES 'CHAD DO, ,MDO SDE BA NI REG PA'I RJES SU TSOR BA YIN TE, DUS MNYAM PA'ANG RGYU 'BRAS YIN NA PHAN TSUN RGYU DANG 'BRAS BUR 'GYUR NA MDO LAS, MIG GI 'DUS TE REG PA LA BRTEN NAS MIG GI 'DUS TE REG PA LAS BYUNG BA'I TSOR BA SKYE'I MIG GI 'DUS TE REG PA LAS BYUNG BA'I TSOR BA LA BRTEN NAS MIG GI 'DUS TE REG PA SKYE BA NI MA YIN NO ZHES GSUNGS PA'I PHYIR RO, ,TSOR BA LA SOGS PA SA MANG PO PAR BSHAD PA NI RTOG PA DANG BCAS SHING DPYOD PA DANG BCAS PA'I SA DANG, RTOG PA MED LA DPYOD PA TZAM GYI SA DANG, RTOG PA'ANG MED DPYOD PA'ANG MED PA'I SA DANG, DGE BA'I SA DANG, MI DGE BA'I SA DANG, LUNG DU MA BSTAN @269 PA'I SA DANG SLOB PA'I SA DANG, MI SLOB PA'I SA DANG, GNYIS KA MA YIN PA'I SA THAMS CAD NA YOD PA'I PHYIR SA MANG PO PAR BSHAD KYI SEMS THAMS CAD LA KHYAB PA NI MA YIN NO ZHES 'DOD DO, ,'DI LA BTZUN PA DPAL LEN NA RE REG PA DANG LDAN PA'I SEMS LA REG PA'I SKAD CIG SNGA MA LAS SKYES PA'I TSOR BA YOD PA'I PHYIR TSOR BA LA SOGS PA SEMS THAMS CAD LA KHYAB PA MA YIN PAR MI 'GYUR RO ZHES ZER BA NI MA YIN TE, SEMS MED LAS LANGS MA THAG PA'I SEMS LA DE MED PAR 'GYUR BA'I PHYIR DANG, MIG GI RNAM SHES KYI RJES THOGS NYID DU RNAM SHES GZHAN 'BYUNG BA LA REG PA DANG TSOR BA MED PAR 'GYUR TE, GZHAN LA DMIGS PA'I RNAM SHES KYIS GZHAN LA DMIGS PA'I REG PA DANG TSOR BA BSKYED PA MI RIGS PA'I PHYIR RO, ,DE'I PHYIR 'DI DAG SEMS THAMS CAD LA KHYAB PAR SMRAN DUS MNYAM PA'I RGYU 'BRAS KHAS BLANG BAR BYA'O, , YANG SEMS KYI TSOR BA DE NYID (NGO BO LAS YID BDE MI BDE BTANG SNYOMS GSUM DANG DMIGS PA LAS GZUGS SOGS YUL DRUG LA DMIGS PA DANG, MTSUNGS LDAN LAS YID DANG MTSUNGS BAR LDAN PAS,) YID NYE BAR RGYU BA'I BYE BRAG LAS RNAM PA DAG NI (YID BA DE BA'I NYE BAR RGYU BA DRUG YID MI BDE BA'I NYE BAR RGYU BA DRUG BTANG SNYOMS KYI NYE BAR RGYU BA DRUG STE, SNGAR DRUG TU DBYE BA LA LTOS NAS,) YANG BCO BRGYAD DU DBYE ZHING, GANG ZHE NA, YID BDE BA'I NYE BAR RGYU BA DRUG DANG, YID MI BDE BA'I NYE BAR RGYU BA DRUG DANG, BTANG SNYOMS KYI NYE BAR RGYU BA DRUG GO ,GAL TE DE DAG NGO BO NYID DAM, MTSUNGS LDAN NAM, DMIGS PA GANG LAS GZHAG ,DANG PO LTAR NA NI YID BDE MI BDE BTANG SNYOMS GSUM KHO NAR 'GYUR ZHING, GNYIS PA LTAR NA NI YID DANG MTSUNGS PAR LDAN PAS GCIG KHO NAR 'GYUR LA, GSUM PA LTAR NA NI YUL DRUG LA DMIGS PA'I PHYIR DRUG KHO NAR 'GYUR RO ZHE NA, GSUM GA LAS GZHAG STE, NGO BO NYID LAS NI YID BDE MI BDE BTANG SNYOMS GSUM DANG, MTSUNGS LDAN LAS NI YID KYI NYER RGYU DANG, DMIGS PA LAS NI GSUM PO RE RE'ANG DRUG DRUG TU 'GYUR TE, GZUGS LA SOGS PA YUL DRUG YOD PA'I PHYIR RO, ,DE DAG KYANG BCO LNGA NI GZUGS SOGS YUL SO SOR NGES PA LA DMIGS PA'I PHYIR MA 'DRES PA LA DMIGS PA YIN LA, CHOS LA DMIGS PA'I NYER RGYU GSUM NI 'DRES PA DANG MA 'DRES PA GNYIS KA LA DMIGS PA YIN NO, ,NYE BAR RGYU BA NI YID LA BRTEN NAS TSOR BA BDE BA LA SOGS PA YUL LA RGYU BA'I PHYIR RAM, TSOR BA LA BRTEN NAS YID YUL LA RGYU BA'I PHYIR RO, ,LUS KYI TSOR BA NI YID NYER RGYU MA YIN TE, YID NYER RGYU NI RTOG BCAS KYI YID LA RTEN PA YIN PA LA LUS TSOR NI @270 DBANG PO GZUGS KHO NA LA RTEN PA'I RTOG MED YIN PA'I PHYIR RO, ,BSAM GTAN GSUM PA'I BDE BA'ANG YID NYER RGYU MA YIN TE, BRTAN PAR GNAS PA'I PHYIR RO, , (DE YANG BYE BRAG TU SMRA BA YID LA BRTEN NAS TSOR BA YUL LA RGYU BAR 'DOD LA, MDO SDE PA TSOR BA'I DBANG GIS YID YUL LA RGYU BAR 'DOD DO, ,) DE RNAMS KHAMS GANG NA DU YOD CE NA, 'DOD PA NA NI YID NYE BAR RGYU BA (BCO BRGYAD PO,) THAMS CAD YOD DE, DE DAG KYANG 'DOD PA ('I KHAMS,) RANG NYID LA DMIGS PA'I YUL CAN YIN GYI GZUGS DANG GZUGS MED (KHAMS GONG MA GNYIS,) LA DMIGS PA LA NI BCO BRGYAD MI TSANG BA'I PHYIR RO, , 'DOD PA'I YID NYER RGYU'I SPYOD YUL TE DMIGS PA GZUGS CAN GYI KHAMS PA YIN NA NI, DE NA DRI RO MED PAS DE GNYIS LA DMIGS PA DRUG MA GTOGS PA BCU GNYIS SO, ,'DOD GZUGS KYI GONG MA GZUGS MED NI DE NA YUL LNGA MED PAS CHOS LA DMIGS PA'I 'DOD PA'I YID BDE MI BDE BTANG SNYOMS GSUM GYI SPYOD YUL DU 'GYUR RO, ,DE DAG NI 'DOD PA'I DBANG DU BYAS PA YIN NO,, GZUGS KHAMS KYI BSAM GTAN DANG PO DANG GNYIS PA GNYIS NA NI BCU GNYIS YOD DE, DE DAG NA YID MI BDE BA DRUG MED PA'I PHYIR RO, ,BCU GNYIS PO DE DAG KYANG 'DOD PA'I KHAMS LA YID 'GRO ZHING DMIGS PA RNAMS YIN GYI RANG DANG GONG MA LA DMIGS PA NI MA YIN TE, DE DAG NA DRI RO MED PA'I PHYIR RO, ,DE'I PHYIR GZUGS KYI KHAMS RANG LA DMIGS NA BRGYAD DE, DRI RO'I MA GTOGS PA GZUGS DANG SGRA DANG REG BYA DANG CHOS LA DMIGS PA'I YID BDE DANG BTANG SNYOMS DAG YOD PA'I PHYIR RO, ,GZUGS MED PA NI CHOS LA DMIGS PA'I BDE BA DANG BTANG SNYOMS GNYIS KYI DMIGS PA YIN NO, ,BSAM GTAN GSUM PA BZHI PA GNYIS NA NI (BTANG SNYOMS KYI,) YID NYE BAR RGYU BA DRUG YOD DE DE DAG NA YID BDE MED PA'I PHYIR DANG, SEMS BDE NI YID NYER RGYUR MI 'GYUR BA'I PHYIR BTANG SNYOMS KYI DRUG GO ,DRUG PO DE DAG GI DMIGS PA NI 'DOD PA'I KHAMS YIN TE, YUL DRUG LA DMIGS PA'I BTANG SNYOMS DRUG YOD PA'I PHYIR RO, ,GZUGS KYI KHAMS RANG NYID NI BTANG SNYOMS KYI NYER RGYU BZHI'I DMIGS PA YIN TE, DRI RO LA DMIGS PA GNYIS MED PA'I PHYIR RO, ,(GZUGS KHAMS KYI,) GONG MA GZUGS MED PA NI CHOS LA DMIGS PA'I BTANG SNYOMS KYI YID NYE BAR RGYU BA GCIG GI DMIGS PA YIN NO, ,GZUGS MED PA NAM MKHA' MTHA' YAS SKYE MCHED KYI NYE BAR BSDOGS NA NI BTANG SNYOMS KYI NYER RGYU BZHI YOD DE, DE NI NAM MKHA' MTHA' YAS SKYE MCHED DANG BSAM GTAN BZHI PA LA ZHI BA DANG RAGS PAR LTA BA YIN PA NA DMIGS PA GZUGS KHAMS (KYI BZHI) PA LA YID NYE BAR 'GRO BA'I PHYIR DANG, (BZHI PA,) DE NA'ANG YUL BZHI YOD @271 PA'I PHYIR RO, ,DE YANG YUL BZHI PO SO SO LA DMIGS PA LTAR NA BZHIR 'GYUR GYI GANG DAG GI LTAR NA YUL BZHI PO BZLUMS TE DMIGS PA DE DAG GI LTAR NA NI DE NA CHOS LA NYE BAR RGYU BA 'DRES PA LA DMIGS PA GCIG KHO NA YOD DO, ,GZUGS KHAMS LAS GONG MA GZUGS MED PAR 'GRO BA NI NYER BSDOGS YIN YANG GCIG STE, CHOS 'BA' ZHIG LAS MED PA'I PHYIR RO, ,GZUGS MED KYI DNGOS GZHI BZHIN YANG YID NYID NYE BAR RGYU BA GCIG STE, DE DAG NI GZUGS MED DNGOS GZHI DGE RNAMS KYI, ,SPYOD YUL ZAG BCAS 'OG MA MIN ZHES 'BYUNG BAS 'DOD GZUGS LA MI DMIGS PA'I PHYIR DANG, RANG SA NA CHOS GCIG PU LAS MED PA'I PHYIR RO, ,DE'I PHYIR RANG YUL CAN ZHES SMOS SO, ,DE DAG THAMS CAD KYI DON BSDU BA NI YID NYE BAR RGYU BA BCO BRGYAD PO DE DAG THAMS CAD NI ZAG PA DANG BCAS PA YIN TE, (SRID PA 'PHEL BAR BYED PA'I PHYIR DANG, 'PHAGS LAM NI SRID PA LA RGYAB KYIS LTOS PA'I PHYIR,) DE DAG GI YID YUL LA ZHEN PA DANG BCAS PAS NYE BAR RGYU BA'I PHYIR RO, ,'DI NI BYE BRAG TU SMRA BA'I LUGS YIN LA, SLOB DPON ZAG BCAS THAMS CAD KYANG YID NYER RGYU MA YIN TE, 'DI NI ZHEN PA LA RTEN PA'I BDE PA LA SOGS PA LA BSHAD PAS NA DE NI NYON MONGS PA CAN KHO NA YIN PA'I PHYIR RO, ,ZHES 'CHAD DO, ,GAL TE RTEN 'BREL STON PA NA 'DIR MA RIG PA DANG MING DANG REG PA DANG TSOR BA RNAMS KHO NA STON GYI GZHAN NI MA YIN ZHE NA, GZUGS DANG RNAM SHES DANG SKYE MCHED DRUG NI KHAMS BSTAN PAR BSHAD ZIN PA'I PHYIR DANG, 'DU BYED DANG SRID PA DANG SRED LEN NI GNAS BZHI PA DANG LNGA PAR 'CHAD PAR 'GYUR BA'I PHYIR (DE DAG GIS NI RGYUN CHAGS PA'I RTEN 'BREL BSHAD ZIN TO,) GZHAN DAG NI MA BSHAD DO,, DRUG PA RTEN 'BREL MTSON PA'I DPE BSHAD PA NI RTEN CING 'BREL PAR 'BYUNG BA NYON MONGS PA DANG LAS DANG GZHI GSUM DU BSDUS NAS BSTAN PA'I SKABS 'DIR NYON MONGS PA RNAMS NI SA BON LA SOGS PA 'DI DAG DANG 'DRA BA YIN TE, JI LTAR ZHE NA, DPER NA SA BON LAS SDONG BU LA SOGS PA 'BYUNG BA BZHIN DU NYON MONGS PA LAS KYANG NYON MONGS PA DANG LAS DANG GZHI RNAMS 'BYUNG BA'I PHYIR DANG, KLU GNAS PA'I MTSO MI SKAM PA BZHIN DU NYON MONGS PA'I KLU GNAS PA'I SKYE BA'I MTSO YANG MI SKAM PA'I PHYIR DANG, NAGS TSAL SOGS RTZA BA NAS MA PHYUNG NA BCAD KYANG SLAR SKYE BA BZHIN DU NYON MONGS PA'I RTZA BA MA PHYUNGS NA 'GRO BA RNAMS KYI SKYE BA'ANG SLAR SKYE BA'I PHYIR DANG, LJON SHING GI DUS DUS SU ME TOG DANG 'BRAS BU SKYED PA BZHIN DU NYON MONGS PAS KYANG LAN CIG MA YIN PAR NYON MONGS PA DANG LAS DANG GZHI'I ME TOG DANG 'BRAS BU RNAMS SKYED PA'I PHYIR RO, ,DE BZHIN DU 'BRAS KYI SHUN PA BZHIN DU 'DOD @272 DE DPER NA SHUN PA DANG BCAS PA'I 'BRAS THUG PO CHE RNAMS SKYE BAR NUS KYI SHUN PA MED PAR SKYE MI NUS PA LTAR NYON MONGS PA'I THOB PA'I SHUN PA DANG BCAS PA'I LAS KYIS SRID PA'I MYU GU BSKYED PA'I PHYIR RO, , DE BZHIN DU LAS NI SHUN PA DANG BCAS PA'I 'BRAS DANG 'DRA STE, NYON MONGS PA'I SHUN PA DANG BCAS PA'I LAS NI SRID PA'I MYU GU SKYED PA'I NYER LEN YIN PA'I PHYIR RO, ,DE BZHIN DU SMAN DANG YANG 'DRA STE, SMAN GYIS NAD GCIG BSAL NAS NUS PA ZHI BA LTAR LAS KYIS KYANG RNAM PAR SMIN PA GCIG PHYUNG NAS GNYIS PA MI 'BYIN PA'I PHYIR RO, ,DE BZHIN DU ME TOG 'BRAS BU'I NYE BA'I RGYU YIN PA BZHIN DU LAS KYANG RNAM SMIN GYI NYE BA'I RGYU YIN PA'I PHYIR RO, ,SDUG BSNGAL GYI GZHI (BDUN PO,) RNAMS NI BZA' BA DANG BTUNG BA GRUB ZIN PA NI LONGS SPYAD BYA 'BA' ZHIG YIN PA BZHIN DU LONGS SPYAD NAS YANG (SA BON DU MI RUNG BAS NYING,) MTSAMS MI SBYOR BA'I PHYIR RO, ,(DES NA RNAM SMIN LAS TSE RABS GZHAN DU RNAM SMIN 'BYUNG BA MED DE, 'BYUNG NA NI DGRA BCOM PA'ANG RNAM SMIN YOD PAS 'KHOR BA LAS THAR BAR MI 'GYUR RO, ,DE LTAR SRID PA LA BZHI LAS MI 'DA' BAS SO,,) GSUM PA SRID PA BZHI BSHAD PAS DON BSDU BA NI SKYE SRID LA SOGS PA SRID PA BZHI PO DE DAG LAS GCIG TU SKYE BA'I SRID PA NI NYON MONGS PA CAN KHO NA YIN TE, (LAS KYI RNAM SMIN SKYED PA NYON MONGS LA LTOS PAR YANG YANG BSHAD DO, ,DE YANG SA GZHAN GYI NYON MONGS KYIS SA GZHAN GYI MTSAMS MI SBYOR BAS DES NA,) NYON MONGS PA GANG GIS SHE NA, RANG GI SA PA'I NYON MONGS PA KUN GYIS SKYE BA LEN PA SRID DE, 'ON KYANG KUN DKRIS CHIG RKYANG THUB PA MA RIG PA TZAM DANG MTSUNGS PAR LDAN PA PHRAG DOG DANG SER SNA DANG KHRO BA DANG 'CHAB PA BZHI DANG SLOB DPON GANG SPEL GYIS 'GYOD PA DANG LNGA BSHAD DE DE RNAMS KYIS NI MA YIN NO, ,DE BZHIN DU BAR SRID DU NYING MTSAMS SBYOR BA'ANG NYON MONGS CAN KHO NAR NGES SO, ,SKYE SRID LAS GZHAN BAR SRID DANG SNGON DUS KYI SRID PA DANG 'CHI BA'I SRID PA GSUM NI NYON MONGS PA CAN DANG DGE BA DANG MA BSGRIBS LUNG MA BSTAN RNAM PA GSUM MO, ,THEG CHEN PA NI SA'I DNGOS GZHI LAS, DGE BA'I SEMS DANG LDAN PAR 'CHI 'PHO BA JI LTA BU ZHE NA, KHA CIG 'CHI BA'I CHE DGE BA'I CHOS SNGON DU BSTEN PA RNAMS DRAN NAM GZHAN GYIS DRAN PAR BYAS KYANG RUNG STE DE'I CHE DAD PA LA SOGS PA DGE BA'I CHOS GANG DAG SEMS LA KUN DU SPYOD PA DE DAG JI SRID DU 'DU SHES RAGS PA 'BYUNG BA'I BAR DU'O, , 'DU SHES CHA PHRA MO RGYU BAR GYUR PA'I TSE NI DGE BA'I SEMS LDOG CING LUNG DU MA BSTAN PA'I SEMS NYID DU GNAS TE, 'DI LTAR DES DE'I TSE SNGON GOMS PAR BYAS PA'I DGE BA LA RANG GIS BRTZAL PAR YANG MI NUS @273 LA GZHAN DAG GIS KYANG DRAN PAR BYED MI NUS SO, ,DE BZHIN DU MI DGE BA LA'ANG SBYAR RO ZHES PA DANG, DON GSANG RNAM PAR PHYE BA LAS KYANG, THEG PA CHEN PO LAS NI 'CHI BA'I SEMS THAMS CAD MA BSGRIBS LA LUNG DU MA BSTAN PA YIN PAR BRJOD NA ZHES 'BYUNG BAS 'CHI BA'I SNGON ROL KYI SEMS GSAL BA'I TSE DGE MI DGE 'BYUNG YANG 'CHI SEMS NI LUNG MA BSTAN KHO NA YIN PAR BZHED DO, ,YANG SRID PA BZHI PO DE DAG LAS 'DOD GZUGS GNYIS NA NI BZHI GA YOD LA, GZUGS MED NA NI GSUM STE, DE NA BAR SRID MED PA'I PHYIR RO, ,DE NYID KYI PHYIR KUN LAS BTUS LAS KYANG, BAR MDO'I SRID PA NI 'DOD PA'I KHAMS DANG GZUGS KYI KHAMS SU SKYE BA NA'O, ,GZUGS MED PA NAS NI 'PHO BA NA'O ZHES 'BYUNG STE, DE NI GZUGS MED NAS SHI NAS KHAMS 'OG MA GNYIS SU SKYE BA'I DBANG DU BYAS PA STE, DE'I BAR SRID NI KHAMS 'OG MA GNYIS SU GTOGS PA'I PHYIR RO,, DA NI GANG GIS GNAS PA'I ZAS BSHAD PA NI 'GRO BA RNAMS NI ZAS KYIS GNAS PA YIN NO ZHES YANG DAG PAR LDAN PA'I LUNG LAS, BCOM LDAN 'DAS NYID KYIS MNGON PAR MKHYEN CING MNGON PAR RDZOGS PAR SANGS RGYAS NAS CHOS GCIG BKA' STZAL PA 'DI LTA STE SEMS CAN THAMS CAD ZAS KYIS GNAS PA'O ZHES GSUNGS SO, ,ZAS KYANG BZHI STE, RAGS PA DANG PHRA BA'I KHAM GYI ZAS DANG, REG PA'I ZAS DANG, YID LA SEMS PA'I ZAS DANG, RNAM PAR SHES PA'I ZAS SO, ,DE DAG LAS DANG PO KHAM GYI ZAS NI (GONG MA GNYIS 'DOD CHAGS DANG BRAL BAS,) 'DOD PA'I KHAMS KHO NA NA YOD DE, DE YANG DRI (SNA LCE LUS GSUM GYIS KHAM DU BCAD CING MID PAS DE DANG 'DOD PA'I,) RO REG BYA'I SKYE MCHED GSUM GYI BDAG NYID DO, ,CI STE NA, DE DAG SNA LCE LUS GSUM GYIS KHAM DU BCAD CING MID NAS ZA BA'I PHYIR RO, ,KHAM ZAS LA'ANG PHRA RAGS GNYIS LAS DANG PO NI BAR SRID PA DANG 'DOD LHA DANG BSKAL PA DANG PO'I MI RNAMS KYI YIN TE, DRI ZA BA'I PHYIR DANG, BYE MA LA TIL MAR BLUGS PA LTAR YAN LAG GI NANG DU 'JU BAS RGYU MTHUN MED PA'I PHYIR RO, ,YANG NA BYIS PA DANG DROD GSHER SKYES LA SOGS PA SEMS CAN PHRA MO RNAMS KYIS NI PHRA BA DANG, DE DAG LAS GZHAN NI RAGS PA'O, ,DE BZHIN DU KHRUS DANG BSKU MNYE LA SOGS PA GANG DAG MI MID LA LUS GNAS PAR BYED PA DE DAG KYANG ZAS PHRA MO YIN NO,, 'O NA GRIB MA DANG NYI MA DANG ME LA SOGS LA YOD PA'I REG BYA DE DAG JI LTAR ZAS YIN ZHE NA, 'DI NI PHAL CHE BA'I DBANG DU BYAS PA YIN PAS DE DAG NI MA YIN NO ZHES KHA CIG 'DOD DO, ,('DIS NI SKYE MCHED GSUM PHAL CHER ZAS SU BSTAN LA NYI GRIB LA SOGS PA KHA CIG KHAM DU BYED PAR ME STON NO, ,) GAL @274 TE 'BRAS CHAN LA SOGS PA LA YOD PA'I GZUGS KYI SKYE MCHED KYANG KHAM DU BYAS NAS MID PAS CI'I PHYIR KHAM ZAS MA YIN ZHE NA, GZUGS KYI SKYE MCHED NI KHAM GYI ZAS MA YIN TE, ZA NI DBANG PO DANG DE'I RTEN 'BYUNG BA LA PHAN 'DOGS PAS YIN NO, GZUGS KYI SKYE MCHED DES RANG GI DBANG PO MIG LA MI PHAN PA'I PHYIR DANG, DBANG PO'I RTEN GYI 'BYUNG BA LA'ANG MI PHAN PA'I PHYIR RO, ,DE MID PA'I TSE RANG GI DBANG PO DANG DE'I RTEN GYI 'BYUNG BA LA'ANG PHAN MI 'DOGS NA GZHAN GYI DBANG PO DANG 'BYUNG BA LA JI LTAR PHAN 'DOGS PAR 'GYUR, GAL TE BKRES PAS NYEN PA ZAS MTHONG BA TZAM GYIS KYANG PHAN PA MA YIN NAM ZHE NA, ZAS MTHONG BA TZAM GYIS YID BDE BA NI BDE BA MYONG BAR 'GYUR BA'I REG PA ZAS SU BYAS PA YIN GYI GZUGS NI MA YIN TE, GAL TE GZUGS MTHONG BA TZAM GYIS YIN NA 'DOD PA LAS 'DOD CHAGS DANG BRAL BA PHYIR MI 'ONG DANG DGRA BCOM PA RNAMS KYIS KYANG ZAS MTHONG BA TZAM GYIS TSIM PAR 'GYUR NA 'DOD PA'I NYON MONGS LAS RNAM PAR GROL BA RNAMS LA MI PHAN PA'I PHYIR (DA LTA YANG RE BA DANG BRAL BA'I ZAS MTHONG BAS MI PHAN PA'I PHYIR,) DE'I TSE YANG SRID PA DANG BCAS PA'I (SEMS PA'AM,) REG PA (NYON MONGS CAN,) KHO NA ZAS SU 'DOD DO, ,(GANG SPEL NA RE GZUGS KHAM ZAS MIN TE PHRAD NAS 'DZIN PA'I DBANG PO'I YUL MA YIN PA'I PHYIR SGRA BZHIN NO ZHES GSUNGS PA NYID LEGS SO, ,GZHAN YID DANG CHOS GZUGS CAN MIN LA, DBANG PO LNGA 'OD LTAR DANG BA DANG SGRA LA RGYUN MED PAS KHAM ZA MA YIN ZHES GSUNGS NGO,,) BYE BRAG TU SMRA BA RNAMS NA RE ZAS KYI DON NI SRID PA GSO BAR BYED PA YIN PAS REG PA DANG SEMS PA DANG RNAM PAR SHES PA NI ZAG BCAS KHO NA ZAS YIN GYI ZAG MED NI SRID PA ZAD PAR BYED PAS SRID PA'I GNYEN PO YIN PA'I PHYIR (REG SOGS ZAG MED GSUM YANG,) ZAS MA YIN NO ZHES ZER RO, , (DES NA KHAMS DANG SA SKAL BA MI MNYAM PA'I ZAG BCAS KYIS RGYAS PAR BYED KYANG ZAS MA YIN NO, ,) DE DAG GI NGO BO NI BSHAD ZIN TO, ,DE DAG KHAMS GSUM PO DAG NA YOD DO,, 'O NA MDO LAS ZAS RNAMS NI SEMS CAN BYUNG BA RNAMS GNAS PAR BYED PA DANG 'TSO BAR BYED PA DANG, SRID PA 'TSOL BA RNAMS LA PHAN PAR BYED PA YIN NO, ,ZHES GSUNGS PA'I (PHYIR DE'I,) BYUNG BA NI SKYES PA YIN NA SRID PA 'TSOL BA GANG ZHE NA, YID KYIS RDZUS TE SKYES PA'I PHYIR PHA MA'I MI GTZANG BA LA MI LTOS PAS YID LAS BYUNG BA DANG, (SNGON DUS SAM,) SKYE BA'I SRID PA 'TSOL BA'I NGANG TSUL CAN YIN PA'I PHYIR SRID PA 'TSOL BA DANG, ZAS SU DRI PHRA BA ZA BA'I PHYIR DRI ZA DANG, 'CHI BA DANG SKYE BA'I BAR NA @275 GNAS PA'I PHYIR SRID PA BAR MA DANG, SKYE BA LA MNGON DU PHYOGS PA'I PHYIR MNGON PAR 'GRUB PA'I SRID PA ZHES BYA BA NI RNAM GRANGS SU LTA'O, ,DES NA MDO LAS, MNGON PAR 'GRUB PA'I KUN SBYOR SPANGS LA SKYE BA'I KUN SBYOR MA SPANGS PA LA SOGS PA MU BZHI GSUNGS PA'I MU DANG PO NI PHYIR MI 'ONG KHAMS 'OG MA GNYIS LAS 'DOD CHAGS DANG BRAL BA DANG, GNYIS PA BAR MA DOR MYA NGAN LAS 'DA' BA DANG, GSUM PA DGRA BCOM PA DANG, BZHI PA DE DAG MA GTOGS PA'O, ,(BDAG CAG LA SOGS PA,) YANG NA BYUNG BA NI DGRA BCOM PA YIN LA, SRID PA 'TSOL BA NI SRID PA DANG BCAS PA RNAMS SO, ,YANG CI'I PHYIR ZAS BZHIR BSTAN ZHE NA, TSE 'DI LA RTEN PA SEMS DANG SEMS BYUNG GI GNAS TE RTEN DU GYUR PA'I DBANG PO DANG BCAS PA'I LUS RGYAS PA'I DON DU NI KHAM GYI ZAS DANG, RTEN PA SEMS DANG SEMS BYUNG DE DAG NYID RGYAS PA'I DON DU REG PA STE, DE LTAR NA 'DIR SKYES PA'I SRID PA GSO BAR BYED PA LA GTZO BO YIN PAS NA MA LTA BU'I KHAM REG GI ZAS SNGA MA GNYIS BSTAN TO, ,SRID PA PHYI MA GZHAN 'PHEN PA'I PHYIR SEMS PA'I ZAS DANG, LAS KYIS 'PHANGS PA'I RNAM SHES KYIS SRID PA PHYI MA MNGON PAR 'GRUB PA'I DON DU RNAM PAR SHES PA STE, DE LTAR NA MA SKYES PA'I SRID PA BSKYED PA LA GTZO BO YIN PAS NA MA LTA BU'I ZAS PHYI MA GNYIS TE GO RIM BZHIN DU BSTAN PAS NA ZAS BZHIR NGES SO, ,'ON KYANG 'DI DAG NI GTZO CHE BA'I DBANG DU BYAS PA YIN GYI KHAM ZAS DANG RAG PAS KYANG BRGYUD NAS SRID PA 'PHEN TE, DE DAG LAS NYON MONGS PA DANG DES LAS GSOG PA'I PHYIR DANG, MDO LAS KYANG, DGE SLONG DAG ZAS BZHI PO 'DI DAG NI NAD DANG 'BRAS DANG ZUG RNGU'I RTZA BA YIN NO, ,RGA SHI'I RKYEN YIN TE ZHES GSUNGS PA'I PHYIR RO,, SEMS PA DANG RNAM PAR SHES PAS KYANG SEMS CAN GNAS PAR BYED DE, MU GES NYON MONGS PAR BYAS PA DAG THAL BA'I RKYAL PA LA PHYE'I SEMS PA YOD PA DE SRID DU MA SHI BA (DANG DBU BA'I PHUNG PO LA THAD DU YOD PA DE SRID DU MA SHI BA,) LA RE BA MED PA NA SHI BAR GRAGS PA'I PHYIR DANG, RNAM SHES KYIS ZIN NA LUS DANG DE LA BRTEN PA'I SEMS LAS BYUNG BA RNAMS KYANG RGYAS PA'I PHYIR RO, ,(RGYA MTSO 'GRAM GYI SGO NGA MA'I SEMS PAS MA BRJED PA MI 'BRUL LA BRJED PA 'BRUL LO ZHES KYANG GRAG GO, SLOB DPON NA RE DE LTA NA GZHAN GYI SEMS PA GZHAN GYI ZAS SU THAL BAS SGO NGAS MA DRAN NA MI 'BRUL LA MA MA DRAN NA 'BRUL LO ZHES SO, ,YANG DRAN PA NYER GZHAG LAS SGO NGA LAS SKYES PA DANG CHU SRIN LA SOGS PA RNAMS YID LA SEMS PA'I ZAS DES 'TSO BAR BYED DE, ,GAL TE MA'AM PHAS RANG GI BU DRAN NA DRAN PA DES TSIM PAR BYED DO, , DE NAS YANG 'PHEL BAR BYED CING 'TSO BAR BYED LA ZAS KYI BYA BA YANG BYED DO ZHES GSUNGS,) RNAM PAR @276 GTAN LA DBAB PA BSDU BA LAS NI ZHU BAS ZHU BA LAS GYUR PA DANG, YUL GYI YUL LAS GYUR PA DANG, RE BAS RE BA LAS GYUR PA DANG, ZIN PAS ZIN PA LAS GYUR PA ZHES BSHAD DE, LUS RGYAS PA DANG, TSOR BA RGYAS PA DANG, SEMS RGYAS PA DANG, SEMS LAS BYUNG BA'I CHOS RGYAS PA'I PHYIR RAM, LUS DRAN PA NYER GZHAG LA SOGS PA LA 'JUG PA'I PHYIR BZHIR NGES PAR 'DOD DO, ,(KHAM DANG ZAS LA MU BZHI RTZI NA, MU DANG PO KHAM YIN LA ZAS MIN PA NI THO LUM 'BAR BA LA SOGS PA ZA BA DANG 'JU BA'I TSE GNYIS KA PHAN MI 'DOGS PA'O, ,ZAS YIN KHAM MIN REG SOGS GSUM MO, ,GNYIS YIN NI DBANG PO RTEN BCAS RGYAS PAR 'GYUR BA'I KHAM GANG YIN PA'O, ,GNYIS MIN NI SGRA DANG TSOR BA SDUG BSNGAL MTSUNGS LDAN THAMS CAD DO, ,DE BZHIN DU REG PA DANG, ZAS LA'ANG MU BZHI STE, REG PA YIN LA ZAS MIN PA REG PA ZAG MED DO, ,ZAS YIN REG MIN NI SEMS PA SOGS ZAS GSUM MO, ,GNYIS YIN NI REG PA ZAG BCAS SO, ,GNYIS MIN NI DE DAG MA GTOGS PA STE ZAS GZHAN GSUM LA'ANG MU BZHI SBYAR RO, , BYE BRAG SMRA BA DAG ZAS NI ZA BA DANG, 'JU BA'I TSE GNYIS SU BYA BA BYED PAS, THU LUM 'BAR BA LA SOGS PA'ANG ZAS YIN TE ZA BA'I TSE BKRES SKOM 'JOMS NUS PAS SO, ,BSTAN BCOS LAS RGYAS 'GYUR GYI ZAS LA DGONGS SO, ,ZHES ZER RO,) ,DE DAG GIS NI GNAS PA'I TSUL BSHAD ZIN TO, , DA NI 'CHI BA'I TSUL STON PA LA 'CHI BA'I SEMS DANG, TSUL DANG, SHI NAS JI LTAR 'GYUR BA GSUM LAS DANG PO NI (LOG LTAS,) DGE BA'I RTZA BA CHAD PA DANG, DE MTSAMS SBYOR BA DANG, KHAMS DANG SA LAS 'DOD CHAGS DANG BRAL BA DANG, DE LAS (TSUL BZHIN MIN PAS YID BYED KYIS,) NYAMS PA DANG, (DBANG PO 'GAGS PA,) 'CHI 'PHO BA DANG, BAR SRID DANG SKYE SRID DU SKYE BA LEN PA'I SEMS DRUG PO RNAMS NI KHA CIG RTOG BCAS DANG KHA CIG MNYAM GZHAG DANG KHA CIG MI GSAL BAS YID KYI RNAM PAR SHES PA KHA NAR 'DOD DO ZHES BYA BA NI SDE PA DAG STE, RNAL 'BYOR SPYOD PA PA NI SKYE BA DANG 'CHI BA'I (SEMS) NI KUN GZHI RNAM SHES YIN PAR 'DOD DO, ,TSOR BA NI 'CHI 'PHO BA DANG SKYE BA'I BTANG SNYOMS NYID LA YIN PAR 'DOD DE, TSOR BA GZHAN DAG NI RNAM PA GSAL BA'I PHYIR MI 'DOD DO, ,DE'I PHYIR BSAM GTAN GSUM NA NYER BSDOGS KHO NA LA 'CHI SEMS DANG SKYE SEMS YOD KYI DNGOS GZHI DAG NA NI MED DE, BTANG SNYOMS MED PA'I PHYIR RO ZHES SLOB DPON GANG SPEL 'CHAD DO, ,YID KYI RNAM SHES DE YANG BLO RTZE GCIG PA'I TING NGE 'DZIN LA SNYOMS PAR 'JUG BZHIN PA'I MNYAM GZHAG LA SKYE BA DANG 'CHI BA MED DE, (MNYAM GZHAG DANG,) RIS MI 'DRA BA'I SEMS MNGON DU BYAS PA'I PHYIR DANG, TING NGE 'DZIN MNGON PAR 'DU @277 BYED PA LAS BYUNG BA'I SBYOR BYUNG YIN (PAS GSAL,) PA'I PHYIR DANG, (SHIN TU SBYANGS PAS,) LUS LA PHAN 'DOGS (PAS GONG MA GNYIS SU MNYAM GZHAG GI SEMS LA DE DAG MED,) PA'I PHYIR RO, ,SEMS MED (GSUM LA GNAS,) PA'I NGANG LA'ANG ('CHI 'PHO BA DANG SKYE BA,) DE DAG MED DE (DE DAG LA GNAS PA LA GNOD PAR BYA BAR MI NUS PA'I PHYIR DANG,) 'CHI BA DANG SKYE BA NI SEMS GZHAN DU 'PHO BA DANG NYING MTSAMS SBYOR BA YIN PA NA SEMS MED PA'I PHYIR RO, ,DE'I PHYIR 'DU SHES MED PA'I SEMS CAN DAG SKYE BA DANG 'CHI BA NA'ANG SEMS 'BYUNG BAR BSHAD DO, ,(YANG NYON MONGS PA MED PAR MI SKYE BA'I PHYIR RO,) GANG ZHIG 'CHI BA'I SRID PA RNAM PA GSUM DU BSHAD PA DE LAS DGRA BCOM PA MYA NGAN LAS 'DA' BA NI ('DOD PA NA RNAM SMIN BTANG SNYOMS YOD PAR 'DOD PA LTAR NA,) SPYOD LAM PA DANG RNAM SMIN SKYES (GANG RUNG DANG MED PA LTAR NA SPYOD LAM PA'I,) SEMS DGE BA DANG NYON MONGS CAN DU LUNG BSTAN PA MIN PA GNYIS LAS GANG RUNG YIN NO ZHES BYA BA NI DMIGS KYIS BSAL BA YIN TE, SEMS GNYIS PO DE STOBS CHUNG BAS SEMS RGYUN CHAD PA DANG MTHUN PA'I PHYIR DANG, GZHAN DAG NI STOBS CHE BA'I PHYIR RO, ,SLOB DPON GANG SPEL GYI t'I KAR KHA CIG NA RE DGRA BCOM PAS MI DGE BA (DANG NYON MONGS CAN) SPANGS SHING ZAG MED GSAL BAS DE LAS MYA NGAN LAS MI 'DA' LA, DGE BA ZAG BCAS NI RNAM SMIN DANG BCAS SHING DGRA BCOM NI MA 'ONGS PA'I RNAM SMIN LA RGYAB KYIS PHYOGS PA YIN PAS DGE BA'I SEMS LA MYA NGAN LAS 'DA' BA MED DO, ,ZHES ZER RO, ,GZHAN DAG NA RE MTHAR GYIS 'KHOR BA SPONG BA YIN TE, 'DOD PA LAS 'DOD CHAGS DANG BRAL BAS NI MI DGE BA DANG, SRID RTZE LAS 'DOD CHAGS DANG BRAL BAS NI BSGRIBS LA LUNG MA BSTAN DANG, MYA NGAN LAS 'DA' BA'I SEMS MA BSGRIBS LUNG MA BSTAN MNGON DU GYUR PAS NI DGE BA DANG, LHAG MED KYI DBYINGS SU ZHUGS PAS NI MA BSGRIBS LUNG MA BSTAN SPONG BA'I PHYIR RO ZHES ZER RO ZHES 'BYUNG NGO,, GNYIS PA 'CHI BA'I TSUL NI GAL TE 'CHI BA NA LUS KYI PHYOGS GANG DU RNAM SHES 'GAG CE NA, 'OG NGAN SONG GSUM DANG MI DANG LHAR 'GRO STE SKYE BA DANG MI SKYE BA DRAG BCOM PA MYA NGAN LAS 'DA' BA RNAMS RDZUS SKYES LA NI 'DI LTAR MA NGES PAS (CIG CAR 'CHI NA YID DANG LUS DBANG THAMS CAD CIG CAR 'GAGS LA,) RIM GYIS TE SKYE GNAS DANG PO GSUM 'CHI BA NA RIM PA LTAR NGAN SONG BA RKANG PA DANG MI LTE BA DANG LHA DANG DGRA BCOM PA NI SNYING GAR YID 'CHI 'PHO'O, ,KHA CIG NA RE DGRA BCOM PA NI SPYI BO NAS 'PHO'O, , ZHES ZER RO, ,DE YANG RNAM SHES NI GZUGS MED CING BSTAN MED YIN PAS YUL NA MI GNAS MOD KYI, 'ON KYANG 'CHI BA NA LUS KYI DBANG PO RDO BSREGS PA LA CHU BTAB PA YAL BAR 'GYUR BA LTAR LUS KYI RKANG BA @278 LA SOGS PAR NUB PAR 'GYUR BA LA YID 'PHO ZHES BYA'O, ,KUN LAS 'TUS LAS NI DGE BA BYED PA'I LUS NI THOG MA NYID DU SMAD GRANG BAR 'GYUR RO, ,MI DGE BA BYED PA'I LUS NI STOD GRANG BAR 'GYUR RO ZHES BSHAD DE, ,'DI'I LTAR NA DROD SDUD PHYOGS MA GTOGS PA MTHAR THAMS CAD KYI SNYING GNAS KUN GZHI 'PHO BAR 'DOD DO, ,GAL TE 'CHI 'PHO BA NA GNAD GCOD PA DE DAG (RGYU) GANG (GIS) ZHE NA, GNAD GCOD PA NI (BAD KAN DANG MKHRIS PA DANG RLUNG SHAS CHEN RIM PA LTAR,) CHU DANG SOGS PA'I SGRAS GZUNG BA ME DANG RLUNG GI KHAMS RNAMS LAS GANG YANG RUNG BA ZHIG DRAG TU 'KHRUGS PA'I STOBS KYIS LUS KYI PHYOGS 'GA' ZHIG NYAMS NAS 'CHI BA STE, DE YANG MTSON CHA RNON POS BTAB PA LTAR TSOR BA MI BZAD PAS NYAMS PAS BCAD PA DANG 'DRA BAR G-YO BA MED PA YIN GYI 'DRE DANG GDON GYIS DNGOS SU SHING DUM BUR BYED PA LTAR GCOD PA NI MA YIN NO, ,GAL TE SA'I KHAMS KYIS CI'I PHYIR MI GCOD CE NA, SEMS CAN RNAMS LA RLUNG DANG MKHRIS PA DANG BAD KAN DAG LAS SKYON BZHI PA MED PA'I PHYIR RO, ,DE'I PHYIR RLUNG SHAS CHE NA RLUNG DANG MKHRIS PA SHAS CHE NA ME DANG, BAD KAN SHAS CHE NA CHU DAG GIS GCOD DO, ,KHA CIG NA RE, SNOD KYI 'JIG RTEN 'JIG PA DANG CHOS MTHUN PAS SO ZHES ZER RO, ,DGE BA BYED CING GZHAN GYI GNAD DU BSNUN PAR MI BYED PA DANG LHA LA SOGS PA CIG CAR 'CHI BA RNAMS NI GNAD GCOD MED PAR 'CHI BA'I PHYIR RO, ,ZHES SLOB DPON GANG SPEL GYIS BSHAD PAS DE DAG GIS MI GCOD PA DAG KYANG SRID DO, ,(LHA DAG NI NANG NA GNAD 'CHAD PA MED KYANG 'DOD PA NA LHA'I BU 'CHI BA LA GOS DANG RGYAN LAS SGRA YID DU MI 'ONG BA 'BYUNG BA DANG, LUS KYI 'OD SNGAR BAS CHUNG BAR 'GYUR BA DANG, KHRUS BYAS PA'I CHU'I THIGS PA LUS LA 'CHAGS PA DANG, G-YO BA'I BDAG NYID CAN YANG BLO YUL GCIG LA GNAS PAR 'GYUR BA DANG, MIG 'BYED 'DZUM BYED PAR 'GYUR BA STE MA NGES PA NYE BA'I 'CHI LTAS LNGA DANG, GOS DRI MA CAN DU GYUR PA DANG, ME TOG PHRENG RNYINGS PAR 'GYUR BA DANG, MCHAN KHUNG GNYIS NAS RNGUL 'BYUNG BA DANG, LUS LAS DRI NGA BA 'BYUNG BA DANG, LHA'I BU RANG GI STAN LA MI DGA' BAR 'GYUR BA STE DE DAG BYUNG NA 'CHI BAR NGAS PAS, NGAS PA CAN GYI 'CHI LTAS LNGA 'BYUNG ZHING, SLOB DPON GANG SPEL GYI t'I KA LAS, NGAS PA CAN GYI 'CHI LTAS 'DI DAG NI THAMS CAD LA GDON MI ZA BAR MI 'BYUNG LA, THAMS CAD KYANG MI 'BYUNG MOD KYIS LHA'I 'CHI LTAS BSDOMS NAS LNGA ZHES BRJOD DO, ,'CHI LTAS DE DAG NI LHA'I ZHAG LNGA 'BYUNG NGO, ,ZHES BSHAD DO, ,DES NA LUS KYI SDUG BSNGAL MNAR MED CHE YANG SEMS KYI SDUG BSNGAL 'CHI LTAS BYUNG BA'I LHA CHE STE, DRAN PA NYER GZHAG LAS, LHA'I YUL NAS LTUNG BA @279 NA, ,SDUG BSNGAL RAB TU SKYE BA GANG, ,DE'I KHYAD PAR SEMS CAN DMYAL, ,BCU DRUG CHAR YANG MI PHOD DO, ,ZHES GSUNGS PAS SO, ,'CHI LTAS PHOG NAS LHA'I BU GZHAN GYIS RGYANG NAS ME TOG CAN GYI SHING GI YAL GA SNYING GANG BZHAG NAS, LHA'I BU KHYOD 'DI NAS SHI 'PHOS NAS LEGS PAR SPYAD PA MI'I 'JIG RTEN 'DZAM BU GLING DU SKYE BAR GYUR CIG ,DE YANG DAD PA'I GSHOL GYIS, BSOD NAMS KYI ZHING RMED PAR GYUR CIG ,CES BRJOD PA NA, SRIN BU BYE TSAN LA SGRES PA LTAR, ,KYE HUD SHING RTA SNA TSOGS TSAL, ,KYE HUD TSE'U DAL GYIS 'BAB, ,KYE HUD SDUG PA'I RNAM SHES LHA, ,SMRE SNGAGS 'DON ZHING SA LA LHUNG ZHES SMRE SNGAGS 'DON NO,,) GSUM PA SHI NAS JI LTAR 'GYUR BA NI SEMS CAN RNAMS SKYE BA DANG GNAS PA DANG 'CHI BA NA MDO LAS, SEMS CAN GYI TSOGS RNAM GSUM DU GSUNGS TE, GANG ZHE NA YANG DAG PA NYID DU NGES PA'I TSOGS DANG, LOG PA NYID DU NGES PA'I TSOGS DANG, MA NGES PA'I TSOGS PA ZHES, DE LAS 'PHAGS PA DANG MTSAMS MED PA BYED PA DAG NI RIM PA LTAR YANG DAG PA DANG LOG PA NYID DU NGES PA YIN TE, NGAN 'GRO MED PAR MTHO RIS SU SKYES NAS THAR PAR NGES PA'I PHYIR DANG, SHI 'PHOS MA THAG TU DMYAL BAR SKYE BAR NGES PA'I PHYIR RO, ,LHAG MA RNAMS NI MA NGES PA YIN NO, ,DE DAG GIS NI SEMS CAN GYI 'JIG RTEN BSHAD ZIN TO,, (GNYIS) SNOD KYI 'JIG RTEN 'CHAD PA, DA NI SNOD KYI 'JIG RTEN 'CHAD PA NA 'DIR 'JIG RTEN GYI KHAMS MA LUS PA'I RNAM PAR BZHAG PA NI BSTAN PAR MI NUS TE, 'JIG RTEN GYI KHAMS KHA CIG NI SPYI'U TSUGS DANG, KHA CIG NI SNREL ZHI DANG, KHA CIG STENG G-YOGS MED PA DANG, KHA CIG NI NYI ZLA MED PA (R SANGS RGYAS KYI SMIN MTSAMS KYI NOR BUS BYA BA BYED PA NOR BU BKOD PA'I ZHING LTA BU,) DANG, KHA CIG NI STONG GSUM NYI ZLA GCIG GIS 'KHOR BA (KUN BZANG GI ZHING LTA BU,) DANG, KHA CIG NI BYANG CHUB KYI SHING LA'ANG STONG GSUM 'DI'I TSAD TZAM YOD PA LA SOGS PA RNAM PAR BZHAG PA MTHA' YAS PA YOD PAR MDO DE DANG DE LAS GSUNGS PA'I PHYIR RO,, ('JIG RTEN RNAMS KYI DBYIBS KYANG SNA TSOGS YOD DE, PHAL CHEN LAS, PHYOGS RNAMS KUN NA ZHING RNAMS RGYA MTSO SNANG, ,LA LA ZLUM PO LA LA GRU GSUM STE, ,DE DAG LA LA PHYOGS NA GRU BZHIR GNAS, , @280 KUN KYANG LAS RNAMS RGYA MTSOS RNAM PAR BRIS ZHES SO, ,'JIG RTEN 'DI YANG PHAL CHEN LAS, GZHI DANG SNYING PO ME TOG GIS BRGYAN PA'I 'JIG RTEN NA SANGS RGYAS RNAM PAR SNANG MDZAD KYI PHYAG MTHIL GYI NOR BU RIN PO CHE'I NANG NA RNAM PAR SHES PA'I KHAMS DANG CHOS KYI DBYINGS DANG NAM MKHA' DANG ME DANG CHU DANG SA'I KHAMS RGYA MTSO DANG ME TOG CHAD MED DANG PHYAG MTHIL GYI RGYUD LA SOGS PA 'JIG RTEN KHAMS MING CAN NYI SHU RTZA LNGA YOD PA'I BCU GSUM PAR BSHAD LA MI MJED 'DI'I SHAR GYI 'DAB CHAGS PA NA 'JIG RTEN GYI KHAS KHEBS PA CAN DANG, LHO NA LHAG PA DANG, NUB NA RDUL BSAM PA DANG, BYANG NA RNAM PAR BYUNG DANG, BYANG SHAR NA 'PHO BAR BYED PA DANG, SHAR LHO NA PHAN PA DANG, LHO NUB NA KUN TU SONG BA DANG, NUB BYANG NA YONGS SU DGA' BA DANG, 'OG NA MI CHE BA DANG, STENG NA ZHING KHAMS DBYANGS SGROGS ZHES BYA BA YOD PAR BSHAD DO, ,GLING BZHI PA 'DI NA BCOM PA DANG LDAN PA ZHES BYA LA, 'DI'I SHAR GYI 'DAB CHAGS PA NA GLING BZHI PA SHIN TU BSRUNGS PA DANG, LHO NA BZOD PAR DKA' BA DANG, NUB NA GNYEN DANG LDAN PA DANG, BYANG NA SENG GE YOD PA DANG, BYANG SHAR NA RNAM PAR BRTZEGS PA DANG, SHAR LHO NA DGA' BA DANG, LHO NUB NA SNYING PO DAM PA DANG, NUB BYANG NA SA BZANG PO ZHES BYA BA YOD PAR GSUNGS SO,,) 1. MI MJED 'JIG RTEN GYI KHAMS 'DI'I RNAM BZHAG BSTAN PA, DE'I PHYIR 'DIR BSTAN PA NI MI MJED KYI 'JIG RTEN GYI KHAMS 'DI'I RNAM PAR BZHAG PA TZAM ZHIG BSTAN TO, ,ZHES SHES PAR BYA STE, ('JIG RTEN GNYIS YOD PA'I,) SEMS CAN GYI 'JIG RTEN BSTAN PA'I RJES DE LA SNOD KYI 'JIG RTEN (TE STONG GSUM,) BSTAN PAR BYA'O ZHES MTSAMS SBYAR BA'O, ,DE 'CHAD PA NA SNOD KYI 'JIG RTEN GYI RIM PA DANG TSAD DANG, SEMS CAN GYI 'JIG RTEN DANG, TSAD NYID BSHAD PA GSUM LAS, DANG PO LA'ANG GSUM YOD PA'I RTEN NI SNOD KYI 'JIG RTEN RLUNG GI DKYIL 'KHOR GYI STENG DU GNAS PAR 'DOD PA'I MNGON PA BA LTAR NA SNOD KYI 'OG DAG GI GZHIR GYUR PA'I RLUNG GI DKYIL 'KHOR GYI RNGAMS TE STENG 'OG TU NI DPAG TSAD SA YA (PHRAG GCIG DANG,) DRUG 'BUM YOD LA, (STONG GSUM DANG MNYAM PAS,) RGYAR GRANGS MED PA DANG LDAN PA SEMS CAN SPYI'I LAS KYI STOBS KYIS 'CHAGS SO, ,RLUNG GI STENG DU GNAS SO ZHES BYA BAS KHYAB 'JUG PA RUS SBAL GYI STENG NA GNAS PA DANG, DBANG PHYUG PA DBANG PHYUG @281 GI 'DOD PA LAS BYUNG BAR 'DOD PA LA SOGS PA SEL LO, ,(PHYOGS RGYU KHA DOG DBYIBS DANG CHAD, ,YON TAN BYED LAS NGES PA'I TSIG ,CES PA BRGYAD BYAS NGES PAR BYA'O,) ,RLUNG DE'I MING NI 'JAM PO ZHES BYA BA DANG, DBYIBS NI ZLUM PO'O, ,KHA DOG SNA TSOGS PA'AM, KHA CIG NI SNGO SKYAR 'DOD LA, YON TAN NI TSAN PO CHE CHEN PO'I RDO RJES KYANG GZHIG PAR MI NUS PA ('I SRA PA,) DANG, LAS NI BRTEN PA RNAMS 'DEGS PA DANG, NGO BO NI SA LA SOGS PA RDZAS BRGYAD KYI RANG BZHIN YIN YANG RLUNG SHAS CHE BA'I PHYIR RLUNG GI DKYIL 'KHOR ZHES BRJOD DO, ,DE LTA BU'I RLUNG DE'I STENG DU NAM MKHA' LA SPRIN GSER GYI SNYING PO CAN ZHES BYA BA 'KHRIGS PA LAS CHAR GYI RGYUN LO MANG POR BAB PA LAS CHU'I DKYIL 'KHOR 'CHAGS TE CHU ('I DKYIL 'KHOR CHAGS PA,) DE'I TSAD NI RNGAMS SU DPAG TSAD 'BUM PHRAG BCU GCIG DANG STONG PHRAG DAG NI NYI SHU YOD PA'O,, (THAD KAR MI 'BO BA NI LAS LAS GRUB PA STE ZAS PA ZHU BA LONG GAR SDOD PA BZHIN NO, ,YANG GLA NA GNAS PA'I RLUNG GIS BRTEN PA'O, ,) DE LTA BU'I CHU DE (YUN RING POR,) RLUNG GIS DKRUGS PA LAS (DUS,) PHYIS NI (CHU'I,) RNGAMS SU DPAG TSAD 'BUM PHRAG BRGYAD YOD PA'I MTSOR GYUR TE, ,DE'I LHAG MA (DPANGS SU,) DPAG TSAD 'BUM PHRAG GSUM DANG STONG PHRAG NYI SHU (KHOR YUG TU SA YA PHRAG GSUM DRUG 'BUM KHRI DANG SUM BRGYA LNGA BCU,) DAG NI MTSO'I STENG DU GSER GYI DKYIL 'KHOR DU GYUR TO, ,CHU DE DANG GSER GYI DKYIL 'KHOR GNYIS KYI DKYIL GYI THAD KAR NI DPAG TSAD 'BUM PHRAG BCU GNYIS DANG STONG PHRAG GSUM DANG BRGYA PHRAG NI PHYED DANG LNGA RNAMS KHO NA'O, ,DE DAG GI KHOR YUG STE MTHA' SKOR DU NI SUM 'GYUR DU BRTZI STE, DPAG TSAD 'BUM PHRAG SUM CU RTZA DRUG DANG STONG PHRAG BCU DANG BRGYA PHRAG PHYED DANG BZHI'O, ,GAL TE DKYIL 'KHOR DAG TSAD MNYAM PA MA YIN NAM JI LTAR NA RLUNG GI DKYIL 'KHOR GYI THAD KAR DANG MTHA' MAR TSAD MED LA CHU DANG GSER LA YOD CE NA, SKYON MED DE, RLUNG NI STONG GSUM GYI 'OG GZHIR GNAS PA LA TSAD MED PAR BSHAD PA YIN LA, CHU DANG GSER LA TSAD BSHAD PA NI GLING BZHI'I 'OG GZHIR GYUR PA'I TSAD YIN PA'I PHYIR RO, ,DE'I PHYIR GLING BZHI'I 'OG GZHIR GYUR PA'I RLUNG LA'ANG CHU DANG GSER GYI TSAD TZAM (LA BYE BA PHRAG BRGYA CHU ZIL LTAR,) YOD LA, STONG GSUM GYI 'OG GZHIR GYUR PA'I CHU DANG GSER LA'ANG TSAD MED DO ZHES SHES PAR BYA'O ZHES BYA BA NI KHA CIG GI YIN NO,, KHA CIG NA RE RLUNG NI STONG GSUM GYI 'OG GZHI GCIG TU 'DAB CHAGS PAR 'BREL PA'I DE LA TSAD MED LA, CHU DANG GSER NI DE'I STENG DU GLING BZHI'I 'OG GZHIR GYUR PA ZIL BA'I THIGS PA LTAR DUM BUR CHAGS PA'I PHYIR TE DE DAG GI TSAD BSTAN PA YIN LA, DE DAG GI BAR RNAMS NA NI GLING BAR GYI MUN PA @282 YOD DE, GDAGS PA LAS, 'JIG RTEN BAR MTSAMS PHAN CHAD DU, ,NYI ZLA DE BZHIN SKAR MA DANG, , RGYU SKAR TSOGS NI RGYA CHEN KUN, ,KHOR YUG MI 'DA' 'JIG RTEN GYI, ,BAR MTSAMS THAMS CAD MUN PAR 'DUG CES BSHAD PA'I PHYIR RO, ,DE'I PHYIR SLOB DPON RGYAL PO'I SRAS KYIS KYANG KHOR YUG GI PHYI ROL TU CHU DANG GSER GYI DKYIL 'KHOR GYI PHYOGS RER DPAG TSAD STONG NYIS BRGYA BRGYAD CU RTZA PHYED DANG BRGYAD LHAG PAR BSHAD PA'I PHYIR DANG, SLOB DPON GANG BA SPEL BAS KYANG, GANG DAG GI RE RE'I TSAD THAD KAR 'BUM PHRAG BCU GNYIS DANG ZHES BYA BA LA SOGS PAR BSHAD PA CHU DANG GSER GYI DKYIL 'KHOR BYE BA PHRAG BRGYAR GNAS SO ZHES BSHAD PA'I PHYIR RO, ,ZHES ZER TE DE NYID RIGS PAR BLTA'O, ,SLOB DPON 'PHAGS PAS NI DKYIL 'KHOR GSUM GA LA TSAD MA GSUNGS SO, ,'O NA CHU DE DAG JI LTAR THAD KAR 'BO BAR MI 'GYUR ZHE NA, KHA CIG NA RE SEMS CAN RNAMS KYI LAS KYI DBANG GIS MI 'BO STE ZAS MA ZHU BA LONG DU MI LTUNG BA BZHIN NO ZHES ZER RO, ,'PHAGS PA THOGS MED NI RLUNG DE NI GLO NA GNAS PA DANG, 'OG GZHIR GNAS PA GNYIS YOD PA'I PHYIR RLUNG GIS BRTEN PAS 'BO BAR MI 'GYUR RO ZHES BZHED DO, ,RTEN PA BSHAD PA LA RI BSHAD PA NI, DE'I RJES LA (LAS KYI DBANG GIS,) NAM MKHA' LA SA BON (NAM KHAMS,) SNA TSOGS KYI SNYING PO CAN GYI SPRIN 'KHRIGS TE CHAR LO MANG DU BAB PA LAS YANG MTSO CHEN PO ZHIG 'CHAGS TE, TSAD NI DPAG TSAD BRGYAD KHRI TZAM ZHIG TU NGES SO, ,DE LA KHAMS RAB SDUD CING 'BYED PA'I RLUNG GIS GRU GZHIR DKRUGS PA LAS GSER GYI SA GZHI DE LA LHUN PO'I RI 'CHAGS TE, BRJID CHE BAS NA LHUN PO DANG, RI'I RGYAL PO YIN PAS NA RI RAB BO, ,(DE BZHIN DU RI PHYI MA RNAMS DANG GLING RNAMS KYANG RANG RANG GI DBYIBS DANG 'DRA BA'I RLUNG LAS RIM GYIS 'GRUB BO,) ,YANG KHAMS 'BRING SDUD CING 'BYED PA'I RLUNG GIS GRU BZHIR RI DE LA BSKOR DE DKRUGS PA LAS LHUN PO'I PHYI ROL TU GNYA' SHING 'DZIN DANG, GSHOL MDA' 'DZIN DANG, SENG LDENG CAN DANG, DE BZHIN BLTA NA SDUG GI RI DANG, RTA RNA DANG, RNAM PAR 'DUD DANG, MU KHYUD 'DZIN GYI RI ZHES BYA BA BDUN CHAGS TE, RI DE DAG GI RTZE MO NYI MA'I SHING RTA'I GNYA' SHING 'DZIN PA'AM, GNYA' SHING GI RNAM PA DANG, GSHOL MDA'I RNAM PA DANG, (GSER GYI SENG LDENG YOD PAS SAM) SENG LDENG GI MDANGS 'DRA BA DANG, YID DU 'ONG BA DANG, BRAG RTA'I RNA BA 'DRA BA DANG, DBUS PHYOGS SU RNAM PAR 'DUD PA DANG, THAMS CAD KYI MTHA' BSKOR BA'I PHYIR RIM PA BZHIN DU DE SKAD DU BRJOD DO, ,(DE DAG NI RI DGU YIN LA SA'I DNGOS GZHI LAS NI RNAM PAR 'DUD DANG, RTA RNA RA DANG, BLTA NA SDUG DANG, SENG LDANG CAN DANG, GSHOL @283 MDA' 'DZIN DANG, ZHES BAR PA LNGA GO RIM GZHAN DU BSHAD CING, RI DE DAG GI MING DE RNAMS NI DE DAG GI RTZE MO'I RNAM PA 'DRA BA'I BYE BRAG LAS BLTA BAR BYA'O, ,ZHES BSHAD DO, ,DE NAS NI YANG SHAR DANG LHO DANG NUB DANG BYANG DU KHAMS THA MA SDUD CING 'BYED PA'I RLUNG GIS KHOL BUR DKRUGS PAS LUS 'PHAGS KYI GLING LA SOGS PA RNAMS 'CHAGS PA YIN NO, ,DE DAG THAMS CAD KYI MTHA' NAS KUN DU BSKOR BAS GLING DE DAG GI PHYI ROL NA NI KHOR YUG LCAGS RI STE, (DE'I PHYI'I MTHA' SKOR DU DPAG TSAD SA YA PHRAG GSUM DANG DRUG 'BUM NYIS STONG DRUG BRGYA NYI SHU RTZA LNGA YOD PA,) DES NI GLING BZHI KHOR YUG TU BSKOR TO, ,GLING BZHI PO THAMS CAD KYANG DE LTA BU'I TSUL GYIS DUS MNYAM DU 'CHAGS SO, ,RI DE DAG LAS MU KHYUD 'DZIN LA SOGS PA BDUN NI GSER GYI RANG BZHIN YIN LA KHOR YUG DE NI LCAGS KYI RANG BZHIN NO, ,(GDAGS PA LAS, SHAR SHEL, NUB DNGUL DU BSHAD DO, ,) LHUN PO NI SHAR DNGUL DANG LHO BEE d'URYA DANG NUB SHEL DMAR PO DANG BYANG GSER TE RIN CHEN BZHI'I RANG BZHIN YIN NO, ,RI RAB KYI NGOS RIN PO CHE GANG GA RANG BZHIN YIN PA DE'I 'OD KYIS DE'I NGOS KYI NAM MKHA'ANG DE'I KHA DOG TU SNANG LA, DE'I 'OD KYIS NGOS KYI RGYA MTSO'ANG DE'I KHA DOG TU SNANG STE, DES NA 'DZAM BU'I GLING GI NGOS BEE d'URYA YIN PAS DE'I 'OD KYIS 'DI'I NAM MKHA' DANG RGYA MTSO'ANG BEE d'URYA'I KHA DOG TU SNANG NGO, ,TSAD NI RI DGU PO THAMS CAD KYANG CHU'I NANG DU DPAG TSAD BRGYAD KHRI DAG NUB PO ZHES BYA STE, THAMS CAD GSER GYI SA GZHI LA BRTEN PA'I PHYIR RO, ,CHU'I STENG DU YANG RI RAB NI DPAG TSAD DAG NI BRGYAD KHRI 'PHAGS PA'O, , MDO PHAL CHER LAS NI, RI RAB DPAG TSAD 'BUM DRUG KHRI BRGYAD STONG PA DANG, RGYA MTSO'ANG DPAG TSAD BRGYAD KHRI BZHI STONG PAR BSHAD MOD KYI, 'DIR NI 'DUL BA LUNG GZHI LAS, RI'I RGYAL PO RI RAB NI DPAG TSAD BRGYAD KHRI NI 'OG TU GSER GYI SA GZHI LA THUG PAR 'DUG GO ,DPAG TSAD BRGYAD KHRI NI CHU'I STENG DU BYUNG STE DE LTAR DPAG TSAD 'BUM DRUG KHRI YOD DO, ,ZHES GSUNGS PA DANG MTHUN PAR BSHAD DO, ,RI PHYI MA BRGYAD PO'I 'PHANG GI TSAD DU NI RI RAB KYI PHYED PHRI BA GNYA' SHING 'DZIN YIN PA LA SOGS PA PHYED PHYED DBRI BAR BYA STE, 'DI LTAR GNYA' SHING 'DZIN DPAG TSAD BZHI KHRI YIN PA NAS KHOR YUG DPAG TSAD SUM BRGYA DANG PHYED DANG BCU GSUM YIN NO ZHES BYA BA'I BAR DU SBYAR TE, DES NA RI BRGYAD PO'I CHU MTSAMS YAN CHAD KYI 'PHANG TSAD BSDOMS PAS LHUN PO'I CHU MTSAMS YAN CHAD KYI 'PHANG LA DPAG TSAD SUM BRGYA PHYED DANG BCU GSUM GYIS MA SLEB PAR SHES PAR BYA'O, ,RI DE DAG THAMS CAD KYI RNGAMS SU STE ZHENG DU'ANG RANG RANG GI 'PHANG DANG TSAD MNYAM @284 STE, DE DAG KYANG CHU'I STENG YAN CHAD KYI DBANG DU BYAS SO, ,DES NA RI RAB DPAG TSAD BRGYAD KHRI PA DANG GNYA' SHING 'DZIN BZHI KHRI PA LA SOGS PA'O, ,(KHAMS NGAN PA RNAMS LAS RI RAB KYI BAR RIM BZHI DANG GLING BCU GNYIS DANG KHOR YUG GI RI RNAMS GRUB LA GLING BCU GNYIS NI CHU'I GLING NA GNAS SO,,) GNYIS PA MTSO BSHAD PA NI RI RAB NAS MU KHYUD 'DZIN LA THUG PA'I RI DE DAG GI BAR BDUN NI ROL PA'I MTSO BDUN YIN TE, KLU'I RGYAL PO RNAMS ROL ZHING RTZE BA'I GNAS YIN PA'I PHYIR DE SKAD DU BRJOD DO, ,DE DAG NI BSIL DANG ZHIM DANG YANG BA DANG, ,'JAM DANG DANG DANG DRI NGA MED, ,'THUNGS NA MGRIN DANG LTO BA LA, ,MI GNOD YAN LAG BRGYAD LDAN CHU ZHES PA'I YAN LAG BRGYAD DANG LDAN PA'I CHUS GANG (ZHING, DGA' BO NYER DGA' RTAS RGAL DANG, BTANG GZUNG DANG NI GZI CAN DANG, ,YUL 'KHOR BSRUNG DANG NAG PO CHE, ,AE LA'I 'DAB MA PHYI MA YIN ZHES PA'I KLU CHEN BRGYAD RTZE,) BA'O, , TSAD JI TZAM ZHE NA, DE DAG THAMS CAD ZABS SU NI DPAG TSAD BRGYAD KHRI PAR MTSUNGS SHING DANG PO RI RAB DANG GNYA' SHING 'DZIN GYI BAR GYI ROL MTSO LA KHA ZHENG DU DPAG TSAD STONG PHRAG BRGYAD CU'O, ,DE YANG RI RAB DANG GNYA' SHING 'DZIN GYI BAR GYI TSAD YIN GYI SHAR NUB TU NI DPAG TSAD NYIS 'BUM BZHI KHRI YOD PA'I PHYIR RO, ,NANG GI RGYA MTSO DANG PHYI'I RGYA MTSO GNYIS LAS ROL MTSO BDUN PO DE DAG NI NANG GI RGYA MTSO CHEN PO ZHES BYA BA YIN TE, NANG KHO NAR NGES PA'I PHYIR DANG, GZA' SKAR LA SOGS PA'I GZUGS BRNYAN 'CHAR BA DANG, CHU'I GTER YIN PA'I PHYIR RO, ,MTSO DE'I GNYA' SHING 'DZIN GYI NGOS LA NI PHYOGS RE RE LA'ANG ZHENG GI SUM 'GYUR RO STE, DPAG TSAD NI NYIS 'BUM BZHI KHRI PA RE RE YOD LA, ROL MTSO GZHAN DRUG NI SNGA MA SNGA MA'I PHYED PHYED KYI TSAD DE, RIM PA LTAR DPAG TSAD BZHI KHRI DANG NYI KHRI DANG KHRI DANG LNGA STONG DANG NYIS STONG LNGA BRGYA DANG STONG NYIS BRGYA LNGA BCU YOD DO, ,DE DAG GI NGOS KYI TSAD NI SNGA MA SNGA MA BAS CHES CHE BAR SHES PAR BYA'O,, LHAG MA MU KHYUD 'DZIN DANG KHOR YUG GI BAR GYI CHU RNAMS NI PHYI'I RGYA MTSO CHEN PO YIN TE, DE'I TSAD NI MU KHYUD 'DZIN GYI THEL NAS KHOR YUG GI THEL GYI BAR DU DPAG TSAD 'BUM PHRAG GSUM DANG STONG PHRAG NYI SHU RTZA GNYIS SO, ,MTHA' SKOR GYI TSAD NI DPAG TSAD SA YA PHRAG GSUM DANG DRUG 'BUM BDUN BRGYA LNGA BCU YOD DO, ,DE LTAR BRTZIS PAS KHOR YUG LCAGS RI'I PHYI'I MTHA' SKOR DU NI DPAG TSAD SA YA PHRAG GSUM DRUG 'BUM NYIS STONG DRUG BRGYA NYI SHU RTZA LNGA YOD DO, ,PHYI'I RGYA MTSO DE NI BA TSVA CAN GYI CHUS GANG NGO, ,(PHAL CHEN LAS PHYI'I RGYA MTSO DER GLING 'DI NAS CHU KLUNG STONG PHRAG PHYED DANG GSUM DANG, MYANG @285 'DAS LAS CHU BO SA YA BYE BA DBUS NAS THIG BTAB PA BZHIN 'BAB LA, BYANG NA STONG PHRAG BCU DANG, NUB NA STONG PHRAG LNGA DANG, SHAR NA STONG PHRAG PHYED DANG BRGYAD 'BAB PO, ,DE DAG BAS KYANG KLU'I RGYAL PO 'OD ZER BCU PA'I SPRIN LAS BYUNG BA'I CHU MANG NGO, ,DE KHRAG KHRIG PHRAG BRGYAD CUR BSGRES PA'I KLU'I RGYAL PO'I SPRIN LAS BYUNG BA'I CHU LAS, KLU GANGS CAN MTSO'I BU 'DZAM BU RGYAL MTSAN GYI SPRIN LAS BYUNG BA'I CHU MANG NGO, ,DE DAG THAMS CAD LAS GANGS CAN MTSO NYID KYIS SPRUL PA'I SPRIN LAS BYUNG PA'I CHU MANG NGO, ,DE DAG THAMS CAD LAS GANGS CAN MTSO'I GNAS NAS 'BAB PA'I CHU BO BEE d'URYA LTA BU ZHES BYA BA CHES MANG NGO, ,DE DAG THAMS CAD KYIS KYANG RGYA MTSO CHEN PO'I DBRES LAS MI 'DA'O ZHES BSHAD DO, , GZHAN YANG RBA RLABS LAS YOL BA MED PA DANG, MI RO DANG ZHAG GCIG TU MI 'GROGS PA DANG, 'BYUNG PO DANG RIN PO CHE ZAD MI SHES PA'I 'BYUNG GNAS DANG, LTA BAS CHOG MI SHES PA YIN TE, TSANGS PA KHYAD PAR SEMS KYIS ZHUS PA LAS KYANG, DE NA RIN PO CHE THAMS CAD SDUD PA ZHES BYA BA'I RIN PO CHE YOD DE, DE 'JIG RTEN GZHAN DU MA 'PHOS NA BSKAL BA 'JIG PA'I MES KYANG RGYA MTSO CHEN PO CUNG ZAD KYANG 'BRID MA NUS PAR BSHAD DO, ,) GAL TE DE LTA NA CHU DANG GSER GYI DKYIL 'KHOR GYI, ,THAD KAR 'BUM PHRAG BCU GNYIS DANG, ,STONG PHRAG GSUM DANG BRGYA PHRAG NI, ,PHYED DANG LNGA RNAMS KHO NA'O ZHES BYA BA 'DI MI 'GRIG PAR 'GYUR TE, RI DANG MTSO DANG KHOR YUG GI BAR GYI TSAD BRTZIS NA 'BUM PHRAG BCU GNYIS DANG BRGYA PHRAG BRGYAD DANG BDUN CU RTZA LNGA LAS MED PA'I PHYIR RO ZHE NA, SLOB DPON RGYAL PO'I SRAS NI KHOR YUG GI PHYI ROL TU NGOS RE RER GSER DANG CHU DPAG TSAD STONG PHRAG GCIG DANG BRGYA PHRAG GNYIS DANG BRGYAD CU RTZA PHYED DANG BRGYAD LHAG PAS KHOR YUG TSUN CHAD PAS CHU DANG GSER RGYA CHE BAR 'DOD PA'I PHYIR SKYON MED DE, NGOS GCIG NA'ANG DE BZHIN TE DE LTAR PHYOGS GNYIS KA BSDOMS TE, STONG PHRAG GNYIS DANG BRGYA PHRAG LNGA DANG BDUN CU RTZA LNGA DAG GIS BSNAN NA 'BUM PHRAG BCU GNYIS DANG SUM STONG DANG PHYED DANG LNGA BRGYAR 'GYUR BAS CHU DANG GSER GYI TSAD DANG MNYAM PAR 'GYUR RO ZHES ZER RO, ,SNGON GYI SLOB DPON GZHAN DAG NI RI THAMS CAD 'BRU'I PHUNG PO LTAR GNAS KYI ZANG YAG NI MA YIN PA'I PHYIR RI RAB LA SOGS PA'I TSAD DE DAG RNGAMS SU'ANG 'PHANG DANG MNYAM ZHES PA NI STENG PHYOGS CHU MTSAMS KYI TSAD BRTZIS PA YIN GYI KHOR YUG GI RTZA BAS NI JI SKAD BSHAD PA'I TSAD DANG LDAN PA'I CHU DANG GSER KHYAB PAR GNAS PAS NA 'GAL BA MED DO ZHES 'CHAD PA YIN NO,, GSUM PA GLING BSHAD PA LA SPYIR BSTAN PA NI MTSO DE LA NI (THOG MAR LHO DE NAS SHAR DANG NUB DANG @286 BYANG DANG KHOR YUG RNAMS RIM PA LTAR 'GRUB PA LAS,) RI RAB KYI LHO NA SHING 'DZAM BUS MTSON PA DANG MTHA' CHUS 'KHOR ZHING RANG GI NGO BO SKAM SAR GNAS PAS 'DZAM BU'I GLING STE TSAD NI NGOS GSUM LA DPAG TSAD STONG PHRAG GNYIS GNYIS YOD LA NGOS GCIG STE KHOR YUG LA BSTAN PA LA NI DPAG TSAD PHYED DANG BZHI YOD DO ZHES SBYAR RO, ,NGOS DAG TSAD MNYAM PA MA YIN NAM ZHE NA MA YIN TE, GLING 'DI NI SHING RTA'I DBYIBS SU YOD PA'I PHYIR TE, MTHA' SKOR NA DPAG TSAD STONG PHRAG DRUG DANG PHYED DANG BZHI YOD DO, , DE'I DBUS SU GSER GYI SA GZHI LA GANG DU BYANG CHUB SEMS DPA' BZHUGS NAS RDO RJE LTA BU'I TING NGE 'DZIN BSKYED PAR MDZAD PA'I RDO RJE'I GDAN MNGON PAR 'GRUB STE, TING NGE 'DZIN DE NI LUS DANG SA PHYOGS GZHAN GYIS BZOD PAR MI NUS SO,, 'DI NAS SHAR PHYOGS KYI RI RAB KYI NGOS NA LUS 'PHAGS PO ZHES BYA BA'I GLING YOD DE, DBYIBS NI ZLA KHAM 'DRA STE BCAD KHAM NI RI RAB LA BSTAN PA'O, ,TSAD NI DE'I NGOS GSUM LA NI 'DZAM BU'I GLING 'DI DANG 'DRA BAR STONG PHRAG GNYIS GNYIS YOD DO, ,NGOS CHUNG SHOS (NANG DU BSTAN YANG GSUNG,) KHOR YUG LA BSTAN PA GCIG LA DPAG TSAD SUM BRGYA LNGA BCU'O, ,MTHA' SKOR NA DPAG TSAD STONG PHRAG DRUG STONG DANG PHYED DANG BZHI BRGYA'O, ,GLING DE NI GZHAN PAS SHING TA LA BDUN SRID KYIS 'PHAGS PA'AM DER SKYES PA'I MI RNAMS 'DI PA BAS LUS CHE BA'I PHYIR LUS 'PHAGS PO'O, , 'DI NAS NUB PHYOGS KYI RI RAB KYI NGOS LOGS NA BA LANG SPYOD CES BYA BA'I GLING YOD DE, DE NI DBYIBS KUN NAS ZLUM PO STE MTHA' SKOR GYI TSAD DPAG TSAD STONG PHRAG PHYED DANG BRGYAD YIN NO, ,DE'I DBUS LA DPAG TSAD STONG PHRAG PHYED DANG GSUM YIN NO, ,GLING DE NA GTZO BOR BA LANG DANG RIN PO CHE LA LONGS SPYOD PA'I PHYIR BA LANG SPYOD DO,, 'DI NAS BYANG PHYOGS KYI RI RAB KYI NGOS NA SGRA MI SNYAN ZHES BYA BA'I GLING YOD DE, TSAD NI NGOS RE LA DPAG TSAD NYIS STONG NYIS STONG STE KUN NAS BSKOR NA DPAG TSAD STONG PHRAG BRGYAD KYIS 'KHOR TE DBYIBS NI GRU BZHIR MNYAM PAR GNAS SO, ,DER SKYES PA'I SEMS CAN DE DAG 'CHI BA'I ZHAG BDUN GYI GONG DU KHYOD 'CHI'O ZHES PA'I SGRA MI SNYAN PA NAM MKHA' LAS THOS PA'I PHYIR RAM, PI SHA TZI TA 'DRE'I SKAD DU SMRA BA'I PHYIR SGRA MI SNYAN NO, ,GLING GANG GI DBYIBS CI 'DRA BA DE NA GNAS PA'I MI RNAMS KYI GDONG GI DBYIBS (DANG BUD MED KYI SKYE GNAS,) KYANG DE DANG 'DRA'O, ,SA'I DNGOS GZHI LAS NI NUB DANG BYANG GI TSAD 'DI DANG MTHUN LA LHO SHAR GNYIS RIM PA LTAR DPAG TSAD PHYED DANG BDUN STONG DANG BDUN STONG PAR @287 BSHAD DO, ,(RDO 'PHANGS BA'I MDOR, SHAR BRGYAD STONG, NUB DGU STONG, BYANG KHRIR BSHAD PA YANG SNANG NGO, ,) GLING BZHI PO DE'I BAR GYI GLING PHRAN BRGYAD PO RNAMS NI LUS 'PHAGS PO'I LHO NA LUS DANG BYANG NA LUS 'PHAGS ZHES BYA BA NI LUS 'PHAGS PO'I GLING G-YOG YIN NO, ,SGRA MI SNYAN GYI SHAR NA SGRA MI SNYAN DANG NUB NA SGRA MI SNYAN GYI ZLA DANG, GNYIS NI SGRA MI SNYAN GYI GLING G-YOG GO ,'DZAM BU'I GLING GI NUB NA RNGA YAB DANG SHAR NA RNGA YAB GZHAN GNYIS NI 'DZAM BU'I GLING GI GLING G-YOG YIN NO, ,BA LANG SPYOD KYI BYANG NA G-YO LDAN DANG LHO NA LAM MCHOG 'GRO (ZHES BYA BA GNAS SO, ,) GNYIS NI BA LANG SPYOD KYI GLING G-YOG YIN NO,, KHA CIG NA RE RNGA YAB NA SRIN PO GNAS SO ZHES ZER TE, DE YANG MI YIN PA'I PHYIR THAMS CAD NA MI GNAS SO, ,GLING DE RNAMS KYANG RTZA BA GSER GYI SA GZHI LA RTEN PA'O, ,'DI RNAMS KYI DBYIBS NI GLING GTZO BO DANG 'DRA LA, TSAD NI MNGON PAR MA GSUNGS SO, ,DUS 'KHOR LAS NI GLING GTZO BO'I PHYED PHYED DU GSUNGS KYI GTZO BO DANG NYE RING GI TSAD NI MA GSUNGS SO,, 'DZAM BU'I GLING GI RGYU MTSAN BYE BRAG TU BSHAD PA NI 'DZAM BU'I GLING 'DI NYID NAS GLING 'DI NYID KYI BYANG DU RI NAG PO GSUM YOD DO, ,DE NAS BYANG NA YANG RI NAG PO GSUM YOD DO, ,DE NAS YANG BYANG NA YANG GSUM STE DGU 'DAS PA'I PHA ROL NA GANGS RI DPAL DANG LDAN PA'O, ,GANGS RI DE 'DAS NAS NI (BYANG NGOS NA,) SPOS KYI NGAD LDANG BA'I RI YOD DO, ,GANGS RI'I PHA ROL SPOS KYI NGAD LDANG BA'I TSUR ROL DPAG TSAD BCU NA KLU'I RGYAL PO MA DROS PA'I GNAS ZABS DANG CHU DANG ZHENG DU DPAG TSAD LNGA BCU LNGA BCU YOD (PA KLU MA DROS,) PA'I (GNAS,) MTSO MA DROS PA ZHES BYA BA MTHA' SKOR DU DPAG TSAD NYIS BRGYAS 'KHOR BA'I GRU BZHI PA DBYIBS LEGS SHING BLTA NA SDUG LA MDZES PA YAN LAG BRGYAD DANG LDAN PA'I CHUS GANG BA, ME TOG AUPTAL DANG PAD MA DANG KU MU TA DANG PAD MA DKAR POS KHEBS PA YOD DE, DE'I NANG NAS GANG G'A LA SOGS PA CHU BO CHEN PO BZHI RE RE'ANG CHU BRAN LNGA BRGYA LNGA BRGYA DANG BCAS PA MTSO MA DROS PA LA G-YAS PHYOGS SU BSKOR NAS SHAR PHYOGS BRAG GLANG PO'I KHA DANG, LHO PHYOGS KHYU MCHOG GI KHA DANG, NUB PHYOGS RTA'I KHA DANG, BYANG PHYOGS SENG GE'I KHA LTA BU LAS BABS TE RIM PA LTAR SHAR LHO NUB BYANG GI RGYA MTSOR 'GRO STE GDAGS PA LAS, CHU KLUNG GANG G'A SINDHU PAKshU DANG, ,SI TA DPA' RLABS DBU BA'I PHRENG BA CAN, ,'BAB CING THAMS CAD GSAL BA'I CHU YIN TE, ,PHYOGS BZHI KHO RA KHOR YUG DANG NAS 'BYUNG, ,GANG G'A SHAR PHYOGS RGYA MTSOR 'GRO BA STE, ,SIN DHU LHO PHYOGS RGYA MTSOR 'GRO BA YIN, , @288 PAKshU YANG NI NUB PHYOGS RGYA MTSOR 'GRO, DE'I BYANG PHYOGS RGYA MTSO SI TA 'GRO, CHU KLUNG RAB MCHOG BZHI PO 'DI DAG NI, ,MCHOG TU BZANG ZHING SO SOR 'BAB PA STE, ,RE RE ZHING YANG LNGA BRGYA KHYER NAS NI, , CHU YI RGYUD RNAMS RGYA MTSO CHEN POR 'GRO ZHES 'BYUNG NGO, ,'GREL PA LAS, DER NI RDZU 'PHRUL DANG MI LDAN PA'I MIS BGROD PAR DKA'O, ,ZHES BSHAD LA, LUNG SMAN GYI GZHI LAS KYANG, GNOD SBYIN GTUM PO MI BZAD GNAS PA YID 'ONG ZHING, ,ME TOG SNA TSOGS SHING GIS RNAM PAR MDZES BYAS PAS, , DE LAS RGYA MTSO DUG CAN DAG TU 'GRO BA YI, ,CHU BO BZHI PO 'DI DAG PHYOGS BZHIR 'BAB, ,GANG G'A SIN DHU DE BZHIN PAKshU DANG, ,SI TA DE LA RDZU 'PHRUL STOBS THOB PA, ,MA GTOGS MI RNAMS KYIS NI MI BGROD PA, ,DER NI THOB PA DGE 'DUN BCAS PA BZHUGS ZHES GSUNGS SO,, PHAL CHEN LAS NI CHU KLUNG BZHI PO DE DAG GO RIM BZHIN DU PHYOGS BZHI'I DNGUL DANG GSER DANG BEEd'URYA DANG RDO RJE'I KHA DOG CAN GYI BRAG GLANG PO CHE LA SOGS PA'I KHA'I SGO DPAG TSAD TZAM NAS BABS TE RIM PA LTAR DNGUL DANG GSER DANG BEEd'URYA DANG, RDO RJE'I BYE MA 'DREN CING DE DAG GI BYE MA LA GNAS NAS MA DROS PA LA LAN BDUN BDUN G-YAS PHYOGS SU BSKOR NAS PHYOGS BZHI'I RGYA MTSOR 'GRO LA, G-YAS PHYOGS SU BSKOR BA'I BAR GYI GLING DE DAG KYANG LHA RDZAS KYI ME TOG SNA TSOGS KYIS MDZS PAR BYAS PA DANG, MA DROS PA'I SA GZHI YANG RIN PO CHE'I GSEG MA BDAL CING RIN PO CHE SNA TSOGS PAS BRGYAN LA, NGOS KYANG RIN PO CHE SNA TSOGS KYIS BRTZIGS PA LTA BUR GNAS PAR GSUNGS SO, ,DE'I PHYIR DE NI 'DZAM BU'I GLING GI CHU KLUNG THAMS CAD KYI 'BYUNG KHUNGS DANG, ME TOG DANG 'BRAS BU DANG SMAN DANG NAGS TSAL LA SOGS PA DANG, RGYA MTSO'I RIN PO CHE THAMS CAD KYANG DE'I MTHUS 'BYUNG STE, SDUD PA TSIGS SU BCAD PA LAS, 'DZAM BU'I GLING 'DIR CHU KLUNG JI SNYED CIG 'BAB CING, ,ME TOG 'BRAS LDAN SMAN DANG NAGS TSAL SKYED BYED PA, ,MA DROS GNAS PA'I KLU DBANG KLU BDAG BRTEN NAS TE, ,DE NI KLU YI BDAG PO DE YI MTHU DPAL YIN ZHES PA DANG, DPER NA MA DROS GNAS PA'I KLU BDAG MED GYUR NA ('DZAM BU'I GLING 'DIR CHU KLUNG 'BAB PAR GA LA 'GYUR, ,CHU KLUNG MED NA ME TOG 'BRAS BU 'BYUNG MI 'GYUR, ,RGYA MTSO LA YANG RIN CHEN GZUGS MANG MED PAR 'GYUR,) ZHES GSUNGS PA'I PHYIR RO, ,(MTSO DE'I G-YAS ROL NA 'JIG RTEN CHAGS PA'I TSE KHAMS SNYING PO ZONG GI MCHOG LAS RLUNG GIS BSDUS PA LAS GRUB PA SHING CHEN BZHI'I YA GYAL,) MTSO DE'I 'GRAM NA SHING 'DZAM BU ZHES BYA BA GANG LA 'BRAS BU MNGAR PO RDZA MA TZAM DANG LDAN PA DE SMIN PA CHU'I NANG DU LHUNG BA LAS 'DZAM BU ZHES BYA BA'I SGRA 'BYUNG BA YOD DE, DE KLU'I RGYAL PO RNAMS KYIS @289 NYAR SPRUL NAS ZA BAR BYED DO, ,MA ZOS PA CHU'I NANG DU LHUNG BA RNAMS NI MA DROS PA'I CHU DANG PHRAD PAS 'DZAM BU CHU BO'I GSER DU 'GYUR RO, ,SHING DES MTSON PA'I PHYIR RAM, YANG NA SHING DE'I 'BRAS BU'I DBANG GIS GLING 'DI NI 'DZAM BU'I GLING ZHES BYA'O,, (GDAGS PAR GANGS RO'I NYE 'KHOR DU BSHAD,) RI SPOS KYI NGAD LDANG GI BYANG DU DPAG TSAD NYI SHU 'DAS PA NA BRAG GSER GYI BYA SKYIBS CAN LHA MA YIN GYI NGOS ZHES BYA BA NGOS RE LA DPAG TSAD LNGA BCU LNGA BCU YOD PA MTHA' SKOR NA DPAG TSAD NYIS BRGYAS 'KHOR BA STENG DU DPAG TSAD PHYED DANG BZHI 'PHAGS PA (KHOR YUG TU GSER GYI,) BRAG G-YOG (BYA SKYIBS,) BRGYAD STONG DANG BCAS PA DANG, (LAM SRID DU DPAG TSAD NYI SHU PA ZHENG DU PHYED DANG GNYIS PA,) BRAG DE'I BYANG DU DPAG TSAD NYI SHU 'DAS PA NA SHING S'A LA'I RGYAL PO RAB BRTAN ZHES BYA BA S'A LA'I PHRENG BA RIM PA BDUN GYIS BSKOR BA ZHIG YOD DE, S'A LA'I RGYAL PO'I RTZA BA NI 'DOM BZHI BCU THUR DU ZUG PA S'A LA'I SDONG PO'I PHRENG BA RIM PA BDUN GYIS BSKOR BA'I RIM PA DANG PO'I RTZA BA 'DOM BCU GSUM THUR DU ZUG PA NAS BDUN PA'I RTZA BA 'DOM BDUN GYI BAR DU ZUG PA (GYEN DU 'PHAGS PA NI RIM PA DANG PO DPAG TSAD BCU GSUM NAS BDUN PA DPAG TSAD BDUN GYI BAR DU'O, ,) S'A LA'I RGYAL PO'I YAL GA LO 'DAB KYIS S'A LA'I PHRENG BA DANG PO LA THUG PA NAS PHRENG BA DRUG PA'I YAL GA LO 'DAB KYIS PHRENG BA BDUN PA LA THUG CING BDUN PA'I YAL GA LO 'DAB NI NAM MKHA' KHYAB PA'O, ,SHING DE'I SHAR DU DPAG TSAD NYI SHU 'DAS PA NA RDZING BU DAL GYIS 'BAB CES BYA BA CHU ZHENG DU DPAG TSAD LNGA BCU LNGA BCU YOD PA MTHA' SKOR LA DPAG TSAD NYIS BRGYAS 'KHOR BA RDZING G-YOG BRGYAD STONG DANG BCAS PA YOD DO, ,BRGYA BYIN GYI G-YUL NGOR SPYOD PA'I GLANG PO CHE RAB BRTAN NI GLANG G-YOG BRGYAD STONG DANG BCAS TE DGUN (DANG DPYID DANG DBYAR,) ZLA BA BZHI (BZHIR RIM PA LTAR,) BRAG GSER GYI BYA SKYIBS LHA MA YIN GYI NGOS DANG DPYID ZLA BA BZHI S'A LA'I RGYAL PO RAB BRTAN GYI DRUNG DANG, DBYAR ZLA BA BZHI RDZING BU DAL GYIS 'BAB TU GNAS SO,, ('DI'I LUS KYI TSAD NI SRID DU DPAG TSAD PHYED DANG GSUM, ZHENG DU GCIG PA MTHA' BDUN GYIS 'KHOR BA, 'PHANG DU PHYED DANG GNYIS PA STE, LUS DKAR PO MGO SNGO LA MGO BO'I DBUS DMAR BA MCHE BA DRUG DANG LDAN PA GNAS GZHAN DU 'GRO BA NA THA MAL PA'AM, LHA'I RDZU 'PHRUL CHE BA GANG RUNG DU SPRUL NAS GLANG PO DAG GI MCHOG LA ZHON NAS SIL SNYAN LA SOGS PA RGYA CHER BYED CING 'GRO'O, ,DER GNAS PA NA 'KHOR RNAMS KYIS KHA NANG DU LTAS PHRENG BA RIM BDUN GYI SA LA PAD MA'I RTZA BA ZA'O, ,) GZHAN YANG GLING 'DI'I NUB NA AU RGYAN RDO RJE CHEN PO'I PHO BRANG NA RIG PA 'DZIN PA RNAMS KYI GNAS DANG, @290 LHO PHYOGS RGYA MTSO'I GLING NA RI GRU 'DZIN ZHES BYA BA'I RTZE MO NA 'PHAGS PA SPYAN RAS GZIGS DBANG PHYUG DANG, RTZA BA NA RJE BTZU MA SGROL MA BZHUGS PA'I GNAS DANG, RGYA'I RI BO RTZE LNGA NA 'PHAGS PA 'JAM DPAL BZHUGS PA'I GNAS DANG, YUL DBUS NA DUS GSUM GYI SANGS RGYAS BZHUGS PA'I RDO RJE'I GDAN ME DANG CHU DANG RLUNG GIS 'JIG PAR MI 'GYUR BA (DANG, GRONG KHYER CHEN PO DRUG) YOD DO, ,GZHAN YANG 'DZAM BU'I GLING 'DI NA (MTHA' KHOB NA THO DKOR DU, RGYA YUL DANG HU NA DANG PHU NA DANG KAM PO RTZE DANG SHA KHA DANG SPAL KHA DANG KHYI GDONG DANG WA GDONG DANG KRI BA SHA'I GDONNG DANG GNAM GDONG DANG PHYIR PHYOGS GDONG DANG GSHOG THOGS GCER BU DANG SGYUS TE 'GRO BA DANG SNA MED DANG, KLAG KRA STE,) YUL CHEN PO BCU DRUG DANG, YUL PHRAN STONG DANG, MI RIGS MI 'DRA BA SUM BRGYA DRUG CU DANG, SKAD RIGS MI 'DRA BA BDUN BRGYA NYI SHU YOD DO ZHES GRAG GO, 2. SEMS CAN GYI GNAS BSTAN PA, GNYIS PA SEMS CAN GYI GNAS BSTAN PA LA NGAN SONG GI GNAS NI 'DZAM BU'I GLING 'DI NYID KYI 'OG DPAG TSAD STONG PHRAG NYI SHU 'DAS PA NA DMYAL BA CHEN PO MNAR MED PA'I GNAS KYI YA THOG YOD DO, , GNAS DE'I TSAD (KYANG PHYOGS RER,) STONG PHRAG NYI SHU PA GRU BZHIR GNAS PA'I PHYIR DE TZAM MO ZHES BYA'O, (GLING 'DI'I NANG DU JI LTAR CHUD CE NA, GLING RNAMS NI ZANG YAG MA YIN GYI 'BRU'I PHUNG PO LTAR GNAS PAS,) DES NA DE'I 'OG GZHI NI 'DI NAS DPAG TSAD BZHI KHRI NA YOD DO,, (DZNY'AN SHR'I RI RAB KYI 'OG ZER,) DER GNAS PA'I SEMS CAN DE DAG SDUG BSNGAL GYIS NGAL BSOR MED PAS SDUG BSNGAL BAR CHAD MED PA'I PHYIR MNAR MED PA'O, ,MNAR MED PA DE'I STENG NA YAR RAB TU TSA BA DANG TSA BA DANG DU 'BOD CHEN PO DANG DU 'BOD DANG BSDUS 'JOMS DANG THIG NAG DANG YANG SOS TE TSA BA'I DMYAL BDUN GONG NAS GONG DU BRTZEGS TE GNAS SO,, (MDZOD 'GREL DU) KHA CIG NA RE BDUN PO DE DAG MNAR MED KYI GLO DAG NA GNAS , SO ZHES ZER RO,, SA'I DNGOS GZHI LAS NI (RI GANGS CAN,) 'DI NAS DPAG TSAD SUM KHRI NYIS STONG GI 'OG NA YANG SOS YOD LA GZHAN BDUN PO RNAMS KYI BAR NA DPAG TSAD BZHI STONG BZHI STONG YOD PAR BSHAD DE, DE DANG 'DIR BSHAD PA'I MNAR MED KYI GNAS KYI 'PHANGS SU DPAG TSAD NYI KHRI YOD PA GNYIS BSTUN NA 'DI NAS DPAG TSAD BRGYAD KHRIR 'GYUR BAS MNAR MED KYI GNAS KYI 'OG GZHI GSER GYI SA GZHI LA GNAS PA @291 MNGON NO, ,DE LA YANG SOS NI SEMS CAN DE DAG SNGON GYI LAS KYIS MTHUS LAG NA MTSON CHA SNA TSOGS ('BYUNG STE DE DAG) THOGS NAS PHAN TSUN DGRA'I 'DU SHES KYIS MTSON CHA RNAMS 'DEBS TE, DE DAG DUM BUR BYAS PAS BRGYAL BA LTAR GNAS PA NA (RLUNG BSIL BA LDING ZHING,) NAM MKHA' LAS YANG SOS PAR GYUR CIG CES BYA BA'I SGRA 'BYUNG STE SEMS CAN DE DAG YANG SOS PA NA PHAN TSUN 'THAB PAR BYED DO, ,(ZHE SDANG DRAG POS BSLANG BA'I LAS DANG 'KHON 'DZIN CAN DANG MI GSOD PA DAG DER SKYE'O,,) THIG NAG NI SEMS CAN DE DAG GI LUS LA THIG NAG PO BTAB NAS SPYI BO NAS RKANG PA'I BAR DU SOG LE LA SOGS PAS GSHAG PAR BYED PA NA STOD GSHAG PA NA SMAD SOS PAR 'GYUR LA SMAD GSHAG PA NA STOD SOS PAR 'GYUR BA DAG YOD DO,, ('DIR NI DKON MCHOG GSUM DANG PHA MA DANG NYAN RANG LA SDANG BA DANG BYA BA MA YIN PA LA BSKUL BA DANG RDZUN DANG PHRA MA SMRA BA DANG G-YO SGYU BYED PA DAG SKYE'O, ,) BSDUS 'JOMS NI SEMS CAN DE DAG LCAGS KYI THO BAS BRDUNGS PA DANG LCAGS KYI RI LUG GI GDONG BA 'DRA BA DAG GI BAR DU RNAM PAR 'JOMS SHING 'TSIR BAR BYED DE, PHYIR GYED PA NA RANG SOS PAR 'GYUR LA YANG 'JOMS PAR BYED PA DAG YOD DO, ,('DIR NI BA LANG RA LUG DANG RI DVAGS GSOD PA LA DGA' BA DANG LUS KYI MI DGE BA GSUM SHAS CHER SPYOD PA DAG SKYE'O,,) NGU 'BOD NI LCAGS KYI SA GZHI ME 'BAR BAS 'JIGS TE NAGS THIBS POR ZHUGS PA NA ME 'BAR TE DE DAG LO MANG POR SREG PA DANG, LAS KYI DBANG GIS LCE DPAG TSAD STONG YOD PA LA RVA DANG RMIG PA LCAGS LAS GRUB PA'I GLANG GIS DRUD PA'I LCAGS KYI THONG SHOL ME 'BAR BAS RMOD PAR BYED PA YIN NO, , ('DIR NI SROG GCOD CING KHRAG 'THUNG BA LA DGA' BA DANG GZHAL PA SBYU BYED PA DAG SKYE'O,,) NGU 'BOD CHEN PO NI DE LTA BU LA DE BAS SDUG BSNGAL NYIS 'GYUR KYIS CHE BA'O (LTA NGAN 'DZIN PA DANG SRED PA CHE BA DANG SGYU BYED PA DAG DER SKYE'O, ,) TSA BA NI LCAGS KYI BUM PA SUM RIM GYI NANG DU SKYES NAS ME 'BAR BAS 'TSED CING SREG PAR BYED PA'O, ,(DGE SPYOD BRAM ZE DANG PHAM DANG SEMS CAN MANG PO LA GNOD PA BYED PA DAG DER SKYE'O,,) RAB TU CHE BA NI DE LTA BU LAS SDUG BSNGAL NYIS 'GYUR GYIS CHE BA'O,, (MCHOD 'OS BSAD BA DAG SKYE,,) MNAR MED PA NI LCAGS KYI KHANG PA'I NANG DU LUS ME LCE GCIG TU 'BAR ZHING SDUG BSNGAL MYONG STE, (GANG ZHIG CHOS LA CHOS MIN DANG, ,CHOS MA YIN PA CHOS SU SMRA, ,SKYE BO DAM PA DAG LA SDANG, ,MED PAR SMRA BA MNAR MED LTUNG ZHES PA DAG 'DIR SKYE'O,,) DE LTAR BRGYAD PO DE DAG NI TSA BA'I SDUG BSNGAL SHAS @292 CHE BAS TSA BA'I DMYAL BA BRGYAD CES BYA BA YIN NO, ,TSA DMYAL BRGYAD PO KUN LA'ANG PHYOGS KYIS LHAG PA (PHYE BAS 'KHOR,) BCU DRUG BCU DRUG YOD DO, ,GANG ZHE NA, TSA DMYAL DE DAG GI NI NGOS BZHI NA BZHI BZHI YOD PA'I PHYIR RO, ,(BZHI PA NI,) TSA BA'I SDUG BSNGAL GYI DNGOS GZHI LAS THAR PA NA ME MAR MUR GYI 'OBS PUS MO NUB PA TZAM YOD DE, DE LA DMYAL BA DE DAG 'GRO BA NA RKANG PA'I PAGS PA DANG SHA KHRAG DAG ZHIG STE RUS PA 'BA' ZHIG LUS SHING YANG RKANG BA BTEG PA NA SLAR SHA SKYE BA DANG, DE RGAL BA NA RO MYAGS KYI 'DAM ZHES BYA BA MI GTZANG BA'I 'DAM RDZAB RKED PA NUB PA TZAM YOD DE, DE LA DMYAL BA DAG 'GRO BA NA SRIN BU MCHU RNON ZHES BYA BA LUS DKAR LA MGO GNAG PAS LCAGS KYI MCHUS RUS PA'I BAR DU ZANG THAL DU 'BYIN PA DANG, DE DAG LAS THAR PA NA MTSON CHA'I BSKOR ZHES BYA BA SPU GRI (RAB TU RNO BA,) GTAMS PA'I LAM ZHES BYA BA (SPU GRI) RAB TU RNO BA GTAMS PA'I THANG LA 'GRO BA NA RKANG PA 'JOG PA DANG 'DEGS PA NA SHA KHRAG 'JIG PA DANG SKYE BAR BYED PA DAG YOD DO, ,SOGS PA'I SGRAS GZUNG BA GANG DU RAL GRI RNON PO RNAMS LHUNG NAS YAN LAG DANG NYING LAG RNAMS GCOD PA RAL GRI LO MA'I NAGS TSAL DANG, DE NA KHYI SRE BO LCAGS KYI MCHE BA CAN (GYIS SGYEL NAS SGAL TSIGS PHYUNG BA,) DANG, LCAGS KYI SHAL MA LI'I SDONG PO TSER MA RNON PO SOR BCU DRUG PA SEMS CAN DE DAG 'BAB 'DZEG BYED PA NA KHA GYEN THUR DU LTA BAS LUS 'BIGS PA DANG, STENG NA BYA KHVA TA 'DAB 'JIGS ZHES BYA BA LCAGS KYI MCHU CAN RNAMS KYIS MIG PHYUNG NAS ZA BA RNAMS TE, DE DAG RNAMS NI MTSON CHA'I SKOR ZHES GCIG TU BGRANG NGO, ,DE'I PHYIR t'I KA BYED DAG GIS KYANG, KHYI SRE BO NI NAGS TSAL RAL GRI LTA BU NA YOD LA, KHVA TA LCAGS KYI MCHU CAN NI SHAL MA RI'I NAGS NA YOD PA'O ZHES BSHAD DO, ,DE'I PHA ROL NA THAL TSAN GYI CHU BO RAB MED PA YOD DE DER DMYAL BA DAG 'BRAS 'TSED PA BZHIN DU 'TSED PA YIN NO, ,(LCAGS KYI DRA BAR BCUG NAS LCAGS BSREGS KYIS GZHI LA GAN RKYAL DU BZHAG NAS SRUNGS MA DAG GIS CI 'DOD DRIS PA NA, BDAG CAG GIS KYANG MI SHES MI MTHONG STE, 'ON KYANG BDAG BKRES SO ZHES ZER BA DANG THU LUM 'BAR DANG ZANGS ZHUN KHAR BLUG PAS KHA LKOG RGYU MA BSREG PA'I SDUG BSNGAL MYONG STE, 'DI DAG GI RGYU YANG RIM PA BZHIN BSLAB PA NYAMS PA DANG LOG 'TSO SPYAD PA DANG, CHOS KYI STEGS 'JIG PA DANG, BAG PHAB LA GNOD PA BYED PA DANG, CHU LA GNAS PA GSOD PA LA SOGS PA'O, ,SRUNGS MA DE DAG SEMS CAN YIN MIN ZHE NA BYE BRAG SMRA BA, SEMS CAN YIN TE DES BYAS PA'I LAS DE YANG DMYAL BA DE NYID DU SMIN NO ZHES 'DOD DO, ,DE DAG DMYAL MES MI 'TSIG PA NI LAS KYIS MTSAMS BCAD PAS SO ZHES SO, ,MDO SDE PA LAS KYI DBANG @293 GIS 'BYUNG BA NYID SEMS CAN LTAR SNANG BAS GZUGS SU 'DOD DO, ,SEMS TZAM PA RANG GI SEMS SU 'DOD PA NYID LEGS SO, ,) DE LTAR NA PHYOGS RE NA BZHI BZHI'I BYE BRAG GIS BCU DRUG TU BGRANG NGO, , DE DAG NI GNOD PA LHAG PA'I GNAS YIN PA'I PHYIR LHAG PA ZHES BYA STE, DMYAL BA CHEN PO DAG TU GNOD PA BYAS NA YANG 'DI DAG TU GNOD PA BYED PA'I PHYIR RO,, DE DAG LA NI NYE 'KHOR BA'I DMYAL BA ZHES KYANG BYA STE, YONGS SU GDUNG BA DANG BCAS PA DANG YONGS SU GDUNG BA MED PA BSTAN PA'I MDO LAS, YANG SOS DANG NI THIG NAG DANG, ,BSDUS 'JOMS NGU 'BOD GNYIS DANG NI, ,TSA BA RAB TU TSA BA DANG, ,MNAR MED PA ZHES BYA BA STE, ,DE LTAR DE DAG DMYAL BA NI, ,BRGYAD CES BYA STE RGAL BAR DKA', ,DRAG PO'I LAS KYIS KUN TU GANG, ,RE RE LA YANG LHAG BCU DRUG ,RTZIG PA BZHI DANG SGO BZHI STE, ,RNAM PHYE RIS SU CHAD PA YIN, ,LCAGS KYI RA BAS KUN TU BSKOR, ,LCAGS DAG GIS NI GANG BA YIN, ,DE NA LCAGS 'BAR SA GZHI STE, ,'BAR BA'I ME DANG LDAN PA YIN, ,DPAG TSAD BRGYA PHRAG DU MAR NI, ,ME LCE DAG GIS KHYAB PAR GNAS, , ZHES GSUNGS PA YIN NO,, GRANG BA'I DMYAL BA NI HA CANG GRANG BAS NYEN PAS LUS CHU BUR CAN DANG, SOGS PAS BSDUS PA DE BAS KYANG GRANG BAS CHU BUR RDOL BA CAN DANG GRANG BAS NYEN PAS SO BSDAMS NAS SRAN PA NI SO THAM THAM PA DANG, GRANG BAS SMRE SNGAGS SU AA CHU ZER BA DANG, SMRE SNGAGS SU KYI HUD ZER BA DANG, LUS GRANG BAS AUTPALA'I 'DAB MA LTAR DU MAR GAS PA DANG, DE BAS KYANG GRANG BAS LUS PADMA'I 'DAB MA LTAR GAS PA DANG, DE BAS KYANG CHES GRANG BAS PADMA LTAR CHER GAS PA STE, (GSUM NI SKAD KYI DANG LNGA NI LAS KYI SGO NAS MING BTAGS PA STE,) DE LTAR GRANG BA'I DMYAL BA BRGYAD NI TSA DMYAL LAS GZHAN YIN NO, ,DE LA DANG PO GNYIS DANG PHYI MA GSUM STE LNGA NI LUS 'GYUR BA DANG MTHUN PA'I MING DANG, LHAG MA GSUM NI SGRA 'GYUR BA DANG MTHUN PA'I MING NGO, ,DE DAG KYANG 'DZAM BU'I GLING GI 'OG TSA DMYAL GYI THAD KA'I BYANG PHYOGS 'KHYAG RUM GYI NANG NA GNAS SO, ,SLOB DPON GANG SPEL NI GRANG DMYAL BRGYAD NI YANG SOS LA SOGS PA RNAMS KYI NGOS BZHIN 'KHOR LTA BUR GNAS PAR 'DOD LA, DE'I t'I KA LAS, KHA CIG NI RGYA MTSO CHEN PO DANG NYE BA NA GNAS PAS GRANG BA YIN NO ZHES 'DOD CING, KHA CIG NA RE, GRANG DMYAL GYI GNAS NI KHOR YUG GI RI GLING BZHI YONGS SU BSKOR BA'I NGOS NA GCIG TU MUN GNAG TU GYUR PA YIN NO ZHES ZER RO ZHES 'BYUNG NGO, ,SA'I DNGOS GZHI LAS NI, DMYAL BA YANG SOS KYI THAD KA DPAG TSAD BZHI KHRI'I PHA @294 ROL NA CHU BUR CAN YOD PA, GRANG DMYAL GZHAN BDUN NI DE NAS DPAG TSAD NYIS STONG NYIS STONG GI 'OG NA GNAS SO ZHES BSHAD DO, ,('DI DAG TU SKYE BA'I RGYU NI RTEN GSUM GYI NA BZA' BSHUS PA DANG CHOS 'CHUD PA'I MDUN KHANG BSHIG PA DANG PHA MA DANG SDUG BSNGAL BA'I GOS BSHUS PA LA SOGS PA YIN NO, , GRANG DMYAL LAS TSA DMYAL SDUG BSNGAL CHE LA, SPYIR DMYAL BA'I SDUG BSNGAL LA BSHES SPRING LAS, 'DI NA NYIN GCIG MDUNG THUNG SUM BRGYA YIS, ,RAB TU DRAG BTAB SDUG BSNGAL GANG LAGS PA, ,DE YIS DMYAL BA'I SDUG BSNGAL CHUNG NGU YIS, ,'OL YANG MI BGYID CHAR YANG MI PHOD DO, ,ZHES BSHAD DO,,) DE LTAR NA TSA GRANG GI DMYAL BA DE DAG SO SO'I LAS GANG LAS BYUNG BA NI DRAN PA NYER GZHAG LA SOGS PA'I MDO LAS SHES PAR BYA STE YI GE MANGS SU DOGS NAS MA BRIS SO, , NYI TSE BA'I SEMS CAN DMYAL BA NI MI'I YUL GYI MYA NGAM GYI THANG STONG PA LA SOGS PA (DANG RGYA MTSO'I 'GRAM DANG 'OG NA'ANG YOD PAS,) NA (NGES PA MED CING,) NYIN ZHAG RE LA DMYAL BA DANG MTHO RIS KYI BDE BA 'DREN MAR MYONG BA STE, LUNG KO LPAGS KYI GZHI LAS, NYIN PAR GZHAN GYI SROG GCOD CING, , NUB MO TSUL KHRIMS YON TAN LDAN, ,LAS DE'I 'BRAS BYA BZANG PO DANG, ,SDIG TO 'DI NI MYONG BA YIN ZHES PA DANG, MTSAN MO BYI BA BYED LA CHAGS, ,NYIN PAR TSUL KHRIMS YON TAN LDAN, ,LAS DE'I 'BRAS BU BZANG PO DANG, ,SDIG TO 'DI NI MYONG BA YIN ZHES NYI TSE BA DAG GIS TSONG DPON GRO ZHUN SKYES LA SMRAS PA BZHIN NO, ,DE DAG GIS NI DMYAL BA BSHAD ZIN TO, , YI DVAGS KYI GNAS KYI RTZA BA (NI RGYA MTSO CHEN PO YIN LA DE DAG GI) RGYAL PO'I KHAB NI 'DZAM BU'I GLING 'DI NYID KYI 'OG DPAG TSAD LNGA BRGYA 'DAS PA NA YI DVAGS KYI GRONG KHYER SER SKYA ZHES BYA BA YOD DE, DE NA YI DVAGS KYI GTZO BO CHOS KYI RGYAL PO GSHIN RJE ZHES BYA BA 'PHEN BYED MI DGE BAS BYAS SHING RDZOGS BYED DGE BAS BYAS PA LHA'I DPAL LTA BU MYONG BA ZHIG YOD DE, (KHA 'THOR BA NI LHA MI'I GNAS NA'ANG YOD DE, THANG DANG CHU DANG NAM MKHA'I SPYOD YUL PA DAG YIN NO, ,RGYAL PO) DE'I 'KHOR NA YI DVAGS KYI RIS SUM CU RTZA DRUG YOD PAR DRAN PA NYER GZHAG LAS BSHAD DE, 'DI LTAR, LTO GUG KHA KHAB LTAR PHRA DANG, , BSHANG ZA KUN STON DRI ZA DANG, ,CHOS ZA SBYIN PA ZA BA DANG, ,CHU 'THUNG BSAM PAS 'TSO BA DANG, , MCHIL MA ZA DANG PHRENG PA ZA, ,KHRAG ZA SHA ZA BDUG PA ZA, ,DRAG SHUL SPYOD DANG GLAGS LTA DANG, , SA 'OG GNAS DANG MTHU BO CHE, ,MTSAN MO LUS 'BAR MI GLAGS LTA, ,'DOD GZUGS GLING BAR GNAS PA DANG, ,GSHIN RJE'I DBYUG PA BYIS PA ZA, ,TSANGS SRIN 'BRU YI SHUN PA ZA, ,MI GTZANG ZA @295 DANG LAM CHEN GNAS, ,MANG DU ZA DANG ME 'DAG ZA, ,DUG ZA DGON PAR GNAS PA DANG, ,DUR KHROD GNAS DANG SHING LA GNAS, ,LAM GYI BZHI MDOR GNAS PA DANG, ,BDUD KYI SDE STE SUM CU DRUG CES BYA BA DAG YIN NO,, SA'I DNGOS GZHI LAS NI BKRES SKOM GYIS GDUNGS NAS CHU KLUNG LA SOGS PAR PHYIN PA NA SKYES BU MTSON CHA SNA TSOGS THOGS PAS SRUNG BA DANG, CHU LA SOGS PA'ANG RNAG KHRAG TU MTHONG STE LONGS SPYAD DU MI RUNG BAR 'GYUR BA ZAS SKOM LA PHYI ROL GYI SGRIB PA YOD PA DANG, GZHAN GYIS GEGS MA BYAS PAR ZAS SKOM RNYED KYANG KHA DANG MGRIN PA DANG RKANG LAG PHRA ZHING LTO CHE BA LA SOGS PAS LONGS SPYAD PAR MI NUS PA ZAS SKOM LA NANG GI SGRIB PA YOD PA DANG, YI DVAGS ME LCE'I PHRENG BA CAN DANG, LJAN LJIN ZA BA LA SOGS PA KHA CIG GI ZAS SKOM GYIS LUS 'TSIG PA DANG, BSHANG GCI LA SOGS PAR 'GYUR BA DANG, KHA CIG RANG GI SHA BCAD CING ZA BA TZAM LAS BZA' BTUNG BSOD PA LONGS SPYAD PAR MI NUS PA ZAS SKOM LA SGRIB PA YOD PA ZHES BYA BA YI DVAGS KYI RIGS GSUM BSHAD DO,, KHA 'THOR BA NI DE DAG LAS 'PHROS PA STE, MKHA' LA RGYU BA'I YI DVAGS RDUL KHROD KYI SHA ZAR BGRANG BA LA SOGS PA RNAMS YIN NO, ,YI DVAGS KHA 'THOR BA NI MYA NGAM GYI THANG LA'ANG YOD PAR BSHAD DE, KO LPAGS KYI GZHI DE NYID LAS, BDAG CAG NGAG RTZUB KHRO LDAN ZHING, ,BDAG CAG SER SNAS 'JUNGS PAS NA, ,SBYIN PA CUNG ZAD MA BTANG DES, ,BDAG CAG YI DVAGS 'JIG RTEN LHAGS ZHES PA DANG, NAD MED RGYAGS PAS MYOS PA DANG, ,LANG TSO LONGS SPYOD DREGS MYOS STE, ,SBYIN PA CUNG ZAD MA BTANG DES, ,BDAG CAG YI DVAGS 'JIG RTEN LHAGS ZHES GRO ZHUN SKYES RGYA MTSO'I 'GRAM DU 'KHYAMS PA LA YI DVAGS RNAMS KYIS SMRAS PA YIN NO, ,BYE BRAG TU SMRA BA NI DMYAL BA NA'ANG YOD PAR 'DOD DE, DMYAL BSRUNGS GSHIN RJE RNAMS YI DVAGS KYI SDER GTOGS PA'I PHYIR RO, ,DE NYID KYI PHYIR SLOB DPON CHOS LDAN RAB 'BYOR GYIS 'GRO BA DRUG GI TSIG LE'UR BYAS PA LAS KYANG, GANG DAG KHRO ZHING GTUM LAS DANG, , SDIG LA MNGON PAR DGA' BA DANG, ,SDUG BSNGAL BA LA DGA' DE DAG ,GSHIN RJE'I SRIN POR SKYE BAR 'GYUR, ,ZHES BSHAD DO ZHES 'DOD DO,, MDO SDE PA NA RE DE NA DMYAL BA MIN PA'I SEMS CAN NI MED DE, MI DGE BA'I DBANG 'BRAS PHYI ROL GYI DON NYID GSHIN RJE'I SKYES BU DANG LCAGS KYI KHYI DANG KHVA TA 'DAB 'JIGS LA SOGS PAR SNANG BA'I PHYIR RO ZHES ZERRO, ,RNAL 'BYOR SPYOD PA PA DANG DBU MA PA RNAMS NI DE LTAR GNAS LA SOGS PA NGES PAR @296 BSTAN PA NI SEMS CAN DE DAG GI BSAM PA DANG MTHUN PAR BSHAD PA YIN GYI, DE DAG NA DMYAL BA MA GTOGS PA'I SEMS CAN GZHAN DAG KYANG YOD PA MA YIN LA, PHYI ROL GYI DON YANG MA YIN GYI, RANG GI SEMS NYID MI DGE BA'I STOBS KYIS GSHIN RJE'I SRIN PO DANG, LCAGS BSREGS KYIS GZHI DANG ME 'BAR BA DANG 'JIGS PA'I SNANG BAR SKYES NAS GDUNG BAR BYED DO ZHES 'DOD DE, SPYOD 'JUG LAS, SEMS CAN DMYAL BA'I MTSON CHA RNAMS, ,SU ZHIG GIS NI CHED DU BYAS, ,LCAGS BSREGS SA GZHI SU YIS BYAS, ,ME TSOGS DE DAG CI LAS BYUNG, ,DE 'DRA DE DAG THAMS CAD NI, ,SDIG SEMS BYUNG BAR THUB PAS GSUNGS ZHES BSHAD PA'I PHYIR RO, ,DUD 'GRO PHAL CHE BA'I GNAS NI PHYI'I RGYA MTSO NA GNAS LA, KHA 'THOR BA NI MI DANG 'DOD LHA'I GNAS DANG, BYE BRAG TU SMRA BA DMYAL BA NA'ANG YOD PAR 'DOD DO,, LHA MA YIN NI RI RAB KYI CHU MTSAMS MAN CHAD KYI KHONG GSENG NA GNAS TE, DE YANG DRAN PA NYER GZHAG LAS RI RAB KYI CHU MTSAMS MAN CHAD LA DPAG TSAD BRGYAD KHRI BZHI STONG YOD PA'I NANG NA SA GZHI BZHI YOD PA'I DANG PO NI CHU MTSAMS NAS DPAG TSAD KHRI CHIG STONG GZHAL BA'I KHONG STONG NAS GZHI DANG PO DPAG TSAD NYIS KHRI CHIG STONG YOD PA NA GRONG KHYER 'OD LDAN ZHES BYA BA DPAG TSAD BRGYAD STONG YOD PA NA SENG GE MO'I BU SGRA GCAN DANG, DE NAS KHRI CHIG STONG GZHAL BA'I KHONG STENG NAS GZHI GNYIS PA YUL SA THA DAD PA ZLA BA'I PHRENG BA ZHES BYA BA NA GNYIS SHING RTZEB DANG SKAR PHRENG GI GRONG NA MGUL PHRENG DANG BRTAN PA GNYIS DANG, SKAR PHRENG GI DBUS NA MTSO KUN MTHONG ZHES BYA BA CHU ZHENG DPAG TSAD LNGA LNGA YOD PA ZHIG LA LHA DANG LHA MA YIN G-YUL 'GYED PA DANG PHAM RGYAL DANG G-YUL DU 'CHI BA DANG, MI CHOS DANG LDAN PA SHI NAS LHAR SKYE LA DE'I MTHUS LHA RNAMS RGYAL ZHING LHA MA YIN RNAMS PHAM PAR 'GYUR BA ME LONG LA GZUGS BRNYAN LTAR MTHONG BA YOD DO, ,DE NAS (DPAG TSAD) KHRI CHIG STONG GZHAL BA'I KHONG GSENG NAS GZHI GSUM PA GNAS BZANG PO ZHES BYA BA NA ZAB PA'I GRONG NA ME TOG PHRENG DANG, DE NAS (DPAG TSAD) KHRI CHIG STONG GZHAL BA NAS GZHI BZHI PA MI G-YO BA ZHES BYA BA NA MDZES PA'I GRONG NA RAB SPRO DANG THAGS BZANG RIS DANG RAB DGOD CES BYA BA 'KHOR DANG BCAS PA YOD LA, SA GZHI PHYI MA GSUM LA'ANG DPAG TSAD NYIS KHRI CHIG STONG CHIG STONG DANG, GRONG KHYER PHYI MA RNAMS LA'ANG DPAG TSAD BRGYAD STONG BRGYAD STONG YOD PAR BSHAD DO, ,GDAGS PA LAS NI, SRUNGS MA LHA YI GRONG KHYER SRANG DANG RNAM RGYAL BYED, ,CHOS BZANG RGYU BA'I LAM DANG 'OBS DANG SKYED MOS TSAL, ,SA GZHI DANG NI YONGS 'DU RDO DANG GLANG CHEN RNAMS, ,LHA MA YIN RNAMS KYI YANG DE DANG 'DRA BAR YOD CES JI LTAR SUM CU RTZA GSUM PA LA 'OG NAS 'CHAD PA'I SRUNGS MA NAS RTA'I BAR DU @297 YOD PA LTAR LHA MA YIN BZHI PA LA YANG SRUNGS MA DANG, THAGS BZANG RIS GNAS PA'I GRONG KHYER GSER LDAN DANG, SRANG DANG 'OBS DANG, ZAM PA DANG, PHO BRANG KHANG BZANG GTAMS PA CAN DANG, DPAG BSAM GYI SHING TZI TA PA LI DANG, MDUN SA NOR BZANG DANG, RDO LEB BZANG PO DANG, TSAL KUN TU DGA' BA DANG, RAB TU DGA' BA DANG, DGA' BA DANG, KUN TU RAB DGA' ZHES BYA BA BZHI DANG, SA GZHI KUN DGA' MA DANG, RAB DGA' MA DANG, DGA' MA DANG, KUN TU RAB DGA' MA ZHES BYA BA DANG, G-YUL NGOR SPYOD PA'I GLANG PO CHE BZOD PAR DKA' BA DANG, SKYED MOS TSAL DU SPYOD PA'I GLANG PO CHE TI SE GANG BRTZEGS DANG, RTA'I RGYAL PO BRAG 'JING ZHES BYA BA THAMS CAD KYANG BRGYA BYIN LA 'GRAN PAR BYED PA YOD PAR BSHAD DO,, LHA'I GNAS BSHAD PA LA GZHAL YAS KHANG LA GNAS PA BSHAD PA NI NYI MA DANG ZLA BA DANG SKAR MA RNAMS NI LHUN PO'I PHYED GNYA' SHING 'DZIN GYI RTZE MO DANG MNYAM PA DPAG TSAD BZHI KHRI'I STENG NA 'KHOR BA'I RLUNG GI STENG NAS RGYU'O,, (ZLA BA'I 'OG GZHI NI CHU'I KHAMS SHAS CHE BA'I SHEL YIN TE YON TAN BSIL BA DANG MIG LA PHAN PA DANG LO THOG SMIN PAR BYED PA DANG SNANG BAR BYED PA'I LAS CAN NO, ,) DE DAG GI TSAD NI ZLA BA'I DBUS KYI THAD KAR DPAG TSAD LNGA BCU DANG NYI MA'I (GZHI MA ME SHEL LAS GRUB PA LAS GNYIS ZLOG GNYIS ZLA BA DANG MTHUN PA TSAD) THAD KAR LNGA BCU GCIG DANG BCAS PA STE MTHA' SKOR DU ZLA BA LA DPAG TSAD BRGYA LNGA BCU DANG NYI MA LA BRGYA LNGA BCU RTZA GSUM GYIS 'KHOR BA'O, ,GNYIS KA'I 'PHANG DU NI DPAG TSAD PHYED DANG DRUG DANG (DPAG TSAD GCIG GI) BCO BRGYAD KYI CHA GCIG YOD PA'O, ,DE DAG GI 'OG GI PHYI ROL NYI MA'I RIN PO CHE ME SHEL LAS GRUB CING ZLA BA'I NOR BU CHU SHEL LAS GRUB PA GNYIS KA'I STENG NA GSER GYI RA BAS BSKOR BA DNGUL DANG BEEd'URYA DANG SHEL DANG GSER GYI RTZIG SKYABS BZHI DANG, MDA' YAB DANG, ZAM PA BRGYUD BZHI DANG LDAN PA, GZHAL YAS KHANG DANG, SKYED MOS TSAL DANG, (YANG THOG DANG BSIL KHANG DANG BDUD RTZI RNAM PA BZHI DANG SBRANG RTZI DANG SBRANG CHANG ROL MO RNAMS KYANG BSAMS PA TZAM GYIS LAG TU 'ONG BA DANG,) DPAG BSAM GYI SHING LA SOGS PA'I 'BYOR BA DU MA DANG BCAS PA STE LHA'I BU NYI MA DANG ZLA BA 'KHOR DANG BCAS PA'I GNAS YIN NO, ,SKAR MA RNAMS NI 'GREL PA LAS, CHUNG BA LA RGYANG GRAGS GCIG YOD PAR BSHAD CING, SLOB DPON GANG SPEL GYIS NI, SKAR MA'I GZHAL MED KHANG GANG ZHIG THAMS CAD KYI NANG NA CHE BA DE'I TSAD NI DPAG TSAD BCU DRUG GO ZHES BSHAD LA, GDAGS PA LAS NI CHE BA LA RGYANG GRAGS BCO BRGYAD DANG CHUNG BA LA RGYANG GRAGS GSUM DANG PHAL CHE BA NI RGYANG GRAGS BCU PA DANG @298 BCU GNYIS PAR BSHAD CING, SA LAS CHE BA LA RGYANG GRAGS BCO BRGYAD DANG 'BRING LA RGYANG GRAGS BCU DANG CHUNG NGU LA RGYANG GRAGS BZHIR BSHAD DO, ,DE DAG NI DKYIL GYI TSAD DE MTHA' SKOR DU SUM 'GYUR DANG BCAS PA YOD DO, ,GLING BZHI GCIG GI SKAR MA'I GRANGS NI (DRANG SRONG GAR GA'I LTAS KYI RNAM PA BSTAN PA LAS,) DUNG PHYUR GNYIS DANG BYE BA BRGYAD DANG SA YA LNGA YOD PAR BSHAD DO, ,SKAR MA DE DAG NI RGYU SHEL LAS GRUB PA STENG NA THAMS CAD LA'ANG GSER GYI RA BAS BSKOR BA RIN PO CHE'I RTZIG SKYABS DANG, MDA' YAB DANG ZAM PA BRGYUD MA BZHI DANG LDAN PA STE RGYU SKAR LA GNAS PA'I LHA RNAMS KYI GNAS YIN NO, ,NYI MAS GLING BZHI NYIN ZHAG GCIG LA 'KHOR BAR BYED DE, DE YANG BYANG GI SGRA MI SNYAN DU NAM PHYED PA DANG, SHAR GYI LUS 'PHAGS SU NYI MA NUB PA DANG, 'DZAM BU'I GLING DU NYI MA PHYED PA DANG, BA LANG SPYOD DU NYI MA 'CHAR BA RNAMS DUS GCIG GO, DE BZHIN DU GZHAN LA'ANG SBYAR TE, DE YANG SA'I STOD 'GREL LAS, GANG GI TSE NYIN ZHAG MNYAM PA DE'I TSE NA DE LTAR BGRANG GI GZHAN NA NI CHA YOD PAR BLTA'O ZHES 'BYUNG BAS NYIN MTSAN MNYAM PA'I DBANG DU BYAS KYI MI MNYAM PA'I DUS SU NI DE LTAR NGES PA MED PA'I PHYIR RO, ,NYI MA LDOG PA'I DUS NI 'JIG RTEN PA RNAMS KYI DBYAR DANG STON DANG DGUN DANG DPYID LA ZLA BA GSUM GSUM DU RTZI LA, 'DUL BA LAS DGUN DANG DPYID DANG DBYAR DANG DBYAR THUNG NGU DANG DBYAR RID PO ZHES BYA BA LNGA DGUN ZLA RA BA NAS BZUNG STE RIM PA LTAR ZLA BA BZHI DANG BZHI DANG GCIG DANG ZHAG GCIG DANG ZHAG GCIG GIS CHAD PA'I ZLA BA GSUM DANG, YANG STON ZLA THA CHUNG GI TSES BCU DRUG NAS BZUNG STE ZLA BA BZHI BZHIR BYAS NAS DGUN DANG DPYID DANG DBYAR GSUM DANG, YANG RE RE LA ZLA BA GNYIS GNYIS SU BYAS TE DGUN STOD DANG DGUN SMAD DANG DPYID DANG SO GA DANG DBYAR DANG STON ZHES DRUG TU BYED PA'ANG BSHAD MOD KYI DE DAG LAS 'DIR NI (DBYU GU, SMIN DRUG SMAL PO, RGYAL DANG BZHI,) DGUN DANG (RTA PA, BYA KHRA, NAG PA, SA GDANG BZHI,) DPYID DANG (GDU BU, BRA NYE, BYA SBO, SGROG KHRUMS DANG BZHI,) DBYAR TE ZLA BA BZHI BZHI PAR BSHAD PA DE SKABS SU BAB PAS DE LA DGUN GYI ZLA BA DANG PO NI STON ZLA THA CHUNG GI TSES BCU DRUG NAS 'DZIN PA LAS KHA CIG MDO SDE NYI MA'I SNYING PO LAS, BDAG GIS RGYU SKAR SMIN DRUG BRJOD, ,ZLA BA NYA TSE ZLA RANGS 'GYUR, STON ZLA THA CHUNG ZHES BYA BA, , 'DI NI RAB TU BRJOD PA YIN ZHES PA DANG, BRA NYE DANG NI SMIN DRUG KYANG, ,LAN GNYIS YONGS SU 'KHOR BAR BYED, ,CES SMIN DRUG GI ZLA BA LA STON ZLA THA CHUNG DU BSHAD PA'I PHYIR DE NYID KYI TSES BCU DRUG NAS DGUN ZLA DANG PO YIN PAR 'DOD LA, KHA CIG NI DGE TSUL GYI DANG PO'I LO DRI BA LAS, RGYAL @299 DANG DBO DANG SA GA CAN, ,CHU STOD KHRUMS SMAD SMIN DRUG CAN, ,'DI RNAMS KYI NI NAG PO'I PHYOGS, , ZLA PHYED GSO SBYONG BCU BZHI PA'O ZHES PA DANG, 'DUL BA TSIG LE'UR BYAS PA LAS KYANG, SA GA DANG NI CHU STOD DANG, ,DE BZHIN KHRUMS SMAD SMIN DRUG DANG, ,RGYAL DANG DBO ZHES BYA BA NYID, ,DRUG PO'I MAR NGO BCU BZHIR BRJOD, ,CES SMIN DRUG GI MAR NGO'I TSES BCU BZHI LA GSO SBYONG MI THUB PA BYED PAR BSHAD LA, GSO SBYONG MI THUB PA'ANG ('DUL BA'I MDO LAS, NYIN ZHAG GCIG GIS MA CHOG PAR BYA'O, ,DUS TSIGS RNAMS KYI ZLA BA PHYED LUS PA NYID LA'O ZHES PA DANG,) 'GREL PA LAS, DGUN DANG DPYID DANG DBYAR RNAMS KYI, ,ZLA BA PHYED DANG GNYIS 'DAS SHING, ,ZLA BA PHYED NI LUS PA NA, ,MKHAS PAS ZHAG MI THUB PA DOR ZHES ZLA BA PHYED DANG GNYIS 'DAS SHING PHYED LUS PA NA BYED PAR BSHAD PA'I PHYIR DBYUG GU'I ZLA BA NYID STON ZLA THA CHUNG YIN PAS DE NYID KYI TSES BCU DRUG NAS DGUN ZLA DANG PO YIN NO ZHES 'DOD MOD KYI, 'ON KYANG 'DIR NI SGROG KHRUMS KYIS NYA BA'I ZLA BA NI STON ZLA THA CHUNG YIN LA, DE'I TSES BCU DRUG NAS THA SKAR GYI ZLA BA YIN PAS DE'I MAR NGO DANG THA SKAR GYI ZLA BA'I YAR NGO BSDOMS PA NI DGUN ZLA DANG PO DANG THA SKAR GYI ZLA BA'ANG YIN PAR SHES TE, DGUN RNAMS KYI ZLA BA BZHI PA'I YAR NGO LA (DBYAR) NYI MA LDOG PAR BSHAD CING, DE NYID DPYID ZLA RA BA YIN PAR 'GREL PA LAS BSHAD PA'I PHYIR DANG, ZLA BA NYA TSE ZLA RANGS 'GYUR ZHES SKAR MA GANG GIS NYA BA DE YAN CHOD (KYIS) DE'I ZLA (BA RANGS SHING RDZOGS) BAR BSHAD PAS SGROG KHRUMS KYIS NYA BA'I TSES BCU DRUG NAS DBYUG GU'I ZLA BA YIN PA'I PHYIR DANG, SMIN DRUG GI NAG PO'I PHYOGS LA GSO SBYONG MI THUB PA 'BYUNG BAR BSHAD CING, JI NI RANG GI ZLA STOD YIN KYANG ZLA BA 'GRIB PA LA LTOS NA NAG PO'I PHYOGS YIN PA'I PHYIR RO, ,DE'I PHYIR 'DIR DBYAR GYI ZLA BA GNYIS PA ZHES BYA BA DANG, 'GREL PA LAS, STON ZLA RA BA'I YAR GYI NGO TSES DGU NAS MTSAN MO RING NGO ZHES BSHAD PA'ANG SHES PAR BYA'O, ,DE LTA MA YIN NA MCHU DANG DBO'I ZLA BA LA DGUN DANG, BYI ZHUN DANG SGROG KHRUMS KYI ZLA BA LA DBYAR GYI NYI MA LDOG PAR 'GYUR NA DGUN RGYAL DANG DBYAR CHU STOD LA LDOG PAR MNGON SUM GYIS GRUB PA DANG 'GAL BA'I PHYIR RO, ,DES NA 'DIR DBYAR GYI ZLA BA GNYIS PA NI STON ZLA RA BA STE, DE NI DBYAR ZLA THA CHUNG (BRA NYE DANG,) SNRON GYI ZLA BA'I MAR NGO DANG, STON ZLA RA BA CHU STOD KYI ZLA BA'I YAR NGO BSDOMS PA STE DE'I THA MA NI (CHU STOD ZLA BA'I) YAR NGO STE, (SNRON ZLA BA'I) MAR NGO NI DANG PO YIN PAS SNGAR SONG BA'I PHYIR DANG, YAR NGO NI THA MA YIN PAS PHYI NAS 'BYUNG BA'I PHYIR DANG, t'I KA BYED DAG GIS KYANG, ZLA BA THAMS CAD MAR @300 GYI NGO SNGA STE ZHES BSHAD PA'I PHYIR RO, ,DE'I TSES BRGYAD KYI NYIN MO RING DU SONG STE YUD TZAM BCO BRGYAD KYI YUN DU THUB PA'I PHYIR RO, ,MTSAN MO SHIN TU THUNG STE, YUD TZAM BCU GNYIS LAS MI THUB PA'I PHYIR LA RA BA DANG LA (TSES BRGYAD CHOS MA THAG DBYAR GYI) NYI MA LOG STE TSES DGU NAS MTSAN MO NI (CHU SRANG GNYIS DANG DBUGS GSUM GYIS) RING BAR 'GYUR LA, NYIN MO NI RING BA LAS BZLOG NAS (CHU SRANG GNYIS DANG DBUGS GSUM GYIS,) THUNG DU 'GYUR RO, ,DGUN RNAMS KYI NI (ZLA BA) BZHI PA (NI DGUN ZLA THA CHUNG MGO'I ZLA BA'I MAR NGO DANG DPYID ZLA RAB RGYAL GYI ZLA BA'I YAR NGO BSDOMS PA YIN LA, DE'I THA MA RGYAL GYI YAR NGO'I TSES BRGYAD LA MTSAN MO SHIN TU RING STE YUD TZAM BCO BRGYAD DANG, NYIN MO SHIN TU THUNG STE YUD TZA BCU GNYIS LAS MI THUB PA LAS DE'I RJES LA NYI MA LOG STE TSES DGU,) LA (NI MTSAN MO) THUNG NGUR 'GYUR RO, ,ZHES BYA BA LA DGUN GYI ZLA BA BZHI PA NI DGUN ZLA THA CHUNG MGO'I ZLA BA'I MAR NGO DANG, DPYID ZLA RA BA RGYAL GYI ZLA BA'I YAR NGO BSDOMS PA YIN LA DE'I THA MA RGYAL GYI YAR NGO'I TSES BRGYAD KYI TSE MTSAN MO SHIN TU RING STE YUD TZAM BCO BRGYAD THUB PA'I PHYIR RO, ,NYIN MO SHIN TU THUNG STE YUD TZAM BCU GNYIS LAS MI THUB PA'I PHYIR RO, ,DE'I RJES LA NYI MA LOG STE (RGYAL GYI YAR NGO'I TSES BRGYAD KYI KHONGS SU DGUN,) TSES DGU'I TSE NAS NI MTSAN MO (CHU SRANG GNYIS DANG DBUGS GSUM GYIS) THUNG DU 'GYUR RO, , NYIN MO NI DE LAS BZLOG STE RING DU 'GYUR RO,, RANG GI RNAM BSHAD KYI 'GYUR 'GA' ZHIG DANG SLOB DPON 'DUN BZANG DANG PHYOGS GLANG GI 'GREL PA LAS NI DBYAR GYI ZLA BA GNYIS PA DANG DGUN RNAMS KYI ZLA BA BZHI PA NI RIM PA LTAR DBYAR ZLA THA CHUNG DANG DGUN ZLA THA CHUNG GNYIS LA BSHAD DE, DE DAG GI LTAR NA NI STON ZLA THA CHHUNG GRO ZHUN GYI ZLA BA YIN PAS DE'I TSES BCU DRUG NAS DGUN GYI ZLA BA DANG PO BRTZI BAR BYA'O, ,DE NYID KYI PHYIR KHA CIG DBYAR LDOG GI YAR NGO (DANG MAR NGO LA LDOG NA RIM PA LTAR STON ZLA RA BA DANG, DBYAR ZLA THA CHUNG YIN LA, DGUN LDOG PA'ANG YANG NGO DANG MAR NGO LA LDOG NA RIM PA LTAR, DPYID ZLA RA BA DANG, DGUN ZLA THA CHUNG YIN PAR 'CHAD LA, 'JIG RTEN PA DAG KYANG MGO DANG RGYAL LA NYI MA LDOG NA RIM PA LTAR ZLA SMAD DANG ZLA STOD LA LDOG GO ZHES ZER RO, ,) LA LDOG PA THAMS CAD NI STON ZLA RA BA YIN LA, MAR NGO LA LDOG PA THAMS CAD NI DBYAR ZLA THA CHUNG YIN NO, ,DE BZHIN DU DGUN LDOG LA'ANG YAR NGO LA LDOG NA DPYID ZLA RA BA DANG MAR NGO LA LDOG NA DGUN ZLA THA CHUNG YIN NO ZHES 'CHAD LA, 'JIG RTEN PA DAG KYANG MGO'I ZLA BA LA NYI MA LDOG NA RGYAL SMAD DANG RGYAL LA LDOG NA ZLA STOD LA LDOG GO ZHES ZER RO, ,('DI NI DPE BRJOD PA TZAM STE DBYAR TSES @301 BRGYAD LA LOG NA DGUN BCU DRUG LA LDOG LA, DE BZHIN DU NUR BAS LO GSUM GSUM NA DBYAR LDOG GI SHUL DU LAN RE 'KHOR BAS, NYI MA BRGYAD GSUM DAG LA LDOG ,LNGA 'GYUR DAG GIS SHES PAR BYA ZHES 'JIG RTEN PA LA GRAGS PA LTAR YIN NO, ,) TSAD JI TZAM ZHIG GIS RING THUNG DU 'GYUR ZHE NA, NYIN MO DANG MTSAN MO RING BA (DANG THUNG BA) NI NYIN ZHAG RE LA THANG GCIG (RE RES) RING THUNG DU 'GYUR LA DE NI NYIN ZHAG GCIG GI DGU BRGYA'I CHA STE DUS 'KHOR BA LTAR NA DBUGS 'BYUNG 'JUG GNAS GSUM GCIG TU BYAS PA'I DBUGS NYI SHU RTZA BZHI YIN TE, CHU SRANG BZHI BZHIS RING THUNG BYED PAR BSHAD CING CHU SRANG RE LA DBUGS DRUG DRUG YOD PA'I PHYIR RO, ,'DIR NYI MA LDOG PA THAMS CAD SPYIR TSES DGU 'BA' ZHIG LA (NYI MA) LDOG PAR 'DOD PA NI MA YIN TE, DGU LA LDOG PA GSAL BA'I DPE BYAS NAS GZHAN YANG MTSON PA'I PHYIR RO,, DE YANG DBYAR DGU LA LOG NA DGUN BCO LNGA LA LDOG PA LA SOGS PA ZHAG DRUG DRUG PHYIR NUR PA'I PHYIR LO GSUM NA NI DGU LA LDOG PAR SOR CHUD PAR 'GYUR RO ZHES KHA CIG ZER RO, ,'O NA NYI MA LDOG PA NYID GANG ZHE NA, DE'I PHYIR NYI MA LHO BYANG 'GRO TSE'O, ,ZHES BYA STE, DE LA NYI MA LHOR (ZLA BA DRUG TU,) 'GRO BA NI DBYAR GYI LDOG PA STE 'DZAM BU'I GLING GI DKYIL NAS RGYU BA'I TSE NYIN MO SHIN TU RING LA MTSAN MO THUNG BAR YOD PA DE LHOR NYE BAR GYUR PA NI BYANG NAS LHOR LDOG PA'I PHYIR DBYAR GYI LDOG PA'O, ,GANG TSE RIM GYIS LHOR BGROD DE 'DZAM BU'I GLING LAS DPAG TSAD DRUG DANG BCO BRGYAD KYI CHAS PHYI ROL TU GYUR PA'I RGYA MTSO'I STENG NAS 'CHAR BA DE'I TSE MTSAN MO RING LA NYIN MO SHIN TU THUNG NGO, ,DE'I TSE BYANG DU (ZLA BA DRUG) NYE BAR 'GRO BA NI DGUN GYI LDOG PA STE 'DIR DGUN LDOG PA NI BYANG SGRA MI SNYAN DU'ANG DGUN LDOG PA DANG, 'DIR DBYAR LDOG PA NI SGRA MI SNYAN DU'ANG DBYAR LDOG PA YIN LA GLING GZHAN GNYIS SU NI DE LAS BZLOG PAR 'DOD DE, NYI MA RING BA DANG THUNG BA'I DUS SU SHAR NUB DANG LHO BYANG DU SHIN TU RING BA DANG THUNG NGUR RGYU BAR 'DOD PA'I PHYIR DANG, (NYI MA LOG NAS ZLA GSUM DANG ZHAG GSUM NA,) MTSAN MO DANG NYIN MO (YUD TZAM BCO LNGA BCO LNGA) MNYAM PA NA NYE RING MED PAR MNYAM POR ('GYUR BA GDAGS PA LAS DPYID ZLA THA CHUNG GI YAR NGO'I TSES BRGYAD LA MNYAM PAR BSHAD KYANG BRTAG DGOS PAR SNANG NGO, ,MNYAM DUS DER,) ZLUM POR BSKOR BA'I PHYIR TE, RMA BYA CHEN MO LAS, NYI MA DANG NI ZLA BA DANG, ,SUM CU RTZA BDUN TSANG BA DAG ,'CHAR BA DANG NI NUB PA NA, ,'KHOR LO'I MTSON CHA BZHIN DU RGYU ZHES BSHAD PA'I PHYIR RO, ,DE'I PHYIR SO GA NI NYI MA'I 'OD ZER TSA STE, 'OD ZER GLING GI STENG NAS THAD KAR 'BAB PA'I @302 PHYIR RO, ,NYI MA RING BA'ANG YIN TE, SHAR NUB TU RGYU BA'I THAG RING BA'I PHYIR RO, ,DGUN NI NYI MA'I 'OD ZER DE TZAM DU CHE BA MA YIN TE, GLING GI STENG GI THAD KA NAS MI 'PHOG PAR LHO NAS 'DIR ZUR GYIS 'PHOG PA'I PHYIR RO, ,NYI MA THUNG BA'ANG YIN TE, SHAR NUB TU BGROD PA'I THAG THUNG BA'I PHYIR RO ZHES (MKHAS PA DAG) 'CHAD DO, ,(LHOR BGROD LA NYI MA LDOG DUS SU GLING LAS DPAG TSAD DRUG DANG GCIG GI BCO BRGYAD CHA GCIG GIS GLING LAS NYI MA PHYIR RGYA MTSO'I STENG DU YOL NAS 'OD ZER PHAL CHER RGYA MTSOR PHOG PAS RGYA MTSO DANG RGYA MTSO LAS 'BAB PA'I CHU RNAMS DRO ZHING CHU LA SKYES PA'I SHING SOGS SKYE'O, ,DBYAR BYANG BGROD DUS SU DE LAS ZLOG PAS GLING DRO LA, RGYA MTSO GRANG NGO, ,DE YANG GDAGS PA LAS DE'I TSE 'DZAM BU'I GLING GI MTHA' MYUR DU SPONG BA'I PHYIR MTSAN MO RING LA, DBUS YUN RING POS SPONG BAS DPYID DANG DBYAR NYIN MO RING NGO ZHES SO, ,GLING GANG GI MTHA' NAS NYI MA RGYU BA THUNG LA, DBUS NAS RGYU BA'I TSE RING BA YIN NO,,) DPAL DUS KYI 'KHOR LO PA RNAMS NI ZLUM POR BSKOR BA NYID NYE RING BYED PAR 'DOD DO, ,'O NA ZLA BA YAR GYI NGO LA DANG PO CUNG ZAD KYANG MI SNANG BA DANG, DE NAS RIM GYIS SNANG BA DANG RANGS PA SNANG BA DANG MAR GYI NGO LA 'GRIB PAR JI LTAR 'GYUR ZHE NA, 'DI LTAR NYI MA'I DKYIL 'KHOR DANG SHIN TU NYE BA LAS DE'I 'OD ZER ZLA BA LA PHOG STE PHAR PHYOGS SU RANG GI GRIB MA 'BAB PAS ZLA BA MA LUS PA 'GRIB PAR SNANG BA'I PHYIR DANG, (DE YANG GNAS STONG LA NYI ZLA SBYAR BAS CUNG ZAD KYANG MI MTHONG BA'I PHYIR RO, ,) NYI MA DANG RING BAR GYUR PA DANG RANG GI GRIB MAS BSGRIBS PA CHUNG BAR GYUR PA'I PHYIR ZLA BA SNANG BA CHE BAR 'GYUR LA, GANG GI TSE ZLA BA NYI MA DANG SHIN TU RING BAR GYUR PAS RANG GI GRIB MAS CUNG ZAD KYANG BSGRIBS PA MED PA DE'I TSE ZLA BA MA LUS PA SNANG BA YIN NO,, 'DIR KHA CIG NA RE 'PHAGS PA THOGS MED LA SOGS PA NI ZLA BA'I PHYED NI CHU SHEL LAS GRUB LA PHYED NI BEEd'URYA LAS GRUB PA'I PHYIR DE BLA 'OG 'GYUR PA'I KHYAD PAR LAS 'PHEL BA DANG 'GRIB PAR SNANG STE, CHU SHEL MA LUS PA SNANG BA'I CHE RANGS PA SNANG LA, BEEd'URYA MA LUS PA SNANG BA'I CHE MI SNANG ZHING, DE DAG PHYED MAR SNANG BA'I CHE SNANG BA PHYED YIN NO ZHES 'DOD DO ZHES ZER BA NI DE LTA MA YIN TE, 'PHAGS PA THOGS MED KYIS GRIB MA BLA 'OG 'DZUR BA'I BYE BRAG LAS 'PHEL BA DANG 'GRIB PAR BSHAD LA, DE'I BLA 'OG NI PHA ROL DANG TSU ROL GYI NGOS LA BZHED PA'I PHYIR SNGA MA DANG 'DRA LA BEEd'URYA LAS GRUB PAR BSHAD PA NI MED DO,, NYI ZLA DANG RGYU SKAR LA GNAS PA'I LHA DE DAG NI RGYAL CHEN RIS BZHI PA'I NANG DU BGRANG BA DAG YIN NO, , @303 (ZLA BA'I RA RI NA LHA'I DBANG POS BYANG SEMS RI BONG GI GZUGS LHA LA BSTAN PA'I PHYIR BRIS PA'O, , GDAGS PA LAS BANG RIM 'OG MA CHU LAS DPAG TSAD KHRIS GYEN DU 'PHAGS PAR BSHAD PAS, BANG RIM BZHI PA LAS RI RAB KYI RTZE MO DPAG TSAD SUM KHRIS GYEN DU 'PHAGS SO, ,BANG RIM DANG PO NI RI RAB LAS DPAG TSAD STONG PHRAG BCU DRUG PHYIR 'PHAGS LA, GZHAN GSUM PHYED PHYED 'PHAGS SO,,) RI LA GNAS PA BSHAD PA NI RI RAB 'DI LA CHU'I MTSAMS YAN CHAD NA BANG RIM BZHI YOD DE, DE DAG GI BAR GYI THAG NI DPAG TSAD STONG PHRAG BCU BCU YOD DO, ,DE LA BANG RIM DANG PO NI DPAG TSAD STONG PHRAG DAG NI BCU DRUG DANG, GNYIS PA NI BRGYAD DANG, GSUM PA NI BZHI DANG, BZHI PA NI GNYIS PHYIR 'PHAGS SO, ,DE YANG KHA CIG NI CHU'I STENG NAS PHYIR DPAG TSAD SUM KHRI 'PHAGS LA, DE NAS DPAG TSAD STONG PHRAG BCU STENG DU 'DAS PA NA DPAG TSAD STONG PHRAG BCU DRUG ZHUM PA LA SOGS PAR 'DOD DO, ,BLA MA DAG NI CHU'I STENG NAS RI RAB BAGS KYIS SBRAM DU SONG STE DPAG TSAD KHRI 'PHAGS PA NA ZHUM PA NI STONG PHRAG BCU DRUG YIN PA LA SOGS PAR BZHED DO, ,GNYIS KA LTAR NA'ANG 'PHAGS PA NI RI RAB KYI DNGOS GZHI LAS YIN NO, ,SLOB DPON 'DUN BZANG NI ZHUM PA'I TSAD BSHAD PA NI STONG PHRAG BCU DRUG LA SOGS PA YIN PA'I PHYIR RI RAB NI CHU MTSAMS YAN CHAD MCHOD RTEN LTAR JE PHRAR GYUR PAR 'DOD LA, DE'I NGOS LA BRGYAD KHRI'O ZHES BYA BA NI MTHA' BSKOR PA'I DBANG DU BYAS PA YIN NO ZHES 'DOD DO, ,BANG RIM BZHI YOD PA DE LA DANG PO LA GNOD SBYIN LAG NA RIN PO CHE'I GZHONG THOGS ZHES BYA BA DANG, GNYIS PA LA ME TOG GI PHRENG BA THOGS PA DANG, GSUM PA LA DGUN CHANG GIS RTAG TU MYONG PA DANG, BZHI PA LA NI RGYAL PO CHEN PO BZHI BDAG NYID DANG DE DAG GI 'KHOR BA'I LHA RNAMS GNAS SO, , JI LTAR BANG RIM RNAMS LA RGYAL CHEN BZHI'I RAS KYI LHA GNAS PA DE BZHIN DU GSER GYI RI BDUN PO DAG LA YANG RGYAL CHEN RIS BZHI PA'I LHA DAG GNAS SO, ,YANG GI SGRAS NI KHOR YUG DANG GLING RNAMS KYI RI DANG ZHING DANG CHU LA SOGS PA LA'ANG YOD DO ZHES BSDU BA'I PHYIR RO, ,DE NYID KYI PHYIR LHA'I RIS DE NI LHA THAMS CAD PAS CHE BA YIN NO ZHES 'GREL PA LAS 'BYUNG BA LA t'I KA BYED DAG CHE BA'I DON YANG RAB TU MANG BAS YIN GYI PHUN SUM TSOGS PAS CHE BA NI MA YIN NO ZHES 'CHAD DO, ,GDAGS PA DANG SA LAS NI GNYA' SHING 'DZIN GYI SHAR DANG LHO DANG NUB DANG BYANG NA (STENG GI PHYOGS BZHIN NGOS RE LA DPAG TSAD NYIS BRGYA LNGA BCU STE MTHA' SKOR DU,) DPAG TSAD STONG GIS 'KHOR BA'I YUL 'KHOR SRUNG DANG, 'PHAGS SKYES PO DANG, SNA TSOGS GZUGS DANG, LCANG LO CAN ZHES BYA BA'I PHO BRANG YOD DE, DE DAG NI RIM PA LTAR RGYAL PO CHEN PO @304 YUL 'KHOR SRUNG DANG, 'PHAGS SKYES PO DANG, MIG MI BZANG DANG, RNAM THOS SRAS 'KHOR DANG BCAS PA LHA'I 'BYOR PA CHEN POS BRGYAN TE GNAS LA, RI RAB KYI BANG RIM GNYIS PA LAG NA KHRAG THOGS PA DANG, BZHI PA LA PHRENG BA THOGS PA YOD PAR BSHAD DO, ,LHUN PO'I RTZE MO NA NI SUM CU RTZA GSUM YOD DO, ,CI'I PHYIR DE LA DE SKAD CES BYA ZHE NA (DRAN PA NYER GZHAG GI MDO LAS, CHOS BZANG DANG, MTHONG BA DANG, RI RTZE DANG, LEGS MTHONG DANG, PHYOGS GCIG DANG, SHANG GSEB DANG, SHING RTA SNA TSOGS DANG, DGA' BYED DANG, RNAM MDZES DANG, YONGS 'DU DANG, 'DRES PA'I 'GRAM DANG, TSANG TSONG GI 'GRAM DANG, NOR BU'I SNYING PO DANG, KUN DU GSAL BAR SPYOD PA DANG, GSER PHUG GI KHANG PA DANG, PHRENG BA'I GRIB MA DANG, DMA' BA DANG, MTHO BA NA RGYU BA DANG, BKRA BA SNA TSOGS KYI PHYE BA DANG, SBYOR BA LA 'JUG PA DANG, ZHIB TU SPYOD PA DANG, GLU'I SGRA LA SHIN TU DGA' ZHING MNGON PAR CHAGS PA DANG, GZI BRJID 'BAR BA DANG, ZLA BA'I GNAS LTAR RGYU BA DANG, SHING SA LA ZUNG DANG, MIG PHYE ZHING 'GRO BA DANG, BTZUMS NAS 'GRO BA DANG, LUS KYI MDOG BZANG ZHING CHE BA DANG, NOR BU 'PHYANG BA DANG, RIS MTHUN PA DANG, 'KHOR NA GNAS PA DANG, MTHO BAR SPYOD PA DANG, GZI BRJID MCHOG DANG, GZI BRJID PHRENG DANG, MA 'DRES PA ZHES BYA BA'I GNAS SUM CU RTZA GSUM NA GNAS PAS DE SKAD CES BYA BA'AM, YANG NA, CHU DANG ZLA BA BSTAN PA DANG, ,'DZIN BYED RLUNG DANG ME DANG NI, ,NAM LANGS 'OD BYED CES BYA BA, ,BRGYAD PO NOR GYI LHA ZHES BYA ZHES PA BRGYAD DANG, MA SKYES RKANG GCIG 'PHEL DANG BSTOD, ,DRAG PO DANG NI BRTZON 'GRUS LDAN, ,'PHROG BYED DE NAS BDE 'BYUNG DANG, ,SPYAN GSUM GZHAN LAS RGYAL BA DANG, ,DBANG LDAN DANG NI SA GSUM PA, ,DRAG PO BCU GCIG SHES PAR BYA ZHES PA BCU GCIG DANG, DBANG PO BYED PO LAM PA DANG, ,CHAR 'BEBS STOD BYED SNGON MIN 'PHAGS, ,MIG GZUGS KHYAB 'JUG 'OD CAN DANG, ,CHU BDAG GSHIN RJE ZHES BYA'O ZHES PA NYI MA BCU GNYIS DANG, TSOGS BDAG DANG, SMIN DRUG GI BU NI THA SKAR GYI BU GZHON NU GNYIS TE SO GSUM MO, ,) DE NA NOR LHA BRGYAD DANG, DRAG PO BCU GCIG DANG, NYI MA BCU GNYIS DANG, THA SKAR GYI BU GZHON NU GNYIS TE DBANG PO DANG NYE DBANG SUM CU RTZA GNYIS TE SUM CU RTZA GSUM YOD PA'I PHYIR RAM, RNAM PAR MNYAM 'PHRUL DANG, RAB 'BAB DANG, LJANG BU DANG, YID SENG SENG PO DANG, ME TOG GI 'PHRAL THABS DANG, DGA' BA'I TSAL LA SOGS PA GNAS 'DZAM BU'I GLING PA LA BSGRAG TU RUNG BA SUM @305 CU RTZA GSUM YOD PA'I PHYIR RO, ,RI RAB DE'I NGOS RE RE LA DPAG TSAD BRGYAD KHRI BRGYAD KHRI STE MTHA' SKOR DU DPAG TSAD SUM 'BUM NYIS KHRI YOD DO ZHES SLOB DPON 'CHAD LA, LUNG GZHI LAS KYANG, RI RAB KYI NGOS RE RE LA'ANG DPAG TSAD BRGYAD KHRI YOD DE, DE'I KHO RA KHOR YUG TU DPAG TSAD SUM 'BUM NYIS KHRI YOD DO ZHES GSUNGS SO, ,SLOB DPON 'DUN BZANG NI NGOS RE LA DPAG TSAD NYIS KHRI YOD PAS NGOS KUN BSKOR NA BRGYAD KHRI YIN LA LUNG LAS BSHAD PA NI CHU MTSAMS KYI DBANG DU BYAS PA YIN NO ZHES 'CHAD DO, , RI RAB DE'I PHYOGS MTSAMS GRVA BZHI NA GDAGS PA LTAR NA NGOS RE LA DPAG TSAD BRGYA NYI SHU RTZA LNGA YOD PA MTHA' SKOR NA LNGA BRGYA LNGA BRGYAS 'KHOR BA, 'PHANG DU NI 'DI DANG SA LAS DPAG TSAD LNGA BRGYA 'PHAGS PAR BSHAD LA, GDAGS PA LTAR NA DPAG TSAD PHYED DANG LNGA GYEN DU 'PHAGS PA'I BRTZIGS PA BZHI YOD DE, DE DAG LA LA NI GNOD SBYIN LAG NA RDO RJE GOS SNGON PO CAN ZHES BYA BA GNAS TE, DE DAG NI BAG MED PA'I LHA RNAMS BSRUNG BA'I PHYIR RO ZHES SLOB DPON GANG SPEL 'CHAD DO, ,GSANG BA PA'I BDAG PO NI DE DAG GI CHA LUGS SU SPRUL NAS SEMS CAN GYI DON BYED PA YIN GYI DE'I SDER GTOGS PA NI MA YIN NO, ,DE DAG NI GDAGS PA LAS NUB LHO SHAR BYANG RIM PA BZHIN DNGUL DANG BEEd'URYA DANG SHEL DANG GSER GYI RANG BZHIN LAS GRUB PAR BSHAD DO,, RI RAB KYI RTZE MO DE'I DBUS NA GRONG KHYER BLTA NA SDUG CES BYA BA NGOS RE RE LA DPAG TSAD NYIS STONG LNGA BRGYA LNGA BRGYA PA MTHA' SKOR NA DPAG TSAD KHRIS 'KHOR BA YOD DO, ,DE'I 'PHANG DU DPAG TSAD PHYED DANG GNYIS (SAM PHYED DANG GSUM) GYEN DU 'PHAGS PA GSER GYI RANG BZHIN DBYIBS LEGS SHING BLTA NA SDUG LA MDZES PA RIN PO CHE'I KA BA DRUG KHRI YOD PA GSER GYI RA BA 'PHANG DU DPAG TSAD PHYED DANG GSUM PAS BSKOR BA DANG, RA BA DE LA GSER DNGUL BEEd'URYA SHEL BZHI LAS BYAS PA'I RTZIG SKYABS DANG, GYEN DU 'PHANG BA DANG THUR DU 'PHANG BA'I MDA' YAB DANG, RIN PO CHE SNA BZHI'I ZAM PA BRGYUD MA BZHI DANG, NANG GI SA GZHI TSON SNA BRGYA RTZA GCIG GIS BKRA BAR BYAS PA MNAN NA NEMS ZHES BYED PA BTEG NA SPAR ZHES BYED PA'I MNYEN PA DANG LDAN PA ME TOG MAN DA RA BAS PUS NUB TZAM DU KHABS SHING DE DAG RLUNG GIS RNYING PA 'DOR ZHING GSAR PA 'GREMS PAR BYED PA YOD DE, GDAGS PA LAS, LHA RNAMS BSOD NAMS DBANG GIS MTHU STOBS KYIS, ,LHA'I GRONG KHYER DAG NA RLUNG CHEN LDANG, ,ME TOG RNYING PA RNAMS NI 'DOR BAR BYED, ,ME TOG GSAR PA RNAMS NI LEGS PAR 'GREM ZHES 'BYUNG NGO, ,GZHAN YANG LHA'I GRONG KHYER LA RIN PO CHE SNA BZHI'I SKAR MA'I GZUGS DANG ZLA BA @306 PHYED PA DANG ME LONG LA SOGS PAS BRGYAN CING 'PHANG DU DPAG TSAD PHYED DANG GSUM ZHENG DU DPAG TSAD PHYED DANG GNYIS YOD PA'I SGO STONG DU GCIG GIS MA TSANG BA YOD LA, SGO RE RE LA'ANG SUM CU RTZA GSUM PA'I LHA RNAMS BSRUNG BA'I PHYIR SRUNGS MA GO CHA BGOS SHING MTSON CHA THOGS PA'I GNOD SBYIN GOS SNGON PO CAN LNGA BRGYA LNGA BRGYA BKOD DE GNAS SO, ,DE'I LAM SRANG SRID DU DPAG TSAD NYIS STONG LNGA BRGYA ZHENG DU DPAG TSAD BCU GNYIS PA GSER GYI BYE MA BDAL ZHING TZAN DAN GYI CHUS CHAG CHAG BTAB PA YOD LA, DE'I G-YAS G-YON NA CHU BSIL ZHING SBRANG RTZI LTA BUS GANG ZHING ME TOG DANG SKAD SNYAN PA 'BYIN PA'I BYA SNA TSOGS DANG LDAN PA'I RDZING BU RIN PO CHE SNA BZHI'I PHA GU BRTZIGS SHING THEM SKAS DANG LDAN PA DANG, RDZING BU'I NYE 'KHOR NA SEMS BSKYED MA THAG TU GANG 'DOD PA'I ME TOG DANG 'BRAS BU DANG GOS DANG RGYAN DANG ROL MO ANG BDUD RTZI KHA DOG BZHI PA SBRANG RTZI DANG SBRANG CHANG LA SOGS PA 'BYUNG BA'I SHING SNA TSOGS SKYES SHING THANG LAS SKYES PA'I BYA SNA TSOGS SKAD SNYAN PA 'BYIN PA YOD DO, ,GZHAN YANG GRONG KHYER DE LA RIN PO CHE SNA BZHI'I PHA GUS BRTZIGS SHING CHU BSIL ZHING SBRANG RTZI LTA BUS GANG BA ME TOG DANG CHU BYA SKAD SNYAN PA 'BYIN PA SNA TSOGS DANG, GANG DU LHA RNAMS ZHUGS NAS CHU LA RTZE BA'I GRU SNA TSOGS DANG BCAS PA'I 'OBS ZABS DANG KHA TSON DU DPAG TSAD RE RE YOD PA RIM PA BDUN GYIS BSKOR BA DANG, 'OBS DE'I NYE 'KHOR NA'ANG DPAG BSAM GYI SHING DANG THANG LAS SKYES PA'I BYA SNA TSOGS SKAD SNYAN PA 'BYIN PA YOD DO, ,GZHAN YANG YANG THOG DANG KHANG PA BRTZEGS PA DANG KHANG BZANG DANG BSIL KHANG DANG LTAD MO LTA BA'I SA DANG ZAM PA RNAMS LHA'I BU MO'I TSOGS KYIS MDZES SHING YID DU 'ONG BA'I 'DOD YON DANG LDAN PA DAG NA LHA RNAMS RTZE ZHING DGA' BAS RANG RANG GI LAS KYI 'BRAS BU NYAMS SU MYONG BAR BYED DO ZHES GDAGS PA LAS 'BYUNG NGO, ,GRONG KHYER DE'I DBUS NA LHA'I DBANG PO BRGYA BYIN GYI KHANG BZANG RNAM PAR RGYAL BYED CES BYA BA YOD DE, DE'I NGOS RE RE LA DPAG TSAD NYIS BRGYA LNGA BCU YOD CING MTHA' STONG GIS 'KHOR BA GYEN DU LHA'I GRONG KHYER LAS DPAG TSAD PHYED DANG LNGA 'PHAGS PA KA BA BZHI BCU DANG LDAN PA YOD DE, DE LA BA GAM BRGYAD DANG BA GAM RE RE LA'ANG KHANG PA BRTZEGS PA BDUN BDUN, DE RE RE LA'ANG GNAS KHANG BDUN BDUN, DE RE RE LA'ANG LHA'I BU MO BDUN BDUN, DE RE RE LA'ANG G-YOG MO BDUN BDUN, DE RE RE LA'ANG SIL SNYAN BDUN BDUN YOD PAS BRGYA BYIN BSU SKYEL DANG MI SKYO BAR BYED PAR GDAGS PA LAS BSHAD LA, SA'I DNGOS GZHI LAS NI BA GAM BRGYA RTZA GCIG DANG, BA GAM RE RE LA'ANG KHANG PA BRTZEGS PA BDUN BDUN, DE RE RE LA'ANG KHANG MIG BDUN BDUN, NA DE RE RE LA'ANG LHA'I BU MO BDUN BDUN, DE RE RE @307 LA'ANG G-YOG MO BDUN BDUN YOD PAR BSHAD KYI GNYIS KA LAS RDZING DANG PADMA NI MA BSHAD DO,, KHANG BZANG RNAM PAR RGYAL BA'I NANG NA SNGAR BSHAD PA'I KHYAD PAR DANG LDAN PA'I RDZING BU CHU ZHENG DU DPAG TSAD LNGA BCU LNGA BCU MTHA' NYIS BRGYAS 'KHOR BA YOD DO, ,GRONG KHYER BLTA NA SDUG DE'I PHYI ROL DPAG TSAD NYI SHU NYI SHU'I SHAR NA SHING RTA SNA TSOGS CAN DANG, LHO NA RTZUB 'GYUR DANG, NUB NA 'DRES PA'I TSAL DANG, BYANG NA DGA' BA'I TSAL ZHES BYA BAS BRGYAN TE, RE RE'ANG CHU ZHENG DU DPAG TSAD NYIS BRGYA LNGA BCU LNGA BCU PA MTHA' STONG GIS 'KHOR BA'I GRU BZHI PA GSER GYI RA BA 'PHANG DU DPAG TSAD RES BSKOR BA, DE'I RTZIG SKYABS DANG MDA' YAB DANG NANG GI SA GZHI LA SOGS PA SNGAR BSHAD PA 'DRA BAR YOD DE, DE DAG GI DANG PO NA RIN PO CHE'I SHING RTA SNA TSOGS YOD DO, ,GNYIS PAR NI LHA'I BU DAG DER ZHUGS PA NA SHES PA RTZUB PAR 'GYUR RO, ,GSUM PAR NI LHA'I BU DANG BU MO DAG 'DRES NAS SPYOD LAM SNA TSOGS LA 'JUG GO, BZHI PAR NI LHA'I BU DANG BU MO DAG 'DOD PA'I YON TAN LA DGA' ZHING RTZE BAR BYED DO, ,GZHAN YANG TSAL BZHI PO DE DAG NA RIM PA LTAR SNGAR BSHAD PA'I KHYAD PAR DANG LDAN PA'I RDZING BU SNA TSOGS DANG, RTZUB 'GYUR DANG 'DRES PA DANG, DGA' BA ZHES BYA BA CHU ZHENG DU DPAG TSAD LNGA BCU LNGA BCU MTHA' NYIS BRGYAS 'KHOR BA YOD DO, ,TSAL DE DAG GI PHYI ROL KYI PHYOGS BZHI NA DPAG TSAD NYI SHU NYI SHUS BCAD PA NA SHAR PHYOGS NA SA GZHI BZANG PO SNA TSOGS CAN DANG, LHO NA RTZUB 'GYUR DANG, NUB NA 'DRES PA CAN DANG, BYANG NA DGA' BA ZHES BYA BA TSAL GYI TSAD DANG MNYAM PA PHAN TSUN 'GRAN PA LTA BU BZHI'ANG YOD DE, DE DAG NA LHA'I DRANG SRONG RNAMS KYANG RANG DGAR TSANGS PAR SPYAD PA SPYOD PA YOD DO, ,LHA'I GRONG KHYER DANG SKYED MOS TSAL DANG, SKYED MOS TSAL NAS SA GZHI'I BAR DAG NA GRONG KHYER NAS TSAL DANG, TSAL NAS SA GZHIR 'GRO BA'I LAM SNGAR BSHAD PA'I KHYAD PAR DANG LDAN PA TSUR DPAG TSAD NYI SHU NYI SHU ZHENG DU DPAG TSAD PHYED DANG GNYIS GNYIS YOD PA DAG NA GLANG PO CHE DANG RTA DANG SHING RTA DANG KHYOGS KYI BZHON PA BKOD PA DAG YOD PA LA LHA RNAMS ZHON TE TSAL DANG SA GZHIR 'GRO ZHING 'DOD YON GYI DGA' BA MYONG BAR BYED DO,, GRONG KHYER BLTA NA SDUG DE'I PHYI ROL GYI BYANG SHAR GYI MTSAMS NA DPAG BSAM GYI SHING YONGS 'DU SA BRTOL ZHES BYA BA YOD DE, 'DI DANG SA LAS DPAG TSAD LNGA THUR DU ZUG PAR BSHAD LA, GDAGS PA LTAR NA RTZA BA DPAG TSAD LNGA BCU THUR DU ZUG PA STENG DU DPAG TSAD BRGYA 'PHAGS PA STENG DU YAL GA DANG LO 'DAB KYIS DPAG TSAD LNGA BCU LNGA BCUR KHYAB PAS CHU ZHENG DU DPAG TSAD BRGYA LNGA BCU LNGA BCU STE MTHA' @308 SKOR DU DPAG TSAD BZHI BRGYA LNGA BCU YOD PA DE'I ME TOG DANG 'DAB MA RGYAS PA'I DRI YIS RDZI PHYOGS MA YIN PAR DPAG TSAD LNGA BCUR LDANG BA RDZI PHYOGS SU DPAG TSAD BRGYAR LDANG BA ('OG DPAG TSAD BRGYA BCUR GSAL PA,) ZHIG YOD DO, ,'O NA LUNG BAR MA'I YONGS 'DU'I MDO LAS, ME TOG DRI NI RDZI PHYOGS MIN MI 'GRO, RTZA BA'AM RGYA SPOS TZAN DAN YANG MA YIN, ,MKHAS RNAMS DRI NI RDZI PHYOGS MIN 'GRO STE, SKYES BU DAM PA PHYOGS RNAMS KUN DU 'GRO ZHES BSHAD PA DANG 'GAL LO ZHE NA, KHA CIG NA RE RDZI PHYOGS MA YIN PAR 'GRO BA NI SHING DE'I YAL GA DANG LO 'DAB KYIS DPAG TSAD LNGA BCUR KHYAB PAS DE LAS MA 'DAS PA'I PHYIR RO ZHES ZER BA NI MA YIN TE, DE NI SHING GZHAN LA'ANG YOD NA DE KHO NA'I NGO MTSAR BA'I CHOS SU MI 'GRUB PA'I PHYIR RO, ,DE'I PHYIR MDO'I DGONGS PA NI MI'I ME TOG GI DBANG DU BYAS PA YIN NO ZHES GSUNGS PA 'DOD PAR BYA'O, ,(SA'I STOD 'GREL LAS KYANG GAL TE RDZI PHYOGS MA YIN PAR DRI 'GRO BA NI MI RIGS TE, 'DI NA MA MTHONG BA'I PHYIR RO ZHE NA DE LTA NA GZUGS MED PA RNAMS KYANG MED PAR 'GYUR RO, ,GZHAN MANG DE DANG 'DI'I 'BYOR PA'I KHYAD PAR MI 'DRA BAS RDZI PHYOGS SU YANG DRA LDANG PA MI 'GAL TE, LAS KYIS KHYAD PAR GYIS MNGON PAR GRUB PA'I PHYIR DPER NA 'DI NA MA BRDUNGS PAR RNGA LAS SGRA MI 'BYUNG YANG DE NA MA BRDUNGS PAR YANG SGRA 'BYUNG BA BZHIN NO ZHES BSHAD DO, ,) SA STON SDE PA NI RDZI PHYOGS SU DPAG TSAD BRGYAR DRI'I NGAD LDANG NGO, ,RLUNG MED NA NI DPAG TSAD LNGA BCUR LDANG NGO ZHES 'DON TO, ,DE LTA BU'I SHING DE NI SUM CU RTZA GSUM PA'I 'DOD PA'I YON TAN DAG STER BA'I DPAG BSAM GYI SHING YIN NO, ,SHING DE'I DRUNG NA LA BA DKAR PO LTA BU'I RDO LEB CES BYA BA CHU ZHENG DU DPAG TSAD LNGA BCU LNGA BCU MTHA' DPAG TSAD NYIS BRGYAS 'KHOR BA'I GRU BZHI PA 'PHANG DU DPAG TSAD PHYED DANG DRUG DANG DPAG TSAD BCO BRGYAD CHA GCIG YOD PA TSON SNA BRGYA RTZA GCIG GIS BKRA ZHING REG NA 'JAM PA ME TOG MAN DA RA BAS PUS NUB TZAM DU KHEBS PA YOD DE, DE'I DBUS SU BRGYA BYIN GYI SENG GE'I KHRI DANG DE'I DRUNG NA NYE DBANG LA SOGS PA RNAMS KYI SENG GE'I KHRI BSHAMS PA LA LHA'I DBANG PO BRGYA BYIN 'KHOR DANG BCAS PA DBYAR ZLA BA BZHIR LHA'I 'DOD YON LA RTZE ZHING RANG RANG GI LAS KYI 'BRAS BU MYONG BAR BYED DO ZHES GDAGS PA LAS BSHAD DO, ,GRONG KHYER GYI PHYI ROL GYI LHO NUB KYI MTSAMS (DPAG TSAD BCU GNYIS) NA GANG DU LHA RNAMS 'KHOD NAS BYA BA DANG BYA BA MA YIN PA BGRO BAR BYED PA CHOS BZANG LHA'I MDUN SA ZHES BYA BA CHU ZHENG DU DPAG TSAD SUM BRGYA SUM BRGYA MTHA' SKOR DU DGU BRGYA YOD PA LHA'I GRONG KHYER LAS DPAG TSAD PHYED DANG BZHIS GYEN DU 'PHAGS PA MDZES SHING BLTA NA SDUG PA SA GZHI DANG YA THOG @309 DANG BGAB PA DANG SPYI BSDUS KYI GDUNG DANG YANG THOG GI RTZE BZHI DANG PHYAM RTEN DANG PHYAM DGU PO THAMS CAD SHEL LAS BYAS PAS, SPRIN DKAR PO'I PHUNG PO LTAR DKAR BA, RIN PO CHE SNA BZHI'I LAN KAN GYIS BSKOR BA PHYAM DGU PO RE RE'ANG KA BA BCU DRUG BCU DRUG GIS BRTEN PA, DBUS NA BEEd'URYA 'I KA BA ZUR BRGYAD PA GSAL ZHING 'PHAN MED PA SPYI BSDUS KYI GDUNG LA SKRA RTZE TZAM GYIS MA REG PA DE'I DRUNG NA BRGYA BYIN CHOS STON PA'I GSER GYI KHRI BSHAMS PA YOD DO, ,DE'I MTHAR NYE DBANG GZHAN RNAMS KYI GSER GYI KHRI BSHAMS TE DER SUM CU RTZA GSUM PA'I LHA RNAMS 'DUS NAS LHA DANG MI RNAMS KYI DON DANG CHOS SEMS SHING DPYOD PA DANG CHOS DANG CHOS MA YIN PA'I MDUN MA BGRO BAR BYED DO,, DER SUM CU RTZA GSUM PA'I LHA RNAMS GNAS PA NA SUM CU RTZA GSUM PA'I SRUNGS MA RGYAL PO CHEN PO BZHI'I G-YOG ZHO SHAS 'TSO PA RNAMS DANG, RGYAL CHEN BZHI'I BU RNAMS DANG, RGYAL PO CHEN PO BZHI PO RNAMS KYIS GO RIM BZHIN DU ZLA BA PHYED KYI TSES BRGYAD DANG BCU BZHI DANG BCO LNGA LA 'JIG RTEN 'DI THAMS CAD MYUL ZHING 'JIG RTEN PA RNAMS CHOS DANG MTHUN PA DANG MI MTHUN PA SGROGS PAR BYED DO, , DE'I TSE CHOS DANG MI MTHUN PA THOS NA LHA RNAMS MI DGA' ZHING SMOD LA, CHOS DANG MTHUN PA THOS NA DGA' ZHING BSNGAGS PAR BRJOD DO, ,LHA'I GRONG KHYER NAS MDUN SA CHOS BZANG DU RGYU BA'I LAM SRID DU DPAG TSAD BCU GNYIS ZHENG DU DPAG TSAD GNYIS YOD PA GSER GYI BYE MA BDAL ZHING TZAN DAN GYI CHUS CHAG CHAG BTAB PA G-YAS G-YON NA ME TOG DANG 'BRAS BU'I SHING SNA TSOGS SKYES SHING THANG LAS SKYES PA'I BYA SNA TSOGS SKAD SNYAN PA YOD DE, 'DI'I LTAR NA MDUN SA NI GRONG KHYER NAS DPAG TSAD BCU GNYIS NA YOD PAR MNGON NO, ,DE LTA BU'I MDUN SA DE YANG GDAGS PA LAS, SHAR LHO'I MTSAMS NA YOD PAR BSHAD LA, SA'I DNGOS GZHI LAS NI GRONG KHYER GYI BYANG SHAR GYI MTSAMS NA MDUN SA DANG, SHING YONGS 'DU SA BRTOL NI GRONG GI NANG NA YOD PAR BSHAD DE PHYOGS GANG NA YOD PA NI MA BSHAD DO, ,DRANG SRONG RGYAS PAS ZHUS PA'I MDO LAS NI MDUN SA DBYIBS GRU BZHI LHAM PA MTHA' SKOR DU DPAG TSAD BRGYA YOD PAR GSUNGS SO, , GZHAN YANG BRGYA BYIN LA G-YUL NGOR SPYOD PA'I GLANG PO CHE RAB BRTEN DANG, SKYED MOS TSAL DU SPYOD PA'I GLANG PO CHE SA SRUNG GI BU GNYIS KA'ANG MTHA' DPAG TSAD BDUN BDUN GYIS 'KHOR BA 'PHANG DU DPAG TSAD PHYED DANG GNYIS GYI TSAD DU YOD PAR RE RE'ANG GLANG G-YOG BRGYAD STONG DANG BCAS PA DANG, PHAL CHER NUB PHYOGS KYI GLING PHRAN KHAM BU CAN ZHES BYA BA NA GNAS PA RTA'I RGYAL PO SPRIN GYI SHUGS CAN ZHES BYA BA RTA G-YOG BRGYAD STONG DANG BCAS PA YOD DO,, @310 LHA'I RNGA PO CHE CHOS KYIS MTHO BA ZHES BYA BA LAS 'DUS BYAS THAMS CAD NI MI RTAG PA, ZAG PA DANG BCAS PA THAMS CAD SDUG BSNGAL BA, CHOS THAMS CAD BDAG MED PA, MYA NGAN LAS 'DAS PA NI ZHI BA YIN NA LHA'I BU DAG CI'I PHYIR BAG MED PAR GNAS ZHES LHA'I BU DAG 'DOD PA'I YON TAN GYIS MYOS PA LAS SKUL BAR BYED PA DANG, KYE LHA RNAMS RGYAL BAR 'GYUR, LHA MA YIN RNAMS PHAM PAR 'GYUR RO, ,ZHES LHA MA YIN GYI DMAG GI 'TSE BA NYE BAR ZHI BAR BYED PA'I SGRA 'BYUNG BA YOD DO,, NAM MKHA' LA GNAS PA BSHAD PA NI SUM CU RTZA GSUM DE'I STENG NA NI 'THAB BRAL NAS 'OG MIN GYI BAR GYI LHA RNAMS KYI GZHAL MED KHANG RNAMS SPRIN GYI PHUNG PO LTAR GONG NAS GONG DU BRTZEGS NAS GNAS PA LAS 'DOD PA SPYOD PA NI RGYAL CHEN RIS BZHI NAS GZHAN 'PHRUL DBANG BYED KYI BAR DRUG YIN NO, ,DANG PO GNYIS NA NI LHA MA YIN RNAMS DANG 'THAB PA YOD DE, (SHES SPRING LAS, LHA MIN NA YANG RANG BZHIN GYIS LHA YI, ,DPAL LA SDANG ZHING YID KYI SDUG BSNGAL CHE, ,DE DAG BLO DANG LDAN YANG 'GRO BA YI, ,SGRIB PAS BSGRIBS PAS BDEN PA MTHONG BA MED, ,CES 'BYUNG BAS,) 'DI LTAR LHA MA YIN DANG LHA RNAMS LHA MA YIN GYI BU MO DANG LHA'I BDUD RTZI LA SER SNA DANG PHRAG DOG GIS BRTZOD PA'I PHYIR 'THAB PA NA RES 'GA' NI THAGS BZANG RIS LA SOGS PA'I LHA MA YIN GYI RGYAL PO BZHI GA 'ONG LA RES 'GA' GONG MA DAG 'ONG STE, GSER DNGUL BEE d'URYA SHEL BZHI'I GO CHA SRA BA RNAMS GYON ZHING RAL GRI DANG MDUNG DANG 'PHANG MDUNG DANG MDA' GZHU THOGS PA'I DPUNG GI TSOGS YAN LAG BZHI DANG BCAS PA CHU MTSAMS NAS 'THON TE, BRGYA BYIN GYIS SRUNGS MA LNGA LAS DANG PO DKAR PO LA DGA' BA'I KLU'I RGYAL PO ROL MTSO NA GNAS PA DANG G-YUL SPROD CING DE DAG GIS THUB NA LDOG LA GAL TE MA THUB NA SRUNGS MA GNYIS PA GZHONG THOGS PA DANG, GSUM PA PHRENG THOGS PA DANG, BZHI PA RTAG MYOS PA DANG, LNGA PA RGYAL PO CHEN PO BZHI PO DAG TU RIM GYIS SONG ZHING 'OG MA 'OG MA DANG BSDOMS SHING 'THAB PAR BYED PA NA PHAL CHER NI DE DAG GIS BZLOG PAR 'GYUR RO, ,GAL TE DE DAG GIS MA BZLOG NA RGYAL CHEN BZHI PO DAG SUM CU RTZA GSUM GYI GNAS SU SONG STE, KYE LHA'I DBANG PO MKHYEN PAR MDZOD CIG ,BDAG CAG SRUNGS MA LNGA PO DAG GIS LHA MA YIN GYI DMAG BZLOG PAR MI NUS SO (ZHING RI RAB KYI BANG RIM LA RJES PA MKHYEN PAR MDZOD CIG), ,ZHES ZHU BAR BYED DO, , DE NAS LHA'I DPANG PO BRGYA BYIN GYIS SUM CU RTZA GSUM PA RNAMS LA BSGOS TE G-YUL SPRAD PAR BYED DO, , (GLANG PO CHE RAB BRTAN LA BSAMS PA DANG, RAB BRTAN 'KHOR DANG BCAS PA 'DZAM BU'I GLING NAS 'ONGS NA MGO BO SO GNYIS DANG MGO BO RE RE LA MCHE BA DANG RDZING DANG PADMA DANG, LHA'I BU MO DANG G-YOG @311 MO DANG SIL SNYAN RNAMS BDUN BDUN SPRUL NAS 'ONGS PA LA DBANG PO DANG NYE DBANG RNAMS ZHON NAS GRONG KHYER GYI SGO NAS RTZUB 'GYUR GYI TSUL DU 'GRO'O, ,DER RTZES PAS LUS SEMS RTZUB PAR GYUR TE, G-YUL 'GYED PA LA MOS PAS DPUNG GI TSOGS BZHI BSHAMS SHING GO CHA DANG MTSON CHA BZHI THOGS TE RI RAB KYI LHO PHYOGS SU 'THAB PA, ,SU PHAM YANG LAN GSUM 'THAB LA, GANG PHAM YANG RANG RANG GI GRANG DU GROS NAS SGO BCAD PAS THUB KYANG SKRAG PA 'BYUNG NGO, ,) DE'I TSE LHA MA YIN RNAMS RGYAL NA GRONG KHYER BLTA NA SDUG GI NANG DU 'DED PAR BYED DO, ,(DE'I TSE MTSON CHA DANG RO'I DUM BU RGYA MTSOR LHUNG BA'I THO LA SROG CHAGS SHI BA'I KHRAG GIS MTSO'I KHA DOG 'GYUR BA DANG, SKAR PHRENG GI MTSO KUN SNANG LA DMAG JI LTAR 'THAB PA'I GZUGS BRNYAN 'CHAR BAS LHA MIN SHI BA'I NYE DU RNAMS DMAG MA LOG GONG DU MYA NGAN BYED SOGS DRAN PA NYER GZHAG LAS BSHAD DO, ,) LHA RNAMS RGYAL NA ROL MTSO DANG PO'I BAR DU 'DED PAR BYED DO, ,(RNGA LAS LHA RNAMS NI RGYAL BAR 'GYUR RO, ,LHA MIN RNAMS NI PHAM PAR 'GYUR RO, ,DUD 'GRO DAG BDA' BAR BYA'O, ,BRED PAR BYA'O ZHES PA'I SGRA 'BYUNG BAS LHA MIN RANG GNAS SU LDOG GO,) DE DAG PHAN TSUN MGO DANG RKED PA CHAD NA 'CHI BAR 'GYUR LA, YAN LAG DANG NYING LAG CHAD PA NI SLAR SKYE BAR 'GYUR RO, ,DE LTA BU'I 'THAB MO DANG BRAL BA'I PHYIR 'THAB BRAL DANG, LHA'I BU DANG BU MO GNYIS GNYIS LHA'I BU MO RE RE'I PANG DU RDZUS TE SKYE BA'I PHYIR MTSE MA ZHES KYANG BYA'O, ,LONGS SPYOD NI SUM CU RTZA GSUM PA BAS KYANG KHYAD PAR DU 'PHAGS SO, ,THEG PA CHEN PO'I CHOS KYI DGA' BA DANG LDAN PA'I PHYIR DANG, RANG GI SPRUL PA'I 'DOD PA'I YON TAN GYIS DGA' BA'I PHYIR DANG, GZHAN GYIS SPRUL PA LA'ANG DGA' BA'I PHYIR DGA' LDAN LA SOGS PA RIM PA BZHIN DU BRJOD DO, ,GZUGS DANG GZUGS MED PA'I MING GI DON NI BSHAD ZIN TO,, 'DOD PA PA DE DAG 'DOD PA LA JI LTAR SPYOD CE NA, RGYAL CHEN RIS BZHI PA DANG SUM CU RTZA GSUM PA GNYIS NI DBANG PO GNYIS SPRAD PAS LHA'I BU DANG BU MO GNYIS 'KHRIG PA SPYOD DE 'ON KYANG (DE DAG GI ZAS LA MI GTZANG BA'I RGYU MTHUN MED PAS,) SA BON 'BYUNG BA NI MED DE RLUNG RGYU BAS GDUNG BA DANG BRAL BAR GNAS SO, ,'THAB BRAL BA NI 'KHYUD PA TZAM DANG, DGA' LDAN PA LAG PA BCANGS PA DANG, 'PHRUL DGA' BA RGOD PA TZAM DANG, GZHAN 'PHRUL DBANG BYED PA BLTAS PA TZAM GYIS 'KHRIG PA SPYOD PA YIN NO, ,BYE BRAG TU SMRA BA RNAMS NA RE JI TZAM DU YUL SHAS CHE BA DE TZAM DU 'DOD CHAGS SHAS CHE BA'I PHYIR THAMS CAD KYANG GNYIS KYIS GNYIS SPRAS NAS 'KHRIG PA SPYOD PA YIN TE, DBANG PO GZUGS CAN @312 RNAMS NI YUL SO SOR NGES PA YIN PA'I PHYIR RO, ,GDAGS PA LAS BSHAD PA NI, DUS KYI TSAD BSTAN PA YIN NO ZHES ZER RO, ,GAL TE SA BON 'BYUNG BA MED NA LHA'I BU DANG BU MO ZHES JI LTAR BRJOD CE NA, (RGYAL CHEN RIGS BZHIR) BONG TSOD BYIS PA LO LNGA LON PA NAS (SUM CU RTZA GSUM DANG 'THAB BRAL DANG DGA' LDAN DANG 'PHRUL DGA' DANG GZHAN 'PHRUL DBANG BYED RNAMS SU RIM PA LTAR LO DRUG DANG BDUN DANG BRGYAD DANG DGU DANG,) LO BCU LON PA LTA BU'I BAR GYI LHA'I BU DANG BU MO DAG RGYAL CHEN RIS BZHI LA SOGS PA DE DAG TU LHA DANG LHA MO'I PANG DU RDZUS TE MYUR BAR SKYE STE, DE'I PHYIR GANG ZHIG GANG DAG GI PANG DU SKYES PA DE DE DAG GI LHA'I BU DANG BU MO ZHES BRJOD DO,, DE LA RGYAL CHEN RIS BZHIR NI LO LNGA LON PA DANG, SUM CU RTZA GSUM DU LO DRUG DANG, 'THAB BRAL DU LO BDUN DANG, DGA' LDAN DU BRGYAD DANG, 'PHRUL DGAR DGU DANG, GZHAN 'PHRUL DBANG BYED DU BCU LON PA LTA BU'O, ,GZUGS CAN GYI LHA RNAMS NI BONGS TSOD LUS KUN RDZOGS PA DANG, (NGO TSA KHREL MED SPANGS PAS,) GOS DANG BCAS PA NYID DU SKYE'O, ,('CHI BA NA'ANG GOS BCAS SU 'CHI'O, ,) GZUGS KHAMS PA'I LHA THAMS CAD KYANG RDZUN SPANGS PA'I PHYIR BDEN PAR SMRA BAS 'PHAGS PA'I SKAD DU SMRA BA YIN NO, ,SEMS CAN GYI KHYAD PAR LA 'DOD PA SKYE BA NI MDO LAS, 'DOD PA SKYE BA GSUM BSHAD PA'I 'DOD PA SKYE BA GSUM PO NI 'DOD PA'I LHA DANG MIR BCAS PA RNAMS YIN TE, DE LA 'DOD PA'I MI RNAMS DGA' LDAN GYI BAR GYI LHA'I RIS BZHI NI 'DOD PA NYE BAR GNAS PA DAG LA DBANG PHYUG GIS DBANG BYED PA'I 'DOD PA SKYE BA YIN NO, ,(DE YANG RANG GI RNAM SMIN LAS JI LTAR BYUNG BA LONGS SPYOD PAS SO,,) 'PHRUL DGA' BA NI RANG GI SPRUL PA LA DBANG BYED PA'I 'DOD PA SKYE BA YIN NO, ,(DE YANG JI LTAR 'DOD PA BZHIN BDAG NYID KYIS SPRUL PA LA LONGS SPYOD PAS SO,,) GZHAN 'PHRUL DBANG BYED PA NI GZHAN GYI SPRUL PA LA DBANG BYED PA'I 'DOD PA SKYE BA YIN NO, ,(DE YANG JI LTAR 'DOD PA BZHIN RANG GZHAN GNYIS KAS SPRUL PA LA DBANG BYED PAS SO,,) BDE BA SKYE BA NI, MDO LAS, (GSUNGS PA'I,) DBEN PA LAS SKYES PA'I BDE BA DANG, TING NGE 'DZIN LAS SKYES PA'I DGA' BA'I BDE BA DANG, DGA' BA MED PA'I BDE BA SKYE BA GSUM BSHAD PA'I BDE BA SKYE BA GSUM PO NI BSAM GTAN DANG PO GSUM RE RE LAS GSUM GSUM YOD PAS SA DGUR BSHAD PA RNAMS YIN TE, DE LA BSAM GTAN DANG PO'I GSUM NI 'DOD PA LAS DBEN PA LAS SKYES PA'I BDE BA DANG, GNYIS PA'I GSUM NI (RTOG DPYOD SPANGS PA'I,) TING NGE 'DZIN LAS SKYES PA'I DGA' BA'I BDE BA DANG, GSUM PA'I GSUM NI DGA' BA MED PA'I BDE BA @313 YIN, (PA'I PHYIR RO 'DOD PA'I MI NI DE LTA MA YIN NO, ,) GAL TE DE LTA NA DANG PO'I BSAM GTAN KHYAD PAR CAN SKYES PA DE BDE BA SKYE BA MA YIN PAR 'GYUR TE, BTANG SNYOMS KYI SA PA YIN PAS DGA' BA DE MED PA'I PHYIR RO ZHE NA, PHYE BRAG TU SMRA BA RNAMS NA RE 'DI NI PHAL CHE BA BSTAN PA YIN TE, DPER NA MDO (RAB TU BYED PA,) LAS, MNGON PAR SHES PA GANG ZHE NA, SHES RAB DGE BA'O (YIN NO, ,) ZHES 'BYUNG BA BZHIN NO ZHES ZER RO, ,GAL TE 'DI NAS RGYAL CHEN RIS BZHI LA SOGS PA GONG MA RNAMS BRTZEGS TE GNAS NA (GANG DAG LHA'I GNAS NYI SHU RTZA GNYIS BSHAD PA,) DE DAG GI BAR THAG GI TSAD JI TZAM ZHE NA, RANG RANG GI GNAS NAS GNAS 'OG MA'I GNAS KYI BAR THAG JI SRID PA DE RANG GI GNAS DE NAS DE'I GONG MA'I GNAS SU'ANG DE SRID DE, 'DI LTAR GNAS RGYAL CHEN RIS BZHI ('I RTZA BA'I GNAS BANG RIM BZHI PA,) NAS 'OG 'DZAM BU'I GLING DU DPAG TSAD BZHI KHRI YIN PA DE BZHIN DU SUM CU RTZA GSUM DU'ANG DE SRID (DE BZHI KHRI) YIN NO, ,GNAS SUM CU RTZA GSUM NAS GNAS 'OG 'DZAM BU'I GLING DU BRGYAD KHRI YIN PA DE BZHIN DU 'THAB BRAL DU'ANG BRGYAD KHRI YIN PA LA SOGS PA'O, ,SA LAS NI SHIN TU MTHONG MAN TSAD DPAG TSAD BZHI KHRI BZHI KHRI DANG DE NAS 'OG MIN LA DPAG TSAD 'BUM DRUG KHRI YOD PAR BSHAD DO, ,DE DAG TU BGROD PAR BYED PA JI LTAR ZHE NA, RDZU 'PHRUL DANG LDAN PA'AM RDZU 'PHRUL DANG LDAN PA GZHAN LA BRTEN PA MA GTOGS PA KHAMS DANG SA 'OG MA PA DE DAG GIS GONG MAR BGROD PA DANG GONG MA PA DAG MTHONG BA'ANG MED DO, ,DE'I PHYIR GANG DAG ('OG MA BAS GONG MA,) MTHONG BA DE DAG NI SPRUL PA'I GZUGS YIN GYI DMAN PA'I YUL MCHOG MA YIN PAS 'OG MAS GONG MA'I GZUGS MTHONG BA MA YIN NO, ,'O NA GONG MA DE DAG GI GNAS KYI RGYA'I CHAD JI TZAM ZHE NA, 'THAB BRAL LA SOGS PA BZHI NI SUM CU RTZA GSUM DANG TSAD MNYAM MO, ,KHA CIG NA RE NYIS 'GYUR GYIS GONG MA GONG MA CHE BA YIN NO ZHES ZER RO,, BSAM GTAN BZHI'I TSAD NI RIM PA LTAR GLING BZHI DANG STONG CHUNG NGU DANG STONG GNYIS PAR MA DANG STONG GSUM DANG MNYAM MO, ,KHA CIG NA RE BSAM GTAN DANG PO LA SOGS PA GSUM NI STONG CHUNG NGU LA SOGS PA GSUM DANG MNYAM LA BZHI PA LA ('OG GZHI GCIG TU 'BRAL BA MED PAS,) TSAD MED DO ZHES ZER RO, ,STONG GSUM BSHAD PA NI GLING BZHI PA DANG NYI MA DANG ZLA BA DANG DBUS KYI RI RAB DANG GSER GYI RI RNAMS DANG MTSO RNAMS DANG KHOR YUG GI LCAGS RI'I BAR DANG 'DOD PA'I LHA DRUG DANG TSANGS PA'I 'JIG RTEN STONG LA NI STONG SPYI PHUD KYI 'JIG RTEN GYI KHAMS ZHES BYA BA YIN PAR 'DOD LA, STONG SPYI PHUD DE STONG LA NI STONG GNYIS PA BAR MA'I 'JIG RTEN GYI KHAMS ZHES BYA STE DE LA NI GLING BZHI NAS TSANGS PA'I @314 'JIG RTEN GYI BAR SA YA PHRAG GCIG YOD DO, ,STONG GNYIS PA DE STONG LA NI STONG GSUM GYI STONG CHEN PO'I 'JIG RTEN GYI KHAMS TE, DE LA NI GLING BZHI NAS TSANGS PA'I 'JIG RTEN GYI BAR BYE BA PHRAG BRGYA YOD DO,, STONG CHUNG NGU LA SOGS PA GSUM YANG KHOR YUG GI LCAGS RI RE RES BSKOR TE GNAS SO, ,(DE CI'I PHYIR STONG GSUM ZHES BYA ZHE NA,) DE LTA BU'I STONG GSUM DE NI MTHAR MNYAM DU 'JIG CING DANG PO MNYAM DU 'BYUNG BA STE 'CHAGS PA YIN NO, ,DES NA BSAM GTAN GNYIS PA YAN CHAD NI STONG GSUM DU MA 'DUS TE, TSANGS PA'I 'JIG RTEN MAN CHAD KHO NA LA DER BSHAD PA'I PHYIR RO, ,DE'I PHYIR SLOB DPON GANG SPEL GYIS KYANG, TSANGS PA'I 'JIG RTEN STONG LA NI ZHES SMOS PAS BSAM GTAN GNYIS PA LA SOGS PA RNAMS NI STONG CHUNG NGU'I 'JIG RTEN GYI KHAMS KYIS BSDUS PA MA YIN NO ZHES BSHAD DO, ,RGYA CHE ROL PA'I MDO LAS NI, GLING BZHI BYE BA PHRAG BRGYA NAS 'OG MEN GYI BAR BYE BA PHRAG BRGYA LA STONG GSUM GYI STONG CHEN PO'I 'JIG RTEN GYI KHAMS GCIG CES BYA STE YANGS SHING RGYA CHE BA'O ZHES 'OG MIN MAN CHAD STONG GSUM DU GSUNGS SO,, LUS KYI TSAD BSTAN PA LA NGAN SONG GSUM GYI LUS TSAD NI MA NGES PA'I PHYIR 'DIR MA BSTAN TO, , (SA'I DNGOS GZHI LAS KYANG, SEMS CAN DMYAL BA CHEN PO DAG GI TSAD NI NGES PA MED DE, GANG GIS SDIG PA MI DGE BA'I LAS SHIN TU DRAG PO BYAS SHING BSAGS PA DE'I LUS NI CHES CHE BAR 'GRUB PAR 'GYUR LA, GZHAN DAG GI NI GZHAN DU 'GYUR RO, ,SEMS CAN DMYAL BA CHEN PO DAG GI JI LTA BA BZHIN DU GRANG BA'I SEMS CAN DMYAL BA RNAMS DANG, NYE TSE BA'I SEMS CAN DMYAL BA RNAMS DANG, NYE 'KHOR PA'I SEMS CAN DMYAL BA RNAMS DANG, DUD 'GRO DANG, YI DVAGS RNAMS KYANG DE DANG 'DRA'O, , ZHES MI DGE BA CHE CHUNG GIS LUS CHE CHUNG DU 'GYUR BAR BSHAD DO,,) MI RNAMS LAS 'DZAM BU'I GLING PA'I MI RNAMS KYI LUS TSAD NI CHE BA RNAMS KHRU BZHI PA DANG CHUNG BA RNAMS PHYED DANG BZHI PA YIN NO, ,KHRU NI THAMS CAD DU 'OG NAS 'CHAD PA'I PHRA RAB RDUL LA SOGS PA BSAGS PA'I TSAD DANG LDAN PA YIN GYI RANG RANG GI KHRU NI MA YIN NO, ,(SA'I DNGOS GZHI LAS NI, 'DZAM BU'I GLING GI MI RNAMS NI LUS KYI TSAD NI NGES PA MED DE, RES 'GA' NI CHEN POR 'GYUR RO, ,RES 'GA' NI CHUNG NGUR 'GYUR TE, DE YANG RANG RANG GI KHRU TSAD PHYED DANG BZHI'O ZHES BSHAD DO,,) SHAR LUS 'PHAGS PA DANG NUB BA LANG SPYOD PA DANG BYANG SGRA MI SNYAN PA ZHES BYA BA RNAMS NI RIM PA LTAR SNGA MA SNGA MA NYIS 'GYUR GYIS BSKYED PA KHRU BRGYAD DANG BCU DRUG DANG SUM CU RTZA GNYIS PA YIN NO, ,DE DAG KYANG 'DZAM BU'I GLING PA'I KHRU'I DBANG DU BYAS KYI @315 (SA'I DNGOS GZHI LAS SHAR GYI LUS 'PHAGS PA RNAMS KYI LUS KYI TSAD NI NGES PA YIN TE, DE DAG KYANG RANG GI KHRU TSAD PHYED DANG BZHI PA STE LUS SHIN TU CHE BA'O, ,SHAR GYI LUS 'PHAGS PA JI LTA BA BZHIN DU NUB KYI BA LANG SPYOD PA RNAMS DANG, BYANG GI SGRA MI SNYAN PA RNAMS KYANG LUS SHIN TU CHE'O, ,ZHES 'BYUNG BAS,) RANG RANG GI NI KHRU BZHI PA ('AM PHYED DANG BZHI) KHO NA YIN NO ZHES GSUNG NGO, ,GLING PHRAN RNAMS KYI MI RNAMS NI GTZO BO'I GLING GI MI'I LUS KYI PHYED PHYED DANG LDAN NO ZHES GRAG GO ,SLOB DPON GANG SPEL GYIS KYANG BAR GYI GLING BRGYAD PO DE DAG THAMS CAD NI LAS NGAN PA'I DBANG GIS GRUB PA ZHIG STE, DE'I PHYIR DE NA GNAS PA'I MI RNAMS NI LUS CHUNG BA YIN NO ZHES BSHAD DO,, 'DOD PA DANG LDAN PA'I LHA DRUG PO'I LUS TSAD NI RGYAL CHEN RIS BZHI PA RGYANG GRAGS BZHI CHA GCIG YIN PA NAS SUM CU RTZA GSUM PA RGYANG GRAGS PHYED DANG, 'THAB BRAL BA BZHI GSUM DANG, DGA' LDAN PA GCIG DANG, 'PHRUL DGA' BA GCIG DANG BZHI CHA DANG, GZHAN 'PHRUL DBANG BYED PA RGYANG GRAGS DAG PHYED DANG GNYIS KYI BAR DU BSKYED PAR BYA'O, ,(SA'I DNGOS GZHI LAS NI SUM CU RTZA GSUM PA RNAMS KYI TSAD NI RGYANG GRAGS KYI BZHI CHA GCIG PAS LHAG GO ,LHA'I DBANG PO BRGYA BYIN GYI TSAD NI RGYANG GRAGS PHYED DO, ,'THAB BRAL BA RNAMS KYANG RGYANG GRAGS PHYED DO, ,DE YAN CHAD NI BZHI CHA RE RE LHAG PAR BLTA BAR BYA'O ZHES PA DANG, LHA MA YIN RNAMS KYI LUS NI SUM CU RTZA GSUM PA'I LHA'I TSAD BZHIN DU RNAM PAR BZHAG RI PAR GA PAR BYA'O ZHES BSHAD DO,,) LHA MA YIN RNAMS NI SUM CU RTZA GSUM PA'I LHA RNAMS DANG LUS TSAD MNYAM PAR SA LAS BSHAD DO, ,GZUGS CAN GYI LHA RNAMS KYI DANG PO TSANGS RIS PA'I LUS KYI TSAD NI DPAG TSAD PHYED PA YIN NO, ,TSANGS RIS PA DE'I GONG MA TSANGS PA'I MDUN NA 'DON DANG, TSANGS CHEN PA DANG, 'OD CHUNG BA RNAMS KYI LUS NI RIM PA LTAR DPAG TSAD PHYED PHYED KYIS BSKYED PA DPAG TSAD GCIG DANG, PHYED DANG GNYIS DANG GNYIS YIN NO, ,'OD CHUNG BA RNAMS KYI LTAG CHAD MED 'OD YAN CHAD NI LUS NYIS 'GYUR NYIS 'GYUR GYIS CHE STE, 'ON KYANG SPRIN MED PA NYIS 'GYUR GYIS BSKYED PA LAS DPAG TSAD GSUM DOR RO ZHES BYA BA NI KHYAD PAR YIN TE, 'DI LTAR TSAD MED 'OD PA DPAG TSAD BZHI DANG, 'OD GSAL BA BRGYAD DANG, DGE CHUNG BA BCU DRUG DANG, CHAD MED DGE BA SUM CU RTZA GNYIS DANG, DGE RGYAS PA DRUG CU RTZA BZHI DANG, SPRIN MED PA DPAG TSAD BRGYA NYI SHU RTZA BRGYAD LA GSUM DOR BA'I BRGYA NYI SHU RTZA LNGA DANG, BSOD NAMS SKYED PA PHYED DANG SUM BRGYA DANG, 'BRAS BU CHE BA LNGA BRGYA DANG, MI CHE BA STONG DANG MI GDUNG BA NYIS STONG DANG, GYA NOM SNANG BA BZHI @316 STONG DANG, SHIN TU MTHONG BA BRGYAD STONG DANG, 'OG MIN PA KHRI DRUG STONG NGO, ,GZUGS MED PA NI LUS CAN MA YIN PA'I PHYIR LUS KYI TSAD MED LA, DE NA SPRUL PA'I GZUGS YOD PAR 'DOD PA LTAR NA'ANG TSAD NGES PA MED PHYIR RO,, TSE'I TSAD BSTAN PA NI BYANG GI SGRA MI SNYAN NA NI TSE LO STONG THUB STE, NUB DANG SHAR GYI GLING GNYIS NA NI RIM PA BZHIN SNGA MA SNGA MA'I PHYED PHYED SPANGS PAS LNGA BRGYA DANG PHYED DANG SUM BRGYA'O, ,'DZAM BU'I GLING 'DI NA TSE'I TSAD MA NGES TE, THA MA THUNG NGUR GYUR PA NA NI TSE'I TSAD LO BCU PA DANG DANG PO NI TSE DPAG TU MED PA DANG DE DAG GI BAR DU'ANG 'PHEL 'GRIB DU MA YOD PA'I PHYIR RO, ,'DOD PA'I LHA RNAMS KYI TSE TSAD NI MI RNAMS KYI LO LNGA BCU LA 'DOD PA DAG GI LHA RNAMS LAS THAMS CAD KYI 'OG MA RGYAL CHEN RIS BZHI PA'I LHA DAG GI NYIN ZHAG GCIG TU BRTZIS PA'I ZHAG SUM CU LA ZLA BA GCIG DANG ZLA BA BCU GNYIS LA LO GCIG YIN PA DES NA TSE'I TSAD RANG GI LO LNGA BRGYA'O, ,RGYAL CHEN RIS BZHI'I GONG MA SUM CU RTZA GSUM PA LA SOGS PA NI ZHAG DANG LO GNYIS KA NYIS 'GYUR RO STE, (SNGA MA'I BZHI 'GYUR PHYI MA'I TSE TSAD YIN PAS,) 'DI LTAR SUM CU RTZA GSUM PA RNAMS NI MI'I LO BRGYA LA ZHAG GCIG TU BRTZIS PA'I RANG LO STONG THUB PA NAS GZHAN 'PHRUL DBANG BYED PAS MI'I LO STONG DRUG BRGYA LA ZHAG GCIG TU BRTZIS PA'I RANG LO KHRI DRUG STONG THUB PA'I BAR DU'O, ,(DE DAG LA MI'I LO NI RIM PA LTAR DANG PO LA SA YA PHRAG DGU DANG, GNYIS PA LAS YA PHRAG SUM CU RTZA DRUG DANG, GSUM PA LA DUNG PHYUR DANG BYE BA BZHI DANG SA YA BZHI DANG, BZHI PA LA DUNG PHYUR LNGA DANG BYE BA BDUN DANG, SA YA DRUG DANG, LNGA PA LA THER 'BUM GNYIS DANG, DUNG PHYUR GSUM DANG SA YA BZHI DANG, DRUG PA LA THER 'BUM DGU DUNG PHYUR GNYIS BYE BA GCIG SA YA DRUG YOD DO,,) GAL TE SUM CU RTZA GSUM YAN CHAD NA NYI ZLA MED PAS NYIN MTSAN MED PA'I PHYIR ZHAG LA SOGS PA RNAM PAR BZHAG PA DANG SNANG BA'I BYA BA YOD PAR MI 'GYUR RO ZHE NA, NYI ZLA MED KYANG NYIN MTSAN YOD DE, DUS KYI DBANG GIS ME TOG KHA ZUM PA DANG BYA SKAD MI 'BYIN PA DANG GNYID BRO BA NA MTSAN MO DANG, ME TOG KHA BYE BA DANG, BYA SKAD 'BYIN PA DANG GNYID SANGS PA NI NYIN MO YIN PA'I PHYIR RO, ,SNANG BA'I BYA BA NI RANG GI LUS LA 'OD YOD PAS BYED DO,, LHA MA YIN GYI TSE TSAD NI SA ('I DNGOS GZHI) LAS SUM CU RTZA GSUM PA RNAMS DANG 'DRA'O ZHES BSHAD LA, DRAN PA NYER GZHAG LAS NI MI LO LNGA BRGYA LA NYIN ZHAG GCIG TU BYAS PA'I RANG LO LNGA STONG SGRA GCAN GYIS THUB CING, MI LO DRUG BRGYA LA NYIN ZHAG GCIG TU BYAS PA'I RANG LO DRUG STONG MGUL PHRENG DANG BRTEN PAS @317 THUB LA, MI LO BDUN BRGYA LA NYIN ZHAG GCIG TU BYAS PA'I RANG LO BDUN STONG ME TOG PHRENG GIS THUB PAR GSUNGS SHING, THAGS BZANG RIS KYI TSE TSAD NI MA GSUNGS SO, ,GZUGS CAN RNAMS LA NI NYIN MTSAN MED DE, NYIN MTSAN GYI RNAM PAR 'JOG BYED MED PA'I PHYIR RO, ,GZUGS CAN DE DAG GI CHE TSAD NI RANG GI LUS KYI TSAD GZHAL BA'I DPAG TSAD KYI GRANGS KYI TSAD KYI BSKAL PA YIS 'JAL PA YIN TE, 'DI LTAR GZUGS CAN DANG PO SKAL PA PHYED, ,DE YI GONG MA PHYED PHYED BSKYED, ,'OD CHUNG RNAMS KYI LTAG YAN CHAD, ,TSE NI NYIS 'GYUR NYIS 'GYUR TE, ,SPRIN MED BSKAL PA GSUM DOR RO ZHES 'DON PA BSGYUR RO, ,RGYAL BA'I YUM LA SOGS PA MDO KHA CIG LAS NI GYA NOM SNANG DANG SHIN TU MTHONG GO RIM BSNOR NAS GYA NOM SNANG GI RJES LA 'OG MIN BSHAD CING, SLOB DPON ZHI GNAS LHAS MDO DRANGS PA LAS KYANG, SHIN TU MTHONG DANG GYA NOM SNANG BA'I TSE CHAD RIM PA LTAR BSKAL PA BZHI STONG DANG, BRGYAD STONG DU BSHAD DO, ,GZUGS MED PA RNAMS NI BSKAL PA STONG PHRAG NYI SHU NYI SHU LHAG PA YIN ZHES BYA BA NI NAM MKHA' MTHA' YAS SKYE MCHED (LA SOGS PA BZHI RIM PA LTAR,) BSKAL PA STONG PHRAG NYI SHU DANG, RNAM SHES MTHA' YAS SKYE MCHED BZHI BCU DANG, CI YANG MED PA'I SKYE MCHED DRUG CU DANG, SRID PA'I RTZE MO BAS BRGYAD CU THUB PO ZHES BYA BA'I DON TO, ,'O NA DE DAG THAMS CAD BAR BSKAL LAM BSKAL CHEN YIN ZHE NA, 'OD CHUNG NAS GZUNG NAS BSKAL PA CHEN PO YIN TE, 'OD CHUNG DE'I 'OG MA TSANGS CHEN MAN CHAD NI BSKAL PA CHEN PO'I PHYED BAR BSKAL BZHI BCU LA BSKAL PAR BTAGS PA YIN NO, ,DE LTA MA YIN NA TSANGS CHEN PA MA SHI BAR SNOD 'JIG PA'I ME 'BAR BAR 'GYUR BA DANG, STONGS NAS KYANG YOD PAR 'GYUR BA'I PHYIR RO, ,DES NA TSANGS RIS PA BAR BSKAL NYI SHU DANG TSANGS PA MDUN NA 'DON PA BAR BSKAL BZHI BCU DANG TSANGS CHEN PA BAR BSKAL DRUG CUR BAR BSKAL GNYIS KYIS CHAD PA YOD DE, SNOD 'JIG 'CHAGS LA BAR BSKAL RE RE YOD LA SNOD 'CHAGS PA MA RDZOGS PA'I TSE TSANGS PA MA SKYES SHING SNOD 'JIG PA'I GONG DU TSANGS PA SHI BA'I PHYIR RO, ,'ON KYANG BSKAL PA BZHI GSUM THUB PAR BSHAD PA NI DE DANG NYE BA'I PHYIR RO, ,DES NA TSANGS CHEN DANG 'OD CHUNG GI CHE TSAD KYI BAR NA BAR BSKAL BRGYA YOD DO,, SA'I DNGOS GZHI LAS NI BAR BSKAL NYI SHU DANG BZHI BCU DANG DRUG CU LA BSKAL PA ('I RE RE) THA SNYAD DU MDZAD NAS TSANGS RIS PA LA SOGS PA GSUM GYI CHE TSAD BSKAL PA RE RER BSHAD DO, ,NGAN SONG GI TSE'I TSAD LA YANG SOS LA SOGS PA TSA BA'I DMYAL BA DRUG GI TSE TSAD NI RIM PA BZHIN DU 'DOD PA'I LHA RGYAL CHEN RIS BZHI LA SOGS PA DRUG PO'I TSE'I TSAD JI TZAM BSHAD PA DANG YANG SOS LA SOGS PA DRUG GI NYIN ZHAG @318 MNYAM PAR SHES PAR BYA STE, (DANG PO DRUG SNGA MA'I BRGYAD 'GYUR PHYI MA'I TSE TSAD YIN PAS,) 'DI LTAR RGYAL CHEN RIS BZHI PA'I TSE TSAD RANG LO LNGA BRGYA LA YANG SOS PA'I (NYIN) ZHAG (GCIG) TU BRTZI BA LA SOGS PA'O, ,DE LTA BU'I ZHAG SUM CU LA ZLA BA DANG ZLA BA BCU GNYIS LA LO GCIG YIN PA DES NA YANG SOS LA SOGS PA DE DAG RNAMS KYI TSE TSAD NI RANG GI LO LNGA BRGYA DANG STONG DANG NYIS STONG DANG BZHI STONG DANG BRGYAD STONG DANG KHRI DRUG STONG THUB PAR 'DOD PA'I LHA DRUG PO RNAMS DANG LO'I GRANGS 'DRA BA YIN NO ZHES SHES PAR BYA'O, ,('DIR YANG YANG SOS KYI NYIN ZHAG GCIG LA MI LO SA YA PHRAG DGU DANG, RANG LO LNGA BRGYA LA MI'I LO KHRAG KHRIG BCU DRUG DANG THER 'BUM CHEN PO GNYIS YOD PA NAS TSA BA'I RANG LO KHRI DRUG STONG LA MI'I LO GTAMS GSUM GTAMS CHEN PO LNGA RAB BKRAM BRGYAD DANG RAB BKRAM CHEN PO BRGYAD, KHRAG KHRIG DGU THER 'BUM CHEN PO GNYIS YOD PA'I BAR DU SBYAR PA'O,) RAB TU TSA BA'I DMYAL BAS NI BAR GYI BSKAL PA PHYED THUB BO, ,MNAR MED PAS NI BAR GYI BSKAL PA GCIG THUB PA'O, ,DUD 'GRO RNAMS KYI TSE THUNG BA LA NGES MED PA PAS TSE MCHOG TU RING BAS NI BAR GYI BSKAL PA GCIG THUB STE, LUNG LAS, DGE SLONG DAG KLU BRGYAD PO 'DI DAG NI KLU CHEN PO STE, BSKAL PAR GNAS PAS 'DZIN PA BYA'I RGYAL PO NAM MKHA' LDING GIS MI PHYIN PA LHA DANG LHA MA YIN GYI G-YUL YANG NYAMS SU MYONG ZHING SO SOR NYAMS SU MYONG BA YIN NO, ,DE DAG KYANG GANG ZHE NA, 'DI LTA STE, KLU'I RGYAL PO DGA' BO DANG, NYER DGA' BO DANG, RTA MGO DANG, BTANG BZUNG DANG, YID LAS BYUNG DANG, YUL 'KHOR SRUNG DANG, NAG PO CHEN PO DANG, AE LA'I 'DAB PO ZHES GSUNGS PA LTA BU'O, ,SHIN TU THUNG BA NI YUD TZAM RE'I TSE'I TSAD DANG BCAS PA DAG KYANG YOD DO,, YI DVAGS RNAMS NI MI'I ZLA STOD LA NYIN MO DANG, ZLA SMAD LA MTSAN MOR BYAS NAS MI RNAMS KYI ZLA BA GCIG LA YI DVAGS KYI NYIN ZHAG GCIG GI GRANGS SU BRTZIS PA'I RANG LO LNGA BRGYA THUB PA YIN LA, BSHES SPRING LAS, BAR CHAD MED PAR SDUG BSNGAL BSTEN GYUR PA, ,NYES PAR SPYAD PA'I LAS KYI ZHAGS PA YI,, DRA BAS BCINGS PA'I LUS CAN KHA CIG LO, ,LNGA STONG DAG DANG KHRIR YANG 'CHI MI 'GYUR ZHES 'BYUNG BA NI MI'I LO'I DBANG DU MDZAD PA'O, ,DRAN PA NYER GZHAG LAS NI MI'I LO BCU LA YI DVAGS KYI NYIN ZHAG GCIG TU BRTZIS PA'I RANG LO LNGA BRGYA THUB PAR GSUNGS TE, (DE'I LTAR NA RANG LO LNGA BRGYA LA MI LO SA YA PHRAG GCIG DANG DGU 'BUM DU 'GYUR RO, ,SA'I DNGOS GZHI LAS NI DUD 'GRO DANG YI DVAGS RNAMS KYI TSE'I TSAD NI NGES PA MED DO ZHES PA DANG, DE BZHIN DU NYE 'KHOR GYI SEMS CAN DMYAL BA DANG, NYE 'TSE @319 BA'I SEMS CAN DMYAL BAR SKYES PA'I SEMS CAN RNAMS KYI TSE'I TSAD NI NGES PA MED DO ZHES BSHAD DO, ,) GRANG DMYAL GYI TSE TSAD NI TIL GYI SBYANGS PA MA GA DHA'I BRE'I TIL KHAL BRGYAD CUS GANG BA'I NANG 'GA' ZHIG GIS LO BRGYA BRGYA ZHING TIL GCIG STE RE RE PHYUNG BAS TIL DE DAG ZAD PAR GYUR PA NI CHU BUR CAN GYI TSE TSAD YIN TE, CHU BUR RDOL PA CAN LA SOGS PA GZHAN GYI TSE NI NYI SHUR BSGYUR BA'I 'GYUR GYIS PHYI MA PHYI MA RING NGO,, (SA'I DNGOS GZHI LAS NI GRANG BA'I SEMS CAN DMYAL BAR SKYES PA'I SEMS CAN RNAMS KYI TSE'I TSAD NI SEMS CAN DMYAL BA CHEN POR SKYES PA'I SEMS CAN RNAMS LAS PHYI MA PHYI MA PHYED PHYED ZHUGS PAR RIG PAR BYA'O ZHES 'BYUNG STE, DE'I DON KHA CIG TSA DMYAL RNAMS KYI PHYED PHYED THUB PAR 'CHAD MOD KYI, TSE'I MTHA' MDO LTAR NA TSA DMYAL DANG PO DRUG PAS GRANG DMYAL DANG PO DRUG RING BAR MNGON NO, ,) CI SNGAR SMOS PA'I SEMS CAN DE DAG BAR MA DOR MI 'CHI BAR TSE TSAD LTAR NGES PA KHO NA YIN NAM ZHE NA, SGRA MI SNYAN PA DAG NI STONG DU NGES TE, BAR MA DOR 'CHI BA MED PA'I PHYIR RO, ,SGRA MI SNYAN PA MA GTOGS PA RNAMS LA BAR MA DOR 'CHI BA YOD PA'I PHYIR NGES PA NI MA YIN GYI SPYI'I TSE TSAD SMOS PA YIN NO, ,DE LTAR TSE TSAD LA SOGS PA RGYAS PAR BSTAN NAS 'DIR MA SMOS PA GDAGS PA LAS 'BYUNG BA NI, BKRES SKOM GLING BZHI 'DOD LHA NA, ,GONG MA NA MED GLING GSUM NA, ,'BRAS CHAN ZAN PHYE SHA 'KHUR BA'I, ,ZAS ZA SGRA MI SNYAN PA RNAMS, ,MA RMOS (MA BTAB PA'I) 'BRAS KYI (SA LU'I) 'BRU DAG ZA, ,'DOD LHA (KHA DOG BZHI PA'I) DRI DANG (DANG SBRANG SOGS CHANG) BDUD RTZI'O, ,GONG NA KHAM ZAS RNAM PAR SPANGS, ,BSHANG GCI GLING BZHI DAG NA YOD, ,YAN CHAD NA MED CHAR BA DAG ,'BAB NYES PA DANG LEGS PA DANG, ,LO NYES LO LEGS MU GE DAG ,GLING GSUM NA YOD SGRA MI SNYAN, ,'DOD LHA YAN CHAD DE DAG MED, ,'JIGS DANG YID BDE RES 'JOG NI, ,GLING GSUM DAG DANG 'DOD LHA LA, ,SGRA MI SNYAN DANG GONG NA MED, ,NOR 'BRU GSER DNGUL NYO TSONG DAG ,GLING GSUM NA YOD SGRA MI SNYAN, ,LHA RNAMS KUN LA YOD MA YIN, ,BZHIN MDOG DKAR NAG SNGO SANGS DANG, ,SKYA SNAR (BZHI KA) GLING GSUM (DANG) 'DOD LHA RNAMS, ,SNGO SAR DKAR DMAR SGRA MI SNYAN, ,(DANG GZUGS KHAMS PA) TSANGS RIS YAN CHAD DKAR POR GNAS, ,(KHA DOG DKAR PO KHO NA'O, ,) CHED DU BYAS DANG MA BYAS PA'I, ,KHANG PA GLING GSUM 'DOD LHA NA, ,SGRA MI SNYAN DANG GZUGS KHAMS PA, , CHED DU BYAS PA MA YIN NGES, ,BAL GOS RAS DANG ZAB DAR SOGS, ,(LCI YANG GNYIS KA) GLING GSUM NA YOD SGRA MI SNYAN, ,(SGRA MI SNYAN PA SRANG GCIG DANG, 'DOD LHA DRUG PA'O, ,) 'DOD LHA DRUG @320 PO SRANG GCIG NAS, ,DRUG CU RTZA BZHI CHA YI BAR, ,CHES YANG SNGO SER DKAR DMAR DAG ,DPAG BSAM SHING LAS 'BYUNG BAR BSHAD, ,GZUGS KHAMS GOS DANG BCAS PAR SKYE, ,RANG LUS TSAD LAS NYIS 'GYUR GYIS, ,LHAG PA'I GOS DAG GON PAR BSHAD, ,BAG MA LEN DANG GTONG BA NI, , GLING GSUM 'DOD LHA RNAMS LA YOD, ,SGRA MI SNYAN DANG GONG NA MED, ,LUS LA TSA DANG GRANG BA NI, , GLING GSUM DAG NA SGRA MI SNYAN, ,LHA RNAMS RNAM PAR SPANGS PA YIN, ,DGUN DPYID DBYAR DANG STON RNAMS NI, ,GLING BZHI 'DOD LHA RNAMS NA YOD, ,GONG MA NA MED NYIN MTSAN DANG, ,PHA MA RNAMS KYANG DE BZHIN NO, ,RJE BRAN GLING GSUM 'DOD LHA RNAMS, ,SGRA MI SNYAN DANG GONG NA MED, ,NOR DANG 'BRU YOD GLING GSUM NA'O, ,'BRU YOD NOR MED SGRA MI SNYAN, ,NOR YOD 'BRU MED 'DOD LHA RNAMS, ,GNYIS KA MED PA GONG MA YIN, ,PHA MA NAS NI 'BRU'I BAR, ,KUN LA ZHEN PA GLING GSUM NA, ,'BRU MA GTOGS LA ZHEN PA NI, ,'DOD LHA'O SGRA MI SNYAN DANG NI, ,GONG MA'I LHA RNAMS ZHEN PA MED, ,ZLA MTSAN SBRUM MA BU BTZA' BA, ,GLING BZHI NA YOD LHA RNAMS NI, ,RDZUS SKYES KHU BA 'BYUNG BA YANG, ,MI RNAMS 'DOD LHA RLUNG DAG RGYU, ,TSE DANG LUS DANG 'KHRIG PA SPYOD, ,RTZA BAR BSHAD PHYIR 'DIR MA BRIS, ,MTHO RIS KYI NI LONGS SPYOD DAG ,LUNG BZHIN DU NI BSDEBS PA YIN ZHES SHES PAR BYA'O,, 3. 'JAL BYED KYI TSAD BSHAD PA, DA NI DE DAG 'JAL BYED KYI TSAD BSHAD PA LA DON DNGOS DANG, ZHAR LAS BYUNG BA GNYIS KYI DANG PO LA'ANG GNYIS LAS GZUGS CAN GYI TSAD BSTAN PA NI GZUGS KYI CHUNG BA'I MTHA' NI RDUL PHRA RAB DANG, MIG GI CHUNG BA'I MTHA' NI YI GE (GCIG YIN TE DE LAS CHUNG BA'I YI GE MED PA'I PHYIR,) DANG, DUS KYI THUNG BA'I MTHA' NI SKAD CIG MA YIN (TE SE GOL GCIG GI YUN GYI RE LNGA'I CHA GCIG YAN,) NO, ,PHRA RAB KYI RDUL BDUN LA NI RDUL PHRAN GCIG DANG, JI LTAR RDUL PHRA RAB RDUL BDUN LA RDUL PHRAN GCIG YIN PA DE BZHIN DU RDUL PHRAN BDUN LA LCAGS RDUL GCIG DANG, DE BDUN LA CHU RDUL GCIG DANG, DE BDUN LA RI BONG GI RDUL GCIG DANG, DE BDUN LA LUG GI RDUL GCIG DANG, DE BDUN LA GLANG GI RDUL GCIG DANG, DE BDUN LA NYI ZER GYI RDUL GCIG DANG, DE BDUN LA SRO MA GCIG DANG, DE BDUN LA SRO MA DE LAS BYUNG BA'I SHIG GCIG DANG, JI LTAR SRO MA BDUN LA SHIG GCIG YIN PA DE BZHIN DU SHIG @321 BDUN LA NAS DANG, DE BDUN LA SOR MO'I TSIGS ZHES BYA BA'O, ,(YIN TE BCOM ZHING BSAL YANG DE LAS CHUNG BA MI DMIGS PA'I PHYIR,) DE'I PHYIR GONG MA GONG MA RE RE NI 'OG MA 'OG MA BDUN BDUN DU BSGYUR RO, ,GDAGS PA LAS NI, LCAGS CHU GNYIS MI 'BYUNG BAR PHRA RAB RDUL DANG, RDUL PHRAN DANG, NYI ZER RDUL DANG, RI BONG RDUL DANG, LUG RDUL DANG, GLANG RDUL ('DI DAG RDUL 'DUS PA'I GNAS SKABS LA MING DE LTAR BTAGS KYI SROG CHAGS KYI SPU'I RTZE MO LA BRTZI BA LA SOGS NI MIN NO,,) DANG, SRO MA DANG, AA BA GA NA DANG, BA TI KA DANG, SOR RNAMS SNGA MA BDUN BDUN LA PHYI MA RE RER BSHAD LA, RGYA CHE ROL PA LAS NI RDUL PHRA RAB DANG, RDUL PHRA MO DANG, RDUL CHUNG NGU DANG, NYI ZER RDUL DANG, RI BONG RDUL DANG, LUG RDUL DANG, GLANG RDUL DANG, SRO MA DANG, YUNGS 'BRU DANG, NAS DANG, SOR RNAMS SNGA MA BDUN BDUN LA PHYI MA RE RER GSUNGS MOD KYI MING THA DAD TZAM LAS RDUL PHRA RAB LA NI CHE CHUNG MED DO, ,SOR MO NYI SHU RTZA BZHI LA KHRU GANG NGO, ,KHRU BZHI LA NI GZHU 'DOM GANG NGO, ,'DOM DE DAG LNGA BRGYA RNAMS LA NI RGYANG GRAGS YIN LA, GRONG LAS RGYANG GRAGS KYIS 'PHAGS PA DE LA NI DGON PAR 'DOD DO, ,RGYANG GRAGS DE BRGYAD LA DPAG TSAD GCIG CES BYA'O, ,RGYA CHE ROL PA LAS NI, GZHU STONG LA YUL MA GA DHA'I RGYANG GRAGS GCIG DANG RGYANG GRAGS BZHI LA DPAG TSAD GCIG TU BSHAD DO, ,DE DAG GIS NI SNOD BCUD KYI TSAD THAMS CAD 'JAL LO,, GNYIS PA DUS KYI TSAD LA LO BSHAD PA NI SNGAR BSHAD PA'I DUS MTHA'I SKAD CIG MA NI RDUL PHRA RAB 'DZUR BA'I DUS SAM, RGYU NUS PA THOGS PA MED PA'I DUS ZHES DPER MDZAD MOD KYI DE YANG MI SHES PAS CHOS MNGON PA BA RNAMS NA RE SKYES BU STOBS DANG LDAN PAS SE GOL GCIG GTOGS PA'I YUN LA SKAD CIG MA DRUG CU RTZA LNGA 'DA'O ZHES ZER RO, ,DE LTA BU'I SKAD CIG MA BRGYA NYI SHU LA NI DE'I SKAD CIG DANG, DE'I SKAD CIG MA DE DAG DRUG CU LA THANG GCIG GO ,THANG GCIG SUM CU LA YUD TZAM DANG, DE YUM CU LA NYIN ZHAG GCIG DANG, DE SUM CU LA ZLA BA GCIG STE, DE LTAR NA DE GSUM NI GONG NAS GONG DU SUM CUR BSGYUR RO, ,ZLA BA THAMS CAD ZHAG SUM CU SUM CU KHO NAR NGES PA NI MA YIN TE, SNGAR BSTAN PA LTAR 'GREL PA LAS, DGUN DANG DPYID DANG DBYAR RNAMS KYI, ,ZLA BA PHYED DANG GNYIS 'DAS NAS,, ZLA BA PHYED NI LUS PA NA, ,MKHAS PAS ZHAG MI THUB PA DOR ZHES PA DANG, ('DUL BA'I MDO LAS NYIN ZHAG GCIG GIS MCHOG PAR BYA'O, ,DUS TSIGS RNAMS KYIS ZLA BA PHYED LUS PA NYID LA'O ZHES PA DANG,) 'DUL BA TSIG LE'UR BYAS PA LAS KYANG, (KHA BA SO KA DBYAR RNAMS KYI, ,ZLA BA GNYIS @322 DANG BZHI YI NI, ,MAR NGO LA NI BCU BZHI PA'I, ,GSO SBYONG SDOM BRTZON DAG GIS BYA ZHES PA DANG,) DUS RNAMS MTHA' DAG 'PHO BAS NA, ,ZLA PHYED GSUM GSUM RJES LA 'CHAD, ,LO LA ZHAG RES MA TSANG BA'I, ,ZLA BA DRUG TU BSTAN PA YIN, ,ZHES 'BYUNG BAS STON ZLA THA CHUNG TSES BCU DRUG NAS GZUNG STE ZLA BA PHYED DANG GNYIS GNYIS NI 'DAS LA ZLA BA PHYED PHYED LUS PA'I MTSAMS SU ZHAG MI THUB PA RE RE 'BYUNG BA'I PHYIR TE, DE DAG KYANG DBYAR DGUN 'BRING THUB STON DPYID 'BRING MI THUB CES PAS DGUN ZLA RA BA DANG, DGUN ZLA THA CHUNG DANG, DPYID ZLA 'BRING PO DANG, DBYAR ZLA RA BA DANG, DBYAR ZLA THA CHUNG DANG, STON ZLA 'BRING PO DRUG GI MAR NGO'I TSES BCU BZHI PA RNAMS LA ZLA BA ZAD PAS GSO SBYONG BCU BZHI PA BYED PA RNAMS TE, DE LA MI THUB PA'I DON NI GNAM ZLAS SA ZLA'I DOD MA THUB PA YIN LA, GNAM ZLAS MI THUB PA'I RGYU MTSAN NI CHOS NYID KYI RIGS PA YIN GYI BSAM PA'I YUL LAS 'DAS PAS MTHA' GCIG TU MI NGES PA'I PHYIR KHO BOS NI MA DPYAD LA GZHAN GYIS DPYAD PA RNAMS KYANG JI LTA BAR MI SNANG NGO,, DE LTAR ZHAG MI THUB PA DRUG LO PHYI MA LA BLANGS PA DANG BCAS PA'I ZLA BA BCU GNYIS LA NI LO GCIG GO , GAL TE DE LTA NA LO LNGA LNGA NA ZLA BSHOL 'BYUNG BAS DA LTAR RTA BYA BYI BA YOS LA BSHOL, ,STON DGUN DPYID DBYAR 'BRING PO GNYIS, ,ZHES LO GSUM GSUM NA 'DOR BA DANG 'GAL LO ZHE NA, DNGOS PO LA DE LTAR YIN KYANG (SHIN TU PHRA ZHIB CHE BAS) LO GSUM GSUM NA 'DOR BA NI RGYAL PO DANG MTHUN PAR BYA BA'I PHYIR YIN PAS NYES PA MED DE, (LUNG SDE BZHI'I GZHUNG DAM PA LA ZHU BA DANG, 'DUL BYED DANG, GCIG LAS 'PHROS PA DANG, LNGA TSAN DANG, BCU DRUG TSAN DANG, GLENG GZHI DANG, RKYANG PA'AM SIL BU DANG, GTAM GYI GZHI'AM DNGOS PO DANG, MA NA BI KA'AM, BRAM ZE'I BU MO LTA BU BSNYEN PAR RDZOGS PA'I PHUNG PO RAB TU LDAN PA'I PHUNG PO BYA BA'I PHUNG PO GSUM STON PA DANG, MA MO LTA BU DANG, LUS LA SOGS PA DMIGS PA DANG, BYIN RLABS DANG, MTSAN NYID DANG, GLENG GZHI DANG, NGO BO DANG, 'BRAS BU DANG BDUN STON PA STE LE'U LAG BCU GCIG YOD PA LAS DRUG PA GLENG GZHI LA SGO LNGA YOD PA LAS, SGO DANG PO BZHI LA BSDOMS TSIGS BCU BCU, SGO LNGA PA LA BSDOMS KYI TSIGS DRUG YOD PA LAS GLENG GZHI'I SGO DANG PO'I BSDOMS TSIGS TSIGS BCAD GNYIS PA'I SKABS LAS STON PA MNYAN YOD KYI RGYAL BYED KYI TSAL NA BZHUGS PA'I TSE DGE SLONG RNAMS LA LO LNGA LNGA NA BSHOL DOR CIG CES GSUNGS NAS LO LNGA LNGA NA BSHOL 'DOR RO, ,RGYAL PO DAG NI LO GSUM GSUM NA BSHOL 'DOR BAR BYED DO, ,DGE SLONG DAG GIS RGYAL PO'I LTAR MA BYAS PA DANG, BLON PO DAG 'PHYA BAR GYUR NAS, DE LTAR GYUR PA DGE SLONG DAG GIS @323 BCOM LDAN 'DAS LA GSOL PA DANG, BKA' STZAL PA, DGE SLONG DAG BLON PO RNAMS 'PHYA BA NI YUS TE, DE LTA BAS NA, RGYAL PO'I GZHUNG BZHIN DU YANG GYIS SHIG CES GSUNGS LA DE DANG MTHUN PAR) 'DUL BA'I MDO LAS ZLA BA BSHOL DOR BA NI RGYAL PO'I RJES SU 'BRANG BAS SO ZHES PA DANG, 'DUL BA TSIG LE'UR BYAS PA LAS KYANG, LO DANG ZLA BA ZLA BSHOL DAG ,RGYAL PO'I BKA' YIS KYANG NI BSNGAGS, ,BKA' BTZAN GRAGS LDAN SHES RAB CAN, ,DPUNG LDAN DE YI RJES 'BRANG BYA ZHES 'BYUNG BA'I PHYIR RO, ,(DE BZHIN DU LUNG DE NYID LAS SKAR MA BRTZI BA MI MTHUN PAR GYUR TE, DGE SLONG DAG GIS DE LTAR MA BYAS PA DANG, SKAR MA BRTZI BA LA MKHAS PA DAG 'PHYAG NAS DGE SLONG RNAMS KYIS STON PA LA GSOL PA NA, DGE SLONG DAG SKAR MA BRTZI BA DAG 'PHYA BA NI YUS TE, DE LTA BAS NA SKAR MA BRTZI BA DAG GI RJES SU YANG 'JUG PAR BYOS SHIG CES GSUNGS LA, 'DUL PA'I MDO LAS KYANG, RGYU SKAR NI SKAR MKHAN GYI RJES SU 'BRANG BAS SO, ,ZHES 'BYUNG NGO, ,DE YANG DNGOS KYI ZLA BA THUB NA BSHOL YANG THUB LA, MI THUB NA BSHOL YANG DE'I RJES SU 'BRANG NGO, ,) DE LTA BU'I LOS NI 'DOD PA'I LHA MI DANG TSA DMYAL DRUG DANG YI DVAGS RNAMS KYI TSE TSAD 'JAL LO,, BSKAL PA BSHAD PA NI MDO LAS BAR GYI BSKAL PA DANG, 'JIG PA'I BSKAL PA DANG, 'CHAGS PA'I BSKAL PA DANG, GNAS PA'I BSKAL PA DANG, STONGS PA'I BSKAL PA DANG, BSKAL PA CHEN PO ZHES BSKAL PA RNAM PA MANG PO BSHAD PA DE DAG LAS 'JIG PA'I BSKAL PA NI DMYAL BA'I SRID PA MED PA NAS 'GO BRTZAMS TE SNOD KYI 'JIG RTEN ZAD PA'I BAR TE, 'DI LTAR 'JIG RTEN 'DI BAR BSKAL NYI SHUR GNAS (SHING TSE LO BRGYAD KHRI PA MTHAR GYUR,) PA'I RJES LA SEMS CAN DMYAL BA'I SEMS CAN DAG GSAR DU SKYE BA CHAD DE (DE'I TSE GNAS PA RDZOGS LA 'JIG PA'I 'GO 'JUG PA YIN NO DE LTAR) SNGAR SKYES PA RNAMS KYANG LAS ZAD NA GONG DU SKYE BA'AM, MA ZAD NA 'JIG RTEN GYI KHAMS GZHAN GYI DMYAL BAR SKYES TE DMYAL BA RNAMS RIM GYIS STONGS PAR 'GYUR RO, ,(DES DMYAL BA ZHIG PA YIN NO, ,) DE'I RJES LA TSUL DE LTA BUS DUD 'GRO DANG YI DVAGS RNAMS KYANG STONGS PAR 'GYUR RO, ,DE NAS LHO 'DZAM BU'I GLING PA'I MI RNAMS LA (LUNG MED PAR,) CHOS NYID KYIS THOB PA'I BSAM GTAN DANG PO SKYES TE (KYE MA'O DBEN PA LAS SKYES PA'I DGA' BA DANG BDE BA NI BDE BA YIN NO ZHES LAN GNYIS SU SGROGS TE, SGRA DE TSEGS CHUNG NGUS 'DZAM BU GLING THAMS CAD DU KHYAB PAR 'GYUR RO, ,DE THOS NAS GZHAN YANG CHOS NYID KYIS THOB PA'I BSAM GTAN DANG PO LA SNYOMS PAR 'JUG STE 'DZAM GLING GI MI THAMS CAD,) SHI 'PHOS @324 NAS BSAM GTAN DANG POR SKYE BAR 'GYUR RO, ,DE'I RJES LA TSUL DE NYID KYIS SHAR NUB KYI GLING GI MI RNAMS KYANG STONGS PAR 'GYUR RO, ,DE'I RJES LA BYANG GI SGRA MI SNYAN PA RNAMS LA RNAM SMIN GYI SGRIB PAS TING NGE 'DZIN MI SKYE BAS 'DOD PA'I LHA RNAMS SU SKYES TE STONGS PAR 'GYUR RO, ,'DOD PA'I LHA RNAMS LA'ANG CHOS NYID KYIS THOB PA'I BSAM GTAN DANG PO SKYES TE (SNGAR BZHIN DU BSGRAGS PAS THAMS CAD KYIS BSAM GTAN DANG PO THOB, SHI NAS) BSAM GTAN DANG POR SKYE BAR 'GYUR LA, (DES 'DOD PA'I BCUD ZHIG PA YIN NO, ,) BSAM GTAN DANG PO PA RNAMS KYANG BSAM GTAN GNYIS PA'I TING NGE 'DZIN (SNGAR BZHIN) THOB NAS GNYIS PA YAN CHAD DU SKYE BAR 'GYUR BA RNAMS NA (MES 'JIG PA'I TSE DE TZAM GYIS, TSANGS PA'I 'JIG RTEN DU'ANG KHA CIG LA CHOS NYID KYIS THOB PA'I BSAM GTAN GNYIS PA SKYES TE KYE MA TING NGE 'DZIN LAS SKYES PA'I DGA' BA DANG BDE BA NI BDE BA YIN NO ZHES LAN GNYIS BSGRAGS PA GZHAN GYIS KYANG THOS TE DE LA ZHUGS PAS DANG PO PA RNAMS SHI NAS GNYIS PAR SKYE'O, ,MES 'JIG NA DE TZAM GYIS SEMS CAN ZHIG PA YIN NO, ,CHUS 'JIG NA GNYIS PA LA GSUM PA SKYES NAS GSUM PAR SKYE'O,, DE TZAM SOGS 'GRE'O, ,RLUNG GIS 'JIG NA GSUM PA LA BZHI PA SKYES NAS BZHI PAR SKYE'O, ,) SEMS CAN 'JIG PA STE DE LA NI BAR BSKAL BCU DGU THOGS SO (SA'I DNGOS GZHI LAS NI 'DOD PA'I LHA MI THAMS CAD KYIS KYANG CHOS NYID KYIS THOB PA'I BSAM GTAN GNYIS PA'ANG THOB NAS 'DOD PA NAS SHI NAS THAMS CAD 'OD GSAL DU SKYE BAR BSHAD DO, ,) DE'I RJES LA 'OG NAS 'BYUNG BA LTAR (SNOD 'PHEN PA'I LAS ZAD NAS,) SNOD 'JIG PA LA'ANG BAR BSKAL GCIG GO ,(GDAGS PA LAS, DUS MTHA'I TSE NA 'TSO BA'I 'JIG RTEN 'DIR, ,SPRIN RNAMS CHU NI CUNG ZAD GTONG MI BYED, ,NYI MA GCIG PUS RTZA DANG GEL BA DANG, ,SMAN DANG SA BON SHING MA ZAD PAR BYED, ,NYI MA GNYIS PAS LTENG GA CHUNG NGU'I CHAGS, , DE BZHIN CHU KLUNG CHUNG NGU SKAM PAR 'GYUR, ,LTENG KA CHEN PO'I TSOGS DANG KLUNG CHEN DANG, ,CHU RNAMS NYI MA GSUM PAS MED PAR BYED, ,MI MA YIN GNAS 'CHE BA RGYA CHE BA, ,MA DROS ZHES BYA SHIN TU YID 'ONG ZHING, ,GTZANG MA'I CHU YIS SHIN TU GANG BA NA, ,NYI MA BZHI PA YIS NI SKAM PAR 'GYUR, , RIN CHEN MANG BAS GANG ZHING RAB 'JIGS LA, ,SEMS CAN TSOGS CHEN DAG GIS GNAS GYUR PA, , RGYA MTSO DAG NI NYI MA LNGA RNAMS KYIS, ,YONGS SU GDUNG BAS MA LUS SKAM PAR 'GYUR, ,SA DANG GANGS DANG DE BZHIN RI RAB DANG, ,GSER GYI RI DBANG DE BZHIN BDUN PO RNAMS, ,NYI MA DRUG PA DAG GIS RAB GDUNGS PAS, ,KUN NAS DUD PA SHIN TU 'THAN PAR BYED, ,GANG TSE NYI MA BDUN PA SHAR @325 GYUR CING, ,'DIR NI 'OD ZER DRA BA RAB GTONG BA, ,DE'I TSE NAS DANG RI RNAMS KUN, ,SHIN TU RAB TU 'BAR BAR 'GYUR ZHE'O, ,'OD ZER DRA BA RAB 'JOMS LDAN PA YI, ,NYI MA DE BDUN RNAM PAR RGYU ZHE'O, ,SA 'DI DANG NI DE BZHIN GSER GYI GZHI, ,SEMS CAN DMYAL BRGYAD RI RNAMS THAMS CAD DANG, ,'DOD LDAN LHA RNAMS KYI NI KHANG PA DANG, ,'DOD PA KUN GYI GNAS SU SONG NAS KYANG,, 'DOD PA'I LHA MANG SHIN TU YID 'ONG BRAL, ,TSANGS PA'I GNAS RNAMS SHIN TU SREG PAR BYED, ,JI SKAD SMRAS BZHIN MA LUS KUN BSREGS NAS, ,DUS MTHA'I NYI MA GZI BRJID CHE LDAN PA, ,DE DAG NYID KYANG DBANG NI MED 'GYUR ZHING, ,MI RTAG PAS NI BCOM NAS ZHIG PAR 'GYUR, ,DE LTAR LHUN PO RGYA MTSO CHE DANG SA, ,DE BZHIN MTHO RIS ZAD 'GYUR SHAS NAS NA, ,SKYE BO DAM PA DAG GIS BSTEN PA'I PHYIR, ,'PHAGS PA'I GNAS LA RTAG TU BLO ZHOG CIG ,CES BSHAD DO, ,BSAM GTAN DANG PO 'JIG PA'I ME YANG SA DE PAS BSDUS SO, ,LAS THA DAD LAS GRUB PAS 'DOD MES GNOD MI NUS PAS SO, , CHUS 'JIG PA NI, SNOD STONG PAR LHAN CIG SKYES PA'I RANG GI SA PA'I CHU KHO NAS BSAM GTAN GNYIS PA'I BAR DU 'JIG STE LAN TSVA CHUR BSKYUR BA LTAR 'JU BAR BYED DO, ,'DOD PA'I CHU LA DANG PO'I CHU DANG, DE LA GNYIS PA'I CHU 'BREL TE DE'I CHU NI SNOD DANG LHAN CIG TU 'GAG GO ,RLUNG GIS 'JIG PA NI LHAN CIG SKYES PA'I RNAM PAR 'THOR RLUNG RANG GIS SA PAS BSAM GTAN GSUM PA'I SNOD KYI BAR DU 'THOR TE 'BREL TSUL NI SNGA MA BZHIN NO, ,) 'CHAGS PA NI MES ZHIG NAS STONGS PA'I RJES LA DANG PO KHO NAR BSAM GTAN DANG PO'I 'OG GZHI'I RLUNG GI DKYIL 'KHOR 'CHAGS PA NAS BRTZAMS NAS NI DMYAL BA MNAR MED PAR SEMS CAN GCIG SRID PA'I BAR DU'O STE SNOD 'CHAGS PA LA BAR BSKAL GCIG DANG, SEMS CAN 'CHAGS PA LA BAR BSKAL BCU DGU STE NYI SHU THEGS SO, ,DE LA SNOD KYI 'JIG RTEN 'CHAGS PA'I TSUL PHAL CHER NI BSHAD ZIN MOD KYI 'ON KYANG 'GREL PA DANG RGYAL PO'I SRAS KYI t'I KAR LUGS KYIS NA THA MAR 'JIG PA GANG YIN PA DE NI DANG POR 'CHAGS PA YIN NO, ,DE'I PHYIR (MES ZHAG NA,) DANG POR TSANGS PA'I GZHAL MED KHANG 'BYUNG NGO, ,DE'I 'OG TU GZHAN 'PHRUL DBANG BYED KYI GZHAL MED KHANG NAS RIM PA LTAR 'THAB BRAL PA'I GZHAL MED KHANG GI BAR DU (SA DANG MA 'BREL BA RNAMS,) 'BYUNG NGO, ,'THAB BRAL BA'I GZHAL MED KHANG BYUNG BA DE'I 'OG TU NI ('OG GZHI,) RLUNG GI DKYIL 'KHOR LA SOGS PA'O ZHES 'BYUNG BAS BSAM GTAN DANG PO NAS 'THAB BRAL GYI BAR NI GLING BZHI PA RNAMS MA CHAGS KYI GONG DU YAS RIM GYIS 'CHAGS SO ZHES BYA BA NI SNGAR SMOS PA'I KHYAD PAR YIN NO, ,DE BZHIN DU CHUS ZHIG NA (DANG @326 POR) BSAM GTAN GNYIS PA DANG, RLUNG GIS ZHIG NA (DANG POR,) GSUM PA'I SNOD 'CHAGS PA'ANG YIN NO, ,BCUD KYI SEMS CAN NI (MES ZHIG RJES YIN NA,) DANG POR KHO NAR 'OD GSAL BA'I LHA NAS TSE DANG LAS DANG BSOD NAMS ZAD NAS SHI 'PHOS PA BSAM GTAN DANG PO'I GZHAL YAS KHANG STONG PAR SKYE'O, ,DE GCIG PUR GYUR PAS SKYO STE BDAG DANG SKAL PA MNYAM PA GZHAN DAG KYANG 'DIR SKYE BAR GYUR CIG CES SMON LAM 'DEBS SO, ,DE'I SMON LAM LAS SKYES PA MA YIN YANG STES DBANG GIS (BYA ROG DANG TA LA'I TSUL DU,) BSAM GTAN GNYIS PA'I LHA TSE DANG LAS DANG BSOD NAMS ZAD PA SHI NAS DER SKYE'O, , DE'I PHYIR DANG POR SKYES PA NI LUS CHE BA DANG 'BYIN PA POR SEMS PA'I PHYIR TSANGS PA CHEN PO ZHES BYA BA DANG MES PO ZHES BYA BA DANG GTZO BO ZHES BYA BA YIN NO, ,MU STEGS PA DAG GIS NI GSER GYI PADMA'I SNYING PO LAS SKYES PA'I PHYIR GSER GYI SNYING PO CAN DANG PAD MO'I SKYES GNAS PA ZHES KYANG BSGRAGS SO, , ('PHAGS PA 'OG SAR MI SKYE BAS DE NI, SO SKYER NGES SO, ,) PHYIS SKYES PA DE DAG NI LUS CHUNG BA DANG DE'I 'DOD PA LAS SKYES PAR SEMS PA'I PHYIR 'KHOR YIN NO, ,DE BZHIN DU RIM GYIS TSANGS PA'I MDUN NA 'DON DANG GZHAN 'PHRUL DBANG BYED LA SOGS PA 'DOD PA'I LHA RNAMS RIM GYIS 'CHAGS SHING, DE'I RJES LA RIM PA LTAR BYANG DANG NUB DANG SHAR DANG LHO'I GLING GI MI RNAMS SKYE LA, DE NAS GLING GSUM DU MI DGE BA CHUNG NGU DANG 'BRING DANG CHER SPYAD PAS RIM PA LTAR YI DVAGS DANG DUD 'GRO DANG DMYAL BA RNAMS SU SKYE STE DMYAL BA MNAR MED PAR SEMS CAN GSAR DU SKYES PA DE'I TSE 'CHAGS PA RDZOGS (SHING GNAS) PA ('GO BRTZOM PA) YIN NO, ,(DE LA BAR BSKAL BCU DGU'O, ,) BSAM GTAN GNYIS PA DANG GSUM PA NAS 'CHAGS NA'ANG (DGE RGYAS DANG BZHI PA NAS 'OG MA RNAMS SU SKYE BA SOGS,) TSUL DE NYID YIN NO,, GNAS PA'I BSKAL PA LA BAR BSKAL NYI SHU YOD DE, DE LA BAR GYI BSKAL PA NI 'DZAM BU'I GLING PA'I MI RNAMS KYI TSE DPAG TU MED PA NAS RIM GYIS MAR 'GRIBS TE BRGYAD KHRI PAR GYUR PA'I BAR NI 'CHAGS PAR GTOGS LA, GANG GI TSE BRGYAD KHRI PA 'GRIB STE 'DZAM BU'I GLING PA'I MI'I TSE TSAD LO BCU PAR GYUR PA'I BAR NI (BAR GYI) BSKAL PA DANG PO YIN NO, ,DE NAS YANG YAR (BRGYAD KHRI BAR) SKYE BA DANG MAR (BCU PA'I BAR DU) 'BRI BA'I BSKAL PA GZHAN NI (YAR 'PHEL MAR 'GRIB ZUNG RER BGRANGS PAS,) BCO BRGYAD YOD DO, ,DE DAG NI YAR 'PHEL BA DANG MAR 'GRIB PA GNYIS GNYIS RE RER BGRANG BA YIN NO, ,DE'I RJES LA TSE LO BCU PA NAS YAR SKYE BA NI BAR GYI BSKAL PA (NYI SHU BA) GCIG YIN TE DE LTAR NA BAR GYI BSKAL PA NYI SHU'O, ,YAR JI SRID DU SKYE ZHE NA, BAR GYI BSKAL PA DE DAG CHA NI BRGYAD KHRI'I BAR DU YAR SKYE'I DE @327 LAS MTHO BAR YAR NI MI SKYE'O, ,BAR GYI BSKAL PA DANG PO MAR 'GRIB PA (RKYANG PA GCIG) DANG, THA MA YAR 'PHEL BA (RKYANG PA) GCIG DANG, DE DAG GI BAR GYI BSKAL PA BCO BRGYAD KYIS 'PHEL BA DANG 'GRIB PA GNYIS GNYIS BSDOMS PA NI DUS MNYAM STE, DANG PO DANG THA MA NI (DAL GYIS 'GRO BAS,) 'GRIB PA DANG 'PHEL BA BUL BA'I PHYIR DANG, GZHAN DAG NI MYUR BA'I PHYIR RO, ,DE'I PHYIR SLOB DPON GANG SPEL GYIS KYANG, CI'I PHYIR YAR SKYE BA DANG MAR 'BRI BA'I MTHA'I BAR BSKAL GNYIS DANG BCO BRGYAD KYI ZUNG DAG MNYAM ZHE NA, MGYOGS PA DANG BUL PAR 'GRO BA'I KHYAD PAR TE, MTHA'I BSKAL PA GNYIS NI DAL GYIS 'GRO LA, BAR MA BCO BRGYAD NI MGYOGS PAR 'GRO BAS THAMS CAD DUS MNYAM MO ZHES BSHAD DO, ,DE'I MGYOGS BUL NI CHOS NYID KYI RIGS PA YIN PA'I PHYIR RO, ,SA'I DNGOS GZHI LAS NI MAR 'BRI BA NYI SHU DANG YAR SKYE BA NYI SHU STE BZHI BCU LA BAR BSKAL DU BYAS NAS YA THOG DANG MA THOG GNYIS LA'ANG ZUNG RE YOD PAR BSHAD DO, ,DE LTAR NA 'JIG RTEN SNGAR CHAGS PA 'DI BAR GYI BSKAL PA NYI SHUR GNAS PA YIN NO, ,'CHAGS PA DANG 'JIG PA DANG ZHIG NAS 'DUG PA STONGS PA'I BSKAL PA DAG NI GNAS PA DANG DUS MNYAM PA KHO NA STE THAMS CAD LA BAR BSKAL NYI SHU NYI SHU YOD DO, ,DE LTAR NA BAR GYI BSKAL PA DE DAG BRGYAD CU LA NI BSKAL PA CHEN PO GCIG TU BYED (BSKAL PA NI PHUNG NGO LNGAS BSDUS SO, ,) DO, GNYIS PA ZHAR BYUNG NI BSKAL CHEN DU BSHAD PA GANG YIN PA DE GCIG NAS GNYIS SU BGRANGS PA'I BSKAL PA GRANGS MED PA GSUM LA ZHES PA'I LA NI SMRA SGO LAS DU LA SOGS PA LA DANG MTHUN ZHES 'BYUNG BAS DU DANG 'JUG PA MTHUN PAS DUR BYAS TE GRANGS MED GSUM DU BSOD NAMS DANG YE SHES KYI TSOGS RDZOGS PA LAS NI SANGS RGYAS 'BYUNG NGO, ,DE YANG BRGYAD KHRI PA NAS MAR 'GRIB PA'I TSE TSAD LO BRGYA PA'I BAR LA SANGS RGYAS DE DAG 'BYUNG GI BRGYAD KHRI PA YAN CHAD NI MA YIN TE, 'CHAGS PA MA RDZOGS PA'I PHYIR RO,, YAR 'PHEL BA DANG BRGYA LAS MAR 'GRIB PA'I DUS SU NI 'BYUNG BA MA YIN TE, RIM PA LTAR 'KHOR BA LAS SEMS CAN RNAMS YID SKYO BA MED PA'I PHYIR DANG, TSE DANG DUS DANG NYON MONGS PA DANG LTA BA DANG SEMS CAN GYI SNYIGS MA (SROG RGUD PA TSE'I SNYIGS MA, LONGS SPYOD RGUD PA DUS KYI SNYIGS MA STE 'BRAS BU RNAMS RO DANG NUS PA DANG MTHU CHUNG BAR 'GYUR BAS SO, ,KHYIM PA'I DGE PHYOGS RGUD PA NYON MONGS KYI SNYIGS MA, RAB BYUNG GI DGE PHYOGS RGUD PA LTA BA'I SNYIGS MA, LUS RGUD PA SEMS CAN GYI SNYIGS MA'O,, DE DAG SNYIGS MA YIN TE, BONGS TSOD DANG GZUGS DANG NAD MED PA DANG STOBS DANG BLO DANG DRAN PA @328 DANG BRTZON 'GRUS DANG BRTAN PA NYAMS PA'I PHYIR NGAN SNYIGS SU GYUR PAS SNYIGS MA'O, ,) LNGA SHIN TU LHAG PA'I PHYIR RO, ,RNAM PAR BZHAG PA DE DAG KYANG BSKAL PA 'DI'I DBANG DU BYAS KYI GZHAN LA NI DE LTAR NGES PA MED DO, ,(THUB PA'I DGONGS PA'I RGYAN LAS KYANG, BSKAL PA 'GA' ZHIG NI BAR BSKAL BRGYAD CUR NGES PA DE LTA BU MA YIN TE, SMON LAM DANG DGE BA'I RTZA BA'I DBANG GIS SHIN TU RING BA YIN PA'I PHYIR RO, ,DPER NA BSKAL PA SKAR MA LTA BU YIN TE, 'DI LTAR DE'I DUS 'GRIB PA'I BAR GYI BSKAL PA'I TSAD NI BSKAL PA STONG PHRAG NYI SHUR GSUNGS PA YIN NO ZHES BSHAD DO,,) GAL TE BSKAL PA GRANGS MED PAR LAM BSGOM DGOS NA GSUM GYI RNAM PAR BZHAG PA MI 'THAD LA, GSUM YIN NA GRANGS MED PAR MI 'THAD DO ZHE NA, YE GRANGS MED PA NI MA YIN TE, GRANGS KYI GNAS GZHAN DRUG CUR PHYIN PA NA GRANGS MED CES BYA BA'I MING CAN GYI GNAS GZHAN YOD PA DE'I DBANG DU BYAS PA'I PHYIR RO,, GRANGS KYI GNAS GZHAN DRUG CUR LUNG SIL BU LAS 'BYUNG BSDOM DU BSDUS PA NI, GCIG BCU BRGYA STONG KHRI 'BUM DANG, ,SA YA BYE BA DUNG PHYUR RNAMS, ,RKYANG PA YIN PAR SHES PAR BYA, , THER 'BUM KHRAG KHRIG RAB BKRAM DANG, ,GTAMS DKRIGS MI 'KHRUGS KHYAD PHYIN DANG, ,PANG STENG DED 'DREN MTHA' SNANG DANG, ,RGYU RIG 'OD MDZES DBANG PO DANG, ,LEGS PHYIN RTOGS 'GRO BYED RDUL DANG, ,RGYA RTAGS STOBS 'KHOR BRDA SHES DANG, ,RNAM BYUNG DANG NI STOBS MIG RNAMS, ,CHEN PO DANG NI BCAS PA STE, ,GRANGS MED PA NI THA MA YIN, ,BAR NAS BRGYAD NI MA RNYED PS, ,DUNG PHYUR MAN CHAD DGU TU NI, ,GANG YANG RUNG BA BRGYAD BSNAN TO ZHES BYA BAR SHES PAR BYA'O, ,BYANG SA LAS NI, BSKAL PA GRANGS MED PA NI GNYIS SU RIG PAR BYA STE, BSKAL PA CHEN PO GANG YIN PA DE YANG NYIN MTSAN DANG ZLA BA DANG ZLA BA PHYED DU BGRANG BA'I TSUL GYIS DPAG TU MED PA'I PHYIR GRANGS MED PA ZHES BYA'O, ,BSKAL PA CHEN PO DE DAG GIS BGRANG BA'I TSUL GYIS BGRANG BA THAMS CAD LAS 'DAS PA'I GRANGS GANG YIN PA DE YANG GRANGS MED PA ZHES BYA STE, DE LA BSKAL PA GRANGS MED PA SNGA MA SHOS KYIS NI BSKAL PA GRANGS MED PA MI NYUNG BA ZHIG GIS BYANG CHUB THOB PAR 'GYUR RO, ,BSKAL PA GRANGS MED PA PHYI MA SHOS KYIS NI GSUM KHO NAS 'THOB KYI LHAG PAS NI MA YIN TE ZHES BSKAL PA CHEN PO GCIG LA'ANG NYIN MTSAN LA SOGS PAS BGRANG BAR MI NUS PAS GRANGS MED CES BYA LA, BSKAL CHEN DE DAG GCIG NAS BGRANGS PA GRANGS KYI GNAS GZHAN DRUG CUR PHYIN PA LA'ANG GRANGS MED CES BSHAD DO, ,DES NA MDO DAG LAS GRANGS MED MANG POS BYANG CHUB 'THOB PAR GSUNGS PA NI GRANGS MED SNGA MA'I DBANG DU MDZAD @329 NAS GSUNGS PA YIN LA GRANGS MED GSUM GYIS 'THOB PAR GSUNGS PA NI GRANGS MED PHYI MA'I DBANG DU MDZAD NAS GSUNGS PAR BZHED DO,, DE YANG BYE BRAG TU SMRA BA LTAR NA GRANGS MED GSUM GA TSOGS LAM MAN CHAD DU 'DA' BAR 'DOD LA, BRGYAD STONG 'GREL PA LA SOGS PAR, GRANGS MED SUM CU RTZA GSUM LA SOGS PAR LAM BSGRUB DGOS PAR BSHAD MOD KYI, BYANG SA LAS NI SA DANG PO RAB TU DGA' BA 'THOB PA MAN CHOD DANG, DE NAS SA BDUN PA'I BAR DANG, DE NAS SANGS RGYAS 'THOB KYI BAR GSUM RIM PA LTAR GRANGS MED DANG PO DANG, GNYIS PA DANG GSUM PAS 'THOB PAR BSHAD (PAD DKAR LAS, MTHE BONG CAN KYI 'JIG RTEN DU SANGS RGYAS SKAR MA LA DKA' BA TSE LO BCU PA LA 'BYUNG BA DANG, MDO GZHAN LA TSE LO DPAG MED KYI DUS DANG, BRGYAD PA LA 'BYUNG BA YANG BSHAD DO, ,) DO, ,GRANGS MED GANG LA SANGS RGYAS GANG BSTEN PA NI 'CHAD PAR 'GYUR RO, ,(SANGS RGYAS MI BZHUGS PA'I ZHING DU 'BYUNG BA'I) RANG SANGS RGYAS RNAMS NI BSKAL PA YAR 'PHEL BA DANG, MAR 'GRIB PA GNYIS KA LA 'BYUNG ZHING, DE YANG BSE RU LTA BU DANG TSOGS NA SPYOD PA GNYIS YIN NO, ,DE LA TSOGS NA SPYOD PA NI NYAN THOS SNGON DU 'GRO BA'I RANG RGYAL LO, ,KHA CIG NA RE SO SO'I SKYE BO SNGON DU 'GRO BA'ANG YOD DO ZHES ZER RO, ,DE DAG LAS BSE RU LTA BU NI BSKAL PA CHEN PO BRGYAR BDEN PA DANG RTEN 'BREL DANG DGE BA BCU LA GOMS PA'I RGYUS 'THOB PA YIN NO, ,DE YANG SLOB DPON MED PAR RANG NYID GCIG PU'I DON DU BYANG CHUB PA'I PHYIR RANG SANGS RGYAS ZHES BYA BA YIN LA, SGRA MED PAR CHOS STON PA DANG 'GRO BA RNAMS KYI BSOD NAMS KYI ZHING MDZAD PA'I SGO NAS SEMS CAN GYI DON BYED DO, ,TSOGS NA SPYOD PA NI BSKAL PA 'DI SRID CIG NA ZHES MA NGES PA'I PHYIR RO,, 'KHOR LOS BSGYUR BA'I RGYAL PO 'BYUNG BA NI MI RNAMS KYI TSE LO STONG PHRAG BRGYAD CU LAS MI 'CHI BA NI SNGA BA STE DE YAN CHAD TSE LO DPAG TU MED PA NAS BRGYAD KHRI'I BAR DU ZHES BYA BA'I DON TO, ,(STOBS KYI 'KHOR LOS BSGYUR BA NI 'BYUNG STE KA NI KA LA SOGS PA'O, ,) DE MAN CHAD DU NI MA YIN TE, BSOD NAMS MI CHAD PA'I PHYIR RO, ,CI'I PHYIR 'KHOR LOS BSGYUR BA ZHES BYA ZHE NA, DE DAG LA 'KHOR LO RIN PO CHE DAG YOD LA DES RGYAL SRID LA MNGA' BSGYUR BA'I PHYIR RO, ,'KHOR LOS BSGYUR BA DE YANG GSER DANG DNGUL DANG ZANGS DANG LCAGS KYI 'KHOR LO CAN BZHI YIN NO, ,('KHOR LOS BSGYUR BA DE DAG KYANG 'DZAM BU GLING PA'I RTEN CAN DU NGES SO, ,) DE RNAMS KYANG RDO 'PHANGS PA'I MDO LAS, RIM PA LTAR KHOR YUG TU RGYANG GRAGS BZHI PA DANG GSUM PA DANG GNYIS PA DANG GCIG PA CAN DU GSUNGS SO, ,DE DAG KYANG @330 'DZAM BU'I GLING GCIG DANG LHO DANG SHAR GYI GLING GNYIS DANG BYANG MA GTOGS PA GSUM DANG BZHI CHAR LA MAS RIM BZHIN DU MNGA' BSGYUR RO ZHES GDAGS PA LAS BSHAD DO, ,MDO LAS NI GSER GYI 'KHOR LO CAN KHO NA GSUNGS SO, ,'KHOR LOS BSGYUR BA DE DAG GLING BZHI GCIG TU (GANG GIS DBANG BYED PA'I GLING DU,) DUS LHAN CIG TU GNYIS LA SOGS PA 'BYUNG BA NI MIN TE, 'GRAN ZLA MED PA'I LAS CAN YIN PA'I PHYIR DPER NA SANGS RGYAS GNYIS 'JIG RTEN GYI KHAMS GCIG TU DUS GCIG LA MI 'BYUNG BA BZHIN NO,, 'DI YANG BYE BRAG TU SMRA BA DAG NI 'JIG RTEN GYI KHAMS THAMS CAD DU SANGS RGYAS GCIG LAS MI 'BYUNG STE, GANG DAG SANGS RGYAS GCIG GIS 'DUL BAR MI NUS PA'I SEMS CAN DE DAG NI GZHAN GYIS KYANG 'DUL BAR MI 'OS PA'I PHYIR TE, SANGS RGYAS RNAMS MKHYEN PA DANG THUGS RJE DANG MTHU THOGS PA DANG BCAS PAR THAL BA'I PHYIR RO, ,KHAMS MANG PO PA'I MDO LAS KYANG, GANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GNYIS SNGA PHYI MED PAR 'JIG RTEN DU 'BYUNG BA NI GNAS MA YIN ZHING GO SKABS MED DE 'DI NI GNAS MED KYI GCIG GANG YIN PA DE NI GNAS YOD DO, ,DE BZHIN GSHEGS PA DAG JI LTA BA DE LTAR 'KHOR LOS BSGYUR BA DAG KYANG DE BZHIN NO ZHES GSUNGS PA'I PHYIR RO ZHES 'DOD DO, ,PHAL CHEN SDE PA LA SOGS PA GZHAN DAG NI MDO'I DGONGS PA NI 'JIG RTEN GYI KHAMS GCIG GI DBANG DU MDZAD NAS GSUNGS PA YIN GYI MDO GZHAN LAS SHAR LA SOGS PA'I 'JIG RTEN NA'ANG SANGS RGYAS DU MA YOD PAR GSUNGS PA'I PHYIR RO ZHES 'DOD PA NYID RIGS PA YIN NO, ,(DE YANG DUS MNYAM DU SEMS BSKYED CING TSOGS BSAGS PA DAG LA KHA CIG SANGS RGYA LA KHA CIG LA GEGS BYED PA SU YOD, DES NA ZHING GCIG TU LHAN CIG MI 'BYUNG YANG GZHAN DU 'BYUNG NGO, ,MDO DE NI ZHANG GCIG LA DGONGS PA STE, GZHAN DU NA 'KHOR LOS BSGYUR BA'ANG GCIG LAS MI 'BYUNG BAR MTSUNGS MO ZHES ZER RO, ,DER SKYE BA'I RGYU NI SNGAR MA BZHENGS PA'I SAR MCHOD RTEN RTZIG PA DANG GLEGS BAM BZHENGS PA DANG CHOS 'KHOR BYED PA LA SOGS PA YIN NO, ,) 'KHOR LOS BSGYUR BA BZHI PO DE DAG GIS PHYOGS LAS RGYAL BAR BYED PA'I TSUL NI GSER GYI 'KHOR LO CAN NI (KHAMS KYI RGYAL PHRAN RNAMS KYIS,) PHAS BSU BA BYED PA DANG, DNGUL GYI 'KHOR LO CAN NI RANG 'GRO BA DANG, ZANGS KYI 'KHOR LO CAN NI NG-YUL BSHAMS PA TZAM DANG, LCAGS KYI 'KHOR LO CAN NI MTSON CHA BRTZAMS PA TZAM GYIS PHA ROL POS 'DUD CING RGYAL BAR BYED KYANG SEMS CAN 'GA'I YANG SROG LA GNOD PA MED DE, DES MI DGE BA BCU SPANGS PA'I PHYIR RO,, DE BZHIN DU 'KHOR LOS BSGYUR BA DE DAG LA YO BYAD PHUN SUM TSOGS PA RIN PO CHE GZHAN DRUG KYANG @331 YOD DE, GLANG PO DANG, RTA DANG, NOR BU DANG, BUD MED DANG, KHYIM BDAG DANG, BLON PO RIN PO CHE STE RGYAL SRID RIN PO CHE BDUN DANG, DRAN PA NYER GZHAG GI MDO LAS, RAL GRI DANG, PAGS PA DANG, MAL CHA DANG, CHAL DANG, KHYIM DANG, GOS DANG, LHAM NYE BA'I RIN PO CHE BDUN YANG 'BYUNG BAR GSUNGS LA, LUS PHUN SUM TSOGS PA SKYES BU CHEN PO'I (MDZOD SPU DANG GTZUG TOR MA GTOGS PA,) MTSAN SUM CU YANG YOD DE 'ON KYANG RIN PO CHE'I PHRENG BA LAS, 'KHOR LOS BSGYUR BA THAMS CAD LA, ,'DI DAG YOD PAR 'DOD MOD KYI, ,DAG DANG MDZES DANG GSAL BA NI, SANGS RGYAS RNAMS KYI CHAR MI PHOD CES DANG, NYI MA RNAMS KYIS 'OD BYED PA, ,ME KHYER RNAMS DANG BAG 'DRA LTAR, ,SANGS RGYAS RNAMS KYI MTSAN DANG NI, ,'KHOR LOS BSGYUR RNAMS BAG TZAM 'DRA, ,ZHES 'BYUNG BA LTAR THUB PA SANGS RGYAS KYI MTSAN SUM CU RTZA GNYIS NI SHIN TU YUL NA GNAS PA DANG GSAL LA RDZOGS PAS KHYAD PAR DU 'PHAGS PA YIN LA 'KHOR LOS BSGYUR BA'I NI DE LTA MA YIN NO, ,'JIG RTEN 'GRIB PA'I TSUL NI 'JIG RTEN 'DI 'CHAGS NAS RING PO MA LON PA NA SHING RTA'I SROG SHING TZAM GYI CHAR BAB PAS SA CHEN PO 'DI CHUS GANG BAR GYUR PA RLUNG GIS BSDUS SHING 'THAS PAR BYAS PAS SA'I STENG DU SA'I RO'AM BCUD KHA DOG MAR GSAR 'DRA BA RO SBRANG RTZI MA BSKOL BA LTA BU DRI PHUN SUM TSOGS PA CHAGS PAR GYUR TO, ,DE NAS SEMS CAN TSE DANG LAS DANG BSOD NAMS ZAD PA DAG 'OD GSAL GYI LHA'I RIS NAS SHI 'PHOS NAS 'DIR SKYES PAR GYUR TE DE DAG LA NI BSKAL PA DANG PO PA ZHES BYA'O, ,DE'I TSE NI NYI ZLA DANG RGYU SKAR DANG DUS TSIGS DANG LO ZLA DANG NYIN MTSAN DANG SKAD CIG THANG CIG YUD TZAM DANG SKYES PA DANG BUD MED KYI DBANG PO THA DAD DANG BSHANG GCI DANG KHANG KHYIM DANG MING DANG RIGS DANG MDOG DBYIBS THA DAD KYANG MED DE GZHAN DU NA SEMS CAN SEMS CAN ZHES BYA'O, ,YANG CI BSKAL PA DANG PO'I MI RNAMS KYANG RGYAL PO DANG BCAS PA YIN NAM ZHE NA MA YIN TE, SNGAR BYUNG BA'I SEMS CAN BSKAL PA DANG PO PA'I MI RNAMS NI GZUGS CAN GYI LHA BZHIN DU RDZUS TE SKYES PA DBANG PO TSANG BA MDZES PA KHA DOG BZANG BA LUS LA 'OD YOD PA RDZU 'PHRUL GYIS NAM MKHA' LA 'GRO BA BSAM GTAN GYI DGA' BA ZAS SU ZA BA TSE DPAG TU MED PA DANG LDAN PA YIN NO,, DE NAS RIM GYIS SEMS CAN RO LA BRKAM ZHING CHAGS PA'I RANG BZHIN CAN ZHIG GIS SA'I RO 'DZUB MOS BLANGS TE BSNAMS SHING ZOS LA SEMS CAN GZHAN GYIS KYANG MTHONG NAS ZOS TE KHAM GYI ZAS DE DAG ZOS PAS LUS LCI ZHING RTZUB LA 'OD KYANG 'GAGS TE MUN PAR GYUR PA NA CHOS NYID KYIS NYI ZLA DANG RGYU SKAR @332 DANG DUS TSIGS LA SOGS PA BYUNG STE NYI MA DANG ZLA BAS GLING BZHIR SNANG BA'I BYA BA BYAS SO, ,(DE'I TSE SHAR PHYOGS NAS NYI MA SHAR BA NA SEMS CAN DE DAG 'DI SKAD DU LHA'I 'OD DE NYID 'DI RE ZHES PAS NYIN MO BYUNG NGO, ,DE NUB PA NA LHA'I 'OD DE DMAR POR GYUR PA 'DI RE ZHES PA LA MTSAN MO BYUNG NGO, ,DE NAS ZLA BA SHAR BA MTHONG STE MUN PA BKRA BAR BYED DO, ,ZHES PAS ZLA BA ZHES CHAGS SO, ,YANG NYI MA SHAR BA NA LHA'I 'OD DE NYID 'KHOR BA 'DI RE ZHES BRJOD PAS NYI MA ZHES CHAGS SO,,) DE NAS GANG KHA ZAS MANG DU ZA BA DE NI KHA DOG NGAN ZHING LUS LCI LA GANG NYUNG DU ZA NA DE NI KHA DOG BZANG BAS KHA DOG SNA TSOGS KYANG BYUNG ZHING KHA DOG BZANG BA'I NGA RGYAL CAN DAG GIS NGAN PA RNAMS LA BRNYAS PA DANG MI DGE BA SPYAD PAS SA'I RO DE NUB PAR GYUR TO, ,DE NAS SA'I RO'AM BCUD ZAD NAS MYA NGAN BYAS PA DANG SA'I ZHAG DRI RO SNGA MA DANG 'DRA BA KHA DOG DONG KA'I ME TOG LTA BU BYUNG BA ZOS PAS DE YANG SNGA MA LTAR NUB PO, , DE ZAD PA NA MYU GU'I TSAL DRI RO SNGAR DANG 'DRA BA KHA DOG KA DAM YU KA'I ME TOG LTA BU ZHIG BYUNG BA ZOS SO,, SA'I BCUD DANG ZHAG DANG MYU GU'I TSAL RNAMS NI RIM PA LTAR SOR BCU DRUG DANG BCU GNYIS DANG BRGYAD YIN PAR GZHAN DAG 'CHAD DO, ,SNGA MA LTAR DE YANG ZAD PA NA MA RMOS MA BTAB PA'I 'BRAS SA LU SOR BZHI TZAM PA NANG BRNGAS NA NUB SKYE NUB BRNGAS NA NANG SKYE BA PHUB SHUN MED PA BYUNG BA ZOS SO, ,DE NI KHAM GYI ZAS CHES RAGS SHING RTZUB PA YIN PAS MI GTZANG 'BYUNG BA'I LAM PHO MO'I DBANG PO DANG DBYIBS THA DAD PA DAG KYANG BYUNG BAR GYUR TO,, DE NAS DE DAG PHAN TSUN DU BLTAS PA NA SNGON GOMS PA'I TSUL BZHIN MA YIN PA YID LA BYED PAS 'DOD CHAGS SKYES TE LOG PAR ZHUGS PA NA GZHAN DAG GIS (BLUN PA BYA BA MA YIN PA BYED PA SEMS CAN SUN 'BYIN PA ZHES BRJOD CING,) SA RDUL LA SOGS PA GTOR ZHING SMAD PAS DE'I CHED DU KHANG (BYA BA MIN PA DE BYA BA'I PHYIR,) KHYIM DAG BYAS SO, ,(DE NI KHYIM GYI DANG PO'O,,) MA RMOS MA BTAB PA'I 'BRAS SA LU DE DAG KYANG NAM 'DOD PA NA LEN PA NA LE LO CAN RNAMS KYIS (NANG PAR ZA RGYU NUB MO BSLANGS NAS GZHAN YANG DE LA 'GRAN NAS,) GSOG 'JOG BYAS PA NA PHUB SHUN KYANG BYUNG LA DE BRNGAS PA'I SHUL DU YANG MI SKYE BAS DE NAS NI SEMS CAN DE DAG MA MTHUN PAR SO SOR YONGS SU 'DZIN PA DANG BCAS PA RNAMS KYIS ZHING BGOS TE GNAS PA NI PHAN TSUN (DU LAN GSUM DU) RKU 'PHROG TU GYUR PA NA (DE LA BRTZAD PAR GYUR TE TSAR BCAD PA'I PHYIR TSOGS NAS BCOS SHING) DE DGAG PA'I PHYIR SKYE BO RANG BZHIN BZANG PO ZHIG ZHING DPON DU BSTABS SHING BSKOS NAS LO THOG GI DRUG CHA STER BA BYAS PA NI RGYAL PO MANG POS BKUR BA @333 ZHES BYA BA YIN TE, DE YANG CHOS DANG TSUL KHRIMS KYI KUN SPYOD DANG SHES RAB KYI TSUL KUN TU SPYOD PAS 'KHOR MGU BAR BYED PAS RGYAL PO DANG ZHING RNAMS KYI BDAG POR GYUR CING PHONGS PA LAS SKYOB PAS NA RGYAL RIGS ZHES BYA STE RGYAL PO RNAMS KYI DANG PO NI DE YIN LA, (DE NI BDAG CAG GI STON PA YIN NO, ,) DE'I KHYIM LA'ANG RGYAL PO'I KHAB CES BYA'O, ,DE'I TSE GANG DAG 'DOD PA CHUNG ZHING KHYIM LAS YID PHYIR PHYOGS TE DGON PA DANG NAGS SU GNAS PA DE DAG LA NI BRAM ZE DANG, RKU BA LA SOGS PA MI BYED PA LA RJE'U'I RIGS DANG, BYED PA LA DMANGS RIGS DANG GDOL PA'I RIGS ZHES BYA BA'I MING DU GYUR TE RIGS THA DAD KYANG BYUNG NGO,, MANG POS BKUR BA'I BU 'OD MDZES DANG, DE'I BU DGE BA DANG, DE'I BU DGE MCHOG DANG, DE'I BU GSO SBYONG 'PHAGS TE, DE DAG LA NI BSKAL BA DANG PO'I RGYAL PO LNGA ZHES ZER RO, ,DE'I RJES LA NGA LAS NU DANG MDZES PA DANG NYE MDZES DANG MDZES CAN DANG MDZES LDAN RNAMS NI 'KHOR LOS BSGYUR BA LNGA ZHES ZER RO, ,DE DAG LAS RGYAL PO'I BRGYUD PA JI LTAR BYUNG BA'I TSUL NI GDAGS PA DANG, LUNG GZHI DANG, MNGON PAR 'BYUNG BA'I MDO DAG TU BLTA BAR BYA'O, ,(DE'I BU 'OD MDZES TE, DE'I TSE SEMS CAN RNAMS KYI MING CHA STOD CES BYA'O, ,DE'I BU DGE BA STE, DE'I TSE MI RNAMS KYI MING TIL SKYES ZHES BYA'O, ,DE'I BU DGE MCHOG STE, DE'I MI RNAMS KYI MING SPRIN MGRIN ZHES BYA'O, ,DE'I BU GSO SBYONG 'PHAGS TE, DE'I TSE MI RNAMS KYI MING TA LA'I RJE DAR ZHES BYA'O, ,DE DAG NI BSKAL PA DANG PO'I RGYAL PO LNGA YIN NO, ,GSO SBYONG 'PHAGS KYI SPYI BO LAS SKYES PA NI 'KHOR LOS BSGYUR BA'I RGYAL PO NGA LAS NU STE GLING BZHI DANG, SUM CU RTZA GSUM GYI PHYED LA DBANG BYAS SO, ,DE'I MI RNAMS KYI MING SPYOD PA CAN DANG, SEMS PA CAN DANG, NYER RTOGS PA CAN DANG, SHED LAS SKYES PA ZHES PA BZHI BSHAD DE, MING GI RNAM GRANGS THA DAD 'DI NAS BYUNG BAR GSAL LO, ,DE'I BRLA G-YAS LAS SKYES PA MDZES PA STE GLING GSUM LA DBANG NGO, ,DE'I BRLA G-YON LAS SKYES PA NYE MDZES TE GLING GNYIS LA DBANG NGO, , DE'I BOL LAS SKYES PA MDZES CAN TE, GLING GCIG LA DBANG BYAS SO, ,DE'I RKANG MTHIL LAS SKYES PA MDZES LDAN TE, GLING GCIG LA DBANG NGO, ,'DI MAN CHAD KYI 'KHOR LO BSGYUR BA RNAMS NI GLING GCIG LA DBANG BA SHA STAG TU BSHAD CING MTHAR SGRA GCAN ZIN GYIS MANG POS BKUR BA'I RGYAL BRGYUD MTHAR THUG PAR BSHAD DO, ,KHAMS KYI RGYAL PHRAN NI MA GA DHA'I GZUGS CAN SNYING PO, KO SA LA'I GSAL RGYAL, BAD SA LA'I 'CHAR BYED, 'PHAGS RGYAL GYI RAB SNANG LA SOGS PA'O, ,) GANG GI TSE MANG POS BKUR BA LA @334 SOGS PA RGYAL POR BSKOS PA DE'I TSE SEMS CAN GCIG LA GCIG LOG PAR SPYOD PA'I 'DOD LOG DANG MA BYIN PAR LEN PA DANG SROG GCOD PA DANG RDZUN DU SMRA BA LA SOGS PA MI DGE BA DU MA BYAS SO, ,DE NAS (MI DGE BA'I) LAS KYI LAM DE DAG LHAG PAR SPYAD PAS TSE DANG GZUGS DANG LONGS SPYOD RNAMS 'GRIBS TE TSE SHIN TU THUNG BAS LO NI (RING SHOS KYANG) BCU PA'I BAR DU MAR 'GRIB PA (YIN PAS DES NA PHUNG KROL GYI RTZA BA RO LA CHAGS PA DANG LE LO) YIN NO, ,(DE'I TSE NA BU MO NI LO LNGA NAS BAG MAR GTONG NGO, ,GOS KYI MCHOG SKRA'I LA GZAS KYI MCHOG KO TRA BA, RGYAN GYI MCHOG MTSON CHA, RO KHA BA MIN PA LNGA NUB BO, ,MAR TIL MAR SPRANG RTZI BUR MA LAN TSVA LNGA YANG NUB BO, ,MTSON GYI DUS SU BSAM PA RTZUB PA MTHONG TSAD LA SDANG BA'I GNOD SEMS DRAG PO, MTSON CHA RTZUB PA CI BSLANGS MTSON DU GYUR TE, RNGAN PAS RI DVAGS MTHONG BA BZHIN, GCIG GIS GCIG GSOD PA ZHAG BDUN 'BYUNG LA DES SHI BA THAMS CAD DMYAL BAR SKYE'O, , MA SHI BA KHA CIG 'DUS NAS SROG GCOD SPANGS PAS, TSE DANG KHA DOG DANG STOBS DANG BDE BA DANG LONGS SPYOD 'PHEL TE DE DAG GI BU BU MO RNAMS KYIS LE NYI SHU THUB BO, ,DE BZHIN DU MI DGE BCU SPANGS PAS BRGYAD KHRI BAR 'GYUR RO, ,DE NAS YANG MI DGE BA SPYAD PAS BCU PAR GYUR PA NA MI MA YIN RNAMS 'KHRUGS NAS NAD GSOR MI RUNG BA ZLA BA BDUN BTANG BAS PHAL CHER 'CHI STE DES SHI BA RNAMS KYANG DMYAL BAR SKYE'O, ,DE'I LHAG MA TSOGS NA 'BRING DU SKYES NAS MI DGE BCU SPANGS PAS BRGYAD KHRIR 'PHEL LO, ,DE LAS YANG 'GRIBS NAS LHAS CHAR MA PHAB BAS MU GE LO BDUN, ZLA BDUN, ZHAG BDUN 'BYUNG BAS PHAL CHER 'CHI LA, LHAG MA LUS NAS CHER SKYE BAS DE CHAD NAS BRGYAD KHRIR 'PHEL LO, ,DES SHI BA RNAMS YI DVAGS SU SKYE BAR BSHAD DO, ,) DE'I CHE BAR GYI BSKAL PA DE MTSON GYI BSKAL PA DANG, NAD KYI BSKAL PA DANG, MU GE'I BSKAL PA DAG GIS TSAR PHYIN PAR GYUR TO, ,DE LA MU GE NI ('BRU GAB COR KUNG PA,) GAB CO DANG, (RUS PA SNUM DANG BRAL BA,) RUS GONG DKAR PO DANG, ('BRUR TZAM GYI) THUR MAS 'CHE BA ZHES BYA BA GSUM YIN NO, ,MTSON LA SOGS PA'I BSKAL PA DE DAG NI ZHAG BDUN PO RNAMS DANG, ZLA BA BDUN DANG ZHAG BDUN DANG, LO BDUN DANG ZLA BA BDUN DANG ZHAG BDUN DAG TU MTSON CHAS GSOD PA DANG NAD DANG MU GE GSUM DANG GO RIM BZHIN DU SBYAR RO, ,BAR BSKAL DE DAG LAS THAR PA'I RGYU NI NYIN RE TZAM SROG GCOD SPONG BA DANG DGE 'DUN LA SMAN DANG ZHAL ZAS 'BUL BA RNAMS YIN TE, KHANG BU BRTZEGS PA'I MDO LAS, KUN DGA' BO GSUM PO 'DI DAG NI BAR GYI BSKAL PA DAG YIN NO, ,GSUM PO GANG ZHE NA, MTSON GYI BAR GYI BSKAL PA DANG, NAD KYI BAR GYI BSKAL PA DANG, MU @335 GE'I BAR GYI BSKAL PA'O, ,KUN DGA' BO DE LA GANG GIS NYI MA GCIG SROG GCOD PA SPONG ZHING YANG DAG PAR BLANGS TE GNAS PAR BYED NA DE MTSON GYI BAR GYI BSKAL PAR MI SKYE BAR 'GYUR RO, ,GANG ZHIG GIS AA RU RA GCIG TZAM YANG DGE 'DUN LA 'BUL BAR BYED NA DE NAD KYI BAR GYI BSKAL PAR MI SKYE BAR 'GYUR RO, ,GANG ZHIG GIS ZAS NAL ZE GANG TZAM DGE 'DUN LA PHUL NA DE MU GE'I BAR GYI BSKAL PAR MI SKYE BAR 'GYUR RO ZHES GSUNGS SO, ,(SA LAS SUM CU PA LA MU GE DANG, NYI SHU PA LA NAD DANG, BCU PA LA MTSON 'BYUNG BAR BSHAD DO, ,DE DAG GI DUS SU GLING GNYIS SU GNOD SEMS LHAG PA DANG, KHA DOG NGAN PA DANG, NYAMS CHUNG BA DANG, BKRES PA DANG, SKOM PA TZAM DU 'GYUR LA, BYANG NA NI CUNG ZAD KYANG MI 'BYUNG NGO, ,SNOD RAGS PA CHAGS PA'I SA BON NI 'JIG PA'I RTZE MO'I RLUNG GI DKYIL 'KHOR LAS BYUNG NGO YANG NA RLUNG GI 'JIG RTEN GZHAN NAS KHYER NAS 'ONGS PA LAS 'BYUNG NGO ZHES SO,,) 'JIG PA'I NGES PA BSHAD PA NI ME DANG CHU DANG RLUNG DAG GIS SNOD 'JIG PA DAG NI YANG GSUM YIN TE, 'DI LTAR MES 'JIG PA NI NYI MA BDUN GYIS 'JIG STE, GANG GI TSE BAR BSKAL BCU DGUR SEMS CAN GYI 'JIG RTEN ZHIG STE BSAM GTAN DANG PO MAN CHAD DU SEMS CAN GCIG KYANG MA LUS PAR GYUR PA DE'I TSE NAM MKHA' LA SPRIN MED CING NYI MA 'DI NYID BZHI 'GYUR GYIS TSA BAR GYUR PAS NI CHU LAS GYUR PA'I RTZI SHING DANG NAGS TSAL RNAMS SKEM PAR BYED DO, ,DE BZHIN DU GNYIS PAS NI CHU PHRAN DANG LTENG KA CHE CHUNG RNAMS DANG, GSUM PAS NI CHU BO CHEN PO BZHI DANG, BZHI PAS NI MTSO CHEN PO MA DROS PA DANG, LNGA PAS NI PHYI'I RGYA MTSO'ANG SKEM PAR BYED DO, ,DRUG PAS NI SA CHEN PO DANG MCHOG TU SRA BA'I RI RAB LA'ANG DU BA 'THUL BAR BYED DO, ,BDUN PAS NI THAMS CAD ME LCE GCIG TU 'BAR TE ME DE YANG RANG ZHI BAR 'GYUR RO, ,CHUS 'JIG PA NI 'OD GSAL GYI GNAS SU SPRIN 'KHRIGS PA LAS CHAR CHEN PO BABS NAS LAN TSVA CHU'I NANG DU ZHU BA LTAR 'GYUR RO, ,RLUNG GIS 'JIG PA NI LAS KYI RLUNG GIS RI RAB KYANG GTOR YAD DU BYED NA GZHAN RNAMS LTA CI SMOS PA'I RLUNG GIS 'JIG PAR BYED DO, ,KHA CIG NA RE RLUNG GIS SKEM PAR BYED PA YIN TE MI RLUNG NAD CAN SKAM PA BZHIN NO ZHES ZER RO,, DE DAG GIS GANG 'JIG CE NA, ME DANG CHU DANG RLUNG GSUM GYIS 'JIG PA NA RIM PA LTAR BSAM GTAN DANG PO GNYIS PA GSUM PA MAN CHAD 'JIG GO ,DE'I PHYIR BSAM GTAN GNYIS PA LA SOGS PA BSAM GTAN GSUM PA DANG BZHI PA GSUM PO NI ME DANG CHU DANG RLUNG GIS 'JIG PA DE DAG GI MA ZHIG PAR LUS PA'I RTZE MO YIN PAR GO RIM BZHIN DU SBYAR TE SHES PAR BYA'O, ,DE YANG CI'I PHYIR ZHE NA, (SKYE BA'I) @336 BSAM GTAN GSUM PO DE'I NANG GI SKYON RIM PA LTAR RTOG DPYOD DANG DGA' BA DANG DBUGS 'BYUNG RNGUB ME CHU RLUNG GSUM DANG CHOS MTHUN PA'I PHYIR RO, ,BSAM GTAN BZHI PA NA NI (SNOD LA) PHYI ROL KYI 'JIG PA'I RGYU MED DE, GNAS BRGYAD PAR 'CHAD PA'I SKYON BRGYAD KYIS MI G-YO BA'I PHYIR RO, , (KHA CIG GNAS GTZANG MA RNAMS KYI MTHU YIN TE, DE DAG NI LHAG MTHONG SPYOD PAS GZUGS MED DU 'JUG MI NUS LA, GZHAN DU YANG MI 'GRO STE, PHYIR MI 'ONG RNAMS KHYAD PAR DU 'GRO BA'I PHYIR RO ZHES ZER RO, ,) 'O NA BZHI PA'I SNOD DE DAG RTAG PAR 'GYUR RO ZHE NA, DE DAG NI MI RTAG STE BZHI BA ('DI YAN CHAD NA RLUNG LA SOGS PA 'OG GZHI GCIG TU 'BREL BA NI MED LA,) DE'I GZHAL MED KHANG NI SEMS CAN DANG BCAS TE 'BYUNG BA DANG 'JIG PA'I PHYIR RO, ,GO RIM NI ME YIS LAN BDUN BTUD DE 'JIG PA YIN NO, ,DE'I 'OG TU CHU YIS 'JIG PA LAN CIG YIN NO, ,DE NAS ME BDUN BDUN BTUD DE 'JIG PA'I 'OG TU CHUS 'JIG PA RE RE STE DE LTAR CHUS 'JIG PA LAN BDUN THAL NAS KYANG YANG ME YIS LAN BDUN 'JIG PA YIN NO,, MES BDUN ZHIG PA'I RJES DE NAS NI DE'I MJUG TU RLUNG GIS 'JIG PA YIN TE, (DE LTA NA GDAGS PA LAS DGE RGYAS PA RNAMS KYI TSE TSAD BSKAL CHEN DRUG CU RE BZHI YIN NO ZHES PA YANG LEGS PAR DRANGS PA YIN NO ZHES SO, ,'DIR TSANGS CHEN GYI TSE TSAD BAR BSKAL DRUG CUR BSHAD KYANG SNOD 'CHAGS 'JIG GI BAR BSKAL GNYIS KYIS MA TSANG NGO, ,GAL TE SNOD 'CHAGS MA THAG SKYES LA, 'JIG KHAR 'CHI 'PHO BAS TSANG NGO ZHE NA, DE LTA NA SNOD 'CHAGS 'JIG LA BAR BSKAL RE RE DANG, SEMS CAN 'CHAGS 'JIG LA BAR BSKAL BCU DGU BCU DGU BSHAD PA DANG 'GAL LO, ,DE BZHIN DU 'OD GSAL BA'I TSE TSAD BSKAL CHEN BRGYAD DU BSHAD PA'ANG BAR BSKAL NYI SHU RTZA GNYIS KYIS MA THEM LA, DGE RGYAS BA'I DRUG CU RE BRGYAD BSHAD PA'ANG DE DANG 'DRA MOD KYI, 'OD KYANG DE DANG NYE BAS DE SKAD BSHAD DO, , GAL TE CHUS 'JIG PA NI DUS RING PO NA 'BYUNG LA, RLUNG GIS 'JIG PA DE BAS KYANG RING BA NA 'BYUNG ZHE NA, RGYU SNYOMS 'JUG GI KHYAD PAR LAS TE, DANG PO BAS GNYIS PA SNYOMS 'JUG KHYAD PAR 'PHAGS LA, GNYIS PA LAS GSUM PA KHYAD PAR DU 'PHAGS PAS LUS GNAS PA'ANG YUN RING LA SNOD KYANG DE DAG GI TSE DANG MTHUN PAR GNAS PA'I PHYIR RO,,) DE LTAR NA BSAM GTAN DANG PO MAN CHAD NI 'CHAGS PA DANG GNAS PA DANG 'JIG PA DANG STONGS PA THAMS CAD BSDOMS PA LA BSKAL PA CHEN PO GCIG TU BYED CING, BSAM GTAN GNYIS PA NI BSKAL PA CHEN PO BRGYAD NA 'JIG LA, BSAM GTAN GSUM PA NI BSKAL PA CHEN @337 PO DRUG CU RTZA BZHI NA 'JIG GO ZHES BYA BA YIN NO, ,KHAMS GSUM 'GRO LNGA SKYE GNAS RTEN 'BREL DANG, SRID ZHI ZAS DANG SNOD BCUD TSAD RNAMS DANG, ,'JAL BYED BSKAL PA'I RNAM DBYE LA SOGS PA, ,RTOGS PAR 'DOD PAS GNAS 'DI MNYAN PAR GYIS,, CHOS MNGON PA'I MDZOD KYI 'GREL PA MNGON PA'I RGYAN LAS 'JIG RTEN BSTAN PA ZHES BYA BA STE GNAS GSUM PA'I BSHAD PA'O,, ,, @338 GNAS BZHI PA, LAS BSTAN PA, DA NI LAS BSTAN PA 'CHAD PA NA 'O NA (SDUG BDEN GYIS BSDUS PA'I) SNOD BCUD KYI 'JIG RTEN SNA TSOGS BSHAD PA GANG YIN PA DE DAG SUS BYAS SHE NA, DBANG PHYUG LA SOGS PA SUS KYANG BLO SNGON DU BTANG STE BYAS PA MA YIN GYI 'ON KYANG SEMS CAN RNAMS KYI LAS DGE MI DGE SNA TSOGS LAS SNOD BCUD KYI 'JIG RTEN BDE SDUG DANG BZANG NGAN LA SOGS PA SNA TSOGS SKYES ZHES BYA BAS MTSAMS SBYAR NAS, LAS DNGOS STON PA LA LAS KYI RANG BZHIN DANG, MDO LAS GSUNGS PA'I LAS RGYAS PAR BSHAD PA GNYIS LAS, (GCIG) LAS KYI RANG BZHIN BSHAD PA, DANG PO LA'ANG MDOR BSTAN PA NI 'O NA DE LTA BU'I 'JIG RTEN SKYED BYED KYI LAS DE YANG GANG ZHE NA, SMRAS PA, LAS (THUN MONG DANG SO SO'I) DE NI SEMS PA'I LAS DANG SEMS PA DES BYAS PA (STE DES KUN NAS BSLANG BA) BSAM PA'I LAS GNYIS LAS SEMS PA'I LAS NI YID SHES DANG MTSUNGS LDAN (YID YUL LA G-YO BAR BYED PA,) LUS NGAG GI LAS MNGON PAR 'DU BYED PA'I SEMS BYUNG YIN PA'I PHYIR, ,YID KYI LAS YIN NO, ,YID NI 'DIR SKYE MCHED KYI YID YIN NO, ,(YID KYANG RIG BYED MIN PAR 'GYUR RO ZHE NA, RIG BYED MIN PA NI RTEN 'BYUNG BA LA LTOS LA YID LA MI LTOS SO, ,LAS KYANG RKYEN LA LTOS PAR SMRA BAS KHO NA RGYUR SMRA BA'I LTA BAR MI 'GYUR DE YANG RNAM SMIN KHO NA MIN GYI SKYES BU BYED 'BRAS GTZO CHE'O, , 'JIG RTEN GNYIS PO DE YANG YUL DANG LUS LA CHAGS PAS 'GRUB BO,,) SEMS PA DES BSKYED PA'I (BSAM PA'I) LAS NI LUS KYI LAS DANG NGAG GI LAS TE, DE DAG NI SEMS PAS KUN NAS BSLANG BA'I PHYIR RO, , YANG LUS KYI LAS NI LUS LA BRTEN PAS DE'I LAS DANG, NGAG NI NGAG GI RANG BZHIN NYID LAS DANG, YID KYI LAS NI YID KYIS KUN NAS BSLANGS PA'I PHYIR LAS SU 'DOD DO, ,LUS NGAG GI LAS DE DAG NI RNAM PAR RIG BYED DANG RNAM PAR RIG BYED MIN PA GNYIS YIN NO,, @339 RGYAS PAR BSHAD PA LA RIG BYED DANG, RIG BYED MA YIN PA DANG, DE DAG GI KHYAD PAR BSHAD PA GSUM LAS DANG PO LA LUS KYI RIG BYED DANG NGAG GI RIG BYED GNYIS LAS LUS KYI RNAM PAR RIG BYED NI BYE BRAG TU SMRA BA 'GRO BA DANG PHYAG 'TSAL BA DANG SROG GCOD PA LA SOGS PA RNAM SMIN GYI LUS DANG (RGYAS BYUNG GI LUS) LAS THA DAD PA'I (LUS DE LTA BU'I) DBYIBS SU (RDZAS GRUB TU) 'DOD DE, 'DI LTAR RNAM SMIN GYI LUS NYID YIN NA NI RIG BYED DGE MI DGE MI SRID PAR 'GYUR TE, DE NI LUNG MA BSTAN YIN PA'I PHYIR RO, ,DE'I PHYIR PHYAR 'CHOL BA LA SOGS PA'I TSE LUS KYI RIG BYED DBYIBS SU GRUB PA ZHIG SPYI BO'I GTZUG NAS RKANG PA'I BAR DU YOD LA, DE NI RIG BYED 'OD LTAR DANG BA'I PHYIR DANG, RNAM SMIN GYI LUS KYI GSEB TU TSUD PA'I PHYIR CHE BAR YANG MI 'GYUR LCI BAR YANG MI 'GYUR ZHES 'DOD DE NAGS LA ME ZHUGS PA BZHIN NO ZHES ZER RO, ,('O NA RNAM SMIN GYI LUS LAS RDZAS THA DAD CING DE DANG MNYAM PA'I RIG BYED KYI LUS DBYIBS SU SKYE NA RNAM SMIN GYI LUS SNGAR BAS CHE BAR 'GYUR RO, ,RNAM SMIN GYI LUS GSEB DANG BCAS PA DE LA THAD KA THAD KAR THIM PAS SO ZHE NA, 'O NA RNAM SMIN GYI LUS SNGAR PAS 'KHREGS SHING LCIR SONG BAR THAL LO ZHE NA, RIG BYED KYI LUS 'OD LTAR DANG BAS MI 'GYUR ZHES SO MTSAN NYID NI DE LA DMIGS PA'I SEMS PAS KUN NAS BSLANG BA'I DBYIBS SO, ,DE SMRA BA NA MCHU 'GUL BA DANG, 'GRO BA NA YAN LAG G-YO BA DANG, STON PA'I MCHU BIM PA LTAR DMAR BA SOGS BSAL TE, RIM PA LTAR MCHU LAG 'GUL BA NI 'GUL BAR BYA'O SNYAM DU DE LA DMIGS PA'I SEMS BSKYED PA MIN GYI ZHAR BYUNG YIN LA, PHYAG 'TSAL BA SOGS NI 'GUL BAR BYA'O SNYAM PA'I SEMS SKYES PAS SO, ,STON PA'I MCHU NI SMON LAM GYIS BSKYED PA YIN LA, DE LA DMIGS PA'I SEMS BSKYED PA MIN PAS SO, ,ZHES 'DOD DO, ,) DON 'DI LA GNAS MA'I BU'I SDE PA NI YUL GZHAN NA YOD PA'I LUS KYI RIG BYED NYID MA NYAMS PAR YUL GZHAN DU (SEMS PAS JI LTAR DMIGS LUS KYANG DE LTAR 'GYUR BAS LUS NYID,) 'GRO BAR (RIG BYED DU) 'DOD DE, (LUS KYI LAS NI LUS KYI BYA BA YIN NA DE NI LUS G-YO BA LA RIGS KYI MI G-YO BA LA MIN PAS DES NA,) 'DIS SEMS SEMS BYUNG DANG SGRA DANG ME LCE DANG GLOG DANG 'BAB CHU LAS GZHAN SKAD CIG MAR MI 'DOD (KYI 'JIG RGYU DANG PHRAD NAS MI RTAG PAR 'DOD,) PA'I PHYIR DNGOS PO GZHAN YANG DE BZHIN DU 'DOD DO,, DE NI 'THAD PA MA YIN TE, LUS KYI DBYIBS MA NYAMS PAR YUL GZHAN DU 'GRO BA NI MIN TE, GANG GI PHYIR ZHE NA, 'DUS BYAS RNAMS NI GRUB MA THAG 'JIG PA'I SKAD CIG MA YIN PA'I PHYIR RO, ,DE YANG RGYU GZHAN MED PAR 'JIG PA'I GTAN TSIGS KYI PHYIR RO, ,PHYOGS SNGA MA NA RE RGYU MED PAR 'JIG PA NI MA @340 YIN TE, BUM PA 'JIG PA THO BA DANG GRANG BA 'JIG PA TSA BA LA SOGS PA LA LTOS SO ZHE NA, 'JIG PA ZHES BYA BA 'DI BUM PA LA SOGS PA MED PA'AM, DE LAS GZHAN PA'I DNGOS PO'AM, DE'I BDAG NYID KYIS 'JIG PA YIN, PHYOGS DANG PO NI THO BA LA SOGS PAS BYED PA MA YIN TE, MED PA BYA BAR 'GAL BA'I PHYIR RO, ,GNYIS PA'ANG MA YIN TE BUM PA LA SOGS PA 'JIG PA'I RGYU MA YIN PAR THAL BA'I PHYIR RO, ,PHYOGS GSUM PA'ANG MA YIN TE, 'JIG PA'I BDAG NYID DU RANG GI RGYU LAS GRUB PA'I PHYIR RO,, MA GRUB NA 'JIG PA BUM PA LA SOGS PA'I BDAG NYID MA YIN PAR THAL BA'I PHYIR RO ZHES BYA BA'I SKYON RIGS PA MKHYEN PA RNAMS KYIS BRJOD MOD KYI 'ON KYANG 'DIR BYE BRAG TU SMRA BA RANG GI GRUB PA'I MTHA' LA GNOD PAR DOGS NAS SKYON GZHAN BRJOD PAR BYED DE, 'DI LTAR 'JIG PA RGYU GZHAN LA LTOS PA YIN NA BLO DANG SGRA DANG ME LCE DANG GLOG LA SOGS PA 'JIG PA'I RGYU GZHAN MED PA RNAMS LAS 'JIG PA 'GA' YANG MI 'BYUNG BAR 'GYUR TE, RGYU MED PA'I PHYIR RO,, DE DAG DANG GIS 'JIG PAR 'DOD NA (SPYIR 'JIG PA PHYIS,) RGYU LA LTOS PAR 'DOD PA NYAMS PA YIN NO,, BYE BRAG PA BLO YANG BLO PHYI MAS 'JIG LA, SGRA YANG SGRA PHYI MAS 'JIG GO ZHES BYA BAR 'DOD PA'ANG MA YIN TE, DE DAG (CIG CAR MI 'BYUNG BAS) PHRAD PA MED PA'I PHYIR RO, ,GZHAN YANG (PHYI MA PHYI MAS SNGA MA SNGA MA 'JIG PAR BYED NA 'O NA,) ME LA SOGS PAS 'BRAS CHAN LA SOGS PA 'TSED PA NA MA TSOS PA TSOS PA DANG CHES TSOS PA DANG CHES CHER TSOS PAR BYED PA NA PHYI MA PHYI MAS SNGA MA SNGA MA 'JIG PAR BYED PA'I PHYIR SKYED PAR BYED PA'I RGYU YANG 'JIG PAR BYED PA PO'I RGYUR 'GYUR RO, ,DE LTA NA SKYED PA'I RGYU DE NYID 'JIG PA'I RGYU YIN NA NI ('BRAS BU 'GAL BA GNYIS BYED PA'AM,) SKYES TZAM NYID NA 'JIG PA'I PHYIR 'DUS BYAS RNAMS (MI 'JIG PAR,) YUL GZHAN DU 'PHO BA MA YIN PA DANG, (PHYIS) RGYU GZHAN LA LTOS PA MED PAR YANG GRUB PO, ,BYE BRAG TU SMRA BAS LUS KYI RIG BYED KHA DOG LAS RDZAS THA DAD PA'I DBYIBS SU 'DOD PA LA MDO SDE PA NA RE DBYIBS GCIG PO DE NYID MIG SHES KYIS KYANG MTHONG LA LUS KYI DBANG POS REG PA NA LUS KYI RNAM SHES KYIS KYANG SHES PA'I PHYIR SKYE MCHED KYI GZUGS GCIG DBANG PO GNYIS KYI GZUNG BAR 'GYUR NA DE LTA BU NI MED DE, DE'I PHYIR KHA DOG GI RDUL PHRA RAB BKOD PA LA KHA DOG GI DBYIBS DANG REG BYA'I RDUL PHRA RAB BKOD PA LA REG BYA'I DBYIBS SU 'DOGS PA'I PHYIR DE GNYIS LAS RDZAS GZHAN PA NI MED DO, ,(GAL TE RING PO LA SOGS PA'I DBYIBS MIG DANG MIG SHES KYIS 'DZIN NA, DE TZAM DU LUS KYIS REG NA'ANG RING PO LA SOGS PAR 'DZIN PA'I BLO SKYE BAR MYONG BAS GRUB PA'I PHYIR DBYIBS DE NYID @341 DBANG PO GNYIS KYIS GZUNG BAR THAL BA LAS MI 'DZIN PAS SO, ,DES NA KHA DOG DANG REG BYA'I RDUL RAGS PA MIG SHES DANG LUS SHES LA SNANG BA'I BKOD PA'I KHYAD PAR LA YID SHES RTOG PAS DBYIBS SU SGRO BTAGS PA YIN GYI DBYIBS MIG SHES DANG LUS SHES GNYIS KAS 'DZIN PA MED KYI, LUS KYIS 'DZIN ZHES PA'ANG MIG GIS 'DZIN NA RGYU MTSAN MTSUNGS ZHES DGAG PA'O, ,GZHAN YANG DBYIBS DU MA YUL GCIG NA GNAS PAR THAL DKYIL 'KHOR LA SOGS GRU BZHI'AM ZLUM PO LTA BU GCIG LA KHA DOG SNA TSOGS SU SNANG BA'I PHYIR 'DOD NA, GA SA GCIG TU DBYIBS DU MA MI 'BYUNG BAR 'DOD PA NYAMS SO, ,DBYIBS KYI GZUGS RAGS PA MI SRID PAR 'GYUR TE SOG DE'I BYED RDUL PHRAN LA DBYIBS MED PAS SO, ,) GZHAN YANG DBYIBS RDZAS SU YOD NA RDUL PHRA RAB LA DBYIBS YOD PAR 'GYUR TE, GZUGS CAN RDZAS SU GRUB PA NI RDUL PHRA RAB KHO NA YIN PA'I PHYIR RO, ,RDUL PHRA RAB LA DBYIBS YAD PA DE LTA'ANG MA YIN TE, CHA DANG BCAS PAR THAL BA'I PHYIR RO, ,GANG GI PHYIR DBYIBS DE RDUL PHRA RAB LA MED PA DE'I PHYIR YANG DBYIBS RDZAS SU MED DO ZHES ZER MOD KYI DE LTA NA KHA DOG DANG REG BYA'ANG MED PAR 'GYUR TE, DBYIBS NI DE DAG GI BDAG NYID YIN LA DE RDZAS SU MED PA'I PHYIR RO, ,DE DAG GI BDAG NYID KYANG MA YIN DE LAS DON GZHAN DU'ANG MED NA DNGOS POR MA GRUB PA'I PHYIR DBANG PO'I SHES PA MA 'KHRUL BA LA MI SNANG BAR THAL BA LA LAN MED PA NYID YIN NO, ,DE'I PHYIR DBYIBS RDZAS SU GTAN NAS KYANG MA GRUB PO ZHES BYA BA NI DON SMRA BA LA LEGS PAR MA MTHONG NGO, ,NGAG GI RNAM PAR RIG BYED NI NGAG GI RANG BZHIN GYI SGRA NYID YIN NO, ,NGAG GI SGRA SMOS PA NI SPYI LA THAL BA SPANG BA'I PHYIR RO, ,RIG BYED NI RANG KUN NAS SLONG BA'I BSAM PA RIG PAR BYED PA'I PHYIR YIN NO, ,MDO SDE PA RNAMS NI LUS NGAG GI RANG BZHIN NI LAS MA YIN GYI 'ON KYANG DE DAG GI DUS SU'ANG SEMS PA NYID LAS YIN TE, SEMS PA DGE MI DGE BAR GYUR NA LUS NGAG MI DGE BA DANG DGE BAR SNANG YANG DON DGE BA DANG, SDIG PAR 'GYUR BA'I PHYIR RO,, 'O NA SEMS PA DANG BSAM PA'I LAS GNYIS GSUNGS PA MA YIN NAM ZHE NA, SEMS PA DANG BSAM PA'I LAS NI RIM PA LTAR RGYU DANG DUS KYI KUN SLONG GI DBANG DU MDZAD NAS GSUNGS PA YIN LA, LUS NGAG LAS SU GSUNGS PA NI, SEMS PA DE MTHAR PHYIN PAR BYED PA'I PHYIR LAS SU BTAGS NAS GSUNGS PA YIN GYI THAMS CAD DU'ANG SEMS PA NYID LAS YIN NO ZHES BYA BAR 'DOD LA, DON 'DI NI THEG PA GONG MA PA THAMS CAD KYANG BZHED PA YIN NO,, GNYIS PA RIG BYED MA YIN PA BSHAD PA NI, 'O NA RIG BYED MA YIN PA'I NGO BO NI BSHAD ZIN NA @342 DE YOD PAR GANG GIS SHES SHE NA, LUNG GIS SHES TE, MDO LAS GNAS GSUM GYI GZUGS KYIS GZUGS THAMS CAD BSDUS PA YIN TE, BSTAN DU YOD LA THOGS PA DANG BCAS PA'I GZUGS KYANG YOD, BSTAN DU MED LA THOGS PA DANG BCAS PA'I GZUGS KYANG YOD, ,BSTAN DU YANG MED LA THOGS PA YANG MED PA'I GZUGS KYANG YOD DO ZHES GZUGS RNAM PA GSUM GSUNGS PA'I PHYIR TE, BSTAN DU YANG MED LA THOGS PA YANG MED PA'I GZUGS NI RIG BYED MIN PA LAS GZHAN MED PA'I PHYIR DANG, GZHAN YANG ZAG PA MED PA'I CHOS RNAMS GANG ZHE NA, GZUGS 'DAS PA DANG MA 'ONGS PA DANG DA LTAR BYUNG BA GANG LA RJES SU CHAGS PA'AM KHONG KHRO BA MI SKYE BA 'DI DAG NI ZAG PA MED PA'I CHOS RNAMS ZHES BYA'O ZHES BYA BA NAS RNAM PAR SHES PA'I BAR DU DRI MA MED PA'I GZUGS GSUNGS PA'I PHYIR TE, ZAG PA MED PA'I GZUGS NI ZAG MED KYI SDOM PA LAS GZHAN MED PA'I PHYIR DANG, GZHAN YANG LUNG RNAM 'BYED LAS, BCOM LDAN 'DAS YUL KO'U SHAM BI NA DBYANGS LEN GYI KUN DGA' RA BA NA BZHUGS SO, ,DE NAS TSE DANG LDAN PA SKUL BYED BCOM LDAN 'DAS GA NA BA DER SONG STE PHYIN NAS, BCOM LDAN 'DAS KYI ZHABS LA MGO BOS PHYAG BTZAL NAS PHYOGS GCIG TU 'DUG STE, BCOM LDAN 'DAS LA TSE DANG LDAN PA SKUL BYED KYIS 'DI SKAD CES GSOL TO, ,BTZUN PA RDZAS LAS BYUNG BA'I BSOD NAMS BGYI BA'I DNGOS PO 'BRAS BU CHE BA PHAN YON CHE BA GZI BRJID CHE BA RGYA CHE BA GDAGS PA MCHIS LAGS SAM, BCOM LDAN 'DAS KYIS DE LA SKUL BYED YOD DO ZHES BKA' STZAL TE, SKUL BYED BDUN PO 'DI DAG NI RDZAS LAS BYUNG BA'I BSOD NAMS BYA BA'I DNGOS PO 'BRAS BU CHE BA PHAN YON CHE BA GZI BRJID CHE BA RGYA CHE BA YIN TE, DE DAG DANG LDAN PA'I DAD PA'I RIGS KYI BU'AM, RIGS KYI BU MO NI RGYU YANG RUNG 'DUG KYANG RUNG NYAL YANG RUNG MI NYAL YANG RUNG STE RTAG TU RGYUN MI CHAD PAR BSOD NAMS MNGON PAR 'PHEL BA KHO NAR 'GYUR RO, ,BDUN GANG ZHE NA SKUL BYED 'DI NI DAD PA'I RIGS KYI BU'AM BU MO PHYOGS BZHI'I DGE SLONG GI DGE 'DUN LA KUN DGA'I RA BA 'BUL BAR BYED DE, SKUL BYED 'DI NI RDZAS LAS BYUNG BA'I BSOD NAMS BYA BA'I DNGOS PO 'BRAS BU CHE BA PHAN YON CHE BA GZI BRJID CHE BA RGYA CHE BA DANG PO YIN TE, DE DANG LDAN PA'I DAD PA'I RIGS KYI BU'AM RIGS KYI BU MO NI RGYU YANG RUNG 'DUG KYANG RUNG NYAL YANG RUNG MI NYAL YANG RUNG STE RTAG TU RGYUN MI CHAD PAR BSOD NAMS MNGON PAR 'PHEL BA KHO NAR 'GYUR ZHING BSOD NAMS NYE BAR SKYE BA KHO NAR 'GYUR RO ZHES BYA BA NAS, DE BZHIN DU KUN DGA'I RA BA DE NYID DU GTZUG LAG KHANG RTZIG PA DANG, MAL CHA DANG STAN 'BUL BA DANG, 'TSO BA NAR MA 'BUL BA DANG, 'GRON BU GLO BUR DU 'GRO 'ONG BYED PA @343 LA SBYIN PA GTONG BA DANG, NAD PA DANG NAD G-YOG LA SBYIN PA GTONG BA DANG, RLUNG DANG CHAR BA LA SOGS PA YUL NGAN PA'I TSE GTZUG LAG KHANG GI NANG DU BSOD SNYOMS 'BUL BA ZHES BYA BA DRUG LA'ANG SBYAR NAS RGYAS PAR GSUNGS SO, ,DE BZHIN DU RDZAS LAS BYUNG BA MA YIN PA'I BSOD NAMS 'PHEL BA BDUN YANG LAN GNYIS KYI BAR DU YANG BCOM LDAN 'DAS LA, TSE DANG LDAN PA SKUL BYED KYIS 'DI SKAD CES GSOL TO, ,BTZUN PA RDZAS LAS BYUNG BA MA LAGS PA'I BSOD NAMS BGYI BA'I DNGOS PO'I 'BRAS BU CHE BA NAS RGYA CHE BA'I BAR GDAGS SU MCHIS PA LAGS SAM BCOM LDAN 'DAS KYIS DE LA SKUL BYED YOD DO ZHES BKA' STZAL TE, SKUL BYED BDUN PO 'DI DAG NI RDZAS LAS BYUNG BA MA YIN PA'I BSOD NAMS BYA BA'I DNGOS PO YIN TE, DE DAG DANG LDAN PA'I DAD PA'I RIGS KYI BU'AM RIGS KYI BU MO NI ZHES BYA BA NAS BSOD NAMS NYE BAR SKYE BA KHO NAR 'GYUR RO ZHES BYA BA'I BAR DU GSUNGS NAS, BDUN GANG ZHE NA, SKUL BYED 'DI NI DAD PA'I RIGS KYI BU'AM, RIGS KYI BU MO DE BZHIN GSHEGS PA'AM DE BZHIN GSHEGS PA'I NYAN THOS GRONG NGAM ZHING CHE GE MO ZHIG NA RTEN CING BZHUGS SO ZHES THOS SHING THOS NAS KYANG, DGA' BA DANG, RAB TU DGA' BA RGYA CHE BA DGE BA NGES PAR 'BYUNG BA DANG LDAN PA THOB STE, SKUL BYED 'DI NI RDZAS LAS BYUNG BA MA YIN PA'I BSOD NAMS BYA BA'I DNGOS PO DANG PO YIN NO ZHES BYA BA NAS BSOD NAMS NYE BAR SKYE BA KHO NAR 'GYUR RO ZHES BYA BA'I BAR SNGA MA BZHIN DU GSUNGS SO,, DE BZHIN DU DE BZHIN GSHEGS PA'AM DE'I NYAN THOS TSUR GSHEGS PA BRTZOM PA DANG, LAM DU ZHUGS PA DANG, NYE BA'I GRONG DANG GRONG KHYER DU PHYIN PA DANG, LTA BA'I PHYIR 'GRO ZHING MTHONG BA DANG, CHOS THOS PA DANG, DKON MCHOG GSUM LA SKYABS SU 'GRO BA DANG, BSLAB PA'I GNAS 'DZIN PA NA DGA' BA DANG, RAB TU DGA' BA RGYA CHE BA DGE BA NGES PAR 'BYUNG BA DANG LDAN PA THOB STE, SKUL BYED 'DI NI RDZAS LAS BYUNG BA MA YIN PA'I BSOD NAMS BYA BA'I DNGOS PO 'BRAS BU CHE BA BDUN PA YIN NO, , ZHES BSOD NAMS RNAM PAR 'PHEL BA RDZAS LAS BYUNG BA DANG RDZAS LAS BYUNG BA MA YIN PA'I BSOD NAMS BDUN TSAN GNYIS RGYAS PAR GSUNGS TE, DE DAG LA MKHAS PA DAG GIS, ,KUN DGA' RA BA GTZUG LAG KHANG, ,MAL STAN TSOR BA NAR MA DANG, ,GLO BUR NAD PA NAD G-YOG DANG, ,YUL NGAN TSE NA SBYIN PA NI, ,RDZAS LAS BYUNG BA'I BSOD NAMS BDUN, ,BZHUGS DANG GSHEGS RTZOM LAM ZHUGS DANG, ,PHYIN PA THOS DANG MTHONG BA DANG, ,CHOS THOS BSLAB PA'I GZHI 'DZIN LAS, ,DGA' DANG DAD PA BSKYED PA NI, ,RDZAS LA MA LTOS BSOD NAMS BDUN, ,ZHES SDOM DU MDZAD DO, ,DE @344 DAG KYANG BAR MA DGE BA'I RIG BYED MA PA YIN YIN GYI RIG BYED DANG SEMS PA YIN NA NYAL BA LA SOGS PA'I GNAS SKABS SU MI 'BYUNG BAR THAL BA LAS 'BYUNG BA'I PHYIR DANG, DE BZHIN DU RANG NYID KYIS MA BYAS PA'I LAS KYI LAM LA SOGS PA GSUNGS PA'I YANG PHYIR TE, 'DI LTAR 'GA' ZHIG GIS GZHAN DAG BSKUL TE, 'GA' ZHIG GSOD PA DANG MA BYIN PAR LEN PA LA SOGS PA BYED DU BCUG NA PHA ROL PO'I SROG CHAD PA DANG, NOR THOB PA LA SOGS PA'I TSE BSKUL PAR BYED PA PO LUS NGAG GI RIG BYED DANG SEMS PA DGE BAR GNAS PA'I TSE'ANG SROG GCOD PA DANG MA BYIN PAR LEN PA LA SOGS PA'I MI DGE BA'I LAS KYI LAM GYI DNGOS GZHI 'BYUNG BAR GSUNGS PA'I PHYIR DE NI RIG BYED MA YIN PA YIN TE, RIG BYED DANG SEMS PA NI DGE BAR YOD PA'I PHYIR RO, ,SOGS PA'I SGRAS BCOM LDAN 'DAS KYIS SKYE MCHED BCU GNYIS STON PA NA, DGE SLONG MIG NI NANG GI SKYE MCHED YIN TE, 'BYUNG BA CHEN PO BZHI DAG RGYUR BYAS PA GZUGS CAN BSTAN DU MED PA THOGS PA DANG BCAS PA'O ZHES BYA BA NAS LUS KYI BAR DANG, DGE SLONG GZUGS DAG NI PHYI'I SKYE MCHED YIN TE, 'BYUNG BA CHEN PO BZHI DAG RGYUR BYAS PA GZUGS CAN, BSTAN DU YOD PA THOGS PA DANG BCAS PA'O ZHES BYA BA NAS REG BYA'I BAR DU GSUNGS LA, DGE SLONG CHOS NI PHYI'I SKYE MCHED YIN TE, SKYE MCHED BCU GCIG GIS MA BSDUS PA BSTAN DU MED PA THOGS PA MED PA'O ZHES GSUNGS TE, 'DI LA RIG BYED MA YIN PA GZUGS SU MED NA GZUGS CAN MA YIN PA ZHES GSUNGS PAR RIGS PA LAS, DE SKAD DU MA GSUNGS PA'I PHYIR RO,, GZHAN YANG 'PHAGS PA'I LAM YAN LAG BRGYAD PAR YANG MI 'GYUR TE, MNYAM PAR BZHAG PA NA LUS NGAG GI RIG BYED DAG MED PA'I PHYIR YANG DAG PA'I NGAG DANG LAS KYI MTHA' DANG 'TSO BA RNAMS MED PAR 'GYUR PA LAS LAM YAN LAG BRGYAD PAR BSHAD PA'I PHYIR, YANG DAG PA'I NGAG LA SOGS PA NI SPONG BA BDUN GYI BDAG NYID KYI RIG BYED MA YIN PAR BZHED PA YIN NO,, GZHAN YANG RIG BYED MA YIN PA MED NA SO SO THAR PA'I SDOM PA RGYUN CHAGS PAR YANG MI 'GYUR TE, RIG BYED DANG SPONG BA'I SEMS PA DAG YID GZHAN LA G-YENGS PA'AM, SEMS MED PA'I GNAS SKABS SU MED PA'I PHYIR RO, ,GZHAN YANG MDO LAS SPONG BA NI 'CHAL BA'I TSUL KHRIMS KYI GEGS BYED PA'I PHYIR CHU LON DU'ANG GSUNGS NA MED PA NI CHU LON DU MI RIGS PA'I PHYIR RO, ,DRAN PA NYER GZHAG LAS KYANG, GANG GI TSE CHOS THAMS CAD KYI BYED PA DANG LDAN PA GANG SDOM PA NYID BLANGS PA DE PHAN CHAD GNYID LOG GAM MYOS SAM RAB TU MYOS KYANG DGE BA'I CHOS KYI RGYUN NYID RAB TU 'JUG STE, DPER NA CHU BO'I @345 RGYUN BAR CHAD MED PAR RTAG TU 'BAB PA DE BZHIN DU SKYES BU GNYID LOG GAM RAB TU MYOS PA'I 'JUG PA YANG DE BZHIN NO, ,DE LTAR RNAM PAR RIG BYED MA YIN PA'I GZUGS BSTAN DU MED PA THOGS PA MED PAR 'DOD DO ZHES GSUNGS PA'I PHYIR RO, ,DE'I PHYIR RIG BYED MA YIN PA GZUGS SU YOD DO ZHES ZER RO, ,DON 'DI LA MDO SDE PA LA SOGS PA NI RIG BYED MA YIN PA GZUGS RANG GI MTSAN NYID PA NI MA YIN TE, THOGS PA DANG BCAS PA ZHES BYA BA LA SOGS PA GZUGS SU RUNG BA'I MTSAN NYID MED PA'I PHYIR RO, ,GAL TE GZUGS LAS SKYES PAS GZUGS SU 'DOD NA, MIG GI RNAM SHES LA SOGS PA'ANG THAL BAR 'GYUR BA'I PHYIR RO, ,MDO'I DGONGS PA'ANG DON LA MI GNAS PA KHO NAR GSAL BAR SHES TE, BSTAN MED THOGS MED KYI GZUGS NI BSAM GTAN PA RNAMS KYI TING NGE 'DZIN LA ZAD PAR ZIL GNON DANG MI SDUG PA LA SOGS PAR SNANG BA CHOS KYI SKYE MCHED PA'I GZUGS KYI DBANG DU MDZAD NAS GSUNGS PAS GZUGS SU BTAGS PA YIN LA, DE NYID LA ZAG PA MED PA'I GZUGS SU'ANG GSUNGS SO, ,CHOS KYI SKYE MCHED LA GZUGS CAN MA YIN PA MI GSUNG BA'I RGYU YANG DE NYID YIN NO, ,DPES STON PA NI ZAG MED KYI GZUGS GSUNGS PA NI, DGRA BCOM PA'I GZUGS DANG DE DAG LA SNANG BA'I PHYI ROL KYI GZUGS YIN TE, ZAG PA'I RTEN MA YIN PA'I PHYIR RO, ,'O NA MDO LAS, ZAG PA DANG BCAS PA'I CHOS RNAMS GANG ZHE NA, MIG JI SNYED PA DANG GZUGS JI SNYED PA DAG YIN NO ZHES GSUNGS SHE NA, DE NI ZAG PA'I GNYEN PO MA YIN PA'I DBANG DU MDZAD NAS ZAG BCAS SU GSUNGS SO ZHES 'CHAD DO, ,BSOD NAMS RNAM PAR 'PHEL BA DAG KYANG YUL DANG BSAM PA DANG DNGOS PO'I KHYAD PAR GYIS BAG CHAGS BSGOS PA'I RGYUD 'GYUR BA'I DBANG DU MDZAD NAS GSUNGS PA YIN LA, MA BYAS PA'I LAS KYI LAM YANG BYED DU 'JUG PA'I SEMS PA DANG, LUS NGAG GI RIG BYED DANG GZHAN GYIS BYAS PA'I RKYEN LAS SDIG PA'I BAG CHAGS BRTAN PA THOB PA CHOS NYID DO, ,ZHES DGONGS PA NI DE YIN NO,, 'PHAGS PA'I LAM YAN LAG BRGYAD PAR BSHAD PA NI MNYAM PAR BZHAG PA'I STOBS KYIS DE LAS LANGS PA NA RDZUN LA SOGS PA MI BYED PA THOB PA'I PHYIR YAN LAG BRGYAD PAR BSHAD PA YIN NO, ,SDOM PA RNAMS NI DRAN SHES BZHIN GYIS ZIN PA'I SEMS PA'I RGYUN LA 'DOD PA'I PHYIR DANG, CHU LON DU GSUNGS PA NI SPANG BYA NYE BA NA NGO TSA SHES PAS DAM BCAS PA DRAN NAS GNYEN POS 'CHAL TSUL SPONG BA YIN GYI, GAL TE RIG BYED MA YIN PA KHO NAS 'CHAL TSUL GYI GEGS BYED NA BRJED PA LA SOGS PA LA TSUL KHRIMS 'DRAL BA MI SRID PAR 'GYUR RO ZHES BRJOD PAR BYED DO, ,'ON KYANG BYE BRAG TU SMRA BA NI, GZUGS SU YOD DO @346 ZHES 'DOD DO,, GAL TE RNAM PAR RIG BYED MA YIN PA'I GZUGS RDZAS SU YOD LA DE YANG 'BYUNG BZHI RGYUR BYAS PAR 'DOD NA, DE CI RNAM PAR RIG BYED SKYED BYED KYI 'BYUNG BA KHO NA LAS SKYE'AM, 'ON TE RIG BYED SKYED BYED LAS GZHAN PA'I 'BYUNG BA LAS SKYE ZHE NA, RIG BYED MA YIN PA BSTAN MED THOG MED YIN PAS PHRA BA DANG, RIG BYED DE LAS BZLOG PAS RAGS PA YIN LA, 'BYUNG BZHI'I TSOGS PA GCIG GIS 'BRAS BU PHRA RAGS GNYIS BSKYED PA 'GAL BAS RIG BYED SKYED BYED LAS GZHAN PA'I 'BYUNG BA LAS SKYE'O, ,'O NA RIG BYED MA YIN PA RANG RANG DANG DUS MNYAM PA'AM DUS THA DAD PA'I 'BYUNG BA LAS SKYE ZHE NA, 'DOD PA NA SPYOD PA'I RNAM PAR RIG BYED MA YIN PA MA GTOGS PA RNAM PAR RIG BYED DANG, BSAM GTAN ZAG MED KYI SDOM PA DANG, PHYI NANG GI GZUGS THAMS CAD NI RANG RANG DANG DUS MNYAM PA'I 'BYUNG BA KHO NA LAS SKYE LA, 'DOD PAR GTOGS PA'I RNAM PAR RIG BYED MIN PA SDOM PA SDOM MIN BAR MAS BSDUS PA RNAMS NI SKAD CIG MA DANG PO NI RANG DANG DUS MNYAM PA LHAN CIG PA DA LTAR BA'I 'BYUNG BA LAS SKYE STE, SLOB DPON RGYAL PO'I SRAS KYIS, 'DOD PA NA SPYOD PA'I RNAM PAR RIG BYED MA YIN PA NI SDOM PA LA SOGS PA NOD PA'I TSE LHAN CIG SKYE BA'I 'BYUNG BA CHEN PO DAG RGYUR BYAS NAS 'BYUNG LA, DE BZHIN DU RNAM PAR RIG BYED MA YIN PA GZHAN YANG DE DAG KHO NA RGYUR BYAS NAS 'BYUNG NGO, ,'DI LTAR DE DAG NI GZHI'I DON DU 'GYUR TE ZHES PA DANG, SLOB DPON GANG SPEL GYIS KYANG, SKAD CIG MA DANG PO NI 'PHEN PAR BYED PA'I 'BYUNG BA DANG, LHAN CIG SKYE BA'I PHYIR RO ZHES BSHAD PA'I PHYIR RO, ,DES NA DE DAG NI 'DI'I NGO BO SKYED BYED DANG 'JUG PA DANG 'PHEN PA'I RGYU YIN PA'I PHYIR GZHI'I DON GYI 'BYUNG BA ZHES BYA STE, DPER NA 'KHOR LO SA LA 'DRIL PA LAG PAS 'PHUL BA BZHIN NO, ,SKAD CIG MA DANG PO PHYIN CHAD NI 'DAS PA'I 'BYUNG BA CHEN PO DAG LAS SKYE STE, LUS KYI TSOGS PA NA YOD PA'I 'BYUNG BA DA LTAR BA RNAMS NI SKYES ZIN GNAS PA DANG RJES SU 'JUG PA DANG RTEN PAR BYED PA'I RGYU YIN PA'I PHYIR, RTEN GYI DON GYI 'BYUNG BA ZHES BYA STE, DPER NA 'KHOR LO 'DRIL BA LA SA PHYOGS BZHIN NO, ,DES NA 'DOD PA'I RNAM PAR RIG BYED MA YIN PA'I GZUGS NI SROG GCOD PA SPONG BA LTA BU GCIG KYANG SKAD CIG MA DANG PO'I TSE LHAN CIG PA DA LTAR BA'I 'BYUNG BA BZHI TSAN KHO NA DANG, SKAD CIG MA GNYIS PA PHAN CHAD NGO BO SKYED BYED GZHI'I 'BYUNG BA 'DAS PA DANG, SKYES ZIN GNAS PA'I RTEN GYI 'BYUNG BA DA LTAR BA LUS KYI TSOGS PA NA YOD PA LAS KYANG SKYE BAS 'BYUNG BA BZHI TSAN GNYIS GNYIS LAS SKYE ZHING, BSAM GTAN @347 ZAG MED KYI SDOM PA NI SPONG BA BDUN CHAR YANG DUS MNYAM PA DANG DA LTAR BA'I 'BYUNG BA BZHI TSAN GCIG KHO NA LAS SKYE LA, DE DAG LAS GZHAN PA RGYUR BYAS PA'I GZUGS THAMS CAD NI RANG RANG DANG DUS MNYAM PA LHAN CIG PA'I 'BYUNG BA BZHI TSAN THA DAD KHO NA LAS SKYE STE, SLOB DPON GANG SPEL GYIS BSAM GTAN DANG ZAG PA MED PA'I SDOM PA GNYIS KYI RTEN 'BYUNG BA CHEN PO RNAMS NI SEMS DANG 'DRA BAR DUS MNYAM PA'I PHYIR RO, ,ZHES PA DANG, SPYIR BTANG GI DBANG DU BYAS NAS SLOB DPON CHEN PO'I SRAS KYIS KYANG, RGYUR BYAS PA'I GZUGS RNAM PAR RIG PA DANG, RNAM PAR RIG BYED MA YIN PA DANG, BSAM GTAN DANG ZAG PA MED PAS BSDUS PA DANG, MIG DANG RNA BA DANG GZUGS DANG SGRA LA SOGS PA THAMS CAD NI DA LTAR DUS MNYAM PA'I 'BYUNG BA CHEN PO DAG KHO NA RGYUR BYAS NAS 'BYUNG NGO ZHES PA DANG, JI LTAR RGYUR BYAS PA'I GZUGS GZHAN DAG GI GZHI DA LTAR BA'I 'BYUNG BA CHEN PO RNAMS YIN PA DE BZHIN DU DE'I RTEN NI 'DAS PA RNAMS YIN NO ZHES BSHAD PA'I PHYIR RO,, 'BYUNG BA DE YANG SA GANG GIS BSDUS PA YIN ZHE NA, ZAG BCAS KYI LUS DANG NGAG GI LAS RIG BYED DANG RIG BYED MA YIN PA THAMS CAD NI RANG GI SA PA'I 'BYUNG BA DAG RGYUR BYAS PA YIN TE, 'DOD PAR GTOGS PA'I LUS NGAG GI LAS 'DOD PA'I 'BYUNG BA RGYUR BYAS PA YIN PA NAS BSAM GTAN BZHI PA'I SA PA'I LUS NGAG GI LAS NI BSAM GTAN BZHI PA'I SA PA KHO NA'I 'BYUNG BA RGYUR BYAS PA'I BAR DU'O, ,ZAG MED KYI LUS NGAG GI LAS NI RTEN DBANG BTZAN PAS SDOM PA DE GANG DU SKYES PA'I SA PA DE'I 'BYUNG BA DAG YIN TE, ZAG MED KHAMS SU MA GTOGS SHING 'BYUNG BA LA NGES PAR LTOS LA ZAG MED LA 'BYUNG BA GZHAN MED PA'I PHYIR RO, ,DE'I PHYIR 'DOD KHAMS PA'I RGYUD LA ZAG MED KYI SDOM PA SKYES NA DE 'DOD PA'I 'BYUNG BA LAS SKYES SO ZHES BYA BA LA SOGS PA'O, ,DE YANG RNAM PAR RIG BYED MIN PA DE'I RANG GI NGO BO NI RDUL PHRAN BSAGS PA'I GZUGS MA YIN PAS YUL NA MI GNAS SHING PHAN GNOD KYIS TSOR BA BDE SDUG LA SOGS PA SEMS SEMS BYUNG GI RTEN MA YIN PAS MA ZIN PA DANG, SKAL MNYAM GYI RGYU LAS SKYES PA'I PHYIR RGYU MTHUN LAS BYUNG BA YIN GYI RNAM SMIN DANG RGYAS BYUNG NI MA YIN TE, RIM PA LTAR DGE MI DGER NGES PAS LUNG MA BSTAN MA YIN PA'I PHYIR DANG, RDUL PHRAN BSAGS PA MA YIN PAS RGYAS PA'I RGYU DAG GIS RGYAS PAR MI BYED PA'I PHYIR RO, ,SEMS CAN DU STON PA YIN TE, RGYUD DU GTOGS PA'I CHOS YIN PA'I PHYIR RO, ,'DOD PA'I RIG BYED MA YIN PA DE NI KUN SLONG GI SEMS LA LTOS PA DANG, MNYAM GZHAG MA YIN PA DANG, GZUGS CAN CHAD NAS MTSAMS SBYOR PA'I PHYIR RIM PA LTAR GNYIS DANG, TING NGE 'DZIN GYIS @348 RGYAS PA DANG, RNAM SMIN SKYES KYI 'BYUNG BA LAS SKYE BA MA YIN GYI, SKAL MNYAM GYIS BSKYED PAS RGYU MTHUN LAS BYUNG BA'I 'BYUNG BA DANG, DA LTAR GYI LUS KYI TSOGS PA NA YOD PAS RGYUD KYIS ZIN PA'I 'BYUNG BA CHEN PO'I RGYU LAS SKYE BA DANG, SEMS KYI RJES 'BRANG MA YIN PAS 'BYUNG BA BZHI TSAN THA DAD LAS SKYE BA YIN NO, ,TING NGE 'DZIN LAS SKYES PA'I RIG BYED MA YIN PA BSAM GTAN DANG ZAG MED KYI SDOM PA NI t'IKAR MNYAM PAR BZHAG PA'I SEMS KYI NGANG GIS LUS DE LA SEMS KYI RJES SU 'BYUNG BA'I 'BYUNG BA 'BYUNG BA'I PHYIR TE, ZIN PA'I 'BYUNG BA CHEN PO RNAMS NI 'GOG PA'I SNYOMS PAR 'JUG PA LA SOGS PA'I GNAS SKABS DAG NA SEMS MED PAR 'BYUNG NGO, ,ZHES 'BYUNG BAS MA ZIN PA'I 'BYUNG BA DANG, RGYAS PA LAS BYUNG BA'I 'BYUNG BA LAS SKYE STE, TING NGE 'DZIN GYIS RGYAS PA'I PHYIR RO, ,SEMS KYI RJES SU 'JUG PAS 'BYUNG BA THA DAD MIN PA LAS SKYE BA YIN TE, SPONG BA BDUN KA'ANG 'BYUNG BA BZHI TSAN GCIG LA BRTEN PA'I PHYIR RO,, DE'I PHYIR 'GREL PA LAS, SEMS BZHIN DU 'BYUNG BA THA MI DAD PA'I PHYIR RO, ,ZHES PA DANG, t'IKA BYED DAG GIS KYANG, JI LTAR DE SKYED PAR BYED PA'I SEMS THA DAD PA MA YIN PA DE BZHIN DU DE SKYED PAR BYED PA'I 'BYUNG BA RNAMS KYANG THA MI DAD PA KHO NA YIN NO, ,'BYUNG BA CHEN PO DAG NI RTEN GYI DON GYIS RNAM PAR RIG BYED MA YIN PA'I GZHIR GYUR PA MA YIN NO, ,'O NA CI ZHE NA, DE 'JUG PAR BYED PA'I DON GYIS TE, DE LTA BAS NA 'BYUNG BA THA MI DAD PA LAS SKYE'O ZHES BSHAD DO, ,'DIS NI TING NGE 'DZIN LAS SKYES PA MA YIN PA NI SPONG BA RE RE'ANG 'BYUNG BA BZHI TSAN SO SO LAS SKYE BA'I PHYIR THA DAD PA'I 'BYUNG BA LAS SKYE'O ZHES BSTAN PA YIN NO,, GSUM PA DE DAG GI KHYAD PAR LA'ANG NGO BO DANG SA'I KHYAD PAR DANG, DGE BA DANG MI DGE BA DANG LUNG MA BSTAN GYI DBYE BA DANG, RIG BYED MA YIN PA RGYAS PAR DBYE BA DANG, LDAN PA'I TSUL DANG, 'THOB PA'I TSUL DANG, GTONG BA'I TSUL DANG, RTEN GYI KHYAD PAR BDUN LAS DANG PO NI, RNAM PAR RIG BYED MIN PA NI LUNG BSTAN PA DGE MI DGE MIN PA LUNG MA BSTAN NI CUNG ZAD KYANG MED DE, 'DI NI KUN SLONG GIS DGE BA LA SOGS PAR 'GYUR BA YIN NA LUNG MA BSTAN GYI SEMS LA STOBS CHUNG BAS KUN SLONG 'GAGS KYANG RGYUN RJES SU 'JUG PA'I LAS 'PHEN PA'I NUS PA MED PA'I PHYIR RO, ,DE LAS GZHAN RIG BYED DANG SEMS PA DAG NI DGE MI DGE LUNG MA BSTAN RNAM PA GSUM YIN NO, ,DE DAG LAS MI DGE BA'I RIG BYED MA YIN PA DANG RIG BYED DANG SEMS PA DAG NI 'DOD PA KHO NA NA YOD PAR RIG PAR @349 BYA'O, ,GZUGS NA'ANG BSAM GTAN ZAG MED KYI SDOM PA RNAM PAR RIG BYED MIN PA YOD LA, 'ANG GI SGRAS NI 'DOD PA NA YOD PAR STON PA STE, GZUGS MED NA NI GZUGS CAN THAMS CAD MED PAR PHYIR RO, ,LUS NGAG GI RNAM PAR RIG BYED NI GNYIS PA YAN CHAD NA KUN SLONG MED PAS RTOG DPYOD DANG BCAS PA'I SA 'DOD PA DANG BSAM GTAN DANG PO DAG KHO NA NA YOD KYI 'DOD PA'I KHAMS NA YANG BSGRIBS LA LUNG DU MA BSTAN PA'I RIG BYED MED DE, GANG GI PHYIR ZHE NA DE NA KUN NAS SLONG BA'I BSGRIBS PA'I SEMS MED PA'I PHYIR TE, 'DI LTAR 'DOD PA NA LTA BA DANG PO GNYIS MTSUNGS LDAN DANG BCAS PA BSGRIBS LA LUNG MA BSTAN YOD MOD KYI DE DAG NI MTHONG SPANG YIN PAS, KHA NANG DU LTAS PA'I PHYIR RIG BYED KUN NAS SLONG BA MA YIN NO, ,DE'I PHYIR BSGRIBS PA'I LUS NGAG GI RIG BYED NI TSANGS PA CHEN PO G-YO RGYUS KUN NAS BSLANGS NAS NGAG SMRA BA LA SOGS PA BYED PAS BSAM GTAN DANG PO KHO NA NA YOD DO,, GNYIS PA LA DON DNGOS NI, 'DIR DGE BA NI DON DAM PA DANG, NGO BO NYID DANG, MTSUNGS LDAN DANG, KUN SLONG GIS DGE BA BZHI LAS THAR PA MYA NGAN LAS 'DAS PA NI DAM PA'I DON DU DGE BA YIN TE, MI DGE BA DANG SDUG BSNGAL THAMS CAD NYE BAR ZHI BAS MCHOG TU BDE BA'I PHYIR NAD MED PA LA BDE BZHES ZER BA BZHIN NO, ,'DOD CHAGS MED PA LA SOGS PA'I DGE BA'I RTZA BA GSUM DANG NGO TSA SHES PA DANG KHREL YOD PA DAG NI, MTSUNGS LDAN DANG KUN SLONG LA MI LTOS PAS 'PHROD PA'I SMAN LTAR BDAG STE NGO BO NYID KYIS DGE BA'O, ,BCU GCIG PO THAMS CAD KYANG NGO BO NYID KYIS DGE BA YIN MOD KYI 'DIR LNGA SMOS PA NI BZLOG PA NGO BO NYID KYIS MI DGE BAR BSTAN PA'I PHYIR RO, ,NGO BO NYID KYIS DGE BA DE DAG DANG MTSUNGS PAR LDAN PA'I SEMS DANG SEMS BYUNG RNAMS NI DE DAG DANG MTSUNGS PAR LDAN NA DGE BAR 'GYUR GYI MI LDAN NA MI 'GYUR BAS SMAN DANG SBYAR BA'I BTUNG BA LTAR MTSUNGS LDAN GYIS DGE BA YIN NO, ,NGO BO NYID DANG MTSUNGS LDAN DE DAG GIS KUN NAS BSLANGS PA'I LUS NGAG GI BYA BA'I LAS RNAMS DANG, SOGS PA'I SGRAS GZUNG BA THOB PA DANG MTSAN NYID DANG SEMS MED PA'I SNYOMS 'JUG GNYIS PO RNAMS NI, SMAN DANG SBYAR BA'I BTUNG BA LAS BYUNG BA'I 'O MA LTAR KUN NAS SLONG BAS DGE BA YIN NO, , (GAL TE DE LTA NA DGE RTZA CHAD PA THE TSOM GYIS MTSAMS SBYAR BA DANG NYING MTSAMS SBYOR BA'I TSE'I DGE BA'I THOB PA RNAMS JI LTAR DGE PA YIN TE, SKAL PA MI MNYAM PA'I SEMS KYIS KUN NAS BSLANG BAS DGE BA BZHI GANG YANG MIN PAS SO ZHE NA, 'DI LA DE DAG NI THOB PA'I GEGS SEL BA'AM, SKYE BA'I RKYEN TZAM DU ZAD DE, DGE BAR NI THOB BYA NYID KYIS BYED DO ZHES LAN 'DEBS SO, ,) DGE BA NYID DU BSHAD PA DE @350 DAG LAS BZLOG PA NI MI DGE BA RNAM PA BZHI YIN TE, 'KHOR BA NI MI DGE BA DANG SDUG BSNGAL THAMS CAD 'JUG PAS MCHOG TU MI BDE BA'I PHYIR NAD LTAR DON DAM PAR MI DGE BA YIN NO, ,MI DGE BA'I RTZA BA GSUM DANG NGO TSA MED PA DANG KHREL MED PA RNAMS NI MI 'PHROD PA'I SMAN LTAR NGO BO NYID KYIS MI DGE BA'O, ,KHRO BA DANG KHON DU 'DZIN PA LA SOGS PA'ANG NGO BO NYID KYIS MI DGE BA YIN MOD KYI GONG MA PA RTZA BA GSUM GYI CHA LA BTAGS PA'I PHYIR LOGS SHIG TU MA BSTAN PA'AM, 'DI PA LTAR NA DGE RTZA GSUM LAS BZLOG PA MA YIN PAS MA BSTAN TO,, NGO BO NYID KYIS MI DGE BA DE DAG DANG MTSUNGS PAR LDAN PA'I SEMS DANG SEMS BYUNG RNAMS NI MI 'PHROD PA'I SMAN DANG SBYAR BA'I BTUNG BA LTAR MTSUNGS LDAN GYIS MI DGE BA YIN NO, ,DE DAG GIS KUN NAS BSLANG BA'I LUS NGAG GI LAS DANG MTSAN NYID DANG THOB PA RNAMS NI MI 'PHROD PA'I SMAN DANG SBYAR BA'I BTUNG BA LAS BYUNG BA'I 'O MA LTAR KUN SLONG GIS MI DGE BA YIN NO, ,LUNG MA BSTAN RNAM PA BZHI LAS DON DAM PAR LUNG DU MA BSTAN PA NI BRTAN PA SO SOR BRTAGS MIN GYI 'GOG PA DANG NAM MKHA' DAG YIN NO, ,CI'I PHYIR ZHE NA, RTAG CING DGE BA BZHI DANG MI DGE BA BZHIR 'GYUR MI SRID PA'I PHYIR RO, , GZHAN DAG NI CI RIGS PAR DGE BA BZHI DANG MI DGE BA BZHI'I NANG DU 'DUS TE, ZAG BCAS THAMS CAD DON DAM PAR MI DGE BA DANG, LAM BDEN NI NGO BO NYID DANG MTSUNGS LDAN DANG KUN NAS SLONG BA DANG DON DAM PAR DGE BAR YANG 'DUS PA'I PHYIR RO, ,'DUS PA DAG LA'ANG BZO DANG SPYOD LAM PA DANG SPRUL SEMS DANG RNAM SMIN SKYES KYI SEMS BZHI DANG (PHYI NANG GI ,) BEM PO RNAM NI NGO BO NYID KYIS LUNG MA BSTAN YIN NO,, ('DOD PA NA 'JIG LTA MTHAR LTA MTSUNGS LDAN DANG BCAS PA DANG GONG MA GNYIS KYI SEMS SEMS BYUNG NYON MONGS CAN THAMS CAD DANG,) BZO'I SEMS LA SOGS PA DANG MTSUNGS PAR LDAN PA NI MTSUNGS PAR LDAN PAS LUNG MA BSTAN YIN NO, ,(RNAM SMIN SKYES MA GTOGS PA,) BZO DANG SPYOD LAM PA DANG SPRUL SEMS KYIS (BSLANG BA'I) LUS NGAG GI RIG BYED (MTSAN NYID THOB PA DANG BCAS PA,) DAG NI KUN SLONG GIS LUNG MA BSTAN (YIN LA BSGRIBS PAS BSLANG BA NI DANG PO KHO NA NA YOD PA,) YIN NO, ,DGE MI DGE LUNG MA BSTAN GYI DBYE BA 'DI DAG LA GCIG GCIG GI NANG DU 'DU BA NI YOD MOD KYI, LDOG PA LA LTOS NAS 'BYED PA'I PHYIR KHYAD PAR YOD DO ZHES BYA'O, ,(GAL TE SEMS PA DGE MI DGES KUN NAS BSLANG BAS DGE MI DGER 'JOG NA, LUS NGAG GI RTEN 'BYUNG BA'ANG DGE MI DGER 'GYUR TE, SEMS KYIS LUS NGAG GI LAS DANG LHAN CIG TU 'BYUNG BA'ANG SLONG BAR BYED PA'I PHYIR RO ZHI @351 NA, LAN LA BYED PA PA NI LAS BYA'O SNYAM DU SEMS KYI 'BYUNG BA LA MI SEMS PAS DE LTAR MI 'GYUR RO ZHE NA, BSAM PA'I DBANG GIS YIN GYI KUN SLONG TZAM LAS MIN NA MNYAM GZHAG GI RIG BYED MIN PA DGE BAR MI 'GYUR RO, ,MNYAM PAR 'JOG PA'I SNGON DU BSAMS SO ZHE NA, DE NI SKAL PA MI MNYAM PAS DE KUN NAS SLONG BYED MA YIN NO, ,YIN NA LHA'I MIG DANG RNA BA YANG DGE BAR 'GYUR TE, SBYOR BA'I TSE DE LA SEMS PA'I PHYIR RO, ,MI MTSUNGS TE, LUS NGAG GI LAS NI SEMS MED PAR MA MTHONG LA, 'BYUNG BA RNAMS NI SEMS MED KYANG 'BYUNG BAS DGE BA LA SOGS PAR MI DBYE STE MIG LA SOGS PA BZHIN NO, , 'ON KYANG MTSAN NYID DANG THOB PA LA SOGS PA LA MI MTSUNGS TE, 'DI DAG CHOS KYI DBANG GIS DGE BA LA SOGS PAR 'JOG LA, 'BYUNG BA RNAMS NI NGA BA NYID KYIS LUNG MA BSTAN YIN NO, ,LHA'I MIG DANG RNA BA'I SBYOR BA YANG SNANG BA DANG SGRA YID LA BYED PA YIN PAS SBYOR BA'I DBANG GIS DGE BA MA YIN NO ZHES BSHAD DO, ,) ZHAR LA KUN SLONG BSHAD PA NI GAL TE MTHONG SPANG GIS RIG BYED MI SLONG NA 'O NA MDO LAS LOG PAR LTA BA DE LAS NI LOG PAR RTOG PA DANG LOG PA'I NGAG DANG LOG PA'I LAS KYI MTHA' 'BYUNG BAR 'GYUR RO ZHES GSUNGS PA DANG 'GAL LO ZHE NA, 'DI LTAR KUN NAS SLONG BA NI RNAM PA GNYIS TE, RGYU'I KUN SLONG DANG (BYA BA) DE'I DUS KYI KUN SLONG ZHES BYA'O, ,KUN SLONG GNYIS PO DE DAG LAS DANG PO RGYU'I KUN SLONG NI LAS LA DANG POR RAB TU 'JUG PAR BYED PA'I RGYU (SBYOR BA LTA BU) YIN LA, GNYIS PA DUS KYI KUN SLONG NI LAS BYA BA'I DUS SU MTHUN PAR BYED PA'I PHYIR RJES SU 'JUG PAR BYED PA (DNGOS GZHI LTA BU) YIN NO, ,DE DAG LAS MTHONG BAS SPANG BAR BYA BA'I YID KYI RNAM SHES NI (LOG LTA LAS DE BSTAN 'DOD KYI SHAS PA KHA PHYIR BLTAS 'BYUNG BAS DES LUS NGAG SLONG BAS SAM, LOG LTAS GSOD SOGS KUN NAS SLONG BAS SO ZHES PA'AM,) KHA NANG DU BLTAS PAS RIG BYED KYI RAB TU 'JUG PAR BYED PA RGYU'I KUN SLONG YIN GYI DUS KYI KUN SLONG NI MA YIN NO, ,YID KYI RNAM SHES BSGOM PAS SPANG BAR BYA BA NI RIG BYED KYI RGYU'I KUN SLONG DANG DUS KYI KUN SLONG GNYIS KA YIN NO, ,(RTOG BCAS KHA PHYIR BLTAS KYANG YOD PAS SO,,) MIG LA SOGS PA'I RNAM SHES LNGA NI RTOG MED YIN PA'I PHYIR RJES SU 'JUG PAR BYED PA DUS KYI KUN SLONG KHO NA YIN NO, ,DE'I PHYIR DE DAG DANG MTSUNGS PAR LDAN PA'I SEMS LAS BYUNG BA RNAMS KYANG DE BZHIN DU SHES PAR BYA'O, ,DE'I PHYIR MDO LAS, LOG PAR LTA BA MTHONG SPANG GIS RIG BYED KUN NAS SLONG BAR BSHAD PA NI RGYU'I KUN SLONG GI DBANG DU MDZAD PA YIN LA, 'DOD KHAMS NA BSGRIBS PA'I RIG BYED KYI KUN SLONG MED PAR BSHAD @352 PA NI DUS KYI KUN SLONG GI DBANG DU MDZAD PA YIN TE, DES NA 'DOD PA'I 'JIG TSOGS LA LTA BA DANG MTHAR 'DZIN PAR LTA BA (DANG PO GNYIS) BSGRIBS LA LUNG MA BSTAN MTHONG SPANG GIS RIG BYED KYI RGYU'I KUN SLONG BYED KYANG DUS KYI KUN SLONG NI SGOM SPANG GI RNAM SHES KHO NA LA LTOS, SGOM SPANG GI RNAM SHES BSGRIBS PA'ANG 'DOD PA NA MED PA'I PHYIR 'DOD PA NA BSGRIBS PA'I RIG BYED MED DO ZHES BYA BA YIN NO, ,'O NA NI DUS KYI KUN SLONG GTZO BO YIN PA'I PHYIR RGYU'I KUN SLONG DGE BAS BYAS NAS DUS KYI KUN SLONG MI DGE BA'AM LUNG MA BSTAN GYIS BYAS PA'I SDOM PA DGE BAR MI 'GYUR RO ZHE NA, KUN SLONG GI BSAM PA DE DAG MTHONG SPANG DANG SGOM SPANG RIGS THA DAD NA DUS KYI KUN SLONG GTZO BOR 'GYUR GYI RIS GCIG PA LA NI RGYU'I KUN SLONG NYID GTZO BO YIN PA'I PHYIR DE LTAR THAL BA MED DO ZHES LAN 'DEBS PAR BYED DO, ,GAL TE RGYU'I KUN SLONG DANG DUS KYI KUN SLONG DAG 'DRA BA'AM MI 'DRA BA YIN ZHE NA, DE NI CI RIGS PAR YOD DE, RAB TU 'JUG PAR BYED PA RGYU'I KUN SLONG DGE BA LAS RJES SU 'JUG DUS KYI KUN SLONG YANG DGE MI DGE LUNG MA BSTAN RNAM PA GSUM DU 'GYUR LA, DE BZHIN DU SOGS PA'I SGRAS BZUNG BA RAB TU 'JUG BYED MI DGE BA DANG LUNG MA BSTAN LAS KYANG RJES SU 'JUG BYED RNAM PA GSUM DU SHES PAR BYA'O,, (DES NA RAB TU 'JUG BYED DANG RJES SU 'JUG BYED LA MU BZHI STE, MTHONG SPANG GI SEMS NI RAB TU 'JIG BYED KHO NA DANG, SGO LNGA'I RNAM SHES NI RJES SU 'JUG BYED KHO NA DANG, YID SHES SGOM SPANG NI GNYIS KA DANG, ZAG MED NI GNYIS KA MIN PA'I MU'O, ,) DE LA DMIGS KYIS BSAL BA NI 'DI YIN TE, THUB PA'I RAB TU 'JUG BYED DGE BA DANG LUNG MA BSTAN LAS RJES SU 'JUG BYED KYANG DGE BA DANG LUNG MA BSTAN DU 'DRA BA 'BYUNG BA'AM, YANG NA SANGS RGYAS RNAMS KYI STON PA NI DMAN PAR MI 'GYUR BAS DGE BA LAS LUNG MA BSTAN DU MI 'GYUR GYI DGE BA LAS DGE BA DANG LUNG MA BSTAN LAS KYANG DGE BA KHO NA 'BYUNG BAS RJES SU 'JUG BYED DE NI DGE BA KHO NA YIN NO ZHES BYE BRAG TU SMRA BA 'DOD DO, ,SDE PA GZHAN DAG NA RE SANGS RGYAS RNAMS KYI RGYUD NI RTAG TU MNYAM PAR BZHAG PA'I PHYIR SPYOD LAM BZHI CHAR YANG DGE BA KHO NAR RGYUD GCIG PA YIN GYI LUNG MA BSTAN GYI SEMS MED DE, MDO LAS KYANG, GLANG CHEN GSHEGS NA'ANG MNYAM PAR BZHAG ,GLANG CHEN BZHENGS NA'ANG MNYAM PAR BZHAG ,GLANG CHEN MNAL NA'ANG MNYAM PAR BZHAG BZHUGS NA'ANG MNYAM PAR BZHAG PA YIN ZHES GSUNGS PA'I PHYIR RO, ,DE LA 'DIR GLANG CHEN ZHES BYA BA NI SANGS RGYAS TE NYES PA MI MNGA' BAS NA GLANG CHEN TE, MDO LAS, 'CHAR BYED DE BZHIN GSHEGS PA NI SKU DANG GSUNG DANG @353 THUGS KYIS NGAN PAR MI MDZAD PAS NA GLANG PO CHE CHEN PO ZHES BYA'O ZHES GSUNGS PA'I PHYIR RO ZHES ZER RO,, BYE BRAG TU SMRA BA NI SANGS RGYAS KYI THUGS NI SPYOD LAM BZHI CHAR DU BZHUD NA'ANG BZHUD DO SNYAM PA LA SOGS PA NAS BZHUGS NA'ANG BZHUGS SO SNYAM DU DGONGS PA NYE BAR GNAS PAS THUGS MI BZHED BZHIN DU YUL LA MI 'JUG PA'I PHYIR MDO LAS DE SKAD DU GSUNGS KYI SANGS RGYAS LA LUNG MA BSTAN RNAM SMIN SKYES DANG SPYOD LAM PA DANG SPRUL SEMS MI MNGA' BA NI MA YIN NO ZHES 'DOD DO ZHES ZER RO, ,(YID DANG SGO LNGA'I SHES PA KUN SLONG DU BSHAD PA YANG RNAM SMIN SKYES LAS GZHAN LA DGONGS KYI,) RNAM PAR SMIN PA LAS SKYES PA'I SEMS NI MNGON PAR 'DU BYED PA MED PAR NGANG GIS 'JUG PA'I PHYIR DANG, KUN SLONG YANG 'DU BYED PA YIN PA'I PHYIR RAB TU 'JUG BYED DANG RJES SU 'JUG BYED GNYIS KA MIN LA, DE BZHIN DU ZAG MED KYI SEMS KYANG MI RTOG CING NANG DU MNYAM PAR BZHAG PA'I PHYIR GNYIS KA MA YIN NO, ,DON 'DI LA RIG BYED MA YIN PA KUN SLONG GIS DGE MI DGER 'GYUR RO ZHES BYA BA NI RIGS PA DANG LDAN PA MA YIN TE, KUN SLONG GI BSAM PA NI RIG BYED MA YIN PA LA SEMS PA MED PA'I PHYIR RO, ,GAL TE BSAM PA'I STOBS TZAM LAS BYUNG BAS YIN NA RIG BYED MA YIN PA DANG LHAN CIG PA'I 'BYUNG BZHI DANG MIG DANG RNA BA'I MNGON SHES DAG KYANG DGE BAR THAL BA'I PHYIR RO,, DE'I PHYIR SDOM PA LA SOGS PA NI RIG BYED MA YIN PA'I GZUGS NYID MA YIN GYI PHAN PA DANG GNOD PA'I SEMS PA'I RGYUN YIN PA'I PHYIR 'DIR RNAM PAR BZHAG PA THAMS CAD NI BYE BRAG TU SMRA BAS KUN BRTAGS PA KHO NAR SNANG NGO,, DA NI RIG BYED MA YIN PA'I DBYE BA MDOR BSTAN PA NI SNGAR BSHAD PA'I RNAM PAR RIG BYED MIN PA DE NI RNAM PA GSUM DU SHES PAR BYA STE, GANG ZHE NA, GZHAN LA GNOD PA GZHI DANG BCAS PA SPONG ZHING 'CHAL BA'I TSUL KHRIMS KYI RGYUN SDOM ZHING 'GOG PAS NA SDOM PA DANG, GNOD PA GZHI DANG BCAS PA LA RGYUN DU ZHUGS PA NI SDOM PA MIN PA DANG, GNOD PA'AM GNOD PA'I GZHI DAG PHYOGS RE SPONG BA'AM PHYOGS RE LA 'JUG NA SDOM PA DANG SDOM MIN GNYIS LAS GZHAN PA'I BAR MA YIN NO, ,'DI LA'ANG RIG BYED DANG RIG BYED MA YIN PA GNYIS KA YOD DE, GNOD PA DANG PHAN PA'I STOBS RE LA RGYUN DANG LDAN PAR GNAS PA NI RIG BYED MA YIN PA STE SNGAR SMOS PA'I RDZAS LAS BYUNG BA'I BSOD NAMS KYI GZHI BDUN LA SOGS PA DANG, LO RE RE ZHING LUG LA SOGS PA 'DI BSAD DO ZHES DAM BCAS NAS GSOD PA LTA BU'O,, DE LA GNOD PA NI LUS NGAG GI MI DGE BA BDUN DANG GZHI NI YID KYI GSUM MAM, YANG NA GNOD PA @354 RANG BZHIN DANG GZHI BCAS PA'I KHA NA MA THO BA'O, ,RGYAS PAR BSHAD PA LA SDOM PA'I DBYE BA DANG, SO SO THAR PA'I SDOM PA'I KHYAD PAR DANG, BSAM GTAN ZAG MED KYI SDOM PA'I KHYAD PAR GSUM LAS DANG PO SDOM PA LA DBYE NA SO SO THAR PA'I SDOM PA ZHES BYA BA DANG, DE BZHIN DU ZAG MED DANG BSAM GTAN LAS SKYES PA'I SDOM PA GNYIS TE GSUM YIN NO, ,(DGE SLONG GI SPONG BDUN DANG, ZAG BCAS KYI MNYAM GZHAG LAS SKYES PA'I SPONG BDUN DANG, ZAG MED KYI MNYAM GZHAG LAS SKYES PA'I SPONG BDUN RNAMS MTSAN GZHI, SO THAR DANG, BSAM GTAN DANG, ZAG MED KYI SDOM PA'I THA SNYAD DU BYAR RUNG, MTSAN NYID RIM PA LTAR, 'DOD PA'I DGE BA GZUGS CAN GANG GI NGES PA LNGA DANG BRAL BA DANG, SEMS KYI RJES 'BRANG GI GZUGS ZAG BCAS DANG, SEMS KYI RJES 'BRANG GI GZUGS ZAG MED DO, ,GSUM DU GRANGS NGES PA NI MNYAM PAR 'JOG PA'I RTEN DANG, DE'I 'BRAS BU ZAG BCAS ZAG MED KYI TING NGE 'DZIN GNYIS KYI DBANG GIS SO, ,GO RIM NGES PA NI SNGA MA SNGA MA LAS PHYI MA PHYI MA SKYE BAS SO, ,'O NA PHYI ROL PA LA SO THAR MED PA'I PHYIR BSAM GTAN GYI SDOM PA MED PAR THAL LO ZHE NA, SKYON MED DE DE DAG GI BSAM GTAN GYI SDOM PA NI LUS NGAG GI NYES SPYOD SDOM PA LAS SKYE BAS SO, ,YANG NA 'BRAS BU LA SPYI MING GIS BTAGS PA STE KA BA DANG MIG SHES RGYU 'BRAS SU BRJOD PA BZHIN NO, ,) GNYIS PA SO SO THAR PA ZHES BYA BA'I SDOM PA NI GANG ZAG GIS PHYE NA RNAM PA BRGYAD DE, DGE SLONG PHA MA DANG, DGE SLOB MA DANG, DGE TSUL PHA MA DANG, DGE BSNYEN PHA MA DANG, BSNYEN GNAS PA'I SDOM PA'O, ,(BSHES SPRING 'GREL PAR DGE SLOB MA DOR NAS BSNYEN GNAS LA GNYIS SU PHYE NAS BRGYAD DU MDZAD DO, ,) GANG ZAG THA DAD PA MA GTOGS PA SDOM PA'I RDZAS SU NI RNAM PA BZHI YIN TE, (SPANG BYA LNGA BRGYAD BCU LA SOGS PA MTSAN NYID SO SOR NGES PAS SO,,) DGE SLONG PHA MA'I SDOM PA DAG NI RDZAS 'DRA BA DANG, DGE SLOB MA DANG DGE TSUL PHA MA GSUM YANG SDOM PA'I RDZAS 'DRA BA DANG, DGE BSNYEN PHA MA DAG KYANG SDOM PA'I RDZAS 'DRA BA'I PHYIR RO, ,'DIR RDZAS NI MTSAN NYID LA 'DOD DO, ,(DE LA NYES SPYOD DANG MI TSANGS SPYOD JI SRID 'TSO'I BAR DU SPONG BA'I DBANG DU BYAS NAS SDOM PA DANG PO LNGA BZHAG LA, NYES SPYOD DANG LOG G-YEM JI SRID 'TSO'I BAR DU SPONG NUS TZAM GYI DBANG DU BYAS NAS DGE BSNYEN GYI SDOM PA BZHAG LA, NYES SPYOD DANG 'DOD LOG ZHAG RE TZAM SPONG NUS PA'I DBANG DU BYAS NAS BSNYEN GNAS PA'I SDOM PA RNAM PAR BZHAG GO,) BSNYEN GNAS LA GNYIS SU MA PHYE BA NI YUN THUNG BA'I PHYIR RO, ,(BSDU BA LAS ZA MA LA SOGS PA LA'ANG SKYE BAR BSHAD PA'I PHYIR RO,,) GAL TE DGE SLONG PHA MA LA SOGS PA'I SDOM @355 PA'I RDZAS 'DRA BAR JI LTAR 'GYUR TE, DGE SLONG MA'I LCI BA'I CHOS BRGYAD DGE SLONG LA MA BCAS SHING, DGE SLOB MAS DGE TSUL (PHA MA'I BCU PO SPONG BA'I STENG DU YANG LO GNYIS SU,) SKYES PA LA REG PA DANG SKYES PA DANG (DBEN PA SKYABS YOD DU,) LHAN CIG TU 'DUG PA DANG, GCIG PUR LAM DU 'GRO BA DANG, RKYAL BYED PA DANG, SMYAN BYED PA DANG, ZLA MO'I NYES PA 'CHAB PA STE CHOS DRUG DANG, GSER LA REG PA DANG, MDOMS KYI SPU 'DREG PA DANG, BYIN LEN MA BYAS PA ZA BA DANG, GSOG 'JOG BYAS PA ZA BA DANG, RTZA GCOD PA DANG, SA RKO BA STE, NYE BA'I CHOS DRUG STE BCU GNYIS SPANGS NAS, DGE SLONG MA BYED PAR BSHAD PAS SPANG BYA LA MANG NYUNG YOD PA'I PHYIR RO ZHE NA, SPANG BYA LA 'PHEL 'GRIB YOD KYANG DE DAG SDOM PA'I RDZAS LA KHYAD PAR MED DE, (DE'I SPONG BA BCU NI DGE TSUL PHA MA'I SDOM PA'ANG YIN PA'I PHYIR DANG,) MTSAN (LAN GNYIS SU) GYUR PA LAS NI MING 'PHO BA TZAM YIN PA'I PHYIR TE, DGE BSNYEN MTSAN GYUR NA DGE BSNYEN MA DANG, DGE BSNYEN MA MTSAN GYUR NA DGE BSNYEN DANG, DGE TSUL MTSAN GYUR NA DGE TSUL MA DANG, DGE TSUL MA DANG DGE SLOB MA MTSAN GYUR NA DGE TSUL DANG, DGE SLONG MTSAN GYUR NA DGE SLONG MA DANG, DGE SLONG MA MTSAN GYUR NA DGE SLONG DU 'GYUR BA TZAM LAS SDOM PA SNGAR YOD (GTONG RGYU LNGA PO GANG GIS KYANG,) GTONG BA DANG (GZHAN GYI RIG BYED LA SOGS PA'I RGYU GANG GIS KYANG,) SNGAR MED 'THOB PA MED PA'I PHYIR RO, ,RDZAS LA KHYAD PAR YOD NA MTSAN GYUR PA TZAM GYIS DE DAG TU 'GYUR BAR MI RIGS PA'I PHYIR RO,, YANG DGE BSNYEN LA SOGS PA'I SDOM PA DE DAG THA DAD PA YIN GYI SNGA MA SNGA MA GNAS GYUR PA PHYI MA PHYI MA'AM GCIG TU YOD PA NI MA YIN TE, DGE SLONG GI SDOM PA PHUL BAS DGE TSUL LA SOGS PA'ANG GTONG BAR THAL BA'I PHYIR DANG, PHYI MA RNAMS SNGA MA'I GTONG RGYUR THAL BA'I PHYIR RO, ,(DE LTA MA YIN NA GZHAN GNYIS KYANG DER 'DUS PAS DGE SLONG GI SDOM PA BTANG BAS GSUM CHAR GTONG BAR 'GYUR NA DE NI MI 'DOD DE NA SMAD TZAM DU 'GYUR BAR BSHAD PAS SO, ,GAL TE DGE SLONG GI RTZA LTUNG BYUNG BAS SNGA MA GNYIS LA MI GNOD PAR THAL, DE DAG RDZAS THA DAD PA'I PHYIR RO ZHE NA, SKYON MED DE ZAG MED KYI LAM GCIG GIS SPANG BYA'I RDZAS DU MA DUS GCIG LA NYAMS PAR BYED PA BZHIN NO, ,'O NA KYANG RIG BYED MNGON GYUR NI RDZAS GCIG STE DGE SLONG DU 'DZIN PA'I BSAM PAS SLONG ZHING DER BRJOD PAS SO, ,SPONG SEMS LA 'DOD PA LTAR NA'ANG RDZAS MTSUNGS NYAMS PAR MI 'GYUR TE, SA BON THA DAD PAS SO, ,ZHES GSUNG NGO, ,THA DAD KYANG SDOM PA PHYI MA BLANGS PAS SNGA MA GTONG BA MA YIN TE, DE DAG PHAN TSUN 'GAL BA @356 MED PA'I PHYIR RO,,) 'O NA DGE SLONG GI RGYUD GCIG LA SDOM PA GSUM GA YOD NA THA DAD PA GSUM 'GAL LO ZHE NA DE DAG THA DAD DU'ANG RGYUD GCIG LA 'GAL BA MED DE, 'DI LTAR DGE SLONG LA SROG GCOD SPONG BA NAS CHANG 'THUNG BA SPONG BA'I BAR LNGA NI GSUM GSUM DANG, GLU GAR LA SOGS PA SPONG BA GNYIS GNYIS DANG, SPONG BA GZHAN DAG NI RE RE BA YIN NO, ,'ON KYANG (BSLAB PA'I GZHI MANG PO LEN PAR 'DOD PA'I SEMS PA LAS SKYES PAS RGYAGS PA DANG BAG MED PA'I GNAS CHES MANG PO LAS ZLOG LA GZHAN NI DE LTA MA YIN PAS,) GZHI DANG BSAM PA'I KHYAD PAR GYIS DGE SLONG GI SROG GCOD SPONG BA CHE LA, DGE TSUL GYI 'BRING, DGE BSNYEN GYI CHUNG NGO ZHES BYA BAR 'DOD DO, ,'O NA DGE SLONG DE NYID DGE TSUL DANG DGE BSNYEN DU'ANG 'GYUR RO ZHE NA, DE LTAR NI YIN MOD KYI DGE SLONG ZHES BRJOD PA NI GTZO CHE BA'I PHYIR TE, DGRA BCOM PA DGE SLONG YIN YANG DGRA BCOM ZHES BRJOD PA BZHIN NO, ,DE DAG NI SDE PA'I LUGS SO,, DON LA GNAS PA NI 'DI YIN TE SPONG BA'I SEMS PA GCIG YIN GYI THA DAD PA NI MA YIN TE, SEMS PA GNYIS DANG GSUM LA SOGS PA DUS CIG CAR MI 'BYUNG BA'I PHYIR DANG, TSIGS SNGA MA MED PA LA BSNYEN PAR RDZOGS PA SKYE BA DANG, NA SMAD PA DAG NI SEMS PA'I KHYAD PAR KHAS BLANGS PA'I STOBS KYIS 'THOB PA DANG GTONG BA'I PHYIR RO, ,'ON KYANG DGE TSUL GYI SDOM PA'I KHONGS SU DGE BSNYEN 'DU BA DANG, DGE SLONG GI KHONGS SU 'OG MA GNYIS KA'ANG 'DU BA'I PHYIR SDOM PA GSUM LDAN ZHES BYA BAR BRJOD DO, ,GNYIS PA NI DGE BSNYEN NYID LA GNAS PA'I CHED DU (SKYABS 'GRO DANG THAR PA 'DOD PA SNGON DU SONG BAS,) SROG GCOD DANG, MA BYIN LEN DANG, 'DOD LOG DANG, RDZUN DANG, CHANG 'THUNG BA ZHES BYA BA'I SPANG BYA LNGA SPONG BA MNOS PA LAS DGE BSNYEN DANG, DE BZHIN DU NYID DANG CHED DU ZHES BYA BA BSNYEN GNAS LA SOGS PA LA'ANG SBYAR TE, SROG GCOD DANG, MA BYIN LEN DANG, MI TSANGS SPYOD DANG, RDZUN DANG, CHANG 'THUNG BA DANG, SPOS DANG ME TOG PHRENG DANG BYUG PA DANG GAR DANG GLU DANG ROL MO (STE 'DI DAG SDOM PAS GCIG) DANG KHRI STAN MTHON PO DANG, KHRI STAN CHEN PO STE, ('DI GNYIS GCIG TU BSDUS PA,) DUS MA YIN PA'I KHA ZAS TE SPANG BYA BRGYAD SPONG BA MNOS PA LAS BSNYEN GNAS DANG, DE DAG LAS GAR DANG GLU DANG ROL MO LA REG PA GCIG DANG, SPOS DANG ME TOG PHRENG DANG BYUG PA GCIG STE GNYIS SU PHYE LA, GSER DNGUL LEN PA BSNAN PA'I SPANG BYA BCU SPONG BA MNOS PA LAS NI DGE TSUL DANG (SNGA MA LA GAR SOGS PHRENG SOGS GCIG TU BZHAG PA NI BSLAB BYA MANG NGO SNYAM PAS KHYIM PA RNAMS SGYID LUG PA SPANG BAR BYA BA'I PHYIR SLA BAR BSTAN PA'I PHYIR GCIG DU BYAS SO, ,BSDU BA LAS RAB BYUNG @357 GAR SOGS BYED PA DANG GSOG 'JOG GIS 'TSE NA NYES PA CHE BAS NYES PA GNYIS DANG GSER DNGUL SPONG BA BSTAN TO ZHES SO, ,) PHAM PA BZHI DANG, LHAG MA BCU GSUM DANG, SPANG LTUNG SUM CU DANG, LTUNG BYED ('BA' ZHIG PA,) DGU BCU DANG, SO SOR BSHAGS PAR BYA BA BZHI DANG, BSLAB BYA'I NYES BYAS BRGYA DANG BCU GNYIS TE NYIS BRGYA LNGA BCU RTZA GSUM PO THAMS CAD (DAM LUS NGAG GI LAS BDUN PO THAMS CAD,) SPONG BA MNOS PA LAS DGE SLONG DU 'GYUR RO, ,MING GI RNAM GRANGS NI MI DGE BA'I LAS NI SEMS CAN LA MI MNYAM PAR 'JUG PAS TSUL KHRIMS BLANGS PA NA LAS MI MNYAM PA CAN RNAMS YANG DAG PAR 'JOG CING 'DOR BAS SAM, YANG NA MDO LAS, LUS LA YONGS SU GDUNG MED PAS, ,TSUL KHRIMS YANG DAG BLANG BA BDE, ,GNYID LOG PA YANG BDE BA STE, ,SAD PA NA YANG BDE BAR 'GYUR ZHES 'BYUNG BAS 'GYOD PA LA SOGS PA LUS SEMS LA GDUNG BA MED PAS BSIL BA THOB PA'I PHYIR TSUL KHRIMS DANG MKHAS PA RNAMS KYIS BSNGAGS PA'I PHYIR LEGS SPYAD DANG, BYA BA'I RANG BZHIN YIN PAS LAS (YIN TE RIG BYED DANG SEMS PA DAG GIS BYED PA'I PHYIR,) DANG LUS NGAG GI NYES SPYOD SDOM PA'I PHYIR SDOM PA ZHES BYA'O, ,DE BZHIN DU RTZA BA DANG RGYAN DANG BYUG PA DANG SPOS ZHES KYANG BYA'O,, YANG SO SO THAR PA'I SDOM PA THOB PA'I SKAD CIG MA DANG PO'I RNAM PAR RIG BYED DANG RNAM PAR RIG BYED MIN PA NI SO SO THAR PA DANG SDOM PA (GZHI MTHUN PA) DANG BYA BA'I LAS KYI LAM (DNGOS) ZHES KYANG BYA STE, SDIG PA LAS (DANG POR,) THAR PA'I PHYIR DANG, LUS NGAG SDOM PA'I PHYIR DANG, LAS 'BYUNG BA'I SGO'I PHYIR RO, ,SKAD CIG MA GNYIS PA PHAN CHAD NI SO SO THAR PA'I SDOM PA KHO NA YIN GYI, SO SO THAR PA NI MA YIN TE, SO SO THAR PA'I DON NI PRA TI MOKshA ZHES BYA BA DANG POR THAR PA YIN NA THAR ZIN PA'I PHYIR RO, ,LAS KYI LAM GYI MJUG YIN GYI DNGOS NI MA YIN NO, ,('DI NI YANG DAG PAR BLANGS PA'I TSUL KHRIMS TE, BSAM GTAN ZAG MED NI CHOS NYID KYIS THOB PAS SO, ,) YANG SO SO THAR PA'I SDOM PA DANG LDAN PA'I GANG ZAG NI BRGYAD DE DGE SLONG LA SOGS PA'O, ,(PHYI ROL PA RNAMS LA SO THAR MED DAM YOD CE NA, DE DAG LA YANG MI DGE BA SDOM PA TZAM YOD MOD KYI SO SO THAR PA'I SDOM PA NI MED DE, DE DAG NI LOG LTA LA SOGS PAS NYAMS PA'I PHYIR DANG, SRED PA'I KHYAD PAR KHO NA LA THAR PAR 'DU SHES PAS SRID PA LA BRTEN PA'I PHYIR GTAN DU SDIG PA LAS SO SO THAR PAR BYED PA MA YIN NO, ,) GSUM PA NI BSAM GTAN LAS SKYES PA'I SDOM PA DANG NI BSAM GTAN NYER BSDOGS (YAR BCAD DANG DNGOS GZHI) DANG BCAS PA DE DANG LDAN PA RNAMS DANG LDAN LA, (NYER BSDOGS LA'ANG RTEN DU BRJOD DO,) ZAG @358 MED KYI SDOM PA DANG NI 'PHAGS PA'I SEMS CAN (SLOB MI SLOB,) RNAMS DANG LDAN NO, ,SDOM PA GSUM PO DE DAG LAS THA MA BSAM GTAN DANG ZAG MED KYI SDOM PA GNYIS NI SEMS KYI RJES SU 'BRANG BA STE MNYAM PAR BZHAG PA NA YOD LA MA BZHAG PA NA MED PA'I PHYIR RO, ,(SO THAR NI G-YENGS PA DANG SEMS MED PA'I RJES SU BYED PAS MIN NO, ,) YANG SPONG BA'I SDOM PA ZHES BSHAD PA GANG ZHE NA, BAR CHAD MED PA'I LAM DGU DAG TU SKYES PA'I BSAM GTAN DANG ZAG MED KYI SDOM PA DE GNYIS NI SPONG BA'I SDOM PA ZHES BYA'O,, BAR CHAD MED PA'I LAM THAMS CAD DAM ZHE NA, BSAM GTAN DANG PO'I NYER BSDOGS MI LCOGS PA MED PA LA YIN TE, 'CHAL PA'I TSUL KHRIMS DANG DE KUN NAS SLONG BA'I NYON MONGS RNAMS SPONG BA'I PHYIR RO,, DE'I PHYIR BSAM GTAN GYI SDOM PA YIN LA, SPONG BA'I SDOM PA MA YIN PA NI MI LCOGS PA MED PA'I BAR CHAD MED PA'I LAM MA GTOGS PA'I ZAG BCAS KYI BSAM GTAN GYI SDOM PA'O, ,SPONG BA'I SDOM PA YIN LA BSAM GTAN GYI SDOM PA MA YIN PA NI NYER BSDOGS KYI BAR CHAD MED PA'I LAM GYI ZAG MED KYI SDOM PA'O, ,GNYIS KA YIN PA NI NYER BSDOGS MI LCOGS MED PA'I BAR CHAD MED PA'I LAM GYI BSAM GTAN GYI SDOM PA'O, ,GNYIS KA MA YIN PA NI DE LAS MA GTOGS PA MI LCOGS PA MED PA'I LAM MA GTOGS PA'I ZAG MED KYI SDOM PA'O ZHES BYA BA'I MU BZHI DANG, DE BZHIN DU ZAG MED KYI SDOM PA YIN LA SPONG BA'I SDOM PA MA YIN PA LA SOGS PA'I MU BZHI'ANG SHES PAR BYA'O, ,YANG SO SO THAR PA LAS LUS KYI SDOM PA LEGS PA STE, ,NGAG GI SDOM PA LEGS PA YIN, ,YID KYI SDOM PA LEGS PA STE, ,THAMS CAD DU NI SDOM PA LEGS ZHES PA DANG, TSUL KHRIMS KYI PHUNG PO'I MDO LAS, GANG YANG MIG GI DBANG PO SDOM PAS BSDAMS TE GNAS SO ZHES GSUNGS PA'I LUS NGAG GI SDOM PA MA YIN PA YID DANG DBANG PO'I SDOM PA DE DAG KYANG RIG BYED MA YIN PA YIN NAM ZHE NA, MA YIN TE, LTUNG BA DANG DE'I GNYEN PO SHES PA'I SHES BZHIN DANG, SPONG BA'I SEMS PA MA BRJED PA'I DRAN PA DAG GNYIS KA NI YID KYI SDOM PA DANG DE GNYIS KA DBANG PO'I SDOM PA'ANG YIN TE, DE GNYIS KYIS YID KYI NYES SPYOD KYANG SPONG LA DBANG PO YUL LA LOG PAR SPYOD PA DAG KYANG SPONG BA'I PHYIR RO, ,DE DAG GIS LDAN PA'I TSUL STON PA NI SO SO THAR PA LA GNAS PA'I GANG ZAG NI JI SRID DU 'OG NAS 'CHAD PA'I GTONG RGYU DAG GIS MA BTANG GI BAR DE SRID DU RTAG TU DA LTAR GYI RNAM PAR RIG BYED MIN PA DANG LDAN LA, SDOM PA THOB PA'I SKAD CIG MA DANG PO PHYIN CHAD (NI DER MA ZAD,) 'DAS PA DANG YANG LDAN TE, (DE LTA MIN NA SDOM PA SNGA MA RNAMS BTANG BAR THAL TE THOB NAS MI LDAN PA'I PHYIR RO, ,'DI SEMS KYI RJES 'BRANG MA YIN PAS GTONG RGYUS MTSAMS BCAD PA DANG MA @359 'ONGS PA'I THOB PA MA BYUNG BA'I PHYIR SKAD CIG MA DANG PO DA LTAR BA KHO NA DANG LDAN PAR BSHAD DO, ,) DE YANG JI SRID DU MA BTANG GI BAR DU ZHES BYA BA DANG SBYAR RO, ,SO SO THAR PA'I SDOM PA'I LDAN PA JI LTA BA DA LTAR SDOM MIN LA GNAS PA'ANG DE DANG 'DRA (BAS 'DON BA BSGYUR,) BAR SHES PAR BYA'O, ,BSAM GTAN GYI SDOM PA DANG LDAN PA NI JI SRID MA BTANG GI BAR DU RTAG TU 'DAS PA DANG MA 'ONGS PA'I RNAM PAR RIG BYED MA YIN PA GTONG RGYUS BAR DU MA CHOD PA'I THOB PA DAG DANG YANG LDAN NO ZHES BYA BA NI GRUB PA'I MTHA'O, ,(DE YANG SKAD CIG MA DANG PO LA YANG TSE GZHAN DANG 'DIR BTANG BA'I BSAM GTAN GYI SDOM PA 'DAS PA THAL LO, ,'ON KYANG NGES 'BYED CHA MTHUN GYIS BSDUS PA NA MA GTOGS SO ZHES 'CHAD DO, ,) 'PHAGS PA ZAG MED KYI SDOM PA NI SKAD CIG MA DANG PO SDUG BSNGAL LA CHOS SHES PA'I BZOD PA'I TSE NI 'DAS PA DANG LDAN PA MIN TE, ZAG MED KYI LAM SNGON MA BSKYED PAS DE LTA BU'I 'DAS PA MI SRID PA'I PHYIR RO, ,(GAL TE 'BRAS BU THOB PA DANG DBANG PO 'PHO BA'I DUS NA'ANG 'DI MTSUNGS PA MIN NAM ZHE NA DBYIG BSHES NA RE DE LA ZAG MED KYI SDOM PA'I 'DRA BA YOD PAS DE NI MI BRJOD DO ZHES ZER LA, t'I KA BYED 'DRA BA'I DON ZAG BCAS KYI SDOM PA YIN NA SKAD CIG DANG PO'I TSE'ANG YOD LA, ZAG MED YIN NA DE BTANG NAS JI LTAR YOD, DES NA SNGON MA BSKYED PAS, DE DAG GI DANG PO'ANG 'DAS PA DANG MI LDAN NO ZHES 'DOD DO,,) GZHAN DAG NI BSAM GTAN GYI SDOM PA DANG LDAN PA'I TSUL BZHIN DU SHES PAR BYA'O, , DE DAG NI 'DAS MA 'ONGS KYI DBANG DU BYAS PA YIN LA, DA LTAR BA'I DBANG DU BYAS NA ZAG BCAS KYI BSAM GTAN LA MNYAM PAR BZHAG PA DANG 'PHAGS PA'I LAM LA GNAS PA STE SNYOMS PAR ZHUGS PA'I TSE BSAM GTAN DANG ZAG MED KYI SDOM PA DE GNYIS KYI RIG BYED MA YIN PA DA LTAR BA DANG LDAN GYI MNYAM GZHAG LAS LANGS PA NA NI MA YIN TE, DE DAG DA LTAR BA NI (MNYAM GZHAG GI,) SEMS KYI RJES SU 'BRANG BA'I PHYIR RO, ,'DAS MA 'ONGS KYI THOB PA NI MNYAM PAR MA BZHAG PA'I TSE'ANG GTONG RGYU MA BYUNG GI BAR DU LDAN NO ZHES BYA BA NI GRUB PA'I MTHA'O,, SDOM PA'ANG MA YIN SDOM MIN YANG MA YIN PA'I BAR MA LA GNAS PA LA GAL TE RIG BYED MA YIN PA YOD NA SKAD CIG MA DANG PO LA GNAS PA'I BAR DA LTAR GYI DAD LDAN LA SKAD CIG MA DANG PO PHYIN CHAD 'DAS PA DANG DA LTAR BA'I DUS GNYIS KYI DANG LDAN NO, ,DE YANG MA BTANG GI BAR DU'O, ,'O NA SDOM MIN DANG LDAN PA (BAR MA'I) DGE BA'I RIG BYED MA YIN PA DANG, SDOM PA DANG LDAN PA'ANG (BAR MA'I) MI DGE BA'I RIG BYED MA YIN PA DANG LDAN PA YOD DAM ZHE NA, YOD DE, (DUS JI SRID DU YOD CE NA,) @360 SDOM MIN LA GNAS PA SHAN PA LA SOGS PA'ANG DGE BA'I RNAM PAR RIG BYED MIN PA DANG LDAN TE, JI SRID DU RAB TU DANG BA'I SHUGS DANG LDAN PAS MCHOD RTEN LA PHYAG 'TSAL BA LA SOGS PA BYED PA'I BAR DE SRID DU BAR MA DGE BA'I RIG BYED MA YIN PA 'BYUNG BA'I PHYIR RO, ,DE BZHIN DU SO SO THAR PA'I SDOM PA LA GNAS PA'ANG MI DGE BA'I RNAM PAR RIG BYED MIN PA DANG LDAN TE, JI SRID DU NYON MONGS PA'I SHUGS DANG LDAN PAS SROG CHAGS GSOD PA DANG 'CHING BA DANG RDEG PA DANG 'TSE BA LA SOGS PA BYED PA'I BAR DE SRID DU BAR MA MI DGE BA'I RIG BYED MA YIN PA DANG LDAN PA'I PHYIR RO, ,DE DAG NI RIG BYED MA YIN PA'I DBANG DU BYAS PA'O,, DA NI RIG BYED KYI DBANG DU BYAS NAS STON TE, LUS NGAG GI RNAM PAR RIG BYED NI SDOM PA DANG SDOM PA MA YIN PA DANG BAR MA LA GNAS PA THAMS CAD LA'ANG RIG BYED DNGOS SU BYED PA DAG LA DA LTAR BA DANG LDAN LA GTONG BA'I RGYU DAG GIS MA BTANG GI BAR DU SKAD CIG MA DANG PO PHYIN CHAD NI 'DAS PA DANG YANG LDAN NO, ,MA 'ONGS PA ('I RIG BYED,) DANG NI LDAN PA MED DE, RIG BYED NI SEMS KYI RJES 'BRANG MA YIN PA'I (PHYIR DANG) BEM PO YIN PA'I PHYIR DE LTA BU'I NUS PA MED DO, ,DMIGS KYIS BSAL BA BSGRIBS PA'I RIG BYED DANG MA BSGRIBS LA LUNG DU MA BSTAN PA'I RIG BYED DANG NI MA 'ONGS PA MI LDAN PAR MA ZAD 'DAS PA DAG DANG LDAN PA'ANG MED DE, LUNG DU MA BSTAN PA'I CHOS RNAMS NI STOBS CHUNG BAS (DE DANG LHAN CIG SKYES PA'I,) THOB PA'ANG STOBS CHUNG BA'I PHYIR (CHOS DE 'GAGS NAS DE'I) THOB PA SNGA PHYIR 'DREN MI NUS PA'I PHYIR RO,, ZHAR LA SDOM PA MA YIN PA'I RNAM GRANGS NI LUS NGAG MI SDOM PA'I PHYIR SDOM PA MIN PA DANG, DAM PA RNAMS KYIS SMAD CING 'BRAS BU YID DU MI 'ONGS PA SKYED PA'I PHYIR NYES SPYAD DANG, TSUL KHRIMS KYI MI MTHUN PHYOGS YIN PAS 'CHAL PA'I TSUL KHRIMS DANG, LUS NGAG GI LAS YIN PA'I PHYIR LAS DANG, DNGOS KYIS BSDUS PA'I PHYIR LAS DE'I LAM ZHES BYA'O, ,DES NA 'DIR RIG BYED DANG LDAN LA RIG BYED MA YIN PA DANG MI LDAN PA'ANG YOD CES PA MU BZHI STE, SDOM PA SDOM MIN GNYIS KA MA YIN PA'I BAR MA DER (BAR MA DGE MI DGE GANG RUNG LA,) GNAS PA ZHIG KUN SLONG DGE MI DGE'I SEMS ZHAN PA STE DRAG PO MA YIN PA'I SEMS KYIS DGE MI DGE'I LUS NGAG GI RIG BYED DAG BYED NA NI (SEMS ZHAN PAS RIG BYED MIN PA SLONG MI NUS PAS,) RNAM PAR RIG BYED NYID DANG LDAN LA RIG BYED MA YIN PA DANG NI MI LDAN NO 'DIR DGE MI DGE'I SEMS ZHAN PA ZHES SMOS PA NI SEMS DRAG POS BYED NA NI RIG BYED DANG RIG BYED MA YIN PA @361 DANG LDAN NO ZHES PA DANG, DGE MI DGE'I SEMS ZHAN PAS KYANG RIG BYED MA YIN PA SKYED MI NUS NA LUNG MA BSTAN GYIS BYED NA LTA SMOS KYANG CI DGOS ZHES BSTAN PA'I PHYIR RO, ,'DIR YANG SPYIR BTANG BA STE DMIGS KYIS BSAL NA NI RDZAS LAS BYUNG BA'I BSOD NAMS BYA BA'I DNGOS PO BDUN DANG, SROG GCOD PA LA SOGS PA LAS KYI LAM RNAMS NI SEMS ZHAN PA DANG LUNG MA BSTAN GYIS BYED KYANG RIG BYED MIN PA DANG LDAN NO, ,TSE 'DI'I RNAM PAR RIG BYED BTANG BA DANG PHYI MA'I RNAM PAR RIG BYED MA SKYES PA'I 'PHAGS PA'I GANG ZAG (NUR NUR PO LA SOGS PA DANG GZUGS MED DU SKYES PA LTA BU RIG BYED NYAMS PA,) DAG NI (ZAG MED KYI) RNAM PAR RIG BYED MIN PA KHO NA DANG LDAN TE, RIG BYED NI 'GAGS SHING MA SKYES LA ZAG MED KYI SDOM PA'I THOB PA DANG NGES PAR LDAN PA'I PHYIR RO, ('DIR SO SO'I SKYE BO DPER MA BRJOD PA NI DE BSAM GTAN THOB PA CHE BRJES NAS RIG BYED MA SKYES BA LA DE YOD KYANG SPYIR BYIS PA LA MA NGES LA 'PHAGS PA LA NGES PAS SO, ,YANG NA 'DOD PA LA BSAM NAS SMRAS LA, YANG NA 'PHAGS PA NI DPER BRJOD PA YIN LA SO SO'I SKYE BO YANG DE DANG 'DRA BA YOD CES RGYAL SRAS GSUNG NGO, ,GAL TE BYIS PA BSAM GTAN GYI NYER BSDOGS DANG PO THOB PA DAG SHI NA 'DOD PAR YANG YOD DO ZHE NA, MA H'A'I ZHAL NAS BYAS PAS DNGOS GZHI MA THOB PA'I NYER BSDOGS NA SHI BAS GTONG BAR MTSAN NYID 'DRA STE, BSTAN BCOS LAS LUS DANG LDAN LA LUS KYI LAS DANG MI LDAN PA NI SGO NGA'I NANG NA 'DUG PA'I MER MER PO LA SOGS PA'O, , ZHES BSHAD PAS SO ZHES GSUNG LA, 'ON KYANG 'DOD PA'I RTEN LA YANG RDZAS LA LTOS PA DANG MI LTOS PA'I BSOD NAMS SKYE BA 'GA' ZHIG LA 'DI SRID PAR RTOGS SO, ,) 'DI YANG SA 'PHOS PA DAG GI DBANG DU MDZAD PA YIN GYI SA MA 'PHOS PA NI SO SO'I SKYE BO BSAM GTAN GYI SDOM PA THOB PA SHI 'PHOS PA LA'ANG DE YIN PA'I PHYIR RO, ,DE LA NI MNYAM GZHAG LAS LANGS PA NA DA LTAR GYI RIG BYED MA YIN PA MED DO ZHE NA, DE NI 'PHAGS PA LA'ANG MTSUNGS SO, ,DE LA 'DAS PA DANG MA 'ONGS PA'I THOB PA YOD DO ZHE NA, DE NI BSAM GTAN LA'ANG MTSUNGS SO, ,GNYIS KA DANG LDAN PA NI SDOM PA DANG SDOM MIN DANG (BAR MA DANG,) LDAN PA (SEMS DRAG POS DGE MI DGE'I,) RIG BYED (BYED BZHIN PA,) DANG BCAS PA'O, , GNYIS KA DANG MI LDAN PA NI GZUGS MED KYI SO SO'I SKYE (DANG 'DOD CHAGS DANG MA BRAL BAR SHI NAS RIG BYED MA BYUNG BA,) BA'O, ,DE BZHIN DU SDOM PA DANG LDAN LA BAR MA DANG MI LDAN PA LA SOGS PA'ANG SHES PAR BYA'O,, 'THOB PA'I TSUL BSHAD PA NI BSAM GTAN LAS SKYES PA'I SDOM PA NI ZAG BCAS KYI BSAM GTAN @362 DNGOS GZHI DANG, NYER BSDOGS KYI SA STE SEMS GANG YANG RUNG BA THOB PA NYID KYIS 'THOB STE, DE DAG DANG DUS MNYAM DU 'BYUNG BA'I PHYIR RO, ,ZAG MED KYI SDOM PA NI 'PHAGS PA ZAG MED KYI BSAM GTAN SA DRUG GI SEMS THOB PA DES 'THOB PA YIN (BSAM GTAN GYI SDOM PA 'THOB PA'ANG, NYER BSDOGS KYIS BSDUS PA NI 'OG SAR SBYOR BA DANG, GONG NAS 'OG TU SKYE BAS 'THOB BO, ,DNGOS GZHIS BSDUS PA NI 'DOD CHAGS DANG BRAL BAS SAM, SKYE BAS TE BSHAD MA THAG LTAR RO, ,ZAG MED 'THOB PA YANG, MI LCOGS MED LA BRTEN PA NI SBYOR BAS DANG, RNAM GROL DGU PA LA DNGOS GZHIS BSDUS PA NI 'DOD CHAGS DANG BRAL BAS TE, 'JIG RTEN PA'I LAM GYIS YIN NA MA 'ONGS PA KHO NA DANG, 'DAS PAS DA LTAR BA'ANG 'THOB BO, ,PHYIR MI 'ONG CHAGS BRAL SNGON 'GROS SBYOR BA KHO NAS 'THOB BO, ,) NO, ,SO SO THAR PA ZHES BYA BA'I SDOM PA NI GZHAN GYI (MKHAN SLOB,) GSOL BA DANG BRJOD PA LA SOGS PA'I RNAM PAR RIG BYED SOGS KYIS BSDUS PA RANG GI RIG BYED KYIS KYANG 'THOB BO, ,DE LA SOGS PA'I SGRAS NI RANG GI SEMS PA DANG LUS NGAG GI RIG BYED GZUNG NGO, ,DE YANG DGE SLONG PHA MA DANG DGE SLOB MA'I SDOM PA RNAMS NI DGE 'DUN LAS 'THOB LA, DGE BSNYEN PHA MA DANG, DGE TSUL PHA MA DANG, BSNYEN GNAS PA RNAMS NI GANG ZAG LAS SO,, BYE BRAG TU SMRA BA'I 'DUL BA 'DZIN PA RNAMS NA RE BSNYEN PAR RDZOGS PA'I TSUL BCU BZUNG BA'I PHYIR SOGS PA'I SGRA MDZAD DE, SANGS RGYAS DANG RANG SANGS RGYAS NI RANG BYUNG GIS BSNYEN PAR RDZOGS PA'O,, KUN SHES KO'U dIRYA DANG, RTA THUL DANG, BZANG PO DANG, RLANGS PA DANG, MING CHEN TE LNGA SDE RNAMS NI NGES PA LA 'JUG PA STE BDEN PA MTHONG BAS SO, ,GRAGS PA DANG LAG BZANG DANG BA LANG BDAG DANG DRI MED DANG GANG PO STE NYE BA'I LNGA SDE LA SOGS PA RNAMS NI DGE SLONG TSUR SHOG CES BRJOD PAS SO, ,'OD SRUNGS CHEN PO NI STON PAR KHAS BLANGS PA TZAM GYIS SO, ,DRI BAS MNYES PAS NI LEGS SBYIN (LEGS BYIN GCIG TU GCES PA'I CHOS GANG YIN, THAR PA LAGS SO, ,DE LA DGOS PA GANG YIN, DAD PA LAGS SO, ,ZHES LAN BTAB CES PAn CHEN GSUNG NGO, ,) NO, ,SKYE DGU'I BDAG MO LA SOGS PA NI LCI BA'I CHOS BRGYAD KHAS BLANGS PAS TE, BRGYAD GANG ZHE NA, DGE SLONG LAS BSNYEN PAR RDZOGS PAR BYA BA DANG ZLA BA PHYED PHYED CING DGE SLONG LAS GDAMS NGAG MNOD PAR BYA BA DANG, DBYAR DGE SLONG MED PA'I GNAS SU MI 'GRO BA DANG, DGAG DBYE'I TSE GNYIS KA'I DGE 'DUN LA GNAS GSUM GYIS DGAG DBYE BYA BA DANG, DGE SLONG GI LTUNG BA GLENG BAR MI BYA BA DANG, DGE SLONG LA LTUNG BA BYUNG BA LA KHRO BAR @363 MI BYA BA DANG, BLA MA'I CHOS (TE LCI CHOS BRGYAD,) KYI LTUNG BA BYUNG BA ZLA BA PHYED DU MNYES PAR BYA BA SPYAD PAR BYA BA DANG, BSNYEN PAR RDZOGS NAS LO BRGYA LON PA'I DGE SLONG MAS KYANG DGE SLONG GSAR BU LA'ANG PHYAG BYA BA RNAMS SO, ,RGYAL RIGS CHOS SBYIN ZHES BYA BA BTZUN MO'I 'KHOR GYI NANG NA 'DUG PA LAS NE TZO BZHIN RGYAS BCOM LDAN 'DAS KYI DRUNG DU RAB TU BYUNG BAR GSOL BA'I 'PHRIN GYIS SO, ,YANG NA SA GA'I CHUNG MA CHOS SBYIN MA AUTPALA'I MDOG LAS 'PHRIN GYIS BSNYEN PAR RDZOGS PA LTA BU'O, ,DGE SLONG BZHI DANG 'DUL BA 'DZIN PA DANG LNGAS NI MTHA' 'KHOB KYI MI RNAMS TE, 'DUL BA 'DZIN PA NI t'I KA BYED DAG GSOL BA BRJOD PA PO LA 'DOD DE GSOL BA DANG LAS BRJOD MKHAN NO, ,YUL DBUS SU NI GSOL BA BRJOD PA GTOGS PA BCU'I TSOGS KYIS SO, ,DBUS DANG MTHA' 'KHOB KYI KHYAD PAR NI DPAG TSAD DRUG CU'I NANG DANG PHYI ROL TE LUNG KO LPAGS KYI GZHI LAS, RDO RJE'I GDAN NAS SHAR NA LI KHA RA SHING 'PHEL GYI NAGS DANG, LHO NA CHU KLUNG 'DAM BU DANG 'DAM BU'I CHU RGYUN CAN DANG, NUB NA BRAM ZE SPUN GNYIS KYIS BYAS PA'I GRONG KA BA DANG NYE BA'I KA BA DANG, BYANG NA AU SHI RA'I RI STE DE DAG PHAN CHAD NI MTHA' 'KHOB DANG TSUN CHAD NI DBUS SU BSHAD DO, ,SKYABS SU 'GRO BA LAN GSUM BRJOD PAS NI SDE BZANG DRUG CU PO RNAMS BSNYEN PAR RDZOGS SO, ,DE DAG GI BSNYEN PAR RDZOGS PA'I SDOM PA NI GDON MI ZA BAR GZHAN GYI RNAM PAR RIG BYED LA (LTOS PAR MA NGES PAS DE LA NGES PAR,) MI LTOS PA'I PHYIR RO ZHES ZER RO, ,(SDE LNGA PO DANG GRAGS PA LA SOGS PA NI SNGON GYI SMON LAM GYI DBANG STE BSAM PA PHUN SUM TSOGS PA'AM, SANGS RGYAS KYI MTHUS RNAM PAR RIG BYED MED PAR YANG SO SO THAR PA'I SDOM PA 'THOB PO ZHES 'CHAD DO, ,) DUS JI SRID DU BLANG BAR BYA ZHE NA, DUS KYI MTHA' NI SROG GI MTHA' DANG NYIN ZHAG GI MTHA' GNYIS LAS DGE BSNYEN LA SOGS PA BDUN NI SROG GI MTHA' JI SRID 'TSO BA MA SHI'I BAR DU DANG, BSNYEN GNAS PAS NI NYIN ZHAG GI MTHA' NYIN ZHAG GCIG TU SDOM PA YANG DAG PAR BLANG BAR BYA BA YIN NO,, GAL TE JI SRID 'TSO'I 'OG TU NI YANG DAG PAR BLANGS PA YOD KYANG LUS SKAL BA MI 'DRA BA'I PHYIR DANG, DES KYANG TSE PHYI MA DER SBYOR BA MA BYAS PA'I PHYIR DANG, MI DRAN PA'I PHYIR SDOM PA MI SKYE BAR RIGS NA, NYIN ZHAG GI 'OG TU BSNYEN GNAS KYI SDOM PA MI SKYE BA LA RGYU MTSAN CI ZHIG YOD CE NA, MDO LAS NYIN ZHAG GCIG PA KHO NAR BSTAN PAS NYIN ZHAG GI 'OG TU SKYE BA LA GEGS BYED YOD PAR SHES SO, , DE LTA NA RE ZHIG STON PAS NYIN ZHAG GI 'OG TU BSNYEN GNAS KYI SDOM PA MI SKYE BAR GZIGS NAS NYIN ZHAG PA'I BSNYEN GNAS BSTAN NAM, 'ON TE DBANG PO GDUL DKA' BA ZHAG MANG PO SRUNG MI NUS PA RNAMS @364 KYI CHED DU YIN ZHE NA, SLOB DPON 'DUN BZANG NA RE DE LTA BU'I RGYU MTSAN NI BRTAG PAR MI NUS TE, 'DUL BA'I DON DAG NI THAMS CAD MKHYEN PA MA YIN PA RTOG GES KHONG DU CHUD PAR MI NUS TE, GANG SDOM PA DE DAG LAS KHA CIG NI TSOGS KYI NANG DU GSOL BA DANG BZHI'I LAS KYIS 'THOB LA, KHA CIG NI GANG ZAG GCIG LAS GSOL BA TZAM GYIS 'THOB PA 'DI LA'ANG RGYU CI ZHIG YOD, DES NA 'DI LA RGYU MTSAN BTZAL BAR MI BYA'O, ,DBANG PO GDUL DKA' BA LA LTOS PA'ANG MA YIN TE, CHES GDUL DKA' BA LA YUD TZAM DANG NYIN MO TZAM DANG MTSAN MO TZAM PA'ANG STON PAR THAL BAR 'GYUR BA'I PHYIR DANG, GZHAN YANG KHYIM PA THAMS CAD DBANG PO GDUL DKA' BAR YANG MA NGES PA'I PHYIR RO ZHES ZER RO, ,SLOB DPON NI MDO LAS DE LTAR GSUNGS PAR ZAD KYI 'ON KYANG JI SRID 'TSO BA LTAR NYIN ZHAG GI 'OG TU BSNYEN GNAS KYI SDOM PA SKYE BA LA'ANG RIGS PA DANG 'GAL BA NI MED DO ZHES BZHED DO, ,NYIN ZHAG PA'I SDOM PA MIN PA NI MED DE, CI'I PHYIR ZHE NA, BDAG NI NYIN ZHAG GCIG TU SDOM MIN DANG LDAN PAR GYUR CIG CES DE DE LTAR NOD PA MED PA'I PHYIR RO ZHES GRAG GO ,DE'I PHYIR SDOM MIN NI JI SRID 'TSO BA YIN NO ZHES BYE BRAG TU SMRA BA 'DOD MOD KYI DE LTAR LEN PA MED PAS MED PAR 'GYUR NA NI JI SRID 'TSO BA'I SDOM MIN YANG MED PAR 'GYUR TE, LAS SMAD PA YIN PAS LEN PA MED PA'I PHYIR RO,, GAL TE JI SRID 'TSO'I BAR DU SROG GCOD PAS 'TSO BAR BYA'O SNYAM DU SEMS PA NYID LEN PAR 'DOD NA NYIN ZHAG PA'ANG YOD PA'I PHYIR RO, ,GRO BZHIN SKYES KYI RTOGS PA BRJOD PA LAS NYIN ZHAG PA'I SDOM PA DANG SDOM MIN YANG GSUNGS PA'I PHYIR RO, ,(MDO SDE PA MI DGE BA'I SEMS PA LA SDOM PA MIN PAR 'DOD DO, ,) 'O NA BSNYEN GNAS KYI SDOM PA LEN PA'I TSUL JI LTAR ZHE NA MNOD PAR BYA'O ZHES KHYAD GZHIR BYAS LA, GANG GIS, JI SRID DU, GANG, GANG GI TSE, GANG LAS MNOD PAR BYA ZHE NA, RIM PA LTAR (JI LTAR NUS PA BZHIN DU,) LUS KYI SPYOD LAM MA GUS PA LA SDOM PA MI SKYE BAS NAD PA MA GTOGS PA STAN DMA' BAR TZOG TZOG PO'AM PUS MO BTZUGS TE 'DUG NAS LAG PA THAL MO BSNOL BA'AM SBYAR TE, NAR MAS GSAR DU RGYAGS PAR MI BYED PAS NAR MA MA GTOGS PA RGYAN GSAR PAS MI BRGYAN PA DANG, NGAG GI SPYAD LAM SLOB DPON GYIS SMRAS PA'I RJES SU BZLAS PA YIS MNOD PAR BYA'I, SPAR DANG KHA BSNYAMS TE SMRAS PAS NI 'BOGS NOD KYI DON MED PAS GZHAN LAS MNOD PAR MI 'GYUR RO, ,DUS NI NANG PAR NAM NANGS NAS NYI MA SHAR GYI BAR DU'O, ,NGO BO NI YAN LAG MA TSANG NA BAR MAR 'GYUR BAS BSNYEN GNAS KYI SDOM PA SROG GCOD SPONG BA LA SOGS PA'I YAN LAG BRGYAD PO TSANG BAR NI MNOD PAR BYA STE, SPONG @365 BA RNAMS PHAN TSUN RAG LUS PA'I PHYIR RO ZHES SLOB DPON GANG SPEL 'CHAD DO, ,DE YANG NANG PAR NYI MA MA SHAR ZHING ZAN MA ZOS KYI GONG DU DANG, (RKYEN YOD KYANG MI 'DA' BAR BYA BA'I PHYIR,) YUL GZHAN LAS MNOD PAR BYA'O, ,GZHAN DE YANG 'DUL BA LAS DGE SLONG LAS LEN PAR BSHAD MOD KYI, GNAS 'JOG GI MDO LAS, RIGS KYI BU'AM RIGS KYI BU MO DAD PA DANG LDAN PA YAN LAG BRGYAD DANG LDAN PA'I BSNYEN GNAS BLANG BAR 'DOD PAS NANG PAR LANGS LA DGE SBYONG NGAM BRAM ZE GZHAN GANG YANG RUNG BA SHES PA ZHIG GI DRUNG DU SONG STE ZHES GSUNGS PA'I PHYIR CHO GA SHES PA TZAM GYIS KYANG CHOG PAR BSHAD LA, RNAM PAR GTAN LA DBAB PA BSDU BA LAS NI YUL MED NA RANG GIS LEN PA'ANG BSHAD (CING TSE GANG GI BSNYEN GNAS GNAS GCIG TU LEN PA'ANG BSHAD,) DO, ,CI'I PHYIR YAN LAG BRGYAD CES BSHAD CE NA, RANG BZHIN GYI KHA NA MA THO BA SPONG BA'I PHYIR TSUL KHRIMS KYI YAN LAG DANG PO BZHI DANG, CHANG 'THUNGS NA TSUL KHRIMS DANG LDAN YANG BAG MED PAR GYUR PAS NA BAG YOD PA'I YAN LAG CHANG SPONG BA GCIG PU DANG DE BZHIN DU SKYO BA DANG RJES SU MTHUN PA'I PHYIR BRTUL ZHUGS KYI YAN LAG PHYI MA GSUM STE RIM PA BZHIN DU SBYAR RO,, GAL TE SROG GCOD SPONG PA LA SOGS PA BZHI BLANGS PAS TSUL KHRIMS RDZOGS NA CHANG LA SOGS PA SPANGS TE CI BYA ZHE NA, CHANG 'THUNGS PA DE YIS NI SPONG BA'I GNYEN PO BYA BA DANG BYA BA MA YIN PA'I DRAN PA DANG SHES BZHIN NYAMS PAR 'GYUR BA'I PHYIR DANG, GLU DANG GAR LA SOGS PA BSTAN PAS NI DREGS PA DANG RGYAGS PAR 'GYUR ZHING DREGS PAR GYUR PA LA 'CHAL BA'I TSUL KHRIMS THAG MI RING BA'I PHYIR DANG, DUS MA YIN PA'I KHA ZAS MA SPANGS NA BSNYEN GNAS KYI DRAN PA DANG SKYO BA'I DRAN PA MI 'BYUNG BA'I PHYIR RO,, DE'I PHYIR DE DAG NI TSUL KHRIMS DE SRUNG BA'I YAN LAG TU GSUNGS PA YIN NO,, BSNYEN GNAS PA LA GAR SOGS DANG PHRENG SOGS SPONG BA YAN LAG GCIG TU MDZAD LA DGE TSUL LA DE DAG SPONG BA YAN LAG GNYIS SU MDZAD PA NI KHYIM PA RNAMS LA NI DE DAG HA CANG TSUL DANG MI MTHUN PA MA YIN PAS DE DAG DANG 'GAL NA NYES PA GCIG BSHAGS PAS CHOG PAS YANG BAR MDZAD NAS GCIG TU BSDUS TE BCAS LA, RAB TU BYUNG BA LA NI DE DAG TSUL DANG MI MTHUN PAS DE DAG DANG 'GAL NA NYES PA GNYIS BSHAGS DGOS PAS LCI BAR MDZAD DE GNYIS SU BCAS SO, ,DE BZHIN DU GSER DNGUL LEN PA SPONG BA'ANG RAB TU BYUNG BA'I PHYOGS LA NI TSUL DANG MI MTHUN PAS BCAS KYI KHYIM PA LA NI DE LTA MA YIN PAS MA BCAS SO ZHES RNAM PAR GTAN LA DBAB PA BSDU BA LAS BSHAD DO,, @366 SLOB DPON GANG SPEL NI SHIN TU MANG NGO SNYAM DU SGYID LUG PA'I KHYIM PA RNAMS LA SLA BAR BSTAN PA'I PHYIR GCIG TU RNAM PAR BZHAG STE BRI RDZI'I BU LA BSLAB PA'I GZHI BSTAN PA BZHIN NO ZHES 'CHAD DO, , CI'I PHYIR BSNYEN GNAS ZHES BYA ZHE NA, 'DIS DGRA BCOM PA LA NYE BAR GNAS PA'I PHYIR RAM JI SRID 'TSO BA'I SDOM PA DANG NYE BA'I PHYIR RO, ,YANG NA BSNYEN GNAS NI DGE BSNYEN RNAMS KYI GSO SBYONG YIN PAS DGE BA GSO BA DANG LTUNG BA SBYANG BA'I PHYIR 'DI NI GSO SBYONG YAN LAG BRGYAD PA ZHES BYA STE, LUNG LAS, GANG PHYIR YID KYI DGE BA GSOS 'DEBS DE YI PHYIR, ,'DI NI BCOM LDAN 'DAS KYIS GSO SBYONG BSHAD CES GRAG CES GSUNGS PA'I PHYIR RO, ,'O NA DGE BSNYEN MA YIN PA LA BSNYEN GNAS MED DAM ZHE NA, (SKYABS SU SONG NAS LEN NA,) DGE BSNYEN LAS GZHAN LA'ANG BSNYEN GNAS YOD MOD KYI DKON MCHOG GSUM LA SKYABS SU MA SONG BA LA MED DO,, DE YANG 'GREL PA LAS, DGE BSNYEN MA YIN PA YANG GANG ZHIG NYIN ZHAG DE LA SANGS RGYAS DANG CHOS DANG DGE 'DUN LA SKYABS SU SONG STE BSNYEN GNAS NAD PA DE LA BSNYEN GNAS KYI SDOM PA SKYE BAR 'GYUR TE GZHAN DU NI MA YIN NO, ,MI SHES PA NI MA GTOGS SO ZHES 'BYUNG BA'I MA GTOGS PA'I DON NI SLOB DPON RGYAL PO'I SRAS SKYABS 'GRO BRJED PA DANG (MI SHES PA,) MA BYANG BA LA 'CHAD MOD KYI, SLOB DPON GANG SPEL GANG ZHIG ,DKON MCHOG GSUM LA THE TSOM ZA BA DANG LOG PAR ZHUGS PA'I BSAM PAS SKYABS SU MI 'GRO BA CAN LA NI SDOM PA MI SKYE LA, GANG ZHIG 'BOGS PA PO DANG LEN PA POS SKYABS SU 'GRO DGOS PAR MA SHES PAS SKYABS SU MI 'GRO BA YIN GYI LOG PAR ZHUGS PA'AM THE TSOM ZA BAS SKYABS SU MI 'GRO BA MA YIN PA DE LA NI SKYABS SU MA SONG YANG BSNYEN GNAS KYI SDOM PA SKYE'O ZHES 'CHAD PA LTAR YIN NO,, 'O NA MING CHEN GYI MDO LAS, MING CHEN 'DI LTAR KHYIM PA GOS DKAR PO BGOS PA SKYES PA PHO'I DBANG PO DANG LDAN PA ZHIG SANGS RGYAS LA SKYABS SU 'GRO, CHOS DANG DGE 'DUN LA SKYABS SU 'GRO ZHING BDAG LA DGE BSNYEN DU GZUNG DU GSOL ZHES TSIG TU'ANG SMRA NA 'DI TZAM GYIS DGE BSNYEN DU 'GYUR RO ZHES GSUNGS PA DE CI SKYABS SU 'GRO BA KHO NAS DGE BSNYEN DU 'GYUR RAM ZHE NA, NYI 'OG PA RNAMS NA RE 'GYUR RO ZHES ZER ('DI NI THOB PA LA BSAMS SO,) RO, , KHA CHE BA RNAMS NI DE TZAM GYIS MI 'GYUR (TE SDOM PA MA SKYES PA'I PHYIR DES NA,) GYI DGE BSNYEN NYID DU KHAS BLANGS PAS 'DI'I SDOM PA SKYE BAR 'GYUR RO, ,DE'I PHYIR MDO DE LAS KYANG BDAG DGE BSNYEN DU GZUNG DU GSOL ZHES KHAS BLANGS PA NYID YIN NO, ,'O NA SLOB DPON DGONGS SU GSOL, JI LTAR @367 'PHAGS PA DGRA BCOM PA DE DAG GIS JI SRID 'TSE'I BAR DU SROG GCOD PA SPANGS TE SROG GCOD PA LAS SLAR LOG PA DE BZHIN DU BDAG MING 'DI ZHES BGYI BAS KYANG DUS 'DI NAS GZUNG STE JI SRID 'TSO'I BAR DU SROG GCOD PA SPANGS TE SROG GCOD PA LAS SLAR LDOG PAR BGYI'O ZHES BYA BA LA SOGS PA'I BSLAB PA'I GNAS BSTAN PA DON MED PAR 'GYUR RO ZHE NA, SDOM PA DGE BSNYEN DU GZUNG DU GSOL ZHES BYA BAS THOB KYANG SROG GCOD SPONG BA LA SOGS PA'I BSLAB PA'I GNAS BSTAN PA NA DPER NA DGE SLONG GI SDOM PA GSOL BA DANG BZHI'I LAS KYIS THOB KYANG BSLAB PA'I GNAS RNAMS BRJOD DGOS PA BZHIN NO,, GAL TE SDOM PA NI YAN LAG (LNGA PO,) THAMS CAD (KYIS,) BSDAMS PA YIN NA MING CHEN GYIS ZHUS PA LAS SROG GCOD SPONG BA'I SNA GCIG SPYOD PA DANG, SOGS PAS BSDUS PA SROG GCOD DANG MA BYIN LEN GNYIS SPONG BA'I PHYOGS GCIG SPYOD PA DANG, 'DOD LOG DANG GSUM SPONG BA'I PHAL CHER SPYOD PA DANG, RTZA BA BZHI CHANG DANG LNGA CHAR SRUNG BA'I YONGS SU RDZOGS PA'I DGE BSNYEN ZHES BYA BA'I DPYE BA GSUNGS PA JI LTA BU YIN ZHE NA, BYE BRAG TU SMRA BA NI (DANG PO NA LNGA KAR BLANGS PAR MTSUNGS KYANG DE LAS RE RE GNYIS GNYIS NYAMS PAS LHAG MA DE SRUNG BA LA DGONGS NAS,) GANG ZHIG SNA GCIG PA DANG PHAL CHER DANG YONGS SU RDZOGS PA LA SOGS PA DE DANG DE SRUNG BA LA DE DANG DE LTA BUR GSUNGS PAR ZAD KYI THAMS CAD KYANG (DANG POR) SDOM PA LNGA CHAR THOB PAR NI 'DRA'O, ,ZHES GRAG STE, (RTZA BA'I LTUNG BA GCIG BYUNG BAS SDOM PA GZHAN MI GTONG BA 'DOD PAS SO DE NI MI RIGS TE,) DE LTA BU LA ZHU BA DANG DRI BA'ANG MI RIGS PA'I PHYIR 'DIR MDO'I DGONGS PA NI DANG PO NYID NAS SNA GCIG LA SOGS PA BLANGS NAS SRUNG BA NYID YIN PAR SHES SO, ,GZHAN YANG LUNG RNAM 'BYED LAS, BZHIN BZANG JI SRID 'TSO'I BAR DU BCOM LDAN 'DAS KYI SPYAN SNGAR LNGA PA TSANGS PAR SPYOD PA'I BSLAB PA'I GZHI DAG LONG ZHIG CES MI TSANGS SPYOD SPONG BA'I DGE BSNYEN YANG GSUNGS LA, JI SRID 'TSO'I BAR DU BSNYEN GNAS YAN LAG BRGYAD SRUNG BA GO MI'I DGE BSNYEN ZHES BYA BA DANG, SKYABS GSUM TZAM 'DZIN PA DANG NYIN MO TZAM DANG MTSAN MO TZAM PA'I DGE BSNYEN YANG SLOB DPON AA BHYA LA SOGS PA'I GZHUNG LAS BSHAD DO, ,DGE SLONG LA SOGS PA'I SDOM PA CHUNG NGU DANG, SOGS PAS GZUNG BA 'BRING DANG CHEN PO NI YANG DAG PAR LEN PA'I KUN SLONG GI YID CHUNG BA DANG 'BRING DANG CHEN PO JI LTA BA BZHIN YIN NO, ,DE'I PHYIR DGRA BCOM PA BAS SO SO'I SKYE BO'I SDOM PA CHE BA'ANG SRID DO, ,GAL TE SDOM PA THAMS CAD SKYABS SU 'GRO BA SNGON DU 'GRO BA CAN YIN NA GANG ZHIG DKON MCHOG GSUM LA SKYABS SU 'GRO BA DE CI LA SKYABS SU 'GRO ZHE NA, GANG ZHIG SANGS RGYAS @368 DANG DGE 'DUN DANG CHOS GSUM LA SKYABS SU 'GRO BA DE NI GO RIM BZHIN DU SANGS RGYAS SU BYED PA'I CHOS MI SLOB PA'I LAM DANG, DGE 'DUN DU BYED PA'I CHOS SLOB MI SLOB GNYIS KA'I LAM DANG, CHOS SU BYED PA'I CHOS MYA NGAN LAS 'DAS PA SO SOR BTAGS 'GOG LA SKYABS SU 'GRO BA YIN TE, MI SLOB PA'I LAM NI SANGS RGYAS KYI CHOS KYI SKU YIN PA'I PHYIR DANG, SLOB MI SLOB KYI DGE 'DUN GANG ZAG YA BRGYAD DU 'BYED PAR BYED PA'I PHYIR DANG, MYA NGAN LAS 'DAS PA NI 'GOG PA'I CHOS YIN PA'I PHYIR RO,, 'O NA SANGS RGYAS KYI SKU LA NGAN SEMS KYIS KHRAG PHYUNG BA MTSAMS MED DU MI 'GYUR TE, CHOS KYI SKU LA KHRAG DBYUNG DU MED PA'I PHYIR RO ZHE NA, DE'I RTEN LA GNOD PA'I PHYIR RAM, GTZO CHE BAS CHOS KYI SKU ZHES SMOS KYI GZHAN DU NA GZUGS KYI SKU SANGS RGYAS SU BYED PA'I PHYIR RO, ,SKYABS SU 'GRO BA'I DON GANG ZHE NA, KUN NAS SLONG BA DANG BCAS PA'I NGAG GI RIG BYED DE, KUN SLONG NI DE LA BRTEN PAR 'DOD PA'O, ,'GREL PA LAS KYANG, SKYABS SU 'GRO BA RNAMS KYI RANG BZHIN CI ZHE NA, NGAG GI RNAM PAR RIG BYED KYI NGO BO NYID DAG YIN NO, ,ZHES 'BYUNG STE, t'I KA LAS, DE NI NOD PA'I DUS KYI DBANG DU BYAS PA YIN NO ZHES 'BYUNG NGO, ,GANG LAS SKYOB CE NA, SDUG BSNGAL THAMS CAD LAS SKYABS PA'I PHYIR RO, ,'GREL PA LAS KYANG, SKYABS KYI DON CI ZHE NA, DE LA BRTEN NAS SDUG BSNGAL THAMS CAD LAS GTAN DU NGES PAR THAR PA'I PHYIR RO ZHES 'BYUNG NGO, ,DE'I PHYIR 'JIG RTEN PA'I SKYABS SU 'GRO BA LAS YUL DANG KUN SLONG DANG BYED PAS KHYAD PAR DU 'PHAGS TE, LUNG PHRAN TSEGS LAS, 'JIGS PAS SKRAG PA'I MI RNAMS NI, ,PHAL CHER RI DANG NAGS TSAL DANG, ,KUN DGA' DANG NI MCHOD GNAS KYI, ,LJON SHING RNAMS LA SKYABS 'GRO STE, ,SKYABS DE GTZO BO MA YIN ZHING, ,SKYABS DE MCHOG GYUR MA YIN LA, ,SKYABS DE LA NI BRTEN NAS KYANG, ,SDUG BSNGAL KUN LAS MI 'GROL GYI, ,GANG CHO GANG ZHIG SANGS RGYAS DANG, ,CHOS DANG DGE 'DUN SKYABS SONG LA, ,SDUG BSNGAL SDUG BSNGAL KUN 'BYUNG DANG, ,SDUG BSNGAL YANG DAG 'DAS PA DANG, , 'PHAGS LAM YAN LAG BRGYAD BDE BA, ,MYA NGAN 'DAS PAR 'GRO 'GYUR DANG, ,'PHAGS PA'I BDEN PA BZHI PO DAG ,SHES RAB KYIS NI LTA BYED PA, ,SKYABS DE GTZO BO YIN PA STE, ,SKYABS DE MCHOG TU GYUR PA YIN, ,SKYABS DE LA NI BRTEN NAS KYANG, ,SDUG BSNGAL KUN LAS GROL BAR 'GYUR ZHES GSUNGS SO,, YANG CI'I PHYIR SDOM PA GZHAN DAG LA MI TSANGS SPYAD SPONG BA YAN LAG TU BZHAG LA DGE BSNYEN LA @369 'DOD LOG SPONG BA YAN LAG TU 'JOG PA'I RGYU GANG ZHE NA, 'DOD PAS LOG PAR G-YEM PA NI GZHAN GYI CHUNG MA SUN 'BYIN PA'I PHYIR DANG, (GCIG TU) NGAN SONG GI RGYU YIN PAS 'JIG RTEN NA SHIN TU SMAD PA'I PHYIR DANG, KHYIM PA RNAMS KYIS SPANG SLA BA'I PHYIR DANG, 'PHAGS PA RNAMS KYIS TSE BRJES NAS KYANG 'DOD LOG MI BYED PA'I SDOM PA THOB PA'I PHYIR DE DGE BSNYEN GYI SDOM PA LA SPONG BAR BSHAD LA, (KHYIM PAS SPANG DKA' ZHING 'BYUNG NYE BAS,) MI TSANGS SPYOD NI DE LTA MA YIN PA'I PHYIR RO, ,DGE TSUL LA SOGS PA LA NI SPANG DKA' BA DE SPONG BAR BSHAD PA NI RIM GYIS BSLAB PA'I PHYIR RO, ,GAL TE DGE BSNYEN RANG GI CHUNG MA MA YIN PA LA 'DOD LOG SPONG NA DGE BSNYEN SNGAR CHUNG MA MED PA DAG PHYIS LEN PA'AM CHUNG MA SNGA MA SHI NAS GSAR PA LEN PA NA SDOM PA NYAMS PAR 'GYUR TE, SDOM PA LEN PA'I DUS NA DE DAG LA'ANG 'DOD LOG MI SPYOD PAR DAM BCAS PA'I PHYIR RO ZHE NA, DGE BSNYEN GYI SDOM PA NI LEN PA'I DUS SU 'DOD LOG MI SPYOD DO ZHES JI LTAR KHAS BLANGS PA BZHIN DU 'THOB KYI RGYUD 'DI LA 'DOD PA MI SPYOD DO ZHES RGYUD LAS NI KHAS LEN PA DANG 'THOB PA MA YIN NO, ,DE'I PHYIR BUD MED DE DAG DGE BSNYEN GYI CHUNG MAR MA BYAS PA'I TSE DE DAG LA 'DOD LOG TU 'GYUR GYI CHUNG MAR BYAS PA NA NI MA YIN TE, RANG GI CHUNG MA LA SPYAD PA YIN PA'I PHYIR RO, ,YANG CI'I PHYIR RDZUN DANG PHRA MA DANG TSIG RTZUB DANG KYAL PA DAG NGAG GI LAS MI DGE BAR KHYAD PAR MED PA LA RDZUN SPONG BA KHO NA SDOM PA'I YAN LAG TU 'GYUR ZHE NA, SROG GCOD PA SPONG BA LA SOGS PA BSLAB PA THAMS CAD LAS 'DAS PAR GYUR NA KHYOD LA LTUNG BA 'DI DAG BYUNG NGO ZHES BRJOD PA NA RADZUN PA MA BSHAD NA MA BYUNG ZHES RDZUN DU SMRA BAR THAL PAR 'GYUR PA'I PHYIR RDZUN DU SMRA BA SPONG BA BSHAD DO, ,PHRA MA LA SOGS PA SPANG BAR BYA BA YIN YANG DE LTA BU'I DGOS PA MED PA'I PHYIR MA BSHAD DO,, DE BZHIN DU RDZUN SMRA SHIN TU SMAD PHYIR DANG, SLA PHYIR MI BYED THOB PHYIR RO ZHES BYA BA YANG SHES PAR BYA'O, ,(MDO LAS KYANG, CHOS GCIG LAS NI 'DAS GYUR CING, ,'JIG RTEN PHA ROL DOR BA YIS, ,LUS CAN RDZUN DU SMRA BA YIS, ,'DI NA SDIG PA MI BYA MED CES SO, ,) 'DI NI DGE TSUL LA SOGS PA LA'ANG SHES PAR BYA'O, ,YANG CI'I PHYIR BCAS PA'I KHA NA MA THO BA DAG LAS CHANG SPONG BA KHO NA DE'I YAN LAG TU BRJOD CE NA, SANGS RGYAS KYIS BKAG CING BCAS PA'I KHA NA MA THO BA MYOS PAR 'GYUR BA SPONG BA NI DE SPANGS PAS DE LAS GZHAN SROG GCOD SPONG BA LA SOGS PA'I BSLAB PA SRUNG BA'I PHYIR RO,, MYOS PAR 'GYUR BA MA SPANGS NA NI (DES DRAN SHES BZHIN NYAMS NAS,) BSLAB PA GZHAN DE DAG NYAMS @370 PAR 'GYUR BA'I PHYIR RO, ,'DIR BYE BRAG TU SMRA PA'I 'DUL BA 'DZIN PA RNAMS NI CHANG 'THUNG BA NI RANG BZHIN GYI KHA NA MA THO BA YIN TE, STON PAS SH'AKYA NAD PA RNAMS LA BCAS PA'I KHA NA MA THO BA (GZHAN MTHA' DAG) GNANG CHANG RTZVA'I RTZE MOS KYANG 'THUNG BA MA GNANG BA'I PHYIR DANG, GZHAN YANG CHANG 'THUNG BA NI RANG BZHIN GYI KHA NA MA THO BA YIN TE, 'PHAGS PA RNAMS TSE 'PHOS KYANG MI SPYOD PA'I PHYIR, SROG GCOD PA LA SOGS PA BZHIN NO, ,DE BZHIN DU CHANG 'THUNG BA NI RANG BZHIN GYI KHA NA MA THO BA YIN TE, 'DUL BA MU TIG GI LUS NGAG GI NYES PAR SPYOD PA'I TSOM DANG, DGA' BYED KYI MDO LAS, LUS KYI NYES SPYOD DU GSUNGS PA'I PHYIR SROG GCOD LA SOGS PA BZHIN NO, ,DE LA DANG PO NI LUNG PHRAN TSEGS LAS NYE PAR 'KHORG YIS BCOM LDAN 'DAS LA BTZUN PA BDAG GIS NAD PA RNAMS KYI JI LTAR BRO G-YOG BGYI ZHES ZHUS PA NA, NYE BAR 'KHOR RANG BZHIN GYI KHA NA MA THO BA MA GTOGS PA RNAMS KYIS NAD PA RNAMS GSO BAR BYA'O ZHES BKA' STZAL NAS, GZHAN DU SH'AKYA NAD PA RNAMS LA'ANG CHANG 'THUNG BA BKAG PA'I PHYIR DANG,, 'DUL BA TSIG LE'UR BYAS PA LAS KYANG, KHA YI NAD LA 'KHUR PHUG TU, ,SREL PA TZAM LA NYES PA MED, ,SMAN PA'I NGAG GIS 'THUNGS PAR NI, ,SROG LA BAB KYANG 'DOD MI BYA ZHES BSHAD PA'I PHYIR DANG, ,GZHAN YANG LUNG RNAM 'BYED LAS, DGE SLONG DAG NGA STON PA YIN PAR SMRA BA RNAMS KYIS MYOS PAR 'GYUR BA RTZVA'I RTZE MOS KYANG BTUNG BAR MI BYA'O ZHES GSUNGS PA'I PHYIR RO ZHES ZER RO, ,MNGON PA BA RNAMS NA RE (CHANG 'THUNG PA NI RANG BZHIN GYI KHA NNA MA THO BA MA YIN TE, DE'I MTSAN NYID DANG MA LDAN PA'I PHYIR RO, ,BCAS PA'I KHA NA MA THO BA YIN TE, DE'I MTSAN NYID DANG LDAN PA'I PHYIR RO, , DE LA DE DAG GI MTSAN NYID NI RIM PA LTAR SEMS NYON MONGS CAN KHO NAS SPYOD CING, GANG ZAG BSLAB PA BCAS MA BCAS THAMS CAD LA SDIG TU 'GYUR BA SROG GCOD PA LTA BU DANG, RES 'GA' GNYEN PO'I BLOS KYANG SPYAD DU RUNG ZHING BSLAB PA BCAS PA KHO NA LA SDIG TU 'GYUR BA SA RKO BA LTA BU YIN PA NI, CHANG 'THUNG BA NA BSLAB PA MA BCAS PA'I NAD PA LTA BU 'GA' ZHIG GIS MYOS PAR MI 'GYUR BAR GNYEN PO'I BLOS KYANG BTUNG BAR NUS PA'I PHYIR RO,,) RANG BZHIN GYI KHA NA MA THO BA NI BCOM LDAN 'DAS KYIS MA BKAG KYANG SDIG PAR 'GYUR BA YIN NA CHANG NI RES 'GA' GNYEN PO'I BLOS KYANG BTUNG BAR NUS PA'I PHYIR DE BCAS PA'I KHA NA MA THO BA YIN TE BCAS PA ZHES BYA BA NI BCOM LDAN 'DAS KYIS BKAG PA'O, ,DES NA KHRIMS SU BYAS PAS BKAG PA SPYAD NA SDIG TU 'GYUR BA DE NI BCAS PA'I KHA NA MA THO BA STE BCOM LDAN 'DAS DANG BSTAN PA LA MA GUS PA'I SGO NAS KYI JI LTAR BRO G-YOG BGYI BZHIN GYI KHA NA MA THO BA NI BCOM @371 LDAN 'DAS KYI KHRIMS KYIS MA BKAG KYANG SDIG TU 'GYUR BA STE SROG GCOD PA LA SOGS PA LTA BU'O, ,LUNG LAS NAD PA LA BCAS PA'I KHA NA MA THO BA GNANG BA NA SPYIR BTANG BA YIN LA, SH'AKYA NAD PA LA MA GNANG BA NI DMIGS KYIS BSAL BA'O, ,RTZA'I RTZE MO'I TSAD KYIS KYANG 'THUNG BA BKAG PA NI DE'I NUS PA MA NGES PA'I PHYIR TE, LA LA NI NYUNG NGUS KYANG MYOS PAR 'GYUR LA, LA LA NI MANG POS KYANG MI MYOS PA'I PHYIR DANG, CHAGS PA 'PHEL BAS TSOD MI ZIN PA'I PHYIR TE, MDO LAS KYANG, GNAS GSUM PO CHANG DANG, MI TSANGS PAR SPYOD PA DANG, RMUGS PA DANG GNYID LA BRTEN PA NI NGOMS PA'AM CHOG PA'AM TSIM PA MED DO, ,ZHES GSUNGS PA'I PHYIR RO, ,DE BZHIN DU 'PHAGS PA RNAMS TSE BRJED NAS KYANG MI GSOL BA NI MDO LAS DAD PA DANG BRTZON 'GRUS DANG NGO TSA SHES PA DANG, KHRAL YOD PA DANG, SHES RAB KYI STOBS ZHES BYA BA BSLAB PA'I STOBS LNGA GSUNGS PAS NGO TSA KHREL YOD DANG LDAN PA'I PHYIR DANG, DGA' BYED LA SOGS PA'I MDO LAS, LUS KYI NYES SPYOD DU GSUNGS PA NI BAG MED PA'I GNAS YIN PA'I PHYIR RO ZHES ZER RO,, DA NI DE DAG THOB PA'I GZHI LA SOGS PA STON PA NI 'DOD PAR GTOGS PA'I SDOM PA SO SO THAR PA NI (DGE BA'I) LAS KYI LAM GYI SBYOR BA DANG DNGOS DANG MJUG THAMS CAD LAS DANG, GZHI SEMS CAN DU STON PA DANG MI STON PA GNYIS KA DANG RANG BZHIN DANG BCAS PA'I KHA NA MA THO BA GNYIS KA LAS DANG, ('DI SEMS CAN GYI RTEN LA 'JUG PAS,) DUS DA LTAR BA'I PHUNG PO DANG KHAMS DANG SKYE MCHED DAG LAS 'THOB PAR 'GYUR GYI 'DAS MA 'ONGS LAS NI MA YIN TE, DE DAG SEMS CAN DU MI BGRANG BA'I PHYIR RO, , (DES NI SEMS CAN DU STON PA MA YIN PA YANG DA LTAR KHO NA LAS THOB PAR STON NO, ,) BSAM GTAN DANG ZAG MED KYI SDOM PA NI LAS KYI LAM DNGOS GZHI KHO NA LAS DANG, ('DI DAG LA MNYAM PAR BZHAG PA NA LAS KYI LAM DNGOS GZHI 'OG SA SPANGS PA'I NGO BOR SKYE BAS SBYOR MJUG NI PHAL CHER 'OG SA'I NGO BOR GTOGS PA'I PHYIR RO, ,DES NA LAS KYI SBYOR MJUG LAS KYANG MA YIN NA BCAS PA'I KHA NA MA THO BA LAS LTA CI SMOS TE KHAS BLANGS PA MED PA'I PHYIR ZHES PA'AM, YANG NA 'DI GNYIS NI NYON MONGS DANG DES BSLAB PA'I LAS SPONG BA YIN PA LAS BCAS PA'I KHA NA MA THO BA NI NYON MONGS KYIS BLANG BAR MA NGES PAS SO ZHES 'CHAD DO,,) DUS NI GSUM (STE SEMS RJES 'BRANG,) PO THAMS CAD (KYI PHUNG KHAMS,) LAS 'THOB PAS SO, ,DE'I PHYIR SBYOR MJUG DANG BCAS PA'I KHA NA MA THO BA DANG SEMS CAN MA YIN PA LAS MI 'THOB BO ZHES SHES PAR BYA'O, ,YANG (SDOM PA DANG SDOM MIN NI SEMS CAN THAMS CAD DANG YAN LAG THAMS CAD @372 RGYU THAMS CAD LAS 'THOB PA'AM, 'ON TE BYE BRAG 'GA' ZHIG LAS 'THOB CE NA,) SDOM PA (GSUM PO,) NI SEMS CAN THAMS CAD LAS 'THOB LA, YAN LAG DANG RGYU LA NI DBYE BA YOD DE, (LAS KYI LAM DANG,) YAN LAG THAMS CAD LAS 'THOB PA NI DGE SLONG GI SDOM (DE LAS LAM THAMS CAD SPONG BA,) PA'O, ,YAN LAG LNGA LAS 'THOB PA NI DGE BSNYEN NO, ,BRGYAD LAS 'THOB PA NI BSNYEN GNAS SO, ,BCU LAS 'THOB PA NI DGE TSUL LO, ,YANG NA LAS KYI LAM BCU PO THAMS CAD LAS 'THOB PA NI DGE SLONG NGO, , SROG GCOD PA LA SOGS PA GSUM DANG RDZUN DU SMRA BA DANG BZHI LAS 'THOB PA NI DGE TSUL LA SOGS PA YIN PAR 'GREL PA LAS BSHAD DO, ,RGYU NI MA CHAGS PA LA SOGS PA DGE RTZA GSUM YIN NA THAMS CAD LAS DANG, SEMS CHUNG NGU DANG 'BRING DANG CHEN POS YIN NA DUS GCIG LA GSUM CAR MI 'BYUNG BAS RE RE LAS 'THOB PA'I PHYIR RO, ,SDOM PA MIN PA NI SEMS CAN THAMS CAD LAS 'THOB PA DANG, YAN LAG KYANG SROG GCOD LA SOGS PA LAS KYI LAM KUN LAS 'THOB (STE MA TSANG BA'I SDOM PA NI MED CES 'DOD DO, ,) LA, RGYU NI CHAGS SDANG GNYIS MTSUNGS PAR MI LDAN PAS 'DOD CHAGS KYIS RGYU BYAS NA ZHE SDANG GIS MA YIN PA LA SOGS PA'I PHYIR DANG, CHUNG NGUS BYAS NA CHEN POS MA YIN PA'I PHYIR (CHUNG NGU LA SOGS PA CIG CAR MI 'BYUNG BAS,) THAMS CAD KYIS 'THOB PA MIN NO ZHES BYE BRAG TU SMRA BA 'DOD DO,, DE LA SDOM MIN CAN NI 'GREL PA LAS, SHAN PA DANG, BYA GAG GSOD PA DANG, PHAG GSOD PA DANG, BYA BA DANG, NYA BA DANG, RI DVAGS 'CHOR BA DANG, TSOMS RKUN PA DANG, GSHED MA DANG, BTZON RDZI DANG, GLANG PO CHE 'CHOR BA DANG, KHYI 'CHOR BA DANG, PA GU RI 'CHOR BA RNAMS SO ZHES DNGOS SU BCU GNYIS BSHAD DO, ,'GREL PA LAS, RGYAL PO DANG BLON PO DANG SHAGS ZIN PO RNAMS KYANG DON GYIS NA SDOM PA MA YIN PA CAN YIN NO ZHES 'BYUNG BA LA, t'IKA BYED DAG RGYAL PO DANG BLON PO RNAMS KYANG CHAD PAS GCOD PAR BYED PA'I PHYIR MDO LA SOGS PA LAS DNGOS SU MI 'BYUNG YANG SDOM MIN CAN KHO NAR LTA'O ZHES 'CHAD DO, ,KUN LAS BTUS LAS NI 'DIR BSHAD PA'I DANG PO BCU DANG, BONG RGYAS 'CHOR BA DANG, SBRUL BZUNG NAS RTZE BAS 'TSO BA DANG, SBRUL KYIS 'TSO BA DANG, GZHAN LA PHRA MA BYA SNAS 'TSO BA'I NYAN RNA BYED PA DANG, GNOD PA BYED PA DANG BZHI STE SDOM MIN CAN BCU BZHI BSHAD LA, SLOB DPON AA BHYAS NI DE DAG DANG RGYAL PO'I CHAD PA PA DANG YUL CHOS PA RNAMS KYANG SDOM MIN CAN DU BSHAD DO, ,DRIN LAN BSAM PA LAS NI DAR GYI SRIN BU GSO BA'ANG SDOM MIN CAN DU GSUNGS SO,, @373 MDO SDE PA LA SOGS PA NI DE LTA MA YIN TE, SEMS CAN THAMS CAD GSOD PAR 'DOD PA DANG SGO THAMS CAD DANG LAS KYI LAM THAMS CAD SPYOD PA NI MI SRID PA'I PHYIR TE, SHAN PA LA SOGS PA'ANG RANG GI PHA MA LA SOGS PA GSOD PAR MI 'DOD PA'I PHYIR DANG, SROG GCOD KYANG MA BYIN PAR MI LEN (PA'ANG YOD,) PA'I PHYIR RO, ,GAL TE PHA LA SOGS PA'ANG LUG LA SOGS PAR GYUR PA NA GSOD PAR 'DOD PA'I PHYIR RO ZHE NA, 'O NA NI LUG KYANG PHA MAR GYUR PA GSOD PAR MI 'DOD PA'I PHYIR LUG LA'ANG GSOD PAR 'DOD PA MED PAR 'GYUR RO, ,PHA MAR GYUR PA NA LUG MA YIN NO ZHES BYA BA'ANG MTSUNGS TE, LUG TU GYUR PA NA PHA MA MA YIN PA'I PHYIR RO, ,GZHAN YANG LUG TU GYUR PA THAMS CAD BDAG GIS BSAD DO SNYAM DU SEMS SHING GSOD PA'ANG MI SRID PA'I PHYIR SDOM MIN NI SEMS CAN THAMS CAD LAS KYANG MA YIN LA YAN LAG THAMS CAD LAS KYANG MA YIN NO, ,'ON KYANG BDAG GIS SROG GCOD PA TZAM DANG MA BYIN PAR BLANGS PA TZAM GYIS 'TSO BAR BYA'O, ,GZHAN GYI BU MED LA RGYUN DU SPYAD DO SNYAM DU BSAMS TE DE DAG GIS LAS RDZOGS PAR SPYAD PA TZAM GYIS SDOM MIN DU 'GYUR RO, ,DE BZHIN DU RDZUN LA SOGS PA LA'ANG SHES PAR BYA'O ZHES BYA BAR 'DOD DE DE NYID RIGS PA YIN NO, ,SDOM PA LA NI SEMS CAN THAMS CAD DANG, RANG RANG GI YAN LAG THAMS CAD DANG, YUL THAMS CAD DANG, DUS THAMS CAD DANG, TSE'AM GNAS SKABS THAMS CAD DU SPONG BA MA YIN (PAR LHAS BYIN LTA BU'I SEMS CAN NGES PA DANG, SROG GCOD PA LTA BU'I YAN LAG NGES PA DANG, BOD LTA BU'I YUL NGES PA DANG, ZLA BA GCIG GI BAR DU ZHES PA LTA BU'I DUS NGES PA DANG, 'THAB MO'I TSE MA GTOGS SO ZHES PA LTA BU'I TSE NGES PA LNGA DANG BRAL BA MA YIN,) NA LEGS SPYAD TZAM DU 'GYUR GYI SDOM PAR MI 'GYUR BAS NA NGES PA LNGA DANG BRAL BA NYID NGES PAR DGOS SO,, RNAM PAR GTAN LA DBAB PA BSDU PA LAS NI, RGYU DRUG GIS DGE SLONG GI SDOM PA LEN PAR MI 'DOD CING 'DOD KYANG MI 'THOB STE, RGYAL PO DANG CHOM RKUN DANG BU LON PA DANG 'TSO BA MED PAS 'JIGS TE 'TSO BA TZAM LA SOGS PA'I BSAM PAS, RAB TU 'BYUNG BAR 'DOD PA'I BSAM PA NYAMS PA DANG, LUS LA 'BRAS DANG PHOL MIG LA SOGS PA NAD SNA TSOGS DANG LDAN PAS BLA MA LA SOGS PA LA BSNYEN BKUR DANG SBYIN BDAG GI YON SBYAR BAR MI NUS PA'I LUS NYAMS PA DANG, ZA MA DANG MA NING DANG MTSAN GNYIS PAR GYUR PA SKYES PA NYID NYAMS PA DANG, MTSAMS MED BYED PA DANG DGE SLONG MA SUN 'BYED PA DANG MU STEGS CAN DANG RKU THABS SU GNAS PA DANG THA DAD DU GNAS PA DANG GNS PAR MI BYA BA RNAMS NI NGO TSA KHREL MIN CHEN POS NGO TSA KHREL YOD CHUNG NGUR BYAS PA DGE BA'I CHOS NYAMS PA DANG, RGYAL POS BKRABS @374 PA DANG RGYAL PO LA GNOD PA BYAS PA DANG RGYAL PO DANG MI MTHUN PA'I LAS BYED PA DANG BU LON CAN DANG BRAN DANG PHROGS PA DANG PHA MAS MA GNANG BA LA SOGS PA GZHAN GYI DBANG DU GYUR PA DANG, MI'I 'GRO BA MA YIN PA KLU LA SOGS PA'I SPRUL PAR GYUR PA RAB TU BYUNG NA GZHAN MA DAD PAR 'GYUR BAS GZHAN RJES SU SRUNG BA STE DRUG PO DE DAG DANG, MKHAN SLOB DANG DGE 'DUN MA TSANG BA STE BDUN NI BSNYEN PAR RDZOGS PAR MI BYA'O ZHES BSHAD DO, ,KHA CIG GZHAN GYI DBANG DU GYUR PA LA SOGS PA GSUM YANG NYAMS PA YIN PAS NYAMS PA BDUN NGES PA LNGAS MI 'THOB CES BYA BAR 'GYUR RO ZHES 'CHAD DO, ,(JI LTAR NA MI NUS PA DAG LAS SDOM PA 'THOB CE NA, SEMS CAN THAMS CAD KYI SROG LA MI GNOD PA'I BSAM PAS KHAS BLANGS PA'I PHYIR RO, ,BYE BRAG TU SMRA BA RNAMS NA RE NUS PA KHO NA LAS 'THOB NA MI DANG LHA LA SOGS PA NUS PA DANG MI NUS PA PHAN TSUN 'PHO BAS 'PHEL 'GRIB TU 'GYUR LA, DE LTAR NA SDOM PA 'THOB GTONG GI RGYU MED PAR YANG DER 'GYUR RO ZHES ZER RO, ,SLOB DPON GYIS RTZVA LA SOGS PA SKYES PA DANG SKAMS PAS SDOM PA 'PHEL 'GRIB MED PA LTAR 'PHOS KYANG MI 'GYUR RO ZHES GSUNGS SO, ,SEMS CAN NI SNGON DANG PHYIS YOD LA RTZVA LA SOGS PA NI MED PAS MI MTSUNGS SO ZHE NA, DE YANG MYA NGAN LAS 'DAS NA MED PAR 'GYUR BAS MTSUNGS SO, ,DES NA GTAN TSIGS SNGA MA NYID BZANG NGO ZHES SO,,) SDOM YIN 'THOB PA'I TSUL NI SDOM PA MIN PA NI SHAN PA LA SOGS PA'I RIGS SU SKYES PA RNAMS NI SROG GCOD PA LA SOGS PA'I BYA BA BYAS PA TZAM NA 'THOB PAR 'GYUR LA, GZHAN GYI RIGS SU SKYES PA RNAMS NI RGYAL BO LA SOGS PA'I DRUNG DU BDAG 'TSO BA 'DIS 'TSO BAR BYA'O ZHES KHAS LEN PA LAS 'THOB PAR 'GYUR RO, ,BAR MA'I 'THOB TSUL NI SDOM PA SDOM MIN GYI LHAG MA BAR MA'I RNAM PAR RIG BYED MIN PA'I DGE BA NI RDZAS LAS BYUNG BA DANG RDZAS LAS BYUNG BA MA YIN PA'I RIG BYED MA YIN PA LTA BU ZHING DANG, ZAS MA ZOS KYI GONG DU DKON MCHOG GSUM LA PHYAG 'TSAL BAR DAM BCAS NAS DE LTAR BYED PA LTA BU YI DAM NAR MAR KHAS LEN ZHING DAM BCAS PA DANG, RAB TU DANG BA DANG NYON MONGS PA DRAG POS PHYAG DANG SKOR BA BYED PA LTA BU, DGE BA DANG BRDEG PA SOGS, MI DGE BA BYED PA LTA BU BSAM SBYOR GUS PAR BYED PA LAS 'THOB BO, ,(BAR MA MI DGE BA NI SROG GCOD PA'I KHANG BA BYAS NAS STER BA LTA BU ZHING, NYIN RE LA SOGS CHAGS 'TSE BA LTA BU LEN PA DANG, NYON MONGS DRAG POS RDEG PA LA SOGS PA MA GUS PAR BYED PA LAS 'THOB PA'O, ,) DA NI DE DAG GTONG BA'I RGYU 'CHAD PA NI 'DIS DBANG PO 'DUL BAR BYED PAS NA SO SO THAR PA'I @375 'DUL BA STE RIS BRGYAD LAS BSNYEN GNAS MA GTOGS PA'I SDOM PA RNAMS NI (DANG PO JI SRID 'TSO BAR DU,) YANG DAG PAR BLANGS PA DANG (PHYIS,) 'GAL BA'I RIG BYED BSKYED PA'I PHYIR MI BRDA PHRAD PA'I DRUNG DU BSAM PA THAG PA NAS BSLAB PA PHUL BA DANG, (GANG GIS SDOM PA BLANGS PA'I) RTEN BOR BA DANG 'PHEN PA'I DUS ZAD PA'I PHYIR SHI 'PHOS PA DANG, (PHO MO GANG RUNG GI) RTEN NYAMS PA'I PHYIR PHO MO'I MTSAN GNYIS PO DAG NI DUS CIG CAR BYUNG BA DANG, (SA CHAD NA DE LA BRTEN PA'I SHING CHAD PA LTAR) GZHI SKYES THOB CHAD NA SBYOR BYUNG YANG LDOG PAS DGE BA'I RTZA BA CHAD PA DANG BZHIS GTONG LA, BSNYEN GNAS NI DE DAG DANG MTSAN MO 'DAS PA LAS KYANG GTONG STE, MDA'I SHUGS ZAD PA LTAR 'PHAN PA'I DUS ZAD PA'I PHYIR RO, ,RNAM PAR GTAN LA DBAB PA BSDU BA LAS NI, DGE BSNNYEN DANG BSNYEN GNAS NI MI MTHUN PA'I SEMS SKYES PA TZAM GYIS KYANG GTONG BAR BSHAD DO, ,MDO SDE PA DANG NYI 'OG BYE BRAG TU SMRA BA LA SOGS PA KHA CIG NI RTZA BA'I LTUNG BAR 'GYUR BA MI'AM MIR CHAGS PA BSAD PA DANG, RIN THANG TSANG BA'I NOR GZHAN LA BRKUS PA DANG, MI TSANGS PAR SPYAD PA DANG, MI CHOS BLA MA'I RDZUN SMRAS PA BZHI LAS GANG YANG RUNG BA ZHIG BYUNG NA SDOM PA THAMS CAD GTONG BAR SMRA LA, SDE PA GZHAN GOS DMAR BA DAG NI DAM PA'I CHOS NUB NA BSLAB PA'I MTSAMS THAMS CAD DANG LAS KYI MTHA' RNAMS MED PAR 'GYUR BAS DAM PA'I CHOS NUB PA LAS KYANG GTONG BAR 'DOD DO, ,SLOB DPON SKU MCHED NI DAM PA'I CHOS NUB PAS DE PHYIN CHAD BLANNG DU MED PAS MI SKYE BA YIN GYI SNGAR YOD GTONG BAR MI BZHED DE, RNAM PAR GTAN LA DBAB PA BSDU BA LAS, DAM PA'I CHOS NUB PA NA NI DGE SLONG LA SOGS PA'I SDOM PA SNGAR MA BLANGS PA NI BLANG DU MED LA, SNGAR BLANGS PA NI YONGS SU MI GTONG BAR RIG PAR BYA STE ZHES PA DANG, 'GREL PA LAS KYANG, DAM PA'I CHOS NUB NA 'DUL BA'I LAS MED PA'I (PHYIR SNGON MED PA'I,) 'DUL BA 'THOB PA NI MED KYI THOB ZIN PA GTONG BA MED DO ZHES BSHAD PA'I PHYIR RO, ,KHA CIG NA RE DE LTAR NA DGE SLONG LA SOGS PA'I SDOM LDAN YOD PA'I PHYIR DAM PA'I CHOS MA NUB PAR 'GYUR BAS NA SNGA MA GNYIS LEGS SO ZHES ZER RO,, GZHI THAMS CAD YOD PAR SMRA BA'I BYE BRAG KHA CHE BYE BRAG TU SMRA BA RNAMS NI RTZA BA'I LTUNG BA GANG RUNG ZHIG BYUNG BA LA SDOM PA YOD PA'I CHA NAS TSUL KHRIMS DANG LDAN PA DANG GANG BTANG BA'I CHA NAS TSUL KHRIMS 'CHAL PA GNYIS SU 'DOD DE DPER NA BU LON DANG NOR GNYIS KA YOD PA'I SKYES BU BZHIN NO, ,LTUNG BA DE BSHAGS NA NI TSUL KHRIMS DANG LDAN PA KHO NA YIN TE DES BU LON BCAL NA NOR LDAN KHO NAR 'GYUR BA @376 BZHIN NO, ,'DI LA'ANG SROG GCOD PA'I RTZA LTUNG GCIG BYUNG NA SROG SPONG BA'I SDOM PA'I CHA THAMS CAD GTONG BA DANG, DE'I YANG THAMS CAD MI GTONG BAR GANG BSAD PA'I SEMS CAN DE KHO NA'I CHA'I SDOM PA GTONG BAR 'DOD PA'I LUGS GNYIS YOD DO,, DE DAG GANG LAS SHES SHE NA, LUNG DANG RIGS PA LAS TE, LUNG NI 'DUL BA RNAM 'BYED LAS, DGE SLONG TSUL KHRIMMS 'CHAL PA ZHIG DGE SLONG MA LA 'DOMS PAR BYED NA LTUNG BYED DO ZHES BSHAD DE, TSUL KHRIMS MED NA LTUNG BA'I RNAM GZHAG MI 'THAD PA'I PHYIR RO, ,GZHAN YANG DRUG CHAN DRUG PA'I MDO LAS 'GAR BA'I BU CUN DAS, PHA ROL RGAL CING SOM NYI SPANGS, ,THUB PA RAB SAD RNAM 'DREN MCHOG , KHA LO BSGYUR MCHOG 'JIG RTEN NA, ,DGE SBYONNG DU MCHIS BDAG 'DI'O ZHES ZHUS PA NA, STON PA'I ZHAL NAS CUN DA, DGE SBYONG BZHI STE LNGA PA MED, ,DE DAG GSAL BAR NGAS SHES BYA, ,LAM GYIS RGYAL DANG LAM STON DANG, ,LAM PHYIR 'TSO DANG LAM SUN 'BYIN ZHES GSUNGS PA DANG, YANG CUN DAS, LAM GYIS RGYAL BA GANG LA BRJOD, ,JI LTAR MTSUNGS MED LAM STON YIN, ,LAM PHYIR 'TSO BA 'DRI BAS GSUNGS, ,LAM SUN 'BYIN PA GSAL BAR 'DOD, ,CES ZHUS PA NA, GANG ZHIG THE TSOM ZUG RNGU SPANGS, ,GZHAN GYIS BKRI MIN MYA NGAN 'DAS,, ,'JIG RTEN LTAR BCAS STON PA YI, ,SANGS RGYAS LAM GYIS RGYAL ZHES BRJOD, ,BLANG DANG DOR BYA MCHOG RIG NAS, ,CHOS RNAMS DE BZHIN STON CING 'BYED, ,THUB PA BKRI MIN THE TSOM CHAD, ,LAM STON DGE SBYONG GNYIS PA YIN, ,GANG ZHIG CHOS GNAS LEGS STON CING, ,DRAN PA'I BDAG NYID LAM PHYIR 'TSO, ,KHA NA MA THO MED GNAS SLOB,, DGE SBYONG GSUM PA LAM PHYIR 'TSO, ,'PHAGS PA'I RTAGS KYIS G-YOGS BYAS NAS, ,'GRAN CING KHYIM SUN 'BYIN PA DANG, ,'CHAL ZHING MA DUL SGYU DANG BCAS, ,GZUGS BRNYAN BZHIN SPYOD LAM SUN 'BYIN, ,ZHES GSUNGS SO, ,t'IKA BYED DAG GIS LAM GYIS RGYAL BA SLOB MI SLOB DANG, LAM STON SANGS RGYAS DANG, LAM PHYIR 'TSO BA DGE SLONG GI TSUL KHRIMS DANG LDAN PA LAM LA SLOB PA'I CHED DU 'TSO BA DANG, LAM SUN 'BYIN PA TSUL KHRIMS 'CHAL BAR BSHAD PAS DE YANG DGE SBYONG GI DBYE BAR BSHAD PA'I PHYIR RO, ,YANG RTZA LTUNG BYUNG BAS SDOM PA GTANG NA LUNG PHRAN TSEGS LAS DGA' BA CAN RTZA LTUNG BYUNG NAS 'CHAB SEMS MA SKYES PA DE CHAD PA'I LAS KYI BSLAB PA BYIN PAS DGE SLONG DU MI 'GYUR BA LAS DE LTAR 'GYUR BAR BSHAD PA'I PHYIR RO, ,YANG LUNG RAB TU BYUNG BA'I GZHI LAS, ,BYA ROG SKROD DANG SUN PHYUNG DANG, ,RKU THABS GNAS DANG MA NING DANG ZHES DGE SLONG MA SUN PHYUNG BA LA SOGS PA TSUL KHRIMS 'CHAL @377 PA RAB TU DBYUNG DU MI RUNG BAR BSHAD PA'I PHYIR TE, DE NI TSUL KHRIMS NGAN PA DES GO BKAG NAS SDOM PA GSAR BA MI SKYE BA YIN GYI GAL TE DE LA SDOM PA MED NA PHYIS BLANGS PAS SKYI BAR 'GYUR RO, ,DE LA MI SKYE NA BSLAB PA PHUL BA LA'ANG PHYIS BLANGS DU MED PAR 'GYUR RO ZHES BYA BA'O,, RIGS PA'ANG SDOM PA NI SPONG BDUN YIN PAS NA SROG GCOD SPONG BA BTANG BAS GZHAN BTANG BAR NI MI 'GYUR TE (LUNG GZHI'I 'GREL PA LAS, SLOB DPON DGE LEGS BSHES GNYEN GYIS, PHYOGS GCIG 'KHRUGS KYANG DGE SLONG GI DNGOS PO LHAG MA DANG MA BRAL BA'I PHYIR TE, PHYOGS GCIG 'KHRUGS PAS NI SDOM PA MTHA' DAG YONGS SU GTONG BAR MI RIGS SO, ,DE LTAR YANG, JI LTAR PHYOGS GCIG BLANGS GYUR PAS, ,MTHA' DAG BLANGS PAR MI BZHED LTAR, ,DE BZHIN PHYOGS GCIG 'KHRUGS GYUR PAS, , MTHA' DAG 'KHRUGS PAR JI LTAR 'GYUR ZHES GSUNGS PA DANG ZHES 'BYUNG BA LTAR RO, ,) (DE DAG GI MI MTHUN PHYOGS MA BYAS PA'I PHYIR RO,,) DE LTAR NA SROG GCOD PA SPONG BA BLANGS PAS KYANG GZHAN BLANGS PAR THAL BA'I PHYIR RO, ,PHYOGS GCIG BTANG BAS PHYOGS THAMS CAD GTANG BA NI RIGS PA MA YIN TE, LAG PA BCAD NA RKANG PA LA SOGS PA RIL BCAD PAR THAL BA'I PHYIR RO, ,DE'I PHYIR 'DI NI DGONGS PA YIN NA ZHES ZER RO, ,'DI NI 'THAD PA MA YIN TE, TSUL KHRIMS 'CHAL PA DGE SLONG MA LA 'DOMS NA LTUNG BYED DU BSHAD PA NI NGAN SONG DU LTUNG BA TZAM LA DGONGS PA'I PHYIR DANG, DE DGE SBYONG DU BSHAD PA NI STON PA NYID KYIS ('PHAGS PA'I RTAGS KYIS G-YOGS BYAS NAS, ,'GRAN CING KHYIM SUN 'BYIN PA DANG, ,'CHAL ZHING MA DUL SGYU DANG BCAS, ,) GZUGS BRNYAN BZHIN SPYOD LAM SUN 'BYIN ZHES GSUNGS PAS MING TZAM GYI DGE SBYONG STE SA BON RUL BA DANG SEMS CAN SHI BA DANG MTSE'U SKAM PO LA SOGS PA BZHIN NO, ,GZHAN YANG LUNG LAS, GAL TE SEMS NI GCIG GIS KYANG, ,BCABS PA MED PAR 'CHAGS BYED NA, ,THA MA BYUNG BAR GYUR NA YANG, ,DE NI PHAS PHAM MI 'GYUR RO ZHES PA DANG, 'DUL BA TSIG LE'UR BYAS PA LAS KYANG, MI 'CHAB PA YI SEMS KYIS NI, ,GAL TE BYUNG NA GCIG LA'ANG MTHOL, ,CHUNG NGU LA YANG 'JIGS PA'I PHYIR, ,DE LA PHAS PHAM MI 'BYUNG NGO ZHS 'BYUNG BAS KHO BO CAG KYANG MI TSANGS SPYOD BYAS PA THAMS CAD LA PHAM PA 'BYUNG BAR MI 'DOD KYI 'ON KYANG 'CHAB SEMS SKYES NA PHAM PAR 'GYUR GYI 'CHAB SEMS SKAD CIG KYANG MA SKYES PA NI RTZA BA'I LTUNG BA MA YIN PA'I PHYIR DANG (PHAM PA BYUNG NA DGE SLONG MA YIN NO, ,DES BYAS KYANG SEMS 'GAS KYANG MI 'CHAB NA PHAM PAR MI 'GYUR BA'I PHYIR, DE BSHAGS NAS DGE SLONG THAMS CAD LAS GZHON RABS SU 'DUG PA @378 SOGS CHAD PA'I LUS KYI BSLAB PA RNAMS BYIN PAS SOR CHUD PA STE DGE SLONG DGA' BA CAN BZHIN NO, , DE SKAD DU GAL TE SEMS NI GCIG GIS KYANG, ,BCAS PA MED PAR 'CHAGS BYED NA, ,THA MA BYUNG BAR GYUR NA YANG, ,DE NI PHAS PHAM MI 'GYUR RO ZHES SO, TSUL KHRIMS 'CHAL PA RAB TU MI 'BYIN PA NI RGYUD NGO TSA KHREL MED SHAS CHEN POS NYAMS PAR BYAS PA'I PHYIR YIN NO,, GTONG BA LA RTZA BA'I LTUNG BA GCIG BYUNG BAS GTONG YANG LEN PA NA GCIG BLANGS PAS KUN BLANGS PAR NI MI 'GYUR TE, SDOM PA NI THAMS CAD BSDAMS PA YIN PA'I PHYIR RO, ,DE BZHIN DU PHYOGS GCIG BTANG BAS GZHAN DAG GTONG BAR MI RIGS ZHES PA LA NI STON PA NYID KYIS DPER NA SHING TA LA'I MGO BCAD NA SNGON POR 'GYUR DU MI RUNG LA ZHES PA LA SOGS PAS LAN BTAB PA YIN TE SHING TA LA'I MGO BCAD NA THAMS CAD SKAM PA BZHIN NO, ,DE DAG SRID PA TZAM GYIS GZHAN LA'ANG THAL DAR MI 'GYUR TE, KHYAB PA KHAS MI LEN PA'I PHYIR RO, ,LUNG DANG 'GAL BA'ANG YOD DE, LUNG RAB TU BYUNG BA'I GZHI LAS, DGE SLONG GIS DE BYAS NA BYAS MA THAG TU DGE SLONG DU MI RUNG BAR 'GYUR, DGE SBYONG DU MI RUNG SHA'KYA'I SRAS KYIR MI RUNG, DGE SLONG GI DNGOS PO LAS NYAMS PAR 'GYUR TE, DE'I DGE SBYONG GI TSUL ZHIG PAR 'GYUR ZHING NYAMS PA BCOM PA LTUNG BA PHAM PAR 'GYUR BA STE, DE'I DGE SBYONG GI TSUL PHYIR BLANG DU MED PAR 'GYUR RO, ,'DI LTA STE DPER NA SHING TA LA'I MGO BCAD NA SNGON POR 'GYUR DU MI RUNG LA 'PHEL ZHING RGYAS PA DANG YANGS PAR 'GYUR DU MI RUNG BA BZHIN NO ZHES GSUNGS PA'I PHYIR RO, ,GAL TE DON DAM PA'I DGE SLONG LA DGONGS TE GSUNGS PA YIN NO ZHE NA MA YIN TE, 'DI NI NGES PA'I DON GZHAN DU DRANGS PAS BKA' LA THUGS THUB CHER BYAS SHING, NYON MONGS PA MANG PO CAN RNAMS LA 'CHAL BA'I TSUL KHRIMS KYIS RKYEN BYED PA'I PHYIR RO, ,JI LTAR NGES DON YIN ZHE NA, LUNG RNAM 'BYED LAS, DGE SLONG NI RNAM PA BZHI STE, MING GI DGE SLONG DANG, KHAS 'CHE BA'I DGE SLONG DANG, SLONG BAS NA DGE SLONG DANG, NYON MONGS PA BCOM PAS NA DGE SLONG NGO, ,DON 'DI LA NI GSOL BA DANG BZHI'I LAS KYIS BSNYEN PAR RDZOGS PA'I DGE SLONG YIN NO ZHES PA DANG, LUNG RAB TU BYUNG BA'I GZHI LAS KYANG, BZHI PO 'DI DAG NI BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MKHYEN CING GZIGS PA DES DE LTAR RAB TU BYUNG BA DANG BSNYEN PAR RDZOGS PA'I DGE SLONG GI LTUNG BAR 'GYUR BA'I CHOS SU GSUNGS TE ZHES GSUNGS PA'I PHYIR RO, , GZHAN YANG LUNG LAS TSUL KHRIMS 'CHAL PA NI DGE 'DUN GYI ZHAL ZAS DANG GTZUG LAG KHANG DAG LA KHAM @379 GCIG DANG GOM PA GCIG 'DOR BA TZAM YANG MA GNANG PAR LONGS SPYOD THAMS CAD LAS BKAR TE, DE'I DBANG DU MDZAD NAS MDO LAS, DGE SLONG MIN LA DGE SLONG DU, ,SMRA BA SRE DA BSAL BAR GYIS,, SHING RUL DAG NI SPANG BAR GYIS, ,SNYING PO MED PA DOR BAR GYIS ZHES BYA BA LA SOGS PA GSUNGS PA'I PHYIR RO,, RIGS PA DANG 'GAL BA'ANG YOD DE, GAL TE SROG GCOD BYAS PAS SDOM PA MA LUS PA MI GTONG NA SDOM PA YAN LAG THAMS CAD BSDAMS PA MA YIN PAR 'GYUR BA'I PHYIR RO, ,GAL TE YAN LAG THAMS CAD BSDAMS PA YIN NA'ANG SROG BCAD PA LA SOGS PAS JI LTAR MI GTONG BAR 'GYUR, GAL TE PHYOGS GCIG BSRUNGS PAS SDOM PAR 'GYUR NA NI LEN PA NA'ANG DE LTAR THAL BAR 'GYUR RO, ,GAL TE SDOM PA DANG 'GAL BAR SPYAD PS SDOM PA MI GTONG NA BSLAB PA PHUL BA LA SOGS PAS KYANG MI GTONG BAR THAL BA'I PHYIR RO, ,'GA' ZHIG GIS SROG BCAD KYANG 'GA' ZHIG LA LTOS PA'I SROG GCOD PA SPONG BA YOD DO ZHES BYA BA NI SHIN TU'ANNG BLUN PA YIN TE, GANG GI TSE SNGAR SDOM PA BLANGS NAS BSLAB PA PHUL BA LA SOGS PA MED PAR SDOM MIN LA ZHUGS PA DE'I TSE NA'ANG SDOM PA YOD PAR 'GYUR TE, SEMS CAN THAMS CAD GSOD PA DANG NOR THAMS CAD MA BYIN PAR LEN PA DANG GZHAN GYI BUD MED THAMS CAD LA SPYOD PA DANG SEMMS CAN THAMS CAD LA RDZUN SMRA BA NI SUS KYANG MI NUS PA'I PHYIR RO, ,GZHAN YANG SROG GCOD PA LA SOGS PA BYED BZHIN DU SDOM PAR 'GYUR NA GANG SDOM PA'I PHYIR SDOM PA YIN PA DE SOMS SHIG ,MA BYIN LEN LA SOGS PA SDOM PA YIN NO ZHE NA, DES NI BAR MA'I DGE BAR 'GYUR GYI SDOM PA NI NGES PA LNGA DANG BRAL BA YIN PA'I PHYIR RO, ,DE NI LEN PA NA YIN NO ZHE NA, SRUNG BA NA'ANG SHIN TU YIN TE, KHYAD PAR MED PA'I PHYIR RO,, DE'I PHYIR RTZA LTUNG BYUNG BAS SDOM PA MI GTONG BAR 'DOD PA 'DI NI DGE SBYONG GI TSUL KHRIMS BSLU BA'I PHYIR BDUD KYIS BYAS PA YIN PAR SHES SO, ,BSAM GTAN DANG ZAG MED KYI SDOM PA GTONG BA'I RGYU NI BSAM GTAN DU GTOGS PA'I DGE BA (GZUGS CAN YIN PA,) THAMS CAD NI 'OG SA NS GONG SAR SKYES PA DANG GONG SA NS 'OG SAR SKYES PA NA RIM PA LTAR 'OG SA DANG GONG SAS BSDUS PA GTONG BAS NA SA 'PHOS PA DANG, SNYOMS PAR 'JUG PA DE THOB NAS YANG NYAMS PA DAG GIS KYANG GTONG BA'I PHYIR RGYU GNYIS KYIS GTONG NGO, ,DNGOS GZHI MA THOB PA'I NYER BSDOGS TZAM (DA DE LA BRTEN PA'I SBYOR LAM LA SOGS PA,) NI SHI BAS KYANG GTONG STE, 'GREL PA LAS, RIS MTHUN PA BTANG BA LAS KYANG CUNG ZAD @380 GTONG BAR 'GYUR RO ZHES GSUNGS PA'I PHYIR DANG, 'OG NAS KYANG 'PHAGS MIN SHI PAS SO ZHES 'CHAD PAR 'GYUR BA'I PHYIR RO, ,(BSAM GTAN DNGOS GZHI LA BRTEN NAS SKYES PA'I SBYOR LAM NA SHA 'PHOS PAS MI GTONG STE, TSE DE LA BDEN PA MTHONG BA'I PHYIR RO, ,DNGOS GZHI DAG PA'I CHA MTHUN NI SA DE LA 'DOD CHAGS DANG BRAL BAS KYANG GTONG STE, NYON MONGS PA BZHIN DU SPANGS PA'I PHYIR ZHES 'CHAD DO,,) JI LTAR GZUGS SU GTOGS PA'I DGE BA SA 'PHOS PA DANG YONGS SU NYAMS PAS GTONG BA DE BZHIN DU GZUGS MED DU GTOGS PA'I DGE BA'ANG SA 'PHOS PA DANG NYAMS PA DAG GIS GTONG NGO, ,'PHAGS PA'I (DGE BA SOGS,) DGE BA ZAG MED NI RGYU GSUM GYIS GTONG STE, 'BRAS BU PHYI MA THOB PAS (ZHUGS PA DANG,) SNGA MA DANG DBANG PO RTUL PO SBYANGS PAS RNON PO THOB PA NA RTUL PO'I SEMS KYIS BSDUS PA DANG DE DAG LAS 'BRAS BU PHYI MA GSUM LAS NYAMS PA LAS KYANG GTONG NGO,, SDOM MIN GYI GTONG TSUL NI SDOM MIN RNAMS NI RGYU GSUM GYIS GTONG STE, SDOM PA (DANG PO GNYIS LAS,) GANG YANG RUNG BA THOB PA DANG SHI 'PHOS PA DANG, MTSAN GNYIS BYUNG BA LAS GTONG BAR 'GYUR TE, GNYEN BO STOBS LDAN THOB PA'I PHYIR DANG, RTEN BOR BA DANG SHUGS CHAD PA'I PHYIR DANG, RTEN NYAMS PA'I PHYIR GO RIM DU SBYAR RO, ,(DE YANG DGE SLONG GI SDOM PA THOB NA LAS LAM BDUN PO DANG, LHAG MA DGE TSUL SOGS THOB NA PHAM PAR 'GYUR BA BZHI PO GTONG LA PHRA MA SOGS GSUM BAR MAR 'GYUR ZHES ZER RO, ,ZAG MED THOB NA GTONG ZHES MI BRJOD PA NI, DE'I SNGON DU BSAM GTAN SKYE DGOS LA, DES SDOM MIN DE'I GONG DU GTONG BAS SO, ,MTSON DANG RGYA LA SOGS PA MI BYA BA'I BSAM PA THAG PAS BOR KYANG SDOM PA MA BLANGS PAR SDOM MIN MI CHAD DE, SMAN MED PAR NAD RNYING MI BZLOG PA BZHIN NO, ,) GAL TE SDOM MIN DANG LDAN PA BSNYEN GNAS BLANGS TE BSRUNGS PA'I TSE SDOM MIN GTONG BA DE LTA NA'ANG BSNYEN GNAS NI MTSAN MO 'DAS PA NA GTONG BA'I PHYIR DE BTANG BA NA SDOM MIN DANG LDAN NAM, 'ON TE MA YIN NAM ZHE NA, KHA CIG NA RE LCAGS KYI THO LUM 'BAR BA ME DANG BRAL BA NA SNGON POR 'GYUR BA LTAR GTAN DU GTONG BA'I BSAM PA DANG MI LDAN PA'I PHYIR SDOM MIN DANG LDAN PAR 'GYUR RO ZHES ZER RO,, KHA CIG NA RE GSOD PA LA SOGS PA'I SBYOR BA MI BYED PA DE SRID DU SDOM PA DANG YANG MI LDAN LA SDOM MIN DANG YANG MI LDAN GYI PHYIS MI DGE BA'I SBYAR BA BYED PA NAS SDOM MIN DANG LDAN PAR 'GYUR TE, SDOM @381 MIN THOB PA NI RIG BYED LA RAG LAS PA'I PHYIR RO, ,ZHES ZER RO,, BAR MA'I GTONG TSUL NI BAR MA DGE MI DGE'I RIG BYED MA YIN PA NI RDZA MKHAN GYI 'KHOR LO'AM MDA'I 'PHEN PA'I SHUGS LTAR RAB TU DANG BA DANG NYON MONGS PA'I SHUGS (DRAG PO) GANG GIS RIG BYED MA YIN PA DE 'PHANGS PA NA 'PHANGS PA'I SHUGS DE CHAD PAS GTONG BA'ANG YOD DE, RDZAS LAS BYUNG BA MA YIN PA'I GZHI BDUN LTA BU RAB TU DANG BA LOG PA NA GTONG BA DANG, ZHE SDANG GI SHUGS CHAD NAS MTHUN PAR GYUR PA NA BAR MA MI DGE BA GTONG BA LTA BU BZHIN NO, ,BLANGS PA CHAD PAS KYANG GTONG STE LO GSUM DU SROG GCOD PA SPONG NGO ZHES KHAS BLANGS PA DANG, DE'I BAR DU LO RE LA SROG GCOD MCHOD SBYIN BYA'O, ,ZHES KHAS BLANGS PA NA LO GSUM 'DAS PA NA DE DAG GTONG BA LTA BU'AM YANG NA YANG DAG PAR BLANGS PA 'DIS CHOG GIS DA PHYIN CHAD BSGRUB PAR MI NUS SO, ,ZHES SNGAR BLANGS PA BTANG BAS KYANG GTONG NGO,, BYA BA CHAD PAS KYANG GTONG STE, LO RE LA DGE 'DUN LA BSNYEN BKUR BYA BAR KHAS BLANGS NAS BYED PA NA NAM ZHIG NA DE MA GRUB NA GTONG BA LTA BU'O, ,DON CHAD PAS GTONG BA'ANG YOD DE, GTZUG LAG KHANG LA SOGS PA ZHIG PA DANG, RGYA DANG RDOS LA SOGS PA ZHIG PA NA BAR MA DGE MI DGE'I RIG BYED MA YIN PA GTONG BA LTA BU'O, ,TSE CHAD PA DANG DGE BA'I RTZA BA CHAD PA LAS (KYANG,) GTONG BA NI SHI 'PHOS PA NA BAR MA DGE MI DGE'I RIG BYED MA YIN PA GNYIS KA GTONG LA, LOG LTA SKYES TE DGE RTZA GCOD PAR RTZOM PA NA BAR MA DGE BA'I RIG BYED MA YIN PA GTONG BA LTA BU'I PHYIR RO,, GZUGS CAN MA YIN PA'I GTONG TSUL NI 'DOD PA'I KHAMS SU GTOGS PA'I DGE BA GZUGS CAN MIN PA SEMS DANG SEMS BYUNG DGE BA THOB PA DANG MTSAN NYID DANG BCAS PA DAG NI DGE RTZA CHAD PA DANG, 'DOD PA'I GONG MA GZUGS DANG GZUGS MED DU SKYES PA LAS GTONG BAR 'GYUR RO, ,(DE DAG DANG GZHAN YANG 'DOD CHAGS DANG BRAL BAS KYANG CUNG ZAD GTONG BA YOD DE DPER NA YID MI BDE'I DBANG PO DGE BA LTA BU'O ZHES t'IKA LAS 'CHAD DO, ,GANG BTANG BA DE SPANGS PA YIN NAM ZHE NA, DGE BA ZAG BCAS NI 'DUN PA'I 'DOD CHAGS DANG BRAL BAS SPONG BAS MU BZHI YOD DO,) KHAMS GONG MA GNYIS KYI DGE BA'I GTONG RGYU NI KHYAD PAR MED PAR BSHAD ZIN TO, ,KHAMS GSUM CHAR GYI NYON MONGS PA CAN GZUGS CAN MIN PA SEMS SEMS BYUNG MI DGE BA DANG BSGRIBS PA MTSAN NYID DANG THOB PA DANG BCAS PA DAG NI RANG RANG GI 'JIG RTEN DANG 'JIG RTEN LAS 'DAS PA'I GNYEN PO SKYES PAS RNAM PAR NYAMS PAR @382 'GYUR GYI GZHAN GYIS NI MA YIN NO, ,DE'I PHYIR SO SO'I SKYE BOS SRID RTZE'I NYON MONGS SPANGS PA MI SRID DE, 'JIG RTEN PA'I LAM GYI GNYEN PO NI DE'I GONG NA GZHAN MED LA 'JIG RTEN LAS 'DAS PA'I LAM NI MA SKYES PA'I PHYIR RO, ,SA GZHAN GYI NYON MONGS PA SPANGS PA NI YOD DE, DE DAG LA 'JIG RTEN PA'I LAM GYI GNYEN PO YOD PA'I PHYIR RO ZHES BYA BA 'DI YIN NO,, RTEN GYI KHYAD PAR BSHAD PA LA ZA MA NI DBANG PO GANG YANG MED PA'O, ,MA NING NI DBANG PO YOD KYANG NYAMS PA'O, ,MTSAN GNYIS PA NI PHO MO'I DBANG PO GNYIS KA CIG CAR BYUNG BA'O, ,DE DAG DANG BYANG GI SGRA MI SNYAN PA MA GTOGS PA'I MI RNAMS LA SDOM MIN YOD DE, 'DI LTAR ZA MA LA SOGS PA LA NI SDOM MIN MED DE, SDIG PA BYA BA'I BSAM PA MI BRTAN PA'I PHYIR DANG GNYEN PO YIN PA'I PHYIR GANG LA SDOM PA YOD PA DE LA SDOM MIN YANG YOD PA YIN NA DE LA GNYEN PO SDOM PA MI SKYE BA'I YANG PHYIR RO, ,RGYU MTSAN DE DAG DANG, GZHAN YANG GANG MED PAS SDOM MIN DU 'GYUR BA'I NGO TSA KHREL YOD SHAS CHEN PO MED PA NYID KYI PHYIR NGAN SONG PA RNAMS LA'ANG SDOM MIN MED (DE GNYEN PO'I RTEN DU MI RUNG BAS SDOM PA'ANG MED) DO, ,BYANG GI SGRA MI SNYAN PA LA NI SDIG PA BYA BA'I BSAM PA MED PA'I PHYIR DANG, (TING NGE 'DZIN MED PA'I PHYIR DANG,) DE DAG LA SDOM PA'ANG MED PA'I PHYIR DANG, LHA RNAMS LA NI LAS RGYU 'BRAS MNGON SUM DU GYUR PAS SDIG PA BYA BA'I BSAM PA BRTAN PO MED PA'I PHYIR RO,, 'DUL BA LAS NI, SKYES NAS DANG, ZLA BA PHYED PA DANG, 'KHYUD NAS LDANG BA DANG, PHRAG DOG CAN DANG, NYAMS PA'O ZHES PHO MA NING LNGA DANG, MTSAN GNYIS PA'O, ,GLE 'DAMS PA'O, , RTAG TU ZLA MTSAN ZAG PA'O, ,ZLA MTSAN MI ZAG PA'O, ,MTSAN MA TZAM YOD PA'O ZHES MO MA NING LNGA STE BCU BSHAD CING, (DANG PO LNGA'I MTSAN NYID NI,) KUN LAS BTUS LAS KYANG, SKYES NAS MA NING DU GYUR PA DANG, MA NING PHRAG DOG CAN DANG, MA NING ZLA BA PHYED PA DANG, RLUGS PA'I MA NING DANG, NYAMS PA'I MA NING NGO ZHES MA NING LNGA BSHAD DE, DE DAG GI DANG PO ZA MA YIN ZHING, MTSAN GNYIS PA NI DE NYID YIN LA, GZHAN DAG NI MA NING GI DBYE BAR SNANG NGO, ,RNAM PAR GTAN LA DBAB PA BSDU BA LAS YONGS MA NING DANG, PHYOGS GCIG PA'I MA NING DANG, NYAMS PA'I MA NING GSUM BSHAD PA'I DANG PO NI PHO MO'I DBANG PO DANG MI LDAN PAR BTZAS PA STE ZA MA DANG MA NING GNYIS KA YIN LA, GNYIS PA NI ZLA BA PHYED PHYED CING SKYES PA'I SPOBS PA SKYE BA DANG BDAG NYID LA PHA ROL KYIS SUN 'BYIN PA'AM, GZHAN 'DOD PA BSTEN PA MTHONG NA SKYES PA'I SPOBS PA SKYE BAR 'GYUR PA STE, DE NI MA NING KHO NA YIN @383 GYI ZA MA NI MA YIN NO,, GSUM PA NI MTSON CHA LA SOGS PAS BCAD PA'AM, NAD DANG DUG DANG ME DANG SNGAGS LA SOGS PAS CHAD NAS SKYES PA'I SPOBS PA MI 'BYUNG BA STE, DE NI GAL TE PHA ROL POS BDAG LA SUN 'BYIN PAR MI BYED NA NI ZA MA KHO NA YIN LA SUN 'BYIN PAR BYED NA NI GNYIS KA YIN NO ZHES BSHAD DO,, 'DUL BA TSIG LE'UR BYAS PA LAS, 'KHYUD CHAGS PHRAG DOG NAD DANG SKYES, ,ZLA PHYED CES BYA MA NING LNGA, ,'DI DAG RE RE'I MTSAN NYID NI, ,RTOGS PA'I DON DU BRJOD PAR BYA, ,GANG LA GZHAN GYIS MNAN PA NA, ,'KHRIG PHYIR SEMS LA 'DOD CHAGS NI, ,RNAM RGYAS DE NI BLO LDAN GYIS,, 'KHYUD LDANG MA NING SHES PAR BYA, ,GZHAN GYI MTSAN NI MTHONG BA LAS, ,RANG LA 'DOD SKYE PHRAG DOG GRAGS, ,MTSON NAD KYIS NI RTAGS NYAMS PA, ,DE NI NAD KYI MA NING BRJOD, ,GANG SKYES NYID NA MTSAN MA NI, ,GNYIS KA MED PA SKYES NAS YIN, ,ZLA PHYED BUD MED ZLA PHYED NI, ,SKYES 'GYUR ZLA PHYED MA NING BRJOD, ,'DIR NI SOGS GYI SGRA MED KYANG, ,ZLA SOGS MA NING GRUB PA YIN, ,GANG ZHIG GRONG GI CHOS DAG GI ,NUS MED DE NI ZA MA STE, ,GNYIS KA'I MTSAN NI DOD PA NI, ,MTSAN GNYIS PAR NI 'DOD PA YIN ZHES DANG PO NAS MTSAN GNYIS KA MED PA NI SKYES NAS MA NING DANG, 'KHRIG PA SPYOD MI NUS PA ZA MA YIN LA, ZLA BA PHYED PA DNGOS SU BSHAD PAS SHUGS LA ZLA BA GCIG PA LA SOGS PA'I MA NING YANG YOD PAR BSHAD DO, ,SDOM MIN GANG LA SKYE BA DE DAG LA GNYEN PO YIN PA'I PHYIR SDOM PA'ANG DE BZHIN DU SKYE LA 'ON KYANG (BSAM GTAN ZAG MED KYI) SDOM PA NI LHA LA'ANG SKYE'O ZHES BYA BA NI KHYAD PAR YIN NO, ,'O NA CI'I PHYIR ZA MA LA SOGS PA LA SDOM PA MED CE NA, LUNG DANG RIGS PA LAS TE, LUNG NI MING CHEN GYI MDO LAS, MING CHEN 'DI LTAR KHYIM PA GOS DKAR PO GYON PA SKYES PA PHO'I DBANG PO DANG LDAN PA ZHIG CES PA LA SOGS PA DANG, 'DUL BA RAB TU BYUNG BA'I GZHI LAS KYANG, ,RKU THABS GNAS DANG MA NING DANG ZHES PA DANG, KHYOD ZA MA MA YIN NAM (MA NING MA YIN NAM,) ZHES DRI ZHING GAL TE YIN ZHES ZER NA KHYOD MI SKYE BA'I CHOS CAN YIN GYI SONG ZHIG CES BRJOD PAR BYA'O ZHES ZA MA LA SOGS PA GSAL BAR GSUNGS PA'I PHYIR DANG, BSHES SPRING LAS KYANG GSO SBYONG 'DOD SPYOD LHA LUS YID 'ONG BA, ,SKYES PA BUD MED DAG LA GSOL BAR BGYI ZHES GSUNGS PA'I PHYIR RO, ,RIG PA NI RTEN PHO MO GNYIS KA'I NYON MONGS PA SHAS CHE BA'I PHYIR DANG, GNYEN PO SO SOR RTOG PA'I SHES RAB MI BZOD PA'I PHYIR DANG, RGYUD LA NGO TSA KHREL YOD SHAS CHEN PO MED PA'I PHYIR RO, ,DES NA 'DUL BA TSIG LE'UR BYAS PA LAS, ,MA @384 ,NING LA SOGS GNAS MI BYA, ,TSVA SGO'I ZHING LTAR DE DAG LA, TSUL KHRIMS SA BON SKYE BA MED, , CES 'BYUNG BAS ZA MA DANG MA NING DANG MTSAN GNYIS PA DANG NGAN SONG LA SOGS PA DE DAG NI ZHING TSVA SGO CAN LA 'BRAS BU DANG RTZVA GNYIS KA MTSAR GCIG MI SKYE BA LTAR RTEN ZHAN PAS SDOM PA DANG SDOM MIN GNYIS KA MI SKYE BAR SHES PAR BYA'O,, DE LTAR NA SDOM PA NI LHA DANG MI KHO NA LA YOD LA, SDOM MIN NI MI KHO NA LA YOD DO, ,RNAM PAR GTAN LA DBAB PA BSDU BA LAS NI ZA MA DANG MA NING DAG NYON MONGS PA MANG BA DANG NYON MONGS PA'I SGRIB PAS BSGRIBS PAS TSUL KHRIMS DAG PA DANG YON TAN KHYAD PAR CAN MI THOB PA'I PHYIR DANG, DGE SLONG GI PHYOGS SU BZHAG NA'ANG REG PA LA SOGS PA BUD MED KYI NYES PA BSTEN PAR 'GYUR LA, DGE SLONG MA'I PHYOGS SU BZHAG NA'ANG NOM PA DANG KUN TU NOM PA LA SOGS PA SKYES PA'I NYES PA BSTEN PAR 'GYUR BA'I PHYIR RAB TU 'BYIN PA DANG BSNYEN PAR RDZOGS PAR NI MI BYED DO, ,'ON KYANG DE DAG GSUM LA SKYABS SU SONG ZHING DGE BSNYEN GYI BSLAB PA'I GZHI DAG BLANGS NAS BSRUNG NA BSOD NAMS NI DGE BSNYEN DANG MTSUNGS PAR THOB LA, DGE BSNYEN ZHES BYA BA'I MING NI MI 'THOB STE, DGE SLONG PHA MA LA BSNYEN BKUR BYED PA'I NGANG TSUL CAN NI DGE BSNYEN ZHES BYA BA YIN LA, DE DAG NI PHO MO GNYIS KA'I NYES PA BSTEN PAS PHYOGS GNYIS LA BSNYEN BKUR BYED PA'I 'OS MA YIN PAS DE DAG GIS KYANG DGE SLONG PHAM LA KUN TU 'DRE PAS BSNYEN BKUR MI BYA ZHING, DGE SLONG PHA MAS KYANG DE DAG GI BSNYEN BKUR BDAG GIR MI BYA REG PA DANG YID BRTAN PAR MI BYA BA'I PHYIR RO ZHES BSHAD DO,, 'O NA MDO LAS, DGE SLONG DAG SGO NGA LAS SKYES PA'I KLU NI ZLA BA PHYED PHYED KYI TSES BRGYAD LA GNAS NAS BYUNG NAS YAN LAG BRGYAD DANG LDAN PA'I BSNYEN GNAS LA NYE BAR GNAS SO, ,ZHES DUD 'GRO LA SDOM PA SKYE BAR BSHAD PA DANG 'GAL LO ZHE NA, DE NI LEGS SPYAD TZAM LA SDOM PA'I MING GIS BTAGS PA YIN GYI SDOM PA NI MA YIN NO ZHES 'CHAD DO, ,MI DANG LHA LA SDOM PA THAMS CAD YOD DAM ZHE NA MI RNAMS LA NI SO SO THAR PA DANG BSAM GTAN DANG ZAG MED KYI SDOM PA GSUM GA YOD DO, ,'DOD PA'I LHA RNAMS DANG GZUGS SU SKYES PA'I LHA RNAMS LA NI BSAM GTAN LAS SKYES PA'I SDOM PA YOD KYI GZUGS MED NA NI MA YIN TE, RANG SA NA GZUGS MED PA'I PHYIR DANG, 'OG MAR THOB PA DAG KYANG SA 'PHOS PAS GTONG BA'I PHYIR RO, ,ZAG MED KYI SDOM PA NI BSAM GTAN KHYAD PAR CAN GYI SEMS CAN TSANGS PA CHEN PO DANG 'DU SHES MED PAR SKYES PA'I SEMS CAN MA GTOGS PA 'DOD PA DANG GZUGS SU SKYES PA'I LHA @385 RNAMS (LA GNAS GTZANG NA NGES PAR YOD PA DANG GZHAN LA YOD RUNG BA,) DANG GZUGS MED PA NA'ANG ('PHAGS PA LA 'DAS MA 'ONGS LDAN PA'I SGO NAS,) YOD DE, GZUGS MED RANG SA NA GZUGS MED KYANG GZUGS KHAMS SU ZAG MED KYI SDOM PA THOB PA GTONG RGYU MA BYUNG BAR GZUGS MED DU SKYES PA DAG LA THOB PA LDAN PA'I PHYIR RO, ,TSANGS PA CHEN PO DANG 'DU SHES MED PA'I SEMS CAN LA MI LDAN PA NI DANG PO NI PHYIN CI LOG GI LTA BA DANG LDAN PA'I PHYIR DANG, GNYIS PA NI MI KHOM PA'I GNAS YIN PA'I PHYIR RO,, SLOB DPON GANG SPEL GYIS KYANG, SO SO THAR PA NI MI KHO NA LA YOD KYI LHA LA NI MED DE, MDO LAS, LHA RNAMS NI MI DAG GIS GNAS GSUM GYIS ZIL GYIS GNON TE, DPA' BA DANG, DRAN PA DANG LDAN PA DANG, 'DIR TSANGS PAR SPYOD PA LA GNAS PA'O ZHES GSUNGS TE, 'DIR TSANGS PAR SPYOD PA NI RAB TU BYUNG BA DANG BSNYEN PAR RDZOGS PA DGE SLONG GI DNGOS POR 'GYUR RO ZHES BYA BA'I THA TSIG GO ,SKYO BA MED PAS 'DOD PA'I LHA SHES RAB CAN RNAMS LA'ANG MED NA GONG DU SKYES PA RNAMS LA LTA SMOS KYANG CI DGOS 'ON KYANG GONG MA RNAMS LA BSAM GTAN DANG ZAG MED KYI SDOM PA NI CI RIGS PAR RGYU DANG LAS DANG CHOS NYID KYI STOBS KYIS SKYE'O, ,BSAM GTAN KHYAD PAR CAN DANG 'DU SHES MED PA'I SEMS CAN LA NI ZAG MED MED DE, 'PHAGS PA RNAMS DE GNYIS SU MI SKYE BA'I PHYIR RO, ,GZUGS MED NA ZAG MED NI ZAG MED KYI SDOM PA LDAN PAS YOD KYI MNGON GYUR NI MED DE, DE NI GZUGS MED BA'I PHYIR RO ZHES BSHAD DO, ,THEG PA GONG MA PA DAG LAS KYI DBANG GIS SKYES PA'I TSANGS PA CHEN PO LA ZAG MED MED KYANG BYANG CHUB SEMS DPA' NI SMON LAM GYI DBANG GIS TSANGS PA CHEN POR YANG SKYE BAS DE LA NI ZAG MED YOD DO ZHES BZHED MOD KYI BYE BRAG TU SMRA BA NI DER SKYES PA'I BYANG CHUB SEMS DPA' 'PHAGS PAR MI 'DOD PAS DE LA ZAG MED YOD PAR MI 'DOD DO,, (GNYIS) MDO LAS GSUNGS PA'I LAS RGYAS PAR BSHAD PA, DA NI MDO LAS GSUNGS PA'I LAS KYI DBYE BA NI GSUM TSAN GSUM PA'I MDO LAS YON SKYON SNYIGS MA SNYIGS MA CAN, ,NYES PAR SPYAD PA RNAM GSUM DANG, ,GTZANG THUB LUS BSOD BSOD MIN DANG, , 'DAS SOGS BDE GSHEGS GSAL BAR MDZAD, ,GNAS GSUM GYIS NI BSDUS PA DANG, ,CHED DU BSAM BRJOD GSUM DAG DANG, ,LAS RNAMS GSUM DANG 'DAS DANG DGE ,SLOB DANG MTHONG DANG @386 'DOD DANG GZUGS, ,MTHONG BA'I CHOS LA BDE BA DANG, ,YID BDE BA DANG SDUG BSNGAL DANG, , LOG LTA SPANG BYA CHUNG NGU DANG, ,SER SNA DANG NI SER SNA MED, ,BRNAB SEMS BRNAB SEMS MED PA DAG ,TSOMS SU YANG DAG BSDEBS PA YIN, ,ZHES GSUNGS PA RNAMS KYI DON STON PA YIN PAS DE LA LAS SUM CHEN DU DBYE BA DANG, MYONG 'GYUR GYI DBYE BA DANG, DKAR NAG LA SOGS PA BZHIR DBYE BA DANG, THUB PA DANG GTZANG BYED KYI DBYE BA DANG, LEGS SPYAD NYES SPYAD KYI DBYE BA DANG, DGE BCU MI DGE BCUR DBYE BA DANG, LAS 'BRAS BU DANG BCAS PAR DBYE BA DANG, RIGS PA DANG RIGS PA MA YIN PAS BSKYED PA'I DBYE BA DANG 'PHEN BYED DANG RDZOGS BYED KYI DBYE BA DANG, SGRIB PA GSUM BSHAD PA DANG, MTSAMS MED LNGA BSHAD PA DANG, DE DANG NYE BA LNGA BSHAD PA DANG, BSOD NAMS BYA BA'I GZHI GSUM BSHAD PA DANG, CHA MTHUN GSUM BSHAD PA DANG, RIG PAS RAB TU BCUG PA'I LAS GSUM BSHAD PA BCO LNGA YOD PA LAS, 1. LAS SUM TSAN DU DBYE BA, DANG PO NI GSUM TSAN GSUM PA'I MDO LAS LAS DGE MI DGE LUNG MA BSTAN GSUM GSUNGS PA LAS DUS RE ZHIG LAS KYI RNAM SMIN YID DU 'ONG BA BDE BA MYONG BA DANG GTAN DU SDUG BSNGAL LAS SKYOB PA MYANG 'DAS THOB BYED NI DGE BA DANG, RNAM SMIN YID DU MI 'ONG BA MI BDE BA MYONG BA NI MI DGE BA DANG, YID DU 'ONG MI 'ONG SKYED PA DE GNYIS LAS GZHAN PA'I LAS NI DGE MI DGE LAS GZHAN PA LUNG MA BSTAN YIN NO, ,'O NA BSAM GTAN BZHI PA DANG GZUGS MED PA'I DGE BA'ANG LUNG MA BSTAN DU 'GYUR TE, BDE MI BDE GNYIS KA MI MYONG BA'I LAS YIN PA'I PHYIR RO ZHE NA, MA YIN TE, SA DE DAG GI DGE BA NI NYE BAR ZHI BA'I BDE BA MYONG BA'I LAS YIN PA'I PHYIR RAM, YANG NA BDE BA MYONG 'GYUR DGE BA YIN NO ZHES BYA BA NI PHAL CHE BA'I DBANG DU BYAS SO ZHES SHES PAR BYA'O, ,YANG DE BZHIN DU MDO LAS BSOD NAMS DANG BSOD NAMS MIN PA DANG MI G-YO BA'I LAS GSUM DANG, BDE BA MYONG BAR 'GYUR BA DANG SOGS PA'I SGRAS GZUNG BA SDUG BSNGAL MYONG BAR 'GYUR BA DANG GNYIS KA MA YIN PA MYONG BAR 'GYUR BA GSUM YANG GSUNGS SO,, DE LA RE ZHIG BSOD NAMS NI 'DOD PA'I KHAMS SU GTOGS PA'I DGE BA'I LAS YIN LA, MI G-YO BA'I LAS NI 'DOD PA'I GONG MA GZUGS DANG GZUGS MED LAS SKYES PA'I DGE BA YIN NO, ,'O NA MDO @387 LAS, 'DI LA RNAM PAR BRTAGS PA DANG RNAM PAR DPYAD PA GANG YIN PA 'DI NI 'DIR 'PHAGS PA RNAMS KYIS G-YO BA'O ZHES GSUNGS SO ZHES BSAM GTAN DANG PO GSUM G-YO BAR GSUNGS PA DANG 'GAL LO ZHE NA, DER NI BSAM GTAN GYI SKYON GYIS G-YO BAR BSHAD DE, DANG PO LA NI RTOG DPYOD DAG GIS G-YO BA YIN ZHING, GNYIS PA LA NI YID DGA' BA DANG MA BRAL BAS G-YO BA YIN LA, GSUM PA NI BDE BA LA BDE'O SNYAM PA 'PHAGS PA RNAMS KYIS G-YO BAR BSHAD PA'I PHYIR DANG, BZHI PA NI DE DAG GIS G-YO BA MED PAR BSHAD PA'I PHYIR RO, ,'DIR NI RNAM PAR SMIN PA MI G-YO BA'I PHYIR BSAM GTAN DANG PO LA SOGS PA'ANG MI G-YO BAR BSHAD DO, ,JI LTAR MI G-YO ZHE NA, GANG GI PHYIR BSAM GTAN DANG GZUGS MED PA'I LAS DGE BA NI RNAM PAR SMIN PA RANG RANG GI SA DE DAG TU LAS KYI 'BRAS BU RNAM PAR SMIN PA'I PHYIR DANG SA GZHAN DU RNAM PAR SMIN PA MI G-YO BA'I PHYIR TE, (GZHAN YANG LUS DANG LONGS SPYOD DU 'GYUR BA'I LAS LHA'I NANG DU SMIN PAR 'GYUR BA NI RES 'GA' LAS DANG NYON MONGS DANG SMON LAM LA SOGS PA'I MTHUS MI DANG DUD 'GRO DANG YI DVAGS RNAMS SU SMIN PAR 'GYUR BA YOD DE,) 'DI LTAR 'DOD PA NA SPYOD PA'I LAS DGE BA NI 'GRO BA GZHAN GYI LAS DGE BA'ANG 'GRO BA GZHAN DU RNAM PAR SMIN PA'I PHYIR TE, MDO LAS 'DI LTA STE, 'DI NA LA LA SBYIN PA PO YIN ZHING SBYIN BDAG YIN LA DE SHIN TU SROG GCOD PA YIN ZHES BYA BA NAS DE GLANG PO CHER GYUR NA GLANG PO CHE'I RGYAN RNAM PA SNA TSOGS PA DAG 'THOB PAR 'GYUR RO ZHES BYA BA'I BAR DU GSUNGS PA'I PHYIR DANG, DE BZHIN DU YANG 'DI LTA STE, 'DI NA LA LA SBYIN PA LAS BYUNG BA'I BSOD NAMS BYA BA'I DNGOS PO DANG TSUL KHRIMS LAS BYUNG BA DANG BSGOMS PA LAS BYUNG BA CHUNG NGU KUN TU BSTEN CING BSGOMS PA DANG LAN MANG DU BYAS PA YIN LA, DE 'DI SNYAM DU BDAG LHA BZANG PO RNAMS SAM MI BZANG PO RNAMS DANG SKAL PA MNYAM PAR SKYE BAR GYUR NA CI MA RUNG SNYAM DU SEMS NA ZHES PA NAS DE NI DER SKYE'O ZHES BYA BA'I BAR DU GSUNGS PA'I PHYIR RKYEN GYI STOBS KYIS LHA YANG LHA'I RIS GZHAN DANG, LHA'I NANG DU MYONG BAR 'GYUR BA DE MI DANG DUD 'GRO DANG YI DVAGS KYI NANG DU RNAM PAR SMIN PAR 'GYUR BA'I PHYIR RO, ,BSAM GTAN DANG PO LA SOGS PA NI SA DE PA'I DGE BA SA DE DAG KHO NAR SMIN PA'I PHYIR RNAM PAR SMIN PA MI G-YO BA YIN NO, ,BSOD NAMS MA YIN PA'I LAS NI MI DGE BA YIN PAR GRAGS PA'I PHYIR MA BSHAD DO, ,'DOD PA NAS BSAM GTAN GSUM PA'I BAR GYI DGE BA NI BDE BA MYONG BAR 'GYUR BA'I LAS ZHES BYA STE, SA DE DAG NA TSOR BA BDE BA YID PA'I PHYIR DANG, DE YANG DGE BA KHO NA LAS SKYES PA'I PHYIR RO, ,BSAM GTAN GSUM PA DE YAN CHAD @388 BSAM GTAN BZHI PA DANG GZUGS MED PA DAG GI DGE BA NI SDUG BSNGAL YANG MIN BDE BA'ANG MIN PA BTANG SNYOMS MYONG BAR 'GYUR BA'I LAS TE, SA DE DAG NA TSOR BA DE DAG MED PA'I PHYIR DANG, BTANG SNYOMS YOD PA'I PHYIR RO,, SDUG BSNGAL MYONG BAR 'GYUR BA'I LAS NI 'DOD PA'I KHAMS 'DI'I MI DGE BA YIN NO, ,'DI DAG KYANG TSOR BA 'BA' ZHIG PA NI MA YIN TE, DBANG PO DANG YUL DANG RNAM PAR SHES PA'I TSOGS DANG BCAS PA'O, ,'DI'I ZHES SMOS PA NI 'DOD KHAMS KHO NA NA MI DGE BA YOD PAR BSTAN PA'I PHYIR RO, ,MI DGE BA SMOS PA NI DGE BA DANG LUNG MA BSTAN BSAL BA'I PHYIR RO, ,BSAM GTAN BZHI PA'I 'OG MA GSUM PA LA SOGS PA RNAMS NA'ANG BAR MA BTANG SNYOMS MYONG BAR 'GYUR BA'I LAS YOD DO ZHES SNGON GYI SLOB DPON KHA CIG ZER TE, CI'I PHYIR ZHE NA, GANG GI PHYIR TE 'DI LTAR BSAM GTAN DANG PO'I DNGOS GZHI KHYAD PAR CAN NI TSOR BA BTANG SNYOMS KYI SA PA YIN PA'I PHYIR DANG, DE YANG DGE BA'I LAS KYI RNAM SMIN YIN PA'I GTAN TSIGS LAS SHES PA'I PHYIR RO, ,'DI LA'ANG RGYU NI SNYOMS 'JUG KHYAD PAR CAN GYI TING NGE 'DZIN DANG, 'BRAS BU NI SKYE BA'I BSAM GTAN KHYAD PAR CAN YIN NO ZHES BYA BAR MNGON NO, ,DE LTA MA YIN NA (DE NA BDE SDUG KYANG MED PAS DE'I RGYU,) SNYOMS 'JUG ZAG BCAS KYI BSAM GTAN KHYAD PAR CAN LA RNAM PAR SMIN PA MED PA'AM (DANG PO'I DNGOS GZHI NI DMAN ZHING SA THA DAD PA'I PHYIR,) SKYE BA'I BSAM GTAN KHYAD PAR CAN DU LAS GANG GIS KYANG RNAM PAR SMIN PAR MI 'GYUR BAR THAL BA'I PHYIR RO, ,SNGON GYI SLOB DPON KHA CIG GI BSAM GTAN KHYAD PAR CAN GYI RNAM SMIN NI BSAM GTAN DANG PO'I MIG GI RNAM SHES LA SOGS PA GSUM GYI 'KHOR DU BYUNG BA'I BDE BA'I DBANG PO YIN NO, ,ZHES ZER RO,, KHA CIG NI SA DE NA RNAM SMIN GYI TSOR BA NI MED KYI 'ON KYANG TSOR BA BTANG SNYOMS PA GANG JI SNYED PA DE NI RGYU MTHUN LAS BYUNG BA YIN NO ZHES ZER RO, ,DE GNYIS KA'ANG BSTAN BCOS DANG 'GAL TE, RAB TU BYED PA LAS, LAS KYI RNAM PAR SMIN PA SEMS KYI TSOR BA KHO NA RNAM PAR SMIN PAR 'GYUR BA YOD DAM ZHE NA YOD DE, RTOG PA MED PA'I LAS DGE BA YIN NO ZHES 'BYUNG STE, RTOG PA MED PA'I LAS DGE BA NI BSAM GTAN KHYAD PAR CAN YAN CHAD NA YOD DE DANG PO'I DNGOS GZHI MAN CHAD RTOG PA DANG BCAS PA'I PHYIR DANG, DANG PO'I DNGOS GZHI KHYAD PAR CAN YAN CHAD NA RTOG PA MED PA'I PHYIR RO, ,DE'I PHYIR LUNG 'DI LAS NI BSAM GTAN KHYAD PAR CAN GYI LAS LA RNAM SMIN YOD CING DE YANG SEMS KYI TSOR BA YIN PAR BSTAN PA'I PHYIR SA DE NA BTANG SNYOMS MYONG BAR 'GYUR BA'I LAS YOD PAR SHES SO, ,YANG BSTAN BCOS @389 LAS SNGA PHYI MED PAR LAS GSUM GYI RNAM PAR SMIN PA SMIN PAR 'DOD PA'I PHYIR YANG 'OG 'DOD PA NA'ANG BTANG SNYOMS MYONG BAR 'GYUR BA'I LAS YOD PAR SHES TE, BSTAN BCOS YE SHES LA 'JUG PA LAS, 'DI LTAR LAS GSUM PO RNAMS KYI RNAM PAR SMIN PA SNGA PHYI MED PAR RNAM PAR SMIN PAR 'GYUR BA YOD DAM ZHE NA, YOD DO, ,BDE BA MYONG BAR 'GYUR BA NI GZUGS SO, ,SDUG BSNGAL MYONG BAR 'GYUR BA NI SEMS DANG SEMS LAS BYUNG BA'I CHOS RNAMS SO, ,BDE BA YANG MA YIN SDUG BSNGAL YANG MA YIN PA MYONG BAR 'GYUR BA NI SEMS DANG LDAN PA MA YIN PA'I 'DU BYED RNAMS SO ZHES 'BYUNG BA'I PHYIR TE, SA GZHAN NA SDUG BSNGAL MYONG BAR 'GYUR BA'I LAS MED PA'I PHYIR RO,, LUNG GI DON YANG BDE BA MYONG BAR 'GYUR BA NI GZUGS SO ZHES BYA BA NI MTHO RIS KYI MIG LA SOGS PA'O, ,SDUG BSNGAL MYONG BAR 'GYUR BA NI SEMS DANG SEMS LAS BYUNG BA'I CHOS RNAMS SO ZHES BYA BA NI RNAM SHES TSOGS LNGA'I SDUG BSNGAL GYI DBANG PO STE, YID MI BDE BA NI RNAM PAR SMIN PA MA YIN PA'I PHYIR RO, ,BDE BA YANG MA YIN SDUG BSNGAL BA YANG MA YIN PA MYONG BAR 'GYUR BA NI SEMS DANG LDAN PA MA YIN PA'I 'DU BYED RNAMS SO ZHES BYA BA NI SROG GI DBANG PO LA SOGS PA'O, ,'DI YANG DGE BA STOBS CHUNG BA'I DBANG DU BYAS PA YIN TE, STOBS CHEN SEMS DANG SEMS LAS BYUNG BA'ANG BDE BA MYONG BAR 'GYUR BA'I PHYIR DANG, MI DGE BAS BDE BA MYONG BAR 'GYUR BA MI SRID PA'I PHYIR DANG, LUNG MA BSTAN LA RNAM SMIN MED PA'I PHYIR RO, ,DES NA 'OG NA BTANG SNYOMS MYONG 'GYUR GYI LAS YOD DE, 'DOD PA LAS GZHAN NA LAS GSUM GYI RNAM SMIN SNGA PHYI MED PAR DUS CIG CAR SMIN PA MED PA'I PHYIR RO, ,'O NA BSAM GTAN GSUM PA'I BAR DGE BA, BDE BA MYONG 'GYUR ZHES BYA BA DANG, RNAM PAR SMIN PA YID DU 'ONG BA NI DGE BA YIN NO ZHES BSHAD PA DANG 'GAL BAR 'GYUR TE, BTANG SNYOMS MYONG 'GYUR GYI DGE BA'ANG YOD PA'I PHYIR RO ZHE NA, BSTAN PA DE DAG NI PHAL CHE BA'I DBANG DU BYAS PA YIN GYI CUNG ZAD YOD DO ZHES BYA BA NI GRUB PA'I MTHA'O, ,GAL TE LAS DE DAG TSOR BA'I NGO BO MA YIN NA BDE BA MYONG BAR 'GYUR BA LA SOGS PAR JI LTAR 'GYUR ZHE NA, BDE BA'I TSOR BA MYONG BAR BYED PA'I LAS YIN PA'I PHYIR 'BRAS BU'I MING GIS BTAGS NAS BDE BA MYONG 'GYUR GYI LAS ZHES BYA BA STE 'KHRU BAR BYED PA'I 'DAG CHAL LA 'KHRU BA'I 'DAG CHAL ZHES BRJOD PA BZHIN NO, ,DE BZHIN DU SDUG BSNGAL MYONG 'GYUR LA SOGS PA LA'ANG BRJOD PAR BYA'O,, @390 2. MYONNG 'GYUR GYI DBYE BA, GNYIS PA MYONG 'GYUR GYI DBYE BA NI GZHAN YANG MYONG BAR 'GYUR BA NI RNAM PA LNGA YIN NO ZHES SBYAR TE, GANG ZHE NA NGO BO NYID KYIS MYONG BAR 'GYUR BA TSOR BA DANG, MTSUNGS LDAN GYIS MYONG BAR 'GYUR BA NI REG PA STE, BDE BA MYONG BAR 'GYUR BA'I REG PA ZHES GSUNGS PA LTA BU DANG, DMIGS PA MYONG BAR 'GYUR BA NI YUL RNAMS TE, MDO LAS MIG GIS GZUGS RNAMS MTHONG NAS GZUGS SO SOR YANG DAG PAR MYONG BAR 'GYUR GYI GZUGS LA 'DOD CHAGS SO SOR YANG DAG PAR MYONG BA NI MA YIN NO ZHES GSUNGS PA LTA BU DANG, RNAM PAR SMIN PA MYONG BAR 'GYUR BA NI MTHONG BA'I CHOS LA MYONG BAR 'GYUR BA'I LAS ZHES BYA BA LA SOGS PA LTA BU DANG, MNGON SUM DU GYUR PA MYONG BAR 'GYUR BA LAS NI GLENG GZHI CHEN PO'I CHOS KYI RNAM GRANGS LAS, GANG GI TSE BDE BA'I TSOR BA MYONG BAR BYED PA DE'I TSE DE'I TSOR BA GNYIS 'GAG PAR 'GYUR RO ZHES GSUNGS PA LTA BU'O, ,DES NA DANG PO NI TSOR BA SPYI DANG LNGA PA NI BYE BRAG MYONG BA'O,, DE LTAR NA MYONG 'GYUR RNAM PA LNGA LAS 'DIR NI RNAM SMIN MYONG 'GYUR YIN NO, ,GONG DU BSHAD PA'I BDE BA MYONG 'GYUR LA SOGS PA'I LAS RNAM PA GSUM PO GANG YIN PA DE YANG MYONG BAR NGES PA DANG MYONG BAR MA NGES PA GNYIS, NGES PA LA'ANG MTHONG BA'I CHOS SKYE BA DE NYID LA MYONG BAR 'GYUR BA DANG, SOGS PA'I SGRAS BZUNG BA SKYE BA PHYI MA KHO NA LA MYONG BA SKYES NAS MYONG BAR 'GYUR BA DANG, SKYE BA YANG PHYI PHAN CHAD LA MYONG BA LAN GRANGS GZHAN LA MYONG BAR 'GYUR BA GSUM YOD PA'I PHYIR NA MYONG BAR NGES PA'ANG RNAM PA GSUM STE DE LTAR NA NGES PA GSUM MA NGES PA DANG BZHI YIN NO,, SNGON GYI SLOB DPON KHA CIG NI MYONG BAR 'GYUR BA MA NGES PA LA'ANG RNAM PAR SMIN PA NES PA DANG MA NGES PA GNYIS SU PHYE NAS LAS RNAM PA LNGA YIN NO ZHES ZER TE, 'DI'I MYONG BAR NGES PA NI MTHONG BA'I CHOS LA SOGS PA GNAS SKABS NGES PA'O, ,(MDO SDE PA LA SOGS PA DE LTA NA MTHONG CHOS LA MYONG 'GYUR GYI LAS NI LAS STOBS LDAN YIN KYANG 'BRAS BU CHUNG BAR 'GYUR TE, DUS THUNG BA'I PHYIR RO, , DES NA DE'I RNAM SMIN NI TSE RABS GZHAN NA'ANG YOD MOD KYI MYONG BA'I 'GO 'DI NAS RTZOM PAS MTHONG CHOS LA MYONG 'GYUR DU GZHAG GO ZHES ZER RO, ,BYE BRAG SMRA BA DE MI 'THAD DE, DE LTA NA LAS GSUM GYI DUS NGES PA MI 'THAD PAR THAL BAS SO, ,'BRAS BU NYE BA NI LAS KYI RIGS LAS YIN GYIS STOBS CHE BAS MIN TE, PHYI'I SA BON BZHIN NO, ,ZHES ZER RO, ,) DPES STON PA NI SDE PA GZHAN DAG @391 NI GNAS SKABS MYONG BAR NGES PA DANG, MA NGES PA DANG, RNAM SMIN MYONG BAR NGES PA DANG, MA NGES PA GNYIS YOD PA'I PHYIR DE DAG MU NI RNAM PA BZHI YIN NO ZHES ZER RO, ,DE LA GNAS SKABS NGES LA RNAM SMIN MYONG BAR MA NGES PA NI GAL TE MYONG NA MTHONG BA'I CHOS LA MYONG 'GYUR LA SOGS PA YIN LA RNAM PAR SMIN PA NI MA NGES PA YIN NO, ,RNAM PAR SMIN PAR NI NGES LA GNAS SKABS MA NGES PA NI RNAM SMIN NI GDON MI ZA BAR MYONG LA, MTHONG BA'I CHOS LA SOGS PA NI MA NGES PA YIN NO, ,GNYIS KA NGES PA NI MTHONG CHOS LA RNAM SMIN MYONG BAR NGES PA LA SOGS PA LTA BU'O, ,GNYIS KA MA NGES PA NI GNAS SKABS KYANG MA NGES LA RNAM SMIN YANG MYONG BAR MA NGES PA'O, ,DE'I LTAR NA NGES PA LA MTHONG CHOS LA SOGS PA LA NGES MA NGES GNYIS GNYIS TE DRUG DANG MA NGES PA LA RNAM SMIN MA NGES PA DANG GNAS SKABS MA NGES PA DANG GNYIS TE LAS RNAM PA BRGYAD DU 'GYUR RO, ,KHA CIG NI MTHONG CHOS LA MYONG 'GYUR GYI LAS NI LAS STOBS LDAN YIN PA'I PHYIR RNAM SMIN SKYES NAS MYONG BA LA SOGS PA'ANG YOD DE, GZHAN DU NA LAS CHE BA'I 'BRAS BU CHUNG BAR THAL BA'I PHYIR RO, ,'O NA MTHONG CHOS LA MYONG 'GYUR DU 'GAL LO SNYAM NA, DE NI THOG MAR 'GO RTZOM PA'I DBANG GIS MING DER RNAM PAR BZHAG PA'I PHYIR RO ZHES 'DOD DO, ,BYE BRAG TU SMRA BA NI LAS KYI RANG BZHIN THA DAD PA'I PHYIR MTHONG CHOS LA MYONG BA NI SKYES NAS MYONG BA LA SOGS PA MA YIN TE, DPER NA LCAM PA LA SOGS PA ZLA BA PHYED DANG GNYIS NA 'BRAS BU SMIN LA NAS DANG GRO LA SOGS PA ZLA BA DRUG NA SMIN PA BZHIN NO ZHES BYA BAR 'DOD DO, ,SKYES NAS MYONG 'GYUR LA SOGS PA GSUM GYIS NI (SKYE BA GZHAN GYI,) RIS MTHUN BA'I SROG GI DBANG PO 'PHEN (CING RDZOGS,) PAR BYED PA SRID KYI MTHONG CHOS LA MYONG 'GYUR GYIS NI MA YIN TE, SKYE BA DE'I SROG GI DBANG PO NI SNGAR THOB ZIN PA'I PHYIR DANG, (SKYE BA GZHAN NAS 'PHANGS PA'I) SKYE BA GZHAN GYIS 'PHEN NA MTHONG CHOS LA MYONG 'GYUR MA YIN PAR THAL BA'I PHYIR RO, ,(DES NA GZHAN GYIS 'PHANGS PA'I RIS MTHUN DE NYID DU 'BRAS BU 'BYIN PAR BYED DO,,) BSOD NAMS BSAGS PAS TSE SRING BA LA SOGS PA'ANG BAR CHAD SEL BA TZAM DU ZAD PA'I PHYIR RO, ,RNAM SMIN NI BZHI GAS KYANG 'PHEN PAR BYED DO,, GAL TE LAS BZHIS RNAM SMIN 'PHEN PA KHAMS DANG SA THAMS CAD NA YOD DAM ZHE NA, KHAMS GSUM DANG SA DGU DANG 'GRO BA LNGA PO THAMS CAD NA NI DGE MI DGE'I LAS KYI 'PHEN PA BZHI CAR YOD DO ZHES BYA BA NI SPYIR BTANG BA'O, ,DMIGS KYIS BSAL BA NI DMYAL BA NA NI LAS DGE BA'I SKYES NAS MYONG 'GYUR LA SOGS PA GSUM YOD KYI MTHONG CHOS LA MYONG BA NI MED DE, DE NA RNAM SMIN YID DU 'ONG BA MED PA'I @392 PHYIR RO, ,DE'I PHYIR MI DGE BA'I NI BZHI GA'ANG YOD DO, ,'DOD PA LA SOGS PA'I SA GANG LAS 'DOD CHAGS DANG BRAL BA BRTAN PA STE YONGS SU MI NYAMS PA'I CHOS CAN GYI BYIS PA SO SO'I SKYE BO RNAMS NI 'DOD PA LA SOGS PA'I SA DER SKYES NAS MYONG BAR 'GYUR BA'I LAS MI BYED DE, DE NI SKYE BA PHYI MA LA SOGS PA LA SA GONG MA KHO NAR SKYE BAR NGES PA'I PHYIR RO, ,MTHONG CHOS LA MYONG BA LA SOGS PA GSUM NI BYED DO,, 'DOD PA LA SOGS PA'I SA (BAR MA BDUN PO,) GANG LAS 'DOD CHAGS DANG BRAL BA'I 'PHAGS PA'I GANG ZAG (BRTAN PA,) YIN LA DE YANG YONGS SU MI NYAMS PA'I CHOS CAN ZHIG YIN NA NI SKYES NAS MYONG 'GYUR DU MA ZAD SKYE BA YANG PHYI LA SOGS PA LAN GRANGS GZHAN DU'ANG MYONG BAR 'GYUR BA'I LAS KYANG MI BYED DE, DE NI SA DE DAG TU PHYIR MI 'ONG BA'I PHYIR RO, ,MTHONG CHOS LA MYONG BA DANG MYONG BAR MA NGES PA NI BYED DO,, BYIS PA DANG 'PHAGS PA SA DE DAG LAS 'DOD CHAGS DANG BRAL YANG YONGS SU NYAMS PA'I CHOS CAN YIN NA NI SKYES NAS MYONG 'GYUR DANG LAN GRANGS GZHAN LA MYONG 'GYUR GYI LAS KYANG BYED DO, ,(DE'ANG SRID RTZE'I SEMS THOB PA'I 'PHAGS PA'ANG NYAMS NAS GZUGS SU SKYE BA BSHAD PAS SO,,) 'DOD PA LAS 'DOD CHAGS DANG BRAL BA DANG SRID RTZE LAS 'DOD CHAGS DANG BRAL BA'I 'PHAGS PA NI MI BRTAN PA YONGS SU NYAMS PA'I CHOS CAN YIN YANG SKYES NAS MYONG 'GYUR DANG LAN GRANGS GZHAN LA MYONG 'GYUR GYI LAS BYED PA MIN TE, 'DOD PA LAS 'DOD CHAGS DANG BRAL BA PHYIR MI 'ONG BA DANG SRID RTZE LAS 'DOD CHAGS DANG BRAL BA DGRA BCOM PA'I 'BRAS BU LA GNAS PA YIN PA NA 'BRAS BU LAS NYAMS PA NI 'BRAS LAS NYAMS PA 'CHI BA MED CES 'BYUNG BAS NGES PAR SOR CHUD PAR BYED PAS KHYAB PA'I PHYIR RO, ,(MA NGES PA DANG MTHONG CHOS LA MYONG 'GYUR BYED PA NI SRID DO, ,THAMS CAD NA 'PHEN PA BZHI YOD NA,) CI SRID PA BAR MA NA'ANG LAS KYI 'PHEN PA YOD DAM ZHE NA, YOD DE 'DOD PA'I SRID PA BAR MA NI 'DOD PA'I KHAMS SU 'PHEN PA RNAM PA NYI SHU RTZA GNYIS 'PHEN PAR BYED DE, 'DI LTAR NUR NUR PO DANG, MER MER PO DANG, NAR NAR PO DANG, GOR GOR PO DANG, RKANG LAG 'GYUS PA'I GNAS SKABS TE MNGAL GYI GNAS SKABS LNGA DANG, BYIS PA DANG GZHON NU DANG, DAR LA BAB PA DANG, DAR YOL BA DANG, RGAN PO'I GNAS SKABS TE SKYES PA'I GNAS SKABS LNGA STE BCU'O, ,DE LTAR BCU PO DAR MYONG BAR NGES PA DANG MA NGES PA GNYIS GNYIS SU PHYE BA'I PHYIR DANG, SRID PA BAR MA RANG NYID DU MYONG BAR NGES PA DANG MA NGES PA GNYIS SPYOD BA'I PHYIR RO, ,DE DAG LAS MYONG BAR NGES PA'I LAS BCU GCIG PO DE DAG NI MTHONG BA'I CHOS LA MYONG BAR 'GYUR BA'I 'BRAS BU CAN ZHES BYA BA YIN NO, ,CI'I PHYIR ZHE NA, SRID PA @393 BAR MA DANG DE'I NGES PA'I 'BRAS BU GNAS SKABS BCU GCIG PO (DE NI 'PHEN PA GCIG PA'I PHYIR ZHES PAS, BYIS PA NAS RGAN PO'I BAR LTAR SKYES NAS MYONG 'GYUR KHO NAS 'PHANGS PAS) DE DAG NI RIS MTHUN PA GCIG KHO NA YIN (PA'I PHYIR) TE, DE DAG NI SKYES NAS MYONG 'GYUR GYI LAS GCIG KHO NAS 'PHANGS PA'I PHYIR RO, ,DE'I PHYIR SRID PA BAR MA DES NA BAR SRID MYONG BAR 'GYUR BA'I LAS GZHAN MA BSHAD DO, ,('DI BLO MI GSAL BAS LAS GZHAN GNYIS NI MI BYED DO ZHES GSUNGS TE MI ZLOG PAR 'DOD PAS SO, ,) MYONG BAR MA NGES PA NI BSHAD ZIN TO, , 'DOD KHAMS SU ZHES BYA BA NI GZUGS KHAMS NA NUR NUR PO LA SOGS PA'I GNAS SKABS BCU BO NYID MED PA'I PHYIR DANG, GZUGS MED NA BAR SRID KYANG MED PA'I PHYIR RO, ,MYONG BAR NGES PA'I LAS GANG ZHE NA, KUN SLONG NYON MONGS PA DRAG POS BYAS PA'I MI DGE BA DANG RAB TU DANG BA DRAG POS BYAS PA'I DGE BA (GANG YIN PA DE NI BSAM PA'I STOBS KYIS RNAM SMIN NGES PA,) DANG, KUN SLONG NYON MONGS DANG RAB TU DANG BA DRAG PO'ANG MED LA RGYUN DU BYED PA'ANG MED KYANG DKON MCHOG GSUM DANG 'BRAS BU KHYAD PAR CAN RGYUN ZHUGS DANG DGRA BCOM PA'I 'BRAS BU LA GNAS PA DANG, SNYOMS 'JUG KHYAD PAR CAN 'GOG BA DANG BYAMS PA DANG NYON MONGS PA MED PA'I TING NGE 'DZIN LA GNAS PA'I YON TAN GYI ZHING ('OG NAS 'BYUNG BA'I DKON MCHOG GSUM DANG 'GOG PA LA SOGS PA LA GNAS PA,) LA PHAN GNOD BYAS PA DANG, DGE BA DANG MI DGE BA RGYUN CHAGS SU BYAS PA GANG ZHIG YIN PA DANG, DE BZHIN KUN SLONG DRAG PO DANG RGYUN DU BYED PA MED KYANG PHA MA GSOD PA'I LAS GANG YIN PA DE PAR SIG PA RNAMS KYI LTAR BSOD NAMS KYI BLAS BYAS KYANG MTSAMS MED DU 'GYUR BAS NA (KUN SPONG GANG GIS BYAS KYANG MTSAMS MED DU 'GYUR BAS,) RNAM PAR SMAN PA MYONG BAR NGES SO, ,(DE LTAR NA DE DAG NI ZHING DANG BSAM PA DANG SBYOR BA GSUM STOBS DANG LDAN PAS MYONG BAR NGES PA YIN LA,) DE DAG LAS GZHAN NI MA NGES PA YIN NO, , YANG MTHONG CHOS LA MYONG BAR 'GYUR BA'I LAS CI 'DRA BA YIN ZHE NA, MTHONG BA'I CHOS LA MYONG BAR 'GYUR BA'I 'BRAS BU CAN GYI LAS NI ZHING GI KHYAD PAR LAS 'GYUR BA DANG BSAM PA'I KHYAD PAR LAS 'GYUR BA GNYIS SO, ,DE LA ZHING GI KHYAD PAR LAS 'GYUR BA NI SNGON 'DAS PA'I DUS NA SANGS RGYAS MA PHAM PA ZHES BYA BA'I BSTAN PA LA STON PA 'DI NYID PHYUG PO'I BUR GYUR PA NA BLA NA MED PA'I BYANG CHUB TU SEMS BSKYED CING RAB TU BYUNG NAS SDE SNOD GSUM PAR GYUR TO, ,DE'I TSE DGE 'DUN LA RTZOD PA BYUNG BA LA SDE SNOD GSUM PA DES RTZOD PA DE SLAR 'PHEL BAR BYAS PA DANG, DGE SLONG MDO SDE 'DZIN PA ZHIG GIS SDE SNOD @394 GSUM PA BTON NAS RTZOD PA ZHI BAR BYAS PA DANG, SDE SNOD GSUM PA KHROS TE BUD MED RNAMS KYI RTZOD PA ZHI BAR BYAS SAM ZHES TSIG RTZUB PO SMRAS PAS DE MA THAG TU BUD MED DU GYUR CING SLAR YANG SKYE BA LNGA BRGYAR BUD MED DU SKYES SO, ,PHYIS SANGS RGYAS RIN CHEN GTZUG TOR CAN ZHES BYA BA LA DAD PAR BYAS PAS SKYES PA'I LUS THOB PAR GYUR TO, ,'DI NYID PHRAN TSEGS LAS SANGS RGYAS MANG PO'I RTOGS PA BRJOD PAR, DE NAS SANGS RGYAS MA PHAM PA'I, ,SNGON BYUNG SDE SNOD GSUM PAR GYUR, ,DGE SLONG DGE 'DUN RTZOD PA NA,, DGE 'DUN BUD MED CES BRJOD PA'I, ,NGAG GI NYES PAR SBYANG BYAS PAS, ,BUD MED NYID DU NYE BAR SONG, ,SLAR YANG SEMS RAB DANG BA YIS, ,SKYES PA'I DNGOS PO NYID DU GYUR CES GSUNGS PA LTA BU'O, , BSAM PA'I KHYAD PAR LAS 'GYUR BA NI SNGON RGYAL PO KANIS KA'I NYUG RUM LONG BA ZHES BYA BA ZHIG GIS MI ZHIG GIS GLANG LNGA BRGYA DED NAS 'GRO BA MTHONG NAS CI BYED DRIS PAS 'BRAS BU 'BYIN TO ZHES ZER BA NA DE BDAG GIS KYANG SNGON 'DI LTA BU BYAS PAS DA LTAR SDUG BSNGAL 'DI LTA BU MYONG LA, MI 'DIS KYANG LAS 'DI BYAS PAS SKYE BA MANG POR BDAG LTA BUR SDUG BSNGAL MYONG BAR 'GYUR RO SNYAM NAS GLANG DE RNAMS NOR GYIS NYES TE BSAM PA DRAG POS 'BRAS BU 'BYIN PA LAS BTANG BA DANG DE LA MTHONG BA'I CHOS DE KHO NA LA SKYES PA'I DPANG PO BYUNG NGO ZHES GRAG PA LTA BU'O, ,YANG NA 'DOD PA LA SOGS PA'I SA DE'I DGE MI DGE LAS 'DOD CHAGS DANG GTAN DU BRAL BA'I PHYIR PHYIN CHAD DER MI SKYE BAS YUL 'PHO BA NA BU LON PA LDANG BA LTAR SA DER MYONG BAR NGES PA'I LAS GZHAN GANG YIN PA DE'I 'BRAS BU NI MTHONG CHOS DE KHO NA LA MYONG BAR 'GYUR RO, ,(DE YANG SNGON BYAS PA'I LAS KYI 'BRAS BU 'DIR MYONG NA MTHONG CHOS LA MYONG BA BTAGS PA BA DANG 'DIR BYAS PA MYONG NA MTSAN NYID PA'O, ,MYONG 'GYUR GYI,) LAS DE YANG JI LTA BU ZHE NA DE NI GNAS SKABS MA NGES KYANG RNAM SMIN MYONG BAR NGES PA GANG YIN PA STE, (DE'I RNAM SMIN MA MYONG NA GTAN DU 'DOD CHAGS DANG BRAL BA LA GEGS BYED DO, ,) SA DE LAS GTAN DU 'DOD CHAGS DANG BRAL BAS SKYES NAS MYONG GYUR LA SOGS PA'ANG MA YIN PA'I PHYIR RO, ,SA DE'I LAS MA NGES PA GANG YIN PA DE NI GTAN DU 'DOD CHAGS DANG BRAL BA'I PHYIR NAM YANG MI SMIN PA NYID DO, ,'O NA GANG LA BRTEN NAS MTHONG CHOS LA MYONG BAR 'GYUR BA'I ZHING DE JI LTA BU ZHE NA, SANGS RGYAS LA SOGS PA DGE SLONG GI DGE 'DUN DANG GANG ZAG YIN YANG 'PHAGS PA GANG DAG 'GOG PA DANG BYAMS PA DANG NYON MONGS PA MED PA DANG MTHONG BA'I LAM DANG DGRA BCOM PA'I 'BRAS BU LA SNYOMS PAR ZHUGS PA LAS LANGS PA STE LNGA PO DE DAG LA PHAN PA DANG @395 GNOD PA BYAS PA'I RNAM PAR SMIN PA'I 'BRAS BU NI 'PHRAL DU MTHONG CHOS KHO NA LA MYONG BAR 'GYUR TE, 'GOG PA LAS LANGS PA NI SEMS MCHOG TU ZHI BA THOB PAS MYA NGAN LAS 'DAS PA LAS SLAR LOG PA DANG 'DRA BA'I PHYIR DANG, NYON MONGS PA MED PA DANG BYAMS PA LAS LANGS PA NI SEMS CAN TSAD MED PA LA NYON MONGS PA MED PA DANG PHAN PA'I LHAG PA'I BSAM PA DANG RJES SU 'BREL BA DANG, SHIN TU GSAL BA'I BSOD NAMS TSAD MED PAS YONGS SU BSGOS PA DANG RJES SU 'BREL BA'I PHYIR DANG, MTHONG LAM DANG DGRA BCOM LAS LANGS PA'I RGYUD NI MTHONG SPANG MA LUS PAR SPANGS PA DANG SGOM SPANG MA LUS PAR SPANGS PAS GNAS GYUR GSAR PA THOB PAS DRI MA MED PA YIN PA'I PHYIR RO, , LHAG MA SGOM LAM (GNAS PA'I 'BRAS BU BAR MA GNYIS,) NI RANG BZHIN DANG 'BRAS BU YONGS SU MA RDZOGS PAS DE LAS LANGS PA'I RGYUD NI SNGA MA GNYIS LTAR GNAS GYUR GSAR PA DANG DAG PA MA YIN PAS MTHONG LAM DANG DGRA BCOM LAS LANGS PA LTAR BSOD NAMS KYI ZHING MCHOG TU GYUR PA MA YIN NO, , GAL TE LAS KYI RNAM SMIN GYI GTZO BO NI TSOR BA YIN PAS DE SEMS KYI TSOR BA KHO NA YIN PA DANG LUS KYI KHO NA YIN PA YOD DAM ZHE NA, YOD DE, RNAM PAR RTOG PA MED PA'I SA BSAM GTAN KHYAD PAR CAN NAS BZUNG STE SRID RTZE'I BAR GYI DGE BA'I LAS KYI RNAM SMIN NI SEMS KYI TSOR BA YID BDE DANG BTANG SNYOMS KHO NA YIN PAR 'DOD DE GNYIS PA YAN CHAD NA LUS KYI TSOR BA MED PA'I PHYIR DANG, SA 'OG MA NA YOD KYANG DE NI NGES PAR RTOG DPYOD DANG BCAS PA YIN PA'I PHYIR RO, ,MI DGE BA'I LAS KYI RNAM SMIN (GYI GTZO BO DE YANG NI TSOR BA SDUG BSNGAL YIN PA'I PHYIR RO,) NI LUS KYI TSOR BA SDUG BSNGAL KHO NA YIN NO, ,CI'I PHYIR SEMS KYI MA YIN ZHE NA, MI DGE BA'I RNAM SMIN NI SDUG BSNGAL YIN LA SEMS KYI SDUG BSNGAL NI YID MI BDE BA YIN NA YID MI BDE BA NI RNAM SMIN MA YIN NO ZHES BSHAD ZIN TO, , DE'I PHYIR BSAM GTAN DANG PO'I DNGOS GZHI MAN CHAD KYI DGE BA'I LAS KYI RNAM SMIN NI LUS SEMS GNYES KA'I TSOR BA YIN PAR DON KYI SHUGS LA RTOGS PAR NUS SO, ,'O NA SEMS CAN RNAMS KYI SEMS RNAM PAR G-YENGS PA SMYO BA'I SEMS (DE YID MI BDE MA YIN NAM,) SEMS GANG LA 'BYUNG ZHING RGYU CI ZHIG GIS 'GYUR ZHE NA, SEMS RNAM PAR G-YENGS PA SMYO BA'I SEMS NI YANG DAG MIN PAR RTOGS PAS, YID KYI RNAM SHES KYI SEMS LA YIN TE, RNAM SHES TSOGS LNGA NI RES PAR RTOG DANG RJES DRAN GYI RTOG PA MED PA'I PHYIR DANG, G-YENGS PA'I SEMS KYANG NGES PAR RTOG PA'I BDAG NYID YIN PA'I PHYIR RO, ,SEMS G-YENGS PA DE NI RGYU BZHI PO (GZHAN SMYO BAR BYAS PA DANG DUG DANG CHANG LDUD PA DANG G-YANG LA SKYUR BA LA @396 SOGS PA,) LAS KYI RNAM SMIN LAS SKYES PA DANG, MI MA YIN (PAS GZUGS MI SDUG PA BSTAN PA,) LA SOGS PAS SKRAG PAR BYAS PA DANG, MI MA YIN KHROS TE GNAD DU BSNUN PAS GNOD PA BYAS PA DANG, (RLUNG MKHRIS BAD KAN 'KHRUGS PAS,) 'BYUNG BA CHA MA MNYAM PA DANG, (SNGON GNAS BYED KYI BU DANG RUS MTHUN PA'I BRAM ZA MO KHYO SHUG GNYIS LA BU BDUN YOD PA LAS BU DRUG SHI BAS MYA NGAN GYIS SMYO BAR GYUR TE GCER BU KHO NAR BCOM LDAN 'DAS MI THI LA'I AA MRA'I TSAL NA BZHUGS PA'I DRUNG DU PHYIN PA NA SANGS RGYAS KYI MTHUS DRAN PA RNYED NAS NGO TSA BAR GYUR PA LA STON PA'I BKAS KUN DGA' BOS GOS BYIN TE, DE LA STON PAS CHOS BSTAN PAS RGYUN ZHUGS KYI 'BRAS BU THOB NAS SLAR RANG GI KHYIM DU PHYIN PA NA BU BDUN PA'ANG SHI BA DANG DE LA DE MYA NGAN MI BYED PA LA, RANG GI KHYO NA RE KHYOD SNGAR BU SHI BA LA MYA NGAN BYED LA, DA BU BDUN PA SHI BA LA MYA NGAN MI BYED PA LAS NA BU DE DAG KHYOD RANG GIS ZOS SO ZHES ZER BA LA, BRAM ZE MOS, BRAM ZE NGAS NI YUN RINGS NAS, ,BU DANG TSA BO STONG PHRAG DANG, ,GNYEN MANG BRGYA PHRAG DAG ZOS TE, ,KHYOD KYIS KYANG NI DE DANG 'DRA, ,SKYE BA DE DANG DE DAG TU, ,BU DANG TSA BO STONG PHRAG DAG ,GCIG LA GCIG NI ZA RNAMS KYI, ,TSAD NI YOD PA MA YIN NO, ,'JIG RTEN NA NI SKYE BA DANG,, 'CHI LAS NGES 'BYUNG SHES NAS NI, ,SU ZHIG MYA NGAN YONGS GDUNG BA'AM, ,SMRE SNGAGS 'DON PAR BYED PAR 'GYUR, ,BDAG GIS SANGS RGYAS BSTAN BYAS TE, ,SKYE BA DANG NI 'CHI BA LAS, ,NGES PAR 'BYUNG BA SHES PAS NA, ,MYA NGAN MI BYED GDUNG BA MED CES SMRAS PA LTA BU,) MYA NGAN GYI RKYEN GYIS 'BYUNG BAR 'GYUR RO, , LAS KYI RNAM SMIN LAS SKYES PA NI, RDZAS DANG GSANG SNGAGS KYI SBYOR BAS GZHAN GYI SEMS G-YENGS PAR BYED PA DANG, MI 'DOD BZHIN DU DUG DANG CHANG LA SOGS PA MYOS PAR BYED PA LDUD PA DANG, RI DVAGS LA SOGS PA SEMS CAN GZHAN SKRAG PAR BYED PA DANG, NAGS MES GTONG BA DANG, SROG CHAGS G-YANG DU 'DED PA LA SOGS PA'I LAS LAS SKYES PA STE DE LA NI SMAN DANG MAN NGAG DANG NUS PA CAN GYIS BCOS SU MED DO, ,SKRAG PA NI MI DANG MI MA YIN PAS GZUGS MI SDUG PA BSTAN PA LA SOGS PAS SEMS DNGANGS PAR BYAS PA STE DE LA NI SKYES BU DAM PA'I MAN NGAG GIS BCOS SU YOD DO, ,MI MA YIN PAS GNOD PA NI GDON GYIS BYAS PA STE DE LA NI RIG SNGAGS 'CHANG LA SOGS PA'I BYIN RLABS KYIS ZHI BAR BYED DO, , 'BYUNG BA CHAH MA MNYAM PA NI NAD KYIS BYAS PA STE, DE NI GSO BA RIG PA RNAMS KYIS BCOS SU YOD @397 DO, ,MYA NGAN GYIS BYAS PA GNAS BYED KYI BU NI DANG RUS MTHUN PA'I BRAM ZE MO LTA BU STE DE LA NI MYA NGAN BSAL BA DANG SPYOD LAM GYIS BCOS SU YOD DO, ,(DE DAG NI RIM PA LTAR BSAG SBYANG DANG, SKYES BU DAM PA'I MAN NGAG DANG, RIGS SNGAGS 'CHANG LA SOGS PA'I BYIN RLABS DANG, GSO BA RIG PA DANG, MYA NGAN BSAL BA'I THABS DANG SPYOD LAM GYIS BCOS SU YOD DO, ,) GAL TE YID KYI RNAM SHES LA SEMS G-YENGS PA YOD LA DE YANG LAS KYI RNAM SMIN LAS SKYES PA YIN NA DE LTA NA SEMS KYI TSOR BA MI DGE BA'I LAS KYI RNAM SMIN DU 'GYUR RO ZHE NA, MI 'GYUR TE, MI DGE BA'I LAS KYIS NI LAS LAS SKYES PA'I 'BYUNG BA RNAMS 'KHRUG LA 'BYUNG BA 'KHRUGS PAS SEMS 'KHRUGS SHING G-YENGS PAR GYUR PA'I PHYIR RO, ,DES NA 'BYUNG BA RNAMS NI LAS MI DGE BA LAS SKYES PAS RNAM SMIN YIN LA SEMS G-YENGS PA NI 'BYUNG BA RNAM SMIN DE DAG LAS SKYES PAS LAS KYI BDAG 'BRAS YIN GYI MI DGE BA'I LAS LAS DNGOS SU SKYES PA MA YIN PAS RNAM SMIN MA YIN NO, , DE LA 'PHROS NAS 'GREL PA LAS, SEMS G-YENGS PA DANG RNAM PAR G-YENGS PA LA MU BZHI BSHAD DE, DE LA G-YENGS PA NI SNGAR BSTAN PA'I 'BYUNG BA 'KHRUGS PA LA SOGS PA LAS BYUNG BA'I SEMS 'KHRUGS PA YIN LA RNAM PAR G-YENGS PA NI SEMS NYON MONGS CAN NO, ,DES NA DE DAG GNYIS KA'ANG RNAM SMIN MA YIN NO, ,RNAM PAR G-YENGS PA'I SEMS DE YANG RTEN GANG LA YOD CE NA, DGE BA'I RNAM SMIN 'BA' ZHIG LA SPYOD CING G-YENGS PA'I RGYU GZHAN YANG MED PAS, SGRA MI SNYAN PA MIN TE DE MA GTOGS PA'I 'DOD PA DANG LDAN PA'I SEMS CAN RNAMS LA CI RIGS PAR YOD DE, 'DOD PA'I LHA RNAMS LA'ANG SMYON PA DAG YOD NA DUD 'GRO DANG YI DVAGS RNAMS LA LTA CI SMOS PA'I PHYIR RO, ,DMYAL BA RNAMS NI TSOR BA MI BZAD PAS NYEN PAS RE ZHIG BDAG NYID KYANG MI DRAN NA BYA BA DANG BYA BA MA YIN PA LTA CI SMOS PAS RTAG TU RNAM PAR G-YENGS PA DAG YIN NO, , SANGS RGYAS MA GTOGS PA 'PHAGS PA RNAMS LA'ANG 'BYUNG BA MA SNYOMS PA'I SEMS RNAM PAR G-YENGS PA NI YOD LA, LAS KYIS RNAM PAR G-YENGS PA DANG, 'JIGS PAS G-YENGS PA DANG, GNON PAS G-YENGS PA DANG, MYA NGAN GYIS G-YENGS PA RNAMS NI MED DE, RIM PA LTAR LAS NGES PA RNAMS NI SMIN ZIN LAM NGES PA NI DE PHYIN CHAD MI SMIN PA'I PHYIR DANG, ,'TSO BA MED PA DANG, TSIGS SU BCAD PA MED PA DANG, 'KHOR GYI NANG DU SKRAG PA DANG, 'CHI BA DANG, NGAN 'GRO'I 'JIGS PA LNGA LAS 'DAS PA'I PHYIR DANG, MI MA YIN PA 'KHRUGS PA'I RGYU MI MJES PA MI BYED PA'I PHYIR DANG, MYA NGAN @398 MED PA'I CHOS NYID MNGON PAR SHES PA'I PHYIR RO, ,SANGS RGYAS LA NI THUGS G-YENGS PA DANG RIMS KYIS 'GRONGS PA DANG GSUNG 'JER BA DANG DBU SKYA BA MI 'BYUNG STE, LAS SHIN TU DANG BA'I RNAM PAR SMIN PA'I SNYING PO YIN PA'I PHYIR RO ZHES SLOB DPON GANG SPEL 'CHAD DO, ,YANG GSUM TSAN GSUM PA'I MDO LAS, LUS NGAG YID GSUM GYI LON PO GSUM DANG, SKYON NAM NYES PA GSUM DANG, SNYIGS MA GSUM GSUNGS PA DE DAG GANG ZHE NA, LUS DANG NGAG DANG YID KYI LAS YON PO GSUM (DANG SKYON NAM NYES PA GSUM DANG, SNYIGS MA GSUM ZHES BYA BAR GSUNGS PA RNAMS NI RIM PA LTAR SGO GSUM GYI LAS SEMS LAS BYUNG BA GYA GYU BA'I G-YO DANG, ZHE SDANG DANG, 'DOD CHAGS LAS SKYES PA RNAMS SO, ,) GSUNGS PA NI SGO GSUM GYI LAS SEMS LAS BYUNG BA GYA GYU BA'I G-YO LAS SKYES PA DANG, SKYON NAS NYES PA GSUM GSUNGS PA NI SGO GSUM GYI LAS ZHE SDANG LAS SKYES PA DANG, SNYIGS MA (GSUM ZHES BYA BA) RA GSUNGS PA GSUM NI SGO GSUM GYI LAS 'DOD CHAGS LAS SKYES PA'O, , 3. DKAR NAG LA SOGS PA BZHIR DBYE BA, GSUM PA DKAR NAG LA SOGS PA BZHIR DBYE BA NI MDO LAS LAS GNAG LA RNAM PAR SMIN PA GNAG PA'I LAS DANG, LAS DKAR LA RNAM PAR SMIN PA DKAR BA'I LAS DANG, SOGS PA'I SGRAS BZUNG BA LAS DKAR NAG 'DREN MA LA RNAM PAR SMIN PA YANG DKAR GNAG 'DREN MA DANG, LAS MI DKAR MI GNAG CING RNAM PAR SMIN PA MED LA LAS ZAD PAR BYED PA'I BYE BRAG GI LAS NI RNAM PA BZHI YIN PAR GSUNGS PA YIN NO, ,DE DAG KYANG GANG ZHE NA, LAS MI DGE BA NYID NI RIM PA BZHIN DU KHYAD PAR MED PA NYON MONGS CAN YIN PAS LAS GNAG LA 'BRAS BU RNAM SMIN YID DU MI 'ONG BA 'BYIN PAS RNAM SMIN KYANG GNAG PA DANG, GZUGS SU GTOGS PA'I DGE BA NI RIM PA BZHIN DU MI DGE BA DANG MA 'DRES PAS LAS DKAR 'BRAS BU YID DU 'ONG BAS RNAM SMIN KYANG DKAR BA DANG, 'DOD PAR GTOGS PA'I DGE BA NYID NI RIM PA BZHIN DU MI DGE BA DANG 'DRES PAS LAS KYANG DKAR GNAG 'DREN MA LA RNAM SMIN YANG YID DU 'ONG MI 'ONG 'DREN MAR 'BYUNG BAS DKAR GNAG GNYIS KA'I LAS ZHES BYA STE, DE YANG RGYUD KYI SGO NAS 'DRES PA YIN GYI LAS KYI NGO BO GCIG LA DKAR GNAG 'DRES PA NI MED DE 'GAL BA'I PHYIR RO, , GAL TE DE LTA NA MI DGE BA'ANG 'DRES PAR 'GYUR TE MI DGE BA DANG LDAN PA'I RGYUD LA DGE BA'ANG 'BYUNG BA'I PHYIR RO, ,ZHE NA, DE LTA YIN MOD KYI 'ON KYANG 'DOD PA RANG SA NA GNYEN PO TING NGE 'DZIN MED @399 PAS DGE BAS MI DGE BA GTAN MED PAR BYA BAR MI NUS LA MA DGE BA NI STOBS DANG LDAN PA'I PHYIR LOG LTAS DGE RTZA GCOD NUS PAS DGE BA DANG GDON MI ZA BAR 'DRE BA MA YIN NO, ,DE NYID KYI PHYIR 'DOD PA'I DGE BA NI STOBS CHUNG BA'I PHYIR 'DRE BAR 'GYUR RO ZHES 'GREL PA LAS BSHAD DO, , KUN LAS BTUS LAS NI, DKAR LA RNAM PAR SMIN PA DKAR BA'I LAS GANG ZHE NA, KHAMS GSUM PA'I DGE BA'O, ,DKAR NAG TU GYUR LA RNAM PAR SMIN PA DKAR NAG TU 'GYUR BA GANG ZHE NA, GANG 'DOD PA DANG RAB TU LDAN PA'I 'DREN MA STE, BSAM PAS GNAG LA SBYOR BAS DKAR BA'AM, SBYOR BAS GNAG LA BSAM PAS DKAR BA'O ZHES 'DOD PA'I BSAM SBYOR DKAR NAG 'DREN MA NI DKAR NAG GNYIS KA'I LAS SU BSHAD LA, BSAM SBYOR DKAR NAG 'DREN MA LAS GZHAN PA'I 'DOD PA'I DGE BA DANG GZUGS MED KYI DGE BA'ANG DKAR LA RNAM SMIN DKAR BA'I LAS SU BSHAD DO, ,'O NA CI'I PHYIR GZUGS MED PA'I DGE BA DKAR AR MA BSHAD CE NA, BYE BRAG TU SMRA BA GANG NA RNAM SMIN SKYE SRID DANG BAR SRID GNYIS YOD PA DANG LUS LA SOGS PA'I LAS GSUM GA YOD PA DER DE DAG GI DBYE BA 'CHAD NA GZUGS MED NA DE DAG MED PA'I PHYIR RO, ,ZHES 'CHAD MOD KYI, 'ON KYANG MDO GZHAN LAS NI DKAR LA RNAM PAR SMIN PA DKAR BA'I LAS GANG ZHE NA, GZUGS MED PA BZHI'O ZHES GZUGS MED PA'I DGE BA'ANG DER BSHAD PA'I PHYIR DE YANG YIN NO, ,LAS DANG RNAM SMIN GSUM PO DE DAG ZAD CING SKONG BAR BYED PA NI ZAG PA MED PA'I LAS YIN TE, DE LA NI MI GNAG CING MI DKAR BA ZHES BYA STE, ZAG BCAS KYI LAS DGE MI DGE GNYIS KA MA YIN PA'I PHYIR DANG, 'KHOR BAR 'JUG PA DANG 'GAL BAS KHAMS SU MA GTOGS PA'I PHYIR RNAM PAR SMIN PA'I 'BRAS BU YID DU 'ONG MI 'ONG GNYIS KA MED PA'I PHYIR RO, ,LUNG BAR MA'I STONG PA CHEN PO'I DON GYI MDO LAS NI MI SLOB PA'I CHOS LAS BRTZAMS TE, KUN DGA' BO CHOS 'DI DAG NI GCIG TU DKAR BA, GCIG TU DGE BA, GCIG TU KHAN MA THO BA MED PA YIN NO ZHES GSUNGS PA'I PHYIR DANG, BSTAN BCOS RAB TU BYED PA'I RKANG PA LAS KYANG, CHOS DKAR PO RNAMS GANG ZHE NA, DGE BA'I CHOS RNAMS DANG MA BSGRIBS LA LUNG DU MA BSTAN PA RNAMS YIN NO ZHES GSUNGS PA'I PHYIR GCIG TU DKAR BA NI ZAG PA MED PA YIN NO ZHES BYA BA NI DON DAM PA YIN NO, ,DE LA MA BSGRIBS LUNG MA BSTAN NI NYON MONGS CAN MA YIN PAS DKAR BA'O, ,SLOB DPON GANG SPEL GYIS KYANG DKAR BA NI RNAM PA GNYIS TE, RANG BZHIN GYIS DKAR BA DANG, RNAM PAR SMIN PAS DKAR BA'O, ,DE LA GZUGS SU GTOGS PA'I @400 DGE BA NI GNYIS KA YIN LA, ZAG PA MED PA NI DANG PO YIN NO ZHES BSHAD DO, ,GAL TE ZAG MED KYI LAS DANG LAM THAMS CAD DKAR BA LA SOGS PA'I LAS GSUM PO THAMS CAD ZAD PAR BYED PA YIN NAM ZHE NA, THAMS CAD NI MA YIN NO, ,'ON KYANG MTHONG LAS GYI SDUG BSNGAL CHOS SHES PA'I BZOD PA LA SOGS PA BZHI DANG 'DOD PA LA 'DOD CHAGS DANG BRAL BAR BYED PA'I 'JIG RTEN LAS 'DAS PA'I SGOM LAM GYI BAR CHAD MED PA'I LAM BRGYAD KYI SEMS PA STE DE LTAR SEMS PA RNAM PA BCU GNYIS PO GANG DAG YIN PA DE DAG NI NAG PO'I LAS ZAD PAR BYED PA'I ZAG PA MED PA'I LAS YIN TE, 'DOD PA'I SDIG PA MI DGE BA'I CHOS SPONG BAR BYED PA'I PHYIR RO, ,CHOS SHES PA BZHI DANG 'DOD PA LAS 'DOD CHAGS DANG BRAL BA'I RNAM GROL GYI LAM BRGYAD DE BCU GNYIS NI MA YIN TE, (BAR CHAD MED PA'I LAM GYIS ZAD PAR BYAS ZIN PA'I PHYIR RO, ,) DE DAG RNAM GROL GYI LAM YIN PA'I PHYIR RO,, RJES SU SHES PA'I BZOD PA DANG SHES PA BRGYAD KYANG NAG PO'I GNYEN PO MA YIN TE, DE DAG NI KHAMS GONG MA'I GNYEN PO YIN GYI 'DOD PA'I GNYEN PO MA YIN PA'I PHYIR RO, ,('JIG RTEN PA'I BAR CHAD MED LAM GYIS DE DAG SPONG YANG MA BSHAD PA NI ZAG MED KYI SKABS YIN PAS SO, ,'DOD PA'I NYON MONGS DGU PA MA SPANGS PA DE SRID DU 'DOD PA'I DGE BA DANG MA BSGRIBS LUNG MA BSTAN THAMS CAD 'DUN PA'I 'DOD CHAGS YOD DO, ,DES NA,) 'DOD PA LAS 'DOD CHAGS DANG BRAL BAR BYED PA'I SGOM LAM BAR CHAD MED PA'I LAM DGU PA'I SEMS PA GANG YIN PA DE NI DKAR GNAG 'DRES PA'I LAS ZAD PAR BYED PA YIN TE, (DES YUL CAN 'DOD PA'I NYON MONGS PA CHUNG NGU'I CHUNG NGU SPANGS PA NA DMIGS YUL DGE BA'ANG SPONG BA'I PHYIR RO, ,) DE NI 'DOD PA'I DGE BA'I GNYEN PO YIN PA'I PHYIR RO, ,BAR CHAD MED PA'I LAM SNGA MA DAG NI 'DOD PA'I DGE BA'I GNYEN PO MA YIN PA'I PHYIR RO, ,'DIR 'DOD PA'I DKAR NAG 'DRES PA'I LAS DGU PA'I BAR CHAD MED PA'I LAM GYIS SPONG NGO ZHES BYA BA'ANG LAS DE'I RANG GO NGO BO THOB PA CHAD PA'I TSUL GYIS SPONG BA NI MA YIN TE, LAN CIG SPANGS KYANG YANG 'DOD PA'I DGE BA MNGON DU BYED PA'I PHYIR RO, ,'ON KYANG DE LA DMIGS PA'I YUL CAN GYI NYON MONGS SPANGS PA LA DE SKAD BRJOD DE, MDO LAS, DGE SLONG DAG MIG LA 'DUN PA'I 'DOD CHAGS DE SPONGS SHIG DANG DE LTA NA MIG DE SPANGS PAR 'GYUR RO ZHES GSUNGS PA LTA BU'O, ,DE'I PHYIR DGU PA'I BAR CHAD MED PA'I LAM MA GTOGS PA SNGA MA DAG NI DE'I GNYEN POR MA BSHAD DE, DANG BO'I RNAM PA SPANGS KYANG DE'I, ,YUL CAN DRI MA @401 LHAG RNAMS KYIS, ,ZHES 'BYUNG BAS 'DOD PA'I DGE BA LA DMIGS PA'I YUL CAN NYON MONGS PA CHUNG NGU'I CHUNG NGU LA SOGS PA YOD PA'I PHYIR RO, ,NAG PO NI THOB PA CHAD PA'I TSUL GYIS SPONG BA'I PHYIR SNGA MA DAG GIS SPONG NGO, ,DE BZHIN DU DKAR PO ZAD PAR BYED PA'ANG DE'I YUL CAN SPANGS PAS YIN GYI NGO BO SPONG BA NI MA YIN NO ZHES SHES PAR BYA'O, ,'O NA DKAR PO'I LAS ZAD PAR BYED PA JI LTA BU ZHE NA, DKAR PO GZUGS KHAMS KYI DGE BA'I LAS ZAD PAR BYED PA NI BSAM GTAN DANG PO DANG GNYIS PA DANG GSUM PA DANG BZHI PA LAS 'DOD CHAGS DANG BRAL BAR BYED PA'I BAR CHAD MED PA'I LAM DGU DGU SKYES PA'I THA MA BZHI PO DAG GIS YIN TE, DE DAG GIS GZUGS KYI DGE BA'I NGO BO MI SPONG YANG DE LA DMIGS PA'I NYON MONGS PA SPONG BA'I PHYIR RO, ,GANG DAG GZUGS MED PA'I DGE BA'ANG DKAR PO'I LAS SU 'CHAD PA DE DAG GI LTAR NA (DKAR PO GZUGS MED CHAGS BRAL PA'I, ,BAR CHAD MED LAM SKYES THA MAS ZHES BAR 'GYUR BAS,) GZUGS MED PA'I NYON MONGS PA SPONG BA'I BAR CHAD MED PA'I LAM THA MA BZHI YANG DKAR PO ZAD BYED YIN NO, ,'JIG RTEN PA'I LAM YANG DE DAG GI GNYEN PO YIN MOD KYI ZAG MED KYI DBANG DU BYAS PA'I PHYIR 'DIR NI MI 'DOD DO,, SNGON GYI SLOB DPON GZHAN DAG NI DMYAL BA MYONG BAR 'GYUR BA'I LAS NI GCIG TU MI DGE BA DANG RNAM SMIN YID DU MI 'ONG BAR NGES PA'I PHYIR LAS GNAG LA RNAM SMIN GNAG PA DANG, DMYAL BA MA GTOGS PA'I 'DOD PA'I KHAMS GZHAN MYONG BAR 'GYUR BA'I LAS NI DKAR GNAG 'DREN MA GNYIS SU RIG PAR BYA STE, GZHAN DE DAG NA DGE MI DGE GNYIS KA'I RNAM SMIN YOD PA'I PHYIR RO, ,DKAR PO DANG DE DAG ZAD BYED KYI LAS NI SNGA MA BZHIN DU SHES PAS BYA'O ZHES 'DOD DO, ,SNGON GYI SLOB DPON GZHAN DAG NI MTHONG BAS SPANG BAR BYA BA'I 'DOD PA'I LAS NI GNAG PO'I LAS TE DGE BA DANG MA 'DRES PAS MI DGE BA KHO NAR NGES PA'I PHYIR RO, ,'DOD PA LAS SKYES PA'I LAS MTHONG SPANG LAS GZHAN SGOM SPANG NI DKAR GNAG 'DREN MA STE DGE MI DGE GNYIS KA YIN PA'I PHYIR ZHES 'DOD DO, ,DKAR PO DANG MI GNAG MI DKAR BA NI KHYAD PAR MED PA SNGA MA KHO NA YIN NO,, 4. THUB PA GSUM LA SOGS PAR DBYE BA, BZHI PA THUB PA GSUM LA SOGS PAR DBYE BA NI MDO LAS, THUB PA'I GSUM STE, THUB PA'I LUS DANG THUB PA'I NGAG DANG THUB PA'I YID DO ZHES GSUNGS PA LA RIG BYED NI ZAG BCAS YIN PAS MI SLOB @402 PA'I LUS NGAG GI LAS SPONG BA'I RANG BZHIN ZAG MED KYI RIG BYED MA YIN PA GNYIS DANG, MI SLOB PA'I YID NYID THUB PA YIN GYI YID KYI LAS NI THUB PA MA YIN NO, ,DE NAS THUB PA'I LUS LA SOGS PA GSUM ZHES BYA STE GO RIM BZHIN DU SBYAR RO, ,SLOB PA DANG SO SO'I SKYE BO DAG NI THUB PA MA YIN TE, NYON MONGS PA THAMS CAD SPANGS PA MA YIN PA'I PHYIR RO, ,DGRA BCOM PA RNAMS KYIS NI SPANGS PA'I PHYIR THUB PA YIN NO, ,'DI LA'ANG BYE BRAG TU SMRA BA LUS NGAG GI RIG BYED MA YIN PA'I LAS LAS YID THUB PA RJES SU DPAG PAR BYA BA YIN NO ZHES ZER BA NI MA YIN TE, KHYED LTAR NA SPONG BA LA THUB PAR 'DOD CING SPONG BA'ANG RIG BYED MA YIN PA'I GZUGS SU 'DOD NA SEMS LA RIG BYED MA YIN PA'I GZUGS NYID MED PA'I PHYIR RO, ,DE'I PHYIR SGO GSUM GYI MI DGE BA DANG NYON MONGS PA THAMS CAD SPONG BA'I SEMS PA NYID THUB PA GSUM YIN LA DE NI LUS NGAG GI RIG BYED KYIS DPAG PAR BYA BA YIN NO, ,DE'I PHYIR SGO GSUM MI DGE BA DANG NYON MONGS PA LAS YANG DAG PAR BSDAMS PA NI THUB PA YIN NO, ,YANG MDO LAS, LUS DANG NGAG DANG YID GTZANG BYED RNAM PA GSUM GSUNGS PA LA LUS DANG NGAG DANG YID KYI LEGS PAR SPYAD PA (DGE BA) GSUM PO THAMS CAD NI LUS DANG NGAG DANG YID GTZANG BYED RNAM PA GSUM YIN TE, GTZANG BYED NI DUS RE ZHIG DANG GTAN DU NYES PAR SPYOD PA'I DRI MA SPONG BA'I PHYIR RO, ,LEGS PAR SPYAD PA NI DGE BA YIN NO, ,DE DAG GI DGOS PA NI LOG PA'I THUB PA MI SMRA BAR 'DUG PA TZAM GYIS 'DAG PAR LTA BA LA MOS PA'AM, YANG NA SER SKYA DANG RKANG MIG LA SOGS PA LOG PA'I THUB PA DANG, ,LUS KYI DRI MA DAG PA TZAM GYIS 'DAG PAR LTA BA 'JUG NGOGS BZHIR KHRUS BYED PA LA SOGS PA GTZANG BYED MA YIN PA LA YIN PAR MOS PA DGAG PA'I PHYIR TE, JI SKAD DU MDO LAS, LUS KYI DKA' THUB MI BZANG ZHES, ,MKHAS PA RNAMS NI DE SKAD GSUNG, ,SEMS KYI DKA' THUB NYID KYIS NI, ,NYON MONGS RI KUN SREG PAR BYED CES PA DANG, KHYAD PAR DU 'PHAGS PA'I BSTOD PA LAS KYANG, LUS KYI DKA' THUB BGYIS PA YIS, , MDUD PA 'JIG PAR GCER BU 'TSAL, ,KHYOD NI THUGS KYI DKA' THUB KYIS, ,MDUD PA 'JIG PAR BZHED PA LAGS ZHES PA DANG, RNAM 'GREL GYI RGYAN LAS, SKYES BU'I NANG NA GNAS PA'I SKYON, ,PHYI ROL KHRUS KYIS MI 'DAG STE, ,DE NI LAN BRGYAR KHRUS BYAS KYANG, ,CHANG BUM BZHIN DU GTZANG MI 'GYUR ZHES 'BYUNG BA BZHIN NO,, @403 5. LEGS SPYAD NYES SPYAD DU DBYE BA, LNGA PA LEGS SPYAD NYES SPYAD DU DBYE BA NI NYES PAR SPYAD PA GSUM MDO LAS GSUNGS PA'I DON GANG ZHE NA, DE LA MDO LAS NYES PAR SPYAD PA DANG LEGS PAR SPYAD PA GSUM GSUNGS PA LAS, LUS KYI LAS MI DGE BA DANG SOGS PA'I SGRAS GZUNG BA NGAG DANG YID KYI LAS MI DGE BA NI 'BRAS BU YID DU MI 'ONG BA'I PHYIR RIM PA BZHIN DU LUS NGAG YID GSUM GYI NYES PAR SPYAD PA GSUM DU 'DOD DO, ,'O NA YID KYI LAS MI DGE BA KHO NA YID KYI NYES PAR SPYAD PA YIN NAM ZHE NA MA YIN TE, BRNAB SEMS DANG SOGS PAS GZUNG BA GNOD SEMS DANG LOG LTA GSUM NI 'DOD CHAGS DANG RNAM PAR 'TSE BA DANG LTA BA'I RANG BZHIN GYI NYON MONGS PA YIN PA'I PHYIR DANG, YID KYI LAS NI SEMS PA'I RANG BZHIN LAS YIN PA'I PHYIR DANG, LAS DANG NYON MONGS PA THA DAD YIN PA'I PHYIR YID KYI LAS KYI RANG BZHIN MIN YANG YID KYI NYES PAR SPYAD PA RNAM GSUM DU GSUNGS PA YIN NO, ,(MDO SDE BA'I BYE BRAG) DPE STON PA RNAMS NA RE CHED DU BSAM PAR BYA BA'I MDO LAS, DGE SLONG DAG CHED BSAM PAR BYA BA'I LAS BYAS SHING BSAGS PAS DMYAL BA DAG GI NANG DU SKYE BAR 'GYUR RO, ,JI LTAR CHED DU BSAM PAR BYA BA'I LAS BYAS SHING BSAGS PA YIN ZHE NA, DGE SLONG DAG 'DI NA LA LA CHED DU BSAMS NAS LUS KYI LAS RNAM PA GSUM BYED CING STZOGS PA YIN LA NGAG GI LAS RNAM PA BZHI DANG YID KYI LAS RNAM PA GSUM ZHES BYA BA LA SOGS PA RGYAS PAR GSUNGS NAS DKA' STZAL PA, DGE SLONG DAG JI LTAR YID KYI CHED DU BSAM PAR BYA BA'I LAS RNAM PA GSUM BYAS SHING BSAGS PA YIN ZHE NA, 'DI NA DGE SLONG LA LA BRNAB SEMS DANG LDAN PA YIN, GNOD SEMS CAN GYI SEMS SU GYUR PA YIN, LOG PAR LTA BA YIN ZHES BYA BA NAS, DGE SLONG DAG YANG 'DI NA LA LA PHYIN CI LOG TU LTA BA YIN ZHES BYA BA'I BAR DU GSUNGS TE, MDO DER BRNAB SEMS LA SOGS PA MA GTOGS PA YID KYI LAS GZHAN MA GSUNGS KYI BRNAB SEMS LA SOGS GSUM PO NYID YID KYI LAS SU GSUNGS PA'I PHYIR DANG, YID KYI LAS 'GA' ZHIG NI NYON MONGS PA'ANG YIN PA'I PHYIR YID KYI LAS KYANG YIN LA NYON MONGS PA'ANG YIN PA MI 'GAL LO ZHES ZER RO,, BYE BRAG TU SMRA BA RNAMS NA RE DE LTA NA LAS DANG NYON MONGS PA DAG GCIG TU 'GYUR LA DE 'DOD NA MDO DANG 'GAL TE, MDO LAS NI, BRNAB SEMS DANG LDAN PA YIN ZHES BYA BA LA SOGS PAS SEMS PA DE NYID STON PAR BYED PA YIN PAS NYON MONGS PA'I SGO NAS YID KYI SEMS PA'I LAS 'JUG PAR BSHAD @404 PA'I PHYIR RO, ,ZHES ZER RO, ,LUS DANG NGAG DANG YID KYI LAS MI DGE BA LAS BZLOG PA'I DGE BA DAG NI LEGS PAR SPYAD PA YIN NO, ,GAL TE YANG DAG PA'I LTA BA DANG LOG LTA NI DGE BA DANG MI DGE BA MA YIN PAR 'GYUR TE, PHA ROL LA PHAN GNOD BYED PA'I BSAM PA MED PA'I PHYIR RO ZHE NA, PHAN GNOD BYED PA'I BSAM PA'I RGYU YIN PA'I PHYIR RO, , 6. DGE BCU MI DGE BCUR DBYE BA, DRUG PA DGE BCU MI DGE BCUR DBYE BA LA MDOR BSTAN PA NI NYES SPYAD DANG LEGS SPYAD DE DAG LAS CHE LONG TZAM ZHIG MDOR BSDUS NAS NI DGE BA'I LAS KYI LAM NI BCU DANG MI DGE BA'I LAS KYI LAM YANG BCUR GSUNGS SO, ,DGE MI DGE'I RAGS RIM TZAM ZHIG BSDUS KYI THAMS CAD MA YIN PA'I PHYIR CI RIGS PAR ZHES SMOS SO, ,GANG DAG MA BSDUS SHE NA, RE ZHIG MI DGE BA'I LUS KYI LAS GSUM GYI SBYOR MJUG DANG, NYON MONGS PA CAN GYI LUS KYI LAS MI TSANGS SPYOD DANG RDEG PA DANG 'CHING BA LA SOGS PA DANG, SROG GCOD KYI SBYOR BA YIN PAS MTSAMS MED LNGA'I DE BZHIN GSHEGS PA LA NGAN SEMS KYIS KHRAG 'BYIN PA DANG, NYE BA LNGA'I MCHOD RTEN 'JIG PA'ANG MA BSDUS SHING NGAG GI LAS CHUNG BA DAG KYANG MA BSDUS LA, YID KYI LAS KHRO BA LA SOGS PA DGU DANG NGO TSA KHREL MED DANG SEMS PA MI DGE BDAG KYANG MA BSDUS SO, ,DE BZHIN DU DGE BA'I PHYOGS LA'ANG LUS KYI DGE BA BDUN GYI SBYOR MJUG DANG LUS KYI DGE BA CHANG MI 'THUNG BA DANG PHYI DRO'I KHA ZAS SPONG BA LA SOGS PA DANG SPYIN PA DANG MCHED PA LA SOGS PA DANG NGAG GIS SNYAN PAR SMRA BA DANG BSTOD PA LA SOGS PA DANG YID KYI SEMS PA DGE BA DANG NGO TSA KHREL YOD DANG DAD PA LA SOGS PA BCU YANG MA BSDUS SO,, RGYAS PAR BSHAD PA LA RIG BYED DANG RIG BYED MA YIN PA DANG, KUN SLONG DANG, GZHI DANG, NGO BO DANG, LAS KYI LAM DU DANG SEMS PA LHAN CIG TU 'BYUNG BA DANG, LDAN PA'I TSUL DANG, 'BRAS BU BSHAD PA BDUN LAS DANG PO NI LAS KYI LAM DE RNAMS LAS MI DGE BA SROG GCOD DANG MA BYIN LEN DANG NGAG GI LAS BZHI STE DRUG NI GZHAN BYED DU 'JUG PA NA RNAM PAR RIG BYED MIN PA'I RANG BZHIN YIN TE, DE DAG GZHAN BYED DU BCUG PAS KYANG RANG NYID LA'ANG LAS KYI LAM DU 'GYUR BA'I PHYIR DANG, RANG LA DNGOS KYI RIG BYED MED PA'I PHYIR RO, ,'DOD LOG GCIG PU NI RANG NYID KYI RIG BYED DANG RIG BYED MA YIN PA RNAM PA GNYIS KA YIN TE, LAS DE NI BDAG NYID KYIS BYAS NA DNGOS GZHIR 'GYUR GYI @405 GZHAN BYED DU BCUG PAS RDZOGS PA MA YIN PA'I PHYIR TE, GZHAN GYIS BYAS PA LAS BDAG GIS BDE BA MI MYONG BAS SO, ,SROG GCOD PA LA SOGS PA LAS KYI LAM DRUG PO DE DAG KYANG BDAG NYID KYIS BYED CING DUS DE NYID KYI TSE SHI BA LA SOGS PAR GYUR NA RIG BYED DANG RIG BYED MA YIN PA RNAM PA GNYIS KAR 'GYUR RO, ,(DE YANG SROG GCOD PA LA RIG BYED KYI DUS DE'I TSE SHI NA GNYIS KA YIN GYI PHYIS SHI NA NA RIG BYED MIN PA KHO NA YIN NO,,) BDAG NYID KYIS BYAS KYANG SEMS CAN DE DUS PHYIS SHI NA NI RIG BYED MA YIN PA KHO NAR 'GYUR TE, SBYOR BA'I TSE DNGOS GZHI MA BYUNG BA'I PHYIR DANG, DNGOS GZHI'I TSE RIG BYED MED PA'I PHYIR RO, ,YID KYI LAS GSUM NI RIG BYED DANG RIG BYED MA YIN PA GNYIS KA MA YIN NO, ,DGE BA SROG GCOD PA SPONG BA LA SOGS PA LUS NGAG GI LAS KYI LAM GZUGS CAN BDUN NI YANG DAG PAR BLANGS PA'I TSUL KHRIMS KYI DBANG DU BYAS NAS DE NI GZHAN LAS NOD PAS RNAM PAR RIG BYED DANG RIG BYED MA YIN PA RNAM PA GNYIS KA'O, ,BSAM GTAN DANG ZAG MED KYI TING NGE 'DZIN LAS SKYES PA'I SROG GCOD PA SPONG BA LA SOGS PA SDOM PAS BSDUS PA BDUN NI MNYAM GZHAG GI SEMS TZAM LA RAG LAS PAS RNAM PAR RIG BYED MIN PA KHO NA'O, ,DGE BA DANG MI DGE BA'I LAS KYI LAM BDUN PO DE DAG GI NYER BSDOGS TE SBYOR BA RNAMS NI NGES PAR RNAM PAR RIG BYED KYI RANG BZHIN YIN TE, LUS NGAG GI RANG BZHIN YIN PA'I PHYIR RO, ,SBYOR BA DE YANG GAL TE KUN SLONG NYON MONGS PA DRAG PO 'AM RAB TU DANG BA DRAG POS RTZOM NA NI RNAM PAR RIG BYED MIN PAR YANG 'GYUR BA YIN LA, 'ON TE KUN SLONG DRAG PO MA YIN PAS SBYOR BA RTZOM NA NI RIG BYED KHO NAR 'GYUR GYI RIG BYED MA YIN PAR 'GYUR BA MA YIN NO, ,DES NA GCIG TU MA NGES PA'I PHYIR RNAM PAR BRTAGS PA'I SGRA'AM ZHES SMOS SO, ,SBYOR BA NYER BSDOGS LAS BZLOG PA RIG BYED MA YIN PA'I RANG BZHIN NI NGES PAR YIN LA, RIG BYED DU NI 'GYUR BA'AM YANG NA MA YIN PA NI LAS KYI LAM GYI MJUG YIN NO, ,JI LTAR ZHE NA, GAL TE LAS KYI LAM BYAS NAS DE DANG RJES SU MTHUN PA'I CHOS SPYOD NA NI RIG BYED DU'ANG 'GYUR LA, 'ON TE MI SPYOD NA NI RIG BYED MA YIN PA KHO NAR 'GYUR BA'I PHYIR RO, ,SBYOR BA DANG DNGOS DANG MJUG GI KHYAD PAR GANG ZHE NA, 'DI LTAR 'GA' ZHIG SROG CHAGS GSOD PAR 'DOD NAS KHRI LA SOGS PA LAS LANGS TE SROG CHAGS DE'I DRUNG DU 'GRO BA LA SOGS PA NAS MTSON BLANGS TE LAN CIG GAM GNYIS BSNUN PAR BYED CING DNGOS SU SROG GCOD PAR MI BYED PA'I BAR NI SBYOR BA YIN NO,, BSNUN PA GANG GIS DNGOS SU SROG GCOD PAR BYED PA DE'I TSE RIG BYED DANG RIG BYED MA YIN PA'I @406 SKAD CIG MA NI LAS KYI LAM DNGOS YIN NO, DE PHYIN CHAD KYI RIG BYED MA YIN PA DANG, LPAGS PA BSHU BA DANG, 'KHRUD PA DANG, SHA 'TSONG BA DANG, 'TSED PA DANG ZA BA DANG SGROGS PA LA SOGS PA'I RIG BYED DAG NI MJUG YIN NO, ,DE BZHIN DU GZHAN GYI NOR BDAG GIR BYA BAR 'DOD PAS 'GRO BA NAS BZUNG STE LEN PA DANG SBED PA LA SOGS PA NI MA BYIN PAR LEN PA'I SBYOR BA YIN NO, ,GANG GI TSE THOB PA'I BLO SKYES TE GNAS NAS SPAGS PA'AM BDAG GIR BYAS PA DE'I TSE'I RIG BYED DANG RIG BYED MA YIN PA'I SKAD CIG NI DNGOS YIN NO, ,DE PHYIN CHAD NI MJUG YIN NO ZHES BYA BA LA SOGS PA'ANG SHES PAR BYA'O,, BRNAB SEMS LA SOGS PA GSUM NI MNGON DU GYUR PA TZAM GYIS DNGOS GZHIR 'GYUR BA'I PHYIR SBYOR BA DANG MJUG MED DO, ,GAL TE GSAD BYA DE 'CHI BA'I SRID PA LA GNAS PA DE'I TSE'I GSOD PA PO'I RIG BYED DANG RIG BYED MA YIN PA DE LAS KYI LAM DNGOS YIN NAM, 'ON TE SHI ZIN PA DE'I TSE'I RIG BYED DANG RIG BYED MA YIN PA DE YIN, DANG PO LTAR NA GSOD PA PO DANG GSAD BYA'I SROG CHAGS LHAN CIG SHI BA'ANG DNGOS SU 'GYUR NA, SNGA DANG MNYAM DU SHI BA LA, ,DNGOS MED LUS GZHAN SKYES PHYIR RO ZHES 'CHAD PA DANG 'GAL LA, GNYIS PA LTAR NA BSNUN PA GANG GIS DNGOS SU SROG GCOD PAR BYED PA DE'I TSE'I RIG BYED DANG RIG BYED MA YIN PA DE DNGOS MA YIN PAR 'GYUR TE, DE'I TSE SHI BA MED PA'I PHYIR RO ZHE NA, NYES PA MED DE, SROG GCOD PAR BYED PA ZHES BYA BA NI SBYOR BA'I 'BRAS BU LAS KYI LAM DNGOS SU RDZOGS PA LA 'DOD PA'I PHYIR NA SROG CHAGS SHI BA'I GNAS SKABS KYI RIG BYED DANG RIG BYED MA YIN PA'I SKAD CIG MA DE NYID LAS KYI LAM DNGOS YIN NO, ,'O NA BSTAN BCOS LAS, SROG CHAGS BSAD LA SROG GCOD PA MA 'GAGS PA YOD DAM ZHE NA, YOD DE, 'DI LTA STE DPER NA SROG CHAGS KYI SROG BCAD LA SBYOR BA MED PAR MA GYUR PA LTA BU'O ZHES GSUNGS PA DANG 'GAL LO ZHE NA, BYE BRAG TU SMRA BA NA RE DER NI MJUG LA SBYOR BA'I SGRAR GSUNGS TE SROG CHAGS KYI SROG CHAD KYANG 'THUB PA DANG SNYING 'BYIN PA DANG MGO GCOD PA LA SOGS PA'I MJUG MA 'GAG PAR YOD PA'I PHYIR RO ZHES ZER RO,, SLOB DPON GYIS DE LTA NA KHYED RANG GI 'DOD PA DANG 'GAL TE, KHYED SROG CHAGS SHI NAS LAS KYI LAM DNGOS SU 'DOD PAS DE'I TSE SROG GCOD PA'I DNGOS GZHI MA 'GAGS PA'I PHYIR RO ZHES BRJOD PA NA, BYE BRAG TU SMRA BAS 'O NA NI BSTAN BCOS DER DNGOS KHO NA LA SBYOR BA'I SGRAR GSUNGS PAS NYES PA MED DO ZHES SMRAS PA DANG, SLOB DPON GYIS 'O NA DE'I TSE'I RIG BYED LAS KYI LAM DNGOS SU MI 'GYUR TE, SHI ZIN PA LA RIG BYED DES YANG GSOD PAR MI NUS PA'I PHYIR RO ZHES BRJOD PA NA, BYE BRAG TU SMRA BA NA RE DE @407 LTA NA DE'I TSE'I RIG BYED MA YIN PA'ANG DNGOS SU MI 'GYUR TE, SHI ZIN PA LA DES GSAD PAR MI NUS PA'I PHYIR RO, ,DES NA DE'I TSE MI NUS KYANG RIG BYED MA YIN PA LAS KYI LAM DNGOS YIN PA LTAR RIG BYED KYANG DE DANG 'DRA BAR DNGOS YIN NO, ,DES NA SHI ZIN PA LA DNGOS SU BYAS NA DNGOS LA SBYOR BA'I SGRAR GSUNGS PA YIN LA, 'CHI BA LA DNGOS SU BYAS NA MJUG LA SBYOR BA'I SGRAR GSUNGS PA YIN NO ZHES ZER RO, ,GZHAN YANG LAS KYI LAM GZHAN GYI SBYOR BA DANG MJUG GZHAN GYI DNGOS SU 'GYUR BA'ANG YOD DE, 'GA' ZHIG BSAD PA'I PHYIR GZHAN GYI NOR 'PHROG PA DANG DE'I CHUNG MA LA NYAL PO BYED PA DANG RDZUN SMRA BA LA SOGS PA LTA BU'O, ,(SLOB DPON GYIS YID KYI GSUM BYA BA MA BRTZAMS PA'I PHYIR SBYOR BAR MI 'GYUR BAR BZHED DO,,) GNYIS PA KUN SLONG BSHAD PA LA MI DGE BA'I LAS KYI LAM DE DAG KYANG MTHAR PHYIN PAR NI 'OG NAS 'BYUNG BA LTAR CHAGS SOGS SO SOS BYED LA, DANG PO'I KUN SLONG GI DBANG DU BYAS NAS SBYOR BA NI MI DGE PA'I RTZA BA GSUM LAS SKYES PA YIN TE, LAS KYI LAM DNGOS NI SBYOR BAS SKYED PA YIN LA SBYOR BA'ANG 'DOD CHAGS LA SOGS PA GSUM LAS SKYES PA'I PHYIR RO, ,'DI LTAR SROG GCOD PA 'DOD CHAGS LAS SKYES PA NI SHA LA SOGS PA LA SRED NAS GSOD PA'O, ,ZHE SDANG LAS SKYES PA NI 'KHON GYIS GSOD PA'O, ,GATI MUG LAS SKYES PA NI MCHOD SBYIN BYED PA RNAMS DANG, RGYAL PO RNAMS KYI BSTAN BCOS LAS MI MA RUNGS PA RNAMS BSAD NA BSOD NAMS SU 'GYUR RO ZHES BSHAD DO SNYAM NAS GSOD PA DANG, PAR SIG PA RNAMS PHA MA RGAS SAM NAD TSABS CHEN POS BTAB PA NA BSAD NA BSOD NAMS SU 'GYUR RO ZHES BYA BA DANG, SPRUL DANG SDIG PA DANG SBRANG BU TRYEE MA BU KA LA SOGS PA NI MI RNAMS LA GNOD PAR BYED PA'I PHYIR BSAD NA BSOD NAMS SU 'GYUR RO ZHES BYA BA DANG, ,RI DVAGS DANG PHYUGS DANG BYA LA SOGS PA NI LONGS SPYAD PAR BYA BA YIN PA'I PHYIR BSAD DO ZHES ZER BA TSAD MAR BYAS NAS GSOD PA DANG, ('JIG RTEN PHA ROL MED DO SNYAM NAS GSAD PA) LOG PAR LTA BAS RAB TU BCUG PA'I SROG GCOD PA RNAMS KYANG YIN NO, , MA BYIN PAR LEN PA 'DOD CHAGS LAS SKYES PA NI NOR LA SOGS PA LA SRED PAS LEN PA'O, ,ZHE SDANG LAS SKYES PA NI, 'KHON LAS 'PHROG PA'O, ,GTI MUG LAS SKYES PA NI RGYAL PO RNAMS KYI BSTAN BCOS TSAD MAR BYAS NAS MI SRUN PA LA CHAD PAS GCOD PA'I PHYIR 'PHROG PA DANG, BRAM ZE RNAMS NA RE, 'DI THAMS CAD TSANGS PA DBANG BA YIN LA BRAM ZE RNAMS NI TSANGS PA'I BU YIN PA'I PHYIR 'DI THAMS CAD NI TSANGS PAS BRAM ZE RNAMS LA BYIN PA YIN NA BRAM ZE RNAMS DAMS PAS DMANG RIGS LA @408 SOGS PAS LONGS SPYOD PAR ZAD DO, ,DE LTA BAS NA BRAM ZE RNAMS GZHAN GYI NOR LEN PA NI RANG GI NOR LEN PA YIN PA'I PHYIR NYES PA MED DO (DE YANG, BRAM ZE RGUD CHE RKU BA CHOS SU BSHAD, ,NGO 'THON DU NI NOR 'PHROG NUS GYUR KYANG, ,RANG GI GRAGS PA NYAMS PAR 'GYUR BAS NA, ,DE PHYIR MA MTHONG BAR NI BLANG BAR GYIS,,) ZHES ZER NAS RKU BA LTA BU DANG, LOG PAR BLTA BAS LEN PA LTA BU'O,, 'DOD LOG 'DOD CHAGS LAS SKYES PA NI GZHAN GYI CHUNG MA LA CHAGS PAS LONGS SPYOD PA'O, ,ZHE SDANG LAS SKYES PA NI 'KHON GYIS LONGS SPYOD PA'O, ,GTI MUG LAS SKYES PA NI PAR SIG PA RNAMS MA LA SOGS PA LA LONGS SPYOD PA DANG, BA LANG 'BRANG GI MCHOD SBYIN LAS CHO GA CAN GYIS CHU BTUNG NGO RTZVA BCAD DO, ,MA'I GAN DU NYAL PO LA 'GRO'O, ,SRING MO'I GAN DU 'GRO'O, RUS GCIG PA'I GAN DU 'GRO'O, ,ZHES BSHAD PA'I RJES SU 'BRANGS NAS DE DAG LA LONGS SPYOD PA LTA BU'O, ,KHA CIG NUB PHYOGS KYI BRAM ZE MCHU SKYES ZHES BYA BA DAG NA RE BUD MED NI GTUN DANG, ME TOG DANG, 'BRAS BU DANG, ZAS SMIN PA DANG NGOGS DANG, LAM DANG 'DRA BA'I PHYIR SPYAD KYANG NYES PA MED PAS THAMS CAD KYIS SPYAD PAR BYA'O ZHES ZER BA DANG MTHUN PAR BYED PA DANG, LOG LTAS BCUG PA'O, ,RDZUN LA SOGS PA CHAGS PA LAS SKYES PA NI BDAG DANG MDZA' BO SKYOB PA'I PHYIR DANG, RNYED PA DANG BKUR STI'I PHYIR SMRA'O, ,ZHE SDANG LAS SKYES PA NI 'KHON LAS NGES PAR 'BYUNG BAR BYA BA'I PHYIR RO, ,GTI MUG LAS SKYES PA NI, RGYAL PO GZHAD GAD LDAN DANG BUD MED DANG, ,BAG MA LEN PA'I TSE DANG GSOD PA DANG,, NOR RKUN 'PHROGS TSE RDZUN BYAS GNOD MED DE, ,RDZUN LNGA LTUNG BAR BYED PA MIN ZHES BSHAD CES DRANG SRONG DAG GIS RGYAL PO LA SMRAS PA'I RJES SU 'BRANGS NAS DE DAG GI TSE DANG LOG LTAS SMRA BA LTA BU'O, ,PHRA MA LA SOGS PA GTI MUG LAS SKYES PA NI LOG LTAS KUN NAS BSLANG BA DANG, PHYI ROL PA'I RIG BYED LA SOGS PA'I BSTAN BCOS NGAN PA LA ZHEN PA'I BLOS 'DON PA'O, ,GAL TE BRNAB SEMS LA SOGS PA 'DOD CHAGS LA SOGS PAS JI LTAR SLONG STE DE DAG NYID KUN SLONG GI BSAM PA YIN PA'I PHYIR RO ZHE NA, 'DOD CHAGS DANG ZHE SDANG DANG GTI MUG GSUM PO DE'I MJUG THOG LAS BYUNG BA'I PHYIR BRNAB SEMS LA SOGS PA'ANG MI DGE BA'I RTZA BA GSUM LAS SKYES PA YIN TE, RIN PO CHE'I PHRENG BA LAS, 'DOD CHAGS ZHE SDANG GTI MUG GSUM, ,DES BSKYED LAS NI MI DGE BA, ,ZHES 'BYUNG BA LTAR DE DAG NI MI DGE BA'I RTZA BA GSUM POS CI RIGS PAR KUN NAS SLONG BA YIN PA'I PHYIR RO, ,DGE BA'I LAS KYI LAM DNGOS SBYOR BA DANG MJUG DANG BCAS PA RNAMS NI KHYAD PAR MED @409 PAR CHAGS PA MED PA DANG SDANG BA MED PA DANG GTI MUG MED PA LAS SKYES PA YIN TE, DE DAG GIS KUN NAS BSLANG BA'I PHYIR DANG, MTSUNGS PAR LDAN PA'I PHYIR RO, ,'DOD CHAGS LA SOGS PA LAS SKYES PA NI DGE BAR MI RUNG BA'I PHYIR DANG, DGE BA DAG NI DGE BA'I SEMS LAS SKYE BA'I PHYIR RO, ,DGE BA'I LAS KYI LAM GYI SBYOR DNGOS MJUG GSUM NI RIM PA LTAR MI DGE BA'I LAS KYI LAM GYI SBYOR DNGOS MJUG GSUM SPONG BA NYID YIN TE, 'DI LTAR DGE TSUL BSNYEN PAR RDZOGS PAR BYED PA NA SDOM PA'I SBYOR BA NI GNAS SU 'JUG PA DANG MKHAN SLOB DANG DGE 'DUN LA PHYAG 'TSAL BA DANG MKHAN PO LA GSOL BA 'DEBS PA LA SOGS PA NAS LAS LAN GNYIS BRJOD PA YAN CHAD DO, ,LAS LAN GSUM PA BRJOD PA'I THA MA'I DUS KYI RIG BYED DANG DE'I SKAD CIG GI RIG BYED MA YIN PA NI LAS KYI LAM DNGOS YIN NO, ,DE PHYIN CHAD GNAS BSGO BA DANG, DE'I RTEN RNAM PAR RIG PAR BYED PA DANG, JI SRID DU RIG BYED MA YIN PA RJES SU 'BRANG BA SDOM PA MA BTANG BA DE SRID NI MJUG YIN NO, ,GA' TE MI DGE BA'I LAS KYI LAM DE DAG KUN NAS SLONG BA NA 'DOD CHAGS LA SOGS PA GSUM CHAR GYIS CI RIGS PAR SLONG LA DE DAG RDZOGS SHING MTHAR PHYIN PAR BYED PA NI 'DOD CHAGS LA SOGS PA SO SOS BYED DO ZHES BSHAD NA DE DAG GANG ZHIG GANG GIS MTHAR PHYIN PAR BYED CE NA GSOD PA SROG GCOD DANG GNOD SEMS DANG TSIG RTZUB PO GSUM (DANG POS,) NI SEMS CAN YONGS SU 'DOR BA (GZHAN GNYIS) DANG RTZUB PA'I SEMS MNGON DU GYUR PA'I PHYIR ZHE SDANG GIS MTHAR PHYIN PAR BYED DO,, 'DOD PAS LOG PAR G-YEM PA DANG BRNAB SEMS DANG MA BYIN PAR LEN PA RNAMS NI CHAGS PA YIS RDZOGS PAR BYED LA, LOG PAR LTA BA NI CHER RMONGS NA LOG POR LTA BAS GTI MUG GIS RDZOGS PAR BYED DO, ,LHAG MA RDZUN PHRA MA NGAG KYAL RNAMS NI 'DOD CHAGS LA SOGS PA GSUM GYIS CI RIGS PAR RDZOGS SHING MTHAR PHYIN PAR BYED PAR 'DOD DO, ,GSUM PA GZHI BSHAD PA NI ZHE SDANG GIS MTHAR PHYIN PAR BYED PA LA SOGS PA BZHI'I GZHI NI GO RIM BZHIN DU GSOD BYA LA SOGS PA'I SEMS CAN DANG, REG BYA LA SOGS PA'I LONGS SPYOD DANG, PHUNG PO LNGA CHAR LA SKUR PA 'DEBS PAS MING DANG GZUGS DANG, RDZUN LA SOGS PA NGAG YIN ZHING NGAG MING LA 'JUG PAS MING YIN NO, ,YANG NA TSIG RTZUB KYI GZHI SEMS CAN YIN PA LTAR RDZUN LA SOGS PA GSUM GYI'ANG YIN LA, GSUM GYI GZHI MING YIN PA LTAR TSIG RTZUB KYI'ANG YIN NO ZHES PHAN TSUN MTSON PA'O ZHES GSUNG NGO,, 'DIR GZHI'I SGRA NI RTEN NAM YUL LA BRJOD PA YIN TE GSOD PA LA SOGS PA NI SEMS CAN LA 'JUG @410 PA'I PHYIR DANG, 'DOD LOG LA SOGS PA NI LONGS SPYOD LA 'JUG PA'I PHYIR DANG, LOG LTA NI PHUNG PO LNGA GA LA SKUR PA 'DEBS PA'I PHYIR DANG, RDZUN LA SOGS PA NI NGAG YIN LA DE MING LA 'JUG PA'I PHYIR RO, , SROG GCOD PA LA KHYAD PAR BRJOD PA NI GANG ZHIG GIS PHA ROL PO 'CHI NGES PAR BYAS TE RANG NYID PHA ROL PO 'CHI BA'I SNGA ROL DANG PHA ROL DANG GSOD PA PO MNYAM DU SHI BA DE LA NI SROG GCOD PA'I SBYOR BAS REG PAR 'GYUR GYI LAS KYI LAM DNGOS DANG MJUG 'BYUNG BA MED DE, GANG ZHIG BSAD PAR BYA BA DE MA SHI BAR NI SROG GCOD PA'I KHA NA MA THO BA BYUNG BAR MI RIGS LA DE SHI BA NA NI GSOD PA PO'ANG SHI STE LUS GANG GIS SBYOR BA BYAS PA'I LUS DE LA BRTEN NAS 'BRAS BU RDZOGS PA YIN PA NA SROG CHAD PA'I TSE SBYOR BA BYED PA PO'I LUS (DE DANG SKAL BA MA MNYAM PA'I,) LAS GZHAN PA'I LUS SKYES PA'I PHYIR RO, ,(DER 'GYUR BA LA GANG GIS SBYOR BA BYAS PA DE LA DNGOS GZHI 'GRUB DGOS PAS SO, ,) DE NYID KYI PHYIR MDO LAS, SBYOR BA YANG BYAS LA 'BRAS BU YANG YONGS SU RDZOGS PAR GYUR KYANG SROG GCOD PA'I KHA NA MA THO BAS REG PAR MI 'GYUR BA LTA MCHIS SAM, BKA' STZAL PA YOD DE, 'DI LTA STE GSOD PA PO SNGAR RAM MNYAM DU SHI BA LTA BU'O ZHES GSUNGS SO, ,'O NA MANG PO TSOGS TE GROS BYAS NAS DMAG DANG RI DVAGS KYI LINGS DANG RGYAR 'CHU BA LA SOGS PA BYED PA NA DNGOS SU GCIG GIS SEMS CAN SROG DANG BRAL BAR BYAS PA NA GZHAN DE DAG SROG GCOD PA LA SOGS PA DANG LDAN PAR 'GYUR RAM MI 'GYUR ZHE NA, DMAG DANG RI DVAGS KYI LINGS LA SOGS PA NI SEMS CAN DE GSOD PA LA SOGS PA BYED PAR DON GCIG LA ZHUGS PA'I SBYOR BA CAN YIN PA'I PHYIR DNGOS SU GSOD PA PO MA YIN PA THAMS CAD LA'ANG DNGOS SU GSOD PAR BYED PA PO BZHIN DU SROG GCOD PA'I DNGOS KYI LAS KYI LAM DANG LDAN NO, , 'O NA GANG ZHIG NAN GYIS KHRID PA DE LAS KYI LAM DANG LDAN NAM ZHE NA, DE NI DMAG LA SOGS PA'I TSOGS PA NA YOD KYANG GAL TE RANG GI SROG LA THUG KYANG GZHAN GYI SROG MI GCOD DO SNYAM DU NGES PAR BYAS TE 'GRO NA NI DE LA SROG GCOD PA'I NYES PAS REG PAR MI 'GYUR LA, 'ON TE BSAM PA NGES PA DE LTA BU MED NA NI LDAN PAR 'GYUR RO, , BZHI PA NGO BO BSHAD PA NI SROG GCOD PA NI 'DI BSAD DO SNYAM DU BSAMS BZHIN DU GSOD PA DANG, MA NOR BAR GSOD PA DANG, GZHAN BSAD PA'I YAN LAG GSUM DANG LDAN PAS GSOD PA'O, ,BSAM BZHIN DU ZHES BYA BAS NI GCER BU PA DAG BSREGS PAR MA BSAMS KYANG ME LA REG NA 'TSIG PA LTAR MA BSAMS PAR RKANG PA'I 'OG TU SROG CHAGS SHI BA DANG, SEMS CAN GYI BSAM PA MED PA SHING GCOD PA LA @411 SOGS PA'ANG SROG GCOD PA'I NYES PA DANG LDAN NO ZHES ZER BA SPANGS TE, GAL TE GSOD PA'I BSAM PA MED PAR 'CHI BA'I RKYEN BYAS PA TZAM GYIS SROG GCOD PAR 'GYUR NA PHA MA RNAMS BU DANG BU MO SHI BA NA SROG GCOD DANG LDAN PAR 'GYUR TE, DE DAG BSKYED PA NYID KYIS 'CHI BA'I RGYU BYAS PA'I PHYIR RO, ,DE BZHIN DU SMAN PA RNAMS KYIS SMAN SPYAD NYES PA DANG, YON BDAG RNAMS KYIS BSOD SNYOMS PHUL BA NA GSOL DRAGS TE GSUD DE SHI NA SMAN PA DANG YON BDAG RNAMS KYANG SROG GCOD PA DANG LDAN PAR 'GYUR RO, , GA LA TE DE DAG LA GSOD PA'I BSAM PA MED PA'I PHYIR RO ZHE NA, DE NYID KYIS NA BSAM BZHIN DU ZHES SMOS SO, ,DE NYID KYI PHYIR DRAN PA NYER GZHAG LAS, RGYU LNGAS SROG GCOD PA BYAS KYANG KHA NA MA THO BAS GOS PAR MI 'GYUR TE, 'DI LTA STE LAM DU ZHUGS PA NA MI SHES PAS SROG CHAGS PHRA MO DANG GROG SBUR LA SOGS PA SROG DANG BRAL BAR BYED PA DANG, GZHAN LA MTSON CHA GZAS PA LAS BSAM PA DANG MI LDAN PA GZHAN LA PHOG STE DE SROG DANG BRAL BA DANG, NAD PA LA SMAN PA PHAN PAR 'DOD PAS NYES PAR MA MTHONG STE SMAN BYIN PA LAS DE SHI BA DANG, MAS BU 'DUL BA'I PHYIR BRDEGS PA LAS DE SROG DANG BRAL BA DANG, ME 'BAR BA'I NANG DU SROG CHAGS MI 'DOD BZHIN DU LHUNG BA STE RGYU DE LNGAS SO ZHES GSUNGS SO, ,NOR BAR BSAD PA DANG BDAG BSAD PAS NI SROG GCOD PA'I SBYOR BA TZAM DU 'GYUR GYI DNGOS SU NI MI 'GYUR TE, DANG PO LA BSAMS PA'I DON MA RDZOGS PA'I PHYIR DANG, GNYIS PA LA RDZOGS PA NA LUS GZHAN SKYES PA'I PHYIR RO, ,SROG CES BYA BA CI YIN ZHE NA, LUS SEMS LA BRTEN NAS 'JUG PA'I RLUNG DANG RNAM SHES LA MI 'KHRUL BA'I DROD DANG RNAM SHES RIS MTHUN PAR GNAS PA DANG SROG GI DBANG PO RNAMS LA CI RIGS PAR SROG CES BYA LA DE DAG GCOD PA'I PHYIR SROG GCOD PA'O,, DE LTAR YANG MDO LAS, GANG TSE TSE DANG DROD RNAM SHES, ,'DI DAG GIS NI LUS 'DOR ZHING, , BOR BAS DE TSE 'DUG PA NI, ,JI LTAR SHING LA SEMS MED BZHIN ZHES GSUNGS SO, ,(THE TSOM ZA NAS GANG YIN BSAD SNYAM NAS BSAD NA'ANG DNGOS YONG NGO,,) ,MA BYIN PAR LEN PA NI GZHAN GYIS BDAG GIR BZUNG PA'I NOR DBANG GIS 'PHROG PA'I MTHU DANG MA TSOR BAR 'JAB BUS BDAG GIR BYED PA'O,, (RDZAS MNGON DU GYUR PA LA THOB BLO SKYES PA NA DNGOS GZHIR 'GYUR RO,,) 'DIR YANG BSAM BZHIN DU MA NOR BAR ZHES SHES PAR BYA STE, MA BSAMS PAR BDAG GI NOR GYI GSEB TU GZHAN GYI NOR BLANGS PA LA NI NYES PA MED PA'I PHYIR DANG, NOR BAR GZHAN GYI NOR BLANGS PA NI SBYOR BA'I NYES PAR 'GYUR GYI DNGOS MED PA'I PHYIR RO, ,'O NA MCHOD RTEN GYI DKOR PHROGS PA DANG GTER BRUS PA (DANG SHI BA'I NOR BLANGS @412 NA GANG LAS MA BYIN LEN DU 'GYUR ZHE NA,) LAS MA BYIN PAR LEN PAR MI 'GYUR TE, GZHAN GYIS BDAG TU MA GZUNG BA'I PHYIR RO ZHE NA, MA YIN TE, MCHOD RTEN GYI DKOR NI SANGS RGYAS DANG MCHOD RTEN GYI SRUNGS MA DAG GIS BZUNG BA'I PHYIR DANG, GTER NI YUL GYI BDAG POS YONGS SU BZUNG BA'I PHYIR RO, , SHI BA'I NOR BLANGS PA NI KHYIM PA YIN NA NYE DU RNAMS KYIS BZUNG BA'I PHYIR DANG, RAB TU BYUNG BA YIN NA DGE 'DUN GYIS BZUNG BA'I PHYIR DE DAG LAS MA BYIN PAR LEN PAR 'GYUR BA'I PHYIR RO, ,DE LA'ANG DANG PO THA MA'I CHO GA'AM GSOL BA'I LAS BYAS NA MTSAMS NANG DE'I DGE 'DUN LAS MA BYIN LEN DU 'GYUR LA, MA BYAS NA NI SANGS RGYAS KYI SLOB MA THAMS CAD LAS MA BYIN LEN DU 'GYUR TE, LUNG GOS KYI GZHI LAS, GSOL BA'AM THOG MA DANG THA MA MA BYAS PA'I SHI BA'I YO BYAD KYI RNYED PA NI SANGS RGYAS KYI SLOB MA THAMS CAD DBANG BAR 'GYUR RO ZHES GSUNGS PA'I PHYIR RO, ,BGROD PAR BYA BA MIN PA RNAM PA BZHIR 'GRO BA 'DOD PA YIS LOG PAR SPYOD PA'I PHYIR 'DOD PAS LOG PAR G-YEM PA RNAM PA BZHI STE, BGROD PAR BYA BA MA YIN PA DANG, YAN LAG MA YIN PA DANG, YUL MA YIN PA DANG, DUS MA YIN PAR BGROD PA'O, ,DE LA DANG PO NI GZHAN GYIS BZUNG BA'I BUD MED RNAMS DANG MA DANG BU MO DANG PHA MA DANG BDUN RGYUD DU 'BREL PA RNAMS SO, ,DE LA DGE SBYONG MA RNAMS NI YUL GYI BDAG POS YONGS SU BZUNG BA'I PHYIR DANG, GZHON NU MA RNAMS NI GANG LA BYIN PA DE LAS DANG, BYIN PA MED NA DE'I PHA MA DANG MING PO LA SOGS PA DANG, SRUNG BA GZHAN MED NA THA NA RGYAL PO LA LTOS NAS KYANG DES YONGS SU BZUNG PA'I PHYIR GZHAN GYIS BZUNG BA'I NANG DU GTOGS SO,, RNAM PAR GTAN LA DBAB PA BSDU BA DANG, DRAN PA NYER GZHAG LAS NI, SKYES PA DANG MA NING DANG DUD 'GRO LA SOGS PA YANG BGROD PAR BYA BA MA YIN PAR BSHAD DO, ,GNYIS PA NI KHA DANG BSHANG BA'I LAM LA SOGS PA RMA'I SGO GZHAN DU STZOL BA STE, DE DAG KYANG RANG GI CHUNG MA YIN YANG 'DOD LOG TU 'GYUR NA GZHAN LA LTA CI SMOS PA'I PHYIR RO, ,RNAM PAR GTAN LA DBAB PA BSDU BA LAS, DE LA TSOD NI LAN LNGA'I BAR DU BYED PA YIN LA, DE LAS LHAG PA NI TSED MA YIN PA'O ZHES 'BYUNG BAS LAN LNGA LAS LHAG PA BYED PA'I TSED MA YIN PA DANG LNGAR 'GYUR BA'AM, YANG NA DE NYID LAS, DE'I TSOD LAS LHAG PA NI DUS MA YIN PA ZHES BYA'O ZHES DUS MA YIN PAR 'DUS PAR YANG BSHAD DO,, GSUM PA NI SNANG BA DANG BCAS PA DANG, SKYE BO MANG PO'I MNGON SUM DANG, GANG DU DE LA GNOD @413 PA'I SA PHYOGS 'BAR 'BUR CAN DANG SRAB MO LA SOGS PA DANG, MCHOD RTEN DANG GTZUG LAG KHANG DANG, RANG GI PHA MA DANG, SLOB DPON DANG BLA MA DANG, DGE SBYONG LA SOGS PA'I DRUNG DU SPYOD PA STE, DE DAG NI RANG GI CHUNG MA LA SPYOD PA'ANG LOG G-YEM DU 'GYUR RO, ,BZHI PA NI SBRUM MA DANG NU ZHO 'THUNG BA DANG 'KHRIG PA SPYAD DU MI RUNG BA'I NAD KYIS THEBS PA DANG MYA NGAN GYIS YID MI BDE BA DANG NYIN PAR DANG BSNYEN GNAS LA GNAS PA'I DUS TE DE DAG TU RANG GI CHUNG MA YIN YANG 'DOD LOG TU 'GYUR RO, , 'DIR YANG MA NOR BAR ZHES SHES PAR BYA STE, NOR BA LA NI DE'I NYES PA MED PA'I PHYIR RO, ,(RAB BYUNG YIN NA PHAM PAR 'GYUR,) ,DE'I PHYIR GZHAN GYI CHUNG MA LA RANG GIR 'DU SHES NAS SPYAD PA LA NI 'DOD LOG TU MI 'GYUR RO, ,'O NA GZHAN GYI CHUNG MA LA GZHAN ZHIG GI CHUNG MAR 'DU SHES TE SPYAD NA'ANG 'DOD LOG TU MI 'GYUR TE, MA NOR BA MED PA'I PHYIR RO ZHE NA, SNGON GYI SLOB DPON KHA CIG NA RE KHYAD PAR LA 'DU SHES 'KHRUL BAR GYUR KYANG SPYIR GZHAN GYI CHUNG MAR 'DU SHES PA MA 'KHRUL BAS SBYOR BA BYAS PA'I PHYIR DANG, DNGOS PO'ANG RDZOGS PAR SPYAD PA'I PHYIR 'GYUR RO ZHES ZER RO, ,KHA CIG NI SBYOR BA'I TSE GZHAN DU 'DU SHES PAS DNGOS KYI TSE GZHAN LA SPYAD PA'I PHYIR MI 'GYUR TE DPER NA SROG GCOD PA BZHIN NO ZHES ZER TE LUGS SNGA MA YIN NO, ,DE DAG NI LUS KYI LAS GSUM MO,, RDZUN GYI TSIG NI SMRA BA PO RANG GIS DON SMRA BA GANG YIN PA DE LA PHA ROL PO 'DU SHES GZHAN DU BSGYUR BA'I BSAM PAS MI BDEN PA SMRAS PAS TSIG DE'I DON MNGON PAR GO BA'O, ,'DIR YANG BSAM BZHIN DU ZHES BYA BA DANG MA NOR BAR ZHES SHES PAR BYA STE, MA BSAMS PA DANG NOR BA LA DNGOS MED PA'I PHYIR RO, ,TSIG DON MNGON PAR GO BA'O ZHES BYA BA NI PHRA MA LA SOGS PA LA'ANG SHES PAR BYA'O,, (MTHONG DANG MA MTHONG THOS MA THOS, ,RTOGS DANG MA RTOGS SHES MA SHES, ,JI BZHIN SMRA BA 'PHAGS PA YI, ,THA SNYAD 'DOGS PA BYIS PA YIN, ,ZHES SO, ,) 'O NA BRGYAD TSAN BRGYAD PA'I MDO LAS, 'PHAGS PA MA YIN PA'I THA SNYAD BRGYAD DANG 'PHAGS PA'I THA SNYAD BRGYAD DE BCU DRUG BSHAD PA LA MTHONG BA DANG THOS PA DANG RTOGS PA DANG RNAM PAR SHES PA LAM MTHONG BAR SMRA BA LA SOGS BZHI DANG, MA MTHONG BA LA SOGS PA BZHI LA MTHONG BA LA SOGS PAR SMRA BA BZHI STE BRGYAD NI BYIS PA'I THA SNYAD DE RDZUN DU 'GYUR RO, ,MTHONG BA LA MTHONG BA LA SOGS PAR SMRA BA BZHI DANG, MA MTHONG BA LA MA MTHONG BA LA SOGS PAR SMRA BA BZHI STE BRGYAD NI 'PHAGS PA'I THA SNYAD DE BDEN PA'I DON CAN YIN NO ZHES 'BYUNG BA'I MTHONG BA LA SOGS PA BZHI NYID GANG ZHE NA, MIG GI RNAM SHES KYIS NYAMS SU MYONG BA GANG YIN @414 PA DE NI MTHONG BA YIN NO, ,RNA BA'I RNAM SHES KYIS NYAMS SU MYONG BA GANG YIN PA DE NI THOS PA YIN NO, ,YID KYI RNAM SHES KYIS NYAMS SU MYONG BA GANG YIN PA DE NI RNAM PAR SHES PA YIN NO, ,SNA DANG LCE DANG LUS KYI RNAM SHES GSUM GYIS NYAMS SU MYONG BA GANG YIN PA DE NI RTOGS PA YIN TE DE LTAR NA RIM PA BZHIN DU BSHAD DO, ,DE LA DRI RO REG BYA GSUM NI MA BSGRIBS LUNG MA BSTAN YIN PAS RNAM SMIN 'BYIN MI NUS PA'I PHYIR SHI BA DANG 'DRA BAR NUS PA CHUNG BAS RTOGS PA ZHES BYA STE, RTOGS PA'I SGRA NI SHI BAR YANG 'DREN PA'I PHYIR RO,, YANG KHA CIG NA RE SHI BA'I RO LA DGE MI DGE GNYIS RJES SU MI 'JUG LA LUNG MA BSTAN RJES SU 'JUG PA LTAR GSUM PO DE DAG KYANG LUNG MA BSTAN YIN PAS SHI BA DANG 'DRA'O ZHES ZER RO, ,GAL TE DE LTAR YIN PAR GANG GIS SHES SHE NA, LUNG DANG RIGS PA LAS TE, DE LA LUNG NI TSE DANG LDAN PA MCHOD BYED KYI MA CAN GYIS ZHUS PA'I MDO LAS, MCHOD BYED MA CAN JI SNYAM DU SEMS, GZUGS GANG DAG KHYOD KYI MIG GIS MA MTHONG STE SNGON MA MTHONG ZHING MI BLTA LA KHYOD NI 'DI SNYAM DU BLTA BAR BYA'O SNYAM DU'ANG MI SEMS NA GZHI DE LAS KHYOD 'DUN PA'AM, 'DOD CHAGS SAM, 'DOD PA'AM, DGA' BA'AM, CHAGS PA'AM, 'CHUMS PA'AM, LHAG PAR CHAGS PA SKYE'AM, BTZUN PA MA LAGS SO ZHES PA DANG, DE BZHIN DU SGRA DANG DRI DANG RO DANG REG BYA DANG CHOS KYI BAR LA RNA BA DANG SNA DANG LCE DANG LUS DANG YID KYI RNAM SHES LA'ANG SBYAR TE RGYAS PAR GSUNGS NAS MDOR BSDU BA'I PHYIR MCHOD BYED KYI MA CAN KHYOD 'DI LA MTHONG NA'ANG MTHONG BA TZAM DU 'GYUR LA, THOS PA DANG, RTOGS PA DANG, RNAM PAR SHES NA'ANG RNAM PAR SHES PA TZAM DU 'GYUR RO ZHES GSUNGS PA'I PHYIR, MIG DANG, RNA BA DANG YID SHES GSUM GYI YUL GSUM NI RANG GI MING GIS BSTAN PAS RTOGS PA'I SGRAS DRIL SOGS PA GSUM GZUNG BAR DON GYIS GO BA'I PHYIR RO, ,DE LTA MA YIN NA DRI LA SOGS PA GSUM LA THA SNYAD 'DOGS PA RGYUN CHAD PAR 'GYUR TE, DE DAG MTHONG BA LA SOGS PA'I NANG DU NI MA GTOGS LA RTOGS PA'ANG MA YIN PA'I PHYIR RO, ,ZHES BYE BRAG TU SMRA BA RNAMS 'DOD DO,, SLOB DPON 'DUN BZANG NA RE GANG ZHIG RANG GI DBANG PO DANG PHRAD PA DE NI RTOGS PA YIN LA DBANG PO GSUM PO 'DI DAG KYANG RANG GI YUL DANG PHRAD PA'I PHYIR RO, ,ZHES ZER RO, ,SNGON GYI SLOB DPON DAG NI MDO'I DON NI DE LTAR MA YIN TE, YUL LNGA PO DE DAG DBANG PO LNGA LA BRTEN PA'I RNAM PAR SHES PAS MNGON DU BYAS PA NI MTHONG BA'O, ,PHA ROL LAS 'ONGS PA'I SGRA LA BRTEN NAS YUL DRUG CAR SHES PA NI @415 THOS PA'O, ,BDAG NYID KYIS MI 'KHRUL BA'I RIGS PAS RJES SU DPAG NAS YUL DRUG RTOGS PA NI RTOGS PA'O, ,YID KYI MNGON SUM DU GYUR PA BSGOMS NAS RTOGS PA SO SO RANG GIS RIG PAR BYA BA GANG YIN PA DE NI RNAM PAR SHES PA YIN TE, MTHONG BA TZAM LA SOGS PAR SHES PAR BYA'I SDUG MI SDUG TU BDEN PA DANG MTSAN MAR BZUNG BAR MI BYA BA 'DI STON PA YIN NO ZHES 'CHAD DO, ,SNGON GYI RNAL 'BYOR SPYOD PA PO'I SLOB DPON GZHAN DAG NI MIG KHO NAS MNGON SUM DU BYAS PA GANG YIN PA DE NI MTHONG BA'O, ,RNA BAS THOS PA DANG PHA ROL LAS 'ONGS PA GANG YIN PA DE GNYIS KA NI THOS PA'O, ,BDAG NYID KYIS BSAMS PA GANG YIN PA RTOGS PA'O, ,BDAG NYID KYIS MNYAM PAR MA BZHAG PAS SO SOR YANG DAG PAR RIG PA DANG 'JIG RTEN PA'I MNYAM GZHAG GIS RTOGS PA GANG YIN PA DE NI RNAM PAR SHES PA'O ZHES ZER RO, , DE LTAR NA LUGS SNGA MA LTAR NA YUL LNGA PO RE RE LA'ANG MTHONG BA DANG THOS PA DANG RTOGS PA DANG RNAM PAR SHES PA'I THA SNYAD 'DOGS SHING CHOS LA NI MTHONG BA MA GTOGS PA'I THA SNYAD 'DOGS LA, LUGS PHYI MA LTAR NA YUL DRUG CAR LA YANG SO SOR CI RIGS PAR MTHONG BA LA SOGS PA'I THA SNYAD BZHI 'DOGS PA'I PHYIR DRI LA SOGS PA GSUM LA THA SNYAD 'DOGS PA MED PAR THAL BAR 'GYUR BA'I NYES PA'ANG MED DO, , GAL TE SROG GCOD LUS KYI LAS KHO NA YIN NAM ZHE NA, MA YIN TE, YID DANG NGAG GIS KYANG BYED PA'I PHYIR TE, DANG PO NI NYI SHU PA LAS DRANG SRONG KHROS PAS DAN TA KA'I, DGON PA JI LTAR STONGS PAR 'GYUR ZHES KHYIM BDAG NYE BAR 'KHOR GYI MDO LAS, DRANG SRONG RNAMS KYI YID RAB TU KHROS PAS DAN DA KA DANG KA LING KA DANG MA TANG KA'I DGON PA'I SKYE BO RNAMS SHI BAR GSUNGS PA'I PHYIR DANG, GNYIS PA NI GZHAN LA BSGO NAS GSOD PAR BYED PA'I PHYIR RO, ,DE BZHIN DU RDZUN NGAG GI LAS KHO NA YIN NAM ZHE NA, MA YIN TE, LUS DANG YID KYIS KYANG BYED PA'I PHYIR TE, DANG PO NI YOD PA LA LUS KYIS MED PA'I BRDA BYED PA LA SOGS PA'I PHYIR DANG, GNYIS PA NI SO SO ZANG PA LAS GSO SBYONG BYED PA NA LTUNG BA YOD LA DRAN BZHIN DU MI MTHOL NA DE SHES BZHIN DU RDZUN DU SMRA BA YIN NO ZHES 'DUL BA 'DZIN PAS CI 'DI LA KHYED YONGS SU DAG GAM ZHES LAN GNYIS LAN GSUM GYI BAR DU DRIS PA NA, GAL TE DGE SLONG 'GA' ZHIG LTUNG BA YOD BZHIN DU 'CHAGS PAR MI BYED PAR CANG MI SMRA BAR 'DUG PAR BYED NA RDZUN DU SMRA BAR 'GYUR BAR GSUNGS PA'I PHYIR RO, , DE'I PHYIR LUS NGAG GI RIG BYED MED KYANG SROG GCOD DANG RDZUN DU SMRA BA YOD DO ZHES BYE BRAG TU SMRA BA RNAMS ZER RO, ,SLOB DPON GYIS 'O NA DRANG SRONG GI YID KHROS PA DANG GSO SBYONG GI RDZUN LA DE'I TSE RIG BYED MED @416 NA RIG BYED MA YIN PA'ANG MED PAR 'GYUR TE, 'DOD PA'I RIG BYED MA YIN PA NI NGES PAR RIG BYED LA LTOS PA'I PHYIR RO, ,DE'I PHYIR YID KYIS SROG GCOD DANG RDZUN GNYIS LAS KYI LAM DU MI 'GRUB PAR THAL BAR 'GYUR RO ZHES BYA BA 'DI LA BYE BRAG TU SMRA BAS LAN GDAB DGOS SO ZHES BRJOD DO, ,'DI LA SLOB DPON 'DUN BZANG DRANG SRONG KHROS PA DANG GSO SBYONG GI TSE'ANG LUS NGAG GI RIG BYED MED PAR MA GRUB STE, DRANG SRONG LA DAD PA'I MI MA YIN PA DAG GIS GANG GIS DRANG SRONG DE DAG LA LAS KYI LAM SKYE BAR 'GYUR BA SKYE BO RNAMS LA GNOD PA BYED PA'I LUS KYI RIG BYED DANG, DRANG SRONG RANG NYID LA'ANG GZHAN LA KHROS PA NA LUS NGAG GI G-YO BA DMOD PA 'DOR BA LA SOGS PA'I LUS NGAG GI RIG BYED CUNG ZAD NGES PAR YOD PA'I PHYIR DANG, GSO SBYONG GI TSE'ANG MA DAG BZHIN DU CANG MI SMRA BAS BDAG NYID DAG PAR GO BAR BYED PA'I PHYIR DANG, YONGS SU MA DAG PA ZHIG DGE 'DUN GYI NANG DU 'JUG PAR BYED CING 'DUG PAR BYED RANG GI SPYOD LAM STON PAR BYED LA DE DANG 'BREL BA CUNG ZAD SMRA BAR BYED NA DE NYID 'DI'I RIG BYED YIN PA'I PHYIR RTAGS MA GRUB PA YIN NO ZHES LAN 'DEBS PAR BYED LA, GZHAN DAG NI DE DAG LA RIG BYED MED PAR GYUR KYANG 'DOD PA'I RIG BYED MA YIN PA THAMS CAD RIG BYED LA RAG LAS PAR NGES PA'ANG MED DE DPER NA LNGA SDE LA SOGS PA 'BRAS BU THOB PA'I MOD LA RIG BYED MED KYANG SO SO THAR PA'I SDOM PA SKYES PA DE BZHIN DU MI DGE BA'I RIG BYED MA YIN PA'ANG 'GA' ZHIG RIG BYED MED PAR YANG 'BYUNG BA SRID PA'I PHYIR KHYED KYI GTAN TSIGS DE MA NGES PA YIN NO ZHES LAN 'DEBS PAR BYED DO, ,DE YANG NGAG GIS BSGOS TE SROG BCAD PA DANG LUS KYIS BRDA BYAS TE RDZUN BYAS KYANG DNGOS KYIS BSDUS PA'I RIG BYED MA YIN PA NI RIM PA LTAR LUS DANG NGAG KHO NA'I YIN TE, DE DAG RIM PA LTAR LUS NGAG GI LAS YIN PA'I PHYIR RO ZHES SLOB DPON RGYAL BO'I SRAS 'CHAD DO,, PHRA MA NI PHA ROL PO DAG DBYE ZHING MI MDZA' BAR BYA BA'I PHYIR NYON MONGS PA CAN GYI SEMS KYIS KUN NAS BSLANG BA'I TSIG SMRA BA STE TSIG DON MNGON PAR GO BA DANG MA NOR BA ZHES 'DIR YANG SBYAR RO, ,DE LA BDEN PA BRJOD NA PHRA MA TZAM DANG MI BDEN PA SMRAS NA RDZUN DANG GNYIS KAR 'GYUR RO, ,NYON MONGS PAS KUN NAS BSLANG BA'I TSIG RTZUB PO NI MI SNYAN PA BRJOD PA'I NGAG STE DE YANG PHA ROL LA SMRAS SHING DES KYANG DON MNGON PAR GO LA GANG LA SMRA BAR 'DOD PA DE NYID LA MA NOR BAR SMRAS PA GANG YIN PA DE NI TSIG RTZUB PO YIN NO ZHES SBYAR RO, ,SEMS NYON MONGS PA CAN GYIS KUN NAS BSLANG BA'I RDZUN LA SOGS PA'I TSIG KUN NI NGAG KYAL BA NYID YIN TE, DE'I PHYIR RDZUN LA SOGS PA GSUM GA'ANG KYAL BA YIN MOD KYI NYES @417 PA CHE BAS LOGS SU PHYE BA YIN NO ZHES BYA BA NI SLOB DPON KHA CIG GI YIN NO, ,SNGON GYI SLOB DPON GZHAN DAG NI NGAG GI LAS RDZUN LA SOGS PA GSUM PO DE DAG LAS GZHAN PA'I NYON MONGS PA CAN GYI TSIG GANG YIN PA DE NI NGAG KYAL YIN NO ZHES ZER TE, DPER NA DGE SLONG LOG 'TSO CAN KHA GSAG SMRA BA DANG, CHAGS PAS GLU LEN PA DANG ZLOS GAR MKHAN DAG GZHAN MGU BAR BYA BA'I PHYIR NGAG KYAL GYI TSIG 'DON PA BZHIN DANG, PHYI ROL PA'I LTA BA LA ZHEN NAS DE'I BSTAN BCOS NGAN PA LA KHA TON BYED PA DANG DE BZHIN DU RDZUN LA SOGS PA GSUM LAS GZHAN PA'I SMRE SNGAGS 'DON PA DANG, 'DU 'DZI'I GTAM LA SOGS PA NYON NA MONGS CAN GYI SEMS GYIS KUN NAS BSLANG BA'I SMRA BA THAMS CAD KYANG YIN NO,, 'O NA NI 'KHOR LOS BSGYUR BA 'JIG RTEN DU BYUNG BA NA'ANG NGAG KYAL YOD PAR 'GYUR TE, GLU LEN PA'I PHYIR RO, ,DE LTA NA DE'I TSE MI DGE BA BCU SPANGS PA MA YIN PAR 'GYUR RO ZHE NA, DE'I TSE 'KHOR BA LAS YID NGES PAR 'BYUNG BA DANG LDAN PA'I GLU LEN GYI SMRE SNGAGS DANG LDAN PA NI MA YIN NO, ,KHA CIG NA RE DE'I TSE NA'ANG GLU DANG BAG MA GTONG LEN LA SOGS PA'I TSIG MNGON PAR BRJOD PA YOD PAS NGAG KYAL YOD KYANG DE DAG (LA RIG BYED MA YIN PA MED PAS,) LAS KYI LAM NI MA YIN NO ZHES ZER RO, ,DE DAG NI NGAG GI LAS BZHI'O,, BRNAB SEMS NI PHA ROL PO'I DE BDAG GI YIN PAR GYUR KYANG CI MA RUNG SNYAM NAS MTHU'AM 'JAB BU'AM GZHAN GYIS KYANG RUNG STE LOG PA MI RIGS PAS BDAG GIR BYED 'DOD PAS GZHAN GYI NOR LA CHAGS PA'O, ,SLOB DPON GZHAN NI 'DOD PA NA SPYOD PA'I SRED PA THAMS CAD BRNAB SEMS YIN TE, TSUL KHRIMS KYI PHUNG PO'I MDO LAS SGRIB PA LNGA BSTAN PA'I SKABS SU 'DOD PA LA 'DUN PA'I SGRIB PA'I DBANG DU MDZAD NAS DE 'JIG RTEN NA BRNAB SEMS SPANGS TE BRNAB SEMS DANG BRAL BA'I SEMS KYIS LAN MANG DU GNAS SHING, 'JIG RTEN NA GNOD SEMS DANG, RMUGS PA DANG GNYID DANG, RGOD PA DANG 'GYOD PA DANG, THE TSOM SPANGS TE ZHES GSUNGS PA'I PHYIR RO ZHES ZER TE, KHA CIG NA RE DE LTA NA 'KHOR LOS BSGYUR BA DANG BYANG GI SGRA MI SNYAN PA LA'ANG BRNAB SEMS KYI LAS KYI LAM YOD PAR THAL BAR 'GYUR DU 'ONG BAS 'DOD SRED THAMS CAD BRNAB SEMS YIN YANG DE'I BYE BRAG LOG PAS GZHAN GYI NOR LA CHAGS PA KHO NA LAS KYI LAM YIN GYI BRNAB SEMS THAMS CAD LAS KYI LAM NI MA YIN TE, NYES SPYAD CHE LONG BSDUS PA YIN PA'I PHYIR RO, ,ZHES ZER RO, ,DE'I PHYIR BSHAD PA SNGA MA YIN NO,, GNOD SEMS NI SEMS CAN LA SDANG BA STE GNOD PAR ZHUGS PA'O, ,LAS DGE BA DANG MI DGE BA @418 MED PAR LTA BA NI RGYU LAS LA SKUR BA 'DEBS PA'I LOG PAR LTA BA YIN TE, DE YANG MDO LAS, SBYIN PA MED DO, ,MCHOD SBYIN MED DO, ,SBYIN SREG MED DO, ,LEGS PAR SPYAD PA MED DO, ,NYES PAR SPYAD PA MED DO, ,LEGS PAR SPYAD PA DANG NYES PAR SPYAD PA'I LAS RNAMS KYI 'BRAS BU RNAM PAR SMIN PA MED DO, ,'JIG RTEN 'DI MED DO, ,'JIG RTEN PHA ROL MED DO, ,MA MED DO PHA MED DO, , SEMS CAN RDZUS TE SKYE BA MED DO, ,'JIG RTEN NA DGRA BCOM PA MED DO ZHES BYA BAS RGYU LAS DANG 'BRAS BU DANG 'PHAGS PA LA SKUR PA 'DEBS PA GSUM GSUNGS TE, DE LA SBYIN PA MED DO ZHES PA NAS NYES PAR SPYAD PA MED DO ZHES PA'I BAR DANG, MA MED DO, ,PHA MED DO ZHES PA RNAMS NI RGYU LAS LA SKUR PA 'DEBS PA YIN ZHING, LEGS PAR SPYAD PA DANG NYES PAR SPYAD PA'I LAS RNAMS KYI 'BRAS BU RNAM PAR SMIN PA MED DO ZHES PA NAS SEMS CAN RDZUS TE SKYE BA MED DO ZHES PA'I BAR NI 'BRAS BU LA SKUR BA 'DEBS PA YIN LA, 'JIG RTEN NA DGRA BCOM PA MED DO ZHES PA NI 'PHAGS PA LA SKUR PA 'DEBS PA YIN PAS GSUM CHAR LOG PAR LTA BA YIN MOD KYI TSIGS SU BCAD PAR NI MTSON PA'I DON DU DANG PO TZAM ZHIG BSTAN PAR ZAD DO,, DE LTAR MI DGE BA BCUR GSUNGS PA 'DI LA BRNAB SEMS LA SOGS PA GSUM NI LAS KYI LAM YIN GYI LAS NI MA YIN TE, DE DAG NYON MONGS PA YIN PA'I PHYIR DANG, DE DAG GI DBANG GIS DE DAG DANG MTHUN PAR MTSUNGS PAR LDAN PA'I SEMS PA 'JUG PA'I PHYIR RO, ,LUS NGAG GI LAS BDUN NI LAS KYANG YIN LA LAS KYI LAM YANG YIN TE, BYA BA YIN PA'I PHYIR DANG, DE DAG KUN NAS SLONG BA'I SEMS PA'ANG BDUN PO DE DAG LA BRTEN NAS 'JUG PA'I PHYIR RO, ,DE BZHIN DU BRNAB SEMS MED PA LA SOGS PA DGE BA BCU PO LA'ANG SHES PAR BYA'O, ,CI'I PHYIR SBYOR BA DANG MJUG LAS KYI LAM DU MI 'GYUR ZHE NA, SBYOR BA NI DNGOS DE'I DON DU 'JUG PA'I PHYIR DANG, MJUG NI DNGOS DE'I RTZA BA CAN DU 'JUG PA'I PHYIR DANG, DE LAS CHE LONG BSDUS NAS NI, ,DGE DANG MI DGE CI RIGS PAR, ,LAS KYI LAM NI BCUR GSUNGS SO, ,ZHES PAS 'DIR CHE LONG BSDUS PA'I PHYIR LAS KYI LAM DU MI 'GYUR RO, ,MDO SDE PA LA SOGS PA GANG DAG BRNAB SEMS LA SOGS PA LAS SU 'DOD PA DE DAG GI LTAR NA NI DE DAG BDE 'GRO DANG NGAN 'GRO'I LAS DANG LAM YIN PA'AM, YANG NA PHAN TSUN GCIG GIS GCIG 'DREN PAS NA THAMS CAD LAS KYANG YIN LA LAM YANG YIN NO, ,DA NI LOG LTA'I BYED PA BSTAN PA NI LAS LA SOGS PA LA SKUR BA 'DEBS PA NI SEMS MED PAR LTA BA CHEN PO'I CHEN PO YONGS SU RDZOGS PAS NI DGE BA'I RTZA BA THAMS CAD @419 GCOD PAR BYED DO, ,'O NA BSTAN BCOS LAS, MI DGE BA'I RTZA BA CHEN PO RNAMS GANG DAG YIN ZHE NA, MI DGE BA'I RTZA BA GANG DAG GIS DGE BA'I RTZA BA GCOD PAR BYED PA DANG, 'DOD PA LAS 'DOD CHAGS DANG BRAL BA NA DANG PO NYID DU SPONG BA GANG DAG YIN PA'O, ,ZHES BSHAD PA DANG 'GAL LO ZHE NA, DE NI LOG LTAS MI DGE BA'I RTZA BA KUN NAS BSLANG LA DES DGE RTZA GCOD PA'I PHYIR DE SKAD DU BSHAD DE DNGOS SU MES BSREG KYANG CHOM RKUN PAS GRONG BSREGS SO ZHES BRJOD PA BZHIN NO, ,DGE BA'I RTZA BA GANG GCOD CE NA, 'DOD PAR GTOGS PA'I SKYES NAS THOB PA RNAMS TE, DGE BA GCOD PA'I LOG LTA CAN LA GZUGS DANG GZUGS MED KHAMS GONG MA GNYIS KYI DGE BA MI LDAN PA'I PHYIR DANG, 'DOD PA'I SBYOR BYUNG GI DGE BA NI LOG LTA CHUNG NGU SKYES PA'I DUS SU NYAMS ZIN PA'I PHYIR RO, ,'O NA GDAGS PA LAS, GANG GIS BSAM BZHIN DU PHA DANG MA SROG DANG PHRAL NAS DGE BA DANG MI DGE BA'I LAS KYI RNAM PAR SMIN PA MED DO ZHES LOG PAR LTA ZHING 'GYOD PA CUNG ZAD KYANG MI SKYED NA 'DI TZAM GYIS NA GANG ZAG 'DIS KHAMS GSUM PA'I DGE BA'I RTZA BA RNAMS KUN DU BCAD PA YIN NO ZHES BSHAD PA JI LTAR DRANG ZHE NA, DE NI RGYUD DE DE'I SNOD MA YIN PAS KHAMS GSUM PA'I DGE BA'I THOB PA THAG SRING BA LA DGONGS PA YIN NO,, LOG LTA JI LTA BUS SHE NA, LEGS PAR SPYAD PA DANG NYES PAR SPYAD PA MED DO ZHES RGYU LA SKUR PA 'DEBS PA DANG LEGS PAR SPYAD PA DANG NYES PAR SPYAD PA'I LAS RNAMS KYI 'BRAS BU RNAM PAR SMIN PA MED DO ZHES 'BRAS BU LA SKUR PA 'DEBS PA'I LOG LTAS GCOD DO, ,SNGON GYI SLOB DPON KHA CIG NA RE RGYU DANG 'BRAS BU LA SKUR PA 'DEBS PA NI RIM PA LTAR BAR CHAD MED PA DANG RNAM GROL GYI LAM LTA BU YIN NO ZHES ZER RO, ,KHA CIG NA RE DE YANG ZAG BCAS SDUG KUN LA DMIGS PA DANG SKAL BA MNYAM PA'I KHAMS LA DMIGS PA KHO NAS GCOD KYI ZAG MED 'GOG LAM LA DMIGS PA DANG SKAL PA MI MNYAM PA'I KHAMS LA DMIGS PAS NI MA YIN TE, ZAG MED GONG MA'I YUL CAN MIN, ,BDAG GIR MA BYAS GNYEN PO'I PHYIR ZHES 'BYUNG BAS ZAG MED DANG SKAL BA MI MNYAM PA'I KHAMS LA DMIGS PA'I LOG LTA NI MTSUNGS LDAN GYI SGO NAS RGYAS KYI DMIGS PA'I SGO NAS RGYAS PA MED PAS STOBS CHUNG BA'I PHYIR RO, ,DE'I PHYIR 'PHAGS PA LA SKUR PA 'DEBS PA LA SOGS PAS NI DGE RTZA GCOD PA MA YIN NO ZHES ZER RO, ,DGE RTZA JI LTAR CHAD CE NA, BYE BRAG TU SMRA BA RNAMS NI RGYU 'BRAS LA SKUR PA 'DEBS PA DANG SKAL BA MNYAM MI MNYAM GYI KHAMS LA DMIGS PA DANG ZAG BCAS ZAG MED LA DMIGS PA'I LOG LTA KUN GYIS GCOD DO ZHES BRJOD DO, , @420 KHA CIG NA RE DGE RTZA DGU PO THAMS CAD KYANG CIG CAR DU CHAD PAR 'GYUR TE BDEN PA MTHONG BA NA MTHONG SPANG CHEN PO'I CHEN PO LA SOGS PA DGU CAR YANG CIG CAR SPONG BA BZHIN NO ZHES ZER RO, ,KHA CIG NA RE LOG LTA CHUNG NGU'I CHUNG NGU LA SOGS PA DGUS DGE RTZA CHEN PO'I CHEN PO LA SOGS PA DGU RIM GYIS GCOD DE SGOM LAM GYIS SGOM SPANG SPONG BA BZHIN NO ZHES ZER TE, DE LTAR NA BSTAN BCOS LAS, PHRA MO DANG LHAN CIG TU GYUR PA'I DGE BA'I RTZA BA RNAMS GANG ZHE NA, DGE BA'I RTZA BA RNAMS KUN TU GCOD PAR BYED PA NA THAMS CAD KYI THA MAR 'DOR BA GANG YIN PA STE, GANG DAG MED PAS DGE BA'I RTZA BA KUN TU CHAD PA ZHES BYA BA'I GRANGS SU 'GRO BA YIN NO ZHES 'BYUNG BA 'DI LEGS PAR DRANGS PAR 'GYUR RO ZHES ZER RO,, (KHA CIG MTHONG LAM LTAR STAN LAS MA LANGS PAR SPYOD PAR 'DOD KYANG LANGS NAS KYANG MI 'GAG LA, SNGAR SDOM PA SPONG LA PHYIS DGE RTZA GCOD ZER YANG SDOM PA SEMS GANG GI 'BRAS BU YIN PA DE BTANG BAS DE YANG GTONG BAR 'DOD PA YIN NO, ,) GANG DU GCOD CE NA, 'DOD PA'I KHAMS SU GLING GSUM GYI MI'I NANG DU GCOD KYI NGAN SONG BA DANG LHA RNAMS SU NI MA YIN TE, NGAN SONG BA NI DGE SDIG GI BSAM PA MI BRTAN PA'I PHYIR DANG, LHA RNAMS NI LAS KYI 'BRAS BU MNGON SUM DU GYUR PA'I PHYIR RO, ,DE YANG BYANG GI SGRA MI SNYAN DU NI MA YIN TE, SDIG PA'I BSAM PA DE LTA BU MED PA'I PHYIR RO, , SNGON GYI SLOB DPON KHA CIG 'DZAM BU'I GLING KHO NAR GCOD DO ZHES ZER BA NI MA YIN TE, BSTAN BCOS LAS, 'DZAM BU'I GLING PA THAMS CAD PAS NYUNG NA DBANG PO BRGYAD DANG LDAN PA YIN TE, SHAR GYI LUS 'PHAGS PA DANG NUB KYI BA LANG SPYOD PA'ANG DE DANG 'DRA'O ZHES BSHAD PA DANG 'GAL BA'I PHYIR RO, , DBANG PO BRGYAD NI TSOR BA'I DBANG PO LNGA DANG LUS DANG SROG DANG YID DO, ,DAD PA LA SOGS PA NI LOG LTA SKYES PA LA CHAD PA'I PHYIR DANG, SO SO'I SKYE BO LA ZAG MED KYI DBANG BO MI LDAN PA DANG, RIM GYIS 'CHI BA DANG ZHAR BA LA SOGS PA LA MIG LA SOGS PA'ANG MI LDAN PA'I PHYIR RO ZHES BYA BA 'DI YIN NO, ,GANG ZAG GANG GIS GCOD CE NA, SKYES PA DANG BUD MED KYIS GCOD KYI BRA MA LA SOGS PAS NI MA YIN TE, BSAM PA MI BRTAN PA'I PHYIR RO,, KHA CIG 'DUN PA DANG BRTZON 'GRUS ZHAN PAS BUD MED KYIS MI GCOD DO ZHES ZER BA NI MA YIN TE, BSTAN BCOS LAS, GANG MO'I DBANG PO DANG LDAN PA DE NGES PAR DBANG PO BRGYAD DANG LDAN NO ZHES GSUNGS PA DANG 'GAL BA'I PHYIR RO, ,SKYES PA DANG BUD MED DE YANG BSAM PA G-YO BA'I PHYIR SRED PA SPYAD PAS MA YIN GYI SDIG PA'I BSAM PA BRTAN PA DANG, SDIG PA 'CHAB PA CAN YIN PA'I PHYIR LTA BA SPYAD @421 PAS YIN NO, ,DGE RTZA CHAD PA DE NI DGE BA'I THOB PA DANG MI LDAN ZHING MA THOB PA SKYES PA'O, ,DGE RTZA CHAD PA DE NYING MTSAMS SBYOR BA NI LAS RGYU 'BRAS LA THE TSOM SKYES PA'AM LAS 'BRAS YOD PAR LTA BA'I YANG DAG PA'I LTA BAS SO, ,GANG DAG MTSAMS MED PA BYED PA'I DGE RTZA CHAD PA DE DAG NI TSE 'DI LA DGE RTZA NYING MTSAMS SBYOR BA YIN TE, MDO LAS, GANG ZAG 'DI NI MTHONG BA'I CHAS KHO NA LA DGE BA'I RTZA BA RNAMS NYING MTSAMS SBYOR BA'I SKAL PA DANG LDAN PA MA YIN GYI 'DI NI NGES PAR DMYAL BA DAG TU SKYE BA'AM 'CHI 'PHO BA NA DGE BA'I RTZA BA RNAMS NYING MA TSAMS SBYOR BAR 'GYUR RO ZHES GSUNGS PA'I PHYIR RO, ,DE LA DMYAL BAR SKYE BA NI DMYAL BA'I BAR DO'O, ,'CHI BA NI DMYAL BA NAS 'CHI BA'O, ,DES NA MTSAMS MED MA BYAS PA'I NI TSE 'DI NYID LA MTSAMS SBYOR BA'ANG YOD DO ZHES SHES PAR BYA'O, ,DE LA GANG ZHIG SKAL MNYAM GYI RGYU'I STOBS KYIS GCOD PA DE NA 'CHI BA NA NYING MTSAMS SBYOR LA, GZHAN GYI SGRA'I STOBS KYIS GCOD PA NI SKYE BA NA SBYOR RO, ,DE BZHIN DU RANG GI RTOG GE'I STOBS KYIS GCOD PA DANG GZHAN LAS THOS PA'I STOBS KYIS GCOD PA'ANG DE BZHIN NO,, YANG GANG ZHIG BSAM PA NYAMS PAS DGE RTZA GCOD PA DE NI TSE 'DI LA NYING MTSAMS SBYOR BAR 'GYUR LA, BSAM PA DANG SBYOR BA GNYIS KA NYAMS PAS DGE RTZA GCOD PA DE NA LUS ZHIG NAS NYING MTSAMS SBYOR BAR 'GYUR RO, ,DE LA BSAM PA NYAMS PA NI LOG LTA MNGON DU GYUR PA YIN LA, BSAM PA DANG SBYOR BA NYAMS PA NI LOG LTA MNGON DU GYUR PA DANG MTSAMS MED GNYIS KA BYAS PA'O, ,DE BZHIN DU LOG LTA SKYES PA'I LTA BA NYAMS PA DANG, LOG LTA'ANG SKYES LA MTSAMS MED KYANG BYAS PA'I LTA BA TSUL KHRIMS (GNYIS KA) NYAMS PA'ANG RAB TU SHES PAR BYA STE, DE DAG DANG RANG STOBS DANG GZHAN STOBS KYIS NYAMS PA NI SNGA MA KHO NA'I RNAM GRANGS YIN PA'I PHYIR RO, ,DES NA 'DIR DGE RTZA CHAD LA, LOG PA NYID DU NGES PA LA MU BZHI LAS, MU DANG PO NI 'OD SRUNGS RDZOGS BYED DANG, KUN TU RGYU GNAG LHAS KYI BU DANG, SMRA 'DOD KYI BU MO'I BU YANG DAG RGYAL BA CAN DANG, MI PHAM SKRA'I LA BA CAN DANG, KA TYA'I BU NOG CAN DANG, GCER BU PA GNYEN GYI BU STE RTOG GE BA DRUG LA SOGS PA'O, ,GNYIS PA NI MA SKYES DGRA'O, ,GSUM PA NI LHAS BYIN NO, ,BZHI PA NI DE DAG MA GTOGS PA'O, ,LNGA PA LAS KYI LAM DU DANG LHAN CIG TU 'BYUNG BA NI MI DGE BA BCU PO DE DAG LA GCIG NAS BRGYAD KYI BAR DAG DANG SEMS PA CIG CAR LHAN CIG TU 'BYUNG GI LAS KYI LAM DGU DANG BCU DANG SEMS PA LHAN CIG 'BYUNG BA NI MED DE, BRNAB SEMS LA SOGS PA YID KYI GSUM CIG CAR MI 'BYUNG BA'I PHYIR RO, ,DE LA GCIG DANG LHAN CIG 'BYUNG BA NI @422 SROG GCOD PA LA SOGS PA'I LAS GZHAN MED PAR BRNAB SEMS LA SOGS PA GCIG MNGON DU GYUR PA'AM SEMS PA DGE BA'AM MA BSGRIBS LUNG MA BSTAN GYIS 'DOD LOG MA GTOGS PA'I SROG GCOD PA LA SOGS PA GZUGS CAN RNAMS LAS GANG YANG RUNG BA ZHIG BYED NA'O, ,GNYIS DANG LHAN CIG 'BYUNG BA NI GNOD SEMS DANG LDAN PAS SROG CHAGS BSAD PA LA SOGS PA NA'O, ,GSUM DANG LHAN CIG 'BYUNG BA NI GNOD SEMS DANG LDAN PAS DUS CIG CAR GZHAN GYI SROG CHAGS 'PHROG CING GSOD PA DANG, BRNAB SEMS MNGON DU GYUR PAS SROG GCOD DANG MA BYIN LEN GZHAN LA BCOL BA LA SOGS PA NA'O, ,BZHI DANG LHAN CIG 'BYUNG BA NI GNOD SEMS SAM BRNAB SEMS KYIS DBYE BA'I BSAM PA DANG LDAN PAS RDZUN GYI TSIG GAM TSIG RTZUB MO SMRA BA DANG BRNAB SEMS LA SOGS PA GANG RUNG DANG LDAN PAS SROG GCOD PA LA SOGS PA GSUM GZHAN LA BCOL BA NA'O, ,DE BZHIN DU LNGA DANG DRUG DANG BDUN DANG LHAN CIG 'BYUNG BA'ANG SHES PAR BYA'O, ,BRGYAD DANG LHAN CIG 'BYUNG BA NI RANG BRNAB SEMS LA SOGS PA GANG RUNG MNGON DU GYUR PAS LUS NGAG GI DRUG GZHAN LA BCOL NAS 'DOD LOG RANG NYID KYIS BYAS TE THAMS CAD DUS MNYAM DU MTHAR PHYIN PAR GYUR NA'O, ,(LAS KYI LAM GZHAN MED PAR YID KYI GSUM GANG RUNG GCIG MNGON DU GYUR PA'AM, SEMS PA NYON MONGS CAN MA YIN PA'I TSE 'DOD LOG LAS GZHAN PA'I GZUGS CAN DRUG GANG RUNG GCIG BCOL BAS MTHAR PHYIN NA SEMS PA LAS KYI LAM GCIG DANG LHAN CIG 'BYUNG NGO, ,GNOD SEMS KYIS SROG GCOD PA'AM, BRNAB SEMS KYIS MA BYIN LEN NAM, LOG G-YEM MAM, TSIG KYAL SMRA NA GNYIS DANG NGO, ,YID KYI GSUM LAS GANG RUNG GCIG MNGON DU GYUR PAS, RANG GIS LOG G-YEM BYAS GZHAN DRUG GZHAN LA BCOL BAS GRUB NA BRGYAD DANG LHAN CIG 'BYUNG NGO, ,GCIG DANG LHAN CIG PA NAS BRGYAD DANG LHAN CIG PA'I BAR DU BRTZI'O, ,) DGE BA NI BCU'I BAR DAG DANG SEMS PA LHAN CIG 'BYUNG NGO ZHES BYA BA NI SPYIR BTANG BA YIN NO, ,DMIGS KYIS BSAL BA STON PA NI LAS KYI LAM GCIG DANG BRGYAD DANG LNGA DANG NI SEMS PA LHAN CIG 'BYUNG BA MIN NO ZHES BYA BA'O,, DE LA GCIG DANG LHAN CIG MI 'BYUNG BA NI SEMS PA DGE BA LA BRNAB SEMS MED PA DANG GNOD SEMS MED PA GNYIS MI 'BRAL BAR YOD PA'I PHYIR RO, ,GNYIS DANG LHAN CIG 'BYUNG BA NI SGO LNGA'I RNAM SHES DGE BA LA GNAS PA DANG, GZUGS MED KYI SNYOMS 'JUG LA BRTEN NAS ZAD PA DANG MI SKYE BA SHES PA LA GNAS PA STE, SGO LNGA'I SHES PA RTOG MED YIN ZHING, ZAD PA DANG MI SKYE BA'I BLO LTA MIN ZHES 'BYUNG BAS DE DAG LA YANG DAG PA'I LTA BA MED PA'I PHYIR DANG, BRNAB SEMS MED PA DANG GNOD SEMS MED PA @423 GNYIS NGES PAR YOD PA'I PHYIR RO,, GZUGS MED SMOS PA NI BSAM GTAN LA BRTEN PA YIN NA ZAG MED KYI SDOM PA YOD PAS SPONG BA BDUN YOD PA'I PHYIR RO SNYAM DU BSAMS PA YIN NO, ,GSUM DANG LHAN CIG 'BYUNG BA NI YANG DAG PA'I LTA BA DANG MTSUNGS PAR LDAN PA'I YID KYI RNAM SHES LA GNAS PA STE, YANG DAG PA'I LTA BA CAN LA YID KYI DGE BA GSUM 'BRAL MI SRID PAS DE LA BRNAB SEMS MED PA DANG GNOD SEMS MED PA'ANG NGES PAR YOD PA'I PHYIR RO, ,BZHI DANG LHAN CIG 'BYUNG BA NI SEMS MI DGE BA'AM LUNG MA BSTAN LA GNAS TE DGE TSUL DANG DGE BSNYEN GYI SDOM PA LEN PA NA STE, LUS KYI DGE BA GSUM DANG NGAG GI RDZUN SPONG BA YOD PA'I PHYIR RO, ,LNGA DANG LHAN CIG 'BYUNG BA NI MED DE, SEMS DGE BA LA GNAS PAS DGE TSUL LAM DGE BSNYEN GYI SDOM PA LEN NA NGES PAR DRUG GAM BDUN LHAN CIG 'BYUNG BA'I PHYIR DANG, DGE SLONG GI SDOM PA NI SPONG BDUN NGES PAR LHAN CIG 'BYUNG BA'I PHYIR RO, ,DRUG DANG LHAN CIG 'BYUNG BA NI MIG LA SOGS PA'I RNAM SHES LNGA DGE BA LA GNAS PAS DGE TSUL LAM DGE BSNYEN GYI SDOM PA LEN PA NA STE, DE LA BRNAB SEMS MED PA DANG GNOD SEMS MED PA GNYIS NGES PAR YOD LA YANG DAG PA'I LTA BA MED PA'I PHYIR RO, , BDUN DANG LHAN CIG 'BYUNG BA NI YID SHES DGE BAS RTZA BA GSUM DANG SPONG BZHI YOD PAS, DGE TSUL LAM DGE BSNYEN GYI SDOM PA LEN PA'AM, SEMS MI DGE BA'AM LUNG MA BSTAN GYIS DGE SLONG GI SDOM PA LEN PA NA'O, ,DE LA SPONG BDUN YOD PAS SO, ,BRGYAD DANG LHAN CIG 'BYUNG BA NI MED DE, DGE SLONG GI SPONG BDUN NI NYON MONGS CAN DANG LUNG MA BSTAN GYI SEMS KYIS LEN NA'ANG BDUN CAR LHAN CIG YOD LA, DGE BA'I SEMS KYIS LEN PA NA NI SGO LNGA'I SHES PA DANG YID SHES LA RIM PA LTAR DGU'AM BCU YOD PA'I PHYIR RO, ,DGU DANG LHAN CIG 'BYUNG BA NI SGO LNGA'I RNAM SHES DGE BA LA GNAS PAS DGE SLONG GI SDOM PA LEN PA DANG, ZAD PA DANG MI SKYE BA SHES PA DANG MTSUNGS LDAN GYI YID SHES KYIS DGE SLONG GI SDOM PA LEN PA DANG, BSAM GTAN LA BRTEN NAS ZAD PA DANG MI SKYE BA SHES PA MNGON DU BYED PA NA'O, , BCU DANG LHAN CIG 'BYUNG BA NI ZAD PA DANG MI SKYE BA SHES PA LAS GZHAN PA'I YID SHES DGE BAS DGE SLONG GI SDOM PA LEN PA DANG, (RTZA BA GSUM SPONG BDUN 'BYUNG BAS,) ZAD PA DANG MI SKYE BA SHES PA MA GTOGS PA BSAM GTAN DANG ZAG MED KYI SDOM PA ('DI GNYIS LA SPONG BDUN 'BYUNG BAS KHYAB PAS,) DANG LHAN CIG 'JUG PA'I SEMS PA THAMS CAD DO, ,DE DAG KYANG SDOM PA'I DBANG DU BYAS PA YIN GYI DGE BA LAS GZHAN PA'I SEMS LA GNAS PAS (BAR MA'I DGE PA LA NI,) SROG GCOD SPONG BA LA SOGS PA'I YAN LAG @424 GANG RUNG GCIG LEN PA DANG, DGE BA'I YID SHES KYIS CIG CAR YAN LAG GNYIS DANG LNGA LEN PA NA YID KYI GSUM DANG DE DAG LHAN CIG 'BYUNG BAS BAR MA DGE BA LA NI GCIG DANG LNGA DANG BRGYAD DANG YANG LHAN CIG 'BYUNG NGO ZHES SHES PAR BYA'O, ,DRUG PA LDAN PA'I TSUL BSHAD PA NI MI DGE BA BCU PO DE DAG LAS DMYAL BA NA NI TSIG KYAL PA DANG TSIG RTZUB DANG GNOD SEMS GSUM NI LDAN PA DANG MNGON GYUR RNAM PA GNYIS KA'I SGO NAS YOD DE, DMYAL BA PA DAG SMRE SNGAGS 'DON PA'I PHYIR DANG, MI SNYAN PAR BRJOD PA'I PHYIR DANG, RTZUB PA'I SEMS YOD PA'I PHYIR RO, ,(GNYEN PO MA SKYES PAS,) BRNAB SEMS DANG LOG LTA NI LDAN PA'I SGO NAS YOD KYI MNGON DU GYUR PA'I SGO NAS NI MA YIN TE, YID DU 'ONG BA'I DNGOS PO MED PA'I PHYIR DANG LAS DANG 'BRAS BU MNGON DU GYUR PA'I PHYIR DANG, THOB PA LA NI GNYEN PO MED PA'I PHYIR RO, ,'DI NI PHAL CHE BA'I DBANG DU BYAS PA STE, MTSAMS MED BYED PA'I 'DI LA MIN ZHES BSAM SBYOR NYAMS PAS DGE RTZA CHAD PA NI DMYAL BA NAS 'CHI BA NA MTSAMS SBYOR BAR BSHAD PA'I PHYIR RO,, SROG GCOD PA NI MED DE, DE LAS MA ZAD NA BSAD KYANG MI 'CHI BA'I PHYIR DANG, 'CHI BA NI LAS ZAD NAS 'CHI BA'I PHYIR RO, ,MA BYIN PAR LEN PA'ANG MED DE, RDZAS YONGS SU BZUNG BA MED PA'I PHYIR RO, ,'DOD LOG KYANG MED DE, BUD MED YONGS SU BZUNG BA MED PA'I PHYIR DANG, BDE BA'I SKABS KYANG MI RNYED PA'I PHYIR RO, ,DGOS PA MED PA'I PHYIR DANG, PHAN TSUN SNYING DU SDUG PA LA SOGS PA MED PAS RTAG TU BYE ZIN PA'I PHYIR RDZUN DANG PHRA MA'ANG MED DO, ,SROG GCOD PA LA SOGS PA DE DAG SNGAR THOB PA DAG BTANG BA'I PHYIR DANG, MA 'ONGS PA'I THOB PA DE DAG LA MED PA'I PHYIR LDAN PA'ANG MED DO, , (DES NA LNGA PO DE DAG MNGON GYUR MED CING DE MED PAR 'DOD PA'I GZUGS CAN LA THOB PA'ANG MI 'BYUNG NGO, ,) BYANG GI SGRA MI SNYAN NA NI BRNAB SEMS DANG GNOD SEMS DANG LOG LTA GSUM LDAN PA'I SGO NAS YOD DE, DE DAG GI GNYEN PO MED PA'I PHYIR RO, ,MNGON DU GYUR PA'I SGO NAS NI MED DE, GO RIM BZHIN DU NGA YIR 'DZIN PA MED PAS RDZAS BZUNG BA MED PA'I PHYIR DANG, RGYUD 'JAM PA DANG KUN NAS MNAR SEMS KYI DANGS PO DGU MED PA'I PHYIR DANG, SDIG PA CAN GYI BSAM PA MA YIN PA'I PHYIR RO, , SGRA MI SNYAN DE NA DE DAG RES 'GA' NYON MONGS CAN GYI SEMS KYIS GLU LEN PA'I PHYIR MI DGE BA BDUN PA NGAG KYAL NI DNGOS SU YANG YOD DO, ,YANG GI SGRA NI LDAN PA'I SGO NAS KYANG YOD PA SDUD PA'O, ,SROG GCOD PA NI MED DE, SDIG PA CAN GYI BSAM PA MA YIN PA DANG TSE NGES PA'I PHYIR RO, ,RDZAS DANG BUD MED YONGS SU BZUNG BA MED PA'I PHYIR DANG, MA LA SOGS PA BGROD PAR BYA BA MA YIN PA YIN NA NI, @425 RANG GI DPAG BSAM GYI SHING GIS MI SKYOB PAS DE DAG MI SPYOD PA'I PHYIR MA BYIN PAR LEN PA DANG 'DOD LOG MED DE, DGOS PA MED PA'I PHYIR DANG, RGYUD 'JAM PA'I PHYIR RDZUN DANG PHRA MA DANG TSIG RTZUB KYANG MED DO, ,DMYAL BA DANG SGRA MI SNYAN MA GTOGS PA'I 'DOD PA'I KHAMS GZHAN NA NI MI DGE BA BCU KA LDAN PA DANG MNGON GYUR GYI SGO NAS KYANG CI RIGS PAR YOD DE, DE LA YI DVAGS DANG DUD 'GRO DANG 'DOD LHA'I NANG NA NI SDOM MIN GYIS BSDUS PA MED KYI GZHAN PAR MA MI DGE BAS BSDUS PA DAG YOD LA MI'I NANG NA NI SDOM MIN GYIS BSDUS PA'ANG YOD DO,, GAL TE LHA LA SROG GCOD PA JI LTAR YOD CE NA, KHA CIG NA RE LHAS LHA GSOD PA MED KYANG LHAS 'GRO BA GZHAN DAG GSOD PA'I PHYIR RO ZHES ZER RO, ,KHA CIG NA RE LHA'ANG PHAN TSUN MGO DANG RKED PA BCAD NA 'CHI BA'I PHYIR YOD DO ZHES ZER RO, ,BRNAB SEMS MED PA DANG GNOD SEMS MED PA DANG YANG DAG PA'I LTA BA ZHES BYA BA'I (YID KYI,) DGE BA GSUM NI KHAMS DANG SA DANG 'GRO BA THAMS CAD NA RNYED PA DANG MNGON DU GYUR PA GNYIS KA'I SGO NAS YOD DO, ,GZUGS MED PAR SKYES PA'I 'PHAGS PA RNAMS DANG 'DU SHES MED PA'I SEMS CAN RNAMS LA NI RNYED PA'I SGO NAS SROG GCOD PA SPONG BA LA SOGS PA LUS NGAG GI DGE BA BDUN YOD DE, (GZUGS MED KYI 'PHAGS PA LA NI LUS NGAG GI BDUN RNYED PAS YOD DE, 'DAS PA NI SNGON SA GANG LA BRTEN PA'I ZAG MED KYI SDOM PA SKYED DE, 'GAGS PA DE DANG LDAN TE, 'DI NI SKYES PA DE KHO NAS BSNYAD DO, ,MA 'ONGS PA NI SA LNGA CAR LA BRTEN PA DANG LDAN TE, 'DI NI MA 'ONGS PA MI SKYE BA'I CHOS CAN YIN NO, ,DE YANG DGRA BCOM YIN NA NI ZHUGS LAM BTANG BAS MA 'ONGS PA KHO NA DANG LDAN NO ZHES 'CHAD DO,,) GZUGS KHAMS SU ZAG MED KYI SDOM PA THOB PA GTONG BA'I RGYU MA BYUNG NA GZUGS MED DU SKYES PA'I 'PHAGS PA DAG LA NI ZAG MED KYI SPONG BA BDUN GYI 'DAS MA 'ONGS KYI THOB PA DANG LDAN PA'I PHYIR DANG, 'DU SHES MED PA'I SEMS CAN LA'ANG BSAM GTAN GYI SDOM PA'I THOB PA LDAN PA'I PHYIR RO, ,MNGON GYUR NI MED DE, GZUGS MED NA GZUGS CAN THAMS CAD MED PA'I PHYIR DANG, BSAM GTAN GYI SDOM PA NI SEMS KYI RJES SU 'BRANG BA'I PHYIR DANG, 'DU SHES MED PA'I SEMS CAN LA SEMS MED PA'I PHYIR RO,, GZUGS MED PA DANG 'DU SHES MED PA'I SEMS CAN LAS LHAG MAR BYAS PA'I KHAMS DANG 'GRO BA GZHAN DAG NA NI SROG GCOD SPONG BA LA SOGS PA BDUN PO THOB PAR MA ZAD MNGON DU GYUR PA'I SGO NAS KYANG YOD DO ZHES SPYIR BSTAN NAS DMYAL BA DANG BCAS PA'I SGRA MI SNYAN PA MA GTOGS ZHES DMIGS KYIS @426 BSAL BA YIN NO, ,DE LA DUD 'GRO DANG YI DVAGS NA NI SDOM PAS BSDUS PA MED KYANG BAR MAS BSDUS PA YOD DO, ,GZUGS KHAMS NA NA BSAM GTAN ZAG MED KYI SDOM PAS BSDUS PA YOD DO, ,MI RNAMS LA NI SDOM PA (GSUM GA) DANG BAR MAS BSDUS PA GNYIS KA YOD DO, ,('DOD LHA LA SDOM PA GNYIS DANG BAR MA YOD DO, ,) DMYAL BA DANG SGRA MI SNYAN PA MA GTOGS PA ZHES BYA BA NI DE NA YANG DAG PAR BLANGS PA'I TSUL KHRIMS MED PA'I PHYIR RO ZHES t'I KA BYED PA 'CHAD MOD KYI DE LTA NA YI DVAGS DANG DUD 'GRO'ANG MA GTOGS PA'I NANG DU BGRANG BAR THAL BA'I PHYIR RO, ,DES NA DMYAL BA NA NI SDUG BSNGAL GYIS RNAM PAR G-YENG PAS SROG GCOD SPONG BA LA SOGS PA'I SEMS PA'I SKABS MED PA'I PHYIR DANG, SGRA MI SNYAN PA NI SHIN TU BLUN PA'I PHYIR (DANG LEN SOMS DANG TING NGE 'DZIN MED PA'I PHYIR,) DE DAG SPONG BA'I SEMS PA MED DO, ,SEMS PA MED PA'AM SROG GCOD PA MED PA TZAM GYIS NI DGE BAR MI 'GYUR TE, RDO'I DUM BU LA SOGS PA'ANG DGE BAR THAL BA'I PHYIR RO, ,'O NA DUD 'GRO'ANG SHIN TU BLUN PA'I PHYIR SROG GCOD SPONG BA LA SOGS PA MED PAR 'GYUR RO ZHE NA, DUD 'GRO KHA CIG NI BLO GSAL BA'I PHYIR RO,, BDUN PA 'BRAS BU BSHAD PA NI MI DGE BA BCU PO THAMS CAD KYIS KYANG BDAG PO DANG RGYU MTHUN PA DANG RNAM PAR SMIN PA'I 'BRAS BU GSUM GSUM 'BYIN PAR 'DOD DE, DE LA MI DGE BA BCU PO DE DAG CHEN POS DMYAL BA DANG 'BRIM GIS DUD 'GRO DANG CHUNG NGUS YI DVAGS SU RNAM PAR SMIN PAR 'GYUR TE 'DI NI RNAM SMIN GYI 'BRAS BU'O, ,DE LTAR YANG MDO LAS, MI DGE BA KUN TU BSTEN PA DANG, GOMS PAR BYAS PA DANG, LAN MANG DU BYAS PA THAMS CAD KYIS DMYAL BA DAG TU SKYE BAR 'GYUR TE 'DI NI DE DAG GI RNAM PAR SMIN PA'I 'BRAS BU YIN NO ZHES PA DANG, RIN PO CHE'I PHRENG BA LAS KYANG, MI NYID LA NI 'BRAS BU 'DI, ,KUN GYIS DANG POR NGAN 'GRO'O ZHES GSUNGS TE, DE LA KUN TU BSTEN PA NI SBYOR BA'O, , GOMS PAR BYAS PA NI DNGOS SO, ,LAN MANG DU BYAS PA NI MJUG STE DE DAG GSUM GA TSANG BA NI CHEN PO YIN LA GNYIS TSANG BA NI 'BRING DANG GCIG NI CHUNG NGU YIN NO ZHES SHES PAR BYA'O, ,LAS GDAGS PA LAS KYANG, MI DGE BA BCU PO DE DAG CHEN PO DANG 'BRING DANG CHUNG NGU GSUM LAS CHEN PO KUN TU BSTEN ZHING BSGOMS TE MANG DU BYAS PAS NI SEMS CAN DMYAL BA RNAMS SU SKYE LA, 'BRING GIS NI DUD 'GRO DANG, CHUNG NGUS NI YI DVAGS SU SKYE BAR 'GYUR RO, ,DE DAG GI CHE CHUNG NYID JI LTAR SHES PAR BYA ZHE NA, KUN NAS DKRIS PA CHUNG NGU DANG 'BRING DANG CHEN POS KUN NAS DKRES TE BYED NA GO RIM BZHIN DU RNAM PAR SMIN PA CHUNG NGU DANG 'BRING DANG CHEN POR 'GYUR RO ZHES BSHAD DO, ,SA'I DNGOS GZHI LAS NI, @427 CHUNG NGUR SPYAD PAS DUD 'GROR SKYE BAR BSHAD DO, ,RGYU MTHUN LA BYED PA RGYU MTHUN NI MI DGE BA BYED LA PA GOMS LONGS CAN DU 'GYUR LA, MYONG BA RGYU MTHUN NI RIN PO CHE'I PHRENG BA LAS, GSOD PA YIS NI TSE THUNG 'GYUR, ,RKU BA YIS NI LONGS SPYOD PHONGS, ,BYI BA BYED PAS DGRA DANG BCAS, ,RDZUN DU SMRA BAS SKUR MANG STE, ,PHRA MA YIS NI BSHES DANG 'BYED, ,RTZUB PO YIS NI MI SNYAN THOS, ,MA 'BREL BA YIS TSIG MI BTZUN, ,BRNAB SEMS YID LA RE BA 'JOMS, ,GNOD SEMS 'JIGS PA SBYIN PAR BSHAD, ,LOG PAR LTA BAS LTA NGAN NYID CES GAL TE DMYAL BA LA SOGS PA NAS THAR NAS DGE BAS MIR SKYES NA DE LTA BU 'BYUNG BAR BSHAD LA, 'DI'I 'GREL PAR NI (RIM PA LTAR DUG GSUM SHAS CHE BAR 'GYUR BAR,) BRNAB SEMS KYIS NI 'DOD CHAGS SHAS CHE BAR 'GYUR RO, ,GNOD SEMS KYIS NI ZHE SDANG SHAS CHE BAR 'GYUR RO,, LOG PAR LTA BAS NI GTI MUG SHAS CHE BAR 'GYUR TE DE LA NI GTI MUG MANG BA'I PHYIR RO ZHES BSHAD LA, GZHAN DAG NI 'DRA BAR BSHAD DO, ,BDAG PO'I 'BRAS BU NI YUL NGAN PA RNAMS SU SKYE BAR 'GYUR TE, 'DI LTAR GSOD PAS GZI NUS PA CHUNG BAS CHUNG BRKUS PA YIS, ,(LO THOG LA) SER BA BTZA' CHAR 'DOD LOG GIS, ,(SPUS NGAN PAS) RDUL 'KHRIGS CAN 'GYUR RDZUN GYIS NI, ,DRING PHRA MAS MTHON DMAN CAN, RTZUB POS TSVA SGO CAN DANG NI ('BRU MI SKYE BA,) ,DGON GDUNG THA CHAD (NI KLA KLO'I YUL SOGS) SDIG PA CAN, (SEMS CAN LA GNOD PA MANG BA) (NUS PA CHUNG BAS) KYAL PAS DUS LOG (CHAR DUS SU MI 'BAB PA SOGS,) BRNAB SEMS KYIS, ,'BRAS BU PHRA DANG GNOD SEMS KYIS, ,'BRAS BU KHA DANG LOG LTAS NI, ,'BRAS BU CHUNG BA'AM MED PAR 'GYUR, ,ZHES SHES PAR BYA'O,, 'DI LA KHA CIG NA RE LAS GCIG PO DE LA 'BRAS BU GSUM YOD DO ZHES ZER RO, ,KHA CIG NA RE SBYOR BAS NGAN SONG DU SKYE LA, DNGOS GZHIS TSE THUNG BA LA SOGS PAR 'GYUR RO ZHES ZER RO, ,(DE DAG KYANG RANG RGYUD LA SMIN PA RNAM SMIN DANG, PHYI ROL LA SMIN PA BDAG 'BRAS DANG, RIS MTHUN BKOD PA RGYU MTHUN 'BRAS YIN NO, ,DGE BA LA BRAL 'BRAS KYANG YOD LA, GNYIS KA LA SKYES BU BYED 'BRAS YOD KYANG, 'DIR 'BRAS BU GSUM DU BSDUS NAS BSTAN NO, ,) 'O NA DE DAG LAS 'BRAS BU GSUM 'BYUNG BA JI LTAR ZHE NA, SROG GCOD PAS PHA ROL PO SDUG BSNGAL BAR BYAS PA'I PHYIR DANG, SROG DANG PHRAL NAS BSAD PA'I PHYIR DANG, BSAD NAS GZI BYIN MED PAR BYAS PA'I PHYIR RIM PA LTAR RNAM SMIN NGAN SONG GI SDUG BSNGAL MYONG BA DANG, RGYU MTHUN TSE THUNG BA DANG, BDAG 'BRAS YUL DANG PHYI'I SMAN RNAMS GZI @428 MTHU CHUNG BA'I PHYIR 'BRAS BU RNAM PA GSUM DU NGES SO ZHES BYA'O, ,DE BZHIN DU MA BYIN LEN LA SOGS PA LA'ANG SBYAR RO, ,DGE BA ZAG BCAS RNAMS KYI RNAM SMIN GYI 'BRAS BU NI MTHO RIS SU SKYES NAS BDE BA MYONG BA YIN TE, RIN PO CHE'I PHRENG BA LAS BZLOG PAS LHA DANG MI NYID DO ZHES BSHAD DO, ,BYED PA RGYU MTHUN NI DGE BA BYED PA LA GOMS PAR 'GYUR RO, ,MYONG BA RGYU MTHUN NI SROG GCOD PA SPANGS PAS TSE RING BA LA SOGS PA YIN NO, ,BDAG PA'I 'BRAS BU NI GZI MTHU CHE BA'I YUL DU SKYE BA LA SOGS PAR 'GYUR RO,, RIN PO CHE'I PHRENG BA LAS, MI DGE ZHES BYA DE DAG GI ,RNAM SMIN BSGRAGS PA GANG YIN PA, ,DGE BA DAG NI THAMS CAD LA, ,'BRAS BU DE NI BZLOG STE 'BYUNG ZHES BSHAD DO,, ZHAR LA LOG PA'I NGAG LA SOGS PA BSHAD PA NI YANG MDO LAS LOG PA'I NGAG DANG LOG PA'I LAS KYI MTHA' DANG LOG PA'I 'TSO BA GSUM GSUNGS PA LA ZHE SDANG DANG GTI MUG LAS SKYES PA'I NGAG NI LOG PA'I NGAG GO ,DE GNYIS LAS SKYES PA'I LUS KYI LAS NI LOG PA'I LAS KYI MTHA'O, ,LUS DANG NGAG GI LAS CHAGS PA LAS SKYES PA NI LOG PA'I 'TSO BA YIN NO, ,CI'I PHYIR CHAGS PA LAS SKYES PA'I LAS GNYIS PHYOGS GCIG TU LOG 'TSOR BSTAN ZHE NA, CHAGS PA LAS SKYES PA'I LUS NGAG GI LAS LOG 'TSO DE NI GNYEN POS SBYANG BAR DKA' BA'I PHYIR ZHE SDANG DANG GTI MUG LAS SKYES PA LAS LOGS SHIG TU LOG PA'I 'TSO BAR BSTAN TO, ,DE'I PHYIR SLOB DPON GYIS RTAG TU LTA BA SNA TSOGS KYI, ,KHYIM PAS LTA BA SBYANG BAR DKA', ,'TSO BA GZHAN LA RAG LUS PA'I, ,DGE SLONG GIS NI 'TSO BA NYID CES GSUNGS PA YIN NO,, 'DI LA SNGON GYI SLOB DPON KHA CIG NA RE ZAS GOS LA SOGS PA 'TSO BA'I YO BYAD LA CHAGS PAS BSLANG BA'I LUS NGAG GI LAS KHO NA LOG 'TSO YIN GYI RANG NYID DGA' BAR BYA BA'I CHED DU GLU GAR LA SOGS PA BYED PA NI LOG 'TSO MA YIN NO, ,ZHES ZER BA NI MIN TE, GAL TE 'TSO BA'I YO BYAD LA CHAGS PAS BSLANG BA'I LUS NGAG GI LAS KHO NA LOG 'TSO YIN NA DE NI TSUL KHRIMS KYI PHUNG PO'I MDO DANG 'GAL BA'I PHYIR RO, , MDO NI 'DI YIN TE, DBYUG GU GSUM PA, DE LA 'DI LTA STE, DGE SBYONG NGAM BRAM ZE KHA CIG DAD PAS BYIN PA YONGS SU LONGS SPYAD NAS LTAD MO SNA TSOGS 'DI LTA STE, GLANG PO CHE 'THAB PA DANG, RTA 'THAB PA DANG, SHING RTAS 'THAB PA DANG, RKANG THANG 'THAB PA DANG, DBYUG PAS 'THAB PA DANG ZHES BYA BA NAS DMAG BYIN PO STON PA LA LTA BAR RTZOM PA'I BRTZON PA DANG LDAN PAR GNAS PA'AM, 'DUS PA CHEN PO NYAMS SU MYONG BAR BYED DE, DGE SBYONG NI DE LTA BU'I LTAD MO SNA TSOGS LTA BAR RTZOM PAR BRTZON PA SPANG BA @429 YIN NO ZHES BYA BA'I BAR DU GSUNGS LA, DE BZHIN DU GLANG PO CHE'I SGRA LA SOGS PA NYAN PA LA'ANG SBYAR NAS GSUNGS TE, GZUGS SGRA LA SOGS PA LA CHAGS PAS LTA BA DANG NYAN PA LA SOGS PA'ANG YANG DAG PA MA YIN PA LOG PA'I YUL LA YONGS SU LONGS SPYOD PA'I PHYIR LOG 'TSOR GSUNGS PA'I PHYIR RO, 7. LAS 'BRAS BU DANG BCAS PAR DBYE BA, BDUN PA LAS 'BRAS BU DU DANG BCAS PAR DBYE BA NI 'O NA LAS GANG ZHIG 'BRAS BU LNGA LAS 'BRAS BU DU ZHIG GIS 'BRAS BU DANG BCAS PA YIN ZHE NA, DRI BCAS TE ZAG PA DANG BCAS PA'I SPONG BA'I LAM ('JIG RTEN PA'I SGOM LAM BAR CHAD MED PA) DAG GI LAS NI RNAM SMIN DANG, BDAG 'BRAS DANG, RGYU MTHUN PA'I 'BRAS BU DANG, SKYES BU BYED 'BRAS DANG, BRAL 'BRAS DANG, LNGA YIS 'BRAS BUR BCAS PA YIN NO, ,DE LA DRI BCAS SPONG BA'I LAM NI 'JIG RTEN PA'I SGOM PA'I LAM BAR CHAD MED PA'O, ,'DI'I RNAM SMIN GYI 'BRAS BU NI RANG GI SAR GTOGS PA'I RNAM SMIN YID DU 'ONG BA YIN LA, BDAG 'BRAS NI SNGAR BYUNG MA GTOGS PA RANG GI NGO BO LAS GZHAN PA'I 'DUS BYAS THAMS CAD DO, ,RGYU MTHUN GYI 'BRAS BU NI TING NGE 'DZIN LAS SKYES PA'I CHOS 'DRA BA PHYI MA RNAMS SO, ,SKYES BU BYED 'BRAS NI RNAM GROL GYI LAM DANG THOB PA DANG SPANGS PA LA SOGS PA DE MA THAG DANG CIG CAR 'BYUNG BA RNAMS SO, , BRAL 'BRAS NI SA 'OG MA'I NYON MONGS PA SPANGS PA'O, ,DRI MED KYI SPONG BA'I LAM NI 'BRAS BU BZHI YIS 'BRAS BU DANG BCAS PA YIN TE, ZAG MED LA RNAM SMIN GYI 'BRAS BU MED PA'I PHYIR RO, ,ZAG PA DANG BCAS PA SPONG BA'I LAM LAS GZHAN PA'I DGE BA DANG MI DGE BA GANG YIN PA DE'ANG 'BRAS BU BZHIS 'BRAS BU DANG BCAS PA YIN TE, DE DAG LA BRAL 'BRAS MI SRID PA'I PHYIR RO, ,ZAG PA MED PA SPONG BA'I LAM GYI LHAG MA SBYOR BA DANG RNAM GROL DANG KHYAD PAR GYI LAM DANG, DGE MI DGER LUNG BSTAN PA MIN PA BSGRIBS PA DANG MA BSGRIBS LUNG MA BSTAN GANG DAG YIN PA DE DAG NI RNAM SMIN DANG BRAL 'BRAS MA GTOGS PA 'BRAS BU GSUM GYIS 'BRAS BU DANG BCAS SO, ,DGE BA'I 'BRAS BU DGE BA YIN PA LA NI 'BRAS BU BZHI YIN TE, DE LA RNAM SMIN GYI 'BRAS BU MI SRID PA'I PHYIR DANG, SPONG LAM GYI BRAL 'BRAS KYANG DON DAM PAR DGE BA YIN PA'I PHYIR RO, ,SOGS PA'I SGRAS GZUNG BA DGE BAS MI DGE BA SKYED PA LA NI 'BRAS BU SKYES BU BYED PA DANG BDAG 'BRAS GNYIS YIN TE, RNAM SMIN DANG BRAL 'BRAS DANG RGYU MTHUN GYI 'BRAS BU GSUM MI SRID PA'I PHYIR RO, ,DE BZHIN DU DGE BAS LUNG MA BSTAN SKYED PA LA NI 'BRAS BU @430 GSUM YIN TE, BRAL BA DANG RGYU MTHUN PA'I 'BRAS BU GNYIS MI SRID PA'I PHYIR RO,, MI DGE BA'I 'BRAS BU DGE BA YIN PA LA NI RIM PA BZHIN DU 'BRAS BU SKYES BU BYED PA DANG BDAG 'BRAS GNYIS YIN TE,, RNAM SMIN DANG RGYU MTHUN DANG BRAL BA'I 'BRAS BU MI SRID PA'I PHYIR RO, ,SOGS PA'I SGRAS BSTAN PA MI DGE BAS MI DGE BA BSKYED PA LA NI SKYES BU BYED PA DANG BDAG PO DANG RGYU MTHUN PA'I 'BRAS BU GSUM YIN TE, RNAM SMIN DANG BRAL 'BRAS MI SRID PA'I PHYIR RO, ,MI DGE BA'I LAS KYIS LUNG MA BSTAN SKYED PA LA 'BRAS BU BZHI YIN TE, BRAL 'BRAS MA GTOGS PA'I PHYIR RO, ,MI DGE BAS LUNG MA BSTAN BSKYED PA LA RGYU MTHUN GYI 'BRAS BU NI NYON MONGS CAN DU 'DRA BAS KUN 'GRO MI DGE BA SDUG BSNGAL MTHONG SPANG GIS, BSGRIBS LA LUNG MA BSTAN 'JIG TSOGS LA LTA BA DANG MTHAR 'DZIN PAR LTA BA RNAMS SKYED PA LA YIN PA'I PHYIR RO, ,LUNG DU BSTAN PA MIN PA NYID KYI 'BRAS BU DGE BA YIN PA LA NI SKYES BU BYED PA DANG BDAG 'BRAS GNYIS TE, ,RNAM SMIN DANG BRAL BA DANG RGYU MTHUN PA'I 'BRAS BU GSUM MA GTOGS PA'I PHYIR RO, ,SOGS DANG DE DAG CES PA'I SGRAS BZUNG BA LUNG MA BSTAN GYIS MI DGE BA SKYED PA LA NI 'BRAS BU GSUM STE, BRAL 'BRAS DANG RNAM SMIN GNYIS MA GTOGS PA'O, ,'DI'I RGYU MTHUN GYI 'BRAS BU NI BSGRIIBS LA LUNG MA BSTAN 'JIG TSOGS MTHAR 'DZIN GYI SDUG BSNGAL MTHONG SPANG LA SOGS PA'I MI DGE BA BSKYED PA YIN TE, DE DAG NI NYON MONGS CAN DU 'DRA BA'I PHYIR RO, ,LUNG MA BSTAN GYIS LUNG MA BSTAN SKYED PA LA'ANG 'BRAS BU GSUM STE, RNAM SMIN DANG BRAL 'BRAS MA GTOGS PA'I PHYIR RO, ,'DAS PA'I CHOS ZAG BCAS KYIS 'DAS PA DANG MA 'ONGS PA DANG DA LTAR BYUNG BA THAMS CAD BSKYED PA LA NI (BRAL 'BRAS DUS KYIS MA BSDUS PAS DE MA GTOGS PA,) 'BRAS BU BZHI BZHI YIN NO, ,GANG ZHE NA BRAL 'BRAS MA GTOGS PA STE, DE NI KHAMS SU MA GTOGS SHING DUS KYIS MA BSDUS PA'I PHYIR MI SRID DO, ,DE BZHIN DU BAR MA DA LTAR BYUNG BA YI NI 'BRAS BU MA 'ONGS PA YIN PA LA'ANG BZHI YIN TE SNGA MA DANG 'DRA'O, ,BAR MA DA LTAR BYUNG BAS DA LTAR BYUNG BA BSKYED NA RNAM SMIN DANG RGYU MTHUN DANG BRAL 'BRAS GSUM MI SRID PAS SKYES BU BYED PA DANG BDAG 'BRAS GNYIS SO,, LAS MA SKYES PA NI MA 'ONGS PA STE DE'I 'BRAS BU MA 'ONGS PA YIN NA RGYU MTHUN DANG BRAL 'BRAS MA GTOGS PA GSUM YIN NO, ,DA LTAR BAS 'DAS PA BSKYED PA DANG, MA 'ONGS PAS 'DAS PA DANG DA LTAR BA BSKYED PA NI MI SRID PA'I PHYIR DPYAD PA MA MDZAD DO, ,ZAG BCAS RANG GIS PA'I LAS KYIS RANG GI SA PA'I CHOS BSKYED NA BRAL 'BRAS SAS MA BSDUS PAS DE LAS GZHAN PA'I 'BRAS BU BZHI YIN NO, ,RANG @431 SA ZAG MED YIN NA RNAM SMIN DANG BRAL 'BRAS LAS GZHAN GSUM MO, ,GZHAN GYI SA PA'I LAS KYIS GZHAN GYI SA PA'I CHOS BSKYED NA 'BRAS BU GSUM BYED PA NI SA DGU'I LAM NI PHAN TSUN DU ZHES 'BYUNG BAS ZAG MED SA GZHAN LA RTEN PAS ZAG MED SA GZHAN LA RTEN PA'I RGYU MTHUN GYI 'BRAS BU'ANG BYED PA'I PHYIR DANG, BDAG 'BRAS DANG SKYES BU BYED 'BRAS KYANG BYED PA'I PHYIR DANG, RNAM SMIN DANG BRAL 'BRAS NI MI SRID PA'I PHYIR RO, ,GNYIS BYED PA NI ZAG PA DANG BCAS PA STE, DE LA SKYES BU BYED PA DANG BDAG 'BRAS YOD KYI RNAM SMIN DANG RGYU MTHUN DANG BRAL 'BRAS RNAMS MI SRID PA'I PHYIR RO, ,SLOB PA'I LAS KYIS SLOB PA'I CHOS BSKYED NA GSUM YIN TE, RNAM SMIN DANG BRAL 'BRAS SLOB PA MA YIN PA'I PHYIR RO, , SOGS PA'I SGRAS BSTAN PA SLOB PAS, MI SLOB PA SKYED PA'ANG DE DANG 'DRA'O, ,SLOB PAS SLOB PA'ANG MA YIN MI SLOB PA'ANG MA YIN PA'I CHOS BSKYED NA'ANG GSUM YIN TE, RNAM SMIN DANG RGYU MTHUN GYI 'BRAS BU MI SRID PA'I PHYIR RO,, MI SLOB PA'I LAS KYI 'BRAS BU NI SLOB PA'I CHOS YIN NA BDAG PO'I 'BRAS BU GCIG KHO NA YIN TE, MI SLOB PA LAS NYAMS PA'I TSE NA'ANG NYON MONGS PA KUN TU 'BYUNG BAS BAR DU CHOD PA'I PHYIR MI SLOB PA'I MJUG THOGS SU DE MA THAG GAM CIG CAR DU SLOB PA 'BYUNG BA MED PAS SKYES BU BYED 'BRAS KYANG MI SRID PA'I PHYIR DANG, RNAM SMIN GYI 'BRAS BU LA SOGS PA GSUM YANG MI SRID PA'I PHYIR RO, ,GANG DAG SKYES BU BYED 'BRAS CHOD PA LAS KYANG SKYE BAR 'DOD PA DE DAG GI LTAR NA MI SLOB PAS SLOB PA SKYED NA 'BRAS BU GNYIS BYED PA YIN NO, ,SOGS PAS BSDUS PA MI SLOB PAS MI SLOB PA'I CHOS BSKYED NA 'BRAS BU GSUM BYED PA YIN TE, RNAM SMIN DANG BRAL 'BRAS MA GTOGS PA'I PHYIR RO, ,MI SLOB PAS SLOB PA'ANG MA YIN MI SLOB PA'ANG MA YIN PA'I CHOS BSKYED NA DE LA RGYU MTHUN DANG RNAM SMIN DANG BRAL 'BRAS GSUM MI SRID PA SKYES BU BYED PA DANG BDAG PO'I 'BRAS BU GNYIS BYED PA YIN NO,, SLOB PA DANG MI SLOB PA DE GNYIS LAS GZHAN PA SLOB PA'ANG MA YIN MI SLOB PA'ANG MA YIN PA'I LAS KYI 'BRAS BU NI SLOB PA YIN NA SKYES BU BYED PA DANG BDAG 'BRAS GNYIS YIN TE RNAM SMIN DANG RGYU MTHUN DANG BRAL 'BRAS GSUM NI MI SRID PA'I PHYIR RO, ,SOGS PA'I SGRAS GZUNG BA SLOB PA'ANG MA YIN MI SLOB PA'ANG MA YIN PA'I 'BRAS BU MI SLOB PA YIN NA'ANG 'BRAS BU GNYIN YIN TE SNGA MA DANG 'DRA'O, ,SLOB PA'ANG MA YIN MI SLOB PA'ANG MA YIN PAS SLOB PA'ANG MA YIN MI SLOB PA'ANG MA YIN PA'I CHOS SKYED PA LA NI 'BRAS BU LNGA PO THAMS CAD SRED PA YIN NO, ,MTHONG BAS SPANG BAR BYA BA'I LAS KYI 'BRAS BU MTHONG BAS @432 SPANG BAR BYA BA DE YIN NA 'BRAS BU GSUM YIN TE, RNAM SMINN DANG BRAL 'BRAS MA GTOGS PA'I PHYIR RO,, SOGS PAS GZUNG BA MTHONG SPANG GI 'BRAS BU SGOM SPANG YIN NA BZHI YIN TE, BRAL 'BRAS MA GTOGS PA'O, ,MTHONG SPANG GI 'BRAS BU SPANG BYA MA YIN NA GCIG STE BDAG 'BRAS KHO NA YIN NO, ,BSGOM PAS SPANG BAR BYA BA'I LAS KYI 'BRAS BU MTHONG SPANG DANG, SGOM SPANG DANG SPANG BYA MA YIN PA DE DAG YIN NA RIM PA BZHIN DU 'BRAS BU GNYIS DANG BZHI DANG GSUM YIN TE, DANG PO LA NI RNAM SMIN DANG RGYU MTHUN DANG BRAL 'BRAS GSUM MI SRID PA'I PHYIR DANG, GNYIS PA LA NI BRAL 'BRAS MI SRID PA'I PHYIR DANG, GSUM PA LA NI RGYU MTHUN DANG RNAM SMIN GNYIS MI SRID PA'I PHYIR RO, ,SPANG BAR BYA BA MIN PA'I LAS KYI 'BRAS BU MTHONG SPANG DANG SGOM SPANG DANG SPANG BYA MA YIN PA DE DAG YIN NA 'BRAS BU GCIG DANG GNYIS DANG BZHI STE GO RIM BZHIN DU SBYAR TE, DANG PO LA BDAG 'BRAS DANG, GNYIS PA LA ZAG MED KYI LAM LAS LANGS PA'I TSE DE'I MJUG TU SGOM SPANG KHAMS GSUM GYI DGE BA ZAG BCAS 'BYUNG BA NI SKYES BU BYED PA DANG BDAG 'BRAS GNYIS DANG, GSUM PA LA NI RNAM SMIN GYI 'BRAS BU MA GTOGS PA BZHI BYED PA'I PHYIR RO,, 8. RIGS PA DANG RIGS PA MA YIN PAS BSKYED PA'I DBYE BA, BRGYAD PA RIGS PA DANG RIGS PA MA YIN PAS BSKYED PA'I LAS KYI DBYE BA NI BSTAN BCOS LAS RIGS PA MA YIN PAS BSKYED PA DANG, RIGS PAS BSKYED PA DANG, GNYIS KAS BSKYED PA MA YIN PA'I LAS GSUM GSUNGS PA LA RIGS PA MIN PAS BSKYED PA NI LAS NYON MONGS PA CAN YIN TE, DE YANG MI DGE BA RANG BZHIN GYIS KHA NA MA THO BA DANG BSGRIBS LA LUNG MA BSTAN TE, TSUL BZHIN MA YIN PA YID LA BYED PAS SKYED PA'I PHYIR RO, ,SNGON GYI SLOB DPON KHA CIG NA RE DE NI LAS NYON MONGS CAN KHO NAR MA ZAD KYI BCAS PA'I KHA NA MA THO BA, 'GRO BA DANG GNAS PA DANG BZA' BA DANG GO PA LA SOGS PA 'JIG RTEN NA 'DI LTAR BYA'O ZHES GRAGS PA'I CHO GA LAS NYAMS NAS DE DANG MI MTHUN PAR BYED PA'ANG RIGS PA MA YIN PAS BSKYED PA YIN NO ZHE'O,, RIGS PAS BSKYED PA NI LAS DGE BA YIN NO, ,KHA CIG NI DER MA ZAD KYI CHO GA MA NYAMS PA'ANG YIN NA ZHES ZER RO, ,DE GNYIS LAS GZHAN PA NI GNYIS KA MA YIN PA'O,, @433 9. 'PHEN BYED DANG RDZOGS BYED KYI DBYE BA, DGU PA 'PHEN BYED DANG RDZOGS BYED KYI DBYE BA NI CI LAS GCIG GIS SKYE BA GCIG KHO NA 'PHEN NAM, 'ON TE DU MA'ANG 'PHEN, DE BZHIN DU LAS DU LAS KYANG SKYE BA DU MA KHO NA 'PHEN NAM, 'ON TE GCIG KYANG 'PHEN ZHE NA, LAS GCIG GIS SKYE BA GCIG KHO NA 'PHEN PAR BYED KYI LAS GCIG GIS SKYE BA DU MA 'PHEN PA'ANG MED LA, RIS MTHUN PA DUM BUR 'PHEN DU 'ONG BAS NA (LAS KYI 'BRAS BU GCIG ZAD CING GZHAN SKYES PA NA 'CHI 'PHO BA DANG SKYE BAR 'GYUR BAR THAL BAS NA,) LAS DU MAS SKYE BA GCIG 'PHEN PA'ANG MED DO, ,(GCIG GIS DU MA 'PHEN NA SKYES NAS MYONG 'GYUR LA SOGS PA GNAS SKABS NGES PA'ANG MI 'THAD DO, ,) ZHES BYA BA NI BYE BRAG TU SMRA BA'I YIN NO, ,'O NA RGYAL PO DANG YANG DAG PAR LDAN PA'I MDO LAS, GNAS BRTAN MA 'GAGS PAS DGE SLONG RNAMS LA SMRAS PA TSE DANG LDAN PA DAG BDAG BAR nA SER SKYES BU DBUL PO RTZVA THU BA ZHIG TU GYUR PA NA RANG SANGS RGYAS STENG GNAS ZHES BYA BA'AM SPYI GTZUG ME TOG TA KA PA LTA BU ZHES BYA BA LA BSOD SNYOMS PHUL TE, BDAG NI BSOD SNYOMS GCIG PO DE'I RNAM PAR SMIN PAS LAN BDUN GYI BAR DU SUM CU RTZA GSUM PA'I LHA RNAMS KYI NANG DU SKYES SHING LAN BDUN GYI BAR DU 'KHOR LOS BSGYUR BA'I RGYAL POR GYUR PA NAS DA LTAR SH'AKYA PHYUG PO'I RIGS SU SKYES PA'I BAR DU YIN NO ZHES (PA DANG, LUNG SMAN GYI GZHI LAS, SUM CU RTZA GSUM LHA RNAMS SU, ,BDAG GIS LAN BDUN SKYE BA BLANGS, ,SLAR YANG MI YI NANG DU NI, ,MI YI DBANG PO LAN BDUN BYAS, , DE TSE 'DZAM GLING DBANG PHYUG GI ,RGYAL RIGS SPYI BOR DBANG BSKUR RO, ,'DIR NI BDUN DANG DER BDUN TE, ,BDAG GIS LAN NI BCU BZHIR 'KHOR ZHES,) GSUNGS PA DANG 'GAL LO ZHE NA, MI 'GAL TE, BSOD NAMS DES BDE 'GRO'I 'BYOR BA RNYED NAS SKYE BA DRAN TE YANG BSOD NAMS BYAS PAS DE DANG DE DAG TU SKYES PA LA BSOD SNYOMS GCIG PO DES BSKYED DO ZHES BSHAD DE, GCIG PO DE LA BRTEN NAS ZHES BYA BA'I DON TE DPER NA DONG TZE GCIG LAN DU MAR BSGYUR BAS PHYUG POR GYUR PA LA BDAG NI DO NGA TZE GCIG GIS PHYUG POR GYUR TO ZHES BRJOD PA LTA BU'O,, YANG NA BSOD SNYOMS GCIG PHUL BA DE LA BRTEN NAS DGA' BA DANG YID RANG BA LA SOGS PA SEMS PA'I LAS DU MA YOD PA'I PHYIR DE DAG DE DAG GI 'BRAS BU YIN NO, ,LAS GCIG GIS 'PHANGS PA'I RIS MTHUN PA'I SKYE BA DE'I KHYAD PAR GYI CHOS YONGS SU RDZOGS PAR BYED PA'I LAS NI DU MA YIN TE, DPER NA @434 RI MO MKHAN DAG SKYA RIS RI LU GCIG GIS BYAS NAS TSON SNA TSOGS KYIS RDZOGS PAR BYED PA LTAR MIR MTSUNGS KYANG KHA CIG NI (RDZOGS BYED DGE BAS,) GZUGS BZANG BA DANG DBANG PO TSANG BA DANG LONGS SPYOD CHE BA DANG NAD MED PA DANG DBANG THANG PHUN SUM TSOGS PA LA SOGS PA YIN LA, KHA CIG NI (RDZOGS BYED MI DGE BAS) GZUGS NGAN PA LA SOGS PA YIN NO, ,GZUGS BZANG BA LA SOGS PA NI DGE BAS RDZOGS PAR BYED LA, NGAN PA LA SOGS PA NI MI DGE BAS RDZOGS PAR BYED DO,, 'DI LA 'PHEN BYED DGE BAS BYAS LA RDZOGS BYED MI DGE BAS BYAS PA'ANG YOD DE LHA DANG MI DBUL PO DANG NAD PA LA SOGS PA LTA BU'O, ,RDZOGS BYED DGE BAS BYAS LA 'PHEN BYED MI DGE BAS BYAS PA'ANG YOD DE YI DVAGS NA CHOS KYI RGYAL PO GSHIN RJE DANG, DUD 'GRO NI KLU'I RGYAL PO NOR RGYAS LA SOGS PA LTA BU'O, ,GNYIS KA DGE BAS BYAS PA NI LHA'I DBANG PO BRGYA BYIN LA SOGS PA LTA BU'O, ,GNYIS KA MI DGE BAS BYAS PA NI DMYAL BA MNAR MED LTA BU'O, ,(GAL TE KHA DOG LA SOGS PA RDZOGS BYED KYI 'BRAS BU RIGS MOD, DBANG PO DRUG 'PHEN BYED GYI 'BRAS BU MA YIN NAM ZHE NA, DE DAG LA YANG RDZOGS BYED KYI LAS KYI NUS PA 'JUG STE, DE LTA MIN NA SKYE BA 'PHANGS PHAN CHAD 'GA' YANG DBANG PO MA TSANG BAR MI 'GYUR RO,,) GAL TE (LAS DANG LHAN CIG PA'I TSOR BA LA SOGS PA YANG SKYE BA 'PHEN BYED YIN NO,,) LAS THAMS CAD SKYE BA 'PHEN PAR BYED PA YIN NAM ZHE NA, (RNAM SMIN DANG BCAS KYANG,) SEMS MED PA 'GOG PA DANG 'DU SHES MED PA'I SNYOMS PAR 'JUG PA DAG NI 'PHEN PAR BYED PA MA YIN TE, DE DAG LA SEMS MED PAS LAS SEMS PA DANG LHAN CIG MI 'BYUNG BA'I LAS NI STOBS CHUNG BA'I PHYIR RO, , DE'I PHYIR 'DU SHES MED PA'I SNYOMS 'JUG GI RNAM SMIN LHA TSE RING PO DANG, 'GOG PA'I SNYOMS 'JUG GI RNAM SMIN SRID RTZE BA YIN NO ZHES BYA BA'ANG RDZOGS BYED KYI DBANG DU BYAS PA YIN GYI 'PHEN BYED NI BSAM GTAN BZHI PA DANG, SRID PA'I RTZE MO'I SNYOMS 'JUG YIN PA'I PHYIR RO, ,DGE BA DANG MI DGE BA'I THOB PA'ANG LAS DANG LHAN CIG PA YIN KYANG 'PHEN BYED MIN TE, LAS DANG THOB PA 'BRAS BU MI GCIG PA'I PHYIR DANG, THOB PA LA SEMS PA MED PAR ZHAR LA 'BYUNG BAS STOBS CHUNG BA'I PHYIR DANG, THOB PA NI SHING GI SHUN PA LTAR LAS LAS THA DAD PA'I PHYIR RO, ,(SBYOR LAM DANG 'PHAGS LAM YANG 'PHEN BYED MIN GYI RDZOGS BYED YIN NO,,) 'ON KYANG DGE BA ZAG BCAS KYI THOB PA DANG MI DGE BA'I THOB PA DE DAG NI RDZOGS PAR BYED PA'I LAS YIN NO, ,ZHES BYA BA NI BYE BRAG TU SMRA BA YIN NO, ,(DE BZHIN DU 'PHAGS PA'I RGYUD LA YOD PA'I ZAG BCAS KYI LAS DANG SBYOR LAM NGES 'BYED CHA MTHUN BZHI'ANG RDZOGS @435 BYED KHO NA YIN NO,,) MDO SDE PA DANG THEG PA GONG MA PA DAG NI LAS GCIG GIS SKYE BA DU MA 'PHEN PA MDO DE DANG DE LAS RNAM PA DU MA BSHAD PA'I PHYIR LAS GCIG GIS SKYE BA DU MA 'PHEN PA DANG, GCIG GIS GCIG 'PHEN PA'ANG YOD DE ZHES BYA BA 'DI 'DOD PA YIN NO,, 10. SGRIB PA GSUM BSHAD PA, BCU PA SGRIB PA GSUM BSHAD PA NA MDO LAS, LAS KYI SGRIB PA DANG, NYON MONGS PA'I SGRIB PA DANG, RNAM PAR SMIN PA'I SGRIB PA GSUM BSHAD PA LA MA DANG, PHA DANG, DGRA BCOM PA GSOD PA DANG, DGE 'DUN GYI DBYEN BYED PA DANG, DE BZHIN GSHEGS PA'I SKU LA NGAN SEMS KYIS KHRAG 'BYIN PA STE SKYE BA PHYI MA KHO NA LA DMYAL BAR SKYE BA LA LAS DANG 'GRO BA GZHAN GYIS MTSAMS SAM BAR BCAD PAR MI NUS PAS MTSAMS MED PA LNGA'I LAS RNAMS NI LAS KYI SGRIB PA DANG, NYON MONGS PA SHAS CHEN PO NI NYON MONGS PA'I SGRIB PA YIN NO, DE LA NYON MONGS PA LA SHAS CHE BA DANG RNO BA GNYIS LAS DANG PO NI RGYUN CHAGS SU 'BYUNG BA GANG YIN PA STE, DE NYID CHUNG NGU LAS 'BRING 'BRING LAS CHEN PO RGYUN MI CHAD PAR 'BYUNG BAS GNYEN POS SPONG BA'I SKABS MI RNYED PAS NYON MONGS PA'I SGRIB PHAR GZHAG GO ,(GNYIS PA NI,) DRAG TU 'BYUNG BA GANG YIN PA STE DE NI SPANG SLA BA'I PHYIR SGRIB PA GSUM GYI NANG DU MA GTOGS SO,, NGAN 'GRO RNAM PA GSUM DANG 'DU SHES MED PA'I SEMS CAN DANG BYANG GI SGRA MI SNYAN DU SKYES PA RNAMS NI RNAM PAR SMIN PA'I SGRIB PA STE, SNGAR GYI LAS KYIS RGYUD NGAN PAR 'PHANGS PA'I PHYIR RO, ,DE LTAR NA SGRIB PA NI RNAM PA GSUM DU 'DOD DE, 'PHAGS PA'I LAM DANG DRO BAR GYUR PA LA SOGS PA 'PHAGS PA'I LAM LA SBYOR BAR BYED PA'I DGE BA LA SGRIB PA DANG GEGS SU GYUR PA'I PHYIR RO, ,'O NA NI LAM PHRAN PA DANG SOR MO'I PHRENG BA CAN DANG DGA' BO LA SOGS PA NI NYON MONGS PA CHEN PO DANG LDAN PA'I PHYIR DE DAG LA 'PHAGS PA'I LAM MI SKYE BAR 'GYUR ZHE NA, DE DAG GI'ANG JI SRID SGRIB PA DE DAG MA SBYANGS PA DE SRID DU LAM MI SKYE BA YIN LA SKYE BA NA NI NYON MONGS PA CHEN PO MED PA'I PHYIR RO, ,GZHAN YANG GAL TE 'PHAGS PA'I LAM DANG DE'I SBYOR LAM LA SGRIB PAS MTSAMS MED RNAMS LAS KYI SGRIB PA YIN NA NGAN SONG GSUM DANG, TSANGS PA CHEN PO DANG, 'DU SHES MED PA'I SNYOMS 'JUG DANG, 'DU SHES MED PA'I SEMS CAN DANG, SGO NGA LAS SKYE BA DANG, DROD GSHER LAS SKYE BA DANG, BUD MED DU 'GYUR BA DANG, ZA MA LA SOGS PA DANG, SRED PA BRGYAD PA 'GRUB PAR 'GYUR PA'I LAS RNAMS KYANG LAS KYI SGRIB PAR @436 'GYUR TE, DE DAG TU SKYES PA LA 'PHAGS PA'I LAM DANG SBYOR BA'I DGE BA MI SKYE BA'I PHYIR DANG, 'PHAGS PA RNAMS KYANG DE RTAG TU MI SKYE BA'I PHYIR RO ZHE NA, DE DAG KYANG SGRIB PAR NI 'GYUR MOD KYI (SKYES GNAS GNYIS SU SKYES PA KHA CIG BUD MED LA YANG 'PHAGS LAM SKYE'O,,) 'ON KYANG 'DIR MTSAMS MED KHO NA LAS SGRIB TU BSTAN PA NI (RGYU LNGA PO,) GZHI DANG, 'BRAS BU DANG, 'GRO BA DANG, SKYE BA DANG, GANG ZAG GI SGO NAS GZHAN LA BSTAN PAR SKRA ZHING RANG GIS THA SNYAD GDAGS SLA BA'I PHYIR RO,, DE LA PHA MA DANG DGRA BCOM GSOD PA GSUM GYI GZHI NI SROG GCOD PA'O, ,DGE 'DUN GYI DBYEN GYI GZHI NI RDZUN NO, ,DE BZHIN GSHEGS PA'I SKU LA NGAN SEMS KYIS KHRAG 'BYIN PA'I GZHI NI SROG GCOD PA'I SBYOR BA'O, ,'BRAS BU NI THAMS CAD KYI 'BRAS BU NI YID DU MI 'ONG BA'O, ,'GRO BA NI DMYAL BA'I 'GRO BA THOB PAR BYED PA'O, ,SKYE BA NI SKYES NAS MYONG 'GYUR GYI LAS YIN PA'I PHYIR RO, , GANG ZAG NI NYON MONGS PA SHAS CHEN PO KUN DU SPYOD PA YIN PA'I PHYIR RO, ,KHA CIG NA RE 'BRAS BU NI DMYAL BA DANG, 'GRO BA NI MTSAMS MED GLING GSUM DAG NA YOD CES 'BYUNG BAS MI DANG, GANG ZAG NI SKYES PA DANG BUD MED KHO NA YIN LA, GZHAN NI SNGA MA BZHIN NO ZHES ZER RO, ,SGRIB PA GSUM PO DE DAG LAS NYON MONGS PA'I SGRIB PA NI (SKYE BA MANG POR GSOR MI RUNG BAS,) THAMS CAD KYI THA SHAL YIN LA, DE NAS (SKYE BA GNYIS SU SGRIB PAS) LAS KYI SGRIB PA THA SHAL YIN NO (ZHES ZER RO, ,) DE GNYIS KYIS NI TSE PHYI MA LA'ANG GSOR MI RUNG PAR 'GYUR BA'I PHYIR RO, ,BYE BRAG TU SMRA BA RNAMS NA RE SNGA MA SNGA MAS PHYI MA PHYI MA 'DREN PAS SNGA MA SNGA MA NYES PA CHE STE, NYON SGRIB KYIS LAS SGRIB 'DREN LA LAS SGRIB KYIS RNAM SMIN GYI SGRIB PA NGAN SONG LA SOGS PAR 'DREN PA'I PHYIR RO,, DES NA RNAM SMIN GYI SGRIB PA NI MTHONG CHOS KHO NA LA SGRIB LA, SNGA MA GNYIS KYIS NI SKYE BA GZHAN DU'ANG SGRIB PA'I PHYIR RO ZHES ZER RO, ,SGRIB PA GSUM PO DE DAG LAS MTSAMS MED LNGA NI GLING GSUM NGAG NA YOD KYI SGRA MI SNYAN DANG 'GRO BA GZHAN DAG NA MED DE, NGAN SONG BA DAG NA PHA GSOD PA LA SOGS PA YOD KYANG MTSAMS MED PAR MI 'GYUR TE, SDIG PA'I BSAM PA MI BRTAN PA'I PHYIR DANG GNYEN PO LAM MED PA'I PHYIR RO, ,LHA LA NI PHA GSOD PA LA SOGS PA MED DE, SDIG PA'I BSAM PA CAN MA YIN PA'I PHYIR DANG, LAS 'BRAS MNGON SUM DU GYUR PA'I PHYIR RO, ,SGRA MI SNYAN LA'ANG MED DE, DE DAG NI RANG BZHIN GYI TSUL KHRIMS DANG LDAN PA'I PHYIR DANG, DE NA BSTAN PA MED PA'I PHYIR RO, ,(ZHES SLOB DPON RGYAL PO'I SRAS 'CHAD PA NI, DE NA LUS NGAG GI TSUL KHRIMS MED PAS MI 'THAD KYI, SLOB DPON GANG SPEL @437 RANG BZHIN BZANG BA'I PHYIR DANG, CHA NGES PA'I PHYIR DANG, DE NA BSTAN PA MED PA'I PHYIR ZHES PA NI RIGS SO), ,GLING GSUM GYI YANG ZA MA DANG SOGS PA'I SGRAS GZUNG BA MA NING DANG MTSAN GNYIS PA LA'ANG MTSAMS MED 'BYUNG BAR MI 'DOD DO, ,CI'I PHYIR ZHE NA, 'GREL PA LAS SDOM PA MED PA'I GTAN TSIGS, GANG YIN PA DE NYID KYI PHYIR RO ZHES 'BYUNG STE, SDIG PA DAG LA'NG BSAM PA MI BRTAN PA'I PHYIR DANG, GNYEN PO YIN PA'I PHYIR GANG LA SDOM PA YOD PA DE LA SDOM MAN YANG YOD PA YIN NA DE DAG LA SDOM PA MED PA'I YANG PHYIR RO, ,GZHAN YANG DE DAG GI PHA MA DE DAG DBANG PO MA TSANG BAR BSKYED PA DANG BYAMS PA CHUNG BAS PHAN PA CHUNG PA'I PHYIR DANG, RANG BZHIN GYIS RGYUD ZHING TSVA SGO CAN LTAR DE DAG KYANG PHA MA LA NGO TSA KHREL YOD SHAS CHUNG PA'I PHYIR YANG STE, NGO TSA SHES PA DANG KHREL YOD PA SHAS CHEN PO NYAMS PA MED PA'I PHYIR RO, ,PHAN PA DANG NGO TSA CHUNG BA DE NYID KYI PHYIR YI DVAGS DANG DUD 'GRO LA'ANG MED PAR SHES PAR BYA'O,, BTZUN PA NA RE GLING GSUM DU SKYES PA LAS GZHAN NI BLO MI GSAL NA PHA MA LA SOGS PA BSAD KYANG MTSAMS MED PAR MI 'GYUR LA, GANG DAG BLO GSAL BA DE DAG NI DUD 'GRO YIN YANG PHA LA SOGS PA BSAD NA 'GYUR TE RTA CANG SHES MA LA 'DOD LOG SPONG BA BZHIN NO ZHES ZER RO, ,GAL TE DBANG PO MA TSANG BAR BSKYED PAS PHAN CHUNG BAS DE LTA BU'I PHA MA BSAD PAS MTSAMS MED PAR MI 'GYUR NA SKYES PA DANG BUD MED LONG BA DANG 'ON PAS PHA MA BSAD KYANG DER MI 'GYUR BAR THAL BAR 'GYUR RO ZHE NA, 'DIR DBANG PO MA TSANG BA ZHES BYA BA NI MNGON PAR RTOGS PA SKYE BA'I SKAL PA CAN GYI DBANG PO LA 'DOD PA NA LONG BA LA SOGS PA LA MNGON PAR RTOGS PA SKYE BA'I SKAL PA CAN GYI DBANG PO YOD PA'I PHYIR RO, , RANG NYID MI YIN YANG PHA MA MI MA YIN PAR GYUR NA DE DAG BSAD KYANG MTSAMS MED PAR MI 'GYUR RO, , LAS KYI SGRIB PA'I LHAG MA NI NYON MONGS PA'I SGRIB PA DANG RNAM PAR SMIN PA'I SGRIB PA'O, ,DE GNYIS NI LHA LA SOGS PA'I 'GRO BA LNGA DAG NA YOD DE, DE LA RNAM SMIN GYI SGRIB PA NI LHA'I NANG NA NI 'DU SHES MED PA'I SEMS CAN DANG, MI'I NI BYANG GI SGRA MI SNYAN PA DANG, NGAN SONG GSUM NI THAMS CAD KYANG RNAM SMIN GYI SGRIB PA CAN NO, ,NYON MONGS PA'I SGRIB PA NI 'GRO BA LNGA PO DAG LA CI RIGS PAR YOD DO,, 11. MTSAMS MED PA LNGA BSHAD PA, BCU GCIG PA MTSAMS MED PA LNGA BSHAD PA NI MTSAMS MED LNGA PO DAG LAS DANG PO GSUM SROG @438 GCOD DANG, LNGA PA SROG GCOD KYI SBYOR BA YIN PAS BZHI NI LUS KYI LAS DANG, BZHI PA NI RDZUN YIN PAS NGAG GI LAS SO, ,DE LAS GZHAN DAG NI RTOGS PAR SLA BAS MA BSHAD LA DGE 'DUN GYI DBYE NA NI DGE 'DUN SDE GNYIS (THUGS RTZE,) MI 'PHROD PA'I RANG BZHIN DU GYUR PA LDAN PA MA YIN PA'I CHOS 'DU BYED RDZAS SU GRUB PA ZHIG YOD DO ZHES BYA BA NI BYE BRAG TU SMRA BA'I YIN NO, ,DE YANG NYON MONGS PA CAN YANG MIN LA DGE BAR LUNG BSTAN PA'ANG MIN PA'I PHYIR MA BSGRIBS LA LUNG DU MA BSTAN PA'O, ,DE LTA BU'I DBYEN DE DANG NI PHYOGS GNYIS KYI DGE 'DUN RNAMS YANG DAG PAR LDAN LA MTSAMS MED PA'I LAS NI MA YIN NO, ,LAS DE YANG GANG ZHE NA, DGE 'DUN GYI DBYEN DE'I RGYU KHA NA MA THO BA'I LAS NI DGE 'DUN 'BYED PAR BYED PA'I RDZUN TE, DE LTA BU'I RDZUN DE NI MTSAMS MED YIN LA, DE DANG NI DGE 'DUN 'BYED PAR BYED PA PO LHAS BYIN LA SOGS PA YANG DAG PAR LDAN NO, ,DGE 'DUN GYI DBYEN GYI MTSAMS MED PA'I LAS DE'I RNAM SMIN GYIS 'BYED PA PO DE BAR GYI BSKAL PAR MNAR MED PA'I DMYAL BAR SDUG BSNGAL RNAM PAR SMIN PAR 'GYUR RO, ,'O NA MTSAMS MED LHAG MA RNAMS BYAS PAS JI LTAR ZHE NA, MTSAMS MED PA GZHAN DAG GIS NI SPYIR DMYAL BAR SKYE BAR NGES KYANG MNAR MED KHO NAR SKYE BAR NI MA NGES SO,, (GAL TE MTSAMS MED GNYIS LA SOGS PA BYAS PAS DMYAL BAR TSE GCIG KHO NA LAS MI SKYE NA LAS CHE CHUNG LA KHYAD MED PAR 'GYUR LA, TSE GNYIS LA SOGS PAR YANG SKYE NA NI MTSAMS MED DANG SKYES NAS MYONG 'GYUR KHO NA MA YIN PAR 'GYUR RO ZHE NA, ,) BYE BRAG TU SMRA BA NA RE MTSAMS MED PA GNYIS DANG GSUM LA SOGS PA LHAG PAR BYAS PAS LAS KYI GRANGS BZHIN MNAR MED PA DER LUS NYIS 'GYUR LA SOGS PAS CHE BA DANG GZHON SHA CAN DU 'GYUR TE, GNOD PA'I SDUG BSNGAL YANG NYIS 'GYUR LA SOGS PAS LHAG PAR MYANG BAR 'GYUR BAS SKYON GNYIS KA LAS GROL ZHING, DE DAG KYANG SNGA MA NI 'PHEN BYED YIN LA PHYI MA DAG NI RDZOGS BYED YIN NO ZHES ZER RO, , MDO SDE PA LA SOGS PA NI MTSAMS MED MANG PO BYAS PAS MNAR MED PAR YANG DANG YANG SKYE YANG LAS BYED PA'I LUS DE DANG DMYAL BA'I BAR DU SKYE BA GZHAN GYI MTSAMS MED PA'I PHYIR DANG, DE SKYES NAS MYONG 'GYUR DU'ANG 'DOD PA LA BSAL BA MED PA'I PHYIR DANG, KYI HUD SEMS ZHES BYA BA'I RTOGS PA BRJOD PA LAS, MTSAMS MED PA'I LAS KYI RNAM PAR SMIN PA SEMS CAN DMYAL BAR YANG DAG YANG DU 'CHI 'PHO ZHING SKYE BAS RNAM PAR SMIN PA MYONG NGO ZHES 'BYUNG BA DANG, KUN LAS BTUS KYI 'GREL PA LAS KYANG RTZOM PA'I DBANG DU BYAS NAS MTHONG BA'I CHOS LA MYONG BAR 'GYUR BA LA SOGS PA 'DI DAG RNAM PAR BZHAG GI @439 DE TZAM LA MYONG BAR 'GYUR BA'I DBANG DU BYAS PA NI MA YIN NO ZHES 'BYUNG BA'I PHYIR DANG, MDO LAS SKYES NAS MYONG 'GYUR DU GSUNGS PA NI DANG PO 'GO RTZOM PA'I DBANG DU BYAS NAS GSUNGS PA'I PHYIR 'DI LA SKYON DU MI LTA'O ZHES 'DOD DO, ,DGE 'DUN DE DAG GANG ZAG GANG GIS 'BYED CE NA, DGE SLONG YIN PA DANG, LHA BA SPYAD PA DANG TSUL KHRIMS DANG LDAN PAS 'BYED KYI KHYIM PA DANG, SRED PA SPYAD PA DANG, TSUL KHRIMS 'CHAL PAS NI MA YIN TE, SANGS RGYAS LA 'GRAN PA YIN PA'I PHYIR DANG, KYI KHYIM PA DANG, SRED PA SPYAD PA DANG, TSUL KHRIMS 'CHAL PAS NI MA YIN TE, SANGS RGYAS LA 'GRAN PA YIN PA'I PHYIR DANG, DBANG PO RNO BA'I PHYIR DANG, DE DAG LA DGE 'DUN RNAMS YID MI CHES PA DANG TSIG BTZAN PAR MI 'DZIN PA'I PHYIR RO, ,GANG DU ZHE NA, SANGS RGYAS BZHUGS PA'I GNAS DE LAS GZHAN DU YIN GYI STON PA'I MNGON SUM DU NI MA YIN TE, SANGS RGYAS KYI GZI BRJID MI BZOD PA'I PHYIR RO, ,GANG 'BYED CE NA BYIS PA SO SO'I SKYE BO'I DGE 'DUN RNAMS (KOG LI KA DANG, RGYA MTSO BYIN DANG, KHANDA DRA BA BYA, KA TA ME RA KA TI SHYA LA SOGS PA,) 'BYED KYI 'PHAGS PA RNAMS NI MA YIN TE, CHOS MNGON SUM DU GYUR PAS SANGS RGYAS LA SHES NAS DAD PA THOB PA'I PHYIR RO, , KHA CIG NA RE BZOD PA THOB PA'I SO SO'I SKYE BO RNAMS KYANG DBYE BAR MI NUS SO ZHES (BDEN PA MTHONG BA DANG 'DRA BAS,) 'DOD DO, ,BYE BA'I TSAD NI GANG GI TSE SANGS RGYAS LAS STON PA GZHAN DANG, SANGS RGYAS KYIS BCAS PA'I LAM LAS GZHAN LHAS BYIN GYIS NGES PAR 'BYUNG BAR BYA BA'I PHYIR 'O MA MI SPYAD PA DANG SHA SPANG BA DANG, LAN TSVA LONGS MI SPYAD PA DANG, GOS MA DRAS PA BGO BA DANG, GRONG GI NANG GI GTZUG LAG KHANG DU 'DUG PA ZHES BYA BA'I BSLAB PA'I TSIGS LNGA BCAS PA LA SOGS PA LA BZOD CING DANG DU LEN PA DE'I TSE DGE 'DUN BYE BA'O, ,DUS JI SRID DU GNAS SHE NA, BYE BA DE NI CHOS NYID KYIS ZHAG GCIG LAS RING DU MI GNAS SO, ,DGE 'DUN GYI DBYEN DU BSHAD PA GANG YIN PA DE NI CHOS KYI 'KHOR LO'I DBYEN DU 'DOD DE, JI SRID DU DGE 'DUN BYE NAS MA DUM PA DE SRID DU SU'I RGYUD LA'ANG LAM MI SKYE BA'I PHYIR, (BCOM LDAN 'DAS KYI CHOS KYI 'KHOR LO YANG PHYE BA YIN NO, ,) DE NI MTSAMS MED YIN NO, ,DBYEN GZHAN NI MTSAMS MED MA YIN NO, ,'KHOR LO'I DBYEN DE YANG SANG RGYAS BZHUGS PAS 'DZAM BU'I GLING NA YOD KYI GLING GZHAN NA MED DO, ,GANG ZAG NI DGE SLONG DGU LA SOGS PA YAN CHAD KYIS DBYEN 'GRUB STE, DGE 'DUN NI DGE SLONG BZHI YAN CHAD YIN LA, ,(SANGS RGYAS DANG 'BYED PA PO'I PHYOGS SU BZHI BZHI DANG, DGU PA NI 'BYED PA PO,) DE SDE GNYIS DANG 'BYED PA PO NGES PAR DGOS PA'I PHYIR RO, ,'DI NYUNG MTHA' BZUNG BA YIN GYI MANG BA LA NGES PA MED DO,, @440 LAS KYI DBYEN NI ('DUL BA'I LAS MED PAS,) SGRA MI SNYAN MA GTOGS PA GLING GSUM NA YOD DE BSTAN PA YOD PA'I PHYIR RO, ,DE YANG MTSAMS KYI NANG GCIG TU GSO SBYONG LA SOGS PA'I LAS BLO MI MTHUN PAS BYED PA'O, ,DGE SLONG DU ZHIG GIS SHE NA, LAS KYI DBYEN DE NI DGE SLONG BRGYAD DAG YAN CHAD KYIS 'GRUB STE, (GSO SBYONG GI DUS NA SO SO THAR BA'I MDO GDON PA NA, SDIG PA THAMS CAD MI BYA STE, ,DGE BA PHUN SUM TSOGS PAR SPYAD, ,RANG GI SEMS NI YONGS SU GDUL, ,'DI NI SANGS RGYAS BSTAN PA YIN, ,LUS KYI SDOM PA LEGS PA STE, ,NGAG GI SDOM PA LEGS PA YIN, ,YID KYI SDOM PA'ANG LEGS PA STE, ,THAMS CAD DU YANG SDOM PA LEGS, ,KUN TU BSDAMS PA'I DGE SLONG NI, ,SDUG BSNGAL KUN LAS RAB TU GROL, ,NGAG RNAMS BSRUNG ZHING YID KYIS RAB BSDAMS TE, ,LUS KYIS MI DGE BA DAG MI BYED CING, ,LAS LAM GSUM PO 'DI DAG RAB SBYANGS NAS, ,DRANG SRONG GSUNGS PA'I LAM NI THOB PAR 'GYUR, ,ZHES PA KHO NA STON PAS CHOG GO,) 'DI LA 'BYED PA PO LEGS PA MI DGOS PA'I PHYIR RO, ,'KHOR LO'I DBYEN DE NI, SANGS RGYAS NAS DANG PO CHOS KYI 'KHOR LO BSKOR NAS RING PO MA LON PA'I TSE NI MI 'BYUNG STE, THAMS CAD DGA' BA DANG RAB TU DGA' BA SKYES PAR BLO MTHUN (PA DANG STON PA DANG MI 'BRAL BAR 'DOD,) PAS NA SHA GCIG PA YIN PA'I PHYIR RO, ,SANGS RGYAS KYI SKU TSE'I MTHA' MA YONGS SU MYA NGAN LAS 'DAS PA'I TSE'ANG MA YIN TE, SANGS RGYAS LA DKON PAR 'DZIN PA DANG, MI RTAG PA YID LA BYED PAS SEMS SKYO BA SHAS CHE BAR BLO MTHUN PA'I PHYIR RO,, (BAR DU YANG) 'DUL BA TSIG LE'UR BYAS PA LAS, STON KA'I CHU BZHIN DRI MED PAR, ,STON PA'I BSTAN PA BCU GNYIS LOR, ,LTUNG BA MED PAR LEGS GNAS TE, ,NYON MONGS SPONG BAR BYED PA YIN ZHES 'BYUNG BAS JI SRID DU BSTAN PA LA (LTA BA'I SKYON NI DGE SLONG 'CHI LTAS KYIS, STON PAS BAR CHAD KYI CHES SU GSUNGS PA DE DAG STON YANG BAR CHAD DU MI 'GYUR RO ZHES SOGS SO, ,TSUL KHRIMS KYI SKYON NI LTUNG BA 'BYIN PA'O, ,) LTA BA DANG TSUL KHRIMS KYI SKYON MA BYUNG GI BAR DU'ANG MI 'BYUNG STE, BSTAN PA SKYON MED YIN PA'I PHYIR RO, ,MCHOG ZUNG GCIG MA BYUNG GI SNGA ROL DU'ANNG MI 'BYUNG STE, BYE BA YUN RING DU MI GNAS SHING, DE DAG GIS SDUM PA YIN PA LA SDUM BYED MED PA'I PHYIR RO, ,THUB PA NONGS PA NA'ANG MI 'BYUNG STE, GANG LA 'GRAN PA'I SANGS RGYAS MI BZHUGS PA'I PHYIR RO, ,MTSAMS CHE BA DANG CHUNG BA MA BCAD PA DAG TU YANG MI 'BYUNG STE, MTSAMS GCIG TU DGE 'DUN BYE BA NI DBYEN YIN NA DE MED PA'I PHYIR RO, ,DES NA 'KHOR LO'I DBYEN DE NI DUS DRUG PO DE DAG TU MI 'BYUNG NGO, ,DBYEN @441 'DI YANG NYAN THOS PA DAG SNGON GYI LAS LA RAG LUS PA'I PHYIR SANGS RGYAS THAMS CAD LA 'BYUNG BA NI MA YIN TE, SANGS RGYAS SH'AKYA THUB PAS NI SNGON BYANG CHUB SEMS DPAR GYUR PA NA DRANG SRONG MNGON SHES LNGA DANG LDAN PA ZHIG GI 'KHOR PHYE BAS DE'I RNAM PAR SMIN PA'I PHYI MA YIN NO ZHES 'CHAD DE 'DI NI DGONGS PA'I DON DU THEG PA GONG MA BAS BZHED DO, ,CI'I PHYIR PHA MA BSAD PA LA SOGS PA KHO NA MTSAMS MED DU 'GYUR GYI GZHAN BSAD PA LA SOGS PAS MA YIN ZHE NA, PHA MA BSAD PA NI MTSAMS MED YIN TE, DE DAG GIS RANG GI LUS THAR PA DANG MTHUN PAR BSKYED PAS PHAN 'DOGS PAR BYED PA'I ZHING KHYAD PAR CAN YIN LA DE BSAM PAS SPANGS PA DANG SBYOR BAS MED PAR BYAS PA'I PHYIR RO, ,DE BZHIN DU DGRA BCOM PA DANG, (DGE 'DUN DANG) SANGS RGYAS NI YON TAN GYI ZHING YIN LA, DE DAG BSAM PAS SPANGS SHING (SBYOR BAS SROG GNAS PA DANG MTHUN PA MED PAR BYAS PA'I PHYIR DANG, DE BZHIN GSHEGS PA BKRONGS PAR MI NUS KYANG BSAM PAS SPANGS PA'I PHYIR RO,,) DGRA BCOM PA BSAD PA DANG DE BZHIN GSHEGS PA'I SKU LA NGAN SEMS KYIS KHRAG PHYUNG BA DANG 'KHOR LO'I DBYEN YANG MTSAMS MED YIN NO, , LAS GZHAN DAG LA DE LTA BU'I NYES PA CHE BA MED PA'I PHYIR MTSAMS MED DU MI 'GYUR RO, ,GAL TE PHA MA MTSAN GYUR PA BSAD NA PHA MA BSAD PA'I MTSAMS MED DU 'GYUR RAM MI 'GYUR ZHE NA, PHA MA GNYIS KYI MTSAN NI GZHAN DU GYUR TE BUD MED DANG SKYES PAR GYUR PA BSAD KYANG PHA MA GSOD PA'I MTSAMS MED DU 'GYUR TE, RANG GI LUS KHYAD PAR CAN SKYED PA'I PHA MA'I BYA BA BYAS PA DE BSAD PA'I PHYIR RO, ,DE NYID KYI PHYIR PHA YANG MA YIN DGRA BCOM PA YANG MA YIN PA'I SKYES PA ZHIG BSAD NA MTSAMS MED PA'I KHA NA MA THO BAS REG PAR 'GYUR BA YOD DAM ZHE NA YOD DE, MA MTSAN GYUR PA BSAD NA MTSAMS MED PA'I KHA NA MA THO BAS REG PAR 'GYUR RO ZHES BYA BA DANG, DE BZHIN DU MA YANG MA YIN DGRA BCOM MA YANG MA YIN PA'I BUD MED CIG BSAD NA MTSAMS MED PA'I KHA NA MA THO BAS REG PAR 'GYUR BA YOD DAM ZHE NA, YOD DE, PHA MTSAN GYUR PA BSAD NA MTSAMS MED PA'I KHA NA MA THO BAS REG PAR 'GYUR RO, ,ZHES BSTAN BCOS LAS BSHAD DO,, DE BZHIN DU LAS GDAGS PA LAS SPUN DRUNG GIS SPUN DRUNG BTANG STE, SONG LA MA GSOD CIG , BDAG NYID KYIS GSOD LA GZHAN GSOD DU MA GZHUG CES BYAS NA, DE CI GNYIS KA MTSAMS MED PA'I LAS DANG LDAN PAR 'GYUR RAM, 'ON TE GCIG LDAN PAR 'GYUR ZHE NA, SMRAS PA, GAL TE BDAG NYID KYIS BSAD NA NI GNYIS KA MTSAMS MED PA'I LAS DANG LDAN PAR 'GYUR RO, ,DE STE GZHAN GSOD DU @442 BCUG STE BDAG NYID KYIS MA BSAD NA NI PHYI MA SHOS MTSAMS MED PA'I LAS DANG LDAN PAR 'GYUR GYI SNGA MA SHAS NI MA YIN NO, ,DE STE BDAG NYID DANG GZHAN GNYIS KAS BSAD NA YANG PHYI MA KHO NA MTSAMS MED KYI LAS DANG LDAN GYI SNGA MA SHOS NI MA YIN NO, ,SPUN DRUNG GIS SPUN DRUNG BTANG STE SONG LA MA GSOD CIG ,GZHAN GSOD DU CHUG LA BDAG NYID KYIS MA BSAD CIG CES BYAS NA, DE CI GNYIS KA MTSAMS MED PA'I LAS DANG LDAN PAR 'GYUR RAM, 'ON TE GCIG LDAN PAR 'GYUR ZHE NA, SMRAS PA, GAL TE GZHAN GSOD DU BCUG STE, BDAG NYID KYIS MA BSAD NA NI GNYIS KA MTSAMS MED PA'I LAS DANG LDAN PAR 'GYUR RO, ,DE STE BDAG NYID KHO NAS BSAD KYI GZHAN GSOD DU MA BCUG NA NI PHYI MA SHOS KHO NA MTSAMS MED KYI LAS DANG LDAN PAR 'GYUR RO, ,GAL TE BDAG DANG GZHAN GNYIS KAS BSAD NA YANG PHYI MA SHOS KHO NA MTSAMS MED KYI LAS DANG LDAN PAR 'GYUR RO, ,DE BZHIN DU SPUN DRUNG GIS SPUN DRUNG BTANG STE, SONG LA MA GSOD CIG ,BDAG DANG GZHAN GNYIS KAS GSOD CIG CES BYAS NA, GAL TE BDAG DANG GZHAN GNYIS KAS BSAD NA NI GNYIS KA MTSAMS MED PA'I LAS DANG LDAN PAR 'GYUR LA, 'ON TE BDAG DANG GZHAN GANG RUNG RE RES BSAD NA NI PHYI MA SHOS KHO NA MTSAMS MED PA'I LAS DANG LDAN PAR 'GYUR GYI SNGA MA SHOS NI MA YIN NO, ,DE BZHIN DU MTSON CHA DANG ME DANG DUG DANG DBYUG PAS BSNUN PA LA SOGS PA THABS RNAM PA SNA TSOGS KYIS BSAD PA'ANG DE DANG 'DRA BAR BRJOD PAR BYA'O, ,DE BZHIN DU MING POS SRING MO LA BSGO BA DANG, SRING MOS MING PO LA BSGO BA DANG, PHU MO DANG NU MO GNYIS KYIS PHAN TSUN BSGO BA'ANG DE DANG 'DRA'O, ,MA JI LTA BA BZHIN DU PHA'ANG DE DANG 'DRA'O, ,MAR 'DU SHES PAS MA BSAD PAR BYA'O SNYAM STE, NYE DU MA YIN PA'I BUD MED BSAD NA DE CI MTSAMS MED PA'I LAS DANG LDAN PAR 'GYUR RAM, 'ON TE MI 'GYUR ZHE NA, SMRAS PA, LDAN PAR NI MI 'GYUR RO, ,NYE DU MA YIN PA'I BUD MED DU 'DU SHES PAS NYE DU MA YIN PA'I BUD MED BSAD PAR BYA'O SNYAM PA LAS MA BSAD PAR GYUR NA, DE CI MTSAMS MED KYI LAS DANG LDAN PAR 'GYUR RAM MI 'GYUR ZHE NA, SMRAS PA, GAL TE DGRA BCOM MA BSAD NA NI DE DANG LDAN PAR 'GYUR RO, ,DGRA BCOM MA MA YIN NA NI MI 'GYUR RO, , PHA DANG MAR 'DU SHES PAS DE GNYIS BSAD NA NI MTSAMS MED PA'I LAS DANG LDAN PAR 'GYUR RO ZHES GSUNGS SO, ,GAL TE BUD MED GZHAN GYI NUR NUR PO GZHAN GYI MNGAL DU BLUGS NAS GZHAN DE'I MNGAL DU BSKYED NA BUD MED GNYIS PO DE DAG GANG BSAD NA MTSAMS MED DU 'GYUR ZHE NA, GNYIS PO DE LAS BUD MED DANG PO GANG GI ZLA MTSAN LAS BYUNG BA DE NYID BU DE'I MA YIN PAS BUD MED DANG PO DE BSAD NA @443 'GYUR TE, LUS SKYED PA'I GTZO BO YIN PA'I PHYIR RO,, GNYIS PA MNGAL DU 'DZIN PA DE NI MI MA YIN TE, DE TZAM DU GTZO BO MA YIN PA'I PHYIR RO, ,DE YANG NU ZHO LDUD PA DANG GSO ZHING SKYED PA'I PHYIR MA DANG 'DRA BAS MA LA ZHU BA'I BYA BA RNAMS ZHU BAR BYA DGOS SO, ,PHA MA LA SBYOR BA BYAS NAS GZHAN BSAD PA DANG, GZHAN LA SBYOR BA BYAS NAS PHA MA BSAD PA LA NI MTSAMS MED DU MI 'GYUR TE, MTSAMS MED NI SBYOR BA GANG LA BYAS PA DE NYID LA DNGOS PO RDZOGS PA DGOS PA LAS DE MED PA'I PHYIR TE, DPER NA MA KHRI'U'I 'OG NA 'DUG PA BSAD PA DANG, KHRUS PA'I BUS SBRANG BU BSAD PAR 'DOD PAS THO BAS PHA'I KLAD PA BCOM PA BZHIN NO, ,MTSON THABS GCIG GIS MA DANG SEMS CAN GZHAN ZHIG KYANG BSAD NA RIG BYED MA YIN PA NI MTSAMS MED KYI DANG SROG GCOD 'BA' ZHIG PA'I DANG GNYIS YIN LA RIG BYED NI MTSAMS MED KYIS BSDUS PA KHO NA'I YIN TE, MTSAMS MED KYI LAS DE NYID STOBS CHE BA'I PHYIR RO, ,BTZUN PA DBYANGS SGROGS NA RE RIG BYED NI RDUL PHRA RAB BSAGS PA YIN PAS RDUL LA LA MTSAMS MED KYI RIG BYED YIN LA, RDUL LA LA NI SROG GCOD 'BA' ZHIG PA'I YIN PAS RIG BYED KYANG GNYIS YIN NO ZHES ZER RO, ,DGRA BCOM PA MA YIN PA'I 'DU SHES KYIS DGRA BCOM PA BSAD NA NI MTSAMS MED DU 'GYUR TE, 'DI BSAD DO SNYAM DU RTEN NGES PAR BZUNG PA'I PHYIR RO,, GAL TE PHA'ANG YIN LA DGRA BCOM PA'ANG YIN PA'AM, MA'ANG YIN LA DGRA BCOM MA'ANG YIN PA BSAD NA NI DGRA BCOM PA GSOD PA'I MTSAMS MED PA GCIG YIN TE, RTEN GCIG LAS MED PA'I PHYIR RO, ,'O NA LUNG RNAM 'BYED LAS, SNGON GRONG KHYER SGRA SGROGS KYI RGYAL PO AU TRA YA NA PHA'ANG YIN DGRA BCOM PA'ANG YIN PA RANG GI BU RGYAL BU SKRA CAN GYIS BSAD PA NA, SONG LA SKRA CAN LA KHYOD KYIS MTSAMS MED PA GNYIS BYAS TE, PHA BSAD PA GANG YIN PA DANG, GANG YANG DGRA BCOM PA BSAD PA'O, ,ZHES SMRAS SHIG CES PHAS BSRINGS PA DE JI LTA BU ZHE NA, DE NI KHYOD KYIS MTSAMS MED PA'I RGYU GNYIS KYIS MTSAMS MED PA BYAS TE ZHES BYA BA'AM, YANG NA SGO GNYIS NAS SPYOS PA YIN GYI MTSAMS MED NI GCIG LAS MED DO, ,DE BZHIN GSHEGS PA'I SKU LA NGAN SEMS KYIS KHRAG 'BYIN PA'ANG SANGS RGYAS BKRONGS PAR 'DOD NAS MTSON BSNUN NA 'GYUR GYI SANGS RGYAS LA MTSON BRDEG PAR SEMS PAS BSNUN PA LA NI MTSAMS MED DU 'GYUR BA MIN TE, SROG GCOD PA'I BSAM PA MED PA'I PHYIR RO, ,DE BZHIN DU DGRA BCOM MA THOB PA LA MTSON BSNUN LA MTSON BSNUN PA'I 'OG TU DGRA BCOM THOB PAR GYUR NA BSNUN PA @444 DES DGRA BCOM GRONGS PA LA'ANG MTSAMS MED PAR 'GYUR BA MIN TE, DES DE LA SBYOR BA MA BYAS PA'I PHYIR RO, ,YANG CI MTSAMS MED KYI SBYOR BA BYAS NAS DE MA SPANGS PAR 'DOD CHAGS DANG BRAL BA'I 'BRAS BU 'THOB PAR 'GYUR RAM ZHE NA, MTSAMS MED PA'I SBYOR BA BYAS PA LA NI BSAM PA SHIN TU 'GAL BAS 'DOD CHAGS DANG BRAL BA DANG 'BRAS BU THOB PA MI SRID DO, , MTSAMS MED MA GTOGS PA'I LAS KYI LAM GZHAN GYI SBYOR BA BYAS PA LA NI 'PHAGS PA'I LAM SKYE ZHING 'PHAGS LAM SKYES PA NI SBYOR BA BYAS PA DE'I LAS KYI LAM MI SKYE STE, 'PHAGS LAM SKYES PA'I RTEN DE DANG LAS KYI LAM DE DAG SHIN TU 'GAL BA'I PHYIR RO, ,DE'I PHYIR MTSAMS MED DNGOS BYAS NA LTA CI SMOS PA'I PHYIR RO, ,'DIR 'DOD CHAGS DANG BRAL BA'I 'BRAS BU NI DGE SBYONG GI TSUL GYI 'BRAS BU PHYI MA GNYIS SO, ,MTSAMS MED PA LAS GZHAN PA'I LAS DAG NI 'DOD CHAGS DANG BRAL BA DANG 'BRAS BU LA GEGS SU 'GYUR BA MA YIN PAR NI RTZEN MA'I RTOGS PA BRJOD PA LAS, SH'AKYA RTZEN MA ZHES BYA BA BU DANG BCAS PA RNGON PAS, 'TSO BA YANG BCOM LDAN 'DAS KYIS RGYUN ZHUGS KYI 'BRAS BU LA BKOD PAR GSUNGS PA'I PHYIR RO, ,'DI YANG THEG PA THUN MONG BA'I DBANG DU BYAS KYI THEG CHEN PA LTAR NA NI MTSAMS MED BYAS PAS KYANG 'BRAS BU 'THOB STE, MA SKYES DGRA'I 'GYOD PA BSAL BA'I MDO LAS MA BSAD PA'I MTSAMS MED BYAS PAS KYANG DGRA BCOM THOB PAR GSUNGS PA'I PHYIR RO, , 'O NA MTSAMS MED DE DAG LAS GANG LCI ZHE NA, DGE 'DUN GNYIS SU DBYE BAR BYA BA'I PHYIR RDZUN SMRA BA DE NI MTSAMS MED PA RNAMS KYI NANG NA KHA NA MA THO BA RAB TU CHE BAR 'DOD DE, DE BZHIN GSHEGS PA RNAMS KYI CHOS KYI SKU LA BSNUN PA'I PHYIR DANG DGE 'DUN BYE BA SLAR MA DUM GYI BAR DU 'JIG RTEN (RNAMS KYI MTHO RIS DANG,) NGES PA LA 'JUG PA DANG, 'BRAS BU 'THOB PA DANG, 'DOD CHAGS DANG 'BRAL BA DANG, ZAG PA ZAD PAR BYA BA RNAMS LA GEGS SU 'GYUR ZHING, BSAM GTAN DANG KLOG PA DANG KHA TON DANG SEMS PA'I LAS RNAMS KYANG MI 'JUG PAS MTHO RIS DANG BYANG GROL GYI BAR DU GCOD PA'I PHYIR DANG, LHA DANG BCAS PA'I 'JIG RTEN 'KHRUGS SHING YID MI BDE BA DANG RANG DBANG MED PA DANG DRAN PA NYAMS PAR BYAS PA'I PHYIR DANG, RNAM SMIN PAR BSKAL GCIG TU MNAR MED DU SKYE BA'I PHYIR RO, ,DE'I RJES LA (LNGA PA DANG DE'I RJES LA GSUM PA DANG, DE'I RJES LA DANG PO DANG, DE NAS GNYIS PA LCI BAS,) DE BZHIN GSHEGS PA'I SKU LA NGAN SEMS KYIS KHRAG 'BYIN PA LCI'O, ,DE'I RJES LA DGRA BCOM PA GSOD PA LCI'O, ,DE'I RJES LA MA GSOD PA LCI'O, ,LNGA PO DE'I NANG NAS PHA GSOD PA YANG BAR BSHAD @445 DO, , 'O NA MDO LAS, NYES PA GSUM GYI NANG NA YID KYI LAS GSUM LCI BA DANG, DE'I NANG NAS LOG LTA LCI BAR BSHAD PA DANG 'GAL LO ZHE NA, DE NI 'DI LTAR YIN TE, MNAR MED DU BAR BSKAL DU SMIN PAS 'BRAS BU RNAM SMIN RGYA CHE BA'I DBANG DU MDZAD NAS MTSAMS MED PA'I NANG NAS DGE 'DUN DBYEN LCI BA DANG, DRANG SRONG GI YID KHROS PAS DAN TA KA'I DGON PA LA SOGS PA'I SKYE BO MANG PO 'CHI BA'I RGYU YIN PAS SKYE BO PHAL PO CHE 'CHI BA'I DBANG DU MDZAD NAS SGO GSUM GYI LAS GSUM LAS YID KYI LAS LCI BA DANG, (SKYES BU BYED 'BRAS) DGE RTZA KUN DU GCOD PA'I DBANG DU MDZAD NAS GZHAN GYIS MI GCOD PAS YID KYI LAS KYI NANG NAS LOG LTA LCI BA'AM, (YANG NA MTSAMS MED LNGA DANG SGO GSUM GYI LAS DANG,) LTA BA LNGA GZHIR BYAS NAS (RIM PA LTAR DGE 'DUN GYI DBYEN DANG YID KYI LAS DANG,) LOG LTA LCI BAR GSUNGS PA'I PHYIR 'GAL BA MED DO, ,LAS DGE BA RNAMS KYI 'BRAS BU GANG CHE ZHE NA, 'JIG RTEN PA'I DGE BA LA NI SRID PA'I RTZE MA'I SEMS PA DGE BA 'BRAS BU RAB TU CHE BAR 'DOD DE, DE'I RNAM SMIN BSKAL PA CHEN PO BRGYAD KHRIR SDUG BSNGAL THAMS CAD NYE BAR ZHI BA 'THOB PA'I PHYIR RO, ,DE YANG ZAG BCAS DGE BA'I RNAM SMIN GYI 'BRAS BU'I DBANG DU BYAS NAS DE SKAD BSHAD KYI BRAL 'BRAS KYI DBANG DU BYAS NA NI 'JIG RTEN LAS 'DAS PA LA NI RDO RJE LTA BU'I TING NGE 'DZIN BRAL BA'I 'BRAS BU CHE STE, KHAMS GSUM GYI NYON MONGS PA SPANGS PA 'THOB PA'I PHYIR RO, , 12. DE DANG NYE BA LNGA BSHAD PA, BCU GNYIS PA MTSAMS MED DANG NYE BA LNGA NI CI MTSAMS MED PA RNAMS KHO NAS DMYAL BA DAG TU GDON MI ZA BAR SKYE BAR 'GYUR RAM, 'ON TE GZHAN DAG GIS KYANG SKYE BAR 'GYUR ZHE NA, MTSAMS MED PA DANG CHA 'DRA BA RNAMS KYIS KYANG GDON MI ZA BAR SKYE BAR 'GYUR RO, ,DE DAG KYANG GANG ZHE NA, MA YANG YIN LA DGRA BCOM MA YANG YIN PA ZHIG 'DOD LOG GIS SUN PHYUNG BAR BYAS PA DANG, BYANG CHUB SEMS DPA' NGES PA LA GNAS PA BSAD PA DANG, 'PHAGS PA SLOB PA'I GANG ZAG BDUN PO GANG YANG RUNG BA GSOD PA DANG, DGE 'DUN GYI ZHAL GYI 'DU BA'I SGO 'PHROG PA STE BZHI PO DAG NI RIM PA LTAR MA DANG PHA DANG DGRA BCOM PA GSOD PA DANG DGE 'DUN GYI DBYEN BYED PA'I MTSAMS MED PA RNAMS DANG NYES PA CHA 'DRA ZHING MTSUNGS PAS DE RNAMS DANG NYE BA ZHES BYA STE, 'DI RNAMS KYIS KYANG DMYAL BA KHO NAR SKYE @446 BA'I PHYIR RO,, DE BZHIN DU DE BZHIN GSHEGS PA LA NGAN SEMS KYIS KHRAG 'BYIN PA DANG NYE BA NI LNGA PA ZHE SDANG LA SOGS PAS KUN NAS BSLANGS NAS MCHOD RTEN SKU GSUNG THUGS KYI RTEN 'JIG PAR BYED PA YIN NO, ,DE LA DGE 'DUN GYI 'DU BA'I SGO 'PHROG PA NI SLOB DPON DBYIG BSHES NAR MAR 'DU BA 'PHROG PA LA 'DOD LA, RGYAL PO'I SRAS DANG GANG SPEL NI GANG GI DGE 'DUN 'TSO BAR BYED PA ZHAL DU GSOL BA GANG YIN PA DE 'PHROG PA LA 'DOD DO,, DRAN PA NYER GZHAG LAS NI, DKON MCHOG GSUM LA NI CHUNG NGU ZHIG BLANGS NA'ANG CHEN POR 'GYUR TE, DE DAG LA RIS MTHUN PA SLAR PHUL NA SANGS RGYAS DANG CHOS KYI NI DAG PAR 'GYUR LA, DGE 'DUN GYI NI TSOR BA MA MYONG BAR DAG PAR MI 'GYUR TE ZHING LCI BA'I PHYIR RO, ,GAL TE DGE 'DUN GYI ZHAL DU 'DU BA'I SGO ZHIG NA NI DMYAL BA CHEN POR LTUNG LA, ZHAL DU 'DU BA MA YIN NA NI MNAR MED PA'I 'KHOR MUN NAG CHEN PO LA SOGS PAR SKYE'O ZHES GSUNGS SO, ,DES NA CHA 'DRA BA DANG NYE BA NI RNAM GRANGS YIN NO, ,KHA CIG 'DI DAG BYAS NA YANG DMYAL BA KHO NAR RNAM PAR SMIN PAR 'GYUR MOD KYI 'ON KYANG MTSAMS MED DANG KHYAD PAR MED PAR 'GYUR BA'I PHYIR BAR MED PAR KHO NAR NI MA YIN NO ZHES 'CHAD LA, KHA CIG NI BAR MED PAR SKYE YANG DUS DANG RNAM SMIN CHE CHUNG MI 'DRA BAS MTSAMS MED DANG KHYAD PAR YOD PAS NA MTSAMS MED PA DANG CHA 'DRA BAR 'DOD DO, ,GZHAN YANG GEGS BYED PA'I RNAM SMIN DANG BCAS PA'I LAS GSUM BSHAD DE, DPER NA YUL 'DOR BAR BYED PA NA BU LON PA LDANG BA LTAR SBYOR LAM BZOD PA 'THOB PA DANG 'PHAGS PA PHYIR MI 'ONG 'THOB PA DANG, DGRA BCOM 'THOB PA RNAM PA GSUM LA NI RIM PA LTAR NGAN SONG (DU NGES PAR SKYE 'GYUR GYI LAS,) DANG, MTHONG CHOS LA MYONG BA MA GTOGS PA 'DOD PA DANG KHAMS GONG DU NGES PAR SKYE BA'I LAS RNAM PA GSUM GEGS SHIN TU BYED DE, RIM PA LTAR BZOD THOB NGAN SONG MI 'GRO'I ZHES 'BYUNG BAS BZOD PA THOB NAS NGAN 'GROR MI SKYE BA'I PHYIR DANG, PHYIR MI 'ONG THOB NAS 'DOD PAR MI SKYE BA'I PHYIR DANG, DGRA BCOM THOB NAS KHAMS GSUM DU MI SKYE BA'I PHYIR RO, ,GAL TE BYANG CHUB SEMS DPA' NGES PA LA GNAS PA BSAD NA PHA GSOD PA DANG NYE BA ZHES GANG BSHAD PAS SA MTSAMS GANG NAS BYANG CHUB SEMS DPA' NGES PA LA GNAS PA YIN ZHE NA, GANG NAS BZUNG STE MTSAN SUM CU RTZA GNYIS RNAM PAR SMIN PA CAN GYI LAS GSOG PAR BYED PA DE NAS NGES PAR GNAS PA'I BYANG CHUB SEMS DPA' STE BSKAL PA BRGYA NA SANGS RGYAS 'THOB PAR NGES PA ZHES BYA BA'I @447 DON TE, ,DE YANG JI LTA BU ZHE NA, BYANG CHUB SEMS DPA' DE NI DE PHAN CHAD BDE 'GROR SKYE BA DANG DE'I NANG NAS KYANG RGYAL RIGS SHING S'A LA CHEN PO LTA BU LA SOGS PA RIGS MTHO BAR SKYE BA DANG MIG LA SOGS PA'I DBANG PO TSANG BA DANG PHOR 'GYUR BA DANG SKYE BA THAMS CAD DU TSE RABS DRAN PA DANG, BSKAL PA BRGYA LAS PHYIR MI LDOG PAR SANGS RGYAS 'THOB PAR 'GYUR BA ZHES BYA BA'I KHYAD PAR DRUG DANG LDAN PA'O, , DES YON TAN DE LTA BU 'THOB PA'I RGYU NI BDAG NYID CHEN PO RNAMS THUGS RJE CHEN PO'I GZHAN DBANG DU GYUR PAS SEMS CAN GYI DON DU SDUG BSNGAL DANG LOG SGRUB THAMS CAD KYIS MI SKYO BAR SEMS CAN THAMS CAD LA NGA RGYAL MED PAR GZHAN DON LHUR BYED PA'I PHYIR RO, ,MTSAN RNAM PAR SMIN PA CAN GYI LAS SU BSHAD PA GANG YIN PA DE NI BLO RNO BA'I PHYIR 'DZAM BU'I GLING GI SKYES PA PO'I DBANG PO LDAN PAR GYUR PA NYID KYIS GSOG PAR BYED KYI 'GRO BA GZHAN DANG GLING GZHAN DANG GANG ZAG GZHAN GYIS NI MA YIN NO ZHES BYA BA NI LAS GSOG PA'I KHYAD PAR YIN NO,, DE YANG STON PA MNGON SUM DU BZHUGS PA LA GSOG PAR BYED DO ZHES BYA BA NI YUL GYI KHYAD PAR YIN NO, ,SANGS RGYAS LA DMIGS PA'I SEMS PA DGE BA YIN GYI MTHO RIS DANG THAR PA GZHAN LA DMIGS PA NI MA YIN NO ZHES BYA BA DANG, DE YANG BSAM PA LAS BYUNG BA'I DGE BA YIN GYI THOS PA LAS BYUNG BA NI MA YIN TE DMAN PA'I PHYIR RO, ,BSGOMS PA LAS BYUNG BA'ANG MA YIN TE, ZAG MED MA THOB CING, ZAG BCAS NI KHAMS GONG MAR SKYE BA'I RGYU YIN NA BYANG CHUB SEMS DPA' NI 'DOD PAR RIGS MTHO BA'I MTHO RIS SU SKYE BA'I PHYIR RAM, NANG NA SGOM BYUNG ZAG BCAS LA GNYIS LAS SRID PA LA RTEN PA PHYI ROL PA'I SGOM BYUNG NI SRID RTZE THOB KYANG MTSAN GYI RGYUR MI RUNG ZHING, THAR PA LA RTEN PA NI 'DI SANGS RGYAS KYI MTSAN GYI RGYU YIN LA, DE NI STON DANG BSE RU BYANG CHUB BAR, ,BSAM GTAN MTHA' RTEN GCIG LA KUN ZHES SBYOR LAM MAM, MI SDUG PA NAS BZUNG NAS STAN GCIG KHO NA LA SKYED PAS DE'I GONG DU MI 'BYUNG BA'I PHYIR RO, ,ZHES BYA BA NI NGO BO'I KHYAD PAR YIN NO, ,'TSANG RGYA BA LA BSKAL PA CHEN PO BRGYA LUS PA DAG TU STE LUS PA NA LAS DE 'PHEN CING GSOG PAR BYED CES BYA BA NI DUS KYI KHYAD PAR TE, 'DI BSKAL PA BRGYA BAS MANG DU LUS PA NA NI 'PHEN PA MI SRID LA NYUNG DU LUS PA NA 'PHEN PA SRID DE, SANGS RGYAS SH'AKYA THUB PAS BSKAL PA DGU BCU RTZA GCIG LUS PA NA LAS DE 'PHANGS PAR BSHAD DE, MDO LAS, GRONG DPON NGAS 'DI NAS BZUNG STE BSKAL PA DGU BCU RTZA GCIG GI BAR DU YANG DAG PAR RJES SU DRAN TE, ZAS SMIN PA STER BAR BYA BA'I PHYIR KHYIM 'GA' LA'ANG MI BDE BA 'AM @448 GNOD PAR 'GYUR BA GANG YIN PA DE NI MNGON PAR MI MKHYEN TO ZHES DGE SBYOR GCER BU PA'I GRONG DPON RAL GRI THOGS PA LA GSUNGS TE, LUNG 'DIS NI BSKAL PA DGU BCU RTZA GCIG TSUN CHOD SKYE BA THAMS CAD DU TSE RABS DRAN PAR STON LA, MTSAN RNAM PAR SMIN PA'I LAS GSOG PA NI SKYE BA THAMS CAD DU TSE RABS DRAN PA NAS YIN PA'I PHYIR RO, ,SNGON GYI SLOB DPON RNAMS NA RE BSKAL PA DANG PO TSAR PHYIN PA'I BYANG CHUB SEMS DPA' KHO NAS NGAN 'GRO DANG, RIGS DMA' BA DANG, DBANG PO MA TSANG BA DANG, BUD MED KYI DNGOS POR 'GYUR BA'I SKYON BZHI NI ZLOG LA TSE RABS DRAN PA DANG, PHYIR MI LDOG PA'I YON TAN GNYIS NI 'THOB PA'I PHYIR NA DE TSUN CHAD BYANG CHUB SEMS DPA' NGES GNAS YIN NO ZHES ZER RO, , MTSAN SUM CU RTZA GNYIS PO DE DAG RE RE'ANG BSOD NAMS BRGYA BRGYA LAS SKYES SO ZHES BYA BA NI TSAD DE, RE RE'I TSAD KYANG KHA CIG NI BYANG CHUB SEMS DPA' NGES PA LA GNAS PA MA GTOGS PA'I SEMS CAN THAMS CAD KYI LONGS SPYOD KYI 'BRAS BU CAN GYI BSOD NAMS GCIG TU BSDUS PA DANG MNYAM MO ZHES 'DOD DO, , KHA CIG NI SEMS CAN SPYI'I LAS KYIS STONG GSUM 'CHAGS PA DE SNYED PA DE TZAM DANG MNYAM LA, DE DAG BRGYAS SKYES BU CHEN PO'I MTSAN GCIG 'GRUB PA NAS SUM CU RTZA GNYIS KYI BAR DU'ANG DE DANG 'DRA'O, , ZHES ZER RO, ,GZHAN DAG NI BSOD NAMS DE'I TSAD SANGS RGYAS KYIS MKHYEN PAR ZAD KYI GZHAN GYIS NI DPAG PAR DKA'O ZHES 'DOD DO, ,BRGYA'I GRANGS NGES PA'ANG KHA CIG NI SANGS RGYAS KYI SKYE BA'I SKU MTSAN SUM CU RTZA GNYIS DANG, CHOS KYI SKU MA 'DRES PA BCO BRGYAD DE LNGA BCU LA DMIGS PA'I SEMS PA LNGA BCU DANG, BDAG KYANG LNGA BCU PO 'DI 'DRA BA THOB PAR GYUR CIG SNYAM PA'I SEMS PA GZHAN LNGA BCU STE BRGYA YIN NO ZHES 'DOD DO, ,GZHAN DAG NA RE 'DOD PA'I KHAMS GNAS NYI SHU DANG GRANG BA'I DMYAL BA BRGYAD DE NYI SHU RTZA BRGYAD DANG GZUGS KHAMS BCU DRUG DANG, GZUGS MED BZHI STE BZHI BCU RTZA BRGYAD LA BYANG CHUB SEMS DPA' SNYING RJE SKYE LA, SNYING RJE DE DANG MTSUNGS PAR LDAN PA'I SEMS PA BZHI BCU RTZA BRGYAD DANG, SANGS RGYAS KYIS KHAMS GSUM PO 'DI LAS SEMS CAN BKROL LO SNYAM PA GCIG DANG, BDAG GIS KYANG DGROL SNYAM PA GCIG STE LNGA BCU YIN LA, DE LAN GNYIS YID LA BYAS PAS BRGYA YIN NO ZHES ZER RO,, KHA CIG NA RE SANGS RGYAS NI SROG GCOD SPONG BA LA SOGS PA DGE BA BCU LA RE RE ZHING RGYU LNGA LNGA DANG LDAN PA YIN TE SROG GCOD SPONG BA LA SOGS PA'I LAS KYI LAM DNGOS YONGS SU DAG PA DANG, NYER BSNGOGS YONGS SU DAG PA DANG, RNAM PAR RTOG PAS MA SNAS PA DANG, DRAN PAS YONGS SU ZIN PA NYID @449 DANG, MYA NGAN LAS 'DAS PAR BSDOS PA STE RNAM PAR DAG PA LNGA LNGA DANG LDAN PAS DE DAG LA DMIGS PA'I SEMS PA LNGA BCU YIN LA, JI LTAR SANGS RGYAS DE RGYU LAS KYI LAM LNGA BCU PO DE LAS BYUNG BA LTAR BDAG KYANG RGYU LNGA BCUS SANGS RGYAS SU GYUR CIG SNYAM PA LNGA BCU STE BRGYA YIN NO ZHES ZER MOD KYI, ('DI NI MTSAN 'GRUB PA'I BSOD NAMS RE RE BA BRGYA LA 'DOD PA'I PHYIR 'DI DAG NI RNAM PAR BRTAGS PA YIN PAR GSAL BAS,) BLO GROS MI ZAD PAS BSTAN PA'I MDO LAS NI, DUS GSUM GYI SO SO'I SKYE BO DANG NYAN RANG THAMS CAD KYI BSOD NAMS BCU 'GYUR GYIS SANGS RGYAS KYI BA SPU'I KHUNG BU GCIG DANG, BA SPU'I KHUNG BU THAMS CAD 'GRUB PA'I BSOD NAMS BRGYA 'GYUR GYIS DPE BYAD GCIG DANG, DPE BYAD BRGYAD CU PO THAMS CAD 'GRUB PA'I BSOD NAMS STONG 'GYUR GYIS MDZOD SPU DANG GTZUG TOR MA GTOGS PA MTSAN SUM CU'I GANG RUNG GCIG DANG, MTSAN SUM CU PO THAMS CAD 'GRUB PA'I BSOD NAMS KHRI 'GYUR GYIS MDZOD SPU DANG, MDZOD SPU 'GRUB PA'I BSOD NAMS 'BUM 'GYUR GYIS GTZUG TOR 'GRUB LA, DE 'GRUB PA'I BSOD NAMS BYE BA PHRAG 'BUM 'GYUR GYIS GSUNG CHOS KYI DUNG 'GRUB PAR GSUNGS LA, BYANG CHUB SEMS DPA'I SPYOD YUL GYI THABS KYI YUL LA RNAM PAR 'PHRUL PA BSTAN PA'I MDO LAS NI, STONG GSUM GYI SEMS CAN THAMS CAD MI LUS THOB NAS THAMS CAD 'KHOR LOS BSGYUR BA'I BSOD NAMS DANG LDAN PAR GYUR PA'I BSOD NAMS DE DAG BRGYA 'GYUR GYIS SANGS RGYAS KYI BA SPU'I KHUNG BU GCIG DANG, BA SPU'I KHUNG BU THAMS CAD 'GRUB PA'I BSOD NAMS BRGYA 'GYUR GYIS DPE BYAD GCIG DANG, DPE BYAD BRGYAD CU PO THAMS CAD 'GRUB PA'I BSOD NAMS BRGYA 'GYUR GYIS MDZOD SPU DANG GTZUG TOR LAS GZHAN PA'I MTSAN SUM CU'I GCIG DANG, MTSAN SUM CU PO THAMS CAD 'GRUB PA'I BSOD NAMS BRGYA 'GYUR GYIS MDZOD SPU DANG, DE 'GRUB PA'I BSOD NAMS BRGYA 'GYUR GYIS GTZUG TOR 'GRUB BO, ,DE'I PHYIR SANGS RGYAS NI BSOD NAMS BRGYA PA'I MTSAN DANG LDAN PA ZHES BYA'O ZHES PA DANG, (MTSAN SUM CU PO RE RE'ANG DPE BYAD BRGYA BCU PO 'GRUB PA'I BSOD NAMS BRGYA BRGYA LA 'GRUB PAR GSUNGS PA NYID GZHUNG GI DGONGS PAR 'GRIG GO,) BSOD NAMS BRGYA PA'I MTSAN DANG LDAN PAS NA, ,LHAR BCAS 'JIG RTEN NANG NA BSOD NAMS GTER, ,MTHONG DANG THOS DANG GZHES PA MDZAD PAS KYANG, ,SEMS CAN KUN LA PHAN PA MDZAD PA LAGS ZHES GSUNGS SO,, GSUNG CHOS KYI DUNG 'GRUB PA'I TSUL NI MDO SNGA MA DANG 'DRA'O, ,RIN PO CHE'I PHRENG BA LAS NI, @450 DPE BYAD BRGYAD CU PO THAMS CAD 'GRUB PA'I BSOD NAMS BRGYA 'GYUR GYIS MTSAN SUM CU'I GCIG DANG, MTSAN SUM CU BO THAMS CAD 'GRUB PA'I BSOD NAMS STONG 'GYUR GYIS MDZOD SPU DANG, GTZUG TOR 'GRUB PA'I BSOD NAMS 'BUM PHRAG BRGYAR BSGYUR BAS GSUNG CHOS KYI DUNG 'GRUB PAR GSUNGS LA, GZHAN NI BLO GROS MI ZAD PAS BSTAN PA'I MDO DANG MTHUN PAR GSUNGS SO,, BYANG SA LAS NI, SEMS CAN THAMS CAD KYI BSOD NAMS DANG MNYAM PA'I BSOD NAMS KYI PHUNG POS SANGS RGYAS KYI BA SPU'I KHUNG BU RE RE 'GRUB LA BA SPU'I KHUNG BU THAMS CAD 'GRUB PA'I BSOD NAMS KYI PHUNG POS DPE BYAD GCIG 'GRUB PAR BSHAD CING, DE LAS GZHAN DPE BYAD LAS MTSAN SUM CU DANG, DE LAS MDZOD SPU 'GRUB PA'I TSUL 'DI NI RIN PO CHE'I PHRENG BA DANG MTHUN PAR BSHAD LA, MDZOD SPU LAS GTZUG TOR DANG, GTZUG TOR LAS GSUNG CHOS KYI DUNG 'GRUB PA'I TSUL NI BLO GROS MI ZAD PAS BSTAN PA'I MDO DANG MTHUN PAR BSHAD CING, GSUNG CHOS KYI DUNG NI MTSAN SUM CU RTZA GNYIS LAS LDOG PA THA DAD DU BSHAD KYANG RDZAS TSANGS PA'I SGRA DBYANGS SU 'DUS SO ZHES BSHAD DO, ,'DI LA SLOB DPON RGYA MTSO SPRIN NI BYANG SA LAS, SEMS CAN THAMS CAD KYI BSOD NAMS DANG MNYAM PA'I BSOD NAMS KYI PHUNG POS SANGS RGYAS KYI BA SPU'I KHUNG PO RE RE 'GRUB CES 'BYUNG BA'I SMES CAN THAMS CAD CES BYA BA NI SPYIR SEMS CAN THAMS CAD BRJOD PA MA YIN GYI 'ON KYANG 'DI NI SEMS CAN GYI BYE BRAG 'DZAM BU'I GLING PA'I SEMS CAN KHO NA BRJOD PA YIN TE, DPER NA ZHUN MAR GYI PHYOGS GCIG TZAM 'THUNGS PA LA ZHUN MAR THAMS CAD 'THUNGS SO ZHES BRJOD PA LTAR SPYI'I MING GIS BYE BRAG LA BTAGS PA YIN PA'I PHYIR RO, , 'DZAM BU'I GLING PA'I SEMS CAN KHO NA GZUNG BA NI 'DZAM BU'I GLING PA NI LAS KYIS PA YIN PA'I PHYIR RO, , NGES NA 'DZAM BU'I GLING PA'I SEMS CAN RNAMS KYI LONGS SPYOD 'GRUB PA'I BSOD NAMS KYI PHUNG PO'I TSAD KYIS SANGS RGYAS KYI BA SPU'I KHUNG BU GCIG 'GRUB BO ZHES BYA BA YIN NO ZHES 'CHAD DO, ,'O NA STON PA SH'AKYA THUB PA BYANG CHUB SEMS DPAR GYUR PA NA SANGS RGYAS JI SNYED CIG BSNYEN BKUN NAS SANGS RGYAS SHE NA, DE LA SPYIR SEMS BSKYED PA DANG, TSOGS GNYIS BSGRUB PA'I DANG PO LA GNYIS LAS, DANG PO NI BSKAL BZANG LTAR NA, NGA NI SNGON TSE DMAN PAR GYUR PA NA, ,DE BZHIN GSHEGS PA SH'AKYA THUB PA LA, ,'JAMS GANG ZHIG NI DBUL BA BYAS NAS KYANG, ,DANG POR BYANG CHUB TU NI SEMS BSKYED DO, ,ZHES SH'AKYA THUB LA DANG PO SEMS BSKYED PAR GSUNGS SHING, SNYING RJE PAD MA DKAR PO LAS NI BRAM ZE RGYA MTSO'I RDUL DU GYUR PA NA DE BZHIN GSHEGS PA RIN CHEN SNYING PO LA SEMS BSKYED PAR @451 GSUNGS LA, BYANG CHUB SEMS DPA'I SDE SNOD LAS NI GZHON NU BRTZON 'GRUS SPYOD CES BYA BAR GYUR PA NA DE BZHIN GSHEGS PA PHUNG NGO CHEN PO LA SEMS BSKYED PAR GSUNGS PA DANG, MA SKYES DGRA'I 'GYOD PA BSAL BA'I MDO LAS, TSONG DPON GYI BU DRI MA MED PA'I DPUNG PA ZHES BYA BAR GYUR PAS 'PHAGS PA 'JAM DPAL DGE SLONG CHOS SMRA BA YE SHES RGYAL PO ZHES PAR GYUR PA LA DANG PO SEMS BSKYED PAR GSUNGS PA LA SOGS PA THEG PA CHEN PO'I LUNG DAG LAS SNA TSOGS 'BYUNG MOD KYI, NYAN THOS SDE PA LTAR NA LUNG SMAN GYI GZHI LAS, KUN DGA' BOS, 'JIG RTEN GTZO BO RNAM 'DREN PA, ,THUB PA KHYOD KYIS BYANG CHUB THUGS, ,THOG MAR GANG DU BSKYED PA DAG ,SKAL LDAN CHEN PO BDAG LA GSUNGS ZHES ZHUS PA NA, SANGS RGYAS 'DOD CHAGS BRAL THOS SHING, ,GLANG PO DREGS PA'I SHAS CHEN DANG, ,'JIG RTEN SDUG BSNGAL GYUR MTHONG NAS, ,NGAS NI BYANG CHUB SEMS BSKYED DO, ,MI DBANG 'OD LDAN GYUR PA NA, ,NGAS NI BYANG CHUB 'DOD PA'I PHYIR, ,NGAS NI BRTAN POR DAM BCAS TE, , SKYON MED PA YI SBYIN PA BTANG ZHES 'BYUNG BAS SNGON RGYAL PO 'OD LDAN ZHES BYA BAR GYUR PA NA DANG PO SEMS BSKYED PAR 'DOD DO, ,'DIR GNYIS PA TSOGS GNYIS BSGRUBS TSUL GYI DBANG DU MDZAD NAS SNGON 'DAS PA'I DUS NA SANGS RGYAS SH'AKYA THUB PA ZHES BYA BA STON PA 'DI BZHIN DU RTZOD PA'I DUS SU BYUNG LA, DE'I SKU CHE DANG 'KHOR 'DUS PA LA SOGS PA'ANG 'DI DANG 'DRA LA BSTAN PA'ANG LO STONG GI BAR DU GNAS PA ZHIG BYON PA LA STON PA 'DI RDZA MKHAN GYI KHYA'U SNANG BYED DU GYUR PA NA 'BRAS PHOR BA GANG DANG, MCHIL LHAM DANG RAS KYI KHA CHAR DAG PHUL NAS, DE BZHIN GSHEGS PA KHYED SKU CI 'DRA DANG, ,'KHOR DANG TSE YI TSAD DANG ZHING KHAMS DANG, ,DE BZHIN MTSAN MCHOG BZANG PO CI 'DRA BA, ,DE 'DRA KHO NAR BDAG KYANG 'GYUR BAR SHOG CES SMON LAM BTAB BO, ,ZHES SNGA MA DAG 'CHAD MOD KYI, LUNG SMAN GYI GZHI LAS NI, SNGON GRONG KHYER YANGS PA'I RDZA MKHAN YANGS PA'I 'OD CES PAR GYUR PAS DE BZHIN GSHEGS PA SH'AKYA THUB PA BSER MA'I SNYUN GYIS ZIN PA LA CHU 'JAM POS SKU KHRUS GSOL TE, MAR DANG TIL MAR GYIS BYUGS NAS, BU RAM CHU'I BTUNG BA DRANGS PAS SNYUN LAS GROL LO, ,DE NAS DE DAD NAS, BDAG KYANG RAB TU SBYIN PA 'DI YIS SH'AKYA'I RIGS SKYES PA, ,YON TAN RIGS DANG RUS DAG MNYAM PA'I SANGS RGYAS NYID GYUR CING, ,BDAG GIS TSANGS PA'I 'JIG RTEN PAR GYI NYAM THAG 'CHI BA YI, ,PHA ROL ZHI BA RGYA CHEN 'JIGS PA MED PAS SGROL BAR SHOG CES SMON LAM BTAB BO ZHES PA DANG, NGA NI RDZA MKHAN GYUR PA NA, , SANGS RGYAS SH'AKYA THUB MTHONG NAS, ,BYANG CHUB PHYIR NI THOG MAR NGAS, ,MAR DANG TIL MAR GYIS @452 MCHOD DO ZHES 'BYUNG NGO, DE NAS BZUNG STE BSKAL PA GRANGS MED DANG PO LA SANGS RGYAS BDUN KHRI LNGA STONG LA BSNYEN BKUR BYAS PA'I THA MAR GZHUNG GI GO RIM LAS BZLOG STE SANGS RGYAS RIN CHEN GTZUG TOR CAN ZHES PA BYUNG STE, DE'I TSE BSKAL PA GRANGS MED DANG PO RDZOGS SO,, DE NAS BZUNG STE GRANGS MED GNYIS PA LA SANGS RGYAS BDUN KHRI DRUG STONG LA BSNYEN BKUR BYAS PA'I THA MAR SANGS RGYAS MAR ME MDZAD BYUNG STE, DE'I TSE GRANGS MED GNYIS PA RDZOGS SO, ,DE NAS BZUNG STE GRANGS MED PA GSUM PA LA SANGS RGYAS BDUN KHRI BDUN STONG LA BSNYEN BKUR BYAS PA'I THA MAR SANGS RGYAS RNAM PAR GZIGS BYUNG STE, 'DI NI BSKAL PA DGU BCU RTZA GCIG 'DAS PA NA BYUNG STE, DE'I TSE GRANGS MED GSUM PA RDZOGS SO, ,DE LTAR NA GRANGS MED PA GSUM GYI THA MAR SANGS RGYAS DE DAG BYUNG LA, DE DAG THAMS CAD KYI DANG PO NI SNGON GYI SANGS RGYAS SH'AKYA THUB PA NYID YIN NO ZHES SHES PAR BYA'O, , (DE'I DRUNG DU BDE BAR GSHEGS PA KHYED SKU CI 'DRA DANG, ZHES SOGS KYI SMON LAM BTAB BO, ,) GAL TE SANGS RGYAS RNAM PAR GZIGS KYI DUS NYID DU BSKAL PA GRANGS MED GSUM PO RDZOGS NA GTZUG TOR CAN NAS 'OD SRUNG GI BAR DU 'TSANG MI RGYA BA MI RIGS TE, BSKAL BA GRANGS MED GSUM GYIS TSOGS RDZOGS SHING, TSOGS RDZOGS PA NI BZHES PAR MI RIGS PA'I PHYIR RO ZHE NA, DE'I TSE TSOGS RDZOGS SHING GRANGS MED PAR RDZOGS MOD KYI RNAM PA THAMS CAD DU YONGS SU RDZOGS PA NI MA YIN PAS 'OD SRUNG SANGS RGYAS PA'I TSE CHANGS PAR SPYOD PA SPYAD NAS 'DI NAS SHI 'PHOS NAS DGA' LDAN GYI LHA'I RIGS SU 'KHRUNGS SO ZHES 'BYUNG BA'I MDO 'DI YANG TSAD MAR BYAS PA YIN NO ZHES SLOB DPON GANG SPEL 'CHAD DO,, LUNG SMAN GYI GZHI LAS NI, KUN DGA' BOS, 'JIG RTEN GTZO BO RNAM 'DREN PA, ,KHYOD SNGON BYANG CHUB SPYOD PA NA, ,SANGS RGYAS JI SNYED DUS GANG DU, ,JI LTA BUR NI BSNYEN BKUR MDZAD, , CES PA DANG, RGYAL BA GSAL RGYAL GYIS BTZUN PA BCOM LDAN 'DAS KYIS BLA NA MED PA'I BYANG CHUB DON DU GNYER BA'I SLAD DU YANG DAG PAR RDZOGS PA'I SANGS RGYAS JI SNYED CIG LA BSNYEN BKUR BA GYIS LAGS ZHES ZHUS PA NA, (RGYAL PO CHEN PO GRANGS MED PA DANG PO LA,) SANGS RGYAS SH'AKYA THUB PA NAS, ,'DREN PA YUL 'KHOR SKYONG GI BAR, ,BDUN KHRI DANG NI LNGA STONG GI ,SANGS RGYAS RNAMS NI NGAS MCHOD DO, ,(GRANGS MED GNYIS PA LA NI,) ,SANGS RGYAS MAR ME MDZAD NAS NI, THUB PA DBANG PO'I RGYAL MTSAN BAR, , BDUN KHRI DANG NI DRUG STONG GI, SANGS RGYAS RNAMS NI NGA YIS MCHOD,, (GRANGS MED PA GSUM PA LA YANG,) SANGS RGYAS LEGS MDZAD NAS BZUNG STE, ,SANGS RGYAS 'OD SRUNG BAR DAG TU, ,BDUN KHRI BDUN STONG @453 NGA YIS MCHOD, ,GRANGS MED GSUM PO DE LA NI, ,RGYAL BA NGAS NI MCHOD BYAS TE, ,BYANG CHUB PHYIR NI SPYOD PA NA, ,DE TSE NGA LA SKYO SEMS MED CES GRANGS MED GSUM GYI THA MAR BYUNG BA'I SANGS RGYAS KYANG 'DI DANG CUNG ZAD MI 'DRA BAR GSUNGS SO,, THEG CHEN PA NI RGYA CHER ROL PA LA SOGS PA LAS SANGS RGYAS BYE BA KHRAG KHRIG BRGYA STONG DPAG TU MED PA LA BSNYEN BKUR BYAS PA ZHES PA DANG, SANGS RGYAS BYE BA KHRAG KHRIG BRGYA STONG LNGA BCU RTZA LNGA LA SBYIN PA PHUL BAR GYUR PA ZHES PA LA SOGS PA GSUNGS PAS GRANGS MED PA RE RE LA YANG SANGS RGYAS DPAG TU MED PA BSNYEN BKUR BAR BZHED DO, ,YANG BYANG CHUB SEMS DPA' GNAS SKABS GANG DU PHA ROL TU PHYIN PA DRUG PO GANG RDZOGS PAR BYED CE NA, GANG GI TSE SEMS CAN KUN LA DNGOS PO MIG NAS RKANG GI BAR LUS DANG LONGS SPYOD THAMS CAD KUN SLONG MNGON MTHO'I KHYAD PAR LA MI RE BAR SNYING RJE YIS SBYIN PAR BYED PAS DUS DE'I TSE SBYIN PA'I PHA ROL TU PHYIN PA RDZOGS TE 'DI NI SKYES PA'I RABS SU BLTA'O, ,LUNG GZHI LAS NI BYANG CHUB SEMS DPA' SBYIN PA CHEN PO'I DUS NA SBYIN PA'I PHAR PHYIN RDZOGS PAR GSUNGS SO,, DE YANG BYANG SA LAS NI, SBYIN PA'I SKABS SU PHA MA NI BLA MA LTA BU'I ZHING YIN PAS GZHAN LA SBYIN PAR MI BYA LA, DE BZHIN DU LEGS PAR BRDA MA SPRAD PA DANG MI DGA' BZHIN DU BU DANG CHUNG MA DANG BRAN LA SOGS PA'ANG MI SBYIN PAR BSHAD CING, MCHOD PA'I SKABS SU'ANG DNGOS PO DMAN PA BAB LAS BYUG PA DANG, MAR KHUS BKRU BA DANG, GU GUL GYIS BDUG PA DANG, AA RGA'I ME TOG LA SOGS PAS MCHOD PA MI BYA BAR BSHAD DO, ,GANG GI TSE 'DOD PA LAS 'DOD CHAGS DANG MA BRAL BAS CHAGS PA DANG BCAS BZHIN DU YAN LAG BCAD KYANG SEMS MI 'KHRUGS PA DE'I TSE SEMS MA 'KHRUGS PA'I PHYIR DANG, LUS NGAG GI NYES SPYOD SDOM PA'I PHYIR GO RIM BZHIN DU BZOD PA DANG TSUL KHRIMS KYI PHA ROL TU PHYIN PA RDZOGS TE DRANG SRONG BZOD PAR SMRA BA'I SKYES PA'I RABS BZHIN NO,, STON PA BRAM ZE'I KHYE'UR GYUR PA NA SANGS RGYAS SKAR RGYAL RI'I PHUG ZHIG NA ME'I KHAMS LA SNYOMS PAR ZHUGS PA MTHONG NAS RKANG PA YA GCIG GIS 'GRENG STE ZHAG BDUN GYI BAR DU, SKYES BU KHYU MCHOG KHYOD 'DRA'I DGE SBYONG CHEN PO GZHAN DAG LHA YUL SA LA MED, ,'JIG RTEN 'DI NA'ANG YOD PA MA YIN RNAM THOS BU YI GNAS NA'ANG YOD MA YIN, ,LHA YI PHO BRANG GNAS MCHOG DAG NA'ANG YOD MIN PHYOGS DANG PHYOGS MTSAMS DAG NA'ANG MED, ,RI DANG NAGS SU BCAS PA'I SA STENG RGYAS PA KUN TU YUL GCIG GA LA YOD, ,CES PA'I TSIGS BCAD GCIG GIS BSTOD PAS BRTZON 'GRUS KYI PHYI ROL TU PHYIN PA RDZOGS @454 SO, ,DE LTAR BSKOR BA BYAS TE BSTOD PAS BSKAL PA DGU'I TSOGS KYANG 'DUMS TE, LUNG SMAN GYI GZHI LAS, RIN CHEN BKRA BA'I PHUG NA YANG, ,SANGS RGYAS SKAR RGYAL LA NI NGAS, ,DE TSE TSIGS BCAD GCIG BSTOD PAS, ,BSKAL PA DGU NI PHYIR BSNYIL TO ZHES PA DANG, MDO GZHAN LAS KYANG, BRAM ZE DAM PA DE RING DU, ,DE BZHIN GSHEGS PA LEGS BSTOD PA'I, ,STOBS DANG BRTZON 'GRUS 'DI YIS NI, ,BSKAL PA DGU ZHIG 'DUMS PAR GYUR ZHES 'BYUNG NGO, ,DE LTAR BYANG CHUB SEMS DPA' BRTZON 'GRUS CHE ZHING THABS LA MKHAS NA DUS THUNG DUS BSKAL PA MANG PO NI 'DUMS PAR 'GYUR GYI GRANGS MED PA NI 'DUMS PAR MI NUS TE, BYANG SA LAS, SU BRTZON 'GRUS RTZOM PA CHEN PO'I YANG CHEN POS SBYOR BA DE'I NANG NA LA LA NI BAR GYI BSKAL PA MANG PO ZHIG 'DUMS PAR BYED DO, ,LA LA NI BSKAL PA CHEN PO DAG GI BAR DU 'DUMS PAR BYED KYI GRANGS MED PA 'DUM PAR BYED PA NI 'GA' YANG MED PAR RIG PAR BYA'O ZHES DANG, 'BUM t'IKA LAS KYANG DE BRTZON 'GRUS SHIN TU CHER BRTZAMS PAS 'BAD PA NA BSKAL PA MANG PO'ANG 'DA' BAR 'GYUR BA NAS BSKAL PA BYE BA KHRAG KHRIG 'BUM GYI BAR DAG KYANG 'DA' BAR 'GYUR TE, JI LTAR BDAG CAG GI STON PA, BCOM LDAN 'DAS SH'AKYA THUB PA BYANG CHUB SEMS DPAR GYUR PA NA SANGS RGYAS SKAR RGYAL ZHES BYA BA MNYES PAR BYAS PAS BSKAL PA DGU 'DAS PAR GYUR TO ZHES BYA BA LTA BU STE, DE LTAR SHIN TU BRTZON PA CHEN POS 'BAD PAR BYAS NAS BSKAL PA BYE BA KHRAG KHRIG 'BUM PHRAG MANG PO RNAMS NI 'DA' BAR 'GYUR GYI, BSKAL PA GRANGS MED PA LAS NI SUS KYANG 'DA' BAR MI 'GYUR RO ZHES BSHAD DO, ,BYANG CHUB PA'I SNGON ROL KYI DE MA THAG LA STE RDO RJE LTA BU'I TING NGE 'DZIN GYI TSE NI TING NGE 'DZIN BSAM GTAN DANG BLO'I STE SHES RAB KYI PHA ROL TU PHYIN PA RDZOGS TE, DE DAG NI RANG RANG GI PHUN SUM TSOGS PA'I PHA ROL TU PHYIN PAS NA PHA ROL TU PHYIN PA ZHES BYA'O,, 13. BSOD NAMS BYA BA'I GZHI GSUM BSHAD PA, BCU GSUM PA BSOD NAMS BYA BA'I GZHI GSUM BSHAD PA NI MDO LAS, SBYIN PA DANG TSUL KHRIMS DANG BSGOMS PA LAS BYUNG BA'I BSOD NAMS BYA BA'I GZHI GSUM ZHES 'BYUNG BA'I GSUM PO DE DAG NI 'BRAS BU YID DU 'ONG BAS NA BSOD NAMS DANG, LAS KYI NGO BO YIN PAS BYA BA DANG, GSUM PO DE DAG LA BRTEN NAS KUN SLONG GI SEMS PA 'JUG PA'I GZHI YANG YIN PA'I PHYIR BSOD NAMS BYA BA DE'I GZHI @455 STE DPER NA LUS NGAG GI BDUN LAS DANG LAS KYI LAM GNYIS KA YIN LA YID KYI GSUM LAS KYI LAM KHO NA YIN PAS THAMS CAD LA LAS KYI LAM ZHES BSHAD PA BZHIN NO, ,'DIR GZHI'I SGRA NI RGYU LA BRJOD PAR 'DOD DO, ,DE LA SBYIN PA LAS BYUNG BA'I LUS NGAG GI LAS NI BSOD NAMS DANG BYA BA DANG GZHI GSUM GA YIN LA, KUN NAS SLONG BA'I SEMS PA NI BSOD NAMS DANG BYA BA YIN NO, ,(BYA BA'I RTEN MIN PAS GZHI MIN NO, ,) DE YANG MTSUNGS PAR LDAN PA'I CHOS TSOR BA LA SOGS PA GZHAN NI BSOD NAMS KHO NA YIN NO, ,TSUL KHRIMS LAS BYUNG BA NI LUS NGAG GI LAS KHO NA YIN PAS GSUM GA YIN NO, ,BSGOMS PA LAS BYUNG BA LA BYAMS PA NI BSOD NAMS DANG BSOD NAMS BYA BA'I GZHI GNYIS KA YIN TE, BYAMS PA'I SGO NAS DE DANG MTSUNGS LDAN GYI SEMS PA MNGON PAR 'DU BYED PA'I PHYIR RO, ,DE DANG LHAN CIG 'BYUNG BA'I SEMS PA DANG BSAM GTAN ZAG MED KYI SDOM PA NI BSOD NAMS DANG BYA BA GNYIS KA YIN NO, ,(SEMS PA DE DAG BRTEN NA MI 'JUG PAS GZHI NI MA YIN NO ZHES SO,,) BYAMS PA DANG LHAN CIG 'BYUNG BA TSAR BA LA SOGS PA GZHAN NI BSOD NAMS KHO NA YIN NO, ,YANG NA GSUM PO 'DI DAG BSGRUB PA'I PHYIR BSOD NAMS KYI SBYOR BA RTZOM PAS NA GSUM PO LA BSOD NAMS BYA BA'I GZHI ZHES BYA'O,, KHA CIG (MDO SDE PA,) NA RE BSOD NAMS BYA BA NI DON DAM PAR NA SEMS PA DGE BA YIN LA, SBYIN PA LA SOGS PA GSUM NI SEMS PA DGE BA DE'I GZHI YIN NO ZHES ZER RO, ,SBYIN PA LAS BYUNG BA GANG ZHE NA, SKYES BU GANG GIS BSAM PA DGE BAS BDOG PA'I DNGOS PO GZHAN LA SBYIN PAR BYED PA DE NI SBYIN PA YIN TE, DRANG SRONG RGYAS PAS ZHUS PA LAS, DRANG SRONG CHEN PO DAD PAS GANG CUNG ZAD CIG BYIN PA DE DAG THAMS CAD NI SBYIN PA ZHES GSUNGS PA'I PHYIR RO, ,KUN NAS SLONG BA GANG ZHE NA, YUL BZANG PO LA MCHOD PAR 'DOD PA DANG, RANG DANG SNYOMS PA DANG, DMAN PA LA PHAN GDAGS PAR 'DOD PA YIS GTONG BA SBYIN PA YIN GYI 'JIGS PA DANG LAN LA RE BA LA SOGS PAS NI MA YIN NO, ,LAS DE YANG LUS NGAG GI LAS KUN NAS SLONG BA'I SEMS PA MTSUNGS LDAN DANG BCAS PA YIN NO, ,SBYIN PA LAS BYUNG BA ZHES BYA BA NI SBYIN PA'I RANG BZHIN YIN PA'I PHYIR DE SKAD DU BRJOD DE LO MA LAS BYUNG BA'I SPYIL PO ZHES BYA BA BZHIN NO, ,'OG MA DAG LA'ANG DE BZHIN DU SHES PAR BYA'O, ,DE NYID KYI PHYIR 'GREL PA LAS, GANG CHE SKYES BU DGE YID KYIS, ,RANG GI RDZAS DAG SBYIN BYED PA, ,DE CHE DGE BA'I PHUNG PO RNAMS, , SBYIN PA ZHES NI BRJOD PA YIN ZHES 'BYUNG NGO, ,DES NA LUS NGAG GI LAS KUN SLONG MTSUNGS LDAN DANG BCAS PA YIN PAS PHUNG PO LNGA YIN NO, ,DE NYID KYI PHYIR KUN LAS BTUS LAS KYANG, SBYIN PA'I LAS @456 GANG ZHE NA, DE'I GZHI DANG, KUN NAS SLONG BA DANG, DNGOS PO DANG, NGO BO NYID KYIS KYANG RIG PAR BYA STE, GZHI NI MA CHAGS PA DANG ZHE SDANG MED PA DANG GTI MUG MED PA'O, ,KUN NAS SLONG BA NI DE DAG DANG MTSUNGS PAR LDAN PA'I SEMS PA'O, ,DNGOS PO NI SBYIN PAR BYA BA'I DNGOS PO'O, ,NGO BO NYID NI GTONG BA NA LUS DANG NGAG GI LAS SO ZHES BSHAD DO, ,SBYIN PA DE'I 'BRAS BU NI LONGS SPYOD CHEN PO CAN YIN NO, ,DBYE BA NI BDAG GI DON GYI PHYIR SBYIN PA NI ('PHAGS PA,) 'DOD CHAGS DANG MA BRAL BA'AM, SO SO'I SKYE BO 'JIG RTEN PA'I LAM GYIS 'DOD CHAGS DANG BRAL BAS MCHOD RTEN LA SBYIN PA'O, ,(BDAG LA PHAN LA MCHOD RTEN LA MI PHAN PAS SO,,) GZHAN GYI DON GYI PHYIR SBYIN PA NI MTHONG CHOS LA MYONG BA MA GTOGS PA 'PHAGS PA 'DOD CHAGS DANG BRAL BAS SEMS CAN GZHAN LA SBYIN PA'O,, (DE YANG KHO 'DOD PA LAS 'DAS LA SBYIN PA'I RNAM SMIN GYI SA NI 'DOD PAS BSDUS PAS GZHAN LA PHAN RANG LA MI PHAN PAS SO, ,) GNYIS KA'I DON GYI PHYIR SBYIN PA NI 'PHAGS PA 'DOD CHAGS DANG MA BRAL BA'AM SO SO'I SKYE BO 'DOD CHAGS DANG BRAL BAS SEMS CAN GZHAN LA SBYIN PA'O, (DE YANG RANG DGE BA BSAGS PA'I PHYIR DANG GZHAN GYI 'BYUNG BA LA PHAN BTAGS PA'I PHYIR RO,,) ,GNYIS KA'I DON DU MIN PA'I PHYIR GYI SBYIN PA NI MTHONG CHOS LA MYONG BA MA GTOGS PA 'PHAGS PA 'DOD KHAMS LAS 'DOD CHAGS DANG BRAL BAS MCHOD RTEN LA 'BUL BA YIN TE, (PHYI MAR RANG DANG MCHOD RTEN LA PHAN PA MED PAS DE LA 'BUL BA NI,) DE NI BKUR STI DANG BYAS PA GZO BA 'BA' ZHIG GIS 'BUL BA'I PHYIR RO, ,(MTHONG CHOS LA MYONG BAR NI MI 'GAL LO, ,) SBYIN PA DE'I KHYAD PAR DU 'PHAGS PA NI SBYIN BDAG DANG DNGOS PO DANG ZHING GI KHYAD PAR GSUM LAS YIN NO,, DE LA RE ZHIG SBYIN BDAG KHYAD PAR DU 'PHAGS PA NI DAD PA DANG SOGS KYIS GZUNG BA TSUL KHRIMS DANG GTONG BA DANG THOS PA DANG NGO TSA SHES PA DANG KHREL YOD PA DANG SHES RAB CES BYA BA'I 'PHAGS PA'I NOR BDUN DANG 'DOD CHEN CHUNG BA DANG LDAN PAS SO, ,TSUL NI MDO LAS, DGE SLONG DAG SKYES BU DAM PA'I SBYIN PA NI RNAM PA LNGA STE, LNGA GANG ZHE NA, DAD PAS SBYIN PA SBYIN PAR BYED PA DANG, GUS PAR BYAS TE DANG, RANG GI LAG NAS DANG, DUS SU DANG, GZHAN LA MI GNOD PAR SBYIN PA SBYIN PAR BYED DO ZHES PA DANG, MKHAS PAS GUS DANG RANG LAG NAS, ,DUS SU MI GNOD SBYIN BYED NA, ,SBYIN BDAG SBYIN PA YANGS SHING CHE, ,SKAL PA CHEN PO 'BYUNG BAR 'GYUR ZHES 'BYUNG LA, 'GREL PA LAS NI, GUS PA DANG, SOGS PAS BSDUS PA RANG GI LAG GIS STER BA DANG, NYE BAR MKHO BA'I DUS DANG, GZHI @457 DES GZHAN LA (BRKUS PA DANG, SHAN PA LA LUG BYIN PA LTA BU BYIN BYA DANG, DUG MI 'PHROD PA'I ZAS LTA BU ZHING LA GNOD PA MA YIN PAR GZHAN LA,) MI GNOD PAR SBYIN PAR BYED PA'O, ,ZHES DAD PA LAS GZHAN BZHI BSHAD DO, , 'BRAS BU NI GUS PA LA SOGS PAS BYIN PA DE'I PHYIR GUS PAR BYIN PAS SKYE BA PHYI MA LA RANG LA 'KHOR GYIS BKUR STI BYED PA DANG, RNYED PAR 'GYUR BA DANG, RANG GI LAG GIS BYIN PAS NI LONGS SPYOD RGYA CHEN PO LA DAD PA STE RANG DBANG 'BYOR BAR 'GYUR BA DANG, NYE BAR MKHO BA'I DUS SU BYIN PAS NI RANG LA DGOS PA'I DUS SU RNYED PAR 'GYUR BA DANG, GZHAN LA GNOD PA MED PAR BYIN PAS NI RANG GI LONGS SPYOD LA DGRA DANG MES 'TSIG PA LA SOGS PA'I BAR CHAD MED PAR RNYED PA STE, 'DIR GZHAN LA GNOD PA NI PHA ROL LA MA BYIN PAR BLANGS NAS STER BA LA SOGS PA'O, ,LNGA MTSAN LNGA PA'I MDO LAS, RNAM DU MA PHUN TSOGS SHING, ,SER SNA MED PAR SBYIN BYED NA, ,RNAM PA DU MA PHUN TSOGS PA'I, ,RNAM PAR SMIN PA SO SOR BSTEN ZHES 'BYUNG BAS KHA DOG PHUN SUM TSOGS PA DANG SOGS PAS BSTAN PA DRI DANG RO DANG REG BYA PHUN SUM TSOGS PA NI DNGOS PO KHYAD PAR DU 'PHAGS PA'O, ,KHA DOG PHUN SUM TSOGS PA PA LA SOGS PA BYIN PA DE LAS SKYE BA PHYI MAR RANG NYID GZUGS BZANG BA DANG, SNYAN PA'I GRAGS PA DANG LDAN PA DANG, YID DGA' BA LUS SHIN TU GZHON SHA CAN DANG BUD MED RIN PO CHE LTAR GRANG BA'I TSE NI DRO LA DRO BA'I TSE NI GRANG ZHING THA MAL BA'I TSE NI THA MAL PAR 'DUG PAS NA DUS SU REG NA BDE BA'I LUS DANG LDAN PAR 'GYUR TE RIM PA BZHIN DU SBYAR RO, , KUN LAS BTUS LAS KYANG, JI LTAR NA SBYIN PA PHUN SUM TSOGS PA YIN ZHE NA, PHYIR ZHING SBYIN PA DANG, PHYOGS MI 'BYED PAR SBYIN PA DANG, 'DOD PA YONGS SU RDZOGS PAR SBYIN PA DANG, MI GNAS PAR SBYIN PA DANG, RGYA CHER SBYIN PA DANG, DGA' BAS SBYIN PA DANG, SNOD LA SBYIN PA DANG, 'KHOR DANG GLO BUR DU 'ONGS PA LA LEGS PAR BGOS TE SBYIN PAS SBYIN PA PHUN SUM TSOGS PAR RIG PAR BYA'O, ,JI LTAR SBYIN PAR BYA BA PHUN SUM TSOGS PAR RIG PAR BYA ZHE NA, SBYIN PAR BYA BA'I DNGOS PO GNOD PAS GRUB PA MA YIN PA DANG, GZHAN LAS 'PHROGS PA MA YIN PA DANG, MA RUL CING DRI MA MED PA DANG, DNGOS PO RUNG BA DANG, CHOS KYIS BSGRUBS PA'I PHYIR RO ZHES BSHAD DO, ,BYANG SA LAS KYANG, SROG CHAGS DANG BCAS PA'I DNGOS PO'ANG DMAN PA YIN PAS SBYIN PAR GSUNGS SO, ,BLO GROS RGYA MTSOS ZHUS PA'I MDO LAS NI THEG PA CHEN PO'I BAR CHAD DU 'GYUR BA'I CHOS BZHI STE, 'DUN PA DANG, ZHE SDANG DANG, GTI @458 MUG DANG, 'JIGS PAS SBYIN PA'O, ,GZHAN YANG BZHI STE, BRJOD PA DANG, GRAGS PA DANG, SGRA DANG, TSIGS SU BCAD PAS SBYIN PA'O, ,YANG BZHI STE, NGOR LTA BA DANG, SKABS CUNG ZAD KYI PHYIR DANG, BRNYAS THABS DANG, RANG GI LAG NAS SBYIN PA MA YIN PA'O, ,YANG BZHI STE, NGAN PA DANG, MI BSOD PA DANG, GUS PAR MA BYAS PA DANG, MNGON PA'I NGA RGYAL GYIS SBYIN PA'O, ,YANG BZHI STE, MTSON CHA DANG, DUG DANG, RUNG BA MA YIN PA DANG, MI CHOG PAR SBYIN PA'O ZHES BSAM PA SBYOR BA DANG DNGOS PO DMAN PA'I SBYIN PA NI BYANG CHUB KYI BAR CHAD DU 'GYUR BAR GSUNGS SO, ,DE'I PHYIR BU MO BLO GROS BZANG MOS ZHUS PA'I MDO LAS, DUS SU SBYIN DANG 'GYOD PA MED PA DANG, ,YID 'OD SBYIN DANG RNAM SMIN MI RE BA, ,DPA' BO RNAMS NI LAS 'DI BYAS PAS NA, RTAG TU LONGS SPYOD CHEN PO 'THOB PA YIN ZHES GSUNGS SO,, ZHING KHYAD PAR DU 'PHAGS PA NI, 'GRO BA BZANG BAS ZHING KHYAD PAR DU 'PHAGS PA NI, GO'U TA MA'I MDO LAS, KUN DGA' BO DUD 'GRO'I SKYE GNAS SU SONG BA LA SBYIN PA BYIN NA SLAR RNAM PAR SMIN PA BRGYA 'GYUR DU RE BAR BYA'O, ,TSUL KHRIMS 'CHAL PAR GYUR PA'I MI LA SBYIN PA BYIN NA STONG 'GYUR DU RE BAR BYA'O ZHES GSUNGS PA LTA BU'O, ,('GRO BA BZANG BA DANG,) SDUG BSNGAL GYIS ZHING KHYAD PAR DU 'PHAGS PA NI RDZAS LAS BYUNG BA'I BSOD NAMS BYA BA'I GZHI'I NANG NAS NAD PA DANG NAD G-YOG DANG GRANG BA LA SOGS PA'I DUS SU BYIN PA NI RDZAS LAS BYUNG BA'I BSOD NAMS YIN PAS BSOD NAMS TSAD MED PAR GSUNGS PA LTA BU'O, ,(SDUG BSNGAL BA DANG,) PHAN 'DOGS PAS ZHING KHYAD PAR DU 'PHAGS PA NI PHA MA DANG PHAN 'DOGS PA GZHAN YANG RUNG STE DOM DANG RI DVAGS LA SOGS PA'I SKYES PA'I RABS (LTA BU RANG LA PHAN 'DOGS PAS DANG) DPER BYA'O, ,YON TAN GYIS ZHING KHYAD PAR DU 'PHAGS PA NI GO'U TA MA'I MDO LAS, TSUL KHRIMS DANG LDAN PA LA BYIN NA RNAM PAR SMIN PA 'BUM 'GYUR DU RE BAR BYA'O, ,RGYUN DU ZHUGS PA'I 'BRAS BU LA ZHUGS PA LA BYIN NA RNAM PAR SMIN PA TSAD MED DO, ,DE BAS KYANG RGYUN DU ZHUGS PA LA BYIN NA CHES TSAD MED DO ZHES GSUNGS PA LTA BU'O, ,(YON TAN DANG LDAN PA STE BZHI PO DE RNAMS KYIS ZHING KHYAD PAR DU 'PHAGS SO, ,) LEGS NYES KYI RGYU DANG 'BRAS BU BSTAN PA'I MDO LAS NI, TSUL KHRIMS DANG LDAN PA'I DGE SLONG LA SBYIN PA BTANG NA RNAM PAR SMIN PA KHRIR 'GYUR SNYED 'THOB PAR 'GYUR RO ZHES GSUNGS SO, ,RNAMS ZHES BYA BA NI MANG PO'I TSIG STE ZHING BZHI PO DE DAG GO ,SBYIN PA THAMS CAD KYI NANG NA MCHOG TU GYUR PA NI KHAMS GSUM LAS GROL BAS GROL BA LA BYIN NA KHYAD PAR DU @459 'PHAGS TE, DE LA SKYON GANG YANG MED PA'I PHYIR RO,, DE NYID KYI PHYIR GO'U TA MA'I MDO LAS NI, GANG ZHIG LUS NGAG BSDAMS BDAG NYID, ,LAG BRKYANG BSOD SNYOMS SPYOD PA YI, ,'DOD CHAGS BRAL LA CHAGS BRAL GYIS, ,SBYIN NA ZANG ZING SBYIN PA'I MCHOG CES GSUNGS SO, ,LUNG LAS KYANG, 'DOD CHAGS DANG BRAL BAS 'DOD CHAGS DANG BRAL BA LA SBYIN PA BYIN PA GANG YIN PA DE NI ZANG ZING GI SBYIN PA RNAMS KYI NANG NA MCHOG YIN NO ZHES GSUNGS SO, ,YANG SBYIN BDAG BYANG CHUB SEMS DPA' YIS SEMS CAN THAMS CAD LA PHAN PAR BYA BA'I PHYIR GANG CI BYIN PA DE NI MA GROL BAS MA GROL BA RNAMS LA BYIN YANG RDZOGS PA'I BYANG CHUB DANG SEMS CAN THAMS CAD KYI DON DU BYIN PAS MCHOG YIN TE, SEMS CAN THAMS CAD KYI MGON DU 'GYUR PA'I SBYIN PA YIN PA'I PHYIR RO, ,YANG MDO LAS, NYE BA LA SBYIN PA DANG, 'JIGS PAS SBYIN PA DANG, BDAG LA BYIN PAS SBYIN PA DANG, BDAG LA SBYIN PAR 'GYUR BAS SBYIN PA DANG, SNGON BDAG GI PHA DANG MES PO DAG GIS SBYIN PA BYIN PAS SBYIN PA DANG, MTHO RIS KYI DON DU SBYIN PA DANG, GRAGS PA'I DON DU SBYIN PA DANG, SEMS KYI RGYAN GYI DON DANG SEMS KYI YO BYAD KYI DON DANG RNAL 'BYOR GYI TSOGS KYI DON DANG DON GYI MCHOG THOB PAR BYA BA'I PHYIR SBYIN PA BYIN PA'O ZHES SBYIN PA RNAM PA BRGYAD GSUNGS PA DAG GI NANG NA NI BRGYAD PA SEMS KYI RGYAN LA SOGS PA'I PHYIR SBYIN PA MCHOG YIN NO, ,DE LA NYE BA LA SBYIN PA NI SLOB DPON SNGA MA DAG NA RE NAM NYE BAR GYUR CING NYE BAR LHAGS PA DAG LA SBYIN PAR BYED PA'O ZHES ZER RO, , 'JIGS PAS SBYIN PA NI MED PAR BYED PA MNGON SUM DU MTHONG NAS DAM PA SBYIN NO ZHES SBYIN PAR BYED PA'O, ,BDAG LA BYIN PAS SBYIN PA NI 'DIS SNGON BDAG LA BYIN NO SNYAM NAS SBYIN PA'O, ,GZHAN NI GO SLA'O, ,SEMS KYI RGYAN NI RDZU 'PHRUL LO, ,SEMS KYI YO BYAD NI 'PHAGS PA'I LAM YAN LAG BRGYAD PA'O, ,RNAL 'BYOR GYI TSOGS NI ZHI GNAS DANG LHAG MTHONG NGO, ,DON GYI MCHOG NI DGRA BCOM PA'AM MYA NGAN LAS 'DAS PA 'THONG PA'O ZHES RGYAL PO'I SRAS GRAGS PA'I BSHES GNYEN 'CHAD DO, ,SLOB DPON GANG SPEL NI SEMS KYI RGYAN GYI DON LA SOGS PA BZHI NI GO RIM BZHIN DU DAD PA LA SOGS PA'I NOR 'DREN PA DANG, SER SNA'I DRI MA DANG 'GAL BA DANG, SNYOMS 'JUG GI BDE BA SKYED PA DANG, MYA NGAN LAS 'DAS PA 'DREN PA'I PHYIR RO ZHES 'CHAD DO, ,SA LAS NI ZANG ZING MED PA'I SEMS KYIS DON GYI MCHOG MYA NGAN LAS 'DAS PAR BSDOS PA DANG RNAL 'BYOR GYI TSOGS MYANG 'DAS KYI RGYU TSOGS SU 'GYUR BA DANG, @460 SEMS KYI RGYAN BDE 'GROR 'GRO BA DANG, SEMS KYI YO BYAD LONGS SPYOD CHEN POR YANG 'GYUR BA'O ZHES BSHAD DO, ,YANG NA SEMS KYI RGYAN LA SOGS PA BZHI RIM PA LTAR TSOGS SBYOR DANG, MTHONG LAM DANG, SGOM LAM DANG, MYANG 'DAS SAM, YANG NA TSOGS SBYOR DANG, SA DANG PO BDUN DANG, DAG PA'I SA GSUM DANG, SANGS RGYAS KYI SA RNAMS DANG SBYAR RO,, 'O NA CI'I PHYIR SBYIN PA SNGA MA BDUN PO DMAN ZHE NA, SA LAS, DANG PO BDUN NI GO RIM BZHIN DU SBYIN PA LE LOS NYAMS PA DANG, 'DI DANG PHA ROL TU ZANG ZING GIS DBUL BAS 'JIGS PA DANG DBANG PHYUG 'DOD NAS BYIN PA DANG, 'DAS PA LA LTA BA DANG, MA 'ONGS PA LA MNGON PAR DGA' BA DANG, SBYIN GNAS LA BRNYAS PA DANG, MTHO RIS KYI LONGS SPYOD 'DOD PA DANG, GRAGS PA 'DOD PA'I SKYON DANG BCAS PA'I PHYIR DMAN PAR BSHAD DO, ,GZHAN YANG DRANG SRONG RGYAS PAS ZHUS PA'I MDO LAS, MA DAG PA'I SBYIN PA SUM CU RTZA GNYIS SPANGS TE DAG PA'I SBYIN PA KHYAD PAR CAN BSGRUB PAR GSUNGS TE, 'DI LTAR GTONG BA PO PHYIN CI LOG TU LTA ZHING MA DAD PAS SBYIN PA BYIN PA DANG, PHAN BTAGS PA'I LAN DU PHAN GDAGS PAR BYA BA'I PHYIR SBYIN PA DANG, DMAN PA SBYIN PA DANG, 'DOD PA'I RGYU'I PHYIR ME DANG ME LCE LA SBYIN PA DANG, CHU LA SBYIN PA DANG, BDAG YONGS SU SHES PAR BYA BA'I PHYIR RGYAL PO LA SBYIN PA DANG, 'JIGS PA'I PHYIR CHOM RKUN LA SOGS PA LA SBYIN PA DANG, DUG SBYIN PA DANG, MTSON CHA SBYIN PA DANG, SROG CHAGS BSAD DE SHA SBYIN PA DANG, BAG MED PA RNAMS LA CHANG SBYIN PA DANG, 'DI DAG BDAG GIR 'GYUR TE BDAG GI RIM GRO DANG MCHOD PAR 'GYUR RO, ,SNYAM NAS SEMS CAN BSDU BA DANG 'THOB PAR BYA BA'I PHYIR SBYIN PA DANG, BRJOD PA DANG SGRA DANG TSIGS SU BCAD PA'I PHYIR SBYIN PA DANG, GAR DANG GLU DANG BZHAD DANG RTZED MO DANG GTAM DANG DGA' BAR BYA BA'I PHYIR ROL MO MKHAN RNAMS LA SBYIN PA DANG, GZA' SKAR GYI MTSAN MA'I PHYIR SKAR MKHAN LA SBYIN PA DANG, GZHAN GYI NOR MDZA' BO LA SBYIN PA DANG, GZHAN GYI ZHING NGAM 'BRU'I PHUNG PO LA RI DVAGS DANG BYA ZA BA LA DGA' MGU SKYED PA DANG, BZO'I PHYIR SBYIN PA DANG, LUS MI BDE BAS 'JIGS PA'I PHYIR SMAN PA LA SBYIN PA DANG, SLONG BA LA SPYOS BRGYAD DE TSIG PA ZA BAR BYAS NAS SBYIN PA DANG, SBYIN PA'I RNAM SMIN GYI 'BRAS BU YOD DAM MED CES THE TSOM ZA ZHING SBYIN PA DANG, SBYIN PA BYIN NAS GDUNG BA DANG 'GYOD PAS GDUNG BA DANG, SBYIN PA BYIN NAS GANG BDAG LAS KHYER BA THAMS CAD KYIS TSE PHYI MA LA SLAR BDAG LA BYIN PAR 'GYUR RO, ,SNYAM DU SEMS BSKYED NAS SBYIN PA DANG, SBYIN PA'I BSOD NAMS KYI 'BRAS BU 'DI BDAG NYID KYIS SPYAD KYI SEMS CAN @461 GZHAN GANG LA'ANG 'BYUNG BAR MA GYUR CIG ,SNYAM DU SEMS BSKYED NAS SBYIN PA DANG, LANG TSO LA BAB PAS SBYIN PA DANG, RGAS PA DANG NA BA DANG 'CHI BA'I MYANG NA DU GYUR PA NA SANGS RGYAS PA LA DGA' BA DANG DAD PA MED PAR RTZA LAG RNAMS KYIS BYED DU BCUG STE SBYIN GNAS LA BYIN PA DANG, YUL GZHAN DU BDAG SBYIN BDAG TU GRAGS PAR 'GYUR RO SNYAM NAS GRAGS PA'I RGYUR SBYIN PA DANG, KHA ZAS GTONG MI PHOD PA LA 'JIG RTEN PA MI DGA' BAR MTHONG NAS SBYIN PHOD PA'I NYES PA NI 'JIG RTEN GYIS BZOD DO SNYAM STE SBYIN PA DANG, BUD MED SNYING DU SDUG STE CHUNG MAR BLANG BA'I 'BREL BA DANG PHYIR BYED PAR BYA BA'I DON DU BUD MED KYI GZHI LAS MDZA' BSHES DANG GNYEN 'DAB DANG 'BREL BA'I PHYOGS LA NOR BU DANG GSER DNGUL LA SOGS PA'I NOR BYIN NAS MGU BAR BYED PA DANG, 'DI LTAR BDAG LA NOR NI MANG DU YOD NA BDAG LA BU MED DE BDAG GIS GANG RIGS PA LA BTANG BAR BYA'O SNYAM STE SBYIN PA DANG, TSE 'DI LA BYIN PAS 'JIG RTEN PHA ROL TU RNYED PAR 'GYUR RO SNYAM PAS SBYIN PA DANG, GANG ME TOG DANG 'BRAS BU DANG ZANG ZING 'DOD PAS DBUL BA BKREN PA DANG SDUG PHONGS PA GOS DENGS SHING DRI MA CAN RNAMS BKOL TE BOR NAS PHYUG PO RGYA CHEN PO DAG LA SBYIN PA STE, DRANG SRONG CHEN PO RNAM PA SUM CU RTZA GNYIS PO 'DI DAG NI SBYIN PA BYIN YANG YONGS SU DAG PA MA YIN PAR LTA'O, ,(DE DAG TSIGS SU BCAD DE SMRAS PA, MA DANG BZHIN STER 1 PHAN BTAGS LAN DU STER 2, ,ME DANG CHU DANG RGYAL PO MGU PHYIR STER 3, ,'JIGS NAS STER 4 DANG DUG MTSON 5 BSAD 6 SHA STER 7, ,BAG MED PA LA CHANG STER 8 'KHOR BSDU'I PHYIR 9, ,RANG LA BSTAD PHYIR 10 GZA' SKAR MKHAN LA STER 11, ,ROL MO MKHAN STER 12 GZHAN NOR MDZA' LA STER 13, ,GZHAN GYI 'BRU NI BYA LA STER 14 BA DANG, ,BZO BO LA STER 15 NAD PHYIR SMAN PA DANG 16, ,SPYOS NAS STER 17 DANG RNAM PAR SMIN PA LA, ,THE TSOM ZA BZHIN STER 18 DANG BYIN RJES 'GYOD 19, ,'DI YIS PHYI NAS STER 'GYUR SNYAM NAS GTONG 20, ,RNAM SMIN RANG NYID KHO NAS SPYAD SNYAM STE 21, ,LANG TSO'I TSE 22 DANG RGAS TSE 23 NA BA'I TSE 24, ,'CHI BA'I TSE NI STER BAR BYED PA DANG 25, ,DAD PA MED BZHIN GZHAN GYIS BSKUL NAS STER 26, ,YUL GZHAN GRAGS PHYIR 27 GTONG PHONG BRTAN PHYIR STER 28, ,BUD MED PHYIR 29 DANG BU NI MED ZER STER 30, ,SKYE BA PHYI MAR RNYED PHYIR STER 31 BA DANG, ,DMAN PA BOR NAS PHYUG PO RNAMS LA STER 32, ,MA DAG SBYIN PA SUM CU RTZA GNYIS YIN ZHES BYA BA'O,,) DRANG SRONG CHEN PO DE DAG GI RNAM PAR SMIN PA NI TSVA SGO CAN GYI ZHING LA SA BON NGAN PA BTAB PA'I MYU GU NGAN PA SKYE BA BZHIN DU LTA STE, SBYIN PA DE'I RNAM PAR SMIN PA NI MED PA MA YIN MOD KYI 'ON KYANG ZHING DANG SA BON GYI NYES PAS ME TOG DANG 'BRAS BUR MI 'GYUR RO, DRANG SRONG CHEN PO 'DI LTA STE DPER NA SKYES @462 BU LA LA ZHIG GANG 'DOD PA'I SA BON KHYER TE MA RMOS MA BSAL BA'I ZHING LA BTAB NA, DE'I SA BON LA GNAS PA DE LA CHAR BA BAB NAS BANGS NA GDON MI ZA BAR MYU GU SKYE NUS PAR 'GYUR TE, 'ON KYANG ME TOG DANG 'BRAS BUR NI MI 'GYUR RO, ,DRANG SRONG CHEN PO DE BZHIN DU SBYIN PA DE'I RNAM PAR DBYE BA DE YANG BSAM PA DANG SBYOR BA KUN NAS NYON MONGS PA CAN DU GYUR PAS 'BRAS BU RNAM PAR SMIN PA GRUNG POR MI 'GYUR RO ZHES MA DAG PA'I SBYIN PA SUM CU RTZA GNYIS GSUNGS TE, 'DI LA KHA CIG ME DANG CHU DANG RGYAL PO LA SBYIN PA RNAMS GCIG TU BYAS TE, RGAS PA DANG, NA BA DANG, 'CHI BA'I TSE STER BA GSUM DANG, DAD PA MED BZHIN DU GZHAN GYIS BSKUL NAS STER BA GZHI RE RER BGRANGS NAS SMAN PA BYIN PA BOR, SUM CU RTZA GNYIS SU BYED MOD KYI 'ON KYANG DNGOS PO BZANG PO YOD BZHIN DU DMAN PA STER BA DANG ME DANG CHU DANG RGYAL PO LA SBYIN PA BZHI PO RE RE (LA STER BA) DANG, RGAS PA DANG NA BA DANG 'CHI BA'I TSE MA DAD KYANG GZHAN GYIS BSKUL NAS SBYIN PA GCIG TU BYAS NA MDO DANG MTHUN NO,, YANG DAG PA'I SBYIN PA'I DBANG DU MDZAD NAS DRANG SRONG CHEN PO GANG YANG 'JIG RTEN PHA ROL GYIS 'JIGS PAS SNOD LA MI RTOG PAR MA BLANGS PAR YANG TSUL KHRIMS DANG LDAN PA'AM, TSUL KHRIMS 'CHAL PA LA DAD PA BSKYED NAS, MIG PHYE STE SEMS CAN THAMS CAD LA MNYAM PA'I SEMS KYIS SBYIN PA BYIN NA DRANG SRONG CHEN PO DE NI SBYIN BDAG YIN NO ZHES PA DANG, GANG DAD PA BSKYED DE SEMS CAN THAMS CAD LA DMIGS SHING BYAMS PA DANG LDAN PA'I SEMS KYIS GUS PAR BYAS TE DUL BAS SBYIN PA BYIN PA DE THAMS CAD NI YONGS SU DAG PA YIN NO ZHES SBYIN BDAG GI KHYAD PAR DANG, CHOS SBYIN PA DANG, ZANG ZING SBYIN PA DANG, GNAS SBYIN PA DANG, MAR ME SBYIN PA DANG, SPOS DANG PHRENG BA SBYIN PA'O ZHES DNGOS PO'I KHYAD PAR RNAM PA LNGA SBYIN PA DANG, ZHING GI KHYAD PAR GYI DBANG DU MDZAD NAS 'GRON PO DANG, NAD PA DANG, NAD G-YOG DANG, CHOS SMRA BA DANG, YUL GZHAN DU 'GRO BA LA DUS SU SBYIN PA STE SBYIN PA LNGA YONGS SU RDZOGS PAR BYA'O ZHES PA DANG, DE BZHIN GSHEGS PA DANG, DGE 'DUN DANG, CHOS SMRA BA DANG, NAD PA DANG, PHA MA LA SBYIN PA BYIN NA SBYIN PA BLA NA MED PA YIN NO ZHES SBYIN PA BLA NA MED PA LNGA DANG, RGYAL PO RGYAL SRID KYI DBANG PHYUG LAS NYAMS PA DANG, RGYAL POS MNAR BA DANG, MGON MED PA DANG, NAD PA LA SBYIN PA DANG, RGYAL POS SPANGS NAS NYAM NGA ZHING SROG CHAD LA THUG PA LAS GSOS PA DANG, NA BA LA SMAN SBYIN PA DANG, TSUL KHRIMS DANG TING NGE 'DZIN DANG SHES RAB DANG, RNAM PAR GROL PA'I YE SHES MTHONG BA PHUN SUM TSOGS PA'I DGE 'DUN LA DUS SU BYIN PA DANG, DUD 'GRO'I @463 SKYE GNAS SU SONG BA BYA ROG DANG 'UG PA DANG RI DVAGS LA SOGS PA LA MI 'JIGS PA SBYIN PA DANG, GANG LA GANG DGOS PA DANG MI BDOG PA DE'I BSAM PA YONGS SU RDZOGS PAR BYED PA NI SBYIN PA CHEN PO YIN NO ZHES SBYIN PA CHEN PO DGU DANG, SEMS CAN GANG DAG GZHAN DAG GIS DE LTAR BSKUL NA DAD PA DANG DANG BA BSKYED DE SBYIN PA YONGS SU DAG PA 'DI LA RJES SU YI RANG BAR 'GYUR BA DE DAG MTSUNGS PAR BSOD NAMS SKYED PA PO DANG SBYIN BDAG TU 'GYUR TE, DE LTAR NA GANG RJES SU YI RANG BA DANG, GANG BSKUL BA DE DAG THAMS CAD BSOD NAMS SKYED PA POR MTSUNGS PAR 'GYUR RO ZHES BSKUL BA DANG RJES SU YI RANG BSGOMS PAS KYANG BSOD NAMS MNYAM PAR 'THOB PAR GSUNGS SHING, GZHAN YANG DE NYID LAS, DRANG SRONG CHEN PO 'DI LA GTONG BA POS SBYIN PA'I DNGOS PO YONGS SU BTANG STE, DAD PA BSKYED NAS GZHAN BYED DU BCUG STE RANG NYID YUL GZHAN DU SONG NAS BYED DU BCUG PA DES KYANG NOR RNAMS RNAM PAR GTONG BAR BYED NA NOR GANG GI YIN PA DE NI SBYIN BDAG YIN NO, ,BYED DU BCUG PAS BYIN PA NI GTONG BA PO YIN GYI SBYIN BDAG MA YIN NO, ,GANG RANG GI DNGOS PO BDAG NYID KYIS SBYIN PA DE NI GTONG BA PO'ANG YIN LA SBYIN BDAG KYANG YIN NO ZHES SBYIN BDAG DANG GTONG BA PO LA MU BZHIR 'GYUR BAR GSUNGS SO, ,BYANG SA LAS NI, RNAM PAR DAG PA'I SBYIN PA BCU BSHAD DE, SLONG BA PO 'ONGS MA THAG TU MI 'GYANG BAR STER BAS THOGS PA MED PA'I SBYIN PA DANG, LOG LTA DANG 'JIG RTEN DANG 'JIG RTEN LAS 'DAS PA'I RGYUR MCHOG TU MI 'DZIN PAS MCHOG TU 'DZIN PA MED PA'I SBYIN PA DANG, SLONG BA NA GANG YOD PA STER GYI YUN RING POR BSAGS NAS DUS GCIG LA MI SBYIN PAS BSAGS PA MED PA'I SBYIN PA DANG, SLONG MO BA LA DMA' BA'I BSAM PA DANG GZHAN LA 'GRAN PA BDAG LA BSTOD CING GZHAN LA SMOD PA'I BSAM PA RLOM SEMS SPANGS PAS KHENGS PA MED PA'I SBYIN PA DANG, GRAGS PA NI RNAM RTOG LAS BYUNG BA DANG, SGRA TZAM DANG 'BREL PA DANG LO MA SKAM PO LTA BU YIN PAS GRAGS PA DANG SGRA DANG TSIGS SU BCAD PA'I PHYIR MI SBYIN PAS MI RTEN PA'I SBYIN PA DANG, SBYOR BA YID DGA' ZHING DNGOS GZHI SBYIN PA NA SEMS DANG LA RJES BYIN NAS MI 'GYOD PA DANG SBYIN PA RGYA CHEN PO MI NUS SO ZHES BDAG NYID KHYAD DU GSOD PA DANG ZHUM PA MED PAS ZHUM PA MED PA'I SBYIN PA DANG, DNGOS PO NGAN NYUNG MI STER GYI BZANG MANG GDAM NAS STER BAS NGAN PA MA YIN PA'I SBYIN PA DANG, MDZA' BSHES DANG DGRA BO DANG THA MAL PA GSUM DU MI 'BYED PAR THAMS CAD LA SNYING RJES SNYOMS PAR STER BAS RGYAB KYIS PHYOGS PA MED PA'I SBYIN PA DANG, SNYING RJE KHO NAS STER GYI TSE 'DIR PHA ROL GYI LAN LA RE BA MED PAS LAN LA MI LTA BA'I SBYIN PA DANG, @464 'DUS BYAS THAMS CAD MI RTAG PAS SNYING PO MED PAS PHYI MA'I LUS DANG LONGS SPYOD PHUN SUM TSOGS PA LA MI RE BAS RNAM PAR SMIN PA LA MI LTA BA'I SBYIN PA ZHES BYA BA'O, ,GZHAN YANG SPYIR BTANG GI DBANG DU MDZAD NAS SLONG MO BA DANG MI MTHUN PA SDOM BRTZON GTZANG SBRA CAN RNAMS LA ZAS SKOM LHAG MAR GYUR PA DANG BSHANG GCI LA SOGS PAS 'BAGS PA DANG, ZHAG LON PA'I KHENGS PA RNAMS 'DI DAG 'DI LTAR YIN NO ZHES GO BAR MA BYAS PAR STER BA DANG, DE BZHIN DU SGOG BTZONG DANG SHA CHANG LONGS MI SPYOD PA RNAMS LA DE DAG STER BA RNAMS BKAG LA, DMIGS BSAL GZHAN LA DNGOS DANG BRGYUD NAS PHAN NA DUG DANG ME DANG MTSON DANG CHANG YANG SBYIN PAR BSHAD LA, RIN PO CHE'I PHRENG BA LAS KYANG, GANG LA DUG NI PHAN GYUR PA, DE LA DUG KYANG SBYIN PAR BYA ZHES BSHAD DO, ,GZHAN YANG BYANG SA LS, BDAG 'BA' ZHIG GIS BYAS PA GANG YIN PA DE NI BSOD NAMS KYI 'BRAS BU CHE BA YIN NO, ,GZHAN 'BA' ZHIG BYED DU BCUG PA GANG YIN PA DE NI BSOD NAMS KYI 'BRAS BU CHES CHE BA YIN NO, ,THUN MONG GANG YIN PA DE NI BSOD NAMS KYI 'BRAS BU SHIN TU CHES CHE BA YIN TE GONG NA MED PAR RIG PAR BYA'O ZHES RANG KHO NAS BYAS PA DANG, GZHAN KHO NA BYED DU BCUG PA DANG, RANG GZHAN GNYIS KAS BYAS SHING BYED DU BCUG PA RNAMS SNGA MA SNGA MA BAS PHYI MA PHYI MA BSOD NAMS CHE BAR BSHAD DO, ,MDO LS, 'PHAGS PA RGYUN DU ZHUGS PA'I 'BRAS BU LA ZHUGS PA DANG GNAS PA LA SBYIN PA BYIN NA RIM PA LTAR GZHAL DU MED PA DANG CHES GZHAL DU MED PAR GSUNGS MOD KYI DER MA ZAD GZHAN YANG 'PHAGS PA MIN YANG (PHAN 'DOGS PA'I ZHING,) PHA MA DANG (SDUG BSNGAL GYI ZHING,) NAD PA DANG CHOS SMRA BA DANG SKYE MTHA'I BYANG CHUB SEMS DPA' RNAMS LA SBYIN PA BYIN PA'I YON NI BSOD NAMS GZHAL DU MED PA YIN TE, LEGS NYES KYI RGYU DANG 'BRAS BU BSTAN PA'I MDO LAS, GZHAN YANG GANG ZAG RNAM PA GSUM LA SBYIN PA BTANG NA RNAM PAR SMIN PA'I 'BRAS BU YONGS SU GTUGS PAR MI 'GYUR TE, DE BZHIN GSHEGS PA DANG, PHA MA DANG, NAD PA RNAMS SO ZHES DE BZHIN GSHEGS PA DANG BSOD NAMS MNYAM PAR GSUNGS PA'I PHYIR RO,, DE YANG SA STON SDE PA NI SANGS RGYAS DGE 'DUN GYI NANG DU GTOGS PAS SANGS RGYAS LA PHUL PA BAS KYANG DGE 'DUN LA PHUL BA 'BRAS BU CHE BAR 'DOD LA, CHOS SRUNG SDE PA NI SANGS RGYAS DGE 'DUN GYI NANG DU MA GTOGS PAS DGE 'DUN LA PHUL BA BAS KYANG SANGS RGYAS LA PHUL BA 'BRAS BU LHAG PAR CHE BAR 'DOD DO ZHES SDE PA THA DAD PA BKLAG PA'I 'KHOR LO LAS BSHAD DO, ,DE LA SKYE BA THA MA PA NI SRID PA THA MA PA STE SKYE BA DE NYID LA 'TSANG RGYA BA'O, ,DE NI BYE BRAG TU SMRA BA SO SO'I SKYE BOR 'DOD DO, ,CHOS SMRA BA PA NI @465 CHOS KYI SBYIN PAS SEMS CAN RNAMS LA PHAN 'DOGS PA'I PHYIR ZHING MCHOG TU GYUR PA YIN TE, 'GREL PA LAS CHOS SMRA BA ZHING GI KHYAD PAR RNAM PA BZHI PO'I PHYOGS GONG DU GTOGS PAR BYA ZHE NA, PHAN 'DOGS PA'I PHYOGS SU GTOGS TE, DE NI SKYE DGU MA RIG PAS LDONGS PA RNAMS LA SHES RAB KYI MIG SBYIN PAR BYED PA DANG, MTHUN PA DANG MI MTHUN PA RAB TU STON PAR BYED PA DANG, CHOS KYI SKU ZAG PA MED PA MNGON PAR 'GRUB PAR BYED PA DANG, MDOR NA SANGS RGYAS KYI MDZAD PA THAMS CAD BYED PA YIN PAS DGE BA'I BSHES GNYEN CHEN PO YIN NO ZHES PA DANG, LEGS NYES KYI RGYU DANG 'BRAS BU BSTAN PA'I MDO LAS KYANG, GANG GIS THEG PA CHEN PO'I DE BZHIN GSHEGS PA'I GSANG BA'I SNYING PO 'KHOR MANG PO LA YANG DAG PAR BSGRAGS NAS SEMS CAN GYI MIG 'BYED PA'I CHOS SMRA BA LA SBYIN PA BTANG NA RNAM PAR SMIN PA'I 'BRAS BU TSAD MED PA SNYED 'THOB PAR 'GYUR RO ZHES GSUNGS PA'I PHYIR RO, ,GZHAN DAG NI SHES PAR SLA'O,, ZHAR LA LAS LCI BA DANG YANG BA BSHAD PA LA MJUG TU BYED PAS CHE BA NI LAS KYI LAM DNGOS KYI RJES LA RGYUN DU BYED PA DANG, ZHING GIS CHE BA NI PHAN 'DOGS PA DANG YON TAN GYI ZHING LA SOGS PA LA PHAN GNOD BYED PA LTA BU DANG, GZHIS CHE BA NI LUS KYI LAS LA SROG GCOD PA DANG, NGAG GI LAS LA RDZUN DANG, YID KYI LAS LA LOG LTA CHE BA LA SOGS PA DANG, SROG GCOD PA LA'ANG CHEN PO NI DGRA BCOM PA GSOD PA LA SOGS PA STE MNAR MED DU 'GRO BAS SO, ,'BRING NI LAM LA GNAS PA BSAD PA'O, ,THA MA NI DUD 'GRO DANG TSUL KHRIMS 'CHAL PA BSAD PA'O ZHES DRAN PA NYER GZHAG LAS 'BYUNG BA'AM, RNAM PAR GTAN LA DBAB PA BSDU BA LAS, DUD 'GRO BONGS CHEN PO GSOD PA DANG, MI'AM MIR CHAGS PA'AM PHA MA'AM PHU NU'AM BLA MA LTA BU'AM YID GCUGS PA'AM SLOB PA'AM BYANG CHUB SEMS DPA' 'AM DGRA BCOM PA'AM, RANG SANGS RGYAS SAM DE BZHIN GSHEGS PA LA GSOD PA'I BSAM PAS NGAN SEMS KYIS KHRAG 'BYIN PA RNAMS NI GZHI LAS LCI BA YIN NO, ,ZHES 'BYUNG BA LTA BU DANG, SBYOR BAS CHE BA NI LUS NGAG GIS DNGOS SU SBYOR BA DANG, RNAM PAR GTAN LA DBAB PA BSDU BA LAS, BYED PAR 'GYUR BA DANG BYED PA DANG BYAS PA LA SEMS RANGS SHING DGA' BA DANG, RANG YANG BYED LA GZHAN YANG DE LA 'GOD CING DE'I BSNGAGS PA BRJOD PA DANG, CHOS MTHUN PA MTHONG NA YID DGA' BA DANG, YUN RING PO NAS BSAM ZHING BYED PA DANG, RTAG TU BYED PA DANG, GUS PAR BYED PA DANG, LAN CIG LA'ANG MANG PO GSOD PA DANG, NYON MONGS PAS GSHIS NGAN DU GSOD PA DANG, BSDIGS NAS BYA BA MA YIN PA BYED DU @466 BCUG NAS GSOD PA DANG, ZHAN PA DANG SDUG BSNGAL BA DANG BKRES SKOM GYIS NYAMS THAG PAR SMRA BA DANG SNYING RJE BAR SMRE SNGAGS 'DON BZHIN DU GSOD PA RNAMS NI SBYOR BA'I SGO NAS LCI BAR BSHAD PA LTA BU DANG, SEMS PAS CHE BA NI RDZOGS PAR BYED PA'I ('AM MTHAR PHYIN PAR BYED) SEMS PA CHE BA DANG, BSAM PAS CHE BA NI KUN SLONG GI BSAM PA CHE BA STE, DE LTAR NA MJUG LA SOGS PA DRUG PO DE DAG CHUNG BA DANG CHE BA LAS KYANG CHUNG BA DANG CHE BAR 'GYUR BA NYID DO, ,GAL TE RNAM PA DRUG KA TSANG NA SHIN TU LCI BA'I LAS YIN PAR SHES PAR BYA'O, ,GZHI BSDU BA LAS NI, LAS LCI BA NI RNAM PA GSUM STE, KUN NAS DKRIS PA DRAG POS BYED PA DANG CHOS MTHUN PA MTHONG NA RAB TU DGA' BA DANG DE'I 'OG TU SHES RJES SU RTOG CING RJES SU DPYOD PA BSAM PA'I SGO NS DANG, RGYUN DU BYAS SHING BSAGS PA DANG GZHAN DAG KYANG DE LA 'JUD CINNG BSNGAGS PA BRJOD PA SBYOR BA'I SGO NAS DANG, PHAN 'DOGS PA DANG YANG DAG PAR ZHUGS PA DANG NAN TAN DU SGRUB PA LA PHAN GNOD BYAS PA NI ZHING GI SGO NAS LCI BA'O ZHES BSHAD DO,, DE NYID KYI PHYIR DRAN PA NYER GZHAG LAS KYANG RGYAL PO'I CHAD PAS NYEN PA DANG, BLA MA DANG, NAD PA DANG, RANG RGYAL DANG RGYUN DU ZHUGS PA LA SOGS PA DANG, LTOGS PA'I DON DU MA BYIN PAR BLANGS PA 'DI NI 'BRAS BU CHUNG LA, DE BZHIN DU MA BYIN PAR LEN PA'I SDOM PA MA BLANGS PAS MA BYIN PAR LAN PA DANG, BYAS NAS 'GYOD CING 'CHAGS LA PHYIS MI BYED PA DANG, LAS KYI NYR BSDOGS DANG MJUG MA TSANG BA NI CHUNG STE MYONG BAR 'GYUR BAR MA NGES PA YIN NO ZHES GSUNGS SO, ,SPYOD 'JUG LAS NI, RTAG BAR MNGON PAR ZHEN GYIS BSLANG BA'AM, ,GNYEN PO YIS NI BSLANG BA NYID, ,YON TAN DANG NI PHAN 'DOGS SHING, ,SDUG BSNGAL CAN LA DGE CHEN 'GYUR ZHES DUS DANG KUN SLONG DANG NI MI MTHUN PHYOGS SPANGS PA DANG ZHING GI SGO NAS LAS CHE BAR 'GYUR BA BZHI BSHAD CING, BSHES SPRING LAS NI, RTAG DANG MNGON PAR ZHEN DANG GNYEN PO MED, ,YON TAN GTZO LDAN GZHI LAS BYUNG BA'I LAS, ,DGE DANG MI DGE RNAM LNGA CHEN PO STE, ,DE LAS DGE BA SPYOD LA BRTZON PAR MDZOD CES BZHI PO'I STENG DU GZHI LUS SEMS DAR LA BAB CING STOBS LDAN GYIS BYAS NA CHE BA DANG LNGA BSHAD LA, KUN LAS BTUS LAS NI GANG ZAG GNYEN PO STOBS LDAN GYIS DMYAL BA LA SOGS PAR SKYES NAS MYONG 'GYUR MTHONG CHOS SU 'DREN PA DANG MTHONG CHOS LA MYONG 'GYUR MYONG BAR MI 'GYUR BAR BYED PAS GNYEN PO STOBS LDAN DANG, RTZA BA'I NYON RMONGS PA DANG NYE BA'I NYON MONGS PA'I 'KHOR MANG BAS 'DOD KHAMS PA'I DGE BA BAS MI DGE BA STOBS CHE BA DANG, MA GOMS PA BAS GOMS PA STOBS CHE BA DANG, GNAS LA GNAS PA ZHES BYA BA LUS SEMS DAR @467 LA BAB PAS BYAS NA GZHON NU DANG RGAN POS BYAS PA BA STOBS CHE BA DANG, RIGS CHAD PA'I GANG ZAG GIS BYAS PA'I MI DGE BA NI RIGS LDAN GYIS BYAS PA BAS STOBS CHE BA DANG, DKON MCHOG GSUM DANG PHA MA LA SOGS PA'I ZHING KHYAD PAR CAN GYI SGO NAS STOBS DANG LDAN PA DANG, KUN SLONG THEG PA GSUM DU SEMS BSKYED BYAS PA LA SOGS PA'I SEMS KYI MNGON PAR 'DU BYED PA DRAG POS BYAS PA STOBS CHE BA DANG, GZHAN YANG RNAM PA DGUS STOBS DANG LDAN PA'I LAS SU RIG PAR BYA STE, ZHING DANG, DNGOS PO DANG, NGO BO NYID DANG, GZHI PO DANG, YID LA BYED PA DANG, BSAM PA DANG, GROGS DANG, LAN MANG DU BYED PA DANG, SKYE BO MANG POS KYANG STOBS DANG LDAN PA STE ZHES BSHAD DE, DE LA ZHING NI TSUL KHRIMS DANG MI LDAN PA BAS LDAN PA LA STOBS CHE BA DANG, DNGOS PO NI NGAN NYUNG BAS BZANG MANG BYIN NA STOBS CHE BA DANG, NGO BO NYID NI BSOD NAMS BYA BA'I GZHI GSUM DANG PHAR PHYIN DRUG LA SOGS PA SNGA MA BAS PHYI MA NGO BO NYID KYIS STOBS CHE BA DANG, GZHI PO NI GANG ZAG CHAGS BCAS KYIS BYAS PA BAS CHAGS BRAL GYIS BYAS PA STOBS CHE BA DANG, YID LA BYED PA NI YID LA BYED PA THA MAL PAS BYAS PA BAS RAB TU DANG BA'AM NYON MONGS PA DRAG POS BYAS PA STOBS CHE BA DANG, BSAM PA NI 'KHOR BA RGYU 'BRAS KYI CHED DU BYAS PA BAS THAR PA RGYU 'BRAS KYI CHED DU BYAS PA STOBS CHE BA DANG, GROGS NI SBYIN PA GCIG PU BAS TSUL KHRIMS LA SOGS PA'I GROGS DANG BCAS PA'AM YANG NA GROGS RJES SU YI RANG DANG BCAS NA STOBS CHE BA DANG, LAN MANG DU BYED PA NI LAN CIG BYED PA BAS STOBS CHE BA DANG, SKYE BO MANG POS BYAS PA NI RANG GCIG PUS BYAS PA BAS RANG GIS KYANG BYAS GZHAN DAG KYANG BYED DU BCUG NA STOBS CHE BA'O, ,KHA CIG NI DE MANG PO 'DUS NAS BYAS PA LA 'DOD DO, ,DE DAG LAS BZLOG PA NI STOBS DANG MI LDAN PA'I LAS SO ZHES BSHAD DO, ,YANG MDO LAS, LAS BYAS LA BSAGS PA DANG BYAS LA BSAGS PA MA YIN PA ZHES BYA BA GSUNGS PA LA BLO SNGON DU MA GTANG BA DANG BAB COL DU BYAS PA MA YIN PAR 'DI NGES PAR BYA'O SNYAM DU CHED DU BSAM BZHIN BYAS PA DANG, LAS KYI YAN LAG (GANG GIS SKYE BA 'GRUB PAR 'GYUR BA STE,) RDZOGS PAR BYAS PA DANG, BYAS PA LA PHYIS MI 'GYOD PA DANG, 'CHAGS PA SOGS, LAS DE LA GNOD BYED KYI GNYEN PO MED PA DANG, RJES SU YI RANG SOGS, 'KHOR DANG BCAS PA DANG, RNAM PAR SMIN PA MYONG BAR NGES PA ZHES BYA BA DRUG LAS NI BYAS LA BSAGS PA'I LAS ZHES BYA BA YIN LA, LAS GZHAN DAG NI BYAS LA BSAGS PA MA YIN PA'I LAS ZHES BYA'O, ,DE BZHIN DU BSAGS LA MA BYAS PA DANG, GNYIS KA MA YIN @468 PA'ANG SHES PAR BYA'O, ,DE LA RDZOGS PA NI LAS KHA CIG NI NYES PAR SPYAD PA DANG LEGS PAR SPYAD PA GCIG GIS NGAN 'GRO DANG BDE 'GROR 'GRO LA, KHA CIG NI LUS DANG NGAG DANG YID GSUM GYI LAS BCU CHAR GYIS NGAN 'GRO DANG BDE 'GROR 'GRO BA YOD DO, ,DE'I LAS DAG RDZOGS PAR BYAS PA'O, ,GNYEN PO MED PA NI LOG LTA DANG 'GYOD PA LA SOGS PA DANG BSHAGS PA DANG BSDAM PA LA SOGS PA MED PA'O, ,RNAM PAR GTAN LA DBAB PA BSDU BA LAS, GNYEN PO MED PA NI SROG GCOD LA SOGS PA'I MI DGE BA BYED LA, BSLAB PA'I GNAS 'GA' YANG MI LEN PA DANG, TSES BRGYAD DANG BCU BZHI DANG BCO LNGA LA BSNYEN GNAS LA GNAS PAR MI BYED PA DANG, DUS DUS SU SBYIN PA DANG BSOD NAMS DANG MNGON DU SMRA BA DANG PHYAG 'TSAL BA DANG LDANG BA DANG THAL MO SBYOR BA DANG 'DUD PA LA SOGS PA MI BYED PA DANG, DUS DUS SU NGO TSA KHREL YOD DANG 'GYOD PA SHAS CHEN PO MI 'THOB PA DANG, 'JIG RTEN PA'I 'DOD CHAGS DANG BRAL BA DANG, CHOS MNGON PAR RTOGS PA LA MI RIG PA'O ZHES BSHAD DO, ,'KHOR NI DGE BA'I LAS LA NI 'KHOR YANG DGE BA DANG, MI DGE BA'I LAS LA NI 'KHOR YANG MI DGE BA STE GANG ZHIG BYAS NAS RJES SU YI RANG BYED PA'O ZHES t'I KAR BSHAD MOD KYI 'DIR 'KHOR NI SBYOR BA DANG MJUG GNYIS KA YIN NO, ,GZHAN DAG NI SHES PAR SLA'O,, GZHI BSDU BA LAS NI MI SHES BZHIN DU BYAS PA DANG, RMI LAM DU BYAS PA DANG, MA BSGRIBS LUNG MA BSTAN DANG, MI DGE BA LA 'GYOD PA DANG, GNYEN POS ZIN PA DANG, RGYUD DAG PAR BYAS PA'I LAS NI MA BSAGS PA'O ZHES BSHAD DO, ,DE BZHIN DU LAS RNAM PAR 'BYED PA'I MDO LAS KYANG, BYAS LA MA BSAGS PA'I LAS GANG ZHE NA, LAS GANG BYAS NAS NGO TSA BA DANG 'DZEM PA DANG 'GYOD PA DANG SMOD PA DANG MTHOL BA DANG 'DOR BA DANG SPONG BA DANG MA 'ONGS PA NA SDOM PAR BYED PA'O, , BSAGS LA MA BYAS PA'I LAS GANG ZHE NA, LAS GANG LUS KYIS YONGS SU RDZOGS PAR BYA BA DE SEMS KYIS YONGS SU RDZOGS PAR BYAS SHING TSIG TU'ANG LS 'DI BYA'O ZHES SMRAS LA LAS DE MA BYAS PA'O, ,BYAS LA BSAGS PA'I LAS GANG ZHE NA, LAS GANG BYAS NAS NGO MI TSA BA NAS MA 'ONGS PA NA MI SDOM PA'I BAR RO, , MA BYAS LA MA BSAGS PA'I LAS GANG ZHE NA, LAS GANG CHED DU MA BSAMS PAR BYAS PA'O ZHES PA DANG, DE BZHIN DU LAS GANG SEMS CAN DMYAL BA'I TSE YONGS SU RDZOGS PAR BYAS NAS 'CHI BA'I LAS GANG ZHE NA, 'GA' ZHIG DMYAL BAR SKYE BA'I LAS BYAS SHING BSAGS NAS DES NGO MI TSA BA NAS MA 'ONGS PA NA MI SDOM PA'I BAR TE DPER NA LHAS BYIN LTA BU'O, ,SEMS CAN DMYAL BA'I TSE PHYED ZAD NAS 'CHI BA'I LAS GANG @469 ZHE NA, 'GA' ZHIG GIS DMYAL BAR SKYE BA'I LAS BYAS NAS NGO TSA BA NAS MA 'ONGS PA NA SDOM PAR BYED PA'I BANG RO, ,SEMS CAN DMYAL BAR SKYES MA THAG TU 'CHI BA'I LAS GANG ZHE NA, 'GA' ZHIG GIS DMYAL BAR SKYE BA'I LAS BYAS SHING BSAGS NAS DES NGO TSA BA NAS SDOM PA'I BAR DU BYED CING SHIN TU YID LA GCAGS PA YIN YANG DES LAS DE SEL BAR MI NUS PA STE DPER NA RGYAL PO MA SKYES DGRAS PHA BSAD PA LTA BU'O ZHES GSUNGS SO, ,DE'I PHYIR NYAN THOS SDE PA LTAR NA 'GYOD PA DANG BSHAD PA DANG PHYIS MI BYED PAR BSDAM PA BYAS KYANG SDIG PA RTZA BA NAS DAG PAR MI 'DOD DE, DE NYID LAS, SHIN TU MI BZAD LAS RNAMS BYAS PA NI, ,BDAG LA SMOD DANG RAB TU BSHAGS PA DANG, ,SDOM PAR BYED PAS DE DAG BSRABS 'GYUR GYI, ,SHIN TU RTZA NAS PHYIN CES MI SMRA'O ZHES GSUNGS SO, ,DE'I RGYU MTSAN NI GNYEN PO STOBS BZHI MA TSANG BA'I PHYIR RO ZHES DAM PA RNAMS GSUNG NGO, ,GZHAN YANG DE NYID LAS, SNGAR BDE LA PHYIS SDUG BSNGAL BAR 'GYUR BA'I LAS GANG ZHE NA, 'GA' ZHIG SBYIN PA BYIN PA NA YID RAB TU DGA' ZHING YID BDE BA SKYES LA, BYIN NAS PHYIS 'GYOD PA YIN TE, DE NI TSE STOD LA BDE BAR SPYOD LA PHYIS LONGS SPYOD NYAMS SHING ZAD PAS SDUG BSNGAL DU 'GYUR BA'O, ,SNGAR SDUG BSNGAL LA PHYIS BDE BAR 'GYUR BA'I LAS GANG ZHE NA, SBYIN PA SBYIN PA NA SDUG BSNGAL BAR 'JUG CING SBYIN PA BYIN NAS MI 'GYOD PAR DGA' BA DANG YID BDE BA STE, DE NI MI RNAMS KYI NANG DU SKYES PA NA SNGAR DBUL LA PHYIS LONGS SPYOD 'PHEL NAS BDE BA'O, ,SNGAR YANG BDE LA PHYIS KYANG BDE BA'I LAS GANG ZHE NA, SBYIN PA SBYIN PA NA DE YID DGA' BZHIN DU BYIN LA BYIN NAS KYANG MI 'GYOD PA'O, ,SNGAR YANG SDUG BSNGAL LA PHYIS KYANG SDUG BSNGAL BAR 'GYUR BA'I LAS GANG ZHE NA, DGE BA'I BSHES GNYEN DANG BRAL BAS SBYIN PA CUNG ZAD KYANG MA BYIN ZHING SDIG PA'ANG CUNG ZAD KYANG MA BYAS PA'O, ,YANG PHYUG POR GYUR LA GTONG BA DANG LDAN PA'I LAS GANG ZHE NA, ZHING BZANG PO LA SBYIN PA DPAG TU MED PA BYIN PA'O, ,PHYUG LA SER SNA CAN DU 'GYUR BA'I LAS GANG ZHE NA ZHING BZANG PO LA SBYIN PA CUNG ZAD TZAM BYIN PA STE, DES ZHING BZANG PO LA PHUL BAS NI SKYID PAR GYUR LA, GTONG BA LA GOMS PAR MA BYAS PAS NI SER SNA CAN DU GYUR TO, ,DBUL LA GTONG BA DANG LDAN PA'I LAS GANG ZHE NA, ZHING NGAN PA LA SBYIN PA MANG DU BYIN PA YIN TE, DE'I BSOD NAMS ZAD PAS NI DBUL POR GYUR LA SNGON GOMS PAR BYAS PAS NI GTONG PHOD PAR GYUR TO, , DBUL LA SER SNA CAN DU 'GYUR BA'I LAS GANG ZHE NA, SNGON DGE BA'I BSHES GNYEN DANG BRAL BAS SBYIN PA CUNG ZAD KYANG MA BTANG BA'I ZHES 'BYUNG NGO, ,GZHAN YANG KUN LAS BTUS LAS, THUN MONG DANG @470 THUN MONG MA YIN PA'I LAS GNYIS KYANG BSHAD DE, DE LA DANG PO NI SNOD KYI 'JIG RTEN 'GRUB PAR BYED PA YIN LA, GNYIS PA NI SEMS CAN GYI 'JIG RTEN 'GRUB PAR BYED PA'O, ,DE BZHIN DU BSAM GYIS MI KHYAB PA DANG MI KHYAB PA'I LAS GNYIS KYANG BSHAD DE, DE LA DANG PO NI LAS DGE BA ZAG BCAS KYIS BDE 'GRO 'THOB PA DANG, MI DGE BAS NGAN SONG GSUM DU SKYE BA LA SOGS PA'O, ,GNYIS PA NI LAS 'DI KHO NAS SEMS CAN GYI LUS SNA TSOGS SU 'GRUB PA DANG, PHYI'I DNGOS PO SNA TSOGS 'GRUB BO ZHES PA DANG, NOR BU DANG SNGAGS DANG SMAN GYI NUB PA DANG, 'KHYUD SPYAD KYI LAS DANG RNAL 'BYOR PA RNAMS KYI MTHA'I LAS DANG, BYANG CHUB SEMS DPA' RNAMS KYI DBANG GI LAS DANG, SANGS RGYAS RNAMS KYI MDZAD PA SGRUB PA'I 'PHRIN LAS RNAMS TE, DE DAG NI PHAL CHER SANGS RGYAS MA GTOGS PAS BSAM PAR MI NUS PA'I PHYIR RO, , PHAL CHEN SDE'I BYE BRAG SHAR NUB KYI RI BO'I SDE PA LA SOGS PA NA RE 'DOD CHAGS DANG BCAS PAS MCHOD RTEN LA PHUL NA DE BDAG GI DON GYI PHYIR SBYIN PA YIN NO ZHES PA NI MI RIGS TE, MCHOD RTEN LA PHUL BA LA BSOD NAMS 'BYUNG BAR GA LA 'GYUR TE, LEN PA DANG LONGS SPYOD PA MED PA'I PHYIR RO ZHES ZER BA NI MI RIGS TE, DE DAG LA LEN PA DANG LONGS SPYAD PA LAS BYUNG BA'I BSOD NAMS MED KYANG (SEMS KYI MTHUS,) MCHOD RTEN LA BTANG BA'I RGYU LAS BYUNG BA'I BSOD NAMS 'BYUNG STE, DPER NA SEMS CAN THAMS CAD BDE BAR GYUR CIG SNYAM PA SOGS PA'I BYAMS PA TSAD MED PA LA SOGS PA DANG, YANG DAG PA'I LTA BA SGOM PA LA LEN PA DANG GZHAN LA DNGOS SU PHAN PA MED KYANG RANG GI SEMS KYI MTHUS BSOD NAMS TSAD MED PA 'BYUNG BA BZHIN NO, ,DE'I PHYIR SBYIN PA LAS BYUNG BA LA NI BSOD NAMS GNYIS TE, LONGS SPYAD PA LAS BYUNG BA DANG, BTANG BA'I RGYU LAS BYUNG BA'O, ,DE LA MCHOD RTEN LA PHUL BA LA SOGS PA LA NI BTANG BA'I RGYU LAS BYUNG BA'I BSOD NAMS GCIG PU YOD DO, ,'DOD CHAGS DANG BCAS PA'I 'DOD CHAGS DANG BRAL BA'I 'PHAGS PA 'DOD PA'I KHAMS SU SKYES PA LA BYIN PA LA NI GNYIS KA YOD DO, ,GAL TE PHAN 'DOGS PA LA SOGS PA'I ZHING BZANG PO LA BYIN PA'I 'BRAS BU NI RNAM SMIN YID DU 'ONG BAR RIGS NA DUD 'GRO LA SOGS PA ZHING NGAN PA LA BYIN PAS NI RNAM SMIN YID DU 'ONG BAR MI 'GYUR RO ZHE NA, RGYU DGE BA LAS 'BRAS BU RNAM SMAN YID DU 'ONG BA 'BYUNG BA NI THAMS CAD DU MI 'KHRUL BA'I PHYIR NGAN PA'I ZHING LA BYIN PA LA'ANG RNAM PAR SMIN PA'I 'BRAS BU NI YID DU 'ONG BA KHO NA 'BYUNG BA YIN NO, ,'ON KYANG ZHING NGAN PA'I STOBS KYIS RNAM SMIN CHUNG BA'AM MED PAR 'GYUR TE ZHING NGAN PA LA BTAB @471 PA'I 'BRAS BU DUS SU MI SMIN PA DANG CHUNG BA LA SOGS PAR 'GYUR BA BZHIN NO, ,DE DAG GIS NI SBYIN PA LAS BYUNG BA'I BSOD NAMS BYA BA'I GZHI BSHAD ZIN TO, , TSUL KHRIMS LAS BYUNG BA'I BSOD NAMS BYA BA'I GZHI BSHAD PA LA 'CHAL BA'I TSUL KHRIMS NI MI DGE BA'I RIG BYED DANG RIG BYED MA YIN PA'I GZUGS TE (SROG GCOD SOGS LUS NGAG GI LAS DANG,) SDOM PA MA YIN PA YIN LA, 'CHAL BA'I TSUL KHRIMS DE SPONG BAR BYED PA'I TSUL KHRIMS NI TSUL KHRIMS LAS BYUNG BA'I DGE BA YIN NO, ,TSUL KHRIMS DE YANG SPANGS BYA RIG BYED DANG RIG BYED MA YIN PA GNYIS KYI GNYEN PO YIN PAS RIG BYED DANG RIG BYED MA YIN PA RNAM PA GNYIS SO, ,RANG BZHIN GYIS SDIG PA MA YIN YANG DUS MA YIN PA'I KHA ZAS SPONG BA LA SOGS PA SANGS RGYAS KYIS NI BCAD PA STE BKAG PA DE SPONG BA'I RIG BYED DANG RIG BYED MA YIN PA YANG TSUL KHRIMS YIN NO, ,TSUL KHRIMS DE YANG RNAM PAR DAG PA NI YON TAN BZHI DANG LDAN PA YIN NO, ,BZHI GANG ZHE NA, 'CHAL PA'I TSUL KHRIMS KYIS 'PHAN TE SKYON MA PHYUNG BA DANG, DE'I RGYU 'DOD CHAGS LA SOGS PA NYON MONGS PA DANG NYE BA'I NYON MONGS PAS 'PHAN MA BYUNG BA DANG, 'CHAL BA'I TSUL KHRIMS DE'I GNYEN PO BYED PA'I DRAN PA NYER GZHAG LA BRTEN PA DANG, THAR PAR BSDOS PAS ZHI BA LA BRTEN PA'O, ,GZHAN DAG NA RE TSUL KHRIMS RNAM PAR DAG PA NI RGYU LNGA DANG LDAN PA YIN TE, SROG GCOD PA LA SOGS PAS MA GOS PAS LAS KYI LAM DNGOS KYIS RNAM PAR DAG PA DANG, SROG GCOD PA LA SOGS PA'I SBYOR PAS KYANG MA GOS PAS NYER BSDOGS DAG GIS RNAM PAR DAG PA DANG 'DOD PA'I RNAM RTOG LA SOGS PAS MA GOS PAS RNAM PAR RTOG PA RNAMS KYIS 'PHAN MA PHYUNG BA DANG, LUS DRAN PA NYER GZHAG GIS BRTAN PAR BYAS PA'AM, DRAN PAS ZIN PAS DRAN PAS YONGS SU BZUNG BA DANG, MYA NGAN LAS 'DAS PAR YONGS SU BSDOS PA YIN NO ZHES ZER RO, ,GZHAN DAG NI TSUL KHRIMS NI BZHI STE, 'TSO BA MED PA DANG TSIGS SU BCAD PA MED PA DANG CHAD PA DANG NGAN 'GROS 'JIGS NAS SRUNG BA 'JIGS PA'I TSUL KHRIMS DANG, SRID PA DANG LONGS SPYOD DANG BKUR STI LA CHAGS NAS SRUNG BA LEGS SU SMON PA'I TSUL KHRIMS DANG, SANGS RGYAS KYI BSTAN PA LA ZHUGS PA YANG DAG PA'I LTA BA CAN RNAMS THAR PA'I DON DU SRUNG BA BYANG CHUB KYI YAN LAG GI RJES SU MTHUN PA'I TSUL KHRIMS DANG, DRI MA MED PA'I PHYIR ZAG PA MED PA'I TSUL KHRIMS NI YONGS SU DAG PA'I TSUL KHRIMS SO ZHES 'CHAD DO, , BSGOMS PA LAS BYUNG BA'I DGE BA BSHAD PA NI MNYAM PAR MA BZHAG PA DANG NYON MONGS CAN SGOM BYUNG MA YIN PAS SEMS DMIGS PA LA MNYAM PAR BZHAG PA LAS BYUNG BA'I DGE BA TING NGE 'DZIN MTSUNGS @472 LDAN DANG BCAS PA NI BSGOMS PA LAS BYUNG BA'O, ,CI'I PHYIR DE LA SGOM PA ZHES BYA ZHE NA (TIL MAR DANG ME TOG GI DRI LTAR,) SEMS LA DGE BA'I BAG CHAGS BSGO ZHING GOMS PA DANG DBANG DU BYED PA'I PHYIR RO, ,'O NA TSUL KHRIMS DANG BSGOMS PA LAS BYUNG BA DE DAG GANG GTZO ZHE NA, BZHI BRGYA PA LAS, TSUL KHRIMS KYIS NI MTHO RIS 'GRO, LTA BAS GO 'PHANG MCHOG TU 'GRO ZHES 'BYUNG BA LTAR MTHO RIS THOB PA'I DON DU TSUL KHRIMS GTZO CHE BA'I PHYIR DANG, BAR CHAD MED PA'I LAM GYI SPANG BYA DNGOS SU SPONG BAS NA NYON MONGS PA DANG 'BRAL BA'I DON DU SGOM PA GTZO CHE BA'I PHYIR DE DAG 'DOD PAS DE BZHIN DU BSTEN PAR BYA'O, ,TSUL KHRIMS LA BRTEN NAS ZHI GNAS LHAG MTHONG 'BYUNG BAS GTZO CHUNG BA NI GNYIS KA'ANG GNYIS KA'I RGYU YIN NO, , DE'I PHYIR LHA'I BU RAB RTZAL SEMS KYIS ZHUS PA'I MDO LAS, LONGS SPYOD CHEN PO'I RGYU SBYIN PA MI SPONG BA DANG, MTHO RIS SU SKYE BA'I RGYU TSUL KHRIMS MI SPONG BA DANG, SHES RAB CHEN PO'I RGYU THOS PA MI SPONG BA DANG, 'BRAL BA'I RGYU SGOM PA MI SPONG BA STE ZHES PA DANG, LONGS SPYOD CHE RGYU SBYIN PA MI SPONG DE'I 'BRAS DE, ,MTHO RIS SKYE RGYU TSUL KHRIMS MI SPONG DE'I 'BRAS DE, ,SHES RAB NYON MONGS 'JOMS RGYU THOS PA DE'I 'BRAS DE, ,RNAM GROL REG RGYU SGOM PAR BYED CING DE'I 'BRAS DE, ,RGYU BZHI DE LA RTAG BRTZON MKHAS PA DE DAG NI, ,BYANG CHUB SNYING POR DBANG BSKUR 'BRAS PHYIR NYIN MTSAN SPYOD CES PA DANG, RGYUD BLA MA LAS KYANG, GANG PHYIR SBYIN PAS LONGS SPYOD DAG NI SGRUB BYED CING, ,KHRIMS KYIS MTHO RIS BSGOMS PAS NYON MONGS SPONG BYED LA, ,SHES RAB NYON MONGS SHES BYA KUN SPONG DE YI PHYIR, ,'DI MCHOG NYID DE DE YI RGYU NI 'DI THOS YIN ZHES BSHAD DO, ,'O NA MDO LAS, GANG ZAG BZHI NI TSANGS PA'I BSOD NAMS SKYED DE, MA BYAS PA'I SA PHYOGS SU DE BZHIN GSHEGS PA'I SKU GDUNG GI MCHOD RTEN BYED PA 'DI NI GANG ZAG TSANGS PA'I BSOD NAMS SKYED PA DANG PO YIN NO ZHES BYA BA DANG, DE BZHIN DU PHYOGS BZHI'I DGE 'DUN LA KUN DGA' RA BA 'BUL ZHING DE NYID DU GTZUG LAG KHANG RTZIG PA DANG, DE BZHIN GSHEGS PA'I NYAN THOS BYE BA SDUM PA DANG, BYAMS PA TSAD MED SGOM PA LA YANG SBYAR NAS GSUNGS SO, ,DE LTA BU'I TSANGS PA'I BSOD NAMS NI TSANGS PA'I MDUN NA 'DON GYI TSE DANG MNYAM PAR (BAR GYI) BSKAL PAR (BZHI BCU) MTHO RIS SU DGA' BAR GNAS PA'I PHYIR SNGAR SMOS PA'I MA BYAS PA'I SA PHYOGS SU SKU GDUNG GI MCHOD RTEN RTZIG PA LA SOGS PA BYED PA'I GANG ZAG BZHI'I TSANGS PA'I BSOD NAMS YIN NO ZHES BYA STE, 'DIR TSANGS PA NI TSE BSKAL BAR THUB PA TSANGS PA'I MDUN NA 'DON @473 LA 'DOD DO, ,SDE BA GZHAN GYI LUNG LAS KYANG, TSANGS PA'I BSOD NAMS SKYED PA NI, ,BSKAL PAR MTHO RIS DGA' BAR GNAS ZHES 'BYUNG STE, 'DI NI SNGON GYI SLOB DPON GYI YIN NO, ,DE'I PHYIR SLOB DPON RGYA MTSO SPRIN GYIS KYANG, TSANGS PA'I BSOD NAMS KYI TSAD NI BSOD NAMS GANG GIS BSKAL PA GCIG TU MTHO RIS SU 'GRO BAR 'GYUR BA STE, YANG DANG YANG DU RGYUN MI CHAD PAR RNAM PAR SMIN PAR 'JUG PAR 'GYUR BA'I BSOD NAMS LA TSANGS PA'I BSOD NAMS ZHES BRJOD DE, BSAM GTAN DANG PO'I SEMS CAN GYI BSOD NAMS DANG MTSUNGS PA LA BYA'O ZHES PA DANG, TSIGS SU BCAD PA GZHAN DAG LAS NI, DGE 'DUN MTHUN PAR BYAS NA NI, ,BSKAL PAR MTHO RIS BDE BA THOB CES BSHAD DO, , BYE BRAG TU SMRA BA NI TSANGS PA'I BSOD NAMS NI MTSAN RNAM PAR SMIN PA CAN GYI LAS TE, NGES PA LA GNAS PA'I BYANG CHUB SEMS DPA' MA GTOGS PA'I SEMS CAN THAMS CAD KYI LONGS SPYOD KYI 'BRAS BU CAN NO ZHES BYA BA LA SOGS PA'O ZHES ZER RO, ,GANG LTAR YANG TSANGS PA'AM, TSANGS PAR SKYE BA'I BSOD NAMS DANG 'DRA BA'I PHYIR TSANGS PA'I BSOD NAMS TE, 'DOD PA'I MTHO RIS SU CHE 'THUD CING BAR BSKAL BZHI BCUR BDE BA MYONG BA YIN NO, ,KHA CIG NA RE BSOD NAMS CHEN PO LA TSANGS PA'I BSOD NAMS ZHES BYA'O, ,ZHES ZER RO, , ZHAR LA CHOS KYI SBYIN PA BSHAD PA LA CHOS KYI SBYIN PA NI BSAM PA KUN SLONG RNYED PA DANG BKUR STI LA SOGS PA 'DOD PA'I NYON MONGS PA CAN MIN PAS BSTAN BYA MDO'I SDE LA SOGS PA (DBYANGS BSNYAD LUNG BSTAN TSIGS BCAD DANG, ,CHED BRJOD GLENG GZHI RTOGS BRJOD DANG, ,DE LTA BU SKYES SHIN TU RGYAS, , RMAD BYUNG GTAN LA DBAB PA'I SDE, ,ZHES PA,) GSUNG RAB YAN LAG BCU GNYIS SAM SDE SNOD GSUM PO DAG SBYOR BA YANG DAG PA JI LTA BA BZHIN MA NOR BAR STON PA YIN NO, ,DE LA GSUM LAS DANG PO GSUNG RAB YAN LAG BCU GNYIS SU DBYE BA NI GDUL BYA MDOR BSDUS PA LA DGA' BA RNAMS KYIS RNAM PAR BZHAG SLA BA DANG BSHAD SLA BA DANG, BZUNG SLA BAS CHOS LA GUS PAS TSOGS RDZOGS PA DANG, MYUR DU CHOS NYID RTOGS PA DANG, DKON MCHOG GSUM LA SHES NAS DAD PA 'THOB PA DANG, MTHONG BA'I CHOS LA BDE BAR REG PAR GNAS PA DANG, 'BEL GTAM LA MKHAS PAR BYA BA'I DGOS PA BCU'I PHYIR GDUL BYA'I NYON MONGS PA'I SPYOD PA LA BRTZAMS NAS MDOR BSTAN PA'I TSUL GYIS PHUNG PO DANG KHAMS DANG SKYE CHED DANG RTEN 'BREL DANG ZAS DANG BDEN PA DANG THEG PA GSUM DANG MI SDUG PA DANG DBUGS 'BYUNG RNGUB DANG BSLAB PA GSUM DANG SHES NAS DAD PA DANG BYANG CHUB KYI PHYOGS KYI CHOS SUM CU RTZA BDUN LA SOGS PA @474 RKYANG PAS GSUNGS PA MDO'I SDE DANG, GANG GI DBUS DANG MTHAR TSIGS SU BCAD DE GSUNGS PA DANG DRANG DON GYI MDO SDE GANG YIN PA DE NI DBYANGS KYIS BSNYAD PA'I SDE DANG, GANG LAS NYAN THOS 'DAS TE SHI 'PHUS PA DANG MA 'ONGS PA NA 'BYUNG BA LUNG STON PA DANG NGES DON GYI MDO SDE NI LUNG BSTAN PA'I SDE DANG, RKYANG PAS GSUNGS PA MA YIN PA RTZA BA GNYIS PA DANG, RTZA BA GSUM PA DANG, RTZA BA BZHI PA DANG, RTZA BA LNGA PA DANG, RTZA BA DRUG PAR BSDEBS NAS GSUNGS PA TSIGS SU BCAD PA'I SDE DANG, GANG ZAG GI MING DANG RIGS MA BRJOD PAR DAM PA'I CHOS DANG BSTAN PA YUN RING DU GNAS PAR BYA BA'I PHYIR YI RANG NAS GSUNGS PA CHED DU BRJOD PA'I SDE DANG, GANG ZAG GI MING DANG RIGS BRJOD NAS BSTAN CING BSHAD PA DANG GANG GI CHED DU GSUNGS PA DANG 'DUS PA DANG LDAN PA'I BYUNG BA DANG BCAS GLING GZHI DANG BCAS PA'I SO SO THAR BA GSUNGS PA GLENG GZHI'I SDE DANG, DPES DON GSAL BAR BYED PA DPE DANG BCAS PAR GSUNGS PA RTOGS PA BRJOD PA'I SDE DANG, SNGON GYI GTAM RGYUD KYI SBYOR BA DANG LDAN PAR GSUNGS PA DE LTA BU BYUNG BA'I SDE DANG, 'DAS PA'I DUS LA BRTEN TE BCOM LDAN 'DAS KYIS SKYE MCHED DE DANG DE DAG TU BYANG CHUB SEMS DPA'I SPYOD PA DANG DKA' BA SPYAD PA BSTAN PA SKYES PA'I RABS KYI SDE DANG, GANG LAS BLA NA MED PA YANG DAG PAR RDZOGS PA'I BYANG CHUB DANG STOBS BCU LA SOGS PA DANG SGRIB PA MED PA'I YE SHES SGRUB PAR BYED PA BYANG CHUB SEMS DPA' RNAMS KYI LAM BSTAN PA SHIN TU RGYAS PA'I SDE DANG, GANG LAS SANGS RGYAS DANG BYANG CHUB SEMS DPA' DANG NYAN THOS RNAMS KYI THUN MONG DANG THUN MONG MA YIN PA'I YON TAN GZHAN LAS KHYAD PAR DU 'PHAGS PA NGO MTSAR RMAD DU BYUNG BAR GRAGS PA BSTAN PA RMAD DU BYUNG BA'I CHOS KYI SDE DANG, CHOS THAMS CAD KYI RANG DANG SPYI'I MTSAN NYID PHYIN CI MA LOG PAR BSTAN PAS MDO SDE'I DON 'CHAD CING GSAL BAR BYED PA DANG GTAN LA 'BEBS PAR BYED PA MA LTA BU'I CHOS MNGON PA THAMS CAD NI GTAN LA DBAB PAR BSTAN PA'I SDE ZHES BYA'O, , GNYIS PA DE DAG SDE SNOD GSUM DANG GNYIS SU BSDU BA LA GSUM DU BSDU BA DANG GNYIS SU BSDU BA DANG, NGES TSIG GSUM LAS DANG PO LA'ANG GNYIS LAS DANG PO GSUM DU BSDU BA DNGOS NI NYAN THOS KYIS LAS, MDO'I SDE LA SOGS PA BCU NI MDO SDE'I SDE SNOD YIN ZHING, GLENG GZHI'I SDE NI 'DUL BA'I SDE SNOD YIN LA, GTAN LA DBAB PAR BSTAN PA'I SDE NI CHOS MNGON PA'I SDE SNOD YIN NO ZHES BSHAD LA, CHOS MNGON PA KUN LAS BTUS LAS NI DANG PO LNGA NYAN THOS KYI MDO SDE'I SDE SNOD DO, ,GLING GZHI'I SDE NAS SKYES PA'I RABS KYI SDE'I BAR BZHI NI 'DUL BA'I SDE SNOD DO, ,SHIN TU RGYAS PA'I SDE DANG, RMAD @475 DU BYUNG BA'I CHOS KYI SDE GNYIS NI BYANG CHUB SEMS DPA'I MDO SDE'I SDE SNOD DO, ,GTAN LA DBAB PAR BSTAN PA NI NYAN THOS DANG BYANG CHUB SEMS DPA' GNYIS KA'I CHOS MNGON PA'I SDE SNOD DO ZHES BSHAD MOD KYI LEGS PAR BRTAGS NA MDO'I SDE DANG DBYANGS KYIS BSNYAD PA DANG TSIGS SU BCAD PA LA SOGS PA LA THEG CHEN GYI MDO SDE'ANG SNANG BA'I PHYIR DANG, RTOGS PA BRJOD PA LA SOGS PA LA GZHAN GNYIS SNANG BA'I PHYIR DANG, NYAN THOS KYI RMAD DU BYUNG BA'I SDE NI NYAN THOS KYI MDO SDE'I SDE SNOD DU RIGS PA'I PHYIR DE KHO NA LTAR NGES PA NI MI SNANG NGO ZHES GSUNG NGO, , GNYIS PA SDE SNOD GSUM DU BSTAN PA'I DGOS PA NI RGYU DGUS GZHAG STE, DE LA GSUM MTSAN GSUM LAS DANG PO SPANG BYA NYON MONGS PA GSUM SPANG BA'I CHED DU BSTAN PA NI LAS 'BRAS LA SOGS PA LA THE TSOM ZA BA'I GNYEN POR NI MDO SDE'I SDE SNOD BSTAN TE, GANG ZHIG GANG LA THE TSOM ZA BA DE DE LA NGES PAR BYA BA'I CHED DU GSUNGS PA'I PHYIR RO, ,SPYOD PA MTHA' GNYIS LA SBYOR BA'I GNYEN POR NI 'DUL BA'I SDE SNOD BSTAN TE, 'DOD YON LA CHAGS PAS GSOG 'JOG BYED PA LA SOGS PA KHA NA MA THO BA DANG BCAS PA RAB TU BYUNG BA LA YONGS SU DPYAD PA DGAG PA'I SGO NAS 'DOD PA BSOD NYAMS KYI MTHA' SPONG LA, BRGYA STONG RI BA'I GOS DANG KHANG BZANG DANG KHA ZAS RO BRGYA PA LA SOGS PA KHA NA MA THO BA MED PA'I YONGS SU SPYAD PA RJES SU GNANG BA'I SGO NAS DON MED PA'I DKA' THUB BDAG NYID DUB PA LA SBYOR BA'I MTHA' SPONG BA'I PHYIR RO, ,RANG GI LTA BA MCHOG TU 'DZIN PA'I GNYEN POR NI MNGON PA'I SDE SNOD BSTAN TE, CHOS RNAMS KYI RANG DANG SPYI'I MTSAN NYID PHYIN CI MA LOG PAR BSTAN PAS LTA BA NGAN PA RNAMS SPONG BA'I PHYIR RO, ,YANG NA BSTAN PA LAM ZHUGS PA 'JUG PA'I GEGS THE TSOM DANG, ZHUGS PA'I SPYOD PA DANG LTA BA PHYIN CI LOG SPONG BA LA GSUM PO RIM PA BZHIN NO, ,GNYIS PA (BRJOD BYA,) BSLAB PA GSUM STON CING SGRUB PA'I DBANG DU BYAS TE BSTAN PA NI MDO SDES NI BSLAB PA GSUM GYI NGO BO RGYAS PAR STON LA, 'DUL BAS NI BSLAB PA DANG PO GNYIS SGRUB PA YIN TE, LHAG PA'I TSUL KHRIMS MA THOB PA THOB PAR BYED PA DANG, THOB PA MI NYAMS PAR BSRUNG BA DANG, NYAMS NA PHYIR BCOS PA'I SGO NAS TSUL KHRIMS KYI BSLAB PA SGRUB LA, TSUL KHRIMS DANG LDAN PA NI 'GYOD PA MED CING, 'GYOD PA MED PAS NI SEMS LAS SU RUNG LA, DE LA BRTEN NAS DMIGS PA LA MNYAM PAR BZHAG PA'I RIM GYIS TING NGE 'DZIN 'THOB PAS LHAG PA'I SEMS KYI BSLAB PA SGRUB PA'I PHYIR RO, ,CHOS MNGON PAS NI LHAG PA'I SHES RAB KYI BSLAB PA SGRUB PA YIN TE, DES MI RTOG PA'I YE SHES SKYE BA'I THABS BSTAN PA LA @476 BRTEN NAS THOS BSAM BYAS TE BSGOMS PAS 'JIG RTEN DANG DE LAS 'DAS PA'I SGOM BYUNG GIS SHES BYA'I DON PHYIN CI MA LOG PAR RAB TU 'BYED PA'I PHYIR RO, ,GSUM PA (BYED LAS,) CHOS DANG DON GYI DBANG DU BYAS TE BSTAN PA NI MDO SDES NI RJOD BYED SGRA'I CHOS DANG BRJOD BYA DON GYI CHOS LA BYANG BAR BYED PAS NA DE GNYIS BSHAD LA, 'DUL BAS NI CHOS DANG DON 'GRUB STE, TSUL KHRIMS DANG LDAN PA LA BRTEN NAS NYON MONGS PA 'DUL BA LA RAB TU BRTZON PAS MNYAM PAR BZHAG NA CHOS DANG DON MNGON SUM DU RTOGS PAR 'GYUR BA'I PHYIR RO, , CHOS MNGON PAS NI CHOS DANG DON 'BEL BA'I GTAM RNAM PAR GTAN LA DBAB PA LA MKHAS PAR BYED DE, DES SHES BYA'I CHOS KYI RANG SPYI'I MTSAN NYID PHYIN CI MA LOG PAR SHES PAS TSIG DON GTAN LA 'BEBS PA LA MI 'JIGS PA THOB PAS BDE BA LA REG PAR GNAS PA 'THOB PA'I PHYIR RO, ,DES NA 'DIR CHOS DANG DON NI SGRA DANG DON NYID YIN PAR SHES PAR BYA'O, ,GNYIS PA SDE SNOD GNYIS SU BSDU BA NI BYANG SA LAS, GSUNG RAB YAN LAG BCU GNYIS LAS SHIN TU RGYAS PA'I SDE NI BYANG CHUB SEMS DPA'I SDE SNOD DO, ,LHAG MA NI NYAN THOS KYI SDE SNOD YIN PAR RIG PAR BYA'O ZHES 'BYUNG BAS BCU GNYIS DANG GSUM PA DE DAG NYID THEG PA DMAN PA DANG MCHOG GI BYE BRAG GIS NYAN THOS KYI SDE SNOD DANG, BYANG CHUB SEMS DPA'I SDE SNOD GNYIS SU 'GYUR RO, ,DE LTAR NA RANG RGYAL GYI SDE SNOD DANG GSUM DU 'GYUR RO ZHE NA, MI 'GYUR TE, DE NI NYAN THOS KYI SDE SNOD LAS LOGS SU MED PA'I PHYIR RO, ,DE'I PHYIR CHOS MNGON PA KUN LAS BTUS PA LAS KYANG RANG SANGS RGYAS KYI THEG PA'I SKABS SU NYAN THOS KYI SDE SNOD NYID LA DMIGS NAS CHOS KYI RJES SU MTHUN PA'I CHOS SGRUB PA DANG ZHES NYAN THOS KYI SDE SNOD KHO NA LA DMIGS PAR BSHAD DO, , GSUM PA NGES TSIG NI CI'I PHYIR SDE SNOD CES BYA ZHE NA, SHES BYA'I DON THAMS CAD BSDUS PA'I PHYIR SDE SNOD CES BYA STE, DE SKAD DU YANG MDO SDE'I RGYAN LAS, SDE SNOD DAG NI GSUM MAM GNYIS KYANG RUNG, ,BSDUS PA'I PHYIR TE RGYU NI DGUS 'DOD DO ZHES BSHAD DO, ,GSUM PA RNAM GRANGS NI GSUNG RAB DANG, SDE SNOD DANG, BKA' DANG, LUNG DANG, GTZUG LAG DANG, BSTAN BCOS ZHES KYANG BYA STE, LUNG PHRAN TSEGS LAS, 'PHAGS PA 'OD BSRUNGS CHEN POS, KYE MA STOBS BCU MNGA' BA'I GSUNG NI TSAD MED PA, ,'GRO LA PHAN PHYIR CHOS KYI BSTAN BCOS 'DI BSDUS PAS, ,GANG NA 'JIG RTEN BLO NGAN MUN BYED CHUD ZOS PA'I, ,BLO GROS RAB RIB BSAL NAS SGRON MAR YANG DAG LDAN ZHES PA DANG, 'DUL BA LA BSTOD PA LAS KYANG, RGYAL BA STON PA DE'I BSTAN BCOS DAG ,MDO @477 DANG CHOS MNGON YIN GSUNG 'DUL BA NI, ,STON DANG BSTAN PA DNGOS YIN DE YI PHYIR, ,GNYIS GYUR PHYAG BYA SANGS RGYAS CHOS GCIG BZHIN ZHES PA DANG, (BYANG SA LAS KYANG, SANGS RGYAS KYI GSUNG RAB NI NANG GI BSTAN BCOS ZHES BYA STE ZHES PA DANG,) RNAM BSHAD RIGS PA LAS KYANG, DON DAM PAR NA SANGS RGYAS KYI GSUNG KHO NA BSTAN BCOS YIN NO ZHES BSHAD PA'I PHYIR RO, ,'DIS NI BRJOD BYA MTSUNGS PA'I PHYIR DE'I DON 'GREL BYED KYI BSTAN BCOS STON PA'ANG CHOS KYI SBYIN PAR BSTAN PA YIN NO, , DE LTA BU'I CHOS KYI SBYIN PA DE YANG KUN SLONG GI BSAM PA RNYED PA LA SOGS PA LA CHAGS PAS STON PA NI BDAG NYID BSOD NAMS CHEN PO LAS NYAMS PAR BYED PA YIN LA, SBYOR BA NOR BAR STON PA'ANG CHOS KYI SBYIN PA MA YIN TE, 'GREL PA LAS, DE'I PHYIR GANG DAG CHOS LOG PAR 'CHAD PAR BYED PA'AM, SEMS NYON MONGS PA CAN RNYED PA DANG BKUR BSTI DANG GRAGS PA 'DOD PAS 'CHAD PA DE DAG NI BDAG NYID KYI BSOD NAMS CHEN PO NYAMS PAR BYED PA YIN NO ZHES BSHAD PA'I PHYIR RO, ,DE LAS BZLOG STE BSAM PA BZANG POS CHOS PHYIN CI MA LOG PAR BSTAN NA NI BSOD NAMS 'PHEL BA'I RGYUR 'GYUR TE, BSLAB PA KUN LAS BTUS PA LAS, CHOS KYI SBYIN PA ZANG ZING MED, ,BSOD NAMS 'PHEL BA'I RGYU YIN NO ZHES GSUNGS PA'I PHYIR RO, , 14. CHA MTHUN KYI DGE BA GSUM BSHAD PA, BCU BZHI PA CHA MTHUN GYI DGE BA GSUM BSHAD PA NI MDO LAS, BSOD NAMS KYI CHA DANG MTHUN PA DANG, THAR PA'I CHA DANG MTHUN PA DANG, NGES PAR 'BYED PA'I CHA DANG MTHUN PA'I DGE BA GSUM GSUNGS PA LA, 'KHOR BAR RNAM SMIN YID DU 'ONG BA CAN NI BSOD NAMS CHA MTHUN NO, ,TSOGS LAM DU MYA NGAN LAS 'DAS PAR BSDOS PA'I DGE BA NI MYA NGAN LAS 'DAS PA THAR BA'I CHA DANG MTHUN PA STE GANG SKYES NA YONGS SU MYA NGAN LAS 'DA' BA'I CHOS SU 'GYUR BA'O, ,DGE BA DE YOD PAR NI 'KHOR 'DAS KYI NYES DMIGS DANG YON TAN BRJOD PA NA DAD PA'I SHUGS KYIS BA SPU LDANG BA LA SOGS PA'I RTAGS LAS SHES SO, ,NGES PAR 'BYED PA'I CHA DANG MTHUN PA'I DGE BA NI DRO BA LA SOGS PA BZHI YIN TE, DE LTAR NA CHA MTHUN GYI DGE BA RNAM PA GSUM MO, , 15. RIGS PAS RAB TU BCUG PA'I LAS BSHAD PA, BCO LNGA PA ('JIG RTEN PA'I LAS GSUM GYI RNAM GRANGS BSTAN PA NI,) RIGS PAS RAB TU BCUG @478 PA'I LAS NI SLOB PA RIGS PA THABS KYIS RAB TU BCUG PA'I LUS DANG NGAG DANG YID KYI LAS RNAM PA GSUM KUN NAS SLONG BA MTSUNGS LDAN DANG BCAS PA NI PHUNG PO LNGA'I RANG BZHIN YIN NO, ,DE LA KA LA SOGS PA'I YIG 'BRU'I GZUGS 'DRI BA DANG, LHA LA SOGS PA'I 'BUR GYI RGYA RKO BA NI LUS KYI LAS DANG, DNGOS PO GCIG LA SOGS PA BGRANG BA DANG BCAS PA'I SNYAN NGAG NI NGAG GI LAS SO, , (KUN SLONG DANG BCAS PA,) BCU PA BCU LA BRGYA'O ZHES BYA BA LA SOGS PA'I GRANGS BSDOMS TE 'DZIN PA NI YID KYI LAS TE (PHUNG BO BZHI'O) DE LTAR NA GO RIM BZHIN DU SHES PAR BYA'O, ,GZHAN YANG YIG 'BRU LA SOGS PA BSTAN PA'I ZHAR LA BYUNG BA'AM, YANG NA 'DI CHOS MNGON PA BSDUS PA YIN PAS CHOS KYI PHUNG PO'I RNAM PAR BSHAD PA LAS 'BYUNG BA'I RNAM GRANGS 'GA' ZHIG BRJOD PAR BYA STE, NYON MONGS PAS (KUN SLONG DANG BCAS PAS,) BKAB PAS NA BSGRIBS PA DANG, NYON MONGS DANG BCAS PAS GNAG CING 'PHAGS PA RNAMS KYIS BOR BAS NA NGAN PA DANG, NYON MONGS PA DANG LHAN CIG 'DUG PAS NA KHA NA MA THO BA DANG BCAS PA ZHES BYA BA NI NYON MONGS PA CAN GYI CHOS ZAG BCAS KYI MING GI RNAM GRANGS SA, ,DRI MA MED PA'I DGE BA NI DAG PA RAB KYI MTHAR PHYIN PAS NA GYA NOM PA ZHES BYA STE, DES NA GYA NOM PA ZHES BYA BA NI DGE BA ZAG MED KYI RNAM GRANGS SO, ,NYON MONGS PA NI NGAN PA KHO NA YIN LA, DGE BA ZAG MED NI GYA NOM PA KHO NA YIN PAS NA NGAN PA DANG GYA NOM PA LAS GZHAN PA (DGE BA ZAG BCAS DANG MA BSGRIBS LUNG MA BSTAN,) NI BAR MA ZHES BYA'O, ,RGYUD LA SKYED PA'I SGO NAS GUS PAR BSTEN PAR BYA BA ZHES BYA BA NI 'DUS BYAS KYI CHOS DGE BA ZAG BCAS ZAG MED THAMS CAD KYI RNAM GRANGS SO, ,DE LAS GZHAN PA 'DUS MA BYAS DANG MI DGE BA DANG BSGRIBS LA LUNG MA BSTAN RNAMS NI BSTEN PAR BYA BA MA YIN NO, ,CI'I PHYIR 'DUS MA BYAS BSTEN BYA MA YIN ZHE NA, 'DUS MA BYAS NI BSTEN BYA MA YIN TE, BSKYED PA DANG, YANG DANG YANG DU RGYUD LA GOMS PAR BYAR MI RUNG BA'I PHYIR DANG, 'BRAS BU'I DON DU BSTEN PA YIN NA DE LA 'BRAS BU'ANG MED PA'I PHYIR RO, ,MI DGE BA DANG, BSGRIBS LA LUNG MA BSTAN DANG, 'DUS BYAS MA BSGRIBS LUNG MA BSTAN DANG, DGE BA ZAG BCAS DANG, 'DUS BYAS ZAG MED DANG, 'DUS MA BYAS MA BSGRIBS LUNG MA BSTAN NAM MKHA' BRTAGS MIN DANG, THAR BA SO SOR BRTAGS 'GOG RNAMS NI SNGA MA SNGA MA PHYI MA PHYI MAS BLA MA DANG BCAS PA YIN TE, RIM PA LTAR RNAM SMIN YID DU MI 'ONG BA MED PA'I PHYIR DANG, NYON MONGS CAN MA YIN PA'I PHYIR DANG, RNAM SMIN GYI 'BRAS BU YID DU 'ONG BA CAN YIN PA'I PHYIR DANG, ZAG BCAS MA YIN @479 PA'I PHYIR DANG, RTAG PA'I PHYIR DANG, RTAG CING DGE BA'I PHYIR RO, ,DES NA CHOS GZHAN THAMS CAD NI BLA MA DANG BCAS PA YIN LA, THAR BA MYANG 'DAS SO SOR BRTAGS 'GOG NI DE LAS PHUL DU PHYIN PA DANG KHYAD PAR DU 'PHAGS PA GZHAN MED PAS BLA NA MED PA YIN TE, MDO LAS, DGE SLONG DAG CHOS 'DUS BYAS SAM, 'DUS MA BYAS GANG JI SNYED PA DE DAG GI NANG NA MCHOG NI 'DOD CHAGS DANG BRAL BA YIN PAR BRJOD DO ZHES GSUNGS PA'I PHYIR RO, ,THAR PA'I RNAM GRANGS KUN LAS BTUS LAS NI, MA LUS PAR SPANGS PA DANG, NGES PAR SPANGS PA DANG, BYANG BAR GYUR PA DANG, ZAD PA DANG, 'DOD CHAGS DANG BRAL BA DANG, 'GOG PA DANG, RNAM PAR ZHI BA DANG, NUB PA LA SOGS PA DANG, SA'I DNGOS GZHI LAS NI RTAG PA DANG, BRTAN PA DANG, THER ZUG PA DANG, MI 'GYUR BA'I CHOS CAN DANG, GNAS DANG, GLING DANG, SKYOB PA DANG, SKYABS DANG, DPUNG GNYEN DANG, BDE BA DANG, ZHI BA DANG, LEGS PA'I GZHI DANG, BDE LEGS SU 'GYUR BA DANG, MI G-YO BA DANG, MI GZHAL BA DANG, BLTAR DKA' BA DANG, 'CHI BA MED PA DANG, MYA NGAN MED PA DANG, 'CHI 'PHO MED PA DANG, RIMS NAD MED PA DANG, YONGS SU GDUNG BA MED PA DANG, NAD MED PA DANG, G-YO BA MED PA DANG, MYA NGAN LAS 'DAS PA DANG, SPROS PA MED PA ZHES BYA BA LA SOGS PA BSHAD DO, , 'JIG RTEN 'GRUB BYED SEMS PA BSAMS PA'I LAS, ,RIG BYED RIG BYED MA YIN SDOM PA DANG, , SDOM MIN BAR MA LAS 'BRAS RNAM DBYE RNAMS, ,LEGS RTOGS 'DOD PAS GNAS 'DI MNYAN PAR GYIS, , CHOS MNGON PA'I MDZOD KYI 'GREL BA MNGON PA'I RGYAN LAS LAS BSTAN PA ZHES BYA BA STE GNAS BZHI PA'I BSHAD PA'O,, ,, @480 GNAS LNGA PA, PHRA RGYAS BSTAN PA, DA NI GNAS LNGA PA PHRA RGYAS BSTAN PA 'CHAD PA LA PHRA RGYAS KYI RANG BZHIN DANG, DE JI LTAR SPONG BA'I TSUL DANG, SPANGS PA'I 'BRAS BU YONGS SHES BSHAD PA GSUM LAS, (GCIG) PHRA RGYAS KYI RANG BZHIN, DANG PO LA'ANG PHRA RGYAS KYI DBYE BA DANG, RNAM PA'I RAB DBYE BSHAD PA GNYIS KYI DANG PO NA GNAS BZHI PAR LAS LAS 'JIG RTEN SNA TSOGS SKYES ZHES GANG BSHAD PA'I LAS DE DAG KYANG PHRA RGYAS KYI DBANG GIS BSAGS (SHING RNAM SMIN 'PHEN NUS,) PAR 'GYUR GYI PHRA RGYAS MED PAR NI ZAG BCAS KYI LAS MI GSOG CING LAS MED PAR YANG SRID MI 'GRUB STE, (GZHAN DU NA MA NGES PA'I LAS YOD PAS DGRA BCOM LA'ANG YANG SRID YOD PAR THAL BAS DES NA,) SRID PA'I RTZA BA NI PHRA RGYAS YIN PAR RIG PAR BYA'O, , DE LA SLOB DPON GANG SPEL NI, SKYE BA'I SHING RTA SKYE BO BYIS PA YIS, ,ZHON ZHING NYON MONGS LAS KYI 'PHANG LO CAN, ,'DI NI NYON MONGS 'PHANG LO GCIG NYAMS NA, ,LAS KYI 'PHANG LO GCIG PU 'KHOR MA YIN ZHES LAS KYIS YANG SRID 'PHEN PAR BYED PA DANG MNGON PAR 'GRUB PAR BYED PA'I RTZA BA PHRA RGYAS YIN NO ZHES SRID PA NI YANG SRID NYID LA 'DOD CING DE'I RTZA BA NI PHRA RGYAS YIN NO ZHES 'CHAD LA, SLOB DPON RGYAL PO'I SRAS NI SRID PA NI 'DIR YANG SRID PHYI MA DANG, DE'I RGYU LAS KYI SRID PA GNYIS KA YIN PAR 'DOD LA, DE'I RTZA BA NI PHRA RGYAS YIN TE, NYON MONGS PA 'JUG PA NA BYA BA BCU BYED PA'I PHYIR RO ZHES 'CHAD DO, ,DE LA BYA BA BCU NI, (RGYUN MI CHAD PAS,) RTZA BA BRTAN BYED THOB PA'I RGYUN, , (YANG YANG RGYUN MI CHAD DU BSKYED PAS,) RGYUD GNAS BYED PA PHRA RGYAS RGYUN, ,(LUS KYI LO THOG SKYED PAS,) ZHING NI RANG RGYUD PHRA RGYAS GZHIR, ,RGYU MTHUN SGRUB PA NYE NYON SKYED, ,LAS KYI SRID PA SGRUB PAR BYED, ,RANG TSOGS 'DZIN PA TSUL BZHIN MIN, ,DMIGS LA KUN RMONGS MI SHES NYID, ,RNAM SHES @481 RGYUN 'KHRID SRID PAR 'PHEN, ,DGE LAS G-YO BA NYAMS PA YIN, ,'CHING BA KHAMS LAS MI 'DA' BA, , (YIN NYON MONGS GANG ZHIG KHAMS SU GTOGS PA DES NI DE LAS 'DA' BA'I GEGS BYED PA'I PHYIR RO DE LTAR,) RNAM PA BCU NI GNAS 'DIR YANG, ,RAB TU BSTAN PA YIN PAR 'DOD CES BYA'O, , PHRA RGYAS DE YANG DBYE NA RE ZHIG RNAM PA DRUG STE, GANG ZHE NA, 'DOD CHAGS DANG DE BZHIN DU KHONG KHRO DANG NGA RGYAL DANG MA RIG PA DANG LTA BA DANG THE TSOM YIN TE (NYER LEN GYI PHUNG PO LA BDAG TU CHAGS PA'I 'DOD CHAGS KYIS GZHAN LNGA YANG DMIGS PA LA RGYAS PAR 'GYUR TE BDAG LTA DANG SRED PAS BDAG GIR BYAS PA LAS RGYAS PA'I PHYIR, ZAG MED DANG SKAL PA MI MNYAM PA'I KHAMS LA MI RGYAS SO, , GRANGS NGES NI, STOD 'GREL LAS BZA' BYA YUL TSOR BA GSUM GYI DUG ZA BA PO SEMS CAN LA LOG PAR ZHUGS PA NGA RGYAL DANG, PHYIN CI LOG SPONG BA LA LOG ZHUGS LTA BA DANG, THE TSOM STE, LOG PAR NGES PA DANG MA NGES PA'O, ,) DE LTAR RNAM PA DE DRUG KYANG BDUN DU BSHAD CES 'BREL LO, ,JI LTAR BYAS NAS ZHE NA, MDO LAS 'DOD CHAGS LA 'DOD PA'I 'DOD CHAGS KYI PHRA RGYAS DANG, SRID PA'I 'DOD CHAGS KYI PHRA RGYAS ZHES GNYIS SU DBYE BA BYAS NAS SO, ,(PHRA RGYAS NI BYE BRAG SMRA BA KUN DKRIS DANG GNAS MA BU PA THOB PA DANG, MDO SDE BA SA BON LA 'DOD PA YOD PAS,) SKABS 'DIR DPYAD PA 'DI BYA STE GAL TE GZHI MTHUN PA'I DRUG PA, 'DOD PA'I 'DOD CHAGS NYID PHRA RGYAS YIN PAS 'DOD CHAGS KYI PHRA RGYAS SAM, 'ON TE (GZHI THA DAD PA'I DRUG PA,) 'DOD PA'I 'DOD CHAGS LAS THA DAD PA'I PHRA RGYAS (YIN PAS 'DOD CHAGS KYI PHRA RGYAS,) YIN PAR 'DOD, PHYOGS DANG PO LTAR NA (LUNG BAR MA'I) MDO LAS 'DI NA LA LA 'DOD PA'I 'DOD CHAGS KYI KUN NAS DKRIS PA'I SEMS KYIS LAN MANG DU MI GNAS LA, 'DOD PA'I 'DOD CHAGS KYI KUN NAS DKRIS PA BYUNG NA'ANG PHYIS NGES PAR 'BYUNG BA YANG DAG PA JI LTA BA BZHIN RAB TU SHES SHING DE'I 'DOD PA'I 'DOD CHAGS KYI KUN NAS DKRIS PA DE MTHUS YANG DAG PAR SHIN TU KUN NAS 'JOMS SHING PHRA RGYAS DANG BCAS PAR SPONG BAR BYED DO ZHES KUN NAS DKRIS PA DANG PHRA RGYAS THA DAD PAR BSHAD PA DANG 'GAL LO, ,PHYOGS GNYIS PA LTAR NA PHRA RGYAS NI THOB PA YIN PAR 'GYUR NA DE NI MI LDAN PA'I 'DU BYED YIN PA'I PHYIR CHOS MNGON PA LAS, 'DOD PA'I 'DOD CHAGS KYI PHRA RGYAS NI DBANG PO GSUM DANG MTSUNGS PAR LDAN PA YIN NO, ,GSUM GANG ZHE NA, BDE BA DANG YID BDE BA DANG, BTANG SNYOMS KYI DBANG PO DAG DANG MTSUNGS PAR LDAN NO ZHES GSUNGS PA DANG 'GAL LO, , DE MTSUNGS LDAN DU BSHAD PA'I PHYIR RO ZHE NA, DER BYE BRAG TU SMRA BA RNAMS NA RE 'DOD PA'I 'DOD @482 CHAGS NYID PHRA RGYAS YIN PA'I PHYIR CHOS MNGON PA LAS (NYON MONGS LA,) BSHAD PA NI MTSAN NYID PA YIN TE, MDO LAS PHRA RGYAS DANG BCAS PA'I SGRA NI 'DOD CHAGS LA SOGS PA DANG RJES SU 'BREL BA'I NYON MONGS PA GZHAN NAM, YANG NA THOB PA LA BTAGS NAS GSUNGS PA'I PHYIR 'GAL BA MED DO, ,ZHES ZER RO, ,DE'I PHYIR, SEMS NI NYON MONGS BYED PHYIR DANG, ,SGRIB PHYIR DGE DANG 'GAL PHYIR DANG, ,DGE BA'ANG DMIGS PA'I PHYIR NA 'DIR, ,PHRA RGYAS LDAN PA MA YIN MIN ZHES 'GREL PAR GSUNGS SO, , MDO SDE PA RNAMS NA RE PHRA RGYAS NI THOB PA'ANG MA YIN KUN NAS DKRIS PA'ANG MA YIN GYI 'ON KYANG BAG LA NYAL YIN NO, ,DE'I PHYIR KUN NAS DKRIS PA NI PHRA RGYAS MNGON DU GYUR PA YIN LA BAG LA NYAL NI PHRA RGYAS SA BON YIN NO, ,DE'I PHYIR MDO LAS GSUNGS PA NI MTSAN NYID PA YIN LA BSTAN BCOS NI KHO BO CAG MI 'DON NO ZHES ZER RO, ,GNAS MA'I BU'I SDE PA NI PHRA RGYAS LDAN PA MA YIN PA THOB PA LA 'DOD DO, ,GAL TE 'DOD CHAGS NI ZAG BCAS LA SRED PA YIN LA DE LA DE LA GNYIS LAS 'DOD PA'I 'DOD CHAGS NI 'DOD PA'I KHAMS KYI 'DOD CHAGS YIN NA SRID PA'I 'DOD CHAGS GANG ZHE NA KHAMS GONG MA GNYIS LAS SKYES PA'I 'DOD CHAGS NI SRID PA'I 'DOD CHAGS YIN TE, DE DAG 'DOD PA LA 'DOD CHAGS DANG BRAL ZHING YANG SRID PAR 'PHEN PA'I 'DOD CHAGS YIN PA'I PHYIR RO, ,YANG CI'I PHYIR KHAMS GNYIS PO'I 'DOD CHAGS BSDOMS NAS SRID PA'I 'DOD CHAGS SU BYAS SHE NA, RGYU MTSAN NI DE DAG GZHAL MED KHANG SOGS LA CHAGS PA YOD KYANG, PHAL CHER SNYOMS 'JUG LA SRED PAS KHA NI NANG DU BLTAS TE 'JUG PA DANG, GCIG TU BSGRIBS LA LUNG MA BSTAN DANG, MNYAM PAR BZHAG PAR 'DRA BA'I PHYIR DANG, DE LUNG MA BSTAN KHA NANG BLTAS, ,MNYAM GZHAG SA PA'I PHYIR GCIG BYAS ZHES 'BYUNG BAS GNYIS KA'ANG GCIG TU BSGRIBS LA LUNG MA BSTAN YIN PA'I PHYIR RO, ,DGOS PA NI DE LTAR NA MNYAM GZHAG YIN PAS KHAMS GNYIS PO DER TE DE DAG LA (BSAM GTAN BZHI THOB PA LA 'BRAS BU BZHI THOB BO SNYAM NAS DE DAG) THAR PA YIN NO SNYAM PA 'BYUNG BA LA, THAR PA 'DOD PA NI DGE BA'I CHOS LA 'DUN PA YIN NA KHAMS GONG MA GNYIS DANG DE DAG GI RGYU SNYOMS 'JUG GNYIS LA THAR PAR SRED PA NI SRID PA'I 'DOD CHAGS YIN GYI THAR PA NI MA YIN NO ZHES YANG DAG PA'I THAR PA YIN NO SNYAM PA'I 'DU SHES BZLOG PA'I PHYIR DE GNYIS SRID PA'I 'DOD CHAGS SU BSHAD DO ZHES BYE BRAG TU SMRA BA 'DOD DO, ,SLOB DPON NI SEMS CAN DE DAG 'DOD PA LA 'DOD CHAGS DANG BRAL BA'I PHYIR DANG, SNYOMS 'JUG RTEN LUS DANG BCAS PA KHO NA LA @483 SRED PA'I PHYIR DANG, LUS NI SRID PA YIN PA'I PHYIR DANG, 'DOD YON LA DMIGS PA MA YIN PA'I PHYIR SRID PA'I 'DOD CHAGS ZHES GCIG TU BSDOMS SO ZHES SHES PAR BYA'O ZHES BZHED DO, , YANG PHRA RGYAS DRUG PO DE DAG CHOS MNGON PA LAS BCUR YANG BSHAD DO ZHES SPREL LO, ,JI LTAR ZHE NA LTA BA LA 'JIG TSOGS LA LTA BA DANG, SKUR PA 'DEBS PA, LOG PAR LTA BA DANG, KHYAD PAR DU SGRO 'DOGS PA MTHAR 'DZIN PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA DANG LNGAR PHYE STE BSNAN PA'I PHYIR RO, ,'JIG TSOGS LA LTA BA'I RJES LA MTHAR 'DZIN PA'I LTA BA YIN YANG 'DIR TSIGS BCAD BSDEBS PA'I NGOR DE'I RJES LA LOG LTA BSHAD DO, ,GAL TE LTA BA LA DBYE BA BYED NA RGYU MTSAN MTSUNGS PAS NGA RGYAL LA'ANG BYED PAR 'GYUR RO ZHE NA, MI MTSUNGS TE, LTA BA LA RNAM PA DANG BYED LAS THA DAD YOD LA NGA RGYAL LA KHENGS PA'I RNAM PA GCIG LAS MED CING BYED LAS KYANG GCIG LAS MED PA'I PHYIR RO, ,(KHA CIG LTA BA NYES PA CHE BAS SPANG DGOS LA DE LA SHES PAS KHYAB PAS DU MAR PHYE ZHES PA NI MA RIG PA LA'ANG HA CANG THAL PAS MI 'THAD DO, ,KHA CIG NGA RGYAL LA BDUN YOD KYANG SPYI MTSAN DANG SEMS KHENGS PA'I BYED PA GCIG LAS MED PAS GCIG TU BZHAG CES PA'ANG LTA BA LA'ANG SEMS PHYIN CI LOG TU BYED PA'I BYED PA GCIG LAS MED PAS ZHES MTSUNGS SO, , ROG NA RE DNGOS PO LA LTA BALA SNGAR BYUNG BAS DANG, NGA RGYAL LA DNGOS PO LA GCIG LAS MA BYUNG BAS LNGA DANG GCIG TU BZHAG LA, DA LTAR 'ONG BA'I RGYU YANG BZHIN GYI KHA MIG GI GRANGS LTAR DNGOS PO'I CHE BA YIN NO, ,ZHES ZER BA NI RGYU MTSAN MA RNYED PAR ZAD DO, ,DES NA ZLA COG NA RE 'DI DAG DMIGS RNAM GYIS THA DAD DU 'JOG PA NA LTA BA LA 'DZIN STANGS KYI RNAM PA THA DAD LNGA YOD PAS DANG, NGA RGYAL LA BDUN YOD KYANG 'DZIN STANGS KYI RNAM PA GCIG LAS MED PA'I PHYIR RO ZHES ZER RO, ,KHA CIG NA RE 'DZIN STANGS LA NI GNYIS KA LA'ANG THA DAD YOD DO, ,DES NA 'DIR DBYE BA SRID TSAD LA DBYE BA BYED PA NI MA YIN TE, 'DOD CHAGS DANG MA RIG PA LA SOGS PA LA'ANG YOD PA'I PHYIR RO, ,'ON KYANG DGOS PA'I DBANG GIS TE MU STEGS BYED LTA BA DE DAG LA YANG DAG PAR RTOG STE, DE NI MA YIN GYI MTHONG SPANG YIN NO ZHES BSTAN PA'I PHYIR MDO LAS DE LTAR DU GSUNGS PA YIN NO ZHES GSUNGS SO, ,) 'O NA LTA BA LA'ANG NGES PAR RTOG PA'I RNAM PA GCIG LAS MED PA'I PHYIR RO ZHE NA, DE NI RNAM PA MA YIN TE, LTA BA LA BDAG DANG BDAG GI RTAG TSAD DANG ZHES PA LA SOGS PA RNAM PA'I DBYE BA YOD LA, NGA RGYAL LA NI RNAM PA'I DBYE BA MED DE, THAMS CAD KHENGS PA'I RNAM PA YIN PA'I PHYIR RO, ,ZHES TVI KA BYED DAG @484 'CHAD DO, , 'O NA NGA RGYAL BDUN DU MI 'BYED PAR 'GYUR RO ZHE NA, DE DAG NI YUL LA LTOS PA'I YIN GYI RNAM PA'I DBYE BA NI MA YIN NO, ,YANG CHOS MNGON PA'I BSTAN BCOS LAS, PHRA RGYAS BCU PO DE DAG DGU BCU RTZA BRGYAD DU'ANG 'CHAD DE, JI LTAR ZHE NA, PHRA RGYAS BCU PO DE DAG 'DOD PA'I KHAMS NA LTA BA DANG PO GNYIS KYANG 'BRAS BSDUS KYI NYER LEN GYI PHUNG PO LA LOG PAR 'JUG PAS SDUG BSNGAL MTHONG SPANG BCU PO THAMS CAD DANG, KUN 'BYUNG MTHONG SPANG BDUN DANG, 'GOG PA MTHONG SPANG BDUN DANG, ('JIG MTHAR GNYIS NYER LEN GYI PHUNG PO LNGA LA DMIGS PA NI SDUG BSNGAL MTHONG SPANG KHO NA YIN LA, PHUNG PO DE DAG LA DAG GREL NGES 'BYIN DU LTA BA'I TSUL KHRIMS PA NI SDUG BSNGAL MTHONG SPANG KHO NA YIN LA, DMIGS PA YOD KYI 'DI GNYIS LA MED PAS SO, ,) LAM MTHONG SPANG NI BRGYAD YIN TE, DNGOS DANG BRGYUD NAS LOG PAR MI 'JUG PAS KUN 'BYUNG DANG 'GOG PA LA LTA BA DANG PO GNYIS DANG LNGA PA GSUM MA GTOGS PA'I PHYIR DANG, LAM LA LTA BA DANG PO GNYIS MA GTOGS PA'I PHYIR RO, ,DES NA PHRA RGYAS BCU DANG BDUN DANG BDUN DANG BRGYAD PO DE RNAMS BDEN PA BZHI SO SO LA DNGOS DANG BRGYUD NAS LOG PAR 'JUG PAS (SO GNYIS PO DAG NI,) 'DOD PA'I SDUG BSNGAL LA SOGS PA'I BDEN PA BZHI SO SO'I RANG MTSAN MTHONG BAS SPANG BYA DE RNAMS RIM PA BZHIN DU SPONG BAR BYED DO, ,(DE LTAR NA 'JIG MTHAR NI SPANG BYA RIGS GCIG GI SGO CAN DANG, LOG LTA LTA BA MCHOG 'DZIN THE TSOM NI BDEN PA BZHI LA DMIGS PAS BZHI'I DANG, TSUL KHRIMS MCHOG 'DZIN BDEN PA DANG PO DANG THA MA LA DMIGS PAS GNYIS KYI SGO CAN TE DE DAG NI MTHONG SPANG YIN NO, ,'DOD CHAGS KHONG KHRO NGA RGYAL MA RIG PA BZHI NI MTHONG SPANG SGOM SPANG GNYIS SU 'GYUR BAS RIS LNGA LNGAR 'GYUR RO, ,) DES NA 'DOD PA NA PHRA RGYAS MTHONG SPANG (DE DAG NI BDEN PA MTHONG BA TZAM GYIS SPONG PAS MTHONG SPANG YIN NO, ,)NI SUM CU RTZA GNYIS SO, ,'DOD CHAGS DANG KHONG KHRO DANG NGA RGYAL DANG MA RIG PA BZHI NI BSGOM PAS SPANG BAR BYA BA'ANG YIN PAS SPANG BYA RIS LNGAR 'GYUR TE, 'DOD CHAGS LA SOGS PA BZHI'I LHAN SKYES NI BDEN PA RNAMS MTHONG BA TZAM GYIS MI SPONG BA'I PHYIR DANG, KUN BRTAGS NI SPANG BA'I PHYIR RNAM PA GNYIS KA YIN NA, LTA BA LNGA DANG THE TSOM NI BDEN PA RNAMS MTHONG BA TZAM GYIS SPONG BA'I PHYIR MTHONG SPANG KHO NA YIN TE, DE LTAR NA 'DOD PA NA SPYOD PA'I PHRA RGYAS NI SUM CU RTZA DRUG YIN NO, , GANG DAG 'DOD KHAMS SU BSHAD PA LAS KHONG KHRO MA GTOGS PA'I NYON MONGS PA DE DAG NYID @485 GZUGS KYI KHAMS NA YOD KYI KHONG KHRO NI MA YIN TE, (RTEN DANG BAS SDUG BSNGAL GYIS TSOR BA MED PA'I PHYIR RGYAS PA'I GZHI MED PAS DANG,) RGYUD ZHI GNAS KYIS BRLAN PAS KUN NAS MNAR SEMS KYI DNGOS PO DGU MED PA'I PHYIR RO, ,KUN NAS MNAR SEMS KYI DNGOS PO DGU NI BDAG LA GNOD PA BYAS SO, , BYED DO, ,BYED PAR 'GYUR RO ZHES BYA BA GSUM DANG, BDAG GI MDZA' BO LA GNOD PA BYAS SO, , BYED DO, ,BYED PAR 'GYUR ZHES BYA BA GSUM DANG, BDAG GI DGRA LA PHAN BTAGS SO, ,'DOGS SO, ,'DOGS PAR 'GYUR RO ZHES BYA BA GSUM STE DGU'O, ,DES NA GZUGS NA NI MTHONG SPANG DANG SGOM SPANG GI PHRA RGYAS SUM CU RTZA GCIG YOD DE, KHONG KHRO LNGA MA GTOGS PA'I PHYIR RO, ,GZUGS MED PA'I KHAMS NA'ANG GZUGS KYI KHAMS DE DANG 'DRA BAR SUM CU RTZA GCIG YIN PAS DE DAG DGU DANG DRUG DRUG BDUN, KHONG KHRO LTA BA SUM GNYIS DAG ,MA GTOGS GZUGS NA SDUG BSNGAL SOGS, ,MTHONG BAS RIM BZHIN SPONG BAR BYED, ,GSUM NI BSGOMS PAS SPANG BYA YIN, ,ZHES PA DANG, GZUGS MED LA'ANG SBYAR TE SHES PAR BYA'O, ,DE LTAR NA BYE BRAG TU SMRA BA LTAR NA KHAMS GSUM NA MTHONG SPANG BRGYAD CU RTZA BRGYAD DANG SGOM SPANG BCU STE DGU BCU RTZA BRGYAD DU 'DOD LA, DE DAG KHAMS DANG SA DANG RNAM PA'I SGO NAS PHYE NA NYIS BRGYA LNGA BCU RTZA GNYIS SU 'GYUR RO, ,CHOS MNGON PA BA GZHAN DAG GI PHUNG BO LNGA PA LAS, NYON MONGS PA DE LA 'DOD CHAGS DANG NGA RGYAL DANG MA RIG PA NI BCO LNGA BCO LNGA'O, ,KHONG KHRO NI LNGA'O, ,THE TSOM NI BCU GNYIS SO, ,LTA BA NI SUM CU RTZA DRUG GO, DE DAG LAS LTA BA 'OG MA GSUM DANG THE TSOM NI KUN TU BRTAGS PA'O, ,LHAG MA NI LHAN CIG SKYES PA DANG KUN BRTAGS PA'O, ,ZHES 'BYUNG BAS 'DOD CHAGS LA SOGS PA BZHI DANG LTA BA DANG PO GNYIS TE DRUG NI LHAN SKYES SGOM SPANG DANG KUN BRTAGS MTHONG SPANG YIN PAS GNYIS KA DANG, LTA BA PHYI MA GSUM DANG THE TSOM NI KUN BRTAGS KHO NA YIN PA'I PHYIR MTHONG SPANG NYID DU NGES SO, ,NYON MONGS PA BCU PO DE DAG KYANG SDUG BSNGAL LA SOGS PA'I BDEN PA BZHI LA KHYAD PAR MED PAR LOG PAR 'JUG PA'I PHYIR 'DOD PA NA MTHONG SPANG BZHI BCU DANG, KHAMS GONG MA GNYIS NA KHONG KHRO MED PA'I PHYIR SUM CU RTZA DRUG DRUG STE, BRGYA DANG BCU GNYIS DANG, SGOM SPANG NI 'DOD PA NA DRUG DANG, KHAMS GONG MA GNYIS NA LNGA LNGA STE BCU DRUG YIN LA, DE DAG KYANG (RNAM PA DANG) KHAMS DANG SA'I SGO NAS PHYE NA BZHI BRGYA DANG BCU BZHIR 'GYUR RO ZHES ZER RO,, RNAM PAR GTAN LA DBAB PA BSDU BA LAS NI 'DOD PA'I SDUG BSNGAL LA NI BCU PO THAMS CAD LOG PAR 'JUG GO ,BDEN PA PHYI MA GSUM LA NI 'JIG TSOGS LA LTA BA DANG MTHAR 'DZIN PAR LTA BA GNYIS MA @486 GTOGS PA BRGYAD BRGYAD LOG PAR 'JUG GO ,KHAMS GONG MA GNYIS KYI BDEN PA LA NI KHONG KHRO MA GTOGS PA SNGA MA BZHIN DU DGU DANG BDUN BDUN LOG PAR 'JUG GO ZHES MTHONG SPANG 'DOD PA NA SUM CU RTZA BZHI DANG, GONG MA GNYIS NA SUM CU SUM CU STE DRIL BAS DGU BCU RTZA BZHI DANG, SGOM SPANG NI 'DOD PA'I KHONG KHRO DANG, KHAMS GSUM GYI 'DOD CHAGS DANG NGA RGYAL DANG MA RIG PA'O, ,DE DAG LA NI LAM MCHOG TU GOMS PAS SPONG PAS NA SGOM SPANG ZHES BYA'O ZHES 'DI DANG MTHUN PAR BSHAD DO, ,'DI DAG LA BANG TI NA RE 'DIR BSHAD PA NI BYE BRAG TU SMRA BA DANG, SNAM PAR GTAN LA DBAB PA BSDU BAR BSHAD PA NI MDO SDE PA DANG, KUN LAS BTUS LAS BSHAD PA NI SEMS TZAM PA'I LUGS YIN NO ZHES ZER (LA BLA COG GI t'I KAR YANG MTHONG BAS SPANG BYA'I PHRA RGYAN LAS, GRUB MTHA' SMRA BA GSUM GYIS NI, , BRGYAD CU BRGYAD DANG DGU BCU BZHI, ,BRGYA RTZA BCU GNYIS DGU CU 'DOD CED 'BYUNG,) MOD KYI, 'ON KYANG LUGS PHYI MA GNYIS NI RNAM PA 'GAL TZAM DANG DNGOS SU 'GAL BA'I DBANG DU BYAS NAS BSHAD PA YIN NO ZHES MCHIMS GSUNG NGO, , GAL TE MTHONG SPANG GI NYON MONGS PA DE DAG MTHONG LAM KHO NAR SPANG BAR BYA BA YIN NAM ZHE NA, KHYAD PAR YOD DE SRID PA'I RTZE MO LAS SKYES PA'I SDUG BSNGAL MTHONG SPANG LA SOGS PA'I PHRA RGYAS GANG DAG SDUG BSNGAL LA RJES SU SHES PA'I BZOD PA BZHI YIS GZHOM PAR BYA BA DE DAG NI BDEN PA MTHONG BAS SPANG PAR BYA BA NYID YIN TE, (DE DAG NI MTHONG LAM KHO NAS SPANG BAR NGES PA'I PHYIR,) NYID CES BYA BA NI (KHO NA'I) NGES PAR GZUNGS BA'O, ,'DI LTAR MTHONG SPANG DE LA SPONG BYED 'JIG RTEN PA'I LAM YANG MED PA'I PHYIR RO, ,SRID RTZE LAS GZHAN PA'I MTHONG SPANG SA LHAG MA CI YANG MED PA'I SKYE MCHED MAN CHAD LAS SKYES PA'I MTHONG SPANG RNAMS NI MTHONG (LAM CHOS BZOD RJES BZOD CI RIG) BA DANG SGOM PA'I LAM GNYIS KYIS CI RIGS PAR SPONG STE, 'PHAGS PA RNAMS NI MTHONG LAM DANG, SO SO'I SKYE BO RNAMS NI SA GONG MA LA ZHING DANG 'OG MA LA RAGS PAR LTA BA'I 'JIG RTEN PA'I SGOM LAM GYIS KYANG SPONG BA'I PHYIR RO, , DE NYID KYI PHYIR BSTAN BCOS LAS, BCOM LDAN 'DAS KYIS NYAN THOS NI MTHONG BA'I LAM GYIS SPONG LA, SO SO'I SKYE BO NI SGOM PA'I LAM GYIS SPONG NGO ZHES GSUNGS SO,, SA THAMS CAD NA'ANG PHRA RGYAS BZOD PAS GZHOM PAR BYA BA MIN PA'I SGOM SPANG (DU BSHAD PA'I LTA MIN BZHI PA,) GANG DAG SHES PAS GZHOM PAR BYA BA DE DAG NI (BDEN PA LA LOG PAR MA ZHUGS PA'I SPANG @487 YIN PAS SKYE 'PHAGS GNYIS KAS KYANG,) SGOM PA'I LAM KHO NAS SPANG BAR BYA BA YIN TE, MTHONG LAM GYIS SGOM SPANG SPONG BA MI SRID PA'I PHYIR RO, ,SGOM LAM NI 'JIG RTEN PA DANG 'JIG RTEN LAS 'DAS PA GNYIS KAS YIN NO, ,DES NA MTHONG LAM NI 'JIG RTEN LAS 'DAS PA KHO NA YIN LA, SGOM LAM NI 'JIG RTEN PA DANG 'JIG RTEN LAS 'DAS PA GNYIS KA YOD DO ZHES SHES PAR BYA'O, ,'DI LA MDO SDE PA DANG RNAL 'BYOR SPYOD PA PA LA SOGS PA RNAMS NA RE SO SO SKYE BO RNAMS KYIS MTHONG SPANG SPONG BA NI MI SRID DE, DE NI 'JIG RTEN PA'I SGOM LAM GYIS SPONG BAR 'DOD PA YIN NA MDO LAS 'DOD PA LAS 'DOD CHAGS DANG BRAL BA BSAM GTAN GYI SEMS DANG LDAN PA'I BYIS PA SO SO'I SKYE BO PHYI ROL PA'I DGE SBYONG DANG BRAM ZE LA SOGS PA LA 'DOD PA LA DMIGS PA'I LOG LTA DANG, RTAG PAR LTA BA DANG, KHA CIG RTAG PAR LTA BA DANG, RGYU MED PAR LTA BA LA SOGS PA 'BYUNG BAR GSUNGS PA'I PHYIR DANG, DE DAG KYANG 'DOD KHAMS KYI MTHONG SPANG YIN PA'I PHYIR RO, , JI LTAR GSUNGS SHE NA, LAS RNAM PAR 'BYED PA CHEN PO'I MDO LAS, KUN DGA' BO 'DI NA LA LA SROG GCOD PA SPONG BA NAS LOG PAR LTA BA SPONG BA'I BAR DU YIN LA, 'DI LA'ANG MI DGA' ZHING SO SOR MI DGA' LA LUS ZHIG NAS SHI BA'I 'OG TU NGAN SONG NGAN 'GRO LOG PAR LTUNG BA DMYAL BA DAG GI NANG DU SKYE BAR 'GYUR RO, ,DE PHYI ROL KYI MU STEGS PA DGE SBYONG NGAM BRAM ZE YANG RUNG, RDZU 'PHRUL DANG LDAN PA LHA'I MIG DANG LDAN PA GZHAN GYI SEMS SHES PA GANG ZHIG GIS MTHONG NAS DE 'DI SNYAM DU LUS KYIS LEGS PAR SPYAD PA YANG MED LA, LUS KYIS LEGS PAR SPYAD PA'I RNAM PAR SMIN PA YANG MED DO, , NGAG DANG YID KYIS LEGS PAR SPYAD PA YANG MED LA, NGAG DANG YID KYIS LEGS PAR SPYAD PA'I RNAM PAR SMIN PA YANG MED DO SNYAM DU SEMS SO ZHES BYA BA LA SOGS PA RGYAS PAR 'BYUNG BA'I LOG LTA 'DI NI 'DOD KHAMS LA DMIGS PA YIN TE, LAS DE DAG 'DOD PA NA SPYOD PA YIN PA'I PHYIR DANG, DMYAL BA'ANG 'DOD PA KHO NAN YOD PA'I PHYIR RO, ,DE BZHIN DU TSANGS PA'I DRA BA'I MDO LAS, 'DI NA DGE SBYONG NGAM BRAM ZE LA LA DGON PA NA 'DUG KYANG RUNG, SHING DRUNG NA 'DUG KYANG RUNG STE, KUN DU SBYANGS PA'I RGYU DANG, SPONG BA'I RGYU DANG, BSGOMS PA'I RGYU DANG, LAN MANG DU BYUS PA'I RGYU DANG, LEGS PAR YID LA BYAS PA'I RGYUS SEMS MNYAM PAR BZHAG PA JI LTA BUS 'JIG PA DANG 'CHAGS PA'I BSKAL PA NYI SHU YANG DAG PAR RJES SU DRAN PAR 'GYUR BA DE LTA BU'I SEMS KYI TING NGE 'DZIN ZHI BA LA REG PAR 'GYUR ZHING, DE 'DI SNYAM DU BDAG DANG 'JIG RTEN 'DI NI RTAG PA YIN NO SNYAM DU SEMS @488 PAR 'GYUR RO ZHES BYA BA LA SOGS PA RGYAS PAR 'BYUNG BA 'DI DAG KYANG BDAG DANG 'JIG RTEN LA DMIGS PAS 'DOD KHAMS LA DMIGS PA YIN NO, ,SGOM SPANG SA BON 'JIG RTEN PA'I LAM GYIS SPONG BA NI MED DE, NYON MONGS PA'I MNGON GYUR 'DAS PA NI 'GAGS PA'I PHYIR DANG, MA 'ONGS PA MA SKYES PA'I PHYIR DANG, DA LTAR BA DANG GNYEN PO LHAN CIG TU MI GNAS PA'I PHYIR DANG, SA BON 'JIG RTEN PA'I LAM GYIS SPONG NA 'DOD PA LAS 'DOD CHAGS DANG BRAL BA'I SO SO'I SKYE BO RNAMS LA PHYIS NYON MONGS PA SKYE BA DANG, 'DOD PAR SKYE BA MI SRID PAR THAL BA'I PHYIR RO ZHES ZER RO, , DE'I PHYIR RNAM PAR GTAN LA DBAB PA BSDU BA LAS KYANG, 'JIG RTEN PA'I LAM 'BA' ZHIG GI BAG LA NYAL YANG DAG PAR 'JOMS PA NI MED DE, 'JIG RTEN PA NI 'DRIS PA'I PHYIR DANG, MTSAN MA LA MNGON PAR ZHEN PAS 'JUG PA'I PHYIR RO, ,DE NI JI LTAR MTSAN MA LA MNGON PAR ZHEN PAS 'JUG PA DE LTAR MTSAN MA RNAM PAR 'JIG PAR 'JUG PAR MI 'GYUR LA, JI LTAR MTSAN MA RNAM PAR 'JIG PAR MI 'JUG PA DE LTAR GNAS NGAN LEN YANG DAG PAR 'JOMS PAR YANG MI 'GYUR BAS, DES NA DES BAG LA NYAL YANG DAG PAR 'JOMS PA MED DO ZHES PA DAG SO SO'I SKYE BOS 'JIG RTEN PA'I LAM GYI SA BSAM GTAN DANG PO THOB PA DANG, DANG POR SKYES PA DE'I 'DOD PA'I NYON MONGS CAN GYI SA BON DE DAG NI NYAMS PA YIN GYI YANG DAG PAR BCOM PA NI MA YIN TE, DE TING NGE 'DZIN DE LAS YONGS SU NYAMS NAS YANG 'DOD PA'I NYON MONGS PA MNGON DU BYED PA DANG, DANG PO NAS SHI NAS YANG 'DOD PAR SKYE BA'I PHYIR RO, ,DES NA SA BON DE NI ZHI GNAS KYIS RE ZHIG NYAMS PAR BYAS PA YIN TE DPER NA NAS LA SOGS PA'I SA BON RLAN DANG BRAL BA RNAMS RE ZHIG MI SKYE YANG SA BON NYID MED PA NI MA YIN PA BZHIN NO, , 'PHAGS PA NYAN THOS 'JIG RTEN LAS 'DAS PA'I LAM GYIS 'DOD CHAGS DANG BRAL BA THOB PA NI NYON MONGS PA'I SA BON THAMS CAD YANG DAG PAR BCOM PA YIN TE DPER NA SA BON MES BSREGS PAS GTAN MED PA BZHIN NO ZHES PA DANG, GZHAN YANG DE NYID LAS SA BON YANG DAG PAR BCOM PA DANG, SA BON NYAMS PA BZHI BSHAD DE, DE LA YANG DAG PAR BCOM PA NI 'PHAGS PAS SPANGS PA YIN LA, NYAMS PA BZHI NI GNYEN PO'I SGO NAS 'DOD YON LA SEMS MI 'JUG CING DES DE LA DMIGS PA'I NYON MONGS MI SKYE BA YONGS SU SPONG BAS NYAMS PA DANG, TSUL BZHIN YID LA BYED PAS 'DOD PA LA NYES DMIGS SU LTA BA SUN 'BYIN PAS NYAMS PA DANG, 'JIG RTEN PA'I 'DOD CHAGS DANG BRAL BA ZHI GNAS KYIS @489 NYAMS PA DANG, DGRA BCOM PA'I DGE BA DANG LUNG MA BSTAN NI GROGS NYON MONGS SPANGS PAS DE DAG GIS PHYI MAR RNAM SMIN DANG RANG NYID SKYED MI NUS PA GROGS YANG DAG PAR BCOM PAS NYAMS PA'O, , DE LAS 'DIR NI NYAMS PA GSUM PA'O, , BYE BRAG TU SMRA BA NI DPER NA LUNG DBYEN GYI GZHI LAS, LHAS BYIN BSNYEN BKUR GYI ZIL GYIS MNAN TE DGE SLONG GI DGE 'DUN 'KHOR DU BYA BA'I PHYIR BCOM LDAN 'DAS LA THUGS LAS CHUNG NGUR BZHUGS PAR GSOL LO SNYAM DU SDIG PA'I BSAM PA SKYES PA DANG RDZU 'PHRUL LAS NYAMS PA DUS MNYAM DU BYUNG BAR BSHAD PA LTAR MDO DE DAG NI BSAM GTAN GYI SEMS NYAMS PA DANG DUS MNYAM DU LTA BA SKYE BA LA DGONGS NAS GSUNGS PA'I PHYIR DANG, NYON MONGS PA'I SA BON NI THOB PA LA 'DOD NA DE NI 'JIG RTEN PA'I LAM GYIS SPONG BA YIN YANG PHYIS NYON MONGS PA SKYE BA DANG 'DOD PAR SKYE BA NI 'DAS PA'I NYON MONGS PA RDZAS SU YOD PA LAS SKYE BA'I PHYIR RO ZHES BYA BAR 'DOD DO, , DE LTAR RTZA BA'I NYON MONGS PA'I PHRA RGYAS DRUG LAS 'DOD CHAGS DANG NGA RGYAL DANG MA RIG PA NI BSHAD ZIN CING, THE TSOM NI BDEN PA DANG LAS 'BRAS DANG DKON MCHOG LA SOGS PA RNAMS LA DMIGS NAS RNAM PA YID GNYIS ZA BA'AM DMIGS PA LA RNAM PA GNYIS SU 'JUG PA DGE BA'I PHYOGS RNAMS LA MI 'JUG PA'I RTEN BYED PA'I LAS CAN YIN PAR 'CHAD PAR 'GYUR LA, KHONG KHRO NI YUL DRUG LA DMIGS NAS RNAM PA SEMS KHONG NAS 'KHRUG PA STE BDE BA LA REG PAR MI GNAS PA DANG NYES SPYOD KYI RTEN BYED PA'I LAS CAN NO, , LTA BA NI MTHONG SPANG KHO NAR NGES SHING RTOGS PA'I RANG BZHIN CAN DU 'DRA YANG RNAM PA DANG BYED LAS THA DAD PAS SNGAR MING GI SGO NAS DBYE BA TZAM ZHIG BSTAN GYI RANG GI NGO BO MA BSTAN PAS DE DAG GI RNAM PA DANG NGO BO NI SPYIR ZAG BCAS LA DMIGS PA'I LTA BA THAMS CAD 'JIG TSOGS LA LTA BA (NYON MONGS CAN,) YIN MOD KYI, 'ON KYANG SPYI MING BYE BRAG LA BTAGS NAS BDAG DANG BDAG GI BA'I RNAM PA CAN GYI LTA BA 'DI NI DMIGS YUL MI RTAG PA DU MA LA DMIGS SHING BDAG DANG BDAG GIR BA'I RNAM PA CAN GYI LTA BA 'DOD PA'I RTAG PA GCIG PU LA DMIGS PA NI MA YIN PAS MI RTAG PA DU MA LA DMIGS PA BDAG DANG BDAG GIR LTA BA 'DI KHO NA 'JIG TSOGS LA LTA BAR BSTAN PA'I PHYIR MDO LAS, DGE SLONG DAG DGE SBYONG NGAM BRAM ZE GANG LA LA BDAG GO SNYAM DU YANG DAG PAR RJES SU LTA BA NA YANG DE DAG THAMS CAD NI NYE BAR LEN PA'I PHUNG PO LNGA PO 'DI DAG LA LTA BA KHO NAR ZAD @490 DO ZHES 'BYUNG BAS SKAD CIG RE RE LA 'JIG CING RDUL DANG CHA DU MA TSOGS PA'I NYER LEN GYI PHUNG PO LNGA PO MI RTAG PA DU MA LA DMIGS NAS RNAM SHES LA BYED PA PO'I BDAG DANG PHUNG PO GZHAN BZHI LA DBANG BSGYUR BYA'I BDAG GI BAR LTA BA'AM, YANG NA MING BZHI'I PHUNG PO LA BDAG DANG GZUGS LA BDAG GIR LTA BA DANG, GANG LA BDAG TU MNGON PAR BRTAGS PA'I GZHI DE NYID LA DMIGS NAS RTAG PA'AM CHAD PAR MTHA' GCIG TU 'DZIN CING LTA BA DANG, DMIGS RNAM LOG PAR ZHUGS SHING RTOG PA YIN PAS LTA BA NYON MONGS CAN THAMS CAD LOG LTA YIN ZHING MTHAR 'DZIN GYI CHAD LTA'I CHA SKUR 'DEBS YIN KYANG RTAG LTA'I CHA SKUR 'DEBS MA YIN PAS MING BTZAN PAR BYAS NAS MAR THAMS CAD DRI NGA YANG CHES DRI NGA BA LA MAR DRI NGA ZHES BRJOD PA LTAR 'DI RIL GYIS SKUR 'DEBS YIN PAS BDEN BZHI YOD PA LA MED PAR LTA BA DANG, 'GREL PA LAS LTA BA LA SOGS PA MCHOG TU 'DZIN PA ZHES BRJOD PAR BYA BA'I RIGS PA LAS SOGS PA'I SGRA MI MNGON PAR BYAS SO ZHES 'BYUNG BAS LTA BA DANG PO GSUM LA SOGS PA ZAG BCAS NYER LEN GYI PHUNG PO LNGA PO 'PHAGS PA RNAMS KYIS SPANGS PAS DMAN PA RNAMS LA DMIGS NAS BDE BA DANG GTZANG BA LA SOGS PA MCHOG DANG GTZO BO DANG KHYAD PAR DU 'PHAGS PA DANG DAM PAR LTA BA DANG, DBANG PHYUG CHEN PO LA SOGS PA 'JIG RTEN SKYED BYED KYI RGYU DANG, ME LNGA BSTEN PA DANG CHUR 'JUG PA DANG G-YANG DU MCHONG BA LA SOGS PA MTHO RIS KYI RGYU MIN PA LA RGYUR LTA BA DANG, 'CHAL TSUL GYI GNYEN PO TSUL KHRIMS DANG CHA BYAD DANG TSUL DANG LUS NGAG GI 'JUG PA NGES PAR BYED PA'I BRTUL ZHUGS TZAM DANG GRANGS CAN DANG RNAL 'BYOR GYI SHES PA LA SOGS PA SDIG PA'I DRI MA DAG PA DANG NYON MONG SA PA'I 'CHING BA LAS GRO BA BA DANG 'KHOR BA LAS NGES PAR 'BYIN PA'I THABS THAR PA'I LAM MIN PA LA RGYU DANG LAM DER LTA BA RNAMS NI RIM PA LTAR 'JIG TSOGS LA LTA BA DANG MTHAR 'DZIN PAR LTA BA DANG, LOG LTA DANG, LTA BA MCHOG 'DZIN DANG, PHUNG PO LNGA PA LA SOGS PA LAS TSUL KHRIMS DANG BRTUL ZHUGS DANG DE'I GNAS PHUNG PO RNAMS LA DGE BA LA SOGS PAR 'DZIN PAR BSHAD CING, 'GREL PA LAS KYANG SOGS PA'I SGRA MI MNGON PAR BYAS SO ZHES 'BYUNG BAS BRTUL ZHUGS TZAM NI GZUGS KYI PHUNG POS BSDUS PA YIN PAS DE KHO NA LA MCHOG TU 'DZIN PA NI MA YIN GYI NYER LEN GYI PHUNG PO GZHAN LA MCHOG TU 'DZIN PA'ANG YIN PAS TSUL KHRIMS DANG BRTUL ZHUGS LA SOGS PA MCHOG TU 'DZIN PA YIN PAS DE LTAR NA DE DAG NI LTA BA RNAM PA LNGA YIN NO, , LTA BA LNGA PO DE DAG GI LAS NI RIM PA LTAR LTA BA NGAN PA THAMS CAD KYI RTEN BYED PA DANG, DBU @491 MA'I LAM RTAG CHAD DU 'DZIN PA SPANGS NAS RTEN 'BREL DU SHES PA'I BAR DU GCOD PA DANG, DGE RTZA GCOD CING MI DGE BA LA DAM DU 'DZIN PA'I RTEN BYED PA DANG, LTA BA NGAN PA LA YON TAN DU 'DZIN PAS LTA BA NGAN PA LA MNGON PAR ZHEN PA'I RTEN BYED PA DANG, NGAL BA 'BRAS BU MED PA'I RTEN BYED PA'I LAS CAN YIN PAR GZHUNG GZHAN DAG LAS BSHAD DO, , DE DAG LNGAR NGES PA'I RGYU NI KUN LAS BTUS LTAR NA DANG PO NI SHES BYA LA BDAG DANG BDAG GI MED PA LA DE DAG TU SGRO 'DOGS PAS NGO BO NYID DU SGRO 'DOGS PA YIN LA, GNYIS PA NI DE NYID RTAG CHAD DU 'DZIN PAS SHES BYA'I KHYAD PAR DU SGRO 'DOGS PAS DE GNYIS NI SHES BYA LA SGRO 'DOGS PA'O, ,BZHI PA NI LTA BA SNGA MA GSUM DMAN PA LA MCHOG TU SGRO 'DOGS LA, LNGA PA NI LTA BA DE DAG BDAG PA'I THABS MA YIN PA LA 'DAG PA'I THABS SU SGRO 'DOGS PAS DE GNYIS NI LTA BA LA SGRO 'DOGS PA'O, ,GSUM PA NI PHAL CHER LA SKUR PA 'DEBS PA STE, DE LTAR SGRO 'DOGS KYI LTA BA BZHI DANG, SKUR 'DEBS KYI LTA BA GCIG GO ,RNAM PAR GTAN LA DBAB PA BSDU BA LAS NI LTA BA LA SGRO SKUR GNYIS SU NGES SHING, SGRO 'DOGS LA BDAG YOD PAR SGRO 'DOGS PA DANG, DE NYID LA RTAG MI RTAG TU SGRO 'DOGS PA DANG, MNGON MTHO'I THABS SU SGRO 'DOGS PA DANG, THAR PA'I THABS SU SGRO 'DOGS PA BZHIR NGES LA, SKUR 'DEBS NI LOG LTA YIN PA LNGAR NGES PAR BSHAD DO, ,DE YANG PHAL CHE BA'I DBANG DU BYAS KYI MTHAR 'DZIN LA'ANG SKUR 'DEBS DANG LOG LTA LA'ANG RGYU MIN LA RGYUR LTA BA'I SGRO 'DOGS KYANG CUNG ZAD YOD DO, , GAL TE DBANG PHYUG LA SOGS PA RGYU MA YIN PA LA RGYUR LTA BA'I TSUL KHRIMS DANG BRTUL ZHUGS MCHOG TU 'DZIN PA CI'I PHYIR KUN 'BYUNG MTHONG SPANG MA YIN TE, RGYU NI KUN 'BYUNG YIN LA, DE LA PHYIN CI LOG TU ZHUGS PA'I PHYIR RO, ,DE LTA NA'ANG SDUG BSNGAL MTHONG SPANG KHO NA MA YIN PAR 'GYUR RO ZHE NA, GANG ZHIG DBANG PHYUG DANG SKYE DGU'I BDAG PO LA SOGS PA RGYU MA YIN PA LA RGYUR MNGON PAR ZHEN PA DE NI SDUG BSNGAL MTHONG BAS SPANG BAR BYA BA NYID YIN NO ZHES SBYAR RO, ,CI'I PHYIR ZHE NA, LTA BA DE NI RTAG PA DANG BDAG TU LTA BA PHYIN CI LOG PA YIS RAB TU 'JUG PA YIN PAS DE'I PHYIR RO, ,DES NA DE YANG SDUG BSNGAL MTHONG SPANG (DE NI SDUG BSNGAL MI RTAG PA DANG CHOS TZAM DU MTHONG BAS SPONG BA'I PHYIR,) KHO NA YIN NO, ,DE'I PHYIR BSTAN BCOS LAS, GANG DAG SKYES BU GANG ZAG GANG ZHIG BA LANG GI TSUL KHRIMS DANG, RI DVAGS KYI TSUL KHRIMS DANG, BYA GAG GI TSUL KHRIMS YANG DAG PAR BLANGS TE GNAS PA DE NI DES 'DAG PAR 'GYUR, GROL BAR 'GYUR, NGES PAR 'BYUNG BAR 'GYUR, BDE BA DANG SDUG @492 BSNGAL LAS RNAM PAR 'DA' BAR 'GYUR ZHING, BDE BA DANG SDUG BSNGAL LAS RNAM PAR 'DAS PA'ANG RJES SU THOB PAR 'GYUR RO, ,ZHES DE LTAR LTA ZHING DE SKAD DU SMRA BA NI RGYU MA YIN PA LA RGYUR YID CHES PAS TSUL KHRIMS DANG BRTUL ZHUGS MCHOG TU 'DZIN PA STE SDUG BSNGAL MTHONG BAS SPANG BAR BYA BA YIN NO ZHES RGYAS PAR 'BYUNG BA YIN NO, ,GAL TE BA LANG GI TSUL KHRIMS LA SOGS PA LA MTHO RIS DANG THAR PA'I RGYUR LTA BA DE RTAG BDAG GIS BYAS PA MA YIN PA'I PHYIR KUN 'BYUNG MTHONG SPANG KHO NAR 'GYUR RO ZHE NA, BA LANG GI TSUL KHRIMS LA SOGS PA NI ZAG BCAS KYI PHUNG PO SDUG BSNGAL GYI BDEN PA YIN LA DES 'DEG PA DANG RGYUR LTA BAS SDUG BSNGAL LA LOG PAR ZHUGS PA'I PHYIR RO ZHES BYE BRAG TU SMRA BAS LAN 'DEBS MOD KYI, DE LTA NA ZAG BCAS LA DMIGS PA'I MTHONG SPANG DANG SGOM SPANG THAMS CAD KYANG SDUG BSNGAL MTHONG SPANG DU 'GYUR TE, SDUG BSNGAL LA LOG PAR ZHUGS PA'I PHYIR RO, , GZHAN YANG TSUL KHRIMS DANG BRTUL ZHUGS MCHOG 'DZIN LAM MTHONG SPANG YANG MED PAR 'GYUR TE, DE THAMS CAD SDUG BSNGAL LA LOG PAR ZHUGS PA YIN LA, DE YANG SDUG BSNGAL MTHONG SPANG KHO NAR KHAS BLANGS PA'I PHYIR DANG, BSTAN BCOS LAS KYANG BA LANG GI TSUL KHRIMS LA SOGS PAS DAG PA LA SOGS PAR LTA BA'I TSUL KHRIMS DANG BRTUL ZHUGS MCHOG 'DZIN NI RGYU MA YIN PA LA RGYUR YID CHES PAS SDUG BSNGAL MTHONG SPANG DU BSHAD PA'I PHYIR RO, , GAL TE LAM MTHONG SPANG LA DMIGS PA'I TSUL KHRIMS DANG BRTUL ZHUGS MCHOG 'DZIN NI LAM MTHONG SPANG YIN NO ZHE NA, DE YANG SDUG BSNGAL LA LOG PAR ZHUGS PA'I PHYIR TE, 'DI LTAR LAM MTHONG SPANG LOG LTA LA SOGS PA PHRA RGYAS BRGYAD NI TSUL KHRIMS DANG BRTUL ZHUGS MCHOG 'DZIN GYI DMIGS PA YIN ZHING BRGYAD PO DE DAG KYANG ZAG BCAS YIN PAS SDUG BSNGAL GYI BDEN PAS BSDUS LA DE DAG DE LA LOG PAR ZHUGS PA'I PHYIR RO, ,GZHAN YANG LAM GYI BDEN PA LA DMIGS PA'I MTHONG SPANG NI LOG LTA DANG THE TSOM YIN NA LAM MED DO ZHES SKUR PA 'DEBS PA DANG THE TSOM ZA BA DE JI LTAR LAM MED DO ZHES LOG PAR LTA BA DANG THE TSOM ZAB TZAM GYIS THAR PAR LTA BAR 'GYUR TE, THAR PA DANG DE'I LAM LA SKUR PA DANG THE TSOM ZA BA TZAM KHO NAS 'DAG PAR YID CHES PA NI SU YANG MED PA'I PHYIR RO, , GAL TE SANGS RGYAS PA'I LAM 'DI NI THAR PA'I RGYU MA YIN GYI GRANGS CAN PA LA SOGS PAS BRTAGS PA'I LAM GZHAN GYIS DAG PA YIN NO ZHES LTA BA YIN NO ZHE NA, DE YANG SDUG BSNGAL LA LOG PAR ZHUGS PA YIN TE, SANGS RGYAS BCOM LDAN 'DAS KYIS GSUNGS PA LAS GZHAN PA'I LAM NI THAR PA'I LAM MA @493 YIN PAS ZAG BCAS YIN PA'I PHYIR RO, ,YANG NA GRANGS CAN LA SOGS PAS BRTAGS PA'I LAM GZHAN DE KHO NAS DAG PAR YID CHES BA DE NI LOG LTA DANG THE TSOM MA YIN GYI TSUL KHRIMS DANG BRTUL ZHUGS MCHOG 'DZIN YIN LA, DE NI GRANGS CAN LA SOGS PA'I LAM GZHAN DE KHO NAS DAG PAR YID ZHES PAS LAM DE KHO NA LA DMIGS PA YIN GYI LAM MTHONG SPANG LA DMIGS PAR NI MI 'GRUB BO ZHES SLOB DPON RGYAL PO'I SRAS 'CHAD DO, ,GZHAN YANG KUN 'BYUNG DANG 'GOG PA MTHONG SPANG LA DMIGS PA'I LOG LTA DANG THE TSOM GYIS KYANG DAG PA DANG GROL BAR LTA BAR 'GYUR TE, LAM LA DMIGS PA'I DE GNYIS DANG KHYAD PAR MED PA'I PHYIR RO, ,DE LTA NA KUN 'BYUNG DANG 'GOG PA MTHONG SPANG GI TSUL KHRIMS DANG BRTUL ZHUGS MCHOG 'DZIN YANG YOD PAR 'GYUR LA, DE LTA NA'ANG DE DAG BDUN BDUN ZHES 'DOD PA DANG 'GAL LO ZHES SLOB DPON GYIS BRJOD DE, RANG GI BZHED PA NI MA BKOD MOD KYI RNAL 'BYOR SPYOD PA PA'I LUGS NYID BZHED PA YIN TE DE NI GONG DU BRJOD ZIN PA NYID DO, , 'O NA RTAG BDAG PHYIN CI LOG PA YIS ZHES BSHAD NA PHYIN CI LOG DE GNYIS KHO NAR NGES SAM ZHE NA, MA NGES TE, MDO LAS, MI RTAG PA LA RTAG PA DANG, SDUG BSNGAL BA LA BDE BA DANG, MI GTZANG BA LA GTZANG BA DANG, BDAG MED PA LA BDAG TU LTA BA PHYIN CI LOG DANG, SEMS PHYIN CI LOG DANG, 'DU SHES PHYIN CI LOG CES PHYIN CI LOG BCU GNYIS KYANG GSUNGS PA'I PHYIR RO, ,DE DAG GI RANG BZHIN CI ZHE NA, MTHAR 'DZIN PAR LTA BA LA SOGS PA LTA BA PHYED DANG, GSUM LAS NI DE GSUM GYI NGO BO YIN PAS MI RTAG PA LA RTAG PAR LTA BA LA SOGS PA PHYIN CI LOG BZHI TSAN DU BZHAG STE, DE LA MTHAR 'DZIN PAR LTA BA'I RTAG LTA'I CHA LAS RTAG PAR PHYIN CI LOG DANG, LTA BA MCHOG TU 'DZIN PA LAS BDE BA DANG GTZANG BAR PHYIN CI LOG DANG, 'JIG TSOGS LA LTA BA'I BDAG TU LTA BA'I CHA LAS BDAG TU LTA BA PHYIN CI LOG GZHAG GO ,GZHAN DAG NA RE 'JIG TSOGS LA TA BA'I BDAG TU LTA BA DANG BDAG GIR LTA BA THAMS CAD BDAG TU PHYIN CI LOG YIN NO ZHES ZER RO, ,JI LTAR DE DAG PHYIN CI LOG TU GZHAG (LA NYON MONGS GZHAN DAG MA GZHAG) CE NA, DMIGS PA LA GCIG TU PHYIN CI LOG PA'I PHYIR DANG, NGES PAR RTOG PA'I PHYIR DANG, SGRO 'DOGS PA GSUM DANG LDAN PA'I PHYIR PHYIN CI LOG TU BSHAD PA LA MTHAR 'DZIN PAR LTA BA'I CHAD LTA DANG LOG LTA NI SKUR 'DEBS YIN PA'I PHYIR DANG, TSUL KHRIMS DANG BRTUL ZHUGS MCHOG 'DZIN NI DE TZAM GYIS KYANG CUNG ZAD DAG GROL DU 'GYUR BAS MTHA' GCIG TU PHYIN CI LOG MA YIN PA'I PHYIR DANG, NYON MONGS PA GZHAN DAG LA NI NGES PAR RTOG PA MED PA'I PHYIR PHYIN CI LOG TU MA @494 BSHAD DO, ,SEMS DANG 'DU SHES PHYIN CI LOG NI LTA BA BZHI PO DE DAG DANG MTSUNGS PAR LDAN PA'I DBANG GIS PHYIN CI LOG TU 'GYUR BAS DER GZHAG GO, 'O NA TSOR BA PHYIN CI LOG LA SOGS PAR YANG 'GYUR RO ZHE NA, DE SKAD DU 'JIG RTEN NA MA GRAGS PA'I PHYIR MA BSHAD DE SNGA MA GNYIS NI GRAGS PA'I PHYIR RO, ,'DI LA BYE BRAG TU SMRA BA NI PHYIN CI LOG DE DAG THAMS CAD KYANG MTHONG SPANG YIN TE, DANG PO BZHI LTA BA'I RANG BZHIN YIN PA'I PHYIR DANG, 'DU SHES DANG SEMS LTA BA DANG MTSUNGS PAR LDAN PA'I PHYIR DANG, MDO LAS KYANG, 'DI LTAR 'PHAGS PA NYAN THOS THOS PA DANG LDAN PA 'DI NI SDUG BSNGAL 'PHAGS PA'I BDEN PA'O, ,ZHES BYA BAR YANG DAG PA JI LTA BA BZHIN DU SHES SO ZHES BYA BA NAS, DE'I TSE DE'I MI RTAG PA LA RTAG GO SNYAM DU 'DU SHES PHYIN CI LOG PA DANG, SEMS PHYIN CI LOG PA DANG, LTA BA PHYIN CI LOG PA GANG YIN PA DE SPONG BAR BYED DO ZHES BYA BA LA SOGS PA'I BAR DU RGYAS PAR GSUNGS PA'I PHYIR RO ZHES ZER RO, ,SDE PA GZHAN DAG NI 'PHAGS PA RGYUN DU ZHUGS PA RNAMS LA'ANG 'DOD PA'I 'DOD CHAGS SKYE BAR GSUNGS PA'I PHYIR DANG, 'DOD CHAGS DE YANG SDUG BSNGAL BA LA BDE BAR LTA BA DANG, MI GTZANG BA LA GTZANG BAR 'DU SHES DANG SEMS PHYIN CI LOG MED NA MI 'BYUNG BA'I PHYIR LTA BA BZHI GA DANG MI RTAG PA LA RTAG PAR 'DU SHES DANG SEMS PHYIN CI LOG GNYIS DANG, BDAG MED PA LA BDAG TU 'DU SHES DANG SEMS PHYIN CI LOG GNYIS TE BRGYAD NI MTHONG SPANG YIN LA, SDUG BSNGAL BA LA BDE BA DANG MI GTZANG BA LA GTZANG BAR 'DU SHES DANG SEMS PHYIN CI LOG BZHI NI SGOM SPANG YIN NO ZHES ZER RO, , BYE BRAG TU SMRA BA RNAMS NA RE LTA BAS KUN NAS BSLANG BA'I 'DU SHES DANG SEMS KHO NA PHYIN CI LOG YIN GYI GZHAN DAG NI MA YIN NO, ,'PHAGS PA LA 'DOD CHAGS SKYE BA NI 'GAL ME LA 'KHOR LO DANG, RI MO'I GZUGS LA GNOD SBYIN DU 'KHRUL PA LTAR RKYEN GYI STOBS KYIS YUD TZAM 'KHRUL PA YIN GYI PHYIN CI LOG MA YIN NO, ,GAL TE DE TZAM KYIS PHYIN CI LOG TU 'DOD NA 'PHAGS PA LA BDAG TU LTA BA PHYIN CI LOG KYANG YOD PAR 'GYUR TE, BUD MED DANG RANG NYID LA SEMS CAN GYI 'DU SHES MED PAR 'DOD PA'I 'DOD CHAGS SKYE BA MI SRID PA'I PHYIR RO ZHES ZER RO, ,GRUB MTHA' 'DZIN PA LNGA MA GNYIS LAS GZHAN DAG NI 'PHAGS PA NGAG GI DBANG PHYUG CES BYA BA RGYUN DU ZHUGS PA ZHIG GIS GNAS BRTAN KUN DGA' BO LA, 'DOD PA'I CHAGS PAS ZIL NON PHYIR, ,BDAG GI SEMS NI GDUNG BAR 'GYUR, ,GO TAM KHYOD KYIS THUGS BRTZE'I PHYIR, ,ZHI BA MCHOG NI BSHAD DU GSOL ZHES ZHUS @495 PA'I LAN DU 'PHAGS PA KUN DGA' BOS, 'DU SHES PHYIN CI LOG PA YIS, ,KHYOD KYI SEMS NI YONGS SU GDUNG, ,DE PHYIR 'DOD CHAGS LDAN PA YI, ,RGYU MTSAN SDUG PA SPONG BAR GYIS ZHES GSUNGS PA'I PHYIR SEMS DANG 'DU SHES PHYIN CI LOG BRGYAD KA SGOM SPANG YIN LA LTA BA PHYIN CI LOG BZHI NI MTHONG SPANG YIN NO ZHES ZER RO, ,LTA BA LA DBYE BA YOD PAR MA ZAD NGA RGYAL YANG (YUL GYI SGO NAS,) RNAM PA BDUN YIN NO, ,GANG ZHE NA, SEMS KHENGS PA NI NGA RGYAL SPYI'I MTSAN NYID YIN LA RNAM PA'AM YUL GYI BYE BRAG LAS NI CHUNG NGU BAS BDAG KHYAD PAR DU 'PHAGS PA'AM MNYAM PA DANG MNYAM MO SNYAM NAS SEMS KHENGS PA'I NGA RGYAL DANG, MNYAM PA BAS BDAG KHYAD PAR DU 'PHAGS PA'AM MCHOG DANG MNYAM MO SNYAM PA LHAG PA'I NGA RGYAL DANG, KHYAD PAR DU 'PHAGS PA BAS KYANG BDAG KHYAD PAR DU 'PHAGS SO SNYAM PA NGA RGYAL LAS KYANG NGA RGYAL DANG, NYER LEN GYI PHUNG PO LNGA LA BDAG GAM BDAG GIR SEMS KHENGS PA NGA'O SNYAM PA'I NGA RGYAL DANG, BSAM GTAN LA BRTEN PA'I ZAG BCAS ZAG MED KYI YON TAN MA THOB PA LA THOB PAR RLOM PA MNGON PA'I NGA RGYAL DANG, CHES KHYAD PAR DU 'PHAGS PA BAS BDAG CUNG ZAD CIG GIS DMAN NO SNYAM DU SEMS KHENGS PA CUNG ZAD SNYAM PA'I NGA RGYAL DANG, GSOD PALA DPA' BA LA SOGS PA YON TAN MA YIN PA LA YON TAN DU LTA BAS SEMS KHENGS PA LOG PA'I NGA RGYAL DANG, 'O NA MNGON PA'I NGA RGYAL DANG, LOG BA'I NGA RGYAL LA KHYAD PAR CI YOD CE NA, MNGON PA'I NGA RGYAL NI KHYAD PAR THOB PAR BYA BA DANG 'DRA BA'I YON TAN THOB BA'I BSAM PA YIN PAS GZHI DANG BCAS PA YIN LA, LOG PA'I NGA RGYAL NI YON TAN MED PA LA BDAG NI YON TAN DANG LDAN NO SNYAM PA YIN PAS GZHI MED PA YIN NO ZHES t'I KA BYED DAG 'CHAD DO, ,YANG NA DANG PO NI SA GONG MA'I YON TAN MA THOB PA LA THOB BO SNYAM DU SEMS KHENGS PA YIN LA, GNYIS PA NI RANG SA'I YON TAN DANG MI LDAN PA LA LDAN NO SNYAM DU SEMS KHENGS PA YIN NO ZHES KHA CIG 'CHAD DO, , BYE BSHAD LAS KYANG NGA RGYAL THAMS CAD KYANG 'JIG TSOGS LA LTA BA LA BRTEN NAS SEMS KHENGS PA'I MTSAN NYID CAN DU KHYAD PAR MED KYANG SEMS KHENGS PA'I RGYU'I BYE BRAG GIS RNAM PA BDUN DU 'GYUR LA, LAS NI BLA MA DANG GANG ZAG YON TAN CAN RNAMS LA 'GYONG ZHING LUS DAG GI SRI ZHU MED PA'I MA GUS PA DANG, MA GUS PAS GDAMS NGAG MA THOB PAS YANG SRID 'BYUNG BAS NA SDUG BSNGAL 'BYUNG BA'I RTEN BYED PA'O ZHES BSHAD DO, ,'O NA BSTAN BCOS YE SHES LA BJUG PA LAS, (GZHAN LA LTOS NAS @496 BDAG LA SGRUB PAR RLOM PA,) BDAG MCHOG YIN NO, ,BDAG DANG 'DRA'O, ,BDAG DMAN NO, , (ZHES PA GSUM DANG 'DAG LA LTOS NAS GZHAN LA SGRUB PAR RLOM PA,) BDAG PAS MCHOG YOD DO, , BDAG DANG MNYAM PA YOD DO, ,BDAG PAS DMAN PA YOD DO, ,(ZHES PA GSUM DANG, BDAG LA LTOS NA GZHAN LA DGAG PAR RLOM PA,) BDAG BSAM CHOG MED DO, ,BDAG DANG MNYAM PA MED DO, ,BDAG PAS DMAN PA MED DO SNYAM PA NGA RGYAL GYI RNAM PA ZHES (PA GSUM STE,) NGA RGYAL GYI RNAM PA DGU BSHAD PA JI LTAR DRANG ZHE NA, DE LAS NGA RGYAL RNAM PA DGU GSUNGS PA NI 'DIR BSHAD PA'I LTA BA LA RTEN PA'I NGA RGYAL DANG, LHAG PA'I NGA RGYAL DANG, CUNG ZAD SNYAM PA'I NGA RGYAL RNAM PA GSUM PO DAG GI NANG DU 'DU BAR 'GYUR TE, THOG MAR NGA'O SNYAM DU BDAG LTA 'BYUNG LA, DE NAS NGA RGYAL 'BYUNG BAS NA LTA BA LA RTEN PA'I NGA RGYAL ZHES BYA'O, ,'DI LTAR RANG DANG MNYAM PA LA DMIGS NAS BDAG MCHOG YIN NO SNYAM PA NI LHAG PA'I NGA RGYAL LO, ,BDAG DANG 'DRA'O SNYAM PA NI NGA RGYAL LO, ,RANG BAS MCHOG LA DMIGS NAS BDAG DMAN NO SNYAM PA NI CUNG ZAD SNYAM PA'I NGA RGYAL LO, ,MCHOG LA DMIGS NAS BDAG PAS MCHOG YOD DO SNYAM PA NI CUNG ZAD SNYAM PA'I NGA RGYAL LO, ,MNYAM PA LA DMIGS NAS BDAG DANG MNYAM PA YOD DO SNYAM PA NI NGA RGYAL LO, ,MNYAM PA LA DMIGS NAS BDAG PAS DMAN PA YOD DO SNYAM PA NI LHAG PA'I NGA RGYAL LO, ,RANG BAS DMAN PA LA DMIGS NAS BDAG PAS MCHOG MED DO ZHES BYA BA NI NGA RGYAL LO, ,MNYAM PA LA DMIGS NAS BDAG DANG MNYAM PA MED DO ZHES BYA BA NI LHAG PA'I NGA RGYAL LO, , MCHOG LA DMIGS NAS BDAG PAS DMAN PA MED DO SNYAM PA NI CUNG ZAD SNYAM PA'I NGA RGYAL LO, , GAL TE CHES KHYAD PAR DU 'PHAGS PA BAS BDAG CUNG ZAD CIG GIS DMAN NO SNYAM PA NI KHENGS PA'I GNAS YIN PAS CUNG ZAD SNYAM PA'I NGA RGYAL DU RIGS NA BDAG PAS DMAN PA MED DO SNYAM PA 'DI JI LTAR NGA RGYAL YIN ZHE NA, TSOGS PA 'DI NA BDAG PAS DMAN PA MED MOD KYI 'ON KYANG BDAG KYANG BZANG NGO ZHES KHENGS PA YIN PA'I PHYIR RO, ,'DI NI YE SHES LA 'JUG PA LAS BSHAD PA STE, RAB TU BYED PA'I RKANG PA LAS NI BDAG MCHOG YIN NO SNYAM PA 'DI NI DMAN PA LA LTOS NAS NGA RGYAL DANG, MNYAM PA LA LTOS NAS LHAG PA'I NGA RGYAL DANG KHYAD PAR DU 'PHAGS PA LA LTOS NAS NGA RGYAL LAS KYANG NGA RGYAL YIN NO ZHES BYA BA BSHAD DE, GSUM PO DE DAG GI MTSAN NYID TSANG BA'I PHYIR RO, , DE BZHIN DU LHAG MA RNAMS LA'ANG CI RIGS PAR SHES PAR BYA'O, ,('DIR NGA RGYAL BDUN GCIG TU BSDUS PA NI SEMS KHENGS NAS YUL LA RTOGS PAR MTSUNGS PAS GCIG TU BZHAG LA, LTA BA LA RTOG @497 TSUL MI 'DRA BA LNGA YOD PAS LNGAR DBYE BA'O, ,YANG KHA CIG NGA'O SNYOM PA DANG LOG PA'I NGA RGYAL NI MTHONG SPANG YIN LA, GZHAN LNGA SGOM SPANG DU 'DOD PA YOD PAS DE BSAL BA'I DON DU,) SNGAR BSHAD PA'I NGA RGYAL BDUN PO DE DAG THAMS CAD KYANG MTHONG BA DANG SGOM PAS ZAD PAR BYA BA YIN TE, LHAN CIG SKYES PA NI SGOM SPANG DANG, KUN TU BRTAGS PA NI MTHONG SPANG YIN PA'I PHYIR RAM, YANG NA BYE BRAG TU SMRA BA'I GRUB PA'I MTHAS MTHONG SPANG LA DMIGS PA NI MTHONG SPANG YIN LA, SGOM SPANG LA DMIGS PA NI SGOM SPANG YIN PA'I PHYIR RO, , CI 'PHAGS PA RNAMS SGOM SPANG MA SPANGS PA GANG YIN PA DE SPYOD DAM ZHE NA, DES NGES PA MED DE, (DAD SOGS ZAG BCAS DANG GNYID DANG MIG SOGS DBANG PO DANG SDUG BSNGAL GYI DBANG PO RNAMS MA SPANGS KYANG SPYOD LA,) BSGOM PAS SPANG BAR BYA BA NI GSOD PA DANG SOGS (PA LUS DAG GI NYES SPYOD BDUN,) PAS BSDUS PA MA BYIN PAR LEN PA LA SOGS PA'I MI DGE BA LUS NGAG GI LAS GANG DAG YIN PA NYON MONGS PA KUN NAS DKRIS PA RNAMS KYIS BSLANG BA BDUN PO DE DAG KYANG YIN TE, DE DAG SGOM SPANG GI CHOS GZUGS CAN KHO NA LA DMIGS PA'I PHYIR RO, ,(DE DAG NI MA SPANGS KYANG MI SPYOD DE RGYAS BYED LOG LTA SPANGS PA'I PHYIR RKED PA BCAG NA LANGS MI SHES PA BZHIN,) 'O NA 'JIG TSOGS LA LTA BA LA SOGS PA RNAMS KYANG SGOM SPANG NYER LEN GYI PHUNG PO ZAG BCAS LA DMIGS PA'I PHYIR SGOM SPANG DU 'GYUR RO ZHE NA , SGOM SPANG KHO NA LA DMIGS PA RNAMS SGOM SPANG YIN NA 'JIG TSOGS LA LTA BA LA SOGS PA NI SGOM SPANG LA'ANG MIGS PAR BYED MOD KYI SGOM SPANG KHO NA LA NI DMIGS PA MA YIN PAS SGOM SPANG MA YIN NO ZHES t'I KA LAS 'CHAD DO, ,JI LTAR GSOD PA LA SOGS PA SGOM SPANG YIN PA DE BZHIN DU 'JIG PA LA SRED PA DANG SKYE BA LA SRED PA'ANG YIN NO, ,DE LA 'JIG PA LA SRED PA NI KHAMS GSUM PA'I BDAG MED PAR GYUR KYANG CI MA RUNG SNYAM DU MI RTAG PA DON DU GNYER BA'O, ,(DE 'PHAGS PA LA MI 'BYUNG STE LOG LTA SPANGS PAS SO, ,) SKYE BA LA SRED PA NI BDAG DBANG PO DANG LUS NGAN PO LA SOGS PAR SKYES NA CI MA RUNG SNYAM DU KHAMS GSUM DU SKYE BAR SMON PA'O, ,(DE 'PHAGS PA LA MI 'BYUNG STE RTAG LTA SPANGS PAS SO,,) 'GREL PA LAS NI DE BZHIN ZHES BYA BA'I SGRAS NI SKYE BA'I SRID PA'I PHYOGS BDAG NI GLANG PO CHE'I RGYAL PO SA SRUNG GI BUR GYUR KYANG CI MA RUNG ZHES BYA BA DE LTA BU LA SOGS PA GZUNG NGO ZHES BSHAD DO, ,DE DAG SGOM SPANG YIN KYANG 'PHAGS PA RNAMS LA MI 'BYUNG NGO ZHES 'BREL LO, ,GANG MI 'BYUNG ZHE NA, NGA'O SNYAM PA'I NGA RGYAL DANG NGA RGYAL GYI RNAM PA DGU BO SGOM SPANG GI PHYOGS LA SOGS PA'O ZHES SBYAR RO, ,SOGS PAS @498 NI GSOD PA NAS 'JIG PA DANG SKYE BA'I SRED PA'I BAR GZUNG NGO, ,CI'I PHYIR DE DAG MA SPANGS KYANG 'PHAGS PA LA MI 'BYUNG ZHE NA, SGOM SPANG DE DAG NI LTA BA SNGON DU 'GRO BA'I SGO NAS RGYAS PAR 'GYUR BA'I PHYIR DANG, KUN NAS SLONG ZHING GSOS 'DEBS BYED KYI LTA BA RNAMS KYANG BDEN PA MTHONG BA TZAM GYIS SPONG BA'I PHYIR RKED PA BCAG PA'I MIS LDANG MI NUS PA BZHIN NO, , 'DI LTAR GSOD PA LA SOGS PA NI LAS 'BRAS MED PAR LTA BA'I LOG LTAS RGYAS PAR 'GYUR BA'I PHYIR DANG, NGA RGYAL GYI RNAM PA DGU PO DANG, NGA'I SNYAM PA'I NGA RGYAL SGOM SPANG GI PHYOGS KYIS BSDUS PA RNAMS KYANG 'JIG TSOGS LA LTA BAS GSOS 'DEBS SHING RGYAS PAR 'GYUR BA'I PHYIR DANG, 'JIG PA'I SRED PA NI MTHAR 'DZIN PAR LTA BA'I CHAD LTAS RGYAS PAR 'GYUR BA'I PHYIR DANG, SKYE BA'I SRED PA NI MTHAR 'DZIN PAR LTA BA'I RTAG LTAS RGYAS PAR 'GYUR BA'I PHYIR RO, ,DE BZHIN DU MI DGE BA'I BDAG NYID KYI 'GYOD PA'ANG NGAN PAR BYAS PA SGOM SPANG LUS NGAG GI LAS LA DMIGS PAS SGOM SPANG YIN KYANG DE NI THE TSOM LAS 'GYOD CES 'BYUNG BAS THE TSOM GYIS KUN NAS BSLANG BA'I PHYIR DANG, KUN NAS SLONG BYED THE TSOM DE YANG BDEN PA MTHONG BA TZAM GYIS SPANGS PA'I PHYIR 'PHAGS PA LA 'BYUNG BA MA YIN NO, ,KHA CIG SPANGS KYANG 'PHAGS PA RNAMS KUN DU SPYOD PA'ANG YOD DE, 'JIG RTEN PA'I DAD PA DANG GNYID DANG SDUG BSNGAL GYI DBANG PO DANG MIG LA SOGS PA RNAMS 'DOD PAR SKYES PA'I 'PHAGS PA RNAMS LA 'BYUNG BA'I PHYIR RO ZHES SLOB DPON GANG SPEL 'CHAD DO, , GNYIS PA PHRA RGYAS KYI RNAM PA'I RAB TU DBYE BA BSHAD PA LA KUN 'GRO DANG KUN 'GRO MA YIN PA DANG, ZAG BCAS ZAG MED LA DMIGS PA DANG, RGYAS PA DANG MI RGYAS PA DANG, MI DGE BA DANG LUNG MA BSTAN GYI DBYE BA DANG, MI DGE BA DANG LUNG MA BSTAN GYI RTZA BA BSHAD PA DANG, LDAN PA'I TSUL DANG, CHOS DU'I YUL CAN YIN PA DANG, GO RIM DANG, SKYE BA'I RGYU DANG, ZAG PA LA SOGS PA MDO LAS GSUNGS PA'I RNAM PA'I DBYE BA BSHAD PA BCU LAS DANG PO NI PHRA RGYAS DGU BCU RTZA BRGYAD PO DE DAG LAS DU NI KUN DU 'GRO BA YIN DU NI MA YIN ZHE NA ZHES BYA BA'I DRI BA NI 'OG MA RNAMS LA'ANG SHES PAR BYA'O, , ('DIR MTHONG SPANG DANG PO GNYIS KYI DNGOS SU LOG ZHUGS NI KUN 'GRO DANG GZHAN NI MIN PAR 'DOD PAS,) DE LA SDUG BSNGAL MTHONG BAS SPANG BAR BYA BA'I LTA BA LNGA DANG, DE'I RGYU KUN 'BYUNG MTHONG BAS SPANG BAR BYA BA'I LTA BA GNYIS DANG, JI LTAR LTA BA BDUN PO KUN 'GRO YIN PA DE BZHIN DU BDEN PA GNYIS PO DE DAG MTHONG BAS SPANG BAR BYA BA'I THE TSOM GNYIS DANG LTA BA DANG THE TSOM GANG YIN PA DE DAG @499 DANG LHAN CIG MTSUNGS PAR LDAN PA'I MA RIG PA DANG RTZA BA'I NYON MONGS PA GZHAN DANG MA 'DRES PA'I MA RIG PA GANG YIN PA SDUG BSNGAL MTHONG SPANG DANG KUN 'BYUNG MTHONG SPANG GNYIS TE DE LTAR NA PHRA RGYAS BCU GCIG PO DE DAG NI KUN DU 'GRO BA YIN TE, SKAL BA MNYAM PA'I KHAMS KYI SPANG BYA NYON MONGS CAN RIS LNGA PO KUN DU DMIGS SHING (DE DAG) SKYED (PA'I RGYU YIN) PAS KHYAB PAR 'GRO BA'I PHYIR RO, ,DES NA BDEN PA DANG PO GNYIS KYI LTA BA DANG THE TSOM DANG MTSUNGS PAR LDAN PA DANG MA 'DRES PA'I MA RIG PA KHO NA KUN 'GRO YIN GYI 'DOD CHAGS LA SOGS PA DANG MTSUNGS PAR LDAN PA'I MA RIG PA NI KUN 'GRO MA YIN NO, , SKAL BA MNYAM PA'I KHAMS KUN DU 'GRO BA ZHES BYA BA NI 'DOD PA'I DE DAG GIS 'DOD PA'I KHAMS MTHA' DAG LA DMIGS PA YIN PAS SO, ,(BDEN PA DANG PO GNYIS KYI LTA BA LA SOGS PA KHO NA KUN 'GROR BZHAG PA NI RANG SA'I ZAG BCAS THAMS CAD LA DMIGS PAS BSAGS PAS BRTAN ZHING STOBS DANG LDAN LA, 'GOG LAM MTHONG SPANG NI DE LTA MA YIN PA'I PHYIR RO, ,SGOM SPANG BZHI NI RANG GI MTSAN NYID PA'I NYON MONGS YIN PAS YUL ZAG BCAS THAMS CAD LA DMIGS MI NUS PAS KUN 'GRO MIN NO, ,) GAL TE DE LTA NA RANG GI SKAL BA MNYAM PA'I KHAMS MTHA' DAG LA RIM GYIS SAM CIG CAR DMIGS, DANG PO LTAR NA 'DOD CHAGS LA SOGS PA'ANG KUN 'GROR 'GYUR LA, GNYIS PA LTAR NA 'DOD PA'I KHAMS MTHA' DAG GIS 'DAG PAR 'DZIN PA LA SOGS PA MI SRID PA'I PHYIR TSUL KHRIMS DANG BRTUL ZHUGS MCHOG 'DZIN DE DAG KYANG KUN 'GRO (LTA BA LNGA PO'ANG,) MA YIN PAR 'GYUR RO ZHE NA, RDZAS MA LUS PA LA DE LTAR MI SRID KYANG 'DOD PA'I SDUG BSNGAL MTHONG SPANG LA SOGS PA'I RIS LNGA PO THAMS CAD LA DMIGS SHING THAMS CAD KYIS 'DAG PAR 'DZIN PA LA SOGS PA SRID PA'I PHYIR RO, ,GAL TE DE LTA NA'ANG YUL NYER LEN GYI PHUNG PO LNGA PO GANG LA BDAG TU LTA BA YOD PA DE LA BDAG TU SRED PA YOD LA DE YANG 'DOD CHAGS YIN ZHING, GANG LA MCHOG DANG GROL BA'I RGYUR LTA BA DE DON DU GNYER ZHING DE LAS NGA RGYAL DU 'GYUR BAS NA 'DOD CHAGS DANG NGA RGYAL YANG KUN 'GROR 'GYUR TE, LTA BA DE DAG NI SKAL BA MNYAM BA'I KHAMS MMTHA' DAG LA DMIGS LA, NYON MONGS PA GNYIS PO DE DAG KYANG LTA BA'I YUL LA 'JUG PA'I PHYIR RO ZHE NA, BYE BRAG TU SMRA BA NI, DE LTA MOD KYI 'DOD CHAGS DANG NGA RGYAL NI PHYOGS GCIG LA DMIGS PAS RANG GI MTSAN NYID PA YIN KYI SPYI PA MA YIN PA'I PHYIR KUN 'GRO MA YIN TE, KUN 'GRO NI SPANG BYA'I RIGS LNGA CHAR LA CIG CAR DU DMIGS PA LA 'DOD PA'I PHYIR RO ZHES LAN 'DEBS SO, ,DES NA 'DOD CHAGS DANG NGA RGYAL MTHONG SPANG LA DMIGS PA NI MTHONG SPANG DANG, SGOM SPANG LA DMIGS PA NI @500 SGOM SPANG YIN NO ZHES BYA BA 'DI 'DOD DO, ,SLOB DPON NI MTHONG SPANG LTA BA'I DBANG GIS ZHUGS PA'I 'DOD CHAGS DANG NGA RGYAL NI MTHONG SPANG YIN LA, SGOM SPANG GI NYON MONGS PA'I DBANG GIS ZHUGS PA NI SGOM SPANG YIN NO, ,YANG NA MTHONG SPANG LA DMIGS PA'I DE GNYIS NI MTHONG SPANG DANG GNYIS KA 'DREN MA LA DMIGS PA NI SGOM SPANG YIN PAR BZHED DO, , PHRA RGYAS BCU GCIG PO DE DAG LAS DGU NI KHAMS GONG MA SKAL PA MI MNYAM PA'I KHAMS DAG TU DMIGS PAS SKAL BA MI MNYAM PA'I KHAMS KUN 'GRO YIN TE, 'JIG TSOGS LA LTA BA DANG MTHAR 'DZIN PAR LTA BA GNYIS PO MA GTOGS PAS SO, ,DE YANG RANG GI PHUNG PO LA BDAG TU LTA BA DANG DE RTAG CHAD DU LTA BA NI 'JIG TSOGS LA LTA BA DANG MTHAR 'DZIN PAR LTA BA YIN PA NA 'OG MA DANG GONG MA DAG RGYUD DANG PHUNG PO THA DAD PA'I PHYIR RO, ,TSUL KHRIMS DANG BRTUL ZHUGS MCHOG 'DZIN NI RANG GI RGYUD DU GTOGS PA LAS GZHAN LA'ANG 'JUG PA'I PHYIR GONG MA LA DMIGS PA YIN TE, BSTAN BCOS LAS, RES 'GA' NI SKAL BA MI MNYAM PA'I KHAMS GCIG LA DMIGS SO, ,RES 'GA' NI GNYIS LA DMIGS TE 'DOD PA DANG LDAN PA GZUGS DANG LDAN PA LA DMIGS PA RNAMS DANG, 'DOD PA DANG LDAN PA GZUGS MED PA DANG LDAN PA LA DMIGS PA RNAMS DANG, 'DOD PA DANG LDAN PA GZUGS DANG GZUGS MED PA DANG LDAN PA LA DMIGS PA'I PHRA RGYAS GANG DAG YIN PA ZHES 'BYUNG BA'I PHYIR RO, ,DES NA LTA BA DANG PO GNYIS MA GTOGS PA'I KUN 'GRO RNAMS KYIS KHAMS GONG MA LA DMIGS KYI KUN 'GRO MA YIN PA RNAMS KYIS NI MA YIN LA, KHAMS DANG SA GONG MA'I NI NYON MONGS PA THAMS CAD KYIS KYANG 'OG MA LA MI DMIGS TE, KUN LAS BTUS LAS KYANG MA RIG PA DANG LTA BA DANG THE TSOM MA GTOGS PAR 'DOD PA NA SPYOD PA'I NYON MONGS PA NI SA GONG MA LA MI DMIGS SO, ,SA GONG MA'I NYON MONGS PA NI SA 'OG MA LA DMIGS PA MA YIN NO ZHES BSHAD PA'I PHYIR RO, ,('DOD PA NA SKAL BA MNYAM PA DANG MI MNYAM BA'I SA DANG KHAMS LA DMIGS PA THAMS CAD YOD LA, BSAM GTAN BZHI PA NA SKAL PA MNYAM BA'I KHAMS LA DMIGS PA MED LA, SRID RTZE NA SKAL BA MNYAM PA'I SA LA DMIGS PA KHO NA YOD DO ZHES SO, ,'DIR SKAL BA MI MNYAM PA'I KHAMS GCIG GAM GNYIS BSDOMS PA LA DMIGS PA SRED KYI GSUM BSDOMS PA LA DMIGS NUS PA NI MED DO, ,) GAL TE LTA BA DANG PO GNYIS GONG MA LA MI DMIGS NA 'DOD PA PA DAG TSANGS PA LA SEMS CAN DU LTA BA DANG, DE RTAG PAR LTA BA DE JI LTAR ZHE NA, TSANGS PA LA SEMS CAN DU LTA BA DE NI TSANGS PA LA BDAG DANG BDAG GIR MI 'DZIN PAS 'JIG TSOGS LA LTA BA MA YIN LA, TSANGS PA LA RTAG PAR LTA @501 BA'ANG MTHAR 'DZIN PAR LTA BA MA YIN TE, DE NI 'JIG TSOGS LA LTA BAS KUN NAS BSLANG BA YIN PA LA 'JIG TSOGS LA LTA BA MED PA'I PHYIR RO, ,CHOS MNGON PA BA RNAMS NI TSANGS PA LA DMIGS PA DE NI LOG PA'I SHES PA YIN GYI LTA BA LNGAR NI MI BGRANG BA'I PHYIR RO ZHES 'DOD DO, ,YANG CI PHRA RGYAS KHO NA KUN 'GRO YIN NAM ZHE NA MA YIN TE, PHRA RGYAS BCU GCIG PO DE DAG DANG NI LHAN CIG TU 'BYUNG BA'I CHOS GANG DAG YIN PA SEMS DANG SEMS BYUNG TSOR BA LA SOGS PA MTSUNGS LDAN RNAMS DANG, MTSAN NYID LA SOGS PA DE'ANG KUN 'GRO YIN NO ZHES SPYIR BTANG NAS THOB PA NI MA GTOGS SO ZHES DMIGS KYIS BSAL TE, PHRA RGYAS DE DAG DANG THOB PA RNAM SMIN DANG RGYU MTHUN GYI 'BRAS BU MI GCIG PA'I PHYIR RO, ,DE'I PHYIR PHRA RGYAS KUN 'GRO DANG RGYU KUN 'GRO LA MU BZHI LAS, DANG PO (PHRA RGYAS KUN 'GRO YIN LA RGYU KUN 'GRO MIN PA,) NI MA 'ONGS PA'I PHRA RGYAS KUN 'GRO RNAMS SO, ,GNYIS PA NI 'DAS DA LTAR GYI PHRA RGYAS KUN 'GRO DANG LHAN CIG 'BYUNG BA RNAMS SO, ,GSUM PA NI 'DAS DA LTAR GYI PHRA RGYAS KUN 'GRO RNAMS SO, ,BZHI PA NI DE DAG MA GTOGS PA MA 'ONGS PA'I LHAN CIG 'BYUNG BA DANG THOB PA LA SOGS PA'O, ,DES NA PHRA RGYAS DGU BCU RTZA BRGYAD LAS KUN 'GRO KHO NA NYI SHU RTZA BDUN DANG, DE MA YIN PA DRUG CU RTZA LNGA DANG, BDEN PA DANG PO GNYIS KYI SPANG BYA MA RIG PA DRUG KAR DNGOS SU BSTAN PAS SHUGS LA KUN 'GRO RNAMS BDEN PA DANG PO GNYIS KYI MTSAN NYID DANG 'GAL BAR ZHUGS PAS DNGOS SU LOG ZHUGS DANG, KUN 'GRO MA YIN PA RNAMS DNGOS PO LA DMIGS KYANG MTSAN NYID DANG MI 'GAL BAS LOG ZHUGS LA LOG ZHUGS YIN NO ZHES BSTAN PA YIN NO, ,GONG MA BA DAG NI LTA BA DANG PO GSUM DANG MA RIG PA DANG THE TSOM LNGA NI RIM PA LTAR BDEN PA LA NGA DANG NGA YIR 'DZIN PA DANG, RTAG CHAD DU SGRO 'DOGS PA DANG, MED DO ZHES SKUR BA 'DEBS PA DANG, GNAS LUGS MI SHES PA DANG, MTHA' GZHAN DU DOGS PAS DNGOS SU LOG ZHUGS DANG, 'DOD CHAGS DANG NGA RGYAL DANG LTA BA PHYI MA GNYIS TE BZHI NI RIM PA LTAR LTA BA DANG PO GSUM LA SRED CING KHENGS LA MCHOG DANG DAG GROL GYI RGYUR 'DZIN PAS LOG PA LA LOG ZHUGS DANG, KHONG KHRO NI RANG DANG LTA BA MI MTHUN PA RNAMS LA 'KHRUG PAS DBANG GIS LOG ZHUGS ZHES LOG ZHUGS GSUM DU 'CHAD DO, , GNYIS PA ZAG BCAS ZAG MED LA DMIGS PA'I DBYE BA NI 'GOG PA DANG LAM MTHONG BAS SPANG BAR BYA BA LOG LTA GNYIS DANG THE TSOM GNYIS DANG, BZHI PO DE DAG DANG MTSUNGS PAR LDAN PA'I MA RIG PA DANG, MA 'DRES PA 'BA' ZHIG PA'I MA RIG PA 'GOG LAM MTHONG SPANG GNYIS DANG BCAS PA DRUG GAM @502 KHAMS KYIS PHYE NA BCO BRGYAD NI ZAG PA MED PA'I SPYOD YUL CAN YIN TE, DE DAG NI 'GOG LAM GYI BDEN PA LA LOG PAR RTOG PA YIN LA BDEN PA DE GNYIS KYANG ZAG MED YIN PA'I PHYIR RO, ,('O NA BDEN PA MTHONG BAR THAL LO ZHE NA MA NGES TE RNAM PA PHYIN CI LOG TU ZHUGS PA'I PHYIR RO, ,) GZHAN LHAG MA BRGYAD CU BO DAG NI ZAG PA DANG BCAS PA'I CHOS KYI YUL CAN YIN NO, ,'O NA SA GANG GI LOG LTA LA SOGS PAS SA GANG GI GNYEN PO 'GOG LAM LA DMIGS SHE NA, 'GOG PA LA DMIGS PA'I LOG LTA LA SOGS PA NI RANG RANG GI SA PA'I GNYEN PO 'GOG PA KHO NA LA DMIGS PA YIN TE, 'DOD PA'I LOG LTA LA SOGS PAS 'DOD PA'I GNYEN PO 'GOG PA LA DMIGS PA LA SOGS PA NAS SRID RTZE'I BAR DU SBYAR RO, ,LAM NI DANG PO'I NYER BSDOGS LA SOGS PA ZAG MED KYI SA DRUG LA RTEN PA'I LAM CHOS SHES PA DE'I SPYOD YUL CAN 'DOD PA'I LOG LTA THE TSOM RMONGS PA LA SOGS PA GSUM GYI YUL YIN TE, 'DOD PA'I GNYEN PO YIN PA'I PHYIR RO, ,DE BZHIN DU KHAMS GONG MA GNYIS KYI GNYEN PO YIN PA'I PHYIR SA DRUG PO DE DANG GZUGS MED DANG PO GSUM STE SA DGU LA RTEN PA'I LAM RJES SU SHES PA NI RJES SHES DE'I SPYOD YUL CAN BSAM GTAN DANG PO NAS SRID RTZE'I BAR GYI LOG LTA LA SOGS PA GSUM GYI YUL YIN NO, ,GAL TE GONG MA RTEN PA'I LAM DE DAG 'OG MA'I LOG LTA LA SOGS PA'I YUL DU JI LTAR 'GYUR ZHE NA, SA GONG MA DANG 'OG MA'I LAM NI SA DGU'I LAM NI PHAN TSUN DU, MNYAM DANG KHYAD PAR CAN GYI YIN, ,ZHES 'BYUNG BAS PHAN TSUN SKAL MA PA NYAM PA'I RGYU YIN PAS SO, , 'O NA NI RJES SHES DANG CHOS SHES PA'I LAM NI PHAN TSUN SKAL MNYAM GYI RGYU YIN PA'I PHYIR RJES SU SHES PA LA CHOS SHES PA'I LAM LA DMIGS PA 'DOD PA'I LOG LTA LA SOGS PA'I YUL DU 'GYUR RO ZHE NA, DE LTA MOD KYI RJES SHES 'DOD PA'I GNYEN PO MA YIN PA'I PHYIR 'DOD PA'I LOG LTA LA SOGS PA'I YUL DU MI 'GYUR RO, ,'O NA CHOS SHES PA'I LAM YANG GZUGS DANG GZUGS MED NA SPYOD PA'I LOG LTA SOGS PA'I YUL DU 'GYUR TE, BSGOM PA'I LAM LA 'GOG PA DANG, ,LAM LA CHOS SHES GANG YIN DE, ,KHAMS GSUM GYI NI GNYEN PO YIN, ,ZHES 'CHAD PAR 'GYUR BA'I PHYIR RO ZHE NA, DE LTAR 'CHAD MOD KYI ('ON KYANG 'DI NI MTHA' DAG GI GNYEN PO BYED PA DANG MI BYED PAS PHYE BA YIN TE DE YANG MDZOD KYI,) 'GREL PA LAS, DANG PO MED PA'I PHYIR DANG, DANG PO RNAMS KYI MA YIN PA'I PHYIR DMIGS PA MA YIN NO ZHES 'BYUNG STE, DE DAG GI DON NI CHOS SHES PA NI KHAMS GONG MA GNYIS KYI LOG LTA LA SOGS PA'I DMIGS PA MA YIN TE, DE DE DAG GI GNYEN PO MA YIN PA'I PHYIR RO, ,DE NYID JI LTAR ZHE NA, 'DI LTAR CHOS @503 SHES PA MTHA' DAG KYANG KHAMS GONG MA'I GNYEN PO MA YIN TE, BDEN BZHI LA CHOS SHES PA RNAMS KYI DANG PO BDEN PA DANG PO GNYIS KYI CHOS SHES PA GZUGS DANG GZUGS MED PA'I GNYEN POR MED PA'I PHYIR RO, ,GONG MA MTHA' DAG GI YANG GNYEN PO MA YIN TE, (CHOS NI DANG PO KHAMS GONG GI) MTHONG SPANG GI GNYEN PO MA YIN PA'I PHYIR RO ZHES PA'O, ,DES NA DE DANG MTHUN PAR SLOB DPON GANG SPEL GYIS KYANG DANG PO STE SGOM LAM GYIS BSDUS PA'I SDUG BSNGAL DANG KUN 'BYUNG LA CHOS SHES PA GNYIS NI KHAMS GONG MA GNYIS KYI GNYEN POR MED PA'I PHYIR DANG, SGOM SPANG LA LTOS NAS DANG PO KHAMS GONG MA GNYIS KYI MTHONG SPANG RNAMS KYIS GNYEN PO CHOS SHES MA YIN PA'I PHYIR KHAMS GONG MA GNYIS KYI LOG LTA LA SOGS PA NI CHOS SHES LA DMIGS PA MA YIN NO ZHES BSHAD PAS DE LTAR BYE BRAG TU SMRA BAS LAN 'DEBS MOD KYI 'ON KYANG 'DI DAG GRUB PA'I MTHA' TSAD MAR BYAS PA TZAM ZAD DO, ,DE LTAR NA KHAMS GSUM GYI PHRA RGYAS BCO BRGYAD ZAG MED LA DMIGS PAR BSHAD PAS LHAG MA PHRA RGYAS BRGYAD CU NI ZAG BCAS LA DMIGS PAR 'GYUR RO, , YANG CI'I PHYIR LOG LTA LA SOGS PA DE DAG KHO NA ZAG MED LA DMIGS PA YIN GYI 'DOD CHAGS LA SOGS PA NI MA YIN ZHE NA, 'GOG LAM NI 'DOD CHAGS KYIS DMIGS PA MIN TE, DE'I YUL NI SPANG BYA YIN LA 'GOG LAM NI SPANG BYA MA YIN PA'I PHYIR RO, ,(ZAG MED LA DMIGS PA NI GCIG TU SPANG BYAR MA NGES TE 'DUN PA BZHIN NO, ,) 'GOG LAM THOB CING BSGRUB PAR 'DOD PA NI DGE BA'I CHOS LA 'DUN PA YIN GYI 'DOD CHAGS MA YIN NO, ,DE BZHIN DU 'GOG LAM NI ZHE SDANG GIS KYANG DMIGS PA MIN TE, ZHE SDANG NI GNOD PA BYAS PA'AM BYED PA'AM BYED PAR 'GYUR BA LA DMIGS PA YIN NA 'GOG LAM NI KUN NAS MNAR SEMS KYI GZHI DGU'I MTSAN NYID LAS 'DAS PAS SU LA'ANG GNOD PA MI BYED PA'I PHYIR RO, , 'GOG LAM NI ZHI BA'I PHYIR NGA RGYAL GYI DMIGS PA MA YIN TE, DE NI SEMS KHENGS PA LA BRJOD PA'I PHYIR RO, ,LAM BDEN NI YANG DAG PAR NYON MONGS PA'I DRI MA SPANGS PA'I PHYIR DAG PA'I PHYIR TSUL KHRIMS DANG BRTUL ZHUGS MCHOG TU 'DZIN PAS DMIGS PA MA YIN TE, DE NI YANG DAG PA'I RGYU MA YIN PA LA DER 'DZIN PA YIN PA'I PHYIR RO, ,'GOG LAM NI YANG DAG PA'I DON DU DAG PA YIN PAS CHOS THAMS CAD KYI MCHOG TU GYUR PA YIN PA'I PHYIR LTA BA MCHOG TU 'DZIN PAS DMIGS PA MIN TE, DE NI DNGOS PO DMAN LA MCHOG TU 'DZIN PA'I LTA BA YIN PA'I PHYIR RO, ,DES NA PHRA RGYAS DGU BCU RTZA BRGYAD LAS ZAG MED LA DMIGS PA KHO NA YIN PA BCU GNYIS DANG, ZAG BCAS KHO NA LA DMIGS PA BRGYAD CU DANG ZAG BCAS @504 ZAG MED GNYIS KA LA DMIGS PA 'GOG LAM MTHONG SPANG GI MA RIG PA DRUG YIN NO ZHES DNGOS SU BSTAN PAS SHUGS LA ZAG MED LA DMIGS PA RNAMS DNGOS SU LOG ZHUGS DANG, 'GOG LAM MTHONG SPANG GI ZAG BCAS LA DMIGS PA RNAMS DNGOS SU LOG LTA LA SOGS PA DE DAG LA DMIGS PAS LOG PA LA LOG ZHUGS YIN NO ZHES SHES PAR BYA'O, ,GONG MA BA LTAR NA 'GOG LAM MTHONG SPANG GI LOG LTA LA SOGS PA DRUG PO DE DAG GIS KYANG RTOG BCAS KYI YID KYIS BRTAGS PA'I 'GOG LAM GYI MING TZAM LA DMIGS PA YIN GYI DE DAG LA DNGOS SU NI MI DMIGS TE, GAL TE ZAG MED LA DNGOS SU DMIGS NA DE DAG 'PHAGS PA'I YE SHS SU THAL BAR 'GYUR BA'I PHYIR RO ZHES 'DOD DE, RNAM PAR GTAN LA DBAB PA BSDU BA LAS MTHONG SPANG SGOM SPANG DE DAG GI DMIGS PA NI BSDU NA LNGA STE, LOG PAR RNAM PAR BRTAGS PA'I DNGOS PO LA DMIGS PA DANG, LTA BA LA DMIGS PA DANG, TSUL KHRIMS DANG BRTUL ZHUGS LA DMIGS PA DANG, RANG GIS RNAM PAR BRTAGS PA'I MING LA DMIGS PA DANG, RANG GI NGANG GIS YE YOD PA'I DNGOS PO LA DMIGS PA'O, ,DE LA DANG PO NI BDEN PA DANG PO GNYIS LA DMIGS PA RNAMS SO, , GNYIS PA NI THE TSOM MA GTOGS PA LTA BA MCHOG 'DZIN DANG 'DOD CHAGS LA SOGS PA MTHONG SPANG RNAMS SO, ,GSUM PA NI TSUL KHRIMS DANG BRTUL ZHUGS MCHOG 'DZIN NO, ,BZHI PA NI 'GOG LAM LA DMIGS PA DANG KHAMS MI 'DRA BA LA DMIGS PA RNAMS TE, NYON MONGS PA NI NAM YANG 'GOG LAM LA DMIGS PAR MA GYUR, DMIGS PAR MI BYED, DMIGS PAR MI 'GYUR LA, KHAMS MI 'DRA BA LA'ANG MA YIN PA'I PHYIR RO, ,LNGA PA NI SGOM SPANG RNAMS SO, ,DES NA DANG PO BZHI NI MTHONG SPANG GI DMIGS PA YIN LA, LNGA PA NI SGOM SPANG GI DMIGS PA YIN NO ZHES PA DANG, KUN LAS BTUS LAS KYANG, 'GOG PA DANG LAM LA DMIGS PA'I NYON MONGS PA GANG YIN PA DE NI DE DAG LA DMIGS PA MA YIN PAR LTA STE, DE'I DMIGS PA NI DE YONGS SU RTOG PA'O ZHES 'BYUNG BA'I PHYIR RO, ,'ON KYANG BYE BRAG TU SMRA BA RNAMS NI ZAG MED LA DMIGS KYANG 'PHAGS PAR 'GYUR BA NI MA NGES TE, SGRA RTAG 'DZIN BZHIN NO ZHES LAN 'DEBS PAR BYED DO, , GSUM PA RGYAS PA DANG MI RGYAS PA'I DBYE BA NI YANG PHRA RGYAS DGU BCU RTZA BRGYAD LAS DMIGS PAS RGYAS 'GYUR DU MTSUNGS LDAN GYIS RGYAS 'GYUR DU ZHE NA, (DMIGS PAS RGYAS BA DE NI MTSUNGS LDAN GYIS KYANG RGYAS LA, GANG DAG MTSUNGS LDAN KHO NAS RGYAS PA'ANG YOD DO, ,DE YANG PHRA RGYAS KUN 'GRO NI GNYIS TE RANG GI KHAMS DANG SA KUN TU 'GRO BA DANG, SKAL BA MI MNYAM PA'I KHAMS DANG SA KUN TU 'GRO BA'O, ,) @505 PHRA RGYAS GANG DAG KUN DU 'GRO BAR BSHAD PA GANG DAG YIN PA DE RNAMS NI DMIGS PA'I SGO NAS RANG GI SA PA'I SPANG BYA RIS LNGA PO THAMS CAD DU RGYAS PAR 'GYUR BA DANG, KUN 'GRO MA YIN PA RNAMS NI RANG RANG GI RIS SU GTOGS PA LA RGYAS PAR 'GYUR GYI RIS GZHAN LA NI MA YIN NO, ,DES NA SDUG BSNGAL MTHONG SPANG NI SDUG BSNGAL MTHONG SPANG KHO NA LA RGYAS PAR 'GYUR RO ZHES BYA BA LA SOGS PAR SBYAR RO, ,'O NA THAMS CAD RANG GI YUL LA DMIGS PAS RGYAS SAM ZHE NA, ZAG MED DANG SA GONG MA'I YUL CAN GYI NYON MONGS PAS DE DAG LA DMIGS KYANG (DMIGS PA'I SGO NAS,) RGYAS PA MIN TE, ZAG MED DANG SA GONG MA BA DAG 'OG MAS BDAG TU LTA BA DANG SRED PAS BDAG GIR MA BYAS PA'I PHYIR (TE DE DAG LA DE DAG GIS DMIGS MI NUS PA'I PHYIR,) DANG NYON MONGS PA DE DAG GI GNYEN PO YIN PA'I PHYIR DANG, RGYAS PA NI RGYUN 'PHEL BA YIN NA DE DAG LA 'PHEL BAR 'OS PA MA YIN PA'I PHYIR RO, ,DE NYID KYI PHYIR SLOB DPON GANG SPEL GYIS KYANG, PHRA RGYAS LA KUN 'GRO DANG KUN 'GRO MA YIN PA GNYIS LAS DANG PO LA'ANG RANG GI KHAMS DANG SA SKAL BA MNYAM PA DANG MI MNYAM PA GNYIS SO, ,KUN 'GRO MA YIN PA LA'ANG ZAG BCAS DANG ZAG MED LA DMIGS PA GNYIS SO, ,DE LA KUN 'GRO RNAMS NI YUL SPANG BYA RIS LNGA CHAR LA DMIGS PA YIN LA, KUN 'GRO MA YIN PA NI RANG RANG GI RIS KHO NA LA DMIGS SO, ,DE LA ZAG MED DANG SKAL BA MI MNYAM PA'I KHAMS DANG SA GONG MA LA DMIGS PA RNAMS NI MTSUNGS LDAN GYIS RGYAS 'GYUR YIN GYI DMIGS PAS RGYAS 'GYUR NI MA YIN TE, SER DANG BCAS PA'I ZHING LA MYU GU SKYE BA LTAR GANG LA BDAG LTA DANG SRED PA 'JUG PA DE LA GZHAN DAG KYANG RGYAS PAR 'GYUR BA YIN NA ZAG MED DANG SA GONG MA LA NI BDAG LTA DANG SRED PA MI 'JUG STE, DE GNYIS NI RANG NYID KYI NYER LEN GYI PHUNG PO LA DMIGS PA'I PHYIR RO, ,'O NA 'DOD PA NA GNAS PA ZAG MED DANG SA GONG MA DON DU GNYER BA DE JI LTAR SRED PA MA YIN ZHE NA, DE NI DGE BA'I CHOS LA 'DUN PA YIN NO ZHES BSHAD DO, ,(KHA CIG PHRA RGYAS KYI DON NI RJES SU MTHUN PA'I DON YIN PA LA ZAG MED DANG SA GONG MA NI DE DAG GI RJES SU MTHUN PA MA YIN TE RLUNG NAD CAN LA KHA ZAS RTZUB PO BZHIN NO, ,DE'I PHYIR ZAG MED LA DMIGS PA'I LOG LTAS DGE RTZE GCOD MI NUS SO ZHES GSUNG NGO, ,) PHRA RGYAS GANG ZHIG SEMS DANG SEMS BYUNG GI SA MANG PO BA LA SOGS PA GANG DANG MTSUNGS PAR LDAN PA'I PHRA RGYAS DE DAG NI GROGS DER TE DE DAG LA MA SPANGS KYI BAR DU MTSUNGS PAR LDAN PA'I SGO NAS RGYAS PAR 'GYUR TE (DUG DANG 'DRES PA'I CHANG GIS DUG GI NUS PA 'PHEL BA BZHIN NO, ,) DE LTAR NA PHRA RGYAS DGU BCU RTZA BRGYAD LAS ZAG MED LA DMIGS PA BCU GNYIS NI MTSUNGS LDAN KHO NAS @506 RGYAS 'GYUR DANG, 'GOG LAM MTHONG SPANG GI MA RIG PA DRUG DANG, KHAMS 'OG MA GNYIS KYI KUN 'GRO BCO BRGYAD DE NYI SHU RTZA BZHI NI DMIGS YUL ZAG BCAS ZAG MED DANG RANG SA DANG GONG SA LA LTOS NAS CI RIGS DMIGS PA DANG MTSUNGS LDAN GYIS RGYAS 'GYUR GNYIS KA CI RIGS PA DANG, LHAG MA DRUG CU RTZA GNYIS NI RGYAS 'GYUR GNYIS KAR NGES LA, DMIGS PAS RGYAS PA LA MTSUNGS LDAN GYI RGYAS PAS KHYAB PAS (DMIGS PAS,) RGYAS 'GYUR KHO NA YIN PA NI MED DO, , BZHI PA MI DGE BA DANG LUNG DU MA BSTAN PAR DBYE BA NI KHAMS GONG MA GNYIS KYI NYON MONGS PA THAMS CAD NI BSGRIBS LA LUNG DU MA BSTAN PA YIN TE (TING NGE 'DZIN GYIS BTUL BAS RNAM SMIN 'BYIN MI NUS PA'I PHYIR,) NYON MONGS CAN YIN LA, GONG NA MI DGE BA MED PA'I PHYIR DANG, GAL TE MI DGE BA YOD NA DE'I RNAM SMIN NI SDUG BSNGAL YIN NA SDUG BSNGAL DE YANG KHAMS GONG MA GNYIS NA MED DE, PHA ROL LA GNOD PA'I RGYU GNOD SEMS LA SOGS PA MED PA'I PHYIR DANG, NYON MONGS PA DGE BA DANG MA BSGRIBS PAR 'GYUR BA'ANG MI SRID PA'I PHYIR RO, ,SLOB DPON 'PHAGS PA NI KHAMS GONG MA GNYIS KYI NYON MONGS LA ZHI GNAS DANG LDAN PAS NYE BAR ZHI BAS LUNG DU MA BSTAN PA ZHES BZHED DE, KUN LAS BTUS LAS, NYE BAR ZHI BAS LUNG DU MA BSTAN PA GANG ZHE NA, GZUGS DANG GZUGS MED PA NA SPYOD PA'I NYON MONGS PA STE, ZHI GNAS DANG LDAN PA'I PHYIR RO ZHES 'BYUNG BA'I PHYIR RO, ,'DOD PA'I KHAMS NA 'JIG TSOGS LA LTA BA DANG MTHAR 'DZIN PAR LTA BA DANG DE DAG GNYIS DANG LHAN CIG MTSUNGS PAR LDAN PA'I MA RIG PA GSUM NI BSGRIBS LA LUNG MA BSTAN YIN NO, ,JI LTAR ZHE NA, 'JIG TSOGS LA LTA BA DANG RTAG PAR LTA BA NI SBYIN PA GTONG BA DANG TSUL KHRIMS SRUNG BA LA SOGS PA DGE BA DANG MI 'GAL BAR 'JUG BA'I PHYIR TE, BDAG 'JIG RTEN PHA ROL TU BDE BAR BYA BA'I DON DU SBYIN PA DANG, TSUL KHRIMS LA 'JUG PA'I PHYIR RO, ,CHAD PAR LTA BA'ANG THAR PA DANG MTHUN PA'I PHYIR TE, MCHOG TU GDAGS PA BCU STON PA'I MDO LAS, PHYI ROL PA'I LTA BAR GYUR PA RNAMS KYI NANG NA 'DI LTA STE, BDAG MED PAR GYUR CIG ,BDAG GI MED PAR GYUR CIG ,BDAG 'BYUNG BAR MA GYUR CIG ,BDAG GI 'BYUNG BAR MA GYUR CIG CES LTA BA 'DI MCHOG YIN NO ZHES GSUNGS PA YIN NO, ,GZHAN YANG LTA BA 'DI GNYIS NI RANG GI RGYUD DU GTOGS PA'I NYER LEN GYI PHUNG PO LA KUN DU RMONGS PAS RANG GI RDZAS LA RMONGS PA'I PHYIR DANG, GZHAN LA GNOD PAR MA ZHUGS PAS MI DGE BA MA YIN PA'I PHYIR RO, ,DGE BA'ANG MA YIN TE, NYON MONGS PA CAN YIN PA'I PHYIR RO, ,GTAN TSIGS DE DAG NI DE GNYIS DANG MTSUNGS PAR LDAN PA'I @507 MA RIG PA LA'ANG MTSUNGS SO, ,SNGON GYI SLOB DPON DAG NI DE LTA NA MTHO RIS LA SRED PA'I 'DOD CHAGS DANG NGA'O SNYAM PA'I NGA RGYAL YANG LUNG MA BSTAN DU THAL BAR 'GYUR TE, RGYU MTSAN DE DAG MTSUNGS PA'I PHYIR RO, ,DES NA LTA BA DE GNYIS LHAN CIG SKYES PA RI DVAGS LUNG MA BSTAN YIN TE, (BAB COL DU SGRA THOS PAS SKRAG PA'I RGYUR 'GYUR BA LTA BU'O, ,) SER SKYA DANG GZEGS ZAN LA SOGS PAS KUN TU BRTAGS PA NI MI DGE BA YIN PAR BZHED DE, RNAM PAR GTAN LA DBAB PA BSDU BA LAS, 'JIG TSOGS LA LTA BA NI GNYIS TE, LHAN CIG SKYES PA DANG KUN BRTAGS PA'O, ,DE LA DANG PO NI BYIS PA SO SO'I SKYE BO THAMS CAD DANG THA NA BYA DANG RI DVAGS RNAMS KYI'ANG YIN NO, ,GNYIS PA NI GZHAN MU STEGS CAN RNAMS KYI YIN PAR LTA'O, ,MTHAR 'DZIN PAR LTA BA LA'ANG GNYIS LAS RTAG LTAS BSDUS PA'I MTHAR 'DZIN GYI LTA BA NI LTA BA'I RNAM PA DRUG CU RTZA GNYIS LAS SNGON GYI MTHAR RTOG PA RTAG PAR SMRA BA RNAMS DANG, LA LA RTAG PAR SMRA BA RNAMS DANG, PHYI MA'I MTHAR RTOG PA 'DU SHES CAN DU SMRA BA RNAMS DANG, 'DU SHES MED PAR SMRA BA RNAMS DANG, 'DU SHES YOD MED GNYIS KA MA YIN PAR SMRA BA RNAMS KYI YIN LA, CHAD LTAS BSDUS PA'I MTHAR 'DZIN GYI LTA BA NI DNGOS PO BDUN GYIS CHAD PAR SMRA BA'I DGE SBYONG DANG BRAM ZE RNAMS KYI YIN TE, DE DAG GI MTHAR 'DZIN GANG DE NI KUN BRTAGS KHO NA'O ZHES PA DANG 'DOD PA'I 'JIG TSOGS LA LTA BA LHAN CIG SKYES PA DE NI LUNG MA BSTAN YIN TE, RTAG TU DANG YANG DU 'BYUNG BA'I PHYIR DANG, BDAG DANG GZHAN LA SHIN TU GNOD PA'I GNAS MA YIN PA'I PHYIR RO, ,RTOG PAS MNGON PAR ZHEN PA DE NI MI DGE BA YIN NO ZHES 'BYUNG BA'I PHYIR RO, ,DE LTA NA 'DOD PA'I 'DOD CHAGS DANG NGA RGYAL DAG KYANG LHAN SKYES BSGRIBS LA LUNG MA BSTAN DANG KUN BRTAGS MI DGE BAR 'GYUR ZHING KHAMS GONG MA NA'ANG MI DGE BA YOD PAR 'GYUR TE, 'JIG TSOGS LA LTA BA LA SOGS PA KUN DU BRTAGS PA YOD PA'I PHYIR RO, ,MED NA NI MTHONG SPANG MED PAR THAL BA 'DI SPANG DGOS SO, ,'DOD CHAGS LA SOGS PA'I PHRA RGYAS 'JIG TSOGS LA LTA BA DANG MTHAR 'DZIN PAR LTA BA'I (LTA BA DANG PO GNYIS MTSUNGS LDAN DANG BCAS PA MA GTOGS PA'I PHRA RGYAS,) LHAG MA RNAMS NI 'DOD PA'I KHAMS 'DIR MI DGE BA YIN PAR SHES PAR BYA'O, , DE NYID KYI PHYIR RNAM PAR GTAN LA DBAB PA BSDU BA LAS KYANG, MANG DANG NYON MONGS CAN DANG NI, ,SPYOD DANG SDUG BSNGAL NYID DANG YANG, ,KHA NA MA THO BUL 'BRAS DANG, ,TING NGE 'DZIN DANG SKYE BA'O ZHES 'DOD PA DANG KHAMS GONG MA'I NYON MONGS PA LA KHYAD PAR BRGYAD DAM BCU BSHAD DO, , @508 LNGA PA MI DGE BA DANG LUNG MA BSTAN GYI RTZA BA BSHAD PA NI 'DOD PA'I KHAMS NA SPANG BYA RIS LNGA CHAR GYI 'DOD CHAGS DANG KHONG KHRO NI RTZA BA GNYIS DANG, 'JIG TSOGS LA LTA BA DANG MTHAR 'DZIN PAR LTA BA DANG PO GNYIS DANG, MTSUNGS PAR LDAN PA'I GTI MUG MA GTOGS PA'I KUN DU RMONGS PA RNAMS NI MI DGE BA'I RTZA BA YIN TE, MI DGE BA THAMS CAD GSUM PO DE LAS 'BYUNG BA'I PHYIR RO, ,'DOD NA ZHES BYA BAS KHAMS GONG MA'I DE DAG MI DGE BA'I RTZA BA YIN PA SEL BAR BYED DO, ,MI DGE BA'ANG YIN LA RTZA BA'ANG YIN PAS GSUM PO DE DAG KHO NA MI DGE BA'I RTZA BA'O, ,GSUM PO MA GTOGS PA NI MI DGE BA'I RTZA BA MA YIN NO, ,SLOB DPON GANG SPEL NI NYON MONGS PA GANG ZHIG PHRA RGYAS RTZA BA'I NYON MONGS PA YIN PA DANG, SPANG BYA RIS RNAM PA LNGA'I RANG BZHIN YIN PA DANG, LUS NGAG GI LAS KUN NAS SLONG BA DANG, RNAM SHES TSOGS DRUG CAR DANG MTSUNGS PAR LDAN PA DANG, DGE RTZA GCOD PA LA STOBS DANG LDAN PA'I RGYU YIN PA DE KHO NA MI DGE BA'I RTZA BA YIN TE, PHRA RGYAS RNAM PA LNGA'I RANG BZHIN, ,LUS NGAG BYA BA KUN SLONG BYED, ,RNAM SHES LNGAR RTEN DKAR PO'I RTZA, ,KUN GCOD 'DREN PA MI DGE'I RTZA'O ZHES 'CHAD DO, ,SA'I DNGOS GZHI LAS NI, MI DGE BA'I RTEN DU GYUR PAS NA RTZA BA RNAMS SO ZHES 'BYUNG (LHAG MA NI RTZA BA MA YIN NO, ,) NGO, ,LUNG DU MA BSTAN PA'I RTZA BA NI GSUM MO, ,GANG ZHE NA, LUNG MA BSTAN GYI RTZA BA GSUM PO DE DAG NI KHAMS GONG MA GNYIS KYI RO MYANG BA DANG MTSUNGS PAR LDAN PA DANG, GZHAL MED KHANG LA SOGS PA LA SRED PA (SOGS KHAMS GONG MA GNYIS KYI SRID PA THAMS CAD) DANG MA RIG PA KHAMS GSUM GYI SGRIB PA THAMS CAD DAM YANG NA, ('DOD PA'I LTA BA DANG PO GNYIS DANG MTSUNGS PAR LDAN PA DANG,) BLO NI SHES RAB STE (DE'I NGO BO NYON MONGS CAN MA YIN YANG LUNG MA BSTAN GYI RTZA BAR 'DOD DE,) DE YANG 'DOD PA NA RNAM SMIN SKYES LA SOGS PA MA BSGRIBS LUNG MA BSTAN GYI SEMS BZHI DANG MTSUNGS PAR LDAN PA DANG, BSGRIBS LA LUNG MA BSTAN GYI LTA BA (DANG PO) GNYIS DANG, KHAMS GONG MA GNYIS NA NYON MONGS PA DANG MTSUNGS PAR LDAN PA DANG, MA BSGRIBS LUNG MA BSTAN RNAM SMIN SKYES LA SOGS PA'I SEMS DANG MTSUNGS PAR LDAN PA'I SHES RAB THAMS CAD YIN NO, , 'DI YANG LUNG MA BSTAN YANG YIN LA RTZA BA'ANG YIN PAS LUNG MA BSTAN GYI RTZA BA STE, MI DGE BA DAG NI LUNG MA BSTAN GYI RTZA BAR MI 'OS PA'I PHYIR RO, ,GSUM PO DE DAG LAS GZHAN PA'I THE TSOM NI LUNG MA BSTAN GYI RTZA BA MIN TE, RNAM PA GNYIS SU 'JUG PAS MI BRTAN PA'I PHYIR TE RTZA BA NI BRTAN PA YIN PA'I PHYIR RO, ,NGA RGYAL YANG MA YIN TE, SEMS MTHO BA'I RNAM PAR 'JUG PA'I PHYIR DANG, RTZA BA @509 NI GTING NA GNAS PA'I PHYIR RO, ,KHONG KHRO NI KHAMS GONG MA NA MED PA'I PHYIR DANG, 'DOD PA NA YOD PA DAG NI MI DGE BA YIN PA'I PHYIR RO ZHES BYA BAR KHA CHE BYE BRAG TU SMRA BA 'DOD DE, BRTAN PA DANG GTING NA GNAS PA TZAM NI 'DIR RTZA BA'I DON MA YIN GYI 'ON KYANG 'DIR GTZO BO'I RGYU LA BRJOD PAR 'DOD PAS NA DE MA YIN PA'I PHYIR RO ZHES BRJOD DO, ,LUNG DU MA BSTAN PA'I RTZA BA NI BZHI YIN NO ZHES YI 'OG PA BYE BRAG TU SMRA BA RNAMS 'DOD DE, NYI 'OG PA NI RGYA GAR BA RNAMS SAM KHA CHE BA'I YUL LAS GZHAN NA GNAS PA RNAMS YIN NO, ,BZHI PO DE DAG KYANG GANG ZHE NA, KHAMS GONG MA GNYIS KYI SRED PA DANG LTA BA THAMS CAD DANG, 'DOD PA NA LUNG MA BSTAN GYI LTA BA DANG PO GNYIS DANG, KHAMS GONG MA GNYIS KYI NGA RGYAL DANG, SNGAR BSHAD PA'I RMONGS PA RNAMS YIN NO, ,CI'I PHYIR ZHE NA, (NGA RGYAL SHAS CHE BA'I BSAM GTAN PA NI BSAM GTAN DES KHENGS PAR 'GYUR BA'I PHYIR RO, ,SRED PA SHAS CHE BA'I BSAM GTAN PA NI, BSAM GTAN DAG LA RO MYANG BAR BYED PA'I PHYIR RO, ,LTA BA SHAS CHE BA'I BSAM GTAN PA NI BSAM GTAN LA BRTEN NAS RTAG PA LA SOGS PAR LTA BA 'BYUNG BA GANG YIN PA'O, , THE TSOM SHAS CHE BA'I BSAM GTAN PA NI BSAM GTAN LA BRTEN NAS CI 'DI MYA NGAN LAS 'DAS PA'I LAM YIN NAM, 'ON TE GZHAN ZHIG YIN SNYAM PA DANG, CI BDAG 'DAS PA'I DUS NA BYUNG BA'AM, 'ON TE MA BYUNG SNYAM PA LA SOGS PA'O, ,NYON MONGS PA RGYU BA'I GNAS SKABS 'DI DAG KYANG BSAM GTAN LA SNYOMS PAR ZHUGS PA 'DI DAG KHO NA LA 'BYUNG NGO, ,ZHES RNAM BSHAD RIGS PA'I 'GREL BA LAS 'BYUNG PA LTAR,) RO MYANG BA DANG MTSUNGS PAR LDAN PA'I BSAM GTAN SGOM PA SRED PA SHAS CHE BA DANG, BSAM GTAN LA BRTEN NAS RTAG LTA LA SOGS PA SKYED DANG BYED PA LTA BA SHAS CHE BA DANG, BDAG NI BSAM GTAN THOB PA YIN GYI GZHAN DAG NI DE LTA MA YIN NO SNYAM DU RLOM PA NGA RGYAL SHAS CHE BA'I BSAM GTAN PA GSUM NI BSGRIBS LA LUNG MA BSTAN YIN LA, DE GSUM YANG MA RIG PA LAS BYUNG BA'I PHYIR RO ZHES 'DOD DO, ,'O NA LUNG RING PO LAS, (BSAM GTAN NI MTSON PA STE GZUGS MED KYI SNYOMS 'JUG LUNG MA BSTAN DANG 'DOD PA'I BSGRIBS PA LA SOGS PA GZHAN YANG YOD CES GSUNGS SO, ,) BDAG DANG 'JIG RTEN RTAG GAM MI RTAG GAM GNYIS KA'AM GNYIS KA MA YIN NAM MTHA' DANG LDAN NAM MI LDAN NAM GNYIS KA'AM GNYIS KA MA YIN NAM DE BZHIN GSHER BA GRONGS PHAN CHAD 'BYUNG NGAM MI 'BYUNG NGAM GNYIS KA'AM GNYIS KA MA YIN NA, LUS DE NYID SROG YIN NAM SROG KYANG GZHAN LA LUS KYANG GZHAN YIN NAM ZHES PA LUNG DU MA BSTAN PA'I DNGOS PO BCU BZHI GSUNGS PA RNAMS DGE MI DGER LUNG MA BSTAN PA'I LUNG DU @510 MA BSTAN PA YIN NAM ZHE NA, MA YIN TE, DE NI DRI BA LA LAN MI GDAB PAR GZHAG PAR BYA BA'I LUNG DU MA BSTAN PA YIN NO, ,JI LTAR ZHE NA, DRI BA'I LAN NI MGO GCIG TU LUNG BSTAN PA DANG RNAM PAR PHYE STE LUNG BSTAN PA DANG DRIS TE LUNG BSTAN PA DANG, GZHAG PAR LUNG BSTAN PA BZHI YOD PA LAS, DANG PO NI DPER NA CI SEMS CAN SKYES PA THAMS CAD 'CHI BAR 'GYUR RAM ZHES 'DRI NA 'CHI'O, ,ZHES LAN GDAB PA LTA BU DANG, GNYIS PA NI DPER NA CI 'CHI BA THAMS CAD SKYE'AM ZHES 'DRI NA NYON MONGS PA MED PA RNAMS MI SKYE LA NYON MONGS PA DANG BCAS PA RNAMS SKYE'O ZHES LAN GDAB PA LTA BU DANG, GSUM PA NI DPER NA CI MI 'DI KHYAD PAR DU 'PHAGS PA YIN NAM, 'ON TE DMAN PA YIN ZHES 'DRI NA LHA LA LTOS NAS SAM NGAN SONG LA LTOS NAS 'DRI ZHES KHO NYID LA DRIS TE LHA LA LTOS NAS ZHES ZER NA NI DMAN LA NGAN SONG LA LTOS NAS 'DRI NA NI KHYAD PAR DU 'PHAGS SO ZHES LAN GDAB PA LTA BU DANG, BZHI PA NI DPER NA CI BDAG PHUNG PO LAS GZHAN YIN NAM GCIG PA YIN ZHES BYA BA DANG, DE DAG LA SOGS PAS BZUNG BA GNYIS KA'AM GNYIS KA MA YIN PA GANG YIN ZHES 'DRI NA GANG DU'ANG LAN MI GDAB PA LTA BU YIN TE, DE LTAR NA DRI BA'I LUNG BSTAN PA BZHI LAS BCU BZHI PO DE DAG NI MI DGE BA YIN YANG MTHA' GCIG TU LUNG BSTAN PAR BYA BA MA YIN PAS NA LUNG MA BSTAN ZHES BYA'O, ,DES NA DE DAG NI BCOM LDAN 'DAS KYIS KYANG LUNG DU MA BSTAN TE, THAMS CAD BDAG LA BRTZAMS NAS SMRA BA NA DE MA GRUB PA'I PHYIR DANG, MED DO ZHES BSTAN NA'ANG DE DAG SKRAG PAR 'GYUR BAS DE DAG BSTAN PA LA RIM GYIS GZHUGS PA'I PHYIR RO, , 'O NA LUNG BSTAN PAR 'GAL LO ZHE NA, DE DAG TU LUNG MI BSTAN TO ZHES GZHAG PAR LUNG BSTAN PA'I PHYIR 'GAL BA MED DO, ,DE'I PHYIR MDO LAS KYANG DRIS PA LUNG BSTAN PA NI RNAM PA BZHI STE, BZHI GANG ZHE NA, MGO GCIG TU DRIS PA LUNG BSTAN PA DANG, RNAM PAR PHYE STE DRIS PA LUNG BSTAN PA DANG, DRI BA DRIS TE LUNG BSTAN PA DANG, RNAM PAR BZHAG PA LUNG BSTAN PA'O ZHES PA DANG, MGO GCIG LUNG BSTAN NYID DANG NI, ,RNAM PAR PHYE BA DE BZHIN GZHAN, ,DRIS PA LUNG BSTAN GSUM PA STE, , RNAM PAR BZHAG PA BZHI PA'O, ,DRIS PA LUNG BSTAN BZHI PO DAG ,DE DANG DE LA GO RIM BZHIN, ,'DI LTAR SHES SHING SMRA BA DAG ,DGE SLONG DE NYID RIG PA YIN ZHES RNAM PAR BZHAG PA'ANG LUNG BSTAN PA NYID DU GSUNGS SO, , DRUG PA LDAN PA'I TSUL 'CHAD PA NI, (PHRA RGYAS LDAN TSUL LA'ANG, YANG ZAG GANG GI PHRA RGYAS DMIGS @511 PA GANG LA RGYAS PA'I GANG ZAG DE NI, PHRA RGYAS DES BCINGS SHING DE'I YUL DANG YANG LDAN NO, ,SGO LNGA'I SHES PA'I PHRA RGYAS KYIS NI DMIGS PA'I SGO NAS RANG GI YUL DANG LDAN PAR BYED DO, ,YID KYI PHRA RGYAS KYIS NI DMIGS PA'I SGO NAS SKYE MCHED BCU GNYIS DANG LDAN PAR BYED DO, ,KUN 'GRO RNAMS KYIS NI DMIGS PA'I SGO NAS RIS LNGA DANG LDAN PAR BYED LA, KUN 'GRO MA YIN PAS NI RANG RIS KHO NA DANG NGO, ,DE DAG DANG MTSUNGS LDAN GYIS NI MTSUNGS LDAN GYI SGO NAS LDAN PAR BYED PA THAMS CAD LA 'DRA'O, ,) NYON MONGS PA LA RANG GI MTSAN NYID PA DANG, SPYI'I MTSAN NYID PA GNYIS LAS DANG PO NI 'DOD CHAGS DANG KHONG KHRO DANG NGA RGYAL TE, YUL RANG GI MTSAN NYID LA DMIGS PA'I PHYIR TE, 'DOD CHAGS DANG NGA RGYAL NI BDE BA MYONG BAR 'GYUR BA'I YUL LA DMIGS NAS SKYE ZHING KHENGS LA KHONG KHRO NI SDUG BSNGAL MYONG BAR 'GYUR BA'I YUL LA DMIGS PA'I PHYIR RO, ,GNYIS PA NI LTA BA DANG THE TSOM DANG MA RIG PA STE BYE BRAG MED PAR BDE BA MYONG BAR 'GYUR BA DANG SDUG BSNGAL MYONG BAR 'GYUR BA DANG BTANG SNYOMS MYONG BAR 'GYUR BA LA SOGS PA'I YUL GSUM GA LA CI RIGS PAR DMIGS PA'I PHYIR RO, ,DE LA 'DAS PA DANG NYE BAR GNAS PA DA LTAR BYUNG BA'I 'DOD CHAGS DANG KHONG KHRO DANG NGA RGYAL SKYES LA MA SPANGS PA DAG GIS NI RNAM SHES (DRUG GI SA PA YIN PAS RNAM SHES DRUG) GANG GI 'KHOR DU BYUNG YANG RUNG STE, YUL SPANG BYA RIS LNGA PO DUS GSUM PA'I DNGOS PO GANG LA DMIGS NAS NYON MONGS PA DE DAG SKYES LA MA SPANGS PA'I YUL GYI DNGOS PO DE DANG THAG PAS GLANG BU PHUR PA LA BTAGS PA LTAR GANG ZAG DE LDAN (PAR BYED,) PA YIN NO, ,('DI DAG GI YUL THAMS CAD LA DMIGS MI NUS LA SPANGS NA YUL LA MI RGYAS SO, ,) DE YANG SGO LNGA'I RNAM SHES KYI 'KHOR DU NI CHAGS SDANG GNYIS 'BYUNG GI NGA RGYAL NI YID SHES KHO NA'I 'KHOR DU 'BYUNG NGO, ,SKYES ZHES BYA BA NI NYON MONGS PA DE DAG RANG GI MTSAN NYID PA YIN PAS 'GA' ZHIG LA MI SKYE BA SRID PA'I PHYIR RO, ,MA SPANGS PA ZHES BYA BA NI SKYES KYANG SPANGS NA MI LDAN PA'I PHYIR RO, ,DES NA DE DAG BCAD PA'I PHYIR TSIG GNYIS PO DE SMOS SO, ,LDAN PA ZHES BYA BA'ANG YUL DE DAG LA DMIGS PA'I TSUL GYIS GANG ZAG LA (SPANG BYAR) LDAN PA YIN GYI YUL GYI (THOB PA,) LDAN PA MA YIN TE ('GOG PA GNYIS MA GTOGS PA,) RGYUD DU MA GTOGS PA LA (THOB PA,) LDAN PA MED PA'I PHYIR RO, ,(DES NI RANG GI RIS KHO NA LDAN PAR 'GYUR RO, ,DES MTSON NAS MI RGYAS PA'I YUL KUN MI LDAN LA, NYON MONGS PA'I THOB PA RGYUD GANG LA YOD PA'I YUL DE GANG ZAG DE DANG LDAN NO GSUNG NGO, ,) DE LTAR 'DAS PA DANG DA LTAR BYUNG BA'I 'DOD CHAGS LA SOGS PA LA NI KHYAD PAR MED PAS SPYIR BSHAD LA, MA 'ONGS PA LA DBYE BA YOD @512 PAS DE BSHAD PA'I PHYIR YID KYI RNAM SHES KYI 'KHOR DU BYUNG BA'I 'DOD CHAGS LA SOGS PA GSUM PO DE DAG NI MA 'ONGS PAS 'DAS PA DANG MA 'ONGS PA DANG DA LTAR BYUNG BA'I YUL KUN DANG DMIGS PA'I TSUL GYIS LDAN TE, YID KYI YUL DU DUS GSUM PA'I CHOS 'GRO BA'I PHYIR RO, ,DE YANG GANG LA MA SPANGS PA DE DAG CES BYA BA YIN NO, ,YID LAS GZHAN PA SGO LNGA'I RNAM SHES KYI 'KHOR DU BYUNG BA'I 'DOD CHAGS DANG KHONG KHRO MA 'ONGS PA DAG GIS NI YUL RANG GI DUS PA MA 'ONGS PA'I DNGOS PO KHO NA DANG LDAN TE, RNAM SHES DE DAG 'DAS PA (DANG MA 'ONGS PA,) LA MI DMIGS PA'I PHYIR RO, ,SKYE BA'I CHOS CAN RNAMS KYI DE LTA BU YIN GYI MI SKYE BA'I CHOS CAN RNAMS KYIS NI SGO LNGA'I RNAM SHES KYI 'KHOR DU BYUNG BA'I 'DOD CHAGS DANG KHONG KHRO GNYIS KYIS KYANG (MA SPANGS NA,) DUS GSUM PA'I DNGOS PO THAMS CAD DANG DMIGS PA'I TSUL GYIS LDAN NO, ,(DE YANG DE DAG MANG BAS DMIGS RUNG DU LDAN GYI DNGOS SU DMIGS PA NI MA YIN NO, ,) RANG GI MTSAN NYID PA DE DAG GI LHAG MA (SPYI'I MTSAN NYID PA GSUM PO,) LTA BA DANG THE TSOM DANG MA RIG PA STE DE DAG 'DAS PA LA SOGS PA DUS GSUM PO KUN GYIS KYANG YUL DUS GSUM GYI DNGOS PO RIS LNGA PO KUN DANG LDAN TE, DE DAG NI NYER LEN GYI PHUNG PO LNGA CHAR LA DMIGS PAS SPYI'I MTSAN NYID LA DMIGS PA'I PHYIR RO, ,DE YANG JI SRID DU MA SPANGS KYI BAR DU'O,, GAL TE 'DAS MA 'ONGS RDZAS SU YOD NA NI DUS THAMS CAD DU YOD PA'I PHYIR 'DUS BYAS RTAG PAR 'GYUR LA, MED NA DUS GNYIS KYI DNGOS PO DE DAG DANG PHRA RGYAS DES LDAN PA DANG BRAL BAR JI LTAR 'GYUR ZHE NA, BYE BRAG TU SMRA BA RNAMS NI DUS DE DAG 'DUS BYAS KYI MTSAN NYID SKYE SOGS BZHI DANG LDAN PA'I PHYIR RTAG PAR NI MI 'DOD KYI 'DAS PA LA SOGS PA'I DUS RNAMS RANG RANG GI DUS KUN DU RDZAS SU YOD PAR NI GSAL BAR DAM 'CHA'O, ,CI'I PHYIR ZHE NA, BCOM LDAN 'DAS KYIS YOD PAR GSUNGS PA'I PHYIR TE, JI LTAR ZHE NA, DGE SLONG DAG GZUGS 'DAS PA DANG MA 'ONGS PA'ANG MI RTAG NA DE LTAR BYUNG BA LTA CI SMOS, 'PHAGS PA NYAN THOS THOS PA DANG LDAN PA DE LTAR LTA BA NI 'DAS PA'I GZUGS LA LTA BAR MI 'GYUR, MA 'ONGS PA'I GZUGS LA MNGON PAR DGA' BAR MI 'GYUR GYI DA LTAR BYUNG BA'I GZUGS LA YID BYUNG BAR BYA BA DANG, 'DOD CHAGS DANG BRAL BAR BYA BA DANG, 'GOG PAR BYA BA'I PHYIR ZHUGS PA YIN NO, ,DGE SLONG DAG GAL TE 'DAS PA'I GZUGS SHIG YOD PAR MA GYUR NA 'PHAGS PA NYAN THOS PA DANG LDAN PA 'DAS PA'I GZUGS LA MI LTA BAR YANG MI 'GYUR BA ZHIG NA, GANG GI PHYIR 'DAS PA'I GZUGS YOD PA DE'I PHYIR 'PHAGS PA NYAN THOS PA DANG LDAN PA 'DAS PA'I GZUGS LA MI @513 LTA BA YIN NO, ,GAL TE MA 'ONGS PA'I GZUGS SHIG YOD PAR MA GYUR NA 'PHAGS PA NYAN THOS THOS PA DANG LDAN PA THOS MA 'ONGS PA'I GZUGS LA MNGON PAR DGA' BA MED PAR YANG MI 'GYUR BA ZHIG NA, GANG GI PHYIR MA 'ONGS PA'I GZUGS YOD PA DE'I PHYIR 'PHAGS PA NYAN THOS THOS PA DANG LDAN PA MA 'ONGS PA'I GZUGS LA MNGON PAR DGA' BA MED PA YIN NO ZHES DUS GNYIS YOD PAR GSUNGS PA'I PHYIR TE, GAL TE 'DAS MA 'ONGS MED NA DE LTAR GSUNG PAR JI LTAR 'GYUR, YANG MDO LAS, MIG NAS YID KYI RNAM PAR SHES PA'I BAR NI MIG DANG GZUGS NAS YID DANG CHOS KYI BAR GNYIS LA BRTEN NAS SKYE BAR GSUNGS PA'I PHYIR TE, MIG GI RNAM PAR SHES PA NI MIG DANG GZUGS DANG ZHES BYA BA NAS YID KYI RNAM PAR SHES PA NI YID DANG CHOS LA BRTEN NAS SKYE'O ZHES BYA BA'I BAR TE, 'DI LA YID KYI RNAM SHES YID DANG CHOS GNYIS LA BRTEN PA NI 'DI'I SHES PAR BYED PA YIN TE, YID 'DAS PA RDZAS SU MED NA RANG NYID RANG LA BRTEN PAR 'GAL BA'I PHYIR RO ZHES PA'I LUNG DANG, YUL MED NA DMIGS PA MED PA'I PHYIR DE DAG GI RNAM SHES KYANG MED PAR 'GYUR NA, 'DAS MA 'ONGS LA DMIGS PA'I RNAM SHES KYI YUL YOD PA'I PHYIR DANG, LAS KYI RNAM PAR SMIN PA'I 'BRAS BU YOD PA'I PHYIR YANG 'DAS MA 'ONGS RDZAS SU YOD DE, DE DAG RDZAS SU MED NA LAS YOD PA'I TSE RNAM PAR SMIN PA MED LA RNAM PAR SMIN PA YOD PAR 'DOD PA'I TSE LAS 'GAGS NAS MED PA'I PHYIR RO ZHES BYA BA'I RIGS PAS KYANG GRUB BO, ,THAMS CAD YOD PAR SMRA BA YIN PHAN CHAD GDON ZA BAR DUS GSUM (DANG GZHI LNGA PO,) DNGOS POR YOD PA 'DI KHAS BLANG DGOS TE (GZHI DANG LNGA,) DUS GSUM PO DE THAMS CAD YOD PAR SMRA BA'I PHYIR THAMS CAD YOD PAR SMRA BAR 'DOD KYI, DA LTAR BA DANG 'BRAS BU MA BSKYED PA'I LAS 'DAS PA CUNG ZAD CIG NI YOD LA MA 'ONGS PA DANG 'BRAS BU BSKYED ZIN PA'I 'DAS PA CUNG ZAD CIG NI MED PAR SMRA BA NI RNAM PAR PHYE STE SMRA BAR 'GYUR BA'I PHYIR RO ZHES BYE BRAG TU SMRA BA RNAMS 'DOD DO, ,DE'I PHYIR SLOB DPON GANG SPEL GYIS KYANG, DUS GSUM GA YOD PAR SMRA BA DANG, DA LTAR DANG 'DAS PA 'BRAS BU MA BSKYED PA YOD PAR SMRA PA DANG, DA LTAR BYUNG BA YOD PAR SMRA BA RNAMS NI GO RIM BZHIN DU THAMS CAD YOD PAR SMRA BA DANG, RNAM PAR PHYE STE SMRA BA DANG, MDO SDE PA YIN NO ZHES BSHAD DO, , GANG DAG DUS GSUM RDZAS SU YOD PAR 'DOD PA'I THAMS CAD YOD PAR SMRA BA DE DAG KYANG DBYE NA RNAM PA BZHI YIN TE, DNGOS PO GZHAN DU 'GYUR BA DANG, MTSAN NYID GZHAN DU 'GYUR BA DANG, GNAS SKABS GZHAN DU 'GYUR BA DANG, GZHAN DANG GZHAN DU 'GYUR BA ZHES BYA BA'O, ,DE LA DNGOS @514 PO GZHAN DU 'GYUR BAR SMRA BA NI BTZUN PA CHOS SKYABS YIN TE, DE NI SHES PA DANG BRJOD PA 'JUG PA'I KHYAD PAR LA LTOS NAS THA DAD DE DNGOS PO GCIG NYID DUS RNAMS SU 'JUG CING 'PHO BA NA GZUGS LA SOGS PA'I RDZAS KYI RANG GI MTSAN NYID NI MI 'GYUR GYI MA 'ONGS PA DA LTAR DU 'GYUR BA NA MA 'ONGS PA'I DNGOS PO 'DOR ZHING DA LTAR BYUNG BA'I DNGOS PO 'THOB LA, DA LTAR BA 'DAS PAR 'GYUR BA NA'ANG DA LTAR GYI DNGOS PO 'DOR ZHING 'DAS PA'I DNGOS PO 'THOB PAS DUS DE DANG DER 'DAS PA'I DNGOS PO DANG MA 'ONGS PA'I DNGOS PO DANG DA LTAR BYUNG BA'I DNGOS PO ZHES BYA BA'I MING THOB STE DPER NA GSER GYI SNOD BCOM NAS SNOD GZHAN DU BSGYUR BA NA GSER GYI RANG BZHIN DANG KHA DOG LA 'GYUR BA MED KYANG SNOD KYI DBYIBS TZAM ZHIG GZHAN DU 'GYUR BA DANG, 'O MA ZHOR 'GYUR BA NA RO NUS LA SOGS PA'I YON TAN TZAM ZHIG 'DOR GYI RDZAS DANG KHA DOG MI 'DOR BA LTA BU'O ZHES ZER RO, ,MTSAN NYID GZHAN DU 'GYUR BAR SMRA BA NI BTZUN PA DBYANGS SGROGS YIN TE, DE NI MTSAN NYID 'JUG PA THOB PA LA LTOS NAS THA SNYAD BYED DE, DNGOS PO GCIG NYID 'DAS PA DANG MA 'ONGS PA DANG DA LTAR BYUNG BA'I MTSAN NYID DANG LDAN PA'I PHYIR MTSAN NYID THA DAD PA'I SGO NAS DUS GSUM DU GZHAG GI DE DAG LA DUS GZHAN GYI MTSAN NYID GTAN MED PA DANG RDZAS THA DAD PA NI MA YIN TE DPER NA CHAGS CAN BUD MED CIG LA CHAGS PA DANG BCAS PA DE GZHAN LA CHAGS PA DANG BRAL BA MA YIN PA BZHIN NO ZHES ZER RO, ,GNAS SKABS GZHAN DU 'GYUR BAR SMRA BA NI BTZUN PA DBYIG BSHES YIN TE, DE NI GNAS SKABS THA DAD LA LTOS NAS (TE DPER NA 'DAS PA'I MTSAN NYID GTZO CHE BA NA 'DAS PAR BZHAG PAS, DES NA,) THA SNYAD BYED DE DNGOS PO GCIG NYID DUS RNAMS SU 'JUG PA NA CHOS DE BYA BA MI BYED PA DANG, BYA BA BYED PA DANG, BYA BA BYAS NAS 'GAGS PA'I GNAS SKABS GSUM LA RIM PA LTAR MA 'ONGS PA DANG DA LTAR DANG 'DAS PA ZHES BRJOD PAS DNGOS PO GCIG NYID DUS DE DANG DE'I GNAS SKABS SU PHYIN PA NA DE DANG DE'I MING 'THOB PAS NA 'DAS PA LA SOGS PA'I GNAS SKABS SU MING TZAM ZHIG GZHAN DU 'GYUR GYI RANG MTSAN GYI RDZAS GZHAN DU 'GYUR BA NI MA YIN TE DPER NA RI LU GCIG NYID GCIG GI SHOD MIG TU BZHAG NA GCIG DANG, BRGYA'I SHOD MIG TU BZHAG NA BRGYA DANG, STONG GI SHOD MIG TU BZHAG NA STONG ZHES BRJOD PA BZHIN NO ZHES ZER RO, ,GZHAN DANG GZHAN DU 'GYUR BA SMRA BA NI BTZUN PA SANGS RGYAS LHA YIN TE, DE NI SNGA PHYI GNYIS LA LTOS NAS THA SNYAD BYED DE, DNGOS PO GCIG PO DE NYID DUS RNAMS SU 'JUG PA NA SNGA MA 'DAS DA LTAR GNYIS LA LTOS NAS MA 'ONGS PA DANG, PHYI MA DA LTAR DANG MA 'ONGS PA GNYIS LA LTOS NAS 'DAS PA @515 DANG SNGA MA 'DAS PA DANG PHYI MA MA 'ONGS PA GNYIS LA LTOS NAS DA LTAR BAR BZHAG STE DPER NA BUD MED GCIG NYID BU MO LA LTOS NAS MA DANG MA LA LTOS NAS BU MOR 'GYUR BA BZHIN NO ZHES ZER RO, ,DE LA (DE DAG LA SLOB DPON GYIS,) DNGOS PO GZHAN DU 'GYUR BA NI (DANG PO) RNAM PAR 'GYUR BAR SMRA BA'I GRANGS (RDZAS GNAS LA CHOS 'DOR LEN BYED PAR 'DOD PA'I PHYIR,) CAN GYI NANG DU 'DUS PAR 'GYUR RO, ,MTSAN NYID GZHAN DU 'GYUR BAR SMRA BA LA NI DUS RE RE LA'ANG DUS GSUM GA'I MTSAN NYID DANG DANG LDAN PA'I PHYIR DUS 'CHOL PAR 'GYUR BA DANG, DPE DON MI MTSUNGS PA'I SKYON DU 'GYUR RO, , GZHAN DANG GZHAN DU 'GYUR BA LA NI 'DAS PA'I DUS LA'ANG SNGA PHYI DBUS GSUM YOD PAS DE DAG RIM PA LTAR 'DAS MA 'ONGS DA LTAR GSUM DU 'GYUR BAS 'DAS PA GCIG PU LA'ANG DUS GSUM CIG CAR 'BYUNG BAR 'GYUR BA'I SKYON YOD PA'I PHYIR GSUM PA GNAS SKABS GZHAN DU 'GYUR BAR SMRA BA NYID BZANG STE, BYA BA MA SKYES NAS MI BYED PA DANG BYED PA DANG BYAS NAS 'GAGS PA GSUM PO YIS DUS GSUM PO RNAMS RNAM PAR BZHAG PA BYED PA'I PHYIR RO ZHES GSUNGS MOD KYI BZHI KA LA MING THA DAD PA MA GTOGS PA KHYAD PAR CI YANG YOD PAR MA MTHONG NGO, ,'O NA DUS GSUM DU JI LTAR 'GYUR TE, THAMS CAD DA LTAR RDZAS SU YOD PA'I PHYIR RO ZHE NA, BYE BRAG TU SMRA BA NA TE, BYA BA 'GAGS PA NI 'DAS PA'O, ,BYA BA MA SKYES PA NI MA 'ONGS PA'O, , BYA BA SKYES LA MA 'GAGS PA NI DA LTAR BA YIN PAS DUS GSUM BYA BAS GZHAG GO ZHES BSHAD ZIN PA MA YIN NAM ZHES ZER RO, ,SLOB DPON GYIS DE LTA NA DA LTAR BA'I MIG DE MTSUNGS RANG GI BYA BA GZUGS LA MI BLTA BAS DA LTAR BAR MI 'GYUR RO ZHES BRJOD PA NA BYE BRAG TU SMRA BA NA RE MIG DE MTSUNGS DE BLTA BA'I BYA BA MI BYED KYANG RANG GI RGYU MTHUN DANG SKYES BU BYED 'BRAS 'DZIN PA DANG 'BYIN PA'I BYA BA BYED PAS NA DA LTAR BA YIN NO ZHES ZER RO, ,SLOB DPON GYIS 'O NA NI DA LTAR GYI DANG 'DAS PA DAG ,GCIG GI 'DAS PAS 'BYIN PAR 'GYUR ZHES 'BYUNG BAS SKAL MNYAM DANG KUN 'GRO DANG RNAM SMIN GYI RGYU 'DAS PA DAG KYANG DA LTAR BAR 'GYUR TE DE DAG LA 'BRAS BU 'BYIN PA'I BYA BA YOD PA'I PHYIR RO, ,GAL TE 'BRAS BU 'DZIN PA DANG 'BYIN PA'I BYA BA GNYIS KA YOD PA LA DA LTAR BAR BRJOD PA NA DE DAG LA 'BRAS BU 'BYIN PA YOD KYANG 'DZIN PA MED PAS DA LTAR BAR MI 'GYUR RO ZHE NA, DE LTA NA'ANG DUS GSUM DU BYA BAS BZHAG PAS NA DE DAG LA 'BRAS BU 'DZIN PA'I BYA BA 'GAGS PA'I CHA NAS 'DAS PAR 'GYUR LA, 'BYIN PA'I BYA BA DANG LDAN NAS DA LTAR BAR 'GYUR BAS DUS GSUM MTSAN NYID 'CHOL PA'I NYES PAR 'GYUR RO ZHES SKYON BRJOD @516 DO, ,GZHAN YANG 'DI DGAG PA'I PHYIR 'DAS PA DANG MA 'ONGS PA RDZAS SU YOD PA'I PHYIR DE BYA BYED PA LA BGEGS SU ZHIG BYED DE, DE DAG GIS KYANG RTAG TU BYA BA BYED PAR 'GYUR RO, , GAL TE RGYU RKYEN MA TSOGS PAS BYA BA MI BYED DO ZHE NA, RKYEN THAMS CAD DUS RTAG TU YOD PAR KHAS BLANGS PA NA RTOG TU YOD PA LA MA TSOGS PA MI 'THAD PA'I PHYIR RO, ,BYA BA 'GAGS PA DANG MA 'ONGS PA YIN NA BYA BA DANG DNGOS PO MI GCIG PAR 'GYUR LA DE LTA NA'ANG DNGOS PO BYA BA MED PAR 'GYUR RO, ,BYA BA DE YANG JI LTAR 'DAS PA LA SOGS PA YIN NAM, 'ON TE MA YIN, PHYOGS DANG PO LTAR NA BYA BA LA'ANG BYA BA GZHAN GNYIS PA ZHIG YOD PAR 'GYUR TE, BYA BA DE YANG BYA BA 'GAGS PA DANG BYED PA DANG MA SKYES PAS DUS GSUM PAR GZHAG DGOS PA'I PHYIR RO, ,PHYOGS GNYIS PA LTAR NA BYA BA 'DUS MA BYAS SU 'GYUR TE, DUS KYIS MA BSDUS PA'I PHYIR RO, ,GAL TE BYA BA DNGOS PO LAS GZHAN MA YIN NO ZHE NA, DE LTAR NA BYA BAS DUS GSUM PO RNAMS SU RNAM PAR BZHAG PAR MI RUNG STE, DNGOS PO DANG BYA BA GCIG YIN LA 'DAS PA DANG MA 'ONGS PA'I DNGOS PO'ANG DA LTAR YOD PAS BYA BA'ANG YOD PA'I PHYIR RO, , GAL TE DA LTAR BA JI LTAR YOD PA DE BZHIN DU MA 'ONGS PA DANG 'DAS PA'I DNGOS PO'ANG YOD NA CI'I PHYIR MA SKYES PA DANG ZHIG PA YIN TE DE DAG YOD PA'I PHYIR RO, ,GAL TE MA SKYES PA DANG ZHIG PA NI BYA BA YIN NO ZHE NA, DE YANG DNGOS PO'I BDAG NYID YIN PA'I PHYIR DNGOS PO BZHIN YOD PAR 'GYUR RO ZHES SLOB DPON GYIS BRJOD DO, ,GANG YANG 'DUS BYAS KYI MTSAN NYID DANG LDAN PAS RTAG PAR MI 'GYUR RO ZHES SMRAS PA DE YANG TSIG TZAM YIN TE, DNGOS PO DUS THAMS CAD DU YOD PA LA SKYE 'JIG MI RUNG BA'I PHYIR RO, ,DES NA 'GREL PAR RANG BZHIN YANG NI RTAG TU YOD, ,DNGOS PO YANG NI RTAG MI 'DOD, , RANG BZHIN LAS KYANG DNGOS MI GZHAN, ,DBANG PHYUG THA SNYAD YIN PAR GSAL ZHES BSHAD LA, BCOM LDAN 'DAS KYIS 'DAS MA 'ONGS YOD PAR GSUNGS PA NI 'DAS PA SNGAR BYUNG BA NYID DU YOD PA DANG MA 'ONGS PA NI RGYU RKYEN YOD NA 'BYUNG BAR 'GYUR BA'I DBANG DU MDZAD NAS YOD PA'I SGRAR GSUNGS KYI RDZAS KYI RANG GI MTSAN NYID DU YOD PA NI MA YIN TE DPER NA MAR ME SHI BA YOD DO ZHES BYA BA LA SOGS PA BZHIN NO, ,YID KYI RNAM SHES CHOS DANG YID GNYIS LA BRTEN PAR BSHAD PA'I YID NI SNGA MA'I RJES THOGS SU 'BYUNG BA'AM, NYON MONGS PA CAN GYI YID KYI DBANG DU MDZAD NAS GSUNGS PA YIN LA, YID KYI YUL 'DAS PA DANG MA 'ONGS PAR BSHAD PA NI DMIGS PA TZAM DU GSUNGS PA YIN GYI DMIGS PA'I RKYEN NI MA YIN NO, ,GANG YANG YANG DAG PAR LDAN PA'I LUNG LAS KUN DU RGYU DBYUG THOGS THOR CHUGS CAN RNAMS KYI @517 DBANG DU MDZAD NAS, LAS 'DAS PA DANG, ZAD PA DANG, 'GAGS PA DANG, BRAL BA DANG, RNAM PAR 'GYUR BA GANG YIN PA DE NI YOD DO ZHES GSUNGS PA DE YANG RGYUD DE LA SNGON GYI LAS DES KUN DU DRANGS SHING BZHAG PA'I RNAM SMIN SKYED PA'I NUS PA YOD PAR BSTAN PA'I PHYIR RO, ,DE LTAR MA YIN NA 'DAS PAR MI 'GYUR TE, DA LTAR RANG GI MTSAN NYID DU YOD PA'I PHYIR RO, , GZHAN YANG BCOM LDAN 'DAS KYIS DON DAM PA STONG PA NYID KYI MDO LAS, DGE SLONG DAG MIG NI SKYE BA NA'ANG NAS KYANG MI 'ONG LA 'GAG PA NA'ANG GANG DU YANG RTZOGS PAR MI 'GYUR RO, ,DE LTA BAS NA DGE SLONG DAG MIG NI MA BYUNG BA LAS 'BYUNG ZHING BYUNG NAS KYANG SLAR 'JIG PAR 'GYUR RO ZHES GSUNGS PA DANG 'GAL BAR 'GYUR RO, ,'DIR BYE BRAG SMRA BA DAG NI RNAM PAR BRTAG PA DE DAG GIS NI MI GNOD DE, CHOS RNAMS KYI CHOS NYID DAG NI ZAB PA YIN PAS RTOG GE'I SPYOD YUL MA YIN PA'I PHYIR RO ZHES LAN 'DEBS SO, ,YANG NYON MONGS PA GANG DAG RANG NYID SPANGS KYANG LDAN PA'ANG YOD DE, DE LA DMIGS PA'I YUL CAN SPANGS PAS YUL YANG BRAL BAR MI 'GYUR BA'I PHYIR RO, ,DE DAG KYANG GANG ZHE NA (SPANGS PA DANG BRAL BA'I KHYAD PAR NI DNGOS PO GANG ZHIG SPANGS NA DE DANG BRAL BA YIN NAM, BRAL NA SPANGS PA YIN NAM ZHE NA, SPANGS PA NI THOB PA CHAD PA DANG, BRAL BA NI YUL CAN SPANGS PA'O, ,DE LA GANG DANG BRAL NA DES DNGOS PO DE SPANGS PA YIN LA, SPANGS KYANG MA BRAL BA YOD DE, SDUG BSNGAL SHES PA SKYES LA KUN 'BYUNG SHES PA MA SKYES PA'I TSE,) SDUG BSNGAL MTHONG BAS SPANG BAR BYA SPANGS KYANG (DE DAG YUL DU BYAS NAS LDAN TE,) SDUG BSNGAL MTHONG SPANG LA DMIGS PA'I KUN 'GRO LHAG MA KUN 'BYUNG MTHONG SPANG GI KUN 'GRO RNAMS KYIS DMIGS PA'I SGO NAS LDAN PA'I PHYIR DANG, DE BZHIN DU SGOM SPANG DANG PO'I RNAM PA CHEN PO'I CHEN PO (PA CI RIGS,) SPANGS KYANG DE LA DMIGS PA'I YUL CAN GYI DRI MA LHAG MA CHEN PO'I 'BRING PO LA SOGS PA GANG MA SPANGS PA RNAMS KYIS DMIGS PA'I TSUL GYIS LDAN PA YIN NO, ,'DIR YUL CAN DE DAG LDAN NO ZHES STON PA NI MA YIN TE, 'ON KYANG YUL CAN LDAN PAS YUL SPANGS KYANG LDAN NO ZHES BYA BA NI GRUB PA'I MTHA' YIN TE, 'DI LA NGO BO SPANGS NA CI ZHIG LDAN THOB PA RDZAS SU YOD PA NI BSAL ZIN TO ZHES BRJOD PAR BYA'O, , BDUN PA CHOS (GANG ZHIG SEMS,) DU'I YUL DU 'GYUR BA BSHAD PA NI 'DIR YUL CHOS THAMS CAD NI RNAM PA BCU DRUG TU 'DUS TE, KHAMS GSUM NA SPANG BYA RIS LNGA LNGA DANG, ZAG PA MED PA'O, ,(ZAG MED NI 'DUS MA BYAS KYANG YIN NO,,) YUL CAN SEMS THAMS CAD KYANG RNAM PA BCU DRUG PO DE DAG TU @518 'DUS SO, ,DE'I PHYIR CHOS DU ZHIG SEMS GANG GI YUL DU 'GYUR BA SHES NA DMIGS PA'I SGO NAS RGYAS PA SHES PAR 'GYUR BA'I PHYIR DE DPYAD DO, ,(DE YANG MTHONG SPANG NI PHUNG PO BZHI DANG SGOM SPANG NI PHUNG PO LNGAS BSDUS SO,,) DE LA SDUG BSNGAL DANG SDUG BSNGAL GYI RGYU KUN 'BYUNG MTHONG SPANG DANG, LAM GOMS PA YIS SPANG PAR BYA BA 'DOD PA'I KHAMS LAS SKYES PA (LHAN CIG 'BYUNG BA RJES 'BRANG DANG BCAS PA,) NI (SEMS LNGA'I DMIGS PA YIN TE,) 'DOD PA RANG GI SDUG BSNGAL MTHONG SPANG LA SOGS PA GSUM (GYI YUL DU 'GYUR TE DE YANG KUN 'GROS RIS GZHAN LA'ANG DMIGS LA, DE MA YIN PA'I NYON MONGS CAN GYIS RANG GI RIS LA DMIGS LA, SGOM SPANG DAG PAS GSUM CHAR LA DMIGS PA'I PHYIR,) DANG GZUGS SU GTOGS PA'I SGOM SPANG (DGE YUL YOD DGU YIN ZHES PAS SGOM SPANG DGE BA,) GCIG (GI YUL DU'ANG 'GYUR TE GZUGS SU SKYES PA 'DOD PA'I SEMS LA LTA BA DANG, 'DIR SKYES PA CHAGS BRAL 'JIG RTEN PA'I LAM GYIS 'DOD KHAMS LA DMIGS PA'ANG YOD PA'I PHYIR,) DANG DRI MA MED PA (SDUG KUN LA,) CHOS SHES PHYOGS DANG MTHUN PA'I RNAM SHES DANG LNGA'I SPYOD YUL DU 'GYUR RO, ,(DE DAG LAS GZHAN GYIS DMIGS MI NUS PA NI 'GOG LAM MTHONG SPANG ZAG BCAS LA DMIGS PA TZAM NI RANG RIS LA DMIGS PA TZAM DANG, GONG MA'I NYON MONGS CAN GYIS 'OG MA LA DMIGS PA MED LA, GZUGS MED KYI SGOM SPANG DGE BA YANG 'DOD PA LA RING BA NYID BZHIS RING BA'I PHYIR RO,,) GZUGS KYI KHAMS LAS SKYES PA'I SDUG BSNGAL MTHONG SPANG LA SOGS PA GSUM NI (SEMS BRGYAD KYI DMIGS PA YIN TE,) GZUGS KHAMS RANG GI DE GSUM DANG, 'OG MA 'DOD PA'I KHAMS KYI DE (SKAL BA MI MNYAM PA'I KHAMS KUN 'GRO GNYIS DANG SGOM SPANG DGE BA DE LA DMIGS PA'I THOS BSAM LAS BYUNG DGE BA'I CHOS LA 'DUN PA YANG DANG PA'I LTA BA MTSUNGS LDAN DE,) GSUM DANG, GONG MA GZUGS MED PA'I SGOM SPANG GCIG DANG, DRI MA MED PA RJES SHES KYI PHYOGS MTHUN GYI RNAM SHES KYI'ANG YUL DU 'GYUR BAS DE LTAR RNAM SHES BRGYAD KYI SPYOD YUL DU 'GYUR RO, ,DE LA 'DOD PA'I SDUG BSNGAL DANG KUN 'BYUNG MTHONG SPANG NI SKAL BA MI MNYAM PA'I KHAMS KUN 'GRO GONG DU DMIGS PA RNAMS KYI YIN LA, GZUGS MED PA'I NI NAM MKHA' MTHA' YAS SKYE MCHED KYI NYER BSDOGS KYIS (RAGS PAR LTA BA'I SHES PA'I) YUL YIN PA'I PHYIR RO, ,GZUGS MED PA LAS SKYES PA'I SDUG BSNGAL MTHONG SPANG LA SOGS PA GSUM NI KHAMS GSUM DU GTOGS PA SNGAR BSHAD PA'I SDUG BSNGAL DANG KUN 'BYUNG MTHONG SPANG GNYIS DANG SGOM SPANG DANG GSUM GSUM STE DGU DANG ZAG PA MED PA RJES SHES PHYOGS DANG MTHUN PA'I RNAM SHES DANG BCU'I SPYOD YUL DU 'GYUR RO, ,DE LA 'DOD @519 GZUGS KYI SDUG BSNGAL DANG KUN 'BYUNG MTHONG SPANG NI SKAL MI MNYAM PA'I KHAMS KUN 'GRO DANG MTSUNGS LDAN GYI SEMS YIN NO, ,DE DAG GI RGYU MTSAN NI 'GOG LAM MTHONG SPANG ZAG MED LA DMIGS PA'I SEMS RNAMS NI 'GOG LAM KHO NA LA DMIGS LA, ZAG BCAS LA DMIGS PA RNAMS KYANG KUN 'GRO MA YIN PAS 'GOG LAM MTHONG SPANG KHO NA LA DMIGS KYI KHAMS DANG RIS GZHAN LA MI DMIGS PA'I PHYIR DANG, SA GONG MA'I BDEN PA DANG PO GNYIS KYI MTHONG SPANG KUN 'GRO DAG KYANG SA 'OG MA LA MI DMIGS PA'I PHYIR DANG, RING BA BZHIS RING BAS GZUGS MED KYI SGOM SPANG DGE BA'I SEMS KYIS KYANG 'DOD PA LA MI DMIGS PA'I PHYIR RNAM SHES GZHAN GYI SPYOD YUL DU NI MI 'GYUR RO, ,'GOG PA DANG LAM MTHONG BAS SPANG BYA (KHAMS GSUM PA,) KUN NI SNGAR GYI DE DAG GI STENG DU RANG RANG GIS GLAGS TE BSNAN PA'I RNAM SHES KYI SPYOD YUL LO, ,DES NA LNGA'I SPYOD YUL DU 'GYUR DRUN NI SPYOD YUL YIN PA LA SOGS PA'O, ,(DE YANG DRUG DGU BCU GCIG YUL LO, ,)DE LA RANG RANG GIS GLAGS PA ZHES BYA BA'ANG 'GOG LAM MTHONG SPANG ZAG BCAS LA GCIG YUL LO, ,) DE LA RANG RANG GIS GLAGS PA ZHES BYA BA'ANG 'GOG LAM MTHONG SPANG ZAG BCAS LA DMIGS PA 'DOD CHAGS LA SOGS PA DANG MTSUNGS LDAN GYI YIN GYI, MED LA DMIGS PA LOG LTA LA SOGS PA DANG MTSUNGS LDAN NI MA YIN TE, DE DAG NI 'GOG LAM KHO NA LA DMIGS PA'I PHYIR RO, ,ZAG MED NI 'DOD PA LA SOGS PA KHAMS GSUM GYI MTHA' MA 'GOG LAM MTHONG SPANG GNYIS DANG SGOM SPANG STE GSUM GSUM DANG ZAG PA MED PA'I SEMS RANG NYID DANG BCU'I SPYOD YUL LO, ,DE YANG ZAG MED SO SOR BRTAGS 'GOG DANG LAM BDEN NI KHAMS GSUM GYI LOG LTA LA SOGS PA ZAG MED LA DMIGS PA RNAMS DANG MTSUNGS LDAN DANG, SGOM SPANG DGE BA ZAG BCAS KYI SEMS DANG, ZAG MED CHOS SHES RJES SHES KYI DMIGS PA YIN LA, NAM MKHA' DANG SO SOR BRTAGS MIN GNYIS NI SGOM SPANG GI SEMS NYON MONGS PA CAN MA YIN PA KHO NA'I DMIGS PA YIN NO, , SLOB DPON YON TAN BLO GROS DANG DBYIG BSHES NA RE NAM MKHA' DANG SO SOR BRTAGS MIN GNYIS SGOM SPANG NYON MONGS CAN DANG NYON MONGS CAN MA YIN PA GNYIS KA'I DMIGS PA YIN NO, ,ZHES ZER BA NI MI RIGS TE, DRUG NI ZAG MED SPYOD YUL CAN ZHES BRTAGS 'GOG DANG LAM BDEN KHO NA NYON MONGS CAN GYI DMIGS PAR BSHAD PA'I PHYIR RO, ,DE NYID KYI PHYIR 'GREL PAR KHAMS GSUM SDUG BSNGAL RGYU MTHONG DANG, ,SGOM PAS SPANG BYA ZAG PA MED, ,RNAM SHES LNGA BRGYAD BCU DANG NI, ,RNAM SHES BCU YI SPYOD YUL TE, ,'GOG DANG LAM MTHONG SPANG BYA KUN, ,RANG GIS GLAGS PA'I SPYOD YUL LO ZHES 'BYUNG STE, DE GNYIS NI RNAM SHES DRUG DGU BCU GCIG YUL ZHES BYA BAR 'GYUR RO, ,KUN LAS BTUS LAS KYANG, @520 'DOD PA NA SPYOD PA'I YID KYIS KHAMS GSUM NA SPYOD PA RNAMS DANG ZAG PA MED PA'I CHOS RNAMS KYANG SHES SO, ,'DOD PA'I KHAMS PA JI LTA BAR GZUGS NA SPYOD PA'ANG DE BZHIN NO, ,GZUGS MED NA SPYOD PA'I YID KYIS NI GZUGS MED RANG SA'I CHOS RNAMS DANG ZAG MED KYI CHOS RNAMS KYANG SHES SO, ,ZAG MED KYI YID KYIS NI KHAMS GSUM NA SPYOD PA RNAMS DANG ZAG MED KYI CHOS RNAMS KYANG SHES SO ZHES BSHAD DE, GZUGS MED NI NAM MKHA'I NYER BSDOGS LAS GZHAN PA RNAMS KYI DBANG DU BYAS PA'O, ,DE LTAR NA DE DAG LA CI RIGS PAR DMIGS PA DANG MTSUNGS LDAN GYI SGO NAS RGYAS PAR 'GYUR RO ZHES SHES PAR BYA'O, ,DES MTSON NAS SEMS BCU DRUG PO RE RE'I YUL DU CHOS BCU DRUG PO DU DU 'GYUR DPYAD PA NI, KHAMS GSUM BDEN BZHI MTHONG SPANG DANG, ,SGOM SPANG SEMS KYI YUL DU NI, ,RIM BZHIN BCO LNGA GNYIS BCU DRUG ,BCU DANG GNYIS DANG BCU DRUG DANG, ,LNGA DANG GNYIS DANG BCU GCIG 'GYUR, , ZAG MED YUL DU BCU DRUG 'GYUR ZHES PA'O, ,DE LTAR YUL DANG YUL CAN DE RNAMS LAS YUL GANG LA YUL CAN PHRA RGYAS DU RGYAS DPYAD PA'I SKABS 'DIR YUL DE CHOS GANG DU GTOGS PA DANG, DE SEMS DU'I YUL DU 'GYUR BA DANG, YUL CAN GYI SEMS DE PHRA RGYAS YIN MIN DANG, PHRA RGYAS YIN PA DE YUL DE LA RGYAS MI RGYAS DPYAD PA BZHIS SHES PAR BYA BA LAS GZUGS KYI PHUNG PO LA MTSON NA DE 'DOD GZUGS KYI SGOM SPANG DANG ZAG MED GSUM DU GTOGS LA, 'DOD PA'I SGOM SPANG GI GZUGS RGYUD KYIS BSDUS PA NYON MONGS CAN YIN NA 'DOD PA RANG SA'I BDEN PA DANG PO GNYIS KYI KUN 'GRO GNYIS DANG SGOM SPANG DANG BSAM GTAN DANG DE'I NYER BSDO GAS DANG SGOM LAM ZAG MED DANG SEMS LNGA'I YUL DU 'GYUR LA, SEMS LNGA LAS DANG BO GSUM PHRA RGYAS DANG PHYI MA GNYIS SGOM LAM ZAG BCAS ZAG MED YIN PA LA PHRA RGYAS MA YIN PAS BDEN PA DANG PO GNYIS KYI KUN 'GRO BCU GCIG DANG SGOM SPANG BZHI STE PHRA RGYAS BCO LNGA RGYAS PAR 'GYUR ZHING, RGYUD KYIS BSDUS KYANG NYON MONGS CAN MA YIN PA DANG RGYUD KYIS MA BSDUS PA THAMS CAD LA SGOM SPANG BZHI PO KHO NA RGYAS SO ZHES SHES PAR BYA'O, ,(KHA CIG RGYUD KYIS MA BSDUS PA LA LTA BA DANG PO GNYIS MI RGYAS LA, NGA RGYAL RGYAS MI RGYAS BSAM MO, ,KHAMS GONG MA'I GZUGS LA'ANG KHONG KHRO BOR BA'I KHAMS DE NYID KYI PHRA RGYAS BCU BZHI RGYAS SO ZHES 'CHAD PA NI MI RIGS TE, RGYUD KYIS MA BSDUS PA'I GZUGS NYON MONGS CAN MA YIN PAS KUN 'GRO THAMS CAD MI RGYAS SHING, NGA RGYAL SGOM SPANG KHA PHYIR LTAS RGYAS PA MI 'GAL BA'I PHYIR RO,,) SEMS PHRA RGYAS DANG BCAS PAR BZHAG PA NI 'GREL PA LAS, PHRA RGYAS GANG DAG GIS SEMS PHRA RGYAS DANG BCAS PA'I PHRA RGYAS DE DAG SEMS DE LA RGYAS PAR 'GYUR RAM ZHE NA, RGYAS PA 'GYUR BA DAG KYANG @521 YOD DE, SEMS DE DANG MTSUNGS PAR LDAN ZHING MA SPANGS LA DMIGS PA YANG MA SPANGS PA'I PHRA RGYAS GANG DAG YIN PA'O, ,RGYAS PAR MI 'GYUR BA DAG KYANG YOD DE, SEMS DE DANG MTSUNGS PAR LDAN PA SPANGS PA'I PHRA RGYAS GANG DAG YIN PA'O ZHES 'BYUNG BA LA SEMS NI MTSON PA STE ZAG BCAS MTSUNGS LDAN DANG DE MA YIN PA GNYIS LAS MTSUNGS LDAN NYON MONGS PA CAN PHRA RGYAS DANG BCAS PA NI (RGYAS PA DANG MI RGYAS PA'I BCAS PA,) RNAM PA GNYIS LAS DANG PO NI SO SO'I SKYE BO'I SEMS NYON MONGS CAN NI 'DOD CHAGS LA SOGS PA MTSUNGS LDAN DANG DMIGS PA GNYIS KAS RGYAS SHING BCAS PA YIN LA, 'PHAGS PA LA MTSUNGS LDAN SPANGS KYANG DMIGS PAS RGYAS PA DANG BCAS PA YOD DE, SDUG BSNGAL MTHONG SPANG BYA SPANGS KYANG, , KUN 'GRO LHAG MA RNAMS KYIS LDAN, ,DANG PO'I RNAM PA SPANGS KYANG DE'I, ,YUL CAN DRI MA LHAG RNAMS KYIS ZHES BSHAD PA BZHIN NO, ,GNYIS PA NI 'PHAGS PA DGRA BCOM PA RNAMS LA 'DAS PA'I SEMS NYON MONGS CAN DANG NYON MONGS PA DANG LHAN CIG GNAS PA DANG, MA 'ONGS PA MI SKYE BA'I CHOS CAN GYI SEMS NYON MONGS CAN NYON MONGS PA DANG LHAN CIG GNAS PA BZHIN TE, DE DAG BCAS PA YIN LA RGYAS PAR MI 'GYUR BA'I PHYIR RO, ,MI RGYAS KYANG PHRA RGYAS DANG BCAS PAR 'JOG PA NI SNGAR MA SPANGS PA'I DUS NA RGYAS PA'I PHYIR RO ZHES BYE BRAG SMRA BA ZER TE, 'DI NI DUS GSUM RDZAS SU GRUB PA'I GRUB MTHA' 'KHRUL PA LA 'KHRUL BA 'JUS PA YIN NO,, (SEMS NYON MONGS CAN PHRA RGYAS DANG BCAS PA DE YANG RGYAS PA DANG MI RGYAS PA RNAM PA GNYIS SO, ,DANG PO NI NYON MONGS DANG MTSUNGS LDAN DANG DE LA DMIGS PA MA SPANGS PA STE, DE'I THOB PAS SEMS DE'I RGYUD BZUNG ZHING, RGYUD DE LAM 'ONGS PA'I RGYU MTHUN GYI RGYU BZHAG PA DE SRID DU'O, , GNYIS PA NI GNYEN POS PHRA RGYAS MTSUNGS LDAN SPANGS PAS DE'I THOB PA DANG BRAL BA 'GA' ZHIG STE 'DAS PA KHO NA'O, ,SPANGS NA SEMS DE JI LTAR PHRA RGYAS DANG BCAS SHE NA, NYON MONGS DANG LHAN CIG PA'I PHYIR TE, GNYEN PO GANG GIS KYANG MTSUNGS LDAN LA 'BRAL BAR MI NUS PA YIN NO, ,YANG NA RANG RGYUD KYI NYON MONGS PA MA SPANGS PA 'GA' ZHIG GIS DMIGS PA'I PHYIR LDAN NO ZHES BRJOD NA LEGS SO, ,) RANG SA'I MTSUNGS LDAN NYON MONGS PA CAN MIN PA MTSUNGS LDAN MA YIN PA (DGE BA ZAG BCAS DANG MA BSGRIBS LUNG MA BSTAN,) RNAMS NI DMIGS PAS RGYAS 'GYUR GYIS PHRA RGYAS DANG BCAS PA YIN TE, DE DAG LA RANG SA'I NYON MONGS KYI DMIGS PA MA RGYAS PA MI SRID PA'I PHYIR RO, ,'ON KYANG ZAG MED NI PHRA RGYAS KYIS DMIGS KYANG RGYAS PA GNYIS KA MA YIN NO, ,ZHES SHES PAR BYA'O, , BRGYAD PA GO RIM NI BDEN PA BZHI'I DMIGS PA LA KUN DU RMONGS PA LAS BDEN BZHI YIN NAM MA @522 YIN SNYAM PA'I THE TSOM DANG, THE TSOM GYI RJES DE NAS NI THE TSOM GYI LOG PAR THOS SHING BSAM PA LAS BDEN PA MED DO ZHES SKUR BA 'DEBS BA'I LOG LTA DANG, LOG LTA SKYES PA DE NAS PHUNG BO MI RTAG DU MAR MA SHES PAS BDAG TU ZHEN PA'I 'JIG TSOGS LA LTA BA DANG, DE NAS BDAG RTAG CHAD DU LTA BA'I MTHAR 'DZIN BAR LTA BA DANG, MTHAR 'DZIN SKYES PA DE NAS NI GANG LA MTHAR BZUNG BA DES 'DAG PAR YID CHES PA'I TSUL KHRIMS DANG BRTUL ZHUGS MCHOG 'DZIN DANG, DE NAS 'DAG PAR YID CHES PA DE LA MCHOG TU 'DZIN PAS LTA BA MCHOG 'DZIN DANG, DE NAS RANG GI LTA BA LA CHAGS SHING KHENGS PA'I CHAGS PA DANG NGA RGYAL DANG GZHAN GYI LTA BA LA ZHE SDANG SKYE STE, DE LTAR NA 'DI NI SKYE BA'I RIM PA YIN NO, ,SNGON GYI SLOB DPON DAG NA RE MTHONG SPANG RNAMS KYI DMIGS PA NI RANG GI RGYUD LA YOD PA'I LTA BA YIN PA'I PHYIR ZHE SDANG YANG GZHAN GYI LTA BA LA ZHE SDANG BA NI MA YIN GYI, 'ON KYANG BDAG GIS SNGAR GYI LTA BA NGAN PA 'DI LTA BU BOR RO ZHES GZHAN RANG NYID KYIS SNGAR BZUNG BA'I LTA BA DE LA ZHE SDANG BA YIN NO ZHES ZER RO, ,(GANG GI MJUG TU GANG SKYE MA NGES PAS 'DI BZHIN SKYE BAR MA NGES KYANG BDEN PA'I DMIGS NAS 'DI BZHIN SKYE BA SRID PAS DE'I DBANG DU BYAS SO,,) DGU BA SKYE BA'I RGYU NI RGYU'I STOBS DANG RKYEN RGYUD LA THOB PA MA BCAD CING GNYEN PO MA SKYES PAS PHRA RGYAS SPANGS PA MA YIN PA DANG, YUL GYI STOBS DANG DMIGS RKYEN 'DOD CHAGS LA SOGS PA SKYE BA DANG MTHUN PA'I YUL NYE BAR GNAS PAR GYUR PA DANG SBYOR BA'I STOBS DANG DE MA THAG RKYEN TSUL BZHIN MA YIN PA YID LA BYED PA GSUM LAS NYON MONGS 'BYUNG BAS NA NYON MONGS PA'I RGYU NI TSANG BA YIN NO, ,BYE BRAG TU SMRA BA NA RE DGRA BCOM PA YONGS SU NYAMS PA'I CHOS CAN GYI NYON MONGS PA LTA BU RES 'GA' RGYU'I STOBS MED KYANG YUL GYI STOBS KHO NA LAS SKYE'O ZHES ZER BA LA 'GREL BAR GRAG GO ZHES SMOS TE, RGYU MA TSANG BA'I 'BRAS BU SKYE BA NI YOD PA MA YIN NO ZHES t'I KA BYED DAG 'CHAD DO, ,'DI LA PHRA RGYAS SPANGS PA MA YIN PA ZHES BYA BA NI MDO SDE PA LA SOGS PA NYON MONGS PA'I SA BON DANG BYE BRAG TU SMRA BA THOB LA 'DOD DO,, BCU PA MDO LAS GSUNGS PA'I ZAG PA LA SOGS PA'I DBYE BA BSTAN PA LA ZAG PA DANG, CHU BO DANG SBYOR BA DANG, NYER LEN DANG, PHRA RGYAS LA SOGS PA'I MING DON DANG, KUN SBYOR DANG 'CHING BA DANG, NYE BA'I NYON MONGS DANG, KUN DKRIS DANG, DRI MA DANG, DE DAG GI RNAM PA'I RAB DBYE DANG, SGRIB PA LNGA BSHAD PA DANG BCU GCIG LAS DANG PO NI PHRA RGYAS DE DAG NYID MDO LAS, 'DOD PA'I ZAG PA DANG, SRID PA'I ZAG PA DANG, MA RIG PA'I ZAG PA'O ZHES ZAG PA GSUM DU GSUNGS PA LAS 'DOD KHAMS NA @523 GTI MUG LNGA MA GTOGS PA'I NYON MONGS PA LTA BA BCU GNYIS THE TSOM BZHI 'DOD CHAGS KHONG KHRO NGA RGYAL GSUM PO LNGA LNGA STE SUM CU RTZA GCIG DANG KUN NAS DKRIS PA BCU DANG BCAS PA BZHI BCU RTZA GCIG NI 'DOD PA'I ZAG PA YIN NO, ,GZUGS DANG GZUGS MED PA'I KHAMS NA NI MA RIG PA BCU MA GTOGS PA'I PHRA RGYAS NYI SHU RTZA DRUG DRUG PO RNAMS KHO NA GCIG TU BSDOMS PA LNGA BCU RTZA GNYIS NI SRID PA'I ZAG PA YIN NO, ,'O NA SRID ZAG LNGA BCU RTZA DRUG TU 'GYUR TE, GONG MA GNYIS NA'ANG RMUGS RGOD KYI KUN DKRIS YOD LA, RAB TU BYED PA LAS, SRID PA'I ZAG PA GANG ZHE NA, MA RIG PA RNAMS MA GTOGS PA DE LAS GZHAN PA GZUGS DANG GZUGS MED PA DANG LDAN PA'I KUN DU SBYOR BA DANG, 'CHING BA DANG, PHRA RGYAS DANG, NYE BA'I NYON MONGS PA DANG, KUN NAS DKRIS PA GANG DAG YIN PA'O ZHES BSHAD PA'I PHYIR RO ZHE NA, KHA CHE BA RNAMS NA RE KHAMS GONG MA'I RMUGS RGOD GNYIS 'DOD CHAGS LA SOGS PA DANG YANG MTSUNGS PAR LDAN PAS RANG DBANG CAN MA YIN PA'I PHYIR MA BSHAD DO ZHES ZER RO, ,GAL TE DE LTA NA 'DOD PA'I NGO TSA MED PA DANG KHREL MED PA DANG RMUGS RGOD RNAMS KYANG 'DOD PA'I ZAG PA MA YIN PAR 'GYUR TE, 'DOD CHAGS LA SOGS PA DANG MTSUNGS PAR LDAN PAS RANG DBANG CAN MA YIN PA'I PHYIR ZHE NA, 'DIR RANG GI 'JUG PA SHAS CHUNG BAS RANG DBANG CAN MA YIN PAR 'DOD KYI CHAGS SOGS DANG MTSUNGS PAR LDAN PAS RANG DBANG CAN MA YIN PA NI MA YIN NO ZHES 'DOD DO, ,KHAMS GONG MA GNYIS KYI PHRA RGYAS RNAMS GCIG TU BSDOMS NAS SRID PA'I ZAG PA GCIG TU 'JOG PA NI NYON MONGS PA DE DAG BSGRIBS LA LUNG DU MA BSTAN PA DANG, KHA NANG DU LTAS PA DANG MNYAM GZHAG GI SA PA YIN PA'I PHYIR GCIG TU BYAS SO, ,(DGOS PA NI DE LA THAR BA'I 'DU SHES BZLOG PA'I PHYIR,) KHAMS GSUM CHAR GYI MA RIG PA BCO LNGA PO THAMS CAD GCIG TU BYAS PA NI MA RIG PA'I ZAG PA'O, ,DE GCIG PU LOGS SU STON PA NI NYON MONGS PA THAMS CAD KYI RTZA BA MA RIG PA YIN PAS NA NYES PA CHE BAS LOGS SHIG TU MA RIG PA'I ZAG PAR BSTAN TE, MDO LAS, KUN TU CHAGS PAR BYED PA'I RGYU NI MA RIG PA'O ZHES PA DANG, 'JIG RTEN 'DI DANG PHA ROL NA, ,'DOD DANG CHAGS PAS BSLANG BA YI, ,NGAN 'GRO GANG DAG CI YOD PA, ,THAMS CAD MA RIG RTZA BA CAN ZHES GSUNGS SO, , GNYIS PA CHU BO DANG SBYOR BA BSHAD PA NI YANG MDO LAS, CHU BO NI BZHI STE, 'DOD PA'I CHU BO DANG, SRID PA'I CHU BO DANG, LTA BA'I CHU BO DANG, MA RIG PA'I CHU BO'O ZHES BYA BA DANG, SBYOR BA NI BZHI STE, 'DOD PA'I SBYOR BA DANG, SRID PA'I SBYOR BA DANG, LTA BA'I SBYOR BA DANG, MA RIG PA'I SBYOR BA'O ZHES @524 GSUNGS PA'I CHU BO DANG SBYOR BA'ANG JI LTAR ZAG PA BSHAD PA DE KHO NA BZHIN DU RIG PAR BYA STE, 'DOD PA LA SOGS PA'I ZAG PA NI 'DOD PA LA SOGS PA'I SBYOR BA LA SOGS PA YIN PA'I PHYIR RO, ,'O NA CHU BO DANG SBYOR BA GSUM DU 'GYUR RO ZHE NA, KHAMS GSUM PA'I LTA BA RNAMS NI NYON MONGS PA GZHAN LAS LOGS SHIG TU LTA BA'I CHU BO DANG SBYOR BA ZHES BSTAN TE, LTA BA RNAMS NYON MONGS PA GZHAN PAS G-YO BA DANG RNAM PA GSAL BA'I PHYIR RO ZHES BYE BRAG TU SMRA BA 'DOD DE, DE LTA NA MA RIG PA RNAM PA MI GSAL BA'I PHYIR LOGS SHIG TU MI STON PA DANG, KHONG KHRO DANG 'DOD CHAGS LA SOGS PA'ANG LOGS SHIG TU STON PAR THAL BA'I SKYON YOD PAS GDUL BYA'I BSAM PA LA LTOS NAS BSHAD DO ZHES SHES PAR BYA'O, ,'O NA ZAG PA'ANG BZHIR 'GYUR TE, KHYAD PAR MED PA'I PHYIR RO ZHE NA, ZAG PAR NI LTA BA RNAMS LOGS SHIG TU BSTAN PA MA YIN TE, 'KHOR BAR 'JOG PA'I PHYIR ZAG PA ZHES BYA BA YIN NA 'DOD CHAGS LA SOGS PA'I NYON MONGS PA GZHAN GYI GROGS MED PA'I LTA BA RKYANG PA RNAMS NI 'KHOR BAR 'JOG PA'I MING GI DON DANG RJES SU MI MTHUN PA'I PHYIR RO, ,LO'I SGRA NI BYE BRAG TU SMRA BA'I 'DOD PA STE, 'JOG PA'I DON 'KHOR BAR DNGOS SU NYING MTSAMS SBYOR BA LA 'DOD NA MA RIG PA'ANG ZAG PAR MI 'GYUR TE, DNGOS SU SRED PA KHO NAS NYING MTSAMS SBYOR BA'I PHYIR TE, RNAM 'GREL LAS, SDUG BSNGAL PHYIN CI LOG BLO DANG, ,SRED PA KUN NAS 'CHING BA NI, ,SKYE RGYU GANG LA DE MED PA, ,DE NI SKYE BAR MI 'GYUR RO, ,ZHES BSHAD PA BZHIN NO, ,PHYIN CI LOG GI BLO NI MA RIG PA MA YIN GYI LTA BA YIN PA'I PHYIR RO, ,KUN NAS SLONG BA TZAM LA 'DOD NA NYON MONGS PA THAMS CAD KYIS 'KHOR BAR 'JOG PAR BYED PAS LTA BA'ANG DER THAL BAR 'GYUR RO, ,DE'I PHYIR 'DI YANG GDUL BYA'I DBANG GIS BSHAD PA TZAM DU RIG PAR BYA'O, ,GSUM PA NYER LEN BSHAD PA NI MDO LAS, NYE BAR LEN PA NI BZHI STE, 'DOD PA NYE BAR LEN PA DANG, LTA BA NYE BAR LEN PA DANG, TSUL KHRIMS DANG BRTUL ZHUGS MCHOG TU 'DZIN PA NYE BAR LEN PA DANG, BDAG TU SMRA BA NYE BAR LEN PA'O ZHES GSUNGS PA LA, 'DOD PA DANG SRID PA'I CHU BO DANG SBYOR BAR JI SKAD BSHAD PA NYID MA RIG PA DANG BCAS PA NI RIM PA LTAR 'DOD PA DANG BDAG TU SMRA BA NYE BAR LEN PA RNAMS YIN TE, LTA BA RNAM PA LNGA NI LTA BA NYE BAR LEN PA DANG, TSUL KHRIMS DANG BRTUL ZHUGS MCHOG TU 'DZIN PA NYE BAR LEN PA GNYIS SU PHYE BA'I PHYIR RO, ,DE LA TSUL KHRIMS DANG BRTUL ZHUGS MCHOG 'DZIN NYER LEN THA DAD DU BSTAN PA NI GRANGS CAN LA SOGS PA'I LAM GYIS THAR PA THOB PAR LTA BAS YANG DAG PA'I LAM GYI DGRAR GYUR PA'I PHYIR DANG, ZAS MI ZA BA DANG ME DANG CHUR 'JUG PA LA SOGS PA DANG YUL YID DU 'ONG @525 BA SPANGS PAS DAG PAR YID CHES PAS KHYIM PA DANG RAB TU BYUNG BA'I PHYOGS GNYIS KA BSLU BA'I PHYIR LOGS SHIG TU BYAS SO, ,MA 'DRES PA'I MA RIGS PA 'BA' ZHIG PAS NI MI GSAL BAS 'KHOR BAR 'DZIN PAR BYED PA MIN PA'I PHYIR DANG, 'DRES PA NI NYON MONGS PA GZHAN DANG 'BREL BA'I STOBS KYIS LEN PAR BYED PA'I PHYIR LTA BA LAS GZHAN PA'I NYON MONGS PA RNAMS DANG BSRES NAS 'DOD PA NYE BAR LEN PA DANG, BDAG TU SMRA BA NYE BAR LEN PAR BSHAD DE, NYE BAR LEN PA'I DON NI 'KHOR BAR LEN PA YIN PA'I PHYIR RO,, 'DI NI BYE BRAG TU SMRA BA'I 'DOD PA STE, SLOB DPON NI 'DUN PA'I 'DOD CHAGS KHO NA NYER LEN YIN PAS MA RIG PA NYER LEN DU MA BSHAD PA YIN GYI 'DZIN PAR BYED PA MA YIN PAS MA RIG PA NYER LEN DU LOGS SUM BSHAD PA NI MA YIN NO, ,DE LA SBYOR BA DANG NYER LEN NI 'DUN PA'I 'DOD CHAGS NYID YIN GYI NYON MONGS PA GZHAN DAG NI MA YIN TE, SBYOR BA DANG NYER LEN GYI DON DNGOS SU 'KHOR BAR SBYOR BA DANG LEN PA YIN NA NYON MONGS PA GZHAN GYIS NI DE LTA MA YIN PA'I PHYIR DANG, 'DOD CHAGS KYIS DNGOS SU 'KHOR SBYOR BA DANG NYE BAR LEN PA'I PHYIR RO ZHES BZHED DO ZHES SLOB DPON GANG SPEL 'CHAD DO, ,DE'I PHYIR 'DOD PA'I SBYOR BA DANG NYE BAR LEN PA NI 'DOD PA LA CHAGS PA NYID YIN LA, DE BZHIN DU SRID PA LA CHAGS PA NYID SRID PA'I SBYOR BA DANG BDAG TU SMRA BA NYER LEN YIN TE, MDO LAS, 'DOD PA'I SBYOR BA GANG ZHE NA ZHES PA NAS RGYAS PAR 'DI'I 'DOD PA RNAMS LA ('DOD PA LA) 'DOD CHAGS PA DANG, 'DOD PA LA 'DUN PA DANG, 'DOD PA LA SRED PA DANG, 'DOD PA LA DAD CHE BA DANG, 'DOD PA LA 'DOD PAS BRGYAL BA DANG, 'DOD PA LA ZHEN PA DANG, 'DOD PA LA DGA' BA DANG, 'DOD PA LA 'CHUMS PA DANG, 'DOD PA LA LHAG PAR CHAGS PA YOD PA GANG YIN PA DES 'DI'I SEMS YONGS SU GTUGS TE GNAS PA 'DI NI 'DOD PA'I SBYOR BA ZHES BYA'O ZHES PA'I BAR DANG, LTA BA'I SBYOR BA GANG ZHE NA 'DI'I LTA BA RNAMS LA 'DOD CHAGS PA DANG ZHES PA NAS GNAS PA 'DI NI LTA BA'I SBYOR BA ZHES BYA'O ZHES PA'I BAR DANG, YANG NYE BAR LEN PA'I DBANG DU BYAS TE NYE BAR LEN PA GANG ZHE NA, 'DI LA 'DUN PA'I 'DOD CHAGS GANG YIN PA'O ZHES GSUNGS SO, ,BZHI PA PHRA RGYAS LA SOGS PA'I MING GI DON NI CI'I PHYIR NYON MONGS PA DE DAG LA PHRA RGYAS LA SOGS PA ZHES BYA ZHE NA, GANG GI PHYIR NYON MONGS PA DE DAG (NI GZUGS CAN YIN ZHING,) SEMS LAS BYUNG BA'I NGO BO NYID KYIS RTOGS PAR DKA' BAS 'JUG PA PHRA BA'I PHYIR DANG, THOB PA DANG RJES SU 'BREL BA'I PHYIR PHRA BA YIN NO, ,DMIGS PA DANG MTSUNGS LDAN RNAM PA GNYIS KYI SGO NAS RGYAS PAR 'GYUR BA DANG, 'BAD MI DGOS PAR BZLOG BZHIN DU RGYUD LA YANG @526 DANG YANG DU MNGON DU 'GYUR BAS RGYUN PHYOGS SU RJES SU 'BRANG BA'I PHYIR YANG RGYAS PA STE DE'I PHYIR NA PHRA RGYAS DAG TU BSHAD PA YIN NO, ,KHYAD PAR DU KHAMS GSUM LAS 'DOD CHAGS DANG MA BRAL NA NYON MONGS PA DE DAG GIS 'KHOR BAR 'JOG PAR BYED PA'I PHYIR DANG, SRID RTZE NAS MNAR MED KYI BAR DU SKYE MCHED DRUG GI RMA'I SGO NAS ZAG PAR BYED PA'I PHYIR DANG, 'KHOR BA'I RGYA MTSOR KHAMS DANG 'GRO BA DANG SKYE GNAS GZHAN DU 'KHYER BAR BYED PA'I PHYIR RAM, ,RNAM SHES YUL LA 'JUG PAR BYED PA'I PHYIR DANG, 'KHOR BA DANG KHAMS DANG 'GRO BA DANG SKYE GNAS SU NYING MTSAMS SBYOR BA'AM, RNAM SHES YUL GZHAN LA 'BYOR BAR BYED PA'I PHYIR DANG, 'KHOR BAR RNAM SHES NYE BAR 'DZIN PA'I PHYIR RIM PA LTAR ZAG PA LA SOGS PA CHU BO DANG SBYOR BA DANG NYER LEN ZHES BYA BA DE DAG GI NI NGES PA'I TSIG YIN NO, ,SLOB DPON NI 'DI DAG GIS RNAM PAR SHES PA'I RGYUD YUL LA 'JOG CING 'BO BAR BYED PAS ZAG PA DANG, CHU BO LTAR NYON MONGS PA'I SHUGS CHEN POS 'KHYER BAS CHU BO DANG, SKYE BA LA SOGS PA'I SDUG BSNGAL SNA TSOGS DANG SBYOR BA'AM, RGYUD LA YANG DANG YANG DU SBYOR BAS SBYOR BA DANG, 'DOD PA LA SOGS PA NYE BAR LEN PAS 'DUN PA'I 'DOD CHAGS NYID NYE BAR LEN PA YIN NO ZHES BYA BA NI CHES LEGS PA YIN NO ZHES 'CHAD DO, , LNGA PA KUN SBYOR BSHAD PA NI, PHRA RGYAS DE DAG NYID KUN DU SBYOR BA DANG, SOGS PAS GZUNG BA 'CHID BA DANG, PHRA RGYAS DANG, NYE BA'I NYON MONGS PA DANG, KUN NAS DKRIS PA RNAMS KYI DBYE BAS YANG RNAM PA LNGAR MDO DANG, CHOS MNGON PA LAS PHYE NAS BSHAD DO, ,DE LA PHRA RGYAS NI BSHAD ZIN LA, GZHAN DAG NI RIM PA BZHIN 'CHAD DO, ,DE LA MDO LAS, KUN DU SBYOR PA NI DGU STE, RJES SU CHAGS PA DANG, KHONG KHRO BA DANG, NGA RGYAL DANG, MA RIG PA DANG, LTA BA DANG, MCHOG TU 'DZIN PA DANG, THE TSOM DANG, PHRAG DOG DANG, SER SNA'I KUN DU SBYOR BA RNAMS SO ZHES GSUNGS TE YUL DANG SKYE BA DAG LA KUN DU SBYOR BAR BYED PA'AM, 'DI DAG YOD NA SDUG BSNGAL GYI KHYAD PAR DU MA DANG KUN DU SBYOR BAS NA KUN SBYOR RO, ,DE LA RJES SU CHAGS PA DANG NGA RGYAL DANG MA RIG PA DANG THE TSOM GYI KUN SBYOR BZHI NI KHAMS GSUM GA'I DANG, KHONG KHRO DANG PHRAG DOG DANG SER SNA GSUM NI 'DOD KHAMS KHO NA'I DANG, LTA BA'I KUN SBYOR NI KHAMS GSUM PA'I LTA BA DANG BO GSUM DANG, MCHOG TU 'DZIN PA'I KUN SBYOR NI LTA BA PHYI MA GNYIS YIN NO, ,KUN SBYOR DGU PA DE DAG GIS NI GNYEN PO DGU LA SGRIB STE, KHAMS GSUM LA CHAGS NA SKYE BA MI 'BYUNG BAS SKYO BA LA RJES SU CHAGS PA'I KUN SBYOR GYIS SGRIB CING, KHONG KHRO'I GZHI LA BTANG SNYOMS SU BYED MI NUS PAS BTANG SNYOMS LA KHONG KHRO'I KUN SBYOR GYIS SGRIB LA, LHAG MA BDUN GYIS NI DE @527 KHO NA NYID MTHONG BA LA SGRIB STE, DE LA DNGON PAR RTOGS PA'I DUS NA NGA'O SNYAM PA'I NGA RGYAL 'BYUNG BAS 'JIG TSOGS SU LTA BA YONGS SU SHES PA LA NGA RGYAL GYI KUN SBYOR GYIS SGRIB BO, ,NYER LEN GYI PHUNG PO MI RTAG DU MA GZHAN DBANG CAN DU MI SHES PAS MA RIG PA'I SBYOR GYIS 'JIG TSOGS LA LTA BA'I GZHI YONGS SU SHES PA LA SGRIB BO, ,LTA BA DANG PO GNYIS KYIS DE LA SKRAG CING LOG LTAS SKUR BA 'DEBS PAS NA LTA BA'I KUN SBYOR GYIS 'GOG PA'I BDEN PA YONGS SU SHES PA LA SGRIB BO, ,LAM GZHAN GYIS MCHOG DANG DAG PAR 'DZIN PAS NA MCHOG TU 'DZIN PA'I KUN SBYOR GYIS LAM GYI BDEN PA YONGS SU SHES PA LA SGRIB BO, , DKON MCHOG GI YON TAN LA MNGON PAR YID MI CHES PA THE TSOM GYI KUN SBYOR GYIS DKON MCHOG GSUM YONGS SU SHES PA LA SGRIB BO, ,RNYED BKUR GYI NYES PA MA MTHONG BAS PHRAG DOG GI KUN SBYOR GYIS RNYED PA DANG BKUR STI YONGS SU SHES PA LA SGRIB BO, ,YO BYAD LA LHAG PAR ZHEN PAS SER SNA'I KUN SBYOR GYIS YO BYAD BSNYUNGS PA YONGS SU SHES PA LA SGRIB STE, DBUS MTHA' LAS, KUN DU SBYOR RNAMS SGRIB PA YIN, , SKYO BA DANG NI BTANG SNYOMS DANG, ,DE KHO NA NI MTHONG BA DANG, ,'JIG TSOGS LTA DANG DE'I GZHI DANG, , 'GOG DANG LAM DANG DKON MCHOG DANG, ,RNYED PA DANG NI BKUR STI DANG, ,YO BYAD BSNYUNGS PA YONGS SHES LA, ,SGRIB BO ZHES 'BYUNG BA'I PHYIR RO, ,DGUR GRANGS NGES PA'ANG DE NYID YIN NO, ,YANG CI'I PHYIR LTA BA RNAMS LAS DANG PO GSUM LTA BA'I KUN SBYOR DANG, PHYI MA GNYIS MCHOG TU 'DZIN PA'I KUN SBYOR ZHES GCIG TU BYAS SHE NA, LTA BA DANG PO GSUM DANG PHYI MA GNYIS RDZAS BCO BRGYAD PAR 'DRA BA'I PHYIR DANG, LTA BA PHYI MA GNYIS KYIS LTA BA SNGA MA GSUM LA MCHOG DANG DAG PAR 'DZIN PAS NA SNGA MA GSUM NI BZUNG BA DANG PHYI MA GNYIS DMAN PA LA MCHOG TU 'DZIN PAR 'DRA BA'I PHYIR LTA BA DANG PO GSUM DANG PHYI MA GNYIS KUN DU SBYOR BA GZHAN DU GSUNGS PA YIN NO, ,DE LA RDZAS BCO BRGYAD PAR 'DRA BA NI LTA BA DANG PO GNYIS 'DOD PA NA SDUG BSNGAL MTHONG SPANG GNYIS DANG KHAMS GONG MA GNYIS NA GNYIS GNYIS TE DRUG DANG, LOG LTA KHAMS GSUM NA BDEN BZHI MTHONG BAS SPANG BAR BYA BA BZHI GSUM BCU GNYIS TE LTA BA DANG PO GSUM LA RDZAS BCO BRGYAD DANG, LTA BA LNGA PA 'DOD PA NA SDUG BSNGAL DANG LAM MTHONG SPANG GNYIS DANG, KHAMS GONG MA GNYIS NA'ANG GNYIS GNYIS TE DRUG DANG, LTA BA BZHI PA KHAMS GSUM NA BDEN BZHI MTHONG BAS SPANG BAR BYA BA BZHI GSUM BCU GNYIS TE DE LTAR NA MCHOG TU 'DZIN PA GNYIS KYANG RDZAS BCO BRGYAD PA YIN NO ZHES BYE BRAG TU SMRA BA 'CHAD MOD KYI 'ON KYANG LOGS SHIG TU STON PA NI MCHOG 'DZIN DU 'DRA BA NYID YIN NO, ,GAL TE KUN DU SBYOR BA DAG TU KUN NAS DKRIS PA BRGYAD LAS PHRAG DOG DANG SER SNA KHO NA @528 STON PA LA RGYU MTSAN CI YOD CE NA, GANG GI PHYIR PHRAG DOG DANG SER SNA GNYIS KA GCIG TU MI DGE BA DANG, MA RIG PA TZAM DANG MTSUNGS PAR LDAN PAS RANG DBANG CAN YIN BA DE'I PHYIR PHRAG DOG DANG SER SNA NGO TSA MED PA LA SOGS PA'I KUN NAS DKRIS PA DRUG PO DE DAG LAS LOGS SHIG TU KUN DU SBYOR BA GNYIS SU BSHAD DE, KUN NAS DKRIS PA GZHAN DAG NI DE LTA MA YIN PA'I PHYIR TER ,NGO TSA MED PA DANG KHREL MED PA GNYIS GCIG TU MI DGE BA YIN YANG RANG DBANG CAN MA YIN TE, 'DOD CHAGS LA SOGS PA NYON MONGS PA GZHAN DANG YANG MTSUNGS PAR LDAN PA'I PHYIR RO, ,'GYOD PA RANG DBANG CAN YIN YANG MI DGE BAR MA NGES TE, DGE BA'ANG YOD PA'I PHYIR RO, ,RMUGS RGOD DANG GNYID NI DGE BA'ANG YOD CING LUNG MA BSTAN YANG 'DOD CHAGS LA SOGS PA DANG YANG MTSUNGS PAR LDAN PA'I PHYIR GCIG TU MI DGE BA DANG MA RIG PA TZAM DANG MTSUNGS LDAN PA'I RANG DBANG CAN YANG MA YIN PA'I PHYIR RO ZHES BSTAN BCOS RAB TU BYED PA'I RJES SU 'BRANG BA'I BYE BRAG TU SMRA BA KHA CIG 'DOD DO, ,GZHAN DAG NA RE DE LTA NA BYE BRAG TU SMRA BA GANG GI LTAR NA KUN NAS DKRIS PA BCUR 'DOD PA DE'I LTAR NA KHRO BA DANG 'CHAB PA'ANG MI DGE BA DANG RANG DBANG CAN YIN PA'I PHYIR KUN DU SBYOR BAR 'CHAD PAR THAL BAR 'GYUR RO ZHES ZER RO, ,'DI'I LAN LA SLOB DPON 'DUN BZANG NA RE KUN DKRIS BCU YOD KYANG PHRAG DOG DANG SER SNAS BDE 'GRO NA LHAG PAR 'CHING BA'I PHYIR TE, SHIN TU RNO BA DANG, YANG DANG YANG 'BYUNG BA'I PHYIR DANG, DE GNYIS NI RIM PA BZHIN DU DBANG CHUNG BA DANG LONGS SPYOD CHUNG BA'I RGYU YIN PA'I PHYIR LOGS SHIG TU BSTAN TE, 'DOD PA NA KUN SBYOR GZHAN MANG PO YOD KYANG MDO LAS, KO'U SHI KA LHA DANG MI RNAMS NI PHRAG DOG DANG SER SNA'I KUN DU SBYOR BA CAN YIN NO ZHES GSUNGS PA'I PHYIR RO ZHES ZER RO, , SLOB DPON RGYAL PO'I SRAS NI 'DI GNYIS KYI RIM PA LTAR KUN DU GDUNG BA'I SDUG BSNGAL DANG KUN DU DGA' BA DANG LDAN PA'I NYON MONGS PA THAMS CAD STON PA'I PHYIR DANG, RAB TU BYUNG BA DANG KHYIM PA'I PHYOGS GNYIS KA LONGS SPYOD DANG CHOS LA PHRAG DOG DANG SER SNA 'BYUNG BAS NYON MONGS PAR BYED PA'I PHYIR DANG, LHA DANG LHA MA YIN GYI PHYOGS GNYIS KA BDUD RTZI DANG BUD MED KYI PHYIR SHIN TU NYON MONGS PAR BYED PA'I PHYIR LOGS SHIG TU BSHAD DO ZHES 'CHAD DO, ,YANG BCOM LDAN 'DAS KYIS MDO GZHAN DU THA MA'I CHA DANG MTHUN PA'I KUN DU SBYOR BA LNGA SPANGS PA'I PHYIR 'PHAGS PA PHYIR MI 'ONG BA YIN TE, 'DI LTA STE 'JIG TSOGS LA LTA BA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM DANG, 'DOD PA LA 'DUN PA DANG, GNOD SEMS SO ZHES THA MA'I CHA DANG MTHUN PA'I KUN DU SBYOR BA RNAM @529 PA LNGA GSUNGS TE, DE LA THA MA NI KHAMS GSUM GYI THA MA 'DOD PA'I KHAMS TE, GCIG TU MNYAM PAR MA BZHAG PA DANG, MI DGE BA DANG NGAN 'GRO DANG SDUG BSNGAL DANG YID MI BDE BA DANG NYON MONGS PA BAR MTSAMS MED PA YOD PA'I PHYIR THA MA YIN NO ZHES t'I KA BYED DAG 'CHAD DO, ,DES NA DMAN PA LA THA MA'I SGRA SBYAR BA YIN NO, ,DE'I CHA DANG MTHUN PA NI LNGA PO 'DI DAG 'DOD PA DANG RJES SU MTHUN PA'I PHYIR TE, 'DI LTAR 'DOD PA LA 'DUN PA DANG GNOD SEMS GNYIS KYIS NI GANG LA DE DAG YOD PA DE 'DOD KHAMS PA KHO NAR NGES SHING KHAMS GONG MA GNYIS NA DE GNYIS MED PAS SGO BAS BTZON SRUNG BA LTAR 'DED PA'I KHAMS LAS MI 'DA' BAR BYED LA, 'JIG CHAGS LA LTA BA LA SOGS PA GSUM PO YIS NI LAN CIG BTZON RA NAS THAR KYANG RJES SU 'BRANG BAS PHYIR BZLOG PA LTAR 'DOD PA LAS 'DAS TE GONG MAR SKYES KYANG YANG PHYIR BZLOG PAR BYED PA'I PHYIR RO ZHES BYE BRAG TU SMRA BA ZER TE, DE LTAR NA KHONG KHRO MA GTOGS PA RTZA BA'I NYON MONGS PA DANG LTA BA GZHAN YANG THA MA'I CHA DANG MTHUN PAR 'GYUR TE, 'DOD PA LAS 'DAS KYANG PHYIR BZLOG PAR BYED PA'I PHYIR RO, ,DE'I PHYIR RNAL 'BYOR SPYOD PA PA DAG ('DI DAG DANG LDAN NA CI YANG MED PA LA 'DOD CHAGS DANG BRAL YANG SO SKYE LAS MI 'DA' BAS,) DANG PO GSUM GYIS NI SEMS CAN GYI THA MA SO SO'I SKYE BO DANG, PHYI MA GNYIS KYIS NI ('PHAGS PA'I CHOS THOB PA YANG 'DOD PA LAS MI 'DA' BAS,) KHAMS KYI THA DAD PA'I KHAMS LAS MI 'DA' LA, DE DAG LAS MI 'DA' BAR BYED PA'I NYON MONGS PA GZHAN YANG YOD MOD KYI DE DAG GTZO CHE BA'I PHYIR BSTAN TO, ,ZHES 'CHAD PA LTAR YIN NO ZHES SLOB DPON BZHED DO,, (DE LTAR YANG, KHYOD KYI CHOS LAS MI PHYOGS PA'I, ,SKYE BO GTI MUG GIS LDONGS PA, ,SRID RTZE'I BAR DU SON NAS KYANG, ,SDUG BSNGAL RAB 'BYUNG SRID PA SGRUB CES BSHAD DO, ,) 'O NA CI'I PHYIR RGYUN DU ZHUGS PAS MTHONG SPANG THAMS CAD SPANGS PAS LTA BA LNGA PO THAMS CAD DANG THE TSOM DANG DRUG CAR SPANGS PA YIN NA STONG CHEN MO RAB TU 'JOMS PA LAS, LTA BA 'DI LA SBYAR MA THAG TU NI, , 'JIG TSOGS LTA DANG TSUL KHRIMS BRTUL ZHUGS DANG, ,THE TSOM DANG NI NYON MONGS GSUM PO DAG ,CIG CAR SPANGS TE 'PHAGS PA'I BDEN MTHONG BA ZHES BYA BA DANG, MING CHEN GYIS ZHUS PA'I MDO LAS KYANG, BTZUN PA JI TZAM GYIS NA RGYUN DU ZHUGS PA LAGS ZHES ZHUS PA'I LAN DU, MING CHEN 'DI NI KUN TU SBYOR BA GSUM PO 'DI LTA STE 'JIG TSOGS LA LTA BA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM YANG YONGS SU SPANGS SHING YONGS SU SHES PA YIN NO, ,DES KUN DU SBYOR BA GSUM PO DE DAG SPANGS PAS RGYUN DU ZHUGS PA YIN ZHES LTA BA BAR PA GSUM BOR TE KUN DU SBYOR BA GSUM KHO NA SPANGS @530 PAR GSUNGS SHE NA, DE LTA YIN MOD KYI GSUM PO 'DIS MTHONG SPANG RNAMS KYI SGO BSDUS PA'I PHYIR DANG, RTZA BA BSDUS PA'I PHYIR GSUM PO DE SPANGS PAS GZHAN DAG KYANG SPANGS PA SHUGS LA GO BA'I PHYIR GSUM KHO NA SPANGS PAR BSTAN TE, DE LA 'JIG TSOGS LA LTA BA NI SPANG BYA'I SGO GCIG PA STE SDUG BSNGAL MTHONG BAS SPANG BAR BYA BA'O, ,DE SPANGS PAR BSTAN PAS MTHAR 'DZIN PAR LTA BA SPANGS PA'ANG SHUGS LA GO STE SGO GCIG PAR 'DRA BA'I PHYIR RO, ,TSUL KHRIMS DANG BRTUL ZHUGS MCHOG 'DZIN NI SGO GNYIS PA STE SDUG BSNGAL DANG LAM MTHONG BAS SPANG BAR BYA BA'O, ,(THE TSOM NI BDEN BZHI MTHONG SPANG SGO BZHI BA STE,) DE SPANGS PA RA BSTAN PAS LOG LTA DANG LTA BA MCHOG 'DZIN YANG SPANGS PAR SHUGS LA GO STE, RNAM PA BZHI PAR 'DRA BA'I PHYIR RO, ,DE DAG SPANGS PAR BSTAN PAS MTHONG SPANG GIS BSDUS PA'I 'DOD CHAGS LA SOGS PA'ANG SPANGS PAR BSTAN TE, 'DOD CHAGS LA SOGS PA NI DE DAG LA DMIGS PAS DE DAG GI YUL CAN YIN PA'I PHYIR RO ZHES t'I KA BYED DAG 'CHAD DO, ,'O NA LTA BA DANG PO DANG THE TSOM BOR TE MTHAR 'DZIN PAR LTA BA DANG, LTA BA MCHOG 'DZIN DANG LOG LTA GANG RUNG RE RE'I BYAS NAS KYANG KUN SBYOR GSUM DU STON PAR 'GYUR TE, SGO BSDUS PAR 'DRA BA'I PHYIR RO ZHE NA, DE GCIG PUR MA ZAD RTZA BA BSDUS PA'I PHYIR YANG STE, MTHAR 'DZIN PAR LTA BA NI BDAG LA RTAG CHAD KYI MTHAR 'DZIN PAS 'JIG TSOGS LA LTA BA'I RTZA BA CAN YIN ZHING, LTA BA MCHOG 'DZIN NI GANG GIS 'DAG PAR YID CHES PA DE LA MCHOG TU 'DZIN PAS TSUL KHRIMS DANG BRTUL ZHUGS MCHOG TU 'DZIN PA'I RTZA BA CAN YIN LA, LOG LTA NI THE TSOM GYIS LOG PAR MNYAN PA DANG BSAM PAS LOG PAR NGES PA SKYE BAS THE TSOM GYI RTZA BA CAN YIN NO ZHES BYE BRAG TU SMRA BA 'DOD DE, RNAM PA GCIG PA LA SOGS PA NI MI 'THAD PAR BSHAD ZIN PA'I PHYIR RTZA BA BSDUS PA'AM GTZO CHE BA'I PHYIR YIN NO ZHES BAR BYA'O, ,SLOB DPON NI DPER NA YUL GZHAN DU 'GRO BA LA JI SRID 'GRO BAR MI 'DOD PA DANG, LAM NOR BAR 'GO BA DANG, LAM LA THE TSOM ZA BA'I BAR CHAD GSUM PO DE SNYED CIG YOD PA DE SRID DU YUL GZHAN DU MI PHYIN PA LTAR THAR PA BGROD PA LA'ANG BGEGS BYED PA GSUM YIN LA, DE DAG SPANGS NA THAR PAR BGROD PA LA BGEGS MED PAR BSTAN PA DE'I PHYIR NA RGYUN DU ZHUGS PAS KUN SBYOR GSUM KHO NA SPANGS PAR BSTAN TO, ,DE LA KUN SBYOR DANG POS NI BDAG CHAD PAR DOGS PAS THAR PA LA SKRAG PA'I PHYIR 'GRO BAR MI 'DOD PA YIN ZHING, GNYIS PAS (TSUL KHRIMS MCHOG 'DZIN,) NI LAM GZHAN LA BRTEN PAS LAM NOR BA LA ZHUGS PA YIN LA, GSUM PAS NI LAM LA THE TSOM ZA BA YIN NO ZHES 'CHAD DO, ,BSHES SPRING LAS KYANG, TSUL KHRIMS BRTUL ZHUGS MCHOG 'DZIN RANG LUS @531 LA, ,PHYIN CI LOG PAR LTA DANG THE TSOM STE, ,KUN DU SBYOR BA 'DI GSUM THAR PA YI, ,GRONG KHYER SGO 'GOG LAGS PAR MKHYEN PAR MDZOD CES 'BYUNG NGO, ,YANG MDO LAS, GONG MA'I CHA DANG MTHUN PA LNGA SPANGS PA'I PHYIR 'PHAGS PA DAG BCOM PA'O ZHES GONG MA'I CHA DANG MTHUN PA LNGA NYID DU GSUNGS PA NI GZUGS DANG GZUGS MED PA'I KHAMS LAS SKYES PA'I 'DOD CHAGS GNYIS DANG RGOD PA DANG NGA RGYAL DANG KUN DU RMONGS PA RNAMS YIN NO, ,CI'I PHYIR ZHE NA, 'DI DAG MA SPANGS PAR KHAMS GONG MA LAS MI 'DA' BA'I PHYIR DANG, SGOM SPANG YIN PA'I PHYIR RO, ,(GONG MA MI GTONG BA'I RGYU YIN PAS GSUM PO RE RER BYAS LA, GONG MA NYE BAR LEN PA'I RGYU YIN PAS 'DOD CHAGS GNYIS SO SOR BYAS SO ZHE'O, ,) KHONG KHRO NI SGOM SPANG YIN YANG KHAMS GONG MA NA MED PA'I PHYIR RO, , DRUG PA 'CHING BA BSHAD PA NI MDO LAS, 'CHING BA RNAMS GANG ZHE NA, 'CHING BA NI GSUM STE, 'CHING BA 'DOD CHAGS THAMS CAD DANG, ZHE SDANG THAMS CAD DANG, GTI MUG THAMS CAD DO ZHES GSUNGS PA NI ('DI DAG GIS SEMS BCINGS NA RANG DBANG MED PAS 'CHING BA'O, ,DE YANG) DGE SLONG MA CHOS SBYIN GYI MDO LAS, BDE BA'I TSOR BA LA 'DOD CHAGS RGYAS PAR 'GYUR RO, ,SDUG BSNGAL GYI TSOR BA LA ZHE SDANG RGYAS PAR 'GYUR RO, ,BDE BA YANG MA YIN SDUG BSNGAL YANG MA YIN PA'I TSOR BA LA GTI MUG RGYAS PAR 'GYUR RO ZHES GSUNGS PAS BDE BA LA SOGS PA'I TSOR BA'I DBANG GIS 'DOD CHAGS LA SOGS PA 'DI DAG GIS 'KHOR BAR 'CHING BAS NA 'CHING BA GSUM DU BSHAD DE, TSOR BA BDE BA LA SOGS PA GSUM LAS RIM PA LTAR DUG GSUM DMIGS PA DANG MTSUNGS LDAN GYI SGO NAS RGYAS PA'I PHYIR RO, ,KUN LAS BTUS LAS NI DUG GSUM GYIS RIM PA LTAR 'GYUR BA DANG SDUG BSNGAL DANG 'DU BYED KYI SDUG BSNGAL GSUM LA 'CHING BAS NA 'CHING BA ZHES BSHAD DO, ,DE YANG PHAL CHE BA'I DBANG DU BYAS KYI RES 'GA' NI DGRA BO'I BDE SDUG LA DMIGS NAS KYANG ZHE SDANG DANG 'DOD CHAGS RGYAS PAR 'GYUR RO, ,DE YANG RANG RGYUD KYI BDE SDUG LA NI DMIGS PA DANG MTSUNGS LDAN GNYIS KAS RGYAS LA GZHAN RGYUD KYI LA NI DMIGS PA'I SGO NAS SO, ,BTANG SNYOMS LA'ANG CHAGS SDANG GNYIS KA'ANG RGYAS MOD KYI GTI MUG DANG GNYIS MI GSAL BAR MTHUN PAS LHAG PAR RGYAS PAR 'GYUR RO ZHES SLOB DPON GANG SPEL 'CHAD DO, , BDUN PA NYE BA'I NYON MONGS PA BSHAD PA NI RTZA BA'I NYON MONGS PA DRUG PO LAS GZHAN PA'I NYON MONGS PA CAN GYI SEMS LAS BYUNG BA 'DU BYED KYI PHUNG PO ZHES PA GANG YIN PA DE YANG RTZA BA'I NYON MONGS PA DANG NYE BAR 'DUG PAS NA NYE BA'I NYON MONGS TE, DE DAG LA RTZA BA'I NYON MONGS PA ZHES NI MI BYA STE, @532 RTZA BA MA YIN PA'I PHYIR RO, ,DE DAG KYANG KUN NAS DKRIS PA DANG, DRI MA DANG, GZHI PHRAN TSEGS LAS 'BYUNG BA MI DGA' BA DANG, GLAL BYED PA DANG, SEMS ZHUM PA NYID DANG, SMYA BA DANG, ZAS KYI DROD MI ZIN PA NYID DANG, THA DAD PA'I 'DU SHES DANG, YID LA MI BYED PA DANG, LUS KYI GNAS NGAN LEN DANG, RU GDUG DANG, 'PHYA SMOD DANG, GNAM PA NYID DANG, MI GNAM PA NYID DANG, RANG BZHIN DU MI 'DUG PA NYID DANG, 'DOD PA'I RNAM PAR RTOG PA DANG, 'TSE BA'I RNAM PAR RTOG PA DANG, NYE DU'I RNAM PAR RTOG PA DANG, YUL MI'I RNAM PAR RTOG PA DANG, MI 'CHI BA'I RNAM PAR RTOG PA DANG, BRNYAS PA DANG LDAN PA'I RNAM PAR RTOG PA DANG, RIGS SNYEMS PA DANG LDAN PA'I RNAM PAR RTOG PA DANG, MYA NGAN DANG, SDUG BSNGAL BA DANG, YID MI BDE BA DANG, 'KHRUG PA ZHES BYA BA NYER BZHI PO DAG STE, 'DI DAG GI DON NI RIN PO CHE'I PHRENG BA DANG, GZHI BSDU BA LAS 'BYUNG BA LTAR SHES PAR BYA'O,, BRGYAD PA KUN NAS DKRIS PA BSHAD PA NI 'DI DAG GIS SRID PA'I BTZON RAR KUN NAS 'KHRI BA'AM, 'DI DAG YOD NA SPYOD PA NGAN PA DAG LDANG BAS NA KUN DKRIS SO, ,DE DAG KYANG GANG ZHE NA, NGO TSA MED PA NAS GNYID KYI BAR KUN NAS DKRIS PA NI RNAM PA BRGYAD YIN PAR BSTAN BCOS RAB TU BYED PA LAS BSHAD DO, ,BYE BRAG TU SMRA BA NI BRGYAD PO DE DAG DANG KHRO BA DANG 'CHAB PA STE BCU'O ZHES 'DOD DO, ,DE DAG GI NGO BO NI BSHAD ZIN LA, 'DIR 'GYOD PA KUN NAS DKRIS PAR 'GYUR BA NI 'GYOD PA MI DGE BA YIN NO, ,DE DAG KYANG RTZA NYON GYIS SKYED PA LAS RTZA BA'I NYON MONGS PA GANG GIS SKYED CE NA, 'DOD CHAGS KYIS NGO TSA MED PA DANG RGOD PA DANG SER SNA BSLANG ZHING BSKYED PA YIN TE, RANG GI CHOS LA CHAGS PAS GZHAN LA MA GUS PA'I PHYIR DANG, 'DOD PA'I YON TAN LA CHAGS PAS SEMS RNAM PAR 'PHRO BA'I PHYIR DANG, YO BYAD LA SOGS PA LA CHAGS PAS DAM DU 'DZIN PA'I PHYIR RO, ,'CHAB PA NI KHA CIG 'DOD CHAGS KYIS SKYED PAR 'DOD LA, GZHAN DAG NI GTI MUG GIS BSKYED PAR 'DOD DO, ,LA LA NI GNYIS KAS BSKYED PA YIN TE, NYES PA BYUNG BAR SHES PA RNAMS KYI 'DOD CHAGS DANG, BYUNG BAR MA SHES PA RNAMS KYI GTI MUG LAS SKYES SO ZHES ZER TE MI MTHUN PAR RTZOD DO, ,'ON KYANG RNYED BKUR DANG TSIGS SU BCAD PA NYAMS KYIS DOGS NAS 'CHAB PA'I PHYIR 'DOD CHAGS LAS SKYES PA NYID RIGS SO, ,MA RIG PA LAS SEMS RMUGS PA DANG GNYID DANG KHREL MED RNAMS SKYE STE, DMIGS PA GSAL BAR 'JUG PA LA RMUGS PA DANG GNYID MED PA'I PHYIR DANG, SDIG PA'I 'BRAS BU SDUG BSNGAL YIN PAR MA SHES PAS SDIG PA @533 LA MI 'JIGS PA'I PHYIR RO, ,THE TSOM LAS 'GYOD PA MI DGE BA 'BYUNG STE, DGE BA'I 'BRAS BU BDE BA YIN PAR THE TSOM ZA BA DAG DGE BA BYAS PA LA 'GYOD PA'I PHYIR RO, ,KHRO BA DANG PHRAG DOG NI KHONG KHRO'I RGYU LAS BYUNG BA YIN TE, ZHE SDANG LAS KUN NAS MNAR SEMS SKYE BA'I PHYIR DANG, GZHAN GYI PHUN SUM TSOGS PA LA SEMS 'KHRUGS NAS MI BZOD PA'I PHYIR RO, , DGU PA DRI MA BSHAD PA NI GZHAN YANG MDO LAS NYON MONGS PA'I DRI MA RNAM PA DRUG GSUNGS TE, DE DAG KYANG SGYU NAS PAR 'TSE BA'I BAR RO, ,'DI DAG GI YANG NGO BO NI BSHAD ZIN LA, RTZA BA'I NYON MONGS PA GANG LAS SKYES PA NI SGYU DANG RGYAGS PA NI 'DOD CHAGS LAS SKYES TE, RNYED PA LA SOGS PA NYAMS GYIS DOGS NAS SGYU BYED PA'I PHYIR DANG RANG GI CHOS LA CHAGS PAS YID BDE BA'I PHYIR RO, ,KHON DU 'DZIN PA DANG RNAM PAR 'TSE BA NI ZHE SDANG GIS KUN NAS BSLANG NAS KHON 'DZIN DANG SEMS CAN LA RNAM PAR 'TSE BA 'BYUNG BAS NA KHONG KHRO LAS SKYES SO, ,'TSIG PA NI LTA BA MCHOG TU 'DZIN PA LAS SKYES TE, RANG GI LTA BA LA DAM DU BZUNG NAS GZHAN LA 'TSIG PA'I PHYIR RO, ,MDO LAS, GYA GYU CI YIN SDIG CAN LTA ZHES 'BYUNG BA'I PHYIR G-YO NI LOG PAR LTA BAS KUN NAS BSLANG BA YIN TE, (LAS 'BRAS LAS,) LOG PAR LTA BA DANG LDAN PA SEMS SDIG PA MI 'CHAGS PAR GYA GYU BA'I PHYIR RO, ,(MDO LAS KYANG, RTAG PA CI ZHIG MYA NGAN 'DAS, ,MI RTAG CI ZHIG 'DUS BYAS CHOS, ,DRANG BA CI ZHIG 'PHAGS PA'I LAM, ,GYA GYU CI ZHIG SDIG CAN LTA, ,ZHES SO,,) BCU PO DE DAG GI KHYAD PAR GYI CHAS BSHAD PA NI KUN NAS DKRIS PA BCU BSHAD PA GANG DAG YIN PA DE DAG LAS NGO TSA MED PA DANG KHREL MED PA DANG RMUGS PA DANG GNYID DANG RGOD PA STE LNGA NI MTHONG SPANG DANG SGOM SPANG DANG MTSUNGS PAR LDAN PA RNAMS RIM PA LTAR MTHONG SPANG DANG SGOM SPANG YIN PAS RNAM PA GNYIS KA YIN TE, DE LA NGO TSA MED PA DANG KHREL MED GNYIS NI MI DGE BA THAMS CAD DANG MTSUNGS PAR LDAN ZHING, RMUGS RGOD GNYIS NI NYON MONGS PA THAMS CAD DANG MTSUNGS PAR LDAN LA, GNYID NI YID KYI SA PA 'DOD PA NA SPYOD PA THAMS CAD DANG MTSUNGS PAR LDAN NO, ,LNGA PO DE DAG LAS GZHAN PA NYE NYON KUN DKRIS KYIS BSDUS PA PHRAG DOG DANG SER SNA DANG 'GYOD PA DANG KHRO BA DANG 'CHAB PA NI BDEN PA LA DNGOS DANG BRGYUD NAS LOG PAR MI 'JUG (CING YUL LA 'JUG) PAS BSGOM PAS SPANG BAR BYA BA KHO NA DANG, RANG DBANG CAN YANG YIN TE, SGOM SPANG GI MA RIG PA TZAM DANG MTSUNGS PAR LDAN PA'I PHYIR RO, ,GAL TE GANG ZHIG MA RIG PA TZAM DANG MTSUNGS PAR LDAN PA DE RANG DBANG CAN YIN NO ZHES BYA BA 'DI LA RIGS PA CI YOD CE NA, DE DAG 'JUG PA LA NI RANG NYID GTZO BO YIN GYI 'DOD CHAGS @534 LA SOGS PA NYON MONGS PA GZHAN LA MI LTOS LA, MA RIG PA TZAM DANG MTSUNGS PAR LDAN YANG MA RIG PA NI GLEN PA'I PHYIR 'JUG PAR BYED PA MA YIN NO ZHES SLOB DPON GANG SPEL 'CHAD DO, ,(DE DAG NI RANG NYID DBANG CHE'I, MA RIG PA LA SOGS PA LTAR CHAGS SOGS KYI DBANG DU MI 'GYUR BAS SO, ,) JI LTAR NYE NYON PHRAG DOG LA SOGS PA SGOM SPANG DANG RANG DBANG CAN YIN PA DE BZHIN DU DRI MA DRUG PO RNAMS KYANG SGOM SPANG DANG RANG DBANG CAN YIN NO, ,KUN NAS DKRIS PA NGO TSA MED PA LA SOGS PA BDUN DANG DRI MA DRUG PO RNAMS NI 'DOD PA'I KHAMS NA MI DGE BA YIN NO, ,RMUGS PA DANG RGOD PA DANG GNYID GSUM NI GNYID LA DGE BA YOD KYANG KUN NAS DKRIS PA'I SKABS YIN PAS (DGE BA MA YIN GYI) BSGRIBS LA LUNG MA BSTAN DANG MI DGE BA RNAM PA GNYIS KA YIN NO, ,'DOD PA'I KHAMS DE YAN CHAD KHAMS GONG MA GNYIS NA YOD PA'I NYE NYON RNAMS NI BSGRIBS LA LUNG MA BSTAN YIN NO, ,YANG NYE NYON DE DAG KHAMS DANG SA GANG NA DU ZHIG YOD CE NA, 'DOD PA DANG BSAM GTAN DANG PO NA NI G-YO SGYU YOD DE, TSUL KHRIMS KYI PHUNG PO'I MDO LAS, 'PHAGS PA RTA THUL GYIS TSANGS PA LA 'BYUNG BA CHEN PO BZHI PO 'DI DAG MA LUS PAR GANG DU 'GAG PAR 'GYUR ZHES DRIS PA NA, DE MA SHES PAR BDAG NI TSANGS PA'O, ,TSANGS PA CHEN PO'O, ,DBANG PHYUG GO ,BYED PA PO'O, ,SPRUL PA PO'O, ,'BYIN PA PO'O, ,'BYIN BYED DO, , DNGOS PO RNAMS KYI PHAR GYUR PA YIN NO ZHES TSANGS PA CHEN PO'I G-YO SGYUS GTAM RLUNG LA BSKUR TE 'PHAGS PA RTA THUL 'DRID PAR BSHAD PA'I PHYIR RO, ,(NYON MONGS KYI SA PA YIN PAS,) RMUGS PA DANG RGOD PA DANG (GANG NA YANG MI 'GAL BAS,) RGYAGS PA GSUM NI KHAMS GSUM GA NA YOD DO, ,GSUM PO DE DAG DANG G-YO SGYU GNYIS TE LNGA LAS GZHAN BCU GCIG PO DAG NI 'DOD PA'I KHAMS LAS SKYES PA DAG KHO NA YIN NO, , YANG RTZA BA DANG NYE BA'I NYON MONGS PA DE DAG LAS MTHONG BAS SPANG BAR BYA BA THAMS CAD DANG (NI KHA NANG LTAS YIN PAS,) SGOM SPANG YIN YANG GNYID DANG NGA RGYAL DANG BCAS PA NI YID KYI RNAM SHES KYI SA PA YIN TE, RTOG BCAS DANG MI GSAL BAS YID KYI RNAM SHES LAS GZHAN GYI 'KHOR DU MA 'BYUNG BA'I PHYIR RO, , DE BZHIN DU NYE BA'I NYON MONGS PA RANG DBANG CAN BCU GCIG PO YANG SGOM SPANG YIN YANG RTOG BCAS YIN PAS YID KYI SA PA YIN NO, ,MTHONG SPANG DANG SGOM SPANG GI GNYID DANG NGA RGYAL LAS GZHAN PA'I NYON MONGS PA DANG NYE BA'I NYON MONGS PA SGOM SPANG GI MA NGES PA'I CHAGS SDANG GNYIS, MI DGE BA'I SA PA GNYIS, NYON MONGS PA CHEN PO'I SA PA DRUG PO NI RNAM PAR SHES PA DRUG CAR GYI RTEN CAN YIN NO, , YANG NYON MONGS PA NYE BA'I NYON MONGS PA DE DAG TSOR BA LNGA BO GANG DANG MTSUNGS PAR LDAN ZHE NA, @535 BDE BA DANG YID BDE BA DAG DANG DGA' BA'I RNAM PAR 'JUG PAS 'DOD CHAGS SU MTSUNGS PAR LDAN TE, RNAM SHES DRUG CAR GYI 'KHOR DU 'BYUNG BAS SGO LNGA'I RNAM SHES DANG YID SHES KYI 'KHOR DU BYUNG BA NI RIM PA LTAR LUS KYI BDE BA DANG YID BDE DANG MTSUNGS PAR LDAN PA'I PHYIR RO, ,ZHE SDANG NI SKYO BA'I RNAM PAR 'JUG PAS 'DOD CHAGS BDE BA DAG DANG MTSUNGS PAR LDAN PA LAS BZLOG PA SDUG BSNGAL DANG YID MI BDE BA DANG MTSUNGS PAR LDAN PA'O, ,DE YANG RNAM SHES LNGA DANG YID SHES KYI 'KHOR DU BYUNG BA NI RIM PA LTAR SDUG BSNGAL DANG YID MI BDE BA DANG MTSUNGS PAR LDAN PA'I PHYIR RO, ,SPANG BYA RIS LNGA'AM 'DRES PA DANG MA 'DRES PA'I MA RIG PA DAG NI TSOR BA LNGA PO THAMS CAD DANG CI RIGS MTSUNGS PAR LDAN TE, RNAM SHES THAMS CAD DANG NYON MONGS PA THAMS CAD DANG MTSUNGS PAR LDAN PA'I PHYIR RO, ,BDEN BZHI MED PAR LTA BA'I LOG LTA NI LOG LTA CAN SDIG PA DANG BSOD NAMS BYAS PA RNAMS RIM PA LTAR SDIG PA DANG BSOD NAMS BYAS PA'I 'BRAS BU MI 'BYUNG BA DANG 'BAD PA DON MED PAR MTHONG BAS YID BDE BA DANG SDUG BSNGAL TE YID MI BDE BA DAG DANG MTSUNGS PAR LDAN NO, ,YID MI BDE BA DANG THE TSOM MTSUNGS PAR LDAN TE, (NGES PA,) GANG ZHIG DON DU GNYER BA DE LA 'JUG PA LA THE TSOM ZA BA NA YANG MI BDE BA'I PHYIR RO, ,DE DAG LAS GZHAN PA'I NYON MONGS PA LTA BA BZHI DANG NGA RGYAL NI YID BDE BA DANG MTSUNGS PAR LDAN TE, DE DAG YID KYI SA PA KHO NA YIN LA DGA' BA'I RNAM PAS 'JUG PA'I PHYIR RO, ,(CHAD LTA'ANG DGA' RNAM CAN YIN NO,,) DE DAG KYANG 'DOD PA LAS SKYES PA'I DBANG DU BYAS PA YIN GYI KHAMS GONG MA NA (KHONG KHRO DANG YID MI BDE DANG,) SDUG BSNGAL MED PA'I PHYIR DANG, BDE BA'ANG BSAM GTAN BZHI PA NAS MED PA'I PHYIR RO, ,BTANG SNYOMS DANG NI NYON MONGS PA KUN MTSUNGS PAR LDAN TE, NYON MONGS PA RGYUN CHAD PA NI GZHAN PAS NGES PAR BTANG SNYOMS YOD PA'I PHYIR TE, 'GREL PA LAS, PHRA RGYAS 'DI DAG THAMS CAD NI BTANG SNYOMS KYI DBANG PO DANG MTSUNGS PAR LDAN TE, NYON MONGS PA RNAMS RGYUN CHAD PA'I DUS NA GDON MI ZA BAR BTANG SNYOMS KUN DU GNAS SO ZHES PA DANG, CHOS MNGON PA KUN LAS BTUS LAS KYANG, CI'I PHYIR NYON MONGS PA THAMS CAD NI BTANG SNYOMS DANG MTSUNGS PAR LDAN ZHE NA, THA MAL PAR 'DUG PA LA BRTEN NAS NUB PAR 'GYUR BA'I PHYIR RO ZHES BSHAD DO, ,SA GONG MA GZUGS DANG GZUGS MED PA DAG GIS NYON MONGS PA RNAMS NI SA JI BZHIN DU SA RANG RANG GI RNAM SHES DANG TSOR BA'I DBANG PO GANG YOD PA DE DANG MTSUNGS PAR LDAN TE, SA GANG NA RNAM SHES DANG TSOR BA DU YOD PA NI BSHAD ZIN TO, ,NYE BA'I NYON MONGS PA RNAMS LAS 'GYOD PA NAS 'TSIG PA'I BAR DRUG PO DAG NI YID @536 MI BDE BA DANG MTSUNGS PAR LDAN TE, 'DI DAG SKYO BA'I RNAM PAR 'JUG PA'I TSOR BA YIN PA'I PHYIR DANG, DGA' BA'I RNAM PAR MI 'JUG PAS YID BDE DANG MTSUNGS PAR MI LDAN LA YID KYI SA PA KHO NA YIN PA'I PHYIR SDUG BSNGAL DANG YANG MTSUNGS PAR MI LDAN PA'I PHYIR RO, ,SER SNA NI YID MI BDE DANG MTSUNGS PAR LDAN PA DRUG PO DE DAG LAS BZLOG PA CHAGS PA'I RGYU LAS BYUNG BAS DGA' BA'I RNAM PAR 'JUG CING YID KYI SA PA KHO NA YIN PAS YID BDE DANG MTSUNGS PAR LDAN PA YIN NO, ,G-YO DANG SGYU DANG 'CHAB PA DANG GNYID RNAMS NI G-YO SGYU DANG BCAS PA'I BYA BA 'GRUB PA DANG MA GRUB PA NA RIM PA LTAR YID BDE BA DANG MI BDE BAR 'GYUR ZHING GNYID NI KUN LA MI 'GAL LA THAMS CAD YID SHES KYI SA PA YIN PAS YID BDE YID MI BDE GNYIS KA DANG MTSUNGS PAR LDAN NO, ,DGA' BA'I RNAM PAR 'JUG CING YID KYI SA PA KHO NA YIN PAS BSAM GTAN GSUM PA'I SEMS BDE DANG GNYIS PA MAN CHAD KYI YID BDE DAG DANG RGYAGS PA MTSUNGS BAR LDAN LA, BZHI PA YAN CHAD NA BDE BA MED PA'I PHYIR BTANG SNYOMS KHO NA DANG MTSUNGS PAR LDAN TE, JI LTAR MA RIG PA NYON MONGS PA DANG NYE BA'I NYON MONGS PA GANG LA'ANG MTSUNGS PAR LDAN PAR RUNG PA LTAR BTANG SNYOMS KYANG SA DANG RNAM SHES DANG NYON MONGS PA DANG NYE BA'I NYON MONGS PA THAMS CAD LA KUN DU 'GRO BA'I PHYIR RO, ,DE'I PHYIR t'I KA BYED DAG GIS KYANG MA RIG PA DANG BTANG SNYOMS GNYIS NI NYON MONGS PA DANG NYE BA'I NYON MONGS PA GANG DANG YANG MTSUNGS PAR LDAN PA BKAG PA MED DO ZHES BSHAD DO, ,KUN DKRIS GZHAN NGO TSA KHREL MED DANG RMUGS RGOD BZHI PO NI TSOR BA'I DBANG PO DAG DANG MTSUNGS PAR LDAN PAR SRID DE, DANG PO GNYIS MI DGE BA'I SA PA DANG PHYI MA GNYIS NYON MONGS PA'I SA PA CHEN PO YIN LA, DE DAG KYANG RNAM SHES DRUG CAR GYI 'KHOR DU 'BYUNG ZHING DRUG CAR LA MI DGE BA DANG NYON MONGS PA'ANG SRID PA'I PHYIR RO, , BCU GCIG PA SGRIB PA LNGA BSHAD PA NI MDO LAS 'DOD PA LA 'DUN PA DANG, GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG, THE TSOM DAG SGRIB PA LNGAR GSUNGS NA, 'DOD 'DUN DANG GNOD SEMS DANG GNYID DANG 'GYOD PA RNAMS 'DOD PA BA YIN MOD KYI RMUGS RGOD DANG THE TSOM RNAMS KHAMS GSUM GA NA YOD PAS DE DAG KHAMS GSUM CHAR GYI GZUNG NGAM ZHE NA, MA YIN TE, BSAM GTAN DANG RNAM PAR THAR PA DANG TING NGE 'DZIN DANG SNYOMS PAR 'JUG PA LA SGRIB PAS NA SGRIB PA LNGA PO RNAMS NI 'DOD PA'I KHAMS KHO NA NA YOD DE, MDO LAS, DGE SLONG DAG SGRIB PA LNGA NI MI DGE BA'I PHUNG PO YIN NO ZHES SMRA BA DE DAG NI YANG DAG PAR SMRA BA SMRA BAR 'GYUR RO, ,CI'I PHYIR ZHE @537 NA, DGE SLONG DAG 'DI NI MI DGE BA'I PHUNG PO MA 'DRES PA YONGS SU RDZOGS PA YIN TE, 'DI LTA STE SGRIB PA LNGA'O ZHES SGRIB PA LNGA GCIG TU MI DGE BA KHO NAR GSUNGS PA'I PHYIR RO, ,YANG CI'I PHYIR RMUGS GNYID GNYIS DANG RGOD 'GYOD GNYIS SEMS BYUNG THA DAD YIN BZHIN DU SGRIB PA RE RER BSHAD CE NA, RMUGS GNYID GNYIS YOD KYANG SGRIB PA GCIG TU BSHAD DE, DE GNYIS KYI MI MTHUN PHYOGS GNYEN PO GCIG PA'I PHYIR DANG, ZAS TE SKYED BYED KYI RGYU GCIG PA'I PHYIR DANG, BYA BA'ANG GCIG PA'I PHYIR RO, ,DE LA GNYIS KA'I MI MTHUN PHYOGS SNANG BA'I 'DU SHES TE GNYEN PO DANG ZAS MA YIN PA ZHES KYANG BRJOD DO, ,ZAS NI LNGA STE, SMYA BA DANG MI DGA' BA DANG, BYA SMYANGS DANG, KHA ZAS KYI DROD MI ZIN PA DANG, SEMS ZHUM PA NYID DE, DE DAG GIS DE GNYIS RGYAS PAR BYED PA'I PHYIR RO, ,GNYIS PO DE'I BYA BA NI SEMS ZHUM PAR BYED PA'O, ,DE BZHIN DU RGOD 'GYOD GNYIS KYANG SGRIB PA GCIG TU BZHAG STE, MI MTHUN PHYOGS DANG ZAS DANG BYA BA GCIG PA'I PHYIR RO, ,DE LA 'DI GNYIS KYI MI MTHUN PHYOGS NI ZHI GNAS YIN LA, ZAS NI BZHI STE, NYE DU'I RNAM PAR RTOG PA DANG, YUL GYI RNAM PAR RTOG PA DANG, MI 'CHI BA'I RNAM PAR RTOG PA DANG, SNGON DGOD PA DANG RTZES PA DANG DGA' MGUR SPYAD PA RNAMS RJES SU DRAN PA'O, , BYA BA NI GNYIS KAS SEMS RNAM PAR MA ZHI BAR BYED PA'O, ,GAL TE NYON MONGS PA DANG NYE BA'I NYON MONGS PA THAMS CAD KYANG SGRIB PA YIN NA CI'I PHYIR LNGA PO KHO NA SGRIB PAR BSTAN ZHE NA, 'DOD PA LA 'DUN PA DANG GNOD SEMS KYIS NI 'DOD PA DANG SDIG PA LAS MI 'BRAL ZHING, RMUGS GNYID DANG RGOD 'GYOD KYIS NI RIM PA LTAR LHAG MTHONG DANG ZHI NAS RING DU BYED PAS RIM PA LTAR TSUL KHRIMS DANG SHES RAB DANG TING NGE 'DZIN GYI PHUNG PO GSUM LA GNOD PA BYED PA'I PHYIR DANG, TING NGE 'DZIN DANG SHES RAB MED NA THE TSOM GYIS TING NGE 'DZIN DANG SHES RAB KYI PHUNG PO'AM BDEN PA DAG LA THE TSOM ZA BA'I PHYIR NA SGRIB PA LNGA NYID DU BSHAD DO, ,GZHAN DAG NI DE LTAR MA YIN PA'I PHYIR RO ZHES BYE BRAG TU SMRA BA PHAL CHE BA 'DOD DO, ,KHA CIG DE LTA NA MDO LAS RMUGS GNYID KYI SNGAR RGOD 'GYOD SMOS PAR 'GYUR NA DE LTA'ANG MA YIN PAS RMUGS GNYID DANG RGOD 'GYOD KYIS NI RIM PA BZHIN DU TING NGE 'DZIN DANG SHES RAB KYI PHUNG PO LA GNOD DE, TING NGE 'DZIN DANG SHES RAB LA BRTZON PA RNAMS DE DAG GIS 'JIGS TE DE DAG DANG CHA 'DRA BAS BSLU BA'I PHYIR RO, ,DE BZHIN DU THE TSOM YANG SHES RAB LA GNOD BYED YIN TE, LANGS NAS CHOS LA NGES PAR RTOG PA'I TSE BAR CHAD BYED PA'I PHYIR RO ZHES 'DOD DE GZHAN NI SNGA MA BZHIN NO, ,SNGON GYI SLOB DPON DAG NI SGOM PA PO DE BSOD SNYOMS LA BRGYUS PA NA YUL SDUG MI SDUG LA MTSAN @538 MAR BZUNG BAS CHAGS SDANG 'BYUNG BAS NA THOG MAR TING NGE 'DZIN LA 'JUG PA'I SBYOR BA LA, 'DOD PA LA 'DUN PA DANG GNOD SEMS DANG, DE'I 'OG TING NGE 'DZIN LA ZHUGS PA NA DNGOS GZHI'I ZHI GNAS LA RMUGS GNYID DANG, RGOD 'GYOD DANG THE TSOM GYIS LHAG MTHONG DANG, THE TSOM GYIS NI RJES TING NGE 'DZIN LAS LANGS NAS CHOS LA NGES PAR RTOG PA LA'ANG BAR DU GCOD PAS NA LNGAR BSTAN TO ZHES BZHED DO, ,(DE DAG GIS DKRUGS PA'I SEMS LA DE NYID MTHONG BA'I SKABS MED PA'I PHYIR RLUNG GIS DKRUGS PA'I CHU LA GZUGS BRNYAN SNANG BA'I SKABS MED DO, , (GNYIS) PHRA RGYAS JI LTAR SPONG TSUL BSHAD PA, GNYIS PA PHRA RGYAS JI LTAR SPONG TSUL LA DNGOS DANG, ZHAR LA GNYEN PO'I DBYE BA GNYIS LAS DANG PO NI SPYIR SPANG BYA SPONG TSUL LA BZHI LAS RE ZHIG MTHONG SPANG RNAMS NI DMIGS PA'I YUL YONGS SU SHES PAS SPONG BA DANG, YUL DE DAG LA DMIGS PA'I YUL CAN YANG DAG PAR ZAD PA DE SPANGS PAS SPONG BA DANG, DMIGS PA'I YUL SPANGS PAS YUL CAN SPONG BA GSUM LAS DANG PO NI MTHONG SPANG BRGYAD CU RTZA BRGYAD LAS SDUG BSNGAL MTHONG SPANG 'DOD PA'I RANGS LA DMIGS PA SKAL BA MNYAM PA'I KHAMS KUN 'GRO LTA BA DANG PO GNYIS DANG, KUN 'GRO MA YIN PA 'DOD CHAGS KHONG KHRO NGA RGYAL GSUM DANG, KUN 'BYUNG MTHONG SPANG KUN 'GRO MA YIN PA 'DOD CHAGS LA SOGS PA GSUM PO DE DAG NYID DE DE LTAR BRGYAD DANG, KHAMS GONG MA GNYIS NA KHONG KHRO MA GTOGS PA SDUG BSNGAL MTHONG SPANG DGU DGU DANG, KUN 'BYUNG MTHONG SPANG DRUG DRUG STE SUM CU DANG, KHAMS GSUM GYI 'GOG LAM MTHONG SPANG GI MA RIG PA DRUG MA GTOGS PA ZAG MED LA DMIGS PA LOG LTA DANG THE TSOM BZHI GSUM BCU GNYIS TE LNGA BCU BO RNAMS NI DMIGS PA BDEN BZHI LA LOG PAR ZHUGS PA NA MTHOR SHES PAS MING 'DZIN LDOG PA LTAR MTHONG BA LAM GYIS BDEN BZHI'I RANG MTSAN YONGS SU SHES PAS SPONG STE, RNAM PA 'GAL BA'I PHYIR RO, ,GNYIS PA NI DE DAG LAS DGU GONG DU DMIGS ZHES PA'I 'DOD PA'I SDUG BSNGAL DANG KUN 'BYUNG MTHONG SPANG SKAL BA MI MNYAM PA'I KHAMS KUN 'GRO DGU PO RNAMS TE, DE DAG NI DE DAG LA DMIGS PA'I YUL CAN 'DOD PA'I SKAL BA MNYAM PA'I KHAMS KUN 'GRO RNAMS SPANGS PAS SPONG STE, SKAL BA MNYAM PA'I KHAMS KUN 'GRO'I DMIGS PA NI SKAL BA MI MNYAM PA'I KHAMS KUN 'GRO YIN PA'I PHYIR RO,, ('DI NI 'DOD PA LA BSAMS KYI @539 GONG MA'I DE DAG NI DMIGS PA SHES PAS SPONG BA'O ZHES SO,,) GAL TE DMIGS PA YIN KYANG SPONG BAR MA NGES SO ZHE NA, YUL CAN SKAL BA MNYAM PA'I KHAMS KUN 'GRO SNGA MAS BSKYED PA'I SKAL PA MI MNYAM PA'I KHAMS KUN 'GRO RNAMS DMIGS PA YIN PA NA, SDUG BSNGAL DANG KUN 'BYUNG LA CHOS BZOD CHOS SHES KYI RGYU 'DOD PA'I SKAL BA MNYAM PA'I KHAMS KUN 'GRO RNAMS SPANGS PAS DE DAG GIS SKYED PA'I 'BRAS BU SKAL BA MI MNYAM PA'I KHAMS KUN 'GRO RNAMS KYANG SPONG STE, RGYU MED PA'I 'BRAS BU MI SRID PA'I PHYIR RO, , GSUM PA NI KHAMS GSUM GYI 'GOG LAM MTHONG SPANG ZAG BCAS LA DMIGS PA LOG PA LA LOG ZHUGS 'DOD PA NA 'GOG PA MTHONG SPANG BZHI DANG, LAM MTHONG SPANG LNGA STE DGU DANG, KHAMS GONG MA GNYIS NA KHONG KHRO MA GTOGS PA BDUN BDUN TE NYI SHU RTZA GSUM PO RNAMS NI DE DAG GI DMIGS PA'I YUL DNGOS SU LOG ZHUGS 'GOG LAM MTHONG SPANG ZAG MED LA DMIGS PA LOG LTA LA SOGS PA DE DAG SPANGS PAS YUL CAN LTA BA MCHOG 'DZIN LA SOGS PA ZAG BCAS LA DMIGS PA LOG PA LA LOG ZHUGS DE DAG KYANG SPANGS BAR 'GYUR TE, 'GOG LAM LA CHOS BZOD CHOS SHES DANG RJES BZOD RJES SHES KYIS YUL ZAG MED LA DNGOS SU DMIGS PA LOG LTA LA SOGS PA DAG DMIGS YUL SHES PAS SPANGS PA NA YUL MED PA'I YUL CAN MI SRID PA'I PHYIR RO, ,KHAMS GSUM GYI 'GOG LAM MTHONG SPANG GI MA RIG PA DRUG NI DNGOS SU LOG ZHUGS ZAG MED LA DMIGS PA DANG LOG PA LA LOG ZHUGS ZAG BCAS LA DMIGS PA NI RIM PA LTAR DMIGS PA YONGS SU SHES PA DANG DMIGS YUL SPANGS PAS SPONG NGO, ,DE BZHIN DU KHAMS GONG MA GNYIS KYI SPANG BYA CIG CAR SPONG ZHING BDEN PA CIG CAR MTHONG BAS GZUGS KHAMS KYI SKAL BA MI MNYAM PA'I KHAMS KUN 'GRO RNAMS KYANG DMIGS PA SHES PAS SPONG LA, SNGAR BSHAD PA'I 'DOD PA'I KUN 'GRO DGU'I SKAL BA MNYAM PA'I KHAMS KUN 'GRO'I CHA RNAMS KYANG DMIGS PA SHES PAS SPONG NGO, ,DE LTAR NA THAMS CAD KYANG DMIGS PA YONGS SU SHES PAS SPONG BA'I RTZA BA CAN YIN TE, 'DOD PA'I SKAL BA MI MNYAM PA'I KHAMS KUN 'GRO RNAMS KYANG LAM GYIS DMIGS YUL BDEN PA SHES PAS YUL CAN SKAL BA MNYAM PA'I KHAMS KUN 'GRO RNAMS SPANGS PAS SPONG BA'I PHYIR DANG, KHAMS GSUM GYI 'GOG LAM MTHONG SPANG ZAG BCAS LA DMIGS PA RNAMS KYANG 'GOG LAM SHES PAS DMIGS YUL ZAG MED LA DMIGS PA RNAMS SPANGS PA'I STOBS KYIS SPONG BA'I PHYIR RO, ,DE DAG RANG RANG GI DMIGS PA SHES PA TZAM GYIS NI MI SPONG STE, SKAL BA MI MNYAM PA'I KHAMS KUN 'GRO RNAMS KYI DMIGS PA NI KHAMS GONG MA GNYIS YIN LA, GONG MA GNYIS NI SDUG BSNGAL KUN 'BYUNG LA RJES BZOD RJES SHES KYIS SHES PA YIN PA NA SKAL BA MI MNYAM PA'I KHAMS KUN @540 'GRO RNAMS NI SNGAR 'DOD PA'I SDUG BSNGAL KUN 'BYUNG LA CHOS BZOD CHOS SHES KYI YUL CAN SPANGS PA'I TSUL GYIS SPANGS ZIN PA'I PHYIR RO, ,DE BZHIN 'GOG LAM MTHONG SPANG ZAG BCAS LA DMIGS PA RNAMS KYIS DMIGS PA ZAG MED LA DMIGS PA LOG LTA LA SOGS PA DE DAG NI SDUG BSNGAL DANG KUN 'BYUNG GIS BSDUS PA YIN PAS SDUG BSNGAL KUN 'BYUNG LA CHOS DANG RJES SU SHES BZOD KYIS SHES KYANG DE'I TSE MI SPONG STE, DE DAG 'GOG LAM MTHONG SPANG YIN PAS PHYIS 'GOG LAM LA CHOS DANG RJES SU SHES BZOD KYI ZAG MED LA DMIGS PA DE DAG SPANGS PAS NA YUL SPANGS PAS SPONG BA'I PHYIR RO, ,SPONG TSUL GSUM PO DE DAG KYANG RANG RGYUD KYI MTHONG SPANG SPONG TSUL YIN GYI GZHAN RGYUD KYI MTHONG SPANG THAMS CAD NI, GANG LA DE SKYES MA SPANGS PA'I, ,DNGOS PO DE DANG LDAN PA YIN, ,ZHES 'BYUNG BAS YUL CAN RANG RGYUD KYI KUN 'GRO RNAM PA GNYIS SPANGS PA KHO NAS SPONG NGO, ,SPONG TSUL BZHI PA SGOM SPANG RNAMS NI SA RE RE'I NYON MONGS PA'I RNAM PA DGU DGUR BYAS TE CHEN PO'I CHEN PO LA SOGS PA GANG GI GNYEN PO LAM CHUNG NGU'I CHUNG NGU LA SOGS PA GANG YIN PA DE SKYES PAS NYON MONGS PA DE ZAD CING SPANGS PAR 'GYUR GYI MTHONG LAM GYIS DMIGS BA BDEN BZHI SHES KYANG SGOM SPANG MI SPONG (STE BDEN PA RNAMS SNGAR SHES PAR BYAS ZIN,) BAS DMIGS PA SHES PAS KYANG MA YIN ZHING, DANG PO'I RNAM PA SPANGS KYANG DE'I, ,YUL CAN DRI MA LHAG RNAMS KYIS, ,ZHES PAS YUL CAN KUN 'GRO DANG SGOM SPANG DANG PO BRGYAD KYI BAR DU SPANGS KYANG YUL SGOM SPANG PHYI MA MI SPONG BAS DMIGS BYED ZAD PAS KYANG MA YIN LA, DMIGS YUL SGOM SPANG SNGA MA BRGYAD SPANGS KYANG YUL CAN PHYI MA DGU PA MI SPONG BAS DMIGS YUL SPANGS PAS KYANG MA YIN NO, ,(DE LTAR NA SGOM SPANG NI RANG RANG GI GNYEN PO SKYES PAS SPONG BA DANG, RANG RGYUD KYI SGOM SPANG NYON MONGS CAN GZUGS CAN DANG NYON MONGS CAN MA YIN PA DANG, GZHAN RGYUD KYI THAMS CAD NI YUL CAN ZAD PAS SPONG BAS SGOM SPANG SPONG TSUL NI RNAM PA GNYIS YIN NO, ,) GNYIS PA NI 'O NA GNYEN PO NYID DU YOD CE NA, GNYEN PO NI RNAM PA BZHI STE, SPONG BA'I GNYEN PO DANG, GZHI GNYEN PO DANG, THAG SRING BA'I GNYEN PO NYID DANG, RNAM PAR SUN 'BYIN PA'I GNYEN PO ZHES BYA'O, ,DE LA DANG PO NI GANG GIS NYON MONGS PA'I THOB PA GCOD PA STE BAR CHAD MED PA'I LAM (THAMS CAD DE,) SDUG BSNGAL LA CHOS SHES PA'I BZOD PA LA SOGS PA'O, ,GNYIS PA NI BAR CHAD MED PA'I LAM GYIS SPANGS PA'I BRAL THOB 'DZIN PA STE BAR CHAD MED PA'I LAM DANG PO MA GTOGS PA SDUG BSNGAL LA CHOS SHES PA LA SOGS PA RNAM PAR GROL BA'I LAM (LA SOGS PA THAMS CAD DO, ,) MO, ,DES NA BAR CHAD @541 MED LAM DANG PO NI SPONG BA GNYEN PO KHO NA YIN GYI GZHI GNYEN PO NI MA YIN NO, ,GSUM PA NI RNAM GROL GYI LAM DANG BO SDUG BSNGAL LA CHOS SHES MA GTOGS PA DE YAN CHAD KYI KHYAD PAR GYI LAM STE THOB PA THAG SRING BA'I PHYIR RO, ,DES NA RNAM GROL GYI LAM DANG PO SDUG BSNGAL LA CHOS SHES DE NI GZHI GNYEN PO KHO NA YIN NO, ,KHA CIG NA RE RNAM GROL GYI LAM DANG PO DES KYANG THOB PA THAG SRING BAS THAG SRING GI GNYEN PO'ANG YIN NO ZHES ZER RO, ,BZHI PA NI BDEN PA DANG PO GNYIS LA DMIGS PA'I LAM GANG GIS DMIGS PA DE MI RTAG PA LA SOGS PA'I RNAM PAR SUN 'BYIN PA'O, ,DES NA 'DI SKAD DU BDEN PA DANG PO GNYIS LA DMIGS PA'I SPONG BA GNYEN PO LA SOGS PA NI SUN 'BYIN PA'I GNYEN PO'ANG YIN NO ZHES BSTAN PA YIN NO, ,SLOB DPON GYIS NI THEM SKAS KYI TSUL LA BRTEN NAS SKYE BA'I RIM PA DANG MTSAN NYID MI 'CHOL BA THUGS LA BZHAG NAS DANG PO NI BDEN PA DANG PO GNYIS LA DMIGS PA'I SBYOR LAM DROD LA SOGS PA KHA NA YIN LA, GNYIS PA NI BAR CHAD MED PA'I LAM BRGYAD CU RTZA DGU PO THAMS CAD DO, ,GSUM PA NI RNAM GROL GYI LAM THAMS CAD DE RNAM GROL GYI LAM NI DANG PO NAS GZHI KHO NA YIN GYI THAG SRING BA'I GNYEN PO NI MA YIN NO, ,BZHI PA NI KHYAD PAR GYI LAM STE SNGA MA GSUM LAS GZHAN PA'I LAM THAMS CAD DE, DES NA GO RIM 'DI NI CHES LEGS PA YIN NO ZHES BSHAD DO, ,GNYEN PO DE DAG GIS GANG LAS SPONG ZHE NA, DMIGS PA'I YUL SUN PHYUNG BA LAS NI NYON MONGS PA SPANG BYAR 'DOD KYI (GNYEN PO DANG SPANG BYA,) MTSUNGS PAR LDAN PA LAS NI MA YIN TE, (MTSUNGS LDAN YIN NA DE GNYIS) PHAN TSUN MED NA MI 'BYUNG BAR SKYES PAS RANG GI TSOGS DBYE BAR MI NUS PA'I PHYIR DANG, DMIGS PA LAS DBYE BAR NUS PA'I PHYIR RO, ,JI TZAM GYIS NA NYON MONGS PA SPANGS PAR BRJOD CE NA, (LAM GYI DUS NA RANG RGYUD KYI PHRA RGYAS DA LTAR BA MED PAS DE SPONG GSUNG STE, 'GAG PAR 'GYUR BA'I LAM GYIS NYON MONGS 'DAS MA 'ONGS DMIGS YUL DU BYAS NAS SPONG LA, DE YANG YUL DE'I GNAS LUGS SHES PAS SPONG STE YUL KHA CIG GI GNAS LUGS MA SHES NA RGYUD LA DE'I YUL CAN GYI NYON MONGS PA'I STOBS KYIS DE'I YUL CAN MIN PA'I NYON MONGS RNAMS KYI THOB PA YANG 'BYUNG STE, DE YUL SUN DBYUNG MED BAR NI, DE BLO SPONG BAR NUS MA YIN ZHES PAS SO,,) DE YANG RANG GI RGYUD LA YOD PA'I NYON MONGS PA NI THOB PA CHAD PA DANG BRAL THOB SKYES PA'I TSUL GYIS SPONG LA, RANG GI RGYUD LA YOD PA'I NYON MONGS PA CAN MA YIN PA DGE BA ZAG BCAS DANG MA BSGRIBS LUNG MA BSTAN GZUGS CAN DANG GZUGS CAN MA YIN PA THAMS CAD NI DE DAG LA DMIGS PA'I YUL CAN RANG GI RGYUD LA YOD PA'I NYON MONGS PA 'DUN PA'I 'DOD CHAGS SPANGS PA LA DE @542 DAG SPANGS PA'I THA SNYAD DU BYED DE, SHES PAR BYED PA'I LUNG DANG BCAS TE BSHAD ZIN TO, ,(DE YANG MTHONG SPANG CIG CAR DANG SGOM SPANG RIM GYIS SPONG LA MTHONG SPANG YANG BYIS PAS SPONG NA RIM GYIS SPONG GSUNG,) THAG SRING BA'I NGO BO RING BA NYID KYANG RNAM PA BZHI YIN TE, TSOGS PA GCIG NA GNAS KYANG MTSAN NYID MI MTHUN PA THA DAD PAS RING BA NI SA LA SOGS PA'I 'BYUNG BA BZHI LTA BU DANG, MI MTHUN PHYOGS DANG GNYEN POS RING BA NI TSUL KHRIMS DANG 'CHAL BA'I TSUL KHRIMS LTA BU DANG, YUL RNAM PAR CHAD PAS RING BA NI SHAR NUB KYI RGYA MTSO LA SOGS PA PHYOGS THA DAD PA LTA BU DANG, DUS KYIS RING BA NI CHOS MNGON PA LAS, CHOS RING BA DAG GANG ZHE NA, 'DAS PA DANG MA 'ONGS PA'I CHOS RNAMS SO, ,CHOS NYE BA DAG GANG ZHE NA, DA LTAR BYUNG BA'I CHOS RNAMS DANG, 'DUS MA BYAS SO ZHES 'BYUNG BAS 'DAS PA DANG MA 'ONGS PA'I DUS GNYIS RING BA NYID LTA BU'O, ,GAL TE DUS GNYIS PO GANG LAS RING BA YIN ZHE NA, BYE BRAG TU SMRA BA RNAMS NA RE DA LTAR LAS SO ZHE'O, ,'O NA 'DAS MA THAG PA DANG SKYE BA LA MNGON DU PHYOGS PA'I MA 'ONGS PA'ANG NYE BAR 'GYUR TE, DA LTAR LA GZHAN GYIS BAR DU MA CHOD PA'I PHYIR RO, ,GAL TE BAR DU CHOD MA CHOD KYIS NYE RING DU BZHAG PA MA YIN GYI 'ON KYANG DUS THA DAD PAS RING BAR BZHAG GO ZHE NA, DE LTA NA DA LTAR YANG RING BAR 'GYUR TE, 'DAS MA 'ONGS LAS DUS THA DAD PA'I PHYIR RO, ,'O NA NI DUS GNYIS BYED PAS RING BA YIN TE, BYED PA ZHIG PA DANG MA THOB PA'I PHYIR RE ZHE NA, DE LTA NA 'DUS MA BYAS KYANG RING BAR 'GYUR TE, BYED PA MED PA'I PHYIR RO, ,'DOD PAR MI NUS TE, BSTAN BCOS LAS NYE BAR BSHAD PA'I PHYIR RO, ,GAL TE 'GOG GNYIS KYI ZHES PAS 'DUS MA BYAS 'GOG PA GNYIS KYI THOB PA YUL THAMS CAD DU SKYE BA'I PHYIR NYE BA YIN NO ZHE NA, DE LTA NA DGE MI DGE GZUGS CAN MA YIN PA'I 'DAS MA 'ONGS NYE BA DANG 'DUS MA BYAS NAM MKHA' RING BAR 'GYUR TE, DUS GSUM PA YI RNAM PA GSUM, ZHES PAS DUS GNYIS KYI THOB PA'ANG YUL THAMS CAD DU 'BYUNG BA'I PHYIR DANG, NAM MKHA' LA THOB PA MED PA'I PHYIR RO, ,GAL TE 'DAS MA 'ONGS NI DA LTAR GYIS BAR DU CHOD PAS PHAN TSUN RING BA YIN ZHING, DA LTAR NI DUS GNYIS KYIS BAR DU MA CHOD PAS DUS GNYIS LA LTOS NAS NYE BA YIN LA, 'DUS MA BYAS NI GANG GIS KYANG BAR DU MA CHOD PAS NYE BA YIN NO ZHE NA, DE LTAR NA'ANG 'DAS MA 'ONGS NI NYE RING GNYIS KAR 'GYUR TE 'DAS PA MA 'ONGS PA LA LTOS NAS RING BA DANG DA LTAR LA LTOS NAS NYE BA DANG MA 'ONGS PA'ANG DA LTAR LA LTOS NAS NYE BA DANG 'DAS PA LA LTOS NAS RING BA'I PHYIR RO, ,'DOD PAR MI NUS TE, 'DAS MA 'ONGS RING BA KHO NAR 'DOD PA DANG @543 'GAL BA'I PHYIR RO ZHES DA LTAR SLOB DPON GYIS BYE BRAG TU SMRA BA'I LUGS BKAG NAS RANG NYID NI 'DAS MA 'ONGS NI RANG GI NGO BO ZHIG PA DANG MA THOB PAS CHOS KYI RANG GI MTSAN NYID KYI DNGOS PO LAS RING BA YIN NO ZHES BZHED DO, , (GSUM) SPANGS PA'I 'BRAS BU YONGS SHES BSHAD PA, GSUM PA SPANGS PA'I 'BRAS BU YONGS SHES BSHAD PA NI GAL TE LAM KHYAD PAR DU 'GRO NA NYON MONGS PA RNAMS KYI SPANGS PA'ANG KHYAD PAR DU 'GRO BA YOD DAM ZHE NA, NYON MONGS PA THAMS CAD NI RANG RANG GI GNYEN PO SPONG LAM GANG YIN PA DE KHO NAS SPONG ZHING THOB PA CHAD PAS SPANGS PA LAN CIG TU ZAD (PAS KHYAD PAR MED) KYI, 'ON KYANG NYON MONGS PA DE DAG GIS BRAL BA'I THOB PA NI YANG DANG YANG DU KHYAD PAR DU 'GRO'O, ,(DUS DRUG TU STE,) GANG DU ZHE NA, GAL TE DBANG PO RTUL PO YIN NA RANG RANG GI GNYEN PO SKYES PA DANG, RGYUN ZHUGS LA SOGS PA'I DGE SBYONG GI TSUL GYI 'BRAS BU BZHI THOB PA DANG, DBANG PO RTUL PO LAS DBANG PO RNON POR RNAM PAR 'PHEL BA'I DUS DANG DRUG PO RNAMS SU'O, ,DBANG PO RNON PO YIN NA DBANG PO 'PHO BA MED PAS DUS LNGAR KHYAD PAR DU 'GRO'O, ,DE LA GNYEN PO SKYES PA NI BRAL THOB DANG LHAN CIG SKYES PAS RNAM GROL GYI LAM YIN TE, BAR CHAD MED PA'I LAM GYI CHE BRAL BA'I THOB PA SKYE BA LA MNGON DU PHYOGS PA TZAM LAS DA LTAR DU MA SKYES PA'I PHYIR RO, ,BRAL BA DES NI GNAS SKABS DE DAG TU YONGS SU SHES PA'I MING 'THOB BO, ,DE LA SPYIR YONGS SU SHES PA NI YE SHES KYI YONGS SU SHES PA DANG, SPANGS PA'I YONGS SU SHES PA GNYIS LAS DANG PO NI ZAG MED (RNAM GROL) KYI YE SHES YIN LA, GNYIS PA NI DE'I YUL SPANG BYA DANG BRAL BA SO SOR BRTAGS 'GOG YIN NO, ,DE LTAR GNYIS LAS 'DIR NI PHYI MA YIN TE, DE LA YONGS SHES SU GZHAG PA NI YUL LA YUL CAN GYIS BTAGS PA'AM, 'BRAS BU SPANGS PA LA RGYU YE SHES KYIS BTAGS PA'I PHYIR DANG, MDO LAS KYANG, YONGS SU SHES PA GANG ZHE NA, 'DI LA 'DUN PA'I 'DOD CHAGS SPANGS PA DANG, 'DUN PA'I 'DOD CHAGS LAS YANG DAG PAR 'DAS PA STE 'DI NI YONGS SU SHES PA ZHES BYA'O ZHES GSUNGS PA'I PHYIR RO, , DE LTA BU'I YONGS SU SHES PA DE YANG SPANG BYA SPANGS PA'I SGO NAS DBYE NA RNAM PA DGU STE, 'DI LTAR 'DOD PA'I KHAMS NA BDEN PA DANG PO GNYIS KYI MTHONG BAS SPANG BYA RNAM PA GNYIS ZAD PA LA NI 'DOD @544 PA'I SDUG BSNGAL DANG KUN 'BYUNG MTHONG SPANG SPANGS PA'I YONGS SHES GCIG DANG, 'GOG LAM MTHONG SPANG RNAM PA GNYIS ZAD PA NI 'GOG PA MTHONG SPANG SPANGS PA'I YONGS SHES DANG, LAM MTHONG SPANG SPANGS PA'I YONGS SHES DE GNYIS SO, ,JI LTAR 'DOD PA'I MTHONG SPANG SPANGS PA LA YONGS SHES GSUM YIN PA DE BZHIN DU KHAMS GONG MA GNYIS PO'I MTHONG SPANG SPANGS PA'I YONGS SU SHES PA DE YANG GSUM NYID DE, GONG MA GNYIS PO'I BDEN PA DANG PO GNYIS KYI MTHONG SPANG LA SOGS PA'O, ,DE LTAR NA KHAMS GSUM GYI MTHONG SPANG SPANGS PA NI YONGS SHES DRUG TU BZHAG GO ,SGON SPANG SPANGS PA LA YONGS SU SHES PA SNGAR GYI DRUG PO LAS GZHAN GSUM STE, KHAMS GSUM GYI SGOM SPANG SPANGS PA LAS RIM PA LTAR ('DOD PA'I DGU PA ZAD PAS SPANGS PA NA,) THA MA'I CHA DANG MTHUN PA ZAD CING SPANGS PA DANG, GZUGS KHAMS KYI (NYON MONGS ZAD PAR SPANGS PA,) ZAG PA'AM 'DOD CHAGS ZAD PA DANG, (GZUGS MED KYI NYON MONGS ZAD PAR SPANGS PA,) ZAG PA KUN ZAD PA'AM KUN SBYOR THAMS CAD YONGS SU GTUGS PA'I YONGS SU SHES PA'O, ,GAL TE KHAMS GONG MA GNYIS KYI MTHONG SPANG SPANGS PA'I YONGS SHES GCIG TU BSDOMS LA SGOM SPANG SPANGS PA'I THA DAD DU PHYE ZHE NA, SGOM SPANG NI KHAMS GONG MA GNYIS NAS DANG SA NA SGOM SPANG DGU DGU'I GNYEN POR BAR CHAD MED PA DANG RNAM GROL GYI LAM NYER BSDOGS MI LCOGS MED LA SOGS PA ZAG MED DANG ZAG BCAS GNYIS PA'I NYER BSDOGS LA SOGS PAS BSDUS PA DGU DGU YOD PAS GNYEN PO THA DAD PA'I PHYIR DANG, MTHONG SPANG RNAMS KYI NI GZUGS NA SPYOD PA'I GNYEN PO RJES BZOD LA SOGS PA DE DAG KHO NA GZUGS MED KYI MTHONG SPANG GI YANG GNYEN PO YIN PAS GNYEN PO GCIG PA'I PHYIR YIN NO, , YONGS SU SHES PA DGU PO DE LAS DANG PO DRUG NI BZOD PA'I 'BRAS BU YIN TE, MTHONG LAM BAR CHAD MED PA'I LAM GYI 'BRAS BU YIN PA'I PHYIR RO, , GAL TE YONGS SHES NI BZOD PA'I 'BRAS BU MA YIN TE, DE NI ZAG MED KYI SHES PA'I 'BRAS BU YIN LA DRI MED BZOD RNAMS SHES PA MIN ZHES PAS BZOD PA NI SHES PA MA YIN PA'I PHYIR RO ZHE NA, YONGS SHES BZOD PA'I 'KHOR SHES PA'I 'BRAS BU YIN YANG SHES BZOD GNYIS 'BRAS BU GCIG PAS SHES PA'I 'BRAS BU LA BZOD PA'I 'BRAS BUR BSTAN PA YIN TE, DPER NA RGYAL PO'I 'KHOR GYIS BYAS PA LA RGYAL POS BYAS SO ZHES BRJOD PA BZHIN NO ZHES PA'AM, YANG NA SHES PA GTZO BO DANG BZOD PA 'KHOR YIN PAS DNGOS SU GTZO BO SHES PA'I 'BRAS BU YIN YANG 'KHOR LA RGYAL POR BTAGS PA LTAR 'KHOR BZOD PA'I 'BRAS BUR BTAGS PA YIN NO ZHES SLOB DPON GANG SPEL 'CHAD DO, ,YONGS SHES DRUG GI LHAG MA THA MA GSUM PO @545 RNAMS NI SHES PA'I 'BRAS BU YIN TE, SGOM LAM GYI 'BRAS BU YIN PA'I PHYIR DANG, SGOM LAM LA BZOD PA MED PA'I PHYIR RO, ,YANG YONGS SHES DE DAG BSAM GTAN DANG PO'I NYER BSDOGS MI LCOGS PA MED PA NI SPANG BYA THAMS CAD KYI GNYEN POR 'GYUR BA SRID PAS DE'I 'BRAS BU NI YONGS SHES DGU PO THAMS CAD DO, ,BSAM GTAN DNGOS GZHI ZAG MED RNAMS KYI 'BRAS BU NI KHAMS GONG MA GNYIS KYI MTHONG SPANG SPANGS PA'I YONGS SHES GSUM DANG, SGOM SPANG SPANGS PA'I YONGS SHES PHYI MA GNYIS TE LNGA YIN LA, (BSAM GTAN NI DNGOS GZHI LA BRTEN NAS DE DAG NYON MONGS SPONG BA SRID PA'I PHYIR TE CHAGS BRAL SNGON 'GRO LA BSAMS SO, ,) GZHAN DAG ('DOD PA'I NYON MONGS SPANGS PA'I YONGS SHES) NI MI LCOGS MED KYI 'BRAS BU YIN NO ZHES BYE BRAG TU SMRA BA PHAL CHE BA 'DOD LA (DE YANG DNGOS GZHI'I 'DOD PA'I GNYEN PO MA YIN PA'AM, 'DOD PA LA 'DOD CHAGS DANG MA BRAL BA DNGOS GZHI LA MI 'JUG PA'I PHYIR ZHES 'CHAD DO, ,DES NA CHAGS BRAL SNGON 'GRO LA 'DOD PA'I MTHONG SPANG GI BRAL THAB ZAG MED YOD KYANG DE'I 'BRAS BU MA YIN TE, THA MA'I CHA MTHUN SPANGS PA'I YONGS SHES BZHIN NO ZHES SO, ,) 'AM ZHES BYA BA NI LUGS THA DAD STON PA STE BTZUN PA DBYANGS SGROGS NA RE BSAM GTAN DNGOS GZHI'I 'BRAS BU NI (CHAGS BRAL SNGON 'GROS 'DOD PA'I MTHONG SPANG SPANGS PA GSUM BSNAN NAS,) YONGS SHES BRGYAD YIN TE, 'DOD PA'I MTHONG SPANG SPANGS PA'I YONGS SHES GSUM YANG CHAGS BRAL SNGON 'GRO'I PHYIR MI 'ONG DAG GIS MTHONG LAM THAB PA'I BSAM GTAN GYI STOBS KYIS BRAL BA'I THOB PA ZAG MED RNYED PA'I PHYIR DANG, THA MA'I CHA MTHUN SPANGS PA'I YONGS SHES GCIG PU NI MI LCOGS MED KYI 'BRAS BU KHO (DANG DE'I BRAL THOB NI GANG MA'I LAM MTHONG SPANG SPANGS PA'I YONGS SHES DANG GCIG TU 'DUS SO, ,) NAR NGES PA'I PHYIR RO ZHES ZER RO, BSAM GTAN KHYAD PAR CAN YANG BSAM GTAN GYI DNGOS GZHI DANG 'DRA BAR SHES PAR BYA'O, ,GZUGS MED NAM MKHA' MTHA' YAS SKYE MCHED KYI NYE BAR BSDOGS PA'I 'BRAS BU NI YONGS SHES BRGYAD PA GCIG PU YIN TE, DE ZAG BCAS YIN YANG 'PHAGS PAS DE LA BRTEN NAS YONGS SHES 'DI 'THOB PA SRID PA'I PHYIR RO, ,NAM MKHA' MTHA' YAS SKYE MCHED LA SOGS PA GZUGS MED DNGOS GZHI ZAG MED DANG PO GSUM GYI 'BRAS BU YANG ZAG PA KUN ZAD KYI YONGS SHES GCIG NA KHO YIN NO, ,(DE DAG KYANG ZAG MED KYI YIN GYI GZHAN GYI GONG SA LAS MI RGYAL BAS SO, ,) DES NA 'DOD PA DANG SRID RTZE'I SEMS NI ZAG MED KYI LAM GYI RTEN DU MI RUNG BA'I PHYIR YONGS SHES KYI RGYUR MI 'GYUR RO, , @546 YONGS SHES DGU PO THAMS CAD NI 'PHAGS PA'I LAM GYI 'BRAS BU YIN TE, DANG PO DRUG DANG PHYI MA GSUM RIM PA LTAR MTHONG LAM DANG SGOM LAM GYI 'BRAS BU YIN PA'I PHYIR RO, ,ZAG BCAS 'JIG RTEN PA'I SGOM LAM GYI 'BRAS BU NI YONGS SHES BDUN PA DANG BRGYAD PA GNYIS YIN TE, 'PHAGS PA DAG 'JIG RTEN PA'I LAM GYIS 'DOD GZUGS LAS 'DOD CHAGS DANG BRAL BA SRID PA'I PHYIR RO, ,SGOM LAM GYIS BSDUS PA'I RJES SHES KYI 'BRAS BU YANG YONGS SHES THA MA GNYIS YIN LA, SGOM LAM GYIS BSDUS PA'I CHOS SHES PA'I 'BRAS BU NI SGOM PA'I LAM LA 'GOG PA'AM, LAM LA CHOS SHES GANG YIN DE, ,KHAMS GSUM GYI NI GNYEN PO YIN, ,ZHES 'BYUNG BAS YONGS SHES THA MA GSUM YIN NO, ,(DE YANG DE KHAMS GSUM GYI GNYEN PO YIN PAS SO, ,) CHOS SHES DE'I PHYOGS DANG MTHUN PA CHOS SHES PA'I BZOD PA DANG SHES PA RNAMS KYI 'BRAS BU NI YONGS SHES DRUG YIN TE, DANG PO ('DOD PA'I) GSUM CHOS BZOD KYI 'BRAS BU DANG, THA MA GSUM (SGOM SPANG SPANGS PA'I,) CHOS SHES KYI 'BRAS BU YIN PA'I PHYIR RO, ,DE YANG SGOM LAM GYIS BSDUS PA'I SDUG BSNGAL DANG KUN 'BYUNG SHES PAS BSDUS PA'I NI THA MA'I CHA MTHUN SPANGS PA'I YONGS SHES GCIG PU YIN LA 'GOG LAM SHES PA'I NI YONGS SHES GSUM CHAR YIN NO, , RJES SHES DE'I PHYOGS DANG MTHUN PA RJES SU SHES PA'I BZOD PA DANG SHES PA'I 'BRAS BU NI YONGS SHES LNGA YIN TE, KHAMS GONG MA GNYIS KYI MTHONG SPANG SPANGS PA'I YONGS SHES GSUM RJES BZOD KYI 'BRAS BU DANG, THA MA GNYIS RJES SHES KYI 'BRAS BU YIN PA'I PHYIR RO, ,GAL TE LA LAR NI SPANGS PA MANG PO BSDOMS NAS YONGS SHES RE RER 'JOG LA, LA LAR NI SPANGS PA RE RE LA YONGS SHES RE RER 'JOG PA LA RGYU MTSAN CI YOD CE NA, DE LA SHES BZOD RNAMS KYI 'BRAS BU BRAL BA NI RGYU GSUM GYIS YONGS SHES SU BZHAG STE ZHES SBYAR TE, GANG ZHE NA BRAL BA'I THOB PA ZAG MED GSAR DU RNYED PA DANG, SRID RTZE'I NYON MONGS PA NYAMS PAR BYAS PA DANG, RGYU SDUG BSNGAL DANG KUN 'BYUNG MTHONG SPANG GI KUN 'GRO GNYIS KUN DU BCOM PA'I PHYIR RO, ,DE LA SO SO'I SKYE BO LA NI RGYU GNYIS BCOM PA YOD KYANG (SNGA MA GNYIS MED PAS 'DI SPANGS PA LA YONGS SHES KYI MING MI THOB LA 'PHAGS PA LA'ANG JI SRID,) SDUG BSNGAL LA CHOS SHES PA LA NI DANG PO YOD KYANG PHYI MA GNYIS MED DE (RGYU GNYIS BCOM PA DANG SRID RTZE NYAMS PA MED PA'I PHYIR RO,,) SDUG BSNGAL LA RJES SU SHES PA LA NI DANG PO GNYIS YOD KYANG PHYI MA (RGYUN GYI BCOM PA,) MED DE, KUN 'BYUNG MTHONG SPANG GI KUN 'GRO MA SPANGS PA'I PHYIR RO, ,KUN 'BYUNG LA CHOS SHES PA'I GNAS SKABS NA NI GSUM GA YOD PA'I PHYIR 'DOD PA'I SDUG BSNGAL DANG KUN 'BYUNG MTHONG SPANG SPANGS PA'I YONGS SHES GCIG @547 TU GZHAG GO ,DE BZHIN DU KHAMS GONG MA GNYIS KYI LA'ANG SHES PAR BYA'O, ,'DOD PA'I 'GOG LAM LA CHOS SHES PA GNYIS NI RE RE LA'ANG RGYU GSUM GA TSANG BA'I PHYIR YONGS SHES RE RER GZHAG GI BZOD PA RNAMS NI MA YIN TE, BRAL THOB ZAG MED GSAR DU MA RNYED PA'I PHYIR RO, ,DE DAG NI BZOD PA'I 'BRAS BU YONGS SHES DRUG TU 'JOG PA'I RGYU YIN NO, ,SGOM LAM LA BZOD PA MED PAS SHES PA'I 'BRAS BU YONGS SHES THA MA GSUM NI RGYU GSUM PO DE DAG DANG, BZHI PA 'DOD PA LA SOGS PA'I KHAMS GSUM LAS 'DAS PA LAS KYANG RIM PA LTAR GZHAG GO , CHOS MNGON PA PA GANG DAG DMIGS PAR BYA BA'I NYON MONGS PA DANG DMIGS PAR BYED PA'I NYON MONGS PA GNYIS DANG BRAL BA'I RGYU LNGA PA 'DOD PA NI 'DIR MA BRJOD DE, RGYU GNYIS KUN DU BCOM PA DANG, KHAMS LAS 'DAS PA'I NANG DU 'DUS PA'I PHYIR RO, ,'O NA YONGS SHES DE DAG GANG ZAG GANG LA DU ZHIG LDAN ZHE NA, GCIG STE SO SO'I SKYE BO NI YONGS SHES DANG LDAN PA MIN TE, YE SHES KYIS SPANGS PA MED PAS BAL THOB ZAG MED MED PA'I PHYIR RO, ,DER MA ZAD SDUG BSNGAL LA CHOS SHES PA'I BZOD PA NAS BZUNG STE KUN 'BYUNG LA CHOS SHES PA'I BZOD PA'I BAR YE SHES SKAD CIG MA LNGA LA GNAS PA'ANG RGYU GNYIS KUN DU MA BCOM PA'I PHYIR YONGS SHES DANG MI LDAN NO, ,DE LAS GZHAN PA'I 'PHAGS PA MTHONG LAM LA GNAS PA NI GCIG NAS LNGA'I BAR DANG YANG DAG PAR LDAN TE, 'DI LTAR KUN 'BYUNG LA CHOS SHES PA DANG KUN 'BYUNG LA RJES SU SHES PA'I BZOD PA GNYIS LA GNAS PA NI 'DOD PA'I SDUG BSNGAL DANG KUN 'BYUNG MTHONG SPANG SPANGS PA'I YONGS SHES GCIG DANG LDAN NO, , KUN 'BYUNG LA RJES SU SHES PA DANG 'GOG PA LA CHOS SHES PA'I BZOD PA GNYIS LA GNAS PA LA NI YONGS SU SHES PA SNGA MA DANG KHAMS GONG MA GNYIS KYI SDUG BSNGAL DANG KUN 'BYUNG MTHONG SPANG SPANGS PA'I YONGS SHES TE GNYIS DANG LDAN NO, ,'GOG PA LA CHOS SHES PA DANG 'GOG PA LA RJES SU SHES PA'I BZOD PA LA GNAS PA LA NI SNGA MA GNYIS DANG 'DOD PA'I 'GOG PA MTHONG SPANG SPANGS PA'I YONGS SHES TE GSUM DANG LDAN NO, , 'GOG PA LA RJES SU SHES PA DANG LAM LA CHOS SHES PA'I BZOD PA LA GNAS PA LA NI GSUM PO DE DANG DANG GONG MA GNYIS KYI 'GOG PA MTHONG SPANG SPANGS PA'I YONGS SHES TE BZHI DANG LDAN NO, ,LAM LA CHOS SHES PA DANG LAM LA RJES SU SHES PA'I BZOD PA LA GNAS PA LA NI BZHI PO DE DAG DANG 'DOD PA'I LAM MTHONG SPANG SPANGS PA'I YONGS SHES TE LNGA DANG LDAN NO, ,LAM LA RJES SHES NI SGOM LAM YIN PAS 'DI'I NANG DU MI GTOGS SO, ,SGOM LAM LA GNAS PA NI YONGS SHES DRUG GAM STE LAM LA RJES SHES THOB PA NAS BZUNG @548 STE 'DOD PA LA 'DOD CHAGS DANG MA BRAL BA SGOM SPANG DANG PO NAS BRGYAD PA SPANGS PA'I BAR LA GNAS PA YANG SNGAR GYI LNGA DANG GONG MA GNYIS KYI LAM MTHONG SPANG SPANGS PA'I YONGS SHES TE DRUG DANG LDAN LA, 'DOD PA LAS 'DOD CHAGS DANG BRAL BA LAS NYAMS NA'ANG DRUG PO DE DAG NYID DANG LDAN NO, ,('DI NI MTHAR GYIS PAR NGES SO,,) GAL TE LAM LA RJES SHES THOB PA NA YONGS SHES DRUG DANG LDAN PAR MI 'GYUR TE, 'BRAS BU BZHIR RNAM GZHAG PA NI, ,RGYU LNGA DAG NI SRID PHYIR RO, ,'BRAS LA SNGON LAM BTANG BA DANG, ,GZHAN THOB PA DANG ZAD BSDOMS DANG, ,SHES PA BRGYAD CHEN THOB PA DANG, ,RNAM PA BCU DRUG THOB PA'O ZHES (SKAD CIG BCU DRUG PA'I TSE ZHUGS LAM BTANG BA LA SOGS PA'I RGYU TSANG BAS) SPANGS PA BSDOMS PAR BSHAD PA'I PHYIR RO ZHE NA, (DE'I TSE) SPANGS PA BSDOMS PA YIN GYI YONGS SHES BSDOMS PA NI MA YIN PAS 'GAL MED DO ZHES t'I KA BYED DAG 'CHAD DO, ,YANG BSGOM PA'I LAM LA GNAS PA KHA CIG NI YONGS SU SHES PA GCIG GAM STE 'PHAGS PA THOG MAR 'JIG RTEN PA'I LAM GYIS 'DOD PA LAS 'DOD CHAGS DANG BRAL BAR BYAS TE PHYIS NGES PA LA 'JUG PA'AM, THOG MAR MTHONNG LAM THOB NAS PHYIS 'DOD PA LAS 'DOD CHAGS DANG BRAL BAR BYED PA'I 'PHAGS PA PHYIR MI 'ONG YIN KYANG RUNG STE LAM LA RJES SHES KYI TSE SNGA MA RNAMS BSDOMS TE (THA MA'I CHA MTHUN SPANGS PA,) BDUN PA GCIG PU DANG LDAN LA, ('PHAGS PA) GZUGS LAS 'DOD CHAGS DANG BRAL BA LAS NYAMS NA'ANG DE NYID DANG LDAN NO, , DGRA BCOM PA THOB PA'I TSE YANG YONGS SHES SNGA MA THAMS CAD BSDOMS PA'I PHYIR YONGS SHES THA MA GCIG PU DANG LDAN NO, ,SGOM LAM LA GNAS PA YANG NA GNYIS DANG PO STE GZUGS KYI 'DOD CHAGS DANG BRAL BA'I 'PHAGS PA PHYIR MA 'ONG DE NYID GZUGS KYI 'DOD CHAGS DANG BRAL BA THOB PA DANG, GZUGS MED PA'I NYON MONGS PAS DGRA BCOM PA LAS NYAMS NA'ANG BDUN PA DANG BRGYAD PA GNYIS DANG LDAN NO, , GAL TE GZUGS KYI 'DOD CHAGS DANG MA BRAL BA'I PHYIR MI 'ONG (GI 'BRAS GNAS TZAM PO,) DANG DGRA BCOM PA'I 'BRAS BU THOB PA'I TSE SPANGS PA MANG PO YOD BZHIN DU YONGS SHES GCIG TU ('AM RE RE KHO NAR) JI LTAR 'GYUR ZHE NA, GZUGS KYI 'DOD CHAGS DANG MA BRAL BA'I PHYIR MI 'ONG DANG DGRA BCOM THOB PA'I TSE NI RIM PA LTAR 'DOD PA DANG KHAMS GSUM LAS 'DOD CHAGS DANG BRAL BA'I PHYIR DANG, PHYIR MI 'ONG DANG DGRA BCOM PA'I 'BRAS BU THOB PA'I RGYU GNYIS GNYIS KYI PHYIR SPANGS PA DANG YONGS SHES DE DAG BSDOMS NAS THA MA'I CHA MTHUN SPANGS PA DANG ZAG PA KUN ZAD KYI YONGS SHES RE RER BZHAG GO ,RGYUN @549 ZHUGS DANG LAN CIG PHYIR 'ONG LA NI 'BRAS BU THOB PA YOD KYANG KHAMS LAS 'DOD CHAGS DANG BRAL BA MED PA'I PHYIR DANG, GZUGS KYI 'DOD CHAGS DANG BRAL BA'I PHYIR MI 'ONG LA KHAMS LAS 'DOD CHAGS DANG BRAL BA YOD KYANG 'BRAS BU SNGAR MED THOB PA MED PA'I PHYIR DANG, GZHAN DAG LA NI GNYIS KA MED PA'I PHYIR YONGS SHES SDOM PAR MI BYED DO, ,YANG GANG ZHIG YONGS SHES DU ZHIG GTONG BA'AM 'THOB CE NA, LA LA NI YONGS SHES GCIG GTONG STE, DGRA BCOM LAS NYAMS NA SNGAR YONGS SHES THA MA GCIG PU DANG LDAN PA DE NYID GTONG BA'I PHYIR DANG, DE BZHIN DU GZUGS KYI 'DOD CHAGS DANG MA BRAL BA'I 'PHAGS PA PHYIR MI 'ONG 'DOD PA LAS 'DOD CHAGS DANG BRAL BA LAS NYAMS NA'ANG BDUN PA GCIG PU GTONG NGO, ,LA LA NI GNYIS GTONG STE, PHYIR MI 'ONG GZUGS KYI 'DOD CHAGS DANG BRAL BA 'DOD PA'I NYON MONGS MNGON DU BYAS TE NYAMS PA'AM DES DGRA BCOM THOB PA NA BDUN PA DANG BRGYAD PA GNYIS GTONG BA'I PHYIR RO, , KHA CIG NI LNGA GTONG STE, CHAGS BRAL SNGON 'GROS SKAD CIG MA BCU DRUG PA LAM LA RJES SHES THOB PA NA 'DOD PA'I MTHONG SPANG SPANGS PA'I YONGS SHES GSUM DANG, KHAMS GONG MA'I MTHONG SPANG SPANGS PA'I YONGS SHES GNYIS TE LNGA GTONG BA'I PHYIR RO, ,KHAMS GONG MA GNYIS KYI LAM MTHONG SPANG SPANGS PA'I YONGS SHES NI MI GTONG MOD KYI KHAMS LAS (SNGAR) 'DOD CHAGS DANG BRAL (BA'I PHYIR) DANG (DE'I TSE) 'BRAS BU THOB PA'I PHYIR DE GNYIS KYI SGO NAS THA MA'I CHA MTHUN SPANGS PA'I YONGS SHES KYI NANG DU BSDOMS PA'I PHYIR DE LAS THA DAD DU BSHAD DU MED DO, ,LA LA NI DRUG GTONG STE, 'PHAGS PA MTHAR GYIS PA 'DOD PA LAS 'DOD CHAGS DANG BRAL BA NA BDUN PA THOB PAS SNGA MA DRUG GTONG BA'I PHYIR RO, , DE BZHIN DU 'THOB PA NI GCIG DANG GNYIS DANG DRUG 'THOB PA YOD KYI LNGA 'THOB PA NI YOD PA MIN NO ZHES BYA'O, ,DE LA GCIG 'THOB PA NI MTHONG LAM LA GNAS PAS KUN 'BYUNG LA CHOS SHES PA'I GNAS SKABS NA SNGAR MED PA LAS DANG PO GCIG PU 'THOB PA DANG, DE BZHIN DU CHAGS BRAL SNGON 'GROS 'DOD PA LAS 'DOD CHAGS DANG BRAL NAS LAM LA RJES SHES KYI CHE BDUN PA GCIG PU DANG, MTHAR GYIS PAS KYANG 'DOD PA LAS 'DOD CHAGS DANG BRAL BA'I RNAM GROL GYI LAM DGU PA LA BDUN PA GCIG PU DANG, DGRA BCOM PA THOB PA NA'ANG THA MA GCIG PU 'THOB BO, ,GNYIS THOB PA NI GZUGS MED LAS 'DOD CHAGS DANG BRAL BA GZUGS MED KYI NYON MONGS PAS NYAMS NA BDUN PA DANG BRGYAD PA GNYIS 'THOB PA LTA BU'O, ,DRUG 'THOB PA NI 'PHAGS PA LA MTHAR GYIS PA PHYIR MI 'ONG LAS NYAMS NA YONGS SHES DANG PO @550 DAG 'THOB PA YIN NO, ,('O NA CHAGS BRAL SNGON 'GRO THA MA'I CHA MTHUN SPANGS PA LAS NYAMS NA DANG PO LNGAS CI'I PHYIR MI THOB CE NA, DE NI LAM GNYIS KYIS 'THOB PA'I PHYIR YONGS SU NYAMS PA MI SRID DE,) DES NA LNGA 'THOB PA NI 'GA' YANG MED DO, , ZAG BCAS LAS DANG YANG SRID 'GRUB PA YI, ,RTZA BA PHRA RGYAS SPANG BYA RNAM GNYIS DANG, ,DE DAG SPONG TSUL SPANGS PA'I 'BRAS BU SOGS, ,SHES PAR 'DOD PAS GNAS 'DI MNYAN PAR GYIS, ,CHOS MNGON PA'I MDZOD KYI 'GREL PA MNGON PA'I RGYAN LAS PHRA RGYAS BSTAN PA ZHES BYA BA STE GNAS LNGA PA'I BSHAD PA'O, , @551 GNAS DRUG PA, LAM DANG GANG ZAG BSTAN PA, DA NI GNAS DRUG PA LAM DANG GANG ZAG BSTAN PA 'CHAD PA NA MTSAMS SBYAR BA'I TSUL GYIS MDOR BSTAN PA DANG, DMIGS PA'I YUL BDEN PA BSHAD PA DANG, MNGON PAR RTOGS PA'I RIM PA DANG, SGOM PA PO'I GANG ZAG RNAM PAR BZHAG PA DANG, MNGON PAR RTOGS PA'I LAM BSHAD PA LNGA LAS, (GCIG) MTSAMS SBYAR BA'I TSUL GYIS MDOR BSTAN PA, DANG PO NI GAL TE GNAS LNGA PAR 'BRAS BU LA RGYU NYE BAR BTAGS PA'I PHYIR SPANGS PA NI YONGS SU SHES PA'I MING 'THOB PO ZHES PA DANG, SPONG BA'I GNYEN POR YANG, DE DAG BCU DANG BDUN BDUN BRGYAD, ,LTA BA GSUM GNYIS MA GTOGS PA, ,'DOD NA SDUG BSNGAL LA SOGS PA, ,MTHONG BAS RIM BZHIN SPONG BAR BYED, ,BZHI NI BSGOM PAS SPANG BYA YIN, , ZHES BDEN PA MTHONG BA DANG MTHONG DON BSGOMS PA LAS MTHONG SGOM GYI SPANG BYA NYON MONGS PA RNAMS SPANGS PA'AM SPONG NGO ZHES BSHAD PA'I GNYEN PO MTHONG SGOM GYI LAM DE DAG NYING ZAG BCAS ZAG MED GANG YIN ZHE NA, BSGOM PA'I LAM NI ZAG BCAS ZAG MED RNAM PA GNYIS YIN TE, 'JIG RTEN PA'I SGOM LAM ZAG BCAS KYI BSAM GTAN GZUGS MED LA ZAG PA RGYAS PAR 'GYUR BA'I PHYIR DANG, 'JIG RTEN LAS 'DAS PA'I SGOM LAM BDEN PA'I RNAM PA CAN BDEN PA MTHONG DON GOMS PAR BYED PA LA ZAG PA RGYAS PA MED PA'I PHYIR RO, ,MTHONG BA'I LAM ZHES BYA BA NI GCIG TU ZAG PA MED PA YIN TE, KHAMS GSUM PA'I (MTHONG SPANG,) GNYEN PO YIN PA'I PHYIR DANG, MTHONG SPANG CHEN PO'I CHEN PO LA SOGS PA RNAMS DGU CIG CAR SPONG BA'I PHYIR DANG, (DE ZAG MED YIN PAS KHYAB STE,) 'JIG RTEN PA LA NI DE 'DRA BA'I MTHU MED PA'I PHYIR RO, ,(SGOM SPANG NI BSTAN PAS GZHI DANG BCAS PA'I PHYIR CIG CAR MI SPONG NGO, , MTHONG SGOM GNYIS KHYAD PAR NI MANG STE, NGO BO LAS NI ZAG MED KHO NA DANG, ZAG BCAS ZAG MED GNYIS KA DANG, DMIGS PA LAS BDEN BZHI DANG GONG SA 'OG SA GNYIS KA LA DMIGS PA DANG, RNAM PA LAS @552 BDEN PA DANG ZHI RAGS KYANG YIN PA DANG, NGO BO'I DBYE BA LAS BZOD SHES GNYIS DANG SHES PA KHO NA YIN PA DANG, SPANG BYA SPONG CHUL LAS DMIGS PA SHES PAS CIG CAR SPONG BA DANG, GNYEN PO GOMS PAS RIM GYIS SPONG BA DANG, RTEN LAS 'DOD PA DANG KHAMS GSUM GA DANG, RGYUD LAS 'PHAGS PA KHO NA DANG, SKYE 'PHAGS GNYIS KA DANG, SKYE TSUL LAS STAN GCIG LAS SKYE BA DANG SKYE BA GZHAN LA'ANG SKYE BA'O, ,) (GNYIS) DMIGS PA'I YUL BDEN PA BSHAD PA, GNYIS PA NI 'O NA BDEN PA MTHONG DANG BSGOMS PA LAS ZHES BSHAD PA'I BDEN PA DE DAG GANG ZHE NA, MTHONG BA DANG BSGOM PAR BYA BA'I BDEN PA DAG NI BZHIR BSHAD DO, ,GANG DU BSHAD CE NA, 'DI NYID KYI GNAS DANG POR ZAG MED LAM GYI BDEN PA DANG ZHES PAS LAM DANG, SO SOR BRTAGS PAS 'GOG PA GANG, ,BRAL BA'O ZHES PAS 'GOG PA DANG, ,SDUG BSNGAL KUN 'BYUNG 'JIG RTEN DANG ZHES BYA BAS DE GNYIS KYANG BSHAD CING, MDO LAS KYANG GSUNGS PA'I PHYIR RO, ,CI 'DI DAG GI RIM PA GNAS DANG POR BSTAN PA DE KHO NA LTAR YIN NAM ZHE NA, MA YIN NO, ,'O NA JI LTA BU ZHE NA, SDUG BSNGAL DANG, SDUG BSNGAL KUN 'BYUNG BA DANG, DE BZHIN DU 'GOG PA DANG, LAM 'PHAGS PA'I BDEN PA STE DE LTAR NA BZHI PO DE DAG GI RIM PA NI 'DI YIN NO, ,'GREL PA LAS, DE BZHIN ZHES BYA BA'I SGRA NI RANG GI NGO BO NI GNAS DANG POR JI SKAD BSHAD PA DE KHO NA BZHIN NO ZHES RAB TU BSTAN PAR BYA BA'I PHYIR RO ZHES 'BYUNG NGO, ,GO RIM DE KHO NA LTAR STON PA'I RGYU NI 'GREL PAR DRAN PA NYER GZHAG BZHI DANG, MTHAR GYIS GNAS PA'I SNYOMS 'JUG LTA BU SKYE BA DANG, MTHUN PA RGYU 'BRAS KYI GO RIM DANG, YANG DAG SPONG BZHI LTA BU RTOGS SLA BA DANG MTHUN PA'I GO RIM DANG, YUL JI LTAR MNGON PAR RTOGS PA DANG MTHUN PA'I GO RIM GSUM BSHAD PA LAS 'DIR BDEN PA DE DAG NI DANG POR JI LTAR MNGON PAR RTOGS PA DANG MTHUN PA'I RIM PA LTAR BSTAN TE, MTHONG LAM DU DANG POR SDUG BSNGAL MNGON PAR RTOGS PA LA SOGS PA'I PHYIR RO, ,SKYE BA'I RIM PA LTAR STON NA NI RGYU YIN PA'I PHYIR KUN 'BYUNG DANG LAM DANG POR STON PAR THAL BA'I PHYIR RO, ,MTHONG LAM DU DE LTAR MNGON PAR RTOGS PA LA'ANG DKYUS SA BSTAN PA'I RTA THAGS THOGS MED PAR RGYUG PA LTAR TSOGS SBYOR DU YONGS SU RTOG PA'I RIM PA LTAR SKYE BA'I PHYIR @553 TE, DPER NA NAD MTHONG BAS DE'I RGYU DANG, NAD ZAD PA DANG, DE'I THABS SMAN 'TSOL BA LTAR DANG PO KHO NA GANG LA CHAGS PA DANG, GANG GIS GNOD PA DANG, GANG LAS THAR PAR 'DOD PAS SDUG BSNGAL DANG, DE'I RGYU NI GANG ZHIG CES DE'I 'OG TU KUN 'BYUNG DANG, SDUG BSNGAL 'GOG PA NI CI ZHIG CES DE NAS 'GOG PA DANG, DE THOB PA'I THABS NI CI ZHIG CES LAM LA RTOG PAS DE LTAR NA YONGS SU RTOG PA'I RIM PA NI DE YIN TE, JI SKAD DU RGYUD BLA MA LAS, NAD NI SHES BYA NAD KYI RGYU NI SPANG BYA LA, ,BDER GNAS THOB BYA SMAN NI BSTEN PAR BYA BA LTAR, ,SDUG BSNGAL RGYU DANG DE 'GOG PA DANG DE BZHIN LAM, ,SHES BYA SPANG BYA RIG PAR BYA ZHING BSTEN PAR BYA, ,ZHES GSUNGS PA BZHIN NO, ,DE LA BDEN PA BZHI'I NGO BO NI SNGAR BSHAD ZIN LA, NGES TSIG NI CI'I PHYIR BDEN PA ZHES BYA ZHE NA, 'PHAGS PA RNAMS KYI YUL DU SDUG BSNGAL LA SOGS PAR BDEN PA'I PHYIR TE, BYIS PA NI SDUG BSNGAL LA BDE BA DANG, KUN 'BYUNG LA BDE BA'I RGYU DANG, 'GOG PA LA KHA CIG MA ZHI BA DANG, KHA CIG BDAG CHAD PAS 'JIGS PA DANG, LAM LA LAM MA YIN PA DANG DKA' THUB SDUG BSNGAL GYI RGYUR 'DZIN PA'I PHYIR RO, ,DE NYID KYI PHYIR MDO LAS, 'PHAGS PAS BDE BAR GANG GSUNGS PA, ,DE NI GZHAN GYIS SDUG BSNGAL RIG ,GZHAN GYIS BDE BAR GANG SMRAS PA, ,DE NI 'PHAGS PAS SDUG BSNGAL RIG CES GSUNGS SO, ,DES NA 'DIR ZAG BCAS 'BRAS BU'I CHA THAMS CAD NI SDUG BSNGAL DANG, (DE YANG DGRA BCOM DANG SRED BRAL GYI PHUNG PO THA MA SDUG BSNGAL KHO NAR 'DOD DO,,) DE NYID RGYUR GYUR PA'I CHA NI KUN 'BYUNG DANG, 'GOG PA NI 'DUS MA BYAS SO SOR BRTAGS 'GOG DANG, LAM NI ZAG MED 'DUS BYAS MTHONG SGOM MI SLOB PA'I LAM GSUM YIN TE, (KHA CIG DANG PO GNYIS 'PHAGS PA'I BDEN PA YIN YANG 'PHAGS PA MIN TE ZAG BCAS YIN PAS SO PHYI MA GNYIS DGE BA DANG ZAG MED GZHI MTHUN PA YIN PAS GNYIS KA YIN NO ZHES SO, ,) 'GREL PA LAS, NYE BAR LEN PA'I PHUNG PO 'BRAS BUR GYUR PA RNAMS NI SDUG BSNGAL GYI BDEN PA YIN NO, ,RGYUR GYUR PA RNAMS NI KUN 'BYUNG GI BDEN PA YIN TE, 'DI LAS SDUG BSNGAL KUN 'BYUNG BA'I PHYIR RO, ,DE NYID KYI PHYIR 'DI GNYIS NI RGYU DANG 'BRAS BUR GYUR PAS MING GI SGO NAS BYE BRAG YOD KYI RDZAS SU NI MA YIN NO, ,'GOG PA DANG LAM NI RDZAS SU YANG BYE BRAG YOD DO ZHES 'BYUNG BAS BYE BRAG TU SMRA BA BDEN PA DANG PO GNYIS KHYAB MNYAM PAR 'DOD DO, ,GAL TE SDUG BSNGAL (DANG YID MI BDE) NI TSOR BA'I PHUNG PO'I PHYOGS GCIG YIN NA JI LTAR ZAG BCAS THAMS CAD SDUG BSNGAL GYI BDEN PA YIN ZHE NA, ZAG BCAS MA LUS PA NI SDUG @554 BSNGAL LO ZHES SBYAR RO, ,CI'I PHYIR ZHE NA, CI RIGS PAR SDUG BSNGAL DANG, 'GYUR BA'I SDUG BSNGAL DANG, 'DU BYED KYI SDUG BSNGAL NYID GSUM DANG LDAN PA'I PHYIR RO, (GANG RNAMS SDUG BSNGAL DANG LDAN ZHE NA, YID DU 'ONG BA TSOR BA BDE BA DANG YID DU MI 'ONG BA SDUG BSNGAL DANG GNYIS PO DE LAS GZHAN PA'I ZAG PA DANG BCAS PA BTANG SNYOMS TSOGS DANG BCAS PA RNAMS SO ZHES SBYAR RO, ,'GREL PA LAS, DE'I DBANG GIS BDE BA MYONG BAR 'GYUR BA LA SOGS PA'I 'DU BYED RNAMS KYANG YID DU 'ONG BA LA SOGS PA'I MING 'THOB BO ZHES 'BYUNG BAS TSOR BA DE DAG GI DBANG GIS DE DAG DANG MTSUNGS LDAN GYI SEMS DANG SEMS BYUNG GZHAN RNAMS DANG, MTSUNGS LDAN MA YIN PA BDAG RKYEN DANG, DMIGS RKYEN RNAMS KYANG YID DU 'ONG BA LA SOGS PA'I MING DU BRJOD DO, ,DE LA CI RIGS ZHES PA NI 'GYUR BA DANG 'DU BYED KYI SDUG BSNGAL GYIS SDUG BSNGAL BA YIN TE, NGO BO BDE BA YIN YANG 'GYUR BA NA SDUG BSNGAL BA DANG ZAG BCAS YIN PA'I PHYIR RO, ,YID DU MI 'ONG BA RNAMS NI 'DU BYED DANG SDUG BSNGAL GYIS SDUG BSNGAL BA YIN TE, ZAG BCAS YIN PA DANG SKYES PA NYID NAS SDUG BSNGAL DU MYONG BA'I PHYIR RO, ,GNYIS PO DE LAS GZHAN PA'I 'DU BYED ZAG BCAS RNAMS NI 'DU BYED KYI SDUG BSNGAL KHO NAS SDUG BSNGAL BA YIN TE, LAS DANG NYON MONGS PA'I GZHAN DBANG CAN YIN PAS 'PHAGS PA RNAMS DANG MI MTHUN PA'I PHYIR DANG, SKAD CIG MA NYID KYIS GNOD PA'I PHYIR RO, ,YANG NA CI RIGS ZHES BYA BA NI 'DOD PA NA SDUG BSNGAL GSUM DANG, BSAM GTAN GSUM PA MAN CHAD NA GNYIS DANG, BZHI PA YAN CHAD NA 'DU BYED KYI SDUG BSNGAL 'BA' ZHIG GIS SDUG BSNGAL BA'I PHYIR RO, ,GAL TE MI RTAG PA NYID KYIS 'DU BYED KYI SDUG BSNGAL YIN NA LAM BDEN YANG SDUG BSNGAL DU 'GYUR RO ZHE NA, MA YIN TE, LAM NI SDUG BSNGAL THAMS CAD 'GAGS PA'I BDE BA 'DREN PA'I RGYU ZAG MED YIN PA'I PHYIR 'PHAGS PA DANG MTHUN PAS SDUG BSNGAL DU MI BRJOD DE, SDUG BSNGAL GYI DON NI ZAG BCAS GANG ZHIG MI RTAG CING 'PHAGS PA DANG MI MTHUN PAS GNOD PA YIN PA'I PHYIR RO, , ZAG BCAS KYI 'DU BYED GZHAN NI MDO LAS, GANG MI RTAG PA DE NI SDUG BSNGAL BA YIN NO ZHES GSUNGS PA'I PHYIR DANG, SRID PA THAMS CAD NI THAR PA'I MI MTHUN PHYOGS YIN PAS 'PHAGS PA DANG MI MTHUN PAS GNOD PA'I PHYIR SDUG BSNGAL DU 'DOD DE, DE'I PHYIR SLOB DPON GYIS, LAG MTHIL SPU NYAG GCIG 'DUG PA, ,MI RNAMS KYIS NI MI RTOGS LA, ,DE NYID MIG TU SONG NA NI, ,MI DGA' BA DANG GNOD SKYED LTAR, ,BYIS PA LAG MTHIL 'DRA BA YIS, ,'DU BYED SDUG BSNGAL SPU MI RTOGS, , @555 'PHAGS PA MIG DANG 'DRA BA NI, ,DE YIS SHIN TU YID KYANG 'BYUNG ZHES PA DANG, ('DU BYED KYI SDUG BSNGAL NI 'PHAGS PA RNAMS KHO NAS GZIGS TE,) JI LTAR 'PHAGS PA RNAMS SRID PA'I RTZE MO PA DAG LA'ANG SDUG BSNGAL GYI BLO 'JUG PA LTAR BYIS PA RNAMS NI MNAR MED PA'I PHUNG PO RNAMS LA YANG DE LTAR SDUG BSNGAL GYI BLO MI 'JUG GO ZHES GSUNGS SO, ,(ZAG BCAS THAMS CAD SDUG BSNGAL DU MI 'THAD DE BDE BA YANG YOD PA'I PHYIR RO ZHE NA,) 'DIR BTZUN PA GZHON NU LEN GYIS BDE BA NYUNG BA'I SGRUB BYED DU, SDUG BSNGAL BDUN CU PA LAS, SDUG BSNGAL GYI NI RGYU PHYIR DANG, ,SDUG BSNGAL MANG POS BSKYED PHYIR DANG,, SDUG BSNGAL YOD NA DE 'DOD PHYIR, ,BDE BA SDUG BSNGAL ZHES RTOGS SO, ,ZHES BSHAD PA NI YANG DAG PA MA YIN TE, SDUG BSNGAL GYI RGYU DE NI KUN 'BYUNG GI RNAM PA YIN PA'I PHYIR (DES JI LTAR DU:KHAR GRUB PA,) DANG, (PHYI MA GNYIS LTAR NA'ANG,) KHAMS GONG MA GNYIS KYI PHUNG PO NI SDUG BSNGAL GYI TSOR BA'I RGYU MA YIN PAS KHAMS DE DAG TU SKYES PA'I 'PHAGS PA RNAMS PHUNG PO LA SDUG BSNGAL GYI BLO MI 'JUG PAR THAL PA'I PHYIR RO, ,GANG YANG BTZUN PA DPAL LEN GYIS BDE TSOR NI MED DE, TSOR BA THAMS CAD KYANG SDUG BSNGAL GYI SDUG BSNGAL KHO NA YIN TE, BCOM LDAN 'DAS KYIS GANG CI TSOR YANG RUNG DE NI 'DIR SDUG BSNGAL LO ZHES PA DANG, BDE PA'I TSOR BA NI SDUG BSNGAL DU BLTA BAR BYA'O ZHES PA DANG, MU BZHI'I TSOMS KYI PHYIN CI LOG BZHI BSTAN PA'I MDO LAS, SDUG BSNGAL LA BDE BA'O SNYAM DU 'DU SHES PHYIN CI LOG GO ZHES BYA BA LA SOGS PA GSUNGS PA'I LUNG DANG, RIGS PAS KYANG BDE BA'I RGYUR MNGON PAR 'DOD PA'I ZAS GOS LA SOGS PA DAG KYANG HA CANG SPYAD PAS SDUG BSNGAL BSKYED PAS BDE BA'I RGYU RNAM PAR MI GNAS PA'I PHYIR DANG, MI MKHAS PA RNAMS (BKRES SKOM GYIS MA BCOS PA TZAM GYI) SDUG BSNGAL GYI GNYEN PO LA BDE BA'I BLO SKYE BA'I PHYIR DANG, PHRAG KHUR SPONG BA LTAR SDUG BA SNGAL CHUNG BAL BDE BAR 'DZIN PA'I PHYIR 'JIG RTEN PAS BDE BAR GANG SMRAS PA DE YANG DON LA NI SDUG BSNGAL YIN NO ZHES BYA BAR RTOGS SO ZHES SMRAS PA DE YANG RIGS PA MA YIN TE, RE ZHIG LUNG DANG PO NI BCOM LDAN 'DAS NYID KYIS DGONGS PA CAN DU BSHAD DO, 'PHAGS PA KUN DGA' BOS BCOM LDAN 'DAS LA BCOM LDAN 'DAS KYIS BDE BA DANG SDUG BSNGAL BA DANG BDE BA YANG MA LAGS SDUG BSNGAL BA YANG MA LAGS PA DANG TSOR BA 'DI GSUM YANG GSUNGS LA, BCOM LDAN 'DAS KYIS GANG CI TSOR YANG RUNG DE NI 'DIR SDUG BSNGAL LO ZHES KYANG GSUNGS NA BCOM LDAN 'DAS KYIS CI LAS DGONGS NAS GANG CI TSOR YANG RUNG DE NI 'DIR SDUG BSNGAL LO ZHES ZHUS PA NA, BCOM LDAN 'DAS KYIS KUN DGA' PO GANG CI TSOR YANG RUNG DE NI 'DIR SDUG BSNGAL LO @556 ZHES BYA BA NI NGAS 'DU BYED MI RTAG PA NYID DANG, 'DU BYED RNAM PAR 'GYUR BA NYID LA DGONGS NAS BSHAD DO ZHES GSUNGS PA'I PHYIR RO, ,BDE BA'I TSOR BA NI SDUG BSNGAL DU BLTA BAR BYA'O ZHES PA NI 'GYUR BA'I SDUG BSNGAL DANG 'DU BYED KYI SDUG BSNGAL GYI DBANG DU BYAS NAS GSUNGS PA YIN TE, LUNG BAR MA'I DGE SLONG MA CHOS SBYIN GYI MDO LAS, BDE BA'I TSOR BA NI SKYE BA NA YANG BDE, GNAS PA NA YANG BDE LA 'GYUR BA NA SDUG BSNGAL LO, ,SDUG BSNGAL GYI TSOR BA NI SKYE BA NA YANG SDUG BSNGAL LA GNAS PA NA YANG SDUG BSNGAL LO ZHES PA DANG, SKYE MCHED DRUG GI TSOGS KYI MDO LAS, GANG MI RTAG PA DE NI SDUG BSNGAL BA YIN NO ZHES GSUNGS PA'I PHYIR RO, ,DE'I PHYIR MDO LAS KYANG, RDZOGS PA'I SANGS RGYAS RAB MKHYEN GYIS, ,'DU BYED MI RTAG NYID DANG NI, ,RNAM PAR 'GYUR BA NYID MKHYEN NAS, , TSOR BA SDUG BSNGAL BAR GSUNGS SO ZHES GSUNGS SO, ,SDUG BSNGAL LA BDE BA'O SNYAM DU 'DU SHES PHYIN CI LOG GO ZHES PA NI 'JIG RTEN PA RNAMS TSOR BA DANG 'DOD YON DANG SKYE BA LA SDUG BSNGAL YANG YOD PA LA GCIG TU BDE BAR SHES PA NI 'DU SHES PHYIN CI LOG YIN TE, DE DAG PHAL CHER SDUG BSNGAL BA'I PHYIR RO ZHES DGONGS PA NI DE YIN PA'I PHYIR RO, ,GZHAN YANG BCOM LDAN 'DAS KYIS TSOR BA GSUM DANG, TSOR BA'I DBANG PO LNGA LA SOGS PA GSUNGS PA DANG 'GAL BA'I PHYIR DANG, (GZHAN YANG SDUG BSNGAL GYI DON GANG YIN,) GNOD PA DANG MI 'DOD PA SDUG BSNGAL YIN (NO ZHE) NA ('O NA) PHAN PA DANG 'DOD PA CI'I PHYIR BDE BAR MI 'DOD, SDUG BSNGAL CHUNG NGU LA SOGS PA LA BDE BA LA SOGS PA'I BLO SKYE'O ZHES BYA BA'ANG RIGS PA MA YIN TE, BDE BA CHUNG NGU LA SOGS PA LA'ANG SDUG BSNGAL GYI BLO LA SOGS PA SKYE BAR THAL BAR MTSUNGS PA'I PHYIR DANG, SDUG BSNGAL GYI GNYEN PO LA BDE BA'I BLO SKYE'O ZHES BYA BA'ANG MA YIN TE, GNYEN PO NI RES 'GA' BDE BA DANG RES 'GA' BTANG SNYOMS KYIS BYED PA'I PHYIR RO, ,GANG YANG BDE BA'I RGYU RNAM PAR MI GNAS PA'I PHYIR RO ZHES BYA BA DE YANG RIGS PA MA YIN TE, ZAS LA SOGS PA YUL 'BA' ZHIG NI BDE BA'I RGYU MA YIN GYI LUS DANG GOMS PA LA SOGS PA'ANG YIN TE, GZUGS LA SOGS PA KHYAD PAR MED PA NYID 'GRO BA THA DAD LA BDE BA DANG SDUG BSNGAL DANG BTANG SNYOMS SU 'GYUR BA DMIGS PA'I PHYIR DANG, GAL TE ZAS LA SOGS PA HA CANG SPYAD DRAGS PAS SDUG BSNGAL SKYE BA TZAM GYIS BDE BA'I RGYU MED PAR SMRA NA SDUG BSNGAL GYI RGYU YANG RNAM PAR MI GNAS PAR 'GYUR TE, SDUG BSNGAL GYI RGYU DAG KYANG LA LAR BDE BA'I RGYUR 'GYUR BA'I PHYIR RO, ,RAB TU SMRA BA 'DI BDE BA'I TSOR BA MYONG BA'I MNGON SUM GYIS BKAG PA'I PHYIR 'BAD PAR MI BYA BA ZHIG NA SNGON GYI SLOB DPON GYIS MDZAD PA'I PHYIR KHO BOS KYANG BYAS SO,, @557 MDO SDE PA LA SOGS PA NA RE BYE BRAG TU SMRA BAS KUN 'BYUNG GI BDEN PA GANG YIN PA DE NYID SDUG BSNGAL GYI BDEN PA'ANG YIN NO ZHES SMRAS PA NI MDO DANG 'GAL TE, MDO LAS NI KUN 'BYUNG GI BDEN PA GANG ZHE NA, GANG 'DI DGA' BA'I 'DOD CHAGS DANG LHAN CIG PA'I SRED PA STE DE DANG DE LA MNGON PAR DGA' BA CAN YIN NO ZHES SRED PA KHO NA KUN 'BYUNG DU GSUNGS PA DANG 'GAL BA'I PHYIR RO ZHES ZER RO, , BYE BRAG TU SMRA BA NI LUNG DE NI GTZO CHE BA'I PHYIR DANG, RTEN 'BREL GYI 'GREL PA LAS, SRED DANG BRAL LA YANG SRID MED CES PA LTAR SKYE BA MNGON PAR 'GRUB PA'I RGYU'I DBANG DU BYAS NAS GSUNGS PA'I PHYIR TE, MDO LAS, LAS NI SKYE BA'I RGYU YIN LA, ,SRED PA NI MNGON PAR 'GRUB PA'I RGYU YIN NO ZHES BYA BA DANG, SKYE MCHED DRUG GI TSOGS KYI MDO LAS, LAS DANG SRED PA DANG NI MA RIG PA, ,PHYI MA'I TSE LA 'DU BYED RNAMS KYI RGYU ZHES GSUNGS PA'I PHYIR RO, ,DE LTA NA'ANG DE GSUM GA KUN 'BYUNG DU STON PAR 'GYUR BA ZHIG NA SRED PA KHO NA CI'I PHYIR BSTAN ZHE NA, SRED PA DANG BCAS PA KHO NA 'KHOR BAR SKYE BA'I PHYIR DANG, RGYUD GZHOL BA'I PHYIR DANG, LUS DAM DU 'DZIN PA'I PHYIR GTZO CHE BAS YIN GYI GZHAN DAG KYANG KUN 'BYUNG YIN TE, DES NA SDUG BSNGAL DANG KUN 'BYUNG NI KHYAB MNYAM MO ZHES 'DOD DO, ,MDO SDE PA NI DGRA BCOM PA'I PHUNG PO THA MA SDUG BSNGAL YIN YANG KUN 'BYUNG MA YIN NO ZHES BYA BAR 'DOD DE, KUN LAS BTUS LAS KYANG, DGRA BCOM PA THA MA PA'I MIG NAS YID KYI BAR NI MIG NAS YID KYI BAR DU YIN GYI DE DAG GI KHAMS NI MA YIN NO ZHES BSHAD DO, ,KHA CIG NI SRED PA DANG BRAL BA'I PHUNG PO DANG SNOD KYI 'JIG RTEN YANG SDUG BSNGAL YIN YANG KUN 'BYUNG MA YIN NO ZHES ZER RO, ,DE DAG LA'ANG SDUG BSNGAL GYI RGYU LA KUN 'BYUNG ZHES ZER NA NI DE DAG KYANG KUN 'BYUNG DU 'GYUR TE, DE DAG KYANG PHYI MA DE SDUG BSNGAL YIN LA DE SKYED PA'I RGYU YIN PA'I PHYIR RO, ,DE LTAR YIN YANG KUN 'BYUNG MA YIN NA SRED PA DANG BCAS PA'I PHUNG PO'ANG KUN 'BYUNG MA YIN PAR THAL PA'I PHYIR RO, ,SPROS PAS CHOG GO ,'O NA BCOM LDAN 'DAS KYIS BDEN PA BZHI ZHES KYANG GSUNGS, KUN RDZOB DANG DON DAM PA'I BDEN PA GNYIS ZHES KYANG GSUNGS NA GNYIS PO'I DON CI YIN ZHE NA, CHOS GANG LA THOB LA SOGS PAS BCOM PA DANG BLOS GZHAN BSAL NA CHOS DE'I BLO MI 'JUG PA DANG, YANG GANG LA BCOM PAS DE'I BLO MI 'DOR YANG BLO YIS CHOS GZHAN BSAL NA CHOS DE'I BLO MI 'JUG PA DE DAG NI RIM PA LTAR DPER NA BUM PA LA GYO MOR BCOM NA DE'I BLO MI 'JUG PA DANG CHU LAS LA SOGS PA'I RDZAS BRGYAD KYI CHA SHAS KYI CHOS RNAMS BLOS SO SOR BSAL NA CHU'I BLO MI 'JUG PAS KUN RDZOB YIN PA BZHIN DU KUN RDZOB TU YOD PAR 'DOD DE, CHA SHAS DANG BCAS PA'I PHYIR @558 RO, ,'DIR DPE GNYIS BKOD PA NI 'JOMS PAS 'JIG PA DANG, BLOS 'JIG PA GNYIS SAM, DBYIBS KYI KUN RDZOB DANG, TSOGS PA'I KUN RDZOB GNYIS SAM, KUN RDZOB GZHAN LA BRTEN PA DANG, RDZAS GZHAN LA BRTEN PA'I KUN RDZOB GNYIS YOD PA'I PHYIR RO ZHES t'IKA BYED DAG 'CHAD DO, ,DES NA 'DI SKAD DU RGYUN DANG RAGS PA NI KUN RDZOB YIN TE, (BUM PA DANG CHU YOD DO BYAS NA KUN RDZOB BDEN PA'I PHYIR DANG) BCOM MAM BLOS BSAL NA DE'I BLO MI 'JUG PA'I PHYIR RO ZHES BSTAN PA YIN NO, ,DON DAM PAR YOD PA NI GANG LA BCOM PA DANG BLOS GZHAN BSAL NA DE'I BLO MI 'JUG PA LAS GZHAN GANG LA BCOM PA DANG BLOS CHOS GZHAN BSAL BA NA'ANG DE'I BLO 'JUG PA STE GZUGS KYI RDUL DANG SKAD CIG MA LA SOGS PA LTA BU YIN NO, ,(TSOR SOGS KYI'ANG TSOGS PA DANG, RGYUN NI KUN RDZOB SKAD CIG NI DON DAM MO,,) 'DI DAG THEG PA GONG MA PA DAG NI SHAR LA SOGS PA DANG SKYE BA LA SOGS PA'I BLOS BSAL NA DE DAG GI BLO MI 'JUG PA'I PHYIR KUN RDZOB KHO NA YIN GYI DON DAM PA NI MA YIN NO ZHES ZER RO, , SNGON GYI SLOB DPON KHA CIG NI 'JIG RTEN LAS 'DAS PA'I YE SHES KYI SPYOD YUL DANG DE'I RJES THOB DE BZHIN NYID DU SNANG BA'I YUL NI DON DAM PAR YOD PA YIN LA, 'JIG RTEN PA'I BLO'I YUL NA YOD PA NI KUN RDZOB YIN NO ZHES 'CHAD DO, , (GSUM) MNGON PAR RTOGS PA'I RIM PA BSHAD PA, GSUM PA MNGON PAR RTOGS PA'I RIM PA LA GNYIS LAS MDOR BSTAN PA NI DANG PO KHO NAR BDEN PA MNGON PAR RTOGS PAR 'DOD PAS RNAM PAR MI G-YENG BA'I RGYU SO SOR THAR PA RIS BDUN GYI TSUL KHRIMS GANG YANG RUNG BA LA GNAS TE, MI RMONGS PA'I RGYU BDEN MTHONG BA DANG MTHUN PA'I THOS PA LA BRTZON PAR BYED PA DANG, DE NAS GTAN LA PHEBS PA'I RGYU DE'I DON PHYIN CI MA LOG PAR SEMS PAR BYED DO, , DON BSAM PA DANG LDAN PAS NI 'BRAL BA'I RGYU DON DE SGOM PA'I TING NGE 'DZIN LA RAB TU SBYOR BAR BYED PA YIN TE, MDO LAS, DGE SLONG RTUN CING RTAG 'GRUS PA, ,TSUL KHRIMS YANG DAG BLANGS BYAS NAS, , SEMS DANG SHES RAB SGOM BYED PAS, ,SDUG BSNGAL ZAD PA THOB PAR 'GYUR ZHES PA DANG, TSUL KHRIMS LA RTEN CING TSUL KHRIMS LA GNAS TE CHOS BSGOM PAR BYA'O ZHES PA DANG, BTZUN PA DGE SLONG MANG DU THOS PA ZHES BGYI NA JI LTAR NA MANG DU THOS PA LAGS, JI TZAM GYIS NA DE BZHIN GSHEGS PAS DGE SLONG MANG DU @559 THOS PAR 'DOGS PAR MDZAD, DGE SLONG DGE SLONG GIS PHUNG PO LNGA SKYOB DANG, 'DOD CHAGS DANG BRAL BA DANG, 'GOG PAR BYA BA'I PHYIR CHOS THOS PAR GYUR NA DGE SLONG MANG DU THOS PA ZHES BRJOD PAR NUS SO ZHES GSUNGS PA'I PHYIR RO, ,'O NA THOS BYUNG GI SHES RAB LA SOGS PA NYID GANG ZHE NA, BYE BRAG TU SMRA BA NI THOS PA LAS BYUNG BA'I BLO STE SHES RAB DANG, SOGS PAS BSDUS PA BSAM BYUNG DANG, ,SGOM BYUNG GI SHES RAB RNAMS NI RIM PA LTAR MING DANG, RES 'GA' YI GES DON 'DREN LA RES 'GA' DON GYIS YI GE 'DREN PAS MING DON GNYIS KA DANG, YI GE LA MI LTOS PAR DON LA 'JUG PAS DON KHO NA'I YUL CAN YIN TE, DPER NA RKYAL LEGS PAR MA LOBS PA DANG, CUNG ZAD LOBS PA DANG, LEGS PAR LOBS PA DAG SHING LEB LA SOGS PA'I 'JU BYA LA LTOS PA DANG, RES 'GA' LTOS RES 'GA' MI LTOS PA DANG, YE MI LTOS PA BZHIN NO ZHES 'DOD DO, ,SLOB DPON NI DE LTA NA MING LA DMIGS PA THOS BYUNG DANG DON LA DMIGS PA SGOM BYUNG YIN PA'I PHYIR (GNYIS PO LAS,) BSAM BYUNG MI 'GRUB PAR 'GYUR BAS BDAG RKYEN YID CHES PA'I LUNG DANG, RIGS PAS DPYAD PA DANG, TING NGE 'DZIN LA MNYAM PAR BZHAG PA LAS DON RTOGS PA NI RIM PA LTAR SHES RAB GSUM YIN NO ZHES 'CHAD DO, , RGYAS PAR BSHAD PA LA TSOGS LAM DANG, SBYOR LAM DANG, MTHONG LAM GSUM LAS DANG PO LA LAM SGOM PA PO NI GCIG PUR GNAS PAS LUS 'DU 'DZIN DANG, SEMS MI DGE BA LA SOGS PA NYON MONGS PA CAN GYI RNAM RTOG LAS BSRINGS PA GNYIS DANG LDAN PA ZHIG GIS BSGOM PAR BYA'O, ,BSRINGS PA GNYIS DANG LDAN PA DE YANG 'DOD PA CHUNG BA DANG CHOG SHES PA LA YIN GYI CHOG MI SHES PA DANG 'DOD CHEN CAN LA NI MA YIN NO, ,GNYIS PO DE YANG GANG ZHE NA, CHOS MNGON PA BA RNAMS NA RE CHOS GOS LA SOGS PA GYA NOM PA RNYED PA LA YANG DANG YANG DU SRED CING 'DOD PA NI CHOG MI SHES PA YIN LA, DE DAG MA RNYED PA LA 'DOD PA NI 'DOD CHEN CAN YIN NO ZHES ZER TE, CHOS GOS LA SOGS PA LA YANG DANG YANG DU SRED PA DE YANG MA RNYED PA KHO NA LA YIN PA'I PHYIR DE YANG 'DOD CHEN CAN DU THAL BAR 'GYUR BAS DES NA NGAN NYUNG RNYED PAS YID MI BDE BA NI CHOG MI SHES PA DANG, BZANG MANG MA RNYED PA LA 'DOD PA NI 'DOD CHEN CAN YIN NO ZHES SLOB DPON 'CHAD DO, ,YANG NA SNGON MA RNYED PA LA 'DOD PA NI 'DOD CHEN PA YIN LA, RNYED PA NA DE BAS BZANG MANG 'DOD PA NI CHOG MI SHES PA YIN NO, ,CHOG MI SHES PA DANG 'DOD CHEN LAS BZLOG PA NI DE GNYIS PO'I GNYEN PO CHOG SHES PA DANG 'DOD CHUNG DAG YIN NO, ,GNYEN PO 'DOD CHUNG CHOG SHES DE GNYIS NI 'DOD PA LA SOGS PA'I KHAMS GSUM DU GTOGS PA DANG DRI MA MED PA DAG YIN LA, @560 CHOG MI SHES PA DANG 'DOD PA CHE BA NI CHAGS PA MI DGE BA YIN PAS 'DOD KHAMS PA YIN NO, ,'DOD CHUNG CHOG SHES DE DAG GI NGO BO NI MA CHAGS PA'I DGE BA DAG YIN NO, ,MA CHAGS PA DE DAG NI 'PHAGS PA RNAMS KYI RIGS YIN TE, DE DAG LAS 'PHAGS PA RNAMS SKYE BA'I PHYIR RO, ,'PHAGS PA'I RIGS DE YANG DBYE NA MDO LAS, 'PHAGS PA'I RIGS NI BZHI STE, CHOS GOS LA MA CHAGS PA DANG, BSOD SNYOMS LA MA CHAGS PA DANG, MAL CHA DANG STAN LA MA CHAGS PA DANG, SPONG BA DANG BSGOM PA LA DGA' BA'O ZHES GANG GSUNGS PA DE DAG LAS DANG PO GSUM NI CHOG SHES PA'I BDAG NYID DO, , GAL TE 'PHAGS PA'I RIGS BZHI PA JI LTAR NA MA CHAGS PA'I RANG BZHIN YIN TE, CHOG SHES PA'I NGO BO MA YIN PA'I PHYIR RO ZHE NA, BZHI PA'ANG 'DOD PA DANG SRID PA LA RGYAB KYIS PHYOGS PA'I PHYIR MA CHAGS PA YIN TE, SPONG BA NI 'GOG PA DANG BSGOM PA NI LAM YIN LA DE DAG LA DGA' BA NI MA CHAGS PA DANG, MTSUNGS LDAN GYI DAD PA NYID YIN NO, ,'O NA 'PHAGS PA'I RIGS BZHIS CI ZHIG BSTAN ZHE NA, DE LA DANG PO GSUM GYIS NI THAR PA SGRUB PAR BYED PA'I KUN TU SPYOD PA'I TSUL BSTAN LA, THA MAS NI BYA BA'I LAS BSTAN TE, DE LTAR NA MDO LAS, RANG GI TSUL DANG LAS KYI MTHA' YONGS SU SPANGS SHING THAR PA DON DU GNYER BAR KHAS 'CHES PA'I SLOB MA RNAMS LA TSUL DANG LAS GNYIS BCAS TE, 'PHAGS PA'I RIGS DANG PO GSUM GYIS NI TSUL BCAS SO, ,BZHI PAS NI LAS BCAS TE, KHYED TSUL 'DIS LAS 'DI BYED NA RING POR MI THOGS PAR THAR PA THOB PAR 'GYUR RO ZHES GSUNGS PA'I PHYIR TSUL DANG LAS GNYIS 'PHAGS PA'I RIGS BZHIS BSTAN TE, GOS ZAS LA SOGS PA LA 'DOD PA CHE ZHING CHOG MI SHES PA'I RANG GI TSUL DANG, ZHING LAS DANG NYO TSONG LA SOGS PA'I LAS KYI MTHA' NGAN PA DE DAG SPANGS NAS YANG DAG PA'I TSUL DANG LAS 'DOD PA CHUNG ZHING CHOG SHES PA DANG, SPONG BSGOM LA DGA' ZHING BRTZON PAS THAR PA 'THOB PAR 'GYUR BA'O, , DGOS PA CI'I PHYIR TSUL DANG LAS 'DI LTA BU BCAS SHE NA, MDO LAS, SRED PA SKYE BA BZHI GSUNGS PA'I GNYEN PO'I PHYIR 'PHAGS PA'I RIGS BZHI BSTAN TE, MDO LAS, DGE SLONG SRED PA SKYE NA CHOS GOS KYI PHYIR DANG, BSOD SNYOMS KYI PHYIR DANG, MAL CHA DANG STAN GYI PHYIR SKYE'O, ,GNAS PA NA GNAS SO, ,MNGON PAR ZHEN PA NA MNGON PAR ZHEN TO, ,DGE SLONG SRED PA SKYE BA NA 'BYUNG BA DANG 'JIG PA STE DE LTA BU'I PHYIR SKYE'O ZHES GSUNGS TE, DE LA SRED PA SKYE BA NI DANG POR RO, ,GNAS PA NI RGYUN GNAS PA'O, ,MNGON PAR ZHEN PA NI SPANG DKA' BAS DAM DU 'DZIN PA'O, ,'BYUNG BA DANG 'JIG PA DE LTAR @561 BU'I PHYIR SRED PA SKYE BA DANG GNAS PA DANG MNGON PAR ZHEN PA NI KYE MA BDAG DBANG PO DANG 'KHOR LOS BSGYUR BAR GYUR KYANG CI MA RUNG SNYAM PA LA SOGS PA 'BYUNG BA LA SRED PA SKYE BA LA CHAGS PA DANG, NGAN PAS 'JIGS NAS KYE MA BDAG SHI YANG CI MA RUNG, MED PA DANG MA BYUNG YANG CI MA RUNG SNYAM PA LA SOGS PA 'JIG PA LA SRED PA STE CHAD PA LA CHAGS PA'O, ,DE LA 'BYUNG 'JIG LA SRED PA'I GNYEN POR NI THA MA BSTAN LA, SNGA MA DAG NI RANG RANG GI GNYEN POR RO, ,YANG NA BDAG GIR 'DZIN PA'I DNGOS PO CHOS GOS LA SOGS PA GSUM 'DOD PA'I SRED PA DE'I DUS SU ZHI BAR BYA BA'I PHYIR DANG PO GSUM BSTAN LA, BDAG TU 'DZIN PA'I DNGOS PO LUS LA 'DOD CING SRED PA DANG BDAG GIR 'DZIN PA'I DNGOS PO CHOS GOS LA SOGS PA 'DOD PA GNYIS KA GTAN DU ZHI BAR BYA BA'I PHYIR RIGS BZHI PA BSTAN PA YIN TE, DE LA DE'I DUS SU ZHI BA NI RE ZHIG SPONG BA YIN LA, GTAN DU ZHI BA NI YE MI SKYE BAR BYED PA'O, , GNYIS PA BSGOM BYA'I LAM LA ZHI GNAS NI SNOD DU RUNG BA'I SGOM PA POS BSGOM PA DE LA 'JUG PA NI GANG NAS 'JUG PA'I MTHA' TSOGS LAM YIN LA, DE LA'ANG ZHI GNAS BSGRUB PA'I PHYIR 'DOD CHAGS LHAG PAR SPYOD PA'I GNYEN POR MI SDUG PA DANG, RNAM PAR RTOG PA LHAG PAR SPYOD PA RNAMS KYI GNYEN POR DBUGS TE LUS KYI RLUNG NANG DU RNGUB PA DANG DBUGS PHYIR 'BYUNG BA DRAN PA YIS 'JUG CING SGOM PAR BYED DO, ,DE DAG SO SOR 'JUG PA CI STE ZHE NA, DBUGS RNGUB PA DANG 'BYUNG BA RJES SU DRAN PA NI RLUNG LA KHA DOG DANG DBYIBS SNA TSOGS MED CING KHA NANG DU BLTAS PAS DMIGS PA GCIG LA 'JUG PA'I PHYIR RNAM RTOG GI GNYEN PO BYED LA, MI SDUG PA NI DMIGS PA KHA DOG DANG DBYIBS KYI BYE BRAG SNA TSOGS LA 'JUG CING KHA PHYIR BLTAS PA'I PHYIR RNAM RTOG 'DREN PAS RNAM RTOG GI GNYEN PO MI BYED KYI 'ON KYANG 'DOD CHAGS KYI GNYEN PO BYED DE, MDO LAS, DGE SLONG SLOB PA GZHON PA'I RABS, ,SEMS MA BYUNG BA GANG ZHIG NI, ,GAL TE 'DOD CHAGS 'JOMS 'DOD NA, ,DES NI DUR KHROD 'GRO BAR GYIS, ,DE NAS RNAM PAR SNGOS PA LTOS, ,DE NAS RNAM PAR RNAGS PA LTOS, ,DE NAS RNAM BAM RUS PA YIS, ,RUS GONG LA SOGS BLTA BAR GYIS ZHES GSUNGS PA'I PHYIR RO, ,KHA CIG NA RE, MI SDUG PA NI MIG GI YUL LA NYE BAR RTOG PAS KHA PHYIR BLTAS PA'I PHYIR RNAM RTOG GI GNYEN PO MA YIN LA, DBUGS 'BYUNG RNGUB RJES SU DRAN PA NI KHA NANG DU BLTAS PA'I PHYIR RNAM RTOG GI GNYEN PO YIN NO ZHES ZER RO, ,'O NA MI SDUG PAS JI LTAR 'DOD CHAGS KYI GNYEN PO BYED CE NA, 'DOD CHAGS NI BZHI STE, KHA DOG DANG, DBYIBS DANG, REG PA DANG, BSNYEN BKUR GYI 'DOD CHAGS SO, ,DE LA DANG PO'I GNYEN POR NI RNAM PAR SNGOS PA @562 DANG, RNAM PAR RNAGS PA DANG, RNAM PAR DMAR BA GSUM LA DMIGS NAS MI SDUG PA'I 'DU SHES SGOM PAR BYED DO, ,GNYIS PA'I GNYEN POR NI RNAM PAR ZOS PA DANG RNAM PAR 'THOR BA GNYIS LA DMIGS NAS MI SDUG PA'I 'DU SHES SGOM PAR BYED DO, ,GSUM PA'I GNYEN POR NI RNAM PAR 'BUS GZHIGS PA DANG, RGYUS PAS BRANG BRENG DU SBREL BA'I KENG RUS GNYIS LA DMIGS NAS MI SDUG PA'I 'DU SHES SGOM PAR BYED DO, ,BZHI PA'I GNYEN POR NI SHI BA'I RO G-YO BA MED PA LA DMIGS NAS MI SDUG PA'I 'DU SHES SGOM PAR BYED DO, ,BYE BRAG MED PAR KANG RUS KYI 'DU SHES NI CHAGS BCAS THAMS CAD LA SHIS SHING BSNGAGS PAS THAMS CAD KYI GNYEN POR SGOM PAR BYED DO, ,KENG RUS LA KHA DOG LA SOGS PA CHAGS PA'I GZHI RNAM PA BZHI MED PA'I PHYIR RO, ,DE LTAR NA MI SDUG PA'I 'DU SHES NI RNAM PA DGU'O, , DE LA MI SDUG PA SGOM PA 'DI NI SGRO BTAGS NAS MOS PA YOD LA BYED PA'I PHYIR DANG, (GZUGS PHUNG GI PHYOGS GCIG) KHA DOG DANG DBYIBS NYI TSO LA DMIGS PA'I PHYIR NYON MONGS PA RNAM PAR GNON PA TZAM YIN GYI GTAN NAS SPONG BA NI MA YIN NO, ,MI SDUG PA BSGOM PA'I RNAL 'BYOR DE NI RNAM PA GSUM DU RIG PAR BYA STE, LAS DANG PO PA DANG, YONGS SU SBYANG BA BYAS PA DANG, YID LA BYED PA YONGS SU RDZOGS PA'I RNAL 'BYOR RO, ,DE LA RANG GI LUS KYI RKANG PA'I MTHE BONG NGAM DPRAL BA'I DBYES LA SOGS PA GANG MOS PA NAS SHA 'THEB GANG MYAGS TE BOG NAS RUS PA NYID DU SEMS SHING GOMS PAR BYED LA, DE NAS RIM GYIS (RANG GI) LUS RIL PO DANG, GNAS KHANG DANG, MTHAR GYIS PHYI'I RGYA MTSO'I BAR DU (GANG RUS SU) SPRO ZHING, (YUN RING DU SGOM) YANG (DMIGS PA MTHA' NAS) RIM GYIS RANG GI LUS 'BA' ZHIG RUS PA YIN PA LA (SEMS) SDUD (NAS SGOM) PAS NI LAS DANG PO PA'I RNAL 'BYOR RO, ,DE NAS (SPROS SNGAR BZHIN LA,) SEMS BSDU BA KHYAD PAR DU BYA BA'I PHYIR RKANG PA'I RUS PA RNAMS BOR ZHING LUS LHAG MA RUS PA NYID DU DMIGS PA NAS BZUNG NAS NI RIM GYIS LUS BYED DANG DE NAS THOD PA'I PHYED KYI BAR DU RUS PAR BTANG ZHING BOR NAS THOD PA'I PHYED RUS PA NYID YIN PA LA SEMS 'DZIN PAS NI YONGS SU SBYANG BA BYAS PA'I RNAL 'BYOR YIN PAR BSHAD DO, ,DE THOD PA PHYED KYANG RUS PA YIN PA'I DMIGS PA BOR NAS (SNGAR BZHIN SPROS NAS SPYAD PA NA,) SMIN MA GNYIS PO'I BAR DU RUS PAR 'THEB GANG TZAM LA SEMS 'DZIN PAS NI YID LA BYED PA YONGS SU RDZOGS PA'I RNAL 'BYOR YIN NO ZHES BYE BRAG TU SMRA BA 'CHAD DO, ,(DE'I CHOS KYI KHYAD PAR LA,) MI SDUG PA'I RNAM PAR YID LA BYED PA 'DI'I NGO BO NI MA CHAGS PA'I DGE BA DANG 'KHOR DANG BCAS NA PHUNG PO LNGA'AM BZHI YIN NO, ,SA NI BSAM GTAN GYI DNGOS GZHI BZHI KHYAD PAR CAN NYER @563 BSNGOGS BZHI DANG BCAS PAS DGU 'DOD PA STE BCU DANG, DMIGS PA NI 'DOD PA'I SNANG BA'I CHOS KHA DOG DANG DBYIBS LA DMIGS PA'O, ,GANG ZAG NI GLING GSUM GYI MI KHO NAS SKYED DO, ,GZHAN NA NI MED DE, BYANG GI SGRA MI SNYAN PA NI BLUN PA'I PHYIR DANG, GNYEN PO YID LA BYED PA MED PA'I PHYIR RO, , 'GRO BA GZHAN DANG KHAMS GZHAN NA'ANG MED DO, ,(DE YANG NI LHA DBANG RTUL GYIS BDEN PA MI RTOGS LA DBANG RNON 'DI MI SGOM PAS SO,,) RNAM PA NI MI SDUG PA'I RNAM PA YIN NO, ,DUS NI 'DAS PA'I MI SDUG PA 'DAS PA LA DMIGS PA LA SOGS PA'O, ,MI SKYE BA'I CHOS CAN NI DUS GSUM LA DMIGS PA'O, ,MOS PA YID LA BYED PA KHO NA'I PHYIR ZAG BCAS YIN NO, ,(THOG MED NAS) SNGAR 'DRIS PA ('I BYIS PA) RNAMS KYIS NI ('DOD PA LAS) 'DOD CHAGS DANG BRAL BA TZAM GYIS ('DI 'DOD CHAGS DANG BRAL LAM YIN PA'I PHYIR) 'THOB LA, SNGAR MA 'DRIS PA ('I 'PHAGS PA) RNAMS GYIS NI SBYOR BA'I STOBS KYIS 'THOB BO, , (BSAM GTAN THOB KYANG 'DI SBYOR BAS BSKYED DGOS SO,) DBUGS RNGUB PA DANG DBUGS 'BYUNG BA RJES SU DRAN PA'I RANG BZHIN NI 'BYUNG RNGUB JI LTA BAR SHES PA'I SHES RAB YIN NO, ,DE LA DRAN PA ZHES BRJOD PA NI RGYU DRAN PA'I STOBS KYIS 'BRAS BU SHES RAB DE SKYED CING 'JUG PAS NA RGYU'I MING GIS 'BRAS BU LA BTAGS PA STE DRAN PA NYER GZHAG BZHIN NO, ,(DE'I KHYAD PAR GYI CHOS LA,) SA NI LNGA PA YIN TE, BSAM GTAN DANG PO GSUM GYI NYER BSDOGS GSUM DANG BSAM GTAN KHYAD PAR CAN DANG, 'DOD PA'I SA PA YIN PA'I PHYIR TE, 'DI NI RNAM RTOG GI GNYEN PO DANG MTHUN PAS TSOR BA BTANG SNYOMS DANG MTSUNGS PAR LDAN PA'I PHYIR DANG, (NYER BSDOGS GSUM YANG BTANG SNYOMS KYI SA PA YIN PA'I PHYIR DANG,) DNGOS GZHI DANG PO GSUM NA YID BDE DANG BDE BA YOD PA'I PHYIR DANG, RNAM RTOG GI GNYEN PO DBUGS 'BYUNG RNGUB DRAN PA NI TSOR BA BDE SDUG DANG MTSUNGS PAR MI LDAN PA'I PHYIR DANG, BZHI PA YAN CHAD NA RLUNG RGYU BA DANG BRAL BA'I PHYIR RO, , KHA CIG NI DNGOS GZHI DANG PO GSUM LA MNYAM PAR BZHAG PA NA BTANG SNYOMS DANG MTSUNGS PAR LDAN PA'ANG SRID PAS SA BRGYAD PA YIN NO ZHES 'DOD DO, ,DE'I SPYOD YUL TE DMIGS PA NI RLUNG YIN NO,, SNGAR 'DRIS PA DANG MA 'DRIS PA'I PHYIR (RIM PA LTAR) 'DOD CHAGS DANG BRAL BA DANG SBYOR BAS 'THOB LA 'DI NI DE KHO NA YID LA BYED PA'ANG YIN NO, ,'DOD KHAMS PA'I RTEN CAN YIN TE, RNAM PAR RTOG PA MANG BA'I PHYIR RO, ,DE YANG BLO GSAL BAS LHA DANG GLING GSUM GYI MI YIN TE, ('GRO BA) GZHAN (DANG SGRA MI SNYAN PA,) DAG NI BLO MI GSAL BA DANG MTHONG LAM GYI RTEN MA YIN PA'I PHYIR RO, ,DBUGS RNGUB PA @564 DANG 'BYUNG BA DRAN PA 'DI NI CHOS 'DI PA KHO NA'I YIN GYI ('PHAGS LAM GYI RGYU,) YANG DAG PAR STON PA'I LUNG MED PA'I PHYIR DANG, (LUNG MED PAR) RANG NYID KYIS CHOS ZAB MO MI RTOGS PA'I PHYIR PHYI PA MU STEGS PA'I NI MA YIN NO,, ZAB MO NYID (DRUG) GANG ZHE NA, BGRANG BA DANG, SOGS PAS BZUNG BA RJES SU 'GRO BA DANG, 'JOG PA DANG, NYE BAR RTOG PA DANG, BSGYUR BA DANG, YONGS SU DAG PA STE RGYU RNAM PA DRUG DANG LDAN PA'I MAN NGAG GO ,DE LA BGRANG BA NI ('DU BYA BA MED PAR LUS SEMS RNAL DU 'DUG STE,) DBUGS RNGUB PA DANG 'GYUR BA DAG LA SEMS GTAD NAS GCIG NAS BCU'I BAR DU YID KYIS BGANG BA'O, ,DE LAS NYUNGS NA BYING BA DANG MANGS NA RGOD PAR DOGS PA'I PHYIR MI BGRANG NGO, ,DE YANG GNYIS LA GCIG TU 'DZIN NA MA TSANG BAR BGRANGS PA DANG, GCIG LA GNYIS SU 'DZIN NA LHAG PAR BGRANGS PA DANG, RNGUB PA LA 'BYUNG BA DANG 'BYUNG BA LA RNGUB PAR BGRANGS NA 'CHOL PAR BGRANGS PA'I SKYON GSUM DANG BRAL BAR BGRANG BA NI YANG DAG PAR BGRANG BA'O, ,RJES SU 'GRO BA NI 'DI DAG 'JUG PA NA LKOG MA DANG SNYING KHA DANG LTE BA DANG RKED PA DANG BRLA DANG BYIN PA DANG RKANG MTHIL DANG SA LA STOBS CHE CHUNG GIS 'DOM GANG DANG MTHO GANG GI BAR DU RIM GYIS 'JUG GO ,'BYUNG BA NA NI RKANG PA'I MTHIL NAS RIM GYIS SNA'I BU GA NAS STOBS CHUNG NA MTHO GANG DANG CHE NA 'DOM GANG GI BAR DU 'BYUNG NGO ZHES SHES PAR BYA'O, ,KHA CIG NA RE 'JUG PA NA RLUNG GI DKYIL 'KHOR DANG 'BYUNG BA NA RNAM PAR 'THOR BYED RLUNG GI BAR DU'O ZHES ZER BA NI MA YIN TE, 'DI NI DE KHO NA NYID YID LA BYED PA YIN PA NA DE NI MI SRID PA'I PHYIR RO, , 'JOG PA NI NOR BU'I THAG PA BZHIN DU SNA'I RTZE MO NAS RKANG PA'I MTHIL GYI BAR DU GNAS PAR LTA ZHING LUS LA PHAN 'DOGS PA'AM, GNOD PA'AM, GRANG BA'AM, DRO BA DAG CES RTOG PA'O, ,NYE BAR RTOG PA NI DBUGS 'BYUNG RNGUB 'DI DAG RLUNG 'BA' ZHIG NI MA YIN GYI 'ON KYANG 'BYUNG BA DANG 'BYUNG GYUR GYI GZUGS RDZAS BRGYAD KYI RANG BZHIN YIN LA, DE LA RTEN PA'I SEMS SEMS BYUNG GI CHOS DANG BCAS NA PHUNG PO LNGA BA YIN NO ZHES NYE BAR RTOG PA'O, ,BSGYUR BA NI RLUNG LA DMIGS PA'I BLO BSGYUR NAS DRO BA NAS CHOS MCHOG GI BAR DU GONG NAS GONG DU DGE BA'I RTZA BA RNAMS LA YANG DAG PAR SBYOR BA'O, , YONGS SU DAG PA NI MTHONG SGOM GYI LAM LA 'JUG PA'O, ,KHA CIG NA RE BSGYUR BA NI DRAN PA NYE GZHAG NAS RDO RJE LTA BU'I TING NGE 'DZIN GYI BAR DU YIN LA, YONGS SU DAG PA NI ZAD PA DANG MI SKYE BA SHES PA DANG MI SLOB PA'I YANG DAG PA'I LTA BA YIN NO, ,(BSLAB PA NI DRI MA LHAG MA DANG BCAS PA'O, ,) ZHES @565 ZER RO, ,DE NYID KYI PHYIR SLOB DPON GYIS 'GREL PAR, DBUGS RNGUB DBUGS 'BYUNG DRAN PA NI, , BGRANG DANG RJES 'GRO 'JOG PA DANG, ,RTOG PA DANG NI BSGYUR BA DANG, ,YONGS DAG RNAM PA DRUG TU 'DOD CES BSDU BA'I TSIGS BCAD MDZAD PA YIN NO, ,DBUGS RNGUB PA DANG DBUGS 'BYUNG BA SA GANG LAS YIN ZHE NA, LUS KYI PHYOGS GCIG YIN PA'I PHYIR SEMS GANG LA RTEN PA'I LUS SA GANG YIN PA DE'I SA PAR RIG PAR BYA STE, 'DOD PA'I SEMS LA RTEN NA 'DOD PA'I SA PA YIN LA BSAM GTAN DANG PO LA RTEN NA BSAM GTAN DANG PO'I SA PA NAS GSUM PA LA RTEN NA GSUM PA'I SA PA'I RLUNG YIN PA'I BAR DU'O, , BSAM GTAN BZHI PA NA RLUNG RGYU BA MED PA'I PHYIR DE'I SA PA MA YIN NO, ,YANG LUS SEMS KHYAD PAR CAN SBUBS DANG BCAS PA DANG SEMS DANG BCAS PA LA RTEN PAS NUR NUR PO LA SOGS PA DANG SEMS MED PA DANG GZUGS MED PA RNAMS LA NI MA YIN NO, ,SKYE BA DANG BSAM GTAN BZHI PA LAS LDANG BA NA RLUNG 'JUG PA KHO NA DANG, 'CHI BA DANG BSAM GTAN BZHI PA LA SNYOMS PAR 'JUG PA NA RLUNG 'BYUNG BA KHO NA YIN NO, ,(MI SDUG PA DANG) DBUGS RNGUB PA DANG 'BYUNG BA NI SEMS CAN ZHES BYA BA'I GRANGS SU GTOGS KYI RGYUD KYIS MA BSDUS PA NI MA YIN (TE THOB MTHONG DANG LDAN PA'I PHYIR RO,,) 'ON KYANG DBANG PO DANG THA DAD PAR 'JUG PAS NA SEMS KYIS MA ZAN PA ZHES BYA'O, ,RLUNG DE DAG SKAL MNYAM GYI RGYUS BSKYED PAS RGYU MTHUN PA LAS BYUNG BA YIN GYI RNAM SMIN DANG RGYAS PAS BYUNG BA NI MA YIN NO, ,CHAD NAS MTSAMS SBYOR BA'I PHYIR DANG, RNAM SMIN GYI GZUGS LA NI CHAD NAS MTSAMS SBYOR BA MED PA'I PHYIR DANG, LUS RGYAS PA NA RLUNG 'GRIB PA'I PHYIR RO, , DE'I PHYIR 'GREL PA LAS, LUS RGYAS PAS RLUNG 'GRIB PAR 'GYUR BA'I PHYIR RGYAS PA LAS BYUNG BA MA YIN NO, ,DBUGS RNGUB PA DANG 'BYUNG BA RNAMS CHAD NAS YANG NYING MTSAMS SBYOR BA'I PHYIR RNAM PAR SMIN PA LAS SKYES PA MA YIN NO, ,RNAM PAR SMIN PA'I GZUGS LA NI DE LTA BU MED DO ZHES 'BYUNG BA LA t'I KA BYED DAG GIS KYANG RNAM PAR SMIN PA'I BDAG NYID KYI GZUGS MIG LA SOGS PA LA NI YANG NYING MTSAMS SBYOR BA 'DI MED KYI, SEMS DANG SEMS LAS BYUNG BA LA NI YANG NYING MTSAMS SBYOR BA MI BZLOG GO ZHES SEMS DANG SEMS BYUNG NI RNAM SMIN SKYES YIN KYANG CHAD NAS YANG MTSAMS SBYOR BA LA 'GAL BA MED PAR BSHAD DO, ,DE BZHIN DU MI LDAN PA'I 'DU BYED RNAM SMIN SKYES KYANG GZUGS DANG 'DRA BAR MNGON NO, ,RLUNG DE GNYIS KYANG RANG GIS PA DANG SA GONG MA'I SEMS KYIS RTOGS KYI 'OG MA'I YID KYIS NI RLUNG DE GNYIS MI RTOGS SO, ,GONG MA'I LUS LA 'OG MA'I SEMS JI LTAR 'BYUNG ZHE NA, 'DOD PA NAS BSAM @566 GTAN BZHI PA'I BAR DUS GONG MA THOB PA'I LUS LA 'OG MA 'DOD PA LA SOGS PA'I SPRUL SEMS DANG SPYOD LAM PA'I SEMS GNYIS 'BYUNG BAR 'DOD DE, DE GNYIS KYIS MI RTOGS SO ZHES BYA BA'I DON TO, , (DE GNYIS KYIS KYANG MI RTOGS NA NYON MONGS CAN GYIS LTA CI SMOS ZHES PA'O, ,DE LA MI SDUG PA DANG DBUGS DRAN PA NI LAM LA 'JUG PA'I SGO YIN NO,,) GNYIS PA LHAG MTHONG BSKYED PA NI DE LTAR 'JUG PA'I SGO GNYIS KYIS ZHI GNAS KYI TING NGE 'DZIN GRUB KYANG LHAG MTHONG GI SHES RAB MED NA NYON MONGS PA RNAMS RTZA BA NAS MI SPONG STE, MDO LAS, NYON MONGS PA RNAMS NI YE SHES KYIS GZHOM PAR BYA BA YIN NO ZHES 'BYUNG BA'I PHYIR RO, ,(ZHI GNAS SEMS GNAS PA'I THABS DGU NI SEMS MI GNAS PA GNAS PA'I THABS GSUM GNAS PAR BRTAN PAR BYED PA'I THABS GSUM BRTAN PA'I 'BRAS BU LA DBANG BSGYUR BA'I THABS GSUM MO, ,DE LA DANG PO'I GSUM NI SEMS 'JOG PA DANG, RGYUN DU 'JOG PA DANG, NGES PAR 'JOG PA STE, MDO SDE'I RGYAN LAS, DMIGS PA LA NI SEMS GTAD NAS ZHES DANG, DE'I RGYUN RNAM PAR G-YENG MI BYA ZHES DANG, RNAM G-YENG MYUR DU RTOGS BYAS NAS, ,DE LA SLAR NI GLAN PAR BYA ZHES PAS RIM PA LTAR BSTAN TE, DANG POR DMIGS PA LA SEMS RTZE GCIG TU GTOD PA DANG, MI 'PHRO BAR 'DZIN PA DANG, SHOR NA LDON PA'O, ,GNYIS PA'I GSUM NI NYE BAR 'JOG PA DANG, 'DUL BAR BYED PA DANG, ZHI BAR BYED PA STE, DE NYID LAS, BLO LDAN GONG NAS GONG DU YANG, , SEMS NI NANG DU BSDU BAR BYA ZHES DANG, DE NAS YON TAN MTHONG BA'I PHYIR, ,TING NGE 'DZIN LA SEMS 'DUL LO ZHES DANG, RNAM G-YENG NYES PA MTHONG BA'I PHYIR, DE LA MI DGA' ZHI BAR BYA ZHES PAS RIM PA LTAR BSTAN TE, SEMS GNAS PA STE BRTAN PAR BYED PA DANG, 'DUL BA'I YON TAN MTHONG BAS BRTAN PA NUS PA MTHU CAN DU BYED PA DANG, RNAM G-YENG GI NYES PA MTHONG BAS G-YENG BA'I RKYEN GYIS MI 'PHROGS PAR BYED PA'O, ,GSUM PA'I GSUM NI NYE BAR ZHI BAR BYED PA DANG, RGYUD GCIG TU BYED PA DANG, MNYAM PAR 'JOG PAR BYED PA STE, DE NYID LAS, BRNAB SEMS YID MI BDE LA SOGS, LANGS PA DE BZHIN ZHI BAR BYA ZHES PA DANG, DE NAS SDOM BRTZON CAN GYIS NI, ,SEMS LA MNGON PAR 'DU BYED BCAS, ,RANG GI DANG GIS 'BYUNG BA 'THOB CES PA DANG, DE GOMS PA LAS 'DU MO BYED CES PAS RIM PA LTAR BSTAN TE, G-YENG BA'I RGYU CAN GYIS NYE NYON RNAMS ZHI BA DANG, RTZOL PA DANG BCAS PAS RANG GI SEMS LA DBANG THOB PA DANG, 'BAD RTZOL MED PAR RANG GI SEMS LA DBANG THOB PA'O, ,SPYOD 'JUG LAS KYANG, ZHI GNAS RAB TU LDAN PA'I LHAG MTHONG GIS, ,NYON MONGS RNAM PAR 'JOMS PAR @567 SHES BYAS NAS, ,THOG MAR ZHI GNAS BTZAL BYA DE YANG NI, ,'JIG RTEN CHAGS PA MED LA MNGON DAGS 'GRUB CES GSUNGS PAS,) DE'I PHYIR ZHI GNAS GRUB PAR GYUR PA YIS NYON MONGS RTZA BA NAS SPANG ZHING LHAG MTHONG GI SHES RAB SKYED PA'I PHYIR DRAN PA NYE BAR BZHAG PA BZHI BSGOM PAR BYA'O, ,DE LA DRAN PA NYER GZHAG BSGOM PAS LHAG MTHONG 'GRUB PAR YANG MDO LAS, DGE SLONG DAG BGROD PA GCIG PA'I LAM NI 'DI YIN NO, ,'DI LTA STE DRAN PA NYE BAR BZHAG PA RNAMS SO, ,DGE BA'I PHUNG PO MA 'DRES PA NI 'DI YIN TE, 'DI LTA STE DRAN PA NYE BAR BZHAG PA BZHI'O ZHES 'BYUNG BA'I PHYIR RO, ,JI LTAR BSGOM ZHE NA, LUS GZUGS KYI PHUNG PO DANG, TSOR BA'I PHUNG PO DANG, SEMS RNAM SHES TSOGS DRUG DANG, CHOS 'DU SHES DANG 'DU BYED DANG 'DUS MA BYAS RNAMS LA RIM PA LTAR 'BYUNG BA DANG 'BYUNG GYUR RAM GZUGS SU RUNG BA DANG, RANG STOBS KYIS DON GYI KHYAD PAR MYONG BA DANG, RANG STOBS KYIS DON GYI NGO BO TZAM MYONG BA DANG, MTSAN MAR 'DZIN PA LA SOGS PA RANG GI MTSAN NYID DANG, 'DUS BYAS THAMS CAD MI RTAG PA DANG, ZAG BCAS THAMS CAD SDUG BSNGAL BA DANG, CHOS THAMS CAD STONG PA DANG, BDAG MED PA STE SPYI'I MTSAN NYID GNYIS SU YONGS SU BRTAGS PAS BSGOM PAR BYA'O, , DE LA DRAN PA NYER GZHAG NI DBYE NA RANG BZHIN DANG, 'BREL BA DANG, DMIGS PA'I DRAN PA NYER GZHAG GSUM LAS DANG PO'I NGO BO NI SHES RAB YIN NO, ,DE YANG THOS PA LAS BYUNG BA LA SOGS PA SBYOR BA LAS BYUNG BA YIN GYI SKYE BAS THOB PA TZAM NI MA YIN NO, ,SHES RAB DRAN PA NYE BAR BZHAG PAR JI LTAR 'GYUR ZHE NA, BYE BRAG TU SMRA BA NA RE DRAN PA'I STOBS BSKYED PAS SHES RAB DE DAG SKYED CING 'JUG PA'I PHYIR DRAN PA NYE BAR BZHAG PA STE RGYUS 'BRAS BU LA BTAGS PA'I PHYIR RO ZHES 'CHAD DO, ,SLOB DPON NI SHES RAB 'DIS DRAN PA NYE BAR 'JOG PA'I PHYIR DRAN PA NYE BAR BZHAG PA STE 'BRAS BUS RGYU LA BTAGS PA'I PHYIR RO ZHES 'CHAD DO, ,DE DAG KYANG DBYE NA MDO LAS, NANG GI LUS DANG PHYI'I LUS DANG PHYI NANG GI LUS LA LUS KYI RJES SU LTA ZHING GNAS SO ZHES BYA BA LA SOGS PA GSUNGS PAS GSUM GSUM DU 'GYUR TE, DE LA NANG GI LUS LA SOGS PA NI RIM PA LTAR RANG DANG, PHYI SNOD DANG, GZHAN RGYUD KYI GZUGS SO, ,PHYI'I TSOR BA LA SOGS PA NI PHYI LA SOGS PA LA DMIGS PA'I TSOR BA LA SOGS PA'O, , RJES SU LTA BA NI LHAG MTHONG DANG GNAS PA NI ZHI GNAS YIN PAR SHES PAR BYA'O, ,YANG NA NANG GI LUS LA SOGS PA NI RIM PA LTAR RANG GI NANG GI SKYE MCHED GZUGS CAN DANG RANG GI PHYI'I SKYE MCHED GZUGS CAN DANG, PHYI SNOD DANG, GZHAN RGYUD KYI NANG GI SKYE MCHED GZUGS CAN DANG RANG GI NANG GI SKYE MCHED @568 GZUGS CAN GYI TSOGS PA NA YOD PA'I PHYI'I SKYE MCHED RNAMS YIN LA, TSOR BA LA SOGS PA GSUM NI LUS GSUM PO DE DAG LA BRTEN NAS 'BYUNG BA RNAMS SO ZHES SLOB DPON THOGS MED KYIS BSHAD DO, ,RANG BZHIN DRAN PA NYER GZHAG LAS GZHAN NI SHES RAB DE DANG MTSUNGS PAR LDAN PA'I SEMS SEMS BYUNG RNAMS 'BREL BA DRAN PA NYER GZHAG DANG, SNGA MA GNYIS PO DE DAG GI DMIGS PA'I YUL DU GYUR PA LAS LUS LA SOGS PA BZHI LA'ANG YUL CAN GYIS BTAGS NAS DMIGS PA'I DRAN PA NYER GZHAG CES BYA'O, ,DE LA SHES RAB DANG DRAN PA NI DRAN PA NYER GZHAG GI NGO BO NYID DANG, 'BREL PA MTSUNGS LDAN GYI SEMS SEMS BYUNG RNAMS NI GROGS DANG, LUS LA SOGS PA NI DMIGS PA YIN NO ZHES KUN LAS BTUS LAS BSHAD DO, ,DRAN PA NYER GZHAG DE DAG GI RIM PA NI JI LTAR SKYE BA'I RIM PA BZHIN YIN TE, RAGS PA'I RIM PAS SNGAR RTOGS PA'I PHYIR RO ZHES BYE BRAG TU SMRA BA RNAMS 'DOD DO, ,SLOB DPON NI 'DOD PA'I 'DOD CHAGS KYI RTEN NI LUS YIN LA, DE YANG TSOR BA BDE BA 'DOD PA'I PHYIR DANG, DE YANG SEMS MA ZHI BA'I PHYIR DANG, DE YANG NYON MONGS PA'I CHOS MA SPANGS PA'I PHYIR RO ZHES 'JUG PA'I RIM PA LTAR BSTAN PAR BZHED DO, ,GRANGS NGES PA NI LUS LA GTZANG BA DANG, TSOR BA LA BDE BA DANG, SEMS LA RTAG PA DANG, CHOS LA BDAG TU 'DZIN PA'I PHYIN CI LOG GI RTOG PA BZHI'I GNYEN POR LUS LA SOGS PA DRAN PA NYER GZHAG BZHI BSTAN TO, , DBUS MTHA' LAS NI, GNAS NGAN LEN PHYIR SRED RGYU'I PHYIR, ,GZHI YI PHYIR DANG MA RMONGS PHYIR, , BDEN PA BZHI LA 'JUG BYA BAS, ,DRAN PA NYE BAR BZHAG PA BSGOM ZHES, BDEN BZHI LA 'JUG PAR BYA BA'I PHYIR DE DAG BSGOM PAR GSUNGS TE, DE LA LUS NI GNAS NGAN LEN 'DU BYED KYI SDUG BSNGAL DANG LDAN PA YIN PAS DE LA BRTAGS PAS SDUG BSNGAL GYI BDEN PA LA 'JUG LA, TSOR BA LA SRED PA'I RGYUR BRTAGS PAS KUN 'BYUNG GI BDEN PA LA 'JUG GO BDAG TU ZHEN PA'I GZHI SEMS YIN PAS DE LA BRTAGS PAS 'GOG BDEN LA 'JUG STE, BDAG CHAD PAR DOGS PA'I 'JIGS PA MED PA'I PHYIR RO, ,'DU SHES LA SOGS PA'I CHOS RNAMS LA SO SOR BRTAGS PAS LAM BDEN LA 'JUG STE, KUN NAS NYON MONGS DANG RNAM BYANG GI CHOS RNAMS LA RMONGS PA MED PA'I PHYIR RO, ,DE LTAR NA DE DAG GIS NI DGOS PA'ANG BSTAN TO, ,DE LA DANG PO GSUM NI RANG RANG GI DMIGS PA LUS LA SOGS PA SO SO LA DMIGS PAS MA 'DRES PA LA DMIGS PA YIN LA, BZHI PA NI CHOS THAMS CAD LA DMIGS NA 'DRES PA DANG, 'DU SHES DANG 'DU BYED DANG 'DUS MA BYAS KHO NA LA DMIGS NA MA 'DRIS PA LA DMIGS PA YIN NO, ,DE LTAR LUS LA SOGS @569 PA MA 'DRES PA LA DMIGS PA'I DRAN PA NYER GZHAG LA GOMS PAR BYAS NAS, DE LA GOMS PA DE NI CHOS DRAN PA NYE BAR BZHAG PA DMIGS YUL SPYI LUS DANG TSOR BA DANG SEMS DANG CHOS RNAMS SPYIR BSDUS TE 'DRES PA LA DMIGS PA LA SEMS GNAS TE SPYI'I DMIGS PA DE DAG LA NI RNAM PA MI RTAG PA DANG SDUG BSNGAL BA DANG STONG PA DANG BDAG MED PAR LTA ZHING DPYOD PAR BYED PA'O, ,(RANG MTSAN DANG SPYI MTSAN DANG 'DRES PA LA DMIGS PA GSUM NI TSOGS LAM CHE 'BRING GSUM YIN NO ZHES GSUNG NGO,,) DE LTAR ZHI GNAS DANG LHAG MTHONG GNYIS NI TSOGS LAM GYI GTZO BO YIN PA'I PHYIR 'DIR BSTAN GYI, GZHAN DU NA RANG RANG GI SEMS BSKYED PA'I DGE BA SBYOR LAM GYI SNGA ROL NA YOD PA THAMS CAD KYANG TSOGS LAM YIN NO, , DE LA 'DIR LAM GYI SPYI'I DON RNAM PAR BZHAG PA LA LAM SPYI'I RNAM PAR BZHAG PA DANG, TSOGS LAM BYE BRAG TU BSHAD PA GNYIS LAS DANG PO LA'ANG GSUM GYI MTSAN NYID NI KHA CIG THAR PA LA BRTZON PA'I DGE BA ZHES ZER BA NI MI SLOB PA'I LAM LA MA KHYAB STE, SANGS RGYAS RNAMS NI THAR PA LA 'BAD PA DANG RTZOL BA MED PA'I PHYIR TE, DGE MTHAR PHYIN PA KHYOD LA NI, ,SBYOR BYUNG DGE BA 'GA' MA MCHIS, , KHYOD NI GANG ZHIG BZHED NA YANG, ,BZHED PA TZAM LA RAG LAS SO ZHES BSHAD PA'I PHYIR DANG, NYAN RANG MI SLOB PA DAG KYANG THAR PA THOB ZIN PAS DE LA BRTZON PA MED PA'I PHYIR RO, ,KHA CIG GIS THAR PAR PHYIN BYED CES ZER BA NI GANG ZAG LA KHYAB CHES PAR 'GYUR RO, ,DE'I PHYIR RNAM PAR GROL BA'I 'JUG NGOGS SU GYUR PA YIN TE, MI SLOB PA'I LAM YANG LHAG MED MYANG 'DAS KYI 'JUG NGOGS YIN PA'I PHYIR RO, ,DBYE BA GNYIS LAS DANG PO NI TSOGS LAM NAS MI SLOB PA'I LAM GYI BAR LNGA'O, ,DBYE DON LA KHA CIG LAM DANG PO GNYIS NI LAM GYI RGYU LA 'BRAS BU'I MING GIS BTAGS PA DANG, PHYI MA NI 'BRAS BU LA RGYU'I MING GIS BTAGS PA YIN GYI MTSAN NYDI PA NI MTHONG SGOM GNYIS KHO NA YIN NO ZHES ZER BA NI MA YIN TE, MI SLOB PA'I LAM MTSAN NYID PA MA YIN NA LAM GYI BDEN PAR MI 'DU BAR 'GYUR LA, DE LTA NA BDEN BZHIR MA 'DUS PA'I 'DUS BYAS YOD PAR THAL BA LA LAN MED DO, ,LAM BDEN YIN YANG LAM MA YIN NA 'PHAGS PA RNAMS 'KHRUL PAR 'GYUR TE, LAM MA YIN PA LA LAM BDEN DU GZIGS PA'I PHYIR RO, , KHA CIG GIS TSOGS SBYOR GYI LAM YANG MTSAN NYID PAR 'DOD PA NI RIGS PA MA YIN TE, DE DAG LAM BDEN MTSAN NYID PA YIN NA NI ZAG MED DU 'GYUR NA DE LTA NA'ANG LAM DE DAG THOB PA NA 'PHAGS PAR 'GYUR TE, ZAG MED KYI LAM RGYUD LA SKYES PA'I PHYIR RO, ,ZAG MED SKAD CIG MA DANG PO SDUG BSNGAL LA CHOS SHES PA'I BZOD PA KHO NAR YANG DANG YANG DU BSHAD PA DANG YANG 'GAL BA'I PHYIR RO, ,(KUN LAS @570 BTUS LAS BDEN PA RNAMS LA RNAM PA BCU DRUG NI 'JIG RTEN PA YANG YOD, 'JIG RTEN LAS 'DAS PA YANG YOD DE, 'JIG RTEN PA RNAMS DANG, 'JIG RTEN LAS 'DAS PA DAG LA BYE BRAG CI YOD CE NA, SHES BYA LA LEGS PAR MA ZHUGS PA DANG, LEGS PAR ZHUGS PA DANG, SGRIB PA DANG BCAS PA DANG, SGRIB PA MED PA DANG, RNAM PAR RTOG PA DANG BCAS PA DANG, RNAM PAR RTOG PA MED PA'I PHYIR TE, 'DI NI BYE BRAG GO ZHES PA'I 'GREL PAR DE LA 'JIG RTEN PA RNAMS NI SHES BYA LA LEGS PAR MA ZHUGS PA DANG, SGRIB PA DANG BCAS PA DANG, RNAM PAR RTOG PA DANG BCAS PA STE BDEN BZHI'I DE BZHIN NYID MA RTOGS PA DANG, NYON MONGS PA'I BAG LA NYAL YOD PA DANG, MNGON PAR BRJOD PA MING DON BSRE BA'I LDOG PA'I SGO NAS SPROS PA'I PHYIR TE GO RIM BZHIN NO, ,BZLOG PA NI 'JIG RTEN LAS 'DAS PA STE SHES BYA LA LEGS PAR ZHUGS PA DANG, SGRIB PA MED PA DANG, RNAM PAR MI RTOG PAS 'JIG RTEN PA RNAMS LAS KHYAD PAR DU 'GYUR RO, ,GAL TE DE DAG RNAM PAR MI RTOG PA YIN NA JI LTAR SHES BYA LA LEGS PAR ZHUGS PA YIN ZHE NA, ZHES PA DANG, 'DI LTAR 'JIG RTEN LAS 'DAS PA'I MI RTAG PA LA SOGS PA'I RNAM PAR 'JUG PA NA MI RTAG PA LA SOGS PA'I DON RANG MTSAN MNGON SUM DU MTHONG GI MI RTAG PA NYID CES BYA BAR RTOG BCAS SU MTHONG BA NI MA YIN NO, ,ZHES PA'I 'GREL PAR 'DI LTAR DE DAG NI, 'DI LA GNAS PA NA MI RTAG PA'I DON MTHONG ZHING MNGON DU MYONG GI MI RTAG GO ZHES MNGON PAR BRJOD PA DANG SPROS PA'I SGO NAS MTHONG BA NI MA YIN TE, DE BZHIN DU SDUG BSNGAL LA SOGS PA'I RNAM PA LHAG MA RNAMS LA'ANG SBYAR BAR BYA'O ZHES BSHAD DO,,) DE'I PHYIR KHA CIG BDEN PA DANG PO GNYIS KYIS BSDUS PA'I PHYIR DANG, RTOG BCAS PHYIN CI LOG YIN PA'I PHYIR DANG, ZAG BCAS SPANG BYA YIN PA'I PHYIR DANG PO GNYIS MTSAN NYID PA MA YIN NO ZHES ZER BA DANG, KHA CIG RGYUD BLA MA LAS, DAG GSAL GNYEN PO'I PHYOGS NYID KYIS ZHES GSUNGS PA'I LAM GYI BDEN PA'I CHOS GSUM DANG, LAM DANG RIGS PA DANG SGRUB PA DANG NGES PAR 'BYIN PA'I CHOS BZHI MED PA'I PHYIR DANG PO GNYIS LAM BDEN MTSAN NYID PA MA YIN NO ZHES ZER BA'ANG RIGS PAR BLTA'O, ,DES NA LAM DANG PO GNYIS NI RIM PA LTAR LAM DNGOS LA 'JUG PA'I SGO DANG DNGOS SU SBYOR BA YIN PAS LAM DU BTAGS PA YIN LA, PHYI MA GSUM NI RIM PA LTAR BDEN PA MNGON SUM DU MTHONG BA DANG, DE'I RGYUN GOMS PAR BYED PA DANG, GOMS PA MTHAR PHYIN PA'I PHYIR LAM MTSAN NYID PA YIN NO, ,SGRA'I DON NI THAR PAR 'GRO BA'I PHYIR LAM YIN NO, , GNYIS PA TSOGS LAM BYE BRAG TU BSHAD PA LA GSUM LAS MTSAN NYID NI RNAM GROL LA 'JUG PA'I SGO @571 SBYOR LAM GYI SNGA ROL TU BYUNG BA'I DGE BA'I TSOGS SO, ,MTSAN GZHI NI KHYAD PAR CAN DANG, PHAL PA GNYIS LAS DANG PO NI THAR PA CHA MTHUN TE 'OG NAS 'CHAD PAR 'GYUR RO, ,GNYIS PA NI LAS DANG PO PAS THAR PAR BSNGOS PA'I SGO GSUM GYI LAS DGE BA THAMS CAD YIN TE, DE YANG 'DI NYID LAS, TSUL GNAS THOS DANG BSAM LDAN PAS ZHES PA NAS ZHI GNAS KYI LAM GNYIS KYI BAR DU BSHAD PA DANG, KUN LAS BTUS LAS, TSOGS KYI LAM GANG ZHE NA, SO SO SKYE BO'I TSUL KHRIMS DANG, DBANG PO'I SGO BSDAMS PA DANG, ZAD KYI TSOD SHES PA DANG, NAM GYI CHA STOD DANG NAM GYI CHA SMAD LA MI NYAL BAR RNAL 'BYOR LA BRTZON PA DANG, SHES BZHIN DU MNGON PAR DGA' BA'O, ,YANG GANG RGYUR GYUR PA'I DGE BA GZHAN DANG, THOS PA LAS BYUNG BA DANG, BSAMS PA LAS BYUNG BA DANG, BSGOMS PA LAS BYUNG BA'I SHES RAB KYANG RUNG STE ZHES PA DANG, NYAN THOS KYI SA LAS, BDAG DANG GZHAN GYI 'BYOR BA DANG, ,'DUN DANG TSUL KHRIMS DBANG PO DANG, ,DE BZHIN ZAS DANG MI NYAL DANG, ,SHES BZHIN DU NI SPYOD PA DANG, ,DE BZHIN DGE BA'I BSHES GNYEN DANG, ,DAM CHOS NYAN CING SEMS PA DANG, ,BAR CHAD MED DANG GTONG BA DANG, ,DGE SBYONG RGYAN NI THA MA YIN ZHES 'JIG RTEN DANG 'JIG RTEN LAS 'DAS PA'I LAM GNYIS KYIS 'DOD CHAGS DANG 'BRAL BAR 'GYUR BA'I RGYU TSOGS BCU GSUM BSHAD PA LA SOGS PA RNAMS SO, ,KHYAD PAR GYI CHOS LA LNGA LAS RTOGS PA'I KHYAD PAR NI THOS BSAM GYI SHES RAB KYIS CHOS THAMS CAD BDAG MED PAR SPYI'I TSUL DU RTOGS PA'O, ,KHA CIG NA RE SGOM BYUNG GIS RTOGS PA'ANG YOD DE, KUN LAS BTUS LAS, BSGOMS PA LAS BYUNG BA'I SHES RAB KYANG RUNG STE ZHES BSHAD PA'I PHYIR RO ZHES 'CHAD DO, ,SPANGS PA'I KHYAD PAR NI NYON MONGS PA LA DGRAR LTA BA'I SGO NAS SUN 'BYIN PAR BYED DO, ,YON TAN NI SPANGS RTOGS KYI CHOS DE DAG DANG, GZHAN YANG ZAG BCAS KYI MNGON PAR SHES PA DAG KYANG CI RIGS PAR YOD DO, ,SGRA DON NI THAR PAR 'JUG PA'I TSOGS SGRUB PA'I PHYIR TSOGS KYI LAM MO, , (SAMBHAR M'ARGA ZHES PA LA SAN TAN RGYUN DU, BHA WA SGOM PA, RA TI NI YANG NAS YANG DU, M'ARGA LAM STE RGYUN MI CHAD PAR YANG NAS YANG DU SGOM PA DANG, BGROD BYA'I 'JUG NGOGS YIN PAS TSOGS LAM MO, ,YANG NA TSOGS GNYIS GOMS PAS THAR PA CHA MTHUN GYI LAM LA 'JUG PAS TSOGS LAM MO,,) LUS KYI RTEN NI KHA CIG GLING GSUM GYI SKYES PA DANG BUD MED KYI RTEN LA SKYE'O ZHES ZER RO, ,'ON KYANG KLU LA SOGS PA LA'ANG SKYABS SU 'GRO BA YOD PAR BSHAD LA, 'DOD GZUGS NA SPYOD PA'I LHA'I BU RNAMS LA'ANG TSOGS LAM SKYE BA LA 'GAL BA MED PA'I PHYIR DE DAG KYANG RTEN DU RUNG NGO, ,GZUGS MED PA DANG BYANG GI SGRA MI SNYAN PA @572 LA NI MA YIN TE, SKYES BU DAM PA LA YANG DAG PAR GDAMS PA NOD PA MED PA'I PHYIR RO, ,DMYAL BA NI SDUG BSNGAL GYIS RNAM PAR G-YENGS PAS SKABS MI RNYED PA'I PHYIR THAR PA'I LAM MI SKYE BA KHO NA YIN NO, , GNYIS PA SBYOR BA'I LAM NI (PRA YO GA M'A RTHA ZHES PA SBYOR LAM STE, PRA NI PA RA MA AANPA NI DON DAM PA YO GA SBYOR BA STE, MTHONG LAM DON DAM MNGON SUM DU MTHONG BA LA SBYOR BAR BYED PAS SBYOR LAM MO,,) CHOS DRAN PA NYER GZHAG SPYI LA DMIGS PA DE LAS NI DRO BAR GYUR PA'I YE SHES 'BYUNG STE, MTHONG SPANG GI NYON MONGS PA'I BUD SHING SREG BYED MTHONG LAM GYI ME'I SNGA LTAS SU GYUR PA'I PHYIR DRO BA ZHES BYA'O, ,YE SHES DE NI SKAD CIG GCIG GIS BZHI GA LA DMIGS PAR MI NUS KYI RGYUN CHAGS PA YIN PAS SDUG BSNGAL LA SOGS PA 'PHAGS PA'I BDEN BZHI'I SPYOD YUL CAN YIN NO, ,DES NA TSOGS LAM NI BDEN BZHI LA MI DMIGS LA SBYOR LAM DROD NAS BDEN BZHI LA DMIGS PAR SHES PAR BYA'O, ,GAL TE TSOGS LAM NA PHUNG PO LA DMIGS PAS BDEN PA LA'ANG DMIGS PAR 'GYUR RO ZHE NA, MI 'GYUR TE, DE NI BDEN PAR MA PHYE BA'I PHUNG PO LA DMIGS LA, SBYOR LAM NAS BDEN BZHIR PHYE NAS DMIGS PA'I PHYIR RO, ,RNAM PA NI 'OG NAS 'CHAD PA'I MI RTAG PA LA SOGS PA BCU DRUG TU LTA BA STE DE YANG ZAG PA DANG BCAS PA'O, ,DRO BA'I YE SHES DE NYID CHUNG 'BRING CHEN POR 'PHEL BA LAS NI RTZE MO'I YE SHES 'BYUNG LA, RTZE MO DE YANG DMIGS RNAM DRO BA DE DANG 'DRA BAR BDEN BZHI DANG ZAG BCAS BCU DRUG DANG LDAN PA YIN NO, ,GAL TE DMIGS RNAM 'DRA NA LOGS SHIG TU STON PAR MI RIGS SO ZHE NA, CHES MCHOG TU GYUR PAS NA MING GZHAN DU BTAGS SO, ,'DI NI DRO BA'I YE SHES MNGON PAR 'PHEL BA'I RTZE MO'AM, DE DAG LAS NYAMS PA'AM BZOD PA MNGON DU 'GYUR BAS DGE BA'I RTZA BA G-YO BA'I RTZE MO YIN PA'I PHYIR DE SKAD BRJOD DO, ,DE LA DROD RTZE GNYIS NI NYAMS PA SRID PAS G-YO BA YIN LA, DE LA YANG G-YO BA CHUNG NGU NI DRO BA DANG CHEN PO NI RTZE MO'O, ,(CHE CHUNG NI DROD RTZE GNYIS RIM PA LTAR YIN LA,) BZOD PA DANG CHOS MCHOG NI NYAMS PA MI SRID PAS MI G-YO BA YIN LA, DE YANG MI G-YO BA CHUNG NGU NI BZOD PA DANG CHEN PO NI CHOS MCHOG GO ,DROD RTZE GNYIS KA'ANG CHOS DRAN PA NYER GZHAG NYID KYIS DMIGS PA LA 'JUG CING RNAM PA GTOD PAR BYED PA PA YIN TE, (LAM GYI DMIGS RNAM THAMS CAD NYER GZHAG BZHIR 'DU BAS SO,,) DANG POR MI RTAG PA LA SOGS PA'I RNAM PA 'GOD CING 'JOG CES BYA BA'I THA TSIG GO ,(SNGA MA DMAN PA NI 'PHEL NAS SNGON DU MI BYED DO,,) PHYIS 'PHEL BA NI CHOS DRAN PA NYER GZHAG TU MA ZAD LUS LA SOGS PA DRAN PA NYER GZHAG GZHAN GSUM PO DAG GIS KYANG 'PHEL BAR TE GOMS SHING BYANG BAR BYED DO, ,DES NA RNAM PA GTOD PA NI THOG @573 MAR SGOM PA YIN LA, 'PHEL BA NI BSGOM PA DE GOMS SHING BYANG BAR BYED PA YIN TE DPER NA BZOD PA 'BRING DMIGS RNAM PHRI NAS YANG YANG BSGOM PA LTA BU'O, ,RTZE MO DE CHUNG 'BRING CHEN POR RIM GYIS 'PHEL BA LAS BZOD PA'I YE SHES SKYE STE, DROD RTZE'I GNAS SKABS NA RIM PA LTAR BDEN PA LA CHUNG NGU DANG 'BRING DU BZOD LA, BZOD PA NI MI NYAMS PA'I SGO NAS RTZE MO'I MNGON PAR RTOGS PA GOMS PA'I RIM GYIS BDEN PA LA CHER BZOD PA'I PHYIR RO, ,BZOD PA LA'ANG GSUM YOD PA LAS CHUNG 'BRING RNAM PA GNYIS NI JI LTAR DROD RTZE THOG MAR BDEN PA RNAMS LA RNAM PA GTOD CING 'GOD PA CHOS DRAN PA NYER GZHAG GIS RNAM PA GTOD CING 'GOD PA BZHIN DU CHOS DRAN PA NYER GZHAG KHO NAS BDEN PA RNAMS LA THOG MAR RNAM PA GTOD CING 'GOD PAR BYED (PAS CHOS DRAN PA NYER GZHAG GI NGO BOR SKYE BAR BYED,) DE, 'PHEL BA LA NI DROD RTZE LAS KHYAD PAR YOD DE, BZOD PA NI CHUNG 'BRING CHEN PO THAMS CAD CHOS DRAN PA NYER GZHAG NYID KYIS 'PHEL BAR BYED KYI LUS DRAN PA NYER GZHAG LA SOGS PA GZHAN GYIS MA YIN TE, DE NI CHOS MCHOG DANG NYE ZHING CHOS MCHOG MTHONG LAM DANG NYE LA MTHONG LAM CHOS DRAN PA NYER GZHAG GI NGO BO YIN PAS 'DRA BAR BSTAN PA'I PHYIR RO, ,DE LA BZOD PA CHUNG NGU NI 'DOD PA'I BDEN PA BZHI LA RNAM PA BCU DRUG DANG KHAMS GONG MA GNYIS DRIL BA'I BDEN BZHI LA RNAM PA BCU DRUG STE RNAM PA'I SKAD CIG MA SUM CU RTZA GNYIS TSANG BAR SGOM PA YIN LA, BZOD PA 'BRING NI 'GREL BA LAS, GANG GI TSE GZUGS DANG GZUGS MED PA'I GNYEN PO LA SOGS PA'I BDEN PA'I RNAM PA DMIGS PA RE RE NAS PHRI NAS 'DOD PA NA SPYOD PA'I SDUG BSNGAL KHO NA LA SKAD CIG MA GNYIS SU YID LA BYED PA'I BAR DE THAMS CAD NI BZOD PA 'BRING YIN LA, GANG GI TSE SKAD CIG MA GCIG KHO NA YIN PA DE'I TSE NI CHEN PO YIN NO ZHES 'BYUNG BA'I t'I KAR THOG MAR RNAM PA RE RE NAS PHRI NAS MTHAR DMIGS PA'ANG DOR NAS SGOM PA DANG, DMIGS YUL BDEN PA DANG RNAM PA DUS MNYAM DU PHRI NAS LHAG MA SGOM PA'I LUGS GNYIS BSHAD PA'I DANG PO NI KHA CIG BDEN PA'I RNAM PA RE RE NAS PHRI BA DANG DMIGS PA RE RE NAS PHRI NAS ZHES BYA BA SLOB DPON GYI DGONGS PA YIN PAS BZOD PA CHUNG NGU'I RNAM PA SUM CU RTZA GNYIS TSANG BAR BSGOMS PA'I RJES SU THOG MAR KHAMS GONG MA GNYIS KYI GNYEN PO LAM BDEN GYI RNAM PA BZHI'I DANG PO LAM BOR TE LHAG MA SUM CU RTZA GCIG SGOM PA DANG, DE BZHIN DU DE NAS RIGS PO BAR TE SUM CU DANG, DE NAS SGRUB PA BOR TE LHAG MA NYI SHU RTZA DGU DANG, DE NAS NGES PAR 'BYIN PA BOR TE LHAG MA NYI SHU RTZA BRGYAD DANG, DE NAS LAM BDEN LA DMIGS PA BOR TE KHAMS GONG MA'I 'GOG PA DANG KUN 'BYUNG DANG SDUG BSNGAL GYI BDEN PA RNAMS KYI RNAM PA DANG DMIGS @574 PA RNAMS SNGA MA LTAR RIM GYIS RE RE NAS DOR NAS LHAG MA SGOM PA DANG, DE NAS 'DOD PA'I GNYEN PO LAM BDEN NAS SDUG BSNGAL GYI BDEN PA'I BAR GYI RNAM PA RNAMS KYANG SNGA MA LTAR RE RE NAS DOR NAS MTHAR 'OG NAS 'BYUNG BA LTAR GANG ZAG BZHI'I GNYEN PO'I DBANG GIS SDUG BSNGAL GYI BDEN PA'I RNAM PA BZHI LAS GANG RUNG GCIG LAN GNYIS SU BZLAS TE SGOM PA RNAMS TE, DE LTAR NA KHAMS GONG MA'I GNYEN PO LAM BDEN MA RNAM PA GCIG PHRI NAS SGOM PA NAS BZUNG STE MTHAR 'DOD PA'I SDUG BSNGAL GYI BDEN PA'I RNAM PA GCIG LAN GNYIS SU SGOM PA'I BAR RNAMS BZOD PA 'BRING YIN PAS DE NI SKAD CIG MA BZHI BRGYA DANG DGU BCU RTZA BDUN YIN NO ZHIS 'DOD DO, ,DE'I PHYIR 'DI'I GRANGS KYI DBANG DU MDZAD NAS DANG PO GSUM LA DGU BCU STE, DE NAS DGU NYID PHRI BA DGU, ,THA MA'I RNAM PA GNYIS BSNAN PA, ,'DI YIS GRANGS SU NGES PAR BZUNG ZHES GSUNG NGO, , GNYIS PA NI KHA CIG NA RE DMIGS YUL BDEN PA YOD BZHIN DU RNAM PA 'DOR BA MI 'THAD CING DMIGS YUL BDAN PA DOR NA DMIGS PA MED PA'I RNAM PA MI 'THAD PAS THOG MAR DMIGS PA 'DOR BA NYID 'THAD PAS SLOB DPON GYI DGONGS PA'ANG BDEN PA'I RNAM PA RE RE DANG DMIGS PA RE RE NAS ZHES BYA BA NI MA YIN GYI 'ON KYANG BDEN PA RE RE'I RNAM PA GANG DAG YIN PA DE DAG GI DMIGS PA PHRI NAS ZHES BYA BA YIN LA, BSTAN BCOS LAS KYANG BZON PA 'BRING SKAD CIG MA BRGYA RTZA BCU DGU YIN NO ZHES BSHAD PAS NA BZOD PA 'BRING NI SKAD CIG MA BRGYA DANG BCU DGU YIN TE, 'DI LTAR BZOD PA CHUNG NGU SNGA MA LTAR RNAM PA SUM CU RTZA GNYIS TSANG BAR BSGOMS PA'I RJES LA KHAMS GONG MA GNYIS BSDOMS PA'I GNYEN PO LAM BDEN RNAM PA BZHI DANG BCAS PA BOR TE LHAG MA NYI SHU RTZA BRGYAD SGOM PA DANG, DE NAS 'DOD PA'I GNYEN PO LAM BDEN RNAM PA BZHI DANG BCAS PA BOR TE LHAG MA NYI SHU RTZA BZHI SGOM PA DANG, DE NAS KHAMS GONG MA GNYIS KYI 'GOG BDEN RNAM PA BZHI DANG BCAS PA BOR TE LHAG MA NYI SHU SGOM PA DANG, DE NAS 'DOD PA'I 'GOG BDEN RNAM PA BZHI DANG BCAS PA BOR NAS LHAG MA BCU DRUG SGOM PA DANG, DE NAS KHAMS GONG MA GNYIS KYI KUN 'BYUNG GI BDEN PA RNAM PA BZHI DANG BCAS PA BOR TE LHAG MA BCU GNYIS SGOM PA DANG, DE NAS 'DOD PA'I KUN 'BYUNG GI BDEN PA RNAM PA BZHI DANG BCAS PA BOR NAS LHAG MA BRGYAD SGOM PA DANG, DE NAS KHAMS GONG MA GNYIS KYI SDUG BSNGAL GYI BDEN PA RNAM PA BZHI DANG BCAS PA BOR NAS LHAG MA 'DOD PA'I SDUG BSNGAL GYI BDEN PA'I RNAM PA BZHI SGOM PA DANG, DE NAS SGOM PA PO DE YANG DBANG PO RNON PO LTA BA SPYAD PA DANG RTUL PO SRED PA SPYAD PA GNYIS YOD PA LAS DANG PO YIN NA 'DOD @575 PA'I SDUG BSNGAL GYI BDEN PA'I RNAM PA DANG PO GNYIS GANG RUNG GCIG DOR NAS LHAG MA GSUM SGOM PA DANG, DE NAS RNAM PA SNGA MA GNYIS DOR NAS PHYI MA GNYIS SGOM PA DANG, DE NAS LTA BA SPYAD PA DE LA'ANG BDAG TU LTA BA SPYAD PA DANG BDAG GIR LTA BA SPYAD PA GNYIS YOD PA LAS DANG PO YIN NA BDAG TU LTA BA'I GNYEN PO BDAG MED PA'I RNAM PA LAN GNYIS SU SGOM LA, GNYIS PA YIN NA BDAG GIR LTA BA'I GNYEN PO STONG PA'I RNAM PA LAN GNYIS SU SGOM MO, , SRED PA SPYAD PA YIN NA 'DOD PA'I SDUG BSNGAL GYI BDEN PA'I RNAM PA BZHI LAS RNAM PA PHYI MA GNYIS GANG RUNG GCIG DOR NAS LHAG MA DANG PO GSUM SGOM PA DANG, DE NAS RNAM PA PHYI MA GNYIS DOR NAS DANG PO GNYIS SGOM PA DANG, DE NAS SRED PA SPYAD PA DE LA'ANG NGA'O SNYAM PA'I NGA RGYAL SHAS CHE BA DANG LE LO SHAS CHE BA GNYIS LAS DANG PO YIN NA NGA RGYAL GYI GNYEN PO MI RTAG PA'I RNAM PA LAN GNYIS SU SGOM LA, GNYIS PA YIN NA LE LO'I GNYEN PO SDUG BSNGAL GYI RNAM PA LAN GNYIS SU SGOM PA RNAMS TE, DE LTAR NA KHAMS GONG MA GNYIS KYI GNYEN PO LAM BDEN RNAM PA DANG BCAS PA BOR NAS LHAG MA NYI SHU RTZA BRGYAD SGOM PA NAS BZUNG STE 'DOD PA'I SDUG BSNGAL GYI BDEN PA'I RNAM PA BZHI'I GANG RUNG GCIG LAN GNYIS SU SGOM PA'I BAR RNAMS BZOD PA 'BRING YIN PAS SKAD CIG MA BRGYA DANG BCU DGUR 'GYUR RO ZHES ZER RO, , 'DIR YANG, NYER BRGYAD RTZA BZHI NYI SHU DANG, ,BCU DRUG BCU GNYIS BRGYAD DANG BZHI, ,GSUM GNYIS RNAM PA THA MA GCIG ,LAN GNYIS BSNAN PA 'DI YI GRANGS ZHES BYA'O, ,DE LTAR BZOD PA 'BRING LA SKAD CIG GI GRANGS MANG NYUNG GI LUGS GNYIS BSHAD KYANG 'GREL PA'I DGONGS PA NI PHYI MA NYID YIN PAR MNGON NO ZHES MKHAS PA DAG GSUNG NGO, , 'O NA BZOD PA CHUNG NGU LA DMIGS RNAM TSANG BAR SGOM LA 'BRING LA RIM GYIS PHRI NAS MTHAR 'DOD PA'I SDUG BSNGAL GYI BDEN PA KHO NA LA DMIGS SHING DE'I RNAM PA KHO NA SGOM PA NYID JI LTAR ZHE NA, KHAMS GSUM SUN 'BYIN PAR BYED PA NA DES DANG POR NI GNYEN PO MTHA' DAG LA DMIGS LA PHYIS NI 'DOD KHAMS KHO NA DANG POR SHES SHING SPANG BAR BYA BA YIN PAS DE KHO NA LA DMIGS PA YIN NO ZHES t'IKA BYED DAG 'CHAD DO, ,JI LTAR BZOD PA 'BRING GI MTHAR SNGA MA LTAR NA SKAD CIG MA DRUG DANG PHYI MA LTAR NA SKAD CIG MA BCU GCIG 'DOD PA'I SDUG BSNGAL GYI BDEN PA KHO NA LA DMIGS PA LTAR BZOD PA CHEN PO YANG 'DOD PAR GTOGS PA'I SDUG BSNGAL GYI BDEN PA KHO NA DMIGS YUL DU BYED PA YIN LA, KHYAD PAR DU BZOD PA CHEN PO DE NI SKAD CIG MA GCIG YIN GYI SNGA MA RNAMS LTAR RGYUN CHAGS PA NI MA YIN NO, , @576 JI LTAR BZOD PA CHEN PO 'DOD PA'I SDUG BSNGAL GYI BDEN PA KHO NA LA DMIGS PA DANG SKAD CIG MA GCIG YIN PA DE BZHIN DU 'JIG RTEN PA'I CHOS KYI MCHOG KYANG 'DOD PA'I SDUG BSNGAL GYI BDEN PA KHO NA LA DMIGS SHING SKAD CIG MA GCIG YIN NO, ,DE NI ZAG BCAS YIN ZHING SNGAR ZAG MED MED PAS SKAL MNYAM GYI RGYU MED PAR RANG GI RTZAL GYIS MTHONG LAM DNGOS SU 'DREN PAS NA 'JIG RTEN PA'I CHOS KYI MCHOG CES BYA'O, ,DE LTAR NA 'DIR BZOD PA CHEN PO DANG CHOS MCHOG (DANG SDUG BSNGAL LA CHOS BZOD DANG,) GSUM 'DOD PA'I SDUG BSNGAL GYI BDEN PA KHO NA LA DMIGS SHING SKAD CIG RE RE YIN PAR BSTAN PAS DRO BAR GYUR PAS NA BZOD PA 'BRING PHAL CHE BA'I BAR NI KHAMS GSUM GYI BDEN BZHI LA CI RIGS PAR DMIGS SHING RGYUN CHAGS PA YIN PAR SHES PAR BYA'O, ,(GZHAN YANG BZOD PA CHEN PO DANG, CHOS MCHOG SKAD CIG MA RE RER BSTAN PAS DRO BAR GYUR PA NAS BZOD PA 'BRING GI BAR LA RNAM PA GTOD 'PHEL GYI KHYAD PAR YOD GYI BZOD PA CHEN PO DANG, CHOS MCHOG GNYIS LA NI RNAM PA GTOD 'PHEL GYI KHYAD PAR MED PAR MNGON TE, 'GREL PA LAS, RNAM PA GTOD PA NI DANG PO NYID DU BDEN PA RNAMS LA RNAM PA DAG 'GOD PA'O, ,ZHES PA DANG, t'IKA LAS 'PHEL BAR BYED PA NI GOMS PAS BYANG BAR BYED PA'O, , ZHES DANG PO SGOM PA DANG DE'I RGYUN GOMS PAR BYED PA LA BRJOD PA NA SKAD CIG MA LA DE DAG MI RUNG BA'I PHYIR RO,,) RNAM PA NI JI LTAR DANG POR SHES SHING SPANG BYA YIN PAS BZOD PA 'BRING GI SKAD CIG MA THA MA GNYIS DANG BZOD PA CHEN PO DANG CHOS MCHOG DANG SDUG BSNGAL LA CHOS BZOD CHOS SHES RNAMS KYI DMIGS PA 'DOD PA'I SDUG BSNGAL GYI BDEN PA KHO NA YIN PA LTAR BZOD PA 'BRING GI SKAD CIG MA THA MA GNYIS DANG BZOD PA CHEN PO DANG CHOS MCHOG DANG SDUG BSNGAL LA CHOS BZOD CHOS SHES RNAMS KYI RNAM PA RNAMS KYANG MTHUN TE, DE YANG SNGAR BSHAD PA LTAR GANG ZAG GI BYE BRAG GIS BDAG TU LTA BA DANG BDAG GIR LTA BA SPYAD PA DANG NGA'O SNYAM PA'I NGA RGYAL DANG LE LO SHAS CHE BA YIN NA RIM PA LTAR THAMS CAD BDAG MED PA DANG STONG PA DANG MI RTAG PA DANG SDUG BSNGAL GYI RNAM PA CAN YIN TE, t'IKA BYED DAG GIS BZOD PA CHEN PO NI GANG ZAG GIS JI LTAR DPYAD PA BZHIN DU MI RTAG PA'I RNAM PA DANG, SDUG BSNGAL GYI RNAM PA DANG, STONG PA'I RNAM PA DANG, BDAG MED PA'I RNAM PA DANG MTSUNGS PAR LDAN PA YIN NO ZHES PA DANG, DE LA DMIGS PA NYID SKAD CIG MA GSUM PA LA NI BZOD PA CHEN PO YIN NO, , DE LA DMIGS PA NYID SKAD CIG MA BZHI PA LA NI CHOS KYI MCHOG YIN NO ZHES PA DANG, BDAG TU LTA BA SPYAD PA'I RNAM PA THA MA GNYIS KYI SKABS SU DE'I 'OG TU SDUG BSNGAL LA CHOS SHES PA'I BZOD PA DANG SDUG @577 BSNGAL LA CHOS SHES PA DANG 'DRA BAS BDAG MED PA'I RNAM PA GCIG LA LAN GNYIS SU MNGON DU BYED DE ZHES GANG ZAG GANG YANG RUNG BAS BZOD PA 'BRING GI SKAD CIG MA GNYIS LA RNAM PA GANG YID LA BYAS PA DE NYID BZOD PA CHEN PO LA'ANG YID LA BYED PAR BSHAD CING, BZOD PA 'BRING GI SKAD CIG MA GNYIS KYI RJES KYI SKAD CIG MA GSUM PA DANG BZHI PA NYID BZOD PA CHEN PO DANG CHOS MCHOG TU BSHAD LA, BZOD PA 'BRING GI SKAD CIG MA THA MA GNYIS DANG SDUG BSNGAL LA CHOS BZOD CHOS SHES KYANG RNAM PA 'DRA BAR BSHAD PA'I PHYIR DANG, 'GREL PA LAS KYANG, BZOD PA CHEN PO 'DOD PA'I SDUG BSNGAL LA DMIGS PA'I RGYU MTSAN DU DE NI CHOS KYI MCHOG DANG NYE BA'I PHYIR 'DOD PA'I SDUG BSNGAL LA DMIGS PA KHO NA'O ZHES PA DANG, t'IKA BYED DAG GIS KYANG BZOD PA CHEN PO CHOS MCHOG DANG NYE LA CHOS MCHOG MTHONG LAM DANG NYE BA'I PHYIR DE DAG DRAN PA NYER GZHAG DANG DMIGS RNAM MTHUN PAR BSHAD PA'I PHYIR RO, ,DE YANG BZOD PA CHUNG 'BRING GNYIS DANG YANG DMIGS RNAM LA SOGS PA 'DRA BAR THAL BAR 'GYUR BAS CHOS MCHOG DANG NYE BA TZAM GYIS NI DER MI 'GRUB KYI 'ON KYANG CHOS MCHOG MTHONG LAM DANG NYE LA MTHONG LAM GYI SHES BZOD DANG PO GNYIS KYI DMIGS RNAM DE DAG YIN PA NYID RGYU MTSAN DU 'GYUR RO, , DE LTAR BYE BRAG TU SMRA BAS DROD RTZE MO BZOD PA RNAMS LA CHUNG 'BRING CHEN PO GSUM GSUM YOD KYI CHOS MCHOG NI SKAD CIG MA GCIG KHO NA YIN NO ZHES 'DOD PA NI MI RIGS TE, DE LA'ANG CHUNG 'BRING CHEN PO'I DBYE BA YOD PA LA GNOD PA MED PA'I PHYIR DANG, THAMS CAD KYANG BDEN PA BZHI CHAR LA DMIGS PA DANG DE DAG GI RNAM PA'ANG YID LA BYED PA 'GAL BA MED PA'I PHYIR RO, ,DES NA 'DI NI BYE BRAG TU SMRA BAS KUN BRTAGS PA'O ZHES THEG PA GONG MA PA DAG 'CHAD DO, ,SLOB DPON SENG GE BZANG POS NI BRGYAD STONG 'GREL PA LAS, JI LTAR BZOD CHEN SKAD CIG MA, ,GCIG YIN DE BZHIN CHOS KYI MCHOG ,CES GANG BSHAD PA DE NI RANG DON GYI DBANG DU BYAS PA YIN LA 'DIR BZOD PA CHEN PO SKAD CIG MA DU MA YIN PAR BSTAN PA DANG, CHOS KYI MCHOG LA CHUNG 'BRING CHEN PO'I DBYE BA BSHAD PA NI GZHAN GYI DON LA BRTEN PA'I CHUNG 'BRING CHEN PO'I DBYE BA BSHAD PA YIN TE, GZHAN GYI DON LA BRTZON PA LA NI RAB DANG MCHOG RAB LA SOGS PA'I GNAS SKABS SRID PA'I PHYIR RO ZHES PA LA SOGS PA NI NYAN THOS RANG DON BYED PA DANG BYANG CHUB SEMS DPA' GZHAN DON BYED PA'I DBANG DU BYAS NAS 'DIR BZOD PA CHEN PO DANG CHOS MCHOG SKAD CIG MA RE RE DANG, GZHUNG GZHAN DU BZOD PA CHEN PO LA SKAD CIG MANG PO DANG CHOS MCHOG LA'ANG CHUNG 'BRING CHEN PO'I DBYE BA BYAS PAR BSHAD DO, , @578 DRO BA LA SOGS PA'I YE SHES BZHI PO THAMS CAD KYANG DRAN PA NYER GZHAG GI NGO BO NYID YIN PA'I PHYIR GTZO BO SHES RAB YIN LA GROGS NI DAD PA LA SOGS PA DANG MTSUNGS PAR LDAN NO, ,'KHOR DANG BCAS NA NI BZHI PO THAMS CAD KYANG PHUNG PO LNGA PA YIN TE, 'DI DAG MNYAM GZHAG GIS PA YIN PAS 'DI DAG LA GZUGS NI BSAM GTAN GYI SDOM PA YIN LA GZHAN DAG NI SHES PAR SLA'O, ,DRO BA LA SOGS PA'I THOB PA NI DRO BA LA SOGS PAR MA GTOGS TE GTOGS NA 'PHAGS PA MTHONG LAM PAS DRO BA LA SOGS PA MNGON DU BYAS PAR 'GYUR RO, ,(DE LA YANG,) DE DAG GI THOB PA (SA MA BOR GYI BAR DU) MNGON DU GYUR PA'I PHYIR RO ZHES BYE BRAG TU SMRA BA 'DOD MOD KYI 'DI LA THOB PA RDZAS SU MED PA'I PHYIR DPYAD PA NI DON MED PA KHO NA YIN NO, ,SNGAR BSHAD PA DE LTAR NA NGES PAR 'BYED PA'I CHA DANG MTHUN PA NI DRO BA LA SOGS PA RNAM PA BZHI YIN NO, , CI'I PHYIR DE DAG LA NGES PAR 'BYED PA'I CHA DANG MTHUN PA ZHES BYA ZHE NA, MTHONG SPANG THAMS CAD SPONG YANG SPANG BYA'I GTZO BOS MTSON NAS THE TSOM SPONG BA'I PHYIR BDEN PA NGES PA DANG, BDEN PA RNAMS LA 'DI NI SDUG BSNGAL LO ZHES BYA BA NAS 'DI NI LAM MO ZHES BYA BA'I BAR DU RNAM PAR 'BYED PA'I PHYIR NGES PAR 'BYED PA NI MTHONG LAM YIN LA, DE'I CHA NI MTHONG LAM GYI PHYOGS GCIG SDUG BSNGAL LA CHOS SHES PA'I BZOD PA STE, DE NYID DRO BA LA SOGS PAS DNGOS DANG BRGYUD NAS 'DREN PAR BYED PA NYID KYIS DE LA PHAN 'DOGS PA'I PHYIR CHA DANG MTHUN PA ZHES BYA'O, ,NGES 'BYED CHA MTHUN BZHI CHAR YANG (MNYAM GZHAG YIN PAS,) BSGOMS PA LAS BYUNG BA YIN GYI THOS BSAMS LAS BYUNG BA NI MA YIN NO, , SA NI BSAM GTAN DANG PO'I NYER BSDOGS MI LCOGS PA MED PA DANG BSAM GTAN KHYAD PAR CAN DANG BSAM GTAN GYI DNGOS GZHI BZHI STE DRUG GI SA PA STE, MTHONG LAM GYI 'KHOR YIN PA'I PHYIR DANG, MTHONG LAM GZUGS MED LA MI RTEN ('DOD PA NI THOS BSAM GYI SA PA YIN PAS DE NI NGES 'BYED DU MI RUNG NGO ZHES KHA CIG STE 'DOD PA LA MI DMIGS) PA'I PHYIR RO, ,CI'I PHYIR GZUGS MED LA MI RTEN ZHE NA, DANG POR SHES SHING SPANG BYA YIN PAS MTHONG LAM 'DOD PA LA DMIGS PA LA GZUGS MED PAS 'DOD PA LA MI DMIGS PA'I PHYIR RO, ,DROD RTZE GNYIS NI 'OG MA 'DOD PA'I KHAMS NA'ANG YOD PA'AM ZHES BYA BA NI BTZUN PA DBYANGS SGROGS KYI LUGS TE SA BDUN PA YIN NO, , DE DAG LUS GANG LA BRTEN ZHE NA, NGES 'BYED CHA MTHUN BZHI PO THAMS CAD KYANG 'DOD KHAMS PA'I LUS LA BRTEN PA YIN GYI KHAMS GONG MA LA RTEN PA NI MED DO ZHES BYE BRAG TU SMRA BA RNAMS 'DOD DE, DE @579 YANG DANG PO GSUM NI THOG MAR GLING GSUM GYI MI'I NANG DU BSKYED CING SNGON BSKYED ZIN PA RNAMS NI LHA'I NANG DU YANG MNGON DU BYED DO, ,(BZOD CHEN DANG,) CHOS MCHOG NI LHA DAG GI NANG DU YANG DANG PO SKYED PAR BYED DO, ,DANG PO GSUM NI SKYES PAS KYANG BUD MED KYI RTEN CAN DANG BUD MED KYIS KYANG SKYES PA'I RTEN CAN YANG THOB PAS GNYIS KA'I RTEN CAN THOB PAR 'GYUR ('DI DAG GI DUS SU PHAN TSUN MTSAN GYUR PA DANG 'CHOL PAR SKYE BA LA DGONGS,) LA, CHOS MCHOG NI BUD MED KYIS SKYES PA DANG BUD MED GNYIS KA'I RTEN CAN THOB PAR 'GYUR GYI SKYES PAS NI GNYIS KA'I RTEN CAN THOB PA MA YIN TE, CHOS MCHOG THOB PA'I SKYES PA NI BUD MED SO SOR BRTAGS MIN GYI 'GOG PA THOB PAS BUD MED DU MI SKYE BA'I PHYIR RO, , (CHOS MCHOG GI DE MA THAG MTHONG LAM SKYE LA DE SKYES PA DANG BUD MED DU SKYE BA MED DO ZHES PA GRUB PA'I MTHA') NGES 'BYED CHA MTHUN RNAMS NA GZUGS NA SPYOD PA'I DGE BA ZAG BCAS YIN PA LA DE DAG GI RNAM SMIN NI GZUGS KHAMS KYI PHUNG PO LNGA YIN NO, ,DE DAG GIS MI RTAG PA LA SOGS PA'I RNAM PAS SUN 'BYIN PAS SRID PA'I GNYEN PO YIN PAS RDZOGS BYED YIN GYI RIS MTHUN 'PHEN BYED NI MA YIN NO, , NYAMS PA CHA MTHUN GYI BSAM GTAN NI 'PHEN BYED YIN NO ZHES SLOB DPON GANG SPEL 'CHAD DO, , NGES PAR 'BYED PA RNAMS JI LTAR GTONG ZHE NA, 'PHAGS PA RNAMS KYIS NI NGES 'BYED CHA MTHUN DE DAG SA GANG LA BRTEN NAS THOB PA'I SA DE BOR NAS (GONG DU SKYES PA'I SA 'PHOS PAS SA DE'I THOB PA,) GTONG STE, BSAM GTAN DANG PO'I SA PAS BSDUS PA NI BSAM GTAN GNYIS PAR 'PHOS PAS (TE SKYES BAS DE'I THOB PA,) GTONG BA LTA BU'O, ,DE YANG SHI STE GONG DU 'PHOS PAS GTONG GI 'DOD CHAGS DANG BRAL (BA'I SA 'PHOS,) BAS NI MA YIN NO, ,(GZHAN YANG SKYE BO LTAR 'CHI BA'AM, YONGS SU NYAMS PAS KYANG MA YIN TE, DE'I DGE BA'I RTZA BA'I RGYUD NI MTHONG LAM GYIS NYE BAR BRTAN PAR BYAS PAS SO, ,'DI 'OG TU SA 'PHOS PAS GTONG BA NI MED DE, GONG MA'I RTEN LA SBYOR LAM MED PAS SO ZHES GSUNG NGO,,) 'PHAGS MIN SO SO'I SKYE BO NI SA BOR RAM MA BOR YANG RUNG STE 'CHI BA (STE RIS MTHUN 'DOR BA,) KHO NAS GTONG BAR 'GYUR GYIS 'PHOS PAS NI MA YIN, (MA 'DRIS PAS MA BRTAN PA'I PHYIR RO, ,SLOB DPON 'DUN BZANG GIS KYANG, SO SO'I SKYE BO NI GONG DU 'PHES PA'I TSE NGES 'BYED CHA MTHUN DAG 'DOR BA MA YIN NAM ZHE NA DE NI MED DE RIS MTHUN GTONG BA KHO NAS BOR BA'I PHYIR RO, ,'CHI BA'I SRID PA LA GNAS PAS DE DAG 'DOR BAR SRID PA BAR MA LA GNAS PAS DOR ZIN TE, DE'I GANG DU SKYE BA NA 'DOR BAR 'GYUR BA GANG YIN PA DE NI MED PAS 'CHI BA KHO NAS BSHAD DO ZHES GSUNG NGO, ,GAL TE DE LTA MA YIN NA @580 'DI LA THOB PA DANG MNGON GYUR LHAN CIG TU YOD PAS KHAMS GONG NA SBYOR LAM YOD PAR THAL BAR MA SPANGS SO, ,'PHAGS PA LA MI MTSUNGS TE, THOB PA NI SBYOR LAM MA YIN PAR BSHAD ZIN PAS SO,,) NGES 'BYED CHA MTHUN DANG PO GNYIS NI (BSAM GTAN GTOGS PA'I DGE BA NI, ,SA 'PHOS NYAMS PA DAG GIS GTONG ZHES PAS,) SO SO'I SKYE BO DAG YONGS SU NYAMS PAS KYANG GTONG GI 'PHAGS PA LA NI DE DAG LAS (MI MTHUN PHYOGS KYIS) NYAMS PA MED PA'I PHYIR DANG, ('THOB PA NAS 'PHOS PAS GTONG BA'I PHYIR RO,,) PHYI MA GNYIS SO SO'I SKYE BO LA'ANG NYAMS PA MED PA'I ('PHAGS LAM GYI SBYOR BA MA BSKYED PAS,) PHYIR RO, , GANG ZHIG GIS NGES 'BYED CHA MTHUN DE DAG BSAM GTAN DNGOS GZHI LA BRTEN NAS SKYED PA YIN NA NI DES TSE DE NYID LA BDEN PA MTHONG BAR 'GYUR TE, YID 'BYUNG BA SHAS CHE BA'I PHYIR RO, ,(MI LCOGS MED DANG BSAM GTAN KHYAD PAR CAN LA RTEN PA'I SBYOR LAM GYIS NI TSE DE NYID LA BDEN PA MTHONG BAR MA NGES TE NYAMS PA SRID PAS SO, ,DES NA DNGOS GZHI'I SBYOR LAM THAMS CAD 'PHAGS PAS GTONG BAR NGES SO GSUNG NGO,,) GAL TE SNGAR (BZOD 'BRING MAN CHAD,) THOB PA (LAS) RNAM PAR NYAMS PA DAG GIS YANG (PHYIS) THOB PA YIN NA NI SO SO THAR PA'I SDOM PA LTAR SNGON MED PA (KHO NA) GSAR DU THOB PA YIN GYI 'DAS PA THOB PA NI MA YIN TE, SNGON ('PHAGS LAM GYI SBYOR BA MA SKYED PAS,) YANG NAS YANG DU MA GOMS PA DANG ('DOD CHAGS DANG BRAL BAS MI THOB PA'I PHYIR RO,,) 'BAD PAS BSGRUB PAR BYA BA YIN (PAS SNGON RANG SA MI 'THOB) PA'I PHYIR RO, ,(SMON NAS SHES PA GCIG GIS SOS 'DEBS MKHAN YOD NA 'PHRO NAS SKYE LA MED NA GZHI NAS SKYED DO,,) 'O NA RNAM PAR NYAMS PA DANG YONGS SU NYAMS PA DAG LA KHYAD CI YOD CE NA, NYAMS PA GNYIS NI (CHOS) MI LDAN PA'I RANG BZHIN YIN PAR NI KHYAD PAR CI YANG MED DO, , 'ON KYANG YONGS SU NYAMS PA NI LOG LTA SKYES PA NA DGE RTZA NYAMS PA LTA BU NYON MONGS PA'I NYES PA BYAS PA KHO NAS NYAMS PA YIN LA RNAM PAR NYAMS PA NI SNGA MA (LOG LTA SKYES PA,) LTA BU NYES PAS NYAMS PA DANG, MTHONG LAM SKYES PA NA SO SO'I SKYE BO NYAMS PA LTA BU DANG LAM LA RJES SHES SKYES PA NA MTHONG LAM GTONG BA LTA BU YON TAN GYIS NYAMS PA'ANG YIN PAS NYAMS PA SPYIR SMOS PA YIN TE, DES NA YONGS NYAMS LA RNAM NYAMS KYIS KHYAB KYANG RNAM NYAMS LA YONGS NYAMS KYIS MA KHYAB PA (YOD DE BCU DRUG PA THOB PA NA MTHONG LAM LTA BU'O DES NA,) BYE BRAG DANG SPYI'I KHYAD PAR YOD DO ZHES SHES PAR BYA'O, ,DE LA DROD (KYI YON TAN) THOB PA NI YONGS SU NYAMS KYANG NGES PAR MYA NGAN LAS 'DA' BA'I CHOS CAN YIN LA, THAR PA @581 CHA MTHUN DANG GNYIS KYI KHYAD PAR NI BAR CHAD BYED PA MED NA BDEN PA MTHONG BA LA CHOS NYE BA YIN TE, (TSE 'DI LA BDEN PA MTHONG BA SRID PA'I PHYIR RO, ,) RTZE MO THOB PA DAG NI YONGS SU NYAMS KYANG DGE BA'I RTZA BA KUN TU MI CHAD PA YIN, (TE DGON MCHOG LA MI PHYED PA'I DAD PA BRTAN PO THOB PAS RTEN LHAG PA'I PHYIR RO, ,) DE NI NGAN SONG DU YANG 'GRO BA SRID LA MTSAMS MED PA BYED PA DAG KYANG SRID DO, , BZOD PA THOB PA NI RNAM PAR NYAMS KYANG NGAN SONG GSUM DU MI 'GRO STE, DER 'GRO BA'I RGYU LAS DANG NYON MONGS PA SPANGS PA'I PHYIR RO, ,DE LTAR NA 'GRO BA GSUM DANG, DES MTSON NAS SGO NGA DANG DROD GSHER LAS SKYE BA'I SKYE GNAS GNYIS DANG, 'DU SHES MED PA'I SEMS CAN DANG BYANG GI SGRA MI SNYAN DANG TSANGS PA CHEN PO STE SKYE BA GSUM DANG, ZA MA DANG MA NING DANG MTSAN GNYIS PA STE LUS GSUM DANG, BRGYAD PA PHAN CHAD LA SOGS PA'I SRID PA DANG, MTHONG SPANG GI NYON MONGS PA STE, 'GRO BA DANG SKYE GNAS DANG SKYE BA DANG LUS DANG SRID PA DANG NYON MONGS PA ('DI DAG LA SO SOR BRTAGS MIN THOB PAS DE DAG) MI SKYE BA'I CHOS NYID DRUG 'THOB PA'I PHYIR RO, ,DE YANG BZOD PA CHUNG NGU DANG 'BRING POS NI NGAN SONG GI 'GRO BAR MI SKYE BA 'THOB LA, CHEN POS NI THAMS CAD MI SKYE BA'I CHOS NYID 'THOB MOD KYI RTZA BAR NI NGAN SONG DU MI 'GRO BA GCIG PU SMOS SO, ,DE LA SPYIR RIGS GSUM YOD PA LAS DANG PO SRID PA THA MA PA'I BAR DU SLOB DPON LA SLOB PA LA LTOS PAS SLOB M NYAN THOS KYI RIGS NI DROD RTZE GNYIS THOB PA DAG KYANG NYAN THOS LAS BZLOG NAS NI SANGS RGYAS SU 'GYUR BA SRID KYI BZOD PA THOB YIN NI SANGS RGYAS KYI RIGS SU 'GYUR BA MI SRID DE, BZOD PA THOB PA NAS NGAN SONG DU MI 'GRO LA BYANG CHUB SEMS DPA' NI GZHAN DON DU NGAN SONG DU 'GRO BA'I PHYIR RO, ,NYAN THOS KYI RIGS DE NYID SANGS RGYAS LAS GZHAN PA RANG SANGS RGYAS SU NI CHOS MCHOG MA GTOGS PA GSUM YANG NYAN THOS KYI RIGS LAS BZLOG NAS KYANG 'GYUR TE, DE NI (RANG DON GTZO BAS) GZHAN DON DU YANG NGAN SONG DU MI 'GRO BA'I PHYIR RO, ,CHOS MCHOG LAS NI RANG SANGS RGYAS SU YANG MI 'GYUR TE, DE NI SKAD CIG MA GCIG YIN PA'I PHYIR DANG, DE'I DE MA THAG PAR MTHONG LAM SKYE BAS DE NAS RIGS NGES PA'I PHYIR RO, ,RANG RGYAL DANG SANGS RGYAN KYI RIGS GNYIS NI GZHAN DU BZLOG PAR MI NUS TE, STON PA SANGS RGYAS DANG BSE RU LTA BU'I RANG SANGS RGYAS (KYI LAM) NI SKYON BRGYAD LAS GROL BAS TING NGE 'DZIN MI G-YO BA DANG DBANG PO RNO BAS GSAL ZHING SBYANGS PAS NGES 'BYED CHA MTHUN NAM MI SDUG PA NAS GZUNG STE BYANG CHUB ZAD MI SKYE SHES PA'I BAR GYI LAM KUN BSAM GTAN GYI YA MTHA' BZHI PA LA BRTEN NAS STAN GCIG KHO NA LA BSKYED PA'I PHYIR TE, DE LA NI BAR SKABS @582 (DER SHES PA MI MTHUN PA MI 'BYUNG BA DANG RANG GI 'BRAS BU DE MA THAG TU THOB PAS SGYID LUG PA )MED PAS RIGS GZHAN DU (THEG PA 'OG MAR,) 'GYUR BA MI RIGS PHYIR RO ZHES BYE BRAG TU SMRA BA ZER RO, , DE'I PHYIR NYAN THOS NI CHOS MCHOG NAS PHYIR MI LDOG PA DANG, RANG SANGS RGYAS BSE RU LTA BU DANG SANGS RGYAS NI SBYOR LAM MAM TSOGS LAM NAS PHYIR MI LDOG PA YIN LA, CHOS MNGON PA BA GANG DAG GI LTAR NA BSE RU LTA BU LAS GZHAN PA TSOGS SHING SPYOD PA'I RANG SANGS RGYAS KYANG YOD PAR 'DOD PA DE DAG GI LTAR NA NI NYAN THOS LTAR DROD RTZE GNYIS THOB NAS KYANG RANG SANGS RGYAS KYI RIGS LAS BZLOG NAS SANGS RGYAS SU 'GYUR BA SRID DE, DE'I LAM BGROD TSUL NI NYAN THOS DANG MTSUNGS PA'I PHYIR RO, ,BSE RU LTA BU'I RIGS KHO NA BSGYUR BAR MI NUS PAR DMIGS KYIS BKAR BA'I PHYIR RO, ,DES NA 'DI NI NYAN THOS SNGON DU 'GRO BA'I RANG SANGS RGYAS TE SNGAR NGES 'BYED CHA MTHUN BSKYED PA ZHIG YIN NO ZHES SLOB DPON GANG SPEL 'CHAD DE DE DAG GI SDE PA DAG GI LUGS SO, ,THEG PA GONG MA PA DAG NI DE LAS GZHAN DU 'CHAD DE 'DIR NI SKABS MA YIN PAS KHO BOS MA BSHAD DO, , SBYOR BA'I LAM DE YANG RGYU GANG LAS SHES NA, SBYOR BA'I LAM DE'I SNGON DU NI NGES PAR THAR PA'I CHA DANG MTHUN PA'I DGE BA 'GRO BA YIN TE, ,DE NAS JI SRID NA THAR ZHE NA, THAMS CAD PAS SHIN TU MYUR BA NI SRID PA GSUM GYIS THAR TE SA BON 'DEBS PA DANG, MYU GU SKYE BA DANG 'BRAS BU 'CHAGS PA LTAR SKYE BA DANG PO LA THAR PA'I CHA MTHUN DANG GNYIS PA LA NGES 'BYED CHA MTHUN DANG GSUM PA LA DGE SBYONG GI TSUL GYI 'BRAS BU RNAMS SKYED PAR BYED DE, 'GREL PA LAS KYANG, CHOS NYID 'DI LA NI RGYUD RIM GYIS 'JUG PA DANG YONGS SU SMIN PA DANG RNAM PAR GROL BAR 'GYUR RO ZHES 'BYUNG STE, DE LA 'JUG PA (DANG SMON PA DANG GROL BA,) LA SOGS PA NI RIM PA LTAR THAR PA'I CHA MTHUN DANG NGES 'BYED CHA MTHUN DANG 'PHAGS PA'I LAM YIN PA'I PHYIR RO, ,DE YANG DBANG PO RNON PO BRTZON PA DANG LDAN PA RNAMS KYI DBANG DU BYAS KYI GZHAN DAG GIS NI MA NGES PA'I PHYIR RO, ,DE BAS KYANG SHIN TU MYUR BA GANG ZHIG GI CHE SNGA MA LA THAR PA'I CHA MTHUN KYI TSOGS BSAGS PA DE NI (DE'I PHYI MA LA,) TSE GCIG KHO NA LAS NGES 'BYED CHA MTHUN DANG 'PHAGS PA'I LAM SKYED PAR BYED DO ZHES BYA BAR KHONG DU CHUD PAR BYA'O ZHES TSE GNYIS LA'ANG THAR PAR t'IK (RGYAL SRAS MA) LAS BSHAD DE, LUNG LAS KYANG 'DI NYID MANG DU GSUNGS SHING, DNGOS GZHIS DE NYID LA BDEN MTHONG ZHES PA DANG MTHUN PAS DE NYID RIGS SO ZHES GSUNG NGO, ,NYAN THOS KYI SA LAS NI SNGA MA DANG MTHUN PAR BSHAD DO, ,THAR PA'I CHA MTHUN DE YANG THOS PA DANG BSAMS PA LAS BYUNG BA YIN GYI @583 BSGOMS PALAS BYUNG BA NI MA YIN TE, DE NI RNAM G-YENG GI SA PA YIN PA'I PHYIR RAM, YANG NA PHYI ROL BA'I SGOM BYUNG (BSOD NAMS KYI CHA'I SGOM BYUNG NI, THAR CHAR MI RUNG ZHING, NANG BA'I DA DUNG MA SKYES PA'I PHYIR RO, ,DGE BA DE YANG YID GTZOR GYUR PA'I SGO GSUM GYI LAS GSUM YIN NO, ,DE'I TSAD NI MA NGES TE, (DE YANG THAR PA THOB PAR BYA SNYAM PA'I DGE BA NI YID GTZO BAS, DES KUN NAS BSLANG BA'I LUS NGAG GIS LAS KYANG THAR CHAR 'GYUR RO,,) 'GREL PA LAS, LA LA ZHIG GIS ZAS 'GA' TZAM BYIN NAS SAM BSLAB PA 'GA' TZAM YANG MNOS NAS THAR PA 'DOD PA'I STOBS BSKYED PAS THAR PA'I CHA DANG MTHUN PA 'PHEN PAR 'GYUR RO ZHES PA DANG, SLOB DPON GANG SPEL GYIS KYANG GANG ZHIG LA BSAM PA THAG PA NAS 'KHOR BA 'DOR BA'I BLO DANG MYA NGAN LAS 'DAS PA LA MOS PA 'JUG PA YOD PA DES NI SBYIN PA DANG TSUL KHRIMS DANG THOS PA DANG BSAMS PA LAS BYUNG BA NYUNG ZAD KYIS KYANG THAR PA'I CHA DANG MTHUN PA 'PHEN GYI DE LAS BZLOG PAS NI MANG POS KYANG MI 'PHEN NO ZHES PA DANG, SLOB DPON RGYAL PO'I SRAS KYIS KYANG 'DI NI CHUNG NGU ZIN KYANG THAR PA 'DOD PA'I STOBS BSKYED PAS THAR PA'I CHA DANG MTHUN PA 'PHEN PAR 'GYUR RO ZHES BSHAD PA'I PHYIR RO, ,NGES TSIG NI THAR PA MYA NGAN LAS 'DAS PA YIN ZHING DE'I CHA NI DE 'THOB BYED KYI RGYU NGES 'BYED CHA MTHUN YIN LA DE LA PHAN PAS NA DE SKAD CES BYA'O, ,DGE BA DE NI GLING GSUM GYI MI'I NANG KHO NA NAS DANG PO 'PHEN PAR BYED KYI LHA RNAMS LA SHAS RAB YOD KYANG SKYO BA SHAS CHUNG ZHING NGAN SONG BA LA SKYE BA YOD KYANG SHES RAB MI GSAL LA SGRA MI SNYAN PA LA GNYIS KA MED PA'I PHYIR MI 'PHEN NO, , 'O NA SBYOR LAM GYI MNYAM GZHAG GI BLO DE CHOS KYI DBYINGS LA BLO'I RIGS CI YIN ZHE NA, KHA CIG GIS RNAL 'BYOR MNGON SUM DANG, KHA CIG GIS YID KYI MNGON SUM DU 'DOD PA NI MI RIGS TE, DE DAG GI MTSAN NYID MED PA'I PHYIR DANG, BDEN PA MTHONG BA DANG, ZAG PA MED PA'I YE SHES SU THAL BA'I PHYIR DANG, RGYUD BLA MA LAS, SO SO'I SKYE BO PHYIN CI LOG ,BDEN PA MTHONG PA BZLOG PA STE, ,ZHES PA DANG, DBUS MTHA' LAS, RJES SU MTHUN LA PHYIN CI LOG CES PA DANG, MNGON PAR RTOGS PA'I RGYAN LAS KYANG, RNAM RTOG BZHI PO LDAN BSTEN PA ZHES GSUNGS PA DANG 'GAL BA'I PHYIR RO, ,GANG YANG BRGYAD STONG PA'I 'GREL PA LAS GSAL SNANG YOD PAR BSHAD PA DE YANG NGES PAR RTOG PA'I DBANG DU BYAS NAS GSUNGS PA YIN NO, ,(KHA CIG SHES RAB GSUM GYIS GOMS DAR BYAS PA'I RANG RIG MNGON SUM YIN TE, @584 DPER NA 'DOD CHAGS LA SOGS PA GOMS PA'I RANG RIG BZHIN NO ZHES 'DOD DO,,) DE'I PHYIR 'DI NI CHOS KYI DBYINGS LA SNGAR THOS BSAM LAS BYUNG BA'I SHES RAB KYIS RTOGS PA'I DON JI LTA BAR DRAN PA NYID YIN LA, SPYI LA PHYI ROL TU RLOM PA'I CHA NAS NI LOG SHES NYID YIN NO, ,KHA CIG GIS BCAD SHES DANG, KHA CIG GIS YID DPYOD DU 'DOD PA LA'ANG 'GAL BA MED DE, DRAN PA YANG DAG BCAD SHES KYI NANG DU BSDUS PA'I PHYIR DANG, DMIGS RNAM SNGAR MA GTOGS PA LA MOS PA YID LA BYED PA'I PHYIR RO, ,SPANGS RTOGS KYI KHYAD PAR LA SOGS PA NA BSHAD ZIN LA, THEG PA CHEN PO'I RNAM BZHAG NI 'DIR MI 'DOD PA NYID DO, ,MTHONG BA'I LAM BSHAD PA NI 'JIG RTEN PA'I CHOS KYI MCHOG GI YE SHES LAS NI CHOS SHES KYI BZOD PA ZAG PA MED PA'I YE SHES SKYE'O, ,CHOS BZOD DE GANG LA DMIGS SHE NA, CHOS MCHOG DANG 'DRA BAR 'DOD PA NA SPYOD PA'I SDUG BSNGAL LA DMIGS (NAS SRED PA SPYOD PA LA SOGS PA'I GANG ZAG GI BYE BRAG GIS RNAM PA BZHI PO GANG RUNG,) PA YIN NO, ,DE'I PHYIR SDUG BSNGAL LA CHOS SHES PA'I BZOD PA ZHES BYA STE, SDUG BSNGAL GYI CHOS NYID SHES SHING DE LA MI SKRAG PA'I PHYIR RO, ,YANG NA 'BRAS BU CHOS SHES PA'I RGYU YIN PAS NA 'BRAS BUS MTSON NAS CHOS SHES PA'I BZOD PA ZHES BYA STE ME TOG DANG 'BRAS BU'I SHING BZHIN NO, ,DE SKYES NA 'PHAGS PA'I GANG ZAG DANG, YANG DAG PA MYANG 'DAS NYID DU NGES PAR 'GRO BAS NA NGES PAR 'JUG PA ZHES KYANG BYA'O, ,('DI MA 'ONGS PA SKYE BZHIN PAS NI SO SKYE ZLOG PAR BYED PA'I PHYIR,) DE'I PHYIR DE NI SO SO'I SKYE BO BZLOG PAR BYED PA ZHES KYANG BYA'O, , KHA CIG NA RE SO SO'I SKYE BO NI 'JIG RTEN CHOS MCHOG GIS BZLOG PAR BYED DE ZHES ZER TE, DE'I LTAR NA CHOS MCHOG SO SO'I SKYE BO MA YIN PAR THAL BA'I PHYIR RO, ,KHA CIG NA RE CHOS MCHOG DANG SDUG BSNGAL LA CHOS SHES PA'I BZOD PA NI SO SO'I SKYE BO ZLOG PA LA BAR CHAD MED PA DANG RNAM GROL GYI LAM DANG RJES SU MTHUN PA YIN NO ZHES ZER TE, RNAM PA 'GAL BA TZAM YIN PA'I PHYIR RJES SU MTHUN PA'I SGRA SBYAR TE DON DU NA SO SO'I SKYE BO NI SGOM SPANG YIN PAS MTHONG LAM GYIS NI SPONG BA MA YIN NO ZHES BYE BRAG TU SMRA BA RNAMS 'DOD DO ZHES 'CHAD MOD KYI BYE BRAG TU SMRA BA'I 'DOD PA NI CHOS MCHOG GIS SPONG YANG SO SO'I SKYE BO MA YIN PAR THAL BA'I NYES PA MED DE, 'GAG PAR 'GYUR BA'I LAM GYIS NI, ,DE YI SGRIB PA RAB TU SPONG, ,ZHES 'BYUNG BAS CHOS MCHOG GIS SPONG BZHIN PA YIN GYI SPANGS ZIN PA MA YIN PA'I PHYIR RO, , GZHAN YANG DE SGOM SPANG YIN KYANG NGAN SONG SKYED BYED KYI LAS RKYEN MA TSANG BAS MTHONG LAM THOB PA NA 'GAG PA LTAR CHOS BZOD SKYE BZHIN PA NA RKYEN MA TSANG BAS SO SO'I SKYE BO'I THOB PA CHAD PAS SDONG STE, DE @585 LTA MA YIN NA MTHONG LAM PA 'PHAGS PA MA YIN PAR THAL BA'I PHYIR RO, ,DES NA 'DI'I DON NI 'GREL PA LAS MA 'ONGS PAS NI SO SO'I SKYE BO NYID ZLOG PAR BYED DO, ,MA 'ONGS PA DE'I BYA BA NI DE KHO NA YIN PAR KHAS LEN GYI GZHAN NI MA YIN TE, MAR ME DANG SKYE BA BZHIN NO ZHES PA DANG, SLOB DPON GANG SPEL GYIS KYANG MA 'ONGS PA BYED PA DANG LDAN PA NI GSUM STE, SKYE BA DANG MAR ME DANG SDUG BSNGAL LA CHOS SHES PA'I BZOD PA'O, ,JI LTAR SKYE BZHIN PA'I MAR MES MUN PA SEL ZHING 'GAG BZHIN PAS SDONG BU DANG MER SREG PA BZHIN DU SDUG BSNGAL LA CHOS SHES PA'I BZOD PA SKYE BZHIN PAS SO SO'I SKYE BO NYID SPONG LA 'GAG BZHIN PAS PHRA RGYAS BCU SPONG NGO ZHES PA DANG, SLOB DPON RGYAL PO'I SRAS KYIS KYANG 'PHAGS PA'I CHOS MA THOB PA NI SO SO'I SKYE BO YIN LA, DE NI 'PHAGS PA'I CHOS THOB PA NA RNAM PAR NYAMS PA'I SGO NAS THOB PA CHAD PAS LDOG GI ,NYON MONGS PA CAN MA YIN PAS GNYEN POS DNGOS SU SPANGS PA NI MA YIN TE, NYON MONGS PA CAN GZUGS MIN NI, ,GNYEN PO SKYES PAS RNAM NYAMS 'GYUR ZHES 'BYUNG BAS NYON MONGS CAN GZUGS CAN MA YIN NA GNYEN PO SKYES PAS SPANG BA YIN PA LA 'DI NI MA BSGRIBS LUNG MA BSTAN YIN PA'I PHYIR RO, ,'O NA RNAM PAR NYAMS PA DANG SPANGS PA DAG LA KHYAD PAR CI YOD CE NA, DANG PO NI RKYEN MA TSANG BA TZAM GYIS THOB PA CHAD PA YIN LA, GNYIS PA NI GNYEN PO SKYES PAS SPANGS PA YIN NO, ,DES NA THOB PA CHAD PA SO SO'I SKYE BO DANG MI LDAN PA'I PHYIR CHOS BZOD KYI GNAS SKABS NA 'PHAGS PA KHO NA YIN GYI SO SO'I SKYE BO NI MA YIN NO ZHES BSHAD PAS SDUG BSNGAL LA CHOS BZOD SKYE BZHIN PA NA SO SO'I SKYE BO'I BRTAGS MIN THOB PAS SPANGS PA YIN NO ZHES BYA BA 'DI YIN NO, ,SDUG BSNGAL LA CHOS SHES PA'I BZOD PA SKYES PA DE NAS NI 'DOD PA'I SDUG BSNGAL DE NYID LA DMIGS PA'I CHOS SHES PA'I YE SHES SKYE'O, ,'DI NI DANG POR 'DOD PA'I CHOS KYI DE NYID SHES PA NA CHOS SHES PA YIN GYI BZOD PA NI MA YIN TE, SNGAR GYI YE SHES KYIS SKRAG PA BCOM ZIN PA'I PHYIR RO, ,JI LTAR 'DOD PA'I SDUG BSNGAL LA DMIGS PA'I BZOD SHES ZAG MED SKYE BA DE BZHIN DU SDUG BSNGAL CHOS SHES KYI MJUG THOGS SU 'DOD PA'I SDUG BSNGAL GYI LHAG MA KHAMS GONG MA GNYIS KYI SDUG BSNGAL GYI BDEN PA LA DMIGS PA'I RJES SU SHES PA'I BZOD PA DANG SHES PA SKYE'O, , YE SHES DE DAG NI CHOS SHES PA'I RJES SU SKYES PA'I PHYIR RJES SU SHES PA DANG, GONG MA'I SDUG BSNGAL GYI CHOS NYID LA MI SKRAG PA'I PHYIR BZOD PA DANG, SKRAG PA BCOM ZIN LA 'JUG PA'I PHYIR SHES PA YIN NO, ,SDUG BSNGAL GYI BDEN PA LA DMIGS PA'I YE SHES BZHI SKYE BA JI LTA BA BZHIN DU KUN 'BYUNG LA SOGS @586 PA'I BDEN PA GSUM LA'ANG DE BZHIN DU SHES PAR BYA'O, ,DE LTAR NA BDEN PA MNGON PAR RTOGS PA'I LAM 'DI NI SEMS KYI SKAD CIG MA (ZAG MED) BCU DRUG GO ,MNGON PAR RTOGS PA ZHES BYA BA NI MNGON SUM DU MTHONG BA'O, ,'DIR DPYAD PA 'DI YOD DE BDEN PA RNAMS CIG CAR RTOGS SAM, 'ON TE RIM GYIS YIN, DANG PO LTAR NA BDEN PA MNGON PAR RTOGS PA BCU DRUG MA YIN PAR 'GYUR LA, GNYIS PA LTAR NA SPANG BYA RIM GYIS SPONG BAR 'GYUR NA STONG CHEN MO RAB TU 'JOMS PA LAS, LTA BA 'DI LA SBYAR MA THAG TU NI, ,'JIGS TSOGS LTA DANG TSUL KHRIMS BRTDUL ZHUG DANG, ,THE TSOM DANG NI NYON MONGS GSUM PO DAG ,CIG CAR SPANGS TE 'PHAGS PA'I BDEN MTHONG BA ZHES GSUNGS PA DANG 'GAL LO ZHE NA, 'PHAGS PA GNAS BRTAN PA DANG CHOS SRUNG BA'I SDE PA LA SOGS PA RNAMS NA RE BDEN PA NI CIG CAR MNGON PAR RTOGS TE, YE SHES KYI RNAM PA BCU DRUG BSHAD PA NI BDEN PA BZHI LA CHOS KYI RNAM PA BCU DRUG BSHAD PA'I DBANG DU MDZAD PA YIN TE, GZHAN DUNA SNGAR SMOS PA'I MDO DANG 'GAL PA'I PHYIR RO ZHES 'DOD DO, ,'DI LA THAMS CAD YOD PAR SMRA PA LA SOGS PA RNAMS NI BDEN PA MNGON PAR RTOGS PA NI BCU DRUG RIM GYIS RTOGS PA YIN GYI CIG CAR NI MA YIN NO, ,GAL TE BDEN BZHI CIG CAR MNGON PAR RTOGS NA ZHUGS PA DANG GNAS PA'I RNAM BZHAG MI RUNG PAR THAL PA'I PHYIR DANG, BCOM LDAN 'DAS KYIS DPE DANG BCAS PA'I MDO GSUM GSUNGS PA DANG 'GAL PA'I PHYIR RO,, DE LA MDO DANG PO NI YANG DAG PAR LDAN PA'I MDO LAS, KHYIM BDAG MGON MED ZAS SBYIN GYIS BTZUN PA CI LAGS, 'PHAGS PA'I BDEN PA BZHI PO MTHAR GYIS MNGON PAR RTOGS SAM, 'ON TE MNGON PAR RTOGS PA GCIG LAGS ZHES ZHUS PA DANG, KHYIM BDAG 'PHAGS PA'I BDEN PA BZHI NI MTHAR GYIS MNGON PAR RTOGS KYI MNGON PAR RTOGS PA GCIG PA NI MED DO, ,KHYIM BDAG GANG ZHIG 'DI SKAD DU BDAG GIS SDUG BSNGAL 'PHAGS PA'I BDEN PA MNGON PAR MA RTOGS PAR KUN 'BYUNG BA 'PHAGS PA'I BDEN PA MNGON PAR RTOGS PAR BYA'O ZHES BYA BA NAS RGYAS PAR SDUG BSNGAL 'GOG PA 'PHAGS PA'I BDEN PA MNGON PAR MA RTOGS PAR SDUG BSNGAL 'GOG PAR 'GRO BA'I LAM 'PHAGS PA'I BDEN PA MNGON PAR RTOGS PAR BYA'O ZHES BYA BA'I BAR DU SMRA NA DE SKAD DU NI MA SMRA ZHIG CES BRJOD PAR BYA'O, ,DE CI'I PHYIR ZHE NA, SDUG BSNGAL 'PHAGS PA'I BDEN PA MNGON PAR MA RTOGS PAR KUN 'BYUNG BA 'PHAGS PA'I BDEN PA MNGON PAR RTOGS PAR 'GYUR BA GANG YIN PA DE NI GNAS MED CING GO SKABS MED DO, ,SDUG BSNGAL 'PHAGS PA'I BDEN PA MNGON PAR RTOGS NAS KUN 'BYUNG BA 'PHAGS PA'I BDEN PA MNGON PAR RTOGS PA 'DI NI @587 GNAS YOD CING GO SKABS YOD DO ZHES BYA BA NAS, DE BZHIN DU BDEN PA GZHAN LA'ANG SBYAR NAS DPE NI KHANG PA BRTZEGS MA'AM KHANG PA BRTZEGS PA CHEN PO'I RMANG DANG RTZIG PA DANG PHYAM SO DANG G-YOGS MA RNAMS SNGA MA SNGA MA LA RKANG BA MA BZHAG PAR PHYI MA PHYI MA LA RKANG PA GZHAG PAR BYA BA'I GNAS MED CING GO SKABS MED PA DANG, SNGA MA SNGA MA LA BZHAG NAS PHYI MA PHYI MA LA GZHAG PA'I GNAS DANG GO SKABS YOD PA'I SGO NAS GSUNGS SO, ,MDO GNYIS PA NI DGE SLONG ZHIG LA DON SNGA MA BZHIN LA DPE NI BANG RIM BZHI PA'I THEM SKAS LA 'DZIG PA'I SGO NAS GSUNGS SO, , MDO GSUM PA NI 'PHAGS PA KUN DGA' BO LA DON SNGA MA BZHIN LA DPE NI GDANG BU BZHI PA'I SKAS LA 'DZEGS TE KHANG BZANG GI STENG DU 'DZEG PA'I DPE'I SGO NAS GSUNGS PA YIN NO, ,BDEN PA CIG CAR MNGON PAR RTOGS PAR GSUNGS PA NI BYA BA'I MNGON PAR RTOGS PA GCIG PA'I DBANG DU MDZAD NAS GSUNGS PA YIN TE, SDUG BSNGAL MTHONG BA NA DE'I KUN 'BYUNG SPONG ZHING 'GOG PA MNGON DU BYED LA DE DAG KYANG LAM GOMS PAS YIN PA'I PHYIR RO, ,'DIR RIM GYIS MNGON PAR RTOGS PA NI MTHONG BA'I MNGON PAR RTOGS PA YIN NO, ,'O NA MNGON PAR RTOGS PA DU MA YOD DAM ZHE NA, MNGON PAR RTOGS PA DE NI RNAM PA GSUM STE, MTHONG BA'I MNGON PAR RTOGS PA DANG, DMIGS PA'I MNGON PAR RTOGS PA DANG, BYA BA'I MNGON PAR RTOGS PA ZHES BYA BA'O, ,DE LA DANG PO NI ZAG MED KYIS SHES RAB KYIS BDEN BZHI'I RNAM PA BCU DRUG MNGON SUM DU MTHONG BA STE, MDO LAS, DGE SLONG DAG ZAG PA MED PA'I SHES RAB KYIS MTHONG BA GANG YIN PA DE NI MTHONG BA'O ZHES 'BYUNG BAS SHES RAB NYID MTHONG BA YIN NO, ,GNYIS PA NI SHES RAB MTSUNGS LDAN (GYI SEMS SEMS BYUNG) DANG BCAS PA'O, ,GSUM PA NI SHES RAB MTSUNGS LDAN DANG BCAS PA DANG, LDAN PA MA YIN PA TSUL KHRIMS DANG MTSAN NYID DANG THOB PA LA SOGS PA DAG KYANG YIN TE, DE DAG GIS SDUG BSNGAL SHES PAR BYA BA DANG, KUN 'BYUNG SPANG BAR BYA BA DANG, 'GOG PA MNGON DU BYA BA DANG, LAM RGYUD LA BSTEN PA'I BYA BA BZHI PO BYED PA'I PHYIR RO ZHES BYA BAR 'DOD DO, ,DES NA SHES RAB GSUM CHAR DANG, SHES RAB LAS GZHAN PA'I MTSUNGS LDAN RNAMS NI PHYI MA GNYIS DANG, SHES RAB DANG LHAN CIG PA'I MTSUNGS LDAN MA YIN PA RNAMS NI THA MA KHO NA'O, ,MNGON PAR RTOGS PA BCUDRUG PO DE DAG NI CHOS MCHOG DANG SA GCIG CING CHOS MCHOG NI, MI LCOGS MED PA DANG, KHYAD PAR BSAM GTAN SA PA'O ZHES 'BYUNG BA'I PHYIR 'DI DAG KYANG SA DRUG LA RTEN PA YIN NO, , (BZOD 'BRING MAN CHAD NI BSAM GTAN LA RTEN YANG BYE BRAG GI SA MI MTSUNGS PA SRID DO, ,BCU DRUG @588 TU GRANGS NGES PA NI,) BCU DRUG PO DE'I BZOD PA BRGYAD DANG SHAS PA BRGYAD PO DE DAG GI GO RIM BZHIN DU (NYON MONGS KYI THOB PA GCOD PAS,) RKUN BO 'BYIN PA LTAR SPANG BYA LA GNOD PA BYED PA LA GZHAN GYIS BAR CHAD BYA BAR MI NUS PA'I PHYIR DANG, SGO 'PHAR GCOD PA LTAR SPANG BYA LAS RGYAL BA'I BRAL THOB DANG LHAN CIG SKYE BA'I PHYIR BAR CHAD MED PA'I LAM DANG RNAM PAR GROL BA'I LAM YIN NO, ,SKAD CIG MA YANG SHES BYA LA SHES PA SKYE BA'I BYA BA RDZOGS PA'I SKAD CIG YIN GYI DUS MTHA'I SKAD CIG MA NI MA YIN TE, KUN LAS BTUS LAS, SEMS KYI SKAD CIG NI SHES BYA LA SHES PA 'BYUNG BA YONGS SU RDZOGS PAR RIG PAR BYA'O ZHES BSHAD PA'I PHYIR RO, ,KHA CIG CHOS MCHOG NYID MTHONG SPANG LA GNOD BYED YIN PAR 'DOD PA LA NI CHOS MCHOG BAR CHAD MED PA'I LAM DANG MTHONG LAM RNAM GROL GYI LAM 'BA' ZHIG PAR THAL BA'I SKYON YOD DO, ,GANG DAG SHES PA THAMS CAD SGOM LAM DU 'DOD PA DE DAG LA'ANG MTHONG LAM SKAD CIG BCO LNGA MA YIN BAR 'GYUR RO, ,(GAL TE BZOD PAS NYON MONGS SPONG NA BSTAN BCOS LAS KUN SBYOR NI DGU STE, CHOS SHES PAS SPANG BAR BYA BA BZHI DANG, RJES SU SHES PAS SPANG BAR BYA BA BZHI DANG, SGOM PAS SPANG BAR BYA BA'O ZHES PA DANG 'GAL ZHE NA, BZOD PA RNAMS NI SHES PA'I 'KHOR YIN PAS BZOD PAS SPANG BYA LA SHES PA'I SPANG BYAR BSHAD DE 'KHOR GYIS BCOM PA LA RGYAL POS BCOM ZHES PA BZHIN NO, , SGOM SPANG NI SHES PA KHO NAS TE, DE LA BAR CHAD MED LAM YANG SHES PA'I NGO BO YIN PA'I PHYIR RO,,) GANG DAG 'DIR THEG PA GONG MA'I MTHONG LAM GYI RNAM BZHAG DU MA 'CHAD PA DE DAG NI SKABS LAM 'DAS PA YIN NO, , YE SHES SKAD CIG MA BCU DRUG PO DE DAG LAS SKAD CIG MA DANG PO BCO LNGA NI MTHONG BA'I LAM YIN TE, BDEN PA RNAMS SNGAR MA MTHONG BA MNGON SUM DU MTHONG BA'I PHYIR RO, ,(ZHE NA RTAGS DE CHOS CAN GYI PHYOGS GCIG LA MA GRUB STE, SHES PA NI BZOD PA'I DMIGS PA 'DZIN PA'I PHYIR RO ZHE NA, DE DAG KYANG MTHONG LAM GYI BAR NA YOD PA'I SHES PA YIN PA'I PHYIR RGYUD LA BSAMS PA'AM, YANG NA MA MTHONG BA'AM MTHONG BA'I PHYIR TE, GANG ZAG 'DI'I MA MTHONG BA MTHONG BA 'JUG PA STE DE SRID DU MTHONG BA'I LAM MO, , LAM LA RJES SHES NI SGOM LAM YIN TE DGE SBYONG TSUL GYI 'BRAS BU DUS BYAS YIN PA'I PHYIR DANG, SHES PA BRGYAD DANG RNAM PA BCU DRUG THOB PA'I PHYIR DANG, LAM SNGA MA NYAMS PA'I PHYIR DANG, RGYUN CHAGS PA PHYIN PA'I PHYIR RO, ,'DI SGOM LAM YIN NA NYAMS PA SRID PAR 'GYUR RO ZHE NA, MA YIN TE MTHONG SPANG GI SPANGS PA 'DZIN PA'I GZHI'I GNYEN PO YIN PAS SO ZHES ZER TE DE LTA NA SGOM LAM THAMS CAD KYANG MTHONG @589 LAM DU HA CANG THAL BAS MI 'THAD DO, ,CI'I PHYIR SHES PA BDUN MTHONG LAM YIN ZHE NA, BDEN PA MTHONG BA THAMS CAD MA RDZOGS PAS BZOD PA GNYIS KYI BAR MAR GYUR PA'I PHYIR RO, ,KHA CIG MTHONG LAM GYI SKAL MNYAM GYI RGYU YIN PA'I PHYIR ZHES ZER RO,,) BCU BZHI PA MAN CHAD KYIS NI KHAMS GONG MA'I LAM MA MTHONG BA'I PHYIR MTHONG LAM DU MA BSHAD DO, ,BCU DRUG PA NI SNGA MA RNAMS KYIS MTHONG ZIN PA'I BDEN PA LA DMIGS NAS LAM GOMS PAR BYED PA'I PHYIR SGOM LAM YIN NO, ,SHES PA SNGA MA BDUN NI MTHONG BA'I BYA BA MA RDZOGS PA'I PHYIR MTHONG LAM DU BSHAD KYI SGOM LAM NI MA YIN NO, ,'O NA BCU DRUG PA'ANG LAM LA NGES PAR 'BYIN PA'AM, LAM LA RJES BZOD SNGAR MA MTHONG BA MTHONG BA'I PHYIR MTHONG LAM DU 'GYUR RO ZHE NA, MTHONG MA MTHONG NI BDEN PA MTHONG BA DANG MA MTHONG BA'I DBANG DU BYAS KYI RNAM PA'I DBANG DU MA BYAS PAS (SHES PA'I) RNAM PA GCIG MA MTHONG BAS NI MA MTHONG BAR MI 'GYUR TE NYAG MA GCIG MA BRNGAS KYANG ZHING MA BRNGAS PAR MI 'GYUR PA BZHIN NO,, MTHONG PA LAM SKAD CIG MA BCO LNGAR BSHAD PA GANG DAG YIN PA DE DAG TU DBANG PO RNON PO NI SNGON RANG NYID KYI MDO LA SOGS PA'I CHOS KYI DON GYI RJES SU 'BRANG BAS NA CHOS KYI RJES SU 'BRANG BA DANG, RTUL PO NI SNGON GZHAN GYI LUNG LA BRTEN NAS DAD PAS TSIG GI RJES SU 'BRANG BAS NA DAD PAS RJES SU 'BRANG BA ZHES BYA BA'I MING 'THOB BO, ,DON DE LTAR GNAS PA NA SPYI'I DON NI GSUM YIN TE, MTHONG LAM GYI RTEN DANG, LAM DANG, 'BRAS BU'O, ,DE LA DANG PO LA'ANG LUS KYI RTEN NI GLING GSUM GYI SKYES PA DANG BUD MED DANG 'DOD KHAMS PA'I LHA RIS DRUG LA SKYE'I GZHAN LA NI MA YIN TE, NGAN SONG GSUM DANG BYANG GI SGRA MI SNYAN PA NI RNAM SMIN GYI SGRIB PAS BSGRIBS PA'I PHYIR DANG, ZA MA DANG MA NING DANG MTSAN GNYIS PA RNAMS RTEN DMAN PA'I PHYIR DANG, KHAMS GONG MA'I SKYE BO DAG NI 'KHOR BA LA SKYOB MED PA'I PHYIR RO, ,SEMS KYI RTEN NI BSAM GTAN SA DRUG PA YIN TE, ZAG MED YIN ZHING GZUGS MED 'DOD PA LA MI DMIGS LA, DE NI CHOS MCHOG DANG SA GCIG CES BSHAD PA'I PHYIR RO, ,GNYIS PA LA'ANG BZHI LAS MTHONG LAM GYI MTSAN NYID NI BDEN BZHI'I DE KHO NA NYID SNGAR MA MTHONG BA MNGON SUM DU MTHONG BA YIN NO, ,GANG DAG BDAG MED MNGON SUM DU MTHONG BA MTHONG SPANG GI GNYEN PO BYED PA ZHES ZER BA DE DAG GI LTAR NA GNYEN PO MTSAN NYID PA LA 'DOD NA SHES PA RNAMS MTHONG LAM MA YIN PAR 'GYUR TE, GNYEN PO MTSAN NYID PA NI BAR CHAD MED PA'I LAM YIN PA'I PHYIR RO, ,'ON TE GNYEN PO TZAM LA 'DOD NA NI SGOM LAM YANG DER 'GYUR TE, MTHONG SPANG THAG SRING BA'I GNYEN PO YIN PA'I PHYIR @590 RO, ,KHA CIG CHOS MCHOG CHEN PO'I RJES SU BDAG MED MNGON SUM DU MTHONG BA SGOM LAM CHUNG NGU'I RGYUR GYUR PA ZHES ZER BA DE LA'ANG GAL TE SGOM LAM CHUNG NGU'I DNGOS KYI RGYU YIN NA NI LAM LA RJES BZOD MA GTOGS PA RNAMS MTHONG LAM MA YIN PAR 'GYUR LA, BRGYUD PA'I RGYU YIN NA NI BZOD PA PHYI MA DE NYID MTHONG LAM MA YIN PAR 'GYUR RO, , DNGOS DANG BRGYUD PA'I RGYU CI RIGS PA ZHES BYA BAR 'DOD NA NI MTSAN NYID MA NGES PA YIN PAR 'GYUR RO, ,DE BZHIN DU CHOS MCHOG GI RJES SU 'BYUNG BA LA'ANG DE MA THAG GAM BRGYUD NAS ZHES BRJOD PAR BYA'O, ,DE'I PHYIR BSHAD PA SNGA MA NYID SKYON MED PA YIN NO, ,RAB TU DBYE BA NI GANG ZAG GIS NI NYAN THOS LA SOGS PA GSUM DANG, YUL GYIS NI SDUG BSNGAL MTHONG BA LA SOGS PA BZHI DANG, NGO BOS NI BZOD PA DANG SHES PA GNYIS DANG, RNAM PA LAS NI SDUG BSNGAL LA CHOS SHES PA'I BZOD PA LA SOGS PA BCO LNGA DANG, KHAMS KYI GNYEN PO LAS NI CHOS SHES DANG RJES SHES GNYIS YIN NO, ,SNGON GYI SLOB DPON DAG GIS YE SHES MTHONG BA DANG, BDEN PA MTHONG BA GNYIS SU BSHAD PA NI 'DIR MI 'DOD DE, YE SHES KYANG LAM BDEN GYI NANG DU 'DUS PA'I PHYIR RO, ,MANG POS BKUR PA PA DAG MTHONG LAM SKAD CIG MA BCU GNYIS SU SMRA BA'ANG GAL TE BDEN PA MA MTHONG BA MTHONG BA MTHONG LAM YIN NA BCO LNGA PA MAN CHAD MTHONG LAM DU 'GYUR TE, BDEN BZHI SNGAR MA MTHONG BA NI YE SHES DE DAG YIN PA'I PHYIR RO, , 'ON TE RNAM PA MA MTHONG BA MTHONG BA TZAM GYIS YIN NA NI SKAD CIG MA DANG PO KHO NA MTHONG LAM DU 'GYUR RO, ,BDEN PA DANG RNAM PA TSOGS PA SNGAR BA MTHONG MA MTHONG BA YIN NI LAM LA CHOS SHES PA LA SOGS PA GSUM YANG MTHONG LAM DU THAL BAR 'GYUR RO, , KHYAD PAR GYI CHOS NI MTHONG SPANG MA LUS PA SPANGS PA DANG, BDEN PA'I CHOS NYID MNGON SUM DU RTOGS PA DANG, MI SKYE BA'I CHOS NYID DRUG GAM BRGYAD THOB PA LA SOGS PA'I YON TAN DANG LDAN NO, , MING GI RNAM GRANGS NI CHOS RNAMS LA CHOS KYI MIG RDUL MED CING DRI MA DANG BRAL BA THOB PA DANG, MI SKYE BA'I CHOS LA BZOD PA THOB PA DANG, BYANG CHUB SEMS DPA'I MTHONG LAM GYI DBANG DU BYAS NAS BYANG CHUB SEMS DPA'I SKYON MED PA LA ZHUGS PA LA SOGS PA MDO LAS RNAM PA MANG DU BSHAD DO, ,'BRAS BU NI SGOM LAM 'DREN PAR BYED PA'O, , @591 (BZHI) SGOM PA PO'I GANG ZAG RNAM PAR BZHAG PA, DA NI GANG ZAG BSHAD PAR BYA STE, DE LA GANG ZAG CES BYA BA NI PHUNG PO BZHI'AM LNGA'I RGYUN LA BTAGS PA YIN TE, LUNG SIL BU LAS, RGYUN LA GANG ZAG CES BYA STE, ,MTSAN NYID 'DZIN LA CHOS ZHES BRJOD, ,'DI LA GANG YANG 'KHOR BA MED, ,SU YANG MYA NGAN 'DAS PA MED, ,CES PA DANG, MDO LAS KYANG, PHUNG PO RNAMS LA GANG ZAG CES BYA'O ZHES GSUNGS PA'I PHYIR DANG, DGRA BCOM MA BRAG GIS KYANG JI LTAR YAN LAG TSOGS RNAMS LA, ,SHING RTA'I MING DU BSHAD PA LTAR, ,DE BZHIN PHUNG PO RNAMS BRTEN NAS, ,KUN RDZOB SEMS CAN ZHES BYA'O, ,ZHES PA DANG, BTZUN PA GZHON NU LEN GYIS KYANG, PHUNG PO'I RGYUN NI GANG LA DGE, ,MI DGE'I 'BRAS BU YOD PA NYID, ,DE LA SROG CES BYA STE DE, ,SROG MED BSTAN PAS MED PAR 'GYUR ZHES BSHAD PA'I PHYIR RO, ,KHA CIG NA RE PHUNG PO LNGA TSOGS PA LA GANG ZAG TU BRJOD NA GZUGS MED NA GANG ZAG MED PAR 'GYUR LA, KHA YAR BA LA BRJOD NA BUM PA'ANG GANG ZAG TU 'GYUR BAS SA BON THAMS CAD PA'I RNAM PAR SHES PA'I RGYUN NI GANG ZAG YIN TE, RGYUD GSUM GYI RNAM PAR NGES PA LAS, KHA YAR BA DANG TSOGS PA ZHES, ,BRTAGS NA PHUNG PO LNGA'I RGYUN, , GANG ZAG MA YIN DE YI PHYIR, ,SA BON KUN GYI RNAM SHES KYI, ,RGYUN NI GANG ZAG YIN PAR 'DOD, , CES BSHAD PA'I PHYIR RO ZHES ZER BA NI RNAL 'BYOR SPYOD PA PA'I LUGS YIN NO, ,DES NA 'PHAGS PA'I GANG ZAG NI ZAG MED KYI YE SHES DANG LDAN PA'I PHUNG PO BZHI'AM LNGA'I RGYUN LA BRJOD PA YIN NO, ,DE 'CHAD PA NA BRGYAD DU DBYE BA DANG, BDUN DU DBYE BA DANG, GNYIS SU DBYE BA GSUM LAS DANG PO LA'ANG 'DOD CHAGS DANG BRAL BA SNGON DU 'GRO BA DANG, MTHAR GYIS PA DANG, KHYAD PAR BSHAD PA GSUM GYI DANG PO NI 'JIG RTEN PA'I SGOM LAM GYIS SRID RTZE MA GTOGS PA'I SA BRGYAD PO LAS CI RIGS PAR 'DOD CHAGS BRAL BA SNGON DU SONG NAS MTHONG LAM THOB PAR BYED PA STE, DE YANG 'GREL PA LAS PHAL CHER LAS 'DOD CHAGS DANG BRAL BA DANG 'DOD PA LAS 'DOD CHAGS DANG BRAL BA GNYIS BSHAD PA LAS DANG PO NI 'DOD PA'I RNAM PA DRUG PA NAS BRGYAD PA'I BAR SPANGS PA DANG, GNYIS PA NI 'DOD PA'I RNAM PA DGU PA SPANGS PA NAS CI YANG MED PA'I SKYE MCHED KYI DGU PA SPANGS PA'I BAR LA t'IKAS BSHAD KYI RNAM PA LNGA PA SPANGS NAS MTHONG LAM THOB PA NI CHAGS BRAL SNGON 'GROR MA BSHAD LA, 'JIG RTEN PA YIS THOB 'BRAS @592 NI ZHES PA'I 'GREL PAR YANG 'JIG RTEN PA'I LAM GYIS THOB PA'I 'BRAS BU GNYIS ZHES 'BYUNG BA'I PHYIR 'BRAS BU BAR PA GNYIS LA YOD KYI SNGA PHYI GNYIS LA NI CHAGS BRAL SNGON 'GRO MED DO, , (NYAN SA LAS KYANG, DANG PO NAS 'DOD PA LA 'DOD CHAGS DANG BRAL BA ZHIG YIN NA NI DE MTHONG LAM THOB MA THAG TU PHYIR MI 'ONG BAR 'GYUR RO, ,GAL TE SHAS CHER LA 'DOD CHAGS DANG BRAL BA ZHIG YIN NA NI, DE MTHONG LAM THOB MA THAG TU LAN CIG PHYIR 'ONG BAR 'GYUR RO, ,DE 'DOD PA LA 'DOD CHAGS DANG MA BRAL BA ZHIG YIN NA NI RGYUN NI ZHUGS PAR 'GYUR RO, ,ZHES 'BYUNG ZHING, 'DI'I BZHUGS GNAS NI RDZAS THA DAD DO, ,) KUN LAS BTUS LAS KYANG, PHAL CHER LAS 'DOD CHAGS DANG BRAL BA NI YANG DAG PA NYID DU NGES PAR GYUR PA LA ZHUGS NAS LAN CIG PHYIR 'ONG BAR 'GYUR RO, ,'DOD PA RNAMS PAS 'DOD CHAGS DANG BRAL NA NI YANG DAG PA NYID DU NGES PAR GYUR PA LA ZHUGS NAS PHYIR MI 'ONG BAR 'GYUR RO ZHES GNYIS PO KHO NA BSHAD CING, YANG DAG PA NYID DU NGES PAR GYUR PA LA ZHUGS PA NI MTHONG LAM NYID LA BSHAD DO, , GNYIS PA NI SNGAR MTHONG SGOM GYI SPANG BYA MA SPANGS PAS 'CHING BA MTHA' DAG DANG LDAN PA ZHIG DANG POR MTHONG LAM GYIS MTHONG SPANG RNAMS SPANGS NAS DE NAS 'JIG RTEN LAS 'DAS PA'AM 'JIG RTEN PA'I SGOM LAM YANG RUNG STE SGOM SPANG RNAMS RIM GYIS SPONG BA'O, ,DE LA MTHONG LAM SKAD CIG BCO LNGA MAN CHAD LA ZHUGS PA'I DAD PA DANG CHOS KYI RJES SU 'BRANG BA DE DAG GAL TE SNGON 'JIG RTEN PA'I LAM GYIS SGOM PAS SPANG BAR BYA BA GCIG KYANG MA SPANGS PA'I 'CHING BA MTHA' DAG DANG LDAN PA YIN NA 'BRAS BU DANG PO RGYUN ZHUGS KYI 'BRAS BU LA ZHUGS PA YIN NO, ,YANG SKAD CIG BCO LNGA MAN CHAD LA GNAS PA'I GNYIS PO DE NYID SNGAR 'JIG RTEN PA'I LAM GYIS 'DOD PA'I SGOM SPANG GCIG NAS RNAM PA LNGA BA 'BRING GI 'BRING PO'I BAR DU BCOM PA GANG YIN PA DE YANG 'BRAS BU DANG PO LA ZHUGS PA YIN NO, ,('BRAS BU DANG PO THOB PA'I CHED DU BRTZON BZHIN PA'I 'PHAGS PA YIN PA'I PHYIR 'CHING BA KUN LDAN BZHIN NO,,) YANG DE GNYIS 'BRAS BU GNYIS PA LAN CIG PHYING 'ONG LA ZHUGS PA NI (ZHES PA 'DI LA NI SMRA SGO LAS, LA NI GNYIS PA BZHI PA DANG, ,BDUN PA SDUG DANG SBYOR BA DANG, ,SMON DANG TSAD 'DZIN GZHI DANG NI, , TSE SKABS DAG TU 'DOD PA YIN, ,ZHES 'BYUNG BAS SHING LA GCOD CES PA LTA BU GNYIS PA DANG, SHING LA CHU 'DREN ZHES PA LTA BU BZHI BA DANG, SHING LA BYA GNAS ZHES PA LTA BU BDUN PA DANG, LAG PA BSNYAL LA ZAN BZA' ZHES PA LTA BU SDUD PA DANG, GANG NA DU BA YOD PA 'DI NA NI, ME YOD LA 'DI NA NI ME @593 MED DO, ,ZHES PA LTA BU SBYAR PA DANG, BDAG NAM ZHIG NA 'DI LTA BU ZHIG TU GYUR LA GYUR NAS KYANG ZHES PA LTA BU SMON PA DANG, GZHI DE TZAM DU BYA BA LA JI TZAM LA DE TZAM LA ZHES PA LTA BU TSAD 'DZIN PA'I GZHI DANG, DUS DE LA'AM DER ZHES PA LTA BU TSE SKABS LA 'JUG PA DANG, BRGYAD LAS 'BRAS BU GNYIS PA'I PHYIR ZHES BZHI PA DGOS CHED KYI LA YIN PAR 'GREL t'IK GIS BSHAD DO,,) SGAR 'DOD PA'I SGOM SPANG DRUG PA NAS DGU BA TSUN CHAD NI DGU PA MA GTOGS PA STE, BRGYAD PA CHEN PO'I 'BRING GI BAR 'JIG RTEN PA'I LAM GYIS ZAD CING SPANGS PA SKAD CIG MA BCO LNGA PA LA GNAS PA YIN NO, , YANG DE GNYIS SNGAR 'JIG RTEN PA'I LAM KYIS 'DOD PA'I NYON MONGS PA MA LUS PA LAS 'DOD CHAGS DANG BRAL BA'AM YANG NA DE NAS BZUNG STE GONG MA CI YANG MED PA'I SKYE MCHED KYI BAR GANG YANG RUNG BA LAS 'DOD CHAGS BRAL BA ZHIG GIS MTHONG LAM SKAD CIG MA BCO LNGA THOB PA NI 'BRAS BU GSUM PA PHYIR ME 'ONG LA ZHUGS PA YIN NO, ,DAD PA DANG CHOS KYI RJES SU 'BRANG BA GANG ZHIG 'BRAS BU DANG PO RGYUN ZHUGS LA SOGS PA GANG LA ZHUGS PA'I SKAD CIG MA BCO LNGA PA LA GNAS PA DE NI SKAD CIG MA BCU DRUG PA LA NI RGYUN ZHUGS LA SOGS PA DE'I 'BRAS BU LA GNAS PAR 'GYUR GYI ZHUGS PA DANG DAD PAS RJES 'BRANG DANG CHOS KYI RJES 'BRANG DU NI MI 'GYUR RO, ,DE'I PHYIR CHAGS BRAL SNGON 'GRO'I ZHUGS GNAS LA RTOGS PA LA KHYAD PAR YOD KYI SPANGS PA LA KHYAD PAR MED DE, YE SHES SKAD CIG MA BCO LNGA BA DANG BCU DRUG PAS PHYE BA'I PHYIR DANG, SPANGS PA NI 'DRA BA'I PHYIR RO, ,DGRA BCOM PA LA NI CHAGS BRAL SNGON 'GROS THOB PA MED DE, SRID RTZE'I SGOM SPANG MA SPANGS PAR DGRA BCOM MI THOB CING MTHONG LAM GYIS SGOM SPANG MI SPONG BA'I PHYIR DANG, (TE BZOD PAS GZHOM MIN SGOM KHO NAS, ZHES 'JIG RTEN PA'I SGOM LAM GYIS SPONG NGO ZHE NA) ZAG (PA DANG) BCAS (PA'I) 'OG SA DANG RANG SAS MI SPONG LA DE BAS MTHO BA'I 'JIG RTEN BA'I SA MED PAS SRID RTZE'I SGOM SPANG SPONG BA'I 'JIG RTEN PA'I LAM YANG MED PA'I PHYIR RO, ,(RGYUN ZHUGS LA'ANG CHAGS BRAL SNGON 'GRO MED DE, BDEN PA THAMS CAD MA MTHONG BAR SRID RTZE'I MTHONG SPANG MI SPONG BAS SNGAR 'JIG RTEN PA'I LAM GYIS RANG GI SPANG BYA THAMS CAD SPANGS PA MI SRID PA'I PHYIR RO, ,) GANG ZHIG MTHONG LAM SKAD CIG BCO LNGA PA MAN CHAD LA 'DOD PA'I SGOM SPANG LNGA PA MAN CHAD SPANGS NAS BCU DRUG PA LA DRUG PA SPONG BA NI MI SRID DE, DE NI BCO LNGA PA MAN CHAD ZHI GNAS GANG LA BRTEN PA DE LA BCU DRUG PA YANG RTEN GYIS GZHAN LA BRTEN PA MED PA'I PHYIR RO, ,DE BZHIN DU BCO LNGA PA LA BRGYAD PA MAN CHAD SPANGS NAS BCU DRUG PA LA DGU PA SPONG BA'ANG MI SRID PAR SHES PAR BYA'O, , @594 DE'I PHYIR 'DOD CHAGS DANG BRAL BA SNGON DU 'GRO BA'I 'PHAGS PA NI BAR MA GNYIS KHO NAR ZAD DO, , GANG GI TSE MTHONG LAM GYI 'BRAS BU SKAD CIG MA BCU DRUG PA THOB PA DE'I TSE SNGAR GYI DBANG PO RNON PO CHOS KYI RJES 'BRANG DANG RTUL PO DAD PAS RJES 'BRANG DAG NI RIM PA LTAR MTHONG BAS THOB PA DANG DAD PAS MOS PA ZHES BYA BA'I MING 'THOB STE, DE NAS GZUNG NAS DGRA BCOM PA'I 'BRAS BU LA ZHUGS PA'I BAR DU YANG DE BZHIN DU SHES PAR BYA'O, ,(RGYUN ZHUGS KYI DBYE BA LA ZHUGS GNAS GNYIS LAS, ZHUGS PA NI LAM GYIS PHYE NA MTHONG LAM SKAD CIG BCO LNGA LA GNAS PAS BCO LNGA'O, ,DE RE RE'ANG 'DOD CHAGS DANG BRAL BAS DRUG STE, SGOM SPANG MA SPANGS PA NAS LNGA BA SPANGS PA'I BAR RO, ,DE RE RE YANG GNYIS GNYIS TE DAD PA'I RJES 'BRANG NI RIGS KYIS LNGA STE, NYAMS PA'I CHOS CAN NAS RTOGS PA'I SKAL BA CAN GYI BAR RO, ,DE RE RE'ANG DBANG PHOS GSUM MO, ,DE RE RE YANG RTEN GYIS DGU DGU STE GLING GSUM DANG LHA DRUG GO ,DE LTAR BSDOMS PAS KHRI NYIS STONG BDUN BRGYA LNGA BCU'O, ,DE BZHIN DU CHOS KYI RJES 'BRANG LA RIGS LA DBYE BA MED PAS NYIS STONG BZHI BRGYA SUM BCU'O, ,'BRAS GNAS LA DAD MOS NI GZHAN PA'I RJES 'BRANG DANG 'DRA LA LAM GYI DBYE BA MED DE THAMS CAD BCU DRUG BAR ZAD PAS NA BRGYAD BRGYA DANG BCU YOD DO, ,MTHONG THOB NI GZHAN CHOS KYI RJES 'BRANG DANG 'DRA LA, LAM GYI DBYE BA MED PAS BRGYA DANG DRUG CU RTZA GNYIS TE RGYUN ZHUGS KYI DBYE BA NI DE LTA BU YIN NO, ,CHAGS BRAL SNGON 'GRO'I PHYIR 'ONG LA ZHUGS GNAS GNYIS LAS, ZHUGS PA LA'ANG GNYIS LAS DAD PAS RJES 'BRANG NI GZHAN RGYUN ZHUGS DANG 'DRA LA, 'DOD CHAGS DANG BRAL BAS GSUM STE, BZHI STONG BRGYAD BRGYA DRUG CU'O, ,CHOS KYI RJES 'BRANG NI RIGS LA DBYE BA MED LA GZHAN CHOS RJES 'BRANG BA SNGA MA DANG 'DRA BAS STONG NYIS BRGYA BCO LNGA'O, ,DE'I GNAS PA LA DAD MOS NI RIGS LA DBYE BA MED CING GZHAN DAD PA'I RJES 'BRANG BZHIN TE BZHI BRGYA DANG LNGA BCU'O, ,GNAS PA GNYIS PA MTHONG THOB NI LAM LA DBYE BA MED LA GZHAN NI CHOS KYI RJES 'BRANG BZHIN TE BRGYAD CU RTZA GCIG GO ,CHAGS BRAL SNGON 'GRO'I PHYIR MI 'ONG LA ZHUGS GNAS GNYIS LAS, ZHUGS PA GNYIS NI RIGS LNGA DANG GCIG YIN PA DANG DBANG PO GSUM GSUM DU 'GYUR BAR DANG RTEN GYIS DGU YIN PA NI SNGA MA KHO NA BZHIN YIN LA, BYE BRAG TU DAD PAS RJES 'BRANG NI 'DOD CHAGS DANG BRAL BAS DRUG CU RE BZHI STE BSAM GTAN BZHI DANG GZUGS MED DANG PO GSUM GYIS PHYE BA DRUG CU RE GSUM DANG, 'DOD PA'I CHUNG NGU SPANGS PA'AM, BSAM GTAN DANG PO'I 'CHING BA MTHA' DAG DANG LDAN PA GANG RUNG NGO, ,DE LTA NA 'BUM NYIS KHRI DGU STONG DRUG BRGYA YOD DO, ,CHOS KYI RJES 'BRANG NI RIGS KYIS @595 DBYE BA MED LA GZHAN DE DANG 'DRA STE NYIS KHRI LNGA STONG DGU BRGYA NYI SHU'O, ,'DI'I GNAS PA NI BYE BRAG MANG BAS BRJOD PA MANG POR 'GYUR TE PHAL CHER 'OG GI MTHAR GYIS PA DANG 'DRA BAR SBYOR GSUNG NGO, ,) 'O NA CI'I PHYIR 'DOD PA'I SGOM SPANG LNGA PA'I BAR DU SPANGS KYANG SEMS BCU DRUG PA LA RGYUN DU ZHUGS PA KHO NA ZHES BYA'I LAN CIG PHYIR 'ONG LA ZHUGS PA ZHES MI BYA ZHE NA, GANG GI PHYIR RGYUN DU ZHUGS PA'I 'BRAS BU (TZAM PO) THOB PA'I SEMS BCU DRUG PA LA GNAS PA DES DE DUS NA 'BRAS BU KHYAD PAR CAN GYI LAM PHYIR 'ONG LA ZHUGS PA THOB PA MED PAS SO DE'I PHYIR DE NI DE LA ZHUGS PA MA YIN NO ZHES SBYAR RO, ,CI'I PHYIR ZHE NA, RGYUN NI ZHUGS KYI 'BRAS BU LA GNAS PA KHYAD PAR CAN THOB PAR BYA BA'I PHYIR (NYON MONGS PA SPONG BA'I SBYOR BA LA) MI BRTZON PA (DE SRID DU ZHUGS PA MA) YIN PA'I PHYIR RO, ,(SHUGS KYIS NA GNYEN PO LA SBYOR PA DANG BRAL THOB ZAG MED SKYES NAS ZHUGS PA YIN NA,) 'DI LTAR 'BRAS BU SNGA MA LA GNAS PA RNAMS NI PHYI MA THOB PAR BYA BA'I PHYIR MI BRTZON PA NA SEMS KYI SKAD CIG BCU DRUG PA DE'I TSE 'BRAS BU LA GNAS PA TZAM YIN GYI 'BRAS BU LA GNAS PA KHYAD PAR CAN MA YIN PA'I PHYIR RO, ,GNAS PA KHYAD PAR CAN NI PHYI MA THOB PAR BYA BA'I PHYIR BRTZON PA'O, ,'DIS NI 'DOD PA'I SGOM SPANG BRGYAD PA SPANGS PA SEMS BCU DRUG PA LA GNAS PA DANG, 'DOD PA'AM CI YANG MED PA'I SKYE MCHED LAS 'DOD CHAGS DANG BRAL BA SEMS BCU DRUG PA LA GNAS PA DE DAG KYANG RIM PA BZHIN PHYIR MI 'ONG DANG DGRA BCOM PA'I 'BRAS BU LA ZHUGS PAR MI 'GYUR BA'I RGYU MTSAN YANG BSHAD PA YIN NO, ,DE DAG KYANG 'BRAS BU LA GNAS PA KHYAD PAR CAN NAS NI PHYI MA LA ZHUGS PA YIN NO ZHES BSHAD PAR BYA'O, ,DES NI SEMS BCO LNGA LA GNAS PA DE DAG 'DOD PA'I SGOM SPANG LNGA PA SPANGS KYANG PHYIR 'ONG LA ZHUGS PAR MI 'GYUR BA'ANG SHES PAR BYA STE, 'BRAS BU THOB PA'I TSE PHYIR 'ONG MI THOB PA'I PHYIR RO, ,DE NYID JI LTAR ZHE NA, SEMS BCU DRUG PA THOB PANA 'BRAS BU LA GNAS PA THOB PA YIN NA DE NI PHYIR 'ONG MA YIN TE, PHYIR 'ONG NI 'DOD PA'I SGOM SPANG DRUG PA SPANGS PA'I PHYIR DANG, DE NI LNGA PA SPANGS PA YIN PA'I PHYIR RO, ,DE BZHIN DU BRGYAD PA SPANGS PA SEMS BCO LNGA PA LA GNAS PA PHYIR MI 'ONG LA ZHUGS PAR MI 'GYUR BA DANG, CI YANG MED PA'I SKYE MCHED MAN CHAD LAS 'DOD CHAGS DANG BRAL BA SEMS BCO LNGA PA LA GNAS PA DGRA BCOM LA ZHUGS PAR MI 'GYUR BA LA SOGS PA'ANG SHES PAR BYA'O, , DES NA CHAGS BRAL SNGON 'GRO NI 'PHAGS PA SNGA MA GSUM GYI ZHUGS 'BRAS RDZAS THA DAD CING PHYIR MI 'ONG KHYAD PAR CAN NYID DGRA BCOM LA ZHUGS PA'ANG YIN PAS RDZAS BDUN DU 'GYUR RO, ,KHA CIG 'DI @596 BYE BRAG TU SMRA BAS KUN BRTAGS PAR 'CHAD PA NI MA YIN TE, KUN LAS BTUS LAS KYANG BSHAD PA'I PHYIR RO, , GAL TE KUN LAS BTUS LAS BSHAD PA NI 'DI DANG MTHUN PA MA YIN TE, 'DOD PA'I SGOM SPANG DRUG PA SPANGS PA SEMS BCO LNGA PA LA GNAS PA PHYIR 'ONG LA ZHUGS PA DANG, DE NYID SEMS BCU DRUG PA LA GNAS PA PHYIR 'ONG GI 'BRAS BU LA GNAS PA DANG, 'DOD PA'I SGOM SPANG THAMS CAD SPANGS PA SEMS BCO LNGA PA LA GNAS PA PHYIR MI 'ONG LA ZHUGS PA DANG, SEMS BCU DRUG PA LA GNAS PA PHYIR MI 'ONG GI 'BRAS BU LA GNAS PAR BSHAD PA'I PHYIR RO ZHE NA, DER NI SPANG BYA'I NYUNG BA'I MTHA' DNGOS SU BSHAD NAS 'DIR SMOS PA MANG BA'I MTHA' SHUGS LA GO BAR BYA BA'I PHYIR YIN LA, 'DIR NI MANG BA'I MTHA' DNGOS SU BSHAD NAS DE LAS BSHAD PA'I NYUNG BA'I MTHA' SPANGS PA SHUGS LA GO BAR BYA BA'I PHYIR SGO GNYIS SU BSTAN PA YIN PA'I PHYIR GNYIS KAS KYANG GNYIS KA 'DOD DO, ,GAL TE 'JIG RTEN PA'I LAM GYIS SGOM SPANG SPONG NA KHAMS LAS 'DOD CHAGS DANG BRAL BA'I SO SO'I SKYE BO SLAR MI LDOG PA DANG, PHYIS DE LAS 'OG MA'I NYON MONGS PA KUN DU MI 'BYUNG BAR 'GYUR TE, SNGAR SPANGS ZIN PA'I PHYIR RO, , GAL TE SPANGS KYANG 'BYUNG NA 'PHAGS PA DE DAG LA'ANG 'BYUNG BAS PHYIR MI 'ONG LA SOGS PAR MI 'GYUR RO ZHE NA, 'DI LA BYE BRAG TU SMRA BA NI 'PHAGS PA RNAMS LA'ANG NYAMS PA YOD NA SO SO'I SKYE BO RNAMS LA LTA CI SMOS, 'ON KYANG 'DOD CHAGS DANG BRAL BA SNGON DU 'GRO BA'I 'PHAGS PA DE DAG LA NI NYAMS PA MI SRID DE, 'JIG RTEN DANG 'JIG RTEN LAS 'DAS PA'I LAM GNYIS KYIS BRTAN PAR BYAS PA'I PHYIR RO ZHES ZER RO, ,MDO SDE PA LA SOGS PA NI 'JIG RTEN PA'I LAM GYIS SPANG BYA'I MNGON GYUR SPONG BA DANG SA BON NYAMS SMAD PAR BYED PA TZAM YIN GYI RTZA BA NAS MI SPONG BAS 'DOD CHAGS DANG BRAL BA'ANG SLAR LDOG LA, 'ON KYANG 'DOD CHAGS DANG BRAL BA SNGON DU 'GRO BA'I 'PHAGS PA DE DAG NI 'JIG RTEN PA'I LAM GYIS SGOM SPANG GI NYON MONGS PA'I MNGON GYUR SPANGS PA'I PHYIR DANG, SA BON YANG DE MA THAG PAR SKYE BA'I 'JIG RTEN LAS 'DAS PA'I SGOM LAM GYIS SPONG BA'I PHYIR DE PHYIN CHAD 'DOD PAR LAN CIG LAS 'ONG MI SRID PA DANG PHYIR MI 'ONG BA'I PHYIR DE DANG DER BRJOD DO ZHES 'CHAD DO, ,KUN LAS BTUS LAS, RGYUN DU ZHUGS PA CIG CAR NGES PAR 'BYIN PA ZHES GSUNGS PA NI BSAM GTAN DANG PO'I NYER BSDOGS MI LCOGS MED LA BRTEN NAS MTHONG LAN THOB PAS MTHONG SPANG SPANGS TE RGYUN ZHUGS KYI 'BRAS BU THOB PAR BYAS TE, DE'I RJES LA 'JIG RTEN LAS 'DAS PA'I SGOM LAM GYIS KHAMS GSUM GYI BDEN PA LA CIG CAR @597 DMIGS NAS SGOM PAS 'DOD PA'I SGOM SPANG CHUNG NGU'I CHUNG NGU LA SOGS PA NI SRID RTZE'I YANG CHUNG NGU'I CHUNG NGU LA SOGS PA SPONG BAS PHYIR 'ONG DANG PHYIR MI 'ONG THOB PA MED PAR DGRA BCOM PA MNGON DU BYED PA'O, , DA NI MTHAR GYIS PA BRJOD PAR BYA STE, DE NI SNGAR MTHONG SGOM GYI SPANG BYA GCIG KYANG MA SPANGS BA 'CHING PA MTHA' DAG DANG LDAN PA ZHIG DANG POR MTHONG LAM GYIS KHAMS GSUM GYI MTHONG SPANG SPANGS TE, DE NAS SGOM LAM ZAG BCAS ZAG MED GANG RUNG GIS SGOM SPANG SPANGS TE 'BRAS BU BZHI RIM GYIS TSANG BAR THOB PA DANG GSUM MAM GNYIS 'THOB PA'ANG YOD DO, ,DE LA RGYUN ZHUGS DANG, LAN CIG PHYIR 'ONG DANG, PHYIR MI 'ONG DANG, DGRA BCOM PA LA ZHUGS PA DANG GNAS PA BSHAD PA BZHI LAS DANG PO NI JI LTAR 'DOD KHAMS NA SGOM SPANG GI NYON MONGS PA RNAM PA DGU YOD PA DE BZHIN DU BSAM GTAN DANG PO NAS SRID RTZE'I BAR GYI SA DANG SA BRGYAD PO RE RE NA YANG SPANG BAR BYA BA'I NYES PA CHEN PO 'BRING CHUNG NGU GSUM GSUM DANG DE DAG RE RE LA'ANG CHEN PO'I CHEN PO NAS CHUNG NGU'I CHUNG NGU'I BAR RNAM PA DGU DGU YOD PAS SPYIR BRGYAD BCU RTZA GCIG YOD DO, , JI LTAR SA DE DAG RE RE NA SPANG BYA DGU DGU YOD PA DE BZHIN DU GNYEN PO YON TAN SGOM PA'I LAM BAR CHAD MED PA DANG RNAM GROL GYI LAM RNAMS KYANG DGU DGU BRGYAD CU RTZA GCIG YOD DO, ,(MI LCOGS MED NAS BZUNG STE, ) JI LTAR ZHE NA, DE DAG RE RE NA SGOM LAM CHUNG NGU DANG 'BRING DANG CHEN PO RNAM PA GSUM GSUM YOD LA DE RNAMS KYI RE RE ZHING YANG CHUNG NGU'I CHUNG NGU LA SOGS PA'I DBYE BAS THA DAD PA'I PHYIR RO, ,DE LA SPANG BYA CHEN PO'I CHEN PO NI SPANG SLA BA'I PHYIR GNYEN PO SGOM LAM CHUNG NGU'I CHUNG NGUS SPONG BA YIN TE GOS KYI DRI MA RAGS PA 'BAD PA CHUNG NGUS SPONG BA BZHIN NO, ,DE BZHIN DU SPANG BYA CHUNG NGU NI CHUNG NGU'I SGOM LAM CHEN PO'I CHEN POS SPONG BA LA SOGS PA'ANG SHES PAR BYA STE, DANG PO NI LAM CHEN PO MI SRID PA'I PHYIR DANG, LAM CHEN PO SKYES PA NA NYON MONGS PA CHEN PO MI SRID PA'I PHYIR RO, ,DE LA MTHONG LAM SKAD CIG MA BCO LNGA NI 'BRAS BU DANG PO LA ZHUGS PA DANG BCU DRUG PA NI GNAS PA TZAM PO YIN PAR SNGAR BSHAD LA, (SPYIR DAD MOS TZAM LA DBYE NA DBANG POS GSUM MO RIGS KYIS LNGA'O, ,SPANGS PAS 'CHING BA KUN LDAN NAS LNGA PA SPANGS PA'I BAR DRUG GO ,RTEN GYIS DGU'O, ,LAM GYIS DBYER MED DE THAMS CAD KYANG BCU DRUG PAR ZAD PA'O, ,SPYIR BRGYAD BRGYA DANG BCU'O, ,MTHONG THOB KYANG RIGS KYIS DBYER MED GZHAN NI SNGA MA DANG 'DRA STE SPYIR BRGYA DANG DRUG CU RTZA GNYIS SO,) RGYUN ZHUGS KYI 'BRAS @598 GNAS GANG ZHIG SNGAR SGOM PAS SPANG BAR BYA BA'I NYON MONGS PA GCIG KYANG MA ZAD DE MA SPANGS NA DA NI RE LTAR TE RAB TU THOGS NA LAN BDUN SKYE BA SRID PA'I PHYIR SRID PA LAN BDUN PA ZHES BYA STE, MDO 'GA' ZHIG LAS PO ZOS NA LAN BDUN PA DANG, MCHOG TU THOGS NA LAN BDUN PA ZHES BSHAD DO, , BYE BRAG TU SMRA BA RNAMS NA RE LHA'I SRID PA BDUN DANG MI'I SRID PA BDUN DANG BAR DO'I SRID PA BDUN TSAN GNYIS TE NYI SHU RTZA BRGYAD LEN KYANG BDUN TSAN DU CHOS MTHUN PA'I PHYIR SRID PA BDUN PA ZHES BYA STE SHING LO MA BDUN PA BZHIN NO ZHES ZER RO, ,MDO SDE PA LA SOGS PA NA RE DE LTA NA KHAMS MANG PO'I MDO LAS, GANG ZAG LTA BA PHUN SUM TSOGS PA SRID PA BRGYAD PA MNGON PAR 'GRUB PA GANG YIN PA DE NI GNAS MA YIN ZHING GO SKABS MED DE 'DI NI GNAS MED DO ZHES BSHAD PA DANG 'GAL LO ZHES ZER RO, ,BYE BRAG TU SMRA BA NA RE DE NI 'GRO BA RIS MTHUN CIG TU MI SKYE BA'I DBANG DU BYAS PA YIN TE, DE LTA MA YIN PAR SGRA JI BZHIN DU BRTAG NA NI MDO LAS, LHA DANG MI RNAMS KYI NANG DU LAN BDUN 'KHOR ZHING SONG NAS SDUG BSNGAL GYI MTHAR BYED DO ZHES 'BYUNG BAS BAR SRID KYANG MED PAR 'GYUR RO ZHES ZER RO, , 'O NA DE LTA NA GNAS THAMS CAD DU 'CHI BA MI RUNG BAR 'GYUR RO ZHE NA, MDO LAS SRID PA LAN BDUN PAR GSUNGS PA NI 'DOD PA'I SRID PA'I DBANG DU BYAS PA'I PHYIR (DE LA DGONGS NAS GSUNGS PAS, ) NYES PA MED DO ZHES ZER RO, ,'DI NI LAS KYI STOBS KYIS 'PHANGS PA'I PHYIR DANG, DUS DE SRID KYIS RGYUD SMIN PAS SRID PA BDUN LAS LHAG PAR YANG MI SKYE LA DE'I GONG DU (BAR SKABS SU LAM GONG MA DANG,) YANG DGRA BCOM PA MNGON DU MI BYED (DE SRID DU MYONG BAR NGES PA'I LAS YOD PA'I PHYIR, 'DI NI RE LTAR THOGS NA ZHES PA DANG 'GAL LO, ,) DE SBRUL GOM PA BDUN PAS ZIN PA DANG RIMS NYIN BZHI PA BZHIN NO, ,(RGYUN ZHUGS 'BRAS GNAS TZAM PO NI SRID PA LAN BDUN PA YIN TE, GONG MA'I LHAR BSKYED PA NA MIR SKYE BA MED DE, 'BRAS BU LA NYAMS BZHIN DU 'CHI BA LA SOGS PAR THAL BA'I SKYON YOD PAS SO, ,GANG ZHIG MI'I RTEN LA RGYUN ZHUGS SU GYUR PA DE NI MTHAR DE KHO NAR 'ONGS NAS MYA NGAN LAS 'DA' LA, LHA'I NANG DU DE THOB PA'ANG MTHAR LHA'I RTEN LA MYA NGAN LAS 'DA'O, ,SRID PA BRGYAD PA MI 'BYUNG BA NI LAM DE'I RANG BZHIN DE YIN PA'I PHYIR TE DE SRID KYIS NGES PAR RGYUD SMIN PA'I PHYIR SBRUL GAM BDUN PAS ZIN PA BZHIN NO, ,DE SRID DU SKYE BA 'GRUB STE, THA MA'I CHA MTHUN GNYIS DANG GONG MA'I CHA MTHUN LNGA STE KUN SBYOR BDUN LUS PA'I PHYIR RO, ,SO SKYE RGYUD SMIN PA KHA CIG YANG LAN BDUN PA YOD DO,,) DE NI SANGS RGYAS (KYI BSTAN PA DANG SANGS RGYAS, ) 'JIG RTEN DU MI 'BYUNG BA NA NI KHYIM PA'I RTEN NYID LA CHOS @599 NYID KYIS THOB PA'I DGRA BCOM THOB PAS DGE SLONG YIN NO, , KHA CIG NA RE PHYI ROL PA LA SOGS PA'I DGE SBYONG GI TSUL GYIS DGRA BCOM THOB BO ZHES ZER RO, , RGYUN ZHUGS KYI 'BRAS GNAS GANG ZHIG SGOM LAM ZAG BCAS ZAG MED GANG RUNG GIS 'DOD PA'I SGOM SPANG GI NYON MONGS PA'I RNAM PA GSUM MAM RNAM PA BZHI'I BAR LAS RNAM PAR GROL BA (STE 'DI NI BDEN PA MTHONG BA'I SNGON NAM PHYIS SPANGS KYANG RUNG NGO, ,GANG ZAG) DE NI (BZHI SPANGS NA, )TSE GNYIS SAM (GSUM SPANGS NA) GSUM DU RIGS NAS RIGS SU SKYE BA STE, DE LA'ANG LHA'I RIGS NAS RIGS SU SKYE BA DANG, MI'I RIGS NAS RIGS SU SKYE BA GNYIS SO, ,NYON MONGS PA GCIG DANG GNYIS SPANGS PA DE NI TSE DRUG GAM SNGAR RIGS NAS RIGS SU SKYE BA YIN NO ZHES MA SMOS KYANG SHUGS LA GO'O ZHES SNGON GYI SLOB DPON KHA CIG 'CHAD DO, ,KHA CIG NA RE DE YANG LAN GNYIS SAM GSUM DU RIGS NAS RIGS SU SKYE BA YIN PA'I PHYIR LOGS SU MA BSHAD DO ZHES ZER RO, , CI'I PHYIR LNGA BA SPANGS PA'ANG RIGS NAS RIGS SU SKYE BAR MA SMOS SHE NA, 'DOD PA'I NYON MONGS PA LNGA PA SPANGS PA NI DRUG PA'ANG (TSE DE NYID LA,) NGES PAR SPONG BA'I PHYIR RIGS NAS RIGS SU SKYE BA MA YIN TE, RNAM PA DRUG PA GCIG PUS NI PHYIR 'ONG GI 'BRAS BU LA GEGS BYA BAR MI NUS PA'I PHYIR RO, , DE LTA NA BAR CHAD GCIG PA'I RNAM PA DGU PA GCIG PUS KYANG PHYIR MI 'ONG BA'I 'BRAS BU LA GEGS BYED PAR MI 'GYUR RO, ,(KHAMS LAS MI 'DA' BA'I PHYIR RO, ,) ZHE NA, DE NI MI MTSUNGS TE, BAR CHAD GCIG PA NI 'DOD KHAMS LAS 'DA' DGOS PAS DKA' BA'I PHYIR RNAM PA GCIG GIS KYANG GEGS BYA BAR NUS LA, ('GREL PAR NI LHA DAG GI NANG DU SONG NAS MI'I 'JIG RTEN DU LAN CIG 'ONG BA'I PHYIR, PHYIR 'ONG BA STE, PHAN CHAD SKYE BA MED PA'I PHYIR RO ZHES 'DOD LTAR SONG NAS MIR LAN CIG PHYIR 'ONG DU BSHAD LA MDO LAS 'DOD CHAGS DANG ZHE SDANG DANG GTI MUG RNAMS BSRABS PA'I PHYIR LAN CIG PHYIR 'ONG BA ZHES 'BYUNG BA NI SGOM SPANG CHUNG GSUM PUS PA YIN LA, ) PHYIR 'ONG NI KHAMS LAS 'DA' MI DGOS PAS RNAM PA DRUG PA GCIG PUS GEGS BYA BAR MI NUS PA'I PHYIR RO, , GNYIS PA PHYIR 'ONG BSHAD PA SHI RGYUN ZHUGS KYI 'BRAS GNAS 'DOD PA'I SGOM SPANG (GCIG NAS) RNAM PA LNGA'I BAR DU BCOM PA (DANG DRUG PA SPONG BA'I BAR CHAD MED LAM LA GNAS PA,) GANG YIN PA DE NI 'BRAS BU DANG PO LA GNAS PAR MA ZAD 'BRAS BU GNYIS PA PHYIR 'ONG LA ZHUGS PA'ANG YIN NO, ,LAN CIG PHYIR 'ONG 'BRAS GNAS TZAM PO NI BDEN PA MTHONG NAS 'DOD PA'I SGOM SPANG RNAM PA DRUG PA ZAD PAR @600 GYUR PA ('I RNAM GROL LA GNAS PA,) GANG YIN PA DE NI LAN CIG PHYIR 'ONG BA STE, NYON MONGS PA CHUNG NGU GSUM GYIS NI 'DOD PAR LAN CIG LAS SKYE BA MI SRID PA'I PHYIR RO, ,('DI LA DBYE NA ZHUGS PA LA DAD MOS MTHONG THOB GNYIS KA YANG DBANG POS GSUM GSUM DANG, RTEN GYIS DGU DGU DANG, SPANGS PA DANG LAM GYIS LNGA LNGA'O, ,DAD MOS NI RIS KYIS LNGA STE SPYIR DRUG BRGYA DANG BDUN CU RTZA LNGA'O, ,MTHONG THOB NI RIGS KYIS DBYER MED PAS BRGYA DANG SUM CU RTZA LNGA'O, ,GNAS PA GNYIS NI GZHAN DANG SNGA MA 'DRA LA SPANGS PA DANG LAM GYIS GSUM GSUM STE, DAD MOS NI BRGYAD CU RTZA LNGA DANG, MTHONG THOB NI NYI SHU RTZA BDUN YOD DO,,) PHYIR 'ONG GI 'BRAS GNAS 'DOD PA'I SGOM SPANG GI NYES PA'I CHA BDUN DANG BRGYAD ZAD PA GANG YIN PA DE NI (DGRA BCOM THOB PA LA) TSE GCIG PA DANG (PHYIR MI 'ONG THOB PA LA NYON MONGS KYI,) BAR CHAD GCIG PA ZHES BYA STE GNAS PA KHYAD PAR CAN NO, ,TSE GCIG GIS PHYIR MI 'ONG LA BAR CHAD BYED PA NI SNGAR BSHAD PA LTAR 'DI NI 'DOD KHAMS LAS 'DA' DGOS SHING KHAMS LAS 'DA' BA NI, BZOD DANG PHYIR MI 'ONG DGRA BCOM, ,'THOB LA LAS GEGS SHIN TU BYED CES 'BYUNG LA, NYON MONGS PA'ANG LAS DANG 'DRA BAS SPANG DKA' BA'I PHYIR NYON MONGS PA GCIG GIS KYANG BAR CHAD BYED PA'I PHYIR RO, ,(MTHONG LAMMA THOB KYI SNGON DU GSUM DANG BZHI SPANGS PA DANG BDUN DANG BRGYAD SPANGS PA 'BRAS BU TZMA THOB PA NI RIGS SKYE'AM BAR CHAD GCIG PA MA YIN TE, DE DAG GI GNYEN PO ZAG MED KYI DBANG PO MA THOB PA'I PHYIR RO, ,DE DAG GAM DE DAG GI GONG MA'I GNYEN PO 'BRAS BU KHYAD PAR CAN MNGON SUM DU BYAS NA YIN NO,,) GSUM PA PHYIR MI'ONG BSHAD PA NI PHYIR'ONG GI 'BRAS GNAS KHYAD PAR CAN DE NYID 'BRAS BU GSUM BA PHYIR MI 'ONG BA'I 'BRAS BU LA ZHUGS PA'ANG YIN NO, ,PHYIR 'ONG GI 'BRAS GNAS DE NYID 'DOD PA'I SGOM SPANG DGU PA ZAD PAS PHYIR MI 'ONG BA YIN TE, 'DOD PAR PHYIR SKYE BA LEN PA MI SRID PA'I PHYIR RO, , PHYIR MI 'ONG GI 'BRAS BU LA GNAS PA DE NYID NI GSUM DU DBYE STE, GZUGS SU NYE BAR 'GRO BA DANG, GZUGS MED PAR NYE BAR 'GRO BA DANG, TSE 'DI LA MYA NGAN LAS 'DA' BA'O, ,DE LA GZUGS SU NYE BAR 'GRO BA DE NI RNAM PA LNGA STE, BAR MA DOR MYA NGAN LAS 'DA' BA �DANG, SKYES NAS MYA NGAN LAS 'DA' BA DANG, MNGON PAR 'DU BYED PA DANG BCAS PA DANG, MNGON PAR 'DU BYED PA MED PAR YONGS SU MYA NGAN LAS 'DA' BA DANG, GONG DU 'PHO BA RNAMS SO, ,DE LA DANG PO NI 'DI NAS SHI 'PHOS TE GZUGS KYI (GNAS BCU DRUG GANG RUNG GI ,) BAR DER (LHAG MED) DGRA BCOM THOB PAR BYED PA'O, ,('DI CHOS NYID KYIS @601 BAR DOR YUN RING GNAS LA SKYE BA'I NYON MONGS PA MED PAS SO, ,) GNYIS PA NI (BAR DOR 'DA' MA DUS BA DE) LAM SGOM PA LA MNGON PAR BRTZON PA DANG LAM NGANG GIS 'BYUNG GAB NYIS KA YOD PAS TSANGS RIS RIS LA SOGS PAR SKYES MA THAG TU DGRA BCOM THOB PAR BYED PA'O, ,(KHA CIG PHUNG PO LHAG MED DU 'DA' ZER BA NI MI RIGS TE, TSE 'DOR BA'I DBANG MED PA'I PHYIR RO, ,DE LA DBANG THOB PA LA RAB MTHA'I BSAM GTAN BZHI PA THOB PA'I MI DGRA BCOM DBANG RNON DGOS PA'I PHYIR RO, ,DE LTA NA BAR DOR 'DA' BA DE TSE LA DBANG BAR 'GYUR RO ZHE NA MI DBANG YANG BAR DOR GNAS PAR BYED PA'I LAS NI SKYES NAS MYONG 'GYUR LTA BU'I MTHU CAN MED PAS MYUR DU LHAG MED DU 'DA' LA, 'DI NI TSAD DE RDZOGS NAS SO,, DES NA MI MTSUNGS SO,,) GSUM PA NI BRTZON PA YOD KYANG LAM NGANG GIS 'BYUNG BA MED PAS DE LAM SGOM PA LA RTZOL BA DANG BCAS PAS DGRA BCOM THOB PAR BYED PA'O, ,BZHI PA NI BRTZON PA DANG LAM NGANG GIS 'BYUNG BA GNYIS KA MED PAS TSANGS RIS LA SOGS PAR SKYES NAS YUN RING PO LON NAS LAM SGOM PA LA RTZOL BA MED PAR DGRA BCOM THOB PAR BYED PA'O ZHES BYE BRAG TU SMRA BA 'DOD LA, SLOB DPON NI MDO LAS, MNGON PAR 'DU BYED PA MED PAR YONGS SU MYA NGAN LAS 'DA' BA DANG, MNGON PAR 'DU BYED PA DANG BCAS PAS YONGS SU MYA NGAN LAS 'DA' BA ZHES MNGON PAR 'DU BYED MED PAR MYANG 'DAS SNGAR 'BYUNG BAS DE DANG MTHUN YANG 'BAD RTZOL MED PA DANG YOD PAS 'THOB PA'I SGO NAS MNGON PAR 'DU BYED PA MED PA DANG 'DU BYED PAS BSGRUB PAR BYA BA YIN PAS LAM NGANG GIS 'BYUNG BA DANG NGANG GIS 'BYUNG BA MA YIN PAS 'DU BYED MED PA GSUM PAR BZHED DO, ,LAM NGANG GIS 'BYUNG BAR 'DRA YANG SKYES NAS DANG KHYAD PAR MED PAR MI 'GYUR TE, SKYES NAS MYANG 'DAS NI LAM CHES NGANG GIS 'BYUNG BA DANG, RGYU BSAGS PA'I SGO NAS LAM CHES CHE BA DANG, LAM CHES CHE BA NYID KYIS ZAD PAR BYAS PAS PHRA RGYAS CHES CHUNG BA YIN LA, 'DU BYED MED PA NI DE LTA MA YIN PA'I PHYIR RO, ,LNGA PA NI TSANGS RIS LA SOGS PA BSAM GTAN DANG PO'I GNAS GZHAN DAG TU DGRA BCOM MA THOB PAR 'OD CHUNG LA SOGS PA GONG DU 'PHOS NAS DGRA BCOM THOB PAR BYED PA STE, GONG DU 'PHO BA (NI 'DIR PHYIR MI 'ONG THOB KYANG LAN GRANGS GZHAN LA MYONG 'GYUR GYI LAS KYI MTHUS BAR DO DANG SKYES GNAS 'DA' MI NUS PA STE,) DE NI RGYU'I SGO NAS SHES RAB LA DGA' BAS LHAG MTHONG SPYAD PA BSAM GTAN SPEL BA DANG, TING NGE 'DZIN LA DGA' BAS ZHI GNAS SPYAD PA BSAM GTAN MA SPEL BA GNYIS LAS DANG PO RGYU'I SGO NAS BSAM GTAN SPEL MA BSGOMS NA 'BRAS BU'I SGO NAS 'OG MIN GYI MTHAR THUG PAR 'GRO BA DE YANG DBYE NA 'PHAR BA DANG PHYED DU 'PHAR BA DANG GNAS @602 THAMS CAD DU 'CHI 'PHO BA GSUM LAS DANG PO NI 'DOD PAR SKYE BA'I 'PHAGS PAS BSAM GTAN BZHI PA GOMS PAR BYAS PA ZHIG BSAM GTAN DANG PO'I BDE BA'I RO MYANGS PAS GONG MA GSUM LAS NYAMS TE SHI 'PHOS PA NA TSANGS RIS LA SOGS PAR SKYES NAS SNGON GOMS PA'I SHUGS KYI BSAM GTAN BZHI PA (BCO LNGA) SPEL (BSGOMS) TE 'OG MIN DU SKYES NAS DGRA BCOM THOB PAR BYED PA'O, ,GNYIS PA NI (TSANGS RIS KYI RTEN LA GSUM SPEL LAM DRUG SPEL GOMS NAS,) RGYUN SNGA MA LA GTZANG MA RIS KYI LHA LNGA'I 'OG MA GANG RUNG GCIG TU SKYES NAS DE NAS BCO LNGA PA BSGOMS NAS 'OG MIN DU SKYES TE DGRA BCOM THOB PAR BYED PA'O, , GSUM PA NI TSANGS CHEN MA GTOGS PA GNAS RIS BCU DRUG PO THAMS CAD DU SONG STE 'OG MIN GYI LUS LA DGRA BCOM THOB PAR BYED PA'O, ,TSANGS CHEN DU MI SKYE BA NI LTA BA'I GNAS YIN PA DANG, GTZO BO GCIG PA'I GNAS YIN PAS 'PHAGS PA RNAMS KYIS SPANGS PA'I PHYIR RO, ,GANG DAG 'OD GSAL MAN CHAD DU RIM GYIS SKYES NAS DE'I RTEN LA DGRA BCOM THOB PA LA SOGS PA'ANG YOD PAR RIGS PA'I PHYIR 'DI GSUM DU NGES PA NI MA YIN PAR GSAL LO, ,PHYIR MI 'ONG BA ZHES BYA BA'ANG 'DOD PA KHO NAR PHYIR MI 'ONG BA NI MA YIN GYI 'ON KYANG SA GANG DU SKYES PA'I 'PHAGS PA DE SA DE DANG 'OG MAR PHYIR MI 'ONG (BAS PHYIR MI 'ONG RDZOGS) PA'I PHYIR TE, BSAM GTAN DANG POR SKYES PA'I PHYIR MI 'ONG BA 'DOD PA DANG BSAM GTAN DANG POR PHYIR MI 'ONG BA LA SOGS PA LTA BU STE, 'PHAGS PA DE DAG YANG NA NI RTEN DE LA DGRA BCOM THOB PAR BYED LA, DER MA THOB NA NI GONG DU 'PHO BA YIN TE, KHYAD PAR DU 'GRO BA YIN PA'I PHYING RO, ,(SPEL MA NYAMS NAS SPRIN MED LA SOGS PAR SKYE BA NI MED DE, SPEL MA'I TING NGE 'DZIN BZHI BA'I SA PA YIN LA DE RANG SA'I NYON MONGS KYIS NYAMS PAR MI 'GYUR LA MA NYAMS NA GNAS GTZANG DU SKYE BA'I PHYIR RO,,) GNYIS PA RGYU'I SGO NAS BSAM GTAN SPEL MA BSGOMS PA LAS GZHAN RGYU'I SGO NAS BSAM GTAN MA SPEL BA NI SRID PA'I RTZE MO'I MTHAR THUG PAR 'GRO BA YIN TE, BSAM GTAN DANG PO NAS BZHI PA'I GNAS GTZANG MA LNGA MA GTOGS PA RNAMS SU RIM GYIS SONG STE, DE NAS GZUGS MED PA RNAMS SU SONG NAS SRID RTZER DGRA BCOM THOB PAR BYED PA'O, ,GONG DU 'PHO BA DE DAG LA BAR SKABS SA 'OG MA DAG TU DGRA BCOM THOB PA'ANG YOD MOD GYI 'OG MIN DANG SRID RTZE'I MTHAR THUG PA ZHES BYA BA NI DE DAG LAS GONG DU 'GRO BA MED PA'I PHYIR TE, DPER NA RGYUN ZHUGS LA SRID PA GNYIS SAM GSUM MNGON PAR GRUB NAS MYA NGAN LAS 'DA' BA SRID KYANG PHYIN CHAD SRID PA BRGYAD PA MI 'GRUB PAS NA MCHOG TU THOGS NA LAN BDUN PA ZHES BSHAD PA BZHIN NO, , @603 GAL TE SRID RTZE'I MTHAR THUG PAR 'GRO BA GZUGS SU 'GRO BAR JI LTAR 'GYUR TE, DE NI GZUGS MED DU 'GRO BA YIN PA'I PHYIR RO ZHE NA, BDEN MOD KYI GNAS GTZANG MA MA GTOGS PA RNAMS SU RIM GYIS 'ONGS NAS GZUGS MED PAR 'GRO BA'I PHYIR DE SKAD DU BRJOD DO, ,'DI DAG GNAS GTZANG MAR MI 'GRO BA NI GNAS GTZANG MA DAG NI 'PHAGS PA'I GNAS YIN PAS DE NAS SHI 'PHOS NAS GZUGS MED BYIS PA'I GNAS SU MI SKYE BA'I PHYIR DANG, SKYE BA DE DAG KYANG 'PHAGS PA'I GNAS SU MI 'GRO BA NI CHOS NYID YIN PA'I PHYIR RO, ,GZUGS SU NYE BAR 'GRO BA LAS GZHAN NI GZUGS MED PAR NYE BAR 'GRO BA'I PHYIR MI 'ONG BA STE, 'DOD PAR PHYIR MI 'ONG THOB PA GZUGS LAS 'DOD CHAGS DANG BRAL BA DAG NI GZUGS MED DU SKYES NAS DGRA BCOM 'THOB PA'I PHYIR RO, ,DE YANG DBYE NA SKYES NAS DANG, MNGON PAR 'DU BYED BCAS DANG, BYED PA MED PAR MYA NGAN LAS 'DA' BA DANG, GONG DU 'PHO BA DANG RNAM PA BZHI'O, ,DE NA BAR SRID MED PAS BAR MA DOR MYA NGAN LAS 'DA' BA NI MED DO, ,RNAM PA BZHI ZHES BYA BA'ANG CI YANG MED PA'I SKYE MCHED MAN CHAD KYI DBANG DU BYAS KYI SRID RTZE LA NI GONG DU 'PHO BA'ANG MED PA'I PHYIR RO, , PHYIR MI 'ONG SNGAR GYI DE DAG LAS GZHAN NI MTHONG CHOS TSE 'DI NYID LA DGRA BCOM THOB NAS MYA NGAN LAS 'DA' BA'O, , (MTHONG CHOS LA 'DA' BA LA RTEN GYIS DBYE NA DGU DANG, SPANGS PAS BSAM GTAN DANG GZUGS MED BZHI'I SGOM SPANG DGU BZHI SO DRUG PHRAG GNYIS LAS SRID RTZE'I DGU PA SPANGS PA BOR TE BDUN CU RTZA GCIG BO? ,DBYE BA GZHAN NI 'DRA STE SPYIR CHIG STONG DRUG BRGYA DANG DRUG CU RE GNYIS YOD DO,,) DE LTAR GZUGS SU 'GRO BA'I PHYIR MI 'ONG BA LNGA DANG GZUGS MED PAR 'GRO BA DANG MTHONG BA'I CHOS LA MYA NGAN LAS 'DA' BA STE PHYIR MI 'ONG BDUN YIN NO, ,GZUGS SU 'GRO BA GCIG TU BGRANGS NA NI GSUM YIN NO, , BAR MA DER MYA NGAN LAS 'DA' BA LA SOGS PA LNGA PO DE DAG RE RE LA'ANG GNAS GZHAN GYIS PHYE NA BSAM GTAN SA BZHI LA KHA CHE BA LTAR NA MDUN NA 'DON LAS GNAS GZHAN THA DAD MED PA DANG, LTA BA'I GNAS YIN PAS TSANGS CHEN MA GTOGS PA BCU DRUG BCU DRUG DANG, RIGS KYIS PHYE NA NYAMS PA'I CHOS CAN LA SOGS PA DRUG DRUG DANG, 'DOD CHAGS DANG BRAL BAS PHYE NA 'CHING BA MTHA' DAG DANG LDAN PA NAS RANG SA'I RNAM PA BRGYAD LAS 'DOD CHAGS DANG BRAL BA'I BAR DGU DGU DANG, DBANG POS PHYE NA DBANG PO RNON PO LA SOGS PA GSUM GSUM DU 'GYUR BAS DE LTA NA BAR MA DOR MYA NGAN LAS 'DA' BA LA DBYE NA NYIS STONG LNGA BRGYA DGU BCU RTZA GNYIS SU 'GYUR RO, , @604 DE BZHIN DU SKYE NAS MYA NGAN LAS 'DA' BA LA SOGS PA BZHI LA'ANG SBYAR TE SPYIR PHYIR MI 'ONG BA KHRI NYIS STONG DGU BRGYA RTZA DRUG CUR 'GYUR RO, ,GZUGS MED DU 'GRO BA LA'ANG RTEN GYIS BZHI DANG, DBANG POS GSUM DANG, RIGS KYIS DRUG DANG, 'DOD CHAGS DANG BRAL BAS DGU DGU DANG, NGO BOS BAR MA DOR MYA NGAN LAS 'DA' BA MA GTOGS PA BZHI STE, RE RE LA DRUG BRGYA BZHI BCU RTZA BRGYAD BRGYAD YOD PAS BSDOMS NA NYIS STONG LNGA BRGYA DGU BCU RTZA GNYIS KYI DBYE BA SHES PAR BYA ZHING, DE DAG THAMS CAD KYI 'OG SA'I RNAM PA DGU PA LAS 'DOD CHAGS DANG BRAL BA GANG YIN PA DE NI GONG MA'I 'CHING BA MTHA' DAG DANG LDAN PA YIN PAS 'DOD PA'I DGU PA SPANGS PA DE NYID BSAM GTAN DANG PO'I 'CHING BA MTHA' DAG DANG LDAN PA YIN PA LA SOGS PAR SBYAR RO, ,MTHONG BA'I CHOS LA MYA NGAN LAS 'DA' BA LA RIGS KYIS DRUG DANG, DBANG POS GSUM GYIS DBYE BA SHES PAR BYA'I RTEN DANG 'DOD CHAGS DANG BRAL BA'I DBYE BA NI MED DE, RTEN NI 'DOD PA GCIG TU ZAD PA'I PHYIR DANG, 'DOD PA'I NYON MONGS PA MA SPANGS PA NI PHYIR MI 'ONG MA YIN PA'I PHYIR RO ZHES 'CHAD MOD KYI, RTEN GYIS GLING GSUM GYI MI DANG LHA RIS DRUG STE DGU DANG, 'DOD CHAGS DANG BRAL BAS BSAM GTAN DANG PO DANG SRID RTZE'I BAR GYI DGU BRGYAD BDUN CU RTZA GNYIS SPANGS PAS KHRI CHIG STONG DRUG BRGYA DRUG CU RTZA BZHIR 'GYUR RO ZHES GSUNGS NGO, ,(SAR NA SPANG BYA DGU DGU 'CHING BA KUN LDAN DANG BSDOMS NAS RER BCU BCUR 'GYUR RO ZHES MI 'GYUR TE, 'OG SA'I DGU PA SPANG MA THAG PA DANG DE'I GONG MA'I 'CHING BA KUN LDAN GNYIS GCIG TU BRTZI STE, RANG SA'I DGU PA SPANGS PA NI DER SRID PA 'GRUB PA MI RUNG BAS DE'I DBYE BA YIN NO ZHES GSUNG NGO, ,DE LTAR NA GNAS DANG RIGS DANG 'DOD CHAGS DANG BRAL BA DANG DBANG PO'I BYE BRAG GIS DBYE NA KHRI NYIS STONG DGU BRGYA DRUG CU'O, ,DE LTAR NA GNAS GCIG NA RIGS DRUG GO ,RIGS RE RE LA'ANG SPANGS PAS DGU DGU STE DGU DRUG LNGA BCU NGA BZHI'O, ,LNGA BCU NGA BZHI PA BCU DRUG NI BRGYAD BRGYA DRUG CU RTZA BZHI'O, ,DE DBANG PO'I BYE BRAG GIS SUM 'GYUR DU BYAS PA'O, ,'CHAD PAR 'GYUR BA LNGA'ANG DE BZHIN DU SBYAR BAS THAMS CAD BSDOMS NAS GZUGS SU 'GRO BA'I PHYIR MI 'ONG KHRI NYIS STONG DGU BRGYA DRUG CU YOD DO,,) 'O NA MDO LAS GZUGS SU NYE BAR 'GRO BA'I PHYIR MI 'ONG DGUR BSHAD PA'I DON CI ZHE NA, BAR MA DOR MYA NGAN LAS 'DA' BA LA ZHOGS MA'I ME STAG CHUNG NGU MNGON PAR GRUB BZHIN DU 'CHI BA DANG, LCAGS KYI TSVA TSVA STENG DU YAR BZHIN DU 'CHI BA DANG, LCAGS KYI TSVA TSVA STENG DU YAR NAS SA LA MA LHUNG BAR 'CHI BA'I DPE GSUM GYIS MYUR BA DANG, MYUR BA MA YIN PA DANG, YUN RING MO ZHIG NAS MYA NGAN LAS 'DA' BA GSUM DANG, @605 SKYES NAS MYA NGAN LAS 'DA' BA LA SKYES MA THAG DANG, 'DU BYED BCAS DANG, BYED PA MED PA GSUM DANG, GONG DU 'PHO BA LA 'PHAR BA LA SOGS PA GSUM STE, DE LTAR GSUM PO RE RE LA'ANG RNAM PA GSUM GSUM DU PHYE NAS GZUGS SU NYE BAR 'GRO BA'I PHYIR MI 'ONG BA NI DGUR BSHAD DO, ,('BYED PA'I RGYU MTSAN NI,) PHYIR MI 'ONG BA GSUM DANG DGU PO DE DAG GI KHYAD PAR RNAMS NI RANG RANG GI LAS BAR SRID 'GRUB PA DANG, SKYES NAS MYONG 'GYUR DANG, LAN GRANGS GZHAN LA MYONG 'GYUR GSUM DANG, DBANG PO RNO 'BRING RTUL PO GSUM DANG, NYON MONGS PA CHUNG 'BRING CHEN PO GSUM DANG, DBANG PO DANG NYON MONGS PA LA'ANG RNON PO'I RNON PO DANG, SPANG SLA BA'I SLA BA CHUNG NGU'I CHUNG NGU LA SOGS PA'I BYE BRAG LAS YIN TE, BAR MA DOR MYUR BA LA SOGS PA RNAMS LA'ANG DE BZHIN DU BRJOD PAR BYA'O, ,DE YANG GSUM TSAN DANG PO GNYIS LA NI DBANG PO DANG NYON MONGS PA'I BYE BRAG YOD KYI LAS KYI BYE BRAG NI MED DE, DANG PO GSUM NI MNGON PAR 'GRUB PA'I LAS SU MTSUNGS LA, GNYIS PA GSUM NI SKYES NAS MYONG 'GYUR DU MTSUNGS PA'I PHYIR RO, ,GSUM TSAN THA MA LA NI LAS DBANG NYON MONGS GSUM GA'I BYE BRAG YOD DO, ,'O NA LUNG BAR MA LAS SKYES BU DAM PA'I 'GRO BA BDUN GSUNGS PA JI LTA BU ZHE NA, DE NI GZUGS SU NYER 'GRO'I PHYIR MI 'ONG BA DGU PO DE LAS GONG DU 'PHO BA GSUM DU MA PHYE BAR BGRANGS PA LAS NI SKYES BU DAM PA'I 'GRO BA BDUN DU 'DOD PA YIN NO,, (GONG 'PHO MI 'BYED PA CI ZHE NA, DE NI BSAM GTAN SPEL MA SPEL DANG, KHAMS GCIG DANG GNYIS SU 'GRO BA DANG, 'PHAR BA LA SOGS PA SHING TU MANG BAS GDUL BYA'I BLO 'KHRUG BSAM PHYE ZHES SO,) CI'I PHYIR (SLOB PA'I NANG NA) 'DI DAG KHO NA DAM PAR BRJOD CE NA, LAS DAM PA DGE BA LA 'JUG PA'I PHYIR DANG, ('DOD PA LA 'DOD CHAGS DANG BRAL BAS MI DGE BA SPANGS PA'I PHYIR,) DAM MIN MI DGE BA LA MI 'RNGUG PA'I PHYIR DANG, 'GRO BA 'DI DAG TU SON PA PHYIR MI 'ONG BA'I PHYIR DE DAG KHO NA SKYES BU DAM PA'I 'GRO BA YIN GYI SO SO'I SKYE BO DANG SLOB PA CHAGS BCAS LA NI DE DAG MED PA'I PHYIR DANG, MI SLOB PA'I 'PHAGS PA DAG DAM PA YIN KYANG KHAMS GONG MAR 'GRO BA MA YIN PA'I PHYIR RO, , 'O NA MDO LAS, SKYES BU DAM PA GANG ZHE NA, SLOB PA'I YANG DAG PA'I LTA BA NAS TING NGE 'DZIN GYI BAR DANG LDAN PA'O ZHES GSUNGS PA JI LTAR ZHE NA, DE NI SROG GCOD PA NAS CHANG 'THUNG BA'I BAR SDIG PA LNGA PO GTAN MI BYED PA'I SDOM PA THOB PA'I PHYIR DANG, SDIG PA GZHAN YANG MTHONG SPANG DANG 'DOD PA'I SGOM SPANG CI RIGS PA SPANGS PAS PHAL CHER SPANGS PA'I PHYIR DE TZAM GYIS RNAM GRANGS PA'I DAM PAR BSHAD PA YIN LA, 'DIR NI RNAM GRANGS MA YIN PA'I DAM PAR BSTAN PA'I PHYIR RO, ,GAL TE 'DOD PAR (CHE @606 DANG PO LA) 'PHAGS PA'I BDEN PA MTHONG BA TSE RJES NAS PHYIR MI 'ONG THOB PA LA'ANG BAR MA DOR MYA NGAN LAS 'DA' BA LA SOGS PA'I DBYE BA YOD DAM ZHE NA, MED DE, GANG ZHIG 'DOD PAR TSE YONGS SU GYUR PA'I 'PHAGS PA DE NI GZUGS LA SOGS PA'I KHAMS GZHAN DU 'GRO BA MED (DE PHYIR MI 'ONG THOB PA'I TSOD LA MYA NGAN LAS 'DA') PA'I PHYIR RO, ,(DE YANG 'DOD PA SDUG BSNGAL MANG BAS SKYO BAS SO, ,) DE LA 'DOD PAR TSE YONGS SU GYUR PA'I 'PHAGS PA ZHES BYA BA NI 'DOD PAR TSE DANG PO LA RGYUN ZHUGS SAM LAN CIG PHYIR 'ONG THOB STE SHI 'PHOS NAS SLAR YANG TSE GNYIS PAR 'DOD PAR SKYES PA'O, ,DE NI KHAMS GZHAN DU 'GRO BA MA YIN TE, 'DOD PA SDUG BSNGAL MANG BAS SDUG BSNGAL GYIS SHIN TU SKYO ZHING YID 'BYUNG BAS TSE DE NYID DAM, YANG NA TSE GNYIS PA LA 'DOD PAR SKYES TE PHYIR MI 'ONG THOB PAR BYAS NAS DGRA BCOM THOB PAR BYED PA'I PHYIR RO, ,GZUGS KYI TSE YONGS SU GYUR PA'I PHYIR MI 'ONG BA NI RES 'GA' KHAMS GZHAN GZUGS MED DU YANG 'GRO STE GONG DU 'PHO BA SRID RTZE'I MTHAR THUG PAR 'GRO BA BZHIN NO, ,('DI NI MTHAR GYIS PA'I 'BRAS BU LA DKA' BAR BSHAD PAS CHAGS BRAL SNGON 'GRO'I PHYIR MI 'ONG GONG DU 'GRO BAR SRID PAR GSAL LO ZHES SHER 'OD GSUNG NGO,,) 'O NA BRGYA BYIN GYIS ZHUS PA'I MDO LAS, BRGYA BYIN GYIS, BDAG NI THA MAR NYAMS NA LHA GANG 'OG MIN ZHES, ,RNAM PAR GRAGS PA DER NI SKYE BAR 'GYUR BAR SHOG ,BCOM LDAN BDAG NI RGYUN ZHUGS BDE GSHEGS RGYUN ZHUGS TE, ,ZHES RANG NYID RGYUN ZHUGS YIN PAR YANG BSHAD CING, DE NAS MIR SKYES NAS MYA NGAN LAS 'DA' BAR GYUR CIG ,DER MYANG 'DAS MA THOB NA GZUGS KHAMS SU SKYE BAR GYUR CIG CES, DE NAS GZUGS KHAMS SU SKYE BAR SMON LAM BTAB LA, STON PAS KYANG, LEGS SO BRGYA BYIN BAG YOD PAR NI GNAS PAR GYIS ZHES GSUNGS NAS DGAG PA MA MDZAD PA'I PHYIR DE DANG 'GAL TE, BRGYA BYIN NI MIR SKYES NA 'DOD PAR TSE YONGS SU GYUR PA'I 'PHAGS PA YIN PA'I PHYIR RO ZHE NA, DE NI BRGYA BYIN GYIS CHOS MNGON PA MA SHES PA'I PHYIR YIN LA, STON PAS MA BKAG PHYIR YIN GYI SMAD PA'I PHYIR NI MA YIN NO ZHES BYE BRAG TU SMRA BA 'CHAD DO, ,'DOD PAR TSE YONGS SU GYUR PA'I 'PHAGS PA DE DANG KHAMS GONG MA GNYIS POR SKYES PA'I 'PHAGS PA RNAMS NI YONGS SU NYAMS PAR MI 'GYUR TE, LAM MNGON DU 'GYUR BA DANG MTHUN PA'I (LAM GYI) RTEN (LUS) KHYAD PAR CAN THOB PA'I PHYIR (YONGS SU MI NYAMS PA) DANG, SKYE BA DU MAR LAM LA 'DRIS PAR BYAS PAS SHES RAB LA SOGS PA'I DBANG PO RNAMS KYI RGYU MTHUN GYI 'BRAS BU KHYAD PAR CAN DU GYUR (PAS DBANG PO 'PHO @607 BA'ANG MED) PA'I PHYIR RO, ,DE NYID KYIS NA DBANG PO YONGS SU SMIN PAS DBANG PO 'PHO BA'ANG MI RTEN LA KHAMS GZHAN DU YANG MI 'GRO'O, ,CI'I PHYIR SLOB PA CHAt BCAS DAG BAR MDOR MYA NGAN LAS MI 'DA' ZHE NA, SLOB DPON NI KHAMS GONG MA'I GNYEN PO RNAMS MA 'DRIS PAS MNGON SUM DU MI 'GYUR BA'I PHYIR DANG, NYON MONGS PA'I PHRA RGYAS RNAMS SHIN TU CHUNG BA MA YIN PA'I PHYIR CHAGS BRAL KHO NA LA BSHAD PA YIN NO ZHES BZHED DO, ,BYE BRAG TU SMRA BA RNAMS NA RE 'DOD PA'I KHAMS LAS 'DA' BAR DKA' BA'I PHYIR TE, MYA NGAN LAS 'DA' BAS NI 'DOD PA'I MI DGE BA DANG KHAMS GONG MA'I BSGRIBS LA LUNG MA BSTAN GYI NYON MONGS PA THAMS CAD SPANGS PA DANG, KHAMS GSUM LAS 'DA' BA DANG DGE SBYONG GI TSUL GYI 'BRAS BU RGYUN ZHUGS KYIS GSUM MAS PHYIR 'ONG GIS GNYIS THOB PA LA SOGS PA BYA BA MANG PO ZHIG BYA DGOS PA LA DE DAG DKA' BA'I PHYIR BAR MDO PAS MI NUS SO ZHES ZER RO, ,'O NA BSAM GTAN SPEL NAS 'OG MIN 'GRO ZHES BSHAD PA JI LTAR SPEL ZHE NA, SPEL BA NI BSAM GTAN ZAG BCAS DANG ZAG MED SPEL BA STE, DE YANG DANG POR NI BSAM GTAN BZHI PA ('I DNGOS GZHI) SPEL BAR BYED DE, DE NI SKYON BRGYAD LAS GROL BAS MCHOG YIN PA'I PHYIR RO, ,DE YANG DANG POR DGRA BCOM MAM PHYIR MI 'ONG YANG RUNG BSAM GTAN BZHI PA ZAG MED RGYUN LDAN DANG, DE YANG ZAG BCAS RGYUN LDAN DANG, YANG ZAG MED RGYUN LDAN TE RGYUN DANG LDAN PAR SPEL LA, DE NAS SNGA MA LTAR SKAD CIG MA GNYIS GNYIS PA SPEL NAS SGOM STE DE DAG NI SBYOR BA YIN NO,, GANG GI TSE ZAG MED KYI SKAD CIG MA GCIG DANG ZAG BCAS KYI SKAD CIG MA GCIG DANG YANG ZAG MED KYI SKAD CIG MA GCIG STE, DE LTAR SKAD CIG MA GSUM NI BSRES NAS SNYOMS PAR 'JUG NUS PAS DE'I TSE SPEL MA'I DNGOS GZHI GRUB PA YIN TE, (SKAD CIG MA) DE LA DANG PO GNYIS NI BAR CHAD MED LAM DANG GSUM PA NI RNAM GROL GYI LAM LTA BU YIN NO ZHES BYE BRAG TU SMRA BA 'DOD DO, ,SLOB DPON NI SKAD CIG MA SPEL BA NI SANGS RGYAS MA GTOGS PAS MI NUS PA'I PHYIR RO, ,RGYUN SPEL BA LA RUNG NGO ZHES 'DOD DO, , DE LTAR DANG PO BSAM GTAN BZHI PA SPEL NAS PHYIS GOMS NAS DANG PO LA SOGS PA'I (DNGOS GZHI'ANG) SPEL BAR BYED DO, ,(RTEN NI) DE YANG DANG POR 'DOD KHAMS KYI GLING GSUM DU SPEL BAR BYED LA PHYIS NYAMS PA DAG GIS NI GZUGS SU YANG SPEL BAR BYED DO, ,SPEL BA'I DGOS PA NI GSUM STE, PHYIR MI 'ONG BA DBANG PO RNON PO RNAMS NI GNAS GTZANG MAR SKYE BAR BYA BA'I PHYIR DANG, MTHONG BA'I CHOS LA BDE BAR GNAS PAR BYA BA'I PHYIR (GNYIS PO DE'I DON DU,) SPEL BAR BYED KYI DE DAG LAS NYAMS PA MI SRID PAS NYON MONGS PAS 'JIGS PA'I PHYIR NI MA YIN NO, ,RTUL BAR BYED KYI DE DAG LAS NYAMS PA MI @608 MONGS PAS 'JIGS PA'I PHYIR YANG STE, RO MYANG BA DANG MTSUNGS PAR LDAN PA'I BSAM GTAN THAG BSRING BA'I SGO NAS 'BRAS BU LAS MI NYAMS PAR BYA BA'I PHYIR RO, , DGRA BCOM PA DBANG PO RNON PO NI (GZHAN GNYIS MI 'BYUNG BAS,) MTHONG BA'I CHOS LA BDE BAR GNAS PA (KHO NA'I CHED DU,) DANG, RTUL PO NI (MTHONG CHOS LA BDER GNAS DANG 'BRAS BU LAS MI NYAMS PA'I CHED DU SPEL TE DE,) 'BRAS BU LAS NYAMS PA'I RKYEN NYON MONGS PAS 'JIGS PA'I PHYIR YIN NO, ,RGYUN ZHUGS DANG PHYIR 'ONG GIS NI SPEL BA MI SRID DE, DE DAG GIS BSAM GTAN GYI DNGOS GZHI MA THOB PA'I PHYIR RO, ,YANG CI'I PHYIR GNAS GTZANG MA LNGAR NGES SHE NA, RGYU SPEL MA SGOM PA DE NI ZAG MED GNYIS GNYIS KYI BAR DU ZAG BCAS RE RE SPEL BA'I CHUNG NGU GSUM SPEL DANG, 'BRING DRUG DANG, CHEN PO DGU DANG, SHIN TU CHEN PO BCU GNYIS DANG, SHIN TU CHES CHEN PO BCO LNGA SPEL DU SGOM PA RNAM PA LNGA YIN PA'I PHYIR RIM PA LTAR 'BRAS BU GNAS GTZANG MA'I SKYE BA'ANG MI CHE BA LA SOGS PA LNGA KHO NA YIN NO, , DE DAG TU SKYE BA NI ZAG BCAS (KYI RDZOGS BYED KYI) DBANG GIS SKYE BA YIN GYI ('PHEN BYED MIN NO,,) ZAG MED NI SRID PA'I GNYEN PO YIN PAS 'PHEN BYED MA YIN NO, ,(DRUG SPEL MAN CHAD KYI ZAG MED NI BSKYAR NAS SGOM PA'O, ,GANG SPEL NI DAD SOGS CHE 'BRING LNGAS DE DAG TU SKYE BAR 'DOD DO, ,) BTZUN PA DPAL LEN NA RE, GNAS GTZANG MA DANG PO DAD PA'I DBANG PO LHAG PA NAS LNGA PA SHES RAB LHAG PA'I BAR LNGA YIN PAS LNGAR NGES SO ZHES ZER RO, ,SLOB DPON GANG SPEL NA RE DE NI MI RIGS TE, DAD PA LA SOGS PA LNGA CHAR YANG RTZVA SBAMS PA'I TSUL DU RNAM PA LTAR BYAS TE CHUNG NGU LA SOGS PA RNAM PA LNGAR PHYE BA'I PHYIR GNAS GTZANG MA LNGAR NGES PA YIN GYI RE RE LHAG PA NI MA YIN NO ZHES ZER RO, ,'GOG PA THOB PA'I PHYIR MI 'ONG BA NI MYA NGAN LAS 'DAS PA DANG 'DRA BA'I SEMS ZHI BA MNGON DU BYED NUS PA'I PHYIR LUS KYIS MNGON SUM DU BYED PA ZHES BYA BAR 'DOD DE, 'GOG PA LA SNYOMS PAR ZHUGS PA NA SEMS MED PAS LUS LA BRTEN NAS SKYE BA'I PHYIR LUS KYIS MNGON SUM DU BYED PA'O, ,SLOB DPON NI 'GOG PA LA SNYOMS PAR ZHUGS PA'I DUS NA DE DANG MTHUN PA'I LUS KYIS 'GOG PA THOB PA MNGON SUM DU BYED PA'I PHYIR DANG, DE LAS LANGS PA NA RNAM SHES DANG BCAS PA'I LUS ZHI BA THOB PAS KYE MA 'GOG PA'I SNYOMS 'JUG NI MYANG 'DAS DANG 'DRA BAR ZHI BA YIN NO SNYAM DU LANGS PA'I SEMS KYIS DE SO SOR YANG DAG PAR MYONG BA'I SHES PAS MNGON SUM DU BYED PAS NA LUS KYIS MNGON SUM DU BYED PA ZHES BYA'O ZHES BZHED DO, , 'O NA CI'I PHYIR MDO LAS SLOB PA BCO BRGYAD CES GSUNGS PA DER LUS KYIS MNGON SUM DU BYED PA MA @609 GSUNGS SHE NA, SLOB PAR 'JOG PA'I RGYU ZAG MED KYI BSLAB PA GSUM DANG DE'I 'BRAS BU BRAL BA'I RANG BZHIN YIN PA LA 'GOG PA'I SNYOMS 'JUG NI SPONG LAM GYI RANG BZHIN MA YIN PAS SLOB PA'ANG MA YIN LA, BRAL BA'I RANG BZHIN SO SOR BRTAGS 'GOG MA YIN PAS SLOB PA'I 'BRAS BU'ANG MA YIN PA'I PHYIR RO, , DE LA SLOB PA BCO BRGYAD NI MDO LAS, BCOM LDAN 'DAS LA KHYIM BDAG MGON MED ZAS SBYIN GYIS ZHUS PA, BTZUN PA 'JIG RTEN NA YON GNAS DU ZHIG MCHIS LAGS, BKA' STZAL BA, KHYIM BDAG YON GNAS NI GNYIS TE, SLOB PA DANG MI SLOB PA'O, ,KHYIM BDAG DE LA SLOB PA NI BCO BRGYAD DO, ,MI SLOB PA NI DGU'O, ,SLOB PA BCO BRGYAD GANG ZHE NA, (ZHUGS GNAS ZUNG GSUM YA GCIG DANG, , RNO RTUL ZUNG GNYIS RIGS SU SKYE, ,TSE GCIG PHYIR MI 'ONG LNGA STE, ,YON GNAS SLOB PA BCO BRGYAD DO ZHES MKHAN CHEN PAS SDOM TSIG MDZAD DE,) RGYUN DU ZHUGS PA'I 'BRAS BU MNGON DU BYA BA'I PHYIR ZHUGS PA NAS DGRA BCOM PA'I 'BRAS BU MNGON DU BYA BA'I PHYIR ZHUGS PA'I BAR BDUN DANG, DAD PAS RJES SU 'BRANG BA DANG, CHOS KYI RJES SU 'BRANG BA DANG, DAD PAS MOS PA DANG, MTHONG BAS THOB PA DANG, RIGS NAS RIGS SU SKYE BA DANG BAR CHAD GCIG PA DANG, BAR MDOR YONGS SU MYA NGAN LAS 'DA' BA NAS GONG DU 'PHO BA'I BAR LNGA STE DE DAG NI SLOB PA BCO BRGYAD YIN NO, ,MI SLOB PA DGU GANG ZHE NA, YONGS SU NYAMS PA'I CHOS CAN DANG, 'CHI BAR SEMS PA'I CHOS CAN DANG, RJES SU BSRUNG BA'I CHOS CAN DANG, GNAS PA LAS MI BSKYOD PA DANG, RTOGS PA'I SKAL BA CAN DANG, MI G-YO BA'I CHOS CAN DANG YONGS SU MI NYAMS PA'I CHOS CAN DANG, SHES RAB KYIS RNAM PAR GROL BA DANG, GNYIS KA'I CHA LAS RNAM PAR GROL BA STE, DE DAG NI MI SLOB PA DGU YIN NO ZHES 'BYUNG BA RNAMS SO, , BZHI PA DGRA BCOM PA 'CHAD PA LA ZHUGS PA DANG, GNAS PA GNYIS LAS DANG PO NI PHYIR MI 'ONG BA DE NYID BSAM GTAN DANG PO'I RNAM PA GCIG LAS 'DOD CHAGS DANG BRAL BA NAS BZUNG STE SRID PA'I RTZE MO'I NYON MONGS PA'I CHA BRGYAD KYI BAR DU ZAD PA NI DGRA BCOM PA NYID LA ZHUGS PA YIN NO, ,DER MA ZAD SRID RTZE'I NYON MONGS PA DGU PA SPONG BA'I BAR CHAD MED PA'I LAM LA GNAS PA DE YANG DGRA BCOM LA ZHUGS PA YIN NO, , DGU PA'I BAR CHAD MED PA'I LAM DE NI RDO RJE LTA BU'I TING NGE 'DZIN YIN TE, (SNGAR GYI LAM THAMS CAD KYI SKAL MNYAM GYI RGYU RGYAS PAS BAR CHAD MED LAM THAMS CAD LAS NUS PA CHE BA'I BAR CHAD MED LAM YIN PA'I PHYIR RO,, )KHAMS GSUM GYI PHRA RGYAS 'JOMS PAR NUS PA'I PHYIR DANG, DE NI MI MTHUN PHYOGS @610 KYIS GZHOM PAR MI NUS PA'I PHYIR RO, ,RDO RJE LTA BU'I TING NGE 'DZIN DE YANGS SA'I SGO NAS DBYE NA DGU STE, BSAM GTAN GYI SA DRUG DANG, GZUGS MED DANG PO GSUM LA BRTEN PA'I PHYIR RO, ,DMIGS PA'I SGO NAS DBYE NA BZHI STE, BDEN BZHI LA DMIGS PA'I PHYIR RO, ,RNAM PA'I SGO NAS DBYE NA BCU DRUG STE, BDEN BZHI'I MI RTAG PA LA SOGS PA RNAM PAR BYED PA'I PHYIR RO, ,SA DANG DMIGS PA DANG RNAM PA GSUM CHAR GYIS DBYE NA NI RNAM PA SHIN TU MANG STE, MI LCOG MED LA BRTEN PA'I RDO RJE LTA BU DE NYID 'OG SA'I ZAG BCAS LA MI DMIGS KYI SRID RTZE KHO NA'I SDUG BSNGAL DANG KUN 'BYUNG LA DMIGS PA'I RJES SHES PHYOGS KYI RNAM PA BRGYAD YIN TE SRID RTZE'I SDUG BSNGAL LA MI RTAG PA LA SOGS PA RJES SU SHES PA'I RNAM PA BZHI DANG, KUN 'BYUNG LA RGYU LA SOGS PA RJES SU SHES PA'I RNAM PA BZHI YIN PA'I PHYIR RO, , 'GOG PA'I BDEN PA LA DMIGS PA NI SUM CU RTZA DRUG YIN TE, SA THAMS CAD KYI 'GOG PA LA DMIGS PA SRID PAS 'DOD PA'I 'GOG PA LA DMIGS PA'I CHOS SHES BZHI DANG SA GONG MA BRGYAD KYI 'GOG PA LA DMIGS PA'I RJES SHES BZHI TSAN BRGYAD YIN PA'I PHYIR RO, ,LAM LA DMIGS PA NI RNAM PA BRGYAD YIN TE, 'DOD PA'I LAM LA DMIGS PA'I CHOS SHES BZHI DANG, GONG MA'I LAM SPYI LA DMIGS PA'I RJES SHES BZHI YIN PA'I PHYIR RO, ,DE LTAR NA BSAM GTAN DANG PO'I NYER BSDOGS KYIS BSDUS PA'I RDO RJE LTA BU'I TING NGE 'DZIN NI LNGA BCU RTZA GNYIS YIN NO, ,DE BZHIN DUS LHAG MA LNGA LA BRTEN PA'ANG SHES PAR BYA'O, ,GZUGS MED DANG PO GSUM GYIS BSDUS PA NI RIM PA BZHIN DU NYI SHU RTZA BRGYAD DANG RTZA BZHI DANG NYI SHU YIN TE, DE DAG NI 'DOD PA'I LAM DNGOS 'OG MA'I 'GOG PA LA'ANG MI DMIGS PA'I PHYIR DANG LAM NI PHAN TSUN RGYU YIN PAS, SA DRUG SA DGU'I LAM NI DE'I, ,SPYOD YUL CAN GYI YUL YIN NO ZHES 'BYUNG BAS 'OG MA GZUGS KHAMS PA'I GNYEN PO LAM SPYI LA DMIGS PA'I PHYIR RO, , DE LTAR NA BSAM GTAN SA DRUG GIS BSDUS PA LA SUM BRGYA BCU GNYIS DANG, GZUGS MED DANG PO GSUM LA BDUN CU RTZA GNYIS TE BSDOMS PAS SUM BRGYA BRGYAD CU RTZA BZHI 'GYUR LA, DE DAG RIGS DRUG DANG DBANG PO GSUM GYIS BSGYUR NA DRUG STONG DGU BRGYA BCU GNYIS SU 'GYUR RO, ,CHOS MNGON PA BA GANG DAG LAM GYI BDEN PA'ANG 'GOG PA'I BDEN PA DANG 'DRA BAR SA RE RE LA DMIGS PAR 'DOD PA LTAR NA GONG MA'I LAM SPYI LA DMIGS PA'I RJES SHES BZHI MI 'BYUNG BAS SA DGU'I LAM BDEN LA DMIGS PA'I CHOS SHES BZHI DANG RJES SHES SUM CU RTZA GNYIS TE BSAM GTAN SA DRUG PO RE RE LA BRGYAD CU BRGYAD CU STE, BSDOMS PAS BZHI BRGYA BRGYAD CU DANG, GZUGS MED DANG PO GSUM LA RANG SA DANG GONG SA'I @611 LAM BDEN LA DMIGS PA BCU GNYIS DANG BRGYAD DANG BZHI BSNAN PAS GO RIM BZHIN DU BZHI BCU DANG SUM CU RTZA GNYIS DANG NYI SHU RTZA BZHI YIN PAS DGU BCU RTZA DRUG TU 'GYUR BAS THAMS CAD BSDOMS NA LNGA BRGYA BDUN CU RTZA DRUG TU 'GYUR LA, DE DAG SNGA MA LTAR RIGS DANG DBANG PO'I BYE BRAG GIS DRUG 'GYUR DANG SUM 'GYUR DU BSGYUR NA RDO RJE LTA BU KHRI SUM BRGYA DANG DRUG CU RTZA BRGYAD DU 'GYUR RO ZHES SHES PAR BYA'O, , RDO RJE LTA BU'I DMIGS PA SDUG BSNGAL DANG KUN 'BYUNG NI SRID PA'I RTZE MO PA KHO NA YIN LA 'GOG LAM NI SPANG BYA'I DBANG GIS SA DGU CHAR GYI YIN NO, ,ZHES BYA BA NI GRUB PA'I MTHA' LAS YIN TE, BSGAM PA'I LAM LA 'GOG PA'AM, ,LAM LA CHOS SHES GANG YIN DE, ,KHAMS GSUM GYI NI GNYEN PO YIN ZHES 'BYUNG BA'I PHYIR RO, ,GNYIS PA NI SRID RTZE'I SGOM SPANG RNAM PA DGU PO DE (RDOR TING GIS) ZAD PA'I THOB PA DANG DE ZAD PA SHES PA'I RNAM GROL GYI LAM LHAN CIG TU SKYE STE, ('DI NI RNAM GROL THA MA YIN NO, , (ZAD PA SHES PA SKYES PA,) DE'I TSE 'PHAGS PA DE MI SLOB PA ZHES KYANG BYA, DGRA BCOM PA'I 'BRAS BU LA GNAS PA ZHES KYANG BYA STE, 'BRAS BU THOB PAR BYA BA'I PHYIR BSLAB PA GSUM LA SLOB MI DGOS PA'I PHYIR DANG, RANG DON RDZOGS NAS GZHAN GYI DON BYED PA DANG, SO SO'I SKYE BO DANG SLOB PA THAMS CAD KYIS MCHOD PAR 'OS PA'I PHYIR DANG, KHAMS GSUM GYI NYON MONGS PA THAMS CAD PHAM PAR BYAS PA'I PHYIR RO, ,(DGRA BCOM LA DBYE NA DUS KYI RNAM GROL NI RIGS KYIS LNGA'O, ,DBANG POS GSUM MO, ,RTEN GYIS NYER DGU STE SPYIR BZHI BRGYA DANG SUM CU RTZA BDUN NO, ,DUS MI SBYOR NI RIGS KYIS DBYER MED LA, DBANG PO DANG RTEN GYIS BSGYUR BAS BRGYAD CU GYA BDUN NO, ,SHES RAB KYIS RNAM GROL LA'ANG DBANG POS GSUM, RIGS KYIS DRUG RTEN GYIS NYER DGU STE, SPYAR LNGA BRGYA DANG NYI SHU RTZA GNYIS SO, ,GNYIS KA'I CHA LAS RNAM GROL YANG DE BZHIN NO,,) SNGAR BSHAD PA'I 'PHAGS PA GZHAN BDUN NI SLOB PA YIN TE, ZAG BZAD PAR BYA BA'I PHYIR BSLAB PA GSUM LA RTAG TU SLOB PA'I PHYIR RO, , SO SO'I SKYE BO RNAMS NI SLOB PA MA YIN TE, BDEN PA YANG DAG PA JI LTA BA BZHIN MI SHES PAS (SHES RAB KYI BSLAB PA MED PA'I) PHYIR DANG, BSLAB PA (GZHAN GNYIS KYANG) GTONG BA'I PHYIR RO, ,('PHAt PA NI SLOB PA CUNG ZAD GTONG YANG THAMS CAD GTONG BA MI SRID DE 'PHAGS PA MNYAM PAR MA BZHAG KYANG SLOB PA'I BSAM PA MI 'DOR BA'I SGO NAS DER BRJOD DE 'GRON PO LAM NA 'DUG PA BZHIN NO YANG SLOB PA GSUM GYI THOB PA DANG YANG LDAN PA'I PHYIR RO, ,SLOB PA'I CHOS NI MTHONG SGOM MO, ,MI SLOB PA'I CHOS NI @612 MI SLOB LAM MO,,) DE'I PHYIR KUN DU RGYU ZHI BYED KYIS ZHUS PA'I MDO LAS, GO'U TA MA SLOB PA ZHES BRJOD PA CI'I PHYIR SLOB PA SLOB PA ZHES BYA ZHE NA, ZHI BYED BSLAB PA LA SLOB CING BSLAB PA LA SLOB PAS NA DE'I PHYIR SLOB PA ZHES BYA'O ZHES LAN GNYIS SU BZLAS TE GSUNGS SO, ,MYA NGAN LAS 'DAS PA NI SLOB MI SLOB GNYIS KA MA YIN TE, DE NI SO SOR BRTAGS 'GOG YIN NA SO SO'I SKYE BO DANG SLOB MI SLOB THAMS CAD LA CI RIGS PAR LDAN PA'I PHYIR RO, ,DE LTAR NA NYAN THOS 'PHAGS (PA MTHAR GYIS) PA'I GANG ZAG NI ZUNG BZHI LA BRGYAD KHO NA YIN LA, DE DAG KYANG MING GIS BRGYAD YIN GYI RDZAS SU NI MTHAR GYIS PA LA ZHUGS PA DANG PO DANG 'BRAS BU LA GNAS PA BZHI DANG LNGA YIN TE, BZHUGS PA PHYI MA GSUM NI 'BRAS BU LA GNAS PA DANG PO GSUM LA BTAGS PA YIN PA'I PHYIR RO, ,CHAGS BRAL SNGON 'GRO LA PHYIR MI 'ONG KHYAD PAR CAN NYID DGRA BCOM LA BZHUGS PA'ANG YIN LA ZHUGS PA SNGA MA GSUM DANG 'BRAS GNAS BZHI STE BDUN DU 'GYUR RO, ,MING GIS BRGYAD DU RNAM PAR BZHAG PA'ANG MTHAR GYIS THOB PA'I DBANG DU BYAS PA YIN GYI 'DOD CHAGS DANG BRAL BA SNGON DU 'GRO BA LA NI MA YIN TE, PHAL CHER DANG 'DOD PA LAS 'DOD CHAGS DANG BRAL BA BDEN PA MNGON RTOGS SKAD CIG BCO LNGA DANG BCU DRUG PA THOB PA NI RIM PA LTAR PHYIR 'ONG DANG PHYIR MI 'ONG LA ZHUGS GNAS KHO NA YIN GYI RGYUN ZHUGS DANG PHYIR 'ONG ZHUGS GNAS MA YIN PA'I PHYIR RO, , GSUM PA KHYAD PAR GYI CHOS 'CHAD PA NA SA DANG LAM GYI KHYAD PAR DANG, ZAD PA DANG MI SKYE BA SHES PA'I KHYAD PAR DANG, 'BRAS BU'I RNAM PAR BZHAG PA'I KHYAD PAR DANG, CHOS KYI 'KHOR LO'I KHYAD PAR DANG, KHAMS DANG DBYE BA'I KHYAD PAR DANG, RIGS DANG NYAMS PA'I KHYAD PAR DANG, DBANG PO 'PHO BA'I KHYAD PAR BDUN LAS DANG PO NI GAL TE 'PHAGS PA DAG SA DANG SA LAS 'DOD CHAGS DANG BRAL NA GNYEN PO GANG GIS SA GANG LAS 'DOD CHAGS DANG 'BRAL ZHE NA, 'DI LTAR SGOM PA'I LAM NI 'JIG RTEN DANG DE LAS 'DAS PA GNYIS LAS 'JIG RTEN LAS 'DAS PA'I (KHO NA) LAM GYIS SRID PA'I RTZE MO LAS 'DOD CHAGS DANG BRAL BAR 'GYUR GYI 'OG SA DMAN ZHING GONG MA MED LA RANG NYID GNYEN POR MI 'GYUR BAS (TE DE YI NYON MONGS RGYAS PAR 'GYUR BAS) 'JIG RTEN PAS NI MA YIN TE, GAL TE YIN NA DANG PO NAS GROL BAR THAL BA'I PHYIR RO, ,SRID RTZE LAS GZHAN PA'I SA (BRGYAD PO) THAMS CAD LAS NI 'JIG RTEN DANG DE LAS 'DAS PA'I LAM RNAM PA GNYIS KYIS CI RIGS PAR 'DOD CHAGS DANG BRAL BAR 'GYUR TE, 'JIG RTEN PA NI GONG MA'I NYER BSDOGS DANG, 'JIG RTEN LAS 'DAS PA NI BDEN PA'I RNAM PA CAN RANG SA DANG 'OG @613 SA'I LAM MTHONG ZIN SGOM BA'O, ,(BRAL THOB KYI BYE BRAG NA,) ZHI GNAS SPYAD PA 'JIG RTEN PA'I LAM GYIS 'DOD CHAGS DANG BRAL BA'I 'PHAGS PA LA (RNAM PA RE RE ZHING) BRAL BA'I THOB PA NI 'JIG RTEN PA DANG 'JIG RTEN PA LAS 'DAS PA RNAM PA GNYIS GNYIS SKYE BAS BYIS PA LTAR SPANGS PA SLAR LDOG PAR MI 'GYUR RO, ,(DE YANG NYON MONGS SPONG BA'I BYA BA GCIG YIN PA'I PHYIR RO,,) SDE PA KHA CIG NA RE 'JIG RTEN LAS 'DAS PA'I LAM GYIS KYANG BRAL BA'I THOB PA ZAG BCAS DANG ZAG MED GNYIS KA 'DREN (PAR SNGA MA DANG 'DRA,) TE, GAL TE DES 'JIG RTEN PA'I BRAL THOB MI 'DREN SNGON 'JIG RTEN LAS 'DAS PA'I LAM GYIS CI YANG MED PA'I SKYE MCHED LAS 'DOD CHAGS DANG BRAL BA'I PHYIR MI 'ONG DBANG PO RTUL PO ZHIG BSAM GTAN GYI SEMS LA BRTEN NAS DBANG PO RNON POR 'PHO BA NA LAM SNGA MA (ZAD PAR) BTANG BA'I PHYIR DANG, 'JIG RTEN PA'I BRAL THOB KYANG MED PA'I PHYIR NAM MKHA' MTHA' YAS LA SOGS PA GONG MA'I (SA BRGYAD KYI) NYON MONGS PA DANG LDAN PAR 'GYUR TE, (DE DAG GIS BRAL THOB ZAG MED BTANG LA ZAG BCAS MED PA'I PHYIR, DES NA,) DE 'DRA BA'I 'PHAGS PA DES 'JIG RTEN LAS 'DAS PA'I BRAL THOB BTANG BA LA GONG MA'I NYON MONGS PA MI LDAN PA'I PHYIR 'JIG RTEN PA'I BRAL BA'I THOB PA YOD DO ZHES ZER RO, ,THAL BA DE NI MI 'GYUR TE, DPER NA KHYED RANG LTAR NA 'JIG RTEN LAS 'DAS PA'I LAM GYIS SRID PA'I RTZE MO'I PHYED NI MTSON PA STE NYON MONGS PA BRGYAD PA MAN CHAD CI RIGS PA LAS RNAM PAR GROL BA'I 'PHAGS PA PHYIR MI 'ONG BA DBANG PO RTUL PO BSAM GTAN LA BRTEN NAS DBANG PO 'PHO BA LA SRID RTZE'I GNYEN PO 'JIG RTEN PA'I LAM MED PA'I PHYIR 'JIG RTEN PA'I BRAL THOB KYANG MED LA, 'JIG RTEN LAS 'DAS PA'I BRAL THOB KYANG BSAM GTAN LA BRTEN NAS DBANG PO 'PHO BAS BTANG BAS BRAL THOB GNYIS KA MED KYANG SRID RTZE'I NYON MONGS MI LDAN PAR 'DOD PA BZHIN DANG, YANG DPER NA BSAM GTAN DANG PO LAS GONG DU BSAM GTAN GNYIS PA LA SOGS PAR SKYES PA'I BYIS PA RNAMS LA'ANG BSAM GTAN GTOGS PA'I DGE BA NI, SA 'PHOS NYAMS PA DAG GIS GTONG ZHES PAS 'DOD PA'I NYON MONGS SPANGS PA'I BRAL THOB GNYIS KA (SKYE BA'I SA 'PHOS PAS BTANG NA) MED KYANG 'DOD PA'I NYON MONGS MI LDAN PA BZHIN ('DIR YANG GONG MA'I NYON MONGS DANG MI LDAN) TE 'DI NI GNOD PA'I DPE GNYIS PA YIN NO, , 'DIR YANG 'PHAGS PA 'JIG RTEN LAS 'DAS PA'I LAM GYIS GZUGS MED LAS 'DOD CHAGS DANG BRAL BA BSAM GTAN LA BRTEN NAS DBANG PO 'PHO BA DAG LA GONG MA'I NYON MONGS MI LDAN PA NI SA BON SPANGS PA'I PHYIR YIN LA, BSAM GTAN DANG PO LA SOGS PAR SKYES PA LA 'DOD PA LA SOGS PA 'OG MA'I NYON MONGS @614 MI LDAN PA NI SA BON YOD KYANG MNGON DU 'GYUR BA'I RKYEN MA TSANG BAS YIN GYI BRAL BA'I THOB PA YOD PAS NI MA YIN NO ZHES MDO SDE PA LA SOGS PA 'DOD DO,, ('PHAGS PA NI SA 'PHOS PAS BRAL THOB ZAG BCAS GTONG YANG, ZAG MED NA 'BRAS BU THOB SBYANGS NYAMS PA LAS ZHES PA'I RGYU MED PAR MI GTONG NGO,,) 'O NA SA GANG GIS SA GANG LAS 'DOD CHAGS DANG BRAL ZHE NA, DE LA ZAG MED BSAM GTAN DANG PO'I NYER BSDOGS MI LCOGS PA MED PA YIS NI STOBS CHE ZHING (RANG GONG DANG) 'OG SA LAS KYANG 'DOD CHAGS DANG 'BRAL NUS PAS SA DGU PO THAMS CAD LAS 'DOD CHAGS 'BRAL BAR 'GYUR RO, ,('OG SA STE 'DOD PA LA 'DI ZAG BCAS DANG ZAG MED GNYIS LAS GZHAN PA'I GNYEN PO MED LA, SA GZHAN GYI LA 'DI LAS GZHAN YANG YOD DO,,) GAL TE NYER BSDOGS LA BRTEN NAS 'OG SA LAS 'DOD CHAGS DANG 'BRAL NA RNAM GROL GYI LAM THA MA DE THAMS CAD DU NYER BSDOGS KYI NGO BOR SKYE'AM 'ON TE DNGOS GZHI'I NGO BOR SKYE ZHE NA, GANG ZHIG (SKYE BA'I SA DGU LA,) 'DOD PA DANG BSAM GTAN DANG PO DANG GNYIS PA STE SA GSUM GYI NYON MONGS PA LAS NYER BSDOGS KYIS RGYAL BA LA NI GANG ZAG DE GAL TE DBANG PO RNON PO YIN NA BSAM GTAN GYI DNGOS GZHI LAS RNAM GRAL GYI LAM THA MA SKYE STE, NYER BSDOGS KYI TSOR BA BTANG SNYOMS DE DNGOS GZHI'I YID BDE DANG BDE BAR SPO NUS PA'I (PHYIR DANG NYER BSDOGS LA DGA' BA CHUNG BA'I) PHYIR RO, ,'ON TE DBANG PO RTUL PO YIN NA NI NYER BSDOGS LAS MTHA'I RNAM GROL GYI LAM DGU PA SKYE'I DNGOS GZHI LAS NI MA YIN TE, BSAM GTAN GSUM NA NI NYER BSDOGS DANG DNGOS GZHI TSOR BA THA DAD PAS TSOR BA SPO BAR MI NUS PA'I (PHYIR DANG BTANG SNYOMS KYI RJES SU BDE BA DANG YID BDE SKYE DKA' BA'I) PHYIR RO, , SA GSUM GYI GONG MA BSAM GTAN GSUM PA LA SOGS PA LAS 'DOD CHAGS DANG 'BRAL BA BZHI PA YAN CHAD KYIS NI NYER BSDOGS LAS RNAM GROL THA MA SKYE BA MIN GYI 'ON KYANG SA DE DAG GI DNGOS GZHI LAS SKYE STE, NYER BSDOGS DANG DNGOS GZHI TSOR BA BTANG SNYOMS SU THA DAD MED PA'I PHYIR RTZOL BA LA MA LTOS PAR DNGOS GZHI SKYE BA'I PHYIR RO,, (DE YANG SNGAR 'DOD CHAGS DANG BRAL BA'I SA LA GUS PA'I PHYIR RO, ,'ON KYANG 'OG SA'I DNGOS GZHI LA MA YIN TE, DE'I NYER BSDOGS KYIS 'DOD CHAGS DANG BRAL ZIN PAS SO,,) ZAG MED KYI SA DANG POS 'DOD CHAGS DANG BRAL BA'I TSUL BSHAD ZIN NAS LHAG MA BSHAD PA NI 'PHAGS PA STE ZAG MED KYIS LHAG MA BRGYAD KYIS NI RANG SA DANG GONG SA'I NYON MONGS PA LAS RGYAL BAR 'GYUR GYI 'OG SA LAS NI MA YIN TE, NYER BSDOGS KHO NAS RGYAL ZIN PA'I PHYIR RO,, @615 DE LA 'PHAGS PA BRGYAD NI BSAM GTAN DANG PO'I NYER BSDOGS MA GTOGS PA RNAMS TE, SA DE DAG GI BAR CHAD MED PA DANG RNAM GROL GYI LAM RNAMS NI MI RTAG PA LA SOGS PA BDEN PA'I RNAM PA CAN DU SKYES PA DAG YIN NO, ,'O NA 'JIG RTEN LAS 'DAS PA'I LAM BDEN PA'I DMIGS RNAM CAN YIN NA 'JIG RTEN PA'I LAM GANG ZHE NA, 'JIG RTEN PA'I BAR CHAD MED PA'I LAM NI GO RIM BZHIN DU GONG SA LAS LTOS NAS MNGON PAR 'DU BYED PA SHIN TU CHES CHEN POS BSGRUB PAR BYA BA YIN PAS RAGS PA DANG, SOGS PA'I SGRAS GZUNG BA GNAS NGAN LEN SHIN TU CHES MANG BAS MI MTHUN PAR GYUR PAS THA BA NGAN PA DANG, RTZIG PAS RTZIG PA DE NYID LAS NGES PAR MI 'BYUNG BA LTAR SA DE NYID KYIS SA DE NYID LAS NGES PAR MI 'BYUNG BAS RTZIG PA STUG PHO LTA BUR LTA BA'I RNAM PA CAN DANG 'OG MA'I SPYOD YUL CAN TE SA 'OG MA LA DMIGS PA YIN NO, ,RNAM PAR GROL BA'I LAM NI GO RIM BZHIN DU SNGA MA LAS BZLOG PA ZHI BA DANG, SOGS PA GYA NOM PA DANG, NGES PAR 'BYUNG BA'I RNAM PA CAN DANG, GONG MA'I SPYOD YUL CAN TE SA GONG MA LA DMIGS PA YIN NO, ,GNYIS PA NI 'O NA ZAD PA SHES PA'I MJUG THOGS SU SHES PA GANG SKYE ZHE NA, GAL TE DGRA BCOM PA DBANG PO RNON PO MI G-YO BA'I CHOS CAN ZHIG YIN NA NI MI NYAMS PAS ZAD PA SHES PA LAS MI SKYE BA'I BLO GROS TE SHES PA SKYE LA, GAL TE MI G-YO BA'I CHOS CAN MIN NA NI ZAD PA SHES PA LAS ZAD PA SHES PA'I RGYUN TZAM KHO NA'AM, YANG NA MI SLOB PA'I YANG DAG PA'I LTA BA SKYE'I MI SKYE PA SHES PA NI MA YIN TE, NYON MONGS PA SKYE BA'I SKABS YOD PAS NYAMS PA SRID PA'I PHYIR DANG, MI SKYE BA SHES PA LAS NYAMS PA MED PA'I PHYIR RO, ,MI SLOB PA'I YANG DAG PA'I LTA BA DE NI DGRA BCOM PA THAMS CAD LA SKYE STE, MI G-YO BA'I CHOS CAN LA'ANG RES 'GA' MI SKYE BA SHES PA LAS MI SKYE BA SHES PA KHO NA DANG, RES 'GA' MI SLOB PA'I YANG DAG PA'I LTA BA SKYE BA'I PHYIR RO, , GSUM PA NI GAL TE DGE SBYONG GI TSUL GYI 'BRAS BU BZHI ZHES BRJOD NA DGE SBYONG NI GANG, TSUL NI GANG, 'BRAS BU NI GANG ZHE NA, DGE SBYONG NI NYON MONGS PA CI RIGS PAR GTAN DU ZHI BA'I RGYUD DE, 'PHAGS PA'I GANG ZAG YIN LA, NYON MONGS PA GTAN DU ZHI BAR BYED PA'I THABS DGE SBYONG GI TSUL NI DRI MA MED PA'I BAR CHAD MED LAM STE RNAM GROL GYI LAM NI DAG SBYONG GI TSUL GYI 'BRAS BU YIN PA'I PHYIR RO, , DE'I PHYIR LUNG BAR MA LAS, JI LTAR NA DGE SBYONG DU 'GYUR ZHE NA, 'DIS SDIG PA MI DGE BA'I CHOS YANG SRID PAR KUN NAS NYON MONGS PA CAN NAD DANG BCAS SHING RNAM PAR SMIN PA SDUG BSNGAL BA MA 'ONGS PA'I SKYE BA NAS 'CHI BA'I BAR RNAMS ZHI BAR BYAS PA STE, 'DI LTAR NA DGE SBYONG DU 'GYUR RO ZHES GSUNGS PAS @616 ZAG MED KYI LAM YIN GYI ZAG BCAS KYIS NI (LCI YANG LAS GROL YANG NYES PA'I 'PHRO DANG BCAS PAS,) GTAN DU ZHI BAR BYED PA MA YIN PA'I PHYIR RO, ,DGE SBYONG GI TSUL DE'I 'BRAS BU NI 'DUS BYAS DANG 'DUS MA BYAS GNYIS YIN TE DE DAG KYANG DBYE NA RE RE LA'ANG BRGYAD CU RTZA DGU DGU'O, ,GANG ZHE NA, KHAMS GSUM GYI MTHONG SPANG LAS RNAM PAR GROL BA'I LAM BRGYAD DANG SGOM SPANG DGU DGU BRGYAD CU RTZA GCIG LAS RNAM PAR GROL BA'I LAM BRGYAD CU RTZA GCIG STE, DE LTAR RNAM GROL GYI LAM BRGYAD CU RTZA DGU DANG, DE DAG GI BAR CHAD MED PA'I LAM YANG BRGYAD CU RTZA DGU DANG, SPANG BYA ZAD PA'I 'GOG PA BRGYAD CU RTZA DGU RNAMS DANG BCAS PA STE, DE LTAR NA BAR CHAD MED PA'I LAM BRGYAD CU RTZA DGU NI DGE SBYONG GI TSUL YIN LA, RNAM PAR GROL BA'I LAM BRGYAD CU RTZA DGU NI DGE SBYONG GI TSUL GYI 'BRAS BU 'DUS BYAS DAG YIN TE, RGYU MTHUN RGYU DANG 'DRA BA'O ZHES PA DANG, GANG GI STOBS KYIS GANG SKYE BA, ,'BRAS DE SKYES BU BYED LAS SKYES ZHES 'BYUNG BAS BAR CHAD MED PA'I LAM DANG 'DRA BA DANG, DE'I STOBS KYIS SKYE BA'I PHYIR BAR CHAD MED PA'I LAM GYI RGYU MTHUN DANG SKYES BU BYED PA'I 'BRAS BU YIN PA'I PHYIR RO, ,SPANG BYA ZAD PA'I 'GOG PA BRGYAD CU RTZA DGU NI DGE SBYONG TSUL GYI 'BRAS BU 'DUS MA BYAS DAG YIN TE, GANG GI STOBS KYIS GANG 'THOB PA, ,DE NI SKYES BU BYED BA'I 'BRAS ZHES 'BRAS BU 'DUS MA BYAS KYANG BAR CHAD MED PA'I LAM GYI SKYES BU BYED PA'I 'BRAS BU YIN PA'I PHYIR RO, ,DE DAG BSDUS NAS MDO LAS DGE SBYONG TSUL GYI 'BRAS BU BZHIR BSHAD DO, , DE'I PHYIR SLOB DPON 'PHAGS PAS KYANG, DGE SBYONG GANG ZHE NA, NYON MONGS PA ZHI BA'I RGYUD DO, , TSUL GANG ZHE NA, LAM SNGA MA'O, ,TSUL GYI 'BRAS BU GANG ZHE NA, LAM PHYI MA DANG 'DUS MA BYAS SO ZHES BSHAD DO, ,GAL TE DE LTAR 'BRAS BU RNAM PA MANG PO YOD NA 'O NA 'BRAS BU BZHIR JI LTAR GZHAG CE NA, 'BRAS BU MANG MOD KYI DE DAG MDO LAS 'BRAS BU BZHIR RNAM PAR BZHAG PA NI RGYU MTSAN RNAM PA LNGA DAG SRID PA'I PHYIR RO, ,LNGA GANG ZHE NA, RGYUN ZHUGS LA SOGS PA'I 'BRAS BU RE RER 'JOG PA LA NI SNGON GYI ZHUGS PA'I LAM SNGA MA BTANG BA DANG, DE LAS GZHAN PA'I 'BRAS BU LA GNAS PA'I LAM THOB PA DANG, SPANG BYA ZAD PA BSDOMS PA'I THOB PA GCIG RNYED PA DANG, SDUG BSNGAL LA CHOS SHES PA LA SOGS PA CHOS SHES PA BZHI DANG SDUG BSNGAL LA RJES SU SHES PA LA SOGS PA RJES SU SHES PA BZHI STE, SHES PA BRGYAD TSAN THOB PA (STE CIG CAR DU LDAN PA,) DANG, MI RTAG PA LA SOGS PA YE SHES KYI RNAM PA BCU DRUG TSANG BAR THOB PA'O, ,(DE YANG ZAD PA SDOM PA NI SPANGS PA SO SO BA RNAMS BTANG NAS THAMS CAD SDOM PA'I BRAL @617 THOB ZAG MED GCIG RNYED PA STE, 'BRAS BU DANG PO LA MTHONG SPANG GI ZAD PA SDOM PA GCIG RNYED PA DANG, GNYIS PA LA MTHONG SPANG DANG 'DOD PA'I SGOM SPANG DRUG ZAD PA SDOM PA LA SOGS PA'O,,) DE LA MTHONG LAM SKAD CIG MA BCO LNGA PA MAN CHAD (ZHUGS PA DANG PO) LA NI RGYU MTSAN LNGA GA MED PA'I PHYIR DANG ZHUGS PA PHYI MA GSUM LA NI RGYU MTSAN PHYI MA GNYIS YOD KYANG SNGA MA GSUM MED PA'I PHYIR 'BRAS BUR MA BSHAD DO ZHES BYE BRAG TU SMRA BA 'DOD DO, ,(NYAN THOS KYI SA LAS NI, NYON MONGS PA RNAM PA BZHI SPANGS PA'I PHYIR, GNYEN PO 'BRAS BU BZHI BZHAG STE, NYON MONGS PA NGAN SONG DU 'GRO BAR 'GYUR BA'I RGYU SPANGS PA'I PHYIR RGYUN ZHUGS KYI 'BRAS BU BZHAG GO ,LHA DANG MI'I SRID PAS BSDUS PA'I SKYE BA'I RGYUN GYI NYON MONGS SPANGS PA'I PHYIR LAN CIG PHYIR 'ONG GI 'BRAS BU BZHAG GO ,'DOD PAR SKYE ZHING PHYIR 'ONG BA'I NYON MONGS PA SPANGS SHING LHA'I SRID PA KHO NA MNGON PAR BSGRUB PA'I PHYIR PHYIR MI 'ONG GI 'BRAS BU BZHAG GO ,KHAMS GSUM GYI SRID PAR SKYE BA'I NYON MONGS PA THAMS CAD ZAD PAR SPANGS PA'I PHYIR DGRA BCOM PA'I 'BRAS BU BZHAG GO ,ZHES 'BYUNG NGO, ,) KHA CIG 'BRAS BU DANG PO GNYIS LA GNAS PA LA'ANG SPANGS PA BSDOMS PA MED DE, BRAL BA'I THOB PA ZAG MED DANG, ,SRID RTZE NYAMS PAR BYAS PA DANG, ,RGYU GNYIS KUN TU BCOM PA'I PHYIR, ,YONGS SHES KHAMS LAS 'DAS PA LAS ZHES KHAMS LAS 'DAS PA LAS SPANGS PA SDOM PAR BSHAD PA LA KHAMS LAS 'DAS PA MED PA'I PHYIR RO ZHES 'CHAD PA NI MA YIN TE, LUNG DI NI YONGS SHES SU 'JOG PA'I RGYU MTSAN YIN PA'I PHYIR DANG 'GREL PA LAS, SPANGS PA BSDOMS PA NI THAMS CAD KYI THOB PA GCIG RNYED PA'I PHYIR RO ZHES BYA BA DANG, RGYU LNGA PO DE DAG NI 'BRAS BU RE RE LA YOD DO ZHES BSHAD PA'I PHYIR RO, ,GAL TE ZAG MED KYI LAM KHO NA DGE SBYONG GI TSUL YIN NA CHAGS BRAL SNGON 'GROS 'JIG RTEN PA'I LAM GYIS 'BRAS BU BAR PA GNYIS THOB PA SRID PAS DE DAG JI LTAR DGE SBYONG GI TSUL GYI 'BRAS BU YIN ZHE NA, 'PHAGS PA 'JIG RTEN PA'I LAM GYIS THOB PA'I 'BRAS BU BAR PA GNYIS NI (CHOS CAN DGE SBYONG GI 'BRAS BU YIN TE, LAM GNYIS KYI 'BRAS BU SPANGS PA'I THOB PA RANG RANG GI 'BRAS BUR BSDUS PA GCIG RNYED PA'I PHYIR DANG,) SGOM LAM ZAG BCAS (KYI SPANGS PA KHO NA MIN GYI) MTHONG LAM ZAG MED KYI SPANGS PA ('ANG DER) BSRES NAS THOB PA'I PHYIR DANG, 'BRAS BU BAR PA GNYIS KYIS BSDUS PA'I ZAG MED KYI THOB PA GCIG 'DZIN PA'I PHYIR DGE SBYONG GI TSUL GYI 'BRAS BU YIN NO, ,(BRAL THOB ZAG MED KYI STOBS KYIS YONGS SU NYAMS PA'ANG MI 'CHI'O, ,'JIG RTEN PA'I CHAGS BRAL PA'I, 'PHAGS LA BRAL BA'I THOB RNAM GNYIS ZHES PA, ZAG MED KYI THOB PA 'JIG RTEN PA'I LAM GYIS SKYES PA DA LTAR YOD @618 LA, 'PHAGS LAM BRGYAD, DE'I STOBS KYIS MA 'ONGS PA THOB PAS 'DUS BYAS DE LA DGE SBYONG TSUL GYI 'BRAS BUR BYAS NA YANG MI 'GAL LO,,) DE NYID KYI PHYIR MDO LAS, LAN CIG PHYIR 'ONG BA'I 'BRAS BU GANG ZHE NA, KUN DU SBYOR BA GSUM SPANGS PA DANG 'DOD CHAGS DANG ZHE SDANG DANG GTI MUG RNAMS BSRABS PA GANG YIN PA DE YIN NO, , PHYIR MI 'ONG BA'I 'BRAS BU GANG ZHE NA, KUN DU SBYOR BA THA MA'I CHA DANG MTHUN PA LNGA SPANGS PA GANG YIN PA DE YIN NO ZHES GSUNGS TE, GAL TE SPANGS PA 'DREN MAR 'JUG PA MA YIN NA 'BRAS BU DE DAG TU GZHAG PAR MI NUS TE, KUN SBYOR GSUM DANG KUN SBYOR THA MA'I CHA MTHUN LNGA'I PHYOGS GCIG KUN SBYOR GSUM PO MTHONG LAM GYIS SPANGS PA'I PHYIR RO, ,DES NA SPANGS PA 'DREN MAR 'JUG PA DE SKAD DU GSUNGS SO, ,DE'I PHYIR 'JIG RTEN PA YIS CHAGS BRAL BA'I, ,'PHAGS LA BRAL BA'I THOB RNAM GNYIS, ,ZHES PAS BRAL THOB ZAG MED DE'I STOBS KYIS 'JIG RTEN PA'I LAM GYIS THOB PA'I SPANGS PA DE 'DZIN PAR BYED PAS YONGS SU NYAMS KYANG MI 'CHI STE, 'BRAS LAS NYAMS PA 'CHI BA MED, ,CES 'BYUNG BA'I PHYIR RO, , BZHI PA DGE SBYONG GI TSUL DU BSHAD PA BAR CHAD MED PA'I LAM ZAG MED RNAM GROL 'DUS BYAS DANG BCAS PA GANG YIN PA DE NYID NI SDIG PA MI DGE BA'I CHOS RNAM PA DU MA SPANGS PAS TSANGS PA DANG, NYON MONGS PA SPONG BA'I ZAG MED KYI LAM YIN PAS TSANGS PA'I TSUL YANG YIN TE, BRGYA BYIN GYI MDO LAS, BCOM LDAN 'DAS DE NI TSANGS PA ZHES KYANG BYA, ZHI BA DANG, BSIL BAR GYUR PA ZHES KYANG BYA'O ZHES KYANG GSUNGS PA'I PHYIR RO, ,DES NA TSANGS PA DANG, ZHI BA DANG, BSIL BAR GYUR PA ZHES BYA BA NI BCOM LDAN 'DAS YIN TE, TSANGS PA'I TSUL ZAG MED KYI LAM BLA NA MED PA DANG LDAN PA'I PHYIR DANG, NYON MONGS PA TSANGS PA DANG ZHI BA DANG BSIL BA'I PHYIR RO, ,TSUL NI NYON MONGS PA SPONG BA DE'I THABS ZAG MED KYI LAM YIN PA'I PHYIR RO, ,DE NI TSANGS PA'I 'KHOR LO'ANG YIN TE, 'KHOR LO DANG 'DRA BA'I PHYIR DANG TSANGS PA BCOM LDAN 'DAS KYIS BSKOR BA'I PHYIR RO, ,DE LA CHOS KYI 'KHOR LO NI MTHONG BA'I LAM DE NYID YIN TE, MYUR BAR 'GRO BA DANG, SOGS PAS BSDUS PA 'DOR BA DANG 'JUG PA DANG, MA RGYAL BA LAS RGYAL BAR BYED PA DANG RGYAL BA RNAM DU 'GOD PA DANG, 'PHAR BA DANG 'BAB PA ZHES BYA BA 'KHOR LO RIN PO CHE DANG CHOS MTHUN PA'I PHYIR RO, ,DE LA MTHONG LAM GYI YE SHES SKAD CIG MA BCO LNGAS BDEN PA MNGON PAR RTOGS PA'I PHYIR RAM SKAD CIG MA SNGA MA SNGA MA'I RJES THOGS SU PHYI MA PHYI MA MYUR DU SKYE @619 BA'I PHYIR DANG, BDEN PA'I DMIGS PA DANG YE SHES KYI RNAM PA DANG BAR CHAD MED PA'I LAM SNGA MA RNAMS 'DOR BA'I PHYIR DANG, BDEN PA'I DMIGS PA DANG YE SHES KYI RNAM PA DANG RNAM GROL GYI LAM PHYI MA RNAMS LA 'JUG PA'I PHYIR DANG, MA RGYAL BA LAS RGYAL BAR BYED PA NI BAR CHAD MED PA'I LAM GYIS MTHONG SPANG RNAMS KYI THOB PA GCOD PA'I SGO NAS SPONG BA'I PHYIR RO, ,RGYAL BA RNAL DU 'GOD PA NI RNAM GROL GYI LAM GYIS BRAL THOB 'DZIN PA'I PHYIR RO, ,'PHAR BA NI RNAM GROL GYI LAM MAM KHAMS GONG MA'I BDEN PA LA 'JUG PA'I PHYIR RO, ,'BAB PA NI BAR CHAD MED PA'I LAM MAM 'DOD PA'I BDEN PA LA 'JUG PA'I PHYIR RO,, BTZUN PA DBYANGS SGROGS NA RE MTHONG LAM 'PHAGS LAM YAN LAG BRGYAN NI 'KHOR LO'I RTZIBS DANG SOGS KYIS BZUNG BA LTE BA DANG MU KHYUD DANG 'DRA BA'I PHYIR CHOS KYI 'KHOR LO YIN NO, ,DE LA SHES RAB KYI BSLAB PA YANG DAG PA'I LTA BA DANG RTOG PA DANG RTZOL BA DANG DRAN PA RNAMS NI RTZIBS LTA BU YIN TE, PHAN TSUN'JUG PA'I PHYIR DANG, MHONG SPANG GCOD PA'I PHYIR RO, ,YANG DAG PA'I NGAG DANG LAS KYI MTHA' DANG 'TSO BA RNAMS NI LTE BA DANG 'DRA STE, DE DAG NI TSUL KHRIMS KYI BSLAB PA YIN PAS DE LA BRTEN NAS SEMS KYI BSLAB PA TING NGE 'DZIN 'THOB LA DE THOB PAS SHES RAB KYI BSLAB PA SKYE BA'I PHYIR RO, ,TING NGE 'DZIN NI MU KHYUD DANG 'DRA STE, DES GZHAN DAG NYE BAR 'DZIN PA'I PHYIR RAM, DMIGS PA LA SEMS SDUD PA'I PHYIR RO ZHES ZER RO, , CHOS KYI 'KHOR LO MTHONG LAM LA ZER BA YANG MDO LAS, BCOM LDAN 'DAS KYIS LNGA SDE RNAMS LA BKA' STZAL BA, DGE SLONG DAG SNGON MA THOS PA'I CHOS RNAMS LA 'DI NI SDUG BSNGAL 'PHAGS PA'I BDEN PA'O ZHES TSUL BZHIN DU YID LA BYED PA NA MIG SKYES SO, ,SHES PA DANG RIG PA DANG BLO SKYES SO, ,NGA SNGON MA THOS PA'I CHOS RNAMS LA 'DI NI SDUG BSNGAL KUN 'BYUNG BA'O, ,'DI NI SDUG BSNGAL 'GOG PA'O, , 'DI NI SDUG BSNGAL 'GOG PAR 'GYUR BA'I LAM 'PHAGS PA'I BDEN PA'O ZHES TSUL BZHIN DU YID LA BYED PA NA MIG SKYES SO, ,SHES PA DANG RIG PA DANG BLO SKYES SO ZHES BYA BA DANG, DGE SLONG DAG NGA SNGON MA THOS PA'I CHOS RNAMS LA SDUG BSNGAL 'PHAGS PA'I BDEN PA DE BDAG GIS MNGON PAR SHES PAS YONGS SU SHES PAR BYA'O, ,KUN 'BYUNG SPANG BAR BYA'O, ,'GOG PA MNGON DUBYA'O, ,SDUG BSNGAL 'GOG PAR 'GRO BA'I LAM 'PHAGS PA'I BDEN PA DE BSGOM PAR BYA'O ZHES TSUL BZHIN DU YID LA BYED PA NA MIG LA SOGS PA SKYES SO ZHES BYA BA DANG, DE BZHIN DU DGE SLONG DAG NGA SNGON MA THOS PA'I CHOS RNAMS LA SDUG @620 BSNGAL 'PHAGS PA'I BDEN PA DE BDAG GIS MNGON PAR SHES PAS YONGS SU SHES SO, ,KUN 'BYUNG SPANGS SO, ,'GOG PA MNGON DU BYAS SO, ,LAM BSGOMS SO, ,ZHES TSUL BZHIN DU YID LA BYED PA NA MIG LA SOGS PA SKYES SO ZHES BYA BA LA SOGS PA RGYA CHER GSUNGS NAS, CHOS KYI RNAM GRANGS 'DI BSHAD PA NA TSE DANG LDAN PA KUN SHES KO'U dI N+YA DANG LHA BRGYAD KHRI LA CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS BCOM LDAN 'DAS KYIS TSE DANG LDAN PA KUN SHES KO'U dI N+YA LA BKA' STZAL BA, KUN SHES KO'U dI N+YA KHYOD KYIS CHOS KUN SHES SAM, BCOM LDAN 'DAS BDAG GIS CHOS KUN 'TSAL TO, ,BDE BAR GSHEGS PA BDAG GIS CHOS KUN 'TSAL TO ZHES GSOL BA DANG, SA BLA BA'I GNOD SBYIN RNAMS KYIS TSE DANG LDAN PA KUN SHES KO'U dI N+YA CHOS KUN SHES SO ZHES SGRA BSGRAGS TE, GROGS PO DAG BCOM LDAN 'DAS KYIS YUL BA RA NA SE DRANG SRONG LHUNG BA RI DVAGS KYI GNAS 'DIR CHOS KYI 'KHOR LO CHOS DANG MTHUN PA DGE SBYONG NGAM BRAM ZE'AM LHA'AM BDUD DAM TSANGS PA'AM SUS KYANG 'JIG RTEN NA SKYE BO MANG PO LA PHAN PAR BYA BA'I PHYIR CHOS DANG MTHUN PAR MA BSKOR BA LAN GSUM DU BZLAS TE RNAM PA BCU GNYIS PA BSKOR TO ZHES KUN SHES KO'U dI N+YA LA MTHONG LAM SKYES PA NA CHOS KYI 'KHOR LO BSKOR BAR GSUNGS PA'I PHYIR RO, ,DE LA LAN GSUM DU BZLAS PA NI BYE BRAG TU SMRA BA NA RE 'DI NI SDUG BSNGAL 'PHAGS PA'I BDEN PA'O ZHES SDUG BSNGAL GYI NGO BO LA BZLAS PA GCIG DANG, SDUG BSNGAL YONGS SU SHES PAR BYA'O ZHES BYA BA LA BZLAS PA GCIG DANG, SDUG BSNGAL YONGS SU SHES SO ZHES MTHAR THUG PA LA BZLAS PA GCIG STE GSUM MO, ,RNAM PA BCU GNYIS NI BZLAS PA DE DAG RE RE LA'ANG SDUG BSNGAL GYI NGO BO MNGON SUM DU GYUR PAS MIG DANG, THE TSOM MED PAS SHES PA DANG, YANG DAG PA'I DON SHES PAS RIG PA DANG, RNAM PAR DAG PA'I PHYIR BLO ZHES PA BZHI BZHI DANG, DE BZHIN DU BDEN PA GZHAN GSUM PO RE RE LA'ANG BZLAS PA GSUM GSUM DANG, BZLAS PA RE RE LA'ANG MIG SKYES PA LA SOGS PA RNAM PA BZHI BZHI YOD PAS RNAM PA BCU GNYIS BCU GNYIS YIN NO, , 'O NA NI BDEN PA BZHI PO RE RE LA'ANG BZLAS PA GSUM GSUM BCU GNYIS DANG, BZLAS PA RE RE LA'ANG RNAM PA BZHI BZHI DANG LDAN PAS RNAM PA BZHI BCU RTZA BRGYAD YOD PA'I PHYIR BZLAS PA GSUM DANG RNAM PA BCU GNYIS SU JI LTAR 'GYUR ZHE NA, BDEN MOD KYI BDEN PA RE RE LA'ANG BZLAS PA GSUM DANG RNAM PA BCU GNYIS PAR 'DRA BA'I PHYIR LAN GSUM DU BZLAS TE RNAM PA BCU GNYIS ZHES BRJOD DE DPER NA GNYIS BSTAN PA DANG GNAS BDUN LA MKHAS PA BSTAN PA BZHAN NO, ,DE LA GNYIS BSTAN PA NI MDO LAS @621 DGE SLONG DAG KHYED LA GNYIS BSTAN PAR BYA'I, DE LEGS PAR RAB TU STON PA NYON LA YID LA ZUNG ZHIG DANG BSHAD DO, ,GNYIS GANG ZHE NA, MIG DANG GZUGS RNAMS ZHES BYA BA NAS YID DANG CHOS RNAMS SO ZHES BYA BA'I BAR DU SBYAR TE GNYIS TSAN DRUG YOD KYANG GNYIS GNYIS SU CHOS MTHUN PA'I PHYIR GNYIS SU GSUNGS PA DANG, GNAS BDUN NI MDO LAS, DGE SLONG GNAS BDUN LA MKHAS PA NI CHOS 'DUL BA 'DI LA MYUR DU ZAG PA ZAD PA 'THOB PAR 'GYUR RO, ,BDUN GANG ZHE NA, GZUGS YANG DAG PA JI LTA BA BZHIN DU RAB TU SHES SO, ,GZUGS KUN 'BYUNG BA DANG, GZUGS 'GOG PA DANG, GZUGS 'GOG PAR 'GYUR BA'I LAM DANG, GZUGS KYI RO MYANG BA DANG, NYES DMIGS DANG, NGES PAR 'BYUNG BA'ANG YANG DAG PA JI LTA BA BZHIN RAB TU SHES SO ZHES PA DANG, DE BZHIN DU TSOR BA LA SOGS PA'I PHUNG PO LA'ANG SBYAR NAS BDUN LNGA GSUM BCU RTZA LNGA YOD KYANG BDUN TSAN DU 'DRA BAS BDUN DU GSUNGS PA BZHIN NO, ,DE LA BDEN PA BZHI CHAR GYI BZLAS PA GSUM GYIS RIM PA LTAR MTHONG SGOM MI SLOB PA'I LAM GSUM BSTAN TO ZHES ZER RO, ,SLOB DPON NI DE LTA NA MTHONG LAM KHO NA CHOS KYI 'KHOR LO MA YIN PAR 'GYUR TE, BZLAS PA GCIG DANG RNAM PA BZHI LAS MED PAS LAN GSUM DU BZLAS PA DANG RNAM PA BCU GNYIS MA TSANG BA'I PHYIR RO, ,DES NA CHOS KYI RNAM GRANGS DE NYID CHOS KYI 'KHOR LO RAB TU STON PA'I PHYIR CHOS KYI 'KHOR LO DANG, BZLAS PA GSUM DANG RNAM PA BCU GNYIS KYI DON RAB TU STON PAS LAN GSUM DU BZLAS PA DANG RNAM PA BCU GNYIS DANG, GDUL BYA'I RGYUD LA DE'I DON SHES PAR BYED PA'I SGO NAS GTOD CING GO BAR BYED PA'I PHYIR BSKOR BA'ANG YIN NO, ,YANG NA MTHONG SGOM MI SLOB PA'I LAM GSUM GA'ANG GDUL BYA'I RGYUD LA 'JUG PAS CHOS KYI 'KHOR LO YIN NO, ,KUN SHES KO'U dI N+YA SA MTHONG LAM THOB PA NA CHOS KYI 'KHOR LO BSKOR BAR GSUNGS PA NI KUN SHES KO'U dI N+YA LA SOGS PA'I RGYUD LA MTHONG LAM BSKYED PA'I PHYIR DANG POR BSKOR BAR BRTZAMS PA'I PHYIR BSKOR BA ZHES BYA'O, ,BZLAS PA GSUM NI SDUG BSNGAL 'PHAGS PA'I BDEN PA'O ZHES PA NAS LAM 'PHAGS PA'I BDEN PA'O ZHES PA'I BAR NI BDEN BZHI'I RANG GI NGO BO LA BZLAS PA DANG, SDUG BSNGAL YONGS SU SHES PAR BYA'O ZHES PA NAS LAM BSGOM PAR BYA'O ZHES PA'I BAR NI BYA BA LA BZLAS PA DANG, SDUG BSNGAL YONGS SU SHES SO ZHES PA NAS LAM BSGOMS SO ZHES PA'I BAR NI MTHAR THUG PA LA BZLAS PA'O, ,RNAM PA BCU GNYIS NI BDEN BZHI'I DBANG DU BYAS NAS 'DI NI SDUG BSNGAL LO ZHES PA NAS, 'DI NI LAM MO ZHES PA'I BAR DU BDEN BZHI'I RANG GI NGO BO LA DMIGS PA'I @622 RNAM PA BZHI DANG, YONGS SU SHES PAR BYA BA NAS BSGOM PAR BYA BA'I BAR NI BYA BA LA DMIGS PA'I RNAM PA BZHI DANG, YONGS SU SHES SO NAS BSGOMS SO'I BAR NI MTHAR THUG PA LA DMIGS PA'I RNAM PA BZHI YIN NO ZHES BZHED DO, ,DE LTAR NA BYE BRAG TU SMRA BA LTAR NA BDEN PA BZHI PO RE RE LA'ANG BZLAS PA GSUM GSUM DANG RNAM PA BCU GNYIS BCU GNYIS SU 'DOD LA, SLOB DPON NI BDEN PA BZHI GA BSDOMS PA LA BZLAS PA GSUM DANG RNAM PA BCU GNYIS SU BZHED DO, ,LNGA PA NI 'O NA KHAMS GANG DU DGE SBYONG GI TSUL GYI 'BRAS BU GANG 'THOB CE NA, 'DOD PAR NI 'BRAS BU DANG PO GSUM SNGAR MA THOB PA 'THOB PAR 'GYUR LA 'BRAS BU THA MA DGRA BCOM PA NI KHAMS GSUM CHAR DU THOB PAR 'GYUR RO, ,GAL TE 'BRAS BU DANG PO GNYIS NI 'DOD PA LAS 'DOD CHAGS DANG MA BRAL BAS THOB PAR BYA BA YIN PA'I PHYIR DE LTAR RIGS NA KHAMS GONG MAR SKYES PA ZHIG NGES PA LA 'JUG PA NA SKAD CIG MA BCU DRUG PA LA PHYIR MI 'ONG DU 'GYUR BAS NA DE KHAMS GONG MAR JI LTAR 'THOB PAR MI 'GYUR ZHE NA, KHAMS GONG MA DAG NA MTHONG LAM MED PA'I PHYIR DANG, SNGAR MTHONG LAM SKYES PA MED PAR NI 'DOD PA LAS 'DOD CHAGS DANG BRAL YANG PHYIR MI 'ONG BA'I 'BRAS BU THOB PA MED PA'I PHYIR RO ZHES BSAMS SO, ,MTHONG LAM MED PA NI MTHONG LAM KHAMS GSUM CHAR LA DMIGS PA YIN PA LA GZUGS MED PA NI, GZUGS MED DNGOS GZHI DGE RNAMS KYI, ,SPYOD YUL ZAG BCAS 'OG MA MIN, ,ZHES KHAMS 'OG MA LA MI DMIGS PA'I PHYIR DANG, (CHOS MA THOS BAR SKYE BA YANG YOD PAS SO ZHE NA,) GZUGS MED NA RANG BYUNG GNYIS MI SRID CING SRID PA'I NYAN THOS KYI MNGON RTOGS KYANG GZHAN LAS MA THOS PAR MI 'THOB PAS TE DE NA SKYES BU DAM PA LA CHOS NYAN PA MED PA'I (PHYIR DANG 'DOD PA LA MI DMIGS BA'I PHYIR RO, ,MTHONG LAM NI DANG POR 'DOD PA'I SDUG BSNGAL LA DMIGS DGOS LA GZUGS MED PAS DE LA MI DMIGS PA'I PHYIR RO, ,) GZHAN YANG MDO LAS, SKYO NA 'DOD CHAGS DANG BRAL BAR 'GYUR RO ZHES GSUNGS NA, GZUGS KHAMS SU SKYES PA'I SO SO'I SKYE BO NI SNYOMS 'JUG GI BDE BA LA CHAGS PA'I PHYIR DANG, SDUG BSNGAL GYI TSOR BA MED PA'I PHYIR 'KHOR BA LA YID MI SKYO LA, SKYO BA MED PAR YANG 'PHAGS LAM 'THOB PAR MI NUS PA'I PHYIR RO ZHES PA'I RIGS PA DANG, BCU TSAN BCU PA'I LUNG LAS KYANG GANG ZAG NI BCU STE, BCU GANG ZHE NA, RIGS NAS RIGS SU SKYE BA DANG, MCHOG TU THOGS NA LAN BDUN PA DANG, BAR CHAD GCIG PA DANG, LAN CIG PHYIR 'ONG BA DANG, BAR MA DOR MYA NGAN LAS 'DA' BA NAS GONG DU 'PHO BA'I BAR LNGA DANG, DGRA BCOM PA'O, , GANG ZAG BCU PO DE DAG LAS DANG PO BZHI DANG DGRA BCOM PA NI 'DIR RTZOM ZHING 'DIR MTHAR PHYIN PAR @623 'GYUR RO, ,BAR MA DOR MYA NGAN LAS 'DA' BA NAS GONG DU 'PHO BA'I BAR GANG ZAG LNGA NI 'DIR RTZOM ZHING DER MTHAR PHYIN PAR 'GYUR RO ZHES 'BYUNG BA'I PHYIR RO, , ('PHAGS PA MA YIN PA NI DER RTZOM PAR MA GSUNGS SO, ,) DE LA 'DIR ZHES BYA BA NI 'DOD PA'I KHAMS YIN LA, RTZOM PA NI MYANG 'DAS KYI THABS KYIS 'OG 'DZUGS PA'O, ,DER ZHES BYA BA NI KHAMS GONG MA YIN NO, ,RE ZHIG KHAMS KYIS NI DE LTA BU YIN NO, ,GAL TE MI G-YO'I ZAD SHES LAS, ,MI SKYE'I BLO GROS GAL TE MIN, ,ZHES BSHAD PA DE CI DGRA BCOM PA LA'ANG DBYE BA YOD DAM ZHE NA, YOD DE, DGRA BCOM PA'I DBYE BA NI MDO LAS, DGE SLONG DAG DRUG PO 'DI DAG NI DGRA BCOM PA STE, DRUG GANG ZHE NA, YONGS SU NYAMS PA'I CHOS CAN DANG, 'CHI BAR SEMS PA'I CHOS CAN DANG, RJES SU BSRUNG BA'I CHOS CAN DANG, GNAS PA LAS MI SKYOD PA DANG, RTOGS PA'I SKAL BA CAN DANG, MI G-YO BA'I CHOS CAN NO, ,ZHES GSUNGS PAS DRUG TU 'DOD DE, DE DAG NI RIM PA LTAR DANG PO LNGA CHAR LA NYAMS PA SRID KYANG RKYEN CHUNG NGUS RANG GI RTOGS PA LAS NYAMS PA DANG, NYAMS PAR DOGS PAS MYA NGAN LAS 'DA' BAR SEMS PA DANG, NYAMS PAR DOGS PAS LAM BSRUNG BA LA BRTZON PA DANG, RKYEN CHUNG NGUS RTOGS PA LAS MI BSKYOD PA DANG, DBANG PO 'PHOS TE MI G-YO BA RTOGS PA'I SKAL BA DANG LDAN PA DANG, DBANG PO RNO BAS RTOGS PA LAS NYAMS MI SRID PA RNAMS SO, ,DE LTAR DBANG PO RNON PO LA'ANG RANG BZHIN GYIS RNO BA DANG DBANG PO 'PHOS PAS RNO BA GNYIS SU 'GYUR RO, ,DE LTAR DGRA BCOM PA DRUG PO DE DAG LAS DANG PO LNGA NI SGOM LAM GYI TSE DBANG PO BRTUL PO DAD PAS MOS PA LAS SKYES PA YIN LA, LNGA BO DE DAG GI SEMS KYI RNAM PAR GROL BA NI DUS DANG SBYOR BA YIN TE, ZAS GOS DANG GNAS LA SOGS PA'I MTHUN RKYEN TSANG BA DANG NAD DANG DGRA'I TSER MA LA SOGS PA'I 'GAL RKYEN MED PA LA LTOS PA'I PHYIR DUS KYI RNAM PAR GROL BA ZHES BYA'O, , DRUG PA MI G-YO BA'I CHOS CAN NI RTOGS PA LAS MI NYAMS PAS MI G-YO BA DE NYID KYI PHYIR DE NI MTHUN RKYEN DANG 'GAL RKYEN YOD MED LA MI LTOS (TE 'DOD DGUR TING NGE 'DZIN MNGON DU 'GYUR) PAS DUS DANG MI SBYOR BAR RNAM PAR GROL BA YIN LA, DE NI SGOM LAM GYI DUS KYI DBANG PO RNON PO MTHONG BAS THOB PA'I RGYU LAS BYUNG BA YIN TE, 'BRAS BU'I KHYAD PAR NI RGYU'I KHYAD PAR LA LTOS PA'I PHYIR RO, ,DE YANG SLOB PA'I TSE DAD MOS MTHONG THOB TU DBANG PO 'PHOS PA'AM RANG BZHIN GYIS DBANG PO RNON PO LAS BYUNG BA'I MI G-YO BA'I CHOS CAN NI MTHONG THOB KYI RGYU LAS BYUNG BA YIN GYI MI SLOB PA'I TSE DBANG PO BRTUL PO RNON PO MI G-YO @624 BA'I CHOS CAN DU DBANG PO 'PHOS PA'I MI G-YO BA'I CHOS CAN DE NI MTHONG THOB KYI RGYU LAS BYUNG BA MA YIN NO ZHES t'I KA LAS 'CHAD DO, ,RNAM PAR GROL BA DUS DANG SBYOR BA DANG MI SBYOR BA NI 'DOD DGUR TING NGE 'DZIN MNGON DU 'GYUR BA DANG MI 'GYUR BA'AM, YANG NA RTOGS PA NYAMS PA SRID PA DANG MI SRID PA'I PHYIR DUS GZHAN GYI BAR DU RNAM PAR GROL BA DANG GTAN DU RNAM PAR GROL BA NYID YIN PAR SHES PAR BYA'O, ,DRUG PA NI DGRA BCOM PA DE DAG DANG BO NAS DE DAG GI RIGS CAN DU NGES PA'AM 'ON TE PHYIS DE DAG TU GYUR PA YIN ZHE NA, (DBANG PO MA 'PHOS PA) KHA CIG NI DANG PO NAS YONGS SU NYAMS PA'I CHOS CAN LA SOGS PA DE'I RIGS SU NGES PA'ANG YOD LA KHA CIG NI PHYIS RIGS (SAM DBANG PO,) SBYANGS PA LAS GYUR PA'ANG YOD DE YONGS SU NYAMS PA'I CHOS CAN GYI RIGS DBANG PO SBYANGS PAS 'CHI BAR SEMS PA'I CHOS CAN DU 'GYUR BA LA SOGS PA BZHIN NO, ,DE DAG RIS DRUG TU 'GYUR BA'I RGYU NI RIM PA LTAR SLOB PA'I TSE LAM SGOM PA LA RGYUN SBYOR GUS SBYOR GNYIS KA MED PA DANG, GNYIS KA MED LA KHYAD PAR DU GUS SBYOR MED PA DANG, RGYUN SBYOR TZAM DANG LDAN PA DANG, GUS SBYOR DANG LDAN PA DANG, SBYOR BA GNYIS KA DANG LDAN PA'I DBANG PO BRTUL PO DANG, SBYOR BA GNYIS KA DANG LDAN PA'I DBANG PO RNON PO LAS GYUR PA'I PHYIR RO, ,YONGS SU NYAMS PA'I CHOS CAN LA SOGS PA'ANG DE LTAR SRID PA'I PHYIR YIN GYI NGES PA NI MA YIN NO, ,DE LTAR NA KHAMS GSUM CHAR NA DGRA BCOM PA DRUG GI DBYE BA YOD PAR RUNG NGO, ,GANG DAG NGES PAR YONGS SU NYAMS PAR 'GYUR BA LA SOGS PA 'DOD PA DE DAG GI LTA RA NA 'DOD PA NA DRUG GI DBYE BA YOD KYI GONG MA GNYIS NA NI BZHI PA DANG DRUG PA LAS GZHAN NI MA YIN TE, DE DANG GONG MAR SKYES PA NI, ,YONGS NYAMS DBANG PO 'PHO MI BSTEN, ,ZHES PAS DE GNYIS (KYI 'PHAGS PA NI DBANG PO SMIN PA DANG, SKYO BA DANG, RANG GZHAN LA GNOD PA MED PA DES,) NA YONGS SU NYAMS PA MED PAS DANG PO GSUM MED LA, DBANG PO 'PHO BA MED PAS LNGA PA'ANG MED PA'I PHYIR RO, ,GAL TE 'DI DAG THAMS CAD RANG GI 'BRAS BU DANG RIGS LAS NYAMS PAR 'GYUR RAM ZHE NA, ,BAR PA BZHI NI RANG RANG GI RIGS LAS NYAMS PAR 'GYUR GYI DANG PO NI RANG GI RIGS LAS NYAMS PA MA YIN TE, RIGS DE BCOS MA MA YIN PA'I PHYIR DANG, DE BAS DMAN PA'I RIGS MED PA'I (PHYIR DANG DE LA SBYANGS PA LAS GYUR PA MI SRID PA'I) PHYIR RO, ,DANG PO LNGA BO THAMS CAD KYANG 'BRAS BU LAS NYAMS PAR 'GYUR TE, SGOM SPANG GZHI DANG BCAS SHING 'BRAS BU GLO BUR BA YIN PAS YONGS SU NYAMS PA'I CHOS CAN YANG 'BRAS BU LAS NYAMS PA SRID DO, ,'ON KYANG DANG PO NAS RIGS NGES PA LAS NI THAMS CAD KYANG NYAMS PA MA YIN TE, DGRA BCOM @625 PA 'CHI BAR SEMS PA LA SOGS PAR NGES PA NI SLOB PA DANG MI SLOB PA'I LAM GNYIS KYIS BRTAN POR BYAS PA'I PHYIR DANG, (SLOB PA'I DUS NA DBANG PO SBYANGS PA'I MI SLOB PA YANG MA NYAMS PAR SLOB DPON 'DUN BZANG GIS GSUNGS SO, ,SLOB PA'I RIGS DANG BO'ANG 'DAS MA 'DAS KYI LAM GNYIS KYIS BRTAN PAR BYAS PAS MI NYAMS KYI SBYANGS PAS THOB PA LAS NI NYAMS PAR 'GYUR RO, ,DE LTAR NA 'BRAS BU DANG PO NYAMS PAR 'GYUR TE 'JIG RTEN PA'I LAM GYIS BRTAN PAR MA BYAS PAS SO ZHE NA, GTAN TSIGS DE NI RIGS KYI PHYIR BSHAD KYI 'BRAS BU'I PHYIR MA BSHAD PA SKYON MED DO, ,'BRAS BU 'DAS MA 'DAS KYI LAM GYI CIG CAR THOB PA NI MI SRID LA, RIGS LAM GNYIS KYIS BRTAN PA NI TSE 'DI PA'I DROD LA SOGS PA DANG PHYI MA'I SPONG LAM MAM, 'DI NYID LAS GNYIS KA SGOM PA'ANG YOD DE, ,ZHES SO, ,) SLOB PA NA (RIGS) NGES PA ('I RIGS DE) 'ANG 'JIG RTEN DANG 'JIG RTEN LAS 'DAS PA'I LAM GNYIS KYIS BRTAN POR BYAS PA'I PHYIR RO, ,'ON KYANG NYAMS PA'I CHOS CAN PHYIS 'CHI BAR SEMS PAR DBANG PO SBYANGS PA LA SOGS PA LAS NI NYAMS PA YOD DO, ,'BRAS BU DANG PO RGYUN DU ZHUGS PA LAS KYANG NYAMS PA MA YIN TE, DE NI MTHONG SPANG SPANGS PAS RAB TU PHYE BA YIN ZHING DE YANG 'JIG TSOGS LA LTA BA'I RTZA BA CAN YIN LA DE YANG GZHI MED PA CAN YIN PA'I PHYIR RO, ,GZHI NI 'DIR YUL YIN TE, BDEN PA LA DMIGS NAS BDAG MED PA LA BDAG TU RTOGS PA'I PHYIR DANG, BDAG MED PAR MNGON SUM DU SHES NA BDAG TU RTOGS PA'ANG MI SRID PA'I PHYIR RO, ,'DOD CHAGS LA SOGS PA SGOM SPANG RNAMS NI GZUGS LA SOGS PA BDEN PA LA DMIGS PA'I PHYIR GZHI DANG BCAS PA YIN PAS SPANGS KYANG SLAR SKYE BA SRID PA'I PHYIR 'BRAS BU PHYI MA RNAMS LAS NI NYAMS PA SRID DO, ,GZHAN YANG 'PHAGS PA NGES PAR MI RTOG PA DAG LA DRAN PA NYAMS PAS NYON MONGS PA SKYE BAR 'GYUR NA NGES PAR RTOG PA LA NI MA YIN TE, THAG PA LA THAG PAR RTOGS PA LA SBRUL DU 'DZIN PA MI SKYE BA BZHIN NO, ,NGES PAR MI RTOG PA'I 'PHAGS PA LA'ANG MTHONG SPANG RNAMS MI SKYE STE, DE DAG NI NGES PAR RTOGS PA'I BDAG NYID YIN PA'I PHYIR ZHES BYE BRAG TU SMRA BA RNAMS 'DOD DO, ,(BYE BRAG TU SMRA BA RIGS NI, DE'I RIGS CAN YIN LA, DER RIGS GTAN DU NGES PA NA MIN PA, DE NI RIGS DE LAS NYAMS NAS GZHAN DU 'GYUR BA YOD LA DANG PO NAS DE RIGS NGES PA NI GZHAN DU MI 'GYUR RO, ,DGRA BCOM DANG PO LNGA GA'ANG 'BRAS BU BAR BA GSUM LAS NYAMS PA SRID PAR 'DOD DO, ,MDO SDE BA NI 'BRAS BU BAR PA GNYIS 'JIG RTEN PA'I LAM GYIS THOB PA LA NYAMS PA SRID KYI 'DAS LAM GYIS THOB PA LA MI SRID PAR 'DOD DO, ,) MDO SDE PA LA SOGS PA RNAMS NI 'BRAS @626 BU DANG PO LAS NYAMS PA MED PAR MA ZAD DGRA BCOM PA LAS KYANG NYAMS PA MED DE, DES NYON MONGS PA'I SA BON RTZA BA NAS SPONG BA'I GNYEN PO THOB PAS GTAN DU MI SKYE BA'I PHYIR RO, ,DE LTA MA YIN NA ZAG PA ZAD PA MA YIN PAR 'BYUNG BA'I PHYIR RO, ,RE ZHIG NYON MONGS PA THAMS CAD LOG PAS DGRA BCOM PAR 'DOD NA NI SEMS MED PA'I GNAS SKABS THAMS CAD DER 'GYUR PA'I PHYIR RO, , BCOM LDAN 'DAS KYIS KYANG, DGE SLONG DAG 'PHAGS PA'I SHES RAB KYIS SPANGS PA GANG YIN PA DE NI SPANGS PA YIN NO ZHES GSUNGS PA'I PHYIR DANG, SLOB PA LA BAG YOD PA LA BAG YOD PAR BYA'O ZHES PA SMRA'O ZHES GSUNGS KYI DGRA BCOM PA LA NI MA GSUNGS PA'I PHYIR DANG, CHOS MNGON PA LAS KYANG, GNAS GSUM GYIS 'DOD PA'I 'DOD CHAGS KYI PHRA RGYAS SKYE BAR 'GYUR TE, 'DOD PA'I 'DOD CHAGS KYIS PHRA RGYAS MA SPANGS SHING YONGS SU MA SHES PA YIN 'DOD PA'I 'DOD CHAGS KYI KUN NAS DKRIS PAR GYUR PA'I CHOS RNAMS SNANG BAR GYUR PA YIN, DE LA'ANG TSUL BZHIN MA YIN PA YID LA BYED PA YIN ZHES GSUNGS LA DGRA BCOM PA LA DE DAG MED PA'I PHYIR RO, ,GANG YANG MDO LAS, KUN DGA' BO DGRA BCOM PA LA'ANG RNYED PA DANG BKUR STI BAR CHAD BYED PA YIN NO ZHES NGA SMRA'O ZHES GSUNGS PA DE NI BSAM GTAN DNGOS GZHI LA SNYOMS PAR 'JUG PA MTHONG BA'I CHOS LA BDE BAR GNAS PA LA BAR DU GCOD PAR GSUNGS PA YIN LA, BCU LAS 'PHROS PA'I MDO LAS, BSKYED PAR BYA BA'I CHOS NI GCIG STE, SEMS RNAM PAR GROL BA DUS DANG SBYOR BA PA YID DU 'ONG BA YIN NO ZHES GSUNGS PA NI SLOB PA'I DBANG DU MDZAD PA YIN LA, DGRA BCOM PA DRUG TU GSUNGS PA NI MTHAR GYIS GNAS PA'I SNYOMS 'JUG GI YON TAN LA SOGS PA LAS NYAMS PA LA NYAMS PA'I CHOS CAN LA SOGS PAR GSUNGS PA'I PHYIR DANG, MDO GZHAN LAS, TSE DANG LDAN PA GNAG TSOGS CAN DUS KYIS SEMS RNAM PAR GROL BA YID DU 'ONG BA LUS KYIS MNGON SUM DU BYAS PA LAS LAN DRUG GI BAR DU YANG DANG YANG DU YONGS SU NYAMS PA DANG YI CHAD NAS LUS DANG SROG LA MI LTA BA'I PHYIR MTSON GYIS 'DEBS PAR BYED LA 'CHI BA'I DUS KHO NAR DGRA BCOM PA NYID THOB CING YONGS SU MYA NGAN LAS 'DAS PAR GYUR TO ZHES GSUNGS PA YANG SLOB PA'I DUS KHO NA NA NYAMS PA YIN PA'I PHYIR DANG, SOL BA'I PHUNG PO LTA BU'I MDO LAS, 'PHAGS PA NYAN THOS THOS PA DANG LDAN PA DE LTAR SPYOD CING DE LTAR GNAS PA DE LA RGYAL RES 'GA' ZHIG DRAN PA NYAMS PA LAS SDIG PA MI DGE BA'I RNAM PAR RTOG PA DAG SKYE BAR 'GYUR RO ZHES GSUNGS PA'ANG SLOB PA'I DBANG DU MDZAD NAS GSUNGS PA'I PHYIR RO ZHES ZER RO, ,GANG DAG THEG PA GONG MA'I RJES SU SMRA BA RNAMS NI 'JIG RTEN LAS 'DAS PA'I LAM GYIS NYON MONGS PA DANG RNAM @627 PAR RTOG PA'I SA BON SPANGS PA RNAMS NI SLOB PA'I 'PHAGS PA LA'ANG NYAMS PA MED DE RGYU MED PA'I PHYIR RO, ,GANG YANG DE DANG DE LAS NYAMS PAR BSHAD PA NI SGOM SPANG GI SA BON MA SPANGS PA RNAMS YIN LA, SLOB PA DANG MI SLOB PA THAMS CAD LA'ANG DUS DANG SBYOR BA DANG MI SBYOR BA DANG NYAMS PA DANG MA NYAMS PA LA SOGS PA NI DBANG PO BRTUL PO DANG RNON PO GZUNGS DANG TING NGE 'DZIN DANG RNAM PAR THAR PA LA SOGS PA LA 'JUG PA'I DBANG DU BYAS NAS GSUNGS PA YIN NO ZHES 'DOD DE, RIGS PA MKHYEN PA DAG GIS, BDAG LTA'I SA BON SPANGS BA'I PHYIR, ,SLAR MI LDOG PA NYID YIN NO ZHES GSUNGS PA BZHIN NO, ,CI DGRA BCOM PA DE DAG KHO NA RIGS DRUG DANG LDAN NAM, 'ON TE GZHAN DAG KYANG RIGS DRUG DANG LDAN ZHE NA, JI LTAR DGRA BCOM PA LA RIGS DRUG YOD PA DE BZHIN DU 'PHAGS PA SLOB PA DANG 'PHAGS MIN SO SO'I SKYE BO RNAMS KYANG YONGS SU NYAMS PA'I CHOS CAN LA SOGS PA RIGS DRUG DANG LDAN TE, DGRA BCOM PA'I RIGS DE DAG KYANG DNGOS DANG BRGYUD NAS DE DAG SNGON DU 'GRO BA'I PHYIR DANG, 'BRAS BU RGYU LA MI 'KHRUL BA'I PHYIR RO, , BDUN PA GAL TE DBANG PO BRTUL PO RNON POR 'PHO BA NA GNAS SKABS GANG DU 'PHO ZHE NA, MTHONG BA'I LAM LA NI DBANG PO 'PHO BA MED DE, DE NI MNYAM GZHAG GI RGYUN GCIG KHO NA YIN PAS (BYA BA DE MA GTOGS PA GZHAN LA LDANG BA DANG,) SBYOR BA MED PA'I PHYIR RO, ,(DAD MOS NI ZAG MED KHO NA LAS 'PHO LA, BYIS PA NI ZHI RAGS KYI RNAM PA CAN GANG LA RTEN YANG MI 'GAL TE CI NAS KYANG BDAG GI DBANG PO DAG RNON POR BYA'O, ,ZHES BSAMS NAS SBYOR BAS BAR CHAD MED PA DANG RNAM GROL GYI LAM RIM GYIS DBANG PO 'PHO'O, ,) DES NA SO SO'I SKYE BO DANG, SLOB PA DAD MOS DANG, MI SLOB PA DUS SBYOR GYI GNAS SKABS NA DBANG PO 'PHO BA YOD DO, ,GANG YANG MDO LAS, 'DIS MTHONG BA'I CHOS LA BDE BAR GNAS PA LHAG PA'I SEMS LAS BYUNG BA BZHI THOB PA GANG DAG YIN PA DE LAS GANG YANG RUNG BA ZHIG LAS 'DI YONGS SU NYAMS PAR 'GYUR BAR NI NGA SMRA'I, 'DI GCIG PUS SEMS KYI RNAM PAR GROL BA MI G-YO BA'I BAR DU LUS KYIS MNGON SUM DU BYAS PA GANG YIN PA DE LAS NI 'DI RNAM GRANGS GANG GIS KYANG YONGS SU NYAMS PAR 'GYUR BAR NGA MI SMRA'O, ,ZHES DGRA BCOM PA MI G-YO BA'I CHOS CAN LA'ANG MTHONG BA'I CHOS LA BDE BAR GNAS PA LAS NYAMS PAR BSHAD PA DE JI LTAR MI G-YO BAR 'GYUR ZHE NA, YONGS SU NYAMS PA NI RNAM PA GSUM DU SHES PAR BYA'O ZHES SBYAR RO, ,GANG YIN ZHE NA, YON TAN THOB PA LAS NYAMS PA DANG MA THOB PA LAS NYAMS PA DANG THOB PA NYE BAR SPYAD PA LAS NYAMS PA'O, ,DE LA DANG PO NI @628 RNYED PA LAS NYAMS PA YIN LA PHYI MA GNYIS NI LDAN PA LAS NYAMS PA YIN TE RANG BZHIN GYIS BLUN PA LA BLO GROS NYAMS PA ZHES BRJOD PA BZHIN NO, ,NYAMS PA GSUM PO DE DAG LAS STON PA SANGS RGYAS LA NI NYAMS PA THA MA YOD DE, GDUL BYA'I DON LA ZHUGS PAS MTHONG CHOS LA BDE BAR GNAS PA'I YON TAN 'GOG PA'I SNYOMS 'JUG LA SOGS PA THOB KYANG MNGON DU MI BYED PA'I PHYIR RO, ,DGRA BCOM PA MI G-YO BA'I CHOS CAN LA NI NYAMS PA BAR MA DANG THA MA'ANG YOD DE, SANGS RGYAS KYI CHOS MA 'DRES PA LA SOGS PA MA THOB PA'I PHYIR RO'ANG GI SGRAS NI NYE BAR SPYAD PA LAS NYAMS PA SDUD PA'O, ,DGRA BCOM PA GZHAN LNGA DANG SLOB PA SGOM LAM PA DANG SO SO'I SKYE BO DBANG PO RTUL PO LA NI NYAMS PA RNAM PA GSUM GA YOD DO, , DE'I PHYIR DGRA BCOM PA MI G-YO BA'I CHOS LA BDE BAR GNAS PA LAS NYAMS PAR BSHAD PA NI NYE BAR SPYAD PA LAS NYAMS PA YIN LA MI G-YO BA LAS GZHAN NI RNAM PAR GROL BA LAS YIN NO, ,DGRA BCOM PA GZHAN NI MDO LAS, RKYEN LNGA DANG RGYU LNGAS DUS KYIS RNAM PAR GROL BA'I DGRA BCOM PA YONGS SU NYAMS PAR 'GYUR RO, ,LNGA GANG ZHE NA, LAS KYI MTHA' LA ZHUGS PA YIN, SMRA BA LA ZHUGS PA YIN, RTZOD PA LA ZHUGS PA YIN, RING DU RGYU BA'I SBYOR BA DANG LDAN PA YIN, NAD KYI RNAM PA YUN RING POS THEBS PA YIN ZHES 'BYUNG BAS MTHONG BA'I CHOS LA BDE BAR GNAS PA DANG, RNAM PAR GROL BA GNYIS KA LAS NYAMS PA YIN NO ZHES BYE BRAG TU SMRA BA RNAMS ZER RO, ,MDO SDE PA LA SOGS PA NI MDO LAS, MTHONG BA'I CHOS LA BDE BAR GNAS PA LHAG PA'I SEMS LAS BYUNG BA BZHI ZHES BYA BA NI BSAM GTAN GYI DNGOS GZHI BZHI'O, ,BZHI PO DE DAG LAS GANG YANG RUNG BA ZHIG LAS 'DI YONGS SU NYAMS PAR 'GYUR BA NI NGA SMRA'I ZHES GSUNGS PA NI YONGS SU NYAMS PA'I CHOS CAN LA SOGS PA LNGA'I DBANG DU BYAS PA YIN NO, ,'DI GCIG PUS SEMS KYI RNAM PAR GROL BA MI G-YO BA'I BAR DU LUS KYIS MNGON SUM DU BYAS PA GANG YIN PA DE LAS NI 'DI RNAM GRANGS GANG GIS KYANG YONGS SU NYAMS PAR 'GYUR BAR NGA MI SMRA'O ZHES GSUNGS PA NI RNAM PAR GROL BA LAS NI DGRA BCOM PA THAMS CAD LA NYAMS PA MED PAR STON PA YIN LA, MA THOB PA LAS NYAMS PA DANG NYE BAR SPYAD PA LAS NYAMS PA NI MA THOB PA DANG MA SPYAD PA LA NYAMS PA'I MING GIS BTAGS PA TZAM YIN LA NYAMS PA DON DAM PA NI THOB PA LAS NYAMS PA YIN NO ZHES 'DOD DO, ,DE LTA MOD KYIS BYE BRAG TU SMRA BA DGRA BCOM PA LA'ANG RNAM PAR GROL BA LA NYAMS PA 'DOD PAS DGRA BCOM PA NYAMS PA'I PHYIR SHI NAS 'KHOR BAR SKYE BAR 'GYUR RO ZHE NA MI 'GYUR TE, 'BRAS BU LAS YONGS SU NYAMS PA NI 'GA' YANG NYAMS BZHIN DU 'CHI 'PHO BA MED DE, DRAN PA DANG SHES BZHIN @629 GYIS MYUR BA KHO NAR SOR CHUD PAR BYED PA'I PHYIR TE, MDO LAS, DGE SLONG DAG 'PHAGS PA NYAN THOS THOS PA DANG LDAN PA LA DRAN PA NYAMS PA CHUNG NGU 'BYUNG MOD KYI 'ON KYANG YANG KHO NAR NUB PA DANG YONGS SU ZAD PA DANG YONGS SU GTUGS PAR 'GYUR RO ZHES 'BYUNG BA'I PHYIR RO, ,DE LTA MA YIN NA TSUNGS PAR SPYOD PA YID BRTAN DU MI RUNG BAR 'GYUR RO, , GAL TE 'BRAS BU LA GNAS PA DANG 'GAL BA'I BYA BA BYED PA SRID PA'I PHYIR YONGS SU NYAMS PA SOR CHUD PAR MI 'GYUR BA DAG KYANG SRID PAR 'GYUR RO ZHE NA, 'BRAS BU LA GNAS PA DE NI BYA BA MA YIN PA SROG ME PA LA SOGS PA GANG YIN PA DE MI BYED DE, ZAG PA MED PA'I LAM MNGON DU GYUR PAS DRAN PA DANG SHES BZHIN MYUR BA KHO NAR SKYE BA'I PHYIR RTZAL BO CHE 'GRED KYANG RDEG MI 'CHA' BA BZHIN NO, ,YANG GAL TE DBANG PO 'PHO BA DAG BAR CHAD MED PA DANG RNAM GROL GYI LAM DUS 'PHO ZHE NA, RTOGS PA'I SKAL BA DANG LDAN PA ZHIG MI G-YO BAR 'PHO NA RNAM PAR GROL BA'I LAM DGU DANG BAR CHAD MED PA'I LAM DGU STE BCO BRGYAD KYIS 'PHO STE, MI SLOB PA DBANG PO RTUL PO'I RIGS DE SLOB PA DANG MI SLOB PA'I LAM GNYIS KYIS SHIN BTU STEN CING GOMS PAR BYAS PAS SPANG DKA' BA'I PHYIR RO, ,RGYU MTSAN DE MTSUNGS PA'I PHYIR NYAMS PA'I CHOS CAN LA SOGS PA 'CHI BAR SEMS PA LA SOGS PAR 'PHO BA LA'ANG RNAM GROL GYI LAM DGU DANG BAR CHAD MED PA'I LAM DGU YIN PAR GSAL LO, ,(SLOB PA) DAD PAS MAS PA ZHIG MTHONG BAS THOB PA RTOGS PAR BYED PA LA NI BAR CHAD MED PA DANG RNAM GROL GYI LAM RE RE (KHO NA LA SKYE BA) YIN TE, GOMS PA CHUNG BAS SPANG SLA BA'I PHYIR RO, ,(SLOB MI SLOB GANG YIN YANG) SBYOR BA'I LAM NI MI G-YO BAR 'PHO BA DANG MTHONG THOB TU 'PHO BA THAMS CAD KYI YANG GCIG KHO NA YIN NO, ,DBANG PO SBYOR BA'I BAR CHAD MED PA RNAM GROL GYI LAM DE YANG 'PHAGS PA YIN NA ZAG MED KHO NA YIN TE, DOR BAR BYA BA'I DBANG PO'AM LAM YANG ZAG MED YIN NA ZAG BCAS KYIS 'DOR BA MI SRID PA'I PHYIR (TE DMAN PAS MCHOG LAS NGES PAR MI 'BYUNG BAS SO, , (MTHONG BA LAS 'PHO BA MED CES) SO SO'I SKYE BO NI ZAG BCAS KYIS 'PHO BA YIN NO, ,DBANG PO 'PHO PA DE YANG (RTEN) MI KHO NA'I NANG DU (NYAMS PA SRID PAS,) 'PHEL ZHING 'PHO'I GZHAN DU NI MA YIN TE, NGAN SONG BA LA LAM MI RTEN PA'I PHYIR DANG, KHAMS GONG MA NA NYAMS PA MED PA'I PHYIR DANG, NYAMS PAS 'JIGS NAS DBANG PO 'PHO BA YIN PA LA, 'DOD PA'I LHA BDEN PA MTHONG BA RNAMS NI DBANG PO RNON PO KHO NA YIN TE, YUL BZANG PO DAG GIS YID BYUNG NAS LAM GOMS PAS DE LA DMIGS NAS NYON MONGS PA MI 'BYUNG BAS NYAMS PA MED PA'I PHYIR RO, ,DE YANG KHAMS GSUM CHAR NA @630 DGRA BCOM PA DRUG GI DBYE BA YOD PAR 'DOD PA LTAR NA KHAMS GONG MA NA'ANG DBANG PO SBYONG BA YOD DE, NYAMS PA'I CHOS CAN LA SOGS PA SRID PA'I PHYIR DANG, NYAMS BZHIN DU DGRA BCOM PA MYA NGAN LAS 'DA' BA'ANG MI SRID PA'I PHYIR RO, ,GAL TE NYAMS PAR DOGS PA DANG BCAS PA YIN GYI NYAMS PA NI MA YIN NO ZHES BYA BAR 'DOD NA DE NI 'CHI BAR SEMS PA DANG RJES SU BSRUNG BA'I CHOS CAN YIN NO, , NYAMS PA'I CHOS CAN MED NA RJES SU BSRUNG BA'I CHOS CAN DANG 'CHI BAR SEMS PA'ANG MI SRID DE, DE DAG NI NYAMS PAS 'JIGS PA YIN NA DE YANG KHAMS GONG MA NA SRID PA'I PHYIR ZHES BYA BA'ANG DPYAD PAR BYA'O, ,DBANG PO SBYONG BA DE YANG MI SLOB PA ZHIG DBANG PO SBYONG BA YIN NA BSAM GTAN SA DRUG DANG GZUGS MED DANG PO GSUM STE ZAG MED KYI SA DGU LA BRTEN TE SBYONG BA YIN (TE DE'I 'BRAS BU SA DGUS BSDUS PA SRID PA'I PHYIR RO, ,'DI 'BRAS BU THOB PA DANG TSUL 'DRA'O, ,) SLOB PA NI (PHYIR 'ONG YIN NA MI LCOGS MED DANG PHYIR MI 'ONG YIN NA,) BSAM GTAN GYI SA DRUG LA RTEN PA YIN GYI, (GZUGS MED LA MI RTEN TE,) GANG GI PHYIR DBANG PO BRTUL PO RNON POR 'PHEL BA NI DBANG PO RTUL POS BSDUS PA'I PHYIR 'ONG DANG PHYIR MI 'ONG GI 'BRAS BU TZAM PO DANG KHYAD PAR CAN BTANG STE DBANG PO RNON POS BSDUS PA'I PHYIR 'ONG DANG PHYIR MI 'ONG BA'I 'BRAS BU TZAM PO 'THOB PAR 'GYUR BA'I PHYIR DANG, PHYIR MI 'ONG THA MA'I CHA MTHUN SPANGS PAS RAB TU PHYE BAI PHYIR DANG, 'DOD PA LA MI DMIGS PAS DE NA MTHONG LAM MED PA'I PHYIR (DANG PHYIR MI 'ONG GI 'BRAS BU TZAM PO LA SOGS) DE DAG GZUGS MED PAS BSDUS PA'ANG MED PA'I PHYIR RO, ,YANG DGRA BCOM PA DE DAG NI RNAM PA DGUR DBYE STE, SANGS RGYAS DANG RANG SANGS RGYAS GNYIS DANG, NYAN THOS YONGS SU NYAMS PA'I CHOS CAN LA SOGS PA LNGA DANG, MI G-YO BA LA SBYANGS PA LAS GYUR PA DANG, DANG PO NAS MI G-YO BA'I CHOS CAN TE MI G-YO BA GNYIS TE BDUN NO, ,DE LA SANGS RGYAS GNYIS NI MI G-YO BA'I BYE BRAG KHO NA YIN LA GNYIS KA'I CHA LAS RNAM GROL YANG YIN NO, , 'PHAGS PA'I GANG ZAG DE DAG DGUR BZHAG PA NI DBANG PO RTUL PO DANG 'BRING PO DANG RNON PO GSUM PO RE RE LA'ANG GSUM GSUM DU PHYE BAS RNAM PA DGU CAN YIN PA'I PHYIR RO, ,DE LA NYAMS PA'I CHOS CAN DANG 'CHI BAR SEMS PA DANG RJES SU BSRUNG BA'I CHOS CAN GSUM NI DBANG PO RTUL PO'I CHUNG NGU 'BRING CHEN PO GSUM DANG, GNAS PA LAS MI BSKYOD PA DANG RAB TU RTOGS PA'I SKAL BA CAN DANG SBYANGS PA LAS GYUR PA'I MI G-YO BA GSUM NI 'BRING PO'I CHUNG NGU 'BRING CHEN PO GSUM DANG, DANG PO NAS MI G-YO BA'I CHOS CAN DANG RANG SANGS RGYAS DANG SANGS RGYAS GSUM NI RNON PO'I CHUNG NGU 'BRING CHEN PO GSUM YIN NO,, @631 GNYIS PA GANG ZAG BDUN DU BSDU BA NI 'PHAGS PA'I GANG ZAG NI BDUN TE, DAD PAS RJES 'BRANG DANG, CHOS KYI RJES 'BRANG DANG, DAD PAS MOS PA DANG, MTHONG BAS THOB PA DANG, LUS KYIS MNGON SUM DU BYED PA DANG, SHES RAB KYIS RNAM PAR GROL BA DANG, (SANGS RGYAS GNYIS KYANG 'DIR 'DUS SO) GNYIS KA'I CHA LAS RNAM PAR GROL BA'O, ,GANG ZAG BDUN PO DE DAG KYANG SBYOR BAS BYAS PA LAS NI DANG PO GNYIS TE, DANG PO SBYOR LAM LA SOGS PA'I DUS NAS GZHAN GYI DRING LA 'JOG PA DANG MI 'JOG PA'I (RA DON LA SBYAR BAS THOB PA) PHYIR RO, ,DBANG POS BYAS PA LAS NI GSUM PA DANG BZHI PA STE, GNYIS KA LA GNYIS KA YOD KYANG DAD PAS MOS PA LHAG PA DANG SHES RAB LHAG PAR YOD PA'I SGO NAS RIM PA LTAR DBANG PO RTUL BA DANG RNO (BAS DER 'JOG) BA'I PHYIR RO, ,SNYOMS 'JUG GIS BYAS PA LAS NI LNGA PA STE, 'GOG PA'I SNYOMS 'JUG LUS KYIS MNGON SUM DU BYED NUS (PAS 'JOG) PA'I PHYIR RO, , (NYON MONGS LAS) RNAM PAR GROL BAS BYAS PA LAS NI DRUG PA STE, BDAG MED RTOGS PA'I SHES RAB KYIS KHAMS GSUM GYI NYON MONGS PA LAS GROL BA'I PHYIR RO, ,SNYOMS PAR 'JUG PA DANG RNAM PAR GROL BA GNYIS KAS BYAS PA LAS NI BDUN PA STE, TING NGE 'DZIN DANG SHES RAB KYI STOBS KYIS RIM PA LTAR SNYOMS 'JUG DANG NYON MONGS PA'I SGRIB PA'I CHA GNYIS KA LAS GROL BA'I PHYIR RO, ,DE LTAR NA MING GI SGO NAS BDUN YIN LA BDUN PO DE DAG KYANG RDZAS SU NI DRUG YIN TE, 'DI LTAR MTHONG SGOM MI SLOB PA'I LAM GSUM PO LA DBANG PO RNO RTUL GYIS RIM PA LTAR DAD PAS RJES 'BRANG DANG CHOS KYI RJES 'BRANG DANG, DAD MOS MTHONG THOB DANG, DUS DANG SBYOR BA DANG MI SBYOR BA'I GANG ZAG GNYIS GNYIS YIN PA'I PHYIR RO, , (GZHAN DAG NI RDZAS LOGS SU MED DO, ,) DE LA DAD PA'I RJES 'BRANG LA DBANG BOS DBYE NA RNO RTUL 'BRING PO GSUM DANG, RIGS KYIS NYAMS PA'I CHOS CAN LA SOGS PA LNGA DANG, LAM GYIS SHES BZOD BCO LNGA DANG, 'DOD CHAGS DANG BRAL BAS NI BDUN CU RTZA GSUM STE, 'DOD PA'I SGOM SPANG GCIG KYANG MA SPANGS PA 'CHING BA MTHA' DAG DANG LDAN PA DANG 'DOD PA NAS CI YANG MED PA'I BAR SA BRGYAD LA NYON MONGS PA DGU DGU LAS 'DOD CHAGS DANG BRAL BA'O, ,RTEN GYIS DGU STE, SGRA MI SNYAN NA LAM MED PAS RTEN DU MI RUNG BA'I PHYIR GLING GSUM GYI MI DANG 'DOD PA'I LHA DRUG GO, DE LTAR NA DBANG PO DANG RIGS DANG LAM DANG 'DOD CHAGS DANG BRAL BA DANG RTEN GYI SGO NAS DBYE NA 'BUM BZHI KHRI BDUN STONG BRGYAD BRGYA NYI SHU RTZA LNGAR TE GANG ZAG GZHAN DAG KYANG CI RIGS PAR DE BZHIN DU DBYE BAR BYA'O, ,DE YANG CHOS KYI RJES 'BRANG DANG MTHONG THOB DANG DUS DANG MI SBYOR BAR GROL BA RNAMS LA NI RIGS KYIS DBYE @632 BA MED LA, DAD MOS DANG DUS KYIS RNAM GROL GNYIS LA NI RIGS LNGA'I DBYE BA YOD DO, ,YANG DAD MOS MTHONG THOB LA LAM GYI SGO NAS NI SLOB DPON RGYAL PO'I SRAS LTAR NA 'BRAS BU LA GNAS PA'I SEMS KYI SKAD CIG BCU DRUG PA LAM LA RJES SHES KYI DBANG DU BYAS NAS DBYE BA MED LA, SKAL LDAN KHYAD PAR CAN NI SA DGU LA RTEN PA'I LAM DGUR 'DOD DO, , LUS KYIS MNGON SUM DU BYED PA NI DAD MOS MTHONG THOB TU 'DUS PAS LOGS SU BRTZIR MED DE, GAL TE BRTZIN DBANG PO'I SGO NAS GSUM DANG, RIGS KYI SGO NAS DAD MOS YIN NA LNGA DANG, MTHONG THOB YIN NA DBYE BA MED DO, ,LAM DANG 'DOD CHAGS DANG BRAL BA LA'ANG DBYE BA MED DO, ,RTEN NI SKAL LDAN KHYAD PAR CAN NI 'DOD PA NAS SRID RTZE'I BAR DU 'DOD LA RGYAL PO'I SRAS NI GLING GSUM GYI MI DANG LHA RIS DRUG STE DGU DANG, GZUGS NA GNAS BCU DRUG DANG, SRID RTZE DANG NYI SHU RTZA DRUG TU 'DOD DO, ,SHES RAB KYIS RNAM GROL KYANG DUS KYIS RNAM GROL YIN NA RIGS LNGA DANG, DUS DANG MI SBYOR BA YIN NA NI RIGS LA DBYE BA MED DO, ,DE LAS GZHAN NI DAD PAS RJES 'BRANG BZHIN NO, ,(CHOS KYI RJES 'BRANG LA RIGS KYIS DBYE BA MED PAS DBANG PO DANG LAM DANG 'DOD CHAGS DANG BRAL BA DANG, RTEN RNAMS SNGA MA LTAR GSUM DANG BCO LNGA DANG BDUN CU RTZA GSUM DANG DGU YIN PAS DAD PAS RJES 'BRANG GI LNGA CHA STE, NYIS KHRI DGU STONG LNGA BRGYA DRUG CU RTZA LNGAR 'GYUR RO, ,DAD MOS LA NI LAM SKAD CIG BCU DRUG PA KHO NA YIN PAS DBYE BA MED LA, DBANG PO DANG RIGS DANG 'DOD CHAGS DANG BRAL BA DANG RTEN RNAM GSUM DANG LNGA DANG BDUN CU RTZA GSUM DANG DGU YIN PAS DGU STONG BRGYAD BRGYA LNGA BCU RTZA LNGAR 'GYUR RO, ,MTHONG THOB LA RIGS DANG LAM LA DBYE BA MED CING DBANG PO DANG 'DOD CHAGS DANG BRAL BA DANG, RTEN RNAMS GSUM DANG BDUN CU RTZA GSUM DANG DGU YIN PAS DAD MOS KYI LNGA CHA STE, STONG DGU BRGYA BDUN CU RTZA GCIG TU 'GYUR RO, ,) 'DI DAG GI DBYE BA NI GRANGS ZHIB TU t'IKA LAS 'BYUNG MOD KYI 'DIR MA BKOD DO, ,'O NA GNYIS KA'I CHA LAS RNAM PAR GROL BA DANG SHES RAB KYIS RNAM PAR GROL BA GANG ZHE NA, GANG ZHIG BSAM GTAN DNGOS GZHI LA BRTEN NAS 'GOG PA'I SNYOMS 'JUG THOB PA ('I DGRA BCOM PA) DE NI GNYIS KA'I CHA LAS RNAM PAR GROL PA YIN TE, SHES RAB KYIS NYON MONGS PA'I SGRIB PA DANG TING NGE 'DZIN GYIS RNAM PAR THAR PA'I SGRIB PA LAS KYANG GROL BA'I PHYIR RO, ,DE LA RNAM PAR THAR BA'I SGRIB PA NI (LE LO DANG) DMIGS PA BRJED PA DANG BYING PA DANG RGOD PA DANG RTZOL BA DANG MI RTZOL BA'I NYES PA LNGA LA SOGS PA STE, t'I KA BYED DAG GIS RNAM PAR THAR PA'I SGRIB PA NI GANG GIS RNAM PAR THAR PA DANG @633 BSAM GTAN DAG SKYED PAR MI NUS PA STE LUS DANG SEMS LAS SU MI RUNG BA NYID DO ZHES PA DANG, SNYOMS PAR 'JUG PA'I SGRIB PA NI GANG ZHIG YOD NA SEMS LAS SU MI RUNG BAS KHAMS GSUM GYI 'DOD CHAGS DANG BRAL BA DAG GIS KYANG BSAM GTAN DANG PO'I DNGOS GZHI YANG BSKYED PAR MI NUS PA STE ZHES BSHAD PAS BSAM GTAN DANG PO'I NYER BSDOGS KHO NA LA BRTEN PA YIN LA, DE YANG GANG ZAG NI NYAN THOS LA SRID KYI SANGS RGYAS GNYIS NI GNYIS KA'I CHA LAS RNAM GROL KHO NA YIN PAS RNAM THAR DANG SNYOMS 'JUG GI SGRIB PA MA SPANGS PA MI SRID PA'I PHYIR RO, , DE YANG RGYUD BLA MA LAS, NYON MONGS SHES BYA SNYOMS 'JUG GI ,SGRIB GSUM LAS NI NGES GROL TE, , ZHES SGRIB PA GSUM PAR BSHAD PA'AM, YANG NA DBUS MTHA' LAS, NYON MONGS PA'I SGRIB PA DANG, SHES BYA'I SGRIB PA NYID DU BSTAN, ,DER NI SGRIB PA THAMS CAD DE, ,DE ZAD NAS NI GROL BAR 'DOD CES GSUNGS PA LTAR NA SHES BYA'I SGRIB PAR 'DUS SO, ,DE LTA NA NYAN RANG GIS SHES SGRIB SPANGS PAR 'GYUR RO ZHE NA, SHES SGRIB MTHA' DAG SPANG BA LA NI KHYAB PA MED LA SHES SGRIB KYI BYE BRAG 'GA' ZHIG SPANGS PA NI 'DOD PA NYID DE, DPER NA NYER BSDOGS LA 'JUG MI SHES PA SHES SGRIB YIN KYANG DES SPANGS PA BZHIN NO, ,DE NYID KYI PHYIR RNAM PAR GTAN LA DBAB PA BSDU BA LAS KYANG RNAM THAR RNAMS NI SHES BYA'I SGRIB PA LAS RNAM PAR THAR BAS RAB TU PHYE BA YIN TE, SHES BYA'I SGRIB PA JI TZAM LAS NYAN THOS DANG RANG SANGS RGYAS RNAMS KYI SEMS RNAM PAR GROL BAR 'GYUR BA YIN NO, ,ZHES BSHAD DO, ,GANG ZHIG BSAM GTAN DANG PO'I NYER BSDOGS TZAM LA BRTEN NAS BDAG MED RTOGS PA'I SHES RAB KYI STOBS KYIS NYON MONGS PA'I SGRIB PA 'BA' ZHIG LAS RNAM PAR GROL BA DE NI GNYIS KA'I CHA LAS RNAM GROL LAS CIG SHOS SHES RAB KYIS RNAM PAR GROL BA STE, DE DAG LAS DGRA BCOM PA RGYAN CAN DANG, RGYAN MED CES BYA BAR GRAGS SO, ,GSUM PA GNYIS SU DBYE BA NI GAL TE SLOB PA DANG MI SLOB PA RDZOGS PA GNYIS BSHAD NA DE DAG JI LTAR YIN ZHE NA, SNYOMS PAR 'JUG PAS SLOB PA RDZOGS PA NI 'GOG PA LUS KYIS MNGON SUM DU BYED PA'I PHYIR MI 'ONG BA'O, ,DBANG POS RDZOGS PA NI MTHONG BAS THOB PA'O, ,'BRAS BUS RDZOGS PA NI PHYIR MI 'ONG BA'I 'BRAS BU LA GNAS PA'O, ,DE LTAR NA CHOS GSUM PO RNAMS KYIS SLOB PA YONGS SU RDZOGS PA ZHES BYA STE, MDO LAS, 'DI LA GANG ZHIG NYON MONGS LNGA SPANGS TE, ,MI 'PHROGS CHOS LDAN SLOB PA YONGS SU RDZOGS, ,ZHES GSUNGS TE, DE LA NYON MONGS NI THA MA'I CHA MTHUN LNGA STE, DE SPANGS PAS NI 'BRAS BUS RDZOGS PA BSTAN TO, ,GZHAN GYIS BSLAB PA MI 'PHROG PAS NI MTHONG THOB YIN PAS @634 DBANG POS RDZOGS PA'O, ,MTHONG BA'I CHOS LA BDE BAR GNAS PA 'GOG PA LUS KYIS MNGON SUM DU BYED PA DANG LDAN PAS NI SNYOMS 'JUG GIS RDZOGS PA'O, ,'DI LA'ANG PHYIR MI 'ONG GI 'BRAS BU MA THOB PAR 'GOG PA'I SNYOMS 'JUG MI 'THOB PAS NA 'BRAS BUS RDZOGS PA NI KHYAB CHE LA DBANG PO DANG SNYOMS 'JUG GIS RDZOGS PA NI KHYAB CHUNG BA YIN NO, ,DE'I PHYIR 'BRAS BUS RDZOGS PA NI PHYIR MI 'ONG BA'I 'BRAS BU LA GNAS THOB PA THAMS CAD YIN LA, DBANG PO DANG GNYIS KYIS RDZOGS PA NI PHYIR MI 'ONG BA'I 'BRAS BU LA GNAS PA MTHONG THOB LUS KYIS MNGON SUM DU MI BYED PA'O, ,SNYOMS 'JUG DANG GSUM GYIS RDZOGS PA NI PHYIR MI 'ONG BA'I 'BRAS BU LA GNAS PA MTHONG THOB LUS KYIS MNGON SUM DU BYED PA'O, ,'BRAS BU DANG SNYOMS 'JUG GNYIS KYIS RDZOGS PA NI PHYIR MI 'ONG DAD MOS LUS KYIS MNGON SUM DU BYED PA'O, ,DBANG PO KHO NAS RDZOGS PA NI MTHONG THOB 'DOD PA LAS 'DOD CHAGS DANG MA BRAL BA'I 'PHAGS PA'O, ,'BRAS BU KHO NAS RDZOGS PA NI PHYIR MI 'ONG DAD MOS LUS KYIS MNGON SUM DU MI BYED PA'O, ,DBANG PO DANG SNYOMS 'JUG GNYIS KHO NAS RDZOGS PA DANG, SNYOMS 'JUG KHO NAS RDZOGS PA NI MI SRID DE, MTHONG THOB YIN KYANG PHYIR MI 'ONG BA, 'BRAS BU MA THOB PAR SLOB PA RDZOGS PA MI SRID PA'I PHYIR DANG, 'DOD PA LAS 'DOD CHAGS DANG MA BRAL BAR PHYIR MI 'ONG GI 'BRAS GNAS MI 'THOB LA DE MA THOB PAR 'GOG PA LA SNYOMS PAR 'JUG PA MI SRID PA'I PHYIR DANG, 'DOD PA LAS 'DOD CHAGS DANG BRAL BA'I SLOB PA'ANG PHYIR MI 'ONG BA'I 'BRAS BU LA GNAS PAR NGES PA'I PHYIR RO, ,DBANG PO DANG SNYOMS 'JUG GNYIS KYIS NI MI SLOB PA YONGS SU RDZOGS PA YIN TE, 'BRAS BUS YONGS SU MA RDZOGS PA'I MI SLOB PA MI SRID PAS 'BRAS BU RDZOGS PA NI MA BSHAD DO, ,DBANG POS RDZOGS PA NI SHES RAB KYIS RNAM PAR GROL BA DUS DANG MI SBYOR BA'O, ,SNYOMS 'JUG GIS RDZOGS PA NI GNYIS KA'I CHA LAS GROL BA DUS KYI RNAM PAR GROL BA'O, , DBANG PO DANG SNYOMS 'JUG GNYIS KAS RDZOGS PA NI GNYIS KA'I CHA LAS RNAM PAR GROL BA DUS DANG MI SBYOR BA'O, , (LNGA) MNGON PAR RTOGS PA'I LAM STON PA, LNGA PA MNGON PAR RTOGS PA'I LAM STON PA NI LAM GYI DBYE BA DANG, BYANG CHUB KYI PHYOGS DANG MTHUN PA'I LAM BSHAD PA GNYIS LAS DANG PO NI 'O NA 'JIG RTEN PA DANG, 'JIG RTEN LAS 'DAS PA DANG, @635 BTHONG? BA DANG, SGOM PA DANG, MI SLOB PA'I LAM DANG, SBYOR BA DANG, BAR CHAD MED PA DANG, RNAM GROL DANG, KHYAD PAR GYI LAM ZHES BYA BA MANG PO ZHIG BSHAD PA DE DAG BSDU NA DU ZHIG YIN ZHE NA, MDOR BSDU NA LAM THAMS CAD NI 'CHAD PA NA 'DON PA BSGYUR TE, SBYOR DANG BAR CHAD MED PA DANG, RNAM GROL KHYAD PAR CAN ZHES BYA BA RNAM PA BZHIR RIG PAR BYA STE, DE LA DANG PO NI BAR CHAD MED PA'I LAM GYI RGYU YIN NO, ,GNYIS PA NI SGRIB PA LA DNGOS SU GNOD PA BYED PA'O, ,GSUM PA NI SGRIB PA LAS GROL BA DANG POR SKYES PA'O, ,BZHI PA NI DE PHYIN CHAD KYI RNAM PAR GROL BA'I LAM STE, DE YANG MTHONG BA'I LAM LTA BU LA DPER BRJOD NA GO RIM BZHIN DU NGES 'BYED CHA MTHUN RNAMS DANG, BZOD PA BRGYAD DANG, SHES PA RNAMS DANG, SGOM PA'I LAM RNAMS SBYOR BA LA SOGS PA BZHI YIN PA BZHIN NO, ,DE LA DANG PO GNYIS NI RNAM PAR GROL BA'I KHANG BZANG DU 'GRO BA'I PHYIR LAM YIN LA, PHYI MA GNYIS NI DE DANG 'DRA BA'I PHYIR RGYU BSAGS PA'I SGO NAS SNGA MA BAS CHES KHYAD PAR DU 'GRO BA'I PHYIR DANG, GONG NAS GONG DU PHYIN PAR BYED PA'I PHYIR RAM, DE DAG SKYES NA LHAG MED DU 'JUG PA'I PHYIR LAM MO, ,YANG MDO LAS, DGE SLONG DAG LAM NI RNAM PA BZHI STE, MNGON PAR SHES PA BUL LA DKA' BA'I LAM DANG, MNGON PAR SHES PA MYUR LA DKA' BA'I LAM DANG, MNGON PAR SHES PA BUL LA SLA BA'I LAM DANG, MNGON PAR SHES PA MYUR LA SLA BA'I LAM MO ZHES GSUNGS PA DE LA BSAM GTAN GYI DNGOS GZHI BZHI LA BRTEN PA DAG GI LAM RNAMS NI GOMS PAR SLA BA YIN TE, YAN LAG GIS YONGS SU ZIN PA DANG, ZHI GNAS DANG LHAG MTHONG CHA MNYAM PAR 'JUG PAS 'BAD MI DGOS PAR NGANG GIS 'JUG PA'I PHYIR RO, ,SA GZHAN MI LCOGS MED DANG BSAM GTAN KHYAD PAR CAN DANG GZUGS MED PA RNAMS LA BRTEN PA DAG GI LAM RNAMS NI GOMS PAR DKA' BA YIN TE, GZUGS MED THAMS CAD KYANG YAN LAG GIS MA ZIN PA'I PHYIR DANG, DANG PO GNYIS LHAG MTHONG SHAS CHE LA GZUGS MED ZHI GNAS SHAS CHE BAS 'BAD PAS BSGRUB DGOS PA'I PHYIR RO, ,(LAM DE'ANG GNYIS TE) GANG ZAG BLO GROS RTUL PO NI LAM DKA'AM SLA YANG RUNG STE SHES BYA MNGON PAR SHES PA BUL BA YIN LA, BLO GROS RTUL PO LAS CIG SHOS RNON PO RNAMS KYI NI LAM DKA'AM SLA YANG RUNG STE SHES BYA MNGON PAR SHES PA MYUR BA YIN NO, ,DES NA DBANG PO RNON PO SA GZHAN LA BRTEN PA NI LAM DKA' LA MNGON SHES MYUR BA DANG, DBANG PO RTUL PO BSAM GTAN GYI DNGOS GZHI LA BRTEN PA NI LAM SLA LA MNGON SHES BUL BA DANG, DBANG PO RNON PO BSAM GTAN GYI DNGOS GZHI LA BRTEN PA NI LAM YANG SLA LA MNGON SHES KYANG MYUR BA DANG, DBANG PO RTUL PO SA GZHAN LA BRTEN PA NI LAM YANG DKA' LA @636 MNGON SHES KYANG BUL BA YIN NO, ,GNYIS PA LA RDZAS YOD DANG BRTAGS YOD KYI KHYAD PAR DANG, GO RIM GYI KHYAD PAR DANG, NGO BO DANG SA'I KHYAD PAR DANG, SHES NAS DAD PA'I KHYAD PAR DANG, MI SLOB PA'I CHOS BCU'I KHYAD PAR BSHAD PA LNGA LAS DANG BO NI LAM 'DI DAG GIS NI BYANG CHUB KYI PHYOGS MTHUN ZHES BYA BA'I MING 'THOB BO, ,DE DAG KYANG DRAN PA NYER GZHAG NAS 'PHAGS LAM YAN LAG BRGYAD PA'I BAR SUM CU RTZA BDUN NO, ,CI'I PHYIR DE DAG LA BYANG CHUB KYI PHYOGS DANG MTHUN PA ZHES BYA ZHE NA, SGRIB PA ZAD PA DANG PHYIN CHAD KYANG MI SKYE BA SHES PA NI (GANG ZAG GI DBYE BAS,) BYANG CHUB (GSUM,) CES BYA STE, SGRIB PA ZAD CING BYANG BA'I PHYIR DANG, ZAD CING MI SKYE BAR CHUB CING RTOGS PA'I PHYIR RO, ,DE LA ZAD SHES KYIS NI BDAG GIS SDUG BSNGAL SHES SO ZHES PA NAS BDAG GIS LAM BSGOMS SO ZHES PA'I BAR DU YANG DAG PA JI LTA BA BZHIN RAB TU SHES SO ZHES BYA BAR RANG GI DON BYAS PA YANG DAG PA JI LTA BA BZHIN RTOGS PA'I PHYIR BYANG CHUB YIN LA, MI SKYE BA SHES PAS NI BDAG GIS SDUG BSNGAL YONGS SU SHES TE YANG YONGS SU SHES BAR BYANG MED DO ZHES PA NAS BDAG GIS LAM BSGOMS TE YANG SGOM DU MED DO ZHES PA'I BAR DU YANG DAG PA JI LTA BA BZHIN RAB TU SHES SO ZHES BYA BAR YANG BYAR MED PA NYID YANG DAG PA JI LTA BA BZHIN RTOGS PA'I PHYIR BYAR CHUB YIN NO, ,DE LTA BU'I BYANG CHUB NI NYAN THOS LA SOGS PA'I BYE BRAG GIS GSUM YIN NO, ,BYANG CHUB DE DANG DNGOS DANG BRGYUD PA'I SGO NAS RJES SU MTHUN PA'I RGYU NYID YIN PA'I PHYIR MDO LAS DRAN PA NYER GZHAG BZHI LA SOGS LA SUM CU RTZA BDUN PO LA BYANG CHUB DE'I PHYOGS DANG MTHUN PA ZHES 'BYUNG NGO, ,SUM CU RTZA BDUN ZHES BYA BA'ANG MING GI SGO NAS YIN GYI KHA CIG GI GZHUNG LUGS LTAR NA (MTSAN NYID KYI SGO NAS,) RDZAS SU NI BCU YIN TE, GANG ZHE NA, RNAM PAR DPYAD NA DAD PA DANG BRTZON 'GRUS DANG DRAN PA DANG SHES RAB DANG TING NGE 'DZIN DANG BTANG SNYOMS DANG DGA' BA DANG RTOG PA DANG TSUL KHRIMS DANG SHIN TU SBYANGS PA ZHES BYA BA'I RANG BZHIN YIN PA'I PHYIR RO, , (SHES RAB BRGYAD DANG, YANG DAG SPONG BZHI, BRTZON 'GRUS KYI DBANG STOBS GNYIS, BRTZON 'GRUS YANG DAG BYANG CHUB KYI YAN LAG YANG DAG PA'I RTZOL BA DANG BRGYAD BRTZON 'GRUS SO, ,DBANG STOBS KYI DRAN PA GNYIS, DRAN PA YANG DAG BYANG CHUB YAN LAG YANG DAG PA'I DRAN PA DANG BZHI DRAN PA, DBANG STOBS KYI TING NGE 'DZIN GNYIS, RDZU 'PHRUL RKANG BZHI, TING NGE 'DZIN YANG DAG BYANG CHUB KYI YAN LAG YANG DAG PA'I TING NGE 'DZIN DANG BRGYAD TING NGE 'DZIN, DBANG STOBS KYI DAD PA GNYIS DAD PA STE RDZAS LNGA DANG, YANG DAG PA'I NGAG LAS MTHA' 'TSO BA GSUM TSUL KHRIMS TE RDZAS GCIG DANG, BTANG SNYOMS DGA' BA, RTOG @637 PA SHIN TU SBYANGS PA RNAMS RDZAS RE RE SPYIR RDZAS BCUR 'DOD LA,) JI LTAR ZHE NA, (YANG DAG PA'I LTA BA CHOS RAB TU RNAM 'BYED DBANG STOBS KYI SHES RAB STE BZHI DANG,) DRAN PA NYER GZHAG BZHI (STE BRGYAD,) NI SHES RAB KYI RANG BZHIN YIN PA'I PHYIR DANG, BRTZON 'GRUS LA YANG DAG PAR 'JOG CING SPONG BA BZHI ZHES BYA BAR BRJOD PA'I PHYIR DANG, RDZU 'PHRUL GYI RKANG PA BZHI NI TING NGE 'DZIN GYI RANG BZHIN YIN PA'I PHYIR DANG, BYANG CHUB KYI YAN LAG BDUN GYI NANG NAS CHOS RAB TU RNAM PAR 'BYED PA YANG DAG BYANG CHUB KYI YAN LAG DANG, 'PHAGS LAM BRGYAD KYI NANG NAS YANG DAG PA'I LTA BA GNYIS SHES RAB YIN ZHING, YANG DAG PA'I RTZOL BA DANG BRTZON 'GRUS YANG DAG BYANG CHUB KYI YAN LAG GNYIS BRTZON 'GRUS YIN LA, YANG DAG PA'I NGAG DANG LAS KYI MTHA' DANG 'TSO BA GSUM TSUL KHRIMS KYI RANG BZHIN YIN PA'I PHYIR DANG, RDZAS GCIG DBANG PO LNGA DANG STOBS LNGA DANG BYANG CHUB KYI YAN LAG GI NANG NAS DGA' BA DANG SHIN TU SBYANGS PA DANG BTANG SNYOMS YANG DAG BYANG CHUB KYI YAN LAG GSUM DANG 'PHAGS LAM BRGYAD KYI NANG NAS YANG DAG PA'I RTOG PA STE DGU PO DE DAG NI RANG RANG GI MING GIS BSTAN PA'I PHYIR RO, ,BYE BRAG TU SMRA BA LTAR NA TSUL KHRIMS KYI YAN LAG LUS NGAG GI LAS RDZAS THA DAD CING RIGS MI MTHUN PA'I PHYIR RDZAS BCU GCIG YIN NO, ,GZHAN DAG NI TSUL KHRIMS SPONG BA'I SEMS PA LA 'DOD LA DE GCIG YIN PA'I PHYIR RDZAS GCIG TU 'DOD DO, , KHA CIG NA RE RNAM PAR GTAN LA DBAB PA BSDU BA LAS, DAD SOGS LNGA DANG BYANG CHUB KYI PHYOGS DANG MTHUN PA'I CHOS SUM CU RTZA BDUN PO DAG PHAN TSUN BSDUS SAM ZHE NA, SUM CU RTZA BDUN GYIS LNGA BSDUS KYI LNGAS NI SUM CU RTZA BDUN MA BSDUS SO, ,GANG DAG MA BSDUS SHE NA, YANG DAG PA'I NGAG DANG, LAS KYI MTHA' DANG, 'TSO BA DANG, DGA' BA DANG, SHIN TU SBYANGS PA DANG, BTANG SNYOMS TE DRUG PO RNAMS SO ZHES 'BYUNG BAS SLOB DPON 'PHAGS PA NI YANG DAG PA'I RTOG PA SHES RAB KYI NANG DU 'DUS PA'I PHYIR DANG, TSUL KHRIMS LUS NGAG GI LAS GNYIS THA DAD PAR BYAS NAS RDZAS BCU YIN PAR BZHED DO ZHES ZER RO, ,DE LTAR DRAN PA NYER GZHAG SHES RAB DANG, YANG DAG PAR 'JOG PA BRTZON 'GRUS DANG RDZU 'PHRUL GYI RKANG PA TING NGE 'DZIN YIN NO ZHES BYA BA'ANG GTZO BO SMOS PA YIN GYI DE DAG KYANG 'KHOR DANG BCAS NA NI SKYES THOB KYI YON TAN DAD PA LA SOGS PA MA GTOGS PA SBYOR BA LAS BYUNG BA'I YON TAN THOS PA DANG BSAM PA DANG SGOM BYUNG ZAG BCAS ZAG MED DANG DGA' BA DANG SHIN TU SBYANGS PA DANG BTANG SNYOMS DANG YANG DAG PA'I RTOG PA DANG DAD PA DANG DRAN PA DANG TSUL KHRIMS LA SOGS PA KUN KYANG DRAN PA @638 NYER GZHAG LA SOGS PA YIN NO, , (DE DAG GI MTSAN NYID DANG THOB PA DANG MNYAM GZHAG GI RIG BYED MA YIN PA YOD NA'ANG DE'I SKAL MNYAM YIN PAS DER 'DUS LA, SBYOR BYUNG SMOS BA NA SKYES THOB KYI DAD SOGS DER MI 'DOD PA'O, ,) DE LA DRAN PA NYER GZHAG BZHI NI BSHAD ZIN LA, YANG DAG PAR SPONG BA LA SOGS PA MA BSHAD PAS 'DIR BSHAD PAR BYA STE, DE LA SDIG PA MI DGE BA'I CHOS SKYES PA RNAMS SPANG BA'I PHYIR 'DUN PA SKYED DO, ,'BAD DO, (BRTZON 'GRUS RTZOM MO, ,SEMS RAB TU 'DZIN TO, , YANG DAG PAR RAB TU 'JOG GO ZHES BYA BA DANG, DE BZHIN DU MA SKYES PA RNAMS MI SKYES PA'I PHYIR ZHES BYA BA DANG, DGE BA'I CHOS MA SKYES PA RNAMS BSKYED PA'I PHYIR ZHES BYA BA DANG, SKYES PA RNAMS GNAS PA DANG, MI BRJED PA DANG, BSGOM PA YONGS SU RDZOGS PAR BYA BA DANG, PHYIR ZHING GOMS PA DANG, 'PHEL ZHING RGYAS PA DANG, YE SHES KYI MNGON SUM DU BYA BA'I PHYIR 'DUN PA BSKYED DO, ,'BAD DO, , BRTZON 'GRUS RTZOM MO, ,SEMS RAB TU 'DZIN TO, ,YANG DAG PAR RAB TU 'JOG GO ZHES MDO LAS GSUNGS TE, DE LA 'DUN PA NI BSAM PA'O, ,'BAD PA NI SBYOR BA'O, ,BRTZON 'GRUS NI DNGOS GZHI'O, ,SEMS RAB TU 'DZIN PA DANG, YANG DAG PAR RAB TU 'JOG PA NI RJES SO, ,SDIG PA SKYES PA SPONG BA NI MI 'CHAB PA DANG 'GYOD PA DANG BDAG LA RNAM PAR SMOD PA DANG BSHAGS PA'I RANG BZHIN DAG YIN NO, ,DE'I PHYIR 'DUN PA LA SOGS PA NI BRTZON 'GRUS SO, ,MA SKYES PA MI BSKYED PA NI DRAN PA DANG SHES BZHIN DANG LDAN PAS SPONG BAR SEMS PA'O, ,DGE BA MA SKYES PA SKYED PA NI DGE BA'I BSHES GNYEN BSTEN PA LA SOGS PA'O, ,SKYES PA GNAS SHING 'PHEL BA NI DE'I YON TAN SHES NAS DGA' BA'O, , THEG PA GONG MA PA DAG NI YANG DAG PAR SPONG BA BZHI NI GNYEN PO STOBS BZHI'I RANG BZHIN YIN TE, SDIG PA SKYES PA SPONG BA NI RTEN GYI STOBS DANG RNAM PAR SUN 'BYIN PA'I STOBS SO, ,MA SKYES PA MI BSKYED PA NI NYES PA LAS LDOG PA'I STOBS SO, ,PHYI MA GNYIS NI GNYEN PO KUN DU SPYOD PA'I STOBS YIN NO ZHES BZHED DO, ,RDZU 'PHRUL GYI RKANG PA'I DBANG DU BYAS NAS MDO LAS 'DUN PA'I TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BA, YONGS SU BSGYUR BA, PHYOGS GCIG TU MOS PAR BYAS TE KHYAB PAR BYED DO ZHES PA DANG, DE BZHIN DU BRTZON 'GRUS DANG, SEMS DANG DPYOD PA LA'ANG SBYAR NAS GSUNGS TE, DE LA 'DUN PA NI ZHI GNAS DON DU GNYER BAS GUS PAR SBYOR BA'O, ,BRTZON 'GRUS NI DE LA SPRO BAS RGYUN DU SBYOR BA'O, ,SEMS NI SNGAR GOMS PAR BYAS PA'I SEMS KYI NUS PA DANG LDAN @639 PA'O, ,DPYOD PA NI DMIGS PA DANG RNAM PA LA RNAM PAR DPYOD PA'I SHES RAB BO, ,BZHI PO DE DAG LAS BYUNG BA'I TING NGE 'DZIN LA NI 'DUN PA'I TING NGE 'DZIN SPONG BA'I 'DU BYED DANG LDAN PA ZHES BYA BA LA SOGS PAR BSHAD DE RNGA'I SGRA DANG NAS KYI MYU GU LA SOGS PA BZHIN NO, ,RNAM PA GCIG TU NA 'DUN PA LA SOGS PA DANG MTSUNGS PAR LDAN PA LA DE DANG DER BRJOD DE BA LANG DANG LDAN PA'I SHING RTA LA BA LANG GI SHING RTA ZHES BRJOD PA BZHIN NO, ,DE YANG SPONG BA'I 'DU BYED NI DBUS MTHA' LAS, DER GNAS LAS SU RUNG BA NYID, ,DON RNAMS THAMS CAD 'BYOR PAR 'GYUR, ,NYES PA LNGA SPONG 'DU BYED BRGYAD, , BSTEN PA'I RGYU LAS BYUNG BA'O, ,ZHES BSHAD PA'I NYES PA LNGA NI DE NYID LAS, LE LO DANG NI GDAMS NGAG RNAMS, ,BRJED DANG BYING DANG RGOD PA DANG, ,'DU MI BYED DANG 'DU BYED DE, ,'DI DAG NYES PA LNGAR 'DOD DO ZHES BSHAD DO, ,DE LA BYING RGOD NI GCIG TU BYAS LA, 'DU MI BYED PA NI TING NGE 'DZIN LA SNYOMS PAR ZHUGS PA NA BYING RGOD DU GYUR PA NA DE DAG SPONG BA LA G-YEL BAR GYUR PA'O, ,'DU BYED PA NI ZHI GNAS DANG LHAG MTHONG 'BREL BAR 'JUG PA NA DMIGS RNAM LA RTZOL BA NA RNAM G-YENG DU 'GYUR BA'I PHYIR SKYON YIN NO, ,LE LO DANG GDAMS NGAG BRJED PA NI SLA'O, ,SPONG BA'I 'DU BYED BRGYAD NI DE NYID LAS, ,GNAS DANG DE LA GNAS PA DANG, ,RGYU DANG 'BRAS BU NYID DU'O, ,DMIGS PA BRJED PAR MA GYUR DANG, ,BYING DANG RGOD PA RTAGS PA DANG, ,DE SPONG MNGON PAR 'DU BYED DANG, ,ZHI CHE RNAL DU 'JUG PA'O ZHES BSHAD DE, DE LA LE LO'I GNYEN PO RTZOL BA'I GNAS NI GANG LA 'DUN PA DE LA BRTZON 'GRUS 'BYUNG BAS 'DUN PA'O, ,DE LA GNAS PA NI RTZOL BA'O, ,YID CHES PAR GYUR NA MNGON PAR 'DOD PA'I 'DUN PA 'BYUNG BAS RTZOL BA'I GNAS 'DUN PA DE'I RGYU NI DAD PA'O, , GNAS PA RTZOL BA DE'I 'BRAS BU NI SHIN TU SBYANGS PA STE BZHI PO DES NI LE LO SEL BAR BYED DO, ,DMIGS PA BRJED PAR MA GYUR PA NI DRAN PA STE DES BRJED NGAS SPONG BAR BYED DO, ,BYING DANG RGOD PA RTOGS PA NI SHES BZHIN TE DRAN PA MA BRJED PAR GYUR NAS BYING RGOD RTOGS PAR BYED DO, ,DE SPONG MNGON PAR 'DU BYED NI SEMS PA STE BYING RGOD RTOGS NAS DE SPANG BA'I PHYIR 'DU BYED PAS 'DU MI BYED PA SEL BAR BYED DO, ,ZHI TSE RNAL DU 'JUG PA NI BTANG SNYOMS TE BYING RGOD ZHI BA NA SEMS BTANG SNYOMS SU BYED PAS 'DU BYED DRAGS PA SEL BAR BYED DO, ,RDZU 'PHRUL NI MED PA 'PHRUL BA DANG YOD PA BSGYUR BA LA SOGS PA YIN LA, RKANG PA NI TING NGE 'DZIN YIN TE, YON TAN THAMS CAD 'BYOR BA'I RDZU 'PHRUL GYI RTEN YIN PA'I PHYIR RO, , @640 DE LTAR BYAS NA MDO LAS, DGE SLONG DAG NGAS KHYED LA RDZU 'PHRUL YANG BSHAD, RDZU 'PHRUL GYI RKANG BA RNAMS KYANG BSHAD PAR BYA'O ZHES BYA BA NAS RDZU 'PHRUL GANG ZHE NA, 'DI NA DGE SLONG RDZU 'PHRUL GYI YUL RNAM PA DU MA NYAMS SU MYONG BAR BYED CING GCIG TU GYUR NAS MANG POR 'GYUR ZHES BYA BA LA SOGS PA DANG, DE BZHIN DU TSANGS PA'I 'JIG RTEN GYI BAR DU LUS KYIS DBANG BSGYUR PAR BYED DE 'DI NI RDZU 'PHRUL ZHES BYA'O, ,RDZU 'PHRUL GYI RKANG PA DAG GANG ZHE NA, 'DUN PA'I TING NGE 'DZIN DANG, BRTZON 'GRUS KYI TING NGE 'DZIN DANG, SEMS KYI TING NGE 'DZIN DANG, DPYOD PA'I TING NGE 'DZIN TE 'DI DAG NI RDZU 'PHRUL GYI RKANG PA ZHES BYA BA'I BAR DU GSUNGS PA'ANG LEGS PAR DRANGS PAR 'GYUR RO, ,DES NA BYE BRAG TU SMRA BA GANG DAG RDZU 'PHRUL NI TING NGE 'DZIN KHO NA YIN LA, RKANG PA NI 'DUN PA DANG SEMS DANG BRTZON 'GRUS DANG BYED PA BZHI YIN NO ZHES ZER BA DE DAG GI LTAR NA DE LTA BU'I MDO DANG YANG 'GAL ZHING, BYANG CHUB KYI PHYOGS DANG MTHUN PA'ANG RDZAS BCU GSUM DU 'GYUR TE, 'DUN PA DANG SEMS KYANG BYANG CHUB KYI PHYOGS DANG MTHUN PAR 'GYUR BA'I PHYIR RO, ,DBEN PA LA GNAS PA NI 'DOD PAS DBEN PA'O, ,'DOD CHAGS DANG BRAL BA NI KHAMS LAS 'DAS PA'O, ,'GOG PA NI SDUG BSNGAL 'GOG PA'O, ,RNAM PAR SPONG BA NI KUN 'BYUNG SPONG BA'O, ,YONGS SU BSGYUR BA NI THAR PAR BYED PA'O, ,PHYOGS GCIG TU MOS PAR BYAS TE ZHES BYA BA NI YUL LO, ,KHYAB PAR BYED PA NI DMIGS PA'O, ,'DI DAG NI TSAD MED PA DANG BYANG CHUB KYI YAN LAG BDUN LA SOGS PA LA'ANG SHES PAR BYA'O, ,DBANG PO LNGA NI DBUS MTHA' LAS, ,THAR PA'I CHA DANG MTHUN BSKYED NAS, ,'DUN DANG SBYOR BA DBANG BYED DE, ,DMIGS PA BRJED PAR MA GYUR DANG, ,MI 'PHRO RNAM PAR 'BYED KYANG NGO ZHES BSHAD PAS DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB STE RNAM PAR BYANG BA LA DBANG BYED PA'I PHYIR RO, ,STOBS LNGA YANG DE DAG NYID YIN TE, KHYAD PAR NI MI MTHUN PHYOGS KYIS MI BRDZI BA'I PHYIR TE, DE NYID LAS, MI MTHUN PHYOGS NI BSRABS PA'I PHYIR, STOBS LDAN 'BRAS BU PHYE MA YIN ZHES BSHAD DO, ,DES NA DBANG PO RNAMS NI MI MTHUN PHYOGS MA DAD PA DANG LE LO DANG BRJED NGAS DANG RNAM G-YENG DANG SHES BZHIN MA YIN PA RNAMS BAR SKABS SU 'BYUNG BAS MI MTHUN PHYOGS KYIS BRDZI BA'I PHYIR CHUNG NGU YIN LA, STOBS RNAMS NI MI MTHUN PHYOGS KYIS MI BRDZI BA'I PHYIR SCHEN PO YIN NO, ,DE DAG GI GO RIM NI DAD PAR 'GYUR NA 'BRAS BU'I DON DU BRTZON 'GRUS RTZOM LA, BRTZON 'GRUS BRTZAMS NA DRAN PA NYE BAR GNAS PAR 'GYUR BA DANG, DRAN PA GNAS NA RNAM PAR MI G-YENG BAS SEMS MNYAM PAR 'JOG @641 CING, MNYAM PAR BZHAG PAS YANG DAG PA JI LTA BA BZHIN RAB TU SHES PAR 'GYUR BA'I PHYIR RO, , BYANG CHUB KYI YAN LAG BDUN LA BYANG CHUB NI CHOS NYID RTOGS PA YIN LA, YAN LAG NI 'DIR CHA SHAS LA BRJOD PA YIN NO, ,YAN LAG RNAM PA BDUN YANG DE NYID LAS, RANG BZHIN YAN LAG GNAS YAN LAG ,GSUM PA NGES 'BYUNG YAN LAG STE, ,BZHI PA PHAN YON YAN LAG YIN, ,RNAM GSUM NYON MONGS MED YAN LAG CES BSHAD DE, DE LA RANG BZHIN GYI YAN LAG NI CHES RAB TU RNAM PAR 'BYED PA STE, DE KHO NA NYID RTOGS PA'I PHYIR RO, ,GNAS KYI YAN LAG NI DRAN PA STE, SHES RAB NI DRAN PA LA GNAS PA'I PHYIR RO, ,NGES PAR 'BYUNG BA'I YAN LAG NI BRTZON 'GRUS TE, SO SO'I SKYE BO'I SA LA SOGS PA 'OG MA LAS NGES PAR 'BYUNG BA'I PHYIR RO, ,PHAN YON GYI YAN LAG NI DGA' BA TE, ZAG MED PA'I BDE BAS LUS SEMS LA PHAN 'DOGS PA'I PHYIR RO, ,NYON MONGS PA MED PA'I YAN LAG NI DE NYID LAS, 'DI LA GZHI DANG GNAS DANG NI, ,NGO BO NYID DU BSTAN PA YIN ZHES 'BYUNG BAS SHIN TU SBYANGS PA DANG TING NGE 'DZIN DANG BTANG SNYOMS TE, NYON MONGS PA'I GNAS NGAN LEN GYI GNYEN PO YIN PAS GSUM PO RIM PA LTAR NYON MONGS PA MED PA'I GZHI DANG GNAS DANG NGO BO YIN PA'I PHYIR RO, ,DES NA CHOS RAB TU RNAM PAR 'BYED PA NI BYANG CHUB DANG YAN LAG GNYIS KA YIN LA, GZHAN DAG NI BYANG CHUB KYI YAN LAG STE 'KHOR YIN PA'I PHYIR LHAS BYIN GYI RIL BA ZHES BRJOD PA BZHIN NO, ,'PHAGS LAM YAN LAG BRGYAD NI DE NYID LAS, YONGS SU GCOD DANG GO BYED DANG, ,RNAM GSUM GZHAN YID CHES PAR BYED, , MI MTHUN PHYOGS KYI GNYEN POR NI, ,LAM GYI YAN LAG DE BRGYAD DO ZHES GSUNGS TE, DE LA YONGS SU GCOD PA NI YANG DAG PA'I LTA BA STE, RJES THOB NA YANG DAG PA'I LTA BAS MNYAM GZHAG GI DUS KYI RTOGS PA NGES PAR 'BYED PA'I PHYIR RO, ,GO BAR BYED PA NI YANG DAG PA'I RTOG PA DANG NGAG STE, RTOG PA KUN SLONG DANG BCAS PA'I NGAG GIS RTOGS PA'I DON DE GZHAN LA GO BAR BYED PA'I PHYIR RO, ,GZHAN YID CHES PAR BYED PA'I YAN LAG NI DE NYID LAS, LTA DANG TSUL KHRIMS YO BYAD BSNYUNGS, ,GZHAN LA RNAM PAR RIG BYED 'DOD CES 'BYUNG BAS YANG DAG PA'I NGAG DANG LAS KYI MTHA' DANG 'TSO BA GSUM YIN TE, YANG DAG PA'I NGAG GIS 'BEL GTAM NGES PAR BYED PA DANG, BYA BA MA YIN PA MI BYED PA DANG, CHOS GOS LA SOGS PA CHOD ZIN PAR 'TSOL BAS RIM PA BZHIN LTA BA DANG TSUL KHRIMS DANG YO BYAD BSNYUNGS PA 'DOD PA CHUNG BAR YID CHES PAR BYED PA'I PHYIR RO, ,MI MTHUN PHYOGS SPONG BA'I GNYEN PO'I YAN LAG NI DE NYID LAS, NYON MONGS NYE BA'I NYON MONGS DBANG, ,MI MTHUN PHYOGS KYI GNYEN PO'O ZHES 'BYUNG @642 BAS YANG DAG PA'I RTZOL BA DANG DRAN PA DANG TING NGE 'DZIN TE GSUM GYI RIM PA BZHIN BRTZON 'GRUS BRTZAMS SHING DRAN PA NYE BAR GNAS LA BSAM GTAN LA BRTEN NAS MNGON SHES LA SOGS PA'I YON TAN SGRUB PAS LE LO'I NYON MONGS PA DANG, NYE BA'I NYON MONGS PA BYING RGOD DANG, DBANG SNYOMS 'JUG GI SGRIB PA RNAMS SPONG BA'I PHYIR RO, ,'DI LA'ANG YANG DAG PA'I LTA BA NI SHES RAB YIN PAS 'PHAGS PA'I LAS YANG YIN LA YAN LAG KYANG YIN LA, GZHAN DAG NI DE'I 'KHOR YIN PAS 'PHAGS PA'I LAM YAN LAG BRGYAD PA YIN NO ZHES BYE BRAG TU SMRA BA 'DOD DO,, GNYIS PA NI DRAN PA NYER GZHAG LA SOGS PA'I SDE TSAN BDUN NI GNAS SKABS DE DANG DER GTZO BO YIN PAS GO RIM BZHIN DU LAS DANG PO PA TSOGS LAM PA DAG DANG NGES 'BYED CHA MTHUN BZHI PO RNAMS DANG NI SGOM LAM DANG MTHONG LAM LA GNAS PA'I GNAS SKABS KYIS RAB TU PHYE ZHING BZHAG STE, DE LA LAS DANG PO PA TSOGS LAM DU DRAN PA NYER GZHAG BZHI BSHAD DE, DBUS MTHA' LAS, GNAS NGAN LEN PHYIR SRED RGYU'I PHYIR, ,GZHI YI PHYIR DANG MA RMONGS PHYIR, ,BDEN PA BZHI LA 'JUG BYA BAS, ,DRAN PA NYE BAR BZHAG PA SGOM ZHES PA DANG, 'DI NYID LAS, PHYIN CI LOG GI GNYEN POR BZHI ZHES 'BYUNG BAS LUS LA SOGS PA LA PHYIN CI LOG BZHI SPANGS NAS BDEN PA LA 'JUG PAR BYA BA'I CHED DU NYE BAR BRTAG PA'I PHYIR RO, ,NGES 'BYED CHA MTHUN DRO BAR GYUR PA'I GNAS SKABS SU NI YANG DAG PAR SPONG BA BZHI STE, DMIGS PA DANG RNAM PA'I KHYAD PAR THOB PA'I RGYUS BRTZON 'GRUS SPEL BA'I PHYIR RO, ,RTZE MO LA NI RDZU 'PHRUL GYI RKANG PA RNAMS TE, RTZE MO THOB PA RTZA MI CHAD CES PAS THOB PA'I DGE BA'I RTZA BA MI NYAMS PA'I BZOD PA LA 'JUG PAR BYA BA'I PHYIR RO, ,BZOD PA LA NI DBANG PO RNAMS TE, SNGA MA GNYIS LA NI NYAMS PA SRID CING 'DI LA NYAMS PA MI SRID PAS MI NYAMS PA LA DBANG THOB PAR BYA BA'I PHYIR RO,, CHOS MCHOG LA NI STOBS RNAMS TE, MI MTHUN PHYOGS NYON MONGS PA DANG, 'JIG RTEN PA'I CHOS GZHAN DAG GIS MI BRDZI BAR BYA BA'I PHYIR RO, ,SGOM LAM LA NI BYANG CHUB KYI YAN LAG RNAMS TE, MTHONG LAM NI SGOM LAM GYIS BAR DU CHOD PAS RING LA SGOM LAM NI LAM GZHAN GYIS BAR DU MA CHOD PAS BYANG CHUB ZAD MI SKYE SHES PA DANG NYE BA'I RGYU YIN PA'I PHYIR RO, ,MTHONG LAM DU NI 'PHAGS LAM YAN LAG BRGYAD DE, SGOM LAM NI SA'I DBYE BA YOD PAS MYUR DU 'GRO BA MA YIN GYI MTHONG LAM LA NI SA'I DBYE BA MED PAS MYUR DU 'GRO BA'I PHYIR RO, ,MDO LAS, BYANG CHUB KYI YAN LAG SNGON LA BSTAN PA NI BDUN DANG BRGYAD GRANGS KYI RIM PA DANG MTHUN PAR BSTAN PA YIN NO ZHES BYE BRAG TU SMRA BA RNAMS 'DOD DO, ,SLOB DPON LA @643 SOGS PA GZHAN DAG NI DMO LAS GSUNGS PA'I GO RIM DANG MTHUN PAR RE ZHIG DANG POR YUL GZUGS SGRA LA SOGS PA DANG DE DAG GI BYE BRAG KHA DOG DANG DBYIBS LA SOGS PA MANG PO LA G-YENG BA'I BLO TSAR BCAD PAR BYA BA'I PHYIR DE'I GNYEN POR DRAN PA NYER GZHAG BZHI SGOM STE, DBUS MTHA' LAS, MI MTHUN PA DANG GNYEN PO RNAMS, ,RNAM PA THAMS CAD YONGS SHES NAS, ,DE DAG SPANG PHYIR BRTZON 'GRUS NI, , RNAM PA BZHI DAG RAB TU 'BYUNG ZHES 'BYUNG BA LTAR DRAN PA NYER GZHAG GI STOBS KYIS BRTZON 'GRUS 'PHEL BAS DGOS PA BRTZON 'GRUS BZHI BSKYED PA'I PHYIR SEMS YANG DAG PAR RAB TU 'JOG PAS YANG DAG PAR SPONG BA RNAMS SO, ,DE NAS TING NGE 'DZIN RNAM PAR SBYONG BA'I PHYIR RDZU 'PHRUL GYI RKANG PA RNAMS SO, , TING NGE 'DZIN LA BRTEN NAS 'JIG RTEN LAS 'DAS PA'I CHOS RNAMS 'DREN PA'I BDAG POR GYUR PA'I DAD SOGS LNGA NI DBANG PO RNAMS SO, ,DE DAG NYID MI MTHUN PHYOGS LAS RGYAL BA NI STOBS RNAMS SO, , DANG PO NYID DU CHOS RNAMS KYI DE KHO NA NYID MNGON SUM DU RTOGS PA'I PHYIR MTHONG LAM LA BYANG CHUB KYI YAN LAG RNAMS SO, , MTHONG SGOM GYI LAM GNYIS KA LA BSGOM PA'I PHYIR 'PHAGS LAM YAN LAG BRGYAD PA STE, SKYE MCHED DRUG GI TSOGS CHEN PO'I MDO LAS, 'PHAGS PA'I LAM YAN LAG BRGYAD PA BSGOM PA YONGS SU RDZOGS PAR GYUR NA DRAN PA NYE BAR BZHAG PA BZHI BSGOM PA YONGS SU RDZOGS PAR 'GYUR BA NAS BYANG CHUB KYI YAN LAG BDUN GYI BAR DU YONGS SU RDZOGS PAR 'GYUR RO ZHES SGOM LAM LA'ANG YAN LAG BRGYAD YOD PAR GSUNGS LA, YANG MDO LAS, DGE SLONG YANG DAG PA JI LTA BA BZHIN GYI TSIG BRJOD PA ZHES BYA BA 'DI NI 'PHAGS PA'I BDEN PA BZHI'I TSIG BLA DAGS SO, ,DGE SLONG JI LTAR RTOGS PA'I LAM GYI 'JUG CES BYA BA 'DI NI 'PHAGS PA'I LAM YAN LAG BRGYAD KYI TSIG BAL DAGS YIN NO ZHES GSUNGS TE, TSIG DE GNYIS KYIS NI RIM PA LTAR MTHONG SGOM GYI LAM BSTAN PA YIN TE, JI LTAR RTOGS PA'I LAM GYIS BYANG CHUB KYI BAR DU 'JUG CING 'BYUNG BA'I PHYIR RO, ,DE LTAR NA MTHONG LAM LA'ANG LAM GYI YAN LAG YOD PAR GSUNGS PA'I PHYIR MDO LAS BSTAN PA'I GO RIM RNAM PAR DKRUG PAR MI BYA'O ZHES 'DOD LA, THEG PA GONG MA BA RNAMS NI DBUS MTHA' LAS, DBANG PO RNAMS DANG STOBS RNAMS LA, ,NGES 'BYED CHA MTHUN GNYIS GNYIS SO ZHES 'BYUNG BAS SDE TSAN BDUN PO MDO LAS GSUNGS PA'I GO RIM LTAR TSOGS LAM CHUNG NGU DANG, 'BRING DANG, CHEN PO DANG, DROD RTZE DANG, BZOD MCHOG DANG, MTHONG LAM DANG, SGOM LAM RNAMS SU RIM PA LTAR SGOM STE, 'DI NI 'JUG PA BDE BA'I LAM YIN NO ZHES BZHED DO, , @644 GSUM PA NI 'O NA BYANG CHUB PHYOGS MTHUN DU ZHIG ZAG BCAS DANG DU ZHIG ZAG MED YIN LA DE DAG SA GANG PA YIN ZHE NA, BYANG CHUB KYI YAN LAG BDUN DANG 'PHAGS PA'I LAM YAN LAG BRGYAD NI ZAG PA MED PA YIN TE, GNAS SKABS KHYAD PAR CAN (MTHONG SGOM) DANG KHAYD PAR CAN MA YIN (PA MI SLOB) PA'I SGO NAS MTHONG SGOM MI SLOB PA'I LAM GSUM GYIS BSDUS PA'I PHYIR RO, ,DE DAG LAS GZHAN DRAN PA NYER GZHAG NAS STOBS KYI BAR DAG NI GNAS SKABS KHYAD PAR CAN DANG KHYAD PAR CAN MA YIN PA'I SGO NAS ZAG BCAS DANG ZAG MED RNAM PA GNYIS YIN TE, SO SO'I SKYE BO'I RGYUD LA YOD PA SBYOR LAM GYIS BSDUS PA DAG NI ZAG BCAS DANG, 'PHAGS PA'I RGYUD LA YOD PA LAM GSUM GYIS BSDUS PA DAG NI ZAG MED YIN PA'I PHYIR RO, ,SA NI BSAM GTAN DANG PO NA SUM CU RTZA BDUN PO THAMS CAD YOD LA, BSAM GTAN DANG PO'I NYER BSNGOGS MI LCOGS PA MED PA NA NI DGA' BA YANG DAG BYANG CHUB KYI YAN LAG MA GTOGS PA SUM CU RTZA DRUG YOD DE, BDE BLAG TU 'THOB PA DANG, DOGS PA MED NA DGA' BAR 'GYUR BA YIN PA LA NYER BSNGOGS NI RTZOL BA'I STOBS KYIS BSKYED DGOS PA'I PHYIR DANG, SA 'OG MAR NYAMS KYIS DOGS PA DANG BCAS PA'I PHYIR DANG, TSOR BA BTANG SNYOMS PA YIN PA'I PHYIR RO,, BSAM GTAN GNYIS PA NA NI YANG DAG PA'I RTOG PA MA GTOGS PA SUM CU RTZA DRUG YOD DE, YANG DAG PA'I RTOG PA NI RTOG PA YIN LA DE NA GNYIS PA BAS SPANGS ZIN PA'I (PHYIR DANG DE LAS 'DAS PA'I SA YIN PA'I) PHYIR RO, ,BSAM GTAN GSUM PA DANG BZHI PA GNYIS NA NI DGA' BA DANG RTOG PA DE GNYIS MA GTOGS PA SUM CU RTZA LNGA YOD DE, RTOG PA SNGAR NAS NUB LA DGA' BA LAS 'DOD CHAGS DANG BRAL BA'I PHYIR RO, ,BSAM GTAN DANG PO'I DNGOS GZHI TZAM PO DANG GNYIS PA'I BAR MA BSAM GTAN DANG PO'I DNGOS GZHI KHYAD PAR CAN NA'ANG RTOG PA DANG DGA' BA MA GTOGS PA SUM CU RTZA LNGA YOD DE, RTOG PA SPANGS LA TSOR BA BTANG SNYOMS KYI SA PA YIN PA'I PHYIR RO, ,NAM MKHA' MTHA' YAS LA SOGS PA GZUGS MED PA DANG PO GSUM NA'ANG RTOG PA DANG DGA' BA DE GNYIS DANG TSUL KHRIMS KYI YAN LAG GSUM MED DE, RTOG PA SPANGS SHING TSOR BA BTANG SNYOMS PA YIN PA'I PHYIR DANG, DE DAG NI LUS NGAG GI LAS MED PA'I PHYIR RO, ,GZHAN SUM CU RTZA GNYIS NI YOD DO, ,BYANG CHUB KYI YAN LAG BDUN DANG 'PHAGS PA'I LAM YAN LAG BRGYAD MA GTOGS PA NYI SHU RTZA GNYIS NI 'DOD PA'I KHAMS DANG SRID PA'I RTZE MO NA YOD (BSOD NAMS CHA MTHUN GYI DAD SOGS KYIS 'DI'I MING MI THOB BO BCO LNGA PO) DE, DE DAG MED PA NI 'DOD PA MNYAM PAR MA BZHAG PA DANG SRID RTZE SEMS KYI RGYU BA MI GSAL BAS SA DE GNYIS LA ZAG MED KYI LAM MI @645 BRTEN PA'I PHYIR RO,, 'O NA GZUGS MED NA LUS DRAN PA NYER GZHAG JI LTAR YOD PAR 'GYUR TE, LUS DRAN PA NYER GZHAG NI LUS LA DMIGS PA'I SHES RAB YIN NA DE DAG RANG SA NA MED PA'I PHYIR DANG, GZUGS MED DNGOS GZHI DGE RNAMS KYI, ,SPYOD YUL ZAG BCAS 'OG MA MIN ZHES 'BYUNG BAS 'OG SA LA MI DMIGS PA'I PHYIR RO ZHE NA, GZUGS MED RANG SA NA GZUGS MED KYANG NAM MKHA' MTHA' YAS KYI NYER BSNGOGS LA BRTEN PA'I DRAN PA NYER GZHAG DGE BA ZAG BCAS KYIS BSAM GTAN BZHI PA'I GZUGS ZAG BCAS LA DMIGS PA'I PHYIR DANG, 'OG MA LA MI DMIGS PAR BSHAD PA NI DNGOS GZHI'I DGE BAS ZAG BCAS LA MI DMIGS PA YIN LA, GZUGS MED DANG PO GSUM GYI DNGOS GZHI DGE BA ZAG BCAS ZAG MED KYIS BSAM GTAN SA DRUG LA BRTEN PA'I ZAG MED KYI SDOM PA LA DMIGS PA'I PHYIR DANG, SRID RTZE'I SHES RAB DGE BA ZAG BCAS KYIS BSAM GTAN LA BRTEN PA'I ZAG MED KYI SDOM PA LA DMIGS PA'I PHYIR DANG, DE YANG 'BYUNG GYUR GYI GZUGS SU 'DOD PA'I PHYIR RO ZHES RGYAL PO'I SRAS (GRAGS PA'I BSHES GNYEN) 'CHAD DO, ,YANG GAL TE KHAMS GONG MA GNYIS NA MI DGE BA MED PA'I PHYIR DE DAG SKYES PA SPONG BA DANG MA SKYES PA MI BSKYED PA'I PHYIR BRTZON PA'I YANG DAG PAR SPONG BA GNYIS JI LTAR YOD PAR 'GYUR ZHE NA, DE LTA MOD KYI NYON MONGS PA DANG SNYOMS 'JUG GI SGRIB PA DANG ZAG BCAS KYI CHOS LA SDIG PA'I SGRAR BRJOD DE DON DAM PA'I MI DGE BA YIN PA'I PHYIR RO ZHES BYA BAR BSAMS SO, , BZHI PA NI MDO LAS, SANGS RGYAS DANG CHOS DANG DGE 'DUN LA SHES NAS DAD PA THOB CING 'PHAGS PA DGYES PA'I TSUL KHRIMS THOB PA ZHES SHES NAS DAD PA THOB PA BZHI BSHAD NA BYANG CHUB KYI PHYOGS MTHUN LA GNAS PA DE DAG GNAS SKABS GANG DU SHES NAS DAD PA JI LTAR THOB CING DE DAG GI NGO BO YANG GANG ZHE NA, MTHONG LAM DU SDUG BSNGAL LA SOGS PA'I BDEN PA DANG PO GSUM MNGON SUM DU MTHOG NA DE DAG CHOS YIN PA'I PHYIR DANG, SANGS RGYAS DANG DGE 'DUN GYI NGO BO MA YIN PAS 'PHAGS PA DGYES PA'I TSUL KHRIMS DANG CHOS LA SHES NAS DAD PA 'THOB (STE ZAG MED KYI SPONG BDUN THOB CING SHES RAB KYI BDEN PA BDAG MED PAR MNGON SUM DU MTHONG BAS CHOS TZAM DU YID CHES PA'I PHYIR RO,,) SANGS RGYAS DANG DGE 'DUN LA SHES NAS DAD PA MI 'THOB LA, LAM GYI BDEN PA MNGON SUM DU RTOGS NA (MI SLOB PA DANG SLOB PA DANG MI SLOB PA'I) LAM BDEN NI (SANGS RGYAS DANG DGE 'DUN) DE GNYIS SU BYED PA'I CHOS YIN PAS SANGS RGYAS DANG SANGS RGYAS DE'I NYAN THOS KYI DGE 'DUN DAG LA YANG SHES NAS DAD PA 'THOB STE SLOB MI SLOB KYI @646 LAM BDEN LA YING CHES 'THOB BO, ,YANG GI SGRA NI TSUL KHRIMS DANG CHOS LA SHES NAS DAD PA 'THOB PA'ANG SDUD PA'O, ,'DIR 'DI LA 'PHAGS PA RNAMS DGYES SHING MNYES PAR GYUR PAS NA 'PHAGS PA DGYES PA'I TSUL KHRIMS NI ZAG MED KYI SDOM PA YIN LA SHES NAS DAD PA NI BDEN PA RNAMS YANG DAG PA JI LTA BA BZHIN MNGON SUM DU RTOGS NAS YID CHES PA'O, ,BDEN PA DANG PO GSUM MTHONG BA NA JI LTAR CHOS LA SHES NAS DAD PA 'THOB PAR 'GYUR TE, CHOS NI SLOB PA DANG MI SLOB PA YIN LA DE YANG LAM GYI BDEN PA YIN PA'I PHYIR RO, ,GAL TE BDEN PA DE KHO NA LA CHOS SU 'DOD NA SDUG BSNGAL MTHONG BA TZAM NA CHOS LA SHES NAS DAD PA 'THOB PAR 'GYUR RO, ,DE LTA NA'ANG BDEN GSUM MTHONG NA ZHES JI LTAR BRJOD CE NA, 'DIR CHOS KYI SGRA NI BDEN PA DANG PO GSUM LA BRJOD DE, DE DAG GI DE KHO NA NYID NI CHOS YIN PA'I PHYIR DANG, 'GOG PA NI CHOS RNAMS KYI MCHOG KYANG YIN PA'I PHYIR RO, ,DE'I PHYIR BDEN PA GSUM MTHONG NA CHOS LA SHES NAS DAD PA 'THOB CES BYA BA'ANG BDEN PA GSUM CI RIGS PAR MTHONG BA LA 'DOD KYI CHOGS PA NI MA YIN NO, ,DE BZHIN DU RANG SANGS RGYAS KYI SLOB MI SLOB KYI LAM DANG, BYANG CHUB SEMS DPA'I SLOB PA'I GNAS SKABS KYI LAM ZAG PA MED PA'ANG CHOS YIN TE, DE DAG GI MNGON PAR RTOGS PA'I CHOS YIN ZHING TSOGS PA MA YIN PAS DGE 'DUN MA YIN LA SANGS RGYAS KYANG MA YIN PA'I PHYIR RO, ,(BSE RU LTA BU NI 'DUS PA MED LA, DE'I LAM YANG GZHAN GYI SGRA LA MI RTEN CING, BYANG CHUB SEMS DPA'I LAM YANG GZHAN GYI DRIN LA MI 'JOG PAS DGE 'DUN MIN ZHES ZER RO, ,GAL TE LAM GYI BDEN PA MNGON PAR RTOGS NA SANGS RGYAS DANG DE'I NYAN THOS KYI DGE 'DUN LA JI LTAR YID CHES PA'I DAD PA 'THOB PAR 'GYUR TE, DE NI CHOS YIN PA'I PHYIR RO ZHE NA, SANGS RGYAS DGE 'DUN BYED PA'I CHOS, MI SLOB PA DANG GNYIS KA DANG ZHES 'BYUNG BAS SANGS RGYAS SU BYED PA'I CHOS MI SLOB PA DANG, DGE 'DUN DU BYED PA'I CHOS SLOB PA DANG MI SLOB PA'I LAM DE DAG NI SANGS RGYAS DANG DE'I NYAN THOS KYI DGE 'DUN GYI LAM GYI BDEN PA YIN PA'I PHYIR DE GNYIS KYI LAM LA NI CHOS ZHES MI BRJOD DE, DE DAG MNGON SUM DU SHES NA SANGS RGYAS DANG DGE 'DUN LA SHES NAS DAD PA 'THOB PA'I PHYIR RO ZHES RGYAL BO'I SRAS 'CHAD DO, ,) DES NA RANG SANGS RGYAS DANG BYANG CHUB SEMS DPA'I LAM CHOS YIN PAS BDEN PAS BZHI CHAR YANG CHOS YIN PA'I PHYIR BDEN PA BZHI CHAR MNGON PAR RTOGS NA CHOS LA SHES NAS DAD PA 'THOB PAR 'GYUR BA YIN NO, ,SHES NAS DAD PA BZHIR GSUNGS PA DE DAG KYANG DAD PA'I YUL LAM GZHI DKON MCHOG GSUM GYI BYE BRAG GIS MING GI SGO NAS BZHI YIN GYI RDZAS SU NI GNYIS YIN TE, DKON MCHOG GSUM @647 LA DAD (PA'I DAD PA GSUM) NI DAD PA'I RANG BZHIN DANG 'PHAGS PA DGYES PA'I TSUL KHRIMS NI TSUL KHRIMS KYI RANG BZHIN NO, ,'DI YANG SEMS DANG BA'I STOBS KYIS TSUL KHRIMS KYANG DAG PA YIN PA'I PHYIR RGYU'I MING GIS 'BRAS BU LA BTAGS NAS SHES NAS DAD PA'I MING GIS BTAGS SO, ,DAD PA DANG TSUL KHRIMS DE GNYIS KA'ANG DRI MA STE ZAG PA MED PA YIN TE, ZAG PA'I GNYEN PO YIN PA'I PHYIR RO,, GAL TE GZHI LA LTOS NAS SHES PAS DAD PA RNAM PAR 'JOG NA CHOS LA SHES NAS DAD PA SNGAR GDON DGOS PAR 'GYUR TE, BDEN PA DANG PO GSUM MTHONG BA NA CHOS LA SHES NAS DAD PA 'THOB PA'I PHYIR RO ZHE NA, 'DI DAG GI RIM PA NI TING NGE 'DZIN LAS LANGS NAS JI LTAR MNGON DU BYED PA LTAR BKOD PA YIN TE, JI LTAR MNGON DU BYED CE NA, KYE MA BCOM LDAN 'DAS NI YANG DAG PAR RDZOGS PA'I SANGS RGYAS YIN NO, ,DE'I CHOS 'DUL BA NI LEGS PAR GSUNGS PA YIN NO, ,DE'I NYAN THOS KYI DGE 'DUN NI LEGS PAR ZHUGS PA YIN NO ZHES MNGON DU BYED DE, RIM PA LTAR CHOS KYI SMAN STON PA DANG, NYON MONGS PA'I NAD GSO ZHING MYA NGAN LAS 'DAS PA NAD MED PA THOB PAR BYED PA DANG MYA NGAN LAS 'DAS PA NAD MED PA 'THOB PA'I GROGS BYED PA'I PHYIR SMAN PA DANG SMAN DANG NAD G-YOG LTA BUR GYUR PA'I PHYIR DANG, DANG BA'I STOBS KYIS TSUL KHRIMS KYANG DANG BAR GYUR PA'I SGRUB PA YIN PA'I PHYIR MTHA' BZHI PAR BSHAD DO, ,YANG NA DKON MCHOG GSUM NI SNGAR BSTAN PA LTAR SMAN PA LA SOGS PA LTA BU YIN LA TSUL KHRIMS NI NAD MED PA LTA BUR GYUR PA YIN PAS SAM, YANG NA BZHI PO DE DAG RIM PA LTAR LAM STON PAR BYED PA DANG LAM DANG LAM GYI GROGS DANG BZHON PA LTA BU YIN PAS SEMS RAB TU DAD PA'I PHYIR RO,, LNGA PA NI 'O NA CI'I PHYIR MDO LAS, SLOB PA NI SLOB PA'I YANG DAG PA'I LTA BA NAS YANG DAG PA'I TING NGE 'DZIN GYI BAR YAN LAG BRGYAD DANG LDAN NO, ,MI SLOB PA NI MI SLOB PA'I YANG DAG PA'I LTA BA NAS TING NGE 'DZIN GYI BAR BRGYAD DANG, MI SLOB PA'I YANG DAG PA'I RNAM PAR GROL BA DANG, MI SLOB PA'I YANG DAG PA'I SHES PA STE YAN LAG BCU DANG LDAN NO ZHES GSUNGS PA'I SLOB PA LA YANG DAG PA'I RNAM PAR GROL BA DANG YANG DAG PA'I SHES PA MA BSHAD CE NA, NYON MONGS PA'I 'CHING BA LAS GTAN DU NGES PAR GROL BA DANG GROL BA DE SO SO RANG GIS SHES PAS DE GNYIS SU 'JOG PA LA, SLOB PA RNAMS NI DA DUNG NYON MONGS PAS BCINGS PA'I PHYIR SLOB PA'I YAN LAG TU YANG DAG PA'I RNAM GROL DANG YANG DAG PA'I SHES PA MA BSHAD DO, ,'CHING BA'I PHYOGS GCIG LAS RNAM PAR GROL BAS NI YANG DAG PA'I RNAM GROL GYI YAN LAG TU MI 'GYUR RO,, @648 RNAM PAR GROL BA DE YANG 'DUS BYAS DANG 'DUS MA BYAS RNAM PA GNYIS YOD PA LAS NYON MONGS PA BCOM PA SO SOR BRTAGS 'GOG NI RNAM GROL 'DUS MA BYAS YIN LA, RNAM PAR GROL BA LA DER NGES PA MI SLOB PA'I MOS PA NI RNAM GROL 'DUS BYAS YIN LA, GANG ZHIG MI SLOB PA'I YAN LAG TU GSUNGS PA'I YANG DAG PA'I RNAM GROL NI RNAM GROL 'DUS BYAS MOS PA DE YIN TE, YAN LAG BCU CHAR 'DUS BYAS YIN PA'I PHYIR RO, ,'DUS MA BYAS NI SKAL PA MI MNYAM PA'I PHYIR DANG, SLOB PA DANG MI SLOB PA GNYIS KA MA YIN PA'I PHYIR YAN LAG MA YIN NO, ,RNAM PAR GROL BA'I YAN LAG 'DUS BYAS DE NYID NI MDO LAS SEMS 'DOD CHAGS LAS RNAM PAR GROL BA DANG, SHES RAB MA RIG PA LAS RNAM PAR GROL BA GNYIS SU GSUNGS TE, RNAM GROL 'DUS BYAS DE NYID TSUL KHRIMS KYI PHUNG PO LA SOGS LNGA'I NANG NAS RNAM PAR GROL BA'I PHUNG PO'ANG YIN NO ZHES BYE BRAG TU SMRA BA RNAMS 'DOD DO, ,SLOB DPON NI MOS PA 'BA' ZHIG RNAM PAR GROL BA MA YIN GYI SEMS RNAM PAR GROL BA DANG SHES RAB RNAM PAR GROL BA DANG 'DOD CHAGS LA SOGS PA LAS RNAM PAR GROL BA'I ZAG MED KYI SEMS DANG SEMS BYUNG BDUN PA DANG BRTZON 'GRUS LA SOGS PA GZHAN DAG KYANG YIN TE, MDO LAS, STAG GI BYANG CHUB KYI BU DAG RNAM PAR GROL BAR YONGS SU DAG PA'I GTZO BO GANG YIN ZHE NA, 'DI DAG DGE SLONG 'DOD CHAGS LAS SEMS 'DOD CHAGS DANG BRAL ZHING RNAM PAR GROL BA YIN, ZHE SDANG DANG GTI MUG LAS SEMS 'DOD CHAGS DANG BRAL ZHING RNAM PAR GROL BA YIN TE, 'DI LTAR RNAM PAR GROL BA'I PHUNG PO YONGS SU MA RDZOGS PA YONGS SU RDZOGS PAR BYED PA'AM, YONGS SU RDZOGS PA RJES SU 'DZIN PAR BYED PA 'DUN PA DANG BRTZON 'GRUS GANG YIN PA ZHES GSUNGS PA'I PHYIR RO ZHES 'CHAD DO, , GAL TE YANG DAG PA'I SHES PA NI YAN LAG BCU PA MA YIN TE, YANG DAG PA'I LTA BA'I NANG DU 'DUS PA'I PHYIR RO ZHE NA, MA YIN TE, BYANG CHUB SNGAR JI SKAD BSHAD PA'I ZAD PA DANG MI SKYE BA SHES PA GANG YIN PA DE NYID YANG DAG PA'I SHES PA YIN LA DE YANG DAG PA'I LTA BA NI MA YIN TE, ZAD DANG MI SKYE'I BLO LTA MIN ZHES 'CHAD PAR 'GYUR BA'I PHYIR RO, ,YANG DAG PA'I SHES PA DE NI RNAM PAR GROL BA'I YE SHES GZIGS PA'I PHUNG PO'ANG YIN TE, RANG GI BYANG CHUB SHES PA'I PHYIR RO, ,GAL TE SEMS RNAM PAR GROL NA SEMS 'DAS PA'AM, MA 'ONGS PA'AM, DA LTAR BYUNG BA GANG ZHIG RNAM PAR GROL BAR 'GYUR ZHE NA MI SLOB PA'I SEMS NI SKYE BAR 'GYUR BA MA 'ONGS PA SGRIB PA LAS RNAM PAR GROL BAR 'GYUR BA YIN TE, 'DAS PA'I SGRIB PA YOD PA YIN LA DA LTAR BA NI SGRIB PA LA DNGOS SU GNOD PA RDO RJE LTA BU YIN TE, DE SGRIB PA'I @649 THOB PA DANG DUS MNYAM PA'I PHYIR DANG, DE'I RJES THOGS SU SGRIB PA LAS RNAM PAR GROL BA'I SEMS SKYE BA'I PHYIR RO, ,(NYON MONGS PA NI DE'I THOB PA LA BZHAG STE DE SKYE BA LA GEGS BYED PAS SO,,) 'O NA MI SKYE BA'I CHOS CAN DAG JI LTAR SGRIB PA LAS GROL BA YIN ZHE NA, DE DANG 'DRA BA'I PHYIR YIN NO, ,DE NYID KYI PHYIR BSTAN 'CHOS LAS MI SLOB PA'I SEMS MA 'ONGS PA SGRIB PA RNAMS LAS RNAM PAR GROL BAR 'GYUR RO ZHES BSHAD DO,, 'O NA LAM 'DAS PA LA SOGS PA GANG GIS SGRIB PA DE SPONG ZHE NA, 'GAG PAR 'GYUR BA DE 'GAG PA LA MNGON DU PHYOGS PA DA LTAR BA'I LAM GYIS NI DA LTAR BA DE'I SGRIB PA RAB TU SPONG BA YIN TE, 'DI LTAR SPONG BA NI BYA BA 'GAL BA'I SGO NAS GNOD PA BYED PA YIN NA 'DAS PA DANG MA 'ONGS PA NI BYA BA 'GAGS PA DANG MA SKYES PA'I PHYIR RO, ,GAL TE DA LTAR BA'I LAM GYIS DA LTAR BA'I SGRIB PA SPONG BA NI MA YIN TE, RGYUD GCIG LA NYON MONGS PA DANG YE SHES KYI SHES PA RGYUD GNYIS SU THAL BA'I PHYIR DANG, 'GAL BA LHAN CIG TU 'BYUNG BAR THAL BA'I PHYIR DANG, YE SHES NYON MONGS PA'I 'JIG RGYUR THAL BA'I PHYIR RO ZHE NA, DE LTA MA YIN TE, NYON MONGS PA'I THOB PA'AM SA BON SPANG BYAR 'DOD PAS YUN RING DU MI GNAS SHING GNOD PA BYED BZHIN PA'I LHAN CIG PA YIN PA'I PHYIR DANG, SPANG BYA PHYI MA BSKYED PA'I NUS PA DANG MI LDAN PAR BSKYED PA LA GNOD PAR BRJOD PA'I PHYIR SKYON MED DO,, 'O NA NYON MONGS BCOM PA 'DUS MA BYAS ZHES RNAM GROL 'DUS MA BYAS SU BSHAD PA GANG YIN PA DE DANG MDO'AM BSTAN BCOS LAS SPANGS PA'I KHAMS DANG, 'DOD CHAGS DANG BRAL BA'I KHAMS DANG, 'GOG PA'I KHAMS ZHES KHAMS GSUM BSHAD PA DE DAG LA KHYAD PAR CI YOD CE NA, RNAM GROL 'DUS MA BYAS SU BSHAD PA GANG YIN PA DE NYID SPANGS BA LA SOGS PA'I KHAMS GSUM DU SHES PAR BYA STE, 'DI LTAR SPANG BYA KHAMS GSUM GYI 'DOD CHAGS KUN ZAD CING SPANGS PA NI 'DOD CHAGS DANG BRAL BA'I KHAMS YIN LA, SPANGS PA'I KHAMS ZHES BYA BA NI 'DOD CHAGS LAS GZHAN PA'I NYON MONGS PA ZHE SDANG LA SOGS PA DAG YANG DAG PAR ZAD CING SPANGS PA'O, ,'GOG PA'I KHAMS ZHES BYA BA NI NYON MONGS PA'I GZHI YANG DAG PAR ZAD PA STE, GZHI'I SGRA YANG 'DIR YUK DANG RGYU LA BRJOD PAR 'DOD PA STE NYON MONGS PA LAS GZHAN PA'I GZUGS LA SOGS PA ZAG PA DANG BCAS PA DAG GO , ('DI NI 'DUN PA'I 'DOD CHAGS DANG BRAL BA LA 'DOD DO,,) 'O NA DNGOS PO GANG GIS YID 'BYUNG BAR 'GYUR BA'I DNGOS PO DES 'DOD CHAGS DANG 'BRAL BAR @650 'GYUR RAM ZHE NA, SDUG BSNGAL DANG RGYU KUN 'BYUNG LA DMIGS PA'I BZOD PA DANG SHES PA RNAMS KYIS NI BDEN PA DE GNYIS ZAG BCAS YIN PAS YID 'BYUNG BAR 'GYUR LA (YUL DMAN PA LA SKYON DU BRTAG PAS,) BZOD PA (BZHI) DANG (SGOM LAM) SHES PA GANG GIS DNGOS SU NYON MONGS PA SPONG BAR 'GYUR BA DE NI BDEN PA BZHI PO GANG LA DMIGS KYANG RUNG KUN GYI 'DOD CHAGS DANG 'BRAL BAR 'GYUR RO, ,DE LTA NA NI YID 'BYUNG BA DANG 'DOD CHAGS DANG BRAL BA LA MU BZHI SRID DE, YID 'BYUNG BAR 'GYUR LA 'DOD CHAGS DANG 'BRAL BAR MI 'GYUR BA NI SDUG BSNGAL DANG KUN 'BYUNG LA DMIGS PA'I SGOM LAM YIN YANG RUNG SBYOR BA DANG RNAM GROL DANG KHYAD PAR CAN GYI LAM DANG, CHAGS BRAL SNGON 'GRO'I BDEN PA DANG PO GNYIS LA DMIGS PA'I CHOS SHES PA'I BZOD PA DANG SHES PA RNAMS TE, THAMS CAD KYANG YID 'BYUNG BA'I DNGOS PO LA DMIGS PA SYID SKYO BAR BYED PA'I PHYIR DANG, SBYOR BA'I LAM LA SOGS PA GSUM NI SPONG LAM MA YIN PA'I PHYIR DANG, CHAGS BRAL SNGON 'GRO'I BDEN PA DANG PO GNYIS LA DMIGS PA'I CHOS SHES PA'I BZOD PA SPONG LAM YIN YANG 'JIG RTEN PA'I SGOM LAM GYIS SNGAR DU SPANGS ZIN PA'I PHYIR DANG, SHES PA NI SPONG LAM MA YIN PA'I PHYIR RO, ,RJES SU SHES PA'I BZOD PA DAG GIS NI NGES PAR NYON MONGS PA RNAMS SPONG STE, 'JIG RTEN PA'I LAM GYI SRID RTZE LAS 'DOD CHAGS DANG MI 'BRAL BA'I PHYIR RO,, 'DOD CHAGS DANG 'BRAL BAR 'GYUR LA YID 'BYUNG BAR MI 'GYUR BA NI 'GOG LAM LA DMIGS PA'I SPANG BYA DNGOS SU SPONG BA'I BAR CHAD MED PA'I LAM CHAGS BRAL SNGON 'GRO'I 'GOG LAM LA CHOS SHES PA'I BZOD PA MA GTOGS PA RNAMS TE, DE DAG NI 'JIG RTEN PA'I SGOM LAM GYIS SNGAR DU SPANGS ZIN PA'I PHYIR DANG, GZHAN NI SPANG BYA LA DNGOS SU GNOD BYED YIN PA'I PHYIR DANG, DE DAG GI DMIGS PA 'GOG LAM ZAG MED LA YON TAN DU LTA BAS MCHOG TU DGA' BA'I DNGOS PO LA DMIGS PA'I PHYIR RO, ,GNYIS KA YIN PA NI BDEN PA PO DANG GNYIS LA DMIGS PA'I BAR CHAD MED PA'I LAM CHAGS BRAL SNGON 'GRO'I BDEN PA DANG PO GNYIS LA DMIGS PA'I CHOS SHES PA'I BZOD PA LAS GZHAN PA RNAMS TE, YID 'BYUNG BA'I DNGOS PO LA DMIGS PA'I PHYIR DANG, NYON MONGS PA DNGOS SU SPONG BAR BYED PA'I PHYIR RO, ,GNYIS KA MA YIN PA NI 'GOG LAM LA DMIGS PA'I SBYOR BA DANG RNAM GROL DANG KHYAD PAR CAN GYI LAM DANG, CHAGS BRAL SNGON 'GRO'I 'GOG LAM LA CHOS SHES PA'I BZOD PA DANG SHES PA RNAMS DANG, BAR CHAD MED PA'I LAM YIN YANG NYON MONGS PA MI SLOB PA DBANG PO 'PHO BA LA SOGS PA'I GNAS SKABS KYI KYI BAR CHAD MED PA'I LAM KHA CIG KYANG YIN NO,, (DE LA 'DOD PA'AM CI YANG MED PA'I BAR LA CHAGS PA DANG BRAL BA ZHIG @651 BDEN PA RNAMS LA LTA NA CHOS SHES CHOS BZOD RNAMS KYIS NYON MONGS MI SPONG STE, 'JIG RTEN PA'I SGOM LAM GYIS SNGAR SPANGS ZIN PA'I PHYIR BRAL THOB ZAG MED SKYE BA 'BA' ZHIG TU ZAD DO, ,RJES SHES RJES BZOD DAG GIS NI NGES PAR NYON MONGS SPONG STE, 'JIG RTEN PA'I LAM GYIS SRID RTZE LA CHAGS PA DANG MI 'BRAL BA'I PHYIR RO, ,LAN CIG PHYIR 'ONG CHAGS BRAL SNGON 'GRO BDEN PA LA LTA BA NI MTHONG SPANG SPONG DGOS PAS DE DANG MI 'DRA'O, ,SHES PA RNAMS KYI SGOM LAM LA SBYOR BA DANG, RNAM GROL DANG, KHYAD PAR GYI LAM DANG, KHA CIG GIS KYANG MI SPONG NGO NO,,) DMIGS PA SHES DANG BSGOM PA'I RIM, ,SGOM PA PO DANG DE YI LAM, ,JI BZHIN SHES NAS DER 'JUG 'DOD, ,DGE SLONG GNAS 'DI MNYAN PAR RIGS, ,CHOS MNGON PA'I MDZOD KYI 'GREL PA MNGON PA'I RGYAN LAS LAM DANG GANG ZAG BSTAN PA ZHES BYA BA STE GNAS DRUG PA'I BSHAD PA'O, , @652 GNAS BDUN PA, YE SHES BSTAN PA, DA NI GNAS BDUN PA 'CHAD PA NA BZOD PA DANG SHES PA DANG LTA BA'I KHYAD PAR BSHAD PA DANG, SHES PA BYE BRAG TU BSHAD PA DANG, DE DAG GI YON TAN BSHAD PA GSUM LAS, (GCIG) BZOD PA DANG SHES PA DANG LTA BA'I KHYAD PAR BSHAD PA, DANG PO NI GAL TE BZOD PA DANG SHES PA DANG YANG DAG PA'I LTA BA DANG YANG DAG PA'I SHES PA RNAMS LA KHYAD PAR CI ZHIG YOD CE NA, DRI MA MED PA'I BZOD PA BRGYAD PO RNAMS NI SHES PA MIN TE, SHES PA NI NGES PA'I BDAG NYID CAN YIN NA BZOD PA RNAMS NI BAR CHAD MED PA'I LAM YIN PAS DE'I TSE RANG GI SPANG BYA (THE TSOM DANG) PHRA RGYAS MA SPANGS PAS RANG GI YUL LA THE TSOM DANG BCAS PA'I PHYIR RO, ,(RANG GI SMOS PA NI SHES PA DANG PO BDUN SHES PA MA YIN PAR THAL BA SPANG BA'I PHYIR RO,,) BZOD PA DE DAG (BDEN PA BZHI LA MI RTAG PA LA SOGS PAR,) YANG DAG PAR RTOGS PA'I BDAG NYID YIN PAS LTA BA NI YIN NO, ,(DRI MED CES SMOS PAS BZOD PA ZAG BCAS NI SHES PA YIN NO, ,SHES PA ZAG MED NI THE TSOM SPANGS PAS KHYAB BO, ,THE TSOM SPANGS PA SHES PAR MA NGES TE CHAGS BRAL SNGON 'GRO'I BZOD PA BZHIN NO, ,ZAD MI SKYE SHES LTA BA MIN TE, BYA BA BYAR MED PA TZAM DU RTAGS KYI BDEN BZHI LA MI RTOG PA'I PHYIR DANG 'BRAS BU RDZOGS ZIN PA'I PHYIR RO, ,) ZAD PA SHES PA DANG MI SKYE BA SHES PA'I BLA NI LTA BA MIN TE, YANG DAG PAR RTOG PA MED PA'I PHYIR DANG, DMIGS PA DANG RNAM PA 'TSOL BA'I BSAM PA CAN MA YIN PA'I PHYIR RO, ,DE NI YANG DAG PA'I SHES PA ZHES BYA'I SHES PA TZAM YANG MA YIN NO, ,BZOD PA BRGYAD DANG ZAD PA DANG MI SKYE BA SHES PA DE DAG LAS GZHAN PA'I 'PHAGS PA ZAG PA MED PA'I BLO STE SDUG BSNGAL LA CHOS SHES PA NAS LAM LA RJES SU SHES PA'I BAR GYI SHES RAB RNAMS NI SHES PA DANG YANG DAG PA'I LTA BA @653 GNYIS KA YIN TE, RNAM GROL GYI LAM YIN PAS RANG GI YUL LA THE TSOM SPANGS PAS NGES PA'I BDAG NYID CAN YIN PA'I PHYIR DANG, YANG DAG PAR RTOG PA'I BDAG NYID CAN YANG YIN PA'I PHYIR RO, ,'PHAGS PA'I BLO LAS GZHAN ZAG BCAS 'JIG RTEN PA'I SHES RAB THAMS CAD NI KUN RDZOB SHES PA YIN TE, ZAG BCAS LA SHES PA MA YIN PA'I SHES RAB MI SRID PA'I (PHYIR DANG SHES RAB GANG YIN YANG SHES PA YIN PA'I) PHYIR RO, ,DE YANG SGO LNGA'I RNAM SHES KYI 'KHOR DU BYUNG BA'I SHES RAB DGE MI DGE LUNG MA BSTAN THAMS CAD DANG YE SHES KYI 'KHOR DU BYUNG BA'I SHES RAB LTA BA DRUG PO MA GTOGS PA NYON MONGS PA CAN DANG MA BSGRIBS LUNG MA BSTAN RNAMS NI SHES PA KHO NA YIN NA, YID SHES KYI 'KHOR DU BYUNG BA'I SHES RAB 'JIG TSOGS LA LTA BA LA SOGS PA NYON MONGS PA CAN LNGA DANG 'JIG RTEN PA'I YANG DAG PA'I LTA BA STE DRUG NI KUN RDZOB SHES PA YIN PAR MA ZAD LTA BA'ANG YIN TE, NGES PAR RTOG PA'I BDAG NYID YIN PA'I PHYIR RO, ,(DES NA LTA BA KHO NA YIN PA NI MED DO, ,) (GNYIS) SHES PA BYE BRAG TU BSHAD PA, GNYIS PA SHES PA BYE BRAG TU BSHAD PA LA SHES PA'I NGO BO'I DBYE BA DANG, GRANGS NGES PA DANG, RNAM PA DANG, SA DANG BRTEN PA DANG, DRAN PA NYER GZHAG TU BZHAG PA DANG, DMIGS PA DANG, LDAN PA'I TSUL DANG, THOB PA'I TSUL BRGYAD YOD PA LAS DANG PO NI MDO LAS SHES PA NI BCU STE, (CHOS DANG RDZAS DANG KUN RDZOB DANG, ,GZHAN GYI SEMS DANG SDUG BSNGAL DANG, ,KUN 'BYUNG BA DANG 'GOG PA DANG, ,LAM DANG ZAD DANG MI SKYE ZHES, ZHES PA BSDU TSIG GO,) 'DI LTA STE, CHOS SHES PA DANG, RJES SU SHES PA DANG, KUN RDZOB SHES PA DANG, PHA ROL GYI SEMS SHES PA DANG, SDUG BSNGAL SHES PA DANG, KUN 'BYUNG SHES PA DANG, 'GOG PA SHES PA DANG, LAM SHES PA DANG, ZAD PA SHES PA DANG, MI SKYE BA SHES PA'O ZHES GSUNGS PA'I SHES PA THAMS CAD RNAM PA GNYIS SU 'DUS TE ZAG PA DANG BCAS PA DANG ZAG PA MED PA'O, ,DE LA DANG PO ZAG BCAS NI KUN RDZOB SHES PA ZHES BYA BA YIN TE, RES 'GA' RANG DANG SPYI'I MTSAN NYID KYANG 'DZIN LA PHAL CHER BUM PA SNAM BU DANG SKYES PA BUD MED LA SOGS PA KUN RDZOB TU YOD PA'I DNGOS PO LA DMIGS PA'I PHYIR RO, ,ZAG MED NI CHOS SHES PA DANG RJES SU SHES PA RNAM PA GNYIS KHO NA YIN TE, SDUG BSNGAL SHES PA LA SOGS PA NI 'DI GNYIS SU 'DUS PA'I @654 PHYIR RO, ,DE LA KUN RDZOB SHES PA'I YUL NI 'DUS BYAS DANG 'DUS MA BYAS KYI CHOS THAMS CAD YIN TE, (BSAM GTAN DGE YUL YID DGU YIN ZHES PA DANG,) MIG SHES KYIS GZUGS SHES PA LA SOGS PA CI RIGS PAR THAMS CAD LA 'JUG PA'I PHYIR RO, ,CHOS SHES PA ZHES BYA BA'I SPYOD YUL NI 'DOD PA'I SDUG BSNGAL DANG SOGS PAS BSDUS PA KUN 'BYUNG DANG 'GOG PA DANG LAM RNAMS YIN NO, ,RJES SU SHES PA'I SPYOD YUL NI KHAMS GONG MA GNYIS PO'I SDUG BSNGAL DANG SOGS PAS BSDUS PA KUN 'BYUNG DANG 'GOG PA DANG LAM RNAMS YIN PAS (NAM MKHA' DANG SO SOR BRTAGS MIN NI BDEN BZHIR MA 'DUS PAS DE DAG GI DMIGS PA MIN NO, ,) DE LTA NA SHES PA GSUM YIN NO, ,CHOS SHES PA DANG RJES SU SHES PA DE DAG NYID SDUG BSNGAL SHES PA LA SOGS PA BZHI YIN TE, YUL BDEN BZHI LA DMIGS PA'I BYE BRAG GIS SO (DGUR DBYE BA NI) CHOS SHES RJES SHES LAS LTA BA'I RANG BZHIN MA YIN PA BDEN BZHI LA DMIGS PA'I BYE BRAG GIS SDUG BSNGAL SHES PA LA SOGS PA (LTA BA'I RANG BZHIN MA YIN PA'I,) RNAM PA BZHI PO DE DAG NYID NI MI SKYE BA SHES PA DANG ZAD PA SHES PA GNYIS SU 'GYUR TE, RDO RJE LTA BU'I TING NGE 'DZIN GYI RJES SU SKYES PA'I BDEN BZHIR SHES PA GANG YIN PA'O, ,ZAD PA DANG MI SKYE BA SHES PA DE GNYIS DANG POR SKYES PA NI SDUG BSNGAL DANG RGYU KUN 'BYUNG LA RJES SU SHES PA YIN TE, SRID RTZE'I PHUNG POS BSDUS PA'I SDUG BSNGAL DANG KUN 'BYUNG LA MI RTAG PA LA SOGS PA DANG RGYU LA SOGS PAR DMIGS PA'I PHYIR RO, ,DANG POR SKYES PA LAS GZHAN DE PHYIN CHAD KYI ZAD PA DANG MI SKYE BA SHES PA NI BDEN PA GZHAN DAG LA'ANG DMIGS SO, , RDO RJE LTA BU'I TING NGE 'DZIN NI SRID RTZE'I BDEN BZHI LA DMIGS LA ZAD PA DANG MI SKYE BA SHES PA DANG POR SKYES PA SDUG BSNGAL DANG KUN 'BYUNG LA DMIGS SO ZHES BYA BA NI BYE BRAG TU SMRA BA'I GRUB PA'I MTHA' STE KHYAD PAR MED PA LA KHYAD PAR RTAG PA YIN NO, ,'O NA RDO RJE LTA BU'I TING NGE 'DZIN DANG ZAD PA DANG MI SKYE BA SHES PA DMIGS PA GCIG GAM THA DAD CE NA, RDO RJE LTA BU'I TING NGE 'DZIN GAL TE SRID RTZE'I SGOM SPANG CHUNG NGU'I CHUNG NGU'I NGO BOR GYUR PA BDEN PA DANG PO GNYIS LA DMIGS NA NI GCIG LA 'ON TE, BSGOM PA'I LAM LA 'GOG PA'AM, ,LAM LA CHOS SHES GANG YIN DE, ,KHAMS GSUM GYI NI GNYEN PO YIN ZHES PAS 'GOG LAM LA DMIGS NA NI MI GCIG STE, SHES PA GNYIS PO NI DANG POR SRID RTZE'I PHUNG PO KHO NA LA NGES PAR DMIGS PA'I PHYIR TE DPER NA DUG MDAS PHOG STE 'CHI BA NA THOG MAR DUG YAN LAG THAMS CAD LA KHYAB NAS MTHAR SHI MA THAG RMA'I PHYOGS KHO NAR 'DU BA BZHIN NO, ,(BCUR DBYE BA NI) CHOS SHES RJES SHES DANG LAM SHES PA DANG KUN RDZOB SHES PA BZHI LAS NI PHA ROL GYI SEMS RIG PA BZHAG STE, (GZHAN @655 SEMS) ZAG BCAS (LA DMIGS PA NI) KUN RDZOB SHES PA DANG, ZAG MED (LA DMIGS PA) NI LAM SHES PA DANG GNYEN PO'I BYE BRAG GIS CHOS SHES RJES SHES KYANG YIN PA'I PHYIR RO,, (JI LTAR ZHE NA, 'DI LTAR ZAG BCAS KYI GZHAN GYI SEMS SHES NI SO SO'I SKYE BO RNAMS KYIS BSAM GTAN LA BRTEN NAS SEMS 'DOD CHAGS DANG BCAS BRAL LA SOGS PA 'JIG RTEN PA'I RNAM PA CAN GYI SHES PA DANG, 'PHAGS PA RNAMS KYI RJES LAS THOB PA'I TSE BSAM GTAN LA BRTEN NAS SHES PA STE KUN RDZOB SHES PA YIN NO, ,'PHAGS PA'I ZAG MED KYI SEMS SHES PAS GZHAN GYI ZAG MED KYI SEMS SHES NA DE NI LAM SHES PA YIN PAS LAM GYI RNAM PA CAN KHO NA YIN TE, DES ZAG BCAS MI SHES PA'I PHYIR DANG, SEMS SHES PAS 'GOG PA SHES PAR 'GYUR BA'ANG MING DE 'GOG PA SEMS MA YIN PA'I PHYIR, SHES PA GZHAN YANG MIN TE, DE DAG GI RNAM PA CAN MA YIN PA'I PHYIR, LAM SHES PA'ANG CHOS DANG RJES SU SHES PAR GZHAG PA'I PHYIR SEMS SHES PA ZAG MED NI SHES PA GSUM PO YIN NO,,) SEMS SHES DES NI SA 'DAS PA MI SHES TE, BSAM GTAN DANG PO LA SOGS PA 'OG MA'I SA PAS BSAM GTAN GNYIS PA LA SOGS PA GONG MA'I SA PA MI SHES PA'I PHYIR RO,, (DE YANG DMAN PA'I YUL MCHOG MA YIN PA'I PHYIR, DES NA BZHI PA'I SEMS PA ZAG BCAS KYI YUL NI SA LNGA YIN PA NAS ZAG MED KYI YUL SA BZHI YIN PA'I BAR DU'O,) ,DBANG PO 'DAS PA'ANG MI SHES TE, DAD MOS PA'I LAM GYIS MTHONG THOB PA'I LAM MI SHES PA DANG, DUS DANG SBYOR BA'I LAM GYIS DUS DANG MI SBYOR BA'I LAM MI SHES (TE DBANG PO 'DAS) PA'I PHYIR RO, ,GANG ZAG 'DAS PA MI SHES PA NI PHYIR MI 'ONG GI LAM GYIS DGRA BCOM GYI LAM MI SHES LA, NYAN THOS KYI LAM GYIS RANG SANGS RGYAS KYI LAM MI SHES PA LA SOGS PA'I PHYIR RO, ,(DE YANG RANG STOBS KYIS MI SHES PA LA BSAMS KYI, SANGS RGYAS LA SOGS PAS BYIN GYIS BRLABS NA GANG ZAG DANG DBANG PO 'DAS KYANG SHES SO, ,'DIR 'PHAGS PA CHAGS BCAS MA SMOS PA NI DE DAG LA SEMS SHES BKAG PAS SO,,) 'DAS PA'I SGRA NI 'DIR GONG MA LA BRJOD PAR 'DOD PA YIN NO, ,DE'I PHYIR MNYAM PA DANG 'OG MA NI SHES PAR BSTAN TO, ,GZHAN YANG PHA ROL SEMS SHES NI GZHAN GYI SEMS DA LTAR BA KHO NA'I YUL CAN YIN PA'I PHYIR DUS ZHIG PA 'DAS PA DANG MA SKYES PA MA 'ONGS PA'ANG MI RIG GO ,CI'I PHYIR ZHE NA, 'DAS PA DANG MA 'ONGS PA SHES PA NI RIM PA LTAR SNGON GNAS RJES DRAN DANG 'CHI 'PHO SKYE SHES YIN LA DE DAG KYANG KUN RDZOB SHES PA YIN PA'I PHYIR RO, ,CHOS SHES DANG RJES SHES KYI PHYOGS DANG MTHUN PA'I SEMS SHES PA'I BLO YANG (RANG GI RIGS MTHUN MA YIN PA,) PHYOGS PHAN TSUN (GCIG GIS GCIG) RIG PA MIN TE, SEMS SHES PA DE GNYIS 'DOD PA DANG KHAMS GONG MA'I @656 GNYEN PO THA DAD LA DMIGS PA'I PHYIR RO,, (GANG LA RGYAB KYIS PHYOGS PA DE LA MI DMIGS PAR 'DOD PAS SO,,) DE YANG MTHONG LAM LA NI PHA ROL GYI SEMS SHES PA MED DE, MTHONG LAM YUN THUNG BAS SEMS SHES KYI SBYOR BA BYA BA'I SKABS MED PA'I PHYIR DANG, DE NI BDEN PA LA MNYAM PAR BZHAG PA ZAG MED BAR MA CHAD YIN PA'I PHYIR RO, , 'ON KYANG SANGS RGYAS DANG DGE 'DUN LA SHES NAS DAD PA NI BDEN PA MNGON SUM DU SHES NAS YID CHES PA YIN GYI PHA ROL GYI SEMS MNGON SUM DU SHES PA NI MED DO ZHES BYA BA NI GRUB PA'I MTHA' YIN NO, , THEG PA GONG MA PA NI 'JIG RTEN GYI KHAMS BRGYA SHES PA LA SOGS PA SKAD CIG MA LA SKYE BA'I YON TAN DU MA BZHED PA YIN NO, ,MTHONG LAM NI PHA ROL SEMS SHES KYI YUL DU 'GYUR BAS DE'I KHYAD PAR BSHAD PAR BYA STE, DE LA 'PHAGS PA NYAN THOS KYI SEMS SHES PAS NI DBANG PO RTUL BAS MTHONG BA'I LAM SKAD CIG MA BCO LNGA LAS SKAD CIG MA DANG PO GNYIS RIG STE, RJES SU SHES PA'I PHYOGS NI DE SHES PAR 'DOD PA NA SBYOR BA GZHAN GYIS SGRUB DGOS PA'I PHYIR DANG, GRUB PA NA'ANG (DE'I BAR LA YUN RING 'GOR BAS) SEMS BCU DRUG PA (THOB PAR 'GYUR LA DE) THOB NAS (SKAD CIG MA GSUM PA SOGS) 'DAS PA'I PHYIR DANG, 'DAS PA'ANG MI RIG PA'I PHYIR RO, , 'O NA NI SKAD CIG MA DANG PO GNYIS KYANG MI RIG PAR 'GYUR TE, DE SHES PAR 'DOD NAS SBYOR BA BRTZAMS TE GRUB PA NA SKAD CIG MA GNYIS PO'ANG 'GAG PA'I PHYIR RO ZHE NA, SKAD CIG MA GNYIS PO 'DI SHES PAR BYA'O ZHES SBYOR BA RTZOM PA NI MA YIN GYI GANG ZAG 'DI'I SEMS SHES PAR BYA'O ZHES SBYOR BA RTZOM PA NA MNGON SHES GRUB PA DANG MNYAM PAR SKAD CIG DANG PO GNYIS SKYES PA DAG SHES PAR 'GYUR RO ZHES BYE BRAG TU SMRA BA 'DOD MOD KYI, DE LTA NA NI RJES SU SHES PA'I BZOD PA LA SOGS PA RNAMS KYANG SHES PAR 'GYUR RO, ,DE'I PHYIR SBYOR BA NI SPYI LA DMIGS PA YIN GYI BYE BRAG NI MA YIN GYI, MI SHES PA'I PHYIR RO, ,DE'I PHYIR 'DI DAG KYANG KHYAD PAR MED PA LA RNAM PAR RTOG PAS KHYAD PAR DU RTOG PA KHO NAR ZAD DO,, RANG SANGS RGYAS BSE RU LTA BU'I SEMS SHES PAS NI SKAD CIG MA DANG PO GNYIS DANG BRGYAD PA GSUM RIG STE, NYAN THOS KYI NI SBYOR BA CHEN POS BSGRUB DGOS LA 'DI NI SBYOR BA LA RTZOL BA CHUNG BAS DANG PO GNYIS SHES NAS YANG SKAD CIG MA LNGA'I BAR LA MNGON SHES 'GRUB PA'I PHYIR RO, ,DES KYANG SKAD CIG MA DGU PA LA SOGS PA NI MI RIG STE, YANG SBYOR BA GZHAN GYIS SGRUB DGOS PA'I PHYIR DANG, DE NAS DUB PAS SKAD CIG MA BDUN LA'ANG SBYOR BA MI RDZOGS PA'I PHYIR RO, ,KHA CIG SKAD CIG MA DANG PO GNYIS SHES @657 NAS YANG SBYOR BA GZHAN BYAS NAS SKAD CIG MA BCO LNGA PA DANG GSUM SHES SO ZHES BYA BAR 'DOD DO, , NYAN RANG GNYIS KA LA YANG SKAD CIG MA DANG PO GNYIS SHES PAR BSHAD PA NI MTSON PA STE, NYAN THOS KYIS NI RIGS MTHUN PA'I SKAD CIG MA GNYIS CI RIGS PAR SHES PAR 'GYUR LA RANG RGYAL GYIS NI RIGS MTHUN PA GNYIS DANG MI MTHUN PA GCIG STE GSUM CI RIGS PAR SHES PAR 'GYUR RO, , SANGS RGYAS BCOM LDAN 'DAS NI MDZAD PA THAMS CAD LHUN GYIS GRUB PAS SBYOR BA LAS BYUNG BA'I 'BAD RTZOL MED PAR MTHONG LAM GYI YE SHES KYI SKAD CIG MA KUN SHES PAR 'GYUR BA YIN TE, JI SKAD DU, DGE MTHAR PHYIN PA KHYOD LA NI, ,SBYOR BYUNG DGE BA 'GA' MA MCHIS, ,KHYOD NI GANG ZHIG BZHED NA YANG, ,BZHED PA TZAM LA RAG LAS SO ZHES BSHAD PA BZHIN NO, ,'O NA ZAD PA SHES PA DANG MI SKYE BA SHES PA DAG LA KHYAD PAR CI YOD CE NA, BSTAN BCOS LAS, ZAD PA SHES PA GANG ZHE NA, BDAG GIS SDUG BSNGAL SHES SO ZHES BYA BAR SHES PA DANG, KUN 'BYUNG SPANGS SO, ,'GOG PA MNGON DU BYAS SO, ,LAM BSGOMS SO ZHES BYA BAR SHES PA DE'I RGYU LAS BYUNG BA'I SHES PA DANG MTHONG BA DANG RIG PA DANG BLO DANG RTOG PA DANG SHES RAB DANG SNANG BA DANG MNGON PAR RTOGS PA GANG YIN PA 'DI NI ZAD PA SHES PA ZHES BYA'O, ,MI SKYE BA SHES PA GANG ZHE NA, BDAG GIS SDUG BSNGAL YONGS SU SHES TE YANG YONGS SU SHES PAR BYAR MED DO ZHES BYA BAR SHES PA NAS BDAG GIS LAM BSGOMS TE YANG SGOM DU MED DO ZHES BYA BA'I BAR DU SHES PA DE'I RGYU LAS BYUNG BA'I SHES PA DANG ZHES PA NAS 'DI NI MI SKYE BA SHES PA ZHES BYA'O ZHES BYA BA'I BAR DU 'BYUNG BA'I PHYIR ZAD PA SHES PA NI SDUG BSNGAL LA SOGS PA'I BDEN PA RNAMS LA BDAG GIS SDUG BSNGAL YONGS SU SHES SO ZHES PA DANG, SOGS PAS GZUNG BA KUN 'BYUNG SPANGS SO, ,'GOG PA MNGON DU BYAS SO, ,LAM BSGOMS SO ZHES MNYAM GZHAG GI DUS SU SHES PA LAS BYUNG BA'I RJES KYI SHES PAS NGES PA'O, ,DE BZHIN DU MNYAM GZHAG TU BDAG GIS SDUG BSNGAL YONGS SU SHES PAR BYAS TE YANG YONGS SU SHES PAR BYAR MED DO ZHES BYA BA LA SOGS PAR RTOGS PA LAS LANGS PA'I RJES LAS THOB PA'I SHES PAS NGES PA NI MI SKYE BA SHES PA'I BLOR KHA CHE BAS 'DOD DO,, NYI 'OG PA NI MNYAM GZHAG NA ZAG MED KYI RNAM PA BCU DRUG LAS GZHAN YANG YOD PAS DES DE LTAR NGES SO ZHES 'DOD DO, ,'O NA BSTAN BCOS LAS MTHONG BA ZHES BSHAD PA'I PHYIR SHES PA DE GNYIS LTA BAR 'GYUR TE, LTA BA DANG MTHONG BA GNYIS DON GCIG PA'I PHYIR RO, ,'DOD NA ZAD DANG MI SKYE'I BLO LTA MIN ZHES PA DANG 'GAL LO ZHE NA, MI 'GAL TE, MTHONG BA NI SHES PAS 'PHANGS PA'I RNAM GRANGS @658 SAM, THA SNYAD TZAM MAM, YANG NA LUNG DANG RTAGS LAS MA LTOS PAR MIG SHES KYIS GZUGS LTAR MNGON SUM DU RTOGS PAS NA SDUG BSNGAL SHES PA LA SOGS PA DANG SHES TE YANG SHES PAR BYAR MED PA LA SOGS PAR SHES PA NYID LA MTHONG BA ZHES BRJOD KYI RTOG PA'I BDAG NYID MA YIN ZHING MTHONG BA LA LTA BAS MA KHYAB PAS (SNGA MA NI DGRA BCOM DBANG PO RNO RTUL GNYIS KA LA YOD LA PHYI MA NI MI G-YO BA'I CHOS CAN KHO NA'O, ,) LTA BA NI MA YIN NO, ,DE'I PHYIR BSTAN BCOS LAS KYANG, RE ZHIG SHES PA GANG YIN PA DE NI MTHONG BA YANG YIN NO ZHES SHES PA DANG MTHONG BA RNAM GRANGS SU BSHAD KYI MTHONG BA YIN LA SHES PA MA YIN PA YANG YOD DE MNGON PAR RTOGS PA'I KHONGS SU GTOGS PA'I BZOD PA BRGYAD LTA BU'O ZHES 'BYUNG NGO, ,MTHONG BA DANG LTA BA NI RNAM GRANGS SU MA BSHAD DO, , SHES PA DAG GI SDOM GYI TSIGS SU BCAD PA NI, KUN RDZOB CHOS DANG RJES SU SHES, ,GSUM YIN DE DAG BCUR BSHAD DE, ,KUN RDZOB SHES PA RANG DANG NI, ,SEMS SHES CHA'O CHOS SHES NI, ,RANG DANG BDEN PA BZHI SHES DANG, ,ZAD DANG MI SKYE SEMS SHES BRGYAD, ,RJES SHES KYANG YIN BDEN GSUM SHES, ,RANG DANG ZAD DANG MI SKYE SHES, ,CHOS SHES RJES SU SHES PA DANG, ,LNGA YIN ZAD DANG MI SKYE ZHES, ,RANG RANG BDEN PA BZHI SHES DANG, ,CHOS SHES RJES SU SHES DANG BDUN, ,SEMS SHES CHOS SHES RJES SHES DANG, ,LAM SHES KUN RDZOB SHES PA DANG, ,RANG DANG LNGA YIN LAM SHES NI, ,RANG DANG CHOS SHES RJES SHES DANG, ,SEMS SHES ZAD DANG MI SKYE ZHES, ,RNAM PA DRUG TU YANG DAG BRJOD CES BYA'O, , GNYIS PA NI CI'I PHYIR SHES PA GSUM PO DE DAG BCUR PHYE ZHE NA, ZAG BCAS KYI RANG BZHIN LAS NI KUN RDZOB SHES PA STE, DES KUN RDZOB SHES KYI DON DAM MI SHES PA'I PHYIR RO, ,GNYEN PO LAS NI CHOS SHES DANG RJES SHES GNYIS TE, RIM PA LTAR 'DOD PA DANG GONG MA'I GNYEN PO BYED PA'I PHYIR RO, ,RNAM PA LAS NI SDUG BSNGAL DANG KUN 'BYUNG SHES PA PHYE STE GNYIS KA'ANG NYER LEN GYI PHUNG PO LA DMIGS PAS DMIGS PA THA DAD MED PA'I PHYIR DANG, RNAM PA MI RTAG PA LA SOGS PA DANG RGYU LA SOGS PA MI 'DRA BAS BZHAG PA'I PHYIR RO, ,RNAM PA DANG SPYOD YUL TE DMIGS PA GNYIS KA (THA DAD PA) LAS NI 'GOG PA DANG LAM SHES PA DAG PHYE STE, 'GOG PA LA SOGS PA DANG LAM LA SOGS PA'I RNAM PA'ANG THA DAD CING DMIGS PA 'DUS MA BYAS DANG 'DUS BYAS KYANG THA DAD PA'I PHYIR RO, , (GZHAN SEMS SHES PAR BYA'O ZHES,) SBYOR BA LAS NI PHA ROL GYI SEMS SHES PA PHYE STE, DES SEMS BYUNG YANG SHES MOD KYI GZHAN GYI SEMS SHES @659 PAR BYA'O ZHES SBYOR GYI SEMS BYUNG SHES PAR BYA'O ZHES MI SBYOR BA'I PHYIR RO, ,BYA BA BYAS PA NYID LAS NI ZAD PA SHES PA STE, BYA BA BYAS PA'I RGYUD LA DANG PO NYID DU SKYE BA'I PHYIR RO, ,SKAL MNYAM GYI RGYU RGYAS PA LAS NI MI SKYE BA SHES PA STE, ZAG MED KYI SHES PA SNGAR BSKYED PA THAMS CAD KYI 'BRAS BU YIN PA'I PHYIR RO, ,DES NA RGYU BDUN PO DE DAG GIS SHES PA BCUR RNAM PAR BZHAG PA YIN NO ZHES BYE BRAG TU SMRA BA 'CHAD DO, ,'ON KYANG 'DI DAG RANG BZHIN DANG NI GNYEN PO DANG, ,YUL DANG SHES PA'I RNAM PA LAS, ,KUN RDZOB SHES SOGS RNAM PA BCUR, ,'DREN PAS RAB TU GSUNGS PA YIN ZHES SHES PAR BYA'O, ,CHOS SHES 'DOD PA'I GNYEN PO YIN NO ZHES BYA BA'ANG 'DOD PA'I SPANG BYA RIS LNGA PO THAMS CAD KYI GNYEN PO YIN PA'I PHYIR DANG, GNYEN PO CHOS SHES MTHONG SGOM GYI LAM GYIS BSDUS PA BDEN BZHI LA DMIGS PA THAMS CAD YIN PA'I PHYIR BSHAD PA YIN GYI, DER MA ZAD GZHAN YANG CHOS SHES KYIS KHAMS GONG MA GNYIS KYI GNYEN PO BYED PA'ANG YOD DE, GANG ZHE NA, SGOM PA'I LAM LA 'GOG PA LA CHOS SHES PA'AM, LAM LA CHOS SHES PA GANG YIN PA DE DAG NI 'DOD PA LA SOGS PA KHAMS GSUM CHAR GYI GNYEN PO YIN TE, 'DOD PA'I RTEN CAN GYI 'PHAGS PAS 'DOD PA'I SGOM SPANG DGU CHOS SHES PAS RIM GYIS SPANGS NAS KHAMS GONG MA'I SGOM SPANG YANG SNGAR 'DRIS PA'I LAM DE NYID BSKYED NAS SPONG BA DAG SRID PA'I PHYIR RAM YANG NA 'GOG LAM LA CHOS SHES KYI DMIGS PA 'GOG LAM GNYIS NI ZAG MED YIN PAS KHAMS SU MA GTOGS PAS DMIGS PA DMAN PA MA YIN PAS DE DAG LA DMIGS PA'I CHOS SHES NI KHAMS GSUM GA'I GNYEN PO YIN PA SRID PA'I PHYIR RO, , 'O NA SDUG BSNGAL DANG KUN 'BYUNG LA CHOS SHES PA YANG KHAMS GONG MA'I GNYEN POR 'GYUR RO ZHE NA, MA YIN TE, SDUG BSNGAL DANG KUN 'BYUNG LA CHOS SHES PA'I DMIGS PA NI 'DOD PA'I BDEN PA DANG PO GNYIS ZAG BCAS YIN PAS DMIGS PA DMAN PAS DE DAG LA DMIGS PA'I CHOS SHES NI KHAMS GONG MA GNYIS KYI GNYEN PO MA YIN TE, RNAM PAR SUN 'BYIN PA YID LA BYED PA YIN PA'I (PHYIR DMAN PAS MCHOG SUN 'BYIN MI NUS PA'I) PHYIR RO ZHES t'IKA BYED DAG 'CHAD DO, , KHA CIG SPANG BYA SPONG BA LA DE LA DNGOS SU GNOD PA'AM YANG NA SPANG BYA DE DANG 'GAL BA LA YON TAN DU LTA BA'I SHUGS LA SPONG BA YIN PA NA SDUG BSNGAL DANG KUN 'BYUNG LA CHOS SHES PA NI DE LTA MA YIN TE, (SGOM PA'I ZHES SMOS KYI MTHONG LAM MA SMOS PA NI) KHAMS GONG MA'I SPANG BYA LA DNGOS SU MI DMIGS PA'I PHYIR DANG, 'GAL ZLA YON TAN DU LTA BA'ANG MA YIN TE, 'OG MA'I BDEN PA LA DMIGS NAS YID @660 SKYO BAR BYED PA'I PHYIR RO, ,'GOG LAM LA DMIGS PA'I CHOS SHES NI KHAMS GONG MA'I SPANG BYA DANG GAL BA LA YON TAN DU LTA BA'I PHYIR SHUGS LA SPONG BA YIN NO ZHES 'CHAD DO, ,MTHONG LAM GYI LA 'GOG LAM LA CHOS SHES PA DAG GONG MA'I GNYEN PO MA YIN PA NI BDEN PA LA DMIGS PA'I LOG ZHUGS THA DAD PA'I PHYIR TE, MTHO LA MIR 'DZIN PA'I LOG RTOG THAG PA LA DER SHES PAS MI SPONG BA BZHIN NO, ,DE'I PHYIR t'IKA BYED DAG GIS SGOM PA'I LAM LA ZHES SMOS PA NI KHAMS GONG MA GNYIS KYI MTHONG SPANG RNAMS NI RJES SU SHES PA'I BZOD PAS GZHOM PAR BYA BA YIN NO ZHES BSHAD DO, , 'O NA 'GOG LAM LA RJES SHES SGOM LAM GYIS BSDUS PAS KYANG 'DOD PA'I GNYEN PO BYED PAR 'GYUR RO ZHE NA, 'DOD PA'I KHAMS KYI SPANG BYA'I GNYEN PO NI RJES SU SHES PA SGOM LAM GYIS BSDUS PA'ANG RNAM PA THAMS CAD DU MA YIN TE, ('DOD PA'I SPANG BYA) CHOS SHES PAS SPANGS ZIN PA'I PHYIR DANG, 'OG MA'I SPANG BYA MA SPANGS BAR GONG MA'I GNYEN PO SKYE BA'ANG MI SRID PA'I PHYIR RO, ,GANG YANG SLOB DPON GANG SPEL NA RE CHOS SHES PAS NI GONG MA'I SGOM SPANG SPONG STE, DE'I YUL CAN 'DOD PA'I KUN 'GRO SPANGS PA'I PHYIR DGRA BCOM NAS YUL 'JIG PAR BYED PA BZHIN NO, ,RJES SU SHES PA LA NI DE LTA BU'I BYA BA MED PA'I PHYIR RO ZHES ZER BA DE YANG MI RIGS TE, DE LTA NA SDUG BSNGAL DANG KUN 'BYUNG LA CHOS SHES PA'ANG GONG MA'I SGOM SPANG GI GNYEN POR 'GYUR TE, YUL CAN 'DOD PA'I KUN 'GRO'I NYON MONGS PA'I GNYEN PO BYED PA'I PHYIR RO ZHES BYA BA 'DI SPANG DGOS SO, , GSUM PA NI SHES PA BCU PO DE DAG LAS CHOS SHES PA DANG RJES SU SHES PA NI MI RTAG PA LA SOGS PA RNAM PA BCU DRUG CAN YIN NO, ,KUN RDZOB SHES PA NI SBYOR LAM NA YOD PA DAG GNYIS PO DE BZHIN DU RNAM PA BCU DRUG CAN YANG YIN LA, GNAS SKABS GZHAN NA YOD PA NI RNAM PA GZHAN DU'ANG YIN TE, MI SDUG PA DANG DBUGS 'BYUNG RNGUB DANG BYAMS SOGS SGOM PA NA RANG DANG SPYI'I MTSAN NYID 'DZIN PA'I PHYIR RO, ,DE DAG TU MA ZAD BUM PA DANG SNAM BU DANG ZO ZHIG 'THUNG ZHIG SONG ZHIG 'DUG CIG CES PA LA SOGS PA RANG SPYI'I MTSAN NYID LAS GZHAN PA'I RNAM PA CAN YANG YOD DO ZHES t'IKA BYED DAG 'CHAD DO, ,BDEN PA BZHI SHES PA NI RANG RANG GI BDEN PA'I RNAM PA CAN DU 'JUG PAS RNAM PA BZHI BZHI PA YIN NO, ,GZHAN SEMS SHES PA'I YUL GYI PHA ROL YID SHES DRI MED KYANG LAM SHES PA YIN PAS LAM SHES PA DE BZHIN DU LAM BDEN GYI RNAM PA BZHI CAN YIN ZHING, DRI MA DANG BCAS PA'I PHA ROL YID SHES NI SHES BYA SEMS DANG SEMS LAS BYUNG BA'I RANG GI MTSAN NYID KYI RNAM PA CAN YIN (TE 'DOD CHAGS DANG @661 BCAS PA LA SOGS PA SHES PA YIN) LA, DE YANG SEMS 'DZIN PA'I TSE SEMS BYUNG DANG SEMS BYUNG 'DZIN PA'I TSE SEMS MI 'DZIN LA, TSOR BA 'DZIN PA'I 'DU SHES LA SOGS PA PHAN TSUN MI 'DZIN PAS PHA ROL SEMS SHES ZAG BCAS ZAG MED GNYIS KA'ANG SEMS DANG SEMS BYUNG RDZAS RE RE ZHIG SPYOD YUL DU BYED PA YIN NO, ,'O NA BCOM LDAN 'DAS KYIS GNAS MANG PO LAS 'DOD CHAGS DANG BCAS PA'I SEMS LA YANG 'DOD CHAGS DANG BCAS PA'I SEMS SO ZHES BYA BAR YANG DAG PA JI LTA BA BZHIN DU RAB TU SHES SO, , 'DOD CHAGS DANG BRAL BA'I SEMS LA YANG 'DOD CHAGS DANG BRAL BA'I SEMS SO ZHES BYA BAR YANG DAG PA JI LTA BA BZHIN DU RAB TU SHES SO ZHES BYA BA NAS DE BZHIN DU ZHE SDANG DANG GTI MUG DANG BCAS BRAL DANG, KUN TU BSDUS PA DANG RNAM PAR G-YENGS PA DANG, ZHUM PA DANG RAB TU BZUNG BA DANG, CHUNG NGU DANG CHEN POR GYUR PA DANG, RGOD PA DANG, DE MA YIN PA DANG, NYE BAR MA ZHI BA DANG NYE BAR ZHI BA DANG, MNYAM PAR MA BZHAG PA DANG BZHAG PA DANG, MA BSGOMS PA DANG BSGOMS PA DANG, RNAM PAR MA GROL BA DANG RNAM PAR GROL BA'I SEMS LA RNAM PAR GROL BA'I SEMS SO ZHES BYA BAR YANG DAG PA JI LTA BA BZHIN DU RAB TU SHES SO ZHES PA'I BAR DU GSUNGS PA DANG 'GAL BAR 'GYUR RO ZHE NA BYE DRAG TU SMRA BA NI DE DAG RDZAS RE RE BA'I SPYOD YUL CAN YIN PA'I PHYIR MTSUNGS LDAN GNYIS CIG CAR 'DZIN PA NI MA YIN TE, DPER NA SHES PAS GOS SO SNYAM DU 'DZIN PA'I TSE DRI MA MI 'DZIN LA DRI MA'O SNYAM DU 'DZIN PA'I TSE GOS MI 'DZIN PA BZHIN NO, ,MDO LAS 'DOD CHAGS DANG BCAS PA'I SEMS ZHES GSUNGS PA'I 'DOD CHAGS DANG BCAS PA NI 'DOD CHAGS DANG MTSUNGS PAR LDAN PA 'DRES PA'I 'DOD CHAGS DANG BCAS PA DANG, DE DANG MTSUNGS PAR MI LDAN YANG 'DOD CHAGS KYI THOB PA DANG BCAS PA'AM 'DOD CHAGS RGYAS 'GYUR GYI DMIGS PA YIN PAS LDAN PA'I 'DOD CHAGS DANG BCAS PA GNYIS LAS DANG PO NI 'DRES PA DANG LDAN PA GNYIS KAS 'DOD CHAGS DANG BCAS PA YIN LA, GNYIS PA NI DE LAS GZHAN PA'I ZAG BCAS THAMS CAD DE, DE NI BDEN PA KHO NAS 'DOD CHAGS DANG BCAS PA YIN NO, ,DE LTAR GNYIS LAS 'DIR NI LDAN PA'I 'DOD CHAGS DANG BCAS PA NYID LA DER DGONGS PA YIN NO, ,BRAL BA NI GNYIS KA DANG BRAL BA STE ZAG PA MED PA'I SEMS SO ZHES 'DOD DO, , KHA CIG NA RE MDO 'DIR NI 'DOD CHAGS DANG MTSUNGS PAR LDAN PA'I SEMS NI 'DOD CHAGS DANG BCAS PA YIN LA 'DOD CHAGS KYI GNYEN PO NI 'DOD CHAGS DANG BRAL BAR BSHAD PA YIN TE, GAL TE 'DOD CHAGS DANG MTSUNGS PAR MI LDAN PA 'DOD CHAGS DANG BRAL BA YIN PA NA NI ZHE SDANG LA SOGS PA @662 NYON MONGS PA GZHAN DANG MTSUNGS PAR LDAN PA'I SEMS KYANG 'DOD CHAGS DANG BRAL BA YIN PAR 'GYUR BA ZHIG NA 'DOD CHAGS DANG MTSUNGS PAR MI LDAN PA DE 'DOD CHAGS DANG BRAL BA NI MA BSHAD DE, ZHE SDANG DANG BCAS PA DANG GTI MUG DANG BCAS PA ZHES BYA BA LA SOGS PA 'BYUNG BA'I PHYIR RO ZHES ZER RO, , CHOS MNGON PA BA DAG NA RE DE LTA NA SEMS NYON MONGS PA CAN MA YIN PA MA BSGRIBS LUNG MA BSTAN NI 'DOD CHAGS DANG BCAS BRAL GNYIS KA MA YIN PAR 'GYUR TE, RIM PA LTAR 'DOD CHAGS DANG MTSUNGS PAR MI LDAN ZHING, GNYEN PO'ANG MA YIN PA'I PHYIR RO, ,'DOD CHAGS DANG MTSUNGS PAR MI LDAN PA TZAM CHAGS BRAL DU MI 'DOD PAS NYON MONGS PA GZHAN DANG MTSUNGS PAR LDAN PA CHAGS BRAL DU'ANG MI 'GYUR RO, ,DES NA MTSUNGS PAR LDAN PA DANG, MI LDAN PA'I 'DOD CHAGS DANG BCAS PA GNYIS LAS MDO 'DIR NI LDAN PA'I 'DOD CHAGS DANG BCAS PA NYID LA BSHAD PAR RIG PAR BYA'O ZHES ZER RO, , DE BZHIN DU ZHE SDANG DANG GTI MUG DANG BCAS PA DANG BRAL BA'ANG SHES PAR BYA'O, ,KUN DU BSDUS PA DANG RNAM PAR G-YENGS PA NI BYE BRAG TU SMRA BA RNAMS NA RE RIM PA LTAR RNAM G-YENG DANG MTSUNGS PAR MI LDAN PA DANG LDAN PA'I BYE BRAG GIS DMIGS PA LA SEMS MNGON PAR SDUD PA'I PHYIR DGE BA DANG NYON MONGS CAN YIN NO ZHES ZER RO, , NUB PHYOGS PA RNAMS NA RE DE GNYIS NI RIM PA LTAR GNYID NYON MONGS CAN DANG GNYID LAS GZHAN PA'I NYON MONGS DANG MTSUNGS PAR LDAN PA YIN PAS GNYIS KA'ANG NYON MONGS CAN YIN NO ZHES ZER RO, , KHA CHE BA NA RE DE NI MI RIGS TE, DE LTA NA SEMS DE NYID NYON MONGS CAN GYI GNYID DANG MTSUNGS PAR LDAN PA'I PHYIR BSDUS PA'ANG YIN LA, NYON MONGS CAN YIN PA'I PHYIR RNAM PAR G-YENGS PA'ANG YIN PAR 'GYUR BAS DE GNYIS MTSAN NYID 'CHOL BA'I SKYON DU 'GYUR BA'I PHYIR DANG, BSTAN BCOS LAS, SEMS KUN DU BSDUS PA YANG DAG PA JI LTA BA BZHIN DU RAB TU SHES SO, ,DE SHES PA'I SHES PA NI BZHI STE, CHOS SHES PA DANG, RJES SU SHES PA DANG, KUN RDZOB SHES PA DANG, LAM SHES PA'O ZHES 'BYUNG BA DANG 'GAL BA'I PHYIR TE, GAL TE KUN DU BSDUS PA GNYID DANG MTSUNGS LDAN LA 'DOD NA RJES SHES DANG LAM SHES PAS KUN DU BSDUS PA'I SEMS LA MI DMIGS PAR 'GYUR TE, KHAMS GONG MA NA GNYID MED CING, 'DOD KHAMS NA GNYID YOD KYANG RJES SHES 'DOD KHAMS LA MI DMIGS PA'I PHYIR DANG, LAM SHES PA NI LAM BDEN KHO NA LA DMIGS LA LAM BDEN NI GNYID DANG MTSUNGS PAR MI LDAN PA'I PHYIR RO, ,DES NA KHYOD LTAR NA BSTAN BCOS LAS 'DI SKAD DU DE SHES PA'I SHES PA NI GNYIS TE, CHOS SHES PA DANG, KUN @663 RDZOB SHES PA'O ZHES BRJOD DGOS PAR 'GYUR TE, RJES SHES DANG LAM SHES PAS DE MI SHES PA'I PHYIR RO, , KHO BO CAG LTAR NA NI KUN DU BSDUS PA'I SEMS NI DGE BA KHO NA YIN PAS MTSAN NYID 'CHOL BA'I NYES PAR YANG MI 'GYUR LA, BSTAN BCOS DANG 'GAL BA'ANG MED DE, KUN DU BSDUS PA'I SEMS DGE BA NI KHAMS GSUM GYIS BSDUS PA ZAG BCAS DANG MA BSDUS PA ZAG MED GNYIS KA YIN PAS KHAMS GONG MA GNYIS KYI SEMS DGE BA ZAG BCAS LA DMIGS PA ZAG MED KYI SHES PA NI RJES SHES YIN LA, LAM BDEN GYIS BSDUS PA'I SEMS DGE BA ZAG MED LA DMIGS PA NI LAM SHES PA'ANG YIN PAS RJES SHES DANG LAM SHES KYI DMIGS PAR YANG GRUB PA'I PHYIR RO ZHES ZER RO, ,DE BZHIN DU ZHUM PA NI LE LO DANG MTSUNGS PAR LDAN PA'I PHYIR NYON MONGS CAN NO, , RAB TU BZUNG BA NI BRTZON 'GRUS DANG MTSUNGS PAR LDAN PA'I PHYIR DGE BA'O, ,CHUNG NGU NI CHAGS SDANG GNYIS MTSUNGS PAR MI LDAN PAS GTI MUG DANG CHAGS SDANG GNYIS PO GANG RUNG RE'I RTZA BA GNYIS DANG MTSUNGS PAR LDAN PA DANG, 'BAD PAS BSGRUB PAR BYA BA MA YIN PA DANG, DE DANG 'DRA BA MA 'ONGS PA THOB PA MED PA DANG, RJES SU 'BRANG BA'I GZUGS MED PAS RNAM SHES LA TSOR BA LA SOGS PA PHUNG PO GSUM GYI RJES SU 'BRANG BA DANG BCAS PA DANG, LOG LTAS KYANG DGE BA BTAN DU GCOD MI NUS PAS RIM PA LTAR RTZA BA DANG RIN DANG 'KHOR DANG RJES SU 'BRANG BA DANG STOBS CHUNG BAS DGE BA CHUNG NGU DAG GIS BSTEN PA'I PHYIR NYON MONGS CAN NO, ,CHEN PO NI MA CHAGS PA LA SOGS PA GSUM PHAN TSUN MED NA MI 'BYUNG BAS RTZA BA GSUM DANG MTSUNGS PAR LDAN PA DANG, TSOGS CHEN POS BSGRUB PAR BYA BA YIN PA (SA RIN CHE BA) DANG, RNYED DANG BSTEN CES BYA BA NI, ,DGE BA 'DUS BYAS THOB PA'O ZHES PAS DGE BA 'DUS BYAS LA DE DANG 'DRA BA MA 'ONGS PA THOB PA YOD PA DANG, RNAM SHES LA 'KHOR TSOR BA LA SOGS PA GSUM DANG GZUGS KYI PHUNG PO BSAM GTAN ZAG MED KYI SDOM PAS BSDUS PA DANG BCAS PAS PHUNG PO BZHI'I RJES SU 'BRANG BA DANG BCAS PA DANG, SDUG BSNGAL LA CHOS SHES PA'I BZOD PA GCIG GIS KYANG MTHONG SPANG GI PHRA RGYAS BCU GTAN DU 'JOMS PAS RIM PA LTAR RTZA BA DANG RIN DANG 'KHOR DANG RJES SU 'BRANG PA DANG STOBS CHE BAS DGE BA CHEN PO DAG GIS BSTEN PA'I PHYIR DGE BA YIN NO, ,RGOD PA DANG RGOD PA MA YIN PA NI RIM PA LTAR RGOD PA DANG MTSUNGS PAR LDAN PA DANG DE'I GNYEN PO YIN PA'I PHYIR NYON MONGS CAN DANG DGE BA'O, ,RNAM PAR MA ZHI BA DANG ZHI BA'ANG DE DANG 'DRA'O, ,MNYAM PAR MA BZHAG PA DANG BZHAG PA NI RIM PA LTAR RNAM G-YENG DANG MTSUNGS PAR LDAN PA DANG DE'I GNYEN PO YIN PA'I PHYIR @664 NYON MONGS CAN DANG DGE BA'O, ,MA BSGOM SPA NI SNGON MA THOB PA LAS 'THOB PA DANG, THOB ZIN MNGON DU BYED PA'I BSTEN PA'I SGOM PA DAG GI MA BSGOM PA'I PHYIR NYON MONGS CAN NO, ,BSGOM PA NI DE GNYIS KYIS BSGOMS PA'I PHYIR DGE BA'O, ,RNAM PAR MA GROL BA NI NYON MONGS PA DANG MTSUNGS PAR LDAN PA DANG, NYON MONGS PA ZAD PA'I RGYUD LA MI SKYE BAS GO RIM BZHIN DU RANG BZHIN DANG RGYUD RNAM PAR GROL BA DAG GIS RNAM PAR MA GROL BAS NYON MONGS CAN DANG, RNAM PAR GROL BA NI NYON MONGS PA DANG MTSUNGS PAR MI LDAN PA DANG NYON MONGS PA ZAD PA'I RGYUD LA SKYE BAS RIM PA LTAR RANG BZHIN DANG RGYUD RNAM PAR GROL BA DAG GIS RNAM PAR GROL BAS DGE BA YIN NO ZHES 'DOD DO, , SLOB DPON NI DE LTAR BYAS NA MDO DANG MI MTHUN PA DANG, SO SO'I KHYAD PAR MA BSHAD PA YIN TE, DE LA DANG PO NI MDO LAS, JI LTAR NA SEMS NANG DU KUN DU BSDUS PA YIN ZHE NA, SEMS GANG RMUGS PA DANG GNYID DANG LHAN CIG PAR GYUR CING NANG DU KUN DU 'GOG PA DANG LHAN CIG PAR GYUR LA LHAG MTHONG DANG MTSUNGS PAR MI LDAN PA YIN NO, ,JI LTAR NA PHYI ROL TU RNAM PAR G-YENGS PA YIN ZHE NA, SEMS GANG 'DOD PA'I YON TAN LNGA RNAMS LA RJES SU G-YENGS PA YIN ZHING RNAM PAR 'PHROS PA YIN NO ZHES KUN DU BSDUS PA NI RMUGS GNYID DANG MTSUNGS LDAN LA BSHAD PAS GNYIS KA'ANG NYON MONGS CAN DU BSHAD PA'I PHYIR RO, , 'O NA BSTAN BCOS LAS SEMS KUN DU BSDUS PA YANG DAG PA BZHIN RAB TU SHES SO ZHES PA NAS LAM SHES SO ZHES PA'I BAR DU BSHAD PA DANG 'GAL LO ZHE NA, SANGS RGYAS KYIS MA GSUNGS PAS BSTAN BCOS DANG 'GAL BA NI SLA'I MDO'I DON SPONG BA NI RIGS PA MA YIN NO, ,SO SO'I KHYAD PAR MA BSHAD PA NI RNAM PAR G-YENGS PA DANG ZHUM PA DANG CHUNG NGU DANG RGOD PA DANG RNAM PAR MA ZHI BA DANG MNYAM PAR MA BZHAG PA DANG MA BSGOMS PA DANG RNAM PAR MA GROL BA ZHES BYA BA BRGYAD PO THAMS CAD NYON MONGS CAN DANG, KUN DU BSDUS PA DANG RAB TU BZUNG BA DANG CHEN PO DANG RGOD PA MA YIN PA DANG RNAM PAR ZHI BA DANG MNYAM PAR BZHAG PA DANG BSGOMS PA DANG RNAM PAR GROL BA ZHES BYA BA BRGYAD DGE BA KHO NAR BSHAD PAS SO SO'I MTSAN NYID THA DAD MA BSHAD PA'I PHYIR RO, , BYE BRAG TU SMRA BA NA RE DE DAG NYON MONGS CAN DANG DGE BAR MTSUNGS KYANG SO SO'I NYES PA DANG YON TAN GYI KHYAD PAR BSHAD ZIN PA'I PHYIR SO SO'I MTSAN NYID MA BSHAD PAR MA GRUB BO ZHES ZER MOD KYI 'ON KYANG MDO DANG 'GAL BA'I NYES PA NI YOD DO, ,DE'I PHYIR MDO'I DON NI 'DOD CHAGS DANG MTSUNGS PAR @665 LDAN PA DANG MTSUNGS PAR MI LDAN PA'I SEMS NI RIM PA LTAR 'DOD CHAGS DANG BCAS PA DANG BRAL BA YIN NO ZHES BYA BA LA SOGS PAR SHES PAR BYA STE, TING NGE 'DZIN MI RTZOM PA DANG, RTZOM LA MA THOB PA DANG, THOB PA'I DBANG DU BYAS NAS DRUG DANG BCU GNYIS DANG BZHI RIM PA BZHIN DU GSUNGS SO ZHES 'CHAD DO, ,GZHAN YANG PHA ROL SEMS SHES KYIS SEMS 'DI CHAGS PA DANG BCAS PA'O ZHES BYA BAR SHES KYI GZUGS 'DI LA CHAGS PA DANG BCAS PA'O ZHES SEMS DE'I DMIGS YUL NI MI SHES TE, GAL TE SHES NA GZUGS LA DMIGS PAS PHA ROL SEMS SHES MA YIN PAR 'GYUR BA'I PHYIR DANG, GZHAN GYI SEMS DES RANG GI SEMS LA DMIGS PA NA RANG GI SEMS KYI NGO BO'ANG 'DZIN PAR 'GYUR BA'I PHYIR RO, ,DES NA PHA ROL SEMS SHES THAMS CAD NI YUL ZAG BCAS ZAG MED KYI MTSUNGS LDAN DANG, RANG GI MTSAN NYID 'DZIN PA DANG, DE YANG DUS DA LTAR BYUNG BA DANG, PHA ROL GYI RGYUD KYIS BSDUS PA DANG, SA BSAM GTAN GYI DNGOS GZHIS BSDUS PA DANG, GZUGS LA BRTEN NAS BSGRUB PAR BYA BA YIN PAS RTEN KHAMS 'OG MA GNYIS KYIS BSDUS PA DANG, LAM SGOM LAM GYI SBYOR BA DANG RNAM GROL DANG KHYAD PAR CAN GYI LAM GYIS BSDUS PA YIN GYI GZUGS LA SOGS PA DANG, SPYI'I MTSAN NYID DANG, 'DAS MA 'ONGS DANG, RANG GI RGYUD DANG, GZUGS MED LA DMIGS PA MA YIN NO, , DE BZHIN DU BSAM GTAN GYI DNGOS GZHI MA THOB PAS CHAGS BCAS LA'ANG PHA ROL SEMS SHES MED DE, GZHAN YID SHES PA BSAM GTAN BZHI ZHES 'CHAD PAR 'GYUR BA'I PHYIR RO, ,YUL CAN YANG MTHONG LAM DANG BSAM GTAN GYI NYER BSDOGS DANG, BAR CHAD MED PA'I LAM DANG, ZAD PA DANG MI SKYE BA SHES PA RNAMS LA GZHAN GYI SEMS SHES BKAG STE, DE DAG NI SPYI'I MTSAN NYID LA DMIGS PA DANG, BAR CHAD MED LAM LA BKAG PA DANG, ZAD PA DANG MI SKYE BA SHES PA NI RTOG CING 'TSOL BA'I BSAM PA CAN MA YIN PA'I PHYIR DANG, DE NI DE LTA MA YIN PA'I PHYIR RO, , RNAM PA'ANG ZAG MED NI LAM BDEN GYI RNAM PA CAN YIN PAS SMON PA MED PA'I RNAM PA CAN YIN GYI STONG PA DANG MTSAN MED KYI RNAM PA CAN NI MA YIN TE, DE GNYIS NI RIM PA LTAR SDUG BSNGAL DANG 'GOG PA SHES PA'I RNAM PA CAN YIN PA'I PHYIR RO ZHES BYAR 'DOD DO, ,'DI DAG GI RGYU MTSAN YANG BYE BRAG TU SMRA BAS RNAM PAR BRTAGS PA KHO NA YIN TE, YI GE MANGS PAS 'JIGS PAS RNAM PAR DPYAD PA NI MA BRIS SO, , DE LTAR ZHAR LA 'ONGS PA BSHAD NAS SKABS SU BABS PA BSHAD PA NI SNGAR SHES PA BRGYAD YAN CHAD @666 BSHAD PA'I LHAG MA ZAD PA DANG MI SKYE BA SHES PA NI MI RTAG PA LA SOGS PA RNAM PA BCU BZHI CAN YIN TE, SHES PA DE DAG DON DAM PA'I YUL CAN YIN YANG BDAG GI SKYE BA ZAD DO, ,TSANGS PAR SPYOD PA BSTEN TO, ,'DI LAS SRID PA GZHAN MI SHES SO ZHES BYA BA LA SOGS PA RJES THOB KYI SHES PAS BDAG GI THA SNYAD 'DOGS SHING BDAG STONG PA MA YIN LA RJES THOB KYANG KUN RDZOB KYI YUL CAN YIN PA'I PHYIR DANG, MNYAM GZHAG KYANG DE DANG MTHUN PAR BYA BA'I PHYIR STONG PA DANG BDAG MED GNYIS MI BSGOM PAS STONG PA DANG BDAG MED PA'I RNAM PA GNYIS MA GTOGS SO, , CI ZAG MED LA RANG GI MTSAN NYID KYI RNAM PA GZHAN YOD DAM MED CE NA, RE ZHIG KHA CHE BA RNAMS NA RE DRI MA MED PA LA NI BCU DRUG LAS GZHAN PA'I RNAM PA MED DO (BDEN PA'I RNAM PA CAN 'DIR 'DUS LA, 'DUS MA BYAS GZHAN GNYIS NI KUN RDZOB SHES PA'I YUL LO, ,) ZHES ZER RO, ,GZHAN NYI 'OG PA DAG NI BCU DRUG LAS GZHAN YANG YOD CES PA 'DOD DE, BSTAN BCOS RNAM SHES KYI TSOGS LAS MI LDAN PA'I SEMS KYIS 'DOD PA DANG LDAN PA'I CHOS RNAMS SHES PAR 'GYUR BA YOD DAM ZHE NA, SHES PAR 'GYUR TE, RIGS PAS BSKYED PA'I SGO NAS MI RTAG PA DANG, SDUG BSNGAL BA DANG, STONG PA DANG, BDAG MED PA DANG, RGYU DANG, KUN 'BYUNG BA DANG, RAB TU SKYE BA DANG, RKYEN DANG, 'DI NI GNAS YOD DO, ,'DI NI GZHI YOD DO ZHES BYA BAR SHES PAR 'GYUR RO ZHES 'BYUNG BA'I PHYIR RO, ,DE LA MI LDAN PA'I SEMS NI THAG PA MED PA'O, ,RIGS PAS BSKYED PA NI PHYIN CI MA LOG PA'O, ,GNAS NI MTSAN NYID DO, ,GZHI NI RGYU'O, , GAL TE DE NI MI RTAG PA LA SOGS PAR SHES PAR 'GYUR BA GANG YIN PA 'DI NI GNAS DANG GZHI YOD DO ZHES STON PA YIN GYI BDEN PA'I RNAM PA NI MA YIN NO ZHE NA, MA YIN TE, TSIG DE GNYIS BSTAN BCOS KYI GZHUNG GI CHA GZHAN NAS MI 'BYUNG BA'I PHYIR TE, 'DI LTAR BSTAN BCOS DE NYID LAS, MTHONG BAS SPANG BAR BYA BA'I SEMS KYIS 'DOD PA DANG LDAN PA'I CHOS RNAMS SHES PAR 'GYUR BA YOD DAM ZHE NA, SHES PAR 'GYUR TE, RIGS PA MA YIN PAS BSKYED PA'I SGO NAS BDAG DANG, BDAG GI DANG, CHAD PA DANG, RTAG PA DANG, RGYU MED PA DANG, BYED PA MED PA DANG, SKUR BA 'DEBS PA DANG, MCHOG DANG, GTZO BO DANG, KHYAD PAR DU 'PHAGS PA DANG, DAM PA DANG, DAG PA DANG, GROL BA DANG, NGES PAR 'BYIN PAR BYED PA DANG, NEM NUR DANG, YID GNYIS DANG, THE TSOM DU SHES PAR 'GYUR ZHING, CHAGS PA DANG, SDANG BA DANG, RLOM PA DANG, RMONGS PAR 'GYUR RO ZHES GANG GSUNGS PA @667 DER YANG 'DI SKAD DU 'DI NI GNAS YOD DO, , 'DI NI GZHI YOD DO, ,ZHES 'BYUNG BAR 'GYUR BA ZHIG NA DER MA GSUNGS PA'I PHYIR RO ZHES ZER RO, ,'DI YANG MDO SDE PA LA SOGS PA KHA CIG NI RNAM PA BCU DRUG TU BSHAD PA NI MING GI SGO NAS YIN GYI RJES SU NI SDUG BSNGAL GYI BDEN PA'I RNAM PA BZHI DANG BDEN PA GZHAN GSUM NI RGYU DANG 'GOG PA DANG LAM GYI RNAM PA RE RE BA YIN PAS BDUN YIN TE, RNAM PA PHYI MA DAG NI DANG PO DAG GI RNAM GRANGS TZAM YIN PA'I PHYIR DPER NA DBANG PO DANG BRGYA BYIN DANG GRONG KHYER 'JIG CES BYA BA BZHIN NO ZHES 'DOD DO, ,BYE BRAG TU SMRA BA NI DON DAM PAR NI RDZAS SU RNAM PA BCU DRUG GO ZHES 'DOD DE, DE LA RKYEN LA RAG LUS PA'I PHYIR MI RTAG PA'O, ,GNOD PA'I BDAG NYID YIN PA'I PHYIR SDUG BSNGAL BA'O, ,BDAG GIR LTA BA'I MI MTHUN PHYOGS YIN PAS STONG PA'O, ,BDAG TU LTA BA'I MI MTHUN PHYOGS YIN PAS BDAG MED PA'O, ,SDUG BSNGAL GYI SA BON GYI CHOS KYI TSUL GYI RGYU'O, ,DE MA THAG TU 'BYUNG BAS NA KUN 'BYUNG BA'O, ,RGYUN GYI 'BREL BAS NA RAB TU SKYE BA'O, ,RGYU RKYEN MANG POS MNGON PAR BSGRUBS PAS RKYEN NO, , SDUG BSNGAL GYI PHUNG PO ZHIG PAS 'GOG PA'O, ,'DOD CHAGS LA SOGS PA DUG GSUM GYI ME GSUM ZHI BA'I PHYIR ZHI BA'O, ,SDUG BSNGAL GYI 'TSE BA MED PAS GYA NOM PA'O, ,LAS DANG NYON MONGS PA'I SKYON THAMS CAD DANG BRAL BAS NGES PAR 'BYUNG BA'O, ,THAR PAR BGROD PAR BYED PAS LAM MO, ,THABS KYI RIGS PA DANG LDAN PAS RIGS PA'O, ,MYANG 'DAS YANG DAG PAR SGRUB PAS SGRUB PA'O, ,GTAN DU YANG DAG PAR 'DA' BAR BYED PAS NGES PAR 'BYIN PA'O, , RNAM PA GCIG TU NA RTAG PA DANG, BDE BA DANG, BDAG GIR DANG, BDAG TU LTA BA DANG, RGYU MED PA DANG, RGYU GCIG PU DANG, RANG BZHIN RTAG LA GNAS SKABS RNAM PAR 'GYUR BA DANG, BLO SNGAR BTANG BAR LTA BA DANG, THAR PA MED PA DANG, SDUG BSNGAL LA THAR PAR LTA BA DANG, BSAM GTAN GYI BDE BA GYA NOM PA DANG, YANG DANG YANG NYAMS PAR 'GYUR BAS THAR PA GTAN DU BA MA YIN PAR LTA BA DANG, ,LAM MED DO, ,LAM 'DI NGAN NO, ,'DI LAS GZHAN YANG LAM YIN NO, ,LAM 'DI YANG LDOG GO SNYAM PA'I LTA BA DPYAD PA BCU DRUG GI GNYEN POR GO RIM BZHIN DU MI RTAG PA LA SOGS BCU DRUG YIN NO, , YANG RNAM PA NYID GANG ZHE NA, RNAM PA NI SHES RAB YIN LA DE YANG YUL 'DZIN PA NA SHES RAB KHO NAS 'DZIN PA MA YIN GYI SHES RAB DE DANG BCAS PA'I DMIGS PA DANG BCAS PA THAMS CAD KYIS 'DZIN @668 PAR BYED DE, SHES RAB NI SA MANG PO BA YIN PA'I PHYIR RO, ,GZUGS LA SOGS PA (RDZAS DANG BTAGS PAR) YOD PA THAMS CAD KYANG GZUNG BYA YIN (TE DE DAG GI MI 'DZIN PA GANG YANG MED PA YIN) NO, , DE LTAR NA SHES RAB NI RNAM PA DANG 'DZIN PA DANG GZUNG BAR BYA BA GSUM GA DANG, SHES RAB LAS GZHAN PA'I DMIGS BCAS THAMS CAD NI 'DZIN PA DANG GZUNG BAR BYA BA GNYIS DANG, DMIGS PA MED PA RNAMS NI GZUNG BAR BYA BA KHO NA YIN NO ZHES BYE BRAG TU SMRA BA RNAMS 'DOD DO, ,MDO SDE PA LA SOGS PA RNAMS NA RE GAL TE SHES RAB RNAM PAR 'DOD NA DE NYID GROGS SU LDAN PA'AM NGO BO YIN PAS RNAM PA DANG BCAS PA YIN, DANG PO LTAR NA SHES RAB NYID RNAM PA DANG BCAS PAR MI 'GYUR TE, SHES RAB SHES RAB DANG MTSUNGS PAR MI LDAN PA'I PHYIR RO, ,GNYIS PA LTAR NA SHES RAB LAS GZHAN PA'I MTSUNGS LDAN RNAMS RNAM PA DANG BCAS PA MA YIN PAR 'GYUR RO, ,DE DAG GANG YANG RUNG BAS RNAM PA DANG BCAS PA MA YIN PAR 'DOD NA YANG, SEMS DANG SEMS BYUNG DANG, ,RTEN DANG DMIGS DANG RNAM BCAS DANG, ,MTSUNGS PAR LDAN PA'ANG RNAM PA LNGA, ,ZHES 'DOD PA DANG 'GAL BAR 'GYUR RO, ,DE'I PHYIR DMIGS PA NI YUL DANG, RNAM PA NI BLO'I 'DZIN STANGS TE YUL GYI RNAM PA CAN (GYI SEMS SEMS BYUNG THAMS CAD) LA 'DOD DO ZHES ZER RO, ,YANG SHES PA BCU PO 'DI DAG GI NGO BO DGE MI DGE LUNG MA BSTAN GANG YIN ZHE NA, DANG PO KUN RDZOB SHES PA NI CI RIGS DGE MI DGE LUNG MA BSTAN RNAM PA GSUM CHAR YIN LA, SHES PA GZHAN DGU PO RNAMS NI DGE BA 'BA' ZHIG PA YIN NO, , ('DIR SEMS SHES ZAG BCAS KYANG SGOM BYUNG GZUNG LA LHAG MA NI LAM BDEN GYIS BSDUS SO ZHES GSUNG NGO, ,) BZHI PA NI SHES PA DANG PO KUN RDZOB SHES PA NI 'DOD PA NAS SRID RTZE'I BAR GYI SA RNAMS THAMS CAD NA YOD DE, (KHAMS GSUM LA DMIGS PA THAMS CAD DER 'DOD PAS SO, ,) BSAM GTAN DANG PO'I NYER BSDOGS LA SOGS PA BSAM GTAN SA DRUG NA CHOS SHES PA ZHES BYA BA YOD DE, SA DE DAG 'DOD PA'I SDUG BSNGAL LA SOGS PA ('I BDEN PA) LA DMIGS PA'I PHYIR DANG, GZUGS MED 'DOD PA LA MI DMIGS PA'I PHYIR MED DO, ,BSAM GTAN DRUG DANG GZUGS MED DANG PO GSUM STE ZAG MED SA DGU NA RJES SU SHES PA ZHES BYA BA YOD LA, DE YANG GZUGS MED DANG PO GSUM NA NI RJES SHES SGOM LAM GYIS BSDUS PA KHO NA YOD DO, ,JI LTAR RJES SHES SA DGU NA YOD PA DE BZHIN DU BDEN PA BZHI SHES PA DANG ZAD PA DANG MI SKYE BA SHES PA GNYIS TE DRUG KYANG SA DGU PO DE DAG NA YOD DO, ,'DIR YANG CHOS SHES KYIS BSDUS PA SA DRUG DANG RJES SHES KYIS BSDUS PA SA DGU CHAR NA YOD LA DE YANG GZUGS MED DANG PO GSUM NA YOD PA'I @669 BDEN PA BZHI SHES PA NI RJES SHES KYI PHYOGS SGOM LAM GYIS BSDUS PA KHO NA YOD DO, ,GZHAN GYI YID SHES PA NI BSAM GTAN GYI DNGOS GZHI BZHI KHO NA NA YOD KYI GZHAN NA MED DO, , ('DI MNGON SHES KYIS BSDUS LA, RNAM GNAS NI GZUGS LA RTZOM PAS DE NYER BSDOGS DANG GZUGS MED NA MED DO, ,) GZHAN GYI SEMS SHES DE NI 'DOD PA DANG GZUGS KYI RTEN CAN YIN GYI GZUGS MED PA LA RTEN PA NI MA YIN TE GANG ZAG PHAN TSUN YUL MA YIN PA'I PHYIR RO, , CHOS SHES PA ZHES BYA BA NI 'DOD PA'I RTEN CAN KHO NA YIN TE, 'DOD PA'I GNYEN PO YIN PA'I PHYIR KHAMS GONG MA GNYIS SU NI CHOS SHES MNGON DU MI BYED DE, CHOS SHES 'DOD PA LA DMIGS PA LA GZUGS MED 'DOD PA LA MI DMIGS PA'I PHYIR DANG, CHOS SHES NI GTZOR 'DOD PA SUN 'BYIN PA YIN NA GZUGS KHAMS SU SKYES PA NA 'DOD PA LA 'DOD CHAGS DANG BRAL BA DANG, SA 'PHOS PAS BTANG BAS DE SUN MI 'BYIN PA'I PHYIR RO, ,'DOD PAR SKYES PA NI 'DOD CHAGS DANG BRAL YANG 'DOD KHAMS KYI PHUNG PO'I LHAG MA LUS PA'I PHYIR CHOS SHES MNGON DU BYED DE ZHES KHA CIG ZER RO, , SLOB DPON 'DUN BZANG NA RE CHOS SHES NI 'DOD PA KHO NAR MNGON DU BYED KYI KHAMS GONG MA GNYIS SU NI MA YIN TE, CHOS SHES DE LA SNYOMS PAR 'JUG LDANG GI SEMS RNAMS 'DOD PA KHO NA NA YOD PA'I PHYIR RO, ,YANG NA CHOS SHES KYI RJES SU 'BRANG BA'I TSUL KHRIMS KYI RTEN 'DOD PA'I 'BYUNG BZHI YIN PAS DE DAG KHAMS GONG MA GNYIS NA MED PA'I PHYIR CHOS SHES 'DOD PA'I RTEN CAN KHO NA YIN NO ZHES ZER RO, , KHAMS GSUM PA'I RTEN CAN NI PHA ROL SEMS SHES DANG CHOS SHES LAS GZHAN PA'I SHES PA BRGYAD PO DAG YIN NO, , LNGA PA NI 'O NA SHES PA 'DI DAG DRAG PA NYER GZHAG GANG GI NGO BO YIN ZHE NA, 'GOG PA SHES PA'I BLO NI DRAN PA NYE BAR BZHAG PA GCIG KHO NA STE, DRAN PA NYER GZHAG BSTAN PA LAS, CHOS NI LUS DANG TSOR BA DANG SEMS DAG LAS GZHAN PA YIN NO ZHES 'BYUNG BAS CHOS DRAN PA NYER GZHAG KHO NA YIN PA'I PHYIR BA DANG SEMS DAG LAS GZHAN PA YIN NO ZHES 'BYUNG BAS CHOS DRAN PA NYER GZHAG KHO NA YIN PA'I PHYIR RO, ,PHA ROL GYI SEMS SHES PA'I BLO NI LUS LA MI DMIGS PAS DRAN PA NYER GZHAG PHYI MA GSUM MO, , 'GOG PA DANG PHA ROL SEMS SHES LAS GZHAN PA SHES PA LHAG MA BRGYAD NI CI RIGS PAR SDUG BSNGAL SHES PA LA SOGS PA DE DAG RES 'GA' LUS NAS RES 'GA' CHOS KYI BAR LA DMIGS SHING, LAM SHES PA'ANG GAL TE ZAG MED KYI SDOM PA LA DMIGS NA DE LUS DRAN PA NYER GZHAG TU'ANG 'GYUR BAS DRAN PA NYER GZHAG BZHI GA YIN NO, , (KUN RDZOB SHES PA NI THAMS CAD KYI YUL CAN YIN PA'I PHYIR,) @670 DRUG PA NI 'O NA SHES PA DE DAG PHAN TSUN GANG GIS DMIGS PAR GANG GYUR ZHE NA, CHOS SHES PA'I BLO'I SPYOD YUL TE DMIGS PA NI SHES PA DGU YIN TE, LAM LA CHOS SHES PA RJES SHES MA GTOGS PA'I ZAG MED KYI SHES PA BDUN LA DMIGS PA'I PHYIR DANG, SDUG BSNGAL DANG KUN 'BYUNG SHES PAS BSDUS PA'I CHOS SHES PAS KUN RDZOB SHES PA DANG GZHAN GYI SEMS SHES ZAG BCAS LA DMIGS PA'I PHYIR RO, ,LAM SHES PA'I BLO'I DMIGS PA'ANG SHES PA DGU YIN TE, DE NI ZAG MED KHO NA LA DMIGS PAR NGES PAS KUN RDZOB SHES PA MA GTOGS PA'I PHYIR RO, ,RJES SU SHES PA'I BLO'I DMIGS PA'ANG CHOS RJES BLO PHYOGS PHAN TSUN MIN ZHES 'BYUNG BAS CHOS SHES MA GTOGS PA'I SHES PA DGU YIN NO, ,SDUG BSNGAL DANG DE'I RGYU RNAM PA GNYIS GNYIS SU PHYE BAS SO, , KYIS BSDUS PA'I KUN RDZOB SHES PA DANG PHA ROL SEMS SHES ZAG BCAS GNYIS YIN NO, , KUN RDZOB SHES PA DANG GZHAN GYI SEMS SHES DANG ZAD PA SHES PA DANG MI SKYE BA SHES PA BZHI'I SPYOD YUL NI SHES PA BCU CHAR YIN TE, CI RIGS PAR THAMS CAD LA DMIGS PA'I PHYIR RO, ,DE YANG GZHAN NI GO SLA LA PHA ROL SEMS SHES ZAG MED KYI DMIGS PA NI SHES PA DGU YIN LA, ZAG BCAS KYI NI KUN RDZOB SHES PA DANG PHA ROL SEMS SHES ZAG BCAS YIN NO, ,GCIG GI STE 'GOG PA SHES PA GCIG PU'I DMIGS PA NI SHES PA THAMS CAD MIN TE, DE NI SO SOR BTAGS 'GOG KHO NA LA DMIGS LA DE NI SHES PA'I RANG BZHIN MA YIN PA'I PHYIR RO, ,SHES BYA'I CHOS THAMS CAD RNAM PA BCUR PHYE LA CHOS BCU PO DAG NI SHES PA DU ZHIG GI YUL DU 'GYUR BA SBYAR TE SHES PAR BYA'O, ,CHOS BCU PO GANG DAG CE NA, CHOS 'DUS BYAS LA 'DOD PA DANG GZUGS DANG GZUGS MED PA STE KHAMS GSUM PA'I CHOS DANG DRI MA MED PA'I CHOS TE RNAM PA BZHI DANG, 'DUS MA BYAS KYI CHOS RNAMS TE LNGA LA RE RE LA'ANG RNAM PA GNYIS GNYIS SU PHYE BAS SO, , JI LTAR ZHE NA DANG PO BZHI LA MTSUNGS LDAN DANG MTSUNGS LDAN MA YIN PA GNYIS GNYIS TE BRGYAD DANG, 'DUS MA BYAS LA SO SOR BA RTAGS 'GOG DGE BA DANG NAM MKHA' DANG BRTAGS MIN LUNG MA BSTAN YIN PAS GNYIS SU 'GYUR BA'I PHYIR RO, ,JI LTAR SBYAR ZHE NA, KUN RDZOB SHES PA'I YUL DU BCU PO THAMS CAD DANG, CHOS SHES KYI YUL DU 'DOD PA ('I CHOS GNYIS) DANG ZAG MED 'DUS BYAS KYI GNYIS GNYIS TE (CHOS SHES ZAG MED KYI CHA GNYIS TE,) BZHI DANG 'DUS MA BYAS DGE BA STE LNGA DANG, RJES SHES KYI YUL DU KHAMS GONG MA GNYIS DANG ZAG MED 'DUS BYAS KYI (MTSUNGS LDAN YIN MIN) GNYIS GNYIS TE DRUG DANG 'DUS MA BYAS DGE BA STE BDUN DANG, SDUG BSNGAL DANG KUN 'BYUNG SHES PA'I YUL DU KHAMS GSUM GYI @671 CHOS DRUG DRUG DANG, 'GOG PA SHES PA'I YUL DU 'DUS MA BYAS DGE BA GCIG PU DANG, LAM SHES PA'I YUL DU ZAG MED 'DUS BYAS KYI GNYIS DANG, PHA ROL SEMS SHES KYI YUL DU 'DOD GZUGS DANG ZAG MED KYI MTSUNGS LDAN GSUM DANG, ZAD PA DANG MI SKYE BA SHES PA'I YUL DU 'DUS MA BYAS LUNG MA BSTAN MA GTOGS PA DGU 'GYUR TE, SHES PA DE DAG GI DMIGS YUL SHES BYA DE DAG YIN PA'I PHYIR RO, , DES NA BYE BRAG TU SMRA BA LTAR NA NAM MKHA' DANG BRTAGS MIN GYI 'GOG PA NI BDEN BZHIR MA 'DUS PAR 'DOD DE, t'I KA BYED DAG GIS KYANG ZAD PA DANG MI SKYE BA SHES PA DAG NI BDEN PA BZHI LA DMIGS PA'I PHYIR LA, 'DUS MA BYAS LUNG DU MA BSTAN PA NI BDEN PA BZHI LA MA GTOGS PA'I PHYIR RO ZHES BSHAD DO, , GAL TE SHES PA GCIG GIS CHOS THAMS CAD CIG CAR SHES PAR 'GYUR BA YOD DAM ZHE NA, DE NI MED DE, MDO LAS, DGE SBYONG NGAM BRAM ZE YANG RUNG GANG CIG CAR THAMS CAD SHES PA'AM MTHONG BA DE NI 'GA' YANG MED DO ZHES 'BYUNG BA'I PHYIR RO, ,'ON KYANG KUN RDZOB SHES PA GCIG PUS RANG GI NGO BO DANG RANG GI TSOGS TE RANG DANG LHAN CIG 'BYUNG BA'I CHOS MTSUNGS LDAN DANG DE MA YIN PA LAS GZHAN PA'I CHOS THAMS CAD NI BDAG MED PA NYID DU SKAD CIG MA GCIG LA RIG PAR 'GYUR TE, MOS PAS SPYOD PA'I SA DAG THOS BSAM LAS BYUNG BA'I KUN RDZOB SHES PAS CHOS THAMS BDAG MED DO ZHES YID LA BYED PA'I PHYIR RO, ,SKAD CIG MA GNYIS PA'I YUL DU DANG PO'ANG 'GYUR BAS SKAD CIG MA GNYIS KYI YUL DU NI CHOS THAMS CAD 'GYUR RO, ,DE YANG 'DOD PA NA THOS BSAM GNYIS KA DANG GZUGS NA THOS BYUNG KHO NA'O, , RANG NYID NI YUL DU MI BYED DE, YUL DANG YUL CAN LA THA DAD KYIS KHYAB PA LA YUL DANG YUL CAN THA DAD MED PA'I PHYIR DANG, RANG NYID LA BYED PA 'GAL BA'I PHYIR TE, RAL GRIS RANG NYID MI GCOD PA BZHIN NO,, RANG DANG LHAN CIG 'BYUNG BA'I MTSUNGS LDAN RNAMS KYANG MI 'DZIN TE, DE DAG DANG DMIGS PA GCIG PAS RANG NYID LA'ANG DMIGS PAR 'GYUR BA'I PHYIR RO, ,RANG DANG LHAN CIG 'BYUNG BA LDAN PA MA YIN PA RNAMS KYANG ME 'DZIN TE HA CANG NYE BA'I PHYIR MIG SMAN DANG MIG SMAN GYI THUR MA BZHIN NO, ,KUN RDZOB SHES PA BSGOMS PA LAS BYUNG BAS NI CHOS THAMS CAD CIG CAR SHES PA MA YIN TE, GONG DANG 'OG MA'I SPYOD YUL CAN ZHES PA RNAM PAR CHAD PA LA DMIGS PA'I PHYIR DANG, GAL TE CIG CAR DMIGS NAS THAMS CAD LAS CIG CAR 'DOD CHAGS DANG BRAL BAR 'GYUR BA'I PHYIR RO, ,DES NA KUN RDZOB SHES PA SGOM BYUNG GIS NI SA THA DAD PA'I BDEN PA LA SO SOR NGES PA NYID DU DMIGS SO ZHES BYE BRAG TU SMRA BA @672 'DOD DO, , MDO SDE PA LA SOGS PA NI RANG RIG 'DOD PAS RANG GI TSOGS PA'ANG BDAG MED PAR SHES PAR 'DOD LA, THEG PA GONG MA PA NI SGOM BYUNG GIS KYANG CHOS THAMS CAD BDAG MED PA NYID DU SHES PA YIN LA CIG CAR 'DOD CHAGS DANG BRAL BA'ANG KHO BO CAG 'DOD PA YIN TE, 'DI LA BSAM PA'ANG BCAL BAR BYA DGOS SO ZHES 'DOD DO, , BDUN PA NI 'O NA GANG ZAG GANG ZHIG SHES PA DU DANG LDAN ZHE NA, RE ZHIG SO SO'I SKYE BO CHAGS BCAS DANG GZUGS MED KYI BYIS PA RNAMS NI KUN RDZOB SHES PA GCIG PU DANG LDAN LA 'DOD GZUGS KYI CHAGS BRAL ZHIG YIN NA NI PHA ROL SEMS SHES DANG YANG LDAN NO, ,'PHAGS PA NI CHAGS CAN TE 'DOD PA LAS 'DOD CHAGS DANG MA BRAL BA ZHIG YIN NA ZAG MED KYI YE SHES KYI SKAD CIG MA DANG PO SDUG BSNGAL LA CHOS SHES PA'I BZOD PA DANG LDAN PA LA NI DRI MED BZOD RNAMS SHES PA MIN ZHES 'BYUNG BAS BZOD PA NI SHES PA MA YIN LA SHES PA GZHAN YANG MI LDAN PAS KUN RDZOB SHES PA GCIG PU DANG LDAN NO, ,YE SHES SKAD CIG MA GNYIS PA SDUG BSNGAL LA CHOS SHES PA LA NI KUN RDZOB SHES PA DANG CHOS SHES PA DANG SDUG BSNGAL SHES PA STE GSUM DANG LDAN TE, 'DOD PA'I SDUG BSNGAL SHES PA DE NYID CHOS SHES KYANG YIN PA'I PHYIR RO, , DE YAN CHAD KYI SKAD CIG MA SDUG BSNGAL LA RJES SHES DANG KUN 'BYUNG DANG 'GOG PA DANG LAM LA CHOS SHES BZHI LA NI SNGAR GYI STENG DU RIM PA LTAR GONG MA'I SDUG BSNGAL DANG 'DOD PA'I KUN 'BYUNG DANG GNYEN PO 'GOG LAM GSAR DU SHES PAS RJES SHES DANG KUN 'BYUNG DANG 'GOG PA DANG LAM SHES PA RE RE 'PHEL PAS RIM PA LTAR BZHI DANG LNGA DANG DRUG DANG BDUN DANG LDAN NO, , GAL TE 'DOD PA LAS 'DOD CHAGS DANG BRAL BA ZHIG YIN NA NI SDUG BSNGAL LA CHOS BZOD NAS LAM LA CHOS SHES KYI BAR THAMS CAD DU PHA ROL SEMS SHES BSNAN TE LDAN PAR SHES PAR BYA'O, ,BZOD PA PHYI MA BDUN DANG RJES SHES PHYI MA GSUM LA NI SHES PA SNGAR MED GSAR DU 'PHEL BA MED DE, BZOD PA SHES PA MA YIN ZHING RJES SHES NI SNGAR DU BGRANGS ZIN PA'I PHYIR RO, ,KHA CIG LAM LA RJES SHES KYI CHE NA CHAGS BCAS LA LAM SHES PA DE NYID DANG CHAGS BRAL LA PHA ROL SEMS SHES DANG GNYIS LDAN GYI GZHAN NI MA YIN TE, 'BRAS BU THOB PAS SHES PA SNGA MA RNAMS BTANG BA'I PHYIR TE, 'PHAGS PA, 'BRAS BU THOB SBYANGS NYAMS PA LAS ZHES GSUNGS PA'I PHYIR RO, ,ZHES 'CHAD MOD KYI, t'I KA LAS NI, LAM LA RJES SU SHES PA LA NI 'DOD CHAGS DANG MA BRAL BA ZHIG YIN NA BDUN PO DE @673 DAG DANG LDAN NO, ,'DOD CHAGS DANG BRAL BA ZHIG YIN NA BRGYAD DE, DE DAG DANG GZHAN GYI SEMS SHES PA DANG LDAN NO ZHES BSHAD DO, ,DE BZHIN DU SGOM LAM LA GNAS PA'ANG CHAGS BCAS YIN NA PHA ROL SEMS SHES DANG ZAD PA DANG MI SKYE BA SHES PA MA GTOGS BDUN DANG, CHAGS BRAL YIN NA PHA ROL SEMS SHES BSNAN TE BRGYAD DANG LDAN NO, ,MI SLOB PA'I LAM LA GNAS PA NI SHES RAB KYIS RNAM GROL LA PHA ROL SEMS SHES MA GTOGS DGU DANG, GNYIS KA'I CHA LAS RNAM GROL LA BCU DANG LDAN NO ZHES SHES PAR BYA'O, , BRGYAD PA NI 'O NA GNAS SKABS GANG DU SHES PA DU 'THOB CE NA, MTHONG BA'I LAM LA NI BZOD PA BRGYAD DANG SHES PA BDUN PO JI LTAR SKYES PA RNAMS RANG RANG GI RIGS 'DRA BA MA 'ONGS PA 'THOB PAR 'GYUR TE, 'DI LTAR SDUG BSNGAL LA CHOS SHES PA'I BZOD PA SKYES PA NAS GANG LA BRTEN NAS SKYES PA DE NI DA LTAR BA DANG MA 'ONGS PA 'THOB PA LA SA GZHAN LA RTEN PA NI MA 'ONGS PA KHO NA 'THOB STE, DE YANG MI SKYE BA'I CHOS CAN DAG YIN GYI SKYE BA'I CHOS CAN NI MA YIN TE, MTHONG LAM LAN DU MA SKYES PAR THAL BA'I PHYIR RO, ,'GREL PA LAS, MTHONG BA'I LAM LA BZOD PA'AM SHES PA GANG DANG GANG SKYES PA DE DANG 'DRA BA MA 'ONGS PA DE'I RNAM PA BZHI KHO NA 'THOB PAR 'GYUR RO ZHES 'BYUNG BA'I RNAM PA BZHI NI DRAN PA NYER GZHAG BZHI YIN TE, RNAM PA RNAMS NI DRAN PA NYER GZHAG TU BSHAD PA'I PHYIR RO ZHES GSUNGS MOD KYI t'I KA LAS NI JI LTAR SKYES PA RNAMS 'THOB CES BYA BA NI GANG DANG GANG SKYES PA DE DAG 'THOB BO ZHES BYA PA'I THA TSIG STE, DPER NA SDUG BSNGAL LA CHOS SHES PA'I BZOD PA SKYES NA DE DANG 'DRA BA'I BZOD PA MA 'ONGS PA KHO NA 'THOB BO, ,DES RNAM PA BZHI ZHS BYA BA NI SKAL PA 'DRA BA'I PHYIR BZOD PA'I RNAM PA STE MI RTAG PA LA SOGS PA'I RNAM PA BZHI YIN GYI GZHAN NI MA YIN NO, ,DE BZHIN DU SDUG BSNGAL LA CHOS SHES PA SKYES NA DE NYID MA 'ONGS PA 'THOB CING DE'I (MI RTAG PA LA SOGS PA'I) RNAM PA BZHI KHO NA 'THOB BO, ,DE BZHIN DU SDUG BSNGAL LA RJES SU SHES PA'I BZOD PA LA SOGS PA LA'ANG SBYAR BAR BYA'O ZHES BDEN PA GANG DANG GANG GIS SHES BZOD YIN PA'I BDEN PA DE DANG DE'I RNAM PA MI RTAG PA LA SOGS PA KHO NA 'THOB CING, DE YANG BZOD SHES RNAMS NI SKAL MNYAM GYI RGYU MA THOB PAS DE DANG 'DRA BA KHO NA 'THOB LA RNAM PA NI BZHI GA'ANG DMIGS YUL BDEN PA MTSUNGS SHING 'DRA BAS BZHI CHAR GYI RIGS 'THOB PAR BSHAD DO,, SGOM LAM LA NI SHES PA RIGS 'DRA BA DANG MI 'DRA BA DANG DE DAG GI RNAM PA'ANG THAMS CAD MNGON SUM DU 'GYUR BA'I PHYIR THAMS CAD KYI RGYU 'THOB PAS MTHONG LAM LAS KHYAD PAR 'PHAGS PA'I RNAM PA MA @674 'ONGS PA 'THOB PAR 'GYUR RO, ,'O NA MTHONG BA'I LAM LA RIGS MI 'DRA BA MI 'THOB BAM ZHE NA, MTHONG BA'I LAM DE NYID LA SDUG BSNGAL DANG KUN 'BYUNG DANG 'GOG PA LA RJES SU SHES PA GSUM LA NI SNGON MA THOB PA LAS KUN RDZOB SHES PA'ANG 'THOB PA'I PHYIR MI 'DRA BA'ANG 'THOB BO, ,GSUM PO DE'I CHOS SHES LA NI 'THOB PA MA YIN TE, KHAMS GONG MA GNYIS KYI SDUG BSNGAL MA SHES SHING KUN 'BYUNG MA SPANGS LA 'GOG PA MNGON DU MA BYAS PAS BDEN PA ZAD PAR MA RTOGS PA'I PHYIR RO, ,BDEN PA GSUM PO RE RE ZAD PAR RTOGS PA'I RJES LA THOB PA DE NYID KYI PHYIR KUN RDZOB SHES PA DE NI MNGON PAR RTOGS PA'I MTHA' LAS BYUNG BA ZHES BYA'O, ,'DI LA'ANG SDUG BSNGAL DANG KUN 'BYUNG DANG, 'GOG PA LA RJES SU SHES PA RNAMS LA RIM PA LTAR BDEN PA GSUM PO DE DAG LA DMIGS PA'I RJES SU SHES PA THOB BO ZHES SHES PAR BYA'O, ,LAM LA RJES SHES LA NI KUN RDZOB SHES PA MI 'THOB STE, SNGON 'JIG RTEN PA'I LAM GYIS BDEN PA DANG PO GSUM RTOGS KYI KUN RDZOB SHES PAS LAM BDEN NI NAM YANG RTOGS MI SRID PA'I PHYIR RO, , 'DI NI BDEN PA ZAD PAR MNGON PAR RTOGS PA'I MTHA' LAS BYUNG BA YIN NA LAM NI ZAD PAR SGOM PAR MI NUS TE, NYAN RANG SANGS RGYAS GSUM GYI LAM GYI RIGS MANG ZHING DE DAG RE RE LA'ANG CHUNG 'BRING LA SOGS PA'I DBYE BA MANG BAS MTHA' MED PA'I PHYIR DANG, (GANG RUNG GCIG BSGOMS NA GANG RUNG BRTAGS MIN 'THOB PAS) DE DAG GANG ZAG GCIG GIS (DUS GCIG TU) SGOM PA'ANG MI SRID PA'I PHYIR RO, , MNGON PAR RTOGS PA ZHES BYA BA'ANG SDUG BSNGAL SHES PA NAS LAM SGOM PA'I BAR RANG GI BYA BA BYAS PA YIN NO, ,'O NA NI KUN 'BYUNG LA RJES SU SHES PA LA'ANG MI 'THOB PAR 'GYUR TE, KUN 'BYUNG MTHA' DAG MA SPANGS PA'I PHYIR RO ZHE NA, KUN 'BYUNG MTHONG SPANG NI MTHA' DAG SPANGS PA'I PHYIR 'THOB BO, ,LAM NI RIGS MANG BA'I PHYIR MTHONG SPANG GI GNYEN PO MTHA' DAG SGOM PAR MI NUS PA'I PHYIR MI 'THOB BO, , KHA CIG NA RE MNGON PAR RTOGS PA'I MTHA' LAS BYUNG BA'I KUN RDZOB SHES PA 'DI NI MTHONG LAM GYI 'KHOR YIN PA'I PHYIR MTHONG LAM LA BDEN PA GSUM GYI RJES KHO NA LA 'THOB KYI LAM GYI RJES LA NI MA YIN TE, LAM LA RJES SHES NI SGOM LAM YIN PA'I PHYIR RO ZHES ZER BA NI RIGS TE, DE NI SGOM LAM GYI 'KHOR YANG YIN PAS MTHONG LAM KHO NA'I 'KHOR YIN PA'I SGRUB BYED MED PA'I PHYIR RO, ,'O NA KUN RDZOB SHES PA MNGON PAR RTOGS PA'I MTHA' LAS BYUNG BA DE RES 'GA' MNGON DU BYED DAM ZHE NA, KUN RDZOB SHES PA DE NI GCIG TU MI SKYE BA'I CHOS CAN YIN PAS NAM YANG MNGON DU BYED PA NI MA YIN NO, ,DES NA MI SKYE BA'I CHOS CAN DAG DE DANG DER 'THOB BO ZHES 'DOD DE, MI SKYE BA'I CHOS CAN DAG YIN NA JI LTAR @675 'THOB PAR 'GYUR, 'THOB NA'ANG JI LTAR SKYE BAR MI 'GYUR TE, CHOS MED PA 'THOB PA 'GAL BA'I PHYIR RO, ,DE'I PHYIR MTHONG LAM LA MNYAM PAR BZHAG PAS BDEN BZHI LA DMIGS PA'I KUN RDZOB SHES PA RJES LAS THOB PA SKYE BAR NUS PA'I PHYIR KUN RDZOB SHES PA RNYED PA ZHES BRJOD DO ZHES SNGON GYI SLOB DPON DAG (SEMS TZAM GYIS 'DOD PAR) 'CHAD DO, ,DE'I PHYIR KUN LAS BTUS LAS KYANG, MTHONG BA'I LAM LA BDEN PA RNAM PAR 'JOG PA MNGON PAR RTOGS PA'I MTHA' LAS BYUNG BA'I KUN RDZOB SHES PA RNAMS 'THOB STE, MNGON DU BYED PA NI MA YIN NO, ,DE DAG NI SGOM PA'I LAM LA MNGON DU BYED DO ZHES BSHAD DO, , BYE BRAG TU SMRA BA RNAMS NA RE DE NI MTHONG LAM GYIS 'THOB PA YIN PAS SGOM LAM LA MNGON DU BYED PAR MI RIGS LA, KHO BO CAG LTAR NA MTHONG LAM DU DE DAG SKYE BA'I GO SKABS MED PAS MI SKYE BA'I CHOS CAN YIN NO ZHES BRJOD DO ZHES ZER RO, ,SA YANG MTHONG LAM SA GANG DAG YIN PA DE RANG GI SA PA'I KUN RDZOB SHES PA DANG 'OG SA'I KUN RDZOB SHES PAS 'THOB STE, GAL TE MTHONG LAM MI LCOGS MED LA BRTEN NA 'DOD PA DANG MI LCOGS MED KYIS BSDUS PA GNYIS KYIS KUN RDZOB SHES PA 'THOB PA NAS BSAM GTAN BZHI PA LA BRTEN NA 'DOD PA DANG BSAM GTAN SA DRUG STE SA BDUN GYIS BSDUS PA'I KUN RDZOB SHES PA THOB PA'I BAR DU SBYAR RO, ,'O NA DE DRAN PA NYER GZHAG DU DAG CIG YIN ZHE NA, 'GOG PA MNGON PAR RTOGS PA'I MTHA' LAS BYUNG BA'I KUN RDZOB SHES PA NI DRAN PA NYER GZHAG BZHI'I THA MA CHOS DRAN PA NYER GZHAG YIN TE, DE NI 'GOG BDEN LA DMIGS LA DE YANG CHOS KHO NAR NGES PA'I PHYIR RO, ,SDUG BSNGAL DANG KUN 'BYUNG MNGON PAR RTOGS PA'I MTHA' LAS BYUNG BA NI DE DAG LA LUS LA SOGS PA YOD PAS DRAN PA NYER GZHAG BZHI GA YIN NO, , MNGON PAR RTOGS PA'I MTHA' LAS BYUNG BA'I KUN RDZOB SHES PA DE NI SDUG BSNGAL NAS 'GOG PA'I BAR GYI BDEN PA GANG ZHIG MNGON PAR RTOGS PAS THOB PA'I RANG RANG GI BDEN PA DE'I RNAM PA CAN DANG DMIGS PA'ANG RANG RANG GI BDEN PA DE NYID YIN TE, SDUG BSNGAL MNGON PAR RTOGS PA'I MTHA' LAS BYUNG BA'I RNAM PA MI RTAG PA LA SOGS PA DANG DMIGS PA'ANG SDUG BSNGAL NYID YIN PA LA SOGS PA'O, , DE YANG SKYES THOB MA YIN GYI SBYOR BA 'BAD RTZOL LAS BYUNG BA YIN TE, MTHONG LAM SGOM PA'I STOBS KYIS 'THOB PA'I PHYIR RO, ,DE YANG 'KHOR DANG BCAS NA NI 'DOD PA DANG GZUGS NA SPYOD PA'I KUN RDZOB SHES PA GNYIS RIM PA LTAR BSAM GTAN GYI SDOM PA'I GZUGS RJES SU 'BRANG BA MED PA DANG YOD PA'I PHYIR @676 PHUNG PO BZHI PA DANG LNGA PA YIN NO, ,BSGOM PA'I LAM LA SHES PA DU 'THOB BSHAD PA NI 'DOD PA LAS 'DOD CHAGS DANG BCAS PA SKAD CIG MA BCU DRUG PA LAM LA RJES SHES LA GNAS PA LA NI BDEN PA BZHI SHES DANG CHOS SHES RJES SHES DANG DRUG 'THOB STE, DE YANG MTHONG SPANG LAS RNAM PAR GROL BA'I SHES PA YIN GYI SGOM SPANG LAS GROL BA NI MA YIN TE, 'BRAS BU LA GNAS PA TZAM PO YIN PA'I PHYIR RO, ,DE YANG LAM LA RJES SHES NI LAM SHES PA DANG RJES SHES GNYIS KA'I NGO BO YIN PA'I PHYIR LAM SHES PA DANG RJES SHES GNYIS NI DA LTAR BYUNG BA YIN LA SHES PA GZHAN BZHI NI MA 'ONGS PA KHO NA 'THOB BO, ,SA NI CHAGS BCAS YIN PAS MI LCOGS MED KYIS BSDUS PA YIN LA, MTHONG BA RDZOGS PAS BSKYED PA'I PHYIR SKAL MNYAM GYI RGYU RGYAS PA LAS 'THOB BO, , PHA ROL SEMS SHES DANG KUN RDZOB SHES PA DANG ZAD PA DANG MI SKYE BA BZHI MI 'THOB PA NI RIM PA LTAR 'DOD PA LAS CHAGS BCAS YIN PA'I PHYIR DANG, SNGON RNYED MI 'THOB BO ZHES PAS SNGON RNYED ZIN PA'I PHYIR RAM, YANG NA MNGON PAR RTOGS PA'I MTHA' MED PA'I PHYIR DANG, SLOB PA YIN PA'I PHYIR RO, , 'DOD PA LAS 'DOD CHAGS DANG BRAL BA NAS CI YANG MED PA LAS 'DOD CHAGS DANG BRAL BA'I BAR CI RIGS PA'I GANG ZAG SKAD CIG MA BCU DRUG PA LAM LA RJES SHES LA GNAS PAS NI SNGAR GYI DRUG DANG PHA ROL SEMS SHES DANG BDUN 'THOB STE, DE LA'ANG SA NI GANG LA RTEN PA DE'I RANG SA DANG 'OG SAS BSDUS PA 'THOB PAR SHES PAR BYA'O, ,SNGA MA LTAR NA DA LTAR BA NI GNYIS DANG LNGA NI MA 'ONGS PA 'THOB BO, , SNGON RNYED ZIN PA DANG SLOB PA YIN PAS GZHAN GSUM NI MI 'THOB BO, ,SKAD CIG MA BCU DRUG PA LAM LA RJES SU SHES PA DE'I GONG MA 'DOD PA LA CHAGS BCAS KYI BSGOM PA'I LAM LA NI SBYOR BA DANG BAR CHAD MED PA DANG RNAM GROL DANG KHYAD PAR CAN GYI LAM THAMS CAD LA CHOS SHES RJES SHES DANG BDEN PA BZHI SHES DANG KUN RDZOB SHES PA DANG BDUN 'THOB BO, , DE YANG GAL TE SGOM LAM 'JIG RTEN PA ZHI RAGS KYI RNAM PA CAN ZHIG YIN NA NI KUN RDZOB SHES PA DA LTAR BYUNG BA DANG, 'ON TE 'JIG RTEN LAS 'DAS PA ZHIG YIN NA NI RJES SHES 'DOD PA'I GNYEN PO MA YIN LA CHOS SHES 'DOD PA'I GNYEN PO YIN PAS CHOS SHES DANG BDEN PA BZHI SHES GANG RUNG GCIG DA LTAR BYUNG BA YIN LA GZHAN DAG NI MA 'ONGS PA 'THOB STE, RANG RANG GI RIGS KYI SKAL MNYAM GYI RGYU RGYAS PA'I PHYIR RO, ,CHAGS BCAS DANG SLOB PA YIN PAS GZHAN GSUM NI MI 'THOB BO, , SLOB PA BSAM GTAN BZHI DANG GZUGS MED PA GSUM STE SA BDUN GYI NYON MONGS PA LAS RGYAL BA STE @677 'DOD CHAGS DANG 'BRAL BAR BYED PA'I BAR CHAD MED PA'I LAM LA NI SHES PA SNGAR BSHAD PA BDUN PO KHO NA 'THOB STE, DE YANG GAL TE 'JIG RTEN PA'I SGOM LAM YIN NA NI KUN RDZOB SHES PA DA LTAR BYUNG BA GZHAN DRUG MA 'ONGS PA 'THOB LA, PHA ROL SEMS SHES DANG ZAD PA DANG MI SKYE BA SHES PA MI 'THOB STE, BAR CHAD MED PA'I LAM LA BKAG PA'I PHYIR DANG SLOB PA YIN PA'I PHYIR RO, ,'ON TE 'JIG RTEN LAS 'DAS PA'I LAM YIN NA NI 'DI GNYIS CI RIGS KHAMS GSUM GYI GNYEN POR RUNG BAS 'GOG PA DANG LAM LA CHOS SHES PA GANG YANG RUNG BA'AM, KHAMS GONG MA'I GNYEN PO YIN PAS RJES SHES DANG BDEN PA BZHI SHES LAS GANG RUNG ZHIG DA LTAR BA DANG GZHAN DAG NI MA 'ONGS PA 'THOB BO, , BAR CHAD MED PA'I LAM DANG SLOB PA YIN PAS GZHAN GSUM NI MI 'THOB BO, ,SLOB PA ZHIG MNGON PAR SHES PA DANG PO LNGA THOB PAR BYED PA'I BAR CHAD MED PA'I LAM LA'ANG SHES PA BDUN 'THOB STE, DE YANG 'DOD PA LAS 'DOD CHAGS DANG BRAL BA ZHIG GIS 'THOB NA SNGAR BSHAD PA LTAR YIN LA SBYOR BA'I STOBS KYIS 'THOB NA NI KUN RDZOB SHES PA DA LTAR BA YIN NO, ,MI SLOB PAS MNGON PAR SHES PA 'THOB PAR BYED PA LA NI MI G-YO BA LA DGU DANG GZHAN LA NI BRGYAD 'THOB PAR 'GYUR RO, ,RAB TU RTOGS PA'I SKAL BA CAN ZHIG MI G-YO BA 'THOB PAR BYED PA'I BAR CHAD MED PA'I LAM LA'ANG CHOS SHES RJES SHES DANG BDEN PA BZHI SHES DANG ZAD SHES DANG BDUN 'THOB PA LAS CHOS SHES RJES SHES GANG RUNG ZHIG DANG BDEN PA BZHI SHES GANG RUNG ZHIG DANG ZAD PA SHES PA DANG GSUM DA LTAR BA DANG GZHAN NI MA 'ONGS PA 'THOB BO, , SNYING PO ZAG MED KYI DBANG PO 'PHO BA'I PHYIR DANG, BAR CHAD MED LAM YIN PAS GZHAN GSUM NI MI 'THOB STE, KUN RDZOB SHES PA ZAG BCAS YIN PAS DBANG PO RTUL PO DANG SRID RTZE'I GNYEN PO MA YIN PA DANG, SHES PA GZHAN GNYIS RNAM GROL GYI LAM YIN PA'I PHYIR RO, ,SLOB PA ZHIG BSAM GTAN ZAG BCAS DANG ZAG MED SPEL MAR BSGOM PA'I BAR CHAD MED PA'I LAM DAG LA'ANG BDUN 'THOB STE, 'DI LA'ANG ZAG MED LA NI 'GOG LAM LA CHOS SHES PA GNYIS GANG RUNG NGAM RJES SHES DANG BDEN PA BZHI SHES LAS GANG RUNG ZHIG DA LTAR BYUNG BA DANG GZHAN NI MA 'ONGS PA 'THOB BO, ,ZAG BCAS LA NI KUN RDZOB SHES PA DA LTAR BYUNG BA YIN NO, ,SA BDUN LAS 'DOD CHAGS DANG BRAL BA'I GONG MA SRID RTZE LAS 'DOD CHAGS DANG BRAL BA'I RNAM PAR GROL BA'I LAM BRGYAD LA'ANG CHOS SHES RJES SHES DANG BDEN PA BZHI SHES @678 DANG PHA ROL SEMS SHES DANG BDUN 'THOB STE, BDUN PO DE LA'ANG 'GOG LAM LA CHOS SHES GNYIS GANG RUNG NGAM RJES SHES DANG BDEN PA BZHI SHES LAS GANG RUNG ZHIG DA LTAR BYUNG BA YIN LA GZHAN DAG NI MA 'ONGS PA 'THOB BO, , SRID RTZE'I GNYEN PO MA YIN PA DANG, SLOB PA YIN PAS GZHAN GSUM NI MI 'THOB BO, ,SLOB PA ZHIG DBANG PO RTUL PO RNON POR SBYONG BA'I RNAM PAR GROL BA'I LAM LA NI GAL TE CHAGS BCAS YIN NA CHOS SHES RJES SHES DANG BDEN PA BZHI SHES TE SHES PA DRUG DANG 'ON TE CHAGS BRAL ZHIG YIN NA PHA ROL SEMS SHES BSNAN NAS BDUN 'THOB CING, DA LTAR BYUNG BA NI CHOS SHES DANG BDEN PA BZHI SHES LAS GANG YANG RUNG BA ZHIG DANG GNYIS YIN LA GZHAN DAG NI MA 'ONGS PA 'THOB BO, ,'AM ZHES BYA BA NI LUGS GZHAN STON PA STE, KHA CIG 'DI NI MTHONG LAM DANG 'DRA BA'I PHYIR JI LTAR MTHONG LAM GYIS 'BRAS BU GSUM DANG KUN RDZOB SHES PA 'THOB PA LTAR 'DI LA'ANG MNGON PAR RTOGS PA'I MTHA' LAS BYUNG BA'I KUN RDZOB SHES PA'ANG 'THOB PA'I PHYIR (DE GNYIS KYIS) BDUN (DANG BRGYAD) 'THOB BO ZHES 'DOD PA BSTAN PA'I PHYIR RO, , KHA CIG NI SNGAR RTOGS ZIN PAS MNGON PAR RTOGS PA'I MTHA' MED PA'I PHYIR DANG, MTHONG LAM NI 'THOB PAR BYED PA YIN LA 'DI NI THOB ZIN PA'I PHYIR MTHONG LAM DANG 'DRA BA'ANG MA YIN NO, ,'ON KYANG SBYOR BA'I LAM LA NI CHAGS BCAS DANG CHAGS BRAL GNYIS KAS KYANG KUN RDZOB SHES PA'ANG 'THOB BO ZHES 'DOD DO, ,SLOB PA DBANG PO SBYONG BA'I BAR CHAD MED PA'I LAM LA NI CHAGS BCAS CHAGS BRAL GNYIS KAS CHOS SHES RJES SHES DANG BDEN PA BZHI SHES DANG DRUG 'THOB KYI, 'DIR YANG BAR CHAD MED LAM DANG SLOB PA YIN PAS SHES PA GSUM MI 'THOB LA, KUN RDZOB SHES PA'ANG MI 'THOB STE, MTHONG LAM DANG 'DRA BA'I PHYIR RO, ,JI LTAR 'DRA ZHE NA, JI LTAR MTHONG LAM GYIS 'BRAS BU DANG PO GSUM GANG RUNG ZHIG 'THOB PA LTAR 'DIS KYANG BAR CHAD MED PA'I LAM GYIS SLOB PA DBANG PO SBYONG BA NA 'BRAS BU DANG PO GSUM PO DBANG PO RNON POS BSDUS PA 'DUS BYAS BYAS GANG RUNG ZHIG 'THOB LA, YANG MTHONG LAM BAR CHAD MED PA'I LAM BZOD PA RNAMS LA KUN RDZOB SHES PA MI 'THOB PA LTAR 'DIR YANG DE DANG 'DRA'O,, JI LTAR SLOB PA DBANG PO SBYONG BA'I BAR CHAD MED PA'I LAM LA SHES PA DRUG 'THOB PA DE BZHIN DU SRID RTZE'I NYON MONGS PA LAS RNAM PAR RGYAL BA STE 'DOD CHAGS DANG BRAL BAR BYED PA'I BAR CHAD MED PA'I LAM RNAMS LA'ANG SHES PA DRUG PO DE DAG NYID 'THOB KYI SRID RTZE'I GNYEN PO MA YIN ZHING SLOB PA'I BAR @679 CHAD MED LAM YIN PAS GZHAN MI 'THOB PA NI SNGAR BZHIN NO, ,SRID RTZE'I RNAM GROL GYI LAM DGU PA ZAD PA SHES PA LA NI DBANG PO RTUL PO LA NYAMS PA SRID PAS MI SKYE BA SHES PA MA GTOGS PA SHES PA DGU 'THOB CING, MI G-YO BA'I CHOS CAN GYIS NI MI SKYE BA SHES PA'ANG 'THOB PAS BCU 'THOB LA, MI G-YO BA DER DBANG PO 'PHO BA'I RNAM PAR GROL BA'I LAM THA MA LA'ANG BCU PO THAMS CAD 'THOB BO, ,'DI DAG LA SDUG BSNGAL DANG KUN 'BYUNG SHES PA GANG RUNG ZHIG DANG RJES SHES DANG ZAD PA DANG MI SKYE BA SHES PA GANG RUNG ZHIG STE GSUM NI DA LTAR BYUNG BA YIN LA GZHAN DAG NI MA 'ONGS PA 'THOB BO, , SNGAR BSHAD PA'I LHAG MA 'DOD PA LAS 'DOD CHAGS DANG BRAL BA'I RNAM GROL GYI LAM DGU PA DANG, SA BDUN LAS 'DOD CHAGS DANG BRAL BA'I RNAM PAR GROL BA DANG, MNGON PAR SHES PA DANG, SPEL MA SGOM PA DANG, MI G-YO BA RTOGS PAR BYED PA GSUM GYI RNAM PAR GROL BA'I LAM DANG PO BRGYAD PO RNAMS DANG, DE BZHIN DU SNGAR MA SMOS PA 'DOD PA LAS 'DOD CHAGS DANG BRAL BA'I PHYIR MI 'ONG BA'I SBYOR BA DANG KHYAD PAR CAN GYI LAM RNAMS LA NI ZAD PA DANG MI SKYE BA SHES PA MA GTOGS PA SHES PA BRGYAD BRGYAD MA 'ONGS PA 'THOB STE SLOB PA'I DBANG DU BYAS PA'O, ,MI SLOB PA NI MNGON PAR SHES PA DANG SPEL MA SGOM PA DANG MI G-YO BA RTOGS PAR BYED PA'I BAR CHAD MED PA'I LAM LA DUS KYI RNAM GROL YIN NA PHA ROL SEMS SHES DANG MI SKYE BA SHES PA MA GTOGS PA BRGYAD 'THOB LA, MI G-YO BA'I CHOS CAN ZHIG YIN NA NI BAR CHAD MED LAM LA BKAG PAS PHA ROL SEMS SHES MA GTOGS PA DGU 'THOB BO, ,MNGON PAR SHES PA DANG SPEL MAR SGOM PA DANG MI G-YO BA RTOGS PAR BYED PA'I SBYOR BA DANG RNAM PAR GROL BA DANG KHYAD PAR CAN GYI LAM RNAMS LA DUS KYI RNAM GROL GYIS MI SKYE BA SHES PA MA GTOGS PA DGU DANG, MI G-YO BAS BCU PO THAMS CAD 'THOB BO, ,DE YANG, MIG DANG RNA BA'I MNGON SHES NI, ,LUNG DU MA BSTAN ZHES 'BYUNG BAS LHA'I MIG DANG RNA BA'I MNGON SHES GNYIS KYIS NI RNAM GROL GYI LAM YANG LUNG MA BSTAN YIN LA LUNG MA BSTAN LA NI MA 'ONGS PA 'THOB PA MED DO, ,DE DAG NI MI SLOB PA'I DBANG DU BYAS PA'O, ,SO SO'I SKYE BO 'DOD PA DANG BSAM GTAN SNGA MA GSUM LAS 'DOD CHAGS DANG BRAL BA'I RNAM GROL GYI LAM THA MA RNAMS LA NI RIM PA LTAR BSAM GTAN DANG PO DANG GNYIS PA DANG GSUM PA DANG BZHI PA'I SAS BSDUS PA'I KUN RDZOB SHES PA DANG PHA ROL SEMS SHES MA 'ONGS PA 'THOB BO, , BSAM GTAN BZHI PA LAS 'DOD CHAGS DANG BRAL BA'I RNAM GROL GYI LAM DGU PA LA NI NAM MKHA' MTHA' YAS SKYE MCHED KYI DNGOS GZHI BSDUS PA'I KUN RDZOB SHES PA 'THOB KYI PHA ROL SEMS SHES NI MI @680 'THOB STE, DE NI GZUGS LA BRTEN NAS BSGRUB PAR BYA BA YIN PAS GZHAN GYI SEMS SHES GZUGS MED KYI SAS BSDUS PA MED PA'I PHYIR RO, ,DE BZHIN DU GZUGS MED LHAG MA RNAMS LA'ANG SHES PAR BYA'O, , BSAM GTAN GYI DNGOS GZHI'I SA PA'I SBYOR BA'I LAM RNAMS DANG, LHA'I MIG DANG RNA BA'I MNGON SHES MA GTOGS PA'I MNGON SHES GSUM GYI RNAM GROL GYI LAM DANG CHAD MED DANG RNAM THAR ZIL GNON DANG ZAD PAR GYI SKYE MCHED LA SOGS PA YON TAN MNGON PAR SGRUB PA'I RNAM GROL GYI LAM LA NI KUN RDZOB SHES PA DANG PHA ROL SEMS SHES GNYIS KA 'THOB STE, DE DAG NI BSAM GTAN GYI DNGOS GZHI LA RTEN PA'I PHYIR RO, , MNGON SHES SPRUL PA MA GTOGS SO ZHES BYA BA NI BSAM GTAN DGE BA'I STOBS KYIS DE DAG MA 'ONGS PA 'THOB PAR BSHAD PA YIN LA, 'DIR DE DAG GI MA 'ONGS PA MI 'THOB PAR 'DOD DO, ,NGES 'BYED CHA MTHUN DAG LA NI BSAM GTAN GYI SA PA DAG GIS KYANG PHA ROL SEMS SHES 'THOB PA MED DE, MTHONG LAM GYI 'KHOR YIN PA'I PHYIR TE, JI LTAR MTHONG LAM LA PHA ROL SEMS SHES MI 'THOB PA LTAR DE'I 'KHOR LA'ANG MI 'THOB BO SNYAM DU BSAMS PA'O, ,DE YANG SO SO'I SKYE BO 'DOD PA DANG BSAM GTAN SNGA MA GSUM LAS 'DOD CHAGS DANG BRAL BA'I RNAM GROL GYI LAM THA MA MA GTOGS PA DANG SBYOR BA DANG BAR CHAD MED PA DANG KHYAD PAR CAN GYI LAM DANG MNGON SHES GSUM DANG CHAD MED PA LA SOGS PA YON TAN MNGON PAR SGRUB PA DAG GI BAR CHAD MED PA'I LAM RNAMS LA NI KUN RDZOB SHES PA KHO NA MA 'ONGS PA 'THOB KYI GNYEN PO MA YIN PAS PHA ROL SEMS SHES NI MI 'THOB BO ZHES t'I KA LAS 'CHAD DO, , 'O NA ZAG BCAS ZAG MED KYI LAM GANG LAS DU PA'I SHES PA 'THOB CE NA, DE LA LAM GNYIS LAS DANG PO 'JIG RTEN PA'I LAM LA NI MI LCOGS MED LA BRTEN NAS 'DOD PA LAS 'DOD CHAGS DANG BRAL NAS BSAM GTAN DANG PO'I DNGOS GZHI 'THOB PA NA RNAM GROL GYI LAM DGU PA LA BSAM GTAN DANG PO'I NYER BSDOGS DANG DNGOS GZHIS SDUS PA'I KUN RDZOB SHES PA 'THOB PA NAS SRID RTZE'I NYER BSDOGS LA BRTEN NAS CI YANG MED PA LAS 'DOD CHAGS DANG BRAL NAS SRID RTZE'I DNGOS GZHIS 'THOB PA NA RNAM GROL GYI LAM DGU PA LA SRID RTZE'I NYER BSDOGS DANG DNGOS GZHIS BSDUS PA'I KUN RDZOB SHES PA 'THOB PA'I BAR DU SBYAR RO, , GNYIS PA 'JIG RTEN LAS 'DAS PA'I LAM LA NI SA BSAM GTAN GNYIS PA LTA BU GANG LAS 'DOD CHAGS DANG BRAL BAR BYA BA'I PHYIR GNYIS PA'I SAS BSDUS PA'I ZAG MED KYI BSAM GTAN GNYIS PA GANG ZHIG THOB PA DER YANG 'OG MA BSAM GTAN DANG PO'I NYER BSDOGS DANG DNGOS GZHI KHYAD @681 PAR CAN DANG RNAM GROL DGU BA'I CHE BSAM GTAN GSUM PA'I SAS BSDUS PA'I ZAG PA MED PA'ANG 'THOB STE, GNYEN PO'I RIGS RGYAS PA'I PHYIR RO, ,DE BZHIN DUS GZHAN GYI ZAG MED LA'ANG SBYAR BAR BYA'O, , GANG GIS ZAD PA SHES PA 'THOB PA DE LA NI ZAG PA DANG BCAS PA'I YON TAN MI SDUG PA DANG DBUGS 'BYUNG RNGUB DRAN PA DANG DRAN PA NYER GZHAG DANG TSAD MED DANG RNAM THAR ZIL GNON DANG ZAD PAR LA SOGS PA RNAMS KYANG 'THOB BO, ,DE YANG SA KUN GYIS BSDUS PA'I YON TAN 'THOB STE, DE YANG 'DOD CHAGS DANG BRAL BAS THOB PA RNAMS 'THOB KYI SBYOR BAS THOB PA RNAMS NI MA YIN TE, DE DAG NI BSAM GTAN GYI STOBS KYIS BSKYED PAR BYA BA YIN PA'I PHYIR RO, ,'DOD CHAGS DANG BRAL BAS THOB PA RNAMS NI DAR GYI SPREG MA THAG PA BCAD PA'AM RGYAL SRID CHEN PO THOB NA 'BUL BA DANG BCAS PAS YUL MI RNAMS KYIS BSU BA BYED PA BZHIN DU RDO RJE LTA BU'I TING NGE 'DZIN GYIS NYON MONGS PA'I THOB PA BCAD PA DANG SEMS KYI RGYAL SRID CHEN PO THOB PA LA YON TAN GYI TSOGS RNAMS KYI THOB PAS BSU BA'I PHYIR RO, ,YON TAN DE DAG KYANG 'DOD PA DANG GZUGS DANG GZUGS MED PA'I RTEN CAN GYI DGRA BCOM YIN NA RIM PA LTAR KHAMS GSUM CHAR GYIS BSDUS PA DANG KHAMS GONG MA GNYIS DANG GZUGS MED KYIS BSDUS PA KHO NA 'THOB LA DE BZHIN DU SA'I SGO NAS KYANG RTOGS PAR BYA'O, ,DE YANG SNGON RNYED ZIN PA NI MI 'THOB STE, DE NI THOB ZIN PA'I PHYIR DANG (DMAN PA'I PHYIR DANG,) THOB PA BTANG BA YIN NA 'DAS PA MI 'THOB PA'I PHYIR RO, ,SLOB DPON 'DUN BZANG NI THOB PA BTANG BA DE DAG SNGON 'DRIS PAR BYAS PAS SNGON DU 'GYUR KYANG MA 'ONGS PA NI MI 'THOB STE STOBS NYAMS PA'I PHYIR RO ZHES 'DOD DO, ,SLOB DPON DBYIG BSHES NI SNGON RNYED PA DAG DA LTA MI LDAN PA LAS RNYED NA BTANG YANG MA 'ONGS PA 'THOB PAR 'DOD LA, KHA CIG NI BTANG BA RNAMS NI MA 'ONGS PA MI 'THOB KYI, MA BTANG NA MA 'ONGS PA 'THOB BO ZHES 'DOD DE, 'DI DAG NI GZHI MED PAR KHYAD PAR GYI CHOS LA DPYOD PA YIN NO, ,CI THOB PA RNYED PA KHO NA YIN NAM ZHE NA, THOB PA NI RNAM PA BZHI STE, RNYED PA DANG, BSTEN PA DANG, GNYEN PO DANG, THAG SRING BA 'THOB PA'O, ,DE LA RNYED PA 'THOB PA ZHES BYA BA NI DGE BA 'DUS BYAS RNAMS (GOMS PAS DE DAG MA 'ONGS PA RNAMS,) KYIS GSAR DU RNYED PA'O (LTA BU,) BSTEN PA 'THOB PA ZHES BYA BA NI DGE BA 'DUS BYAS (THOB ZIN) RNAMS KYIS YANG DANG YANG DU MNGON DU BYAS PA'I THOB PA'O, ,DE YANG DA LTAR BA'I CHOS LA NI RNYED PA DANG BSTEN PA GNYIS YOD LA MA 'ONGS PA LA RNYED PA 'BA' ZHIG DANG 'DAS PA LA GNYIS KA MED DO, ,GNYEN PO 'THOB PA DANG THAG SRING BA 'THOB PA NI ZAG PA DANG BCAS PA'I CHOS RNAMS KYIS @682 GNYEN PO 'THOB PA DANG DE DAG SPANGS PA THAG SRING BA YIN TE, RIM PA LTAR LUS SEMS LA 'DOD CHAGS DANG BRAL BAR BYED PA DANG, NYON MONGS PA'I THOB PA GCOD PA'O, ,DE LTAR NA DGE BA ZAG BCAS RNAMS KYIS NI THOB PA BZHI CHAR YIN NO, ,DE YANG DANG PO GNYIS NI DGE BA ZAG BCAS RANG GIS 'THOB PA YIN LA PHYI MA GNYIS NI DE DAG GI GNYEN PO DANG RNAM GROL THOB PA LA DE DAG GI THOB PA ZHES BTAGS NAS BRJOD PA YIN NO, ,ZAG MED KYI NI 'THOB PA DANG PO GNYIS YIN GYI PHYI MA GNYIS NI MA YIN TE, ZAG MED LA GNYEN PO MED PA'I PHYIR DANG, DE NYID KYIS THAG SRING BA'ANG MED PA'I PHYIR RO, ,NYON MONGS CAN BSGRIBS LA LUNG MA BSTAN RNAMS KYIS NI GNYEN PO 'THOB PA DANG SPANGS PA THAG SRING BA'I THOB PA GNYIS YIN TE, SHES PA KHA CIG NI DE DAG GI GNYEN PO YIN PA'I PHYIR DANG, KHA CIG NI DE DAG THAG SRING BA YIN PA'I PHYIR DANG, 'DIR GANG CUNG ZAD BSHAD PA'I THOB PA'I DBYE BA NI SHES PA'I THOB PA LA BRTZAMS NAS BSHAD PA'I PHYIR DANG, SPYIR THOB PA'I DBYE BA YANG SNGAR BSHAD ZIN PA'I PHYIR RO, ,'O NA NI KUN RDZOB SHES PA MI DGE BA DANG LUNG MA BSTAN YOD PAS DE DAG RNYED PA DANG BSTEN PA'I THOB PA'ANG YOD PA'I PHYIR DE DAG GI THOB PA BZHIR 'GYUR RO ZHE NA, DE LTA MOD KYI PHAL CHE BA'I DBANG DU BYAS NAS DE DAG GI THOB PA GNYIS YIN PAR BSTAN TO, ,NYI 'OG PA RNAMS NI SDOM PA 'THOB PA DANG, RNAM PAR 'JIG PA 'THOB PA GNYIS BSNAN NAS DRUG TU 'DOD DE, DANG PO NI MDO LAS, DBANG PO DRUG PO 'DI DAG SHIN TU DUL BA DANG SHIN TU BSGOMS PA ZHES GSUNGS PA MIG SOGS DBANG PO DRUG GI SGO SDOM PA DRAN SHES BZHIN GYI BDAG NYID YIN LA, GNYIS PA NI LUS LA DMIGS PA'I NYON MONGS PA THAG SRING BA STE PHYI NANG GI LUS DRAN PA NYER GZHAG 'THOB PA YIN NO, , KHA CHE BA RNAMS NI DE DAG KYANG RIM PA LTAR PHYI MA GNYIS KYI NANG DU 'DUS SO ZHES ZER RO, ,YANG NA GNYIS KA'ANG GNYIS KA'I KHONGS SU 'DUS SO ZHES BYAS KYANG 'GAL BA MED DO ZHES RGYAL PO'I SRAS 'CHAD DO,, (GSUM) DE DAG GI YON TAN BSHAD PA, DA NI GSUM PA DE DAG GI YON TAN STON TE, DE YANG SNGAR NI ZAD PA SHES LA ZAG BCAS KYANG ZHES NYAN RANG SANGS RGYAS RNAMS KYI ZAD SHES KYI SKAD CIG LA THOB PA'I YON TAN SPYIR BSHAD LA, 'DIR NI SANGS RGYAS KYI YON TAN THUN MONG MA YIN PA DANG THUN MONG GNYIS LAS, @683 DANG PO LA'ANG GSUM LAS MDOR BSTAN PA NI RNAM BSHAD RIGS PA LAS, GTI MUG GNYID GNYIS SANGS PHYIR DANG, ,BLO RGYAS PHYIR NA SANGS RGYAS PA ZHES 'BYUNG BAS MA RIG PA'I GNYID SANGS PA DANG YE SHES KYI SNANG BA RGYAS PA'I SANGS RGYAS KYIS ZAD PA MKHYEN PA'I TSE BRNYES PA'I YON TAN GYI CHOS NYAN THOS LA SOGS PA GZHAN DANG THUN MONG MA YIN PAS MA 'DRES PA'I STOBS BCU DANG SOGS PA'I SGRAS GZUNG BA MI 'JIGS PA BZHI DANG DRAN PA NYER GZHAG GSUM DANG THUGS RJE CHEN PO STE BCO BRGYAD DO, ,MDO GZHAN LAS DE BZHIN GSHEGS PA LA 'KHRUL PA MI MNGA' BA LA SOGS PA BCO BRGYAD GSUNGS PA NI MDO SDE'I RGYAN DU, SPYOD PA DANG NI RTOGS PA DANG, ,YE SHES DANG NI PHRIN LAS KYIS, ,NYAN THOS RANG SANGS RGYAS KUN GYI, ,BLA MA KHYOD LA PHYAG 'TSAL LO, ,ZHES BZHIR BSDUS PA NI THEG PA GONG MA PA'I LUGS YIN NO, , RGYAS PAR BSHAD PA LA BZHI LAS DANG PO STOBS BCU BSHAD PA NI GNAS DANG GNAS MIN PA NI SRID PA DANG MI SRID PA STE, ('DUS BYAS DANG 'DUS MA BYAS KYI CHOS THAMS CAD DO, ,) DE LA GNAS DGE BA LAS MTHO RIS 'BYUNG BA DANG MI DGE BA LAS NGAN SONG 'BYUNG BA DANG SKYES PA RANG SANGS RGYAS SU 'GYUR BA LA SOGS PA DANG, GNAS MA YIN PA DGE BAS NGAN SONG DU 'GRO BA GNAS MA YIN PA LA SOGS PA RGYU DANG RGYU MA YIN PA THAMS CAD MNGON SUM DU MKHYEN PA'I STOBS NI SHES PA RNAM PA BCU STE, DE LA GNAS DANG GNAS MA YIN PA NI BSDU NA 'DUS BYAS DANG 'DUS MA BYAS GNYIS YIN LA, (GNAS MKHYEN PAS NI RGYU MED PAR SMRA BA 'GOG LA, GNAS MA YIN PA MKHYEN PAS NI MI MTHUN PA RGYUR SMRA BA 'GOG GO,) 'DUS BYAS LA KHAMS GSUM DANG ZAG MED LA MTSUNGS LDAN DANG DE MA YIN PA GNYIS GNYIS SU PHYE BAS BRGYAD DANG, 'DUS MA BYAS LA DGE BA DANG LUNG MA BSTAN GNYIS SU PHYE BAS BCUR 'GYUR, DE LA KUN RDZOB SHES PA'I YUL NI BCU CHAR YIN LA, CHOS SHES PA'I NI 'DOD PA DANG ZAG MED 'DUS BYAS GNYIS GNYIS DANG 'DUS MA BYAS DGE BA STE LNGA DANG, RJES SU SHES PA'I NI KHAMS GONG MA GNYIS DANG 'DUS BYAS ZAG MED GNYIS GNYIS DANG 'DUS MA BYAS DGE BA STE BDUN DANG, SDUG BSNGAL DANG KUN 'BYUNG SHES PA'I NI KHAMS GSUM GYI DRUG GO ,'GOG PA SHES PA'I NI 'DUS MA BYAS DGE BA KHO NA'O, ,LAM SHES PA'I NI 'DUS BYAS ZAG MED GNYIS SO, ,PHA ROL SEMS SHES KYIS NI 'DOD GZUGS DANG 'DUS BYAS ZAG MED KYI MTSUNGS LDAN GSUM MO, ,ZAD PA DANG MI SKYE BA SHES PA'I NI 'DUS MA BYAS LUNG MA BSTAN MA GTOGS PA DGU'O, ,ZAG BCAS KYI LAS DANG (DE'I) 'BRAS BU RNAM PAR SMIN PA SNA TSOGS (NI BDEN PA DANG PO GNYIS YIN LA DE,) MKHYEN PA'I STOBS LA NI 'GOG LAM SHES PA MA GTOGS PA SHES PA BRGYAD YIN TE, @684 'GOG LAM SHES PA NI ZAG MED KHO NA LA DMIGS LA LAS DE'I RNAM SMIN NI ZAG BCAS BDEN PA DANG PO GNYIS KYIS (SEMS SHES KYI KHAMS 'OG MA GNYIS KYI SEMS SEMS BYUNG DGE MI DGE SHES LA, CHOS SHES CHA DANG BCAS PAS 'DOD PA DANG RJES SHES CHA DANG BCAS PAS GONG MA GNYIS SHES SO, ,) BSDUS PA'I PHYIR RO, ,(KUN RDZOB SHES PA NI KHAMS GSUM GA'I LAS 'BRAS LA DMIGS SO,,) BSAM GTAN BZHI DANG, SOGS PAS GZUNG BA RNAM THAR BRGYAD DANG, STONG PA NYID LA SOGS PA'I TING NGE 'DZIN GSUM DANG, 'DU SHES MED PA DANG 'GOG PA'I SNYOMS 'JUG GNYIS DANG, MTHAR GYIS GNAS PA'I SNYOMS 'JUG DGU DANG, GZUGS MED SNYOMS 'JUG BZHI'I RANG BZHIN DANG THOB PA DANG PHAN 'DOGS PA DANG RO MYANG LDAN LA SOGS PA DANG NYAMS PA CHA MTHUN LA SOGS PA'I (NYON MONGS DANG RNAM BYANG GI,) DON RNAMS THOGS PA MED PAR MKHYEN PA'I STOBS NI SHES PA DGU YIN TE, DE DAG 'DUS BYAS ZAG BCAS ZAG MED KHO NA LA DMIGS PA'I PHYIR DANG 'GOG PA SHES PA MA GTOGS PA'I PHYIR RO, ,DE BZHIN DU DAD PA LA SOGS PA'I DBANG PO MCHOG DANG MCHOG MA YIN PA DANG, NYAN THOS LA SOGS PA LA MOS PA SNA TSOGS DANG, NYAN THOS LA SOGS PA'I KHAMS SNA TSOGS MKHYEN PA'I STOBS RNAMS LA NI 'GOG PA SHES PA MA GTOGS PA SHES PA DGU DGU YIN TE, DE LA DBANG PO DANG MOS PA NI SEMS BYUNG YIN ZHING KHAMS NI SLOB DPON 'DUN BZANG SEMS CAN RNAMS KYI SNGON GOMS PA'I BAG CHAGS KYIS YANG DAG PAR GRUB PA'I BSAM PA LA 'DOD PAS DE YANG SEMS DANG SEMS BYUNG KHYAD PAR CAN YIN LA, (DE YANG BDEN PA DANG PO GNYIS DANG LAM MO, ,) DE DAG KYANG ZAG BCAS ZAG MED 'DUS BYAS KHO NA LA DMIGS PA'I PHYIR RO, ,DMYAL BA NAS 'GOG PA'I BAR THAMS CAD DU 'GRO BA'I LAM MKHYEN PA'I STOBS DAG LA NI SHES PA BCU YIN TE, LAM NI RGYU YIN LA DE NYID 'BRAS BU DANG BCAS PA MKHYEN PAR 'DOD NA NI 'GOG PA SHES PA'ANG YOD PA'I PHYIR TE, 'GOG PA NI LAM GYI SKYES BU BYED PA DANG BRAL BA'I 'BRAS BU YIN PA'I PHYIR RO, ,LAM 'BA' ZHIG MKHYEN PA STOBS SU 'DOD NA NI LAM 'DUS BYAS YIN PAS 'GOG SHES MA GTOGS PA SHES PA DGU YIN NO, ,DE LTAR LUGS THA DAD PA'AM ZHES SMOS PA YIN NO, , SNGON GYI GNAS RJES SU DRAN PA DANG 'CHI 'PHO DANG SKYE BA MKHYEN PA'I STOBS GNYIS NI KUN RDZOB SHES PA YIN GYI GZHAN NI MA YIN TE, 'DI DAG BDEN PA LA MI DMIGS PA'I PHYIR RO, ,'DI LTAR SNGON GYI GNAS RJES SU DRAN PA NI RANG GZHAN GYI SKYE BA SNGA MA DRAN PA YIN LA, 'CHI BA DANG 'PHO BA BAR DO DANG SKYE BA MKHYEN @685 PA NI RANG GZHAN GYI MA 'ONGS PA'I SRID PA MKHYEN PA STE, 'DI DAG RANG GI MTSAN NYID LA DMIGS KYI SPYI'I MTSAN NYID BDAG MED PA'I RNAM PAR MA ZHUGS PA'I PHYIR BDEN PA LA MI DMIGS SO, ,ZAG PA ZAD PA MKHYEN PA'I STOBS KYIS GAL TE ZAG PA ZAD PA 'GOG BDEN 'BA' ZHIG MKHYEN PAR 'DOD NA NI CHOS SHES RJES SHES DANG 'GOG PA SHES PA DANG ZAD MI SKYE SHES PA DANG KUN RDZOB SHES PA DANG DRUG YIN TE, 'GOG PA SHES PA'I RIGS KHO NA CHOS SHES LA SOGS PA'I BYE BRAG GIS THA DAD DU BYAS PA'I PHYIR DANG, 'DUS MA BYAS YIN PAS BDEN PA GZHAN GSUM SHES PA DANG PHA ROL SEMS SHES MI SRID PA'I PHYIR RO, ,'ON TE ZAD PA SHES PA ZAG PA ZAD PA'I RGYUD LA YOD PA'I SHES PA LA 'DOD NA NI DE'I RGYUD LA NI SHES PA THAMS CAD 'BYUNG BAS SHES PA BCU YIN NO, , DA NI DE DAG GANG LA BRTEN PA'I SA BSHAD PAR BYA STE, DE LA SNGON GYI GNAS RJES SU DRAN PA DANG 'CHI 'PHO DANG SKYE BA MKHYEN PA'I STOBS GNYIS NI BSAM GTAN GYI DNGOS GZHI BZHI PO DAG NA YOD DE, 'DI DAG ZHI GNAS DANG LHAG MTHONG ZUNG DU 'BREL BA'I TING NGE 'DZIN LA BRTEN NAS SKYED PAR BYA BA YIN PA NAS GZHAN NI DE LTA MA YIN PA'I PHYIR RO, ,STOBS LHAG MA BRGYAD PO NI (DE DAG 'OG SA SPONG BA YIN GYI YON TAN BSKYED PA'I SA MIN PAS,) NYER BSDOGS PHYI MA BDUN MA GTOGS PA SA RNAMS KUN NA YOD DE, BSKYED SLA BA'I PHYIR ZAG MED RNAMS NI CI RIGS PAR ZAG MED KYI SA RNAMS LA RTEN LA, KUN RDZOB SHES PAS BSDUS PA'I STOBS RNAMS NI SA THAMS CAD LA RTEN PAR 'DOD DO, ,'ON KYANG 'DI DAG YONGS SU DAG PA'I TING NGE 'DZIN LA BRTEN NAS MKHYEN PA'I PHYIR BSAM GTAN BZHI BA'I SEMS LA PHAL CHER RTEN PA YIN NO, ,LUS KYI RTEN NI GLING GZHAN DANG KHAMS GZHAN DANG 'GRO BA GZHAN GYI RTEN LA SANGS RGYAS MI 'BYUNG BA'I PHYIR DANG, BUD MED RTEN DANG BSAM SBYOR DMAN PA'I PHYIR 'DZAM BU'I GLING GI SKYES PA KHO NA LA RTEN PAR 'DOD DO, ,'O NA SHES PA BCU PO DE DAG NYAN RANG LA SOGS PA LA'ANG CI RIGS PAR YOD BZHIN DU CI'I PHYIR SANGS RGYAS KHO NA'I LA STOBS ZHES BYA ZHE NA, SANGS RGYAS LA MNGA' BA'I SHES PA BCU PO 'DI DAG NI STOBS YIN TE, GANG GI PHYIR 'DI'I MKHYEN PA SHES BYA THAMS CAD LA THOGS PA MI MNGA' BAR 'JUG PA DE'I PHYIR RO, ,DE'I PHYIR SANGS RGYAS LAS GZHAN LA'ANG GNAS DANG GNAS MA YIN PA MKHYEN PA LA SOGS PA NYI TSE BA YOD MOD KYI, 'GA' ZHIG SHES KYANG 'GA' ZHIG MI SHES PAS SHES BYA LA THOGS PA DANG BCAS PA'I PHYIR STOBS ZHES BYA BA'I MING MI 'THOB STE, GNAS BRTAN SH'A RI'I BUS KHANG BDAG DPAL SKYES KYI THAR BA'I CHA MTHUN GYI DGE BA MA SHES PAS RAB @686 TU MA PHYUNG BA DANG BYA ZHIG KHRAS GCAS PA'I SKYE 'CHI'I MTHA' MA SHES PA LTA BU'O, ,DE LTAR NA MKHYEN PA LA THOGS PA MI MNGA' BA'I PHYIR SANGS RGYAS KYI THUGS KYI STOBS NI SHES BYA BZHIN DU MTHA' YAS PA YIN NO, , 'O NA THUGS KYI STOBS DE LTAR THOGS PA MI MNGA' NA SKU'I STOBS JI LTAR ZHE NA, SANGS RGYAS KYI SKU LA NI SRED MED KYI BU'I STOBS MNGA'O, ,DE LA SRED MED KYI BU ZHES BYA BA NI STOBS KYI MING STE DPER NA GRANGS KYI GNAS GZHAN DRUG CU PA LA GRANGS MED CES BRJOD PA BZHIN NO, ,SNGON GYI SLOB DPON GZHAN DAG NA RE SKU'I RUS PA'I TSIGS DANG TSIGS RE RE NA'ANG SRED MED KYI BU'I STOBS MNGA'O ZHES ZER RO, ,(BYANG SA LAS KYANG, SKU'I TSIGS THAMS CAD KYI TSIGS RE RE LA'ANG SRED MED KYI BU'I STOBS MNGA' BA DANG ZHES 'BYUNG NGO, ,) DPES STON PA'I GNAS BRTAN BTZUN PA NA RE THUGS KYI STOBS MTHA' YAS PA LTAR SKU'I STOBS KYANG MTHA' YAS TE, DE LTA MA YIN NA THUGS KYI STOBS JI LTAR BZOD PAR 'GYUR ZHES ZER RO, , DE'I PHYIR RUS PA'I TSIGS KYI KHYAD PAR NI SANGS RGYAS DANG RANG SANGS RGYAS DANG 'KHOR LOS BSGYUR BA RNAMS KYI RIM PA LTAR KLU'I MDUD PA DANG LU GU RGYUD DANG GZER BUS BTAB PA LTAR SRA BA YIN NO, , 'O NA SRED MED KYI BU'I STOBS KYI TSAD JI TZAM ZHE NA, GLANG CHEN PHAL PA DANG, SOGS PAS BSDUS PA SPOS KYI GLANG PO CHE DANG, TSAN PO CHE CHEN PO DANG, RAB GNON DANG, YAN LAG MCHOG DANG, STOBS MCHOG DANG, SRED MED KYI BU RNAMS TE BDUN PO DE DAG SNGA MA SNGA MA BCUS GLAGS SHING BSGYUR BA NI PHYI MA PHYI MA'I STOBS YIN NO, ,KHA CIG NA RE STOBS MCHOG BCU'I STOBS NI SRED MED KYI BU'I STOBS PHYED YIN LA DE GNYIS SU BSGYUR BA NI SRED MED KYI BU'I STOBS YIN NO ZHES ZER RO, ,SLOB DPON NI GNAS BRTAN BTZUN PA'I GZHUNG GZUGS PA'I PHYIR SKU'I STOBS JI LTAR CHES CHE BA DE LTAR RUNG STE, DE LTA MA YIN NA MKHYEN PA'I STOBS MTHA' YAS PA BZOD PAR MI 'GYUR BA'I PHYIR DANG, GZHAN DU NA LHAS BYIN GYIS BSAD PA'I GLANG PO CHE'I RO ZHABS KYI MTHE BOS RA BA DANG 'OBS BDUN ZLO BAR YANG MI 'GYUR BA'I PHYIR RO ZHES 'DOD DO, ,DE LTA BU'I SKU'I STOBS DE'I NGO BO NI REG BYA'I SKYE MCHED DE 'BYUNG BA CHEN PO'I KHYAD PAR KHO NA YIN GYI 'BYUNG BA LAS GYUR PA NI MA YIN NO, ,KHA CIG NA RE STOBS DE NI 'BYUNG BA MA YIN GYI SNGAR BSHAD PA'I 'BRAS BU'I REG BYA 'JAM PA NYID LA SOGS PA BDUN LAS DON GZHAN DU GYUR PA RGYUR BYAS PA'I REG BYA BRGYAD PA ZHIG YIN NO ZHES ZER RO,, ('KHREGS PA LA 'DOD PAR MNGON NO, ,) GNYIS PA MI 'JIGS PA BSHAD PA NI MI 'JIGS PA NI RNAM PA BZHI YIN PAR MDO LAS, KYE MA NGA MNGON PAR RDZOGS PAR SANGS RGYAS PA LA 'DI NA CHOS 'DI DAG MNGON PAR RDZOGS PAR SANGS MA RGYAS SO, @687 ZHES NGA LA DGE SBYONG NGAM BRAM ZE'AM LHA'AM BDUD DAM TSANGS PA YANG RUNG STE 'GA' YANG CHOS DANG MTHUN PAS RGOL ZHING GLENG BAR BYED PA'I RGYU MTSAN YANG DAG PAR RJES SU MA MTHONG NGO, ,DE LTAR NGAS RGYU MTSAN YANG DAG PAR RJES SU MA MTHONG BAS BDAG BDE BA DANG, BAG TSA BA MED PA DANG, MI 'JIGS PA THOB PAR GNAS TE KHYU MCHOG RLABS PO CHE'I GNAS SU ZHAL GYIS 'TSO ZHING 'KHOR GYI NANG DU SENG GE'I SGRA SGROGS SO, ,TSANGS PA'I 'KHOR LO 'JIG RTEN NA DGE SBYONG LA SOGS PA GANG GIS KYANG MA BSKOR BA'I CHOS KYI 'KHOR LO BSKOR BA 'DI NI MI 'JIGS PA DANG PO ZHES PA DANG, DE BZHIN DU NGA NYID KYIS ZAG PA RNAMS ZAD DO ZHES ZHAL GYIS BZHES PA DANG, NYAN THOS RNAMS LA 'DOD CHAGS LA SOGS PA BAR DU GCOD PA'I CHOS SU BSTAN PA DANG, LAM NGES PAR 'BYUNG BA NYID DU BSTAN PA LA RGOL BA MA MTHONG BA LA SOGS PA RGYA CHER GSUNGS SO, ,DE LA BDAG NYID MNGON PAR RDZOGS PAR SANGS RGYAS PA NI SHES BYA THAMS CAD MNGON SUM DU MKHYEN PA STE, JI LTAR STOBS DANG PO GNAS DANG GNAS MA YIN PA MKHYEN PA'I STOBS SHES PA BCU DANG SA THAMS CAD KYIS BSDUS PA DE BZHIN DU MI 'JIGS PA DANG PO 'DI YANG YIN NO, ,BDAG NYID KYI ZAG PA RNAMS ZAD PA NYID DU ZHAL GYIS BZHES PA NI SGRIB PA MA LUS PA SPANGS PA NYID MKHYEN PA STE, JI LTAR STOBS BCU PA ZAG PA ZAD PA MKHYEN PA ('GOG SHES CHA MTHUN DANG BCAS PA,) SHES PA DRUG GAM BCU DANG SA BCU GCIG GIS BSDUS PA DE BZHIN DU MI 'JIGS PA GNYIS PA 'DI YANG YIN NO, ,BAR DU GCOD PA'I CHOS SU BSTAN PA NI NYON MONGS PA'I BDUD LA SOGS PA LAM LA BAR DU GCOD PA NYID DU MKHYEN PA STE, JI LTAR STOBS GNYIS PA LAS (LAS DE NI SDUG KUN DU 'DUS PAS,) BDAG GIR BYA BA MKHYEN PA 'GOG LAM SHES PA MA GTOGS BRGYAD DANG SA THAMS CAD KYIS BSDUS PA DE BZHIN DU MI 'JIGS PA GSUM PA 'DI YANG YIN TE, BDEN PA DANG PO GNYIS KYIS BSDUS PA KHO NAS BAR DU GCOD PA'I PHYIR RO, ,LAM NGES PAR 'BYUNG BA NYID DU BSTAN PA NI NYAN THOS LA SOGS PA'I LAM MKHYEN PA STE, JI LTAR STOBS BDUN PA THAMS CAD DU 'GRO BA'I LAM MKHYEN PA SHES PA BCU'AM DGU DANG SA THAMS CAD KYIS BSDUS PA DE BZHIN DU MI 'JIGS PA BZHI PA 'DI YANG YIN TE, ZAG BCAS ZAG MED KYI LAM 'BRAS BU DANG BCAS PA BZUNG NA BCU DANG 'BRAS BU MED PA BZUNG NA DGU YIN PA'I PHYIR RO, ,BYE BRAG TU SMRA BA NI SHES PA NYID MI 'JIGS PAR 'DOD LA, SLOB DPON NI MI 'JIGS PA NI MI SKRAG PA YIN PAS SHES PA NYID MA YIN GYI SHES PA'I 'BRAS BU YIN TE, SHES PA LA BRTEN NAS MI SKRAG PA 'BYUNG BA'I PHYIR 'BRAS BU'I MING GIS RGYU LA BTAGS PA YIN TE STENG KA RKANG NAD CES BYA BA BZHIN NO ZHES BZHED DO, , @688 DON 'DI NYID MDO SDE'I RGYAN LAS KYANG, RANG GZHAN DON DU YE SHES DANG, ,SPANGS DANG NGES 'BYUNG GEGS MDZAD PA, ,STON MDZAD MU STEGS GZHAN DAG GIS, ,MI RDZI KHYOD LA PHYAG 'TSAL LO ZHES GSUNGS SO, ,(STOBS NI GZHAN GYI ZIL GYIS MI GNON PA YIN LA MI 'JIGS PA NI GZHAN SLAR ZIL GYIS GNON PA'O, ,) GSUM BA DRAN PA NYE BAR BZHAG PA GSUM BSTAN PA NI MDO LAS, DGE SLONG DRAN PA NYE BAR BZHAG PA GSUM PO 'DI DAG NI GANG DAG 'PHAGS PA BSTEN PAR BYED PA STE 'PHAGS PAS DE DAG BSTEN NA 'KHOR LA RJES SU STON PAR 'OS SO, ,GSUM GANG ZHE NA, DGE SLONG DAG 'DI NA STON PA THUGS BRTZE BA, THUGS RJE CAN, DON BZHED PA, PHAN PAR BZHED PA, THUGS RJE CHEN PO DANG LDAN PAS NYAN THOS RNAMS LA 'DI NI KHYED LA PHAN PAR BYED PA, 'DI NI KHYED LA BDE BAR BYED BA, 'DI NI KHYED LA PHAN PA DANG BDE BAR BYED PA'O ZHES CHOS STON PAR MDZAD CING, NYAN THOS DE DAG DE LA NYAN PAR BYED, RNA BA GTOD PAR BYED, KUN SHES PA'I SEMS NYE BAR 'JOG PAR BYED, CHOS KYI RJES SU MTHUN PA'I CHOS SGRUB PAR BYED, STON PA'I BSTAN PA LAS MI 'GAL BAR BYED NA, DES DE BZHIN GSHEGS PA KUN DU DGYES PAR YANG MI 'GYUR, YID BDE BA DANG THUGS YA YA BOR YANG MI 'GYUR GYI, DE LA DE BZHIN GSHEGS PA DRAN PA DANG SHES BZHIN DU BTANG SNYOMS SU BZHUGS TE, 'DI NI GANG DAG 'PHAGS PA BSTEN PAR BYED PA STE 'PHAGS PAS DE DAG BSTEN NA TSOGS LA RJES SU STON PAR 'OS PA'I DRAN PA NYE BAR BZHAG PA DANG PO YIN NO ZHES PA DANG, DE BZHIN DU STON PA CHOS STON PA NA NYAN THOS DE DAG DE LA NYAN PAR MI BYED PA NAS STON PA'I BSTAN PA LAS 'GAL BAR BYED PA'I BAR DU GYUR NA, DES DE BZHIN GSHEGS PA KUN DU MI DGYES PA DANG YID MI BDE BA DANG THUGS YA YA PO DANG KUN NAS MNAR SEMS SU MI 'GYUR LA, MI BZOD PA DANG 'TSIG PA DANG THUGS MA RANGS PA MI MNGA' BAR DE LA DE BZHIN GSHEGS PA DRAN PA DANG SHES BZHIN DU BTANG SNYOMS SU BZHUGS PA NI DRAN PA NYER GZHAG GNYIS PA DANG, DE BZHIN DU NYAN THOS KHA CIG NI DE LA NYAN PAR BYED PA NAS STON PA'I BSTAN PA LAS MI 'GAL BA'I BAR DU BYED LA, KHA CIG NI NYAN PAR MI BYED PA NAS STON PA'I BSTAN PA LAS 'GAL BA'I BAR DU BYED KYANG DES DE BZHIN GSHEGS PA DGYES PA DANG MI DGYES PA GNYIS KAR MI 'GYUR BAR DRAN PA DANG SHES BZHIN DU BTANG SNYOMS SU BZHUGS PA NI DRAN PA NYER GZHAG GSUM PA'O ZHES 'KHOR GUS PAR NYAN PA DANG MI NYAN PA DANG GNYIS KA'I BYE BRAG GIS GSUM GSUNGS LA GSUM PO 'DI DAG NI DRAN PA DANG SHES BZHIN NAM SHES RAB KYI BDAG NYID DAG YIN LA, @689 SHES RAB KYI CHA NI KUN RDZOB SHES PA YIN NO, ,'O NA NYAN THOS NYON MONGS PA SPANGS PA RNAMS LA'ANG 'KHOR GUS PAR NYAN MI NYAN DANG GNYIS KA LA CHAGS SDANG MI 'BYUNG BA YOD PA'I PHYIR SANGS RGYAS KYIS MA 'DRES PAR JI LTAR 'GYUR ZHE NA, NYAN THOS KYI NI CHAGS SDANG GI BAG CHAGS MA SPANGS LA SANGS RGYAS KYIS SPANGS PA'I PHYIR RO, , DE LA BAG CHAGS NI RGYAL PO'I SRAS DANG GANG SPEL NI NYAN THOS LA SNGON NYON MONGS PA SPYAD PA'I MTHUS LUS NGAG GI G-YO BA 'GYUR BA'I RGYU NUS PA'I KHYAD PAR SEMS LA YOD PA LA 'DOD CING, BTZUN PA GE CHA MTHA' YAS NI, LUNG DU MA BSTAN PA'I SEMS KYI KHYAD PAR YIN NO ZHES ZER BAS NYAN THOS LA CHAGS SDANG DNGOS MED KYANG LUNG DU MA BSTAN PA'I SEMS KYI KHYAD PAR YOD LA, STON PA NI DRAN PA DANG SHES BZHIN GYI BDAG NYID DGE BA YIN PA'I PHYIR RO MNYAM DU BSAM PA'O, ,SLOB DPON NI NYAN THOS DAG NI GUS PAR NYAN PA DANG MI NYAN PA DANG GNYIS KA LA YID BDE BA DANG MI BDE BA DANG GNYIS KAR 'GYUR BA KHO NA YIN PA'I PHYIR 'DI NI SANGS RGYAS KHO NA'I CHOS SU BSTAN PA'AM, YANG NA CHAGS SDANG GNYIS NI NYAN THOS LA'ANG MED MOD KYI 'ON KYANG NYAN THOS RNAMS NI SANGS RGYAS KYI PHYIR RAB TU BYUNG BAS DE'I SLOB MA YIN PAS NYAN THOS KYI YON TAN NI SANGS RGYAS LA BRTEN NAS THOB PA'I PHYIR MA 'DRES PAR MI BZHAG LA SANGS RGYAS KYI NI DE LTA MA YIN PA'I PHYIR MA 'DRES PAR BZHAG GO ZHES 'CHAD DO, , BZHI PA THUGS RJE CHEN PO BSHAD PA LA THUGS RJE CHEN PO NI SANGS RGYAS BCOM LDAN 'DAS KYIS 'JIG RTEN LA NYIN LAN GSUM MTSAN LAN GSUM DU SU NI DAR, SU NI RGUD, SU GDUL BAR BYA BA'I DUS LA BAB CES BYA BA LA SOGS PAS SEMS CAN THAMS CAD LA SDUG BSNGAL GSUM GYI RNAM PA CAN DU GZIGS PAS KUN RDZOB SHES PA'I BDAG NYID YIN TE, (DE LTA MIN NA KHAMS GSUM LA DMIGS NAS SDUG BSNGAL GYI RNAM PA CAN DU MI 'GRUB BO, ,) DE YANG GTI MUG MED PA'I RANG BZHIN NO, ,'O NA CI'I PHYIR 'DI LA THUGS RJE CHEN PO ZHES CHEN PO'I SGRAR BRJOD CE NA, BSOD NAMS DANG YE SHES KYI TSOGS CHEN POS YANG DAG PAR 'GRUB PA'I PHYIR DANG, RNAM PA SDUG BSNGAL GSUM LA RTOG PA'I RNAM PA CAN YIN PA'I PHYIR DANG, SPYOD YUL KHAMS GSUM GYI SEMS CAN THAMS CAD LA DMIGS PA'I PHYIR DANG, KHAMS GSUM GYI SEMS CAN THAMS CAD LA 'DU BYED KYI SDUG BSNGAL CAN DU DRAN PAR MNYAM PA NYID DU 'JUG PA'I PHYIR DANG, SHES RAB KYI NGO BO YIN PAS SHIN TU RNO BA'I PHYIR DE BAS CHES CHE BA GZHAN MED PAS CHES CHE BA YIN PA'I PHYIR RO, ,'O NA SNYING RJE DANG THUGS RJE CHEN PO GNYIS LA KHYAD PAR CI YOD CE NA, NGO BO NYID LA SOGS PA @690 THA DAD DU BYA BA STE (NGO BO DMIGS RNAM SA DANG RGYUD, ,THOB DANG SKYOB PA 'DRA MI 'DRA ZHES PA'I) KHYAD PAR RNAM PA BRGYAD YOD DE, DE LA SNYING RJE NI ZHE SDANG MED PA'I NGO BO NYID DANG, SDUG BSNGAL GYI SDUG BSNGAL GYI RNAM PA CAN DANG, 'DOD PA'I KHAMS KYI SEMS CAN KHO NA LA DMIGS PA DANG, MI LCOGS MED DANG BSAM GTAN KHYAD PAR CAN YANG YIN MOD KYI, DE GNYIS NI BSAM GTAN DANG POR BSDUS TE BSAM GTAN DANG PO LA SOGS PAS BZHI DANG, NYAN RANG DANG SO SO'I SKYE BO'I RGYUD LA YOD PA DANG, 'DOD PA LAS 'DOD CHAGS DANG BRAL BAS THOB PA DANG, NYAN THOS LA SOGS PAS NI SNYING RJE BA 'BA' ZHIG TU ZAD KYI 'KHOR BA'I SDUG BSNGAL LAS YONGS SU MI SKYOB PA DANG, SDUG BSNGAL GYI SDUG BSNGAL CAN KHO NA LA SNYING RJE SKYE BAS SEMS CAN THAMS CAD LA MI 'DRA BAR SNYING RJE BA YIN NO, , THUGS RJE CHEN PO NI GTI MUG MED PA'I NGO BO NYID DANG, SDUG BSNGAL GSUM GYI RNAM PA CAN DANG, KHAMS GSUM GYI SEMS CAN THAMS CAD LA DMIGS PA DANG, TING NGE 'DZIN LAS SU RUNG BA NYID KYIS DE KHO NAS DE BSKYED PAR NUS PA'I PHYIR BSAM GTAN BZHI PA'I SA PA KHO NA DANG, SANGS RGYAS KYI RGYUD LA YOD PA DANG, SRID RTZE LAS 'DOD CHAGS DANG BRAL BAS THOB PA DANG, SEMS CAN THAMS CAD LA THUGS RJE MDZAD PA NA 'KHOR BA'I 'JIGS PA CHEN PO LAS YONGS SU SKYOB PA DANG, SDUG BSNGAL CAN DANG DE MA YIN PA'I SEMS CAN THAMS CAD LA 'DRA BAR THUGS BRTZE BA YIN NO, , GSUM PA MNYAM MI MNYAM GYIS MJUG BSDU BA NI CI SANGS RGYAS THAMS CAD RNAM PA THAMS CAD KYIS MNYAM PA YIN NAM ZHE NA, SANGS RGYAS THAMS CAD NI RGYU SNGON GYI BSOD NAMS DANG YE SHES KYI TSOGS RDZOGS PAS YANG DAG PAR 'GRUB PA DANG, 'BRAS BU ZAG MED KYI CHOS KYI RGYUN GYI TSOGS SAM SEMS GNAS GYUR PA CHOS KYI SKU 'GRUB PA DANG, 'PHRIN LAS 'GRO BA'I MTHO RIS DANG BYANG GROL GYI DON SGRUB PAR SPYOD PA'I RGYU THUGS RJE CHEN PO THOB PA GSUM GYIS NI MNYAM PA NYID DE, SKU TSE DANG RIGS DANG GDUNG DANG SKU'I BONGS TSOD KYIS NI MNYAM PA MIN TE, SKYE DGU RNAMS KYI TSE RING BA DANG THUNG BA DANG, 'JIG RTEN NA RGYAL RIGS DANG BRAM ZE GANG BKUR BA DANG, GDUNG 'OD SRUNG DANG GO'U TA MA LA SOGS PA GANG BKUR BA DANG, 'JIG RTEN PA LUS BONGS TSOD CHE BA DANG CHUNG BA'I TSE DUS JI LTA BA BZHIN DU SANGS RGYAS RNAMS KYANG SKU TSE DANG RIGS DANG GDUNG DANG SKU'I BONGS TSOD RNAMS DE DAG DANG MTHUN PAR SNGON PAS KHYAD PAR YOD PA'I PHYIR RO, , 'DIR SMRAS PA, RGYU DANG 'BRAS BU PHAN 'DOGS PA, ,GSUM PO RE RE'ANG BZHI BZHI STE, ,TSOGS @691 KUN YUN RING BAR CHAD MED, ,GUS BYAS GOMS PA BZHI NI RGYU, ,YE SHES DANG NI SPANGS PA DANG, , MTHU DANG GZUGS SKU PHUN TSOGS PA, ,RNAM BZHI 'BRAS BU DE DAG KYANG, ,RNAM PA BZHI BZHIR SHES BYA STE, ,MA BSTAN MKHYEN DANG THAMS CAD MKHYEN, ,RNAM KUN MA 'BAD MKHYEN PA BZHI, ,YE SHES PHUN TSOGS NYON MONGS KUN, ,GTAN DU SPANGS DANG BAG CHAGS BCAS, ,TING 'DZIN SNYOMS 'JUG SGRIB KUN SPANGS, ,RNAM BZHI SPANGS PA PHUN TSOGS SO, ,PHYI'I YUL SPRUL BSGYUR BYIN RLABS PA, ,YUL LA MNGA' BRNYES STONG BYIN RLOB, ,TSE LA'O THOGS BCAS THOGS MED DANG, ,RING LA MYUR GSHEGS CHUNG NGUR NI, ,MANG 'JUG SPYOD LAM MNGA' BRNYES PA'O, ,YA MTSAN NAR MA SNA TSOGS PA, ,STON LA MNGA' BRNYES RNAM PA BZHI, ,RGYAL BA'I MTHU NI PHUN TSOGS PA'O, ,MTSAN DANG DPE BYAD STOBS DANG NI, ,SKU GDUNG RING BSREL RDO RJE LTAR, ,SRA BA GANG YIN SANGS RGYAS KYI, ,GZUGS SKU PHUN TSOGS RNAM BZHI'O, ,DMYAL BA YI DVAGS DUD 'GRO DANG, ,'KHOR BA'I SDUG BSNGAL DAG LAS NI, ,GTAN DU THAR MDZAD RNAM PA BZHI, ,PHAN 'DOGS PA DE RNAM GCIG TU, ,BDE 'GRO DANG NI THEG GSUM 'GOD, ,BZHI YIN 'GRO BA'I BLA MA DE'I, ,YON TAN RGYA MTSO DPAG MED PHYIR, ,RAB TU DBYE NA MTHA' YAS MOD, ,CHE BA'I BDAG NYID MDOR BSDUS PA'O, ,GANG DAG SKYOB PA KUN MKHYEN GYI, , YON TAN DAM PA GANG SHES NAS, ,RGYAL DANG DE YI DAM CHOS DANG, ,DE YI RJES 'JUG DGE 'DUN LA, ,RAB DAD DE DAG MKHAS PA YIN ZHES BYA'O, ,DE LTA BU'I YON TAN DANG LDAN PA'I SANGS RGYAS DANG DE'I CHOS LA DAD PA TZAM GYIS KYANG RNAM SMIN MA NGES PA'I SDIG PA THAMS CAD ZIL GYIS MNAN NAS LAM GYI RTEN MTHO RIS LHA MI'I LEGS PA DU MA BRGYUD DE BGROD PAR BYA BA'I MCHOG MYA NGAN LAS 'DA' BAR 'GYUR TE, LUNG SMAN GYI GZHI LAS, GANG DAG RGYAL BA RNAM 'DREN LA, ,BYA BA CHUNG NGU BYED 'GYUR BA'ANG, , DE DAG MTHO RIS SNA TSOGS DAG ,BGOD NAS BDUD RTZI'I GO 'PHANG THOB CES PA DANG, 'GREL PA LAS KYANG, DE NYID KYI PHYIR DE BZHIN GSHEGS PA RNAMS NI BSOD NAMS KYI ZHING BLA NA MED PA ZHES BYA STE, NGES PAR 'BYIN PAS 'BRAS BU MED PA MA YIN PA DANG, DE YANG GNAS SKABS MTHO RIS SU 'BYIN PAS YID DU 'ONG BA DANG, LAN MANG DU 'BYIN PAS MCHOG TU GYUR PA DANG, MTHONG CHOS LA SOGS PA LA MYONG BAS MYUR BA DANG, MTHAR MYANG 'DAS 'THOB PAS MTHA' BZANG BA'I PHYIR RO ZHES BSHAD DO, , GNYIS PA THUN MONG GI YON TAN LA'ANG GNYIS LAS MDOR BSTAN PA NI MA 'DRES PA BCO BRGYAD MA @692 GTOGS PA SANGS RGYAS KYI YON TAN GYI CHOS GZHAN NI SLOB MA NYAN THOS DANG DES MTSON NAS RANG RGYAL DANG YANG THUN MONG BA YIN LA, YON TAN GYI CHOS KHA CIG NI SO SO'I SKYE BO DANG YANG THUN MONG BA YIN NO, , CHOS DE DAG KYANG GANG ZHE NA, NYON MONGS PA MED PA DANG, SMON NAS SHES PA DANG, SO SO YANG DAG PAR RIG PA BZHI DANG, MNGON SHES DRUG DANG, SOGS PAS GZUNG BA BSAM GTAN BZHI DANG, GZUGS MED BZHI DANG, TSAD MED BZHI DANG, RNAM THAR BRGYAD DANG, ZIL GYIS GNON PA'I SKYE MCHED BRGYAD DANG, ZAD PAR GYI SKYE MCHED BCU DANG, TING NGE 'DZIN GSUM LA SOGS PA'O, ,DE LA NYON MONGS PA MED PA NAS SO SO YANG DAG PAR RIG BZHI'I BAR DANG, ZAG ZAD KYI MNGON SHES DANG, 'GOG PA'I RNAM THAR DANG, RNAM PAR THAR PA'I SGO GSUM NI 'PHAGS PA KHO NA DANG THUN MONG BA DANG, LHAG MA RNAMS NI SO SO SKYE BO DANG YANG THUN MONG BA YIN NO, , GNYIS PA RGYAS PAR BSHAD PA LA GNYIS LAS 'PHAGS PA KHO NA DANG THUN MONG BA NYON MONGS PA MED PA LA SOGS PA BSHAD PA LA BZHI LAS DANG PO NYON MONGS PA MED PA NI DGRA BCOM PA DAG SEMS CAN RNAMS KYI SDUG BSNGAL NI NYON MONGS LAS BYUNG BA DANG RANG NYID KYANG YON GNAS KYI KHYAD PAR DU RIG NAS PHA ROL PO'I NYON MONGS PA SPANG BAR 'DOD NAS BDAG MTHONG BA DANG BDAG LA DMIGS NAS GZHAN DAG LA NYON MONGS PA CHAGS SDANG DANG NGA RGYAL DANG BAG MED PA SKYE BAR MA GYUR CIG SNYAM DU MNYAM PAR BZHAG NAS, (LAM 'DIS SU YANG NYON MONGS PAR MI BYED PAS NA NYON MONGS PA MED PA'I, 'DI NI GZHAN GYI SEMS BSRUNG BA'I THABS MKHAS KYI KHYAD PAR RO, ,) DE LAS LANGS NA'ANG DE DANG RJES SU MTHUN PAR DE LTA BU'I SHES PA SKYED PAR BYED PA STE DE NI KUN RDZOB SHES PA'I BDAG NYID YIN NO, ,(GZHAN RGYUD KYI SGOM SPANG GI NYON MONGS MA 'ONGS PA KHO NA'I YUL CAN YIN PA'I PHYIR TE ZAG MED NI DE LTA BU MED DO, ,) SA NI LAM SLA BA RNAMS KYI MCHOG YIN PAS BSAM GTAN RNAMS KYI YA MTHA' BZHI PA KHO NA NA YOD LA, GANG ZAG NI DGRA BCOM PA MI G-YO BA'I CHOS CAN YIN GYI NYAMS PA'I CHOS CAN LA SOGS PA DGRA BCOM GZHAN GYI NI MA YIN TE, DE DAG LA NYAMS PA SRID PAS RANG GI RGYUD KYI'ANG RES 'GA' NYON MONGS SPANG BAR MI NUS (NA GZHAN GYIS LTA CI SMOS,) PA'I PHYIR RO, ,LUS KYI RTEN NI GLING GSUM GYI MI KHO NAS SKYED PAR BYED PA YIN TE, (GROGS NYON MONGS MANG BA DANG DE NA,) BLO GSAL BA'I PHYIR RO, ,'DI'I DMIGS PA NI PHA ROL CHAGS SDANG CAN DAG LA NYON MONGS SKYE BAR MA GYUR CIG CES SGOM PA'I PHYIR NYON MONGS PA 'DOD PAR GTOGS PA DANG MA SKYES PA MA 'ONGS PA GZHIR BCAS 'DOD CHAGS LA SOGS PA SGOM SPANG RNAMS KYI SPYOD @693 YUL CAN YIN TE, KHAMS GONG MA PA DAG 'PHAGS PA LA DMIGS NAS NYON MONGS PA SKYE BA SHAS CHUNG BA'I PHYIR DANG, SNGAR SKYES PA RNAMS SPANG BAR MI NUS PA'I PHYIR DANG, MTHONG SPANG GZHI MED PA BRTAGS PA LA DMIGS PA KUN 'GRO RNAMS NI RANG GIS THAMS CAD LA DMIGS PAS GZHAN RGYUD LA DMIGS PA'ANG YOD PAS SPANG BAR MI NUS PA'I PHYIR DANG, SGOM SPANG NI BDEN PA DANG PO GNYIS LA DMIGS PAS GZHI DANG BCAS PA SPANG BAR NUS PA'I PHYIR RO, , GNYIS PA SMON NAS SHES PA NI JI LTAR NYON MONGS PA MED PA'I NGO BO KUN RDZOB SHES PA DANG SA BSAM GTAN BZHI BA DANG GANG ZAG MI G-YO BA'I CHOS CAN DANG RTEN GLING GSUM GYI MI'I RTEN CAN YIN PA DE BZHIN DU SMON NAS SHES PA'I NGO BO LA SOGS PA'ANG YIN NO, ,'ON KYANG SMON NAS SHES PA DE'I DMIGS PA NI NYON MONGS PA GZHI DANG BCAS PA KHO NA MA YIN GYI GZUGS LA SOGS PA CHOS THAMS CAD DO, ,DE LA SMON NAS SHES PA NI 'DI DANG 'DI SHES PAR BYA'O SNYAM DU SMON PA SNGAR BTANG NAS RAB MTHA' BZHI BA LA MNYAM PAR BZHAG NAS DE'I YUL DU JI TZAM GYUR PA SHES PA'I, ,DE YANG BYE BRAG TU SMRA BA NA RE GZUGS MED PA NI MNGON SUM DU MI SHES TE, 'DI NI BSAM GTAN BZHI PA'I SA PA YIN PAS GONG MA GZUGS MED PA YUL MA YIN PA'I PHYIR TE, 'DI NI MNGON SHES DANG 'DRA BA YIN LA DE NI RANG DANG 'OG SA'I YUL CAN YIN ZHES 'CHAD PAR 'GYUR BA'I PHYIR RO, ,'ON KYANG LUS DANG SEMS DMAN ZHING ZHI BA'I RGYU MTHUN PA LAS NI GZUGS MED NAS SKYES SO ZHES BYA BA DANG, SNYOMS 'JUG GI SPYOD PA DANG LDAN PA LAS GZUGS MED SKYES SO ZHES BYA BA DANG, GZUGS MED KYI TING NGE 'DZIN THOB LAM NYAMS PA DANG LDAN PAS GZUGS MED DU SKYE BAR 'GYUR RO ZHES BYA BAR SHES TE ZHING PA RNAMS KYIS 'BRU LAS ZHING DANG ZHING LAS 'BRU DPOG PA BZHIN NO ZHES ZER RO, ,GZHAN DAG GI GZHUNG LUGS LTAR NA NI SANGS RGYAS RNAMS KYI MNGON SUM GYI YUL DU MA GYUR PA NI 'GA' YANG MED PAS GZUGS MED PA'ANG MNGON SUM DU MKHYEN PAR 'DOD DO, , MNGON PAR RTOGS PA'I RGYAN LAS NI, NYAN THOS NYON MONGS MED PA'I LTA, ,MI YI NYON MONGS YONGS SPONG NYID, ,GRONG SOGS SU DE'I NYON MONGS RNAMS, ,RGYUN GCAD RGYAL BA'I NYON MONGS MED CES NYAN RANG GI NYON MONGS PA MED PA'I TING NGE 'DZIN NI BDAG LA DMIGS NAS MI 'GA' ZHIG GI RGYUD LA NYON MONGS PA SKYES PAR GYUR NA MI RUNG NGO ZHES MI'I NYON MONGS SKYE BA YONGS SU SPONG BA'I THABS LA 'BAD PA YIN PAS NYI 'TSE BA DANG RE ZHIG BA DANG, SANGS RGYAS KYI NYON MONGS PA MED PA'I TING NGE 'DZIN NI GRONG LA SOGS PAR SEMS CAN NYON MONGS PA CAN THAMS CAD KYI NYON MONGS PA'I SA BON RTZA BA @694 NAS 'BYIN PAR BZHED PAS KHYAB PA DANG GTAN DU BA YIN PAR BSHAD LA, SMON NAS SHES PA'ANG NYAN THOS LA SOGS PA RNAMS 'BAD PA DANG BCAS PA DANG, MTSAN MAR 'DZIN PA DANG, SHES SGRIB DANG BAG CHAGS MA SPANGS PAS THOGS PA DANG BCAS PA DANG, LHAG MED DU 'JUG PAS RES 'GA' BA DANG, SHES SGRIB MA SPANGS PAS 'DRI BA THAMS CAD KYI LAN MI LDON PA YIN LA, SANGS RGYAS KYI NI MTSAN MA MED PAR RANG GI NGANG GIS 'JUG PAS 'BAD PA MED PA DANG, DNGOS PO LA MNGON PAR MA ZHEN PAS GZUGS SOGS LA CHAGS PA DANG BRAL BA DANG, SGRIB GNYIS BAG CHAGS DANG BCAS PA SPANGS PAS SHES BYA THAMS CAD LA THOGS PA MED PA DANG, 'KHOR BA JI SRID PAR GNAS PAS RTAG TU GNAS PA DANG, YANG DAG PA'I SO SO RIG BZHI BRNYES PAS 'DRI BA KUN GYI LAN LDON PA YIN TE, DE NYID LAS, SANGS RGYAS SMON NAS MKHYEN PA NI, ,LHUN GYIS GRUB DANG CHAGS SPANGS DANG, ,THOGS PA MED DANG RTAG GNAS DANG,, 'DRI BA KUN LAN 'DEBS PAR BZHED CES BSHAD DO, , GSUM PA SO SO YANG DAG RIG BZHI NI JI LTAR NYON MONGS PA MED PA'I TING NGE 'DZIN GANG ZAG MI G-YO BA'I CHOS CAN GYI YIN PA DANG GLING GSUM GYI MIS SKYED PA DE BZHIN DU CHOS DANG DON DANG NGES PA'I TSIG DANG SPOBS PA SO SO YANG DAG PAR RIG PA DAG KYANG DE DANG 'DRA'O, ,DE DAG GI DMIGS PA DANG SA DANG NGO BO LA NI KHYAD PAR YOD DE, DE DAG LAS DANG PO GSUM NI GO RIM BZHIN DU MING DANG DON DANG NGAG RNAMS LA GZHAN GYIS BZLOG PAR MI NUS PAS THOGS PA MED PAR SHES PA YIN TE, DE LA CHOS SO SO YANG DAG PAR RIG PA NI SGRUB PA'I CHOS 'PHAGS LAM BRGYAD DANG, 'BRAS BU'I CHOS MYANG 'DAS RIG PA MA YIN GYI CHOS RNAMS KYI MING TSIG YI GE'I TSOGS RIG PA STE DON RNAMS KYI RJOD BYED YIN PA'I PHYIR NA BSTAN PA'I CHOS SO, ,DON SO SO YANG DAG PAR RIG PA NI CHOS RNAMS KYI RANG GI MTSAN NYID DAM MYA NGAN LAS 'DAS PA RIG PA STE, BRJOD PAR BYA BA'I DON NAM DON GYI MCHOG YIN PA'I PHYIR RO, ,NGES PA'I TSIG SO SO YANG DAG PAR RIG PA NI CHOS RNAMS KYIS BSHAD PA'I RGYU MTSAN CAN GYI NGAG RIG PA STE, DON GYI RGYU MTSAN CAN GYI TSIG YIN PAS NGES PA'I TSIG GO , BZHI PA SPOBS PA SO SO YANG DAG PAR RIG PA NI DON RNAMS KYIS 'GAL BA DANG 'BREL BA DON DANG 'BREL BA'I RIGS PA DANG, GZHAN LA THAGS THOGS MED PAR MNGON PAR BRJOD PA LA THOGS PA MED PAR SHES PA DANG, RANG NYID YID LA BYED PAS ZHI GNAS LHAG MTHONG GI TING NGE 'DZIN MI BRJED PAS LAM LA DBANG BA NYID LA THOGS PA MED PAR SHES PA STE, DANG PO NI 'BEL GTAM LA MKHAS PA YIN LA, @695 GNYIS PA NI RANG NYID YID LA BYED PA LA MKHAS PA YIN NO, ,'DI NI SPOBS PA'ANG YIN LA SO SO RIG PA'ANG YIN PA'I PHYIR SPOBS PA SO SOR RIG PA'O, ,YANG NA SPOBS PA NI RIG PA DANG GROL BAR SMRA BA STE, DE SHES PA'I PHYIR SPOBS PA SO SOR YANG DAG PAR RIG PA'O, ,('DI BZHI KA'ANG MING DANG DON LA MNYAM RJES GNYIS KAR DMIGS LA, SMRA BA NI DE'I RJES LA THOB PA KHO NA YIN NO ZHES RGYAL SRAS GSUNG NGO, ,) SPOBS PA SO SO YANG DAG PAR RIG PA DE'I DMIGS PA NI NGAG DANG LAM YIN TE, NGAG DANG MNGON PAR BRJOD PA LA DBANG BA NI NGAG LA DMIGS PA YIN LA LAM LA DBANG BA NI LAM LA DMIGS PA'O,, (LAM YANG ZAG BCAS ZAG MED GANG RUNG YIN NO DE LTA MIN NA, SA THAMS CAD PAR MI 'GYUR RO ZHES 'DOD DO, ,) DE'I NGO BO NI SHES PA DGU YIN TE, (NGAG NI BDEN PA DANG PO GNYIS YIN PAS,) NGAG LA DMIGS PA NI KUN RDZOB DANG SDUG BSNGAL KUN 'BYUNG CHOS SHES RJES SHES ZAD MI SKYE SHES PA'I (SHES PA BDUN GYI) RANG BZHIN YIN ZHING, LAM LA DMIGS PA NI LAM DANG CHOS SHES RJES SHES ZAD MI SKYE SHES PA DANG PHA ROL SEMS SHES KYI (SHES PA DRUG GI) RANG BZHIN YIN LA, 'DUS MA BYAS LA MI DMIGS PAS 'GOG SHES MA GTOGS PA'I PHYIR RO, ,GAL TE NGAG DANG LAM LA DMIGS PA'I PHYIR SDUG BSNGAL DANG KUN 'BYUNG SHES PAR JI LTAR 'GYUR ZHE NA, NGAG DE NYID ZAG BCAS YIN PA'I PHYIR SDUG BSNGAL YIN LA, PHYI MA BSKYED PA'I PHYIR KUN 'BYUNG YANG YIN PAS DE SHES PA NA DE DAG SHES PAR GZHAG GO ,SA NI 'DOD PA NAS SRID RTZE'I BAR THAMS CAD NA CI RIGS PAR YOD DE, NGAG DANG LAM GANG YANG RUNG BA LA DMIGS PA'I PHYIR RO, ,DON SO SO YANG DAG PAR RIG PA NI GAL TE DON CHOS THAMS CAD RIG PA LA 'DOD NA NI SHES PA BCU'I DMIGS PAR MI 'GYUR BA'I CHOS GANG YANG MED PAS SHES PA BCU YIN PA'AM, 'ON TE MYANG 'DAS RIG PA LA 'DOD NA 'GOG PA SHES PA NI SDUG BSNGAL DANG KUN 'BYUNG DANG LAM DANG SEMS SHES PA BZHI LAS GZHAN PA DRUG GI RANG BZHIN YIN PA'I PHYIR RO, ,DON SO SO YANG DAG PAR RIG PA DE NI SA KUN NA YOD LA, DE DAG LAS GZHAN CHOS DANG NGES PA'I TSIG SO SO YANG DAG PAR RIG PA GNYIS NI KUN RDZOB SHES PA'I RANG BZHIN YIN TE, RIM PA LTAR MING GI TSOGS LA SOGS PA BSTAN PA'I CHOS DANG NGAG LA DMIGS PA'I PHYIR RO, ,DE YANG CHOS SO SO YANG DAG PAR RIG PA NI SA 'DOD PA DANG BSAM GTAN BZHI PO DAG (STE SA LNGA) NA YOD DE, DE YAN CHAD NA NI RJOD BYED MING TSIG YI GE'I TSOGS MED PA'I PHYIR RO, ,DAG STE NGES PA'I TSIG SO SO YANG DAG PAR RIG PA NI 'DOD PA DANG BSAM GTAN DANG PO KHO NA NA YOD DE, MDO LAS, BRTAGS SHING DPYAD NAS TSIG TU SMRA'O ZHES 'BYUNG BAS NGAG NI RTOG PAS @696 KUN NAS BSLANG BA'I BDAG NYID YIN NA BSAM GTAN GNYIS PA YAN CHAD NA RTOG PA MED PA'I PHYIR RO, , SO SO YANG DAG PAR RIG PA DE DAG GCIG THOB NA THAMS CAD 'THOB PAS GANG RUNG GCIG MA TSANG BAR NI DE DAG 'THOB PA MED DE, (LAM GCIG GI 'BRAS BU YIN PA'I PHYIR RO, ,) 'DI DAG GI RGYU SNGON GYI SBYOR BA NI KHA CIG GO RIM BZHIN DU RTZIS DANG, SANGS RGYAS KYI BKA' DANG, SGRA RIG PA DANG, GTAN TSIGS RIG PA LA MKHAS PAR BYAS PAS 'THOB PAR 'DOD LA, BYE BRAG TU SMRA BA RNAMS NI THAMS CAD KYI SBYOR BA SANGS RGYAS KYI BKA' KHO NA'I RNAM GRANGS NGO BO NGES TSIG DBYE BA LA MKHAS PAR BYAS PAS 'DI DAG 'THOB PAR 'DOD DO, ,(RNAM BSHAD RIG PA'I 'BREL BA LAS KYANG, RNAM GRANGS KYIS NI CHOS SO SO YANG DAG PAR RIG PA'I NYE RGYU BYAS PA YIN NO, ,DE BZHIN DU SBYAR TE MTSAN NYID KYIS NI DON SO SO YANG DAG PAR RIG PA YIN, NGES PA'I TSIG GIS NI NGES PA'I TSIG SO SO YANG DAG PAR RIG PA YIN, RAB TU DBYE BAS NI SPOBS PA SO SO YANG DAG PAR RIG PA YIN NO ZHES 'BYUNG BA DANG MTHUN NO, ,) GO RIM YANG TSIG YI GE'I RJES SU 'BRANGS NAS, DON RTOGS PAS CHOS SO SOR RIG NAS DON DANG, DON LAS MING GI RNAM GRANGS SHES PA 'BYUNG BAS NGES PA'I TSIG DANG, DE DAG LAS NI RIG GROL GYI SPOBS PA THOGS PA MED PAR 'GYUR BA'I PHYIR DE LTAR BSTAN TO, ,('DI DAG GI GO RIM NI TSIG DANG YI GE'I RJES SU 'BRANGS NAS DON RTOGS LA, DON GYI GCIG GNYIS LA SOGS PA'I TSIG BLA DAGS DANG, DE DAG LA THOGS PA MED PA'I PHYIR RO, ,ZHES GDAGS PA LAS SO, ,) NYON MONGS PA MED PA DANG SMON NAS SHES PA DANG SO SO YANG DAG RIG BZHI STE DRUG PO DE DAG NI RAB KYI MTHA' PA BSAM GTAN BZHI PA'I STOBS KYIS 'THOB LA, RAB KYI MTHA' PA ZHES BYA BA'I BSAM GTAN BZHI PA DE NI NYON MONGS PA MED PA DANG, SMON NAS SHES PA DANG, CHOS DANG, DON DANG, SPOBS PA SO SO YANG DAG PAR RIG PA GSUM DANG, RAB KYI MTHA' PA'I BSAM GTAN BZHI PA DE NYID DANG RNAM PA DRUG GI BDAG NYID YIN LA, BSAM GTAN BZHI PA LA LA NI NYON MONGS PA MED PA DANG, LA LA NI SMON NAS SHES PA DANG, LA LA NI SO SO YANG DAG PAR RIG PA GSUM DANG, LA LA NI DE DAG MA GTOGS PA RAB KYI MTHA' PA 'BA' ZHIG YIN PA'I PHYIR RO, , NGES PA'I TSIG SO SO YANG DAG PAR RIG PA NI RTOG DPYOD KYIS KUN NAS SLONG BA'I PHYIR 'DOD PA DANG BSAM GTAN DANG PO'I SA PA YIN NO, ,'O NA DRUG PO DE DAG RAB MTHA' PAS ZHES KHYAD PAR MED PAR BSHAD CE NA, DE NI RAB KYI MTHA' PA'I BSAM GTAN GYI STOBS KYIS 'THOB PA'I PHYIR DE SKAD BSHAD KYI @697 BSAM GTAN BZHI PA'I SA PA NI MA YIN NO, ,DE LA RAB KYI MTHA' PA ZHES BYA BA NI BSAM GTAN GYI YA MTHA' BSAM GTAN BZHI PA YIN NO, ,JI LTAR ZHE NA, RAB MTHA' BSAM GTAN BZHI PA DE NI 'DOD PA'I SEMS LAS BSAM GTAN DANG PO LA SNYOMS PAR 'JUG PA NAS CI YANG MED PA LAS SRID RTZE LA SNYOMS PAR 'JUG PA'I BAR DANG, YANG SRID RTZE LAS LANGS NAS CI YANG MED PA'I SKYE MCHED LA SNYOMS PAR 'JUG PA NAS BSAM GTAN DANG PO LAS LANGS NAS 'DOD PA'I SEMS LA GNAS PA'I BAR DANG, DE NAS YANG 'DOD PA'I SEMS LAS BSAM GTAN DANG PO LA SNYOMS PAR 'JUG PA NAS BSAM GTAN GSUM PA LAS LANGS NAS BSAM GTAN BZHI PA LA SNYOMS PAR 'JUG PA'I BAR SA KUN GYIS LUGS DANG MTHUN PA DANG MI MTHUN PA'I SNYOMS PAR 'JUG PAS MTHUN PAR BYAS PA'I PHYIR DANG, BSGOM PA CHUNG NGU BSAM GTAN DANG PO LAS 'BRING GNYIS PA LAS CHEN PO GSUM PA LA SNYOMS PAR 'JUG PAS GSUM PA NI 'PHEL BA'I MCHOG TU GYUR PAS 'PHEL BA'I RAB YIN LA, RAB DE'I YA MTHA' YIN PAS NA BZHI PA NI 'PHEL BA'I RAB TU PHYIN PA YIN PA'I PHYIR RO, ,NYON MONGS PA MED PA LA SOGS PA YON TAN DRUG PO DE DAG KYANG SANGS RGYAS LAS GZHAN PA'I GANG ZAG GI RGYUD LA YOD PA RNAMS NI SBYOR BA 'BAD RTZOL LAS SKYES PA YIN GYI 'DOD CHAGS DANG BRAL BA TZAM GYIS 'THOB PA NI MA YIN NO, ,SANGS RGYAS KYI NI CHOS THAMS CAD KYI DBANG PHYUG YIN PA'I PHYIR YON TAN THAMS CAD MNGON DU 'GYUR BA NI BZHED PA TZAM LAS RAG LAS PA YIN GYI SBYOR BA LAS BYUNG BA NI CUNG ZAD KYANG MED DO, , GNYIS PA PHAL CHER BYIS PA DANG THUN MONG BA LA MNGON PAR SHES PA NI RNAM PA DRUG TU SHES PAR BYA'O,, GANG ZHE NA, RDZU 'PHRUL GYI YUL SPRUL PA DANG 'GRO BA SHES PA DANG, LHA'I RNA BA DANG, GZHAN GYI YID DUG GSUM BCAS BRAL LA SOGS PA'I KHYAD PAR DANG, RES 'GA' CHAGS RES 'GA' SDANG NGO ZHES PA LA SOGS PA'I GO RIM SHES PA DANG, RANG GZHAN GYI SNGON GYI TSE RABS RJES SU DRAN PA DANG, 'CHI 'PHO DANG SKYE BA SHES PA DANG, ZAG PA ZAD PA SHES PA MNGON SUM DU BYA BA STE BYED PA'I MNGON PAR SHES PA'O ZHES THAMS CAD LA SBYAR RO, ,DRUG PO DE DAG LAS DANG PO LNGA NI, SO SO'I SKYE BO DANG THUN MONG BA YIN LA DRUG PA NI 'PHAGS PA KHO NA'I RGYUD LA YOD DO, , NGO BO NI MNGON SHES DRUG PO DE DAG THAMS CAD NI DPER NA DGE SBYONG GI TSUL GYI 'BRAS BU 'DUS BYAS RNAM GROL GYI LAM GYI RANG BZHIN YIN PA LTAR RNAM PAR GROL BA'I LAM GYI BLO SHES RAB KYI RANG BZHIN YIN NO,, (GAL TE BAR CHAD MED LAM GYIS BSDUS NA DGRA BCOM GNYIS KA'I CHA LAS RNAM GROL LA MNGON SHES MED @698 PAR 'GYUR TE BAR CHAD MED LAM BTANG NAS MED PA'I PHYIR RO, ,LHA'I MIG DANG RNA BA'I MNGON SHES NI DBANG SHES YIN PAS RNAM GROL LAM JI LTAR YIN ZHE NA, LAM GZHAN GYI RNAM GROL DU DE DAG 'GAL YANG MNGON SHES KYI RNAM GROL YIN PAS SKYON MED DO, ,DE LTA MIN NA SGOM BYUNG GI MNGON SHES SU 'GAL TE RNAM GROL GYI LAM MIN PAS SO, ,) GSUM PA DANG DRUG PA MA GTOGS PA BZHI'I NGO BO NI KUN RDZOB SHES PA STE, ZAG BCAS KHO NA YIN PA'I PHYIR RO, ,(DE YANG GSUM GYIS NI ZAG MED DANG GCIG SNGON GYI MTHA' LA DMIGS PAS SO, ,) GZHAN GYI SEMS LA DMIGS NAS DE'I KHYAD PAR SHES PA NI RDZAS KYI RANG GI MTSAN NYID LA DMIGS PA DANG, KUN DU RTOG CING 'TSOL BA'I BSAM PA CAN DANG, ZAG MED LAM GYI RNAM PA CAN DANG, ZAG BCAS PHA ROL GYI SEMS CHAGS BCAS DANG CHAGS BRAL LA SOGS PA'I RNAM PA CAN YIN NA ZAD PA DANG MI SKYE BA SHES PA NI DE LTA BU MA YIN PA'I PHYIR DANG, 'GOG PA MTSUNGS LDAN MA YIN ZHING SDUG BSNGAL DANG KUN 'BYUNG SHES PA'I RNAM PA CAN YANG MA YIN PAS SHES PA LNGA PO DE DAG MA YIN GYI 'ON KYANG ZAG MED KYI CHA CHOS SHES RJES SHES DANG LAM DANG PHA ROL SEMS SHES YIN LA, ZAG BCAS KYI CHA KUN RDZOB SHES PA DANG PHA ROL SEMS SHES GNYIS YIN PAS SHES PA LNGA YIN NO, , ZAG PA ZAD PA'I MNGON PAR SHES PA NI JI LTAR ZAD PA MKHYEN PA'I STOBS SHES PA DRUG GAM BCU'I RANG BZHIN DANG SA BCU GCIG GIS BSDUS PA DE BZHIN DU ZAG PA ZAD PA 'BA' ZHIG LA DMIGS PA YIN NA SHES PA DRUG DANG, ZAG PA ZAD PA'I RGYUD LA YOD PA'I SHES PA YIN PAR 'DOD NA NI DE'I RGYUD LA SHES PA BCU KA YOD PA'I PHYIR SHES PA BCU CHAR YIN NO, ,SA YANG CI RIGS PAR BCU GCIG PO THAMS CAD YIN PAR SHES PAR BYA'O, ,MNGON SHES DANG PO LNGA NI BSAM GTAN GYI DNGOS GZHI BZHI DAG NA YOD LA, (MNGON SHES 'DI DAG BSAM GTAN KHYAD PAR CAN NA MED DE LHAG MTHONG SHAS CHE BAS LAM SLA BA MA YIN PA'I PHYIR RO, ,) GZUGS MED NA NI MED DE, RDZU 'PHRUL DANG LHA'I RNA BA DANG 'CHI 'PHO DANG SKYE BA SHES PA GSUM NI GZUGS LA DMIGS PA'I PHYIR DANG, SEMS KYI RNAM GRANGS DANG SNGON GYI GNAS RJES SU DRAN PA'ANG GZUGS KYI DMIGS PA LA BRTEN NAS BSGRUB DGOS PA'I PHYIR TE, 'DI LTAR BSAM GTAN PA DAG BSAM GTAN LA BRTEN NAS GZUGS 'DI 'DRA BAS NA SEMS 'DI 'DRA BAR 'GYUR RO ZHES DANG, LUS 'DI LA SEMS KYI RNAM PA CI 'DRA BA ZHIG CES PHA ROL LA YID GTOD DE, GANG GI CHE GZUGS LA MA LTOS PAR PHA ROL GYI SEMS SHES PA DE'I CHA SEMS SHES PA GRUB PA YIN NO, ,YANNG BSAM GTANN LA BRTEN NAS BDAG GZHAN GYI YID KYI RNAM PAR SHES PA 'GAGS MA THAG PA'I MTSAN MA BZUNG NAS DE'I SNGA MA SNGA MA @699 LA YID GTAD DE MTHAR NYING MTSAMS SBYOR BA'I SEMS DANG, DE NAS SNGA MA'I BAR DO'I GNAS SKABS DANG, DE NAS SNGA MA'I 'CHI BA'I SRID PA DANG, DE NAS SNGA MA'I SNGON DUS KYI SRID PA LA YID GTOD DE, GANG GI TSE BAR SRID DRAN PA DE'I TSE SNGON GNAS RJES DRAN GRUB PA YIN NO, , DE YANG DANG PO NI RIM GYIS DRAN LA MNGON PAR GRUB NAS NI TSE GCIG DANG GNYIS LA SOGS PA RGAL TE THOD RGAL DU YANG DRAN LA, DE YANG SNGON NYAMS SU MYONG BA KHO NA DRAN NO, ,GAL TE SNGON NYAMS SU MYONG BA KHO NA DRAN NA 'O NA RTEN 'DOD PA PA'I SNGON GNAS RJES DRAN GYIS GNAS GTZANG MA RNAMS JI LTAR DRAN TE PHYIR MI 'ONG YIN PAS DE DAG 'DIR MI SKYE ZHING SO SO'I SKYE BO RNAMS DER MI SKYE BA'I PHYIR RO ZHE NA, NYAMS SU MYONG BA NI MTHONG BA DANG THOS PAS NYAMS SU MYONG BA GNYIS LAS GNAS GTZANG MA PA RNAMS NI 'DI LTA BU YIN NO ZHES THOS PAS NYAMS SU MYONG BA'I PHYIR RO, ,DES NA SNGON GNAS RJES DRAN NI RANG GZHAN GYI SNGON 'DOD PA LA SOGS PA'I GNAS GZHAN DAG RJES SU DRAN PAS BSGRUB DGOS PA LA GZUGS MED DNGOS GZHI DGE RNAMS KYI, ,SPYOD YUL ZAG BCAS 'OG MA MIN ZHES 'DOD PA LA SOGS PA'I GNAS GZHAN 'OG MA LA MI DMIGS PA'I PHYIR DANG, MDO LAS, BDAG MING 'DI ZHES BYA RIGS NI 'DI LTA BUR KHA ZAS NI 'DI LTA BU ZA ZA, BDE BA DANG SDUG BSNGAL NI 'DI LTA BU ZHIG NYAMS SU MYONG, TSE NI 'DI TZAM ZHIG THUB, BDAG GNAS DE NAS SHI 'PHOS NAS CHE GE MO ZHIG TU SKYES SO, ,DE NAS SHI 'PHOS NAS NI 'DIR SKYES SO ZHES PA DANG, SNGON GYI GNAS RNAM PA DU MA RNAM PA DANG BCAS, YUL PHYOGS DANG BCAS, GLENG GZHI DANG BCAS PA RJES SU DRAN NO ZHES GSUNGS PAS SA 'OG MA'I SNGON GYI GNAS DANG RUS DANG RIGS DANG MING DANG KHA ZAS LA SOGS PA DRAN DGOS PA'I PHYIR GZUGS LA LTOS PA YIN PA LA GZUGS MED 'OG SA LA MI DMIGS PA'I PHYIR RO, , DE YANG MNGON SHES GRUB NAS NI GZUGS LA MA LTOS PAR SHES SO, ,RDZU 'PHRUL DANG LHA'I RNA BA DANG MIG GI MNGON SHES GSUM GYI SBYOR BA NI BSAM GTAN LA BRTEN NAS RIM PA LTAR LUS YANG BA DANG 'PHAR BA LA SOGS PA DANG, CHUNG NGU DANG THAG RING PO'I SGRA DANG, SNANG BA YID LA BYED PA YIN LA, ZAG ZAD KYI MNGON SHES KYI SBYOR BA NI GNAS DRUG PAR TSUL GNAS THOS DANG BSAM GTAN PA ZHES NYON MONGS PA SPONG BA'I THABS RGYAS PAR BSTAN PA'I PHYIR YANG 'DIR MI BRJOD DO ZHES SLOB DPON GANG SPEL 'CHAD DO, ,DE DAG NI, RNAM GNAS KYI RGYU YIN LA, RNAM PAR SMIN PA'I RGYU NI RIN PO CHE'I PHRENG BA LAS GSUNGS PA BZHIN DU SHES PAR BYA'O, ,MNGON SHES LNGA PO 'DI DAG NI RANG SA DANG 'OG SA'I SPYOD YUL CAN YIN GYI @700 GONG MA'I NI MA YIN TE, DMAN PA'I YUL MCHOG MA YIN PA'I PHYIR RO, ,(RDZU 'PHRUL GYIS DE'ANG 'OG MAR 'GRO ZHING SPRUL GYI GONG DU MA YIN PA SOGS GZHAN LA'ANG SBYAR RO, ,) DE'I PHYIR GZUGS MED PA'I SEMS NI SEMS KYI RNAM GRANGS SHES PA DANG SNGON GNAS DRAN PA'I MNGON SHES KYIS MI 'DZIN TE, DE NI GONG MA'I SEMS YIN PA'I PHYIR RO, ,DE LTA NA GZUGS MED NAS SHI 'PHOS NAS 'DIR SKYES PA JI LTAR SNGON GYI GNAS DRAN PA'I MNGON SHES KYIS DRAN TE, DE NI BSAM GTAN BZHI PA'I SA PA YIN PAS DES GONG MA GZUGS MED KYI SEMS MI 'DZIN PA'I PHYIR RO ZHE NA, DE NI PHA ROL PO'I RGYUD LA BRTEN NAS BSKYED DE, PHA ROL PO'I YID SHES 'GAGS MA THAG PA'I MTSAN MA BZUNG NAS BSKYED PA'I PHYIR RO, , GANG DAG GZUGS MED NAS SHI 'PHOS PA MA YIN PA DE DAG NI SLA BA'I PHYIR DANG RANG GI RGYUD LA BRTEN NAS SKYED PAR BYED DO, ,DE YANG BAR DO TSUN CHAD DU DRAN PAR 'DOD KYI GZHAN NI MI DRAN NO ZHES BYA BA NI GRUB PA'I MTHA'O, ,DE DAG 'THOB PA'I TSUL NI MNGON PAR SHES PA BYE BRAG CAN SNGON MA BSKYED PAS MA 'DRIS PA RNAMS NI SBYOR BAS 'THOB PAR BYA BA YIN LA, (KHYAD PAR CAN NI 'PHAGS LAM DANG 'BRAL BA'O, ,) GANG DAG TSE RABS SNGA MA LA GOMS SHING 'DRIS PA RNAMS NI 'DOD CHAGS DANG BRAL BA TZAM GYIS 'THOB BO, ,DE DAG MNGON SUM DU 'GYUR BA NI 'DRIS PA DANG MA 'DRIS PA GNYIS KA'ANG SBYOR BA'I STOBS KHO NAS 'THOB PAR BYA BA YIN NO, , DRAN PA NYE BAR BZHAG PAR BSHAD PA NI MNGON PAR SHES PA GSUM PA SEMS KYI RNAM GRANGS SHES PA NI MTSUNGS LDAN KHO NA LA DMIGS PAS TSOR BA DANG SEMS DANG CHOS 'DRAN PA NYER GZHAG GSUM YIN TE GZHAN GYIS SEMS DANG SEMS LAS BYUNG BA LA DMIGS PA'I PHYIR RO, ,RDZU 'PHRUL GYI YUL SHES PA DANG LHA'I RNA BA DANG LHA'I MIG GI MNGON SHES GSUM NI DRAN PA NYER GZHAG DANG PO LUS DRAN PA NYER GZHAG YIN TE, RDZU 'PHRUL GYI MNGON PAR SHES PA NI 'DOD PAR GTOGS PA'I SPRUL PA NI, PHYI'I SKYE MCHED BZHI ZHES 'CHAD PAR 'GYUR BAS SGRA NI RGYUN CHAD PAS SPRUL PAR MI BYED PAS GZUGS DRI RO REG BYA BZHI LA DMIGS PA'I PHYIR DANG, LHA'I RNA BA NI BSKAL BA DANG MA BSKAL BA'I SGRA LA DMIGS PA'I PHYIR DANG, LHA'I MIG GIS NI 'CHI BA DANG BAR DO DANG SKYE BA'I SRID PA'I KHA DOG BZANG NGAN LA SOGS PA'I GZUGS LA DMIGS PA'I PHYIR DANG, DE THAMS CAD KYANG GZUGS CAN YIN PA'I PHYIR RO, ,GAL TE LHA'I MIG GI MNGON SHES KYI DMIGS YUL GZUGS KYI SKYE MCHED KHO NA YIN NA, 'O NA MDO LAS 'CHI 'PHO SKYE SHES KYIS SEMS CAN @701 'DI DAG NI LUS KYI NYES PAR SPYOD PA DANG LDAN NO ZHES PA LA SOGS PA SGO GSUM GYI LAS DANG LDAN PA SHES PAR GSUNGS PA DANG 'GAL TE, LUS KYI RIG BYED MA YIN PA DANG NGAG DANG YID KYI LAS GZUGS KYI SKYE MCHED MA YIN PA'I PHYIR RO ZHE NA, BYE BRAG TU SMRA BA DAG DE DAG LHA'I MIG GI MNGON SHES KYIS MI SHES KYI 'ON KYANG LHA'I MIG GI MNGON SHES KYI 'KHOR DU GYUR PA'I YID KYI RNAM SHES KYIS SHES PA YIN PAS SGO GSUM GYI LAS DANG LDAN PA SHES PA NI YID SHES YIN NO ZHES 'DOD PA NI MI RIGS TE, YID SHES DE MNGON SHES DRUG TU MA 'DUS NA DRUG LAS THA DAD PA'I MNGON SHES YIN PAS MNGON SHES BDUN PAR THAL BAR 'GYUR LA, 'DUS NA 'KHOR DU RNAM PAR BZHAG PA MI 'THAD PAR 'GYUR RO, ,DES NA LUS NGAG GI NYES SPYOD NI LHA'I MIG DANG RNA BA'I MNGON SHES KYIS SHES LA YID KYIS NYES SPYOD DE DAG LAS DPOG PA'AM SEMS KYI RNAM GRANGS SHES PAS SHES PA YIN NO ZHES BYA BAR RIGS SO, , SNGON GNAS RJES DRAN NI GZUGS DANG SEMS DANG SEMS BYUNG GSUM GA LA DMIGS PAS DRAN PA NYER GZHAG BZHI KA'I BDAG NYID YIN LA, ZAG ZAD KYI MNGON SHES KYANG GAL TE ZAG PA ZAD PA 'BA' ZHIG LA DMIGS PA YIN NA NI CHOS DRAN PA NYER GZHAG DANG, 'ON TE DE'I RGYUD LA DMIGS PA YIN NA NI SHES PA BCU'I NGO BO YIN PAS DRAN PA NYER GZHAG BZHI KA YIN NO, ,YANG NA ZAG PA ZAD PA 'BA' ZHIG LA DMIGS PAS SHES PA DRUG GI NGO BO YIN YANG DRAN PA NYER GZHAG GZHAN GSUM YANG MA 'ONGS PA 'THOB PAS DRAN PA NYER GZHAG BZHI CHAR GYI RANG BZHIN ZHES t'I KA BYED DAG 'CHAD DE 'GREL PA'I DGONGS PA'ANG DE NYID DU GSAL LO, , YANG MNGON SHES DE DAG LAS LHA'I MIG DANG RNA BA'I MNGON SHES GNYIS NI NYON MONGS PA CAN MA YIN ZHING DGE BA BZHIR YANG MA 'DUS PAS MA BSGRIBS LA LUNG DU MA BSTAN PA KHO NA YIN NO, ,(DE DAG SKYES THOB MIN LA, SBYOR BYUNG YANG MIN TE DE NI THOS BSAM SGOM GSUM GYIS BSDUS LA DE LA SKYES THOB DANG SBYOR BYUNG GNYIS KA MI SRID PAS SO, ,) DE DAG KYANG MIG DANG RNA BA'I RNAM SHES DANG MTSUNGS PAR LDAN PA'I SHES RAB YIN NO, , 'O NA DE DAG BSAM GTAN BZHI PA'I SA PAR MI 'GYUR TE, GNYIS PA SOGS NA LUS MIG DANG, , RNA BA'I RNAM SHES RNAM RIG SLONG, ,GANG YIN DE NI DANG POR GTOGS ZHES 'CHAD PAR 'GYUR BAS MIG DANG RNA BA'I RNAM SHES DE DAG BSAM GTAN GNYIS PA YAN CHAD NA MED LA, DE DAG MED PAR DE DAG DANG MTSUNGS LDAN GYI SHES RAB MI 'THAD PA'I PHYIR RO ZHE NA, DE LTA MOD KYI 'ON KYANG GZUGS KYI KHAMS @702 NA BCU BZHI'O ZHES 'BYUNG BAS RNAM SHES DE DAG GI RTEN MIG DANG RNA BA'I DBANG PO BSAM GTAN BZHI PA'ANG YIN PAS RTEN DAG GI DBANG GIS BSAM GTAN BZHI PAR BRJOD DO, ,YANG NA BAR CHAD MED PA'I LAM GYI DBANG GIS DE SKAD BRJOD DE, THOG MAR SGRUB PA NA LAM SLA BA'I MCHOG YIN PAS BAR CHAD MED LAM BSAM GTAN BZHI BA LA BRTEN NAS BSGRUB DGOS PA'I PHYIR RO, ,MNGON SHES LHAG MA BZHI PO RNAMS NI DGE BA KHO NA YIN NO, ,(DE YANG BSAM GTAN GYIS BSDUS PA'I RNAM GROL GYI LAM YIN PAS SO, ,) 'O NA RAB TU BYED PA LAS, MNGON PAR SHES PA GANG ZHE NA, SHES RAB DGE BA YIN NO ZHES BSHAD PA JI LTA BU ZHE NA, DE NI MNGON SHES DGE BA GTZO BOR GYUR PA'AM, YANG NA MNGON SHES PHAL CHER DGE BA YIN PA'I DBANG DU BYAS NAS DE SKAD DU BSHAD PA YIN TE DPER NA MON SRAN RDE'U LA SOGS PA YOD BZHIN DU MON SRAN GRE'U PHAL CHE BAS DE'I PHUNG POR BRJOD PA BZHIN NO, ,MNGON SHES DRUG PO 'DI DAG LAS PHYI MA GSUM NI MI SLOB PA'I RIG PA GSUM ZHES BYA'O, ,CI'I PHYIR GSUM PO DE DAG KHO NA RIG PA YIN GYI DANG PO GSUM MA YIN ZHE NA, DE GSUM GYIS SNGON GYI MTHA' DANG SOGS PAS GZUNG BA PHYI MA'I MTHA' DANG BAR LA KUN DU RMONGS PA'I MA RIG PA RNAM PAR BZLOG PA'I PHYIR RO, ,'DI LA SKAL LDAN KHYAD PAR CAN LA SOGS PA NI ZAG ZAD KYI MNGON SHES KYI SKABS SU MDO LAS 'DI LAS SRID PA GZHAN MI SHES SO ZHES 'BYUNG BA DANG, 'DAS PA DANG DA LTAR BYUNG BA DANG MA 'ONGS PA'I DUS ZHES BYA BA'I RIM PA DANG MTHUN PAR SNGON GNAS RJES DRAN DANG 'CHI 'PHO SKYE SHES DANG ZAG PA ZAD PA SHES PA GSUM GYIS RIM PA LTAR SNGON DANG BAR DANG PHYI MA'I MTHA' LA KUN DU RMONGS PA BZLOG PAR BYED DO ZHES 'CHAD MOD KYI, SLOB DPON 'DUN BZANG DANG POS RANG GZHAN GYI RGUD PA MTHONG LA, BAR MAS GZHAN GYI RGUD PA MTHONG NAS SKYO BA SKYE LA, DE LTAR SKYO NA GSUM PAS YANG DAG PA'I DON RTOGS PAS NA DE GSUM GYIS RIM PA LTAR SNGON DANG PHYI MA'I MTHA' DANG BAR DA LTAR BYUNG BA LA KUN DU RMONGS PA BZLOG GO ZHES 'CHAD PAS NYID RIGS TE, 'GREL PA LAS, SNGON GYI GNAS DANG 'CHI 'PHO BA DANG SKYE BA DANG ZAG PA ZAD PA SHES PA MNGON SUM DU BYA BA RNAMS NI MI SLOB PA'I RIG PA GSUM ZHES BYA'O ZHES BSHAD NAS, 'DI DAG GIS NI GO RIM BZHIN DU SNGON GYI MTHA' DANG PHYI MA'I MTHA' DANG BAR LA KUN DU RMONGS PA BZLOG PAR BYED DO ZHES BSHAD PA'I PHYIR SLOB DPON GYI DGONGS PA'ANG DE NYID YIN PAR MNGON NO ZHES RGYAL PO'I SRAS 'CHAD DO, , MNGON SHES GSUM PO DE DAG KHO NA RIG PA GSUM YIN PAR NI YANG MDO LAS, MI SLOB PA'I RIG @703 PA NI GSUM STE, MI SLOB PA'I SNGON GYI GNAS RJES SU DRAN PA SHES PA MNGON DU BYED PA'I RIG PA DANG, MI SLOB PA'I 'CHI 'PHO DANG SKYE BA SHES PA MNGON DU BYED PA'I RIG PA DANG, MI SLOB PA'I ZAG PA ZAD PA SHES PA MNGON DU BYED PA'I RIG PA'O ZHES PA DANG, SDE SNOD GSUM PA YIN, RIG PA GSUM PA YIN ZHES KYANG GSUNGS PAS GSUM PO DE DAG LAS KYANG DON DAM PAR MI SLOB PA'ANG YIN LA DE'I RIG PA'ANG YIN PA NI ZAG MED YIN PAS THA MA ZAG ZAD KYI MNGON SHES KHO NA YIN LA, DANG PO GNYIS NI MI SLOB PA DE'I RGYUD LA SKYES PA'I PHYIR MI SLOB PA DE'I RIG PA ZHES BYA'I DNGOS SU NA DE GNYIS NI ZAG BCAS YIN PAS SLOB GNYIS KA MA YIN PAS MI SLOB PA MA YIN NO, ,GAL TE MNGON SHES 'DI DAG SLOB PA LA'ANG YOD BZHIN DU CI'I PHYIR SLOB PA'I RIG PAR MI BRJOD CE NA, MNGON SHES 'DI DAG SLOB PA LA'ANG YOD PAR 'DOD DE 'ON KYANG DE DAG RIG PAR NI MA BSHAD DO ZHES SBYAR RO, ,CI'I PHYIR ZHE NA, RGYUD MA RIG PAS ZIL GYIS MNAN PA DANG BCAS PA'I PHYIR DANG, (LANGS PA NA SGOM SPANG GI,) MA RIG PA DANG BCAS BZHIN DU RIG PAR 'OS PA MA YIN PA'I PHYIR RO, ,(BCINGS PA LA RNAM GROL MA BSHAD DO,,) YANG DRUG GI TSOGS KYI BZHI PA REG PA BZHI PA'I MDO'I RAL PA CAN STONG RAB TU BYUNG BA'I DGE SLONG RNAMS LA GDAMS PA LAS RDZU 'PHRUL GYI CHO 'PHRUL DANG KUN BRJOD PA'I CHO 'PHRUL DANG RJES SU BSTAN PA'I CHO 'PHRUL RNAM PA GSUM GSUNGS PA LAS MNGON PAR SHES PA DRUG GI DANG PO RDZU 'PHRUL GYI YUL SHES PA'I MNGON PAR SHES PA DANG, GSUM PA SEMS KYI RNAM GRANGS SHES PA DANG, DRUG PA ZAG ZAD KYI MNGON SHES RNAMS NI RIM PA BZHIN DU RDZU 'PHRUL DANG KHYOD KYI SEMS NI 'DI 'DRA'O ZHES KUN BRJOD PA DANG LAM YANG DAG NGA JI LTA BA BZHIN STON PAS RJES SU BSTAN PA'I CHO 'PHRUL RNAMS YIN NO, ,CI'I PHYIR CHO 'PHRUL ZHES BYA ZHE NA, DANG POR GDUL BYA GZHAN GYI YID 'PHROG PAR BYED PA'I PHYIR TE HA RA'I DON TO, ,DE LA DANG POS NI PHA ROL GYI YID 'DUN PA'I SGO NAS 'PHROG PAR BYED CING, GNYIS PAS NI PHA ROL GYI BSAM PA SHES NAS CHOS BSTAN PA'I SGO NAS YID 'PHROG PAR BYED LA, GSUM PAS NI BSTAN PA BZHIN BSGRUBS PAS SMIN CING GROL BA'I SGO NAS YID 'PHROG PA'I PHYIR RO, , YANG NA 'DI DAG GIS RIM PA LTAR BSTAN PA LA ZHE 'GRAS PA DANG BAR MAR GNAS PA DANG ZHUGS PA RNAMS KYIS YID 'PHROG PA'I PHYIR RAM, YANG NA 'DUN PA DANG 'JUG PA DANG ZHUGS PA RNAMS KYIS YID 'PHROG PA'I PHYIR RO, ,CHO 'PHRUL GSUM PO 'DI DAG GI NANG NA RJES SU BSTAN PA'I CHO 'PHRUL KHO NA MCHOG YIN TE, NYON MONGS PA ZAD PA MED NA MI 'BYUNG ZHING, BAR CHAD MED PA'I LAM ZAG MED KHO NA LAS SKYES @704 PAS RGYU DE LA MA 'KHRUL BA'I PHYIR DANG, 'DIR NYON MONGS PA DANG BRAL BAS PHAN PA'I PHYIR DANG, PHYI MAR SDUG BSNGAL GYI KHUR DANG BRAL BAS GTAN DU YID DU 'ONG BA'I 'BRAS BU LA SBYOR BAR BYED PA'I PHYIR RO,, CHO 'PHRUL DANG PO GNYIS NI GHAN DHA RI ZHES BYA BA'I RIG SNGAGS KYIS NAM MKHA' LA 'GRO BA DANG, RTOG BYED CES BYA BA'I RIG SNGAGS KYIS PHA ROL GYI SEMS SHES PA DANG, SMAN DANG MI MA YIN PA'I NUS PAS KYANG DE LTAR 'GYUR BA'I PHYIR ZAG MED GYI RGYU LA MI 'KHRUL BA'ANG MA YIN LA, GDUL BYA 'DUN PA DANG BSAM PA SHES PA TZAM GYIS DNGOS SU PHAN PA DANG YID DU 'ONG BA'I 'BRAS BU LA MI SBYOR BAS MCHOG MA YIN NO, , 'O NA RDZU 'PHRUL ZHES BYA BA 'DI CI ZHIG CE NA, BYE BRAG TU SMRA BA RDZU 'PHRUL NI TING NGE 'DZIN YIN NO ZHES 'DOD DE, 'DIS 'BYOR ZHING 'GRUB PAR BYED PA'I PHYIR RO, ,CI ZHIG 'BYOR ZHING 'GRUB CE NA, RDZU 'PHRUL TING NGE 'DZIN DE LAS NI YUL SPRUL PA DANG 'GRO BA DBANG 'BYOR BA 'GRUB PA'I PHYIR RO, ,DE LA RDZU 'PHRUL GYIS 'GRO BA NI RNAM PA GSUM TE, BYA BZHIN DU RIM GYIS LUS KYIS MGYOGS POR PHYIN PAR BYED PA LUS PHYIN BYED DANG, LAM THAG RING PO'ANG THUNG NGUR MOS PA BYAS PAS MYUR DU SLEB PA MOS PA LAS BYUNG BA DANG, YID KYIS BSAMS PA TZAM GYIS DER SLEBS PA'I YID MGYOGS SO, ,DE DAG LAS YID BZHIN DU MGYOGS PAS NA YID MGYOGS KYIS 'GRO BA NI STON PA SANGS RGYAS KHO NA LA MNGA' STE, (YID LA BSAMS PA TZAM GYIS DER PHYIN PAS YID MGYOGS SO, ,) YUL THAG SHIN TU RING BAR YANG THUGS BSKYED PA TZAM GYIS BYON PA'I PHYIR RO, , DE NYID KYI PHYIR BZHI LAS 'PHROS PA'I MDO LAS, SANGS RGYAS RNAMS KYI SANGS RGYAS KYI YUL NI BSAM GYIS MI KHYAB PO ZHES GSUNGS SO, ,'GRO BA GZHAN GNYIS STON PA LA MNGA' BAR DNGOS SU MA BSHAD KYANG MNGA' BAR GRUB BO, ,SANGS RGYAS LAS GZHAN NYAN RANG LA SOGS PA DAG LA NI LUS PHYIR BYED KYI 'GRO BA'ANG YOD LA MOS PA LAS BYUNG BA YANG YOD DO, ,SPRUL PA CI LTA BU ZHE NA, SPRUL PA NI RTEN 'DOD GZUGS KYI SPRUL PA GNYIS LAS DANG PO LA YANG GNYIS LAS RE ZHIG DANG PO ('DOD PA'I RTEN CAN GYIS,) 'DOD PAR GTOGS PA'I SPRUL PA NI PHYI'I SKYE MCHED GZUGS DRI RO REG BYA BZHI SPRUL GYI NANG GI SKYE MCHED NI SPRUL PAR MI BYED DE, DE SPRUL NA SNGON MED PA'I SEMS CAN 'BYUNG BAR THAL BA'I PHYIR RO, ,SGRA NI RGYUN MED PA'I PHYIR MI SPRUL LO, ,DE YANG BDAG NYID SENG GE DANG GLANG PO CHE LA SOGS PAR BSGYUR BAS BDAG GI LUS DANG 'BREL BA DANG, BDAG NYID LAS PHYI ROL TU SENG GE DANG GLANG PO CHE LA SOGS PAR SPRUL PAS GZHAN GYI LUS DANG 'BREL BA RNAM PA GNYIS SO, ,GNYIS PA RTEN 'DOD PA PA DES GZUGS SU GTOGS PA NI @705 DE NA DRI RO MED PAS GZUGS DANG REG BYA'I SKYE MCHED GNYIS KHO NA SPRUL ZHING DE YANG SNGA MA LTAR BDAG GZHAN GYI LUS DANG 'BREL BA GNYIS GNYIS BZHI'O, ,DE LTAR NA 'DOD PA'I RTEN CAN GYI ('DOD PA DANG GZUGS KYI GNYIS GNYIS TE,) SPRUL PA RNAM PA BZHI YIN NO, ,DE BZHIN DU GNYIS PA RTEN GZUGS KHAMS PAS KYANG RANG SA DANG 'DOD PA'I SKYE MCHED GNYIS DANG BZHI SPRUL ZHING DE GNYIS KA RE RE ZHING BDAG GZHAN GYI LUS DANG 'BREL BAR SPRUL PAS SPYIR SPRUL PA NI RNAM PA BRGYAD YIN NO, ,GAL TE DES 'DOD PAR BDAG GI LUS DANG 'BREL BA'I DRI RO SPRUL NA DE DE GNYIS DANG LDAN PAR 'GYUR RO ZHE NA, DE DAG LAS SRED PA MED PAS SPRUL KYANG LDAN PAR MI 'GYUR TE DPER NA GOS DANG RGYAN LUS DANG 'BREL KYANG SEMS CAN DU MI BGRANG BAS SEMS DANG LDAN PAR MI 'GYUR BA BZHIN NO, , YANG CI MNGON SHES KHO NAS SPRUL PA SPRUL BAR BYED DAM ZHE NA, MA YIN TE, MNGON SHES KYI 'BRAS BU SPRUL PA'I SEMS DAG GIS SPRUL PAR BYED LA, SPRUL SEMS DE DAG KYANG DBYE NA NI BCU BZHI'O, ,GANG ZHE NA, BSAM GTAN DANG PO'I 'BRAS BU SPRUL SEMS NI 'DOD PA DANG BSAM GTAN DANG PO'I SA PA'I GNYIS YIN PA NAS BSAM GTAN GNYIS PA'I 'BRAS BU SA 'OG MA PA GNYIS DANG RANG GI SA PA STE GSUM DANG, GSUM PA'I SA 'OG MA PA GSUM DANG RANG GI SA PA STE BZHI DANG, BZHI PA'I SA 'OG MA PA BZHI DANG RANG GI SA PA DANG LNGA YIN PA'I BAR DU RIM PA BZHIN DU SHES PAR BYA'O, ,DES NA BSAM GTAN GYI 'BRAS BU SPRUL SEMS NI RANG SA DANG 'OG SA PA'I YIN GYI BSAM GTAN 'OG MA'I SA PA DAG GI 'BRAS BU SA GONG MA LAS SKYES PA'I SPRUL SEMS NI MIN TE (YIN NA 'OG SA LA BRTEN NAS GONG SA SPRUL NUS PAR THAL BAS SO, ,) GONG SA MA THOB NA BSKYED MI NUS LA THOB NA DE NYID KYI 'BRAS BU YIN PA'I PHYIR RO, ,DE LTAR NA 'DOD PA'I SPRUL SEMS BSAM GTAN BZHI PO KHO NA'I 'BRAS BU YIN PA LAS BSAM GTAN 'OG MA'I 'BRAS BU 'DOD PA'I SPRUL SEMS KYI SA SPRUL PA'I 'DOD PA'I SPRUL PA BAS BSAM GTAN GONG MA'I 'BRAS BU 'DOD PA'I SPRUL SEMS KYIS SPRUL PA'I 'DOD PA'I SPRUL PA 'GRO BA'I SGO NAS KHYAD PAR DU 'PHAGS TE, BSAM GTAN DANG PO'I 'BRAS BU 'DOD PA'I SPRUL SEMS KYIS SPRUL PA'I 'DOD PA'I SPRUL PA DES BSAM GTAN DANG PO'I SA PA'I BAR DU 'GRO NUS KYI GNYIS PA LA SOGS PAR 'GRO MI NUS LA, BSAM GTAN GNYIS PA'I 'BRAS BU 'DOD PA'I SPRUL SEMS KYIS SPRUL PA'I 'DOD PA'I SPRUL PA DES BSAM GTAN GNYIS PA'I BAR DU 'GRO NUS PA'I PHYIR RO, ,DE BZHIN DU BSAM GTAN GSUM PA LA SOGS PA'I 'BRAS BU 'DOD PA'I SPRUL SEMS KYIS SPRUL PA LA'ANG SBYAR TE SHES PAR BYA'O, ,SPRUL SEMS DE DAG RNYED PA'I TSUL @706 NI BSAM GTAN GYI DNGOS GZHI BZHIN DU 'OG SA LAS 'DOD CHAGS DANG BRAL BA'I SGO NAS RNYED DO, ,'O NA SPRUL SEMS DE RANG NYID KYI RJES KHO NA LAS 'BYUNG ZHING LDANG NGAM GZHAN LAS KYANG 'BYUNG ZHING GZHAN YANG 'BYUNG ZHE NA, SPRUL SEMS DE NI THOG MAR MNGON DU BYED CING SPRUL SEMS LA 'JUG PA NA BSAM GTAN DAG PA PA DANG RGYUN GYI TSE SPRUL SEMS RANG NYID LAS SKYE BAR 'GYUR LA, SPRUL SEMS LA GNAS PA DE LDANG BA NA TING NGE 'DZIN LA MA ZHUGS PAR LDANG BA MED PAS SPRUL SEMS DE LAS KYANG SPRUL SEMS LAS LANGS PA'I TSE BSAM GTAN DAG PA PA DANG, RGYUN GYI TSE SPRUL SEMS RANG NYID DANG GNYIS SKYE BAR 'GYUR GYI GZHAN DANG GZHAN LAS NI 'BYUNG BA MED DO, ,(DES NA SPRUL SEMS KHO NA LAS 'DOD PA'I SEMS LTA BUS LDANG BA NI MI SRID DE BYA 'PHUR BA DANG 'BAB PA NGES PAR 'DAB MA LA BRTEN PA BZHIN NO, ,) SPRUL PA THAMS CAD KYANG RANG RANG GI SA PA'I SPRUL PA'I SEMS KYIS RANG SA'I SPRUL PA SPRUL PAR BYED KYI SA GZHAN PA'I SPRUL SEMS KYIS NI SA GZHAN GYI SPRUL PA SPRUL PAR MI BYED DO ZHES SPYIR BTANG NAS DMIGS BSAL BSAM GTAN GNYIS PA YAN CHAD PA DAG GI SPRUL PA NGAG SMRAR 'JUG PA NI RANG SA NAS RTOG DPYOD MED CING NGAG SMRA BA KUN SLONG RTOG DPYOD LA NGES PAR LTOS PAS SA 'OG MA BSAM GTAN DANG PO'I SA PA'I SMRA SEMS KHO NAS SMRAR 'JUG LA, KYANG ZHES PA NI 'DOD PA DANG BSAM GTAN DANG PO NA NI RANG GIS PA'I SEMS KHO NAS SMRAR 'JUG GO ZHES PA BSDU BA'I PHYIR RO, ,NGAG SMRA BA DE YANG LHA DANG BCAS PA'I STON PA SANGS RGYAS MIN PA'I SPRUL PA NI SPRUL PA PO DANG BCAS NAS SMRA BAR BYED DE, LUNG RING PO LAS, GCIG GIS SMRA BAR BYED PA NA, ,SPRUL PA THAMS CAD SMRA BAR BYED, ,GCIG MI SMRA BAR GYUR PA DANG, ,DE DAG THAMS CAD SMRA MI 'GYUR ZHES 'BYUNG BA'I PHYIR RO, ,SANGS RGYAS KYI SPRUL PA NI THAMS CAD BZHED PA TZAM GYIS 'BYUNG BA'I PHYIR SNGA PHYI JI LTAR BZHED PAR SMRA BAS NGES PA MED DE, LAS GDAGS PA LAS, CI'I PHYIR SANGS RGYAS BCOM LDAN 'DAS KYIS SPRUL PA SKYES BU CHEN PO'I MTSAN SUM CU RTZA GNYIS DANG LDAN PA SPRUL PA NI GANG GI TSE SANGS RGYAS BCOM LDAN 'DAS GSUNG BA DE'I TSE SPRUL BA MI SMRA LA SPRUL PA SMRA BA DE'I TSE SANGS RGYAS MI GSUNG BA DANG, NYAN THOS KYI SPRUL PA NYAN THOS KYI CHA BYAD CAN SPRUL PA NI NYAN THOS SMRA BA'I TSE SPRUL PA'ANG SMRA LA NYAN THOS MI SMRA BA'I TSE SPRUL PA'ANG MI SMRA ZHE NA, SANGS RGYAS BCOM LDAN 'DAS NI SEMS DANG TING NGE 'DZIN LA MNGA' BRNYES PAS MYUR DU SNYOMS PAR 'JUG CING BZHENGS TE DMIGS PA'ANG MI GTONG LA NYAN THOS NI DE LTA MA YIN PA'I PHYIR RO, , GZHAN YANG SANGS RGYAS BCOM LDAN 'DAS NI THAMS CAD MKHYEN PA YIN TE, YE SHES DANG DBANG @707 GI PHA ROL TU PHYIN PA YIN LA NYAN THOS NI DE LTA MA YIN PA'I PHYIR RO ZHES 'BYUNG BA'I PHYIR RO, ,'DI LA GAL TE SMRA BA'I NGAG MANG PO SPRUL NA NI SGRA YANG SPRUL PAR 'GYUR BAS PHYI'I SKYE MCHED BZHI ZHES PA DANG, 'GAL BAR 'GYUR LA, 'ON TE NGAG GCIG LAS MED NA MANG PO SMRA BAR BYED PA MI 'THAD DO, ,GAL TE MANG POR SMRA BAR SNANG BA YIN GYI NGAG GCIG LAS MED DO ZHE NA, DE NI PHYI'I SKYE MCHED BZHI LA'ANG MTSUNGS PA'I PHYIR RO, ,DE'I PHYIR BYE BRAG TU SMRA BAS SEMS CAN GSAR SKYE MED PAS DBANG PO LNGA MI SPRUL LA, SGRA LA RGYUN MED PAS MI SPRUL LO ZHES BYA BA'ANG SPRUL BA 'DI DAG SEMS KYI SNANG BA MA GTOGS PA DON LA YOD PA'I CHOS YIN NA NI JI LTAR SPRUL PA YIN, MED NA'ANG GSAR DU SKYE BA DANG RGYUN MED PA DAG KYANG SHES PA LA SNANG BAR 'GYUR RO ZHES BRTAG PAR BYA'O, ,'O NA RGYUD GCIG LA SEMS GNYIS CIG CAR MI 'BYUNG BAS SMRA SEMS YOD PA'I TSE SPRUL SEMS MED LA SPRUL SEMS YOD PA'I TSE SMRA SEMS MED PAS JI LTAR SPRUL PA SMRAR 'JUG CE NA, DANG PO SBYOR BA'I TSE SPRUL SEMS KYIS SPRUL PA SPRUL NAS BDAG GI SPRUL PA 'DI YUN RING DU GNAS PAR GYUR CIG ,DE NAS SMRA SEMS KYIS SMRA BAR GYUR CIG CES RIM PA LTAR 'BYUNG BAR BYIN GYIS BRLABS NAS JI LTAR BYIN GYIS BRLABS PA LTAR PHYIS SPRUL SEMS LAS GZHAN SMRA SEMS KYIS SMRAR 'JUG PA'I PHYIR SKYON MED DO, ,CI GSON PO KHO NA LA BYIN RLABS YOD DAM, 'ON TE SHI BA LA'ANG YOD CE NA, (SPRUL PA PO) SHI BA LA YANG BYIN GYIS BRLABS NAS YUN RING DU 'JUG PA YOD DE, LUNG PHRAN TSEGS LAS, STON PA 'DAS NAS 'PHAGS PA KUN DGA' BO DANG NYE BAR 'KHOR GYIS MDO SDE DANG 'DUL BA BSDUS PA'I RJES LA 'PHAGS PA 'OD SRUNGS CHEN POS MNGON PA'I SDE SNOD BSDUS TE, KYE MA STOBS BCU MNGA' BA'I GSUNG NI TSAD MED PA, ,'GRO LA PHAN PHYIR CHOS KYI BSTAN BCOS 'DI BSDUS PAS, ,GANG NA 'JIG RTEN BLO NGAN MUN BYED CHUD ZOS PA, ,BLO GROS RAB RIB BSAL BAS SGRON MER YANG DAG LDAN ZHES SMRAS NAS, 'DI SNYAM DU BDAG GIS STON PA'I BKA' DRIN MTHA' DAG BSAB PAR MI NUS MOD KYI 'ON KYANG SDE SNOD GSUM BSDUS NA BSTAN PA YUN RING DU GNAS PAR 'GYUR RO ZHES GSUNG BA'I STON PA'I GSUNG BSGRUBS SHING BSTAN PA YUN RING DU GNAS PAR BYAS PAS 'JIG RTEN LA PHAN BTAGS SHING TSANGS SPYOD YUN RING DU SPYAD PAS DE NI LUS RNAG CAN 'DIS SKYO BAS BDAG MYA NGAN 'DA' BA'I DUS LA BAB BO SNYAM NAS, BDAG GI THUB PA'I MDO SDE NI, ,YANG DAG BSDUS NAS CHOS LAM GZHAG, GCIG NAS GCIG TU YUN RING BAR, ,STON PA'I GSUNG RAB 'DI GNAS 'GYUR, ,NGO TSA MED RNAMS CHAD PAS BCAD, ,NGO TSA BYED NI YONGS SU GZUNG, ,BDAG GIS PHAN DANG DGE BYAS PAS, ,BDAG @708 NI MYA NGAN 'DAS DUS BAB CES SMRAS TE, KUN DGA' BO LA BSTAN PA GTAD NAS STON PA'I SKU GDUNG GI MCHOD RTEN BRGYAD KYI DRUNG DU SONG STE MCHOD CING, KLU'I GNAS DANG SUM CU RTZA GSUM DU'ANG SONG NAS STON PA'I MCHE BA LA MCHOD PA BYAS TE, SLAR RGYAL PO'I KHAB TU 'ONGS NAS RGYAL PO MA SKYES DGRA LA MYA NGAN LAS 'DA' BAR SMRA BAR 'DOD PA NA RGYAL PO GNYID DU SONG BAS MA PHRAD PAR GYUR TO, ,DE NAS 'OD SRUNGS CHEN PO RI BYA RKANG CAN DU SONG STE RI GSUM GYI DBUS SU RTZVA BTING BA LA 'DUG NAS BDAG GI LUS 'DI SANGS RGYAS BYAMS PA'I SLOB MA RNAMS SKYO BAR BYA BA'I PHYIR BYAMS PA'I BSTAN PA RGYAS KYI BAR DU RI KHA ZUM STE RI'I DBUS SU MA NYAMS PAR GNAS PAR GYUR CIG ,RGYAL PO MA SKYES DGRA LUS BLTAR 'ONGS NA RI RNAMS BYE NAS MTHONG BAR GYUR CIG, TSE'I 'DU BYED BTANG MA THAG TU SA G-YO BA LA SOGS PA'I LTAS SNA TSOGS 'BYUNG BAR GYUR CIG SNYAM DU BSAMS NAS GLOG 'BYIN PA LA SOGS PA'I CHO 'PHRUL SNA TSOGS BSTAN TE RANG GI LUS BYIN GYIS BRLABS NAS STON PAS GNANG BA'I NA BZA' PHYAG DAR KHROD KYIS LUS DANG GSIL BYED DANG LHUNG BZED RNAMS BTUMS TE GLO G-YAS PA PHA BA RKANG PA'I STENG DU RKANG PA BZHAG NAS NYAL TE MYA NGAN LAS 'DAS SO, ,GANG GI TSE SANGS RGYAS BYAMS PA BYON PA DE'I TSE BYAMS PA 'DUS PA DANG PO'I NYAN THOS KYI DGE 'DUN BYE BA PHRAG DGU BCU RTZA DRUG DANG BCAS PA RI BYA RKANG CAN DU GSHEGS NAS RI GSUM BSAL TE BYAMS PAS 'OD SRUNGS CHEN PO'I RUS PA PHYAG TU BSNAMS NAS CHOS BSTAN PAS NYAN THOS BYE BA PHRAG DGU BCU RTZA DRUG GIS DGRA BCOM 'THOB PAR GSUNGS LA, SNYING RJE CHEN PO PADMA DKAR PO'I MDO LAS BYAMS PA'I 'DUS PA GNYIS PA NYAN THOS BYE BA PHRAG DGU BCU RTZA BZHI DANG, 'DUS PA GSUM PA NYAN THOS BYE BA PHRAG DGU BCU RTZA GNYIS TE, 'DUS PA GSUM CHAR LA 'OD SRUNGS CHEN PO'I LUS BYAMS PAS BSTAN NAS GDUL BYA MANG PO'I DON BYED PAR GSUNGS PA'I PHYIR RO, ,KHA CIG 'OD SRUNGS CHEN PO MYA NGAN LAS 'DAS PAR BSHAD BA NI THEG CHUNG BA'I LUGS YIN GYI THEG CHEN PA NI 'GOG PA LA SNYOMS PAR ZHUGS PAR BZHED DO, ,ZHES GSUNGS PA NI MI RIGS TE, SNYING RJE CHEN PO PADMA DKAR PO LAS KYANG MYA NGAN LAS 'DAS PA KHO NAR GSUNGS PA'I PHYIR RO, ,SHI NAS BYIN GYIS BRLABS PA DE YANG KHA CHE BA RUS PA LTA BU BRTAN PA LA YOD KYI MI BRTAN PA SHA KHRAG DANG PAGS PA LA SOGS PA LA MED DE, DE'I PHYIR 'OD SRUNGS KYI YANG KENG RUS 'BA' ZHIG GNAS KYI SHA LA SOGS PA BYIN GYIS MA BRLABS PA'I PHYIR RO ZHES 'DOD LA, GZHAN DAG NA RE SHI BA LAS NI BYIN RLABS YOD PA MIN GYI 'OD SRUNGS KYI KENG RUS GNAS PA NI GNAS GTZANG MA'I LHA RNAMS KYI MTHUS GNAS PA YIN NO @709 ZHES 'DOD DO, ,'O NA SPRUL SEMS GCIG GIS DU MA SPRUL LAM GCIG GIS GCIG KHO NA SPRUL ZHE NA, DANG POR TE MA BYANG BA'I TSE NI SPRUL SEMS DU MAS SPRUL PA GCIG SPRUL PA YIN TE, YUN RING DU 'BAD DGOS PA'I PHYIR RO, ,PHYIS MNGON SHES BYANG BAR GYUR NAS NI SNGA MA LAS BZLOG PA SPRUL SEMS GCIG GIS DU MA SPRUL BAR BYED DO, ,ZHES SPRUL SEMS THAMS CAD LUNG MA BSTAN YIN NAM ZHE NA, BSGOMS PA LAS SKYES PA'I SPRUL SEMS GANG YIN PA DE NI NGES PAR LUNG MA BSTAN YIN LA, (SA GONG MAR SKYES PAS KYANG 'OG MA'I DE MNGON DU BYED PA'I PHYIR RO, ,) LHA KLU DANG SHA ZA LA SOGS PA'I SKYE BA LAS SKYES SHING THOB PA'I SPRUL SEMS NI PHAN PA DANG GNOD PA BYA BA'I PHYIR SPRUL PAR BYED PA DANG BTANG SNYOMS PA YIN PA'I PHYIR DGE MI DGE LUNG MA BSTAN RNAM PA GSUM MO, ,LHA KLU LA SOGS PA DE DAG GIS BYAS PA'I SPRUL PA RANG DANG GZHAN GYI RGYU DANG 'BREL BA NI SGRA MA GTOGS PA'I GZUGS CAN GYI SKYE MCHED THAMS CAD YIN PA'I PHYIR SKYE MCHED DGU PA YIN NO, ,DBANG PO DANG THA MI DAD PA'I PHYIR DE SKAD DU BRJOD KYI DBANG PO NI DNGOS SU NA SEMS CAN DU STON PA KHO NA YIN PAS SNGON MED PA'I SEMS CAN 'BYUNG BAR THAL BAR 'GYUR BA'I PHYIR SPRUL PAR MI BYED DO, ,SPRUL BA SEMS MED YIN PA'I PHYIR YID DANG CHOS KYI SKYE MCHED DAG KYANG SPRUL PAR MI BYED DO, , SPRUL PA SEMS MED YIN PAR NI GDAGS PA LAS, SPRUL PA DE 'BYUNG BA CHEN PO BZHI LAS GYUR PA ZHES BRJOD PAR BYA'AM, 'BYUNG BA CHEN PO BZHI LAS GYUR PA MA YIN ZHES BRJOD PAR BYA, SMRAS PA, 'BYUNG BA CHEN PO BZHI LAS GYUR PA'O ZHES BRJOD PAR BYA'O, ,RGYUR BYAS PA'I GZUGS CAN NAM, RGYUR BYAS PA'I GZUGS CAN MA YIN PA ZHES BRJOD PAR BYA, SMRAS PA, RGYUR BYAS PA'I GZUGS CAN NO ZHES BRJOD PAR BYA STE, SEMS MED PA ZHES KYANG BRJOD PAR BYA'O, ,SPRUL PA GANG GI SEMS KYI DBANG GIS 'JUG PAR BYA ZHES BRJOD PAR BYA, SMRAS PA, SPRUL PA NI GNYIS TE, SKYES NAS THOB PA DANG, BSGOMS PA LAS BYUNG BA'O, ,DE LA DANG PO NI SEMS CAN DE'I SEMS KYI DBANG GIS 'GYUR LA, GNYIS PA NI SPRUL PA PO'I SEMS KYI DBANG GIS 'JUG GO ZHES BRJOD PAR BYA'O ZHES 'BYUNG BA'I PHYIR RO, ,DES NA 'DI NI SGOM BYUNG GI DBANG DU BYAS KYI SKYES THOB NI DE NYID LAS, SPRUL PA SEMS YOD PA ZHES BYA'AM MED PA ZHES BYA ZHE NA, SPRUL PA NI GNYIS TE, SKYES NAS THOB PA DANG, BSGOMS PA LAS BYUNG BA'O, ,DE LA SKYES THOB NI SES YOD PA ZHES BYA LA, SGOM BYUNG NI SEMS MED PA ZHES BYA'O, ,ZHES SKYES THOB LA SEMS YOD PAR BSHAD DO, ,DE BZHIN DU SPRUL PAS KHA ZAS ZOS PA NA SKYES THOB KYI NI SPRUL PA NYID KYI @710 LTOR 'JU LA SGOM BYUNG GI NI SPRUL PA PO'I LTOR 'JU BAR BSHAD DO, ,DES NA RANG GZHAN GYI LUS DANG 'BREL BA'I SPRUL PA NI SKYE MCHED DGU PA YIN LA, RANG GZHAN GYI LUS DANG MA 'BREL PA'I SPRUL PA NI LNGAR BSHAD PA LTAR SKYE MCHED BZHI PA KHO NA YIN NO ZHES SHES PAR BYA'O, , CI RDZU 'PHRUL SGOM BYUNG DANG SKYES THOB KHO NAR ZAD DAM ZHE NA MA ZAD DE, RDZU 'PHRUL NI SNGA MA GNYIS PO DE DAG DANG, GHAN DHA RI LA SOGS PA'I GSANG SNGAGS LAS SKYES PA DANG, RUS SBAL GYI ZE BA DANG RMA BYA'I MDONGS LA SOGS PA'I SMAN DAG LAS SKYES PA DANG, RGYAL PO NGA LAS NU DANG BAR SRID PA RNAMS KYI LTA BU LAS LAS SKYES PA DANG RNAM PA LNGA YIN NO ZHES SHES PAR BYA'O,, ,LHA'I RNA BA DANG MIG TU BSHAD PA GANG YIN PA DE DAG CI LHA'I DNGOS YIN NAM, 'ON TE BYANG CHUB SEMS DPA' DANG 'KHOR LOS BSGYUR BA DANG KHYIM BDAG RIN PO CHE RNAMS KYI MIG LTAR LHA'I DANG 'DRA BAS BTAGS NAS DE SKAD DU BRJOD CE NA, DE GNYIS NI LHA'I MIG DANG LHA'I RNA BA DNGOS KHO NA YIN TE, BSAM GTAN PA DAG BSAM GTAN LA MNYAM PAR BZHAG NAS SGRA DANG SNANG BA LA GTOD PA'I SBYOR BA'I STOBS KYIS MIG DANG RNA BA'I THON KOR DU BSAM GTAN GYI SA PA'I 'BYUNG BZHI RGYUR BYAS PA'I GZUGS CAN DANG BA (SHA DANG PAGS PA DANG RUS PA DANG KHRAG DANG MA 'BREL ZHING, LHA'I MIG GIS RGYAB PHYOGS SU'ANNG MTHONG LA SHAS MI MTHONNG BA KHYAD PAR RO, ,) THAG RING PO NA GNAS PA DANG CHOD PA DANG PHRA BA'I GZUGS DANG SGRA THOS PA'I RGYUR GYUR PA'I DBANG PO 'GRUB PAS BSAM GTAN GYI SA PA YIN PA'I PHYIR RO, , LHA'I MIG DANG RNA BA DE GNYIS KYANG GZUGS NYAMS SU MYONG BA'I SGO NAS BSGRUBS PA'I PHYIR RTAG TU RNAM SHES DANG BCAS PAS BRTEN PA DANG BCAS PA KHO NA YIN LA, GTAN MED PA'I ZHAR BA DANG NONG PA YO BA DANG 'ON PA LTA BU MA YIN PAS MA TSANG BA MED PA'ANG YIN NO, ,DE GNYIS KYI YUL NI GZUGS SGRA THAG RING BA DANG PHRA BA DANG SOGS PAS BSDUS PA BSGRIBS PA'I SPYOD YUL CAN YANG YIN PAS SHA'I MIG LAS KHYAD PAR DU 'PHAGS TE, GANG PHYIR SHA'I MIG GIS GZUGS, ,THAG RING GNAS DANG SGRIB PA DANG, ,PHRA DANG THAMS CAD MI MTHONG BA, ,DE PHYIR LHA YIS MTHONG BAR 'DOD CES 'GREL PA LAS 'BYUNG BA BZHIN NO, ,'O NA LHA'I MIG GIS JI TZAM MTHONG ZHE NA, BSAM GTAN DANG PO'I LHA'I MIG GIS 'DOD PA DANG BSAM GTAN DANG PO MTHONG BA LA SOGS PA SNGAR BSHAD ZIN TO, ,NYAN RANG SANGS RGYAS GSUM GYI LHA'I MIG MNGON PAR 'DU BYED PA MED PAS NI RIM PA LTAR STONG DANG STONG GNYIS DANG STONG GSUM GYI 'JIG RTEN GYI KHAMS MTHONG LA, MNGON PAR 'DU BYED PA'I STOBS KYIS NI RIM PA LTAR DGRA @711 BCOM PA RNAMS KYIS STONG GNYIS DANG BSE RU LTA BU'I RANG RGYAL RNAMS KYIS STONG GSUM DANG STON PA SANGS RGYAS RNAMS KYIS NI JI TZAM BZHED PA'I 'JIG RTEN GYI KHAMS GRANGS MED PA MTHONG NGO, ,CI RDZU 'PHRUL KHO NA SKYES THOB YIN NAM, 'ON TE GZHAN YANG SKYES THOB YIN ZHE NA, RDZU 'PHRUL LAS GZHAN LHA'I MIG DANG RNA BA DANG SNGON GNAS RJES DRAN DANG PHA ROL SEMS SHES BZHI LA YANG SKYE BAS THOB PA YOD MOD KYI (DE NI 'GRO BA DE THAMS CAD KYIS SKYES PA'I DUS NYID NA RANG BZHIN GYIS THOB PA YIN GYI KHA CIG GAM BYA NAM MKHA' LA 'GRO BA LTAR SKYES PA'I 'OG TU THOB PA NI MA YIN NO, ,RDZU 'PHRUL NI LNGA STE 'DI RTOG GES BYAS PA MED DO, ,MIG DANG RNA BA'I MNGON SHES GSUM STE, SNGAGS DANG SMAN LAS BYUNG BA MA GTOGS SO, , SEMS SHES NI BZHI STE SMAN LAS BYUNG BA MED DO, ,DGE BA 'DIS SEMS CAN THAMS CAD SANGS RGYAS THOB PA'I RGYUR CES KYANG GYUR CIG, 'DI BZHI SKYE BAS THOB PA NI MA YIN NO, ,'DI BZHI SKYES PAS THOB PA NI 'DOD PA'I LHA KLU DANG GZUGS KYI LHA RNAMS LA YOD DO, ,) 'ON KYANG SKYES THOB KYIS NI CUNG ZAD KYANG MNGON SHES KYI MING MI 'THOB BO, ,SKYES THOB KYI LHA'I MIG GANG YIN PA DES NI SRID PA BAR MA MI MTHONG STE, DE NI SKYON BCU GCIG DANG BRAL BA MNGON PAR SHES PA'I LHA'I MIG RNAM PAR DAG PA KHO NA'I YUL YIN PA'I PHYIR RO, ,DE LA LHA'I MIG SKYES THOB NI KLU DANG 'DOD GZUGS KYI LHA RNAMS LA YOD DO,, GZUGS MED NA NI MNGON SHES LNGA DANG SKYES THOB KYANG MED DE, t'I KA LAS, GZUGS MED NA MNGON SHES LNGA DANG SKYES THOB THAMS CAD MED DE, GZUGS MED PA'I PHYIR DANG, DE LTA BU'I LUS YANG DAG PAR MI 'GRUB PA'I PHYIR RO, ,ZHES 'BYUNG BA'I PHYIR RO, , (SKYES THOB KYI CHOS KYI KHYAD PAR LA,) PHA ROL SEMS SHES SKYES THOB DE NI DGE MI DGE LUNG MA BSTAN RNAM PA GSUM MO, ,GANG YANG RTOG GE BA RNAMS KYI MTSAN MA LAS SEMS SHES PA DANG RIG SNGAGS KYIS BYAS PA'I SEMS SHES PA DE YANG DGE MI DGE LUNG MA BSTAN RNAM PA GSUM YIN LA SEMS SHES SGOM BYUNG NI DGE BA KHO NA YIN NO, ,PHA ROL SEMS SHES DANG SNGON GNAS RJES DRAN SKYES THOB NI DMYAL BA PAS NI DANG PO SKYES NAS JI SRID DU SDUG BSNGAL GYI TSOR BAS MA NYAN PA DE SRID DU PHA ROL KYI SEMS DANG SNGON GYI GNAS SHES KYI PHYIS NI SDUG BSNGAL GYI TSOR BAS NYEN PAS YID NYAMS PAR BYAS PA'I PHYIR (BDAG KYANG MA DRAN,) MI SHES SO, ,'GRO BA GZHAN LHA DANG DUD 'GRO DANG YI DVAGS KYI PHA ROL SEMS SHES DANG SNGON GNAS RJES DRAN SKYES THOB KYIS NI SDUG BSNGAL GYI TSOR BAS MA NYEN PAS RTAG TU SHES SO, , DE LA RE ZHIG LHAS NI MDO LAS, DRANG SRONG TSOGS KYIS BSTEN PA DANG, ,CHOS KYI RGYAL PO @712 BZHUGS GYUR CING, ,BDAG LA DGA' BA BSKYED PA YI, ,RGYAL BYED TSAL DE 'DI YIN NO ZHES PA DANG, BDAG GANG NAS SHI 'PHOS GANG DU SKYES GANG GI SA SKYES ZHES GNAS GSUM SHES PAR BSHAD PA LHA BU'O, ,DUD 'GROS KYANG SHES TE KLU LA SOGS PA BZHIN NO, ,YI DVAGS KYIS KYANG SHES TE, JI SKAD DU, BDAG GI MTHUN DANG MI MTHUN PAS, ,LONGS SPYOD DAG NI GANG BAS GSAR, ,DE DAG GZHAN GYIS LONGS SPYAD DE, ,KHO BO CAG NI SDUG BSNGAL BSTEN ZHES 'BYUNG BA BZHIN NO, ,MI RNAMS LA NI RDZU 'PHRUL LA SOGS PA SNGAR JI SKAD BSHAD PA DE DAG BSGOMS PA LAS BYUNG BA DANG RTOG GE DANG RIG SNGAGS DANG SMAN DANG LAS LAS SKYES PA RNAMS YOD KYI DE DAG SKYE BAS THOB PA NI MED DE, SKYES PA TZAM GYIS MI LDAN PA'I PHYIR RO, ,'O NA RANG BZHIN GYIS TSE RABS DRAN PA DE JI LTA BU ZHE NA, DE NI LAS KYI KHYAD PAR LAS SKYES PA YIN TE, RIN PO CHE'I PHRENG BA LAS, CHOS KYI CHED DANG DE BZHIN DU, ,GZHUNG GI DON DAG DRAN PA DANG, , CHOS KYI SBYIN PA DRI MED PAS, ,TSE RABS DRAN PA THOB PAR 'GYUR ZHES 'BYUNG BA BZHIN NO, ,DE'I PHYIR SNGON GNAS RJES DRAN NI BSGOMS PA LAS BYUNG BA DANG, SKYES THOB DANG LAS LAS SKYES PA DANG GSUM YOD PAR RIG PAR BYA'O, , BZED DANG BSHES PA LTA BA'I BYE BRAG DANG, ,SHES PA'I RANG BZHIN JI SNYED LDAN TSUL DANG, , SHES PAS BSDUS PA'I YON TAN RNAM PA GNYIS, ,SHES SHING THOB 'DOD GNAS 'DI MNYAN PAR GYIS, , CHOS MNGON PA'I MDZOD KYI 'GREL PA MNGON PA'I RGYAN LAS YE SHES BSTAN PA ZHES BYA BA STE GNAS BDUN PA'I BSHAD PA'O,, @713 GNAS BRGYAD PA, SNYOMS PAR 'JUG PA BSTAN PA, GNAS BRGYAD PA 'CHAD PA NA DE LTAR SHES PA'I RANG BZHIN GYI YON TAN (STOBS NAS MNGON SHES KYI BAR,) RNAMS BSHAD NAS, (DE DAG KYANG MNYAM PAR BZHAG LAS 'BYUNG BAS,) DA NI BSAM GTAN DANG GZUGS MED LA SOGS PA SHES PA LAS GZHAN TING NGE 'DZIN LA SOGS PAS BSDUS PA'I YON TAN RNAMS BSHAD PAR BYA STE, DE LA'ANG BSAM GTAN DANG GZUGS MED BSHAD PA DANG, DE LA BRTEN PA'I YON TAN BSHAD PA GNYIS LAS, (GCIG) BSAM GTAN GZUGS MED BSHAD PA, DANG PO LA'ANG NGO BO DANG, DBYE BA DANG, YAN LAG RNAM PAR BZHAG PA DANG, 'THOB PA'I TSUL DANG, KHYAD PAR GYI CHOS DANG, NYER BSDOGS DANG, TING NGE 'DZIN GYI DBYE BA BSHAD PA BDUN LAS, DANG PO LA'ANG GZUGS MED RNAMS KYANG YON TAN GYI RTEN YIN MOD KYI YON TAN THAMS CAD KYI RTEN MA YIN LA, BSAM GTAN RNAMS NI YON TAN THAMS CAD KYI RTEN YIN PA'AM (SKYES RIM LTAR,) DANG POR BSHAD PA LA BSAM GTAN DAG NI MDOR BSDUS NA 'BRAS BU SKYE BA DANG, RGYU SOMS PAR 'JUG PA RNAM PA GNYIS YIN LA, ('DI GNYIS KYI KHYAD PAR BOD KHA CIG, RANG SA KHO NAR MNGON DU 'GYUR BA NI 'BRAS BU'O, ,'OG SAR MNGON DU BYED PA NI RGYU'O, ,MNYAM GZHAG KHO NA YIN PA NI RGYU'O, , GNYIS KA YIN PA NI 'BRAS BU'O, ,DGE BA KHO NA YIN PA NI RGYU'O, ,DGE BA DANG LUNG MA BSTAN YANG YIN PA NI 'BRAS BU'O, ,SGOM BYUNG KHO NA YIN PA NI RGYU'O, ,DENG THOS BYUNG DANG SKYES THOB KYANG YIN PA NI 'BRAS BU'O, ,TSE JI SRID PAR RGYUN CHAGS PA NI 'BRAS BU'O, ,RES 'GA' BA NI RGYU'O, , NYER BSDOGS DANG BCAS PA NI RGYU'O, ,DNGOS GZHI KHO NA YIN PA NI 'BRAS BU'O, ,'OG MA'I RTEN @714 LA'ANG GONG MA'I TING NGE 'DZIN SKYER RUNG BA NI RGYU'O, ,DE'I 'BRAS BU GONG MA'I PHUNG PO SNOD DANG BCAS PA NI 'BRAS BU'O ZHES SO, ,) DE DAG RE RE ZHING YANG SA'I SGO NAS RGYAS PAR DBYE NA BSAM GTAN DANG PO NAS BZHI PA'I BAR RNAM PA BZHI BZHI YIN NO, ,DE LA 'BRAS BU BSAM GTAN DANG PO LA SOGS PA DENG? SKYE BA'I BSAM GTAN DAG NI GNAS GSUM PAR SO SO YI, ,BSAM GTAN SA NI GSUM PA YIN, , BZHI PA SA NI BRGYAD PA YIN ZHES RAB TU STE DANG POR BSHAD ZIN LA, RGYU SNYOMS 'JUG GI BSAM GTAN THAMS CAD KYANG GTZO BO TING NGE 'DZIN GYI RANG BZHIN YIN ZHING, TING NGE 'DZIN THAMS CAD KYI RANG BZHIN MTSAN NYID KYANG RTZE GCIG PA YIN PAS NYON MONGS CAN DANG (G-YO BA'I DGE BA DANG,) MA ... BSGRIBS LUNG MA BSTAN GYI SEMS RTZE GCIG PA'ANG YOD PAS DE DAG BCAS PA'I PHYIR DGE BA'I SEMS RTZE STE DMIGS PA GCIG PAR BYED PA'I SEMS BYUNG YIN GYI SEMS DMIGS PA GCIG PA TZAM NI MA YIN NO, ,DE NYID RJES SU 'BRANG BA'I 'KHOR DANG BCAS NA NI GZUGS BSAM GTAN ZAG MED KYI SDOM PA GANG RUNG YANG YOD PAS PHUNG PO LNGA'I RANG BZHIN NO, , TING NGE 'DZIN DANG MTSUNGS LDAN THAMS CAD DMIGS PA LA RTZE GCIG BZHIN DU SEMS KHO NA LA DMIGS PA LA RTZE GCIG PA ZHES BRJOD PA NI GTZO BO YIN PA'I PHYIR RO ZHES t'I KA BYED DAG 'CHAD DO, , (SLOB DPON GYIS,) GAL TE SEMS THAMS CAD SKAD CIG MA YIN PAS DMIGS PA 'PHO LONG MED PA'I PHYIR RTZE GCIG PA MA YIN NAM GANG GIS DE DAG RTZE GCIG PAR BYED PA'I (KHYAD PAR BYED CHOS) TING NGE 'DZIN (DON GZHAN,) BRTAGS PA NI DON MED DO ZHE NA MA YIN TE, SKAD CIG DANG PO'I SEMS LA MI DGOS KYANG SKAD CIG MA GNYIS PA'I SEMS (DANG PO DMIGS PA'AM,) TING NGE 'DZIN DE'I SGO NAS DMIGS PA LAS RNAM PAR MI G-YENG BAR BYED PAS DON DANG BCAS PA'I PHYIR RO, ,(ZHE NA) 'O NA DE LTA NA SEMS DANG PO TING NGE 'DZIN DANG MTSUNGS LDAN DE LA TING NGE 'DZIN DON MED PAR 'GYUR BA'I PHYIR (TE DE'I BYA BA MI BYED PA'I PHYIR,) DANG, SKAD CIG DANG PO'I TING NGE 'DZIN GNYIS PA'I DUS NA 'GAGS NA GNYIS PA LA BYED PA 'JUG PA 'GAL BA'I PHYIR DANG, MA 'GAGS NA SEMS SNGA MA DANG DUS MI MTSUNGS PAR 'GYUR BA'I PHYIR DANG, GZHAN YANG DRAN PA MA MNYAM PA LA SOGS PA'I RGYU MTSAN GANG KHO NAS TING NGE 'DZIN RTZE GCIG TU 'DOD PA'I RGYU MTSAN DE KHO NAS SEMS RTZE GCIG PAR BYED NUS NA DE'I RGYUR TING NGE 'DZIN DON GZHAN BTAGS PA LA DGOS PA MED LA, MI NUS NA TING NGE 'DZIN LA'ANG MTSUNGS PA'I PHYIR DANG, GZHAN YANG TING NGE 'DZIN NI SEMS KYI SA MANG PO PA YIN PAS SEMS (THAMS CAD,) RTZE GCIG PAR THAL BAR @715 'GYUR BA'I PHYIR RO ZHE NA MI 'GYUR TE, TING NGE 'DZIN STOBS CHE BA DANG MTSUNGS PAR LDAN PA'I SEMS RTZE GCIG PA YIN ZHING, STOBS CHUNG BA DANG MTSUNGS PAR LDAN PA'I SEMS NI RTZE GCIG PA MA YIN LA, TING NGE 'DZIN SA MANG PO TZAM NI DGE BA KHO NAR MA NGES PA DANG STOBS CHUNG BA'I PHYIR RO ZHES BYE BRAG TU SMRA BAR 'DOD DO,, MDO SDE PA NA RE SEMS RTZE GCIG PA KHO NA TING NGE 'DZIN YIN GYI SEMS LAS DON GZHAN DU GYUR PA'I TING NGE 'DZIN NI MED DE, LAM GYI TSOGS KYI BSLAB PA'I SGO'I MDO LAS, LHAG PA'I SEMS KYI BSLAB PA GANG ZHE NA, BSAM GTAN BZHI'O ZHES PA DANG, STAG GI BYANG CHUB KYI BU'I MDO DANG, NYAN THOS KYI RNAM PAR BSHAD PA LAS, SEMS YONGS SU DAG PA'I GTZO BO NI BSAM GTAN BZHI YIN NO ZHES JI LTAR TSUL KHRIMS DANG SHES RAB KYI BSLAB PA TSUL KHRIMS DANG SHES RAB KHO NA YIN PA LTAR SEMS KYI BSLAB PA'ANG SEMS KHO NAR GSUNGS SO ZER RO, ,SGRA'I DON CI'I PHYIR BSAM GTAN ZHES BYA ZHE NA, 'DIS MCHOG TU SEMS PAR BYED PAS BSAM GTAN TE MNYAM PAR BZHAG NA YANG DAG PA JI LTA BA BZHIN RAB TU SHES PA'I PHYIR RAB TU SHES PA'I BYED CES BYA BA'I THA TSIG GO, GAL TE SEMS PAR BYED PA BSAM GTAN YIN NA TING NGE 'DZIN (NYON MONGS CAN SOGS,) THAMS CAD BSAM GTAN DU THAL BAR 'GYUR RO ZHE NA, MA YIN TE, PHUL DU PHYIN PA DANG LDAN PA'I SEMS PAR BYED PA'I TING NGE 'DZIN LA BSAM GTAN DU BRJOD DE NYA MI LA SNANG LDAN ZHES BRJOD PA BZHIN NO, ,PHUL DU PHYIN PA'I SEMS PAR BYED PA'ANG 'DIR YAN LAG DANG LDAN PAS RTA GNYA' SPREL BAS 'DREN PA'I SHING RTA LTAR ZHI GNAS DANG LHAG MTHONG ZUNG DU 'BREL BAR NGANG GIS 'BYUNG BA LA 'DOD DE, DE'I PHYIR MDO LAS, MTHONG BA'I CHOS LA BDE BAR GNAS PA DANG, LAM SLA BA ZHES GSUNGS SO, ,'O NA MCHOG TU SEMS PA MED PAS NYON MONGS CAN BSAM GTAN DU MI 'GYUR RO ZHE NA, DE LA'ANG LOG PAR NGES PAR SEMS PA YOD PAS DE DANG 'DRA BA TZAM LA DE SKAD DU BRJOD DE SA BON RUL BA BZHIN NO, ,(MI DGE BA'I BSAM GTAN YOD PA,) BCOM LDAN 'DAS KYIS KYANG TSANGS PA'I TSOGS KYI MDO LAS, MI DGE BA'I BSAM GTAN SGRIB PA LNGA LAS SKYES SHING NGES PAR 'BYUNG BA MI SHES LA DE DAG GIS BAR DU GCOD CING BSGOM STE BSNGAGS PAR MI 'OS PA'I BSAM GTAN GYI BSNGAGS PA MI GSUNG NGO ZHES GSUNGS SO, ,'O NA BSAM GTAN DANG PO LA SOGS PA DE DAG JI LTA BU ZHE NA, BSAM GTAN DANG PO NI SA DE NA DU BA LA MES KHYAB PA LTAR LHAN CIG SPYOD PA YIN PAS RTOG PA MED PAR DGA' BDE DANG LDAN @716 PA'I DPYOD PA MI SRID PAS DPYOD PA DANG DES MTSON PA'I RTOG PA DANG DGA' BA DANG BDE BA DANG MTSUNGS PAR LDAN PA'I DGE BA RTZE GCIG PA'O, ,DE LTA NA LHAN CIG DPYOD PAS RTOG PAS DPYOD PA'ANG GO BAS RTOG DANG DGA' DANG BDE DANG LDAN ZHES CI'I PHYIR MI SMOS ZHE NA, YAN LAG SNGA SNGA SPANGS PA YI ZHES BRJOD PA NA BSAM GTAN KHYAD PAR CAN YANG GNYIS PAR THAL BAR 'GYUR BA SPANG PA'I PHYIR RO, ,BSAM GTAN LHAG MA GSUM NI RIM PA LTAR YAN LAG SNGA MA SNGA MA RTOG DPYOD SPANGS SHING DGA' BDE DANG LDAN PA DANG, RTOG DPYOD DANG DGA' BA SPANGS SHING BDE BA DANG LDAN PA DANG, RTOG DPYOD DANG DGA' BDE SPANGS PA'I GZUGS KYI DGE BA RTZE GCIG PA'O, ,JI LTAR BSAM GTAN RNAMS 'BRAS BU SKYE BA DANG RGYU SNYOMS 'JUG GNYIS DANG RE RE LA'ANG BZHI BZHI YIN PA DE BZHIN DU GZUGS MED KYANG RNAM PA SKYE BA DANG RGYU BZHI BZHI PA YIN NO, ,DE LA 'BRAS BU SKYE BA'I GZUGS MED NI GZUGS MED PA NA GNAS MED DO, , SKYE BA LAS NI RNAM PA BZHI ZHES BSHAD ZIN LA, RGYU SNYOMS 'JUG GI GZUGS MED KYANG GZUGS LAS 'DOD CHAGS DANG BRAL BA'I SNYOMS 'JUG DGE BA RTZE GCIG PA'O, ,RJES SU 'BRANG BA'I GZUGS MED PAS 'KHOR DANG BCAS NA NI PHUNG PO BZHI'O,, BZHI PO'I KHYAD PAR NI LAM GANG GIS BSAM GTAN BZHI PA LA SOGS PA 'OG MA'I SA LAS DBEN PA STE RNAM PAR 'BYED CING 'DOD CHAGS DANG 'BRAL BA'I NYER BSDOGS BAR CHAD MED LAM LAS SKYES PA NI RIM PA LTAR NAM MKHA' MTHA' YAS SKYE MCHED LA SOGS PA'O,, ('DI DAG GI BAR CHAD MED LAM GYI 'OG SA LAS RGYAL BAR BYED PA TZAM DU MA ZAD DMIGS PA LAS KYANG 'DA' BAR BYED DE GZUGS MED DMIGS PA LAS NGES PAR 'BYUNG BAS SO, ,) GZUGS MED PA DE DAG KYANG DNGOS GZHI BZHI NYER BSDOGS PHYI MA GSUM DANG BCAS PAR NI (DNGOS GZHI NI,) RANG SA NA GZUGS MED CING 'OG SA'I ZAG BCAS KYI GZUGS LA MI DMIGS (LA NYER BSDOGS NI RANG GI 'OG SA LA DMIGS KYANG SA RGAL NAS MI DMIGS,) PAS GZUGS KYI 'DU SHES BSHIG PA ZHES BYA STE, NAM MKHA' MTHA' YAS KYI NYER BSDOGS NA NI BSAM GTAN BZHI PA'I GZUGS LA DMIGS NAS RAGS SOGS SU LTA (BAS GANG LA DMIGS PA DE'I 'DU SHES 'BYUNG,) BA'I PHYIR GZUGS KYI 'DU SHES YOD PA'I PHYIR RO, ,('DI DAG NA'ANG RJES SHES PA DRUG GI RIGS MIN PA LA DMIGS PA NI YOD DO, ,) 'DIR DGE 'DUN PHAL CHEN PO'I BYE BRAG 'JIG RTEN LAS 'DAS PAR SMRA BA'I SDE PA DANG, THAMS CAD YOD SMRA'I BYE BRAG GOS DMAR BA'I SDE PA DANG, MANG POS BKUR BA PA RNAMS GZUGS MED NA'ANG GZUGS CUNG ZAD YOD DE, LUNG BAR MA'I BSUS PO CHE'I MDO LAS, TSE DANG @717 LDAN PA BSUS PO CHE TSE GANG YIN PA DANG DROD GANG YIN PA'I CHOS 'DI DAG NI 'DRES PA STE MA 'DRES PA MA YIN NO ZHES TSE DANG DROD GNYIS 'DRES PAR GSUNGS SHING, GZUGS MED NA'ANG TSE YOD LA TSE YOD NA DROD KYANG YOD LA DROD NI GZUGS YIN PA'I PHYIR DANG, DE BZHIN DU TSE DANG LDAN PA SH'A RI'I BU DPER NA 'DAM BU'I SHOG GNYIS GNAM DU BSGRENG STE PHAN TSUN BRTEN CING 'DUG PA DE LA 'GA' ZHIG GIS GCIG BOR NA CIG SHOS 'GYEL BAR 'GYUR LA, CIG SHOS BOR NA'ANG CIG SHOS 'GYEL PAR 'GYUR RO, ,TSE DANG LDAN PA SH'A RI'I BU DE BZHIN DU MING DANG GZUGS DAG KYANG PHAN TSUN RTEN CING GNAS SO ZHES PA DANG, YANG RTEN CING 'BREL BAR 'BYUNG BA'I MDO LAS KYANG NYING MTSAMS SBYOR BA'I MTSAN NYID KYI SKABS SU RNAM PAR SHES PA'I RKYEN GYIS MING DANG GZUGS ZHES MING GZUGS PHAN TSUN BRTEN PA DANG, RNAM SHES KYIS MING GZUGS BSKYED PAR GSUNGS SHING, GZUGS MED NA'ANG MING DANG RNAM SHES YOD PA'I PHYIR DANG, RNAM SHES GNAS PA BZHI STON PA'I MDO LAS, DGE SLONG DAG RNAM PAR SHES PA GZUGS SU NYE BAR 'GRO BA, GZUGS LA DMIGS PA, GZUGS LA BRTEN PA GNAS SO, ,DGE SLONG DAG GANG LA LA ZHIG 'DI SKAD DU BDAG NI GZUGS DANG TSOR BA NAS 'DU BYED KYI BAR DAG LAS GZHAN DU RNAM PAR SHES PA 'GRO BA'AM 'ONG BAR SMRA'O ZHES ZER NA DE'I NGAG DE NI DE'I TSIG TZAM DU ZAD DO ZHES GSUNGS TE, PHUNG PO BZHI LAS GZHAN DU RNAM SHES 'GRO 'ONG BKAG PA'I PHYIR RO, ,GZUGS MED PAR BSHAD PA NI BU NGAN PA RKED PA PHRA BA LA BU MED PA DANG RKED MED CES DMAN PA'AM PHRA BA LA DGAG PA'I SGRA BRJOD PA BZHIN NO ZHES ZER RO, ,KHA CHE BA LA SOGS PA DAG 'DI NI RIGS PA MA YIN TE, LUNG DANG PO GNYIS NI MDO LAS, TSE DANG DROD DANG RNAM SHES KYIS, ,GANG TSE LUS 'DI 'DOR BYED CING ZHES GSUNGS PAS GZUGS MED NA LUS NYID KYANG MED NA DE 'DOR BA GA LA YOD, PHAN TSUN BRTEN PA'ANG GNYIS KA YOD NA PHAN TSUN BRTEN PA NYID SRID PAS 'DOD GZUGS NA SPYOD PA'I DBANG DU BYAS NAS GSUNGS PA'I PHYIR DANG, GSUM PA NI 'DOD GZUGS KYI MING GZUGS RNAM SHES KYI RKYEN CAN YIN GYI GZUGS MED KYI RNAM SHES NI MING KHO NA'I RKYEN YIN PA'I PHYIR MING GZUGS THAMS CAD RNAM SHES KYI RKYEN CAN DU GSUNGS KYI RNAM SHES THAMS CAD MING GZUGS KYI RKYEN DU STON PA MA YIN PA'I PHYIR DANG, PHUNG PO BZHI LAS GZHAN DU RNAM SHES 'GRO 'ONG BKAG PA NI PHUNG PO BZHI BO LAS GANG YANG RUNG BA ZHIG MED NA RNAM SHES 'GRO 'ONG BKAG PA YIN GYI GZUGS LA SOGS PA THAMS CAD DUS GCIG TU TSOGS PA MED PAR BKAG PA MA YIN PA'I PHYIR RO, ,DE LA TSE SNGA MA NAS BAR SRID KYI RGYUN GYIS 'DIR SKYE BA NI 'ONG BA YIN @718 LA, BAR SRID KYI RGYUN GYIS 'DI NAS PHYI MAR SKYE BA NI 'GRO BA'O, ,GAL TE GZUGS MED NA GZUGS CUNG ZAD YOD PAR 'DOD NA DE JI LTA BU ZHIG YOD PAR 'DOD, GAL TE LUS NGAG GI SDOM PA TZAM ZHIG YOD PAR 'DOD NA NI MI RIGS TE, RTEN LUS NGAG MED PAR DE DAG GI SDOM PA MI RIGS PA'I PHYIR RO, , SDOM PA NI 'BYUNG 'GYUR YIN NA GZUGS MED NA RTEN 'BYUNG BA MED PAS 'BRAS BU 'BYUNG 'GYUR MI RUNG BA'I PHYIR RO, ,GAL TE DPER NA ZAG MED KYI 'BYUNG BA MED KYANG ZAG MED KYI SDOM PA 'BYUNG 'GYUR GYI GZUGS YOD PA LTAR GZUGS MED RANG SA NA 'BYUNG BA MED KYANG GZUGS KYI 'BYUNG BA RGYUR BYAS PA BSAM GTAN GYI SDOM PA YOD DO ZHE NA, DE NI MI MTSUNGS TE, ZAG MED LA 'BYUNG BA MED KYANG ZAG MED KYI SDOM PA NI GANG DU SKYES PA DE NA YOD PA'I ZAG BCAS KYI 'BYUNG BA RGYUR BYAS NAS SKYE LA BSAM GTAN GYI SDOM PA NI ZAG BCAS YIN PAS DE LTA MA YIN PA'I PHYIR RO, ,GZHAN YANG LUS DANG DBANG PO DANG GNAS DANG YUL RNAMS YOD NA NI JI LTAR GZUGS CUNG ZAD YOD PAR 'GYUR, GAL TE RDUL PHRA RAB TZAM GYI GZUGS SHIG YOD PAS BONGS TSOD CHUNG BA'I PHYIR GZUGS MED NA CUNG ZAD YOD DO ZHES BYA BAR 'DOD NA NI CHU'I SKYE BO PHRA MO'I GZUGS LTAR MI SNANG BA DAG KYANG GZUGS MED DU THAL BAR 'GYUR BA'I PHYIR DANG, SRID RTZE BA'ANG SEMS MED PAR JI LTAR MI 'GYUR, SRID RTZE BA DE KHO NA GZUGS MED DU JI LTAR MI 'GYUR TE, SHIN TU CHA PHRA PA'I PHYIR RO, ,GAL TE GZUGS DANG PA'I PHYIR GZUGS MED PAR 'DOD NA NI DANG BA'I PHYIR RDO RJE'I RI LA'ANG THOGS PA MED PAR 'GRO BAS GZUGS NA SPYOD PA DANG SRID PA BAR MA'ANG GZUGS MED PAR 'GYUR RO, ,GAL TE GANG LAS CHES MCHOG TU DANG BA GZHAN MED PA ZHIG GZUGS MED YIN NO ZHE NA, DE LTAR NA SNYOMS 'JUG GIS KHYAD PAR DU 'PHAGS PA LTAR SKYE BAS KYANG CHES MCHOG TU DANG BAS SRID RTZE BA KHO NA GZUGS MED DU 'GYUR RO, ,GAL TE GZUGS MED NA GZUGS YOD KYANG DE NI DANG BAS SA 'OG MA'I DBANG POS GZUNG BAR MI NUS PAS GZUGS MED DU BRJOD DO ZHE NA, DE LTA NA BSAM GTAN BZHI PAR SKYES PA'I GZUGS KYANG GZUGS MED DU 'GYUR TE, GONG MA GONG MA'I GZUGS RNAMS DANG BAS 'OG MA 'OG MA'I DBANG POS MI ZIN PA'I PHYIR RO, ,GAL TE 'DOD PA'I YON TAN GYIS RAB TU PHYE BA NI 'DOD KHAMS YIN LA, GZUGS KYIS RAB TU PHYE BA NI GZUGS KHAMS PA YIN PAS DE GNYIS KYI MING NI DON DANG MTHUN PA YIN GYI GZUGS MED CES PA'I MING NI 'DOD RGYAL BA YIN NO ZHE NA, SNGA MA GNYIS DON MTHUN YIN LA PHYI MA 'DOD RGYAL YIN PA LA RIGS PA CI YOD, BCOM LDAN 'DAS KYIS KYANG GZUGS @719 MED PA RNAMS NI GZUGS RNAMS LAS NGES PAR BYUNG BA YIN NO ZHES BYA BA DANG, LUNG BAR MA LAS GZUGS MED PA'I RNAM PAR THAR PA ZHI BA GANG DAG GZUGS RNAMS LAS 'DAS NAS ZHES BYA BA DANG, RNAM PAR SHES PA'I GNAS BDUN DANG, SEMS CAN GYI GNAS DGU BSTAN PA'I MDO LAS, GZUGS CAN MA YIN PA'I SEMS CAN DAG YOD CES BYA BA DANG, RNAM PA THAMS CAD DU GZUGS KYI 'DU SHES RNAMS LAS YANG DAG PAR 'DAS TE ZHES BYA BA LA SOGS PAS RGYU SNYOMS 'JUG LA GZUGS BKAG NAS 'BRAS BU SKYE BA LA'ANG GZUGS DGAG PA GSUNGS PA'I PHYIR, GZUGS MED PA NA GZUGS CUNG ZAD KYANG MED DO, , GAL TE YOD NA JI LTAR GZUGS KYI 'DU SHES SU MI 'GYUR ZHES RANG GI PHYOGS GZHUNG 'DZUGS PAR BYED DE, (DE'I GZUGS DE NI MDO SDE BA SEMS LA GZUGS KYI SA BON YOD PAS DE LAS SKYE BAR 'DOD, ,BYE BRAG SMRA BA GZUGS MED DU SKYES PA DAG GZUGS KYI SEMS MNGON DU GYUR NA DE'I 'CHI LTAS KYANG GZUGS KYI RKYEN YIN LA, RNAM SMIN DANG SKAL MNYAM GYI RGYU NI 'DAS PA'I GZUGS RDZAS GRUB TU 'DOD DO,,) 'O NA GZUGS MED NAS SHI 'PHOS TE KHAMS 'OG MAR SKYES PA DAG LA JI LTAR GZUGS 'BYUNG BAR 'GYUR TE, DE NI GZUGS MED CING GZUGS KYI NYE BAR LEN PA NI GZUGS KHO NA YIN PA'I PHYIR RO ZHE NA, DE'I TSE GZUGS NI LHAN CIG BYED PA'I RKYEN LAS KYIS 'PHANGS PA'I SEMS LAS SKYE BAR 'GYUR LA, NYE BAR LEN PA'I RGYU NI 'DOD GZUGS NA YOD PA'I 'BYUNG BZHI NYID YIN NO, ,DE'I PHYIR KHA CIG MDO SDE PA LUS SEMS PHAN TSUN SA BON CAN YIN NO ZHES BYA BA DANG, BYE BRAG TU SMRA BA GNAS SKABS DE'I GZUGS 'DAS PA'I GZUGS LAS SKYE'O ZHES BYA BA DANG, SEMS TZAM PA KUN GZHI LAS SKYE BAR 'DOD DO ZHES 'CHAD PA NI LEGS PA MA YIN TE, DANG PO NI TSU ROL MDZES PA PA'I LUGS YIN PA'I PHYIR DANG, GNYIS PA NI DE LTAR BA'I GZUGS YOD BZHIN DU 'DAS PA LA LTOS MI DGOS PA'I PHYIR DANG, GSUM PA NI GZUGS RDZAS SU MED PAR 'DOD PAS DE'I RGYU LA 'BAD PA DON MED PA'I PHYIR RO, ,GZUGS MED PA'I SNYOMS 'JUG BZHI'I SGRA'I DON NI 'O NA NAM MKHA' MTHA' YAS SKYE MCHED LA SOGS PA DE DAG NAM MKHA' LA SOGS PA KHO NA LA DMIGS PAS MING DE SKAD CES BYA'AM, 'ON TE SBYOR BA'I MING GIS BTAGS SHE NA, SBYOR BA'I MING GIS TE, 'DI LTAR SBYOR BA'I TSE NAM MKHA' MTHA' YAS SO ZHES BYA BA DANG, RNAM SHES MTHA' YAS SO ZHES BYA BA DANG, CI YANG MED DO ZHES BYA BA DE LTAR SBYOR BA'I PHYIR NAM MKHA' MTHA' YAS LA SOGS PA DE SKAD BRJOD KYI GZHAN NA NI CI RIGS PAR CHOS GZHAN DAG LA'ANG DMIGS SO, ,BZHI PA NI 'DU SHES CHUNG ZHING MI GSAL BAS DMAN @720 PA'I PHYIR 'DU SHES MED PA ZHES KYANG BYA LA, 'DU SHES CUNG ZAD YOD PA'I PHYIR 'DU SHES MED PA'ANG MA YIN NO ZHES BRJOD DO, ,SRID PA GSUM NA DE BAS MTHO BA'I SA MED BAS SRID RTZE ZHES KYANG BYA'O,, YANG NA SBYOR BA'I TSE 'DU SHES NI NAD DO, ,'BRAS SO, ,ZUG RNGU'O ZHES 'DU SHES RAGS PA LA'ANG SKYON DU LTA LA, 'DU SHES MED PA BA NI KUN TU RMONGS PA'O ZHES 'DU SHES MED PA'ANG KUN DU RMONGS PA'I RGYU YIN NO ZHES PA DANG, 'DU SHES MED 'DU SHES MED MIN SKYE MCHED 'DI NI ZHI BA DANG GYA NOM PA'O ZHES SBYOR BA'I PHYIR YANG DE SKAD DU BRJOD DO, , GNYIS PA DBYE BA NI GONG DU SMOS PA'I TSUL DE LTAR NA YAN LAG MA GTOGS PA BSAM GTAN BZHI DANG GZUGS MED BZHI STE SNYOMS PAR 'JUG PA'I DNGOS GZHI'I RDZAS NI RNAM PA BRGYAD YIN LA, ('DIS YAN LAG DANG NYER BSDOGS DANG KHYAD PAR CAN MA BSTAN PAR 'DOD DO, ,) BRGYAD PO DE DAG LAS SRID RTZE MA GTOGS PA BDUN NI RNAM PA GSUM GSUM YIN TE, RO MYANG BA DANG MTSUNGS PAR LDAN PA DANG, DAG PA PA DANG, ZAD PA MED PA RNAMS SO, ,BRGYAD PA SRID RTZE NI RO MYANG LDAN DANG DAG PA PA RNAM PA GNYIS YIN GYI 'DU SHES DMAN ZHING RGYU BA MI GSAL BAS DE LA 'PHAGS PA'I LAM MI RTEN PAS ZAG MED NI MA YIN NO, ,DE LA RO MYANG LDAN NI MTSUNGS LDAN GYI GROGS SRED PA DANG BCAS PA'O, ,ZAG BCAS 'JIG RTEN PA'I SNYOMS 'JUG DGE BA NI MA CHAGS PA LA SOGS PA DANG MTSUNGS PAR LDAN PAS DAG PA ZHES BYA'O, ,RO MYANG LDAN DES CI ZHIG RO MYANG BAR BYED CE NA, DAG PA PA DE NI RO MYANG LDNA DES RO MYANG BAR BYA BA YIN TE, DAG PA PA 'DI NI BZANG PO ZHES DE LA ZHEN CING SRED PA'I PHYIR RO, ,DES NA RO MYANG LDAN NI BSAM GTAN NYON MONGS CAN YIN PAS DAG PA PA LAS LANGS PA DANG RO MYANG LDAN LA SNYOMS PAR ZHUGS PA YIN NO, ,LTA BA DANG NGA RGYAL LA SOGS PA DANG LDAN PA'I BSAM GTAN YANG YOD MOD KYI SRED BCAS KHO NA RO MYANG LDAN DU BSHAD PA NI DE KHO NA DMIGS PA LA ZHEN PAS DE LAS NGES PAR MA BYUNG NA GONG MAR 'GYUR MI SRID PA'I PHYIR DE SKAD CES BSHAD DO, ,ZAG MED NI 'JIG RTEN LAS 'DAS PA'I SNYOMS 'JUG BDEN PA'I RNAM PA CAN NO, , GSUM PA YAN LAG RNAM PAR BZHAG PA LA GNYIS LAS SPYI'I DON LA GSUM GYI DANG PO GZUGS MED LA YAN LAG MI STON PA'I RGYU MTSAN NI CI BSAM GTAN LTAR GZUGS MED PA DAG LA'ANG YAN LAG YOD DAM ZHE NA MED DE, 'GREL PA LAS, SNYOMS PAR 'JUG PA'I RDZAS DE DAG LAS BSAM GTAN RNAMS KHO NA YAN LAG DANG LDAN PA YIN GYI GZUGS MED PA RNAMS NI MA YIN NO ZHES 'BYUNG BA'I PHYIR RO, ,DE'I RGYU @721 MTSAN NI KUN LAS BTUS LAS, GZUGS MED PA RNAMS NA NI ZHI GNAS SU RO GCIG PA NYID KYI PHYIR YAN LAG RNAM PAR BZHAG PA MED DO ZHES BSHAD CING, SLOB DPON RGYAL PO'I SRAS KYIS KYANG DE KHO NA LTAR BSHAD LA, DE'I DON YANG SLOB DPON GANG SPEL GYI t'I KA LAS KHA CIG NA RE ZHI GNAS SU RO GCIG PA'I PHYIR TE, GANG DAG GANG NA RGYU BA RAGS PA DE DAG NI DER YAN LAG TU BZHAG NA GZUGS MED NA NI NYE BAR ZHI BA LHAG PAS SEMS DANG SEMS BYUNG DE DAG RGYU BA ZHAN PAS DE DAG LA YAN LAG RNAM PAR BZHAG PA MI SRID PAS TING NGE 'DZIN SHAS CHE BA DE DAG NA NI SEMS LAS BYUNG BA GZHAN 'GA' YANG GTZO BO MA YIN PAS GZUGS MED DU YAN LAG RNAM PAR MI GZHAG GO ZHES ZER RO, ,GZHAN DAG NA RE SA GANG DU SEMS BYUNG TSAR PHYIN PAR 'GAG PA DER YAN LAG BZHAG STE, DE LTAR BSAM GTAN DANG PO NI SDUG BSNGAL DANG YID MI BDE 'GAG CING, DE BZHIN DU GNYIS PAR RTOG DPYOD DANG, GSUM PAR DGA' BA DANG, BZHI PAR NI BDE BA 'GAG LA, DE MAN CHAD NA NI SEMS BYUNG GANG YANG TSAR PHYIN PAR 'GAG PA MED DO ZHES BSHAD DO, ,DE LTAR NA CHOS MNGON PA LAS NI BSAM GTAN DNGOS GZHI BZHI PO MA GTOGS PA LA YAN LAG MED PAR BSHAD CING, 'PHAGS PA RNAM PAR GROL BA'I SDES NI GZUGS MED PA DAG BTANG SNYOMS DANG RTZE GCIG PA'I YAN LAG GNYIS DANG LDAN ZHING SNAL MA PHRA SBOM LAS BYAS PA'I RAS LTAR SEMS ZHI MA ZHI'I KHYAD PAR GONG NAS GONG DU YOD PAR BSHAD LA, BRANG TI NI GZUGS MED BZHI PO DRAN PA DANG SHES BZHIN DANG BTANG SNYOMS DANG TING NGE 'DZIN TE YAN LAG BZHI BZHI DANG LDAN NO ZHES ZER RO, , SLOB DPON KA MA LA SH'I LAS NI BSGOM PA'I RIM PA DANG PO LAS BSAM GTAN DANG PO'I NYER BSDOGS MI LCOGS MED KYANG TSOR BA BTANG SNYOMS DANG RTOG DPYOD DANG RTZE GCIG PA'I YAN LAG BZHI DANG LDAN PAR BSHAD DO, ,GNYIS PA GRANGS NGES PA NI GAL TE 'DU SHES DANG REG PA LA SOGS PA SEMS LAS BYUNG BA GZHAN DAG KYANG YOD BZHIN DU CI'I PHYIR RTOG DPYOD LA SOGS PA KHO NA YAN LAG TU BZHAG CE NA, 'DI'I LAG LA GZHAN LUGS DANG, RANG LUGS GNYIS LAS DANG PO NI KHA CIG NA RE GANG DAG BSAM GTAN SNGA MA LA YOD PA PHYI MAS SPANGS SHING BOR BA DE DAG YAN LAG TU BSHAD KYI 'DU SHES LA SOGS PA NI SNGA MA LA YOD KYANG PHYI MAS BOR BA MED PA'I PHYIR YAN LAG TU MA BSHAD DE, 'DI LTAR BSAM GTAN DANG PO LA YAN LAG LNGA YOD PA'I RTOG DPYOD GNYIS BOR NAS GNYIS PAR BZHAG LA, DANG PO'I RTOG DPYOD GNYIS DANG GNYIS PA'I DGA' BA DANG GSUM BOR NAS GSUM PA DANG, DE GSUM DANG GSUM PA'I BDE BA DANG BZHI BOR NAS BSAM GTAN BZHI PAR BSHAD PA'I PHYIR RO, ,DE LTAR TING NGE 'DZIN KYANG YAN LAG MA YIN @722 PAR 'GYUR RO ZHE NA, TING NGE 'DZIN SNYOMS 'JUG GI GTZO BO YIN PA'I PHYIR MI MTSUNGS SO, ,YANG NA BSAM GTAN DANG PO LA SOGS PA'I YAN LAG LNGA LA SOGS PA KHO NAR BZHAG STE, YAN LAG DE DAG BSAM GTAN DANG PO LA SOGS PA LA CHES PHAN PA'I PHYIR RO ZHES ZER RO, ,DE LTA NA BSAM GTAN DANG PO LA RTOG DPYOD YAN LAG TU MI 'JOG PAR DRAN PA DANG SHES RAB DAG YAN LAG TU 'JOG PAR 'GYUR TE, DRAN PA NYE BAR GNAS PA DANG YANG DAG PA JI LTA BA BZHIN DU SHES PA LA ZHUM RGOD LA SOGS PA MI 'BYUNG BAS RTOG DPYOD GNYIS PAS DRAN PA DANG SHES RAB CHES PHAN PA'I PHYIR RO, , GNYIS PA NI 'GREL PA LAS, KHA CIG DE SKAD DU RGOL BA YOD MOD KYI, SNGON GYI SLOB DPON RNAMS NI JI SNYED MNGON PA DE LTAR MI STON TE, DE LTA BAS NA 'DI NI DPYAD PAR BYA BA YIN NO ZHES 'BYUNG BA LA t'I KA BYED DAG 'DI NI RNAL 'BYOR SPYOD PA'I SA MTHONG BAS DPYAD PAR BYA BA YIN NO ZHES SLOB DPON GYIS DER BLTA BAR KHUNGS 'BYIN PA YIN PAS DE DANG MTHUN PAR BSHAD PAR BYA'O ZHES 'CHAD DO, ,'O NA DE LAS JI LTAR 'BYUNG ZHE NA, 'DI LTAR BSAM GTAN RNAMS LA 'DU SHES LA SOGS PA'I CHOS GZHAN DAG YOD KYANG RTOG DPYOD LA SOGS PA KHO NA YAN LAG TU BZHAG PA NI SO SOR GNYEN PO DANG PHAN YON DANG DE GNYIS KA'I RTEN NAM GNAS KYI YAN LAG GI PHYIR RO ZHES 'BYUNG BAS DE DAG GI DBANG DU BYAS TE GRANGS NGES BSAM PAR BYA'O, ,GSUM PA YAN LAG DANG YAN LAG CAN GYI DON NGOS GZUNG BA NI BYE BRAG TU SMRA BA TING NGE 'DZIN BSAM GTAN DANG BSAM GTAN GYI YAN LAG GNYIS KA YIN LA GZHAN DAG NI YAN LAG KHO NA YIN NO, ,ZHES ZER RO, ,SLOB DPON NI YAN LAG LAS DON GZHAN DU GYUR PA MA YIN YANG YAN LAG BZHI PA'I DMAG CES BRJOD PA LTAR TSOGS PA'I SPYI DANG BYE BRAG YIN NO ZHES 'DOD DO, ,GNYIS PA GZHUNG DON LA BSAM GTAN DANG PO LA NI YAN LAG LNGA STE, MI MTHUN PHYOGS 'DOD PA'I 'DOD CHAGS DANG GNOD SEMS DANG RANM 'TSOL SOGS PA SPONG BAS GNYEN PO'I YAN LAG RTOG PA DANG DPYOD PA DANG, RTOG DPYOD KYI MI MTHUN PHYOGS SPANGS NAS DBEN PA LAS SKYES PA'I DGA' BDE 'THOB PAS PHAN YON GYI YAN LAG DGA' BA DANG BDE BA DANG, SEMS RTZE GCIG PA'I STOBS KYIS SNGA MA DE DAG 'GRUB PAS DE GNYIS KA'I RTEN GYI YAN LAG TING NGE 'DZIN RNAMS SO, ,BSAM GTAN GNYIS PA LA NI YAN LAG BZHI STE, MI MTHUN PHYOGS DANG PO'I RTOG DPYOD SPONG BAS GNYEN PO'I YAN LAG NANG RAB TU DANG BA DANG, PHAN YON DANG GNAS SAM RTEN GYI YAN LAG NI SNGA MA LTAR DGA' BA DANG SOGS PAS GZUNG BA BDE BA GNYIS DANG TING NGE 'DZIN TO, ,BSAM GTAN GSUM PA LA NI YAN LAG LNGA STE, MI MTHUN PHYOGS 'OG SA'I DGA' BA @723 SPONG BAS GNYEN PO'I YAN LAG DGA' BA LA RTZOL BA MED PAS DMIGS PA LA LHUN GYIS GRUB PA'I MTSAN NYID CAN 'DU BYED KYI BTANG SNYOMS DANG BTANG SNYOMS KYI RGYU MTSAN MI BRJED PA'I DRAN PA DANG MI BRJED PA'I SHES BZHIN GSUM DANG PHAN YON DANG RTEN GYI YAN LAG NI RIM PA LTAR BDE BA DANG SEMS GNAS PA TING NGE 'DZIN RNAMS SO, ,SEMS GNAS PA TING NGE 'DZIN YIN PAR LAM GYI TSOGS KYI MDO LAS, YANG DAG PA'I TING NGE 'DZIN GANG ZHE NA, GANG SEMS GNAS PA DANG, YANG DAG PAR GNAS PA'O ZHES 'BYUNG PA'I PHYIR RO, ,BSAM GTAN KYI MTHA' BZHI PA NA NI YAN LAG BZHI STE, MI MTHUN PHYOGS 'OG SA'I BDE BA SPONG BAS GNYEN PO'I YAN LAG GNYIS KA'ANG SA 'OG MA'I SKYON BRGYAD DANG BRAL BAS DRAN PA YONGS SU DAG PA DANG 'DU BYED BTANG SNYOMS YONGS SU DAG PA GNYIS DANG, PHAN YON DANG RTEN GYI YAN LAG NI RIM PA LTAR BDE BA YANG MIN SDUG BSNGAL YANG MIN PA'I TSOR BA BTANG SNYOMS DANG, TING NGE 'DZIN YONGS SU DAG PA RNAMS SO, ,DE LTAR NA DE DAG NI BSAM GTAN GYI YAN LAG BCO BRGYAD DO, ,('DI DAG GI GNYEN PO NI THAG SRING GI GNYEN POR 'DOD PA NYID LEGS SO, ,) RNAM PAR GTAN LA DBAB PA BSDU BA LAS NI, BSAM GTAN DANG PO'I MI MTHUN PHYOGS NI 'DOD PA'I 'DOD CHAGS DANG, GNOD SEMS DANG RNAM PAR 'TSE BA'I RNAM PAR RTOG PA RNAMS GCIG TU BYAS PA DANG, SDUG BSNGAL DANG, YID MI BDE BA DANG, 'CHAL BA'I TSUL KHRIMS DANG, RNAM PAR G-YENG BA DANG LNGA YIN LA, BSAM GTAN GNYIS PA'I MI MTHUN PHYOGS NI BSAM GTAN DANG PO'I 'DOD CHAGS DANG, RTOG DPYOD GNYIS GCIG TU BYAS PA DANG, SDUG BSNGAL DANG, RGOD PA DANG, TING NGE 'DZIN MA RDZOGS PA DANG LNGA YIN NO, ,BSAM GTAN GSUM PA'I MI MTHUN PHYOGS NI BSAM GTAN GNYIS PA'I 'DOD CHAGS DANG, YID BDE BA DANG, DGA' BA DANG, TING NGE 'DZIN MA RDZOGS PA DANG BZHI'O, ,BSAM GTAN BZHI PA'I MI MTHUN PHYOGS NI DBUGS 'BYUNG RNGUB DANG, BSAM GTAN GSUM PA'I 'DOD CHAGS DANG, BDE BA DANG, BDE LA RTZOL BA DANG, TING NGE 'DZIN MA RDZOGS PA DANG LNGA YIN NO ZHES PA DANG, GNYEN PO'I YAN LAG GI SKABS SU BSAM GTAN DANG PO'I MI MTHUN PHYOGS RNAM PA LNGA SPONG BA'I GNYEN PO DRAN SHES BZHIN DANG BTANG SNYOMS GSUM YIN KYANG RTOG DPYOD KYI SGOS MNGON PAR BSGRUBS PAS NA DE GSUM GYI MING GIS MA BSTAN PAR RTOG DPYOD GNYIS GNYEN PO'I YAN LAG TU BSTAN LA, DE BZHIN DU BSAM GTAN GNYIS PA'I MI MTHUN PHYOGS RNAM PA LNGA SPONG BA'I GNYEN PO'ANG DRAN PA DANG SHES BZHIN DANG BTANG SNYOMS GSUM YIN YANG SEMS DGA' BA'I NYE BA'I NYON MONGS PAS KUN NAS DKRIS PA'I PHYIR DE DAG RANG @724 MING GIS MA BSTAN PAR RTOG DPYOD KYI 'KHRUG PA ZHI BAS NANG RAB TU DANG BA'I MING GIS BSTAN TE, DES NA 'DI'I NANG RAB TU DANG BA NI DRAN PA DANG SHES BZHIN DANG BTANG SNYOMS KYI NGO BO NYID YIN NO, ,BSAM GTAN GSUM PA LA NI SEMS DGA' BA'I NYE BA'I NYON MONGS PA DANG BRAL BA'I PHYIR BTANG SNYOMS DANG DRAN SHES BZHIN GSUM RANG GI MTSAN NYID KHO NAS BSTAN TO, ,DE'I PHYIR GNYEN PO LA SOGS PA YAN LAG GSUM GYI DBANG BYAS TE BSAM GTAN DE DAG YAN LAG LNGA PA DANG BZHI PAR BZHAG LA, BSAM GTAN BZHI'I KHYAD PAR NI DANG PO DANG GNYIS PA LA NI TING NGE 'DZIN YONGS SU RDZOGS PA'I KHYAD PAR YOD DO, ,GNYIS PA DANG GSUM PA LA NI PHAN 'DOGS PA YONGS SU RDZOGS PA'I KHYAD PAR YOD DO, ,GSUM PA DANG BZHI PA LA NI YONGS SU DAG PA YONGS SU RDZOGS PA'I KHYAD PAR YOD DO ZHES BSHAD DO, ,BCO BRGYAD PO DE DAG KYANG MING GI SGO NAS YIN GYI RDZAS SU NI BCU GCIG YIN TE, 'DI LTAR BSAM GTAN DANG PO'I YAN LAG LNGA DANG, GNYIS PA'I NANG RAB TU DANG BA DANG GSUM PA'I TING NGE 'DZIN MA GTOGS PA BZHI DANG, BZHI PA'I TSOR BA BTANG SNYOMS RNAMS SO, ,GAL TE RTOG DPYOD DANG DRAN PA DANG 'DU BYED BTANG SNYOMS DANG SEMS BDE DANG TSOR BA BTANG SNYOMS RNAMS NI RDZAS RE RE ZHING YAN LAG TU RUNG MOD KYI BSAM GTAN SNGA MA GNYIS KYI BDE BA BSAM GTAN GYI YAN LAG TU JI LTAR 'GYUR TE, SA DE GNYIS NA DGA' BA LAS 'DOD CHAGS DANG MA BRAL BAS SEMS KYI BDE BA MED PA'I PHYIR DANG, LUS KYI BDE BA'ANG MNYAM PAR BZHAG PA NA BSAM GTAN GYI YAN LAG TU MI 'GYUR TE, DE NI SGO LNGA'I RNAM SHES KYI 'KHOR DU BYUNG BA YIN NA DE YANG NGO BO NYID KYIS RNAM PAR G-YENG BA YIN PAS MNYAM GZHAG TU MI 'BYUNG BA'I PHYIR RO, ,GZHAN YANG BSAM GTAN GSUM PA'I BDE BA RDZAS GZHAN DU MI 'GRUB PAR 'GYUR TE, BSAM GTAN DANG POR BGRANGS ZIN PA'I PHYIR DANG, DER BGRANGS KYANG RDZAS GZHAN DU BGRANG NA GNYIS PA'I BDE BA'ANG RDZAS GZHAN DU BGRANG BAR THAL BAR 'GYUR BA'I PHYIR RO ZHE NA, SKYON MED DO, ,BSAM GTAN GSUM PA'I BDE BA NI SEMS BDE (YIN PAS TSOR BA) YIN LA, BSAM GTAN DANG PO DANG GNYIS PA DAG NA NI DGE BA'I SA MANG PO PA'I SEMS SHIN TU SBYANGS PA LA BDE BA ZHES BRJOD PA YIN NO, ,BSAM GTAN SNGA MA GNYIS NA NI TSOR BA BDE BA MI SRID DE, TSOR BA BDE BA LA LUS SEMS KYI TSOR BA GNYIS LAS MED CING, DE LA LUS TSOR NI MA YIN TE, SNYOMS PAR ZHUGS PA LA RNAM PAR SHES PA'I TSOGS LNGA MED PA'I PHYIR RO, ,SEMS TSOR YANG MA YIN TE, YAN LAG DGA' BA ZHES BGRANGS ZIN PA'I PHYIR DANG, DGA' BA NI YID BDE YIN NA BDE BA DANG YID BDE GNYIS CIG @725 CAR MI 'BYUNG BA'I PHYIR RO, ,DE GNYIS RNAM GRANGS KYI YAN LAG YIN PAR YANG MA RIGS TE, YAN LAG LNGA ZHES TSOGS PA GCIG LA 'BYUNG BAR BSHAD PA'I PHYIR RO ZHES BYE BRAG TU SMRA BA RNAMS 'DOD DO, , DPES STON PA NA RE BSTAN BCOS BYE BRAG TU BSHAD PA LAS, MDO SDE PA BTZUN PAS TSOS MNGON PA BA RNAMS KYI LTAR NA ZO CHUN 'KHYUD MO LTAR MIG GI RNAM PAR SHES PA LA SOGS PA 'OG NAS GONG DU 'DREN TO ZHES BSHAD DE, DE'I 'DOD PA NI MIG SHES LA SOGS PA NI BSAM GTAN GNYIS PA LA SOGS PA'I SA PA'ANG YOD DO ZHES BYA BA YIN NO ZHES t'I KAR BSHAD CING, BSAM GTAN STON PA'I MDO LAS KYANG BSAM GTAN GSUM PA STON PA NA DE DGA' BA LAS 'DOD CHAGS DANG BRAL NAS BTANG SNYOMS DANG DRAN PA DANG SHES BZHIN DU GNAS SHING BDE BA LUS KYI MYONG LA ZHES GSUNGS PAS LUS BDE NI 'DOD PA DANG BSAM GTAN DANG PO'I SA PA KHO NAR MA ZAD KYI, GNYIS PA DANG GSUM PA'I SA PA'ANG YOD PAS DES NA BSAM GTAN GSUM CHAR NA'ANG LUS BDE KHO NA YAN LAG YIN NO ZHES ZER RO, , 'O NA LAM GYI TSOGS KYI MDO LAS, BDE BA'I DBANG PO GANG ZHE NA, BDE BA MYONG BAR 'GYUR BA'I REG PAS REG PA LA LUS KYI DANG SEMS LAS BYUNG BA'I TSOR BA TSOR BA'I RNAM PA BDE BA SIM PA SKYE BA GANG YIN PA DE NI BDE BA'I DBANG PO ZHES BYA'O ZHES GSUNGS PA DANG 'GAL LO ZHE NA, MI 'GAL TE, SDE PA GZHAN THAMS CAD KYI GZHUNG LAS LUS KYI TSOR BA ZHES PA KHO NA 'BYUNG BAS SEMS LAS BYUNG BA'I ZHES PA NI 'GA' ZHIG GIS SGRO BTAGS PA YIN PA'I PHYIR DANG, MDO LAS KYANG BDE BA LUS KYIS MYONG LA ZHES RANG GI SGRAS GSUNGS PA'I PHYIR RO, ,GAL TE DE NI YID KYI LUS KYIS ZHES BYA BA YIN NO ZHE NA, MA YIN TE, DE LTA NA BDE BA YID KYIS MYONG LA ZHES GSUNGS PAS CHOG GI LUS KYIS ZHES GSUNGS PA LA DGOS PA MED PA'I PHYIR RO, ,GZHAN YANG BSAM GTAN SNGA MA GNYIS SU SHIN TU SBYANGS PA LA BDE BAR BRJOD NA SNGA MA GNYIS KYI BAS SHIN TU SBYANGS PA KHYAD PAR DU 'PHAGS PA YOD PAS BSAM GTAN BZHI PA LA'ANG YAN LAG BDE BA SMOS PAR 'GYUR NA DER MA SMOS PAS NA DANG PO GSUM NA TSOR BA BDE BA YOD PAS DE YAN LAG TU BSHAD KYI BZHI PA NA TSOR BA BDE BA MED PAS DE YAN LAG TU MA BSHAD DO, ,GAL TE BSAM GTAN SNGA MA GNYIS KYI SHIN TU SBYANGS PA NI BDE BA'I TSOR BA DANG MTHUN PAS BDE BAR BSHAD KYI BZHI PA'I SHIN TU SBYANGS PA NI BDE BA'I TSOR BA DANG MI MTHUN PAS BDE BAR MA BSHAD DO ZHE NA, 'O NA BDE BA'I TSOR BA DANG MTHUN PAS GSUM PA'I SHIN TU SBYANGS PA'ANG CI'I PHYIR BDE BAR MA BSHAD, GAL TE BDE BA'I TSOR BA DANG MTHUN MOD KYI LAS SU RUNG BA'I MTSAN NYID CAN GYI BTANG SNYOMS KYIS BCOM PAS DER BDE BAR MA @726 BSHAD DO ZHE NA MA YIN TE, BSAM GTAN SNGA MA GNYIS KYIS SHIN TU SBYANGS PA BAS GSUM PA'I SHIN TU SBYANGS PA KHYAD PAR DU 'PHAGS PAS BTANG SNYOMS KHO NAS DE 'PHEL BA'I PHYIR RO, ,GZHAN YANG BSAM GTAN SNGA MA GNYIS NA SHIN TU SBYANGS PA KHO NA BDE BA MA YIN TE, MGON MED ZAS SBYIN GYIS ZHUS PA'I MDO LAS, GANG GI TSE 'PHAGS PA NYAN THOS RAB TU DBEN PA LAS SKYES PA'I BDE BA LUS KYIS MNGON SUM DU BYAS NAS RDZOGS PAR BYAS TE GNAS PA DE'I TSE 'DI'I 'DOD PA NYE BAR SDUD PA'I YID BDE GNYIS DANG, MI DGE BA NYE BAR SDUD PA'I YID BDE MI BDE BTANG SNYOMS GSUM STE CHOS LNGA NI SPONG BAR 'GYUR LA, CHOS LNGA PO NANG RAB TU DANG BA DANG DGA' BA DANG SHIN TU SBYANGS PA DANG BDE BA DANG TING NGE 'DZIN NI BSGOM PA YONGS SU RDZOGS PAR 'GYUR RO ZHES SHIN TU SBYANGS PA DANG BDE BA THA DAD DU GSUNGS PA'I PHYIR DANG, GSUNGS KYANG THA DAD MA YIN NA LNGAR MI RUNG ZHING THA DAD YIN NA BSAM GTAN GSUM CHAR GYI BDE BA LUS BDER GRUB PA'I PHYIR RO, ,'O NA SGO LNGA'I SHES PA RANG BZHIN GYIS G-YENG BA'I PHYIR KHA PHYIR LTA YIN PAS MNYAM GZHAG TU LUS KYI RNAM SHES JI LTAR 'BYUNG LA, GAL TE 'BYUNG NA'ANG PHYI ROL TU G-YENGS PA DANG LUS SHES SKYES PAS TING NGE 'DZIN LAS NYAMS PA DANG, GNAS PA LAS LANGS PAR YANG 'GYUR BA DANG, LUS BDE MNYAM GZHAG TU MI 'BYUNG BAS BSAM GTAN GYI YAN LAG TU MI 'THAD CING, GZHAN YANG 'DOD PA'I RTEN CAN ZAG BCAS ZAG MED KYI BSAM GTAN LA MNYAM PAR BZHAG PA NAS BSAM GTAN GYI SA PA YIN PAS RIM PA LTAR 'DOD PA'I LUS SHES KYIS GZUGS KYI REG BYA 'DZIN MI NUS PAS REG BYA DANG LUS SHES GZUGS KYI SA PA YIN PAS 'DOD PA'I LUS DBANG GI GZUGS NA SPYOD PA'I REG BYA 'DZIN PA'I LUS SHES SKYED MI NUS PA'I PHYIR DANG, TSOGS PA GCIG LA YAN LAG ZAG BCAS ZAG MED GNYIS MI RUNG BAS SHIN TU SBYANGS PA'I REG BYA DANG LUS SHES KYANG ZAG MED DU 'GYUR RO ZHE NA, NYES PA DE DAG MED DE, MNYAM PAR BZHAG PA NA TING NGE 'DZIN GYI KHYAD PAR LAS SKYES PA SHIN TU SBYANGS PA'I REG BYA ZHES PA LUS YANG ZHING ZO MDOG BDE BAR BYED CING BDE BA'I TSOR BA DANG MTHUN PA'I RLUNG GIS LUS LA RGYAS SHING KHYAB PAS DE'I MTHUS SHIN TU SBYANGS PA'I REG BYA LA DMIGS PA'I TING NGE 'DZIN DANG MTHUN PA'I LUS SHES MTSUNGS LDAN DANG BCAS PA 'BYUNG BA'I PHYIR DANG, TING NGE 'DZIN LAS SKYES PA'I LUS SHES MTSUNGS LDAN DANG BCAS PA DE NYID LUS KYI NANG DU 'BYUNG BAS PHYI ROL TU G-YENGS PAR YANG MI 'GYUR LA, TING NGE 'DZIN DANG MTHUN PA'I PHYIR DE SKYES PA NA TING NGE 'DZIN LAS NYAMS PA DANG, LANGS PAR YANG MI 'GYUR BA'I PHYIR DANG, SPYIR 'DOD PA'I LUS @727 DBANG GIS GZUGS KYI REG BYA LA DMIGS PA'I LUS SHES SKYED PA'I KHYAB PA MED KYANG, 'DIR TING NGE 'DZIN GYIS STOBS BSKYED PA'I MTHUS MNYAM GZHAG GI 'DOD PA'I LUS DBANG GIS GZUGS KYI SHIN TU SBYANGS PA'I REG BYA LA DMIGS PA SHIN TU SBYANGS PA'I LUS SHES MTSUNGS LDAN DANG BCAS PA BSKYED NUS SHING, DE NYID KYIS NA LUS BDE BSAM GTAN GYI YAN LAG TU'ANG GRUB LA, SHIN TU SBYANGS PA'I REG BYA DANG LUS SHES ZAG MED DU THAL BA NI 'DOD PA NYID DE, LAM GYI TSOGS KYI MDO LAS, LUS SHIN TU SBYANGS PA YANG DAG BYANG CHUB KYI YAN LAG MNGON PAR SHES PA DANG, RDZOGS PAR BYANG CHUB PA DANG, MYA NGAN LAS 'DA' BAR 'GYUR BA GANG YIN PA DANG, SEMS SHIN TU SBYANGS PA YANG DAG BYANG CHUB KYI YAN LAG MNGON PAR SHES PA DANG, RDZOGS PAR BYANG CHUB PA DANG, MYA NGAN LAS 'DA' BAR 'GYUR BA GANG YIN PA ZHES LUS SHIN TU SBYANGS PA BYANG CHUB KYI YAN LAG TU GSUNGS PA'I PHYIR RO, ,'O NA SKYE MCHED DRUG GI TSOGS KYI MDO LAS, ZAG PA DANG BCAS PA'I CHOS RNAMS GANG ZHE NA, MIG JI SNYED PA DANG GZUGS RNAMS JI SNYED PA DANG MIG GI RNAM PAR SHES PA JI SNYED PA DANG ZHES PA NAS LUS JI SNYED PA DANG REG BYA RNAMS JI SNYED PA DANG LUS KYI RNAM PAR SHES PA JI SNYED PA'O ZHES BYA BA'I BAR DU KHAMS BCO LNGA PO THAMS CAD ZAG BCAS KHO NAR GSUNGS PA DANG 'GAL LO ZHE NA, DPES STON PA NA RE DE NI SHIN TU SBYANGS PA'I REG BYA DANG LUS SHES MA GTOGS PA'I REG BYA DANG LUS SHES GZHAN LA DGONGS NAS GSUNGS PA'I PHYIR NYES PA MED DO ZHES ZER RO, ,BSAM GTAN GNYIS PA'I YAN LAG NANG RAB TU DANG BA NI RGYU BSAM GTAN DANG PO'I RTOG DPYOD KYI 'KHRUG PA DANG BRAL ZHING DANG POS 'DOD PA LAS NGES PAR 'BYUNG BAR MA ZAD 'DIS MNYAM GZHAG GI SA DANG PO LAS KYANG NGES PAR 'BYUNG BAS DE LA YID CHES PA'I DAD PA YIN NO, ,'DIR SKAL LDAN KHYAD PAR CAN NA RE SEMS KYI GNAS SKABS RTOG DPYOD ZHI BA TZAM NANG RAB TU DANG BA YIN LA, DE BZHIN DU RTOG DPYOD DANG TING NGE 'DZIN LA SOGS PA'ANG SEMS LAS RDZAS GZHAN MA YIN GYI SEMS KYI GNAS SKABS LA BTAGS PA YIN NO ZHES ZER BA NI MI RIGS TE, DE DAG RGYU 'BRAS YIN PAS RDZAS THA DAD PA'I PHYIR RO, ,YANG GAL TE BSAM GTAN SNGA MA GNYIS KYIS DGA' BA YID BDER 'DOD PA NI MI RIGS TE, SDE PA GZHAN DAG DGA' BA SEMS BYUNG GI CHOS GZHAN (YID KYI SA PA KHO NA) YIN LA YID BDE BSAM GTAN GSUM CHAR GYI'ANG BDE BAR 'DOD PA LTAR BSAM GTAN GSUM CHAR GYI BDE BA NI DGA' BA LAS GZHAN PA'I YID BDE YIN NO ZHE NA, BSAM GTAN SNGA MA GNYIS NA NI DGA' BA LAS 'DOD CHAGS DANG MA BRAL BAS NYE BAR MA ZHI BAS @728 DGA' BA KHO NA YID BDE BA YIN LA, GSUM PA NI DGA' BA LAS 'DOD CHAGS DANG BRAL BAS NYE BAR ZHI BAS SEMS BDE KHO NA YIN GYI YID BDE NI MA YIN TE, BSAM GTAN YAN LAG LAS NGAS 'BYUNG YIN PAS RNAM PAR BSGYUR PA'I MDO LAS BSAM GTAN GSUM PA BKA' BSTZAL NAS, 'DIR 'DI'I YID BDE BA'I DBANG PO SKYES PA MA LUS PAR 'GAG PAR 'GYUR RO ZHES PA DANG, BSAM GTAN BZHI PA LA NI BDE BA'I DBANG PO 'GAG PAR 'GYUR RO ZHES PA DANG, BSAM GTAN GYI YAN LAG STON PA'I MDO LAS, DE 'DOD PAS DBEN SDIG TO MI DGE BA'I CHOS KYIS DBEN PA RTOG PA DANG BCAS SHING DPYOD PA DANG BCAS PA DBEN PA LAS SKYES PA'I DGA' BA DANG BDE BA CAN BSAM GTAN DANG PO NYE BAR BSGRUBS TE GNAS SO, ,DE RNAM PAR RTOG PA DANG RNAM PAR DPYOD PA NYE BAR ZHI NAS NANG YONGS SU DANG STE SEMS KYI RGYUD GCIG TU GYUR PAS RTOG PA MED PA DPYOD PA MED PA TING NGE 'DZIN LAS SKYES PA'I DGA' BA DANG BDE BA CAN BSAM GTAN GNYIS PA NYE BAR BSGRUBS TE GNAS SO, ,DE DGA' BA LAS 'DOD CHAGS DANG BRAL BAS DRAN PA DANG LDAN ZHING SHES BZHIN DU BTANG SNYOMS LA GNAS TE, BDE BA LUS KYIS MYONG LA 'PHAGS PA RNAMS KYIS DE LA DRAN PA DANG LDAN PA BDE BA LA RNAM PAR SPYOD PA BTANG SNYOMS PA'O ZHES BRJOD PA STE DGA' BA MED PA'I BSAM GTAN GSUM PA NYE BAR BSGRUBS TE GNAS SO, ,DE BDE BA YANG SPANGS SDUG BSNGAL BA YANG SPANGS SHING YID BDE BA DANG YID MI BDE BA SNGA NAS KYANG NUB PAS BDE BA YANG MED SDUG BSNGAL BA YANG MED PA BTANG SNYOMS DANG DRAN PAS YONGS SU DAG PA'I BSAM GTAN BZHI PA NYE BAR BSGRUBS TE GNAS SO ZHES LUNG RNAM PA GNYIS LAS GSUM PAR YID BDE 'GAG CING BZHI PAR BDE BA DE MA THAG PA SEMS BDE DANG YID BDE NI SNGA MA (BSAM GTAN) GSUM PA NAS GRANGS PAR GSUNGS PA'I PHYIR RO, ,(DGA' BDE GNYIS TSOR BA BDE BAR 'DRA YANG DGA' BAS SEMS MA ZHI BAR BYED LA, ZHI BAR GYUR PA'I TSE SA GZHAN THOB NA DE'I RIGS CAN KYI TSOR BA LA BDE BA ZHES BRJOD DO, ,) DES NA BSAM GTAN SNGA MA GNYIS KYIS BDE BA NI SHIN TU SBYANGS PA DANG YID BDE NI DGA' BA YIN LA, GSUM PA LA NI SEMS KYI SIM PA NYID BDE BAR BZHAG GO ZHES BYE BRAG TU SMRA BA 'DOD CING, KHA CIG YID BDE NI YID DGA' BA YIN LA, BSAM GTAN LA BDE BA YAN LAG TU BSHAD PA NI LUS BDE YIN TE, DE YANG LUS SHIN TU SBYANGS PA LAS SKYES PA'I BDE BA YIN PAR 'DOD LA, BZHI PA LA NI DE YANG SPANGS PAR 'DOD DO, ,CI NYON MONGS CAN GYI BSAM GTAN LA'ANG SNGAR BSHAD PA'I YAN LAG DE DAG YOD DAM ZHE NA, KHA CIG YOD LA KHA CIG MED DE, 'DI LTAR @729 NYON MONGS PA CAN GYI BSAM GTAN DANG PO LA NI DE'I SA PA'I NYON MONGS LAS DBEN PA MA YIN (ZHING DE DANG MTSUNGS PAR LDAN) PAS DBEN PA LAS SKYES PA'I DGA' BA DANG BDE BA MED CING, GNYIS PA LA NI DE'I SA PA'I NYON MONGS PAS BRNYOGS PAS RAB TU MA DANG BAS NAD RAB TU DANG BA MED LA, GSUM PA LA NI NYON MONGS CAN GYI BDE BAS KUN TU RMONGS SHING BSLAD PAS SHES BZHIN DANG DRAN PA MED CING, (DGE BA'I SA MANG PO PA YIN PAS BTANG SNYOMS KYANG MED DO,,) BZHI PA LA NI DE'I SA PA'I NYON MONGS PAS DRI MA CAN DU BYAS PAS BTANG SNYOMS DANG DRAN PA YONGS SU DAG PA MED DO,, GRUB MTHA' 'DZIN PA KHA CIG NA RE NYON MONGS CAN GYI BSAM GTAN DANG PO DANG GNYIS PA NA NI SHIN TU SBYANGS PA MED LA, GSUM PA DANG BZHI PA NA NI 'DU BYED BTANG SNYOMS MED DE, DE DAG NI NYON MONGS CAN YIN LA SHIN TU SBYANGS PA DANG BTANG SNYOMS NI DGE BA'I SA MANG PO BA YIN PA'I PHYIR RO ZHES ZER RO, , DES NA DGA' BA NI 'DOD PAS DBEN PA LAS SKYES PA'I DGA' BA DANG, NANG RAB TU DANG BA NI RTOG DPYOD ZHI BA DANG, DRAN PA DANG SHES BZHIN NI DMIGS PA MA BRJED PA DANG SHES RAB TZAM LA 'DOD PA'I PHYIR NYON MONGS CAN LA'ANG YOD DO ZHES BYA BAR 'DOD DO, ,'O NA LUGS SNGA MA LTAR NA (GNYIS PA'I) SHIN TU SBYANGS PA DANG (GSUM PA'I) BTANG SNYOMS YOD DAM MED CE NA, KHA CIG NA RE DE DAG DGE BA YIN PAS DNGOS SU MED PAR MA BSHAD KYANG MED PAR GRUB BO ZHES ZER RO, ,KHA CIG NA RE DE DAG MED PAR MA BSHAD PAS YOD DO ZHES (GNYIS PA'I SHIN TU SBYANGS PA DANG, GSUM PA'I BTANG SNYOMS KHA CIG DE GNYIS DGE BA YIN PAS MED PAR 'DOD LA KHA CIG MED PAR MA BSHAD PAS YOD PAR 'DOD DO, ,) ZER RO, ,GZHAN YANG BCOM LDAN 'DAS KYIS LUNG BAR MA LAS, BSAM GTAN DANG PO GSUM NI SKYON DANG BCAS PA'I PHYIR G-YO BA DANG BCAS PA DAG YIN NO ZHES GSUNGS PAS BSAM GTAN BZHI PA NI G-YO BA MED PA YIN TE, 'OG SA'I SKYON BRGYAD LAS GROL BA'I PHYIR RO, ,DE LA SKYON BRGYAD NI RTOG PA DANG DPYOD PA GNYIS DANG DBUGS RNGUB PA DANG 'BYUNG BA DAG STE GNYIS DANG BDE BA DANG, SOGS PAS GZUNG BA SDUG BSNGAL DANG, YID BDE DANG YID MI BDE DANG BZHI STE BRGYAD YIN NO, ,GZHAN DAG NA RE BSAM GTAN DANG PO NI RTOG DPYOD DANG GNYIS PA NI DGA' BA DANG, GSUM PA NI BDE BAS G-YO BAS SKYON DANG BCAS PA BZHI PA NI DE DAG DANG BRAL BAS MI G-YO BA YIN TE, LU HI TA'I MDO LAS, BSAM GTAN BZHI PA NI DPER NA RLUNG MED SA PA'I SEMS KYI BDE BA DANG BTANG SNYOMS DANG, BZHI PA NA NI MED PA'I MAR ME DPER MDZAD NAS GSUNGS PA'I PHYIR RO ZHES ZER RO, ,'O NA SNGA MA @730 GNYIS NA YID BDE DANG GSUM PA NA BDE BA DANG BZHI PA NA BTANG SNYOMS KHO NA YOD PAR BSHAD NA CI RGYU SNYOMS 'JUG BSAM GTAN DANG PO NA BDE BA DANG GNYIS PA NA YOD PA'I TSOR BA YID BDE DANG GSUM PA NA BDE BA DANG BZHI BA NA YOD PA'I BTANG SNYOMS DE DAG 'BRAS BU SKYE BA NA'ANG YOD DAM ZHE NA, BZHI BA NA DE LTA YIN MOD KYI GZHAN NA NI DE LTA MA YIN TE, SKYE BA'I BSAM GTAN BZHI PO DAG LAS BSAM GTAN DANG PO NA NI YID KYI SA PA'I YID BDE DANG MIG RNA LUS KYI RNAM SHES GSUM DANG MTSUNGS LDAN GYI BDE BA DANG RNAM SHES BZHI CHAR GYI BTANG SNYOMS DANG, GNYIS PA NA NI RNAM SHES GZHAN MED PAS YID KYI SA PA KHO NA'I BTANG SNYOMS DANG YID BDE DANG, GSUM PA NA NI YID KYI SA PA'I SEMS KYI BDE BA DANG BTANG SNYOMS DANG, BZHI PA NA NI YID KYI SA PA'I BTANG SNYOMS KYI TSOR BA KHO NA YOD DO, ,GAL TE BSAM GTAN GNYIS PA LA SOGS PA NA MIN SHES LA SOGS PA GSUM DANG RTOG DPYOD MED NA GZUGS DANG SGRA DANG REG BYA 'DZIN PA DANG LUS NGAG GI RNAM PAR RIG BYED SLONG BAR JI LTAR 'GYUR ZHE NA, GNYIS PA LA SOGS PAR SKYES PA RNAMS LA MIG SHES LA SOGS PA DE DAG MED PA'ANG MA YIN LA RANG GI SA PA'ANG MA YIN NO, , 'O NA JI LTA BU ZHE NA, BSAM GTAN GNYIS PA LA SOGS PA SA GONG MA GSUM PO DAG NA LUS DANG MIG DANG RNA BA'I RNAM SHES GSUM DANG LUS DANG NGAG GI RNAM PAR RIG BYED KUN SLONG RTOG DPYOD LA NGES PAR LTOS SHING RANG SA NA DE MED PAS KUN NAS SLONG BAR BYED PA'I RTOG DPYOD GANG YIN PA DE NI BSAM GTAN DANG PO'I SAR GTOGS PA YIN TE DPER NA SA GONG MA PA DAG 'OG SA'I SPRUL PA SPRUL PAR 'DOD PA NA 'OG SA'I SPRUL SEMS GONG MA'I RTEN LA MNGON DU BYED PA BZHIN NO ZHES BYE BRAG TU SMRA BA 'DOD LA, (DES NAS DES BSDUS PA MED KYI RTEN DE LA YOD LA, DES BSLANG BA'I CHOS DE DAG KYANG DANG PO'I SA PA DANG MA BSGRIBS LUNG MA BSTAN YIN NO GSUNG NGO,,) DE YANG GONG SAR MNGON DU BYED PA'I MIG LA SOGS PA'I RNAM SHES DANG RTOG DPYOD GANG YIN PA DE NI MA BSGRIBS LUNG MA BSTAN YIN GYI DE DAG MI DGOS PA'I DMAN PA YIN PA'I PHYIR DGE BA MA YIN PA'AM, YANG NA DANG PO'I DGE BA NI RNAM SMIN DANG BCAS PA YIN NA DANG PO'I RNAM SMIN NI GNYIS PA LA SOGS PA DON DU MI GNYER BAS DE'I RGYU DGE BA'I SEMS MNGON DU BYA BA LA 'BAD PA MI BYED DO ZHES RGYAL PO'I SRAS 'CHAD DO, ,'OG SA LAS 'DOD CHAGS DANG BRAL (ZHING DANG PO'I DE DAG SPANGS) BA'I PHYIR NYON MONGS CAN YANG MIN TE SPRUL PA'I SEMS BZHIN NO, , BSAM GTAN DANG PO'I LUNG MA BSTAN DE DAG NI DMAN PA YIN YANG (MTHONG THOS SOGS LA,) DGOS PA'I PHYIR MNGON DU BYED KYI DE YANG GUS PAS NI MA YIN NO, ,DBES STON PA LA SOGS PA NI BSAM @731 GTAN PHYI MA GSUM NA'ANG RNAM SHES TSOGS GSUM GA YOD PAR 'DOD DO, , BZHI BA 'THOB TSUL LA GSUM LAS DANG PO DAG PA BA NI 'OG SA LAS 'DOD CHAGS DANG BRAL BA DANG, GONG NAS 'OG TU SKYE BA DANG, SBYOR BA DANG, CHAGS BRAL LAS NYAMS PA BZHIS 'THOB PA LAS DAG PA PA DE DANG SNGAR GTAN MI LDAN PA NI 'OG SA LAS 'DOD CHAGS DANG BRAL BA'AM, SRID RTZE MA GTOGS PA GONG SA NAS 'OG SAR SKYE BA LAS NI NGES 'BYED CHA MTHUN GYI DAG PA BA MA GTOGS PA GSUM 'THOB KYI, SRID RTZE NI DE BAS MTHO BA'I SA MED CING 'OG SA NAS DER SKYE BA NA (RGYU SNYOMS 'JUG) DE SNGAR NAS LDAN PA SKYE BAS GSAR 'THOB MED PAS 'OG SA LAS 'DOD CHAGS DANG BRAL BA KHO NAS 'THOB KYI SKYE BAS 'THOB PA MED DO, ,('DOD CHAGS DANG BRAL BAS 'THOB PA DE YANG NGES 'BYED CHA MTHUN MA GTOGS SO, ,) DE YANG SNGAR MI LDAN PA'I DBANG DU BYAS KYI DAG PA PA DANG SNGAR NAS LDAN PA NI NGES 'BYED CHA MTHUN GYI BSAM GTAN DAG PA PA CHAGS BRAL DANG SKYE BAS MI 'THOB KYI SBYOR BAS 'THOB LA, GNAS PA CHA MTHUN LAS NYAMS NA NYAMS PA'I CHA MTHUN DANG, BSAM GTAN DANG PO LAS 'DOD CHAGS DANG BRAL BA LAS NYAMS PA LAS DANG PO'I NYAMS PA'I CHA MTHUN 'THOB PA LTA BU NYAMS PA LAS KYANG 'THOB BO, ,DE NYID KYI PHYIR BSTAN BCOS LAS, BSAM GTAN DAG PA PA 'DOD CHAGS DANG BRAL BAS 'THOB PAR 'GYUR LA, 'DOD CHAGS DANG BRAL BAS 'DOR BAR 'GYUR BA DANG, DE BZHIN DU YONGS SU NYAMS PA DANG SKYE BA LAS 'THOB PA DANG 'DOR BAR 'GYUR BA YOD DAM ZHE NA, YOD DE, BSAM GTAN DANG PO NYAMS PA'I CHA DANG MTHUN PA'O, ,DE NI 'DOD PA LAS 'DOD CHAGS DANG BRAL BAS 'THOB LA, TSANGS PA'I 'JIG RTEN LAS 'DOD CHAGS DANG BRAL BAS 'DOR RO, ,TSANGS PA'I 'JIG RTEN LAS 'DOD CHAGS DANG BRAL BA LAS YONGS SU NYAMS PA LAS 'THOB LA, 'DOD PA LAS 'DOD CHAGS DANG BRAL BA LAS YONGS SU NYAMS PA LAS 'DOR RO, ,GONG NAS TSANGS PA'I 'JIG RTEN DU SKYE BA NA 'THOB LA, DE NAS 'DOD PA'I KHAMS SU SKYE BA NA 'DOR RO ZHES 'BYUNG NGO, ,TSANGS PA'I 'JIG RTEN NI BSAM GTAN DANG PO'O, ,DES NA BSAM GTAN DANG PO LAS 'DOD CHAGS DANG BRAL BAS NI DANG PO'I NYAMS PA'I CHA MTHUN 'DOR TE, DANG PO'I NYON MONGS DANG MTHUN PA'I PHYIR DANG PO'I NYON MONGS BZHIN NO, ,GNYIS PA (BSAM GTAN GZUGS MED KYI) SNYOMS 'JUG ZAG MED NI RGYU BZHI PO DE DAG LAS SNGAR MI LDAN PA LAS NI 'DOD CHAGS DANG BRAL BA YIS 'THOB CING (DE YANG LAM NI ZAG BCAS ZAG MED GANG GIS BRAL YANG RUNG NGO, ,DE NI PHYIR MI 'ONG KHO NA STE, 'BRAS BU DANG PO GNYIS NI DNGOS GZHIS MA BSDUS BAS SO, ,DE DAG) SNGAR @732 NAS ZAG MED DANG LDAN PA NI SBYOR BA'I STOBS KYIS ZAD SHES LAS KYANG MI SLOB PA DNGOS GZHIS BSDUS PA 'THOB LA, DBANG PO RTUL PO RNON POR 'PHOS NA RNON POS BSDUS PA'I SLOB PA DANG MI SLOB PA 'THOB BO, , PHYIR MI 'ONG CHAGS BRAL SNGON 'GROS BSAM GTAN GYI DNGOS GZHI LA BRTEN NAS NGES PA LA 'JUG PA LAS KYANG ZAG MED KYI BSAM GTAN DNGOS GZHI 'THOB KYANG MTHAR GYIS PA MI LCOGS MED KHO NA LA BRTEN NAS NGES PA LA 'JUG NA DNGOS GZHI MI 'THOB PAS THAMS CAD KYIS 'THOB PAR MA NGES PAS NGES PA LA 'JUG PAS 'THOB PA MA BSHAD CING, MI SLOB PA NYAMS NA SLOB PAS BSDUS PA'I SNYOMS 'JUG DNGOS GZHI 'THOB KYANG SNYOMS 'JUG ZAG MED KYI RIGS TZAM SNGAR NAS LDAN PAS GSAR THOB MED PAS NYAMS PAS 'THOB PA'ANG MA BSHAD LA, (SA DE DAG TU SKYES PA'I BYIS PA'ANG ZAG MED DANG LDAN PAR THAL BAS,) ZAG MED LA SKYE BAS 'THOB PA NI MED DO, , GSUM PA SNYOMS 'JUG NYON MONGS CAN NI SNGAR DE DANG MI LDAN PA LAS BSAM GTAN DANG PO LAS 'DOD CHAGS DANG BRAL BA LAS YONGS SU NYAMS NA BSAM GTAN DANG PO NYON MONGS CAN 'THOB PA LTA BU YONGS SU NYAMS PAS 'THOB PA DANG SRID RTZE MA GTOGS PA BSAM GTAN GNYIS PA YAN CHAD NAS DANG BOR SKYES NA DANG PO'I NYON MONGS CAN 'THOB PA LTA BU GONG SA NAS 'OG SAR SKYE BA YIS 'THOB PA GNYIS YOD KYI 'DI 'OG NAS GONG DU SKYE BA'AM CHAGS BRAL GYIS MI 'THOB STE 'DI SNGAR NAS LDAN PAS SBYOR BA DANG 'DOD CHAGS DANG BRAL BAS 'THOB PA NI MED DO, , LNGA PA KHYAD PAR GYI CHOS BSHAD PA NI 'O NA SNYOMS 'JUG GI RDZAS DE DAG GANG GI MJUG TU DU ZHIG SKYE ZHE NA, ZAG PA MED PA'I BSAM GTAN DANG GZUGS MED PA'I MJUG THOGS SU RANG SA DANG (BCAS NA) LTAG GI SA GNYIS TE SA GSUM GYI BAR GYI DGE BA (ZAG BCAS) ZAG MED DANG, (RANG DANG) 'OG MA (GNYIS TE SA) GSUM PA'I BAR GYI DGE BA ZAG BCAS ZAG MED DAG SKYE'O, ,'DI YANG SPYIR BSTAN PA TZAM ZHIG YIN GYI THAMS CAD DU NI MA YIN TE, BSAM GTAN DANG PO ZAG PA MED PA'I MJUG THOGS SU 'OG MA'I SNYOMS 'JUG DAG PA PA DANG ZAG MED SKYE BA MED PA'I PHYIR DANG, CI YANG MED PA'I SKYE MCHED ZAG MED KYI MJUG THOGS SU YANG GONG MA'I ZAG MED SKYE BA MED PA'I PHYIR RO, ,DES NA ZAG MED KYI BSAM GTAN DANG PO'I MJUG THOGS SU DRUG SKYE STE, RGYUN GYI TSE RANG GI SA PA'I ZAG MED DANG, SNYOMS MJUG LAS LANGS PA'I RANG GI SA PA'I DAG PA PA DANG, ZAG BCAS DANG SPEL NAS LUGS BZHIN SNYOMS PAR 'JUG PA'I TSE BSAM GTAN GNYIS PA'I DAG PA PA DANG, ZAG BCAS DANG MA SPEL BAR LUGS BZHIN SNYOMS PAR 'JUG PA DANG @733 THOD RGAL GYI SBYOR BA'I TSE MA SPEL BAR LUGS DANG MTHUN PAR SNYOMS PAR 'JUG PA NA BSAM GTAN GNYIS PA'I ZAG MED DANG, SPEL NAS RIS MI MTHUN PA GSUM PAR 'GRO BA'I TSE THOD RGAL DNGOS BSAM GTAN GSUM PA'I DAG PA PA DANG, MA SPEL BAR GSUM PAR 'GRO BA NA NYE BA'I SBYOR BA GSUM PA'I ZAG MED SKYE PA'I PHYIR RO, ,GONG 'OG GI BZHI PA PHAN CHAD NI SKYE BA MI SRID DE, SHIN TU RING BA'I PHYIR DANG, 'DOD PA NA ZAG MED MI SRID PA'I PHYIR DANG, 'DOD PA'I DGE BA TZAM SKYE YANG SNYOMS 'JUG MA YIN PA'I PHYIR RO, , BSAM GTAN GNYIS PA'I ZAG MED KYI MJUG THOGS SU NI BRGYAD SKYE STE, RGYUN GYI TSE DANG, DE LAS LANGS PA'I TSE RIM PA LTAR RANG GIS PA'I ZAG MED DAG PA PA DANG, MA SPEL BAR LUGS DANG MTHUN PAR SNYOMS PAR 'JUG PA'I TSE BSAM GTAN GSUM PA'I ZAG MED DANG, SPEL NAS LUGS DANG MTHUN PAR SNYOMS PAR 'JUG PA'I TSE BSAM GTAN GSUM PA'I DAG PA PA DANG, MA SPEL BAR GSUM PAR 'GRO BA NA NYE SPYOR BZHI PA'I ZAG MED DANG SPEL NA THOD RGAL DNGOS BZHI PA'I DAG PA PA DANG, LUGS DANG MI MTHUN PAR SNYOMS PAR 'JUG PA'I TSE MA SPEL NA DANG PO'I ZAG MED DANG, SPEL NA DAG PA PA'ANG SKYE BA'I PHYIR RO, ,DE BZHIN DU BSAM GTAN GSUM PA'I ZAG MED KYI MJUG THOGS SU BCU 'BYUNG STE, RANG SA'I GNYIS DANG, BZHI BA'I GNYIS DANG, NAM MKHA' MTHA' YAS SKYE MCHED KYI GNYIS DANG, BSAM GTAN GNYIS PA'I GNYIS DANG, LUGS DANG MI MTHUN PAR GSUM PAR 'GRE BA NA BSAM GTAN DANG PO'I GNYIS KYANG 'BYUNG BA'I PHYIR RO, ,DE BZHIN DU BSAM GTAN BZHI PA DANG, NAM MKHA' MTHA' YAS SKYE MCHED KYI MJUG TU BCU BCU 'BYUNG BA'ANG CI RIGS PAR SHES PAR BYA'O, ,RNAM SHES MTHA' YAS SKYE MCHED ZAG MED KYI MJUG THOGS SU NI DGU 'BYUNG STE RANG SA'I GNYIS DANG, LUGS DANG MTHUN PAR SNYOMS PAR 'JUG PA NA CI YANG MED PA'I SKYE MCHED KYI GNYIS DANG, LUGS DANG MTHUN PAR RIS MI MTHUN PA GSUM PAR 'GRO BA NA SNYOMS 'JUG LAS LANGS PA'I TSE SRID RTZE'I DAG PA PA KHO NA 'BYUNG STE, DE NA RGYU BA ZHAN PAS ZAG MED MED PA'I PHYIR RO, , LUGS DANG MI MTHUN PAR SNYOMS PAR 'JUG PA NA NAM MKHA' MTHA' YAS SKYE MCHED DANG BSAM GTAN BZHI PA'I SA PA'I DAG PA PA DANG ZAG MED GNYIS GNYIS DANG, CI YANG MED PA'I SKYE MCHED KYI RJES SU NI RANG SA DANG 'OG SA RNAM SHES DANG NAM MKHA' MTHA' YAS SKYE MCHED KYI DAG PA PA DANG, ZAG MED GNYIS GNYIS DANG, GONG SA SRID RTZE'I DAG PA PA KHO NA DANG BDUN 'BYUNG NGO, ,DE YANG RJES SHES KYI MJUG THOGS SU NI GZUGS MED LA SNYOMS PAR 'JUG GI CHOS SHES KYI MJUG THOGS SU GZUGS MED LA @734 SNYOMS PAR MI 'JUG STE, GZUGS MED 'DOD PA LA MI DMIGS SHING, CHOS SHES 'DOD PA'I RTEN CAN DANG, 'DOD PA'I SDUG BSNGAL LA SOGS PA LA DMIGS PA'I PHYIR RO, ,SNYOMS 'JUG DAG PA PA LAS DAG PA PA DANG ZAG MED SKYE BA'ANG DAG PA PA YI MJUG THOGS SU, LTAG 'OG GSUM PA'I BAR DGE BA, ,SKYE'O ZHES JI LTAR ZAG MED LAS DU 'BYUNG BSHAD PA DE BZHIN DU RIG PAR BYA'O, ,'ON KYANG KHYAD PAR NI 'DI YOD DE, DAG PA PA LAS NI SNGAR 'BYUNG BA DE DAG GI STENG DU LHAG PAR SNYOMS 'JUG NYON MONGS CAN GYIS GZIR BA'I (TSE 'AM RO MYANG BA NA,) RANG RANG GI SA PA'I NYON MONGS CAN GYI BSAM GTAN YANG 'BYUNG GI ZAG MED KYI MJUG THOGS SU NI NYON MONGS CAN 'BYUNG BA MED DO, ,SNYOMS 'JUG NYON MONGS CAN LAS NI GAL TE SHES BZHIN DANG DRAN PAS ZIN NA LANGS PA'I TSE RANG SA'I DAG PA PA DANG, RGYUN GYI TSE RANG SA'I NYON MONGS CAN DANG, DE DAG TU MA ZAD RANG SA'I NYON MONGS DES GZIR BA LAS 'OG MA'I DAG PA PA LA DGA' BAR 'GYUR BAS LANGS PA NA SA 'OG MA'I DAG PA PA ('AM DGE BA KHA) GCIG KYANG 'BYUNG BAR 'GYUR RO, ,GAL TE BDAG GIS BSAM GTAN 'DI NI NYON MONGS CAN ZHIG STE DE BAS NI 'OG MA BZANG NGO ZHES RANG SA'I NYON MONGS CAN LA SKYON DU SHES NAS 'OG MAR 'PHO NA NI DGE BA LAS 'PHOS PA YIN LA, 'ON TE NYON MONGS CAN DU MA SHES NA NI DE LAS JI LTAR 'OG MA'I DGE BAR 'PHO ZHE NA, DANG PO SNYOMS PAR 'JUG PA NA GONG MA'I NYON MONGS CAN PAS NI 'OG MA'I DAG PA PA BZANG BAS GONG MA'I SEMS NYON MONGS CAN DU GYUR NA DE MA THAG TU 'OG MA'I DAG PA PA LA GNAS PAR GYUR CIG SNYAM DU 'PHANGS PA'I PHYIR GONG MA'I NYON MONGS CAN GYI MJUG THOGS SU 'OG MA'I DAG PA PA 'BYUNG STE DPER NA DUS 'DI TZAM NA LDANG BAR BYA'O SNYAM DU BSAMS NAS GNYID LOG PA 'DOD PA'I DUS SU SAD PAR 'GYUR BA BZHIN NO, ,ZAG MED NI NYON MONGS CAN GYI MJUG THOGS SU RANG SA DANG 'OG SA PA'ANG RNAM PA THAMS CAD DU MI SKYE'O, ,DE YANG SNYOMS PAR 'JUG PA'I DUS KYI DBANG DU BYAS NAS DAG PA PA DANG NYON MONGS CAN GYI MJUG TU RANG SA'I NYAN MONGS CAN KHO NA SKYE'I GZHAN SA'I NYON MONGS CAN MI 'BYUNG NGO ZHES BSHAD KYI 'CHI 'PHO BA'I TSE NI SKYE BA'I BSAM GTAN DAG NA SKYES THOB KYI DGE BA MNYAM GZHAG MA YIN PAS KYANG BSAM GTAN DAG PA PA'I MING THOB PAS SNYOMS 'JUG DAG PA PA LAS NI RANG SA DANG GONG 'OG GIS GANG DU SKYE BA DE DAG THAMS CAD KYI NYING MTSAMS SPYOR SEMS NYON MONGS PA CAN KUN 'BYUNG BA SRID DE, 'DI LTAR BSAM GTAN DANG PO PA LTA BU'I DGE BA SKYES THOB LA GNAS TE RANG SA DANG GONG 'OG THAMS CAD DU SKYE BA SRID LA, SKYE BA'I SRID PA NYON MONGS CAN ZHES 'BYUNG BAS SKYE BA'I SEMS THAMS CAD NYON MONGS CAN @735 DU NGES PA'I PHYIR RO, ,DE YANG 'CHI 'PHO'I TSE SNYOMS 'JUG NYON MONGS CAN LAS NI RANG SA DANG 'OG SA'I NYON MONGS CAN SKYE'I SA GONG MA'I NYON MONGS CAN MI 'BYUNG BAS GONG MA SKYE BA MIN NO, ,'OG SA'I NYON MONGS MA SPANGS PAR GONG MAR MI SKYE BAS NA DES DER NYING MTSAMS SBYOR BA 'GAL BA'I PHYIR RO, , CI SNYOMS 'JUG PA PA THAMS CAD KYI MJUG THOGS SU RANG SA DANG GONG 'OG GI NYON MONGS CAN DANG DAG PA PA DANG ZAG MED KYI SNYOMS 'JUG 'BYUNG NGAM ZHE NA, MA YIN TE, SRID RTZE MA GTOGS PA'I SNYOMS 'JUG DAG PA PA DE DAG NI NYAMS PA'I CHA DANG MTHUN PA DANG, SOGS PAS BSDUS PA GNAS PA'I CHA DANG MTHUN PA DANG, KHYAD PAR GYI CHA DANG MTHUN PA DANG, NGES PAR 'BYED PA'I CHA DANG MTHUN PA DANG, RNAM PA BZHI BZHI PA YIN LA, SRID RTZE LA NI GONG NA SA GZHAN MED PAS KHYAD PAR GYI CHA MTHUN NA MED PA'I PHYIR GSUM YIN NO, ,(MTHONG LAM DANG MTHUN PA'I NGAS 'BYED CHA MTHUN NI GZUGS MED NA MED DO, ,) NYAMS PA'I CHA MTHUN LA SOGS PA DE DAG NI GO RIM BZHIN DU NYON MONGS PA SKYE BA DANG RJES SU MTHUN PA DANG ('PHEL 'GRIB MED PAR) RANG GI SA PA DANG RJES SU MTHUN PA DANG, SA GONG MA'I SEMS SKYE BA DANG RJES SU MTHUN PA DANG, DE LAS ZAG MED SKYE BAS ZAG MED KYI LAM SKYE BA DANG RJES SU MTHUN PA'O, ,DE LA RJES SU MTHUN PA ZHES BYA BA'ANG DE DANG DE SKYE BA LA PHYOGS PA TZAM YIN GYI DNGOS SU SKYES PA NI MA YIN TE, THAMS CAD KYANG DAG PA PA YIN PA'I PHYIR RO, ,'ON KYANG GNAS PA'I CHA DANG MTHUN PA NI SKYES PA'I NGO BO NYID YIN NO, ,DES NA ZAG MED KYI BSAM GTAN GZUGS MED NI NGES 'BYED CHA MTHUN GYI BSAM GTAN GZUGS MED DAG PA PA LAS SKYE BA YIN NO, ,'O NA NYAMS PA CHA MTHUN LA SOGS PA BZHI PO DE DAG GANG GI MJUG THOGS SU DU 'BYUNG ZHE NA, NYAMS PA'I CHA MTHUN GYI MJUG THOGS SU RGYUN GYI DUS SU NYAMS PA'I CHA MTHUN RANG NYID DANG, KHYAD PAR DU 'GRO BA'I DUS SU GNAS PA'I CHA MTHUN TE GNYIS GNYIS DANG, SOGS PAS GZUNG BA GNAS PA'I CHA MTHUN GYI MJUG THOGS SU NGES 'BYED CHA MTHUN MA GTOGS PA GSUM DANG, KHYAD PAR CHA MTHUN GYI MJUG THOGS SU NYAMS PA'I CHA MTHUN MA GTOGS PA GSUM DANG ('DI LAS NYAMS KYANG GNAS PA MA BTANG NA NYID SKYER RUNG BA'I PHYIR RO, ,) NGES 'BYED CHA MTHUN GYI MJUG THOGS SU ZAG MED 'BYUNG YANG DAG PA PA MA YIN PAS RGYUN GYI TSUL GYIS NGES 'BYED CHA MTHUN DE GCIG PU 'BYUNG STE, DE LTAR NA RANG SA'I NYON MONGS PA DANG DAG PA PA DANG GONG SA'I DAG PA PA DANG ZAG MED 'BYUNG BA NI GO RIM BZHIN DU NYAMS PA'I CHA MTHUN DANG GNAS PA'I CHA @736 MTHUN DANG KHYAD PAR GYI CHA MTHUN DANG NGES 'BYED CHA MTHUN KHO NA YIN PAR SHES PAR BYA'O, ,(ZAG MED LAS LDANG BA'I TSE NYAMS PA'I CHA MTHUN MA GTOGS PA GANG RUNG MNGON DU BYED DO GSUNG NGO, ,) 'O NA THOD RGAL GYI SNYOMS 'JUG JI LTAR SKYED CE NA, DE LA BZHI LAS DANG PO GANG LA SNYOMS 'JUG BYA BA'I GZHI NI, BSAM GTAN BZHI DANG GZUGS MED BZHI STE ZAG BCAS GYI SA BRGYAD DANG ZAG MED GYI SA BDUN TE DE LTAR ZAG BCAS ZAG MED RNAM PA GNYIS SO, ,GNYIS PA JI LTAR SNYOMS PAR 'JUG PA'I TSUL LA SBYOR BA DNGOS GZHI GNYIS KYI DANG PO LA'ANG GNYIS LAS RING BA'I SBYOR BA NI 'BREL BA STE THOG MAR ZAG BCAS KYI SA BRGYAD DANG ZAG MED KYI SA BDUN PA DANG RIS MA BAR BAR LUGS DANG MTHUN PAR GO RIM BZHIN DU SONG ZHING LUGS DANG MI MTHUN PAR GO RIM BZHIN DU 'ONGS NAS SNYOMS PAR 'JUG PA DANG, DE NAS PHYIS NYE BA'I SBYOR BA NI ZAG BCAS SU RIS MTHUN PA'I BSAM GTAN DANG PO NAS GSUM PA DANG, DE NAS NAM MKHA' MTHA' YAS SKYE MCHED DANG, DE NAS CI YANG MED PA'I SKYE MCHED LA SNYOMS PAR 'JUG PA SA RE RE RGAL NAS LUGS DANG MTHUN PAR YAR SONG ZHING, DE BZHIN DU ZAG BCAS SU RIS MTHUN PA'I CI YANG MED PA'I SKYE MCHED NAS BSAM GTAN DANG PO'I BAR DU YANG SA RE RE RGAL NAS LUGS DANG MI MTHUN PAR SNYOMS PAR 'JUG PAS MAR 'ONGS PA DANG, DE BZHIN DU ZAG MED DU RIS MTHUN PA'I BSAM GTAN DANG PO NAS GSUM PA DANG, DE NAS NAM MKHA' MTHA' YAS SKYE MCHED DANG, DE NAS CI YANG MED PA'I SKYE MCHED LA SNYOMS PAR 'JUG PA SA RE RE RGAL NAS LUGS DANG MTHUN PAR YAR SONG ZHING, DE BZHIN DU ZAG MED DU RIS MTHUN PA'I CI YANG MED PA'I SKYE MCHED NAS BSAM GTAN DANG PO'I BAR DU'ANG RE RE RGAL NAS LUGS DANG MI MTHUN PAR SNYOMS PAR 'JUG PAS MAR 'ONGS PA STE, DE LTAR ZAG BCAS DANG ZAG MED DU RIS MTHUN PA'I SA GCIG STE RE RE RGAL NAS LUGS DANG MTHUN PAR YAR SONG ZHING RIS MTHUN PA'I SA RE RE RGAL NAS LUGS DANG MI MTHUN PAR MAR 'ONGS PA'I SGO NAS BYANG BAR BYAS NAS, GNYIS LA DNGOS GZHI NI GONG GI TSE ZAG BCAS KYI BSAM GTAN DANG PO NAS ZAG MED KYI BSAM GTAN GSUM PA DANG, DE NAS ZAG BCAS KYI NAM MKHA' MTHA' YAS SKYE MCHED DANG, DE NAS ZAG MED KYI CI YANG MED PA'I SKYE MCHED LA LUGS DANG MTHUN PAR SA RE RE RGAL ZHING RIS MI MTHUN PA GSUM PA LA SNYOMS PAR 'JUG PA DANG, DE BZHIN DU ZAG BCAS KYI CI YANG MED PA'I SKYE MCHED NAS ZAG MED KYI BSAM GTAN DANG PO'I BAR DU LUGS DANG MI MTHUN PAR SA RE RE RGAL ZHING RIS MI MTHUN PA GSUM PAR @737 'GRO BA DANG, DE BZHIN DU ZAG MED KYI BSAM GTAN DANG PA NAS ZAG BCAS KYI CI YANG MED PA'I SKYE MCHED KYI BAR DU LUGS DANG MTHUN PAR SA RE RE BRGAL ZHING RIS MI MTHUN PA GSUM PAR 'GRO BA DANG, DE BZHIN DU ZAG MED KYI CI YANG MED PA'I SKYE MCHED NAS ZAG BCAS KYI BSAM GTAN DANG PO'I BAR DU LUGS DANG MI MTHUN PAR SA RE RE BRGAL ZHING RIS MI MTHUN PA GSUM PAR 'GRO BA STE, DE LTAR ZAG BCAS SAM ZAG MED RIS MI MTHUN PA GSUM PAR 'GRO BA STE SPEL MAR SNYOMS PAR 'JUG NUS PA DE'I TSE THOD RGAL GYI SNYOMS 'JUG DNGOS GZHI GRUB PA YIN NO, ,DE BZHIN DU ZAG BCAS ZAG MED KYI BSAM GTAN GNYIS PA NAS SRID RTZE'I BAR DANG, SRID RTZE NAS GNYIS PA'I BAR DU LUGS DANG MTHUN PA DANG MI MTHUN PAR SA RE RE BRGAL NAS RIS MI MTHUN PA GSUM PAR 'GRO BA'I THOD RGAL LA SOGS PA'ANG SBYAR TE SHES PAR BYA'O, ,SNGAR BSHAD PA LTAR SHIN TU RING BA'I PHYIR BZHI PA LA NI SNYOMS PAR MI 'JUG GO, GSUM PA RTEN NI DE LTA BU'I THOD RGAL DE YANG BLO GSAL BAS GLING GSUM GYI SKYES PA BUD MED DANG, BZHI PA GANG ZAG NI MTHONG THOB DBANG PO RNO BAS TING NGE 'DZIN LA DBANG YANG NYON MONGS PA MED PA MA YIN LA, DUS KYIS RNAM GROL NYON MONGS PA MED PA YIN YANG DBANG PO RTUL BAS TING NGE 'DZIN LA DBANG BA MA YIN PAS DUS DANG MI SBYOR BAR RNAM PAR GROL BA'I DGRA BCOM PA MI G-YO BA (GNYIS KA'I CHA LAS RNAM GROL,) KHO NAS SKYED PAR BYED DE, MI SLOB PA YIN PAS NYON MONGS PA MED PA'I PHYIR DANG, DBANG PO RNO ZHING BSAM GTAN DNGOS GZHI THOB PAS TING NGE 'DZIN LA DBANG 'BYOR BA'I PHYIR RO, ,(TING NGE 'DZIN NI ZAG PA BCAS MA BCAS GNYIS KA'O, ,) SANGS RGYAS RNAMS KYI THOD RGAL YANG TSUL 'DI NYID YIN PAR SDE PAS 'DOD LA, SHIN TU RGYAS PA'I SDE SNOD LTAR NA NI MNGON PAR RTOGS PA'I RGYAN LAS, 'GOG DANG BCAS PA'I SNYOMS 'JUG DGUR, ,RNAM PA GNYIS SU SONG 'ONGS NAS, ,'DOD PAR GTOGS PA'I RNAM PAR SHES, ,MNYAM GZHAG MIN PA'I MTSAMS GZUNG STE, ,GCIG DANG GNYIS GSUM BZHI DANG LNGA, ,DRUG DANG BDUN DANG BRGYAD RGAL NAS, ,'GOG PA'I BAR DU MI 'DRAR 'GRO, , THOD RGAL GYI NI SNYOMS 'JUG YIN ZHES TSUL GZHAN DU BSHAD DO, ,LUS KYI RTEN YANG BSAM GTAN DANG GZUGS MED PA'I SNYOMS 'JUG DE DAG NI RANG GI SA PA'I PUS DANG 'OG SA'I LUS KYI RTEN CAN YIN TE, SRID RTZE'I SNYOMS 'JUG NI SRID RTZER YANG MNGON SUM DU BYED LA 'OG MA 'DOD KHAMS KYI BAR DU YANG MNGON SUM DU BYED PA (POS DGU PA YIN PA,) NAS BSAM GTAN DANG PO'I SNYOMS 'JUG DANG PO RANG SA DANG 'OG MA 'DOD PA'I RTEN LA MNGON SUM DU BYED PAS SA GNYIS PA YIN PA'I BAR DU SBYAR RO, ,(DE YANG ZAG @738 BCAS NI 'BRAS BU RANG SA DANG RGYU 'OG SA LA BRTEN PAR NGAS SO, ,) 'O NA CI'I PHYIR GONG DU SKYES PA'I RTEN LA SNYOMS 'JUG 'OG MA MNGON SUM DU MI BYED CE NA, 'DI LTAR GANG DU SKYES PA DE LA RANG SA NA MCHOG YOD PAS 'OG MA'I DMAN PAS DGOS PA BYED PA MED PA'I PHYIR RO, ,DE LTAR SPYIR BSTAN NAS DMIGS KYIS BSAL BA NI SRID PA'I RTZE MOR SKYES PA'I PHYIR MI 'ONG BA NI 'PHAGS PA STE ZAG PA MED PA'I CI YANG MED PA'I SKYE MCHED KYI TING NGE 'DZIN MNGON SUM DU BYAS NAS SRID RTZE'I ZAG PA ZAD PAR BYAS TE DGRA BCOM THOB PAR BYED DE, CI'I PHYIR ZHE NA, SRID RTZE RANG SA NA ZAG MED KYI LAM MED PA'I PHYIR DANG, CI YANG MED PA'I SKYE MCHED ZAG MED DE YANG SRID RTZE LA THAG NYE BA'I PHYIR RO, , BSAM GTAN GNYIS PA LA SOGS PAR DANG PO'I MIG SHES LA SOGS PA MNGON DU BYED PA NI DE DAG MA BSGRIBS LUNG MA BSTAN YIN PAS BSAM GTAN DANG GZUGS MED PA'I TING NGE 'DZIN MA YIN PA'I PHYIR DANG, 'DIR NI DE DAG GI RTEN BSAM PA SKABS SU BAB PA'I PHYIR RO, ,YANG NA DE DAG DMAN YANG RANG SA NA MED PA'I PHYIR LTA BA LA SOGS PA LA DGOS PA YOD PAS MNGON DU BYED DO ZHES SHES PAR BYA'O, , YANG SNYOMS 'JUG DE DAG GI DMIGS PA GANG ZHE NA, SRED PA DANG BCAS PA RO MYANG BA DANG MTSUNGS PAR LDAN PA'I SNYOMS 'JUG RNAMS NI RANG RANG GI SA PA'I SRID PA ZAG BCAS KYI PHUNG PO'I DNGOS PO KHO NA LA DMIGS PA YIN GYI, RANG GI NGO BO NYON MONGS CAN YIN ZHING 'OG SA LAS 'DOD CHAGS DANG BRAL (BA'I NYON MONGS CAN YIN,) BAS 'OG SA LA DMIGS PA'ANG MA YIN LA, (DE LA DMIGS NAS SRED PA SKYE NA DE 'DOD CHAGS DANG MA BRAL BAR THAL BAS SO, ,) SA GANG GI SRED PA GANG YIN PA DE NI SA DE KHO NA LA RGYAS PAR 'GYUR BAS GONG 'OG RANG RANG GI SRED PAS YONGS SU BCAD PA'I PHYIR SA GONG MA LA'ANG DMIGS PA MA YIN NO, ,DE LTA MA YIN NA DE GONG MA NYID DU MI 'GRUB STE, SA THA DAD DU MA BCAD PA'I PHYIR SA GCIG PA'I GNAS GZHAN BZHIN NO, ,DE NYID KYI PHYIR GNAS GZHAN GSUM GSUM PA RNAMS DANG BRGYAD PO DAG LTAG 'OG TU 'DUG KYANG SA GCIG PA NYID DU 'GRUB BO ZHES RGYAL PO'I SRAS 'CHAD DO, ,ZAG MED LA DMIGS PA'ANG MA YIN TE, ZAG MED DON DU GNYER NA DGE BA'I CHOS LA 'DUN PAR 'GYUR BA'I PHYIR RO, ,BSAM GTAN DGE BA DAG PA PA DANG ZAG MED KYI DMIGS YUL NI CI RIGS PAR YOD DGU COG YIN TE, (DAG PA PAS GONG MA RTOGS PA YANG MNGON SHES MIN GYI BSAM GTAN GYI SEMS KYIS SEMS DE GNYIS KYI DMIGS PA NI,) 'DUS BYAS DANG 'DUS MA BYAS GANG YANG RUNG BA LA DMIGS NAS SEMS NYE BAR 'JOG PA'I PHYIR RO, ,GZUGS MED KYI NYER BSDOGS KYIS 'OG SA'I ZAG BCAS LA DMIGS SHING @739 DNGOS GZHI NYON MONGS CAN YANG YOD LA DNGOS GZHI DGE BAS CHOS SHES PHYOGS MTHUN GYI LAM DANG 'OG SA'I 'GOG PA LA MA DMIGS KYANG ZAG MED 'OG SA'I GNYEN PO RJES SHES PHYOGS MTHUN PHYI LAM BDEN DANG RANG SA DANG GONG SA LA DMIGS PAS DE RNAMS LAS KHYAD PAR DU BYA BA'I PHYIR DANG, BSAM GTAN RNAMS NI KUN TU LTA BA BA YIN PAS DNGOS GZHIS KYANG 'OG SA'I ZAG BCAS LA DMIGS KYANG GZUGS MED PA'I DNGOS GZHI DGE BA DAG PA PA DANG ZAG MED RNAMS KYI SPYOD YUL NI SA 'OG MA'I ZAG BCAS MIN TE, GZUGS MED PA'I DNGOS GZHI RNAMS NI DMIGS PA LAS NGES PAR BYUNG BA YIN PA'I PHYIR RO, ,GONG MA LA DMIGS SO ZHES BYA BA'ANG SRID RTZE'I 'PHAGS PA CI YANG MED PA'I SEMS MNGON DU BYAS PA'I DBANG DU BYAS KYI THAMS CAD NI MA YIN NO SHES PAR BYA'O, ,(SHUGS LA 'OG SA'I LAM ZAG MED LA GONG SA'I RDZAS SHES PHYOGS MTHUN GYI DMIGS PAR BSTAN NO DE YANG SA DGU'I LAM NA PHAN TSUN DU ZHES PA'I TSUL DU'O,,) BSAM GTAN DANG GZUGS MED DAG PA PA LA SOGS PA GSUM PO 'DI DAG LAS ZAG PA MED PA'I DNGOS GZHI RNAMS KYIS RANG SA DANG GONG SA'I NYON MONGS PA RNAMS SPONG GI (DAG PA PA NI,) NYER BSDOGS KYIS 'DOD CHAGS DANG BRAL ZIN PA'I PHYIR DANG, (NYON MONGS CAN NI,) SRID BAS SRID PA LAS NGES PAR MI 'BYUNG BAS RANG SA'I GNYEN PO MA YIN PA'I PHYIR DANG, 'OG SA'I DAG PA PA BAS GONG SA'I NYON MONGS CAN CHES KHYAD PAR DU 'PHAGS PAS (SUN MI 'BYIN PAS,) DMAN PAS KHYAD PAR CAN SPANG BAR MI NUS PA'I PHYIR GO RIM BZHIN DU DAG PA PA'I DNGOS GZHIS KYANG 'OG SA DANG RANG SA DANG GONG SA'I NYON MONGS PA RNAMS MI SPONG NA NYON MONGS CAN GYIS LTA SMOS KYANG CI DGOS, BSAM GTAN DANG GZUGS MED GONG SA GONG SA'I NYER BSDOGS NI SA 'OG MA 'OG MA'I GNYEN PO YIN PAS ZAG MED KYIS SPONG BAR MA ZAD (NYER BSDOGS,) DAG PA PAS KYANG NYON MONGS PA RNAMS SPONG NGO ZHES SBYAR RO,, DRUG PA NYER BSDOGS BSHAD PA NI, 'O NA NYER BSDOGS DU YOD CE NA, SNYOMS 'JUG DNGOS GZHI (BRGYAD YOD PAS,) BRGYAD PO DE DAG LA NI GANG GIS 'JUG PA'I SBYOR BA NYER BSDOGS KYANG BRGYAD YOD LA, THAMS CAD KYANG NYON MONGS CAN LA 'BRAL LAM MED PAS SRED PA DANG MTSUNGS LDAN GYI LAM GYIS NYON MONGS SPANG BAR MI NUS LA 'DI DAG NI 'DOD CHAGS DANG 'BRAL BAR BYED PA'I LAM YIN PA'I PHYIR NGO BO RE MYONG BA DANG MTSUNGS LDAN MA YIN GYI DAG PA PA KHO NA (YIN TE NYON MONGS CAN NI 'OG SA'I GNYEN PO MA YIN PA'I PHYIR RO, ,PHYI MA BDUN MI GSAL BAS ZAG MED MED DO, ,RGYU MNYAM GZHAG GI BSAM GTAN GZUGS MED LA NYON MONGS CAN MED PAS, 'BRAS BU'I DE DAG TU SKYE BA NA NYING MTSAMS @740 SBYOR SEMS NI RANG RANG GI NYER BSDOGS MNYAM PAR MA BZHAG PA NYON MONGS CAN GYIS SBYOR RO ZHES PA NI GRUB MTHA'O, ,) MNGON PAR 'DU BYA BA MED PAR 'BYUNG BA DANG, 'OG SA LAS YID BYUNG BA DANG BRAL NA DGA' BDE DANG MTSUNGS PAR LDAN PA YIN NA DE DAG NI 'BAD DE DRANG DGOS PAS MNGON PAR 'DU BYA BA DANG BCAS PA DANG, 'OG SA LAS YID BYUNG BA DANG MA BRAL BAS TSOR BA'ANG BDE BA YANG MIN SDUG BSNGAL YANG MIN PA BTANG SNYOMS KYI DBANG PO KHO NA DANG MTSUNGS PAR LDAN PA YIN NO, ,YANG NA 'BAD DE DRANG BAR BYA BA YIN PAS BTANG SNYOMS DANG MTSUNGS PAR LDAN LA, 'OG SA LAS YID BYUNG BA DANG MA BRAL BA DANG, 'DOD CHAGS DANG 'BRAL BA'I LAM YIN PAS DAG PA PA YIN GYI RO MYANG BA DANG MTSUNGS LDAN MA YIN NO ZHES BYA'O, , SLOB DPON 'PHAGS PAS NI SNYOMS 'JUG DNGOS GZHI BRGYAD PO DE DAG LA 'JUG PA'I YID LA BYED PA BDUN BDUN BSHAD DE, DE LAS 'OG MA RNAMS TSE THUNG ZHING SDUG BSNGAL MANG BA LA SOGS PA'I SGO NAS RAGS SOGS DANG GONG MA RNAMS DE LAS ZLOG PA ZHI SOGS SU LTA BA'I SGO NAS SPANG BYA DANG THOB BYA SHES PAR BYAS SHING SPANG BA DANG THOB PA BYA BA'I PHYIR SEMS GTOD PAR BYED PA THOS BSAM DANG 'DRES PA MTSAN NYID SO SOR RIG PA'I YID LA BYED PA DANG, SPANG BYA DANG THOB BYA'I SBYOR BA RTZOM PAR BYED PA'I RTZE GCIG PA ZHI RAGS KYI MTSAN MA LA MOS PA THOS BSAM LAS 'DAS PA MOS PA LAS BYUNG BA'I YID LA BYED PA DANG, 'OG SA'I NYON MONGS PA CHE GSUM SPONG BAR BYED PA RAB TU DBEN PA YID LA BYED PA DANG, DBEN PA LA DGA' BA RGYAS SHING NYON MONGS PA 'BRING GSUM SPONG BAR BYED PA DGA' BA SDUD PA'I YID LA BYED PA DANG, 'OG MA'I NYON MONGS MNGON DU RGYU DANG BRAL BAS DE ZAD MA ZAD BRTAG PA'I PHYIR DE SKYE BA'I MTSAN MA YID LA BYED PA DANG THOB PA LA MNGON PA'I NGA RGYAL MED PA LA SEMS 'JOG PAR BYED PA DPYOD PA'I YID LA BYED PA DANG, DE LTAR BRTAGS PAS NYON MONGS PA CHUNG GSUM YOD PAR RTOGS NAS CHUNG GSUM SPONG ZHING DNGOS GZHI'I DNGOS RGYUR GYUR PA SPYOR BA MTHAR THUG PA'I YID LA BYED PA DANG, GONG MA'I DNGOS GZHI THOB PA NI SBYOR BA MTHAR THUG PA'I 'BRAS BU YID LA BYED PA'O, ,DE RNAMS KYI'ANG DANG PO DRUG SBYOR BA DANG BDUN PA NI DNGOS GZHI'O, , DE LTAR GONG MA PAS 'JIG RTEN PA'I GONG MA'I NYER BSDOGS KYIS 'OG SA'I SGOM SPANG DGU CAR SPANGS PAR BSHAD PA DE NI GONG MA PA'I LUGS YIN GYI BYE BRAG SMRA BA'I LUGS NI MA YIN TE, GAL TE YIN NA GANG ZHIG BSAM GTAN GYI DNGOS GZHI MA THOB PA MI LCOGS MED LA BRTEN NAS MTHONG LAM THOB PA DES DANG PO'I @741 NYER BSDOGS THOB PA'I PHYIR 'DOD PA'I SGOM SPANG MTHA' DAG SPANGS PAR 'GYUR NA BSGOM PAS SPANG BYA MA SPANGS NA, 'BRAS BU DANG PO LA ZHUGS PA ZHES BYA BA'I 'GREL PAR 'DOD PA LA CHAGS BCAS KYI MTHONG LAM PA DE KHAMS GSUM GYI SGOM SPANG GCIG KYANG MA SPANGS PA 'CHING BA MTHA' DAG DANG LDAN PAR BSHAD PA'I PHYIR RO, ,NYER BSDOGS BRGYAD PO DE DAG LAS DANG PO BSAM GTAN DANG PO'I NYER BSDOGS MI LCOGS MED NI DAG PA PA YIN PAR MA ZAD 'PHAGS PA ZAG PA MED PA'ANG YIN TE, ('DI NI GSAL BAS RANG 'OG GONG GSUM GYI NYON MONGS LAS RGYAL LO,,) BSAM GTAN GYI DNGOS GZHI MA THOB PA DAG 'JIG RTEN LAS 'DAS PA'I LAM DE LA BRTEN NAS BSKYED PA'I PHYIR RO, ,NYER BSDOGS GZHAN DAG NI 'OG MA'I DNGOS GZHI LA BRTEN PA'I PHYIR DE DAG LA, 'JIG RTEN LAS 'DAS PA'I LAM MI BRTEN TO, ,NYER BSDOGS GZHAN RNAMS LA'ANG MNYAM PAR BZHAG PA DANG MA BZHAG PA GNYIS YOD PA LAS DANG PO NI DGE BA DAG PA PA KHO NA YIN LA, GNYIS PA NI t'I KAR BSAM GTAN GZUGS MED BRGYAD CAR GYI NYER BSDOGS NYON MONGS PA CAN MNYAM GZHAG MA YIN PAS NYING MTSAMS SBYOR RO ZHES BYA BA 'DI NI GRUB PA'I MTHA' YIN NO ZHES 'BYUNG BAS NYING MTSAMS SBYOR SEMS KYANG YIN PAS NYON MONGS CAN YANG YIN TE, 'GREL PA LAS, NYER BSDOGS KYI SEMS KYIS NYING MTSAMS SBYOR BA NYON MONGS CAN YIN MOD KYI MNYAM PAR BZHAG PA LA NI NYON MONGS PA CAN NYID DGAG GO ZHES BSHAD PA'I PHYIR RO, , SNGON GYI SLOB DPON KHA CIG (STE 'DUN BZANG NI,) BSAM GTAN DANG PO'I NYER BSDOGS MI LCOGS MED NI GSAL BA'I PHYIR DAG PA PA DANG ZAG MED DANG RO MYANG LDAN DANG GSUM GA YOD DO ZHES 'DOD LA, SLOB DPON 'DUN BZANG NA RE MI LCOGS MED NI DNGOS GZHI LA SNYOGS PA'I PHYIR RO, ,MYANG LDAN GYI SNYOMS 'JUG KYANG YOD DO ZHES ZER RO,, ('DI LA'ANG NYING MTSAMS SBYOR SEMS 'DOD NA DE SRID DO,,) 'O NA NYER BSDOGS ZHES KYANG 'BYUNG, BSAM GTAN KHYAD PAR CAN ZHES KYANG 'BYUNG NA GCIG GAM THA DAD CE NA, THA DAD DE, NYER BSDOGS NI 'DOD CHAGS DANG 'BRAL BA'I LAM YIN LA, BSAM GTAN DANG PO'I DNGOS GZHI DE NYID RTOG PA DANG BRAL BAS KHYAD PAR DU 'PHAGS PAS RTOG PA MED LA DPYOD PA DANG BCAS PA NI BSAM GTAN KHYAD PAR CAN YIN LA, DE NI ('BRAS LAM MIN GYI BRAL ZIN YIN PAS DE LA DBYE NA) DAG PA PA DANG ZAG MED DANG RO MYANG LDAN DANG RNAM PA GSUM GA DANG, (MI LCOGS MED DE NI,) 'BAD NAS SKYED PAR BYA BA YIN PAS TSOR BA'ANG BDE BA YANG MIN SDUG BSNGAL YANG MIN PA BTANG SNYOMS KHO NA DANG MTSUNGS PAR LDAN PA YIN NO, ,DE NYID KYIS NA (BDE BA DANG MI LDAN PAS,) LAM BSKYED DKA' @742 BA ZHES BYA'O, ,DES NA BSAM GTAN DANG PO LA RTOG DPYOD GNYIS KA DANG BCAS PA'I DNGOS GZHI TZAM DANG RTOG PA MED LA DPYOD PA TZAM DANG LDAN PA'I KHYAD PAR CAN GYI DBYE BA YOD KYI GNYIS PA LA SOGS PA LA NI DE LTA BU'I KHYAD PAR MED PAS DNGOS GZHI LA DBYE BA MED DO, ,BSAM GTAN KHYAD PAR CAN ZAG BCAS GANG YIN PA DE NI BSGOMS NA TSANGS CHEN DU SKYE BAS TSANGS PA CHEN PO'I 'BRAS BU CAN YIN NO, ,DES NA BYAMS PA LA SOGS PA NI RDZOGS BYED YIN PA'I PHYIR TSANGS PA'I GNAS PA ZHES KYANG BYA'O, , BDUN PA TING NGE 'DZIN GYI DBYE BA NI YANG TING NGE 'DZIN THAMS CAD MDOR BSDUS TE MDO LAS, TING NGE 'DZIN NI RNAM PA GSUM STE, RTOG PA DANG BCAS SHING DBYED PA DANG BCAS PA DANG, RTOG PA MED LA DPYOD PA TZAM DANG, RTOG PA YANG MED LA DPYOD PA YANG MED PA'I TING NGE 'DZIN TO ZHES TING NGE 'DZIN GSUM GSUNGS PA LA BSAM GTAN KHYAD PAR CAN DE NI RTOG PA TZAM ZHIG BKAG PAS RTOG MED DPYOD TZAM GYI TING NGE 'DZIN YIN LA, KHYAD PAR CAN DE MAN CHAD BSAM GTAN DANG PO'I DNGOS GZHI TZAM PO DANG NYER BSDOGS MI LCOGS MED GNYIS NI RTOG PA DANG BCAS SHING DPYOD PA DANG BCAS PA'I TING NGE 'DZIN TO, ,KHYAD PAR CAN DE YAN CHAD BSAM GTAN GNYIS PA'I NYER BSDOGS NAS SRID RTZE'I BAR RNAMS NI SA DE BSDUS KYI RTOG DPYOD GNYIS KA MED PA'I TING NGE 'DZIN TO, ,YANG MDO LAS, TING NGE 'DZIN RNAM PA GSUM STE, STONG PA NYID DANG SMON PA MED PA DANG MTSAN MA MED PA'I TING NGE 'DZIN TO ZHES TING NGE 'DZIN GSUM GSUNGS PA LAS YUL MYANG 'DAS SO SOR BRTAGS 'GOG NI YUL LNGA DANG PHO MO DANG 'DUS BYAS KYI MTSAN NYID GSUM MAM BZHI'I MTSAN MA (STE BCU) DANG BRAL BAS MTSAN MED YIN LA, ('DIR DBANG PO RNAMS MTSAN MAR MA SMOS PA NI DBANG PO NI YUL LTAR YID 'PHROG PAR BYED PA MIN PAS SO, ,) DE LA DMIGS PA'I TING NGE 'DZIN YIN PAS MTSAN MA MED PA'I TING NGE 'DZIN NI MTSAN MA THAMS CAD ZHI BA 'GOG PA'I RNAM PA BZHI DANG MTSUNGS PAR LDAN PA DANG, STONG PA NYID KYI TING NGE 'DZIN NI STONG PA'AM BDAG MED LA DMIGS NAS SDUG BSNGAL GYI BDEN PA'I BDAG MED PA DANG STONG PA NYID DU 'JUG PA'I RNAM PA NYID DANG MTSUNGS PAR LDAN PA'O, ,('DI YANG 'JIG LTA'I GNYEN PO'O, ,) SMON PA MED PA'I TING NGE 'DZIN NI YUL SMON BYA MA YIN PA'I 'DUS BYAS LA DMIGS NAS YID 'BYUNG BA'I RNAM PA YIN LA, STONG PA DANG BDAG MED PAS KYANG SDUG BSNGAL GYI BDEN PA LA STONG PA DANG BDAG MED KYI RNAM BAR DMIGS MOD KYI DE GNYIS NI CHOS THAMS CAD KYI MTSAN NYID YIN PAS MYANG 'DAS MA MTSAN NYID KYANG YIN NA DE DAG GIS MYANG 'DAS LAS YID MI 'BYUNG BA LTAR SDUG BSNGAL LAS KYANG YID MI 'BYUNG LA 'GAG @743 BDEN GYIS KYANG YID MI 'BYUNG GI, MI RTAG PA DANG SDUG BSNGAL GYI RNAM PA GNYIS DANG KUN 'BYUNG GI BDEN PA DANG LAM GYI BDEN PA'I RNAM PA BRGYAD PO'I NANG NAS LAM GYI RNAM PA BZHI'ANG LUNG BAR MA LAS RE ZHIG BLANG BYA YIN YANG 'DUS BYAS YIN PAS CHU RGAL BA'I GZINGS LTAR LHAG MED DU 'JUG PA NA NGES PAR 'DOR BAS SPANG BYAR GSUNGS PAS SDUG BSNGAL GYI BDEN PA'I RNAM PA PHYI MA GNYIS DANG 'GOG BDEN GYI RNAM PA BZHI STE DRUG PO DE DAG LAS GZHAN PA SDUG BSNGAL GYI BDEN PA'I RNAM PA DANG PO GNYIS DANG KUN 'BYUNG DANG LAM GYI BDEN PA'I RNAM PA BRGYAD DE RNAM PA BCU DANG MTSUNGS PAR LDAN PA'I TING NGE 'DZIN (NI SMON MED KYI TING NGE 'DZIN) NO,, SLOB DPON THOGS MED DANG SENG GE BZANG PO LA SOGS PAS NI MTSAN MA MED PA NI ZHI BA'I NGO BO YIN PA'I PHYIR 'GOG LAM GYI RNAM PA BRGYAD DANG, SMON PA MED PA NI DE DAG GIS KHAMS GSUM LA SMON PA LDOG PA'I PHYIR MI RTAG PA DANG SDUG BSNGAL BA DANG KUN 'BYUNG GI RNAM PA BZHI STE DRUG LDAN DU BSHAD DO, , TING NGE 'DZIN GSUM PO DE DAG NI ZAG BCAS 'JIG RTEN PA DAG PA PA DANG (DE YANG NGES 'BYED CHA MTHUN DANG 'PHAGS LAM GYI SBYOR RJES KHA CIG GIS BSDUS LA,) 'JIG RTEN LAS 'DAS PA DRI MA MED PA GNYIS YIN LA, DE DAG SA NI DANG PO 'DOD PA DANG BSAM GTAN SA DRUG DANG GZUGS MED BZHI STE BCU GCIG NA YOD LA, GNYIS PA NI ZAG MED KYI LAM GANG NA YOD PA'I SA 'DOD PA DANG SRID RTZE DANG BSAM GTAN GNYIS PA LA SOGS PA'I NYER BSDOGS BDUN MA GTOGS PA ZAG MED SA DGU NA YOD DO, ,DE LTAR DAG PA PA DANG ZAG MED GNYIS LAS TING NGE 'DZIN GSUM PO DE DAG DRI MA MED PA NI THAR PA'I RGYU DANG DER 'JUG PA'I SGO YIN PAS MDO LAS RNAM PAR THAR PA'I SGO STONG PA NYID LA SOGS PA RNAM PAR THAR PA'I SGO GSUM ZHES KYANG GSUNGS SO, , YANG MDO LAS, STONG PA NYID STONG PA NYID CES BYA BA'I TING NGE 'DZIN DANG, SOGS PAS GZUNG BA SMON PA MED PA SMON PA MED PA DANG, MTSAN MA MED PA MTSAN MA MED PA'I TING NGE 'DZIN TO ZHES SNGA MA GSUM LAS GZHAN YANG TING NGE 'DZIN GSUM GSUNGS TE, RIM PA LTAR STONG PA NYID LA SOGS PA SNGA MA GSUM LA DMIGS PA'I PHYIR MING DE SKAD CES BYA'O, ,DE LTAR GSUM PO DE DAG LAS DANG PO GNYIS NI RIM PA LTAR MI SLOB PA'I STONG PA NYID DANG SMON PA MED PA'I TING NGE 'DZIN LA DMIGS NAS DE GNYIS LA BDAG 'DZIN DANG SRID PA'AM DGA' BA DGAG PA'I PHYIR MI SLOB PA'I STONG PA NYID KYI TING NGE 'DZIN 'DI NI BDAG GI MA YIN NO ZHES STONG PA'I RNAM PA DANG MI SLOB PA'I SMON PA MED PA'I TING NGE 'DZIN 'DI NI MI RTAG @744 PA'O ZHES MI RTAG PA'I RNAM PAR YID LA BYED PA YIN NO, ,'O NA STONG NYID STONG NYID KYI TING NGE 'DZIN DE STONG NYID KYI TING NGE 'DZIN LTAR STONG BDAG MED GNYIS KAR MI DMIGS PAR STONG NYID KYI RNAM PA KHO NAR DMIGS SHE NA, (STONG PA NYID KYI TING NGE 'DZIN NI NYER LEN GYI PHUNG PO STONG NYID DU YID LA BYED LA,) STONG NYID STONG NYID NI, STONG NYID KYI TING NGE 'DZIN DE NYID YANG SUN 'BYIN PAS NA 'DUS BYAS THAMS CAD LAS YID 'BYUNG BA'O, ,STONG NYID KYI TING NGE 'DZIN STONG BDAG MED KYI RNAM PA GNYIS PA CAN YIN YANG STONG NYID STONG NYID KYI TING NE 'DZIN 'DI STONG NYID KYI RNAM PAR ZHUGS PA'I STONG NYID KYI RJES KHO NA LA BSKYED PA'I PHYIR DANG, LAM DU ZHUGS PA GROGS DANG BRAL BA NA 'GRON PO NGO MI SHES PA MTHONG BAS KYANG DGA' LA GCIG PU NI GROGS KYIS STONG PAS MI DGA' BA LTAR SRID PA LA BDAG MED PAR MTHONG YANG STONG PAR MA MTHONG NA DGA' BAR 'GYUR GYI, STONG PAR MTHONG NA MI DGA' ZHING SKYO BAR 'GYUR BAS DES NA SKYO BA DANG MTHUN PAS STONG PA'I RNAM PA KHO NAR DMIGS KYI BDAG MED PA'I RNAM PAR NI MA YIN NO, ,DE BZHIN DU TING NGE 'DZIN GNYIS PO DE DAG BDEN PA DANG PO'I SDUG BSNGAL GYI RNAM PA DANG KUN 'BYUNG DANG 'GOG LAM GYI RNAM PA BCU GNYIS SU'ANG DMIGS PA MA YIN TE, GO RIM BZHIN DU DMIGS YUL TING NGE 'DZIN DE DAG ZAG MED YIN PAS ZAG BCAS 'PHAGS PA DANG MI MTHUN PA'I SDUG BSNGAL DANG, SDUG BSNGAL BSKYED PA'I RGYU LA SOGS PA'I MTSAN NYID MA YIN PA'I PHYIR DANG, 'GOG BDEN MA YIN PA'I PHYIR DANG, LAM BDEN YIN PAS SUN DBYUNG BYA YIN LA SUN DBYUNG BYA DE NYID SUN 'BYIN BYED DU MI 'THAD PA'I PHYIR RO, , MTSAN MA MED PA MTSAN MA MED PA'I TING NGE 'DZIN NI MI SLOB PA'I MTSAN MED LAS LANGS PA'I RJES LA ZAG BCAS SAM ZAG MED KYI SHES PA GZHAN MA SKYES NA MTSAN MED KYI RGYUN 'BYUNG BAR 'GYUR BA LAS, MTSAN MED LAS LANGS PA'I RJES LA ZAG BCAS SAM ZAG MED SKYE BA NA MTSAN MED 'BYUNG BA'I RKYEN MA TSANG BAS 'GAG PAR 'GYUR ZHING 'GAG PA DE NI SO SOR BRTAGS MIN GYI 'GOG PA YIN GYI SO SOR BRTAGS 'GOG NI MA YIN TE, ZAG BCAS GNYEN POS BRAL PA NI SO SOR BRTAGS 'GOG YIN PA LA MI SLOB PA'I MTSAN MED NI ZAG MED YIN PAS 'PHAGS PA DANG MI MTHUN PA MED PAS GNYEN POS BRAL BA MI SRID PA'I PHYIR RO, ,DES NA DMIGS PA MI SLOB PA'I MTSAN MA MED PA'I TING NGE 'DZIN GYI SO SOR MA BRTAGS PAS ZAD PA STE 'GOG PA LA DMIGS NAS ZHI BA'I RNAM PA KHO NAR YID LA BYED PA YIN GYI, 'GOG PA DANG GYA NOM PA DANG NGES PAR 'BYUNG BA'I RNAM PAR NI YID LA BYED PA MA YIN TE, RIM PA LTAR 'GOG PA NI MI RTAG PA'I 'GOG PA DANG THUN MONG MA YIN PAS MI RTAG PA'I 'GOG PAR DMIGS NA BRTAGS MIN RTAG PA @745 SUN PHYUNG BAR 'GYUR LA, DE SUN PHYUNG NA MTSAN MED SUN 'BYIN BYED SUN PHYUNG BAS SUN DBYUNG BYA'I MTSAN MED SUN PHYUNG BAR MI 'GYUR BA'I PHYIR DANG, GYA NOM PA NI DGE BA YIN NA BRTAGS MIN LUNG MA BSTAN YIN PA'I PHYIR DANG, GNYEN POS SPANG BYA DANG BRAL NAS 'KHOR BA LAS NGES PAR BYUNG BA NI NGES 'BYUNG YIN NA BRTAGS MIN NI GNYEN PO'I STOBS KYIS BRAL BA MA YIN PA'I PHYIR RO, ,TING NGE 'DZIN PHYI MA GSUM PO 'DI DAG NI GCIG TU ZAG PA DANG BCAS PA YIN TE, ZAG MED 'PHAGS LAM LA (YON TAN DU LTA BAS DE LA,) MI SDANG GI 'DI DAG NI TING NGE 'DZIN SNGA MA GSUM LA RGYAB KYIS PHYOGS PAS 'PHAGS PA'I LAM LA SDANG BAS DOR BYA NYID DU LTA BA'I PHYIR RO, ,DE NYID KYIS NA 'DI DAG LA RNAM PAR THAR PA SUN 'BYIN PA'I TING NGE 'DZIN ZHES KYANG GRAG GO ,RTEN NI BLO GSAL BAS (GLING GSUM GYI) MI'I NANG KHO NAR SKYED PAR BYED LA, (STE MI'I LUS NI NA RGAS 'CHI BA LA SOGS PA'I RTEN DU BYUNG BAS NAD LA SOGS PA DANG 'DRA BAR 'DU BYED ZAG MED 'JUG PA LA YANG MI MTHUN PA'I 'DU SHES 'DREN LA, LHA LA NI MA YIN TE PHAL CHER LUS KHO NA MA THOB MED PA'I PHYIR RO,,) GANG ZAG NI DBANG PO RNO BAS DE SKYED PA'I MTHU YOD PA'I PHYIR DGRA BCOM PA MI G-YO BA'I CHOS CAN KHO NA LA SKYE'I DBANG PO RTUL BAS DGRA BCOM PA GZHAN LA NI MA YIN TE, (SLOB PA NI BYA BA LHAG MA DANG BCAS PAS 'PHAGS LAM LA MI SDANG LA, DUS KYI RNAM GROL NI 'PHAGS LAM RJES SU SRUNG BA LA BRTZON PAS DE SUN MI 'BYIN NO, ,SA NI BSAM GTAN BZHI GZUGS MED GSUM 'DOD PA DANG BCAS PA NA YOD,) BSKYED PAR MI NUS PA'I PHYIR RO, , DES NA 'PHAGS PA DAG MTHONG CHOS LA BDE BAR GNAS PAR BYA BA DANG, KUN TU CHAGS PA'I GNAS SU GYUR PA MI SLOB PA'I STONG NYID LA SOGS PA'I TING NGE 'DZIN DE DAG LA RGYAB KYIS PHYOGS PAR BYA BA'I PHYIR TING NGE 'DZIN GZHAN DANG GZHAN DAG LA SNYOMS PAR 'JUG GO ZHES SDE PAS 'DOD LA, THEG PA GONG MA PA RNAMS NI RNAM SNANG MNGON BYANG LAS, SEMS NI RANG DNGOS MED PHYIR DANG, 'BRAS BU RGYU RNAMS SPANGS PHYIR DANG ZHES 'BYUNG BA BZHIN DU CHOS RNAMS KYI RANG GI NGO BO DANG 'BRAS BU DANG RGYUS STONG PA LA MNYAM PAR BZHAG PA'I TING NGE 'DZIN NI STONG PA NYID KYI TING NGE 'DZIN LA SOGS PAR 'DOD LA, DE DAG KYANG CHOS RNAMS KYI RANG GI NGO BOS STONG PA LA SOGS PA'AM, ,STONG PA NYID KYANG STONG PA NYID DU SHES PA'I TING NGE 'DZIN LA SOGS PA LA 'DOD PA'I PHYIR ZAG MED DU 'DOD DO, , RNAM PAR GTAN LA DBAB PA BSDU BA LAS NI KUN BRTAGS DANG GZHAN DBANG DANG YONGS GRUB KYI YUL CAN GSUM GYI DBANG DU BYAS NAS STONG NYID SMON MED MTSAN MED KYI TING NGE 'DZIN GSUM GSUNGS @746 SO, ,DES NA THOS BSAM LAS BYUNG BA DANG, 'JIG RTEN PA'I SGOM BYUNG DANG 'JIG RTEN LAS 'DAS PA'I SGOM BYUNG GI TING NGE 'DZIN GSUM RIM PA LTAR STONG PA NYID PA SOGS PA DANG, STONG PA NYID KYI TING NGE 'DZIN LA SOGS PA DANG, RNAM PAR THAR PA'I SGO STONG PA NYID LA SOGS PA YIN NO ZHES GSUNGS SO, , SA NI BSAM GTAN GNYIS PA NAS SRID RTZE'I BAR GYI NYER BSDOGS BDUN MA GTOGS (NA NYER BSDOGS BDUN GONG 'OG LA ZHI RAGS SU DMIGS NAS 'OG SA SUN 'BYIN GYI 'PHAGS LAM SUN MI 'BYIN PAS SO,,) PA 'DOD PA DANG BSAM GTAN GYI SA DRUG DANG GZUGS MED PA SA BZHI STE BCU GCIG NA YOD DO, ,YANG BCOM LDAN 'DAS KYIS TING NGE 'DZIN BSGOM PA NI RNAM PA BZHI STE, TING NGE 'DZIN BSGOM PA KUN DU BSTEN GOMS PAR BYAS LAN MANG DU BYAS NA MTHONG BA'I CHOS LA BDE BAR GNAS PAR 'GYUR BA'ANG YOD CES BYA BA NAS TING NGE 'DZIN BSGOM PA KUN TU BSTEN GOMS PAR BYAS LAN MANG DU BYAS NA SHES PA MTHONG BAR 'GYUR BA'ANG YOD, SHES RAB RAB TU RNAM PAR 'BYED PAR 'GYUR BA'ANG YOD, ZAG PA ZAD PAR 'GYUR BA'ANG YOD CES BYA BA'I BAR DU GSUNGS PA DE LA ZAG BCAS SAM ZAG MED KYANG RUNG STE, DAG (BDAG PA BA'AM ZAG PA MED, ) PA'I BSAM GTAN DANG PO LA MNYAM PAR 'JOG PA NI MTHONG BA'I CHOS LA BDE BAR GNAS PAR 'GYUR BA'I TING NGE 'DZIN BSGOM PA YIN NO, ,'DI NI 'DOD PA LAS 'DAS PA'I DANG PO YIN PAS DE SKAD DU BSHAD KYI BSAM GTAN GZHAN DAG KYANG MTHONG CHOS LA BDER GNAS YIN NO, , SLOB DPON GANG SPEL GYI t'I KA LAS KYANG GAL TE BSAM GTAN THAMS CAD MTHONG BA'I CHOS LA BDE BAR GNAS PA YIN BZHIN DU MDO LAS DANG PO KHO NA DER BSHAD CE NA, RNAL 'BYOR BA NI 'DOD KHAMS NYES PA MANG BA LAS 'DAS PAS DE'I BDE BAS BLO LHAG PAR YONGS SU TSIM PAS YIN TE DPER NA 'BROG TU NGAL ZHING SKOM PA CHU RNYOG PA CAN GYIS TSIM PA BZHIN NO ZHES BSHAD DO, ,PHYI MA LA BDE BA MYONG BAR NGES PA NI MED DE, NYAMS PA DANG, (DE SPANGS NAS,) PHYI MA LA BSAM GTAN GNYIS PA LA SOGS PAR SKYES PA DANG, MTHONG CHOS LA MYA NGAN LAS 'DAS PA RNAMS LA TSE PHYI MA LA BDE BAR GNAS PA MED PA'I PHYIR DANG, ZAG MED LA RNAM SMIN KYANG MED PA'I PHYIR RO, ,'CHI 'PHO DANG SKYE BA SHES PA'I LHA'I MIG GI MNGON SHES DANG DE'I RJES SU BYUNG BA'I YID SHES DANG MTSUNGS LDAN GYI SHES RAB NI SHES PA MTHONG BAR 'GYUR BA'I TING NGE 'DZIN BSGOM PAR 'DOD DO, ,SKYE BA SHES PAR 'GYUR BA DANG MTHONG BAR 'GYUR BA GNYIS LAS DANG PO NI SEMS CAN 'DI DAG NI LUS KYI NYES PAR SPYOD PA DANG LDAN PA'O ZHES BYA BA LA SOGS PA SHES PA MIG GI MNGON SHES KYI RJES SU RGYU BA YID KYI RNAM SHES DANG MTSUNGS LDAN GYI SHES RAB RTOG BCAS YIN LA, @747 GNYIS PA NI DA LTAR GYI GZUGS KYI SKYE MCHED LA DMIGS PA MIG GI RNAM SHES DANG MTSUNGS LDAN GYI SHES RAB RTOG PA MED PA'O, ,'O NA MDO LAS LHA'I MIG GI MNGON SHES SHES PA MTHONG 'GYUR GYI TING NGE 'DZIN DU BSHAD PA DANG 'GAL TE, MNGON SHES NI SHES RAB YIN LA DE NI TING NGE 'DZIN BSGOM PA MA YIN PA'I PHYIR RO ZHE NA, TING NGE 'DZIN GYI 'BRAS BU LA RGYU TING NGE 'DZIN GYI MING GIS BTAGS PA STE LTENG KA RKANG NAD CES BRJOD PA BZHIN NO, ,KHA CIG NA RE, MNGON SHES RNAM DRUG RNAM GROL BLO, ,ZHES PAS (MNGON SHES,) 'DI NI (YID) RNAM GROL GYI LAM BSAM GTAN GYIS BSDUS PA MNYAM GZHAG KHO NA YIN PAS TING NGE 'DZIN SGOM PA DNGOS YIN PAS MDO DANG 'GAL BA MED DO ZHES ZER RO, ,t'I KA BYED DAG NI PHYOGS SNGA MA NI CHOS MNGON PA'I MDZOD SEMS PA RNAMS KYI LUGS YIN TE, MNGON SHES MTSAN NYID PA DANG TING NGE 'DZIN BSGOM PA BTAGS PA BAR 'DOD LA, LUGS PHYI MA LTAR NA MIG GI MNGON SHES TING NGE 'DZIN YIN PAS TING NGE 'DZIN BSGOM PA DNGOS SU 'DOD PAR 'CHAD DO, ,SBYOR BA LAS BYUNG BA'I YON TAN KHAMS GSUM GYIS BSDUS PA MI SDUG PA DANG, DBUGS 'BYUNG RNGUB DRAN PA DANG, NYON MONGS PA MED PA DANG, SMON NAS SHES PA DANG, SO SO YANG DAG PAR RIG PA DANG, MNGON SHES DANG PO LNGA DANG, ZAG BCAS KYI RNAM THAR DANG, ZIL GNON LA SOGS PA ZAG BCAS DANG ZAG MED RNAM THAR SGO GSUM DANG, THOD RGAL GYI SNYOMS 'JUG DANG, ZAG ZAD KYI DNGON SHES LA SOGS PA RNAMS LA'ANG TING NGE 'DZIN DANG MTSUNGS PAR LDAN PA'I PHYIR TING NGE 'DZIN GYI MING GIS BTAGS NAS BLO STE SHES RAB RAB TU RNAM PAR DBYE BAR 'GYUR BA'I TING NGE 'DZIN CES BYA STE, TING NGE 'DZIN GYI STOBS KYIS GONG NAS GONG DU PHUL DU PHYIN PAR CHOS RAB TU RNAM PAR 'BYED PA'I SHES RAB KHYAD PAR DU 'GYUR BA'I PHYIR RO, ,BSAM GTAN GYI YA MTHA' BZHI PAS BSDUS PA'I RDO RJE LTA BU'I TING NGE 'DZIN GANG YIN PA DE NI DES ZAG PA MA LUS PAR ZAD PAR 'GYUR BAS ZAG PA THAMS CAD ZAD PAR 'GYUR BA'I TING NGE 'DZIN SGOM PA ZHES BYA'O, ,(SA GZHAN LA BRTEN PA'I RDOR TIN YANG DE YIN MOD KYANG,) TING NGE 'DZIN BZHI PO 'DI DAG BYE BRAG TU SMRA BA NI BCOM LDAN 'DAS NYID KYI THUGS RGYUD LA JI LTAR BSKYED PA'I DBANG DU MDZAD NAS GSUNGS PA YIN TE, 'DI LTAR LAS KYI MTHA' LA GZIGS PA'I CHED DU ZHING PA'I GRONG DU BYON PA NA SHING 'DZAM BU'I DRUNG DU BSAM GTAN DANG PO BSKYED PA DANG, DE NAS BYANG CHUB KYI SHING DRUNG DU THUN DANG PO LA LHA'I BU'I BDUD BTUL BA'I RJES LA LHA'I SPYAN GYIS SEMS CAN GYI 'CHI 'PHO DANG SKYE BA NYAM NGA BAR GZIGS PA DANG, DE NAS DE DAG BSKYAB PA'I PHYIR GUNG THUN LA BSAM GTAN DANG RNAM PAR THAR @748 PA DANG SNYOMS PAR 'JUG PA RNAMS BSKYED PA DANG, DE'I RJES LA THUN GSUM PA LA BSAM GTAN BZHI PA LA BRTEN TE RDO RJE LTA BU'I TING NGE 'DZIN BSKYED NAS DES KUN SBYOR THAMS CAD SPANGS PA RNAMS NI RIM PA LTAR MTHONG CHOS LA BDE BAR GNAS PAR 'GYUR BA'I TING NGE 'DZIN BSGOM PA LA SOGS PA YIN PA'I PHYIR RO, ,DES NA TING NGE 'DZIN BZHI KHO NAR GSUNGS SO ZHES 'DOD DO, , (GNYIS) DE LA BRTEN PA'I YON TAN BSHAD PA, GNYIS PA DE LA BRTEN PA'I YON TAN BSHAD PA LA DNGOS DANG, KHYAD PAR KYI CHOS BSHAD PA GNYIS KYI DANG PO LA BZHI LAS YUL SEMS CAN TSAD MED PA LA DMIGS SHING 'BRAS BU BSOD NAMS TSAD MED 'BYUNG BA'I TSAD MED PA NI BYAMS PA DANG SNYING RJE DANG DGA' BA DANG, BTANG SNYOMS TE RNAM PA BZHI YIN NO, ,DE DAG BZHIR NGES PA NI RIM PA LTAR GNOD SEMS DANG, SOGS PAS BSDUS PA RNAM PAR 'TSE BA DANG, GZHAN KYI PHUN SUM TSOGS PA LAM DGA' BA DANG, 'DOD PA'I 'DOD CHAGS DANG GNOD SEMS MANG BA RNAMS KYI GNYEN PO YIN PA'I PHYIR RO, ,GAL TE BTANG SNYOMS KYIS 'DOD PA'I 'DOD CHAGS KYI GNYEN PO BYED PA LTAR MI SDUG PAS KYANG BYED NA DE GNYIS LA KHYAD PAR CI YOD C NA, KHA DOG GI 'DOD CHAGS DANG 'KHRIG PA'I 'DOD CHAGS KYI GNYEN POR GO RIM BZHIN DU MI SDUG PA DANG BTANG SNYOMS SO ZHES BYE BRAG TU SMRA BA RNAMS 'DOD LA, SLOB DPON NI 'KHRIG PA'I 'DOD CHAGS KYI GNYEN POR MI SDUG PA DANG, SNYOMS NYE DU LA'ANG 'BRAL MED LTAR SGOM PAS PHA MA LA SOGS PA NYE DU'I 'DOD CHAGS KYIS GNYEN POR BTANG SO ZHES BZHED DO, ,TSAD MED PA'I NGO BO NI SEMS CAN LA ZHE SDANG MED PA'I DGE BA'I RTZA BA NI BYAMS PA YIN LA, SNYING RJE YANG DE DANG 'DRA BAR ZHE SDANG MED PA'I DGE BA'O, ,GZHAN BDE BA DANG LDAN PAR SHES NA YID BDE BA NI DGA' BA TSAD MED PA YIN LA, BTANG SNYOMS NI MA CHAGS PA'I RANG BZHIN GYI DGE BA'O, , 'O NA DE GNOD SEMS KYI GNYEN POR JI LTAR 'GYUR ZHE NA, DE'I WANG BYA'I GNOD SEMS NI CHAGS PAS DRANGS PA'I GNOD SEMS YIN PA'I PHYIR 'GYUR RO, ,SLOB DPON NI 'DOD CHAGS DANG GNOD SEMS GNYIS KA'I GNYEN POR 'GYUR BA NI MA CHAGS PA DANG ZHE SDANG MED PA GNYIS KA'I RANG BZHIN YIN NA RUNG BAS GNYIS KA'I RANG BZHIN DU BZHED DO, ,DE YANG CHOS GCIG LA GNYIS KA'I RANG BZHIN YIN PAR NI MI GZUNG GI (BAR MAR GNAS PA'I) MA CHAGS PA DANG ZHE SDANG MED PA SO SO LA BTANG SNYOMS SU BRJOD @749 PA'O, ,DE DAG GI RNAM PA NI GO RIM BZHIN DU KYE MA SEMS CAN RNAMS BDE BA DANG LDAN PAR GYUR CIG ,SDUG BSNGAL LAS GROL BAR GYUR CIG SNYAM PA DANG, YID DGA' BA DANG LDAN PAR GYUR CIG , NYE RING DANG CHAGS SDANG MED PAR MNYAM PAR BYA'O SNYAM DU YID LA BYED CING DE DAG LA SNYOMS PAR 'JUG PA'O, , GAL TE SEMS CAN RNAMS BDE BA LA SOGS PA DANG MI LDAN PA LA BDE BA LA SOGS PAR YID LA BYED BA'I PHYIR PHYIN CI LOG YIN LA, PHYIN CI LOG KYANG MI DGE B YIN PA'I PHYIR JI LTAR DGE BAR 'GYUR ZHE NA, SDUG BSNGAL LA SOGS PA LA BDE BA'O SNYAM DU SHES PA LA SOGS PA NI MA YIN GYI, 'ON KYANG SDUG BSNGAL BA'I SEMS CAN 'DI DAG BDE BAR GYUR CIG CES MOS PA YID LA BYED PA'I PHYIR DGE BA YIN NO, , DE LTA NA'ANG SEMS CAN THAMS CAD BDE BA DANG LDAN PA MI SRID PA'I PHYIR PHYEN CI LOG PAR MOS PA YIN NO ZHE NA, DE LTA MOD KYI BSAM PA BZANG BA'I PHYIR DANG, GNOD SEMS LA SOGS PA MI DGE BA'I GNYEN PO BYED PA'I PHYIR DANG, GCIG TU SEMS CAN LA PHAN PAR ZHUGS PA'I PHYIR DGE BA YIN TE, RIN PO CHE'I PHRENG BA LAS, GZHAN LA GCIG TU PHAN PA BDE, ,MI PHAN PHYIR NA CIG SHOS MIN ZHES GSUNGS PA BZHIN NO, ,GAL TE SEMS CAN THAMS CAD BDE BAR GYUR CIG SNYAM PA LA SOGS PA NI MOS PA'AM 'DUN PA'I RANG BZHIN YIN PA'I PHYIR DANG, BYAMS PA LA SOGS PA'ANG ZHE SDANG MED PA LA SOGS PA SEMS LAS BYUNG BA GZHAN LA 'DOD PA'I PHYIR JI LTAR DE DAG GI RNAM PAR 'GYUR ZHE NA, BDEN MOD KYI SEMS CAN THAMS CAD BDE BA DANG LDAN PAR GYUR CIG CES 'DUN PA DANG MTSUNGS PAR LDAN PA'I ZHE SPANG MED PA LA 'DOD PA'I PHYIR SKYON MED DO, , TSAD MED PA 'DI DAG GI SPYOD YUL TE DMIGS PA NI, 'DOD PA'I KHAMS KYI SEMS CAN RNAMS YIN TE, 'DOD PA'I SEMS CAN LA DMIGS PA'I GNOD SEMS LA SOGS PA'I GNYEN PO YIN PA'I PHYIR RO, , MDO LAS, DE BYAMS PA DANG LDAN PA'I SEMS KHO NA MED PA, 'GRAN BLA MED PA, GNOD PA MED PA, YANGS PA, RGYA CHEN POR GYUR PA, TSAD MED PA, SHIN TU BSGOMS PA, PHYOGS GCIG TU MOS TE KHYAB PAR BYAS NAS RDZOGS PAR BYAS TE GNAS SO ZHES BYA BA LA SOGS PA GSUNGS PA'I DON NI BYAMS PA DANG MTSUNGS LDAN GYI SEMS NI BYAMS PA DANG LDAN PA'I SEMS YIN LA, DE NYID RIM PA LTAR NYE BA'I NYON MONGS PA KHON 'DZIN DANG, PHRAG DOG DANG, ZHE SDANG GI GNYEN PO YIN PAS KHON MED @750 PA LA SOGS PA GSUM DANG, DE NYID KYI 'BRAS BU CHE BAS YANGS PA DANG, SA GZUGS NA SPYOD PA YIN PAS RGYA CHEN POR GYUR PA DANG, SEMS CAN TSAD MED PA LA DMIGS PAS TSAD MED PA DANG, MI MTHUN PHYOGS SPANGS PAS SHIN TU BSGOMS PA'O, ,DE LTAR NA KHON MED PA LA SOGS PA TSIGS GSUM DANG, GCIG DANG, GCIG DANG, GCIG DANG, GCIG GIS RIM PA LTAR MI MTHUN PHYOGS KYI GNYEN PO BYED PA DANG, 'BRAS BU DANG, SA DANG, DMIGS PA DANG, RNAM PAR DAG PA'I PHAN YON GYI SGO NAS BYAMS PA DE BSTAN PA YIN NO, ,PHYOGS GCIG TU ZHES PA NI GNAS PHYOGS KYIS MTSON NAS GNAS PA PO PHYOGS CAN GYI SEMS CAN STON PA'O, ,MOS PA YID LA BYED PA YIN PAS MOS TE'O, ,SEMS CAN THAMS CAD LA CIG CAR MOS PAR BYED PAS KHYAB PAR BYAS NAS SO, ,DNGOS GZHI'I SNYOMS 'JUG THOB PAS NA RDZOGS PAR BYAS TE'O, ,DUS YUN RING POR RJES SU 'JUG PAS NA GNAS SO ZHES GSUNGS SO ZHES RNAM BSHAD RIGS PA LAS BSHAD DO, ,DE DAG GIS NI DGA' BA TSAD MED PA NI YID BDE YIN PAS BSAM GTAN SNGA MA GNYIS NA YOD LA, TSAD MED PA GZHAN GSUM NI MNYAM GZHAG KHO NA YIN PAS MI LCOGS MED KYANG GSAL BAS DNGOS GZHI DANG 'DRA BAS BSAM GTAN GYIS DRUG NA YOD PAR KHA CIG 'DOD CING, KHA CIG DNGOS GZHI KHO NA YID PAS BSAM GTAN KHYAD PAR CAN DANG DNGOS GZHI BZHI STE LNGA NA YOD PAR 'DOD LA, KHA CIG MNYAM PAR MA BZHAG PA DANG SBYOR BA'ANG SMOS TE, 'DOD PA DANG BSAM GTAN GYI NYER BSDOGS BZHI DANG DNGOS GZHI LNGA STE BCU NA YOD PAR 'DOD DO, , 'O NA GNOD SEMS LA SOGS GNYEN PO'I PHYIR ZHES GANG BSHAD PA CI BYAMS PA LA SOGS PAS NYON MONGS PA DNGOS SU SPONG NGAM ZHE NA, TSAD MED BZHI PO DE YIS GNOD SEMS LA SOGS PA DNGOS SU MI SPONG STE, BSAM GTAN DAG PA PA DNGOS GZHI'I SA PA YIN LA, DAG PA PA'I DNGOS GZHIS NI NYON MONGS PA MI SPONG NGO ZHES BSHAD ZIN PA'I PHYIR DANG, (SPONG LAM ZHIN PA'I PHYIR DANG, ) DE KHO NA NYID YID LA BYED PAS NYON MONGS SPANG BA YIN PA LA 'DI DAG MOS PA YID LA BYED PA YIN PA'I PHYIR DANG, CHOS THAMS CAD KYI SPYI'I MTSAN NYID LA BYED PAS NYON MONGS SPANG BA YIN PA LA 'DI DAG SEMS CAN LA DMIGS PAS NYI TSE BA YIN PA'I PHYIR TE, RNAM 'GREL LAS KYANG, BYAMS SOGS RMONGS DANG 'GAL MED PHYIR, ,NYES PA SHIN TU CHAR GCOD MIN ZHES BSHAD DO, ,'ON KYANG DE DAG GI SBYOR BAS GNOD SEMS LA SOGS PA RNAM PAR GNON PA'I PHYIR DANG, DNGOS GZHIS SPANGS PA THAG SRING BAR BYED PA'I PHYIR GNOD SEMS LA SOGS PA'I GNYEN POR BSHAD DO, ,NYON MONGS PA SPONG BA NI GAL TE 'JIG RTEN PA'I LAM GYIS SPONG NA NI NYER @751 BSDOGS KYANG SPONG BA YIN LA, 'ON TE (MGO MNAN PA DE DAG) 'JIG RTEN LAS 'DAS PA'I LAM GYIS SPONG NA NI BDEN BRTOGS PA'I SPONG LAM GYIS (DNGOS SU RTZA BA NAS,) SPONG BA YIN PA'I PHYIR RO, ,('DOD CHAGS DANG BRAL TE DNGOS GZHI THOB NAS DNGOS GZHIS BSDUS PA'I TSAD MED RNYED PA'I PHYIR GNOD SEMS LA SOGS PA'I RKYEN STONGS LDAN GYIS KYANG MI RDZI'O, ,) 'ON KYANG BYAMS SOGS GSUM 'DOD PA DANG NYER BSDOGS NA YOD PAR 'DOD PA LTAR NA NI SBYOR BA DANG DMIGS RNAM DANG NGO BO DNGOS GZHI'I TSAD MED DANG 'DRA ZHING, DE DAG GI SBYOR BAS NYON MONGS PA RNAMS RNAM PAR MNAN NAS SPONG LAM BAR CHAD MED PA'I LAM RNAMS KYIS DNGOS SU SPONG NGO, ,'DI SGOM PA'I TSUL NI SGOM PA PO NYON MONGS PA CHUNG NA JI LTAR RANG NYID KYI RGYUD LA BDE BA YOD PA'AM, GZHAN SANGS RGYAS DANG BYANG CHUB SEMS DPA' DANG 'PHAGS PA DGRA BCOM PA LA SOGS PA'I RGYUD LA BDE BA MNGA' BAR THOS PA DE BZHIN DU SEMS CAN THAMS CAD KYANG DE LTA BU'I BDE BA DANG LDAN PAR GYUR CIG CES CIG CAR MOS PAR BYED DO, , GAL TE NYON MONGS PA'I 'JUG PA SHAS CHE BAS SEMS CAN THAMS CAD LA DE LTAR MOS PAR MI NUS NA NI SEMS CAN LA MDZA' BO DANG, THA MAL PA DANG, DGRA BO'I PHYOGS GSUM DU DBYE ZHING, MDZA' BO'ANG CHE 'BRING CHUNG NGU GSUM DU PHYE LA, DANG POR BSKYED SLA BAS MDZA' BO CHE 'BRING CHUNG NGU GSUM LA RIM GYIS MOS PAR BYED LA, GAL TE GSUM GA LA BYAMS PA MNYAM POR THOB NA DE NAS THA MAL PA DANG, DE NAS DGRA BO'I PHYOGS LA'ANG CHUNG 'BRING CHEN PO GSUM DU PHYE NAS CHUNG 'BRING CHEN PO GSUM LA RIM GYIS KHYAB PAR BYED CING GAL TE DGRA BO CHEN PO LA MDZA' BO CHEN PO LTAR BDE BAR MOS PA MI LDOG PAR GYUR NA, DE NAS RIM GYIS KHYIM DANG GRONG DANG YUL PHYOGS GCIG GI SEMS CAN DANG, DE NAS RIM GYIS PHYOGS GCIG NAS 'JIG RTEN THAMS CAD KYI BAR DU BYAMS PAS RGYAS SHING KHYAB PAR BYED DO, ,DE YANG DGE RTZA CHAD PA DANG RANG RGYAL LA'ANG SNGON GYI BSOD NAMS DANG DE MA YIN PA'I DBANG GIS RIM PA LTAR (RANG SANGS RGYAS) GZUGS BZANG NGAN LA SOGS PA DMIGS PAS SEMS CAN RNAMS LA SKYON YON GNYIS KA YOD KYANG YON TAN GYI CHA NAS BSAMS NA BYAMS PA MYUR DU SKYE BAS SKYON NI BSAM PAR MA BYA STE, 'GREL PA LAS, GANG ZHIG THAMS CAD DU YON TAN 'DZIN PA DE NI BYAMS PA MYUR DU SKYED PAR BYED DO,, SNGON GYI BSOD NAMS DANG BSOD NAMS MA YIN PA'I 'BRAS BU SNANG BA'I SGO NAS DGE BA'I RTZA BA KUN DU CHAD PA LA'ANG YON TAN GZUNG BAR NUS LA, RANG SANGS RGYAS LA'ANG SKYON GZUNG BAR NUS SO ZHES BSHAD PA'I PHYIR RO, ,DE BZHIN DU SEMS CAN SDUG BSNGAL RNAM PA MANG PO'I CHU BOR BYING ZHING MNGON PAR DGA' BA @752 DANG MI LDAN PA 'DI RNAMS SDUG BSNGAL LAS MYUR DU THAR PA DANG, MNGON PAR DGA' BA DANG LDAN PAR GYUR NA CI MA RUNG SNYAM DU MOS PAS SNYING RJE DANG DGA' BA LA'ANG SGOM PAR BYED LA, BTANG SNYOMS NI DANG PO THA MAL PA'I PHYOGS LA BRTZAMS NAS MTHAR DGRA DANG GNYEN LA MTSUNGS PAR LTA BA YIN NO, ,TSAD MED PA BZHI PO 'DI DAG NI DANG PO BLO GSAL BAS MI DAG GI NANG DU BSKYED KYI GZHAN DU NI MA YIN TE, DE DAG BLO MI GSAL BAS BSKYED PAR MI NUS PA'I PHYIR (DANG GZHAN GYIS 'DOMS PA LA LTOS PA'I PHYIR,) RO,, CI TSAD MED DE DAG GCIG DANG LDAN PA DE NGES PAR THAMS CAD DANG LDAN NAM ZHE NA, THAMS CAD NI MA YIN GYI 'ON KYANG DGA' BA MA GTOGS PA GSUM NI GCIG LDAN NA GZHAN GNYIS KYANG LDAN PAS GCIG YOD NA NGES PAR GSUM GSUM DANG LDAN LA, DGA' BA NI YID BDE YIN PAS DE NI BSAM GTAN GSUM PA DANG BZHI PA'I SA LA MI LDAN PA'I PHYIR RO, ,'DI YANG THOB PA LA BSAMS KYI MNGON GYUR NI RNAM PA 'GAL BAS RE RE DANG LDAN PA YIN NO, ,YANG MDO LAS, NAD GZUGS SU 'DU SHES PAS PHYI ROL GYI GZUGS RNAMS LA LTA BA 'DI NI RNAM PAR THAR PA DANG PO'O, ,NAD GZUGS MED PAR 'DU SHES PAS PHYI ROL GYI GZUGS RNAMS LA LTA BA 'DI NI RNAM PAR THAR PA GNYIS PA'O, ,SDUG PA'I RNAM PAR THAR PA LUS KYI MNGON SUM DU BYAS TE RDZOGS PAR BYAS NAS GNAS PA 'DI NI RNAM PAR THAR PA GSUM PA'O ZHES PA DANG, DE BZHIN DU GZUGS MED PA BZHI DANG, RNAM PA THAMS CAD DU 'DU SHES MED 'DU SHES MED MIN SKYE MCHED LAS YANG DAG PAR 'DAS TE, 'DU SHES DANG TSOR BA 'GOG PA LUS KYIS MNGON SUM DU BYAS TE RDZOGS PAR BYAS NAS GNAS PA 'DI NI RNAM PAR THAR PA BRGYAD PA'O ZHES RNAM PAR THAR PA BRGYAD GSUNGS PA LAS RNAM THAR DANG PO GNYIS NI RNAM PAR SDOS PA LA SOGS PA'I RNAM PAR LTA BA'I PHYIR MI SDUG PA'I RANG BZHIN YIN TE, 'DI'I NGO BO MA CHAGS PA DANG, DMIGS PA 'DOD PAR GTOGS PA'I GZUGS KYI SKYE MCHED YIN PAR NI (MI SDUG MA CHAGS PA SOGS SU) SNGAR MI SDUG PAR BSHAD PA BZHIN NO, ,KHYAD PAR NI 'DI YIN TE, MI SDUG PA NI SA BCU PA YIN LA, RNAM THAR DANG PO GNYIS NI BSAM GTAN GNYIS PA YAN CHAD NA MIG SHES MED PAS KHA DOG GI 'DOD CHAGS MED DE, GANG YUL LA 'DOD CHAGS DANG BRAL BA DE NI YUL CAN SHES PA LAS KYANG 'DOD CHAGS DANG BRAL TE SNA LCE'I RNAM SHES BZHIN NO, ,(BSAM GTAN PHYI MA GSUM NA NANG GI DBANG PO GZUGS CAN LA CHAGS PA YOD DO, ,RNAM THAR 'DI GSUM BSAM GTAN GSUM PAR CI'I PHYIR MA BZHAG CE NA, RANG GI SPANG BYA GNYIS PA'I KHA DOG GI 'DOD CHAGS MED PAS MI SDUG PA'I RNAM THAR MED LA,) BSAM GTAN GNYIS PA LA SOGS PA NA'ANG MIG SHES MED PAS KHA DOG GI 'DOD @753 CHAGS DANG BRAL BA YIN NO ZHES t'I KAR BSHAD PAS GO RIM BZHIN DU 'DOD PA DANG BSAM GTAN DANG PO'I SA PA'I KHA DOG GI 'DOD CHAGS KYI GNYEN PO YIN PAS BSAM GTAN SNGA MA GNYIS KHO NA NA YOD DO, ,DE YANG DNGOS GZHIS BSDUS PA'I DAG PA PA DANG, MOS PA YID LA BYED PA YIN PAS RNAM PAR GNON PA TZAM MAM THAG SRING BA'I GNYEN PO YIN GYI DNGOS SU SPONG BA NI MA YIN NO, , DE LA NAD GZUGS DANG GZUGS MED PAR 'DU SHES PA NI (GZUGS KYIS SEMS THOB PA GANG ZHIG,) GZUGS LAS 'DOD CHAGS DANG MA BRAL BA DANG BRAL BA'AM, t'I KAR RANG NYID KYI GZUGS KYI 'DU SHES MA BSHIG PA DANG BSHIG NAS PHYI ROL GYI GZUGS LA LTA BA YIN PAR BSHAD PA'AM, YANG NA KUN LAS BTUS KYI 'GREL PAR GZUGS MED PA'I SNYOMS 'JUG LA BRTEN NAS LTA BA PO BDAG NYID LA GZUGS SU 'DU SHES MNGON DU BYED PA DANG GZUGS KYI 'DU SHES SPANGS NAS MING BZHI'I 'DU SHES MNGON DU BYED PA LA RIM PA BZHIN BSHAD DO, ,GSUM PA SDUG PA'I RNAM THAR NI BSAM GTAN GYI YA MTHA' BZHI PA NA YOD CING, DE YANG NGO BO CHAGS PA'I GNYEN PO YIN PAS GTZO BO MA CHAGS PA YIN GYI SDUG PA'I RNAM PA CAN YIN PAS MI SDUG PA NI MA YIN NO, , DES NA GZUGS YID DU 'ONG BA SPRUL NAS SDUG PAR LTA ZHING DE NYID TING NGE 'DZIN GYI LUS KYIS MNGON SUM DU BYED PAS NA MING DE SKAD CES BYA'O, ,(SNGA MA GNYIS TE GSUM PO,) DE DAG 'KHOR DANG BCAS NA NI RJES 'BRANG GI GZUGS YOD PAS PHUNG PO LNGA'I RANG BZHIN YIN NO, ,(BDE BAS G-YO BAR BYAS PAS BDE BA'I RGYAB KYIS PHYOGS PA MI SRID PAS SDUG PA'I RNAM THAR YANG MED PA'I PHYIR RO, ,'O NA GSUM PA'I KHA DOG LA CHAGS PA MED PAS BZHI PAR YANG DE JI LTAR YOD CE NA, DE NA DE SKYED PA'I,) DGOS PA NI MI SDUG PA BSGOMS PAS YID ZHUM PA RAB TU DGA' BAS GZENGS BSTOD PA DANG, SDUG PA SPRUL PA LA CHAGS PA SKYE NA RNAM THAR DANG PO GNYIS MA GRUB PA YIN LA MI SKYE NA GRUB PA YIN PAS DE BRTAG PA'I YANG PHYIR RO, ,BSAM GTAN DANG PO GSUM DU SDUG PA'I RNAM THAR MI STON PA NI SA DE DAG NA DGA' BA DANG BDE BA YOD PAS SDUG PAR YID LA BYAS NA YUL DE LA DGA' BA DANG SRED NA MA CHAGS PAR MI 'GRUB PA'I PHYIR RAM, SKYON DANG BCAS PA'I BSAM GTAN YIN PAS DE MI 'GRUB PA'I PHYIR RO SNYAM DU BSAMS SO,, (RNAL 'BYOR PA RNAMS RGYU MTSAN GNYIS KYIS RNAM THAR DANG ZIL GNON LA SOGS PA BSKYED DE, NYON MONGS THAG SRING BA'I PHYIR DANG, SNYOMS 'JUG LA DBANG 'BYOR BAR BYA BA'I PHYIR RO, ,DE LA DBANG NAS SA SOGS PA GSER LA SOGS PAR BSGYUR BA DANG, DNGOS PO BRTAN PA DUS 'DI SRID DU GNAS PAR @754 GYUR CIG CES MOS PA LTAR 'GRUB PAS BYIN GYIS RLOB PA DANG, TSE GTONG 'JOG DANG, RDUL PHRAN DU RI RAB 'JUG PA LA SOGS PA BYED LA, GNYIS KAS KYANG NYON MONGS MED DANG SMON NAS SHES DANG YANG DAG RIG BZHI LA SOGS DANG 'PHAGS PA'I RDZU 'PHRUL 'GRUB PAR BYED DO, ,) GZUGS MED PA'I MNYAM GZHAG DGE BA DAG PA PA DANG ZAG MED RNAMS KHO NA RNAM THAR YIN GYI NYON MONGS CAN DANG MNYAM PAR MA BZHAG PA 'CHI BA'I SRID PA'I SEMS LTA BU'ANG MA YIN NO, ,('DI DGE BA KHO NA YIN PAS SO, ,) KHA CIG GZUGS MED DE DAG NA RNAM SMIN SKYES KYI SEMS DANG SEMS BYUNG RNAMS LA BSAMS NAS 'CHI BA'I SEMS LAS GZHAN PA'I MNYAM PAR MA BZHAG PA'I SEMS KYANG YOD PAR 'DOD DO, ,PHYOGS SNGA MA LTAR NA NI GZUGS MED MNYAM BAR MA BZHAG PA NI 'CHI BA'I SRID PA'I GNAS SKABS KYI SEMS DANG SEMS BYUNG KHO NA YIN PAR 'DOD DO, ,GZUGS MED KYI DNGOS GZHIR MA ZAD NYER BSDOGS KYI RNAM GROL GYI LAM GYIS KYANG RNAM THAR GYI MING THOB KYI BAR CHAD MED PA'I LAM GYIS NI RNAM THAR GYI MING MI 'THOB STE, RNAM THAR NI 'OG SA LA RGYAB KYIS PHYOGS PA YIN NA DE NI SA 'OG MA LA DMIGS PA'I PHYIR RO,, (DE YANG DANG PO GNYIS KHA DOG GI 'DOD CHAGS LA DANG, GSUM PA NI MI SDUG PA LA DANG, GZUGS MED NI DMIGS PA 'OG MA DAG LA RGYAB KYIS PHYOGS PA'I PHYIR RO, ,) RNAM THAR BRGYAD PA 'GOG PA'I RNAM THAR NI GNAS GNYIS PAR BSHAD PA'I 'GOG PA'I SNYOMS PAR 'JUG PA'O, ,'DI DAG LA CI'I PHYIR RNAM PAR THAR PA ZHES BYA ZHE NA, DANG PO GNYIS DANG GSUM PA DANG GZUGS MED RNAMS DANG 'GOG PA RNAMS NI GO RIM BZHIN DU KHA DOG GI 'DOD CHAGS DANG, ZHUM ZHING CHAGS PA DANG, GZUGS KYI 'DU SHES DANG, 'DU SHES DANG TSOR BA'AM, 'DU BYED THAMS CAD LA RGYAB KYIS PHYOGS PA'I PHYIR RO, ,GZHAN DAG NA RE 'GOG PA NI SNYOMS 'JUG GI SGRIB PA LAS RNAM PAR THAR PA'I PHYIR RNAM PAR THAR PA ZHES BYA'O ZHES ZER RO, ,DE LA SNYOMS 'JUG GI SGRIB PA NI SGRIB PA GANG ZHIG YOD NA SEMS LAS SU MI RUNG BAS KHAMS GSUM PA'I 'DOD CHAGS DANG BRAL BA DAG GIS KYANG BSAM GTAN DANG PO'I DNGOS GZHI'ANG SKYED PAR MI BYED PA DE YIN NO ZHES t'I KA BYED DAG 'CHAD DO, , 'GOG PA DE LA 'JUG PA'I SEMS NI KHAMS GSUM NA SHIN TU PHRA BA SRID RTZE YIN LA DE NYID KYANG ('GOG PA LA DMIGS NAS,) CHES PHRA BAR BYAS PA'I MJUG THOGS SU SNYOMS PAR 'JUG STE (SEMS RGYUN GCOD DGOS PA'I PHYIR RO, ,) LDANG BA NA NI 'PHEN PA JI LTA BA BZHIN DU SRID RTZE RANG GI SA PA'I DAG PA PA DANG 'OG MA CI YANG MED PA'I SKYE MCHED KYI SA PA'I 'PHAGS PA ZAG PA MED PA'I SEMS KYIS 'GOG PA DE LAS @755 LDANG BAR 'GYUR TE, DE LTAR NA 'GOG PA'I SNYOMS 'JUG DANG DE LA SNYOMS PAR 'JUG SEMS NI SRID RTZE BA YIN PAS ZAG BCAS KHO NA YIN LA, LDANG SEMS NI ZAG BCAS ZAG MED GNYIS KA YIN NO, , RNAM THAR 'DI DAG LAS DANG PO GSUM LAS SNGA MA GNYIS NI 'DOD PAR GTOGS PA'I SNANG BA GZUGS KYI SKYE MCHED YID DU MI 'ONG BA DANG GSUM PA NI YID DU 'ONG BA'I YUL CAN YIN NO, ,GAL TE 'DI DAG TING NGE 'DZIN LA BRTEN NAS SPRUL BA MA YIN NAM ZHE NA, YIN MOD KYI 'DOD PAR GTOGS PA SPRUL PA YIN NO, ,GANG DAG GZUGS CAN MIN PA'I RNAM THAR BZHI PO DE DAG GI SPYOD YUL TE DMIGS PA NI SA GONG MA PA DANG RANG GI SA PA'I SDUG BSNGAL ('DI NI NYER BSDOGS GONG MA BDUN MA GTOGS PA SA BCU PAR BSHAD,) DANG, SOGS PAS BSDUS PA KUN 'BYUNG DANG 'GOG PA DANG, RJES SU SHES PA'I PHYOGS DANG MTHUN PA'I LAM GYI BDEN PA SA GONG MA DANG 'OG MA DANG RANG GI SA PA'I THAMS CAD DANG, RTZA BAR MA SGOS KYANG GZUGS MED KYI RNAM THAR DE DAG MTSAN MA MED PA MTSAN MA MED PA'I TING NGE 'DZIN YIN PA SRID PAS DE DAG MI SLOB PA'I MTSAN MA MED PA'I TING NGE 'DZIN GYI SO SOR MA BRTAGS PAS 'GOG PA LA DMIGS PA'I PHYIR SO SOR MA BRTAGS PAS 'GOG PA'ANG YIN LA, NAM MKHA' MTHA' YAS SKYE MCHED KYI DMIGS PA NI 'DUS MA BYAS NAM MKHA'ANG YIN NO, ,BSAM GTAN GSUM PAR RNAM THAR MA BZHAG PA NI BSAM GTAN GNYIS PA'I SA PA'I KHA DOG GI 'DOD CHAGS MED PA'I PHYIR DANG, BDE BA MCHOG TU GYUR PA'I SNYING POS BSKYOD PAS G-YO BA'I PHYIR RO, ,DE LTAR NA BSAM GTAN GSUM PA NA'ANG KHA DOG GI 'DOD CHAGS MED PAS BSAM GTAN BZHI PAR SDUG PA'I RNAM THAR CI'I PHYIR SKYED CE NA, DE NI MI SDUG PAS RGYUD ZHUM PA RAB TU DGA' BAR BYA BA DANG BRTAG PA'I PHYIR RO ZHES BSHAD ZIN TO, ,GZUGS MED DANG PO GSUM NI ZAG BCAS ZAG MED GNYIS KA YIN TE, DE DAG MNYAM GZHAG DGE BA YIN PAS DE LA GNYIS KA YOD PA'I PHYIR DANG, BDEN PA LA DMIGS PAR BSHAD PA'I PHYIR RO, , 'O NA RNAM THAR DANG THIL? GNOD LA SOGS PA 'DI DAG LA DGOS PA CI'I PHYIR SNYOMS PAR 'JUG CE NA, THAG SRING GI GNYEN PO YIN PAS NYON MONGS PA THAG SRING BA DANG, SNYOMS 'JUG LA DBANG THOB PAR BYA BA GNYIS KYI PHYIR TE, NYON MONGS PA THAG MA BSRINGS SHING SNYOMS 'JUG LA DBANG MA THOB NA NYON MONGS PA MED PA LA SOGS PA'I YON TAN DANG, GANG GI SA LA SOGS PA GSER LA SOGS PAR YOD PA'I DNGOS PO BSGYUR BA DANG, DE NYID DUS RING POR GNAS PAR BYIN GYIS RLOB PA DANG, SKU TSE GTONG 'JOG DANG, RI RAB RDUL PHRAN DU 'JUG PAR BYED PA LA SOGS PA 'PHAGS PA'I RDZU 'PHRUL MI 'GRUB @756 PAS DE DAG MNGON PAR SGRUB PAR BYA BA'I CHED DU'O, ,YANG CI'I PHYIR RNAM THAR GSUM PA DANG BRGYAD PA KHO NA LA LUS KYIS MNGON SUM DU BYAS TE RDZOGS PAR BYAS NAS GNAS ZHES BSHAD LA, GZHAN DAG LA NI MA YIN ZHE NA, GO RIM BZHIN DU RNAM THAR DANG PO GNYIS DANG GZUGS MED DANG PO GSUM POS GZUGS CAN DANG GZUGS MED KYI RNAM THAR GYI SGRIB PA MTHA' DAG SPANGS PAS GTZO BO YIN PA'I PHYIR DANG, GZUGS DANG GZUGS MED PA'I KHAMS DANG SA'I MTHA' NA GNAS PA'I PHYIR RO ZHES 'GREL PAR 'BYUNG MOD KYI, 'ON KYANG DE GNYIS RIM PA LTAR GZUGS DANG GZUGS MED KYI SA PA'I RNAM THAR RDZOGS PAR MNGON DU BYAS PA YIN PAS DE SKAD BSTAN TO ZHES GZUNG NGO, ,YANG NA 'PHAGS PA RNAMS DE GNYIS LA LAN MANG DU GNAS PAS NA DE SKAD CES GSUNGS SO ZHES KUN LAS BTUS KYI 'GREL PAR BSHAD DO, , YANG BRGYAD LAS 'PHROS PA'I MDO LAS, NANG GZUGS SU 'DU SHES PAS PHYI ROL GYI GZUGS CHUNG NGU KHA DOG BZANG PO DANG KHA DOG NGAN PA RNAMS LA LTA ZHING GZUGS DE DAG ZIL GYIS MNAN NAS SHES PA ZIL GYIS MNAN NAS MTHONG STE DE LTA BUR 'DU SHES PAR GYUR PA 'DI NI ZIL GYIS GNON PA'I SKYE MCHED DANG PO'O, , DE BZHIN DU NANG GZUGS SU 'DU SHES PAS PHYI ROL GYI GZUGS CHEN PO KHA DOG BZANG PO DANG KHA DOG NGAN PA RNAMS LA LTA ZHING ZHES BYA BA NAS RGYAS PAR 'DI NI ZIL GYIS GNON PA'I SKYE MCHED GNYIS PA'O ZHES BYA BA'I BAR DANG, DE BZHIN DU NANG GZUGS MED PAR 'DU SHES PAS PHYI ROL GYI GZUGS CHUNG BA DANG CHE BA LTA BA GNYIS TE BZHI DANG, NANG GZUGS MED PAR 'DU SHES PAS PHYI ROL GYI GZUGS SNGON PO, KHA DOG SNGON PO LTA BUR STON PA, 'OD SNGON PO 'BYUNG BA DPER NA ZAR MA'I ME TOG GAM, YUL BA NA RA SE'I RAS PHUN SUM TSOGS PA SNGON PO, KHA DOG SNGON PO, SNGON PO LTA BUR STON PA, 'ON SNGON PO 'BYUNG BA RNAMS LA LTA ZHING GZUGS DE DAG ZIL GYIS MNAN NAS SHES ZIL GYIS MNAN NAS MTHONG STE, DE LTA BUR 'DU SHES PAR GYUR PA 'DI NI ZIL GYIS GNON PA'I SKYE MCHED LNGA PA'O ZHES PA DANG, DE BZHIN DU SER PO DANG DMAR PO DANG DKAR PO RNAMS LA DE LTAR LTA BA BZHI STE ZIL GYIS GNON PA'I SKYE MCHED BRGYAD GSUNGS PA'I NANG GZUGS SU 'DU SHES PA DANG DE MED PAR 'DU SHES PA NI RNAM THAR GYI DANG MTSUNGS LA, CHUNG NGU DANG CHEN PO NI SEMS CAN DANG SNOD KYI GZUGS SAM, PHRA RAGS SO, ,KHA DOG BZANG NGAN NI YID DU 'ONG MI 'ONG NGAM, YANG NA LHA DANG MI'I GZUGS SO, ,ZIL GYIS MNAN NAS ZHES BYA BA NI DBANG BSGYUR NAS SO, ,SHES PA NI ZHI GNAS DANG MTHONG BA NI LHAG MTHONG YIN NO ZHES 'PHAGS PA THOGS MED KYIS BSHAD LA, KHA DOG BZHI'I DPE DON GNYIS KA'I SKABS SU RE RE ZHING SNGON PO LA SOGS @757 PA TSIG BZHI BZHI SMOS PA NI GO RIM BZHIN DU MDOR BSTAN PA DANG LHAN SKYES DANG, BCOS MA DANG, LHAN SKYES DANG BCOS MA GNYIS KA'I THUN MONG GI KHA DOG YIN LA ZAR MA DANG DONG GA DANG BAN DU JI BA KA'I ME TOG DANG SKAR MA PA BA SANGS DANG RAS NI RIM PA LTAR LHAN SKYES DANG BCOS MA'I DPE'O, , DE LTA BUR 'DU SHES PAR GYUR PA NI ZIL GYIS NON NAM MA NON KYANG RUNG STE DE LA MNGON PA'I NGA RGYAL GYI 'DU SHES MED PA'O, ,SLOB DPON GANG SPEL NI SHES PA NI DANG PO SHES PA TZAM STE BAR CHAD MED PA'I LAM MO, ,MTHONG BA NI DE'I RGYU MTSAN CAN GYI RNAL 'BYOR RDZOGS PA STE RNAM GROL GYI LAM MO ZHES 'CHAD DO, ,DE DAG KYANG DANG PO BZHI NI KHA DOG DANG DBYIBS GNYIS KA LA CHAGS SDANG SKYE BA'I GNYEN PO DANG, LHAG MA BZHI NI GZHAN GYI KHA DOG LA CHAGS PA DANG YID RNAM PAR ZHUM PA'I GNYEN PO YIN NO,, DE LTAR BRGYAD PO DE DAG LAS ZIL GNON DANG PO GNYIS KYI NGO BO DANG, SA DANG, GANG GI GNYEN PO YIN PA DANG, DMIGS PA NI JI LTAR RNAM THAR DANG PO GZUGS CAN GZUGS LA LTA BA DE BZHIN DU SHES PAR BYA'O, ,DE BZHIN DU ZIL GNON GSUM PA DANG BZHI PA GNYIS KYI NGO BO DANG, SA DANG, GANG GI GNYEN PO YIN PA DANG, DMIGS PA NI RNAM THAR GNYIS PA GZUGS MED GZUGS LA LTA BA JI LTA BA BZHIN NO, ,GZHAN KHA DOG GI ZIL GNON BZHI'I SA DANG NGO BO LA SOGS PA'ANG RNAM THAR GSUM PA SDUG PA'I RNAM PAR THAR PA JI LTA BA BZHIN DU SHES PAR BYA'O, ,RNAM THAR ZIL GNON GYI KHYAD PAR NI RNAM THAR GYIS NI DMIGS PA LA RGYAB KYIS PHYOGS PA TZAM DU ZAD KYI ZIL GYIS MI NON LA, ZIL GNON GYIS NI JI LTAR 'DOD PA BZHIN DU SKAD CIG LA SNGON PO LA SOGS PA'AM, RNAM PAR SNGOS PA LA SOGS PA YID DU MI 'ONG BAR MOS PA'I PHYIR DANG, KUN NAS NYON MONGS PA'I DNGOS PO SDUG PAR DMIGS KYANG NYON MONGS PA MI SKYE BAR DMIGS PA LA ZIL GYIS GNON PA'I PHYIR RO, ,GZUGS MED LA ZIL GNON MA BSHAD PA NI GZUGS ZIL GYIS NON NA DE YANG NON PA'I PHYIR MA BSHAD DO, ,'PHAGS PA RNAMS NI GZUGS KYI DE BZHIN NYID DANG MTSAN MA YID LA BYED PAS ZIL GYIS NON PAR BYED LA, BYIS PA RNAMS NI SDUG PA DANG MI SDUG PA PHAN TSUN LTOS PA DANG, PHAN TSUN GCIG LA GCIG RJES SU 'BREL PA DANG DES NA GZUGS THAMS CAD PHAN TSUN BSRES TE SDUG PAR RO GCIG PA'I 'DU SHES KYIS MOS PAR BYAS NAS ZIL GYIS GNON PAR BYED DO ZHES 'PHAGS PA THOGS MED 'CHAD LA, SLOB DPON GANG SPEL NI KHA CIG KHA DOG BZANG NGAN LA CHAGS SDANG MED PAR DMIGS PA ZIL GYIS GNON PAR BYED DO ZHES ZER LA, KHA CIG NA RE DE LTA NA ZIL GYIS GNON PA'I SKYE MCHED 'DI DAG ZHE SPANG MED PA'I RANG BZHIN DU'ANG @758 'GYUR NAM CHAGS PA'I RANG BZHIN CAN DU BSHAD PA'I PHYIR BZANG NGAN GNYIS KA ZIL GYIS MNAN NAS MI SDUG PAR RO GCIG TU MTHONG BA YIN NO ZHES ZER RO ZHES SNGON GYI SLOB DPON RNAMS KYI LUGS STON PAR BYED DO, ,YANG BCU LAS 'PHROS PA'I MDO LAS, ZAD PAR SA DANG CHU DANG MA DANG RLUNG DANG SNGON PO DANG SER PO DANG DMAR PO DANG DKAR PO DANG NAM MKHA' DANG RNAM PAR SHES PA STE BAR CHAD MED PAR ZAD PAR SA LA SOGS PAR RGYAS PAR KHYAB PAR BYED PA'I ZAD PAR GYI SKYE MCHED BCU'O ZHES BSHAD PA'I DANG PO BRGYAD NI CHAGS PA'I GNYEN PO MA CHAGS PA'I RANG BZHIN YIN LA, (DE YANG SNGO SOGS BZHI NI ZIL GNON PHYI MA BZHI'I 'BRAS BU YIN PAS SO, ,) SA NI BSAM GTAN GYI YA MTHA' BZHI KHO NA NA YOD DE, (ZIL GNON PHYI MA BZHI'I SPYOR BA LAS BYUNG BAS SO, ,) DANG PO BRGYAD KYI SPYOD YUL TE DMIGS PA NI ('BYUNG BZHI YANG KHA DOG DANG DBYIBS LA 'DOD PA'ANG YOD DE,) 'JIG RTEN GYI NI THA SNYAD DU, KHA DOG DBYIBS LA SA ZHES BRJOD, ,CHU ME YANG NGO RLUNG TSOGS KHAMS, ,NYID YIN DE DANG 'DRA BA'ANG YIN ZHES 'BYUNG BAS 'DOD PA NA SPYOD PA'I GZUGS KYI SKYE MCHED YIN LA, GANG DAG RLUNG GZUGS KYI SKYE MCHED YIN PAR MI 'DOD PA DE DAG NA RE ZAD PAR RLUNG GI DMIGS PA NI REG BYA'I SKYE MCHED YIN NO ZHES ZER RO, ,ZAD PAR RNAM MKHA' DANG RNAM SHES GNYIS NI GZUGS MED DANG PO GNYIS DAG PA PA'I RANG BZHIN YIN LA, DE GNYIS KYI SPYOD YUL NI RANG GIS PA'I PHUNG PO BZHI YIN NO, , (ZAG MED NI YUL THAMS CAD DU RGYAS PAR BYED MI NUS PAS 'DI DAG GI DMIGS PA YIN NO, ,) SKYE MCHED GZHAN LA ZAD PAR DU MI 'JOG PA NI MIG SOGS BDUN GYIS SNOD KYI 'JIG RTEN LA (DE'I RIGS MED PAS, ) MA KHYAB CING DRI ROS GZUGS KHAMS SU MA KHYAB LA SGRA LA RGYUN MED PAS ZAG PAR DU MI BZHAG GO ZHES PA LAS 'BYUNG LA, CI YANG MED PA SRID DANG RTZE GNYIS ZAD PAR DU MI BZHAG PA NI (DMIGS PAR MI GSAL BA DANG SPRO BSDU DANG MI MTHUN MI MTHUN PA'I PHYIR RO,,) BSDU BA LAS NAM MKHA' DANG RNAM SHES MTHA' YAS KYIS ZAD PAR MTHA' YAS SHING TSAD MED PA GRUB PAS DE DAG LAS BOGS DBYUNG DU MED PA'I PHYIR RO ZHES BSHAD PA'AM, KHA CIG NA RE DE GNYIS ZAD PAR GYI 'BRAS BU YIN PAS ZAD PAR DU MI BZHAG GO ZHES ZAR RO, , RNAM THAR LA SOGS PA GSUM GYI KHYAD PAR NI YON TAN RNAMS RIM GYIS 'JOG PAS DANG POR DMIGS PA LA RGYAB KYIS PHYOGS, DE NAS ZIL GYIS GNON, DE NAS KHYAB PAR BYED PAS SNGA MA SNGA MA RDZOGS SHING DAG PA LAS PHYI MA PHYI MA 'BYUNG BAS GONG NAS GONG DU KHYAD PAR DU 'PHAGS PA'I PHYIR CHUNG NGU DANG 'BRING DANG @759 CHEN PO DANG, RGYU DANG RGYU 'BRAS GNYIS KA DANG 'BRAS BU KHO NA'O ZHES 'GREL PA DANG t'I KAR BSHAD DO, , DE DAG LAS 'GOG PA'I RNAM THAR LAS GZHAN RNAMS NI SO SO SKYE BO DANG YANG THUN MONG BA YIN LA, 'GOG PA'I SNYOMS 'JUG NI 'PHAGS PA KHO NA LA YOD PA YIN NO ZHES KYANG GNAS GNYIS PAR BSHAD ZIN LA, THAMS CAD KYANG THAG SRING GI GNYEN PO YIN NO, , GNYIS PA KHYAD PAR GYI CHOS BSHAD PA NI RNAM THAR LA SOGS PA 'DI DAG JI LTAR 'THOB CE NA, NYI SHU RTZA DRUG LAS 'GOG PA'I RNAM THAR GYIS THOB PA DANG RTEN LA SOGS PA NI GNAS GNYIS PAR BSHAD ZIN LA LHAG MA NYI SHU RTZA LNGA PO RNAMS NI SNGAR 'DRIS PA YIN NA 'DOD CHAGS DANG BRAL BA TZAM DANG ('DRIS PA NI DANG PO NAS SRID RTZE'I BAR SNGAR THOB PA BTANG BDAG GO,) MA 'DRIS PA RNAMS NI SBYOR BA 'BAD RTZOL GYIS 'THOB STE, GOMS PA DANG MA GOMS PA'I MTHU LAS BYUNG BA'I PHYIR RO, ,YANG GZUGS MED CES BYA BA'I RNAM THAR BZHI DANG ZAD PAR GNYIS NI KHAMS GSUM GYI RTEN CAN YIN LA, DE DAG GI LHAG MA (RNAM THAR DANG PO GSUM ZIL GNON BRGYAD ZAD PAR BRGYAD DE,) BCU DGU PO RNAMS NI MI LAS SKYE BAS MI'I RTEN CAN KHO NA YIN TE, LHA LA SOGS PA'I 'GRO BA GZHAN NA LUNG MED PA'I PHYIR DANG, 'DI DAG NI LUNG GI STOBS KYIS BSKYED PAR BYA BA YIN PA'I PHYIR RO, , 'O NA LUNG MED PAS BSAM GTAN GZUGS MED DAG KHAMS GONG MA GNYIS SU (RANG RANG GI GONG MA GONG MA,) JI LTAR SKYE ZHE NA, BSAM GTAN GZUGS MED KYI SNYOMS 'JUG NI SPYIR LUNG DANG RGYU DANG, LAS DANG, CHOS NYID KYI STOBS DANG BZHI LAS SKYE BA LAS KHAMS GONG MA GNYIS PO DAG TU NI LUNG MED KYANG GZUGS MED PA'I SNYOMS 'JUG RGYU DANG LAS KYI STOBS GNYIS KYIS SKYE'O, ,DE LA GZUGS SU RGYU'I STOBS KYIS SKYE BA NI SNGON MI'I RTEN LA GZUGS MED KYI SNYOMS 'JUG GOMS PAR BYAS PA LAS NYAMS PA DAG GZUGS KHAMS SU SKYES TE, DER SNGON GOMS PA'I SKAL MNYAM KYI RGYU STOBS DANG LDAN PA NYE) PAS GZUGS MED KYI TING NGE 'DZIN SKYE LA, LAS KYI STOBS KYIS SKYE BA NI SNGON MI'I RTEN LA GZUGS MED KYI SNYOMS 'JUG THOB NAS NYAMS PA DE NYID LAN GRANGS GZHAN LA MYONG 'GYUR GYI LAS SU GYUR PA'I STOBS KYIS GZUGS KHAMS SU SKYES PA NA'ANG GZUGS MED KYI TING 'DZIN THOB NAS YANG GZUGS MED PAR SKYE STE, 'OG MA ('I SA) LAS 'DOD CHAGS DAG MA BRAL BAR GONG MAR MI SKYE BA'I PHYIR RO, ,JI LTAR GZUGS MED GZUGS SU SKYE BA LTAR GZUGS MED GZUGS MED NYID DU SKYE BA'ANG RGYU DANG LAS KYI STOBS GNYIS LAS SKYE STE, DE LA RGYU'I STOBS KYIS SKYE BA NI GONG MA'I NYER BSDOGS SGOM PAR BYED PA LA YIN LA, LAS KYIS STOBS KYIS SKYE @760 BA NI SKYE BAS THOB PA'I GZUGS MED DO, ,GZUGS KYI KHAMS SU BSAM GTAN RNAMS NI RGYU DANG LAS KYI STOBS DE DAG DANG CHOS NYID GYI STOBS KYIS KYANG SKYE'O, ,DE LA CHOS NYID KYIS SKYE BA NI 'JIG RTEN 'JIG PA'I TSE BSAM GTAN 'OG MA'I SEMS CAN LA DGE BA'I CHOS RNAMS KYIS 'JUG PA SHAS CHE BAS BSAM GTAN GONG MA'I SEMS DANG GIS SKYE BA BZHIN TE, BSAM GTAN GYI GDAMS NGAG STON PA'I LUNG LA MA LTOS PAR SNGON BSAM GTAN GOMS PA'I BAG CHAGS KYIS SKYE BA LA CHOS NYID KYIS SKYE BA ZHES BRJOD DO, , BYE BRAG TU SMRA BA BAG CHAGS KYI RNAM GZHAG MI 'DOD PAS SNGON BSAM GTAN GOMS PA'I SKAL MNYAM GYI RGYU LAS 'BYUNG BA LA 'DOD DO, ,'DOD PA'I KHAMS SU NI LHA LA RGYU GSUM PO DE DAG DANG, MI LA DE DAG GI STENG DU YID LA BYED PA BDUN DANG SEMS GNAS PA'I THABS DGU LA SOGS PA LUNG GI STOBS LAS KYANG SKYE'O, ,'DI YANG LEGS PAR DPYAD NA LAS KYI STOBS KYIS SKYE BDE GAL TE LAS KYI RNAM SMIN GYI 'BRAS BUR 'DOD NA NI 'DOD KHAMS SU BSAM GTAN GZUGS MED DANG, GZUGS SU GZUGS MED KYI SEMS LAS KYI STOBS KYIS MI SKYE BAR 'GYUR TE, DE DAG NI GZUGS DANG GZUGS MED KHO NAR RNAM PAR SMIN PA'I PHYIR RO, ,'ON TE LAS KYI RGYU MTHUN GYI 'BRAS BUR 'DOD NA NI DE'I RGYU DANG CHOS NYID KYIS SKYE BA'ANG YIN PAS RNAM PA GSUM GYI DBYE BA MI 'THAD PAR 'GYUR MOD KYI 'ON KYANG GTZO CHE CHUNG GI BYE BRAG LA DGONGS NAS 'DI'I RNAM DBYE MDZAD DO, ,'JIG RTEN 'JIG PA NA DE'I RKYEN GYIS BSAM GTAN BZHI PA LA GZUGS MED KYI TANG NGE 'DZIN MI SKYE BAS GZUGS MED LA CHOS NYID KYI STOBS KYIS SKYE BA MA BSHAD LA, RANG SA'I TING NGE 'DZIN SKYE BA NI CHOS NYID MA YIN PAS 'JIG RTEN 'JIG PA NA LUNG MED PAR 'OG SA'I RTEN LA GONG SA'I TING NGE 'DZIN SKYE BA KHO NA LA 'DIR CHOS NYID CES BYA'O, ,LAS DANG CHOS NYID LA'ANG RGYU YOD MOD KYI DE DAG GTZO CHE BAS DE SKAD BSTAN TO, , SPYI'I DON GSUM PA BSHAD PA YONGS SU RDZOGS PA'I BYA BA LA BSTAN OPA DANG DE 'DZIN PA BSHAD PA DANG, BDAG NYID KYIS BSTAN PA BZUNG BA LA SKYON DOR BA DANG, GZHAN BSTAN PA 'DZIN PA RNAMS LA BAG YOD PAR GDAMS PA GSUM LAS DANG PO NI STON PA SANGS RGYAS BCOM LDAN 'DAS KYI BSTAN PA DAM PA'I CHOS NI RNAM PA GNYIS TE, LUNG GI CHOS DANG, MNGON PAR RTOGS PA'I CHOS KYI BDAG NYID DO, , DE LA LUNG GI CHOS NI MDO SDE DANG 'DUL BA DANG MNGON PA'I SDE SNOD GSUM YIN TE, RIM PA LTAR DANG POS NI BSLAB PA GSUM DANG GNYIS PAS NI TSUL KHRIMS DANG LDAN NA 'GYOD PA MED PA LA SOGS PA'I RIM GYIS TING NGE 'DZIN 'THOB PA'I PHYIR SEMS KYI BSLAB PA DANG TSUL KHRIMS KYI BSLAB PA DANG, GSUM PAS @761 NI DON PHYIN CI MA LOG PAR RAB TU 'BYED PAS SHES RAB KYI BSLAB PA SGRUB PA'I PHYIR DANG, BLANG DOR GYI GNAS LA THE TSOM ZA BA DANG, SPYOD PA MTHA' GNYIS LA SBYOR BA DANG, LTA BA MCHOG TU 'DZIN PA'I GNYEN PO BYED PA'I PHYIR DANG, BLANG DOR GYI GNAS STON PA DANG, DE BLANG DOR GYIS SGRUB PA DANG, 'BEL GTAM LA MKHAS PAR BYED PA'I PHYIR RO, ,DE SKAD DU YANG MDO SDE'I RGYAN LAS, SDE SNOD DAG NI GSUM MAM GNYIS KYANG RUNG, ,BSDUS PA'I PHYIR DE'I RGYU NI DGUS 'DOD DO ZHES BSHAD DO, , SDE SNOD GSUM PO DE DAG LA THOS PA DANG BSAM PA DANG ZHI GNAS DANG LHAG MTHONG GI SGOM PA BYAS PAS RIM PA LTAR SEMS LA BAG CHAGS 'JOG PA DANG, RTOGS PAR BYED PA DANG, SEMS ZHI BAR BYED PA DANG, RAB TU RTOGS PA'I SGO NAS SPANG BYA LAS RNAM PAR GROL PAR BYED DE DE NYID LAS, DE NI BAG CHAGS RTOGS DANG ZHI BA DANG, ,RAB TU RTOGS PAS RNAM PAR GROL BAR BYED CES 'BYUNG NGO, ,LUNG GI CHOS KYI NGO BO DANG TSAD LA SOGS PA NI GNAS GNYIS PAR BSHAD ZIN TO, ,MNGON PAR RTOGS PA'I CHOS NI BYANG CHUB KYI PHYOGS DANG MTHUN PA'I CHOS SUM CU RTZA BDUN DANG 'BRAS BU RNAM GROL GYI LAM ZAD PA DANG BCAS PA STE DE DAG KYANG GNAS DRUG PAR BSHAD ZIN TO, ,DE LTAR NA BSTAN PA DAM PA'I CHOS NI LUNG DANG, SGRUB PA DANG, 'BRAS BU'I CHOS GSUM DU'ANG 'GYUR RO, ,'O NA CHOS DE DAG 'DZIN PA GANG ZHE NA, DE LA LUNG GI CHOS DE 'DZIN PAR BYED PA NI LUNG BZHIN DU SHES NAS NYON MONGS PA CAN MA YIN PA'I BSAM PAS GZHAN LA SMRA BAR BYED PA YIN PA'I PHYIR SDE SNOD 'DZIN PA DANG, LUNG GI CHOS 'DZIN PA DANG, BSTAN PA 'DZIN PA ZHES KYANG BYA'O, ,RTOGS PA'I CHES DE 'DZIN PAR BYED PA NI BYANG CHUB KYI PHYOGS DANG MTHUN PA'I CHOS RANG GI RGYUD LA SGRUB CING NYAMS SU LEN PAR BYED PA YIN PA'I PHYIR BSLAB PA GSUM LA SLOB PA DE DAG NI STON PA'I BSTAN PA DAM PA'I CHOS 'DZIN PA YIN NO, ,DE GNYIS LAS GZHAN PA NI DAM PA'I CHOS 'DZIN PA MA YIN PAS NA KHO NA'I SGRA SMOS SO, ,DE'I PHYIR SKYES BU DAM PA KHA CIG NI LUNG GI CHOS GTZOR 'DZIN PAR BYED LA, SKYES BU DAM PA KHA CIG NI MNGON PAR RTOGS PA'I CHOS 'DZIN PAR BYED DO, ,SKYES BU DAM PA KHA CIG NI GNYIS KA'ANG 'BAD PAS 'DZIN PAR BYED DE, DES NA DE DAG JI SRID DU GNAS PA DE SRID DU BSTAN PA DAM PA'I CHOS GNAS PAR RIG PAR BYA'O, ,'O NA SH'AKYA'I RGYAL PO'I BSTAN PA DUS JI SRID DU GNAS SHE NA, 'GREL PA LAS, DE DAG KYANG LO STONG DU GNAS SO ZHES BSHAD DO, , GZHAN DAG NA RE RTOGS PA NI DE LTA BU YIN GYI LUNG NI YUN RING DU GNAS SO ZHES ZER RO ZHES 'BYUNG BA LA, t'IKA BYED DAG YUN RING DU GNAS PA NI LO STONG GI 'OG TU'ANG GNAS SO ZHES BYA BA STE PHYOGS 'DI @762 NYID RIGS PAR BLTA'O, ,ZHES 'CHAD DO, ,DE YANG BSKAL PA BZANG PO'I MDO LAS NI LUGS SNGA MA DANG MTHUN PAR DE BZHIN GSHEGS PA SH'AKYA THUB PA'I DAM PA'I CHOS NI LO LNGA BRGYA'I BAR DU GNAS SO, , LO LNGA BRGYA'I BAR DU NI DAM PA'I CHOS LTAR SNANG NGO, ,ZHES LO STONG GNAS PAR GSUNGS PA, LUNG PHRAN TSEGS LAS KYANG LO STONG KHO NA GNAS PAR GSUNGS SO, ,GANG DAG LUNG PHRAN TSEGS LAS BSTAN PA LO BDUN STONG DU GNAS PA LAS SKYE DGU'I BDAG MO LA SOGS PA BUD MED RAB TU PHYUNG BAS NYIS STONG 'GRIBS NAS LO LNGA STONG GNAS PAR GSUNGS SO ZHES 'CHAD PA DE DAG GIS NI LUNG PHRAN TSEGS MA MTHONG BAR ZAD DE, PHRAN TSEGS KYI SKYE DGU'I BDAG MO GO'U TA MA LA SOGS PA LA BLA MA'I CHOS BRGYAD GSUNGS PA'I SKABS DANG, 'PHAGS PA KUN DGA' BO MYA NGAN LAS 'DA' BAR BZHED NAS SHA NA'I GOS CAN LA BSTAN PA GTOD PA'I SKABS DANG, 'PHAGS PA NYI MA'I GUNG BAS RI SPOS KYI NGAD LDANG GI KLU BTUL BA'I SKABS LA SOGS PA RNAMS LAS BSTAN PA LO STONG KHO NA GNAS PAR GSUNGS KYI LO NYIS STONG 'GRIB PA DANG LNGA STONG GNAS PAR GSUNGS PA MED PA'I PHYIR RO, , 'BUM t'IKA LAS NI LUGS PHYI MA DANG MTHUN PAR LNGA STONG LA PHYED PHYED DU BYAS NAS LNGA BRGYA PA PHRAG BCU LAS DANG PO LA DGRA BCOM PA DANG, GNYIS PA LA PHYIR MI 'ONG BA DANG, GSUM PA LA RGYUN ZHUGS MANG DU 'BYUNG BAS 'BRAS BU'I DUS KYI LE'U GSUM DANG, BZHI PA LA SHES RAB KYI BSLAB PA DANG, LNGA PA LA SEMS KYI BSLAB PA DANG, DRUG PA LA TSUL KHRIMS KYI BSLAB PA LA GNAS PA MANG DU 'BYUNG BAS SGRUB PA'I DUS KYI LE'U GSUM DANG, BDUN PA LA MNGON PA DANG, BRGYAD PA LA MDO SDE DANG, DGU PA LA 'DUL BA 'DZIN PA MANG DU 'BYUNG BAS LUNG GI DUS KYI LE'U GSUM DANG, BCU PA NI RTAGS TZAM 'DZIN PA'I DUS KYI LE'U ZHES BYA STE, (DE DAG TU GTZO CHE BAS DE SKAD BSHAD KYI THAMS CAD LA THAMS CAD MED PA MA YIN GSUNGS SO, ,) DE NYID LA LNGA BRGYA PA THA MA ZHES BYA'O ZHES BSHAD DO, ,DE NAS DAM PA'I CHOS NUB PAR 'GYUR TE, DE'I DUS NA 'DZAM BU'I GLING PA'I MI'I TSE TSAD LNGA BCU PA YIN LA, DA LTAR NI TSE TSAD DRUG CU PA DANG MNGON PA'I DUS YIN PAR MKHAS PA DAG GSUNG NGO, ,ZLA BA'I SNYING POS ZHUS PA'I MDO LAS NI LO NYIS STONG GNAS PAR GSUNGS SO, , GNYIS PA NI BDAG GIS MNGON PA'I CHOS 'DI PHAL CHER NI KHA CHE BYE BRAG TU SMRA BA'I TSUL GRUB PA DANG MTHUN PAR BSHAD LA, CUNG ZAD NI MDO SDE PA DANG NYI 'OG BYE BRAG TU SMRA BA'I 'DOD PA'I TSUL YANG BSHAD PA'I PHYIR PHAL CHER ZHES SMOS SO, ,DE LTAR BSHAD PA LA GZHUNG 'DIR TSIG DANG DON GYI CHA LA NYES PAR @763 MKHAS PA RNAMS KYIS ZIN TE MKHYEN PA GANG YIN PA DE NI RTZOM PA PO BDAG GIS NYES PA YIN PAS MKHAS PA RNAMS KYIS BZOD PAR MDZOD CIG CES PA'O, ,GAL TE KHA CHE BYE BRAG TU SMRA BA'I SLOB DPON MKHAS PA RNAMS GCIG NAS GCIG TU BRGYUD PA'I LUNG BZHIN BSHAD PAS NA NYES PA MED DO SNYAM NA, LUNG DANG RTOGS PA'I DAM PA'I CHOS KYI TSUL TE MTSAN NYID BRJOD PA LA NI THUB PA SANGS RGYAS BCOM LDAN 'DAS DANG, DE'I SRAS SHA RI'I BU LA SOGS PA RNAMS KHO NA TSAD MA YIN GYI GZHAN LA NI 'KHRUL BA SRID PA'I PHYIR RO, , GSUM PA NI SLOB MA RNAMS LA RNAM GROL GYI LAM DANG LAM YIN PA'I RNAM DBYE STON PAS NA STON PA 'JIG RTEN PA RNAMS KYI MIG LTA BUR GYUR PA'I SANGS RGYAS BCOM LDAN 'DAS NI ZUM STE MYA NGAN LAS 'DAS PAR GYUR CING, SANGS RGYAS LAS GZHAN CHOS KYI DBANG POR GYUR PA 'PHAGS PA 'OD SRUNG LA SOGS PA 'PHAGS PA'I SKYE BO RNAMS KYANG PHAL CHER MYA NGAN LAS 'DAS TE ZAD PAR GYUR PA NA THUB PA'I BSTAN PA 'DI TSIG DANG DON GYI SGO NAS DKRUGS SO ZHES SBYAR RO, ,GANG GIS DKRUGS SHE NA, BDEN PA MA MTHONG ZHING MA RIG PA'I MUN PAS BSGRIBS PAS CHOS RNAMS KYI DE KHO NA NYID KYANG MA MTHONG LA, STON PA'I LUNG LA MI RTEN ZHING GZHAN GYIS BCOS SU MI BTUB PAS RANG DGAR GYUR PA'I NGAN PA'I RTOG PA DANG LDAN PA RNAMS KYIS SO, ,JI LTAR DKRUGS SHE NA, SANGS RGYAS MYA NGAN LAS 'DAS NAS LO BRGYA DANG BCU LON PA NA GRONG KHYER YANGS PA CAN GYI DGE SLONG DE KHO NA NYID MA MTHONG BA RNAMS KYIS HU LU HU LU KA'I CHO GA LA SOGS PA RUNG BA MA YIN PA'I GZHI BCU BCAS NAS BSTAN PA RNAM PAR DKRUGS PA NA, DE DAG GNAS BRTAN KUN DGA' BO'I LHAN CIG GNAS PA GNAS BRTAN THAMS CAD 'DOD PA DANG GRAGS PA NAS ZLA SKUR DANG ZHI LDAN GYI BAR DGRA BCOM PA BDUN BRGYAS YANGS PA CAN DU 'DUS TE BSDU BA GNYIS PA MDZAD NAS RNAM PAR BSAL TO, ,DE NAS STON PA 'DAS NAS LO BRGYA DANG DRUG CU NA GRONG KHYER ME TOG GIS RGYAS PA ZHES BYA BAR RGYAL PO MYA NGAN MED BYUNG BA'I TSE DGRA BCOM PA RNAMS LEGS PAR SBYAR BA DANG THA MA LA PA DANG ZUR BCAG PA DANG SHA ZA'I SKAD KYIS STON PA'I GSUNG RAB 'DON PAR BYED CING, DE DAG GI SLOB MA RNAMS SO SOR GYES PA LAS SDE PA BCO BRGYAD DU GYUR TE PHAN TSUN GRUB MTHA' MI MTHUN PA SNA TSOGS KYIS BSTAN PA DKRUGS PAR GYUR PA NA DGRA BCOM PA DANG SO SO'I SKYE BO MKHAS PAR GYUR PA RNAMS DZVA LAN DHA RA'I DGON PAR 'DUS TE BSTAN PA BSDUS NAS RTZOD PA DE DAG NYE BAR ZHI BAR BYAS TE, DE'I TSE STON PA 'DAS NAS LO SUM BRGYA LON NO ZHES GRAG GO ,KHA CIG STON PA 'DAS NAS LO BRGYA DANG SUM CU RTZA BDUN LON PA NA @764 RGYAL PO DGA' BO DANG PAD MA CHEN PO ZHES BYA BA BYUNG BA NA GRONG KHYER PA tA LI PU TRA'I NANG DU GNAS BRTAN 'OD SRUNG CHEN PO DANG BLA MA LA SOGS PA BZHUGS PA'I DUS SU BDUD SDIG CAN BZANG PO ZHES BYA BA DGE SLONG GI CHA BYAD DU BYAS NAS RDZU 'PHRUL SNA TSOGS BSTAN TE DGE 'DUN RNAMS PHYE NAS BSTAN PA RNAM PAR DKRUGS TE, DE'I TSE GNAS BRTAN KLU SDE DANG YID 'ONG GI DUS SU SDE PA SO SOR GYES NAS LO DRUG CU RTZA GSUM NA GNAS BRTAN GNAS MA'I BUS BSTAN PA BSDUS SO ZHES ZER RO, ,GZHAN YANG RANG BYUNG RDZOGS PA'I SANGS RGYAS DANG RANG BYUNG DE'I BSTAN PA GCES PAR 'DZIN PA RNAMS KYANG 'KHOR BA LAS MCHOG TU GYUR PA SDUG BSNGAL RGYU DANG BCAS PA ZHI BA'I MYA NGAN LAS 'DAS PAR GSHEGS TE, 'GRO BA RNAMS LA SKYOB PAR BYED PA'I MGON MED PAR GYUR PA NA YANG DAG PA'I GDAMS NGAG 'DOMS PAR BYED PA MED PAS SNGAR BSHAD PA'I YON TAN RNAMS 'JOMS PAR BYED CING BSTAN PA NUB PAR BYED PA'I RGYU LTA BA LA SOGS PA'I DRI MA RNAMS KYIS DGA' MGUR TE RANG DGAR DUS DENG SANG 'JIG RTEN 'DI NA SPYOD PAR BYED DO, , GONG DU BSTAN PA'I TSUL DE LTAR NA THUB PA SANGS RGYAS DAG GI BSTAN PA NI DPER NA 'CHI BA'I DUS NA LKOG MAR SROG PHYIN PA NA 'CHI BA LA NYE BA DANG 'DRA BAR RING DU MI GNAS PA'I PHYIR DANG, LTA BA NGAN PA LA SOGS PA'I DRI MA RNAMS KYANG STOBS DANG LDAN PA'I DUS SU RIG PAR BYAS NAS NI THAR PA 'DOD PA DAG GIS BAG YOD PAR GYIS LA BSTAN PA 'DZIN PA LA RNAM PAR BRTZON PAR KYIS SHIG CES 'DOMS PA STE, JI SKAD DU SO SO THAR PA LAS, TSE DANG LDAN PA DAG RGA BA DANG 'CHI BA MNGON PAR 'ONG ZHING STON PA'I BSTAN PA YANG 'JIG PAR 'GYUR BAS TSE DANG LDAN PA DAG GIS BAG YOD PAS RNAL 'BYOR DU BYA'O, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI BYANG CHUB DANG, GZHAN YANG GANG DAG DE LTA BU DANG MTHUN PA DGE BA'I CHOS BYANG CHUB KYI PHYOGS RNAMS KYANG BAG YOD PAS THOB BO ZHES GSUNGS PA LTA BU'O, ,GANG PHYIR YON TAN RTEN GYUR YAN LAG NYER BSDOGS DANG BCAS PA'I, , BSAM GTAN DANG NI GZUGS MED SNYOMS 'JUG RAB DBYE 'THOB TSUL DANG, ,DE DAG LA BRTEN YON TAN TING 'DZIN TSAD MED RNAM THAR SOGS, ,JI BZHIN RTOGS PA GNAS 'DI LAS YIN DE PHYIR 'DI MNYAN RIGS,, CHOS MNGON PA'I MDZOD KYI 'GREL PA MNGON PA'I RGYAN LAS SNYOMS PAR 'JUG PA BSTAN PA ZHES BYA BA STE GNAS BRGYAD PA'I BSHAD PA'O, , @765 THA MAR DGE BA MJUG GI DON, BRTAN DANG G-YO BA'I RANG BZHIN GANG YIN DE SGRUB BYED, ,SKYE BA DANG NI SKYED BYED DE DAG RNAM PA MA LUS LAS, ,RNAM GROL DE YANG DE BZHIN NYID YIN DPAG YAS YON TAN LA, ,THOGS MED SPOBS PA'I 'BYUNG GNAS CHOS MNGON 'DI NI SANGS RGYAS GSUNGS, , GNAS BRTAN KA TYA'I BU SOGS SDE BDUN GZHUNG GI RJES 'BRANG ZHING, ,SDOM BRTZON DAM PA CHU DBUS PA DANG NYE SBAS LA SOGS PA, ,'PHAGS TSOGS RNAMS KYI GRUB CHEN BYE BRAG BSHAD MTSO CHEN PO YI, ,DON GYI RIN CHEN MA LUS MDZOD GYUR 'DI NI MDZAD PA GANG, , DBYIG GNYEN ZHES BYA SANGS RGYAS BSTAN PA MA LUS MKHYEN PA YI, ,NYI MA NYID GYUR DE YIS THUB DANG DE SRAS ZHIR GSHEGS SHING, ,BSDU BA'I GZHI YANG NYAMS GYUR GSUNG RAB RNAM PAR BSLAD MTHONG NAS, ,SNYIGS DUS BSTAN PA'I DBANG GYUR GZHUNG MANG MDZAD PAR GYUR PA YIN, , DE LTAR PHAN BDE'I 'BYUNG GNAS BSTAN PA'I MIG GYUR GZHUNG BZANG 'DI NI SLOB DPON GYIS MDZAD PA'I, ,RAB GSAL 'GREL CHEN NYI 'OD LA BRTEN RNAM PAR PHYE BA'I BSHAD SBYAR DAG KYANG MTHONG GYUR CING, ,MKHAS DANG MKHAS PA RIM NAS RIM PAR BRGYUD PA'I MAN NGAG NYER THOB LEGS BSHAD GOMS PA'I MTHUS, ,'JAM DBYANGS ZHES BYAS SANGS RGYAS BSTAN LA MOS PA LHUR BYAS RNAM BSHAD 'DI NI BYAS PA YIN, , DGE BA DRI MED RGYA CHEN BSAGS PA GANG DES MUN PAR 'KHYAMS PA YI, ,'GRO BA 'DI DAG MA LUS THAR PA'I SNANG LDAN 'PHAGS LAM BZANG POR NI, ,KUN NAS 'KHRID BYED THUB MCHOG NYID DU GYUR NAS SKYABS MED SEMS CAN RNAMS, ,SRID DANG ZHI BA'I 'JIGS PA KUN LAS MA LUS RAB TU SGROL BAR SHOG, SA CHEN MNGA' BA RKANG GNYIS RNAMS KYI RJE, ,SKYABS GSUM RIN CHEN DBU YI COD PAN GYIS, , NYER MDZES SRAS DANG BCAS PA SNYUN MED CING, ,YUN RING ZHABS BRTAN CHAB SRID BDE BAR GYUR, , SKYE DGU RNAMS KYANG PHAN TSUN BYAMS LDAN ZHING, ,YAMS DANG NYE BAR 'CHE BA KUN ZHI STE, ,CHE @766 DANG 'BYOR BAS BRGYAN PA'I DAL 'BYOR DAG ,'BRAS BU YOD PAR KUN DU SPYOD PAR SHOG, BDAG KYANG SKYE BA KUN DU MI YI LUS, ,TSUL KHRIMS GTZANG MA'I GOS KYIS RAB BRGYAN PA, ,THOB NAS SANGS RGYAS GSUNG RAB MA LUS PA, ,JI BZHIN RTOGS NAS GZHAN LA STON GYUR CIG, DON MANG PHRA DANG TSIG KYANG BRLING BA DANG, ,SHIN TU MKHAS PA RNAMS KYIS RNAM DPYAD PA'I, , TSUL YANG THA DAD SNA TSOGS 'GRO BA'I SLAD, ,SANGS RGYAS GSUNG YANG RNAM PA MANG MTHONG BAS, , GZHUNG 'DIR JI BZHIN MIN PAR BDAG GIS NI, ,BSHAD GYUR NYES PA GANG DE RGYAL RNAMS DANG, , RGYAL BA'I SRAS SOGS MKHAS RNAMS SPYAN SNGAR NI, ,CI ZHIG GYUR ZHES YID NI GNONG BAR GYUR, , GANG DAG RANG GZHAN GZHUNG LA MA SBYANGS SHING, ,PHYOGS RE'I DON LA MON PA LHUR BYED PA, , DE DAG BLO DANG 'TSAM PAR MA GYUR PA, ,DE DAG GANG YIN SHES PAS BRTAG DGOS SO, , @767 MDZAD BYANG, CHOS MNGON PA'I MDZOD KYI 'GREL PA MNGON PA'I RGYAN ZHES BYA BA RGYAL BA'I BSTAN PA LNGA BRGYA PHRAG BDUN PA'I MTHAR NYE BA NA, SHES BYA RNAM PAR 'BYED PA'I BLO GROS MTSUNGS PA MED PAS THUB PA'I BSTAN PA'I RGYAL MTSAN 'DZIN CING, THUGS RJE DANG 'PHRIN LAS KYI DPAL 'BYOR BZANG POS SKYE DGU RNAMS SMIN CING GROL BAR MDZAD PA BLA MA DAM PA CHOS KYI RGYAL PO RIN PO CHE DANG, SHES BYA'I NAM MKHA' LA MKHYEN PA'I DKYIL 'KHOR RAB TU RGYAS SHING SNYAN GRAGS KYI 'OD ZER GYIS PHYOGS MA LUS PA KHYAB PAR GYUR PAS SDOM BRTZON MKHAS PA RNAMS KYI GTZUG GI NOR GYUR CING, GANGS CAN GYI RGYUD KYI GNAS BRTAN CHEN PO MCHIMS THAMS CAD MKHYEN PA LA SOGS PA'I ZHABS KYI RDUL RNYOG PA MED PA SPYI BOS LEN PA MANG DUTHOS PA SH'AKYA'I DGE SLONG 'JAM PA'I DBYANGS KYIS, DPAL SA SKYA'I CHOS GRVA CHEN POR DBU BRTZAMS NAS, SA'I DBANG PHYUG RGYAL PO CHEN PO'I PHO BRANG CONG TU'I MKHAR DU LEGS PAR GRUB PAR BYAS PA'O, , NA MO MU NI AANDRI YA,, BLANG DANG DOR BYA'I GZHIR GYUR 'PHAGS PA'I BDEN PA BZHI PO LAS, ,BRTZAMS TE CHOS KYI 'KHOR LO DANG PO BSKOR BA TZAM NYID NA, ,BYE BA PHRAG BRGYA'I ZHING KHAMS DGRA BCOM TSOGS KYIS KHYAB MDZAD PA'I, ,STON MCHOG YANG YANG DRAN BZHIN DAD PA'I SPU LONG RTAG TU G-YO, , SHIN TU DANG PO'I LAS CAN GDUL BYA'I MOS PA DANG 'TSAM PAR, ,DGRA BCOM BDUN GYIS LEGS BSDUS MNGON PA SDE BDUN MDZOD KYI SGO, ,PHYE STE SPEL LA MKHAS PA'I MCHOG GYUR DBYIG GNYEN ZHES BYA BA, ,'DZAM GLING MDZES BYED RGYAN GYUR DE YANG GTZUG GI RGYAN DU 'DZIN, , GANG DE'I LEGS GSUNG 'GREL MKHAS RGYAL BA'I SRAS DANG GANG SPEL GYI, ,GZHUNG BZHIN LJONGS 'DIR MNGON PA'I SDE SNOD 'CHAD LA MKHAS PA'I MCHOG ,MCHIMS KYI RIGS 'KHRUNGS 'JAM PA'I DBYANGS ZHES SNYAN PA PHYOGS KHYAB CAN, ,DES GSUNGS 'GREL PA MNGON PA'I RGYAN 'DI MKHAS RNAMS BSNGAGS @768 'OS CHE, , 'DI LTAR CHOS MNGON 'GREL CHEN 'DI, ,SNGON NAS PAR DU BKOD 'DUG KYANG, ,KUN PHAN BSAM SBYOR DGE BA YIS, ,SLAR YANG GSAL DAG PAR DU BSKRUN, , TSUL 'DIS SH'AKYA'I RGYAL PO YI, ,LJAGS KYI PADMO SKYOD PA LAS, ,LEGS 'ONGS BDUD RTZI'I ZIL MNGAR LA, ,SKAL BZANG BUNG BA'I TSOGS 'DUS TE, , 'DI SNANG SRID PA'I PHUN TSOGS LA, ,SNYING PO MED PA'I CHU SHING LTAR, ,MTHONG STE BSAM SBYOR RNAM DAG PAS, ,THOS BSAM SGOM LA RAB BRTZON SHOG, CHOS KUN BLTA BA'I BLO MIG GSAL, ,NYES PA'I RDUL GYI DRI MAS DBEN, ,DON GNYIS BSGRUB LA MI NGAL BA'I, ,SKYES BUS SA STENG KHYAB GYUR CIG, 'GRO BA KUN GYI NYER 'TSO'I GZHI, ,RGYAL BA'I LUGS BZANG PHYOGS BCUR RGYAS, ,'JIG RTEN RGUD PA DRUNGS PHYUNG STE, ,CHOS 'BYOR BDE DGES 'TSO BAR SHOG, 'DAS DANG MA 'DAS DKAR PO'I CHOS, ,GANG DAG MTHAR THUG 'BRAS BZANG GI ,RGYU LAS GZHAN DU MI 'DA' BAR, ,'GRO KUN BYANG CHEN MYUR THOB SHOG, CHU 'BRUG LOR 'DUL BA'I RNAM BSHAD NYI MA'I 'OD ZER DANG, ,CHU SPRUL LOR MDO RTZA MCHAN 'GREL MTHONG BA DON 'GRUB PAR GSAR BRKOS DANG MU MTHUD, MDZOD 'GREL MNGON PA'I RGYAN 'DI NYID SLAR YANG PAR BRKOS BGYI BA LEGS PAR GRUB MTSAMS, MDZOD 'GREL 'DI NYID PAR BZHENGS BGYIS PA'I DGE BA RDZOGS BYANG DU BSNGO BA'I SMON PA'I TSIGS SU BCAD PA 'DI NYID THUB PA'I CHOS TSUL 'DZIN CING CHOS BZHIN SMRA BA'I BTZUN PA NGAG DBANG BLO BZANG THUB BSTAN RGYA MTSO 'JIGS BRAL DBANG PHYUG PHYOGS KUN LAS RNAM PAR RGYAL BA'I SDES SMRAS PA 'DI YANG RGYAL BSTAN RIN PO CHE PHYOGS KUN TU DAR ZHING RGYAS LA YUN RING DU GNAS PA'I RGYUR GYUR CIG, ,, PAR 'DI NGO MTSAR LHUN GRUB ZIL GNON RJE 'BUM LHA KHANG DU ZHUGS, ,GSUNG PAR 'DI GRVA CHOS GRVA BA RNAMS LA PHAN PHYIR BZHENGS PAS PAR YON SPROD LEN MI CHOG, DGE'O, , 'DI GA DPE SKRUN KHANG GIS MDZOD 'GREL 'DI'I MA PHYI LHA SA'I PAR MA GZHIR BZUNG STE BSGRIGS PA YIN,, @769 ??? ? 787 X 1092 1/16 48.5 1989?6??1? 1989?6?1??? ?0,001-5,000? 1SBN 7-80057-016-9/Z. 10 ??? 18