The Dispute between Wisdom and the Tendency to Hold Things as Self-Existent, based on the Question of How to Identify the Stages of the Original State, the Path, and the Result in the Practice of the Great Seal (Mahamudra)

, ,BLA MA LHAG PA'I LHA LA PHYAG 'TSAL LO, ,GZHI LAM 'BRAS GSUM PHYAG CHEN NI, ,NGO BO NGOS 'DZIN 'DI LTAR RO, ,KHAMS GSUM SEMS CAN THAMS CAD DANG, ,KHYAD PAR RANG GI SEMS NYID NI, ,THOG MED GTAN MED DUS RANG NAS, ,MA RIG SEMS NI NAM GRUB DUS, ,SEMS KYI GNAS LUGS LHAN CIG GNAS, ,DE NI GZHI YI PHYAG CHEN YIN, ,MA RTOGS PA RNAMS BDEN PAR 'DZIN, ,DE YIS DBAR 'KHOR BAR 'KHYAMS, ,DE YI DNGOS GNYEN BDAG MED DE, ,DNGOS SU RTOGS PA'I SHES RAB YIN, ,DE LAS GZHAN DU GNYEN PO MED, ,SA BCU NAS BZUNG GROG SBUR BAR, ,'CHI BA'I DUS SU 'OD GSAL MA, ,DE YANG GZHI YI PHYAG CHEN YIN, ,BSGOMS PA'I 'OD GSAL DE

BSRES NAS, ,MNYAM GZHAG DANG DU NAM 'JOG PA, ,DE NI LAM GYI PHYAG CHEN DANG, ,GZHAN YANG MNYAM GZHAG LA GNAS NAS, ,SPROS MED SHES RAB BSGOM PA NI, ,LAM GYI PHYAG CHEN LTA BA ZER, ,DE NYID 'KHRUL MED MNGON GYUR NA; ;'BRAS BU'I PHYAG CHEN MTHONG LAM ZER, ,DE NYID BRTAN ZHING SPEL SGOM LAM, ,BSGOM PA'I LAM DANG SLOB LAM ZER, ,SHES SGRIB DAG PAR GYUR PA NA, ,MA SLOB 'BRAS BU MNGON DU GYUR, ,SANGS RGYAS YON TAN YONGS RDZOGS CING; ;MDZAD PA SNA TSOGS STON PA DANG, ,CHOS KUN LAG MTHIL SKYU RU BZHIN, ,MNGON SUM GZIGS KYANG CHOS NYID LAS, ,MI GA-YO BDE STONG ZUNG 'JUG SKU, ,MI 'GYUR CHOS NYID GNAS PA LA, ,CHOS SKU ZHES KYANG BTAGS PA YIN, ,THUGS RJE YIN NI SMON LAM DANG, ,GDUL BYA MOS PA'I RGYU TSOGS KYIS, ,CHOS SKU LONGS SKU SPRUL SKU DANG, ,SA LAM YON TAN 'PHRIN LAS SOGS, ,SNANG TZAM DU NI MA GTOGS PA, ,DON LA YOD PAR MA MTHONG NGO; ;DES NA DON LA BDAG GRUB PA, ,'KHRUL BA LAS KYANG CHES 'KHRUL BAS, ,DA NAS BZUNG STE DUS KUN TU, ,BDAG 'DZIN 'KHRUL BA KHYOD SPONG BAS, ,KHYOD RANG MI DGA' MA BYED PAR, ,GAR 'GRO'I GNAS SU KHYOD RGYUG CIG , BDAG TU 'DZIN PAS LAN SMRAS PA, ,SEMS NI GANG DU GRUB TZAM NAS, ,SEMS DANG DUS MNYAM 'ONGS NAS NI, ,KHA 'DZIN GSHAGS 'DEBS NGES BYAS SHING, ,PHA MAS BU LA BRTZE BA BZHIN, ,BRTZE BAS BSKYANGS SHING LTO GOS BYIN, ,

, ,'DOD PA LA SOGS DUG GSUM GYI, ,CHOS SGOR BTZUD CING DGE TSOGS KYI, ,DGRA 'DUL NGAS NI MA BYAS NA, ,DGRA DE SU YIS THUL BAR 'GYUR, ,SHES RAB KYIS NI LAN SMRAS PA, ,SEMS NI THOG MAR GRUB TZAM NAS, ,YE NAS YOD NI MA MYONG NA, ,KHYOD NI SU DANG LHAN CIG GNAS, ,YANG DAG PAR NI KHYOD RANG YANG, ,GTAN NAS MED NA KHYOD KYIS NI, ,KHA 'DZIN GSHAGS 'DEBS GSOS BSKYANGS SOGS, ,SU YIS SU LA BYED PAR 'GYUR, ,GAR 'GROR RGYUG LA LOG MA 'ONGS, ,BDAG TU 'DZIN PAS LAN SMRAS PA, ,YANG DAG DON DU NGA BAS NI, ,KHYOD RANG YANG NI GTAN MED NA, ,KHYOD KYIS SU YI PHYOGS 'DZIN BYED, ,YOD CHOS RDUL TZAM MA GRUB NA, ,'ONG DANG MI 'OD KHYOD 'DOD DAM, ,NGAS NI THA SNYAD TZAM DU NI, ,SEMS DANG DUS MNYAM 'ONGS PA YIN, ,DON LA KHYOD PAS NGA MI 'DOD, ,THA SNYAD YOD LA SKUR 'DEBS NA, ,CHAD PA'I MTHAR NI MI LHUNG NGAM, ,RGYU 'BRAS RTEN 'BREL BYA BYED RNAMS, ,YONGS LA NGA YIS KHYAB PA YIN, ,DE BAS KHYOD RANG GAR 'GROR SONG, ,NGED RNAMS THA SNYAD BYA BYED LA, ,KHYOD NI 'DIR SDOD RIGS MA YIN, ,DON DAM BDEN MED KHYOD RANG GYIS, DED DANG 'GAL BAS PHAR RGYUG CIG ;SHES RAB KYIS NI LAN SMRAS PA, ,DON DAM KHYOD MED AA CANG CHE, ,THA SNYAD DU YANG KHYOD MED PAS, ,RTEN 'BREL BYA BYED RGYU 'BRAS RNAMS, ,KHYOD LA DBANG BYAR GTAN MED DO, ,DE YI RGYU MTSAN CI STE NA, ,KHYOD KYI LUGS LA

'DUS BYAS RNAMS, ,BLTOS MED NGO BOS GRUB PA DANG, ,GZHAN LA RAG NI MA LAS PA, ,RANG BZHIN GZHAN DU MI 'GYUR DANG, ,BDEN PAR GRUB DANG YANG DAG GRUB, ,DON DAM GRUB DANG RANG BZHIN GRUB, ,RTAG PA BRTAN PA THER ZUG CING; ;RANG BZHIN MI 'JIG 'GYUR MED GNAS, ,DE YI DKYIL NA KHYOD BSDAD PAS, ,GLO BUR RGYU RKYEN LA BLTOS PA'I, ,RTEN 'BREL BYA BYED KHYOD LA MED, ,BLTOS DANG MI BLTOS DNGOS 'GAL DANG, ,KHYOD KYI BLO DANG NGA YI BLO, ,'DZIN STANGS DNGOS 'GAL ZHUGS PA YIN, ,TSA GRANG LTA BUR 'GAL BA YIN, ,'DI LA DGONGS NAS RNAM 'GREL LAS, ,BDAG MED MTHONG BAS 'GAL BA YIN, ,'DI YUL SUN DBYUNG MED PAR NI, ,DE SPONG BAR NI NUS MA YIN, , ZHI BA LHA YI SPYOD 'JUG LAS, ,BTAGS PA'I DNGOS LA MA REG PAR, ,DE YI DNGOS MED 'DZIN MA YIN, ,BZHI BRGYA PA YI 'GREL PA LAS, ,GANG ZHIG DNGOS PO RNAMS NI GZHAN LA RANG MA LAS PA'I NGO BO RANG BZHIN TE, DE MED PA NI BDAG MED PA'O, ,ZHES GSUNGS, RGYU MTSAN DES NA KHYOD DANG NI, ,NGA NI LHAN CIG MI GNAS PAS, ,RTZA BA NAS NI MA SDOD PAR, ,GAR 'GRO'I GNAS SU KHYOD RGYU GCIG ,BDAG TU 'DZIN PAS LAN SMRAS PA, ,SEMS DANG 'GROGS YUN RING BAS NA, ,BYED BRAL BDAG GIS MI PHOD CING, ,BDAG LA GAR 'GRO'I GTOL YANG MED, ,BRTZE BAS SNYING GI DKYIL DU SDOD, ,SEMS LANG NI MED PA NA, ,SEMS LA 'DOD PA MED PAR 'GYUR, ,KHO BO'I LTO GOS RNYED PA MED, ,

, ,SEMS KYIS NGA 'DOR MI PHOD DAM, ,GAL TE PHOD PAR GYUR NA NI, ,KHO LA SNGAR GROGS MED PAS NA, ,PHYIS GROGS BTZAL BAS MI RNYED CING, ,KHO LA KHREL GZHUNG MED PA YIS, ,NGO YI LA YOGS SEMS LA 'ONG, ,SHES RAB KHO LA GSAR 'GROGS BYAS, ,NGA NI BSKYUR BAR 'DOD PA 'KHRUL, ,BSKYUR BSKYUR ZER MI MANG LAGS KYANG, ,BSKYUR MI SU YANG MA BYUNG ZHING, ,NGA YIS BYIN RLABS BYAS YOD PAS, ,DA DUNG SUS KYANG BSKYUR MI THUB; ;DE YI RGYU MTSAN CI STE NA, ,SNYING STOBS CAN GYI 'PHAGS PA YANG, ,NGA YI BYIN RLABS BRTAN PAS NA, ,SA BDUN BAR NGA DANG 'GROGS, ,NGA YIS BSGOS PA'I DRI MA DE, ,SA BCU BAR DU 'GROGS PAS NA, ,THA MAL MI LA SMOS CI DGOS, ,SHES RAB ZER KYANG RES 'GA' TZAM, ,NGA NI RGYUN DU 'GROGS PA LA, ,SHES RAB KYIS NI LANG MI 'GYUR, ,KHO BO'I 'KHOR DU GTOGS PA YI, ,DUS GSUM LA SOGS GTZO BYAS PA'I, ,PHRAG DOG SER SNA GA-YO SGYU RGYAGS, ,LTA NGAN DRUG CU RTZA GNYIS DANG, ,NGA RGYAL LE LO BAG MED SOGS, ,'DOD CHEN RGYUN DU KHO BOS GTONG, ,'BRAL BA LAS NI GNON PA'ANG DKA', ,NGA NI RGYUN PA'I SNYING MI YIN, ,KHYOD NI GLO BUR SHES RAB STE, ,'GRO NA KHYOD RANG 'GRO BA'I RIGS, ,RTZOD PAS SGYED BU 'BUD PA DANG, ,PHYIS SKYES RVA YI GTAM 'DI MTSAR, ,NGA NI SEMS DANG LHAN CIG TU, ,LAS LAS GRUB STE SKYES PAS NA, ,DUS GSUM SANGS RGYAS THAMS CAD KYI, ,MTHU NUS

RDZU 'PHRUL KUN GYIS KYANG, ,KHO BO 'BUD PAR GA LA NUS, ,NUS NA THUGS LA DE LAS MED, ,SHES RAB KYIS NI LAN SMRAS PA, ,BONG BU ZHON NAS BONG BU 'TSOL, ,KHYOD NI SKYES PA KHO NAS NI, ,'DI RU SDOD PA 'DZIN STANGS 'GAL, , SEMS CAN RNAMS KYI GNAS LUGS NI, ,SEMS DANG DUS MNYAM GNAS DUS NAS, ,YE SANGS RGYAS CIG YIN PA LA, ,'ON KYANG GLO BUR DRI MAS BSGRIBS, ,RTZOD PAS SGYED BU KHYOD KYIS PHUNG, ,PHYIS SKYES RVA CO KHYOD KYIS BYAS, ,NGA NI 'DI NA 'DUG BZHIN DU, ,KHYOD NI SDOD PA'I GNAS DANG NI, ,RTEN SA RTEN PHUR GANG DU BYED, ,CIS KYANG KHYOD NI SDOD ZER NA, ,BDAG GIS 'DI LTAR DPYOD PAS NA, ,KHYOD KYIS RANG MTSANG MA RLUGS CIG , SPYI BO NAS NI RKANG PA'I BAR, , PHUNG PO'I TSOGS RGYUN KHYOD MIN ZHING, ,TSOGS PA MIN ZHING RE RE'ANG MIN, ,DE DAG KUN KYANG KHYOD MIN NO, ,RTEN 'BREL RTAGS KYI DPYAD PA'ANG BYED, ,RGYAS PAR ZUR DU BSGRUB YOD ANG, ,CHA SHAS TSOGS PA'ANG KHYOD MIN ZHING, ,RE RE 'ANG KHYOD MIN KHYOD KYANG MIN, ,SEMS KYI SKAD CIG SNGA PHYI NI, ,KHYOD MIN KHYOD KYANG DE DAG MIN, ,DA LTAR SKAD CIG SNGA PHYI DANG, ,DE YI SKAD CIG SNGA PHYI DANG, ,THA MAR DUS MTHA'I SKAD CIG MA'I, ,SKAD CIG SNGA PHYI THAMS CAD KYANG, ,KHYOD MIN KHYOD KYANG DE DAG MIN, ,DE YANG SKRA RTZE 'BUM GSHAGS TSE, ,SEMS KYI NGO BO GANG DU YANG, ,RANG BZHIN GYIS NI MA GRUB NA, ,KHYOD KYI PHUNG MTSANG RDOL BA YIN, ,'KHRUL BA'I RANG NGO ZHIG PA YIN, ,

, ,SEMS KYI RTZA BA CHOD PA YIN, ,DUG GI SDONG PO 'GYEL BA YIN, ,NYON MONGS KUN GYI DPON PO DE, ,SHI SA DUR DU CHUD PA YIN, ,NYON MONGS KUN GYI RTZA BA CHAD, ,NYON MONGS LA SOGS CHOS KUN NI, ,GTAN NAS SKYE BA MED PA YIN, ,GNAS LUGS DON ZHIG MTHONG BA YIN, ,YE NAS YOD MA MYONG BA YIN, ,GSHIS SU GRUB PA MED PA YIN, ,RANG BZHIN GDOD NAS MA GRUB PA, ,SEMS KYI RANG NGO MTHONG BA YIN, ,GNAS LUGS ZANG THAL CHEN PO YIN, , LTA RGYU MED PA'I LTA BA YIN, ,MTHONG RGYU MED PA'I MTHONG BA YIN, ,SGOM RGYU MED PA'I BSGOM PA YIN, ,BRJOD DU MED PA'I DON ZHIG YIN, ,SMRA BSAM YUL LAS 'DAS PA YIN, ,MKHAN PO NYID KYANG SMRA BSAM 'DAS, ,GNYEN PO NYID KYANG RANG SAR GROL; ;KUN RTOG YID KYI DMIGS GTAD ZHI, ,DE RNAMS MING GI RNAM GRANGS YIN, ,DRIL BAS MNYAM NYID CHEN PO YIN, ,DU MA RO GCIG BYA BA YIN, ,'KHOR 'DAS DBYER MED BYA BA YIN, ,DE RNAMS DON LA MNYAM PAR BZHAG ,MNYAM PAR BZHAG PA'I BZHAG NGON, ,BDEN 'DZIN KHYOD PAS SANGS RGYAS MED, ,CHOS DANG DGE 'DUN SA LAM MED, ,'BRAS BU MNGON DU GYUR PA MED, ,BDEN PA MED CING BRDZUN PA MED, ,CHOS KYI SKU YANG MI GDA' NA, ,BDEN 'DZIN KHYOD NI GAN MCHIS, ,KUN RDZOB CHOS RNAMS LTA CI SMOS, ,TING 'DZIN DE LAS LANGS PA'I RJES, ,SEMS NYID STONG PA'I ME LONG LA, ,KUN RDZOB SNANG BA'I GZUGS BRNYAN SHAR, ,SNANG TZAM MA GTOGS GTAN MED PAS, ,BDEN 'DZIN SDOD PA'I YUL MED DO, ,SEMS NYID STONGS PA'I ME

LONG DANG; ;KUN RDZOB SNANG BA'I RTEN 'BREL GYI, ,RGYU RKYEN TSOGS PA'I SNANG BA TZAM, ,MA DPYAD NA YIN DPYAD NA MED, ,SNANG BA GLO BUR MING BTAGS CAN, ,DPYAD MED TZAM LA RGYU 'BRAS 'JOG ,DE YIS TSIM PAR MA GYUR NA, ,BTZAL BA'I TSEN 'JOG RGYU MED, ,BYA BYED RKYEN LA BLTOS BZHIN DU, ,BDEN PAR SNANG BA YA RE MTSAN, ,BDEN PAR ZHEN PA DE BAS MTSAR, ,MTSAR YANG ZHEN PAS AA THANG CHAD, ,BYIS PA RGAS PA'I RGAN PO DE, ,SKYES TZAM NYID NAS RGAN PO RANG, , GRUB GRUB 'DRA BA'I SNANG BA DANG, ,DE LA ZHEN PA NYID DANG MTSUNGS, ,SEMS NYID STONG PA'I NAM MKHA' LA, ,SGYU MA LUS KYI SPRIN TSOGS 'KHRIGS, ,SNA TSOGS RTOG PAS KUN BSLANGS NAS, ,BYA BYED YONGS KYI CHAR BABS PA, , SEMS DANG SNANG BA'I RGYU RKYEN LAS, ,BYUNG BAR SU YIS MA MTHONG BA, ,DPYAD NA CHAR SPRIN SEMS NYID GSUM, ,BYUNG YANG NAM MKHA' RANG LAS BYUNG, ,THIM YANG NAM MKHA' RANG LA THIM, ,SEMS NYID STONG PA'I ME LONG LA, , RMI LAM LUS KYI GZUGS BRNYAN SHAR, ,RGYU RKYEN RTEN 'BREL GNYID DANG NI, ,SNGON CHAD GOMS PA'I BAG CHAGS KYIS, ,RGYU 'BRAS YONGS KYI BYA LAS MKHAS, ,SNANG TZAM DU NI KUN GYIS MTHONG, ,DPYAD DANG SAD PA'I DUS NA NI; ;DON LA YOD PA NGAS MA MTHONG, ,BYUNG YANG SEMS NYID RANG LAS BYUNG, ,THIM YANG SEMS NYID RANG LA THIM, ,SANG BA TZAM LA LAS 'BRAS 'JOG ,SEMS NYID STONG PA'I CHU NANG DU, ,SHES RAB ZLA BA'I GZUGS BRNYAN

, ,SHAR; ;LTA NGAN MUN PA SEL BA DE, ,SEMS NYID STONG PA'I CHU DANG NI, ,SHES RAB ZLA BA'I RTEN 'BREL GYIS, ,GNAS LUGS RTOGS PA KUN GYIS MTHONG, ,SNANG BA TZAM DU THA SNYAD 'JOG ,DPYAD DON GRUB PA NGAS MA MTHONG, ,DE RNAMS BYUNG YANG SEMS LAS BYUNG, ,THIM YANG SEMS STONG RANG LA THIM, ,SEMS 'DI STONG PA'I BRAG RIL, ,CHOS SGRA MTHON PA'I SGRA ZHIG SHAR, ,GNAS LUGS SGRO 'DOGS CHOD PA'I SGRA, ,BRAG CI'I SKAD DU SGROG PA 'DI, ,STONG PA'I TSIG GI SGRA CHEN DANG, ,SEMS STONG BRAG CHEN TSOGS PA YI, ,RGYU RKYEN LAS SKYES STONG SGRA SGROG ,MA RIG MUN SEL SGRON ME YIN, ,SNANG BA TZAM DU THOS BSAM MDZOD, ,DPYAD NA YOD PAR DAS MA MTHONG, ,BYUNG YANG SEMS NYID RANG LAS BYUNG, ,THIM YANG SEMS STONG RANG LA THIM, ,DES NA KHYOD DANG NGA GNYIS NI, ,'DZIN STANGS DNGOS 'GAL ZHUGS PA'I 'DIS, ,LHAN CIG SDOD PA'I GNAS MA MCHIS, ,KHYOD RANG 'GRO BA'I GNAS LA RGYUG ,BDEN PAR 'DZIN PAS LAN SMRAS PA, ,KHYOD KYIS STONG SKAD CI SMRAS KYANG, ,NGA YIS CHOS BRGYAD BTANG NA MNGON, ,NGA DANG KHYOD GNYIS 'DZIN STANGS NI, ,DNGOS 'GAL ZHUGS PAR NGA YANG 'DOD, ,LHAN CIG 'GROGS PA'I GNAS MI NAN, ,KHYOD RANG GZHAN DU 'GRO BA'I RIGS, ,NGA NI NANG GI SNYING MI YIN, ,KHYOD NI GLO BUR YUD TZAM YIN, ,NGA DANG SEMS NYID 'GROGS PA 'DI, ,RI YI RGYAL PO RI RAB 'DRA, ,GA-YO 'GUL MED PAR

, ,KHYOD NYID BSGOM PAR GA LA 'GYUR, ,KHYOD KYIS MA SLEB NGAR MI GNOD, ,LA LA RIG PA ZAD THAL ZER, ,SNANG BA YID LA MI BYED CING, ,BSGOM PA YID LA MI BYED BSGOM, ,DES KYANG NGA LA GTAN MI GNOD, , NGA DANG 'DZIN STANGS 'GAL BA YI, ,GNYEN PO PHYOGS NA'ANG MI GDA' NA, ,KHYOD NYID BSGOM PAR GA LA 'GYUR, ,DER YANG KHYOD KYIS SLEB PA MED, ,THOS MED BSGOM PA PHAL CHER NI, ,NGO SPROD 'GRIG 'GRIG YOD KHA MO, ,TSIG NI ZAB ZAB RBAD KHAM CAN, ,BSGOM GA RANG DU YOD LAGS KYANG, ,MNYAM PAR BZHAG NAS BSGOM TZA NA, ,PHAL CHER NGA NYID BSGOM PA MANG, ,NGA DANG YOD LA KHYAD MA PHYED, ,LA LA NGA MED BSGOM ZER KYANG, NGA MED PA DANG MED PA GNYIS, ,DBYE BA GCIG KYANG MA PHYED PAR, ,MED PA KHO NA BSGOM PA MANG, ,DE RNAMS NGA YI PHRIN LAS YIN, ,KHYOD NI PHYOGS NA'ANG MI GDA' NA, ,DE DUS KHYOD KYIS GANG DU PHYIN, ,YUD TZAM ZHIG KYANG MA SLEB PAR, ,NGA NI 'BUD PA GAD MO'I GNAS, ,THOS PA CAN GYIS KHYOD BSGOM ZER, ,YA MTHA' MA MTHA' BSGRUB BSGRUB DANG, ,DPYAD PA MANG PO BYED BYED NAS, ,SGOM LA SKYON NI 'TSOL 'TSOL ZAD, ,'JOG PA'I DON LA SKYON 'TSOL DANG, BSGOM PA LA YANG DPYOD DPYOD PA, ,DPYOD PA PO YANG DPYOD PAR BYED, ,DE YI DPYOD PA PO YANG DPYOD, ,DPYOD PA'I GNYEN PO MI ZAD PAS, ,THUG MED BAR DU DPYOD PA NA, ,NGAL BA'I RNAM RTOG CHEN PO YI, ,DRA BAR TSUD NAS BSGOM RGYU

MED; ;DPYOD PA'I DUS SU YONG YONG 'DRA, ,'JOG KAR CI BSGOM 'DI BSGOM MED, ,RES 'GA' NGA NI SGOM PAR BYED, ,RES 'GA' MED PA KHO NA BSGOM, ,RES 'GA' YID LA MI BYED BSGOM, ,YANG DAG DON LA 'JOG TZA NA, ,NGA DANG 'DZIN STANGS 'GAL BA YI, ,GNAS LUGS BSGOM PA NYIN SKAR TZAM, ,'DI 'DRA'I TSUL LAS MA 'DAS NA, ,NGA NI 'BUD DO MA ZER CIG ,KHYOD NI AU DUM WA RA TZAM, ,STABS KA LEGS NA LAN CIG YIN, ,DE LA'ANG BSKAL PA DPAG MED NAS, ,TSOGS CHEN BLA MED BSAGS PA DGOS, ,DE YANG BLA MA MNYES LAS 'BYUNG, ,NGA LA DE 'DRA ME DGOS SHING, ,NGA NI GTAN GYI BDAG PO YIN, ,NGA NYID 'BUD PAR BYED PA LA, ,NGA DANG 'DZIN STANGS 'GAL GYUR PA, ,GNYEN PO'I SHES RAB 'KHRUL MED CIG ,NGES PAR YOD NA MA GTOGS PA, ,GNYEN PO GZHAN DAG YOD GYUR KYANG, ,KUN GYIS YID CHES MI BYED PAS, ,KHO BO'O GROGS SU GYUR PA YIN, ,GROGS SU GYUR LA THAR PA MED, ,NGA LA THO REG MA BTANG BAR, ,'DI YIN 'DI MIN MED PA YI, ,RTOG MED SHES PA BSGOM PA LA, ,GNAS LUGS BSGOM PAR 'DOD PA 'DUG ,NGA NI SNYING NAS GAD MO SHOR, ,LA LA SNANG BA SEMS SU BYAS, , SEMS NI STONG PAR THAG GCOD CING, ,STONG PA SGYUR MAR BYAS NAS SU, ,SGYU MA RANG BZHIN MED PAR BSGOM, ,DE NI GNAS LUGS BSGOM PAR 'DOD, ,DE NI KUN RDZOB KHO NA YIN, ,LEGS NA SGYU MAR BSGOM PA TZAM, ,NGA MED

, ,BSGOM NA NGA LA GNOD, ,NGA DANG NGA MED DNGOS 'GAL TE, ,NGA MED BSGOM PA MA BYUNG PHYIN, ,NGA DANG 'DZIN STANGS MI 'GAL BAS, ,NGA LA GNOD PAR GA LA 'GYUR, ,LA LAS NAM MKHA' STONG PA LA, MTHA' DBUS MED PAR BSAMS NAS NI, ,DE DANG SEMS NYID BSRES NAS BSGOM, ,NAM KHA' LTA BU'I LTA BA DANG, ,MNYAM BZHAG NAM MKHA' LTA BUR 'DOD, ,NAM MKHA' MTHA' DUS MED PA DER, ,'DZIN PA NGA DANG CI PHYIR 'GAL, ,SEMS LA MTHA' DBUS MED PA DE, GZUGS SU MED PAS MTHA' MA MTHONG, ,NGA NI SEMS KYI STENG DU 'GYING, ,NGA LA REG PAR MA GYUR NA, ,NGA YI GNYEN POR 'GYUR BA 'KHRUL, ,LA LA RNAM RTOG SKYES PA'I DUS, , DRAN PAS SLEB PAR BYAS NAS SU, ,DE YI NGO LA CER BLTAS TE, ,DE NYID RANG YAL LA SONG BA, ,DE NYID CHOS SKUR NGO SPRAD NAS, ,RNAM RTOG MANG BA TZAM GYIS NI, ,CHOS SKU MANG BA YIN PAS NA, ,RNAM RTOG DGAG PA MI DGOS SHING; ;DE NYID CHOS SKUR 'KHYER RO ZER, ,GNAS LUGS BSGOM PAR 'DOD PA YOD, ,RNAM RTOG GZUGS SU MA MTHONG DANG, ,SEMS NI GZUGS SU MA MTHONG BA, ,NGA DANG, 'DZIN STANGS MI 'GAL BAS, ,GNAS LUGS BSGOM PAR MI 'GYUR NA, ,CHOS SKU MTHONG BA SMOS CI DGOS, ,NGA NYID 'BUD PA GAD MO'I GNAS, ,LA LAS GCIG DANG DU BRAL GYI, ,DPYAD PA DAG PAR BYAS PA YIS, ,BTZAL BAS MA RNYED PA DE BSGOM, ,DE YANG PHYOGS CHOS

BSGOMS PAS NA, ,BSGRUB BYA NGA MED BSGOM PA MIN, ,NGA DANG 'DZIN STANGS 'GAL MI 'GYUR, ,DE YANG NGA MED BSGOM PA MIN, ,LA LAS GCIG DANG DU BRAL GYIS, ,DPYAD PAS MA RNYED PA YI DUS, ,MING BTAGS TZAM LA RTOG PA YIS, ,NGA NI MI 'DUG SNYAM BSAMS NAS, ,BSGOM PA DE YANG MA YIN DGAG ,BSGOMS KYI MED DGAG MA YIN CING, ,NGA DANG 'DZIN STANGS DNGOS MI 'GAL, ,'DZIN STANGS DNGOS 'GAL MA ZHUGS NA, ,NGA NI 'BUD PAR GA LA NUS, ,NGA LA GNOD PAR MA GYUR NA, ,SHES RAB BSGOM PAR GA LA 'GYUR, ,LA LA GCIG DANG DU BRAL GYIS, ,DPYAD NAS MA RNYED PA YI TSE, ,NGA NI STONG PA NYID BSGOM ZHES, ,DE LA ZHUGS PA BZHIN DU BSGOM, ,DE NI STONG NYID RGYANG CHAD TSUL, ,KHO RANG RANG BZHIN STONG PAR NI, ,SONG BA'I DON DU MA GO BAR, ,MDUN NAS STONG BA NYID ZHUGS KYANG, ,STONG PAR SONG TSUL MA GO BAS, ,NGA YI GNYEN PO SHES RAB DE, ,DE GA RANG DU GAR SONG MED, ,GNYEN PO MED NA CI PHYIR GNOD, ,NGA NI SDOD PA LAS 'OS CI, ,LA LA GCIG DANG DU BRAL GYI, ,DPYAD PAS SHIN TU DAG PA'I TSE, ,DPYAD PA SNGON DU SONG BAS ZER, ,SGOM GAR DMIGS GTAD MED DO ZER, ,YID LA CI YANG MI BSAM PAR, , MNYAM PAR BZHAG PA'I GNAS SU 'DOD, ,YID LA BYED RGYU MED PA DE, ,NGA DANG 'DZIN STANGS 'GAL BA MTSAR, ,NGA MED BSGOM PAR MA GRANG NA, ,ZAB DON MI NI CIR BTAGS KYANG, ,NGA LA GNOD PA'I PHYOGS NA'ANG MED, ,SHES

, ,RAB BSGOM PA GAD MO'I GNAS, ,LA LA GCIG DANG DU BRAL GYI, ,DPYAD PAS MA RNYED DE YI PHYIR, ,NGA NI BDEN PAR MED PA YI, ,RIGS SHES RJES DPAG DE YI NI, ,RGYUN LA CI THUB MNYAM PAR 'JOG ,DE LA GNAS LUGS BSGOM PA ZER, ,SHES PA KUN RDZOB YIN PAR GRAGS, ,KUN RDZOB BSGOM LA GNAS LUGS 'DOD, ,HA HA SHES RAB YA MTSAN LA, ,NGA NYID BSGOM PA NGA YI GROGS, ,LA LAS GCIG DANG DU BRAL GYIS, , DPYAD PA'I RTAGS LAS NGA NYID NI, ,BDEN PAR MED PAR NGES PA YI, ,NGES SHES DE YI RGYUN LA NI, ,MNYAM PAR BZHAG PA'I GNAS LUGS 'DOD, ,DE YANG GONG DANG KHYAD MED CING, ,'DZIN STANGS 'GAL BA AA CANG CHE, ,NGA RANG BSGOM LAS MA 'DAS MOD, ,SHES RAB BSGOM PAR GA LA 'GYUR, ,LA LAS GCIG DANG DU BRAL GYIS, ,DPYAD PA'I RTAGS LAS NGA NYID NI, ,BDEN PAR MED PAR NGES PA'I TSE, ,KHO RANG MED PAR DAG PA DE, ,MA SHES BSGOM RGYU'I STONG NYID DE, ,ZUR DU BTZAL NAS SGOM PAR BYED, ,GCIG TU STONG NYID RGYANG CHAD YIN, ,STONG PA BDEN 'DZIN BLO YOD PAS, ,NGA RANG BSGOM PAR GYUR PA DANG, ,NGA DANG 'DZIN STANGS 'GAL BA YI, ,GNYEN PO YOD MED KHYOD RANG SOMS, , DE YI RGYU MTSAN CI STE NA, ,KHYOD RANG MED PA MA GO BAR, ,STONG NYID ZUR DU BTZAL BAS SO, ,KHA PO SU NI CHE 6YANG RUNG, ,DON LA NGA MED BSGOM PA NYUNG, ,LA LAS GCIG DANG DU BRAL GYIS, ,DPYAD PA'I RTAGS LAS NGA NYID NI, ,BDEN

BAR MED PAR NGES PA YI, ,NGES SHES DE YI 'DZIN STANGS KYI, ,RGYUN LA CI THUB MNYAM PAR 'JOG ,DE LA GNAS LUGS BSGOM PAR 'DOD, ,GZHAN DE DAG LAS CING LEGS SHING, ,NGA LA'ANG CUNG ZAD GNOD MOD KYANG, ,RDZOGS PAR GNOD PAR GA LA 'GYUR, ,DE YI RGYU MTSAN CI STE NA, ,PHUNG PO TSOGS TZAM LA BRTEN NAS, ,NGA'O SNYAM PA'I BLO SKYE ZHING, ,NGA'O SNYAM PA'I BLO DES NI, ,DMIGS PA NGA LA DMIGS NAS NI, ,RNAM PA BDEN PAR GRUB PAR 'DZIN, ,DE LTAR BDEN PA BDEN 'DZIN YIN, ,DE LTAR ZHEN PA BDEN ZHEN YIN, ,DE LTAR SNANG BA BDEN SNANG YIN, ,PHYIR MA LA BCU BAR DU 'BRANG, ,SHES SGRIB ZER BA'I MING YANG BTAGS, ,'PHAGS PA SLOB PA'I RJES THOB TU, ,BDEN SNANG YOD DE BDEN ZHEN MED, , MNYAM GZHAG NGO NA GNYIS KA MED, ,SANGS RGYAS SA NA MNYAM RJES MED, ,SO SKYE RNAMS LA GNYIS KA YOD, ,PHUNG PO TSOGS TZAM LA BRTEN NAS, ,NGA'O SNYAM PA'I BLO LA NI, ,NGA NI BDEN PAR SNANG BA NA, ,DE NYID BDEN PA'I GCIG DANG NI, ,BDEN PA'I DU MAR MA GRUB PAR, ,NGES PA'I RTAGS LAS NGA NYID NI, ,BDEN PAR MED PAR NGES PA YI, ,NGES SHES DE YI 'DZIN STANGS DE'I, ,RGYUN NI SKYONG BA YIN ZHES KYANG, ,NGA LA GNOD PA CHUNG BAR NGES, ,DE YI RGYU MTSAN CI STE NA, ,NGA NI PHUNG PO'I STENG DU NI, ,BDEN PAR KHEGS PA DGOS PA LA, ,PHUNG PO LA NI DMIGS PA YI, ,PHUNG PO'I STENG GI NGA NYID NI, ,BDEN PAR GRUB PA MA KHEGS PA, ,NGA NYID PHUNG PO'I STENG DU 'GYING, ,NGA DANG PHUNG

, ,PO KHA PHRAL NAS, ,BDEN MED CI TZAM BSGOMS KYANG NI, ,'DZIN STANGS DNGOS SU MI 'GAL ZHING, ,NGA NI PHUNG PO LA DMIGS NAS; ;BDEN PAR GRUB PAR SNANG BA YI, ,SNANG BA DE LTAR MA GRUB PAR; ;TSANG MAS NGES SHES 'DRONGS NA NI, ,GNOD KYI GZHAN DU MA YIN NO, ,PHUNG PO LA DMIGS NGA'O ZHES, ,DE YI BDEN GRUB BKAG TZAM GYI, ,MED DGAG 'DZIN STANGS YUL BYAS NAS, ,SHUGS MA NYAMS SHING GSAL NGAR LDAN, ,BYING RGOD BRAL ZHING MTSAN 'DZIN ZHIG ,PHUNG PO LA NI DMIGS NAS NI, ,NGA MED YUL DU SHAR BA YI, ,'DZIN STANGS SKYONG LA MKHAS NA NI, ,NGA DANG 'DZIN STANGS 'GAL BA STE, ,NGA NI 'BUD PAR NUS MOD KYANG, ,DE 'DRA NYIN MO'I SKAR MA TZAM, , RGYUN DU NGA YI GZHAL BYAR NGES, ,NGA NI MIG GIS MA MTHONG BAR, ,NGA NI 'BUD ZER MI RNAMS KYIS, ,'DRE NI SHAR SGOR GNAS PA LA, ,GLUD NI NUB SGOR SKYEL DANG MTSUNGS, ,RKUN MA NGOS NI MA ZIN PAR; ;RKUN MA'I NGOS NI 'DZIN PA 'DRA, 'BEM NI MIG GIS MA MTHONG BAR, ,'BEM LA BRDEG PA'I MDA' BRGYAG 'DRA, ,NOR BU NGO NI MA SHES PAR, ,NOR BU BTZAL NAS RE SKONG 'DRA, ,SHES RAB KHYON NI MTHONG YUL MIN, ,NGA NI KUN GYI BDAG PO'O, ,NGA NI BLO BDE BSAM GRUB YIN, ,LA LA NGA NI 'BUD DO ZER, ,RNAM BDUN RIGS PAS DPYAD RTAGS KYIS, ,PHUNG PO LA DMIGS NGA NYID NI, ,BDEN PAR MED PAR NGES PA YI, ,NGES SHES 'DZIN STANGS RGYUN SKYONG ZER, ,'DZIN STANGS DE NI JI

LTA BU, ,SHES PA'I RGYUN LA ZER NA NI, ,DE NI NGA NYID BSGOM PAS NA, ,NGA LA GNOD PAR MI 'GYUR ZHING, ,BLO NI KUN RDZOB YIN PAR MTHUN, ,RANG BZHIN MED PA YIN ZHE NA, ,DE YIS RDZOGS PAR GNOD MI 'GYUR, ,DES NA NGA LA GNOD PA CHUNG, ,'DZIN STANGS MED DGAG YIN ZER NA, ,MED DGAG CI 'DRA ZHIG LA ZER, ,NAM MKHA' MTHA' DBUS MED LA NI, ,MTHA' DBUS MED PA'I DON DE NI, ,GZUGS MA GRUB DANG DON 'DRA BAS, ,NGA LA DMIGS PAR MI 'GYUR NA, ,'DZIN STANGS 'GAL BAR GA LA 'GYUR, ,NGA LA GNOD PA'I PHYOGS NA MED, ,SNGON POR MTHONG LA ZER CE NA, ,SNGON PO RI RAB MDANGS YIN CING, ,NAM MKHA'I DON LA'ANG MI REG NA, ,'DZIN STANGS 'GAL BA LTA CI SMOS; ;GNOD PAR 'GYUR BA GAD MI'I GNAS, ,THOGS BCAS RAGS PA BKAG TZAM LA, ,BYED DO ZER NA YIN MOD KYI, ,RGYUN NI GANG LA BYED PAR 'GYUR, ,NGES SHES DE LA BYED ZER NA, ,DE NI NGES SHES RGYUN YIN PAS, ,NGA NYID BSGOM PA KHO NAR GNAS, ,'DZIN STANGS 'GAL BA AA CANG CHE, ,RANG BZHIN MED LA ZER CE NA, ,YIN MOD MED DGAG RGYUN NI GANG, ,GCIG GAM MI GCIG JI LTAR BYED, ,MI GCIG NA NI NGOS 'DZIN DGOS, ,THOGS BCAS RAGS PA BKAG TZAM LA, ,NAM MKHA'I MED DGAG TZAM BTAGS BZHIN, ,BDEN PAR GRUB PA BCAD TZAM GYI, ,MED DGAG DE YI RGYUN DE LA, ,GONG GI NGES SHES DE YI NI, ,YUL LAM 'DZIN STANGS MED DGAG GI ,MING 'DOGS BYED NA YIN MOD KYI, ,

, ,DE NYID DPYOD LA RDUGS PA DANG, ,MNYAM PAR 'JOG PA'I TSE NA NI, ,BYING DANG RMUGS DANG MI GSAL DANG, ,NGAR MED PA DANG SHUGS MI LDAN, ,NYOG DANG HAD POR LAS PA DANG, ,RGOD 'PHRO GYENG BA RNAMS LA SOGS, ,DGOS DUS NGA YIS BTANG BAS NA, ,KHYOD NI CI BYA GTOL MED DO, ,GSOB DANG GSOG DANG SNYING PO MED, ,BAN BUN LA SOGS NGA YIS GTONG, ,KHYOD NI 'KHRUL BAS DE LA ZHE NA, ,NGA YIS BYIN RLABS BYAS 'OG NYAL, , DES NA NGA LA GNOD MI 'GYUR, ,DPYOD DUS MA ZAD MNYAM GZHAG TU'ANG, ,PHUNG PO LA DMIGS NGA DE NI, ,BDEN PAR GRUB PA'I DGAG BYA DE, ,DMIGS YUL NAR MAR MA BRJED PAR, ,BCUG NAS BKAG PA'I MED DGAG GI , RGYUN LA SHUGS DANG GSAL NGAR NI, ,YENGS MED MA NYAMS LDAN PAR NI; ;MNYAM GZHAG BSGOM NA MKHAS PA YIN, ,DE 'DRA SRID MTHA' TZAM YIN PAS, ,NGA NI SKYID NYAL RING MI BYED, ,SHES RAB KHYOD NI TZAB TZUB MANG, , MANG BA TZAM DU ZAD LAGS KYI, ,NGA DANG SGOM CHEN KUN MTHUN PAS; ;KHYOD RANG YI THANG MA CHAD PAR, ,GNAS LUGS DANG DU NYAL NA LAGS, ,NGA NI 'BUD ZER MANG LAGS KYANG, ,NGA LA GNOD PAR MI 'GYUR BA'I, ,RGYU MTSAN 'DI LTAR YOD PAS NA, ,SHES RAB RNA BA GZHUNGS LA NYON, ,SPYIR DU SEMS CAN THAMS CAD NI, ,NGA YI MNGA' ZHABS 'BANGS SU MCHI, ,'ON KYANG THAR PAR 'DOD RNAMS LA, ,NGA YI MDA' LNGA 'PHANGS PA'I TSE, ,THAR LA 'PHAGS PAR

GA LA NUS, ,GRUB MTHAR ZHUGS DANG MA ZHUGS GNYIS, ,ZHUGS PA AU DUM WA RA TZAM, ,DE LA'ANG PHYI NANG GNYIS YOD PA'I, ,PHYI PA CHES NI MANG BAR YOD, ,PHYI LA'ANG GRUB MTHA' MANG MOD KYANG; ;BSDU NA RTAG CHAD GNYIS SU 'DUS; ;DE YANG 'JIG RTEN RGYANG 'PHEN PA, ,'DI GA GCIG PU MA GTOGS PA'I, , SKYE BA SNGA PHYI KHAS MI LEN, ,THAR DANG DKON MCHOG GSUM SOGS MED, ,SPYOD PA PA YIS PHYI MA YI, ,BDAG YOD TZAM ZHIG KHAS LEN, , KYANG; ;THAR DANG THAMS CAD MKHYEN PA MED, ,GRANGS CAN LA SOGS GZHAN RNAMS KYIS, ,THAR PA 'DOD KYANG RNAM MKHYEN MED, ,RTAG PAS 'BRAS BU SKYE BAR 'DOD, ,MU STEGS RNAMS KYI BSAM GTAN NI, ,BZHI THOB MNGON SHES RDZU 'PHRUL SOGS, ,NUS PA THOB CING LTA BA DE, ,GOMS PAS BZOD PA MI 'THOB CING, ,DROD RTZE TZAM DU'ANG BGROD NUS MED, ,SHES RAB BSGOM PAR MI 'DUG PAS, ,NGA LA CI YI PHYIR NA GNOD, ,TSOR 'DU SEMS PA SOGS BKAG PA'I, ,YID LA BYED PA'ANG BKAG NAS NI, ,BYAR MED MNYAM GZHAG BSKAL PAR BSGOM, ,DES KYANG NGA LA GNOD MI 'GYUR, ,CI YANG MED PA'I LTA BA YIN, ,GANG DU YOD SOGS DPYOD PA YI, ,'DU SHES BKAG PA'I LTA BA DE, , GNYEN PO SHES RAB MED PAS NA, ,BSKAL PAR BSGOM STE NGAR MI GNOD,, 'DU SHES MED PA'I LTA BA YIN, ,DE LTAR BSGOMS PAS 'DU SHES DE'ANG, ,YOD PA MIN CING MED PA MIN, ,YOD MED GANG DU'ANG MI RTOG PAR, ,BSKAL PAR

, ,BSGOM STE NGAR MI GNOD, ,NGA LA GNOD PA'I GNYEN PO MED, ,YOD MIN MED MIN LTA BA'O, ,DE LTAR BSGOM PAS GZUGS SO KYI, ,MTSAN MA CI YANG MA MTHONG ZHING, ,CI YANG YID LA MI BYED PA'I, ,YID RTOG 'BA' ZHIG GSAL RIG TZAM, ,DE LA MNYAM GZHAG BSKAL MED BSGOM, ,DE LTA BU YI SHES PA LA, ,KHYAB PA 'DU BYED SDUG BSNGAL NI, ,MA GTOGS SDUG BSNGAL GZHAN MED MOD, ,RKYEN DANG MA 'PHRAD YIN PAR ZAD, , NGA NI DE GAR SDOD PA LA, ,GNYEN PO'I GNOD PA PHYOGS NA'ANG MED, ,SHES RAB BSGOM PA LTA CI SMOS, ,GZUGS MED KHAMS PA'I LTA BA YIN, ,DA LTA'I BSGOM PA PHAL MO CHE, ,SGOM GYI MING 'DOGS BZANG BZANG DANG, , SNYAN SNYAN JI TZAM BTAGS LAGS KYANG, ,BSGOM PA'I GNAS SKABS RANG LA YANG, ,'DI RNAMS BSGOM LAS MI 'DA' BAR, ,NGA MED SU YIS RTOGS PA MED, ,NGA DANG SHES RAB GNYIS KYI NI, ,'DZIN STANGS DNGOS 'GAL YIN PAS NA, ,'DZIN STANGS DNGOS 'GAL MA ZHUGS PA'I, ,BSGOM GYIS NGA LA GNOD PA MED, ,MUN PA'I GNYEN POR SNANG BA BZHIN, ,DGOS KYI GZHAN GYIS MA YIN NO, ,PHUNG PO ZHIG TSE PHUNG 'DZIN BLO, ,MI SKYE BA LA LTA BAR 'DOD, ,GSAL RIG TZAM NI MI 'DOR BAS, ,SHES PA BSGOM LAS MI 'DA' ZHING, ,DE 'DRA BYED BRAG SMRA BA 'DOD, ,NGA LA GNOD PA'I PHYOGS NA'ANG MED, ,RDUL PHRAN PHYOGS KYI CHA MED NI, ,MA REG MA 'BYAR REG LA KHAD,,

SIL BUR GNAS LA RTZE GCIG TU, ,MNYAM PAR BZHAG PA'I MTHU LAS NI, ,SNANG BA THAMS CAD BAN BUN DANG, ,GSOB DANG GSOG DANG SNYING PO MED, ,RAG MA LUS PAR MTHONG BA NA, ,RI DANG RAB KHANG KHYIM DANG, ,RTZIG PA LA NI THAL BYUNG DANG; ;THOGS THUG MED PAR 'GRO BA DANG, ,RDO LA RKANG LAG RJES 'JOG SOGS, ,YON TAN DPAG MED MNGA' MOD KYANG, ,NGA DANG 'DZIN STANGS DNGOS 'GAL GYI, ,GNYEN PO MED PAS NGAR MI GNOD, ,DA LTA'I SGOM CHEN PHAL CHER NI; ;DE DAG BYUNG TSE MCHOG 'DZIN PAS, ,SHES RAB BSGOM PA LTA CI SMOS, ,NGA YI BSAM PA RDZOGS PA YIN, ,CI PHYIR NGA YI GNYEN PO MED, ,'ON KYANG DE DAG SKYES PA NA, ,STONG PA NYID LA MOS PA YI, ,RGYU TZAM BYED PAS BSGOMS SHIG GO ,'ON KYANG NGA YI BDEN GRUB DE, ,DE DAG RNAMS KYIS 'DOR MI NUS, ,BDEN GRUB DOR BAS DNGOS RNAMS KYI, ,RGYU 'BRAS BYA BYED 'JOG MI NUS, ,NGA DANG GRUB MTHA' GCIG PAS NA, ,NGA LA GNOD PA'I RE THAG CHAD; ;NYAN THOS MDO SDE PA RNAMS SO, ,DE YI MNYAM GZHAG CI BSGOMS KYANG, ,DROD RTZE TZAM DU BGROD NUS MED, ,BZOD PA SKYE BAR GA LA NUS, ,SEMS TZAM RANG RGYUD PA RNAMS KYIS, ,CHOS RNAMS NGO BO NYID KYIS GRUB, , RANG GI MTSAN NYID KYIS GRUB DANG, ,RANG BZHIN GYIS NI GRUB PA DANG, ,RDZAS SU GRUB PA'I RNAM GZHAG RNAMS, ,TSAD GRUB TU NI MDZAD PAR SNANG, ,KHYAD PAR SEMS TZAM DNGOS SMRA BAS, ,DNGOS PO BDEN GRUB KHAS LEN CING, ,LTA

, ,BA'ANG DE MTHUN BSGOMS PAS NA, ,NGA LA MA GNOD MA ZAD PAR, ,NGA NYID BSGOM PAR GYUR PA YIN, ,NGA RANG BSGOM PA NGA YI GROGS, ,THAMS CAD MKHYEN PA LTA ZHOG CIG ,THAR PA TZAM YANG THOB PAR DKA', , RANG BZHIN GRUB PA MED PA LA, ,RGYU 'BRAS 'JOG PA MI SHES PAS, ,BDEN PA GNYIS DANG THAR PA MED, ,MGON PO KLU SGRUB KYI GSUNG LAS, ,PHYI ROL GYUR LA ZHI BA'I THABS MED DE, ,DE DAG KUN RDZOB DE NYID BDEN LAS NYAMS,, BDEN GNYIS NYAMS LA THAR PA 'GRUB YOD MIN, ,ZHES SOGS NGA YI GZHUNG DU GSUNGS, ,DBU MA RANG RGYUD PA DAG KYANG, ,BDEN PAR GRUB PA MI BZHED KYANG, ,RANG GI MTSAN NYID KYIS GRUB PA, ,THA SNYAD DU NI MED PA NA, ,BYA BYED RGYU 'BRAS 'JOG MI SHES, ,DE 'DRA'I LTA BA MA BOR PHYIN, ,THEG PA GSUM PO GANG GI YANG, ,'PHAGS LAM RGYUD LA SKYE BA DKA', ,SKYES CHEN DAM PA DE TSOS KYANG, ,DE TZAM LAS NI MA SGROD NA, ,CI YANG MI SHES MA BSLABS PA'I; ;SGOM SGRUB BYED PA PHAL CHER NI, ,MA RIG MUN PA'I BLO DE NI, ,DE LAS NAG PA'I RTZIG KHUG GI ,NAG PA ZHIG LA RTEN BCAS NAS, ,NGA DANG 'DZIN STANGS MI 'GAL BA'I, ,YID LA BYAR MED BSAM RGYU MED, ,SGOM MED BLTA RGYU MED DO ZER, ,GSAL RIG SEMS KYI MTSAN NYID NI, ,YIN PA RGYUS NI MED PAS NA, ,GSAL RIG TZAM LA MA YENGS PAR, ,'JOG PA SGOM GYI YANG RTZER 'DOD, ,THAR PA TZAM YANG MI 'THOB NA, ,THAMS CAD MKHYEN

BA GAD MO'I GNAS, ,GANG YANG YID LA MI BYED PAR, ,GSAL RIG TZAM ZHIG BSGOM PA NI, ,SEMS RANG BSGOM PA YIN PAS NA, ,NGA DANG SEMS GNYIS 'BRAL MED GNAS, ,DE NI NGA NYID BSGOM PA YIN, ,NGA NYID BSGOMS PA'I 'BRAS BU LA, ,THAR PA THOB PA MED KYI KHAR, ,NGA NYID RGYAS SU 'GRO BA LAS, ,'OS MED GZHAN DU MA YIN NO, ,DBU MAR GRAGS PA RNAMS LA YANG, ,THAL 'GYUR BA LAS LHAG PA MED, ,DE YI LTA BA'ANG 'PHAGS PA YI, ,RJES THOB TZAM GYI LTA BA YIN, ,SANGS RGYAS SA RU DE YANG 'DOR, ,DE YI RGYU MTSAN CI PHYIR NA, ,THA SNYAD BTAGS YOD MING RKYANG TZAM, ,THAL 'GYUR BAS NI 'DOD PA YIN, ,SANGS RGYAS SA NA MING DON GYI, ,MTSAN MA GANG YANG MA MCHIS SO, , MNYAM GZHAG RJES THOB YOD PAR NI, ,RGYUD BLA SOGS NAS GSUNGS PA YIN,, ,,SHES RAB KYIS NI LAN SMRAS PA, ,NGA LA DAD PA TZAM GYIS KYANG, ,SDIG PA MTHA' DAG ZHI BAR BYED, ,NGA LA THE TSOM ZOS PAS KYANG,, SRID PA HRUL BOR BYED 'GYUR NA, ,BSGOM NA KHYOD 'BUD THE TSOM MED, ,NGA NYID BSGOM PAS THAR PA THOG ,KHYOD NYID 'KHOR BAR LTUNG BA'I DGRA, ,KHYOD NI RTZAD NAS MA BTON NA, ,'KHOR BAR SKYAR LA MTHA' MI 'DUG, ,, BDEN 'DZIN GYIS NI LAN SMRAS PA, ,NGA NYID 'BUD PAR BYED PA LA, ,GNYEN PO SGOM PAR MI BYED PAR, ,RGYU GCIG BYAS PAS 'GRO BA DKA', ,GNYEN PO'I 'DZIN STANGS MA 'GAL NA, ,DKON MCHOG GSUM GYIS GTZO MDZAD

, ,PA'I; ;SEMS CAN THAMS CAD DGRAR LANGS NAS, ,GO GON MTSON CHA SNA TSOGS THOGS, ,RGYOB DANG GSOD KYI DGRA 'BYIN CING, ,MTHU DANG RDU 'PHRUL NUS PA RNAMS, ,JI TZAM MANG BA TZAM GYIS KYANG, ,NGA YI PHYOGS NYID RGYAS PAS NA, ,SHES RAB KHYOD KYIS GANG DU PHYIN, ,NGA YI PHYOGS LA'ANG MA 'KHOR NA, ,'BUD DO ZHES PA SMRE SNGAGS YIN, ,NGA YI 'OG TU TSUD PA YI, ,SEMS CAN RNAMS LA SMOS CI DGOS, ,KHYOD KYI PHYOGS SU BSLAN PA YI, ,THAR PA THOB PAR BYED DO LO, ,MTSAN NYID SNGAGS PA SGOM CHEN PA, ,PHAL CHER KHA LA TSE 'DI NI, ,BLOS BTANG YIN ZER ZHE LA NI, ,NGA YI NYAN THOS KHO NA DANG, ,BYA BTANG BYA BYED GZHAN LAS MANG, ,KHYAD PAR MKHAS BTZUN BZANG GSUM YANG, ,PHAL CHER NGA DANG SHES RAB GNYIS, ,'DAM DU BCUG NA NGA NYID 'DAM, ,CI YI PHYIR NA KHYOD NYID NI, ,ZA RGYUD MIN CING GON RGYU MIN, ,MTHONG BA'I YUL NA KHYOD MED CING, ,PHYI MA GAR SONG CHA MED YIN, , NGA NI 'BRAL LA NYER MKHO YIN, ,JA CHANG ZA MA BZANG NGAN DANG, ,BKUR STI ZHABS TOG CHE CHUNG DANG, ,'BUL BA BZANG NGAN LEGS NYES SOGS, ,NGA YIS 'PHRAL DU RTOGS NAS NI, ,GDAB LAN BZANG NGAN NGA YIS BYED, ,DGA' MGU THAMS CAD NGA YIS BYED, ,CHOS BRGYAD SGROG TU NGAS BTZUD NA, ,KHYOD KYIS DE DUS GANG DU PHYIN, ,MTHO DMAN 'BRING GSUM THAMS CAD LA, ,NGA NI 'PHRAL MAR BCAR MAR DGOS, ,KHYOD NI 'GYANG BA'I GTAM YIN NO, ,

SHES RAB KHYOD NI 'DI NYON CIG ,KHYOD LA THE TSOM ZA BA DE, ,SRID PA HRUL BOR AE BYED KYANG, ,KHYOD LA YID MI CHES PA'I RTAGS, ,RGYU MTSAN LTO PHYIR CHOS NI 'TSONG, ,CHOS RA BOR NAS GRONG YUL 'GRIM, ,SDOM PA BOR NAS BAG MA LEN, ,TSUL KHRIMS BOR NAS 'DOD PA SGRUB, ,RI KHROD BOR NAS KHYI DKROG BYED, ,'DOD PA MA SPANGS NGO TSA SPANGS, ,'KHOR BA MA SPANGS THAR PA SPANGS, ,CHOS BRGYAD MA SPANGS BSAM GTAN SPANGS, ,NGA NYID MA SPANGS STONG NYID SPANGS, ,RAS KHA GANG LA DBANG BSKUR 'TSONG, ,SGOG CHOG GCIG LA RJES GNANG 'TSONG, ,GSHIN CHOG 'DI PHYI GNYIS KA 'TSONG, ,DE SOGS RNAM GRANGS CHES MANG MOD, ,THAMS CAD NGA YI 'PHRIN LAS NA, ,KHYOD KYIS DE DUS GANG DU PHYIN, ,'BUD PA'I SMRA SNGAGS MA 'DON CIG ,GZHAN YANG SHES RAB 'DI NYON CIG ,'CHI BA SNYING NAS MA DRAN NA, ,CHOS PA'I MING NI CI BTAGS KYANG, ,TSE 'DI LAS NI 'OS CI YOD, ,'KHOR BA SPYI DANG BYE BRAG GI ,NYES DMIGS BSAMS PAS SNYING NAS NI, ,THAR 'DOD BLO NI MA SKYES NA, ,NYAN THOS THAR PA'ANG GA LA 'THOB, ,SEMS CAN KUN LA BU GCIG LTAR, ,BRTZE BLO SNYING NAS MA SKYES SHING, ,LHAG BSAM KHUR DU MA KHUR NA, ,THEG CHEN GRAL DU GA LA TSUD, ,ZHI GNAS MTHU LA BRTEN NAS NI, ,NGA DANG 'DZIN STANGS 'GAL BA YI, ,SHES RAB KHYOD NI BSGOM PA LA, ,DPYAD PAS GNAS PA LHAG PAR NI, ,'DREN PA'I SHING SBYANGS MA THOB NA, ,LHAG MTHONG BSGOM PAR GA LA 'GYUR, ,DE BAS NGA 'BUD MA ZER

, ,CIG ,'BBUD 'BUD ZER BA MANG LAGS KYANG, ,SNGAR YANG SEMS DANG 'GROGS 'GROGS PA, ,DA DUNG SEMS DANG 'GROGS 'GROGS PA, ,SNGON CHAD KHYOD KYIS GANG DU BSDAD, ,NGA YI SAR NI KHYOD MA BYUNG; ;DA DUNG KHYOD NI BYED LOR ZAD, ,SNGON CHAD 'PHAGS PA THOB PA RNAMS, ,AU DUM WA RI'I ME TOG BZHIN, ,STABS KHA LEGS PA RE RE TZAM, ,DE YI MING LA MA RIG ZER, ,MA RIG SANGS LA SANGS RGYAS ZER, ,DE BAS KHYOD DANG NGA GNYIS NI, ,SEMS DANG 'GROGS PA NGA SNGA MOD, ,NGA YI 'KHOR GYI NYON MONGS NI, ,BRGYAD KHRI BZHI STONG YOD PA LA, ,GNYEN PO BRGYAD KHRI BZHI STONG GSUNGS, ,ZER BA KUN GYIS GLENG NA YANG, ,GRANGS DANG NGO NI SHES PA MED, ,GNYEN PO NGO SPROS LTA CI SMOS, ,GNYEN PO THAMS CAD DRIL LAGS KYANG, ,NGA YI 'DOD PA'I NYON MONGS NI, ,GCIG PU THUB PAR MI 'GYUR BAS, ,GZHAN RNAMS GAD MO'I GNAS SU 'GYUR,, ,, SHES RAB KYIS NI LAN SMRAS PA, ,KHYOD RANG GTAM LABS BZANG PO 'DUG ,ZER RGYU PHA BSAD BU LA'ANG YOD, ,LCE YOD GA-YER MAS SMRA BAR BYED, ,KHYOD KYIS LABS TSAD BRDZUN PA YIN, ,YANG DAG MTHONG LA KUN RDZOB YIN, , GTI MUG CAN GYI LA BAS MNGAS KYANG, ,'GAL BA'I RNAM GRANGS MANG BAR ZAD, ,LAM DANG 'PHONG RA NYAG NYOG RNAMS, ,LONG GTAM CAL COL DAL MED LABS, ,DON YOD LABS NI GCIG KYANG MED, ,DE BZHIN KHYOD LA'ANG

DON MED MOD, ,'ON KYANG KHYOD KYI LABS RNAMS NI, ,PHAL CHER SPANGS BYAR GO BAS NA, ,RIGS PA KHAS LEN ZER NA NI, ,KHYOD LA 'GAL 'DU 'DI LTAR YOD, ,NYON MONGS RNAM RTOG CHOS MANG MOD, ,YANG DAG DON LA RNAM RTOG MED, ,CHU PHRAN THAMS CAD CA CO CHE, ,RGYA MTSO CA CO GA LA SGROG ,SANGS RGYAS BDEN PA GSUNG BA YIN, ,BRDZUN PA GSUNG BA GA LA SRID, ,BRDZUN PA'I RNAM GRANGS CI MANG YANG, ,BDEN PA'I DON DU MED PA YIN, ,BDEN PA'I DON DU BDEN PA'ANG MED,, KHYOD NI THOG MA MED PA NAS, ,SEMS DANG LHAN CIG GNAS ZER NA, ,SEMS NI RTAG GAM MI RTAG SMROS, ,RTAG GO ZHE NA SKYE BA 'GAL, ,MI SKYE ZER NA MNGON SUM BSNYON, ,MI RTAG ZER NA SEMS KYI NI, ,SKAD CIG SNGA PHYI YOD DAM MED; ;SKAD CIG SNGA MA YOD ZER NA, ,SEMS KYI SKAD CIG SNGA MA DE'I, ,BDEN PAR SNANG BA'I SNANG TSUL DE, ,SEMS DANG LHAN CIG 'GYUR MED CING, ,RANG BZHIN GZHAN DU MI 'GYUR DANG, ,RTAG BRTAN THER ZUG GYUR PAS NA, ,MA RIG PA DANG KHAS BLANGS 'GAL, ,SKAD CIG PHYI MAR 'GYUR BA MED, ,DA LTAR BA YANG MED PAS 'GAL, ,BDEN PAR GRUB PA LA 'GYUR BA MED, ,'GYUR BA YOD NA BDEN GRUB 'GAL, ,SKAD CIG PHYI MA KHAS LEN NA, ,PHYI MA MA 'ONGS 'BYUNG 'GYUR YIN, ,'BYUNG 'GYUR SKYE BA'I DON YIN ZHING, ,PHYI MA ZHES PA DANG PO LA, ,LTOS NAS PHYI MAR BTAGS PA YIN, ,LTOS DANG SKYE BA 'PHRAL BA BZHAG LA, ,BDEN PAR GRUB PA'I LTOS MED DANG, ,'GYUR MED SKYE BA MED PA DANG, ,GZHAN

, ,LA RAG NI MA LAS PA'I, ,RTAG BRTAN THER ZUG KHAS LEN PA, ,DNGOS 'GAL YIN PA MA RIG GAM, ,DA LTAR BA DANG LHAN CIG NA, ,DE LA'ANG SKAD CIG SNGA PHYI YOD, ,SNGA PHYI GONG GI RIGS PAS MTSUNGS, ,DE YI NGA LTAR LHAN CIG NA, ,DE LA'ANG SNGA PHYI GONG DANG MTSUNGS, ,DE BZHIN DUS MTHA'I SKAD CIG DANG, ,DA LTAR MA ZAD BAR DU DPYAD, ,DA LTAR ZAD PA'I DUS BYUNG PHYIN, ,LHAN CIG GNAS PA'I GNAS MED CING, ,YOD PA'I CHOS CIG MA DMIGS NA, ,KHYOD NI SU DANG LHAN CIG GNAS, ,RANG BZHIN GZHAN DU MI 'GYUR BA'I, ,BDEN PAR GRUB PAS GANG DU PHYIN, ,DNGOS SU 'GAL BA MA MTHONG NGAM, ,KHYOD KYIS BSKYED PA'I DUG GSUM DE'I, ,DANG PO ZHE SDANG SKYES PA'I TSE, ,ZHE SDANG BDEN PAR GRUB PA YI, ,SNANG TSUL SNANG BA LTAR GRUB NA, ,RANG BZHIN GZHAN DU MI 'GYUR BAS, ,ZHE SDANG RANG DU 'DOD RIGS MOD, ,'DOD CHAGS SOGS SU SKYE BA 'GAL, ,'DOD CHAGS SOGS SU SKYES PA'I TSE; ;BDEN PA'I RANG BZHIN 'GYUR MED DANG, ,RTAG BRTAN THER ZUG GNAS PAS NA, ,'GYUR MED RTAG PAR 'DOD CHAGS SU, ,RIGS KYI GZHAN DU 'GYUR BA 'GAL, ,GTI MUG LA SOGS GA NA MCHIS, ,GTI MUG DANG NI LHANG CIG TU, ,GNAS SO ZHE NA SNGA MA YI, ,SKYON NI 'DIR YANG SO NA GNAS, ,SEMS NI GCIG PU KHO NA DANG, ,LHAN CIG TU NI GNAS ZHE NA, ,SEMS NI BDEN PAR GRUB PA YI, ,SNANG TSUL GZHAN DU MI 'GYUR DANG, ,GZHAN LA

RAG NI MA LAS PA, ,LTOS MED RTAG BRTAN THER ZUG PAS, ,SEMS KYI 'KHOR DU BYUNG BA YI, ,SEMS BYUNG LNGA BCU RTZA GCIG NI, ,GZHI MA GRUB PA'I SKYON DU DANG, ,SEMS KYI 'KHOR DU BYUNG BA 'GAL, ,NYON MONGS BRGYAD KHRI BZHI STONG YANG, ,RTZA BA SEMS LAS BYUNG BA 'GAL, ,DGE DANG MI DGE LUNG MA BSTAN, ,MED PA'ANG SEMS LAS BYUNG BA 'GAL, ,SEMS NI RANG BZHIN GRUB PA NA, ,DGE SDIG LA SOGS LAS 'BRAS RNAMS, ,GSAR SOG MED CING MYONG BA MED, ,'KHOR BA MED CING MYANG 'DAS MED, ,CHOS PHUNG BRGYAD KHRI BZHI STONG MED, ,SKYABS GNAS DKON MCHOG GSUM YANG MED, ,DUG GSUM MED CING DES BSKYED PA'I, ,NYON MONGS BRGYAD KHRI BZHI STONG MED,, MDOR NA THAMS CAD MED PAS NA, ,'GAL 'DU'I PHUNG PO CHEN POR 'GYUR, ,GONG DU KHYOD KYIS KHAS BLANGS PA'I, ,NGA YI 'KHOR DU GTOGS PA YI, ,NYON MONGS BRGYAD KHRI KHAS LEN DANG, ,KUN LA NGA YI BYIN RLABS KYIS, ,KHAS LEN THAMS CAD 'GAL 'DUR NI, ,SONG BAR MA MTHONG CE RE LONG, ,YANG NA BSNYON NAM SMYO 'AM CI, ,BDEN PAR GRUB LA CHOS KUN MED, ,CHOS KUN YOD NA BDEN GRUB 'GAL, ,'KHOR BA THOG MA MED PAS NA, ,SEMS NI LHA RU SKYES PA'I TSE; ;DE YANG GZUGS MED KHAMS SKYES TSE, ,SEMS NI GCIG PU LA DMIGS NAS, ,BDEN PAR GRUB PAR BZUNG BAS NA, ,DE 'DZIN GZHAN DU MI 'GYUR BAS, ,SPYIR DU GZHAN DU SKYE BA 'GAL, ,GAL TE 'OG MAR SKYES PA'I TSE,,

, ,DE YI PHUNG PO LA DMIGS NAS, ,DE LA BDEN 'DZIN SKYE BA 'GAL, ,GAL TE BDEN 'DZIN SKYES PA NA, ,RANG BZHIN GZHAN DU MI 'GYUR 'GAL, ,LHA YI TSE DANG DPAL 'BYOR SOGS, ,'DOD YON BDEN PAR GRUB SNANG BA, ,DE NI THOG MA MED PA NAS, ,KHO RANG LTOS MED GRUB GRUB PA, ,'GYUR MED RTAG PAR SDOD PAS NA, ,'CHI DANG TSE 'PHO GA LA SRID, ,'CHI DANG TSE 'PHO SRID ZER NA, ,RANG TSUGS THUB PAR MA GYUR PAS, ,'GYUR BA MED PA'I BDEN GRUB 'GAL, ,LHA LUS BDEN PAR GRUB PA NA, ,'GRO BA GZHAN DU SKYE BA'ANG MED, ,'DOD PA'I YON TAN LNGA PO YANG, ,LHA MO'I GZUGS LA CHAGS PA YI, ,CHAGS PA BDEN PAR SNANG BA YI, ,SNANG BA GZHAN DU MI 'GYUR BAS, ,SGRA SOGS 'DOD YON BZHI PO LA, ,CHAGS PA CI YI PHYIR NA SKYE, ,SKYE NA GZUGS LA BDEN GRUB 'GAL, ,LHA YI BU MO LA DMIGS NAS, ,YID DU 'ONG BA'I BYAMS PA DE, ,LTOS MED BDEN PAR GRUB PAR SNANG, ,SNANG BA GZHAN 'GYUR MI SRID NA, ,LHAM YIN DANG 'THAB PA'I TSE, ,ZHE SDANG SKYE BA DNGOS SU 'GAL, ,GAL TE ZHE SDANG SKYES PA NA, ,YID 'ONG BYAMS PA'I BDEN GRUB DE, ,LTOS MED 'GYUR BA MED PA 'GAL, ,LHA MA YIN LA DMIGS PA YI, ,ZHE SDANG DRAG PO SKYES PA'I TSE, ,ZHE SDANG BDEN PAR SNANG BAS NA, ,'THAB MO GROL NAS RANG YUL DU, ,LHA MO LA NI BRTZE BA'I TSE, ,YID 'ONG RNA PA SKYE BA MED, ,SKYE NA ZHE SDANG BDEN GRUB 'GA, ,YID 'ONG DE YANG GSAR SKYES BAS, ,YID 'ONG BDEN

PAR GRUB PA 'GAL, ,BDEN PAR GRUB PA'I LAG STABS 'DIS, ,CHOS RNAMS THAMS CAD MED PA 'DRA, ,BLO GCIG BDEN PAR GRUB PA'I NGOR, ,CHOS KUN SKYE 'GAG 'GRO 'ONG MED, ,THA SNYAD LAS 'BRAS THAMS CAD MED, ,MDOR NA CHOS KUN MED PAR GO ,DE YI RGYU MTSAN CI STE, ,BDEN PAR 'DOD RNAMS CHOS KUN NI, ,LTOS MED GZHAN LA RAG MA LAS, ,KHO RANG NGO BOS GRUB PAR SNANG, ,'JIG RTEN THA SNYAD LA BSTUN PA'I, ,CHOS RNAMS THAMS CAD RGYU RKYEN DANG,, PHAN TSUL LTOS BZHAG BLO BUR DU, ,RTOG PA'AM MING GIS BTAGS TZAM LA, ,GZHI GCIG STE DU GNYIS KA NI, ,'DU BA'I SKABS CIG MA BYUNG BAS, ,BDEN PAR GRUB PA'I PHYOGS LTAR NI, ,RKYEN LA LTOS PA'I CHOS KUN MED, ,DES NA CHOS KUN MED PA YIN, ,NGA YI PHYOGS LA CHOS KUN NI, ,RGYU RKYEN RTEN 'BREL TSOGS LAS SKYE, ,DES NA CHOS KUN YOD PA YIN, ,LAS DANG 'BRAS BU MYONG BA YOD, ,SA DANG LAM DANG DKON MCHOG GSUM, ,THA SNYAD THAMS CAD BDAG LA YOD, ,DE YANG THA SNYAD TZAM DU YIN, ,BDEN PA'I DON DU KHYOD DANG 'DRA, ,CHOS KUN BSTAN NAS MED PAR 'DOD, ,KHYOD NI GTI MUG MA RIG PAS, ,CHOS KUN BDEN PAR KHAS BLANGS PAS, ,THA SNYAD DU YANG CHOS KUN NI, ,MED PAR SONG BA MA RIG PA, ,MA RIG LAS NI MA RIG PA, ,MA RIG DKYIL 'KHOR CHEN PO'O, ,KHA LA KUN RDZUB KHAS BLANGS KYANG, ,KUN RDZOB RGYU RKYEN LTOS GRUB YIN, ,KHYOD NI LTOS MED GRUB PAR 'DOD, ,DES NA KUN RDZOB KHYOD LA MED, ,SPYIR DU

, ,KHYOD LA 'CHI BA MED, ,KHYAD PAR KHYOD LA SKYE BA MED, ,GAL TE LAG LAS TSE 'PHOS NAS, ,LHA MA YIN DU SKYES PA'I TSE, ,LHA YI PHUNG PO LA DMIGS NAS, ,NGA'O SNYAM DU 'DZIN PA YI, ,BDEN 'DZIN DE NI MI 'GYUR BAS; ;LHA MA YIN GYI LUS DE LA, ,DMIGS NAS NGA'O SNYAM PA YI, ,BLO DE GNYIS PO GZHI GCIG TU, ,'DU BA MED KYANG 'DU BA NI, ,BDEN PAR 'GRUB PA'I SKYON YIN MOD, ,'DU LUGS CI 'DRA BA CIG SMROS, ,LHA MA YIN GYI BLO DE NI, ,LHA YI DPAL 'BYOR 'DOD YON LA, ,PHRAG DOG 'GRAN SEMS SKYES PA'I TSE, ,KHYOD RANG LHA RU SKYES PA NA, ,DPAL 'BYOR BDEN GRUB MI 'GYUR BAS, ,KHYOD DANG LHAN CIG GNAS PAR NGES, ,DES NA KHYOD KYIS KHYOD RANG LA, ,PHRAG DOG 'GRAN SEMS BYED DAM CI, ,LHA YI BDEN 'DZIN 'GYUR M MED DANG, ,LHA MIN BDEN 'DZIN 'GYUR MED NA, ,KHYOD NI LHA'AM LHA MIN YIN, ,GZHI MTHUN SHES BYA LA MI SRID, ,LHA YI BDEN GRUB ZHIG PA'I RJES, ,LHA MIN BDEN GRUB CES ZER NA, ,SKYE 'JIG BDEN GRUB YOD MIN PAS, ,BDEN GRUB GZHAN DU 'GYUR BAS NA, ,KHYOD KYI 'GYUR MED DON DE 'GAL, ,KHYOD KYI BDEN GRUB DE LTAR NA, , 'CHI 'PHO SKYE BA MI SRID KYANG, ,YI DVAGS GNAS SU SKYES BA'I TSE, ,YI DVAGS BKRES SKOM GYIS GNAR BAS, ,KHYOD KYI LHA YI DPAL 'BYOR DE, ,RTAG BRTAN THER ZUG 'GYUR MED NA, ,ZA RGYU MED TSE ZA BAR RIGS, ,LHA ZAS ZOS PAR 'GRANGS PA DE, ,'GRANGS PA GZHAN DU MI 'GYUR NA, ,DA NI CI YI PHYIR

NA LTOGS, ,YI DVAGS LUS KYI BKRES SKOM DE, ,BDEN PAR GRUB PA'I 'GYUR MED NA, ,SKYE NAS SKYE BA THAMS CAD DU, ,BKRES SKOM NYID KYI RANG BZHIN LAS, ,GZHAN DU 'GYUR BA MI SRID PAS, ,'O NI RGYUN PAR BRGYAL LO AANG, , KHYOD NI DMYAL BAR SKYES PA'I TSE, ,SKYES PA NYID KYIS BDEN GRUB 'GAL, ,DMYAL BA TSA GRANG SDUG BSNGAL DE, ,GSAR DU MYONG BAS SKYE MED 'GAL, ,TSA BA'I SDUG BSNGAL MYONG BA'I TSE, ,LHA YI BDE SKYID GANG DU THAL, ,LHA YI SKABS KYI BDE BA DE, ,LTOS MED 'GYUR MED RAG MA LAS, ,GZHAN DU 'GYUR BA MI SRID NA, ,TSA BA'I SDUG BSNGAL CI STE MYONG, ,BDE SDUG GNYIS PO DNGOS 'GAL NA, ,GZHI GCIG STENG DU CI STE 'DU, ,KHYOD NI LHA LAS 'PHOS MA THAG ,LHA YI BDE BA GZHAN MI 'GYUR, ,LHA YI BDE BA'I RANG BZHIN LAS, ,'GYUR BA MED CING TSA BA YI, ,SDUG BSNGAL RANG BZHIN 'GYUR MED PA, ,PHYOGS GCIG 'DU BA MI SRID KYANG, ,BDEN GRUB KHYOD LA 'DU BA NI, ,SNYING TSIM SNYING TSIM DE RE KHYER, ,BDEN PAR GRUB PA'I SKYON 'DI LA, ,YON TAN DU BZUNG SNYING RE TSIM, ,GRANG BA'I SDUG BSNGAL MYONG BA DE, ,TSA BA'I SDUG BSNGAL RANG BZHIN DE, ,GZHAN DU 'GYUR BA'I SKABS MED PAS, ,DE DANG LHAN CIG 'GROGS BZHIN DU, , GRANG BA'I SDUG BSNGAL RANG BZHIN DE, ,RTAG PAR SDOD PA'I THER ZUG PAS, ,SDUG BSNGAL GCIG THOG GCIG BRTZEGS PA, ,TSA GRANG GNYIS PO DNGOS 'GAL DANG, ,RANG BZHIN GNYIS PO DNGOS 'GAL NA, ,NYAMS SU JI LTAR MYONG BAR

, ,'GYUR, ,GZHI GCIG STENG DU JI LTAR 'DU, ,'GAL KHYAB THAMS CAD KHAS LEN PA'I, ,BDEN GRUB KHYOD LA SNYING RE TSIM, ,BDEN PAR GRUB PA'I NYES PA'O, ,SKYE MED KHYOD NI GAL TE NA, ,MI LUS CIG NI THOB GYUR TSE, ,MI LUS GSAR DU THOB PA DANG, ,SKYE BA DNGOS SU MTHONG BZHIN DU, ,SKYE BA MED PA'I KHAS LEN MTSAR, ,MA RIG PA YI DON GCIG TSANG, ,'KHOR BA 'DI LA MTHA' MED PAS, ,'GRO BA LNGA POR SKYES PA'I TSE, ,RE RE LTAR GYI PHUNG PO LA, ,DMIGS NAS BDEN PAR GRUB PA YI, ,'DZIN STANGS SO SOR SKYES PA DANG, ,DE YANG LTOS MED 'GYUR MED DANG, ,RAG MA LAS PAR KHYOD ZHEN PA'I, ,ZHEN PA GZHAN DU MI 'GYUR BZHIN, ,'DIR YANG PHUNG PO TSOGS TZAM LA, ,BRTEN NAS NGA'O SNYAM PA YI, ,BLO YI 'DZIN STANGS BDEN GRUB TU, ,SNANG BA LTAR DU KHYOD 'DOD PAS, ,'GRO BA DRUG PO RE RE LTAR, ,LUS KYI 'DZIN STANGS GZHI GCIG TU, ,'DU LUGS JI LTAR BYED NA AANG, ,PHAL TSER DNGOS 'GAL ZHUGS PA MANG, ,RNAM PA'ANG PHAL CHER GA LA MTHUN, ,'GRO BA DRUG PO THAMS CAD KYI, ,SDUG BSNGAL TSA GRANG LTAR 'GAL BA'I, ,BZOD PAR DKA' BA'I SDUG BSNGAL RNAMS, ,BDEN PAR GRUB PA'I LTOS MED DANG, ,GZHAN LA RAG NI MA LAS DANG, ,'GYUR MED RTAG BRTAN THEG ZUG 'DI, ,KHYOD KYI MI LUS 'DI THOG TU, ,DUS GCIG LA NI JI LTAR MYONG, ,KHYOD KYI LUS LA MYONG NA NI, ,BDEN GRUB 'GYUR BA MED PA 'GAL, ,

DNGOS 'GAL THAMS CAD GZHI MTHUN DU, ,GCIG GI THOG TU 'DU BA 'GAL, ,PHUNG PO TSOGS TZAM LA BRTEN NAS, ,NGA'O SNYAM PA'I BLO DE NI, ,DMIGS PA NGA LA DMIGS NAS NI, ,RNAM PA BDEN PAR GRUB PAR 'DZIN, ,DE NI GANG ZAG BDAG 'DZIN YIN, ,DER ZHEN GANG ZAG BDAG ZHEN YIN, ,DE LTAR GRUB NA BDEN GRUB YIN, ,DE 'DRA'I BLO NI LHAN SKYES LA, ,PHUNG PO LA DMIGS NGA DE NI, ,BDEN PAR GRUB PAR SNANG BA DE, ,SNANG BA LTAR DU GRUB 'DUG NA, ,RTAG PA MTHA' BZUNG TSUL GYIS SU, ,DGAG BYA'I TSAD KYI DGAG RGYU DE, ,'KHRUL MED NGOS NI ZIN PA NA, ,DE NI DGAG RGYU'I GTZO BO YIN, ,DGRA YI GTZO PO'ANG DE YIN NO, ,DA DUNG KHYOD LA 'GAL 'DU YI, ,PHUNG PO CHEN PO 'DI LTAR RO, ,DE LTAR GYUR PA'I NGA DE NI, ,PHUNG PO DANG NI RANG NGOS NAS, ,GRUB PA'I GCIG TU GRUB PA'AM, ,GRUB PA'I THA DAD GANG DU GRUB, ,GCIG TU GRUB PO ZER NA NI, ,THA DAD GTAN MED GCIG GRUB DANG, ,RANG BZHIN GZHAN DU MI 'GYUR DANG, ,GZHAN LA RAG NI MA LAS DANG, ,LTOS MED 'GYUR MED THER ZUG PAS, ,SHI NAS PHUNG PO MER BSREGS SHING, ,THAL BA CHU KLUNG BSKUR BA'I TSE, ,PHUNG PO GTAN MED GYUR PAS NA, ,NGA YANG GTAN MED GYUR TAM CI, ,PHUNG PO DANG NI RANG NGOS NAS; ;GRUB PA'I 'GYUR BA GANG DU SONG, ,'GYUR BA 'GYUR BA'I 'GYUR MED MTSAR, ,PHUNG PO 'DI DANG LHAN CIG TU, ,'GYUR MED RTAG PAR BDEN GRUB NA, ,SHI BAR THA SNYAD GA LA BYED, ,'CHI BA MED NA SKYE BA MED, ,RGA DANG NA SOGS

, ,GA NA MCHIS, ,YANG GCIG CHOS KUN MED PA KHYOD, ,SKYE 'CHI YOD NA BDEN GRUB MED, ,KHYOD KYI LUGS LA CHOS KUN NI, ,STOS MED 'GYUR BA MED PAR 'GYUR, ,PHAN TSUN LTOS GRUB CHOS MED PAS, ,DES NA KHYOD LA CHOS KUN MED, ,GZHAN DU 'GYUR LA MI 'GYUR ZER, ,KHYON NI MA RIG RANG DU 'DUG ,DE YI NANG NAS RANG MA RIG ,KHYOD NI 'GRO BA GZHAN SKYES TSE, DE YI PHUNG DANG NGA GNYIS NI, ,BDEN PA'I GCIG TU GRUB DGOS PAS, , PHUNG PO 'DI LA DMIGS NAS NI, ,'GRO BA GZHAN GYI PHUNG PO LA'ANG, ,NGA'O SNYAM PA'I BLO SKYE DGOS, ,DES NA 'GRO GZHAN PHUNG PO DE, ,PHUNG PO 'DI THOG YOD DGOS PAS, ,MED KYANG LHAN CIG TSOGS PA 'DI, ,DNGOS 'GAL BYUNG YANG MA RIG PA, ,KHYOD DANG LHAN CIG RTZOD PA 'DI, ,SMYON PA NGAG DANG RTZOD PA 'DRA, ,LABS PA LA NI KHYAD MED PAS, ,YANG NA RDO DANG RTZOD PA 'DRA, ,KHYOD NI RDO LAS CHES LOD PA, ,RDO LA BZO BCOS CI BYAS NYAN, ,CI MI NYAN PA'I MA RIG PA; ;SHI BA KHYOD LA YOD MA YIN, ,GAL TE SHI NAS GZHAN SKYE TSE, ,,GAL TE SKYES TSE KHYOD PHUNG DANG, ,'BRAL MED BDEN PAR GNAS DGOS DANG, ,SPYIR DU 'CHI BA GA LA BYED, ,SGOS SU PHUNG PO 'DI KHYER NAS, ,GZHAN GYI MA YI MNGAL DU NI, ,BDEN PAR SKYE LUGS JI LTAR BYED, ,PHUNG PO 'DI BCAS ZHUGS SAM CI, ,DE BZHIN ZHUGS PAR GYUR ZER KYANG, ,ZHUGS PA'I 'GYUR BA KHO NAS NI, ,BDEN GRUB 'GYUR BA MED PA 'GAL, ,PHUNG PO BZHAG NAS

A SKYE NA NI, ,SKYE BA KHO NAS BDEN GRUB 'GAL, ,NGA PHUNG BDEN PA'I GCIG GRUB NA, ,NGA YI BA LA DMIGS PA YI, ,NGA YIR 'DZIN PA KHYOD LA MED, ,GAL TE NGA YIR 'DZIN ZHE NA, ,BDEN GRUB GZHAN DU 'GYUR BAS NA, ,'GYUR BA MED PA'I BDEN GRUB 'GAL, ,NGA YI LAG PA LA DMIGS PA'I, ,NGA YI BA YI BDEN GRUB DE, ,'GYUR BA MED PA'I RTAG PAR DANG, ,LTOS MED GZHAN LA RAG MA LAS, ,NGO BOS GRUB PA'I 'GYUR MED DANG, NGA YI RKANG SOGS LA DMIGS PA'I, , NGA YIR 'DZIN PA SKYE BA 'GAL, ,GAL TE BLO NI SKYES PA NA, ,BDEN PA GZHAN DU 'GYUR BA DANG, ,SKYE BA KHO NAS 'GYUR MED 'GAL, ,BDEN PAS TSUGS NI MA THUB PO, ,DE BZHIN CHAGS PA'I BDEN GRUB DE, ,GZHAN DU MI 'GYUR THER ZUG PAS, ,'DI MIN KUN LA 'GROS 'DI KHYER, ,BUD MED LTA BU LA DMIGS NAS, ,MIG GIS GZUGS LA CHAGS PA YI, ,YID 'ONG DNGOS PO GZHAN DAG LA, ,BDEN PA'I CHAGS PA SKYE BA 'GAL, ,GAL TE SKYE NA 'GYUR MED 'GAL, ,SKYE BA KHO NAS BDEN GRUB 'GAL, ,DE BZHIN DBANG PO GZHAN DAG LA'ANG, ,SO SOR CHAGS YUL LA DMIGS PA'I, ,BDEN PA'I CHAGS PA SKYE BA 'GAL, ,GAL TE SKYE NA SKYE MED 'GAL, ,BDEN GRUB GZHAN DU 'GYUR BA'ANG 'GAL, ,DANG PO THOG MA MED DUS NAS, ,MIG GI DBANG PO'I YUL DAG LA, ,BDEN PA'I CHAGS LA LTOS MED DU, ,GRUB GRUB PAR NI YOD ZER NA, ,'O NA PHUNG PO 'DI YANG NI, DANG PO THOG MA MED DUS NAS, ,LTOS

, ,MED GRUB PAR YOD DAM CI, ,YOD NA 'GRO BA GZHAN LNGA RU, ,SKYE BA MED PAS KHYOD LA 'GAL, ,MI LUS TSE 'DIR 'PHRAL BLANGS BZHIN, ,THOG MED GRUB PA'I KHAS LEN 'GAL, ,BU CHUNG NAS NI RIM PAR NI; ;RGAN PO'I LUS SU GYUR BZHIN DU, ,THOG MED DUS NAS RGAN PO'I LUS, ,'DI GA BCOS MIN LTOS MED DU, ,GRUB PA'I KHAS LEN 'DI 'DRA AANG, ,MA RIG YIN KYANG GAD MO 'CHOR, ,AA MAR SKYES PA YIN BZHIN DU, , 'GYUR MED RGAN PO'I RANG BZHIN DU, ,GRUB GRUB 'DRA BA 'DI GAR NA, ,RGAN POR AA MA'I LUS SU NI, ,ZHUGS PA'I TSUL 'DI KHYOD KYIS SMROS, ,DA PHUNG BDEN PA'I GCIG GRUB NA, ,PHUNG PO LA CHAGS BDEN 'DZIN DE, ,'GYUR BA MED PAS SEMS LA NI, ,BDEN 'DZIN CI YI PHYIR NA SKYE, ,SKYE NA GZHAN 'GYUR MED PA 'GAL, ,SKYE BA MED PA'I DON DANG 'GAL, ,KUN LA 'DI YI RIGS BSGRES NA, ,'DI 'DRA'I RIGS LA ZAD MTHA' MED, ,NGA DANG PHUNG PO BDEN PA YI, ,THA DAD DU NI GRUB PA NA, ,'BREL MED DON GZHAN YIN DGOS PAS, ,LAG PA NA YANG NGA NA ZHES, ,BDAG GIR BYED PA 'BREL MED YIN, ,NGA YI MGO DANG YI KHA, ,NGA YI SNA RTZE MIG DBANG SOGS, ,NGA YI LUS DANG NGA YI GROD, ,NGA YI RKED TSIGS PUS MO DANG, ,NGA YI LTO SKOM GOS LA SOGS, ,NGA YI ZHING KHANG NGA YI GA-YOG ,NGA YI CHUNG MA BU SOGS DANG, ,NGA YI DNGOS PO THAMS CAD LA, ,DMIGS NAS NGA YIR 'DZIN PA YI, ,BLO NI SKYE BA

'BREL MED YIN, ,BDEN PA'I 'BREL MED DON GZHAN LA, ,'BREL BA GTAN MED AA THANG CHAD, ,BDEN 'DZIN DANG NI SHES RAB BZHIN, ,LHAN CIG GNAS PA'I SKABS MED PAS, ,NGA YI BA LA DMIGS PA YI, ,NGA YIR 'DZIN PA'I DON MED PAS, ,NGA YI BA LA BDAG GIR NI, ,BYED PA MA RIG KHYOD LA 'GAL, ,'GAL YANG BYED NA RGYU MTSAN MED, ,DE BAS KHA ROG 'DUG NA DGA', ,NGA PHUNG BDEN PA'I DU MAR NI, ,GRUB NA NGA PHUNG BDEN PA YI, ,GCIG TU GRUB PAR 'GYUR BA YIN, ,RGYU MTSAN RIN CHEN PHRENG BA LAS, ,GCIG MED PHYIR NA DU MA DANG, ,ZHES DANG GZHAN YANG DU MA NI, ,YOD NA GCIG KYANG YOD DGOS SO, ,NGA DANG PHUNG PO GCIG PAR THAL, ,NGA PHUNG BDEN PA'I GCIG YIN PHYIR, ,'DOD NA DBU MA 'JUG PAR BKAG ,NGA PHUNG BDEN PA'I GCIG GRUB NA, ,PHUNG PO'I CHA SHAS KUN DANG NI, ,BDEN PA'I GCIG TU GRUB DGOS PAS, ,SHAR NUB LHO BYANG DBUS DBYE BA'I, ,PHYOGS NI GANG DU GCIG PAR 'GYUR, ,DBUS CHAR MTSON NAS GCIG NA NI, ,DE LA'ANG SHAR NUB DBUS DBYE'O, ,DE BZHI THA MAR RDUL PHRAN NI, ,LCAGS RDUL TZAM DU GSIL BA'I TSE, ,RDUL MED MA GYUR BAR DU NI, GSIL BA'I TSE NA BDEN 'DZIN KHYOD, ,BDEN PA'I GCIG TU SU DANG 'GROGS, ,NGA PHUNG BDEN PA'I RANG BZHIN DU, ,'GYUR BA MED PA GANG DU SONG, ,'GYUR GYIN 'GYUR GYIN MI 'GYUR ZER, ,'DI 'DRA'I BDEN GRUB YA MTSAN CAN,, ,,BDEN 'DZIN GYIS

, ,NI LAN SMRAS PA, ,KHYOD KYIS KHA STOBS CI LABS KYANG, ,'GRO BA YONGS LA GA-YO 'GUL MED, ,DES NA NGA YANG GA-YO 'GUL MED, ,RDO LA CHOS BSHAD BYAS PA BZHIN, ,KHYOD RANG KHA NI NA BAR ZAD, ,YANG NA NYI MA PHYID LA RE, ,DE YI RGYU MTSAN CI STE NA, ,LHA NI BAG MED PA YIS GA-YENGS, ,LHA MIN PHRAG DOG GIS NI GA-YENGS, ,DUD 'GRO GCIG ZAS GA-YENGS, ,YI DVAGS BKREN ZHING PHONGS PAS GA-YENGS, ,DMYAL BA TSA GRANG SDUG BSNGAL GA-YENGS, ,MI RNAMS LA LA YOD PAS GA-YENGS, ,LA LA MED PA KHO NAS GA-YENGS, ,LA LA GSOD PA KHO NAS GA-YENGS, ,LA LA RKU 'PHROG KHO NAS GA-YENGS, ,LA LA PHRA MA KHO NAS GA-YENGS, ,LA LA CHOS BRDZU KHO NAS GA-YENGS, ,LA LA BSGOM BRDZU KHO NAS GA-YENGS, ,LA LA ZOG CHOS KHO NAS GA-YENGS, ,LA LA GA-YO RGYU KHO NAS GA-YENGS, ,LA LA SO NAM TSONG GIS GA-YENGS, ,LA LA BUD MED KHO NAS GA-YENGS, ,LA LA CHAR 'THUNG KHO NAS GA-YENGS, ,LA LA GNYID DANG LE LOS GA-YENGS, ,LA LA LONG GTAM KHO NAS GA-YENGS, ,LA LA BZO DANG RTZED MOS GA-YENGS, ,LA LA CI YANG MI BSAMS PA'I, ,THOM YUR LUS PA KHO NAS GA-YENGS, ,LA LA MTSAMS MED LAS KYIS GA-YENGS, ,PHAL CHER MI DGE BCU YIS GA-YENGS, ,DE RNAMS LA NI KHYOD KYI DE, ,DGOS PA MED CING GO RGYU MED, ,THOS MED BSGOM CHEN PHAL CHER GYIS, ,KHYOD KYI DE NI GO BA MED, ,THOS LDAN MKHAS

PA RNAMS KYIS NI, ,YID KYANG MI CHES NYAMS LEN MED, ,SKYON NI CI 'DUG BLTA BLTA NAS, ,BSGOM PA'I LONG YANG MED PA YIN, ,GAL TE LONG YOD GYUR NA NI, ,THOS PA'I DUS DE BSGOM TSE MED, ,NAM GZHUG CI YANG MI SHES PA'I; ;BSGOM CHEN GCIG LA BLO GTAD 'CHA', ,DES NA NGA NI GANG MO 'CHOR, ,KHYOD RANG YID THANG CHAD PA DE, ,CHOD PA RANG DU BAS BAR GDA', ,KHYOD KYI PHYAG RGYA CHEN PO DE, ,BSGOM PA DKA' LA KYE BA CUNG, ,NGA YI PHYAG RGYA CHEN PO DE; ;BSGOM PA SLA LA SKYE BA MANG, ,DE YI RGYU MTSAN CI STE NA, ,SKYES PA BUD MED GANG YANG RUNG, ,SDOM PA GSUM PO GANG YANG RUNG, ,LEN YANG MI DGOS BSRUNG MI DGOS, ,DBANG BSKUR RNAM DAG MI DGOS SHING, ,DAM TSIG BSRUNG YANG MI DGOS LA, ,DGE BCU SGRUB KYANG MI DGOS SHING, ,DOR MA RKED PAR BCAD PAS CHOG ,MA BCAD KYANG NI RUNG BA YIN, ,DBA' LO MED MI RUNG DU DGOS, ,DE LO'I GA-YU TSAR SOG RNA DGOS, ,DUNG SKOR LCAGS KHRA RUS RGYUN SOGS, ,KHA tV'm GA DANG ZA MA MTSON, ,GYAD THUR STAG SHI SGUL THOG SOGS, ,KA LI RKANG THUNG TSOGS PA NA, ,CI YANG MED PA'I NGO SPROD BYED, ,YID LA CI YANG MI BSAM PAR, ,BSGOMS PAS TING 'DZIN 'PHRAL MANG SKYE, ,'DI NI NGA YI BSGOM SGRUB MKHAN, ,'DI PHYI GNYIS KA MED PA YI, ,BSGOM GYIS 'BRAS BU SANGS RGYAS 'THOB, ,ZHAG GSUM PHOG NAS ZLA GCIG BSGOMS, ,DE YIS THAMS CAD GROL BAR 'GYUR, ,NGA YI 'PHRIN LAS 'DI 'DRA NA, ,KHYOD @254 *, ,KYI 'PHRIN LAS GTAN MED PAS, ,KHYOD RANG YI MUG SKYES ZHAN 'DRA, ,KHYOD NI LAN GCIG YOD PA LA, ,BSOD NAMS DPAG MED SOG DGOS NA, ,NGA NI BCAR MAR SDOD PA LA, ,PHRAG DOG KHYOD KYI BYAS ZHAN 'DRA, ,YOD THANG CHAD PAS MI 'ONG NGO,, ,,ZHES RAB KYIS NI LAN SMRAS PA, ,BDEN PA ZER BA'I NGA RGYAL CAN, ,RANG LA YON TAN GCIG MED KYANG, ,KHYOD KYI KUN LA MKHAN PAR RLOM, ,YON TAN LTA ZHOG GROGS MED PO, ,STOS MED TSIG TSUGS THUB PA CAN, ,'GYUR MED RTAG BRTAN THER ZUG CAN, ,KHYOD LA CHOS KUN MED PAS NA, ,GROGS GCIG YONG BA'I DON MA MCHIS, ,NGA LA CHOS KUN YOD PAS NA, ,CHOS RNAMS THAMS CAD NGA YI GROGS, ,NGA YANG CHOS RNAMS KUN GYI GROGS, ,DE YI RGYU MTSAN CI STE NA, ,CHOS RNAMS PHAN TSUN LTOS BZHAG YIN, ,DE YANG NGA YI GROGS SU 'GYUR, ,CHOS RNAMS THAMS CAN BTAGS PA TZAM, ,DE YANG NGA YI GROGS SU 'GYUR, ,'DUS BYAS RGYU RKYEN PAS BYUNG BA, ,DE YANG NGA YI GROGS SU 'GYUR, ,NYI ZLA SHAR NUB BYUNG BA DANG, ,NYIN MTSAN DBYE BA YOD PA DANG, ,DBYAR DGUN STON DPYID YOD PA DANG, ,CHAR CHU 'BAB CING 'BRAS BU SMIN, ,SO NAM DUS BZHI YOD PA DANG, ,SEMS CAN SKYE 'CHI YOD PA DANG, ,NA DANG SDUG BSNGAL MYONG BA DANG, ,TSA BRANG BKRES SKOM LA SOGS PA, ,'PHRAL DU RKYEN LAS 'BYUNG BA DANG, ,ZA NYAL 'GRO 'DUG LA SOGS PA, ,LUS

KYI SGUL SKYOD BRKYANG BSKUMS DANG, ,NGAG GI SMRA BRJOD NYAN LEN DANG, ,MIG GIS LTA DANG RGOD LA SOGS, ,'DOD CHAGS ZHE SDANG GTI MUG DANG, ,PHRAG DOG SER SNA GA-YO SGYU DANG, ,NYON MONGS BRGYAD KHRI BZHI STING SOGS, , 'PHRAL DU RKYEN LA LTOS NAS NI, ,DNGOS SU SKYE 'GAG YOD PA DANG, ,SKAD CIG SNGA PHYI YOD PA DANG, ,RE RE LTAR DU RANG RANG GI ,MING GIS BTAGS PA YOD PA RNAMS, ,GZHAN LA RAG NI LAS PA DANG, ,RGYU DANG RKYEN LAS SKYES PA DANG, PHAN TSUN RTEN 'BREL LTOS GRUB PAS, ,DE RNAMS NGA YI GROGS YIN MOD, ,NGA YANG DE RNAMS KUN GYI GROGS, ,DE RNAMS MED NA NGA YANG MED, ,NGA MED DE RNAMS KYANG NI MED, ,NGED RNAMS GCIG GROGS GCIG GIS BYED, ,GCIG GCIG YOD NA GNYIS KA YOD, ,GCIG GCIG MED NA GNYIS KA MED, ,GSHOG PA GCIG GIS 'PHUR MI THUB, ,RKANG PA GCIG GIS 'GRO MI THUB, ,DES NA GCIG DRIN GCIG LA CHE, ,KHYOD NI GCIG BU MA GTOGS PA, ,KHYOD LA DE RNAMS MED PA YIN, ,BDEN PAR 'DZIN PA'I NYES PAS LAN, ,SNANG BA BRTEN NAS KYES PA 'DIS, ,SNANG BA BDEN GRUB MTHA' DE DANG, ,SNANG BA GTAN MED MTHA' GNYIS SEL, ,SNANG BA BDEN PAR MED PA 'DIS, ,SNANG BA BDEN GRUB MTHA' DE DANG, ,SNANG BA GTAN MED MTHA' GNYIS SEL, ,GTAN MED MTHA' DE SEL NUS TE, ,SNANG BA BDEN PAR MED PA YI, ,STONG GZHI CHOS CAN SNANG BA DE, ,YOD PA'I PHYIR NA

, ,MED MTHA' SEL, ,RGYU MTSAN 'DI DAG PHYIR NA NI, ,SNANG LAS STONG PA KYES PA 'DRA, ,STONG LAS SNANG BA SKYES PA 'DRA, ,GROGS SU GYUR PA AA CANG CHE, ,SNANG DANG STONG PA'I DRIN GNYIS PO, ,GCIG LA GCIG DRIN CHE BA 'DI, ,DRIN DU BSAMS NA CHE CHUNG MED, ,SRANG LA BCAL NA YANG LCI MED, ,SNYING RJES CHEN PO ZER BA GCIG ,THOG MAR GANG LA SKYES TZAM NAS, ,DUS MNYAM SNYING RJES STONG PA DE, ,PHAN TSUN 'GRAN NAS SKYES PA 'DRA, ,SNYING RJES STONG PAR RTOGS TZAM LAS, ,DE LAS SNYING RJES CHEN PO DE, ,PHAN TSUN 'GRAN NAS SKYES PA 'DRA, ,SNYING RJES STONG DANG SNYING RJES GNYIS, ,RGYU 'BRAS RTA SHIG 'PHRUG PA 'DRA, ,RGYU 'BRAS GO RIMS YOD MCHIS MOD, ,SU NI RGYU DANG, SU NI 'BRAS, ,GO RIMS BRJOD PAR DGA' BA'I GNAS, ,CHES RNAMS KUN LAS 'DIS RIGS 'GRE, ,BDEN 'DZIN KHYOD LA 'DI 'DRA YI, ,RNAM GZHAG GTAN NAS MED PAS NA, ,KHYOD LA CHOS KUN MED PA YIN, ,KHYOD NI GCIG PU PHO RING PO, ,GCIG PHUR SDOD PA'I TSUGS THUB CAN, ,RANG RKYA THUB PA'I THER ZUG PO, ,RAG MA LAS PA'I STOS MED PO, ,'GYUR MED RTAG PAR SDOD PA KHYOD, ,RMONGS PA'I NANG NAS RMONGS CHEN PO, ,RMONGS PA BLA MED GONG NA MED, ,KHYOD LAS RMONGS PA SRID GSUM NA, ,YOD PAR RGYAL BAS GSUNGS PA MED, ,KHYOD NI MIG CAN CE RE LONG, ,DE YI RGYU MTSAN 'DI LTA STE, ,SKYE BZHIN DU YANG SKYE BA MED, ,

RGA BZHIN DU YANG RGA BA MED, ,NA BZHIN DU YANG NA BA MED, ,'CHI BZHIN DU YANG 'CHI BA MED, ,'GAG BZHIN DU WANG 'GAG PA MED, ,LUS KYI SGUL SKYOD 'PHRAL MAR NI, ,BYED BZHIN DU NI SGUL SKYOD MED, SKANG LAG LA SOGS BRKYANG MSKUM NI, ,BYED BZHIN DU NI BRKANG BSKUM MED, ,'GRO BZHIN DU NI 'GRO BA MED, ,SDOD BZHIN DU NI SDOD PA MED, ,NYAL BZHIN DU NI NYAL BA MED, ,GNYID NI LOG BZHIN LOG PA MED, ,SAD BZHIN DU NI SAD PA MED; ;ZA YIN ZA YIN ZA BA MED, ,'THUNG GI NA 'THUNG GA NI ? 'THUNG BA MED, ,GON GYIN GON PA MED DO, ZER, ,LTA DANG NYAN DANG NOM PA DANG, ,MYANG DANG REG BYA'I BA BA LA, ,'JUG BZHIN DE DAG MED DO ZER, ,'DI RIGS BRJOD LA ZAD MTHA' MED, ,MDOR NA CHOS RNAMS RGYU RKYEN LA, ,SKYE DANG LTOS PA BRTEN 'BREL RNAMS, ,'PHRAL DU BYA BYED 'GYUR BAR NI, ,MTHONG BZHIN MI 'GYUR ZER BA DE, ,'KHRUL PA LAS KYANG CHES 'KHRUL PA, ,SMYO BA LAS KYANG CHES SMYO BA, ,'DI DANG LHAN CIG RTZOD PA 'DI, ,DE LAS KYANG NI SMYO BA 'DRA, ,'DRA YANG DGRA THAG NYE BAS NA, ,RGYUN PAR MI RTZOD KHA MED 'DUG ,DGRA LA 'DI LAS ROD LJI BA, ,'DI 'DRA'I DGRA YA BYED PA 'DI, ,SHES RAB NGA NI YI THANG CHAD, ,MI DANG DUD 'GRO LA SOGS PA'I, ,'GRO BA DRUG PO THAMS CAD DANG, ,RDO GONG DANG NI BDEN 'DZIN RNAMS, ,AA NA TSUGS NI MA GTOGS PA, ,LAB PA LA NI GO RGYU MED, ,NGA NYID SGOM LA SHES RAB DANG, ,BRTZON 'GRUB

, ,LA SOGS MED PAS NA, ,LABS PA TZAM DU ZAD PAS NA, ,KHA ROG 'DUG PA'I DUS LA BAB, ,KYE MA SEMS CAN LAS LA DBANG, ,PHA RI LA NI LTOS NAS NI, ,TSU RI'I BLO NI SKYE BA LTAR, ,PHA RIR PHRIN PA'I TSE NA YANG, ,SNGAN MA'I PHA RI YIN KYANG NI, ,RANG NYID BSDAD LA LTOS NAS NI, ,SNGAN MA BSDAD PA'I TSU RI LA, ,PHA RI'I BLO NI SKYE BA YIN, ,DE BZHIN SNANG BA STONG PHYOGS BLTAS, ,SNANG BA BDEN PAR MED PA DE, ,SNANG BA LAS NI SKYE BA 'DRA; ;SNANG BA'I PHYOGS NAS BLTAS NA NI, ,SNANG BA SKYE 'GAG BYED PA DE, ,SNANG BA RANG BZHIN MED PA LAS, ,SNANG BAR SKYES PA KHO NA 'DRA, ,KUN RDZOB BDEN PA THABS SU GYUR PA DANG, ,DON DAM BDEN PA THAMS BYUNG GYUR PA STE, ,THA SNYAD LA NI MA BRTEN PAR, ,DAM PA'I DON NI RTOGS MI DUS, ,SNANG BA'I NANG NAS STONG PA RNYED, ,CES SOGS 'DI LA BSAMS NA NI, ,STONG PA SNANG BA LAS KYES 'DRA, ,CHOS RNAMS RANG RANG NGO BOS NI, ,STONG PAR NYAMS 'OG CHUD PA NA, ,STONG GZHI CHOS RNAMS MING RKYANG TZAM, ,BTAGS TZAM BRDA TZAM THA SNYAD TZAM, ,DE LA DPYAD PA LA BYAS PAR, ,MING BTAGS TZAM GYI DNGOS KUN GYI, ,RGYU 'BRAS BYA BYED SKYE 'GAG SOGS, ,'KHRUL MED BSLU BA MED PAR NI, ,RGYU 'BRAS BYA BYED BSKYED TSUL LA, ,NGES PA BCOS MIN 'DRONGS PA NA, ,STONG PAS MED MTHA' SEL BA 'BYUNG, ,MING RKYANG BTAGS YOD RGYU 'BRAS LA, ,NGES PA GTING NAS SKYE BAR NGES, ,STONG PA NYID KYI LTA BA NI, ,

MTSAN MAR 'DZIN PA'I DMIGS GTAD NI, ,THAMS CAD MA LUS 'JIG PA DGAS, ,YOD DANG MED PA'I MTHA' SPONGS LA, ,LAS 'BRAS LA NI NGES PA BSKYED, ,RGYU 'BRAS BSLU BA MED PAR SOMS, ,DMIGS GTAD MTSAN 'DZIN KUN BSHIG PAS, ,RGYAL BA KUN LA MCHOD DO GYIS, ,SNANG BA RTEN 'BREL BSLU MED PAS, ,SNANG BA STONG PAR GO BAR GYIS, ,NGES SHES GTING NAS SKYES BYUNG NA, ,BLA MA RNAMS LA MCHOD DO GYIS, ,RTEN 'BREL RGYU 'BRAS BSLU MED DES, ,RANG BZHIN GRUB PA'I NGES SHES KYI, ,'DZIN STANGS MA LUS KUN 'JIG PAR, ,MTHONG BA'I NGES PA BRTEN RNYED TSE, ,YI DAM RNAMS LA MCHOD DO GYIS, ,SNANG STONG GNYIS PO PHAN TSUN DU, ,RGYU 'BRAS LTA BUR SHAR BA'I TSE, ,MKHA' 'GRO RNAMS LA MCHOD DO GYIS, ,RANG GI RGYU LAS RANG 'BRAS NI, ,MI BSLUR MTHONG BA NYID KYI NI, ,BLO GZHAN LA NI LTOS MED DU, ,DMIGS GTAD ZHIG PA'I STONG PAR NI, ,MTHONG TSE CHOS SKYONG MCHOD DO GYIS, ,RGYU 'BRAS MI BSLU'I GTAN TSIGS KYIS, ,RTAGS GZHAN LA NI LTOS MED DU, ,YOD MTHA' BRAL BA'I STONG PAR NI, ,'GRUB PA'I TSUL LAS RANG RGYU LA, ,RANG 'BRAS 'BYUNG BA BSLU MED LA, , GTING NAS NGES SHES 'DRONGS PA'I TSE, ,ZHAL BZHI PA LA MCHOD DO GYI, ,NGES SHES YUL GYI 'DZIN STANGS KUN 'JIG NI, ,RANG BZHIN GRUB PA'I 'DZIN BSTANG YIN PAR GO ,NGES SHES YUL GYI 'DZIN STANGS KYI, ,RGYUN

, ,NI SKYONG RGYU'I 'DZIN STANGS NI, ,RANG BZHIN GRUB PA BKAG TZAM GYI, ,MED DGAG DE YI RGYUN LA GO ,DE YIS RDO RJES SPUN TSOGS MCHOD, ,STONG NYID LA DMIGS ZHI GNAS SGRUBS, ,LTAG MTHONG BSGOM PA'I MAN NGAG NI, ,STONG PA NYID LA MNYAM PAR ZHOG ,'JOG PAR MA BDE MNYAM GZHAN DUS, ,RNAM BDUN RIGS PA MA DPYOD DANG, ,LHAG MTHONG 'GRUB PAR GA LA 'GYUR, ,DPYOD PAS GNAS CHA 'DREN THUB NA, ,SBYIN BDAG RNAMS LA MCHOD DO GYIS, ,SANGS CHUNG MNYAM POR RGYA BAR SHOG , ,,BDEN 'DZIN GYIS NI LAN SMRAS PA, ,KHYOD KYIS NGA LA 'GAL 'DU NI, ,'GRIG 'GRIG MANG PO LABS PA RNAMS, ,KHYOD RANG LA YANG MTSUNGS PAS NA, ,'GAL 'DU 'DI LTAR YOD PAS NYON, ,LTOS GRUB KHYOD KYI KHAS LEN NA, ,NGA BDEN PAR 'DZIN LA LTOS NAS NI, ,KHYOD GNYEN PO SHES RAB ZHES BZHAG NA, ,NGA BDEN PA MED PA KHYOD LA 'GAL, ,RI BONG RVA YI SKAS LEGS LA, ,YOD CHOS LTOS BZHAG SU YIS BYED, ,RUS SBAL SPU YI GOS 'JAM LA, ,LEGS NYES LTOS BZHAG SU YIS BYED, ,BCOM LDAN 'DAS KYIS CHOS PHUNG NI, , BRGYAD KHRI BZHI STONG GSUNGS PA RNAMS, ,NGA YIS GTZO BYAS DUG GSUM DANG, ,NYON MONGS BRGYAD KYI BZHI STONG LA, ,LTOS NAS GNYEN PO ZHES BZHAG NA, ,NGED RNAMS MED NA KHYOD LA NI, ,'GAL BAS 'GOR GSUM

KHAS BLANGS SO, ,'JIG RTEN THA SNYAD LA LTOS KYANG, ,NYON MONGS KUN GYI GTZO BO NI, ,NGA NYID MED PAR GYUR NA NI, ,DE BAS KHYOD LA CHOS KUN MED, ,'GAL BAS 'KHOR GSUM KHAS BLANGS SO, ,RGYU MTSAN CI YI PHYIR ZHE NA, , 'GRO BA DRUG PO THAMS CAD KYI, ,RGYUD LA GTZO BOR NGA YOD PAS, ,DUG GSUM DBANG DU GYUR NAS NI, ,MI DGE BCU LA NYAMS LEN BYED, ,MTSAMS MED LNGA LA GTZO BOR 'DON, ,SKYE RGA NA 'CHI'I 'KHOR LO BSKOR, ,DE NI 'JIG RTEN SO NAM YIN, ,NYAMS LEN DE LTAR YOD PA NI, ,NGA NYID YOD LAS BYUNG BA YIN, ,YOD LA MED PA SGRO 'DOGS PA, ,CHAD PA'I MTHAR LHUNG KHYOD LA 'GAL, ,'JIG RTEN GRAGS PAS KHYOD LA GNOD, ,YOD BZHIN MED PAR 'DOD PA NI, ,CE RE LONG BA'I SMYON PAR NI, ,KHYOD RANG GYUR PAS 'KHOR GSUM MO, ,'GRO BA DRUG PO KUN LA NI, ,SHES RAB MED BZHIN YOD PAR BSGOM, ,MED BZHIN YOD PAR LTA BA DE, ,RTAG MTHA'I MTHAR LHUNG KHYOD LA 'GAL, ,NGA NYID GTAN YOD BSGOM MI DGOS, ,SHUGS 'BYUNG GANG DGOS THOG TU SLEB, ,KHYOD NI MED PA BCOS NAS BSGOM, ,BCOS MA'I BSGOM GYI CI LA PHAN, ,BCOS NAS BSGOMS PA'I GNAS LUGS DANG; ;BCOS MIN GNAS LUGS DNGOS 'GAL DU, ,KHYOD RANG KHAS BLANGS 'KHOR GSUM MO, ,RGYU MTSAN BDEN GRUB BDEN MED NI, ,DNGOS 'GAL YIN CING LTOS GRUB DANG, ,LTOS MED GRUB PA DNGOS 'GAL DANG, BCOS

, ,DANG BCOS MIN DNGOS 'GAL DU, ,KHYOD RANG KHAS BLANGS 'KHOR GSUM MO, ,PHA RI'I BLO NA SKYE BA DE, ,TSU RI LA NI LTOS GRUB NA, ,GNYEN PO SHES RAB SKYE BA DE, ,BDEN PAR GRUB PA LA LTOS NAS, ,BKAG PA'I SHES RAB SKYE'O ZHES, ,KUN GYIS GLENG BAS KHYOD LA 'GAL, ,DGRA NI THAL MO YA MED LA, ,SU YIN SU LA 'DZING BAR BYED, ,DE BZHIN NGA NYID YOD PA LA, ,KHYOD NI NGA NYID 'GOG GO ZHES, ,GA-YAS CHUNG DON DU 'GYUR BA YI; ;BSGOM PA KHANG BTANG BYED PA NI, ,NGA NYID YOD PAS BYED MIN NAM, ,BYED NA NGA MED 'GAL BAS NA, ,NGA MED KHYOD LA DNGOS 'GAL LO, ,NGA YI NYON MONGS CHUNG RIM LA, ,KHYOD KYI GNYEN PO CHE RIM GYIS, ,RIM BZHIN SPANGS PA'I LAM DE LA, ,SA LA ZHES NI MA BZHAG GAM, ,BZHAG NA NGA NYID SPONG BA DE, ,YOD PAS SPONG BA MA YIN NAM, ,MED NA CI ZHIG SPONG BAR BYED, ,SHES BYA PHYED BGOS NAS PA'I TSE, ,PHYED LA NGA YIS KHYAB PA YIN; ;DE YANG NGA NYID MANG BA RTZAM, ,DE LTAR YOD KYANG KHYED NYID NI, ,NGA NYID MED DO ZER BA 'DI, ,SMYO BA'AM YANG NA BOG GAM CI, ,YAN NA SHES PA MED PA YIN, ,NGA NYID 'BEM LA DMIGS NAS NI, ,GNYEN PO'I MDA' DE 'PHEN NAM CI, ,'PHEN NA NGA NYID YOD PAR GSAL, ,NGA YANG KHYOD LA 'GAL BA YIN, ,MI 'PHEN MDA' DE GANG LA RGYAG ,LONG BA MDA' 'PHEN BYAS PA DES, ,SHES RAB BSGOM PAR GA LA 'GYUR, ,SHES RAB BSGOM LA 'DZIN

STANGS NI, ,DNGOS 'GAL ZHUGS PA DGOS PA YIN, ,GAL TE BDEN GRUB 'PHO BA NA, ,'GYUR BA MED PA'I BDEN GRUB 'GAL, ,ZHES SOGS SKYON GYIS NGAR MI GNOD, ,RGYU MTSAN 'DI LTAR YIN PAS NYON, ,NYON MONGS LA SOGS CHOS KUN NI, ,GRUB TZAM NYID NAS RANG RANG THOG ,BDEN GRUB RE RE SO SOR NI, ,DUS MNYAM LTOS MED RANG GRUB YIN, ,GCIG NAS GCIG TU 'PHO BA MIN, ,NYON MONGS KYE BZHIN PA LA YANG, ,BDEN GRUB KYIS KYANG DUS MNYAM SLEB, ,'PHO BA'I TSUL NI MA YIN CING, ,NYON MONGS SKAD CIG SNGA MA NI, ,'GAG BZHIN PA LA'ANG NGA YOD MOD, ,SKAD CIG GNYIS PAR SKYE BZHIN LA'ANG, ,GRUB TZAM LTOS MED NGA YOD PAS, ,CHOS RNAMS KUN LA DE BZHIN 'GRE, ,SNANG BAS DAG PA'I SA PHYOGS SU, ,MUN NAG CHEN PO GCIG PU DE, ,YOD PA'I CHOS RNAMS THAMS CAD LA, ,KHYAB PAR KUN LA YOD MOD KYI, ,CHOS RNAMS KUN LA RE RE NAS, MUN PA 'PHO NI GA LA DGOS, ,SKYE 'GAG KUN LA RIM BZHIN DU, ,MUN PA DE YIN KHYAB PA LTAR, ,DE BZHIN NGA LA'ANG MTSUNGS PA YIN, ,NGA NI BDE PAR GRUB PA NI, ,GAS NI MI LEN KHA MED DANG, ,MI BYED KA MED 'GRO DRUG GO ,SEMS CAN RNAMS KYI BCOS PA YIN, ,GDAGS GZHI CHOS KUN LA DMIGS NAS, ,RTOG PAS PHAR LA BTAGS NAS NI, ,BDEN PAR GRUB PA 'DUG GO ZHES, ,KHO RANG TSO YIS BCOS PA YIN, ,THAG KHRA LA NI SBRUL 'DZIN DANG, ,

, ,MTHO YOR LA NI MIR 'DZIN DANG, ,SMIG RGYU LA NI CHUR 'DZIN BZHIN, ,KHO RANG TSO YI MNGON SUM LTAR, ,NGA YIS BYAS PA MA GTOGS PA, ,BYED SNYING 'DOD PO NGA RANG MED, ,BCOL BA'I NGO LA BYAS PA TZAM; ;AA CANG CI ZER BLTAS PA YIN, ,BDEN PAR GRUB PA'I NGES SHES KYI, ,NGES NGO SNANG NGO GNYIS KA LA, ,SHES RAB KHYOD NI MI SNANG MOD, ,MED PAR SNANG BA GA NA YIN, ,MED PAR SNANG NA GTAN MED YIN, ,SPYIR DU SHES RAB LOS YOD MOD, ,DE BZHIN MED GNAS LUGS LA, ,MNYAM PAR BZHAG PA'I NGES NGO DER, ,NGA NI MI SNANG BA YIN LA, ,MED PAR SNANG BA GA NA YIN, ,MED PAR SNANG NA GTAN MED YIN, ,GTAN MED MIN PA'I RGYU MTSAN NI, ,MNYAM GZHAG DE LAS LANGS PA YI, ,RJES THOB CHOS RNAMS SNANG BA NI, ,BDEN PAR SNANG LAS 'OS CI YOD, ,DE TZAM MA ZAD SA BCU YI, ,RGYU MTHA' TSUN DU BDEN SNANG YOD, ,SHES SGRIB ZER BA'I MING DU BTAGS, ,NGA NYID YOD PA DE YIS SHES, ,KHYOD LA 'GAL 'DUR GYUR RO AANG, ,PHUNG PO BDEN MED BSGOM PA YI, ,NGES NGOR PHUNG PO MI SNANG MOD, ,PHUNG PO MED PA GA NA YIN, DE BZHIN NGA LA'ANG MTSUNGS PA YIN, ,BSKYED RIM BSGOM PA MTHAR PHYIN PA'I, ,GANG SHAR LHA RU SNANG BA YI, ,NGES NGOR PHUNG PO RDOS BCAS 'DI, ,MI SNANG BAS NA MED PA MIN, ,DE BZHIN LA'ANG MTSUNGS PA YIN, ,MTSUNGS PAR GYUR NA KHYOD LA

'GAL, ,GZHAN YANG MKHAS NAS BYIS PA'I BAR, ,RTZOM PA PO MI LA BRTAGS NAS, ,BRTZAMS PA'I BRJOD BYA MI RTOG CING, ,RTZOM PA PO LA RTOG PAR BYED, ,RTZOM PA PO NI DNGOS NGAN NA, ,BRTZAMS DON BRJOD BYA CI ZAB KYANG, , DNGOS NGAN KHYI PHAG BZHIN POR LTAR, ,DE MTHUN BRJOD BYA ZAB KYANG 'BOR, ,LA LA RTZOM MI CHE CHE MO, ,MKHAS MKHAS CIG GI BRTZAMS CHOS DE, ,BRJOD BYA ZAB PAR MA GYUR KYANG, ,DE LA YID CHES TSAD MAR BYED, ,DES NI DON DU 'GYUR BA DKA', ,DKA' YANG DE LA NYAMS LEN BYED, ,DES KYANG NGA YI 'PHRIN LAS RGYAS, ,KHYOD LA 'PHRIN LAS GA NA YOD, ,MKHAS PA TSIG RTZOD LHUR LEN PA, ,BRJOD BYA MI LTA RTZOM MI LTA, ,MANG PO SHES KYANG GCIG LA BRDUGS, ,BRDUGS KYANG GZHAN GYIS SHES MI 'DOD, ,NGA RGYAL GTZO BOR 'DON PA YOD, ,DES KYANG NGA YI 'PHRIN LAS RGYAS, ,MKHAS LA DE LAS MED NA NI, ,BLUN PO RNAMS LA CI CHAR YOD, ,KHYOD KYI 'PHRIN LAS GANG DU SONG, ,NGA NI RTAG TU RGYAS PA YIN, ,GZHAN YANG MKHAS PA LA LA NI, ,BRTZAMS PA'I BRJOD BYA ZAB LAGS KYANG, ,GSUNG RAB RNAMS NA MED PA YI, ,BRJOD BYA'I DON GCIG 'DIR YOD MIN, ,RTZOM MI'I BZO LTA KHA STABS LA, ,GTING NI ZHE SDANG GIS BSKYED NAS, ,KHA LA SNYING RE RJE'O ZER, ,NGA RGYAL DBANG GIS ZAB DON 'BOR, ,DE YI RGYUD LA NGA YOD PAS, ,ZAB DON 'BOR BA MA YIN NAM, ,DES KYANG NGA YI 'PHRIN LAS RGYAS, ,KHYOD LA 'GAL 'DUR GYUR PA YIN, ,GZHAN

, ,YANG MKHAS PA LA LA NI, ,BLA MA GONG MA'I GRUB MTHA' NI, ,BZANG POR RLOM PAS BLO BSGYUR NAS, ,ZAB DON ZAB KYANG RANG GI NI, ,GRUB PA'I MTHA' DANG MA MTHUN NA, ,'BOR BAR MA ZAD KHA GTONG BA, ,DE LA'ANG NGA NYID YOD PAS LAN, ,YOD PAR GYUR NA KHYOD LA 'GAL, ,NGA NYID RGYAS LAS 'OS CI YOD, ,SHES RAB MED PA'I MKHAS PA 'GA', ,BLA MAS SHAR LA NUB YIN ZER, ,DE 'DRA'I ZAB DON PHOG PA NA, ,DE GA BDEN PAR BZUNG NAS NI, ,YIN NA MA YIN MA GTOGS PA, ,GZHAN GYI ZAB DON CI BZANG YANG, ,BSGOM PA LTA ZHOG KLOG MI BYED, ,DE YI RGYUD LA'ANG YOD PAS, ,KHYOD LA 'GAL 'DUR BYUNG NA YANG, ,NGA YI 'PHRIN LAS RGYAS PA YIN; ;MKHAS NAS GNAG RDZI MO BAR GYI, ,SKYA SER PHA CHER BLA MA LA, ,'BUL BA ZHABS TOG BYAS NAS SU, ,DON DU GNYER BYA ZAB DON ZHUS, ,ZHUS KYANG GDAB LAN MA BYUNG NA, ,BZANG POR MA MTHONG DAD LOG BSGOM, ,KHA LA CHOS ZHUS LTAR BYAS KYANG, ,DON DU SEMS LA NOR 'DOD ZHUGS, ,DE YANG NGA YIS BYAS PA YIN, ,DES KYANG KHYOD LA 'GAL 'DUR BYUNG, ,CI PHYIR NGA MED ZER BA 'GAL, ,LA LA BLA MA GUS GUS BYED; ;'DOD CHOS ZAB DGU BYUNG LAGS KYANG, ,JA BZHUR SUN GCIG MA BYUNG NA, ,LTEB STE LOG NAS LOG LTA BSGOM, ,DE DON 'BRAS BU DMYAL BAR 'PHEN, ,DE YANG NGA YIS BYAS PAS NA, ,KHYOD KYI NGA MED ZER BA

'GAL, ,CHOS PAR RLOM PA LA LAS NI, ,CHOS NI GZHAN LAS GAL CHE SKAD, ,RANG GIS CUNG ZAD NYAMS LEN TE, ,RTAGS MTSAN SPU TZAM BYUNG BA LA'ANG, ,RANG NYID BZANG POR RLOM PA DANG, ,GZHAN DAG RNAMS LA THOS SGROG BYED, ,BSTOD RA CUNG ZAD BYUNG BA LA, ,NGA RGYAL KHAMS GSUM GANG BAR BSGOM, ,DE YANG NGA YIS BYAS PA YIN, ,NGA MED ZER BA KHYOD LA 'GAL, ,NGA YI 'PHRIN LAS 'DI 'DRA NA, ,KHYOD KYIS MUN KHUNG GANG DU BSDAD, , MKHAS DANG BSGOM CHEN PHAL CHER GYIS, ,CUNG ZAD SGOM PAR BYED NA YANG, ,RANG NYID 'DI 'DRA CIG BSDAD NAS, ,SGOM CHOS PHAR NGOS YOD PA LA, ,LTAD MO BLTA BA'I TSUL DU BSGOM, ,'DI 'DRA MTHONG NA KHROL BGAD 'CHOR, ,NGA YI 'PHRIN LAS 'DI 'DRA NA, ,KHYOD NI YI MUG BSGOMS ZHAN 'DRA, ,DE LAS DRAG RLOM KHA CIG GIS, ,MNYAM GZHAG DON LA 'JOG KA MAR, ,RANG NI YOD YOD 'DRA LAGS KYANG, ,BZHAG PA'I TSE NA SEMS DANG NI; ;GZHAG RGYU KHA KHAR SGOM PAR BYED, ,LA LA BDEN MED LUGS BYAS NAS, ,MED PA KHO NA SGOM PAR BYED, ,PHAL CHER SHES PA KHO NA BSGOM, ,LA LAS GSAL TZAM SGOM PAR BYED, ,DE NI NGA NYID BSGOM PA YIN, ,YID BYED BKAG PA'I SGOM LA NI, ,KHA NI GTONG ZHING DON LA NI, ,YID NGOR SNANG MED SGOM PAR BYED, ,DE NI YID BYED BKAG PA'I SGOM, ,'DZIN STANGS 'GAL BA GA LA YOD, ,'JOG DON 'DI LA MKHAS KYANG NI, ,DBYE BA PHYED PA

, ,SHIN TU DKA', ,MGO BO 'KHOR BA'I SA MTSAMS 'DIR, ,NGAL BA DON MED BYED PA YOD, ,NGA YI CHO 'PHRUL CHE THABS 'DIS, ,THAR PA THOB PA NYAMS RE DGA', ,'KHOR BA SPONG BA RGOD DE BRO, ,GZHAN YANG MKHAS PA LA LA NI, ,GCIG DANG DU BRAL GTAN TSIG KYIS, ,DPYAD PA BYED BYED 'JOG KHAR NI, ,SEMS NI NGAL NAS GNYEN PO YI, ,'DZIN STANGS SHUGS DANG GSAL NGAR SHOG, ,SHOR BA MA RIG YOD PA'I LUGS, , BYAS NAS MNYAM PAR 'JOG PA'I TSE, ,'DI YIN 'DI MIN MED PA YI, ,HANG PO'I NGANG LA MNYAM PAR 'JOG ,LA LAR BYING RGOD BLO GZHAN ZHUGS, ,ZHUGS PA PHRA MO MA RIG PAR, ,DE GA YUN DU SKYONG BAR BYED, , BSGOM PA SKYON CAN YIN BSAM MED, ,BYING RGOD BLO GZHAN CHER BYUNG NA, ,MGO NAS SKYAR SGOM MI BYED PAR, ,MNYAM GZHAG DANG DU BZO BCOS BYE,D ,BCOS BCOS MANG BA TZAM GYIS NI, ,GNYEN PO'I 'DZIN STANGS SHOR BA YI, ,GSAL RIG TZAM DE SGOM PAR BYED, ,DE NI SHES PA YIN PAS NA, ,DE NYID SGOM PAR BYED PA YIN, ,NGA NYID BSGOM BZHIN MED ZER BA, ,KHYOD LA 'GAL 'DU ZHUGS PA YIN, ,ME DANG SHING NI MA THUG NA, , SHING NI 'TSIG PAR GA LA 'GYUR, ,DE BZHIN NGA DANG GNYEN PO NI, ,'DZIN STANGS THUG PA MANG NA NI, ,GNOD PA LTA ZHOG NGA NYID RGYAS, ,KHYOD RANG 'O BRGYAL MA BYED CIG ,MNYAM GZHAG 'DI YI THAD DU NI, ,MKHAS PA

RNAMS KYI RDUGS SA YIN, ,BLUN PO MGO BO 'KHOR SA YIN, ,NGA YI 'PHRIN LAS RGYAS PA YIN, ,SHES RAB RKUB TU CHUD PA YIN, ,MNYAM GZHAG 'DI YI NGES NGO NA, ,SNANG TSUL CI 'DRA BYUNG YANG NI, ,BDEN PAR SNANG BA KHO NA YIN; ;STONG PA CHOS NYID BDEN MED SOGS, ,SNANG YANG BDEN PAR SNANG BAS NA, ,GSOR MI RUNG GI LTA BA YIN, ,STONG PA CHOS NYID BDEN MED SOGS, ,NGES NGOR SNANG BA SKYON YIN NA, ,NGES NGOR SNANG BA YOD DAM MED, ,MED NA MNYAM GZHAG GANG LA BYED, ,BDEN PA BKAG PA'I STONG NYID LA, ,'JOG PAR BYED PA YIN ZER NA, ,DE DAG NGES NGO DE LA NI, ,SNANG NAS 'JOG GAM MI SNANG 'JOG ,SNANG NA SKYON NI SNGA MAR GNAS, ,SNANG BA MED PAR 'JOG ZER NA; ;SNANG BA BSDUS DANG YID BYED BKAG, YID LA BYAR MED BSGOM PA DANG, ,CI YANG MED PA'I SGOM RNAMS NI, ,NGA YI PHYOGS NAS BLTAS TZA NA, ,KHYAD PAR DBYE BA MED PAR GO ,KHYOD RANG DBYE BA CI YIS 'BYED, ,NGA NI BDEN PAR MED PA YI, ,NGES SHES YOD PA'I KHYAD DES NA, ,SPYIR DU NGES SHES YOD MI PHAN, ,MNYAM GZHAG NGO NA DRIS PA YIN, ,NGES NGOR NGES SHES YOD ZER NA, ,DE NI NGA NYID YOD PA YIN, ,CI YANG MED DO ZER NA NI, ,CI YANG MED PA'I SGOM RANG YIN, ,'DZIN STANGS 'GAL BA'I GNYEN PO MED, ,NGA LA CI YI PHYIR NA GNOD, ,NGA NI BDEN MED NGES PA YI, ,NGES SHES DE YI 'DZIN STANGS KYI, ,RGYU NI SKYONG NGO ZER NA NI, ,SKYONG MKHAN SU 'DRA CIG GIS

, ,BYED; ;BLO CIG LAS NI 'OS MED MOD, ,DE 'DRA SA MA TSAMS GANG NA YOD, ,MNYAM GZHAG DON YOD NA NI, ,DE NING NYID YOD PA YIN, ,NGA MED BSGOM PA GA LA YIN, ,MNYAM GZHAG SNGON DU YOD ZER NA, ,MNYAM GZHAG SKYON LA DES CI PHAN, ,MNYAM GZHAG RJES SU YOD ZER NA, ,MNYAM GZHAG RDZOGS NAS CI ZHIG SKYONG, ,MNYAM GZHAG DUS SU YOD ZER NA, ,YOD DU CHUG MOD SA MTSAMS DANG; ;SDOD ? PA'I GNAS RTEN GNAG DU 'CHA', ,MNYAM GZHAG RANG LA 'CHA' ZER NA, ,MNYAM GZHAG STONG PA NYID YIN PAS, ,DE LA RTEN BCAS SDOD PA NI, ,BLO RANG STONG PAR MA SONG BAR, ,BLO DANG STONG PA MNYAM GNAS NA; ;LEGS NA SGYU MA LTA BU TZAM, ,DE MIN MNYAM GZHAG BLOR 'DUG PAS, ,NGA LA MNYAM GZHAG BYAS BSGOM YIN, ,GTZO BO SEMS RANG STONG PAR NI, ,SONG BA'I MNYAM GZHAG LA GNAS NAS, ,SEMS LAS GZHAN PA'I SEMS BYUNG BLO, ,DE YIS MNYAM GZHAG SKYED ZHE NA, ,DE YI SDOD SA GANG NA YOD, ,MNYAM GZHAG DUS SU YOD ZER NA, ,SNGA MA'I SKYON RNAMS SO NA GNAS, ,MI MNGON TSUL DU YOD ZER NA, ,SPYI NI GTZO KHAS LEN LTAR; ;GRANGS CAN LA NI 'GRAN NAM CI, ,SA BON GYIS KYANG MYUR GU NI, ,MI GSAL BA YI TSUL BSKYED LTAR, ,BDAG SKYE KHAS LEN GRANGS CAN NI, ,PHRAG DOG SKYE BAR MI 'GYUR RAB, ,LA LA 'DI 'DRA'I SNANG TSUL LA, ,MGO BSKOR

MANG DU BZED NAS NI, ,CI YANG YID LA MI BYED PA'I, ,SGOM GYIS MI TSE HRIL POR BSGRIL, ,DE 'BRAS CI YANG MED PA 'BYUNG, ,'DI DAG NGA YIS BYAS PA YIN, ,DES NA NGA NYID YOD PA YIN, ,NGA MED ZER BA KHYOD LA 'GAL, ,DPYAD MTSAMS 'JIG MTSAMS MA SHES NA, ,'DI YANG MGO BO 'KHOR BA'I RGYU, ,HA CANG DPYAD PA DAG DRAG NA, ,DE YANG SKYON DU 'GYUR BA YIN, ,DPYAD PA MED NA DE BAS SKYON, ,DPYAD MTSAMS 'JOG LA MKHAS NA NI, ,MKHAS PA'I MCHOG GYUR CIG TU 'DUG ,KHYOD LA CHOD CHOD MANG YOD PAS, ,BSAM BLO THOG LA LAN CIG THOG ,SVA BH'A WA YI SNGAGS DON NI, ,CHOS RNAMS KUN GYI RANG BZHIN NI, ,RNAM PAR DAG PA'I BDAG NYID DE, ,NGA'O ZHES PA'I NGA RGYAL NI, , BSGOM PA KUN GYI 'JOG BYED NA, ,NGA RGYAL 'JOG MTSAMS GANG DU BYED, ,CHOS RNAMS RANG BZHIN RNAM DAG LA, ,MNYAM PAR BZHAG PA'I BZHAG NGO DER, ,NGA RGYAL YOD MED JI LTAR BYED, ,YOD NA DE NI KUN RDZOB YIN, ,DE NI NGA YI NGA RGYAL YIN, ,RANG BZHIN DAG LA DGOS PA CI, ,MED NA NGA RGYAL GANG DU 'JOG ,MNYAM GZHAG DUS SU 'JOG ZER NA, ,RANG BZHIN RNAM DAG CHA DE NI, ,STONG PA NYID LA ZER BA YIN, ,NGA RGYAL KUN RDZOB CHA YIN PAS, , MNYAM DU SDOD LUGS JI LTAR BYED, ,NGA RGYAL STONG PAR SONG ZER NA, ,NGA RGYAL SU YIS 'DZIN PAR BYED, ,STONG PA NGA RGYAL DU SONG NA, ,YANG NA STONG PA MED PA YIN, ,YANG NA NGA RGYAL MED PA YIN, ,STONG PA MED PAR GYUR NA NI, ,STONG

, ,PA'I MNYAM GZHAG GANG DU BSGOM, ,NGA RGYAL MED PAR GYUR NA NI, ,STONG LA NGA RGYAL SU YIS 'DZIN, ,GNYIS KA YOD PAS 'DRES ZER NA, ,SGYU MA LTA BU'I DON YIN GYI, ,STONG PA'I MNYAM GZHAG GA LA YIN, ,MNYAM GZHAG NGO NA NGA RGYAL NI, ,SNANG BAR GYUR NA NGA SNANG MOD, ,NGA NI RGYUN DU 'GROGS PA LA, ,SNANG BAR BSGOM PA GA LA DGOS, ,CHOS RNAMS THAMS CAD DKYIL DU NI, NGA RGYAL DE NI THE 'AM CI, ,THE 'O ZHE NA NGA RGYAL NI, ,RANG BZHIN RNAM PAR DAG CHAR SONG, ,NGA RGYAL SU YIS 'DZIN PAR BYED, ,NGA RGYAL DE RGYUN YOD ZER NA, ,RGYUN YANG THAMS CAD LA THE NA, ,MI THE THAMS CAD SMOS PA CI, ,NGA RGYAL STONG NYID MA ZHUGS PAR, ,DE LA NGA RGYAL 'DZIN ZHE NA, ,DE NI STONG PA NYID LA NI, ,LTAD MO BLTA BA'I TSUL 'DRA BAS, ,NGA MED BSGOM PA MA YIN PAS, ,'DZIN STANGS 'GAL BA'I DON MED DO, ,SHES RAB KHA LA SMRA BCAD BYIN, ,'O BRGYAL BYAS PA'I KHA NA MED; ;SH'U nYA T'A YI SNGAGS DON YANG, ,YUL NI STONG DANG YUL CAN NI, ,RANG BZHIN DBYER NI MI PHYED PA'I, ,BDAG PA'I NGA'O ZHES BSGOM NA, ,YUL CAN SU YIS BYAS NAS NI, ,NGA RGYAL CI 'DRA ZHIG GIS BSGOM, , YUL CAN SEMS LA BYED PA DANG, ,NGA RGYAL NGA TZAM DES BYED NA, ,DE 'DRA'O STONG NYID DE LA NI, ,MNYAM PAR BZHAG PA'I BZHAG NGO DER, ,NGA RGYAL DE NI YOD DAM MED, ,YOD NA NA NYID YOD PA YIN, ,MED NA NGA RGYAL SU

YIS 'DZIN, ,STONG PA NYID DANG DBYER MED PAR, ,ZHUGS PA'I NGA RGYAL 'DZIN ZHE NA, ,STONG NYID RANG DUS DE RU NI, ,NGA RGYAL KUN RDZOB YOD DAM CI, ,YOD NA NGA YIS 'ONGS PA YIN, ,STONG PA NYID DANG 'DRES NAS NI, ,DBYE BA YOD PA MA YIN NA, ,NGA RGYAL STONG PAR SONG BAS NA, ,STONG PAS NGA RGYAL 'DZIN NAM CI, ,MNYAM GZHAG DUS SU YOD ZER NA, ,MNYAM GZHAG RANG DUS STONG NYID YIN, ,STONG NYID RANG GI DUS SU NI, ,NGA RGYAL YOD NA SNGA MA YI, ,SKYON NI SO NA GNAS PA YIN, ,NGA RGYAL STONG PA GNYIS PO NI, ,GNYIS KA MED PA MA YIN PA'I, ,SNANG STONG TSOGS PAR GNAS ZHE NA, ,DE NI RJES THOB SKYONG LUGS YIN, ,STONG PA'I MNYAM GZHAG GA LA YIN, ,MGO BO 'KHOR BA'I SA MTSAMS 'DIS, ,NGA YI 'PHRIN LAS RGYAS RGYAS 'DRA, ,SHES RAB PHRAG DOG BYED BYED 'DRA, ,'DI YI SKABS SU LA LA NI, ,RANG LA BLO GTAD MA BYUNG BAS, ,,SNGAGS KYI SKABS NI YIN ZHES SMRA, ,SNGAGS LA GTAD SO MED PA NI, ,DE BAS KYANG NI NGO MA TSAR CHE, ,N'A 'OD GSAL BSDUS PA YI, ,STONG SA DE LA MNYAM 'JOG NA, ,DE 'DRA'I STONG SANG CI 'DRA ZHIG, RTEN DANG BRTEN PA RIM GYIS NI, ,N'A DA'I BAR DU BSDUS NAS NI, ,N'A DA YID NGOR BSDUS PA YI, ,STONG SANG DE DANG RIL 'DZIN DANG, ,RJES GZHIG SDUD RIM BYAS PA YI, ,STONG SANG DE DANG YID BYED NI, ,BKAG PA'I STONG PA DE DANG NI, ,CI YANG YID LA MI BYED PA'I, ,STONG PA'I RNAM PA DE RNAMS KYI, ,KHYAD PAR SPU RIS GNAG GIS 'BYED, ,YID

, ,LA SNANG BA BSDUS MNYAM DANG, ,BSDUS PA'I STONG SANG 'DRA MNYAM DANG, ,NGA MED BSGOM PA'I GNYEN PO NI, ,'DZIN STANGS 'GAL BA MED MNYAM NA, ,KHYAD PAR YOD CES TZAM GYIS NI, ,MI MTSAD DBYE BA PHYE ZHIG GO; SNANG LA RANG BZHIN MED PA YI, ,DKYIL 'KHOR BSGOM PA SNGON SONG NAS, ,DE NYID NYER BSDUS BSDUS PA YI, ,STONG SANG DE LA SNGAR GYI NI, ,RANG BZHIN MED PA'I 'DZIN STANGS DE, ,YOD PAS GNYEN PO 'GAL ZHE NA, ,CANG MED BSGOM PA'I GANG ZAG DE, ,SKYE BA THOG MA MED PAS NA, ,RANG BZHIN MED PA'I TSIG TZAM CIG ,SNGON CHAD THENG GCIG BSGOM MYONG NAS, ,RANG BZHIN MED PA'I 'DZIN STANGS DE, ,YOD PAS GNYEN PO 'GAL BAR MTSUNGS, , MNYAM GZHAG SKYONG BA'I DUS SU NI, ,'DZIN STANGS 'GAL BA'I SGOM MED NA, ,SNGON CHAD YOD DO ZER BA DANG, ,PHYIN CHAD BSGOM MO ZER BAS NI, ,MNYAM GZHAG SKYONG DUS GANG LA PHAN, ,LTOGS DUS ZA RGYU'I SPAG MED NA,, NANG NA RTZAM PA YOD ZHAN 'DRA, ,LA LAS SEMS DANG N'A DA NI, ,KHA KHAR BYAS NAS N'A DA NI, ,SDUD RIM DE LA SEMS KYIS NI, ,BLTA BA'I TSUL DU BYAS NAS SU, ,SEMS NI DE KHAR BSDAD NAS NI, ,N'A DA BSDUS PA'I STONG SANG LA; ;SEMS KYIS BLTA BA'I TSUL DU BYED, ,DE 'DRA SGOM GYI GANG LA THE, ,LA LAS SEMS DANG N'A DA GNYIS, ,DBYER MED BYAS NAS N'A DA NI, ,BSDUS PA'I STONG SANG DE LA NI, ,DE GAR BSDAD PA'I SEMS KYIS BLTA, ,RGYU

MTSAN CI YI PHYIR NA NI, ,N'A DA'I SNANG BA BSDUS PA TZAM, ,SEMS NI DE GAR LUS PA YIN, ,SEMS KYANG MNYAM DU DAG CE NA, ,MI NI GSON POR MER BSREGS TSE, ,PHUNG PO TSIG TSE SEMS TSIG GAM, ,PHUNG PO GTAN MED GYUR PA NA, ,SEMS KYANG GTAN MED GYUR TAM CI, ,N'A DA'I SNANG BA ZHIG PA NA, ,DER 'DZIN BLO NI MI SKYE BA, ,BYE BRAG SMRA BA'I LTA BA 'DRA, ,DE 'DRA 'DI NI MI 'DOD DAM, ,N'A DA'I SNANG BA YAL BA LA, ,BDEN PAR MED PA'I DON 'JOG NA; ;NAM MKHAR SPRIN PHUNG YAL BA DE, ,SPRIN GYI GNAS LUGS YIN LAGS SAM, ,SEMS NI RANG GI NGOS NAS NI, ,RANG BZHIN MED PA'I DON CIG LA, ,SEMS KYI GNAS LUGS MA BYAS NA, ,NGA YI 'PHRIN LAS RGYAS SU 'GRO, ,DE BZHIN CHOS RNAMS KUN LA MTSUNGS, ,STONG PA NYID KYI GO BA NI, ,RNAM PAR DAG PA MA CHAGS SHING, ,BLA MA'I MAN NGAG MED PA DANG, ,RANG DGAR LAM 'DI LA 'JUG PA'I, ,SO SKYE RNAMS LA MGO BO NI; ;'DI YI THANG DU 'KHOR SA 'DUG ,DES NA BLA MA MKHAS PA BSTEN, ,BSTEN PA TZAM GYIS MI MCHOG PAS, ,SGRO 'DOGS LEGS PAR ZHIB PAR NI, ,BCAD NAS NGES SHES SNYING NAS NI, ,'DRONGS KYANG TSIM PAR MA MDZAD PAR; ;NGOMS PA MED PAR CHAD CIG AANG, ,DAL 'BYOR DON YOD MDZOD CIG AANG, ,BDEN 'DZIN NGA YIS DRANG GTAM YIN, ,SHES RAB KHA PO CHE YANG NI, ,SHES RAB YUD TZAM CIG LA NI, ,KHA PO KHAMS GSUM GANG

, ,BAR 'DON, ,KHAMS GSUM 'KHOR BA'I SEMS CAN TSO, ,KHYED RANG TSO YI NGOS NAS NI, ,NGA NI BDEN PAR MA BZUNG NA, ,NGA YI NGOS NAS KHYED TSO LA, ,BDEN PA'I CHA NI RDUL TZAM MED, ,BDEN GRUB RDUL TZAM MED PA LA, ,YOD PA LTAR DU MA 'DZIN CIG, ,,SHES RAB KYIS NI LAN SMRAS PA, ,CHOS SKUR NGA RGYAL 'JOG PA LA, ,LABS LABS JI LTAR MANG LAGS KYANG, ,ROL BRGYA SHAL BA GCIG GIS CHOD, , LEGS PAR NYON LA LAN THOB CIG ,SNGA SOR DPE LA LAN THEBS NA, ,DON LA LAN NI THEBS PAR 'GYUR, ,CHU PHOR PHYED PHYED PA GNYIS NI, ,GCIG TU DRIL BA'I TSE NA NI, ,DE GNYIS DBYE BA YOD DAM MED, ,YOD NA CHU GNYIS KHYOD KYIS PHYE, ,MED NA SNGA MA'I CHU DE NI, ,RTING MA'I CHU RU SONG NGAM CI, ,SONG NA SNGA CHU PHYI CHU GANG, ,MING GI KHYAD PAR YOD DAM MED, ,YOD NA SNGA MA'I CHU DE GANG, ,MED NA SNGA MA'I CHU DE NI, ,RTING MAR BLUG PA MA YIN NAM, ,BLUG NA MING GI KHYAD BYUNG BAS, ,DE YANG KHYOD LA 'GAL BA YIN, ,'DRES NAS 'BYED RGYU MED ZER NA, ,'DRES DUS RANG DU SNGA CHU DE, ,YOD DAM MED PA KHYOD KYIS SMROS, ,MED NA BLUG BZHIN GANG DU SONG, ,PHOR PA GANG BA'I RGYU MTSAN CI; ;YOD KYANG 'DRES NAS DBYE BA NI, ,'BYED MI THUB KYANG YOD CE NA, ,MI GSAL BA YI TSUL YOD DE, ,KHYED RANG STENG DU 'KHOR GSUM MO, ,DE BZHIN CHOS SKU'I NGA RGYAL LA'ANG, ,MTSUNGS PAR GYUR PA 'DI LTA STE, ,YUL CAN BDE BA

CHEN PO DANG, ,YUL NI STONG PA NYID GNYIS NI, ,DBYER MI PHYED PA'I BDAG NYID DE, ,NGA'O ZHES PA'I NGA RGYAL LA, ,BZHAG PAR GYUR PA TZAM GYIS NI, ,DE NI STONG NYID NGANG DER ZHUGS, ,CHU LA CHU BZHAG JI BZHIN NO, ,STONG NYID DU ZHUGS NGA RGYAL NI, ,MNYAM GZHAG NGO NA MED MOD KYANG, ,MNYAM GZHAG DUS DER YOD KYANG NI, ,DBYE BA 'BYED PAR GA LA NUS, ,CHOS CAN BDE BA CHEN PO LA'ANG, ,DE BZHIN DPE NI MTSUNGS PA YIN, ,'O NA NGA RGYAL GANG DU 'DZIN,, NGA RGYAL MNYAM GZHAG DUS SU 'DZIN, ,'DZIN TSUL RANG GI DNGOS GZHI NI, ,YUL CAN BDE BA CHEN PO DANG, ,YUL NI STONG PA NYID GNYIS NI, ,DBYER MED RO GCIG GYUR PA YI, ,BDAG NYID DE NI NGA'O ZHES, ,NGA RGYAL DE YI 'DZIN STANGS NI, ,MED DGAG TZAM GYI GSAL NGAR DANG, ,SHUGS LDAN DRAG LA GRIMS PA YI, ,RGYUN LA MNYAM PA BZHAG NAS NI, ,BYINGS RJOD MED PAR SKYONGS SHIG GO ,'DI DANG SKABS NI 'GA' ZHIG TU, ,GZHON NUS BDE BA MYONG BA BZHIN, ,BRJOD DU MED PA'I NYAMS CIG YOD, ,LKUGS PAS RMI LAM RMIS PA BZHIN, ,SMRA RU MED PA'I NYAMS CIG YOD, ,'DI DAG KHYOD KYIS GO BA MED, ,GO YANG KHYOD NI MA RIG PAS, ,YID CHES BYED PAR GA LA 'GYUR, ,KHYOD KYI THAD DU GSANG SGROG GO, ,N'A DA RIL 'DZIN RJES GZHIG SOGS, ,'OD GSAL SDUD DON 'DI LTA STE, ,NYI MA'I 'OD KYIS MUN BSAL BAS, ,CHOS KUN GSAL BAR SNANG BA LTAR, ,DE BZHIN SHES RAB

, ,'O KYIS NI, ,BDEN 'DZIN MUN PA BSAL BA YI, 'DZIN STANGS MED DGAG TZAM ZHIG LA, GSAL BAR SHUGS LDAN DRAG GRIMS PA'I, ,RGYUN GYI MNYAM GZHAG SKYONGS SHIG GO ,'OD GSAL ZHES SU BTAGS PA YIN, ,SEMS DANG N'A DBYER MED DE, ,DE 'DRA'I 'OD GSAL DU ZHUGS PAS, DE NI STONG PAR ZHUGS PA YIN, ,SHES RAB 'OD KYIS SEMS KYI NI, ,BDEN 'DZIN MUN PA BSAL BA DE, ,SEMS KYI GNAS GNAS LUGS YIN LAGS NA, ,BDEN 'DZIN KHA LA SMRA BCAD BYIN, ,GNAS LUGS 'DI LA RMONGS PAS NA, ,KHYOD LA RIG MING BYUNG MOD, ,NGA NI MKHA' LA NYI ZLA 'DRA, ,SHAR BA TZAM GYIS MUN PA SEL, ,KHYOD NI GTI MUG RANG BZHIN LAS; ;LUG LTAR LUS PA MA YIN NAM, ,N'A DA LA NI SMOS CI DGOS, ,RTEN DANG BRTEN PA'I DKYIL 'KHOR NI, ,BSGOM PA LA YANG KHYOD KYI NI, ,'DZIN STANGS 'GAL BA'I GNYEN PO YOD, ,DE YI RGYU MTSAN CI PHYIR NA, ,LUS SEMS BDEN PAR MED PAR NI, ,NGES PA'I NGES SHES DE NYID KYI, ,'DZIN STANGS STONG PA NYID ZHUGS PA'I, ,GZUNG RNAM RTEN DANG BRTEN PA YI, ,DKYIL 'KHOR DU NI SHAR BAS NA, ,THA MAL LUS KYI BDEN SNANG DE, ,SNANG LA RANG BZHIN MED PA YI, ,LHA SKUR BSGOMS PAS BKAG PAS NA, ,NGES NGOR LHA SKU MA GTOGS PA, ,THA MAL LUS KYI BDEN SNANG MED, ,NGES NGOR MI SNANG BA YIN GYI, ,MED PAR SNANG BA MA YIN NO, ,MED PAR SNANG NA GTAN

MED YIN, ,SNANG NGO'I BDEN SNANG MA ZHI YANG, ,NGES NGOR LHA SKU BSGOM PA DE, ,JA CHER 'PHEL ZHING RGYAS PA YI, ,DBYER MED BRTAN PA THOB GYUR NA, ,SNANG NGO'I BDEN SNANG GTAN LOG PAS, ,DE GNYIS SRANG MDA' MTHO DMAN BZHIN, ,ZHEN PA'ANG DE BZHIN MTSUNGS PA YIN, ,STONG PA NYID LA GNYIS SNANG NI, ,NUB PA ZHES BYA DE NAS 'BYUNG, ,KHYOD DANG 'DZIN STANGS 'GAL BA YI, ,GNYEN PO YOD PA MGO BA'I, ,YUS CHEN NGA LA BTZONGS ZHEN 'DRA,, SEMS DANG N'A DA DBYER MED DE, ,SNANG LA RANG BZHIN MED YIN PA, ,DE NI 'OD GSAL DU ZHUGS PAS, ,KHYOD DANG 'DZIN STANGS 'GAL BA YI, ,GNYEN PO YOD BZHIN DE NYID NI, ,'OD GSAL STONG PA NYID ZHUGS PAS, ME NI 'BAR BA NYID KYI KHAR, ,SHING NI BSNAN PA NYID DANG MTSUNGS, ,'DI 'DRA'I TSUL NI GCIG SHES NA, ,DE BZHIN KUN LA BSGRES MDZOD AANG,, ,,BDEN 'DZIN GYIS NI LAN SMRAS PA, ,KHYOD DANG TSIG PHRENG MKHAS PA 'GAL, ,THA SNYAD LABS TSE 'GRIG 'GRIG 'DRA, ,MNYAM GZHAG DON LA 'JOG KHA RANG, ,TSIG SKYON TSUN CHAD SPANG KHA MO, ,MNYAM PAR BZHAG PA'I NGO DER NI, ,KHYOD DANG MKHAS PA BSGOM CHEN 'GA', ,CI SGOM 'DI SGOM MED PA DANG, ,CI ZER 'DI ZER MED PA DANG, ,GAR 'GRO 'DI'I 'GRO'I GTOL MED CING, ,BDEN PAR MED DANG GTAN MED GNYIS, ,NGO DER DBYE BA 'BYED MI THUB, ,DE 'BYED THUB PAR MA GYUR NA, ,YOD DANG BDEN PAR

, ,YOD PA GNYIS, ,NGO DER DBYE BA MI PHYED PAS, ,MTHA' GYIS LA NI GNAS PA YIN, ,DE YANG NGA YI SHES 'DOD DO, ,NGO DER DBYE BA MA PHYED NA, ,THA SNYAD LA PHYE PHAN PA MED, ,NGO DER DBYE BA MA PHYED PAS, ,MGO BO 'KHOR TSAD DE RU 'KHOR, ,NGO DER DBYE BA 'BYED ZER NA, ,'DI DAG LA NI LAN THOG CIG ,NGA NI BDEN PAR MED PA LA, ,MNYAM PAR BZHAG PA'I BZHAG NGO DER, ,NGA NI BDEN PAR MED LAGS KYANG, ,STONG GZHI CHOS CAN NGA DE NI,, BZHAG NGO DE NI YOD DAM MED, ,YOD NA NGA NYID YOD PAS NA, ,RTAG PA'I MTHAR NI MA LHUNG NGAM, ,NGA MED BSGOM PA'I DON CI YOD, ,MNYAM GZHAG NGO NA MED MOD KYANG, ,MNYAM GZHAG NGO NA MED MOD KYANG, ,MNYAM GZHAG DUS SU YOD ZER NA, ,YOD PA DER NI DA YOD PAS, ,DE NI NGA YI MNYAM GZHAG YIN, ,NGA MED BSGOM PAR GA LA 'GYUR, ,MNYAM GZHAG DUS DER MED ZER NA, ,CHAD PA'I MTHAR NI MA LHUNG NGAM, ,SU ZHIG BDEN PAR MED PAR BSGOM, ,STONG GZHI MED PA'I STONG PA DE, ,CI 'DRA BA CIG KHYOD KYIS SMOS, ,NGA NI STONG PAR DAG ZIN NAS, ,YOD KYANG DBYE BA MI THUB NA, ,DBYE BA MED KYANG NGA DE NI, ,YOD PA GANG 'DRAR YOD KYANG NI, ,DE YO SA RU NGA YOD PAS, ,NGA MED BSGOM PAR GA LA 'GYUR, ,DE GA NGA YI MNYAM GZHAG NI, ,YIN PA KHYOD KYIS MA SHES PAR, ,BSGOM PAS CHOS SKU THOB LA RE, ,DE 'DRA'I RGYU 'BRAS YA MTSAN CAN, ,KHYOD KYIS SHES NA NGA LAS NI, ,KHYOD RANG RANG MA RIG TU 'DUG ,DE LTA YIN

NA RNAMS RTOG NI, ,CHOS SKU YIN PA CIS MI 'THAD, ,SEMS CAN THAMS CAD THOG MED NAS, ,'BAD MED CI PHYIR GROL MI 'GYUR, ,DE 'DRA DE YANG NGA YI GROGS, ,DA LTA'I BSGOM PA PHAL MO CHE, ,SGOM LUGS DE LTAR BYED PA NI,, SHING GI DKYIL GYI SRIN BU YIS, ,DKYIL DU ZHUGS NAS SHING ZA LTAR, ,KHA LA NGA MED BSGOM MO ZER, ,BSGOM BYA'I DKYIL DU NGA BCUG NAS, ,BSGOS PAS NGA NYID 'PHEL BA YIN, ,'DI TSUL MA THINGS BSGOM PA NGAL,, SHES RAB KYIS NI LAN SMRAS PA, ,BUD MED KHRAM MO'I KHA THAG BZHIN, ,CAL COL MANG YANG DON GO CHUNG, ,RMONGS CHEN KHYOD NI NGA RGYAL GYI, ,RTZOM MI'I BZO TA BLTA BLTA DANG, ,TSIG SKYON CI 'DUG BLTA BA DANG, SDEB SBYOR LEGS NYES BLTA BLTA BAS, ,ZAB DON LEGS PAR SMRAS LAGS KYANG, ,KHYOD LA DON DU 'GYUR BA DKA', ,KHYOD LA DKA' YANG RANG NYID NI, ,DOGS PA GCOD PA'I GZHI TZAM YIN, ,GZHAN DU'ANG MNGON THOGS YOD BSAM MED; ;KHYOD RANG LAN CIG 'DEBS SNYAM NA, ,GZHAN SKYON RTOG PA'I BLO SPANGS NAS, ,LEGS PAR NYON LA BSAM BLO THONG, ,BUD SHING LA NI ME 'BAR TSE, ,'BAR GYI NA RANG GIS MNYAM GZHAG NGOR, ,SHING DE SNANG BAR MA GYUR MOD; ;'BAR BA'I MNYAM GZHAG RANG DUS SU, ,SHING DE YOD PAS ME 'BAR MOD, ,MED NA ME NI GANG LA 'BAR, ,'BAR ZHING CHES CHER 'BAR BA DE, ,GOMS SHING BRTAN PAR GYUR PA'I MTHAR, ,SHING DE TSIG NAS BRLAG

, ,PA LTAR, ,DE BZHIN BDEN 'DZIN BUD SHING LA, ,SHES RAB 'OD KYI ME 'BAR BA'I, ,'BAR ZHING RANG GI MNYAM GZHAG NGOR, ,BDEN 'DZIN BUD SHING MI SNANG BA, ,MED PAR SNANG BA GA LA YIN, ,MNYAM GZHAG NGO NA MED PA DE, ,BDEN PAR MED PA'I DON YIN GYI, ,CHAD MTHAR LHUNG BA GA LA ZER, ,THA SNYAD DU YANG MED PA NI, ,CHAD PA'I MTHAR LHUNG ZHES BYA'O, ,MNYAM GZHAG NGO NA MI SNANG YANG, ,MNYAM GZHAG DUS SU YOD PA LA, ,SHES RAB 'OD KYI ME DE NI, ,'BAR GYI DE LAS GZHAN DU NA, ,JI TZA 'BAR YANG 'DI DUS KYI, ,BDEN 'DZIN BUD SHIG GA LA 'TSIG ,KHONG RANG TSIG SAR KHO RANG LAS, ,'BAR GYI GZHAN DU MA YIN NO,, GAL TE TSIG GO ZHE NA NI, ,'DRE NI SHAR DANG YA STAGS NUB, ,RKUN MA SPANG LA RJES GCOD NAGS, ,DE 'DRA'I RGYU 'BRAS YA MTSAN CAN, DPE DON GNYIS KYIS GO NUS KYANG, ,GAL PO CHE YI YANG SKYOR NA, ,NGA NI BDEN PAR MED PA LA, ,MNYAM PAR BZHAG PA'I BZHAG NGO DER, ,NGA NI MI SNANG BA YIN KYANG, ,RTAG MTHAR LHUNG BAR MI 'GYUR ZHING, ,'DI YIS MED MTHA' SEL BA YIN, ,CI PHYIR STONG GZHI CHOS CAN GYI, ,NGA NI YOD PAS NGA MED KYI,, MTHA' NI AE SEL KHYOD RANG LTOS, ,BZHAG DUS NGA NI YOD PAS NA, ,YOD BZHIN DE GA BDEN MED DU, ,BSGOM GYI GZHAN DU MA YIN NO, ,DE YIS RTAG MTHAR LHUNG BA SEL, DE GA BDEN MED BSGOM PA LA, ,SHING SRIN

DPE YI MTSUNGS PA 'KHRUL, ,DE GA BDEN MED MI BSGOM PAR, ,'JOG NA SHING SRIN MTSUNGS PA YIN, ,MNYAM GZHAG DUS SU NGA MED NA, ,SU ZHIG BDEN PAR MED PAR BSGOM, ,STONG GZHI MED PA'I STONG PA DE, ,CI 'DRA BA CIG KHYOD KYIS SMROS, ,'KHOR GSUM BYUNG LA NGO TSA MED, ,GONG 'OG 'GAL LA KHREL GZHUNG MANG, ,GTI MUG RANG MA RIG GI NI, ,SGRA BSHAD DON DU TSANG NGO AANG, ,KHO BO BDEN PA'I TSIG SMRA YI, ,KHONG GYI BRDZUN TSIG SLU CHOS 'DI,, RANG GZHAN MGO BO 'KHOR BA'I RGYU, ,BRDZUN PA SPONGS LA BDEN PA SMOS, ,YANG PA'I RGYAL KHAMS NYI SHAR 'DRA, ,SBAL CUNG LHA RDOR JI BZHIN DU, ,KUN DGA' BLO GROS 'PHEL PHYIR YIN, ,MKHAS PAS KHREL BAR DGONGS NA'ANG, ,BZOD PA GNAS LUGS DANG DU BZHES, ,BDAG LA SDIG MED MDZAD DU GSOL, CES PA 'DI YANG BTZUN PA BLO BZANG CHOS KYI RGYAL MTSAN GYIS SMRAS PA DGE LEGS SU GYUR CIG , ,, MI BZAD SNYIGS MAS SBAGS PA'I DUS MTHA' 'DIR, ,RGYAL BAS BSNGAGS PA DBEN PA'I RI KHROD DU, ,TSUL KHRIMS DAG PA'I GZHI LA GNAS BCAS TE, ,SGOM GSUM DGE LA BRTZON RNAMS SKAL BA BZANG, ,