, (,GSANG CHEN RGYUD SDE BZHI'I SA LAM GYI RNAM GZHAG RGYUD GZHUNG GSAL BYED CES BYA BA BZHUGS SO, ,)
, ,NA MO GU RU SU MA TI MU NI AINDRA BADZRA DH'ARA YA, DON DAM 'OD GSAL LHAN SKYES THUGS, ,KUN RDZOB DAG PA'I SGYU MA'I SKU, ,ZUNG 'JUG RDO RJE 'CHANG CHEN POS, ,BDAG SOGS 'GRO LA BYIN CHEN STZOL, ,GRUB MCHOG KLU SGRUB YAB SRAS DANG, ,ZLA BA'I ZHABS DANG BLO BZANG GRAGS, ,RTZA BA'I BLA MA MCHOG RNAMS KYIS, ,BYANG CHUB BAR DU BDAG SKYONGS SHIG ,RANG NYID BAG CHAGS 'JOG PA DANG, ,SKAL MNYAM GZHAN LA'ANG PHAN 'DOD KYIS, ,GSANG SNGAGS RGYUD SDE RNAM PA BZHI'I, ,SA LAM NYUNG GSAL BRJOD PAR BYA, ,TSUL BZHIN SGOM PA'I SKAL PHRA YANG, ,TSUL 'DIR MOS PA MI DMAN PA, ,CHOS BDAG RNAMS KYIS DGONGS MDZOD LA, ,CHOS GTAM SMRA BA'I GNANG BA STZOL, ,BLO BZANG LEGS BSHAD 'BRUG GI SGRAS, ,RNAM DPYOD MNGAL GYI KHUR 'DZIN PA'I, ,SKAL BA MI DMAN GTZUG LDAN GYIS, ,'CHAD RTZOD ZLOS GAR CIR YANG BYED, ,'DIR GSANG CHEN RGYUD SDE BZHI'I SA LAM GYI RNAM GZHAG 'CHAD PA LA GNYIS, RGYUD SDE 'OG MA GSUM GYI LAM BGROD TSUL MDOR BSDUS TE BSTAN PA DANG, RNAL 'BYOR BLA NA MED PA'I RGYUD KYI LAM BGROD TSUL CUNG ZAD PHYE STE BSHAD PA'O, ,
, ,DANG PO LA GNYIS, DNGOS DANG, DE DAG LAM LNGA DANG SA BCUR 'JOG TSUL LO, ,DANG PO LA GSUM, BYA RGYUD DANG, SPYOD RGYUD DANG, RNAL 'BYOR RGYUD KYI LAM BGROD TSUL LO, ,DANG PO LA BZHI, LAM SGOM PA'I SNOD RUNG DU BYA BA, SNOD DU GYUR NAS DAM TSIG DANG SDOM PA DAG PAR BYA BA, DAM TSIG LA GNAS NAS SNGON DU BSNYEN PA JI LTAR BYA BA, BSNYEN PA LAS SU RUNG NAS DNGOS GRUB JI LTAR SGRUB PA'O, DANG PO NI, LAM RIM CHE CHUNG NAS GSUNGS PA LTAR LAM THUN MONG BAS RGYUD LEGS PAR SBYANGS TE, RDO RJE SLOB DPON MTSAN NYID DANG LDAN PA ZHIG RGYUD SDE NAS BSHAD PA LTAR TSUL BZHIN DU BSTEN, BYA RGYUD RIGS GSUM GANG YANG RUNG BA ZHIG GI DKYIL 'KHOR DU 'JUG CING DBANG BSKUR BA MNOS PA'O, ,GANG DU DBANG BSKUR BA'I DKYIL 'KHOR NI, RDUL TSON NAM RAS BRIS KYI DKYIL 'KHOR DANG, GANG ZAG KHYAD PAR CAN 'GA' ZHIG BSAM GTAN GYI DKYIL 'KHOR DU DBANG BSKUR CHOG PA ZHIG YONGS KYI, LUS DKYIL SOGS MED DE, RGYUD SDE 'OG MA GSUM GYI SKABS SU LUS DKYIL DANG, KUN RDZOB BYANG CHUB SEMS KYI DKYIL 'KHOR DANG,
BHA GA'I DKYIL 'KHOR DANG, DON DAM BYANG CHUB SEMS KYI DKYIL 'KHOR BZHI'I THA SNYAD MA BSHAD PA'I PHYIR TE, DE BZHI NI BLA MED KHO NA'I KHYAD CHOS YIN PA'I PHYIR RO, ,GANG BSKUR BA'I DBANG NI BUM DBANG KHO NA YIN GYI, DBANG GONG MA GSUM NI RGYUD SDE 'OG MA GSUM LA MED DO, ,RGYUD SDE BZHI LA DBANG MANG NYUNG GI KHYAD PAR YOD DE, BYA RGYUD LA CHU DANG COD PAN GYI DBANG MTHA' RTEN DANG BCAS PA TZAM DANG, SBYOD RGYUD LA DE'I STENG DU RDO RJE DRIL BU MING GA DBANG STA RIG PA'I DBANG LNGA MTHA' RTEN DANG BCAS PA TZAM DANG, RNAL 'BYOR RGYUD LA DE'I STENG DU RDO RJE SLOB DPON GYI DBANG MTHA' RTEN DANG BCAS PA TZAM DANG, BLA MED KYI RGYUD LA DE'I STENG DU DBANG GONG MA GSUM STE DBANG BZHIG DANG, BLA MED KYI BYE BRAG DUS 'KHOR GYI RGYUD LA BYIS PA LTAR 'JUG PA'I DBANG BDUN DANG, GONG MA GONG CHEN BZHI BZHI DANG, RDO RJE SLOB DPON BDAG PO CHEN PO'I DBANG STE BCU DRUG YOD PA'I PHYIR, 'ON KYANG DKYIL CHOG RDO RJE 'PHRENG BAR BYA SPYOD GNYIS KA LA RIG PA'I DBANG LNGA BSKUR BAR BSHAD DO, ,GNYIS PA NI, SO THAR GYI RTEN DU RUNG BA YIN NA SO THAR RIS BDUN GANG YANG RUNG BA'AM, MA MTHA' MI DGE BA BCU SPONG BA'I TSUL KHRIMS GZHIR BZUNG NAS, DBANG BSKUR BA'I DUS SU BZUNG BAR BYA BA'I SDOM PA NI BYANG SDOM KHO NA YIN TE, BYA SPYOD GNYIS LA SNGAGS SDOM 'DZIN PA MED PA'I PHYIR TE, DES NA BSRUNG BYA RTZA LTUNG YANG BYANG SEMS KYI RTZA LTUNG RNAMS
, ,YIN GYI DE LAS LOGS SU MED DE, 'ON KYANG SNGAGS KYI THUN MONG MIN PA'I DAM TSIG BSRUNG BAR BYA BA MANG PO YOD PA RNAMS SNGAGS RIM CHEN MOR LEGS GRUB KYI RGYUD DRANGS PA LAS SHES PAR BYA ZHING, RTZA LTUNG RNAMS BYANG CHUB GZHUNG LAM DU BLTA BAR BYA'O, ,DE DAG SHES PAR BYAS NAS RTZA LTUNG GIS GTAN MA GOS PA LA 'BAD CING, NYES PA GZHAN GYIS GOS NA'ANG JI MI SNYAM PAR MI GZHAG PAR NYIN BAR BYUNG BA RNAMS MTSAN MO PHYIR BCOS LA, MTSAN MO LTUNG BA BYUNG BA RNAMS NYIN MO PHYIR BCOS PAR GSUNGS BA LTAR BSHAGS NAS DAG PAR BYA'O ZHES SNGAGS RIM CHEN MOR GSUNGS SO, ,GSUM PA LA GNYIS, BZLAS BRJOD DANG BCAS PA'I BSAM GTAN DANG, BZLAS BRJOD LA MA LTOS PA'I BSAM GTAN NO, ,DANG PO NI, LHA DRUG GI SGO NAS RANG LHAR BSKYED PA DANG, MDUN DU YE SHES PA SPYAN DRANGS NAS MCHOG PA SOGS DANG, SROG RTZOL BSDAMS PA DANG SBRAGS NAS YAN LAG BZHI MA NYAMS PAR BZLAS PA BYA BA RNAMS SO, ,RGYUD SDE 'OG MA GSUM NAS BSHAD PA'I SROG RTZOL DANG, GSANG 'DUS 'PHAGS LUGS KYI SKOR NAS BSHAD PA'I SROG RTZOL DANG, DUS 'KHOR NAS BSHAD PA'I SROG RTZOL GSUM MING 'DRA YANG DON MI GCIG GO ,RGYUD SDE 'OG MA GSUM NAS BSHAD PA'I SROG RTZOL GYI DON YOD DE, DBANG PO'I SGO SOGS DANG SKRA DANG BA SPU'I BU GA NAS 'BYUNG 'JUG BYED PA'I RLUNG NI SROG YIN LA, RTZOL BA NI DMIGS PA GZHAN DRAN
NAS DE LA GA-YENG BA'I DRAN PA YIN PAS, DE GNYIS PHYIR 'PHROR MI 'JUG PAR NANG DU 'DZIN PA NI SROG RTZOL SDOM PA'I DON YIN PA'I PHYIR, GNYIS PA NI, ME GNAS KYI BSAM GTAN DANG, SGRA GNAS KYI BSAM GTAN DANG, SGRA MTHAR THAR PA STER BA'I BSAm GTAN SGOM PA RNAMS SO, ,DE YANG SGRA GNAS KYI BSAM GTAN MAN CHAD DU ZHI GNAS SGRUB LA, SGRA MTHA' NAS LHAG MTHONG SGOM ZHING DER YANG SO SOR RTOG PA'I SHES RAB KYIS DPYAD PA MANG DRAG NA SNGAR GYI GNAS CHA 'JIG PAS, DPYAD 'JOG SPEL MAR BYAS LA STONG NYID RTOGS PA'I ZHI LHAG ZUNG 'BREL SGRUB PO, ,STONG NYID RTOGS PA'I LHAG MTHONG THOB TSE SBYOR LAM DANG, STONG NYID MNGON SUM DU RTOGS TSE MTHONG LAM DU 'PHO BA SOGS PHAR PHYIN THEG PA DANG 'DRA'O, ,DNGOS GRUB KHYAD PAR CAN GYI LAS TSOGS MTHA' YAS PA BSGRUB PAR BYA SBYOD LAS GSUNGS PA RNAMS JI LTA BA BZHIN DU 'GRUB PA LA, BZLAS BRJOD YAN LAG BZHI DANG DE NYID GSUM GYI BSAM GTAN SNGON DU 'GRO DGOS LA, DNGOS GRUB PHRAN TSEGS MANG PO 'GRUB PA LA DE LTAR DGOS PA'I NGES PA MED DO ZHES SNGAGS RIM CHEN MO LAS GSUNGS SO, ,BZHI PA NI, DNGOS GRUB RAB 'BRING THA GSUM STE, GSUM DU 'BYED LUGS LA SGO MANG PO YOD PA LAS NGO BO'I SGO NAS NI, RIG 'DZIN DANG MNGON SHES DANG BSTAN BCOS KUN SHES PA SOGS NI RAB DANG, MI SNANG BA DANG BCUD LEN DANG, RKANG MGYOGS SOGS NI 'BRING DANG, GZHAN DBANG DU 'DU BA DANG GSAD SKRAD SOGS NI THA MA'O, ,RTAGS KYI SGO NAS NI RDZAS 'BAR BA DANG DU BA 'THUL BA DANG DRO BA LAS GSUM MO, ,GZHI'I SGO NAS NI LUS KYI DANG RDZAS KYI DANG LONGS
, ,SPYOD KYI DNGOS GRUB PO, ,GSUNGS PA PO'I SGO NAS NAS NI 'PHAGS PA DANG LHA DANG SA BLA'I SNGAGS SO, ,RIGS KYI SGO NAS NI SNGAGS RIM LAS, ZHI BA DANG RGYAS PA DANG DRAG PO'I LAS NI RIM PA BZHIN DU DE BZHIN GSHEGS PA'I RIGS DANG, PADMA'I RIGS DANG, RDO RJE'I RIGS KYIS BSGRUB STE, DNGOS GRUB MCHOG DANG 'BRING DANG THA MA YANG DE LTAR BSGRUB PO, ,ZHES DANG, RIGS RE RE LA YANG DNGOS GRUB GSUM DANG, ZHI RGYAS DANG DRAG PO GSUM GSUM YOD PA LAS RANG RANG GI RIGS KYI BDAG PO DANG, RIGS KYI YUM DANG, RIGS KYI KHRO BOS ZHI SOGS GSUM BYA'O, ,ZHES GSUNGS PA TZAM LAS MI GSAL ZHING, RJES 'JUG RNAMS KYIS KYANG GSAL BAR BSHAD PA MA MTHONG NGO, ,MKHAS PA KHA CIG GIS, BYA RGYUD KYI GDUL BYA DBANG RNON GYIS BSKAL PA MANG PO THUB PA'I TSE'I RIG 'DZIN BSGRUBS NAS TSE GCIG LA 'TSANG RGYA BA YOD PAR GSUNGS KYANG, SNGAGS RIM LAS DE LTAR GSAL BAR MA GSUNGS SHING, RGYUD SDE SPYI RNAM LAS, BYA SPYOD GNYIS LA PHA ROL TU PHYIN PA'I LUGS KYI 'TSANG RGYA TSUL LAS LOGS PA MED, CES GSUNGS PA LTAR 'DOD NA, 'OG MIN STUG PO BKOD PA'I RTEN LA 'TSANG RGYA BAR 'DOD DGOS PAS DPYAD PAR BYA'O, ,GNYIS PA SPYOD RGYUD KYI LAM BGROD TSUL LA BZHI, SNOD RUNG DU BYA BA DANG, DAM TSIG DANG SDOM PA DAG PAR BYA BA DANG, BSNYEN PA JI LTAR BYA BA DANG, DNGOS GRUB JI LTAR SGRUB PA'O, ,DANG PO NI, SPYOD RGYUD NAS GSUNGS PA'I SNYING RJE CHEN PO'I SNYING PO CAN LA SOGS PA'I DKYIL 'KHOR DU DBANG BSKUR BA THOB PAS LAM SGOM
PA'I SNOD DU BYED PA STE, DE YANG CHU DANG COD PAN GYI DBANG TZAM GYIS MI CHOG PAR RIG PA'I DBANG LNGA GA THOB DGOS PA MA GTOGS PHAL CHER BYA RGYUD KYI SKABS DANG 'DRA'O, ,GNYIS PA NI, RTZA LTUNG RNAMS BYA RGYUD KYI SKABS DANG 'DRA ZHING, BYA RGYUD NAS BSHAD PA'I DAM TSIG GZHAN RNAMS KYANG PHAL CHER THUN MONG BA YIN PAR GSUNGS LA, RNAM SNANG MNGON BYANG LAS DAM PA'I CHOS DANG BYANG CHUB KYI SEMS SROG GI PHYIR YANG MI GTONG BA DANG, SER SNA DANG SEMS CAN LA GNOD PA MI BYED PA DANG, MI DGE BA BCU SPONG GI BSLAB PA'I GZHI LA GNAS DGOS PAR GSUNGS SO, ,GSUM PA LA GNYIS, MTSAN MA DANG BCAS PA'I RNAL 'BYOR DANG, MTSAN MA MED PA'I RNAL 'BYOR RO, ,DANG PO NI, PHYI'I YAN LAG BZHI'I BZLAS BRJOD DANG, NANG GI YAN LAG BZHI'I BZLAS BRJOD DANG, DE RE RE LA YAN LAG BZHI MA NYAMS PAR SHUB BU DANG YID BZLAS BYA BA DANG, YID BZLAS KYI TSE SROG RTZOL SDOM BA RNAMS SO, ,GNYIS PA NI, LHA'I SKU LA SOGS PA LA DMIGS PA'I ZHI GNAS RNYED PA NA, LHA'I RNAL 'BYOR DANG 'BREL BA'I SGO NAS STONG NYID SGOM STE, DBYAD 'JOG SPEL MAR BYAS LA STONG NYID RTOGS PA'I ZHI LHAG ZUNG 'BREL SGRUB BO, ,MTSAN BCAS MTSAN MED KYI RNAL 'BYOR GYI DON NI SNGAGS RIM LAS, MTSAN MA DANG BCAS PA'I RNAL 'BYOR NI STONG NYID SGOM PA DANG BRAL BA'I LHA'I BSGOM BZLAS YIN LA, MTSAN MA MED PA NI STONG NYID SGOM PA DANG BCAS PA'I LHA'I BSGOM BZLAS LA BYA YI STONG NYID RKYANG BSGOM PA LA MI BYA STE, ZHES GSUNGS PA LTAR RO, ,MKHAS PA KHA CIG ,STONG NYID RTOGS PA'I BLOS MA ZIN PA DANG ZIN PA'I LHA'I RNAL 'BYOR NI RIM BZHIN MTSAN BCAS
, ,MTSAN MED KYI RNAL 'BYOR GYI DON DU GSUNGS PA DPYAD BYA STE, STONG NYID RTOGS PA'I BLOS ZIN PA'I MTSAN BCAS KYI RNAL 'BYOR YOD PA'I PHYIR TE, MTSAN BCAS KYI RNAL 'BYOR GYI SNGON DU STONG NYID SGOM PAR GSUNGS PA GANG ZHIG , DE'I TSE STONG NYID RTOGS PA'I BLO SHUGS DRAG YOD NA DE'I RJES KYI MTSAN BCAS KYI RNAL 'BYOR NI DES ZIN PAR 'GYUR PA'I PHYIR TE, LAM RIM CHUNG NGU LAS, STONG NYID RTOGS PA'I SHES RAB SHUGS DRAG NA SBYIN PA GTONG BA DANG, PHYAG DANG SKOR BA SOGS BYED PA'I TSE, DE DAG LA DMIGS PA'I BLO DE RNAMS STONG NYID RTOGS PA MIN YANG DE'I SHUGS DANG LDAN PAR 'JUG PA MI 'GAL LA, THUN MGO LTA BU LA BYANG CHUB KYI SEMS SHUGS DRAG PO SNGON DU BTANG NA, STONG NYID KYI TING NGE 'DZIN LA BZHAG PA'I TSE, BYANG CHUB KYI SEMS DE DNGOS SU MED KYANG DE'I RTZIS ZIN PA MI 'GAL TE, ZHES GSUNGS PA BZHIN YIN PA'I PHYIR, MDO LUGS KYI THABS SHES YA MA BRAL BA'I TSUL NI DE LTAR YIN KYANG, SNGAGS LUGS KYI THABS SHES YA MA BRAL BA NI DE TZAM MIN GYI, RGYA CHE BA LHA'I RNAL 'BYOR DANG ZAB PA RANG BZHIN MED PA RTOGS PA'I SHES RAB GNYIS SHES PA GCIG GI NGO BOR DUS GCIG TU TSOGS PA'I THABS SHES DBYER MED LA BYED PA'I PHYIR TE, SNGAGS RIM LAS, 'BRAS BU'I SKABS SU LUS MTSAN DPES SPRAS PA'I RTEN DANG DE LA BRTEN PA'I DMIGS MED KYI THUGS GNYIS NGO BO DBYER MED DUS GCIG TU GNAS PA BZHIN DU LAM GYI SKABS SU YANG RNAL 'BYOR PA'I YID NGO NA RANG GI SKU DE BZHIN GSHEGS PA'I SKU'I RNAM PAR SNANG BA'I THABS DANG, DE'I TSE RANG GI
SEMS CHOS KYI DE KHO NA NYID RANG BZHIN MED PA LA DMIGS PA'I SHES RAB GNYIS SHES PA GCIG GI NGO BOR DBYER MED PA DUS GCIG TU TSOGS PA'I THABS SHES DBYER MED DU BYA DGOS TE, ZHES DANG, GZUNG RNAM LHA'I RNAM PAR SNANG BA'I RANG BZHIN MED RTOGS KYI SHES RAB DE NYID RGYA CHE BA LHA'I RNAL 'BYOR GYI SEMS DANG NGO BO GCIG YIN YANG THABS SHES THA DAD DU 'JOG PA NI, LOG PA THA DAD LA LDOG PA'I LDOG PA THA DAD PA'I THA SNYAD KYI DBANG GIS YIN TE, ZHES GSUNGS PA'I PHYIR RO, ,DES NA SKABS 'DI'I MTSAN MED KYI RNAL 'BYOR NI DE 'DRA BA'I ZAB GSAL GNYIS MED KYI RNAL 'BYOR YIN GYI, STONG NYID RTOGS PA'I BLOS ZIN PA'I LHA'I RNAL 'BYOR TZAM MIN TE, STONG NYID SGOM PA DANG BRAL NA MTSAN MED KYI TING NGE 'DZIN DU MI 'GYUR BA'I PHYIR TE, RGYUD SDE SPYI RNAM LAS, , MTSAN MA DANG BCAS PA'I BSAM GTAN MTHAR PHYIN KYANG DE DAG LA 'KHOR BA'I RTZA BA GCOD PA'I DNGOS GNYEN MED PAS, 'KHOR BA'I RTZA BA GCOD PA LA MTSAN MA MED PA'I RNAL 'BYOR DGOS SO, ,DE SGOM PA NA LHA'I SKU LA SOGS PA KUN RDZOB PA'I RNAM PA GANG YANG MI SGOM PAR STONG PA NYID KYI DPYAD SGOM DANG 'JOG SGOM LA MKHAS PAR BYAS NAS MAN NGAG BZHIN DU BSGOM MO, ,ZHES DANG, MTSAN MA MED PA'I RNAL 'BYOR NI, CHOS THAMS CAD RANG BZHIN GYIS GRUB PAS STONG PAR GCIG DU BRAL SOGS KYI RIGS PAS NGES PAR BYAS PA'I NGES SHES KYI RGYUN GOMS PAR BYED PA YIN LA, ZHES GSUNGS PA'I PHYIR, 'DI LA KHA CIG NA RE, DE 'DRA BA'I MTSAN MED KYI RNAL 'BYOR DE CHOS CAN, LHA'I RNAL 'BYOR MA YIN PAR THAL, ZHAL PHYAG GI RNAM PA CAN GYI LHA'I SKU MI SNANG BA'I PHYIR TE, STONG
, ,NYID DNGOS SU RTOGS PA'I BLO YIN PA'I PHYIR NA MA KHYAB STE, STONG NYID RTOGS PA'I RIGS SHES RTOG BCAS KYIS STONG GZHI CHOS CAN SNANG BAR 'DOD DGOS PA'I PHYIR TE, DE LTAR RTZA SHES t'IKA CHEN DANG LAM RIM LAS GSUNGS PA'I PHYIR, SHES BYED MANGS DOGS NAS MA BRIS TE BDEN GNYIS KYI RNAM BSHAD KHO BOS BRIS PA LAS SHES BAR BYA'O, ,'DI LA KHO NA RE, DE 'DRA BA'I MTSAN MED KYI RNAL 'BYOR DE SGOM STOBS KYIS STONG NYID MNGON SUM DU RTOGS PA'I TSE YANG BZHIN LAG GI RNAM PA CAN GYI LHA'I SKU SNANG BAR THAL, KHYOD KYI DAm BCA' 'THAD PA'I PHYIR NA MA KHYAB STE, KUN RDZOB PA'I LHA'I SKU MI SNANG YANG RGYUD KYI SGO NAS LHA'I RNAL 'BYOR DU 'JOG PA'I PHYIR, SPYIR MTSAN BCAS MTSAN MED KYI RNAL 'BYOR GNYIS PO GANG RUNG YIN NA, BZHIN LAG GI RNAM PA CAN GYI LHA'I SKU SNANG BSAM KHYAB STE, SKABS 'DIR LHA DANG STONG PA'I RNAL 'BYOR DANG RLUNG DANG BZLAS PA'I RNAL 'BYOR BZHI YOD PA'I PHYIR TE, DE DAG MTSAN BCAS MTSAN MED KYI RNAL 'BYOR GNYISU BSDU BA'I PHYIR TE, SNGAGS RIM LAS, BYA SPYOD KYI RGYUD RNAMS LA RNAL 'BYOR GAL CHE BA BZHI STE, LHA DANG STONG PA'I RNAL 'BYOR DANG RLUNG DANG BZLAS PA'I RNALYOR RO, ,DE LA DON DAM PA DANG KUN RDZOB PA'I LHA'I RNALYOR GNYIS NI SKU GNYIS KYI SGRUB BYED GTZO BO YIN LA, BZLAS PA NI GANG DU BSGOM PA'I LHA DE'I THUGS BSKUL BA'I YAN LAG YIN PAS, KUN RDZOB PA'I LHA'I RNALYOR GYI YAN LAG TU 'DU'O, ,RLUNG GI RNAL 'BYOR NI LHA'I RNAL 'BYOR GNYIS KA'I BRTAN BYED KYI YAN LAG YIN PAS GNYIS KAR BSDUS NAS MTSAN MA DANG BCAS MA BCAS KYI RNALYOR GNYIS SU BSDU'O, ,ZHES GSUNGS PA'I PHYIR RO, ,BZHI PA NI, RAL GRI LA SOGS PA'I PHYI'I RDZAS LA BRTEN NAS RAL GRI'I RIG PA 'DZIN PA SOGS SGRUB PA DANG, NANG GI LUS KYI GNAS RNAMS SU SA CHU ME RLUNG GI DKYIL 'KHOR
BSGOMS NAS ZHI RGYAS LA SOGS PA'I LAS SGRUB PA DANG, 'JAM DPAL LA SOGS PA'I SGRUB PA BYAS NAS BYANG SEMS DE DAG GIS MGO LA NYUG PA'AM LEGS SO ZHES PA BYUNG BYUNG DU BZLAS BRJOD BYAS PA'I MTHAR DE DAG BYUNG BA NA, BYANG CHUB KYI SEMS MI BRJID PA'I TING NGE 'DZIN THOB PAR RGYUD 'DI LAS GSUNGS TE, DE LA SOGS PA'I DNGOS GRUB SGRUB PA'I TSUL DU MA ZHIG GSUNGS SO, ,GSUM PA RNAL 'BYOR RGYUD KYI LAM BGROD TSUL LA BZHI, SNOD RUNG DU BYA BA DANG, DAM TSIG DANG SDOM PA DAG PAR BYA BA DANG, BSNYEN PA JI LTAR BYA BA DANG, DNGOS GRUB JI LTAR SGRUB PA'O, ,DANG PO NI, RDOR DBYINGS LA SOGS PA'I DKYIL 'KHOR DU DBANG BSKUR BA THOB PAS LAM SGOM PA'I SNOD DU BYED PA STE, DE YANG BYANG SDOM TZAM 'DZIN PA LA SLOB MA'I DBANG TZAM DANG, DE DANG SNGAGS SDOM GNYIS KA 'DZIN PA LA SLOB DPON GYI DBANG GI BAR RDZOGS PAR BSKUR BA SOGS KYI KHYAD PAR YOD DO, ,GNYIS PA NI, SO THAR GYI RTEN DU RUNG NA SDOM PA GSUM LDAN DU BYAS NAS SGRUB DGOS PAS, SDOM PA GSUM KA'I BCAS PA DANG, DPAL MCHOG DANG PO DANG RTZE MO NAS GSUNGS PA'I DAM TSIG RNAMS SRUNG DGOS SO, ,GSUM PA LA GNYIS, MTSAN MA DANG BCAS PA'I RNAL 'BYOR DANG, MTSAN MA MED PA'I RNAL 'BYOR RO, ,DANG PO LA GNYIS, RAGS PA LHA LA DMIGS PA DANG, PHRA BA PHYAG MTSAN LA DMIGS PA'O, , DANG PO NI, SLOB MA'I DBANG TZAM THOB PAS ME TOG GANG LA PHOG PA'I LHA'I RNAL 'BYOR GCIG LDAN BYA BA DANG, SLOB DPON GYI DBANG THOB PAS SLOB MA LA DBANG BSKUR BA DANG RANG GIS LHA SGRUB PA LA BDAG RDZOGS RNAL 'BYOR CHEN PO DANG BCAS PA'I TING NGE 'DZIN GSUM PHRI BA MED
, ,PAR SGOM PA'I BSNYEN PA RGYAS PA DANG, DKYIL 'KHOR RGYAL MCHOG GI BSKYED CHOG LA SOGS PA BSDUS PA'I BSNYEN PA 'BRING DANG, RNAL 'BYOR CHEN PO LHA RE RE'I BZLAS BRJOD 'BUM DANG BCAS PA'I BSNYEN PA BSDUS PA GANG RUNG BYA BA'O, ,GNYIS PA NI, RANG LHAR GSAL BA'I STENG GI SNA RTZER PHYAG MTSAN RDO RJE PHRA MO RANG GI LHAG PA'I LHA'I KHA DOG DANG MTSUNGS PA LA SEMS 'DZIN PA DANG, DE LA SEMS BRTAN PA NA SPRO BSDU SOGS BYA BA'O, ,GNYIS PA NI, BDAG MDUN GYI LHA SNGAGS KYI YI GE DANG BCAS PA RANG BZHIN MED PAR GTAN LA PHAB CING, DE LA NGES PA RNYED PA NA NGES SHES DE'I RGYUN DPYAD 'JOG SPEL MAR BYAS TE STONG NYID RTOGS PA'I ZHI LHAG ZUNG 'BREL SGRUB PA'O, ,DE'I LHAG MTHONG THOB TSE SBYOR LAM DU 'PHO BA SOGS NI SNGAR DANG 'DRA'O, ,BZHI PA NI, BSAM GTAN DANG, BZLAS BRJOD DANG, SBYIN SREG GSUM GYIS DNGOS GRUB MANG PO SGRUB PAR GSUNGS PA RNAMS SO, ,DE DAG LAS RDZOGS PA'I SANGS RGYAS KYI GZUGS 'DZIN PA'I BYANG CHUB SEMS DPA'I RIG SNGAGS 'CHANG DU 'GYUR BA DANG, RANG GI LHA'I SKU PHYAG RGYA CHEN PO'I GZUGS KYI DNGOS GRUB 'THOB PA GNYIS NI RNAL 'BYOR RGYUD KYI GDUL BYA MCHOG RNAMS KYIS THOG MAR GRUB PA'I DNGOS GRUB BZANG SHOS YIN PA DANG, BYA SPYOD LA NI RIG 'DZIN GYI DNGOS GRUB GRUB PA LUS KYI DNGOS GRUB CHEN PO YIN PAR SNGAGS RIM LAS GSUNGS SO, ,RGYUD SDE 'OG MA GSUM GYIS MCHOG 'GRUB PA NI SNGON DU 'JIG RTEN PA'I DNGOS GRUB GRUB PA LA RAG LAS PA YIN LA, BLA MED LTAR NA DE LA RAG
MA LAS PAR BSKYED RDZOGS BAR MA CHAD PAR BSGOM PAS MCHOG 'GRUB TU RUNG BAR DUS 'KHOR t'IKA CHEN LAS GSUNGS SHING, SNGAGS RIM LAS KYANG, DANG POR DNGOS GRUB KYI 'BYUNG GNAS DAM TSIG DANG SDOM PA DAG PAR BYAS NAS, DE NAS THUN BZHIR MTSAN MA YOD MED KYI RNAL 'BYOR LA 'BAD DE NUS PA RNYED PA DANG, DE NAS THUN MONG DANG THUN MONG MA YIN PA'I DNGOS GRUB RNAMS BSGRUB NAS LAM GYIS SA GCOD PA'I TSUL 'DI RGYUD SDE 'OG MA GSUM LA SHES DGOS KYI, RLUNG DANG BZLAS PA DANG STONG BA DANG LHA'I RNAL 'BYOR RNAMS LA GCIG DRIL BYAS PAS LAM BGROD PAR 'DOD NA MI RUNG NGO, ,ZHES GSUNGS SO, ,RGYUD SDE 'OG MA GSUM GYI LAM GYIS MCHOG 'GRUB PA LA SNGON DU THUN MONG GI DNGOS GRUB GRUB DGOS PA'I RGYU MTSAN YOD DE, SPYOD 'JUG LAS, YAN LAG 'DI DAG THAMS CAD NI, ,THUB PAS SHES RAB DON DU GSUNGS, ,ZHES GSUNGS PA LTAR THABS KYI CHA RNAMS KYIS STONG NYID RTOGS PA'I SHES RAB KHYAD ZHUGS PAR BYED PA NI THEG PA CHEN PO GNYIS KA'I LUGS YIN LA, PHAR PHYIN THEG PA LTAR NA SBYIN SOGS KYI GSAL BA'I DBYE BA MTHA' YAS PA LA DUS MTHA' YAS PAR SLOB PA'I SGO NAS STONG NYID RTOGS PA'I SHES RAB DE SHES SGRIB SPONG BA'I NUS LDAN DU BYED LA, SNGAGS BLA MED LTAR NA DBANG PO GNYIS SBYOR GYI CHAGS PA LAM DU BYAS PAS BYANG CHUB KYI SEMS GNYIS KYI 'PHROD 'DU'I GNAD LA BRTEN NAS STONG NYID KYI RTOGS PA KHYAD ZHUGS PAR 'GYUR YANG, RGYUD SDE 'OG MA GSUM LAS NI PHAR PHYIN THEG PA LTAR SBYIN SOGS KYI GSAL BA'I DBYE BA MTHA' YAS PA LA DUS MTHA' YAS PAR SLOB PAR YANG MA GSUNGS SHING, SNGAGS BLA MED LTAR STONG NYID RTOGS PA'I YUL CAN KHYAD PAR
, ,CAN SKYED TSUL YANG MA GSUNGS PAS, THUN MONG GI DNGOS GRUB MANG PO DANG SANGS RGYAS DANG BYANG SEMS GONG MA RNAMS KYIS DNGOS SU RJES BZUNG NAS BYIN GYIS RLOB PA LA SOGS PA'I THABS MKHAS KYIS STONG NYID RTOGS PA KHYAD ZHUGS PAR 'GYUR DGOS PA'I PHYIR RO, ,'DI LA KHA CIG NA RE, SNGAGS KYI GDUL BYAS SBYIN SOGS KYI GSAL BA'I DBYE BA MI 'DRA BA MTHA' YAS PA LA SLOB MI DGOS PAR BSHAD PA MI 'THAD DE, SEMS BSKYED NAS SPYOD PA PHYIN DRUG LA SLOB PA NI THEG CHEN PA GNYIS KA'I THUN MONG GI LAM YIN PA'I PHYIR NA MA KHYAB STE, SPYOD PA'I RTEN SEMS BSKYED PA DANG SPYOD PA PHYIN DRUG LA SLOB PA'I LAM GYI LUS RAGS PA TZAM NI THUN MONG BA YIN GYI, SBYIN SOGS KYI GSAL BA'I DBYE BA MI 'DRA BA MTHA' YAS PA LA SLOB PA NI SNGAGS DANG MI 'DRA BA'I PHYIR TE, DE LTAR LAM RIM CHUNG DU DANG GSAL SGRON LAS GSUNGS PA'I PHYIR RO, ,YANG KHA CIG NA RE, RGYUD SDE 'OG MA GSUM LA CHAGS PA LAM DU BYAS PA'I SGO NAS STONG NYID RTOGS PA'I YUL CAN KHYAD PAR CAN SKYED TSUL MED PAR BSHAD PA MI 'THAD DE, RGYUD SDE 'OG MA GSUM LA NI BSGOMS PA'I YE SHES KYI RIG MA DANG PHAN TSUN LTA BA DANG, RGOD PA DANG, LAG BCANGS SAM 'KHYUD PA LAS BYUNG BA'I BDE BA LAM DU BYED PA YOD PA GANG ZHIG ,DE NI STONG NYID RTOGS PA'I YUL CAN KHYAD PAR CAN SKYED PA'I DON DU YIN PA'I PHYIR ZER NA, RTAGS PHYI MA MA GRUB STE, STONG NYID RTOGS PA'I YUL CAN KHYAD PAR CAN SKYED PA'I DON DU CHAGS PA LAM DU BYED PA NI BLA MED KHO NA'I KHYAD CHOS YIN PA'I PHYIR TE, GSAL SGRON LAS, STONG NYID SGOM PA'I YUL CAN KHYAD PAR CAN SKYED PA'I DON DU 'DOD YON LA
CHAGS PA LAM DU BYED PA NI BLA MED LAS GZHAN DU YOD PA MA YIN NO, ,ZHES GSUNGS PA'I PHYIR RO, ,YANG KHO NA RE, LTA BA DANG RGOD PA SOGS LAS BYUNG BA'I BDE BA GSUM GYIS STONG NYID RTOGS PA MED PAR THAL, DA DAG LAM DU BYED PA NI STONG NYID RTOGS PA'I YUL CAN KHYAD PAR CAN SKYED PA'I DON DU MA YIN PA'I PHYIR ZER NA DPYAD PAR BYA STE, RJES 'JUG PHAL CHER GYIS DE 'DRA YOD PAR BSHAD KYANG, RJE BDAG NYID CHEN PO'I LEGS BSHAD RNAMS SU DE LTAR GSAL BAR GSUNGS PA'I SHES BYED YOD MED TSOL DGOS PA'I PHYIR RO, , YANG KHO NA RE, RGYUD SDE 'OG MA GSUM LA PHAR PHYIN THEG PA LAS LAM MYUR BA'I KHYAD PAR MED PAR THAL, DE DAG GI STONG NYID RTOGS PA'I BLO LA CHAGS PA LAM DU BYAS MA BYAS KYI SGO NAS STOBS CHE CHUNG GI KHYAD PAR MA BSHAD PA'I PHYIR NA MA KHYAB STE, SNGAGS RIM LAS, RGYUD SDE 'OG MA GSUM DANG PHAR PHYIN THEG PA'I MYUR KHYAD NI LHA'I RNAL 'BYOR DANG BZLAS PA'I MTHU LA BRTEN NAS THUN MONG GI DNGOS GRUB MANG PO DANG, SANGS RGYAS DANG BYANG CHUB SEMS DPA' CHEN PO RNAMS KYIS DNGOS SU RJES SU BZUNG NAS BYIN GYIS RLOB PA LA SOGS PA'I THABS MKHAS MANG POS BYANG CHUB KYI SPYOD PA RDZOGS PAR BYED PA YIN LA, ZHES THUN MONG GI DNGOS GRUB SOGS KYI SGO NAS LAM MYUR BAR GSUNGS KYI, CHAGS PA LAM DU BYAS PA'I SGO NAS STONG NYID RTOGS PA'I BLO STOBS CHE BAS LAM MYUR BAR ZUR TZAM YANG MA GSUNGS PA'I PHYIR, YANG KHA CIG NA RE, RGYUD SDE 'OG MA GSUM GYI LAM GYIS BSKAL CHEN GRANGS MED GSUM LA MA LTOS PAR 'TSANG RGYA BA YOD PAR THAL, DE GSUM LA PHAR PHYIN THEG PA LAS LAM MYUR BA'I KHYAD PAR YOD PA'I PHYIR NA MA KHYAB STE, RGYUD SDE 'OG MA GSUM LA PHAR
, ,PHYIN THEG PA LAS LAM MYUR BA'I KHYAD PAR TZAM YOD KYANG, TSE GCIG LA 'TSANG RGYA BA'AM GRANGS MED KYI BSKAL BA LA MA LTOS PAR 'TSANG RGYA BA'I MYUR KHYAD MED PAR GSUNGS PA'I PHYIR TE, SNGAGS RIM LAS, BSKAL PA GRANGS MED 'DA' PA LA MA LTOS PAR 'CHANG RGYA BA'I MYUR KHYAD NI BLA MED KYI KHYAD CHOS YIN PAS, RGYUD SDE 'OG MA'I GDUL BYAS DE LTAR 'THOB PA YANG BLA MED KYI RIM GNYIS LA ZHUGS PA LA LTOS KYI RANG GI LAM TZAM GYIS MI CHOG GO, ,DE'I PHYIR SNGAGS KYI MYUR KHYAD THAMS CAD RTZOD DUS KYI TSE GCIG LA 'TSANG RGYA BA'AM BSKAL PA GRANGS MED LAM LTOS PAR 'TSANG RGYA BA KHO NAR MI GZUNG NGO, ,ZHES DANG, RGYUD SDE 'OG MA GSUM GYI LAM TZAM GYIS TSE 'DIR SANGS RGYAS MI 'GRUB STE, DE DAG LA SNGAGS KYI THUN MONG MA YIN PA'I LAM BLA MED KYI BSKYED RIM LAS LHAG PA MED PA'I PHYIR, ZHES GSUNGS PA'I PHYIR RO, ,GNYIS PA NI, DE DAG LAM LNGA DANG SA BCUR 'JOG TSUL YOD DE, ,BYA RGYUD DANG, SPYOD RGYUD DANG, RNAL 'BYOR RGYUD KYI LAM RNAMS LAM LNGA DANG SA BCUR 'JOG TSUL GSUM YOD PA'I PHYIR, DANG PO BYA RGYUD KYI LAM RNAMS LAM LNGA DANG SA BCUR 'JOG TSUL NI, DBANG RNAM PAR DAG PA THOB STE BYA RGYUD KYI LAM GYIS SANGS RGYAS THOB PAR BYA'O ZHES DAM BCA' BA'I BLO LA BCOS MIN GYI MYONG BA THON PA NAS BZUNG STE, SGRA MTHAR THAR PA STER BA'I BSAM GTAN BSGOMS STOBS KYIS STONG NYID RTOGS PA'I LHAG MTHONG MA THOB TSUN CHAD KYI LAM RNAMS BYA RGYUD KYI TSOGS LAM DANG, DE'I LHAG MTHONG NAS BZUNG STE BSAM GTAN DE NYID BSGOM PA'I STOBS KYIS STONG NYID MNGON SUM DU MA RTOGS TSUN CHAD
KYI LAM RNAMS BYA RGYUD KYI SBYOR LAM DANG, BSAM GTAN DES STONG NYID MNGON SUM DU RTOGS PA NAS BZUNG STE SGOM SPANG NYON MONGS CHEN PO'I CHEN PO'I DNGOS GNYEN MA SKYES TSUN CHAD KYI LAM RNAMS BYA RGYUD KYI MTHONG LAM DANG, SGOM SPANG NYON MONGS CHEN PO'I CHEN BO'I DNGOS GNYEN DU GYUR PA'I SGRA MTHA'I BSAM GTAN NAS BZUNG STE, BYA RGYUD KYI LAM GYIS 'TSANG RGYA KHA MA'I BAR GYI LAM RNAMS BYA RGYUD KYI SGOM LAM DANG, RGYUD 'DI'I LAM GYIS SANGS RGYAS PA'I LAM RNAMS NI BYA RGYUD KYI MI SLOB LAM YIN NO, ,DE DAG LAS MTHONG LAM NI SA DANG PO DANG, SGOM SPANG NYON MONGS CHEN PO'I CHEN PO'I DNGOS GNYEN THOB PA NAS SA GNYIS PA DANG, CHEN PO'I 'BRING GI DNGOS GNYEN THOB PA NAS SA GSUM PA DANG, CHEN PO'I CHUNG NGU'I DNGOS GNYEN THOB PA NAS SA BZHI PA DANG, NYON MONGS 'BRING SKOR GSUM GYI DNGOS GNYEN THOB PA NAS RIM BZHIN SA LNGA PA DANG DRUG PA DANG BDUN PAR 'JOG PA DANG, CHUNG NGU SKOR GSUM GYI DNGOS GNYEN CIG CHAR THOB PA NAS SA BRGYAD PA DANG, SLAR YANG SA BRGYAD PAR SHES SGRIB CHEN PO SPANGS NAS, SHES SGRIB 'BRING GI DNGOS GNYEN THOB PA NAS DGU PA DANG, SHES SGRIB CHUNG NGU'I RAGS PA'I DNGOS GNYEN THOB PA NAS SA BCU PA DANG, CHUNG NGU'I PHRA BA'I DNGOS GNYEN GYI RGYUN MTHA'I YE SHES SU 'JOG PA SOGS MDO LUGS THAL 'GYUR BA'I LUGS LTAR 'DOD DGOS TE, RGYUD SDE 'OG MA GSUM GYI SGRIB GNYIS SPONG TSUL PHAR PHYIN THAG PA DANG MI 'DRA BAR GZHUNG KHUNGS THUB GANG NAS KYANG MA BSHAD LA, RIGS PAS KYANG MI GRUB PA'I PHYIR RO, ,SPYOD RGYUD DANG RNAL 'BYOR RGYUD KYI LAM RNAMS LAM LNGA DANG SA BCUR 'JOG TSUL NI, DE GNYIS RANG RANG GI
, ,LAM GYIS SANGS RGYAS THOB PAR DAM BCA' BA'I BLO LA BCOS MIN GYI MYONG BA THON PA NAS BZUNG STE, RANG RANG GI MTSAN MED KYI RNAL 'BYOR BSGOMS STOBS KYIS STONG NYID RTOGS PA'I LHAG MTHONG MA THOB TSUN CHAD KYI LAM RNAMS DE GNYIS RANG RANG GI TSOGS LAM DANG, DE GNYIS RANG RANG GI MTSAN MED KYI RNAL 'BYOR DU GYUR PA'I STONG NYID RTOGS PA'I LHAG MTHONG NAS STONG NYID MNGON SUM DU MA RTOGS TSUN CHAD KYI LAM RNAMS DE GNYIS RANG RANG GI SBYOR LAM YIN PA SOGS THAMS CAD SNGA MA'I RIGS 'GRE SBYAR NAS SHES PAR BYA'O, ,'DI LA KHA CIG NA RE, RGYUD SDE 'OG MA'I TSOGS LAM PA'I RGYUD KYI BYAMS SNYING RJE BYANG CHUB KYI SEMS SOGS PHAR PHYIN THEG PA NAS BSHAD PA'I LAM RNAMS CHOS CAN, RGYUD SDE 'OG MA'I LAM YIN PAR THAL, KHYOD KYIS DE DAG GI LAM LNGA DANG SA BCU 'JOG TSUL 'THAD PA'I PHYIR, 'DOD MI NUS TE, SNGAGS KYI LAM MA YIN PA'I PHYIR TE, SNGAGS THUN MONG MA YIN PA'I LAM MA YIN PA'I PHYIR NA MA KHYAB, YANG KHO NA RE, DE CHOS CAN, PHAR PHYIN THEG PA'I LAM YIN PAR THAL; PHAR PHYIN THEG PA DANG THUN MONG BA'I LAM YIN PA'I PHYIR NA MA KHYAB STE, BYANG SEMS KYI RGYUD KYI MI RTAG SOGS BCU DRUG RTOGS PA'I MKHYEN PA 'BRING DANG THUN MONG BA'I LAM YIN KYANG 'BRING GI LAM MA YIN PA BZHIN YIN PA'I PHYIR, LAM DE DAG LA BRTEN NAS 'TSANG RGYA BA'I TSUL NI, PHAR PHYIN THEG PA DANG RGYUD SDE 'OG MA GSUM GYI LAM GYIS GSAR DU 'TSANG RGYA BA'I RTEN YIN NA 'OG MIN GYI RTEN YIN PAS KHYAB STE, PHAR PHYIN THEG PA'I LUGS DE LTAR YIN PA NI GRAGS CHE SHING, BYA SPYOD GNYIS KYI 'TSANG RGYA
BA'I TSUL NI, PHAR PHYIN THEG PA DANG 'DRA BAR BSHAD ZIN LA, RNAL 'BYOR RGYUD LTAR NA, SLOB DPON SH'AKYA BSHES GNYEN DANG SANGS RGYAS GSANG BA GNYIS KYIS RGYAL PO GZHON NU DON GRUB CHU BO NE RANYDZA NA'I 'GRAM DU RAB MTHA'I BSAM GTAN BZHI PA LA SNYOMS PAR ZHUGS PA'I TSE, PHYOGS BCU'I SANGS RGYAS THAmD KYIS SE GOL GYI SGRAS BSLANGS TE BSKUL NAS 'OG MIN DU KHRID DE, DER COD PAn GYI DBANG BSKUR NAS MNGON BYANG LNGA RIM CAN DU SGOM DU BCUG STE, DE RDZOGS PA'I MTHAR LONGS SKUR SANGS RGYAS PAR BSHAD KYANG, DE NI THEG CHEN GYI LUGS SPYI DANG MI MTHUN PAS RANG LUGS SU KHAS LEN MI RUNG STE, SNGAGS RIM LAS, BDAG CA GI STON PA 'DI NI SNGON DU SANGS RGYAS ZIN ZIN PA 'DIR 'TSANG RGYA BA'I TSUL BSTAN PAR THUN MONG MA YIN PA'I GSANG BA'I RGYUD DANG DRI MED 'OD LAS KYANG GSUNGS LA, SNGAGS GZHAN NAS BSHAD BA YANG MANG BAS DE 'DRA RNAMS GSAR DU 'TSANG RGYA BA MIN PAR SPRUL PA YIN PAR BZHED PA NI SNGAGS DANG PHAR PHYIN GYI THEG PA GNYIS 'DRA'O, ,ZHES GSUNGS PA'I PHYIR RO, , DES NA SLOB DPON KUN DGA' SNYING POS, STON PA 'DI BSKAL PA GRANGS MED GSUM DU TSOGS BSAGS NAS SRID PA THA MAR GYUR PA'I TSE, 'OG MIN DU RAB MTHA'I BSAM GTAN BZHI PA LA SNYOMS PAR ZHUGS PA NA, PHYOGS BCU'I SANGS RGYAS THAMS CAD KYIS SE GOL GYI SGRAS BSLANGS PA SOGS SU BSHAD PA LTAR 'DOD DGOS TE, GSAL SGRON LAS, DE NYID BSDUS PAR BYANG SEMS DON GRUB BYANG CHUB KYI SHING DRUNG DU BZHUGS PA LA DE BZHIN GSHEGS PA RNAMS KYIS BSKUL ZHES PA MA GTOGS PA 'OG MIN
, ,DANG 'DOD KHAMS GANG YIN MI GSAL BA LA, RDO RJE RTZE MO LAS 'OG MIN STUG PO BKOD PA YIN PAR BSHAD DO, ,ZHES GSUNGS PAS SO, ,KHA CIG BSHAD TSUL 'DI PHAR PHYIN THEG PA'I LAM GYI MTHAR YO GA'I LAM GYI SNON PO BTAB NAS 'TSANG RGYA BA'I TSUL BSTAN PA YIN ZER BA MI 'THAD DE, BLA MED KYI RGYUD NAS RANG LAM DANG GZHAN LAM SO SOR PHYE NAS 'TSANG RGYA TSUL MI 'DRA BA GNYIS YOD PAR GSAL BAR BSHAD PA YOD KYI, RNAL 'BYOR RGYUD LAS DE LTAR GSAL PAR BSHAD PA MED PA'I PHYIR TE, GSAL SGRON LAS, BLA MED LUGS KYIS DANG PO NAS RANG GI LAM DU ZHUGS PA'I RIN PO CHE LTA BUS TSE GCIG LA 'TSANG RGYA BA DANG, PHA ROL TU PHYIN PA'I LAM GYI MTHAR SNGAGS LAM GYI SNON PA BTAB PA GNYIS BSHAD PA BZHIN DU, YO GA PA'I LUGS KYIS RANG LAM DANG GZHAN LAM SO SOR PHYE NAS, SNGAR BSHAD PA DE PHA ROL TU PHYIN PA'I LAM LA SPYAR BA MI SNANG ZHING, RANG GI LAM GYI MTHAR 'TSANG RGYA TSUL LOGS PA YANG GSAL BAR MI SNANG BA'I PHYIR, SNGAR BSHAD PA'I SA'I MTHAR PHYIN PA NA SANGS RGYAS KYI BSKUL NAS 'TSANG RGYA BAR BSHAD PA LA SOGS PA RNAMS RANG GI LAM DE'I LUGS YIN NAM SNYAM STE, LEGS PAR DPYAD PAR BYA'O, ,ZHES GSUNGS PA'I PHYIR, DES NA YO GA PA'I LUGS LA, BDAG CAG GI STON PA 'DI DANG PO NAS YO GA'I LAM DER BZHUGS NAS SANGS RGYAS PA DANG, PHAR PHYIN THEG PA'I LAM GYIS 'TSANG RGYA BA LA YO GA'I LAM GYI SNON PA 'DEBS MI DGOS PAR 'DOD DAM SNYAM MO, ,BRTAG GNYIS KYI RNAM BSHAD LAS PHAR PHYIN GYI LAM GYI MTHAR SNGAGS LAM
GYI SNON PA BTAB PAR BSHAD DO, ,GNYIS PA RNAL 'BYOR BLA MED KYI LAM BGROD TSUL LA GNYIS, BLA MED SPYI'I LUGS DANG, DUS 'KHOR GYI LUGS SO, ,DANG PO LA BZHI, LAM SGOM PA'I SNOD RUNG DU BYA BA DANG, DAM TSIG DANG SDOM PA DAG PAR BYA BA DANG, LAM JI LTAR NYAMS SU BLANG BA DANG, NYAMS SU BLANGS PA'I 'BRAS BU MNGON DU BYED TSUL LO, ,DANG PO NI, RGYUD SDE KHUNGS MA NAS BSHAD CING GRUB CHEN TSAD LDAN GYIS BKRAL PA'I BLA MED KYI DKYIL 'KHOR GANG YANG RUNG BA ZHIG TU 'JUG CING DBANG BSKUR PA THOB PAS LAM SGOM PA'I SNOD DU BYED PA STE, DE YANG LAM RDZOGS PAR NYAMS SU LEN PA'I DBANG DU BYAS NA DBANG BZHI PA THOB DGOS SHING, BUM DBANG GANG DU THOB PA'I DKYIL 'KHOR LA RAS BRIS DANG RDUL TSON DANG LUS DKYIL GSUM DANG, GDUL BYA'I KHYAD PAR 'GA' ZHIG LA BSAM GTAN GYI DKYIL 'KHOR LANG GSUNGS PAS SPYIR NA BZHI'O, ,LUS DKYIL DU DBANG BYED PA NI SNGON DU DBANG MA THOB PA LA BSKUR DU MI RUNG LA, LHA YANG BDE MCHOG DRIL BU BA LTA BU'I DBANG DU BYAS KYI, 'JIGS BYED LTA BU LA LUS DKYIL MED CIG GSANG 'DUS LTA BU LA LUS DKYIL YOD KYANG DER DBANG BSKUR BA MED DO, ,DBANG GONG MA GSUM NI RIM BZHIN KUN RDZOB BYANG CHUB SEMS KYI DKYIL 'KHOR DANG, BHA GA'I DKYIL 'KHOR DANG, DON DAM BYANG CHUB KYI SEMS KYI DKYIL 'KHOR DU DBANG BSKUR BAR GSUNGS SO; ;GNYIS PA NI, DBANG GI DUS SU KHAS BLANGS PA'I DAM TSIG DANG SDOM PA SRUNG BA LA BRTZON PAR BYAS NAS LAM BSGOMS NA DNGOS GRUB 'GRUB KYI SRUNG SDOM YAL BAR BZHAG NAS BSKAL PA MANG POR 'BAD KYANG DNGOS GRUB MI 'GRUB PAR MA ZAD BDE 'GRO TZAM YANG RNYED
, ,DKA' BAR GSUNGS PAS, DBANG GIS SNOD DU BYAS MA THAG TU BSLAB BYA RNAMS SHES PAR BYAS NAS DAM TSIG DANG SDOM BA SROG DANG BSNGOS TE SRUNG DGOS LA, KHYAD PAR DU RTZA LTUNG GIS MGOS PA LA 'BAD PA DRAG PO BYA ZHING LTUNG BA GZHAN GYIS MA GOS PA LA 'BAD LA BYUNG NA YANG CHO GA BZHIN DU BSHAGS BSDAM GYIS PHYIR BCOS PAR BYA STE, DBANG YONGS RDZOGS THOB NAS LTUNG BAS MA GOS PAR BSRUNG NA LAM SGOM PA CHER MA BYAS KYANG SKYE BA BDUN NAM BCU DRUG TSUN CHAD DU MCHOG 'GRUB PAR GSUNGS SHING, SRUNG SDOM YAL BAR BZHAG NAS GZHAN LA JI TZAM 'BAD KYANG NGAN 'GROR LTUNG BAR GSUNGS PA'I PHYIR RO, ,'DI DAG RGYAS PAR BLA MA LNGA BCU PA'I RNAM BSHAD DANG RTZA LTUNG GI RNAM BSHAD DNGOS GRUB SNYOM PAS SHES PAR BYA'O, ,GSUM PA LA GNYIS; RIM GNYIS SGOM TSUL DANG, DE GNYIS LA BOGS 'BYIN PA'I SPYOD PA'O, ,DANG PO LA GNYIS, BSKYED RIM SGOM TSUL DANG, RDZOGS RIM SGOM TSUL LO, ,DANG PO NI, BSGOMS STOBS KYIS RLUNG DBU MAR ZHUGS GNAS THIM GSUM BYAS PA LAS MA BYUNG ZHING, RANG 'BRAS RDZOGS RIM GYI RGYUD SMIN BYED GANG ZHIG ,SKYE SHI BAR DO GSUM PO CI RIGS DANG RNAM PA MTHUN PAR BLOS GSAR DU BRTAGS NAS SGOM PA'I RNAL 'BYOR, BSKYOD RIM GYI MTSAN NYID YIN PAR PAn CHEN BLO BZANG CHOS KYI RGYAL MTSAN GYIS GSUNGS PA NI BSKYED RIM GYI GTZO BO LA DGONGS SAM SNYAM STE, BSKYED RIM YIN NA SKYE SHI BAR DO GSUM PO CI RIGS DANG RNAM PA MTHUN PAR BSGOM PAS MA KHYAB PA'I PHYIR, RIG MA 'DU BYA BA MAN CHAD KYI RNAL 'BYOR RNAMS SKYE SHI BAR DO GSUM GANG RUNG DANG RNAM PA MTHUN PAR
BSGOM PA MA YIN PA'I PHYIR DANG, BSRUNG 'KHOR BSGOM PA YANG DE GSUM GANG RUNG DANG RNAM PA MTHUN PAR BSGOM PA MA YIN PA'I PHYIR, DANG PO GRUB STE, RNAM GZHAG RIM PA'I RNAM BSHAD LAS, RIG MA 'DU BYA BA MAN CHAD RNAMS NI SANGS RGYAS PA'I SKABS KYI MDZAD PA DANG SBYAR GYI SRID PA'I RIM PA DANG MI SBYAR TE, ZHES SOGS RGYAS PAR GSUNGS PA'I PHYIR, GNYIS PA GRUB STE, DE NYID LAS, BSRUNG 'KHOR NI SRID PAR SKYE BA'I RIM PA LTAR SGOM PA'I BSKYED RIM DNGOS GZHI'I YAN LAG GAM SNGON 'GRO TZAM YIN PAS DE DAG LA SRID PA'I RIM PA DANG CHOS MTHUN SBYAR MI DGOS SO, ,ZHES GSUNGS PA'I PHYIR, 'DI LA KHA CI GAN RE, BSRUNG 'KHOR DANG RIG MA 'DU BYA BA MAN CHAD KYI RNAL 'BYOR RNAMS BSKYED RIM DNGOS MA YIN TE, BSKYED RIM YIN NA SKU GSUM LAM 'KHYER GANG YANG RUNG BZHIG BSGOM PAS KHYAB PA'I PHYIR TE, BSKYED RIM PA'I RGYUD KYI LAM YIN NA BSKYED RIM YIN PA'I MA KHYAB PA'I PHYIR NA MA KHYAB, RTAGS GRUB STE, DE'I RGYUD LA PHAR PHYIN THEG PA DANG RGYUD SDE 'OG MA DANG THUN MONG BA'I LAM DU MA YOD PA'I PHYIR, 'DOD MI NUS TE, BSKYED RIM SDUD PAR BYED PA'I SPYI'I CHINGS KYI DBYE BAR BSNYEN GRUB YAN LAG BZHI DANG, RNAL 'BYOR BZHI DANG YAN LAG DRUG DANG, TING NGE 'DZIN GSUM GYI CHINGS BSHAD PA DANG 'GAL BA'I PHYIR, 'DI DAG RGYAS PAR SNGAGS RIM LAS SHES PAR BYA'O, ,BSKYED RIM LA DBYE NA, RAGS PA DRAN PA GCIG PA'I RNAL 'BYOR DANG, PHRA BA RTOG PA'I RNAL 'BYOR GNYIS SO, ,DANG PO DANG BSKYED RIM RAGS PA DON GCIG STE, MTHA' GCOD RIN PO CHE'I MYU GU LAS, DRAN PA GCIG CES PA LHA DRAN THEBS GCIG GAM LHA GCIG RTZAM DRAN PA LA MI ZER GYI, GCIG
, ,TU LHA DRAN PA'AM RANG DANG LHA GCIG TU DRAN PA YIN LA, DE NI SPYIR LHA PHRA RAGS GNYIS KA SGOM PA LA 'JUG KYANG 'DIR NI RTEN DANG BRTEN PA RAGS PA'I LHA'I RNAL 'BYOR YIN NO, ,ZHES PA NAS, BSKYED RIM LA SLOB PA NA THOG MAR RAGS PA GSAL BAR SNANG BA'I TING NGE 'DZIN SKYED PA YIN TE, DKYIL 'KHOR RGYAL MCHOG MAN CHAD DO, ,ZHES GSUNGS PA'I PHYIR, GNYIS PA DANG BSKYED RIM PHRA BA DON CIG STE, DE NYID LAS, DE LA LO BAS PA NA THIG LE PHRA MO'I NANG DU DKYIL 'KHOR SGOM PA LA SOGS PA'I RTOG PA'I RNAL 'BYOR LA SLOB PO, ,RTOG PA'AM BRTAGS PA'I RNAL 'BYOR NI BSKYED RIM GYI SPYI'I MING YIN KYANG 'DIR SPYI'I MING PHRA MO'I RNAL 'BYOR LA ZHUGS PA STE, ZHES GSUNGS PA'I PHYIR, 'ON BSKYED RIM LA SLOB PA DES RDZOGS RIM BZHIN DU DMIGS SKOR SNGA MA BSGOMS PAS BRTAN PA THOB PA NA PHYI MA LA 'PHO BA YIN NAM, 'ON TE SGRUB THABS KYI MGO MJUG THAMS CAD THUN CIG LA SGOM PA YIN SNYAM NA, 'DI LA LAM RGYUD LA SKYE BA'I GNAS SKABS KYI SGO NAS LAS DANG PO PA DANG, YE SHES CUNG ZAD 'BAB PA DANG, YE SHES LA CUNG ZAD DBANG THOB PA DANG, YE SHES LA YANG DAG PAR DBANG THOB PA'I GANG ZAG STE BZHIR PHYE NAS, DE DAG GIS JI TZAM ZHIG DANG JI LTAR SGOM PA'I RNAM DBYE GSUNGS PA RNAMS SHES DGOS SO, ,DE LA DANG PO'I SKABS SU RANG GI SGRUB THABS NAS BYUNG BA'I BSKYED RIM GYI CHOG THAMS CAD RDZOGS PAR BSGOM DGOS LA, DE YANG BSKYED RIM DANG POR SGOM PA NAS BZUNG STE RAGS PA'I DKYIL 'KHOR YUD TZAM GYIS THAMS CAD GSAL BAR 'CHAR MI NUS PA'I BAR THAMS CAD LAS DANG PO BAR GSUNGS SO, ,
YE SHES CUNG ZAD BABS PA NI, GZHAL YAS KHANG DANG DE LA BKOD PA'I LHA RAGS PA RNAMS NAM GSAL BTAB NA YAN LAG NYING LAG THAMS CAD DUS GCIG TU GSAL ZHING BRTAN PAR 'CHAR THUB KYANG SKYE MCHED KYI LHAS SNYING SOGS LA DE LTAR BYED MI NUS PA'O, ,'DI DANG LAS DANG PO BA GNYIS KYI MNGON RTOGS SGOM TSUL LA KHYAD PAR YOD DE, LAS DANG PO PAS RTEN DANG BRTEN PA'I DKYIL 'KHOR THAMS CAD DAL BUS RIM CAN DU GSAL BTAB NAS SGOM DGOS LA, 'DIS NI RAGS PA RNAMS DUS GCIG TU DRAN PAR BYAS RJES SU SKYE MCHED KYI LHA LTA BU PHRA BA RNAMS RIM GYIS GSAL BTAB NAS SGOM DGOS PA'I PHYIR, YE SHES LA CUNG ZAD DBANG THOB PA NI, RAGS PAR MA ZAD SKYE MCHED KYI LHA PHRA BA RNAMS KYANG YAN LAG NYING LAG THAMS CAD DUS GCIG TU GSAL ZHING BRTAN PAR 'CHAR THUB PA NAS YE SHES LA YANG DAG PAR DBANG MA THOB PA'I BAR THAMS CAD DO, ,'DI LA BSKYED RDZOGS GNYIS KA'I SKABS YOD PAR GSUNGS SO, ,'DIR SLEB NAS THUN MTSAMS SO SOR GCOD MI DGOS PAR GSUNGS PAS NYIN ZHAG RE LA MNGON RTOGS GSAR DU MGO BTZUGS NAS SGOM PA MANG PO MI BYED PAR SKYED THEBS RES CHOG GO, ,'DIR SLEB PA TZAM GYIS BSKYED RIM MTHAR PHYIN PA MIN PAS DA DUNG BSKYED RIM MTHAR DBYUNG DGOS LA DE NAS RDZOGS RIM SGOM PA YIN NO ZHES SNGAGS RIM LAS GSUNGS SO, ,YE SHES LA CUNG ZAD DBANG THOB PA'I PHYOGS GCIG NI RDZOGS RIM GYI SKABS YIN LA, YE SHES LA YANG DAG PAR DBANG THOB PA NI RDZOGS RIM MTHON POR SONG BA'I SKABS YIN PAR GSUNGS SO, ,BSKYED RIM GYI THUN MONG MA YIN PA'I SPANG BYA NI THA MAL PA'I SNANG ZHEN YIN LA, DE'I THA MAL BA'I SNANG BA NI DBANG SHES LA SNANG BA'I SNOD BCUD MIN GYI, YID SHES
, ,LA THA MAL PA'I SMOD BCUD DU SNANG BA DE YIN NO, ,SNANG BA DE'I GNYEN POR DAG PA'I RTEN DANG BRTEN PAR 'CHAR BA'I SNANG BA DANG, THA MAL GYI ZHEN PA'I GNYEN POR DAG PA'I RTEN DANG BRTEN PA'I NGA RGYAL SGOM PA YIN LA, DE YANG NGA RGYAL SGOM PA NI GTZO BO DANG, SNANG BA SGOM PA NI DE'I YAN LAG YIN PAR GSUNGS SO, ,GOMS PA CHE BAS LHA'I RNAL 'BYOR LA MNYAM PAR BZHAG PA MIG GI SHES PA LA SOGS PA'I SNANG BA GZHAN MI 'CHAR BA NI, RNAM SHES DON GZHAN CHAGS PA YIS, ,NUS MED DON GZHAN MI 'DZIN PHYIR, ,ZHES PA LTAR, YID KYI SHES PA DON GZHAN LA ZHUGS DRAGS PAS MIG LA SOGS PA'I SHES PA SKYE BA'I DE MA THAG RKYEN GYI NUS PA NYAMS PAS DE DAG RE ZHIG MA SKYES PA YIN GYI DBANG SHES KYI SNANG BA BSKYED RIM GYIS BKAG PA MIN NO, ,DES NA KHYAD PAR CAN GYI SNANG BAS YID SHES KYI DOR THA MAL PA'I SNANG BA 'GOG PA'I NUS PA THOB NA DES DGOS PA 'GRUB LA, DNGOS PO LA LTAR MA SONG YANG LHA'I BCOS MIN GYI NGA RGYAL SKYES NA'ANG DES DGOS PA 'GRUB PO ZHES SNGAGS RIM LAS GSUNGS SO, ,GSAL SNANG DANG NGA RGYAL GNYIS KYI GSAL SNANG SGOM PA LA RTEN DANG BRTEN PA'I DKYIL 'KHOR GYI RNAM PA YANG DANG YANG DU GSAL 'DEBS DGOS PAS DPYAD SGOM GTZO CHE LA, RNAM PA GSAL BTAB PA'I 'OG TU DE DANG DE DNGOS YIN NO SNYAM PA'I NGA RGYAL RE YANG BSKYED DGOS PAS GNYIS KA BYA LA, GSAL SNANG SKYE BA LA SNGON DU DE LA DMIGS PA'I ZHI GNAS SGRUB DGOS PA YANG MIN LA, LHA RE RE NAS RIM GYIS MA GOMS NA MI SKYE BA YANG MIN ZHING, YANG DAG PA'I DON GOMS PA YANG MI DGOS PAR GSUNGS SO, ,RNAM PA YANG DANG YANG DU YID LA BYED PA GOMS NA DE TZAM GYIS GSAL SNANG SKYE MOD
KYANG BRTAN POR GNAS PA DES MI RNYED LA, BRTAN CHAGS PAR GNAS PA MED NA NI THA MAL PA'I SNANG ZHEN 'GOG MI NUS PAS, BSKYED RIM GYI SKABS SU NGES PAR ZHI GNAS BSGRUB DGOS LA DE YANG PHRA THIG GI RNAL 'BYOR GYIS BYA DGOS SO, ,PHYAG MTSAN NAM THIG LE PHRA MO'I NANG DU RTEN DANG BRTEN PA'I DKYIL 'KHOR YONGS RDZOGS SGOM PA NI LAS DANG PO PA DANG YE SHES CUNG ZAD BABS PA GNYIS KYI SKABS SU SGOM PA MIN GYI, YE SHES LA CUNG ZAD DBANG THOB PA NAS SGOM DGOS PAS, GNAS SKABS DANG PO GNYIS KYI DUS SU STENG 'OG GI PHYAG MTSAN NAM THIG LE PHRA MO LA SEMS 'DZIN PA YIN NO, ,DE YANG DANG PO GNYIS KYI SKABS SU PHRA THIG SGOM PA NI GTZO CHER MNGON RTOGS SGOM PA LA BYING RGOD GCOD PA'I CHED YIN LA, PHRA THIG LA DRIL NAS SEMS BRTAN PAR BYED PA'I GNAS PA SGRUB PA NI GNAS SKABS GSUM PA NAS BYED PAR GSUNGS SO, ,LAS DANG PO PA'I SKABS SU ZHI GNAS SGRUB PA MIN KYANG, STENG 'OG GI SNA SGO GNYIS SAM LTE BA'AM SNYING GA SOGS SU YI GE'AM THIG LE PHRA MO SOGS LA SEMS BTZAN THABS SU BZUNG NA SGOM PA'I GNAS DANG DMIGS RTEN GYI GNAD KYIS RIM GYIS RLUNG NANG DU GNAS PA'I RKYEN BYED PAS, DPYAD SGOM GYI DMIGS PA MANG PO DANG BSRES KYANG, RLUNG RIM GYIS 'DUL BA'I MTHUS DKYIL 'KHOR RGYAL MCHOG SOGS SGOM PA LA SEMS RGOD PA MYUR DU DGAG NUS PAS, PHAR PHYIN THEG PA DANG RGYUD SDE 'OG MA NAS BSHAD PA'I TING NGE 'DZIN SGRUB LUGS DANG MI 'DRA STE; PHAR PHYIN THEG PA DANG RGYUD SDE 'OG MA'I SKABS SU ZHI GNAS MTSAN NYID PA RNYED PAS KYANG DPYAD SGOM MANG DRAGS NA SNGAR GYI GNAS CHA CHUNG DU 'GRO BAR GSUNGS LA, SKABS 'DIR ZHI GNAS MA THOB BAR DPYAD SGOM MANG PO DANG BSRES NAS BSGOM KYANG GNAS CHA BRTAN PO RNYED PAR
, ,GSUNGS PA'I PHYIR RO, ,BSKYED RIM RAGS PA MTHAR PHYIN TE GNAS SKABS GSUM PAR SLEBS PA NA THIG LE'I RNAL 'BYOR LA DRIL NAS SEMS BRTAN PO RNYED PA'I 'OG TU PHRA MO SGOM PAR GSUNGS SHING, STENG SGO'I PHRA MO BRTAN PA NA ZHI GNAS THOB PAR GSUNGS LA, DE NAS SO SOR RTOGS PA'I SHES RAB KYIS SPRO BSDU YANG YANG BYAS PA DES ZHI LHAG ZUNG 'BREL GYI TING NGE 'DZIN PHUL PHYIN RNYED CING, DE LTA BU'I RNAL 'BYOR BRTAN PA NA BSKYED RI MA MTHAR PHYIN PAR 'JOG PA NI GSANG 'DUS PA GNYIS KYI LUGS YIN PAR SNGAGS RIM LAS GSUNGS PAS, MKHAS PA KHA CIG ,BSKYED RIM PHRA MO MTHAR PHYIN PA NA ZHI GNAS THOB PAR GSUNGS PA NI GSAR THOB KYI MTSAMS BSTAN PA MIN NO, ,DE LTAR BSLAB PAS BSKYED RIM PHRA RAGS RE RE LA BRTAN PA THOB BA DANG, MTHAR PHYIN PA'I TSAD SO SOR 'JOG TSUL NI BDAG GI BLA MA DBYANGS CAN DGA' BLO'I SA LAM RNAM GZHAG LAS SHES PAR BYA'O, ,BRTAN PA THOB PA DANG MTHAR PHYIN PA'I TSAD SO SOR BSHAD PA DE NI MKHAS GRUB RIN PO CHE'I DGONGS PA PAn CHEN CHOS RGYAN GYIS GSAL BAR GSUNGS PA LTAR BKOD PA YIN LA, 'ON KYANG DPYAD GZHI CUNG ZAD YOD DE, SNGAGS RIM LAS, DE LTA BU'I RNAL 'BYOR BRTAN PA NA BSKYED RIM MTHAR PHYIN PAR 'JOG PA NI GSANG 'DUS PA GNYIS KYI LUGS SO, ,ZHES DANG, GSAL SGRON LAS, LAS DANG PO BA'I TING NGE 'DZIN NI RIM PA DANG PO'I RNAL 'BYOR YIN LA, DE LA GNAS PA NI DE BRTAN PA'AM MTHAR PHYIN PA'O, ,ZHES DANG, 'GREL BA BZHI SBRAG GI MTHA' GCOD LAS KYANG DE JI LTA BA BZHIN DU GSUNGS SHING, DAM GTOGS PA BRTAN PA DANG MTHAR PHYIN PA ZHES SO SOR GSAL BAR
GSUNGS PA MI SNANG BA'I PHYIR RO, ,SKABS 'DIR KHA CIG NA RE, DANG PO SBYOR BA SOGS TING NGE 'DZIN GSUM KAS STONG NYID SGOM MI DGOS PAR THAL, YE SHES KYIS SPYAD PA DANG, LHAG MOS 'OD GSAL DU BSDUS PA LA SOGS PA'I SKABS 'GA' ZHIG MA GTOGS PA, RIM PA DANG PO'I SKABS PHAL CHER DU SNANG PHYOGS LHA'I 'KHOR LO SGOM TSUL GTZO BOR BSHAD PA'I PHYIR NA MA KHYAB STE, TING NGE 'DZIN GSUM KA'I SKABS SU DMIGS PA LHA LA DMIGS NAS RNAM PA RANG BZHIN MED PA'I DON NGES PA'I ZAB GSAL GNYIS MED KYI RNAL 'BYOR SKYONG DGOS PA'I PHYIR TE, SNGAGS RIM LAS, 'KHOR LO'I RNAM PA CAN GYI SEMS BDAG MED PA'I DE KHO NA NYID LA ZHUGS PA'I RNAL 'BYOR DE NI TING NGE 'DZIN GSUM KA'I SPYI 'GROR DPAL 'BRAS RDO RJES BSHAD PA LTAR YE SHES ZHABS KYI 'ANG DGONGS PA YIN LA, RIM PA DANG PO'I SKABS SU SNANG PHYOGS LHA'I 'KHOR LO GTZO BOR SGOM PA YIN MOD KYANG, CHOS RNAMS KYI RANG BZHIN MED PA'I DON LA NGES PA SHUGS DRAG DRANGS NAS THAMS CAD SGYU MA BZHIN DU 'CHAR BA LA BSLAB CING, LHA'I LA 'KHOR LO BSGOMS PA'I 'OG TU DMIGS PA LHA LA DMIGS NAS RNAM PA RANG BZHIN MED PA'I DON NGES PA'I BLO NGES SHES KYI 'DZIN STANGS STONG NYID LA ZHUGS SHING GZUNG RNAM RTEN DANG BRTEN PA'I LHA'I RNAM PAR SHAR BA'I ZAB GSAL GNYIS MED GYI RNAL 'BYOR YANG MNGON RTOGS SGOM RE SA KYIS BYA'O, ,ZHES GSUNGS PA'I PHYIR; BSKYED RIM PA'I RGYUD KYI ZAB GSAL GNYIS MED KYI RNAL 'BYOR DANG RGYUD SDE 'OG MA'I MTSAN MED KYI RNAL 'BYOR RNAMS NI THABS SHES NGO BO GCIG TU SONG BA'I CHA NAS PHAR PHYIN THEG PA'I LAM LAS STOBS CHE BA YIN TE, BSKYED RIM
, ,DNGOS GRUB RGYA MTSO LAS, DKYIL 'KHOR GYI 'KHOR LO LA DMIGS NAS RNAM PA RANG BZHIN MED PAR BSGOM PA'I BLO DE NI, DKYIL 'KHOR GYI 'KHOR LO LA DMIGS PA'I CHA NAS BSOD NAMS KYI TSOGS DANG, RANG BZHIN MED PA'I 'DZIN STANGS CAN DU SKYES PA'I CHA NAS YE SHES KYI TSOGS GNYIS KA'I NGO BO SKYES PA YIN ZHING, ZHES DANG, DMIGS PA LHA'I 'KHOR LO LA DMIGS NAS RANG BZHIN MED PA NGES PA'I BLO DE, MYU GU LA DMIGS NAS RANG BZHIN MED PA NGES PA'I BLO LTA BU LAS BDEN 'DZIN GYI GNYEN POR 'GRO BA'I NUS PA BRGYA 'GYUR GYIS LHAG PA YIN PAS, ZHES GSUNGS PA'I PHYIR RO, ,BSKYED RIM GYI SGRA BSHAD DANG DE JI LTAR SGOM TSUL DANG LHA SO SO'I MI 'DRA BA'I KHYAD PAR DANG, GRUB CHEN SO SO'I BSHAD TSUL MI 'DRA BA RNAMS NI GZHUNG GZHAN DU GSAL BAR BSHAD PA MI SNANG BAS SNGAGS RIM KHO NA LAS SHES PAR BYA'O, ,GNYIS PA LA GNYIS, 'PHAGS LUGS KYI RDZOGS RIM CUNG ZAD PHYE STE BSHAD PA DANG, BLA MED GZHAN GYI RDZOGS RIM MDOR BSDUS TE BSTAN PA'O, ,DANG PO LA GNYIS, MTSAN NYID LA DPYAD PA DANG, PHYE BA SO SO'I DON NO, ,DANG PO NI, BSGOMS STOBS KYIS RLUNG DBU MAR ZHUGS GNAS THIM GSUM BYAS PA LAS BYUNG BA'I SLOB PA'I RGYUD KYI RNAL 'BYOR DE, RDZOGS RIM GYI MTSAN NYID YIN PAR PAn CHEN CHOS RGYUN GYIS GSUNGS PA NI BLA MED SPYI'I RDZOGS RIM GYI DBANG DU BYAS SAM SNYAM STE, SPYIR RDZOGS RIM YIN NA RLUNG DBU MAR ZHUGS GNAS THIM GSUM BYAS PA LAS BYUNG BSAM KHYAB PA'I PHYIR TE, DUS 'KHOR GYI LUGS KYI SOR BSAM GNYIS RLUNG DBU MAR 'DZUD PA'I SNGON 'GRO YIN PA'I
PHYIR; 'CHAD PAR 'GYUR RO, ,'DI LA KHA CIG NA RE, BSGOMS STOBS KYIS RLUNG DBU MAR ZHUGS GNAS THIM GSUM BYAS PA LAS BYUNG BA'I SLOB PA'I RGYUD KYI RNAL 'BYOR YIN NA RDZOGS RIM YIN PAS MA KHYAB PAR THAL, DE 'DRA BA'I BSKYED RIM YOD PA'I PHYIR TE, BSKYED RIM PA'I RGYUD LA DE 'DRA BA'I RNAL 'BYOR YOD PA'I PHYIR TE, DE'I RGYUD LA RLUNG DBU MAR ZHUGS GNAS THIM GSUM BYAS PA LAS BYUNG BA'I DGA' BZHI YOD PA'I PHYIR NA MA KHYAB, RTAGS GRUB STE, GSAL SGRON LAS, GAL TE GANG ZAG KHA CIG GIS BSKYED RIM PHRA MO MTHAR PHYIN PA NA RLUNG DH'U T'IR TSUD PA'ANG SRID PA DANG, PHYI'I PHYAG RGYA DANG SBYOR BA SROG RTZOL DU 'GRO BA'I GNAD SHES PAS, DE LA BRTEN NAS KYANG RLUNG DH'U T'IR THIM PA'I DGA' BA BZHI BSKYED PAR NUS NA NI, DE GNYIS BSKYED RIM GYI SKABS SU BYUNG YANG LAM DU 'JOG NA RDZOGS RIM GYI LAM DU BYA DGOS TE, LAM SGOM PA'I SNGON DU DBANG GI SKABS SU DE LTA BU BYUNG BA'I LHAN SKYES RDZOGS RIM DU ZHAL LUNG LAS BSHAD PA BZHIN NO, ,ZHES GSUNGS PA'I PHYIR, 'DOD MI NUS TE, BSKYED RIM PA'I RGYUD LA RLUNG DBU MAR ZHUGS GNAS THIM GSUM BYAS PA LAS BYUNG BA'I LAM YOD KYANG, DE NI BSKYED RIM MTHAR PHYIN PA DANG PHYI'I PHYAG RGYA DANG SBYOR BA'I STOBS KYIS BYUNG BA YIN GYI, LUS LA GNAD DU BSNUN PA'I THABS KHYAD PAR CAN BSGOMS STOBS KYIS BYUNG BA MIN PAS RDZOGS RIM DU MA 'PHOS PA YIN PA'I PHYIR, BYAS PA LA, KHA CIG NA RE, DE 'DRA BA DE CHOS CAN, RDZOGS RIM YIN PAR THAL, DRANGS MA THAG PA'I GZHUNG DE LA RDZOGS RIM GYI LAM DU GSUNGS PA'I PHYIR ZER NA, DE RDZOGS RIM GYI RTOGS RIGS YIN KYANG BSKYED RDZOGS
, ,GANG YANG MA YIN PA'I LAM YIN ZER RAM, BSKYED RIM PA'I RGYUD LA RDZOGS RIM YOD ZER DBYAD PAR BYA'O, ,GNYIS PA LA GNYIS, RIM LNGA'I GRANGS DANG GO RIM NGES PA DANG, SO SO'I DON NO, ,DANG PO NI, BSGRUB BYA MTHAR THUG SGRUB BA LA THUN MONG DANG THUN MONG MIN PA'I LAM 'DI RNAMS DGOS LA, 'DIR MI 'DU BA'I LAM GZHAN MI DGOS TE, BLA MED SPYI NAS BSHAD PA'I MI SLOB PA'I ZUNG 'JUG 'GRUB PA LA NI, DON GYI 'OD GSAL DANG DAG PA'I SGYU MA'I SKU GNYIS TSOGS PA'I SLOB PA'I ZUNG 'JUG SNGON DU 'GRO DGOS SHING, DE LA NI DAG PA'I SGYU MA'I SKU SNGON DU 'GRO DGOS TE, DAG PA'I SGYU MA'I SKU SNGON DU MA SONG BAR DE 'DRA BA'I ZUNG 'JUG THOB MI RUNG BA'I PHYIR, ZUNG 'JUG TZAM THOB PA LA DAG PA'I SGYU MA'I SKU SNGON DU 'GRO MI DGOS TE, DAG PA'I SGYU MA'I SKU DANG ZUNG 'JUG PHAL BA CIG CHAR THOB DGOS PA'I PHYIR, DAG PA'I SGYU MA'I SKU THOB PA LA DON GYI 'OD GSAL SNGON DU 'GRO DGOS TE, DAG PA'I SGYU MA'I SKU NI DON GYI 'OD GSAL GYI BZHON PAR GYUR PA'I SHIN TU PHRA BA'I GNYUG RLUNG GIS NYER LEN BYAS NAS 'BYUNG BA'I PHYIR, DON GYI 'OD GSAL THOB PA LA BSKAL BA GRANGS MED GSUM GYI TSOGS BSAGS PA'AM, DE'I DOD THUB PA'I RIM PA GSUM PA'I SGYU LUS GANG YANG RUNG BA ZHIG SNGON DU 'GRO DGOS TE, DE GNYIS GANG RUNG SNGON DU MA SONG BAR LAM GZHAN GYIS SPONG MI NUS PA'I SGRIB PA SHIN TU PHRA BA MYUR DU ZAD PAR BYED PA'I NUS PA DANG LDAN PA'I DON GYI 'OD GSAL MNGON DU BYED MI RUNG BA'I PHYIR, RIM PA GSUM PA'I SGYU LUS THOB PA LA SEMS DBEN DNGOS MA DE'I DOD THUB PA'I RDZOGS RIM SNGON DU 'GRO
DGOS TE, DE 'DRA BA'I RDZOGS RIM BSGOMS STOBS KYIS LAS RLUNG THAMS CAD 'CHI RIM JI LTA BA BZHIN DU SNYING GA'I MI SHIGS PA LA THIM PA SNGON DU MA SONG BAR BAR DO JI MA JI BZHIN PA'I SGYU LUS THOB MI RUNG BA'I PHYIR, SEMS DBEN DNGOS SAM DE'I DOD THUB BA'I RDZOGS RIM THOB PA LA NGAG DBEN RDO RJE BZLAS PA'I MING GIS BTAGS PA'I SROG RTZOL GYI YAN LAG GAM DE'I DOD THUB PA'I RDZOGS RIM SNGON DU 'GRO DGOS TE, DE 'DRA BA'I RDZOGS RIM GYIS SNYING GA'I RTZA MDUD RDZOGS PAR MGROL BAR SME DBEN DNGOS SAM DE'I DOD THUB PA'I RDZOGS RIM SI YE MI RUNG BA'I PHYIR, DE 'DRA BA'I RNAL 'BYOR GYIS SNYING GA'I RTZA MDUD RDZOGS PAR GROL BA LA SLA RIM BYAS NA LUS DBEN DNGOS SAM DE DANG RIGS 'DRA BA'I RDZOGS RIM SNGON DU 'GRO DGOS TE, RTZA MDUD GZHAN LAS SNYING GA'I RTZA MDUD GROL DKA' BA DANG; SNYING GAR RLUNG SDUD PA LAS GNAS GZHAN DU RLUNG SDUD PA SLA BA'I PHYIR RO, ,DE 'DRA BA'I RDZOGS RIM YONGS RDZOGS RGYUD LA SKYE BA LA RDZOGS RIM GYI RTOGS BA RDZOGS PAR SKYE BA'I RGYUD SMIN BYED DU 'GRO NGES KYI BSKYED RIM PHRA RAGS THUN BZHIR BSGOM PA SNGON DU 'GRO DGOS SHING, DE LA NI DBANG RNAM DAG RDZOGS PAR THOB PA DANG DAM TSIG DANG SDOM PA RNAMS LEGS PAR SRUNG BA DGOS, DAM SDOM SRUNG BA'I SNOD KYI MTSAN NYID TSANG BA LA, BYANG CHUB KYI SEMS GNYIS YAN LAG DANG BCAS PA LA SPYOD PA'I LAM THUN MONG BA'I RIM PA LA BSLAB DGOS SO, ,BOGS 'DON PA'I SPYOD PA NI PHYI'I SROG RTZOL GYIS MTSON NAS STON PAS DE LTA BU NI LAM THAMS CAD KYI GRANGS NGES YIN LA, GO RIM NGES PA YANG DES GO BAR ZAD DO, ,'DIR KHA CIG NA RE, MI SLOB PA'I ZUNG 'JUG THOB PA LA
, ,'OD GSAL SGYU LUS GNYIS TSOGS KYI SLOB PA'I ZUNG 'JUG SNGON DU THOB PAS KHYAB PAR THAL, BLA MED SBYIN BSHAD PA'I MI SLOB PA'I ZUNG 'JUG THOB PA LA DE LTAR KHYAB PA'I PHYIR NA MA KHYAB, RTAGS SLA, 'DOD MI NUS TE, DUS 'KHOR GYI LUGS KYI MI SLOB PA'I ZUNG 'JUG THOB PA LA STONG GZUGS KYI SKU DANG MI 'GYUR BA'I BDE CHEN GNYIS TSOGS KYI TING NGE 'DZIN GYI YAN LAG SNGON DU 'GRO DGOS PAR GSUNGS KYI, 'OD GSAL SGYU LUS GNYIS TSOGS KYI ZUNG 'JUG SNGON DU 'GRO DGOS PAR MA GSUNGS PA'I PHYIR RO, ,'ON KYANG 'DI NI DPYOD LDAN RNAMS KYI DPYAD GZHIR BKOD PA YIN GYI MTHA' GCIG TU NGES BZUNG BYAS PA MIN NO, ,YANG KHA CIG NA RE, DON GYI 'OD GSAL THOB PA LA MA DAG PA'I SGYU LUS SNGON DU THOB PAS KHYAB PAR THAL, GSAL SGRON LAS, 'OD GSAL DU MNGON SUM DU 'JUG PA'I RTEN LA SNGON DU SGYU MA'I SKU BSKYED DGOS TE, ZHES GSUNGS PA'I PHYIR NA MA KHYAB STE, BLA MED KYI LAM DU RIGS NGES PA'I LAM BGROD TSUL BSHAD PA YIN PA'I PHYIR, 'DOD MI NUS TE, STON PA DANG RGYUD GCIG PA'I DON GYI 'OD GSAL THOB MA THAG PA DE MA DAG PA'I SGYU LUS SNGON DU MA SONG BA'I PHYIR TE, GSAL SGRON LAS, BUM DBANG DANG GSANG DBANG SNGON DU MA BSKUR BAR DBANG THA MA GNYIS BSKUR BA DANG, RIM PA GSUM PA'I SGYU LUS MAN CHAD SNGON DU MA BSKYED PAR RIM PA THA MA GNYIS NAS SKYED PA 'DI NI DMIGS BSAL DU SHES PAR BYA RGYU YIN PAS, ZHES SOGS GSUNGS PA'I PHYIR, YANG KHA CIG ,MA DAG PA'I SGYU LUS THOB PA LA SEMS BDEN SNGON DU SONG BAS KHYAB PAR THAL, GSAL SGRON LAS, DE
'DRA BA'I SGYU MA'I SKU GANG LAS SGRUB PA'I GZHI'I RLUNG DANG SEMS NI, ZHES PA NAS, SEMS DBEN GYI YE SHES GSUM BSKYED PA'I SEMS DANG, DE'I BZHON PA'I RLUNG YIN PAS SGYU LUS KYI SNGON DU SEMS DBEN 'GRO DGOS SO, ,ZHES GSUNGS PA'I PHYIR NA MA KHYAB STE, SGYU LUS KYI SNGON DU SEMS DBEN DANG SEMS DBEN GYI SNGON DU NGAG DBEN RDO RJE BZLAS PA 'GRO DGOS PAR GSUNGS PA NI, GSANG BA 'DUS PA'I CHED DU BYA BA'I GDUL BYA'I LAM BGROD TSUL GYI DBANG DU BYAS PA YIN GYI, MA RGYUD KYI GDUL BYA'I LAM BGROD TSUL LA DE LTAR MA NGES PA'I PHYIR TE, DE NYID LAS, RDOR BZLAS KYI RLUNG GIS SEMS DBEN 'DREN PA'I DON NI GTUM ME'I RNAL 'BYOR NYID DO, SEMS DBEN GYI DOD NI, GTUM MO BSGOMS PA LA BRTEN NAS RLUNG DH'U T'IR TSUD PA THIM PA LAS BYUNG BA'I BDE BA CHEN PO STE DGA' BA BZHI'O, , DE GNYIS NI RNAL 'BYOR MA'I RGYUD NYID NAS 'BYUNG NGO, ,ZHES GSUNGS PA'I PHYIR, DE'I PHYIR DBYANGS CAN DGA' BLO'I SA LAM RNAM GZHAG LAS BLA MED GZHAN GYI LAM RNAM 'DUS PA'I RIM LNGAR NGO BO'I SGO NAS 'DUS PAR GSUNGS PA NI RANG YIN PA'I TSUL GYIS 'DUS ZHES BA MIN GYI, BYED LAS MTHUN PA'I SGO NAS 'DUS PA LA DGONGS SO, ,GNYIS PA NI, 'PHAGS LUGS KYI RDZOGS RIM LA DBYE NA, LUS DBEN, DAG DBEN, SEMS DBEN, SGYU LUS, 'OD GSAL, ZUNG 'JUG STE RIM BA DRUG TU GSUNGS PA DANG, RIM PA SNGAR GSUNGS PA DANG, RIM PA BZHIR GSUNGS PA DANG, SBYOR BA YAN LAG DRUG TU GSUNGS PA RNAMS NI DBYE BSDU YIN PAS 'GAL BA MED PAR GSUNGS SO, ,DES NA DE DAG SO SO'I DON CUNG ZAD 'CHAD PA LA GNYIS, DBEN PA GSUM GYI TING NGE 'DZIN DANG, BDEN
, ,PA GNYIS KYI TING NGE 'DZIN NO, ,DANG PO LA GSUM, LUS DBEN SKU RDO RJE'I TING NGE 'DZIN DANG, NGAG DBEN GSUNG RDO RJE'I TING NGE 'DZIN DANG, SEMS DBEN THUGS RDO RJE'I TING NGE 'DZIN NO, ,DANG PO NI, LUGS 'DI'I BSKYED RIM PHRA RAGS MTHAR PHYIN PA'I RNAL 'BYOR PAS 'OG SGOR PHRA MO BSGOMS BAS RLUNG DBU MAR ZHUGS GNAS THIM GSUM BYAS PA LAS BYUNG BA'I STONG PA'I YE SHES SKYES PA NAS BZUNG STE, STENG 'OG GI RLUNG RNAMS SNYING GA'I DH'U T'IR THIM PA LAS BYUNG BA'I YE SHES MA SKYES TSUN CHAD KYI RDZOGS RIM NI, RDZOGS RIM DU GYUR PA'I LUS DBEN GYI NGO BO'O, ,'DI LA DBYE NA, RJES THOB TU YUL DBANG SOGS KYI CHOS RNAMS BDE STONG GI RNAM 'GYUR DU 'CHAR BA'I SOR SDUD DANG, BDE STONG GI RNAM 'GYUR LHAR 'CHAR BA'I BSAM GTAN GNYIS YOD, DANG PO SOR SDUD KYI SKABS SU MNYAM BZHAG GI BDE STONG DRAN NAS GANG SHAR THAMS CAD DES RGYAS 'DEBS PA'I RGYU MTSAN YOD DE, LTA BA'I DPYAD BA RDZOGS TSE STONG NYID NI STONG GZHI CHOS CAN DE'I RANG BZHIN DANG, CHOS CAN NI STONG NYID DE'I RNAM 'GYUR YIN PAR SHES PA NI MDO SNGAGS THUN MONG BA YIN LA, SKABS 'DIR BDE STONG RO GCIG TU MOS PA'I GNAD KYIS CHOS CAN RNAMS STONG NYID KYI RNAM 'GYUR YIN PA BZHIN DU BDE BA'I RNAM 'GYUR DU YANG MOS PA'I DBANG GIS 'JOG PA YIN PA'I PHYIR TE, BDE CHEN LAM DU BYED PA LA 'DI LA GOMS PA'I DBANG GIS GANG SHAR THAMS CAD BDE BA 'BAR BA'I GROGS SU 'GRO BA CIG MED THABS MED PA'I PHYIR RO, ,GNYIS PA BSAM GTAN LA LNGA YOD DE, BDE STONG DBYER MED KYI GZUNG RNAM LHA'I SKUR ZHIB TU MA PHYE BAR SGOM PA'I RTOG PA DANG, ZHIB TU PHYE NAS SGOM
PA'I DPYOD PA DANG, BDE STONG DBYER MED KYI YE SHES DANG MTSUNGS LDAN GYI YID BDE DANG, DE DANG MTSUNGS LDAN GYI SHIN SBYANGS KYI BDE PA DANG, SEMS RTZE GCIG PA'I TING NGE 'DZIN TE LNGA YOD DO, ,DE LAS SOR SDUD RTOG DPYOD GSUM NI RJES THOB KYI LUS DBEN DANG, DGA' BDE TING NGE 'DZIN GSUM NI MNYAM GZHAG DON DAM PA'I LHA BSGOM PA'I LUS DBEN NO, ,LUS DBEN GYI RAB DBYE NI, DAM PA RIGS BRGYA DANG, DE NYID RIGS LNGA, GSANG BA RIGS GSUM, GSANG CHEN RIGS GCIG GI LUS DBEN RNAMS SO, ,DAM PA RIGS BRGYA NI; PHUNG PO LNGA, KHAMS BZHI, MIG SOGS SKYE MCHED DRUG ,GZUGS SGRA SOGS LNGA STE RAGS PA NYI SHU LA CHA SHAS LNGA LNGAR PHYE STE, GSHEGS PA LNGA, YUM BZHI, SA SNYIB SOGS SEMS DPA' DRUG ,GZUGS RDO RJE MA SOGS LNGA STE LHA NYI SHU LA RIGS LNGA LNGAR PHYE STE SGOM PA'O, ,LHA SO GNYIS LAS KHRO BO BCU DANG BYAMS PA KUN BZANG 'DIR MA BSHAD PA NI RTZA RGYUD LAS DNGOS SU GSAL BAR MA GSUNGS PA'I DBANG DU BYAS KYI, SPYIR NA LUS DBEN GYI LHA SO GNYIS YOD DE, GLENG GZHI'I SBAS BSHAD KYI LUS DBEN GYI SKABS SU LHA SO GNYIS TSANG BAR GSUNGS PA'I PHYIR, MCHAN 'GREL LAS SHES PAR BYA'O, ,DAM PA RIGS BRGYA NI GTZO CHER DPYOD PA'I DBYE BA YIN NAM SNYAM STE, SOR SDUD NI ZHAL PHYAG GI RNAM PA CAN GYI LHAR BSGOM PA MIN LA, DGA' BDE TING NGE 'DZIN GSUM NI DON DAM RNAM CAN YIN ZHING; RTOG PA NI RAGS PA NYI SHU LHA NYI SHUR SO SOR MA SBYAR BAR SBYANG GZHI THAMS CAD LNGAR BSDUS NAS RIGS LNGA'AM RDO RJE 'CHANG GI RNAM PAR MOS PA YIN PA'I PHYIR TE, RGYAL TSAB RJE'I RIM LNGA'I ZIN BRIS LAS, RDO RJE 'CHANG GI RNAM PA TZAM DU MOS PA RTOG PA DANG,
, ,YUL DBANG SO SOR LHA SO SO DANG SBYAR NAS ZHIB TU SEMS PAR BYED PA NI DPYOD PA YIN LA, ZHES DANG, RGYUD PHYI MA LAS, GSANG BA GSUM NI RTOG PA STE, ,ZHES PA'I GSAL SGRON LAS, DBANG PO DANG YUL DANG DBANG PO'I SHES PA GSUM GSUM NI GSANG BA GSUM STE LNGA TSAN GSUM PO RIGS LNGA'I BDAG NYID DO ZHES RTOG PA NI RTOG PA'O, ,ZHES GSUNGS PA'I PHYIR, DE'I PHYIR ZAB DON GSAL BA'I NYI MA LAS, LHA'I NGO BO LA RTOG PA NI RTOG PA DANG, ZHAL PHYAG SOGS ZHIB TU DPYOD PA NI DPYOD BA'I YAN LAG YIN, ZHES GSUNGS PAS DBYAD BYA'O, ,PHRA MO BSGOMS PAS RLUNG 'DU LUGS DANG DE LAS ZHU BDE SKYE TSUL DANG, DE LA DGA' BZHI STONG BZHI 'JOG TSUL RNAMS YOD DE, LUGS 'DI'I BSKYED RIM PHRA RAGS MTHAR PHYIN PA'I RNAL 'BYOR BAS 'OG SGOR PHRA MO BSGOMS PAS RLUNG SEMS 'JUG PA GCIG PA'I GNAD KYIS SEMS GANG DU BZUNG BA DER RLUNG 'DU ZHING, DE LA BRTEN NAS RLUNG DBU MAR ZHUGS GNAS THIM GSUM BYAS PA LAS STONG PA BZHI RTAGS DANG BCAS PA 'BYUNG LA; RLUNG DBU MAR ZHUGS PA'I TSE DH'U T'I'I LAM NAS THUR SEL GYEN DU LOG PAS GTUM MO 'BAR NAS KHAMS ZHU STE BYANG CHUB KYI SEMS KYI RGYUN 'BAB PA DANG 'DZAG PA LAS YAS BABS DANG MAS BRTAN GYI DGA' BA BZHI SKYE BA'I PHYIR, DE YANG BYANG SEMS SPYI BO NAS MGRIN PA, DE NAS SNYING GA ,DE NAS LTE BA, DE NAS GSANG GNAS SU SLEB PA NA DGA' BA BZHIR RDO RJE PHRENG BA LAS GSUNGS SHING, DE LTA BU'I DGA' BA BZHI RE RE LA BYANG SEMS DKAR PO BABS PA'I CHA NAS BZHI BZHIR PHYE NAS DGA' BA BCU DRUG DANG, DMAR PO
'BAB PA'I CHA NAS GSUM GSUM DU PHYE NAS DGA' BA BCU GNYIS SU PHYAG CHEN THIG LE LAS GSUNGS SO, ,'DI NI YAS BABS KYI DGA' BZHI YIN LA, MAS BRTAN GYI DGA' BZHI SKYE TSUL NI, BYANG SEMS GSANG GNAS NAS LTE BA, DE NAS SNYING KHA SOGS SU SLEB PA NA SKYE ZHING; DE LA DGA' BA BCU DRUG DANG BCU GNYIS SKYE TSUL 'DRA'O, ,YAS BABS KYI DGA' BA LAS MAS BRTAN GYI DGA' BA CHES MCHOG TU GYUR PA YIN LA, MAS BRTAN GYI DGA' BA BZHI PO GANG RUNG YIN NA LHAN SKYES KYI DGA' BA YIN PAS KHYAB GSUNGS, DRIL BU'I RIM LNGA'I RNAM BSHAD DU YAS BAS KYI DGA' BA DANG PO GSUM LHAN SKYES KYI DGA' BAR 'JOG PA'I SKABS SHIG KYANG YOD PAR GSUNGS SO, ,DGA' BZHI SKYE BA THAMS CAD BYANG SEMS 'BAB PA'I RIM PA SNGAR BSHAD PA LTAR SKYE MI DGOS TE, RDOR BZLAS KYIS GTUM MO SBAR NAS BYANG SEMS ZHU BA STOD SMAD NAS SNYING GAR BSDUS PA LAS DGA' BZHI SKYE BAR GSUNGS BA'I PHYIR, DE LA DPYAD BYA MANG YANG SEMS DBEN GYI SKABS SU CUNG ZAD 'CHANG NGO, ,GANG ZAG GI RIGS KHA CIG LA RLUNG DH'U T'IR THIM PA MED PAR DGA' BZHI SKYE BA YOD PAR GSUNGS PAS SPYIR DGA' BA BZHI STONG PA BZHIR MI 'JOG KYANG, DGA' BZHI STONG BZHI'I NGO BOR SKYE BA YOD DE, PHYAG CHEN THIG LE LAS DGA' BZHI STONG BZHIR GSUNGS PA LTAR MKHAS PA DU MAS BSHAD PA'I PHYIR, DE DAG LAS SKABS 'DIR THUB PA DPAL GYI BZHED PA LTAR, BYANG SEMS RDO RJE'I RTZA BA DANG, NOR BU'I MGRIN PA DANG, NOR BU'I DBUS DANG, NOR BU'I RTZE MOR SLEB PAN STONG PA BZHI RIM BZHIN SKYE BAR BSHAD PA NI MTHUN TSABS CHE BAR GSAL SGRON LAS GSUNGS SO, ,STONG PA BZHI'I YE SHES THAMS CAD BYANG SEMS SBYI BO NAS GSANG GNAS
, ,KYI BAR DANG, DE NAS SPYI BO'I BAR DU SONG BA LAS 'BYUNG BA'I DGA' BZHI KHO NAR 'CHAD NA LUGS 'DI'I GNAD CHEN PO MA RTOGS PAR RJE BDAG NYID CHEN POS YANG YANG GSUNGS SO, ,DE LTAR YAR MAR GYI LHAN SKYES KYI DGA' BSKYED NUS PA NA, RANG BZHIN MED PA'I STONG NYID DANG YUL YUL CAN DU SBYAR NAS MNYAM GZHAG TU BSGOM PAR BYA ZHING, RLUNG GA-YOS PA'I DBANG GIS DE LAS LANGS PA NA MNYAM BZHAG GI BDE STONG DRAN NAS GANG SHAR THAMS CAD DES RGYAS BTAB STE, DE DANG MI MTHUN PA'I YID BYED BSDAMS TE GNAS NA YUL SNANG KUN BDE BAR 'CHAR ZHING, DE'I RJES SU BDE BA 'BAR BA'I RKYEN GYIS DBANG PO'I SGO NAS 'JUG PA'I RLUNG RNAMS NANG DU LDOG PA NA DBANG SHES KYANG SDUD BAS, RLUNG THIM NAS SNGAR BZHIN BDE BA RNAMS SKYE BAR GSUNGS SO, ,LUS DBEN GYI SGRA BSHAD YOD DE, DBEN GZHI'I LUS NI RAGS PA NYI SHU SOGS DANG, DBEN RGYU NI THA MAL GYI SNANG ZHEN DANG, DBEN PA'I DON NI DE RNAMS BDE STONG GI RNAM 'GYUR RAM LHAR SGOM PA DE YIN PA'I PHYIR, DES NA LUS DBEN LA DE'I SGRA BSHAD TSANG MI DGOS SHING, LUS DBEN GYI SGRA BSHAD TSANG NA LUS DBEN YIN MI DGOS TE, NGAG DBEN YAN CHAD DU'ANG GANG SHAR THAMS CAD BDEN STONG GIS RGYAS BTAB STE BA SGOM PA YOD PA'I PHYIR RO, ,GNYIS PA NI, LUGS 'DI'I RNAL 'BYOR PAS SNYING GA'I SNA RTZER SNGAGS KYI THIG LE BSGOMS PAS STENG 'OG GI RLUNG RNAMS SNYING GA'I DH'U T'I'I NANG DU ZHUGS GNAS THIM GSUM BYAS PA LAS BYUNG BA'I SNANG BA'I YE SHES SKYES PA NAS BSGOMS STOBS KYIS SNYING GA'I RTZA MDUD RDZOGS PAR GROL TE RLUNG SNYING GA'I MI SHIGS PA LA ZHUGS GNAS THIM GSUM BYAS PA
LAS BYUNG BA'I SNANG BA'I YE SHES MA SKYES PA'I GNAS SKABS KYI RDZOGS RIM NI, ,'PHAGS LUGS KYI RDZOGS RIM LA RIM PA DRUG TU BYAS PA'I RIM PA GNYIS PA'I NGO BO'O, ,RIM PA 'DI LA NGAG DBEN NAM RDO RJE BZLAS PA ZHES PA NI PHYOGS GCIG GI MING GIS BTAGS PA STE, 'DI LA SROG RTZOL GYI RNAL 'BYOR GSUM YOD PA GANG ZHIG ,SNGAGS THIG DANG RDZAS THIG SGOM PA'I SROG RTZOL GYI RNAL 'BYOR GNYIS NI NGAG DBEN DANG RDOR BZLAS GANG YANG MA YIN PA'I PHYIR TE, GSAL SGRON LAS, NGAG DBEN DANG RDO RJE BZLAS PA ZHES PA NI SROG RTZOL GYI PHYOGS GCIG GI MING GIS BTAGS PA STE, RIM PA 'DI SPYI'I MING NI RGYUD PHYI MAR YAN LAG DRUG GI GSUM PA SROG RTZOL ZHES GSUNGS PA'O, ,ZHES GSUNGS PA'I PHYIR, GZHAN YANG, DE GNYIS CHOS CAN, NGAG DBEN DANG RDOR BZLAS MA YIN TE, NGAG DBEN DANG RDOR BZLAS GNYIS PO GANG RUNG YIN NA SNA RTZER 'OD THIG SGOM PA'I SROG RTZOL GYI RNAL 'BYOR YIN PAS KHYAB PA'I PHYIR TE, RANG BZHIN GYI BZLAS PA RLUNG LDANG 'JUG GNAS SGSUM NI BDEN GZHI'I NGAG DANG, DE GSUM DANG YI GE GSUm GYI GDANGS THA DAD DU ZHEN PA NI DBEN RGYU'I DGAG BYA DANG, RLUNG LDANG 'JUG GNAS GSUM GYI GDANGS DANG YI GE GSUM GYI GDANGS DBYER MI PHYED PAR SBYOR BA NI DBEN PA'I DON YIN PA'I PHYIR DANG, RDOR BZLAS KYANG 'DI LA BYED PA'I PHYIR TE, GSAL SGRON LAS, RDO RJE GSUM GYI YI GE GSUM DANG RLANG GSUM GYI GDANGS GSUM DBYER MI GPHYE DPAR SBYAR BA'I NGO BO NYID KYI BLAS PA LA RDO RJE BZLAS PA ZHES BYA'O, ,ZHES GSUNGS PA'I PHYIR, 'DI LA KHA CIG NA RE, BSHAD TSUL 'DI MI 'THAD PAR THAL, RGYUD PHYI MAR BSHAD
, ,PA'I SROG RTZOL GSUM GA NGAG DBEN RDO RJE BZLAS PA'I RIM PAR 'DU BAR BSHAD PA'I PHYIR NA MA KHYAB STE, NGAG DBEN RDO RJE BZLAS PA'I RIM PAR 'DU BA LA NGAG DBEN DANG RDO RJE BZLAS PA DNGOS YIN MI DGOS PA'I PHYIR TE, DE NYID LAS; SGRON GSAL NAS BSHAD PA LA SNA RTZE GSUM DU SGOM BA'I SROG RTZOL GSUM YOD PAS, NGAG DBEN DANG RDOR BZLAS DNGOS MIN PA'I SROG RTZOL YOD KYANG, DE GNYIS SROG RTZOL GYI GTZO BO'I SGO NAS MING 'DOGS SU BYAS NA DE GNYIS SU 'DU'O, ,ZHES GSUNGS PA'I PHYIR, GZHAN YANG, SROG RTZOL GYI RNAL 'BYOR YIN NA NGAG DBEN RDO RJE BZLAS PA YIN PAS MA KHYAB PAR THAL, LUS KYI GNAD CHE SAR YI GE DANG THIG LE SOGS BSGOMS PAS RLUNG DH'U T'IR SDUD PA'I RNAL 'BYOR THAMS CAD SROG RTZOL GYI RNAL 'BYOR YIN PAR DE BZHIN GSHEGS PA'I RDO RJES BSHAD PA GANG ZHIG ,DE LA RJE BDAG NYID CHEN POS, RTZA 'KHOR GYI GNAS SU YI GE DANG THIG LE BSGOm PA SOGS THAMS CAD RLUNG DH'U T'IR SDUD PA'I THABS SU 'GYUR BAR BSHAD NAS, SROG RTZOL RGYA CHEN POR BTANG BA 'DI RMAD DU BYUNG BA'I LEGS BSHAD CIG 'DUG STE, ZHES SOGS BSNGAGS PA MDZAD PA'I PHYIR RO, ,SROG RTZOL GSUM SGOM PA'I RIM PA YOD DE, LUS DBEN GYI SKABS SU RLUNG DH'U T'IR SDUD NUS KYANG SNYING GA'I DH'U T'IR SDUD MA NUS PA SDUD PA'I CHED DU, SNYING GA'I SNA RTZER SNGAGS KYI THIG LE SGOM PA DANG, DE YUN RING DU GOMS PA LAS STONG PA BZHI'I YE SHES THOG MAR SKYES PA NAS NGAG DBEN RDO RJE BZLAS PA'I MING GIS BTAGS PA'I SROG RTZOL GYI RIM PAR 'PHO BA YIN NO, ,'DI NI SEMS DBEN RJES MTHUN PA YIN PAS
SEMS DBEN GYI MING GI DAGS SU RUNG YANG DE MTSAN NYID PA MIN TE, GSAL SGRON LAS, SNYING GAR MI SHIGS PA SGOM PA'I GNAD LEGS PAR SHES NAS RING DU GOMS PA LAS STONG PA BZHI'I YE SHES THOG MAR SKYE BA NAS SEMS DBEN RJES MTHUN PA YIN PAS, DE'I SGO NAS DE'I MING GDAGS SU RUNG YANG MTSAN NYID PA NI MIN NO, ,ZHES GSUNGS PAS SO, ,DE LTAR SNYING GAR RLUNG SDUD PA'I THABS SNGAGS THIG BSGOMS PAS RLUNG BSDUS TE DH'U T'IR THIM PA NI, SNYING GA'I MI SHIGS PA DANG NYE BA'I DH'U T'IR THIM PA YIN GYI, MI SHIGS PA DNGOS LA THIM PA MIN LA, MI SHIGS PA DNGOS LA RLUNG THIM PA LA DE'I RTZA MDUD LHOD PAR SONG DGOS PAS, DE'I DON DU GDONG GI SNA RTZER 'OD THIG SGOM PA'I SROG RTZOL ZHES PA RLUNG LDANG 'JUG GNAS GSUM GYI RANG GDANGS DANG YI GE GSUM GYI GDANGS DBYER MI BYED PAR SBYOR BA'I RDO RJE BZLAS PA SGOM PA YIN TE, SMYUG MA'I SBUBS 'GAGS PA LA THUR MA RING POS DE'I NANG DU 'BYUNG 'JUG BYAS PAS BYED PA BZHIN DU, RTZA MDUD RNAMS DE'I NANG DU RLUNG 'BYUNG 'JUG BYAS PAS 'BYED PA'I PHYIR, RLUNG SNGAGS DBYER MED DU SBYOR BA YANG RLUNG LDANG 'JUG GNAS GSUM GYI GDANGS YI GE GSUM BRIS PA'I RNAM PA DANG THA MI DAD DU BYED PA MIN ZHING, TSIG TU BTON PA'I PHYI ROL GYI NGAG DANG THA MI DAD DU BYED PA YANG MIN LA, TSIG TU MA BTON KYANG TSIG TU BTON PA'I RNAM PA YID LA BYED PA PHYI ROL GYI GDANGS DANG THA MI DAD DU BYED PA YANG MIN GYI, RTZA'I NANG DU RLUNG RGYU BA'I TSE YI GE GSUM GYI GDANGS DANG 'DRA BA SGROG BZHIN PAR YOD PA DE NYID RANG GIS NGO SHES PAR BYAS NAS, DE LA MA YENGS PAR YID GTOD PA NI SKABS 'DI'I
, ,RDOR BZLAS BYED TSUL YIN NO, ,RDOR BZLAS LA BZLAS PA'I YUL RLUNG GI SGO NAS PHYE NA, RTZA BA DANG YAN LAG GI RDOR BZLAS GNYIS DANG, DE GNYIS LA'ANG RIM BZHIN BZHI DANG LNGAR DBYE BA'O, ,BZLAS BA'I SNGAGS KYI SGO NAS PHYE NA, H'Um HO:'I YI GE GNYIS KYI RDOR BZLAS DANG, YI GE GSUM GYI RDOR BZLAS GNYIS YOD, RDZOGS RIM PAS RDOR BZLAS BYED PA'I SKABS GSUM YOD DE, DES ZHI RGYAS DBANG DRAG GI LAS SGRUB PA'I DON DU RDOR BZLAS BYED PA NA, RTZA BA'I RLUNG BZHI LA BYED LA, DES MIG DANG, RNA BA DANG, SNA DANG, LCE DANG, LUS KYI MNGON SHES LNGA SGRUB PA'I DON DU RDOR BZLAS BYED PA NA, RIM BZHIN RGYU BA SOGS YAN LAG GI RLUNG LNGA LA BYED CING, LUS DBEN SNGON DU SONG NAS SEMS DBEN GYI STONG PA RNAMS 'DREN PA'I DON DU RDOR BZLAS BYED PA NA, THOG MAR RTZA BA'I RLUNG BZHI DANG, DE LA NUS PA RNYED PA'I MTSAMS SHIG NAS YAN LAG GI RLUNG LNGA LA BYED PAR GSUNGS SO, ,GSANG BA'I SNA RTZER RDZAS THIG BSGOM PA NI, RANG DANG LAS RGYA GNYIS SNYOMS PAR ZHUGS PA LAS BYANG SEMS DH'U T'I'I MAR SNA GNYIS 'PHRAD MTSAMS SU 'PHO MED DU 'DZIN PA DANG, RANG DANG YE RGYA'I DH'U T'I'I MAR SNA GNYIS 'PHRAD MTSAMS SU THIG LE LA DMIGS NAS BSGOM PA GNYIS YOD DO, ,DE LTAR BSGOM PA'I DGOS PA YOD DE, SROG RTZOL SNGA MA GNYIS KYIS SNYING GAR RLUNG SDUD MA NUS PA SDUD PAR BYED LA, RDZAS THIG BSGOM PA 'DIS SNYING GAR RLUNG BSDUS PA'I BOGS 'DON DU 'GRO BA'I PHYIR RO, ,PHYAG RGYA GNYIS DANG SBYOR BA'I SROG RTZOL NI RDOR BZLAS MTHAR PHYIN PA'I
SNGON DANG PHYI NAS BYED PA'I SKABS GNYIS YOD LA, 'DI SNYING GAR RLUNG SDUD PA'I THABS SU 'GRO TSUL NI GSAL SGRON LAS SHES PAR BYA DGOS SO, ,'DI LA KHA CIG ,SNYING GAR RLUNG THIM PA LA SNYING GA'I RTZA MDUD LHOD PAR SONG BAS KHYAB ZER NA, DE MI 'THAD PAR THAL, RLUNG SNYING GAR THIM PA BYUNG YANG SNYING GA'I DH'U T'IR THIM PA MIN PA YOD PA'I PHYIR TE, RLUNG NANG DU THIM PA LA DH'U T'IR THIM BSAM KHYAB PA'I PHYIR TE, GSAL SGRON LAS, SNGAR BSHAD PA LTAR RLUNG DH'U T'IR TSUD PA'I RTAGS NGES PA CAN 'BYUNG ZHING, RANG SHUGS KYIS RLUNG NANG DU RING DU GNAS PA BYUNG BA'I TSE THIM NA DH'U T'IR THIM PAS, STONG PA RNAMS BSHAD PA BZHIN 'CHAR LA, DE 'DRA BA MIN PA'I SKABS SU NANG DU THIM PA BYUNG YANG DH'U T'IR THIM PA MIN PAS STONG PA RNAMS BSHAD PA BZHIN MI 'ONG NGO, ,ZHES GSUNGS PA'I PHYIR BYAS PA LA KHO NA RE, RLUNG SNYING GA'I DH'U T'IR THIM PA LA SNYING GA'I RTZA MDUD LHOD PAR SONG BAS KHYAB PAR THAL, SNYING GA'I RTZA MDUD LHOD PAR MA SONG BAR SNYING GA'I DH'U T'IR RLUNG 'DZUD MI RUNG PA'I PHYIR ZER NA, RTAGS MA GRUB STE, DE NYID LAS, SNYING GA'I MI SHIGS PA DNGOS LA RLUNG THIM BA LA NI DE'I RTZA MDUD LHOD PAR SONG BA DGOS PAS, DE'I SNGON DU SNYING GAR SDUD PA'I THABS KYIS BSDUS TE DH'U T'IR THIM PA NI DE DANG NYE BA'I DH'U T'IR THIM PA YIN GYI DER THIM PA MIN NO, ,DE BZHIN DU RLUNG DH'U T'IR TSUD PA BYUNG YANG RTZA MDUD KYI GNAS KYI DH'U T'I NAS 'GRO 'ONG BYED MI NUS SO, ,ZHES GSUNGS PA'I PHYIR, BYAS PA LA KHO NA RE, BSHAD TSUL 'DI MI 'THAD PAR THAL, SNYING GA'I MI SHIGS PAR RLUNG THIM PA LA RTZA MDUD LHOD PAR SONG DGOS LA, SNYING GA'I DH'U T'IR RLUNG THIM PA LA RTZA MDUD
, ,LHOD PAR SONG MI DGOS PAR BSHAD PA 'DI NI SNYING GA'I DBUS KYI RTZA MDUD KYI DBANG DU BYAS KYI, SNYING GA'I DH'U T'IR RLUNG THIM PA LA DE'I STENG 'OG GI RTZA MDUD LHOD PAR SONG DGOS PA'I PHYIR TE, DBYANGS CAN DGA' BLO'I SA LAM LAS, LDANG 'JUG GNAS GSUM GYI RANG GDANGS YI GE GSUM GYI GDANGS SU SHAR BA'I RDO RJE BZLAS PA BYAS PA LA BRTEN NAS, SNYING GA'I GONG 'OG GI RTZA MDUD LHOD PAR SONG STE STENG 'OG GI RLUNG RNAMS SNYING GA'I DH'U T'I'I NANG DU THIM PA LAS BYUNG BA'I SNANG BA'I YE SHES SKYES PA NA, LUS DBEN NAS NGAG DBEN DU 'PHOS PA YIN, ZHES GSUNGS PA'I PHYIR ZER NA DPYAD PAR BYA STE, LUS DBEN NAS NGAG DBEN GYI RIM PAR 'PHO BA LA RDO RJE BZLAS PA BSGOM MI DGOS BA'I PHYIR TE, RDOR BZLAS KYI SNGON DU SNGAGS THIG BSGOM PA'I SROG RTZOL 'GRO DGOS PA GANG ZHIG ,DE'I SKABS SU LUS DBEN NAS NGAG DBEN GYI RIM PAR 'PHO BA YIN PA'I PHYIR, DANG PO GRUB STE, LE'U GSUM PAR, RIN CHEN BRTAN PAR GYUR NAS SPRO, ,BRTAN PAR MA GYUR YONGS MI SPRO, ,ZHES PA'I GZHUNG GI MTHAR THUG GI DON BSHAD PA'I SKABS KYI SGRON GSAL LAS DE LTAR GSUNGS PA'I PHYIR, DER RDOR BZLAS MTHAR THUG TU BSHAD PA NA 'GREL BA BZHI SBRAG GI MTHA' GCOD LAS, RDOR BZLAS 'DIS ZUNG 'JUG SKYED PA RDOR BZLAS KYI LAS SU BYA BA'I SGO NAS MTHAR THUG TU GSUNGS PA'AM, YANG NA ZUNG 'JUG GI SKABS SU YANG DAG DBEN GYI SKABS DANG 'DRA BA'I RDOR BZLAS BYED PA PHYOGS GCIG LA DGONGS NAS DE LTAR BSHAD DO, ,ZHES GSUNGS PA LTAR YIN NO, ,GNYIS PA GRUB STE, LUS DBEN
GYI SKABS SU SNYING GAR GNAD DU BSNUN PA LAS BYUNG BA'I STONG PA BZHI'I YE SHES MED PA'I PHYIR, SPROS PAS CHOG GO ,GSUM PA NI, NANG GI RKYEN RDOR BZLAS DANG BSAM GTAN GNYIS KYI SDUD RIM, PHYI'I RKYEN PHYAG RGYA'I SROG RTZOL LA BRTEN NAS SNYING GA'I RTZA MDUD RDZOGS PAR GROL TE RLUNG RNAMS SNYING GA'I MI SHIGS PA LA THIM PA LAS BYUNG BA'I SNANG BA'I YE SHES SKYES PA NAS BZUNG STE, MA DAG PA'I SGYU LUS MA THOB PA'I SKABS KYI RDZOGS RIM NI, SEMS DBEN GYI RIM PA'I NGO BO'O, ,SEMS DBEN GSAR DU SKYED PA LA KHYAB BYED LA DMIGS PA'I RDOR BZLAS BYED PAR ZAB DON GSAL BA'I NYI MAR BSHAD KYANG GSAL SGRON SOGS LAS DE LTAR GSAL BAR MA GSUNGS PAS KHUNGS BTZAL PAR BYA'O, ,'DI LA MKHAS PA KHA CIG ,SEMS DBEN GYI YE SHES GSUM SKYED PA LA LAS RGYA BRTEN DGOS PA NI, RIM LNGA LAS, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,GSAL BAR 'DI LAS MTSON PAR 'GYUR, ,ZHES GSUNGS PA'I DGONGS PA YIN TE, MKHAS GRUB RJE'I GSUNG ZIN BRIS LAS, SROG RTZOL GSUM DANG KHYAD PAR DU RDOR BZLAS TE NANG GI RKYEN GSUM DANG, PHYI'I RKYEN NI RIM LNGA LAS, SGYU MA DAG NI THAMS CAD LAS, ,ZHES PA NAS, GSAL BAR 'DI LAS MTSON PAR NUS, ,ZHES GSUNGS PA LTAR, PHYAG RGYA SROG RTZOL DU SONG BA STE PHYI NANG GI RKYEN DE DAG LA BRTEN NAS SEMS DBEN GYI YE SHES BSKYED NUS KYI, ZHES DANG, NGAG DBEN THOG MAR BSGOM PA NAS SNYING GA'I RTZA MDUD LHAG MA MA LUS PAR MA GROL BAR GYI STONG PA BZHI GANG SHAR THAMS CAD NI NGAG DBEN YIN LA, SNYING GA'I RTZA MDUD
, ,LHAG MA MA LUS PAR GROL BA LA NI GONG DU BSHAD PA'I PHYI NANG GI THABS GNYIS KA DGOS SO, ,ZHES GSUNGS PA'I PHYIR, ZHES 'DOD DO, ,'DI LA MKHAS PA KHA CIG NA RE, SEMS DBEN MTHAR THUG GI YE SHES GSUM SKYED PA LA LAS RGYA BRTEN DGOS PA NI RIM LNGA'I GZHUNG 'DI'I DGONGS PA YIN GYI SEMS DBEN TZAM LA MIN TE, GSAL SGRON LAS, SGYU LUS KYI SGRUB GZHI'I SEMS DBEN GYI YE SHES GSUM RDZOGS PAR SKYED PA LA PHYI'I PHYAG RGYA DGOS SO, ,ZHES DANG; RJE RIN PO CHES 'DUS BA'I BKA' GNAD BSTAN PA LAS, GANG ZHIG THUN MONG LAM GYIS RGYUD SBYANGS SHING, ,DBANG GIS LEGS SMIN SDOM PA YONGS SU DAG ,DRAN PA GCIG PA'I RNAL 'BYOR MTHAR PHYIN CING, ,RDO RJE GSUM GYI TING 'DZIN RNYED PA DES, ,SGYU MA 'OD GSAL BDEN PA GNYIS KYI LAM, ,CHOS DANG GZUGS SKU GNYIS NI MTHONG CHOS LA, ,MNGON DU 'GYUR BA'I NYE RGYUR 'JUG PA NA, ,PHYAG RGYA BZANG LAS BDE CHEN MTSON PAR BYA, ,ZHES GSUNGS PA'I PHYIR, KHYAB STE, 'DI'I RDO RJE GSUM GYI TING NGE 'DZIN NI DBEN PA GSUM GYI MING MIN GYI, BSKYED RIM PA'I RDO RJE GSUM GYI TING NGE 'DZIN MA YIN PA'I PHYIR TE, TSE 'DIR 'TSANG RGYA BA'I RGYUR GSUNGS PAS SHES PA'I PHYIR ZHES 'DOD DO, ,'DI LA KHA CIG NA RE, GZHUNG 'DIS TSE 'DIR 'TSANG RGYA BA LA MED DU MI RUNG BAR LAS RGYA BRTEN DGOS PA'I MA MTHA'I MTSAMS BSTAN PA MIN GYI, RDZOGS RIM GYI BOGS 'BYIN GYI SBYOD PA BYA RAN PA'I MTSAMS BSTAN BA YIN TE, DE LA NI SEMS DBEN THOB PAS KHYAB PA'I
PHYIR TE, DE LTAR GSAL SGRON LAS GSUNGS PA'I PHYIR RO, ,ZHES ZER, 'DI LA KHA CIG NA RE, TSE 'DIR 'TSANG RGYA BA LA LAS RGYA NGES PAR BRTEN DGOS PA'I MA MTHA'I SA MTSAMS NI SEMS DBEN THOB PA NAS YIN TE, YE SHES RDO RJE KUN LAS BTUS PA'I t'I KA LAS, 'DIR PHYAG RGYA DANG STONG PA GSUM RJES SU 'GRO LDOG NGES PAR GSUNGS PA NI, SGYU MA'I SKU SGRUB NUS PA'I SEMS DBEN GYI STONG PA GSUM RDZOGS PAR SKYE BA PHYAG RGYA LA NGES PAR LTOS PA LA DGONGS PA YIN TE, DE MED NA SEMS DBEN GYI MTSAN NYID 'GA' ZHIG TSANG BA'I YE SHES GSUM SKYE YANG MTSAN NYID RDZOGS PA MI SKYE BA'I PHYIR RO, ,ZHES GSUNGS PA'I PHYIR, ZHES 'DOD DO, ,'DI NI RJE'I DGONGS BA YIN NAM SNYAM YANG KHA TSON GCOD DKA' BAS DPYOD PA'I SGO COM BKOD DO; ;YANG KHA CIG NA RE, LAS RGYA BRTEN DGOS PA'I MTSAMS SEMS DBEN THOB PA NAS YIN ZER BA MI 'THAD DE, GANG ZAG MTSAN NYID TSANG BA LA RIM GNYIS SGOM PA'I SNGON DU DBANG GSUM PA DNGOS DBANG DU BSKUR BA YOD PA GANG ZHIG ,GSANG BA GRUB PA LAS; LAS DANG PO BAS PHYI'I PHYAG RGYA'I THABS SPANGS NA THABS GZHAN GYIS DGA' BZHI'I LHAN SKYES MTSON DU MED PAR GSUNGS PA'I PHYIR NA MA KHYAB STE, DANG PO NI SRID PA TZAM YIN GYI NGES GZUNG MIN LA, GNYIS PA YANG BSKYED RIM GYI SKABS SU RLUNG DH'U T'IR 'DZUD PA LA LAS RGYA BRTEN DGOS PAR BSHAD PA YIN PA'I PHYIR, 'DI'I DGOS PA NI BSKYED RIM GYI BDE STONG BSKYANGS PAS, RDZOGS RIM GYI RTOGS PA SKYE BA'I DGE RTZA SMIN BYED KHYAD PAR CAN DU 'GYUR BA DANG, RDZOGS RIM GYI LUS LA GNAD DU BSNUN PA'I THABS
, ,RNAMS BSGOM PA NA RLUNG 'DU BAR SHIN TU SLA BA SOGS KYI DGOS PA MANG PO YOD KYANG, YUL RTEN GYI MTSAN NYID TSANG BA SHIN TU DKON PAR GSUNGS SHING, TSUL BZHIN MA BYAS NA NGAN 'GROR LTUNG BA'I NYES DMIGS CHE BAR GSUNGS PAS; YE RGYA TZAM GYIS BSKYED RIM PHRA RAGS MTHAR PHYIN NAS RDZOGS RIM GYI LUS LA GNAD DU BSNUN PA'I THABS SGOM PA NI SHIN TU BZANG STE, DE 'DRA BA'I LAM GYIS SEMS DBEN BSKYED NUS SHING, SEMS DBEN THOB NAS LAS RGYA BRTEN PA NA DE 'DRA BA'I NYES DMIGS MI 'BYUNG BA'I PHYIR RO, ,RLUNG SDUD PA'I THABS BSGOMS PAS RLUNG DH'U T'IR ZHUGS PA'I RTAGS SNA BUG GNYIS NAS RLUNG MNYAM RGYU SHED MTSUNGS NGES CAN THENGS PA 'BYUNG, GNAS PA'I RTAGS SNA BUG GI RGYU BA CHAD, SNA BUG GI RGYU BA LOG NAS NANG DU GNAS KYANG, MA THIM NA LUS GAD PA LTA BU YANG 'BYUNG BAR GSUNGS SO, ,THIM PA'I RTAGS CHU ME RLUNG BZHI SNGA MA PHYI MAR THIM PA NA RIM BZHIN SMIG RGYU DU BA MKHA' SNANG ME KHYER LTA BU'I SNANG BA 'CHAR, RLUNG SNANG BA LA THIM PAR BRTZAMS PA NA MAR ME 'BAR BA LTA BU'I SNANG BA 'CHAR, 'DI DAG LA RAGS PA NYER LNGA'I THIM RIM SBYOR TSUL NI RNAM GZHAG RIM PA'I RNAM BSHAD DANG 'GREL PA BZHI SGRAG GI MTHA' GCOD LAS SHES PAR BYA'O, ,RTAGS 'DI DAG SNGA MA LAS PHYI MA GSAL DU SONG BA'I DPE YIN ZHES PA DANG, RTAGS CAN GYI SHES PA BRTAN GA-YO'I TSAD YIN ZHES PA DANG, SMIG RGYU SOGS DANG 'DRA BA'I SNANG BA 'CHAR BA YIN ZHES PA'I BZHED PA GSUM 'BYUNG BA LAS PHYI MA LEGS PAR GSUNGS SO, ,RANG BZHIN GYI RTOG PA RLUNG DANG
BCAS PA SNANG BA LA THIM PA NA STON GYI NAM MKHA' GA-YA' DAG PA LA ZLA 'OD KYIS KHYAB PA LTA BU'I SNANG BA DANG, SNANG BA RLUNG DANG BCAS PA MCHED PA LA THIM PA NA DE LA NYI 'OD KYIS KHYAB PA LTA BU'I SNANG BA DANG, MCHED PA RLUNG DANG BCAS PA NYER THOB LA THIM PA NA DE LA SMAG 'THUG POS KHYAB PA LTA BU'I SNANG BA DANG, NYER THOB RLUNG DANG BCAS PA 'OD GSAL LA THIM PA NA SLOG BYED KYI RKYEN GSUM DANG BRAL BA'I NAM MKHA'I RANG MDOG LTA BU'I SNANG BA 'CHAR BAR GSUNGS SO, ,SA CHU LA THIM PA SOGS LAS LOG PA DANG CHU LOG PA SOGS KYI THA SNYAD SBYAR BA'ANG YOD LA, DE'I DON NI RANG GI LUS KYI SA'I KHAMS KYIS RNAM SHES KYI RTEN BYED PA'I NUS PA LOG NAS NUS PA DE CHU LA 'PHOS PA LTA BU LAS CHU LA THIM ZHES GSUNGS TE, ME RLUNG LA THIM PA'I BAR DU'ANG DE BZHIN NO, ,RLUNG THIM ZHES PA NI RANG BZHIN GYI RTOG PA DNGOS SU GA-YO BAR BYED PA'I RLUNG GIS RNAM SHES KYI BZHON PA BYED PA'I NUS PA LOG NAS DE'I NUS PA SNANG BA'I RLUNG LA 'PHOS PA LTA BU LA RLUNG SNANG BA LA THIM PAR GSUNGS KYI RLUNG THAMS CAD THIM PA MI SRID DO, ,RANG BZHIN SNANG BA LA THIM PA YANG RANG BZHIN GYI RTOG PAS YUL 'DZIN PA'I NUS PA LOG PA'O, ,STONG PA BZHI SNGA MA PHYI MAR THIM PA'ANG DES SHES PAR BYA'O, ,SA CHU LA THIM PA SOG RJES MTHUN PA NI, GZHI DUS KYI PHO MO SBYOR BA DANG, GNYID GNYID DU 'GRO BA'I DUS DANG, BRGYAL BA LA SOGS PA'I SKABS DANG, LAM DUS SU THOG MAR DBANG GSUM PA DANG, RDOR BZLAS MAN CHAD DU'ANG 'BYUNG MOD KYANG, MTSAN NYID PA NI, GZHI DUS KYI 'CHI BA'I DUS DANG, LAM DUS SU SEMS DBEN NAS BRTZAMS TE 'BYUNG BA YIN NO, ,ZHES MNGON PAR BYANG CHUB PA'I
, ,RIM PA'I BSHAD PA LAS GSUNGS SO, ,LUS LA GNAD DU BSNUN PA LAS 'CHAR BA'I RTAGS LA YANG, DBANG PO'I SGO RNAMS NAS PHYIR HA CANG GA-YO BA'I RLUNG CUNG ZAD NANG DU LDOG PAR RTZOM PA DANG, CUNG ZAD LOG PA DANG, DBU MAR CUNG ZAD TSUD PA LA SOGS PA'I RTAGS NAS BZUNG STE, LAM MTHON POR SONG BA'I SKABS KYI LDOG PA DANG, LOG RTAGS KHYAD PAR CAN DU GYUR PA'I RIM PA DU MA ZHIG YOD PAR GSAL SGRON LAS GSUNGS SO, ,'DI LA KHA CIG NA RE, SEMS DBEN GYI SNANG MCHED THOB GSUM GANG RUNG YIN NA DE MTSAN NYID PA YIN PAS KHYAB PAR THAL, DE DAG MTSAN NYID PA NI SEMS DBEN NAS BRTZAMS TE 'BYUNG BAR GSUNGS PA'I PHYIR NA MA KHYAB STE, SEMS DBEN NAS BRTZAMS TE MTSAN NYID PA 'BYUNG BAR GSUNGS KYANG; SEMS DBEN GYI YE SHES GSUM GANG RUNG LA DE DAG MTSAN NYID PA YIN PAS KHYAB PAR MA GSUNGS PA'I PHYIR TE, THEG CHEN SBYOR LAM NAS BZUNG STE PHYIR MI LDOG PA'I RTAGS 'BYUNG BAR MNGON RTOGS RGYAN LAS GSUNGS KYANG, THEG CHEN SBYOR LAM PA YIN NA PHYIR MI LDOG PA'I RTAGS THOB PAS MA KHYAB PA BZHIN YIN PA'I PHYIR, 'DOD MI NUS TE, LAM DUS SU SNANG MCHED THOB GSUM MTSAN NYID PA 'BYUNG BA LA LAS RLUNG THAMS CAD SNYING GA'I MI SHIGS PA LA 'CHI RIM JI LTA BA BZHIN DU THIM PA ZHIG DGOS PA'I PHYIR DANG, SEMS DBEN THOB KYANG KHYAB BYED GYI RLUNG THAMS CAD SNYING GAR SDUD MI NUS BA DU MA YOD PA'I PHYIR, BYAS PA LA KHO NA RE, SEMS DBEN GYI SNANG MCHED THOB GSUM GANG RUNG YIN NA DE DAG MTSAN NYID PA YIN PAS KHYAB PAR THAL, SNYING GA'I DH'U T'IR
RLUNG THIM PA LAS BYUNG BA'I SNANG MCHED THOB GSUM GANG RUNG YIN NA DE DAG MTSAN NYID PA YIN PAS KHYAB PA'I PHYIR TE, GSAL SGRON LAS, DE RNAMS NI 'CHI BA'I DUS SU RDZOGS PAR 'CHAR LA, GNYID KYI DUS SU SNA BUG GI RGYU BA MA LDOG PAS CHA 'DRA TZAM 'CHAR RO, ,LAM DUS SU NI SNYING GA'I DH'U T'IR RLUNG BTZUD NAS THIM PA LA MTSAN NYID RNAMS TSANG BAR 'CHAR LA, GZHAN DU THIM PA LA DE'I TSOD TZAM MI 'CHAR RO, ,ZHES GSUNGS PA'I PHYIR NA DPYAD PAR BYA STE, ZAB DON GSAL BA'I NYI MA LAS, DE LTA BU'I STONG PA GSUM NI GZHI LA 'CHI DUS SU MTSAN NYID PA 'CHAR ZHING GNYID DUS SU CHA 'DRA DANG, LAM DUS SU SEMS DBEN MTHAR THUG THOB NAS MTSAN NYID PA 'CHAR ZHING, DE'I SNGON DU RJES MTHUN PA 'CHAR RO, ,ZHES GSUNGS PA NI, GSAL SGRON GYI GZHUNG DE'I DON BKOD PA LTA BUR SNANG BA'I PHYIR RO, ,MKHAS GRUB RJE'I GSUNG ZIN BRIS LAS, LUS DBEN SOGS KYI SKABS SU DE DAG BYUNG BA NI STONG PA BZHI MTSAN NYID PA YIN YANG SEMS DBEN GYI STONG PA BZHI MIN GSUNGS, KHA CIG ,LAM DUS KYI YE SHES GSUM GANG RUNG YIN NA BDE STONG GI YE SHES YIN PAS KHYAB ZER NA, DE MI 'THAD PAR THAL, YE SHES GSUM GYIS BDE BA DANG STONG PA MA SBYAR NA DKAR DMAR NAG GSUM GYI SNANG BA KHO NA 'CHAR BAR GSUNGS PA DANG, THUN MONG MA YIN PA'I BDE BA RKYANG BA BSGOM PA'ANG NGO MTSAR BA'I TING NGE 'DZIN YIN PAR BSNGAGS PA MDZAD PA DANG, NYER THOB DRAN MED LA BDE STONG SBYAR BA MED PAR GSUNGS PA'I PHYIR, RGYAS PAR GSAL SGRON LAS SHES PAR BYA'O, ,KHA CIG ,SEMS DBEN GYI STONG PA BZHI PO GANG RUNG DU GYUR BA'I YAS BABS DANG MAS BRTAN GYI DGA'
, ,BA BZHI BZHI MED PAR THAL, ZA BA DON GSAL BA'I NYI MA LAS, SEMS DBEN SKABS 'DIR RLUNG DANG BYANG SEMS LUS KYI STOD SMAD NAS BSDUS PA'I LUGS 'BYUNG GI DGA' PA BZHI LAS 'OD GSAL GYI NGO BOR GYUR BA'I LUGS LDOG GI DGA' BZHI MI 'JOG STE, GAL TE 'JOG NA BYANG SEMS SNYING GA NAS GYES PA'I RIM PAS 'JOG DGOS PA GANG ZHIG ,DE LTAR NA RLUNG GA-YO BAR 'GYUR BA'I PHYIR RO, ,ZHES GSUNGS BA'I PHYIR ZER NA DPYAD PAR BYA STE, GSAL SGRON LAS, RLUNG DANG BYANG SEMS SNYING GAR BSDUS PA'I THIM RIM LAS STONG PA RNAMS SKYED NUS NA, YAS BABS DANG MAS BRTAN GYI DGA' BA RNAMS DANG, SNYING GAR 'DU BA DANG PHYIR LA GYES PA'I RIM PA LAS STONG PA KHYAD PAR CAN RNAMS 'DREN PA GNYIS GANG BYED KYANG NUS SO, ,ZHES DANG, RDZOGS RIM DNGOS GRUB SNYE MA LAS, LUGS LDOG GI SNANG MCHED THOB GSUM 'OD GSAL GYI YE SHES SU MI RUNG YANG, LUGS LDOG GI DGA' BA GZHAN GSUM LHAN SKYES SU 'JOG PA GCIG BSHAD LA, DE BZHIN DU LUGS MTHUN GYI SNANG MCHED THOB GSUM DANG DE GSUM DGA' BA GSUM DU BZHAG PA LHAN SKYES KYI DGA' BAR MI 'JOG KYANG, LUGS MTHUN YAS BABS KYI DGA' BA GSUM LHAN SKYES KYI DGA' BAR 'JOG PA'I SKABS GCIG KYANG YOD PAR MNGON NO, ,ZHES GSUNGS PA TZAM LAS GSAL BAR BSHAD PA MI SNANG LA, RJE'I GSUNG 'BUM GYI GRAS SU BZHUGS PA'I MAN NGAG YIG CHUNG LAS RLUNG MA LANGS PAR YAS BABS KYI DGA' BZHI'I MJUG TU MAS BRTAN DANG, MAS BRTAN GYI DGA' BZHI'I MJUG TU YAS BABS KYI DGA' BZHI BRGYUD MAR 'BYUNG BA YOD PAR
GSUNGS SHING, MAS BRTAN LAS MA LANGS PA'I YAS BABS KYI DGA' GZHI NI SNGA MA'I MAS BRTAN LAS BDE BA CHE ZHING, BZHI KA LHAN SKYES SU 'JOG DGOS PA DANG, MAS BRTAN LAS LANGS PA'I RJES SU SKYES BA'I YAS BABS KYI DGA' BZHI NI SNGA MA LAS BDE BA CHE BA DANG BZHI KA LHAN SKYES YIN PA'I NGES PA MED PAR GSUNGS LA, MAN BRTAN GYI LHAN SKYES KYI DUS SU BDE STONG SBYAR TE BSGOMS STOBS KYIS, RLUNG SNGA MA MA LANGS PA'I STENG DU SNGAR MA BSDUS PA'I KHYAB BYED KYI RLUNG RAGS PA 'GA' ZHIG 'DUS NAS ZHUGS GNAS THIM GSUM BYED PA DANG, YAS BABS DANG MAS BRTAN GYI DGA' BZHI 'DREN PA YOD PAR GSUNGS PA'I PHYIR, 'DI DAG NI SHIN TU RTOGS PAR DKA' BA'I GNAS YIN BAR RJE BDAG NYID CHEN POS GSUNGS 'DUG PAS BLO LDAN RNAMS KYIS ZHIB TU DPYAD PAR BYA'O, ,GNYIS PA LA GNYIS; BDEN GNYIS SO SO BA'I RDZOGS RIM DANG, BDEN GNYIS DBYER MED KYI RDZOGS RIM MO, ,DANG PO LA GNYIS, KUN RDZOB SGYU MA'I RDZOGS RIM DANG, DON DAM 'OD GSAL GYI RDZOGS RIM MO, ,DANG PO NI, SEMS DBEN MTHAR THUG GI DPE'I 'OD GSAL LAS RLUNG CUNG ZAD GA-YOS TE LUGS LDOG GI NYER THOB GRUB PA DANG DUS MNYAM DU, SEMS DBEN MTHAR THUG GI DPE'I 'OD GSAL GYIS LHAN CIG BYED RKYEN DANG DE'I BZHON PAR GYUR PA'I GNYUG RLUNG GIS NYER LEN BYAS NAS MTSAN DPES SPRAS PA'I LHA'I SKU DNGOS GNAS LA GRUB PA NAS BZUNG STE, DON GYI 'OD GSAL GYI THABS NYE BA'I RGYU RNAMS MA SKYES TSUN CHAD KYI RDZOGS RIM NI, SGYU LUS KYI RIM PA'I NGO BO'O, ,SGYU LUS 'GRUB PA LA SNGON DU LUS PHRA RAGS GNYIS SO SOR 'BYED NUS PA CIG DGOS LA, BSGOMS STOBS KYIS
, ,LUS PHRA RAGS GNYIS SO SOR 'BYED PA DANG, LAS NYON GYIS LUS PHRA RAGS GNYIS SO SOR 'BYED PA GNYIS LAS, SEMS DBEN THOB PA'I GANG ZAG SPYOD PA GSUM GANG RUNG MA BYAS PA DES LAS NYON GYIS 'CHI BA'I DUS KYI RLUNG SDUD RIM DANG SBRAGS NAS RDOR BZLAS DANG BSAM GTAN GNYIS KYI SDUD RIM BSGOMS TE 'CHI BA 'OD GSAL SEMS DBEN MTHAR THUG GI DPE'I 'OD GSAL GYI NGO BOR BSKYED CING, BAR DO'I LUS LEN PA'I DOD LA RIM PA GSUM PA'I SGYU LUS DANG, SKYE SRID LEN PA'I DOD LA SPRUL PA'I LUS BZUNG STE, RTEN DE LA RIM PA LHAG MA RNAMS BSGOMS NAS 'TSANG RGYA BA YIN LA, BSGOMS STOBS KYIS LUS PHRA RAGS GNYIS SO SOR 'BYED PA LA YANG, 'PHO BA DANG, GRONG 'JUG GI RNAL 'BYOR GYIS 'BYED PA NI, BUM PA CAN SOGS RLUNG SBYOR SNGON DU SBYANGS NAS; SNYING GA NAS RLUNG GI BZHON PA CAN GYI RNAM SHES 'DON PA'I DMIGS PA YANG YANG BYED PA YIN LA, DE LA NI SPYOD PA MI DGOS KYANG SEMS DBEN GYI TING NGE 'DZIN LA GOMS PAR BYAS PAS TSE 'DIR LUS GNYIS SO SOR 'BYED PA DANG, PHYE BA'I LUS DE SGYU LUS RDO RJE 'CHANG GI SKUR DNGOS GNAS PAR LDANG BA NI SHIN TU BSGRUB DKA' BAS SNGON DU SPYOD PA GSUM GANG RUNG NGES PAR BYA DGOS PAR GSUNGS SO, ,SEMS CAN RNAMS LA RAGS PA GNAS SKABS PA'I LUS SEMS DANG PHRA BA GNYUG MA'I LUS SEMS GNYIS GNYIS YOD PA LAS, JI SRID DU RAGS PA'I LUS GA-YO 'GUL SOGS KYI BYA BA BYED PA DE SRID DU GNYUG MA'I LUS DE BZHIN LAG GI RNAM PAR MI LDANG LA, RLUNG NGAGS PA MA LUS BA SNYING GA'I MI SHIGS PA LA THIM PA'I STOBS KYIS LUS RAGS PA GA-YO 'GUL SOGS KYI BYA BA BYED PA CHAD PA NA
GNYUG MA'I LUS DE BZHIN LAG GI RNAM PAR LANGS TE 'GRO 'ONG SOGS KYI BYA BA BYED DO, ,SEMS CAN RNAMS KYI RGYUD LA YID KYI RNAM SHES PHRA RAGS GNYIS CIG CAR YOD KYANG MDO DANG 'GAL BA DANG RGYUD GNYIS SU THAL BA'I SKYON MED DE, JI SRID DU SEMS RAGS PAS DMIGS RNAM 'DZIN PA'I BYA BA BYED PA DE SRID DU SEMS PHRA BAS DMIGS RNAM MI 'DZIN LA, SEMS PHRA BAS DMIGS RNAM 'DZIN PA'I TSE SEMS RAGS PA 'GAGS NAS MED PA'I PHYIR RO, ,DON DE LTAR MKHAS GRUB RJE'I GSUNG ZIN BRIS LAS GSUNGS TE, RTZOD TSE GZHAL BYA MED PA'I SHES PA 'JOG DKA' BAS DPYAD DGOS SO, ,KHA CIG ,TSE 'DIR GRUB PA'I MA DAG PA'I SGYU LUS NI NANG LDANG KHO NA YIN TE, DE SNYING GA'I DH'U T'I'I NANG KHO NAR GNAS PA'I PHYIR TE, ZIN BRIS DE NYID LAS, TSE 'DIR GRUB PA'I MA DAG PA'I SGYU LUS DE LUS RAGS PA LAS SO SOR PHYE BA YIN KYANG GO SA SO SOR PHYE BA NI MA YIN TE, DE'I NUS PA MED PA'I PHYIR RO, ,ZHES DANG, MA DAG PA'I SGYU LUS DE SNYING GA'I DH'U T'I'I NANG GI MI SHIGS PA'I THIG LE'I GOS NA GNAS KYANG GOS CHUNG BAR GNAS PAS LUS KYANG CHUNG CHUNG DU GNAS PAS MA KHYAB STE, SGYU LUS DE YE SHES KYI SKU YIN CING THOGS PA MED PA'I PHYIR RO, ,ZHES GSUNGS PA'I PHYIR ZHES ZER, KHA CIG ,SGYU LUS THOG MAR 'GRUB PA'I TSE LUS RAGS PA LAS PHYI ROL DU LDANG DGOS TE, GSAL SGRON LAS, ZUNG 'JUG GI SKU 'DI THOG MAR 'GRUB NA LUS SNGA MA LAS GO SA LOGS SU GNAS PA'I TSUL GYIS 'GRUB LA, ZHES DANG, LONGS SKU LUS SNGA MA LAS GO SA LOGS SU DANG POR 'GRUB PA DANG, DE NAS LUS SNGA MA LA ZHUGS PA'I SPRUL SKU 'DZIN TSUL YANG SNGAR BSHAD PA BZHIN DU SHES PAR BYA STE, ZHES GSUNGS PA'I PHYIR DANG, DAG MA DAG
, ,GI SGYU LUS 'GRUB TSUL 'DRA BAR BSHAD PA'I PHYIR ZHES ZER, KHA CIG ,SGYU LUS THOG MAR 'GRUB PA'I DUS SU NANG LDANG GYI LDANG GNYIS KA YOD DE, RNAL 'BYOR PA DES LUS KYI PHYIR ROL LAm NANG GANG DU LDANG BAR BZHED PA LTAR 'GRUB PA'I PHYIR TE, DE NYID LAS; SEMS DBEN GYI RLUNG SEMS KYI GNYUG MA'I LUS LAS SGYU MA'I SKU 'GRUB PA'I DUS SU, LUS RAGS PA LAS LOGS SU PHYE NAS LUS KYI PHYI ROL LAM NANG GANG DU 'DOD PA DER 'GRO BA'I DON NO, ,ZHES GSUNGS PA'I PHYIR, KHYAB STE, SEMS DBEN GYI RLUNG LAS 'GRUB PAR GSUNGS PAS MA DAG PA'I SGYU LUS KYI DBANG DU BYAS PAR GSAL ZHING, GRUB PA'I DUS SU ZHES MA GSUNGS PAR 'GRUB PA'I DUS SU ZHES GSUNGS 'DUG PAS GRUB ZIN GNAS PA'I DBANG DU BYAS PA MIN PAR GSAL BA'I PHYIR ZHES ZER, DE LTAR BZHED PA GSUM LAS RJE'I DGONGS PAR GANG SONG DPYAD PAR BYA'O, ,GANG LTAR YANG TSE 'DIR THOB PA'I MA DAG PA'I SGYU LUS LUS RAGS PA LAS GOS LOGS SU GNAS MI THUB PAR BSHAD PA LTAR KHAS LEN MI RUNG STE, DRANGS MA THAG PA'I GSAL SGRON GYI GZHUNG DANG 'GAL BA'I PHYIR DANG, MKHAS GRUB RJE'I DGONGS PA DE LTAR MA YIN PA'I PHYIR, RTAGS GNYIS PA GRUB STE, DUS 'KHOR t'IKA CHEN LAS, GNYUG MA'I LUS MA DAG PA'I SGYU LUS KYI SKUR LANGS PA'ANG JI SRID RAGS PA DANG GNYUG MA'I LUS KYI RTEN DANG BRTEN PA'I 'BREL BA MA CHAD KYI RING LA DUS THAMS CAD DU RAGS PA'I LUS SPANGS NAS GNAS MI NUS KYANG, SGYU MA LTA BU'I TING NGE 'DZIN LA MNYAM PAR BZHAG PA'I RING LA RAGS PA'I LUS SPANGS NAS GO SA LOGS SU MA PHYE BA'I TSUL GYIS GNAS PAR NUS LA, MNYAM GZHAG DE LA GNAS PAR MI NUS
PA NA SGYU MA'I LUS RANG SHUGS KYIS LUS RAGS PA LA 'JUG PAR 'GYUR BAS DE'I TSE SPRUL SKU DANG BSRE PA'I MAN NGAG MNGON DU BYED DO, ,ZHES GSUNGS PA'I PHYIR, DE'I RGYU MTSAN YANG ZUNG 'JUG THOB TSE LUS PHRA RAGS GNYIS SNGA MA'I LAS KYIS 'PHANGS PA'I RTEN DANG BRTEN PA'I 'BREL BA BSGOMS STOBS KYIS CHAD PAS, LUS RAGS PA GTAN DU SPANGS TE GNAS PAR 'DOD NA GNAS PAR NUS LA, GDUL BYA'I DON DU 'DZIN PAR 'DOD NA YANG JI LTAR 'DOD PA LTAR NUS PA YIN NO, ,BAR DOR 'TSANG RGYA BA'I SGYU LUS NI SNGA MA'I LAS KYI 'PHEN PA ZAD PA'I STOBS KYIS LUS RAGS PA DANG RTEN DANG BRTEN PA'I 'BREL BA CHAD PAS LUS RAGS PA GTAN DU 'DOR NUS KYANG, TSE 'DIR 'TSANG RGYA PA'I MA DAG PA'I SGYU LUS NI LUS RAGS PA DANG RTEN DANG BRTEN PA'I 'BREL BA RAGS PA CHAD KYANG PHRANG MA CHAD PAR GSUNGS PAS, DON GYI 'OD GSAL MA SKYES BAR DU SNGA MA'I LUS RAGS PA GTAN DU 'DOR MI NUS PA YIN NO, ,ZUNG 'JUG GI SKU THOB TSE LUS PHRA RAGS GNYIS LAS KYIS 'PHANGS PA'I RTEN DANG BRTEN PA'I 'BREL BA GTAN NAS CHAD PAS, TSE GCIG LA 'TSANG RGYA BA'I RTEN DES KYANG LUS BRJES NAS 'TSANG RGYA BAR SPYOD BSDUS DANG SGRON GSAL LAS GSUNGS ZHES RNAM GZHAG RIM PA'I RNAM BSHAD SOGS LAS BSHAD DO, ,'O NA RIN CHEN LTA BU'I GDUL BYAS TSE GCIG LUS GCIG LA 'TSANG RGYA BA MED PAR THAL, ZUNG 'JUG THOB TSE SNGA MA'I LUS RAGS PA BRJE DGOS PA'I PHYIR ZER NA MA KHYAB STE, LUS RAGS PA BRJE BA LA 'DOR PAS MA KHYAB PA'I PHYIR, 'OD KYANG SHING BZA' RIN PO CHE'I GSUNGS BDAG GI BLA MA DBYANGS CAN DGA' BLOS ZIN BRIS SU MDZAD PA LAS, PAn CHEN GONG MAS BRAG YER PAR RGYUD STOD PA LA
, ,GSANG BA 'DUS PA'I DBANG GNANG SKABS, AA TI SHA LA BOD RNAMS TSE GCIG LUS GCIG LA 'TSANG RGYA BA AE YONG ZHU BAR, TSE GCIG LA 'TSANG RGYA BA YOD LUS GCIG LA 'TSANG RGYA BA MED GSUNG PA LA, POD RNAMS KYIS AA TI SHAS MA DGONGS PAR BYED KYANG DE AA TI SHAS SNGAGS KYI GNAD MKHYEN PA'I GSUNG YIN PAS THUGS SHIN TU MAD, BOD RNAMS MA SHES PA RED CES GSUNGS BSHAD GNANG, ZHES GSUNGS PA'ANG YOD PAS DPYAD PAR BYA'O, ,DON GYI 'OD GSAL SKYE BA'I TSE MA DAG PA'I SGYU LUS THIM PAR 'GYUR BA'I RGYU MTSAN CI YIN ZHE NA, MKHAS GRUB RJE'I GSUNG ZIN BRIS LAS, DON GYI 'OD GSAL THOG MAR SHAR BA'I TSE DPE'I 'OD GSAL GYI YE SHES KYI BZHON PAR 'GYUR BA'I RLUNG DE CHES PHRA BAR SONG BA'I STOBS KYIS MA DAG PA'I SGYU LUS KYI SKU'I RNAM PA YANG 'OD GSAL DU BSDUS NAS THIM PAR 'GYUR, ZHES GSUNGS KYANG, SEMS DBEN MTHAR THUG GI DPE'I 'OD GSAL DANG DON GYI 'OD GSAL GNYIS KA GNYUG SEMS YIN PA DANG, DE GNYIS KYI BZHON PA'I RLUNG GNYIS GA GNYUG RLUNG YIN PAR MTSUNGS PAS PHRA RAGS KYI KHYAD PAR JI LTAR YOD DPYOD DGOS SO, ,SEMS DBEN MTHAR THUG GI DPE'I 'OD GSAL DANG DON GYI 'OD GSAL GNYIS KA GNYUG SEMS SHIN TU PHRA BA YIN PA MTSUNGS KYANG RTOG PA RTOG MED KYI KHYAD PAR YOD LA, DON GYI 'OD GSAL GYI TSE RTOG PA PHRA RAGS THAMS CAD RLUNG DANG BCAS PA THIM DGOS PAS, RTOG PA'I BZHON PAR GYUR BA'I RLUNG GIS DNGOS KYI NYER LEN BYAS PA'I SGYU LUS KYANG THIM DGOS PA YIN NO, ,SGYU MA'I SKU DE ME SHES RDO RJE KUN LAS BTUS LAS, SGYU MA DANG CHU ZLA
LA SOGS PA'I DPE BCU GNYIS KYIS MTSON PAR GSUNGS TE, DE LA RLUNG SEMS TZAM LAS RDO RJE 'CHANG GI SKUR BSKYED PA NA YAN LAG DANG NYID LAG TSANG YANG RLUNG SEMS TZAM LAS MED PAS SGYU MA'I MI LTA BU'O, ,GAR YANG KHYAB PA NI CHU ZLA LTA BU'O, ,SHA RUS LA SOGS BA DANG BRAL BAS MIG YOR TE MI'I GRIB MA'I LUS LTA BU'O, ,SKAD CIG GIS GA-YO BAS SMIG RGYU LTA BU'O, ,RLUNG SEMS TZAM LAS GRUB PA'I LUS YIN PA NI RMI LAM DU LUS RAGS PA LAS ZUR DU PHYE BA'I RMI LAM GYI LUS LTA BU'O, ,RNAM SMIN GYI LUS DANG RGYUD GCIG TU GTOGS KYANG GZHAN DU SNANG BA NI BRAG CHA LTA BU'O, ,SKU DE'I RTEN DANG BRTEN PA'I DKYIL 'KHOR BA NI DRI ZA'I GRONG KHYER LTA BU'O, ,GCIG YIN KYANG DU MAR SNANG BA NI MIG 'PHRUL LTA BU'O, ,SKU'I KHA DOG RNAM PA LNGA THOGS PA MED CING MA 'DRES PAR SNANG BA NI 'JA' TSON LTA BU'O, ,RNAM SMIN GYI LUS KYI PHUNG PO'I NANG NA GNAS PA NI SPRIN GYI GSEB NA GLOG 'GYUR BA LTA BU'O, ,STONG PA'I NGANG NAS THOL GYIS BZHENGS PA NI SHIN TU DVANGS PA'I CHU LAS CHU BUR RDOL BA LTA BU'O, ,YAN LAG DANG NYING LAG THAMS CAD YONGS SU RDZOGS PA NI ME LONG LA RDO RJE 'CHANG GI GZUGS BRNYAN SHAR BA LTA BU'O, ,DE RNAMS NI SLOB PA'I SGYU MA'I SKU MTSON TSUL YIN GYI, MI SLOB PA'I SGYU MA'I SKU MTSON PA LA SBYOR BA'I TSE DPE DRUG PA DANG BCU PA NI DE'I SKABS DANG MTHUN PAR SBYAR RO, ,ZHES GSAL SGRON LAS GSUNGS SO, ,RNAM SMIN GYI LUS DOR BA'I SGYU MA'I SKU MTSON BA'I DPE DRUG PA DANG BCU PA'I SKABS SU RNAM SMIN GYI LUS KYI DOD LA SPRUL PA'I LUS ZHES SBYOR BA'I DON YIN NAM SNYAM MO, ,DPE BCU GNYIS KYI NANG NAS RMI LAM GYI DPE NI MCHOG TU GYUR PA YIN TE, DPE
, ,GZHAN LA DPE DON GYI CHOS MTHUN SBYAR NAS SGYU LUS LA NGES PA SKYED PA'I GO BTZAM MA GTOGS PA, DPE NYID KYI STENG NAS MTSON BYED DPE'I SGYU LUS LAM GYI NGO BOR BSKYED RGYU MED LA, RMIm LAM LA DE YOD PA'I PHYIR DANG, RMI LAM GYI SBYOR DNGOS MJUG GSUM GYIS SGYU MA'I LUS KYI SBYOR DNGOS MJUG GSUM MTSON PA LTA BU DPE GZHAN LA MED PA'I PHYIR TE, SGYU LUS KYI SNGON DU 'GRO BA'I STONG PA GSUM NI GNYID KYI STONG PA GSUM GYIS MTSON PA DANG, SGYU LUS NI RMI LAM GYI LUS KYIS MTSON PA DANG, SGYU LUS PAS SBRUL BA'I LUS BZUNG BA NI LUS RAGS PA LAS ZUR DU PHYE BA'I RMI LAM GYI LUS SLAR YANG LUS RAGS PA LA 'JUG PAS MTSON PA'I PHYIR RO, ,SGYU LUS DANG 'BREL BA'I BSRE BA SKOR DGU'I GDAMS PA NI GSAL SGRON LAS SHES DGOS SHING, SGYU LUS KYI DON LEGS PAR SHES NAS LHAG PAR MOS PA TZAM GYIS KYANG BSKYED RIM MTHAR PHYIN PA DANG 'DRA BA'I PHAN YON 'BYUNG BAR YE SHES RDO RJE KUN LAS BTUS PA LAS GSUNGS TE, RGYUD DE NYID KYI t'I KA LAS, THEG PA 'DI'I LAM GZHAN TSANG BA MI DGOS KYI SGYU LUS BDE BA CHEN PO'I TING NGE 'DZIN 'BA' ZHIG STE GCIG BU LA, DE MNGON DU BYAS PA MA DGOS KYI LEGS PAR SHES NAS LHAG PAR MOS PA TZAM GYIS KYANG LAS DANG PO PA'I SA BSKYED RIM MTHAR PHYIN PA LA GNAS PA DANG 'DRA BA'I PHAN YON 'THOB PAR 'GYUR TE, DER MA ZAD THEG PA 'DI LAS PHYI RMI LDOG PA STE LAM 'DIR RIGS NGES PA'I SA LA YANG SLOB BZHIN PAR 'GYUR RO, ,PHAN YON 'DI LTA BU MTHONG BA'I BLO GROS CAN RNAMS KYIS NI PHYI DANG NANG GI LUS LA GNAD DU BSNUN PA'I THABS LA MKHAS PAS DRANGS PA'I BDE BA CHEN POS BDAG MED PA'I DON PHU THAG CHOD PA'I LTA BA'I YUL SGOM PA'I BDE STONG
DBYER MED KYI YE SHES GSUm BSKYED PA DANG, SNGAR BSHAD PA LTAR RDO RJE'I SKU GANG LAS SGRUB PA'I GZHI GNYUG MA'I LUS RLUNG SEMS TZAM DU ZAD PA'I TSUL LA NGES PA BRTAN PO RNYED NAS, STONG PA RNAMS KYI RLUNG SEMS TZAM LAS SGYU MA'I SKU 'GRUB PA'I TSUL LA YANG DANG YANG DU SHIN TU NGO MTSAR BA'I BSAM PAS MOS PA BRTAN POS BSKYED PAR BYA'O, ,ZHES GDAMS SHING, BDAG BYIN RLABS PA'I BSHAD PA LAS, YID LA BYED TSUL GTAM TZAM YANG RNYED DKA' BA'I DON DE SGYU LUS MA GRUB KYANG 'DI'I GDAMS NGAG PHYIN CI MA LOG PA RNYED NA DA LTA NAS GOMS PAS NAM ZHIG NA SGYU MA'I SKU 'JA' LUS RDO RJE SEMS DPA'I GO 'PHANG 'GRUB PA'I BAG CHAGS THUN MONG MA YIN PA 'JOG BYED DU SNANG BAS SHIN TU NGO MTSAR BA'I GNAS SO, ,YID LA BYED TSUL 'DI NYID RNAL 'BYOR MA'I RGYUD NAS LHAN SKYES KYI DGA' BA SKYES PA'I 'OG TU GANG SNANG THAMS CAD LA RO MNYAM GYI DE NYID BSGOM PAR GSUNGS PA DANG SBREL SHES NA, CHES SHIN TU NGO MTSAR BA'I GNAS SO, ,GANG LA LHAN CIG SKYES PA'I BDE BA CHE, ,SKYES PA DE YI SKU LA PHYAG 'TSAL TE, ,GANG LA SGYU MA LTA BU'I TING NGE 'DZIN, ,SKYES PA DE LA SNYING NAS SKYABS SU MCHI, ,ZHES KYANG BKA' STZAL BA'I PHYIR RO, ,GNYIS PA NI, DON GYI 'OD GSAL MNGON DU 'GYUR BA'I THABS NYE BA'I RGYU NAS BZUNG STE ZUNG 'JUG MA THOB PA'I BAR GYI RDZOGS RIM NI, BZHI PA 'OD GSAL GYI RIM PA'I NGO BO YIN TE, RDZOGS RIM DNGOS DNGOS GRUB SNYEM LAS, RTZA MDUD LEGS PAR GROL NAS SGYU LUS DNGOS SU BSKYED MI NUS TSUN CHAD NI SEMS DBEN DU BSDU'O, ,SGYU LUS DNGOS SU BSKYED NUS PA NAS DE LA BYANG BA'I BAR NI BDAG BYIN BRLAB KYI RIM PA'O, ,DE NAS DE KHO NA NYID KYI DON MNGON DU GYUR PA DANG DE'I
, ,THABS NYE BA'I RGYU RNAMS LA NI 'OD GSAL DANG MNGON PAR BYANG CHUB PA'I RIM PA ZHES BYA'O, ,ZHES GSUNGS PA NI 'DIR YANG 'DRA BA'I PHYIR RO, ,RIM PA BZHI PA'I DON GYI 'OD GSAL NI, PHYI'I ZLA NYI SROD KYI SMAG GSUM 'DAS PA'I THO RANGS KYI DUS SU MNGON DU BYAS PA'I LDOG CHA NAS PHYI'I MNGON BYANG DANG, NANG GI SNANG MCHED THOB GSUM THIM PA'I 'OD GSAL THAMS CAD STONG PA YIN PA'I LDOG CHA NAS NANG GI MNGON BYANG BSHAD DO, ,RIM PA BZHI PA'I DON GYI 'OD GSAL THOB PA, LHAN SKYES KYI BDE BA CHEN POS STONG PA NYID MNGON SUM DU RTOS PA, SNGAGS BLA MED KYI MTHONG LAM THOB PA, DE'I SA DANG PO THOB PA DUS MNYAM MO, ,'OD GSAL LA SGRAS BRJOD RIGS KYI SGO NAS DBYE NA, YUL 'OD GSAL DANG, YUL CAN 'OD GSAL GNYIS YOD, DANG PO DANG STONG NYID DON GCIG ,YUL CAN 'OD GSAL LA YANG, YID SHES RAGS PAS STONG NYID RTOGS PA LTA BU PHAR PHYIN THEG PA DANG RGYUD SDE 'OG MA GSUM DANG THUN MONG PA'I SPYI DON GYI 'OD GSAL DANG, ZHU BDES STONG NYID RTOGS PA LTA BU BSKYED RIM DANG THUN MONG PA'I SPYI DON GYI 'OD GSAL YIN LA, STONG NYID RTOGS PA'I SEMS DBEN GYI DPE'I 'OD GSAL NI SBAS DON GYI 'OD GSAL YIN TE, SNANG BA SEMS KYI SBAS PA YIN PA GANG ZHING, ,DPE'I 'OD GSAL YIN PA'I PHYIR, LUS DBEN DANG NGAG DBEN DANG SGYU LUS KYI RIM PAR BSDUS PA'I DPE'I 'OD GSAL RNAMS KYANG SBAS DON GYI 'OD GSAL YIN TE, SBAS DON GSUM DU GSUNGS PA NI GTZO BO LA DGONGS KYI, RDOR BZLAS DANG LUS DBEN KYANG SBAS PA DE'I KHONGS SU BSDU BAR YE SHES RDO RJE KUN LAS BTUS PA'I t'I KA RA GSUNGS PA'I
PHYIR; DON GYI 'OD GSAL NI MTHAR THUG PA'I DON GYI 'OD GSAL YIN TE, MTHAR THUG PA'I DON NI LAM GYI BGROD PA MTHAR THUG PA LA MI BYED KYI LHAN SKYES KYI BDE BAS DE KHO NA NYID RTOGS PA MTHAR THUG PA LA BYED PA'I PHYIR, YIG DON GYI 'OD GSAL YANG 'JOG TU RUNG STE, YIG DON DANG SPYI DON GNYIS 'CHAD TSUL MI 'DRA BA YIN GYI 'GAL BA MA YIN PA'I PHYIR TE, YE SHES RDO RJE KUN LAS BTUS PA'I t'IKA LAS, DE GNYIS 'CHAD TSUL MI 'DRA BA YIN GYI, YIG DON GYI BSHAD PA'I SGO NAS BSTAN PA'I DON DE GANG ZAG GNYIS KYI THUN MONG DU MI 'GYUR BA DANG, SPYI DON GYI BSHAD PA'I SGO NAS BSTAN PA'I DON NI YIG DON 'CHAD TSUL GYI SGO NAS BSHAD DU MI RUNG BA NI MIN NO, ,ZHES GSUNGS PA'I PHYIR RO, ,RIM PA 'DI LAM GZHAN GYI MTHAR 'ONG TSUL YOD DE, PHAR PHYIN THEG PA DANG RGYUD SDE 'OG MA GSUM GYI LAM GYIS SA BCU PA'I BAR DU BGROD PA'I BYANG SEMS SRID PA THAM PA DES 'OG MIN DU MI GA-YO BA'I TING NGE 'DZIN LA MNYAM PAR BZHAG PA NA, PHYOGS BCU'I SANGS RGYAS RNAMS KYIS SE GOL GYI SGRAS BSLANGS TE, KHYOD TING NGE 'DZIN DE TZAM GYIS 'TSANG RGYA BAR MI NUS PAS 'OD GSAL MNGON DU GYIS SHIG CES BSKUL NAS, LHA'I BU MO THIG LE MCHOG MA BKUG STE MTSAN PHYED KYI DUS SU DBANG GSUM PA DNGOS DBANG DU BSKUR BAS SNANG MCHED THOB GSUM SNGON DU 'GRO BA'I SGO NAS DON GYI 'OD GSAL MTSON PAR BYED PA DANG, THO RANGS 'OD GSAL DANG ZUNG 'JUG GI GDAMS PA PHOG STE DBANG BZHI PA BSKUR BAS, THO RANGS DE NYID LA DON GYI 'OD GSAL MNGON DU BYAS NAS SLOB PA'I ZUNG 'JUG GI SKUR LDANG BA DANG, DE NAS THO RANGS DE'I CHA GSUM PA SKYA RENGS 'CHAR KHAR MI SLOB PA'I ZUNG 'JUG MNGON DU
, ,BYED PA YIN PA'I PHYIR RO, ,BSHAD TSUL 'DI NI DBYANGS CAN DGA' BLO'I SA LAM RNAM GZHAG LAS GSUNGS TE, SHES BYED NI GSAL SGRON LAS, MTSAN PHYED NA BLA MAS LAS RGYA LA BRTEN PA'I DNGOS DBANG BSKUR TE 'OD GSAL MTSON PAR BYED PA'O, ,DE NAS THO RANGS 'OD GSAL SGOM TSUL DANG, DE'I 'OG TU ZUNG 'JUG SGRUB LUGS KYI GDAMS NGAG PHOG PAS DON GYI 'OD GSAL 'THOB CING, DE'I 'OG TU ZUNG 'JUG 'GRUB BO, ZHES GSUNGS PA 'DI YIN NO, ,'ON KYANG GZHUNG 'DI NI DANG PO NAS BLA MED KYI LAM DU RIGS NGES PA'I LAM BGROD TSUL BSHAD PA'I GZHUNG YIN PAS DPYAD BYA'O, ,BSHAD TSUL 'DI DANG MI MTHUN PAR MKHAS GRUB RJE'I BRTAG GNYIS RNAM BSHAD LAS, BYANG SEMS SRID PA THA MA PA DE LA DBANG GSUM PA DNGOS DBANG DU BSKUR BA'I TSE, PHYAG RGYA LA BRTEN NAS BDE CHEN MTSAN NYID TSANG BA BSKYED PAR NUS LA, STONG NYID MNGON SUM DU RTOGS ZIN MA NYAMS PA SNGAR NAS YOD PAS, DBANG GSUM PA DNGOS DBANG DU BSKUR BA DE'I TSE PHYAG RGYA SROG RTZOL DU SONG BA LA BRTEN NAS, RLUNG RIM GYIS THIM PA'I STONG PA GSUM MNGON DU SHAR NAS STONG PA BZHI PA'I TSE BDE BA CHEN PO'I YE SHES KYIS STONG NYID MNGON SUM DU RTOGS PAR 'GYUR BA'I PHYIR, YE SHES DE NI DON GYI 'OD GSAL YIN LA, DBANG BSKUR BA'I TSE DON GYI 'OD GSAL GYI SNGON DU 'PHEN PA GTONG BA SOGS KYI GDAMS NGAG PHOG PAS, 'PHEN PA SOGS KYI DBANG GIS DBANG DUS KYI 'OD GSAL DE LAS LUGS LDOG TU LDANG BA NA, SHIN TU PHRA BA'I RLUNG SEMS LAS GRUB PA'I KHA SBYOR GYI LUS MTSAN DPES BRGYAN PA'I RNAM PA CAN DU LDANG BA YIN NO, ,ZHES DBANG
DUS KYI 'OD GSAL NI DON GYI 'OD GSAL DANG DE LAS ZUNG 'JUG GI SKUR LDANG BAR BSHAD DO, ,ZAB DON GSAL BA'I NYI MA YANG 'DI DANG MTHUN PAR SNANG LA, 'DI DAG NI GSAL SGRON LAS, DBANG GSUM PA BSKUR BAS NI BZHI PA BSKUR BAR YANG MTSON PAS DBANG NI DE GNYIS SO, ,DBANG GSUM PA BSKUR BA NA SNGON DU SNANG MCHED THOB GSUM DANG, DE NAS NYER THOB 'OD GSAL DU ZHUGS TE GNYIS SNANG PHRA MO YANG DAG NAS DON GYI LHAN SKYES MNGON DU 'GYUR RO, ,ZHES GSUNGS PA LA BRTEN PAR SNANG NGO, ,BSHAD TSUL PHYI MA LTAR NA, DBANG GSUM PA BSKUR BA'I SNGON DU 'OD GSAL GYI GDAMS NGAG BZHI 'BOG PA DANG, DBANG BZHI PA NI DBANG GSUM PA'I SNGON DU BSKUR DU MI RUNG BAS, ZUNG 'JUG THOB PA'I RJES SU BSKUR BAR 'DOD DGOS LA, DE LTA NA MNGON PAR BYANG CHUB PA'I BSHAD PA LAS, LAG LEN GYI RIM PA NI DBANG GSUM PA BSKUR BA'I MJUG THOGS NYID DU DBANG BZHI PA BSKUR BA YIN NO, ,DE LTA MA YIN NA DBANG BZHI PA MA BSKUR PA'I SNGA ROL TU CHU LAS NYA LDANG BA'I TSUL DU ZUNG 'JUG GI SKUR BZHENGS PA'I TSUL BSHAD BA'I SKYON YOD DO, ,ZHES GSUNGS PA DANG 'GAL BAR 'GYUR RAM SNYAM PAS, RJE'I DGONGS PAR GANG SONG BLO LDAN RNAMS KYIS DPYOD DGOS KYI, RMONGS BRTUL BDAG LTA BUS KHA TSON GCOD DKA' BA'I GNAS SU SNANG NGO, ,KHA CIG NA RE, DON GYI 'OD GSAL MNGON DU 'GYUR BA'I NYE BA'I RGYU RNAMS RIM PA BZHI PAR BSHAD PA MI 'THAD PAR THAL, DON GYI 'OD GSAL THOB KHA MA'I RGYUD LA RIM PA GSUM PA YOD PA'I PHYIR TE, DE'I RGYUD KYI MA DAG PA'I SGYU LUS DE RIM PA GSUM PA YIN PA'I PHYIR TE, DE MA DAG PA'I SGYU LUS YIN PA'I
, ,PHYIR NA MA KHYAB ZER RAM DPYAD PAR BYA'O, ,GNYIS PA NI, RIM PA BZHI PA'I DON GYI 'OD GSAL DE LAS RLUNG CUNG ZAD GA-YOS PA DANG DUS MNYAM DU 'OD GSAL DE'I BZHON PAR GYUR PA'I RLUNG GIS NYER LEN DANG, 'OD GSAL GYI SEMS KYIS LHAN CIG BYED RKYEN BYAS PA LA BRTEN NAS DAG PA'I SGYU MA'I SKUR BZHENGS PA NAS BZUNG STE, SLOB PA MTHA'I DON GYI 'OD GSAL GYI BAR GYI RDZOGS RIM NI, SLOB PA'I ZUNG 'JUG GAM BDEN GNYIS DBYER MED KYI RDZOGS RIM KYI NGO BO'O, ,RIM PA BZHI PA'I DON GYI 'OD GSAL LAS LUGS LDOG GI NYER THOB TU LANGS PA, DAG PA'I SGYU MA'I SKU THOB PA, SPANGS PA ZUNG 'JUG THOB PA, NYON SGRIB SPANGS PA, SA GNYIS PAR 'PHOS PA, SGOM LAM THOB PA DUS MNYAM STE, 'DI NI SNGAGS BLA MED KYI LAM DU RIGS NGES PA'I DBANG DU BYAS KYI, LAM GZHAN GYI MTHAR BYUNG BA'I DON GYI 'OD GSAL SOGS NI SA BCU PA'I YE SHES SU 'DOD DGOS SHING, DE LA SLOB PA'I ZUNG 'JUG LA SGOM LAM SA DGU'I DBYE BA MED DAM SNYAM MO, ,LHAN SKYES KYI NYON MONGS RNAMS RIM PA BZHI PA'I 'OD GSAL GYIS SPONG LA, SLOB PA'I ZUNG 'JUG THOG MAR THONG BA'I DUS SU SPANGS PAR GSAL SGRON LAS GSUNGS SO, ,'DI LA KHA CIG RIM BA BZHI PA'I DON GYI 'OD GSAL NI NYON MONGS KYI DNGOS GNYEN PAR CHAD MED LAM DANG, DE'I LUGS LDOG GI NYER THOB NI RNAM GROL LAM YIN ZER, 'DI LA SKYON 'PHEN PA KHA CIG NA RE, DE 'DRA BA'I NYER THOB CHOS CAN, STONG PA NYID LA GNYIS SNANG NUB PA'I BLO YIN PAR THAL, RNAM GROL LAM YIN PA'I PHYIR, 'DOD MI NUS TE, RTOG PA YIN PA'I PHYIR
TE; SNANG MCHED THOB GSUM GANG RUNG YIN PA'I PHYIR RO, ,DES NA GZHUNG GZHAN NAS BSHAD PA LTAR BAR CHAD MED LAM DANG RNAM GROL LAM GYI THA SNYAD SBYOR MI RUNG ZER, YANG 'DI LA KHA CIG NA RE, DE GNYIS LA BAR CHAD MED LAM DANG RNAM GROL LAM GYI THA SNYAD SBYOR DGOS SHING SBYAR DU RUNG BA YIN TE, MKHAS GRUB RJE'I ZIN BRIS LAS, DE NI PHYOGS GZHAN NAS BAR CHAD MED LAM DANG RNAM GROL LAM GYI THA SNYAD BSHAD PA LTAR 'DIR YANG SBYAR NA, 'OD GSAL DE YUN THUNG THUNG KHEM PA GCIG LAS MI 'ONG BA MA YIN PAS, DES BAR CHAD MED LAM BYAS, LUGS LDOG GI NYER THOB SHAR BA NA RNAM GROL LAM THOB PAR BZHAG KYANG 'GAL BA MED DO, ,ZHES GSUNGS PA'I PHYIR, DES NA RIM PA BZHI PA'I 'OD GSAL DANG DE LAS LANGS PA'I NYER THOB GNYIS STONG BA NYID MNGON SUM DU RTOGS PAR MTSUNGS KYANG 'DZIN TSUL LAM DAM LHOD KYI KHYAD PAR YOD PA YIN ZER, YANG KHA CIG NA RE, DE GNYIS LA BAR CHAD MED LAM DANG RNAM GROL LAM GYI THA SNYAD SBYAR MA SBYAR GANG YIN KYANG RUNG, PHYOGS GZHAN NAS BSHAD PA'I LAM DE GNYIS DANG RIGS PA MTSUNGS PAR SBYOR MI DGOS TE, PHYOGS GZHAN NAS BSHAD PA'I LAM DE GNYIS KA PHRA RAGS KYI KHYAD PAR MED PAR BLO RAGS PA YIN PA DANG, RGYUN GCIG YIN PAS GNYIS KA STONG PA NYID LA GNYIS SNANG NUB PA'I BLO YIN PAR BZHAG CHOG LA, 'OD GSAL DANG NYER THOB GNYIS LA PHRA RAGS KYI KHYAD PAR YANG YOD LA, RGYUN SO SO BA'I KHYAD PAR YANG YOD PAS, PHYOGS GZHAN NAS BSHAD BA'I LAM DE GNYIS DANG MI MTSUNGS PA'I PHYIR, 'DI'I 'OD GSAL DANG NYER THOB LA PHRA RAGS KYI KHYAD PAR YOD DE, SNGA MA
, ,NI GNYUG SEMS DANG, PHYI MA NI DE LA LTOS NA CUNG ZAD RAGS PA YIN PA'I PHYIR DANG, SNANG MCHED THOB GSUM GANG RUNG LA GNYUG SEMS MA YIN PAS KHYAB PA'I PHYIR DANG, GNYUG SEMS GNYUG SEMS MA YIN PAR 'GYUR NA LHAN SKYES KYI SEMS SU BSHAD DU MI RUNG BAR 'GYUR BA'I PHYIR ZHES ZER NA GANG LTAR KHAS LEN PA NI DPYAD PAR BYA'O, ,GZHAN YANG, GSAL SGRON LAS, DE 'DRA BA'I 'OD GSAL MNGON DU GYUR PA NA YUN RING PO'I BAR DU MNYAM PAR 'JOG NUS PAS KHEM PA GCIG LAS MED PA MIN TE, ZHES GSUNGS NAS, DE'I SHES BYED DU ZHAL LUNG DANG RIM LNGA BSDUS PA DRANGS PA LAS CHU TSOD BRGYAD DAM NYIN GCIG NAS BSKAL BA'AM BSKAL BA STONG GI BAR DU YE SHES MYONG BAR BSHAD DO, ,'DI NI DNGOS GNAS LA DE LTAR YOD NA, DON GYI 'OD GSAL MNGON DU GYUR PA'I THO RANGS DE NYID LA ZUNG 'JUG THOB MI DGOS SAM, BRTAG PA MTHA' BZUNG DU LAM GYI NUS MTHU BSTAN PA YIN NA, DON GYI 'OD GSAL YUN THUNG BA MIN PA'I SHES BYED DU JI LTAR 'GRIG DPYAD PAR BYA'O, ,DAG PA'I SGYU MA'I SKU 'THOB PA DANG DUS MNYAM DU SPANGS PA ZUNG 'JUG 'THOB PAR GSUNGS SHING, RTOGS PA ZUNG 'JUG NI DAG PA'I SGYU LUS PA DES SLAR YANG DON GYI 'OD GSAL DU ZHUGS PA'I TSE 'THOB PA'O, ,ZUNG 'JUG NYER GCIG GAM NYER GSUM NI RIM LNGA'I 'GREL PA ZUNG 'JUG NOR BU'I BANG MDZOD LAS SHES PAR BYA'O, ,BLA MED KYI RGYUD DANG DGONGS 'GREL RNAMS LAS SA'I GRANGS BCU DANG, BCU GCIG DANG, BCU GNYIS DANG, BCU GSUM DANG, BCU BZHIR BSHAD PA SOGS DANG, DE DAG GI DNGOS BTAGS KHYAD PAR SOGS NI GSAL SGRON LAS SHES DGOS
SHING, DBYANGS CAN DGA' BLO'I SA LAM LAS KYANG RGYAS PAR BSHAD YOD DO, ,SNGAGS BLA MED KYI LAM LNGA DANG SA BCU DNGOS GNAS PA NI GSAL SGRON LAS, LAM THUN MONG BA NAS BZUNG STE, BSGOMS STOBS KYIS RLUNG DH'U T'IR BTZUD PA THIM PAS STONG PA DNGOS SU 'DREN MI NUS PA DE SRID DU TSOGS KYI LAM DANG, DE NUS PA NAS BDE BAS DE KHO NA NYID MNGON SUM DU MA RTOGS PA'I SGYU LUS TSUN CHAD SBYOR LAM DANG, DONG YI 'OD GSAL NAS ZUNG 'JUG MA THOB PAR MTHONG LAM SA RAB TU DGA' BA DANG, SLOB PA'I ZUNG 'JUG NAS MI SLOB PA'I ZUNG 'JUG MA THOB PAR SGOM LAM SA DGU DANG SBYAR RO, ,ZHES GSUNGS PA LTAR YIN NO, ,MAN NGAG YIG CHUNG LAS, LUS DBEN GYI PHRA THIG GI SKABS SU BDE BA KHO NA 'DREN PA YIN, DE BRTAN NAS STONG NYID NGES ZIN DRAN PAR BYAS NAS SBYOR, ZHES LUS DBEN GYI SNANG BA'I YE SHES DANG POR SKYES BDE BDE STONG MI SBYOR BAR GSUNGS PA LTAR 'DOD NA DES STONG NYID RTOGS PA'I LHAG MTHONG THOB MA THOB SPROS PAS CHOG GO ,MKHAS PA KHA CIG ,RNAL 'BYOR ROL BA'I DGA' STON KHUNGS SU MDZAD NAS, SLOB PA'I ZUNG 'JUG GI SGOM LAM SKOR DGUS SHES SGRIB SKOR DGUR PHYE NAS RIM BZHIN SPONG BAR BZHED KYANG, DE LTAR 'DOD MI RUNG STE, SHES SGRIB SKOR DGUR PHYE BA NI CHOS KYI BDAG 'DZIN SHES SGRIB TU 'DOD PA'I RANG RGYUD PA DANG SEMS TZAM PA'I LUGS YIN GYI, THAL 'GYUR BA'I SKABS 'DIR DE LTAR MI 'DOD PA'I PHYIR, THEG PA GZHAN GYI BSKAL CHEN GRANGS MED GSUM GYI TSOGS GSOG PA'I DOD THUB PA'I SGYU LUS DANG, LHAN SKYES KYI BDE BAS DE KHO NA NYID MNGON SUM DU RTOGS PA GNYIS NI LAM GZHAN LAS NUS MTHU CHES CHER LHAG PA'I RGYU MTSAN GYIS, THEG PA CHEN PO'I LAM GZHAN GYIS SPONG THEBS
, ,BDUN GYIS SPONG BAR GSUNGS PA'I LHAN SKYES KYI NYON MONGS RNAMS DON GYI 'OD GSAL MNYAM GZHAG THUN GCIG GIS SPONG NUS PAR 'DOD BZHIN DU, THEG PA CHEN PO'I LAM GZHAN GYIS SPONG THEBS BZHIS SPONG NUS PA'I SHES SGRIB LAM 'DIS SKOR DGUR PHYE NAS SPONG DGOS PAR 'DOD PA NI MI 'GRIG PA'I PHYIR RO, ,DES NA SLOB PA'I ZUNG 'JUG LA SA DGUR PHYE BA'I SA BRGYAD PA NAS SHES SGRIB SPONG BA'I MGO RTZOM PA'AM, SLOB PA MTHA'I DON GYI 'OD GSAL GYIS SHES SGRIB CHE 'BRING CHUNG GSUM CIG CAR SPONG BAR 'DOD DGOS SO, ,DE LTA NA YANG SLOB PA'I ZUNG 'JUG LAS DGUR DBYER MI RUNG BA'I SKYON MED DE, ,ZUNG 'JUG PAS SPYOD PBA GSUM PO GANG RUNG BYAS PA LA BRTEN NAS BDE STONG GNYIS SU MED PA'I YE SHES KYI MTHU GONG DU 'PHEL BA DANG, YON TAN GYI GRANGS GONG DU 'PHEL BA LA SOGS PA'I KHYAD PAR DU MA YOD PA'I PHYIR RO, ,GNYIS PA BLA MED GZHAN GYI RDZOGS RIM NI, SPYIR NA SMAD RGYUD KYI RDZOGS RIM KHRID CHEN BRGYAD DU GRAGS PA LAS, GSANG 'DUS 'PHAGS LUGS KYI RIM LNGA NI BSHAD ZIN LA, DUS 'KHOR GYI SBYOR DRUG NI CUNG ZAD 'CHAD PAR 'GYUR RO, ,GSANG 'DUS YE SHES ZHABS LUGS KYI THIG LE BZHI'AM DGA' BA BZHI NI, SNYING GAR MI SHIGS PA'I THIG LE, NOR BU'I GSANG BA'I THIG LE, STENG GI SNA RTZER SPRUL PA'I THIG LE, SLAR YANG SNYING GAR MI SHIGS PA'I THIG LE KHYAD PAR CAN SGOM PA STE BZHI'O, ,THA MA LA DE KHO NA NYID KYI THIG LE ZHES KYANG BSHAD DO, ,DE BZHI NI RIM BZHIN DGA' BA BZHI'I DBANG DU BYAS PA'I RDZOGS RIM YIN LA, DANG PO GNYIS KYIS THIG LE'I RNAL 'BYOR SBYONG BA DANG, GSUM PA NI RDOR BZLAS YIN LA, DES RLUNG
GI RNAL 'BYOR SBYANGS NAS RLUNG DANG THIG LE LAS RUNG BYAS PA'I DBANG GIS 'OD GSAL DU LUGS 'BYUNG GIS SDUD PA DANG LUGS LDOG TU LDANG BA YANG YANG GOMS PAS ZAB GSANG GNYIS MED KYI DAG PA'I YE SHES KYI SKU BSGRUBS TE, DE'I RIGS 'DRA NYID KYIS 'BRAS BU LA NYE BAR SBYOR BAR GSUNGS SO, ,BDE MCHOG L'U AI BA'I LUGS KYI RNAL 'BYOR CHEN PO DANG, BDE MCHOG DRIL BU PA'I LUGS LA, RANG BYIN BRLABS PA'I RIM PA, SNA TSOGS RDO RJE'I RIM PA, NOR BU 'GENGS PA'I RIM PA, DZA LAN DH'A RA'I RIM PA, BSAM GYIS MI KHYAB PA'I RIM PA STE RDZOGS RIM RIM PA LNGAR BSHAD DO, ,L'U AI PA'I RDZOGS RIM RNAL 'BYOR CHEN PO YANG 'DI'I BSAM GYIS MI KHYAB PA'I RIM PA YIN PAS, BSKYED RIM BRTAN MA THAG NAS SGOM PA'I RDZOGS RIM MIN GYI, SNGON DU DRIL BU PA'I RIM PA BZHI'AM NAG PO SPYOD PA'I SNGAGS KYI RIM PA LA SOGS PA BSGOM DGOS PAR BSHAD DO, ,RIM PA DANG PO BZHIS RTZA RLUNG THIG LE RNAMS SHIN TU DUL BAR BYAS NAS, BSAM GYIS MI KHYAB PA'I RIM PA'I SKABS SU SNOD BCUD RIM GYIS 'OD GSAL DU SDUD PA DANG, DE LAS LDANG BA'I RNAL 'BYOR MANG DU BYAS PA'I MTHUS GNYIS SU MED PA'I YE SHES KYI SKU 'GRUB CING DE'I RGYUN NYID KYIS 'BRAS BU LA NYE BAR SBYOR BAR GSUNGS SO, ,'DI DAG NI L'U AI BA'I LUGS KYI RDZOGS RIM GYI RNAM BSHAD DNGOS GRUB SNYEM DANG, DRIL BU RIM LNGA'I RNAM BSHAD SBAS DON LTA BA'I MIG 'BYED GNYIS LAS SHES PAR BYA'O, ,DE LTAR BDE MCHOG GI RDZOGS RIM LA LUGS MI 'DRA BA PHYE BA NI, BDE MCHOG STOD 'GREL NAS DUS 'KHOR LTAR DU BSHAD PA'I SBYOR BA YAN LAG DRUG DANG, DPE MED MTSO NAS BRGYUD PA'I SBYOR DRUG LUGS
, ,GNYIS KYI GCIG DANG, 'DUS BA NAS 'BYUNG BA LTAR GYI RIM LNGA'I THA SNYAD MDZAD PA GCIG DANG, DRIL BU PA'I RIM LNGA DANG, RIM PA BZHI PA DANG, RNAL 'BYOR CHEN PO'I RDZOGS RIM STE DRUG YOD PAR GSUNGS SO, ,'KHOR LO CHEN PO'I RDZOGS RIM LA, LUS BYIN BRLAB, NGAG BYIN BRLAB, SEMS BYIN BRLAB, DE KHO NA NYID BYIN BRLAB STE BYIN BRLAB BZHI'O, ,GSHIN RJE GSHED DMAR NAG 'JIGS GSUM LAS, SNGAGS KYI RNAL 'BYOR, DAM TSIG GI RNAL 'BYOR, DBYIBS KYI RNAL 'BYOR, RNAM DAG YE SHES KYI RNAL 'BYOR TE RNAL 'BYOR BZHI'O, ,N'E RO CHOS DRUG NI, GTUM MO'I RNAL 'BYOR, ,DGA' BA BZHI, SGYU LUS, 'OD GSAL, ZUNG 'JUG ,'PHO BA GRONG 'JUG STE DRUG YIN NAM SNYAM YANG, PHAL CHER GYIS, DGA' BZHI DANG ZUNG 'JUG MA BGRANGS PAR, BAR DO DANG 'PHO BA DANG GRONG 'JUG SO SOR BGRANGS NAS DRUG TU BYAS PAS GANG 'THAD DPYAD PAR BYA'O, ,GSANG 'DUS 'PHAGS LUGS KYI RIM PA LNGA, YE SHES ZHABS LUGS KYI THIG LE BZHI, 'KHOR LO CHEN PO'I BYIN BRLAB BZHI, DMAR NAG 'JIGS GSUM GYI RNAL 'BYOR BZHI, L'U AI PA'I RNAL 'BYOR CHEN PO, DRIL BU BA'I RIM PA LNGA, THUN MONG PA'I N'A RO CHOS DRUG ,DUS 'KHOR GYI SBYOR BA YAN LAG DRUG GI KHRID DE SMAD RGYUD KYI KHRID CHEN BRGYAD DU GRAGS SO; ,DER MA BYUNG BA GRUB CHEN WE RVA PA'I GDAMS PA NAS BSHAD PA'I KYEE RDOR GYI RDZOGS RIM DBANG GSUM GYI LAM DU BSDUS NAS NYAMS SU LEN TSUL DANG, GRUB CHEN dOm PI PA DANG MI THUB ZLA BAS BSHAD PA'I DPYID KYI THIG LE DANG KHA DOG BA SHIGS PA'I RIM PA
SOGS GRUB CHEN TSAD LDAN GYIS BSHAD PA'I RDZOGS RIM MANG YANG, DUS 'KHOR GYI RDZOGS RIM MA GTOGS PA BLA MED SPYI'I RDZOGS RIM TSAD LDAN GYIS BSHAD PA THAMS CAD BSKYED RIM BRTAN PAR BYAS RJES SU, RTZA RLUNG THIG LE LAS RUNG DU BSGRUBS NAS BSAM GTAN GNYIS GANG RUNG GI SNOD BCUD 'OD GSAL DU BSDUS NAS 'JUG LDANG YANG YANG BYED PA'I RIM PAS ZUNG 'JUG GI YE SHES KYI SKU BSGRUBS TE, DE'I RIGS 'DRA NYID KYIS 'BRAS BU LA NYE BAR SBYOR BA NI 'DRA BAR GSUNGS SO, ,'ON KYANG RLUNG DANG THIG LE LAS RUNG DU SGRUB LUGS LA SGO MANG PO YOD PAS DE DAG SO SO' RGYUD RNAMS NAS GSUNGS PA LTAR DU TSAD LDAN RNAMS KYIS KYANG SO SOR BKRAL BA YIN NO, ,DE LTAR RLUNG DANG THIG LE LAS RUNG DU SGRUB LUGS LA SGO MI 'DRA BA MANG PO YOD KYANG THABS DES RLUNG DBU MAR ZHUGS GNAS THIM GSUM BYAS PA LAS GTUM MO SBAR NAS BYANG SEMS BZHUS PA LAS BYUNG BA'I 'BRAS BU DGA' BA BZHI'AM STONG PA BZHI'I YE SHES BSKYED NAS, LHAN SKYES KYI DGA' BA'AM 'OD GSAL GYI YE SHES KYI RGYUN SKYONG BAR BYED PAS CHOS SKU'I NYER LEN DANG, RDZOGS RIM GYI LAM RNAMS SKYE 'CHI BAR DO GSUM JI LTA BA BZHIN DU BSKYED NAS, 'CHI BA'I RIM PA JI BZHIN PA'I 'OD GSAL GYI RLUNG SEMS LAS BAR DO JI BZHIN PA'I SGYU MA'I SKU BSGRUBS TE, DE NYID KYIS GZUGS SKU'I NYER LEN BYAS NAS 'TSANG RGYA BA NI 'DRA BAR SHES NA, KHUNGS THUB KYI RDZOGS RIM GYI GZHUNG MANG PO ZHIG LA NGES PA RNYED NAS GZHUNG DE RNAMS DON GCIG TU MA BYUNG YANG DGONGS PA MI 'GAL BAR SHES PAR 'GYUR RO, ,GNYIS PA NI, SPYIR NA BDAG CAG GI STON PAS, DMAN PA LA MOS PA THEG DMAN PA RNAMS LA CHAGS BRAL
, ,GYI SPYOD PA DANG, RGYA CHEN PO LA MOS PA PHAR PHYIN THEG PA PA RNAMS LAS DANG PHA ROL TU PHYIN PA'I SPYOD PA DANG, ZAB MO LA LHAG PAR MOS PA GSANG SNGAGS RGYUD SDE BZHI'I GDUL BYA RNAMS LA 'DOD CHAGS KYI CHOS KYI SPYOD PA STE, SPYOD PA GSUM BSTAN PA LAS, SKABS 'DI'I SPYOD PA NI 'DOD CHAGS KYI SPYOD PA YIN LA, DE LA YANG RGYUD SDE 'OG MA GSUM GYI GDUL BYAS MDUN DU BSGOMS PA'I LHA MO'I YUL LNGA LA DMIGS PA'I CHAGS PA LAM BYED TZAM ZHIG YOD KYANG, LAS RGYA DANG BSGOM PA'I LHA MO DANG MNYAM PAR SBYOR BA'I CHAGS PA LAM DU BYED PA MED LA, BLA MED KYI SKABS SU NI STONG PA NYID RTOGS PA'I YUL CAN KHYAD PAR CAN LHAN SKYES KYI BDE CHEN STOBS LDAN SKYED PA'I RGYU RANG LUS KYI BYANG SEMS 'PHEL BA'I DON DU, LAS DANG YE SHES KYI PHYAG RGYA DANG MNYAM PAR SBYOR BA'I 'DOD YON LA CHAGS BA LAM DU BYED PA YIN NO, ,DE'I SGO NAS STONG PA NYID RTOGS PA'I YUL CAN KHYAD PAR CAN SKYED TSUL NI, GSAL SGRON LAS, PHYI NANG GI LUS LA GNAD DU BSNUN PA'I THABS KYIS BYANG SEMS ZHUB LAS NI, NANG GI DON LUS KYI REG BYA KHYAD PAR CAN SKYE LA, DES DMIGS PA'I RKYEN BYAS PAS LUS KYI SHES PA'I TSOR BA BDE BA KHYAD PAR CAN SKYE'O, ,DES DE MA THAG RKYEN BYAS PA LAS YID KYI SHES PA PHUL DU BYUNG BA'I BDE BA'I NGO BOR SKYED DE, DE'I TSE DE KHO NA NYID KYI DON PAR BYAS PA DRAN PAR BYAS BA NYID KYIS BDE STONG SBYAR BAR 'GYUR BAS, ZHES KHAMS ZHUB LAS NANG GI DON REG BYA KHYAD PAR CAN SKYES PA DE LA DMIGS PA'I LUS SHES SU GYUR BA'I TSOR BA BDE BA'I DE MA THAG 'BRAS SU GYUR BA'I YID TSOR BDE BA MTSUNGS LDAN DANG BCAS PAS STONG
NYID SGOM PAR GSUNGS PA LTAR RO, ,YANG DE NYID LAS, DBANG SHES DANG YID SHES KYI BDE BA SKYE BA'I RIM PA DE NI, RIGS PA'I DBANG PHYUG GIS, 'GA' TSE CHAGS SOGS RGYAS SOGS KYIS, ,'PHEL BA BDE SDUG LAS SKYES YIN, ,DE YANG KHAMS SNYOMS LA SOGS PA, ,NANG GI DON NI NYE BA LAS, ,ZHES DANG, NANG DON KHYAD PAR LAS SKYES PA'I, ,BLOS NI 'GYUR BAR BYED PHYIR RO, ,ZHES GSUNGS PA'I RIGS PA LAS SHES SO, ,DE'I PHYIR YID BDE BA CHEN PO'I NGO BOR GYUR PA'I DE MA THAG RKYEN LAS KYANG DBANG PO'I SHES PA RNAMS BDE BA'I NGO BOR SKYE BA YANG SHES PAR BYA'O, ,ZHES ZHU BA DE DES STONG NYID SGOM PAR GSUNGS PA LA ZHIB CHA 'DON LUGS RNAM 'GREL GYI RIGS PA LA BRTEN NAS SHES PAR GSUNGS SO, ,SKABS 'DI'I SPYOD PA LA NGO BO'I SGO NAS DBYE NA, SPROS BCAS SPROS MED, SHIN TU SPROS MED KYI SPYOD PA GSUM, SPROS MED KYI SPYOD PA LA RGYAS 'BRING BSDUS GSUM YOD LA SNGA PHYI GNYIS LA GSUM DU MI 'BYED DO, ,RTEN GYI SGO NAS DBYE NA, BSKYED RIM PA'I SPYOD PA DANG, RDZOGS RIM PA'I SPYOD PA GNYIS DANG, DE RE RE LA SPROS BCAS SPROS MED SHIN TU SPROS MED KYI SPYOD PA GSUM GSUM YOD, ,DUS KYIS GO NAS DBYE NAS, SNOD RUNG DU BYED PA DBANG DUS DANG, LAM SGOM DUS KYI SPYOD PA GNYIS, PHYI MA LA LA SNGAR MA THOB PA THOB PHYIR DU SPYOD PA DANG, THOB ZIN POGS 'BYIN GYI SPYOD PA GNYIS LAS, DANG PO NI, BSKYED RIM THOG MAR SGOM PA NAS BZUNG STE, MI SLOB PA'I ZUNG 'JUG MA THOB KYI BAR DU YOD KYANG, THOB ZIN BOGS 'BYIN GYI SPYOD PA BYED PA'I SKABS BZHI LAS LHAG MED DE, BSKYED RIM MTHAR PHYIN NAS THUN MONG GI DNGOS GRUB 'GRUB PA'I DON DU SPYOD PA BYED PA DANG, SEMS DBEN THOB NAS SGYU LUS 'GRUB PA'I
, ,DON DU SPYOD PA BYED PA DANG, SGYU LUS THOB NAS 'OD GSAL GYIS SBYANGS PA'I YE SHES KYI SKU THOB PA'I DON DU SPYOD PA BYED PA DANG, SLOB PA'I ZUNG 'JUG THOB NAS MI SLOB PA'I ZUNG 'JUG THOB PA'I DON DU SPYOD PA BYED PA STE BZHI LAS MED PA'I PHYIR, DES NA BSKYED RIM GYI BOGS 'BYIN GYI SPYOD PA BYA RAN PA'I GANG ZAG YIN NA, BSKYED RIM PHRA RAGS MTHAR PHYIN PAS KHYAB, RDZOGS RIM GYI BOGS 'BYIN GYI SPYOD PA BYA RAN PA'I GANG ZAG YIN NA, SEMS DBEN THOB PAS KHYAB PAR GSUNGS SO, ,BSKYED RIM PAS SPYOD PA MA BYAS PAR THUN MONG GI DNGOS GRUB MANG PO 'GRUB PA YOD KYANG, THUN MONG GI DNGOS GRUB KYI MTHAR THUG PA RNAMS DANG, GZHAN MANG PO YANG DUS THUNG NGUR BDE BLAG TU 'GRUB PA'I THABS SU SPYOD PA BYED PA YIN NO, ,RDZOGS RIM GYI BOGS 'BYIN GYI SPYOD PA NI TSE GCIG LA BYANG CHUB THOB PA'I DON DU YIN TE, SPYOD PA GSUM PO GANG RUNG MA SPYAD PAR TSE GCIG LA 'TSANG RGYA BA MED PA'I PHYIR TE, RLUNG GI RNAL 'BYOR MTHAR PHYIN PA'I DBANG GIS YE SHES GSUM BSKYED NUS PA NA, PHYI'I PHYAG RGYA GROGS SU MED NA SEMS DBEN GYI YE SHES MTSAN NYID TSANG BA BSKYED MI NUS SHING, NANG GI LUS LA GNAD DU BSNUN PA'I MTHUS RLUNG SDUD PA DANG GTUM MO 'BAR NAS BYANG SEMS ZHU BA'I NUS PA MTHAR SON KYANG, DA DUNG PHYAG RGYA'I SGO NAS DE RNAMS LA KHYAD PAR CHEN PO THOB NAS DE KHO NA NYID KYI RTOGS PA GONG 'PHEL DU 'GRO BA'I RIM PA YOD PAR GSUNGS PA'I PHYIR TE, NANG GI LUS LA GNAD DU BSNUN PA'I THABS KYI NUS PA MTHAR SON PA NA, PHYAG RGYA'I 'DOD YON LONGS SPYOD PA YAN LAG DANG BCAS PA
NYID LA DRIL NAS DE KHO NA NYID SGOM PA NI, RDZOGS RIM GYI BOGS 'BYIN GYI SPYOD PA'I DON YIN PAR GSUNGS PA'I PHYIR RO, ,LAS RGYA DANG 'DRA 'BAG CHAS GOS SOGS DANG, BRDA' DANG BRDA'I LAN SOGS BYA BA'I SPROS PA DANG BCAS PA'I SPYOD PA NI SPROS BCAS KYI SPYOD PA DANG, LAS RGYA DANG 'DRA BA'I 'BAG CHAS GOS SOGS YOD KYANG, BRDA' DANG BRDA'I LAN SOGS BYA BA'I SPROS PA MED PA'I SPYOD PA NI SPROS MED KYI SPYOD PA DANG, PHYI'I SPROS PA THAMS CAD SPANGS TE YE RGYA DANG SNYOMS PAR 'JUG PA DANG GNYID KYI 'OD GSAL SKYOD PA ZUNG DU 'BREL NAS BDE STONG GI YE SHES TSIG BSGRIL DU BSGOM PA'I SPYOD PA NI SHIN TU SPROS MED KYI SPYOD PA'I DON YIN PAR GSUNGS SO, ,BYA BA LA SOGS PA'I SGO NAS DE LTAR YIN KYANG SGOM BSAM GYI SGO NAS SPYOD PA GSUM 'JOG NA NI, BSKYED RIM PA'I SPYOD PA RNAMS SPROS BCAS DANG, DON GYI 'OD GSAL MA THOB PA'I RDZOGS RIM PA'I SPYOD PA RNAMS SPROS MED DANG, SLOB PA'I ZUNG 'JUG PA'I SPYOD PA RNAMS SHIN TU SPROS MED KYI SPYOD PA YIN TE, RIM PA BZHIN DU MTSAN 'DZIN GYI SPROS PA CHE BA DANG, CHUNG BA DANG, GTAN NAS MED PA'I SKABS KYI SPYOD PA YIN PA'I PHYIR, DE GSUM RIM BZHIN SPYI DON DANG, SBAS DON DANG, MTHAR THUG PA'I DON GYI SPYOD PA YIN PAR GSUNGS SO, ,RIM PA GNYIS PAS DE LTAR SPYOD PA BYAS KYANG RANG RANG GI SKABS KYI 'BRAS BU MYUR DU MA GRUB NA, RIM GNYIS SO SO'I SNYING BO BSKUL TSUL NI LE'U BCU PA'I RGYUD 'GREL DANG N'A RO BA'I RGYUD PHYI MA'I 'GREL PA LAS SHES PAR BYA'O, ,ZHES GSAL SGRON LAS GSUNGS SO, ,BZHI PA 'BRAS BU MNGON DU BYED TSUL NI, LAM 'DI DAG GI 'BRAS BU NI RNAM PA GSUM STE, SANGS RGYAS NI RAB, GRUB PA CHEN PO BRGYAD NI 'BRING, ZHI RGYAS DBANG
, ,DRAG GI 'PHRIN LAS NI THA MA'O, ,PHYI MA GNYIS NI THUN MONG GI DNGOS GRUB YIN PAS, BSDU NA MCHOG DANG THUN MONG GI DNGOS GRUB GNYIS SO, ,'TSANG RGYA TSUL YANG RNAM PA GSUM STE, TSE 'DIR 'TSANG RGYA BA, BAR DOR 'TSANG RGYA BA, BAR DOR 'TSANG RGYA BA, SKYE BRGYUD NAS 'TSANG RGYA BA'O, ,DE LA LAM THUN MONG BA LA SBYANGS PA DANG, DBANG RNAM PAR DAG PA THOB CING, DAM TSIG DANG SDOM PA BSRUNG BA NI GSUM KA LA 'DRA'O, ,KHYAD PAR NI, DANG POS RIM GNYIS SPYOD PA DANG BCAS PA LA SLOB NUS PA YIN LA, DE YANG SGYU LUS THOB NA TSE DE LA 'TSANG RGYA BAR NGES SO, ,GNYIS PA NI, BSKYED RIM NAS SEMS DBEN GYI BAR THOB PA CIG GIS SPYOD PA GSUM GANG RUNG BYED RGYU MA BYUNG NA 'CHI BA 'OD GSAL SEMS DBEN MTHAR THUG GI DPE'I 'OD GSAL GYI NGO BOR BSKYED NAS BAR DO'I DOD LA SGYU LUS SU LANGS TE, RTEN DE LA LAM LHAG MA RNAMS BSGOMS NAS 'TSANG RGYA BA YIN NO, ,GSUM PA NI, DBANG THOB NAS DAM TSIG DANG SDOM PA SRUNG BA TZAM ZHIG BYAS KYIS LAM CHER MA BSGOMS PA NAS BZUNG STE, NGAG DBEN GYI BAR THOB KYANG SEMS DBEN MA THOB PA RNAMS SO, ,DE DAG NI TSE 'DI DANG BAR DOR 'TSANG MI RGYA YANG SKYE BA BDUN NAM BCU DRUG TSUN CHAD DU NGES PAR 'TSANG RGYA BAR GSUNGS SO, ,GNYIS PA DUS 'KHOR GYI LUGS KYI LAM BGROD TSUL LA BZHI, LAM GYI SNOD RUNG DU BYA BA DANG, DAM TSIG DANG SDOM PA DAG PAR BYA BA DANG, LAM JI LTAR BSGOM TSUL DANG, 'BRAS BU MNGON DU BYED TSUL LO, ,DANG PO NI, LAM THUN MONG BAS RGYUD LEGS PAR SBYANGS TE, DUS KYI 'KHOR LO'I RDUL TSON GYI DKYIL 'KHOR DU 'JUG CING BYIS PA LTAR 'JUG PA'I DBANG BDUN
DANG; ,GONG MA GONG CHEN RDO RJE SLOB DPON BDAG PO CHEN PO'I DBANG BSKUR BA THOB STE RIM GNYIS KYI SNOD RUNG DU BYED PA'O, ,SLOB MA RNAMS GANG DU 'JUG PA'I DKYIL 'KHOR NI RDUL TSON GYI DKYIL 'KHOR KHO NA YIN GYI, RAS BRIS SOGS SU MI RUNG BAR N'A RO PAS DBANG MDOR BSTAN GYI 'GREL PAR GSUNGS SO, ,RIGS LDAN 'JAM DPAL GRAGS PAS NYI MA'I SHING RTA LA SOGS PA'I TSANGS PA'I DRANG SRONG RNAMS BLOS BSLANGS KYI DKYIL 'KHOR DU DBANG BSKUR BAR GSUNGS PA NI DE'I DMIGS GSAL YIN LA, KUN SPANGS KYI SLOB MA MTSAN NYID DANG LDAN PA YIN NA BSAM GTAN GYI DKYIL 'KHOR DU DBANG BSKUR DU RUNG MI RUNG DPYAD PAR BYA'O, ,GANG BSKUR BA'I DBANG LA, BYIS PA LTAR 'JUG PA'I DBANG BDUN NI, BYIS PA BTZAS PA NA MAS BKU PA DANG, DE NAS RNA BA 'BUGS SHING RGYAN 'DOGS, GTZUG PHUD 'JOG CING RGOD PA SOGS DANG CHOS MTHUN PA YIN LA, DE YANG DUS KYI 'KHOR LO'I BYANG PHYOGS SKU'I ZHAL LA MNGON DU PHYOGS PAR SLOB MA SKU RDO RJER BSKYED PA LA BSGRUBS PA'I DKYIL 'KHOR GYI NANG GI YUM BZHIS CHU DBANG DANG, DE BZHIN GSHEGS PA LNGAS COD PAn GYI DBANG BSKUR; LHO PHYOGS GSUNG GI ZHAL DMAR PO LA MNGON DU PHYOGS PAR SLOB MA GSUNG RDO RJER BSKYED PA LA NUS MA BCUS DAR DBYANGS KYI DBANG DANG, GTZO BO YAB YUM GYIS RDOR DRIL GYI DBANG BSKUR, SHAR PHYOGS THUGS KYI ZHAL NAG PO LA MNGON DU PHYOGS PAR SLOB MA THUGS RDO RJER BSKYED PA LA SEMS DPA' SEMS MA RNAMS KYIS BRTUL ZHUGS KYI DBANG DANG, KHRO BO KHRO MO RNAMS KYIS MING GI DBANG BSKUR, NUB PHYOGS YE SHES KYI ZHAL SER PO LA MNGON DU PHYOGS PAR SLOB MA YE SHES RDO RJER BSKYED PA LA RDO RJE SEMS DPA' YAB YUM GYIS RJES GNANG GI DBANG
, ,BSKUR BA DANG BDUN NO, ,DE'I 'DOGS LA YAN LAG DANG GTZO BO GNYIS LAS, DANG PO NI, ME LONG DANG MIG SMAN SOGS STER BA DANG, GNYIS PA NI, RDOR DRIL PHYAG RGYA'I DAM TSIG GSUM RNAL 'BYOR GYI RGYUD DANG MTHUN PAR SBYIN PA'I SLOB DPON GYI DBANG NGO, ,'DI NI RNAL 'BYOR RGYUD MAN CHAD KYI YIN GYI, BLA MED KYI RGYUD STON PA'I SLOB DPON GYI DBANG GYI DBANG MIN PAR SNGAGS RIM LAS GSUNGS SO, ,CHU DBANG SOGS BDUN LA BUM DBANG GI THA SNYAD MI MDZAD CING DE BDUN KA LA CHU RJES SU 'GRO BAS CHU DBANG ZHES KYANG GSUNGS SO, ,DBANG GONG MA'I BUM DBANG DANG GONG MA'I YANG GONG MA'I BUM DBANG NI RIM BZHIN PHYAG RGYA GCIG DANG DGU'I DKAR 'DZIN GYI BUM PA LA REG PA DANG 'KHYUD PA LAS BYUNG BA'I BDE BA LA MDZAD DO, ,'DI NI SLOB DPON GYI DBANG YIN LA, BLA MED SPYI'I SLOB DPON GYI DBANG DANG 'DRA YANG PHYAG RGYA LA NI KHYAD PAR YOD DO, ,RIG MA'I LUS KYI DKYIL 'KHOR DU THOB PA ZHES BYA'O, ,DE GNYIS KYI GSANG DBANG NI RIM BZHIN BLA MAS RIG MA GCIG DANG DGU DANG SNYOMS PAR ZHUGS PA LAS BYUNG BA'I GSANG RDZAS MYANGS PA DANG, RIG MA GCIG DANG DGU'I BHA GA BLTAS PA LAS SKYES PA'I BDE BA LA MDZAD DE, BHA GA'I DKYIL 'KHOR DU THOB PA ZHES BYA'O, ,DE GNYIS KYI SHER DBANG NI RIM BZHIN SLOB MAS RIG MA GCIG DANG DGU DANG SNYOMS PAR ZHUGS PA LA KHAMS ZHU BA'I BDE BA LA MDZAD DE, KUN RDZOB BYANG CHUB KYI SEMS KYI DKYIL 'KHOR DU THOB BA ZHES BYA'O, ,KHA CIG 'DI DANG GSANG DBANG GNYIS DKYIL 'KHOR GANG DU THOB PA GO LDOG STE BLA MED SPYI LTAR 'CHAD PA DON MIN NO, ,DE GNYIS KYI BUM
DBANG SOGS NI RIG MA GCIG DANG DGU'I KHYAD PAR DANG, DGA' BZHI'I NANG NAS 'DI DANG 'DI'O ZHES NGO SPROD LUGS LA KHYAD PAR CUNG ZAD YOD PA MA GTOGS GZHAN RNAMS 'DRA'O, ,DE GNYIS KYI DBANG BZHI BA NI MI 'DRA STE, GONG MA'I DBANG BZHI PA NI, NOR BUR BYANG SEMS GNAS PA PHYIR MA ZAGS PA'I LHAN SKYES KYI DGA' BA STE KUN RDZOB KYI DBANG BZHI PA'O, ,'DI SNGAGS GZHAN RNAMS KYI DKYIL CHOG NAS DBANG GSUM PAR BSHAD LA DE THOB KYANG DBANG BZHI PA MA THOB PAS RGYUD RDZOGS PAR NYAN PA LA MI DBANG LA, DUS 'KHOR GYI SKOR NAS 'DI THOB NA RGYUD RDZOGS PAR NYAN DU RUNG YANG, DBANG GONG MA'I GONG MA BZHI MA THOB NA RGYUD RDZOGS PAR STON PA POR MI RUNG BAR BSHAD DO, ,ZHES SNGAGS RIM LAS GSUNGS SO, ,MTSAN DPES SPRAS PA'I STONG GZUGS KYI LHA YAB YUM GYI SKU DANG STONG BA NYID LA RO GCIG TU ZHUGS PA'I MCHOG TU MI 'GYUR BA'I BDE BA CHEN PO'I THUGS NI NGO BO DBYER MED PA DUS GCIG TU TSOGS PA NI GONG MA'I YANG GONG MA'I DBANG BZHI PA STE, DE LA 'JIG RTEN LAS 'DAS PA DANG DON DAM PA'I DBANG BZHI PA ZHES BSHAD DO, ,SNOD RUNG DU BYED PA'I DBANG BZHI PA TSIG GI SGO NAS BSKUR LUGS NI SPYI DANG 'DRA'O, ,RDO RJE SLOB DPON BDAG PO CHEN PO'I DBANG NI DBANG BDUN GYI CHO GA LAS BSDUS TE BSKUR BA STE, DKYIL CHOG LTAR RO, ,GNYIS PA NI, RTZA LTUNG BCU BZHI SOGS BSRUNG BAR BYA STE, SNGAGS SPYI 'GRO'I RTZA LTUNG BCU BZHI'I DANG PO, GNYIS PA, LNGA PA, DRUG PA, BCU PA, BCU GCIG PA, BCU GNYIS BA STE BDUN NI, DUS 'KHOR NAS RTZA LTUNG YIN PAR DNGOS SU MA GSUNGS KYANG BSRUNG DGOS LA, DUS 'KHOR NAS BSHAD PA'I RTZA LTUNG DANG PO NI, RDO RJE SLOB DPON GYI
, ,THUGS DKRUG PA DANG, GNYIS PA NI, BLA MA'I BKA' BSKO BA BCAG PA DANG, LNGA PA NI, KUN DA LTA BU'I BYANG SEMS 'DOR BA DANG, DRUG PA NI, SNGAGS DANG PHAR PHYIN PA'I THEG PA'I DE KHO NA NYID GNYIS LA MCHOG DMAN DU BZUNG NAS SMOD PA DANG, BCU PA NI, SGYU YI BYAMS PA ZHES PA ZHE LA GDUG PA 'DZIN ZHING KHA LA BYAMS PA BYED PA STE KHA ZHE MI MTHUN PA'I BYAMS PA BSTEN PA DANG, D'A RI KA BAS 'DI DANG MI 'DRA BAR BSHAD DO, ,BCU GCIG PA NI, MI 'GYUR BA'I BDE BA 'JIG RTEN GYI DBER BYA BA DANG BRAL BA BYIN PA LA THE TSOM DANG YID GNYIS KYI DBANG GIS DANG DU MI LEN ZHING RTOG PAR BYED PA DANG, BCU GNYIS PA NI, DAG PA'I SEMS CAN RNAL 'BYOR PA LA MNGON SUM DU SKYON BRJOD PA'O, ,'DI DAG ZHIB PAR RTZA LTUNG GI RNAM BSHAD LAS SHES PAR BYA'O, ,DUS 'KHOR NAS BSHAD PA'I RIGS SO SO'I DAM TSIG NI, RDO RJE'I RIGS LA, RDOR DRIL PHYAG RGYA BLA MA GZUNG BA BZHI DANG, RIN PO CHE'I RIGS LA, RIN CHEN LCAGS ZANGS PA LANG RTA, ,GLANG CHEN BU MO NOR 'DZIN DANG, ,'DOD PA'I CHUNG MA RANG GI SHA ,SBYIN PA RNAM PA BCU RU 'DOD, ,CES PA LTAR, SBYIN PA BCU SBYIN PA DANG, 'KHOR LO'I RIGS LA, SHA LNGA BDUD RTZI LNGA DANG DBANG PO'I TSOGS SRUNG BA DANG, PADMA'I RIGS LA, 'DZAG PA MED PA'I TSANGS SPYOD KYI SDOM PA SKYONG BA DANG, RAL GRI'I RIGS LA, DKON MCHOG SOGS MCHOD PA DANG, RGYAL BA SKYED MDZAD RDO RJE GCIG PA'I RIGS LA, STONG NYID SNYING RJE'I BDAG NYID CAN GYI PHYAG CHEN GYI DNGOS GRUB SKYED PAR GSUNGS PA RNAMS SO, ,SROG GCOD, MA BYIN LEN, LOG GA-YEM, RDZUN SMRA,
CHANG 'THUNG BA STE SDIG PA LNGA DANG, RGYAN DANG SHO DANG MIG MANG BYED PA, RNAM GSUM MA DAG PA'I SHA ZOS PA, DAG 'CHAL GANG DRAN SMRA BA, PHA MA'I MTSUN 'THOR BYED PA, PHYUGS GSOD DMAR MCHOD BYED PA STE NYE BA'I SDIG PA LNGA DANG, BA LANG, BYIS PA, BUD MED, SKYES PA GSOD PA, SKU GSUNG THUGS RTEN BSHIG PA STE GSOD PA LNGA DANG, SANGS RGYAS DANG DAM CHOS LAM DAD PA, GROGS LA 'KHON PA, RJE BO LA 'KHON PA, DGE 'DUN LA 'KHON PA, RANG LA YID RTON PA RNAMS BSLU BA STE 'KHU BA LNGA DANG, GZUGS, SGRA, DRI, DRO, REG BYA LA CHAGS PA NI 'DOD PA STE BRTUL ZHUGS NYI SHU RTZA LNGA SRUNG BA DANG, GZHAN YANG, SNGAGS GZHAN NAS BSHAD PA'I DAM TSIG RNAMS KYANG PHAL CHER SRUNG DGOS SAM SNYAM MO, ,GSUM PA LA GNYIS, BSKYED RIM SGOM TSUL DANG, RDZOGS RIM SGOM TSUL LO, ,DANG PO NI, PHYI DUS KYI 'KHOR LO SNOD KYI 'JIG RTEN DANG NANG DUS KYI 'KHOR LO SKYES BU'I RTZA RLUNG THIG LE STE, DE GNYIS SBYANG GZHIR BYAS NAS, SPYOD BYAD GZHAN DUS KYI 'KHOR LO SKU GSUNG THUGS YONGS RDZOGS SAM THUGS DKYIL SOGS PHYI NANG GNYIS KA'I SBYANG GZHI SBYONG NUS PA DANG, RDZOGS RIM YAN LAG DRUG RDZOGS PAR SKYE BA'I DGE RTZA SMIN BYED DU 'GRO NGES PA'I BSKYED RIM SGOM DGOS SHING, DE LA NI LHAN LNGA YAN CHAD KYI DKYIL 'KHOR DGOS PAR GSUNGS SO, ,DPA' BO GCIG PA DANG LHAN SKYES LTA BU NI LHA'I RNAL 'BYOR MTHAR PHYIN NAS ZHI SOGS KYI LAS SNA TSOGS SGRUB PA'I THABS SU GSUNGS KYI, RDZOGS RIM YONGS RDZOGS SKYE BA'I SMIN BYED TSANG BA MIN NO, ,DE'I BSKYED RIM GYI 'CHINGS NI, SKU RDO RJE BSNYEN PA, GSUNG RDO RJE NYER SGRUB, THUGS RDO RJE SGRUB PA, YE SHES RDO RJE SGRUB CHEN TE BSNYEN SGRUB YAN LAG BZHI'AM, YANG NA
, ,SKAD CIG MA GCIG GIS MNGON PAR BYANG CHUB PA, RNAM PA LNGAS MNGON PAR BYANG CHUB PA, RNAM PA NYI SHUS MNGON PAR BYANG CHUB PA, SGYU 'PHRUL DRA BAS MNGON PAR BYANG CHUB PA STE BYANG CHUB PA BZHI'O, ,'DI DAG NI GZHAN LAS SHES PAR BYA'O,, GNYIS PA LA GNYIS, GANG LA GNAD DU BSNUN PAR BYA BA RDO RJE'I LUS DANG, DE LA GNAD DU BSNUN PAR BYED PA SBYOR BA YAN LAG DRUG GO ,DANG PO NI, RTZA RLUNG THIG LE GSUM STE, LTE BA YAN CHAD KYI RO RKYANG DBU MA GSUM LA RIM BZHIN NYI ZLA SGRA GCAN GYI RTZA ZHES BYA LA; ME CHU NAM MKHA'I KHAMS PA, KHA DOG DKAR DMAR LJANG GU, KHRAG DANG KHU BA DANG RLUNG GTZO CHER 'BAB PAR GSUNGS SO, ,LTE BA MAN CHAD NA DE GSUM GYI RGYUN LA RIM BZHIN DMAR SER CAN DANG LUG DANG DUS ME'I RTZA ZHES BYA LA, BA DANG RLUNG DANG YE SHES KYI KHAMS PA, KHA DOG SER NAG SNGON PO, BSHANG GCI KHU BA GTZO CHER 'BAB PAR GSUNGS TE, 'DI DAG LA RTZA CHEN DRUG CES BYA'O, ,RTZA 'KHOR DRUG STE, GTZUG TOR GYI 'KHOR LO RTZA 'DAB BZHI PA, DPRAL BA'I BCU DRUG PA, MGRIN PA'I SO GNYIS PA, SNYING GA'I BRGYAD PA, LTE BA'I RE BZHI PA, GSANG GNAS KYI SO GNYIS PA'O, ,SROG 'DZIN, MNYAM GNAS, GYEN RGYU, KHYAB BYED, KLU, RUS SBAL, RTZANGS PA, LHAS BYIN, NOR LAS RGYAL, THUR SEL TE RLUNG BCU BSHAD KYANG, RTZA BA DANG YAN LAG GI THA SNYAD MA MDZAD DO, ,RGYUD GZHAN NAS GZHI DUS SU 'CHI TSE MA GTOGS KHYAB BYED KYI RLUNG MI RGYU ZHING, DBU MA NAS RLUNG MI RGYU BAR BSHAD KYANG 'DIR NI DE GNYIS KA RGYU BAR BSHAD DO, ,RLUNG DANG PO LNGA RIM BZHIN NAM MKHA' RLUNG ME CHU SA'I KHAMS DANG, PHYI MA
LNGA NI RIM BZHIN RLUNG ME CHUS YE SHES KYI KHAMS SU BSHAD DO, ,SNYING GA'I RTZA MDUD KYI STENG 'OG GI SBUBS NA RIM BZHIN NAM MKHA'I RLUNG SROG 'DZIN DANG YE SHES KYI RLUNG THUR SEL SKYE ZHING GNAS, SNYING GA'I SHAR DANG SHAR LHO'I RTZA 'DAB NA RLUNG GI RLUNG MNYAM GNAS RUS SBAL, LHO DANG LHO NUB KYI RTZA 'DAB NA ME'I RLUNG GYEN RGYU RTZANGS PA, BYANG DANG BYANG SHAR GYI RTZA 'DABS NA CHU'I RLUNG KHYAB BYED LHAS BYIN, NUB DANG NUB BYANG GI RTZA 'DAB NA SA'I RLUNG KLU DANG NOR LAS RGYAL SKYE ZHING GNAS PA YIN KYANG, RGYU BA'I TSE DE RNAMS RE RE YANG MANG POR GYES TE LUS KYI RTZA 'DAB LA KHYAB PAR RGYU BA YIN NO, ,SPYI BO, MGRIN PA, SNYING GA, LTE BA BZHIR RIM PA BZHIN DU, SAD PA'I GNAS SKABS DANG, RMI LAM GYI GNAS SKABS DANG, GNYID 'THUG PO'I GNAS SKABS DANG, SNYOMS 'JUG GI GNAS SKABS BSKYED PA'I THIG LE RIGS BZHI GNAS SHING, LTE BA, GSANG GNAS, NOR BU'I DBUS, NOR BU'I RTZER SNGAR LTAR THIG LE RIGS BZHI RIM BZHIN GNAS LA, LTE BAR SAD PA DANG BZHI PA GNYIS BSKYED PA'I BAG CHAGS MI 'DRA BA GNYIS THIG LE GCIG GI STENG NA YOD PA YIN GYI THIG LE SO SO BA MIN PAR GSUNGS SO, ,THIG LE RIGS BZHI LA RIM BZHIN SKU GSUNG THUGS YE SHES KYI THIG LE'AM, LUS NGAG YID YE SHES KYI THIG LE ZHES BYA LA, SAD PA'I TSE STOD KYI RLUNG RNAMS SPYI BO DANG SMAD KYI RLUNG RNAMS LTE BAR 'DU BAS, YUL SNANG TZAM DANG MA DAG PA'I YUL SNANG SKYED, RMI LAM GYI TSE STOD RLUNG MGRIN PA DANG SMAD RLUNG GSANG GNAS SU 'DU BAS, SKRA CAM DANG SMRA BRJOD 'KHRUL BA BSKYED, GNYID 'THUG PA'I TSE STOD RLUNG SNYING GA DANG SMAD RLUNG NOR BU'I DBUS SU 'DU BAS, MI RTOG PA DANG MI
, ,GSAL BA SKYED, PHO MO SNYOMS PAR 'JUG PA'I TSE STOD RLUNG LTE BA DANG SMAD RLUNG NOR BU'I RTZER 'DU BAS, BDE BA DANG 'DZAG PA SKYED PA LAS, MA DAG PA'I YUL SNANG DANG SMRA BRJOD 'KHRUL PA DANG, MI GSAL BA DANG, 'DZAG PA SKYED PA'I NUS PA RNAMS SBYANGS NAS, YUL SNANG TZAM DANG, SGRA TZAM DANG, MI RTOG PA DANG, BDE BA RNAMS LAM DU BYAS PAS, STONG GZUGS DANG, GZHOM MED KYI SGRA DANG, MI RTOG YE SHES DANG, MI 'GYUR BA'I BDE CHEN DU 'GYUR LA, DE RNAMS GONG NAS GONG DU KHYAD ZHUGS PA LAS, SANGS RGYAS KYI SKU GSUNG THUGS YE SHES RDO RJER 'GYUR RO, ,LUGS 'DIR SGRIB PA THAMS CAD BZHI'I SGRIB PAR 'DUS LA, SGRIB PA'I MTSAN GZHIR THIG LE DE RNAMS BSHAD PA NI, THIG LE DE RNAMS LA GNAS PA'I SHIN TU PHRA BA'I RLUNG SEMS RNAMS SGRIB PA'I BAG CHAGS BGO GZHI YIN PA LA DGONGS PAR GSUNGS SO, ,THIG LE DE RNAMS KYI NGO BO NI KHAMS DKAR DMAR 'DRES PA'I GONG BU YUNGS 'BRU TZAM PA RE YOD DO, ,GZHI'I DUS NAS YOD PA'I SHIN TU PHRA BA'I RLUNG SEMS KYIS MA DAG PA'I SNOD BCUD BSKYED PA'I NUS BA RNAMS THABS MKHAS KYI LAM GYIS SBYANGS NAS CHOS GZUGS KYI SKUR BSGYUR BAR BYED PA BLA MED SPYI'I LUGS YIN LA, THIG LE RIGS BZHIS MA DAG PA'I GNAS SKABS BSKYED PA'I NUS PA LAM GYIS SBYANGS NAS RDO RJE BZHI'I RGYU BYED PA NI LUGS 'DI'I KHYAD CHOS YIN NO, ,GNYIS PA NI, SOR BSAM LA SOGS PA'I YAN LAG DRUG GO ,CI'I PHYIR RDZOGS RIM LA YAN LAG DRUG TU BZHAG CE NA, THOB BYA SANGS RGYAS LA SKU GSUNG THUGS GSUM YOD PAS DE SGRUB BYED KYI RDZOGS RIM YANG YAN LAG DRUG TU NGES TE, SOR BSAM GNYIS KYIS STONG
GZUGS SNGAR MA GRUB PA SGRUB CING GRUB ZIN BRTAN PAR BYAS PA'I SGO NAS RGYAL BA'I SKU SGRUB LA, SROG 'DZIN GNYIS KYIS NGAG GI RTZA BA RLUNG LA DBANG THOB PAR BYAS NAS RGYAL BA'I GSUNG SGRUB CING, RJES DRAN NI MI 'GYUR BA'I BDE BA'I NYE RGYU DANG, TING NGE 'DZIN NI MI 'GYUR BA'I BDE BA'I NGO BO YIN PAS RGYAL BA'I THUGS SGRUB BYED YIN PA'I PHYIR RO, ,DES NA GNYIS TSAN DE DAG LA RIM BZHIN SKU RDO RJE DANG GSUNG RDO RJE DANG THUGS RDO RJE'I TING NGE 'DZIN DU YANG GSUNGS SO, ,SLOB PA'I SKABS SU RDO RJE GSUM GYI TING NGE 'DZIN KHYAD PAR BA DUS GCIG TU TSOGS PA NI; TING NGE 'DZIN GYI YAN LAG THOB NAS 'ONG NGO, ,ZHES SNGAGS RIM LAS GSUNGS SO, ,GO RIM NGES PA NI, LUGS 'DI'I THOB BYA MTHAR THUG GI BDE STONG DBYER MED NI GZHUNG GZHAN NAS BSHAD PA'I BDE STONG DBYER MED DANG MI 'DRA STE, 'DI'I STONG PA NI STONG GZUGS KYI LHA YAB YUM GYI SKU DANG, BDE BA NI MCHOG TU MI 'GYUR BA'I BDE BA CHEN PO YIN PA'I PHYIR, DE 'DRA BA'I BDE STONG ZUNG 'JUG NI, RANG DANG RJES SU MTHUN PA'I RGYUS SGRUB DGOS LA, DE YANG RANG NYID STONG GZUGS KYI 'DOD LHA YAB YUM DU SNANG BA'I YUM LA RJES SU CHAGS PA LAS RANG GI SEMS DE KHO NA NYID LA ZHUGS PA'I MI 'GYUR BA'I BDE BA THOB PA GNYIS ZUNG DU SBREL NUS PA'I TING NGE 'DZIN GYI YAN LAG YIN TE, DE LTAR SNGAGS RIM LAS GSUNGS PA'I PHYIR, DE SKYE BA NI RJES DRAN LA RAG LAS TE, RJES DRAN GYI SKABS KYI GTUM MOS BZHUS PA'I BYANG SEMS SPYI BO NAS NOR BU'I BAR DU 'ONGS PA PHYIR MA 'PHOS PA LAS SKYE BA'I LHAN SKYES KYI DGA' BA NI MI 'GYUR BA'I BDE BA TING NGE 'DZIN GYI YAN LAG YIN PA'I PHYIR RO, ,RJES DRAN GYI SKABS SU YANG MA BRTAGS PA'I STONG GZUGS KYI LHAR SNANG BA 'BYUNG BAR GSUNGS SO, ,DE 'DRA
, ,BA'I RJES DRAN NI, 'DZIN PAS DBU MA'I NANG DU RLUNG GA-YO MED DU 'DZIN PA LA RAG LAS TE, DE'I MTHUS GTUM MO 'DAS NAS KHAMS BZHU DGOS PA'I PHYIR RO, ,'DZIN PA DE YANG SROG RTZOL GYI RNAL 'BYOR GYIS RO RKYANG GI RLUNG DBU MAR TSUD PA LA BLTOS TE; DER MA TSUD NA DE'I NANG DU GZUNG BAR MI NUS PA'I PHYIR RO, ,RO RKYANG GI RLUNG DBU MAR TSUD PA YANG SOR BSAM GYIS DBU MA SBYANGS PA LA BLTOS TE, RLUNG LAS RUNG DU MA BYAS PAR DBU MAR TSUD PA MED PA'I PHYIR RO, ,SNGAGS RIM LAS, DBU MA SBYANGS PA'I GO BA NI, SOR BSDUD KYIS RTAGS BCU GCIG PO BSGRUBS PA BSAM GTAN GYIS BRTAN PAR BYAS PAS RLUNG CUNG ZAD LAS SU RUNG NAS GA-YAS GA-YON GYI RLUNG RANG SHUGS KYIS DBU MAR 'GRO BA RTZOM PA YIN LA, MTSAMS DE NAS GA-YAS GA-YON GYI RGYU BA 'GOG PA'I SBYOR BA BYAS NA GNAD DU 'GRO'O, ,DE'I GONG DU BYAS KYANG MA 'GRO BAS, YAN LAG DANG PO GNYIS NI SROG RTZOL SGOM PA'I TSAD 'DZIN NO, ,ZHES GSUNGS PA'I PHYIR, 'DI LA KHA CIG NA RE, SOR BSAM GYI SKABS SU SHAR BA'I RTAGS BCU GCIG PO RLUNG DBU MAR THIM PA'I RTAGS MA YIN PAR THAL, LUGS 'DI'I SOR BSAM GNYIS RLUNG DBU MAR TSUD PA'I SNGON 'GRO YIN PA'I PHYIR, 'DOD MI NUS TE, DE DAG RLUNG DBU MAR THIM PA'I RTAGS YIN PAR SBYOR DRUG GI ZIN BRIS DU MAR BSHAD PA'I PHYIR NAM KHYAB SNYAM STE, ZIN BRIS MANG POR DE LTAR BSHAD KYANG SNGAGS RIM DANG GSAL SGRON LAS DE DAG RLUNG DBU MAR TSUD PA'I SNGON 'GRO YIN PAR GSUNGS PA'I PHYIR TE, SNGAGS RIM LAS, GA-YAS GA-YON GYI RLUNG DBU MAR TSUD PA YANG SOR BSAM GYIS DBU MA SBYANG PA LA BLTOS TE,
ZHES DANG, GSAL SGRON LAS, DUS 'KHOR LAS SMIG RGYU SOGS KYI RTAGS RNAMS SOR SDUD KYI SKABS SU GSUNGS PA NI, DBANG PO'I RLUNG RNAMS YUL THA MAL PA LA 'JUG PA LDOG TU NYE BAR SONG BA DANG, NANG DU LDOG PA'I DUS KYI RTAGS YIN ZHING, SEMS DBEN SOGS KYI SKABS SU 'CHAR BA'I SMIG SGYU SOGS BZHI NI, STONG PA BZHI DE'I MJUG THOGS SU 'CHAR BA'I RTAGS YIN LA, DE LA NI RLUNG DH'U T'IR TSUD NAS THIM PA DGOS PAR LAN MANG DU BSHAD ZIN TO, ,DE BAS NA SOR SDUD KYI SKABS SU ZLA NYI SGRA GCAN GYI RNAM PA MTHONG BA DANG, STONG PA GSUM GYI ZLA 'OD SOGS KYANG DON GCIG TU 'ONG SA MED DO, ,ZHES SHIN TU GSAL BAR GSUNGS PA'I PHYIR RO, ,DE DAG GI DON BSDU NA, SOR BSAM GNYIS KYIS RDO RJE'I SKU'I RGYU GZUGS BSGRUBS PA'I SGO NAS DBU MA SBYANGS, SROG RTZOL GYIS SBYANGS PA'I DBU MA'I NANG DU RO RKYANG GI RLUNG GNYIS 'JUG ,'DZIN PAS BCUG PA DE DER PHYI NANG DU 'BYUNG 'JUG MI BYED PAR BZUNG, RJES DRAN GYIS BZUNG BA DE LA BRTEN NAS PHYAG RGYA GSUM GANG RUNG BSGOMS PAS BYANG SEMS BZHUS NAS PHAB PA PHYIR MA 'PHOS PAR BZUNG BAS 'GYUR MED KYI BDE BA BSGRUBS, TING NGE 'DZIN GYIS SO SOR BSAM GYIS BSGRUBS PA'I GZUGS DE LAS RANG 'DOD LHA YAB YUM GYI STONG GZUGS KYI SKUR BYAS TE PHYAG CHEN LA RJES SU CHAGS NAS, MI 'GYUR PA'I BDE BA THOB PA DE GONG NAS GONG DU SPEL BA'I MTHAR BEM PO'I PHUNG SOGS THAMS CAD ZAD DE, LUS STONG GZUGS RDO RJE'I SKU DANG THUGS DNGOS PO'I DE KHO NA NYID LA DUS KUN TU MNYAM PAR BZHAG PA'I MI 'GYUR BA'I BDE BA GNYIS ZUNG DU 'JUG PA'I SKU THOB PA 'DI SEMS 'GREL SKOR GSUM GYI GNAD BSDUS PA'I SNYING PO YIN PAR
, ,SNGAGS RIM LAS GSUNGS SO, ,SOR SDUD KYI SKABS SU DU BA LA SOGS PA'I STONG GZUGS 'CHAR TSUL NI, DPRAL BA'I RTZA 'KHOR GYI DBUS SU SAD PA'I GNAS SKABS BSKYED PA'I THIG LE YOD PAS DER DMIGS PA GTAD DE BSGOM PA NA, THIG LE DE'I STENG NA YUL SNANG SNA TSOGS STON PA'I NUS PA YOD PA DE SAD NAS GNAS DER STONG GZUGS SNA TSOGS 'CHAR RO, ,DER DMIGS PA GTAD NAS SGOM TSUL NI, KHRID YIG GNAS BYUNG BA LTAR MTSAN MO MUN KHANG DU LUS KYI BYED BCING DAM PAR BYAS NAS MIG GI MAS PHIBS YAR BKAB PA'I PHYED MIG BYAS TE, SMIN MTSAMS KYI DBU MA'I SBUBS STONG GI NAM MKHAR SEMS ZHEN CING RTZE GCIG TU SGOM PA'O, ,DE LTAR BSGOMS PAS DU BA DANG, SMIG RGYU DANG, MKHA' SNANG ME KHYER DANG, MAR ME 'BAR PA LTA BU STE MTSAN RTAGS BZHI 'CHAR RO, ,DE NAS DUS ME DANG, ZLA BA DANG, NYI MA DANG, SGRA GCAN DANG, GLOG DANG, THIG LE SNGON PO LTA BU'I NYIN RTAGS DRUG 'CHAR RO, ,MTSAN RTAGS BZHI NI THOG MAR MTSAN MO'I RNAL 'BYOR SGOM DUS SU 'CHAR YANG, NYIN MO'I RNAL 'BYOR SGOM TSE MI 'CHAR BA MIN LA, NYIN RTAGS DRUG NI GANG ZAG MCHOG LA MTSON MO'I RNAL 'BYOR GYI DUS NAS KYANG 'CHAR BA YOD BAR GSUNGS SO, ,DE NAS RTAGS BCU'I THA MA THIG LE SNGON PO'I DBUS SU RE KHA NAG PO SKRA'I TSAD TZAM GYI NANG DU NGES PA LNGA LDAN GYI LONGS SPYOD RDZOGS PA'I SKU YAB YUM ZHAL SBYOR GYI RNAM PA 'CHAR BAR GSUNGSO, NGES PA LNGA NI, DUS NGES PA RTAGS BCU RDZOGS PA'I MTHAR, GNAS NGES PA DBU MA'I NANG DU, NGO BO NGES PA RDUL BSAGS PA MIN PAR RANG SEMS KYI SNANG BA TZAM DU GRUB LA, SKU NGES PA RDO RJE SEMS DPA'I SKU, RNAM
PA NGES PA YANG YUM ZHAL SBYOR GYI RNAM PA CAN DU MTHONG BAR 'GYUR RO, ,DE LTAR SOR SDUD KYIS RTAGS BCU GCIG PO BSGRUBS PA DE BSAM GTAN GYI YAN LAG GIS BRTAN PAR BYAS PAS RLUNG CUNG ZAD LAS SU RUNG NAS GA-YAS GA-YON GYI RLUNG RANG SHUGS KYIS DBU MAR 'GRO BRTZOM BA ZHIG BYUNG NA SOR BSAM GYI NUS PA DES RDZOGS PAS, MTSAMS DE NAS SROG RTZOL SGOM DGOS TE, RLUNG SNGAGS DBYER MI PHYED PA'I RDO RJE BZLAS PA DANG SROG 'DZIN THUR SEL GNYIS DBU MA'I NANG DU KHA SBYOR BYED PA'I BUM PA CAN GYI RNAL 'BYOR GNYIS KYIS GA-YAS GA-YON GYI RLUNG GI RGYU BA BKAG NAS DBU MAR 'DZUD PAR BYED DGOS PA'I PHYIR, DBU MAR TSUD PA BRTAN PO ZHIG BYUNG NA SROG RTZOL GYI NUS PA DES RDZOGS PAS, DE NAS 'DZIN PA SGOM DGOS TE, DBU MA'I NANG DU BRTAN PAR GNAS PA NI SROG RTZOL GYI LAG RJES MIN GYI 'DZIN PAS BSGRUB DGOS PA'I PHYIR RO, ,DE NAS RLUNG DBU MAR TSUD PA DANG BTZUD PA DER GNAS 'BYUNG BA NA RJES DRAN GYI GTUM MO'I RNAL 'BYOR GYI MTHUS GTUM MO 'BAR NAS KHAMS ZHU BA RDO RJE'I RTZE MO'I BAR DU 'ONGS NAS PHYIR MA 'PHOS PA NA LHAN SKYES MI 'GYUR BA'I BDE BA 'GRUB PAR GSUNGS SO, ,DE YANG NOR BU'I RTZER KHAMS DKAR PO'I THIG LE GCIG GZHAN DU GA-YO MED DU BYAS PA LAS MI 'GYUR BA'I BDE BA SKAD CIG DANG PO SKYE ZHING, DES LUS KYI BEMS PO'I CHA GCIG ZOS SHING LAS RLUNG GCIG ZAD PAR BYED LA, DE LTA BU'I TSUL GYIS RIM BZHIN NOR BU'I RTZE NAS GSANG GNAS KYI 'KHOR LO DANG, DE NAS LTE BA DANG, DE NAS SNYING GA DANG, DE NAS MGRIN PA DANG, DE NAS DPRAL BA DANG, DE NAS GTZUG TOR GYI BAR GNAS DRUG PO RE RER KHAMS DKAR PO'I THIG LE SUM STONG DRUG BRGYA RE GA-YO MED DU RIM PAR BRTZEGS PA LAS, DE'I GRANGS SNYED KYI MI 'GYUR BA'I BDE BA'I SKAD CIG MA RIM PAR SKYE ZHING, DE RNAMS KYIS GRANGS DE SNYED KYI LAS RLUNG 'GAGS PAR BYAS SHING LUS KYI BEMS PO'I CHA ZAD PAR BYAS TE SA
, ,GNYIS GNYIS MNGON DU BYED PA YIN TE, DE YANG KHAMS DKAR PO'I THIG LE STONG BRGYAD BRGYA NOR BU'I RTZE MO NAS GSANG GNAS KYI 'KHOR LO'I PHYED KYI BAR GA-YO MED DU YAR BRTZEGS PA LAS MI 'GYUR BA'I BDE BAS SKAD CIG MA STONG BRGYAD BRGYA RIM PAR SKYE ZHING, LAS RLUNG STONG BRGYAD BRGYA DANG LUS KYI BEMS PO'I CHA STONG BRGYAD BRGYA ZAD PAR BYAS TES DANG PO RAB TU DGA' BA MNGON DU BYED DO, ,BDE BA DE'I SKAD CIG THA MA NI MTHONG LAM DANG SKAD CIG SNGA MA RNAMS NI SBYOR LAM DU 'DOD DGOS SO, ,DE NAS GSANG GNAS KYI 'KHOR LO'I PHYED NAS GSANG GNAS KYI 'KHOR LO RDZOGS PA'I BAR KHAMS DKAR PO'I THIG LE STONG BRGYAD BRGYA GONG NAS GONG DU BRTZEGS PA LAS MI 'GYUR BA'I BDE BA'I SKAD CIG MA STONG BRGYAD BRGYA RIM PAR SKYE ZHING, DE'I SKAD CIG THA MA SKYE BA DANG SA GNYIS PA DRI MA MED PA THOB PA DUS MNYAM MO, ,DE BZHIN DU LTE BA'I 'KHOR LO'I PHYED DANG YONGS RDZOGS KHAMS DKAR PO'I THIG LES BKANG BA NA BDE BA SNGAR LTAR SKYE ZHING LAS RLUNG DANG BEM PO'I CHA SNGAR BZHIN ZAD PAR BYAS TE SA GSUM PA DANG BZHI PA THOB PA SOGS GONG MA RNAMS RIGS 'GRE'O, ,RDO RJE RTZE MO NAS GTZUG TOR GYI 'KHOR LO'I RDZOGS PA'I BAR DU KHAMS DKAR PO'I THIG LE NYI KHRI CHIG STONG DRUG BRGYA GONG NAS GONG DU YAR BRTZEGS PA'I TSE, GTZUG TOR NAS RDO RJE'I RTZE MO'I BAR DU KHAMS DMAR PO'I THIG LE NYI KHRI CHIG STONG DRUG BRGYA 'OG NAS 'OG TU MAR 'BAB PAR GSUNGS SHING, DE LTAR KHAMS DKAR DMAR 'DZAG MED DU BCINGS PAS MI 'GYUR BA'I BDE BA NYI KHRI CHIG STONG DRUG BRGYA RDZOGS PA NA KHAMS DKAR DMAR GNYIS KYANG MED
PAR 'GYUR TE, SNGAGS RIM LAS, BYANG CHUB KYI SEMS LUS LA 'DZAD MED DU BCINGS PAS MI 'GYUR BA'I BDE BRDZOGS PA NA BEM PO'I KHAMS THAMS CAD ZAD PAR 'GYUR BAS KHA BA NYID KYANG MI GNAS TE, ZHES PA NAS, DES NA STONG GZUGS KYI RDO RJE'I SKUR 'JA' TSON BZHIN DU SONG BA LA GROD PA'O MAS BKANG BA BZHIN DU MA 'DZIN CIG ,CES GSUNGS PA'I PHYIR RO, ,SKABS 'DIR RGYAL BA DGE 'DUN RGYA MTSOS, DUS 'KHOR BA'I LUGS KYI MI 'GYUR BA'I BDE BA DE BLA MED SPYI'I LHAN SKYES KYI BDE BA LAS GONG DU KHYAD ZHUGS PA'AM, 'ON TE KHYAD PAR MED PA GANG YIN, DANG PO LTAR NA, BLA MED SPYI 'GRO'I LAM GYI BGROD PA RDZOGS NAS DUS 'KHOR GYI LAM LA 'JUG DGOS PAR 'GYUR RO, ,GNYIS PA LTAR NA, LAS DANG YE RGYA LA BRTEN NAS LHAN SKYES KYI BDE BA MTSAN NYID TSANG BA THOB KYANG; DE TZAM GYIS MI CHOG PAR STONG GZUGS KYI PHYAG RGYA LA BRTEN NAS MI 'GYUR BA'I BDE BA SGRUB PA LA 'BREL CI YOD, CES SOGS DOGS PA BSLANGS PAR MDZAD PA LA, LAN CUNG ZAD ZHU BA NI, BLA MED SPYI 'GRO'I LHAN SKYES KYI BDE BA DANG LUGS 'DI'I MI 'GYUR BA'I BDE BA GNYIS LA BZANG NGAN GYI KHYAD PAR MED KYANG, LAM DE GNYIS SGRIB GNYIS MYUR DU ZAD PAR BYED PA'I NUS LDAN DU SKYED PA LA, RGYU MI 'DRA BA GNYIS YOD PA YIN TE, BDE BA'I STOBS JE CHER SKYED PA LA BDE BA'I RTEN KUNDA LTA BU'I BYANG SEMS 'PHEL BA ZHIG DGOS PA NI LUGS GNYIS KA LA 'DRA YANG, BYANG SEMS 'PHEL BA'I RGYU MI 'DRA BA GNYIS YOD PA'I PHYIR, DE YANG DUS 'KHOR LTAR NA, BDE BA'I RTEN KUNDA LTA BU'I BYANG SEMS GNAS GZHAN DU MA BKRAM PAR DBU MA'I LAM NAS GONG NAS GONG DU MAR BRTZEGS
, ,PA LA BRTEN NAS BDE BA'I STOBS JE CHER SKYED PAR GSUNGS LA, DE LA NI LAS DANG YE SHES KYI PHYAG RGYA TZAM GYIS MI CHOG GI STONG GZUGS KYI PHYAG RGYA LA BRTEN DGOS SO, ,BLA MED SPYI 'GRO LTAR NA, KUNDA LTA BU'I BYANG SEMS RGYAS PAR BYED PA LA NI, BYANG CHUB KYI SEMS KYI RTZA BA LUS YIN PAS DBANG PO RTEN BCAS KYI LUS RTAGS PA ZHIG DGOS TE, DE'I DON DU SPYOD PA GSUM GANG RUNG BYED PAR GSUNGS PA YIN NO, ,YANG RGYAL DBANG DE NYID KYIS, RJES DRAN GYI SKABS KYI STONG GZUGS KYI SKU DANG, TING NGE 'DZIN GYI YAN LAG GI SKABS STONG GZUGS KYI SKU GNYIS PO DE DANG, BLA MED GZHAN NAS BSHAD BA'I RIM BA GSUM PA DANG LNGA PA'I SGYU LUS LA KHYAD PAR YOD DAM MED, DANG PO LTAR NA, LAM DUS KYI SKU GNYIS PO DES NYER LEN SO SOR BYAS PA'I GZUGS SKU GNYIS LA MCHOG DMAN YOD PA SOGS SU 'GYUR ZHING, SANGS RGYAS KYI GZUGS SKU'I NYER LEN NI 'OD GSAL GYI BZHON PA'I GNYUG RLUNG GIS BYED PAR NAN TAN GYIS GSUNGS PA RNAMS JI LTAR KHAS BLANG BAR BYA, GNYIS PA LTAR NA, STONG GZUGS KYI SKU GNYUG RLUNG LAS SGRUB PAR 'DOD DGOS NA, DE LTAR TSAD LDAN SUS KYANG MA BSHAD PA'I PHYIR DANG, STONG GZUGS KYI SKU'I BSGRUB GZHI NI SOR SDUD KYI SKABS SU SHAR BA'I DUS 'KHOR YAB YUM GYI SNANG BA DE LA, YAN LAG PHYI MA RNAMS KYIS RJE BZANG DU GYUR PA LAS BSGRUB PAR GSUNGS PAS, SER SDUD KYI SKABS KYI DE YANG GNYUG RLUNG LAS BSGRUBS PA'AM, YANG NA DANG POR BSGRUBS PA MIN YANG LAM GYI SKABS 'DI 'DRA ZHIG NAS BSGRUBS PA DANG KHYAD MED DU SONG BA YIN ZHES PA'I
GSAL KHA SHES BYED DANG BCAS PA STON DGOS SO ZHES DOGS PA BSLANGS PAR MDZAD DO, ,DE LA MTHA' CHOD PA'I LAN SHES BYED DANG BCAS PA ZHU BAR DKA' BAS, SLAR YANG CHOS KYI SPYAN LDAN RNAMS LA DRI BA ZHU NA, DUS 'KHOR t'IK CHEN DANG, SBYOR DRUG GI ZIN BRIS MANG PO MTHUN PAR RJES DRAN GYI SKABS NAS RNAL 'BYOR PA RANG NYID DNGOS GNAS LA STONG GZUGS DUS 'KHOR YAB YUM GYI SKUR LDANG BAR GSUNGS PA DANG, SNGAGS RIM LAS, DU BA LA SOGS PA'I STONG GZUGS RNAMS GONG NAS GONG DU GNAS GYUR TE, YAN LAG DRUG PA'I SKABS KYI STONG GZUGS KYI 'DOD LHA YAB YUM DU SNANG BA NI, 'BRAS BU'I RDO RJE'I SKU'I THUN MONG MA YIN PA'I NYA RGYU YIN LA, DE'I TSE NA DE LTAR SNANG BA TZAM GYI LUS DNGOS PO LA STONG GZUGS KYI SKUR SONG BA MED DE, BEM PO'I KHAMS RNAMS MA ZAD PA'I PHYIR RO, ,DES NA SKU DE 'GRUB PA LA RDUL PHRA RAB TSOGS PA'I LUS NYAMS PAR BYA DGOS PAS, DE NI GSER 'GYUR GYI RTZIS LCAGS GSER DU BSGYUR BA BZHIN DU LUS LA BYANG CHUB KYI SEMS 'DZAG MED DU BCINGS PAS BEM PO'I KHAMS RNAMS ZAD PAR BYED DE, ZHES STONG GZUGS KYI SKU DNGOS GNAS PA 'GRUB PA LA BEMS PO'I KHAMS ZAD DGOS PAR GSUNGS PA GNYIS MI 'GAL TSUL JI LTAR YIN, STONG GZUGS KYI LHA SKU DNGOS GNAS LA 'GRUB PA'I MTSAMS GANG NAS YIN, GANG LTAR YANG RGYAL DBANG DE NYID KYI MTSAN BRJOD KYI 'GREL PAR SHIN TU PHRA BA'I 'OD GSAL GYI SEMS DE NYID MCHOG TU MI 'GYUR BA'I BDE BA'I NGO BOR SKYE BA YOD PAR GSUNGS PA LTAR, DE DANG NGO BO DBYER MED PA'I GNYUG MA'I RLUNG YANG STONG GZUGS KYI SKUR 'GYUR
, ,PA'I SKABS ZHIG YOD DAM MED JI LTAR YIN, SHES BYED GSAL KHA MI SNANG BAS BDAG LTA BUS KHA TSON GCOD GA LA RUNG STE, BLO LDAN RNAMS KYIS RNAM PAR DPYOD PA'I SGO TZAM DU 'GYUR BAR RE BA'I BSAM PAS BRIS PA YIN NO,, BZHI PA 'BRAS BU MNGON DU BYED TSUL NI, RAB DUS 'KHOR GYI LAM LA ZHUGS PA'I TSE DE NYID DANG, THA MA SKYE BA BRGYUD NAS 'TSANG RGYA BA MA GTOGS 'BRING BAR DOR 'TSANG RGYA BA'I RNAM GZHAG MI BYED DE, BSKYED RDZOGS GNYIS KA'I SKABS SU 'CHI BA DANG SKYE BA SBYONG BYED LAS LOGS SU BAR DO SBYONG BYED KYI LAM SGOM PA MED PA'I PHYIR RO, ,BLA MED KYI LAM GYIS SANGS RGYAS 'GRUB TSUL LA BSHAD SROL MI 'DRA BA GNYIS YOD DE, RNAM SMIN GYI PHUNG PO ZAD PAR MA BYAS PAR DE'I NANG NAS SANGS RGYAS 'GRUB PA NI BLA MED SPYI'I LUGS SROL DANG, RNAM SMIN GYI PHUNG PO THABS MKHAS KYIS ZAD PAR BYAS TE SANGS RGYAS 'GRUB PA NI DUS 'KHOR BA'I LUGS SROL YIN LA, 'DI'I TSUL NI, SNGAR BZHIN KHAMS DKAR DMAR GYI THIG LE NYI KHRI CHIG STONG DRUG BRGYA DBU MA'I LAM NAS YAR MAR BRTZEGS PA LAS, MI 'GYUR BA'I BDE BA'I SKAD CIG MA NYI KHRI CHIG STONG DRUG BRGYA RIM PAR SKYE ZHING, DE RNAMS KYIS RIM BZHIN LAS RLUNG NYI KHRI CHIG STONG DRUG BRGYA DANG LUS KYI BEM PO'I KHAMS NYI KHRI CHIG STONG DRUG BRGYA ZAD PAR BYAS TE, LUS STONG GZUGS RDO RJE'I SKU YAB YUM ZHAL SBYOR GYI RNAM PA CAN DANG SEMS CHOS THAMS CAD CIG CAR MNGON SUM DU RTOGS PA'I MCHOG TU MI 'GYUR BA'I BDE BA CHEN PO'I NGO BOR GYUR PA'I KHA SBYOR YAN LAG BDUN LDAN GYI ZUNG 'JUG
RDO RJE 'CHANG GI GONG 'PHANG MNGON DU BYAS TE, 'JIG RTEN GYI KHAMS MTHA' MED PAR GANG LA GANG 'DUL GYI SPRUL PA'I SKU BYE BA THER 'BUM 'BYUNG BA YIN NO,, ,,'DIR SMRAS PA, PHAR PHYIN THEG PA'I RIN CHEN RDUL MANG BRTZEGS, ,RGYUD SDE RNAM BZHI'I BANG RIM MNGON PAR MTHO, ,BDEN GNYIS ZUNG 'JUG NYI ZLAS RAB BRGYAN PA'I, ,THUB BA'I LUGS SROL LHUN PO 'DI KO MTSAR, ,BLO BZANG LEGS BSHAD MTSO CHEN BSRUBS PA LAS, ,SNGON MED GTAM SNYAN ZLA GSAR THON PA 'DI, ,BLO LDAN GZU BOR GNAS PA'I MGRIN SNGON GYIS, ,RNAM DPYOD RAL PA'I RTZE MOR BKOD PAR GYIS, ,'ON KYANG RGYUD SDE RGYA MTSO GTING MTHA' MED, ,BDAG NI BLO RMONGS SBYANGS PAS RNAM PAR DBEN, ,DE PHYIR 'DI LA 'KHRUL BSHAD GANG BGYIS PA, ,LHA DANG BLA MA'I SPYAN SNGAR SNYING NAS BSHAGS, ,'DIR 'BAD LEGS BYAS RAB DKAR GOO MU 'DRIS, ,'GRO KUN SEMS KYI MUN PA KUN 'JOMS SHING, ,SRID ZHI'I TSA GDUNG MA LUS BSAL BYAS TE, ,SKU GSUM KUNDA'I TSAL RAB RGYAS GYUR CIG ,BDAG KYANG MA 'ONGS SKYE 'PHRENG THAMS CAD DU, ,RTEN BZANG THOB CING DAM PA'I MGON GYIS BZUNG, ,MDO SNGAGS LAM BZANG GSHOG ZUNG 'DAB BSKYOD PAS, ,ZUNG 'JUG NOR BU'I GLING DU PHYIN GYUR CIG, (,,CES GSANG CHEN RGYUD SDE BZHI'I SA LAM GYI RNAM GZHAG RGYUD GZHUNG GSAL BYED CES BYA BA 'DI NI, KHA LA KHA KHU RE CHEN MO'I GRVA RIGS BLO DANG MANG THOS NOR GYIS PHYUG PA'I DKA' BCU PA BLO BZANG BSTAN 'DZIN GYIS 'DI LTA BU ZHIG DGOS ZHES YANG YANG BSKUL BA'I DON DU, MKHAS SHING GRUB PA BRNYES PA'I BLA MA DU MA'I ZHABS RDUL SPYI BOS NOD PA, MANG THOS RIG PA 'DZIN PA'I GZUGS BRNYAN SBRANG BTZUN
, ,NGAG DBANG DPAL LDAN GYIS SBYAR BA 'DIS KYANG BSTAN 'GRO LA PHAN THOGS PAR GYUR CIG,, ,,NGAG DBANG NGAG LA ROL BA'I RNAM DPYOD LAS, ,DPAL LDAN RGYUD GZHUNG GSAL BYED MCHOG 'DI GRUB, ,CHOS KYI SPYAN LDAN RGYUD DON TSOL 'DOD RNAMS, ,YAB RJE'I GZHUNG BRGYA 'BYED PA'I LDE MIG STE, ,DE PHYIR SER BYES TRE HOR RAB 'BYAMS PA, ,BYAMS PA MKHAS GRUB ZHES PA'I MING CAN GYIS, ,GANG GI ZHABS SKYES THUGS RJE BSKUL BA LAS, ,SKYES MCHOG MKHAR RDO MCHOG GIS PAR 'DI BSKRUN, ,'DI 'BAD LHAG BSAM DGE BA'I ZLA ZER 'BUM, ,YANG YANG 'THUNG BA'I DGE TSOGS KU MUD KYIS, ,RGYAL BSTAN SPYI DANG 'JAM DPAL SNYING PO YI, ,RING LUGS SRID MTHAR GNAS PA'I RGYUR GYUR CIG ,SARBA MANG+GA LAm, ,PAR 'DI RGYUD SMAD PAR KHANG DU BZHUGS,, ,,