!, ,S'U RLA RA SMI N'A MA BI KRi TI GU RU SHANTA BHA BA SYA TZU d'A LA NGKAR MAH'A PAndI TA SARBA DZNY'A SU DH'I SHR'I MANYDZAN SU LA Ksh'MI B'A DA SYA MO KshA TIshthA TI, , !, ,RJE BLA MA SRID ZHI'I GTZUG RGYAN PAn CHEN THAMS CAD MKHYEN PA BLO BZANG DPAL LDAN YE SHES DPAL BZANG PO'I ZHAL SNGA NAS KYI RNAM PA THAR PA NYI MA'I 'OD ZER ZHES BYA BA BZHUGS SO,,
[DD1] !, ,GNAS BRTAN CHEN PO RAB 'BYOR ZHABS, !, ,SDEB SBYONG MNYAM PA'I BRiKTA LAS WA nA BCU BZHI PA NUS LDAN LA LCI YANG GI RNAMS 'GYUR MI 'DRA BA 16384 YOD BA LAS 'DIR 1933? PA DBYID KYI ZIG LE ZHES BYA BA'I BRA STA RAS TSAR DU DNGAR BAR BYAS PA'O, , !, ,AOm SVA STI MOO NI: SU BUDDHI MA nI SH'AS NA MANYTZA MAm LA: NI RYAm SHRA M'A RKA NUS M'A SYATZA TR'I nI YU KTAm , !, ,AOm SVA STI, BLO BZANG THUB BSTAN DRI MED NOR BU'I KHRID, RTAG TU NGAL BAS MTSAN DPE'I DPAL DANG LDAN, [DD2] !, ,'DREN MCHOG DPAL LDAN YE SHES RJE, [DD3] !, ,RGYUD RGYAL SDUD MDZAD 'JAM DPAL GRAGS
[DD1] !, RANG RGYUD BROL 'BYED LEGS LDAN ZHABS, `, ,SHR'I KU: BI KOO LA WIS HA SRA RIH'A BI NE TRA: HRi DATMA H'A PA tU PA TEN MA N'A KA BANDHU: !, ,SGRIB BRAL YE SHES SPYAN STONG G-YO BA'I GNYEN, ,PAn CHEN SKABS GSUM BDAG POR SNYING NAS 'DUD, !, ,RGYUD DON GSAL MDZAD AA BHA YA,
[DD1] !, 'JIG RTEN MIG GYUR RTA NAG 'GOS, !, ,SDE SBYOR MNYAM PA'I KHRI LTA LAS ? HU HRU GCIGS ???? N'I LENDRA N'I LA BANYTZA TZI REm SHOBH'A: KHAdGA SYA KA shthA TZ'A LA KA RE N'A SYA: MTHON MTHING DBANG SNGON ZUR PHUD LNGAS MDZES SHING, ,RAL GRI'I KHRI SHING G-YO BA'I 'OD ZER GYIS, , [DD2] !, SA CHEN KUN DGA' RGYAL MTSAN ZHABS,
[DD1] !, RNAL 'BYOR DBANG PHYUG G-YUNG STON RJE, !, ,BUDDHI DYU TI PRA K'A SHA NI DH'A N'Am NTA: LAKsh'I BITZU: GA YA: SHIR SHRE Y'A DA: !, ,NANG GI MUN 'JOMS BLO GROS SNANG BA'I GTER, ,'JAM DPAL RDO RJE RNON POS DGE LEGS STZOL, , [DD2] !, SMRA BA'I NYI MA MKHAS GRUB RJE,
[DD1] !, RJE BTZUN BSOD NAMS SPYOD ? ?MI KLANG,? !, ,SPEB SBYONG? MNYAM PA'I ?KHRi SKABS CAD TH'A RA BDE BYED KYI ? ? AINDRA TZADHRA RLI DRA SYA DZ'A LE GRI HE, N'I TI RA S'A S'I NA: NI MI RTAm RA GA: 'JA' TSON DRA BAS 'KHYUD PA'I LDIG KHANG DU, ,TZOG PU'I TSUL BZHUGS CHAGS PA'I NYAMS DANG LDAN, , [DD2] !, ZUNG 'JUG SKU BRNYES DBEN SA PA,
[DD1] !, KUN MKHYEN GLO BZANG CHOS RKYAN ZHABS, !, ,B'I nA RU DHE N'U S'A LA TZA B'A DI DH'A, BRA DHA nA PU STI NGOO BAR DA: KU RU: , !, ,RGYUD MANG SGRA LAS TSIG GI 'DOD 'JO BA, ,TSANGS PA'I SRAS MOS NGAG GI MCHOG SBYIN MDZOD, , [DD2] !, BLO BZANG YE SHES DPAL BZANG PO,
RMAD BYUNG THUGS BSKYED GSER GYI 'KHOR LO RTZIBS STONG 'BAR BA'I 'DU BYED KYIS, ,YONGS RDZOGS THUB BSTAN GLING DANG GLING PHRAN MTHA' DAG MNGON PAR DBANG BSDUS TE, ,BSTAN DANG 'GRO BA'I PHAN BDE'I DGA' STON RDZOGS LDAN DPAL LA 'GOD MDZAD PA, ,KHAMS GSUM CHOS KYI 'KHOR LOS BSGYUR BA GANG DER GUS PAS PHYAG 'TSAL LO, ,RGYA CHEN PHA ROL PHYIN DRUG SPYOD PAS SRID ZHI RGYA MTSO'I MTHAR BRGAL TE, ,ZAG MED CHOS SKU'I BDE BA MCHOG LA SRID MTHAR ROL BA'I DPAL BRNYES KYANG, ,MTHA' YAS 'GRO 'DI GTONG BAR MI PHOD DAG DANG MA DAG 'JIG RTEN DU, ,SNA TSOGS SPRUL BA'I ZLOS GAR STON MDZAD DE NI BDAG GI BLA MA LAGS, ,GANG GI GSANG GSUM GANGS RI LAS 'ONGS MKHAS BTZUN BZANG PO'I RLABS PHRENG G-YO, ,GZHAN PHAN GA BUR GZEGS MA DANG LDAN SNYIGS DUS RGUD PA'I DRI MA 'KHRUD, ,'PHRIN LAS NYAL 'GRO PHYOGS BRGYAR 'BAB PAS PHAN BDE'I LO TOG RGYAS MDZAD PA, ,RNAM THAR SKAL LDAN SHING RTA GANG 'DI THUB BSTAN NOR 'DZIN MDZES RGYAN YIN, ,MGON KHYOD GSANG GSUM YON TAN DPAG DKA' LHA YI RDZING RING MTHA' BZHIN DU, ,TSANGS DANG BRGYA BYIN ZAG PA KUN ZANG THOS SGROGS RANG BYUNG TSOGS RNAMS KYIS, ,BSKAL BA'I BAR DU BRTZON PAS 'BAD KYANG JI BZHIN SGROG PAR NUS MIN NA, ,'CHING BA KUN LDAN TSU ROL MTHONG BA BDAG 'DRA'I SPYOD YUL GA LA ZHIG ,'ON KYANG 'DIN MYA NGAM THANG DU SKOM PAS GDUNG BA'I MGRON PO RNAMS, ,DVANGS BSIL CHU ZHIG
, ,BTZAL BAS RNYED TSE YONGS RDZOGS BTUNG BAR MA NUS KYANG, ,CHA SHAS TZAM GYIS GDUNG BA SEL LTAR BLA MA'I RNAM THAR CHU GTER LAS, ,CHU THIGS TZAM ZHIG DAD PAS GLED 'DI GZUR GNAS YID KYI DGA' STON NYID, ,CHOS BRGYAD 'DU 'GOD LAS BRTZAMS BRJOD BYA'I GZUGS, ,RJOD BYED SNYAN DAG TSON GYIS SPRAS PA YI, ,RNAM THAR BCOS MA'I ME TOG SPEL GYUR KYANG, ,RANG GI DE NYID SGROGS PA KHO NAR ZANG, ,MKHAS BTZUN BZANG PO'I DKYIL 'KHOR YONGS RDZOGS PA'I, ,BDAG NYID CHEN PO'I KUN BZANG SPYOD PA'I GTAM, ,MA BCOS LHUG PA'I TSUL DU BSGRAGS PA YIS, ,THUB RNAMS KUN DGA'I 'DZUM DKAR CI YANG SPRO, ,BDAG NI 'JIG RTEN GZHAN DU'ANG MGON PO 'DI'I, ,ZHABS RDUL 'PHRENG BA RTAG TU MCHOD GYUR CES, ,RANG DON LA GUS ZHAGS PAS YID DRANGS TE, ,GTAM 'DI BRJOD LA SHIN TU SPRO BAR GYUR, ,BSHES GNYEN MCHOG GI ZHABS RDUL GUS BSTEN MDO SNGAGS GZHUNG LUGS MTHA' DAG GSAN, ,'CHAD RTZOD RTZOM LA 'GRAN PA'I ZLA BRAL GRUB PA'I GO 'PHANG MTHON POR GSHEGS, ,'PHRIN LAS MCHOG GIS BSTAN 'GRO'I DON MDZAD RNAM DKAR MCHOD SPRIN RTAG TU 'GYED, ,'DZAM GLING CHE DGUS GUS BTUD 'DI NI NGO MTSAR GTAM GYI GLENG GZHI YIN, ,CHAR SPRIN GSAR BA'I SGEG MOS 'KHYUD PA'I SA 'DZIN MTHON PO'I RTZE MO NA, ,DBYAR SKYES RNGA GSANG DAL BUR RGOD TSE MGRIN SNGON MYOS PA 'DZIN PA BZHIN, ,THAR 'DOD
BLO GSAL BYE BA'I TSOGS RNAMS DGA' ZHING SPRO BAS THAL SBYAR TE, ,KUN BZANG SPYOD TSUL RGYA MTSO'I GTAM 'DI RNA BA'I ZE'U 'BRUR BSTEN PAR GYIS, ,DE YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA 'JIG RTEN MKHYEN PA, SKYES BU 'DUL BA'I KHA LO BSGYUR BA, BLA NA MED PA, LHA DANG MI RNAMS KYI STON PA, BCOM LDAN 'DAS MCHOG GI DANG PO'I SANGS RGYAS BLO BZANG DPAL LDAN YE SHES ZHES KHAMS GSUM SKYE DGU'I GTZUG RGYAN CHEN PO DE NYID, BSKAL PA DPAG TU MED PA'I SNGA ROL TU RDZOGS SMIN SBYANG GSUM MTHAR PHYIN TE SKU BZHI'I NGO BOR SANGS RGYAS ZIN KYANG, BRGAL BAR DKA' BA'I 'KHOR BA'I RGYA MTSO SRED PA'I LCAGS RIS YONGS SU BSKOR BA, LAS KYI RLUNG GI RBA KLONG DANG NYON MONGS PA'I 'DZIN 'KHRIS KHYAB PA, LTA BA NGAN PA'I SROG CHAGS SNA TSOGS PAS GTAMS PA'I NANG DU BYID PA'I LUS CAN NYAM THAG PA RNAMS, MKHYEN BRTZE'I PA DAN MNGON PAR G-YO BA'I 'PHRIN LAS GRU GZINGS 'BUM GYIS RNAM GROL RIN PO CHE'I GLING DU YONGS SU DBUGS 'BYIN PA'I KHAMS GSUM CHOS KYI DED DPON CHEN PO MCHOG GI SPRUL PA'I SKU'I RNAM PAR BYON PA YIN NO ZHES NGES PAR BYA'O, ,DE LA 'DI SKAD CES BYA STE, GRANGS MED BSKAL SNGON THUGS BSKYED BDUD RTZI'I GTER, ,SNYING RJE'I RI DPANG MCHOG DANG 'GROGS PA LAS, ,STOBS BCU'I ZLA SHEL MKHA' DBYINGS 'DZEGS YIS, ,MTHA' YAS GDUL BYA'I KU MUD CI YANG BZHAD, ,MI ZAD SRID PA'I GDUNG BA KUN POR TE, ,RTAG BRTAN G-YUNG DRUNG CHOS
, ,KYI SKU BRNYES KYANG, ,TSUL DER MI GZHOL MA DAG ZHING KHAMS SU, ,'JO SGEG GAR GYIS ROL BA 'DI NGO MTSAR, ,DE YANG 'JIG RTEN GSUM GYI PHAN BDE'I SNYING BO MTSUNGS PA MED PA'I SPRUL PA'I SKU YID BZHIN GYI NOR BU RIN PO CHE 'DI NYID GANG LAS 'BYUNG BA'I GNAS NI SO SOR RTOG PA'I YE SHES KYI RANG MDANGS GZUGS SKU'I RNAM PAR SHAR BRGYAL BA 'OD MTHA' YAS BA ZHES NUB PHYOGS BDE BA MTHA' DAG DANG LDAN PA'I ZHING GI STON PA DE NYID YIN LA, DES NA STON PA DE'I SKU DANG GSUNG DANG THUGS KYI NGO MTSAR BA'I MDZAD PA MTHA' YAS PA RNAMS NI RJE 'DI NYID KYI MDZAD PA LAS GZHAN DU MA DMIGS SO, ,DE LTA BU'I NGANG TSUL NI, TSANGS PA DANG BRGYA BYIN DANG NYAN THOS DANG RANG SANGS RGYAS DGRA BCOM PA RNAMS KYIS JI LTA BA BZHIN BRJOD PA'I RDO MI THOGS NA BDAG LTA BUS LTA SMOS KYANG CI DGOS, DE'I PHYIR BYANG PHYOGS KYI RGYUD 'DIR TSU ROL MTHONG BA'I NGOR BGYIS TE SKU'I BKOD PA JI LTAR BSTAN PA DANG, GDUL BYA'I DON JI LTAR MDZAD PA'I RNAM PAR THAR BA THUN MONG BA LAS BRTZAMS TE GTAM DU BRJOD PA NI DON SHIN TU CHE STE, JI SKAD DU BYANG CHUB SEMS DPA'I SKYES PA'I RABS LAS, GRAGS PA'I MTSAN MAR GYUR BA BZANG PO 'DI RNAMS KYIS, ,BDE BAR GSHEGS 'GYUR LAM RNAMS GANG YIN BSTAN PAR 'GYUR, ,YID LA DAD PA MED PA RNAMS KYANG DANG BAR 'GYUR, ,CHOS DANG LDAN PA'I GTAM GYIS RAB TU DGA' BAR 'GYUR, ,ZHES GSUNGS PA LTAR RO, ,DE YANG SKYABS MCHOG 'DI NYID RGYAL BA 'OD DPAG TU MED
PA'I RNAM PAR 'PHRUL BA YIN PA NI, RMONGS ZHEN DANG, PHYOGS LHUNG DANG, GCAM BU'I SGRO BTAGS PA TZAM MA YIN PAR YID CHES PA'I TSAD MA DANG LDAN PA NYID DE, SLOB DPON PADMAS MDZAD PA'I LHO BRAG GTAM SHUL GYI LUNG BSTAN LAS, PADMA NGA SPRUL GTZANG RONG MTSAMS SU 'BYUNG, ,BOD KHAMS LHO MON KHYAB PAR 'GRO DON SKYONG, ,DE LAS CHOS THOS NGAN SONG GTAN BRAL BYED, ,DE NAS 'GRO KUN SNYING LA GDON ZHUGS NAS, ,KHRAG GI MTSO 'KHYIL CHOS 'KHOR LHA KHANG BSHIG , MTHA' DMAG BDUD RIGS 'BYUNG BO BDUD KYIS GANG, ,BOD KHAMS SKYID ZANG MTSON CHAR 'BEBS PA'I TSE, ,THUGS RJE'I SHUGS KYIS HOR SOG DMAG DPUNG BZLOG ,BOD YUL DBUS KYI RAS 'PHRUL SNANG DU, ,KLA KLO'I TSOGS LA DBANG BSKUR BYIN RLABS NAS, ,MTHO RIS LAM STON RING BOR MA LON PAR, ,BOD KHAMS YONGS LA GCES PA'I DGE SLONG DE, ,NUB PHYOGS BDE BA CAN GYI ZHING DU 'GRO ,ZHES PA DANG, ,AU RGYAN GU RU'I LUNG BSTAN LAS, RAB 'BYOR SPRUL PA GTZANG RONG MTSAMS SU 'BYUNG, ,NGA DANG KHYAD MED BOD KHAMS BDE BAR BSGYUR, ,LAS ZANG SNYIGS MA'I MTHA' LA GTUGS PA'I TSE, ,HOR SOG DMAG BZLOG BOD KHAMS THAMS CAD DU, ,BDE SKYID SPRIN PAR NYI MA TZAM ZHIG 'BYUNG, ,SNYIGS DUS 'GRO BA'I BSOD NAMS ZAD PA'I RGYUS, ,GLO BUR SNANG BA MTHA' YAS DRUNG DU 'GRO ,SLAR YANG BDUD DMAG 'BYUNG BO MTSO LTAR BRDOL, ,'ON KYANG BOD KHAMS YONGS KYIS GSOL BTAB NA, ,MTHA' DMAG BZLOG PHYIR TSE LA DBANG THOB PAS, ,LO 'GA'I BAR DU
, ,SBAS YUL NAGS LJONGS 'GRIM, ,ZHES PA DANG, RNYING MA RGYUD CHEN ZAB MO KUN 'DUS NA'ANG, GTZANG GI PHYOGS SU RAB 'BYOR SPRUL PA 'BYUNG, ,CHOS SDE'I SROG SHING BSTAN PA'I RGYAL MTSAN 'DZUGS, ,'BREL TSAD DON LDAN ZHIG GIS BSTAN BSKYONG, ,ZHES PA DANG, SLOB DPON PADMA'I BKA'I THANG YIG LAS, LCAGS KYI RI LA SKYE BO'I SROG MKHAR 'CHA', ,SNANG BA MTHA' YAS THUGS RJES SKYOB PAR BYED, ,CES GSUNGS PA RNAMS LA BRTEN NAS GRUB PO, ,TSIG RKANG PHYI MA GNYIS PO 'DI'I DON NI, DBUS GTZANG DU DUS ZING BYUNG BA'I TSE, SNGE SRID GTZANG BA'I DMAG KHRI PHRAG GCIG LHAG TZAM PO TA LA DANG LCAGS PO RIR RDZONG BCAS NAS BSNGAD PA'I DUS SU SDE PAC SKYID SHOD PA'I POD DMAG DANG, RGYAL PO LHA BTZUN GYI SOG DMAG GNYIS KYIS ZHAG BDUN GYI BAR DU CHU BKAG NAS GTZANG BA'I DMAG RNAMS NYAM THAG PAR GYUR BA'I TSE, PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS RGYAL PO LHA BTZUN LA GSUNG GNANG ZHING BYA DGA' CHEN PO STZAL NAS GTZANG DMAG RNAMS 'JIGS PA CHEN PO LAS BSKYAB PAR MDZAD PA'I DON NO, ,DE YANG GONG DU GSUNGS PA'I RANG 'BYOR SOGS SKU TSE SNGA MA RNAMS KYI RNAM PAR THAR PA JI LTA BU ZHE NA, SPYIR THUGS RGYUD GCIG PA'I DBANG DU BYAS NA, SLOB DPON PADMA 'BYUNG GNAS, JO BO CHEN PO AA TI SHA, MNYAM MED DVAGS PO LHA RJE SOGS MKHAS GRUB KYI SKYES BU MANG DU MCHIS KYANG, 'DIR NI PAn CHEN CHOS KYI RGYAL PO MA TI BHA DRA DHRAMA DH'A DZAS MDZAD PA'I 'KHRUNGS RABS GSOL 'DEBS LTAR
BRJOD PAR BYA STE, ` DE LA 'KHRUNGS RABS DANG PO 'PHAGS PA GNAS BRTAN RAB 'BYOR NI, MNYAN YOD DU LONGS SPYOD PHUN SUM TSOGS PA DANG LDAN PA BRAM ZE 'BYOR PA ZHES BYA BA'I SRAS SU 'KHRUNGS, SNGAR 'BYOR BA CHE YANG BU MED PA LA 'DI NYID SKYES NAS DA NI RAB TU 'BYOR RO ZHES RAB 'BYOR DU BTAGS SO, ,SKU TSE SNGA MA KLU LAS TSE 'PHOS PA ZHIG YIN PAR GRAGS, GZHON NU NYID NAS BRAM ZE'I LAS DRUG SOGS RIG PA'I GNAS MTHA' DAG LA BYANG BAR GYUR, 'ON KYANG SKU TSE SNGA MA'I BAG CHAGS KYI DBANG GIS SPRUL DU MAS GANG BA'I TZAN DAN GYI NAGS KHROD DU GNAS PA NA BDEN PA MTHONG BA'I LHA ZHIG GIS STON PA'I DRUNG DU BSKYAL, TSUR SHOG GI SGO NAS BSNYEN PAR RDZOGS, CHOS BSTAN PA'I DON NYAMS SU BLANGS PA LA BRTEN NAS ZAG BZANG DE DGRA BCOM PA'I GO 'PHANG THOB, MNGON SHES KYIS SNGON GYI MTHA' LA BRTAGS PAS KLUR SKYES PA MTHONG NAS YID BYUNG STE LTO 'GRO LNGA BRGYA DANG MKHA' LDING LNGA BRGYA RNAMS BTUL, STON PAS KYANG NYAN THOS RGYU SKAR RNAMS KYI KHROD DU KHYOD NI BA SANGS LTA BU'O ZHES SHES RAB CAN RNAMS KYI MCHOG TU BSNGAGS, BYA RGOD PHUNG PO'I RI POR SHER PHYIN GYI MDO GSUNGS PA'I TSE 'DRI ZHING LAN LDON PA PO MDZAD DE THAR 'DOD RNAMS KYI SOM NYI'I DRA BA BSAL, DE LTAR NA THEG PA CHEN PO'I SA LA GNAS PA'I GANG ZAG YIN KYANG NYAN THOS KYI TSUL 'DZIN PA ZHIG STE RGYAS PAR LUNG LAS SHES PAR BYA'O, ` ,GNYIS PA RIGS LDAN 'JAM DPAL GRAGS PA NI, GRONG KHYER BYE BA DGU BCU RTZA DRUG GIS MNGON PAR MDZES PA'I BYANG PHYOGS SHAMBHA LAR YAB BYANG CHUB
, ,SEMS DPA' NAM SNYING GI SPRUL PA LHA'I DBANG LDAN DANG, SNA TSOGS YUM GYI BDAG NYID GNYIS KYI SRAS SU SKU 'KHRUNGS, GZHON NU NYID NAS SGYU RTZAL MTHA' DAG LA MNGA' BRNYES, YAB GSHEGS NAS NOR BU'I KHRI LA MNGA' GSOL, NYI MA'I SHING RTA LA SOGS PA LTA BA PHYIN CI LOG 'DZIN PA'I DRANG SRONG BYE BA PHYED DANG BZHIR BKA'I CHAD PA PHAB STE RGYANG RING DU SPYUGS, SLAR YANG RDZU 'PHRUL GYI MTHUS BKUG STE SNOD RUNG DU MDZAD PA NA DE DAG GIS GSOL BA BTAB STE DRANG SRONG RNAMS DANG, SHAMBHA LA'I SKYE BO MTHA' YAS PA RNAMS BCOM LDAN 'DAS DUS KYI 'KHOR LO'I DKYIL 'KHOR DU BCUG STE DBANG BSKUR, DUS KYI 'KHOR LO'I RTZA BA'I RGYUD RGYAS PA SLAR YANG SDUD PAR MDZAD DE DRANG SRONG RNAMS ZAB LAM RDO RJE'I RNAL 'BYOR YAN LAG DRUG GI SGO NAS SMIN PAR MDZAD, RIGS BZHI KA RDO RJE'I RIGS GCIG TU NGES PAR BYAS PAS RIGS LDAN RNAMS KYI GTZO BOR GYUR, MTHAR RANG GI SRAS PADMA DKAR PO LA BSDUS RGYUD KYI 'GREL CHEN DRI MED 'OD RTZOMS SHIG ;CES BYED PA POR BSKOS TE MYA NGAN LAS 'DAS PA'I TSUL BSTAN NAS LONGS SPYOD RDZOGS PA'I THUGS KAR GSHEGS SO, ` ,GSUM BA SLOB DPON LEGS LDAN 'BYED NI, RGYA GAR SHAR PHYOGS SU RGYAL PO'I RIGS SU SKU 'KHRUNGS, GZHON NU NYID NAS SKYE BAS THOB PA'I RNAM DPYOD PHUN SUM TSOGS PA DANG LDAN PAR GYUR TE SLOB DPON 'PHAGS PA KLU SGRUB LA SOGS PA'I BSHES GNYEN DU MA BSTEN NAS GZHUNG LUGS LA SBYANGS PAS MKHAS PA'I MCHOG TU GYUR, KLU
SGRUB KYIS MKHAN PO MDZAD DE BSNYEN PAR RDZOGS, RTZA BA SHES RAB KYI 'GREL BA SHES RAB SGRON ME BRTZAMS NAS 'PHAGS PA'I DGONGS PA RANG RGYUD DU BKRAL BAS DBU MA RANG RGYUD PA'I SHING RTA'I SROL 'BYED DU GRAGS, SLOB DPON SANGS RGYAS BSKYANGS KYIS RTZA BA SHES RAB KYI DON THAL 'GYUR DU BKRAL BA LA SKYON YANG BRJOD PAR MDZAD DO, ,SLOB DPON 'DI'I RJES SU 'BRANGS PA'I RANG RGYUD PA'I SLOB DPON MKHAS PA DPAG TU MED PA BYON TE RANG RGYUD KYI GRUB MTHA'I SROL CHES CHER DAR BAR BYAS SO, ,MTHAR RIG 'DZIN GYI GNAS SU SKU GSHEGS, ` BZHI PA SLOB DPON CHEN PO AA BHYA K'A RA GUPTA STE 'JIGS MED 'BYUNG GNAS SPAS PA NI, 'KHRUNGS PA'I YUL NI RGYA GAR SHAR PHYOGS PA YIN LA, CHER SKYE BA NA YUL DBUS MA GA DHAR BYON NAS RIG PA'I GNAS LNGA LA SBYANGS PAS PAndI TA CHEN POR GYUR TE BSNYEN PAR RDZOGS, DE'I DUS NA MA GA DHA'I RGYAL PO SHING STAN CAN GYIS MCHOD PA'I GNAS SU BZUNG STE RNYED PA DANG BKUR STI PHUN SUM TSOGS BSAM NYES PAR BYAS SO; ;NYIN MO THUN GSUM DU BYAS TE DANG PO GNYIS LA BSTAN BCOS RTZOM, PHYI MA LA CHOS GSUNGS, MTSAN MO NAM PHYED PAR DU DUR KHROD BSIL BA TSAL DU THUGS DAM GNANG, NAM PHYED MAN DU GTZUG LAG KHANG DU NGAL GSO BA DANG MNAL BAR MDZAD, SNGA DRO GCIG GI TSE BUD MED GCIG GIS SHA DANG CHANG KHYER NAS DRUNG DU 'ONGS PA LA, SLOB DPON GYIS TSUL KHRIMS LA GCES SPRAS MDZAD DE DANG DU MA BLANGS PAS BUD MED DE ,GAR SONG CHA MED DU YAL, DOGS PA SKYES TE PHYOGS
, ,KUN TU BTZAL YANG MA RNYED, DE NAS 'GYOD PA CHEN PO SKYES TE BSHAGS PA BYAS PAS SNGAR GYI BUD MED DE MGNON SUM DU BYUNG BA LA BZOD PAR GSOL TE RJES SU BZUNG BAR 'TSAL ZHUS PAS, KHYOD SNGAR RTOG PA MA SKYES NA TSE 'DIR MCHOG GI DNGOS GRUB 'THOB PA YIN PA LA DE MA BYUNG, 'ON KYANG KHYOD KYIS BSHAGS PA BGYIS PAS BAR DOR MCHOG THOB PAR 'GYUR RO, ,KHYOD KYIS SPYIR BSTAN BCOS MANG DU RTZOMS, KHYAD PAR DU DKYIL 'KHOR THAMS CAD KYI SPYI'I CHO GA YAN LAG DANG BCAS PA RTZOMS SHIG CES BSKUL BAR MDZAD, MKHA' 'GRO MAS LUNG BSTAN PA BZHIN DU PHRENG BA SKOR GSUM DANG, KHA SBYOR GYI 'GREL BA MAN NGAG SNYE MA DANG, SANGS RGYAS THOD PA'I RNAM BSHAD MI 'JIGS GZHUNG 'GREL SOGS BRTZAMS, TZAR SING HA'I GRONG KHYER DU GDOL BA'I RGYAL PO LTA BA NGAN PA LA ZHUGS NAS MI BRGYA PHRAG GI MCHOD SBYIN BYED PAR BRTZAM PA NA SLOB DPON 'DI SNYING RJE CHER SKYES NAS DKON MCHOG LA GSOL BA BTAB PAS DE MA THAG SPRUL CHEN PO 'JIGS SU RUNG BA ZHIG SLOB DPON GYI SKUL 'KHRIL NAS GDENGS KA BYAS PA MTHONG BA NA RGYAL PO SKRAG NAS MI RNAMS PHUL, GRONG KHYER BDE LDAN DU SLONG MO BA BYUNG BA LA LHUNG BZED NAM MKHA' LA BZED PAS BZA' BTUNG BYUNG NAS DE RNAMS CHAM PAR BYAS SO, , SRI KA MA LAR BZHUGS PA'I TSE TU RU KA'I DMAG BYUNG BAR MCHOD GTOR CHEN PO BSHAMS NAS CHOS SKYONG BSKUL BAS GZAN LAS BYAS PA'I BYA GZUGS RNAMS NAM MKHA' LDING DU GYUR TE KLA KLO'I TSOGS RNAMS BKRAD, GZHAN YANG DUG SPRUL GYIS
REG PA GSOS PA DANG, CHOM RKUN RNAMS RIG SNGAGS KYIS BCING BA DANG, BSIL BA TSAL DU BU GCIG SHI BSLAR YANG GSO BAR MDZAD PA SOGS NGO MTSAR BA'I RNAM THAR MANG NGO, ,'DI NI CHAG LO TZ'A BA'I BZHED PA LTAR BKOD PA YIN LA, ZHANG LO TZ'A BA NI; CHE BA GSUM DU BSDUS NAS 'CHAD PAR BYED DE GZHAN DU BLTA'O, ` ,LNGA PA 'GOS LO TZ'A BA KHUG PA LHAS BTZAS NI, GTZANG GI SA'I CHA RTA NAG PHUR 'KHRUNGS, NAR SON PA NA SNGON GYI BAG CHAGS SAD DE 'BROG MI LO TZ'A BA SOGS BSTEN NAS MANG DU THOS PA MDZAD, RGYA GAR DU BYON NAS BLA MA SPRIN GYI SHUGS CAN DANG, MKHAS PA MNGON SHES CAN DANG, BTZUN MO CAN SOGS BLA MA BDUN CU RTZA GNYIS KYI ZHABS BSTEN CING MDO RGYUD SPYI DANG KHYAD PAR DU GSANG BA 'DUS PA LA RTZAL DU BTON NAS SPYANGS PAS MKHAS PA CHEN POR GYUR, BOD DU BYON NAS SGRUB BA SNYING POR MDZAD PAS, 'DUS PA LHA SO GNYIS KYI DKYIL 'KHOR ZHAL GZIGS PAS GNAS DE ZHAL GZIGS RI KHROD DU GRAGS, GSANG 'DUS KYI STONG THUN CHEN MO MDZAD, SLOB MA 'DA MANG DU BYUNG STE, MA RGYUD KYI KAB TSUGS BA BZHI, MAN NGAG GI GDUNG MA THEG PA BRGYAD, LAS TSOGS DANG LAS PHRAN LA MKHAS PA LCAM DANG DRAL MA GZHIBS PA LTA BU DPAG TU MED PA YOD PA LAS, KA CHEN BZHI NI, BZHAD PO DONG GI MAR STON SENG RGYAL, CHABS LHA KHANG GI SUM STON YE 'BAR, SHANGS KYI SUM STON BYANG CHUB RGYAL MTSAN, GNYAL GYI SHONG STON RDO RJE RGYAL MTSAN DANG BZHI'O, ,GDUNG MA BRGYAD NI, BZHAD KYI RDOG STON CHEN PO, RONG GI BRANG TI RGYAL LE, RTA NAG GI MKHAS PA
, ,BSOD RGYAL LA SOGS PA'O, ,BSTAN 'GRO'I DON MTHAR PHYIN NAS CHOS KYI DBYINGS SU GSHEGS, ` DRUG PA SA SKYA PAndI TA KUN DGA' RGYAL MTSAN NI, RDO RJE GDAN NAS BYAD DU DPAG TSAD BRGYA 'DAS PA NA GROM STOD DPAL LDAN SA SKYAR 'KHON GYI RIGS SU YAB DPAL CHEN 'OD PO DANG, YUM NYI KHRI LCAM GNYIS KYI SRAS SU CHU PHO STAG LA SKU 'KHRUNGS, MTSAN DPAL LDAN DON GRUB TU GSOL, GOG THUB PA NA SAm SKRAm TA'I SKAD SMRA SHES PA BYUNG, YIG RIGS RNAMS KYANG MA BSLAB PAR MKHYEN, GZHON NU NYID NAS RJE BTZUN GRAGS PA RGYAL MTSAN LAS DBANG BSKUR BA NOD DE MDO SNGAGS LA GSAN SBYONG MDZAD PAS MKHAS PA'I MCHOG TU GYUR TE DGUNG LO DGU PA LA MTSO SKYES, BCU GCIG PA LA BRTAG GNYIS, BCU BZHI PA LA SAMBU tI GSUNGS, BCO LNGA PA LA YAB MES KYI CHOS THAMS CAD THUGS SU CHUD PAR MDZAD, BCO BRGYAD PA LA MNAL LAM DU SLOB DPON DBYIG GNYEN LA CHOS MNGON PA MDZOD GSAN, DGUNG LO NYI SHU RTZA BDUN PA LA PAn CHEN SH'AKYA SHR'IS MKHAN PO MDZAD DE BSNYEN PAR RDZOGS, MKHAN PO DE'I DRUNG DU TSAD MA, PHAR PHYIN, MNGON PA, 'DUL BA, SNGAGS SOGS MANG DU GSAN, SKYID GRONG DU BYON PA'I TSE 'PHROG BYED DGA' BO DANG RTZOD PA MDZAD PAS MU STEGS PA RNAMS TSAR BCAD, RJE BTZUN GYI ZHAL NAS, BYANG PHYOGS NAS MI SKAD RIGS MI GCIG PA ZHVA KHRA 'PHUR BA 'DRA BA, LHAM PHAG GI SNA 'DRA BA GYON PA ZHIG GDAN 'DREN DU 'ONG BAR 'DUG ,DE DUS THE TSOM MA BYED PAR SONG NA SANGS RGYAS KYI BSTAN PA LA PHAN PA RGYA CHEN PO 'BYUNG NGO
ZHES LUNG BSTAN PA LTAR, HOR RGYAL PO GDON GYIS GDAN DRANGS NAS DGUNG LO RE GSUM PA LAS SKYA NAS BTEG STE BYON PAR LAM DU LO GSUM 'GOR NAS RE LNGA PA LA RGYAL PO DANG MJAL TE CHOS KYI GSUNG GLENG MDZAD, SKAD RIGS MI GCIG PA'I GDUL BYA CHOS LA MI DAD PA RNAMS DAD PAR BYAS, DAD PA RNAMS THEG CHEN LA BTZUD, MDOR NA GDUL BYA MTHA' YAS PA 'KHOR BA MTHA' CAN DU BYAS TE, BSTAN PA RIN PO CHE DAR ZHING RGYAS PAR MDZAD DO, ,DGUNG LO BDUN CU PA LCAGS PHAG THA SKAR ZLA BA'I NYI SHU DGU'I NYIN PHYED NA NGO MTSAR BA'I LTAS DU MA DANG BCAS TE 'JAM DPAL RDO RJE'I THUGS KAR GSHEGS, RNAM PAR THAR BA BSAM GYIS MI KHYAB PA SNANG YANG 'DIR DE TZAM MO, ` ,BDUN PA G-YUNG STON RDO RJE DPAL NI, ZHA LU'I NYE 'DAB TSONG 'DUS MGUR MO'I LHO PHYOGS SU RUS GLAN, RIGS SNGAGS 'CHANG BA'I YAB YUM GNYIS KYI SRAS SU SHING PHO SPRE'U 'KHRUNGS, RDO RJE 'BUM DU MTSAN GSOL, NAR SON PA NA MDA' STON SH'AKYA 'PHEL GYI DRUNG DU GSANG SNGAGS RNYING MA'I CHOS SKOR GSAN, DGUNG LO BCU BDUN PA LA CHOS KHRI'I KHAR BYON TE CHOS GSUNGS, GZHAN YANG GNYAN STON SH'AKYA SENG GE DANG, RTA STON GZI BRJID DANG, SHES RAB 'BUM DANG, CHOS SKYONG 'BUM SOGS BSTEN NAS GSANG SNGAGS RNYING MA'I GDAMS PA GSAN, MTHU STOBS NUS PA'I DBANG PHYUG TU GYUR TE SNANG SRID BRAN DU BKOL, GO LUG GAN RGYAL POS RGYA NAG TU SPYAN DRANGS TE RGYAL PO'I MCHOD GNAS MDZAD CING GDUL BYA MTHA' YAS PA RNAMS SMIN GROL GYI LAM LA BKOD, SLAR BOD DU PHEBS
, ,TE DGE RTZA RGYA CHER BSGRUBS, YUM GYI BKA' NAN PHEBS PA LA BRTEN NAS DGUNG LO NYER BRGYAD PA LA BTZUN MO BZHES TE RIGS KYI SRAS GCIG BSKRUN, NYER DGU PA LA KHYIM GYI 'CHING BA BCAD DE DKA' BZHI PA GRAGS PA GZHON NUS MKHAN PO, BSOD NAMS GRAGS PAS LAS SLOB BKRA SHIS DPAL GYIS GSANG STON BYAS TE BSNYEN PAR RDZOGS, RDO RJE DPAL DU MTSAN GSOL, CHOS RJE RANG BYUNG RDO RJE DANG, BU STON ZHABS DANG, RTOGS LDAN MGON PO YE SHES DANG; 'JAM DBYANGS RGYAL MTSAN PA SOGS LAS MDO RGYUD KYI GDAMS BA MANG DU GSAN, PHUNG PO RI BO CHE, 'GAR MO CHOS RDZONG, BKRA SHIS RDZONG KHA, CHOS SDINGS, BRAG RGYA RDO RJE'I PHO BRANG RNAMS SU SGRUB PA'I RGYAL MTSAN BTZUGS, GSAR RNYING GI CHOS KYANG DU MA MDZAD, G-YAG SDE PAn CHEN SOGS SLOB MA MKHAS PA MANG DU BYUNG, DGUNG LO GYA GNYIS PA LA BRAG RGYA RDO RJE'I PHO BRANG DU ZHI BAR GSHEGS, ` BRGYAD PA MKHAS GRUB DGE LEGS DPAL BZANG PO NI, LDOG GZHUNG DU YAB KUN DGA' BKRA SHIS DANG, YUM BU 'DREN RGYAL MO GNYIS KYI SRAS SU SHING MO GLANG GI LO LA 'KHRUNGS, MKHAS GRUB LHA DBANG BLO'I SKYE BAR GRAGS BSAM PAS GRUB CHOS RJER THOGS, MKHAS GRUB SENG GE RGYAL MTSAN GYI DRUNG DU DGE TSUL BSGRUBS TE MTSAN DGE LEGS DPAL BZANG ZHES GSOL, NGAM RING DANG SA SKYAR MTSAN NYID LA SBYANGS PAS RIGS PA'I DBANG PHYUG TU GYUR, DGUNG LO BCU DRUG PA'I TSE DAM RING DU PO DONG PAn CHEN DANG RTZOD PA MDZAD PAS MKHAS PA CHEN PO DE PHAM
PAR MDZAD, RJE BTZUN RED MDA' PA SOGS BSTEN NAS MDO SNGAGS KYI CHOS MANG DU GSAN, DGUNG LO BCO BRGYAD PA LA RJE RIN PO CHE TZONG KHA PA DANG MJAL, ZAB PA DANG RGYA CHE BA'I GSUNG RAB KYI 'BEL GTAM MDZAD PAS, BTZUN CHUNG SHES RAB CAN BSTAN PA THAMS CAD GRU BZHI LAM GYIS KHYER SHES PA GCIG 'ONG BA 'DUG CES BSNGAGS BRJOD GNANG, DGUNG LO NYER GNYIS PA LA CHOS KYI RGYAL PO TZONG KHA PA CHEN PO'I ZHABS LA GTUGS TE MDO RGYUD RAB 'BYAMS DGONGS 'GREL DANG BCAS PA LA SBYANGS PAS RJE RIN PO CHE'I RING LUGS LA MI 'PHROGS PA'I DAD PA THOB CING GRUB MTHA' SNGA MA'I SGROS RNAMS DOR NAS LUGS 'DI KHO NA LA GTZIGS SU MDZAD, BDAG PO RAB BRTAN PAS BSKUL NAS CHOS RJE RONG CHEN PA DANG RTZOD PA MDZAD PAR BRTZAMS PA NA RONG CHEN PA DPON SLOB RNAMS KYIS RTZOD MA NUS, DGUNG LO ZHE DRUNG PA LA DGA' LDAN GYI KHRIR PHEBS NA CHOS KYI 'KHOR LO BSKOR, GRUB MTHA' GZHAN GYI KHA PHYIR 'BRANGS PA RNAMS TSAR BCAD DE RJE'I LUGS KHO NA GZHUNG SRONG BAR MDZAD, DNGUL GDUNG RIN PO CHE'I DBU THOG TU GSER GYI RGYA PHIBS 'BUBS PA SOGS LUGS GNYIS KYI SGO NAS RJE BTZUN TZONG KHA PA'I BSTAN PA NYIN MO LTAR GSAL BAR MDZAD, DGUNG LO NGA BZHI BZHES PA'I TSE NGO MTSAR BA'I LTAS DU MA DANG BCAS DGA' LDAN MKHA' SPYOD DU GSHEGS, ` DGU PA BSOD NAMS PHYOGS KYI GLANG PO NI, GTZANG RONG GI MTSAMS SU 'KHRUNGS, KHYE'U MDOG DANG NYAMS NGAN PA ZHIG BA SO CHOS RJE DGA' LDAN GYI KHRI BA MDZAD PA'I DRUNG DU SON PA NA, MING LA CI ZER
, ,DRIS PAS PE'U ZER ZHES ZHUS PAR, BE'I RGAS PA GLANG DU 'GRO BA YIN ZHES GSUNGS NAS BSOD NAMS PHYOGS KYI GLANG PO ZHES MTSAN GSOL, SKAL LDAN GYI SLOB MAR GZIGS NAS DBANG LUNG MDO RGYUD DGONGS 'GREL MAN NGAG DANG BCAS PA YONGS SU RDZOGS PAR GNANG STE MKHAS PA CHEN POR GYUR, DE NAS GTZANG PHYOGS LA PHEBS, 'CHAD NYAN GYI SLOB MA BCU DRUG TZAM BYUNG BA LA LEGS PAR BSHAD PA'I DGA' STON RGYA CHER STZAL NAS BSTAN PA'I SGRON ME SBAR BAR MDZAD, PHYIS SU DBEN SA'I PHUR NYID KYI THUGS DAM RTEN THUB DBANG GRONG KHYER MA LI MA KHRU GANG PA ZHIG YOD PA DES LUNG BSTAN CING RDZU 'PHRUL GYIS NAM MKHA' LA BYON NAS ZHABS KYIS BCAGS PA'I SAR CHOS 'KHOR DBUS SDINGS KYI DGON PA BTAB, THOG MAR SKYE DGU'I PHAN PA DE SANGS RGYAS KYI BSTAN PA LA RAGS LAS SHING, DE YANG LTA SPYOD RNAM NGAG DANG LDAN PA'I DGE 'DUN LA RAGS LAS BAR DGONGS NAS, DGE 'DUN GYI SDE ZHIG 'DZUGS PAR DONGS KYANG, PHYI NANG GI BAR CHAD KYI RKYEN CUNG ZAD LA BRTEN NAS BZHED PA BZHIN MA GRUB PAS, NYID KYI ZHABS 'BRING DU GNYUG MAR GNAS NAS SDE SNOD GSUM GYI BKA' LUNG CI RIGS PAR NOD PA'I SDE SNOD 'DZIN PA BCU DRUG TZAM YOD PA YANG BKRA SHIS LHUN PO DANG, DGE 'PHEL SOGS SU BTANG, RJE RANG NYID DBEN SA CHOS KYI PHO BRANG GI DGON PA ZHOL DU RNAM G-YENG DANG 'DU 'DZI'I 'CHING BA BCAD DE SGRUB PA'I RGYAL MTSAN BTZUGS PAS THUN MONG DA THUN MONG MA YIN PA'I YON TAN DPAG TU MED PA BRNYES, THUGS
DAM LA GZHOL BA'I NGANG NAS LEGS PAR BSHAD PA'I RTZOM PA'ANG MANG DU MDZAD PA RNAMS KYANG, BRJOD DON LA RGOL BAS KLAN KA MI RNYED CING RJOD BYED TSIG SBYOR PHUN SUM TSOGS PA SNANG STE GSUNG MGUR LA BLTAS NA SHES SO, ,GZHAN DON RDZOGS PA NA MYA NGAN LAS 'DAS PA'I TSUL BSTAN CING, DE'I TSE NAM MKHA' LAS ROL MO'I SGRA DANG ME TOG GI CHAR CHEN PO BABS SO ZHES GRAG GO ` ,BCU BA RGYAL BA BLO BZANG DON GRUB NI, GTZANG G-YAS RU BDE RGYAS BYE MA GLING GI GTZUG LAG KHANG DANG 'DAB CHAGS PA NA, GTZANG PO 'BAB PA'I 'GRAM LHA KHUD KYI PHU DBEN SA ZHES PAR, BSOD NAMS PHYOGS KYI GLANG PO DANG RUS GCIG PA'I YAB BSOD NAMS RDO RJE DANG, YUM DPAL 'DZOM SKYID CES PA GNYIS KYI SRAS SU SHING MO GLANG GI ZLA BA DANG PO'I YAR DO'I TSES BCU LA SKU BLTAMS, 'KHRUNGS MA THAG TU MA GYUR SEMS CAN THAMS CAD SNYING RE RJE AOm NA nI PADME H'Um ZHES YI GE DRUG PA'I SGRA BSGRAGS PAS, YUM GYIS 'DI LTAR SKYES MA THAG TU GTAM SMRA BA NI MI RIGS PA'O SNYAM DU MI GTZANG BA'I GDAN HRUL GYIS BDAG NYID CHEN PO'I DBU LA G-YOG TE BZHAG ,DE'I STOBS KYIS MTHAR NA TSOD MNYAM PA'I BYIS PA GZHAN DAG GTAM SMRA BA LA MNGON DU PHYOGS PA'I TSE DAM PA 'DI'I GSUNG 'BYIN DKA' BAR GYUR CING LJAGS 'THEN DANG ZHAL 'CHOS KYI RNAM PA DE YANG DNGOS SU DE LA BRTEN NAS BYUNG BAR RJE RANG NYID GSUNG, DGE 'PHEL GYI MKHAN CHEN LEGS BLO PAS MTSAN MGON PO SKYABS SU BTAGS, GZHON NU NYID NAS DBEN PA LA DGYES PA ZHIG RANG 'KHRUNGS SU YOD, THUB
, ,DBANG DANG RJE BTZUN TZONG KHA PAS ZHAL GZIGS SHING BYIN GYIS BRLABS, DGUNG LO BRGYAD BZHES PA NA NUB CIG SEG RI'I RTZE NAS ZLA BA'I DKYIL 'KHOR NYA GANG BA ZHIG SHAR BYUNG BAS, RANG NYID KYI SKU LA DAR DKAR GYI GOS DANG RIN PO CHE'I RGYAN GYIS BRGYAN, RDOR DRIL 'DZIN PAS ZLA BA DE LA BZHUGS TE DRIL BU GSIL BA'I SGRAS 'JIG RTEN GYI KHAMS KHYAB PA ZHIG RMIS GSUNG, DGUNG LO BCU GCIG BZHES PA NA LHA RI RTZE PA GRAGS PA DON GRUB PAS MKHAN PO MDZAD DE RAB TU BYUNG NAS MTSAN BLO BZANG DON GRUB TU GSOL, RJE LHA RI PA LA BYANG CHUB LAM GYI RIM PA DANG, DUS KYI 'KHOR LO DANG, RDO RJE 'JIGS BYED KYI DBANG GSAN, RI BO DGE 'PHEL DU CHOS RJE BLO GROS RGYAL MTSAN PA'I DRUNG DU GSANG BA 'DUS PA'I DBANG SOGS CHOS BKA' MANG DU GSAN, DE NAS BKRA SHIS LHUN POR BYON TE BLO BZANG BSHES GNYEN PA'I DRUNG DU SBYOR BA BRTZI BA SOGS MDZAD KYANG THUGS MKHENGS PAR DON NYAMS SU MI LEN PA'I TSIG GI DBU BA 'DIS CI ZHIG BYA SNYAM DU DGONGS TE SLOB GNYER GYI 'PHRO BSHOL, DE NAS RJE BLO GROS RGYAL MTSAN DANG, RJE THUB BSTAN RNAM RGYAL DANG, SKYABS MCHOG DPAL BZANG PO RNAMS KYI DRUNG DU MDO SNGAGS KYI CHOS BKA' DPAG TU MED PA GSAN, DE NAS DGUNG LO BCU BDUN PA ZHES PA NA PHYOGS KUN TU 'BRUM NAD KYIS KHYAB CING, RJE NYID KYANG SKU 'BRUM GYIS BSNYUN CING YOD PA LA, NYIN GCIG CHAB SGOR RTEN 'BREL BSTOD PA KHA TON DU BYED PA GCIG 'DUG PAS SLONG MO PA ZHIG GO SNYAM GZIGS PA NA,
DGE SLONG SMAR DANG AAG TSOM DKAR PO CAN, PHYAG DAR KHROD KYI CHOS GOS GSOL BA SHIN TU DANG BA 'DREN PA ZHIG 'DUG PAS NANG DU SPYAN DRANGS PA NA DES KYANG DON DU 'GYUR BAR MKHYEN NAS CHA RKYEN DANG 'TSAMS PAR BSNYEN BKUR BA YANG BDAG GIR MDZAD DO, ,DE NAS DGE SLONG DE GRUB CHEN CHOS KYI RDO RJE YIN PAR DGONGS NAS RJES SU 'DZIN PAR ZHUS PAS, SNOD LDAN DU GZIGS TE ZHAL GYIS BZHES NAS DGA' LDAN SNYAN BRGYUD KYI GDAMS PA RDZOGS PAR STZAL CING GRUB CHEN GYI PHYIR 'BRANGS TE 'GAR MO CHOS RDZONG SOGS DBUS GTZANG KUN TU YAB SRAS GNYIS KAS GNAS NGES MED MDZAD DE BYON, SLAR GTZANG DU BYON TE, BA NAM JO MO LHA RI'I SGRUB GNAS PADMA CAN DU RJE 'DI LA SPRUL PA'I GLEGS BAM GTAD DE RGYAL TSAB TU DBANG BSKUR, BRAG RGYA RDO RJE'I PHO BRANG DU SNGAR GSAN MYONG BA DANG MA MYONG BA'I RGYA BOD KYI GZHUNG LUGS THAMS CAD KYI TSIG DON MA LUS PA THUGS LA SHAR, DE LTAR GRUB PA'I GO 'PHANG MTHON PO BRNYES PA DE NI RJE RANG NYID KYI GSUNGS LAS, GANGS CAN KHROD KYI GDUL BYA MCHOG BLO BZANG DON GRUB CES BYAS KYANG, ,LAM MCHOG 'DI NYID NYAMS BLANGS PAS, ,TSE 'DI NYID LA SANGS RGYAS GRUB, ,CES PA DANG, SNGON DUS KYI MI LA RAS CHEN DANG, ,DA DUS KYI BLO BZANG DON GRUB LA, ,'PHRAL CHAS KYI 'TSO BA MA GTOGS PA, ,SPANGS RTOGS LA KHYAD PAR YOD RE KAN, ,ZHES SOGS GSUNGS SHING MTHAR DPEN SA'I DGON GONG BLO BZANG MDUN SA CHOS KYI PHO BRANG DU SKU TSE DANG SGRUB PA MNYAM PAR MDZAD PA'I SGO NAS RE ZHIG CHOS KYI DBYINGS SU GSHEGS PA'I TSUL BSTAN TO, ` ,BCU
, ,GCIG PA PAn CHEN THAMS CAD MKHYEN PA BLO BZANG CHOS KYI RGYAL MTSAN NI, GTZANG RONG GI MTSAMS LHAN DRUG BRGYA ZHES PAR RBA YE SHES DBANG PO DANG, G-YAG SDE PAn CHEN SOGS DAM PA MANG PO 'KHRUNGS PA'I RIGS BRGYUD DU YAB DPON TSANG TSE RING DPAL 'BYOR DANG, YUM MTSO LCAM GNYIS KYI SRAS SU ME MO YOS KYI LO'I SA GA ZLA BA'I TSES BCO LNGA'I SNGA DRO'I DUS SU KHYE'U MDOG DKAR ZHING LTA NA SDUG PA ZHIG 'KHRUNGS, LO GCIG LHAG TZAM LON PA'I TSE YAB DE MYOS 'GYUR GYI DBANG DU SONG NAS MI GCIG DMAR GSOD BYAS 'PHRAL LAG PA KHRAG CAN GYIS KHYE'U LA 'JUS PA NA GRIB PHOG STE SKU GRONGS, DE NAS LCAGS PHO RTA'I LOR YAB YUM DE GNYIS LA SLAR YANG GNAS G-YAR TE KHYE'U ZHIG 'KHRUNGS, MTSAN CHOS RGYAL DPAL LDAN BZANG POR GSOL, DGUNG LO BCU GSUM PA LA MKHAS GRUB SANGS RGYAS YE SHES KYI DRUNG DU DGE TSUL GYI SDOM PA NOD DE MTSAN BLO BZANG CHOS KYI RGYAL MTSAN DU BTAGS, BLA MA DE NYID KYI DRUNG DU GSANG 'DUS KYI DBANG SOGS CHOS BKA' MANG DU GSAN, DGUNG LO BCU BZHI PAR DPEN DGON GYI CHOS KHRIR MNGA' GSOL BA'I TSE ME TOG GI CHAR BABS, DE NAS LHA MO DBYANGS CAN MA'I BSNYEN PA ZHAG BDUN MDZAD PAS LHA MO NYID KYI ZHAL DNGOS SU GZIGS, GZIGS SNANG DANG MTHUN PA'I BSTOD PA SHO LO KA BCU BDUN SKOR YOD PA ZHIG THOGS MED DU GSAR RTZOM MDZAD, KHYAD PAR ZHAL GZIGS PA'I DBYANGS CAN MA DE'I THUGS KA NAS, LHA MO DBYANGS CAN MA SNGON MO PHYAG GNYIS
RIN PO CHE'I YOL GO ,DNGOS GRUB GZUGS CAN LTA BU'I SHING TOG GSAR BAS BKANG BA ZHIG THON TE PHYAG MTSAN SNOD BCUD DANG BCAS PA GTZO MO LA PHUL BA, GTZO MO'I PHYAG G-YAS SU BZHES PA'I SHING TOG GI 'BRU GCIG LAS DBYANGS CAN MA DMAR MO ZHIG THON BYUNG BA DES, GTZO MO'I PHYAG NAS SHING TOG SNOD DANG BCAS PA BLANGS TE RJE NYID LA PHUL BYUNG BA LONGS SBYAD PAS, BLO GROS NAM MKHA' MDZOD KYI SGO THOG MAR PHYE BA'I TSUL BSTAN, DE RJES LAM RIM 'BRING PO THUGS 'DZIN MDZAD NAS, ZHAG BCU SKOR SONG MTSAMS LAM RIM CHE BA ZHIG GZIGS PAS THUGS SHIN TU 'GRO BA BYUNG, DE'I NUB MO BDAG CAG GI STON PA'I SKU RI BO LTAR CHE ZHING BRJID PA LTA BAS CHOG MI SHES PA, 'OD ZER NYI MA BYE BA PHRAG BRGYA 'PHRO BA ZHIG ZHAL GZIGS SHING LAM RIM CHE BA'ANG THUGS 'DZIN MDZAD, DGUNG LO BCU BDUN BZHES PA NA BKRA SHIS LHUN POR BYON TE MTSAN NYID KYI PHYOGS LA GSAN SBYONG MDZAD PAS TSIG DON MTHA' DAG THUGS SU CHUD DE RIGS PA SMRA BA'I DBANG BOR GYUR, DGUNG LO NYER GNYIS PAR PAn CHEN DAM CHOS YAR 'PHEL GYIS MKHAN PO MDZAD DE BSNYEN PAR RDZOGS, LO DE'I STON MJUG DBUS SU BYON TE JO SH'AKA RNAM GNYIS MJAL TE RI BO DGA' LDAN DU BYON, MKHAS MANG TSOGS PA'I DBUS SU DAM BCA' 'JOG PAR MDZAD PAS MKHAS PA'I GRAGS SNYAN RGYAS, SGOM BDE NAM MKHA' RGYAL MTSAN GYI DRUNG DU BDE DUS DGYES GSUM SOGS KYI DBANG LUNG MAN NGAG MANG DU GSAN, SRAD RGYUD DU RGYUD CHEN SANGS RGYAS RGYA MTSO'I
, ,DRUNG DU RGYUD SNGE BZHI'I ZUR BKA' DU MA DANG, SGRUB THABS RGYA MTSO BRGYA RTZA SOGS RJES GNANG MANG DU ZHUS, DGUNG LO SO GCIG PA LCAGS BYI LOR BKRA SHIS LHUN PO'I KHRIR PHEBS TE LUGS GNYIS KYI SGO NAS SKYONG BAR MDZAD PAS BSHAD SGRUB BSTAN PA'I BYA BA DBYAR MTSO LTAR 'PHEL, BKRA SHIS LHUN POR CHO 'PHRUL GYI SMON LAM YANG GSAR 'DZUG MDZAD, 'BRAS SPUNGS SU BYON NAS SNGA PHYIR THAMS CAD MKHYEN PA YON TAN RGYA MTSO LA DUS 'KHOR DANG, RDO RJE 'PHRENG BA'I DBANG, BSNYEN RDZOGS KYI SDOM PA BCAS RIM BZHIN STZAL, DGE 'DUN GYI 'KHRUG LONG ZHI BA'I CHED DU BKRA SHIS LHUN POR DGE 'DUN DBYEN BZLUMS KYI MCHOD RTEN BZHENGS TE ME TOG GI CHAR PHAB, DGUNG LO ZHE BZHI PA LA BKRA SHIS LHUN PO'I KHRI'I DGONGS PA ZHU BAR MDZAD KYANG DGE 'DUN MANG MAS TSOGS PHYAG DANG BCAS NAN GYIS GSOL BA BTAB PAS NGO MA BZLOG PAR ZHAL GYIS BZHES DGOS PA BYUNG, BAR SKABS SHIG RGYAL BA YON TAN RGYA MTSO ZHI BAR GSHEGS STABS DBUS PHYOGS SU DGE LUGS KYI BSTAN PA CUNG ZAD NYAMS DMA' BAR GYUR PA NA, RJE NYID NAS THUGS KHUR CHE BZHES NGOS DBUS PHYOGS SU TSAR MANG DU BYON TE SMON LAM GYI TSOGS DBU LO BCU LHAG GI RING GNANG, SER 'BRAS KYI MKHAN POR PHEBS TE RGYAL BA GNYIS PA'I BSTAN PA YAR ZLA LA 'GRAN BZOD PAR MDZAD, LCAGS PHO KHYI'I LOR MCHOG GI SPRUL PA'I SKU'I GTZUG PHUD BZHES TE MTSAN BLO BZANG RGYA MTSO'I DPAL DU GSOL, DGA' LDAN GYI KHRIR
PHEBS TE TSOGS MANG LA DAM PA'I CHOS KYI BKA' DRIN STZAL CING RGYA PHIBS LA YANG ZHIG GSO MDZAD, BKRA SHIS LHUN PO'I TSOGS CHEN LA SNGA PHYIR CHOS KYI CHAR PHAB, RGYAL DBANG THAMS CAD MKHYEN PAR YANG THUGS BZHED LTAR BKA' CHOS CI RIGS PA PHUL ZHING BSNYEN RDZOGS KYI MKHAN PO MDZAD, BAR SKABS SHIG THA'I CUNG BOG TO RGYAL POR MTSAMS ZHU ZHU BAR SE CHEN CHOS RJE MNGAGS TE BSTAN PA LA BDAG RKYEN BYED DGOS TSUL ZHUS PAS SHIN TU DGYES TE GNANG SKYES GYA NOM PA GNANG BAR MDZAD CING, DE LA BRTEN NAS SHUN TZI SOGS GONG MA NA RIM DANG RI BO DGE LDAN PA MCHOD YON DU 'BREL BAR GYUR TO, ,KU SHRI BSTAN 'DZIN CHOS KYI RGYAL POS RIGS KYI COD PAN DU BZHES TE BSNYEN BKUR DANG SRI ZHU GYA NOM PA ZHUS, 'JAM DBYANGS GONG MA BDAG PO CHEN PO NAS KYANG GSER YIG SKYES BZANG GYA NOM PA DANG BCAS GZENGS BSTOD STZAL, BSNYEN RDZOGS KYI SDOM PA STZAL PA KHRI PHRAG LNGA BRGAL BA, DE STENG DGE TSUL, DGE BSNYEN, BSNYEN GNAS BCAS KYI SDOM PA STZAL BA 'BUM PHRAG TU NYE BA MCHIS, DE LTAR DBUS GTZANG GNYIS KAR BSTAN 'GRO'I DON RGYA CHEN PO MDZAD BZHIN PA'I NGANG NAS DGUNG LO GO GSUM DANG, ZLA BA SHOL DANG BCAS BRGYA PHRAG BRGAL BA BZHES PA STAG LO HOR ZLA GNYIS PA'I TSES BCU GSUM GYI NAM STOD ZHI BAR GSHEGS PA'I TSUL BSTAN TO, ,RJE 'DI NI LUNG RTOGS KYI YON TAN MTHA' YAS PA DANG LDAN ZHING, CHUNG NGU'I DUS NAS DBEN PA KHO NA LA DGYES KYANG BSTAN 'GRO'I DON DU BSHAD SGRUB ZUNG 'BREL MDZAD, KHYAD PAR DU SKU MCHED
, ,GSUM GYI RNAM THAR BDAG GIR BZHES TE GTZUG LAG KHANG DANG SKU GSUNG THUGS KYI RTEN BZHENGS PA DANG, DE DAG GI DRUNG DU GTZANG ZHING GYA NOM PA'I MCHOD PA'I TSOGS DPAG TU MED PA 'BUL BA DANG, DGE 'DUN GYI SDE MTHA' YAS PA LA PHOGS DANG JA TSUL DANG MANG 'GYED SOGS KYIS BSNYEN BKUR BAR MDZAD DE DUS MTHAR RGYAL BA'I BSTAN PA LA BKA' DRIN MCHOG TU CHE'O, ,LEGS PAR BSHAD PA'I RTZOM PA RNAMS KYANG MDO RGYUD BSTAN BCOS KYI DGONGS PA DANG MTHUN ZHING TSIG DON ZAB LA 'KHYER BDE BAS MTHA' DBUS THAMS CAD DU YI GE DRUG PA'I GZUNGS LTAR KHYAB PO, ,GSUNG LAS SKYES PA'I SLOB MA'ANG PAD DKAR 'DZIN PA'I MCHOG GI SPRUL PA'I SKU SNGA PHYI GNYIS DANG, BLA MA DGE BA'I BSHES GNYEN SOGS MCHOG DMAN BAR MA'I SKYE BO SA CHEN PO'I DREG PA LA CO 'DRI BAR BYED DO, ,'DIR MANGS PAS 'JIGS TE MDOR BSDUS PA'I TSUL GYIS BRJOD PA STE RGYAS PAR SHES 'DOD NA RJE RANG NYID KYIS MDZAD PA LAS RTOGS PAR BYA'O, ` ,BCU GNYIS PA PAn CHEN THAMS CAD MKHYEN PA BLO BZANG YE SHES DPAL BZANG PO NI, GTZANG THOB RGYAL DU BRUL TSANG ZHES PAR MTHON PO'I RIGS SU CHU MO YOS LA 'KHRUNGS, PAn CHEN GONG MA'I YANG SRID YIN PAR NGES 'DRONGS SKYES NAS DGUNG LO DRUG PA'I STENG DU LNGA MCHOD CHEN MO'I NYIN DGE 'DUN KHRIR NYE BA'I SER SBRENG DANG BCAS BKRA SHIS LHUN POR SPYAN DRANGS, DGA' STON RGYA CHER BYAS, SLOB DPON BLO BZANG BSTAN 'DZIN BSTEN NAS LJAGS KLOG BSLABS PAS
TSEGS MED DU MKHYEN CING CHOS SPYOD DANG BSKANG GSO SOGS THUGS 'DZIN MDZAD, DGUNG LO BRGYAD PA'I TSE DBUS SU BYON TE RGYAL BA NGAG DBANG BLO BZANG RGYA MTSO'I ZHABS DRUNG DU DGE TSUL GYI SDOM PA BZHES, MTSAN BLO BZANG YE SHES ZHES GSOL, 'JIGS BYED BCU GSUM MA'I DBANG SOGS CHOS BKA' CI RIGS GSAN, BKRA SHIS LHUN POR BYON TE TSOGS CHEN GYI KHRI KHAR GDAN DRANGS NAS GSUNG CHOS KYI 'BREL BA STZAL, DGUNG LO BCU GCIG NAS BZUNG STE RE ZHIG GI BAR ZUR BZHI'I SLOB DPON RNAMS KYIS ZHABS PHYI ZHUS NAS BGRO GLENG MDZAD, YOS LOR CHO 'PHRUL GYI SMON LAM CHEN MO'I TSOGS DBUR BYON TE BSNGO BA MDZAD PAS THAMS CAD YID TSIM, SLOB DPON SNGA MA DE GSHEGS PA'I STABS GTING SKYES TSOGS GSOG PA BLO BZANG CHOS GRAGS KYIS ZHABS BSKUL ZHU BA PO MDZAD DE MTSAN NYID KYI PHYOGS LA THUGS GNYER GNANG, DGUNG LO BCU BDUN PAR DBUS SU BYON, RGYAL DBANG THAMS CAD MKHYEN PAR YI DAM LHA DU MA'I RJES GNANG ZHUS, BSDUS GRVA RDZOGS NAS RNAM 'GREL LA SBYANGS PA MTHAR PHYIN PA MDZAD, STAG LUNG PA DKA' BCU BSOD NAMS GRAGS PA YONGS 'DZIN DU BSTEN TE ZAB MO DBU MA'I GZHUNG LUGS LA SBYANGS, RDO RJE 'DZIN PA DKON MCHOG RGYAL MTSAN PA'I DRUNG DU GSANG 'DUS MI BSKYONG PA SOGS KYI DBANG DANG; KHRID DU MA, CHOS SKYONG RNAMS KYI RJES GNANG BCAS GSAN, DNGUM RDZOGS NAS SH'ANTI PA'I YIG CHA'I STENG NAS PHAR PHYIN DANG, DE RDZOGS NAS 'DUL BA LA THUGS GNYER GNANG, SLAR YANG RDO RJE 'DZIN PA DKON MCHOG RGYAL MTSAN PA'I DRUNG DU 'JIGS BYED
, ,LHA BCU GSUM MA'I DBANG SOGS DANG, MGON PO BKA' BCU GSUM GYI RJES GNANG SOGS GSAN, DE NAS ZLA BA BCU GCIG PA'I TSES BCU GSUM LA GNAS BRTAN 'DUL BA 'DZIN PA DKON MCHOG RGYAL MTSAN PAS MKHAN SLOB SBRAGS MA MDZAD DE BSNYEN RDZOGS KYI SDOM PA BZHES, DGE BA'I BSHES GNYEN CHEN PO BSOD NAMS GRAGS PA'I DRUNG DU SNGA PHYIR GSANG 'DUS RIM LNGA'I KHRID YIG ,BE'U BUM SNGON MO'I 'GREL PA, CHOS CHUNG BRGYA RTZA'I LUNG SOGS GSAN, SLOB DPON BLO BZANG MGON PO'I DRUNG DU 'GREL PA BZHI SBRAGS KYI BSHAD LUNG SOGS GSAN, DRUNG PA BRTZON 'GRUS RGYAL MTSAN PA'I DRUNG DU PHYAG CHEN DANG GCOD KYI KHRID LUNG GSAN, BKRA SHIS LJONGS PA HOR DKA' CHEN BLO BZANG DON GRUB KYI DRUNG DU MI TRA BRGYA RTZA'I DBANG, KUN RIG GI DBANG SOGS DBANG DU MA, SGRUB THABS BRGYA RGYAM DANG SNAR THANG BRGYA RTZA'I RJES GNANG, DE DAG GI RANG GZHUNG GI LUNG, PHAG DKAR SHES RAB GSAL BYED SOGS ZUR BKA'I RJES GNANG DU MA, BKA' 'GYUR GYI LUNG, BSTAN 'GYUR GYI KHROD NAS GZHUNG DU MA'I LUNG SOGS GSAN, RIG BYED PA RJE DRUNG BLO BZANG NOR BU LAS SNYAN NGAG GI GSAN SBYONG MDZAD, RDO BCAL DU TSOGS PA LNGA STONG TZAM LA GRUB RGYAL LUGS KYI TSE DBANG STZAL, GZHAN YANG DON GNYER BA RNAMS LA 'DOD CHOS KYI CHAR PHAB, DGUNG LO SO GNYIS BZHES PE'I SKABS PA'I CING MI SNA PHYIR 'KHOR BA'I GDONG GNAM BSKOS 'JAM DBYANGS GONG MA CHEN PO BDE SKYID RGYAL PO NAS RGYA NAG TU 'BYON DGOS TSUL
GYI GSUNG GNANG BAR, 'BRUM PA MA THAR BA'I GNAS TSUL DANG BCAS DGONGS KHROL ZHU CHED ZHU YIG RTEN LDAN 'BUL BA GNANG, DGUNG LO SO BZHI PAR THOS BSAM GLING DPON SLOB 'JAM DBYANGS CHOS 'PHEL GYIS BSKUL NAS LAM GYI GTZO BO RNAM GSUM GYI RNAM BSHAD TSIG DON PHUN SUM TSOGS PA ZHIG MDZAD PAS MKHAS PA THAMS CAD YID RANGS PAR GYUR, RGYAL DBANG MCHOG GI SPRUL SKU DGE TSUL DU BSGRUBS NAS MTSAN BLO BZANG RIN CHEN TSANGS DBYANGS RGYA MTSO ZHES GSOL, SNGA PHYIR BKRA SHIS LHUN PO'I TSOGS CHEN DU DAM TSIG GSUM BKOD KYI DBANG, SNAR THANG BRGYA RTZA'I RJES GNANG, PO TI LNGA'I RTZA BA'I LUNG DANG, KUN RIG DANG TSE DPAG MED LHA DGU'I DBANG, LAM RIM CHEN MO'I BSHAD LUNG BCAS STZAL, RGYAL PO LHA BZANG GI BZHED PA LTAR RGYAL DBANG MCHOG GI SPRUL PA'I SKU BSNYEN PAR RDZOGS TE MTSAN NGAG DBANG YE SHES RGYA MTSO ZHES BTAGS, DPA' GCIG DANG GDUGS DKAR GYI DBANG SOGS CHOS BKA' CI RIGS STZAL, MCHOD YON LHAN CIG SER 'BRAS GNYIS SU PHEBS TE DON GNYER PA RNAMS KYI RE BA SKONG BAR MDZAD, DE'I RJES SU GONG MA CHEN PO'I BKAS MNGAGS PA'I MI DRAG RNAMS DANG MTSO SNGON DPON KHAG SOGS NAS RGYAL BA TSANGS DBYANGS RGYA MTSO'I MCHOG SPRUL PO TA LAR SPYAN DRANGS SKABS RJE 'DIS RAB BYUNG DANG DGE TSUL GYI SDOM PA PHUL ZHING MTSAN BLO BZANG SKAL BZANG RGYA MTSO ZHES GSOL, LAM RIM CHEN MO'I LJAGS LUNG DANG 'JIGS BYED DPA' GCIG GI DBANG GNANG, DGUNG LO NGA GCIG PA'I SKABS 'JAM DBYANGS GONG
, ,MA CHEN PO NAS GSER YIG STZAL BAR, PAn CHEN 'PHAGS PA KHYED KYIS SKYE BA GONG MA NAS TZONG KHA PA'I BSTAN PA LA BRTZON PAS DRANG PO'I SEMS RTZE GCIG GIS BLA MA'I TSUL BTZUN POR BZUNG, NGAS DGE LUGS KYI BSTAN PA 'PHEL BA DANG, 'GRO BA RNAMS LA BDE SKYID MTHAR PHYIN PA'I BSAM PA RNAM DAG DANG MTHUN PA'I THUGS BRTZON LEGS PA BYUNG TSUL GYI GZENGS BSTOD DANG, YIG RIGS GSUM BRKOS SU YOD PA'I GSER SAM 'JA' SA DANG, BKA' YIS BKUR BA'I PAn CHEN AER TE NI'I THAM GA ZHES PA KHA RIS SU YOD PA'I GSER GYI THAM GA CHE BA BCAS SKYEL BAR JA SAG BLA MA DGE LEGS CHOS 'PHEL CAN 'BYOR, LEGS 'BUL GYI MTSAMS ZHU 'BUL MI RDZOD STA MDZAD, YONGS 'DZIN BSOD NAMS GRAGS PA'I ZHAL CHEMS BZHIN TSOGS CHEN DU DGRA NAG DANG GSHED DMAR LHA BCU GSUM GNYIS KYI DBANG GNANG, RGYAL DBANG THAMS CAD MKHYEN PAR BSNYEN RDZOGS KYI SDOM PA PHUL, RJE LCANG SKYA ROL PA'I RDO RJE MCHOG GI SPRUL PA'I SKU LA YANG BSNYEN RDZOGS KYI SDOM PA STZAL TE MTSAN YE SHES BSTAN PA'I SGRON ME ZHES STZAL CING BKA' CHOS CI RIGS GNANG, DE SKABS DBUS GTZANG DU DUS DBANG GIS 'PHO 'GYUR MANG DU BYUNG YANG, RJE 'DI'I MDZAD PA 'PHRIN LAS NI SHING BSNAN PA'I ME LTAR GYUR TE RGYAL PO LHA BZANG, JUN GAR TSE RING DON GRUB, PE'I SI B'A DUR DA'I CHING, MI DBANG BSOD NAMS STOBS RGYAS RNAMS KYIS GTZUG RGYAN DU MCHOD DE BSNYEN BKUR DANG SRI ZHU TSAD MED PA BSGRUB PAR
MDZAD, DGUNG LO RE DRUG PA SA PHO SPRE'U'I LOR DBUS GTZANG GI DUS ZING THAG CHOD MTSAMS LAS DON DBYE 'BYED DU GONG NAS AA LI HA AAM PAN GCIG DANG ME RIN TZANG KI BCAS DPON KHAG CHE CHUNG NYI SHU SKOR 'BYOR TE MI DBANG PHO LHA NAS BSOD NAMS STOBS RGYAS KYIS BOD KYI SRID SKYONG MDZAD PA'I MGO TSUGS SKABS, GONG MA'I MI DRAG RNAMS NAS GONG MA BDAG PO CHEN PO'I BKA' LAS, GAM PA LA NAS GANGS TI SE BAR PAn CHEN AER TE NI'I MCHOD GZHIS SU STZAL PA YIN ZHES BKA' BSGYUR BYUNG BAR, RJE RANG NYID SKU NA SMIN PAS MI SER MANG PO'I KHA 'DZIN MI LCOGS PAR MA ZAD, DGON PA 'DZIN SKYONG GI CHA RKYEN MCHOD GZHIS SNGAR YOD KYIS PHYIN CHAD KYANG 'DENG TZAM BYUNG NA DE RIGS ZHU 'DOD GTAN NAS MED TSUL ZHUS PAR, YANG BSKYAR NAN CHAGS KYIS MOL BYUNG BAR YUL DUS GNAS SKABS DANG BSTUN SRID SKYONG LA GROS BSDUR NGOS PHUN TSOGS GLING, LHA RTZE, NGAM RING, RDZONG KHA, SKYID GRONG, MNGA' RIS SKOR GSUM BCAS ZHU RGYUR THAG BCAD DE BKA' DRIN CHE TSUL GYI LAN YANG 'BUL BA MDZAD, RJE 'DIS BSTAN 'GRO'I DON RLABS CHEN MDZAD PA'I TSUL NI RNAM THAR CHEN MOR GSAL ZHING BSNYEN RDZOGS MDZAD PA'ANG KHYON GCIG TU BSDOMS NA CHIG KHRI DRUG STONG BRGYAD BRGYA GO GSUM, DGE TSUL CHIG KHRI SUM STONG SUM BRGYA BRGYAD CU, DGE BSNYEN BZHI BRGYA BCU BZHI BCAS BYUNG 'DUG GO ,DE LTAR GZHAN DON RGYA CHEN PO MDZAD CING SKU DNGOS KYI GDUL BYA RDZOGS NAS DGUNG LO DON LNGA BZHES PA ME SBRUL LO'I HOR ZLA BRGYAD PA'I TSES LNGA'I
, ,NYIN GZIGS SKU'I BKOD PA CHOS DBYINGS SU BSDU BAR MDZAD DO, ,DE LTAR NA SKU TSE SNGA MA RNAMS KYI RNAM PAR THAR PA BRJOD ZIN TO, ,SMRAS PA, RNAM PAR RTOG PA'I RTZOL BA DANG BRAL YANG, ,SPRUL PA'I SPRIN GYIS 'JIG RTEN KUN 'GENGS PA, ,GANG 'DIS MGON KHYOD BSNYEMS PAR MI 'TSAL TE, ,STOBS BCU MNGA' BA KUN GYI RANG BZHIN NYID, ,'ON KYANG THUB PA KUN GYIS YONGS SPANGS PA'I, ,MI BZAD SNYIGS MA'I 'GRO RNAMS GDUL BA'I PHYIR, ,SPRUL PA'I PHRENG BA RIM PAR BYON PA YIS, ,RGYAL BA KUN LAS LHAG CES BDAG GIS BSTOD, ,YE SHES RANG BZHIN SPRUL PA'I 'KHOR LO NI, ,BRTAN G-YO KHYAB PAR SPRO BA'I NGO MTSAR GTAM, ,CHU THIGS TZAM ZHIG BRJOD PA'I ROL MO YIS, ,PHYOGS KUN RAB DGA'I 'DZUM DKAR CI YANG SPRO, ,ZHES BYA BA NI BAR SKABS KYI TSIGS SU BCAD PA'O, ,DA NI BKA' GDAMS GLEGS BAM LAS, KYE RANG RGYUD THA RGOD THUL BA YI, ,KHONG DGE SLONG DPAL LDAN KHUR BA'I PHYIR, ,ZHES MTSAN SGRA DANG BCAS GSAL BAR LUNG BSTAN PA'I SPRUL SKU BCU GSUM PA RJE BLA MA THAMS CAD MKHYEN PA BLO BZANG DPAL LDAN YE SHES DPAL BZANG PO'I RNAM PAR THAR PA BRJOD PAR BYA STE, DE YANG RJE 'DI NYID GANG DU 'KHRUNGS PA'I GNAS NI, GTZANG GI SA'I CHA MKHAS GRUB KHYUNG PO RNAL 'BYOR SOGS SKYES CHEN DAM PA RNAMS KYI ZHABS KYIS BCAGS SHING BYIN GYIS BRLABS PA'I GNAS, SHANGS ZHES BYA BA'I NANG TSAN BKRA SHIS RTZE ZHES PA YIN NO, ,YAB NI THANG LHA BYA BA DPA' MDZANGS RTUL PHOD DANG LDAN
ZHING LHAG BSAM DKAR BA ZHIG DANG, YUM NI MANG POS BKUR BA'I GDUNG BRGYUD BUD MED KYI RTEN LA G-YO SGYU CHUNG ZHING RANG BZHIN DRANG BA, BLA MA DANG DKON MCHOG LA DAD PA DANG LDAN PA SOGS YON TAN DU MAS BRGYAN PA ZHIG GO ,DE YANG RJE 'DI YUM GYI LHUMS SU 'JUG PA LA MNGON DU PHYOGS PA'I TSE, BSAM YAS TZI'U DMAR PO THOG BABS SU BYON NAS MI RJE PHO LHA NAS LA RJE 'DI'I YAB KYIS KHYOD RANG LA PHAN THOGS PAR 'GYUR RO ZHES LUNG BSTAN, YAB KYI MNAL LAM DU KHONG RANG DPON G-YOG BCU TZAM BYANG DU SO LTA BAR 'GRO YIN 'DUG PA LA, PHYOGS GCIG NA RI RTZE LNGA PA DKYIL MA MTHON PO GCIG 'DUG PAR 'DI NA NGA'I BU ZHIG YOD SNYAM PA BYUNG, YANG LAN GCIG GSER DNGUL SHEL GSUM LAS GRUB PA'I MCHOD RTEN GZI 'OD DANG LDAN PA ZHIG RMIS, YUM GYI MNAL LAM DU RJE BLO BZANG YE SHES KYIS TSE BUM ZHIG GNANG BYUNG BA PHYAG TU BZHES PAS TSE RIL DKAR KHA DVANGS PA GSUM DU GYUR PA ZHIG RMIS, LHUMS SU ZHUGS PA'I SKABS SU BKRA SHIS RTZE'I PHYOGS KUN NAS 'JA' SPRIN SHIN TU LEGS PA NAR MAR 'CHAR BA DANG, KHYAD PAR DU DUS CHEN BZHI LA TSON GYIS BRIS PA LTAR KHA DOG SNA TSOGS PA'I 'JA' TSON KYANG RTAG TU SHAR, 'JAM DBYANGS ME TOG RKANG RE LA MGO LNGA SBREL YOD PA DANG, GANG BU LNGA SBREL DANG, SNYE MA MGO GSUM YOD PA RNAMS BYUNG, GZHAN YANG PHYOGS DE'I MI RNAMS KYANG, RANG BZHIN GYIS SPRO DGA' DANG LDAN PAR GYUR TE RKANG BRO GLU GZHAS SOGS KYIS DUS 'DA' BAR GYUR, YAB YUM DE GNYIS KYI SRAS SU RAB BYUNG BCU GNYIS
, ,PA'I NANG TSAN LEGS SBYAR GYI SKAD DU K'A LA D'U TI, STOD 'GREL LAS DUS KYI PHO NYA ZHES PA LJONGS 'DIR DBANG THANG DANG BSTUN SA PHO RTA'I LOR 'BOD PA'I HOR ZLA BCU GCIG PA'I TSES BCU GCIG ,GZA' SPEN PA, DUS TSOD NYI SHAR LA KHYE'U KHA DOG DKAR ZHING DBYIBS LEGS PA, LTA NA SDUG PA, LUS CAN MTHA' DAG GI 'DREN BYED KYI DGA' STON DU GYUR PA ZHIG NGO MTSAR BA'I LTAS DU MA DANG BCAS SKU BLTAMS SO, ,'DIR SMRAS PA, MTSAN DPE'I CHA SHAS RDZOGS PA'I ZLA BA ZHIG ,RIGS LDAN MNGAL GYI CHU 'DZIN LAS THON TE, ,GANGS CAN MKHA' DBYINGS MDZES PAR GYUR PA NA, ,PHAN BDE'I KU MUD DGA' TSAL MGO LCOG LTEM, ,LHAG MA CAN NI MI NGAL ZHING, ,RI BO DAG NI MA BSGRIL LA, ,BDUD RTZI'I CHU GTER MA BSRUBS PAR, ,RI BONG CAN 'DI SU YIS BSKRUN, ,SGRA GCAN DAG GIS MI BRDZI ZHING, ,MAR GYI NGO LA 'GRIB PA MED, ,RA RI'I DRI MA DANG BRAL BA, ,'DI NI SNGON MED ZLA BA LAGS, ,ZHES BYA BA NI RJE BLA MA SRID ZHI'I GTZUG RGYAN PAn CHEN THAMS CAD MKHYEN PA BLO BZANG DPAL LDAN YE SHES DPAL BZANG PO'I ZHAL SNGA NAS KYI RNAM PAR THAR PA NYI MA'I 'OD ZER LAS, SKU BLTAMS PA'I LE'U STE DANG PO'O,, ,,DE NAS YUL LUGS DANG MTHUN PAR BTZAS STON SOGS RGYA CHER BYAS TE MTHUN PA'I YO BYAD DU MA DANG BCAS GCES PAR BSKYANGS PAS RDZING NA GNAS PA'I PADMO BZHIN DU BSKYED BSRING BAR GYUR TO, ,DE NYIN NYI 'OD DANG 'GROGS NAS 'JA' TSON KHA DOG SNA LNGA PA ZHIG KHANG PA'I NANG DU ZUG ,YANG KYI ZHAL NAS, NYI MA RTZE SHAR DANG MNYAM DU BU SKYES,
KHYIM GYI NANG 'BRUS KHENGS, NYI MA SHAR BA LA DE RING LAS DRO BA DANG, GTAM THOS PA LA DE RING LAS SNYAN PA MA BYUNG ZHES SPRO NYAMS CHEN PO MDZAD, ZHAG KHA SHAS SONG MTSAMS SKU GRIB LTA BUS MA BDE BA LA THABS GZHAN BSTEN KYANG MA PHAN PAR DGE SLONG TSE BRTAN RNAM RGYAL GYIS BYABS KHRUS 'GA' PHUL BAS MYUR DU DVANGS, DE SKABS MIG GIS MTHONG RGYU MED PA LA DRE'U'I RMIG PA BRDEB PA'I SGRA DANG, SKAD LHANG LHANG 'TSER BA KUN GYIS THOS PAS THAMS CAD NGO MTSAR ZHING HA LAS PAR GYUR PA DANG, BKRA SHIS RTZER BYA ROG DUS RGYUN ZHAG TU SDOD KYIN MED PA LA SKU MA 'KHRUNGS GONG GI SBRUL LO'I MJUG NAS BYA ROG SNUM PA GNYIS YUM BZHUGS PA'I KHANG STENG GI LHA TSUGS SU MTSAN MO'ANG NYAL BA SOGS BYUNG, CHER SKYES PA NA RTZED MO MDZAD PA YANG BYIS PA GZHAN DANG MI 'DRA ZHING, LHAG TU BKRA SHIS LHUN PO'I GRVA PA GZIGS PA NA DGYES NYAMS CHEN PO MDZAD, DE YAB KYIS MKHYEN KYANG THUGS SGAM PAS MA MKHYEN PA LTA BUR GNANG, ZLA BA GNYIS TZAM SONG BA NA PHYAG GNYIS THAL MO SBYOR BA; ZLA BA BDUN NAS AOm MA MA ZHES PA'I MA nI'I SGRA THOL BYUNG DU YANG YANG GSUNG BA, ZLA BA BRGYAD NAS DMIGS BRTZE MA ZHAL 'DON MDZAD PA BYUNG, BKRA SHIS LHUN PO'I SKYE BDUN RIL BU DANG GZHAN PHYOGS KYI BYIN RTEN RIL BU MDOG DANG CHE CHUNG 'DRA BA PHUL NA MA 'DRES PAR NGOS 'DZIN PA DANG, DE MTSUNGS DGE LUGS DANG GZHAN PHYOGS KYI GRVA PA'I NA BZA' KHA DOG MTSUNGS PA PHUL BA NA SNGA MA MA NOR BAR NGOS 'DZIN PA GNANG, 'KHRUNGS RABS THANG GA'I NANG GI GSHIN RJE'I ZHAL GZIGS
, ,PA NA GSHIN RJE GSUNG BA DANG, RJE GONG MA'I SKU BRNYAN GZIGS NAS 'DI NGA YIN GSUNG, SGROL MA'I SNANG BRNYAN GZIGS PA NA, SGROL MA SGROL MA ZHES DANG, AA TZA RA'I RI MO GZIGS PA NA BHA LA BHA LA ZHES GSUNG BA MDZAD, RGYUN PAR BYIS PA PHAL BA LTAR DU BA DANG, GLOS PHAB STE NYAL BA SOGS MI MDZAD PAR PHYAG THUGS KAR THAL MO SBYAR TE SKYIL KRUNG GI TSUL DU BZHUGS PA DANG, CHANG DRANGS PA NA MI MNYES PA'I RNAM PA STON CING NAN GYIS ZHUS PA NA SKU MI BDE BA'I RNAM PA GNANG, DBYANGS DANG ROL MO LA THUGS SHIN TU DGYES SHING RDOR DRIL DANG RNGA 'DZIN TSUL SOGS SNGON NAS BSLAB PA LTAR MKHYEN, DPE CHA DANG SHOG BU PHYAG TU BYUNG TSE KA KHA ZHES SOGS GSUNG BA DANG, RES 'GA' DPE CHA PHYAG TU BSNAMS NAS NYE 'KHOR NA MI LANGS NAS YOD PA RNAMS LA SDOD DGOS PA'I BRDA GNANG NAS RANG NYID KYIS CHOS STON PA'I TSUL MDZAD, LHA MO'I SKU THANG SNYAN DAR GYIS BSGRIBS NAS YOD KYANG LHA MO GANG DU YOD CES ZHUS NA LHA MO'I SKU THANG GANG YIN LA PHYAG MDZUB 'DZUGS PA GNANG, BKRA SHIS RTZE'I MGON KHANG DU BSKANG GSO BA RNAMS KYI RTZAR BYON NAS DE DAG DANG MNYAM DU BSKANG GSO GTONG BA'I STANGS KA MDZAD PA SOGS BYIS PA THA MAL BA'I SPYOD TSUL RGYANG RING DU BSRINGS TE CHOS 'CHAD PA; TING NGE 'DZIN BSGOM PA, ROL MO DKROL BA, CHOS SKYONG LA BSTOD BSKUL MDZAD PA SOGS KYIS DUS 'DA' BAR GYUR TO, ,SKABS DER RJE NYID KYI PHU BOR GYUR PA LA DVAGS SA SKYONG GI SRAS HE MI SPRUL SKU LHA SAR PHEBS SKABS YAB YUM GNYIS
KYANG 'BYON DGOS PA BYUNG STE PHEBS CHAS SOGS BSGRIGS PA NA, DE'I SNGA GONG TZAM DU RJE 'DI'I ZHAL NAS RTA RTA ZHES GSUNG BAS, DER YUM NA RE, BYIS PA LA MNGON SHES YOD ZER BA BDEN PA 'DRA, AO LO 'DI KHA SANG NAS RTA RANG ZER GYIN 'DUG CES GSUNG BA LHA SAR 'GRO RGYU 'DI MKHYEN PA'I BRDA YIN 'DUG GSUNG, PHEBS RGYU'I CHED MGON KHANG DU MJAL BA NA NGO MTSAR BA'I LTAS DU MA BYUNG, PHEBS KAR GOS CHEN LJANG GU'I LVA BA DANG, BU LA GAN GYI DBU ZHVA GSAR DU BZOS TE PHUL BA NA GSOL DU MA BZHED, NAN BYAS PA NA SPYAN CHAB GTONG BA SOGS GTAN NAS MI MNYES PA'I RNAM PA GNANG, DA LAM THAG RING DU PHEBS PA LA NA BZA' 'DI MA BZHES NA SKU MNYEL BAR 'DUG PA CI DRAG CES MOL BSDUR MDZAD PA NA, BTZUN MA YE SHES NA RE, 'DI ZHVA MO GZHAN LA THUGS BZHED MI 'DUG ,DGE SLONG GI PAn THUNG DE LA DGYES TSOR CHEN PO GNANG GI 'DUG PAS DE 'DRA ZHIG BZOS NA BYAS PAS, GZHAN MA RNAMS NA RE, DE 'DRA BYAS NA MNGON CHE BAS MI 'GAB ZER BA YAB YUM GYI THUGS LA BABS NAS SNAM BU SER PO'I ZHVA MO ZLUM PO ZHIG DANG GOS CHEN SER PO'I NA BZA' PHUL BA NA BZHAD MO MDZAD CING THUGS DGYES PAR GYUR, LHA SAR PHEBS SKABS NAM MKHA'I DBYINGS SU SPRIN SRAB MOR 'KHRIGS PA LAS KHA DOG SNA LNGA PA'I ME TOG GI CHAR BABS PAS RTEN 'BREL PHUN SUM TSOGS PA BYUNG, DER CHER MA 'GYANG BAR YAB YUM GNYIS DANG BCAS GTZANG DU BYON, BAR SKABS SHIG BKRA SHIS RTZE'I KLU SDINGS 'DOD DGU GLING GI GYANG SKOR STENG NAS 'OD DPAG MED KYI SKU BRNYAN GCIG
, ,RNYED PA 'BRAL SPANGS SU MDZAD DE, GSOL BA BZHES TSE SKU DE STEGS MTHON PO'I KHAR BZHAG NAS ZAS KYI PHUD MCHAG PAR 'BUL ZHING MGON KHANG GI LHA MO'I SKU LA'ANG 'BUL BAR MDZAD, YANG NYIN GCIG 'DOD DGU GLING GI DBANG PO LAG PA ZER BA'I SHING SDONG CHE BA ZHIG DANG KLU KHANG RDZING BU DANG BCAS YOD PA'I SAR PHEBS PAN RDZING BU DER SNGAR SBAL BA RE GNYIS LAS MED PA LA, SKABS DER SNGAR MTHONG MA MYONG BA'I SBAL BA DKAR PO SER PO DMAR PO GSUM DANG, KHRA BO GSUM BCAS BCU SKOR ZHIG RDZING NANG DER YOD 'DUG PA RJE 'DI NYID DANG NYE BAR 'ONGS TE, DE'I NANG NAS SBAL BA DKAR PO ZHIG YOD PA DE RKANG PA GNYIS SA LA BTZUGS, LAG PA GNYIS KYIS CHOS 'CHAD DANG SA GNON GYI PHYAG RGYA LTA BU BYAS TE MIG GIS RJE NYID KHO NA LA BLTA BAR BYED, SBAL BA GZHAN KHA SHAS NAS KYANG 'DUD PA'I RNAM PA BYED PA LA, AA LCE SGROL MA NA RE, DE RING GI SBAL BA 'DI RNAMS 'U CAG TSO'I MA RED, AO LO'I YIN PA 'DUG ZER, PHYIS MGRON GNYER DANG YE SHES CHOS 'DZOM NAS SBAL BA DE TSO JI LTAR YIN ZHUS PAS, DKAR PO CHE BA DE DUNG SKYONG YIN, GZHAN MA RNAMS DE'I 'KHOR YIN PAR 'DUG CES GSUNG, DE LTAR SKU NA PHRA MO'I DUS SU YANG BYIS PA PHAL BA'I SPYOD PA MTHA' DAG LAS NI RGYAB KYIS PHYOGS, DAD PA DANG GTONG BA DANG RANG BZHIN GYIS YID GZHUNG BA SOGS YA RABS KYI SPYOD PA DU MAS NI MDZES, RTEN LA MCHOD PA 'BUL BA DANG, PHYAG 'TSAL BA DANG, GSANG SNGAGS ZAB MO'I BZLAS BRJOD MDZAD
PA SOGS DAM PAS BSNGAGS PAR 'OS PA'I RNAM PAR THAR PA DRI MA MED PA LA GCIG TU GZHOL BAR GYUR TO, ,GANG ZHIG SRID PA GSUM GYI MCHOD SDOD KHYOD, ,SNYIGS DUS 'GRO LA BDE LEGS SBYIN PA'I PHYIR, ,GSAL BAR BYON TSE SEMS MED 'DI RNAMS KYIS, ,'DUD PAR BYED NA GZHAN RNAMS SMOS CI 'TSAL, ,PHAN BDE'I GNYEN GYUR RGYAL BA'I MYU GU 'DIS, ,DKAR PHYOGS RGYAL MTSAN BSGRENG BAR BYED DO ZHES, ,MKHAR NYAL TSOGS RNAMS DGA' BA'I GLU LEN CING, ,YA MTSAN LTAS KYIS BAR SNANG 'GENGS LA BRTZON, ,NA TSOD PHRA MO'I SBUBS RGYA MA GROL KYANG, ,DAM PA'I SPYOD TSUL DBYANGS SNYAN SGROGS PA YIS, ,RGYAL SRAS KA LA BINGGAR DES RNYED NAS, ,SKYE RGU 'DI KUN KHYOD BA SNGAGS BRJOD PAS BREL, ,DE NAS BKRA SHIS LHUN PO NAS BDAG 'DZIN JI LTAR MDZAD PA'I TSUL NI, RJE GONG MA GSHEGS PA'I TSUL BSTAN SKABS GSOL DPON RAB BRTAN PA DANG, 'TSO BYED DGE 'DUN DON GRUB GNYIS NAS GSOL BA BTAB PA NA, YANG SRID PHEBS RGYU'I GSUNG GI ZUR PHRA MO STZAL 'DUG PA DANG, SKU GSHEGS NAS CHER MA SOD PA'I SKABS SHIG ,MI DBANG BSOD NAMS STOBS RGYAS NAS LA MO CHOS SKYONG CHEN PO JO BO'I DRUNG DU SPYAN DRANGS TE YANG SRID KYI SKOR ZHUS SKABS, CHOS SKYONG GI ZHAL NAS, SLAR YAL GA'I RI DVAGS BGRANG BYA TSUN, ,GDONG LNGA YIS BTEG PA'I STENG NYID DU, ,BSTAN 'GRO YI PHAN BDE SPEL PHYIR DU, ,SKYON DRI MAS MA GOS MTSAN DPE'I SKU, ,SNYAN 'GYUR GYI NYAMS LDAN TSANGS PA'I DBYANGS, ,RA RI YIS MA GOS NUS LDAN THUGS, ,DE 'BYUNG MI NANG YIS KHAG THEG BYA, ,ZHES
, ,BYA LO TSUN DU MI 'JIGS SENG GE'I KHRI LA MNGA' GSOL RGYU'I LUNG BSTAN GSAL PO GNANG, MTSO SNGON JAD TZI WANG NAS PAn CHEN RIN PO CHE'I MCHOG SPRUL MYUR DU PHEBS YONG MIN BLO THAG CHOD PA ZHIG GNANG DGOS ZHES RGYAL DBANG THAMS CAD MKHYEN PAR ZHUS PAS, PHYIR PHEBS SU DED NAS KYANG GSOL 'DEBS NAN TAN BGYID CING KHYED CAG RNAMS KYIS KYANG GSOL BRTZE GCIG TU THOBS, YUN MI RONG BAR MCHOG GI SPRUL SKU'I ZHAL MJAL BA'I SKAL BA YOD CES STZAL; DE MTSUNGS ME RIN TZANG KI DGE 'DUN CHOS 'PHEL NAS KYANG ZHUS PAR 'KHRUL BRAL GSAL DVANGS PHEBS PA'I BKA' LUNG GNANG BAR BRTEN, MGRON GNYER SA KHUD PA BLO BZANG BRTZON 'GRUS NAS KHUR BLANGS TE YANG SRID 'KHRUL BRAL MYUR DU GSAL PHYIR BKRA SHIS LHUN PO SOGS DBUS GTZANG GI CHOS SDE RNAMS SU MANG 'GYED GYA NOM PA BSTAB STE RIM GRO'I TSOGS DPAG TU MED PA DANG, SKU GSUNG THUGS KYI RTEN GSAR DU BZHENG BA DANG, LHA KHANG RNAMS SU MCHOD PA'I TSOGS MTHA' YAS PA 'BUL BA SOGS RGYA CHER BSGRUBS TE PHYOGS DANG PHYOGS MTSAMS RNAMS SU RTZAD GCOD GNANG BA NA, BKRA SHIS RTZER BYIS PA YA MTSAN PA ZHIG 'KHRUNGS 'DUG CES GSAN TE BDEN MIN MI MNGON PA'I TSUL GYIS BRTAG ZHIB BYAS PAS BDEN PAR GO NAS, DE'I GNAS TSUL MI DBANG CHEN PO'I SNYAN DU ZHU BAR MDZAD PAS MI DBANG MCHOG NAS DE LTAR NA MI GO CHOD CIG DANG BCAS SKU'I NYER SPYAD RNAMS KHYER NAS NGOS 'DZIN MDZAD BCUG NA LEGS TSUL PHEBS PAR BRTEN, MGRON GNYER
SA KHUD PA BLO BZANG BRTZON 'GRUS TSA CHU'I 'PHROD BSTEN LA KHA G-YAR TE BKRA SHIS LHUN PO NAS LCAGS PO SPRE'U'I LO ZLA BA BDUN PA'I GNAM GANG GI SNGA CHAR THON PA NA GZIMS KHANG GI LTAG SGO'I 'GAG TU SA LUNG MI TSAN GYI GRVA PA RTZVA DUR BA DANG GDING BA BSNAMS PA ZHIG DANG 'PHRAD PAS DUR BA BKRA SHIS PA'I RDZAS YIN PA DANG, GDING BA RAB BYUNG GI STAN DU SONG GSHIS RTEN 'BREL LEGS PAR GO ,DE NAS MGRON GNYER SHAR RGYAG RGYA MTSO CHU TSAN DU PHYIN TE 'PHROD BSTEN BYAS NAS TSUR LAM ZLA BA BRGYAD PA'I TSES BCU GNYIS KYI NYIN BKRA SHIS RTZER 'BYOR TE, DE'I SANG NYIN GZA' SKAR PHUN SUM TSOGS PA'I NYI SHAR LA MGRON GNYER GYIS MJAL KHA ZHUS, DE GONG TZAM DU THUGS DGYES NYAMS CHEN PO GNANG NAS BLO BZANG GRAGS PA BLO BZANG GRAGS PA ZHES YANG YANG GSUNG, DE NAS RJE GONG MA'I THUGS DAM GYI RTEN SGROL DKAR GYI SNANG BRNYAN, 'DUL PA'I LAS CHOG ,PHYAG DRIL RDOR BCAS, PHYAG PHRENG, MCHOD ZHAL BCUD LDAN RNAMS DNGOS DANG BTAGS PA GNYIS PHUL BA NA, DNGOS GANG YIN MA NOR BAR TSAM TSOM MED PAR BZHES SHING MGRON GNYER GYI CHOS MING NAS GSAL BOR 'BOD PA GNANG BAS KHONG BA YID CHES KYI DAD PA THOB CING TSUR 'KHOR NAS MI DRAG RNAMS LA RGYU MTSAN ZHIB RGYAS MOL, MGRON GNYER SA KHUD PA NAS DE'I GNAS TSUL RNAMS GZHUNGS MCHOD YON GYI SNYAN DU 'BUL BA DANG LA MO CHOS SKYONG CHEN POR YANG LUNG GSAL ZHU BA'I CHED LHAN GZHIS KA LHUN GRUB RAB BRTAN GYI GNYER BA DPAL 'BYOR RGYAL MTSAN RDZONG STA MDZAD PA LHA LDAN DU ZLA BA BRGYAD
, ,PA'I TSES BCU DGU'I NYIN 'BYOR TE MCHOD YON GYI SNYAN DU PHUL BAR, MI DBANG MCHOG NAS CHOS SKYONG CHEN POR LUNG BSTAN ZHU RTZIS MDZAD DE LA MO DANG DPAL LHA LCOG GNYIS GANG LEGS ZHUS PAS, LHA DANG MKHA' 'GRO 'DU ZHING BKRA SHIS PA'I GNAS DGA' LDAN KHANG GSAR LEGS ZHES GSUNGS NAS, ZLA BA BRGYAD PA RJES MA'I TSES GNYIS KYI NYIN GZA' SKAR PHUN SUM TSOGS PA LA DGA' LDAN KHANG GSAR GYI STENG DU STAG SHAR GO MTSON THOGS PA BCU PHRAG LNGA TSAR DU DNGAR ZHING LHA BSANGS BTANG, SRAS MO BDE LDAN SGROL MA DPON G-YOG KHA SHAS KYIS RGYAN DANG CHAS GOS GZAB MCHOR SOGS RTEN 'BREL PHUN SUM TSOGS PA BSGRIGS TE RGYAL DBANG MCHOG GI SKU TSAB MGRON GNYER NGAG DBANG BLO BZANG, SRID SKYONG MI'I DBANG PO, BKRA SHIS LHUN PO NAS BTANG BA'I MI SNA TSOGS 'DZOM THOG CHOS SKYONG CHEN PO SPYAN 'DREN ZHUS TE RGYAL DBANG THAMS CAD MKHYEN PAS STZAL PA'I SGRON DAR GSOL ZHING LUNG GSAL PHEBS DGOS KYI RDO RJE'I THA TSIG BSGRAGS, BKRA SHIS LHUN PO'I MI SNAS KYANG BLA BRANG NAS PHUL BA'I DAM RDZAS SPYAN GZIGS GYA NOM PA'I TSOGS KYANG LEGS PAR BSTAR, MI DBANG NAS KYANG LUNG GSAL PHEBS PA'I RTEN 'BREL GYI 'JUG SGO GSAL CHED ME LONG DRI BRAL DAR TSON SNA LNGAS BRGYAN PA ZHIG PHUL TE, SKYABS MGON PAn CHEN THAMS CAD MKHYEN PA'I YANG SRID RIN PO CHE DBUS GTZANG KHAMS GSUM GANG NA BZHUGS KYANG GSAL BAR LUNG STON PA MA GNANG NA, BDAG SOGS RJES 'JUG
RNAMS DMUS LONG LONG KHRID MED PA LTA BUR 'DUG PAS LUNG GSAL PO PHEBS DGOS TSUL GYI ZHU BA NAN TAN DU PHUL BA NA, CHOS SKYONG CHEN PO'I ZHAL NAS, HR'I: SKYABS BSLU BA MED PA DKON MCHOG GSUM, ,YONGS 'GRO BA'I 'DREN MCHOG SPYAN RAS GZIGS, ,RJE SRID ZHI'I GTZUG RGYAN 'OD DPAG MED, ,NGAS SGO GSUM GUS PAS GTZUG TU MCHOD, ,SKYABS MTHONG BA DON LDAN SKU TSAB DANG, ,LAS LUNG ZIN SKAL LDAN SKYES BU BCAS, ,BOD LAN MANG DRIN GYIS BSKYANGS PA YI, ,STOBS 'KHOR LOS BSGYUR BA'I MI RJE DANG, ,ZHVA SER GYI RING LUGS 'DZIN PA'I SDE, ,RJE BLO BZANG GRAGS PA'I KHRI 'DZIN PA'I, ,GSUNG 'PHRIN TSIG SKYEL BA'I SKU TSAB DANG, ,BOD DBUS GTZANG MI CHEN MANG TSOGS THOG ,GNAS G-YUL LAS RNAM RGYAL PHO BRANG 'DIR, ,DA LHA RGAN RGAN PO 'BOD PA'I THOG ,RJE BLO BZANG YE SHES DPAL BZANG PO'I, ,SKU'I SKYE ZLA GAR BZHES 'DRI MDZAD PA, ,DUS PHYIS 'BYUNG MI RNAMS DMU RGOD CING, ,GDON RGYAL 'GONG DAM SRI'I 'KHRUL TSABS BCAS, ,RIM PHUL LA BRTAG ZHIB DGOS ZHUS KYANG, ,DON GO BAS GSAL BAR MCHOD PAS, ,DUS DA LAM RAGS TZAM 'BUL BA LA, ,SNGON RGYAL MTSAN MTHON PO'I BLA BRANG DU, ,SKYABS BLA MA DPON SLOB RNAMS KYI DRUNG, ,NGAS PHUL BA'I GTAM LA 'DI LTAR YOD, ,DPAL LHA MO DMAG ZOR RGYAL MO YI, ,'KHOR BCAS LA 'OD 'KHYIL KHROM TSOGS BZHUGS, ,DUS BZHI YI LHA MOS SKU'I SKYE ZLA, ,GAR BZHES LA BYAR LTA BA DANG, ,LAS BSGRUB LA RTAGS SU STON ZHES ZHUS, ,DPAL LHA MO 'KHOR BCAS TSOGS RTAGS
, ,LA; ;MNGON SUM DU GSAL BA DRE'U'I SKAD, ,'KHOR DUS BZHI 'DZOM PAS DON MED DU, ,TSEG SGRA DANG 'UR SGRA CHE SOGS 'BYUNG, ,YANG ME SBRUL GSAL BA'I LUNG TSIG LA, ,DON RDO KHA 'GA' ZHIG MCHIS NA'ANG, ,DE LHA BDAG MI RJE DAM PA YIS, ,DON PHAL CHER GO BAS CHOD PAS NA, ,DUS DA LAM 'DI RU 'BUL MA DGOS, ,YANG SA LUG GNAM LO'I DGA' STON DUS, ,BKRA SHIS PA'I RGYAL MTSAN DGU BRTZEGS LA, ,RTZE BAR DU AINDRA'I MDANGS LDAN PAS, , YUL PHU DANG BAR NAS BDE CHING RGYUG ,RUS BON GYI DPAL LA GSER TOG RGYAS, ,BKRA SHIS NI KHYIM MING BKRA SHIS RTZE, ,YUL PHU BAR CHU RGYUN 'BEBS LEGS SAM, ,RUS BON NI PHA RUS ZHIB DPYAD MDZOD, ,'DI'I BDAG 'DZIN GZHAN GYIS MDZAD DKA' BA, ,NGA SNGON NAS DGON DE'I SRUNG MA'I GTZO, ,YIN PHYIR NA BKA' BABS LHA LA YOD, ,SNGON RIM PHUL LHA YI GTAM TSIG DANG, ,KHYED LHA BDAG MI RJE'I MNAL LTAS DANG, ,DUS DA LAM 'PHRIN LAS BA CHEN POS, ,NGOS BZUNG GI BDAG 'DZIN GSAL BA BCAS, ,DGON BKRA SHIS LHUN PO'I BDAG NYID RJE, ,YUL BKRA SHIS RTZE RU SKU 'KHRUNGS PA, ,DA BKRA SHIS MNGA' GSOL MYUR DU MDZOD, ,KUN BKRA SHIS SNANG BAS KHYAB GYUR CIG ,CES NGES SHES 'DRONGS PA'I LUNG BSTAN GSAL PO PHEBS PA RGYAL DBANG THAMS CAD MKHYEN PA'I SNYAN DU GSOL BA'I LAN BKA' 'PHRIN GYI LAM NAS STZAL BA NI, RGYU MTSAN ZHIB CHA SRID SKYONG WANG BRGYUD NA MOL GLENG BYUNG BA LTAR, 'DI KA'I NGO TSAB TU MGRON GNYER BTANG, SRID SKYOD WANG,
BKA' MDA' SOGS 'KHOR TSOGS DANG BCAS PA TSANG MA 'DZOMS NAS DPAL LDAN TSANGS PA CHEN PO SPYAN DRANGS THOG ,NGED NAS 'KHRUL MED GSAL BOR LUNG BSTAN DGOS PA'I DMOD BCOL NAN TAN BCAS THA TSIG BSKUL, SRID SKYONG DANG DE KHA SOGS NAS ZHIB TU ZHUS PAR, DA LAM BKRA SHIS RTZE BAR 'KHRUNGS PA DE NYID GANG CI NAS NGES SHES 'DRONGS PA'I GSAL THON BYUNG 'DUG PA SHIN TU LEGS PAS, NGOS KYANG NGA CHA BLO LHOD LHOD DU SONG BA'I GDUNG SHUGS DANG SPRO DGA' CHEN PO BYUNG ZHES BKA' PHEBS, MCHOG GI SPRUL SKU THAG CHOD PA'I GNAS TSUL GONG MA BDAG PO CHEN PO'I SKU TSAB AAM PAN GNYIS LA ZHUS PAS, PAn CHEN THAMS CAD MKHYEN PA'I YANG SRID DA BAR DU GSAL PO MA BYUNG BAS NGED GNYID KYANG BLO MA BDE, DA YAGS PO BYUNG, GONG MA BDAG PO CHEN POR ZHUS NA YANG THUGS SHIN TU MNYES 'GRO GSUNG ZHING DGA' SPRO CHEN PO MDZAD, DE NAS MA 'GYANG BAR MDZOD BTAGS GCIG DANG BCAS GRE'U TZE'I STENG NAS GONG MA BDAG PO CHEN PO'I GSER SNYAN DU PHUL, DE LTAR DON GRUB NAS DPAL 'BYOR RGYAL MTSAN TSES BDUN LA 'BYOR TE, DE'I SANG NYIN ZUR BZHI'I SLOB DPON RNAMS DANG, TSOGS CHEN DGE SKOS, DRUNG 'KHOR RAGS RIM RNAMS LA CHOS SKYONG GI LUNG BSTAN NGO MA DANG BCAS GNAS TSUL ZHIB TU MOL, TSES BCU'I NYIN 'DUS PA RGYA MTSOR BSNYEN BKUR GYA NOM PA'I THOG CHOS SKYONG GI LUNG BSTAN NGO MA BSGRAGS TE, BKRA SHIS RTZE'I SRAS 'DI SKYABS MGON GONG MA'I YANG SRID 'KHRUL MED YIN PAR NGOS 'DZIN DANG, LUNG BSTAN SOGS SGO DU MA NAS NGES
, ,'DRONGS BYUNG BAS, 'DUS TSOGS RNAMS NAS KYANG DGA' SPRO DANG BCAS ZHABS BRTAN SKU RIM LA THUGS BRTZON GNANG DGOS TSUL ZHUS, DE NYIN RGYAL MTSAN MTHON POS GTZOS CHOS GRVA CHEN PO NYE SKOR DANG BCAS PAS DAR 'PHYAR RGYAS PAR BSTAR ZHING, NAM MKHA'I NGOS SU YANG MCHOD RDZAS KYI RNAM PA'I CHU 'DZIN GYI DRA BAS MNGON PAR KHENGS PA BYUNG STE DKAR PHYOGS KYI LHA RNAMS DGYES PA'I LTAS SU MNGON, BSTAN BSRUNG TSANGS PA'I ZHAL GYI PADMA'I DBUS, ,LUNG BSTAN RKANG DRUG DBYANGS SNYAN SGROGS PA NA, ,YID SRUBS BZHIN GYI KU MUD NYER ZUM ZHING, ,SKAL BZANG 'CHI MED DGA' BA'I CA CO SGROGS, ,MI MTHUN NYER 'TSE'I SPRIN NAG DRA BA KUN, ,YI DAM BSTAN BSRUNG NUS MTHU'I 'THOR RLUNG GIS, ,PHYOGS MTHAR BSKRAD TSE SKYABS MCHOG NYIN MOR BYED, ,YONGS SU GSAL BA'I GO SKABS SU YIS 'GOG ,DE NAS HOR ZLA DGU PA'I TSES DRUG GI NYIN RES GZA' ZLA BA'I BU RGYU SKAR SOG PA DANG LHAN CIG TU SPYOD PA'I SNGA DRO NYI MA RTZE SHAR LA RGYAL DBANG THAMS CAD MKHYEN PA CHEN PO NAS BLO BZANG DPAL LDAN YE SHES ZHES MTSAN GSOL GNANG BA DANG BSTUN BLA BRANG NAS DRUNG 'KHOR BCAS BKRA SHIS RTZER MNGAGS NAS DGA' SPRO'I STON MO DANG LEGS 'BUL GYI NOM PA PHUL, BKRA SHIS LHUN PO'I DGON MA LAG ,BOD 'BROG GI MI SER RNAMS DANG, GZHUNGS NAS KYANG THUGS KHUR BZHES TE DBUS GTZANG GI LHA SDE MI SDE THAMS CAD NAS DAR 'PHYAR RGYAS PA DANG DGA' STON GYI YO LANG LA ROL PAR GYUR,
'DI SKABS MI DBANG NAS GSANG STABS KYIS AEL CHI CHED MNGAGS MDZAD PA'I MDUN LEGS SO BRJOD PA'I ZHU YIG DANG, NA BZA', TSE DPAG MED KYI SKU BRNYAN, 'KHOR LO, DUNG, RDO RJE SOGS PHUL, SNGON DU RJE NYID KYI ZHAL NAS, PHO LHA THA'I JI DBANG GI RGYAL PO ZHES THOL BYUNG DU LAN GSUM TZAM GSUNG BGONG GSAL GYI MI SNA LHA LDAN NAS THON PA'I DUS DANG 'GRIG PAS NGO MTSAR DU GYUR, TSES BDUN LA SHANGS LUG GI GDONG GZHIS KA DON GRUB SMON MKHAR DU SPYAN 'DREN ZHUS TE RE ZHIG PAR BZHUGS PA GNANG, HAL HA NAS AER KHE T'A BLA MA'I AEL CHI BLO BZANG BKRA SHIS SKOR, SKYABS MGON MCHOG GI YANG SRID GSAL PO PHEBS YOD TSE DNGOS MJAL ZHU BA DANG, MED TSE GNAS 'DIR 'KHRUNGS KYI GTAM KHUNGS BTZUN KHYER YONG DGOS ZHES MNGAGS PA RNAMS KYANG 'BYOR TE MJAL KHA ZHUS, SKABS 'DIR RGYAL DBANG THAMS CAD MKHYEN PA DANG TSANGS PA DUNG THOD CAN NAS RJE NYID KYI BRTAN BZHUGS GSOL 'DEBS BKA' RTZOM GNANG BA BKRA SHIS LHUN POS MTSON DGE 'DUN GYI SDE RNAMS SU MANG 'GYED KYI BSNYEN BKUR DANG BCAS 'PHRAL 'DZUGS MDZAD, PHYAG MDZOD SNGA MA LHUN GLING NAS BLO BZANG DGE 'DUN SKU GSHEGS NAS LCAGS BYA HOR ZLA LNGA PA'I TSES DGU'I NYIN LHA RI SGANG PA RJE DRUNG BLO BZANG TSE DBANG DBYANGS CAN GRUB PA'I RDO RJE 'PHRIN LAS KYI KHUR 'DZIN DU SKO BZHAG GNANG, DE NAS SKYABS MGON MCHOG SPRUL RIN PO CHE GDAN SA CHEN POR SPYAN 'DREN PAR BRTZAMS TE PHYAG MDZOD CHEN MOS GTZOS GSOL DPON, GZIMS DPON, MGRON GNYER GNYIS, LDE CHUNG BA,
, ,MCHOD DPON PA SOGS ZHAM RING BA RNAMS DANG, MI'I DBANG PO'I SKU TSAB, DZA YA PAndI TA'I SPRUL SKU SOGS GZAB MCHOR DANG BCAS PA'I RTA PA BRGYA PHRAG BRGAL BA DON GRUB SMON MKHAR DU BYON TE HOR ZLA DRUG PA'I DKAR PHYOGS DGA' BA DANG PO RGYAL PHUR GYI 'GRUB SBYOR LEGS 'DZOM NYIN BKRA SHIS PA'I KHA BTAGS DANG BCAS PHYAG DBANG ZHUS, DE SKABS SKU NA PHRA BAS DBU SKRA LCANG LO DANG BCAS KYANG RTEN 'BREL GYI KHYAD RAB TU BYUNG BA'I NA BZA' GSOL BAS SKU GZUGS KYANG CHER 'PHAGS PA LTAR SNANG ZHING DANG BA SHIN TU 'DREN PA BYUNG, DE NAS GZHIS KA DER YOD PA'I PAn CHEN THAMS CAD MKHYEN PA SKU GONG MA'I BZHUGS KHRI'I STENG DU SPYAN DRANGS TE BLA BRANG NAS GSOL STON DANG RTEN 'BYUNG LEGS 'BUL RGYA CHER PHUL, DRUNG 'KHOR RNAMS LA THOG MA'I PHYAG DBANG STZAL, GSOL TSIGS THOG YAB YUM NAS STON 'KHOR TSANG MAR GSOL STON GZABS, DE NAS MI DBANG GI SKU TSAB DANG, DZA YA PAndI TA SOGS PHEBS BSU BA BYINGS LA PHYAG DBANG GNANG, ZHAL MJAL BA TZAM GYIS THAMS CAD NGO MTSAR DANG DAD PA DGA' SPRO RNAMS PHAN TSUN 'GRAN PA BZHIN DU 'PHEL, SANG NYIN TSES GNYIS KYI NYI SHAR LA DON GRUB SMON MKHAR NAS CHIBS BSGYUR, RI BO DGE 'PHEL BA DANG DAR RGYAS SGRUB SDE BA SOGS DGON KHAG BCU PHRAG GNYIS SU NYE BA'I SER SPRENG DANG, NYE SKOR LHA SDE MI SDE'I CHIBS BSU CHIBS SKYEL, BRO GZHAS SOGS BKUR STI RMAD DU BYUNG BA DANG NAM MKHA'I DBYINGS SU'ANG SPRIN DKAR SENG GE DANG STAG DANG, GYER LING SOGS SROG CHAGS KYI GZUGS
'GROS CAN MANG PO'I STENG, MI'I DBYIBS CAN RNAM MANG MCHIS PA PHEBS PHYOGS DANG MTSUNGS BAR 'GRO BA SOGS KUN GYI MTHUN SNANG DU GRUB PA'I LTAS NGO MTSAR BA BYUNG, DE NAS MTHONG SMON GSHONG DU BZHUGS ZHAG SAR ZHABS ZUNG BKOD THOG ,GONG MA BDAG PO CHEN PO NAS SKYABS MGON MCHOG KHRIR PHEBS KYI LEGS 'BUL STOB PAR BKAS MNGAGS PA KH'A MGRON GNYER THO TZANG KI ,T'A BLA MA, JAR GO CHI, BI CHA'I CHI SOGS DANG, MI'I DBANG PO BSOD NAMS STOBS RGYAS, RGYAL DBANG MCHOG GI SKU TSAB BLA SMAN SDE DRUG MKHAN PO BLO BZANG NOR BU RNAMS DBU GUR YOL SGOR GYI NANG DU PHEBS THOG RJE BLA MA MCHOG NAS GONG MA CHEN PO'I SKU'I MTSAMS ZHU LEGS PAR MDZAD, DE NAS RJE NYID BZHUGS KHRIR ZHABS SOR BKOD, RGYA BOD KYI BLA DPON RNAMS NAS LHA RDZAS SRID DU RING BA PHUL TE PHYAG DBANG ZHUS, MI DRAG RNAMS SKU GAM DU GRAL LA 'KHOD THOG GSOL JA DANG DKAR SPRO BTEG ,MI RJE NAS PHYAG DBANG ZHU SKABS BDAG NGO AE MKHYEN ZHUS PAS NGO SHES GSUNGS NAS MGUL GYI PHRENG BA LA PHYAG 'CHANG BAR MDZAD PAS PHRENG BA 'DI LA THUGS DGYES NA PHUL CHOG ZHUS PAS, MI DGOS, PHRENG BA 'DI NGA RANG GI YIN GSUNG BAS, PHRENG BA DE SNGON RJE GONG MAS KHO RANG LA GNANG BA YIN GSHIS, SNGON GNAS RJES DRAN GYI TSUL LA DAD PA MCHOG TU 'KHRUNGS TE DE'I GNAS TSUL GONG MA'I SKU TSAB DANG, YAB YUM SOGS DER TSOGS KUN LA ZHIB TU MOL BAS THAMS CAD NGO MTSAR ZHING YID CHES PA'I DAD PA THOB, DE SKABS SKU NA SHIN TU PHRA YANG SKYA SER GYI KHROM CHEN PO TSOGS PA'I DBUS SU RI DVAGS KYI KHROD DU GDONG LNGA'I
, ,DBANG PO LTAR BAG TSA BA DANG ZHUM PA'I RNAM PA CUNG ZAD KYANG MI MNGA' ZHING GANG LA'ANG 'JIGS PA MED PAR BZHUGS PAS GONG MA'I MI SNA TSOGS THAMS CAD NGO MTSAR TE SKU BSOD CAN ZHIG 'ONG BA 'DUG CES GLENG, DE'I PHYI NYIN MTHONG SMON GSHONG DU BCAG MAL MDZAD THOG BKRA SHIS LHUN PO NAS GRVA TSANG KHAG BZHI'I SLOB DPON RNAMS DANG TSOGS CHEN DGE SKOS BCAS CHIBS BSUR BYON PA LA PHYAG DBANG STZAL CING DGYES NYAMS CHEN PO MDZAD, DE NAS RGYAL BAS CHOS 'KHOR BSKOR BA'I DUS CHEN DU GYUR PA TSES BZHI'I NYIN RGYA BOD SOG GSUM GYI RTA PA STONG PHRAG BRGAL BAS CHIBS BSU DANG, GDAN SA CHEN PO'I DGE 'DUN GYIS THOG DRANGS PHYOGS MTHA' NAS 'DUS PA BCAS DGE 'DUN KHRIR NYE BAS GDUGS DANG, RGYAL MTSAN DANG, BA DAN DANG, 'PHAN DANG, DAR GYI LNGA LDI DANG, ME TOG SNA TSOGS PA DANG, RNGA DANG, SIL SNYAN DANG, DUNG DANG, RGYA GLING SOGS MCHOD RDZAS SNA TSOGS PA THOGS PA'I SER SPRENG GIS MDUN BSUS TE, BKA' GDAMS GLEGS PAM LAS GSAL BAR LUNG BSTAN PA'I GNAS MCHOG ,SANGS RGYAS KYI BSTAN PA'I SNANG BYED CHEN PO, MKHAS PA DANG GRUB PA'I SKYE BO MTHA' YAS PA'I BSTI GNAS, SDE SNOD GSUM GYI RNGA PO CHE RGYUD MAR SGROG PA'I TSES GRVA CHEN PO BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING GI PHO BRANG RGYAL MTSAN MTHON PO'I GZIMS CHUNG BKA' GDAMS PHO BRANG DU PHEBS PAR GYUR TO, ,BKRA SHIS GNAS MCHOG SHAR RI'I RTZE MO NAS, ,MCHOG
SPRUL SMRA BA'I ZLA BA SPYAN DRANGS TE, ,DRAN DBANG RGYU SKAR BYE BA'I 'KHOR DANG BCAS, ,BKA' GDAMS CHOS KYI MDUN SA CHE DER GSHEGS, ,DE TSE RIG GROL GNYIS LDAN 'DUS PA'I TSOGS, ,MI PHAM 'DUS PA DANG PO LTAR LHAGS TE, ,SNA TSOGS MCHOD RDZAS THOGS PA'I SER SBRENG GIS, ,NOR 'DZIN LI KHRI'I STONG G-YOGS 'DZIN PAR GYUR, ,DER PHEBS 'PHRAL KHRI THOG NAS BZHENGS TE SKU THANG RNAMS LA GZIGS RTOG GNANG NAS 'DI'I SKU THANG GZHAN RNAMS GAR SONG GSUNG BAR, RJE DE NYID NAS THUGS GTZIGS SHIN TU CHE BA'I MDZAD BCU'I ZHAL THANG GCIG BCAS KHA SHAS BSDUS NAS YOD ZHUS, DE NAS BZHUGS KHRIR ZHABS SOR BKOD DE TSE DPAG MED KYI SKU BRNYAN KHYER SHOG GSUNG, GZIMS CHUNG RTEN GRAS SU BZHUGS PA'I TSE DPAG MED KYI SKU 'DI AE YIN ZHUS PAR, DE MIN CHUNG BA ZHIG YOD CES BKA' PHEBS, TSE DPAG MED KYI SKU BRNYAN CHUNG BA ZHIG YOD PA DE YIN SHAS CHE SNYAM NAS PHUL BAS, 'DI YIN GSUNG ZHING BZHES TE GZIGS NAS DGYES DGYES MDZAD, DER GSOL JA DANG GSOL ZHO ZHIG BTEG ,DE NAS GZIMS CHUNG NYI 'OD 'KHYIL BA'I 'GYUR MED RDO RJE'I KHRI STENG DU ZHABS SKYES GSER GYI 'DAB STONG NYE BAR BKOD DE THOG MAR MGON KHANG BSKANG GSO BA RNAMS KYIS BKRA SHIS PA'I RDZAS BRGYAD DANG, GSER GYI 'KHOR LO BCAS PHUL TE 'DZAM GLING SKYE RGU MTHA' DAG GI MGON DANG SKYABS DANG DPUNG GNYEN GCIG PUR GYUR PA'I KHAMS GSUM CHOS KYI RGYAL POR MNGA' GSOL NAS SHIS PA BRJOD PA'I ME TOG GI CHAR PHAB, DE NAS BZHUGS GRAL GYI THOG GSOL GRO DANG GSOL JA ZHUS NAS RJE
, ,BLA MA NYID GSER KHRIR MNGA' GSOL BA'I LEGS 'BUL DU 'JAM DBYANGS GONG MA BDAG PO CHEN PO LHAS SKYONG NAS NANG MDZOD KHA BTAGS, DNGUL GYI SPYAD PA, MDZOD GOS NYI SHU RTZA BZHI SOGS DNGOS PO SBAM MTHO NGA? DANG, DGE 'DUN GYI TSOGS SU YANG KHRI 'GYED KYI THEBS SU DNGUL SRAD SUM STONG BCAS STZAL, RGYAL DBANG THAMS CAD MKHYEN PA CHEN PO NAS DNGUL GYI MAndAL, SKU GSUNG THUGS RTEN, NA BZA' SOGS DANG, DNGUL GYI NYER SPYAD, DNGUL RNGO TSAD NYI SHU RTZA GCIG GIS MTSON PA'I DGU TSAN LNGA BCU NGA GCIG ,LA MO CHOS SKYONG CHEN PO NAS MDZO BTAGS DRI MED, ZHABS BRTAN TSIGS BCAD, MI'I DBANG PO BSOD NAMS STOBS RGYAS NAS DNGUL GYI MAndAL, SKU GSUNG THUGS RTEN, NA BZA' SOGS DANG, GSER GYI 'KHOR LO, DUNG DKAR, DNGUL GYI NYER SPYAD, DNGUL RDO TSAD SUM CU SO GCIG GIS MTSON PA'I DGU TSAN LNGA BCU NGA GCIG ,MI DBANG GI SRAS RGAN PA THU SHE THU GUNG YE SHES TSO BRTAN DANG, SRAS GZHON PA DA LAS B'A DUR, RGYAL DBANG MCHOG GI YAB RJE RNAMS NAS KYANG 'BUL SKYES GYA NOM PA, GONG MA'I SKU TSAB T'A BLA MA DANG, KH'A AAM PAN THO TZANG KI, JAR GO CHI, BI CHA'I CHI RNAMS NAS KYANG KHA BTAGS, GES DAR, DNGUL GYI SPYAD PA SOGS PHUL, GZHAN YANG LHA SAR BZHUGS PA'I AAM BAN GNYIS SOGS MI DRAG RNAMS DANG, DGA' LDAN KHRI BA, SER 'BRAS DGE GSUM, RGYUD STOD SMAD SOGS DBUS PHYOGS DANG, GTZANG KHUL GYI DGON SDE KHAG RNAMS NAS DNGOS 'BYOR GYI MCHOD PA KUN TU BZANG PO'I MCHOD SPRIN LA 'GRAN BZOD PA
BSTAR TE DGYES PA BSKYED, BLA BRANG RANG NAS KYANG DGA' SPRO'I GSOL STON RGYA CHEN PO BKOD PA MDZES PAR BSHAMS TE MCHOG DMAN MTHA' DAG MGU BAR BYAS, DE DAG GI TSO YUL GRU THA DAD PA NAS MI RIGS MI GCIG PA MANG DU 'DUS PA'I SKAL BA DANG LDAN PA RNAMS NI SKYABS MGON MCHOG GI ZHAL GYI DKYIL 'KHOR MTHONG NA MI MTHUN PA MED PA 'DREN BYED KYI YUL DU GYUR BAS YID DGA' ZHING TSIM PA DANG, NGAG GSOL 'DEBS KYI BZLAS BRJOD LA BRTZON PA DANG, LUS THAL MO SBYAR TE GUS PA'I RNAM PA LHUR LEN PAR BYED, GZHAN DAG NI SNOD BCUD KYI 'BYOR BA PHUN SUM TSOGS PA MTHONG BAS NGO MTSAR ZHING DGA' BA'I CA CO SGROG ,MDOR NA THAMS CAD KYI SHES RGYUD LA MTHONG THOS DRAN REG GI SGO NAS BLA NA MED PA'I BYANG CHUB KYI SA BON GRUNG PO BSKRUN PAR MDZAD, DE'I TSE DKAR PO'I PHYOGS LA MNGON PAR DGA' BA'I 'BYUNG PO RNAMS KYIS KYANG NAM MKHA'I DBYINGS SU NGO MTSAR BA'I LTAS DU MA SPRUL TE SKAL LDAN RNAMS KYI SNYING LA RMAD DU BYUNG BA'I DGA' STON CI YANG SBYIN PAR GYUR TO, ,'DIR SMRAS PA, SPANGS DANG RTOGS PA'I YON TAN KUN RDZOGS 'PHRIN LAS SNANG BA 'BUM GYIS 'KHYUD, ,MKHAS BTZUN BZANG GSUM BDUD RTZI'I DPAL GYIS THAR 'DOD YID KYI 'DOD 'JO BA, ,DPAL LDAN THUB PA'I ZHAL SKYIN GANG DE BKRA SHIS RDUL BRTZEGS LHUN PO'I SBOR, ,ME 'JIGS GDONG LNGAS MNGON PAR BTEG PA'I KHRI 'PHANG MTHON POR DGYES BZHIN 'DZEG ,MDZES SO 'PHAGS YUL BADZRA AA SA NAR, ,SKYE RGU'I 'DREN MCHOG ZAS GTZANG SRAS PO STE, ,BKRA SHIS LHUN GYIS GRUB PA'I CHOS KYI KHRI, ,GANG
, ,GI ZHABS SKYES RDUL PHRENG G-YO BAS SO, ,DE TSE MTHA' DAG NOR 'DZIN NI, ,GANG GI DPUNG PAS 'DZIN BZOD PA, ,DE YIS DAD PA'I ROL MTSO LAS, ,'ONGS PA ME TOG PHRENG PAS MCHOD, ,MCHOG DANG MCHOG MIN RKANG GNYIS LDAN PA KUN, ,MTSAR SDUG ME TOG MTHONG BAS YID TSIM ZHING, ,ZANG ZING BDOG PA'I MCHOD SPRIN YONGS BTEG NAS, ,GSOL 'DEBS ROL MO SGROG LA CI YANG BRTZON, ,MTSAN DPE'I GZI BRJID MCHOG TU 'BAR ZHING YE SHES SPYAN STONG CI YANG BKRA ;STOBS BCU NOR BU'I COD PAN RAB G-YO MTHU STOBS ZHO 'THUNG RTZE BRGYA 'CHANG, ,SRID ZHI'I GTZUG RGYAN SPRIN LA ZHON KHYOD CHOS KYI KHRI LA NGAL GSO BAS, ,NAG PHYOGS LHA MIN TSEGS KUN 'DAR ZHING SKAL BZANG LHA BRGYAS 'DZUM DKAR RGOD, ,CES BYA BA NI RJE BLA MA SRID ZHI'I GTZUG RGYAN PAn CHEN THAMS CAD MKHYEN PA BLO BZANG DPAL LDAN YE SHES DPAL BZANG PO'I ZHAL SNGA NAS KYI RNAM PAR THAR PA NYI MA'I 'OD ZER LAS, PHO BRANG RGYAL MTSAN MTHON POR MI 'JIGS SENG GE'I KHRIL ZHABS SEN GYI PADMO MNGON PAR BKOD PA'I LE'U STE GNYIS PA'O,, ,,'DI SKABS LHA KHANG RNAMS SU STONG MCHOD SNA LNGA DANG, 'DUS PA RGYA MTSOR DGE 'DUN RER DNGUL ZHO GSUM SKAR PHYED BRGYAD RE THOB NGES PA'I G-YU MU TIG BYU RU SPOS SHEL SOGS SPUS GTZANG BSTZAL, TSES LNGA'I NYIN MI DBANG CHEN PO NAS RTA RGYUGS DANG RGYANG 'PHEN GYI ROL RTZED SOGS DGA' STON DU BSTAR, AANG DANG PO DGA' LDAN KHANG GSAR GYI BKRA SHIS GRO DKAR ZER BA RJE NYID LA PHUL, TSES DRUG LA GRVA TSANG KHAG GI SLOB DPON BZHI, SPYIS
KHAG ,MI TSAN CHE 'BRING CHUNG GSUM, ZHABS 'BRING BA CHE 'BRING DKYUS GSUM, BOD 'BROG GI SDE MANG SPYI BSDUS BCAS SO SO NAS DGA' STON LEGS 'BUL DPANGS MTHO BA BSTOD, 'JAM DBYANGS GONG MA BDAG PO CHEN POS MANG JA KHRI 'GYED KYI THEBS SU DNGUL SRANG SUM STONG STZAL THOG NAS TSES BDUN GYI NYIN 'DUS TSOGS SU JA THUG BCO LNGA, 'GYED DNGUL ZHO LNGA RE, GTZANG RONG KHUL GYI GRUB MTHA' RIS MED KYI DGON KHAG SUM BRGYA BDUN CU DON DGU LA MANG JA LNGA RE DANG 'GYED DNGUL SKAR MA LNGA RE RNAM BZHAG BCAS DANG DE BSTUN BLA BRANG NAS KYANG MANG 'GYED KYI BSNYEN BKUR BZANG PO BSTABS, DE NAS RIM BZHIN SA SKYA SOGS DBUS GTZANG GI GRUB MTHA' RIS MED KYI DGON SNGE KHAG DANG, MI DBANG GI ZHABS GRAS DRAG RIM KHA SHAS, GTZANG MDA' DPON PAD TSAL BA, SRAD RIN CHEN RTZE YUM SRAS, 'BRONG RTZE BA, BKRA SHIS RTZE, LCANG CAN, BRUL TSANG BA, RI GDONG PA RNAMS KYIS MTSON LHA SDE MI SDE, BOD 'BROG SOGS RIS SU MA PHYE BA NAS DANG PA CHEN POS KHRI 'BUL RGYA CHE BA BTEG ,GONG MA BDAG PO CHEN PO NAS MI'I DBANG POR JUN WANG GI CHO LO DANG, THAM GA STZAL BAR LEGS SKYES SU MDZOD BTAGS, NA BZA', GSER SRANG GSUM, DNGUL RDO TSAD BCO LNGA, GOS YUG RE YOD PA'I DGU TSAN SUM CU SO LNGA, RTA LNGA BCAS DANG, ZHABS PHYI RNAMS LA'ANG GSOL RAS STZAL, CHOS GZHIS SPYI NAS KYANG MI DBANG CHEN POR MCHOG SPRUL 'KHRUL MED NGOS 'DZIN SKOR GYI LUNG ZHU DANG, ZHABS BRTAN BSGRUB PA SOGS GANG CI SNGA PHYIR THUGS KHUR CHE BZHES KYIS BKA' DRIN CHE BA'I THOG KHRI
, ,'DON MNGA' GSOL DU SKU NGOS KYIS PHEBS PA BCAS LEGS 'BUL DU MDZOD BTAGS, DNGUL RDO TSAD NYI SHU RTZA GCIG SOGS BSTAR, GONG MA BDAG PO CHEN POR YANG ZHU LAN DNGOS SKYES DPANGS MTHO BA BCAS PHUL, GONG MA'I MI DRAG RNAMS LA'ANG GO BABS DANG BSTUN PA'I PHEBS RDZONGS KYI DNGOS SKYES MOD MI DMA' BA BSTABS, RGYAL DBANG THAMS CAD MKHYEN GZIGS CHEN POR ZHU LAN RTEN MDZOD BTAGS, DNGUL GYI MAndAL, GSER SRANG LNGA, DNGUL RDO TSAD BDUN SOGS 'BUL BA GNANG, MI'I DBANG PO PHEBS KAR THON CHAS SU SKU BRNYAN, BSRUNG MDUD, GSER MGUR ZHO LNGA BCU, DNGUL RDO TSAD SUM CU SO DGU, CHIBS PA SGA 'KHOR CHA TSANG SOGS DNGOS SKYES DPANGS MTHO BA DANG, ZHABS PHYI DRAG 'BRING DKYUS SPYIR DNGUL RDO TSAD BCU BDUN, GOS DAR SOGS KYI DGU TSAN BZHI BCU ZHE LNGA, YAB RJE DANG, GUNG, DA LAS B'A DUR BCAS LA'ANG THON PHYAG MI DMAN PA STZAL, DKON GNYER CHEN MO RAB 'BYAMS PA KUN BZANG GONG MA CHEN POR LEGS 'BUL DANG ZHABS BRTAN MTSAMS ZHU BCAS 'BUL BAR RDZONG STA MDZAD, YAB YUM GNYIS LA PHEBS RDZONGS SU NA BZA' CHA TSANG RE, DNGUL RDO TSAD BZHI, GOS YUG BAM RE YOD KYI DGU TSAN BZANG BA BCO LNGA, RTA GNYIS, RTZE JA DANG ZING JA 'KHOR DRUG DRUG, ZHABS PHYI SPYIR BZANG JA 'KHOR DRUG GNYIS, RTA GNYIS, BZANG GOS YUG RNAMS KYI DGU TSAN KHA SHAS BCAS KYI THON PHYAG STZAL, TSES BCO LNGA NAS BZUNG RGYUD PA GRVA TSANG DU NYIN LNGA'I RING GTANG RAG GI BSKANG GSO MDZAD RGYUR BSNYEN BKUR 'PHAR MA DANG DGE
'DUN RER 'GYED DNGUL ZHO GSUM SKAR LNGA RE, SBYOR 'JAGS SU GOS LHAN THABS KYI BSKANG RDZAS RGYU DANG BZO BKOD RMAD DU BYUNG BA DANG, DPEN DGON DU RAS BRIS KYI BSKANG RDZAS, CHOS SRUNG RNAMS LA SNYAN SHAL GZAB PA BCAS PHUL, TSES BCO BRGYAD NAS BZUNG RIM PA BZHIN DU BZHAD PA NGAG DBANG CHOS 'PHEL NAS RNAM 'GREL GYI THAL PHRENG LE'U BZHI, DBEN DGON PA RJE DRUNG YE SHES RGYA MTSO, DGE LEGS PHUN TSOGS, SANGS RGYAS RGYAL MTSAN, BLO BZANG CHOS 'PHEL RNAMS NAS BDE MCHOG RTZA RGYUD, THEG MCHOG GLING BA 'PHRIN LAS RNAM RGYAL NAS RGYUD BZHI'I RGYUGS BCAS PHUL BAR GNANG CHA RGYA CHER STZAL, ZLA BA BDUN PA'I TSES GCIG LA DPON TSAD DGE 'DUN DON GRUB GZHUNG SA MCHOD YON GYI SKU'I MTSAMS ZHU DANG, LA MO CHOS SKYONG CHEN POR SKU CHAS RGYAS PA DANG 'BREL BA'I MCHOD SPRIN DANG BCAS LEGS 'BUL ZHU BAR RDZONG STA MDZAD PA'I MDUN RTEN KHYAD PAR CAN RNAMS LA YANG MCHOD SPRIN RGYA CHEN PO SPRO RGYU STZAL, TSES LNGA'I NYIN 'DUS PA RGYA MTSOR TSA DRO DANG, 'GYED DNGUL ZHO GSUM RE, RJE BLO BZANG YE SHES KYI SKU GDUNG RIN PO CHE'I SKU MDUN DU STONG MCHOD RGYAS PA DANG PHYI DRO GLING ME, GTZANG RONG KHUL GYI DGON KHAG RNAMS LA MANG JA LNGA RE DANG 'GYED DNGUL ZHO RE, RI KHROD KYI SDE SUM CU SO GNYIS LA ZLA BA GCIG GI RING NYIN LTAR MANG JA GSUM RE DANG, DGE TSUL SLONG RER 'GYED DNGUL ZHO LNGA RE BCAS STZAL, DZA YA PAndI TA NAS KHRI 'BUL BTEG ,DE NAS RIM BZHIN MGRON GNYER SA KHUD PA, DPON TSANG GRVA KHANG PA SOGS ZHABS PHYI DRAG ZHAN RNAMS KYIS SGER GYI LEGS 'BUL DANG, HAR GDONG DANG BA SO MI
, ,TSAN GNYIS NAS KYANG LEGS SKYES KYI BDOG PA BSTAR, TSES BCU GNYIS LA SPYIS CHEN MO NAS DKAR SPRO RGYAS PA'I THOG DNGUL GYI MAndAL SNE 'DOGS CAN, DNGUL SRANG LNGA BCU, BZANG GOS YUG GIS GTZOS PA'I DGU TSAN DGU, GRVA TSANG BZHI'I BLA SPYI DANG, DGE SKOS LAS THOG PA, TSOGS CHEN DBU MDZAD GNYIS, TSOGS GSOG PA, JA DPON, CHOS KHRIMS RGAN GZHON, 'DU KHANG SKU GNYER, DUNG MKHAN, MI TSAN KHAG CHE 'BRING CHUNG GSUM BCAS NAS TSAN GRANGS BZANG BA BTEG CING GONG GSAL RNAMS DANG, THOS BSAM GLING, DKYIL KHANG, SHAR RTZE BCAS KYI DGE 'DUN LA PHYAG DBANG STZAL, ZLA BA BRGYAD PA'I TSES GNYIS LA 'BRUG SDE SRID NGAG DBANG RGYAL MTSAN NAS GANGS RI BLA MA CHED MNGAGS KYI GDONG KHRI 'BUL BSTAR ZHING PHAR YANG 'BYOR LAN GZABS, DE NYIN MTHO SDINGS MKHAN POS KHRI 'BUL GZAB RGYAS ZHUS, SNGON DU RGYAL DBANG MCHOG GI SKU ZHABS SU RJE BTZUN BLO BZANG YE SHES DPAL BZANG PO'I SKU GDUNG RIN PO CHE'I DKAR CHAG BSKUL BA LTAR STZAL TE MCHOD KHANG CHEN MO'I SGO MCHOR GYI GYANG LDEBS SU 'DRIR 'JUG PA GNANG, TSES NYER BDUN LA CHAB MDO 'PHAGS PA LHAS KHRI 'BUL DANG, ZLA BA BCU GCIG PA'I TSES BRGYAD LA MNGA' RIS GUNG YE SHES TSE BRTAN DPON G-YOG SUM BRGYA SKOR 'BYOR TE PHYAG DBANG DANG JA GRAL GNANG, CHOS BCU LA GUNG NAS GSER ZHO BRGYA, DNGUL RDO TSAD SUM CU, GOS CHEN YUG NYI SHU RTZA GCIG SOGS KHRI 'BUL RGYA CHE BA BSTAR, GUNG LA'ANG
GSOL STON DANG THON PHYAG SPAM MTHO BA GNANG, LHA BABS DUS CHEN NYIN STONG MCHOD SNA LNGA DANG, 'DUS PA RGYA MTSOR DGE 'DUN RER 'GYED DNGUL ZHO DO SKAR PHYED GSUM RE STZAL, SKABS SNGA PHYI DE DAG CI RIGS PAR GZIGS SNANG KHYAD PAR CAN BYUNG TSUL NI, BKRA SHIS RTZE'I NAR SGANG DU BZHUGS SKABS SHIG KHRON PA RI PHYOGS SU GZIGS NAS TZONG KHA PA YIN 'DUG CES PA DANG, LONGS SPYOD SKYED TSAL DU BZHUGS SKABS BKRA SHIS RTZE'I RDZONG GI RTZE NAS DPAL LDAN LHA MO NGA RANG TSOR GZIGS KYIN 'DUG CES DANG, DGRA LHA DPANG BSTOD KYI SKABS SHIG NAM MKHAR GZIGS TE BZHAD CING YE SHES CHOS 'DZOM LTOS DANG, NE SER BA LAG NA ME TOG THOGS NAS NGA LA PHYAG 'TSAL GYIN 'DUG CES DANG, DE NAS CUNG ZAD TZAM NAS DA BKRA SHIS LHUN POR LOG SONG GSUNG, LUG GDONG GZHIS KA DON GRUB SMON MKHAR DU BZHUGS SKABS SHIG YE SHES CHOS 'DZOM LA LTOS DANG PHA GI NA BLO BZANG GRAGS PA BZHUGS 'DUG GSUNG ZHING PHYAG 'TSAL GNANG, NYIN GCIG GSOL CHAS CHER MI BZHES PAR 'DUG PA LA MCHOD DGOS TSUL NAN GYIS ZHUS PAR, NGA LA DA NANG NE SER BAS ZHO BYIN PA MANG PO 'THUNGS PAS DA LTA LTO ZA MI THUB 'DUG ,NGA'I PHRENG BA YANG NE SER BAR BYIN PA YIN ZHES GSUNG PA LTAR PHYAG PHRENG MI 'DUG PA BTZAL KYANG ZHAG 'GA'I BAR MA RNYED, NYI MA 'GA' SONG MTSAMS MA nI KHRI SKOR DPANGS MTHON PO RJE RANG NYID KYI PHYAG GIS MI RNYOBS PA ZHIG GI STENG NAS RNYED BYUNG BAS THAMS CAD YA MTSAN PAR GYUR, GDAN SA CHEN POR PHEBS NAS KYANG NYIN GCIG PHYAG
, ,MDZOD CHEN MO SKU ZHABS SU PHEBS PA NA, RAB BYUNG MA YE SHES CHOS 'DZOM LA PHYAG MDZOD PHEBS PA DANG MNYAM DU NE SER BA YANG DBU ZHVA CHEN PO ZHIG MCHOD NAS PHEBS BYUNG, KHYOD DANG GZIMS CHUNG MDOR MJAL BYUNG NGAM ZHES BKA' PHEBS PAR BDAG DANG MJAL MA BYUNG YANG DE KAR 'JIGS SNANG CHEN PO BYUNG ZHES ZHUS, YANG SKABS SHIG GZIMS CHUNG BKA' GDAMS PHO BRANG GI SGO BSGRIGS KYI NANG KHUGS DER GZIGS TE, 'DI NAS RES 'GA' LHA MO DANG, RES 'GA' LCAM SRING; RES 'GA' LA MO RNAMS PHEBS KYI 'DUG PAS DER MA SDOD CIG GSUNG PAR, RAB BYUNG MA YE SHES CHOS 'DZOM SOGS LA 'JIGS SNANG CHEN PO BYUNG, YANG LAN CIG SBUGS KYI PHYAG MDZOD NA RJE BTZUN SGROL MA BZHUGS 'DUG ,NGAS PHYAG BTZAL PA YIN ZHES PA DANG, KHYAD PAR NYIN GCIG GZIMS CHUNG NYI 'OD 'KHYIL PAR ZHABS 'CHAG TU PHEBS SKABS SHIG BZHUGS KHRI CHEN MO'I PHYOGS SU PHYAG 'TSAL MANG DU MDZAD RJES STAN LA BZHUGS TE PHYAG THAL MO SBYAR NAS GSOL BA 'DEBS PA'I TSUL MDZAD KYI 'DUG PAR, PHYAG MDZOD BLO BZANG TSE DBANG NAS JI LTAR LAGS ZHUS PAR, BZHUGS KHRI'I STENG DBUS SU RJE BTZUN TZONG KHA PA CHEN PO DANG, G-YAS G-YON DU RJE BTZUN 'JAM DBYANGS DANG PHYAG RDOR BCAS BZHUGS 'DUG PA LA GSOL BA BTAB PA YIN ZHES BKA' PHEBS, DE LTAR SKU NA PHRA MO'I DUS SU GZIGS SNANG BYUNG BA RNAMS THOL BYUNG DU GSUNG YANG, PHYIS SU DE 'DRA'I SKOR ZHUS PA NA BDAG GIR MI MDZAD CING MTHONG MTHONG MANG PO MED PA 'DI NGA'I RNAM THAR GYI GTZO
PO YIN ZHES SBAS PA KHO NA MDZAD DO, ,THA MAL SNANG ZHEN DRI MA DANG, ,BRAL BA'I YID KYI KUN GSAL NGOS, ,RGYAL BA'I RGYU SKAR BGRANG YAS PA, ,DVANGS MTSOR ZLA GZUGS BZHIN DU BKRA ,GRANGS MED RGYAL BA'I DKYIL 'KHOR NI, ,NAM 'DOD GZIGS LA DBANG 'BYOR NA, ,LHA 'GA'I SNANG BRNYAN 'DREN BYED MTSOR, ,GSAL BAR SNANG ZHES SU ZHIG MTSAR, ,DGUNG LO GSUM BZHES PA NA SLOB DPON MKHAS PA BSTEN NAS LJAGS KLOG SLOB TSUL GNANG BAS LO 'DI'I ZLA BA BCU GNYIS PA'I BAR DU YI GE DKAR NAG GI KLOG SHIN TU BYANG BA DANG, GANG BLO MA, SHES BYA'I MKHA' DBYINGS MA, SKYABS 'GRO, YAN LAG BDUN PA, MKHA' MNYAM MA, NYI GZHON 'CHAR GA MA, TSE GZUNGS, DBYANGS CAN MA'I BSTONG PA, SHAR GANG RI MA, BSNGO BA TSIGS BCAD, SMON LAM THOG MTHA' MA, LHA MO'I GTOR 'BUL, GZHI BDAG GTOR MA, SANGS RGYAS BYANG SEMS CHOS SRUNG RNAMS KYI BSTOD PA MANG PO RNAMS DKA' TSEGS MED PAR THUGS 'DZIN GRUB PAS MKHYEN RAB 'GRAN ZLA DANG BRAL BA ZHIG 'OD BA 'DUG CES GLENG, DE NAS BZUNG STE LHA MO'I GTOR 'BUL DANG GZHI BDAG GTOR BSNGO CHAG MED MDZAD, TSES NYER GCIG LA RGYUD PA GRVA TSANG DU DGE 'DUN RER 'GYED DNGUL ZHO GSUM RE, RNAM BZHAG BCAS BSTAR, DE'I PHYI NYIN RGYUD GRVAR LO MJUG LCAGS MKHAR GTOR CHEN GYI SGRUB PA DANG NGO MTSAR BKOD PAR DUS GTOR BSKANG GSO SNGAR LTAR TSUGS, DBUS GTZANG GI CHOS SDE RNAMS SU BKA' 'GYUR DANG BSTAN 'GYUR GSUNG SGROG ,CHOS SRUNG GI BSKANG GSO, SGROL MA DANG GDUGS
, ,SHER SOGS SO SO'I 'DON RGYUN DANG BSTUN PA MDZAD RGYU'I DGOS CHA 'BRUR PHAB KHAL CHIG 'BUM BDUN KHRI LNGA STONG SKOR DANG, LO 'DI NANG DBEN DGON GRVA RIGS YE SHES BKRA SHIS, YE SHES MTHA' YAS, BKRA SHIS 'BYUNG GNAS, YE SHES MTHA' YAS, DON GRUB RGYAL MTSAN, YE SHES BSOD NAMS, PHUN TSOGS BKRA SHIS RNAMS KYIS BDE MCHOG RTZA RGYUD, 'BRONG RTZE BA BLO BZANG TSUL KHRIMS DANG RDZONG KHA BA YE SHES BSOD NAMS GNYIS KYIS RNAM 'GREL RTZA BA DANG, RNAM BSHAD THAR LAM GSAL BYED, STAG MO PA BLO BZANG BZOD PA DANG, BZHAD PA DGE 'DUN DPAL BZANG GIS RNAM 'GREL GYI THAL PHRENG LE'U BZHI, SNGAGS GRVA HAR GDONG PA DKA' CHEN YE SHES BSTAN 'DZIN GYIS DPAL GSANG BA 'DUS PA'I BSKYED RDZOGS, ZLA BA TSE RING GIS GSO RIG RGYUD PA ZHI BCAS KYI RGYUGS PHUL BAR, GOS DAR, GON PA JA SOGS KYI GNANG CHA GZAB PA BSTAN RGYUN LA PHAN PA'I CHED DU STZAL, RNGA CHEN ZHES PA CHU KHYI GNAM LO GSAR DU BZHAD PA'I TSES GCIG GI SNGA DRO GZIMS CHUNG NYI 'OD 'KHYIL PAR 'DOD BA KHAMS KYI DBANG PHYUG MAR TSES GTOR DANG LHAN CIG DAM RDZAS SPYAN GZIGS MCHOD PA'I BYE BRAG RGYA CHEN POS MCHOD, LO GSAR GYI MTSAMS ZHU 'BUL MI GZHUNGS MCHOD YON DANG SA SKYA BCAS KYI SKU TSAB, YAB YUM GNYIS, BRUL TSANG RI GDONG PA, SDINGS CHEN PA, BKRA SHIS MTHONG SMON PA SOGS THAG NYE RING GI MGRON RIGS RNAMS DANG, SNAR THANG, DGA' LDAN RAB RGYAS, PHUN TSOGS GLING BA, SHEL DKAR CHOS SDE,
ZE MKHAR CHOS SDE BA SOGS LHA SDE MI SDE NAS LO GSAR GYI RTEN 'BYUNG 'BUL MI, ZHABS 'BRING BA DRA GZHAN DKYUS GSUM, SKU SKYE, RJE DRUNG, CHOS MDZAD SOGS BZHUGS GRAL DANG BO'I MGRON DU 'OS PA RNAMS DANG, RGYA DANG KHAMS SOG GI GRVA RGYUN GANG YOD SOGS BZHUGS GRAL GNYIS PA'I MGRON RIGS BCAS LA RIM BZHIN PHYAG DBANG DANG LO GSAR GYI DGA' STON CHEN POS TSIM PAR MDZAD DO, ,PHUN TSOGS BGRANG BYA GSAR DU TSES BA'I MOD, ,MGON KHYOD 'DOD KHAMS DBANG PHYUG DMAG ZOR MA, ,DGYES BSKYED DAM RDZAS SPYAN GZIGS SPRIN DBUS LAS, ,BSKANG 'PHRIN DBYAR RNGA RGOD PA'I GAR GYIS BREL, ,DGE LEGS DUS STON GSAR BA'I SBRAD RTZI YIS, ,GNAM LO'I LEGS SKYES STOBS PA'I RKANG DRUG PA, ,MTHA' DAG SIM PA'I TSOR BAS MYOS GYUR TE, ,KUN DGA' GLU DBYANGS DAR DIR SGROG LA BRTZON, ,TSES GNYIS KYI NYIN TSOGS CHEN DGE SKOS KYI BUR STON DANG, BKRA SHIS RTZE NAS GSOL STON, DE NYIN NAS BZUNG MTSAN NYID GRVA TSANG KHAG GSUM NAS BSTAN PA'I RNAM GZHAG PA BKA' CHEN BZHENGS MKHAN BCO BRGYAD KYI NANG TSAN MI DRUG REL SNGA DRO PHYAG DBANG GNANG PA'I MJUG TU SO SOR RJE NYID KYI PHYAG PHRENG RE YANG BSRUNG BA'I CHED DU GNANG, NYIN PHYI MA GNYIS LA'ANG MI DRUG RE LA DE KHO NA LTAR MDZAD, KHONG RNAMS NAS KYANG RDO BCAL CHEN MOR MKHAS MANG TSOGS PA'I DBUS SU DBU MA, 'DUL BA, RNAM 'GREL, PHAR PHYIN RNAMS KYI DGONGS DON LAS BA RTZAMS TE BSHAD PA DANG, GZHUNG DE DAG GI DGONGS DON LUNG RIGS KYI LAM NAS DRANGS TE LEGS PAR BSHAD PA'I DGA'
, ,STON SPEL, LO GSAR GYI MTSAMS ZHU 'BUL MI RNAMS PHYIR LOG GDONG SO SO'I 'BYOR LAN DANG GNANG SKYES KYANG STZAL, TSES LNGA'I NYIN CHO 'PHRUL CHEN MO'I SMON LAM SNGAR LTAR TSUGS SHING DE NYID RJE GONG MA'I DUS MCHOD KYANG YIN GSHIS, MCHOD DBYANGS SKABS KYI MCHOD RDZAS SU GSAR BSKRUN MU TIG GIS MNGON PAR BKRA BA'I RTEN KHEBS DANG RIGS LNGA, MCHOD PA'I LHA MO'I SNANG BRNYAN GOS LHAN THABS LAS GRUB PA, MAndAL RIN PO CHE'I PHRA LDAN RNAMS SBYOR 'JAGS GNANG, TSES BDUN GYI NYIN GZA' SKAR LEGS STABS DBU SKRA BSIL ZHING MDO SDUD PA THUGS 'DZIN GYI DBU TSUGS, DE SNGON GNAM GSHIS MI LEGS PA'I MUR YOD KYANG, DE NYIN NAM MKHA' G-YA' DANG BRAL ZHING ME TOG GI CHAR BABS, DE SKABS THOS BSAM GLING ZHAL SNGA NAS DANG SPYI SA, MI TSAN SOGS NAS DKAR SPRO DANG KHRI 'BUL SBAM MTHO BA, 'DUS TSOGS SU MANG 'GYED KYI BSNYEN BKUR BCAS RTEN 'BREL CHED BSGRIGS LTA BU BYUNG, MI SNA CHED MNGAGS KYI GDONG GZHUNGS MCHOD YON DU SKU'I MTSAMS ZHU DANG, LHA LDAN SMON LAM THOG JO SH'AKA RNAM GNYIS SU STONG MCHOD RGYAS PA, SNYAN SHAL, 'PHAGS TSOGS 'DUS BA RGYA MTSOR MANG JA SBYOR SBREL THOG DGE 'DUN CHIG KHRI BDUN STONG BDUN BRGYA BCO LNGA LA GRVA RER 'GYED DNGUL BAL tAm RE BCAS SNGAR SROL BZHIN DANG, SKYABS MGON MCHOG KHRIR PHEBS KYI LEGS SO'I BSNYEN BKUR DU 'DUS TSOGS SU MANG JA'I THOG BKRA SHIS PA'I KHA BTAGS RE'I 'GYED, BSNGO RTEN, RNAM GZHAG BCAS
GZABS, DGA' LDAN GSER GDUNG DANG, RVA SGRENG GI JO BO 'JAM DPAL RDO RJE SO SOR MCHOD 'BUL, SER 'BRAS DGE GSUM SOGS DBUS BYANG RGYUD KYI DGON KHAG BZHI BCU ZHE GNYIS LA MANG 'GYED, MA GCIG DPAL LHA DANG LA MOR SNYAN SHAL MCHOD 'BUL BCAS BSTAR, ZLA BA DE KHA'I TSES BCU GSUM LA SRAD RIN CHEN RTZE NAS MANG JA 'BRAS THUG ,TSA DRO BCAS KYI BSNYEN BKUR SNGAR BZHIN BSTABS, PHYI DRO MA nI SKOR DPON BAS MCHOD ME'I THEBS SU DGE BSKUL BGYIS PA'I MAR 'BUL BTAG ,TSES BCO LNGA'I NYIN BKRA SHIS LHUN PO'I LHA KHANG RNAMS SU STONG MCHOD SNA LNGA PHUL, 'DIS MTSON CHO 'PHRUL SMON LAM SOGS DUS CHEN BZHIR LHA KHANG RNAMS SU STONG MCHOD SNA LNGA, YAN LAG BDUN PA, KHRUS GSOL, MJUG TU BSTAN 'BAR MA, 'DUS TSOGS SU DNGUL RKYANG DANG THEBS RTZIS BCAS DANG PO GNYIS LA BAL tAM RE DANG, GSUM PA LA BAL tAM PHYED GSUM RE, BZHI PA LA BAL tAM PHYED GNYIS RE BCAS 'CHAR CAN DU GTONG BA MDZAD, DUR BDE RAB BRTAN RDO RJE WANG GI BLA MA NGO G-YOG ,'BA' RDZONG DPON BKRA SHIS PHUN TSOGS KYI MI SNA GNYER BA TSANGS BA NGO G-YOG BCAS SO SO NAS KHRI 'BUL BSTAR ZHING PHAR YANG SLOG CHA MI DMAN PA STZAL, ZLA BA GNYIS PA'I TSES BCU GSUM GYI NYIN PAn CHEN BLO BZANG CHOS RGYAN GYI DUS MCHOD YIN GSHIS, TSOGS CHEN DU MAR NYAG LNGA RE DANG TSA DRO, 'BRU MKHAR KHAL RE'I 'GYED DANG, GTZANG RONG KHUL GYI GRUB MTHA' RIS MED KYI DGON KHAG BRGYA DRUG CU RE DRUG LA MANG JA LNGA RE DANG, 'GYED DNGUL SKAR PHYED GSUM RE, RI KHROD KYI SDE SUM CU SO GNYIS LA ZLA BA GCIG GI RING NYIN LTAR MANG JA
, ,GSUM RE DANG, DNGUL ZHO GSUM RE'I 'GYED 'CHAR CAN DANG, ZLA BA GSUM PA'I TSES BRGYAD LA BKA' 'GYUR GSER MA LA RAB GNAS MDZAD CING RAB STON DANG YON 'PHAR MA, TSOGS CHEN DU DNGUL SRANG RE DANG RNAM GZHAG BCAS STZAL, DA LAS B'A DUR DPON G-YOG DRUG BRGYA SKOR DANG RGYUN BZHUGS JO T'A ZHIN GYI GNYER BA SNE SHAN BCAS RIM BZHIN 'BYOR BAR PHYAG DBANG DANG JA GRAL GNANG ZHING, TSES BCU GSUM LA DA LAS B'A DUR NAS DNGOS 'BUL DANG BCAS ZHABS BRTAN GSOL 'DEBS ZHUS, PA RI BLA MA DANG BKRA SHIS LJONGS SPRUL SKUS KYANG DNGOS 'BUL BSTAR, BLA BRANG NAS DA LAS B'A DUR LA GSOL STON DANG ZUR GSOS SOGS BSNYEN BKUR GZABS, DA LAS B'A DUR NGO G-YOG RNAMS PHENGS KAR THON PHYAG SBAM MTHOB STZAL, DKA' CHEN DGE 'DUN RIN CHEN NAS KHRI 'BUL GYI DNGOS PO BSTAR, DPYID CHOS GNYIS PA'I THOG TSOGS CHEN DU DGE 'DUN RER 'GYED DNGUL ZHO GSUM RE DANG SPYIR 'BRU KHAL LNGA KHRI TSIG STONG BDUN BRGYA DANG LNGA BCU NGA LNGA RTZIS KYI SER SKYA'I GON PA SOGS DNGOS PO SNA TSOGS BSTABS, MTSO SNGON DPON MO RNAM RGYAL SGROL MA'I MI SNA 'BYOR TE KHRI 'BUL BSTAR ZHING PHAR YANG GNANG SKYES STZAL, SA GA ZLA BA'I TSES BDUN NAS BZUNG RJE BLA MA MCHOG RTEN GZIGS LA PHEBS TE BRGYA MCHOD SNA LNGA DANG SNYAN SHAL BCAS BSTAR, GZHAN YANG RTAN BYIN CAN RNAMS LA RIN PO CHE'I PHRENG BA DANG NA BZA' SOGS 'BUL BA MDZAD, KHRO PHU'I SMON LAM THOG MANG JA GSUM 'GYED BCAS DANG, BYAMS MGON LA SNYAN
SHAL; GSANG SNGAGS RGYUD BA GRVA TSANG DU SPYI 'GYED 'BRU KHAL SUM STONG RTZIS KYI DNGOS PO DANG, SNYAN SHAL, RNAM GZHAG BCAS BSTAR, MNGA' RIS KYI SA CHAR GNAS PA'I GRUB MTHA' RIS MED KYI DGON KHAG BRGYA BZHI BCU ZHE BZHI LA MANG JA LNGA RE DANG KHA BTAGS RE'I 'GYED, NYE SKOR GYI SGRUB SDE SUM CU SO GNYIS LA ZLA BA GCIG GI RING NYIN LTAR MANG JA GSUM RE DANG, 'GYED DNGUL ZHO GSUM RE GNANG, TSES BCO LNGA LA SNAR THANG DU MANG JA LNGA DANG 'GYED DNGUL SKAR PHYED BRGYAD RE, SNAR THANG GI LHA KHANG RNAMS SU BRGYA MCHOD SNA LNGA TSAR LNGA, SNYAN SHAL BCAS PHUL, LI THANG BLA GRVA DANG RDZONG DPON, TSA GAN NO MON HAN GYI MI SNA BCAS 'BYOR TE KHRI 'BUL BSTAR ZHING THON PHYAG KYANG GNANG MTHO LDING MKHAN POR DKA' CHEN DON GRUB RGYAL MTSAN THON RGYUR GNAD SKYES STZAL; HAL HA NO YON CHOS RJE'I SKU SKYE RANG YUL DU LDOG RGYUR THON PHYAG GNANG, ZLA BA LNGA PA'I TSES BCU BZHI NAS BZUNG NYIN GSUM GYI RING BYAMS PA'I SMON LAM CHEN MO TSUGS PAR NYIN DANG PO LA 'OD DPAG MED, GNYIS PAR THUB DBANG, GSUM PA LA BYAMS PA'I GOS SKU BKRAMS PA'I MDUN DU SNGAGS GRVA NAS SPYAN 'DREN KHRUS GSOL SOGS DANG, 'DUS PA RGYA MTSO YANG SKYID SKYID NA KHAR 'TSOGS TE NYI MA RE BZHIN GOS SKU LA MCHOD 'BUL, TSES BCO LNGA'I NYIN TSOGS MANG NAS GSO SBYOD BCAS MDZAD, SKYABS MGON CHEN PO GZIGS KHANG RGYAL MTSAN MTHON PO'I STENG DU ZHABS SOR BKOD DE MGON KHANG BA RNAMS DANG LHAN CIG KUN BZANG MCHOD SPRIN SPRO BA'I MCHOD 'BUL SOGS SNGON DU 'GRO BAS, BSTAN 'GROR PHAN BDE 'BYUNG
, ,BA'I THUGS SMON RLABS PO CHE GNANG, GZHIS RTZE RDZOD NAS KYANG 'DUS TSOGS SU JA THUG ,TSA DRO SOGS KYI BSNYEN BKUR ZHUS, DPAL 'KHOR CHOS SDER MANG JA'I THOG DGE 'DUN CHIG STONG BRGYA THAM BA LA 'BRU 'GYED MKHAR KHAL RE, RNAM GZHAG BCAS STZAL, RAB BYUNG MA YE SHES CHOS 'DZOM GYIS SKYABS MGON CHEN PO SKU BLTAMS BA NAS BZUNG 'DI LO PHAN LO LNGA TZAM GYI RING ZHABS 'DEGS YANG DAG BSGRUB PAR BRTEN RAB BYUNG MA RANG GNAS SU LOG SKABS JI SRID MTSO'I BAR GZHIS KA DON GRUB SMON MKHAR NAS 'BRU PHOGS ZHUS THUS KYI THUGS DAM BKA' SHOG RIN PO CHE, GSER SKU, GON PA LUS GANG, 'BRU RKYANG KHAL BRGYA, JA 'KHRO DRUG ,GOS DAR SOGS GNANG CHA YID TSIM PA STZAL, ZLA BA DRUG PA'I TSES BZHI RGYAL BAS CHOS 'KHRO BSKOR BA'I DUS CHEN DANG BSTUN DBUL PHONGS KYI DU: KHAS MNAR BA'I SLONG MO BSTONG PHRAG BRGAL BAR SO SO'I RE BA DANG BSTUN PA'I GSOL RAS STZAL TE YID TSIM PAR MDZAD, TSES BCO LNGA LA MCHOD KHANG RNAMS SU SNA LNGA'I BRGYA MCHOD, DE NYIN DBYAR GNAS KYI SBYOR BA DANG, DE'I SANG NYIN DNGOS GZHI TSUGS SHING DBYAR GNAS DANG BSTUN SGRUB SNGE SUM CU SO GNYIS LA ZLA BA PHYED GNYIS KYI RING NYIN LTAR MANG JA GSUM RE DANG, DGE TSUL SLONG RER 'GYED DNGUL ZHO GSUM RE; DBEN SA CHOS KYI PHO BRANG SOGS DGON KHAG BCU PHRAG BRGAL BAR ZLA BA PHYED GNYIS RE'I RING GI ZHABS TOG DANG DNGOS PO SNA TSOGS KYI SPYI 'GYED, RNAM GZHAG BCAS STZAL, RIG SNGAGS 'CHANG BA'I 'DUS TSOGS NAS BSKANG GSO'I DBYANGS
RGYUGS PHUL BAR ZHABS TOG DANG GSOL RAS GNANG, RJE GONG MA MA GSHEGS GONG TZAM NAS LO RE BZHIN THAN PA SHIN TU CHE BA BYUNG STE CHU SHIN TU DKON PA BYUNG BA LA 'DI LO RJE BLA MA'I BKA' DRIN LA BRTEN NAS YUL KHAMS STOD SMAD PAR GSUM TSANG MAR CHAR GYI RGYUN NYIN MTSAN KHOR MO YUG TU BABS PAS CHU KLUNG DANG CHU PHRAN RNAMS KYANG SHIN TU RGYAS PAR GYUR, ZLA BA BDUN PA'I TSES LNGA'I NYIN RJE GONG MA'I DUS MCHOD DANG BSTUN TSOGS CHEN DU MANG JA, 'BRAS TSA BCAS KYI THOG DGE 'DUN RER TSA DRO RTZAM KHAL RE, BZHES SPRO SNE KHA GSUM RE, RGYAR CHUNG GI NYI SHU GRAS RE, MCHOD ME'I RGYUR MAR NYAG LNGA RE, 'GYED DNGUL ZHO GSUM RE, BSNGO RTEN RNAM GZHAG BZAB PA BCAS STZAL, DE NYIN RJE BLO BZANG YE SHES KYI SKU GDUNG GI SKU MDUN DU STONG MCHOD SNA LNGA RGYAS PA, KHRUS GSOL, MCHOD 'BUL BCAS GNAD SMIN DANG GTZANG RONG GI DGON KHAG BRGYA DRUG CU RE BDUN LA MANG JA LNGA RE, 'GYED DNGUL ZHO RE, SGRUB SDE SUM CU SO GNYIS LA ZLA BA GCIG GI RING NYIN LTAR MANG JA GSUM RE, 'GYED DNGUL ZHO LNGA RE BCAS DANG; TSES BCO LNGA LA TSOGS CHEN DU DGE 'DUN NYIS STONG SUM BRGYA BCU GCIG LA 'BRU MKHAR KHAL RE STZAL, DBEN DGON DU YI GE BZHI PA'I BSRUNG BZLOG DANG, SNGAGS GRVA NAS GTZUG TOR BZLOG CHEN, YANG KHA SHAS KYIS 'BAR MA, SGROL MA G-YUL BZLOG ,GSER 'OD DANG SPRIN CHEN GSUNG SGROG ,KLU GTOR BCAS MDZAD PAR SO SOR YON DANG DGOS CHA STZAL, SNGAGS PA GRVA TSANG DU 'BRU MKHAR KHAL GNYIS RE'I 'GYED RNAM GZHAG BCAS DANG, TSES NYER LNGA LA TSOGS CHEN DANG SNGAGS
, ,GRVA'I CHOS KHRIMS PA RNYING PA NAS GTONG SGO BTANG LHAG GI DNGOS PO SNA TSOGS DANG GSAR BA GNYIS NAS SPOS PHUD PHUL TE PHYAG DBANG ZHUS, TSES NYER BRGYAD LA TSOGS CHEN DGE SKOS STAG MO BA DKA' BCU YE SHES SKAL BZANG LA PHYAG DBANG GI BYIN RLABS GNANG, ZLA BA BRGYAD PA'I TSES GNYIS LA MTSO SNGON GUNG B'A DUR DA'I CHING GI MTSAMS ZHU BA 'BYOR TE PHYAG DBANG DANG THON PHYAG 'BYOR LAN BCAS STZAL, KHAMS RMI LI MKHAN PO'I MGRON GNYER DANG CHOS 'KHOR RGYAL GYI MKHAN PO NGO MA BCAS NAS RIN CHEN DANG PO'I 'BUL NOD BZAB PAR KHONG NGO G-YOG LA PHYAG DBANG GI BYIN RLABS DANG JA GRAL THON RDZONGS BCAS BSTABS, 'DI SKABS NAS RIM 'BYOR SRAD RGYUD PA, GANGS CAN CHOS 'PHEL PA, RGYANG RO GSER SDINGS PA SOGS DBYANGS PHUD 'BUL MI BSOD SNYOMS PA RNAMS LA BSNYEN BKUR SNGAR SROL BZANG PO LTAR BSTABS, 'JAM PA'I DBYANGS GONG MA BDAG PO CHEN PO BSTAN 'GRO YONGS LA BKA' DRIN BSAM GYIS MI KHYAB PA YIN GSHIS, TSES BCU GSUM LA GONG MA CHEN PO'I 'KHRUNGS SKAR SKABS GSANG SNGAGS RGYUD PA GRVA TSANG TSOGS YONGS GZIMS CHUNG NYI 'OD 'KHYIL DU 'TSOGS TE GDUGS DKAR, SGROL MA, TSE GZUNGS SOGS 'GRO GANG CHE SNGA LO NAS BZUNG SMIN RGYAS SU BSGRUBS TE GONG MA CHEN PO ZHABS PAD BSKAL BRGYAR BRTAN CING CHAB SRID DAR ZHING RGYAS PA'I THABS RIM YANG DAG PA MDZAD PAR ZHABS TOG DANG YON GZAB STE STZAL, TSES BCO LNGA LA CHOS STON THOG ZUR BZHI SLOB DPON, DGE BSKOS CHEN MO, LAS
BYED; CHOS KHRIMS GSAR RNYING GNYIS BCAS LA PHYAG DBANG DANG, CHOS KHRIMS RNYING PA GNYIS LA GNANG CHA BSTAR, 'DI SKABS GSANG SNGAGS RGYUD PA GRVA TSANG GI TSOGS KHRO GNYIS DANG BKA' 'GYUR GSUNG SGROG PA'I TSOGS KHRO GCIG BCAS GSAR BLUGS MDZAD, ZLA BA DGU PA'I TSES GCIG LA BTZAN PO NO MON HAN GYI MI SNA, DGE TSUL MA BLO BZANG CHOS 'TSO'I MI SNA, GZHAN MA 'GRUL SDEB BCAS 'BYOR PAR PHYAG DBANG DANG JA GRAL GNANG, DGE TSUL MA NAS DNGUL RTA RMI GAM BCU BDUN SOGS KHRI 'BUL RGYA CHE BA BSTAR, GONG GSAL MI SNA RNAMS THON PHYAG GIS TSIM PAR MDZAD, TSES BCO LNGA LA DBUS NAS BSTAN 'GRO'I PHAN BDE'I RTZA LAG DAM PA RJE BTZUN NGAG DBANG BYAMS PA RIN PO CHE MJAL BAR BYON, TSES BCO BRGYAD KYI NYIN KHONG NAS GZIMS CHUNG NGU MDZOD BTAGS, MAndAL, DNGOS 'BUL SBAM MTHOB DANG BCAS ZHABS BRTAN ZHU GSOL GYI SKABS, STON PA THUB PA'I DBANG PO, RJE TZONG KHA PA YAB SRAS, PAn CHEN SKU GONG MA GNYIS BCAS KYI RNAM PAR THAR BA RAGS RIM SNGON DU BTANG NAS ZHU BA'I SNYING POR, RJE BTZUN MCHOG GI SPRUL PA'I SKU NYID NAS KYANG DAM PA'I RNAM PAR THAR PA DE RNAMS LA MIG LTOS YAR LTA MDZAD NAS BCOS SLAD DANG, GROGS DAN PA'I DBANG DU MA SONG BAR SKU NA TSOD CHUNG NGU'I DUS 'DI NAS BZUNG RANG NYAMS LA DPAGS PA'I THOS BSAM SGOM GSUM LA 'BAD PAR MDZAD DO; CHOS KYI RGYAL BO BLO BZANG RGYAL BA GNYIS PA YAB SRAS KYI BSTAN PA RIN PO CHE CHOS SDE CHEN PO 'DIR SPEL ZHING RGYAS PAR BYA BA'I KHUR CHEN PO BZHES DGOS PA'I GSOL 'DEBS NAN TAN DU MDZAD PA RJE NYID NAS KYANG THUGS KYI ZE'U 'BRUR BCAD PA'I
, ,TSUL BZHES SHING, PHYIS SU YANG DE DUS KYI GSUNG DE NGED KYI SEMS LA PHUR PA BTAB PA LTA BU ZHIG BYUNG ZHES YANG YANG GSUNG, 'DI LO TSANGS PA DUNG THOD CAN GYIS BSKUL MA MDZAD PAR BRTEN, RJE NGAG DBANG BYAMS PA'I DRUNG NAS, BYANG CHUB LAM SGRON GYI LUNG, RNAM 'JOMS KYI BYABS KHRUS, TSE DBANG GRUB RGYAL LUGS DANG 'JAM LUGS, RTA MGRIN GSANG SGRUB, GTZUG TOR RNAM RGYAL, SGROL DKAR, GDUGS DKAR, KHYUG NAG ,'JAM DBYANGS NAD SGRUB, KHRO BO SME BRTZEGS, MGON PO PHYAG DRUG PA'I CHO GA'I LUNG BCAS GSAN, BKA' CHOS GSAN PA'I TSE, RJE NGAG DBANG BYAMS PA BZHUGS KHRI MTHON PO DANG, RJE RANG NYID STAN DMA' BA'I STENG DU BZHUGS TE CHOS GSAN PA'I KUN SPYOD 'DUL BA DANG MDO SDE NAS 'BYUNG BA LTAR MDZAD PAS BSTAN PA'I DMIGS RGYAN DU GYUR, DENG SANG RANG NYID GOS MTHO PHYIN CHOS NYAN PA'I TSE YANG DE'I BRTUL ZHUGS MI 'DOR BA MANG DU SNANG BA NI BSTAN PA'I DBU 'PHANG SMOD PAR BYED PA'I RTAGS SU SNANG NGO, ,RJE DE NYID LA THUGS DAD TSAD MED PA MDZAD CING, LAM SGRON GYI LUNG GSAN SKABS DBU SHOG PHYAG TU PHUL BA SMRA BRJOD GTZANG ZHING SHAR RGYAG GIS KLOG PA GNANG BAS BLA MA MCHOG KYANG THUGS DGYES, MTSO SNGON AER TE NI DA'I CHING WANG GI MI SNAR PHYAG DBANG DANG 'BYOR LAN GNANG, ZLA BA BCU PA'I TSES GSUM LA PE'I CING MI SNA DKON GNYER CHEN MO RAB 'BYAMS PA KUN BZANG PHYIR 'KHOR BAR GONG MA CHEN PO'I BKA'I GSER YIG RIN PO CHER CHIBS BSU, SER SBRENG, DAR 'PHYAR SOGS SRI ZHU DANG GUS PA CHEN POS BSU BA MDZAD PA NI, 'DIS MTSON GSER
YIG PHEBS PA KUN LA MTSUNGS PAR BSGRUBS, 'DI SKABS GONG NAS THUGS DGYES PA'I GSER YIG GNANG RTEN DANG, GZHUNG LUGS RAB 'BYAMS LA GSAN SBYONG YANG DAG GNANG DGOS PA'I BKA' YANG PHEBS, GONG NAS ZHABS BRTAN PHUL BA'I SLOG TU GOS CHEN BRGYA DANG BCU GNYIS SOGS GNANG PA DGYES PA CHEN POS BZHES, KHONG NGO G-YOG DANG 'GRUL SDEB PA GZHAN LA'ANG PHYAG DBANG STZAL, DHA YAN TU RA'I CHOS RJE MI SER THUN MONG NAS KHRI 'BUL BTEG ,TSES BDUN LA WANG TSE RING RAB BRTAN GYI MI SNA LA 'BYOR PHYAG DANG DPAL LDAN JA SAG GI MI SNA LA THON PHYAG 'BYOR LAN STZAL, PE'I CING MI SNA DKON GNYER CHEN MO DANG TSAL 'DAM DU BLA MAR 'BYON MI DKA' BCU BLO BZANG BSHES GNYEN SO SO NAS DNGOS 'BUL BSTABS, TSES BCU GCIG LA DKON MCHOG WANG GI MI SNA DANG, BSTAN 'DZIN HU THOG THU'I MI SNA 'BYOR GDONG ZHU YIG RTEN LDAN DANG, WANG NAS DNGUL RTA RMIG DRUG SOGS KHRI 'BUL, WANG TSE RING RAB BRTAN SKU MCHED NAS DNGUL SRANG STONG PHRAG GCIG SOGS KHRI 'BUL, RGYA NAG TU BLA MAR 'BYON MIS LUNG PA DKA' BCU DGE 'DUN TSE RING NAS GNYER PA CHED MNGAGS GDONG KHRI 'BUL GYI BDOG PA BCAS BSTAR, PHYOGS 'DUS KYI MJAL KHA PA MANG POR PHYAG DBANG YANG STZAL, TSES BCU BZHI LA RGYA NAG NAS JA SAG BLA MA SNGAGS PA DBU MDZAD BLO BZANG 'PHRIN LAS KYI GNYER PA 'BYOR GDONG KHRI 'BUL GYI BDOG PA BSTABS, GONG GSAL GYI MI SNA RNAMS LA THON PHYAG DANG 'BYOR LAN GNANG, RGYA NAG TU BLA MAR 'GRO MI JO RDZONG PA'I ZLA BO RNAMS 'BYOR GDONG DNGUL, GOS DAR SOGS RTZI NA'I YUL GRU LAS THON PA'I DNGOS PO SNA
, ,TSOGS KYI KHRI 'BUL DANG, DE BSTUN AA MDO BA SOGS MDO KHAMS STOD SMAD DANG DHA YAN TUR NAS 'ONGS PA DU MA, BKA' BLON 'BRONG RTZE BA YAB SRAS DPON G-YOG BCAS LA PHYAG DBANG GI BYIN RLABS DANG BKA' BLON DPON G-YOG LA DNGOS PO'I GNANG CHA SOGS SO SO'I GO BABS DANG BSTUN PA'I GZOS SGO BDAG RKYEN GYIS MGU BA MDZAD, DGA' LDAN LNGA MCHOD CHEN MO'I NYIN LNGA MCHOD KHANG BA'I GNYER BA NAS MANG JA GNYIS DANG, TSA DRO BCAS KYI BSNYEN BKUR SNGAR RGYUN BZHIN BSTABS, GLING ME'ANG LEGS PAR BZHES PA BYUNG, ZLA BA BCU PA RTING MA'I CHOS GCIG LA AOR TU SU PE'I LI BKRA SHIS TSE RING GI MI SNA DANG GNAS RNYING CHOS RJE SO SO NAS KHRI 'BUL BTEG ,TSES DRUG GZA' SKAR SHIS PA'I NYIN DBEN SA CHOS KYI PHO BRANG BA RNAMS DANG CHOS 'KHOR DBUS SDINGS PA, CHU DBAR G-YU RTZE BA BCAS NAS GZIMS CHUNG NYI 'OD 'KHYIL DU BLA MA MCHOD PA'I CHO GA DANG 'BREL BA'I BRTAN BZHUGS PHUL, TSES BCU'I NYIN RJE NGAG DBANG BYAMS PA'I DRUNG DU DGE BSNYEN GYI SDOM PA MNOS, PHYI DRO DPAL RDO RJE 'JIGS BYED CHEN PO'I DBANG GI STA GON DANG, DE'I SAD NYIN DBANG DNGOS GZHI BCAS LEGS PAR GSAN, GTANG RAG GI YON DU MAndAL, MDZOD BTAGS, DNGUL SRANG LNGA BCU BCAS PHUL, CHOS BCO LNGA'I NYIN PHEBS RDZONGS KYI DNGOS PO GYA NOM PA BSTAR NAS RJE MEE TRI'I MTSAN CAN DBUS PHYOGS SU PHEBS PAR MDZAD DO, ,'JIGS MDZAD RDO RJES RJES BZUNG GANG DE'I DRUNG, ,DUS DGRA'I DBANG PO'I SMIN BYED LEGS MNOS TE, ,MA HA'I ZHAL CAN RNAL 'BYOR LA BRTEN NAS, ,GSHIN
RJE GSHED PO'I GO 'PHANG BRNYES PAR MDZAD, ,DNGOS 'BYOR MCHOD PAS GRUB DBANG MEE TRI'I MTSAN, ,MNYES PAR MDZAD DE DAM PA'I RNAM THAR LA, ,GZHOL BAR GYUR TSE NAG PHYOGS 'BYUNG BO'I TSOGS, ,YID KYI NGANG MO GDUNG BA'I CHU MTSOR ROL, ,AOR TU SUR 'GRO MI BLO BZANG CHOS 'PHEL DANG, DAM CHOS SBYIN PAS DNGOS 'BUL, 'DUS SDER MANG 'GYED KYI BSNYEN BKUR, DHA YAN TU RA BA KHA SHAS DANG TSAL 'DAM BLA MA SKOR LA THON PHYAG DANG SKU 'BUM GYI TSONG PA SOGS MDO KHAMS PA KHA SHAS LA PHYAG DBANG GI BYIN RLABS STZAL, SNGAGS GRVAR TSOGS KHRO GCIG KYANG SBYOR 'JAGS MDZAD, TSES NYER LNGA LA MKHAR SNGON SOGS KYI BLA DBON MANG PO'I MI SNA NGO BO BCU GCIG G-YOG BCAS KHYON BRGYAD CU SKOR 'BYOR PAR PHYAG DBANG GI BYIN RLABS DANG JA GRAL GNANG, STAG RTZER DA LAS B'A DUR NAS, LA MO CHOS SKYONG CHEN PO SKU PHEBS ZHUS PAR PAn CHEN MCHOG GI SPRUL PA'I SKU RIN PO CHER LO PHYI MA'I NANG DU SKU GEGS CHE TZAM 'DUG PAS GZUGS MED NGOS NAS ZHABS BRTAN 'BUL DGOS 'DUG CES PHEBS PA LTAR, CHOS RJE SKU RTEN BA'ANG 'BYOR TE PHYAG DBANG JA GRAL GNANG, DUR BDE WANG GI MI SNA NGO G-YOG, THOR GOD PE'I LI'I MI SNA BCAS 'BYOR TE WANG NAS ZHABS BRTAN DNGOS 'BUL SBAM MTHO BA BTEG ,AEL CHI RNAMS THON KHAR THON PHYAG DANG 'BYOR LAN BCAS STZAL, DBEN DGON DANG CHOS 'KHOR DBUS SDINGS PA BCAS SO SO NAS ZHABS BRTAN PHUL ZHING PHAR YANG BSNYEN BKUR GZABS, ZLA BA BCU GCIG PA'I TSES GNYIS KYI SNGA DRO GZIMS CHUNG NYI 'OD 'KHYIL BAR LA MO CHOS SKYONG CHEN PO SKU GSOL GNANG BAR PHEBS 'PHRAL CHOS SKYONG CHEN PO NAS MCHOD GAR GYI MJUG TU PHYAG 'TSAL LAN GSUM GNANG
, ,STE; RJE BLA MA MCHOG LA MJAL DAR 'BUL BA GNANG RJES ZHABS BRTAN BDEN TSIG BRJOD, SKU RTEN PA RANG GIS KYANG ZHABS BRTAN DNGOS 'BUL BSTAR, MKHAR SNGON THAM GA BLA MA THO YON HU THOG THU'I MI SNA T'A BLA MA NAS ZHABS BRTAN DNGOS 'BUL BTEG ,TSES DRUG LA GZIMS CHUNG NYI 'OD 'KHYIL PAR RJE BLA MA MCHOG ZHABS ZUNG BKOD DE, CHOS SKYONG CHEN PO SBYAN 'DREN SKU GSOL THOG GTANG RAG MCHOD SPRIN DU DNGOS BSHAMS TSOGS KYI 'KHOR LO DANG SBYAN GZIGS MCHOD RDZAS DANG BCAS TSAD MED PA BSTAR, SKU RTEN PA THON KHAR GNANG SKYES SBAM MTHO BA STZAL, MKHAR SNGON DU 'GRO MI SHANGS PA DGE SLONG GIS DNGOS 'BUL DANG BCAS ZHABS BRTAN GSOL 'DEBS ZHUS, THO YON HU THOG THU'I MI SNA SOGS LA THON PHYAG GNANG, TSES BCU GCIG LA 'BRONG RTZE CHOS SDE'I GRVA TSANG GONG 'OG GNYIS DANG SDE DGE BLA MA'I MI SNA BCAS KYIS DNGOS 'BUL BTEG CING, DE DAG DANG GZHIS RTZE RDZONG DPON B'A DUR NANG BA NGO G-YOG ,STONG 'KHOR ZHABS DRUNG GI MI SNA, NAG CHU KHA PA SOGS MANG POR PHYAG DBANG GI BYIN RLABS STZAL; TSES BCU DRUG LA MI DBANG NAS SHEL DKAR MI 'GYUR RDO RJE'I RDZONG DU BSTAN 'GYUR RIN PO CHE'I PAR GSAR BSKRUN GNANG GRUB PA'I PAR PHUD PO TI NYIS BRGYA NYI SHU RTZA DRUG DANG PAR NGO THOG BCAS 'BUL MI LAS BYED MGO BA MNGA' BDAG PA DANG ZHAL NGO HO SHUS CHI BCAS NGO G-YOG BZHI BCU SKOR LA PHYAG DBANG GI BYIN RLABS DANG JA GRAL BCAS GNANG, LA MO CHOS SKYONG GI LUNG PHEBS PA LTAR BCAD RGYA MDZAD, 'DI SKABS RGYAL DBANG RIN BO CHE'I MCHOD DPON ZHA LU MKHAN PO NGAG DBANG YON TAN 'BYUNG GNAS DANG
SDE DGE RGYAL PO DPON G-YOG ,GZHAN YANG MJAL PHYAG DON GNYER GYIS 'ONGS PA DU MA 'BYOR KYANG PHYAG DBANG GNANG STABS MA BDE, NGAM RING DGUN CHOS THOG MANG JA RDOR DOD BCAS PAR JA 'KHOR DRUG ,SPYI 'GYED KHA BTAGS, DNGUL SRANG LNGA BCU BCAS SNGAR BZHIN STZAL, ZLA BA BCU GNYIS PA'I TSES BCU GNYIS LA TSO BSDUS DGE 'DUN BRGYA DANG BRGYAD KYIS ZLA BA GCIG GI RING ZHABS BRTAN BSGRUBS PAR YON KYANG GZABS, SNGAGS PA GRVA TSANG PA RNAMS NAS ZLA BA PHYED GSUM GYI RING CHOS SKYONG GI BSKANG GSO MDZAD PAR 'GYED PA LA tAM GNYIS RE STZAL, TSES NYER GNYIS NAS DUS GTOR CHEN MO'I LCAGS MKHAR GTOR CHEN GYI SGRUB PA SNGAR RGYUN LTAR TSUGS SHING, TSES NYER BDUN LA SKU MTSAMS GROL TE GZHUNG GI MTSAMS ZHU PA LA PHYAG DBANG JA GRAL, DE'I PHYI NYIN BKRA SHIS MTHONG SMON PAS LO GSAR GYI STON MO PHUL BAR PHYI DRO THON PHYAG GNANG, GSANG SNGAGS RGYUD PA GRVA TSANG GI SLOB DPON ZHAL SNGA NAS, 'CHAMS DPON SOGS LAS BYED RNAMS LA PHYAG DBANG GI BYIN RLABS GNANG, DBEN SA CHOS KYI PHO BRANG SOGS NYE SKOR DGON PA SUM CU SKOR LA NYUNG MTHA' ZLA CHOS GSUM DANG, MANG MTHA' DRUG GI BAR, SGRUB SDE SUM CU SO GNYIS LA ZLA CHOS RE, YANG SGRUB SDE NYI SHU RTZA BZHIR 'PHAR MA ZLA CHOS RE SOGS GTZANG KHUL GYI DGON KHAG RNAMS SU DGOS CHA DANG YON STZAL TE ZHABS BRTAN TSAD MED PA BSGRUBS, SER 'BRAS DGE GSUM, RGYUD STOD SMAD, RNAM RGYAL GRVA TSANG, AUR GE GRVA TSANG SO SOR BSNYEN BKUR BSTABS TE ZHABS BRTAN RIM GRO CI LCOGS BSGRUBS, DGU GTOR CHEN MO'I DBYANGS ROL 'CHAMS ZOR 'PHEN SOGS GRA 'GRIG CING RTEN 'BREL LEGS PA BYUNG, TSES GNAM GANG
, ,LA 'CHANG CAN GYI DUS STON DKAR SPRO SNGAR BZHIN BTEG ,CHU KHYI LO 'DIR LO GSAR NAS BZUNG STE LO GCIG GI RING BKRA SHIS LHUN POR JA TSUL DANG PHOGS RGYUN GTONG, 'GYED, LHA KHANG RNAMS SU MCHOD 'BUL BCAS RNAM DKAR GYI GTONG SGO 'CHAR CAN DANG GZHUNG SA MCHOD YON, BOD BZHUGS AAM PA NA BCAS LA LO GSAR GYI MTSAMS ZHU, LHA LDAN SMON LAM 'DUS TSOGS SU MANG JA SBYOR SBREL GYI THOG 'GYED DNGUL BAL tAM RE DANG RNAM GZHAG ,JO SH'AKA RNAM GNYIS LA STONG MCHOD SNA LNGA, RANG BYUNG LNGA LDAN DANG RGYAL DBANG GONG MA'I GSER GDUNG GI SKU MDUN DU BRGYA MCHOD SNA LNGA TSAR LNGA, DPAL LHA DANG RA MO CHE'I MGON PO GNYIS LA MCHOD 'PHRIN BCAS LO LTAR 'CHAR CAN 'BUL GNANG MDZAD PA RNAMS ZHIB TU BRIS PA YIN ZHING, LO PHYI MA RNAMS SU YANG YANG LNGA BA SKYOR BYAS NA TSIG TSOGS CHES 'GRO BAS GCIG PU 'DIS LO GZHAN MA RNAMS LA KHYAB PAR SHES DGOS LA, GZHAN YANG RTEN GSUM GYI MCHOD PA DANG, DBEN DGON, SNAR THANG, DGA' LDAN RAB RGYAS, PHUN TSOGS GLING; THAR PA CHOS SDE, RGYAL CHEN RTZE, SGRUB SDE SUM CU SO GNYIS RNAMS SU PHOGS DANG RGYUN JA'I THEBS SOGS CHOS SDE KHAG MANG POS MTSON PAR DGE RGYUN RNAM DKAR GYI GTONG SGO 'CHAR CAN SNGAR SROL LTAR NYAMS MED MDZAD PA GTONG DEB RNAMS SU GSAL BA LTAR RO, ,LO 'DI NAD DBEN SA CHOS KYI PHO BRANG PA DKON MCHOG RGYAL MTSAN DANG BSTAN PA RGYAL MTSAN, YE SHES BKRA SHIS, BKRA SHIS YAR 'PHEL BCAS KYIS BDE MCHOG RTZA RGYUD KYI RGYUGS PHUL BAR GNAD CHA KHA BTAGS CHE
LEGS, BAN GZAN SPUS 'BRING, GOS KHA GANG, GRANG MO CHE PA SKU SKYE BLO BZANG RGYAL MTSAN GYIS RNAM 'GREL GYI RTZA BA DANG RNAM BSHAD THAR LAM GSAL BYED KYI RGYUGS PHUL BAR RTAGS BRGYAD KHA BTAGS CHE BA, BAN GZAN DANG, SHAM THABS, GOS RGYAN NYAN KHA GSUM, BYAD DAR KHA LNGA, SMAN KHA DRUG ,LHO RAS, GU GE BA BLO BZANG DBANG PHYUG DANG YE SHES TSE RING GLO SBUG PA BLO BZANG RNAM RGYAL BCAS KYIS RNAM 'GREL GYI THAL PHRENG LE'U BZHI'I RGYUGS PHUL BAR KHA BTAGS, BAN GZAN, GZHUNG JA BAR KHAG ,GOS KHA GSUM, SMAN KHA BDUN, DRIL, LHO RAS, SNAR THANG PA YE SHES BSAM GTAN GYIS LAM RIM CHEN MO'I RGYUGS PHUL BAR KHA BTAGS CHE BA, SHAM THABS SBUS LEGS, GOS CHEN DANG SMAN RNYING KHA BZHI 'BREL, JA DPE YAGS SBAG PHYED, DRIL, LHO RAS, DBEN DGON PA BLO BZANG 'JAM DBYANGS KYIS LAM RIM 'BRID PO'I RGYUGS PHUL BAR KHA BTAGS LEGS PA, BAN GZAN SPUS LEGS, GOS CHEN DANG SMAN RNYING KHA GSUM 'BREL, BYAD DAR KHA BZHI, DRIL, LHO RAS, STAG RTZE BA DPAL BZANG NAS GSO RIG RGYUD BZHI'I RGYUGS PHUL BAR KHA BTAGS, GOS SNGON DANG SMAN RNYING KHA GSUM 'BREL, BYAD DAR KHA BZHI, DRIL, KHUM BU, LHO RAS, SER KHANG PA BLO BZANG RAB RGYAS KYIS RNAM BSHAD DGONGS PA RAB GSAL GYI RGYUGS PHUL BAR GNANG CHA MOD MI DMA' BA RNAMS BSTAN RGYUN LA PHAN PA'I CHED DU STZAL, ` KHRAG SKYUG CES PA CHU MO PHAG GI LO ZLA BA DANG PO'I TSES BCU GCIG GI NYIN MDO SNGAGS KYI GZHUNG LUGS MTHA' DAG LA MI 'JIGS PA'I SLOBS PA DANG LDAN ZHING RJE BTZUN SGROL MA'I GSUNG GI SNANG BA THOB PA, DBANG LUNG MAN NGAG GI NOR BUS THUGS KYI BAD
, ,MDZOD YONGS SU GTAMS PA SNGAGS CHEN RDO RJE 'DZIN PA BLO BZANG BZOD PA'I ZHAL SNGA NAS YONGS 'DZIN DU MNGA' GSOL BAR MDZAD DE, THOG MAR DNGUL GYI MAndAL SOGS DANG BCAS CHOS BKA' GSAN PA'I TSUL NI, PAn CHEN BLO BZANG CHOS RGYAN GYI GSUNG 'BUM NANG NAS RJE BTZUN TZONG KHA PA CHEN PO LA BRTEN PA'I BLA MA'I RNAL 'BYOR, DBYANGS CAN MA'I BSTOD PA LHA'I GLU DBYANGS, 'JAM DKAR GYI SGRUB THABS SHES RAB MCHOG SBYIN, 'JAM DBYANGS AAR PA TZA NA'I SGRUB THABS NOR BU CHU SHEL DANG BLO GSAL KUNDA'I DGA' BYED, SMRA SENG GI SGRUB THABS RMONGS PA'I RNYOG SEL NOR BU CHU MDANGS MA DANG SHES RAB GSAL BYED, DBYANGS CAN MA'I SGRUB THABS, 'JAM DBYANGS KYI BSTOD PA SHES RAB GSAL BYED, 'JAM DKAR GYI BSTOD PA BLO GROS MIG 'BYED KYI THUR MA DANG, RJE'I GSUNG THOR BU NAS DBYANGS CAN MA'I SGRUB THABS RNAMS KYI LUNG GSAN PAR MDZAD DO, ,DRI MED BLO GROS CHU SHEL DBANG, ,LHAG BSAM BZANG PO'I CHA SHAS RDZOGS, ,BZOD PA'I BSIL ZER SPRO BA YIS, ,KHRO BA'I GDUNG 'JOMS BSHES GNYEN MCHOG ,RNAM DPYOD ME TOG GIS MDZES PA'I, ,MOS GUS MTHON MTHING RAL PAR BSTEN, ,LEGS GSUNG GA BUR THIGS PA 'BUM, ,'THUNGS PAS KHYOD THUGS KU MUD RGOD, ,RANG MO NYID NAS BRGYA STONG BSKAL PA RU, ,RNAM 'DREN BYE BA'I SPYAN SNGAR CHOS KYI SGO, ,MTHA' YAS GSAN TE CHOS PHUNG MA LUS PA, ,THUGS SU CHUD NA 'DI LTAS CI ZHIG BYA, ,'ON KYANG 'DI NA DBEN PA'I SMAN LJONGS SU, ,MANG DU THOS PA BOR NAS MUN SGOM TZAM, ,LAM GYI MCHOG TU 'DZIN PA'I KHENGS LDAN LA, ,'DOMS
PHYIR 'DI LTAR MDZAD PA GOR MA CHAG ,TSES BCO LNGA LA GZIMS CHUNG NYI 'OD DU SNAR THANG GNYER SPYI NAS DNGOS 'BUL DANG BCAS ZHABS BRTAN PHUL ZHING KHONG PA GRVA MANG DANG BCAS PAR PHYAG DBANG DANG SLOG CHAR MANG 'GYED BCAS STZAL, LO GSAR MTSAMS ZHU BA'I GDONG RJE BLA MA SKU NA RIM DANG BKRA SHIS LHUN PO'I BSTAN BSRUNG KHYAD PAR CAN MTHU STOBS DRAG PO'I DBANG PHYUG LA MO CHOS SKYONG CHEN POR TSES GSUM LTA TSES DGE BA'I THOG 'BUL RGYU'I GTANG RAG MCHOD SPRIN BCAS SU SNYAN SHAL NYIN MO BDE LEGS SNA LNGA SRID DU RING PA; DNGUL GYI MAndAL BKRA SHIS RTAGS BRGYAD KYI RI MOS MTSAN PA TSA GSER MA SNE 'DOGS SNA LNGA DANG BCAS PA, GSER PHUNG MGUR SRANG LNGA, ZHAL JA SPU JA SBAG ,TSOGS DOD DNGUL SRANG BCO LNGA, DNGUL PHOR BCUD KYIS GANG BA, GO KHRAB, DBU RMOG ,RU DAR, RGYAL MTSAN, ME LONG, MDUNG DMAR, LCAGS KYU SOGS SKU CHAS RGYAS PA, LHA RDZAS TSOS SNA LNGA, SNYAN SHAL SNA LNGA BCAS 'BUL BAR MDZAD, LA MO CHOS SKYONG SKU GSOL THOG SKU CHAS RGYAS PA 'BUL BA 'DI MO LO GANG YIN GYI SKABS SU 'CHAR CAN DU GNANG BA NI 'OG TU YANG SHES DGOS SO, ,SER 'BRAS DGE GSUM, RGYUD STONG SMAD, RNAM RGYAL GRVA TSANG, RME RU, BKRA SHIS LJONGS RNAMS SU YANG MANG 'GYED KYI BSNYEN BKUR BSTABS, ZLA BA GNYIS PA'I TSES GSUM LA MKHAR SNGON NAS CHI THO YON GYI MI SNA DANG, AOR TU SU'I BLA DPON KHA SHAS KYI AEL CHI, SKU SKYE PHAN BDE'I DPAL 'BYOR GYI MI SNA BCAS 'BYOR BAR PHYAG DBANG JA GRAL GNANG, DE NYIN GZA' SKAR PHUN SUM TSOGS PA'I STABS RJE GONG MA'I PHYAG TSA'I BAR GRAS NAS MGON PO TSE DPAG MED DANG SGROL
, ,DKAR YID BZHIN 'KHOR LO SOGS KYI SNANG BRNYAN PHYAG BDAR GYIS 'DEBS PA GNANG, NAS CHI THO YON GYI MI SNA NAS DNGOS 'BUL BSTAR, GONG GSAL GYI MI SNA RNAMS DANG, WANG TSE RING RAB BRTAN GYI BLA MA, AE LA CHI NGO G-YOG, AOR TU SUR 'GRO MI BLO BZANG CHOS 'PHEL NGO G-YOG RNAMS LA THON PHYAG GI GNANG CHA STZAL, TSES BCU DRUG LA HAL HA NAS BSTAN PA'I GSAL BYED RJE BTZUN DAM PAS DBUS HAL HA TSO PA BDUN SPYI NAS KHRI 'BUL ZHU BAR NO YON CHOS RJE DANG RJE BTZUN DAM PA'I GSOL DPON AER KHE THO YON, CHOS GRVA 'DI NYID NAS SOG YUL DU BLA MAR RDZONG STA MDZAD PA KHA SHAS DANG GZHAN YANG HAL HA SOGS KYI BLA DPON PHAL CHER GYI AEL CHI BCAS NGO G-YOG GNYIS BRGYA SKOR 'BYOR PAR PHYAG DBANG GI BYIN RLABS DANG JA GRAL BCAS STZAL, 'DI SKABS LHUN GRUB RTZE BA CHOS 'PHEL NAS DNGOS 'BUL BSTAR, NO YON CHOS RJE DANG AER KHE THO YON NGO G-YOG ,TZANG JUN WANG GI DBU MDZAD NGO G-YOG ,DZA YA PAndI TA NGO G-YOG RNAMS LA THON PHYAG STZAL, HAL HA DPAL GRUB WANG GIS DNGOS 'BUL BTEG ,NYE SKOR DU 'BRUM NGOGS BYUNG BAR BRTEN, SNGAGS GRVA NAS GTZUG TOR ZLOG CHEN 'PHANGS, TSES NYER BDUN LA LHA BTZUN NGO G-YOG LA THON PHYAG DANG MNGA' RIS GUNG GI MTSAMS ZHU BAR 'BYOR PHYAG GNANG, PHYAG RDOR THO YON NGO G-YOG LA THON PHYAG DANG; DZA YA PAndI TA'I PHYAG MDZOD NGO G-YOG RNAMS LA 'BYOR PHYAG STZAL, TSES GNAM GANG LA BKRA SHIS RTZE'I SDE BA MGON PO KHAMS RGYAL STON GYI RDZONG DPON LA 'BYON RGYUR MJAL DU 'ONGS PAR PHYAG DBANG JA GRAL DANG 'GRO KHAR THON PHYAG BSTAR, BLA MAS LUNG
PA'I MTSAMS ZHU 'BUL MIR THON PHYAG 'BYOR LAN GNANG, ZLA BA GSUM PA'I TSES BZHI LA DBANG CHEN NO MON HAN GYI KHU REL GYI DBU MDZAD MDANGS CHEN PA DKA' CHEN BLO BZANG BKRA SHIS DANG, THU SA LAG CHI'I MI SNA YE SHES SMON LAM SO SO NAS DNGOS 'BUL GYI BDOG PA DANG, 'GRUL SDEB GZHAN MAS KYANG DNGOS 'BYOR BSTABS, DE'I PHYI NYIN HAL HA TSO BA BDUN NAS DNGUL DKAR LAS GRUB PA'I MAndAL, SKU GSUNG THUGS RTEN, NA BZA' NYER SPYAD, GSER SRANG BRGYA DANG LNGA BCU, DNGUL SRANG BDUN STONG BZHI BRGYA NYI SHU RTZA BRGYAD, GOS CHEN YUG SUM CU SO DRUG SOGS DNGUL DANG DNGOS PO SNA TSOGS BSDOMS DNGUL SRANG CHIG KHRI'I RTZIS KYI DNGOS 'BUL BTAG STE ZHABS BRTAN BDEN TSIG BRJOD CING NO YON CHOS RJE DANG, RJE BTZUN DAM PA'I GSOL DPON NGO G-YOG LA PHYAG DBANG JA GRAL GNANG, TSES BRGYAD LA CHING WANG BDE CHEN SKYABS KYI BLA MA DGON KHRA BA DKA' BCU TSE BDAG DANG, RGYAL CHEN RTZE BA NO MON HAN GYI TSA BO YAR 'PHEL, DRUNG RAM PA LNGA 'DZOM BCAS SO SO NAS DNGOS 'BUL BSTAR, TSES BCU GCIG LA SNAR THANG DU RGYUD PA GRVA TSANG BA BLA GRVA SUM CU SO GCIG GIS BSTAN 'GYUR GYI GSUNG PAR RNAMS LA RAB GNAS MDZAD PAR YON KYANG BSTABS, SKABS 'DIR 'BRUM NAD KYI DOGS GZHIR BRTEN TSANG MAR MJAL KHA GNANG MA BDE YANG NO YON CHOS RJE DANG GSOL DPON AER KHE THO YON SOGS NGOM RNAMS DANG RAGS BSDUS KHA SHAS, DZA YA PAndI TA'I SPRUL SKU NGO G-YOG NYUNG BSDUS BCAS LA THON PHYAG GI PHYAG DBANG DANG MI SNA ZLA BCAS LA SO SOR BSRUNG MDUD, BYIN RTEN SKU BRNYAN, SPOS SNAM SOGS GNANG CHA DANG TSO BA SPYI SOGS LA BKA' LAN
, ,RTEN GZAB RGYAS BCAS STZAL NAS YID TSIM PAR MDZAD, TSES NYER GCIG LA NGA LAS HU THOG THU'I GCUNG AER TE NI THA'I JI, HA THON BCAS SOG 'GRUL KHA SHAS 'BYOR PAR NGO G-YOG BZHI BCU SKOR LA PHYAG DBANG JA GRAL BCAS STZAL, RGYUD STOD SMAD KYI GRVA PA DRUG CU SKOR DANG AE RA TE NI THA'I JI NGO G-YOG LA ZHAL MJAL GNANG ZHING, DE NAS RE ZHIG PAR SKU MTSAMS BCAD RGYA'I THOG YI DAM LHA'I LJAGS BSNYEN SOGS LA GZHOL BAR MDZAD, ZLA BA BZHI PAR SNGON DU DNGUL DKAR LAS RJE BTZUN SGROL MA YID BZHIN 'KHOR LO DANG, DMAG ZOD LHA MO'I SKU BRNYAN MGO BRTZAMS TE BZHENGS PA SKABS 'DIR GRUB PA'I NAD GZHUG TU THOG MAR BSIL BA'I DBU SKRA 'BUL BA MDZAD CING LHAG GNAS KYI ME TOG KYANG GTONG, TSES BCU GNYIS LA GSANG SNGAGS RGYUD PA GRVA TSANG DU ZLA BA GSUM GYI RING CHOS SKYONG YONGS RDZOGS KYI BSKANG BA'I THOG MGON PO DANG CHOS RGYAL, LHA MO BCAS KYI SGER BSKANG MDZAD PAR YON KYANG GZAB STE BSTABS, TSES BCO LNGA LA YONGS 'DZIN ZHAL SNGA NAS KYI DRUNG DU GSER ZHUN MA DANG, MGON DKAR GYI GTOR CHOG GI LUNG GSAN, ZLA BA LNGA PA'I TSES GNYIS LA HAL HA CHING WANG BDE CHEN SKYABS KYI BLA MAR RTA NAG PA DKA' CHEN BLO BZANG THEG MCHOG RDZONG STA GNANG BAR THON PHYAG DANG SKU BRNYAN BYIN RTEN BCAS STZAL, ZLA BA DRUG PA'I TSES GCIG LA YA DVAGS SA SKYONG NAS MI SNA CHED MDAGS KYIS KHRI 'BUL BZANG PO BTEG PAR BANG MI RNAMS DANG, TSES GSUM LA LHO 'BRUG SDE SRID AER TE NI SDE PA NAS SKU'I MTSAMS ZHUR MI SNA 'BYOR PA BCAS LA PHYAG
DBANG JA GRAL STZAL, HAL HA'I KHRI 'BUL GYI DNGUL PHUD NAS SRANG SUM CU SKOR LAS RJE BTZUN SENG LDENG NAGS KYI SGROL MA'I SKU BRNYAN RIN PO CHE'I PHRA LDAN BZHENGS PA RING BSREL GYI PHUNG POS GTAMS TE LHAG GNAS KYI ME TOG KYANG GTOR, TSES LNGA LA GU GE SA SKYONG GI SRAS BLO BZANG PADMA BKRA SHIS GSHEGS PA'I BSNGO RTEN DANG, 'DUS PA RGYA MTSOR MANG 'GYED BCAS 'BYOR PAR BSNGO SMON GYI RGYAS 'DEBS MDZAD CING MI SNA RNAMS LA'ANG PHYAG DBANG STZAL, ZLA BA BDUN PA'I TSES BRGYAD LA BSTAN PA'I GSAL BYED CHU BZANG SPRUL PA'I SKU BYON PAR PHYAG DBANG JA GRAL BCAS BSTAR, KHONG BA NAS DNGOS 'BUL GYA NOM PA DANG BCAS ZHABS BRTAN PHUL, TSES BCU GCIG LA PHYIR PHEBS RGYUR SKU BRNYAN, BYIN RTEN, SPOS SNAM SOGS GNANG SKYES SBAM MTHO BA STZAL, ZLA BA BRGYAD PA'I TSES BRGYAD LA SE RA 'BRAS SOGS KYI GRVA BA MANG POR ZHAL MJAL GNANG, TSES NYER GNYIS LA RGYA YAGS ZHABS DRUNG NGO G-YOG NYI SHU RTZA LNGA SKOR LA PHYAG DBANG JA GRAL DANG, PHYI DRO PHYOGS 'DUS MANG POR ZHAL MJAL GNANG, TSES NYER LNGA LA KHOD BA NAS DNGOS 'BUL BA STABS, ZLA BA DGU PA'I TSES GNYIS LA RGYA YAGS ZHABS DRUNG LA THON PHYAG DNGOS SKYES STZAL, SKABS 'DIR DGA' BZHI GUNG PAndI TE DANG, YUM, ZHABS DRUNG BDE LDAN SGROL MA, SRAS BCAS DPON G-YOG DRUG CU SKOR PHEBS PAR PHYAG DBANG DANG JA GRAL GNANG TSES BCO LNGA'I NYIN GUNG PAndI TA NAS MAndAL, SKU GSUNG THUGS RTEN, NA BZA' NYER SPYAD, DNGUL RTA RMIG BCU, GOS CHEN YU GNYI SHU RTZA GCIG SOGS DNGOS 'BUL SBAM MTHO BA DANG BCAS ZHABS BRTAN BDEN TSIG BRJOD, KHONG NGO G-YOG PHYIR PHEBS KUR SLOG CHA
, ,GNANG SKYES GYA NOM PA STZAL, DPAL LDAN SA SKYA'I BDAG CHEN KHRI THOG PA THEBS TE DNGOS 'BUL GYA NOM PA STABS, DAR LAN DBU THUG BCAS BKUR GZOS CHE BA MDZAD CING PHYAG MDZOD ZHABS PHYI BCAS PAR PHYAG DBANG DANG JA GRAL GNANG, PHAR PHEBS KOR 'BUL SLOG MI DMAN PA STZAL, TSES BCU DGU LA MNGA' RIS GUNG NGO G-YOG RNAMS 'BYOR BAR PHYAG DBANG JA GRAL GNANG, PHYI NYIN GUNG NAS MAndAL, SKU GSUNG THUGS RTEN, NYER SPYAD CHA TSANG, GSER ZHO BRGYA, DNGUL SRANG CHIG STONG LNGA BRGYA LNGA BCU THAM PA, SHING TOG SOGS DNGOS 'BUL RGYA CHE BA BTEG CING PAR YANG GSOL STON DANG BSNYEN BKUR GZABS, PHYIR PHEBS SKABS DNGOS SKYES SBAM MTHO BA STZAL, ZLA BA BCU PA'I TSES DRUG LA MTSO SNGON WANG TSE RING RAB BRTAN GYI AEL CHI SMAN PA BLO BZANG CHOS 'PHEL DANG ZI LING TSONG PAR NGO G-YOG BCAS LA 'BYOR PHYAG DANG, 'BRAS LJONGS RTA MGRIN DBANG PO NGO G-YOG DANG LI THANG BA, SER 'BRAS PA KHA SHAS, LHO PA BCAS MANG PAR ZHAL MJAL GNANG, WANG GI AE LA CHI NAS DNGOS 'BUL GYI BDOG PA BTEG ,TSES BCU GSUM LA DNGOS GRUB CHOS RDZONG PA DKA' CHEN BLO BZANG MKHAS BTZUN THOS BSAM GLING GI BLA MAR SKO BZHAG MDZAD, ZLA BA BCU GCIG PA'I TSES GNYIS LA KHAMS LI THANG BSTAN SKYONG SPRUL SKU NGO G-YOG BRGYAD LA PHYAG DBANG JA GRAL DANG, BYINGS LA ZHAL MJAL BCAS GNANG, 'DI SKABS GONG MA CHEN PO'I MI DRAG DANG BCAS JUN GAR GYI 'GRUL BA GTOS CHE BA 'BYOR RGYU'I BSU BAR SNA DKAR RTZER MGRON GNYER CHED RDZONG DANG, 'DIR
'BYOR NYIN THAB BSU, DRUNG 'KHOR, GRVA TSANG, MI TSAN KHAG NAS RTA BSU BCAS MDZAD, 'JAM DBYANGS GONG MA CHEN PO'I BKAS CHED DU MNGAGS PA YU AA SA GAN AA MA BAN DANG, TZANG JUN AU KHE RA T'A, JAR GO CHI, BI CHA'I CHI SOGS 'BYOR BAR GONG MA CHEN BO'I SKU'I MTSAMS ZHU MDZAD, GSER YIG GNANG RTEN BCAS STZAL BA DGYES GUS CHEN POS BZHES, AO ROD JUN GAR GYI DPON DGA' LDAN TSE RING DBANG POS MNGAGS PA'I MI SNA BLA MA PHYAG MDZOD PA, BLA MA GNYER BA JE'I SANG CHOS NAM MKHA', BA YES GU LANG, RDO RJE JE'I SANG, KHI YA'I GRAS RAB RGYAS, PHUR BU, ME GE CHE, BSTAN PA, MKHAN PO KHRI PA SGO MANG BLA MA BLO BZANG PHUN TSOGS KYI MI SNA DBON PO, LAM RIM BLA MA BLO GSAL GLING BO GO PO DGE 'DUN GRAGS PA'I MI SNA DGE SLONG DGE LEGS CHOS 'PHEL, THOS BSAM GLING BLA MA'I DGE SGRUB PA MCHEN DGE SLONG, SNGAGS PA BLA MA DMIGS PA RJE DRUNG GI MI SNA DKA' CHEN DPON PO, 'DUL BA BLA MA TSOGS GSOG PA'I GSOL DPON, AA CHEN BLA MA, HO THO LO BLA MA, CHOS MER GEN DA'I CHING, BKRA SHIS ZLA BA, YI KHE TSE RING DON GRUB KYI BU BA THO DANG, TSA BO ZLA BA CHI, GRAGS PA, DPAL 'BYOR, YA M'A KHU LA, SUR TSA'I BU, AU'I TZING HO SHO'U CHI, AA MO KO LANG BCAS KYI MI SNA RNAMS NAS BLA DPON SO SO'I ZHU YIG DANG RTEN GSER, DNGUL, GOS DANG, PAGS RIGS DANG, SPYAD PA KHYAD MTSAR DU MA TSAR DU DNGAR BA RNAMS BZHES SHING, KHONG PA RNAMS LA MTSAMS 'DRI DANG, PHYOGS DER ZHVA SER GYI BSTAN PA DAR RGYAS CHE BA AE YOD SOGS KYI BKA' 'DRI PHEBS, DE NAS GONG MA CHEN PO'I MI DRAG RNAMS DANG JUN GAR BLA MA JE'I SANG RNAMS KYIS GTZOS SOG PO BRGYA PHRAG
, ,MANG PO, THU SHE YE THU GUNG YE SHES TSE BRTAN, BKA' BLON MDO MKHAR BA SOGS LA STON CHEN GZAB PA BSTAR, DE NAS BLA MA JE'I SANG SOGS NAS DUS KYI CHOS NYID DU GYUR PA AER TE NI JO RIGS THU HONG THA'I JI DANG, DPON MO KUN DGA' RAB BRTAN BCAS KYI CHED BSNGO RTEN SOGS DNGOS RIGS SBAM MTHO BA PHUL BAR LJAGS BSNGO SKYABS 'JUG GNANG, JUN GAR DPON DGA' LDAN TSE RING DBANG PO'I ZHU YIG RTEN KHA BTAGS, RJE BLA MA'I RTOGS BRJOD MDUN LEGS MA, MTSAN NYID PO TI LNGA'I RTZA BA, GSANG 'DUS RGYUD GZHUNG, BSTAN 'BAR MA, GSER GYIS BRGYAN PA'I SHOG GA LI, NA BZA' SKOR CHA TSANG, 'KHAR GSIL, LHUNG BZED, SKU SNYE, BZHUGS 'BOL, DNGUL, GOS DAR SOGS PHON CHE BA DANG, RJE GONG MA'I DNGUL GDUNG RIN PO CHE'I ZHAL 'DEBS SU PAD RAG RDOG GNYIS, GSER SRANG BCU PHRAG NYI SHU, DNGUL SRANG NYIS STONG, DPON RANG GI RIM GRO DANG YAB YUM SOGS KYI DGE SGRUB TU 'DUS TSOGS SU MANG JA SUM STONG SUM BRGYA RIM GTONG GI THEBS BCAS BSDOMS GSER SRANG BRGYA DANG BCU, DNGUL SRANG CHIG KHRI DGU STONG BRGYA DRUG CU RE LNGA, MGO DKAR GYI GOS CHEN, RGYA GOS, MGO SNAM YUG ,BU LA HA RI, SRAM LPAGS, RAS CHA TSOS KHA SNA TSOGS SOGS DNGOS POS SPUS DAG MANG BA DANG, 'DUS TSOGS SU MANG JA NYI SHU RTZA LNGA, DGE 'DUN DER 'GYED DNGUL SRANG LNGA RE RNAMS DANG, RJE GONG MA GNYIS KYI SKU GDUNG SOGS RTEN RNAMS LA MCHOD RDZAS, MCHOD DOD PHON CHE BA PHUL, SRAS TSE DBANG RDO RJE RNAM RGYAL NAS KYANG DNGOS SKYES KYI BDOG PA DANG, THOS BSAM GLING GI BLA ZUR
DPAL LDAN YE SHES KYI DPON POS MTSAMS ZHU'I RTEN DANG, BLA MA'I DGONGS RDZOGS SU 'DUS SDER MANG 'GYED ZHU RTEN BCAS SU ZANG ZING GI BDOG PA GTOS CHE BA DANG, SNGAGS PA BLA MA DPAL 'BYOR RGYA MTSO'I BSNGO RTEN MANG 'GYED KYI THEBS SU DNGOS PO SNA TSOGS PA, TSOGS GSOG PA BLO BZANG CHOS 'PHEL GYI MTSAMS ZHU ZHU RTEN ZANG ZING GI DNGOS PO GYA NOM PA BCAS BTEG ,GZHAN YANG 'DUL BA, SNGAGS PA, SGO MANG BLA MA, BLA ZUR, DPON KHAG ,JE'I SANG, MI BZANG SOGS SER SKYA MCHOG DMAN PAR GSUM NAS MTSAMS ZHU'I RTEN SBAM MTHO BA DANG, LHA KHANG RNAMS SU MCHOD 'BUL, 'DUS TSOGS SU MANG JA BZANG MANG DANG, 'GYED BCAS KYI BSNYEN BKUR TSAD MED PA PHUL THOG JUN GAR DPON NAS, RJE BTZUN BLA MA NYID SHES BYA MTHA' DAG THUGS SU CHUD ZIN PAS THUGS GNYER SOGS LA LTOS PA MA MCHIS KYANG, THA MAL PA'I SNANG NGO DANG BSTUN MDO SNGAGS RIG GNAS MTHA' DAG LA GSAN SBYONG YANG DAG MDZAD DE MKHAS PA PHUL DU PHYIN PA'I TSUL BZHES NAS 'CHAD RTZOD RTZOM GSUM GYIS GO NAS ZHVA SER GYI RING LUGS NYIN MO LTAR GSAL BAR BYED PA'I BSTAN PA'I BDAG PO MDZAD DGOS, BDAG GIS KYANG STON PA SANGS RGYAS DANG 'JAM MGON TZONG KHA PA CHEN PO'I BSTAN PA DAR RGYAS SU DMIGS BYANG PHYOGS 'DIR MDO SNGAGS KYI 'CHAD NYAN, RTZOD GRVA, CHO GA PHYAG LEN RNAM DAG DANG LDAN PA'I DGE 'DUN GYI SDE MANG PO GSAR DU BTZUGS NAS, RJE RGYAL BA GNYIS PA'I BSTAN PA DAR ZHING RGYAS PA'I ZHABS 'DRAGS SU 'GYUR RE BYAS YOD, DON 'DI THUGS LA DGONGS TE GSOL BA BTAB PA'I DON LAS MI G-YEL BA THUGS RJE CHE DGOS ZHES PA'I
, ,ZHU YIG DANG, DE MTSUNGS PHYAG MDZOD CHEN MOR YANG MCHOG GI SPRUL PA'I SKU RIN PO CHES GSAN SBYONG YANG DAG MDZAD NAS MDO SNGAGS RIG GNAS KUN LA MKHAS PA'I PHUL DU PHYIN PA'I TSUL STON PA'I THABS LA 'BAD BRTZON MDZAD DGOS SOGS KYI ZHU YIG PHUL, TSES BCU GSUM LA GONG MA'I MI DRAG RNAMS DANG JUN GAR GYI AEL CHI RNAMS LA PHYAG DBANG JA GRAL GNANG, GUNG YE SHES TSE BRTAN DANG BKA' BLON MDO MKHAR BA SO SO NAS DNGOS 'BUL BTEG ,SGAR DPON RAB BRTAN RGYAL PO DANG, MDA' DPON LCANG LO CAN PA GNYIS NAS KYANG SGER MJAL ZHUS, TSES BCU DRUG LA GONG MA'I MI DRAG RNAMS LA THON PHYAG SBAM MTHO BA DANG, GONG MA CHEN PO'I GSER YIG GI LAN KYANG GZAB STE PHUL, GUNG YE SHES TSE BRTAN, BKA' BLON MDO MKHAR BA, SGAR DPON MDA' DPON SO SOR THON PHYAG RGYA NOM PA DANG, JUN GAR GYI AE LA CHI GONG GSAL RNAMS LA GNANG SKYES PHON CHE BA, DPON DGA' LDAN TSE RING DBANG PO SOGS BLA DPON RNAMS KYI 'BYOR LAN DPANGS MTHO BA STZAL TE YID KYI 'DOD PA 'JO BAR MDZAD DO, ,BYANG PHYOGS NOR 'DZIN CHOS BZHIN SKYONG MDZAD CING, ,RGYAL BA GNYIS PA'I RING LUGS 'OD DKAR CAN, ,DAD PA'I RAL PAR BSTEN PA'I DPAL LDAN PA, ,GANG DES BSTAN LA SRI ZHU BSGRUB PA'I SLAD, ,MDZANGS SHING GSAL BA'I BLO LDAN PHO NYA'I TSOGS, ,BGRANG YAS 'DOD DGU'I 'BYOR PA'I SKYES DANG BCAS, ,THAG RING YUL NAS CHED DU MNGAGS PA RNAMS, ,GANGS CAN LJONGS SU SPRO BZHIN LHAGS PAR GYUR, ,DE TSE KHYAD 'PHAGS ZANG ZING BDOG PA'I TSOGS, ,
PHANGS MED SA RDO BZHIN DU GCAL BKRAM STE, ,MGON KHYOD 'DUS PA'I TSOGS BCAS MCHOD PA NA, ,MGON MED ZAS SBYIN PHYOGS 'DIR 'ONGS SAM SNYAM, ,ZLA BA BCU GNYIS PA'I TSES BCU GSUM LA YU SHUL BA BSTAN PA DAR RGYAS KYIS DNGOS 'BUL BSTAR, LO 'DI NANG CHOS 'KHOR LHUN PO PA SANGS RGYAS BKRA SHIS DANG BSOD NAMS RIN CHEN GYIS BYAMS CHOS SDE LNGA, DBEN DGON PA YE SHES MCHOG LDAN DANG YE SHES TSE RING, BLO BZANG TSE RING, DPAL 'BYOR RGYAL MTSAN, BKRA SHIS RGYAL MTSAN RNAMS KYIS BDE MCHOG RTZA RGYUD, YE SHES YAR 'PHEL GYIS LAM RIM 'BRING PO, GRANG MO CHE BA BLO BZANG TSUL KHRIMS KYIS RNAM 'GREL GYI RTZA BA DANG RNAM BSHAD THAR LAM GSAL BYED SHAN SBYAR, SKYI MKHAR BA 'JAM DBYANGS BLO GROS DPAL LDAN DANG AE MA CHI DAR MO NAS BSOD NAMS RDO RJES RGYUD BZHI'I RGYUGS BCAS PHUL BAR KHA BTAGS, JA, GON PA SOGS GNANG CHA SNGAR RGYUN BZHIN STZAL TE, MIG DMAR ZHES PA SHING BYI LO ZLA BA GNYIS PA'I TSES GSUM GZA' SKAR 'PHROD SBYOR PHUN SUM TSOGS PA'I NYIN PHYAG MDZOD CHEN MO NAS LA MO CHOS SKYONG GI LUNG BSTAN LTAR KHA BTAGS, MAndAL BCAS GSOL BA BTAB NAS GSUNG BRTAG GNANG PA'I MGO TSUGS TE RIM GYIS AU CU MU CHIN CHE CHEN RAB BRTAN RNAM RGYAL DANG DPON MO SGROL MA SKYID, SRAS PHUN TSOGS RAB BRTAN GSUM GYI TSE BSOD RGYAS PA DANG, GEGS BAR GCOD ZHI THABS KYI RIM GRO ZHUS PAR SGROL MA DANG SHER SNYING, JUN GAR DPON DGA' LDAN TSE RING DBANG PO DANG SRAS TSE DBANG RDO RJE RNAM RGYAL GNYIS KYI TSE BSOD RGYAS PA DANG BSAM DON 'GRUB PA, GEG
, ,BAR GCOD ZHI THABS SU SGROL MA DANG GDUGS SHER, AER TE NI B'A DUR CAN GYI DGE TSUL GRAGS PA RGYAL MTSAN GYI LHAG PA'I LHAR TSE DPAG MED DANG CHOS SKYONG DPAL LDAN LHA MO, RGYUN GYI KHA 'DON DU DMIGS BRTZE MTHON ZHES STZAL CING; MA RIG PAS LDONGS PA'I 'GRO BA RNAMS LA BLANG DOR GYI GNAS GSAL BAR STON PAR MDZAD DO, ,LKOG GYUR SHES BYA'I GNAS LA RMONGS PA'I MUN, ,SEL SLAD DRI MED MKHYEN PA'I MKHA' DBYINGS LAS, ,LUNG BSTAN 'OD STONG GSAR DU 'GYED PA YIS, ,PHAN BDE SBRANG RTZI'I RGYAL MTSAN RGYAS PAR MDZAD, ,DE NAS KHONG RNAMS KYIS CHOS 'TSO'I AE SHI KHA'I MING ZHUS PAR BLO BZANG RNAM RGYAL ZHES GNANG, TSES BRGYAD LA YONGS 'DZIN BLO BZANG BZOD PA'I ZHAL SNGA NAS NYID LAS DPAL RDO RJE 'JIGS BYED CHEN PO'I BLA MA'I RNAL 'BYOR DANG; MGON DKAR YID BZHIN NOR BU, BEG TZE LCAM SRING, LHA MCHOG TSANGS PA CHEN PO, NE SER JO BO CHEN PO BCAS KYI GTOR CHOG GI LUNG RNAMS GSAN, RGYAL DBANG MCHOG GI YAB RJE BSOD NAMS DAR RGYAS GSHEGS PA'I SKYABS 'JUG ZHU RTEN 'BYOR TE BSNGO SMON YANG DAG MDZAD, ZLA BA GSUM PA'I TSES BCU GNYIS LA LAM RIM BLA BRGYUD DANG SANGS RGYAS SUM CU SO LNGA SOGS KYI SKU BRNYAN RNAMS LUGS SU BLUGS TE BZHENG BA'I LAS GRA TSUGS PAR BZO BO RNAMS LA DNGOS SKYES BSTAR, SA GA ZLA BA'I TSES GCIG GI NYIN JUN GAR GYI 'BUL PHUD NAS RJE BTZUN MA SGROL MA'I SKU BRNYAN BZHENGS PAR RAB GNAS MDZAD, TSES BRGYAD LA YONGS 'DZIN ZHAL SNGA NAS BLO BZANG BZOD PA LAS PHYAG RDOR GTUM PO'I SGRUB THABS DANG RNAM THOS SRAS KYI BSKANG GSO'I LUNG GSAN
MTHO LDING MKHAN POR NOR BU CHOS 'KHOR BA DKA' BCU BLO BZANG 'PHRIN LAS BSKO BZHAG GNANG ZHING KHONG RANG DANG MTSO SNGON WANG TSE RING RAB BRTAN GYI SMAN PA DGE SLONG BLO BZANG BZOD PA NGO G-YOG LA THON PHYAG STZAL, DE NYIN NAS BZUNG ZLA BA KHA SHAS BAR BLA MA YI DAM, SANGS RGYAS, BYANG SEMS, CHOS SRUNG SOGS KYI SNANG BRNYAN MANG PO'I PHYAG TSA PAR 'DEBS GNANG, 'DI SKABS RIM BZHIN THOS BSAM GLING ZHAL SNGA NAS DANG ZI LING TSONG BA NGO G-YOG, ,RGYAL YUM NYI ZLA DBANG MO SRAS BCAS RNAMS LA PHYAG DBANG GI BYIN RLABS DANG, SER 'BRAS PA SOGS DON GNYER PA KHA SHAS LA ZHAL MJAL GNANG, TSES BCU DGU LA MGRON GNYER DGE SLONG KUN BZANG GONG MA CHEN POR MTSAMS ZHU DANG ZHABS BRTAN 'BUL BAR RDZONG STA MDZAD, ZLA BA LNGA PA'I TSES BZHI LA YONGS 'DZIN SNGAGS CHEN ZHAL SNGA NAS LAS MGON PO PHYAG DRUG PA'I GTOR CHOG GI LUNG GSAN, ZLA BA DRUG PA'I TSES BCO LNGA'I NYIN YONGS 'DZIN ZHAL SNGA NAS LAS DPAL LDAN DMAG ZOR LHA MO DANG DPAL MGON ZHAL BZHI PA'I GTOR CHOG ,'DUS PA RGYA MTSO'I DBUS SU GNANG RGYU'I GSUNG BSNGO BCAS KYI LJAGS LUNG GSAN, TSES NYER DGU LA RGYAL DBANG MCHOG GI GSOL DPON GZHON PA RJE DRUNG BYANG BA NGO G-YOG LA PHYAG DBANG DANG JA GRAL BCAS GNANG, ZLA BA BDUN PA'I TSES LNGA'I NYIN YONGS 'DZIN ZHAL SNGA NAS LAS BCOM LDAN 'DAS RDO RJE 'JIGS BYED CHEN PO'I MNGON RTOGS KYI LJAGS LUNG GSAN, TSES BDUN LA TSOMS CHEN GSAR PA'I LDEBS BRIS DANG KHYAMS CHEN MO SOGS LA LHAG GNAS KYI ME TOG 'THOR 'BUL GRUB RJES MGON KHANG PA RNAMS DANG LHAN CIG MCHOD 'BUL SNGON DU 'GRO BAS BSTAN
, ,'GROR PHAN BDE RGYAS PA'I THUGS SMON RLABS PO CHE DANG, DE NAS MCHOD SDONG CHEN MO MJAL PAR PHEBS NAS MCHOD 'BUL DANG BSTAN 'GROR PHAN BDE RGYAS PA'I THUGS SMON GONG BZHIN GNANG, 'DI NYIN TSOMS CHEN DU BRGYA MCHOD SNA LNGA TSAR GCIG DANG, PHYI NYIN NAS BZUNG ZHAG BDUN GYI RING NYIN LTAR MCHOD PA SNA LNGA TSAR BDUN RE 'BUL BA MDZAD, GRUB CHEN SKU SKYE NAS ZHABS BRTAN DNGOS 'BUL BSTAR, TSES BCU GSUM LA BKRA SHIS RTZE'I DBYAR MJAL 'BUL MI DANG RVA SGRENG PA SOGS KHA SHAS LA PHYAG DBANG GNANG, DE NYIN MKHA' SPYOD SOGS GZIMS KHANG GSAR BSKRUN STENG 'OG DANG PHYAG MDZOD MDO SBUGS SOGS LA PHYAG NAS GNANG ZHING PHYAG MDZOD CHEN MOS KHA BTAGS MAndAL DANG BCAS PHUL TE ZHABS PAD BRTAN PA'I GSOL 'DEBS ZHUS, PHEBS ZHOR SHOD GZIMS CHUNG LA'ANG RAB GNAS MDZAD, TSES BCO LNGA'I NYIN YONGS 'DZIN ZHAL SNGA NAS LAS DPAL RDO RJE 'JIGS BYED KYI BLA BRGYUD GSOL 'DEBS DANG, DAM CAN CHOS KYI RGYAL PO'I GTOR CHOG GI LUNG GSAN, RGYAL YUM NYI ZLA DBANG MO SMON LAM CHEN MO NAS BZUNG ZHABS BSKOR GSOG SLAD BZHUGS PA PHYIR THEGS SU NYE BAR THON PHYAG GNANG CHA BCAS STZAL, SA SKYA PHYAG MDZOD DPON G-YOG DANG MTSO SNGON NAS GUNG DA'I CHING BLA DUR GYI MI SNA ZHU YIG BCAS RIM BZHIN 'BYOR PAR PHYAG DBANG JA GRAL GNANG, ZLA BA BRGYAD PA'I TSES BRGYAD NAS NYI MA BZHI'I RING YONGS 'DZIN ZHAL SNGA NAS LAS CHOS SPYOD RAB GSAL DANG, SMAN BLA'I MDO CHOG BSDUS PA, 'JAM DBYANGS KYI BSTOD PA GANG BLO MA DANG SHES BYA'I MKHA'
DBYINGS MA, BLA MA MCHOD PA'I CHO GA ,TZONG KHA BRGYAD CU DANG KA L'A BA NA RNAMS KYI LUNG ZHU BA GNANG, MTSO SNGON JANG TZI WANG DANG, BSTAN PA PE'I LI DANG GSER THOG SKU SKYE'I MI SNA 'BYOR PAR PHYAG DBANG JA GRAL DANG, AER TE NI WANG GI SRAS NAS DNGOS 'BUL BTEG PAR KHONG PA DANG MI SNA BCAS LA THON PHYAG GNANG, SKABS 'DIR GONG MA BDAG PO CHEN PO NAS RGYAL KHAB PE'I CING DU YUNG HE GUNG ZHES PA'I DGE 'DUN GYI SDE GSAR 'DZUGS MDZAD PAR BKA' DRIN CHE TSUL GYI ZHU YIG RTEN LDAN KYANG PHUL, TSES BCU GSUM LA GONG MA CHEN PO'I 'KHRUNGS SKAR ZHABS BRTAN GONG BZHIN BSGRUBS, HOR TSANG CHOS RJE'I MI SNA SKOR LA PHYAG DBANG DANG AA MDO BA SOGS DANG 'DUS MANG POR ZHAL DKYIL DNGOS MJAL GYI DGA' STON STZAL, ZLA BA DGU PA'I TSES GSUM GYI NYIN GZA' SKAR 'PHROD SBYOR PHUN SUM TSOGS PAR, GZIMS CHUNG YID DGA' CHOS 'DZIN DU LUNG RTOGS BSTAN PA'I GSAL BYED GNAS BRTAN 'DUL PA 'DZIN PA CHEN PO YONGS 'DZIN BLO BZANG BZOD PAS MKHAN PO, DKYIL KHANG ZHAL SNGA NAS BLO BZANG DON GRUB KYIS SLOB DPON, THOS BSAM GLING ZHAL SNGA NAS BLO BZANG MKHAS BTZUN PAS DUS GO BA, SHAR RTZE ZHAL SNGA NAS BLO BZANG MKHAS MCHOG GIS GROGS DAN MDZAD DE DAD PA'I DGE 'DUN GRANGS TSANG BA'I DBUS SU KHYIM NAS KHYIM MED PAR RAB TU BYUNG STE NGUR SMRIG GI RGYAL MTSAN GSOL ZHING DGE TSUL GYI SDOM PA YANG DAG PAR BZHES TE THAR 'DOD RNAMS KYI GTZUG GI NOR BUR GYUR TO, ,'DIR SMRAS PA, RNAM DAG KHRIMS LDAN MKHAN PO'I GANGS RI LAS, ,LEGS 'ONGS SPONG BZHI'I TSUL KHRIMS BDUD RTZI'I RGYUN, ,KHYOD
, ,THUGS ZA MA TOG TU YONGS 'KHYIL BAS, ,TSUL 'CHAL TSA BA'I GDUNG BA CI YANG 'PHROG ,MTSAMS SPRIN GSAR PA'I MDANGS 'DZIN CHOS GOS KYIS, ,GANG SKU'I 'KHRI SHING MNGON PAR 'KHYUD PA'I MOD, ,'JAM MNYEN PHYAG SOR PADMA'I ZE'U 'BRU'I DBUS, ,RAB GNAG LHUNG BZED BUNG BAS RTZE DGA' 'DZIN, ,SKU NI DUR SMRIG GOS KYIS MDZES KYI PANYTZA LI KAS DE LTA MIN, ,SNYAN SHAL LEGS BSHAD 'PHRENG BAS MDZES KYI MU TIG RNA CHA G-YO BAS MIN, ,DBU NI GSER MDOG PAn ZHVAS MDZES KYI NOR BU'I BROG ZHUS DE LTA MIN, ,KHYOD NYID GCIG BUS THUB BSTAN MDZES KYI THUB PA GZHAN GYIS JI LTAR 'GRAN, ,ZHES BYA BA NI RJE BLA MA SRID ZHI'I GTZUG RGYAN PAn CHEN THAMS CAD MKHYEN PA BLO BZANG DPAL LDAN YE SHES DPAL BZANG PO'I ZHAL SNGA NAS KYI RNAM PAR THAR PA NYI MA'I 'OD ZER LAS, DGE TSUL GYI SDOM PA BZHES PA'I LE'U STE GSUM PA'O,, ,,DE LTAR RAB TU BYUNG BA'I BRTUL ZHUGS DRI MA MED PA BZHES PA'I STABS 'DUS BA RGYA MTSO'I MGON DU PHEBS PA LA MNGON DU PHYOGS PA NA, LHA SA NAS MI DBANG CHEN PO LEGS 'BUL GYI CHED DPON G-YOG LNGA BRGYA SKOR TSES BRGYAD LA 'BYOR, ZLA BA DE'I TSES BCU'I NYIN BOD KYI SRID SKYONG MI DBANG JUN WANG BSOD NAMS STOBS RGYAS DANG DGA' BZHI GUNG SOGS NAS SPOS SNA DANG BCAS MANG JA TSA RTING MA'I THOG BKRA SHIS LHUN PO'I GTZUG LAG KHANG CHEN POR, 'PHAGS TSOGS 'DUS PA RGYA MTSO'I PHRENG BA TSAR DU DNGAR BA'I DBUS MI 'JIGS GDONG LNGA'I DBANG POS NYE BAR BTEG CING 'GYUR MED RDO RJE'I RE KHAS
YONGS SU MTSAN PA'I KHRI 'PHANG MTHON POR SKYABS MGON MCHOG GI SPRUL PA'I SKU NYID BSTAN 'GRO YONGS KYI PHAN BDE'I BYED POR MNGA' GSOL THOG ,GONG MA BDAG PO CHEN PO NAS STZAL PA'I RIN THANG BRAL BA'I RIN PO CHE'I SPYAD PA SOGS GNANG SKYES GYA NOM PA DANG POR BSTAR, RGYAL DBANG THAMS CAD MKHYEN PA DANG SRID SKYONG MI DBANG BSOD NAMS STOBS RGYAS MCHOD YON NAS MAndAL GYIS THOG DRANGS, SKU GSUNG THUGS RTEN, NA BZA' SOGS SKU'I NYER SPYAD SKOR CHA TSANG, DNGUL RTA RMIG MA BCU PHRAG GSUM BRGAL BA, MDZOD GOS YUG CHEN RNAM MANG, JA 'KHOR DRUG DRUG CU RE LNGA, DAR TSOS KHA SNA TSOGS KYI TSAN GRANGS DU MA BCAS LEGS 'BUL SBAM MTHO BA DANG DGE 'DUN LA MANG 'GYED KYI BSNYEN BKUR GZAB PA BSTABS, DE NAS RIM BZHIN DGA' BZHI GUNG DANG, SRAD RIN CHEN RTZE'I YUM SRAS BCAS NAS KYANG DNGOS 'BUL SBAM BSTOD, 'DI SKABS DGUNG LO BDUN LAS MA BZHES KYANG SKYA SER GYI TSOGS SHIN TU CHE BA'I DBUS SU GSUNG DPANGS MTHO ZHING BRJOD PA GTZANG BA'I SGO NAS LJAGS BSNGO MDZAD PAS THAMS CAD NGO MTSAR BA'I GNAS LA BKOD, MTSAMS SPRIN GSAR BA'I MDANGS 'PHROG BLA GOS KYIS, ,NYER KLUBS MKHAS MCHOG 'BUM SDE'I SPYI GTZUG TU, ,KHYOD ZHABS PADMO RNAM PAR BKOD PA'I MOD, ,PHYOGS KUN MYA NGAN MED PA'I SKAL BZANG 'DZIN, ,DGE 'DUN GYI TSOGS STAN 'BOL GRUM GSAR BRJE GNANG ZHING RJE BLA MA MCHOG 'DUS SDE'I TSOGS DBUR KHRI PHEBS GNANG BA'I LEGS SKYES SU 'DUS TSOGS SU MANG JA'I THOG DGE 'DUN RER BSONG BTAGS RE, DNGUL SRANG GANG RE, SMAN TZE
, ,KHA RE'I 'GYED BCAS KYI BSNYEN BKUR BZANG PO BSTABS, CHOS BCU GNYIS LA MI'I DBANG PO NGO G-YOG LA GZIMS CHUNG NYI 'OD 'KHYIL PAR GSOL STON BSNYEN BKUR GZABS SHING MI DBANG NAS RJE GONG MA NAS BZUNG DA LTA'I BAR ZHABS 'DEGS BSGRUB TSUL DANG, SKYE 'PHRENG THAMS CAD DU RJES 'DZIN ZHAL BZHES BKA' SHOG GI GSHAM DU PHYAG ZUNG GI RJES YOD PA GNANG DGOS TSUL SNGA SOR GDAN SAR SPYAN 'DREN SKABS DANG DA LAM GNYIS KAR ZHU NAN MDZAD PAR BRTEN THUGS BZHED LTAR GNANG, MI'I DBANG POR PHEBS RDZONGS SU TSE DPAG MED KYI SNANG BRNYAN, NA BZA', GSER DNGUL, KHA BTAGS, GOS DAR, RAS CHA BCAS KYI DGU TSAN LNGA BCU NGA GCIG ,CHIBS SGA 'KHOR CHA TSANG SOGS DNGOS SKYES SBAM MTHO BA DANG, BKA' BLON GUNG, ZHABS DRUNG BDE LDAN SGROL MA YUM SRAS, RIN CHEN RTZE'I SKU MCHED YUM SRAS BCAS SO SOR GNANG SKYES GYA NOM PA DANG, ZHABS PHYI RNAMS LA YANG GO BABS DANG BSTUN PA'I GSOL RAS STZAL, TSUR 'BYON DANG PHAR PHEBS GNYIS KAR CHIBS BSU SKYEL RGYAS PA DANG BCAS BSNYEN BKUR GZABS, DE YANG MI YI DBANG PO 'DI NYID CHOS SRID KYI GTZUG LAG GNYIS KAR MKHYEN DPYOD KYI 'JUG PA MCHOG TU YANGS SHING, RGYAL BA'I BSTAN PA BSTAN 'DZIN DANG BCAS PAR GUS ZHABS KYI PHYAG RIS RLABS CHE BAR MA ZAD, RJE BLA MA 'DI NYID THOG MAR NGOS 'DZIN DANG GDAN SA CHEN POR SPYAN 'DREN SKABS SOGS SNGA PHYIR 'PHRIN LAS KYI ZHABS 'DEGS BLA NA MED PA BSGRUB 'DUG GO ,RGYA CHEN BSOD NAMS RTZA BA RAB BRTAN CING, ,MTHU
STOBS YAL GA RGYAS PA'I GRIB BSIL CAN, ,MI DBANG DPAG BSAM LJON PAS MGON PO KHYOD, ,MKHO DGU'I 'BYOR BAS LAN CIG MIN PAR MCHOD, ,GANG GI THABS MKHAS MDZAD BZANG DPUNG PA YIS, ,KHYOD KYI 'PHRIN LAS RGYAL MTSAN DGUNG DU BTEG ,DE TSE MI RJE DE YI BKA' DRIN NI, ,DPAG PAR DKA' ZHES GZUR GNAS TSOGS RNAMS GLENG, ,TSES BCU BZHI'I NYIN ZHABS PHYI DRUNG 'KHOR SPYI NAS TSOGS DBUR SPYAN DRANGS TE DNGOS 'BUL GYI BDOG PA SBAM MTHO BA DANG 'DUS SDER MANG JA'I THOG DGE 'DUN RER DNGUL BAL tAm RE BCAS KYI BSNYEN BKUR ZHUS, SKYABS MGON MCHOG TSOGS DBUR GDAN DRANGS TE ZHABS BRTAN 'BUL MI SU 'DRA ZHIG YIN KYANG 'DUS TSOGS LA YANG RANG 'BYOR DANG BSTUN TE MANG 'GYED KYI BSNYEN BKUR ZHU BA 'CHAR CAN YIN PAS GSHAM GSAL TSOGS DBU RNAMS KYI SKABS SU 'DI SKOR MA BYUNG YANG, GONG GSAL DANG 'DRA BAR MANG 'GYED KYI BSNYEN BKUR ZHU BA SKABS THAMS CAD DU SHES DGOS SO, ,DE BSTUN YAB GZHIS BKRA SHIS RTZE, BYANG BA BSAM 'GRUB DGA' LDAN BLA SPYI, NGAM RING CHOS SDE'I MKHAN SPYI, 'DAR DAR RGYAS GLING DGON MA LAG DANG BCAS PA, GSER MDOG CAN MKHAN SPYI, NGOR MKHAN SPYI, SNYE MO RGYAL BYED, SHANGS SPOR TOG ,BA SHE DGON, DAR RGYAS SGRUB SDE, RGOD TSANG SGRUB SDE, GTING SKYES BKRA SHIS CHOS 'PHEL GZHIS RTZE KHUL GYI SGER PA SPYI, MANG MKHAR BSAM GRUB PA, LDOG LHA RI RTZE PA, RTA NAG LHUN GRUB GLING PA, MUS KHANG GSAR KHUL GYI MI SER BOD 'BROG SOGS SER SKYA MANG POS LEGS 'BUL BTEG ,AA MDO BA SOGS DAD LDAN MANG POR MJAL KHA GNANG
, ,CHOS BCO LNGA'I NYIN YONGS 'DZIN ZHAL SNGA NAS BLO BZANG BZOD PA'I LEGS 'BUL DANG, BZHAD GNYER PA DRUNG RAM PA BLO BZANG DAR RGYAS KYIS KYANG LEGS 'BUL BSTABS, DE NYIN SPYI SA CHEN MO NAS DGONGS JA'I THOG 'DUS PA RGYA MTSO'I TSOGS DBUR SPYAN DRANGS SHING, DE NAS RDO BCAL CHEN MOR 'JIGS BRAL GDONG LNGAS BTEG PA'I KHRI MTHOR ZHABS ZUNG BKOD THOG DNGOS 'BUL DANG BCAS ZHABS BRTAN GSOL 'DEBS ZHUS, DGE 'DUN TSOGS YONGS LA PHYAG DBANG YANG STZAL, 'BRAS LJONGS RGYAL PO ZUR BA, DPAL 'BYOR LHUN PO PA, PHUN GLING GNYER PA SMON MTSO BA DANG BKRAS MTHONG BA, NGAM RING RGYAL MKHAR BLA MA, GUR ME SHAR RI BA, MKHAR SNGON SOGS KYI SOG BAN MANG BA, AA MDO BA DANG NGAL PO SOGS PHYOGS DU MA NAS LEGS SKYES 'BUL BA DANG MJAL KHA DON DU GNYER NAS 'ONGS PA BGRANG BA LAS 'DAS PA RNAMS LA PHYAG DBANG STZAL, TSES BCU DRUG GI NYIN YAB YUM DPON G-YOG LA THON PHYAG GNANG, CHOS NYI SHU LA MTSO SGO SGANG CHEN PA DANG GZHIS RTZE BAL PO DRUG CU SKOR, CO NE KHA SHAS, AA TZARYA, AA MDO PA SOGS NYIS BRGYA SKOR LA PHYAG DBANG STZAL, DE'I PHYI NYIN HAR GDONG MI TSAN NAS DGONGS JA'I THOG TSOGS DBUR SPYAN DRANGS TE LEGS 'BUL BSTAR, CHOS NYER GSUM NAS BZUNG RIM 'BYOR NGAM RING RDZONG DPON DANG AA MDO BA KHA SHAS, BTZAN PO NO MON HAN GYI BANG CHEN PA, LDAN MA ZHABS DRUNG NGO G-YOG ,DGA' LDAN RAB RGYAS PA KHA SHAS, LHO PA BLA MA SKOR, GZHIS RTZE ZHOL PA KHA SHAS BCAS LA PHYAG DBANG GI BYIN
RLABS DANG, LDAN MA ZHABS DRUNG NGO BO DANG, BTZAN PO NO MON HAN GYI MI SNA SOGS LA JA GRAL, THON PHYAG DANG BSTUN GNANG CHA STZAL, ZLA BA BCU PA'I TSES GCIG GI NYIN GZHIS RTZE ZHOL GYI BSNYEN GNAS MA LNGA BCU SKOR DANG, PHYUG GZHUNG SDINGS CHEN NAS NGO G-YOG BCO LNGA, AA MDO BA SOGS SUM BRGYA SKOR LA PHYAG DBANG GNANG, TSES GSUM GYI NYIN GANGS CAN CHOS 'PHEL NAS BLA MA MCHOD PA'I CHO GA DANG 'BREL BA'I ZHABS BRTAN PHUL, NAS LUNG DGON PA BAS KYANG LEGS 'BUL ZHUS SHING DGON GNYIS KAR MANG 'GYED SOGS BSTAR, TSES BRGYAD LA GZIMS CHUNG NYI 'OD 'KHYIL BAR BZHAD BKRA SHIS DGE 'PHEL BA DANG DGA' LDAN STENG DGA' BA, BDE SBUG ,DRES KHA, MO DGON DGA' LDAN CHOS SDINGS PA BCAS NAS LEGS 'BUL ZHUS, TSES DGU LA THOB RGYAL LHA RI SGANG PA'I RJE DRUNG GI SKRA PHUD BZHES TE MING BLO BZANG PHUN TSOGS ZHES STZAL, DE NYIN ZHA LU RI MTHIL BA RNAMS KYIS RGYAL BA TSE DANG YE SHES DPAG TU MED BA'I CHO GA DANG 'BREL BA'I ZHABS BRTAN LEGS 'BUL BSTAR, SO SOR SLOG CHA YANG MI DMAN PA STZAL, TSES BCU LA SHANGS MDO RI BO DGE 'PHEL BA GZHIS BYES KYIS LEGS 'BUL BTEG ,TSES BCU GSUM GYI NYIN GSOL GZIMS, MGRON GNYER, LDE CHUNG BA BCAS THUN MONG NAS DKAR SPRO'I THOG DNGOS 'BUL DANG BCAS LEGS SKYES BSTAR, LO TZ'A BA DKA' CHEN DGE 'DUN RIN CHEN, 'BRONG RTZE'I GRVA TSANG GONG 'OG ,NYUG CHOS 'KHOR GLING, LHUN PO RTZE CHOS SDE, GDONG DKAR MDANGS CHEN PA BCAS SO SO NAS LEGS SKYES BTEG CING SO SOR MANG 'GYED KYANG STZAL, MTSO SNGON DKON MCHOG WANG GI MI SNA
, ,DANG MTSO SNGON CHING WANG GI MI SNA, MKHA' SPYOD BLA MA, BYA KHYUNG MKHAN PO'I DPON PO, BKRA SHIS RTZE RNYING PA'I RJE DRUNG SOGS LA PHYAG DBANG JA GRAL GNANG, CHING WANG GI MI SNAS TSOGS DBUR SPYAN DRANGS TE DNGOS 'BUL BSTAR, DRUNG RAM PA BLO BZANG BSTAN BSRUNG GIS KYANG DNGOS 'BYOR BSTABS, MTSO SNGON GYI MI SNA SO SOR THON PHYAG DANG 'BYOR LAN GNANG, ZLA BA 'DI NANG DU YONGS 'DZIN SNGAGS CHEN ZHAL SNGA NAS LAS GSANG 'DUS KYI MNGON RTOGS KHA SKONG GSOL 'DEBS KYI RIM PA DANG, DKYIL 'KHOR GYI LAS THIG ,TSON BKYE BA'I RIM PA DKYIL CHOG NAS 'BYUNG BA, DKYIL 'KHOR GYI CHO GA NGAG 'DON GYI RIM PAR BSGRIGS PA, MDUN BSKYED, DBANG CHOG ,RAB GNAS KYI CHO GA LAG LEN DU DRIL BA DGE LEGS RGYA MTSO'I CHAR 'BEBS, GSANG 'DUS MI BSKYOD PA'I ZHI RGYAS KYI SBYIN SREG ,RGYUD 'GREL 'CHAD PA'I SNGON DU MCHOD GTOR 'BUL TSUL, BLA BRGYUD GSOL 'DEBS, DPAL RDO RJE 'JIGS BYED KYI SA'I CHO GA SOGS LAG LEN SNYING POR DRIL BA DANG, BDAG 'JUG NGAG 'DON, ZHI RGYAS KYI SBYIN SREG GI NGAG 'DON, KUN RIG GI CHO GA RGYUD DON GSAL BA'I SNYING PO BSDUS PA YID BZHIN NOR BU, CHO CHOG 'CHI MED 'DOD 'JO DBANG GI RGYAL PO, RDO RJE RNAM PAR 'JOMS PA'I CHO GA PHAN BDE'I 'BYUNG GNAS, GTZUG TOR ZLOG CHEN GYI LAG LEN SNYING POR DRIL BA, KHA 'BAR GTOR CHEN GYI CHO GA NGAG 'DON GYI RIM PA PHYOGS BSGRIGS RNAMS DANG, DGE TSUL GYI PHYIR BCOS, GSO SBYONG, DBYAR GNAS, DGAG DBYE SOGS BSLAB BYA MDOR BSDUS RNAMS KYI LUNG GSAN, ZLA BA BCU
GCIG PA'I TSES GCIG LA THAR PA CHOS SDE PA RNAMS KYIS DNGOS 'BUL BSTAR, TSES LNGA NAS BZUNG RIM BZHIN HAL HA DA LAS PE'I SI'I MI SNA SOGS LA PHYAG DBANG GNANG, RTA NAG LHUN GRUB RTZE'I GNYER BA DKA' CHEN NO NOS DNGOS 'BUL BSTABS GONG GSAL MI SNA NGO G-YOG SOGS LA THON PHYAG GNANG, TSES NYER LNGA NAS BZUNG ZLA BA GCIG GI RING SKU MTSAMS MDZAD DE THUGS DAM ZAB MO'I NYAMS BZHES LA CHU BO'I RGYUN LTAR BRTZON PAR MDZAD, LO 'DI NANG DU PHUN TSOGS GLING PA GRAGS PA BZANG POS LAM RIM GYI KHRID BDE LAM DANG 'JAM DPAL ZHAL LUNG, DBEN DGON PA YE SHES SHES RAB DANG YE SHES BKRA SHIS KYIS LAM RIM 'BRING PO, YE SHES YAR 'PHEL DANG DAM CHOS RGYAL MTSAN, BLO BZANG SKAL LDAN GSUM GYIS BDE MCHOG BRGYUD, CHOS 'KHOR LHUN PO PA BYAMS PA RAB RGYAS DANG DGA' LDAN CHOS SDE BA NGAG DBANG RDO RJE, BSAM GRUB DGA' LDAN PA MGON PO DPAL LDAN GSUM GYIS BYAMS CHOS SDE LNGA, ZHA LU PA BLO BZANG DBANG RGYAL GYIS DUS 'KHOR BSDUS RGYUD DANG DUS 'KHOR GYI SGRUB THABS, MCHOD 'PHRENG GAR BCAS RNAMS KYI RGYUGS PHUL BAR KHA BTAGS, GOS CHEN, GON PA, JA SOGS KYI GNANG CHA SNGAR SROL LTAR STZAL, ` KHRO MO ZHES PA SHING GLANG ZLA BA DANG PO'I TSES LNGA NAS BZUNG RIM BZHIN DPON TSANG DGE 'DUN DON GRUB DANG DGA' BZHI'I YUM BSOD NAMS LHA SGRON, DKYIL KHANG ZHAL SNGA NAS BLO BZANG DON GRUB, SNAR THANG GNYER PA 'DUS SPYI BCAS SO SO NAS TSOGS DBUR SPYAN DRANGS TE ZHABS BRTAN GSOL 'DEBS ZHUS, TSES BCO LNGA LA SNGA DRO YONGS 'DZIN ZHAL SNGA NAS
, ,BLO BZANG BZOD PA'I DRUNG DU THUB PA'I DBANG PO'I BSTOD PA BDUD DPUNG PHYE MAR 'THAG PA'I LUNG GSAN, PHYI DRO DAD LDAN MANG POR ZHAL MJAL GNANG ZHING DGA' BZHI'I YUM LA THON PHYAG STZAL, TSES BCU DGU LA LA MO'I LUNG PHEBS LTAR SNGAGS GRVA PA BRGYAD KYIS 'BAR MA DANG SGROL MA G-YUL ZLOG ,SNGAGS PA TSOGS YONGS NAS GDUGS DKAR ZLOG CHEN BCAS MDZAD PAR YON KYANG GZABS, ZLA BA GNYIS PA'I TSES GSUM LAM TSO SNGON GUNG BLA DUR DA'I CHING GI AEL CHI BO G-YOG DANG, CHOS LUNG RU THOG PA SOGS KHA SHAS LA PHYAG DBANG GNANG, TSES BCU GCIG LA YONGS 'DZIN ZHAL SNGA NAS KYIS SNGAGS BA BLA MA'I GO SA DGONGS PA ZHUS TE, 'BRONG RTZE BA SENG CHEN DGE LEGS RAB RGYAS KYI SKU SKYE DKA' CHEN BLO BZANG DPAL 'BYOR BSKO BZHAG MDZAD, ZLA BA 'DI'I TSES NYI SHU'I NANG DU HAL HA MUNG KHU GUNG GI THO YON, CANG JUN GYI BLA MA, CHING WANG BDE CHEN SKYABS, RNAM RGYAL PE'I LI, MUD KHU GANG, DA'I CHING GUNG SOGS DPON KHAG BCU DRUG GI AEL CHI RNAMS LA PHYAG DBANG STZAL, ZLA BA GSUM PA'I TSES GCIG GI NYIN YONGS 'DZIN ZHAL SNGA NAS KYI DRUNG DU PAn CHEN BLO BZANG CHOS RGYAN GYI GSUNG 'BUM GYI LUNG GSAN PA'I DBU BTZUGS NAS NYIN LTAR CHOS THUN RE CHAG MED DU GSAN, TSES BCU BZHI NAS BZUNG MTSO SNGON DGE TSUL MA BLO BZANG CHOS MTSO'I BANG CHEN PA, RTZE JA ZHU 'DREN PA NGO G-YOG ,RGOD TSANG SGRUB SDE'I GNAS BLA MA, HAL HA MANYDZU SHRI DPON G-YO GNYIS BRGYA SKOR DANG, SGAR DPON BAR TSO BA, RTZA HRENG RDZONG DPON, KA DUNG NO NO GNYIS, MAR SDUD PA GZIMS DPON LHA DBANG SOGS
LA RIM BZHIN PHYAG DBANG STZAL, TSES BCU DGU LA MANYDZU SHR'I NO MON HAN NAS TSOGS DBUR SPYAN DRANGS TE DNGOS 'BUL DANG BCAS ZHABS BRTAN PHUL, TSES NYER BDUN LA MANYDZU SHR'IR THON PHYAG DANG GONG GSAL AEL CHI NGO G-YOG LA'ANG 'BYOR LAN GNANG SKYES STZAL; 'DI SKABS RJE NYID KYI THUGS DAM RTEN DU RIN CHEN GNYIS PA LAS GRUB PA'I DPAL RDO RJE 'JIGS BYED KYI SNANG BRNYAN BZHENGS RGYU GNANG BA GZUNGS 'BUL DANG SHEL SGO'I BZHUGS KHANG BCAS YONGS RDZOGS GRUB PAR LHAG GNAS KYI ME TOG 'THOR 'BUL GNANG NAS GZIMS SBUGS RTEN GRAS SU BZHUGS SU GSOL, ZLA BA BZHI PA'I TSES BDUN LA DGA' LDAN RAB RGYAS KYI BLA MA GSAR BA LA THON PHYAG DANG, SRAS GUNG GI MANG SKOL JA RGYAB PA, BKRA SHIS DGE 'PHEL DANG 'BRONG RTZE CHOS SDE'I CHOS KHRIMS GSAR BA BCAS LA PHYAG DBANG STZAL, TSES BCU GCIG LA SHANGS DGA' LDAN CHOS 'KHOR GLING 'DUS SBYI NAS ZHABS BRTAN GSOL 'DEBS ZHUS, TSES NYER GSUM LA RJE BTZUN BLO BZANG CHOS KYI RGYAL MTSAN DPAL BZANG PO'I GSUNG 'BUM YONGS RDZOGS KYI LUNG GSAN BZHES GRUB NAS, DE'I PHYI NYIN NAS RJE BTZUN BLO BZANG YE SHES KYI GSUNG 'BUM YONGS RDZOGS KYI LUNG DANG, ZLA BA LNGA PA'I TSES LNGA'I NYIN YONGS 'DZIN ZHAL SNGA NAS LAS RIGS PA'I SGO BRGYA 'BYED PA'I LDE MIG MCHOG TU GYUR PA BSDUS GRVA'I GSAN SBYONG GI DBU TSUGS PA MDZAD, 'DI SKABS CHAR RGYUN DKON PAR BRTEN TSES BCU BDUN LA GZIMS CHUNG DU LUNG BSTAN SGROL MA SPYAN 'DREN MDZAD NAS RJE BLA MA NYID NAS KHRUS GSOL MDZAD CING SNGAGS GRVA TSOGS YONGS NAS GTZUG TOR ZLOG CHEN GYI ZOR
, ,'PHEN MDZAD PAS CHAR GYI RGYUN BZANG PO 'BABS PAS SKYE PO RNAMS YID BDE BAS TSIM PAR MDZAD, RJE BTZUN BLO BZANG YE SHES KYI GSUNG 'BUM GYI LUNG GSAN GRUB NAS RJE BTZUN TZONG KHA PA CHEN PO'I GSUNG 'BUM GYI LUNG GSAN PA'I DBU TSUGS, ZLA BA DRUG PA'I TSES DRUG DANG BCU GSUM LA SKU RIM GYI TSOGS DBUR PHEBS, TSES BCU BZHI LA ZHA LU MKHAN GSAR SGO MANG RAB 'BYAMS PA BLO BZANG MKHAS MCHOG NGO G-YOG DANG, MTSO SNGON CHING WANG GI AEL CHI NGO G-YOG ,LA MO SKU RTEN PA'I MTSAMS ZHU BA SOGS LA PHYAG DBANG, NGO BOR JA GRAL DANG TSES BCO BRGYAD LA AEL CHI NGO G-YOG LA THON PHYAG GNANG CHA ZHU LAN BCAS STZAL, ZLA BA BDUN PA'I TSES BCU GSUM LA TSOGS CHEN DGE BSKOS DKA' CHEN DGE 'DUN MCHOG LDAN GYIS TSOGS DBUR SPYAN DRANGS TE ZHABS BRTAN PHUL, TSOGS CHEN LA ME TOG PHYAG DBANG LO SNGON MA RNAMS LAM GNANG ZHING 'DI LA ZLA BA DE NYID KYI TSES NYER LNGA LA PHYAG DBANG STZAL, SKU'I CHAB SER GYI RNAM PA SOGS LA, AEM CHI CHEN MO NAS 'JUG TSUL ZHUS PA BZHIN, ZLA BA BRGYAD PA'I TSES GSUM NAS BZUNG NYIN GSUM GYI RING GZIMS CHUNG NYI 'OD 'KHYIL PAR DRANG SRONG Ri shI'I CHAB KYI 'PHROD BZHES GNANG, TSES BRGYAD LA ZHI GNAS GRVA TSANG GZHIS BYES NAS ZHABS BRTAN PHUL, SNGAGS GRVA TSOGS YONGS NAS GTZUG TOR ZLOG CHEN DANG, KHA SHAS NAS SGROL MA G-YUL ZLOG MDZAD, GONG MA CHEN PO'I 'KHRUNGS SKAR ZHABS BRTAN GONG BZHIN BSGRUBS, TSES BCU BZHI LA MTSO SNGON AER KHE DA'I CHID DANG RA KHO BLA MA SHES RAB CHOS 'BYOR GYI BAR
CHEN PA KHA SHAS BCAS 'BYOR PAR PHYAG DBANG JA GRAL STZAL, AEL CHI PHYIR LOG LA THON PHYAG GNANG, ZLA BA DGU PA'I TSES DRUG LA MTSO SNGON NAS TSA GAN NO MON HAN, GSER THOG SPRUL SKU, DPAL LDAN JA SAG SOGS DPON KHAG KHA SHAS RNAMS KYI AEL CHI 'BYOR PA RNAMS DANG, AA MDO BA BRGYA SKOR BCAS LA PHYAG DBANG, PHYI DRO LA DVAGS SA SKYONG GI SRAS DPON G-YOG BDUN CU SKOR 'BYOR PAR PHYAG DBANG JA GRAL BCAS STZAL, SA SKYONG GI SRAS NAS DNGOS 'BUL BSTAR, TSES DGU LA RJE NYID KYI SKU'I PHU PO DBEN DGON DU SGRIGS 'GRIM MDZAD RGYUR DBU'I GTZUG PHUD BZHES NAS MTSAN BLO BZANG SBYIN PA ZHES STZAL, LA DVAGS SA SKYONG GI SRAS THON RGYUR GLOG CHA GNANG, SNYE MO RGYAL BYED TSAL 'DUS SPYIS ZHABS BRTAN DANG, RI KHROD DGA' LDAN PA RNAMS KYIS LEGS 'BUL ZHUS, AEL CHI PHYIR LOG LA THON PHYAG STZAL, TSES NYER DRUG LA DPON MO DGE TSUL MA'I MI SNA NGO G-YOG LA THON PHYAG ,SA RDOR GDAN BLA MA, LHO PA, BZHAD 'BROG ,MNGA' RIS PA KHA SHAS BCAS LA PHYAG DBANG STZAL, ZLA BA DGU PA RTING MA'I TSES BZHI LA PHUN TSOGS GLING PAS ZHABS BRTAN PHUL, PE'I CING MI SNA MGRON GNYER DGE SLONG YE SHES 'PHRIN LAS 'BYOR PAR, GONG MA CHEN PO'I SKU'I MTSAMS ZHU MDZAD, GSER GYI BKA' LUNG DU PAn CHEN AER TE NI'I SPRUL SKU THAMS CAD KYI BLA MA CHEN PO YIN PAS, THUGS GNYER LA BRTZON PA MI LHOD PA MDZAD DGOS TSUL DANG GSER YIG GNANG RTEN 'CHAR 'PHAR BZANG PA STZAL PAR NGO G-YOG TSANG MAR PHYAG DBANG JA GRAL BCAS STZAL, WANG CHE RING RAB BRTAN GYI AEL CHI RNAMS KYIS TSOGS DBUR SPYAN DRANGS TE DNGOS 'BUL DANG
, ,BCAS ZHABS BRTAN PHUL, MGRON GNYER DGE SLONG YE SHES 'PHRIN LAS DANG, 'DAR BA THUB BSTAN YAR 'PHEL GNYIS KYIS TSOGS DBUR SPYAN DRANGS TE DNGOS 'BUL BTEG ,G-YAG SDE SOG DGON BLA SPYI DANG, RDZONG KHA 'PHEL RGYAS GLING, TSA KHO DPON DO G-YOG BCAS NAS KYANG DNGOS 'BUL BSTABS, ZLA BA BCU PAR GNAS PA DKA' BCU BLO BZANG YAR 'PHEL THOS BSAM GLING GI BLA MAR BSKO BZHAG MDZAD, TSES NYER BRGYAD LA BKA' BLON 'BRONG RTZE BA DANG RAM SDINGS MA PA RNAMS KYIS LEGS 'BUL BTEG ,PE'I SAm BKRA SHIS TSE RING GI BANG CHEN PA SOGS PHYOGS 'DUS MANG POR PHYAG DBANG 'BUL SLOG BCAS GNANG, ZLA BA BCU GCIG PA'I TSES GCIG GI NYIN SNGAGS PA GRVA TSANG DU SPYAN DRANGS TE GSOL STON RGYAS PA BTEG, RTEN GZIGS MDZAD DE SNYAN SHAL PHUL, SNGAGS GRVA'I TSOGS DBUR SPYAN DRANGS TE BLA SPYI NAS DNGOS 'BUL DANG BCAS ZHABS BRTAN GSOL 'DEBS ZHUS, PHAR YANG SLOG CHA MI DMAN PA STZAL, ZANGS DKAR SA SKYONG GI SRAS, SO LO MA'I MKHAN PO, SHO MDO'I RDZONG DPON LCOG SPE BA, KLU SDINGS BAL PO RNAMS DANG GZHAN YANG PHYOGS NAS DAD 'DUS MANG PA LA PHYAG DBANG DANG, PE'I SI BKRA SHIS TSE RING GI AEL CHI NGO G-YOG LA BKA' LAN RTEN BZANG PO DANG GNANG CHA BCAS THON PHYAG STZAL, TSES BCU LA SHAR RTZE GRVA TSANG DU SPYAN DRANGS TE GSOL STON DANG ZHABS BRTAN DNGOS 'BUL BTEG CING SLOG CHA YANG GNANG, LO 'DIR RGYAL RTZE'I LHO PA RNAMS DANG GNAS RNYING GNYER PA 'DZIN GRAS KYI SKOR LA ZLOS PAS LTO PA RNAMS GROS SBUGS PHYOGS GCIG TU MTHUN TE, GNAS RNYING
GNYER PA DMAR GSOD BYAS PAR BRTEN, SRID SKYONG MI DBANG NAS LHO PA RNAMS KYIS SNGA PHYIR KHRIMS RKUN PAG YANGS RIM BYAS SU MA ZAD, DA LAM YANG KHRIMS LUGS KHYAD BAS DKYIL BYED BABS 'OS MIN CHE NGES BCAS 'DI NAS NGO TSAB KYANG BTANG YOD PAS, MDA' RDZONG DANG SGO BSTUN GYIS RDZONG MGO LNGA TZAM GYI RTA DMAG ZHIB BSKUL SDEB BSAGS RGYAG GCIG MTSONGS GCIG GIS GNAS RNYING RTZE CHEN RGYAL ZHOL SOGS SU LTE BO GANG YOD 'DZIN BZUNG KHRIMS SBYOR DANG BYINGS RNAMS BTZON 'JUG DANG DAM SBRAGS CHE BA BYAS RJES SHUL GTZANG BZO DGOS KYI RGYAL MTSAN NA LA BRTEN 'GA' ZHIG G-YANG BSKYUR DANG, GZHAN DAG LA 'KHYIG BRDUNG TSA 'JUN CHE NGES YOD TSUL GSAN 'PHRAL, THUGS KYIS MA BZOD PAR LHO BA RNAMS GEGS BSKYOD KYIS BYED BABS NGAN PAR BRTEN RGYAL KHRIMS KYI RJES GNON DRAG PO GNANG DGOS PA THUGS BDEN PA'I RANG BZHIN YIN 'DUG KYANG, DA SGOS DNGOS PO'I SGRUB BLANG BYAS RJES LUS SROG LA BCAD GRAS, 'KHYIG BRDUNG, RGYANG 'BRUD SOGS MED PAR SO SO'I GZHIS STENG BDE BAR BABS CHOG PA DGOS LUGS KYI MI DBANG LA GSUNG SHOG DANG BCAS DRUNG 'KHOR BLO BZANG BKRA SHIS CHED RDZONG GNANG, MI DBANG LA ZHUS PAR BKA' SPYI BOR NOD DE MDA' RDZONG SOGS LA RGYA MA STZAL DON DU, SNGON DU 'KHYIG BRDUNG BSAD GSUM BYAS ZIN PA RNAMS BYA THABS BRAL, DA CHA LHO PA RNAMS PAn CHEN THAMS CAD MKHYEN PA'I SKU THAR LA PHUL BA YIN PAS SROG SKYON GTONG BA LTA CI, 'KHYIG BRDUNG TZAM YANG BYAS MI CHOG ,BRTZON DU BZUNG RIGS RNAMS KYANG CI BDER THONGS LA, BKRA SHIS LHUN POS MTSON PA'I DGON GNAS SU BROS
, ,RIGS DANG BCAS PA TSANG MA RANG GZHIS SU BDE BAR BABS CHOG TSUL SOGS GNANG BAS SKYE BO 'JIGS PAS NYEN PA RNAMS DBUGS DBYUNG, DUG GSUM DRAG PO'I DBANG GYUR SKYE BO RNAMS, ,BRLANG POR SPYOD PAS MI BZAD BTZON RA RU; ;CHUD TSE MI 'JIGS SBYIN PA'I GO CHA YIS, ,SHIG SOS SMAN GYI DGA' STON STZOL PAR MDZAD, ,MTHO LDING MKHAN PO'I GNYER PA DON GRUB 'PHEL RGYAS NAS 'BUL NOD DANG MKHAN PO'I BSNGO RTEN KYANG PHUL, MTSO SNGON AER TE NI JO NANG GI BSNGO RTEN 'BUL MI 'BYOR TE SKYABS 'JUG MDZAD, GSER MDOG CAN PA 'BUM RAB 'BYAMS PA SHES RAB DPAL BZANG GIS SNGA LO 'BUM PO TI BCU DRUG NAS PO TI BCU'I RGYUGS PHUL BAR BRE TSAD KYI NAS KHAL SUM BRGYA BDUN CU DON LNGA RTZIS LA BSOD BTAGS, JA BAR KHAG ,RTZE ZHVA, GOS STOD, GZAN BAR PHRUG ,SHAM THABS, SMAD G-YOGS, SKA RAGS, LHAM CHA, RTA SGA 'KHOR CHA TSANG RNAMS DANG, LO 'DI DE 'PHROS 'BUM PO TI DRUG GI RGYUGS PHUL BAR BSOD BTAGS, GOS KHA LNGA 'BREL, SMAN YUG ,KHA ZAM, LA DA, DRIL, LHO RAS YUG ,JA BAG ,RTZE ZHVA, GOS STOD, GZAN, SHAM THABS BCAS GNANG, DBEN DGON GYI GRVA RIGS BLO BZANG BSAM GTAN, SHES RAB CHOS 'PHEL, DGE 'DUN YAR 'PHEL, BLO BZANG BSTAN 'DZIN, BLO BZANG YAR 'PHEL RNAMS KYIS BDE MCHOG RTZA RGYUD, DON GRUB RGYAL MTSAN GYIS LAM RIM 'BRING PO, YE SHES BYAMS PAS LAM RIM DMAR KHRID, YE SHES KUN MKHYEN GYIS LAM KHRID MYUR LAM, YE SHES BSHES GNYEN GYIS GSANG 'JIGS GNYIS KYI
BSKYED RIM DANG BDE MCHOG GI BSKYED RDZOGS, DAM RING CHOS SDE BA BYAMS PA TSE RING, BYAMS PA CHOS 'PHEL, BSAM GRUB DGA' LDAN PA NGAG DBANG YE SHES RNAMS KYIS BYAMS CHOS SDE LNGA, RGYAL CHEN RTZE PA BLO BZANG DON GRUB KYIS RNAM 'GREL GYI THAL PHRENG LE'U BZHI, PHUN TSOGS GLING PA NGAG DBANG CHOS GRAGS KYIS LAM KHRID 'JAM DPAL ZHAL LUNG RNAMS KYI RGYUGS PHUL BAR GNANG CHA BZANG BA STZAL, ` ZAD PA ZHES PA ME STAG LO ZLA BA DANG PO'I NANG DU SRANG RGYUD BLA SPYI NAS, SPYI SGER GYI 'BUL BA BTEG ,ZLA BA GNYIS PA'I TSES LNGA LAS LUNG DGA' LDAN CHOS SDE BA GZHIS BYES THUN MONG NAS DNGOS 'BUL BSTABS, TSES DGU LA AA BAG JI RIG THU WANG 'JAM DPAL SKYABS KYI MI SNA 'BYOR TE TSOGS DBUR SPYAN DRANGS NAS ZHABS BRTAN GSOL 'DEBS ZHUS SHING, AEL CHIR THON PHYAG STZAL, BAR SKABS SU KHAMS KYI SMAD LCAGS MDUD PA RNAMS KYIS KHRIMS 'GAL MANG DU BYAS PAR BRTEN, GONG MA CHEN PO NAS DPUNG 'JUG GNANG SKOR LA LEGS SPEL LTA BUR RGYAL DBANG THAMS CAD MKHYEN PA NAS SKU TSAB GNANG PA DANG BSTUN, RJE BLA MA MCHOG NAS KYANG GONG MA CHEN POR ZHU YIG ,SKU TSAB DMAG DPON DANG, LCAGS MDUD DPON KHAG LA'ANG BKA' SHOG RTEN BCAS MCHOD DPON DGE SLONG BYAMS PA CHED RDZONG GNANG, ZLA BA GSUM PA'I TSES BCU LA JA SAG THE'I JI DBANG 'DUS NAS ZHABS BRTAN DNGOS 'BUL BTEG ,STAG MO BA AEM CHI SNGAGS RAM PAS TSOGS DBUR SPYAN DRANGS TE ZHABS BRTAN PHUL, TSES BCU BZHI LA JA SAG THE'I JIR THON PHYAG GNANG, 'DI SKABS BYANG PHUR GYI NGO CHE TSUL BYUNG BA ZHI BZLOG GI CHED PHYAG RDOR 'KHOR
, ,CHEN GYI LJAGS BSNYEN GNANG, ZLA BA BZHI PA'I TSES LNGA LA MDA' DPON RAM PA BA NGO G-YOG ,RIN CHEN RTZE NAS MANG JA STOB MI, RTA NAG THUB BSTAN RNAM RGYAL GYI MKHAN PO NGO G-YOG ,NO NO BSOD NAMS KYI BU, GZHUNG SA'I MANG SKOL DO DAM PA DANG, YAR 'BROG ZHABS DRUNG GI BSNGO RTEN 'BUL MI SOGS PHYOGS 'DUS MANG POR PHYAG DBANG DANG, DGA' LDAN PHUN TSOGS GLING GI MKHAN POR 'DI KHA'I RGYUD 'DON PA DKA' BCU DGE 'DUN MCHOG LDAN BSKO BZHAG MDZAD CING DE DANG STAG MO AEM CHI SNGAGS RAM PA BCAS LA THON PHYAG GNANG CHA, MTHO LDING MKHAN PO'I NU BO DON GRUB 'PHEL RGYAS LA 'BUL SLOG BCAS STZAL, ZLA BA LNGA PA'I TSES GCIG LA LHA RTZE DGA' LDAN 'OG MIN GLING GI BLA MA, GSER MDOG CAN GYI MKHAN SLOB, GANGS CAN SHAR RTZE'I BLA ZUR NGO G-YOG ,BYANG NGAM RING DU GRVA SKOR LA 'BYON MI, HAR GDONG BA DKA' CHEN BLO BZANG DAR RGYAS, KHAMS SDE DGE BA, MANG JA'I SBYIN BDAG SOGS MANG POR PHYAG DBANG STZAL, TSES LNGA LA YONGS 'DZIN MKHAN CHEN BLO BZANG BZOD PA LAS 'JAM DPAL MTSAN BRJOD, MNGON RTOGS RGYAN, RJE DGE 'DUN RGYA MTSOS MDZAD PA'I TSE RING MCHED LNGA DANG BSTAN MA BCU GNYIS LA MCHOD GTOR 'BUL TSUL RNAMS KYI LUNG GSAN CING RGYUGS 'BUL KYANG GNANG, DE NYIN RJE BTZUN TZONG KHA PAS MDZAD PA'I DBYANGS CAN MA'I SGRUB THABS DANG, DE'I BSTOD PA LE TSAN GNYIS, PHAG DKAR GYI BSTOD PA RNAMS DANG, BSHES SPRINGS, RJE BTZUN BLO BZANG CHOS KYI RGYAL MTSAN GYI GSUNG 'BUM NAS BLA MA MCHOD PA'I CHO GA ,RJE BTZUN TZONG KHA PA CHEN
PO'I BLA MA'I RNAL 'BYOR, DBYANGS CAN MA'I BSTOD PA LHA'I GLU DBYANGS, 'JIGS BYED LA BRTEN PA'I BLA MA'I RNAL 'BYOR, SMAN BLA'I MDO CHO GA ,'JAM DKAR GYI SGRUB THABS SHES RAB MCHOG SBYIN, 'JAM DBYANGS SGRUB THABS NOR BU CHU SHEL, PHYAG RDOR 'KHOR CHEN DANG GTUM PO'I SGRUB THABS, RJE BTZUN 'JAM DBYANGS KYI BSTOD PA SHES RAB GSAL BYED, 'JAM DKAR GYI BSTOD PA BLO GROS MIG 'BYED KYI THUR MA, GSUNG BSNGO TSIGS BCAD MA, DBYANGS CAN MA'I SGRUB THABS, CHOS SRUNG SPYI'I GTOR CHOG GSER ZHUN MA RNAMS DUS GCIG TU RGYUGS 'BUL GNANG BAR YONGS 'DZIN MKHAN RIN PO CHE YANG THUGS SHIN TU DGYES SHING RJE BLA MA MCHOG LA LEGS SO'I KHA BTAGS 'BUL BA GNANG STE, DA DUNG LJAGS 'DZIN SOGS LA THUGS BRTZON MDZAD DGOS TSUL GYI SNYAN SGRON PHUL, NA TSOD CHES PHRA'I DPAG BSAM GZHON NU NI, ,RGAN PO'I BLO GROS DRI BSRUNG 'THUL BA YI, ,SNGON MED 'KHRI SHING GANG 'DI RIG BYED BDAG ,SNA TSOGS THABS KYIS BSKRUN PA YIN NAM SNYAM, ,TSES BCU GSUM LA DNGUL SRANG BRGYAD BRGYA LAS STON PA THUB PA'I DBANG PO'I SNANG BRNYAN BZHUGS KHRI RGYAB YOL DANG BCAS PA GSAR BZHENGS GRUB STE GZUNGS GZHUG KYANG TSAD LDAN 'BUL BA GNANG, DPEN SA CHOS KYI PHO BRANG NAS PHU BO RJE DRUNG BLO BZANG SBYIN PA BDE MCHOG RTZA RGYUD KYI RGYUGS 'BUL DU BYON PAR DGYES PA'I GSUNG GLENG MDZAD, TSES NYI SHU LA PE'I CING MI SNA MKHAN POR THON PA DKA' CHEN BLO BZANG BSHES GNYEN RDZONG STE MDZAD, ZLA BA DRUG PA'I TSES BCU GNYIS LA GSOL THAB BDE BA CAN DU ZHABS SOR BKOD PAR RTEN 'BYUNG GI KHYAD THOG
, ,MAR GSOL GRO BTEG CING, GSOL JA THENG GNYIS KYI BAR BZHUGS STAN 'JAGS, ZLA BA BDUN PA'I TSES BCU BDUN LA MTSO SNGON AER TE NI WANG GI TSE BO DKON MCHOG SKYABS NGO G-YOG LNGA BCU SKOR 'BYOR TE TSOGS DBUR SPYAN DRANGS PA'I THOG DNGOS 'BYOR GYI MCHOD SPRIN SPROS, 'GRUL SDEB PA GZHAN MA KHA SHAS LA'ANG PHYAG DBANG DANG, DKON MCHOG SKYABS NGO G-YOG LA THON PHYAG STZAL, ZLA BA BRGYAD PA'I TSES DRUG LA HAL HA G-YAS RU AER TE NI BI SHI RE THU JA SAG THU HAN TSE RING DPAL DAR LTOS BCAS KYI BLA MA NOR BU DGA' LDAN PA DKA' CHEN BLO BZANG SKAL BZANG DANG MI SNA T'A BLA MA NGO G-YOG ,TZANG JUN PE'I LI SOGS DPON KHAG MANG PO'I MI SNA 'BYOR PAR PHYAG DBANG DANG JA GRAL SOGS STZAL, DE'I PHYI NYIN DUS 'DAS JA SAG THU DGE LEGS YAR 'PHEL GYI BSNGO RTEN DANG TSOGS DBUR SPYAN DRANGS KYI THOG DNGOS 'BUL BSTAR, TSES BRGYAD LA AOR TU SU T'A PE'I SI TSE DBANG DPAL 'BYOR GYI MI SNA DANG, PE'I SI'I BLA MA RGYAL CHEN RTZE PA DKA' CHEN BLO BZANG 'PHRIN LAS BCAS NGO G-YOG MANG DU 'BYOR PAR PHYAG DBANG STZAL, PE'I SI'I MI SNAS TSOGS DBUR SPYAN DRANGS TE ZHABS BRTAN PHUL, TZANG JUN PE'I LI'I MI SNA RNAMS LA THON PHYAG GNANG, TSES BCU BZHI LA JA SA GA THU HAN GYI BLA MA CHOS RJE DKA' CHEN BLO BZANG SKAL BZANG, MDZO DGE BLA MA HAR GDONG PA DKA' CHEN BLO BZANG DPAL 'BYOR, TSES BCU BDUN LA AOR TU SU T'A PE'I SI'I BLA MA RGYAL CHEN RTZE PA DKA' CHEN BLO BZANG 'PHRIN LAS RNAMS SO SOS RIM PA BZHIN ZHABS BRTAN DNGOS 'BUL DANG, JO MO RDZOD PA NGAG
DBANG TSE RING GIS SGER MJAL ZHUS, TSES NYER DRUG LA JA SAG THU HAN GYI BLA MA DANG GONG GSAL MI SNA RNAMS LA THON PHYAG STZAL, TSES GNAM GANG LA MDZO DGE'I MI SNA RNAMS LA THON PHYAG DANG JA SAG BLA MA BSTAN 'DZIN CHOS DAR GYI MI SNA RNAMS LA PHYAG DBANG JA GRAL BCAS DANG, SER 'BRAS KYI DGE 'DUN MANG PO, AA MDO PA PHON CHE BA BCAS LA PHYAG DBANG STZAL, ZLA BA DGU PA'I TSES BZHI LA RGOD TSANG, BYANG CHEN, DAR RGYAS SGRUB SDE SOGS RI KHROD PA SPYI NAS GZIMS CHUNG NYI 'OD 'KHYIL PAR BLA MA MCHOD PA'I CHO GA DANG 'BREL BA'I TSOGS KYI 'KHOR LO DANG BCAS BRTAN BZHUGS PHUL, RI KHROD PA RNAMS DANG MO DGON LHA LNGA BRAG ,BKRA SHIS CHOS RDZONG, RTA PHUG ,CHOS LUNG, DBU ZUR BSAM GRUB CHOS RDZONG, DGA' LDAN CHOS GLING, SKYAR BSAM GRUB BDE CHEN, BOR BKRA SHIS CHOS GLING SOGS KYI MO BTZUN NYIS BRGYA BRGYAD CU SKOR DANG BSNYEN GNAS MA SOGS MANG POR PHYAG DBANG MANG 'GYED 'BUL SLOG DANG BCAS PA GNANG, TSES BDUN LA LHA RTZE DGON BLA GRVA NAS DNGOS 'BUL BTEG ,JA SAG BLA MA BSTAN 'DZIN CHOS DAR GYI MI SNA DANG, AOR TU SU PE'I SI'I MI SNA LA THON PHYAG DANG GZHAN MA KHA SHAS LA'ANG PHYAG DBANG STZAL, TSES BCU BZHI LA GZHUNG MKHAN NANG GDONG GONG MA CHEN PO NAS STZAL PA'I SHEL DANG DKAR YOL GYI SPYAD PA SOGS 'BUL BAR GZHUNGS NAS MGRON GNYER YON TAN LEGS GRUB CHED MNGAGS GDONG RGYAL DBANG MCHOG NAS THUGS DAM BKA' SHOG RTEN SBRAGS DANG LHA LDAN DU BZHUGS PA'I AAM PAN SOGS NAS MTSAMS RTEN BCAS 'BYOR ZHING, GONG MA CHEN POR BKA' DRIN CHE TSUL GYI ZHU YIG SNGON CHUG TU
, ,'BUL BA GNANG, MGRON GNYER YON TAN LEGS GRUB KYIS DNGOS 'BUL GYI BDOG PA BSTAR, THON KHAR ZHU LAN THON PHYAG BCAS GNANG, ZLA BA BCU PA'I TSES BZHI LA RGYA NAG TU BLA MAR 'GRO MIS LUNG PA DKA' CHEN DGE 'DUN TSE RING GI ZLA BO RNAMS DANG, 'BRONG RTZE BA YE SHES RDO RJE, DE'I SBYIN BDAG HAR CHEN CHE CHIG JA SAG BCAS SO SO NAS DNGOS 'BUL BSTAR, TSES BDUN LA YONGS 'DZIN ZHAL SNGA NAS LAS SPYOD 'JUG GI LUNG GSAN CING, PHYI NYIN YONGS 'DZIN CHEN PO'I SKU MDUN DU SPYOD 'JUG YONGS SU RDZOGS PA RGYUGS 'BUL GNANG BAS, YONGS 'DZIN MKHAN CHEN THUGS SHIN TU DGYES TE SGRA DAG LA 'DON BYANG BA BYUNG ZHES LEGS SO'I KHA BTAGS 'BUL BA GNANG, TSES BCO LNGA LA YONGS 'DZIN ZHAL SNGA NAS LAS MKHAS GRUB SANGS RGYAS YE SHES KYI GSUNG 'BUM GYI LUNG GSAN PA'I DBU TSUGS, MTSO SNGON DKON MCHOG WANG BLA MA DANG BCAS PA'I MI SNA BYUNG BAR PHYAG DBANG DANG 'BYOR LAN THON PHYAG ,GZHAN MA KHA SHAS LA PHYAG DBANG BCAS STZAL, ZLA BA BCU GCIG PA'I TSES GSUM LA THO YON CHOS GRAGS NGO G-YOG LA MJAL KHA DANG 'GRO KHAR THON PHYAG KYANG GNANG, HOR CHEN THU SHE THU WANG DANG, DUR BDE RAB BRTAN RDO RJE WANG GI MI SNA 'BYOR PAR PHYAG DBANG STZAL, TSES BCU GNYIS LA DUR BDE WANG GI MI SNAS TSOGS DBUR SPYAN DRANGS NAS ZHABS BRTAN PHUL, 'GRUL SDEB PA KHA SHAS NAS KYANG DNGOS 'BUL BSTAR, TSES BCU BZHI LA MTSO SNGON HO SHES CHING WANG DGA' LDAN JU NANG GI DPON MO AER KHE SHAR NGO G-YOG LA PHYAG DBANG DANG JA GRAL
GNANG, GONG GSAL MI SNA GNYIS LA THON PHYAG DANG, AA MDO DANG GNAM MTSO BA MANG POR PHYAG DBANG STZAL, TSES BCU DGU LA DPON MO AER KHE SHA RAS ZHABS BRTAN DNGOS 'BUL SBAM MTHO BA BTEG STE, KHONG RANG GI RIGS SRAS LCAM SRING BZHI LA MING DGOS TSUL ZHUS PA BZHIN SRAS LA DGA' LDAN RNAM RGYAL, SRAS MO CHE BAR BSAM GRUB SGROL MA, BAR PAR BSOD NAMS DBYANGS CAN, CHUNG BAR TSE RING BSOD NAMS ZHES PA RNAMS STZAL CING ZHAG KHA SHAS NAS THON PHYAG SBAM MTHO BA STZAL TE YID TSIM PAR MDZAD, LO 'DI'I ZLA BA DANG PO'I TSES NYER LNGA NAS MGO BRTZAMS TE ZLA BA BCU GNYIS PA'I BAR DU YONGS 'DZIN BLO BZANG BZOD PA'I DRUNG DU MDO SNGAGS KYI LUNG RGYUN MANG PO GSAN PA'I TSUL NI, BKA' GDAMS PHA CHOS BU CHOS, MKHAS GRUB RJE'I GSUNG THOR BU, RGYUD SDE SPYIR MA SDOM GSUM RNAM GZHAG THUB BSTAN BYI DOR, GSANG 'DUS BSKYED RIM DNGOS GRUB RGYA MTSO, 'JIGS BYED KYI BSKYED RIM CHEN MO STOD CHA MKHAS GRUB RJE DANG, SMAD CHA BLO GROS CHOS SKYONG GIS MDZAD PA, 'DUL BA 'DZIN PA GRAGS PA RGYAL MTSAN GYIS MDZAD PA'I KUN RIG t'IKA CHEN, GZHI GSUM CHO GA ,'DUL BA'I BSLAB BYA CHEN MO, BDE MCHOG L'U AI PA'I DKYIL CHOG BDE CHEN ROL MTSO, RGYAL BA BLO BZANG DON GRUB KYI BKA' BUM PO TI GNYIS, THUN DRUG GI RNAL 'BYOR GYIS SNYING PO, RJE DGE 'DUN GRUB KYI RNAM THAR YE SHES RTZE MOS MDZAD PA DANG LAS CHEN KUN RGYAL BAS MDZAD PA GNYIS, RJE DGE 'DUN GRUB KYI GSUNG THOR BU, DES MDZAD PA'I SO THAR MDO t'IKA ,RIGS LDAN RNAM RGYAL GRAGS PA'I DRIS LAN, MDZOD t'IKA THAR LAM GSAL BYED, RTZA SHE'I t'IKA CHUNG, 'JUG t'IKA, RNAM 'GREL
, ,GYI t'IKA CHUNG RNAMS KYI LUNG GSAN, LO 'DI NANG GSER MDOG CAN PA RGYAL MTSAN GYIS BYAMS CHOS SDE LNGA, DBEN SA CHOS KYI PHO BRANG PA SHES RAB BKRA SHIS, BLO BZANG YON TAN, BLO BZANG BSTAN DAR, YE SHES DGON MCHOG RNAMS KYIS BDE MCHOG RTZA RGYUD, BLO BZANG BKRA SHIS KYIS LAM RIM DMAR KHRID, BDE MCHOG GI BSKYED RIM, DBEN DGON PA NGAG DBANG BSTAN PA DANG, DGA' LDAN RAB RGYAS PA BLO BZANG BRTZON 'GRUS KYIS LAM RIM DMAR KHRID, DPE THUB PA BLO BZANG NAM MKHA', BLO BZANG NOR BU, BZHAD PA BLO BZANG BKRA SHIS, GU GE BA CHOS MDZAD YE SHES DGE LEGS, MDANGS CHEN PA BLO BZANG SKAL LDAN, LHO PA ZHABS DRUNG YON TAN RGYAL MTSAN RNAMS KYIS RNAM 'GREL GYI THAL PHRENG LE'U BZHI'I RGYUGS PHUL BAR, BSTAN RGYUN LA PHAN PA'I CHED DU KHA BTAGS, GOS CHEN, GON PA, JA, RAS CHA SOGS KYI GNANG CHA BZANG PO SNGAR SROL LTAR STZAL, ` RAB BYUNG ZHES PA ME YOS LO ZLA BA DANG PO'I TSES BCU BZHI LA SNAR THANG 'DUS SPYI NAS ZHABS BRTAN GSOL 'DEBS ZHUS SHING PHAR YANG SLOG CHA GNANG, ZLA BA GNYIS PA'I TSES DRUG LA MI DBANG JUN WANG BSOD NAMS STOBS RGYAS SKU GSHEGS PA'I MA GYOGS BSNGO ZHU RTEN DANG, DE RJES DGONGS RDZOGS SGRUB MI'I MDUN BSNGO BA ZHU RTEN DNGUL SRANG CHIG STONG SOGS KYIS GTZOS PA'I TSAN GRANGS DU MA, 'DUS TSOGS SU MANG 'GYED GTOS CHE BA, SRAD RIN CHEN RTZE NAS KYANG BSNGO RTEN MANG 'GYED SOGS PHON CHE BA BSTABS, RJE NYID NAS KYANG DMIGS YUL DE NYID GTAN BDER 'GOD PA'I BSNGO SMON DANG,
BLA BRANG NAS KYANG MI DBANG GI DGONGS RDZOGS SU 'DUS PA RGYA MTSOR MANG JA, 'BRU 'GYED BCAS STZAL, RGYAL BA'I DBANG POR LJAGS BA SNGO ZHU RTEN DANG DGA' LDAN KHANG GSAR DU DGE THEBS KYI DNGOS PO 'BUL MI CHED RDZONG MDZAD, ZLA BA GSUM PA'I TSES DRUG LA DKYIL KHANG GRVA TSANG GI BLA MAR LHUN GRUB RTZE CHOS SDE'I BLA MAS BDE CHEN PA DKA' CHEN BLO BZANG CHOS 'PHEL DANG, THOS BSAM GLING GI BLA MAR 'DAR DAR RGYAS GLING GI BLA MA HAR GDONG PA DKA' CHEN BLO BZANG BKRA SHIS BSKO BZHAG MDZAD, THO YON DAR RGYAS KYI BANG CHEN PA, LHUN GRUB RTZE'I BLA MA GSAR PA LA KHA BA DKA' CHEN BLO BZANG DPAL 'BYOR, THOS BSAM GLING BLA MA RNYING BA'I DRUNG CHEN ZLA BCAS RNAMS LA PHYAG DBANG STZAL, ZLA BA BZHI BA'I TSES GSUM LA DGA' LDAN KHANG GSAR NAS TZONG KHA BRGYAD CU'I PAR GSAR BRKOS GNANG BA'I PAR PHUNG DANG 'PHAGS PA LO KE SHVA RA'I 'DRA LCOG SKU BRNYAN BCAS 'BUL MO RNAMS LA PHYAG DBANG DANG, THO YON DGE LEGS, BSAM BLO RAB 'BYAMS PA, GRUB DBANG SKU SKYE, CHU BZANG SKU SKYE, 'DAR DAR RGYAS GLING GI BLA MA GSAR PA GTING SKYES BA DKA' CHEN BLO BZANG DPAL 'BYOR, LA MO'I BANG CHEN PA RNAMS LA PHYAG DBANG STZAL, 'DI SKABS SA SKYA BDAG CHEN RIN PO CHE DPON G-YOG BRGYA SKOR MJAL KHAR PHEBS PAR MJAL KHA BZHUGS GRAL, GNANG CHA, 'BUL BA'I LAN 'DEBS, PHEBS BSU SKYEL SOGS BKUR GZOS SNGAR BZHIN GNANG, BZHAD KHUL GYI LHA SDE MI SDE SPYI NAS ZHABS BRTAN DNGOS 'BUL BTEG ,BLA SPYI SGER DRAG GNYER BA SOGS GZHAN MA RNAMS NAS KYANG SGER MJAL ZHUS, TSES NYER LNGA LA AA LAG SHA THO YON LHUN GRUB DAR RGYAS DO G-YOG SUM CU SKOR 'BYOR PAR
, ,PHYAG DBANG JA GRAL GNANG, KHONG PA NAS DNGOS 'BUL DANG BCAS ZHABS BRTAN PHUL, ZI LING TSONG DPON NGO G-YOG DANG, DHA YAN TU RA'I CHOS RJE RGYAL CHEN RTZE BA DKA' CHEN BLO BZANG TSE RING, DAM RING GRVA SKOR BA BCAS LA THON PHYAG STZAL; ZLA BA LNGA PA'I TSES GSUM GYI NYIN NGO MTSAR KUN 'DUS LHA KHANG GI RTEN BZHENGS TSANG MA GRUB PAR LHAG GNAS KYI ME TOG GTOR ZHING MCHOD 'BUL DANG BCAS THUGS DMIGS MDZAD, TSES BZHI LA 'OD YUG BRAG DKAR BLA SPYI NAS DNGOS 'BUL BSTAR ZHING SLOG CHA YANG GNANG, THO YON DAR RGYAS DANG RTZE JA ZHU 'DREN PA, MDZO SDUD PA NGO G-YOG BCAS LA THON PHYAG GNANG CHA DANG, GZHAN YANG DAD 'DUS SER SKYA KHA SHAS LA PHYAG DBANG BCAS STZAL, ZLA BA DRUG PA'I TSES GNYIS LA DGE BSKOS DKA' CHEN YE SHES TSE BRTAN GYIS TSOGS DBUR SPYAN DRANGS TE ZHABS BRTAN PHUL, TSES GSUM LA RDO BCAL CHEN MOR ZHABS ZUNG BKOD NAS 'DUS SDE TSOGS YONGS, ZHABS 'BRING BA SER MO BA'I RIGS, SER 'BRAS DANG DPAL 'KHOR CHOS SDE'I GRVA RIGS KHA SHAS, KHAM BU LHAG LUNG BLA MA, 'BRAS LJONGS PA, KHAMS PA, AA MDO BA SOGS PHYOGS NAS DAD 'DUS MANG BAR PHYAG DBANG STZAL, PHEBS ZHOR LA G-YAB RING GI LHA KHANG BRGYAD SO SOR RTEN MJAL DANG MCHOD 'BUL MDZAD, TSES BZHI'I NYIN MCHOD KHANG SHAR NUB, 'DU KHANG CHEN MO, NGO MTSAR KUN 'DUS LHA KHANG SOGS LHA KHANG KHAG SUM CU SO GNYIS DANG, SNGAGS KHANG GI LHA KHANG GSUM DANG, 'DU KHANG, MGON KHANG SPUG ,NANG RTEN, GZIMS KHANG SER PO BCAS LA RIM GYIS RTEN MJAL DU PHEBS
NAS SO SOR MCHOD PA SNA LNGA TSAR BCU GSUM RE, MGON KHANG RNAMS SU MCHOD GTOR SPYAN GZIGS PHUL TE GONG MA CHEN PO ZHABS PAD BRTAN CING CHAB SRID DAR ZHING RGYAS PA'I THUGS SMON DANG 'PHRIN BCOL MDZAD DO, ,PHAN BDE BDE LEGS 'BYUNG BA'I RTEN; ;RTEN MCHOG MCHOG GSUM SNANG BRNYAN TSOGS, ,TSOGS GNYIS GNYIS MED MCHOD PA'I SPRIN, ,SPRIN BZANG BZANG PO'I SBYOR BAS MCHOD, ,'DI SKABS GONG MA CHEN PO NAS LUNG STZAL PA BZHIN NGA LAS DA'I CHING B'A THUR BOD KYI SRID SKYONG DU KHRI 'DON MDZAD PA'I LEGS SKYES SU RGYAL DBANG THAMS CAD MKHYEN PA CHEN POR DNGOS 'BUL DANG, DA LAS DA'I CHING P'A DUR LA WA NAG GI ZHVA SGOR, KHAL SLOG ,GSER, DNGUL, TSAN GRANGS SOGS MOD MI DMA' BA, THU SHE THU GUNG SOGS LA'ANG LEGS SKYES BCAS STOB MI CHED RDZONG MDZAD, ZLA BA BDUN PA'I TSES BRGYAD LA BKRA SHIS RTZE NAS ZHVA DMAR SPRUL PA'I SKU DANG YAB DPON G-YOG RNAMS PHEBS PA DANG, DGE BSKOS CHEN MO BCAS LA PHYAG DBANG BSTZAL, TSES BCU BZHI LA ZHVA DMAR SPRUL PA'I SKUR PHEBS RDZONG SBAM MTHO BA DANG, YAB RJE THANG LHAR NA BZA', TSAN GRANGS, ZHABS PHYI DRAG 'BRING DANG BSTUN PA'I GNANG CHA BCAS THON PHYAG STZAL, TSES BCO BRGYAD LA RTA TSAG SPRUL PA'I SKU MJAL KHAR PHEBS PAR, PHYOGS 'DUS KYI SKYE DO KHA SHAS BCAS LA PHYAG DBANG DANG SPRUL PA'I SKUR JA GRAL GYI THOG MTSAMS 'DRI GNANG, TSES NYER GCIG LA KHONG PA NAS DNGOS 'BUL BTEG ,ZHVA DMAR SPRUL PA'I SKU GDAN 'DREN PA SI TU SPRUL SKU DANG, DPA' BO SPRUL SKU GNYIS NAS DNGOS 'BUL BSTABS, SPRUL PA'I SKU DE RNAMS DANG, ZHVA NAG SPRUL PA'I SKU'I GSOL DPON
, ,DANG TRE BO SPRUL SKU'I SKU TSAB BCAS LA PHYAG DBANG DANG JA GRAL, SO SOR THON PHYAG GNANG CHA GZAB PA BCAS STZAL, ZLA BA BRGYAD PA'I TSES GNYIS NAS BZUNG NYIN LNGA'I RING SA DMAR BDE LEGS DGA' TSAL DU CHAB ZHUGS LA PHEBS SHING; NYIN LTAR PHEBS LAM RNAMS SU BKRA SHIS DGA' TSAL BA SOGS DANG BAL BO RNAMS KYIS ZLOS GAR GYI RTZED SNA'I GZIGS 'BUL DANG, ZHAL MJAL ZHU BAR SKYE BO'I KHROM SHIN TU CHE BA TSOGS, ZUR BZHI'I BLA MA SOGS SER SKYA MANG POR PHYAG DBANG GNANG, GZHIS RTZE RDZONG GI GAR PA RNAMS KYIS GAR GZIGS PHUL BAR GNANG CHA'ANG STZAL, DE GONG CHAR SHIN TU DKON PAR YONG PA LA CHA BZHUGS LA PHEBS PA NAS BZUNG CHAR GYI RGYUN CHEN PO BABS PAS SKYE BO RNAMS DGA' BDE'I DPAL LA BKOD, TSES BCU GSUM LA GONG MA CHEN PO'I 'KHRUNGS SKAR ZHABS BRTAN GONG BZHIN BSGRUBS, TSES BCU DRUG NAS BZUNG STE RIM BZHIN MDZOD DGE BA DANG AA MDO BA SOGS DAD PAS 'DUS PA DANG KHAM BU DGON SBUG RI KHROD PA BCAS LA PHYAG DBANG STZAL, ZHAL SNGA NAS DAM CHOS DPAL 'BYOR GYI SKU SKYE'I GTZUG PHUNG BZHES, WANG DA LAS B'A DUR GYIS STON PA'I 'KHRUNGS RABS RTOGS BRJOD DPAG BSAM 'KHRI SHING DANG RJE BLA MA TZONG KHA PA CHEN PO'I RNAM THAR TZONG KHA BRGYAD CU, 'PHAGS PA'I GNAS BRTAN BCU DRUG GI ZHAL THANG GI PAR SHING BCAS 'BUL MI CHED RDZONG GNANG BAR PHYAG DBANG GNANG CHA DANG ZHU YIG GI BKA' LAN BCAS STZAL, TSES BCU DGU LA THU SHE THU GUNG YE SHES TSE BRTAN MNGA' RIS SU PHEBS ZHOR MJAL KHAR BYON PAR JA GRAL BKA' 'DRI BCAS
DANG; 'BRUM RI PO MDANGS CAN GYI BLA GRVA, TRE BO SPRUL SKU, PHUN GLING RDZONG DPON, AA MDO BA SOGS DAD 'DUS MANG BAR PHYAG DBANG STZAL, ZLA BA DGU PA'I TSES GCIG LA GUNG NAS TSOGS DBUR SPYAN DRANGS TE ZHABS BRTAN DNGOS 'BUL SPAM MTHO BA BTEG ,TSES GNYIS KYI NYIN GUNG NAS RTA BRGYUGS DANG ZHANG 'PHEN RTZED SNA TSOGS GZIGS MOR PHUL, SO SOR MGYOGS DAR, RTZE DAR, TSA DAR, GAR PAR GNANG CHA BCAS YID MGU BA DANG, GUNG LA BYANG CHUB LAM GYI SGRON MA'I LUNG GNANG ZHING 'DI NYID LUNG GNANG BA'I THOG MA YIN 'DUG TSES LNGA'I NYIN GUNG LA PHEBS RDZONGS RGYAS PA BSTAR, TSES BCU GCIG LA PHYAG MDZOD NAS ZHUS NGOR BDE BA CAN DU BGROD PA'I THABS 'PHO BA SMON LAM DANG, TSE SGRUB BCAS KYI LJAGS LUNG STZAL, TSES BCU GSUM LA MDZOD DGE BLA MA DANG NGOR NAS KHAMS SU BLA MAR PHYIN PA KHA SHAS, GSER SDUD PA, BZHAD GNYER GYI ZLA BO, MANG JA'I SBYIN BDAG KHA SHAS BCAS LA PHYAG DBANG GNANG, TSES BCO LNGA LA MDZO DGE BLA MA DON GRUB RGYA MTSOS TSOGS DBUR SPYAN DRANGS TE DNGOS 'BUL BSTABS, BLA MA NGO G-YOG DANG KHAMS PA MANG POR PHYAG DBANG GNANG, TSES NYER GCIG LA PE'I CING MI SNA DKA' BCU YE SHES BSHES GNYEN 'BYOR PAR GONG NAS GSER YIG NANG RTEN 'CHAR CAN THOG ,'PHAR SKU SNYE, BZHUGS 'BOL, SHEL DANG DKAR YOL GYI SPYAD PA RNAM MANG STZAL PA RNAMS GUS PAS BZHES, DKA' BCU NGO G-YOG DANG MDZO DGE DPON NGO G-YOG LA PHYAG DBANG, NGO MA GNYIS LA JA GRAL BKA' 'DRI BCAS STZAL, CHAB MDO 'PHAGS PA LHA'I DBON PO DKON MCHOG RDO RJE LA 'BYOR PHYAG DANG BKA' 'DRI GNANG, KHONG LA BLA MA BYAMS PA RIN PO CHE NAS DNGOS
, ,PO'I BDOG PA 'BUL RGYU BSKUR PA'ANG BZHES, CHU BZANG SPRUL PA'I SKU DANG, RMI LI MKHAN PO'I BANG CHEN PA, AU RGYAN RDZONG CHOS SDE'I BLA MA, AA MDO GNAS SKOR BA KHA SHAS BCAS LA PHYAG DBANG GNANG, ZLA BA BCU PA'I TSES GSUM LA BKRA SHIS RTZE NAS YUM DPON G-YOG PHEBS PAR PHYAG DBANG DANG JA GRAL BKA' 'DRI BCAS STZAL, TSES DRUG LA PE'I CING MI SNA NAS DNGOS 'BUL BSTABS, TSES DGU LA CHAB MDO BA DKON MCHOG RDO RJE 'AM BLO BZANG DBANG PHYUG, CHU BZANG SPRUL SKU DANG RMI LI MKHAN PO'I BANG CHEN PO NGO G-YOG BCAS LA THON PHYAG DANG BKA' LAN GNANG CHA BSTAR, TRE BO MA ZUR GYI DGE TSUL MA NGO G-YOG LA PHYAG DBANG STZAL, TSES NYER GCIG LA TRE BO DGE TSUL MAR THON PHYAG GNANG, 'DI SKABS LA MO SKU RTEN PA AER TE NI DAR HAN CHOS RJES DPAL LDAN TSANGS PA ZHI DRAG GI DUS MCHOD GSAR 'DZUGS MDZAD PAR 'DI LO THOG MAR SONG GSHIS, CHOS SKYONG CHEN POR SNYAN SHAL MDZOD BTAGS SNA LNGA, SKU CHAS RGYAS PA CHA TSANG, GSER PHUD MGUR SRANG LNGA, ZHAL JA, TSOGS DOD, DNGUL SRANG LNGA BCUS GTZOS PA'I DGU TSAN BZANG PA LNGA SOGS DANG SKU RTEN PAR LEGS SO'I GNANG SKYES GYA NOM PA, TSOGS PAR MANG 'GYED DANG GDAN GUNG GI BSNYEN BKUR BCAS STZAL, LA MO'I DUS GSOL 'DI LO NAS BZUNG CHAG MED GNANG, ZLA BA BCU GCIG PA'I TSES LNGA NAS RIM BZHIN DOR MKHAN PO, MNGA' RIS GUNG GI MANG SKOL DO DAM PA, SNGAGS PA GSAR PA DANG, B'A DUR NANG PA, AA MDO BA, GNAM MTSO BA SOGS PHYOGS NAS DAD 'DUS MANG POR PHYAG DBANG DANG, 'BRONG RTZE'I CHOS
MDZAD MA'I SKRA PHUD BZHES NAS YE SHES CHOS SGRON ZHES PA'I MING STZAL, TSES BCU BZHI LA THOS BSAM GLING GRVA TSANG DU BLA SPYI RNAMS KYIS SPYAN DRANGS TE DKAR SPRO GSOL STON RGYAS PA BTEG, RGYUD GRVA NAS TSES CHOG MDZAD THOG THOS BSAM GLING BLA SPYI NAS ZHABS BRTAN DNGOS 'BUL BSTAR ZHING SLOG CHA'I GNANG SKYES KYANG GZABS, TSES BCU BDUN NAS GZHIS RTZE RDZONG DPON GSAR BA SHANGS SMON SKYID PA DANG, GNAM RU DPON, GZHUNG SA'I MANG SKOL DO DAM PA NGO G-YOG DANG, KLU SDINGS BZO RIGS BAL PO RNAMS LA PHYAG DBANG, TSES NYER BRGYAD LA YAB RJE DPON G-YOG PHEBS PAR PHYAG DBANG JA GRAL DANG, DGYES PA'I BKA' 'DRI BCAS STZAL, ZLA BA BCU GNYIS PA'I TSES NYER GNYIS LA SNGAGS GRVA'I 'DU KHANG GI SENG G-YAB LA RAS BRIS KYI BSKANG RDZAS GOS CHEN GYI GONG GSHAM CAN SBYOR 'JAGS THOG 'GYED BKRA SHIS KHA BTAGS RE GNANG, LO 'DI'I ZLA BA DANG PO NAS BZUNG ZLA BA BCU GNYIS PA'I BAR DU YONGS 'DZIN ZHAL SNGA NAS KYI DRUNG DU 'DUL BA'I GLENG 'BUM CHEN MO, 'DUL t'IKA RIN CHEN 'PHRENG BA, TSAD MA RIGS RGYAN, DBU MA 'JUG PA, 'DUL BA MDO RTZA BA, MDZOD RTZA BA, TSAD MA RNAM 'GREL, GSANG 'DUS RTZA RGYUD RGYUD PHYI MA DANG BCAS PA, BDE MCHOG RTZA RGYUD, DUS 'KHOR BSDUS RGYUD KYI LE'U DANG PO, 'JIGS BYED KYI RGYUD RTOG PA GSUM PA DANG RTOG PA 'DUN PA, RGYAL BA DGE 'DUN RGYA MTSO'I GSUNG 'BUM BO TI BZHI, LHO BRAG NAM MKHA' RGYAL MTSAN GYI GSUNG 'BUM PO TI GNYIS, MKHAS GRUB RJE LA CHIG BRGYUD DU GNANG BA'I RJE'I BLA MA'I RNAL 'BYOR, BDE MCHOG GI BLA BRGYUD GSOL 'DEBS, BDE MCHOG L'U AI PA'I MNGON RTOGS NAG 'GROS SU BKOD PA, DE'I PHYI ROL
, ,MCHOD PA LAG MCHOD DANG BCAS PA, SKYID SHOD ZHABS DRUNG GIS MDZAD PA'I SNAR THANG BRGYA RTZA'I RJES GNANG BYA TSUL, DES MDZAD PA'I 'JIGS BYED DPA' GCIG DANG RDOR SEMS KYI RJES GNANG BYA TSUL, SMAN BLA BDE GSHEGS BRGYAD KYI RJES GNANG SNGON 'GRO'I CHOS BSHAD DANG BCAS PA, BLO SBYONG MTSON CHA 'KHOR LO, RMA BYA DUG 'JOMS, HOR STON NAM MKHA' DPAL GYIS MDZAD PA'I BLO SBYONG NYI MA'I 'OD ZER, CHED DU BRJOD PA'I TSOMS, BE'U BUM SNGON PO'I 'GREL PA, RGYUD CHEN DKON MCHOG RGYAL MTSAN GYI GSUNG PHYAG CHEN GYI SNGON 'GRO'I KHRID CHEN BZHI'I ZIN BRIS, ZHI KHRO SBRAGS SGRUB THUN MONG MA YIN PA, SMAN BLA'I MDO CHOG YID BZHIN DBANG RGYAL, LAM KHRID 'JAM DPAL ZHAL LUNG, LAM KHRID GSER GYI YANG ZHUN, RNAM 'GREL GYI RNAM BSHAD THAR LAM GSAL BYED, BU STON GYIS MDZAD PA'I 'DUL BA'I LAS CHOG ,'KHRUL 'KHOR GYI RNAM BSHAD KHAMS GSUM RNAM RGYAL, 'KHRUL 'KHOR GYI ZHAL SHES YIG CHUNG DANG YANG CHUNG, RDOG GI RNAL 'BYOR, KUN BLO'I RNAM THAR BCAS KYI LUNG RNAMS GSAN, LO 'DI NANG GSER MDOG CAN PA BLO BZANG RGYA MTSO DANG CHOS 'KHOR LHUN PO PA SANGS RGYAS BKRA SHIS, BSOD NAMS RGYAL MTSAN, LEGS BSHAD RGYA MTSO BCAS NAS BYAMS CHOS SDE LNGA, GNAS RNYING SER BA YE SHES RAB BRTAN, STAG MO PA BLO BZANG NGAG DBANG, GNAS PA TSUL KHRIMS RGYA MTSO, BDE 'BYOR PA TSUL KHRIMS RGYA MTSO, GRANG MO CHE BA BLO BZANG BSAM GTAN, 'BRONG RTZE BA YE SHES BZOD PA, DPE THUB PA BLO BZANG BSAM GTAN, 'BRAS SPUNGS
PA BLO BZANG BRTZON 'GRUS RNAMS KYIS RNAM 'GREL GYI THAL PHRENG LE'U BZHI, MTSAN SGROG PA BLO BZANG DBANG POS LAM RIM BDE LAM DANG DMAR KHRID, BLO BZANG 'PHRIN LAS KYIS LAM RIM 'JAM DPAL ZHAL LUNG DANG DPAL LDAN SA GSUM MA'I t'IKKA, DBEN DGON PA BLO BZANG TSE BRTAN, BSTAN 'DZIN SHES RAB, TSUL KHRIMS RGYAL MTSAN, DGE LEGS SHES RAB, BLO BZANG DAR RGYAS, YANG TSUL KHRIMS RGYAL MTSAN BCAS NAS BDE MCHOG RTZA RGYUD DANG, PHUN TSOGS BKRA SHIS KYIS GSANG BDE 'JIGS GSUM GYI BSKYED RIM, PHUN TSOGS YAR 'PHEL GYIS LAM RIM DMAR KHRID, PHUN TSOGS BKRA SHIS KYIS LAM RIM 'BRING PO, DGA' LDAN RAB RGYAS PA BLO BZANG DON GRUB KYIS LAM GTZO'I RNAM BSHAD, LEGS BSHAD GLING BA YE SHES 'PHRIN LAS DANG KHRON KHA SBUG PA MKHAS MCHOG BSTAN 'DZIN NAS PHAR PHYIN SKABS BRGYAD RNAMS KYI RGYUGS PHUL BAR GLEGS BAM CHE CHUNG LA DPAGS PA'I GSOL RAS STZAL, ` RNAM BYUNG ZHES PAS 'BRUG LO ZLA BA DANG PO'I TSES BDUN LA AU RAD JUN GAR GYI MI SNA RNAMS DANG, DE DAG SKYEL BAR GONG NAS BKAS MNGAGS PA'I YU AA SA GAN AAM PAN SOGS LHA LDAN DU 'BYOR THOG SDA 'GROS SU MNGAGS PA PA'I TZONG GCIG DANG, RJE'I SANG GCIG BCAS NGO G-YOG RNAMS 'BYOR PAR PHYAG DBANG DANG JA GRAL GNANG, MA 'GYANG BAR PHYIR THEGS, TSES BCU GNYIS LA GDONG DKAR GNYER BA BLO BZANG SMON LAM GYIS ZHABS BRTAN GSOL 'DEBS ZHUS SHING SER SKYA BZHI BRGYA SKOR LA PHYAG DBANG STZAL, TSES BCU BZHI LA SNGA DRO KARMA PA SI TU SPRUL SKU NGO G-YOG LA PHYAG DBANG DANG NGO BOR JA GRAL, PHYI DRO MA nI SKOR DPON
, ,PAS ZHUS NGOR BSKOR BA GSOG MI SOGS SER SKYA'I TSOGS MANG POR ZHAL MJAL GNANG, TSES BCU DRUG LA THAR PA GNYER BA DKA' CHEN BLO BZANG YAR 'PHEL NAS DNGOS 'BUL BTEG ,YUM NYI ZLA DBANG MO LO SNGON MA'I MJUG NAS SNYUN BABS LCI ZHING SNYUN YUN RING BA BYUNG BAR BLA BRANG NAS KYANG SKU RIM PHON CHE GNANG BA SOGS LA BRTEN RIM DVANGS KYIS BKRA SHIS RTZER PHYIR PHEBS GNANG NYER YAB YUM 'KHOR BCAS LA THON PHYAG THOG GNANG SKYES GYA NOM PA BCAS THUGS DGYES PA'I BKUR STI GNANG, ZLA BA GNYIS PA'I TSES BZHI LA BRUL TSANG ZHABS DRUNG TSE RING DPAL 'BYOR LA PHYAG DBANG GNANG, DE'I PHYI NYIN KHONG PA NAS LEGS SKYES BSTAR ZHING THON PHYAG STZAL, GONG MA'I MI DRAG DANG JUN GAR GYI AEL CHI RNAMS LHA LDAN NAS THON PAR YAR 'BROG TU MTSAMS RTEN DANG ZUR GSOS STOB PAR DKA' CHEN YE SHES BSHES GNYEN RDZONG STA MDZAD, TSES BCU GCIG LA KHONG RNAMS 'BYOR, DE SKABS 'BRUM NAD KYI DOGS GZHI BYUNG BAR BRTEN TSANG MAR MJAL KHA GNANG RGYU GZHAN MA NAS THAG MA CHOD KYANG RJE BLA MA MCHOG LA ZHUS PAS TSAD MAR NGOS 'PHRAD BYAS CHOG CES PHEBS, DE DON BZHIN TSES BCU GSUM GYI SNGA DRO GZIMS CHUNG NYI 'OD 'KHYIL BAR RJE BLA MA MCHOG ZHABS SOR BKOD THOG ,YU AA SA GAN AAM PAN, TZONG BI NA, KHI Y'A, JAR GO CHI, BI CHA'I CHI SOGS MI DRAG RNAMS 'BYOR BAR GONG MA CHEN PO'I SKU'I MTSAMS ZHU MDZAD, GSER YIG DANG GNANG SKYES SBAM MTHO BA STZAL PA RNAMS GUS PA CHEN POS BZHES, DE NAS AO ROD JUN GAR GYI DPON TSE DBANG RDO RJE RNAM RGYAL GYI MI SNA
GSOL DPON BLA MA, BLA MA DBU MDZAD, SKU GNYER BLA MA, GSOL DPON BLA MA GZHON PA, JE'I SANG GRAS, PA YE SA GU LANG, ME GE CHI, M'A MOD, KHI YA'I GRAS RAB RGYAS, PHUR BU, BU RING, KHU YAG CHI BCAS DANG, SNGAGS PA GRVA TSANG, LAM RIM GRVA TSANG, MKHAN PO DGE 'DUN GRAGS PA, ZLA BA CHI, SAN BI LIG ,YA MA KHO LA, BKRA SHIS ZLA BA, NE ME KHU JER GAL BCAS KYI AEL CHI SOGS TSANG MAR PHYAG DBANG STZAL, DE NAS JUN GAR DBON GYI MTSAMS ZHU'I ZHU YIG DANG ZHABS BRTAN GSOL 'DEBS ZHU RTEN MAndAL, SKU GSUNG THUGS RTEN, SKU'I NYER SPYAD, GSER SRANG BRGYA DANG BRGYAD CU GYA LNGA, DNGUL SRANG LNGA BRGYA, RGYA NAG DANG MGO DKAR GYI GOS CHEN YUG BRGYA DANG BRGYAD CU GYA BRGYAD, HOR ZAM YUG BRGYA DANG NYER BRGYAD, GZHAN YANG LING, BU LA HA RI, DKAR RAS, BU LA KHA'I PAGS PA, SRAM WAGS, JA, MGO SNAM SOGS DANG, YAB YUM GYI BSNGO RTEN GSER SRANG BCU THAM PA, DNGUL SRANG BRGYA, MGO SNAM SOGS DNGOS 'BUL SBA MA SHIN TU MTHO BA DANG 'DUS TSOGS SU DGE 'DUN RER 'GYED RGYA DNGUL SRANG LNGA RES MTSON BSNYEN BKUR GZAB PA BSTAR ZHING; MKHAN PO DGE 'DUN GRAGS PA'I MTSAMS ZHU DANG ZHABS BRTAN GYI DNGOS 'BUL, GZHAN YANG BLA MA GRVA RIGS DPON KHAG BCAS KYI AEL CHI SOGS DRAG ZHAN GYI MI SNA RNAMS NAS SO SO'I BLA DPON GYI SKYABS 'JUG DANG, MTSAMS ZHU RTEN GSER DNGUL, RIN PO CHE'I DNGOS SPYAD DU MA, GOS DAR, BAGS RIGS SOGS RNAM GRANGS MANG PO PHUL, MI SNA DE DAG 'GRO KHAR JUN GAR DPON GYI 'BYOR LAN RGYAS PA DANG, GZHAN MA RNAMS LA'ANG 'BYOR LAN, KHO RANG TSOR BSRUNG MDUD, SKU BRNYAN, BYIN RTEN, GON
, ,PA; SPOS SNAM SOGS THON PHYAG SBAM MTHOB DANG, GONG MA'I MI DRAG RNAMS LA YANG PHEBS RDZONGS GYA NOM BA BSTAR, MI SNA RNAMS THON GRUB RJES BCAD RGYA'I KHONGS SU SKU YON SBYONG BDAR TSUL BZHES DANG, YONGS 'DZIN ZHAL SNGA NAS LAS LUNG GSAN PA SOGS LA THUGS BRTZON LHOD MED DU GNANG, SKABS 'DIR 'JIGS BYED LHA BCU GSUM MA'I DBANG CHEN STA GON DANG BCAS PA, MGON PO PHYAG DRUG PA, MGON DKAR, CHOS RGYAL PHYI NANG GSANG GSUM, LHA MO, BEG TZE LCAM DRAL RNAMS KYI RJES GNANG GSAN, ZLA BA LNGA BA'I TSES GCIG LA DA LAS WANG NAS LA MO SKU RTAN BA CHED GTONG MDZAD PA 'BYOR GDONG WANG NAS DUNG DKAR DANG BCAS PA'I TSAN GRANGS DANG, CHOS SKYONG NAS GOS CHEN GYI RGYAL MTSAN ZHIG PHUL TE, 'DI BSTAN PA'I RGYAL MTSAN 'DZUGS PA'I RTEN 'BREL YIN PAS RGYAL MTSAN 'DI ZHAG GSUM GYI RING SKU ZHABS RIN PO CHE'I SKU'I G-YAS PHYOGS KYI KA BA LA SGROG BA GNANG GSUNG BA LTAR MDZAD DO, ,SNGON BSTEN BSRUNG MA'I GTZO BO DUNG THOD CAN, ,MI YI KHOG TU BRLAMS PA'I ZLOS GAR GYIS, ,'CHI MED GOS KYI RGYAL MTSAN LEGS PHUL TE, ,LAS BZHI'I 'PHRIN LAS SGRUB BAR ZHAL GYIS 'CHES, ,BSTAN BSRUNG SKAR TSOGS LTA BUR 'KHRIGS PA'I NANG, ,KHYOD KYI 'PHRIN LAS RGYAL MTSAN BSGRENG BA LA, ,'DI NI SNANG BYED KHROD DU RTA BDUN BZHIN, ,KHYAD PAR 'PHAGS ZHES PHYOGS BRAL 'GRAM BAR SGROGS, ,SRID SKYONG DA LAS B'A THUR KHRIR 'KHOD NAS THOG MA'I MJAL PHYAG SNGON NAS ZHU RTZIS MDZAD KYANG JUN GAR GYI 'GRUL PA'I G-YENG BAR BRTEN STABS MA 'GRIG PAS,
MI SNA RNAMS THON 'PHRAL 'BYON RGYU YIN TSUL GYI GNAS TSUL SNGON DU 'BYOR PA BZHIN DE SKABS RGYAL RTZER PHEBS 'BYOR GRUB BAR BRTEN THUGS DAM RTEN SPRAGS DANG ZUR CHAS 'BUL BAR MGRON GNYER BLO BZANG YAR 'PHEL RDZONG STA GNANG, TSES BCO LNGA'I NYIN MGRON GNYER GCIG DANG GZHAN MA DRUNG 'KHOR BRGYAD, GRVA TSANG KHAG GI SLOB DPON ZHAL SNGA NAS RNAMS DANG SPYI SO, MI TSAN KHAG ,SKU SKYE RJE DRUNG SOGS NAS PHEBS BSU DANG, BDE LEGS DGA' TSAL DU THAB BSU BCAS SNGAR RGYUN LTAR MDZAD CING, DE NYIN BLA BRANG DU SHAR PHEBS KYIS GZIMS CHUNG NYI 'OD 'KHYIL BAR WANG YAB SRAS, MNGA' RIS GUNG GI SRAS, LCAM BDE LDAN SGROL MA SRAS BCAS, WANG GI LCAM GSUM DANG BKA' BLON GSUM, DBUS GTZANG GI MNGA' DPON, LA MO SKU RTEN BA BSOD NAMS DBANG 'DUS, RVA SGRENG MKHAN PO DAR HAN AEM CHI, GSOL GZIMS, MGRON DRUNG, SOG RIGS THE'I JI, RJE'I SANG SOGS ZHABS PHYI DRAG GRAS BRGYA SKOR BCAS LA BZHUGS GRAL THOG PHYAG DBANG DANG SKU NGO TSAD MAR BKA' 'DRI PHEBS, TSES NYER BDUN NYIN GONG MA CHEN PO NAS WANG RANG LA GSOL RAS SU STZAL PA'I PHUNG YIN ZHES DNGUL SRANG KHRI TSO TZAM RI TSUL GYI PHRENG BA NGO MTSAR BA, SHEL SPYAD SNA TSOGS, SRID SKYONG DU 'KHOD BA'I THOG MA'I MJAL RTEN DNGUL RDO TSAD BDUN SO SOR KHA BTAGS DANG BCAS PA RNAMS 'BUL BA MDZAD PAR YAB SRAS LA JA GRAL DKAR SPRO BCAS GNANG, GNAM GANG NYIN SKU NGO TSAD MA, ZHABS PHYI DRAG GRAS BCAS MJAL KHAR PHEBS THOG WANG NAS G-YANG tI'I ZHAL DKAR GZUGS, BDE LDAN SGROL MAS PHYAG d'AR SBUS LEGS, LCAM RNAMS NAS SHEL SDER BDUN TSAR RE BCAS, BKA'
, ,BLON MDO MKHAR BA, BKA' BLON 'BROD RTZE BA, GTZAD MDA' DPON GNYIS, DBUS MDA' DPON, RVA SGRED MKHAN PO AE MCHID MCHOS, KONG PO AO RONG NAS DANGS DGA' MGO BA, SKYID SBUG PA, MGRON GNYER GSUM DANG GZIMS DPON TSE DBANG, DRUNG YIG GNYIS BCAS SO SO NAS RANG MKHOS DANG BSTUN PA'I DNGOS 'BYOR GYI MCHOD PA BSTABS, ZLA BA DRUG PA'I TSES GNYIS KYI NYIN SRID SKYONG WANG NAS TSOGS DBUR SPYAN DRANGS TE MAndAL, SKU GSUNG THUGS RTEN, NA BZA' NYE SPYAD, DNGUL RTA RMIG BRGYA DANG GCIG ,GOS YUG BRGYA DANG NYI SHU, JA 'KHOR DRUG DRUG CU RE DGU, LING YUG ,SMAN YUG ,BUL HA RI, RTZE ZHVA SOGS DNGOS 'BUL GTOS CHEB BTEG STE ZHABS PAD BRTAN PA'I BDEN TSIG BRJOD, 'DUS PA RGYA MTSOR RIM BZHIN TSES NYER BDUN LA DGE 'DUN RER 'GYED DNGUL ZHO GANG SKAR LNGA RE, NYER BRGYAD LA DNGUL ZHO RE, NYER DGU LA DNGUL SKAR LNGA RE, GNAM GANG LA JA BAR KHAG RE DANG RTZE ZHVA RE, DNGUL SRANG RE BCAS MANG 'GYED KYI BSNYEN BKUR BZANG PO MDZAD, WANG GI ZHABS BRTAN GYI MJUG TU BKA' BLON DKA' BZHI GUD DANG, LCAM PA DE LDAN SGROL MA GNYIS NAS MAndAL, SKU GSUNG THUGS RTEN, DNGUL RDO TSAD BCU GCIG ,GOS CHEN, SNAM BUBS SOGS DNGOS 'BUL BTEG ,'DI SKABS RGYAL DBANG MCHOG NAS MTSAMS ZHU'I BKA' SHOG RTEN LDAN DANG ZHABS BRTAN RTEN 'BYUNG TSAN GRANGS 'BUL RGYU GNANG BA SRID SKYONG NAS PHUL BAR DGYES PA CHEN POS BZHES, SRID SKYONG DPON G-YOG TSANG MAR GZAB STON STZAL, TSES GSUM GYI NYIN SRID SKYONG NAS BRGYA DANG BZHI BCU SKER GYI
RTA BRGYUGS GZIGS 'BUL MDZAD PAR, AANG DAR GYI GNANG CHA GZABS, GZIMS CHUNG NYI 'OD 'KHYIL BAR RJE BLA MA MCHOG GI SKU GAM DU SRID SKYOD WAD YAB SRAS BCAR THOG TSOGS KYI 'KHOR LO DANG BCAS PA'I MCHOD SPRIN RGYAS PAR BSHAMS TE, LA MO CHOS SKYONG CHEN PO SKU GSOL ZHUS PAR, CHOS SKYOD NAS MJAL DAR, GSER GYI RDO RJE, DNGUL GYI MAndAL BCAS PHUL TE, ZHABS BRTAN GSOL 'DEBS GNANG, CHOS SKYOD LA YANG SKU CHAS RGYAS PA DANG 'BREL BA'I SPYAN GZIGS MCHOD SPRIN TSAD MED PA BSTABS, CHOS SKYONG CHEN PO NAS DMIGS YUL LTAS MTSAN LEGS PA BYUNG TSUL PHEBS PAR BRTEN, DA LAM DANG SNGA SOR CHU KHYI LOR GZIGS SNANG GANG BYUNG RNAMS GSAL POR BKA' STZOL DGOS TSUL PHYAG MDZOD CHEN MO NAS ZHU BA MDZAD LAN DU, CHOS SKYONG CHEN PO NAS, SNGON CHU KHYI LOR SKYABS MGON CHEN PO DANG GZUGS MED DNGOS MJAL GNANG BA'I THOG TU SHAR NAS GRUB THOB KYI CHA BYAD CAN STAG SHAM THOD SKAM SOGS KYIS SPAS PA, LAG NA d'AR DRIL THOGS PA ZHIG GIS 'DI SKAD ZER, SHAR NAS THON PA'I CHU SHEL DE, ,DU 'DZIN 'PHRUL GYIS BSLUS PA YIS, ,GZHAN BSAM CAN DE RANG LA 'KHOR, ,ZER BA ZHIG DANG, YANG DE'I MU LA GNAS 'DI KHA'I NAM MKHA'I NGOS SU LTA'I BU BU MO'I CHA BYAD CAN MANG PO SPRIN GYI GSEB NAS RIN PO CHE'I BUM PA BDUD RTZIS GANG BA THOGS NAS SKYABS MGON 'DI NYID LA SKU KHRUS 'BUL ZHING, ME TOG GI CHAR RGYUN KHRA LAM LAM 'BEBS BA BYUNG, DENG GI DUS SU THOG MAR NYI MA'I DKYIL 'KHOR SHAR PHYOGS NAS 'CHAR PA 'JA' GUR GYIS BSKOR BA, DE LA LHO
, ,NAS SPRIN 'KHRIGS PA, NUB NAS SA GZHI LEGS PA LA NAM DUS KYIS GLANG 'DUL ZHING SA BON 'DEBS PA SOGS DANG, YANG GSAL 'GRIB MED PA'I SHEL SGO LA YA MTSAN PA'I RDUL 'KHRUG PA SOGS DANG, LHAG PAR KHA SANG GI DUS SU SKYABS MGON MTSUNGS ZLA MA MCHIS PA NYID MGON PO 'OD DPAG TU MED PA DNGOS SU KHRI THOG TU BZHUGS PA MTHONG ZHING, DE'I PHYAG TU LHUNG BZED BDUD RTZIS GANG BA 'DZIN PA CHIL GYIS KHOL BA LAS PHYIR MA LUD PAR 'DUG PA DANG, GZHAN YANG RTZA BRGYUD KYI DPAL LDAN BLA MA DAM PA RNAMS DANG YI DAM ZHI KHRO, SANGS RGYAS BYANG SEMS, DPA' BO MKHA' 'GRO, CHOS SKYONG BSRUNG MA'I TSOGS DAN BCAS PA RANG RANG GI CHOS TSUL DANG MTHUN PA'I CHOS KYI GAR, LHA'I GAR, KLU'I GAR SOGS GAR SNA BRGYAD KYI THOG CHOS DANG 'JIG RTEN PA'I GAR LA SOGS NYIN RTZER SPYOD PA MTHONG ZHING, DENG GI DUS SU DPAL LDAN LHA MO DANG, MA MGON LCAM DRAL SOGS KYIS SKYABS MCHOG NYID LA GUS PA'I TSUL DANG, GDUG CAN RNAMS SGROL BA'I SLAD DU DPA' ZHING BRTUL PHOD PA'I RNAM 'GYUR JI SNYED MDZAD PA SOGS RAGS TZAM DANG, TSANG MA BRJOD KYIS MI LANG ZHES PHEBS, LA MO SKU RTEN PAS KYANG DNGOS 'BUL GYI BDOG PA BSTABS, DE'I PHYI NYIN WANG NGO G-YOG LA GSOL STON PHEBS RDZONGS KYI DNGOS PO SBAM MTHO BA DANG, SKU NGO RNAMS DANG BKA' BLON, MDA' DPON, SKU RTEN PA, ZHABS PHYI DRAG 'BRING DKYUS GSUM, LAG NGO BCAS TSANG MAR GO BABS DANG BSTUN PA'I GNANG CHA GTOS CHE BA SGER 'BUL SO SO'I SLOG BABS MTSUNGS BCAS STZAL, GRVA TSANG KHAG BZHI'I
ZHAL SNGA NAS RNAMS DANG SPYIS, MI TSAN KHAG SOGS NAS KYANG DNGOS SKYES BSTABS, LA MO SKU RTEN PA BSOD NAMS DBANG 'DUS LA DANG HAN AER TE NI CHOS RJE ZHES PA'I TSE LO DANG BKA' SHOG ,GNANG SKYES BCAS STZAL, RTA THAB KYI PHEBS SKYEL YANG SNGAR RGYUN BZHIN MDZAD, ZLA BA DRUG PA'I TSES NYER DGU LA BRAG G-YAB PHYAG MDZOD DANG GNYER PA GNYIS LA PHYAG DBANG DANG, GZHAN MA RNAMS LA ZHAL MJAL GNANG, ZLA BA BDUN PA'I TSES BRGYAD LA TSOGS CHEN DGE BSKOS CHEN MOR PHYAG DBANG DANG, TSES NYER LNGA LA TSOGS CHEN CHOS KHRIMS PA GSAR RNYING GNYIS DANG, SNGAGS GRVA'I CHOS KHRIMS PA GSAR RNYING GNYIS LA PHYAG DBANG STZAL, ZLA BA BRGYAD PA'I TSES BCU GNYIS LA TSA GAN NO MON HAN GYI MI SNA NGO G-YOG LA ZHAL MJAL DANG, TSES BCU GSUM LA GONG MA CHEN PO'I 'KHRUNGS SKAR ZHABS BRTAN GONG BZHIN BSGRUBS, NYIN GSUM GYI RING GZIMS CHUNG NYI 'OD 'KHYIL PAR CHAB ZHUGS KYI SKU'I 'PHROD BSTEN GNANG, ZLA BA BRGYAD PA RTING MA'I GZA' TSES DGE BAR JO LUGS KYI SGROL MA NYER GCIG GI SNANG BRNYAN GSAR BZHENGS RNAMS LA SPYAN 'DREN KHRUS GSOL SNGON DU 'GRO BA'I LHAG GNAS KYI ME TOG GTOR, GONG MA BDAG PO CHEN PO NAS PHYAG MDZOD LA DAR HAN GYI CHO LO'I GZENGS BSTOD STZAL, DUS KYI CHOS NYID DU GYUR PA WANG TSE RING RAB BRTAN DANG GUNG BSTAN 'DZIN GNYIS KYI DGE SGRUB PA NGO G-YOG LA PHYAG DBANG JA GRAL GNANG, GZHUNG MKHAN NANG GI GDONG GONG NAS GNANG SKYES STZAL PA RNAMS 'BYOR TE ZHU LAN DANG, PHYAG MDZOD LA CHO LO'I GZENGS BSTOD STZAL PA BKA' DRIN CHE TSUL GYI ZHU YIG PHUL, TSES NYER BZHI LA HAR GDONG MI TSAN
, ,NAS DNGOS 'BUL BSTAR, ZLA BA DGU PA'I TSES BZHI NAS RIM 'BYOR PHUN TSOGS GLING GI MKHAN PO, SPYI SA, BYANG CHEN SGRUB SDE'I GNAS BLA MA, BRUL TSANG ZHABS DRUNG, RGOD TSANG RI KHROD PA, DAR RGYAS SGRUB SDE PA, MDANGS CHEN BLA MA, BZHAD BKRA SHIS DGE 'PHEL GYI BLA MA, ZHA LU MKHAN SPYI, SRAD NOR BU CHOS 'KHOR PA, RTA NAG LHUN GRUB GLING PA DANG SA KHUD PA, LHA RTZE DGA' LDAN 'OG MIN GLING BLA SPYI, GAM PA LHUN GRUB STAG RTZE KHUL DANG, THOB RGYAL KHUL GYI SGER PA, GSER MDOG CAN GYI MKHAN SLOB, 'DAR BSAM GRUB PA BCAS SO SO NAS LEGS 'BUL BTEG PAR PHYAG DBANG GNAD SKYES STZAL, TSES BCU DRUG LA YAB RJE THANG LHA CHED PHEBS KYIS GONG MA CHEN PO NAS 'PHRIN LAS PA MCHOG LA MTSAN GSOL GZENGS BSTOD STZAL BA DANG, BKRA SHIS RTZE KHUL BLA BRANG MNGA' ZHABS SU CHOD PA BCAS KYI LEGS SKYES 'BUL BA GNANG, ZLA BA BCU BA'I TSES GCIG NAS RIM 'BYOR, GCUNG RI PO CHE BLA GRVA, NYUG CHOS 'KHOR GLING BA, RI GDONG ZHABS DRUNG, LHA RI SGANG PA, THUB BSTAN YANGS CAN GYI MKHAN PO BCAS SO SO NAS LEGS SKYES PHUL BAR PHYAG DBANG DANG SLOG CHA STZAL, GONG MA CHEN PO'I BTZUN MO KHRIB GSHEGS PA'I DGONGS RDZOGS SGRUB CHED BKAS MNGAGS PA'I JA SAG BLA MA DKA' BCU YE SHES 'PHRIN LAS, RIM PA GNYIS BA'I T'A BLA MA GCIG ,RIM PA DANG PO'I KH'A GCIG DANG, GNYIS PA'I KH'A GCIG, JAR BI BZHI, LHA SAR RGYUN BZHUGS T'A ZHIN SOGS KYI MDUN GSER YIG GNANG RTEN, DNGUL GYI LDONG MO DANG BUM PA, DNGUL KONG, GOS YUG BCU GNYIS, KHA BTAGS CHE CHUNG
NYI SHU; 'PHAR MA BZHUGS 'BOL, SKU SNYE, SHOL DANG DKAR YOL GYI SPYAD PA KHA SHAS, GOS YUG DGU BCAS STZAL BA GUS PAS BZHES TE SKU'I MTSAMS ZHU MDZAD, MI DRAG RNAMS LA JA GRAL DANG BKA' 'DRI GNANG, SKU GSHEGS PA BTZUN MO DAM PA DE NYID KYI DGONGS PA RDZOGS CHED GSUNG BSNGO RTEN GSER SRANG NYI SHU RTZA DGU ZHO DO, KHA BTAGS, 'DUS SDER MANG 'GYED DOD DNGUL SRANG CHIG STONG, KHA BTAGS CHE CHUNG NYIS BRGYA, JA SPAG BRGYA BCAS STZAL BAR, MANG 'GYED 'PHRAL BTANG THOG 'DUS SDE DANG LHAN CIG RGYAL BA SRAS BCAS KYI THUGS RGYUD BSKUL TE BSNGO SMON MDZAD, TSES BCU LA T'A ZHIN PHYIR LDOG RGYUR GNANG CHA GZABS, DE'I PHYI NYIN JA SAG BLA MA YE SHES 'PHRIN LAS KYIS DNGOS 'BUL GYI BDOG PA BSTAR RJES GONG GI MI DRAG RNAMS DAD SNE SHAN PA BKA' BLON THON PA SOGS LA THON PHYAG GI GNANG CHA GYA NOM PA BSTAR THOG GSUNG BSNGO RTEN GYI 'BYOR LAN DANG GSER YIG GNANG RTEN BCAS KYI BKA' LAN KYANG 'BUL RGYU STZAL, TSES BCU DGU'I NYIN DKYIL KHANG GRVA TSANG DU SPYAN DRANGS, DKAR SPRO'I THOG DPON SLOB NAS SGER MJAL ZHUS, CHOS SKYONG BEG TZE CHEN POR SNYAN SHAL DANG ME MDA' SAG THAG SOGS SPYAN GZIGS BSTAR NAS 'PHRIN BCOL MDZAD, GSOL STON BTEG CING BLA SPYI NAS ZHABS BRTAN DNGOS 'BUL GZABS, PHAR YANG 'BUL SLOG STZAL; TSES NYER GCIG NAS RIM BZHIN RGYA MTSO BDE CHEN RI KHROD PA DANG SPEL BZHI BA BCAS NAS LEGS 'BUL BTEG CING DE BSTUN AA MDO BA SOGS MANG POR PHYAG DBANG STZAL, TSES NYER BRGYAD NAS RIM 'BYOR RONG DGA' LDAN BYAMS PA GLING PA, MA nI SGANG
, ,PA; ZHVA DMAR SPRUL PA'I SKU DANG SI TU SPRUL SKU, SA BDE CHEN PA'I BLA MA SOGS SER SKYA DU MA NAS LEGS 'BUL BTEG ,DE BSTUN GNAM MTSO BA DANG MANG JA'I SBYIN BDAG ,AA MDO BA SOGS MANG PO LA PHYAG DBANG STZAL, ZLA BA BCU GCIG PA'I CHOS GCIG LA ZHVA DMAR SPRUL SKU'I MI SNA LA THON PHYAG GNANG, TSES BZHI LA DGA' LDAN RAB RGYAS PA GZHIS BYES TSANG MA NAS ZHABS BRTAN DNGOS 'BUL BSTABS, DRUNG RAM PA BLO BZANG PHYOGS GLANG SOGS KHA SHAS KYIS SGER MJAL ZHUS; 'BUL SLOG KYANG MI DMAN BA STZAL, MDA' DPON LCANG LO CAN PA, GZHU RAB RGYAS GLING BA, DAM RING KHUL GYI MI SER BCAS NAS RIM BZHIN LEGS 'BUL BTEG BAR PHYAG DBANG DANG SLOG CHA STZAL, ZLA BA BCU GNYIS PA'I TSES LNGA LA SHANGS DGA' LDAN CHOS 'KHOR GLING BLA SPYI, BZHAD KHUL BOD 'BROG ,'DAM BKRA SHIS SGER DU BA, GSHEN SGER BA SOGS NAS LEGS 'BUL BTEG PAR PHYAG DBANG DANG MJAL SLOG BCAS STZAL, DE BSTUN SRID SKYONG WANG GI MANG SKOL DO DAM PA NGO G-YOG DANG KHAMS PA LNGA BCU SKOR, MANG JA'I SBYIN BDAG SOGS PHYOGS 'DUS MANG POR PHYAG DBANG GI BYIN RLABS STZAL, TSES BRGYAD LA TSOGS CHEN DGE BSKOS LA PHYAG DBANG GNAD ZHING, DE NUB GLING MCHOD RGYAS 'BUL THOG BSTAN 'GROR PHAN BDE 'BYUNG BA'I THUGS SMON BLA NA MA MCHIS PA GNANG, 'DI SKABS BAL PHUL DU YAM BU DANG GOR shA G-YUL 'KHRUG BYUNG BAR 'CHIR SGRIG LEGS SPEL DANG LAS SGO SNGAR BZHIN GYIS PHAN BDER 'GYUR BA DGES TSUL BCAS LA LO TZ'A BA DKA' CHEN YE SHES CHOS
'PHEL RDZONG STA GNANG, LO 'DI'I NANG DU ZLA BA DANG PO NAS BZUNG YONGS 'DZIN ZHAL SNGA NAS KYI DRUNG DU DPE CHOS RIN CHEN SPUNGS PA, RGYAL SRAS THOGS MED PA'I BKA' 'BUM, SKYES RABS SO BZHI PA, MI LA'I RNAM THAR DANG MGUR 'BUM, JO BO'I CHOS CHUNG BRGYA RTZA; MA nI BKA' 'BUM STOD CHA DANG SMANG CHA, BA RI BRGYA RTZA'I RJES GNANG BYA TSUL DKON MCHOG LHUN GRUB KYIS MDZAD PA, PHYAG CHEN GYI 'GREL BA PAn CHEN GONG MA BLO BZANG CHOS RGYAN GYI DNGOS SLOB DGE LEGS RGYA MTSO'AM KRE PA CHOS RJES MDZAD PA, SGRUB THABS RGYA MTSO'I RGYA GZHUNG, DE MO NGAG DBANG DGE LEGS RGYAL MTSAN GYIS MDZAD PA'I 'KHRUL 'KHOR GYI 'DON CHOG DAD 'KHRUL 'KHOR GYI ZHAL SHES YIG CHUNG YANG CHUNG, SPYAN SNGA BLO GROS RGYAL MTSAN GYIS MDZAD PA'I THOG MA'I BLO SBYONG, DES MDZAD PA'I GZHAN DON DON GNYER GYI 'GREL PA, LAM KHRID GZHAN PHAN SNYING PO, GZHON NU RGYAL MCHOG PA'I BLO SBYONG LEGS BSHAD KUN 'DUS, BLO SBYONG SNYAN BRGYUD CHEN MO BYANG SEMS RVA SGRENG BA SH'AKYA BSOD NAMS KYIS MDZAD PA, DBUS KYI CHOS SPYOD RAB GSAL PAS MA; BLO SBYOD DON BDUN MA'I KHRID YIG LHA BTZUN BLO BZANG RDO RJES MDZAD PA, SMYUNG GNAS BLA MA BRGYUD PA'I RNAM THAR CHOS KYI GRAGS PAS MDZAD PA, BLO SBYONG SNYAN BRGYUD CHEN MO'I 'GREL BA DPAL LDAN YE SHES KYIS MDZAD PA, DMIGS BRTZE MA'I t'IKKA TSIG DON RAB GSAL, S'ATZTSA 'DEBS PA'I CHO GA ,BLA MA MCHOD PA'I t'IKKA TSIG DON GSAL BA'I SGRON ME MDO SMAD BA BSAM GTAN RGYA MTSOS MDZAD PA, BU STON CHOS 'BYUNG, SGOM BDE NAM MKHA' RGYAL MTSAN GYIS MDZAD PA'I 'JIGS BYED SMON LAM GYI t'IKA?,
, ,'KHOR LO SDOM PA'I ZHI BA'I SBYIN SREG GI CHO GA ,'DUL BA ME TOG PHRENG RGYUD, SGRUB THABS RGYA MTSO'I RJES GNANG BYA TSUL THAR RTZE BA NAM MKHA' DPAL BZANG GIS MDZAD PA, SNAR THANG BRGYA RTZA'I RANG GZHUNG MCHIMS NAM MKHA' GRAGS KYIS MDZAD PA, BSLAB PA KUN BTUS DANG BYANGS, DBU MA RIGS TSOGS DRUG ,BYAMS CHOS PHYI MA BZHI, TSAD MA KUN BTUS, TSAD MA SDE BDUN, GSO RIG RGYUD BZHI, MGON PO'I BE'U BUM, MKHAS GRUB RJES MDZAD PA'I PHYAG DRUG PA'I BSNYEN SGRUB LAS GSUM GYI RNAM GZHAG ,RTA PHUG PA DAM CHOS RGYAL MTSAN GYI RNAM THAR, DES MDZAD PA'I GSOL 'DEBS DANG LAM RIM GYI SNGON 'GRO SOGS KYI LUNG RNAMS RIM GYIS GSAN, DE LTAR LUNG GSAN BZHES MDZAD RGYU PHAL CHER GSAN GRUB PAS BKA' DRIN GTANG RAG GI YON DU DNGUL SRANG SUM CU'I MAndAL, DNGUL RTA RMIG GNYIS, GOS CHEN YUG SOGS KYI YON BSTABS, LO 'DI NANG STAG MO BA BLO BZANG MTHU STOBS DANG BLO BZANG DGE LEGS, DPE THUB PA BLO BZANG DON GRUB, BYANG PA SPANG YUL BA DGE 'DUN MCHOG LDAN, LEGS BSHAD GLING BA YE SHES TSE BRTAN, BDE 'BYOR BA YE SHES 'JAM DBYANGS DANG DPAL 'BYOR YAR 'PHEL, RGYAL CHEN RTZE BA DKON MCHOG CHOS GRAGS, BZHAD PA BLO BZANG SHES RAB BCAS NAS TSAD MA RNAM 'GREL GYI THAL 'PHRENG LE'U BZHI, BA SO BA RJE DRUNG BLO BZANG BKRA SHIS KYIS RNAM BSHAD DGONGS PA RAB GSAL, DBEN DGON PA BRTZON 'GRUS RGYAL MTSAN DANG BLO BZANG BKRA SHIS, YE SHES DKON MCHOG ,BLO BZANG DGE LEGS
BCAS NAS BDE MCHOG RTZA RGYUD DANG, SHES RAB CHOS 'PHEL GYIS LAM RIM 'BRING PO, YE SHES SHES RAB KYIS LAM RIM CHEN MO, SHEL DKAR CHOS SDEB DPAL LDAN RGYA MTSOS MDZOD t'IKA NYI MA'I DKYIL 'KHOR DANG DBU MA'I t'IKKA, BZHANG PA BLO BZANG BSTAN 'DZIN GYIS RNAM BSHAD THAR LAM GSAL BYED RTZA 'GREL GYI RGYUGS PHUL BAR GLEGS BAM CHE CHUNG LA DPAGS PA'I GON PA, GOS DAR SOGS KYI GNANG CHA BZANG PA STZAL, ` DKAR PO ZHES PAS SPRUL LO ZLA BA DANG PO'I TSES BDUN LA DGA' BZHI'I YUM BSOD NAMS LHA SGRON GYIS TSOGS DBUR SPYAN DRANGS TE ZHABS BRTAN DNGOS 'BUL BSTAR, GSOL DPON YE SHES DGE 'DUN, SHOD GSOL DPON BLO BZANG BKRA SHIS, BRIS PA DBU MDZAD DAR RGYAS RGYAL MTSAN, LO TZ'A BA DKA' CHEN YE SHES CHOS 'PHEL, RGYUD 'DON PA SO SO NAS DNGOS SKYES BSTABS, TSES BCU BZHI LA DGA' BZHI'I YUM LA THON PHYAG GNANG, ZLA BA GNYIS PA'I TSES LNGA LA AEM CHI DPAL 'BYOR YAR 'PHEL GYIS TSOGS DBUR SPYAN DRANGS TE DNGOS 'BUL BSTABS, GZHAN YANG YE SHES KYI MGON PO PHYAG DRUG PA, DAM CAN CHOS KYI RGYAL PO PHYI NANG GSANG GSUM, MGON DKAR YID BZHIN NOR BU, DPAL LDAN LHA MO, MGON PO ZHAL BZHI PA, PHYAG RDOR GOS SNGON CAN, RGYAL CHEN RNAM SRAS, CHOS SKYONG DREGS PA LCAM SRING RNAMS KYI RJES GNANG GSAN, GTANG RAG GI YON DU MAndAL, DNGUL SRANG LNGA BCU SOGS PHUL, TSES DGU LA GZHIS RTZE RDZONG DPON CHA LU NAS DANG ZHA LU MKHAN PO, DPAL 'KHOR CHOS SDE'I GRVA SKOR BA, MNGA' RIS GUNG GI MANG SKOL DO DAM PA DANG MDO KHAMS PA MANG POR PHYAG DBANG STZAL,
, ,SNGAGS PA'I SLOB DPON BLO BZANG DPAL 'BYOR, DBU CHOS, MCHOD DPON, NOR GNYER BA SOGS NAS DE SNGON GSOL BA YANG YANG BTAB PA'I THOG DNGUL DKAR GYI MAndAL, CHOS KYI 'KHOR LO, DUNG DKAR SOGS RTEN 'BYUNG GI DNGOS 'BUL DANG BCAS RJE BLA MA MCHOG GI ZHABS BRTAN GSOL 'DEBS SHO LO KA LNGA TZAM YOD PA ZHIG DANG, BLA BRGYUD GSOL 'DEBS GRAS SU BCUG CHOG PA'I SHO LO KA GCIG BCAS BKA' RTZOM BKA' DRIN CHE DGOS ZHES GSOL BA LTAR BLO GROS DPAG BSAM MA DANG BLO BZANG RGYAL BA'I RING LUGS MA GNYIS GSAR RTZOM MDZAD CING 'DI GNYIS BKA' RTZOM GYI THOG MA YIN PAR SNANG ZHING TSIG SBYOR PHUN SUM TSOGS PAS MKHAS PA RNAMS YID 'PHROG PAR BYED PA ZHIG BYUNG NGO, ,BGRANG BYA'I 'DAB MA RDZOGS PAR MA GYUR KYANG, ,MKHYEN RAB PAD DKAR ZE'U 'BRU RGOD PA LAS, ,SNYAN NGAG DRI BSUNG 'BAD MED SPRO BA YIS, ,MKHAS PA'I RKANG DRUG DAD PA'I SPU LONG GA-YO, ,DE NAS BSKUL BA PO RNAMS NAS GSOL BA BTAB PA LTAR TSES BCU GNYIS KYI NYIN SNGAGS PA BLA BRANG GI GZIMS CHUNG RDO RJE'I GZHAL YAS SU ZHABS KYI PADMO BKOD THOG SNGAGS CHEN ZHAL SNGA NAS, LAS SNE DANG BCAS PA RNAMS LA JA GRAL BKA' 'DRI BCAS STZAL CING, SNGAGS CHEN ZHAL SNGA NAS NYID KYIS GSOL GRO DANG DKAR SPRO RGYAS PA SOGS BSNYEN BKUR GYA NOM PA ZHUS, DE NAS SNGAGS GRVA'I TSOGS DBUR ZHABS ZUNG BKOD DE ZHABS BRTAN GSOL 'DEBS TSOGS 'DON DU BTZUGS, SNGAGS PA BLA GRVA SPYI NAS DNGOS 'BUL SBAM MTHO BA DANG BCAS ZHABS BRTAN BDEN
TSIG BRJOD, SNGAGS CHEN ZHAL SNGA NAS KYIS KYANG DNGOS 'BYOR GYI MCHOD SPRIN SPROS, BKA' RTZOM GSAR GNANG LE TSAN DANG, BYANG CHUB LAM SGRON, RDO RJE SEMS DPA'I SGOM BZLAS RNAMS KYI LUNG STZAL, DGONGS JA'I THOG 'DUS BA RGYA MTSO'I TSOGS DBUR SPYAN DRANGS TE BSKUL BA PO RNAMS KYIS DNGOS 'BUL BTEG RJES BKA' RTZOM GSAR GNANG LE TSAN DANG LAM RIM BSDUS DON, LAM GYI GTZO BO RNAM GSUM BCAS KYI LJAGS LUNG STZAL CING, ZHABS BRTAN GSOL 'DEBS GSAR STZAL 'DUS SDE'I TSOGS 'DON DU MDZAD PA'I DBU TSUGS, ZHAL BSROR SNGAGS PA BLA SPYI NAS SNGAGS GRVA DANG TSOGS CHEN GNYIS LA MANG 'GYED KYI BSNYEN BKUR GZABS, TSES BCU GSUM LA BZHAD GNYER PA DRUNG RAM PA RJE DRUNG BLO BZANG DAR RGYAS SPUN GYIS MANG JA TSA RTING MA'I TSOGS DBUR SPYAN DRANGS TE DNGOS 'BUL BSTAR, SBYIN BDAG DANG PHYOGS 'DUS RNAMS LA PHYAG DBANG STZAL, DGONGS JA'I TSOGS DBUR MTSAN NYID GRVA TSANG GSUM GYI BLA SPYI RNAMS KYIS SPYAN DRANGS TE DNGOS 'BUL GYI BDOG PA DANG, LAS TSAN PA RNAMS DANG MI TSAN KHAG SO SO NAS TSAN GRANGS RE BCAS PHUL BAR, THUB DBANG BSTAN SGRON MA DANG, THUB DBANG ZHAL BAD MA, GNAS BRTAN PHYAG MCHOD RNAMS KYI LJAGS LUNG STZAL, TSES BCO LNGA LA ZHABS 'BRID PA RNAMS DANG DGON KHAG GI BLA SPYI, MI SER BOD 'BROG BCAS NAS TSOGS DBUR SBYAN DRANGS TE ZHABS BRTAN DNGOS 'BUL RGYA CHE BA DANG, MGRON GNYER BLO BZANG YAR 'PHEL GYIS KYANG LEGS 'BUL GYI BDOG PA BSTAR, DPAL LDAN SA GSUM MA, SKABS GSUM PA, BSTAN 'BAR MA BCAS KYI
, ,LUNG STZAL, PA NAM GRANG MO CHE PAS KYANG DNGOS 'BUL BSTABS, SER SKYA BDUN BRGYA SKOR LA PHYAG DBANG DANG BLO GROS DPAG BSAM MA'I LUNG STZAL, SNGAGS PA GRVA TSANG DU MANG 'GYED DANG 'BUL BA'I SLOG KYANG GNANG, TSES NYER LNGA NAS ZLA BA GSUM PA'I TSES GCIG GI BAR LA YONGS 'DZIN RJE ZHAL SNGA NAS BLO BZANG BZOD PA'I DRUNG NAS DPAL 'KHOR LO BDE MCHOG LHA DRUG CU RTZA GNYIS, BDE MCHOG DRIL BU LHA LNGA, GSANG 'DUS MI BSKYOD PA LHA SUM CU SO GNYIS, THUB PA DAM TSIG GSUM BKOD RNAMS KYI DBANG CHEN STA GON DNGOS GZHI DANG BCAS PA, CHOS GNYIS NAS BZHI BAR TSE DPAG MED GRUB RGYAL LUGS KYI DBANG DANG RTA MGRIN SKYER SGANG LUGS, PHYAG RDOR GTUM PO, KHYUNG NAG ,'JAM DBYANGS DKAR PO, LHA MO DBYANGS CAN MA DANG NOR RGYUN MA, JO BO RJE LUGS KYI SGROL MA NYER GCIG DANG SENG LDING NAGS KYI SGROL MA, SGROL DKAR YID BZHIN 'KHOR LO BCAS KYI RJES GNANG GSAN, GTANG RAG GI YON KYANG GZAB STE PHUL, SNGON DU WA DAD LAS B'A THUR GYIS DBUS SU CHIBS BSGYUR GNANG DGOS ZHUS PAR MA ZAD, LHAG TU RJE BLA MA NYID KYANG RGYAL DANG MCHOG MJAL BA DANG, BKA' CHOS KYI RIM PA ZHU BA BCAS PHEBS BZHED SHIN TU CHE BAS, 'DI DON BZHIN MDZAD DGOS TSUL ZHUS PAR ZLA BA GSUM PA'I MJUG TZAM LA PHEBS NA LEGS TSUL WANG NAS GSUNGS PA BZHIN, RGYAL BA'I DBANG POR ZHU YIG DANG BCAS SNYAN ZHU 'BUL MI CHED RDZONG MDZAD PAR BKA' LAN DU NGOS KYANG MJAL 'DOD SKOM PA CHU 'DONG KYI GDUNG BA SEL BA DANG, 'DI PHYOGS KYI SKYE 'GRO RNAMS KYANG
SKAL BA BZANG ZHING BSOD NAMS KYI TSOGS DPAG TU MED PA GSOG PA BCAS CHIBS BSGYUR GNANG NA BSTAN 'GROR BKA' DRIN CHE BAS SHIN TU LEGS TSOGS CHE BA YONG 'DUG CING, 'ON KYANG SKU'I GEGS SEL SOGS MCHOG SPRUL RIN PO CHE'I DGONGS DPYAD DANG CHOS SKYONG GI LUNG PHEBS LA 'BAD 'BUNGS GNANG DGOS TSUL PHEBS PAR LA MO CHOS SKYONG CHEN POR YANG BSKYAR ZHUS PAR SKU GEGS SOGS KYI NGO CHER MA MCHIS TSUL PHEBS PA BZHIN, TSES NYER DGU LA CHIBS BSGYUR GNANG RGYU'I THUGS THAG CHOD PA'I GRA SGRIG GNANG, ZUR BZHI'I ZHAL SNGA NAS RNAMS DANG DGE BSKOS CHEN MO, LAS TSAN PA RNAMS KYIS MTSON, DGON KHAG GI BLA SPYI SGER KHAG BCAS DANG GZHAN YANG MJAL ZHU BA SHIN TU MANG BA DAD PAS 'DUS PA RNAMS LA RIM BZHIN PHYAG DBANG STZAL; NYER BDUN LA GZHUNG SA NAS PHEBS BSUR MGRON GNYER YON TAN LEGS GRUB DANG DBUS MDA' DPON DNGOS GRUB RNAM RGYAL, LA MO SKU RTEN BA AER TE NI DAR HAN CHOS RJE, 'BRAS SPUNGS RGYAL BA BLA MA, SER BYES BLA MA, RI PO DGE LDAN NAS BYANG RTZE BLA MA BCAS RDZONG STA GNANG BA 'BYOR PAR PHYAG DBANG DANG JA GRAL THOG BKA'I MTSAMS 'DRI RGYAS PA BCAS GNANG, LA MO CHOS SKYONG SKU GSOL ZHUS PAR CHIBS BSGYUR 'DI SKOR LA SKYON MED TSUL PHEBS, TSES NYER DGU'I NYIN CHOS GRVA CHEN PO BKRA SHIS LHUN PO NAS LHA LDAN DU CHIBS KYI KHA LO BSGYUR BA MDZAD PAR GANGS CAN CHOS 'PHEL, ZHA LU BA, DOR CHOS SDE, GSANG SNGAGS GLING BA RNAMS KYIS MCHOD RDZAS KYI BYE BRAG DU MA THOGS PA'I SER SBRENG DANG, YAB RJE DPON G-YOG ,GZHIS RTZE RDZONG DPON, RTZA GNYER, TSO DPON,
, ,SGER LDING, GNAS KHAG ,JA KHE BA SOGS RTA PA MANG PO'I CHIBS SKYEL BA DANG GLU GZHAS BRO GAR GYIS MDUN BSUS TE ZAM SNE SHAR DU THAB SKYEL THOG CHIBS SKYEL BA TSANG MAR TSAN GRANGS, SER SBRENG PA RNAMS LA MANG 'GYED, SPRANG PO RNAMS LA GSOL RAS BCAS STZAL, DE NAS CHIBS BSGYUR TE DBEN DGON PA DANG, GSER MDOG CAN PA RNAMS KYI BLA MA LAS SNE, GNYER PA, GA-YANG, LUG GDONG, GRONG STOD KHANG GSAR BA RNAMS KYIS CHIBS BSU BCAS BKRA SHIS GSHONGS SU GSOL TSIGS THOG ,GA-YANG, LUG GDONG GI GNYER PA SOGS NAS DNGOS 'BUL BSTABS, GSER MDOG CAN PA'I SER SBRENG CHIBS BSU BA BCAS LA MJAL KHA, GSER MDOG CAN PA DANG SHANGS MDO RI BO DGE 'PHEL BAR MANG 'GYED DANG, SPEN KHUL GYI BRO GZHAS PAR GNANG CHA STZAL, DE NAS CHIBS BSGYUR TE RGYAB GRAR DBEN DGON PA'I THAB BSU'I THOG DRUNG CHEN NGO G-YOG SOGS LA PHYAG DBANG GNANG, DBEN DGON PA DANG CHOS 'KHOR DBUS SDINGS PA, G-YU RTZE BA RNAMS KYI SER SBRENG DANG BCAS DBEN SA CHOS KYI PHO BRANG DU PHEBS, DER BCAG BZHUGS GCIG GNANG NAS BLA BRANG RTZE SHOD KYI LHA KHANG DANG 'DU KHANG RNAMS LA BRGYA MCHOD SNA LNGA TSAR DRUG ,RGYAL BA BLO BZANG DON GRUB KYI SKU BRNYAN RIN PO CHER PAn ZHVA, SKU CHOS, DNGUL GYI MAndAL, SNYAN SHAL MCHOD RDZAS BCAS 'BUL BA GNANG, RJE SANGS RGYAS YE SHES KYI SKU BRNYAN, THUB DBANG GRONG KHYER MA, LI MA LHA KHANG RNAMS SU SNYAN SHAL DANG MAndAL, THUB PA GSER GLING MA, 'JAM DBYANGS RTZOD RGYAL MA, SGROL MA G-YUL RGYAL MA, 'DU KHANG DANG GTZANG KHANG GI RTEN
GTZO RNAMS LA SNYAN SHAL, BLA BRANG RTZE'I MGON KHANG THAM 'BYAR MAR SNYAN SHAL SPYAN GZIGS, MGON KHANG GI DPAL MGON SDE LNGA, LHA MO RNAM GSUM BCAS LA SNYAN SHAL RE DANG, SPYAN GZIGS BCAS RTEN RNAMS ZHIB TU MJAL ZHING BSTAN PA DANG 'GRO BA'I PHAN BDE DBYAR MTSO LTAR 'PHEL BA'I THUGS SMON DANG BSTAN SRUNG RNAMS LA 'PHRIN BCOL MDZAD, DBEN DGON NAS BSNYEN BKUR GZABS, DBEN DGON, CHOS 'KHOR DBUS SDINGS, G-YU RTZE BA RNAMS SU MANG 'GYED, CHOS 'KHOR DBUS SDINGS KYI MGON KHANG LA SNYAN SHAL SPYAN GZIGS BCAS PHUL, ZLA BA BCU PA'I TSES GCIG LA CHIBS KHA BSGYUR, RI BO CHE PA DANG BRAG LHA BA RNAMS KYIS SER SBRENG, RGYA MA MKHAR PA RNAMS KYIS GLU GZHAS BRO GAR GYIS BSU BA BCAS BYAS PAR GNANG CHA STZAL, 'DI NAS BZUNG LHA LDAN DU PHEBS KYI BAR LAM THOG RNAMS SU DGON SDE KHAG NAS SER SBRENG, MI SDE RNAMS NAS GLU GZHAS BRO GAR GYI RTZED 'JO DANG BCAS BSU BAR MA CHAD DU BYUNG, DE DAG LAS SER SBRENG BA RNAMS LA MANG 'GYED DANG, GLU GZHAS PA RNAMS LA GNANG CHA STZAL, TSA BAB DANG ZHAG BAB KYI SAR CHIBS BSU CHIBS SKYEL ZHU MI RNAMS LA GNANG CHA DANG, DNGOS 'BUL BCAS SGER MJAL ZHU MI RNAMS LA BABS 'BREL DANG MTSUNGS PA'I SLOG CHA STZAL, NGAB RAR GSOL TSIGS THOG DGA' LDAN RAB RGYAS PAS DKAR SPRO BTEG CING, BKRA SHIS RDZONG KHA, TSAR, THOB RGYAL GZHIS KA RNAMS KYI GNYER PAS DNGOS 'BUL BTEG ,KHONG RNAMS DANG CHIBS BSU CHIBS SKYEL BA KHA SHAS LA PHYAG DBANG STZAL, DRE'U GSHONGS SU LHAN
, ,GZHIS KA LHUN GRUB RAB BRTAN NAS THAB BSU ZHUS THOG LHAN KHUL GYI CHIBS BSU PA, DGA' LDAN RAB RGYAS KYI LAS TSAN PA, BRUL TSANG YAS MAS KYI ZHABS DRUNG DPON G-YOG SOGS CHIBS BSU PA DANG LHAN GNYER PA BCAS LA PHYAG DBANG GNANG, DGA' LDAN RAB RGYAS PA DANG BRAG SNGON RI KHROD PA RNAMS KYIS SER SBRENG GIS MDUN BSUS, LHUN RAB GZHIS KAR BCAG MAL GNYIS MDZAD, LHAN GNYER BAS DKAR SPRO BTEG ,BRUL TSANG RI GDONG GI ZHABS DRUNG DANG, LHAN GNYER PA; DGA' LDAN RAB RGYAS KYI GNYER PA, LAS TSAN PA, SMAN RI BLA MA SOGS KYI SGER MJAL DANG, TSES GSUM LA LA MO CHOS SKYONG CHEN PO SKU GSOL ZHUS, STAG GRU? KHAR GZHIS GNAS THAB SKYEL BYAS, RIN SPUNGS RDZONG DPON NGO G-YOG DANG SGER LDING SOGS CHIBS BSUR 'BYOR PAR PHYAG DBANG STZAL, KHU LUNG RNAM BZHIR GSOL TSIGS THOG NUB CHOS LUNG PA, CHOS GTER GLING PA, DKAR PO LCOG PA, GONG RA NGES GSANG RDO RJE GLING PA, RMU SHAM 'BAR BA BCAS KYIS SER SBRENG GIS BSUS, BYAMS CHEN PA'I CHIBS BSU; 'BRAS YUL SKYED TSAL BA'I SER SBRENG DANG BCAS RIN SPUNGS KLU SDINGS SU BZHUGS ZHAG THOG RDZONG NAS DKAR SPRO DANG ZUR GSOS PHUL, CHIBS BSU SER SBRENG BA DANG BCAS LA PHYAG DBANG GNANG, TSES BZHI'I NYIN BYAMS CHEN PA'I SER SBRENG GIS BSUS, BYAMS MGON GYI SKU MDUN DU BRGYA MCHOD, MAndAL, SNYAN SHAL BCAS PHUL, DUR SMRIG PA DANG SKYOG PO DGON GYI SER SBRENG GIS BSUS, DUR SMRIG TU GSOL TSIGS THOG CHIBS SKYEL CHIBS BSU BA RNAMS LA PHYAG DBANG GNANG, G-YAG SDE SOG DGON PA'I
SER SBRENG DANG BCAS CHU TSAN KHAR ZHAG BZHUGS MDZAD, DE NAS MDA' DPON RAM PA PAS ZUR GSOS DANG BCAS PHYAG DBANG ZHUS, DA LAS WANG NAS CHIBS CHEN 'BUL MI CHED RDZONG MDZAD PA'ANG 'BYOR, TSES LNGA LA RTZE GSUM DU GSOL TSIGS THOG RIN SPUNGS RDZOD GI CHIBS SKYEL BA RNAMS LA PHYAG DBANG STZAL, SNA DKAR RTZE'I RDZONG DPON, RTA ZAM PA, BSAM SDINGS PA RNAMS KYIS CHIBS BSU SER SBRENG DANG YAR GZIGS SU ZHAG BZHUGS MDZAD, TSES DRUG LA MKHA' REG GZHIS GNYER DANG, RTA ZAM PA SOGS KYIS CHIBS BSU DANG BCAS SKYID RAL DU GSOL TSIGS MDZAD CING GAM PA SPANG SPUG TU BZHUGS ZHAG THOG LA MO CHOS SKYONG SKU GSOL ZHUS, TSES BDUN LA GONG DKAR RDZONG DPON SOGS KYI CHIBS BSU DANG LCAGS ZAM DGON, GONG DKAR RDO RJE GDAN PA DANG BSHAD SGRUB GLING PA SOGS KYI SER SPRENG DANG BCAS CHU BO RIR GSOL TSIGS THOG RDZONG NAS DKAR SPRO DANG ZUR GSOS BA STABS, GTZANG CHAB BDE BAR BGROD DE MNYAN PA RNAMS LA GSOL RAS STZAL, CHOS 'KHOR YANG RTZE BA DANG CHU SHUL THAR PA GLING BA RNAMS KYI SER SBRENG DANG BCAS RGYAL LA SAR ZHAG BZHUGS THOG CHU SHUL RDZONG DPON NAS DKAR SPRO ZUR GSOS DNGOS 'BUL BCAS BTEG ,TSES BRGYAD LA GSANG SNGAGS BYANG CHUB GLING PA, GE RE GSANG SNGAGS PHO BRANG PA, GSAL BYED GLING PA RNAMS KYI SER SPRENG DANG BCAS BKRA SHIS RTZER GSOL TSIGS DANG, NYE SKOR GYI DGE 'DUN RNAMS NAS SER SBRENG DANG BCAS GNAM MDAR ZHAG BZHUGS THOG SRID SKYONG WANG DA LAS B'A THUR RTA PA BRGYA PHRAG MANG PO DANG BCAS CHIBS BSUR PHEBS PAR PHYAG DBANG DANG JA GRAL, BKA'I MTSAMS
, ,'DRI RGYAS PA BCAS STZAL, 'DI SKABS RLUNG 'TSUB DRAG POS BZHUGS GUR BSKYOD PA 'TSUB NYAMS CHE TZAM BYUNG BAR DOGS PA ZOS NAS RJE BLA MA MCHOG LA THUGS DAM GSUNG BRTAG ZHUS PAR SKYON MED CES PHEBS, TSES DGU'I NYIN SNYE THAD BDE BA CAN PA, CHOS RDZONG PA, RMOG LCOG PA, BKRA SHIS BDE CHEN PA, 'PHAGS SDE PA, BKRA SHIS SGANG BA, RA BSTOD PA RNAMS KYI SER SPRENG DANG BCAS SNYE THANG DU GSOL TSIGS THOG DGE 'DUN RNAMS LA PHYAG DBANG STZAL, SKYONG MO LUNG PA DANG DGA' BA GDONG BA RNAMS KYI SER SBRENG DANG BCAS STOD LUNG SGANG DU BZHUGS ZHAG THOG RGYAL DBANG MCHOG NAS SKU'I MTSAMS ZHUR MGRON GNYER DGE SLONG SKAL BZANG DON GRUB DANG, RGYUN BZHUGS T'A ZHIN ,JAR BI SOGS RGYA'I DPON KHAG DANG SER 'BRAS DGE GSUM GYI BLA MA, SPRUL SKU RNAM PA, SPYI GNYER, LAS SNE, SKYOR LUNG MKHAN PO, RAB STOD PA BLA SPYI, GRVA DMANGS, DGA' GDONG SKU RTEN PA BCAS LA RIM BZHIN PHYAG DBANG DANG JA GRAL GNANG, RGYAL DBANG MCHOG LA MTSAMS ZHU'I 'BYOR LAN YANG 'BUL BA MDZAD, RA BA STOD BLA GRVA SPYI NAS DNGOS 'BUL BSTAR, 'DI SKABS WANG NAS GNAM MNGA'I GNAS TSUL GSAN 'PHRAL GZIG LPAGS KYI BZHUGS GUR 'BUL MI CHED RDZONG MDZAD PAR SKU TSAB LA PHYAG DBANG DANG GNANG CHA BCAS STZAL, TSES BCU'I NYIN SHUN GDONG DKAR DU SRID SKYONG WANG GIS CHIBS BSU DANG, CHOS GRVA CHEN PO 'BRAS SPUNGS KYI SER SPRENG BCAS SPYI SO'I THAB BSU'I THOG TU PHEBS, DER GNAS CHUNG CHOS SKYONG CHEN PO SKU PHEBS NAS, GAR 'CHAMS MDZAD DE RJE BLA MA MCHOG LA MDZOD
BTAGS DRI MED PHUL NAS, SANGS RGYAS KYI BSTAN PA DANG 'GRO BA SPYI, KHYAD PAR PHYOGS 'DI'I 'GRO BA RNAMS KYI DON DU PHEBS BSKYOD GNANG BA NI SHIN TU LEGS BYUNG, SKU GEGS PAR GCOD KYI MTSAN MA MED, RTAGS DANG RTEN 'BREL SHIN TU LEGS BYUNG GSUNG, PHAR YANG SNYAN SHAL 'BUL BA MDZAD, SPYI SO'I DKAR SPRO'I THOG DNGOS 'BUL DANG, BKRA SHIS SGO MANG, BLO GSAL GLING, BDE YANGS, SNGAGS PA BCAS SO SO NAS DNGOS 'BUL MI DMAN PA BTEG ,BLA MA LAS SNE GRVA DMANGS BCAS LA PHYAG DBANG STZAL; GSOL TSIGS RA BAR GZHUNG GI THAB BSU'I THOG BKA' BLON RNAMS DANG, RTZE'I MGRON GNYER BZHI, DRUNG 'KHOR, RNAM RGYAL GRVA TSANG GI LAS SNE, SHOD DRUNG BCAS BRGYA DANG SUM CU SKOR, KHA CHE, BAL PO RTA PA NYIS BRGYA SKOR, AA TZA RA RTA PA LNGA BCU, LHA SA RU BZHI NAS RTA PA BRGYA DANG LNGA BCU BCAS RTA PA BRGYA PHRAG MANG PO'I CHIBS BSU BA RNAMS 'BYOR TE PHYAG DBANG JA GRAL GNANG, DE NAS CHIBS BSGYUR GNANG BAR MTSAN DPE'I DKYIL 'KHOR MJAL DU 'ONGS PA'I SKYE BO'I KHROM CHEN PO SA'I DREG PA LTAR TSOGS PA RNAMS LAG THAL MO SBYOR ZHING NGAG GIS MTSAN NAS BRJOD PA'I GSOL 'DEBS DANG BCAS ZHAL DKYIL MJAL BA NA BSTOD PA BRGYA LNGA BCU BA LAS, KHYOD KYI SKU NI MDZES PA'I PHYIR, ,BLTA BAS MI DOMS RANG BZHIN PAS, ,MTHONG NGO COG NI PHYI PHYIR ZHING, , DGA' BA BSKYED PAR MDZAD PA LAGS, ,ZHES PA'I DON MNGON DU GYUR, RME RU BZHI SDE BA RNAMS NAS SER SBRENG DANG, MI SNGE RNAMS KYI GLU GZHAS BRO GAR DANG PHO BRANG STENG, MDO DAR, SURshA, DAR 'PHYAR, BKRA SHIS KHRA RING DANG BCAS PAS MDUN BSUS TE LTAG
, ,SGO'I 'GAG TU CHIBS BSHOL 'PHRAL GSOL GZIMS, MCHOD DPON, MTSAN NYID ZHABS PHYI LNGA RNAMS DANG, TSOMS CHEN STENG DU KHRI CHEN NO MON HAN NGAG DBANG MCHOG LDAN PA BCAS SO SO NAS MJAL DAR PHUL, DE NAS PHO BRANG CHEN PO PO TA LA'I GZIMS CHUNG BDE BA CAN DU ZHABS KYI PADMO MNGON PAR BKOD PA'I THOG GSOL JA DANG DKAR SPRO BCAS 'DEGS PA MDZAD CING, DE RJES TSOMS CHEN RNYING PAR RGYAL BA'I DBANG PO DANG ZHAL 'DZOM GYIS PHYAG DANG MJAL DAR RTZE SPROD THOG DBU THUG GNANG, THOG MA'I MJAL RTEN DU KHA BTAGS, DNGUL RTA RMIG MA BCU, GOS CHEN YUG SNA TSOGS BCAS RTEN 'BYUNG TSAN GRANGS DANG, PHYAG MDZOD CHEN MO NAS KYANG DGU TSAN KHA SHAS PHUL, YAB SRAS GNYIS BZHUGS KHRI MTHO DMA' MNYAM PAR ZHABS SOR BKOD, SRID SKYONG WANG LA YANG THOG MA'I RTEN 'BYUNG DU DNGUL RTA RMIG BDUN SOGS DANG, SRAS LA YANG GNANG SKYES BCAS STZAL, PHYAG MDZOD CHEN MO NAS KYANG THOG MA'I RTEN 'BYUNG PHUL, DE NYIN GZHUNG SA NAS STON 'KHOR TSANG MAR GSOL STON RGYAS PA BTEG ,STON MO GROL MTSAMS RGYAL DBANG MCHOG GI BKA' LAS, DA LAM YUL PHYOGS 'DIR CHIBS BSGYUR GNANG BA SHIN TU LEGS TSUL DANG DA CHA 'DI KHAR RE ZHIG BZHUGS STAN 'JAGS DGOS SHING, NGOS LA MKHAN CHEN BSTAN PA'I BDAG PO DE NYID NAS STZAL PA'I DBANG LUNG YONGS RDZOGS DANG, YONGS 'DZIN DAM PA GZHAN MA NAS ZHUS PA SOGS DBANG LUNG GI RIGS GANG YOD PHUL CHOG PA ZHU ZHING, SKYE BO MANG PO LA CHOS BKA' BRGYA STONG 'CHAD PA LAS, MCHOG GI SPRUL
PA'I SKU RIN PO CHER CHOS TSIG GCIG 'BUL RGYU BYUNG BA SKAL BA BZANG BA DANG BSOD NAMS KYI TSOGS DPAG TU MED PA GSOG PA'I RGYUR MCHIS PAS RE ZHIG BZHUGS DGOS ZHES THUGS DGYES PA CHEN PO'I BKA' BZANG PO PHEBS PAR, PHYAG MDZOD CHEN MO NAS, 'DI LTAR BKA' GNANG PA THUGS RJES GZIGS PA BLA NA MA MCHIS PA YIN 'DUG KYANG, LA MO CHOS SKYONG CHEN PO'I LUNG PHEBS SU DA LAM SKU NA PHRA BA BCAS DBANG LUNG RJES GNANG PHRAN TZAM ZHIG ZHUS NAS MI RING BAR GDAN SAR PHYIR PHEBS PA LEGS GSUNG DON BZHIN DA LAM DE DON LTAR ZHUS CHOG PA DANG, SLAR SKU NA 'DI BAS CUNG ZAD CHER PHEBS NAS DBANG LUNG RJES GNANG SOGS YONGS SU RDZOGS PA ZHUS CHOG PA DGOS PA'I SNYAN GSAN PHABS, TSES BCU GSUM GYI NYIN BLA BRANG NAS RGYU YON SBYAR TE TSOMS CHEN RNYING PAR RGYAL PA'I DBANG PO STON 'KHOR TSANG MA DANG, SRID SKYONG WANG DPON G-YOG RNAMS LA GSOL STON RGYAS PA DANG, RTZER ZHABS BRTAN RTEN 'BYUNG DU DNGUL SRANG DRUG CU RE DGU LAS GRUB PA'I MAndAL CHE BA MDZOD BTAGS SNA LNGA'I SNE 'DOGS CAN, SKU GSUNG THUGS RTEN, NA BZA' NYER SPYAD, DNGUL GYI SNOD SBYAD, GSER SRANG BCU, DNGUL RTA RMIG MA SUM CU SO LNGA, GOS CHEN YUG SNA TSOGS BCAS 'BUL NOD SBAM MTHO PA DANG, SRID SKYONG WANG, SRAS, LCAM BCAS LA'ANG DNGOS 'BUL BSTAR, RGYAL DBANG LNGA PA CHEN PO'I GSER GDUNG DANG, LHA KHANG BCO LNGA'I RTEN RNAMS LA MCHOD PA SNYAN SHAL BCAS 'BUL BA GNANG, 'PHAGS PA LO KE SHVA RA GZIMS CHUNG DU SPYAN DRANGS TE MCHOD 'BUL RGYA CHEN PO DANG DNGUL GYI MAndAL, MDZOD BTAGS SNA LNGA'I
, ,SNYAN SHAL BCAS PHUL TE BSTAN 'GRO'I PHAN BDE RDZOGS LDAN GYI DPAL LA SPYOD PA'I THUGS DMIGS MDZAD, RGYAL DBANG MCHOG GI ZHABS DRUNG DU 'JAM DBYANGS AA RA PA TZA NA'I RJES GNANG DANG LAM RIM BSDUS DON, DGA' LDAN LHA BRGYA MA'I LJAGS LUNG BCAS GSAN, GTANG RAG GI YON KYANG GZAB STE PHUL, RGYAL BA'I DBANG PO NAS DGONGS BCAD KYIS SKU TSE DANG MDZAD PA 'PHRIN LAS RGYAS PHYIR SGROL DKAR YID BZHIN 'KHOR LO'I RJES GNANG ZHIG 'BUL BA MDZAD, 'DI NYIN RGYAL DBANG MCHOG GI YONGS 'DZIN DANG, SKU MDUN NANG MA SOGS ZHAM RING BA TSAD MAR PHEBS SKYES SU GNANG CHA MI DMAN PA STZAL, DE NAS DGA' LDAN KHANG GSAR DU SPYAN 'DREN GYI SGO DOD PAR, RGYAL DBANG MCHOG NAS BZHUGS GNAS PO TA LA RANG LEGS SHING, DGA' LDAN KHANG GSAR DU PHEBS NAS ZHAG SHAS BZHUGS STAN 'JAGS RUNG, SLAR YANG PO TA LAR PHEBS TE RGYUN RING TZAM MA BZHUGS NA NGOS 'DOD PA YANG MI KHENGS PA YONG 'DUG CES THUGS BRTZE BLA NA MA MCHIS PAS BKA' BZANG PO PHEBS KYANG, SRID SKYONG WANG DA LAS B'A THUNG NAS RJE YAB SRAS GNYIS KA LA ZHU NAN CHE BAS PHEBS PAR MNGON DU PHYOGS PA NA TSES BCU BZHI'I NYIN RGYAL DBANG MCHOG NAS RJE BLA MA NYID GZIMS CHUNG NYI 'OD 'KHYIL BAR SPYAN DRANGS TE DKAR SPRO'I THOG SKU ZHABS GRVA TSANG BA RNAMS KYIS MDO CHOG DANG 'BREL BA'I BDEN TSIG BRJOD DE ZHABS PAD BRTAN PAR GSOL BA 'DEBS RTEN DNGUL SRANG LNGA BCU NGA GCIG LAS GRUB PA'I MAndAL MDZOD BTAGS SNA LNGA'I SNE
'DOGS CAN, SKU GSUNG THUGS RTEN, NA BZA' NYER SPYAD, DNGUL GYI SNOD SPYAD, DNGUL RTA RMIG MA NYI SHU RTZA LNGA, JA 'KHOR DRUG SUM CU SO BDUN SOGS DNGOS 'BUL SBAM MTHO BA BTEG ,ZHAM RING BA SPYI NAS KYANG DNGOS 'BUL BSTAR, RJE NGAG DBANG BYAMS PA RIN PO CHE DANG, YONGS 'DZIN KHRI CHEN NO MON HAN GNYIS NAS KYANG DNGOS 'BYOR GYI MCHOD SPRIN SPROS, RGYAL DBANG MCHOG GI ZHAM RING BA PHAL MO CHE NAS SGER MJAL ZHUS PAR SLOG CHA YANG STZAL, DE NAS GONG GSAL RNAMS KYIS CHIBS BSU, SER SBRENG, MI SDE RNAMS KYIS GZAB MCHOR DANG BCAS GLU GAR BRO GZHAS KYIS MDUN BSUS TE, DGA' LDAN KHANG GSAR DU PHYAG PHAB, THOG MAR TSOMS CHEN DU SPYAN 'DREN ZHUS THOG STON 'KHOR TSANG MAR GSOL STON RGYAS PA BTEG ,BOD BZHUGS AAM PAN DANG DBON CHUNG BCAS LA PHEBS SKYES BSTAR, GZIMS CHUNG DU DKAR SPRO BTEG ,SER SPRENG BA DANG BRO GZHAS PA RNAMS LA GSOL RAS STZAL, SA GA ZLA BA'I TSES BCO LNGA'I NYIN LHA LDAN SPRUL PA'I GTZUG LAG KHANG DU YAB SRAS ZHAL 'DZOM PA MDZAD DE; LHAN CIG PAR RTEN MJAL GNANG, JO BO RIN PO CHE'I SKU MDUN DU STONG MCHOD SNA LNGA TSAR GCIG ,MAndAL, SNYAN SHAL, SNAM SBYAR, 'PHAGS PA RANG BYON LNGA LDAN GYI DRUNG DU BRGYA MCHOD SNA LNGA DANG SNYAN SHAL, LHA KHANG GZHAN MA RNAMS LA'ANG SNYAN SHAL, DPAL LHAR GRVA PA BRGYAD GRAS ZLA BA GCIG GI RING BSKANG BA GTONG RGYU DANG, SNYAN SHAL SNA LNGA, SPYAN GZIGS SU SAG THAG MDA' GZHU CHA TSANG BCAS 'BUL BA MDZAD, RA MO CHER JO BO MI BSKYOD RDO RJE'I SKU MDUN DU STONG MCHOD SNA LNGA, MAndAL, SNYAN
, ,SHAL; SNAM SBYAR, MGON PO BSE GDONG PAR ZHAG NYI SHU'I RING BZHI SDE PA GRVA PA BCU NAS BSKANG BA 'PHRIN BCOL MDZAD RGYU DANG, SNYAN SHAL PHYI MDZOD SNA LNGA BCAS 'BUL BA GNANG, RGYAL BA'I DBANG POR THON PHYAG ZHU RTEN DU DNGOS 'BUL SBAM MTHO PA BSTAR, GZHUNG SA MCHOG NAS GSOL STON RGYAS PA DANG PHEBS RDZONGS SU MAndAL, SKU GSUNG THUGS RTEN, GSER DNGUL, GOS YUG ,JA 'KHOR DRUG SOGS KYIS GTZOS PA'I DNGOS PO BSAM GYIS MI KHYAB PA STZAL TE ZHABS PAD YUN RING DU BRTAN CING GSAN SBYONG RGYA CHEN PO MDZAD DGOS PA'I BKA' LUNG YANG PHEBS, DUS RGYUN PAR ZHAL 'DZOM THOG RGYAL BA'I DBANG PO NAS RJE BLA MA NYID LA THUGS SHIN TU MNYES PA'I TSUL DANG GZOS SPO SOGS BSAM GYIS MI KHYAB PA BKA' DRIN CHE BA MDZAD, LHA SA BLA BRANG GI GZIMS CHUNG NYI 'OD DU RGYAL DBANG YAB SRAS MCHOD YON LHAN RGYAS THOG RTZE THANG LNGA MCHOD PAS RJE BLA MA MCHOG LA MAndAL, SKU GSUNG THUGS RTEN SOGS KYI DNGOS 'BUL BSTAR, TSES BCU BDUN LA SER 'BRAS DGE GSUM GYIS MTSON DBUS LHO BYANG KHUL GYI DGON KHAG RNAMS LA MANG JA BCU RE DANG, SER 'BRAS DGE GSUM, RNAM RGYAL GRVA TSANG, RGYUD STOD SMAD BCAS KYI DGE 'DUN KHYON BSDOMS CHIG KHRI NYIS STONG BRGYA DANG BDUN CU LA DGE 'DUN RER PHYAG 'GYED DNGUL SRANG GANG RE, RVA SGRENG, BKRA SHIS LJONGS, RME RU, SE RA AUR GE GRVA TSANG RNAMS LA DGE 'DUN RER 'GYED DNGUL ZHO DO RE, DE PHYIN LA 'GYED DNGUL ZHO RE BCAS STZAL, DGA' LDAN GSER GDUNG RIN PO CHE'I SKU
MDUN DU STONG MCHOD SNA LNGA'I THOG GSER SRANG BRGYA DANG BCO LNGA LAS GRUB PA'I MAndAL, SNYAN SHAL, CHOS RGYAL GYI SKU MDUN DU DGE 'DUN BRGYAD GRAS ZLA BA GCIG GI RING BSKANG PA MDZAD RGYU DANG, SNYAN SHAL MDZOD BTAGS SNA LNGA, SPYAN GZIGS SU DPA' DAM SHUBS LDAN DANG ME MDA' CHA 'GRIG BCAS PHUL, SER 'BRAS DGE GSUM GYI 'DU KHANG DU 'PHAN CHA GNYIS RE DANG, PHYE PHUR RE, RVA SGRENG DANG BKRA SHIS LJONGS GNYIS LA'ANG 'PHAN CHA RE, 'BRAS SPUNGS SNGAGS PA'I 'JIGS BYED DANG SE RA BYES PA'I RTA MGRIN SO SOR MCHOD 'BUL, SNYAN SHAL, SPYAN GZIGS, RVA SGRENG GI JO BO 'JAM DPAL RDO RJE DANG CHOS 'KHOR RGYAL, 'OL KHA RDZING PHYI BYAMS PA GLING GI RJE BTZUN BYAMS PA GSUM SO SOR BRGYA MCHOD SNA LNGA TSAR RE, SNYAN SHAL BCAS 'BUL BA MDZAD CING LA MO BYANG CHUB LCOG TU ZLA BA GCIG GI RING DPAL LDAN TSANGS PA CHEN PO ZHI DRAG GI BSKANG PA 'PHRIN BCOL BCAS MDZAD RGYU'I MANG JA, YON, RNAM GZHAG BCAS STZAL, TSES BCO BRGYAD LA DGA' LDAN KHANG GSAR DU BKA' MDA' RTZIS GSUM SOGS RTZE SHOD KYI LAS TSAN PA RNAMS KYIS DNGOS 'BUL BA STAR ZHING GSOL STON BTEG PAR SER SKYA KHRI TSO BRGAL BA LA PHYAG DBANG STZAL, TSES BCU DGU LA RGYAL DBANG RIN PO CHE PHO BRANG DU CHIBS BSGYUR GNANG BAR MGRON DRUNG KHA SHAS CHIBS SKYEL DU GTONG BAR MDZAD, DE NYIN 'DAM BRGYA SHOG DANG BYANG RIGS PA SDE BZHI BCAS KYIS GSOL STON THOG DNGUL SRANG CHIG STONG BZHI BRGYA BCAS PHUL BAR KHONG RNAMS DANG, RME RU, BZHI SDE PA SOGS SER SKYA NYIS STONG BRGAL BAR MJAL KHA DANG SLOG CHA STZAL, DE NAS RIM BZHIN CHOS GRVA CHEN PO DPAL LDAN
, ,'BRAS SPUNGS, SE RA THEG CHEN GLING, SE RA'I GRVA TSANG KHAG GSUM BCAS NAS DNGOS 'BUL BSTABS, AUR GE GRVA TSANG GIS SGER MJAL ZHUS, DGA' LDAN KHRI RIN PO CHE, DGA' LDAN SHAR BYANG GNYIS, SER 'BRAS DGE GSUM GYI HAR GDONG KHAMS TSAN, RGYUD STONG SMAD BCAS SO SO NAS DNGOS 'BYOR GYI MCHOD SPRIN SPROS, GZHAN YANG LCAGS RI RIG BYED GLING, NYI SDINGS CHOS SDE, BRAG DBAR, LA MO, TSER GSEB, RME RU, ZHOGS GUR SMON, GRVA BYAMS PA GLING, THANG SAG DGA' LDAN CHOS 'KHOR, NYAN PO DGON, 'PHYONG RGYAS RI BO BDE CHEN, N'A LENDRA CHOS SDE RNAMS NAS DNGOS 'BUL GYI BDOG PA BSTAR, GONG GSAL SER 'BRAS SOGS DGON SDE CHE CHUNG LA 'BUL SLOG DANG MANG 'GYED, RGYUD SMAD TSOGS YONGS LA DMIGS RTZE MA, G-YU THOG SPRUL SKU DANG SHAR RTZE GRVA TSANG GI BLA MA GNYIS LA MKHYEN BRTZE DRI MED MA'I LUNG BCAS STZAL, GUNG KUN DGA' BSTAN 'DZIN DANG DGA' BZHI GUNG, MDO MKHAR PA, THON PA, 'BRONG RTZE BA STE BKA' BLON BZHI, GZIMS DPON BYAMS GLING MKHAN PO BCAS SO SO NAS ZANG ZING GI MCHOD SPRIN BSTABS, DBUS GTZANG GI TSO CHEN SO SOS GSOL STON THOG MAndAL, RTEN GSUM, DNGUL SRANG CHIG STONG RE, GZHAN YANG DE MO SPRUL PA'I SKU DANG RGYAL SRAS SPRUL SKU, SEMS DPA' SPRUL SKU, RJE DRUNG SPRUL SKU, CHAB MDO SPRUL SKU RNAM GNYIS, TRE BO SPRUL SKU, RVA SGRENG MKHAN PO, RVA BA STOD BLA MA DANG GNYER PA, RTA DBANG BLA MA, GSANG PHU'I BLA MA KHAG ,DVAGS PO SPRUL SKU, GNAS CHUNG SKU RTEN PA, 'BRAS SPUNGS SGO MANG GNYER PA
GNYIS, SPA RI BLA MA, SPRO BDE KHANG GSAR BA, DPAL RAB MO BRAN SPYI BCAS NAS DNGOS 'BUL BSTABS, MJAL KHA DANG 'BUL SLOG KYANG GNANG, TSES NYER GSUM LA KARMA ZHVA DMAR SPRUL PA'I SKU DANG, SI TU SPRUL SKU GNYIS NAS DNGOS 'BUL GYI BDOG PA BTEG ,KARMA ZHVA NAG SPRUL PA'I SKU DANG, DPA' PO, TRE BO, RGYAL TSAB SPRUL SKU SO SOS RTA SOGS DNGOS 'BUL DANG BCAS MI SNA 'BYOR PAR 'BYOR LAN GNANG SKYES STZAL, DE NYIN DGA' LDAN KHANG GSAR GYI TSOMS CHEN DU GSOL STON RGYAS PA'I THOG SRID SKYONG WANG NAS DNGUL GYI MAndAL GYIS SNA DRANGS SKU GSUNG THUGS RTEN, NYER SPYAD CHA TSANG, DNGUL RDO TSAD LNGA BCU NGA GCIG ,JA 'KHOR DRUG BRGYA, SNAM DKAR BUBS LNGA BRGYA SOGS KYI DNGOS 'BUL RGYA CHE BA BTEG ,THE'I JI DANG LCAM GNYIS NAS KYANG DNGOS 'BYOR GYI BDOG PA BSTABS, LA MO CHOS RJE SKU RTEN PAS KYANG DNGOS 'BUL DANG BCAS SGER MJAL ZHUS, PRO GZHAS PA RNAMS LA GSOL RAS KYANG STZAL, TSES NYER BZHI LA WANG NAS ZHABS BRTAN PHUL BA'I SLOG SKYES SBAM MTHO PA DANG, GZHAN MA RNAMS LA'ANG 'BUL BA'I SLOG CHA STZAL, TSES NYER BDUN LA DGA' LDAN KHANG GSAR GYI KLU SDINGS SU PHEBS RDZONGS GSOL STON RGYAS PA'I THOG SRID SKYONG WANG NAS DNGUL GYI MAndAL, G-YU DRUG DMAR GYI TSE DPAG MED KYI SNANG BRNYAN, DNGUL RDO TSAD LNGA BCU NGA LNGA, GOS CHEN YUG LNGA BCU NGA LNGA, JA 'KHOR DRUG NYIS BRGYA, CHIBS CHEN BCAS DNGOS 'BUL GTOS CHE BA BTEG ,CHIBS BSUR BYON PA'I SER 'BRAS DGE GSUM GYI BLA MA RNAMS LA GNANG CHA STZAL, DE LTAR YUL DBUS SU ZHABS SKYES KYI PADMO NYE BAR BKOD DE THUGS RJE
, ,NYIN MOR BYED PA'I 'OD ZER GYIS SKAL LDAN RNAMS KYI DAD PA'I PADMO NI KHA PHYE, MI MTHUN RGUD PA'I SMAG RUM NI SANGS, LUS CAN RKANG DRUG MTHA' YAS PA RNAMS NI PHAN BDE SPRANG RTZI GSAR PA'I DUS STON GYIS TSIM PAR MDZAD DO, ,'DIR SMRAS PA, NOR 'DZIN SKYONG BA'I MTSAMS SBYOR LA BRTEN NAS, ,SKAR MA'I TSOGS KYIS BSKOR BA'I ZLA BA BZHIN, ,RMAD BYUNG DRAN DBANG BYE BA'I 'KHOR DANG BCAS, ,YUL DBUS NOR 'DZIN THIG LER ZHABS ZUNG BKOD, ,MIG STONG LDAN PA'I KHANG PAR CO 'DRI BA'I; ;YID 'PHROG GRU 'DZIN GNYIS PA'I PHO BRANG CHER, ,'JIG RTEN DBANG PHYUG MCHOG DANG ZHAL 'DZOM STE, ,BKRA SHIS PHAN BDE'I SNANG BAS PHYOGS KUN KHYAB, ,GANGS LJONGS 'DZIN MA'I BDAG PO'I LHAG BSAM GYIS, ,RAB DKAR DAD PA'I CHU MTSO LAS 'ONGS PA'I, ,MKHO DGU'I 'BYOR PA RGYA MTSOS KHYOD MCHOD TSE, ,MCHOD SBYIN BRGYA PA'I DPAL YANG ZUM PAR BYAS, ,ZHES BYA BA NI RJE BLA MA SRID ZHI'I GTZUG RGYAN PAn CHEN THAMS CAD MKHYEN PA BLO BZANG DPAL LDAN YE SHES DPAL BZANG PO'I ZHAL SNGA NAS KYI RNAM PAR THAR PA NYI MA'I 'OD ZER LAS, YUL DBUS SU BYON TE RGYAL BA YAB SRAS ZHAL THOG MAR 'DZOM ZHING BOD KYI SRID SKYONG GIS BSNYEN BKUR RGYA CHEN PO ZHUS PA'I LE'U STE BZHI PA'O,, ,,DE NAS TSES NYER DGU LA DGA' LDAN KHANG GSAR NAS CHIBS KHA BSGYUR, CHIBS BSU NANG LTAR GYI CHIBS SKYEL BA DANG BCAS GSOL TSIGS NGA? PAR THAB SKYEL GYI STENG DU PHEBS, DER CHIBS SKYEL BA RNAMS PHYIR LDOG RGYUR BABS 'OS DANG BSTUN PA'I GNANG CHA STZAL, RGYAL DBANG MCHOG NAS MTSAMS ZHU BA
GNANG BA'I LAN DU MDZOD BTAGS DRI MED PHUL TE SNGAR BZHIN BRTZE BAS GZIGS DGOS TSUL ZHU BA MDZAD, PHUG PO CHE'I MDUN DU GSOL TSIGS THOG WANG NAS DKAR SPRO BTEG ,SRID SKYONG WANG DPON G-YOG RNAMS 'DI NAS PHYIR PHEBS PAR GNAD CHA GZABS, SKYOR MO LUNG PA DANG DGA' BA GDONG PA RNAMS KYI SER SPRENG DANG BCAS 'PHRENG GDONG DU BZHUGS ZHAG MDZAD, 'DI NAS BZUNG STE BKRA SHIS LHUN POR PHEBS KYI BAR LAM BAR DU GNAS PA'I DGON SDE RNAMS NAS SER SPRENG DANG, MI SDE RNAMS NAS GLU GZHAS BRO GAR GYI BSU BA ZAM MA CHANG PA BYUNG ZHING, DE DAG LA YANG GSOL RAS MI DMAN PA GNANG, LEGS 'BUL 'DEGS MI RNAMS LA'ANG BABS 'OS DANG BSTUN PA'I SLOG CHA STZAL, NYIN RE BZHIN SKYE BO BRGYA PHRAG STONG PHRAG RIM PA BZHIN MJAL DU 'ONGS PA LA PHYAG G-YAS PA GLANG PO CHE'I SNA LTAR BRKYANGS TE BYIN GYIS BRLABS PA STZAL, TSES GNAM GANG LA PAR BU DGON, DRA MIG RTZE, THANG SKU BA, GNAS NANG BA RNAMS KYI SER SBRENG DANG BCAS SNANG RTZER GSOL TSIGS GNANG ZHING, LAM PA CHOS SDE PA, MTSO SMAD LHA KHANG PA, BKRA SHIS CHOS SDINGS PA RNAMS KYI SER SBRENG GIS MDUN BSUS TE RMANG DU BZHUGS ZHAG MDZAD, ZLA BA LNGA PA'I TSES GCIG LA CHU BZANG CHOS SDE, SDINGS KHA CHOS SDE, MKHAR LUNG RI KHROD, CHU BZANG MO DGON RNAMS KYI SER SPRENG DANG BCAS BDE CHEN DU GSOL TSIGS GNANG ZHING LUG PAR ZHAG BZHUGS DANG, TSES GNYIS LA ZAM PA GSAR PAR GSOL TSIGS THOG GNYAN CHEN THANG LHAR MCHOD 'BUL BA BTANG, YANGS PA CAN DGON GYI SER SPRENG DANG BCAS NGO DMAR DU ZHAG GSUM GYI RING CHAB
, ,TSAN GYI 'PHROD BZHES MDZAD, YANGS PA CAN BLA SPYI NAS DKAR SPRO DANG DNGOS 'BUL BSTAR, TSES LNGA LA SHOG BU SBA LHAS SU BZHUGS ZHAG THOG YANGS PA CAN MGO PA HA SHA KHA NGO G-YOG LA PHYAG DBANG GNANG, TSES DRUG LA LAM NAG TU GSOL TSIGS DANG, MAR RKYANG MGO PA SOGS KYI CHIBS BSU, SNYE MO RGYAL BYED TSAL, BYE MKHAR CHOS SDE, RU DGON PA, GZHU RAB RGYAS GLING PA RNAMS KYI SER SBRENG DANG BCAS GYAL THAB MDUN DU BZHUGS ZHAG GNANG BAR, DGON KHAG SO SO NAS DNGOS 'BUL DANG SMAG LAM PAS KYANG BDOG PA BTEG ,SER SKYA DRUG BRGYA BRGAL BAR PHYAG DBANG STZAL, TSES BDUN LAM RA LA GSHAM DU GSOL TSIGS DANG, DBEN DGON RDO RJE SLOB DPON DANG GNYER TSAB BCAS DBEN DGON DU CHIBS BSGYUR GNANG DGOS ZHU BAR 'BYOR PA DANG, GLING DKAR RDZONG DPON SOGS KYI CHIBS BSU DANG BCAS GLO GDONG DU BZHUGS ZHAG MDZAD, TSES BDUN RTING MAR LA RGAN GYI MDAR GSOL TSIGS DANG RAM SDINGS MA BA, GOS SDON LHA KHANG BA RNAMS KYI SER SBRENG DANG BCAS 'OD YUG 'DZOM THANG DU ZHAG BZHUGS MDZAD, DER GLING DKAR PA SOGS SER SKYA MANG POR PHYAG DBANG STZAL, TSES BRGYAD KYI NYIN BSAM GLING DU GSOL TSIGS THOG 'OD YUG BRAG DKAR BA 'DUS SPYI NAS ZHABS BRTAN PHUL, DPAL LHO DGON, BSAM GLING SGRUB SDE SOGS KYI SER SBRENG, LHA PHU RDZONG DPON SOGS KYI CHIBS BSU DANG BCAS LHA BU RMOG LCOG TU ZHAG BZHUGS MDZAD, DPAL LHO DGON NAS DNGOS 'BUL BTEG ,DER YAB RJE YANG CHIBS BSUR BYON ZHING SER SKYA STONG PHRAG BRGAL PAR PHYAG DBANG
GNANG, SHANGS CHU CHE STABS BKRA SHIS RTZER CHIBS BSGYUR GNANG NA SKU GEGS SOGS YOD MED LA MO CHOS SKYONG CHEN POR LUNG ZHU MDZAD PAR GEGS 'TSUB CUNG ZAD 'DUG KYANG, RJE BLA MA MCHOG GI DGONGS BZHED LTAR GNANG BAS 'THUS SHID, 'ON KYANG RAB LA LTA RTOG BYED MI GNANG NA RTAGS ZHIG YONG PHEBS, TSES DGU LA CHIBS BSU DANG SPOR TOG PA SOGS KYI SER SBRENG DANG BCAS LHA BU RDZONG MDUN DU GSOL TSIGS DANG, SKYE BO'I TSOGS STONG RA CAN LA MJAL KHA GNANG ZHING, STAG SNA DGON GYI SER SPRENG DANG BCAS STAG SNAR BZHUGS, SER SKYA CHIG STONG DRUG BRGYA SKOR LA PHYAG DBANG STZAL, DE SKABS CHU RAB LA LTA RTOG MDZAD PAR CHOS RJE SKU RTEN PA DANG, DRUNG 'KHOR GCIG BCAS GTONG PA GNANG BAR SNGAR GYI RAB GTING RING BAS PHEBS THUB PA ZHIG MI YONG 'DRA ZER BA'I THOG ,DE'I MAS TZAM NA PHO ROG GNYIS SKAD SGROG CING YONG 'DUG PA DER RAB BTZAL BAS RAB BDE BA ZHIG RNYED, TSES BCU LA DGA' LDAN CHOS 'KHOR BA'I SER SBRENG DANG BCAS LCAGS KHA SHAR DU GUNG DRO PHAB, DER DGA' LDAN CHOS 'KHOR BA'I DKAR SPRO DANG DNGOS 'BUL BTEG ,DE SKABS GEGS DBANG LTA BUS SNGA DRO DGA' LDAN CHOS 'KHOR GLING GI GRVA PA RNAMS LCAGS LA DOG 'TSANGS KYIS BYON PAS, LCAGS THAG GNYIS KA CHAD DE, GRVA PA BRGYA TZAM CHUR LHUNGS KYANG BCU SKOR TZAM LAS BYINGS RNAMS LA SKYON MA BYUNG 'DUG PA RJE BLA MA'I THUGS RJER DES, DE NAS BKRA SHIS RTZE'I CHIBS BSU DANG, NYE SKOR GYI DGON KHAG RNAMS NAS SER SBRENG DANG BCAS CHUMS MDAR BKRA SHIS RTZE'I THAB BSU'I THOG PHEBS, BKRA SHIS RTZER ZHAG GSUM BZHUGS THOG TSES
, ,BCU GCIG GI NYIN SER SKYA NYIS STONG SUM BRGYA SKOR LA PHYAG DBANG STZAL, DE'I PHYI NYIN RNAM GLING RDZONG DPON GNYIS NAS ZUR GSOS PHUL, SKYE BO STONG RVA CAN LA MJAL KHA GNANG, BKRA SHIS RTZE NAS BSNYEN BKUR DANG ZHABS BRTAN LEGS 'BUL GZABS, YAB RJE SOGS SKU NGO RNAMS LA GNANG SKYES SBAM MTHOB STZAL, THAB SKYEL GYI SAR CHIBS SKYEL BA RNAMS LA MJAL KHA GNANG, MDO BRJOD DU GSOL TSIGS THOG YAB RJE NGO G-YOG LA THON PHYAG STZAL, DAR RGYAS SGRUB SNGE, DUL YOL DKAR, G-YANG CHOS SDE, DGE 'PHEL, RGOD TSANG, MKHA' SPYOD, LHA LNGA BRAG ,PADMO CHOS SDINGS, DPAL CHEN, BSAM GTAN, NYUG CHOS 'KHOR, RTZE GDOD CHOS SDE, CHU DBAR G-YU RTZE, MO DGON DGA' LDAN, TSAR LHUN GRUB CHOS GLING BA RNAMS KYI SER SBRENG DANG BCAS G-YANG DU ZHAG BZHUGS MDZAD, DER GNYER PAS DKAR SPRO DANG DNGOS 'BUL, GRONG STONG KHANG GSAR BA, RI GDONG ZHABS DRUNG, LHA RI SGANG BA, TSAR, LUG GDONG GNYER BA RNAMS KYIS DNGOS 'BUL BSTABS, GZHIS RTZE RDZONG DPON SOGS KYI CHIBS BSU, DBEN DGON PA DANG CHOS 'KHOR DBUS SDINGS, BRAG LHA BA, 'UG BYA GLING BA, GSER MDOG CAN PA RNAMS KYI SER SBRENG DANG BCAS MTHONG SMON GSHOD DU BZHUGS, CHIBS BSU BA RNAMS LA PHYAG DBANG STZAL, ZUR BZHI'I BLA MA DANG, DGE BSKOS CHEN MO RNAMS DER CHIBS BSUR 'BYOR, TSES BCO LNGA LA DE NAS CHIBS KHA BSGYUR BAR ZUR BZHI'I BLA MA DANG DGE BSKOS CHEN MO, DRUNG 'KHOR, GRVA TSANG BZHI'I RGAN SPYI, MI TSAN KHAG ,GZHIS RTZE, BZHAD, RGYAL CHEN RTZE, PHAG GRONG, RTA NAG ,LHA NGAM PHUN
SUM; TSONG 'DUS KHUL BCAS KYI CHIBS BSU BRTA PA CHIG STONG DRUG CU SKOR DANG CHOS GRVA CHEN PO'I DGE 'DUN RNAMS DANG, RGYAL CHEN RTZE CHOS SDE, 'BRONG RTZE, PHUN TSOGS GLING, LHA RTZE 'OG MIN GLING, GANGS CAN, SRAD RGYUD, ZHA LU, LHUN RTZE, MDANGS CHEN, GLO SBUG; JO RDZONG, BKRA SHIS DGE 'PHEL, THUB BSTAN RNAM RGYAL, RI BO GRU 'DZIN, GRVA TSANG CHEN MO, GNAS CHOS SDE, THUB BSTAN YANGS CAN, SNAR THAD, ZHI GNAS GRVA TSANG, RLANGS BA GSER GLING, RI KHUNG, DGON KHRA, DGON BYANG, CHOS SPUG ,LHAG LUNG SNA DKAR, NGOR DGON PA, BYA GSHONG BO DONG AE CHOS SDE, GSANG SNGAGS GLING PA BCAS BZHI STONG NYIS BRGYA SKOR GYI SER SPRENG DANG, GZHUNG DANG BLA BRANG GNYIS KYI MDA' ZHABS NAS CHIG STONG DGU BRGYA SUM CU SKOR GYI BRO GZHAS PA RNAMS KYIS MDUN BSUS TE CHOS GRVA CHEN PO BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING DU PHYAG PHEBS, SKU SKYOS KYI RNAM PA LTA BUR TSOGS CHEN DU MANG JA 'PHAR MA DANG 'GYED DNGUL SRANG GANG RE, SNGAGS PA GRVA TSANG DU YANG ZHABS TOG NYIN 'KHYONGS THOG 'GYED 'PHAR? MA DNGUL SRANG RE, GONG GSAL DGON KHAG RNAMS KYI SER SBRENG BA LA MANG 'GYED DANG, GZHIS RTZE RDZONG DPON SOGS CHIBS BSU BA DANG BRO GZHAS PA RNAMS LA TSAN GRANGS DANG, ZAM PA SHAR DU SPRANG PO RNAMS LA GSOL RAS, PHEBS LAM GYI RTA THAB G-YOG RDUL MI RNAMS LA GNANG CHA BCAS ZANG ZING GI SBYIN BA'I CHAR 'BEBS BAR MDZAD DO, ,TSES BCU DRUG LA BLA BRANG NAS STON 'KHOR TSANG MA DANG GZHUNGS MCHOD YON GYIS CHIBS SKYEL DU GTONG GNANG MGRON GNYER YON TAN LEGS GRUB, CHOS RJE SKU RTEN PA, MDA'
, ,DPON, SER 'BRAS DGE GSUM GYI BLA MA GSUM BCAS LA GSOL STON RGYAS PA DANG, CHIBS SKYEL BA MDA' DPON NGO G-YOG SNGON LA THON RGYUR GCAD CHA GZAB PA STZAL, TSES BCU BDUN LA ZHABS PHYI RGYUN SDOD RNAMS DANG PHYOGS KYI GZHIS GNYER BCAS SPYI NAS GSOL STON DANG DNGOS 'PHUL, TSES BCO BRGYAD LA ZHABS 'BRING PA DRAG 'BRING DKYUS GSUM DANG, MDA' 'BANGS LHA SDE MI SDE TSANG MAS RGYU YON SBYAR TE GSOL STON RGYAS PA'I THOG ZHABS BRTAN LEGS 'BUL SBAM MTHO BA BSTAR, MI TSAN KHAG SBYI NAS DNGOS 'BUL TSAN GRANGS DANG, SA SKYA NAS KYANG MI SNA CHED RDZONG NGOS LEGS 'BUL ZHUS, PHYOGS 'DUS KYI SER SBRENG BA, BRO GZHAS PA, CHIBS BSU BA SOGS BZHI STONG BRGAL BAR PHYAG DBANG STZAL, TSES BCU DGU LA PHEBS SKYEL BA MGRON GNYER YON TAN LEGS GRUB, DGA' LDAN DANG SER 'BRAS KYI BLA MA GSUM BCAS DO G-YOG TSANG MAR GNANG CHA GYON PA, DNGUL, GOS DANG BCAS THON PHYAG DANG, GZHAN YANG SA SKYA PHYAG MDZOD GSAR BA DO G-YOG ,GANGS CAN MKHAN PO DANG SHAR BYANG GNYIS KYI BLA MA, LHA RTZE CHOS SDE, 'DAR DAR RGYAS GLING, PHUN TSOGS GLING, PA NAM GRANG MO CHE, 'BRONG RTZE CHOS SDE, GRVA TSANG CHEN MO, RTA NAG KHUL SOBS CHU BYANG BRGYUD KYI DGOM BAG RNAMS DANG, MNGA' RIS GUNG GI LEGS 'BUL BA RTZE JA ZHU 'DREN PA NGO G-YOG BCAS LA MJAL KHA GNANG, TSES BCU DGU LA LA MO CHOS SKYONG CHEN PO SKU GSOL ZHUS TE LEGS 'BUL DU GSER DNGUL SOGS TSAN GRANGS SUM CU SO GSUM DANG, ZHABS 'BRING PA RNAMS DANG LHA SDE MI STE SPYI NAS CHOS SKYONG LA
GTANG RAG GI YON BSTABS, CHOS RJE SKU RTEN PAR RGYAN BZHI'I GOS SLOG ,WA NAG GI ZHVA MO, DNGUL GOS DAR SOGS THON PHYAG GZAB PA STZAL, GZHUNGS MCHOD YON LA BKA' DRIN CHE TSUL GYI ZHU YIG RTEN LDAN PHUL, ZLA BA DRUG BA'I TSES LNGA LA RDZONG KHA 'PHEL RGYAS GLING MKHAN POS DNGOS 'BUL BTEG ,TSA RTING MA GROL NAS RDO BCAL CHEN MOR DGE 'DUN TSOGS YONGS DANG, DRUNG 'KHOR, MDZO SDUD BA NGO G-YOG ,PHYOGS 'DUS MANG BA, KLU SDINGS BZO RIGS PA RNAMS DANG, GNYER TSANG NANG GZAN BCAS LA PHYAG DBANG STZAL; TSES BDUN NAS RIM BZHIN MDA' DPON PAD TSAL BA DANG RAM PA BA NGO G-YOG ,DGA' LDAN RAB RGYAS GYI BLA MA RNYING PA, GRANG MO CHE BA DKA' CHEN BLO BZANG RNAM RGYAL, NGOR MKHAN PO NGO G-YOG ,'BRONG RTZE BA'I LEGS 'BUL BA, RU THOG RDZONG DPON GSAR BA GNAM RU DPON, GZHIS RTZE RTA ZAM PA SPEL GONG, LHA RI RTZE BA, DPAL CHOS KYI GRVA RIGS MANG BA DANG, LA DVAGS KYI GRVA RGYUN KHA SHAS BCAS LA PHYAG DBANG GNANG, ZHVA DMAR SPRUL PA'I SKU DANG SI TU SPRUL SKU KHAMS SDE DGE PHYOGS LA 'BYON RGYU YIN TSUL GYI ZHU YIG 'BYOR PAR BKA' LAN RTEN BZANG BA DANG, NA BZA' CHA TSANG RE BCAS STZAL, 'DI SKABS BAL BOD GNYIS 'THAB 'KHRUG CUNG ZAD BYUNG BAR WANG LA 'JAM CHAGS DGOS PA'I BKA' RGYA RIM PAR GNANG ZHING, BAL BO'I SA SKYONG KHAG RNAMS LA THUGS DAM RTEN BZANG PO BCAS LO TZ'A BA DKA' CHEN YE SHES CHOS 'PHEL RDZONG STA GNANG BAR, WANG NAS GSAN DGONGS CHER MA BYUNG RUNG BAL PO'I SA SKYONG KHAG RNAMS KYIS BKA' BZHIN BSGRUB PA'I KHAS LEN ZHUS, DE SKABS RI BO DGA' LDAN GYI 'DU KHANG ZHIG GSO GRUB
, ,'DUG PA'I ZHAL BSROR MANG JA SPYOR SPREL THOG DPE 'DUN RER PHYAG 'GYED DNGUL ZHO RE, 'DU KHANG DANG SGO MCHOR YONGS RDZOGS KHEBS PA'I GNAM RGYAN MDZOD GOS RGYAN BZHI DANG BCAD LDAN, KHA THI, THON THI, MANG NOG BCAS KHA CHIG STONG DRUG BRGYA BDUN CU SKOR LAS GRUB PA RGYA RAS KYI RGYAB SHA CAN DANG, LA MO BYANG CHUB LCOG GI 'DU KHANG GSAR BZO MDZAD PAR LEGS SKYES STOBS PA BCAS KYI CHED MI CHED GTONG GNANG, ZLA BA BRGYAD PA'I TSES GSUM LA CHING WANG BSTAN 'DZIN DBANG PHYUG GSHEGS PA'I DGE SGRUB PA NGO G-YOG BZHI BCU SKOR 'BYOR TE SKYABS 'JUG ZHU RTEN PHUL BAR DMIGS YUL DE NYID GTAN BDE'I DPAL LA 'GOD BA'I THUGS DMIGS MDZAD, DE NAS RIM BZHIN MTSO SNGON JA SAG RDO RJE TSE RING, YUM HA THON BCAS KYI BANG CHEN PA, AER TE NI WANG DANG, CANG CI WANG, GUNG DKON MCHOG SKYABS, CHE CHEN JU NANG, GUNG DA'I CHING SOGS KYI AEL CHI NGO G-YOG ,AA MDO BA DANG KHAMS PA, SER 'BRAS KYI GRVA RIGS, PAR THANG RI KHROD PA, MDO TSONG DU 'GRO MI LNGA BCU SKOR SOGS PHYOGS NAS DAD 'DUS MANG BAR PHYAG DBANG DANG, BYANG CHEN SGRUB SDE'I GNAS BLA MA GSAR PA KHRON KHA SBUG PA DKA' CHEN YE SHES DBANG PHYUG DANG GONG GSAL GYI AEL CHI RNAMS LA 'BYOR LAN DANG THON PHYAG STZAL, ZLA BA DGU PA'I TSES LNGA NAS RIM BZHIN RTA NAG THUB BSTAN MKHAN PO, DBU CHOS, SPYI GNYER, G-YANG CHOS SDE DANG LHUN GRUB RTZE CHOS SDE'I BLA MA, MTSO SNGON AER TE NI WANG GI MGYOGS BSDO'I RTEN 'BUL MI, DPAL LDAN JA SAG DANG YUM SKYABS GNYIS KYI BANG CHEN PA, WANG DANG MNGA' RIS
GUNG GI MANG SKOL DO DAM PA, AA MDO BA DANG KHAMS PA, SER 'BRAS PA, MNGA' RIS PA, MANG JA'I SBYIN BDAG SOGS PHYOGS 'DUS MANG BAR PHYAG DBANG STZAL, DBUS SU 'GRO MI DRUNG 'KHOR GYI GDONG RJE NGAG DBANG BYAMS PA'I 'BUL SKYES GNANG BA'ANG BZHES, SOG PO'I AEL CHI RNAMS LA 'DOD CHOS DANG THON PHYAG STZAL, CHA HAR GUNG BSOD NAMS RGYAL MTSAN GYI THO YON DANG MKHAR SNGON THO YON NGO G-YOG ,MTSO SNGON DKON MCHOG WANG, AER TE NI DA'I CHANG GI BLA MA BCAS KYI BANG CHEN PA, AOR TU SU BKA' 'GYUR PE'I LI'I BLA MA'I AEL CHI, SPA GRO DGON GYI BLA MA, GCUNG RI BO CHE BA, THUB BSTAN RNAM RGYAL MKHAN ZUR, SKYID GRONG PHUG PO CHE'I RI KHROD PA, MDA' DPON NYA BSHUR PA, KHAMS PA DANG GNAM MTSO BA, MANG JA'I SBYIN BDAG KHA SHAS BCAS LA PHYAG DBANG DANG, MI SNA NGO BO RNAMS LA JA GRAL BCAS STZAL, TSES BCO LNGA LA TSAL 'DAM AER TE NI DA'I CHING GI BLA MA'I ZLA BO DANG, CHING DPON PO'I BU BCAS THUN MONG NAS TSOGS DBUR SPYAN DRANGS TE DNGOS 'BUL BSTAR, DE DAG LA 'DOD CHOS DANG THON PHYAG STZAL, ZLA BA BCU GCIG PA'I TSES GSUM LA DPEN DGON 'DUS SBYI NAS ZHABS BRTAN GSOL 'DEBS ZHUS, 'DOD CHOS DANG MANG 'GYED STZAL CING SBYI 'BUL RNAMS PHYIR SLOG PA MDZAD, SRID SKYONG WANG DANG MNGA' RIS GUNG YE SHES TSE BRTAN NANG MA GSHIN PAS G-YUL 'KHRUG 'BYUNG BAR NYE BA NA, SO SOR 'JAM CHAGS LUGS LEGS DGOS PA'I RGYU MTSAN ZHIB 'KHOD DANG BCAS PA'I BKA' SHOG GNANG RTEN BZANG POS SPA BA NAN TAN SNGA PHYIR STZAL KYANG PHAN TSUN GYI LAS DBANG LDOG TU MED PAS DON THOG TU JI BZHIN KHEL BA MA BYUNG, DE NAS RIM BZHIN AOR TU SU T'A BE'I SI
, ,TSE DBANG DPAL 'BYOR, CHA KAR BLA MA, RNAM RGYAL RDO RJE PE'I SI, 'JAM DBYANGS WANG, PE'I LI DON GRUB RGYA MTSO SOGS KYI BANG CHEN PA DO G-YOG BRGYA SKOR 'BYOR TE PHYAG DBANG ZHUS, PE'I LI NAS MAndAL, DNGUL RDO TSAD DGU GOS YUG DRUG ,CHA KAR BLA MA BLO BZANG BSTAN DAR, T'A PE'I SI, RNAM RGYAL RDO RJE PE'I SI BCAS SO SO NAS DNGOS 'BUL BTEG ,MI SNA NGO G-YOGS LA PHYAG DBANG THON PHYAG STZAL, TSES BCO LNGA LA PE'I CING MI SNA DKA' CHEN BLO BZANG BSHES GNYEN NGO G-YOG 'BYOR TE, GONG NAS GSER YIG GNANG RTEN BZANG PO BCAS STZAL BA BZHES NAS MJAL KHA DANG BKA' DRI GNANG, TSES NYER DRUG LA MI SNA NAS DNGOS 'BUL BSTAR, MTSO SNGON JUN GAR WANG BSOD NAMS RDO RJE'I MI SNA, DHA YAN TU RA'I CHOS RJE DKA' CHEN BLO BZANG TSE RING GI MI SNA, DUR BENG WANG RAB BRTAN RDO RJE'I MI SNA BCAS 'BYOR TE SO SO NAS DNGOS 'BUL BTEG ,KHONG PA TSOR 'BYOR LAN DANG THON PHYAG STZAL TE YING TSIM PAR MDZAD, LO 'DI NANG RNAM RAB DVAGS PO GRVA TSANG PA BSOD NAMS RGYA MTSOS 'DUL BA THUB BSTAN NYIN BYED, PHAR PHYIN DGONGS DON RAB GSAL, MDZOD JI SNYED SHES BYA'I GSAL BYED, DBU MA THEG CHEN GNAD KYI GSAL BYED, RNAM 'GREL SDE BDUN DGONGS RGYAN BCAS KYI RGYUGS PHUL BAR KHA BTAGS CHE BA, JA Y'A JU BAR KHAG ,GOS RGYAN NYAN KHA LNGA 'BREL, BAN GZAN, SHAM THABS, SMAN BAR RNYING YUG ,LHO RAS, RGYA ZAM DANG KHA ZAM YUG RE, RONG BYAMS CHEN PA NGAG DBANG DON GRUB KYIS BRGYAD STONG PA DANG THEG MCHOG YAR 'PHEL GYIS LAM RIM CHEN MO, MNGON RTOGS RGYAN, 'DUL
BA; MNGON PA MDZOD, SRAD PA DRUNG RAM PA BLO BZANG DPAL 'BYOR GYIS GSANG 'DUS BSKYED RDZOGS, DBEN DGON PA YE SHES 'BYUNG GNAS, BRTZON 'GRUS MTHA' YAS, YE SHES CHOS DPAL, YE SHES BRTZON 'GRUS BCAS NAS BDE MCHOG RTZA RGYUD, GCEN LUNG BRJE DRUNG YE SHES DBANG RGYAL DANG BLO BZANG BSHES GNYEN, BLO BZANG DBANG RGYAL, SER KHANG PA BLO BZANG RNAM RGYAL, GNAS RNYING MCHOD KHANG BA BLO BZANG DBANG PHYUG ,BZHAD PA SKU SKYE BLO BZANG TSE BRTAN, RI MKHAR BA CHOS MDZAD BLO BZANG BSTAN PA, BA SHI BA BLO BZANG RGYAL MTSAN RNAMS KYIS RNAM 'GREL GYI THAL 'PHRENG LE'U BZHI, CHOS 'KHOR LHUN PO BA BYAMS PA DAR RGYAS, MANG THOS DPAL BZANG, SANGS RGYAS DPAL BZANG, BYANG PA BSAM GRUB DGA' LDAN PA BLO BZANG BRTZON 'GRUS RNAMS NAS BYAMS CHOS SNGE LNGA, JO MO RDZONG PA BLO BZANG SHES RAB KYIS RNAM BSHAD DGONGS PA RAB GSAL, ZHA LU BSKAL BZANG TSE DBANG GIS DUS 'KHOR BSDUS RGYUD DANG CHO G-YONGS RDZOGS KYI RGYUGS PHUL BAR GNANG CHA SNGAR SROL BZHIN STZAL, ` RAB MYOS ZHES PA LCAGS RTA LO GSAR GYI DGYES STON SOGS SNGAR RGYUN LTAR MDZAD, 'DI LO RJE BLA MA MCHOG DGUNG SKEG GI STENG DU PHEBS GSHIS TSOGS CHEN DU DGE 'DUN RER DNGUL SRANG RE'I 'GYED STZAL PA SOGS ZHABS BRTAN RGYA CHEN PO BSGRUBS, ZHAM RING BA SPYI NAS TSOGS DBUR SPYAN DRANGS TE ZHABS BRTAN PHUL, GNYER TSANG PA BLO BZANG DPAL 'BYOR DANG, RIN CHEN RTZE'I GNYER PA DRUNG RAM PA BLO BZANG RDO RJE GNYIS KYIS KYANG TSOGS DBUR SPYAN DRANGS TE DNGOS 'BUL BSTAR, BA SO DGA' LDAN RAB RGYAS PA'I 'DUS SPYI NAS GZIMS CHUNG DU TSE
, ,CHOG DANG 'BREL BA'I ZHABS BRTAN PHUL, SRID SKYONG WANG NAS GUNG YE SHES TSE BRTAN DUS CHOS SU GYUR PA'I BSNGO RTEN PHUL BA 'BYOR TE BSNGO SMON MDZAD, MTSO SNGON RDO RJE WANG GI BLA MAS TSOGS DBUR GDAN DRANGS TE DNGOS 'BUL BSTABS, SA GA ZLA BA'I TSES BCU DRUG LA MTSO SNGON CHING WANG DANG THOR GOD SA RA JA SAG SO SO'I MI SNA DANG, DGE RTZE'I MDZOD PA SOGS SUM CU SKOR LA PHYAG DBANG STZAL, ZLA BA LNGA PA'I NANG DU SRID SKYONG DA LAS WANG YAB SRAS GTZANG LA CHIBS BSGYUR BAR RGYAL RTZER MTSAMS ZHU DANG ZUR CHAS 'BUL BAR MGRON GNYER BLO BZANG YAR 'PHEL RDZONG STA GNANG ZHING, SRID SKYONG DPON G-YOG RNAMS PHO LHA DANG RIN CHEN RTZE BRGYUD ZLA BA LNGA PA'I TSES NYER GSUM LA 'DI KHAR PHEBS PAR BSAM GRUB SPUG GI MDAR THAB BSU DANG CHIBS BSU SOGS SNGAR RGYUN BZHIN MDZAD, KHONG DPON G-YOG LA PHYAG DBANG DANG JA GRAL GYI THOG BKA' 'DRI GNANG, TSES NYER LNGA'I NYIN SRID SKYONG NAS GZIMS CHUNG DU THOG MA'I RTEN 'BYUNG MTSON BYED KYI DNGOS SKYES BSTAR, LA MO CHOS SKYONG CHEN PO SKU GSOL ZHUS TE BYANG DGROL DANG, MKHA' 'GRO'I BSU BZLOG MDZAD, CHOS SKYONG CHEN POR DNGOS SKYES KYI SPYAN GZIGS GYA NOM PA PHUL, WANG NAS BSKUL NGOR 'DUS TSOGS SU 'DZUGS RGYU'I ZHABS BRTAN GSOL 'DEBS GSAR RTZOM GNANG, TSES NYER BRGYAD NYIN SRID SKYONG WANG NAS TSOGS DBUR SPYAN DRANGS TE ZHABS BRTAN GSOL 'DEBS TSOGS 'DON DU BTZUGS SHING DNGUL GYI MAndAL SOGS DANG, DNGUL RDO TSAD BRGYA DANG GCIG ,GOS YUG BRGYA DANG NYI SHU RTZA GNYIS, MDZOD BTAGS CHIG STONG DGU BCU GO BDUN, SMAN
RNYING DANG HOR DAR MANG BA, RTZE ZHVA DRUG BRGYA DANG LNGA BCU, JA 'KHOR DRUG BRGYA DANG BZHI BCU ZHE DRUG ,THA MA KHA KO DRA LNGA BCUNG BZHI, KA SHI'I RAS YUG SOGS DNGOS 'BUL GTOS CHE BA BTEG STE ZHABS BRTAN GSOL 'DEBS ZHUS, 'DUS SDER MANG JA BRGYA PHRAG GCIG ,DGE 'DUN RER 'GYED DNGUL SRANG GANG ZHO PHYED DO RE, RTZE ZHVA RE, LA PHOR RE, JA BAR KHAG RE BCAS KYIS BSNYEN BKUR BSTABS PAR DGE BA'I RTZA BA RNAMS RDZOGS BYANG DU BSNGO BA'I LJAGS BSNGO DANG SMON LAM GYI RGYAS 'DEBS YANG DAG PA GNANG, BSOD NAMS BGO SKAL BYED PO LA BRTEN NAS, ,STOBS 'BYOR DPUNG GIS GANGS LJONGS SRID 'DZIN PA, ,DE YIS DNGOS 'BYOR MCHOD SPRIN MTHA' YAS PAS, ,KHYOD ZHABS GSER GYI PADMO NYE BAR MCHOD, ,LONGS SPYOD KUN LA CHAGS BRAL BYAS PA LTAR, ,PHANGS MED ZANG ZING BDOG PA'I DNGOS PO NI, , GCIG MIN DU MAS DGE 'DUN 'DUS PA'I SDE, ,MCHOD TSE RAL PA CAN GYI KHENGS PA 'PHROG ,BKA' BLON MDO MKHAR NAS, JA SAG THE'I JI, MDA' DPON RAM PA, DBUS MDA' DPON DAR RGYAS BKRA SHIS, SHEL STOD SPRUL SKU, DGA' LDAN BYANG RTZE MKHAN PO BCAS SO SO NAS GZIMS CHUNG DU DNGOS 'BUL GYI BDOG PA BSTABS, THOG MTHA' BAR GSUM GYI STON MO DANG GNANG SKYES SBAM MTHO BA DANG, GZHAN MA RNAMS LA YANG BABS BSTUN GYI GSOL RAS STZAL, SA SKYA BDAG CHEN KUN DGA' BLO GROS MJAL DAR BYON TE DNGOS 'BUL BSTAR ZHING GANG CI'I GSUNG GLENG DMAR BA BYUNG, PHAR YANG BKUR GZOS GNAD SKYES SOGS SNGAR RGYUN BZHIN MDZAD, 'DI SKABS CHA KAR GU SHRI NGO G-YOG LA 'BYOR THON DANG BSTUN PHYAG DBANG DANG GNANG SKYES STZAL, LO 'DIR GNAM GSHIS 'TSUB CING, NYE SKOR SOGS SU
, ,GNAM LCAGS KYI 'JIGS PA LAN 'GA' BYUNG BAR RJE BLA MA MCHOG LA THUGS DAM GSUNG BRTAG ZHUS DON LA, LHA MOR BSKAD GSO GSOL MCHOD SOGS GANG RGYAS DGOS TSUL PHEBS PA BZHIN 'PHRAL 'DZUGS DANG, MGON KHANG CHEN MO'I LHA MO'I SKU BRNYAN GYIS MTSON PA'I SKU BRNYAN BYIN CAN PHAL MO CHER SNYAN SHAL BZANG PO 'BUL BA GNANG, ZLA BA BDUN PA'I TSES GCIG GI NYIN GNAS PA MI TSAN NAS ZHABS BRTAN GSOL 'DEBS ZHUS, MDA' RIS DPON KHAG BRGYAD NGO G-YOG LNGA BCU SKOR LA PHYAG DBANG DANG DPON RNAMS LA BKA' 'DRI BCAS STZAL, ZLA BA BRGYAD PA'I TSES GSUM NAS BZUNG BDE LEGS DGA' TSAL DU Ri shI'I CHAB KYI 'PHROD BSTEN MDZAD, TSES BCU GSUM LA GONG MA CHEN PO'I 'KHRUNGS SKAR ZHABS BRTAN SNGAR BZHIN BSGRUBS, KARMA ZHVA NAG SPRUL PA'I SKU NAS MGRON GNYER CHED GNANG MDUN ZHABS BRTAN GSUNG RTZOM MA DANG ZHU YIG DNGOS 'BUL BCAS BSTAR BAR ZHU LAN GNANG SKYES KYANG STZAL, SRAD NOR BU CHOS 'KHOR BA DANG THAR PA CHOS SDE 'DUS SPYIS ZHABS BRTAN GSOL 'DEBS ZHUS, ZLA BA DGU PA'I TSES BRGYAD KYI NYIN 'BRUG PA SPRUL PA'I SKU NGO G-YOG DRUG CU SKOR MJAL DU BYON PAR CHIBS BSU SOGS SHANGS LEN GZABS SHING PHYAG DBANG DANG BZHUGS GRAL GYI THOG BKA' 'DRI GNANG, KHONG PA NAS DNGOS 'BUL GYI BDOG PA BTEG ,PHAR YANG GNANG SKYES GYA NOM PA BSTABS, TSES BCU GCIG GI NYIN SHANGS DGA' LDAN CHOS 'KHOR BAS ZHABS BRTAN DANG, TSES NYER LNGA'I NYIN DGA' LDAN PHUN TSOGS GLING GI 'DUS SPYIS ZHABS BRTAN PHUL, MJAL KHA BA MANG POR
PHYAG DBANG STZAL, ZLA BA BCU PA'I TSES DGU'I NYIN LHA RTZE 'OG MIN GLING 'DUS SPYI NAS DNGOS 'BUL DANG BCAS ZHABS BRTAN BDEN TSIG BRJOD, 'DI SKABS SRID SKYONG WANG NAS DAM SRIS RGYUD BSKUL BA LTA BUS RTZING SPYOD CHE BAR BRTEN, GONG MA CHEN POS BKA' PHAB PA BZHIN ZLA BA DE'I TSES BCU GSUM GYI NYIN T'A ZHIN GNYIS NAS KHROM GZIGS KHANG DU KHRIMS LA SBYAR PAR, WANG GI ZLA PO KHA SHAS NAG PHYOGS KYIS YID BSKYOD PAS AAM PAN GNYIS KYI SKU LA BSNGOS PAS ZING GZHI'I SKABS SKYON GYUR MA BYUNG GRAS, BI CHE'I CHI GNYIS DANG PHOGS DPON, AAM PAN GNYIS KYI ZLA BO, DMAG MI TSONG PA DANG BZA' KHANG PA BCAS NYIS BRGYA BZHI BCU ZHE BDUN LA SO SO'I GO BABS DANG BSTUN SPOS, DNGUL, 'BRAS, GRO ZHIB BCAS KYI ZUR GSOS GTOS CHE BA 'PHRAL DU STZAL, GONG MA CHEN POR, DA DUNG NYI MA NUB PHYOGS PA RNAMS BYAMS BRTZE'I GZIGS PA RMAD DU BYUNG BAS SNGAR LAM BZANG PO LTAR SKYONG DGOS PA SOGS KYI ZHU YIG GNAS TSUL DANG BCAS PA SNGA PHYIR 'BUL BA GNANG BAR THUGS DGYES PA'I GSER YIG DANG BKA' LUNG BZANG PO GNANG SKYES KYIS BRGYAN PA STZAL, TSES NYI SHU'I NYIN 'DUS TSOGS SU DGE 'DUN RER DNGUL SRANG RE GNANG STE SKU GEGS SEL BA'I ZHABS BRTAN BSGRUBS, ZLA BA BCU PA'I TSES GNYIS KYI NYIN DZA YA PAndI TA, DBANG CHEN NO MON HAN BCAS KYIS GTZOS BLA DPON KHAG NYI SHU SKOR GYI MI SNA NGO G-YOG BRGYA SKOR LA PHYAG DBANG DANG JA GRAL GNANG, SO SO NAS ZHU YIG DANG 'BUL BSKUR RNAMS PHUL, TSES BCU BZHI'I NYIN ZHVA DMAR SPRUL PA'I SKU DANG SI TU SPRUL SKU GNYIS KYI MTSAMS ZHU BAR PHYAG DBANG JA GRAL, THON PHYAG SKABS LAN 'DEBS GNANG CHA
, ,SOGS STZAL, TSES BCO LNGA'I NYIN GZIMS CHUNG NYI 'OD 'KHYIL BAR HAR GDONG MI TSAN NAS ZHABS BRTAN GSOL 'DEBS ZHUS, GONG GSAL MI SNA RNAMS PHYIR LDOG SKABS 'DOD CHOS, BLA DPON KHAG SO SOR 'BYOR LAN DANG THON PHYAG BCAS STZAL, TSES NYER BDUN GYI NYIN TSA GAN NO MON HAN NGO G-YOG RNAMS 'BYOR TE, DE'I PHYI NYIN KHONG PA NAS DNGOS 'BUL BTEG PAR BLA MA'I RNAL 'BYOR GYI LUNG DANG, PHYIR PHEBS SKABS GNANG CHA GYA NOM PA STZAL, DGA' BZHI GUD PAndI TA BOD KYI SRID SKYONG GI GO SAR BYON PAR GZHUNG SA MCHOD YON LA LEGS SKYES 'BUL BA DANG, GONG MA CHEN POS BKAS MNGAGS PA'I MI DRAG BOD DU 'BYOR NYER YOD PA RNAMS LA MTSAMS SKYES STOB PA BCAS LA MGRON GNYER BLO BZANG RGYAL MTSAN RDZONG STA MDZAD, AOR TU SU DANG MTSO SNGON SOGS NAS DPON KHAG GI MI SNA 'BYOR PAR PHYAG DBANG STZAL, MTSO SNGON GUNG B'A THUR DA'I CHING NGO G-YOG RNAMS 'BYOR TE DNGOS 'BUL GTOS CHE BA BSTAR, DGA' LDAN AA BO DANG JA SAG BKRA SHIS DON GRUB KYI MI SNA'ANG 'BYOR, GUNG NGO G-YOG LA BLA MA MCHOD PA'I LUNG DANG THON PHYAG RGYAS PA STZAL, THU SA LAG CHI CHOS BZANG RGYA MTSOS DMIGS BRTZE MA'I LUNG ZHUS PAR 'DOD SBYAR MDZAD, TSES NYER BZHI'I NYIN MTSO SNGON CHING WANG GI SRAS MO BSAM GRUB SGROL MA NGO G-YOG RNAMS 'BYOR TE DNGOS 'BUL BSTAR, SNGON DU LHA LDAN DU DUS ZING BYUNG BA'I SKOR LA GONG DU ZHU YIG PHUL BA'I LAN DU GSER YIG STZAL PA'ANG 'BYOR, 'DI LO DGUNG SKEG THOG YIN KYANG SKU'I DKYIL 'KHOR GSAL DVANGS BYUNG BA'I GTANG RAG TU CHOS SRUNG RNAMS LA MCHOD GTOR RGYAS PA MDZAD,
SNAR THANG CHOS SDE DANG RI BO DGE 'PHEL, RGYAL CHEN RTZE CHOS 'KHOR BDE CHEN, DBEN SA CHOS KYI PHO BRANG, DGA' LDAN RAB RGYAS, BZHAD BKRA SHIS DGE 'PHEL SOGS SU SGROL MA DANG GDUGS DKAR ZLOG BCAS SOGS DANG, CHOS GRVA 'DI NYID DU'ANG BSKANG GSO DANG BKA' 'GYUR GSUNG SGROG SOGS ZLA BA SPREL MAR BSGRUBS, GONG GSAL GYI DGOS CHA'I THEBS SU DNGUL SRANG CHIG 'BUM CHIG KHRI DGU BRGYA DANG DGU BCU GO LNGA'I RTZIS KYI DNGOS PO SNA TSOGS PA SOGS GNANG, LO 'DI'I NANG DU THUGS BREL CHUNG PA'I SKABS SU YONGS 'DZIN ZHAL SNGA NAS LAS BKA' 'GYUR GYI LUNG GSAN PA LA THUGS BRTZON CHE BA MDZAD, GANGS CAN CHOS 'PHEL BA DKA' CHEN DGE LEGS RGYAL MTSAN GYIS SPYI DON RIGS RGYAN GYI RGYUGS PHUL BAR KHA BTAGS CHE BA, JA SBAG PHYED, GOS KHA GSUM, BYANG DAR KHA PHYED GSUM, SMAN KHA LNGA, DRIL, LHOR SA, CHOS 'KHOR LHUN PO BA CHOS RGYAL MTSAN DANG, NGAG DBANG DPAL 'BYOR GNYIS KYIS BYAMS CHOS SDE LNGA'I RGYUGS PHUL BAR KHA BTAGS, GOS KHA DO, SMAN KHA GSUM, JA SBAG PHYED, DRIL, GON CHUNG, LHOR SA, SANGS RGYAS DPAL BZANG GIS SDOM GSUM RAB DBYE, BYAMS CHOS SDE LNGA, TSAD MA RIGS GTER, SO THAR GYI MDO BCAS KYI RGYUGS PHUL BAR KHA BTAGS CHE BA, GOS KHA BZHI, SMAN KHA DRUG ,JA BAR KHAG, DRIL GNYIS, LHO RAS, PHUN TSOGS GLING BA BYAMS PA CHOS GRAGS KYIS LAM KHRID MYUR LAM GYI RGYUGS PHUL BAR BSOD BTAGS, GOS KHA GSUM, SMAN KHA GSUM 'BREL, KHA ZAM DANG DRIL, LHOR SA, ZHA LUB NGAG DBANG LHUN GRUB KYIS BU STON CHOS 'BYUNG, SMON LAM BSAM GTAN GYIS DUS 'KHOR BSDUS RGYUD DANG, CHO GA YONGS RDZOGS, RONG
, ,BYAMS CHEN PA BLO BZANG CHOS 'PHEL GYIS MNGON RTOGS RGYAN DANG PHAR PHYIN BLO BZANG DGONGS RGYAN SKABS DANG PO, BLO BZANG DPA' LDAN GYIS MDO SDE BSKAL BZANG, RGYAL CHEN RTZE BA BSOD NAMS BZANG POS PHAR PHYIN SKABS BRGYAD KYI THAL PHRENG; DPEN DGON PA YE SHES 'OD DKAR, BLO BZANG DPAL RGYAS, SBYIN PA RGYA MTSO, YE SHES RGYA MTSO, YE SHES DAR RGYAS RNAMS KYIS BDE MCHOG RTZA RGYUD, GNAS RNYING MCHOD KHANG PA BLO BZANG BKRA SHIS, GRANG MO CHE BA BLO BZANG DPAL 'BYOR DANG, DGE 'DUN DPAL LDAN, RGYAL CHEN RTZE BA DAM CHOS SMON LAM, MKHAS MCHOG NOR BU, STAG MO BA BLO BZANG LEGS PA, GCEN LUNG PA BLO BZANG RNAM RGYAL, BLO BZANG BRTZON 'GRUS, BA SHE BA BLO BZANG PHUN TSOGS, DPAL GLING SGANG PA BLO BZANG DAR RGYAS RNAMS NAS RNAM 'GREL GYI THAL PHRENG LE'U BZHI BCAS KYI RGYUGS PHUL BAR BSTAN RGYUN LA PHAN CHED GNANG CHA BZANG PA STZAL, ` SKYES BDAG CES PA LCAGS MO LUG GI LO DGA' STON SOGS SNGAR BZHIN MDZAD, LHA LDAN DU GONG MA CHEN PO'I BKAS MNGAGS PA'I JO'U HOS AAM PAN DANG RNAMS RGYAL AAM PAN, JAR GO CHI, BI CHE'I CHI, TZONG BIN, DMAG MI LNGA BRGYA RNAMS 'BYOR BA'I MTSAMS 'DRI ZUR GSOS BCAS STOB PAR MGRON GNYER BLO BZANG RGYAL MTSAN DANG LO TZ'A PA DKA' CHEN YE SHES CHOS 'PHEL RDZONG STA GNANG, TSES BZHI'I NYIN SRAS MO BSAM GRUB SGROL MA NGO G-YOG LA 'DOD CHOS CI RIGS DANG THON PHYAG KYANG STZAL, RI GDONG PA'I ZHABS DRUNG RDO RJE DPAL 'BYOR GYIS GTZOS PA'I SKU NGO KHA SHAS, WA SHUR BSOD NAMS NOR BU'I BLA MA, GONG MA'I GSER YIG DANG BCAS BI CHE'I CHI NGO G-YOG 'BYOR PAR
PHYAG DBANG JA SRAL SOGS GNANG, THON PHYAG SKABS GONG MA'I ZHU LAN DANG NGO G-YOG LA GNANG SKYES KYANG BSTABS, ZLA BA GNYIS PA'I TSES GNYIS NAS RIM BZHIN MTSO SNGON PHUN TSOGS WANG GI SRAS DGA' LDAN RAB BRTAN NGO G-YOG ,HAL HA DA LAS PE'I SI'I BLA MA BCAS KYI DANG CHEN PA, MTSO SNGON DAR RGYAS JA SAG NGO G-YOG ,DGA' LDAN SHI RE THU'I GCUNG T'A BLA MA NGO G-YOG ,TSA GAN TI YAN CHI'I DGE SGRUB PA SOGS LA PHYAG DBANG JA GRAL BKA' 'DRI BCAS GNANG, KHONG PA SO SO NAS ZANG ZING GI BDOG PA GYA NOM PA PHUL BAR 'DOD CHOS CI RIGS DANG THON PHYAG KYANG DNGOS GTZANG PA STZAL, TSES NYER GNYIS NAS BZUNG BCAD RGYA MDZAD DE YI DAM LHA'I LJAGS BSNYEN LA GZHOL BA GNANG, SA GA ZLA BA'I TSES BZHI'I NYIN HAL HAR BLA MAR 'GRO MI MDANGS CHEN PA DKA' CHEN BLO BZANG LEGS GRUB KYIS TSOGS DBUR SPYAN DRANGS TE DNGOS 'BUL DANG BCAS ZHABS BRTAN GSOL 'DEBS ZHUS, TSES NYER GCIG GI NYIN BSAM SDINGS SPRUL SKU'I YANG SRID BKRA SHIS RTZER 'KHRUNGS PA NGOS 'DZIN GRUB PAS MYUR DU GDAN 'DREN PA 'BYOR RGYUR THON PHYAG ZHU BAR SPRUL PA'I SKU DANG YUM BCAS PHEBS PAR PHYAG DBANG JA GRAL MTSAMS 'DRI GNANG SKYES GYA NOM PA BCAS STZAL CING KHRI 'DON DU BKRA SHIS RDZONG KHA'I GNYER PA RDZONG STA MDZAD, ZLA BA BDUN PA'I TSES BDUN GYI NYIN AANG KAR ZHABS DRUNG 'BYOR TE DNGOS 'BUL DANG BCAS ZHABS BRTAN GSOL 'DEBS ZHUS SHING DUS 'KHOR SGRUB THABS 'JAM DPAL DGONGS RGYAN GYI LUNG STZAL, KHONG PA NAS RJE BLA MA MCHOG DGUNG LO BRGYA PHRAG BRGAL BA BZHUGS PA'I RTEN 'BREL DU DNGUL SRANG SUM BRGYA LAS GRUB PA'I SKU BRNYAN BZHENGS GROGS THUGS RJE CHE DGOS TSUL GYI RGYU DANG
, ,RANG BYON YIN TSUL KHA SHAS BCAS PHUL, 'GRO KHAR THON PHYAG KYANG STZAL, ZLA BA BRGYAD PA'I TSES GCIG GI NYIN KHRI CHEN NO MON HAN NGAG DBANG MCHOG LDAN ZHI BAR GSHEGS PA'I DGONGS RDZOGS 'BUL MI 'BYOR TE SA LAM GYI BGROD PA MTHAR PHYIN PA'I THUGS DMIGS MDZAD, YONGS 'DZIN ZHAL SNGA NAS LAS RGYAL BA'I BKA' 'GYUR RO COG GI LUNG LO SNGA MA NAS GSAN PA LO 'DI'I ZLA BA DBU PA'I TSES LNGA'I NYIN GRUB STE BKA' DRIN BSAB CHED DU DNGUL GYI MAndAL, GSER SRANG GSUM, DNGUL SRANG BRGYA, DGU TSAN BDUN BCAS 'BUL BA MDZAD DO, ,BU RAM SHING PA'I LJAGS YANGS PADMO LAS, ,LEGS 'ONGS GANGS CAN LJONGS SU 'GYUR RO COG ,RIM PAR GSAN PA'I BDUD RTZI'I CHU RGYUN GYIS, ,KHYOD THUGS RIN CHEN BUM BZANG LHAG PAR GTAMS, ,DE LTA'I RNAM THAR MCHOG GI ROL MO YIS, ,RGYAL RNAMS DGYES PA'I 'DZUM DKAR SPRO BYED CING, ,DKAR PO'I PHYOGS SU GYUR PA'I LHA RNAMS KYANG, ,KUN DGA'I GLU DBYANGS SRID RTZE'I BAR DU SGROG ,TSES BCU GCIG GI NYIN GONG MA CHEN PO'I SKU'I MTSAMS ZHUR 'GRO MI DKA' BCU YE SHES BSHES GNYEN NGO G-YOG 'BYOR PAR GSER YIG GNANG RTEN 'CHAR CAN THOG 'PHAR SHEL SPYAD MANG PA, SKU SNYE, BZHUGS 'BOL BCAS STZAL BA BZHES, TSES BCU BZHI'I NYIN MTSO SNGON RDO RJE WANG GI AEL CHI BLO BZANG DPAL 'BYOR DANG DHA YAN TU RA'I CHOS RJE DKA' CHEN BLO BZANG TSE RING GNYIS SO SO NAS DNGOS 'BUL GYI BDOG PA BSTAR, TSES NYER GSUM GYI NYIN BKA' GDAMS BSTAN PA'I SROG SHING PHUR BU LCOG DPON SLOB MJAL BAR PHEBS TE DNGOS 'BUL SBAM MTHOB DANG BCAS ZHABS
BRTAN GSOL 'DEBS ZHUS SHING GANG CI'I GSUNG GLENG DMAR BA MDZAD, MGRON GNYER BLO BZANG RGYAL MTSAN CHED RDZONG MDZAD DE RGYAL DBANG THAMS CAD MKHYEN GZIGS CHEN POR MAndAL, GSER SRANG GSUM, DNGUL RTA RMIG BCU DRUG SOGS ZHABS BRTAN DNGOS 'BUL SBAM MTHO BA DANG, STON MO'I DOD DNGUL SRAD SUM BRGYA, RNAM RGYAL GRVA TSANG PA DANG RTZE DRUNG BCAS NYIS BRGYA DGU BCU GO BRGYAD LA BAL tAM GSUM RE 'GYED DANG, SPYI 'BUL BSTABS, GONG MA'I MI DRAG BOD BZHUGS RNAMS LA YANG MTSAMS 'DRI'I RTEN STZAL, GNAM GANG GI NYIN GZIMS CHUNG DU BLA MA BYAMS PA RIN PO CHER DKAR SPRO DANG BCAS CHOS KYI GSUNG GLENG MDZAD, ZLA BA BCU PA'I TSES GSUM GYI NYIN RJE MEE TRI'I MTSAN CAN GYI DRUNG DU RDO RJE RNAM 'JOMS KYI RJES GNANG BYABS KHRUS DANG BCAS PA, TSES LNGA DANG DRUG NAS RIM BZHIN YONGS 'DZIN RJE ZHAL SNGA NAS LAS 'JAM DBYANGS CHOS SKOR GYI LHA TSOGS RNAMS KYI RJES GNANG DANG, 'PHAGS PA SPYAN RAS GZIGS PHYAG BZHI PA DANG RDO RJE SEMS DPA', BDE MCHOG DANG 'JIGS BYED KYI SNGAGS BTU'I RJES GNANG BCAS ZHUS TE GTANG RAG GI YON KYANG PHUL, TSES DRUG GI NYIN BLA MA BYAMS PA RIN PO CHER THON PHYAG STZAL, DE NAS RIM BZHIN SA SKYA BDAG CHEN DPON G-YOG MJAL KHAR PHEBS NAS DNGOS 'BUL BZANG BA BTEG PAR MJAL KHA DANG JA GRAL THOG BKA' 'DRI ZHIB TU PHEBS, BKUR GZOS SNGAR BZHIN MDZAD CING THON PHYAG MI DMAN PA GNANG, CHAB MDO ZHIB BZANG PO'I SPRUL SKU NGO G-YOG DANG DAR MDO'I TSONG BA KHA SHAS LA PHYAG DBANG, SPRUL PA'I SKUR JA GRAL BKA' 'DRI BCAS STZAL, ZLA BA BCU GCIG PA'I TSES BRGYAD LA SPEL RKYANG RJE
, ,DRUNG BLO BZANG RNAM RGYAL GYIS BKA' 'GYUR YONGS RDZOGS, THANG GA BCU DGU SOGS DNGOS 'BUL BTEG ,MTHO LDING MKHAN PO DANG, MTSO SNGON DKON MCHOG WANG GI BANG CHEN 'BYOR ZHING THON PHYAG SKABS GNANG CHA ZHU LAN BCAS STZAL, TSES GNAM GANG NYIN BKRA SHIS RTZE NAS YAB RJE DPON G-YOG PHEBS PAR PHYAG DBANG DANG JA GRAL THOG GSUNG MCHID RGYAS PA GNANG, LO 'DI NANG DU GTING SKYES, DUR SMRIB, ,G-YU LO BCAS KYI SGROL MA'I SKU MDUN DU MCHOD PA DANG, GNYER GTAD, GZIMS SER; DKYIL KHANG SOGS DANG PHYOGS KYI CHOS SRUNG GI GNAS GZHI KHAG TU BSKANG GSO, LHAG LNGA BRAG TU DKAR PO CHOG BRGYAD, DBUS GTZANG GI GRUB MTHA' RIS MED KYI DGON KHAG RNAMS DANG, SGRUB SDE RNAMS SU DGOS CHA STZAL TE ZHABS BRTAN SKU RIM MTHA' YAS PA BSGRUBS, NGAG DBANG DPAL 'BYOR GYIS BKA' BZHI'I RGYUGS PHUL BAR, GOS CHEN DANG, SMAN RNYING KHA PHYED BZHI 'BREL, DRIL, KHUM BU, LHO RAS BCAS GNANG, GRANG MO CHE PA BLO BZANG SBYIN PA DANG, BLO BZANG DAR RGYAS, YE SHES BRTZON 'GRUS, BLO BZANG RTA MGRIN, BYANG PA SPANG YUL BA BLO BZANG CHOS 'PHEL BCAS NAS RNAM 'GREL GYI THAL 'PHRENG LE'U BZHI, 'BRONG RTZE PA BLO BZANG SHES RAB KYIS DUS 'KHOR DANG GSANG BA 'DUS PA'I CHO GA YONGS RDZOGS, DBEN DGON PA DPAL LDAN TSES GRAGS DANG ZLA BA RGYAL MTSAN GYIS BDE MCHOG RTZA RGYUD DANG SHES RAB CHOS 'PHEL GYIS GSANG BDE 'JIGS GSUM GYI BSKYED RIM, SHES RAB BSTAN 'DZIN GYIS BDE MCHOG BSKYED RDZOGS DANG 'DOD 'JO, BLO BZANG MKHYEN BRTZES LAM RIM DMAR KHRID,
LUNG DGA' LDAN PA BLO BZANG 'OD ZER, CHOS 'KHOR LHUN PO PA KLU SGRUB DPAL BZANG, TSUL KHRIMS DPAL LDAN RNAMS KYIS BYAMS CHOS SDE LNGA BCAS KYI RGYUGS PHUL BAR GNANG CHA SNGAR RGYUN LTAR STZAL, ` AANG KI RA ZHES PA CHU PHO SPRE'U'I LO ZLA BA DANG PO'I TSES BRGYAD LA MTHO LDING MKHAN PO SRANG PA DKA' CHEN BLO BZANG 'PHRIN LAS KYIS TSOGS DBUR SPYAN DRANGS RE DNGOS 'BUL SBAM MTHO BA DANG BCAS ZHABS BRTAN PHUL, TSES BCU GNYIS KYI NYIN GZIMS CHUNG DU YONGS 'DZIN BLO BZANG BZOD PA'I ZHAL SNGA NAS KYIS DNGOS 'BUL DANG BCAS ZHABS BRTAN GSOL 'DEBS ZHUS, 'DI SKABS RGYAL BA'I DBANG PO THAMS CAD MKHYEN GZIGS CHEN POR DBANG LUNG RJES GNANG SOGS BKA' CHOS KYI RIM PA ZHUS CHOG PA'I SNYAN SGRON SNGON DU PHUL BAR ZHAL BZHES GNANG BA LTAR, 'DI LO ZLA BA LNGA PA'I NANG DU BCAR CHOG PA DGOS TSUL GYI ZHU YIG 'BUL BA GNANG, YONGS 'DZIN ZHAL SNGA NAS KHRAG RLUNG GI SNYUN GZHI DANG SKU RKED MA BDE BA GNYIS 'DZOM GYIS BSNYUN PAR SNGA SOR RTA NAG 'BU RU'I TSA CHU'I 'PHROD BSTAN GNANG BAS PHAN PA BYUNG ZHING DA LAM YANG AE YONG DGONGS TE DER BYON PAS, PHAR LAM SNYUN GZHI JE CHER SONG STE CHAB TSAN LA CUNG ZAD BZHUGS KYANG MA PHAN PAR SKYABS MGON MCHOG NAS BKA' GNANG BA LTAR TSUR PHEBS PA ZLA BA GSUM PA'I TSES BCU GCIG LA BKRA SHIS LHUN POR 'BYON THUB TZAM BYUNG, BLA BRANG NAS KYANG 'DUS TSOGS SU MANG JA SOGS SKU RIM GANG DRAG MDZAD KYANG SKU KHAMS DVANGS BSKYED MED PAR TSES NYER GSUM GYI THO RANGS KYI CHA LA SKU GSHEGS PAR, RJE BLA MA MCHOG NAS RGYAL BA'I DBANG POR LJAGS BSNGO ZHU TE
, ,DNGUL SRANG BRGYA, GOS YUG GIS GTZOS PA'I BRGYAD TSAN BZANG BA DRUG DANG ZHU YIG RTEN SPRAGS RNAMS 'BUL BA GNANG, DE BSTUN YONGS 'DZIN GSAR BA SGO'I SKOR SNYAN DBANG DU RJES SU GSOL CHOG PA DANG, GONG MA CHEN POR YONGS 'DZIN SKU MA 'TSO BA'I GNAS TSUL 'BUL BRGYUD BCAS ZHU BA MDZAD, DE DANG STABS MTSUNGS SU AAM PAN GNYIS LA'ANG GNAS TSUL GYI ZHU YIG BCAS 'BUL MI 'PHRAL RDZONG GNANG, DGONGS RDZOGS SU DMIGS 'DUS TSOGS SU MANG JA DRUG DANG 'GYED DNGUL BA LA tAM RE, RNAM GZHAG BCAS DANG MCHOD KHANG CHEN PO RNAM GNYIS KYIS DBUS LHA KHANG RNAMS SU SNA LNGA'I MCHOD PA RGYAS PA, RGYUD PA GRVA TSANG DU DPAL GSANG BA 'DUS PA'I CHOG MDZAD RGYUR NYIN GANG ZHABS TOG GZAB PA DANG YON DGE 'DUN RER DNGUL BAL tAM RE, RI KHROD CHE KHA RNAMS SU MANG JA BCU RE DANG, 'GYED DNGUL SKAR LNGA RE BCAS RGYA CHE GNAD SMIN BSGRUBS, GONG MA CHEN POR YONGS 'DZIN PA SKU GSHEGS PA'I GNAS TSUL YANG 'BUL BA MDZAD, RGYAL DBANG MCHOG DANG AAM PAN ZUNG NAS YONGS 'DZIN 'PHRAL DU BSKO BA GNANG DGOS TSUL BYUNG BA BZHIN, DKYIL KHANG ZHAL SNGA NAS BLO BZANG CHOS 'PHEL DGONGS PAR BABS TSUL AAM PAN BRGYUD GONG DU 'BUL BA MDZAD, SA GA ZLA BA'I TSES BZHI LA GTZANG MDA' DBON PAD TSAL BAS DNGOS 'BUL GTOS CHE BA BTEGS PAR SLOG CHA YANG MI DMAN PA STZAL, ZLA BA LNGA PA'I NANG DU PE'I CING DU 'GRO MI CHOS RJE DKA' BCU BLO BZANG LEGS GRUB NGO G-YOG LA THON PHYAG GNANG ZHING GONG MCHEN POR ZHU YIG RTEN CHAS KYANG SNGAR RGYUN LTAR PHUL, DA LAS WANG GI SKABS
SU CHIBS BSGYUR GNANG SKABS LAM THOG MI SER LA DKA' SPYOD CHE TZAM BYUNG BAR BRTEN, LO 'DIR SNE SHAN PA GTONG MI DGOS TSUL ZHUS PAR SNGAR BAS MA NYUNG TZAM GTONG RTZIS YIN TSUL PHEBS PAR, YANG SBYAR ZHU YIG TU RAB GONG ZHUS LTAR DANG, GAL SRID RTEN 'BREL SOGS LA MI BTUB PA BYUNG TSE NYUNG BSDUS SHIG LAS MI GNANG BA DGOS TSUL ZHUS PAR, GANG NYUNG YIN TSUL GYI BKA' DANG BCAS MGRON GNYER YON TAN LEGS GRUB DANG, ZHOL SDE PA LHA LUNG RTZE PA, CHOS SDE CHEN PO GSUM THUN MONG NAS 'BRAS SPUNGS SPYI GNYER BCAS TSES NYER GCIG LA 'BYOR ZHING, KHONG RNAMS LA RGYAL BA'I DBANG BO'I BKA' PHEBS SU, DA LAM CHIBS BSU BA WANG GI DUS LAS MI NYUNG BA GTONG RTZIS YIN KYANG, BKRA SHIS LHUN PO NAS BKA' NAN CHE STABS NYUNG BSDUS TZAM LAS MED, KHYED RNAMS KYIS PHEBS BSU DANG PHEBS LAM TSA ZHAG GANG SAR GSOL CHAS DANG CHU CHAG BCAS MI SER NAS BSDU 'BREL MIN PAR RJONG GZHIS 'BREL MTSUNGS NAS GANG DGOS PHUL TE, JI SONG LA SLAR SDOM 'DZIN BTANG CHOG PA BYAS PAS GRA GANG 'GRIG GIS ZHABS 'DEGS CHE BA YONGS PA DANG, NGOS LA LJONGS 'DIR MCHOG SPRUL RIN PO CHE LAS LHAG PA'I DGOS GAL CHE BA CI'ANG MED PAS, GRA MA 'GRIG BYUNG NA MI THUS PAS DE LUGS KYI ZHABS 'DEGS GANG DRAG YONG PA BYED CING, CHIBS DREL SOGS LA CHAD LUS BYUNG TSE NGOS RTA 'UL SOGS GANG DGOS DANG, RTA THAB G-YOG KYANG GANG DGOS BTANG BAS GANG CI'I THAD ZHABS 'DEGS YANG DAG YONG BA DGOS TSUL GYI BKA' NAN SHIN TU CHE BA STZAL, RTA THAB KYI G-YOG TZAM MA GTOGS LAM BAR GYI CHAS CHU CHAG SOGS DGOS CHA'I RIGS CI YANG ZHU
, ,DGOS MED TSUL SNE SHAN RNAMS LAN NA CHER GSUNG RUNG, DE LTAR BYAS NA SKU ZHABS RIN PO CHE'I BKA' DANG 'GAL 'GRO ZHING, SNGON DU RDZONG KHAG RNAMS SU YI GE YANG BTANG TSAR BAS BYA THABS MCHIS ZHES ZHU BA GNANG, GONG GSAL CHIBS BSU BA RNAMS LA 'BUL BA'I SLOG DANG GNANG SKYES MI DMAN PA STZAL, TSES NYER LNGA LA BKRA SHI LHUN PO NAS CHIBS KHA BSGYUR ZAM CHEN GYI SHAR DU GZHIS RTZE RDZONG NAS THAB SKYEL ZHUS, ZHA LU DANG NGOR PA SOGS YE SKOR DGON KHAG KHA SHAS KYI SER SBRENG, RDZONG DPON SOGS KYI CHIBS SKYEL, MI SDE'I BRO GZHAS PA SOGS LA GNANG CHA STZAL, DE NAS BYANG LAM BRGYUD DE DBUS SU PHEBS PAR, LAM THOG TU GNAS PA'I DGON SDE RNAMS NAS SER SBRENG DANG, MI SDE RNAMS NAS GLU GZHAS BRO GAR GYI BSU BA BAR MA CHAD DU BYUNG ZHING, RDZONG SDOD, SGER PA, LDING DPON, GZHIS GNYER SO SO DANG DGON KHAG RNAMS KYIS CHIBS BSU SKYEL ZHUS SHING GONG SMOS SER SBRENG PA, BRO GZHAS PA, BSU SKYEL BYED MI, RTA THAB KYI G-YOG RNAMS LA LUGS SROL LTAR GYI GNANG SKYES, DNGOS 'BYOR GYI 'BUL BA DANG BCAS SGER MJAL ZHU MI RNAMS LA'ANG 'BUL SLOG KYANG BABS DANG BSTUN TE STZAL, NYIN RE BZHIN SKYE BO BRGYA STONG MANG PO MJAL DU BYUNG BA RNAMS KYI RE BA SKONG BAR MDZAD, GZHAN MA RAGS RIM DBUS PHEBS GONG MA'I SKABS DANG CHA MTSUNGS PAS DE NAS RIM GYIS PHEBS PAR ZLA BA DRUG PA'I TSES LNGA'I NYIN SER 'BRAS GNYIS KYI BLA MA, SPRUL SKU, LAS SNE, SKYOR MO LUNG MKHAN SPYI, DGA' GDONG SKU RTEN PA SOGS DU MA'I CHIBS BSU DANG, PAR BU DGON PA, GRA RMIG RTZE BA, THANG SKU BA BCAS
KYI SER SBRENG DANG BCAS SNANG RTZER GSOL TSIGS THOG BOD BZHUGS PAN DE AAM PA NA, RNAM RGYAL AAM PAN, RDO RJE AAM PA NA SOGS KYI MTSAMS ZHU BA 'BYOR BAR PHYAG DBANG 'BYOR LAN STZAL, DE NAS SER SKYA MANG PO'I CHIBS BSU DANG, SKYOR MO LUNG BA DANG, DGA' BA GDONG PA'I SER SBRENG BCAS SKYAR POR ZHABS ZUNG BKOD THOG JAR GO CHI SOGS DPON CHUNG RNAMS PHEBS BSUR 'BYOR TE DKAR SPRO DANG PHYAG DBANG STZAL, CHOS DRUG GI NYIN SER 'BRAS KYI BLA MA, SPRUL SKU, LAS SNE SOGS RTA PA BRGYA PHRAG MANG POS MDUN BSUS NAS MTSAN NYID GLING KHAR 'BRAS SPUNGS SPYI SO'I THAB 'DZIN SAR PHEBS, GNAS CHUNG CHOS SKYONG SKU PHEBS NAS MJAL DAR PHUL, PHAR YANG CHOS SKYONG LA SGRON DAR KHA BTAGS SNA LNGA DANG MTHUN RDZAS SPYAN GZIGS SOGS BSTAR, SER 'BRAS KYI BLA MA, SGRUL SKU, LAS SNE SOGS GRAL DU 'KHOD THOG SPYI SO NAS DKAR SBRO DANG DNGOS 'BUL BTEG ,BLA MA DANG LAS SNA SOGS LA BSHAD SGRUB DANG SGRIGS LAM SKOR GYI BKA' 'DRI PHEBS, SO SOR PHYAG MDUD DANG SPYI SOR SLOG CHA GNANG, GSOL TSIGS RA BAR GZHUNG NAS THAB BSU'I THOG AAM PAN GSUM, T'A BLA MA, KH'A, JAR GO CHI, BI CHA'I CHI, BKA' BLON SOGS RGYA BOD KYI MI DRAG RNAMS DANG GZHAN MA BCAS NAS DBUS PHEBS SNGON MA LTAR GYI CHIBS BSU BA SER SKYA STONG PHRAG BRGAL BA 'BYOR BAR PHYAG DBANG STZAL CING MI DRAG RNAMS LA BKA' 'DRI GNANG, PHO BRANG PO TA LA'I NYE 'DABS SU RNAM RGYAL GRVA TSANG PA, RME RU BA, BZHI SDE PA, LCAGS RI RIG BYED GLING PA BCAS KYI SER SBRENG RGYAS PA, SKYE BO GOS RGYAN PHUN SUM TSOGS PA DANG LDAN PA DU MA'I BRO GZHAS PA BCAS KHAG
, ,MANG PO TSAR DU DANG RA, PHO BRANG CHEN PO'I RTZE NAS DAR 'PHYAR, DUNG 'BUD, RGYA GLING, MDO DAR LA SOGS PA'I ROL MO'I BYE BRAG DU MA DANG BCAS BKUR GZOS MDZAD, GZIMS CHUNG NYI 'OD 'KHYIL PAR RGYAL DBANG MCHOG LA RJE NYID NAS PHYAG 'TSAL BA DANG BCAS MDZOD BTAGS ZUNG 'BREL 'BUL BA MDZAD, DE NAS YAB SRAS GNYIS BZHUGS KHRI SO SOR ZHABS ZUNG BKOD DE PHAN TSUN THUGS SHIN TU DGYES PA'I GSUNG GLENG MDZAD, ZHAL BSRO'I DKAR SPRO BTEG ,YAB SRAS GNYIS TSOMS CHEN DU PHEBS, RGYA BOD KYI MI DRAG ,SER 'BRAS KYI BLA MA, LAS SNE, DRUNG 'KHOR BCAS SER SKYA MANG POS MJAL KHA ZHUS SHING BZHUGS GRAL DU 'KHOD PAR GZHUNG NAS GSOL STON GZAB RGYAS BTEG ,DGE PA'I BSHES GNYEN GNYIS NAS LEGS PAR BSHAD PA'I DGA' STON SPEL, 'BEL GTAM PA DANG GAR BA SOGS KYI SPROS PA YANG BSTAR ZHING DGA' BDE PHUN SUM TSOGS PA'I DPAL LA ROL PAR GYUR, STON MO GROL NAS RJE BLA MA NYID GZIMS CHUNG BDE BA CAN DU BZHUGS STAN 'JAGS, SER SBRENG PA RNAMS LA MANG 'GYED DANG, BRO GZHAS PA RNAMS LA GNANG CHA STZAL, TSES BDUN GYI NYIN GZHUNGS NAS RJE NYID DANG PHYAG MDZOD CHEN MOR GSOL CHAS RNAMS GSOL THAB NAS NAR MAR 'BUL RGYU DANG, YONGS 'DZIN PA DANG ZHABS 'PHYI DAG 'BRING DKYUS SOGS LA PHOGS ZUR GSOS SOGS DGOS CHA TSAD MED PA BSTABS, DE NYIN PAN DE AAM PA NA NAS DNGUL RTA RMIG MA BZHI, GOS YUG BRGYAD SOGS DANG, AAM PAN GNYIS SOGS GZHAN MA RNAMS NAS KYANG ZANG ZING GI BDOG PA BSTAR ZHING
SO SOR MJAL KHA, DKAR SPRO, PHYAG MDUD, SPOS SNAM SOGS GNANG SKYES STZAL, T'A BLA MA DANG KH'A GNYIS PHYIR THON RGYUR DE LUGS KYI THON PHYAG GNANG, DE NAS RIM BZHIN AANG KAR ZHABS DRUNG DANG SE RA'I BLA MA KHAG BDUN, MKHAR RDO SPRUL SKU, LCAGS RA SPRUL SKU; DVAGS PO SPRUL SKU, SLE RI SPRUL SKU, SMAN KHANG BLA MA, SE RA'I DBU MDZAD SOGS LAS SNE, N'A LENDRA MKHAN PO, SER 'BRAS KYI DGE 'DUN MANG PO, LCAM BDE LDAN SGROL MA, PHYAG DPE DRUNG YIG PA, GSUNG 'BUM PAR BRKOS PA DANG BRIS PA, SLOB PHRUG PA, RGYA MI KHA SHAS, SBRA NAG ZHOL PA SOGS SER SKYA DU MA LA PHYAG DBANG DANG, DRAG GRAS RNAMS LA JA GRAL BKA' 'DRI BCAS STZAL, DGA' LDAN KHRI RIN PO CHE MJAL ZHUR PHEBS PAR GDAN THOB SOGS BKUR GZOS CHE BA MDZAD, BKA' BLON RNAMS MTSAMS ZHUNG BYON PAR PHYAG DBANG DANG JA GRAL GNANG, TSES BCU GCIG NYIN BLA BRANG NAS RGYU YON SBYAR TE TSOMS CHEN DU RGYAL BA'I DBANG PO SPYAN DRANGS THOG STON CHEN DANG, RNAM RGYAL GRVA TSANG GIS GRUB RGYAL LUGS KYI TSE CHOG GI SGO NAS ZHABS PAD YUN RING DU BRTAN PA'I BDEN TSIG BRJOD DE, DNGUL GYI MAndAL, SKU GSUNG THUGS RTEN, NA BZA' NYER SPYAD, GSER SRANG LNGA BCU NGA GSUM, DNGUL RTA RMIG MA BRGYA DANG GCIG ,DNGUL GYI SBYAD PA, GOS DAR SOGS KYI DKU TSAN BRGYA DANG BZHI BCU ZHE DGU BCAS BSTAR NAS RJE BLA MA MCHOG GIS MAndAL PHYAG TU THOGS TE BSTAN PA DANG 'GRO BA'I PHAN BDE'I SPYI DPAL CHEN POR ZHABS PAD BGRANG BYA KHRI PHRAG GI BAR DU BRTAN DGOS PA'I GSOL 'DEBS GDUNG SHUGS DRAG PO MDZAD, TSES BCU GNYIS LA LA MO CHOS SKYONG CHEN PO SKU GSOL ZHUS, DE NYIN
, ,LHA KHANG RNAMS SU RTEN GZIGS MDZAD PAR PHEBS TE RTEN RNAMS KYI DRUNG DU MCHOD PA, SNYAN SHAL SOGS PHUL TE THUGS SMON GNANG, SER 'BRAS DGE GSUM, RGYUD STOD SMAD, RNAM RGYAL GRVA TSAD BCAS LA MANG JA DANG 'GYED DNGUL SRAD RE, SE RA AUR GE GRVA TSANG DANG, RME RU GNYIS LA DNGUL ZHO DO RE, RVA SGRED, YANG DGON, PHUR BU LCOG ,PHA BONG KHA, BKRA SHIS LJONGS, 'PHYONG RGYAS RI BO BDE CHEN, CHOS 'KHOR RGYAL, DVAGS PO BSHAD SGRUB GLING, RTZE THANG BKRA SHIS DGA' LDAN CHOS 'KHOR GLING, MNGA' RIS GRVA TSAD, 'OL KHA RDZING PHYI, RI KHROD KYI SDE TSAD MA DANG BCAS PAR DNGUL ZHO RE, DE PHYIN LA DNGUL SKAR LNGA RE BCAS STZAL, DGA' LDAN GSER GDUNG RIN PO CHE DANG RVA SGRENG JO BO 'JAM DPAL RDO RJE, STAG LUNG CHOS SDE'I RGYAL BA 'BROM GYI SNANG BRNYAN, CHOS 'KHOR RGYAL DANG GRVA BYAMS PA GLING GI BYAMS MGON, RDZING PHYI'I BYAMS PA RANG BYON GSUM LDAN RNAMS SO SOR BRGYA MCHONG SNA LNGA SNYAN SHAL DANG BCAS PA, DPAL LHA LCOG DANG RI BO DGE LDAN GYI DAM CAN CHOS KYI RGYAL PO, CHOS 'KHOR RGYAL GYI DPAL LDAN LHA MO; RA MO CHA'I MGON PO RNAMS LA DGE 'DUN BRGYAD GRVA SOGS NAS ZLA BA GCIG GI RING CHOS SRUNG DE DAG SO SO'I BSKANG 'PHRIN MDZAD RGYUR DGOS CHA, SPYAN GZIGS, SNYAN SHAL DANG BCAS PA PHUL NAS GONG MA CHEN PO SKU TSE BRTAN CING CHAB SRID RGYAS PA DANG BSTAN 'GROR PHAN BDE 'BYUNG BA'I THUGS SMON MDZAD DO, ,LHA LDAN SPRUL BA'I GZHAL MED KHANG CHEN POR, ,SANGS RGYAS DNGOS DANG MI GNYIS RTEN GYI DRUNG, ,RNAM MANG MCHOD TSOGS SPRIN BZHIN NYER DKRIGS TE, ,ZAG MED BDE BA CHEN POS DGYES PA
BSKYED, ,'PHRIN LAS DBANG SNGON SPRIN CHEN 'KHRIGS PA'I DBUS, ,RGYA CHEN GTONG BA'I GRU CHAR G-YO BA YIS, ,BSHAD SGRUB RLABS 'PHRENG STONG GIS RAB MDZES PA'I, ,DGE 'DUN 'DUS PA'I ROL MTSO CI YANG GANG, ,DE LTA'I DGE TSOGS DBU PA'I 'DZUM DKAR CAN; ;RANG DON TSA SGO CAN DU MI GZHOL BAR, ,BSTAN DANG 'GRO BA'I ZHING SAR LEGS PHAB STE, ,PHAN BDE'I LO TOG BSKUN GANG AE MA MTSAR, ,DE NAS RJE NGAG DBANG BYAMS PA, DGA' LDAN NYAG RONG BLA ZUR, SGRUB KHANG SKU SKYE BCAS LA MJAL KHA DANG JA GRAL GYI THOG CHOS KYI BKA' MCHING MDZAD, DE MO SPRUL SKU, BKA' BLON BZHI, GUNG GNYIS, SKU MDUN NANG MA, DRUNG 'KHOR RAB 'BRING DKYUS GSUM BCAS LA GO BABS DANG BSTUN PHEBS GDONG GI GNANG SKYES STZAL, AAM PA NA GSUM SOGS GONG MA'I MI DRAG RNAMS LA SPOS SNAM GYI GNANG SKYES, GRA BZHI THANG GI DMAG MI LNGA BRGYA LA MI RER DNGUL SRANG RE BCAS STZAL, DE'I PHYI NYIN MI DRAG RNAMS NAS BKA' DRIN DU PHYAG KYANG BTZAL, 'BRAS SPUNGS SPYI SO NAS YAB SRAS LHAN RGYAS LA DKAR SPRO DANG DNGOS 'BUL BTEG CING DGE 'DUN RNAMS LA PHYAG DBANG GNANG, ZLA BA DRUG PA'I TSES BCU GNYIS NYIS BRTZEGS KYI RJES MA GZA' SKAR 'PHROD SBYOR LEGS PA'I NYIN GZIMS CHUNG SA GSUM RNAM RGYAL DU RJE BLA MA MCHOG DANG, KHRI PA DRI MED, DE MO SPRUL SKU, PHYAG MDZOD CHEN MO BLO BZANG TSE DBANG SOGS YAB SRAS GNYIS KYI ZHABS PHYI NANG MA BCAS SUM CU SKOR LA RDO RJE 'PHRENG BA'I DBANG GNANG RGYU'I SNGON DU 'GRO BA SLOB MA RJES 'DZIN DANG, TSES BCU BZHI LA STA GON MDZAD, TSES BCO LNGA'I NYIN DBANG ZHU RTEN DU GSER SRANG BCU LAS
, ,GRUB PA'I MAndAL, GSER SRANG BCO LNGA LAS GRUB PA'I CHOS KYI 'KHOR LO, DUNG DKAR, GSER SRANG LNGA, DNGUL RTA RMIG BDUN, KHA BTAGS GOS YUG SOGS KYI DGU TSAN NYI SHU RTZA BDUN, RGYA SBUB DANG SIL SNYAN CHA RE, MCHOD PA'I DOD DNGUL SRANG BRGYA DANG LNGA BCU, DRI BZANG GI CHUN PO NYI SHU RTZA GCIG BCAS PHUL, RGYAL DBANG MCHOG NAS GTZUG TOR, RIGS LNGA, DAR DPYANGS, STONG G-YOGS, SMAD G-YOGS, RDO RJE DRIL BU RNAMS STZAL, DE NYIN GSANG 'DUS 'JAM PA'I RDO RJE LHA BCU BDUN GYI DBANG YONGS SU RDZOGS PA GNANG, DE NAS BZUNG STE ZLA BA BDUN PA'I TSES BCO BRGYAD KYI BAR LA RDO RJE 'PHRENG BA'I DKYIL 'KHOR ZHE GNYIS KYI THOG KRi YAS MUTZTSA LAS BSHAD PA'I DGE LEGS SU BYED PA'I DKYIL 'KHOR GSUM STE PHRENG BA DANG KRi YA SBRAGS MA'I DKYIL 'KHOR ZHE LNGA'I DBANG GSAN, DE'I PHYI NYIN BDE MCHOG L'U AI BA'I TSOGS 'KHOR GYI THOG 'BUL BA MOD MI DMA' BA BSTABS, BDE MCHOG 'KHOR LO BSGYUR DRUG DANG DUS 'KHOR GNYIS KYI DBANG GI SKABS SU DAM PA GONG MA'I PHYAG LEN LTAR RJE NYID CHAS 'JUG RUS RGYAN DANG BCAS SENGGE'I KHRI STENG DU BZHUGS SU GSOL BA'I G-YAS G-YON DU GDUGS DANG RGYAL MTSAN SOGS MCHOD RDZAS DU MA BKOD DE SHIS PA BRJOD PA'I ME TOG GI CHAR 'BEBS PA DANG BCAS GSANG CHEN RDO RJE THEG PA'I CHOS KYI RGYAL SRID CHEN POR MNGA' GSOL BAR MDZAD DO, ,GANGS RI'I MGON PO RGYAL DBANG BDUN PA NYID, ,RIGS RNAMS KUN GYI BDAG PO'I SKUR BZHENGS NAS, ,MKHA' DBYINGS RIGS LNGA'I RGYAL BA SPRIN LTAR DKRIGS, ,RIG MA'I
TSOGS RNAMS MCHOD RDZAS SNA TSOGS THOGS, ,'DOD YON LHA MO'I GLU DBYANGS SHIS BRJOD SOGS, ,NGO MTSAR MCHOD SPRIN DANG BCAS MGON PO KHYOD, ,GSANG CHEN BSTAN PA'I BDAG POR MNGA' GSOL BAS, ,SA RA HA DE MKHA' SPYOD GNAS SU GSHEGS, 'DI SKABS SE RA THEG CHEN GLING SPYI SO NAS DKAR SPRO DANG DNGOS 'BUL BTEG ,DGE 'DUN DMANGS LA MJAL KHA DANG, RNAM RGYAL GRVA TSANG NAS DKAR SPRO DANG DNGOS 'BUL BSTAR ZHING TSANG MAR MJAL KHA GNANG, SNGON DU YONGS 'DZIN ZHAL SNGA NAS SKU GSHEGS PA'I GNAS TSUL GONG MA CHEN POR PHUL PAR, GONG MA CHEN PO NAS, DGE THEBS SU MDZOD BTAGS CHE BA BRGYA DANG, CHUNG BA BRGYA, JA SBAG BRGYA THAM PA RNAMS RTA ZAM THOG STZAL 'DUG PA 'BUL BAR RGYUN BZHUGS AAM PA NA RNAMS 'BYOR PAR DKAR SPRO DANG KHA BTAGS GNANG, RGYAL DBANG MCHOG GI SKU MDUN NANG MA RNAMS KYIS SGER MJAL ZHUS, TSES BCU DRUG LA CHAB MDO SPRUL SKU DANG RA NYAG SPRUL SKU, BZHI SDE BA'I BLA MA DANG GRVA BTZUN BRGYA LNGA BCU SKOR, KHAMS TSA BA SGANG PA SOGS SER SKYA'I TSOGS MANG POR PHYAG DBANG STZAL, SPRUL SKU GNYIS DANG BZHI SDE'I BLA MA LA JA GRAL BKA' 'DRI BCAS GNANG, DE NAS RTZE SHOD KYI DRUNG 'KHOR RNAMS KYIS SGER MJAL ZHUS, JO BO SH'AKYA MU NI DANG JO BO MI BSKYOD RDO RJE GNYIS KYI SKU MDUN DU STONG MCHOD SNYAN SHAL, RANG BYUNG LNGA LDAN GYI DRUNG DU BRGYA MCHOD SNYAN SHAL BCAS PHUL, RA KHA BRAG ,SE RA RTZE, PHUR BU LCOG BCAS KYI RI KHROD PA RNAMS LA RJE'I BLA MA'I RNAL 'BYOR GYI LUNG STZAL, ZLA BA BDUN PA'I TSES GCIG LA RVA BA STOD DANG YER PA'I BLA GRVA LA PHYAG DBANG DANG, TSES
, ,GNYIS LA RGYUD STOD SMAD KYI BLA GRVA RNAMS LA MJAL KHA GNANG, MTSO SNGON CHING WANG GI SRAS MO BSAM GRUB SGROL MA SKU GSHEGS PA'I BSNGO RTEN 'BYOR TE THUGS DMIGS MDZAD, TSES LNGA LA RGYAL BA YAB SRAS TSOMS CHEN DU LHAN RGYAS THOG RI BO DGE LDAN RNAM PAR RGYAL BA'I GLING GI SPYI SO NAS DKAR SPRO DANG DNGOS 'BUL BTEG ,BLA MA LAS SNE GRVA MANG BCAS DANG, SE RA AUR GE GRVA TSANG PA RNAMS LA PHYAG DBANG GNANG, SNGON DU DKYIL KHANG ZHAL SNGA NAS BLO BZANG CHOS 'PHEL YONGS 'DZIN DU BSKOS CHOG PA, GONG MA CHEN POR SNYAN SGRON ZHUS PAR GONG MA CHEN PO NAS YONGS 'DZIN PA DE KHAS BYAS CHOG ,PAn CHEN AER TE NI LA YON TAN YAGS PO SLOB TU CHUG ,BKA' PHEB PA BZHIN BYUNG NA SLAR BDAG RKYEN YONG ZHES PA'I BKA' AAM PAN RNAMS BRGYUD PHEBS BYUNG BAR, RTA ZAM GYI THOG KHONG RANG LA YI GE GNANG BAS TSES DRUG LA 'BYOR TE GONG MA CHEN PO'I BKA' PHAB PA GSAN CING GONG DU ZHU LAN KYANG 'BUL BA MDZAD, TSES BCU GNYIS LA TSOMS CHEN DU GZHUNGS NAS GSOL STON RGYAS PA'I THOG RNAM RGYAL GRVA TSANG PA RNAMS NAS RGYAL BA TSE MTHA' YAS PA'I DKYIL 'KHOR SGRUB MCHOD KYI CHO GA DANG BCAS RGYAL DBANG MCHOG NAS RJE BLA MA MCHOG LA ZHABS BRTAN RTEN 'BYUNG DU MAndAL SNE 'DOGS CAN, SKU GSUNG THUGS RTEN; NA BZA' NYER SPYAD, GSER SRANG NYI SHU RTZA LNGA, DNGUL RTA RMIG MA BDUN CU, BLA tAm RDO TSAD BRGYA DANG GCIG ,DNGUL GYI SPYAD PA KHA SHAS, GOS DAR, ZAM RAS SOGS DGU TSAN BRGYA DANG DRUG CU RE GSUM BCAS RGYAL DBANG THAMS CAD MKHYEN PA
NAS MAndAL PHYAG TU THOGS TE SKU PHRENG GONG MA NA RIM GYI CHE BRJOD DANG, SKU 'DI NYID LA'ANG YAB RJE BLA MA'I BZHED SROL DRI MA MED PA LTAR, BSTAN PA YONGS SU RDZOGS PA'I GNAD MTHA' DAG LA GZHAN DRING MI 'JOG PA'I GSAN BSAM GYI RIM PA LA KUN TU GZHOL CING, 'CHAD RTZOD RTZOM GSUM SOGS MKHAS BTZUN BZANG PO'I MDZAD PA RMAD DU BYUNG BA'I SGO NAS BSTAN 'GROR PHAN BDE'I DGE MTSAN RGYA CHER SPEL BZHIN DU BSKAL PA BRGYA PHRAG DU MAR ZHABS PAD BRTAN DGOS TSUL LUNG 'DREN DANG BCAS ZHU BA MDZAD PAR LAN KYANG PHUL, PHYAG MDZOD CHEN MO, YONGS 'DZIN ZHAL SNGA NAS, ZHABS PHYI DRAG 'BRING DKYUS GSUM BCAS LA BABS DANG BSTUN PA'I GNANG SKYES STZAL, TSES BCU GSUM GYI NYIN RGYAL DBANG MCHOG NAS GSANG BDE 'JIGS GSUM GYI BLOS BSLANG GSAR BZHENGS MDZAD PA GRUB PAR YAB SRAS GNYIS KYIS GTZO MDZAD CHOG RIGS PA DANG BCAS RAB TU GNAS PA MDZAD, BLOS BSLANG GSUM LA MCHOD 'BUL KYANG RGYAS PA BSTAR, DRUNG 'KHOR SPYI DANG, DBUS TSO CHEN GYIS DNGOS 'BUL BSTAB, DE NAS RIM BZHIN RJE DRUNG SPRUL PA'I SKU DANG SEMS DPA' SPRUL PA'I SKU, LCOG SPE PA, KUN DGA' JA SAG GI BLA MA DANG BANG CHEN, ZANGS RI'I RJE BTZUN MA, DKON MCHOG WANG GI BLA MA'I BANG CHEN DANG CHING WANG GI MI SNA, ZHABS DRUNG LCAM SRAS BCAS, GSER THOG ZHABS DRUNG GI BANG CHEN, NYI MA THANG ZHABS DRUNG, 'DAM SOG DANG NAG CHU KHA PA SOGS SER SKYA RAB TU MANG PO LA PHYAG DBANG DANG, DRAG GRAS RNAMS LA JA GRAL BCAS GNANG, SE RA AUR GE GRVA TSANG, SE RA RTZE RI KHROD, PHA BONG KHA RI KHROD, DGE
, ,'PHEL RI KHROD, MKHAR RDO RI KHROD, RME RU CHOS SDE, PHUR BU LCOG ,RA KHA BRAG RI KHROD, BRAG RI DGA' LDAN, RI KHROD BKRA SHIS CHOS GLING, CHU BZANG RI KHROD BCAS SO SOR GDUGS SHER ZLOG BCAS MDZAD RGYUR MANG JA NYI SHU RE, RI BO DGE LDAN RNAM PAR RGYAL BA'I GLING DU SGROL SHER MDZAD RGYUR MANG JA NYI SHU, GSER GDUNG RIN PO CHER STONG MCHOD SNA LNGA'I THOG SNYAN SHAL KHA BTAGS CHE LEGS ZUNG 'BREL BCAS 'BUL BA GNANG, RGYAL DBANG MCHOG NAS RJE BLA MA NYID LA GRUB CHEN MI TRA DZO KI'I LUGS KYI DBANG CHEN STZOL RGYUR TSES NYER GNYIS LA BYA RGYUD KYI STA GON DANG, DE'I PHYI NYIN NAS BZUNG DBANG DNGOS GZHI GNANG BAR SNGA DRO LHA MO DBYANGS CAN MA DANG, PHYI DOR DZAMBHA LA'I DBANG STZAL, DE'I PHYI NYIN NAS BZUNG STE DE'I 'PHROS BYA RGYUD KYI DBANG RNAMS STZAL CING, RGYUD SDE PHYI MA RNAMS LA'ANG STA GON RE RE MDZAD DE DBANG DNGOS GZHI STZAL, BLA MED KYI NANG TSAN THUGS RJE CHEN PO RGYAL BRGYA MTSO LHA DGU'I DBANG STZAL SKABS RGYAL DBANG MCHOG NAS 'KHOR LO, NOR BU, RDO RJE, PADMA, SNA TSOGS RDO RJE, MIG SMAN, MIG THUR, ME LONG, MDA' GZHU, THOD d'AR, STAN GYI 'KHOR LO RNAMS STZAL, ZLA BA BRGYAD PA'I CHOS GCIG LA BKA' GDAMS 'KHYIL BAR YAB SRAS LHAN RGYAS THOG SER 'BRAS GNYIS KYI BLA MA, LAS SNE, 'BRAS SPUNGS HAR GDONG DANG BSAM BLO KHAMS TSAN GYI GRVA MANG, JA SAG THE'I JI, LHA SA'I BLA BO RNAMS BCAS LA PHYAG DBANG STZAL, 'DI SKABS YAB SRAS GNYIS Ri shI'I CHAB KYI 'PHROD BSTEN NYI MA BDUN TZAM GYI RING MDZAD CING CHAB GNANG SKABS SNGA DRO DBANG RE 'BUL
BA MDZAD, SKABS 'DIR GZHUNG NAS ZUR GSOS GTOS CHE BA PHUL, TSES BDUN LA SER 'BRAS GNYIS, AUR GE GRVA TSANG, RME RU CHOS SNGE, BKRA SHIS LJONGS, RI KHROD KHAG RNAMS SU DGOS CHA STZAL TE ZHABS BRTAN RGYA CHER BSGRUBS, TSES BCU GSUM GYI NYIN THANG SAG DGA' LDAN CHOS 'KHOR BA TSOGS YONGS DANG, DOL GSUNG RAB GLING BA, DGE 'PHEL RI KHROD PA SOGS SER SKYA DU MAR PHYAG DBANG GNANG, ZLA BA DGU PA'I TSES GSUM LA MI TRA LUGS KYI DBANG RDZOGS PAR GRUB NAS, DPAL RDO RJE 'JIGS BYED LHA BCU GSUM MA'I DBANG DGYES BZHIN DU STZAL TE, LHA MCHOG 'DI NYID LA YI DAM GYI MTHIL DU MDZAD NA MCHOG DANG THUN MONG GI DNGOS GRUB BDE BLAG TU 'GRUB PAR 'GYUR RO ZHES BKA' PHEBS, DBANG RNAMS GRUB PA'I MJUG TU DBA' BO MKHA' 'GRO'I TSOGS RNAMS DGYES PA BSKYED CING DAM TSIG NYAMS CHAGS BSKANG BA'I PHYIR BDE MCHOG GI TSOGS 'KHOR RGYAS PA MDZAD, NYIN DER SBRA NAG ZHOL BA TSE BRTAN BKRA SHIS KYIS DNGOS 'BUL DANG BCAS ZHABS BRTAN GSOL 'DEBS ZHUS, TSES DRUG LA MKHAN NANG 'BYOR BAR GONG MA CHEN PO'I MTSAMS ZHU MDZAD, TSES BRGYAD LA DUS 'KHOR GYI DBANG GSAN PAR SLOB MA RJES 'DZIN MDZAD CING, DGU LA STA GON GNANG, DE NAS SA CHOG ,RDUL TSON DANG BCAS PA BSGRUBS NAS, TSES BCO LNGA NAS MKHAS GRUB RIN PO CHE'I SGRUB DKYIL DANG MTHUN BAR BYIS PA LTAR 'JUG PA'I DBANG BDUN, DBANG GONG MA, GONG CHEN, RDO RJE SLOB DPON BDAG PO CHEN PO'I DBANG BCAS NYI MA GNYIS KYI RING PHYAG LEN RNAM PAR DAG CING GSUNG BSHAD NGO MTSAR BA DU MA DANG BCAS STZAL, CHING WANG GI
, ,BANG CHEN PA RNAMS LA 'BYOR LAN DANG THON PHYAG GNANG, LA MO SKU RTEN PA, DAR HAN PE'I LI'I BANG CHEN, BLA MA DAM CHOS KYI SKU SKYE, GUNG 'GYUR MED DBANG RGYAL, CHU BZANG BLA MA, RGYAL MO RONG PA KHA SHAS, TRE BO MA ZUR GYI BANG CHEN, RGYA STON SPRUL SKU, SEMS DPA' SPRUL SKU'I YAB SOGS SER SKYA SHIN TU MANG POR PHYAG DBANG DANG DRAG GRAS LA JA GRAL BCAS GNANG, BDAG DO G-YOG RNAMS KYANG ZLA BA DGU PA'I NANG DU 'BYOR TE SKABS DER PHYAG DBANG ZHUS, BKA' 'GYUR SPRUL PA'I SKU NAS DNGOS 'BUL BSTAR, BAN DE AAM PA NA PHYIR THON RGYUR SKU BRNYAN, SPOS SNAM SOGS THON PHYAG STZAL, BDAG GIS KYANG BKA' CHOS KYI GRAL DU BSDAD CHO GA PA ZHIG DGOS ZHES GSOL BA BTAB PAR DGYES BZHIN DU GNANG BA STZAL, TSES NYER GNYIS LA MCHIMS NAM MKHA' GRAGS KYIS PHYOGS GCIG TU BSGRIGS PA'I SNANG THANG BRGYA RTZAR GRAGS PA'I LHA TSOGS RNAMS KYI RJES GNANG GSAN PA'I DBU TSUGS, NYI MA RER RJES GNANG LNGA RE GNANG ZHING NYER DRUG GI NYIN YONGS SU RDZOGS PA GRUB, TSES NYER BDUN LA BA RI BRGYA RTZAR GRAGS PA'I RJES GNANG GSAN PA'I DBU TSUGS TE NYI MA RER RJES GNANG DGU RE STZAL CING, ZLA BA BCU PA'I TSES BZHI'I NYIN YONGS SU RDZOGS PA SGRUB, TSES LNGA LA SGRUB THABS RGYA MTSO'I RJES GNANG GSAN PA'I DBU TSUGS, DE NAS RIM GYIS STZAL PAR TSES BCO BRGYAD KYI NYIN GRUB, RJES GNANG SKABS SU SNAR THANG BRGYA RTZA, BA RI BRGYA RTZA, SGRUB THABS RGYA MTSO RNAMS KYI RANG GZHUNG GI LUNG YANG STZAL, BRGYA RTZA RGYA MTSO GSUM RE RE'I MGO MJUG
GNYIS KAR DNGUL GYI MAndAL RE 'BUL BA MDZAD, LCANG SKYA RIN PO CHES BDE 'BYOR BLA MAR 'BUL RGYU BSKUR BA'I RTEN CHAS RNAMS KYANG PHUL, BKA' BLON MDO MKHAR BA DANG, DGA' BZHI GUNG PAndI TA, JA SAG NYI MA RGYAL MTSAN GSUM SO SO NAS KYANG DNGOS 'BUL BSTAR, DBANG CHEN ZHABS DRUNG GIS SGER MJAL ZHUS, DE SKABS BDAG GIS KYANG DAD PAS KUN NAS BSLANGS TE DNGOS 'BYOR GYI BDOG PA PHUL, TSES BCU DGU DANG NYI SHU LA SNYING ZHUGS MA GTOGS PA'I MGON PO BKA' BCU GSUM GYI RJES GNANG RDZOGS PAR GSAN, RJE NGAG DBANG BYAMS PA RIN PO CHE MJAL KHAR PHEBS PAR SKU MDUN DU RGYUN RING BZHUGS SHING CHOS KYI GSUNG GLENG 'PHEL BAR MDZAD, GUNG KUN DGA' BSTAN 'DZIN GYIS DNGOS 'BUL GYI MCHOD SPRIN BSTAR, TSES NYER GCIG NAS MGO BRTZAMS TE PHRENG BA SKOR GSUM GYI RGYA GZHUNG DANG, KRi YAS MU TZTSA'I LUNG STZAL, TSES NYER LNGA'I NYIN DUS CHEN DU SONG GSHIS, YAB SRAS GNYIS LHAN CIG TU 'PHAGS PA LO KE SHVA RA DANG GSER GDUNG RIN PO CHE'I MDUN DU RTEN MJAL MDZAD, TSES NYER DRUG NAS RGYAL DBANG THAMS CAD MKHYEN PA RANG NYID KYI BKA' 'BUM GYI LUNG GSAN PA'I DBU TSUGS, ZLA BA BCU GCIG PA'I TSES GNYIS LA KHAMS LI THANG CHOS RDZONG NAS MI SNA CHED DU MNGAGS PA'I MDUN DNGOS 'BUL BTEG PAR MI SNA RNAMS LA JA GRAL DANG THON SKABS 'BUL SLOG GNANG, TSES GSUM LA GSUNG 'BUM GYI LUNG GRUB, TSES BZHI LA MI SNA MKHAN PO DANG BDE 'BYOR BLA MA, RGYUD SMAD MKHAN PO, AUR GE GRVA TSANG GI BLA MA SOGS DU MA LA LAM GYI GTZO BO RNAM
, ,GSUM GYI LJAGS LUNG STZAL, DE NYIN RDO RJE SEMS DPA' DANG SMAN BLA MA CHED BDUN MTHO BRTZEGS, SA SKYA BA'I GSER CHOS BCU GSUM GYI NANG TSAN 'JAM DPAL NAG PO BCAS KYI RJES GNANG DANG, TSES LNGA LA SENG GDONG MA DANG KHYUNG KHRA, DZAMBHA LA SER PO GSUM GYI RJES GNANG SOGS STZAL, DE NYIN RNAM RGYAL GRVA TSANG NAS ZHABS BRTAN PHUL, DE LTAR RGYAL DBANG MCHOG NAS DBANG LUNG RJES GNANG SOGS ZAB CHOS MTHA' YAS PA BUM PA GANG BYO'I TSUL DU STZAL PA'I BKA' DRIN BAS PA CHAD DU TSES DRUG GI NYIN DNGUL SRANG DRUG BRGYA DANG LNGA BCU DOD DU PHUL BA'I GSOL STON RGYAS PA'I THOG DNGUL GYI MAndAL SNE 'DOGS CAN, GSER MGUR ZHO STONG PHRAG GCIG ,DNGUL RTA RMIG MA BRGYA DANG NYI SHU RTZA GCIG ,GOS YUG RE YOD PA'I DGU TSAN BRGYA DANG LNGA BCU NGA LNGA BCAS DNGOS 'BUL GYI MCHOD SPRIN RGYA CHEN PO BSTAR TE, RJE BLA MA MCHOG NAS MAndAL DANG BCAS ZHU GSOL MDZAD PA NI, AOm SVA STI, RMAD BYUNG BLO GROS BZANG PO'I NYIN BYED LAS, ,THEG GSUM LEGS BSHAD SNANG BA 'BUM 'PHRO BAS, ,SKAL BZANG GDUL BYA'I PAD TSAL SKYONG BA YI, ,DKYIL 'KHOR RGYA MTSO'I MGON POR PHYAG BGYI'O, ,ZHES BKRA SHIS BDE LEGS SU BYA BA'I TSIG SNGON DU BTANG NAS YID GUS PA DANG BCAS TE ZHU BA, DENG YANG MGON PO BRTZE BA'I BDAG NYID 'PHAGS PA SPYAN RAS GZIGS DBANG PHYUG GIS SNGON BSKAL PA DPAG TU MED PA'I SNGA ROL TU SANGS RGYAS YE SHES DBANG PO'I TOG LA SOGS PA SANGS RGYAS BYE BA PHRAG BCU GCIG GI DRUNG DU SEMS CAN GYI DON LA DANG POR THUGS BSKYED, BAR DU TSOGS
RGYA CHAN PO BSAGS, MTHAR SGRIB GNYIS BAG CHAGS DANG BCAS PA SPANGS TE, BLA NA MED PA'I STON PA YANG DAG PAR RDZOGS PA'I SANGS RGYAS 'OD ZER KUN 'PHAGS RGYAL POR SANGS RGYAS ZIN KYANG, SNYING RJE DANG SMON LAM GYI DBANG GIS GDUL BYA'I DON LA SPRUL PA 'GYED TSUL NI, MDO PHAL PO CHE LAS, JI LTAR ZLA BA SHAR BA NA, ,TSAD MED PA YI GZUGS BRNYAN RNAMS, ,CHU YI SNOD DU SNANG GYUR KYANG, ,ZLA BA GNYIS SU GYUR PA MED, ,CES SOGS GSUNGS BA LTAR, SEMS CAN GYI DON SPYI DANG KHYAD PAR BOD KHA BA CAN PA RNAMS KYI MGON SKYABS GCIG BU, LHA GCIG PAD DKAR 'CHAD PA, DENG SANG SNYIGS MA'I DUS 'DIR DUR SMRIG 'CHANG BA'I DGE PA'I GSHES GNYEN GYI TSUL BZUNG STE, THOS BSAM SGOM GSUM DANG, 'CHAD RTZOD RTZOM GSUM SOGS MKHAS BTZUN BZANG PO'I MDZAD PA RMAD DU BYUNG BA BSTAN TE, RGYAL BA'I BSTAN PA RIN PO CHE 'DZIN SKYONG SPEL GSUM GYI SGO NAS DAR ZHING RGYAS PAR MDZAD PA DANG, LHAG PAR BDAG NYID LA THUGS BRTZE BA CHEN POS NYE BAR DGONGS TE, RGYUD SDE BZHI LA SOGS PA'I SMIN BYED RNAMS PAR DAG PA'I DBANG DANG, LUNG LA SOGS PA DAM PA'I CHOS KYI BDUD RTZI STZAL TE, RGYUD SNOD RUNG DU BYIN GYIS RLOBS PAR MDZAD PA SOGS BKA' DRIN 'KHOR MTHA' MED PA NI, PAn CHEN BLO BZANG CHOS KYI RGYAL MTSAN GYI GSUNG LAS, CHOS JI SNYED GSUNGS PA'I YI GE YAm?, ,GRANGS DE SNYED BSKAL PA'I BAR NGAG TU, ,BDAG LUS DANG LONGS SPYOD KUN PHUL KYANG, ,RJE KHYOD KYI DRIN LAN MI 'KHOR GSUNGS, ,CHOS TSIGS BCAD RE RE'I PHYIR DU YANG, ,ME 'BAR BA'I 'OBS SU MCHONGS PA DANG, ,LCAGS GZER RNON STONG GIS PHUG PA SOGS, ,SNGON THUB PAS DKA' SPYOD JI LTAR
, ,MDZAD, ,DUS DENG SANG 'BAD RTZOL CHER MED PAR, ,CHOS MDO SNGAGS ZAB RGYAS MANG PO ZHIG ,PHA KHYED KYI BKA' DRIN CHE LAS THOB, ,DRIN CHE BAR NGES SO THAMS CAD MKHYEN, ,ZHES GSUNGS PA'I DON THOG TU BABS PA YIN 'DUG PAS BKA' DRIN BSAM BRJOD KYI YUL LAS 'DAS PA DES NA BDAG LUS LONGS SPYOD DUS GSUM DU BSAGS PA'I DGE TSEGS, RTEN 'BYUNG GI DNGOS 'BUL PHRAN BU DANG BCAS SKYABS MGON MTSUNGS ZLA MA MCHIS PA KHYAB BDAG 'KHOR LO'I MGON PO RDO RJE 'CHANG CHEN PO NYID KYI BKA' DRIN GSOB PHYIR DU 'BUL BA LAGS NA DGYES BZHIN BZHES NAS, SLAR YANG BSTAN 'GRO'I DPAL DU ZHABS ZUNG RDO RJE'I KHRI LA BSKAL BRGYAR BRTAN PAR BZHUGS NAS CHOS KYI 'KHOR LO RGYUN MI CHAD DU BSKOR TE RGYAL BA'I BSTAN PA RIN PO CHE DAR ZHING RGYAS PA DANG, LHA DANG BCAS PA'I 'GRO BA THAMS CAD RDZOGS PA'I SANGS RGYAS KYI GO 'PHANG LA 'GOD PAR MDZAD DU GSOL ZHES ZHU BAR MDZAD PAS BKA' BZHES BZANG PO STZAL, PHYI DRO RJE BLA MA MCHOG SKU RKYANG LA MGON PO SNYING ZHUGS KYI RJES GNANG STZAL PAR DNGUL GYI MAndAL GSER GYI TSOM BU CAN 'BUL PA GNANG, BKA' CHOS ZHU MI BYINGS DANG BCAS PAR MA GCIG DPAL LHA DANG MGON PO PHYAG BZHI PA'I RJES GNANG STZAL, DE RJES RJE BLA MA MCHOG NAS RGYA YAGS ZHABS DRUNG SOGS LA 'DOD CHOS STZOL BA MDZAD, GZHUNG SA NAS GSOL STON RGYAS PA'I THOG PHEBS RDZONGS SU DNGUL GYI MAndAL, NA BZA' CHA TSANG, DNGUL RTA RMIG MA BRGYAD CU GYA LNGA, GOS DAR SOGS KYI DGU TSAN BRGYA DANG LNGA, JA 'KHOR DRUG STONG PHRAG GCIG, PHYAG MDZOD CHEN MO DANG YONGS 'DZIN PA, ZHAM RING BA
BCAS TSANG MAR GNANG SKYES GO BABS DANG BSTUN TE STZAL, DE NYIN RDO RJE 'JIGS BYED ZHAL GCIG PHYAG GNYIS KYI RJES GNANG, DGA' LDAN LHA BRGYA MA'I KHRID BCAS GNANG, DE'I PHYI NYIN RJE BLA MA NYID NAS SER 'BRAS KYI BLA MA SOGS MANG POR LAM GYI GTZO BO RNAM GSUM GYI LJAGS LUNG STZAL, PHYI DRO GRUB RGYAL LUGS KYI TSE KHRID GSAN, TSES BCU BZHI LA BDAG GIS GTZOS KHA SHAS LA BLA MA'I RNAL 'BYOR GYI LUNG GNANG, ZHABS DRUNG LCAM BDE LDAN SGROL MA NGO G-YOG MANG POR PHYAG DBANG GNANG ZHING, NGO BOR THUGS DAM BKA' BSGO STZAL, HAL HA'I BANG CHEN SOGS SER SKYA MANG POR MJAL KHA GNANG, DE SKABS RTEN 'BREL GYI KHYAD LAM RIM CHEN MO DANG 'GREL PA BZHI SBRAGS GNYIS KYI BSHAD LUNG GI MGO TSUGS TZAM MDZAD NAS 'PHRO 'JOG PA GNANG, SKABS DER RJE NYID NAS RGYUN DU 'BUL BA MDZAD CHAS KYI GSER GYI MAndAL, DNGUL GZHONG DANG BCAS PA DER 'JOG PA MDZAD, CHOS GSAN PA'I SKABS DER RJE NYID LA GZIGS SNANG KHYAD PAR CAN BYUNG BAR MNGON TE, NYIN GCIG DPON TSANG DGE 'DUN DON GRUB RGYAL DBANG MCHOG GI SKU ZHABS SU BTANG NAS, KHA SANG SNGON DU BDE MCHOG GI DBANG GNANG SKABS CHOS THUN MA GROL GYI BAR DU RJE BLA MA NYID DPAL 'KHOR LO SDOM PA YAB YUM GYI RNAM PAR BZHENGS TE DBANG BSKUR BA'I SNANG BA BYUNG BA BKA' DRIN MCHOG TU CHE ZHING, YANG NYIN GCIG RJE BLA MA MCHOG NAS BKA' CHOS GNANG BA'I MUR SPYAN CHAB MANG PO BSIL SONG BA DE SKABS GZIGS SNANG KHYAD PAR CAN ZHIG BYUNG BA GDON MI ZA BAS JI LTAR BYUNG TSUL SBA GSANG MED PAR LHUG STZOL GNANG DGOS ZHES ZHU BA MDZAD PA'I LAN DU,
, ,KHO BO LA DE LTA BU'I LUNG RTOGS KYI YON TAN GDENG KHEL BA MED MOD, 'ON KYANG SKYES BU DAM PA RNAMS LA BLA MA DANG YI DAM THA MI DAD KYI GZIGS SNANG 'BYUNG BAR GSUNGS PAS, PAn CHEN MCHOG GI SPRUL PA'I SKU RIN PO CHE NYID DON DU MGON PO SNANG BA MTHA' YAS YIN MOD, THUN MONG BA'I SNANG NGOR YANG DE 'DRA'I GZIGS SNANG BYUNG BA BKA' DRIN CHE ZHES PHEBS, DE KHAR BZHUGS RING CHOS BAR RNAMS SU YAB SRAS GNYIS LHAN RGYAS MDZAD DE DAM PA'I CHOS KYI GSUNG GLENG MANG DU GNANG, KHYAD PAR DU RGYAL DBANG MCHOG GI BKA' LAS MCHOG GI SPRUL PA'I SKU NYID NAS BSTAN PA'I KHUR CHEN PO BZHES TE SKU GONG MA'I DUS BZHIN MDO SNGAGS RIG GNAS MTHA' DAG LA GSAN SBYONG MTHAR PHYIN PA MDZAD DGOS ZHES ZHAL TA YANG YANG STZAL, DE MTSUNGS PHYAG MDZOD CHEN MOR YANG ZHAL TA GNANG, DE LTAR RGYAL DBANG THAMS CAD MKHYEN GZIGS CHEN PO NAS DKA' TSEGS LA MA GZIGS PAR RJE GONG MA'I BKA' DRIN BSAB CHED DANG, BSTAN PA'I RGYUN LA DGONGS TE DBANG LUNG RJES GNANG MAN NGAG MTHA' YAS PA RJE BLA MA MCHOG LA STZOL PAR MDZAD PA NI RGYAL BA'I BSTAN PA RIN PO CHE YUN RING DU GNAS PA'I GSOS SMAN DAM PAR GYUR TO, ,DE NAS ZLA BA BCU GCIG PA'I TSES BCU BDUN GYI NYIN SNGA DRO'I CHAR GZIMS CHUNG SBUG TU YAB SRAS GNYIS ZHAL 'DZOM MDZAD DE GSUNG GLENG MANG DU GNANG ZHING PHEBS KAR RGYAL DBANG MCHOG NAS STON PA'I LI SKU RNYING MA BYIN CAN ZHIG RJE 'DI'I PHYAG TU STZAL NAS, DA RES BAR CHAD KYI 'TSE BA MED CING YUN RING PO'I BAR DU CHOS BKA' MANG DU 'BUL RGYU
BYUNG BA 'DI SKU NYID BSTAN PA'I RTZA BA YIN PAS NA, DA NI CHOS BDAG PO LA 'PHROD PAS NGED KYANG BLO BDE ZHES GSUNG BAR, RJE BLA MA MCHOG ZHAL RAS 'GYUR ZHING, SPYAN CHAB MANG DU BSIL BZHIN DU YAB SRAS PHAN TSUN PHYAG NAS 'JUS TE YUN RING PO'I BAR DU GSUNG BGROS GZHAN MED PAR 'BRAL MI PHOD PA'I RNAM PA KHO NA MDZAD PA NI BDE LDAN ZHING DU RNAM 'DREN SNANG BA MTHA' YAS DANG SBYAN RAS GZIGS DBANG PHYUG GNYIS YAB SRAS KYI TSUL DU BZHUGS PA DANG, MA DAG PA'I ZHING 'DIR YANG BLA MA DRI MA MED PA DANG RGYAL BU DKON MCHOG 'BANGS, JO BO CHEN PE AA TI SHA DANG 'BROM STON PA RGYAL BA'I 'BYUNG GNAS GNYIS SOGS SKU TSE MANG POR YAB SRAS SU GYUR TE YANG DANG YANG DU 'BREL BA'I RTEN 'BREL MI BSLU BA'I RANG MDANGS MA 'GAGS PAR SHAR BA'O SNYAM DU SEMS SO, , DE LA BRTEN NAS SKYE BO GANG DAG YUL DAM PA LA DMIGS NAS RIS SU BCAD DE MI DGE BA TSAN CHEN PO GSOG PA'I NYES PA'I SGO DU MA YANG RANG SHUGS KYIS KHEGS SHING, GZUR GNAS MKHAS PA RNAMS NI YAB SRAS GNYIS KYI MDZAD PA BSAM GYIS MI KHYAB PA'I TSUL MTHONG NAS MI PHYED DAD PA'I ZLA ZER GYIS LAG PA'I PADMO SNYING GAR ZUM STE BSTOD BSNGAGS KYI ROL MO SGROG PAR BYED DO, ,DE LTAR YUL DBUS SU BYON TE 'PHAGS MCHOG PHYAG NA PADMA RIGS KYI COD PAN DU NI YONGS SU BSTEN, GSANG CHEN RDO RJE THEG PA'I DBANG DANG BYIN RLABS KYI NOR BU DU MAS NI THUGS KYI BANG MDZOD GTAMS, ZAB PA DANG RGYA CHE BA'I CHOS KYI CHAR CHEN PO 'BEBS PA LA NI DBANG 'BYOR PA'I CHOS KYI RGYAL PO CHEN POR GYUR TO, ,'DIR SMRAS PA, THABS SHES GSHOG
, ,YANGS DKAR PO RGYAS GYUR PA, ,RGYAL SRAS SNYING STOBS LDAN PA'I DANG MO DE, ,LEGS BSHAD BDUD RTZI'I DPAL LA SPYOD PA'I PHYIR, ,YUL DBUS CHOS KYI CHU GTER CHE DER GSHEGS, ,DER NI SNYING RJE'I RANG GZUGS GRU 'DZIN BDAG ,MI YI ZOL LA BRTEN PA'I 'DZUM DKAR ZHAL, ,MNGON DU GYUR TE SPRO DGA'I GSUNG GLENG GIS, ,RING NAS 'BREL BA'I MDZA' GCUGS GSAL BAR GYUR, ,BSHES GNYEN MCHOG GI ZHAL SGO LAS 'ONGS PA'I, ,RGYUD SDE RGYA MTSO'I SMIN BYED LAM GSUM 'BAB, , MA LUS ZHAL DU GSOL TSE DZA HA NU, ,SLAR YANG NOR 'DZIN DPAL MOR 'ONGS PA BZHIN, ,SNGON BYON MKHAS GRUB 'BAD PAS NYER STZAL PA'I, ,MAN NGAG CHU THIGS GO 'PHANG 'DZIN PA NI, ,DA LTA KHYOD THUGS CHU GTER DANG 'GROGS PAS, ,SRID MTHAR NYAMS PA MED PA'I SKAL BZANG 'DZIN, ,DBANG LUNG MAN NGAG RGYA MTSO'I BANG MDZOD KUN, ,KHYOD NYID GCIG PUS BDAG GIR MDZAD PA'I TSE, ,RDO RJE SLOB DPON ZHES BYA'I SGRA DE YANG, ,MGON PO KHYOD LA DON DANG BCAS PAR GYUR, ,CES BYA BA NI RJE BLA MA SRID ZHI'I GTZUG RGYAN PAn CHEN THAMS CAD MKHYEN PA CHEN PO BLO BZANG DPAL LDAN YE SHES DPAL BZANG PO'I ZHAL SNGA NAS KYI RNAM PAR THAR PA NYI MA'I 'OD ZER LAS, RGYAL BA'I DBANG PO BLO BZANG BSKAL BZANG RGYA MTSO'I ZHAL SNGA NAS LAS ZAB CHOS MTHA' YAS PA GSAN NAS CHOS KYI RGYAL TSAB TU DBANG BSKUR BA'I LE'U STE LNGA PA'O,, ,,DE LTAR DBUS SU BZHUGS RING 'BYOR LDAN RNAMS KYIS DNGOS 'BYOR GYI BDOG PA TSAD MED PAS NYIN RE BZHIN MCHOD PA DANG, SKYE BO BRGYA STONG PHRAG MANG PO MJAL DU 'ONGS PA
RNAMS KYANG MNGON MTHO DANG NGES LEGS KYI DGA' STON LA SBYOR BAR MDZAD PA SOGS BSTAN 'GRO'I DON BSAM BRJOD KYI RAB LAS 'DAS PA MDZAD DE PO TA LA NAS GONG TSES NYIN CHIBS KHA BSGYUR, CHIBS SKYEL BA RTA PA BRGYA PHRAG MANG PO DANG BCAS GSOL TSIG RA BAR THAB SKYEL GYI THOG KHONG RNAMS LA GNANG SKYES GYA NOM PA STZAL, DE NAS RONG NGOS LA LAM MDZAD DE RIM GYIS PHEBS PAR LAM BAR DU GNAS PA'I DGON SDE RNAMS KYI SER SBRENG DANG, MI SDE RNAMS NAS BRO GZHAS, RDZONG DPON KHAG SO SO SOGS KYI CHIBS BSU BCAS BSNYEN BKUR GZABS SHING DE DAG LA YANG GNANG SKYES BABS 'OS DANG BSTUN PA STZAL, NYIN RE BZHIN SGER MJAL ZHU MI DANG PHYAG DBANG DON DU GNYER NAS 'ONGS PA RNAMS KYI RE BA SKONG BAR MDZAD, DPEN DGON DU YANG ZHABS KYIS BCAGS SHING ZLA BA BCU GNYIS PA'I TSES BZHI'I NYIN GZHUNG DANG BLA BRANG GI MNGA' ZHABS KYI RTA PA STONG PHRAG BRGAL BA'I CHIBS BSU DANG, BRO GZHAS PA SOGS TSAR DU DNGAR, MCHOD RDZAS KYI BYE BRAG SNA TSOGS THOGS PA'I DGE 'DUN STONG PHRAG MANG PO'I SER SBRENG GIS MDUN BSUS TE GDAN SA CHEN PO BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING GI RGYAL MTSAN MTHON PO'I KHRI 'PHANG MTHON POR ZHABS SKYES KYI PADMO MNGON PAR BKOD DO, ,JI LTAR RIN CHEN GLING BGROD DED DPON NI, ,NOR BU'I TSOGS BCAS RANG YUL SON PA LTAR, ,ZAB RGYAS YID BZHIN NOR BU'I MDZOD BLANGS NAS, ,BSTAN 'DZIN BYE BA'I SBYI BOR NGAL GSO MDZAD, ,DE NAS YAB RJE THANG LHA, MDA' DPON RAM PA BA, SNE SHAN MGRON GNYER YON TAN LEGS GRUG ZHOL SDE PA, SE RA SPYI SO BCAS
, ,NAS DNGOS 'BUL BSTAR, TSES DRUG LA TSOMS CHEN DU ZHABS ZUNG BKOD DE LEGS 'BUL 'DEGS MI KHAG MANG PO DANG CHIBS BSU, SER SBRENG, BRO GZHAS PA, GZHAN YANG PHYAG DBANG GI BYIN RLABS DON DU GNYER BA SOGS SER SKYA STONG PHRAG MANG PO LA MJAL KHA GNANG, SO SOR SLOG DANG, CHIBS BSU BA, SER SBRENG PA, BRO GZHAS PA RNAMS LA SNGAR RGYUN LAS GNANG CHA BZANG BA STZAL, RGYAL BA'I DBANG POR MGON PO GANG GI DRIN LAS LAM BGROD BDE NGOS BKRA SHIS LHUN POR 'BYOR TSUL GYI ZHU YIG RTEN LDAN 'BUL RGYU GNANG ZHING, MGRON GNYER YON TAN LEGS GRUB SOGS LA THON PHYAG DANG SGER MJAL GYI SLOG BCAS STZAL, RJE BTZUN TZONG KHA BA CHEN PO'I GSUNG 'BUM GSER MA MCHOD SDONG CHEN PO'I GZUNGS GZHUG TU PHUL TSAB GSAR BZHENGS MDZAD PA GRUB NAS TSES BCO LNGA'I NYIN SHIS PA BRJOD DE GZIMS CHUNG YID DGA' CHOS 'DZIN DU BZHUGS SU GSOL, DE'I PHYI NYIN AONG NYOD T'A BLA MA DANG YO GA TZ'A RI'I MI SNA RNAMS KYIS ZHABS BRTAN GSOL 'DEBS ZHU RTEN GYI DNGOS PO BTEG ,'BRUG GZHUNG GI MI SNA DANG DBANG CHEN ZHABS DRUNG, MANG JA'I SBYIN BDAG SOGS PHYOGS 'DUS MANG POR PHYAG DBANG DANG, TSES DGU LA RDO BCAL CHEN MO'I BZHUGS KHRIR ZHABS ZUNG BKOD DE 'DUS PA RGYA MTSOR PHYAG DBANG STZAL, LA KHA BA DKA' CHEN BLO BZANG BRTZON 'GRUS DKYIL KHANG GRVA TSANG GI 'CHANG NYAN PAR BSKOS TE MJAL KHA GNANG, DBANG CHEN ZHABS DRUNG DANG HAL HA'I MI SNA RNAMS LA THON PHYAG DANG 'DOD CHOS STZAL TE TSIM PAR MDZAD, LO 'DI NANG 'BRONG RTZE BA DKA' CHEN BLO BZANG TSUL KHRIMS KYIS GSANG BA 'DUS PA'I BSKYED RDZOGS KYI
RGYUGS PHUL BAR RTAGS BRGYAD KHA BTAGS, BAN GZAN, RGYAN RGYU'I GOS CHEN KHA DO, SPU JA NYAG BCU GCIG ,LHO RAS BCAS STZAL, ZHI GNAS PA BLO BZANG DGE LEGS DANG, BLO BZANG DGA' LDAN, RGYAL CHEN RTZE PA BLO BZANG CHOS 'PHEL, GRANG MO CHE BA YE SHES, DPAL 'BYOR, THON PA YE SHES DBANG PHYUG ,GNAS PA BLO BZANG TSE BRTAN, RI MKHAR BA CHOS MDZAD BLO BZANG SHES RAB, LHO PA YE SHES MKHAS GRUB BCAS NAS RNAM 'GREL GYI THAL 'PHRENG LE'U BZHI, CHOS 'KHOR LHUN PO PA SHES RAB RGYAL MTSAN GYIS RNAM 'GREL GYI SPYI DON, DBEN DGON PA YE SHES CHOS GRAGS DANG 'JAM DBYANGS CHOS GRAGS, DPAL LDAN TSUL KHRIMS, TSUL KHRIMS DPAL LDAN, BLO BZANG LHA DBANG, SHES RAB DPAL LDAN RNAMS NAS BDE MCHOG RTZA RGYUD BCAS KYI RGYUGS PHUL BAR BSTAN RGYUN LA PHAN CHED GNANG CHA GONG LTAR STZAL, ` DPAL GDONG ZHES PA CHU BYA LO ZLA BA DANG PO'I TSES DRUG NAS, HAL HA'I SA CHAR BLA MAR 'GRO MI 'DAR PA DKA' CHEN BSAM GTAN GYI ZLA BO BLO BZANG BKRA SHIS, YANG HAL HAR BLA MAR 'GRO MI RGYAL CHEN RTZE BA; RTA NAG PA, RI MKHAR BA BCAS KHAG GSUM, BSO DGA' LDAN RAB RGYAS PA, GNYER TSANG BA BLO BZANG DPAL 'BYOR, DGA' BZHI'I YUM BSOD NAMS LHA SGRON, BZHAD BKRA SHIS DGE 'PHEL GYI BLA MA BCAS SO SO NAS DNGOS 'BUL BTEG CING BABS BSTUN GYI SLOG CHA YANG STZAL, DGA' LDAN RAB RGYAS PAR MANG 'GYED DANG, 'DU KHANG DU GOS CHEN GYI DRA BA DRA PHYED NOR GZUGS MA YANG SBYOR 'JAGS MDZAD, TSES BCU GNYIS KYI NYIN RJE NYID NAS BSKUL NGOR GNANG BA'I RGYAL DBANG MCHOG GI ZHABS BRTAN GSAR
, ,RTZOM BKRA SHIS LHUN PO'I TSOGS CHEN DU BTZUGS NAS BKRA SHIS KHA BTAGS RE'I 'GYED KYANG STZAL TE DGON LAG RNAMS SU YANG 'DZUGS PA GNANG, SNGAGS PA GRVA TSANG DU MANG 'GYED 'PHAR MA DANG, 'DU KHANG GI SENG G-YAB TU GOS CHEN SNA TSOGS BZANG BSGRIGS KYI DRA BA DRA PHYED NOR GZUGS MA, RTEN THUGS SPYAN GZIGS BCAS SBYOR 'JAGS MDZAD, SNAR THANG GNYER PA DRUNG RAM PA DGE 'DUN DON GRUB, RTA NAG RIN CHEN RTZE'I GNYER PA DRUNG RAM PA BLO BZANG DAR RGYAS DANG, GRO 'KHOR TSONG DPON PA GSUM SO SO NAS ZHABS BRTAN PHUL, TSES BCU DRUG GI NYAN SER SKYA CHIG KHRIR NYE BAR PHYAG DBANG STZAL, ZLA BA GNYIS PA'I NANG DU RIM BZHIN SDE DGE'I BANG CHEN PA DANG, LI THANG MKHAN PO'I BANG CHEN PA SOGS LA PHYAG DBANG GNANG, DBUS MDA' DPON DNGOS GRUB RNAM RGYAL GYIS ZHABS BRTAN PHUL, TSES NYER GCIG LA RGYAL BA'I DBANG POR DNGOS 'BUL SBAM MTHO BA DANG BCAS ZHABS BRTAN 'BUL BAR MGRON GNYER BLO BZANG RGYAL MTSAN RDZONG STA MDZAD, ZLA BA GSUM PA'I TSES GSUM LA LA MO SKU RTEN PA 'BYOR TE CHOS SKYONG CHEN PO SKU GSOL ZHUS THOG MKHA' 'GRO BSU ZLOG MDZAD, CHOS SKYONG LA GTANG RAG GI YON DANG SKU RTEN PA LA GNANG CHA STZAL, TSES BCU GNYIS LA LA MO SKU RTEN PAS DNGOS 'BUL BSTAR, HAL HA PE'I SI DPAL 'BYOR RDO RJE'I BANG CHEN, STONG 'KHOR GYI MI SNA BCAS 'BYOR, SNGA MA LA THON PHYAG 'BYOR LAN DANG BSTAN PA'I GSAL BYED STONG 'KHOR SPRUL PA'I SKU NGAG DBANG BSOD NAMS RGYA MTSO GZHAN DON DU GSHEGS PA'I DGONGS RDZOGS KYI DNGOS 'BYOR PHUL BAR THUGS
DMIGS MDZAD CING THON PHYAG 'BYOR LAN BCAS STZAL, ZLA BA BZHI PA'I TSES BCU BZHI LA GZHUNGS NAS ZHABS BRTAN 'BUL MI MGRON GNYER SKAL BZANG DON GRUB DANG NGAM RING MKHAN PO CHED RDZONG MDZAD PA 'BYOR, KHONG GNYIS NAS SGER MJAL ZHUS SHING JA GRAL GNANG, TSES BCU DGU'I NYIN RGYAL DBANG MCHOG GI BKA' BZHIN RJE BLA MA MCHOG TSOGS DBUR SPYAN DRANGS TE GZHUNG SA NAS DNGUL GYI MAndAL, SKU GSUNG THUGS RTEN, NA BZA' NYER SBYANG, GSER SRANG LNGA, DNGUL RTA RMIG MA LNGA BCU NGA GCIG ,JA 'KHOR DRUG LNGA BRGYA, GOS DAR SOGS SBAM MTHO BA DANG BCAS ZHABS BRTAN BDEN TSIG BRJOD, BKA' BLON LHAN RGYAS NAS KYANG DNGOS 'BUL BSTAR, DE SKABS TSOGS CHEN DU MANG JA LNGA BCU, 'GYED BSOD BTAGS RE, DNGUL SRANG RE, DGE 'DUN BRGYAD RER KO BI TZI SBAG RE BCAS STZAL, SKU TSAB RNAMS DANG GZHIS RTZE RDZONG DPON, 'BUL 'DEGS PA BCAS BDUN BRGYA SKOR LA PHYAG DBANG GNANG, LCAGS LUG LO NAS MGO BRTZAMS TE DNGUL SRANG BRGYAD BRGYA LAS RJE BLA MA TZONG KHA PA CHEN PO'I SNANG BRNYAN KHRI RGYAB YOL DANG BCAS PA BZHENGS PA LO 'DIR GRUB STE SHIS PA BRJOD PA'I ME TOG GTOR ZHING LHA KHANG BKRA SHIS PHUN TSOGS 'KHYIL PA'I RTEN GTZOR BZHUGS SU GSOL, GZHUNG NAS ZHABS BRTAN 'BUL MI NGO G-YOG LA GNANG CHA GZAB STE STZAL, RGYAL BA'I DBANG POR ZHU YIG RTEN MDZOD BTAGS, MAndAL, GSER SRANG SUM BRGYA, DNGUL RTA RMIG BZHI BCU ZHE LNGA, GOS YUG LNGA BCU NGA GCIG ,HOR DAR DANG SMAN RNYING YUG BCAS 'BUL BA MDZAD, ZLA BA LNGA PA'I TSES BCU GNYIS LA GONG MA BDAG PO CHEN POS RGYAL BA'I DBANG POR
, ,DBU MDZAD DANG GAR 'CHAMS SLOB DPON KHA SHAS RDZONG DGOS PHEBS BYUNG BAS, 'CHAMS SLOB MI GNYIS BKRA SHIS LHUN PO NAS GTONG BA GNANG NA LEGS TSUL BKA' RGYA PHEBS PA BZHIN RGYAL CHEN RTZE PA DRUNG RAM PA BLO BZANG DGE 'DUN DANG RONG MTSO BA DKA' CHEN BLO BZANG 'PHRIN LAS GNYIS RDZONG STA MDZAD DE THON PHYAG GNANG CHA BCAS STZAL, ZLA BA DRUG PA'I TSES BZHI'I DUS CHEN GYI NYIN PHYI DRO SKU RIM GYI TSOGS DBUR PHEBS NAS BSDUS GRVA'I RIGS LUNG GNANG RGYU'I THOG MAR MDZOD 'DZIN NAS RTEN 'BYUNG GI DNGOS PO BSTAR, DE NAS SKOR TSO'I THOG RJE BLA MA MCHOG NAS THOS BSAM GLING ZHAL SNGA NAS LA BSDUS GRVA'I BGRO GLENG GNANG BAR SKU'I RNAM 'GYUR, GSUNG GI GDANGS, THUGS KYI RNAM DPYOD YANGS SHING GSAL BAS RIGS PA'I SGRUB BYED PHUN SUM TSOGS PAS ZHAL SNGA NAS KYANG DBA' ZHUM PAR MDZAD, SKOR TSO GROL NAS PHYAG MDZOD CHEN MOS LEGS SO'I KHA BTAGS PHUL, GZHAN YANG THOS BSAM GYI GSAN SBYONG GSAR DU GNANG PA'I LEGS 'BUL DU TSES BCU DRUG GI NYIN ZHAM RING BA RNAMS DANG, ZUR BZHI'I BLA MA, GRVA TSANG BZHI SO SO NAS RTEN 'BYUNG GI DNGOS PO BSTAR, LAS TSAN PA RNAMS KYIS KYANG LEGS 'BUL DU TSAN GRANGS PHUL, 'DI NAS BZUNG DBYAR CHOS GNYIS DANG, STON CHOS GNYIS LA SKU RIM GYI TSOGS DBUR YANG YANG PHEBS NAS ZHAL SNGA NAS RNAMS DANG BGRO GLENG RE MOS KYIS MDZAD, RIGS PA'I 'PHRUL MANG PADMO'I KHENGS LDAN PA'I, ,BSDUS GZHUNG RAB BSIL RDZING BU'I 'JUG NGOGS SU, ,KHYOD SKU'I DANG MO NYIN BZHIN RNAM ROL TE, ,THAL 'GYUR DBYANGS SNYAN,
SGROG 'DI BSTAN PA'I GSOS, ,ZLA BA BDUN BAR RNAM DKAR GYI MDZAD PA 'CHAR CAN RNAMS SNGAR RGYUN BZHIN GNANG ZHING, DON GNYER BA KHA SHAS LA PHYAG DBANG YANG STZAL, ZLA BA BRGYAD PA'I TSES GNYIS LA YONGS 'DZIN ZHAL SNGA NAS BLO BZANG CHOS 'PHEL GYIS SH'ANTI BAS MDZAD PA'I RNAM 'GREL GYI THAL 'PHRENG LE'U BZHI'I PHYAG DPE DANG, DRI BZANG DMAR SER CHUN PO KHA SHAS PHUL, PHAR YANG PHYAG MDUD DANG NA BZA' RDUL GZAN BCAS GNANG, TSES NYI SHU LA JUN WANG BSOD NAMS BSTAN 'DZIN DANG, B'A THUR GUNG, MI NYAG ZHABS DRUNG BCAS KYI AEL CHI NGO G-YOG LA PHYAG DBANG DANG ZHU LAN RTEN SBRAGS GNANG CHA BCAS STZAL, ZLA BA DGU PA'I TSES GSUM LA NYE SKOR GYI SGRUB SDE RNAMS NAS BLA MA MCHOD PA'I CHO GA DANG 'BREL BA'I ZHABS BRTAN PHUL ZHING BDE LAM GYI LJAGS LUNG DANG SO SOR MANG 'GYED KYANG STZAL, DE NAS RIM BZHIN MTSO SNGON DKON MCHOG WANG GI AEL CHI NGO G-YOG DANG, RAB BRTAN GUNG, DPON MO AER KHE SHA RA'I BSNGO RTEN 'BUL MI NGO G-YOG RNAMS 'BYOR TE SO SO'I RE BA BSKANG ZHING THON KHAR GNANG CHA DANG 'BYOR LAN KYANG GNANG, TSES BCO LNGA LA PE'I CING MI SNA DKA' BCU BLO BZANG LEGS GRUB NGO G-YOG ,GSER YIG RTEN 'CHAR 'PHAR MANG PA BCAS 'BYOR PAR PHYAG DBANG JA GRAL THOG BKA' 'DRI STZAL, TSES NYER GSUM LA PE'I CING MI SNAS ZHABS BRTAN PHUL, DGE SLONG RIG GROL GYIS SGER MJAL ZHUS SHING 'DOD CHOS KYANG GNANG, TSES NYER LNGA NAS RIM BZHIN CHA HAR BLA MA DAR RGYAS DANG, SU NYID DHARMA GUNG, TSAL 'DAM AER TE NI DA'I CHING GI AEL CHI NGO G-YOG ,LEGS RTZE BA, RI KHROD PA KHA SHAS BCAS LA PHYAG DBANG STZAL, ZLA BA DGU PA RJES
, ,MA'I TSES BDUN LA TSAL 'DAM BLA MA DKA' CHEN YE SHES BSHES GNYEN DANG BLA MA'I ZLA GRAS BSTAN PA YAR 'PHEL DANG BLO BZANG BSTAN PA SPUN GYIS TSOGS DBUR SBYAN DRANGS TE ZHABS BRTAN PHUL, BSTAN PA YAR 'PHEL GYIS KYANG SGER MJAL ZHUS SHING 'DOD CHOS KYANG GNANG, TSES BRGYAD LA BLA MA BYAMS PA RIN PO CHE NAS ZHABS BRTAN DNGOS 'BUL DANG 'DUS TSOGS SU MANG 'GYED BCAS GNANG BA 'BYOR, TSES DGU LA GONG GSAL GYI MGRON PO RNAMS LA THON PHYAG STZAL, TSES BCU GSUM LA LHA RTZE 'OG MIN GLING BLA SPYI NAS GZIMS CHUNG ZHABS BRTAN PHUL BAR MANG 'GYED KYANG GNANG, 'BRONG RTZE'I YUM NAS MU TIG GI THOD MDZES DANG SBOS SHEL CHE LEGS KONG RNA BCAS PHUL BAR YUM DO G-YOG DANG SGROL MA SBUG BLA MA, MNGA' RIS PA BDUN CU SKOR BCAS LA PHYAG DBANG STZAL, TSAL 'DAM AER TE NI DA'I CHING GI BLA MA RNYING BA'I TSAB TU RGYAL CHEN RTZE PA DRUD RAM PA DAM CHOS YON TAN RDZONG STA MDZAD, TSES NYER GCIG LA MDO KHAMS BSTAN PA'I GSAL BYED BRAG G-YAB SPRUL SKU CHUNG TSANG DANG SBRUL SKU NYID KYI YAB YUM SOGS DPON G-YOG MANG BA 'BYOR PAR PHYAG DBANG DANG JA GRAL BKA' 'DRI BCAS STZAL, SPRUL SKU CHE TSANG GSHEGS PA'I BSNGO RTEN DU ZANG ZING GI BDOG PA DANG, 'DUS SDER MANG 'GYED KYI BSNYEN BKUR BSTAB PA BDAG GIR BZHES TE, DGONGS PA YONGS SU RDZOGS PA'I LJAGS BSNGO'I RGYAS 'DEBS MDZAD, TSES NYER DRUG NAS RIM BZHIN HAL HA DPAL GRUB WANG GI BLA MA MDANGS CHEN PA DKA' CHEN BLO BZANG BKRA SHIS, CHING WANG BDE CHEN SKYABS KYI
BLA MA RTA NAG PA DKA' CHEN BLO BZANG THEG MCHOG NGO G-YOG DANG WAD GI AEL CHI, PE'I SI TSE MGON SKYABS DANG PE'I SI BLO BZANG TSE RING, JA SAG TSE RING 'PHEL GSUM GYI AEL CHI, DBANG CHEN NO MON HAN GYI AEL CHI GNYIS DANG BLA MA DO G-YOG, BE LIG THU NO MON HAN GYI PHYAG MDZOD DANG, DGE BSKOS DO G-YOG SOGS MANG POR PHYAG DBANG JA GRAL BKA' 'DRI BCAS STZAL, ZLA BA DGU PA'I TSES GSUM NAS RIM BZHIN BRAG G-YAB SPRUL SKU BLO BZANG BSTAN PA DPAL LDAN, PE'I SI BLO BZANG TSE RING, PE'I SI'I BLA MA BLO BZANG BSTAN 'DZIN, DPAL GRUB WANG GI BLA MA BLO BZANG BKRA SHIS, CHING WANG BDE CHEN SKYABS KYI BLA MA, CHING WANG BDE CHEN SKYABS RNAMS SO SO NAS ZHABS BRTAN DNGOS 'BUL GTOS CHE BA BTEG ,CHING WANG BDE CHEN SKYABS DANG DPON MO RIN CHEN RGYAL MO GNYIS NAS ZUR DU 'DI PHYI'I SKYABS 'JUG ZHU RTEN DANG, SHANGS 'BRAS SPUNGS AEM CHI PHA BUS KYANG SGER MJAL ZHUS, BRAG G-YAB SPRUL SKUS ZHUS NGOR TSOGS PA DANG LHAN DU BYANG CHUB LAM GYI SGRON MA, BLA MA GNYIS KYIS ZHUS NGOR BLA MA MCHOD PA DANG SMAN BLA'I MDO CHOG BSDUS BA'I LUNG GNANG, TSES BCU GCIG NAS RIM BZHIN BRAG G-YAB SPRUL SKU DANG YAB, PHYAG MDZOD GSUM BCAS KYIS ZHUS NGOR BDE MCHOG L'U AI PA'I MNGON RTOGS BDE CHEN GSAL BA DANG, LAM KHRID BDE LAM, MKHAS GRUB SANGS RGYAS YE SHES KYI BKA' 'BUM DAD 'CHI MED RNGA SGRA BCAS KYI LUNG, CHID WANG BDE CHEN SKYABS KYI BANG CHEN BSKOR LA TSE SGRUB 'CHI MED BDUD RTZI'I CHU RGYUN SOGS KYI LUNG STZAL, KUN DGA' AER KHE AA KI'I BANG CHEN PA RNAMS KYIS ZHABS BRTAN DANG, BRAG G-YAB PHYAG MDZOD RNYING PAS DNGOS
, ,'BUL BTEG ,LA DVAGS SA SKYONG GI BANG CHEN PA NGO G-YOG SUM CU SKOR LA PHYAG DBANG JA GRAL BKA' 'DRI BCAS GNANG, TSES BCU BDUN LA HAL HA'I BLA DPON KHAG GI AEL CHI RNAMS LA THON PHYAG, BYIN RTEN, SKU BRNYAN, SPOS SNAM SOGS KYI GNANG CHA DANG SO SO'I 'BYOR LAN KYANG STZAL, GONG GSAL ZLA BA DRUG PA NAS BZUNG BSDUS GRVA'I THUGS GNYER MDZAD PAR RGYAL DBANG MCHOG NAS LEGS SKYES STZAL TE DA DUNG YANG GZIMS CHUNG DU DGE BSHES KHA SHAS 'BOD PA GNANG NAS THUGS GNYER LA NYIN MTSAN KHOR MO YUG TU 'BAD DGOS PA'I BKA' YANG PHEBS, TSES NYI SHU LA BRAG G-YAB SPRUL PA'I SKU NGO G-YOG LA SKU BRNYAN, SPOS SNAM SOGS KYI GNANG CHA GZABS, ZLA BA BCU GCIG PA'I TSES LNGA LA THOS BSAM GLING GRVA TSANG NAS LEGS BSHAD GLING PA DKA' CHEN YE SHES 'BYUNG GNAS, DGA' LDAN RAB RGYAS PA DKA' CHEN BLO BZANG RGYAL MTSAN, SHAR RTZE NAS LHO PA DKA' CHEN ZHABS DRUNG YON TAN RGYAL MTSAN, DKYIL KHANG NAS AU RGYAN RDZONG PA DKA' CHEN BLO BZANG BZOD PA BCAS MTSAN NYID ZHABS PHYIR 'BOD PA GNANG NAS GZIMS CHUNG NYI 'OD 'KHYIL DU NYIN LTAR BGRO GLENG MDZAD, ZLA BA BCU GNYIS PA'I TSES BDUN NAS RIM BZHIN ZHVA DMAR SPRUL PA'I SKU DANG, SI TU SPRUL PA'I SKU GNYIS KYI BANG CHEN PA NGO G-YOG ,PA NAM SPEL BZHI BA DANG GROD DKAR BA'I KHYIM 'DZIN MA NGO G-YOG ,KHYUNG RTZE RAM PA BA DANG KHAM BU DGON SBUG BLA MA, KHAMS PA, AA MDO PA, GNAM MTSO BA SOGS DAD 'DUS MANG POR PHYAG DBANG STZAL, BYANG PA SPANG YUL BA BLO BZANG
BRTZON 'GRUS, RGYA KHAMS PA BLO BZANG THUB BSTAN, GRANG MO CHE PA RNAM RGYAL 'PHRIN LAS, HAR GDONG PA RNAM RGYAL CHOS 'PHEL, DPE THUB PA YE SHES BSAM GTAN DANG YE SHES BSTAN 'DZIN, GCEN LUNG PA RNAM RGYAL BSAM GRUB, KHRON KHA SBUG PA BLO BZANG CHOS 'PHEL, STAG MO BA YE SHES NYI MA BCAS NAS RNAM 'GREL GYI THAL 'PHRENG LE'U BZHI, CHOS 'KHOR LHUN PO BA BLO BZANG THOGS MED, CHOS DAR RGYAS, KLU SGRUB DPAL BZANG, ZLA BA DPAL 'BYOR, BLO GROS RGYAL MTSAN RNAMS KYIS BYAMS CHOS SDE LNGA DANG, SANGS RGYAS DPAL BZANG DANG SANGS RGYAS DPAL 'BYOR NAS TSAD MA RIGS GTER 'GREL PA DANG BCAS PA, BSTAN PA RGYA MTSOS BKA' BZHI, ZHVA LU PA TSUL KHRIMS RGYA MTSOS DUS 'KHOR BSDU SA RGYUD DANG BDAG MDUN SOGS CHO GA YONGS RDZOGS, MKHYEN RAB MCHOG GRUB KYIS MDZAD PA'I LHAN THABS DANG BCAS PA, KUN DGA' BLO GSAL GYIS DUS 'KHOR BSDUS RGYUD DANG MCHOD GAR, DBEN DGON PA YE SHES DGE LEGS KYIS LAM KHRID MYUR LAM, BDE LEGS DPAL BZANG DANG 'JAM DBYANGS CHOS GRAGS NAS BDE MCHOG RTZA RGYUD; RNAM RAB DVAGS PO GRVA TSANG PA RAB 'BYAMS PA SKAL BZANG YON TAN LHUN GRUB KYIS MDZOD, 'DUL BA, RNAM 'GREL, SDOM GSUM RAB DBYE'I RNAM BSHAD, RI MKHAR BA BLO BZANG BSTAN PAS PHAR PHYIN SKABS BRGYAD KYI THAL 'PHRENG, TSOGS CHEN DUD MKHAN GU GE PA DRUNG RAM PA BLO GROS RGYA MTSOS LAM RIM GYI KHRID MYUR LAM DANG BDE LAM, RJE BTZUN TZONG KHA PA LA BRTEN PA'I BLA MA'I RNAL 'BYOR, NANG GI KHONG SKRAN 'DON PA'I SKYUG SMAN BCAS KYI RGYUGS PHUL BAR, GLEGS NGAM CHE CHUNG LA DPAGS PA'I
, ,PHYAG MDUD, KHA BTAGS, GOS DANG, RDUL GZAN, JA BCAS KYI GNANG CHA GZAB PA STZAL, ` DNGOS PO ZHES PA SHING KHYIM LO ZLA BA DANG PO'I TSES BRGYAD KYI NYIN MKHAS MCHOG SH'ANTI BA BLO GROS RGYAL MTSAN GYI GSUNG RGYUN BSTAN PA DAR BZANG BAS ZIN BRIS SU BKOD PA'I RNAM 'GREL MTHA' DPYOD THUGS 'DZIN GYI MGO TSUGS, RDZONG GZHIS SNE MO BA RNAMS NAS DNGOS 'BUL BTEG ,LHA RTZE RDZONG DBON BLO BZANG SHES RAB, MTHO LDING MKHAN ZUR BLO BZANG 'PHRIN LAS, KLU SDINGS MGO BA BLO BZANG CHOS 'PHEL, GDONG DKAR GNYER PA BLO BZANG DGE LEGS, HAR GDONG MI TSAN BCAS NAS LEGS 'BUL GYI DNGOS SKYES BSTAR, LA DVAGS SA SKYONG GI PHYAG MDZOD LA MJAL KHA JA GRAL BCAS GNANG, GCUNG RI BO CHE BAS DNGOS 'BUL BTEG ,ZLA BA GNYIS PA'I TSES BDUN LAS LUNG DGA' LDAN CHOS 'PHEL BA 'DUS SPYIS ZHABS BRTAN PHUL ZHING MANG 'GYED KYANG STZAL, DKA' CHEN BLO BZANG RNAM RGYAL GYIS DNGOS 'BUL BTEG ,BKA' 'GYUR BA NO MON HAN GYI SPRUL SKU DANG, 'BA' CHOS SDE'I MKHAN PO, DBU CHOS BCAS NAS DNGOS 'BUL BTEG PAR JA GRAL THOG MJAL SLOG GNANG ZHING, DMIGS BRTZE MA, MKHYEN BRTZE DRI MED MA BCAS KYI LJAGS LUNG STZAL, DE BSTUN SER 'BRAS KYI DGE 'DUN SOGS PHYAG DBANG GI BYIN RLABS DON DU GNYER BA'I PHYOGS 'DUS MANG PO'I RE BA BSKANG, PAD TSAL CHOS MDZAD NGO G-YOG LA MJAL KHA JA GRAL GYI THOG 'DUL BA RGYA MTSO'I SNYING PO DANG, LAM RIM BSDUS DON, ZHABS BRTAN GSOL 'DEBS BLO GROS DPAG BSAM MA, TSE SGRUB 'CHI MED BDUD RTZI'I CHU RGYUN BCAS KYI LUNG
GNANG, ZLA BA GSUM PA'I TSES BRGYAD LA YONGS 'DZIN ZHAL SNGA NAS BLO BZANG CHOS 'PHEL GYIS DNGOS 'BUL DANG BCAS ZHABS BRTAN BDEN TSIG BRJOD, LA DVAGS BKRA SHIS RNAM RGYAL GYI MI SNA NGO G-YOG SUM CU SKOR DANG, DPAL 'KHOR CHOS SDE'I GRVA SKOR LA 'BYON MI NYI SHU SKOR, DGA' LDAN RAB RGYAS DANG BKRA SHIS DGE 'PHEL GYI CHOS KHRIMS PA, DRE'U GSHONGS PA, LEGS GRUB BLA MA GSAR BA BCAS LA PHYAG DBANG STZAL, DE YANG GTZO BOR GSAN SBYONG LA THUGS BRTZON LHOD PA MED PA'I NGOS NAS, BAR BAR DU ZHAL GYI DKYIL 'KHOR MJAL ZHING, GSUNG GI BDUD RTZI DON DU GNYER BA DAG GI RE BA SKONG BAR MDZAD, SKABS DER BSDUS GRVA'I GSAN SBYONG GRUB STE RIGS PA'I GSANG TSIG PHRA MO RNAMS KYANG LHAG MA MED PAR THUGS SU CHUD DE, PHYOGS GLANG YAB SRAS KYIS GSUNGS PA'I RTOG GE'I RIGS LAM PHRA MO KHONG DU MA CHUD PAR GZHUNG GZHAN LA SBYANG BA'I KHUL BYAS KYANG TSIG SPYI TZAM DU SONG NAS YANG DAG PA'I NGES SHES BRTAN PO RNYED DKA' BAS THAR 'DOD RNAMS KYI 'JUG NGOGS NI 'DI KHO NA'O SNYAM DU DGONGS NAS, ZLA BA DE'I TSES BCU GSUM GYI NYIN GONG GSAL GYI DGE BSHES RNAMS DANG BCAS RNAM 'GREL GYI GZHUNG LA THOS BSAM GYI DBU BTZUGS NAS BGRO GLENG MDZAD, ZHABS PHYI RGYUN SDOD RNAMS NAS LEGS SO PHUL, SKABS 'DIR RGYAL BA'I DBANG PO MCHOG SKU CUNG ZAD LTEMS TSUL BZHES PAR, NGES PA'I DON DU SKYE RGA NA 'CHI'I RGUD PA MTHA' DAG LAS 'DAS PA'I SANGS RGYAS KYI GO 'PHANG DAM PA MNGON DU MDZAD ZIN PA BZHIN, BLO DMAN GDUL BYA'I SNANG NGOR YANG SKU KHAMS RNYOG PA'I TSUL BZHES CUNG ZAD KYANG MED PAR, MTSAN DPE'I DKYIL 'KHOR GSAL DVANGS KYI
, ,MUR BSTAN 'GRO'I DPAL DU ZHABS PAD BRTAN DGOS PAR GSOL BA 'DEBS PA'I RTEN 'BYUNG DNGOS 'BUL GYA NOM PA 'BUL BAR MGRON GNYER BLO BZANG YAR 'PHEL RDZONG STA MDZAD, SA GA ZLA BA'I TSES BZHI LADHA YAN TU RA'I MI SNA RNAMS LA THON PHYAG DANG BSTUN PHYOGS 'DUS MANG POR PHYAG DBANG GNANG, ZLA BA LNGA PA'I TSES LNGA LA PE'I CING MI SNA DKA' CHEN BLO BZANG LEGS GRUB NGO G-YOG LA THON PHYAG BSTAR, RGYAL DBANG MCHOG GIS MGRON GNYER SKAL BZANG DON GRUB LEGS SKYES 'BUL BAR CHED RDZONG MDZAD PA 'BYOR TE MJAL KHA GNANG, DE RJES KHONG PA NAS SGER MJAL KYANG ZHUS, TSES BCO LNGA'I NYIN RJE BLA MA NYID NAS MTSAN NYID KYI GZHUNG LUGS GSAN SBYONG GI DBU TSUGS BA NAS THUGS BRTZON LHOD MED KYIS MKHAS TSUL CHE BA BZHES PAR RGYAL DBANG THAMS CAD MKHYEN PA CHEN PO NAS THUGS DGYES PA CHEN POS LEGS SO'I RTEN 'BYUNG DU MAndAL, SKU GSUNG THUGS RTEN, NA BZA', GSER SRANG LNGA, DNGUL RDO TSAD NYI SHU, GOS DAR, JA 'KHOR DRUG SOGS STZAL PA MGRON GNYER NAS 'BUL LAM ZHUS, DE MTSUNGS YONGS 'DZIN PA DANG MTSAN NYID ZHABS PHYI BZHI LA YANG GNANG SKYES STZAL TO, ,GANG ZHIG THOS PA'I SGRON ME MA BSTEN PAR, ,RMONGS PA'I MUN PA SEL BAR MI NUS ZHES, ,LUNG RIGS SMRA BA'I BSHES GNYEN 'GA' DANG BCAS, ,RIGS LAM BDUD RTZI'I DGA' STON KHYOD KYIS SPEL, ,DE YI GNAS TSUL RGYUD MANG BSGRENGS PA'I DBYANGS, ,SNYAN GYI BU GAR SON TSE PAD DKAR 'DZIN, ,THUGS KYI CHU GTER DGA' BDES G-YOS PA LAS, ,LEGS SKYES RLABS PHRENG GZEGS MA CI YANG
'THOR, ,DE NAS RGYAL BA'I DBANG POR BKA' DRIN CHE TSUL GYI ZHU YIG DANG, SKU KHAMS DVANGS SKYED BZHES PA'I LEGS SOR DNGUL GYI MAndAL, GSER SRANG SUM CU, DNGUL RTA RMIG BCO LNGA, GOS DAR SOGS PHUL, TSES BCU BDUN GYI NYIN MGRON GNYER THON KHAR SGER MJAL GYI SLOG DANG GNANG SKYES MI DMAN PA STZAL, ZLA BA DRUG PA'I TSES BCU DGU NAS BZUNG NYIN LNGA'I RING GZIMS CHUNG NYI 'OD 'KHYIL DU CHA BA BZHUGS GNANG BA SKU LA 'PHROD TSUL CHE BA BYUNG, TSOGS CHEN DGE BSKOS NAS GSOL BA BTAB PA BZHIN, TSES NYER LNGA LA RDO BCAL CHEN MO'I BZHUGS KHRIR ZHABS ZUNG BKOD DE 'DUS PA RGYA MTSOS DBUS GNYUG MAR GNAS PA DANG PHYOGS 'DUS KYI SER SKYA MANG POR PHYAG DBANG GI BYIN RLABS STZAL, ZLA BA DRUG PA'I GNAM GANG LA DBYAR CHOS RTING MA TSUGS SHING CHOS THOG SNGON MA DANG 'DI GNYIS KAR SKU RIM GYI TSOGS DBUR LAN MANG PHEBS TE ZUR BZHI'I SLOB DPON RNAMS DANG LHAN CIG PAR TSAD MA RNAM 'GREL GYI DGONGS DON LAS BRTZAMS TE BGRO GLENG MDZAD CING RIGS PA'I BDAR SHA GCOD PA GNANG, BREL BA'I DBANG GIS TSOGS DBUR PHEBS MA THUB TSE GZIMS CHUNG NYI 'OD 'KHYIL PAR MTSAN NYID ZHABS PHYI RNAMS DANG BCAS BRGAL BRTAG MDZAD PAS MKHYEN DPYOD KYI 'JUG PA DBYAR MTSO'I 'PHEL BA LA 'GRAN PAR GYUR, ZLA BA BRGYAD PA'I TSES BDUN LA MTSO SNGON TSA GAN NO MON HAN DANG AER TE NI DA LAS, BE'I LI BKRA SHIS TSE RING, THE'I JI CHOS SKYONG SKYABS, TRE BO SKU SKYE, KUN DGA' JA SAG SOGS KYI MI SNA 'BYOR TE MJAL KHA'I THOG ZHU YIG RNAMS PHUL ZHING 'GRO KHAR 'BYOR LAN DANG THON PHYAG KYANG STZAL, ZI LING TSONG PA BLO BZANG SHES RAB KYIS
, ,DNGOS 'BUL BSTAR, SNGON DU RGYAL DBANG MCHOG SE RA DANG DGA' LDAN BRGYUD CHOS 'KHOR RGYAL DU PHEBS PA, ZLA BA DGU PA'I TSES BCU GNYIS LA PHO BRANG CHEN POR PHEBS RGYUR LEGS 'BUL ZHU BAR DNGOS SKYES SBAM MTHO BA DANG BCAS MGRON GNYER BLO BZANG YAR 'PHEL RDZONG STA MDZAD, TSES NYER DGU LA MGRON GNYER YAR 'PHEL PHYIR 'KHOR GDONG RGYAL DBANG MCHOG NAS SKYES BZANG GIS BRGYAN PA'I ZHU YIG STZAL PA BZHES, ZLA BA BCU PA'I TSES BRGYAD LA SPEL RKYANG RJE DRUNG BLO BZANG RNAM RGYAL DANG, LHA RTZE CHOS SDE'I MKHAN PO BCAS THUN MONG NAS DNGUL GYI MAndAL, GSER SKU BZHI BCU, BSTAN 'GYUR YONGS RDZOGS, GZHAN YANG DNGUL, GOS SOGS SBAM MTHO BA BTEG CING SLOG CHA YANG MI DMAN PA STZAL, TSES NYER LNGA LA GNAM MTSO PA TSE RING DAR RGYAS KYIS DNGOS 'BUL BSTAR, DUR BDE WANG DANG HAL HA BA'I LI SO SO'I BLA MA DANG MI SNA, GU SHRI YE SHES DON GRUB, CHING WANG, DGE TSUL MA CHOS 'TSO SO SO'I MI SNA RNAMS LA MJAL KHA GNANG, TSES NYER BDUN LA GU SHRI YE SHES DON GRUB; DAR HAN PE'I LI'I DGE SLONG, DGE TSUL MA'I MI SNA, DUR BED WANG GI BLA MA, HAL HA PE'I LI'I BLA MA BCAS SO SO NAS DNGOS 'BUL BSTAR ZHING THON PHYAG 'BYOR LAN DANG 'DOD CHOS KYANG STZAL, ZLA BA BCU GCIG PA'I NANG DU KHAMS TRE BO KHANG GSAR KHRI BA BLO BZANG RNAM RGYAL DANG YUM DGE TSUL MA SOGS NGO G-YOG BRGYA DANG DRUG CU SKOR LA MJAL KHA DANG JA GRAL GNANG, DE RJES KHANG GSAR KHRI PA BLO BZANG RNAM RGYAL GYIS DNGOS 'BUL RGYA CHE BA BTEG, ,'GRUL SDEB GZHAN MAS KYANG SGER MJAL ZHUS, 'DOD CHOS
DANG THON PHYAG KYANG GYA NOM PA STZAL, DGE BA'I BSHES GNYEN CHEN PO DGE SLONG YE SHES RGYAL MTSAN NAS DNGOS 'BUL BSTAR, RGYAL CHEN RTZE BA JA SAG BLA MA DKA' BCU YE SHES 'PHRIN LAS SKU GSHEGS PA'I BSNGO RTEN GYI BDOG PA GTOS CHE BA 'BYOR TE BSNGO SMON GNANG, TSES BCU DRUG LA ZHVA DMAR SPRUL PA'I SKU DANG SI TU'I MTSAMS ZHU 'BUL MI, YANGS CAN PHYAG MDZOD BCAS LA MJAL KHA JA GRAL GNANG, THUB BSTAN RNAM RGYAL GYI MKHAN PO DANG GZHIS RTZE YONG SDUD PA, MDO KHAMS PA SOGS SER SKYA DU MAR PHYAG DBANG STZAL, TSES NYER BZHI LA KHAMS SDE DGE'I MKHAN PO DPAL LDAN CHOS SKYONG NAS ZHABS BRTAN DNGOS 'BUL SBAM MTHO BA BTEG ,MKHAN PO NGO G-YOG PHYED NYIS BRGYA SKOR LA JA GRAL DANG SLOG CHA'I GNANG SKYES SBAM BSTOD DE STZAL, ZLA BA BCU GNYIS PA'I TSES GNYIS LA DGA' LDAN RAB RGYAS SPYI SO NAS RGYU YON SBYAR TE GSOL STON DANG BCAS GZHIS BYES THUN MONG NAS GZIMS CHUNG NYI 'OD DU TSE DPAG MED LHA DGU'I CHO GA DANG 'BREL BA'I SGO NAS ZHABS BRTAN DNGOS 'BUL BTEG ,MANG 'GYED DANG SPYI SOR SBYOR 'JAGS DGE 'DUN TSANG MAR 'JIGS BYED BCU GSUM MA'I MNGON RTOGS KYI LUNG BCAS GNANG, LCAGS LA AA KHA'I BSNGO RTEN 'BUL MIR MJAL KHA JA GRAL DANG 'BUL RTEN RNAMS BZHES TE TSE 'DAS KYI CHED DU BSNGO SMON MDZAD CING 'BYOR LAN THON PHYAG KYANG STZAL, TSES NYER LNGA LA RGYUD PA GRVA TSANG DU BZANG GOS LAS GRUB PA'I SNAM SBYAR BRGYA DRUG CU RE GCIG SNOD SGAM CHE LEGS BCAS DANG, ZANGS LTIR GSAR BA BCU BCAS SBYOR 'JAGS MDZAD, STAG MO BA BLO BZANG MTHU STOBS KYIS PHAR PHYIN SKABS BRGYAD KYI RGYUGS
, ,PHUL BAR BSOD BTAGS CHE BA, GOS KHA GSUM, BYANG DAR KHA BZHI, SMAN KHA LNGA, GZHUNG JA SPAG ,DRIL, LHO RAS BCAS STZAL, GCEN LUNG BA BLO BZANG DPAL 'BYOR DANG BLO BZANG TSE BRTAN, BLO BZANG RAB BRTAN, RJE DRUNG BLO BZANG DPAL 'BYOR, DPE THUB PA BLO BZANG SBYIN PA, BDE YANGS BA ZHABS DRUNG BLO BZANG BYAMS PA, BZHAD PA YE SHES CHOS 'PHEL DANG YE SHES TSE RING, YANG YE SHES CHOS 'PHEL, GU GE BA BLO BZANG PADMA, GRANG MO CHE BA BLO BZANG DON LDAN, LA KHA BA BLO BZANG BKRA SHIS, SRAD PA BLO BZANG YON TAN RNAMS KYIS RNAM 'GREL GYI THAL 'PHRENG LE'U BZHI, BZHAD PA SKU SKYE BLO BZANG TSE BRTAN GYIS PHAR PHYIN SKABS BRGYAD KYI 'GREL BA, DBEN DGON PA BSTAN 'DZIN RGYA MTSO DANG YE SHES CHOS 'PHEL, BLO BZANG DGE LEGS BCAS KYIS BDE MCHOG RTZA RGYUD DANG, YE SHES 'BYUNG GNAS KYIS LAM RIM 'BRING BO, CHOS 'KHOR LHUN PO BA BLO BZANG DPAL LDAN GYIS RNAM 'GREL GYI RTZA BA, ZHA LU BA BLO BZANG CHOS 'BYOR GYIS BU STON CHOS 'BYUNG DANG, DUS 'KHOR GYI CHO GA YONGS RDZOGS, BSAM GRUB DGA' LDAN BA YE SHES BZANG POS BYAMS CHOS SDE LNGA BCAS KYI RGYUGS PHUL BAR GNANG CHA SNGAR BZHIN STZAL, ` NA TSONG LDAN ZHES PA SHING PHAG LO ZLA BA DANG PO'I TSES BDUN NAS BZUNG GZIMS CHUNG NYI 'OD 'KHYIL PAR MTSAN NYID ZHABS PHYI RNAMS DANG BCAS NYIN LTAR RIGS LUNG LA 'GRUS PAR MDZAD, TSES BCO BRGYAD LA ZHVA NAG SPRUL PA'I SKU'I MGRON GNYER NGO G-YOG LA MJAL KHA JA GRAL DANG GONG DKAR RDZONG DPON DGA' BO NANG PA NGO G-YOG DANG GNAS RNYING BLA MA GSANG BA,
SGER PA KHA SHAS DANG MANG JA'I SBYIN BDAG SOGS MANG POR PHYAG DBANG STZAL, ZLA BA GNYIS PA'I TSES GNYIS NAS RIM BZHIN GUNG RATNA SIDDHI DANG KHAR RDO RJE'I BLA MA, CHU BZANG PHYAG MDZOD NGO G-YOG, ,RNAM GLING RDZONG DPON LEGS PA GLING BA NGO G-YOG DANG MANG JA'I SBYIN BDAG KHA SHAS BCAS LA PHYAG DBANG STZAL, 'DI NYIN CHU BZANG PHYAG MDZOD DANG, GUNG RATNA SIDDHI'I BLA MA SO SO NAS DNGOS 'BUL BSTAR ZHING GZHAN MA RNAMS KYIS SGER MJAL ZHUS PAR THON PHYAG KYANG GNANG, ZLA BA GSUM PA'I TSES GSUM LA BKA' BLON MDO MKHAR BA TSE RING DBANG RGYAL GYIS DNGOS 'BUL DANG BCAS ZHABS BRTAN GSOL 'DEBS ZHUS, 'DI SKABS RGYAL DBANG RIN PO CHE SKU 'KHRUGS RNYING BA MA DVANGS PAR MGUL GLO BZHES PA'I TSUL BSTAN PAR BLA BRANG NAS MAndAL, SKU GSUNG THUGS RTEN, NA BZA' NYER SPYAD, GSER SRANG BCO LNGA, DNGUL RTA RMIG MA SUM CU SO BDUN, CHOS GZHIS SPYI NAS DNGUL tAM KHA'O RDO TSAD NYI SHU BCAS ZHABS BRTAN 'BUL BAR MGRON GNYER BLO BZANG YAR 'PHEL RDZONG STA MDZAD DO, ,NGES PA'I DON DU RGYAL DBANG PAD DKAR 'DZIN, ,MI ZAD SRID PA'I GDUNG BA DANG BRAL YANG, THA MA LA SNANG NGOR MTSAN DPE'I ZLA SHEL NI, ,'BYUNG 'KHRUGS SPRIN GYI SGRIB G-YOGS 'DZIN PAR GYUR, ,TSUL DE MA BZOD THUGS KYI NAM MKHA'I KLONG, ,DAD PA'I CHU 'DZIN 'KHRIGS LAS GSOL 'DEBS KYI, ,'BRUG SGRA DANG BCAS ZANG ZING BDOG PA'I CHAR, ,PHAB STE PHAN BDE RGYAS PA'I RTEN 'BREL BSGRIGS, ,DE MTSUNGS RGYAL PA'I DBANG PO'I ZHABS BRTAN SKU RIM DU DMIGS RNAM RGYAL GRVA TSANG DU MANG 'GYED DANG, SER 'BRAS DGE GSUM, RGYUD STOD SMAD, SGRUB SDE KHAG RNAMS SU MANG 'GYED KYI
, ,BSNYEN BKUR GZABS, ZLA BA BZHI PA'I TSES NYI SHU LA RGYAL DBANG RIN PO CHE SKU KHAMS DVANGS BSKYED CHE BZHES YOD TSUL BKA' SHOG GNANG RTEN BZANG PA BCAS ZHABS BRTAN 'BUL BAR 'GRO MI MGRON GNYER NGO G-YOG 'BYOR PAR RJE BLA MA MCHOG KYANG THUGS DGYES TSUL SHIN TU CHE BA MDZAD, ZLA BA LNGA PA'I TSES GSUM NAS RIM BZHIN KHAMS SDE DGE MKHAN PO DANG, MTHO LDING MKHAN PO NGO G-YOG MANG BA, RTZE JA ZHU 'DREN PA DANG MDZO SDUD PA NGO G-YOG ,NGAM RING GRVA SKOR BA BCAS LA PHYAG DBANG GI BYIN RLABS DANG MKHAN PO GNYIS LA JA GRAL THOG BKA' 'DRI BCAS STZAL, ZLA BA DRUG PA'I TSES GSUM LA RJE BLA MA MCHOG NAS SH'ANTI PA BLO GROS RGYAL MTSAN GYIS MDZAD PA'I RNAM 'GREL GYI THAL 'PHRENG LE'U BZHI YONGS RDZOGS LJAGS 'DZIN GRUB PAR ZHAM RING PA NANG MA RNAMS KYIS LEGS SO PHUL, GZHUNG SA NAS ZHABS BRTAN 'BUL BAR MGRON GNYER YON TAN LEGS GRUB DANG NANG CHEN CHOS MDZAD, PHYAG MDZOD NANG GZAN BCAS 'BYOR PAR PHYAG DBANG JA GRAL BCAS GNANG, TSES BZHI'I NYIN SKU TSAB GNYIS NAS TSOGS DBUR SPYAN DRANGS TE MAndAL, SKU GSUNG THUGS RTEN, NA BZA' NYER SPYAD, GSER SRANG LNGA, DNGUL RTA RMIG MA SUM CU SO LNGA, JA 'KHOR DRUG BRGYA, GOS DAR SOGS DNGOS 'BUL GTOS CHE BA DANG BCAS ZHABS BRTAN GSOL 'DEBS ZHUS SHING, DE MTSUNGS 'DUS TSOGS SU MANG JA LNGA BCU DANG, 'GYED DGE 'DUN RER BSOD BTAGS DANG DNGUL ZHO GSUM RE, GRVA PA BRGYAD RER JA KO BI TZI SBAG RE BCAS STZAL, TSES BRGYAD LA SKU TSAB GNYIS NAS SGER MJAL ZHUS, TSES BCU
GNYIS LA SKU TSAB GNYIS NGO G-YOG LA THON PHYAG DANG SLOG CHA GYA NOM PA STZAL, RGYAL DBANG MCHOG GI BKA' LAN DU ZHU YIG DANG, RTEN MAndAL, GSER SRANG BCO LNGA, DNGUL RTA RMIG MA NYI SHU RTZA LNGA SOGS 'BUL BA MDZAD, GONG MA BDAG PO CHEN PO NAS JUN GAR PA MNGA' 'OG TU BSDUS GRUB PA'I BKA' LHA SA'I AAM PAN BRGYUD PHEBS PAR LEGS 'BUL DU MDZOD BTAGS, GSER ZANGS KYI SKU BRNYAN GSUM, SHAL PA DKAR DMAR BCAS GRE'U TZE'I THOG 'BUL RGYU GNANG, ZLA BA BDUN PA'I TSES DGU LA PAD TSAL DGE SLONG LA PHYAG DBANG DANG, LAM KHRID BDE LAM GYI LJAGS LUNG DGOS TSUL BZHIN STZAL, ZLA BA BRGYAD PA'I TSES GNYIS NAS NYIN LNGA'I RING GZIMS CHUNG NYI 'OD 'KHYIL PAR Ri shI'I CHAB KYI 'PHROD BZHES GNANG, TSES BCU GNYIS KYI NYIN TSOGS CHEN GYI 'BOL GRUM GSAR BRJE DANG, ZANGS LTIR GSANG BA BRGYAD CU THAM PA SBYOR 'JAGS THOG ZHAL BSROR SNGA JA SBYOR SBREL DANG GRO TSA, DGONGS JA'I THOG RJE BLA MA MCHOG TSOGS DBUR PHEBS NAS BKRA SHIS RAB GNAS DANG LJAGS BSNGO BCAS GNANG, 'DI SKABS RGYAL BA'I DBANG PO THAMS CAD MKHYEN GZIGS CHEN PO SNGON DU SKU 'KHRUGS KYIS BSNYUN BABS LCI TZAM BYUNG BA CHAB BZHUGS SOGS KYIS DVANGS BSKYED CHE BA MA BYUNG ZHING, GSOS SMAN GYIS KYANG 'JUG NGO TSAR MA BYUNG TSUL DANG, 'DI KHA'I DPON TSANG CHEN MOR YANG SNYUN BABS 'DI BZHIN 'DUG PAS SNYUN GZHI 'DI JI 'DRA YIN DANG, SNGAR PHAN GSOS SMAN JI LTAR BZHES RIGS 'JUG NGO MA BYUNG BAS DA CHA GSOS SMAN JI 'DRA ZHIG GNANG NA 'JUG PA YONG SOGS KYI THUGS THAM PHEBS PAR RJE BLA MA NYID THUGS BLONG BLONG POR GYUR TE, RIGS DANG DKYIL 'KHOR RGYA MTSO'I
, ,MNGA' BDAG RJE BLA MA RDO RJE 'CHANG CHEN PO NYID BSTAN 'GRO SPYI SGOS YONGS KYI MGON SKYABS DPUNG GNYEN CHEN POR ZHABS PAD BSKAL BA RGYA MTSO'I BAR DU BRTAN PA DANG, LHAG TU SKU KHAMS DVANGS BSKYED SKOR KYANG RJE BLA MA NYID RANG GI THUGS BSKYED LA RAG LAS GSHIS MYUR DU SKU KHAMS DVANGS BSKYED CHE BZHES THUGS RJE CHE BA DANG, SNYUN GZHI'I BABS LA THUGS PHAN THOGS RES DPON TSANG DGE SLONG 'DI PA CHED RDZONG ZHUS YOD TSUL ZHU YIG RTEN DNGUL GYI MAndAL MDZOD BTAGS SNA LNGA'I SNE 'DOGS CAN, TSE SBYIN YID BZHIN 'KHOR LO'I SNANG BRNYAN BKRA SHIS LI MA, GLEGS BAM, THUGS RTEN, SA LE SBRAM MGUR ZHO LNGA BCU, DNGUL RTA RMIG GZUGS BZHI, DGU TSAN BCU GCIG BCAS DPON TSANG DGE SLONG DGE 'DUN DON GRUB CHED RDZONG GNANG, DE ZHOR BOD BZHUGS GONG MA'I MI DRAG RNAMS LA MTSAMS ZHU'ANG STZAL, ZLA BA DGU PA'I TSES DRUG LA DGA' LDAN PHUN TSOGS GLING BLA SPYI NAS DNGOS 'BUL BSTAN ZHING BYANG CHUB LAM SGRON DANG LAM GTZO, ZHABS BRTAN BLO GROS DPAG BSAM MA BCAS KYI LUNG SLOG CHA DANG MANG 'GYED BCAS STZAL, TSES BDUN LA PHUN TSOGS GLING MKHAN POS TSOGS DBUR SPYAN DRANGS TE ZHABS BRTAN PHUL, TSES BCU GNYIS KYI NYIN PE'I CING MI SNA DKA' BCU BLO BZANG LEGS GRUB NGO G-YOG 'BYOR PAR GONG MA CHEN PO'I SKU'I MTSAMS ZHU MDZAD, GSER YIG DANG GNANG RTEN 'CHAR 'PHAR RGYA CHER STZAL PA BZHES, MI SNA NGO G-YOG RNAMS DANG 'GRUL SDEB PA BCAS LA PHYAG DBANG DANG, NGO BOR JA GRAL BKA' 'DRI GNANG, TSES BCU GSUM NAS RIM BZHIN SA DGA' MGO PA, KONG PO
BRGYA SKOR BA, BYANG PA BSAM GRUB DGA' LDAN GYI BLA SPYI, 'DAR GRANG MO CHE'I SPYI GNYER, TSA GAN NO MON HAN DANG, AER HE NI DA'I CHING GI AEL CHI, GZHIS RTZE YONG SDUD PA NGO G-YOG, DAR MDO'I TSONG PA, AA MDO BA NYIS BRGYA SKOR BCAS LA PHYAG DBANG STZAL, TSES NYER GCIG GI NYIN PE'I CING MI SNA DKA' CHEN BLO BZANG LEGS GRUB KYIS TSOGS DBUR SPYAN DRANGS TE DNGOS 'BUL BSTAR, DE'I MJUG MTHUN DU AOR TU SUR BLA MAR 'GRO MI'I ZLA BO GNYIS DANG, DHA YAN TU RA'I CHOS RJE'I ZLA BO BCAS NAS SGER MJAL ZHUS, ZLA BA BCU PA'I TSES GCIG LA RTA TSAG SPRUL SKU BLO BZANG DPAL LDAN RGYAL MTSAN GYI ZHABS BRTAN 'BUL MI AEL CHI NGO G-YOG 'BYOR PAR DGONGS JA'I THOG 'DUS PA RGYA MTSO'I TSOGS DBUR SPYAN DRANGS TE DNGOS 'BUL SBAM MTHO BA DANG BCAS ZHABS BRTAN PHUL, RTA TSAG AEL CHI RNAMS LA PHYAG DBANG STZAL, TSES GNYIS LA DPAL LDAN SA SKYA BDAG CHEN RIN PO CHE SKU MCHED DPON G-YOG BRGYA DANG SUM CU SKOR PHEBS TE SKU BRTAN, GLEGS BAM, GSER SRANG GSUM, DNGUL SRANG LNGA BRGYA SOGS KYI DNGOS 'BUL BTEG CING BKUR GZOS SNGAR LTAR MDZAD DE SLOG CHA YANG SBAM MTHO BA GNANG, TSES LNGA LA RTA TSAG GI AEL CHI RNAMS LA GNANG CHA DANG 'BYOR LAN SKYES BZANG GIS SPUD PA STZAL, TSES BCU GNYIS LA RGYAL DBANG MCHOG GI ZHABS BRTAN DU DMIGS TSOGS CHEN DU MANG JA KHA SHAS DANG 'GYED PA LA tAM RE GNANG, TSES BCU GSUM NAS RIM BZHIN AOR TU SU HAD KIN PE'I SI, DAR RGYAS NO MON HAN, DUS 'KHOR PAndI TA SOGS KYI AEL CHI NGO G-YOG DANG, PE'I SI'I BLA MA'I ZLA BO BCAS 'BYOR PAR PHYAG DBANG JA GRAL DANG DBEN DGON CHOS
, ,KHRIMS PA, AA MDO BA KHA SHAS BCAS LA PHYAG DBANG STZAL, HANG KIN GYI MI SNA NAS TSOGS DBUR SPYAN DRANGS TE ZHABS BRTAN PHUL, PE'I SI'I BLA MA'I ZLA BO, DAR RGYAS NO MON HAN GYI MI SNA, DVAGS PO SPRUL SKU'I MI SNA RNAMS NAS KYANG DNGOS 'BUL PA TEG, ,KHO RANG TSOR 'DOD CHOS DANG THON PHYAG 'BYOR LAN KYANG STZAL, BZHAD THUB BSTAN SKYID SPUG PA DNGOS 'BUL BSTAR ZHING PHYAG DBANG DANG SLOG KYANG GNANG, SNGAGS CHEN ZHAL SNGA NAS BLO BZANG DPAL 'BYOR GYIS STON 'KHOR TSANG MAR DKAR SPRO DANG GSOL STON RGYAS PA SOGS KYI BSNYEN BKUR BZANG PO BSTABS, DGONGS JA'I THOG TSOGS DBUR SPYAN DRANGS THOG DNGUL GYI MAndAL, SKU GSUNG THUGS RTEN, NA BZA' NYER SPYAD, DNGUL RDO TSAD BCO LNGA, GOS YUG SOGS DNGOS 'BUL BSTAR BAR 'DOD CHOS KYANG STZAL, TSES LNGA LA RNAM 'GREL SMON t'I KA THUGS 'DZIN GYI DBU TSUGS, YONGS 'DZIN ZHAL SNGA NAS KYIS MDZOD BTAGS, SMON t'IKA GI PHYAG DPE BCAS 'BUL BA MDZAD, TSES DRUG LA CHAB MDO 'PHAGS PA LHA ZHI PAR GSHEGS PA'I DGONGS RDZOGS SGRUB MI NGO G-YOG NAS DNGOS SKYES SBAM MTHO BA 'BYOR TE DAM PA DE NYID KYI DGONGS PA YONGS SU RDZOGS PA'I CHED LJAGS BSNGO'I RGYAS 'DEBS DANG, BANG MI NGO G-YOG DANG ZHVA DMAR SPRUL PA'I SKU'I BANG CHEN PA, RTZE DRUNG BZANG PO, GZHUNG SA'I MANG SKOL DO DAM PA, GOR shA'I BANG CHEN PA BCAS LA PHYAG DBANG GI BYIN RLABS DANG DGONGS RDZOGS SGRUB MI NGO G-YOG LA GNANG CHA DANG ZHU LAN RTEN SBRAGS BCAS THON PHYAG KYANG STZAL, TSES BCO BRGYAD LA 'TSO BYED DGE SLONG DGE 'DUN DON GRUB PHYIR 'BYOR TE BKA' RGYA RTEN LHA RDZAS,
DNGUL RTA RMIG GZUGS BDUN, DGU TSAN BCU GSUM BCAS KYI GNANG SKYES BZANG BA DANG DPON TSANG 'DI PA CHED RDZONG GNANG BA 'BYOR BSTUN GSOS SMAN 'PHROD PA DVANGS BSKYED CHE TSUL PHEBS PAR RJE BLA MA MCHOG KYANG THUGS SHIN TU DGYES, TSES NYER GCIG LA KHAMS RGYAL RONG BTZAN LA DPON PO'I CHOS MDZAD NGO G-YOG DRUG CU SKOR 'BYOR TE DPON GYIS DNGOS 'BUL BTEG ,BANG CHEN NGO G-YOG DANG AOR TU SU BKA' 'GYUR PE'I LI'I BANG MI KHA SHAS BCAS LA PHYAG DBANG DANG JA GRAL THOG BKA' 'DRI, DGA' LDAN LHA BRGYA MA'I LJAGS LUNG DANG THON PHYAG SKABS GNANG CHA ZHU LAN RTEN SBRAGS BCAS STZAL, ZLA BA BCU GNYIS PA'I TSES GSUM LA 'BA' RDZONG DPON GNYA' NGOS PA NGO G-YOG 'BYOR TE ZHABS BRTAN GSOL 'DEBS ZHUS SHING JA GRAL GYI THOG BKA' 'DRI DANG DMIGS BRTZEM DANG 'JAM DPAL MTSAN BRJOD, MA nI, LHA MO'I GTOR 'BUL BCAS KYI LJAGS LUNG DANG, THON SKABS GYON PA SOGS GNANG CHA MI DMAN PA BCAS STZAL, DPE THUB PA BLO BZANG MTHU STOBS KYIS RNAM BSHAD THAR LAM GSAL BYED KYI RGYUGS PHUL BAR KHA BTAGS, GOS CHEN DANG SMAN RNYING KHA GSUM 'BREL TE, BYANG DAR KHA PHYED BZHI, SHAM THABS DANG BAN GZAN SPUS 'BRING RE, LHO RAS, STAG MO PA BLO BZANG LEGS PAS t'I KA CHEN RIGS PA'I RGYA MTSO'I RGYUGS PHUL BAR KHA BTAGS CHE BA, JA Y'A JU BAR KHAG ,GOS RGYAN NYAN KHA LNGA 'BREL, BAN GZAN, SHAM THABS, SMAN PAR RNYING YUG ,LHO RAS, GNAS RNYING MCHOD KHANG PA BLO BZANG DBANG PHYUG GIS RNAM BSHAD DGONGS PA RAB GSAL GYI RGYUGS PHUL BAR KHA BTAGS CHE LEGS, GOS KHA GSUM, BAN GZAN SPUS LEGS, JA Y'A JU SBAG
, ,PHYED; SMAN RNYING KHA BZHI, DRIL, LHO RAS BCAS DANG, SRAD PA BLO BZANG RDO RJE DANG LA KHA PA BLO BZANG MKHAS MCHOG ,RGYAL CHEN RTZE BA BLO BZANG BSTAN 'DZIN, SA RDOR GDAN PA BLO BZANG DAR RGYAS, RI MKHAR BA YE SHES DGE 'DUN, MDANGS CHEN PA BLO BZANG CHOS 'PHEL DANG BLO BZANG ZLA BA, YE SHES BZOD PA, GRANG MO CHE BA CHOS MDZAD BLO BZANG DPAL 'BYOR, GNAS RNYING MCHOD KHANG PA BLO BZANG DAR RGYAS, SER KHANG PA BLO BZANG RGYAL MTSAN, GLO SPUG PA YE SHES DGE BSNYEN, STAG MO BA YE SHES CHOS 'PHEL DANG BLO BZANG YON TAN, LHA KHANG BA BLO BZANG YAR 'PHEL, BZHAD PA YE SHES CHOS DAR DANG BLO BZANG DAR RGYAS, JO MO RDZONG BA BLO BZANG 'PHRIN LAS, BDE 'BYOR PA ZHABS DRUNG BLO BZANG BSAM GTAN BCAS SO SO NAS RNAM 'GREL GYI THAL 'PHRENG LE'U BZHI DANG, BDE 'BYOR PA BLO BZANG RNAM RGYAL GYIS RNAM 'GREL GYI RTZA BA DANG RNAM BSHAD, GRANG MO CHE BA DGE 'DUN DBANG RGYAL DANG, RGYAL CHEN RTZE PA DKA' CHEN BLO BZANG DON GRUB DANG MKHAS MCHOG NOR BU BCAS NAS PHAR PHYIN SKABS BRGYAD, SNGAGS GRVA RGYAL CHEN RTZE PA DKA' CHEN BLO BZANG DPAL 'BYOR DANG JO MO RDZANG PA DKA' CHEN BLO BZANG SHES RAB GNYIS KYIS GSANG BA 'DUS PA'I BSKYED RDZOGS, PHYI MAS DE'I STENG DU LAM RIM DMAR KHRID, DBEN DGON PA DAM CHOS YAR 'PHEL DANG YE SHES PHUN TSOGS, YE SHES SKAL BZANG BCAS KYIS BDE MCHOG RTZA RGYUD, CHOS 'KHOR LHUN PO BA SANGS RGYAS CHOS 'PHEL DANG BYAMS PA RGYAL MTSAN, SANGS RGYAS YAR 'PHEL RNAMS KYIS BYAMS CHOS SDE LNGA BCAS KYI RGYUGS PHUL BAR GNANG CHA SNGAR BZHIN STZAL, ` 'DZIN BYED CES
PA ME BYI LO ZLA BA DANG PO'I TSES BCU GSUM LA RGYAL DBANG MCHOG 'DI LO DGUNG SKEG STENG PHEBS PAR SKU GEGS KYI TSUL BZHES MED PAR ZHABS PAD BRTAN PA'I GSOL BA 'DEBS PA DANG SKU'I GEGS SEL DU DMIGS CHOS SDE CHEN PO RNAMS SU BSNYEN BKUR ZHU BA BCAS LA DKA' CHEN MGRON GNYER YE SHES CHOS 'PHEL CHED RDZONG MDZAD DE MAndAL, SKU GSUNG THUGS RTEN, GSER SRANG LNGA, DNGUL RTA RMIG MA BZHI BCU ZHE LNGA SOGS DANG, SER 'BRAS DGE GSUM, RGYUD STOD SMAD, RNAM RGYAL GRVA TSANG SOGS SU MANG 'GYED KYI BSNYEN BKUR MDZAD, ZLA BA GNYIS PA'I TSES BCO LNGA LA KHAMS RGYAL THANG SUM RTZEN GLING SPYI SO NAS DNGOS 'BUL GYI BDOG PA BTEG CING 'BYOR LAN DANG SLOG CHA BZANG PO STZAL, DKA' CHEN MGRON GNYER YE SHES CHOS 'PHEL SKOR NAG PA ZLA BA'I TSES GSUM LA 'BYOR MDUN RGYAL DBANG MCHOG NAS GANG CI'I RTEN 'BREL LEGS PA BYUNG TSUL GYI BKA' RIN PO CHE DANG, GSER SRANG LNGA, DNGUL RTA RMIG NYI SHU RTZA BZHIS GTZOS PA'I DGU TSAN BZANG PO NYER LNGA'I GNANG RTEN BCAS STZAL, SHING KHYI ZLA BA DANG PO'I TSES BRGYAD NAS MGO BRTZAMS TE RNAM 'GREL GYI THAL 'PHRENG LA THUGS GNYER MDZAD PA SKABS 'DIR MTHAR PHYIN TE ZLA BA GSUM BA'I TSES BCU GCIG LA RNAM 'GREL SMON t'IKA LA GSUNG BSHAD RIGS LUNG GI DBU BTZUGS SHING DGYES STON DANG, PHYAG MDZOD CHEN MO NAS RTEN 'BYUNG YANG BSTAR, DE NAS BZUNG STE CHOS THOG SO SOR SKU RIM SKABS 'DUS SDE'I TSOGS DBUR PHEBS SHING, SKOR TSO'I SKABS SMON t'IKA LA GSUNG BSHAD RGYUN RING BA RE GNANG RJES ZUR BZHI SLOB DPON RNAMS DANG BCAS GZHUNG LUGS KYI DON LA RIGS PA'I LAM NAS DRANGS PA'I BRGAL ZHING BRTAG PA SOGS
, ,DAM PA'I CHOS KYI 'BEL GTAM KHO NAS DUS 'DA' BAR MDZAD, TSES BCU DRUG LA AOR TU SU BE'I LI TSE DBANG DPAL 'BYOR GYI BLA MAR 'GRO MI RGYAL CHEN RTZE BA DKA' CHEN BLO BZANG BKRA SHIS LA THON PHYAG DANG THUGS DAM BKA' BSGO STZAL TE 'GRO DON BSTAN PA'I ZHABS 'DEGS KYI BGYI BAR BRTZON PA LHOD MED DGOS PA'I BKA' SLOB PHEBS, ZLA BA LNGA PA'I TSES BCU BDUN LA SHEL DKAR CHOS SDE BLA GRVA THUN MONG NAS SPYAN 'DREN KHRUS GSOL GNAS BRTAN PHYAG MCHOD RNAMS ZHAL 'DON MDZAD DE DNGOS 'BUL DANG BCAS ZHABS BRTAN GSOL 'DEBS ZHUS SHING DGON PAR MANG 'GYED DANG SGER 'BUL ZHU MIR SLOG CHA STZAL, THAR PA GNYER RNYING DKA' CHEN BLO BZANG YAR 'PHEL GYIS SGER MJAL ZHUS, TSES BCO BRGYAD LA AO'I LOD PHUN TSOGS PE'I SI'I BLA MAR LEGS BSHAD GLING PA DKA' CHEN YE SHES DPAL LDAN, GUNG BSTAN PA'I NYI MA'I BLA MAR GCEN LUNG PA DKA' CHEN BLO BZANG DPAL 'BYOR, DHA YAN TU RA'I CHOS RJER LCAGS PA DKA' CHEN YE SHES MTHA' YAS BCAS BSGO BZHAG GNANG BA RNAMS 'GRO KHAR NGO G-YOG LA THON PHYAG GNANG CHA STZAL, PE'I CING MI SNA RAB 'BYAMS PA BLO BZANG DGE LEGS LA THON PHYAG GNANG, ZLA BA DRUG PA'I TSES GNYIS NAS BZUNG DGONGS BDUN GYI RING SMON t'IKA LE'U GNYIS PAR GSUNG BSHAD MDZAD, ZLA BA BDUN PA'I NANG DU GZHUNG NAS ZHABS BRTAN 'BUL BAR CHED STZAL MGRON GNYER DGE SLONG SKAL BZANG DON GRUB DANG RTZE DRUNG THOR GOD DGE SLONG BYAMS PA RNAM RGYAL NGO G-YOG LA MJAL KHA JA GRAL BCAS DANG, DE BSTUN LA DVAGS PHUN TSOGS RNAM RGYAL GYI MI SNA NGO G-YOG LA'ANG MJAL
KHA GNANG, TSES DRUG NAS BZUNG DGONGS BRGYAD KYI RING SMON t'IKA LE'U GSUM PAR GSUNG BSHAD MDZAD, TSES BRGYAD LA GZHUNG GI SKU TSAB GNYIS NAS RGYAL DBANG MCHOG GI BKA' LTAR RJE NYID TSOGS DBUR SPYAN DRANGS TE DNGUL GYI MAndAL, SKU GSUNG THUGS RTEN, NA BZA' NYER SPYAD, GSER SRANG LNGA, DNGUL RTA RMIG MA NYI SHU RTZA LNGA, JA 'KHOR DRUG BRGYA DANG LNGA BCU SOGS ZHABS BRTAN DNGOS 'BUL DANG, 'DUS TSOGS SU MANG JA LNGA BCU, DGE 'DUN RER DNGUL BAL tAM GNYIS RE DANG DGE 'DUN LNGA RE LA JA BAR KHAG RE'I 'GYED BCAS GNANG, BKA' BLON LHAN RGYAS NAS DNGOS 'BUL BTEG CING SKU TSAB GNYIS NAS KYANG SGER MJAL ZHUS, RGYAL BA'I DBANG POR BKA' DRIN CHE TSUL GYI ZHU YIG DANG RTEN MAndAL, MDZOD BTAGS, GSER MGUR ZHO SUM BRGYA DANG GCIG ,DNGUL RTA RMIG MA SUM CU SO LNGA SOGS 'BUL BA GNANG, SKU TSAB GNYIS LA SLOG CHA DANG GNANG SKYES STZAL TE TSES BCU GSUM LA THON, ZLA BA BRGYAD PA'I TSES GSUM LA DPAL RDO RJE 'JIGS BYED CHEN PO'I SNANG BRNYAN GSER ZANGS LAS GRUB BA THOG TSAD MA GSAR BZHENGS LEGS PAR GRUB PA LA BYU RU MU TIG GI PHRAS MDZES PA'I GOS BZANG PO'I NA BZA' GSOL ZHING, BKRA SHIS PHUN TSOGS 'KHYIL BAR BZHUGS SU GSOL TE LHAG GNAS KYI ME TOG GTOR, NAG PHYOGS BDUD SDE'I 'TSE BA BZLOG PA'I SLAD, ,GSER ZANGS LAS GRUB RDO RJE 'JIGS BYED KYI, ,SNANG BRNYAN LEGS BSGRUBS SHIS PA BRJOD PA LAS, ,SRID ZHI'I PHUN TSOGS MGRON DU BSU BAR MDZAD, ,TSES DGU LA GSANG SNGAGS RGYUD PA GRVA TSANG DU DPAL DUS KYI 'KHOR LO'I RGYUD 'GREL GYI 'CHAD NYAN GSAR 'DZUGS DANG BSTUN BKRAS BTAGS LEGS PA RE'I 'GYED STZAL
, ,TSES BCO BRGYAD LA BKA' BLON JA SAG NYI MA RGYAL MTSAN GYIS ZHABS BRTAN 'BUL MI CHED DU MNGAGS PA NAS TSOGS DBUR SPYAN DRANGS TE ZHABS BRTAN GSOL 'DEBS ZHUS SHING 'BYOR LAN DANG SLOG CHA THON PHYAG BCAS STZAL, TSES BCU DGU NAS BZUNG SKU RIM THOG 'DUS SDE'I TSOGS DBUR ZHABS ZUNG BKOD DE, RNAM 'GREL GYI t'IKA CHEN LE'U BZHI PAR GSUNG BSHAD DGONGS BDUN GNANG, DUS 'DIR LHA RTZE DGA' LDAN 'OG MIN GLING GI BLA MAR DGON KHRAB DKA' CHEN BLO BZANG SKAL BZANG, SA BDE CHEN PO'I BLA MAR RONG MTSO BA DKA' CHEN DAR RGYAS CHOS 'PHEL, SER KHANG PA'I BLA MAR GRANG MO CHE BA DKA' CHEN YE SHES SKAL BZANG, LHA KHANG PA'I BLA MAR BA SO BA DKA' CHEN YE SHES GRAGS PA RNAMS BSKO BZHAG GNANG STE, TSES NYER DRUG LA THON PHYAG GNANG, ZLA BA DGU PA'I NANG DU KHYUNG RTZE RAM PA BA'I THE'I JI NGO G-YOG LA SMON LAM BDE BA CAN MA'I LJAGS LUNG STZAL, TSES BCU BZHI'I NYIN SKU'I PHU BO RJE DRUNG BLO BZANG SBYIN PA LA MJAL KHA JA GRAL BCAS GNANG, DE RJES TSES BCU BDUN NYIN LAM RIM BSDUS DON DANG BDE MCHOG GI BLA BRGYUD, BSTOD PA, SMON LAM, SHIS BRJOD BCAS KYI LJAGS LUNG STZAL, RGYAL DBANG MCHOG NAS PHU BO RJE DRUNG BLO BZANG SBYIN PA SHANGS LHA PHU SPONG TOG GI MKHAN POR MNGA' GSOL BRTZE BAS BSKYANGS PAR RJE NYID NAS MKHAN CHAS SPUS GTZANG BA SOGS KYI GNANG CHA STZAL, KHRI 'DON SKABS MKHO LAM GNYER PA BKAS CHED DU MNGAGS TE KHRI JA PHYAG 'GYED BZANG PO BCAS GNANG, ZLA BA DGU PA RTING MA'I TSES LNGA LA MTSO SNGON JA SAG DAR RGYAS TSE RING GI BLA MA DKA' CHEN YE SHES DAR RGYAS NGO G-YOG
'GRUL SDEB DANG BCAS PA, DAM RING CHOS SDE'I GRVA SKOR BA, BDE 'BYOR BLA MA GSAR PA, GZHUNG SA'I GSER SDUD BA BCAS LA MJAL KHA GNANG, TSES BRGYAD LA RTA NAG THUB BSTAN RNAM RGYAL GYI MKHAN PO NAS DNGOS 'BUL DANG BCAS ZHABS BRTAN GSOL 'DEBS ZHUS, MKHAN POR JA GRAL DANG SLOG CHA GNANG, RGYUD PA GRVA TSANG NAS 'JIGS BYED SLE'U CHUNG MA GDAN DRANGS PA GZIMS CHUNG DU BZHUGS SU GSOL TE, SKU MTSAMS MDZAD NAS DPAL RDO RJE 'JIGS BYED KYI RNAL 'BYOR LA GZHOL BAR MDZAD, ZLA BA BCU PA'I TSES GCIG LA RGYUD PA GRVA TSANG DU TSOGS GDAN 'BOL GRUM GSAR BRJE DANG, 'JIGS BYED SGRUB MCHOD NYIN GCIG SPOR BA MDZAD DE DKYIL 'KHOR LA BRGYA MCHOD SNA LNGA DANG DGE 'DUN RNAMS LA BSNYEN BKUR GZABS, SPYI SOR SBYOR 'JAGS SU KARMA GAN DRIL RDOR BCAS BZHI DANG, GSAR BZOS DRIL BU RDOR BCAS NYIS BRGYA BCU GCIG RNAMS DRIL GDAN DANG, SHUBS BCAS CHA 'GRIG ,'GYED BSOD BTAGS CHE BA RE DANG DNGUL ZHO DRUG RE, SNYAN DAR RTAGS BRGYAD KHA BTAGS BCAS STZAL, CHOS RJE DKA' CHEN YE SHES DAR RGYAS KYIS TSOGS DBUR SPYAN DRANGS TE CHOS RJE NAS ZHUS NGOR STZAL PA'I ZHABS BRTAN BKA' RTZOM TSOGS 'DON DU BTZUGS SHING DE'I LJAGS LUNG YANG GNANG, DNGOS 'BUL DANG BCAS ZHABS BRTAN GSOL 'DEBS ZHUS, PE'I SI B'A DUR DA'I CHING GI BANG CHEN PA SOGS MTSO SNGON GYI SOG RIGS MANG PO DANG, ZHVA DMAR SPRUL PA'I SKU DANG SI TU'I MI SNA, CHAB MDO BA, BRAG G-YAB PA, TRE BO DANG MANG JA'I SBYIN BDAG SOGS PHYOGS 'DUS MANG POR PHYAG DBANG STZAL, THOS BSAM GLING NAS GRVA TSANG DU SPYAN DRANGS TE DKAR SPRO GSOL STON DANG TSOGS DBUR ZHABS ZUNG BKOD THOG BLA SPYI THUN MONG NAS
, ,DNGOS 'BUL BTEG ,HAR GDONG PA DKA' CHEN BLO BZANG DAR RGYAS KYIS KYANG DNGOS 'BUL GYI BDOG PA BSTAR, SPYIS NAS KYANG GSER DNGUL GYI MCHOD SPRIN SPROS, TSOGS YONGS LA ZHABS BRTAN BKA' RTZOM GSAR GNANG DANG 'JAM DBYANGS GANG BLO MA, SHES BYA'I MKHA' DBYINGS MA, t'IKA CHEN RIGS PA'I RGYA MTSO'I MGO NAS 'JAM DBYANGS KYI BSTOD PA SHO LO KA GCIG ,AAR PA TZA NA BCAS KYI LJAGS LUNG STZAL, GRVA TSANG BLA SPYI NAS RGYU YON SBYAR TE RJE BLA MA MCHOG GI ZHABS BRTAN DU RGYUD PA GRVA TSANG NAS TSE CHOG MDZAD PA'I TSOGS DBUR ZHABS SOR BKOD THOG THOS BSAM GLING NAS DNGOS 'BUL DANG BCAS ZHABS BRTAN GSOL 'DEBS ZHUS, SO SOR 'BUL SLOG STZAL CING GRVA TSANG DU 'PHAN CHA GNYIS SBYOR 'JAGS GNANG, ZLA BA BCU GNYIS PA'I TSES BCU DRUG NAS BZUNG RJE BLA MA MCHOG GIS GTZO MDZAD BLA GRVA NYI SHU RTZA BDUN NAS 'JIGS BYED KYI ZHI BA'I SBYIN SREG NYIN BZHI'I RING MDZAD CING, DAM CAN CHOS RGYAL LA GTANG RAG BSKANG GSO GNANG, THUGS DAM RTEN 'JIGS BYED KYI SNANG BRNYAN SLE'U CHUNG MAR MGUL RGYAN NA BZA', BZHUGS KHANG BCAS PHUL, RGYUD PA GRVA TSANG DU CHU GNYIS NYER SPYOD 'BUL SNOD SBYOR 'JAGS SU STZAL, 'BRONG RTZE BA BLO BZANG 'PHRIN LAS DANG GLO SPUG PA DAM CHOS MKHAS MCHOG GNYIS NAS PHAR PHYIN GYI 'GREL PA, LEGS BSHAD GLING PA RNAM RGYAL SBYIN PA, GRANG MO CHE PA BLO BZANG RGYAL MTSAN DANG YE SHES CHOS 'PHEL, DPE THUB PA BLO BZANG RGYAL MTSAN DANG BLO BZANG DBANG PHYUG ,RTA NAG GSER GLING PA BSTAN 'DZIN RGYAL MTSAN, BDE 'BYOR BA BLO BZANG LEGS PA, DGA' LDAN RAB RGYAS PA YE SHES MTHA' YAS, ZHI
GNAS PA BLO BZANG DON GRUB, GLO SBUG PA NGAG DBANG CHOS 'PHEL RNAMS KYIS RNAM 'GREL GYI THAL PHRENG LE'U BZHI, SNGAGS GRVA 'BRONG RTZE BA TSOGS GSOG PA YE SHES SMON LAM, RGYAL CHEN RTZE BA DRUNG RAM PA BLO BZANG BZANG PO, DPE THUB PA DKA' CHEN BLO BZANG 'BYUNG GNAS, BSO BA DKA' CHEN BLO BZANG DON GRUB BCAS NAS GSANG BA 'DUS PA'I BSKYED RDZOGS, DBEN DGON PA BKRA SHIS RNAM RGYAL DANG BLO BZANG DGE LEGS, BLO BZANG RGYAL MTSAN RNAMS NAS BDE MCHOG RTZA RGYUD, CHOS 'KHOR LHUN PO BA SANGS RGYAS DPAL BZANG DANG SANGS RGYAS DPAL 'BYOR GNYIS NAS SDOM GSUM RAB DBYE'I RNAM BSHAD, SNAR THANG PA BLO BZANG 'PHRIN LAS KYIS LAM RIM 'BRING PO, RONG BYAMS CHEN PA BLO BZANG CHOS 'PHEL GYIS LAM RIM CHEN MO, ZHA LU PA BLA CHEN RIN CHEN CHOS BZANG GIS DUS 'KHOR BSDUS RGYUD DANG DUS 'KHOR GYI CHO GA LHAN THABS BCAS KYI RGYUGS PHUL PAR GNANG CHA SNGAR SROL LTAR DANG, GZIMS DPON DPON TSANG DGE SLONG DGE 'DUN DON GRUB KYI TSA BO DKA' CHEN NGAG DBANG NAM MKHAS RGYUD BZHI'I RGYUGS PHUL BAR SNGAR SROL LAS 'PHAR BA'I GNANG CHA BCAS STZAL; ` DBANG PHYUG CES PA ME MO GLANG GI LO ZLA BA DANG PO'I NANG DU SNAR THANG GNYER PA DRUNG RAM PA DGE 'DUN DON GRUB KYIS TSE CHOG DANG 'BREL BA'I SGO NAS ZHABS BRTAN PHUL, TSOGS PA LA GNAS BRTAN PHYAG MCHOD DANG ZHABS BRTAN BLO GROS DPAG BSAM MA'I LJAGS LUNG DANG SLOG CHA SBYOR 'JAGS SOGS MDZAD, ZLA BA GNYIS PA'I TSES GNYIS LA BE LIG THU NO MON HAN GYIS DNGOS 'BUL BTEG ,KHONG NGO G-YOG DANG HAL HA DAR HAN PE'I LI'I THO YON LA PHYAG DBANG JA GRAL GNANG, TSES LNGA'I THO RANGS RTA ZAM CHU TSOD THOG RGYAL DBANG
, ,MCHOG NAS BKA' RGYA PHEBS PAR SNGON DU SMON LAM TSOGS DBUR PHEBS SKABS MGUL CHAM BZHES PA PO TA LAR PHEBS NAS CUNG ZAD DVANGS BSKYED BZHES THOG ,GSOS SMAN TSAS SKYON LTA BUS YANG BSKYAR SKU KHAMS LTEMS TSUL CHER SONG BA'I SNYUN GZHI MYUR DU SING DVANGS YONG BA'I THUGS SMON GYI MTSAMS SBYOR DANG CHOS SRUNG DAM CAN RGYA MTSOR 'PHRIN BCOL BCAS GANG GZAB GNANG DGOS ZHES PHEBS PAR DE 'PHRAL MGON KHANG CHEN MOR CHOS SKYONG YONGS RDZOGS LA SNYAN SHAL RE DANG, SPYAN GZIGS SU ME MDA', RAL GRI SHUBS BCAS, GNYER GTAD LHA MO, BYAMS KHANG LHA MO, THOS BSAM GLING, DKYIL KHANG, SHAR RTZE, SNGAGS KHANG, GZIMS KHANG GI MGON KHANG SO SO'I CHOS SRUNG RNAMS LA STAN SHAL DANG SPYAN GZIGS SU DPA' DAM GSUM, ME MDA' CHA 'GRIG LNGA BCAS 'BUL BA GNANG NAS SKU KHAMS MYUR DU DVANGS PA'I THUGS SMON DANG 'PHRIN BCOL GANG DRAG MDZAD, RGYAL DBANG MCHOG GI ZHABS BRTAN DU DMIGS TSOGS CHEN DU MANG JA KHA SHAS DANG, 'GYED DNGUL BAL tAM RE, MTSAN SGROG DGA' LDAN DAR RGYAS GLING; ZHA LU, SRAD RGYUD, SRAD NOR BU CHOS 'KHOR, 'BRONG RTZE CHOS SDE SO SOR MANG JA BRGYA RE, GANGS CAN CHOS 'PHEL DU MANG JA LNGA BCU YON RNAM GZHAG BCAS TSOGS 'DON DU GNAS BRTAN PHYAG MCHOD, GDUGS SHER SGROL GSUM, 'JAM DPAL MTSAN BRJOD BCAS MDZAD RGYUR DO DAM PA RNAMS LA ZHABS BRTAN GNAD SMIN YONG BA'I BKA' 'DOMS SHIN TU LCI BA GNANG STE, TSES DRUG GI SNGA CHAR THON PA STZAL, DE LUGS KYI ZHU YIG GI LAN KYANG GSOL 'DEBS KYI RTEN DANG BCAS RTA ZAM CHU TSOD THOG NAS PHUL, GRU 'DZIN
BDAG PO'I GZUGS SKU'I A'A DARSHAR, ,MNGON PAR ZHUGS PA'I NYE ZHO'I G-YA' YI TSOGS, ,DAG PHYIR 'DZAD MED GTER GYI SGO PHYE NAS, ,ZHABS BRTAN RIM GRO'I BYI DOR CI YANG BSGRUBS, ,'ON KYANG SNYIGS MA'I SKYE DGU MTHA' DAG GI ,RNAM DKAR BSOD NAMS NUS MTHU BRI BA NA, ,SRAS BCAS RGYAL BA'I TSOGS RNAMS LHAN CIG TU, ,'DUS KYANG BZLOG TU MED PA DNGOS PO'I GSHIS, ,TSES DRUG GI NYIN PHYED YOL TZAM LA BKA' BLON RNAMS DANG, SKU MDUN NANG MA RNAMS KYIS RTA ZAM THOG ,RGYAL DBANG MCHOG SKU KHAMS LTEMS PAR SMAN PA MKHAS PA RNAMS NAS GSOS SMAN 'BUL BZHES DANG, TSANGS PA DUNG THOD CAN GYIS MTSON CHOS SKYONG KHAG LA LUNG BSTAN ZHUS TE ZHABS BRTAN SKU RIM RGYA CHER BSGRUBS KYANG, BSTAN 'GRO YONGS KYI GEGS CHAGS DUS GCIG TU BDO BAS SMAN BCOS ZHABS BRTAN SKU RIM SOGS GANG GIS KYANG PHAN NGO MA BZHES PAR PHAN BDE'I NYI MA DGUNG DU NUB PA LTA BUS ZLA BA GNYIS PA'I TSES GSUM GYI SA SRIB LA DGONGS PA GZHAN DON DU GSHEGS PA'I MDZAD PA MTHA' CAN DU GYUR TE, DA LTA THUGS DAM KHO NAR BZHUGS BZHIN LAGS PA, DE KHAR STABS 'GROS KYI GSOL 'DEBS ZHU SNYING, KHAMS GSUM GYI MGON PO RJE BLA MA DE NYID KYI THUGS DGONGS RDZOGS SHING, SA LAM GYI BAR CHAD ZHI BA DANG SPRUL SKU'I ZLOS GAR MYUR PHEBS KYIS BSTAN 'GRO YONGS KYI MGON DU 'GYUR BA DANG, LHAG PAR DGONGS RDZOGS SGRUB RGYU'I RNAM DKAR GANG 'DRA ZHIG LA 'BAD NA 'GYUR CHE BA YONG DANG, DGONGS PA RDZOGS SHING YANG SRID MYUR DU PHEBS PA'I THUGS SMON BKA' RTZOM ZHIG KYANG BRTZE BAS GZIGS DGOS TSUL GYI YI GE RTEN LDAN PHUL, DE 'PHRAL RJE BLA MA MCHOG KYANG THUGS KHRAL BZOD GLAGS MED PA 'KHRUNGS,
, ,MCHOG SPRUL MYUR 'BYON GYI BDEN TSIG DE 'PHRAL GSAR RTZOM MDZAD NAS PAR DU'ANG BRKOS SHING BKA' BLON DANG ZHAM RING BA NANG 'KHOR RNAMS LA ZHU LAN DU, NGOS KYANG CHU BYA LO NAS RGYAL DBANG MCHOG SKU KHAMS MA DVANGS PA'I TSUL BZHES PA BLO KHOL GYI RANG BZHIN DU GYUR TE, SKU KHAMS MYUR DVANGS KYI CHED BLA MA LHA SRUNG LA GSOL 'DEBS 'PHRIN BCOL, DGON KHAG RNAMS SU MANG 'GYED KYI THOG ZHABS BRTAN RGYA CHER BSGRUBS PA DANG, LHAG PAR ZLA BA DANG PO'I NANG DU YI GE 'BYOR 'PHRAL ZHABS BRTAN LA 'BAD 'BUNGS CHER BTON CING, DE KA NAS KYANG ZHABS BRTAN RGYA CHEN BSGRUBS PAS KYANG GSOL BA MA THEBS PAR RE ZHIG ZHING KHAMS GZHAN DU GSHEGS TSUL BSTAN PAS PHAN BDE'I NYI MA NUB GSHIS, BZOD PAR DKA' BA'I BLO NGAL DU GYUR KYANG, SKU 'DI NYID KYI GDUL BYA RDZOGS NAS RTAG 'DZIN CAN RNAMS CHOS LA BSKUL BA'I CHED DU THA MA'I MDZAD PA STON PA RGYAL BA SRAS BCAS KUN GYI CHOS NYID YIN GSHIS DGONGS PA ZAB MO YONGS SU RDZOGS SHING, MCHOG GI SPRUL SKU 'KHRUL BRAL GSAL DVANGS MYUR DU PHEBS PA SOGS KYI CHED DU GSOL 'DEBS 'PHRIN BCOL RGYUN CHAGS SU BGYID 'DUN DANG, 'DI KHA TSOGS CHEN DANG GRVA TSANG KHAG ,PHYOGS MTHA'I DGON KHAG BCAS PAR ZHABS BRTAN SNGON TSUGS RNAMS DGONGS RDZOGS DANG YANG SRID MYUR PHEBS KYI SKU RIM DU BSGYUR BA DANG, GSAR GTONG SKU GSUNG THUGS RTEN LA MCHOD 'BUL, DGON KHAG LA MANG 'GYED BCAS RGYA CHE GNAD SMIN BSGRUBS DANG SGRUB RTZIS SU YOD CING, DGONGS PA RDZOGS THABS SU SMON LAM RNAM GSUM SOGS DANG YANG SRID MYUR PHEBS KYI SKU RIM DU SGROL MA DANG
GDUGS DKAR, CHOS SRUNG GI BSKAD BA BCAS LA 'BAD PA DANG, MYUR 'BYON GSOL 'DEBS KYANG ZUR 'BUL ZHUS YOD CING, DA DUNG CHOS SKYONG KHAG LA'ANG LUNG ZHU SOGS SGO GANG GZAB CIS KYANG MDZAD DAGS LUGS KYI BKA' RGYA RTEN SBRAGS CHU TSOD RTA ZAM THOG 'BUL BA MDZAD, TSES BDUN LA SNGA RNGAR NAS BZUNG DGE 'DUN RNAMS TSOGS CHOS GRVAR DBU ZHVA MI BZHES PA DANG, KI THAL, JA BSHAD SOGS MI MDZAD PA'I BKA' KHYAB GNANG, DE NYIN NAS ZHAG RE SNGA BSNUR GYIS DGUNG ZHAG ZHE GNYIS RING SNGAGS PA GRVA TSANG DU NYIN LTAR JA THUG BDUN RE DANG, MCHOD PA SNA LNGA TSAR LNGA RE BCAS DANG, GSANG 'JIGS GNYIS KYI SGRUB MCHOD MDZAD PAR YON SRANG GANG RE'I RTZIS KYI DNGOS PO STZAL, LHA KHANG KHAG GI RTEN GTZO RNAMS KYI DRUNG DU MCHOD PA SNYAN SHAL BCAS 'BUL BA GNANG NAS, RGYAL BA'I DBANG BO DE NYID KYI THUGS ZAG MED KYI DGONGS PA YONGS SU RDZOGS PA DANG, MCHOG GI SBRUL SKU'I ZLOS GAR 'KHRUL BRAL MYUR DU 'BYON PA'I THUGS SMON SHUGS DRAG GNAD SMIN MDZAD, TSOGS CHEN DU YANG 'GYED DNGUL SRANG RE GNANG, DBEN DGON DU BDE MCHOG GI CHO GA MDZAD PAR BSNYEN BKUR GYI DGOS CHA STZAL, TSES BCU'I NYIN RGYAL DBANG THAMS CAD MKHYEN PA'I SKU GDUNG RIN PO CHE YID BZHIN DBANG GI RGYAL POR SNA LNGA'I STONG MCHOD THOG SNYAN SHAL MDZOD BTAGS SNA LNGA, DNGUL RTA RMIG MA DRUG CU, RTA BZHI BCU, GOS YUG RE BCAS KYIS GTZOS PA'I BRGYAD TSAN BRGYA THAM PA, MNGA' 'BANGS LHA SDE MI SDE SPYI NAS DNGUL SRANG NYIS STONG LNGA BRGYA RNAMS KYI GDUNG 'BUL, GSUNG CHOG PA DGE 'DUN NYI SHU RTZA BZHI LA NYIN GANG ZHABS TOG DANG DE MO SPRUL BA'I SKUR YON KHA BTAGS, GOS SMAN YUG ,BYINGS NYI SHU RTZA GSUM SO SOR KHA BTAGS
, ,DNGUL SRANG GANG RE, JO SH'AKA RNAM GNYIS DANG DGA' LDAN GSER GDUNG RIN PO CHER STONG MCHOD SNA LNGA TSAR RE, RVA SGRED JO BO 'JAM DPAL RDO RJE, CHOS 'KHOR RGYAL DANG 'OL KHA RDZING PHYI'I BYAMS MGON RNAMS LA BRGYA MCHOD SNA LNGA TSAR RE DANG SO SOR SNYAN SHAL KHA BTAGS RE, RNAM RGYAL GRVA TSANG, SER 'BRAS DGE GSUM, RGYUD STOD SMAD, RVA SGRENG SO SOR ZHAL 'DON GONG BZHIN MDZAD RGYUR MANG JA DGU RE, GRVA GRANGS CHIG KHRI NYIS STONG BDUN BRGYA LNGA BCU NGA DRUG LA DNGUL SRANG RE, GZHAN MA DBUS LHO BYANG GI DGON KHAG BRGYA DANG BCO BRGYAD LA MANG JA LNGA RE, DGE 'DUN CHIG KHRI BZHI STONG SUM CU SO BDUN LA 'GYED DNGUL BAL tAM RE, BSNGO RTEN RNAM GZHAG BCAS BSTAR, BKA' BLON RNAMS LA YANG DGONGS RDZOGS SGRUB LUGS DANG, SPRUL SKU MYUR 'BYON SKOR GYI GSUNG SHOG BCAS MGRON GNYER DKA' CHEN YE SHES CHOS 'PHEL RDZONG STA MDZAD, GZHUNG NAS MANG JA'I DOD DNGUL SRANG BRGYA GNANG BAR 'DUS TSOGS SU TSES BDUN NAS MANG JA BDUN RIM GTONG DANG BSTUN BLA BRANG NAS KYANG TSES BCU GCIG BAR NYIN LTAR MANG JA GNYIS RE'I THOG SMON LAM RNAM GSUM DANG, TSES BCU GNYIS NAS DGE 'DUN RNAMS KYIS TSOGS LA DBU ZHVA BZHES SHING JA BSHAD SOGS SNGAR RGYUN BZHIN MDZAD, TSOGS CHEN DU YANG SRID MYUR 'BYON GSOL 'DEBS ZHAL 'DON DU BTZUGS NAS KHA BTAGS RE'I 'GYED GNANG, TSES BCU GSUM LA GZHUNG SA NAS RGYAL MCHOG DE NYID KYI THUGS KYI DGONGS BA RDZOGS SHING, MCHOG SPRUL MYUR GSAL GYI CHED MCHOG GSUM GYI THUGS RJE BSKUL DGOS PAR GSOL BA 'DEBS RTEN MAndAL, NA BZA' CHA TSANG, DNGUL GYI SPYAD
PA; CHIBS CHEN DANG CHIBS 'DRA BCAS SGA 'KHOR CHA TSANG GSUM, DNGUL RTA RMIG GZUGS DANG GOS YUG BCAS BCU TSAN BZHI BCU, STONG MCHOD SNA LNGA, 'DUS SDER MANG JA LNGA BCU DANG 'GYED RGYA tAM RE, GRVA BA LNGA RER JA SBA GA RE BCAS 'BUL CHED MGRON GNYER SMAN RAM PA NGO G-YOG 'BYOR MDUN GYI DNGOS 'BUL RNAMS BDAG GIR BZHES TE, RJE BTZUN BLA MA BKA' DRIN MTSUNGS MED DE NYID KYI THUGS ZAG MED KYI DGONGS ZAB YONGS SU RDZOGS SHING LJONGS 'DIR MCHOG GI SPRUL SKU 'KHRUL BRAL MYUR 'BYON GYI CHED GSOL 'DEBS DANG THUGS SMON GDUNG SHUGS DRAG PO'I SGO NAS MDZAD, TSES BCU BZHI'I NYIN MGRON GNYER SMAN RAM PA NGO G-YOG LA THON PHYAG GNAD CHA DANG ZHU LAN RTEN SBRAGS GNANG, ZLA BA DE'I TSES BCO LNGA LA BKA' BLON RNAMS NAS RGYAL DBANG MCHOG GI SPRUL SKU MYUR GSAL GYI RIM GRO JI LTAR BSGRUB DGOS DANG YUL PHYOGS GANG DU 'ON SENG BYED DGOS GSOL BAR MTSUNGS MED MCHOG GI SPRUL BA'I SKU ZHIG PHEBS NGO BABS TSUL DANG RIM GRO SGRUB RGYU'I LAN KYANG STZAL, TSES BCU DRUG NAS RIM BSHIN MTSO SNGON PHYAG RDOR BE'I SI'I MI SNA, GSER THOG NO MON HAN, AU RAD THUS LAG CHI, AOR TU SU'I DPON KHAG KHA SHAS KYI AEL CHI, THO YON BLO BZANG RAB BRTAN NGO G-YOG BCAS LA PHYAG DBANG STZAL, TSES NYI SHU LA BKA' BLON LHAN RGYAS NAS BAL BO BZO BA KHA SHAS RDZONG STA GNANG DGOS ZHUS PA BZHIN SKU GDUNG YID BZHIN NOR BU'I BZHUGS YUL MCHOD SDONG CHEN PO'I RGYU YONGS SU RDZOGS PA 'DENG RTZIS KYI GSER THUR SRANG BDUN STONG DANG BAL BO MKHAS SBRUGS BRGYAD BCAS PAR DPON YE SHES GRAGS
, ,PA RDZONG STA MDZAD DO, ,LHA DANG MIR BCAS SKYE RGU'I GTZUG GI RGYAN, ,YONGS RDZOGS THUB BSTAN GSAL BA'I SGRON ME MCHOG ,SPYAN RAS GZIGS DBANG MTSAN DPE'I ZLA SHEL NI, ,DUS KYIS CHOS DBYINGS CHU LHA'I PHANG BAR GZIMS,, DE TSE MGON KHYOD PAD DKAR 'DZIN PA YI, ,BKA' DRIN RJES DRAN SKYO BA'I 'KHYOG 'BAR GYIS, ,THUGS KYI CHU GTER CI YANG KHOL BA LAS, ,DAD PA'I CHU THIGS G-YO BA'I DAG BYED BSTEN, ,RNAM MANG MCHOD PA'I BYE BRAG SNA TSOGS DANG, ,'DZAM GLING RIN CHEN RTZER SON SA YI ZLA, ,STONG PHRAG SRANG 'KHOR THUB PA'I GRANGS LDAN PA, ,PHANGS MED STZOL PA'I MCHOD SBYIN SGO 'PHAR PHYE, ,YUL DBUS LTE BA GRU 'DZIN RI BO'I SLOR, ,SKU GDUNG RIN CHEN 'DZIN PA'I ZA MA TOG ,BSGRUBS PA'I KHUR GYIS PHRAG PA NGAL RNAMS LA, ,NGAL GSO'I STEGS BU BYIN PAS CI YANG TSIM, ,TSES NYER BRGYAD LA LI THANG AA 'BUM GYIS GSER SRANG GSUM SOGS KYI DNGOS 'BUL DANG BCAS MI SNA 'BYOR, ZLA BA GSUM PA'I TSES BCU GSUM LA GONG MA CHEN PO'I SKU TSAB PHU KH'A, JAR BI NGO G-YOG DANG, THOR GOD HAN DON GRUB BKRA SHIS KYI AEL CHI CHOS SKYABS THE'I JIS MTSON MI SNA KHAG LA SA DMAR DU RTA THABS KYI BSU BA BSTAR, GONG MA CHEN PO NAS GNANG SKYES GOS YUG DRUG ,SHEL GYI SPYAD PA DANG, GU GU SHA'I YOL GO , GOS CHEN GYI KHUG MA KHA SHAS BCAS PHU KH'A DANG JAR BI'I GDONG STZAL BAR GONG MA CHEN POR SKU'I MTSAMS ZHU MDZAD, GNANG RTEN RNAMS BDAG GIR BZHES NAS DPON PO RNAMS LA MJAL KHA DANG JA GRAL GNANG, TSES BCU BZHI LA PHU KH'A DANG JAR BI SOGS RGYA
DPON KHAG DANG THOR GOD KYI AEL CHI RNAMS KYIS DNGOS 'BUL BCAS SGER MJAL ZHUS, TSE LDAN DANG TSE 'DAS MANG PO'I CHED 'BUL BSKUR GTOS CHE BA BSTAR BA RNAMS 'BRAS LDAN DU 'GYUR BA'I BKA' DRIN STZAL, TSES BCU DRUG NAS RIM BZHIN GUNG 'GYUR MED DBANG RGYAL LCAM BCAS NGO G-YOG DANG, LA DVAGS SA SKYONG GI BTZUN MO BU KHRID DPAL 'DZOM GYI BANG CHEN, RTZE JA ZHU 'DREN PA NGO G-YOG ,DPAL 'KHOR CHOS SDE DANG NGAM RING GRVA SKOR BA, GZHI DGON CHOS KHRIMS PA KHAG ,AA MDO BA KHA SHAS BCAS LA PHYAG DBANG GI BYIN RLABS DANG, GUNG DANG LCAM GNYIS LA JA GRAL THOG BKA' 'DRI BCAS STZAL, TSES BCU BDUN LA KUN GZIGS RGYAL BA'I DBANG PO DE NYID KYI DGUNG ZHAG ZHE DGU GROL MCHOD DANG BSTUN THUGS KYI DGONGS PA RDZOGS THABS SOGS YANG BSKYAR ZHU RTEN DU RJE BLA MA DE NYID KYI THUGS DAM RTEN 'BRAL SPANGS MA'I GRAS LI SER LAS GRUB PA'I 'JAM DBYANGS DKAR PO'I SKU BRNYAN, DBYANGS CAN MA'I SKU BRNYAN LI DMAR, RJE BTZUN SGROL MA'I SKU BRNYAN LI SER, GZIGS DPE'I GRAS GSANG 'DUS KYI DBANG DON DE NYID YANG GSAL BOTA DANG, DNGUL GYI RNAM RGYAL MCHOD RTEN, PHYAG DRIL KARMA GAN DRIL RTZE LNGA RDOR BCAS, PHYAG d'AR, RAG SHA'I PHYAG 'PHRENG RGYUN BZHES RGYAN LDAN, RGYUN BZHES KYI DBANG CHAS CHA TSANG, 'PHRENG BA SOGS KYI DBANG CHEN DANG SBYIN SREG SKABS SKUR LAN MANG BZHES PA'I GAR GOS DANG RUS RGYAN CHA TSANG, NANG MCHOD SNOD KA P'A LI KHEBS STEGS DNGUL TSA GSER LAS GRUB PA, DGANG GZAR BLUGS SKUD TSAGS MA, ZHAL DKAR GAN DKAR GSER STEGS CAN, BZED ZHAL, SPYI BLUGS SOGS G-YU PHRAS MDZES PA, SKU LA YUN RING
, ,GSOL GRAS DBU PAn, SKU CHOS, SKU BER SOGS NA BZA' CHA TSANG, DNGUL BRE CHEN SUM CU, MDZOD DGOS RGYAN BZHI, BCAD LDAN, JUS SOGS YUG BZHI BCU, RTZE JA 'KHOR DRUG LNGA BCU BCAS BSTAR, 'DUS PA RGYA MTSOR MANG JA LNGA BCU, 'GYED DGE 'DUN RER BYANG DAR YUG RE DANG, DNGUL ZHO PHYED DO RE'I RTZIS KYI KHA BTAGS, DGE 'DUN GNYIS RE'I SAR KO RTZE SBAG RE, DNGUL GDUNG CHEN PO RNAM GNYIS LA STONG MCHOD SNA LNGA RE DANG, DBU THOG TU MANG NOG SER PO'I BLA BRE RE, DNGUL GDUNG MTHONG BA DON LDAN DANG RJE BTZUN BYAMS CHEN GYI DBU THOG TU BLA BRE RE, LHA KHANG BYINGS LA STONG MCHOD SNA LNGA DANG RTEN GTZO RNAMS LA SNYAN SHAL BCAS 'BUL BAR MGRON GNYER CHOS GRAGS NGO G-YOG 'BYOR BAR PHYAG DBANG JA GRAL THOG BKA' 'DRI DANG, DGONGS PA RDZOGS THABS KYI ZHU RTEN BZHES TE THUGS SMON SHUGS DRAG MDZAD, MGRON GNYER CHOS GRAGS NGO G-YOG LA THON PHYAG GNANG CHA STZAL, TSES NYER GCIG LA THOR GOD DPON DON GRUB BKRA SHIS KYI MI SNAS RGYA SER GYI GOS CHEN DANG tAM KHA SOGS DNGOS 'BUL SBAM MTHO BA BTEG STE ZHABS BRTAN GSOL 'DEBS ZHUS, DE'I PHYI NYIN KHONG BA TSOS ZHUS NGOR BLA MA MCHOD PA DANG MNGON RTOGS RGYAN, TSE GZUNGS BCAS KYI LJAGS LUNG STZAL, GONG DU ZHU LAN RTEN SBRAGS DANG THOR GOD DPON DU YANG 'BYOR LAN SBAM MTHO BA DANG MI SNA RNAMS LA YANG 'BYOR LAN DANG SO SOR THON PHYAG KYANG STZAL, ZLA BA BZHI BA'I TSES LNGA LA PHUN TSOGS GLING GI MKHAN PO GSAR BA DGA' LDAN RAB RGYAS PA DKA' CHEN ZHABS DRUNG BLO BZANG MKHAS MCHOG DANG, MTSO SNGON JA SAG
DAR RGYAS TSE RING GI BLA MA DKA' CHEN YE SHES DAR RGYAS, JUN WANG BSOD NAMS RDO RJE'I BLA MA THON PA NGO G-YOG RNAMS LA THON PHYAG GNANG, SKABS DER PHYAG MDZOD CHEN MO SKU KHAMS MA BDE BAR RJE NYID NAS TSE DBANG LO GRANGS STZAL PAS SKU KHAMS DVANGS, ZLA BA LNGA BA'I TSES BRGYAD LA MTSO SNGON WANG BSOD NAMS BSTAN 'DZIN GYI DPON MO BKRA SHIS RAB BRTAN NGO G-YOG SUM CU SKOR 'BYOR PAR PHYAG DBANG JA GRAL GNANG, KHONG PA NAS DNGOS 'BUL SBAM MTHO BA DANG BCAS ZHABS BRTAN PHUL, THON KHAR TSE DBANG DANG SKU BRNYAN, SPOS SNAM SOGS STZAL, TSES NYER LNGA LA RGYAL DBANG MCHOG GI GSER GDUNG GSAR DU BZHENGS PA'I BZO RIG PA, MGO BA, 'UL MI BCAS LA GZUG STON GTONG BAR RJE DRUNG BLO BZANG DGE 'DUN DANG RJE DRUNG YE SHES CHOS 'PHEL GNYIS CHED RDZONG MDZAD DE GSOL RAS TSAD MED PA STZAL; SA SKYA BA DANG SKU'I GCEN SPOR TOG MKHAN PO, SKU MDUN DAR HAN MKHAN PO, NGOR MKHAN ZUR DPAL LDAN CHOS SKYONG, 'BRONG RTZE'I LCAM LHA BYIN SGROL MA, YONGS 'DZIN BLO BZANG CHOS 'PHEL, THOS BSAM GLING ZHAL SNGA NAS, GSOL DPON YE SHES DGE 'DUN, DPON TSANG DGE 'DUN DON GRUB, GSOL DBON RJE DRUNG BLO BZANG PHUN TSOGS, MGRON GNYER BLO BZANG YAR 'PHEL, YE SHES BSTAN 'DZIN, GNYER TSAD PA DGE LEGS 'BYUNG GNAS, 'GAG PA GNYIS SOGS NAS RGYAL DBANG MCHOG GI DGONGS PA YONGS SU RDZOGS PA ZHU RTEN DU DNGOS 'BUL BSTAR BAR, RJE BLA MA NYID NAS BDAG GIR BZHES TE THUGS SMON GANG DRAG GNANG, ZLA BA DRUG PA'I NANG DU RGYAL DBANG THAMS CAD MKHYEN PA ZHABS PAD BRTAN NA DGUNG LO NYI SHU BZHES MTSAMS BSNYEN RDZOGS KYI MKHAN PO ZHU RTZIS MDZAD KYANG DE THOG TU
, ,MA KHEL BAS, SNGA SONG RGYAL DBANG MCHOG GI BKA' LAS KYANG DGUNG LO NYI SHUR PHEBS 'PHRAL THUGS RDZOGS MDZAD DGOS ZHES GSUNG BAS HA CANG 'GYANGS NA BLA MA'I BKA' BCAG PAR MA ZAD, BSTAN 'GRO'I DON RLABS CHEN MI 'BYUNG BAR DGONGS NAS, LO DE'I ZLA BA DRUG PA'I TSES BZHI RGYAL BAS CHOS 'KHOR BSKOR BA'I DUS CHEN GYI NYIN PHO BRANG RGYAL MTSAN MTHON PO'I GZIMS CHUNG YID DGA' CHOS 'DZIN DU LUNG DANG RTOGS PA'I YON TAN MTHA' YAS PA LA DBANG 'BYOR BA, BRTAN MKHAS KYI YON TAN GNYIS DANG LDAN PA'I GNAS BRTAN 'DUL BA 'DZIN PA CHEN PO YONGS 'DZIN ZHAL SNGA NAS BLO BZANG CHOS 'PHEL GYIS MKHAN PO, LUNG DANG RIGS PA SMRA BA'I DBANG PHYUG THOS BSAM GLING ZHAL SNGA NAS BLO BZANG BKRA SHIS KYIS LAS SLOB, MANG DU THOS PA'I BANG MDZOD 'DZIN PA SHAR RTZE ZHAL SNGA NAS BLO BZANG MKHAS MCHOG GIS GSANG STE STON PA, LUNG DANG RIGS PA SMRA BA'I KHYU MCHOG DKYIL KHANG ZHAL SNGA NAS BLO BZANG BRTZON 'GRUS KYIS DUS GOB, MDO SNGAGS MAN NGAG RGYA MTSO'I 'PHRENG BA 'DZIN PA SNGAGS CHEN ZHAL SNGA NAS BLO BZANG DPAL 'BYOR GYIS LHUNG BZED 'BRIMS PA, BSLAB GSUM NOR BU'I BANG MDZOD 'DZIN PA'I MCHOD DPON DKA' BCU YE SHES CHOS 'DZIN, DGE SLONG YE SHES RNAM RGYAL, DBU MDZAD DKA' BCU BLO BZANG BSHES GNYEN, RGYUD 'DON PA DKA' BCU YE SHES BSTAN 'DZIN, PHYAG PHYAG PA DKA' CHEN YE SHES SMON LAM BCAS GNAS BRTAN 'DUL BA 'DZIN PA BCU TSOGS KYI DBUS SU SNGA DRO'I CHA NYI MA BRGYAD CHA SHAR BA GRIB TSOD SKYES BU GCIG DANG RKANG PA GNYIS KYI STENG DU SLEB PA NA GSOL BA DANG BZHI'I LAS KYI CHOG SBYOR DNGOS MJUG GSUM YONGS SU RDZOGS PA PHYAG LEN RNAM PAR DAG PA'I SGO NAS
BSTAN PA'I GZHI MA SO SOR THAR PA'I SDOM PA RNAMS KYI MCHOG SPONG BDUN 'KHOR BCAS KYI RANG BZHIN BSNYEN PAR RDZOGS PA DGE SLONG GI SDOM PA LEGS PAR NOD DE GANGS RI'I KHROD KYI 'DUL BA 'DZIN PA MTHA' DAG GI GTZUG GI NOR BU DAM PAR GYUR TO, ,DE SKABS NAM MKHA'I DBYINGS SU CHU 'DZIN MCHOD RDZAS KYI RNAM PA CAN 'KHRIGS PA SOGS NGO MTSAR BA'I LTAS MANG DU BYUNG NGO, ,DUS DE NYID NAS BZUNG STE LTUNG BA SDE LNGA DANG BCAS PA'I SPANG BYA'I GNYEN POR KHRIMS NYIS BRGYA DANG LNGA BCU RTZA GSUM CHAR GTOGS DANG BCAS PA MIG GI 'BRAS BU LTAR GCES PAR BSRUNG BAR MDZAD CING, DGON PAR BZHUGS RING SKABS 'GA' ZHIG MA GTOGS GSO SBYONG LA MA CHAG PAR PHEBS SHING DBYAR ZHAL GYIS BZHES PA YANG MDZAD NAS GZHI GSUM GYI SGO NAS RGYAL BA'I BSTAN PA RIN PO CHE SPRIN DANG BRAL BA'I ZLA BA LTAR MDZOD DO, ,'DIR SMRAS PA, SNGAGS DANG BYANG SEMS TSUL KHRIMS NYAL 'GRO'I KLUNG, ,'THUNG BAS MA NGOMS DRI BRAL KHYOD KYI THUGS, ,RTA GDONG GANG DE SO THAR CHU GTER LA, ,SRED PAS ME LCE'I GDENGS KA STONG DU 'BAR, ,BRTAN MKHAS 'DUL 'DZIN MKHAN SLOB DED DPON DANG, ,GSOL BZHI'I LAS KYI CHO GA'I GRU RDZINGS LA, , BRTEN NAS CHOS 'DUL RGYA MTSO'I DBUS SON TE, ,SPONG BDUN NOR BU'I COD PAN BDAG GIR MDZAD, ,RGYA CHEN LHAG BSAM TZANDAN YU BA'I SHING, ,GZHUNG LUGS MANG THOS 'JAM MNYEN DAR GYIS BKRA ,SDOM GSUM NOR BU'I GZI 'OD MCHOG TU 'BAR, ,BSTAN PA'I RGYAL MTSAN SRID PA'I RTZE MOR BSGRENGS, ,ZHES BYA BA NI RJE BLA MA SRID ZHI'I GTZUG RGYAN PAn CHEN THAMS CAD MKHYEN PA BLO BZANG DPAL LDAN YE SHES DPAL BZANG PO'I ZHAL SNGA NAS KYI RNAM PAR THAR PA NYI MA'I 'OD ZER LAS, BSNYEN PAR RDZOGS PA DGE SLONG GI DNGOS PO BZHES PA'I LE'U STE DRUG PA'O,, ,,DE NAS GZIMS CHUNG NYI 'OD 'KHYIL PAR
, ,MI 'JIGS SENG GE'I KHRIR 'KHOD THOG ZUR BZHI'I BLA MA RNAMS DANG LAS SNE, MI TSAN KHAG ,ZHAM RING BA, MNGA' ZHABS KYI LHA SDE MI SDE SPYI BSDUS BCAS KYIS RTEN 'BYUNG LEGS 'BUL BSTAR, BLA BRANG NAS STON 'KHOR TSANG MAR DGA' STON GZAB RGYAS SU PHUL, PHYAG PHYAG PA DKA' CHEN YE SHES SMON LAM GYIS 'DUL BA'I SDE SNOD LAS BRTZAMS PA'I 'BEL GTAM SNYAN ZHING 'JEBS PA DANG, MTSAN ZHABS DKA' BCU BLO BZANG 'BYUNG GNAS DANG DKA' BCU YON TAN RGYAL MTSAN GNYIS KYIS TSAD MA RNAM 'GREL LAS BRTZAMS TE BGRO GLENG DANG BCAS LEGS BSHAD KYI DGA' STON SPEL, 'DI NYIN LHA KHANG KHAG DANG MGON KHANG KHAG RNAMS SU MCHOD 'BUL SNYAN SHAL SPYAN GZIGS BCAS BSTAR, THUGS RDZOGS BZHES PA'I DGA' STON DU 'DUS TSOGS SU YANG JA THUG DANG, 'GYED KHA BTAGS, DNGUL SRANG GANG RE BCAS GNANG, GTZANG KHUL GYI DGON KHAG SUM BRGYA DANG LNGA BCU NGA BDUN, SGRUB SDE SUM CU SO BZHI BCAS PAR YANG MANG 'GYED KYI BSNYEN BKUR BSTABS, TSES LNGA LA GSOL DPON YE SHES DGE 'DUN GYIS DKAR SPRO DANG BCAS LEGS 'BUL ZHUS, DE NAS RIM BZHIN DU DPON TSANG DGE SLONG DGE 'DUN DON GRUB, DKA' CHEN MGRON GNYER YE SHES CHOS 'PHEL, MGRON GNYER BLO BZANG YAR 'PHEL, SHOD GSOL DPON RJE DRUNG BLO BZANG PHUN TSOGS, LDE CHUNG BA BLO BZANG SMON LAM, LDE CHUNG PA BLO BZANG BKRA SHIS, GNYER TSANG PA DGE LEGS 'BYUNG GNAS, YE SHES BSTAN 'DZIN BCAS SO SO NAS LEGS 'BUL GYI BDOG PA BSTAR, 'GAG PA NGAG DBANG BKRA SHIS SOGS DRUNG 'KHOR GZHAN MA TSANG MAS KYANG RANG RANG GI 'BYOR PA DANG BSTUN PA'I LEGS SO'I DNGOS 'BUL BTEG ,THOS BSAM
GLING GRVA TSANG, HAR GDONG DANG BA SO MI TSAN BCAS SO SO NAS KYANG LEGS 'BUL BSTABS, LHA RTZE RDZONG SDOD BLO BZANG SHES RAB KYIS KYANG LEGS 'BUL ZHUS, MI TSAN GZHAN MA RNAMS DANG GZHUNG DANG BLA BRANG MNGA' ZHABS KYI GTZANG KHUL GYI DGON SDE DANG, SGRUB SDE TSANG MAS KYANG SO SO NAS LEGS 'BUL BA STAR, TSES BCO LNGA'I NYIN 'DUS PA RGYA MTSO'I TSOGS DBUR ZHABS PAD DKOD DE, THUB PA'I BSTAN PA RIN PO CHER BYI DOR BLA LHAG TU BSGRUB PA DANG, LHA MI LA SOGS PA SKYE BO MANG PO CHOS NYAN PA LA BSKUL BA'I DON DU CHOS BSGRAGS KYI MDO TSIGS SU BCAD PA BZHI GSUNGS NAS PHYAG 'TSAL BA'I RGYUD, MDO 'DON PA'I RGYUD, BSNGO BA'I RGYUD GSUM DANG LDAN PA'I SGO NAS TSUL KHRIMS RNAM DAG GI MDO 'DON PA SOGS GSO SBYONG GI BYA BA YANG DAG PAR MDZAD, DE NAS KLOG PA THOS BSAM DANG, SGRUB PA BSAM GTAN 'PHEL BA SOGS KYI CHED DU GNAS MAL STOB PA PO BSKO BA DANG, TSUL SHING YANG BZHES NAS BSTAN 'GROR PHAN BDE RGYAS PA'I BSNGO SMON MDZAD, TSES BCU DRUG GI SNGA CHAR THOS BSAM GLING ZHAL SNGA NAS BLO BZANG BKRA SHIS GZIMS CHUNG DU GDAN DRANGS NAS DBYAR ZHAL BZHES KYI CHO GA THUGS NYAMS SU BSTAR, TSES BCU BDUN LA LHA RTZE DGON DANG, MKHAN PO DKA' CHEN BLO BZANG SKAL BZANG, RAB 'BYAMS PA NGAG DBANG BSTAN 'DZIN, NGAG DBANG RIN CHEN, DKA' BCU BLO BZANG 'BYUNG GNAS BCAS SO SO NAS DNGOS 'BUL BTEG ,BDAG KYANG LO 'DIR SKYABS MGON MCHOG GI GSER ZHAL BLTA BA DANG, GTZANG PHYOGS SU GNAS MJAL SBRAGS TE 'ONGS BA ZLA BA DRUG PA'I TSES NYI SHU SKOR LA BKRA SHIS LHUN POR 'BYOR TE TSES NYER BDUN LA PHYAG DBANG STZAL CING DGYES PA'I BKA' MCHID KYANG GNANG, TSES NYER DGU LA 'JIGS BYED KYI DRAG
, ,PO'I SBYIN SREG MDZAD DE CHOS KYI RGYAL PO TZONG KHA PA CHEN PO'I BSTAN PA BSTAN 'DZIN DANG BCAS PA LA GNOD CING 'TSE BAR BYED PA'I GDUG PA CAN MTHA' DAG MING GI LHAG MA TZAM DU MDZAD, DAM CAN CHOS KYI RGYAL PO'I BSKANG GSO YANG GNANG, TSES GNAM GANG NYIN TSOGS DBUR PHEBS TE SO THAR GYI MDO GSUNGS, DE 'PHRAL RTEN GZIGS LA PHEBS NAS LHA KHANG RNAMS SU MCHOD PA SNYAN SHAL, MGON KHANG RNAMS SU'ANG SNYAN SHAL DANG SPYAN GZIGS PHUL TE THUGS SMON DANG 'PHRIN BCOL MDZAD, ZLA BA BDUN PA'I TSES GCIG LA BDAG GIS DNGOS 'BYOR GYI MCHOD PA PHUL TE PHYAG DBANG ZHUS SHING GSOL BA BTAB PA LTAR BYANG CHUB LAM SGRON DANG, SPRUL SKU MYUR 'BYON, BLO GROS DPAG BSAM MA RNAMS KYI LUNG STZAL TE GSUNG GI BDUD RTZI'I SPYOD PA'I SKAL BZANG THOB; 'DI SKABS THUGS RDZOGS BZHES PA'I LEGS SOR GZHUNG SA NAS MGRON GNYER YON TAN LEGS GRUB KYI GDONG LEGS 'BUL GTOS CHE BA BSTAR, BDE BZHUGS AAM PAN GNYIS DANG GUNG KUN DGA' BSTAN 'DZIN, BKA' BLON BZHI THUN MONG DBUS GTZANG TSO CHEN SPYI, DGA' BZHI GUNG SOGS BKA' BLON BZHI, DAR HAN MKHAN PO SOGS SKU MDUN NANG MA RNAMS BCAS SPYI SGER SO SO NAS LEGS 'BUL DANG, SKU TSAB MGRON GNYER NAS KYANG LEGS 'BUL GYI DNGOS PO BTEG ,MGRON GNYER SOGS TSANG MAR 'BYOR LAN SLOG CHA MI DMAN PA STZAL, TSES BRGYAD LA BKRA SHIS RTZE NAS DKAR SPRO DANG BCAS DNGOS 'BUL BSTABS, SKU'I GCEN SPOR TOG MKHAN PO NAS KYANG ZANG ZING GI BDOG PA GYA NOM PA PHUL BAR GRUB RGYAL LUGS KYI TSE DBANG GNANG, DGE BSKOS NAS GSOL BA
BTAB PA LTAR RDO BCAL DU GNYUG MAR GNAS PA DANG PHYOGS 'DUS BCAS DGE 'DUN LNGA STONG SKOR LA GRUB RGYAL LUGS KYI TSE DBANG SMIN RGYAS SU STZAL, GZHUNG SA NAS GSER GDUNG RIN PO CHE'I NANG GZHUG TU RTEN BYIN CAN DGOS TSUL BYUNG BA LTAR GNANG, TSES GNAM GANG GI NYIN RNYED PA'I SGO DBYE BA DANG, TSUL KHRIMS RNAM PAR DAG PA DANG, CHOS RNAM PAR DAG PAR BYA BA'I CHED DU TSOGS DBUR PHEBS NAS DGAG DBYE'I CHO GA MDZAD, DGROL NAS LJONGS RGYU'I CHED DUNG MTSO NA GAR ZHABS ZUNG BKOD, ZUR BZHI'I SLOB DPON RNAMS DANG CHOS KYI GSUNG GLENG MANG DU MDZAD, TSUR LAM DKYIL KHANG GRVA TSANG DU BYON TE LCAM SRING GI MGON KHANG DU SPYAN GZIGS KYI TSOGS TSAD MED PA BSTAR, BSKANG GSO RGYAS PAR MDZAD NAS 'PHRIN BCOL GNYER GTAD GNANG, BSKANG GSO'I SKABS SU CHAR RGYUN 'BAB PA DANG, BSKUL GYI DUS RLUNG 'TSUB DMAR PO GLO BUR DU LDANG BA DANG, MGON KHANG GI STENG GI NAM MKHA' LA KHRA BZHI 'PHUR LDING GI ZLOS GAR BSGYUR BA BYUNG STE CHOS SKYONG CHEN PO GNOD SBYIN DBANG GI MDOG CAN 'KHOR DANG BCAS PA DGYES PA'I LTAS SU MNGON, ZLA BA BRGYAD PA'I CHOS GCIG GI NYIN SLOB DPON LAS TSAN PA RNAMS NAS BSKUL MA MDZAD PA LTAR NE SE RA JO BO CHEN PO'I CHO GA GSAR RTZOM MDZAD NAS LUNG YANG STZAL, MNGA' RIS DPE THUB BLA MA BLO BZANG RAB RGYAS KYIS TSOGS DBUR SPYAN DRANGS TE ZHABS BRTAN GSOL 'DEBS ZHUS, KHONG PAR SLOG CHA DANG 'DOD CHOS KYANG GNANG, LDE CHUNG PA BLO BZANG SMON LAM GYIS ZHUS NGOR KHYUNG NAG GI SGRUB THABS KYI KHRID STZAL, TSES BCO LNGA'I NYIN TSOGS DBUR PHEBS NAS SO THAR GYI MDO 'DON PA GNANG, DE'I SKABS SU BDAG GIS KYANG DGE 'DUN 'DUS PA DANG LHAN CIG TU BSDAD NAS GSO SBYONG GI GDAMS NGAG NYAMS SU
, ,MYONG BA'I SKAL BZANG NOD, DE NAS SKU RIM GYI MJUG TU SKOR TSO'I SKABS G-YAS RING DU SKYABS MGON MCHOG DANG ZUR BZHI'I SLOB DPON RNAMS RE MOS KYIS DGONGS RE BZHIN RNAM 'GREL GYI LE'U GSUM PA'I LHAN CIG DMIGS NGES KYI SKOR LAS BRTZAMS TE BGRO GLENG GNANG GI 'DUG PAR, BDAG KYANG NYI MA BCU GSUM GYI RING DER PHYIN NAS NYAN RGYU BYUNG BA GZHAL BAR DKA' BA'I BKA' DRIN DU GYUR, RANG LA BSNGAGS PAR 'OS PA'I YON TAN CHER MED KYANG SKYABS MGON MCHOG NAS BONG BA GSER GZIGS KYI TSUL DU SPYAN BSKYANGS MDZAD PA NI, RANG YANG PAn CHEN SKU NA RIM LA KHA ZHE MED PA'I DAD PA YOD PA DANG, PHYIS SU ZHABS 'GYUR CUNG ZAD BSGRUB RGYU BYUNG BA 'DI LA DGONGS SAM SNYAM STE GANG LTAR YANG 'JIG RTEN NA DAD PA'I AA LUNG YOD NA THUGS RJE'I LCAGS KYUS 'DZIN ZHES PA'I DPE DER MNGON, DER MA ZAD RANG YANG DAM PA DU MA'I ZHABS BRTEN PA'I DBANG GIS SNYAN GRAGS KYI 'UR SGRA CAN MTHA' DAG LA YID 'GRO BA ZHIG MIN KYANG, SKYABS MGON MCHOG 'DI SKRA NA PHRA MO'I DUG NAS BSLAB SBYANGS LA CHER MA LTOS PAR SKU YON MTHA' DAG YONGS SU RDZOGS PA ZHIG 'DUG PAS YID PHROGS TE DAD PA LHAG PAR SKYES SHING, DE NAS BZUNG STE BLA MA SANGS RGYAS DNGOS SU LTA BA'I NGOS NAS SKU GSUNG THUGS KYI YON TAN DRAN PA'I GSOL 'DEBS DANG, BSHES GNYEN BSTEN TSUL PHYIN CI MA LOG PA'I DAM PA'I RNAM THAR LAG LEN DU 'DEBS RGYU BYUNG NGO, ,TSES NYER DGU LA RGYAL DBANG MCHOG GI GSER DNGUL RTEN DANG BRTEN PAR BCAS PA GSAR BZHENGS MDZAD ZIN PA DANG BSTUN SKU GDUNG GI SKU MDUN DU STONG MCHOD SNA LNGA RGYAS PA, DNGUL GYI MAndAL CHE LEGS SOGS
MCHOD RDZAS SNYAN SHAL DANG BCAS PA 'BUL BA GNANG, RAB GNAS MDZAD PA'I SLOB DPON GSUNG CHOG PA DANG BCAS PAR ZHABS TOG BSNYEN BKUR GYA NOM PA STZAL, ZLA BA DGU PA'I TSES GCIG LA SGRUB SDE SUM CU SO BZHI, MO DGON BRGYAD BCAS NAS BLA MA MCHOD PA'I CHO GA DANG 'BREL BA'I ZHABS BRTAN PHUL BAR PHYAG DBANG DANG GRUB RGYAL LUGS KYI TSE DBANG STZAL, DE'I SKABS SU BDAG GIS KYANG LEGS PAR THOB, TSES DBANG GROL NAS GZIMS CHUNG DU PHRAN GCIG BU LA NANG LUGS KYI MJAL KHA GNANG ZHING, GANG CI'I GSUNG GLENG DMAR BA BYUNG, RANG NGOS NAS KYANG MDZOS CHOS SU MA SONG BA'I SNYAN BSKUL GANG SHES ZHUS PAS THUGS LHAG PAR DGYES PA'I TSUL KHO NA MDZAD, DGON PA SO SOR MANG 'GYED KYI BSNYEN BKUR DANG, SRANG NOR BU CHOS 'KHOR 'DUS SPYI NAS ZHABS BRTAN GSOL 'DEBS ZHUS PAR MANG 'GYED STZAL, TSES LNGA LA TSA GAN NO MON HAN DANG, AER TE NI DA LAS SDE PA'I AEL CHI, JA SAG TSE RING RDO RJE'I AA KHE'I DGE SGRUB PA RNAMS LA PHYAG DBANG JA GRAL BCAS GNANG, GONG MA BDAG PO CHEN PO NAS RGYAL BA'I DBANG BO'I DGONGS RDZOGS KYI MCHOD PA 'BUL BAR KH'A GCIG DANG DPAL 'BYOR HU THOG THU BCAS STZAL BA TSES BDUN GYI NYIN BKRA SHIS LHUN POR 'BYOR TE, GONG NAS RJE NYID LA'ANG GSER YIG DANG GNANG SKYES GYA NOM PA STZAL 'DUG PAR, GONG MA CHEN POR MTSAMS ZHU MDZAD DE GNANG SKYES RNAMS BZHES, MI DRAG RNAMS LA PHYAG DBANG DANG JA GRAL GNANG, DE'I PHYI NYIN KHONG GNYI NAS DNGOS 'BUL BSTAR, THON KHAR GSER YIG GI ZHU LAN DANG, GONG MA'I SKU TSAB RNAMS LA'ANG GNANG SKYES SBAM MTHO BA STZAL, BE'I CING MI SNA RAB 'BYAMS PA BLO BZANG DGE LEGS NGO G-YOG RNAMS 'BYOR PAR
, ,GONG MA CHEN PO'I SKU'I MTSAMS ZHU MDZAD, GSER YIG GNANG RTEN 'CHAR 'PHAR STZAL PA RNAMS BZHES NAS JA GRAL GYI THOG BKA' 'DRI GNANG, TSES NYER GCIG LA MI SNA RAB 'BYAMS PA BLO BZANG DGE LEGS KYIS DNGOS 'BUL BSTAR, ZLA BA BCU PA'I TSES GNYIS LA SGRUB RGYUD BSTAN PA'I SGRON ME RJE NGAG DBANG BYAMS PA GDAN DRANGS PA LTAR PHYOGS 'DIR PHEBS PAS NYIN DER ZAM PA SHAR DU RTA THAB KYI PHEBS BSU MDZAD, BKRA SHIS LHUN POR PHEBS TE GZIMS CHUNG DU MJAL KHA DANG JA GRAL GNANG ZHING GANG CI'I GSUNG GLENG MDZAD, DE'I PHYI NYIN BKA' CHOS KYI SNYAN GSAN PHAB, ZLA RE BZHIN PHOGS DANG ZUR GSOS SOGS BSNYEN BKUR GZABS, TSES DRUG GI NYIN GZIMS CHUNG YID DGA' CHOS 'DZIN DU RJE MEE TRI'I MTSAN CAN LAS BYANG CHUB LAM GYI RIM PA BDE LAM GYI DMAR KHRID DBEN SA SNYAN BRGYUD KYI ZHAL SHES KYIS BRGYAN PA GSAN PA'I DBU TSUGS, DHA YAN TU RA'I CHOS RJE RNYING PA RGYAL CHEN RTZE PA DKA' CHEN BLO BZANG TSE RING GIS TSOGS DBUR SPYAN DRANGS TE DNGOS 'BUL BSTABS PAR 'DOD CHOS KYANG STZAL, TSES BCU LA RJE GRUB PA'I DBANG PHYUG NGAG DBANG BYAMS PA'I MTSAN CAN GYIS TSOGS DBUR SPYAN DRANGS TE ZANG ZING GI BDOG PA DANG BCAS ZHABS BRTAN BDEN TSIG BRJOD, MTSO SNGON RDO RJE WANG GI BLA MA RAB 'BYAMS PA BLO BZANG TSE BRTAN GYIS TSOGS DBUR SPYAN DRANGS TE ZHABS BRTAN PHUL, BZHAD GRVA TSANG CHEN MO'I BLA MA DKA' CHEN BSTAN 'DZIN RIN CHEN GRVA BCAS DANG, BZHAD PA DRUNG RAM PA YE SHES BZANG PO SO SOS DNGOS 'BUL BTEG ,BLA MA MCHOD PA'I LUNG DANG MANG 'GYED KYANG STZAL, TSES BCU DRUG GI NYIN LAM RIM GYI DMAR KHRID LEGS
BAR GRUB NAS MJUG TU SEMS BSKYED CHO GA YANG DAM PA GONG MA'I PHYAG LEN BZHIN MDZAD, GTANG RAG GI YON KYANG PHUL, TSES BCU BDUN GYI NYIN RGYAL BA'I GSUNG RAB THAMS CAD KYI GNAD BSDUS PA BYANG CHUB LAM GYI RIM PA CHEN MO'I BSHAD LUNG GI DBU TSUGS, TSES NYER BRGYAD LA BKA' BLON DGA' BZHI GUNG PAndI TAS RJE BTZUN NGAG DBANG BYAMS PA RIN PO CHE'I GSUNG 'BUM CHA TSANG 'BUL BAR MNGAGS PA'I BANG MI DANG, BRUL TSANG GI DKA' CHEN ZHABS DRUNG, KARMA ZHVA NAG SPRUL SKU'I MTSAMS ZHU BA, MKHAR RTZE GNYER PA LHAN SGOR BA, LNGA MCHOD GNYER PA, TRE BO KHAMS PA SOGS LA PHYAG DBANG JA GRAL GNANG, ZLA BA BCU GCIG PA'I TSES GNYIS LA LAM RIM CHEN MO'I BSHAD LUNG LUNG RIGS DU MAS BRGYAN TE 'BYAMS KLAS PA'I BSHAD PA DANG BCAS STZAL PA LEGS PAR GRUB CING, LHAG MTHONG GI SKABS SU BOD SNGA MA SPYI DANG, KHYAD PAR DU JO NANG PA'I GZHAN STONG GI TSUL LA DMIGS PHUG PA'I DGAG PA MANG DU MDZAD PA RNAMS RJE NYID NAS TSIG RIS MA NYAMS PAR SKYOR BA MDZAD CING, DKA' BA'I GNAS RNAMS LA DRI GTUGS DANG BCAS GTAN LA PHAB PAS TSIG DON MTHA' DAG THUGS SU CHUD DE BYANG CHUB LAM GYI RIM PA LA GZHAN DRING MI 'JOG PA'I SPOBS PA BRNYES PA'I TSUL BSTAN, TSES GSUM DANG BZHI LA RAS BRIS KYI DKYIL 'KHOR LA BRTEN NAS RJE DE NYID KYI DRUNG DU DPAL GSANG BA 'DUS PA MI BSKYOD RDO RJE LHA SO GNYIS KYI DBANG GI STA GON DNGOS GZHI DANG BCAS PA RDZOGS PAR GSAN, TSES LNGA'I NYIN SA GSUM GYI SGRON ME GCIG PUR GYUR PA DPAL GSANG BA 'DUS PA'I RTZA BA'I RGYUD BSHAD PA'I GZHIR BZUNG NAS 'GREL PA SGRON MA GSAL BA, BSDUS DON, MCHAN BU, MTHA' DPYOD KYI SGO NAS
, ,'CHAD PA'I 'GREL PA BZHI SBRAGS ZHES GRAGS PA'I BSHAD LUNG GI MGO TSUGS, NYIN RE BZHIN RDOR SEMS SGOM BZLAS, 'GREL GTOR RNAMS PHYAG LEN LTAR MDZAD, RGYAL DBANG THAMS CAD MKHYEN PA CHEN PO'I MCHOG SPRUL NGOS 'DZIN GYI CHED GONG MA CHEN PO NAS BKAS MNGAGS PA'I SKU TSAB BSTAN PA'I GSAL BYED CHEN PO T'A KOO SHR'I LCANG SKYA ROL PA'I RDO RJE YE SHES BSTAN PA'I SGRON ME RIN PO CHE DANG AAM PAN SOGS RGYAL KHAB CHEN PO NAS LHA LDAN DU ZLA BA BCU GNYIS PA'I NANG PHEBS RGYU'I GNAS TSUL GSAN 'PHRAL SKU'I MTSAMS ZHUR MGRON GNYER DKA' CHEN YE SHES CHOS 'PHEL GANG MJAL SAR 'GRO DGOS PA'I BKA' KHYAB DANG BCAS RDZONG STA MDZAD, SNGON DU RJE BTZUN BLO BZANG CHOS RGYAN GYI SKU DUS DBANG KHRID GNAS SKABS TSOGS MCHOD GNANG SROL YOD PA SOR CHUD KYI CHED SNGAGS GRVA'I LAS TSAN PA RNAMS SKU MDUN DU 'BOD PA GNANG NAS PHYAG LEN GYI RIM PA BSKYAR 'KHRID DANG, GDANGS DBYANGS SOGS 'KHRID PAR MDZAD, SNGAGS CHEN ZHAL SNGA NAS BLO BZANG DPAL 'BYOR DANG BCAS SNGAGS GRVA SPYI NAS GSOL BA BTAB PA LTAR ZHAL GYIS BZHES TE ZLA BA BCU GNYIS PA'I TSES BZHI LA SNGAGS PA'I GZIMS CHUNG RDO RJE'I GZHAL YAS SU PHEBS, DE NAS 'DU KHANG DU RAS DRIS LA BRTEN NAS DPAL RDO RJE 'JIGS BYED LHA BCU GSUM MA'I DBANG GI STA GON GYI SNGON 'GRO'I RIM PA RNAMS THUGS NYAMS SU BSTAR NAS SNGAGS GRVA PA RNAMS DANG PHYOGS 'DUS BCAS DON GNYER BA BZHI BRGYA LHAG TZAM LA SLOB MA STA GON GYI RIM PA LEGS PAR STZAL, DE'I SANG NYIN SNGA DRO'I CHA LA BDAG BSKYED NAS BDAG 'JUG GI BAR GRUB PAR MDZAD CING GSOL TSIG
THON NAS DBANG DNGOS GZHI'I RIM PA GNANG, SKU TSE 'DI LA DBANG GNANG BA'I THOG MAR SONG GSHIS STA GON DANG DNGOS GZHI GNYIS KA'I SKABS SU DBANG RDZAS 'GREMS PA LA YANG RJE RANG NYID DNGOS SU 'BYON PA SOGS PHYAG LEN GYI CHA SHIN TU RGYAS PA DANG, GSUNG BSHAD KYANG NGO MTSAR BA DU MA GNANG BAS DBANG GI MJUG NAM PHYED TZAM LA GRUB STE SMON LAM DANG SHIS BRJOD KYANG LEGS PAR STZAL, TSUL DE GSAN NAS RJE NGAG DBANG BYAMS PAS 'JIGS BYED KYI DBANG BKA' ZAB MO 'DI LTAR GNANG BA NI, RGYAL BA 'JAM DPAL SNYING PO'I BSTAN PA'I GZHI TSUGS PA YIN 'DUG PAS BKA' DRIN CHE ZHES DGYES PA'I RTZE MOR SON PA'I NYAMS MDZAD, DBANG GNANG BA'I NYIN GNAM GSHIS LEGS SHING 'JA' TSON 'KHRIGS PA SOGS NGO MTSAR BA'I LTAS MANG DU BYUNG, DE'I PHYI NYIN SNGAGS GRVA NAS TSOGS 'KHOR DANG BCAS BKA' DRIN GTANG RAG GI LEGS 'BUL GYA NOM PA BSTABS, MGON KHYOD THAR PA CHEN PO'I PHO BRANG DBUS, ,RIGS RNAMS KUN GYI BDAG PO'I SKUR BZHENGS NAS, ,PHUNG KHAMS SKYE MCHED RIGS LNGA'I RANG BZHIN DU, ,BSGRUB PA'I THEG MCHOG DBANG GI DGA' STON STZAL, ,RNAM DAG SMIN BYED LHO PHYOGS DRI LEN MA, ,DNGOS GRUB DRI BSUNG GSAR BAS KHYUD PA 'DIS, ,SNYING LA REG PAS SKAL BZANG MTHA' DAG GI ,SRID PA'I GDUNG BA SPROS BRAL DBYINGS SU THIM, ,DE NAS SNGAGS PA'I CHOS GRVAR DAM PA GONG MA RNAMS KYI PHYAG LEN LTAR 'GREL GTOR DANG MAndAL PHUL RJES RGYUD CHEN SBYIN PA DPAL BAS MDZAD PA'I RGYUD t'I KA DANG, RJE BTZUN BLO BZANG CHOS RGYAN GYIS MDZAD PA'I 'JIGS BYED KYI BSKYED RIM GNYIS KYI MGO NAS CHOS THUN RE STZAL, DE SKABS JO RDZONG SKYONG DPON DKA' CHEN TSE RING CHOS 'PHEL DANG 'BRONG RTZE
, ,TSOGS GSOG PA BSAM GTAN CHOS 'PHEL GNYIS KYIS BSKYED RDZOGS LAS BRTZAMS TE BGRO GLENG BYAS PAR GZENGS BSTOD KYANG GNANG, TSES BCU LA SNGAGS GRVA SPYIS NAS RGYU YON SBYAR TE STON 'KHOR TSANG MAR GSOL STON RGYAS PA DANG; DGONGS JA'I THOG RGYUD GRVA'I TSOGS DBUR SPYAN DRANGS NAS RGYAL BA TSE DPAG MED LHA DGU'I CHO GA DANG 'BREL BA'I SGO NAS BKRA SHIS RDZAS BRGYAD DNGOS 'BUL DANG BCAS ZHABS BRTAN BDEN TSIG BRJOD, 'BUL BA'I SLO GA DANG MANG 'GYED KYANG GNANG, TSES BCU GNYIS LA DGA' LDAN RAB RGYAS SPYI SO NAS RGYU YON SBYAR TE GZHIS BYES THUN MONG NAS TSE CHOG DANG 'BREL BA'I ZHABS BRTAN PHUL ZHING PHAR SLOG DANG MANG 'GYED KYANG STZAL, TSES BCU BDUN NAS BZUNG NYIN GSUM GYI RING RJE NGAG DBANG BYAMS PA'I DRUNG DU BDE MCHOG DRIL BU PHYI DKYIL DANG LUS DKYIL GNYIS KYI DBANG STA GON GCIG 'THUS BYAS TE RDZOGS PAR GSAN, TSES NYER GCIG LA DPAL RDO RJE 'JIGS BYED KYI BSKYED RIM DANG RDZOGS RIM GNYIS KYI DMAR KHRID GSAN PA'I DBU TSUGS, BSKYED RIM GRUB NAS TSES NYER BZHI LA SGYU LUS MCHOD PA DANG BCAS RDZOGS RIM GYI KHRID GSAN, DE YANG TSIG SPYI TZAM DU MA SONG BAR RGYUD DANG MAN NGAG GUNG BSGRIGS NAS BLA MA GONG MA'I ZHAL SHES MAN NGAG DANG BCAS RDZOGS PAR STZAL, MJUG TU CHOS BDAG PO LA 'PHROD PA YIN NO GSUNGS NAS DGYES NYAMS MDZAD, TSES NYER LNGA'I NYIN RJE NYID DANG MEE TRI'I MTSAN CAN BCAS SNGAGS KHANG DU PHEBS NAS RTEN MJAL DANG SNYAN SHAL SPYAN GZIGS RMAD DU BYUNG BA PHUL TE 'PHRIN BCOL GNANG, SKABS DER GRUB DBANG MCHOG NAS
LCAGS MKHAR GYI SKOR LA DRI BA MANG DU MDZAD PAR RJE 'DIS LAN THOGS MED DU PHUL BAS THUGS SHIN TU DGYES TE DBEN SA SNYAN BRGYUD KYI MAN NGAG LA BSNGAGS BRJOD MDZAD, DVAGS PO GRVA TSANG BA KUN DGA' LHUN GRUB KYIS RNAM 'GREL GYI t'IKKA, MDZOD PHAR DBU 'DUL BCAS KYI 'GREL BSHAD KYI RGYUGS PHUL BAR GNANG CHAR BSOD BTAGS CHE BA, GOS KHA BZHI 'BREL, BAN GZAN, SMAN KHA BDUN 'BREL, KHA ZAM YUG ,LHO RAS YUG ,JA BAR KHAG ,TSUL KHRIMS KHANG BA BLO BZANG SKAL BZANG, MDANGS CHEN PA BLO BZANG MTHU STOBS, BA SHE BA BLO BZANG TSUL KHRIMS, RONG BA BLO BZANG RGYAL MTSON, DPE THUB PA BLO BZANG BRTZON 'GRUS, BDE BA CAN PA BLO BZANG SBYIN PA, AU RGYAN RDZONG PA BLO BZANG BSAM GRUB, LA KHA BA BLO BZANG CHOS 'PHEL DANG BLO BZANG DGE LEGS, YOL DKAR BA BLO BZANG RIN CHEN, GLO SBUG PA DAM CHOS LEGS GRUB, BLO BZANG DON GRUB, GRANG MO CHE BA CHOS MDZAD BLO BZANG DGE 'DUN RNAMS KYIS RNAM 'GREL THAL PHRENG LE'U BZHI, GRANG MO CHE BA DGE 'DUN TSE RING DANG, RGYA KHAMS PA BLO BZANG THUB BSTAN GNYIS KYIS PHAR PHYIN GYI 'GREL BSHAD, SNGAGS GRVA GU GE BA DKA' CHEN BLO BZANG MKHAS GRUB DANG DKA' CHEN YE SHES TSE RING, AU RGYAN RDZONG PA DKA' CHEN BLO BZANG SBYIN PA GSUM GYIS GSANG BA 'DUS PA'I BSKYED RDZOGS, JO RDZOD PA DKA' CHEN TSE RING CHOS 'PHEL GYIS DUS 'KHOR 'GREL CHEN DRI MED 'OD KYI DE KHO NA NYID SNANG BAR BYED PA YID BZHIN NOR BU, DPEN DGON PA CHOS 'PHEL RGYA MTSO, BYAMS PA RNAM RGYAL, BLO BZANG RGYAL MTSAN, BLO BZANG NOR BU, YE SHES PHUN TSOGS, BLO BZANG BSTAN 'DZIN RNAMS KYIS BDE MCHOG RTZA RGYUD, BSTAN 'DZIN SHES RAB KYIS LAM RIM 'BRING PO, DPAL
, ,'BYOR DON GRUB KYIS LAM RIM MYUR LAM, DGE SLONG YE SHES BKRA SHIS KYIS GONG THOG 'JIGS BYED BSKYED RIM, CHOS 'KHOR LHUN PO BA CHOS DAR GYIS BYAMS CHOS SDE LNGA'I THOG BKA' BZHI DANG, SANGS RGYAS DPAL BZANG GIS BYAMS CHOS SDE LNGA DANG THUN MONG BSDUS GRVA BCAS KYI RGYUGS PHUL BAR GON PA, JA, GOS DAR BCAS KYI GNANG CHA SNGAR BZHIN STZAL, ` 'BRU MANG ZHES PAS PHO STAG LO ZLA BA DANG PO'I TSES LNGA'I NYIN RJE MEE TRI'I MTSAN CAN GYI DRUNG DU BDE MCHOG L'U AI PA'I BSKYED RDZOGS KYI DMAR KHRID NYI MA LNGA'I RING GSAN, SHANGS SPOR TOG MKHAN PO PHU PO DAM PA BLO BZANG SBYIN PA GRVA MANG BCAS NAS DNGOS 'BUL GYA NOM PA DANG BCAS ZHABS BRTAN PHUL, SPOR TOG BLA GRVA RNAMS LA DPAL GSANG BA 'DUS PA'I RTZA RGYUD LE'U DANG PO'I LUNG STZAL, TSES BCU'I NYIN RJE DE NYID LA DRIL BU LUS DKYIL GYI RIM PA GNYIS KYI KHRID GSAN, TSES BCU GNYIS LA BRAG KHUGS GNYER PA BLO BZANG BKRA SHIS KYIS ZHABS BRTAN PHUL, TSES BCU GSUM GYI NYIN NAM MKHA' SGO 'BYED KYI DBANG DANG GCOD STAN THOG GCIG MA'I KHRID GSAN, TSES BCO LNGA LA BKA' GDAMS THIG LE BCU DRUG GI DBANG DANG KHRID GSAN, TSES BCO BRGYAD LA RJE DE NYID KYI DRUNG DU GSANG BA 'DUS PA'I BSKYED RDZOGS KYI KHRID CHOS THUN LNGA'I RING GSAN CING BLA MA BRGYUD MCHOD DANG SGYU LUS KYI MCHOD PA SOGS PHYAG LEN LTAR MDZAD, THUGS RDZOGS BZHES PA'I LEGS 'BUL DU BZHAD GNYER PA PHUN TSOGS NOR BUS DNGOS 'BUL BSTAR, MA nI SKOR DPON PA YE SHES RGYAL MTSAN DANG, GDONG DKAR GNYER PA YE SHES RNAM RGYAL GNYIS KYIS KYANG MCHOD
SPRIN SPROS, TSES NYER GSUM NAS BZUNG NYI MA BZHI'I RING BLA MA MCHOD PA'I KHRID, TSEM BU LUGS KYI THUGS RJE CHEN PO'I DMAR KHRID, SNYING PO DON GSUM GYI KHRID, BLO SBYONG DON BDUN MA'I KHRID RNAMS GSAN, DE SKABS RJE MEE TRI'I MTSAN CAN NYID NAS TSOGS DBUR SBYAN 'DREN GYI THOG ZHABS BRTAN PHUL CHOG PA'I SNYAN GSAN DANG RTEN 'BREL GYI KHYAD BDE LAM GYI DBU NAS CHOS THUN GCIG STZAL TE 'PHRO MA DBYAR CHOS SKABS GNANG CHOG PA ZHIG DGOS ZHES ZHUS PAR DGYES BZHIN ZHAL GYIS BZHES, PHYAG MDZOD CHEN MO NAS THUGS KHUR BZHES TE BZHUGS KHRI'I STENG GI 'BOL STAN GCIG SPOR BA DANG BSTUN GDUGS DANG RGYAL MTSAN SOGS GSAR BRJE MDZAD, TSES NYER DRUG GI NYIN AO ROD TSE BRTAN WANG GI BLA MA LEGS BSHAD GLING PA DKA' CHEN BLO BZANG CHOS 'PHEL GYIS TSOGS DBUR SPYAN DRANGS TE DNGOS 'BUL DANG BCAS ZHABS BRTAN PHUL ZHING KHONG RANG GIS ZHUS PA'I ZHABS BRTAN GSOL 'DEBS TSOGS 'DON DU BTZUGS, ZLA BA GNYIS PA'I TSES GNYIS KYI NYIN RGYAL BA GONG MA'I DUS MCHOD MDZAD, TSES LNGA'I NYIN GRUB DBANG MEE TRI'I MTSAN CAN NAS RJE NYID TSOGS DBUR SPYAN DRANGS TE DGE 'DUN LA MANG 'GYED KYI BSNYEN BKUR ZHUS THOG GRUB DBANG MCHOG NAS GSUNG BSHAD RMAD DU BYUNG BA DANG BCAS ZHABS BRTAN BDEN TSIG BRJOD DE DNGOS 'BUL SBAM MTHO BA PHUL, GRUB DBANG NYID DANG DGE 'DUN TSOGS YONGS LA LAM KHRID BDE LAM GYI DBU NAS CHOS THUN GCIG STZAL, GZIMS KHANG DU PHEBS 'PHRAL GRUB DBANG MCHOG NAS, DE RING MKHAS MANG RGYA MTSO LTA BU TSOGS PA'I DBUS SU 'JIGS PA'I RNAMS CUNG ZAD KYANG MI MNGA' BAR GSUNG GDANGS MTHON POS GSUNG BSHAD 'BYAMS
, ,KLAS BA THOGS MED DU GNANG BA NI BKA' DRIN SHIN TU CHE ZHES KHA BTAGS DANG BCAS ZHUS PA'I LAN DU, RGYAL DBANG THAMS CAD MKHYEN PA SOGS YONGS 'DZIN KHYED RNAMS KYI BKA' DRIN LAS LEGS PAR BSHAD PA'I TSOGS THOS PA YID LA 'JAGS PAR BYAS PA'I BKA' DRIN YIN PAS BLA MA DGYES PA'I MCHOD PAR 'BUL LO ZHES GSUNG, DE NAS RJE BLA MA MCHOG NAS BSKUL MA MDZAD PA LTAR TSES DRUG GI NYIN TSOMS CHEN DU BKRA SHIS LHUN PO RANG GI DGE 'DUN DANG PHYOGS 'DUS DON GNYER PA STONG RA CAN LA ZHAG BCU SKOR GYI RING LAM KHRID BDE LAM GYI KHRID STZAL CING MJUG TU MCHOD PA'I TSOGS RGYA CHEN PO DANG BCAS SEMS BSKYED PA'I CHO G-YANG RGYAS PAR GNANG, TSES DBU'I NYIN DBEN PA'I GNAS SU SGRUB PA SNYING POR MDZAD PA'I SKYID GRONG BLA MA YE SHES RGYAL MTSAN DGE SLONG BSAM GTAN PA RNAMS DANG BCAS NAS ZHABS BRTAN GYA NOM PA PHUL, TSES BCO LNGA'I NYIN LDE CHUNG PA BLO BZANG SMON LAM DANG GSOL DPON YE SHES BSTAN 'DZIN SOGS NYE 'KHOR BA 'GA' ZHIG LA DMIGS BRTZE MA DANG SMON LAM ZHING MCHOG SGO 'BYED, PHYAG RDOR GTUM PO'I SGRUB THABS SOGS KYI ZAS KHRID THUN MONG MA YIN PA STZAL, TSES BCU BDUN GYI NYIN GRUB DBANG DE NYID KYIS 'JIGS BYED KYI BDAG BSKYED, BZLAS PA, GTOR 'BUL, LAS GSHIN GYI GTOR 'BUL, TSOGS 'KHOR SOGS SNGON DU BTANG NAS, MKHAS GRUB RJES MDZAD PA'I RTOG PA GSUM PA'I RNAM BSHAD KHAMS GSUM RNAM RGYAL GYI GZAB BSHAD LUNG DANG BCAS STZAL CING 'KHRUL 'KHOR GYI THIG KYANG SLOB PAR MDZAD, RVA LO NAS BRGYUD PA'I 'JIGS BYED KYI DUG DBANG, THEG CHEN GSO
SBYONG GI SDOM RGYUN, PHYAG CHEN RTZA 'GREL GYI KHRID, LAM GYI GTZO BO RNAM GSUM GYI LUNG KHRID BCAS STZAL, LO SNGON MA ZLA BA DGU PA'I NANG DU BDE LAM GYI KHRID NAS BZUNG STE LO 'DIR LAM GTZO'I KHRID GNANG BA'I BAR GYI BKA' CHOS LE TSAN GANG GNANG PHAL CHER GYI MGO MJUG TU MAndAL, KHA BTAGS, DNGUL SOGS SBAM MTHO BA 'BUL BA MDZAD, DE SKABS RJE GRUB PA'I DBANG PHYUG GI ZHAL NAS, MKHAS GRUB THAMS CAD MKHYEN PA DANG PAn CHEN BLO BZANG CHOS KYI RGYAL MTSAN SOGS DAM PA GONG MA DE DAG SKU LUS BRJE BA TZAM MA GTOGS, DON GYI MKHYEN RAB LA KHYAD PAR MA MCHIS PA'I MKHAS TSUL STON PA BKA' DRIN CHE GSUNG ZHING GUS PA'I RNAM PA DANG BCAS THUGS SHIN TU DGYES PA MDZAD, RJE BTZUN DE NYID ZLA BA LNGA TZAM GYI RING BKRA SHIS LHUN POR BZHUGS NAS GONG GSAL GYI BKA' CHOS RNAMS 'BUL BAR MDZAD CING, SENG BAR RNAMS SU MDO SNGAGS KYI DOGS GCOD MANG DU MDZAD PAS RJE NYID LA'ANG THUGS BSKYED GZHAN DANG MA 'DRA BA BYUNG ZHING CHOS DANG 'BREL BA'I BSLAB BYA MANG DU STZAL, TSES BCU DGU LA PHEBS RDZONGS DANG CHOS YON SPRAGS BLA BRANG NAS GRAL 'PHROS PA, TSOGS LANG PA BCAS STON CHEN BSTAR THOG DNGUL SRANG LNGA BCU'I MAndAL, NA BZA' CHA TSANG, GSER ZHO BRGYA DANG LNGA BCU, DNGUL RTA RMIG MA NYI SHU RTZA GCIG ,GOS DAR SOGS DNGOS 'BUL RGYA CHE BA BSTABS, GANG CI'I GSUNG GLENG RGYAS PAR GNANG ZHING, TSES NYER GCIG GI NYIN GRUB DBANG NYID DBUS PHYOGS SU PHEBS PAR RTA THAB KYI SKYEL MA SOGS SNGAR LTAR MDZAD, DE LTAR BKA' GDAMS BSTAN PA'I SROG SHING LAM RIM PA CHEN PO RJE NGAG DBANG BYAMS PA'I ZHAL GYI PADMO LAS 'ONGS PA'I ZAB
, ,PA DANG RGYA CHE BA'I MAN NGAG SBRANG RTZI'I DGA' STON GYIS DRI MA MED PA'I THUGS KYI RKANG DRUG RNAM DPYOD KYI LUS STOBS YONGS SU RGYAS TE GDUL BAR BYA BA'I SKYED TSAL KUN TU DAM PA'I CHOS KYI SGRA DBYANGS CI DGAR SGROG PA LA CHAS PAR GYUR TO; ;BSLAB GSUM BDUD RTZIS THUGS RGYUD GTAMS SHING MANG DU THOS PA'I LUNG GIS PHYUG ,ZAB MO'I DE NYID THUGS SU CHUD PAS LTA NGAN MUN PA DRUNGS NAS PHYUNG, ,MDO RGYUD RAB 'BYAMS SMRA LA DBANG 'BYOR RJE BTZUN MEE TRI'I MTSAN CAN GANG, ,DUS MTHAR THUB PA'I GDUNG 'TSO BA NYID DE DE SLAD KHYOD KYIS GUS PAS BSTEN, ,BSHES GNYEN MCHOG GI ZHAL SGO'I MGRIN SNGON DBUS, ,RO 'DZIN GLOG GI 'PHRENG BA NYER BSKYOD DE, ,ZAB RGYAS DAM CHOS BDUD RTZI'I CHAR CHEN GYIS, ,MGON KHYOD BLO MTSO CI YANG GANG PAR GYUR, ,BYAMS PA'I RNAM 'PHRUL BYAMS PA'I MTSAN CAN DRUNG, ,RGYA CHEN CHOS BKA' RGYA MTSO LTAR GSAN TE, ,ZAB CHOS BKA' DRIN ZAB MO GZHAL BA'I PHYIR, ,DNGOS BSHAMS YID SPRUL DNGOS PO'I TSOGS KUN BSTABS, ,THEG MCHOG BSHES GNYEN GUS PAS BSTEN PA DANG, ,ZAB RGYAS MAN NGAG MTHA' YAS GSAN PA DANG, ,THUB BSTAN PHYOGS BRGYAR SPEL BA'I LHAG BSAM RNAMS, ,PHAN TSUN 'GRAN PA BZHIN DU CI YANG 'PHEL, ,TSES NYER BZHI NAS BZUNG ZHAG BDUN PHRAG GNYIS KYI RING SKU MTSAMS BCAD RGYA GNANG STE, SNGA DRO'I CHA LA 'JIGS BYED DANG PHYI DRO CHOS RGYAL, LCAM SRING, KHYUNG NAG BCAS KYI BSNYEN SGRUB LA THUGS BRTZON CHE BA MDZAD, ZLA BA GSUM PA'I TSES BDUN LA SKU MTSAMS GROL TE PHYAG MDZOD CHEN MO LA KHYUNG NAG GI RJES GNANG
DANG SGOM BZLAS KYI KHRID STZAL, TSES BRGYAD LA KHA SKONG GI CHED DU 'JIGS BYED KYI ZHI BA'I SBYIN SREG ,MJUG TU CHOS RGYAL, BEG TZE, NE SER PA RNAMS KYI BSKANG 'PHRIN MDZAD, ZLA BA BZHI PA'I TSES GCIG LA MDO SNGAGS BSTAN PA'I GSAL BYED CHEN PO LCANG SKYA ROL PA'I RDO RJE, JA SAG BLA MA SOGS DANG, H'A T'A ZHIN, JAR GO CHI, PI CHE'I CHI, TA'I PHU SOGS MI DRAG MANG PO DANG, GZHUNG SA NAS ZHABS PHYI ZHU MI BKA' BLON GUNG PAndI TA, RTZE DRUNG SKU MDUN MKHAN PO SKAL BZANG YON TAN, MCHOD DPON SDE DRUG MKHAN PO BLO BZANG RNAM RGYAL, MGRON GNYER YON TAN LEGS GRUB SOGS RGYA BOD KYI MGRON SHIN TU MANG BA BYON PAR CHIBS BSU BA MGRON GNYER SOGS RTA BA LNGA BCU SKOR, GRVA TSANG ZUR BZHI'I BLA MA DANG SPYI SO, DGE BSKOS DANG MI TSAN SO SO'I RGAN PO, RJE DRUNG DPON CHOS MDZAD SOGS RTAB BRGYA DANG DRUG CU SKOR GYI CHIBS BSU DANG SA DMAR DU THAB 'DZIN, DAR 'PHYAR, DUNG 'BUD, CHOS GRVA CHEN PO'I NUB ZUR NAS SNGAGS PA GRVA TSANG GI SER SBRENG DANG BCAS BSU PA MDZAD CING, GZIMS CHUNG NYI 'OD 'KHYIL DU PHEBS PA'I THOG MAR 'JAM DBYANGS GONG MA CHEN PO'I SKU'I MTSAMS ZHU GNANG, RJE LCANG SKYA RIN PO CHE NYID BSTAN PA'I GSAL BYED CHEN PO YIN GSHIS BZHUGS KHRI DANG GSOL STON SOGS KYI GZOS SGO GANG CHE NGOS JA GRAL GYI THOG GSUNG GLENG MDZAD, BKA' LAS, MA H'A TZI NA'I YUL GRU CHEN POR RGYAL BA GNYIS PA TZONG KHA PA CHEN PO'I MDO SNGAGS KYI RING LUGS RGYAS PAR MDZAD PA SOGS BKA' DRIN BSAM LAS 'DAS SHING, LHAG PAR DU YANG GANGS CAN GYI MGON PO RGYAL DBANG THAMS CAD MKHYEN PA DE NYID RTAG 'DZIN CAN GYI GDUL BYA'I SNANG NGOR RE ZHIG DAG ZHING DU GSHEGS
, ,PAS NGED BOD KYI GDUL BYA RNAMS YID SHIN TU GDUNG BA 'PHEL ZHING NYAM THAG PA'I SKABS 'DIR GONG MA CHEN PO'I BKA' BZHIN DBUS GTZANG GI LJONGS SU PHEBS NAS DAM PA DE NYID KYI GSER GDUNG RIN PO CHE GTZO BOR GYUR PA'I 'PHAGS PA LO KE SHVA RA DANG, JO SH'AKA RNAM GNYIS KYIS MTSON RTEN 'GANGS CHE BA RNAMS KYI DRUNG DU MCHOD SPRIN BSAM GYIS MI KHYAB PA DANG, DGE 'DUN GYI SDE MANG POR MANG 'GYED RGYA CHEN PO'I BSNYEN BKUR MDZAD DE RGYAL BA KUN GYI SPYI GZUGS RJE BTZUN BLA MA DE NYID KYI MCHOG GI SPRUL SKU 'KHRUL MED GSAL DVANGS BSTAN 'GRO'I DPAL DU MYUR DU PHEBS PA'I GSOL 'DEBS 'PHRIN BCOL RGYA CHEN PO MDZAD PA SOGS BSTAN 'GRO YONGS LA BKA' DRIN SHIN TU CHE TSUL GYI SNYAN SGRON ZHU BA MDZAD PAR, RJE LCANG SKYA RIN PO CHE NAS THUGS DGYES PA'I LAN 'BUL BA MDZAD, TSES DRUG GI NYIN T'A KOO SHR'I LCANG SKYA ROL PA'I RDO RJE RIN PO CHE NAS MANG JA TSA RTING MA'I THOG TSOGS DBUR RJE BLA MA MCHOG SPYAN 'DREN ZHU BA MDZAD DE, BRTAN BZHUGS KYI 'BUL BA'I THOG MAR RIN CHEN GNYIS PA LAS GRUB PA'I MAndAL MDZOD BTAGS SNA LNGA'I SNE 'DOGS DANG BCAS PA, SKU RTEN GSER ZANGS LAS GRUB PA'I RGYAL BA TSE DPAG MED KYI SNANG BRNYAN, GSUNG RTEN GSER GYIS BRIS PA'I MDO SDE SKAL BZANG PO TI GNYIS, THUGS RTEN BKA' GDAMS GDUNG RTEN; LDO ROS LAS GRUB PA'I LHA TSER RING, NA BZA' NYER SPYAD, BYU RU DANG SHEL BCAS KYI PHRENG BA DRUG ,DNGUL RTA RMIG MA NYI SHU, RGYAN BZHI MNGAGS BTAGS SOGS KYIS GTZOS BZANG GOS YUG BZHI BCU ZHE BRGYAD, NANG MDZOD CHOS 'DON KHA BTAGS, HOR DAR YUG
SOGS TZI NA'I YUL GRU LAS THON PA'I DNGOS PO'I 'BUL SKYES CHEN PO 'DEGS PAR MDZAD DE, RJE LCANG SKYA RIN PO CHE NAS MAndAL PHYAG TU THOGS NAS MCHOG GSUM LA BSTOD CING SHIS PA BRJOD PA'I BDEN TSIG SNGON DU BTANG STE RJE BLA MA MCHOG GI CHE BA'I YON TAN LAS BRTZAMS PA'I BSNGAGS BRJOD MDZAD PA NI, 'PHAGS CHEN DAM PA RNAMS KYIS BSAM BZHIN DU SRID PAR SKYE BA BLANGS NAS 'GRO BA'I DON LA ME TOG GI TSAL DU BUNG BA DANG, NGANG BA DVANGS PA'I RDZING BU LA 'JUG PA DANG CHOS MTSUNGS PAR NGAN SONG GI GNAS KYANG MTHO RIS KYI DGA' TSAL LTAR SPRO BA LHUR LEN CING, GDUL BYA'I KHAMS DANG BSAM PA DANG BAG LA NYAL GYI DBANG LAS MKHAS PA DANG GRUB PA DANG BRTUL ZHUGS SPYOD PA, 'KHOR LOS BSGYUR BA'I RGYAL PO, BLON PO, BYA RI DVAGS, GRU DANG ZAM PA, ZAS GOS GNAS MAL SOGS SPRUL PA SNA TSOGS BSTAN NAS 'GRO BA SEMS CAN GYI DON MDZAD PA'I TSUL NI SPYAN DANG MNGON PAR SHES PA MNGA' BA LA SOGS PA MA GTOGS, BDAG CAG SO SKYE THA MAL GYI SPYOD YUL LAS 'DAS SHING, SKU'I SKYE BA MKHAS BTZUN DAM PA RAGS RIM DANG MTHUN PAR BSTAN 'GRO'I DON MDZAD TSUL TZAM ZHU BA'I DBANG DU BYAS NA, SNGON BCOM LDAN 'DAS KYI DRUNG DU 'DRI ZHING LAN LDON PA'I NYAN THOS CHEN PO 'PHAGS PA RAB 'BYOR NAS BZUNG, BYANG SHAMBHA LAR RIGS LDAN 'JAM DPAL GRAGS PA, BLA MA DANG LHAG PA'I LHAS RJES SU BZUNG BA'I SLOB DPON CHEN PO LEGS LDAN 'BYED, PAndI TA 'JIGS MED 'BYUNG GNAS, BOD KYI YUL 'DIR GSANG BA 'DUS PA'I CHOS SKOR RGYAS MDZAD 'GOS LO CHEN PO, DANG LAS SKYA PA'I GDUNG RUS SU GNAS LNGA LA MKHAS PA'I PAndI TA CHEN PO KUN DGA' RGYAL MTSAN, GSANG
, ,SNGAGS RNYING MA'I GRUB THOB CHEN PO RGYAL BA G-YUNG STON, 'JAM MGON BLA MA TZONG KHA PA CHEN PO'I SRAS KYI THU BO BSTAN PA 'DZIN PA LA SMON LAM GYI MTHU GRUB PA'I MKHAS GRUB THAMS CAD MKHYAN PA, RJE BSOD NAMS PHYOGS GLANG, GRUB PA'I DBANG PHYUG BLO BZANG DON GRUB, PAn CHEN BLO BZANG CHOS KYI RGYAL MTSAN, LUNG RTOGS BSTAN PA'I MNGA' BDAG DON GYI SLAD DU MTSAN NAS SMOS TE BDAG GI MKHAN RIN PO CHE RJE BTZUN BLO BZANG YE SHES DPAL BZANG PO'I BAR DU RIM PAR PHEBS TE, MKHAS BTZUN BZANG PO'I MDZAD PA BSTAN NAS RNAM PAR DKAR PA'I 'PHRIN LAS RGYA CHEN PO BSKRUN PA LAS, SLAR YANG RJE BTZUN MCHOG GI SPRUL PA'I SKU NYID RGYAL DANG RGYAL BA GNYIS PA'I BSTAN 'GRO'I DPAL DU LEGS PAR PHEBS TE SNGON GNAS RJES SU DRAN PAS MDO SNGAGS KYI GZHUNG LUGS GANG LA YANG MKHAS TSUL BZHES PA BKA' DRIN CHE ZHING, DA DUNG MKHAS PA'I BYA BA RNAM GSUM MTHAR PHYIN RDZOGS PAR MDZAD DE CHOS KYI 'KHOR LO BSKOR BZHIN PAR BSTAN 'GRO'I DPAL DU ZHABS ZUNG RDO RJE'I KHRI LA G-YO MED BSKAL BRGYA'I BAR DU BRTAN PA DANG, RGYAL DBANG THAMS CAD MKHYEN PA'I SPRUL PA'I SKU ZHING 'DIR MYUR DU PHEBS NAS DAM PA NYID KYI SRAS SU GYUR TE, JO 'BROM YAB SRAS KYI MDZAD PA BZHIN, YAB SRAS GNYIS KYIS CHOS 'KHOR RGYA CHEN PO BSKOR NAS, BOD KHAMS YONGS LA BDE SKYID PHUN SUM TSOGS PA STZOL BA, GONG MA BDAG PO CHEN PO YANG DKON MCHOG BLA MAR 'DZIN CING, BSTAN PA RIN PO CHE LA GUS PA 'PHEL BA LA BRTEN NAS BSTAN 'GRO YONGS LA PHAN BDE BLA LHAG TU SPEL BA'I PHYIR ZHABS PAD DGUNG LO KHRI PHRAB KHRI PHRAG GI BAR
DU BRTAN CING CHAB SRID DAR ZHING RGYAS PA, BDAG NYID KYANG YAB SRAS GNYIS KYIS RJES SU BZUNG NAS GSUNG GI BDUD RTZI LA LONGS SPYOD PAR DGE 'DUN GYI SDE DANG LHAN CIG GSOL BA SNYING THAG PA NAS 'DEBS PA LAGS PAS JI LTAR SMON PA'I RE BA 'BRAS LDAN DU SMIN PA'I ZHAL BZHES BZANG PO STZOL PA MKHYEN MKHYEN, ZHES ZHU BA GNANG PAR, RJE BLA MA MCHOG NAS BDAG TSUR MTHONG BYIS PA'I BLO CAN SKYE 'CHI LA RANG DBANG DANG NUS MTHU CHUNG BAS KHAS LEN BYED DKA' NA YANG, RJE LCANG SKYA RIN PO CHE DANG DGE 'DUN RNAMS THUGS RTZE CHIG DRIL GYIS MCHOG GSUM LA GSOL 'DEBS DANG BDEN TSIG BRJOD PA GNANG BA'I MTHU LA BRTEN BYIN RLABS 'ONG BA GZHIR BCAS, DKON MCHOG LA GSOL BA BTAB STE 'DUN PA BYED TSUL GYI LAN ZHU BA GNANG, JA SAG BLA MA SOGS LCANG SKYA RIN PO CHE'I ZHABS PHYI RNAMS NAS KYANG DNGOS 'BUL BTEG ,DE NAS RIM BZHIN RJE LCANG SKYA ROL BA'I RDO RJE MCHOG LA 'JIGS BYED LHA BCU GSUM MA'I DBANG, 'JIGS BYED RIM GNYIS KYI KHRID, LCAGS MKHAR GYI KHRID DANG LUNG, 'KHRUL 'KHOR GYI RNAM BSHAD KHAMS GSUM RNAM RGYAL DANG BSTOD PA BRGYA LNGA BCU PA GNYIS KYI LUNG, RJE RIN PO CHE NAS RTOGS LDAN 'JAM DPAL RGYA MTSO LA GNANG BA'I BLA MA'I RNAL 'BYOR, 'JIGS BYED DPA' BO GCIG PA'I ZHI KHRO SBRAGS SGRUB, 'JIGS BYED SER PO LA BRTEN PA'I TSE SGRUB, RONG STON BLO BZANG GRAGS PAS MDZAD PA'I 'KHOR CHEN GYI BSKYED RDZOGS KYI LUNG, 'BYUNG 'DUL ME DBANG MA'I RJES GNANG, GRUB RGYAL LUGS KYI TSE DBANG, CHOS RGYAL NANG SGRUB DANG MGON PO PHYAG BZHI BA'I RJES GNANG, RJE NYID NAS BKA' RTZOM MDZAD PA'I LCANG SKYA RIN PO CHE'I 'KHRUNGS RABS GSOL
, ,'DEBS, RGYAL DBANG MCHOG GI GSUNG 'BUM NANG NAS 'PHAGS PA LO KE SHVA RA'I BSTOD PA DANG, RJE NYID NAS BKA' RTZOM MDZAD PA'I THUGS RJE CHEN PO'I GSOL 'DEBS, KHYUNG NAG GI BYABS KHRUS DANG 'JIGS BYED KYI DUG BCOS SOGS KYI LUNG STZAL TO, ,RNAM PAR DPYOD PA'I MIG GNYIS RAB BYANGS SHING, ,MANG THOS LUNG GI 'DAB GSHOG MNGON PAR RGYAS, ,RIGS PA'I MCHU SNGER MI BZAD MKHA' LDING KHYOD, ,THUB BSTAN LHUN PO'I STE GSAL NGAL GSO MDZAD, ,YE SHES MKHYEN PA'I DKYIL 'KHOR RAB RGYAS SHING, ,BSTAN PA'I SGRON ME'I 'PHRENG BA 'DZIN BZOD PA, ,'GRO MGON LCANG SKYA SPRUL PA'I SKU LA SOGS, ,ZAB CHOS DON GNYER SKAL LDAN SKYE BO'I TSOGS, ,MGON KHYOD BLO GROS RAB DKAR PADMO LAS, ,MDO SNGAGS SPRANG RTZI 'THUNGS PAS MYOS PA'I MGRIN, ,DGA' BA'I DAR DIR SGROGS DANG LHAN CIG TU, ,LAM BZANG MKHA' DBYINGS 'PHUR LDING ZLOS GAR 'DZIN, ,NGO MTSAR MDZAD PA'I RNGA PO CHE, ,PHYOGS KYI MDZES MAS BRDUNG BA NA, ,GANGS CAN MKHAS RNAMS RAL BA'I RTZER, ,KHYOD ZHABS RDUL 'PHRENG MCHOD LA BRTZON, ,TSES BDUN GYI SNGA DRO SKU MDUN DAR HAN MKHAN PO DANG MCHOD DPON GNYIS GZIMS SPUGS SU BYON NAS, RGYAL DBANG THAMS CAD MKHYEN PA CHEN PO DE NYID ZHING LA PHEBS SKOR GYI GNAS TSUL GYIS MTSON NANG SBYAR GYI GSUNG GLENG ZHIB PA GNANG, SKU MDUN MKHAN PO DANG MCHOD DPON MKHAN PO, MGRON GNYER YON TAN LEGS GRUB BCAS SO SO NAS DNGOS 'BUL BSTAR, TSES DGU LA ZHABS DRUNG BDE LDAN SGROL MA, THE'I JI PA SANGS TSE RING, DGA' BZHI'I YUM, NYI LDE SPRUL SPU SOGS
LA 'BYOR PHYAG JA GRAL BCAS GNANG, NYI LNGE SPRUL SKUS SGER MJAL ZHUS, CHOS BCU GCIG LA BKA' BLON DGA' BZHI GUNG PAndI TAS 'DUS SDE'I TSOGS DBUR SBYAN DRANGS NAS DGE 'DUN LA MANG 'GYED KYI BSNYEN BKUR BZANG PO BSTAR TE DNGOS 'BUL SPAM MTHOB DANG BCAS ZHABS BRTAN GSOL 'DEBS ZHUS, GZHAN YANG RGYA BOD KYI MI DRAG GIS MTSON DAD LDAN DU MA'I DAD PA'I CHU MTSO LAS THON PA'I BSNYEN BKUR GYI NOR BUS YANG DAG PAR MCHOD, 'DI SKABS GZHUNG SA DANG RGYAL TSAB DE MO SPRUL PA'I SKU, BKA' BLON, ZHABS PHYI NANG 'KHOR DANG BCAS NAS DNGOS 'BUL SPAM MTHOB DANG BCAS RGYAL DBANG MCHOG GI GSER GDUNG CHEN MO'I DKAR CHAG BKA' RTZOM DGOS TSUL GSOL BA BZHED PA DANG SBYAR TE RJES SU STZAL, TSES BCU DRUG GI NYIN T'A KOO SHR'I LCANG SKYA RIN PO CHE NYID NAS MDZOD BTAGS, GSER SRANG LNGA BCU BCAS 'BUL BA MDZAD DE SNGAGS KHANG DU SNGON CHAD 'JIGS GSANG GNYIS LAS BDE MCHOG GI SGRUB MCHOD TSUGS PA ZHIG MI 'DUG PAS, SKYABS MGON MCHOG NAS THUGS KHUR CHE BZHES DOS 'DZUGS PAR MDZAD NAS SNGAGS GRVA 'DI NYID GZHAN DANG MA 'DRA BA YIN GSHIS RJE RIN PO CHE'I BSTAN PA'I ZHABS TOG BLA NA MED PAR 'GYUR BAS, GZHI RTEN SOGS RJES NAS PHUL CHOG PA ZHU ZHES ZHUB MDZAD PAR, BKA' LAS, BSTAN PA'I GSAL BYED CHEN PO NYID NAS 'DI LTAR GSUNG BA BSTAN PA THUGS LA BCANG PA'I LHAG BSAM KHO NAR SNANG BAS DBANG KHRID SOGS BGYIS TE GANG GSUNG LTAR 'DZUGS PA'I 'DUN BZHU ZHES ZHUS PAR THUGS SHIN TU DGYES, LCANG SKYA RDO RJE 'CHANG ZHAG NYI SHU'I RING BKRA SHIS LHUN POR BZHUGS PA'I NYI MA RE GNYIS MA GTOGS SKU MDUN DU GDAN DRANGS
, ,NAS LUGS GNYIS KYI GSUNG GLENG SHIN TU 'PHEL BAR MDZAD CING, KHYAD PAR DU MDO SNGAGS KYI DRI BA SGO DU MA NAS ZHUS PA RNAMS LA RJE NYID NAS LAN THOGS MED 'DEBS PA GNANG BAS RJE LCANG SKYA MCHOG KYANG THUGS SHIN TU DGYES PA BYUNG, TSES BCO BRGYAD LA PHEBS RDZONGS SBAM MTHOB PHUL, T'A ZHIN DANG PHYAG MDZOD JA SAG BLA MA SOGS LA'ANG GO BABS DANG BSTUN PA'I THON RDZONGS BSTABS, TSES NYI SHU'I NYIN SNAR THANG LA GNAS GZIGS KYI CHED NYIN 'KHOR LA PHEBS, PHYIR 'KHOR 'PHRAL GZIMS KHANG DU BSNYEN BKUR RGYAS PAR BSTAR TE RGYAL BA TSE DPAG MED KYI SNANG BRNYAN SOGS PHUL TE, RGYAL DBANG THAMS CAD MKHYEN PA DE NYID KYI YANG SRID SKOR LA THUGS KHUR CHE BZHES SOGS BSTAN 'GRO'I DON RGYA CHEN PO MDZAD DGOS TSUL GSUNG, LAN DU BKA' PHEBS BZHIN BSGRUB PA'I 'DUN BA ZHU ZHING SKYABS MGON MCHOG NYID NAS KYANG MDO SNGAGS KYI THUGS GNYER MTHAR PHYIN PA GNANG DGOS LUGS DANG, SLAR YANG ZHAL DKYIL MYUR DU MJAL CHOG PA'I SKYABS 'JUG KYANG GNANG DGOS ZHES ZHUS, BKA' BLON DGA' BZHI GUNG PAndI TA, SKU MDUN DAR HAN MKHAN PO SKAL BZANG YON TAN, MCHOD DPON SNGE DRUG MKHAN PO BLO BZANG RNAM RGYAL, MGRON GNYER YON TAN LEGS GRUB RNAMS DANG, DGA' BZHI'I SKU NGO RNAMS LA BAR CHAD SEL BA'I BKA' BSGO RIM PA BZHIN DU STZAL, LCANG SKYA RIN PO CHE PHAR PHEBS SKABS SU YANG RTA THAB KYI SKYEL MA SNGAR RGYUN BZHIN MDZAD, TSES NYER BZHI LA NGOR MKHAN PO DPAL LDAN CHOS SKYONG KHAMS SDE DGER 'BYON RGYUR MJAL KHA DANG JA GRAL DMIGS BRTZE MA SOGS
KYI 'DOD CHOS KYANG STZAL, ZLA BA LNGA PA'I TSES GCIG GI NYIN SKYID GRONG BLA MA NAS GSOL BA BTAB PA LTAR GZIMS CHUNG YID DGA' CHOS 'DZIN DU KHOD RANG GIS GTZOS RI KHROD PA BCU DRUG LA DPAL RDO RJE 'JIGS BYED KYI LAM RIM PA GNYIS KYI DMAR KHRID SGYU LUS MCHOD PA DAD BCAS PA DAM PA GONG MA'I PHYAG LEN MA NYAMS PA SMIN RGYAS SU STZAL CING, DE DAG GI SKABS SU SNGAGS KYI DKA' GNAD MTHA' YAS PA'I GSUNG BSHAD GNANG BAS DGE BA'I BSHES GNYEN PA YANG THUGS RANGS PAR GYUR, BKA' CHOS GRUB PA'I YON DU BLA MA MCHOD PA'I TSOGS 'KHOR DANG 'BREL BA'I SGO NAS DNGOS 'BUL RGYA CHER PHUL, KHONG RANG GIS BTAB PA'I MA nI LA KHA'I RI KHROD LA MING ZHUS PAR BKRA SHIS BSAM GTAN GLING ZHES PA STZAL CING GNAS BSTOD TSIGS BCAD MA SOGS BKA' RTZOM LE TSAN KHA SHAS KYI LUNG YANG GNANG, DE NAS DGE PA'I BSHES GNYEN PA LA THON PHYAG GI GNANG CHA STZAL NAS DAM PA'I CHOS LA SGRUB PA SNYING POR MDZAD PA DANG, DON GNYER BA RNAMS LA'ANG GANG 'TSAMS KYI CHOS 'CHAD PA SOGS BSTAN PA'I ZHABS TOG TU 'GYUR BA MDZAD DGOS ZHES BKA' LUNG BZANG PO STZAL, ZHUS DAG PA DKA' CHEN SKU SKYE BLO BZANG RIG GROL DANG, NYE 'KHOR BA KHA SHAS LA RJE NYID KYIS BKA' RTZOM MDZAD PA'I YONGS 'DZIN BLO BZANG BZOD PA'I RNAM THAR GYI LUNG STZAL, ZLA BA LNGA PA'I TSES BCU GSUM GYI NYIN GLO BUR NYID DU SGRA DBYANGS LHA MO LA BSTOD PA'I TSIGS SU BCAD PA SNYAN DNGAGS KYI 'PHRENG BA THOGS MED DU RTZOM PAR MDZAD PAS MTSAN LTAS LEGS PA BYUNG, TSES BCU BDUN GYI NYIN THAR PA CHOS RJE BLO BZANG 'PHRIN LAS KYIS BSKUL DOR 'OD DPAG MED
, ,LA BRTEN PA'I BLA MA'I RNAL 'BYOR GSAR RTZOM GNANG STE, DE DANG RJE BLA MA LA BRTEN PA'I BLA MA'I RNAL 'BYOR SOGS KYI LUNG DANG, LCANG SKYA ROL PA'I RDO RJE RIN PO CHE'I MGRON GNYER RAB RGYAS SOGS LA PHYAG RDOR 'BYUNG 'DUL GYI RJES GNANG, LCANG SKYA RIN PO CHE'I 'KHRUNGS RABS GSOL 'DEBS KYI LUNG, GRUB RGYAL MA'I TSE DBANG BCAS STZAL, TSES NYER LNGA'I NYIN PHYAG MDZOD CHEN MOR RJE RIN PO CHES MDZAD PA'I BDE MCHOG LUS DKYIL GYI MNGON RTOGS, PAn CHEN BLO BZANG CHOS RGYAN GYIS MDZAD PA'I L'U DRIL GNYIS KYI RDZOGS RIM, 'JIGS BYED DPA' GCIG GI MNGON RTOGS DANG 'JIGS BYED KYI CHOS SKOR SHIN TU ZAB PA RNAMS KYI LUNG STZAL, SHAMBHA LA'I RIGS LDAN RNAMS KYI GSOL 'DEBS DNGOS GRUB RNAM PAR 'BYUNG BA'I SGRA DBYANGS ZHES BYA BA ZHIG KYANG BKA' RTZOM MDZAD, TSES NYER BDUN NAS BZUNG DBYAR CHOS DANG PO ZLA BA GCIG GI RING SKU RIM GYI TSOGS DBUR PHEBS NAS ZUR BZHI'I SLOB DPON RNAMS DANG LHAN CIG PAR TSAD MA RNAM 'GREL GYI GZHUNG LA BRGAL ZHING BRTAG PAR MDZAD PAS RIGS LAM ZLA BA'I ZER GYIS MKHYEN DPYOD KYI KU MUD MCHOG TU RGYAS PAR GYUR, SNGON DU RJE MEE TRI'I MTSAN CAN GYIS ZHABS BSKUL ZHUS YOD PAR MA ZAD, GRVA TSANG KHAG BZHI'I SLOB DPON RNAMS NAS KYANG GSOL BA BTAB PAR BRTEN, ZLA BA DRUG PA'I TSES BCU BDUN NAS ZLA BA BDUN PA'I TSES BZHI'I BAR ZHAG BCO BRGYAD KYI RING GNYUG MAR GNAS PA'I DGE 'DUN RNAMS KYI STENG DU PHYOGS 'DUS DANG BCAS DGE 'DUN DRUG STONG SKOR LA 'DU KHANG CHEN MONG CHOS PHUNG BRGYAD KHRI BZHI STONG GI DGONGS DON
MTHA' DAG PHYOGS GCIG TU BSDUS PA SHING RTA CHEN PO GNYIS KYI LAM SROL, RJE BTZUN TZONG KHA PA CHEN POS MDZAD PA'I BYANG CHUB LAM GYI RIM PA'I NYID KHU, PAn CHEN BLO BZANG CHOS KYI RGYAL MTSAN GYI GSUNG GI BDUD RTZI SNGAGS DANG 'BREL BA'I BYANG CHUB BDE LAM GYI DMAR KHRID, SA GSUM GYI SGRON ME GCIG PUR GYUR BA DE NYID, SHING RTA CHEN PO RNAMS KYI RING LUGS DRI MA MED PA'I GZHUNG BSRANGS, MDO RGYUD BSTAN BCOS DU MA'I SHES BYED RGYAB SKYOR DU DRANGS, DAM PA GONG MA'I MAN NGAG DANG ZHAL SHES DU MAS ZUR BRGYAN, BKA' GDAMS PA'I GSUNG BGROS DU MAS KHA BSKANG BAR MDZAD DE, MA 'BREL BA DANG, ZLOS PA DANG, SNGA PHYI 'GAL BA SOGS 'CHAD PA'I SKYON MTHA' DAG DANG BRAL ZHING TSIG GO BDE LA DON GSAL BA DANG, NYAMS LEN RGYUD STENG DU BSKOR NAS 'CHAD PA'I DMIGS THOG TU 'DRIL BA DANG, PHYI'I GO RGYA GCOD PA TZAM MA YIN PAR NANG GI SHES RGYUD 'DUL BA KHO NA GTZO BOR BYAS TE, JI LTAR W'A RA nA SIR RNAM 'DREN BU RAM SHING PA MI 'JIGS SENG GE'I KHRI LA BZHUGS TE 'KHOR LNGA SDE LA BDEN PA BZHI'I CHOS KYI 'KHOR LO BSKOR BA DANG TSUL MTSUNGS PAR TSANGS PA'I DBYANGS KYIS STON PAR MDZAD PAS, CHOS NYAN PA PO'I KHROD DU GNAS PA'I DGE BA'I BSHES GNYEN PA 'GA' ZHIG NI GSUNG RAB KYI DON LA RMONGS PA'I SOM NYI'I MUN PA BSAL NAS RNAM DPYOD KYI PADMO KHA PHYE, LA LA NI SRID PA'I DPAL 'BYOR RNAMS KYANG SPRUL GDUG PA'I TSANG LTAR MTHONG NAS DBEN PA'I GNAS SU SGRUB PA SNYING POR BYED PA'I YID DAM 'CHA', 'GA' ZHIG NI DKON MCHOG GSUM GYI YON TAN TSAD MED PA RNAMS LA YID CHES PA'I DAD PA RNYED NAS SKYABS 'GRO'I BZLAS BRJOD
, ,LA BRTZON PAR BYED, GZHAN DAG NI LAS DKAR NAG GI 'BRAS BU 'BYIN PA'I TSUL LA NGES SHES 'DRONGS NAS DGE SDIG GI BLANG DOR PHRA ZHING PHRA BA RNAMS KHYAD DU MI GSOD PAR NYAMS SU LEN, KHA CIG NI SKU NA PHRA MO LA 'DI LTA BU'I YON TAN YONGS SU RDZOGS PA NGO MTSAR CHE ZHES BSTOD BSNGAGS KYI ROL MO SGROG ,THAMS CAD KYANG TSE 'DI'I RNAM PAR RTOG PA'I SNANG BA NUNG NAS PHYI MA PHAN CHAD KYI MNGON MTHO DANG NGES LEGS KYI GO 'PHANG 'BA' ZHIG BSGRUB PA'I TSUL LA GCIG TU GZHOL BAR GYUR TO; ;CHOS NYAN PA RNAMS LA'ANG BLA BRANG NAS BSNYEN BKUR DANG DGE 'DUN RER DNGUL SRANG GANG RE DANG BSOD BTAGS RE BCAS STZAL TE ZANG ZING GI SBYIN BAS KYANG TSIM PAR BYAS, SENG CHEN SKU SKYE SNGAGS CHEN ZHAL SNGA NAS KYIS BSKUL NGOR BLA MA BRGYUD MCHOD KYI CHOG SGRIGS BKA' RTZOM MDZAD, DE NAS KHONG GIS GSOL BA BTAB PA LTAR, SNGAGS KHANG DU BYON TE ZUR BZHI'I BLA MA RNAMS DANG, RGYUD GRVA TSOGS YONGS, MTSAN NYID GRVA TSANG GSUM GYI DGE BA'I BSHES GNYEN KHA SHAS DANG BCAS PAR DPAL RDO RJE 'JIGS BYED LHA BCU GSUM MA'I BSKYED RIM GYI KHRID ZHAG LNGA'I KHONGS SU RDZOGS PAR GRUB PA GNANG, 'DI SKABS STENG 'OG GI RGYAL BA ZHI KHRO'I RTEN RNAMS LA SNYAN SHAL DANG BCAS MCHOD SPRIN RGYA CHEN PO SPROS, KHYAD PAR GZIMS KHANG SER PO'I DPAL LDAN LHA MOR GSER LPAGS DANG GOS BZANG PO LAS BSGRUBS PA'I GNAM RGYAN STENG YONGS SU KHEBS PAS MTSON MCHOD RDZAS SPYAN GZIGS RGYAS PAR BSTAR NAS BSTAN PA BSRUNG BA LA MA G-YEL ZHIG PA'I RDO RJE'I THA TSIG BSGRAGS, DE NAS SLAR YANG GSOL BA BTAB PAR BRTEN
TSES BCU GCIG GI SNGA DRO SGYU LUS KYI MCHOD PA SOGS SNGON DU BTANG STE RDZOGS RIM GYI ZAB KHRID MDO BSDUS TZAM STZAL TO, ,ZAB YANGS RNAM DBYOD RAL BA'I COD PAN LAS, ,MNGON PAR PHAB PA'I MAN NGAG LHA YI CHUS, ,DON GNYER SKYE BO'I SEMS KYI RUS PA NI, , BKRUS PAS ZUNG 'JUG MTHO RIS RTZE DGA' 'DZIN, ,GRANGS MED BSKAL BA'I PHUNG PO DANG, ,RLABS CHEN BYAD KA'I SPYOD PA LA, ,LTOS MIN SANGS RGYAS BSGRUB PA'I THABS, ,GSAL BAR 'DOMS 'DI BSNGAGS PAR 'OS, ,DE NAS SNGAGS CHEN ZHAL SNGA NAS KYIS DGONGS JA'I THOG TSOGS DBUR GDAN DRANGS, TSOGS KYI 'KHOR LO RGYA CHEN PO DANG 'BREL BA'I DNGOS 'BUL SBAM MTHO PA DANG BCAS ZHABS BRTAN PHUL, 'DI SKABS KYANG RGYUD GRVA TSOGS YONGS LA BSOD BA TAGS, DNGUL SRANG RE'I 'GYED DANG BCAS PA'I BSNYEN BKUR BZANG PO BSTABS TE, CHOS DANG ZANG ZING GI 'DOD DGU CHAR DU BSNYIL, TSOGS YONGS NAS GTOR CHEN DRUG CU PA DANG 'BREL BA'I GDUGS DKAR BZLOG CHEN MDZAD PA'I TSOGS DBUR NYIN GANG ZHABS ZUNG BKOD DE DBYANGS ROL RGYAS PA DANG SPYAN DMIGS GANG ZAB GNANG, GTOR RGYAG SKABS RGYUD GRVA'I GTZUG LAG KHANG CHEN MO'I STENG GI NAM MKHA' LA KHA DOG SNA LNGA PA'I DBANG PO'I GZHU CHOS 'BYUNG GI DBYIBS CAN KUN GYI MTHUN SNAD DU GRUB PA SOGS LTAS NGO MTSAR BA BYUNG, TSES BCU GSUM GYI NYIN DBANG KHANG DU ZUR BZHI'I BLA MA RNAMS DANG RGYUD GRVA'I DGE BA'I BSHES GNYEN DRUG CU SKOR LA 'JIGS BYED LHA BCU GSUM MA'I RIM PA GNYIS PA'I GZAB KHRID THUN MONG MA YIN PA STZAL, BKA' CHOS SNGA PHYIR GNANG BA DE DAG GI SKABS SU SNGAGS CHEN ZHAL SNGA NAS KYIS KHUR
, ,BLANGS TE BSNYEN BKUR PHUN SUM TSOGS PA BSGRUBS, PHAR YANG RTZE ZHVA, SNAM SBYAR GTUR BU DANG BCAS PA, GOS YUG GIS GTZOS, DGU TSAN GSUM RNAMS STZAL TE 'GREL PA BZHI SPRAGS DANG, RGYUD SDE BZHI'I DBANG LUNG KHRID SOGS CHOS RGYUN RNAMS MA NYAMS PAR SPEL DGOS PA'I ZHAL TA PHEBS, MCHOD DPON DANG CHOS KHRIMS PA GNYIS NAS KYANG RANG 'BYOR DANG BSTUN PA'I DNGOS PO'I BDOG PA BSTABS, TSES BCO LNGA'I NYIN DGE 'DUN TSOGS PA LA MDO 'CHAD PA SOGS GNANG NAS RGYAL MTSAN MTHON POR ZHABS ZUNG BKOD, HAL HA NAS BYANG PHYOGS BSTAN 'GRO'I DPAL MGON RJE BTZUN DAM PA'I DGONGS RDZOGS SGRUB MI MGRON GNYER SKOR 'BYOR NAS, DAM PA DE NYID KYI SKU'I YANG SRID SKOR LA THUGS DAM BRTAG PA ZHUS LAN DANG BSTUN SPRUL SKU MYUR 'BYON GYI GSOL 'DEBS SHIG KYANG DGOS TSUL LTAR BKA' RTZOM GNANG, TSES BCU DRUG GI NYIN GZIMS CHUNG NGO MTSAR BKOD PAR ZUR BZHI'I BLA MA RNAMS DANG RGYUD GRVA'I DGE 'DUN DRUG CU SKOR LA 'JIGS BYED BSKYED RDZOGS KYI MYONG KHRID ZHAL SHES KYIS BRGYAN PA DANG GTUM MO DANG RDO RJE'I BZLAS PA'I SKOR LA YANG MAN NGAG DU MA DANG BCAS GSUNGS TE ZHAG GSUM GYI RING DMIGS SKOR SKYONG DU 'JUG PA MDZAD, TSES BCU BDUN LA RJE BTZUN DAM PA'I MGRON GNYER SKOR LA THON PHYAG BSTAR, TSES NYI SHUR DPAL RDO RJE 'JIGS BYED LA BRTEN PA'I 'PHO KHRID SHIN TU ZAB PA DANG, DGONGS MO DNGOS GZHI DMIGS SKOR SKYONG LUGS RNAMS RGYAS PAR GNANG, DE'I PHYI NYIN RJE RIN PO CHE YAB SRAS NAS BRGYUD PA'I SGYU LUS KYI ZAB KHRID, 'BRAS BU MNGON
DU BYA TSUL GYI ZAB KHRID THUN MONG MA YIN PA GZAB BSHAD DANG BCAS STZAL, GRUB BSTUN 'JIGS BYED KYI TSOGS MCHOD, BSDO SMON SHIS BRJOD KYI MTHA' RTEN DANG BCAS PA MDZAD, TSOGS CHEN DGE BSKOS NAS GSOL BA BTAB PA LTAR 'DUS PA RGYA MTSOR 'DUL BA MDO RTZA BA, DBU MA 'JUG PA, MNGON PA MDZOD, MNGON RTOGS RGYAN, TSAD MA RNAM 'GREL RNAMS KYI LUNG DANG GDUGS DKAR ZHAL GSUM PHYAG DRUG GI RJES GNANG, GRUB RGYAL LUGS KYI TSE DBANG GZAB BSHAD BCAS STZAL, GNAM GANG LA DGAG DBYE GRUB NAS LJONGS RGYU DANG BSTUN DUNG MTSON GAR ZHABS ZUNG BKOD THOG THOS BSAM GLING ZHAL SNGA NAS KYIS LO 'DIR DBYAR GNAS KYI RING LA RJE BLA MA NYID NAS BKA' CHOS GNANG BA RNAMS 'CHAD TSUL PHUN SUM TSOGS PA BYUNG BAS GSAN MKHAN GYI DGE 'DUN BGRES GZHON MTHA' DAG KYANG SNGAR BAS DAM PA'I CHOS LA SPRO NYAMS CHE ZHING, BLO YANG 'KHRUL TSABS CHEN PO BYUNG 'DUG PA BKA' DRIN CHE ZHES GCAM BU DANG MA 'DRES PA'I BSNGAGS BRJOD KYI ME TOG GTOR, ZLA BA BRGYAD PA'I TSES DGU'I NYIN GZHUNG SA NAS KYANG DGE 'DUN GYI SDE CHEN POR MDO SNGAGS KYI ZAB CHOS RNAM MANG STZAL BA BKA' DRIN CHE TSUL DANG BCAS PA'I LEGS SKYES MDO MI DMA' BA BSTAR, PHYAG PHYAG PA DKA' CHEN YE SHES SMON LAM GYIS GSOL BA BTAB PA'I NGOR, TSE SGRUB 'CHI MED BDUD RTZI'I CHU RGYUN GYI KHA SKONG DU BLA BRGYUD GSOL 'DEBS DANG BDUD RTZI 'BEBS SBYANG BYA TSUL, MJUG TU BLA MA'I BKA' DRIN DRAN PA'I GSOL 'DEBS TSIGS BCAD DU BSGRIGS PA BCAS GSAR RTZOM MDZAD DE TSES BCU GNYIS LA PHYAG MDZOD CHEN MO DANG
, ,YONGS 'DZIN RIN PO CHE SOGS BCO LNGA SKOR LA LJAGS LUNG YANG GNANG, MDA' DPON PAD TSAL BA NAS SKU BRNYAN, GSER DNGUL, GOS CHEN, JA SOGS KYI DNGOS 'BUL BTEG PAR GRUB RGYAL LUGS KYI TSE DBANG STZAL, YONGS 'DZIN MCHOG NAS ZHUS NGOR 'KHRUL 'KHOR RNAM BSHAD KHAMS GSUM RNAM RGYAL GYI GZAB BSHAD, KHRID PHYAG LEN DANG BCAS PA GNANG, SNGAGS CHEN RDO RJE 'DZIN PA 'BRONG RTZER GDAN DRANGS PA'I SKABS MKHAS GRUB THAMS CAD MKHYEN PA'I GDAN SA RI PO MDANGS CAN GYI PHYI NANG GSANG GSUM GYI MGON KHANG RNAMS SU SNYAN SHAL SPYAN GZIGS MCHOD RDZAS DANG BCAS PA 'BUL RGYU GNANG, MNYAM MED RI BO DGA' LDAN PA'I BSTAN PA BSTAN 'DZIN DANG BCAS PA LA SDANG ZHING LOG BAR 'KHU BA RNAMS GZHOM PA'I CHED GNAS DER 'JIGS BYED LA BRTEN PA'I DRAG PO'I SBYIN SREG MDZAD RGYU'I ZHAL BKOD KYANG MDZAD, TSES NYER LNGA LA PHYAG MDZOD CHEN MO BLO BZANG TSE DBANG GI THUGS BZHED LTAR BLO BZANG BKA' 'BUM GYI NANG NAS 'KHOR LO SDOM PA'I RNAL 'BYOR RGYAS PA NYAMS SU LEN TSUL DANG, BLA MA RDO RJE 'JIGS BYED KYI RNAL 'BYOR RGYAS PA DNGOS GRUB KUN 'BYUNG, PAn CHEN BLO BZANG CHOS RGYAN GYIS MDZAD PA'I RDO RJE 'JIGS BYED LA BRTEN PA'I LAM ZAB MO BLA MA'I RNAL 'BYOR NYAMS SU LEN TSUL, GZHAN YANG BDE MCHOG RTZA BA'I RGYUD, BDE MCHOG RIM LNGA'I BSHAD PA SPAS DON LTA BA'I MIG 'BYED, DRIL BU RIM LNGA'I KHRID YIG RJE'I GSUNG BZHIN SEMS DPA' CHEN PO KUN DGA' BZANG POS BKOD PA, BDE MCHOG NAG PO BA'I RDZOGS RIM DPYID KYI THIG LE, BDE
MCHOG L'U AI PA'I RDZOGS RIM DNGOS GRUB KYI SNYE MA RNAMS KYI LUNG STZAL, TSES NYER BRGYAD LA BZHAD RI BO GRU 'DZIN NAS BKA' 'GYUR BLA MA BLO BZANG CHOS 'PHEL BYON TE DNGOS 'BUL DANG BCAS ZHABS BRTAN GSOL 'DEBS ZHUS, ZLA BA DGU PA'I TSES GSUM GYI NYIN NYE SKOR GYI SGRUB SDE SO SO NAS 'DUS PA'I SPONG BA BA RNAMS KYIS GSOL BA BTAB PAR BRTEN, BSAM GTAN PA SUM BRGYA BDUN CU, PHYOGS 'DUS BCAS DGE 'DUN STONG PHRAG LHAG PAR BYANG CHUB LAM GYI RIM PA BDE LAM GYI MDAR KHRID RGYAS PAR STZOL PA'I DBU TSUGS, DE NAS RIM GYIS STZAL PAR TSES BCU GCIG GI NYIN RDZOGS PAR GRUB STE BCU GNYIS LA MCHOD PA RGYA CHEN PO DANG BCAS SEMS BSKYED KYI CHO GA MDZAD, GZHAN YANG BLA MA MCHOD PA DANG, PHYAG CHEN GYI KHRID, RJE NYID KYIS GSAR RTZOM GNANG BA SHOG BU NYIS BRGYA SKOR GYI LUNG, GDUGS DKAR ZHAL GSUM PHYAG DRUG PA DANG KHYUD NAG GI RJES GNANG BCAS STZAL, DHA YAN TU RA'I CHOS RJE DKA' CHEN BLO BZANG MTHA' YAS DANG, DAR HAN RJE'I SANG CHING DPON PO, ZI LING TSONG DPON MCHEN BLO BZANG SHES RAB BCAS SO SO NAS DNGOS 'BUL BSTAR, LO 'DIR BSKYED RDZOGS SOGS KYI ZAB CHOS MANG PO GNANG DGOS BYUNG BAR NYAN PA PO MI SNA TSOGS 'DUS PA LA BRTEN PA'I DAM TSIG NYAMS CHAGS BYUNG RIGS DAG PHYIR TSES NYER LNGA'I NYIN RGYUD GRVA DANG LHAN DU 'JIGS BYED KYI ZHI BA'I SBYIN SREG MDZAD CING CHOG ROGS PA RNAMS BSNYEN BKUR GYIS MNYES PAR MDZAD, 'DI NA 'CHAD PA'I KHRI LA NGAL GSO BA'I, ,SMRA BA'I RJE BOR RLOM PA MTHA' DAG GI ,KHENGS PA'I RGYAL MTSAN SNYOL BAR BYED PA'I GTAM, ,
, ,LEGS BSHAD NAM MKHA'I RNGA CHEN KHYOD KYIS BRDUNG, ,GSANG GSUM MDZAD PA RNAM PAR MI RTOG KYANG, ,'OS PA'I RI LA NYI MA'I 'OD ZER BZHIN, ,SKAL BZANG YID KYI RE BA'I RDZING BU NI, ,MAN NGAG CHU RGYUN GSAR BAS GANG BAR BYAS; ;MKHA' DBYINGS SPRIN CHEN 'KHRIGS PA'I DOR LAS, ,BDUD RTZI'I GRU CHAR RE MOS DBANG GIS TE, ,KHYOD KYI MKHYEN BRTZE NAM MKHA'I GLANG PO LAS, ,ZAB RGYAS CHAR CHEN RTAG TU 'BEBS 'DI MTSAR, ,THUB GSUNG DRI BRAL MDO SNGAGS CHU KLUNG RGYUN, ,'JAM DPAL SNYING PO'I GSUNG RAB GSHOD BU LA, ,NYER DRANGS KHYOD THUGS CHU MTSOR BABS PA'I MOD, ,RNAM MANG LEGS BSHAD DBU PA'I 'DZUM DKAR RGOD, ,SNYE MO RGYAL BYED TSAL MKHAN PO GRVA MANG DANG BCAS NAS GNAS BRTAN PHYAG MCHOD DANG 'BREL BA'I ZHABS BRTAN PHUL ZHING SLOG CHA YANG STZAL, TSES NYER BRGYAD LA CHING WANG DPAL LDAN DAR RGYAS KYI MI SNAS DNGOS 'BUL BTEG ,GZHAN YANG MI SNA AER TE NI NO YON CHOS RJE, MCHOG GRUB, 'BRI GUNG THANG SKYA SKU SKYE'I MI SNA, DPAL RAB SKU SKYE, KHRI ZUR RGYAL MTSAN SENG GE'I DBON PO SOGS SO SO NAS KYANG DNGOS 'BYOR GYI MCHOD SPRIN SPROS, DE NYIN SA DGA' MGO BA DANG, KHAMS RMI LI BLA MA'I TSA BO ZUNG GCIG NGO G-YOG LA MJAL KHA JA GRAL BCAS GNANG, ZLA BA BCU PA'I TSES GCIG GI NYIN RGYAL BYED DGON SBYI NAS GSOL BA BTAB PA BZHIN DU TSOMS CHEN DU RGYAL BYED BLA GRVA DANG AA MDO BA SOGS LNGA BRGYA SKOR LA TSE DBANG STZAL, DE'I PHYI NYIN KHAMS RMI LI BLA MA'I DBON PO GNYIS NAS DNGOS 'BUL BSTAR, MI SNA SO SOS CHOS BKA' ZHUS PAR RANG RANG GI
'DOD SBYOR MDZAD CING THON PHYAG KYANG STZAL, TSES DRUG LA DHA YAN TU RA'I CHOS RJE SOGS LA THON PHYAG DANG, MDANGS CHEN BLA MA SOGS LA 'BYOR PHYAG GNANG, MDZOD DGE'I BLA MA HAR GDOD PA DKA' CHEN YE SHES DPAL 'BYOR GYIS TSOGS DBUR SPYAN DRANGS TA 'BUL NOD DANG BCAS ZHABS BAD BRTAN BA'I RTEN 'BREL BSGRIGS, KHOD NAS BSKUL DOR ZHABS BRTAN GSOL 'DEBS SHIG GSAR RTZOM MDZAD, RMI LI DBON PO NGO G-YOG LA THON PHYAG GNANG, RGAD TSANG SGRUB SDE'I GNAS BLA MAR RGYA KHAMS PA DKA' CHEN BLO BZANG 'JAM DBYANGS BSKO BZHAG GNANG BAR THON PHYAG STZAL, DE BSTUN NOR BU DGA' LDAN PA'I BLA MAR 'BRONG RTZE TSOGS GSOG PA BSAM GTAN CHOS 'PHEL GSAR BSKO MDZAD PAR THON PHYAG GNANG, MDZO DGE BLA MA RNYING BA MDANGS CHEN PA DKA' CHEN DON GRUB RGYA MTSOS TSOGS DBUR SPYAN DRANGS TE ZHABS BRTAN PHUL, KHONG NAS ZHUS NGOR CHOS SPYOD KHA SHAS KYI LUNG GNANG, TSES BCU GCIG NAS BZUNG SKU MTSAMS BCAD DE, THOG MAR LHA MO DBYANGS CAN MA DANG DE NAS DUS 'KHOR THUGS DKYIL GYI LAS RUNG GI BSNYEN PA LA BRTZON BAR MDZAD, MTSAMS LA BZHUGS PA'I DGONGS MO SROD 'KHOR SLOB GNYER PA BYINGS KYI SKYOR THAG CHOD MTSAMS SROD THUN SKYONG BA MDZAD MUR BZHUGS KHRI DANG RTEN MCHOD G-YO NGES SHES PA'I SA 'GUL LTA BU ZHIG DANG, GZHUNG TSES BCO LNGA'I DGONGS THUN GYI SKABS DPAL DUS KYI 'KHRO LO'I SNYING BO LJAGS BZLAS KYI DUS SU NANG MCHOD KYI DBUS NAS THOG MAR DU BLTA BU ZHIG BYUNG BA DE 'JA' KHA DOG SNA LNGA PA SBOM PHRA MTHEB MGO TZAM YOD BA KE RE LANGS NAS THOG YOL LA ZUG STE YUD TZAM ZHIG GI BAR DU
, ,GNAS PA NGO MTSAR SHIN TU CHE BA BYUNG YANG JI LTAR YIN GYI DOGS SEL ZHU SBOBS PA MA BYUNG 'DUG ,MTSAMS KHONGS SU 'JUG PA MDZAD PA'I TSOGS CHEN DGE BSKOS NAS 'DUS SDE'I DBUS SU BCA' YIG RIN PO CHE ZHAL 'BYED BYA RGYUR GEGS SEL BKA' BSGO STZAL, SNGAGS PA MCHOD DPON GNAS PA DKA' CHEN YE SHES CHOS 'DZIN THOS BSAM GLING GI 'CHAD NYAN SLOB DPON DU BSKO BZHAG MDZAD PA LA 'CHAD NYAN GANG DRAG DGOS PA'I ZHAL TA THEBS, ZLA BA BCU GNYIS PA'I TSES BCU LA NANG MTSAMS GROL ZHING, NYIN PHYI MA GNYIS LA SNGAGS GRVA'I CHOG ROGS PA DANG BCAS BSKONG GI SBYIN SREG MDZAD, TSES BCU GSUM GYI NYIN CHOS SKYONG GI BSKANG GSO GNANG, DE SNGON MTSO SNGON BSTAN PA PE'I LI DANG, DPAL LDAN JA SAG SOGS DPON KHAG LNGA TZAM GYI BANG CHEN DO G-YOG SUM CU SKOR DANG KARMA BA BLA MA DPA' BO NGO G-YOG SUM CU SKOR BCAS LA MJAL KHA BKA' 'DRI GNANG, SNGON DU 'CHAMS SLOB PAR BTANG BA'I BLA MA GNYIS 'BYOR TE KHONG RANG RNAMS DANG, AA MDO BA, NAG CHUB SOGS SER SKYA MANG BOR PHYAG DBANG STZAL, DE'I PHYI NYIN GONG GSAL MI SNA RNAMS 'DOD CHOS DANG THON PHYAG GIS TSIM PAR MDZAD, 'CHAMS SLOB PAR 'GRO MI RGYAL CHEN RTZE PA DRUNG RAM PA BLO BZANG DGE 'DUN GYIS RTEN 'BYUNG GI BDOG PA BSTAR, MDA' DPON RAM PA BDO G-YOG LA MJAL KHA JA GRAL BCAS STZAL, DE'I PHYI NYIN BSTAN PA'I GSAL BYED CHEN PO RJE LCAD SKYA RIN PO CHE DANG NO MON HAN DE MO SPRUL PA'I SKU THUN MONG NAS ZHU YIG RTEN SBRAGS, BKA' BLON THUN MONG GI ZHU YIG RTEN LDAN BCAS GSOL DPON GRAGS PA MTHA' YAS, MGRON
GNYER YON TAN LEGS GRUB, 'BRAS SPUNGS SHAS SKOR BLA MA, RTZIS DPON PHUN TSOGS BCAS DPON G-YOG SUM CU SKOR THOB RGYAL LHA RI SGANG DU RGYAL DBANG MCHOG GI YANG SRID KYI DOGS GNAS BYUNG BA RTZAD GCOD KYI CHED BYON PA 'BYOR PAR PHYAG DBANG STZAL, DE'I PHYI NYIN KHONG RNAMS NAS 'DUL, JA, GOS DAR SOGS KYI DNGOS 'BUL BTEG PAR JA SRAL GNANG, LO 'DI NANG SNAR THANG BA DGE SLONG YE SHES BSAM GTAN GYIS 'DUL BA RGYA MTSO'I SNYING BO, MYUR LAM, LAM SGRON, DGE SLONG GI BSLAB BYA BCAS KYI RGYUGS PHUL BAR GNANG CHAR KHA BTAGS, GOS KHA DO, BYANG DAR KHA DO, SMAN KHA BZHI 'BREL, JA BAR KHAG GI SUM CHA GCIG ,DRIL DANG LHO RAS YUG BCAS GNANG, SNGAGS GRVA RGYAL CHEN RTZE BA BLO BZANG BKRA SHIS KYIS GSANG BA 'DUS PA DANG 'JIGS BYED KYI BSKYED RDZOGS, ZHI GNAS PA DKA' CHEN BLO BZANG 'BYUNG GNAS DANG BYANG BA SPANG YUL BA DRUNG RAM PA YE SHES RAB BRTAN GNYIS KYIS GSANG BA 'DUS PA'I BSKYED RDZOGS, GRANG MO CHE BA BLO BZANG TSUL KHRIMS, DPE THUB PA YE SHES SBYIN PA, GCEN LUNG BA BLO BZANG DBANG RGYAL, MDANGS CHEN BA BLO BZANG DON GRUB; 'DAR PA BLO BZANG BZOD PA, DPE THUB BA BLO BZANG DON YOD, RI MKHAR BA BLO BZANG SHES RAB, BDE 'BYOR BA BLO BZANG BSTAN 'DZIN, LEGS BSHAD GLING BA BLO BZANG LUNG RTOGS RNAMS KYIS BAR PHYIN GYI 'BREL? BA, GLO SPUGS PA BLO BZANG SHES RAB DANG BLO BZANG NGAG DBANG, DPE THUB BA BLO BZANG TSUL KHRIMS RGYAL CHEN RTZE BA BLO BZANG DGE LEGS, SA BDE CHEN BA YE SHES CHOS 'PHEL, NOR BU DGA' LDAN PA BLO BZANG YON TAN, SER KHANG BA DGE LEGS RGYAL MTSAN, BDE 'BYOR BA BLO BZANG 'PHRIN LAS, BZHAD PA BLO
, ,BZANG DAR RGYAS, BYANG PA SPANG YUL BA BLO BZANG BSTAN 'DZIN, STAG MO BA BLO BZANG SBYIN PA DANG BLO BZANG BZOD PA, BLO BZANG YAR 'PHEL, BDE YANGS PA BYAMS PA TSUL KHRIMS, GRANG MO CHE PA CHOS 'PHEL DON GRUB DANG BLO BZANG BSTAN DAR; LEGS BSHAD GLING PA BLO BZANG CHOS 'PHEL, LCAGS PA BLO BZANG BSTAN 'DZIN, LA KHA PA BLO BZANG TSE BRTAN, RONG PA BLO BZANG DPAL 'BYOR, GNAS PA BLO BZANG RNAM GROL, RTA NAG PA BLO BZANG MTHA' YAS, GCEN LUNG BA BLO BZANG RAB RGYAS DANG BLO BZANG THUB BSTAN RNAMS KYIS RNAM 'GREL GYI THAL PHRENG LE'U BZHI, DBEN DGON PA YE SHES DPAL LDAN, YE SHES RGYAL MTSAN, LEGS PA DON GRUB, YANG YE SHES DPAL LDAN, BLO BZANG PHUN TSOGS, BKRA SHIS DPAL LDAN RNAMS KYIS BDE MCHOG RTZA RGYUD DANG, YE SHES BSOD NAMS KYIS LAM RIM 'BRING PO, CHOS 'KHOR LHUN PO BA SKAL BZANG DPAL LDAN GYIS PHAR PHYIN LUNG RIGS RGYA MTSO DANG BYAMS CHOS SDE LNGA, SANGS RGYAS YAR 'PHEL GYIS MDO SDE MDZANGS BLUN, ZHA LU BA RIN CHEN LHUN GRUB KYIS DUS 'KHOR BSDUS RGYUD DANG BDE MCHOG LHA LNGA'I LUS DKYIL, TSE CHOG ,DGE SLONG YE SHES DPAL 'BYOR GYIS LAM RIM 'BRING PO, MYUR LAM BCAS KYI RGYUGS PHUL BAR BSTAN RGYUN LA PHAN CHED GNANG CHA SNGAR BZHIN STZAL, ` MYOS LNGAN ZHES PA SA MO YOS KYI LO ZLA BA DANG PO'I TSES GCIG GI PHYI DRO GSOL DPON GRAGS PA MTHA' YAS, MGRON GNYER, RTZIS DPON SOGS LA THON PHYAG GNANG, TSES BCU GNYIS KYI NYIN SDE PA 'BRONG RTZE BAS TSOGS DBUR SPYAN DRANGS TE RTEN 'BYUNG GI DNGOS
PO BSTAR, TSES BCU BZHI LA YAB RJE RIN PO CHE DANG, RGYAL YUM SRAS BCAS DPON G-YOG BZHI BCU SKOR LA GRUB RGYAL LUGS KYI TSE DBANG RGYAS PA DANG THON PHYAG RIM BZHIN STZAL, TSES BCU DGU LA 'BRONG RTZE PAR THON PHYAG SLOG CHA BCAS GNANG, TSES NYER BZHI LA YONGS 'DZIN ZHAL SNGA NAS BLO BZANG CHOS 'PHEL LAS PHYAG NA RDO RJE 'KHOR LO CHEN PO'I DBANG BZHI YONGS SU RDZOGS PA GSAN TE YON KYANG GZABS, ZLA BA DANG PO RTING MA'I TSES GSUM LA DUR SMRIG SGROL MA GZIMS CHUNG BKA' GDAMS PHO BRANG DU SPYAN DRANGS NAS MCHOD SPRIN DANG GSOL 'DEBS BCAS MDZAD, RJE RANG NYID KYIS YUN RING BSNAMS PA'I BYU RU, SPOS SHEL, SHEL GYI PHYAG PHRENG RDO RJE PHA LAM GYI PHRA LDAN, SOR GDUB BCAS PHUL NAS LHA KHANG DU SPYAN DRANGS, DE NYIN NAS BZUNG DPYID CHOS DANG BO'I SKU RIM GYI TSOGS DBUR PHEBS NAS ZHAL SNGA NAS BZHI DANG, MTSAN NYID ZHABS PHYI RNAMS DANG BCAS TSAD MA RNAMS 'GREL LA BRGAL BRTAG GI BGRO GLENG THUGS 'GRUS CHEN PO GNANG, DE SKABS RJE LCANG SKYA RIN PO CHE DANG, DE MO SPRUL PA'I SKU RNAM GNYIS KYIS GSER GDUNG RIN PO CHE'I RAB GNAS DANG, SKYABS MGON RGYAL BA'I DBANG BO DE NYID KYI MCHOG SPRUL SKOR LA THUGS BRTAG ZHU RGYU SOGS LA ZLA BA RJES MA'I NANG DBUS LJONGS SU CHIBS BSGYUR GNANG DGOS TSUL GYI ZHU YIG RTA ZAM THOG 'BYOR PA BZHIN DGONGS BZHED LTAR MDZAD RGYU'I BKA' LAN KYANG 'BUL BA MDZAD, TSES DRUG LA 'BRUG PA SPRUL SKU DPON G-YOG BDUN CU SKOR 'BYOR TE PHYAG DBANG DANG KHAMS 'DRI GNANG, SPRUL PA'I SKU NAS ZHABS BRTAN DNGOS 'BUL BTEG PAR SLOG CHA YANG GZABS, TSES NYER GNYIS
, ,LA BTZAN PO NO MON HAN DANG BYANG RIGS MI SNA PHYED NYIS BRGYA SKOR LA PHYAG DBANG JA GRAL BKA' 'DRI BCAS GNANG, PHYI NYIN NAS RGYUD GRVA TSOGS YONGS DANG LHAN CIG 'JIGS BYED LA BRTEN PA'I ZHI RGYAS DBANG DRAG GI SBYIN SREG GNANG SMIN MDZAD, RGYUD 'DON PA DKA' BCU YE SHES BSTAN 'DZIN GYIS ZHUS NGOR GSANG 'DUS MI BSKYOD PA LA BRTEN PA'I BLA MA'I RNAL 'BYOR DANG, SKOR DPON TSOGS GSOG PA YE SHES RGYAL MTSAN GYIS ZHUS NGOR THUGS RJE CHEN PO LA BRTEN PA'I BLA MA'I RNAL 'BYOR GYI BKA' RTZOM DANG LJAGS LUNG BCAS STZAL, TSES NYER BRGYAD KYI NYIN BTZAN PO SMIN GROL NO MON HAN NAS TSOGS DBUR SPYAN DRANGS TE DNGOS 'BUL DANG BCAS ZHABS BRTAN GSOL 'DEBS ZHUS, SHANGS DPAL LHO DGON SPYI SO NAS DNGOS 'BUL BSTAR, TSES GNAM GANG LA BTZAN PO NO MON HAN DANG BYANG RIGS MI SNA KHAG LA TSE DBANG DANG THON PHYAG SBAM MTHO BA STZAL, ZLA BA GNYIS PA'I TSES LNGA LA ZHAM RING BA RNAMS LA GRUB RGYAL LUGS KYI TSE DBANG GNANG, GZHUNG SA NAS PHEBS BSUR MGRON GNYER DGE SLONG SKAL BZANG DON GRUB, CHIBS DPON GLING BU CHUNG, 'BRAS SPUNGS SPYI GNYER PHO BRANG SDE PA, DREL KHAG MGO PA BCAS 'BYOR PAR PHYAG DBANG GI BYIN RLABS DANG JA GRAL THOG BKA' 'DRI BCAS STZAL, TSES DGU LA GDAN SA CHEN PO NAS DBUS LJONGS SU CHIBS KHA BSGYUR, DBEN DGON DU ZHAG GNYIS BZHUGS TE RTEN RNAMS LA MCHOD 'BUL DANG SNYAN SHAL PHUL NAS, THUGS SMON 'PHRIN BCOL GNANG, CHOS 'KHOR DBUS SDINGS KYI MGON KHANG GI RDO RJE RAB BRTAN MAR SNYAN SHAL SPYAN
GZIGS PHUL, DBEN DGON DGON LAG DANG BCAS PAR MANG 'GYED KYI BSNYEN BKUR GZABS, TSES BCU GCIG LA DBEN DGON NAS CHIBS KHA BSGYUR, 'DI NAS BZUNG STE LHA LDAN DU PHEBS KYI BAR DGON SDE RNAMS NAS SER SBRENG, MI SDE RNAMS NAS BRO GZHAS, TSA ZHAG GI SAR BSU SKYEL BYED MI BCAS PAR GNANG CHA GSOL RAS DANG, BLA DPON SOGS NAS SGER MJAL ZHUS PAR SLOG CHA, RTA THAB KYI'U LAG PA RNAMS LA YANG GSOL RAS DANG, NYIN RE BZHIN SKYE BO BRGYA PHRAG MANG PO 'DUS PA LA PHYAG DBANG GNANG, TSES NYER GNYIS LA BLA MA LAS SNE SOGS KYI CHIBS BSU, DGE 'DUN RNAMS KYI SER SBRENG DANG BCAS MTSAN NYID GLING KHAR 'BRAS SPUNGS KYI THAB BSU'I STENG DU PHEBS, CHOS SKYONG CHEN POS KHA BTAGS PHUL BAR SNYAN SHAL SPYAN GZIGS SOGS GNANG, SPYI SOS DKAR SPRO BTEG PAR MANG MA LA PHYAG DBANG DANG 'BUL BA'I SLOG CHA YANG STZAL, GSOL TSIGS RA BAR GZHUNG GI THAB BSU'I THOG BSTAN PA'I SNANG BYED CHEN PO RJE LCANG SKYA RIN PO CHE DANG, RGYAL TSAB DE MO SPRUL PA'I SKU, AAM PAN ZUNG SOGS CHU SPREL LO NANG LTAR GYI BSU BA SER SBRENG, BKUR GZOS DANG BCAS THOG MAR GZIMS CHUNG BDE BA CAN DU PHYAG PHEBS, DE NAS TSOMS CHEN DU SPYAN DRANGS NAS RJE LCANG SKYA RIN PO CHE, DE MO SPRUL PA'I SKU, AAM PAN ZUNG SOGS GONG MA'I MI DRAG ,BKA' MDA' RTZIS GSUM SOGS RTZE SHOD KYI DRUNG 'KHOR RNAMS NAS MJAL DAR PHUL ZHING GSOL STON PHUN SUM TSOGS PA ZHUS, DER BZHUGS RING RTZE SHOD KYI GSOL BA, ZHABS 'BRING BA RNAMS LA PHOGS ZUR GSOS SOGS CHU SPREL GYI LO NANG BZHIN ZHUS, TSES NYER GSUM GYI NYIN AAM PAN ZUNG, JAR GO CHI, BI CHA'I
, ,CHI SOGS NAS DNGOS 'BUL DANG BCAS MJAL KHA ZHUS, SPOS SNAM SOGS DNGOS SKYES STZAL, RJE NGAG DBANG BYAMS PA RIN PO CHE YANG DNGOS SKYES DANG BCAS MJAL BAR BYON TE DAM PA'I CHOS KYI GSUNG GLENG MANG DU MDZAD, TSES NYER BZHI'I NYIN GSER GDUNG CHEN MO BKRA SHIS 'OD 'BAR GYI SKU MDUN DU SNA LNGA'I STONG MCHOD DANG, DNGUL DKAR GYI MAndAL TSOM BU SO BDUN MA CHE LEGS KHA BRTAGS SNA LNGA'I SNE 'DOGS CAN, SNYAN SHAL MDZOD BTAGS SNA LNGA 'DOM BRGYAD MA BCAS 'BUL BA GNANG NAS MGON KHANG PA RNAMS DANG LHAN CIG SPYAN 'DREN KHRUS GSOL MCHOD 'BUL SOGS BSTAN PA RGYAS SHING KHYAD PAR RGYAL DBANG RDO RJE 'CHANG DE NYID KYI MCHOG SPRUL GSAL DVANGS NGES PA RNYED PA'I GSOL 'DEBS THUGS SMON GDUNG SHUGS DRAG POS MDZAD, DE NAS LHA KHANG SO SO'I RTEN GTZO RNAMS LA MCHOD PA SNYAN SHAL BCAS PHUL, RJE LCANG SKYA RIN PO CHE MJAL PAR BYON TE GSOL TSIGS THOG CHOS SRID GNYIS LDAN GYI GSUNG GLENG MDZAD, LCANG SKYA RIN PO CHE'I PHYAG MDZOD JA SAG BLA MA BLO BZANG CHOS 'PHEL ZAS GRIB LA BRTEN PA'I GRE 'GAGS KYIS BSNYUN TSABS CHE BAR BYABS SRUNG DGOS TSUL GSOL BAR KHYUNG NAG LA BRTEN PA'I BYABS SRUNG STZAL PAS DE NYIN NAS BZUNG DRAG BSKYED CHEN PO BYUNG BAS DAD PA LHAG PAR 'PHEL, TSES NYER LNGA LA TSOGS MCHOD SMON LAM SKABS JO SH'AKA RNAM GNYIS KYI SKU MDUN DU STONG MCHOD DANG, RANG BYUNG LNGA LDAN GYI MDUN DU BRGYA MCHOD, SO SOR SNYAN SHAL BCAS PHUL, 'DUS TSOGS SU MANG JA SBYOR SPRAL THOG DGE 'DUN CHIG KHRI BZHI STONG LNGA BRGYA BCU BDUN LA RER
PHYAG 'GYED DNGUL BAL tAm GNYIS RE, BSNGO RTEN RNAM GZHAG GZAB RGYAS BCAS 'BUL BA MDZAD, DE NYIN SER 'BRAS DGE GSUM GYI BLA MA DRUG DANG SPYI GNYER, DGE BSKOS SOGS MJAL KHAR PHEBS PAR JA GRAL THOG BKA' 'DRI PHYAG MDUD BCAS STZAL, TSES NYER DRUG NAS RIM BZHIN DGA' LDAN KHRI GDAN ZUR GNYIS MJAL KHAR PHEBS PAR JA GRAL THOG BKA' 'DRI DANG, KHRI ZUR DRI MED NAS DNGOS 'BUL BCAS GZIMS CHUNG ZHABS BRTAN PHUL BAR BLA MA'I RNAL 'BYOR GYI CHOS 'BREL DANG, BRAG G-YAB SPRUL SKU, THU'U KVAN HU THOG THU, RGYUD STOD SMAD KYI MKHAN PO, RNAM RGYAL GRVA TSANG GI SLOB DPON, DBU CHOS, MGAR THAR MKHAN PO, ZHABS DRUNG BDE LDAN SGROL MA RNAMS LA PHYAG DBANG GI BYIN RLABS DANG JA GRAL BKA' 'DRI BCAS GNANG, TSES NYER BDUN LA RNAM RGYAL GRVA TSANG DGE 'DUN TSOGS YONGS DANG, SER 'BRAS DGE GSUM GYI DGE 'DUN MANG PA, LHA SA PA DANG PHYOGS 'DUS STONG PHRAG BRGAL BAR PHYAG DBANG STZAL, RJE NYID PO TA LAR BZHUGS RING SKABS SKABS SU LCANG SKYA RIN PO CHE DANG LHAN CIG TU GSOL TSIGS GNANG ZHING THUGS DGYES PA'I GSUNG GLENG MDZAD, RNAM RGYAL GRVA TSANG DU CHOS SKYONG YONGS RDZOGS KYI BSKANG BA MDZAD PAR NYIN GANG GI ZHABS TOG DANG DGE 'DUN NYIS BRGYA DANG GCIG LA PHYAG 'GYED DNGUL SRANG RE, CHOS SRUNG SPYIR SNYAN SHAL, BSNGO RTEN RNAM GZHAG BCAS DANG, DE BSTUN DPAL LHA LCOG TU RME RU BA GRVA PA BRGYAD KYIS ZLA BA GCIG GI RING DANG, RVA MO CHE'I MGON PO BSE GDONG BA'I SKU MDUN DU BZHI SDE PA GRVA PA BCUS ZHAG NYI SHU'I RING BSKANG PA 'PHRIN BCOL, BSTOD PA BCAS GANG RGYAS MDZAD RGYU'I DGOS
, ,CHA DANG, SNYAN SHAL, YON GRVA RER DNGUL SRANG RE BCAS 'BUL BA MDZAD, SA GSUM RNAM RGYAL DU DE MO SPRUL PA'I SKU DANG LHAN DU TSOGS MCHOD KYI GOS SKU'I ZHAL MJAL LA PHEBS PAR GZHUNG SA NAS GSOL JA DANG DKAR SPRO'I BSNYEN BKUR BCAS ZHU BA MDZAD CING, GOS SKU'I SPYAN SNGAR SNA LNGA'I BRGYA MCHOD DANG SNYAN SHAL BCAS 'BUL BA GNANG, RJE LCANG SKYA RIN PO CHE, T'A ZHIN, JAR GO CHI, BI CHA'I CHI, BKA' BLON RNAMS BCAS NAS KHANG STENG NAS GOS SKU'I ZHAL MJAL MDZAD PAR ^ 'JAM DBYANGS GONG MA CHEN PO NAS YIR KHEN PHYOGS SU DPUNG 'JUG MDZAD NAS MNGA' ZHABS SU BSDUS TSUL GRE'U TZE GNANG BA 'BYOR PAR GZHUNG GI LEGS SO DANG BSTUN RJE BLA MA MCHOG NAS KYANG KHA BTAGS, SKU BRNYAN, SPOS SOGS KYI LEGS SKYES BSTAR, 'DI SKABS LCANG SKYA RIN PO CHE DANG, DE MO PA, BKA' BLON RNAMS BCAS NAS RGYAL DBANG THAMS CAD MKHYEN PA DE NYID KYI MCHOG SPRUL DOGS GNAS KHAMS DANG GTZANG DU YOD PAR MA ZAD, 'OL KHA PHYOGS SU YANG YOD 'DUG PAR DE LA BRTAG DPYAD BYED MI BTANG NA GSUNG BAR, 'DI SKOR BSTAN 'GRO'I DON CHEN RTZA BA CHE BA YIN STABS CIS KYANG LEGS TSUL BKA' PHEBS PA BZHIN, SKU MDUN MKHAN PO DANG LHA SA GNYER TSANG DKYIL KHANG PA, SE RA BYES BLA MA, RJE NYID KYI GZIMS 'GAG NGAG DBANG BKRA SHIS RNAMS RDZONG STA MDZAD PAR BRTAG GZHIGS GANG GZAB DGOS PA'I BKA' DANG GNANG CHA BCAS THON PHYAG DANG, DE MTSUNGS NO MON HAN DE MO BAR YANG MCHOG SPRUL SKOR LA SKU RIM RGYA CHE BA BSGRUB DGOS KYI BKA' LUNG DANG, GSOL TSIGS GROL
MTSAMS BKA' BLON BZHI DANG, GUNG KUN DGA' BSTAN 'DZIN SRAS BCAS LA PHYAG DBANG GI BYIN RLABS DANG BKA' 'DRI BCAS STZAL, ZLA BA GNYIS PA'I TSES GCIG NAS RGYUD STOD SMAD, PHUR BU LCOG BCAS LA MANG JA LNGA RE DANG 'GYED DNGUL SRANG GANG RE, AUR GE GRVA TSANG, RME RU, RA KHA BRAG ,PHA BONG KHA, DGE 'PHEL RI KHROD RNAMS SU MANG JA LNGA RE DANG 'GYED BAL tAm RE, DBUS LHO BYANG GI DGON KHAG BRGYA DANG BCO LNGA LA MANG JA GONG BZHIN DANG, DGE 'DUN RER 'GYED DNGUL ZHO RE, CHOS 'KHOR RGYAL, 'PHYONG RGYAS RI BO BDE CHEN; MNGA' RIS GRVA TSANG, 'OL KHA RDZING PHYI, DVAGS PO BSHAD SGRUB GLING, RTZE THANG DGA' LDAN BKRA SHIS CHOS 'KHOR, 'ON DGA' LDAN CHOS SDINGS, RI KHROD KHAG BCO LNGA BCAS LA 'GYED 'PHAR KHA BTAGS RE, BSNGO RTEN RNAM GZHAG BCAS DANG, LA MO BYANG CHUB LCOG TU ZLA BA GNYIS KYI RING NYIN LTAR JA THUG DRUG RE BTANG NAS GRVA PA NYI SHU RTZA GSUM GYIS TSANGS PA ZHI DRAG GI BSKANG PA 'PHRIN BCOL BSTOD PA BCAS GANG RGYAS MDZAD RGYU'I DGOS CHA DANG YON GRVA PA RER KHA BTAGS, DNGUL SRANG GANG ZHO LNGA RE, CHOS 'KHOR RGYAL GYI LHA MO'I SKU MDUN DU ZLA BA GCIG GI RING NYIN LTAR JA THUG BRGYUD RE BTANG BAS DGE 'DUN BRGYAD KYIS LHA MO'I BSKANG BA GRANGS GSOG MDZAD PAR YON GRVA RER KHA BTAGS, DNGUL SRANG RE, SE RA AUR GE GRVA TSANG DU ZHAG BCO LNGA'I RING NYIN LTAR JA THUG DRUG RE BTANG BAS CHOS SRUNG SPYI'I BSKANG BA MDZAD PAR YON KHA BTAGS RE, CHOS 'KHOR RGYAL, 'OL KHA RDZING PHYI, BYAMS PA GLING BCAS KYI RJE BTZUN BYAMS MGON GYI SKU MDUN DU BRGYA MCHOD SNA LNGA, THUGS SMON CAN GYI SNYAN SHAL RE BCAS 'BUL BA GNANG, RGYUD STOD
, ,SMAD SO SO NAS DNGOS 'BUL DANG BCAS ZHABS BRTAN PHUL, BABS DANG BSTUN PA'I SLOG CHA GNANG ZHING 'DI NAS BZUNG STE ZHABS BRTAN DANG SGER 'BUL 'DEGS MI RNAMS LA SLOG CHA BABS BSTUN STZAL, RGYUD SMAD PAR BDE MCHOG RTZA RGYUD DANG, RGYUD STONG TSOGS YONGS LA DPAL RDO RJE 'JIGS BYED KYI MNGON RTOGS KYI LUNG GNANG, KHRI CHEN DON GRUB RGYA MTSO'I SKU SKYE DANG, BE LIG THU NO MON HAN SOGS SER SKYA STONG PHRAG MANG POR PHYAG DBANG GI BYIN RLABS RIM BZHIN STZAL, RGYAL DBANG MCHOG GI YANG SRID 'KHRUL BRAL NGES RNYED KYI CHED DU MGON KHANG PA RNAMS DANG LHAN CIG 'JIGS BYED KYI ZHI BA DANG DRAG PO'I SBYIN SREG GNAD SMIN DANG CHOS RGYAL GYI BSKANG GSO'ANG MDZAD PAR GZHUNG NAS YON 'BUL KYANG BTEG ,TSES BZHI LA RJE NGAG DBANG BYAMS PA RIN PO CHE MJAL KHAR PHEBS PAR GSOL TSIGS ZHU BA MDZAD NAS CHOS DANG MTHUN PA'I GSUNG GLENG DANG PHYI DRO RJE LCANG SKYA RIN PO CHE DANG, DE MO RIN PO CHE LHAN DU MJAL BAR PHEBS PAR LUGS GNYIS DANG 'BREL PA'I GSUNG GLENG MDZAD, TSES BDUN GYI NYIN LCANG SKYA RIN PO CHE NAS DOD 'BUL GYI GSOL STON MDZAD THOG SPYAN DRANGS TE RNAM RGYAL GRVA TSANG PA RAGS BSDUS DANG BCAS RNAM PAR RGYAL MA'I CHO GA DANG 'BREL PA'I ZHABS BRTAN 'BUL BA MDZAD PAR, DNGUL GYI MAndAL, SKU GSUNG THUGS RTEN; NA BZA' NYER SPYAD, DNGUL RDO TSAD SUM CU SO GSUM, GOS DAR, JA SOGS DNGOS 'BUL SBAM MTHO BA DANG BCAS ZHABS PAD BSKAL PA RGYA MTSOR BRTAN PA'I RTEN 'BYUNG GI LEGS TSOGS SPEL, TSES DGU'I NYIN LCANG SKYA RDO RJE 'CHANG NAS SNGON DU GSOL
BA BTAB PA BZHIN DPAL DUS KYI 'KHOR LO'I DBANG CHEN STZOL PA'I DGONGS PA GTAD DE GZIMS CHUNG KHAMS GSUM RNAM RGYAL DU SLOB MA RJES 'DZIN GYI CHO GA MDZAD, TSES BCU GCIG GI NYIN LCANG SKYA ROL PA'I RDO RJE DPON G-YOG DANG SRID SKYONG DE MO SPRUL PA'I SKU, RJE NGAG DBANG BYAMS PA, BKA' BLON DGA' BZHI GUNG, MDO MKHAR PA, NYI MA RGYAL MTSAN, BRAG G-YAB SPRUL SKU, RGYAL SRAS, SEMS DPA', RJE DRUNG SPRUL SKU GSUM, BTZAN PO NO MON HAN, THU'U KVAN HU THOG THU, BE LIG THU NO MON HAN, SER 'BRAS DGE GSUM GYI BLA MA KHRI GDAN ZUR DANG GRVA RIGS, RNAM RGYAL GRVA TSANG PA, RGYUD STOD SMAD SOGS KYI DGE BSHES BCAS KHYON BSDOMS NYIS STONG BRGAL BAR DUS KYI 'KHOR LO'I DBANG GI STA GON GYI RIM PA RNAMS STZAL, SKABS DER BDAG GIS KYANG SLOB MA RJES 'DZIN NAS BZUNG STA GON DANG DBANG GI BGO SKAL THOB, NYI MA GSUM GYI RING BRI THIG SOGS MDZAD, TSES BCO LNGA'I NYIN MKHAS GRUB RJE'I DKYIL CHOG DGONGS PA RAB GSAL GYI DGONGS DON LTAR RDUL TSON GYI DKYIL 'KHOR LA BRTEN NAS BYIS PA LTAR 'JUG PA'I DBANG BDUN DANG, BCU DRUG LA DBANG GONG MA DANG GONG CHEN, BCU BDUN LA RDO RJE SLOB DPON BDAG PO CHEN PO'I DBANG BCAS DUS 'KHOR GYI RGYUD DANG 'GREL PA'I DGONGS DON GZHIR BZUNG, RJE TZONG KHA PA CHEN PO YAB SRAS KYI MAN NGAG GIS KHA BSKANG, RJE RANG NYID KYI SKYE BAS THOB PA'I BLO GROS CHU GTER CHEN PO'I 'JUG NGOGS LAS NYE BAR 'ONGS PA'I LEGS PAR BSHAD PA YID BZHIN GYI NOR BU'I PHRENG BAS BRGYAN TE LEGS PAR STZAL PAS SKAL BA DANG LDAN PA RNAMS KYI YID KYI ZHING SAR STONG
, ,GZUGS PHYAG RGYA CHEN PO'I MYU GU BDE BLAG TU 'KHRUNG PA'I SA BON KHYAD PAR CAN BSKRUN, MA 'ONGS PA NA DRAG PO 'KHOR LO CAN GYI SKU DNGOS KYI GDUL BYAR GYUR TE ZUNG 'JUG GI RTZE DGA' LA MNGON PAR ROL PA'I THABS MKHAS KYI RTEN 'BREL SGRIG PAR MDZAD DO, ,'DI SKABS MKHAS MANG RGYA MTSO LTA BU TSOGS PA'I DBUS SU BAG TSA BA DANG ZHUM PA'I RNAM PA MI MNGA' BAR SKU'I ZIL, GSUNG GI GDANGS MTHO BA, NGO MTSAR PA'I GSUNG BSHAD DANG BCAS STZOL PAR MDZAD PA NA, DGE BA'I BSHES GNYEN KHENGS PA CAN RNAMS KYI NGA RGYAL GYI RI BO SNYIL, BLO GSAL MANG PO'I BLO GROS KYI PADMO KHA PHYE, SKYE BO MI BSRUN PA RNAMS KYI LOG LTA'I MUN PA BSAL TE GSANG CHEN RDO RJE THEG PA'I BSTAN PA DRI MA MED PA'I RTZA BA TSUGS PAR GYUR TO, ,DE'I TSE NAM MKHA'I DBYINGS SU CHU 'DZIN GYI PHUNG PO STUG POR 'KHRIGS PA'I DBUS SU DBYAR GYI RNGA GSANG DAL BUR BZHAD CING ME TOG GI CHAR CHEN PO MNGON PAR BABS, DGE BA'I LTAS KYI MTSAN MA DKRIGS PAR GYUR PA NI DPA' BO DANG RNAL 'BYOR MA RNAMS DGYES PA'I LTAS SU MNGON NO, ,DBANG GRUB PA'I MJUG TU LCANG SKYA RIN PO CHE NAS CHOS KYI YON DU MDZOD BTAGS, DNGUL GYI MAndAL, GSER SRANG BCU, DNGUL SRANG NYIS BRGYA, GOS CHEN YUG LNGA SOGS 'BUL BA MDZAD, GZHAN MA BLA MA SPRUL SKU, BKA' BLON SOGS SO SO NAS BKA' DRIN GTANG RAG GI YON RGYA CHEN POS MCHOD, MJUG TU TSOGS MANG DANG BCAS DENG BRTZAMS MA, YON TAN GZHIR GYUR MA, BDE SMON, DUS 'KHOR GYI SMON LAM SHIS BRJOD, BSTAN 'BAR MA SOGS GSUNG NAS
BSTAN PA RIN PO CHE PHYOGS MTHAR 'PHEL BA'I BSNGO SMON MTHA' RGYAS SU STZAL TE GTANG RAG GI CHO GA YANG RGYAS PAR MDZAD DO, ,RIGS LDAN 'JAM DPAL GRAGS PA DUS KYI MTHAR, ,MTSAMS SPRIN DUR SMRIG ZOL LA BRTEN PA GANG, ,DREGS LDAN BYE BA'I MGO BOS NYER BTUD PA'I, ,MI 'JIGS GDONG LNGA'I KHRI LA ZHABS BKOD DE, ,GNAS LNGA KUN GZIGS ROL PA'I RDO RJE SOGS, ,GANGS CAN MKHAS GRUB TSAR DU DNGAR BA'I DBUS, ,MKHYEN BRTZE'I SPRIN CHEN 'KHRIGS PA'I KLONG DBYINGS LAS, ,THEG MCHOG DBANG GI DGA' CHAR 'BEBS PAR MDZAD, ,DE TSE SMIN BYED ZAB MO BDUD RTZI'I CHUS, ,RDO RJE'I RIGS CAN SKAL BZANG MTHA' DAG GI ,YID KYI DRI MA BKRUS PA'I MOD NYID LA, ,RNAM KUN MCHOG LDAN GO 'PHANG RTZE DGA' 'DZIN, ,DE NAS RGYAL DBANG THAMS CAD MKHYEN PA DE NYID KYI SKU'I YANG SRID SKOR LA GNAS CHUNG, LA MO, BSAM YAS, KHRA 'BRUG ,DGA' GDONG SO SO'I CHOS SKYONG RNAMS SKU GSOL ZHU RGYUR BLANG DOR GSAL STON 'ONG CHED RDO RJE'I THA TSIG BSKUL BA'I BKA' SHOG CHOS SKYONG RNAMS KYI SKU GAM DU SGROG RGYU ZHIG DGOS TSUL GSOL BA BZHED PA DANG SBYOR BA MDZAD, TSES NYER DRUG GI NYIN RJE BLA MA MCHOG GIS GTZO MDZAD RJE LCANG SKYA ROL PA'I RDO RJE, RGYAL TSAB DE MO SPRUL SKU, AAM PAN GNYIS SOGS RGYA BOD KYI BLA DPON RNAMS STENG SENG G-YAB KYI MDUN GRAL TU 'KHOD, GZHUNG SA NAS RGYU YON SBYAR TE, DE'I 'OG TSOMS CHEN GSAR BAR CHOS SKYONG RNAMS SKU GSOL THOG RDO RJE'I THA TSIG BSKUL BA'I BKA' SHOG BSGRAGS RJES LUNG BSTAN ZHU BA MDZAD, LCANG SKYA RIN DPO CHE'I GSOL DPON DGE LEGS NAM MKHAS ZHUS NGOR
, ,DBYANGS CAN MA'I SGRUB THABS, 'JIGS BYED KYI BDAG BSKYED MDOR BSDUS BCAS LJAGS RTZOM GNANG, SA GA ZLA BA'I TSES GNYIS LA DE MO SPRUL PA'I SKU DPON G-YOG LNGA BCU SKOR LA GRUB CHEN MI TRA LUGS KYI TSE DPAG MED DKAR PO'I RJES GNANG DANG DE'I PHYI NYIN MKHAS GRUB RJE'I GSUNG THOR BU'I LUNG BCAS STZAL, TSES LNGA NAS RIM BZHIN GZIMS DPON BYAMS GLING MKHAN PO, SMIN GROL GLING SPRUL SKU, BKA' BLON ZHABS DRUNG GI SRAS, LCAM SOGS SO SO NAS DNGOS 'BUL BTEG ,NYIN DER BDAG GIS GSOL BA BTAB PA LTAR BDAG DANG, BRAG G-YAB SPRUL SKU, RGYAL SRAS SPRUL SKU, BLA MA 'JAM DBYANGS KYI SPRUL SKU, 'BRAS SPRUNGS SGO BLO GNYIS KYI DGE BSHES BCAS KHYON LNGA BCU SKOR LA 'JIGS BYED BSKYED RDZOGS KYI DMAR KHRID GNANG BA'I DBU TSUGS, TSES BDUN LA RGYAL DBANG MCHOG GI DGONGS RDZOGS SU BKA' 'GYUR GSER MA GSAR BZHENG GNANG BA'I SKABS YIN 'DUG PAS DO DAM PA, DRUNG YIG PA, ZHUS DAG PA SOGS DER GTOGS THAMS CAD LA GSOL RAS GYA NOM PA STZAL, TSES BRGYAD LA GZHUNG SA NAS TSOMS CHEN DU SPYAN DRANGS TE GSOL STON DANG DNGOS 'BUL SBAM MTHOB DANG BCAS ZHABS PAD RDO RJE'I RANG BZHIN DU BRTAN PA'I BDEN TSIG BRJOD, 'BRAS SPUNGS HAR GDONG KHAMS TSAN, YER PA, RME RU, RGYUD PA BCAS SO SO NAS DNGOS 'BUL BTEG ,HAR GDONG GI GRVA MANG LA DGA' LDAN LHA BRGYA MA'I LUNG DANG, BAL PO BRGYA SKOR LA PHYAG DBANG BCAS STZAL, TSES BCU GCIG GI NYIN BSKYED RDZOGS KYI KHRID GRUB STE BDAG GIS CHOS KYI BKA' DRIN BSAB
CHED DU TSOGS 'KHOR DANG BCAS MAndAL, MDZOD BTAGS, SKU GSUNG THUGS RTEN, NA BZA' NYER SPYAD, DNGUL RDO TSAD BDUN SOGS KYI BDOG BA GUS BAS PHUL, DE'I PHYI NYIN LCANG SKYA RDO RJE 'CHANG GIS ZHUS NGOR DRUG CU PA'I DMIGS SKOR ZHAL SHES BKA' RTZOM GYI LUNG GNANG, TSES BCU GSUM LA GZHUNG SA NAS ZHUS PA LTAR RJE NYID DANG, LCANG SKYA RDO RJE 'CHANG, DE MO SPRUL PA'I SKU, YONGS 'DZIN PA, SKU MDUN NANG MA LNGA, CHOG ROGS PA DANG BCAS DPAL RDO RJE 'JIGS BYED KYI SGO NAS GSER GDUNG CHEN MO BKRA SHIS 'OD 'BAR LA NYIN GSUM GYI RING RAB TU GNAS PA RGYAS PAR MDZAD DE ZHI RGYAS KYI SBYIN SREG KYANG GNANG ZHING RTEN DE NYID GZI BYIN DANG LDAN PAR BSGRUBS, SKU GDUNG GI SKU MDUN DU MAndAL, GSER SRANG NYI SHU, DNGUL RTA RMIG MA SUM CU, JA 'KHOR DRUG BRGYA SOGS DNGOS 'BYOR GYI MCHOD PA'I TSOGS RGYAS PAR BSTAR NAS BSTAN 'GRO'I MGON DU RGYAL DBANG DE NYID KYI YANG SRID 'KHRUL BRAL GSAL DVANGS MYUR DU 'BYON PA'I GSOL 'DEBS THUGS SMON NAN TAN DU MDZAD, RAB GNAS KYI YON DU LCANG SKYA RDO RJE 'CHANG, DE MO SPRUL PA'I SKU SOGS DANG, CHOG GRVA PA BCAS LA BABS BSTUN GYI BDOG PA BSTABS, GZHUNG SA MCHOG NAS RJE BLA MA NYID LA DKAR SPRO RGYAS PA'I THOG DNGOS 'BUL SBAM MTHO BA BSTAR, TSES BCU DRUG LA RGYAL TSAB DE MO SPRUL PA'I SKU NAS DNGOS 'BUL DANG BCAS ZHABS BRTAN PHUL, RNAM RGYAL GRVA TSANG TSOGS YONGS NAS KYANG DNGOS 'BUL BSTAR, SKYE BO STONG PHRAG MANG POR PHYAG DBANG STZAL, RGYAL DBANG RDO RJE 'CHANG CHEN PO DE NYID KYI SKU GSUNG THUGS KYI YON TAN DRAN PA'I GSOL 'DEBS BKA' RTZOM PHYAG
, ,BRIS SU MDZAD DE GZIGS 'BUL MDZAD PAR RJE LCANG SKYA RIN PO CHE YANG THUGS DGYES PA'I RANG BZHIN DU GYUR, TSES BCU DGU'I NYIN SNGON NAS YANG YANG GSOL BA BTAB PA LTAR CHOS GRVA CHEN PO DPAL LDAN 'BRAS SPUNGS SU CHIBS KHA BSGYUR, CHIBS BSU SER SBRENG DANG BCAS KUN DGA' RA BA'I TSOMS CHEN DU PHEBS, TSES NYI SHU LA 'DU KHANG CHEN MOR SPYAN 'DREN ZHUS TE SPYIS NAS DKAR SPRO RGYAS PA'I THOG DNGOS 'BUL GYI BDOG PA BTEG ,DGE BA'I BSHES GNYEN BZHIS TSOGS LANG MDZAD DE LUNG DANG RIGS PA'I DGA' STON SPEL, SKU GSUNG THUGS RTEN MA GTOGS PA'I 'BUL BA RNAMS PHYIR SLOG THOG BZANG GOS KYI 'PHAN CHA, GOS RDOR SANG DMAR PO YUG ,DNGUL RTA RMIG GNYIS, tAM SRANG LNGA BCU, RTZE JA 'KHOR DRUG BDUN, MANG JA LNGA'I THOG DGE 'DUN LNGA STONG BDUN BRGYA BZHI BCU ZHE BZHI LA PHYAG 'GYED DNGUL SRANG RE RNAM GZHAG BCAS STZAL, DGE 'DUN BYINGS LA BYANG CHUB LAM GYI SGRON MA'I BSHAD LUNG GNANG, 'DU KHANG STENG SHOD KYI RTEN RNAMS LA BRGYA MCHOD SNA LNGA TSAR KHA SHAS THOG ,SNYAN SHAL BCAS RTEN MJAL GNANG NAS BSTAN PA RGYAS PA'I THUGS SMON MDZAD, DE NAS BKRA SHIS SGO MANG, BLO GSAL GLING, BDE YANGS, SNGAGS PA RNAMS SU RIM BZHIN SPYAN 'DREN ZHUS NAS 'DU KHANG DU DKAR SPRO DANG DNGOS 'BUL BTEG ,GRVA TSANG RANG RANG GI BLA MA, LAS SNE, DGE 'DUN MANG LA PHYAG DBANG GNANG, GSOL TSIGS THON NAS SO SO'I CHOS GRVAR SGO MANG GRVA TSANG PAR LAM RIM CHEN MO'I DBU NAS CHOS THUN GCIG ,BLO GSAL GLING PA LA
RTEN 'BREL BSTOD PA'I BSHAD LUNG, BDE YANGS PA LA LAM GYI GTZO BO RNAM GSUM GYI BSHAD LUNG, SNGAGS PA LA BLA MA LNGA BCU PA'I BSHAD LUNG BCAS STZAL, MTSAN NYID GRVA TSANG GSUM NAS RANG RANG GI CHOS GRVAR DGE BSHES RNAMS KYIS DAM BCA' DANG BGRO GLENG GI DGA' STON SPEL BAR THUGS SHIN TU DGYES TE BSRUNG MDUD DANG, NANG MDZOD KHA BTAGS KYI GZENGS BSTOD MDZAD, GRVA TSANG RNAMS KYI LHA KHANG KHAG LA SNA LNGA'I MCHOD PA DANG SNGAGS KHANG GI 'JIGS BYED LA DNGUL GYI MAndAL, BYU RU'I 'PHRENG BA, SPYAN GZIGS, SNYAN SHAL, CHOS RGYAL LA YANG DE MTSUNGS, GZHAN MA RTEN RNAMS LA YANG SNYAN SHAL SOGS 'BUL BA GNANG, GRVA TSANG SO SO'I 'BUL BA PHYIR SLOG THOG GRVA JA GNYIS RE DANG SPYI SOR SBYOR 'JAGS SU DNGUL RTA RMIG MA DANG tAM SRANG LNGA BCU, JA 'KHOR DRUG BDUN RE, DGE 'DUN RER 'GYED KHA BTAGS RE BCAS STZAL, TSES NYER BZHI LA DGA' LDAN PHO BRANG GI MGON KHANG BKA' RGYA MAR PHEBS NAS SNYAN SHAL DANG SPYAN GZIGS BSTAR, KUN DGA' RA BA'I RTEN GTZO CHU MIG SGROL MA DANG, RTZE CHEN SGROL MA GNYIS LA SNYAN SHAL DANG PHRENG BA RE, GNAS CHUNG CHOS SKYONG CHEN POR DNGUL GYI MAndAL, TSOGS DOD DNGUL SRANG BCO LNGA, GSER PHUD SRANG GANG, ZHAL JA 'KHOR DRUG ,DNGUL SRANG LNGA BCU, GOS DANG SOGS KYI DGU TSAN GSUM, SPYAN GZIGS DPA' DAM, ME MDA', SGRA DBYANGS GLING DU MANG JA, 'GYED tAM GNYIS RE, RNAM GZHAG BCAS DANG, GTZANG PA KHAMS TSAN DANG DGE 'PHEL RI KHROD PAS DNGOS 'BUL BCAS SGER MJAL ZHUS PAR MANG 'GYED STZAL, TSES
, ,NYER LNGA LA 'BRAS SPUNGS NAS CHIBS KHA BSGYUR, CHIBS BSU SER SPRENG DANG BCAS SER GZIMS KHANG DU PHEBS, 'DU KHANG CHEN MOR SBYAN DRANGS TE DKAR SPRO DANG DNGOS 'BUL BTEG ,DGE BA'I BSHES GNYEN BZHIS TSOGS LANG MDZAD DE LEGS BSHAD KYI MCHOD SPRIN SPEL, DGE 'DUN MANG LA PHYAG DBANG DANG LAM GYI GTZO BO RNAM GSUM GYI BSHAD LUNG STZAL, 'BUL BA PHYIR SLOG NAS MANG JA LNGA'I THOG SBYOR 'JAGS DANG 'GYED 'BRAS SPUNGS LTAR GNANG, RTEN GZIGS LA PHEBS TE MCHOD 'BUL SNYAN SHAL DANG BCAS THUGS DMIGS MDZAD, CHU BZANG MKHAN PO DPAL 'BYOR GRAGS PAS DNGOS 'BUL DANG BCAS SGER MJAL ZHUS SHING BLA MA'I RNAL 'BYOR GYI LUNG STZAL, DE NAS GRVA TSANG SO SO'I 'DU KHANG NANG DU SPYAN DRANGS TE DKAR SPRO DANG BCAS DNGOS 'BUL BSTAR ZHING PHYAG DBANG GNANG, SO SO'I CHOS GRVAR PHEBS TE BYES PA GRVA TSANG LA RJE BLA MA'I RNAL 'BYOR GYI LUNG DANG, SER SMAD LA BYIN RLABS SPUNGS ZHUS KYI KHRID, AUR GE GRVA TSANG LA GSANG 'DUS RTZA RGYUD DANG BLA MA MCHOD PA'I LUNG BCAS STZAL, MTSAN NYID GRVA TSANG GNYIS NAS DGE BA'I BSHES GNYEN RNAMS KYIS DAM BCA' DANG BGRO GLENG GI MCHOD SPRIN SPROS PAR BSRUNG MDUD DANG MDZOD BTAGS KYI GZENGS BSTOD MDZAD, GRVA TSANG RNAMS KYI 'BUL BA PHYIR GNANG THOG MANG 'GYED DANG SBYOR 'JAGS SOGS 'BRAS SPUNGS KYI GRVA TSANG DANG 'DRA, GRVA TSANG KHAG GI RTEN RNAMS LA BRGYA MCHOD DANG, SNYAN SHAL, RTA MGRIN LA DNGUL GYI MAndAL, BYU RU'I PHRENG BA, SPYAN GZIGS BCAS PHUL, HAR
GDONG KHAMS TSAN NAS SPYAN DRANGS TE DKAR SPRO DANG, DNGOS 'BUL BSTAR, 'DU KHANG GSAR BSKRUN LA PHYAG NAS KYANG MDZAD DE 'BUL BA'I SLOG DANG, AUR GE GRVA TSANG DU GNANG CHA 'PHAR MANG JA BZHI DANG 'GYED DNGUL SRANG RE'I THOG SBYOR 'JAGS GNANG TSES NYER BRGYAD LA SNGA DRO KHYAB PA DAG RDO RJE SEMS DPA'I NGO BO RJE NGAG DBANG BYAMS PA RIN PO CHES DBU MDZAD PHUR BU LCOG ,RA KHA BRAG ,MKHAR RDO, SE RA RTZE'I RI KHROD PA RNAMS DANG, BKA' BLON GUD PAndITA DANG, BKA' BLON ZHABS DRUNG BCAS NAS BLA MA MCHOD PA'I CHOG DANG TSOGS MCHOD KYI SGO NAS ZHABS BRTAN 'BUL BA MDZAD PAR SO SO NAS DNGOS 'BUL GYI BDOG PA BSTAR, 'BUL BA'I SLOG DANG RI KHROD PA RNAMS LA MANG 'GYED KYANG STZAL, TSES GNAM GANG LA SE RA NAS CHIBS KHA BSGYUR, BZHI SDE BA'I SER SBRENG DANG BCAS RA MO CHER GNAS GZIGS LA PHEBS, JO BO MI BSKYOD RDO RJE'I SKU MDUN DU STONG MCHOD SNA LNGA TSAR GCIG ,SNYAN SHAL MDZOD BTAGS SNA LNGA, LING SER GYI SNAM SBYAR, DNGUL GYI MAndAL BCAS 'BUL BA GNANG NAS ZHABS 'BRING BA RNAMS DANG LHAN DU YAN LAG BDUN PA, KHRUS GSOL BCAS MDZAD CING 'GRO KUN BDE SKYID LA 'GOD PA'I THUGS SMON GNANG, STENG SHOD KYI RTEN RNAMS LA SNYAN SHAL 'BUL BA MDZAD, DE NAS KHYAMS RAR PHEBS TE JO BO SH'AKYA MU NI'I SKU MDUN DU STONG MCHOD SNA LNGA'I THOG DNGUL SRANG DRUG CU LAS GRUB PA'I MAndAL, GOS LING GI SNAM SBYAR, MDZOD BTAGS SNA LNGA'I SNYAN SHAL, 'PHAGS PA RANG BYON LNGA LDAN GYI SKU MDUN DU BRGYA MCHOD SNA LNGA, DNGUL SRANG NYI SHU'I MAndAL, BYU RU'I MGUL
, ,PHRENG; MDZOD BTAGS SNA LNGA'I SNYAN SHAL, RJE BTZUN TZONG KHA PA CHEN PO'I SNANG BRNYAN LA LING GI SNAM SBYAR, SNYAN SHAL MDZOD BTAGS SNA LNGA, DPAL GYI LHA MOR MDZOD BTAGS SNA LNGA'I SNYAN SHAL, SPYAN GZIGS BCAS DANG; LHA KHANG GZHAN RNAMS LA YANG MCHOD 'BUL DANG SNYAN SHAL PHUL TE THUGS SMON 'PHRIN BCOL MDZAD, AE WAm DU GZHUNG NAS STON MO PHUL ZHING SLAR YANG PO TA LAR PHEBS, ZLA BA LNGA PA'I TSES GCIG LA BKA' BLON BZHI NAS BRTAN BZHUGS PHUL, TSES GNYIS LA DE MO SPRUL PA'I SKU DANG BKA' BLON BZHI LA SLOG CHA YANG GNANG, BDAG GIS GSOL BA BTAB PA'I DOR RJE'I BLA MA'I RNAL 'BYOR DANG ZHABS BRTAN GSOL 'DEBS, MTSO SNGON CHING WANG GI MI SNA NO YON CHOS RJE SOGS NAS BSKUL NGOR 'JAM DBYANGS BZHAD PA'I RDO RJE'I 'KHRUNGS RABS GSOL 'DEBS GSAR RTZOM MDZAD, BKA' BLON GUNG PAndI TA LCAM SRAS BCAS NAS DNGOS 'BUL BSTAR, GUNG KUN DGA' BSTAN 'DZIN, GUNG 'GYUR MED DBANG RGYAL; BKA' BLON MDO MKHAR ZHABS DRUNG, THON PA, JA SAG BLA MA, MDA' DPON G-YU THOG PA DANG, PHU KHU LUNG PA BCAS SO SO NAS DNGOS 'BUL BSTAR, BKA' BLON ZHABS DRUNG DANG, BE LIG THU NO MON HAN, MDA' DPON G-YU THOG PA; SKU MDUN MKHAN PO, MGRON GNYER YON TAN LEGS GRUB, DRUNG YIG SKAL BZANG BDE CHEN SOGS RTZE DRUNG KHA SHAS DANG, SKU ZHABS GRVA TSANG BA SOGS KHYON SER SKYA BRGYA LNGA BCU SKOR LA GRUB RGYAL LUGS KYI TSE DBANG STZAL, TSES LNGA'I
NYIN GZIMS CHUNG BDE BA CAN DU RJE NYID LCANG SKYA RIN PO CHE DANG DAM PA'I CHOS KYI GLENG MO MDZAD PA'I MUR BDAG KYANG 'BOD PA GNANG NAS SKU MDUN DU SLEBS SHING, LCANG SKYA RIN PO CHE'I MTSAN NYID KYI SKU YON LA RJE NYID NAS GSAN DGONGS GNANG BA'I CHED LCANG SKYA RIN PO CHE NAS SA LA BZHUGS BZHIN DU RNAM MKHYEN MTSON BYED KYI CHOS BCU LAS BRTZAMS TE THAL 'GYUR GYI PHRENG BA TSAR DU DNGAR BAR, BDAG GIS KYANG GANG SHES KYI LAN PHUL BAS SKYABS MGON MCHOG KYANG THUGS SHIN TU DGYES, LHAG PAR RJE BTZUN BLA MA LCANG SKYA RIN PO CHE NYID MTSAN NYID KYI GRVA SA CHEN PO RNAMS SU THUGS GNYER CHER MA MDZAD KYANG, SKYES THOB DANG SBYOR BYUNG GI MKHYEN RAB PHUN SUM TSOGS PAS MTSAN NYID KYI PHYOGS LA YANG SKU YON 'GRAN ZLA DANG BRAL BA'I NGANG TSUL LA, SKYABS MGON NYID KYANG YA MTSAN ZHING BSNGAGS BRJOD ME TOG GI PHRENG BA YANG YANG SPEL BAR MDZAD, AAM PAN ZUNG NAS DNGOS SKYES DANG BCAS MJAL KHA ZHUS PAR BKA' 'DRI DANG SKU BRNYAN, SPOS SNAM SOGS STZAL, RNAM RGYAL GRVA TSANG TSOGS YONGS LA BLA MA MCHOD PA'I LJAGS LUNG, LHA SA'I SKOR DPON PAS ZHUS DOR SMYUNG GNAS GTONG MI SKYA BO DRUG BRGYA SKOR LA THEG CHEN GSO SBYONG GI SDOM PA LEN TSUL BSLAB BYA DANG BCAS PA'I LUNG STZAL, RJE GRUB PA'I DBANG PHYUG NGAG DBANG BYAMS PA RIN PO CHE NAS BSKUL DOR, RJE NYID KYI 'KHRUNGS RABS GSOL 'DEBS GSAR RTZOM GNANG STE RI KHROD KHAG RNAMS SU BTZUGS, RJE MEE TRI'I MTSAN CAN CHAB LA BRTEN NAS CUNG ZAD BRO 'TSAL BAR ZHABS BRTAN GSOL 'DEBS ZHU BA'I CHED
, ,DPON TSANG CHEN MO RDZONG STA MDZAD, DE NYIN NAS BZUNG NYI MA GSUM GYI RING BDAG LA YANG DGYES BZHIN DU 'KHRUL 'KHOR DANG LCAGS MKHAR GYI KHRID STZAL CING MJUG TU 'KHRUL 'KHOR GYI RNAM BSHAD CHEN MO PAn CHEN BLO BZANG CHOS KYI RGYAL MTSAN GYI PHYAG DPE NGO MA ZHIG KYANG GNANG, TSES BCU LA GZHUNG SA NAS TSOMS CHEN DU SBYAN DRANGS TE GSOL STON RGYAS PA'I THOG DNGUL GYI MAndAL, NA BZA' CHA TSANG, RGYA DNGUL RDO TSAD NYI SHU RTZA GCIG ,tA MA KHA'I RDO TSAD KHA SHAS, JA 'KHOR DRUG BZHI BRGYA SOGS DNGOS 'BUL SBAM MTHO BA DANG, PHYAG MDZOD CHEN MO DANG ZHAM RING BA RNAMS LA YANG THON CHAS GZAB, PO TA LAR BZHUGS RING DGON SDE RNAMS SU DGOS CHA STZAL TE ZHABS BRTAN SKU RIM YANG RGYA CHER BSGRUBS, SKYE BO STONG PHRAG MANG POR NYIN RE BZHIN PHYAG DBANG YANG STZAL, TSES BCU'I PHYI DRO GZIMS CHUNG KHAMS GSUM DU LCANG SKYA RIN PO CHE NAS SPYAN DRANGS TE BDE MCHOG GI TSOGS 'KHOR DANG 'BREL BA'I DNGOS 'BUL BCAS MAndAL PHYAG TU THOGS NAS ZHABS BRTAN GSOL 'DEBS MGUR DBYANGS SU MDZAD PA NI 'DI LTA STE, ZHING BDE BA CHEN PO'I PHO BRANG NA, ,RJE DUS GSUM SANGS RGYAS THAMS CAD KYI, ,THUGS MKHYEN BRTZE'I BDAG NYID BLO BZANG GRAGS, ,NGA MOS GUS DRAG POS GSOL BA 'DEBS, ,MGON THUGS RJE'I GTER CHEN SPYAN RAS GZIGS, ,DRIN 'KHOR MED SKAL BZANG RGYA MTSO'I SDE, ,RJE BLO BZANG DPAL LDAN YE SHES ZHABS, ,DON GNYIS MED NGO BOR GSOL BA 'DEBS,,
PHYI BKRA SHIS RTAGS RDZAS MCHOD PA DANG, ,NANG BDUD RTZI LNGA YI MCHOD PA DANG, ,CHES GSANG BA PHYAG RGYA'I MCHOD PA GSUM, ,BLO BDE STONG NGAN NAS 'BUL BAR BGYI, ,MA MKHA' 'GRO KUN 'DUS WA RA HI, ,GNAS LTE BA SPRUL PA'I 'KHOR LOR BZHUGS, , AAm TI LA KA YI 'OD ZER GYIS, ,DROD BDE CHEN 'BAR BAR BYIN GYIS RLOBS, ,DPAL BLA MA RNAM PAR SNANG MDZAD CHE, ,GNAS SPYI GTZUG BDE CHEN 'KHOR LOR BZHUGS, ,HAm ZLA BA DKAR PO'I CHU RGYUN GYIS, ,MCHOG DGA' BZHI 'DREN PAR BYIN GYIS RLOBS, ,MGON RJE BTZUN CHOS KYI RDO RJE'I ZHABS, ,GNAS MGRIN PA LONGS SPYOD 'KHOR LOR BZHUGS, ,GDENGS MI SHIG RDO RJE GSUM GYI SGRAS, ,DPAL MKHA' SPYOD 'GRUB PAR BYIN GYIS RLOBS, ,PHA BLA MA MI BSKYOD HE RU KA: ,GNAS SNYING KHA CHOS 'KHOR LTE BAR BZHUGS,, RLUNG KUN RTOG RGYU BA DH'U T'IR BCAD, ,DPE'I LHAN SKYES SKYE BAR BYIN GYIS RLOBS, ,GNAS MI SHIGS RDO RJE'I GUR KHANG DU, ,LHA BLA MA SGYU 'PHRUL DRA BA BZHENGS, ,NYAMS SNA TSOGS RTZE DGA'I ROL PA YIS, ,MA 'GRO DON BYED PAR BYIN GYIS RLOBS, ,NGON MA BCOS SPROS PRAL GNYUG MA DANG, ,SEMS LHAN SKYES BDE STONG RO GCIG PAS, ,GEGS NYON MONGS SPRIN TSOGS DBYINGS SU DNGES, ,DPAL 'OD GSAL 'GRUB PAR BYIN GYIS RLOBS, ,SEMS LHAN SKYES BDE STONG DBYER MED DANG, ,LUS 'JA' TSON LTAR BKRA RDO RJE'I SKU, ,RO GCIG TU MNYAM POR ZHUGS PA YIS, ,MCHOG ZUNG 'JUG 'GRUB PAR BYIN GYIS RLOBS, ,RJE BKA' DRIN GSUM LDAN RDO RJE 'CHANG, ,PHA SKAL BZANG RGYA MTSO'I MCHOG SPRUL DANG, ,MGON RJE BTZUN DPAL LDAN YE SHES GNYIS, ,
, ,GDAN LHAN CIG 'DZOM PA'I RTEN 'BREL 'GRIG ,YUL BYANG PHYOGS MTHA' RU SKYES PA YI, ,'BANGS SKAL LDAN ROL BA'I RDO RJE NGA, ,GLU GRE BA BDE MO MA MCHIS KYANG, ,DON ZAB MO'I GLU DBYANGS 'DI PHUL BAS, ,PHA RJE BTZUN 'DZUM ZHAL BSTAN NAS KYANG, ,DENG 'DIR TSOGS DAD LDAN GDUL BYA RNAMS, ,DUS DENG NAS BYANG CHUB SNYING PO'I BAR, ,MGON KHYOD KYI THUGS RJE'I LCAGS KYUS ZUNGS, ,DAD DAM TSIG GTZANG MA'I RTEN 'BREL LAS, ,DUS RING POR MI THOGS KHYOD ZHAL MJAL, ,GSUNG BDUD RTZI NGOMS MED SPYAD PA'I MTHUS, ,MCHOG SKU BZHI MYUR DU THOB GYUR CIG ,CES THOL BYUNG DU GSUNG BA NI ZAB LAM RDO RJE'I RNAL 'BYOR GYI SGO NAS MGRIN PA LONGS SPYOD KYI 'KHOR LO YONGS SU GROL TE NYAMS RTOGS KYI KLONG RDOL BA'I RANG MDANGS SU SNANG, LCANG SKYA RDO RJE 'CHANG NAS ZHUS NGOR STZAL PA'I GSANG CHEN LAM GYI 'JUG SGO'I LUNG YANG GNANG, DE LTAR YUL DBUS KYI PHYOGS SU DAD STOBS DANG LDAN PA RNAMS KYIS ZANG ZING GI BDOG PAS MCHOD PA NI DBYAR GYI CHAR SPRIN BZHIN, ZAB PA DANG RGYA CHE BA'I CHOS KYI 'KHOR LO BSKOR BA NI DRANG SRONG LHUNG PA RI DVAGS KYI NAGS SU RGYAL BA ZAS GTZANG GI SRAS PO BYON PA BZHIN, MKHAS PA'I SKYE BOS DBYIG 'DZIN GYI STENG THAMS CAD DU KHYAB PA NI YID BZHIN GYI NOR BU RIN PO CHE LAS DGOS 'DOD KYI CHAR PHAB PA BZHIN, SNOD BCUD KYI 'BYOR PA PHUN SUM TSOGS PA NI RDZOGS LDAN GYI DUS LA CO 'DRI BA BZHIN GYUR TO, ,'DIR SMRAS PA, PHYOGS BCU'I RGYAL BA MA LUS 'DUS PA'I ZHAL, ,MGON PO
GANG GI MDZAD PA DNGUL CHU'I RGYUN, ,GANG LA REG PAS SKAL DMAN LCAGS KYI KHAMS, ,PHAN BDE GSER GYI DNGOS POR BSGRUB PAR MDZAD, ,MGON KHYOD GRAGS SNYAN NOR BU'I DO SHAL GYIS, ,PHYOGS KYI BU MO'I MGUL BA CI YANG MDZES, ,DE NYID BZLAS BRJOD LHUR LEN 'JIG RTEN 'DIR, ,SMRA BA GZHAN RNAMS GLENG BA'I GO SKABS 'PHROG ,KHYOD KYI ZHABS SKYES PADMOS BRIS PA YI, ,NOR 'DZIN SGEG MO'I RDUL GYI 'PHRENG BA YANG, ,MTHA' DAG 'GRO 'DI'I MCHOD RTEN NYID 'GYUR NA, ,GSANG GSUM RMAD BYUNG MDZAD PA SU YIS DPAG ,CES BYA BA NI RJE BLA MA SRID ZHI'I GTZUG RGYAN PAn CHEN THAMS CAD MKHYEN PA BLO BZANG DPAL LDAN YE SHES DPAL BZANG PO'I ZHAL SNGA NAS KYI RNAM PAR THAR PA NYI MA'I 'OD ZER LAS, YUL DBUS PHO BRANG CHEN PO PO TA LAR LCANG SKYA ROL PA'I RDO RJE SOGS MKHAS GRUB DU MAR DUS KYI 'KHOR LO'I DBANG STZAL BA SOGS BSTAN 'GRO'I DON RLABS PO CHE MDZAD PA'I LE'U STE BDUN PA'O,, ,,DE NAS ZLA BA DER TSES BCU GCIG NYIS BRTZEGS YOD PA'I PHYI MA LA PO TA LA NAS CHIBS KHA BSGYUR, BKRA SHIS LJONGS KYI MDOR SPRUL BA'I SKU GRVA BCAS NAS GZHIS LEN BSTAR THOG BLA MA'I RNAL 'BYOR GYI CHOS 'BREL STZAL, DE NAS DGA' LDAN GYI THAB BSU'I STENG DU KHRI RIN PO CHE PHEBS PA DANG MJAL 'PHRAD NGOS GSUNG GLENG DMAR BA BYUNG, SER SBRENG GIS SDUN BSUS TE GDAN SA CHEN PO DGA' LDAN RNAM PAR RGYAL BA'I GLING DU PHEBS, DGON PA'I MDUN NAS CHIBS BSHOL TE PHYAG 'TSAL GNANG ZHING KHRI THOG KHANG DU PHEBS PAR DKAR SPRO'I BSNYEN BKUR GZAB PA ZHUS, DER BZHUGS
, ,RING GZIMS CHUNG DNGOS GZHI 'OD GSAL PHUG TU MDZAD NAS RJE BLA MA'I THUGS RJE BSKUL BA'I PHYAG DANG MCHOD PA GSOL 'DEBS SOGS KYIS DUS 'DA' BA GNANG, DE NYIN NAM MKHA' SHIN TU DVANGS PA LA 'JA' TSON MCHOD RDZAS KYI RNAM PAS KHENGS PA BYUNG STE DKAR PO'I PHYOGS KYI LHA RNAMS DGA' BA'I LTAS SU MNGON, TSES BCU GSUM GYI NYIN 'DU KHANG CHEN MOR GDAN DRANGS TE SPYI SO NAS DKAR SPRO DANG ZANG ZING GI DNGOS PO RGYA CHE BA BTEG ,GSER KHRI'I STENG NAS DGE 'DUN TSOGS YONGS LA LAM RIM CHEN MO'I DBU NAS CHOS THUN GCIG GZAB BSHAD DANG BCAS TE STZAL, PHYI NYIN RTEN RNAMS KYI SPYAN SNGAR MCHOD SPRIN RGYA CHEN PO SPROS, KHYAD PAR GSER GDUNG RIN PO CHER STONG MCHOD SNA LNGA'I THOG SNYAN SHAL NANG MDZOD KHA BTAGS SNA LNGA, DNGUL GYI MAndAL CHE LEGS, DUNG DKAR LHA RDZAS KYI CHUN 'PHYANG CAN, RJE YAB SRAS KYI SKU BRNYAN DANG 'JAM DBYANGS GTZANG PA BDUN BRGYUD KYI SKU GDUNG SO SOR YANG SNYAN SHAL PHUL, YAN LAG BDUN PA DANG BDE MCHOG GI MCHOD 'PHRENG, RKANG BRGYAD KYI BSTOD PA, SMON LAM SHIS BRJOD BCAS ZHAL 'DON GNANG ZHING YAB RJE RGYAL BA GNYIS PA'I RING LUGS DRI MA MED PA PHYOGS MTHAR 'PHEL PA'I BSNGO SMON GYI MTSAMS SBYOR PHUL DU BYUNG BA MDZAD, DE MTSUNGS DGA' LDAN CHOS RGYAL LA YANG SNYAN SHAL SPYAN GZIGS SOGS PHUL TE 'PHRIN BCOL GNANG, KHRI CHEN NAS YANGS PA CAN DU GDAN DRANGS TE DKAR SPRO DANG DNGOS 'BUL SBAM BSTOD, DGE BSHES GNYIS KYIS TSOGS LANG BYAS TE
LEGS BSHAD KYI DGA' STON SPEL, TSES BCO LNGA'I NYIN 'DUS PA RGYA MTSO'I TSOGS DBUR PHEBS TE DUS 'BREL GYI GSO SBYONG YANG GNANG, DE NAS HAR GDONG KHAMS TSAN DU GDAN DRANGS TE DNGOS 'BYOR GYI MCHOD SPRIN SPROS, BYANG SHAR GYI GRVA TSAD SO SOR RIM BZHIN SPYAN DRANGS, 'DU KHANG DANG CHOS GRVA'I BZHUGS KHRIR ZHABS SOR BKOD THOG DNGOS 'BUL DANG BCAS BSNYEN BKUR RGYA CHEN PO BSTABS, CHOS GRVA'I BZHUGS KHRI'I STENG NAS BYANG RTZE GRVA TSANG TSOGS YONGS LA LAM RIM BSDUS DON GYI BSHAD LUNG DANG SGROL MA'I LUNG, PHYI DRO YANGS PA CAN DU RGYUD SMAD BLA SPYIS GDAN DRANGS TE DNGOS 'BUL SBAM BSTOD RJES TSOGS YONGS LA GSANG 'DUS RTZA RGYUD KYI LUNG, SHAR RTZE GRVA TSANG TSOGS YONGS LA 'JAM DBYANGS AA RA PA TZA NA'I RJES GNANG DANG BLA MA MCHOD PA'I CHO GA'I BSHAD LUNG RNAMS STZAL, GRVA TSANG SO SO'I CHOS GRVAR PHEBS SKABS DGE BSHES RNAMS KYIS LUNG RIGS KYI DGA' STON SPAL BA LA THUGS SHIN TU DGYES SHING GZENGS BSTOD KYANG MDZAD, BKRA SHIS LJONGS SPRUL SKU SKAL BZANG DAM CHOS RGYAL MTSAN LA DGE BSNYEN GYI SDOM PA GNANG, RJE BLA MA MCHOG NAS SDOM PA GNANG BA'I THOG MA YIN GSHIS GDAN SA KHYAD PAR CAN DU MING GRA SOGS RTEN 'BREL LEGS ZHES PHEBS, SPRUL SKU NYID SKU NA SHIN TU PHRA NA YANG BYANG CHUB LAM SGRON DANG RGYAN 'JUG GNYIS, MTSAN BRJOD, SPYOD 'JUG SOGS SHOG BU SUM BRGYA SKOR RGYUGS 'BUL MDZAD PA LA RJE NYID THUGS SHIN TU DGYES TE BSNGAGS BRJOD DANG GNANG SKYES BZANG PO STZAL, BYANG RTZER MKHAS GRUB RIN PO
, ,CHE'I PHYAG BZO'I MGON PO'I SKU BRNYAN DANG YANGS PA CAN GYI MGON KHANG DU BZHUGS PA'I CHOS SKYONG GI RTEN RNAMS LA SNYAN SHAL SPYAN GZIGS PHUL NAS 'PHRIN BCOL MDZAD PAS MTSAN LTAS LEGS PA BYUNG, TSOGS CHEN DANG GRVA TSANG SO SOR SPYI 'JOG DANG DGE 'DUN NYIS STONG NYIS BRGYA SKOR LA KHA BTAGS RE DANG DNGUL SRANG DO RE GNANG ZHING CHOS DANG ZANG ZING GNYIS KYIS TSIM PAR MDZAD, TSES BCU DGU LA RI PO DGA' LDAN NAS CHIBS BSGYUR GNANG SKABS DGE 'DUN MANG PO SPYAN CHAB 'BYIN CING THUGS SHIN TU 'PHRANG BA'I RNAM PAS RJES SU 'BRANGS TE 'GA' ZHIG RI RKED PAR DU BYON PA SOGS BYUNG BA NI DANG PA BCOS MA MA YIN PA RANG 'KHRUNGS SU YOD PA'I RTAGS SU SNANG NGO, ,LA MO CHOS RJE NAS GDAN DRANGS PA LTAR BYANG CHUB LCOG TU PHEBS, DER ZHAG GSUM BZHUGS RING 'BUL NOD SOGS GANG CI'I BSNYEN BKUR GZABS, KHYAD PAR CHOS SKYONG CHEN PO SKU KHOG TU PHEBS NAS MKHA' 'GRO BSU BZLOG DANG 'BREL BA'I ZHABS BRTAN PHUL NAS 'BYUNG 'GYUR GSAL STON GYI LUNG BSTAN ZAB MO PHEBS SHING, CHOS SKYONG GTZO 'KHOR GYI 'CHAMS GZIGS KYANG PHUL, CHOS RJE SKU RTEN PA'I THUGS BZHED LTAR GTZUG LAG KHANG STENG 'OG RNAMS LA PHYAG NAS DANG, SKU NGO RNAMS KYIS MTSON SER SKYA SUM BRGYA SKOR LA TSE DBANG STZAL, BYANG CHUB LCOG ,BTZUN MO TSAL, TSER GSEB, DUM RI, RGYA MA GRVA TSANG, SGRUB GSAR RNYING, LHA LUNG SKYID GRONG BA RNAMS KYIS DNGOS 'BYOR GYI MCHOD SPRIN SPROS PA BDAG GIR BZHES TE
DGA' LDAN LHA BRGYA MA, SKABS GSUM PA, LAM RIM BSDUS DON, RTEN 'BREL BSTOD PA, BSTAN 'BAR MA RNAMS KYI LUNG STZAL, TSES NYER GNYIS LA LA MO NAS CHIBS BSGYUR TE 'PHAN YUL RGYAL GRONG DU BZHUGS ZHAG THOG THANG SAG DGA' LDAN CHOS 'KHOR TSOGS YONGS LA DGA' LDAN LHA BRGYA MA'I LUNG STZAL, DE NAS RIM BZHIN STAG LUNG DGON GYI RTEN RNAMS MJAL ZHING MCHOD SPRIN SPROS, SPRUL SKU'I THUGS BZHED LTAR GTZUG LAG KHANG LA PHYAG NAS GNANG, TSES NYER LNGA LA BKA' GDAMS BSTAN PA'I CHU MGO ,'BROM STON RGYAL BA'I 'BYUNG GNAS KYI GDAN SA RVA SGRENG DU ZHABS ZUNG BKOD, DER BZHUGS RING JO BO RJE'I SKU BRNYAN DBU YON MA GNYIS GZIMS CHUNG DU GDAN DRANGS PA LA DNGOS BSHAMS YID SPRUL GYIS MCHOD NAS GSOL 'DEBS SHUGS DRAG MDZAD PAS MNAL LTAS SOGS SHIN TU LEGS PA BYUNG, NE SER JO BO CHEN PO DGYES PA'I MTSAN MA GZIGS NAS BSANGS MCHOD GSAR RTZOM GNANG STE NYIN LTAR MCHOD 'PHRIN MDZAD PAS MTSAN LTAS LEGS PA SHAR BLA SPYI NAS 'DU KHANG DU SPYAN DRANGS TE DKAR SPRO DANG 'BREL BA'I DNGOS 'BUL RGYAS PAR BSTABS, GZHI NA GNAS PA DANG PHYOGS 'DUS BCAS DGE 'DUN STONG PHRAG SKOR LA BYANG CHUB LAM GYI RIM PA'I KHRID DMAR KHRID THAMS CAD MKHYEN PAR BGROD PA'I BDE LAM GYI THOG NAS GZAB BSHAD DANG BCAS PA, LAM SGRON GYI LUNG RNAMS DGONGS CHOS GSUM GYI RING LA GRUB PA STZAL, BKA' BLON DGA' BZHI GUNG PAndI TAS RGYU YON SBYAR TE MCHOD TSOGS RGYA CHEN PO BSHAMS NAS THEG PA CHEN POR SEMS
, ,BSKYED PA'I CHO GA MDZAD, BKA' BLON NYID NAS DNGUL GYI MAndAL GYIS THOG DRANGS PA'I DNGOS 'BUL RGYAS PAR BSTABS PA BDAG GIR BZHES TE DGE PA'I RTZA BA RNAMS BLA NA MED PA'I BYANG CHUB KYI RGYUR BSNGO BA GNANG, GZHAN YANG LHA SA BKRA SHIS KHANG GSAR BA SOGS BOD 'PHRO GSER SKYA DU MA NAS DNGOS 'BYOR GYI MCHOD SPRIN SPROS, PHYAG DBANG 'DOD CHOS SOGS KYI SGO NAS TSANG MA'I YID KYI RE BA SKOD PA'I BKA' DRIN STZAL, JO BO 'JAM DPAL RDO RJES MTSON PA'I RTEN RNAMS LA MCHOD TSOGS RGYA CHEN PO PHUL NAS BKA' GDAMS LHA CHOS BDUN LDAN GYI RING LUGS DAR PA SOGS BSTAN 'GRO'I PHAN BDE RGYAS PA'I THUGS SMON MDZAD, SPYI SOR MCHOD RDZAS KYIS MTSON PA'I DNGOS PO'I SBYOR 'JAGS DANG; TSOGS CHEN DU DGE 'DUN BZHI BRGYAD NYE BA LA KHA BTAGS, DNGUL SRANG DO RE'I 'GYED KYIS MTSON PA'I BSNYEN BKUR BSTABS, BDAG KYANG LO DER MDO SMAD DU 'GRO RGYUR ZLA BA LNGA PA'I TSES NYI SHU SKOR LA LHA SA NAS THON TE RVA SGRENG DU 'BYOR SKABS SKYABS MGON MCHOG KYANG PHEBS GRUB 'DUG PA, DER ZHAG KHA SHAS KYI RING BSDAD NAS LAM RIM GYI KHRID DANG MGON CHOS KYI RJES GNANG SOGS THOB, YOD KHAR RANG GI ZHON RTA TSUGS CHE ZHING BRLING BA ZHIG YOD PA DE PHUL NAS SKYABS 'JUG ZHUS PAS, MDO SMAD DU BSTAN PA SPYI DANG RGYAL BA 'JAM DPAL SNYING PO'I BSTAN PAR CHIG DRIL GYIS 'DZIN SKYONG SOGS BSTAN 'GRO'I DON GANG DRAG MDZOD CES DGYES PA'I GSUNG DANG RJES 'DZIN GYI SKYABS 'JUG GNANG, RVA SGRENG NAS PHEBS
SKABS BDAG GIS PHUL BA'I RTA LA CHIBS SGA 'DZUGS PA GNAD ZHING PHYIS SU YANG PHAN THOGS PA BYUNG 'DUG ,GNAM GANG LA 'DUS SDER GSO SBYONG GI MDO 'CHAD PA MDZAD, CHU STOD ZLA BA'I TSES GCIG GI NYIN RGYAL BA SNGAGS RAM PA BLO BZANG DON GRUB KYIS YANG DGON DU GDAN DRANGS TE RJE'I SGRUB PHUG TU PHEBS, BLA MA SNGAGS RAM PA NAS DKAR SPRO DANG BCAS 'BUL BA GYA NOM PA BSTABS, RI KHROD PA RNAMS NAS BLA MA MCHOD PA TSO RAS? 'KHOR DANG BCAS BRTAN BZHUGS PHUL, BYAMS PAS GTZOS RTEN RNAMS LA MCHOD SPRIN SPROS TE THUGS DMIGS MDZAD, CHOS GRVAR SNGAGS RIM CHEN MO'I DBU NAS CHOS THUN GCIG STZAL, RI KHROD PA RNAMS LA MANG 'GYED KYANG GNANG, DE NAS RVA SGRENG MTHIL DU PHEBS NAS RTZA NYAG SPRUL SKUR 'JAM DBYANGS DKAR PO'I RJES GNANG STZAL; GNAS KHYAD PAR CAN DU SONG GSHIS 'GYUR CHE'I KHYAD RJE BLA MA MCHOG GIS GTZO MDZAD YONGS 'DZIN ZHAL SNGA NAS DANG, YANG DGON BLA MA SOGS RIG PA 'DZIN PA BZHI BCU SKOR GYIS TSES GNYIS KYI SNGA DRO 'JIGS BYED LA BRTEN PA'I ZHI BA'I SBYIN SREG MDZAD, RVA SGRENG PHYAG MDZOD NAS GSOL BA BTAB PA BZHIN SER SKYA CHIG STONG LNGA BRGYA SKOR LA GRUB RGYAL LUGS KYI TSE DBANG STZAL, RGYAL BA SNGAGS RAM PA'I THUGS BZHED LTAR NYUNG 'DUS SHIG LA NE SER JO BO CHEN PO'I RJES GNANG MDZAD; TSES GSUM LA RVA SGRENG NAS PHYAG BTEG STE BYANG LAM BRGYUD NAS PHEBS, LAM BAR DU 'KHOD PA'I 'BROG SDE SKYE BO STONG PHRAG MANG PO 'DUS PA LA MJAL KHA GNANG, KHO RANG TSOS KYANG RTA NOR LUG GSUM, MAR SOGS KYI DNGOS PO GNYOS
, ,CHE BA BTEG ,THANG LHA DANG JO MO GANGS DKAR LA MTHUN RDZAS BSTAR ZHING 'PHRIN BCOL MDZAD, RVA SGRENG NAS BZUNG STE BKRA SHIS LHUN POR PHEBS KYI BAR LAM BAR DU CHIBS BSU, SAR SPRENG, BRO GZHAS, SGER MJAL ZHU MI; MJAL KHA BA SOGS BYUNG BAR SNGAR RGYUN BZHIN RE BA BSKANGS, DE NAS RIM GYIS PHEBS PAR TSES BCU BZHI'I NYIN BKRA SHIS RTZE NAS YAB RJE DPON G-YOG GTOS CHE BA CHIBS BSUR 'BYOR, TSES BCO LNGA'I NYIN DGA' LDAN RAB RGYAS SU ZHABS ZUNG BKOD DE YAB RJE SOGS LA PHYAG DBANG GNANG, DE'I NYIN GZA' SKAR BZANG BA DANG 'GRIG GSHIS, LHA RI SGANG DU SA STAG LOR SKU 'KHRUNGS PA'I SRAS DE RGYAL DBANG THAMS CAD MKHYEN PA'I YANG SRID KYI DOGS GNAS SU 'DUG GSHIS YAB YUM DANG LHAN CIG DGA' LDAN RAB RGYAS KYI GZIMS CHUNG DU GDAN DRANGS, RTEN 'BREL GYI KHYAD GRO MA DANG DKAR SPRO BTEG STE BRTAG DPYAD MDZAD PAR, SKU SHIN TU PHRA GSHIS GSUNG GSAL BA'I DUS TSOD MIN 'DUG PA LAS SKU SKYED SOGS BAG DRO BAR SNANG BA TZAM DU MA ZAD, DE NYIN NAM MKHAR 'JA' SPRIN RNAM MANG 'KHRIGS SHING YUL GSHIS 'JAM PA SOGS LTAS MTSAN KYANG SHIN TU LEGS PA BYUNG, TSES BCU DRUG LA DRUG CU PA'I GTOR ZLOG DANG 'BREL PA'I 'CHAMS GZIGS PHUL, PHYI NYIN GZAB STON DANG BCAS TSE CHOG DANG 'BREL BA'I ZHABS BRTAN GSOL 'DEBS PHUL ZHING DNGOS 'BUL SBAM BSTOD, GZHAN YANG GNYER BA SOGS SPYI SGER DU MA NAS DNGOS 'BYOR GYI MCHOD SPRIN RIM BZHIN SPROS, 'DI
SKABS GTZANG CHU CHE BAR BRTEN ZHAG BCO LNGA SKOR BZHUGS STAN 'JAGS, DE'I RING 'DUS PA'I TSOGS KYI 'DOD CHOS SU CHOS SPYOD RAB GSAL YONGS RDZOGS, BDUD DPUNG PHYER 'THAG MA, BLA MA MCHOD PA'I CHO GA ,TSE SGRUB 'CHI MED BDUD RTZI'I CHU RGYUN BKA' DRIN GSOL 'DEBS DANG BCAS PA, 'JAM DPAL MTSAN BRJOD, SMAN BLA'I MDO CHOG RGYAS BSDUS GNYIS, DGA' LDAN LHA BRGYA MA, CHOS SKYONG RNAMS KYI BSKANG GSO, KUN RIG DANG TSE CHOG ,BYANG CHUB LAM SGRON SOGS KYI LUNG, MJUG TU LAM KHRID BDE LAM GYI MGO NAS GZAB KHRID CHOS THUN GCIG RNAMS DANG, SER SKYA SUM STONG SKOR LA GRUB RGYAL LUGS KYI TSE DBANG, TSOGS SU MANG JA BRGYAD CU DANG 'GYED DNGUL SRANG RE, YON DNGUL SRANG SUM BRGYA DANG BDUN CU DON LNGA'I RTZIS KYI DNGOS PO SNA TSOGS BCAS STZAL, TSES NYER BZHI'I NYIN LHA RI SGANG PA'I YUM SRAS LA 'JAM DBYANGS DKAR PO SHES RAB MCHOG SBYIN GYI RJES GNANG DANG, TSE RTA ZUNG 'BREL GYI DBANG GNANG, SPYI SA NAS GSOL STON ZHUS, TSES NYER BRGYAD LA BSKANG GSO'I TSOGS DBUR NYIN GANG PHEBS, DGE 'DUN RNAMS NAS DBYANGS ROL SOGS PHUN SUM TSOGS PA BYUNG, ZLA BA BRGYAD PA'I TSES GCIG LA DGA' LDAN RAB RGYAS NAS CHIBS KHA BSGYUR, LAM BAR DU 'KHOD PA'I DAD LDAN MANG PO LA PHYAG DBANG GI BYIN RLABS STZAL, 'DI SKABS CHAR ZHOD STABS SHANGS CHU DANG GTZANG CHAB LEB GCIG TU 'BREL BAS CHU STOBS HA CANG CHE YANG PHEBS BGROD BDE BA BYUNG BA NI RJE BLA MA MCHOG GI THUGS RJER GO ,TSES GSUM GYI SNGA DRO CHIBS BSU BA RTA BA STONG PHRAG
, ,MANG POS MDUN BDAR TE NE LA TSANG MA ZIN TZAM DU PHEBS PA NA, LHO'I RI ZUR NAS BYANG GTZANG CHU'I BAR GYI SKU MDUN GYI BAR SNANG LA 'JA' TSON KHA DOG SNA LNGA PA 'OD KOR GYI DBYIBS CAN SHIN TU MDZES SHING YID DU 'OD BA ZHIG GIS SDUN BSDUS TE RGYUN RING PO'I BAR MI YAL BAR CHI BAS RAGS KYI GDONG DU RIM 'DEGS SU 'GRO PA DANG LHAN CIG CHAR RGYUN ZIM BU BABS PA SOGS DGE BA'I MTSAN LTAS DU MA ZHIG BYUNG BA LA, BSU MI RNAMS NAS DE RING RJE BLA MA MCHOG LA NGED RNAMS KYIS BSU BA BYED PA BZHIN DU DKAR PHYOGS PA RNAMS NAS BSU BA BYED PA'I LTAS SU MNGON ZHES GLENG BA BYUNG, DE NAS SER SBRENG SOGS KYIS MDUN BSUS TE BKRA SHIS LHUN POR PHYAG PHEBS, DAD LDAN KYI SKYE BO MANG PO MJAL DU 'ONGS PA LA PHYAG DBANG STZAL TE RE BA RDZOGS PAR MDZAD, 'DUS TSOGS SU DGE 'DUN SUM STONG DRUG BRGYA SKOR LA KHA BTAGS, DNGUL SRANG RE DANG, RGYUD PA GRVA TSAD SGER DU DNGUL SRANG RE'I 'GYED BCAS MDO SNGAGS KYI DGE 'DUN TSAD MAR BSNYEN BKUR 'PHAR MA MOD MI DMA' BA BSTAR, GZHUNG SA NAS PHEBS SKYEL DU MDAGS PA MGRON GNYER DGE SLONG BSKAL BZANG DON GRUB SOGS LA THON PHYAG GNANG CHA BSTAR, TSES BCU BZHI LA TSOGS CHEN DGE BSKOS RNYING BA DGA' LDAN RAB RGYAS PA DKA' BCU YE SHES 'BYUNG GNAS KYIS GSOL BA BTAB PA BZHIN 'DUS PA RGYA MTSOR GRUB RGYAL LUGS KYI TSE DBANG RGYAS PAR STZAL, TSES BCO LNGA'I NYIN TSOGS DBUR PHEBS TE GSO SBYONG GNANG, DE NAS RGYUN PAR SROD DANG
THO RANGS KYI THUN LA LHA'I RNAL 'BYOR BSGOM PA SOGS GSANG SNGAGS KYI NYAMS BZHES RNAMS CHAG MED THOG ,NYIN MO'I RIM PA LA SMON t'IKA GTZO BO DANG, GZHAN YANG RNAM BSHAD THAR LAM GSAL BYED, t'IKA CHEN RIGS PA'I RGYA MTSO, RNAM 'GREL GYI t'IKKA RJE DGE 'DUN GRUB KYIS MDZAD PA SOGS LA'ANG LEGS PAR GZIGS TE TSAD MA'I GZHUNG LUGS KYI THUGS GNYER LA SHIN TU 'GRUS PA DANG, SENG BAR RNAMS SU YONGS 'DZIN MKHAN RIN PO CHE'I DRUNG DU 'GREL CHEN DRI MED 'OD KYI LUNG, LHA MO SHRA MA nA'I RJES GNANG, RGYAL BA DGE 'DUN RGYA MTSO NAS BRGYUD PA'I LHA MO'I BE'U BUM RNAMS KYI LUNG GSAN, SKABS DER DAD LDAN SO SOS ZHUS NGOR BKA' RTZOM DU MA'ANG 'PHRAL DU MDZAD, RJE BLA MA MCHOG LA RE LTOS BCAS PA'I GSHIN PO RNAMS KYI DON DU TSOGS KYI 'KHOR LO RGYAS PAR BSHAMS TE MING BYANG LA BRTEN PA'I SBYANG CHOG RGYAS PA BSNGO SMON GYI MTSAMS SBYOR DANG BCAS PA YANG DAG PA GNANG, SKU MTSAMS BCAD RGYA'I SKABS SOGS DMIGS BSAL 'GA' RER MA GTOGS, TSES BCO LNGA DANG GNAM GANG LA 'DUS PA RGYA MTSO'I DBUS SU MDO 'DON PA SOGS GSO SBYONG GI BYA BA RNAMS KYANG CHAG MED MDZAD, RJE BTZUN NGAG DBANG BYAMS PA RIN PO CHES THA SKAR ZLA BA'I TSES LNGA LA 'DUS PA RGYA MTSOR MANG 'GYED KYI BSNYEN BKUR BSTABS TE SNGON DU RJE BTZUN RANG NYID NAS BSKUL MA MDZAD PA'I RJE BLA MA MCHOG GI 'KHRUNGS RABS GSOL 'DEBS TSOGS 'DON DU BTZUGS, DE BSTUN RJE BLA MA MCHOG LA'ANG BRTAN BZHUGS 'BUL RGYU GNANG BA LTAR THUGS DAM BSKANG GSOB RNAMS NAS
, ,MAndAL 'BUL BA DANG CHABS CIG DNGOS 'BUL SBAM BSTOD DE ZHABS BRTAN BDEN TSIG BRJOD, RONG DGA' LAN BYAMS PA GLING PA DANG MTSAN SGROG DGA' LDAN DAR RGYAS GLING BA SO SO NAS DNGOS 'BUL SBAM MTHO BA DANG BCAS ZHABS BRTAN PHUL BAR DGA' LDAN LHA BRGYA MA'I LUNG STZAL, GOR shA SA SKYONG DANG LA DVAGS SA SKYONG GNYIS NAS MI SNA CHED MNGAGS KYI GDONG DNGOS 'BUL RGYA CHE BA BSTAR, LA STOD PA MCHOD DPON DKA' BCU BLO BZANG 'JAM DPAL SHAR RTZE GRVA TSANG GI SLOB DPON DU BSKO BZHAG MDZAD PA LA 'CHAD NYAN GYIS MTSON 'DZIN SKYONG SPEL GSUM GYI BYA BA RNAMS JE RGYAS SU GTONG DGOS PA'I ZHAL TA DANG BAR CHAD SEL BA'I BKA' BSGO STZAL, SHING KHYI'I LO NAS BZUNG STE LO 'DI'I BAR DU MDO DANG SDE BDUN GYI GZHUNG LUGS LA LEGS PAR SBYANGS PAS RTOG GE'I TSIG DON BRGYAD DANG, BSTAN PA DANG STON PA SKYON MED PAR BSGRUB PA LA SOGS PA RIGS PA'I DBANG PHYUG GNYIS KYI DGONGS DON JI LTA BA BZHIN THUGS SU CHUD DE RIGS LAM SENG GE'I NGA RO'I DBYANGS KYIS SMRA NGAN GNYIS 'THUNG MTHA' DAG PHAM PAR MDZAD PA'I SGO NAS GANGS RI'I KHROD KYI RTOG GE PA RNAMS KYI RAL BA'I RTZE MOR ZHABS SKYES KYI GOM PA 'GOD PAR MDZAD DO, ,RMAD BYUNG MKHYEN YANGS DNGUL DKAR ME LONG DOGS, ,THOS BSAM BYI DOR MDZAD PA'I MOD NYID LA, ,GNAS GSUM GZHAL BYA'I SNANG BRNYAN MA LUS PA, ,DVANGS MTSOR ZLA GZUGS JI BZHIN GSAL BAR BKRA, ,SGRUB DANG SUN 'BYIN 'BAR BA'I 'KHOR LO NI, ,RTOG GE'I
CHANG GIS MYOS PA'I RNAM DPYOD KYI, ,GNYIS 'THUNG SNA YI 'KHRI SHING RTZE MO RU, ,G-YO BAS SMRA NGAN GZHAN SNGE PHYE MAR 'THAG ,TSUL GSUM LAS SKYES DNGOS STOBS RIGS PA YIS, ,SGRO SKUR SOM NYI 'DRI BA SUN PHYUNG STE, ,RIGS LAM 'DUD RTZI'I CHAR GYIS THAR 'DOD KUN, ,SKYONG BA'I DED DPON KHYOD LAS GZHAN NA GANG, ,DE NAS LO 'DI'I STON CHOS GNYIS PA NAS BZUNG STE 'KHOR LO BAR BA'I SBAS DON MNGON RTOGS KYI RIM PA GSAL BAR BYED PA'I BSTAN BCOS CHEN PO MNGON PAR RTOGS PA'I RGYAN 'GREL BA DANG BCAS PA'I DGONGS DON GTAN LA 'BEBS PA'I CHED DU PAn CHEN SH'ANTI PA'I YIG CHA'I STENG NAS GSAN SBYONG GI DBU TSUGS, CHOS BCU DRUG NAS BZUNG SKU RIM GYI TSOGS DBUR PHEBS TE ZUR BZHI'I BLA MA DANG GZHAN MA DGE BA'I BSHES GNYEN BZHI DANG BCAS BSHAD PA DANG 'GRO GLENG LA BRTZON PAR MDZAD, BSTAN PA'I GSAL BYED THU'U KVANA HU THOG THU ZHA LU'I MKHAN POR PHEBS PA MJAL DU BYON TE KHONG LA RGYUD RTOGS PA BDUN PA'I LUNG DANG ZANG ZING GI DNGOS PO'I BDAG RKYEN MOD MI DMA' BA STZAL, YONGS 'DZIN ZHAL SNGA NAS KYI DRUNG DU GSHIN RJE GSHED DMAR NAG GNYIS KYI DBANG DANG RTZA SHE'I 'GREL BA BUDDHA P'A LI TA'I LUNG ZHU BA MDZAD, ZLA BA BCU BA'I TSES BCU LA SNGAGS PA NOR GNYER RNYING PA GRANG MO CHE BA BLO BZANG DGA' BAS 'DUS SNGE'I TSOGS DBUR SPYAN DRANGS NAS DNGOS 'BUL SBAM MTHO BA DANG BCAS ZHABS BRTAN PHUL BAR LAM GYI GTZO BO RNAM GSUM GYI BSHAD LUNG RGYAS PA STZAL, DE MTSUNGS STAG MO AEM CHI SNGAGS RAM PAS TSOGS DBUR SPYAN DRANGS NAS
, ,ZHABS BRTAN PHUL ZHING DE'I 'DOD PA LTAR 'DUS PA'I TSOGS LA BLA MA'I RNAL 'BYOR DGA' LDAN LHA BRGYA MA'I GZAB KHRID RGYAS PA DANG, GZIMS KHANG DU AEM CHI NAS BSKUL NGOR MGON PO BAR CHAD KUN SEL GYI RJES GNANG STZAL, ZLA BA BCU GCIG PA'I TSES GCIG LA AOR TU SU PE'I LI'I BLA MA AER TE NI MER GEN CHOS RJE DANG, MTSO SNGON DPON MO TSE RING BSOD NAMS SO SO NAS DNGOS 'BUL BSTAR ZHING 'DOD CHOS KYANG STZAL, TRE BO LHA MGON SPRUL SKUS DNGOS 'BUL BTEG PAR DGA' LDAN LHA BRGYA MA'I LJAGS LUNG DANG, SENG LDENG NAGS SGROL GYI BYIN RLABS GNANG, TSES BCU GNYIS LA YONGS 'DZIN RJE ZHAL SNGA NAS LAS RTA MGRIN SHVA NA BZHI SKOR GYI RJES GNANG ZHU BA MDZAD, TSES BCU GSUM NAS BZUNG BCAD RGYA GNANG NAS DPAL GSANG BA 'DUS PA'I LJAGS BSTEN LA 'GRUS PAR GNANG, TSES NYER LNGA LA KHA'U BRAG RDZONG DU BSTAN 'GRO SPYI'I RIM GROR DMIGS RGYUN BSKANG BA BDUN GYIS ZLA BA GCIG GI RING DPAL MGON ZHAL GYI BSKANG BA MDZAD RGYU'I DGOS CHA YON BCAS DANG SPYAN GZIGS, PHYAG MTSAN, SNYAN SHAL SOGS 'BUL BA MDZAD, ZLA BA BCU GNYIS PA'I TSES BCU BZHI LA SKU MTSAMS GROL NAS KHA SKONG DU GSANG BA 'DUS PA'I ZHI RGYAS KYI SBYIN SREG GNANG, TSES BCU DRUG NAS RIM BZHIN SHEL DKAR MKHAN PO DANG NE RING BLA MA, LA DVAGS SA SKYONG GI BANG CHEN PA SOGS LA PHYAG DBANG GI BYIN RLABS DANG, BKA' DRI BCAS STZAL, ` RNAM
GNON ZHES PA LCAGS PHO 'BRUG GI LO ZLA BA DANG BO'I TSES LNGA LA RJE'I SANG HA SHA GNAS TSOGS DBUR SPYAN DRANGS TE ZHABS BRTAN PHUL, AOR TU SU T'A PE'I SI'I BLA MAR 'GRO MI CHOS RJE SER KHANG BA SKOR LA THON PHYAG DANG BSTUN, T'A PE'I SI'I GNYER PA BLO BZANG YAR 'PHEL GYIS ZHUS NGOR 'JIGS BYED DPA' BO GCIG PA'I SGRUB THABS DANG DPAL LDAN LHA MO'I BSANGS MCHOD BCAS GSAR RTZOM GNANG STE LJAGS LUNG DANG BKA' BSGO STZAL, TSES BDUN LA 'DAM BLA MA'I ZLA BO TSE RING DAR RGYAS NAS TSOGS DBUR SPYAN DRANGS TE DNGOS 'BUL BTEG ,YAB YUM GNYIS NAS PHYI MA'I DON DU GSON DGE RGYA CHEN PO MDZAD PAR LEGS SO'I CHED DU DKAR SPRO DANG GSOL RAS SPAM MTHO BA, GRUB RGYAL LUGS KYI TSE DBANG BCAS STZAL, ZLA BA GNYIS PA'I TSES GSUM GYI NYIN YAB YUM GNYIS LA RTA MGRIN GSANG SGRUB KYI RJES GNANG DANG THON PHYAG GNANG, TSES BCU GNYIS LA DPON MO TSE RING BSOD NAMS LA SPYAN RAS GZIGS DANG PHYAG RDOR GTUM PO'I RJES GNANG STZAL, GZHUNG SA NAS ZHABS BRTAN 'BUL BAR MGRON GNYER DGE SLONG SKAL BZANG DON GRUB 'BYOR TE DNGOS 'BUL DANG BCAS ZHABS BRTAN PHUL, TSES BCO BRGYAD LA DPON ME TSE RING BSOD NAMS SKOR LA THON PHYAG GNANG, TSES NYI SHU LA GZHUNG GI MGRON GNYER LA 'BYOR LAN DANG THON PHYAG STZAL, JA SAG BLA MA'I GNYER PA NANG SO DAM CHOS PHUN TSOGS DANG, GNYER TSANG PA DGE LEGS 'BYUNG GNAS SO SO NAS DNGOS 'BUL BSTAR, TSES NYER GNYIS KYI NYIN YONGS 'DZIN
, ,MKHAN RIN PO CHE LAS GSANG BA 'DUS PA NAS 'BYUNG BA'I DZAMBHA LA ZHAL GSUM PHYAG DRUG PA'I RJES GNANG ZHU BA GNANG, TSES NYER LNGA NAS BZUNG ZLA BA GSUM PA'I TSES BDUN GYI BAR SKU MTSAMS BCAD RGYA DAM PA'I NGANG NAS LHAG PA'I LHA 'GA' ZHIG GI BZLAS BRJOD LA BRTZON PAR MDZAD, GONG MA CHEN PO DGUNG LO LNGA BCUR PHEBS PA'I BA YAR 'BUL MIR MGRON GNYER DKA' CHEN YE SHES CHOS 'PHEL ZLA BA GSUM PA'I TSES BCU GCIG LA RDZONG STA MDZAD DE THON PHYAG GNANG, JA SAG BLA MA'I GNYER BA NANG SO DAM CHOS PHUN TSOGS LA JA GRAL THOG THON CHAS DANG BKA' BSGO STZAL, TSES NYER GSUM LA BRAG G-YAB SPRUL SKU SKAL BZANG THUB BSTAN DBANG PHYUG LA MJAL KHA JA GRAL BCAS GNANG ZHING MTSAMS 'DRI MDZAD, TSES NYER LNGA'I NYIN BRAG G-YAB SPRUL SKU NAS 'DUS PA RGYA MTSO'I TSOGS DBUR SPYAN DRANGS, ZHABS BRTAN GSOL 'DEBS ZHU RTEN DNGOS 'BUL MOD MI DMA' BA BSTAR THOG RIGS GSUM SPYI SGRUB KYI BLA MA'I RNAL 'BYOR GYI ZAB KHRID RGYAS PA STZAL, YANG KHONG PA NAS GSOL BA BTAB PA BZHIN, KHONG RANG NGO G-YOG BZHI BCU TZAM DANG, DGA' LDAN CHOS 'KHOR GYI MKHAN PO NGO G-YOG ,MA nI SKOR DPON PA SOGS LNGA BCU SKOR LA ZLA BA GSUM PA'I TSES BRGYAD NAS BZUNG SAG ZLA BA'I TSES BZHI'I BAR BYANG CHUB BDE LAM GYI NYAMS KHRID SMIN RGYAS SU STZAL, TSES LNGA'I NYIN MCHOD TSOGS RGYA CHEN PO BSHAMS TE THEG PA CHEN POR SEMS BSKYED PA'I CHO
GA DANG TSOGS KYI 'KHOR LO MDZAD, DE'I PHYI NYIN CHOS NYAN PA GONG GSAL GYI THOG ZUR BZHI'I BLA MA, RGYUD PA GRVA TSANG GI DGE BSHES BCAS BRGYA SKOR LA TSE DPAG MED LHA DGU'I DBANG, 'JAM DBYANGS CHOS SKOR GYI RJES GNANG, RJE BTZUN RDO RJE RNAL 'BYOR MA'I DBANG RNAMS STZAL, PHRAG G-YAB SPRUL BA'I SKU NAS TSOGS 'KHOR DANG 'BREL BA'I GTANG RAG GI YON BZANG PO BSTABS, SLAR YANG SPRUL PA'I SKU NGO G-YOG RAGS BSDUS LA CHOS RGYAL PHYI NANG GSANG GSUM GYI RJES GNANG STZAL, PHYAG MDZOD CHEN MO NAS ZHUS NGOR SMYUNG GNAS KYI BLA MA BRGYUD PA'I GSOL 'DEBS BKA' RTZOM GNANG ZHING KHONG RANG DANG DGE 'DUN STONG PHRAG BRGAL BAR THUGS RJE CHEN PO ZHAL BCU GCIG PA DPAL MO LUGS KYI DBANG DANG SMYUNG GNAS KYI CHO GA'I LUNG, TSES BCU BZHI'I NYIN KHONG RNAMS LA THEG CHEN GSO SBYONG GI SDOM PA BCAS STZAL, GRVA TSANG CHOS THOG DANG BSTUN, GZIMS CHUNG NYI 'OD DU MTSAN NYID ZHABS PHYI RNAMS DANG BCAS PHA ROL TU PHYIN PA'I GZHUNG LA BRGAL ZHING BRTAG PA MDZAD PAS NYI MA RE RE BZHIN RNAM DPYOD KYI SPOBS PA SOS KA'I DUS KYI PADMO LTAR RGYAS PAR GYUR TO, ,TSES NYER GCIG LA BRAG G-YAB SPRUL SKUR THON PHYAG SBAM MTHO BA STZAL, ZLA BA LNGA PA'I TSES BRGYAD LA YONGS 'DZIN ZHAL SNGA NAS KYI DRUNG DU, BKA' GDAMS LHA BZHI'I RJES GNANG, DE'I CHO GA'I KHRID LUNG, MKHAS GRUB RJE'I RNAM THAR CHOS LDAN RAB 'BYOR GYIS MDZAD PA DANG, LHA MO'I RGYUD ME LCE 'BAR MA SOGS KYI LUNG GSAN, DE SKABS BYANG PHYOGS
, ,BSTAN 'GRO'I DPAL MGON HAL HA RJE BTZUN DAM PA BLO BZANG BSTAN PA'I SGRON ME ZHI BAR GSHEGS PA'I DGONGS RDZOGS SGRUB MI BLA DPON NGO G-YOG SUM BRGYA SKOR 'BYOR TE, ZANG ZING GI BDOG PA RGYA CHEN PO BSTAB CING RJE NYID NAS KYANG DAM PA DE NYID KYI DGONGS PA RDZOGS SHING YANG SRID MYUR GSAL GYI SKYABS 'JUG DMIGS RIM RGYA GANG CHE MDZAD, JA SAG THU HAN GYI BLA MA GCEN LUNG PA CHOS RJE DKA' CHEN BLO BZANG RAB BRTAN DANG GUNG TSE RING DON YOD SO SOS 'DUS SDE'I TSOGS DBUR SBYAN DRANGS TE 'BUL SKYES DANG BCAS ZHABS BRTAN PHUL ZHING, KHONG RANG GI 'DOD MOS LTAR TSOGS PA DANG LHAN CIG TU BRTAN BZHUGS GSOL 'DEBS DANG, RNAM DAG GANGS RI MA'I LUNG STZAL, TSES GNAM GANG LA BA'I CING MI SNA MKHAN PO RAB 'BYAMS PA BLO BZANG DGE LEGS LA THON PHYAG GNANG, ZLA BA DRUG PA'I TSES GCIG LA HAL HA TSO BDUN SPYI NAS ZHABS BRTAN DNGOS 'BUL GTOS CHE BA BTEG ,DE'I PHYI NYIN NAS RIM BZHIN GSANG BDAG NO YON CHOS RJE SOGS MI SNA 'KHOR BCAS LA SO SO'I 'DOD CHOS SU 'OD DPAG MED LA BRTEN PA'I 'PHO KHRID, KHYUNG NAG GI RJES GNANG, MANYDZU SHR'I'I YANG SRID KYI BRTAN BZHUGS GSOL 'DEBS, PAndI TA DBANG CHEN ZHABS DRUNG GI 'KHRUNGS RABS GSOL 'DEBS, RJE NYID KYI BKA' RTZOM GSAR GNANG LE TSAN, DAM TSIG GSUM BKOD KYI CHO GA ,BDE MCHOG L'U AI BA'I BDAG BSKYED MDOR BSDUS RNAMS KYI LUNG, TSE SBYIN YID BZHIN 'KHOR LO'I SGRUB THABS KYI ZAB KHRID, BKA' GDAMS LHA
BZHI'I RJES GNANG DANG 'PHO KHRID, GRUB RGYAL LUGS KYI TSE DBANG, TSE RTA ZUNG 'BREL GYI DBANG, 'JAM DBYANGS DKAR NAG GNYIS KYI RJES GNANG DANG, 'JAM DBYANGS KYI BSTOD PA BSTOD SPRIN RGYA MTSO, KHYUNG NAG LA BRTEN PA'I BKRU BYABS BSRUNG BA BYA TSUL; HAL HA BSHAD SGRUB CHOS GLING GI BLA MA SKU SKYE DKON MCHOG BKRA SHIS KYI BRTAN BZHUGS GSOL 'DEBS, GUNG TSE RING DON YOD KYI KHA TON DU GSAR RTZOM GNANG BA BKA' GDAMS LHA BZHI'I GSOL 'DEBS RNAMS KYI LUNG STZAL, GZHAN YANG BLA MA DANG LHAG PA'I LHA'I RNAL 'BYOR NYAMS SU LEN TSUL DANG, GSOL 'DEBS SMON TSIG BKA' RTZOM, BAR CHAD SEL BA'I BKA' BSGO SOGS RANG RANG GIS JI LTAR GSOL BA BTAB PA BZHIN GNANG, TSOGS CHEN DBU MDZAD DKA' BCU GRANG MO CHE BA YE SHES BRTZON 'GRUS NAS GSOL BA BTAB PA BZHIN 'DUS PA RGYA MTSOR TSES BCU DGU NAS GNAM GANG BAR LA NYIN RE BZHIN BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI KHRID RGYAS PA GZAB BSHAD DANG BCAS STZAL TE RJES SU SEMS BSKYED PA'I CHO GA YANG MDZAD, RJE NYID NAS TSOGS CHEN LA SEMS BSKYED CHO GA STZAL BA'I THOG MA YIN PAR SNANG, HAL HA'I YUL GRUB BLA MAR 'BYON MI CHOS RJE BLO BZANG RAB BRTAN DANG, RTA NAG PA DKA' CHEN YE SHES RDO RJE SOGS MI NYER LNGA SKOR LA TSE DPAG MED LHA DGU'I DBANG DANG GRUB RGYAL LUGS KYI TSE DBANG STZAL, SNGAGS CHEN ZHAL SNGA NAS SENG CHEN SKU SKYE BLO BZANG DPAL 'BYOR GYIS GSOL BA BTAB PAR BRTEN ZLA BA BDUN PA'I TSES GSUM LA RDO BCAL CHEN MOR PHEBS TE
, ,GDUGS DKAR LHA BCU BDUN GYI DBANG GI STA GON GYI RIM PA, DE'I SANG NYIN RDUL TSON GYI DKYIL 'KHOR DU DBANG DNGOS GZHI, MTHA' RTEN LEGS LDAN GYI RJES GNANG DANG BCAS SMIN RGYAS SU STZAL, DBANG GI SENG BAR DU YONGS 'DZIN DAM PA LAS KHRO BO DANG KHRO MO SME BA BRTZEGS PA'I RJES GNANG ZHIG KYANG GSAN, SLAR YANG SNGAGS CHEN ZHAL SNGA NAS KYIS GSOL BA LTAR, ZLA BA BDUN PA'I TSES BRGYAD LA GSANG SNGAGS RGYUD PA GRVA TSANG DU ZHABS ZUNG BKOD, RGYUD GRVA TSOGS YONGS KYIS MTSON DGE 'DUN LNGA BRGYA SKOR LA TSE DPAG MED LHA DGU'I DBANG, MGON PO DKAR NAG GNYIS DANG RDO RJE RNAM 'JOMS KYI RJES GNANG, SNGAGS CHEN ZHAL SNGA NAS SKU RKYANG LA LHA MO SHRA MA nA'I RJES GNANG BCAS STZAL, 'JIGS BYED KYI ZHI BA DANG DBANG GI SBYIN SREG ,GDUGS DKAR ZLOG CHEN RNAMS MDZAD PA'I TSOGS DBUR YANG ZHABS ZUNG BKOD, SNGAGS CHEN ZHAL SNGA NAS KYIS 'JIGS BYED KYI TSOGS MCHOD DANG 'BREL BA'I ZHABS BRTAN DNGOS 'BUL SPAM MTHO BA BSTABS, SNGAGS GRVA'I CHOS KHRIMS PA RGYAL CHEN RTZE BA RAB 'BYAMS PA YE SHES RNAM RGYAL GYIS KYANG DNGOS 'BYOR GYI MCHOD SPRIN SPROS, TSOGS CHEN LA THUB PA BDUD 'DUL MA GTZO 'KHOR GSUM DANG SENG LDENG NAGS SGROL, SGROL MA NYI SHU RTZA GCIG GI NAD TSAN RJE BTZUN MA MYUR MA DPA' MO SOGS GSUM DANG GTZUG TOR RNAM RGYAL BCAS KYI RJES GNANG STZAL CING 'PHRO MA LO RTING MAR GNANG RGYU MDZAD, SNGAGS CHEN ZHAL SNGA NAS KYIS KYANG DAM PA'I CHOS KYI BKA' DRIN BSAB CHED DU ZAD ZING GI BDOG BA RGYAS PAR BSTABS, TSES NYI SHU
LA TSOGS CHEN DGE BSKOS SPOR TOG PA DKA' CHEN YE SHES RNAM RGYAL GYIS GSOL BA BTAB PA BZHIN RDO BCAL CHEN MOR 'DUS PA RGYA MTSOR THUGS RJE CHEN PO BCU GCIG ZHAL GYI DBANG DANG, GRUB RGYAL LUGS KYI TSE DBANG STZAL, ZLA BA BRGYAD PA'I TSES BRGYAD NAS YONGS 'DZIN RIN PO CHE LAS BDE MCHOG NAG PO PA'I ZUR BKA'I DBANG DANG NAG PO GZHUNG DRUG GI LUNG GSAN, TSES BCU NAS BZUNG STON CHOS DANG PO'I SKU RIM GYI TSOGS DBUR RTAG PAR PHEBS NAS RIGS LUNG LA THUGS BRTZON LHOD MED GNANG, SNGAGS CHEN ZHAL SNGA NAS LA 'BUL BA'I SLOG CHA MI DMAN PA STZAL, BZHAD KHUL MDA' 'BANGS SPYI'I BDE THABS SU DMIGS TE YUL GYI DBUS SU BKA' 'GYUR GYIS GTZOS SKU GSUNG THUGS RTEN DANG BCAS PA'I LHA KHANG GSAR BSKRUN MDZAD PAR LEGS 'BUL ZHUS; LHA RI SGANG PA BSOD NAMS DAR RGYAS LA GTUM PO KHYUNG LNGA'I RJES GNANG DANG GRUB RGYAL LUGS KYI TSE DBANG, BKA' BSGO BCAS STZAL, ZLA BA DGU PA'I TSES GCIG LA YONGS 'DZIN MKHAN RIN PO CHE'I DRUNG DU 'JAM DPAL NAG RAKSH'I RJES GNANG GSAN MTSO SNGON KUN DGA' JA SAG GI MI SNA SOGS LA DGA' LDAN LHA BRGYA MA'I LUNG DANG, RNAM RGYAL PE'I SI'I MI SNA DANG AEM CHI SKOR LA 'OD DPAG MED KYI 'PHO LUNG GNANG, LHA KHANG KHAG TU BZHUGS PA'I RTEN GSUM RNAMS LA STONG MCHOD SNA LNGA'I MCHOD SPRIN SPROS; YONGS 'DZIN MKHAN RIN PO CHE'I THUGS BZHENG LTAR RNAM RGYAL LHA DGU'I CHO GA 'KHYER BDE GSAR RTZOM MDZAD DE LUNG DANG RJES GNANG STZAL, TSES BCU GNYIS NAS BZUNG BDUN PHRAG GNYIS KYI RING SKU MTSAMS DAM PAR BCAD DE YI DAM LHA YI
, ,BSNYEN PA LA THUGS BRTZON SHIN TU CHE PAR MDZAD CING TSES NYER BZHI'I NYIN SKU MTSAMS KROL, DE NAS CHOS RGYUN DKON PA 'GA' ZHIG GSAN PAR BZHED DE YUL DBUS NAS RJE GRUB PA'I DBANG PHYUG NGAG DBANG BYAMS PA GDAN DRANGS PA RTA THAB KYI BSUB DANG BCAS TSES NYER LNGA LA BKRA SHIS LHUN POR PHYAG PHEBS, ZLA BA BCU PA'I TSES GCIG GI NYIN THOG MAR MEE TRI'I MTSAN CAN GYI BZHED PA LTAR RJE BLA MA MCHOG NAS TSE DPAG MED LHA DGU'I DBANG 'BUL BAR MDZAD, TSES LNGA'I NYIN RJE DE NYID KYI DRUNG DU GSANG 'DUS KYI RDZOGS RIM RIM LNGA GSAL BA'I SGRON MA'I BSHAD LUNG RGYAS PA GSAN PAR MDZAD PA TSES BCU DGU'I NYIN GRUB, GSUNG BSHAD GNANG BA PHAL CHER RJE NYID KYI THUGS LA 'JAGS PAR MDZAD CING DKA' BA'I GNAS RNAMS SU DRI BA ZHUS PA'I SGO NAS DOGS PA RNAMS BSAL, BLA MA BRGYUD MCHOD DANG 'BREL BA'I ZHABS BRTAN KYANG SBAM MTHO BA PHUL, ZHVA DMAR SPRUL PA'I SKU DE SNGON KHAMS PHYOGS SU BYON NAS 'GRO DON RGYA CHEN PO MDZAD DE PHYIR 'KHOR GRUB BSTUN RJE BLA MA MCHOG MJAL DU PHEBS PAR MGRON DRUNG SOGS DGU NAS CHIBS BSU DANG THAB 'DZIN GYI BSU BA MDZOD DE BKRA SHIS BDE LEGS SU PHEBS, DE'I SANG NYIN SPRUL PA'I SKU DPON G-YOG BRGYA SKOR LA MJAL KHA JA GRAL GNANG ZHING, SPRUL PA'I SKU 'DI NYID RJE BLA MA MCHOG GI SKU'I MCHED ZLAR SONG GSHIS GDAN THOB SOGS SA SKYA BDAG CHEN DANG CHA 'DRA'I GZOS SKO DANG, SPRUL BA'I SKU SKU RKYAD GZIMS SPU GSU'ANG GDAN 'DREN MDZAD DE, KHAMS GYI YUL BDE SKYID DANG CHOS DAR LUGS LAS BRTZAMS PA'I GSUNG GLENG RGYAS PAR MDZAD, ZLA BA BCU GCIG PA'I TSES GSUM GYI NYIN RJE MEE TRI'I MTSAN CAN NAS RJE BLA MA MCHOG 'DUS SDE'I TSOGS DBUR SPYAN DRANGS TE DNGOS 'BUL RGYA CHEN PO DANG BCAS ZHABS BRTAN BDE TSIG
BRJOD, TSES BCU GCIG NAS RIM BZHIN RJE BLA MA NYID DANG DON GNYER BA KHA SHAS BCAS NYUNG 'DUS LA SPYOD RGYUD RNAM SNANG MNGON BYANG DANG DGYES PA RDO RJE LHA DGU'I DBANG STZAL, DE SKABS RJE NYID LA MNAL LTAS KYANG LEGS PA BYUNG, PHYAG RDOR GTUM PO'I RJES GNANG YANG GSAN, TSES BCO LNGA'I DGONGS JAR ZHVA DMAR SPRUL PA'I SKU NAS DNGOS 'BUL SBAM MTHO BA DANG BCAS ZHABS BRTAN PHUL ZHING NYI MA BCU SKOR SONG MTSAMS SPRUL PA'I SKUR THON PHYAG SBAM MTHO BA STZAL, MEE TRI'I MTSAN CAN NAS RJE BLA MA NYID DANG DON GNYER PA SUM CU SKOR LA TSES NYI SHU NAS MGO BRTZAMS TE ZLA BA BCU GNYIS PA'I TSES BRGYAD PAR DU LAM RIM 'JAM DPAL ZHAL LUNG GI DMAR KHRID RGYAS PA BSHAD PA DMIGS THOG TU 'DRIL ZHING 'CHAR BDE BA, YID 'KHUL NUS PA ZHAR LA SLOB GNYER BYED LUGS SOGS KYI BSLAB BYA BCAS STZAL CING MJUG TU SEMS BSKYED CHO GAS 'DZIN PA'ANG MDZAD DO, ,YID 'PHROG LUS PHRA'I BZHIN RAS NGO MTSAR GYIS, ,CHAGS PAS MYOS PA GANG DAG NGOMS PA MED, ,DE BZHIN CHOS KYI SPYAN LDAN MKHAS PA'I TSOGS, ,LEGS BSHAD BDUD RTZIS NGOMS PA JI LTAR SRID, ,THEG MCHOG BSHES GNYEN ZHAL GYI SPRIN PHUNG LAS, ,ZAB RGYAS CHOS KYI GRU CHAR STONG PHAB KYANG, ,LHA YI LAM LTAR GTING MTHA' MI MNGON PA'I, ,KHYOD THUGS CHU GTER NGOMS PA GA LA ZHIG ,RGYAL DBANG THAMS CAD MKHYEN PA BLO BZANG SKAL BZANG RGYA MTSO DPAL BZANG PO'I SKU'I YANG SRID THOB RGYAL LHA RI SGANG DU PHEBS PA, 'KHRUNGS NAS LO NGO PHYED GSUM TZAM LAS MA SONG YANG, PO TA LA'I NYE 'DABS SU SPYAN
, ,DRANGS NAS BDAG RKYEN BYED DGOS PA GONG MA CHEN PO NAS BKA' PHEBS PA BZHIN DBUS SU GDAN 'DREN ZHU GONG SPRUL PA'I SKU MCHOG MJAL BAR BZHED DE THOB RGYAL LHA RI SGANG NAS BKUR GZOS CHEN POS SPYAN DRANGS PA CHOS BCU BDUN LA BKRA SHIS LHUN POR PHEBS TE RJE BLA MA MCHOG DANG ZHAL 'DZOM DUS, SKU NA CHES PHRA YANG, BZHUGS TSUGS SHING RJE NYID LA DGYES DGYES MDZAD PA SOGS RGYAL BA SKU GONG MA LTAR GNANG, LO 'DI NANG SNGAGS GRVA RGYAL CHEN RTZE PA DKA' CHEN BLO BZANG DON GRUB KYIS GSANG BA 'DUS PA'I BSKYED RDZOGS, GCEN LUNG BA BLO BZANG DBANG PO DANG GNAS RNYING MCHOD KHANG PA YE SHES DPAL 'BYOR GNYIS KYIS PHAR PHYIN GYI 'GREL BA, MDANGS CHEN PA DGE 'DUN DAR RGYAS DANG BLO BZANG RDO RJE, DPE THUB PA BLO BZANG BZOD PA, ZHI GNAS PA BLO BZANG LUNG RTOGS DANG BLO BZANG DON GRUB, LEGS BSHAD GLING BA BLO BZANG CHOS 'PHEL, GU GE BA YON TAN ZLA BA, STAG MO BA BLO BZANG TSE RING, BZHAD PA BLO BZANG DPAL 'BYOR, SRAD PA BLO BZANG BKRA SHIS, 'BROD RTZE PA BLO BZANG RNAM RGYAL, RGYAL CHEN RTZE BA DGE 'DUN RGYAL MTSAN, LHUN PO RTZE BA 'PHRIN LAS PHUN TSOGS RNAMS KYIS RNAM 'GREL GYI THAL 'PHRENG LE'U BZHI, BZHAD PA YE SHES CHOS 'PHEL GYIS RNAM BSHAD THAR LAM GSAL BYED, DBEN DGON PA DPAL LDAN DAR RGYAS DANG BLO BZANG DPAL 'BYOR, BLO BZANG BSTAN 'DZIN, YANG BLO BZANG BSTAN 'DZIN BCAS NAS BDE MCHOG RTZA RGYUD, YE SHES BSOD NAMS KYIS GSANG BDE 'JIGS
GSUM GYI BSKYED RIM DANG BDE MCHOG GI RDZOGS RIM, CHOS 'KHOR LHUN PO BA ZLA BA DPAL 'BAR DANG CHOS DAR RGYAS, BYANG GSANG SNGAGS MKHAR BA CHOS 'PHEL RGYA MTSO GSUM GYIS BYAMS CHOS SNGE LNGA RNAMS KYI RGYUGS PHUL BAR GNANG CHA STZAL, ` KHYU MCHOG CES PA LCAGS SBRUL ZLA BA DANG PO'I TSES LNGA LA SNGAGS PA BLA SPYI NAS RGYAL BA YAB SRAS DANG RJE NGAG DBANG BYAMS PA BCAS SNGAGS KHANG DU SPYAN DRANGS TE DKAR SPRO DANG DNGOS 'BUL BTEG ,DE MTSUNGS THOS BSAM GLING, DKYIL KHANG, SHAR RTZE SOGS NAS KYANG RTEN 'BYUNG GI BDOG BA BSTAR, GZHAN YANG HAR GDONG, HAL HA BSAM BLO SOGS MI TSAN RNAMS KYIS KYANG DNGOS 'BUL BSTABS, TSES BRGYAD KYI NYIN GZHUNG SA NAS RGYAL DBANG MCHOG SPRUL RIN PO CHE'I DBU'I GTZUG PHUD 'BUL BZHES DANG MTSAN GSOL DGOS TSUL ZHU BAR MCHOD DPON SDE DRUG MKHAN PO 'BYOR PAR THOG MAR RGYAL DBANG MCHOG SPRUL RIN PO CHER GZHUNG SA NAS DNGOS SKYES DANG BCAS RTEN 'BREL GYI SGO LEGS PAR BSGRIGS, RJE BLA MA MCHOG LA YANG SRID SKYONG DE MO BA DANG BKA' BLON LHAN RGYAS SO SO'I MTSAMS ZHU DANG MCHOD DPON GYIS KYANG SGER MJAL ZHUS, TSES DGU LA RGYAL DBANG MCHOG SPRUL RIN PO CHER KHRO BO SME BRTZEGS KYI RJES GNANG STZAL, TSES BCU GCIG GZA' SKAR 'GRUB SBYOR BZANG PO DANG BSTUN GZIMS CHUNG YID DGA' CHOS 'DZIN DU THAMS CAD MKHYEN PA DGE 'DUN GRUB KYI THUGS DAM RTEN THUB DBANG LUNG BSTAN MA GDAN DRANGS PA'I SPYAN SNGAR GZHUNGS NAS BRGYA MCHOD SNA LNGA BSHAMS, YAB SRAS GNYIS KAR DNGOS 'BUL SPAM
, ,BSTOD, RJE NYID NAS MCHOG GI SPRUL PA'I SKU'I DBU'I GTZUG PHUD BZHES TE RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO DPAL BZANG PO ZHES MTSAN GSOL TE MNYAM MED BU RAM SHING PA'I GDUNG 'TSOB TU MNGA' GSOL, LEGS SO'I 'BUL SKYES KYANG RGYAS PAR BSTAR, RGYAL DBANG MCHOG SPRUL RIN PO CHE ZHABS PAD BRTAN CING MDZAD 'PHRIN RGYAS PA'I CHED BRTAN BZHUGS GSOL 'DEBS SHIG KYANG RJE NYID NAS GSAR RTZOM GNANG STE 'DUS PA RGYA MTSO'I ZHAL 'DON DU BTZUGS, DE NAS GZHUNG SA NAS GSOL STON RGYAS PA'I THOG ,GRAL 'PHROS, TSOGS LANG, GAR PA BCAS 'DU BGYIS TE RJE BLA MA YAB SRAS TSOMS CHEN DU SPYAN DRANGS NAS DNGOS 'BUL GYI BDOG PA SBAM MTHO BA BTEG ,RGYAL DBANG MCHOG SPRUL RIN PO CHE'I DBU'I GTZUG PHUD 'BUL BZHES GRUB PA DANG CHOS GRVA CHEN POR CHIBS BSGYUR GNANG BA'I THOG MA'I LEGS 'BUL CHABS CIG PAR TSES BCU GNYIS LA TSOMS CHEN DU SPYAN DRANGS TE BLA BRANG NAS DGA' STON RGYAS PA'I THOG DNGUL GYI MAndAL, SKU GSUNG THUGS RTEN, GSER DNGUL, GOS DAR SOGS DNGOS 'BUL GYA NOM PA PHUL, DE'I PHYI NYIN BLA BRANG GI ZHABS 'BRING PA RNAMS DANG, PHYOGS KYI SNE MO BA SPYI BSDUS NAS RGYAL BA YAB SRAS SO SOR LEGS 'BUL BSTAR, LNGE CHUNG BA BLO BZANG BKRA SHIS DANG GNYER TSANG BA DGE LEGS 'BYUNG GNAS SO SO NAS GSOL STON DANG LEGS 'BUL ZHUS, DE NAS SA SKYA DANG, LHA RTZE CHOS SDE SOGS GTZANG KHUL GYI DGON
KHAG RNAMS DANG, PA NAM RDZONG SNGOD SOGS NYE SKOR GYI LHA SDE MI SDE MANG POS LEGS 'BUL GYI BDOG PA PHUL, 'DI SKABS GRUB PA'I DBANG PHYUG BYAMS PA'I MTSAN CAN SKU KHAMS CUNG ZAD DVANGS MIN BYUNG BAR CHOS GRVA CHEN POS MTSON DGE 'DUN GYI SDE MANG POR BSNYEN BKUR BSTABS NAS SKU'I RIM GRO GANG GZAB BSGRUBS SHING TSE RTA ZUNG 'BREL GYI DBANG ZHIG KYANG 'BUL BA MDZAD PAS, SKU KHAMS DVANGS SKYED BZHES PAS RJE NYID KYANG THUGS MCHOG TU DGYES, TSES NYI SHU LA SKYID GRONG BLA MA YE SHES RGYAL MTSAN RI KHROD PA BCAS NAS GZIMS CHUNG ZHABS BRTAN PHUL BAR JA GRAL GYI THOG CHOS KYI GSUNG GLENG MDZAD, 'DI NYIN BE LIG THU NO MON HAN DANG MKHAR RDO SPRUL SKU BCAS LA 'JAM DBYANGS CHOS SKOR GYI NANG TSAN 'JAM DBYANGS LUS DKYIL GYI DBANG DANG BDE MCHOG DKAR PO'I TSE DBANG, SGROL DKAR GYI RJES GNANG BCAS STZAL, DE NYIN TSOGS CHEN DU MANG JA'I THOG DGE 'DUN RER DNGUL SRANG RE'I 'GYID KYANG GNANG, ZLA BA GNYIS PA'I NANG MEE TRI'I MTSAN CAN GYI DRUNG DU MI 'KHRUGS PA'I DBANG DANG 'PHO KHRID, GZHAN YANG ZAB GNAD KYI GDAMS PA KHA SHAS ZHU BA MDZAD CING, PHAR YANG 'JIGS BYED KYI RIM GNYIS KHRID YIG SKU GSUM THEM SKAS DANG RGYAL DBANG MCHOG GI SPRUL PA'I SKU'I BRTAN BZHUGS GSOL 'DEBS RGYAL KUN MKHYEN BRTZE MA'I LUNG GNANG, RJE BLA MA MCHOG GTZO BOR GYUR PA'I BLA GRVA NYI SHU RTZA BZHI NAS TSE DPAG MED LHA DGU'I DKYIL 'KHOR ZHAL PHYE BA'I THOG GRUB PA'I DBANG PHYUG MEE TRI'I MTSAN CAN LA DNGOS 'BUL RGYA CHEN PO BSTAR
, ,TE SKU CHE BA'I YON TAN BRJOD PA SNGON DU 'GRO BAS 'JAM MGON BLA MA'I BSTAN PA'I DPAL DU DGUNG LO BRGYA PHRAG BRGAL BAR BZHUGS DGOS PA'I GSOL 'DEBS NAN TAN CHEN PO MDZAD PA NA, TSUR MTHONG BYIS PA'I BLO CAN BAN RGAN BDAG LA DE LTA BU'I KHAS LEN ZHU BA'I NUS MTHU MA MCHIS MOD, 'ON KYANG BLA MA DAM PA GONG MA RNAMS DANG SKYABS GSUM KUN 'DUS KHYED RANG GI THUGS RJE DANG, DAM PA'I MDZAD BZANG GIS BDAG NYID LA BSTEN BYA DGE BA'I BSHES GNYEN DU GZIGS PA'I THUGS DAD PHUN SUM TSOGS PAS TSE CHOG DANG 'BREL BA'I RING DU 'TSO BA'I RTEN 'BREL BSGRIG PA GNANG BA'I MTHU LA BRTEN NAS TSE RING DU 'PHEL BA GZHIR BCAS, NGO MTSAR MDZAD PA 'DI LTA BU LA RJES SU YI RANG TSUL SOGS THUGS DGYES PA CHEN POS ZHU BA MDZAD, TSES BCU LA KHYAB BDAG NGAG DBANG BYAMS PA RIN PO CHES GZIMS CHUNG ZHABS BRTAN PHUL, DE'I PHYI NYIN RJE NGAG DBANG BYAMS PA RIN PO CHER PHEBS RDZONGS KYI DNGOS PO GTOS CHE BA STZAL, HAL HA CHING SU CUG THU NO MON HAN GYI MI SNA RNAMS NAS TSOGS DBUR SPYAN DRANGS, DNGOS 'BUL SBAM MTHOB DANG BCAS ZHABS BRTAN PHUL, KHO RANG TSO'I 'DOD BA LTAR DGA' LDAN LHA BRGYA MA DANG BRTAN BZHUGS GSOL 'DEBS GSAR RTZOM GYI LUNG STZAL, TSES BCU GNYIS LA GSOL TSIGS STENG DU RJE NGAG DBANG BYAMS PA RIN PO CHE GDAN DRANGS TE RGYUN RING BO'I BAR DU BZHUGS NAS MDO SNGAGS KYI DKA' GNAS MANG POR DOGS GCOD MDZAD, DE'I PHYI NYIN SNGAR RGYUN LTAR GYI PHEBS SKYEL DANG BCAS MEE TRI'I
MTSAN CAN DBUS PHYOGS SU PHEBS, LHA LDAN BAR DU PHEBS SKYEL ZHU BAR DKA' CHEN SDINGS KHA BYA BZANG BA GTONG BA GNANG ZHING PHUR BU LCOG TU BLA MA RIN PO CHE'I ZHABS BRTAN SGRUB RGYU MANG JA BRGYA THAM PA RIM GTONG GI DGOS CHA STZAL, CHING SU CUG THU'I MI SNA RNAMS LA MGON PO BAR CHAD KUN SEL GYI RJES GNANG DANG, AOR TU SUD LAS PE'I SI'I MI SNA SOGS SOG RIGS PHYED NYIS BRGYA SKOR LA TSE DBANG, RNAM 'JOMS SGRUB THABS DANG BRTAN BZHUGS GSOL 'DEBS KYI LUNG BCAS GNANG, LA MO CHOS SKYONG CHEN PO NAS GOS DKAR GYI RGYAL MTSAN SOGS KYI RTEN 'BYUNG BSTAR ZHING LUNG BSTAN BZANG PO PHEBS, CHOS RJE SKU RTEN PAR TSE DBANG BRGYA RTZA DANG RTA MGRIN GYI BKA' BSGO STZAL, RGYAL DBANG MCHOG GI SPRUL PA'I SKU'I SKU GEGS ZHI CHED DU DMIGS RJE NYID GTZO BOR GYUR PA'I BLA GRVA SUM CU SO GSUM NAS 'JIGS BYED LA BRTEN PA'I ZHI RGYAS DBANG DRAG GI SBYIN SREG DANG DRUG CU PA'I GTOR ZLOG MDZAD, GZHAN YANG DER DMIGS PA'I ZHABS BRTAN SKU RIM MANG DU BSGRUBS, ZLA BA GSUM PA'I TSES GSUM NAS RGYAL DBANG MCHOG SPRUL RIN PO CHE NYIN LTAR GZIMS CHUNG DU GDAN 'DREN ZHU BA GNANG NAS SKU'I 'GAL RKYEN SEL PHYIR SENG LDENG NAGS KYI SGROL MA, KU RU KULLE, 'JIGS BYED ZHAL GCIG PHYAG GNYIS YAB RKYANG RNAMS KYI RJES GNANG DANG, DPAL LDAN DMAG ZOR LHA MO'I RJES GNANG THUN MONG MIN PA, DPAL MGON ZHAL BZHI PA'I BKA' BSGO, DE GNYIS KYI SKU THANG BYIN CAN RE OBCAS THUGS DAM RTEN DU 'BUL BA GNANG BAR SHIN TU MNYES PAR MDZAD, TSES BZHI LA RJE BTZUN MCHOG GI SPRUL PA'I
, ,SKU RIN PO CHE'I YAB YUM GNYIS DANG AA NE CHOS DRUNG MA BCAS LA GSOL TSIGS THOG GNANG SKYES STZAL, TSES LNGA'I NYIN SA DMAR DU THAB BSU DANG MGRON DRUNG SOGS KYI CHIBS BSU BCAS RGYAL TSAB DE MO SPRUL PA'I SKU DANG; JIS AAM PA NA, BKA' BLON DGA' BZHI GUNG PAndI TA, BKA' BLON JA SAG T'A BLA MA SOGS DPON G-YOG BRGYAD BRGYA SKOR 'BYOR BA THOG MAR RGYAL DBANG MCHOG SPRUL RIN PO CHE MJAL BA GNANG RJES RJE BLA MA MCHOG GI MJAL KHAR PHEBS PAR PHYAG DBANG GI BYIN RLABS DANG, STON MO RGYAS PA BCAS ZHU BA GNANG THOG BKA' DRI GSUNG GLENG MANG DU GNANG, DE'I PHYI NYIN GZHUNG SA NAS RGYAL BA YAB SRAS GNYIS TSOMS CHEN DU SPYAN DRANGS TE STON CHEN RGYAS PA'I THOG SGO MANG SLOB DPON BSTAN PA YAR 'PHEL DANG, DGA' LDAN NYAG RO NGA BLA MA YE SHES 'BYUNG GNAS, MTSAN NYID ZHABS PHYI LHO BA DKA' CHEN ZHABS DRUNG YON TAN RGYAL MTSAN DANG AU RGYAN RDZONG BA DKA' CHEN BLO BZANG BZOD PA RNAMS KYIS BGRO GLENG MDZAD, GZHUNG SA NAS RGYAL BA YAB SRAS LA RTEN 'BYUNG GI BDOG PA BSTAR, TSES BDUN LA GZHUNG NAS RJE NYID TSOGS DBUR SPYAN DRANGS TE DNGOS 'BUL SBAM MTHO BA DANG BCAS ZHABS BRTAN PHUL, BKA' BLON LHAN RGYAS NAS KYANG DNGOS 'BUL BTEG , RTZE SHOD KYI DRUNG 'KHOR MANG POS SGER MJAL ZHUS, TSES DGU LA SRID SKYONG DE MO BA NAS DNGOS 'BUL DANG BCAS ZHABS BRTAN PHUL, DE NAS RIM BZHIN BKA' BLON DGA' BZHI GUNG NAS DNGUL SRANG CHIG STONG SKOR SOGS DANG, NYI MA RGYAL MTSAN
GYIS DNGUL RDO TSAD BCU GCIG SOGS RNAM MANG, MDA' DPON 'BUM THANG NAS KYIS DNGUL RDO TSAD DGU SOGS KYI DNGOS 'BUL BCAS BSTAR ZHING SLOG CHA YANG MI DMAN PA STZAL, JIS AAM PAN NAS KYANG DNGOS 'BUL DANG BCAS ZHABS BRTAN PHUL; KHO RANG GI THUGS BZHED LTAR PHYAG RDOR GTUM PO KHYUNG LNGA'I RJES GNANG STZAL, TSES BCU GSUM GYI NYIN TSOMS CHEN DU RGYAL BA YAB SRAS LHAN RGYAS THOG RGYAL TSAB DE MO SPRUL PA'I SKU, AAM PAN, BKA' BLON NANG RNAM SOGS DRUNG 'KHOR DRAG 'BRING DKYUS BCAS TSANG MAR STON CHEN RGYAS PA'I BSNYEN BKUR DANG RGYAL DBANG MCHOG SPRUL RIN PO CHER PHEBS RDZONGS SU DNGUL GYI MAndAL, SKU BRNYAN, NA BZA', GOS CHEN, DNGUL RTA RMIG MA SOGS DANG 'BUL SLOG KYANG ZUR DU 'BUL BA MDZAD, SRID SKYONG DE MO BA, AAM PAN SOGS DBUS NAS BYON PA'I MI DRAG RNAMS LA BABS 'OS DANG BSTUN PA'I GNANG CHA STZAL, TSES BCU BZHI'I NYIN RGYAL DBANG MCHOG SPRUL RIN PO CHE GZIMS CHUNG BKA' GDAMS PHO BRANG DU SPYAN 'DREN PA GNANG NAS DKAR SPRO GZAB PA'I THOG RTEN 'BYUNG GI DNGOS PO BSTAR NAS DON GRUB SPROL MA'I RJES GNANG PHUL TE PHEBS LAM SOGS LA NYE ZHO MED PAR BDE BAR PHEBS NAS SKU GONG MA LTA BU'I MKHAS BTZUN BZANG GSUM GYI MDZAD PA NGO MTSAR BA BSTAN NAS RGYAL BSTAN SNYING PO 'JAM MGON BLA MA'I BSTAN PA DANG GANGS LJONGS 'DIS MTSON MKHA' KHYAB KYI 'GRO BA RNAMS PHAN BDE'I DPAL LA 'GOD PA'I THUGS BSKYED RGYA GANG CHE MDZAD DGOS KYI SNYAN BSKUL ZHIB RGYAS ZHU BA GNANG BAR THUGS LA SHIN TU SIM PAS DGYES
, ,NYAMS KYIS BKA' PHEBS, SKU NA PHRA BA'I STABS RE SHIG ZHABS PHYI ZHU BAR MGRON GNYER BLO BZANG YAR 'PHEL, MGON KHANG PA SPOR RJE DRUNG YE SHES DKON MCHOG, GNYER TSANG GZHON PA BLO BZANG DGE 'DUN, GSOL CHAS KYI ZHABS PHYI ZHU MI GRVA PA BZHI BCAS LA ZHABS 'DEGS HUR BSKYED ZHU DGOS KYI BKA' SLOB ZHIB RGYAS GNANG, TSES BCO LNGA GZA' SKAR 'PHROD SBYOR PHUN SUM TSOGS PA'I NYIN RGYAL DBANG MCHOG SPRUL RIN PO CHE RONG LAM BRGYUD CHIBS BSGYUR GNANG RGYUR GRVA TSANG KHAG BZHI'I SLOB DPON, SPYI SA, DGE BSKOS, MI TSAN KHAG ,DBON CHOS MDZAD RNAMS KYI CHIBS SKYEL DANG, ZAM TSAN GYI SHAR DU GSOL THAB THAB SKYEL, MTHONG SMON GSHONG DU BZHUGS ZHAG PAR PHYAG MDZOD CHEN MO DRUNG 'KHOR NYI SHU SKOR DANG BCAS PAS CHIBS SKYEL DANG SNYE THANG BAR CHIBS SKYEL ZHU BAR SKU'I KHU PO RJE DRUNG BLO BZANG PHUN TSOGS DANG MGRON GNYER BLO BZANG RAB BRTAN BCAS CHED RDZONG MDZAD, 'DI SKABS ZLA BA DANG PO NAS BZUNG ZLA BA DRUG PA'I BAR RGYAL DBANG YAB SRAS GNYIS KA DANG KHYAD PAR RGYAL DBANG MCHOG SPRUL RIN PO CHE'I PHEBS LAM SOGS KYI SKU'I 'GAL RKYEN SEL CHED DU MGON KHANG RNAMS SU DGOS CHA STZAL TE ZHABS BRTAN SKU RIM RGYA CHER BSGRUBS, TSES BCU DRUG NAS BZUNG THUGS BREL DMIGS BSAL MED SKABS SKU RIM GYI TSOGS DBUR PHEBS NAS PHA ROL TU PHYIN PA'I GZHUNG LA BGRO GLENG THUGS 'GRUS CHE BA GNANG, GONG GSAL BSTAN 'GRO'I DON RLABS CHEN LEGS PAR GRUB PA'I GTANG RAG TU TSES
NYER BZHI NAS BZUNG NYIN GSUM GYI RING BSTAN SRUNG RNAMS KYI BSKANG GSO RGYAS PA DANG, DBANG GI SBYIN SREG KYANG GNANG, GZIMS KHANG SER PO'I LHA MO DANG DKYIL KHANG GI BE GTZE GNYIS LA YANG SNYAN SHAL SPYAN GZIGS BSTAR, ZLA BA BZHI BA'I TSES GCIG LA AOR TU SU D'A LAS T'A PE'I SI'I BLA MAR 'GRO MI STAG MO RAB 'BYAMS PA CHOS DPAL LA THON PHYAG STZAL, SNGA SOR RGYAL DBANG MCHOG LA DUS 'KHOR GYI DBANG GSAN SKABS GDAN SA CHEN POR YANG CHO GA SGRUB MCHOD SOGS 'DZUGS DGOS TSUL BKA' PHEBS PA LTAR 'DZUGS RGYU'I DGONGS PA GTAD DE SNGAGS PA DBU MDZAD DANG MCHOD DPON PA SOGS DGE BSHES KHA SHAS DKYIL 'KHOR BRI THIG SBYONG DU 'JUG PA GNANG BA MTHAR PHYIN RJES KHONG RNAMS KYIS THIG BTAB CING LHA BRIS PAS DUS 'KHOR GYI DKYIL THANG CHEN PO ZHIG GSAR BZHENGS GRUB STE RAB GNAS KYI ME TOG GTOR, GRVA TSANG SO SO'I DPYID CHOS DANG BSTUN MTSAN NYID ZHABS PHYI RNAMS DANG LHAN CIG RIGS LUNG LA THUGS BRTZON CHE BA MDZAD, YONGS 'DZIN ZHAL SNGA NAS KYI DRUNG DU 'BRI GUNG DPAL 'DZIN GYIS MDZAD PA'I GSHIN RJE'I GSHED KYI CHOS SKOR DPAL POTA DU GRAGS PA'I LUNG GSAN, ZLA BA LNGA BA'I TSES BDUN LA RGYAL DBANG MCHOG SPRUL RIN PO CHE'I YAB BSOD NAMS DAR RGYAS SKU MA 'TSO BAR SKYABS 'JUG ZHU RTEN 'BYOR TE BSNGO SMON DANG SBYANG CHOG MDZAD CING DGE THEBS KYANG STZAL, TSES BCU GCIG LA YONGS 'DZIN DAM PA LAS KUN RIG RNAM PAR SNANG MDZAD KYI ZUR BKA' DBANG GSAN, TSES BCU GSUM LA BZHAD BKRA SHIS DGE 'PHEL
, ,GYI BLA SPYIS TSOGS DBUR SPYAN DRANGS TE BLA MA DKA' CHEN YE SHES RGYAL MTSAN DANG SPYIS GNYIS SO SO NAS DNGOS 'BUL BSTAR, TSES BCU BDUN LA BKRA SHIS DGE 'PHEL GYI BLA GRVA RNAMS LA BLA MCHOD KYI LUNG DANG TSE DBANG, MANG 'GYED BCAS STZAL, LO SNGON MA NAS BZUNG STE PHA ROL TU PHYIN PA'I GZHUNG LA GSAN SBYONG MDZAD PAR BZLOG TU MED PA'I BRTZON 'GRUS DANG, SKYE BAS THOB PA'I BLO GROS KYI MTHU ZUNG DU 'BREL BA LA BRTEN NAS SRAS BCAS RGYAL BA MTHA' DAG GI 'GROD PA GCIG PA'I LAM, SHES RAB KYI PHA ROL TU PHYIN PA'I DGONGS DON MTHA' DAG LA GZHAN DRING MI 'JOG PA'I SPOBS PA BRNYES PA'I TSUL BSTAN TO, ,RGYAL YUM SBAS DON GAN MDZOD LAS 'ONGS PA, ,MI PHAM CHOS RJES YONGS BZUNG YID BZHIN NOR, ,LEGS BSHAD SRAD BUR BRGYUS PA'I DO SHAL GYIS, ,DA LHA KHYOD KYI MGUL BA CI YANG MDZES, ,BRTZON 'GRUS RTA BDUN KHRI LA NGAL GSO BA, ,KHYOD KYI RNAM DPYOD NYIN MOR BYED PA'I ZER, ,PHAR PHYIN SKYED TSAL PHRENG BAR ROL BA NA; ;MKHYEN GSUM PAD DKAR ZE'U 'BRU RGOD PAR GYUR, ,MDO RGYAN SBYOR TSUL DNGOS SHUGS BSTAN DON KUN, ,'PHAGS SENG DGONGS PA JI BZHIN THUGS CHUD DE, ,GZHUNG DON LAM GYI RIM PAR BSGRIGS PA YAS, ,GANGS CAN MKHAS PA'I TSOGS RNAMS TSIM PAR MDZAD, ,ZLA BA DE KA'I TSES NYER BDUN NAS BZUNG STE 'KHOR LO BAR PA'I DNGOS BSTAN STONG NYID KYI RIM PA GSAL BAR BYED PA'I BSTAN BCOS CHEN PO RTZA BA SHES RAB KYI DGONGS DON THAL 'GYUR DU 'GREL BA'I DPAL LDAN ZLA
BA'I BZHED DGONGS DRI MA MED PA DBU MA LA 'JUG PA RTZA 'GREL GYI DON BLO BZANG RGYAL BA GNYIS PA'I DGONGS PA DANG MTHUN PAR GSAN SBYONG MDZAD PA'I DBU BTZUGS, DBYAR CHOS NAS BZUNG SKU RIM GYI TSOGS DBUR PHEBS NAS DBU MA'I GZHUNG LUGS LA THUGS GNYER DPYIS PHYIN PA MDZAD, DE DAG GI SKABS SU RJE BDAG NYID CHEN POS MDZAD PA'I DBU MA'I RNAM BSHAD DGONGS PA RAB GSAL, LEGS BSHAD SNYING PO, SH'ANTI PAS MDZAD PA'I DBU MA'I SPYI DON RNAMS THUGS LA BZUNG NAS 'DZIN SKYOR GNANG, GZHAN YANG DBU MA'I YIG CHA MANG POR GZIGS RTOG MDZAD CING BRTZON PA CHU BO'I RGYUN LTAR BSRINGS, ZLA BA DRUG PA'I TSES GCIG LA SNYE THANG NAS RGYAL DBANG MCHOG SPRUL RIN PO CHES SKYES BZANG DANG BCAS MTSAMS ZHU'I BKA' 'PHRIN 'BYOR, YONGS 'DZIN ZHAL SNGA NAS KYI BZHED PA LTAR 'DUS PA RGYA MTSOR SMAN BLA MTHO BRTZEGS KYI RJES GNANG DANG SMAN BLA'I MDO CHOG BSDUS PA'I LUNG STZAL, DE'I PHYI NYIN YONGS 'DZIN RIN PO CHE NAS TSOGS DBUR SPYAN DRANGS TE DNGOS 'BUL DANG BCAS ZHABS BRTAN PHUL, 'DI SKABS GZIGS SNANG KHYAD PAR BA DU MA BYUNG YANG GSAL BAR MA GSUNGS PAS MA 'TSAL LA, GSUNG GI ZUR 'GA' ZHIG LA DPAGS NA NE SER JO BO CHEN PO'I GZIGS SNANG YANG YANG BYUNG BAR MNGON ZHES GLENG, GZIGS SNANG DANG MTHUN PA'I SKU ZHIG KYANG BZHENGS NAS RAB GNAS GNANG ZHING MCHOD GTOR YANG PHUL TE 'PHRIN LAS BCOL BAR MDZAD, TSES BCU'I NYIN DGE BSKOS RAB 'BYAMS PA YE SHES TSE BRTAN GYIS GSOL BA BTAB PAR BRTEN, DE NYIN NAS MGO BRTZAMS TE 'DUS PA RGYA MTSOR
, ,BYANG CHUB LAM GYI RIM PA CHEN MO'I BSHAD LUNG SHING RTA CHEN PO'I GZHUNG BZHIN 'CHAD PAR MDZAD PA'I DBU BTZUGS, SKABS 'DIR THAN PA CHE BAR BRTEN LUNG BSTAN SGROL MA GZIMS CHUNG DU GDAN DRANGS NAS KHRUS GSOL LAN MANG DANG BKRA SHIS GSO SBYONG MDZAD PAS MI RING BAR CHAR GYI RGYUN CHEN PO BABS PAS TSA BA'I GDUNG BA RGYANG RING DU BSRINGS TE NOR 'DZIN GYI KHYON KUN RTZVA LJANG GI MYU GU'I STOD G-YOGS 'DZIN PA LA MNGON DU PHYOGS PAR GYUR TO, ,TSES BCU BDUN LA BYANG CHUB LAM RIM CHEN MO'I BSHAD LUNG SPYOD PA SPYI BSLAB SONG MTSAMS SEMS BSKYED CHOS MDZAD, DE'I PHYI NYIN NAS BZUNG LAM RIM GYI 'PHRO RNAMS RIM GYIS STZAL, ZLA BA BDUN PA'I TSES BDUN LA BYANG CHUB LAM RIM CHEN MO'I BSHAD LUNG RDZONGS PAR GRUB CING, DE LTAR BSTAN PA'I ZHABS TOG TU DGONGS NAS SKYES BU GSUM GYI LAM GYI RIM PA'I LEGS BSHAD KYI DGA' STON STZOL PAR MDZAD PAS CHOS NYAN PA BO RNAMS BLO 'GYUR TSABS CHE BA BYUNG ZHING, TSE 'DI'I SNANG SHAS MNGON GYUR PA BAG LA ZHA BAR GYUR TE PHYI MA DON GNYER GYI BSAM PAS DRANGS PA'I SGO NAS DAM PA'I CHOS BSGRUB PA LA BRTZON PA GONG 'PHEL DU GYUR TE PHAL CHE BA NI GZHUNG LUGS KYI THOS BSAM LA NYIN MTSAN KHOR MO YUG TU BRTZON PA DANG, LA LA NI DBEN PA'I GNAS SU SGRUB PA'I RGYAL MTSAN 'DZIN PA LA CHAS PAR GYUR TO, ,SKABS DER YAB RJE THANG LHA RIN PO CHE SKU BRO 'TSAL BAR 'PHROD BZHES SGO GANG GZAB MDZAD KYANG DVANGS SKYED MED CING RIM GYIS BABS LCIR SONG BAR BRTEN DPON TSANG DGE 'DUN
DON GRUB CHED RDZONG MDZAD PA BKRA SHIS RTZER 'BYOR NAS PHYAG RTZA ZHUS PA NA 'CHI SDOD KYI RTAGS TSANG 'DUG STABS RTZA'I BABS MI LEGS TSUL SPA GSANG MED PAR KHONG RANG LA ZHUS PAS, YAB CHEN RANG NYID KYI ZHAL NAS, DA LAM SDOD 'DOG KHA BA ZHIG MI 'DUG ,'ON KYANG SKYABS MGON RIN PO CHE ZHAL GZIGS PA NAS BZUNG DA BAR BDE ZHING SKYID PA RANG BYUNG, RNAM 'DREN CHEN PO SKU KHAMS DVANGS SHING CHOS KYI 'KHOR LO RGYA CHEN PO BSKOR BA SOGS MDZAD 'PHRIN PHUN SUM TSOGS PA'I DUS 'DIR SHI YANG BLO BDE BA LAS 'GYOD PA'I RIGS MED, SKYABS MGON RIN PO CHE'I SKU TSE MDZAD 'PHRIN LA BAR GCOD YOD RIGS BDAG NYID KYIS 'KHUR THUB PA'I SMON LAM KHA ZHE MED PAR 'DEBS KYI YOD PAS DE LTAR 'GYUR BA DANG SKYABS MGON DAM PA ZHABS PAD BSKAL BRGYAR BRTAN PAR BZHUGS NAS CHOS KYI 'KHOR LO BSKOR BA DANG SKYE SRID KUN TU RJES SU 'DZIN DGOS PA'I GSOL 'DEBS ZHU RGYU 'DI DPON TSANG LAGS NAS ZHU ROGS DANG, SKYABS MGON RIN PO CHE SPYI GTZUG TU BSGOMS TE SKU GSUNG THUGS KYI YI GE GSUM LA SEMS BZUNG NAS THUGS KAR 'PHO BA'I 'DUN PA BYED GSUNG PA LAS, SNYUN BABS LCI BA LA BAG TSAB MI MDZAD PAR ZHABS PHYI RNAMS LA DGONGS RDZOGS SGRUB LUGS KYI ZHAL BKOD MDZAD, GZIMS KHANG GI STENG GI NAM MKHA' LA 'JA' GUR SNA LNGA PA ZHIG YUN RING BYUNG BA YAB RJE NYID LA ZHUS PAR DBYAR GNAM LA NGES PA CI YOD GSUNG, SNYUN ZUG SOGS CI YANG MED PAR SKU DRANG POR BSRINGS TE DMIGS BRTZE MA DANG PHYAG RDOR GYI GZUNGS, SMAN BLA'I MTSAN RNAMS ZHAL 'DON MDZAD BZHIN PA'I MUR
, ,TSES BCU DRUG GI DGONGS MYUR LA SKU ZHI BAR GSHEGS, TSUL DE DPON TSAD NAS SNYAN DBANG DU GSOL BA NA, RJE NYID KYI BKA' GNANG BZHIN PHYAG MDZOD CHEN MO NAS THUGS KHUR BZHES TE RNAM DKAR KYI DGONGS RDZOGS RGYA CHEN PO BSGRUBS, BKRA SHIS RTZER YANG SKU GDUNG ZHUGS 'BUL DANG DGONGS PA RDZOGS CHED GSUNG CHOG MDZAD PAR YONGS 'DZIN MKHAN RIN PO CHE DANG SNGAGS GRVA BRGYAD, GDUNG 'BUL GYI DNGOS PO RGYA CHEN PO STOB PAR DRUNG 'KHOR BLO BZANG MKHAS MCHOG BCAS RDZONG STA MDZAD, SNGAGS CHEN ZHAL SNGA NAS BLO BZANG DPAL 'BYOR DANG DGE BSKOS CHEN MO NAS GSOL BA BTAB PA BZHIN, 'DUS PA RGYA MTSOR STA GON GCIG 'THUS NGOS TSE DPAG MED LHA DGU DANG THUB PA DAM TSIG GSUM BKOD KYI DBANG GNYIS RIM BZHIN STZAL, SLAR YANG SNGAGS CHEN ZHAL SNGA NAS KYIS GSOL BA BTAB PA BZHIN SNGAGS KHANG DU ZHABS SOR BKOD NAS RGYUD GRVA TSOGS YONGS LA CHOS RGYAL PHYI SGRUB, LHA MO, RNAM SRAS BCAS KYI RJES GNANG DANG, CHOS RGYAL, LHA MO, ZHAL BZHI, LCAM SRING RNAMS KYI GTOR CHOG DANG BSLAB BYA NYER MKHO BCAS KYI LUNG STZAL, TSES NYER GCIG GI NYIN RGYUD PA'I CHOS GRVAR PHEBS NAS PAn CHEN BLO BZANG CHOS KYI RGYAL MTSAN GYIS MDZAD PA'I YIG CHA'I STENG NAS BSKYED RDZOGS KYI KHRID SMIN RGYAS SU GNANG, DGE BSHES RNAMS NAS BSKYED RDZOGS KYI BA GRO GLENG MDZAD PA LA GZIGS RTOG MDZAD, DUS KYI 'KHOR LO'I 'CHAD NYAN GYI ZHABS TOG TU DGONGS NAS DGONGS CHOS THOG DUS 'KHOR BSDUS RGYUD LE'U DANG PO'I BSHAD
LUNG RGYAS PAR STZAL, JO MO RDZONG BA DKA' BCU TSE RING CHOS 'PHEL NAS DAM BCA' BZHAG NAS DGE BSHES GZHAN MA LNGAS BSKYED RDZOGS LAS BRTZAMS TE BGRO GLENG DAR PO BYAS PAR RJE NYID KYANG THUGS MCHOG TU DGYES TE GZENGS BSTOD KYANG GNANG, SNGAGS CHEN ZHAL SNGA NAS KYIS GTANG RAG TU 'BUL NOD GYA NOM PA BSTABS, DE LTAR ZHAG BCU SKOR TZAM RGYUD GRVAR BZHUGS NAS SLAR YANG RGYAL MTSAN MTHON POR ZHABS SOR BKOD, RGYAL DBANG MCHOG GI SPRUL BA'I SKU RIN PO CHE NAS KHU PO RJE DRUNG BLO BZANG PHUN TSOGS CHED RDZONG MDZAD PA 'BYOR TE TSES NYER BZHI'I NYIN TSOGS DBUR SPYAN DRANGS NAS DGE 'DUN LA MANG 'GYED KYI BSNYEN BKUR DANG BCAS DNGOS 'BUL SBAM MTHO BA PHUL TE ZHABS PAD BRTAN PA'I GSOL 'DEBS ZHUS, DGE BSKOS RAB 'BYAMS PA YE SHES TSE BRTAN GYIS ZHUS DOR PHYI NYIN 'DUS PA RGYA MTSOR TSE DBANG STZAL, ZLA BA BRGYAD PA'I TSES GSUM LA RTA TSAG SPRUL BA'I SKU RIN PO CHE ZHI BAR GSHEGS PA'I LJAGS BSNGO ZHU RTEN 'BYOR TE DAM PA DE NYID KYI THUGS DGONGS RDZOGS PA'I DMIGS RIM MDZAD, TSES BZHI NAS BZUNG YONGS 'DZIN ZHAL SNGA NAS LAS RVA PO TA NANG GI PHYAG MTSAN LAS TSOGS SKOR GYI LUNG DANG RNAM SRAS MDUNG DMAR CAN YANG GSANG PHYAG MTSAN BZHI PA'I RJES GNANG ZHU BA GNANG, 'DI SKABS SKU 'KHRUGS KYI RNAM BAS MGUL GLO CHE TZAM BYUNG BA LA ZHABS 'BRING BA RNAMS NAS RE ZHIG PHYAG DPE GZIGS RTOG SOGS BSHOL NAS SKU'I 'PHROD BZHES GNANG DGOS ZHUS PAR GLO PHRAN BU LU BA LA KHAG BTAGS NAS SLOB GNYER BSHOL NA MI YONG
, ,GSUNG NAS DBU MA'I GZHUNG LA GZIGS RTOG DANG BGRO GLENG LA SNGAR RGYUN BZHIN THUGS BRTZON CHE BAR MDZAD PAS SKU KHAMS KYANG RIM DVANGS SU GYUR, TSES BCU GSUM LA GONG MA CHEN PO'I 'KHRUNGS SKAR ZHABS BRTAN SNGAR BZHIN BSGRUBS, ZLA BA DGU PA'I TSES BCO BRGYAD LA PE'I CING MI SNA RAB 'BYAMS PA BLO BZANG DGE LEGS NGO G-YOG 'BYOR PAR 'JAM PA'I DBYANGS GONG MA BDAG PO CHEN PO'I SKU'I MTSAMS ZHU MDZAD, GSER YIG GNANG RTEN 'CHAR 'PHAR GYA NOM PA STZAL PA RNAMS BZHES NAS KHONG NGO G-YOG TSANG MAR PHYAG DBANG DANG JA GRAL GNANG, TSES NYI SHU NAS BZUNG SKU MTSAMS MDZAD, ZLA BA DGU PA RJES MA'I TSES BCO BRGYAD LA SKU MTSAMS GROL NAS STAG RING RAB 'BYAMS PA BLO BZANG DGE 'DUN GYIS DNGOS 'BUL BSTAR, YONGS 'DZIN ZHAL SNGA NAS KYI DRUNG DU GNYAN LO TZ'A PA NAS BRGYUD PA'I MGON PO ZHAL RNAM 'GYUR MI 'DRA BA'I RJES GNANG DU MA BZHUGS PA'I NANG NAS, BSNYEN DUS, SGRUB DUS, LAS SBYOR; DKAR PO TSE 'DZIN, SER PO NOR 'PHEL, DMAR PO DBANG SDUD, SNGON PO NYAMS PA SGROL BA, GDONG BRNYAN CAN RNAMS KYI RJES GNANG GSAN, TSES NYER GNYIS LA DUR BDE WANG GI DPON MO NGO G-YOG MANG BA DANG, AOR TU SU DPON KHAG KHA SHAS KYI AEL CHI, MTSO SNGON DKON MCHOG WANG DPON G-YOG BRGYA SKOR BCAS LA 'BYOR PHYAG DANG JA GRAL BKA' 'DRI GNANG, STON MO ZUR GSOS SOGS BDAG RKYEN YANG DAG MDZAD, DE NYIN DHA YAN TU RA'I CHOS RJE DKA' CHEN BLO BZANG
MTHA' YAS KYIS TSOGS DBUR SPYAN DRANGS TE DNGOS 'BUL BTEG CING GSOL 'DEBS GSAR RTZOM GYI LUNG STZAL, TSES NYER DRUG LA DUR BDE WANG GI DPON MO SGROL DKAR SKYABS KYIS TSOGS DBUR SPYAN DRANGS TE ZHABS BRTAN GYI DNGOS 'BUL SBAM MTHO BA BTEG ,ZLA BA BCU PA'I TSES GCIG LA DUR BDE WANG GI DPON MO SOGS DANG AA MDO BA BRGYA SKOR LA TSE RTA ZUNG 'BREL GYI DBANG DANG RJE BTZUN 'JAM DBYANGS LA BRTEN PA'I 'PHO KHRID, DGA' LDAN LHA BRGYA MA'I LUNG KHRID MDOR BSDUS PA BCAS STZAL, TSES GSUM LA DKON MCHOG WANG GI GCUNG PO DGA' LDAN AA BO SNGA LO 'DAS PA'I BSNGO RTEN 'BYOR TE NGAN SONG GNAS 'DON GYI SKYABS 'JUG MDZAD, GORshA SRID SKYONG GI MI SNA 'BYOR TE JA GRAL DANG BKA' 'DRI GNANG, TSES BCO LNGA'I NYIN AOR TU SU PE'I SI TSE DBANG DPAL 'BYOR GYI MI SNA RNAMS KYIS TSOGS DBUR SPYAN DRANGS TE ZHABS BRTAN PHUL, SU NYID THO YON RAB BRTAN GYIS KHO RANG GI PHA LAM BAR DU MA 'TSO BA'I BSNGO RTEN GTOS CHE BA PHUL, TSES BDUN GYI NYIN THO YON RAB BRTAN GYIS GSOL BA BTAB PA BZHIN THO YON NGO G-YOG DANG, DUR BDE WANG GI DPON MO SOGS DANG GZHIS RTZE RDZONG DPON GNYIS SOGS KHYON BZHI BRGYA SKOR LA 'PHAGS PA BCU GCIG ZHAL GYI DBANG GI STA GON DANG PHYI NYIN DNGOS GZHI BCAS DBANG BRDA 'PHROD NGES SU STZAL, TSES DGU LA DUR BDE WANG GI DPON MOR THON PHYAG SPAM MTHO BA GNANG, TSES BCU LA AU RAD, AOR TU SU PA BCAS SOG RIGS LA SENG LDENG NAGS KYI SGROL MA'I RJES GNANG DANG THON PHYAG STZAL, TSES BCU
, ,GCIG NAS BZUNG LO SNGON MAR SNGAGS CHEN ZHAL SNGA NAS KYIS ZHUS PA BZHIN 'DUS TSOGS SU SGROL MA NYER GCIG GI RJES GNANG NAS LHA LNGA'I RJES GNANG GRUB CING, DE 'PHROS YONGS SU RDZOGS PA'I RJES GNANG THOG SNA TSOGS YUM DKAR MO, RI KHROD MA LO MA GYON MA, 'CHI BA BLU BA'I SGROL DKAR TE, BDE LEGS SU BYED PA'I LHA GSUM GYI RJES GNANG RNAMS TSOGS CHEN DANG, DKON MCHOG WANG DPON G-YOG BCAS LA RIM BZHIN STZAL, TSES BCO LNGA LA AOR TU SUR 'GRO MI BLA MA DPE THUB RAB 'BYAMS PA YE SHES TSE RING GIS TSOGS DBUR SPYAN DRANGS TE ZHABS BRTAN PHUL BAR BLO SBYONG DON BDUN MA'I KHRID KYI LUNG GNANG, TSES BCU DRUG LA SNGAGS CHEN ZHAL SNGA NAS KYIS TSOGS DBUR SPYAN DRANGS TE RJE BLA MA RANG NYID KYIS BYANG 'DREN MDZAD DE SPYAN 'DREN KHRUS GSOL, SGROL 'DON BCAS MDZAD PA SNGON DU BTANG NAS RNAM 'GREL GYI t'IKA CHEN RIGS PA'I RGYA MTSO'I DBU NAS CHOS THUN GCIG STZAL CING GTANG RAG GI YON RGYA CHER PHUL, JUN WANG DKON MCHOG BKRA SHIS KYIS TSOGS DBUR SPYAN DRANGS TE RGYA DNGUL RDO TSAD BRGYA SOGS DNGOS 'BUL GTOS CHE BA DANG BCAS ZHABS PAD BRTAN PA'I BDEN TSIG BRJOD, DE MTSUNGS JA SAG DAR RGYAS TSE RING GI BLA MA CHOS RJE DKA' CHEN YE SHES DAR RGYAS KYIS KYANG TSOGS DBUR SPYAN DRANGS THOG ZHABS BRTAN PHUL, DKON MCHOG WANG NAS ZHUS NGOR TSOGS PA DANG MNYAM DU ZHABS BRTAN GSAR RTZOM DANG SMAN BLA'I CHO GA CHUNG PA'I LUNG STZAL, TSES NYER GCIG LA RJE BLA MA MCHOG DGUNG STENG DU
PHEBS NYE'I SKU'I 'GAL RKYEN ZHI THABS SU SNGAGS PA ZHAL SNGA NAS KYIS GTZOS SNGAGS GRVA BZHIS SGROL DKAR DANG TSE DPAG MED LA BRTEN PA'I TSE SGRUB MDZAD RGYU'I ZHAL SHES KYI DMIGS SKOR SPEL TSIG BSGYUR BA SOGS DANG SNGAGS PA BSNYEN SONG BRGYAD GRAS ZHAG NYI SHU RTZA GCIG GI RING DPAL RDO RJE 'JIGS BYED KYI BSNYEN MTSAMS DANG 'BREL BA'I DRUG CU PA'I GTOR ZLOG MDZAD RGYU'I ZHAL SHES THUN MONG MA YIN PA'I DMIGS SKOR GYI KHRID BCAS STZAL, DE NYIN HAL HA RJE BTZUN DAM PA'I SPRUL SKU'I DON SKOR GYI LUNG BSTAN ZHU BAR PHYAG RDOR THO YON NGO G-YOG 'BYOR TE KHU RE SPYI DANG THO YON NAS DNGOS 'BUL BSTABS, TSES NYER GNYIS LA DKON MCHOG WANG GIS GSOL 'DEBS MDZAD PA BZHIN SOG BOD KYI DON GNYER BA NYIS BRGYA SKOR LA STA GON GCIG 'THUS KYI TSE DPAG MED LHA DGU DANG 'PHAGS PA ZHAL BCU GCIG PA'I DBANG CHEN, WANG SOGS NYUNG BSDUS LA SGROL MA NYER GCIG GI NANG NAS RJES GNANG MA THOB PA'I GRAS SENG LDENG NAGS SGROL NAS H'Um SGRA SGROG PA'I SGROL MA'I BAR SGROL MA DRUG GI RJES GNANG DANG 'OD DPAG MED LA BRTEN PA'I 'PHO KHRID BCAS RIM GYIS STZAL, DE BSTUN AOR TU SU PA SOGS SOG RIGS KHA SHAS NAS ZHUS PA'I BKA' RTZOM GRAS 'JIGS BYED DPA' GCIG GI MNGON RTOGS DANG DPAL LDAN LHA MO'I GTOR 'BUL, GSOL 'DEBS KHA SHAS KYI LUNG BCAS GNANG, TSES NYER BDUN LA DKON MCHOG WANG YAB SRAS GNYIS LA PHYAG RDOR GTUM PO DANG DPAL LDAN LHA MO'I RJES GNANG STZAL, TSES NYER BRGYAD LA MKHAN PO PHYAG
, ,RDOR THO YON SKOR LA RJE BTZUN DAM PA'I SPRUL SKU'I SKOR GYI LUNG BSTAN DANG THON PHYAG GNANG, ZLA BA BCU GCIG PA'I TSES GNYIS LA THOS BSAM GLING GRVA TSANG DU BLA SPYIS SPYAN DRANGS PA BZHIN THOG MAR BLA MA'I GZIMS CHUNG DU DKAR SPRO SOGS KYI BSNYEN BKUR ZHUS THOG ZHAL SNGA NAS LA DBU PHAR RNAM 'GREL GYI DKA' GNAD LAS BRTZAMS PA'I BKA' 'DRI YUN RING GNANG BAR BLA MAS GZHUNG DON DANG MTHUN PA'I BKA' LAN ZHUS, GSOL TSIGS THOG STON 'KHOR TSANG MAR GSOL STON RGYAS PA ZHUS SHING, DGONGS JAR TSOGS CHEN GYI DGE 'DUN YANG GRVA TSANG DU TSOGS NAS SNGAGS GRVA BA RNAMS KYIS TSE CHOG GNANG BA'I TSOGS DBUR RIM BZHIN PHEBS NAS BLA SPYIS ZHABS BRTAN PHUL BAR, DGA' LDAN LHA BRGYA MA DANG ZHABS BRTAN GSAR BA'I LUNG BCAS STZAL, TSES BDUN LA SDE DGE DPON BSOD NAMS MGON PO'I DGONGS RDZOGS SGRUB MI 'BYOR TE BSNGO RTEN PHUL BAR SKYABS 'JUG MDZAD, TSES BCU BZHI LA KHAMS TRE BO DU RAL NO YON GYI YUM DANG CHOS MDZAD, DPON PHUN TSOGS RAB BRTAN NGO G-YOG BRGYA SUM CU SKOR BCAS LA 'BYOR PHYAG DANG JA GRAL GNANG, TRE BO DPON GYIS TSOGS DBUR SPYAN DRANGS NAS ZHABS BRTAN PHUL, DE'I PHYI NYIN KHO RANG DBON G-YOG BRGYA SUM CU SKOR LA TSE DPAG MED LHA DGU'I DBANG STZAL TE THON PHYAG MI DMAN PA GNANG, TSES NYER GCIG NAS BZUNG BCAD BRGYAR BZHUGS NAS 'DOD LHA 'GA' ZHIG GI BSNYEN SGRUB LA BRTZON PAR MDZAD PAS MNAL LTAS SOGS GANG
CI LEGS PA BYUNG, ZLA BA BCU GNYIS PA'I TSES BCU BDUN LA DPON TSANG DGE 'DUN DON GRUB KYIS ZHABS BRTAN PHUL, TSES BCO BRGYAD LA THOR GOD DAR RGYAS PE'I LI'I BANG CHEN BA NGO G-YOG SUM CU SKOR 'BYOR PAR PHYAG DBANG JA GRAL GNANG, DE'I PHYI NYIN DKON MCHOG WANG LA 'JIGS BYED LHA BCU GSUM MA'I DBANG DANG DUG DBANG BCAS GNANG, TSES NYI SHU LA WANG DPON G-YOG DANG THOR GOD KYI AEL CHI SOGS SER SKYA SUM BRGYA SKOR LA TSE DBANG GRUB RGYAL MA DANG 'OD DPAG MED LA BRTEN PA'I 'PHO KHRID RNAMS KYI LUNG GNANG, LO RTING MAR DGUNG SKEG GI STENG DU PHEBS RGYU'I ZHABS BRTAN DU DMIGS PHYAG MDZOD CHEN MO NAS KHUR BLANGS TE GSER SRANG LNGA BRGYA LAS TSE DPAG MED KYI SNANG BRNYAN DANG, DNGUL SRANG BZHI BRGYA BZHI BCU ZHE BDUN LAS BDE MCHOG DKAR PO DANG SGROL DKAR GYI SNANG BRNYAN BZHUGS KHRI RGYAB YOL DANG BCAS PA PHRA RGYAN DANG BZO BKONG PHUN SUM TSOGS PA BZHENGS PAR RAB GNAS MDZAD, LO 'DI NANG GCEN LUNG BA BLO BZANG RAB RGYAS KYIS RNAM BSHAD THAR LAM GSAL BYED, BDE 'BYOR PA TSUL KHRIMS RGYA MTSOS DBU MA DGONGS PA RAB GSAL, DPE THUB PA BLO BZANG RDO RJE DANG LA KHA PA BLO BZANG BKRA SHIS, GRANG MO CHE PA YE SHES RDO RJE RNAMS KYIS PHAR PHYIN GYI SPYI THAL, GRANG MO CHE BA BLO BZANG DBYIG GNYEN, BA SO BA RJE DRUNG DPAL LDAN CHOS BZANG, GNAS PA BLO BZANG DON GRUB, SA BDE CHEN PA BLO BZANG RGYAL MTSAN, LA KHA BA BLO BZANG TSE RING, RGYAL CHEN RTZE PA BLO BZANG BSOD
, ,NAMS, SA RDOR GDAN PA BLO BZANG BSTAN 'DZIN DANG BKRA SHIS RGYAL MTSAN, DPE THUB PA BLO BZANG BZOD PA, LHO PA DAM CHOS LEGS BSHAD, 'DAR PA BLO BZANG BRTZON 'GRUS, MDANGS CHEN PA BLO BZANG RGYAL MTSAN, GCEN LUNG PA BLO BZANG DON GRUB BCAS KYIS RNAM 'GREL GYI THAL PHRENG, DBEN DGON PA YE SHES RGYA MTSOS LAM KHRID MYUR LAM, BLO BZANG BKRA SHIS DANG BLO BZANG MKHAS MCHOG GNYIS KYIS BDE MCHOG RTZA RGYUD, GANGS CAN PA BLO BZANG BSTAN PAS GSANG 'DUS DANG, BDE MCHOG GI BSKYED RDZOGS GNYIS KYI KHRID, CHOS 'KHOR LHUN PO BA SANGS RGYAS YAR 'PHEL GYIS BYAMS CHOS SDE LNGA DANG RNAM 'GREL GYI SPYI DON, ZHA LU PA RIN CHEN 'JAM DBYANGS BSTAN 'DZIN GYIS DUS 'KHOR BSDUS RGYUD DANG CHO GA YONGS RDZOGS, GSER MDOG CAN PA RIN CHEN RGYA MTSOS BYAMS CHOS SDE LNGA BCAS KYI RGYUGS PHUL BAR SO SOR SNGAR SROL LTAR GYI GNANG CHA YID MGU BA GNANG, ` SNA TSOGS ZHES PA CHU PHO RTA'I LO GSAR TSES KYI DGA' STON DANG BSTUN DKON MCHOG WANG SOGS MGRON RIGS RNAMS LA'ANG STON MO STZAL, BZHAD GNYER PA RDZONG KHA PA DRUNG RAM PA DGE 'DUN DON GRUB KYIS ZHABS BRTAN PHUL, SHEL DKAR CHOS SDE'I JA DPON NAS KYANG SGER MJAL ZHUS, YONGS 'DZIN LAS CHOS RGYAL DUG RI NAG PO ZHAL GCIG PHYAG BZHI'I RJES GNANG GSAN, DKYIL KHANG ZHAL SNGA NAS BLO BZANG BRTZON 'GRUS DANG GZHIS ZHOL RIN
SPUNGS PA SO SO NAS ZHABS BRTAN PHUL, DKON MCHOG WANG LA KHO RANG NAS ZHUS NGOR STZAL PA'I DUS 'KHOR SKU GSUNG THUGS YONGS RDZOGS KYI SGRUB THABS DNGOS GRUB BDUD RTZI'I CHAR 'BEBS DANG, BSANGS MCHOD BKRA SHIS CHAR 'BEBS, DUG DBANG BDUD RTZI'I CHU RGYUN RNAMS KYI LUNG DANG THON PHYAG GI DNGOS PO RGYA CHER STZAL, TSES DRUG LA JA SAG THU HAN GYI BLA MA NO MON HAN NAS TSOGS DBUR SPYAN DRANGS TE JA SAG THU HAN GYIS PHUL PA'I DNGOS 'BUL GTOS CHE BA BTEG ,RGYAL DBANG MCHOG NAS MI SNA 'BYOR TE ZHU YIG SKYES BZANG GIS BRGYAN PA DANG, 'DUS TSOGS SU YANG MA 'GYED KYI BSNYEN BKUR MDZAD, TSES BCU GCIG LA SNGAGS GRVA NAS BDE MCHOG GI DBANG THOB PA BCO LNGA SKOR LA 'KHOR LO SDOM PA'I CHO GA YONGS RDZOGS 'DZIN DGOS PA'I BKA' PHEBS, TSES BCU GNYIS NAS BZUNG ZLA BA GSUM GYI RING SKU MTSAMS MDZAD NAS 'KHOR LO SDOM PA LHA DRUG CU RTZA GNYIS KYI LAS RUNG GI BSNYEN PA MDZAD, ZLA BA BZHI PA'I TSES BCU GNYIS LA SKU MTSAMS GROL NAS TSES BCU GSUM GYI NYIN YONGS 'DZIN RIN PO CHE DANG SKU'I PHU BO DAM PA RJE DRUNG BLO BZANG SBYIN PA CHOG ROGS PA BCO BRGYAD DANG BCAS KHA SKONG GI SBYIN SREG DANG TSOGS 'KHOR RGYAS PA GNANG, DE'I PHYI NYIN 'JIGS BYED KYI ZHI BA'I SBYIN SREG MDZAD, TSES BCO LNGA LA BSTAN SRUNG RNAMS LA GTANG RAG TU BSKANG GSO GNANG, RGYAL DBANG MCHOG GI SPRUL PA'I SKU'I ZHABS BRTAN DU DMIGS
, ,NAS DGON KHAG RNAMS SU DGOS CHA STZAL TE ZHABS BRTAN SKU RIM RGYA CHER BSGRUBS, RJE BLA MA MCHOG DGUNG LO NYER LNGA'I SKEG THOG TU PHEBS PAR BRTEN, RJE NGAG DBANG BYAMS PA NAS MI SNA'I GDONG ZHABS BRTAN 'BUL BAR MDZAD, TSES BCU DRUG GI NYIN RGYUD PA GRVA TSANG NAS GDAN DRANGS PA LTAR MCHOD RDZAS SNA TSOGS PA THOGS PA'I SER SBRENG GIS MDUN BSUS TE SNGAGS KHANG DU ZHABS ZUNG BKOD, TSES BCU BDUN GYI NYIN SNGAGS GRVA'I DGE 'DUN SUM BRGYA SKOR LA RAS BRIS KYI DKYIL 'KHOR DU DPAL 'KHOR LO SDOM PA L'U AI PA'I LUGS LHA DRUG CU RTZA GNYIS KYI DBANG GI STA GON DANG DNGOS GZHI BCAS SMIN RGYAS SU STZAL, TSES BCU DGU LA BDE MCHOG GI CHO GA YONGS RDZOGS KYI LUNG GNANG ZHING TSOGS 'KHOR DANG SMON LAM BKRA SHIS SOGS MDZAD, SNGAGS CHEN RDO RJE 'DZIN PA NAS GTANG RAG GI YON GYA NOM PA BSTAR, RGYAL BA 'JAM DPAL SNYING PO'I BSTAN PA RIN PO CHE 'PHEL RGYAS KYI CHED DU DMIGS DPAL RDO RJE 'JIGS BYED KYI RGYAS PA'I SPYIN SREG TSAR GSUM GNANG ZHING GTANG RAG BSKANG GSO SOGS RGYAS PAR GNANG, TSES NYER GCIG LA RGYUD PA'I CHOS GRVAR PHEBS TE TSOGS YONGS LA 'DUS PA'I RIM GNYIS 'DZIN CHOS SU STZAL CING BGRO GLENG LA'ANG GZIGS RTOGS MDZAD, DGONGS JA GROL NAS RGYUD GRVA BA RNAMS LA DPAL DUS KYI 'KHOR LO'I RGYUD 'GREL DANG, BDE MCHOG BSKYED RIM GYI MGO NAS 'DZIN CHOS STZAL CING, BDE MCHOG RTZA
RGYUD KYI MGO NAS LUNG GI DBU TSUGS TZAM GNANG, TSES NYER GNYIS LA BLA BRANG DU PHEBS, TSES NYER GSUM LA 'DAM BLA MA DKA' CHEN YE SHES BSTAN 'DZIN GYIS GZIMS CHUNG ZHABS BRTAN PHUL, TSES NYER DRUG LA HAR GDONG MI TSAN NAS SPYAN DRANGS TE GSOL STON DANG ZHABS BRTAN PHUL ZHING SA GSUM MA DANG BRTAN BZHUGS GSAR RTZOM GYI LUNG GNANG, TSES NYER BRGYAD LA JA SAG THU HAN GYI BLA MA NO MON HAN NAS TSOGS DBUR SPYAN DRANGS TE DNGOS 'BUL DANG BCAS ZHABS BRTAN PHUL, TSES NYER DGU'I NYIN CHOS RJE NO MON HAN DANG DKYIL KHANG ZHAL SNGA NAS SOGS NYUNG BSDUS LA DPAL LDAN LHA MO DANG CHOS SKYONG LCAM SRING GI RJES GNANG, LCAM SRING GI GTOR 'BUL GYI LUNG BCAS GNANG, PHYI DRO'I CHAR NO MON HAN NGO G-YOG TSANG MAR GRUB RGYAL LUGS KYI TSE DBANG DANG THANG LHA'I GSOL MCHOD SOGS GSAR RTZOM KHA SHAS KYI LUNG STZAL, ZLA BA LNGA PA'I TSES GCIG GI NYIN LHA RTZE CHOS SDE 'DUS SPYI NAS ZHABS BRTAN PHUL ZHING GDUGS DKAR SGROL SHER SOGS KYI LUNG GNANG, DE NAS RIM BZHIN RI BO MDANGS CAN PA DANG THAR PA CHOS SDE BA SO SO NAS ZHABS BRTAN GSOL 'DEBS ZHUS, TSES LNGA LA NO MON HAN LA THON PHYAG SBAM MTHO BA DANG BSTAN 'GRO'I DON RGYA GANG CHE BYED DGOS PA'I ZHAL TA PHEBS, DE'I PHYI NYIN SNAR THANG GNYER PA DKA' CHEN RJE DRUNG YE SHES 'BYUNG GNAS KYIS RGYU YON SBYAR TE SNAR THANG 'DUS SPYI NAS TSE CHOG DANG 'BREL BA'I ZHABS BRTAN PHUL, 'TSO BYED DGE SLONG DGE 'DUN DON GRUB KYIS
, ,BSKUL MA ZHUS NGOR RIGS GSUM SPYI SGRUB KYI BLA MA'I RNAL 'BYOR BKA' RTZOM GNANG STE LJAGS LUNG YANG STZAL, DE'I PHYI NYIN SRAD RGYUD BLA GRVA RNAMS NAS ZHABS BRTAN GSOL 'DEBS ZHUS PAR GSANG 'DUS RTZA RGYUD LE'U DANG PO'I LUNG GNANG, RJE NYID KYIS ZHAL BKOD MDZAD PA LTAR RGYUD GRVA NAS GSANG 'DUS RTZA RGYUD LE'U DANG PO DANG SON LAM SHIS BRJOD ZHAL 'DON MDZAD PAS GRA 'GRIG PA BYUNG, DE'I PHYI NYIN DPAL 'KHOR CHOS SDE'I MKHAN TSAB DANG, GRVA TSANG KHAG GI BLA MA BCU BDUN, GRVA RIGS SOGS TSANG MA BYON NAS DNGOS 'BUL GYI BDOG PA BTEG ,DKA' BCU BLO GROS KYIS KYANG SGER MJAL ZHUS, GRVA TSANG KHAG SO SO NAS KYANG MCHOD SPRIN SPROS SHING BLA MA MCHOD PA'I LUNG GNANG, TSES BCU LA DAR RGYAS SGRUB SDE BAS DNGOS 'BUL BTEG ,TSE SGRUB 'CHI MED BDUD RTZI'I CHU RGYUN DANG DE'I DMIGS RIM, BKA' DRIN GSOL 'DEBS MA BCAS KYI LUNG GNANG, DE'I PHYI NYIN DPAL 'KHOR CHOS SDE'I BLA GRVA LAS SNE SOGS PHYED SUM BRGYA SKOR LA GRUB RGYAL LUGS KYI TSE DBANG STZAL, BZHAD BKRA SHIS DGE 'PHEL GYI BLA MA GRANG MO CHE PA DKA' BCU YE SHES RGYAL MTSAN GYIS RGYU YON SBYAR TE GOS SKU GSAR BZHENGS LA SHIS BRJOD MDZAD, TSES BCO BRGYAD LA YAB RJE DE NYID KYI DGONGS RDZOGS SU BZHENGS PA'I MCHOD RTEN LA RAB GNAS GNANG, SKYID GRONG ME TOG MDANGS CAN DU BZHUGS PA'I DKA' CHEN NAS LUNG PA YE SHES DPAL
'BYOR GYIS BSKUL NGOR THUN DRUG GI RNAL 'BYOR NYAMS SU LEN TSUL, MDO SNGAGS KYI DRI LAN, SNAR THANG SPYI SA NAS BSKUL NGOR GNANG BA'I GTER BDAG PAR MCHOD GTOR 'BUL TSUL RNAMS KYI LUNG YANG STZAL, TSOGS CHEN DGE BSKOS NAS GSOL BA BTAB PA BZHIN, 'DUS SDER GRUB RGYAL LUGS KYI TSE DBANG GNANG, LO 'DIR RGYAL DBANG MCHOG GI SPRUL PA'I SKU PO TA LAR GDAN DRANGS TE GSER KHRIR MNGA' GSOL MDZAD RTZIS LA DGE BSNYEN GYI SDOM PA 'BUL BA SOGS KYI CHED AAM PAN GNYIS DANG DE MO SPRUL PA'I SKU RIN PO CHE, BKA' BLON SOGS NAS SPYAN 'DREN PAR MGRON GNYER SKAL BZANG DON GRUB, CHIBS DBON SHAG BYANG, SE RA SPYI SO'I GNYER PA BCAS 'ONGS PAR 'BYOR PHYAG GNANG, LO DE'I ZLA BA DRUG PA'I TSES BDUN LA BKRA SHIS LHUN PO NAS CHIBS KHA BSGYUR, GZHIS KA RTZE'I ZHOL MA ZIN TZAM LA CHIBS PA GLO BUR DU 'DROGS NAS THAMS CAD LA DNGANGS SKRAG CHER BYUNG YANG SKU LA SKYON MA BYUNG BA BSTAN SRUNG RNAMS KYI THUGS RJER GO ,'DI NAS BZUNG STE PO TA LA BAR DU NYIN RE BZHIN LAM SKABS SU DGON SDE RNAMS NAS SER SBRENG DANG, MI SDE RNAMS NAS GLU GZHAS BRO GAR SOGS RTZED SNA PHUL BAR GNANG SKYES STZAL TE TSIM PAR BYAS, PHEBS ZHOR BKRA SHIS RTZER BYON TE YUM GYI GTZUG PHUD BZHES, RNAM GLING LCAGS KHAR DGA' LDAN CHOS 'KHOR GYI MKHAN PO SKU'I PHU BO BLO BZANG SBYIN PAS GTZO MDZAD BLA SPYI NAS SHANGS LEN GZABS TE ZHABS BRTAN PHUL, KHONG RNAMS
, ,KYI BZHED PA LTAR DGA' LDAN LHA BRGYA MA SOGS KYI LUNG STZAL, DE MTSUNGS BRAG DKAR CHOS SDE BA RNAMS NAS DNGOS 'BYOR GYI MCHOD SPRIN BTEG PAR TSE SGRUB 'CHI MED BDUD RTZI'I CHU RGYUN GYI LUNG GNANG, DE NAS RIM GYIS PHEBS PAR YANGS PA CAN DU SKU'I GCUNG KARMA ZHVA DMAR SPRUL PA'I SKU RIN PO CHE DANG MJAL 'PHRAD MDZAD, PHAN TSUN GSUNG GLENG DMAR BA GNANG, MCHOD SPRIN RGYA CHEN POS RTEN RNAMS YANG DAG PAR MCHOD DE BSTAN 'GRO'I PHAN BDE RGYAS PA'I THUGS DMIGS MDZAD, ZHVA DMAR BLA BRANG NAS STON MO 'BUL BA SOGS YANG DAG PA GNANG, TSES NYER GSUM GYI NYIN BLA CHEN, DPON CHEN MANG PO'I CHIBS BSU DANG, DGE 'DUN 'DUS PA'I TSOGS KYI SER SBRENG GIS MDUN BSUS TE SNYE THANG RA BA STOD DU PHYAG PHAB STE RGYAL DBANG MCHOG GI SPRUL PA'I SKU DANG MJAL 'PHRAD MDZAD CING PHAN TSUN THUGS DGYES PA'I GSUNG GLENG GNANG, LO 'DIR THAN PA CHEN PO BYUNG STE ZHING PA RNAMS NYAM THAG PAR YOD PA LA, SKABS DER YAB SRAS ZHAL 'DZOMS PA'I DBANG GIS CHAR CHEN PO BABS PAS SKYE BO KUN DAD PA DANG DGA' BA 'GRAN BZHIN 'PHEL, YAB SRAS NYI ZLA'I SNANG BA LHAN CIG TU, ,RGYAS PAR GYUR TSE DKAR PHYOGS LHA KLU KUN; ;MKHA' LA SPRIN DKRIGS BDUD RTZI'I CHAR PHAB STE, ,GUS PA'I TSUL GYIS MCHOD YON SPRO BA BZHIN, ,PHUR BU LCOG TU RJE BTZUN NGAG DBANG BYAMS PA RIN PO CHE SKU NA SMIN KHAR SKU KHAMS RNYOG TSUL GSAN PAS MTSAMS 'DRI
ZHU BAR DPON TSANG DGE SLONG DGE 'DUN DON GRUB RDZONG STA GNANG, MCHOG GI SPRUL PA'I SKU RIN PO CHE'I SKU MDUN DU YANG NYIN LTAR BYABS KHRUS 'BUL BA MDZAD, MGRON GNYER DGE SLONG SOGS LA THON PHYAG GNANG, RGYAL DBANG RIN PO CHE'I ZHABS BRTAN DU DMIGS RVA BA STOD PA DGE 'DUN LNGA BRGYA SUM CU NAS GDUGS DKAR ZLOG BCAS 'GRO GANG CHE MDZAD RGYUR MANG JA BCU GCIG GI DGOS CHA DANG DNGUL SRANG RE'I 'GYED STZAL, RVA BSTOD PA BLA SPYI NAS KUN MKHYEN RGYAL DBANG YAB SRAS 'DU KHANG DU SPYAN DRANGS TE DKAR SPRO'I THOG DNGOS 'BUL BTEG ,TSES NYER DGU'I NYIN SNYE THANG 'OR DU BYON TE JO BO AA TI SHA'I THUGS DAM GYI RTEN SGROL MA GSUNG 'BYON MA'I MDUN DU MCHOD 'BUL MDZAD CING THUGS SMON GNANG, GZHAN YANG DE KHAR BZHUGS PA'I RTEN SO SO LA SNYAN SHAL PHUL, 'PHAGS SDE SPYI SO NAS DNGOS 'BUL BSTAR ZHING SLOG CHA YANG STZAL, GNAM GANG GI SNGA DRO RGYAL DBANG MCHOG GI SPRUL PA'I SKU RIN PO CHE DANG YONGS 'DZIN RGYUD SMAD MKHAN PO, TZANG JUN B'A DUR CHING WANG TSE BRTAN SKYABS SOGS LA DPAL RDO RJE 'JIGS BYED LHA BCU GSUM MA DANG DPA' BO GCIG PA'I DBANG STA GON GCIG 'THUS SU STZAL, PHYI DRO RVA BSTOD CHOS GRVAR DGE 'DUN DRUG BRGYA SKOR LA DGA' LDAN LHA BRGYA MA'I GZAB KHRID DANG LAM RIM BSDUS DON, SGROL MA BCAS 'DOD CHOS KYI LJAGS LUNG STZAL, ZLA BA BDUN PA'I TSES GCIG LA MCHOG GI SPRUL PA'I SKU NAS DBANG YON PHUL, JI SA AAM PAN NAS RTEN 'BYUNG BSTAR
, ,ZHING KHO RANG PE'I CING DU THON RGYUR SKU BRNYAN, SPOS SNAM SOGS BSTAR, RGYAL DBANG MCHOG GI SPRUL PA'I SKU RIN PO CHE'I YUM DANG CHOS DRUNG MA BCAS KYI THUGS BZHED LTAR SGROL MA DANG KHYUNG NAG GI SGRUB THABS KYI LJAGS LUNG DANG BKA' SGO STZAL, YONGS 'DZIN MKHAN RIN PO CHE LAS PHYAG RDOR DRAG PO GSUM SGRIL GYI RJES GNANG ZHUS NAS BSNYEN BSGRUB MDZAD, TSES GSUM LA RJE BTZUN MCHOG GI SPRUL PA'I SKU DANG YONGS 'DZIN RGYUD SMAD MKHAN CHEN, B'A DUR CHING WANG TSE BRTAN SKYABS, BKA' BLON THON PA, MCHOD DBON, GSOL GZIMS SOGS ZHABS PHYI NANG 'KHOR RNAMS DANG BCAS LA GRUB RGYAL LUGS KYI TSE DBANG STZAL, DGONGS MO 'DU KHANG NAS CHOS SKYONG CHEN PO BSE KHRAB PA'I ZHAL 'BAG BYIN CAN BKA' GNYAN DE GZIMS CHUNG DU SPYAN DRANGS NAS MCHOD GTOR RGYAS PA PHUL TE 'PHRIN LAS BCOL BAR MDZAD, DER BZHUGS RING MCHOG GI SPRUL PA'I SKU RIN PO CHER RNAM 'JOMS KYI BYABS KHRUS YANG YANG PHUL ZHING MGON PO BAR CHAD KUN SEL GYI DBANG, MI G-YO BA'I RJES GNANG SOGS STZAL, B'A DUR CHING WANG LA 'DOD CHOS KYANG GNANG, RGYUD SMAD MKHAN PO NAS RGYAL BA YAB SRAS 'DU KHANG DU SPYAN DRANGS TE ZHABS BRTAN PHUL, B'A DUR CHING WANG LA DRAG PO GSUM SGRIL GYI RJES GNANG STZAL, TSES DRUG GI NYIN PHEBS BSU'I CHED DU PO TA LA NAS NO MON HAN DE MO SPRUL PA'I SKU RIN PO CHE DANG GNYUG MAR GNAS PA'I DRUNG 'KHOR GYI
TSOGS 'BYOR PAR MJAL KHA JA GRAL THOG LUGS GNYIS DANG 'BREL BA'I GSUNG GLENG 'PHEL BA BYUNG, DE NYIN PHU YAN BLA MA AA KYA HU THOG THU SOGS RGYA'I MI DRAG SER SKYA DPON G-YOG DANG BKA' BLON, MDA' DPON, RTZIS DPON SOGS LAS TSAN CHE 'BRING CHUNG GSUM, RDZONG GZHIS KYI SNE MO BA SOGS DANG, SER 'BRAS DGE GSUM GYI BLA MA, SPRUL SKU, LAS SNE, GZHAN YANG DGON KHAG MANG PO'I BLA MA LAS SNE SOGS CHIBS BSU BA STONG PHRAG MANG PO 'BYOR, TSES BDUN GYI NYIN YAB SRAS LHAN CIG TU PHEBS PAR, 'BRAS SPUNGS NAS SER SBRENG DANG CHOS SKYONG CHEN POS KYANG BSU BA MDZAD, MTSAN NYID GLING GAR ZHAG GNYIS BZHUGS SHING 'BRAS SPUNGS SPYI SO NAS DKAR SPRO DANG DNGOS 'BUL BSTAR BAR TSANG MAR PHYAG DBANG GNANG, TSES DGU'I NYIN RIN CHEN RGYAN CHA BA RNAMS KYIS SNA DRANGS TE CHIBS KHA BSGYUR, GSOL TSIGS RA BAR GZHUNG GI THAB BSU'I SAR RGYA BOD HOR SOGS KHA CHE NE PA LA SOGS KYI SKYE BO MANG PO RANG RANG GI LUGS SROL DANG MTHUN PA'I CHA LUGS GZABS MCHOR GYI CHIBS BSUR 'BYOR PA RNAMS LA MJAL KHA JA GRAL GNANG, PHO BRANG CHEN PO'I RTZE NAS DAR 'BYAR, DUNG 'BUD, RGYA GLING, GAR ROL, LHA LAM 'GENGS PA'I BSANGS SNA'I DUNG SPRIN, SER SBRENG BRO GZHAS SOGS BKOD PA MTHA' KLAS PAS MDUN BSUS TE, PHO BRANG CHEN PO PO TA LA'I GZIMS CHUNG NYI 'OD 'KHYIL PAR MCHOG GI SPRUL PA'I SKU RGYAL BA GONG MA'I BZHUGS KHRI LA ZHABS KYI PADMO MNGON PAR BKOD, RJE NYID KYANG BZHUGS
, ,KHRIR PHEBS NAS YAB SRAS LHAN RGYAS THOG GZHUNG SA NAS MCHOG GI SPRUL PA'I SKU RIN PO CHER RTEN 'BYUNG GI BDOG PA BTEG ,DE MTSUNGS RJE NYID NAS KYANG RTEN 'BYUNG GI MCHOD SPRIN PHUL, TSES BCU'I NYIN TSOMS CHEN DU SPYAN DRANGS TE MCHOG GI SPRUL PA'I SKU RIN PO CHER GZHUNG NAS LEGS 'BUL DANG, RJE BLA MA MCHOG LA'ANG LEGS SKYES BSTAR, MJAL ZHU BA MANG POR PHYAG DBANG GNANG, STON MO'I THOG GRAL 'PHROS PA, TSOGS LAD PA, GAR PA, RIN CHEN RGYAN CHA BA SOGS TSAR DU DNGAR BA MDZAD, TSES BCU GNYIS LA BLA BRANG NAS RGYAL DBANG MCHOG GI SPRUL BA'I SKU RIN PO CHE TSOMS CHEN DU SPYAN DRANGS TE DNGUL RDO TSAD BCU GSUM DOD 'BUL GYI STON MO'I THOG MAndAL, KHA BTAGS, SKU GSUNG THUGS RTEN, NA BZA' NYER SPYAD, DNGUL BRE CHEN BRGYA DANG LNGA SOGS KYI DNGOS 'BUL SBAM MTHO BA BTEG ,DE SKABS RJE BLA MA NYID NAS MAndAL GYI GSUNG BSHAD MDZAD, B'A DUR CHING WANG NAS RJE NYID LA DNGOS 'BUL DANG BCAS ZHABS BRTAN PHUL, AAM PAN GNYIS KYIS KYANG BDOG PA BSTAR, TSES BCU BZHI'I SNGA DRO NYI 'OD 'KHYIL PAR RJE BLA MA MCHOG NAS MCHOG GI SPRUL SKU RIN PO CHER DGE BSNYEN GYI SDOM PA 'BUL BA MDZAD CING LEGS SKYES KYANG PHUL, NO MON HAN DE MO SPRUL PA'I SKU, YONGS 'DZIN, BKA' BLON, GUNG, ZHABS PHYI NANG MA SOGS TSANG MAR BABS BSTUN GYI PHEBS SKYES MI DMAN PA STZAL, NYIN DER NO MON HAN DE MO SPRUL PA'I SKU NAS YAB
SRAS LHAN RGYAS TSOMS CHEN DU SPYAN DRANGS, GSOL STON RGYAS PA DANG BCAS MCHOG GI SPRUL PA'I SKU RIN PO CHER ZHABS BRTAN DANG 'BREL BA'I LEGS 'BUL SHIN TU GZAB PA DANG, DE BSTUN RJE BLA MA MCHOG LA'ANG DNGOS 'BUL SBAM MTHO BA BTEG ,BKA' BLON SOGS BOD KYI MI DRAG RNAMS NAS ZHAG 'GA'I BAR MCHOG GI SPRUL PA'I SKU RIN PO CHER GSOL STON DANG LEGS 'BUL 'DEGS PA MDZAD SKABS RJE NYID LA'ANG DNGOS SKYES MI DMAN PA BSTABS PAR SLOG KYANG GNANG, SER 'BRAS DGE GSUM, RGYUD STOD SMAD, RVA SGRENG, RNAM RGYAL GRVA TSANG BCAS LA SO SOR MANG JA LNGA RE'I THOG DGE 'DUN RER DNGUL SRANG RE, DE PHYIN DBUS LHO BYANG GI DGON KHAG BLA BRANG GI DGON DEB TU GSAL BA BRGYA DANG BCU BDUN LA MANG JA LNGA RE DANG DGE 'DUN RER 'GYED BAL tAM RE BCAS GNANG BAR KHYON BSDOMS DNGUL SRANG CHIG KHRI LNGA STONG BRGYA BDUN CU DON DGU, DGA' LDAN GYI GSER GDUNG, RVA SGRENG GI JO BO 'JAM DPAL RDO RJE, 'OL KHA RDZING PHYI'I BYAMS PA; BYAMS PA GLING DANG CHOS 'KHOR RGYAL GYI BYAMS PA BCAS LA BRGYA MCHOD SNA LNGA DANG, LHA RDZAS KYI SNYAN SHAL PHUL, CHOS 'KHOR RGYAL GYI LHA MOR DGE 'DUN BRGYAD GRVAS ZLA BA GCIG GI RING LHA MO'I BSKANG 'PHRIN MDZAD RGYU'I DGOS CHA YON BCAS STZAL, DE THAMS CAD MCHOG SPRUL RIN PO CHE'I ZHABS BRTAN DU DMIGS PAR MDZAD DO, ,MKHYEN BRTZE'I CHU YI KHUR GYIS LCI BA'I SPRIN, ,YUL DBUS LHA LAM YANGS PAR NGAL GSO BA, ,DE TSE MI ZAD GTONG BA'I
, ,DGA' CHAR GYIS, ,RIG GROL GNYIS LDAN SDE RNAMS CI YANG TSIM, ,TSES BCO LNGA NAS BZUNG RJE BLA MA MCHOG NAS MCHOG GI SPRUL PA'I SKU RIN PO CHER RNAM 'JOMS LA BRTEN PA'I BYABS KHRUS DANG, KU RU KULLE, DPAL GSANG BA'I BDAG PO PHYAG NA RDO RJE, DPAL MGON ZHAL BZHI PA, SGROL DKAR, DPAL LDAN LHA MO, CHOS SKYONG BEG TZE RNAMS KYI RJES GNANG DANG, DPAL RDO RJE 'JIGS BYED KYI BLA BRGYUD, BDAG BSKYED, SMON LAM, SHIS BRJOD, DBUS KYI CHOS SPYOD RAB GSAL BCAS KYI LJAGS LUNG 'BUL BA MDZAD, PHU YAN BLA MA AA KYA HU THOG THU NAS GNAS BRTAN PHYAG MCHOD DANG 'BREL BA'I BRTAN BZHUGS PHUL, NANG BLON CHEN PO PHU GUNG GI SRAS NAS DNGOS SKYES BSTAR BAR SLOG CHA SBAM MTHO BA STZAL, SER 'BRAS SPYI SO NAS MCHOD SPRIN SPROS, RJE NGAG DBANG BYAMS PA NAS RAB 'BYAMS PA MNGAGS TE DNGOS 'BUL DANG YONGS 'DZIN PAS KYANG BDOG PA BSTABS, GZHAN YANG MTHO LDING MKHAN PO SOGS MNGA' RIS SKOR DANG SA SKYA PHYAG MDZOD, 'BRUG PA SPRUL SKU SOGS GRUB MTHA' RIS MED NAS SO SO'I 'BYOR PA DANG BSTUN PA'I DNGOS 'BUL BSTAR, BRAG CHOS MKHAN PO NGO G-YOG SUM CU SKOR LA DGA' LDAN LHA BRGYA MA'I KHRID STZAL, 'DI SKABS RJE GRUB PA'I DBANG PHYUG NGAG DBANG BYAMS PA RIN PO CHE SKU NA SMIN CHE BA'I KHAR CHAB KYI SNYUN BZHES PAR DVANGS BSKYED MA BYUNG BA'I GNAS TSUL GSAN TE DPON G-YOG NYUNG BSDUS PHUR BU LCOG TU PHEBS PAS GRUB
DBANG NYID KYANG THUGS LHAG PAR DGYES, DE NAS DNGOS 'BYOR GYI MCHOD SPRIN DANG BCAS 'JAM MGON BLA MA'I BSTAN PA DANG GDUL BYA'I DPAL DU ZHABS PAD BRTAN DGOS TSUL NAN TAN CHEN POS GSOL BAR, BKA' LAS, SKU ZHABS RIN PO CHE THAMS CAD MKHYEN PA'I THUGS SMON DANG DAM TSIG GTZANG BA'I NUS MTHU LA BRTEN NAS DE RING RIG PA DVANGS SHING SKAL BA BZANG LA RTEN 'BREL LEGS PA BYUNG, DGA' MO YONG 'GRO ZHES GSUNG, DGA' STON DANG DNGOS 'BUL GYA NOM PA PHUL TE RGYAL BSTAN SPYI DANG KHYAD PAR 'JAM MGON BLA MA'I BSTAN PA'I DPAL DU ZHABS PAD BSKAL PA RGYA MTSO'I BAR DU BRTAN PAR BZHUGS NAS 'CHAD RTZOD RTZOM GSUM GYI SGO NAS RGYAL BA'I BSTAN PA RIN PO CHE 'DZIN SKYONG SPEL BA MDZAD DGOS, LHAG PAR DON GNYER BA RNAMS LA RAB BYUNG BSNYEN RDZOGS KYI SDOM PA GNANG DGOS, 'DUL BA NAS RAB BYUNG BSNYEN RDZOGS KYI MKHAN PO BYED PA LA BSNYEN PAR RDZOGS NAS LO BCU LON DGOS PAR GSUNGS PA DE SPYIR BTANG YIN, DMIGS BSAL GYI DBANG DU BYAS NA LO LNGA LON NAS KYANG MKHAN PO BYAS CHOG PA YOD TSUL 'DUL BA NA GSAL, BDAG LTA BU NI NA SO RGAS, RGYAL DBANG MCHOG NI SKU NA PHRA BAS SKABS SU MA BABS, DA CHA SKYABS MGON MCHOG THUGS RDZOGS BZHES NAS LO LNGA DRUG TZAM SONG 'DUG PAS, BSTAN PA'I RGYUN LA DGONGS NAS DON GNYER BA RNAMS LA BSNYEN RDZOGS KYI SDOM PA GNANG DGOS, DA LAM RAB BYUNG GI THOG MA CHAB MDO 'PHAGS PA LHA'I SPRUL PA'I SKU RIN PO CHE LA GNANG ROGS MDZOD CES
, ,GSUNG NAN CHE BA PHEBS PAR BRTEN ZHAL BZHES GNANG DGOS PA BYUNG, DE NAS THUGS BZHED LTAR TSE DBANG ZHIG KYANG BSGRUBS NAS 'BUL BA GNANG, DE NYIN BLA MA MCHOG GI SKU MDUN DU YUN RING LHOD CHAGS PA BZHUGS TE SKU KHAMS KYANG BDE NYAMS DANG BCAS DAM PA'I CHOS ZAB MO'I GSUNG GLENG 'BEL GTAM ZHIB TU MDZAD, DE'I PHYI NYIN TSOGS KYI 'KHOR LO RGYAS PAR BSHAMS TE RJE BLA MA MCHOG GIS GTZO MDZAD PHUR BU LCOG GI DGE SLONG BRGYAD GRVA DANG BCAS BLA MA MCHOD PA'I CHO GA MDZAD PA'I THOG RJE BYAMS PA'I MTSAN CAN LA DNGOS 'BUL SBAM BSTOD DE, RJE BTZUN BLA MA NYID SKU TSE MANG PO'I SNGON ROL NAS 'JAM MGON BLA MA'I BSTAN PA 'DZIN SKYONG SPEL BA LA SMON LAM GYI MTHU GRUB PA YIN GSHIS, DA DUNG YUN RING DU ZHABS PAD BRTAN PAR BZHUGS NAS BSTAN 'GRO'I DON MDZAD DGOS PA'I GSOL 'DEBS GNANG, RTEN RNAMS KYI SPYAN SNGAR MCHOD SPRIN SPROS SHING RI KHROD 'DZIN PA'I DGE 'DUN RNAMS LA MANG 'GYED KYI BSNYEN BKUR BZANG PO BSTABS, 'DU KHANG DU ZHABS ZUNG BKOD NAS NYE SKOR RI KHROD KHAG DANG, SER 'BRAS SOGS NAS BYON PA DGE 'DUN STONG PHRAG PHYED GNYIS SKOR LA LAM RIM BSDUS DON GYI BSHAD LUNG RGYAS PAR STZAL, SLAR YANG GRUB DBANG MCHOG GI DRUNG DU PHEBS NAS RGYUN RING TZAM BZHUGS NAS GANG CI'I GSUNG GLENG DMAR BA MDZAD DE PO TA LAR PHYAG PHAB, GONG MA'I MI SNA AA KYA HU THOG THUS GSOL BA BTAB PA BZHIN, DGYES RDOR GYI RGYUD BRTAG PA GNYIS PA DANG,
MKHAS GRUB RJES MDZAD PA'I LHA NGAN MUN SEL GYI LUNG, DPAL RDO RJE 'JIGS BYED KYI RDZOGS RIM DANG, STOBS PO CHE LA BRTEN PA'I CHAR 'BEBS KYI KHRID, 'JAM LUGS LHA LNGA'I TSE DBANG, RDO RJE SEMS DPA'I RJES GNANG BCAS DANG; JIS AAM PAN GYIS ZHUS NGOR AAM PAN NYID DANG BKA' BLON BZHI SOGS LA GDUGS DKAR, SGROL MA, TSE GZUNGS, YIG BRGYA, DGA' LDAN LHA BRGYA MA RNAMS KYI LUNG DANG, AA MA PAN LA SGER DU GDUGS DKAR GYI RJES GNANG STZAL, GNAM GANG GI NYIN GSER GDUNG BKRA SHIS 'OD 'BAR GYI DRUNG DU MCHOD 'BUL MDZAD DE THUGS SMON GNANG, GZHAN YANG PO TA LA'I RTEN RNAMS LA MCHOD 'BUL MDZAD, ZLA BA BRGYAD PA'I TSES GCIG LA BSAM GLING SPRUL SKU DANG; LA MO CHOS RJE SOGS LA PHYAG DBANG STZAL, RJE NGAG DBANG BYAMS PA RIN PO CHE SNGON DU CHAB KYIS BSNYUN TSUL BSTAN PAR ZHABS BRTAN SKU RIM SOGS BSGRUBS KYANG SKU DNGOS KYI GDUL BYA RDZOGS NAS HOR ZLA BRGYAD PA'I TSES GSUM GYI THO RANGS ZHING GZHAN DU GSHEGS PA'I GTAM GSAN TE RJE BLA MA MCHOG KYANG THUGS NGAL CHE BAR MDZAD CING DGONGS PA CHOS DBYINGS SU RDZOGS PA'I RNAM DKAR GYI DGE RTZA RGYA CHEN PO BSGRUBS PA GNANG, YANG SRID MYUR 'BYON GYI CHED THUGS RJE BSKUL BA'I GSOL 'DEBS SMON TSIG KYANG GSAR RTZOM GNANG STE STZAL, NYE GNAS RAB 'BYAMS PA BLO BZANG DAR RGYAS LA RJE DE NYID KYI YANG SRID MYUR GSAL GYI SKOR LA NGED NAS KYANG DMIGS RIM GANG DRAG BYED CING, KHYED RNAMS NAS KYANG THUGS DGONGS
, ,RDZOGS PA'I RNAM DKAR GYI DGE SGRUB RGYA CHE BA MDZOD CES ZHAL TA GNANG, DE MO SPRUL PA'I SKU SOGS BRGYA LNGA BCU SKOR LA 'JIGS BYED DPA' GCIG GI DBANG STZAL, TSES BCU GSUM LA GONG MA CHEN PO'I 'KHRUNGS SKAR DANG BSTUN ZHABS BRTAN SGRUB MI SER 'BRAS DGE GSUM TSO BSDUS KYI DGE 'DUN SUM BRGYA NYI SHU SKOR TSOMS CHEN GSAR PAR TSOGS THOG YAB SRAS GNYIS TSOGS DBUR ZHABS ZUNG BKOD, GZHUNG DANG BLA BRANG GNYIS KA NAS BSNYEN BKUR BSTAB STE GONG MA CHEN PO ZHABS PAD BRTAN CING CHAB SRID RGYAS PA'I CHED MCHOG GSUM GYI THUGS RJE BSKUL BA MDZAD, TSES BCU BZHI LA GZHUNG SA NAS RJE BLA MA MCHOG STON 'KHOR LA STON CHEN GYI THOB, ,MAndAL, MDZOD BTAGS, SKU GSUNG THUGS RTEN, NA BZA' NYER SPYAD, GSER THUMS LNGA, DNGUL RTA RMIG MA BDUN CU DON LNGA SOGS DNGOS 'BUL GTOS CHE BA DANG, ZHABS PHYI RNAMS LA'ANG GO BABS DANG BSTUN PA'I GNANG SKYES BDAG RKYEN SHIN TU CHE BA MDZAD, TSES BCO LNGA LA YAB SRAS LHAN RGYAS THOG RME RU BA'I DKAR SPRO LEGS 'BUL DANG, BTZAN PO NO MON HAN GYIS DNGOS 'BUL BTEG ,DE'I PHYI NYIN BZHI SDEBS DKAR SPRO DANG DNGOS 'BUL BSTABS, RGYAL DBANG MCHOG GI SPRUL PA'I SKU RIN PO CHE'I ZHABS BRTAN DU DMIGS, YONGS 'DZIN MKHAN CHEN GNYIS DANG SKU'I PHU BO DAM PA DGA' LDAN CHOS 'KHOR GYI MKHAN PO, RNAM RGYAL GRVA TSANG GI RDO RJE SLOB DPON DANG DBU MDZAD SOGS DGE BSHES RAGS BSDUS 'DI KHA BLA BRANG GI MGON KHANG
BSKANG GSO BA RNAMS DANG BCAS TSOMS CHEN DU NYIN GSUM GYI RING DPAL RDO RJE 'JIGS BYED LA BRTEN PA'I ZHI RGYAS DBANG GSUM GYI SBYIN SREG SPYAN DMIGS GANG GZAB KYIS GNAD RJES GTANG RAG BSKANG GSO RGYAS PAR MDZAD PAR SKU YON ZHABS TOG SHIN TU GZAB PA BSTAR, BRAG G-YAB SPRUL PA'I SKU NAS KYANG DNGOS 'BUL GTOS CHE BA BTEG ,'BRAS SPUNGS SGO MANG GRVA TSANG GI DON GNYER BA KHA SHAS LA DGA' LDAN LHA BRGYA MA'I KHRID STZAL, GONG MA CHEN PO'I BKA' BZHIN RGYA NAG GI YUL GRU CHEN POR 'BYON MI RGYUD STOD MKHAN PO NGAG DBANG TSUL KHRIMS DANG, BKRA SHIS LHUN PO NAS SHAR RTZE GRVA TSANG GI BLA MA BLO BZANG 'JAM DPAL LA PHYAG DRUG PA DANG RTA MGRIN GYI RJES GNANG STZAL, SHAR RTZE BLA MAR 'PHRAL GYI BLANG DOR SPYI DANG KHYAD PAR BSTAN 'GRO'I DON CHEN SGRUB LUGS KYI ZHAL GDAMS RGYAS PAR GNANG, TSES NYER BZHI LA GZHUNG SA NAS GSOL STON RGYAS PA'I THOG PHEBS RDZONGS SBAM MTHO BA BTEG ,BLA BRANG NAS KYANG MCHOG GI SPRUL PA'I SKU RIN PO CHER DNGOS SKYES RGYA CHE BA BSTAB, DE'I PHYI NYIN BSTAN PA'I GSAL BYED DAM PA CHAB MDO 'PHAGS PA LHAS RJE BLA MA MCHOG LA ZHABS BRTAN PHUL, ZHIB BZANG PO DANG LCAGS RA SPRUL SKU GNYIS NAS KYANG DNGOS 'BUL BSTAR, RNAM RGYAL GRVA TSANG PA RNAMS NAS GSOL BA BTAB PA'I NGOR GRVA TSANG GI DGE 'DUN YONGS RDZOGS DANG CHAB MDO 'PHAGS PA LHA, BRAG G-YAB SPRUL SKU, ZHIB BZANG PO, RGYAL SRAS SPRUL SKU, MNGA' RIS SPRUL SKU, BTZAN PO NE MON HAN SOGS
, ,SPRUL SKU RNAM MANG DANG BKA' BLON ZHABS DRUNG, MDA' DPON G-YU THOG PA SOGS KHYON SER SKYA SUM BRGYA SKOR LA RAS BRIS KYI DKYIL 'KHOR DU DPAL RDO RJE 'JIGS BYED LHA BCU GSUM MA'I DBANG CHEN YONGS SU RDZOGS PA GNANG, BKA' BLON THON PA NAS SGER MJAL ZHUS THOG SGROL DKAR GYI RJES GNANG STZAL, CHAB MDO 'PHAGS PA LHAS BSKUL MA MDZAD NGOR SER SKYA SUM BRGYA SKOR LA TSE RTA ZUNG 'BREL GYI BYIN RLABS GNANG, GNAM GANG GI NYIN NYI MA GZA' 'DZIN DANG BSTUN JO SH'AKA RNAM GNYIS KYI DRUNG DU MCHOD TSOGS RGYA CHEN PO PHUL, RJE NYID KYIS GTZO MDZAD RNAM RGYAL GRVA TSANG GI GRVA BA BZHI BCU SKOR GYIS DUS KYI 'KHOR LO THUGS DKYIL GYI CHO GA RGYAS PAR GSUNGS, ZLA BA DGU PA'I TSES GCIG GI SNGA DRO GSER GDUNG BKRA SHIS 'OD 'BAR GYI DRUNG DU, RJE NYID KYIS MKHAN PO, YONGS 'DZIN NGAG DBANG CHOS GRAGS KYIS SLOB DPON, YONGS 'DZIN BLO BZANG CHOS 'PHEL GYIS DUS GO BA MDZAD DE, ZHI BA BZANG PO SOGS DGE 'DUN BCU TSOGS KYI DBUS SU 'PHAGS PA LHA'I MCHOG GI SPRUL BA'I SKUR DGE BSNYEN, RAB BYUNG, DGE TSUL GYI SDOM PA BCAS STZAL TE LHAG PA TSUL KHRIMS KYI BSLAB PA'I GNAS LA BKOD, DE DANG MNYAM DU BKRA SHIS LJONGS SPRUL SKU, BA RI BLA MA'I SPRUL SKU SOGS BSGRUB BYA SUM CU TZAM DGE TSUL DU BSGRUBS, TSES GNYIS LA LHA LDAN DU PHEBS TE JO SH'AKA RNAM GNYIS SOGS RTEN RNAMS KYI DRUNG DU MCHOD TSOGS RGYA CHEN
PO DANG BCAS THUGS SMON MDZAD, MTSO SNGON BSOD NAMS WANG DANG BKA' BLON SOGS MANG POR PHYAG DBANG GI BYIN RLABS STZAL TE SLAR YANG PHO BRANG PO TA LAR ZHABS ZUNG BKOD, DE'I PHYI NYIN RGYAL DBANG MCHOG GI SPRUL PA'I SKU RIN PO CHE ZHABS PHYI NANG 'KHOR DANG BCAS PAR TSE RTA ZUNG 'BREL GYI RJES GNANG 'BUL BA GNANG, MCHOG GI SPRUL PA'I SKU RIN PO CHER GSAN SBYONG SOGS LA THUGS BRTZON LHONG MED KYIS BSTAN PA'I BYA BA RGYA CHEN PO MDZAD DGOS PA'I SNYAN 'BUL YANG DAG ZHU BA MDZAD, TSES LNGA LA PO TA LA NAS GTZANG LA CHIBS BSGYUR GNANG, CHIBS SKYEL BA'I TSOGS CHEN PO DANG BCAS TE GSOL TSIGS RA BAR THAB SKYEL GYI STENG DU PHEBS, JA GRAL GYI THOG PHYAG DBANG STZAL TE AAM PAN ZUNG DANG, DE MO SPRUL PA'I SKU SOGS CHIBS SKYEL BA RNAMS PHYIR LOG RGYUR GNANG CHA MI DMAN PA STZAL, STONG LUNG SGANG DU MDA' DPON G-YU THOG PAS DKAR SPRO DNGOS 'BUL BSTABS, 'DI NAS BZUNG BKRA SHIS LHUN POR PHEBS KYI BAR DGON SDE RNAMS NAS SER SBRENG, MI SDE RNAMS NAS GLU GZHAS BCAS BAR MA CHAD PA BYUNG ZHING, DE DAG DANG, CHIBS BSU SKYEL BAR GSOL RAS DANG, BLA DPON, DGON KHAG ,SGER MJAL ZHU MI RNAMS LA SLOG ,RTA THAB KYI G-YOG LA GSOL RAS, NYIN RE BZHIN DAD LDAN GYI SKYE BO PHO MO MANG PO BRGYA PHRAG RIM PAR BYUNG BA LA ZHAL MJAL PHYAG DBANG GIS YID TSIM PAR MDZAD, CHU BO RI'I GRU KHAR LCAGS ZAM SPRUL SKUS SGER MJAL ZHUS, GONG DKAR RDZONG DPON JE'I SANG HA SHA GA DANG,
, ,MDA' DPON RAM PA BSOGS CHIBS BSU BA 'GA' LA PHYAG DBANG GNANG, TSES DGU'I NYIN YAR 'BROG G-YU MTSO'I NANG DU NYA MANG POR SROG BLU MI 'JIGS SKYABS KYI SBYIN PA DANG NYA PA RNAMS LA DNGOS PO'I SBYIN PA STZAL, DPAL SDER GSOL TSIGS THOG MDA' DPON RAM PA PAS DKAR SPRO DANG DNGOS 'BUL BTEG ,KHONG GI BKA' 'GYUR GSAR BZHENGS LA SHIS BRJOD MDZAD, SRIN LAG TU BZHUGS ZHAG SAR BSAM SDINGS SPRUL SKU NAS DKAR SPRO DANG BCAS DNGOS 'BUL GZAB, KHA RO LA'I SNE ZIN PA NAS NAM GSHIS KYI BKRA RTAGS YA MTSAN CING LA RTZE PHYOGS NAS KHA CHAR ZIM BU PHEBS BSU'I TSUL DANG LA RTZER PHEBS SKABS NAM MKHA' DVANGS SHING NYI 'OD GSAL BA'I NGANG NAS GANGS RI DKAR MDZES BRJID CHAGS NA BUN GYI DO SHAL CAN DU SNANG BA SOGS GNOD SBYIN GANG BA BZANG PO DGYES PA'I RTAGS SU MNGON, TSES BCU GNYIS LA RGYAR THANG DU BZHUGS ZHAG GNANG YUL SAR BKA' BLON DGA' BZHI GUNG YAB SRAS, MDA' DPON PAD TSAL BA DANG LCANG LO CAN PA, RGYAL RTZE RDZONG DPON, 'BRONG RTZE BA, DPAL 'KHOR CHOS SDE'I MKHAN TSAB DANG GRVA TSANG BLA MA SOGS RGYAL RTZE KHUL GYI SER SKYA MANG PO PHEBS BSUR 'BYOR PAR MJAL KHA GNANG BA DANG BSTUN SKYE BO STONG PHRAG SKOR LA PHYAG DBANG STZAL, TSES BCU GSUM NYIN BSU BA SER SBRENG DANG BCAS BRAG KHUGS KLU SDINGS SU ZHABS ZUNG BKOD, GNYER PA NAS KYANG BSNYEN BKUR GZABS, RGYAL RTZE
KHUL GYI CHIBS BSU BA MANG PO DANG, BRO GZHAS PA, SER SBRENG PA BCAS NAS MDUN BSUS TE DPAL 'KHOR CHOS SDE'I 'DU KHANG CHEN MOR SPYAN DRANGS, MKHAN TSAB DKA' BCU BLO GROS KYIS DKAR SPRO'I THOG DNGOS 'BUL DANG GRVA TSANG KHAG NAS KYANG 'BUL TSAN PHUL ZHING GRVA MANG LA PHYAG DBANG STZAL, BLA BRANG DKAR POR BZHUGS STAN 'JAGS, DE'I PHYI NYIN 'DU KHANG CHEN MOR DGE 'DUN STONG PHRAG BRGAL BAR SMAN BLA'I CHO GA RGYAS PA'I LJAGS LUNG DANG, MANG JA BCU BZHI'I THOG GRVA GRANGS CHIG STONG NYIS BRGYA DGU BCU GO BZHI LA 'GYED DNGUL BAL tAM GNYIS RE DANG 'BRU MKHAR KHAL GNYIS RE, BSNGO RTEN RNAM GZHAG BCAS STZAL, ZHI GNAS GRVA TSANG BAS SGER MJAL ZHUS, LHO PA'I MGO PA SKYID BDE SBUG PAS BKA' 'GYUR YONGS RDZOGS PHUL, MDA' DPON LCANG LO CAN PA DANG RGYAL RTZE RDZONG DPON NAS DKAR SPRO'I BSNYEN BKUR DANG DNGOS 'BUL GZAB CING, DE BSTUN PHRENG RING SKYONG NAS DANG SNANG DKAR BA SOGS KYIS DNGOS 'BUL BSTAR ZHING MJAL KHA ZHUS, SER SKYA STONG PHRAG MANG POR PHYAG DBANG STZAL, DE NAS GNAS GZIGS LA PHEBS TE THUB PA'I SNANG BRNYAN BYANG CHUB CHEN POR MCHOD TSOGS DANG SNYAN SHAL, GZHAN MA RTEN RNAMS LA'ANG SNYAN SHAL DANG, GUR MGON LA SPYAN GZIGS BCAS PHUL, GTZUG LAG KHANG DANG SKU 'BUM GYI RTEN RNAMS ZHIB TU MJAL NAS PHYAG NAS GNANG ZHING THUGS SMON MDZAD, DER 'DUS SKYE BO RNAMS NAS SNGA SOR PAn CHEN SKU GONG MA RJE BTZUN BLO BZANG YE SHES KYIS NYANG STOD 'DI ZHABS
, ,KYIS BCAGS PA ZHIG MA BYUNG 'DUG RUNG, DA LAM MCHOG SPRUL THAMS CAD MKHYEN PA 'DI NYID CHIBS KYI KHA LO BSKYOD DE ZHAL GYI DKYIL 'KHOR DNGOS SU MJAL BA'I SKAL BZANG THOB PA 'DI BKA' BLON DGA' BZHI GUNG KHONG RANG GI THUGS RJE YIN ZHES GLENG BA'ANG BYUNG, TSES BCO LNGA'I SNGA DRO DPAL 'KHOR CHOS SDE'I 'DU KHANG CHEN MOR DGE 'DUN GYI TSOGS DBUR BYON TE GSO SBYONG MDZAD, BDE YANGS SU GOS SKU CHEN MO LA SHIS BRJOD GNANG, DE NAS BKA'I DGUNG BLON DGA' BZHI GUNG PAndI TA NAS BSU BA SER SBRENG BRO GZHAS DAR 'PHYAR DUNG 'BUD SOGS BKOD PA PHUN SUM TSOGS PA DANG BCAS GZIMS KHANG DU SPYAN DRANGS, GSOL STON GZAB GSHOM SOGS BSNYEN BKUR RGYA CHEN PO DANG KHYAD PAR SRAD RGYUD BLA GRVA DGE BA'I BSHES GNYEN RNAMS KYIS SBYAN 'DREN KHRUS GSOL SOGS ZHAL 'DON GYI RIM PA MDZAD RJES MAndAL, SKU GSUNG THUGS RTEN, NA BZA' NYER SPYAD, DNGUL RDO TSAD SUM CU SOGS KYI DNGOS 'BUL BTEG NAS GUNG PAndI TA RANG NYID KYIS GSOL BA 'DEBS PA MDZAD, DE'I PHYI NYIN YANG GSOL STON GYA NOM PA SOGS BSNYEN BKUR GZAB, YUL KHAMS SU BKRA SHIS DGE MTSAN PHUN SUM TSOGS PA 'BYUNG CHED GSO SBYONG GI BSKUL MA MDZAD PAR BRTEN RJE BLA MA MCHOG GIS GTZO MDZAD SRAD RGYUD BLA GRVA DANG RGYANG RO GSER SDINGS PA, SER KHANG 'OG MA BA, MGON KHANG BA SOGS NYE SKOR DGE 'DUN GYI TSOGS DANG BCAS BKRA SHIS KYI GSO SBYONG MDZAD, NYI LDE SPRUL SKU DANG RTZE
CHEN CHOS SDE BAS KYANG DNGOS 'BUL BTEG ,DE NAS SKU GSUNG THUGS KYI RTEN GSAR RNYING RNAMS DANG GZIMS KHANG SKOR LA PHYAG NAS DGOS TSUL GSOL BAR SHIS PA BRJOD PA'I ME TOG GI CHAR PHABS, SKU NGO RNAMS LA SLOG CHA GNANG SKYES SBAM MTHO BA STZAL, TSES BCU BDUN LA CHIBS SKYEL BA DANG BCAS SDE BA 'BRONG RTZE BA'I KHANG PAR ZHAG GCIG BZHUGS STAN 'JAGS, KHONG BA NAS DKAR SPRO DANG DNGOS 'BUL GYI BDOG PA BTEG ,'BRONG RTZE CHOS SDEB DANG SKYID SBUG PA; THEG MCHOG GLING PA BCAS KYI SPYI 'BUL BSTABS, SDE PA 'BRONG RTZE PA DPON G-YOG DANG 'BRONG RTZE CHOS SDE'I GRVA MANG BCAS LA BLA MA MCHOD PA DANG GDUGS DKAR GYI LJAGS LUNG GNANG RJES DMANGS MAR MJAL KHA GNANG, DE'I PHYI NYIN CHIBS KHA BSGYUR TE NUB GLING DU TSA BAB, DE NAS MKHAS GRUB THAMS CAD MKHYEN PA'I GDAN SA KHYAD PAR CAN RI BO MDANGS CAN DU GNAS GZIGS KYI CHED ZHABS KYI PADMO BKOD DE ZHAG GNYIS BZHUGS STAN 'JAGS, TSES BCU DGU'I NYIN RI BO MDANGS CAN SPYI SA NAS DKAR SPRO DANG DNGOS 'BUL BCAS BRTAN BZHUGS PHUL, DGE 'DUN LA 'BUL SLOG DANG, MANG JA BRGYA THAM PA'I DGOS CHA, 'GYED GRVA RER BKRAS BTAGS SKYA CHEN RE DANG DNGUL SRANG RE, SNYAN SHAL, RNAM GZHAG BCAS STZAL, GRANG MO CHE BA SOGS KYIS KYANG SGER MJAL ZHUS, MKHAS GRUB RJE'I SNANG BRNYAN GYI MDUN DU SNA LNGA'I MCHOD PA DANG MCHOD RDZAS SNYAN SHAL BCAS PHUL, MGON KHANG DU YI DAM DANG CHOS SRUNG RNAMS LA SPYAN
, ,GZIGS, MCHOD 'BUL, SNYAN SHAL BCAS PHUL TE THUGS SMON DANG 'PHRIN BCOL MDZAD, GZHI NA GNAS PA DANG PHYOGS 'DUS SER SKYA SUM STONG SKOR LA GRUB RGYAL LUGS KYI TSE DBANG STZAL, RI BO MDANGS CAN PA DANG GRANG MO CHE BA, SNE SHAN KHAG SOGS LA DPAL GSANG BA 'DUS PA'I BLA BRGYUD GSOL 'DEBS DANG SMON LAM SHIS BRJOD, CHOS SKYONG BYANG BDUD PA'I GTOR 'BUL SOGS KYI LJAGS LUNG STZAL, TSES NYI SHU LA NOR BU KHYUNG RTZER GSOL TSIGS SAR MGRON GNYER RAB 'BYAMS PA BLO BZANG DGE LEGS KYIS GZHIS LEN BSNYEN BKUR DANG DNGOS 'BUL BSTAR ZHING, SER SKYA SHIN TU MANG POR PHYAG DBANG STZAL, DE NAS MTSAN SGROG DGA' LDAN DAR RGYAS GLING PA DANG, MDA' DPON PAD TSAL BA, RDZONG YONG SOGS PA NAM KHUL LHA SDE MI SDE'I CHIBS BSU DANG SER SBRENG, BRO GZHAS SOGS KYIS MDUN BSUS TE LCANG MGOR BZHUGS ZHAG SAR ZHABS ZUNG BKOD, MTSAN SGROG SPYI SO DANG PA NAM RDZONG DPON SO SO NAS DKAR SPRO DANG DNGOS 'BUL BTEG RJES BRTAN BZHUGS GSOL 'DEBS LE TSAN GYI LJAGS LUNG STZAL, SER SKYA SUM STONG BRGAL BAR PHYAG DBANG GNANG, DE'I PHYI NYIN PAD TSAL MDA' DPON GYIS RANG GNAS SU GDAN DRANGS TE GUNG STON DKAR SPRO RGYAS PAR BSTAR ZHING, MTSAN SGROG PA DANG, 'BI LUNG RI KHROD KYI DGE 'DUN RNAMS DANG BCAS MDA' DPON NAS DNGOS 'BYOR GYI MCHOD SPRIN SPROS TE ZHABS BRTAN PHUL BAR SLOG CHA YANG
MI DMAN PA STZAL, SKU NGO RNAMS LA BLA MA'I RNAL 'BYOR GYI KHRID STZAL CING, RTEN RNAMS LA SHIS PA BRJOD PA'I ME TOG 'THOR BA MDZAD, DE NAS PA NAM SGANG DU BKRA SHIS LHUN PO NAS GRVA TSANG ZUR BZHI'I BLA MA RNAMS KYANG CHIBS BSUR 'BYOR ZHING, RDZONG DPON, LAS BYED, SGER LDING, GZHIS GNYER SOGS GZHIS RTZE KHUL GYI RTA PA MANG PO DANG, TSONG 'DUS DANG THAR PA'I GNYER BA NGO G-YOG SOGS NAS CHIBS BSU, ZHA LU RIM MTHIL GYIS MTSON LHA SDE'I SER SBRENG; MI SER RNAMS KYI BRO GZHAS DANG BCAS TSONG 'DUS KLU SDINGS SU BZHUGS ZHAG SAR ZHABS ZUNG BKOD, GNYER PA BLO BZANG SHES RAB KYIS DNGOS 'BUL BSTAR, DE BSTUN ZHA LU BA DANG THAR PA CHOS SDE SPYI SO NAS DKAR SPRO DANG DNGOS 'BUL BTEG ,SER SKYA STONG PHRAG BRGAL BAR PHYAG DBANG GNANG, BKRA SHIS LHUN PO NAS LDE CHUNG BA SOGS DRUNG 'KHOR DU MA DANG DGE BSKOS CHEN MO, GRVA TSANG DANG MI TSAN SO SO'I LAS SNE, SKU SKYE, DPON CHOS MDZAD, HAR GDONG DGE RGAN, GZHIS ZHOL GNAS KHAG DANG TSONG DPON, KHA BAL, GZHAN YANG GTZANG KHUL CHOS SDE MANG PO'I BLA MA, LAS SNE, RDZONG GZHI MGO BYED LAS 'DZIN, SGER DRAG SOGS CHIBS BSU BA RTA PA BDUN BRGYA SKOR GYIS MDUN BSUS TE SA DMAR BDE LEGS DGA' TSAL DU GUNG DRO PHAB, DER KHA RAG BKRA SHIS MTHONG SMON PAS DKAR SPRO DANG DNGOS 'BUL BSTAR BA RTEN 'BREL LEGS SHING, CHIBS BSU BA MTHA' DAG LA PHYAG DBANG STZAL, DE NAS GDAN SA CHEN POS
, ,MTSON DGE 'DUN MANG BO'I SER SBRENG, MI SDE RNAMS NAS PRO GZHAS, DAR 'PHYAR, DUNG 'BUD, BSANGS RDZAS KYI DUD SPRIN DANG BCAS PAS MDUN BSUS TE TSES NYER GCIG LA GZIMS KHANG RGYAL MTSAN MTHON POR PHYAG PHAB, TSOMS CHEN DU BLA BRANG NAS STON 'KHOR TSANG MAR GSOL STON BTEG ,SPYI SGER NAS DNGOS 'BUL BSTAR, SER SBRENG PA DANG, BRO GZHAS PA, SLONG MO BA RNAMS LA GSOL RAS STZAL TE YID KYI 'DOD PA 'JO BAR MDZAD, MCHOG SPRUL RIN PO CHER ZHU YIG RTEN SBRAGS DANG PHEBS SKYEL BA MGRON GNYER DGE SLONG DANG, CHIBS DPON SHAG BYANG PA RNAMS LA GNANG SKYES MI DMAN PA DANG, RDO RJE PHAG MO'I RJES GNANG STZAL, PHYAG MDZOD CHEN MO NAS KHUR BZHES TE GSER ZANGS KYI RGYAL MTSAN KHYAD DU 'PHAGS PA GSAR BSKRUN MDZAD PA GZUNGS GZHUG GIS BKANG STE ZLA BA BCU PA'I TSES BRGYAD LA GZIMS KHANG GI STENG DU 'DZUGS PA MDZAD, DE NAS TSES DGU'I NYI SHAR NAS BZUNG ZLA BA BCU GCIG PA'I TSES LNGA'I BAR SKU MTSAMS MDZAD NAS DPAL PHYAG NA RDO RJE'I BSNYEN SGRUB LA THUGS BRTZON CHE BA GNANG, SKU MTSAMS GROL NAS MTSAN NYID ZHABS PHYI LHO PA DKA' CHEN ZHABS DRUNG YON TAN RGYAL MTSAN SHAR RTZE GRVA TSANG GI BLA MAR BSKO BZHAG MDZAD DE TSE 'DI'I SNANG SHAS KYI DBANG DU MA SONG BAR BSTAN PA'I ZHABS TOG TU 'CHAD NYAN DMAR BA BYED DGOS PA'I BKA' PHEBS, RJE BLA MA RANG NYID LA THUGS 'DUN YOD PA'I KHAR BSTAN PA'I GSAL BYED LCANG SKYA RIN
PO CHE NAS SNGON DU BSKUL MA MDZAD PA'I DON BZHIN SNGAGS GRVAR BDE MCHOG GI CHO GA 'DZUGS PAR BZHED NAS SNGAGS PA GRVA TSANG DU PHEBS, BLA MA LAS SNE DGE BSHES RNAMS SKU MDUN DU POS NAS BDE MCHOG GI CHO GA PHYAG LEN 'DON RTA DBYANGS SOGS LA DOGS GCOD MDZAD, BDE MCHOG L'U AI PA'I SNANG BRNYAN LI MA BYIN CAN GCIG ,DE'I DKYIL THAD BCAS SNGAGS GRVA'I RTEN DU SBYOR 'JAGS GNANG, LO DE'I ZLA BA BCU GCIG PA'I TSES BCU GSUM GZA' SKAR 'PHROD SBYOR DGE BA'I NYIN NAS BZUNG RJE NYID KYIS GTZO MDZAD SNGAGS PA TSOGS YONGS NAS ZHAG BDUN GYI RING DPAL 'KHOR LO SDOM PA L'U AI PA'I LUGS KYI SGRUB MCHOD RGYAL BA GNYIS PA YAB SRAS KYI DGONGS BZHED LTAR 'DZUGS PAR MDZAD PAS GDAN SA CHEN POR MA RGYUD KYI BSTAN PA'I SNYING PO NAM YANG MI NUB PA'I RGYAL MTSAN DU GYUR, SKABS DER BLA BRANG NAS THUGS KHUR BZHES TE ZHABS TOG PHUN SUM TSOGS PA BSGRUBS SHING DPA' PO MKHA' 'GRO RNAMS DGA' BA'I MTSAN LTAS KYANG LEGS PA BYUNG NGO GSUNGS, PHYI RU MTSAN DPE'I DPAL GYIS NYER MDZES SHING, ,NANG DU BDE STONG RNAL 'BYOR LA GZHOL BA'I, ,SNGAGS 'CHANG 'DUS SDE'I 'OD STONG BZHAD PA YIS, ,THUB BSTAN 'DAB BRGYA'I DGA' TSAL CI YANG MDZES, , THEG MCHOG NYAL 'GRO 'BUM PHRAG 'KHYIL BA'I DBUS, ,GSANG CHEN KLU YI DBANG POS NYER BZUNG BAS, ,BDE CHEN RLABS PHRENG CHAL CHIL G-YO BA'I RTZER, ,RIG 'DZIN DANG MO'I TSOGS RNAMS 'PHUR ZHING LDING, ,RNAL 'BYOR DBANG PHYUG TSOGS
, ,RNAMS GSHEGS PA'I SHUL, ,DPA' BO MKHA' 'GRO BYE BA'I SNYING GI BCUD, ,BDE MCHOG BSHAD SGRUB GSER GYI RGYAL MTSAN CHE, ,SRID RTZER BSGRENG BAS YID SRUBS BZHIN RAS ZUM, ,BDE MCHOG SGRUB MCHOD GSAR 'DZUGS MDZAD PA'I SKABS NGER CHEN PO HOR GYI RGYAL KHAMS NAS RGYUD SMAD THO YON BLO BZANG RAB RGYAS 'BYOR TE RGYUD GRVAR MANG 'GYED DANG RJE NYID LA ZHABS BRTAN 'BUL BA SBAM MTHO BA PHUL BAR, KHONG RANG MING GRA LEGS PA SOGS NAS RTEN 'BREL RANG 'GRIG TU GYUR PA LA THUGS DGYES, BKA' LAS, RGYUD GRVA 'DIR BSTAN PA'I ZHABS TOG TU 'KHOR LO SDOM PA'I CHO GA YONGS RDZOGS 'DZUGS RGYU BYUNG BAS YID BDE ZHING PHYIN CHAD KYANG ZLA BA NGO RE BZHIN TSES BCU DANG NYI SHU LA CHO GA CHAG MED GTONG RGYU DANG, LO RE BZHIN RDUL TSON LA BRTEN PA'I SGRUB MCHOD RGYAS PA, SBYIN SREG ,TSOGS 'KHOR DANG BCAS RGYUN MA NYAMS PA DGOS LUGS KYI ZHAL TA RGYUD PA BLA GRVA RNAMS LA PHEBS SHING PHYAG MDZOD CHEN MOR YANG DE MTSUNGS STZAL, DGE TSOGS RNAMS KYANG BSTAN PA SPYI DANG BYE BRAG 'KHOR LO SDOM PA'I BSHAD SGRUB KYI BYA BA PHYOGS MTHAR RGYAS CHED BSNGO BA'I BSNGO SMON GNAD SMIN MDZAD, SNGAGS GRVA'I DGE 'DUN RER BSOD BTAGS DANG DNGUL SRANG RE'I 'GYED STZAL, DUR BED THU SA LAG CHI SOGS MI LNGA LA DGE BSNYEN GYI SDOM PA DANG, THO YON RAB RGYAS SOGS LA TSE DBANG, TSE KHRID SOGS 'DOD CHOS CI RIGS DANG, DAR HAN PA'I LI'I BLA MA BLO BZANG DON GRUB, RNAM
RGYAL PE'I SI'I HA THON SA GA SOGS BYANG 'GRUL BA MANG POR TSE DBANG, DGA' LDAN LHA BRGYA MA'I LUNG, DGA' LDAN SHI RE THU'I GRVA PA AER TE NI PAndI TAR KHONG RANG GIS ZHUS NGOR GNANG BA'I DGA' LDAN SHI RE THU'I ZHABS BRTAN GSOL 'DEBS DANG RTA MGRIN GYI GTOR 'BUL GYI LUNG BCAS STZAL, LO SNGON MA NAS BZUNG DBU MA'I GZHUNG LA GSAN SBYONG MDZAD PA LO 'DIR GRUB CING, DE DAG GI SKABS SU DBU MA'I GZHUNG RNAMS LA 'DZIN SKYOR DANG, BLA MA DANG YI DAM DBYER MED DU BYAS NAS GSOL BA 'DEBS PA DANG, DGE BSHES RNAMS DANG LHAN CIG TU 'BEL GTAM MDZAD PA SOGS LA BRTEN THAL RANG GI KHYAD PAR PHRA MO RNAMS DANG, THAL 'GYUR BA'I THUN MONG MA YIN PA'I DKA' GNAS BRGYAD SOGS DANG, SNANG BA SA YOD MTHA' SEL ZHING STONG PAS MED MTHA' SEL TSUL SOGS RGYAL PO TZONG KHA PA'I BZHED DGONGS DRI MA MED PA JI LTA BA BZHIN THUGS SU CHUD DE DBU MA'I GZHUNG LUGS RGYA MTSO'I PHA ROL TU SON PAR GYUR TO, ,DPAL LDAN THUB PA KUN GYI GSUNG GI BCUD, ,THEG GSUM 'PHAGS RNAMS BGROD PA GCIG PA'I LAM, ,SRID PA'I NYES BRGYA DRUNG NAS 'BYIN PA'I SMAN, ,STONG NYID BDUD RTZI'I GTAM GYIS KHYOD THUGS PHROGS, ,KLU SGRUB ZLA BA'I ZHABS KYI DGONGS PA'I MTHIL, ,BLO BZANG RGYAL BAS PHYE BA'I SROL CHEN PO, ,YONGS RDZOGS 'DZIN PAR MDZAD TSE GANGS CAN GYI, ,MKHAS RNAMS DREGS PA'I RI BO SNYIL BAR GYUR, ,RMAD BYUNG MKHYEN PA'I GDENGS KA STONG LDAN ZHING, ,SPROS BRAL BANG MDZOD 'DZIN PA'I KLU DBANG KHYOD, ,STONG
, ,DANG RTEN 'BYUNG RGYA MTSOR ROL BA'I MOD, ,SKAL BZANG SNYING GI RGUD PA CI YANG 'PHROG ,GANGS CAN 'DI NA DBU MA'I DON SMRA BA, ,PHAL CHER BRJOD BYED SGRA TZAM 'THUNG BAS TSIM, ,KHYOD NI SPROS BRAL ZAB MO'I BDUD RTZI'I ROS; ;NAM YANG TSIM PA MED PA'I BRTUL ZHUGS 'DZIN, ,DE NAS DGUN CHOS GNYIS PA'I SKABS SU GZIMS CHUNG NYI 'OD 'KHYIL PAR DGE BSHES RNAMS DANG LHAN CIG TU 'KHOR LO DANG PO'I DGONGS 'GREL SHES BYA GZHI LNGA GTAN LA 'BEBS PA'I BSTAN BCOS CHEN PO CHOS MNGON PA MDZOD KYI GZHUNG LUGS LA THOS BSAM GYI DBU BTZUGS NAS DKA' BA'I GNAS RNAMS LA BDAR SHA CHOD PAR MDZAD, MTSO SNGON JUN WANG BSOD NAMS BSTAN 'DZIN SOGS LA 'BYOR PHYAG GNANG ZHING, KHONG RANG NAS TSES BCU GCIG GI NYIN TSOGS DBUR SPYAN DRANGS TE DNGUL SRANG CHIG STONG SOGS DNGOS 'BUL SBAM MTHO BA DANG BCAS ZHABS BRTAN BDEN TSIG BRJOD, KHONG NGO G-YOG RNAMS LA TSE RTA ZUNG 'BREL DANG, RNAM PAR RGYAL MA, MGON PO BAR CHAD KUN SEL GYI RJES GNANG SOGS STZAL, YONGS 'DZIN ZHAL SNGA NAS KYI DRUNG DU GSER CHOS KYI NANG TSAN TSOGS KYI BDAG PO'I RJES GNANG GSAN, LA KHA PA BLO BZANG DGE LEGS, KHRON KHA SPUG PA BLO BZANG RGYAL MTSAN, RTA NAG PA BLO BZANG TSUL KHRIMS BCAS KYIS PHAR PHYIN SKABS BRGYAD, BA SO BA BLO BZANG CHOS 'BYOR DANG HAR GDONG PA BLO BZANG RGYAL MTSAN GNYIS NAS DBU MA'I RNAM BSHAD DGONGS PA RAB GSAL
GRANG MO CHE BA BLO BZANG MTHU STOBS, GCEN LUNG BA BLO BZANG BRTZON 'GRUS, G-YANG BA RJE DRUNG BLO BZANG RAB RGYAS, ZHI GNAS PA BLO BZANG MI 'GYUR, BZHAD PA YE SHES DPAL 'BYOR, SER KHANG PA CHOS MDZAD BLO BZANG MTHU STOBS, STAG MO PA BLO BZANG CHOS 'BYOR BCAS NAS RNAM 'GREL GYI THAL PHRENG LE'U BZHI, DPEN DGON PA BLO BZANG DPAL 'BYOR DANG BLO BZANG BKRA SHIS GNYIS KYIS BDE MCHOG RTZA RGYUD, SNAR THANG BA DGE SLONG YE SHES DPAL 'BYOR GYIS BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM DANG GSANG 'DUS KYI RGYUD, BSKANG GSO YONGS RDZOGS, TSE CHOG ,SMAN BLA'I MDO CHO GA RGYAS PA, RNAM 'JOMS, GSER ZHUN MA, BLA MA MCHOD PA'I CHO GA ,GSER MDOG CAN PA DPAL BZANG RGYAL MTSAN GYIS BYAMS CHOS SDE LNGA, ZHA LU PA PHUN TSOGS RGYA MTSOS DUS 'KHOR GYI CHO GA YONGS RDZOGS DANG, MCHOD GAR SA GAR BCAS KYI RGYUGS PHUL BAR GNANG CHA SNGAR BZHIN STZAL, ` NYI MA ZHES PA CHU LUG LO ZLA BA DANG PO'I NANG DU SNGAGS PA GRVA TSANG DU DPAL 'KHOR LO SDOM PA GRUB CHEN L'U AI PA'I LUGS KYI CHO GA YONGS RDZOGS GSAR 'DZUGS MDZAD PAR LEGS SO'I CHED GZHUNG SA NAS RGYU YON SBYAR TE, SNGAGS GRVA NYER BRGYAD KYIS BDE MCHOG GI CHO GA BDAG MDUN BUM GSUM DBANG CHOG BCAS MDZAD PA'I TSOGS DBUR RJE BLA MA MCHOG SPYAN DRANGS, TSOGS KYI 'KHOR LO DANG GSOL STON GZAB RGYAS THOG RGYAL DBANG THAMS CAD MKHYEN PA CHEN PO NAS LEGS SKYES KYI
, ,RTEN 'BYUNG BSTAR, GSUNG CHOG PA RNAMS LA'ANG YON BZANG PO GNANG, TSES LNGA LA RJE BLA MA'I DGONGS BZHED LTAR, PHYAG MDZOD CHEN MO NAS KHUR BZHES TE TSOGS CHEN 'DU KHANG GI MTHONGS SGOR YONGS RDZOGS 'KHOR BA'I G-YU MU TIG ,BYU RU, SPOS SHEL, MU MEN, G-YU DRUG DKAR DMAR GYI PHRA RGYAN CAN GYI GSER BAD DU MA RNAMS LAS GRUB PA'I RIN PO CHE'I DRA BA DRA PHYED RGYA SER GYI BZANG GOS GSER GZHI TSON BKRA'I GONG PA CAN SBYOR 'JAGS MDZAD, RGYAL DBANG MCHOG NAS ZHABS BRTAN 'BUL CHED SKU BCAR BLO BZANG DGE 'DUN STZAL PA BZHIN, DE NYIN RJE BLA MA NYID TSA RTING MA'I TSOGS DBUR SPYAN DRANGS TE DNGOS 'BUL GTOS CHE BA DANG BCAS ZHABS BRTAN PHUL, BKA' BLON LHAN RGYAS DANG, BKA' BLON ZHABS DRUNG NAS SGER 'BUL BTEG ,TSES BRGYAD KYI NYIN TSOGS DBUR PHEBS NAS DRA BA DRA PHYED GSAR 'BUL GNANG BAR 'DUS PA'I SDE DANG LHAN CIG SHIS BRJOD KYI ME TOG 'THOR BA MDZAD CING, ZHAL BSROR MANG JA DANG DGE 'DUN SUM STONG BRGYAD BRGYA BZHI BCU ZHE GNYIS LA PHYAG 'GYED DNGUL BAL tAM GNYIS RE BCAS 'BUL BA MDZAD, TSES DGU'I NYIN SKU BCAR BLO BZANG DGE 'DUN NAS SGER 'BUL SBAM MTHO BA BTEG CING, LO SNGON MAR DBUS SU CHIBS BSGYUR GNANG SKABS RJE MEE TRI'I MTSAN CAN DANG, YANG DGON SNGAGS RAM PA, SER 'BRAS KYI BLA MA 'GA' ZHIG BCAS NAS GSOL BA BTAB PA'I DON BZHIN GDUL BYA RNAMS LA BSNYEN RDZOGS KYI SDOM PA STZOL
PAR BZHED DE ZLA BA DANG PO'I TSES BCU GNYIS KYI NYIN, RJE BLA MA NYID KYIS MKHAN PO, YONGS 'DZIN ZHAL SNGA NAS BLO BZANG CHOS 'PHEL GYIS LAS SLOB, SNGAGS CHEN ZHAL SNGA NAS SENG CHEN SKU SKYE BLO BZANG DPAL 'BYOR GYIS GSANG STON, THOS BSAM GLING ZHAL SNGA NAS YE SHES CHOS 'DZIN GYIS DUS GO BA, 'TSO BYED DGE SLONG DGE 'DUN DON GRUB KYIS LHUNG BZED 'BRIM PA PO MDZAD NAS DANG PA'I DGE 'DUN GRANGS TSANG BA'I DBUS SU TSOGS CHEN DBU MDZAD RAB 'BYAMS PA YE SHES SKAL BZANG, ZHUS DAG PA DKA' CHEN CHOS MDZAD BLO BZANG CHOS 'PHEL, DKA' CHEN RJE DRUNG BLO BZANG BKRA SHIS SOGS SNGA DRO BSGRUB BYA DRUG CU RE GCIG DANG, PHYI DRO BSGRUB BYA SUM CU SO GCIG BCAS LA BSNYEN RDZOGS KYI SDOM PA STZAL TE THUB BSTAN YONGS SU RDZOGS PA'I BSLAB PA'I GZHI LA BKOD, DE'I PHYI NYIN PHYOGS 'DUS DON GNYER BA BDUN CU DON GCIG LA DGE BSNYEN NAS DGE TSUL BAR GYI SDOM PA LEGS PAR STZAL, PHYAG MDZOD DANG ZUR BZHI'I SLOB DPON RNAMS NAS LEGS SO'I KHA BTAGS PHUL, ZAB YANGS THUGS KYI BUM PAR YONGS BZUNG BA, ,RNAM DAG SO THAR TSUL KHRIMS AA MRi TAS, ,SKAL BZANG SNYING GI PADMOR REG PA'I MOD, ,SRID PA'I GDUNG BA MING GI LHAG MAR GYUR, ,CHOS 'DUL GANGS CAN ROL MTSO YID 'ONG BA, ,KHYOD KYI 'PHRIN LAS SPRIN SNGON DANG 'GROGS PAS, ,TSUL KHRIMS DAG PA'I RLABS 'PHRENG G-YO BA'I NANG, ,'DUL 'DZIN DANG MO BYE BAS MDZES PAR GYUR, ,TSES BCU DRUG NAS BZUNG ZLA BA GCIG DANG ZHAG
, ,NYI SHU SKOR BCAD RGYA'I KHONGS CHOS SKYONG DREGS PA LCAM DRAL GYI BSNYEN SGRUB LA THUGS 'GRUS PAR MDZAD PAS BSTAN SRUNG DGYES PA'I MTSAN MA'ANG SHAR ZHING, SKU MTSAMS GROL NAS MJUG TU KHA SKONG GI SBYIN SREG TSOGS 'KHOR GTANG RAG BSKANG GSO RNAMS RGYAS PAR MDZAD, YI DAM LHA YI SKUR BZHENGS NAS, ,DBANG GI MDOG CAN BSTAN SRUNG GI ,THUGS RGYUD BSKUL BA'I BZLAS BRJOD NI, ,GANGG'A'I RGYUN LA 'GRAN PA MDZAD, ,DE TSE LCAM DRAL 'KHOR BCAS RNAMS, ,SNGON GYI THA TSIG MA BSNYEL BAR, ,MTHU STOBS DRAG PO'I RTZAL BSKYED DE, ,KHYOD KYI 'PHRIN LAS CI YANG BSGRUBS, ,'DI SKABS GSOL DPON YE SHES BSTAN 'DZIN LAG PAR TSER MA ZUG PA'I NYEN KHA'I RKYEN GYIS BRO 'TSAL BAR RJE BAL MA MCHOG NAS SMAN SNGAGS RIM GRO SOGS 'PHROD BSTEN GANG DRAG BGYID DGOS PA'I BKA' SLOB STZAL PAR, DNGOS 'BUL DANG BCAS NAD 'DIS MA BTANG YANG 'GYOD PA MED, 'ON KYANG ZHABS PHYI ZHUS PA'I SKABS BAG MED PA'I DBANG GIS THUGS DANG 'GAL BA BYUNG RIGS MTHOL ZHING BSHAGS, SKU GEGS GANG YOD BDAG GIS 'KHUR THUB PA DANG SKYE BA KUN TU RJES SU 'DZIN DGOS TSUL SOGS SKYABS 'JUG ZHUS PAR SKU NA PHRA MO'I DUS NAS DAD GUS RTZE GCIG PAS ZHABS 'GYUR CHE BAR THUGS BRTZE BAS SKYABS 'JUG GNANG, ZLA BA GSUM PA'I TSES DRUG LA SKU MTSAMS GROL, 'DI SKABS BKRA SHIS RTZER SKU'I PHU BO DGA' LDAN RNAM RGYAL SKU KHAMS MA 'TSO BA'I
BSNGO BRTEN 'BYOR TE SPYAN DMIGS GNANG ZHING DGE THEBS KYANG STZAL, TSES BRGYAD LA CHA HAR DANG, HOR CHEN GYI SOG RIGS BZHI BCU SKOR 'BYOR PA RNAMS KYIS RANG RANG GI 'BYOR BABS DANG BSTUN PA'I DNGOS 'BUL BSTAR, TSES DGU LA SHEL DKAR CHOS SDE'I BLA GRVA SPYI NAS ZHABS BRTAN PHUL, TSES BCU LA LHA RTZE RDZONG SDOD YE SHES YAR 'PHEL, THOB GZHIS GNYER PA DKA' CHEN DAM CHOS, RONG MTSO GNYER PA DKA' CHEN LEGS 'BYOR BCAS SO SO NAS DNGOS 'BUL BTEG , 'DI SKABS DBEN DGON GNYER PA NAS SPYAN DRANGS PA LTAR ZLA BA BZHI PA'I TSES GSUM GYI NYIN CHIBS KHA BSGYUR, GSER MDOG CAN PA DANG, NYUG CHOS 'KHOR GLING GI DGE 'DUN RNAMS KYIS SER SBRENG DANG BCAS BKRA SHIS GSHONGS SU ZHAG BZHUGS MDZAD, DGON PA GNYIS NAS DKAR SPRO DANG BCAS PHYAG DBANG ZHUS, TSES BZHI'I NYIN DBEN DGON NAS CHIBS BSU, THAB BSU, SER SBRENG DANG BCAS GZIMS CHUNG NGU PHYAG PHEBS, SPYI SA NAS GSOL STON GZABS, DER TSOGS PA THAMS CAD LA PHYAG DBANG GNANG, RTEN GZIGS SU PHEBS TE LHA KHANG GI RTEN GTZO RNAMS DANG, MGON KHANG GI YI DAM BSTAN SRUNG RNAMS LA MCHOD PA SNYAN SHAL BCAS 'BUL BA MDZAD, TSES DRUG GI NYIN RGYAL BA BLO BZANG DON GRUB KYI SKU GDUNG RIL BOR BZHUGS PA'I SKU BRNYAN RIN PO CHER MDZOD BTAGS, SNAM SBYAR, GSER DNGUL GYI MAndAL, THOD PA'I d'A MA RU, RDO RJE DRIL BU, SHEL DANG 'BO DE TZE'I 'PHRENG BA, YOL GO SNA TSOGS, GOS CHEN GYI DBU
, ,GDUGS BCAS DANG, MKHAS GRUB SANGS RGYAS YE SHES KYI SNANG BRNYAN LA SNYAN SHAL SNA LNGA, SNAM SBYAR, 'BE TA'I d'A MA RU, DRIL BU RDOR BCAS, THUB DBANG GRONG KHYER MA SOGS RTEN GZHAN MA RNAMS LA'ANG SNYAN SHAL, MGON KHANG BKA' RGYA MAR YI DAM CHOS SKYONG RNAMS LA SNYAN SHAL, MCHOD RDZAS, SPYAN GZIGS SOGS BSTAR TE SPYAN 'DREN KHRUS GSOL, YAN LAG BDUN PA MCHOD 'BUL DANG BCAS PA, YI DAM CHOS SKYONG RNAMS LA GTOR BSNGO, 'JAM DPAL GSER MDOG MA'I BSTOD PA RNAMS RJE RANG NYID KYIS MGO BSKUL GNANG NAS GSUNG ZHING BSTAN 'GRO'I PHAN BDE RGYAS PA'I THUGS SMON DANG 'PHRIN BCOL GNANG, TSES BDUN NAS BZUNG ZLA BA PHYED KYI RING RDUL TSON LA BRTEN PA'I BDE MCHOG SGRUB MCHOD KYI TSOGS DBUR MA CHAG PAR PHEBS, DE SKABS ZHABS TOG BSNYEN BKUR DANG 'DU KHANG DU KA 'PHAN BZHI, RGYAL MTSAN GNYIS, PHYE PHUR GCIG ,RGYA SIL SPUS LEGS CHA GCIG SOGS MCHOD RDZAS SPYAN GZIGS DU MA SBYOR 'JAGS DANG, DGE 'DUN LA JA 'GYED, TSOGS PA RNAMS LA BYANG CHUB LAM GYI RIM PA'I BLA BRGYUD GSOL 'DEBS BYIN RLABS SPUNGS ZHUS BCAS LA SKYES BU GSUM GYI LAM RIM GYI KHRID TSANG BA MAN NGAG ZHAL SHES KYIS BRGYAN PA GNANG BA'I DBU YANG 'DI NYIN NAS TSUGS, STON 'KHOR TSANG MA LA GNYER SPYI NAS GSOL STON KYANG ZHUS, TSES BCU NAS BCU GSUM PAR NYIN LTAR DBEN DGON SPYI
SO DANG GNYER PA DKA' CHEN BLO BZANG DPAL 'BYOR, THOB GZHIS GNYER PA BLO BZANG LEGS PA SO SOS GSOL STON RGYAS PA'I THOG BLA MA MCHOD PA DANG 'BREL BA'I BRTAN BZHUGS PHUL, TSES BCU GSUM GYI NYIN TSOGS PAR NYIN GANG GI BSNYEN BKUR THOG GRVA PA RER BGYED 'BRU KHAL LNGA RE DANG, CHOS 'KHOR DBUS SDINGS DANG CHU DBANG G-YU RTZE'I GRA BTZUN MA RER 'BRU KHAL GSUM RE BCAS STZAL, GSOL TSIGS THON 'PHRAL BLA BRANG RTZER PHEBS NAS BZHUGS ZHAG GNYIS BZHUGS THOG ,GRUB PA'I DBANG PHYUG GI SKU BRNYAN GYI SKU MDUN DU MCHOD RDZAS, MGON KHANG BKA' RGYA MAR NAS NAG RJEN BTAGS LAS GTAN GTOR GSAR BSHAMS GNANG NAS BSKANG GSO MDZAD, GRUB DBANG GI SKU BRNYAN GYI SKU MDUN DU BLA MGON DBYER MED KYI RNAL 'BYOR ZAB MO'I NYAMS BZHES GNANG BAR MTSAN LTAS LEGS PA BYUNG ZHES PHEBS, TSES BCU BZHI'I NYIN CHOS 'KHOR DBUS SDINGS DANG CHUD PAR G-YU RTZE'I BTZUN MA BRGYA DANG BZHI BCU LA THEG CHEN GSO SBYONG GI SDOM PA DANG KHO RANG CHOS SMYUNG GNAS BSRUNG RGYUR DGOS CHA YANG GNANG, TSES BCO LNGA'I NYIN TSOGS DBUR PHEBS TE GSO SBYONG MDZAD, TSES BCU DRUG LA HAR CHEN RAB 'BYAMS PA BLO BZANG SHES RAB, THO YON BSTAN 'PHEL GYI DGE SGRUB PA SOGS SOG RIGS RNAMS LA MKHAS GRUB RJE LA TSIG BRGYUD DU GNANG BA'I BLA MA'I RNAL 'BYOR GYI LUNG DANG 'KHO KHRID, GONG STENG DBEN DGON DANG THOB GZHIS KYI GNYER BA SOGS KHYON LNGA BCU SKOR LA GRUB RGYAL LUGS KYI TSE DBANG BCAS STZAL,
, ,DGE 'DUN NYIS BRGYA BCU GSUM LA 'GYED KHA BTAGS, DNGUL SRANG RE, SPYI 'GYED DNGUL SRANG BRGYA DANG BRGYAD CU RTZIS KYI GON PA SNE KHA BRGYA DRUG CU RNAM GZHAG BCAS DANG, SMYUNG GNAS GTONG MI GONG GSAL LA 'GYED KHA BTAGS, DNGUL ZHO GSUM RE BCAS STZAL, TSES NYER GNYIS KYI NYIN BDE MCHOG SGRUB MCHOD KYI MJUG CHOG SBYIN SREG GI TSOGS DBUR PHEBS SHING, PHYI NYIN TSOGS YONGS NAS DRUG CU PA'I GTOR ZLOG DANG BSTUN 'CHAMS GZIGS RGYAS PAR PHUL, 'DI SKABS SNGA PHYIR DBEN DGON GRVA RIGS CHOS RJE DKA' CHEN BLO BZANG TSE RING DANG MA SGANG DKA' CHEN RJE DRUNG, DRUNG YIG BLO BZANG BKRA SHIS RNAMS NAS SGER 'BUL DANG DGA' BZHI'I SRAS SA DGA' MGO BA THE'I JI PA SANGS TSE RING, PAD TSAL MDA' DPON, 'BRONG RTZE LCAM, LHAN DANG BKRA SHIS RDZONG KHA, TSAR DGA' RAB BCAS KYI GNYER PA, MTSAN SGROG MKHAN PO, SPYI GNYER, RTZE GDONG 'PHEL RGYAS KYI GNYER PA RNAMS NAS DNGOS 'BUL DANG BCAS MJAL KHA ZHUS, DGA' LDAN RAB RGYAS SPYI SA NAS GSOL STON DANG DNGOS 'BUL BTEG ,TSES NYER GSUM GYI NYIN DBEN DGON SPYI GNYER NAS GSOL STON ZHUS SHING, NYER BDUN NYIN BLA BRANG RTZER PHEBS NAS BZHUGS ZHAG BDUN BZHUGS, NYIN LTAR RTEN RNAMS KYI DRUNG DU MCHOD 'BUL DANG 'PHRIN BCOL MDZAD, TSES NYER BRGYAD KYI NYIN 'JIGS BYED KYI SGO NAS DBANG GI SBYIN SREG GNANG, GNAM GANG GI NYIN GSO SBYONG GI MDO 'CHAD PA
MDZAD, ZLA BA LNGA PA'I TSES GCIG LA DBEN DGON TSOGS YONGS BLA BRANG RTZE'I 'DU KHANG DU TSOGS PA'I DBUR RJE BLA MA MCHOG GRUB PA'I DBANG PHYUG RGYAL BA BLO BZANG DON GRUB KYI BZHUGS KHRIR SPYAN DRANGS NAS SKU GNYER DGE SLONG 'JAM DBYANGS KYIS ZHABS BRTAN PHUL, DGE 'DUN TSOGS PA DANG ZHABS 'BRING BA RNAMS NAS LEGS 'BUL KHA BTAGS PHUL BAR PHYAG DBANG GI BYIN RLABS DANG, RGYAL BA BLO BZANG DON GRUB KYI RNAM THAR GSOL 'DEBS SKAL BZANG LHUM ZHUGS MA; YI DAM GYI TSOGS 'KHOR DNGOS GRUB KUN 'BYUNG, JA MCHOD KUN BZANG BDE CHEN MA BCAS KYI LJAGS LUNG STZAL, RGYUD PA RNAMS NAS 'KHOR LO BDE MCHOG GI DPYID GLU'I DBYANGS 'THEN DU 'JUG PA GNANG BAR SNYAN 'GYUR BYIN CHAGS PA BYUNG, DBEN DGON GLING SMAD DU MKHAS GRUB SANGS RGYAS YE SHES KYI DGONGS RDZOGS SU BZHENGS PA'I RNAM RGYAL MCHOD RTEN LA NYAMS GSO DANG BSTUN GSER ZANGS KYI GDUGS GSAR DU BSGRUBS TE SHIS PA BRJOD PA'I ME TOG GTOR, 'DI SKABS GLING SKOR LA PHEBS ZHOR RGYAL BA BLO BZANG DON GRUB KYI SGRUB KHANG DU PHEBS PA'I TSE SNGON GNAS RJES SU DRAN PA'I THUGS SPRO NYAMS CHE ZHING PHYIN CHAD SGRUB KHANG 'DIR RGYAL BA DE NYID RANG GI SKU BRNYAN ZHIG BZHENGS NAS BZHUGS SU GSOL NA LEGS PA'I BKA' PHEBS, TSES BCU DGU LA HAL HA DBANG CHEN ZHABS DRUNG GI MTSAMS ZHU BA HAL KA CHI GNYIS ZLA BO BCAS 'BYOR BAR PHYAG DBANG GI BYIN RLABS DANG BKA' 'DRI GNANG, RGYAL DBANG THAMS CAD MKHYEN PA CHEN PO NAS SKU TSA RJE DRUNG
, ,DPAL LDAN BKRA SHIS CHED GNANG MDUN MTSAMS ZHU'I ZHU YIG RTEN LDAN 'BYOR, DBANG CHEN ZHABS DRUNG GI 'GAG PA SKOR LA BKA' BSGO BCAS THON PHYAG STZAL, DBEN DGON GYI GOS SKU'I ZHAL 'BYED 'CHAR CAN THOG MCHOD 'BUL DANG BSTAN 'GROR PHAN BDE 'BYUNG BA'I THUGS SMON MDZAD, MTSO SNGON DKON MCHOG WANG GIS ZHABS BRTAN 'BUL BAR CHED DU MNGAGS PA'I LHA MO TZANG KI DANG, GSOL DPON AOL COS THU KH'A BCAS KYIS TSOGS DBUR SPYAN DRANGS TE DNGOS 'BUL RGYA CHE BA BCAS BRTAN BZHUGS PHUL, TSOGS PA LA'ANG MANG 'GYED KYI BSNYEN BKUR ZHUS, AEL CHI NGO G-YOG LA RTA MGRIN GYI RJES GNANG DANG, DNGOS PO'I GNANG CHA, WANG LA BKA' LAN RGYA CHE BA BCAS STZAL, DBEN DGON DU BZHUGS STAN 'JAGS RING TSOGS PA NYIS BRGYA SKOR LA BKA' DBANG, LUNG KHRID, RJES GNANG RIM PAR GNANG BA NI, LAM RIM GSOL 'DEBS KYI DMIGS SKOR ZHAL SHES DANG BCAS PA'I KHRID LUNG, SEMS BSKYED MCHOD PA, BDE MCHOG L'U AI PA DANG 'JIGS BYED BCU GSUM MA'I DBANG CHEN, DBEN DGON DANG, CHOS 'KHOR DBUS SDINGS, G-YU RTZE BA BCAS LA BCU GCIG ZHAL GYI DBANG CHEN, YANG DBEN DGON 'DUS TSOGS LA BDE MCHOG RTZA RGYUD, BDE MCHOG GI CHO GA YONGS RDZOGS, DKYIL CHOG BDE CHEN ROL MTSO, CHOS SKYONG RNAMS KYI BSKANG GSO, DPAL MGON SDE LNGA'I RJES GNANG, BDE MCHOG BSKYED RIM GYI KHRID, 'JIGS
BYED KYI BSKYED RIM GZHAL YAS KHANG LA THUG PA'I BAR GYI KHRID GNANG ZHING DE 'PHROS SLAR GNANG BA'I RTEN 'BREL DU 'JOG PA GNANG, BDE MCHOG GI DBANG GI MJUG TU TSOGS 'KHOR YANG MDZAD, TSES BCU BDUN LA TSOGS YONGS NAS ZHABS BRTAN SOGS LA DMIGS SGROL MA G-YUL MDOS MDZAD PA'I TSOGS DBUR PHEBS, DE'I PHYI NYIN BLA BRANG RTZER PHEBS NAS ZHAG GSUM BZHUGS STAN 'JAGS PAR RAKSHA'I 'PHRENG BA, GSER ZANGS KYI BKRA SHIS RTAGS BRGYAD DANG RGYAL SRID SNA BDUN, SNYAN SHAL, GSER MCHOD BCAS 'BUL BA GNANG, MGON KHANG BKA' RGYA MAR YANG SNYAN SHAL MCHOD GTOR BCAS PHUL NAS 'PHRIN BCOL MDZAD CING NANG RTEN RNAMS KYANG MJAL BA GNANG, SNGA PHYIR BLA BRANG RTZER BZHUGS RING THUGS DAM ZAB MO'I RNAL 'BYOR LA GZHOL BAR MDZAD, TSES NYI SHU'I NYIN BLA BRANG SHOD DU PHEBS, NYER GNYIS LA DPAL RDO RJE 'JIGS BYED KYI BSTOD PA BDUD LAS RNAM PAR RGYAL BA'I RNGA SGRA ZHES PA BKA' RTZOM GNANG NAS KHA BTAGS KYI 'GYED BCAS TSOGS 'DON DU 'DZUGS PA MDZAD, DE LTAR DBEN SA TSES KYI PHO BRANG DU ZLA GCIG ZHAG NYI SHU SKOR BZHUGS NAS DGE 'DUN RNAMS DANG SKYE BO'I TSOGS MANG PO CHOS DANG ZANG ZING GI SBYIN PAS TSIM PAR MDZAD DO, , DPAL LDAN DGE MTSAN STONG GIS 'KHYUD PA'I LHA YI RI BZHIN YID 'ONG ZHING, ,CHOM RKUN GCAN GZAN NYAL 'GRO'I SGRA SOGS BSAM GTAN TSER MA DAG DANG BRAL, ,DPA' BO MKHA' 'GRO DANG GIS 'DU BAS SGRUB PA PO YI DBUGS 'BYIN PA,,
, ,DBEN SA CHOS KYI PHO BRANG ZHES GRAGS GRAGS PA'I BA DAN SRID RTZER 'GOD, ,GANG DU RGYAL BA KUN GYI GDUNG 'TSOB PA, ,YONGS RDZOGS THUB BSTAN MNGA' BDAG MGON PO KHYOD, ,DRI BZANG KHANG PAR RKANG DRUG GZHON NU BZHIN, ,ZHABS SKYES GSER GYI 'KHOR LOS RTZEN PA NA, ,ZAB MO'I TING 'DZIN ZLA BA GSAL PA BZHIN, ,CHOS SGRA SNYAN PA RNGA CHEN BRDUNG BA BZHIN, ,RNAM DKAR 'PHRIN LAS DPAG BSAM G-YO BA BZHIN, ,SKYE BO 'DI DAG SOS KA'I PADMO BZHIN, ,TSES NYER GSUM GYI NYIN DBEN DGON NAS CHIBS KHA BSGYUR TE MTHONG SMON GSHONGS SU ZHAG BZHUGS MDZAD, GSER MDOG CAN PA, G-YANG CHOS SDE, DAR RGYAS SGRUB SDE, DGA' LDAN CHOS GLING, PADMO CHOS SDINGS, LHA SDINGS, RGOD TSANG SGRUB SDE, MKHA' SPYOD RI KHROD, LHA LNGA BRAG ,BKRA SHIS CHOS RDZONG PA RNAMS KYIS SER SPRENG DANG SPYI 'BUL, MI SDE RNAMS NAS PRO GZHAS, GDAN SA CHEN PO'I CHIBS BSU DANG THAB BSU SER SBRENG GIS MDUN BSUS TE, TSES NYER BZHI'I NYIN GZIMS KHANG RGYAL MTSAN MTHON POR PHYAG PHEBS, TSES NYER LNGA'I NYIN HAL HA DBANG CHEN ZHABS DRUNG GIS GTZOS SOGS RIGS BDUN CU SKOR 'BYOR BAR PHYAG DBANG GI BYIN RLABS DANG JA GRAL THOG BKA' 'DRI GNANG, DE'I PHYI NYIN NAS BZUNG DBANG CHEN ZHABS DRUNG GIS ZHUS NGOR SOG RIGS GONG GSAL THOG SER 'BRAS PA DANG AA MDO BSOGS NYIS BRGYA SKOR LA TSE DPAG MED LHA DGU DANG KUN RIG RNAM PAR SNANG
MDZAD, MI 'KHRUG PA LHA DGU BCAS KYI DBANG CHEN DANG MGON DKAR YID BZHIN NOR BU'I RJES GNANG BCAS RIM BZHIN STZAL, ZLA BA DRUG PA'I TSES GSUM LA DBANG CHEN ZHABS DRUNG NAS TSOGS DBUR SPYAN DRANGS TE DNGOS 'BUL DANG BCAS ZHABS BRTAN PHUL, THO YON BSAM GTAN SOGS 'GRUL SDEB PA RNAMS NAS KYANG DNGOS 'BUL BSTABS, HAL HA DANG AA MDO BA SOGS BSGRUB BYA NYI SHU RTZA BRGYAD LA BSNYEN RDZOGS KYI SDOM PA DANG, GCIG LHAG BSGRUB BYA NYER GSUM LA DGE TSUL GYI SDOM PA, SKYA BO GNYIS LA DGE BSNYEN GYI SDOM PA BCAS STZAL, TSES BCU'I NYIN DBANG CHEN ZHABS DRUNG NGO G-YOG LA THON PHYAG SBAM MTHO BA DANG, THO YON BSHAD SGRUB SKOR LA SGROL LJANG GI RJES GNANG BCAS STZAL, SKABS 'DIR DGE BSKOS CHEN MO THON PA RAB 'BYAMS PA BLO BZANG DON GRUB DANG DRUNG RAM PA BLO BZANG DPAL 'BYOR THUN MONG NAS ZHUS NGOR TSOGS CHEN LA BYANG CHUB LAM GYI RIM PA'I KHRID YIG 'JAM DPAL ZHAL LUNG GNANG BA'I DBU 'DZUGS PA MDZAD, HAR CHEN SKU SKYE TSA GAN THA YAN CHI BLO BZANG BSTAN PA'I RGYAL MTSAN SKOR LA 'BYOR PHYAG KYANG STZAL, TSES BCO LNGA LA TSA GAN THA YAN CHIS TSOGS DBUR SPYAN DRANGS TE DNGOS 'BUL GTOS CHE BA BTEG ,TSES NYER GCIG GI NYIN 'JAM DPAL ZHAL LUNG DMAR KHRID GRUB STE SEMS BSKYED CHO GA MDZAD, DE NYIN DGE TSUL BCU DGU DANG, DE'I PHYI NYIN BSNYEN RDZOGS BCU DGU BSGRUBS, HAR CHEN TSA GAN THA YAN CHI BLO BZANG BSTAN PA'I RGYAL MTSAN DANG ZHABS DRUNG
, ,NGAG DBANG RGYA MTSO GNYIS KYIS ZHUS NGOR KHONG NGO G-YOG DANG, PHUR BU LCOG PA, 'BRAS SPUNGS DGE 'PHEL RI KHROD PA KHA SHAS, KHAMS LAB BLA MA, MTSAN NYID ZHABS PHYI BZHI, SKU MDUN NANG 'KHOR BA BCAS KHYON LNGA BCU SKOR LA DPAL RDO RJE 'JIGS BYED DPA' PO GCIG PA'I DBANG CHEN DANG, DE'I BSKYED RDZOGS KYI ZAB KHRID GSUNG BSHAD MTHA' CHOD CING MAN NGAG GIS BRGYAN PA RIM BZHIN GNANG BA'I MJUG TU TSOGS MCHOD RGYAS PA MDZAD, CHOS ZHU BA GONG STENG ZUR BZHI'I BLA MA BZHI, TSOGS CHEN DGE BSKOS PA DANG BCAS PAR SNYING ZHUGS MA GTOGS PA'I DPAL YE SHES KYI MGON PO'I BKA' CHEN BCU GSUM GYI RJES GNANG DANG, ZHABS DRUNG NGAG DBANG RGYA MTSOR SNYING ZHUGS KYI RJES GNANG BCAS RIM BZHIN GNANG, SNGON DU BDE MCHOG SGRUB MCHOD GNANG SKABS RAS BRIS LA BRTEN PA YIN KYANG, LO 'DI NAS BZUNG RDUL TSON LA BRTEN DGOS PA'I BKA' PHEBS PA LTAR BSGRUBS TE ZLA BA BDUN PA'I TSES LNGA'I NYIN SNGAGS PA GRVA TSANG DU ZHABS ZUNG BKOD NAS BDE MCHOG SGRUB MCHOD KYI TSOGS DBUR MA CHAG PAR PHEBS TE DGE 'DUN LA BSNYEN BKUR YANG GZABS, TSES BCU'I NYIN DGE TSUL DGU DANG DGE BSNYEN GSUM BSGRUBS, RGYAL YUM NYI ZLA DBANG MO DANG TSA GAN THA YAN CHI SOGS LA SGRUB RGYAL LUGS KYI TSE DBANG, KHYUNG NAG DANG KHYUNG KHRA'I RJES GNANG, RGYUD GRVA TSOGS YONGS LA NE SER JO BO CHEN PO'I RJES GNANG, BDE MCHOG RTZA RGYUD LE'U DANG PO DANG BDE
MCHOG GTZO 'KHOR GYI SNGAGS KYI LUNG RNAMS STZAL, SGRUB MCHOD GROL NAS MJUG CHOG RNAMS KYANG RGYAS PA DANG, 'GYED KHA BTAGS, DNGUL SRANG RE GNANG, SNGAGS GRVA NAS KYANG YON BSTABS, BAR SKABS SU BKA' CHOS RGYUN RED RIM PA LTAR GNANG BA'I RKYEN GYIS SKU 'KHRUGS CUNG ZAD BA ZHES PAR TSOGS CHEN DU 'GYED 'PHAR MA SRANG RE STZAL NAS ZHABS BRTAN SKU RIM RGYA CHER BSGRUBS SHING DGON KHAG RNAMS SU YANG ZHABS BRTAN BSGRUB PAR MDZAD PAS SKU KHAMS RIM GYIS DVANGS, TSES NYER LNGA LA YUM NGO G-YOG BZHI RAB BYUNG BSGRUBS, ZLA BA BRGYAD PA'I TSES GCIG LA TSA GAN THA YAN CHI DANG, ZHABS DRUNG NGAG DBANG RGYA MTSO SKOR LA DGA' LDAN LHA BRGYA MA'I KHRID, BLA MA'I RNAL 'BYOR GSAR ZHUS KYI LUNG DANG, SKU BRNYAN SPOS SNAM SOGS STZAL, NYIN GSUM GYI RING Ri shI'I CHAB KYI 'PHROD BSTEN MDZAD, TSES BCU GSUM LA GONG MA CHEN PO'I 'KHRUNGS SKAR ZHABS BRTAN SNGAR BZHIN BSGRUBS, BDUN PHRAG GNYIS KYI RING SKU MTSAMS MDZAD NAS DPAL RDO RJE 'JIGS BYED KYI BSNYEN PA GNANG, SKU MTSAMS KYI KHONGS SU YONGS 'DZIN RDO RJE 'DZIN PA CHEN PO DANG, SNGAGS PA DBU MDZAD, MGON KHANG MCHOD DPON PA BCAS KYIS ZHABS PHYI ZHUS NAS ZHI RGYAS KYI SBYIN SREG NYIN BZHI DANG, RENGS PA DANG BSAD PA'I SBYIN SREG NYIN GNYIS, NYER BZHI DANG NYER LNGA LA ZHI RGYAS KYI SBYIN SREG DANG GTANG RAG BSKANG GSO BCAS MDZAD, SKU MTSAMS GROL BA DANG SNGAGS GRVAR RDUL TSON LA BRTEN NAS BDE
, ,MCHOG GI SGRUB MCHOD TSUGS PAR RGYAL DBANG THAMS CAD MKHYEN PA CHEN PO NAS LEGS SO'I RTEN 'BYUNG PHUL BA'ANG 'BYOR, RGYAL DBANG MCHOG LHA LDAN SPRUL PA'I GTZUG LAG KHANG DU GNAS GZIGS LA PHEBS BZHED LA LEGS 'BUL STOBS PAR MGRON GNYER DRUNG RAM PA BLO BZANG DGE LEGS RDZONG STA GNANG, SER 'BRAS SOGS KYI BSGRUB BYA LNGA BCU NGA BDUN BSNYEN RDZOGS BSGRUBS, ZLA BA DGU PA'I TSES GCIG NAS RIM BZHIN PHUR BU LCOG NAS PHYAG MDZOD RAB 'BYAMS PA BLO BZANG DAR RGYAS, MDZO DGE BLA MA RNYING BA MDANGS CHEN CHOS RJE DON GRUB RGYA MTSO, MDZO DGE BLA MA CHOS RJE YE SHES DPAL 'BYOR RNAMS 'BYOR PAR JA GRAL THOG BKA' 'DRI STZAL, DE NAS NYIN BRGYAD KYI BAR BLA MA YI DAM BYANG SEMS SOGS KYI SKU BRNYAN MANG PO PHYAG BDAR GYIS PAR 'DEBS MDZAD, TSES BRGYAD KYI NYIN PHYAG MDZOD RAB 'BYAMS PA BLO BZANG DAR RGYAS KYIS TSOGS DBUR SPYAN DRANGS TE ZHABS BRTAN DNGOS 'BUL BSTABS, MDZO DGE BLA MA GSAR RNYING GNYIS SO SO NAS DNGOS 'BUL BTEG CING KHONG TSOS ZHUS NGOR BLA MA MCHOD PA, THUB DBANG ZHAL PAD MA, BLO GROS DPAG BSAM MA RNAMS KYI LUNG STZAL, LHA BU RDZONG DPON BSOD NAMS MGON POS SGER MJAL ZHUS, TSES BCU GNYIS NAS BZUNG GZIMS CHUNG NYI 'OD 'KHYIL PAR 'PHAGS YUL GYI BZO RGYUN LTAR GSAR DU BSKRUN PA'I DPAL RDO RJE 'JIGS BYED CHEN PO'I SKU BRNYAN, MGON PO PHYAG DRUG PA, DAM CAN
CHOS RGYAL, DMAG ZOR MA, ZHAL BZHI PA, DREGS PA LCAM SRING BCAS KYI SNANG BRNYAN GSAR BZHENGS KYI SKU MDUN DU MCHOD GTOR RGYA CHEN PO BSHAMS NAS 'JIGS BYED LA MDUNG SO G-YAS G-YON DU STA RES MTSAN PA'I RU MTSON MDUNG RNON STA RE'I SO CAN LCAGS KYI GCOD PA'I 'KHOR LO GSUM DANG, GONG GSAL CHOS SKYONG RNAMS KYI PHYAG MTSAN, SPYAN GZIGS, BSKANG RDZAS KYI GZUGS 'GROS SNA TSOGS PA TSAR DU DNGAR TE DBYANGS ROL RDAM BRJID DANG LDAN PA SNGON DU 'GRO BAS NYIN DANG POR, PHYAG DRUG YE SHES MGON PO, DE NAS RIM BZHIN CHOS RGYAL, LHA MO, ZHAL BZHI, LCAM SRING RNAMS LA NYIN RE, RNAM SRAS, LA MO, NE SER BA RNAMS LA NYIN GCIG ,CHOS SRUNG SPYIR NYIN GCIG BCAS BSKANG BA MNGA' GSOL SOGS RGYAS PAR MDZAD NAS ZHI RGYAS DBANG DRAG GI LAS THOGS MED BSGRUB PA'I 'PHRIN LAS BCOL, TSES BCU DGU LA PHYAG MDZOD RAB 'BYAMS PA BLO BZANG DAR RGYAS LA 'BUL BA'I SLOG CHA GNANG, PHYOGS 'DUS BSGRUB BYA BDUN CU DON GNYIS BSNYEN RDZOGS DANG, SUM CU SO DRUG DGE TSUL BSGRUBS, TSES NYER GSUM LA PE'I CING MI SNA LHA RTZE MKHAN PO NGO G-YOG 'BYOR PAR GONG MA CHEN PO'I SKU'I MTSAMS ZHU MDZAD, GSER YIG GNANG RTEN 'CHAR 'PHAR BZANG PO STZAL BA RNAMS BZHES NAS PHYAG DBANG DANG MKHAN POR JA GRAL THOG BKA' 'DRI MANG DU GNANG, TSES NYER LNGA NAS BZUNG DPAL DUS KYI 'KHOR LO'I CHO GA RNAMS KYI SNGAGS DANG, PHYAG RGYA BYED LUGS DBYANGS RTA SOGS ZHAL SNGA
, ,NAS BZHI DANG, SNGAGS PA'I LAS TSAN PA, CHOG GRVA PA BCU DRUG ,MTSAN NYID ZHABS PHYI BZHI BCAS LA NYIN LTAR KHRID PA'I DBU BTZUGS, ZLA BA BCU PA'I TSES GCIG NAS BZUNG RIM BZHIN MTSO SNGON DPAL LDAN JA SAG GI MI SNA, PE'I CING MI SNA LHA RTZE MKHAN PO, 'BRONG RTZE'I SNGAGS RAM PA YE SHES RDO RJE BCAS SO SO NAS DNGOS 'BUL BSTAR, PHYOGS 'DUS GRVA PA DRUG CU RE GCIG BSNYEN RDZOGS, BZHI BCU DGE TSUL DANG, MNGA' RIS PA LNGA BCU NGA GCIG DGE BSNYEN NAS DGE TSUL BAR BSGRUBS, TSES BRGYAD NAS RIM BZHIN PHUR BU LCOG PA DGE SLONG RNAM SNANG GIS ZHUS NGOR PHYAG MDZOD CHEN MO, YONGS 'DZIN, DGE SLONG RNAM SNANG KHU TSAN, GSOL GZIMS, MGRON GNYER SOGS BCU SKOR LA BKA' GDAMS THIG LE BCU DRUG GI DBANG STZAL, CHING WANG GI MI SNA DAR HAN THE'I JI LA MGON PO PHYAG DRUG PA'I RJES GNANG, SOG PO DRUG CU SKOR LA 'OD DPAG MED LA BRTEN PA'I 'PHO KHRID BCAS STZAL, TSES BCU BZHI LA ZI LING TSONG DPON NGO G-YOG ,'GRUL SDEB AOR TU SU PA DANG, CO NE BA BCAS PAR PHYAG DBANG STZAL, TSES BCU DRUG NAS BZUNG 'DI KHA'I LHA KHANG RNAMS KYI RTEN GYI GTZO BO DANG, RANG BYON, GSUNG BYON RNAMS LA GSER BTUL MA MGUR ZHO BCU DRUG GIS ZHAL GSER GSOL BA GNANG THOG SNA LNGA'I BRGYA MCHOD DU MA DANG BCAS RTEN MJAL LA RIM BZHIN PHEBS NAS KHRUS GSOL, MCHOD 'BUL, SNYAN SHAL, MCHOD RDZAS, GNYER GTAD DANG, MGON KHANG CHEN MO SO SOR MCHOD
GTOR, SPYAN GZIGS, SNYAN SHAL BCAS PHUL TE THUGS SMON DANG 'PHRIN BCOL MDZAD, BLA BRANG GI MGON KHANG DU MCHOD GTOR DANG, SPYAN GZIGS RAL GRI, SNYAN SHAL BCAS BSTAR, MGON KHANG PA RNAMS LA LA MO CHOS SKYONG CHEN PO'I BSKANG GSO'I CHO GA DON YOD 'PHRUL ZHAGS DANG, RTA MGRIN GYI SGRUB THABS, LCAM SRING GI GSER SKYEMS, NE SER JO BO CHEN PO'I BSANGS MCHOD SOGS KYI LUNG STZAL, BSTAN SRUNG TSANGS PA CHEN POR SNGAR BCOL LEGS PA'I GTANG RAG TU GZAB GSOL GYI MCHOD GTOR, SPYAN GZIGS TSAD MED PA BSTAR NAS 'PHRIN LAS BCOL BAR MDZAD, TSES NYER LNGA LA GNAS PA BLO BZANG MKHAS MCHOG LO TZ'A BAR BSKO BZHAG GNANG, ZLA BA BCU GCIG PA'I TSES GNYIS KYI NYIN AOR TU SU T'A PE'I LI TSE DBANG DPAL 'BYOR GYIS BRTAN BZHUGS 'BUL BAR MNGAGS PA'I SHES RAB NANG SO CAN NAS TSOGS DBUR SPYAN DRANGS TE DNGOS 'BUL BSTAR ZHING DGA' LDAN LHA BRGYA MA'I KHRID STZAL, GNAS CHEN DU MA'I SA SNA, RDO SNA, RIN PO CHE SNA TSOGS, SMAN SNA, BYIN RTEN BCAS MANG DU BSRES PA'I DAR 'DAM LAS RTA MGRIN GSANG SGRUB KYI SKU BRNYAN KHRU GANG LHAG TZAM BZO BKOD PHUN SUM TSOGS PA BZHENGS TE GZUNGS GZHUG DANG RAB GNAS MDZAD NAS GZIMS CHUNG NGO MTSAR BKOD PAR BZHUGS SU GSOL, TSES GSUM LA MTSO SNGON RDO RJE WANG GI YUM NAS TSOGS DBUR SPYAN DRANGS TE ZHABS BRTAN PHUL, THUB BSTAN SKYID SBUG PAS KYANG DNGOS 'BUL GYI BDOG PA BTEG ,'DOD CHOS KYANG STZAL, PHYI NYIN DPAL CHOS ZHI GNAS GRVA TSANG GI BLA MAR THON
, ,PHYAG GNANG BA DANG BSTUN G-YANG CHOS SPRUL SKU SOGS PHYOGS 'DUS MANG POR MJAL KHA GNANG, BSNYEN RDZOGS SUM CU SO DRUG ,DGE TSUL GSUM, BAR MA RAB BYUNG GCIG ,DGE BSNYEN GSUM RNAMS BSGRUBS, , MTSO SNGON RDO RJE WANG GI YUM NAS BSKUL MA ZHUS PA BZHIN SOG RIGS DRUG CU SKOR LA 'PHAGS PA BCU GCIG ZHAL GYI DBANG CHAN DANG TSE DBANG GRUB RGYAL MA SOGS DANG, YUM SGER LA MGON PO BAR CHAD KUN SEL GYI RJES GNANG STZAL, THON PHYAG KYANG SBAM MTHO BA GNANG, KHRO BO'I RGYAL PO MI G-YO BA DANG, SGROL DKAR YID BZHIN 'KHOR LO GNYIS KYI DNGUL SKU RGYAB YOL DANG BCAS PA, PHRA RGYAN PHUN SUM TSOGS PAS MDZES PA GSAR DU BZHENGS TE BKRA SHIS PHUN TSOGS 'KHYIL DU BZHUGS SU GSOL BA'I LHA KHANG GI STENG DU GSER ZANGS KYI GANYDZI RA DANG RGYAL MTSAN CHA BCAS GSAR 'DZUGS GNANG BAR SHIS BRJOD KYI ME TOG GTOR, TSES NYI SHU LA PHYAG MDZOD CHEN MOR RKYEN SEL DU BDE MCHOG DKAR PO'I TSE DBANG DANG, SNGAGS GRVA'I DGE BSHES BCU DRUG LA'ANG BDE MCHOG DKAR PO'I TSE DBANG RJES GNANG DANG TSE SGRUB BYA TSUL GYI DMIGS RIM GYI KHRID SKOR RGYAS PAR GNANG, TSES NYER GCIG NAS BZUNG ZHAG BCU BDUN RING SKU MTSAMS BCAD RGYAR BZHUGS NAS 'DOD LHA 'GA'I BSNYEN SGRUB LA THUGS BRTZON SHIN TU CHE BA MDZAD, ZLA BA BCU GNYIS PA'I TSES BRGYAD LA SKU MTSAMS GROL, KHAMS PAG SHOD DGON GYI KHRI BA'I BANG CHEN PA DANG LHUN PO RTZE'I MKHAN RNYING SOGS
LA PHYAG DBANG STZAL, AU RGYAN RDZONG PA BLO BZANG RNAM RGYAL DANG DPAL 'BYOR RDO RJE, BAR SHE PA BLO BZANG DGE LEGS, MDANGS CHEN PA BLO BZANG MTHA' YAS, DPE THUB PA SKU SKYE BLO BZANG RAB RGYAS, GLO SBUG PA BLO BZANG CHOS DAR, 'DAR BA BLO BZANG 'JAM DBYANGS, GRANG MO CHE BA CHOS 'PHEL DAR RGYAS, DPAL GLING KHANG BA BLO BZANG TSE DBANG, LA KHA PA BLO BZANG RDO RJE, BZHAD PA BLO BZANG SMON LAM, SHOD KHUD PA BLO BZANG BRTZON 'GRUS, SA BDE CHEN PA BLO BZANG 'PHRIN LAS, RGYAL CHEN RTZE PA BLO BZANG RGYAL MTSAN, GCEN LUNG PA BLO BZANG DPAL 'BYOR, JO MO RDZONG BA YE SHES BRTZON 'GRUS, LHUN PO RTZE PAS YE SHES SKAL BZANG BCAS KYIS RNAM 'GREL GYI THAL PHRENG, DPE THUB PA BLO BZANG BRTZON 'GRUS, SER KHANG PA BLO BZANG LEGS LDAN, AU RGYAN RDZONG PA BLO BZANG BSAM GRUB, GLO SBUG PA BLO BZANG SHES RAB RNAMS KYIS PHAR PHYIN GYI SPYI THAL, DBEN DGON PA YE SHES DBANG PHYUG GIS BDE MCHOG RTZA RGYUD, BLO BZANG NOR BUS LAM RIM 'BRING PO, SHEL DKAR CHOS SDE BA RAB 'BYAMS PA NGAG DBANG BKRA SHIS KYIS MDZOD t'I KA CHOS MNGON RIN CHEN 'DREN PA'I SHING RTA DANG LAM KHRID 'JAM DPAL ZHAL LUNG, 'BRONG RTZE CHOS SDE BA YE SHES DON GRUB DANG 'PHRIN LAS RDO RJE, BLO BZANG YON TAN GSUM GYIS DUS KYI 'KHOR LO'I CHO GA YONGS RDZOGS BCAS KYI RGYUGS PHUL BAR GNANG CHA SNGAR RGYUN BZHIN STZAL, ` NYI SGROL BYED CES PA SHING PHO SPRE'U'I LO ZLA BA DANG PO'I TSES LNGA LA BZHAD GNYER PA DRUNG RAM PA DGE 'DUN DON GRUB DANG RTZVA GNYER BLO
, ,BZANG RNAM RGYAL GYIS MTSON BSGRUB BYA BZHI BCU ZHE LNGA BSNYEN RDZOGS BSGRUBS, TSES BRGYAD KYI NYIN TSA RTING MA'I THOG 'DUS PA RGYA MTSO'I TSOGS DBUR ZHABS ZUNG BKOD DE 'PHAGS PA'I GNAS BRTAN BCU DRUG GI, RJES GNANG DANG, STON PA THUB PA'I DBANG PO'I BSTOD PA BDUD DPUNG PHYE MAR 'THAG PA ZHES BYA BA'I LUNG STZAL TE, THUB PA'I BSTOD PA DE NYID TSOGS YONGS NAS BLO 'DZIN DGOS PA'I BKA' PHEBS, RJE NYID NAS BKA' PHEBS PA BZHIN, MDO 'DON PA PO DKA' CHEN BLO BZANG 'BYUNG GNAS KYIS GTZOS SNGAGS GRVA BRGYA PHRAG GCIG GIS DUNG MTSON GAR BKRA SHIS KYI GSO SBYONG DANG, CHOS GRVA CHEN PO'I G-YAS RI MKHA' LDING RANG BYUNG GI NUB TU GNOD PA BZLOG PA'I GSO SBYONG, GZHIS RTZE ZAM CHEN GYI SHAR DU DBYE NA BZLUMS PA'I GSO SBYONG BCAS MDZAD PAS RTEN 'BREL LEGS TSOGS CHE BAR GYUR, BKA' BLON ZHABS DRUNG TSE RING DBANG RGYAL GSHEGS TE BSNGO RTEN 'BYOR PAR SPYAN DMIGS GNANG, DGA' LDAN CHOS 'KHOR BA BDUN BSNYEN RDZOGS BSGRUBS, CHOS GRVA 'DI NYID KYI GRVA RGYUN GSAR CHUG BRGYAD CU SKOR DGE BSNYEN NAS DGE TSUL GYI BAR BSGRUBS, SKABS 'DIR PHYAG MDZOD CHEN MOR 'JIGS BYED DPA' GCIG GI DBANG STZAL, YONGS 'DZIN PA LA RJE NGAG DBANG BYAMS PA'I GSUNG 'BUM GYI LUNG RIM GYIS GSAN, ZHUS DAG PA DKA' CHEN SKU SKYA BLO BZANG RIG GROL 'DAM BKRA SHIS SGER RU'I BLA MAR 'GRO SKABS DRI ZA'I RGYAL PO ZUR PHUD LNGA PA DGYES PA BSKYED PHYIR
BKA'I 'PHRIN YIG DANG RAL GRI, ME MDA', RTA BCAS 'BUL RGYU GNANG, ZLA BA GNYIS PA'I TSES BCU GCIG DANG BCU GNYIS LA AOR TU SU PE'I SI RNAM RGYAL RDO RJE DANG, MTSO SNGON PHYAG RDOR SKYABS GNYIS KYIS RIM BZHIN TSOGS DBUR SPYAN DRANGS TE ZHABS BRTAN PHUL, SOG BTZUN BSGRUB BYA SUM CU SO GSUM DGE TSUL, DRUG CU RE DRUG BSNYEN RDZOGS, DGU DGE BSNYEN BSGRUBS, PE'I SI RNAM RGYAL RDO RJE'I BLA MA BLO BZANG CHOS 'PHEL 'DAS PA'I ZLA BO RNAMS NAS DGONGS JA'I THOG TSOGS DBUR SPYAN DRANGS TE ZHABS BRTAN PHUL, SBYIN BDAG GIS ZHUS NGOR TSOGS YONGS LA DGA' LDAN LHA BRGYA MA DANG BRTAN BZHUGS GSOL 'DEBS BLO GROS DPAG BSAM MA'I LUNG STZAL, TSES BCU DRUG NAS BZUNG NYIN GNYIS KYI RING SOG RIGS NYIS BRGYA SKOR LA TSE DPAG MED LHA DGU'I DBANG GI STA GON DANG PHYI NYIN DNGOS GZHI, MJUG TU SO SO NAS ZHUS NGOR GSAR RTZOM GNANG BA BLA MA'I RNAL 'BYOR DANG YUL LHA'I GSOL MCHOD SOGS 'DOD CHOS 'GA' DANG RJE BLA MA MCHOG GIS BKA' RTZOM GNANG BA DPAL 'KHOR LO SDOM PA'I CHO GA DANG STOBS BZHI'I BSHAGS PA SOGS KYI LJAGS LUNG STZAL TE TSES BCO BRGYAD LA THON PHYAG GNANG, SBONG RONG RJE DPON NAS BRTAN BZHUGS PHUL, DE NYIN DKYIL KHANG ZHAL SNGA NAS BLO BZANG BRTZON 'GRUS SKU GSHEGS PAR GSUNG BSNGO ZHU RTEN GTOS CHE BA PHUL BAR BSNGO SMON MDZAD, TSES NYI SHU LA GDAN SA 'DI'I DGE 'DUN BZHI BCU ZHE LNGA BSNYEN RDZOGS BSGRUBS, 'BRAS SPUNGS NAS BSTAN PA'I GSAL BYED BTZAN PO SMIN GROL NO
, ,MON HAN BYON PAR THUGS GNYER 'PHEL LUGS SOGS KYI SKOR LAS BRTZAMS PA'I GSUNG GLENG ZHIB TU GNANG, ZLA BA GSUM PA'I TSES BZHI LA BTZAN PO NO MON HAN NAS TSOGS DBUR SPYAN DRANGS TE DNGOS 'BUL BTEG ,KHONG PA NAS ZHUS DOR RJE BTZUN TZONG KHA PA CHEN PO LA BRTEN PA'I BLA MA'I RNAL 'BYOR BLO BZANG BKA' 'BUM DU GSAL GRAS THUN MONG MA YIN PA'I KHRID STZAL, TSES BCU GSUM LA 'BRAS SPUNGS SPYI GNYER BLO BZANG DGE LEGS NGO G-YOG GSUM BSNYEN RDZOGS BSGRUBS, GNAS PA MI TSAN NAS BSKUL NGOR DPAL LDAN LHA MO DANG NE SAR JO PO CHEN POR MCHOD GTOR 'BUL TSUL GSAR RTZOM GNANG BA'I LJAGS LUNG STZAL, DE'I PHYI NYIN SHANGS DGA' LDAN CHOS 'KHOR GYI GNYER RNYING CHOS RGYAN GYIS DNGOS 'BUL BSTAR, KHONG NGO G-YOG LA DGA' LDAN LHA BRGYA MA'I KHRID DANG SGROL MA'I LUNG BCAS 'DOD CHOS 'GA' ZHIG STZAL, BTZAN PO NO MON HAN GYIS BSKUL MA MDZAD NGOR ZHAG KHA SHAS RING NO MON HAN NYID DANG ZHABS DRUNG NGAG DBANG RGYA MTSO SOGS DGE BSHES BCO LNGA SKOR LA DPAL RDO RJE 'JIGS BYED LHA BCU GSUM MA'I BSKYED RIM GYI ZAB KHRID, TSE DBANG GRUB RGYAL LUGS SOGS 'DOD CHOS 'GA' ZHIG ,NO MON HAN CHIG RKYANG LA 'KHRUL 'KHOR RNAM BSHAD KYI PHYAG LEN RNAMS RGYAS PAR STZAL, NYIN RE BZHIN NO MON HAN RJE BLA MA MCHOG GI SKU GAM DU PHEBS NAS CHOS KYI DRI BA MANG DU ZHUS, THON CHAS SKABS THUGS BZHED LTAR GYI BKA' BSGO DANG BLA CHAS CHA TSANG
GDUGS SOGS BDAG RKYEN GYIS GZENGS BSTOD DE RGYA SOG GI YUL GRUR BSTAN PA LA GANG PHAN DGOS LUGS RGYU MTSAN DANG BCAS ZHAL TA PHEBS, TSES BCO LNGA LA TSA RTING MA'I THOG 'DUS PA RGYA MTSO'I TSOGS DBUR ZHABS KYI PADMO BKOD DE, MNYAM MED THUB PA'I DBANG PO'I BSTOD PA BDUD DBUNG PHYE 'THAG MAR GRAGS PA 'DUS SDE'I TSOGS 'DON DU BTZUGS, DGE 'DUN RNAMS BSHAD GRVA RIGS LUNG SOGS LEGS TSOGS GONG 'PHEL GYI CHED DU BKRA SHIS PA'I GSO SPYOD MDZAD, CHOS SKYONG LCAM SRING LA RTEN THUGS ZHIG BTZUGS NA LEGS PA'I MTSAN MA SHAR TE BKA' GDAMS PHO BRANG DU RTEN THUGS GSAR BSKRUN MDZAD, TSES NYER GSUM NYIN PO TA LA NAS MCHOG GI SPRUL PA'I SKU RIN PO CHE NAS SKU'I KHU BO RJE DRUNG BLO BZANG PHUN TSOGS MDUN BKA' SHOG RTEN SBRAGS GNANG BA GUS BZHES MDZAD CING, KHU BO RJE DRUNG LA JA GRAL THOG BKA' 'DRI GNANG, SHANGS DGA' LDAN CHOS 'KHOR BA SOGS BSGRUB BYA BCO LNGA DGE TSUL DANG, SER 'BRAS DGE GSUM, RGYUD STOD SMAD SOGS SUM CU SO GSUM BSNYEN RDZOGS BSGRUBS, GNAM GANG GI NYIN SNGA DRO GSO SBYONG MDZAD CING PHYI DRO RGYUD SMAD PA'I GRVA BA ZHE GNYIS BSNYEN RDZOGS BSGRUBS, ZLA BA BZHI BA'I TSES GSUM LA SER THEG CHEN GLING NAS THO YON BLO BZANG SBYIN PA 'BYOR TE DNGOS 'BUL BSTABS, TSES BRGYAD LA SNGAGS GRVA 'GA' ZHIG DANG THO YON BLO BZANG SBYIN PA SOGS BSGRUB BYA SO GSUM BSNYEN RDZOGS BSKRUBS, DE'I PHYI NYIN THO YON BLO BZANG SBYIN PA SOGS MI SUM CU SKOR LA GRUB
, ,RGYAL LUGS KYI TSE DBANG STZAL, GZHUNG SA NAS RJE BLA MA MCHOG LA BRTAN BZHUGS 'BUL BAR CHED DU MNGAGS RDZONG GNANG BA KHU BO RJE DRUNG BLO BZANG PHUN TSOGS NAS TSOGS DBUR SPYAN DRANGS, TSE SGRUB 'CHI MED BDUD RTZI'I CHU RGYUN DANG 'BREL BA'I ZHABS BRTAN BDEN TSIG BRJOD DE DNGOS 'BUL GTOS CHE BA BTEG ,BKA' BLON THUN MONG NAS KYANG DNGOS 'BUL BSTAR, DE'I PHYI NYIN SKU'I KHU BO RJE DRUNG BLO BZANG PHUN TSOGS SGER NAS 'DUS SDE'I TSOGS DBUR SPYAN DRANGS TE DNGOS 'BUL BTEG ,PHYAG MDZOD CHEN MO DANG KHU BO RJE DRUNG BLO BZANG PHUN TSOGS, RJE DRUNG DPAL LDAN BKRA SHIS BCAS KHU DBON GSUM LA DPAL RTA MGRIN GYI RJES GNANG DANG GRUB RGYAL LUGS KYI TSE DBANG BRGYA RTZA, PHYAG RDOR DRAG PO GSUM SGRIL DANG SGROL LJANG GI RJES GNANG SOGS 'DOD CHOS 'GA' ZHIG STZAL, DBUS GTZANG GI GRVA PA BZHI BCU ZHE BRGYAD BSNYEN RDZOGS BSGRUBS, YONGS 'DZIN PAR BLO BZANG BKA' 'BUM GYI LUNG GNANG, SNGAGS CHEN ZHAL SNGA NAS KYIS SNGAGS GRVA SPYI SOR SBYOR 'JAGS MDZAD RGYUR RJE BLA MA MCHOG GI SNANG BRNYAN DNGUL SRANG NYIS BRGYA LNGA BCU LAS GRUB PA GSAR BSKRUN DANG, GZHAN MA RGYUD GRVA'I THUGS DAM RTEN DU BZHUGS PA PAn CHEN SKU GONG MA GNYIS KYI SNANG BRNYAN DNGUL LAS GRUB PAR ZHAL GSER GSAR GSOL MDZAD PA BCAS LA RAB GNAS KYI ME TOG GTOR ZHING DGYES PA'I BKA' YANG PHEBS, TSES NYER BRGYAD LA 'BRAS SPUNGS KYI GRVA PA NYI SHU RTZA BZHI BSNYEN RDZOGS BSGRUBS, ZLA
BA LNGA PA'I TSES GCIG NAS BZUNG ZHAG KHA SHAS PAR DPAL DUS KYI 'KHOR LO'I CHO GA BLO 'DZIN MDZAD MI DGE BA'I BSHES GNYEN RNAMS LA SNGA MO 'DZIN CHOS STZAL 'PHROS NAS NYIN RE BZHIN 'DZIN CHOS THUN RE CHAG MED STZAL, LHA RI RTZE BA SOGS PHYAG DBANG DON DU GNYER PA'I SER SKYA MANG PO'I RE BA BSKANGS, TSES BCU BDUN LA KHU BO RJE DRUNG BLO BZANG PHUN TSOGS 'KHOR BCAS LA GRUB RGYAL LUGS KYI TSE DBANG DANG, GZHUNG SA CHEN POR ZHU YIG RTEN SBRAGS 'BUL SLOG DNGOS SKYES BCAS THON CHAS RGYAS PAR STZAL, SER 'BRAS SOGS KYI GRVA PA BCO BRGYAD BSNYEN RDZOGS BSGRUBS, LHA RTZE MKHAN PO DKA' BCU BLO BZANG SKAL BZANG GONG MA CHEN PO'I SKU'I MTSAMS ZHUR 'GRO RGYUR LHA MO KU RU KULLE'I RJES GNANG STZAL, TSES NYER LNGA'I NYIN YONGS 'DZIN LAS N'A RO MKHA' SPYOD MA DMAR MO'I RJES GNANG TSOGS 'KHOR DANG BCAS PA RTA MGRIN LCAGS RAL CAN GYI RJES GNANG RNAMS RIM PAR ZHU BA MDZAD, THOS BSAM NOR BU'I GLING GI RNAM 'GREL t'IKKA PA NYER GNYIS SPYI MTHUN NAS DPAL CHOS KYI GRAGS PA'I BSTOD PA ZHIG DGOS TSUL GSOL BA 'PHRAL DU BKA' RTZOM GNANG STE LJAGS LUNG YANG STZAL, ZLA BA DRUG PA'I TSES GCIG LA THOS BSAM GLING GI BLA MA HAR GDONG BA'I SKU SKYE DANG RNAM RGYAL TSE RING, RJE BTZUN MA RGAN GZHON SOGS DPON G-YOG NYI SHU SKOR LA THUGS RJE CHEN PO ZHAL BCU GCIG PA'I RJES GNANG DANG GRUB RGYAL LUGS KYI TSE DBANG STZAL CING THON PHYAG GNANG, GRVA SA 'DI NYID DANG SER 'BRAS SOGS KYI BSGRUB BYA SUM CU
, ,BSNYEN RDZOGS DANG GSUM DGE TSUL BSGRUBS, RTA NAG THUB BSTAN RNAM RGYAL GYI MKHAN PO DANG LHO 'BRUG PA SOGS PHYOGS 'DUS MANG POR PHYAG DBANG GI BYIN RLABS RIM PAR STZAL, PHYAG MDZOD CHEN MO SKU GZUGS GCONG BAR BRTEN TSE CHOG ,TSE SGRUB, TSE MDO SOGS RIM GRO KHAG MANG 'DZUGS PA MDZAD, RJE BLA MA MCHOG NAS KYANG GRUB RGYAL LUGS KYI TSE DBANG DANG, BDE MCHOG DKAR PO LA BRTEN PA'I TSE DBANG, PHYAG RDOR GTUM PO DANG MGON PO TSE BDAG GI RJES GNANG SOGS 'DOD CHOS 'GA' ZHIG STZAL, SER 'BRAS KYI GRVA BA BCO BRGYAD BSNYEN RDZOGS BSGRUBS, RJE BLA MA MCHOG DANG YONGS 'DZIN MKHAN RIN PO CHE, MCHOD DPON DKA' BCU YE SHES RNAM RGYAL, SNGAGS GRVA'I DBU MDZAD SOGS BZHI NAS NYIN GNYIS KYI RING CHOS SKYONG DREGS PA LCAM SRING LA BRTEN PA'I ZHI BA DANG DBANG GI SPYIN SREG RJE RGYAL BA GNYIS PA'I MAN NGAG BZHIN NYIN RER TSAR GSUM RE DANG, SENG BAR LA DKYIL KHANG GRVA TSANG GI SROL RGYUN THUN MONG MIN PA LTAR GYI BSKANG GSO MDZAD, TSOGS CHEN DGE BSKOS DPE THUB PA DRUNG RAM PA YE SHES RGYAL MTSAN GYIS BSKUL MA ZHUS NGOR DBYAR GNAS KYI RING 'DUS PA RGYA MTSOR LAM GYI GTZO BO RNAM GSUM GYI KHRID DANG DBU MA'I BSTAN BCOS BUDDHA P'A LI TA'I BSHAD LUNG RNAMS GANG RGYAS STZAL, ZLA BA BDUN PA'I TSES DRUG LA SER 'BRAS KYI GRVA BA BRGYAD BSNYEN RDZOGS BSGRUBS, DAD LDAN MANG POS SNGA PHYIR PHUL BA'I DNGOS PO RNAMS CHUD MI ZA BAR
DON LDAN DU 'GYUR PHYIR GTZUG LAG KHANG CHEN PO'I DRI GTZANG KHANG DU BZHUGS PA'I THUB CHEN 'KHOR BCAS DANG, GZHAN YANG RJE BTZUN BYAMS PA MGON PO'I SNANG BRNYAN CHEN MO, SBROL DKAR YID BZHIN 'KHOR LO'I SNANG BRNYAN SOGS BYAMS KHANG DANG SGROL MA LHA KHANG DU BZHUGS PA'I SANGS RGYAS BYANG SEMS SOGS KYI SNANG BRNYAN KHYAD PAR CAN RNAMS LA GSER CHAB GSOL ZHING GOS BZANG PO LAS GRUB PA'I NA BZA' 'BUL BA MDZAD DE, TSES BCO LNGA'I SNGA DRO GSO SBYONG GROL BSTUN GTZUG LAG KHANG CHEN POR PHEBS NAS RTEN RNAMS KYI DRUNG DU SNA LNGA'I MCHOD PA RGYA CHEN PO TSAR DU DNGAR, MGON KHANG BA SOGS ZHAM RING GI TSOGS DANG LHAN CIG SPYAN 'DREN KHRUS GSOL SNGON DU 'GRO BA'I MCHOD 'BUL RGYAS PA DANG BCAS RTEN RNAMS LA LHA RDZAS BZANG PO'I SNYAN SHAL PHUL NAS SHIS PA BRJOD PA'I ME TOG GI CHAR PHAB STE, BSTAN PA RGYAS SHING 'GRO KUN BDE SKYID KYI DPAL LA SPYOD PA'I THUGS SMON GSOL 'DEBS MDZAD, MGON KHANG CHEN MOR YI DAM CHOS SRUNG GI RTEN RNAMS LA SNYAN SHAL BZANG PO PHUL TE SPYAN 'DREN KHRUS GSOL, MCHOD GTOR, GSER SKYEMS, MAndAL, TSOGS MCHOD SOGS KYIS DGYES PA BSKYED DE BSTAN PA BSTAN 'DZIN DANG BCAS PAR SRUNGS SKYOB G-YEL MED DGOS PA'I RDO RJE'I THA TSIG BSGRAGS, SNGON DU DPAL DUS KYI 'KHOR LO'I CHO GA GSAR 'DZIN MDZAD MI RNAMS LA SNGAGS DANG PHYAG RGYA'I BSLAB BYA SOGS DANG 'BREL BA'I RTZI BZHAG 'DZIN CHOS KYI RGYUN SKYONG MDZAD PA 'DI LO ZLA
, ,BA BDUN PA'I TSES BCU DRUG LA GRUB, KHONG RNAMS NAS BLA MA MCHOD PA DANG 'BREL BA'I BRTAN BZHUGS PHUL, RJE BLA MA MCHOG LA DANG LDAN RNAMS KYIS SNGA PHYIR BSKUL MA ZHUS NGOR STZAL PA'I BKA' RTZOM PO TI KHA SHAS YOD PA RNAMS KYI LJAGS LUNG DGOS TSUL ZHABS DRUNG NGAG DBANG RGYA MTSO NAS NAN GYIS GSOL BAR BRTEN, ZHABS DRUNG NGO G-YOG GSUM GYI THOG GRVA TSANG ZUR BZHI'I BLA MA DANG TSOGS CHEN DGE BSKOS, MTSAN NYID ZHABS PHYI SOGS NYI SHU RTZA GSUM SKOR LA TSES BCU DGU NAS BZUNG ZHAG BCU SKOR RING SNGON STZAL BKA' RTZOM YONGS RDZOGS KYI LJAGS LUNG GNANG, 'DI SKABS LA DVAGS SA SKYONG GI SRAS HE MI DGON GYI KHRI PA MDZAD MI SKU MCHED DPON G-YOG MANG TZAM 'BYOR PAR JA GRVAL SOGS BDAG RKYEN MI DMAN PA MDZAD, ZLA BA BRGYAD PA'I TSES GCIG NAS BZUNG ZHABS DRUNG NGAG DBANG RGYA MTSO DANG, ZUR BZHI'I BLA MA SOGS LA 'DOD CHOS STZOL PA'I MU MTHUD, 'DI SKABS MNGA' RIS GRVA TSANG NAS BSNYEN RDZOGS KYI SDOM PA DON GNYER GYI CHED BYON PA'I DGE BA'I BSHES GNYEN BZHI'I RE BA 'PHRAL DU RDZOGS PA MDZAD CING GANGS CAN CHOS 'PHEL GYI GRVA DMANGS LA MJAL KHA GNANG, TSES DGU'I NYIN LA DVAGS SA SKYONG GI SRAS SKU MCHED NAS ZHABS BRTAN PHUL, SA SKYONG GI SKU TSAB THUGS SRAS DANG MDZOD PA GSOL GZIMS SOGS NAS KYANG RANG 'BYOR DANG BSTUN PA'I DNGOS 'BUL BSTAR BA BDAG GIR BZHES TE KHONG RNAMS LA JA GRAL STON MO
BCAS GNANG, DRANG SRONG Ri shI SHAR BA DANG BSTUN CHAB KYI 'PHROD BZHES ZHAG LNGA'I RING GNANG ZHING, TSES BCU GSUM LA GONG MA CHEN PO'I 'KHRUNGS SKAR ZHABS BRTAN SNGAR BZHIN BSGRUBS, TSES BCO LNGA LA CHOS STON DANG BSTUN ZUR BZHI'I BLA MA RNAMS DANG CHOS KYI GSUNG GLENG MANG DU MDZAD, DGA' LDAN, 'BRAS SPUNGS, RGYUD STOD SMAD SOGS KYI GRVA PA DRUG CU RE LNGA BSNYEN RDZOGS DANG, BCU GSUM DGE TSUL BSGRUBS, JA SAG KUN DGA' TSE BRTAN YUM SRAS KYIS TSOGS DBUR SPYAN DRANGS TE ZHABS BRTAN DANG, DE'I PHYI NYIN AA RU HOR CHEN ZHABS DRUNG YE SHES 'PHRIN LAS RAB RGYAS KYI MI SNA DANG, ZHABS DRUNG DGE LEGS DON GRUB SBREL POS ZHABS BRTAN PHUL, JA SAG YUM SRAS KYIS GTZOS SOG RIGS RNAMS LA 'PHAGS PA THUGS RJE CHEN PO ZHAL BCU GCIG PA'I DBANG CHEN STA GON DANG BCAS PA, 'JAM DBYANGS SMRA SENG GI RJES GNANG, 'OD DPAG MED LA BRTEN PA'I 'PHO KHRID, GRUB RGYAL LUGS KYI TSE DBANG, BSNYEN GNAS KYI SDOM PA SOGS 'DOD CHOS MANG PO YID BZHIN DU STZAL TE THON CHAS BSTAR, ZHABS DRUNG NGAG DBANG RGYA MTSOR DPAL RDO RJE 'JIGS BYED CHEN PO'I RDZOGS RIM GYI MYONG KHRID, SNGAGS BTU'I RJES GNANG, MGON PO PHYAG DRUG PA'I RDZOGS RIM GYI KHRID LUNG SOGS ZAB CHOS 'GA' ZHIG RIM PAR STZAL NAS SOG PO'I YUL GRU SOGS SU BSTAN PA'I ZHABS 'GYUR GANG LEGS DGOS PA'I ZHAL TA DANG THON PHYAG STZAL, ZHABS DRUNG NAS KYANG TSE RABS THAMS CAD DU 'BRAL MED RJES 'DZIN GYI
, ,SKYABS 'JUG ZHUS, RNAM PAR RGYAL MA'I SKU BRNYAN GSER SRANG LNGA BRGYA LAS GRUB PA PHRA RGYAN CAN DANG, YONGS 'DZIN ZHAL SNGA NAS BLO BZANG BZOD PA DANG, RJE NGAG DBANG BYAMS PA GNYIS KYI THUGS DGONGS RDZOGS CHED RNAM RGYAL MCHOD RTEN DANG LHA BABS MCHOD RTEN SO SO DNGUL SRAD LNGA BRGYA RE LAS GRUB PA RING BSREL RNAM BZHI'I SNYING PO CAN BZHENGS NAS SKU BRNYAN NGO MTSAR KUN 'DUS LHA KHANG DANG MCHOD RTEN GNYIS BKRA SHIS PHUN TSOGS KUN 'DUS SU BZHUGS SU GSOL TE ZLA BA DGU PA'I TSES LNGA'I NYIN RAB TU GNAS PA MDZAD, RDO RJE 'JIGS BYED DPA' BO GCIG PA BDUD LAS RNAM RGYAL ZHAL PHYAG YONGS RDZOGS KYI SNANG BRNYAN LCAGS GSUM LAS GRUB PA BZO BKOD PHUL PHYIN GSAR DU BSKRUN PA BKA' GDAMS PHO BRANG DU SPYAN DRANGS TE MCHOD RDZAS DANG BCAS PAR RAB TU GNAS PA MDZAD PA, ZLA BA DGU PA'I TSES BDUN GYI NYIN SNGAGS GRVA'I 'DU KHANG DU SPYAN DRANGS TE KA BA'I MDUN STEGS BU'I KHAR BZHUGS SU GSOL NAS MCHOD RDZAS DU MA DANG BCAS SBYOR 'JAGS MDZAD, SNGAGS PA BLA SPYI, MCHOD DPON SOGS NAS ZHAL BSRO'I MANG 'GYED BSNYEN BKUR GZAB CING, MCHOD DPON NAS BSKUL MA ZHUS NGOR DPAL RDO RJE 'JIGS BYED KYI BSTOD PA GSAR RTZOM MDZAD PA'I LJAGS LUNG STZAL, DE NYIN TSA RTING MA NAS BZUNG NYIN GANG TSOGS DBUR ZHABS KYI PADMO BKOD DE TSOGS YONGS NAS DRUG CU BA'I GTOR ZLOG MDZAD, LI THANG MKHAN PO BLO BZANG
TSE DBANG GSHEGS PA'I BSNGO RTEN 'BYOR TE SPYAN DMIGS GNANG, SKABS 'DIR SKU KHAMS CUNG ZAD MI DVANGS PA'I TSUL BZHES PAR GSOS SMAN GYI 'PHROD BZHES DANG 'PHRIN LAS BA NAS ZHABS BRTAN RGYA CHEN PO BSGRUB BKOD MDZAD PAS 'PHRAL DU DVANGS SKYED BYUNG, ZLA BA DGU BA RTING MA'I TSES GCIG LA LA DVAGS SA SKYONG GI SRAS RGYAN PA HE MI DGON GYI KHRI PA SKOR BYA YUL LA 'BYON RGYUR DNGUL DANG JA, GOS DAR SOGS KYI THON CHAS BSTAR ZHING, SA SKYONG GI SRAS GZHON PA BKRA SHIS LHUN POR CHOS MDZAD RGYU'I GTZUG PHUD BZHES TE BLO BZANG BKRA SHIS ZHES PA'I MTSAN STZAL, DBUS GTZANG GI GRVA PA NGA BDUN BSNYEN RDZOGS BSGRUBS, YONGS 'DZIN LAS DUS 'KHOR 'GREL CHEN DRI MED 'OD KYI LUNG GSAN PA'I DBU TSUGS, ZLA BA BCU PA'I TSES MGOR SRANG RGYUD MKHAN PO, GZHIS RTZE YONG SDUD PA, GZHUNG DREL MGO PA, NUB GLING PA, LA DVAGS SA SKYONG GI TSONG PA, AA MDO, 'BROG RIGS SOGS PHYOGS 'DUS SHIN TU MANG POR RIM BZHIN PHYAG DBANG DANG LCAGS RA SPRUL SKU DPON G-YOG SUM CU SKOR LA MJAL KHA JA GRAL BCAS GNANG, BSGRUB BYA DGU DGE TSUL DANG, SUM CU SO GNYIS BSNYEN RDZOGS BSGRUBS, TSES NYER GSUMGYI NYIN LCAGS RA SPRUL SKU NGAG DBANG 'PHRIN LAS DPAL BZANG NAS TSOGS DBUR SPYAN DRANGS TE ZHABS BRTAN PHUL, DKA' BCU THABS MKHAS SOGS ZHABS PHYI RNAMS NAS KYANG RANG 'BYOR DANG BSTUN PA'I DNGOS 'BUL BSTAR, DE'I PHYI NYIN NAS BZUNG LCAGS RA SPRUL
, ,SKU SKOR LA GRUB CHEN DRIL BU ZHABS LUGS KYI BDE MCHOG LUS DKYIL GYI MNGON RTOGS BDE CHEN BDUD RTZI'I CHU RGYUN DANG BYANG SEMS RVA SGRENG PAS MDZAD PA'I BLO SBYONG, KHONG RANG GIS BSKUL BA'I 'DOD CHOS GSAR RTZOM GYI LUNG DANG, GSANG 'DUS LAS BSHAD PA'I DZAMBHA LA ZHAL GSUM PHYAG DRUG PA'I RJES GNANG, GRUB RGYAL LUGS KYI TSE DBANG, BLA MA'I RNAL 'BYOR MKHAS GRUB CHIG BRGYUD MA'I KHRID RNAMS GSUNG BSHAD GANG RGYAS SU STZOL BA SOGS 'DOD CHOS KYI RE BA BSKANG STE THON PHYAG STZAL, ZLA BA BCU GCIG PA'I TSES GSUM LA GSER ZANGS KYI RGYAL MTSAN CHA GCIG DANG HOR PHIBS RNAMS LEGS PAR GRUB PAR GZUNGS GZHUG PHUL NAS GSAR BSKRUN G-YU LO BKOD PA DANG NGO MTSAR KUN 'DUS LHA KHANG GI STENG DU BTZUGS, BKRA SHIS PHUN TSOGS 'KHYIL PAR RJE BTZUN TZONG KHA PA CHEN PO'I SNANG BRNYAN RIN PO CHE'I DBU THOG TU GSER ZANGS LAS GRUB PA'I RGYA PHIBS GSAR BSKRUN MDZAD RGYU'I LAS GRVA YANG BTZUGS, MA nI SKOR DPON ZUR BA TSOGS GSOG PA YE SHES RGYAL MTSAN GYIS TSOGS DBUR SPYAN DRANGS TE ZHABS BRTAN PHUL, KHONG RANG GIS ZHUS NGOR TSOGS YONGS LA SGROL MA MAndAL BZHI PA'I CHO GA'I LUNG GNANG, SNGON DU YONGS 'DZIN MKHAN RIN PO CHE LAS MKHAS GRUB RJES MDZAD PA'I DUS 'KHOR GYI t'IKA CHEN DANG KYEE RDOR GYI CHO GA'I LUNG GSAN PA TSES BCO LNGA'I NYIN LEGS PAR GRUB, MGON PO TSE DPAG MED KYI SNANG BRNYAN
DNGUL DKAR LAS GRUB PA BZHI BCU DANG DZHEE KshIm LAS GRUB PA BRGYA DANG BRGYAD CU GYA BRGYAD, LUGS PHUD SGROL MA DKAR SNGO GNYIS KYI SKU BRNYAN BCAS GSAR BZHENGS GRUB STE TSE DPAG MED KYI SKU RNAMS 'CHI MED LHA KHANG DU BZHUGS SU GSOL NAS RAB GNAS MDZAD, LUGS PHUD KYI SGROL MA GNYIS KYANG G-YU LO BKOD PAR BZHUGS SU GSOL, SRID 'DIR RNYED DKA' RMAD BYUNG RIN CHEN LAS, ,'CHI MED 'DOD PA 'JO BA'I TSE MTHA' YAS, ,DPAG MED BZHENGS TE MTHA' YAS 'GRO BA KUN, ,'CHI BDAG G-YUL LAS RGYAL BA'I DGA' STON BSGRUBS, ,BKRA SHIS PHUN TSOGS 'KHYIL PA'I RJE'I SNANG BRNYAN RIN PO CHE'I DBU THOG TU GOS CHEN GYI GDUGS 'BUL BA GNANG, DE DAG TU MCHOD 'BUL DANG; STENG DU GSER ZANGS KYI HOR PHIBS DANG RGYAL MTSAN GSAR BSKRUN RNAMS LA RAB TU GNAS PA'I ME TOG 'THOR BA MDZAD, DE NYIN LDE CHUNG BA BLO BZANG BKRA SHIS, BZHAD TSONG DPON NOR BU BCAS SO SO NAS DNGOS 'BUL BTEG ,ZLA BA BCU GNYIS PA'I NANG DU JA SAG STAR SDOD NAS SOGS PHYOGS 'DUS 'GA' ZHIG LA MJAL KHA STZAL, HAL HA'I YUL GRU NAS BSTAN PA'I RTZA LAG DAM PA RJE BTZUN DAM PA'I SPRUL PA'I SKU RIN PO CHE NAS SKU'I MTSAMS ZHUR MNGAGS PA'I MI SNA BSTAN PA DGE BSKOS SOGS MI BZHI BCU SKOR LA 'BYOR PHYAG GI MJAL KHA GNANG, SPRUL PA'I SKU RIN PO CHE'I BKAS MNGAGS PA BZHIN, MI SNA DGE BSKOS SOGS NAS KHUR BLANG STE TSES BCU DRUG GI NYIN RTEN 'BYUNG DNGOS 'BUL
, ,BSTAR, BSGRUB BYA DGU DANG THU SA LAG CHI KUN DGA' BKRA SHIS DGE TSUL BSGRUBS, GRVA PA NYI SHU RTZA GCIG LA BSNYEN RDZOGS KYI SDOM PA STZAL, PHYI DRO SOG RIGS MI BZHI BCU LA TSE DBANG GRUB RGYAL LUGS DANG RDO RJE GCOD PA, SKYABS 'GRO, SGROL MA, DMIGS BRTZE MA, MA nI, RJE BLA MA MCHOG GI BKA' RTZOM GRAS KHYUD NAG GI SGRUB THABS, CHOS RJE BLO BZANG SKAL BZANG GIS ZHUS DOR STZAL BA'I BSANGS MCHOD, NO YON CHOS RJE'I PHYAG MDZOD KYIS ZHUS DOR GNANG BA NYI MA SBAS PA'I LUGS KYI BLA MED SGROL MA'I SGRUB THABS RNAMS DANG, SBYIN SREG GI CHO GA BKA' RTZOM GSAR GNANG GI LUNG BCAS 'DOD CHOS 'GA' ZHIG STZAL CING, BSTAN PA'I RTZA LAG RJE BTZUN DAM PA'I SPRUL PA'I SKU RIN PO CHER ZHU LAN LEGS 'BUL DANG BCAS KHONG RNAMS LA THON PHYAG STZAL, RGYAL CHEN RTZE PA BLO BZANG BSTAN PA DANG GCEN LUNG PA RNAM RGYAL BSAM GRUB GNYIS KYIS PHAR PHYIN DANG MDANGS CHEN PA BLO BZANG RDO RJES RNAM 'GREL GYI SHES TSUL KHRIMS, BZHAD PA RJE DRUNG BLO BZANG 'OD ZER, GU GE MKHAS MCHOG DANG BYAMS PA DBANG PHYUG ,BLO BZANG DON GRUB, GCEN LUNG PA BLO BZANG MKHAS MCHOG DANG BLO BZANG DON LDAN, YE SHES TSUL KHRIMS, BZHAD PA RJE DRUNG BLO BZANG 'OD ZER, GU GE BA BLO BZANG BSTAN 'DZIN, RGYAL CHEN RTZE BA YE SHES BSOD NAMS, DPE THUB PA BLO BZANG DON GRUB, SHOD KHUD PA YE SHES BYAMS PA, NOR BU DGA' LDAN PA BLO BZANG RGYAL MTSAN, 'BRONG RTZE BA BLO BZANG LEGS PA,
STAG MO BA BLO BZANG BZOD PA, LCAGS PA BLO BZANG CHOS 'PHEL, MDANGS CHEN PA BLO BZANG BYAMS PA, GRANG MO CHE BA BLO BZANG BKRA SHIS DANG BLO BZANG DBANG PHYUG BCAS NAS RNAM 'GREL GYI THAL PHRENG, DBEN DGON PA DPAL LDAN BKRA SHIS DANG DPAL LDAN BLO BZANG, BLO BZANG BSTAN 'DZIN, DPAL LDAN DON GRUB, BLO BZANG PHUN TSOGS, BLO BZANG RDO RJE RNAMS KYIS BDE MCHOG RTZA RGYUD, BSAM GRUB DGA' LDAN PA YE SHES BDE LEGS DANG BDE SPUG PA KUN DGA' 'JAM DBYANGS, CHOS 'KHOR LHUN PO BA BSOD NAMS YAR 'PHEL DANG LHA BTZUN YAR 'PHEL, DNGOS GRUB YAR 'PHEL BCAS NAS BYAMS CHOS SDE LNGA, ZHA LU BA YE SHES BSTAN 'DZIN GYIS DUS 'KHOR BSDUS RGYUD DANG BDAG MDUN BUM GSUM RNAMS KYI RGYUGS PHUL BAR GNANG CHA SNGAR SROL LTAR STZOL BA SOGS BSTAN PA RGYAS PA'I THABS TSUL LA GZHOL BA MDZAD, ` SA SKYONG ZHES PA SHING MO BYA'I LO ZLA BA DANG PO'I TSES BCU GNYIS LA RGYAL DBANG MCHOG NAS DUS 'KHOR GSAR 'DZUGS GNANG BA'I LEGS 'BUL BSTAR, TSES BCU DRUG NAS BZUNG NYANG STONG SKYID SBUG SPRUL SKU SOGS DGE TSUL DRUG CU BSGRUBS, GDAN SA DANG SER 'BRAS PA SOGS BZHI BCU ZHE LNGA BSNYEN RDZOGS BSGRUBS, TSES NYER LNGA LA DUS 'KHOR CHOG GRVA BA RNAMS KYIS CHO GA RNAMS BYANG CHUB PA BYUNG YONG MED GZIGS RTOG GNANG KHYAD GZIMS CHUNG NYI 'OD 'KHYIL BAR NYIN GANG TSOGS DBUR PHEBS NAS GZIGS RTOG GNANG BAR CHO GA ,GDANGS SOGS TSANG MA
, ,THUGS GRVA SHIN TU 'GRIG PA BYUNG ZHES DGYES TSOR CHE BA GNANG, CHOG GRVA PA RNAMS LA DKYIL 'KHOR BRI THIG DANG GAR, DE'I DBYANGS SOGS BYA TSUL MAN NGAG ZHAL SHES KYI RIM PA RGYAS PA DANG, SBYIN SREG BYA TSUL GYI GZAB KHRID STZAL, ZLA BA GNYIS PA'I TSES GNYIS LA BSTAN PA'I GSAL BYED DGA' LDAN SHE RE THU BLO BZANG BSTAN PA'I NYI MA'I DGONGS RDZOGS SGRUB MI PHYAG MDZOD JA SAG BLA MA DKON MCHOG LHUN GRUB 'GRUL SDEB PA KHA SHAS BCAS 'BYOR PAR PHYAG DBANG DANG JA GRAL THOG BKA' 'DRI GNANG, TSES GSUM GYI NYIN DBU MDZAD DKA' CHEN BLO BZANG RGYAL MTSAN SOGS BSGRUB BYA GSUM BSNYEN RDZOGS BSGRUBS, SO NYID WA NGA GSHEGS PA'I BSDO RTEN GTOS CHE BA PHUL, TSES DGU LA DGA' LDAN SHI RE THU DE NYID KYI DGONGS RDZOGS SU DMIGS JA SAG BLA MA DKON MCHOG LHUN GRUB KYIS TSOGS DBUR SPYAN DRANGS TE DNGUL BRE CHEN BRGYA PHRAG BRGAL BA SOGS KYI DNGOS 'BUL BSTAR, DAM PA DE NYID KYI THUGS DGONGS RDZOGS PA'I THUGS SMON GNANG, TSES BCU GCIG LA DUS 'KHOR PAndI TA'I DGONGS RDZOGS SGRUB MI RAB 'BYAMS PA BLO BZANG 'BYUNG GNAS KYIS TSOGS DBUR SPYAN DRANGS TE DNGOS 'BUL BSTAR, JA SAG BLA MA DKON MCHOG LHUN GRUB SOGS BSGRUB BYA BRGYA DANG GNYIS BSNYEN RDZOGS, ZHE BZHI DGE TSUL, GSUM DGE BSNYEN BCAS BSGRUBS, JA SAG BLA MAR NANG LUGS KYI DKAR SPRO'I THOG KHRI CHEN DE NYID KYI RNAM THAR SOGS GSUNG
GLENG BKA' MCHID ZHI BA RGYAS DANG THUGS BZHED BZHIN GDUGS DKAR GYI LNGAGS LUNG GNANG, YANG KHONG BAS ZHUS NGOR GDUGS DKAR, 'JIGS BYED PHYAG GNYIS PA, MGON CHOS BCAS KYI RJES GNANG DANG, RAB 'BYAMS PA BLO BZANG 'BYUNG GNAS KYIS ZHUS NGOR SOG RIGS NYIS BRGYA SKOR LA GRUB RGYAL LUGS KYI TSE DBANG DANG 'OD DPAG MED LA BRTEN PA'I 'PHO KHRID BCAS GNANG, JA SAG BLA MA THON KHAR SKU BRNYAN, BYIN RTEN, SPOS SNAM SOGS SBAM MTHO BA STZAL, TSES BCU LA AOR TU SU PE'I LI DON GRUB RGYA MTSO'I SRING MO THO YON DGE TSUL MA NGAG DBANG CHOS 'DZOM GYIS GZIMS CHUNG ZHABS BRTAN PHUL BAR, KHONG RNAMS LA GDUGS DKAR ZHAL GCIG PHYAG GNYIS PA'I RJES GNANG DANG, 'OD DPAG MED KYI SGOM LUNG, 'JAM DPAL MTSAN BRJOD KYI LUNG SOGS 'DONG CHOS DANG RIM BZHIN THON PHYAG STZAL, DGE BSKOS RNYING PA DPE THUB PA DRUNG RAM PA YE SHES RGYAL MTSAN GYIS DNGOS 'BUL BSTAR, TSES NYER GNYIS NAS BZUNG YONGS 'DZIN RJE ZHAL SNGA NAS LAS DPAL MGON ZHAL GYI BE'U BUM YONGS RDZOGS KYI LUNG RIM BZHIN GSAN, ZLA BA GSUM PA'I TSES GSUM LA MTHO LDING MKHAN PO GSAR BAS MJAL KHA ZHU BA DANG BSTUN, PHYOGS 'DUS SER SKYA MANG POR PHYAG DBANG GNANG, DE SKABS SNGAGS PA CHOG GRVA PA BCU DRUG NAS DUS 'KHOR GYI SGRUB MCHOD 'DZUGS PAR BZHED DE TSES BCU'I SNGA CHAR GZIMS CHUNG NYI 'OD 'KHYIL PAR CHOG GRVA PA RNAMS DANG BCAS SA SBYANG BA NAS BZUNG THIG TSON BYIN RLABS LA SOGS PA RGYUD DANG
, ,'GREL CHEN GYI DGONGS PA JI LTA BA BZHIN DU DAM PA GONG MA RNAMS KYI PHYAG LEN DANG MAN NGAG RNAM PAR DAG PAS BRGYAN NAS DUS KYI 'KHOR LO'I SKU GSUNG THUGS YONGS SU RDZOGS PA'I RDUL TSON GYI DKYIL 'KHOR CHEN PO LEGS PAR BZHENGS NAS MCHOD PA'I SPRIN MTHA' YAS PA DANG BCAS NAG ZLA'I TSES BCO LNGA'I NYIN NAS BZUNG SGRUB MCHOD DNGOS GZHI NYIN BDUN MJUG TU SBYIN SREG DANG BCAS PA, DE'I PHYI NYIN TSOGS 'KHOR DANG BSDU CHOG ,DE RJES NYIN GNYIS GTANG RAG BSKANG GSO BCAS MDZAD PA'I TSOGS DBUR RJE NYID KYANG CHAG MED PHEBS TE BSTAN 'GROR SMAN PA'I SPYAN DMIGS DANG BCAS CHO GA'I RIM PA THUGS NYAMS SU BSTAR, CHOG GRVA BA RNAMS LA BSNYEN BKUR BZANG PO BSTAB CING RJE NYID NAS SO SOR KHA BTAGS RE GNANG NAS CHOG PHYAG LEN GRA 'GRIG CING PHUN SUM TSOGS PA BYUNG ZHES BKA' PHEBS, GRVA TSANG KHAG BZHI'I ZHAL SNGA NAS RNAM PA BZHI DANG CHOS SDE 'DI NYID KYI DGE 'DUN PHAL MO CHE, ZHABS 'BRING DRAG 'BRING DKYUS GSUM, BAD TSAL DGE SLONG 'PHRIN LAS RNAM RGYAL SOGS SPYI SGER DU MA NAS LEGS SO'I DNGOS 'BYER GYI MCHOD SPRIN SPROS TE BSOD NAMS KYI TSOGS RGYA CHEN PO BSKRUN, SGRUB MCHOD KYI SKABS RNAMS SU NAM MKHA' 'JA' SPRIN GYIS GANG BA DANG ME TOG GI CHAR BABS PA SOGS LTAS LEGS PA BYUNG, DE LTAR GSAR 'DZUGS GNANG RGYU BYUNG BA LA THUGS SHIN TU DGYES, CHO GA BYANG BA'I CHED DU LO RE BZHIN ZLA BA BYUNG
NGO COG GI TSES LNGA, BRGYAD, NYER LNGA RNAMS LA CHO GA YONGS SU RDZOGS PA TSAR RE DANG, NAG ZLAR DUS KYI 'KHOR LO'I CHOS 'KHOR BSKOR BA'I DUS CHEN DANG BSTUN LO LTAR RDUL TSON GYI DKYIL 'KHOR LA BRTEN PA'I SGRUB MCHOD CHAG MED MDZAD RGYU'I ZHAL TA YANG RGYAS PAR STZAL TE DPAL DUS KYI 'KHOR LO'I BSHAD SGRUB SRID MTHA'I BAR DU MI NYAMS PA'I BDAG RKYEN BLA NA MA MCHIS PA MDZAD DO, ,RIGS LDAN GANGS KYI RI BO LAS 'ONGS PA'I, ,DUS KYI 'KHOR LO'I BYIN RLABS NYAL 'GRO'I RGYUN; ;PAD DKAR 'DZIN PA'I THUGS MTSOR BZUNG BA GANG, ,MA LUS DAD PA'I SNYIM PAS ZHAL DU GSOL, ,DPAL LDAN DUS KYI 'KHOR LO'I BSHAD SGRUB RGYUN, ,DUS KYI MTHAR YANG MI NYAMS 'PHEL BA'I SLAD, ,BKA' GDAMS BSTAN PA'I 'BYUNG GNAS CHOS KYI GRVAR, ,THEG MCHOG GSER GYI RGYAL MTSAN SRID RTZER BSGRENG, ,DE TSE DPA' BO MKHA' 'GRO BYE BA'I TSOGS, ,DGA' BA'I GAR BYED SNYAN PA'I GLU DBYANGS LEN, ,NAG PO'I PHO NYA MA LUS BZHIN ZUM NAS, ,MYA NGAN SMRE SNGAGS 'DON LA BRTZON PAR GYUR, ,GANG GI THABS MKHAS MDZAD PA LA BRTEN NAS, ,MA 'ONGS DUS NA DRAG PO 'KHOR LO YI, ,'KHOR GYI THOG MAR BDAG CAG 'GYUR RO ZHES, ,SKAL BZANG 'GRO 'DI DGA' BA'I CA CO SGROG ,SKABS DER RGYAL DBANG THAMS CAD MKHYEN PA CHEN PO NAS SLAR YANG LEGS SO BRJOD PA'I ZHU YIG DNGOS SKYES SBAM MTHO BA BCAS STZAL, DE BSTUN SKU'I KHU BO RJE DRUNG BLO BZANG PHUN TSOGS DANG SKU BCAR NGAM RING MKHAN PO BLO BZANG YAR 'PHEL SOGS NAS KYANG LEGS
, ,SO'I DNGOS 'BUL BSTAR, SER 'BRAS PA SOGS PHYOGS 'DUS BSGRUB BYA DON BRGYAD BSNYEN RDZOGS DANG, BZHI DGE TSUL BSGRUBS, DE GONG GZHUNG SA NAS ZLA BA DRUG PA'I TSES BZHI DANG BSTUN RGYAL DBANG MCHOG SPRUL RIN PO CHER DGE TSUL GYI BSLAB SDOM BZHES RGYU'I MKHAN POR DBUS PHYOGS SU CHIBS BSGYUR GNANG DGOS TSUL ZHU BA MDZAD PA BZHIN, SA GA ZLA BA TSES PA DANG BSTUN BSTAN 'GRO'I BDE THABS DANG RGYAL DBANG YAB SRAS ZHAL 'DZOM GYIS BSLAB SDOM SOGS CHOS KYI 'KHOR LO BSKOR BAR 'GAL RKYEN ZHI PHYIR DU DMIGS GTZANG KHUL GYI DGON KHAG MANG POR MANG SKOL ZLA SBREL 'DZUGS RGYU DANG, SA ZLA'I DUS CHEN DANG BSTUN 'DI KHA'I LHA KHANG RNAMS LA STONG MCHOD SNA LNGA DANG TSOGS CHEN DU MANG JA'I THOG DGE 'DUN SUM STONG BRGAL BAR PHYAG 'GYENG DNGUL SRANG RE, BSNGO RTEN RNAM GZHAG BCAS PA, MDZOD 'DZIN 'PHRIN LAS PA CHEN PO SKU GZUGS GTZONG BA'I RKYEN SEL DU TSE DBANG DANG, GDUGS DKAR, RNAM RGYAL MA, SGROL DKAR, PHYAG RDOR GTUM PO KHYUNG LNGA, RTA MGRIN SOGS KYI RJES GNANG, 'CHI BLU DANG 'BREL BA'I TSE DPAG MED LHA DGU'I DBANG CHEN RNAMS RIM CAN DU STZAL, DGE TSUL GNYIS DANG BSGRUB BYA ZHE BRGYAD BSNYEN RDZOGS BSGRUBS, KHAMS TRE BO CHOS MDZAD 'KHOR BCAS 'BYOR TE DNGOS 'BUL BTEG PAR 'DOD CHOS SU KHONG RANG GRVA BCAS NGO G-YOG BZHI BCU SKOR LA BDE LAM GYI KHRID LUNG DANG, JO BO LUGS KYI SGROL MA
NYER GCIG ,'JIGS BYED ZHAL GCIG PHYAG GNYIS PA BCAS KYI RJES GNANG, KHONG RANG GIS ZHUS PA'I BLA MA'I RNAL 'BYOR GYI LJAGS LUNG, GNANG CHA MI DMAN PA DANG BCAS THON PHYAG SOGS RIM BZHIN STZAL, ZLA BA LNGA PA'I TSES GCIG LA SA SKYA BDAG CHEN RIN PO CHE NAS SKU'I MTSAMS ZHUR ZHU YIG RTEN BZANG BCAS 'BUL BAR DRUNG YIG 'BYOR TE PHYAG DBANG DANG JA GRAL BKA' 'DRI BCAS GNANG, TSES BZHI'I NYIN SNGAGS GRVA'I TSOGS DBUR PHEBS NAS BSTAN PA SPYI'I RIM GROR GTZUG TOR ZLOG CHEN GYI ZOR 'PHEN DBYANGS ROL PHUN SUM TSOGS PA BCAS MDZAD, PHYAG MDZOD CHEN MO NAS RJE BLA MA MCHOG GI SNANG BRNYAN GSER SBYANG LAS GRUB PA BZHUGS KHRI RGYAB YOL DANG BCAS PA GSAR BZHENG GRUB STE NGO MTSAR KUN 'DUS LHA KHANG DU BZHUGS SU GSOL BAR RAB GNAS GNANG, TSES DGU NAS BZUNG NYIN GSUM GYI RING SHAR NUB KYI MCHONG KHANG KHAG DANG G-YAB RING, 'DU KHANG CHEN MO STENG 'OG GI MCHOD KHANG RNAMS SU RTEN GZIGS LA RIM BZHIN PHEBS NAS RTEN GTZO RNAMS LA SNYAN SHAL, MCHOD 'BUL, MGON KHANG CHEN MOR SNYAN SHAL, SPYAN GZIGS BCAS BSTAR NAS DBUS PHYOGS SU BSTAN 'GRO'I DON RLABS CHEN BSGRUB PAR NYER 'TSE MI 'BYUNG BA'I 'PHRIN BCOL MDZAD, TSES BCU GNYIS KYI NYIN CHIBS BSUR MGRON GNYER DGE SLONG SKAL BZANG DON GRUB DANG, CHIBS DPON SPEL GSAR NAS, 'BRAS SPUNGS SPYI SO BCAS 'BYOR PAR PHYAG DBANG DANG BKA' 'DRI ZHIB RGYAS PHEBS SHING, RGYAL YUM
, ,RIN PO CHER GRUB RGYAL LUGS KYI TSE DBANG STZAL, TSES BCU DRUG GI NYIN BKRA SHIS LHUN PO NAS DBUS PHYOGS SU CHIBS KHA BSGYUR, RTA THAB KYI SKYEL MA DANG SER SBRENG SOGS SNGAR BZHIN DANG, DBEN DGON DU ZHAG GSUM BZHUGS, MCHOD TSOGS RGYA CHEN PO DANG BCAS RTEN RNAMS ZHIB TU MJAL NAS BSTAN BGROR PHAN BDE RGYAS BA'I THUGS SMON DANG, MGON KHANG BKA' RGYA MAR BZHUGS PA'I RTEN RNAMS RJE NYID SKU RKYANG GIS MJAL BA MDZAD, MCHOD GTOR RNAMS LA'ANG ZHIB TU GZIGS PA NA CHU LUG LO PHUL BA'I PHYE MAR SHING TOG BCAS PAR BYI ZOS SOGS KYI SKYON GANG YANG MA MCHIS PAR GTOR MA DANG GTOR GDUGS MDA' BCAS LHAG MED DU BZHES NAS SNOD BAD SDER RNAMS KYANG GAD BDAR BA GYIS PA LTA BUR SNANG BAS, CHOS SKYONG MNYES PA'I RTAGS MTSAN LEGS 'DUG CES THUGS DGYES NYAMS CHEN PO MDZAD, GTOR MA SNGON BZHES RNAMS KYI TSAB BDUD RTZI RIL BU LAS GSAR DU BSGRUBS, SNYAN SHAL SKU CHAS SPYAN GZIGS SOGS RGYAS PAR BSTAR NAS BSKAD GSO MDZAD DE 'PHRIN LAS GNYER DU GTANG, LO 'DIR SOS THAN CHE YANG DBEN DGON DU BZHUGS RING RTEN RNAMS LA KHRUS GSOL MCHOD 'BUL DANG CHAR 'BEBS SU CHED KYIS DMIGS BLA BRANG RTZE'I STENG NAS KHRUS GSOL DAD CHABS CIG LHA KLU GZHI BDAG LA BKA' BSGO MDZAD PAS CHAR GYI RGYUN ZAD MI SHES PA BABS TE LUS CAN RNAMS DGA' BDE'I DPAL LA BKOD, TSOGS YONGS LA SBYIN SREG
GI CHO GA DNGOS GRUB RGYA MTSO'I KHRID LUNG RGYAS PA BCAS CHOS DANG ZING ZING GNYIS KA'I BKA' DRIN STZAL, TSES NYER GNYIS KYI NYIN BYAMS CHEN KLU SDINGS SU BZHUGS ZHAG GNANG, RIN SPUNGS SU PHEBS SKABS PHYAG MDZOD CHEN MO SKU LTEMS PAR LJAGS SNGAGS BKA' BSGO BCAS STZAL 'PHRAL DVANGS SKYED BYUNG BAS RJE BLA MA MCHOG GI BYIN RLABS KYI NAS PA MDON DU GYUR PAR DER 'DUS RNAMS DAD GUS 'PHEL BAR GYUR, PHEBS BSU BA MGRON GNYER SOGS THUGS G-YENG MDZAD PA LA, DA LAM GYI SNYUN GZHI 'DIS SKYON MI YONG BA NGED RANG NAS KHAG THEG CES BKA' PHEBS PA BZHIN DON LA'ANG GNAS PA BYUNG, MDZOD BA SKU LTEMS PA'I DBANG GIS DER ZHAG GSUM BZHUGS, BYAMS CHEN CHOS SDE BA RNAMS KYIS 'DU KHANG DU SPYAN DRANGS, GZHIS LEN BSNYEN BKUR GZAB CING DNGOS 'BUL SBAM BSTOD DE ZHABS BRTAN GSOL 'DEBS ZHUS, TSOGS YONGS LA LAM GYI GTZO BO RNAM GSUM LAS BRTZAMS PA'I SNGON 'GRO'I GSUNG BSHAD BLO 'KHUL CHE BA DANG BCAS KHYUNG NAG GI RJES GNANG DANG GDUGS DKAR GYI LUNG STZAL, BYAMS CHEN GYIS MTSON RTEN RNAMS ZHIB TU MJAL NAS DNGOS BSHAMS YID SPRUL GYIS MCHOD DE BSTAN 'GROR SMAN PA'I THUGS SMON MDZAD, TSES NYER DRUG LA YAR GZIGS SU ZHAG BZHUGS THOG RGYAL DBANG THAMS CAD MKHYEN GZIGS CHEN POR MTSAMS ZHU BA MGRON GNYER RAB 'BYAMS BRJOD STA GNANG, BSAM SDINGS SPRUL SKU NAS DKAR SPRO GZAB PA DANG DNGOS 'BUL SBAM MTHO
, ,BSTAR BAR JA GRAL THOG BKA' 'DRI PHEBS, TSES NYER BDUN LA GAM PA GSHAM SMAD DU BZHUGS ZHAG GNANG BAR LA MO CHOS SKYONG SKU GSOL ZHUS, RGYAL DBANG MCHOG GI SKU'I KHU BO CHIBS BSUR PHEBS PAR YUN RING PO'I BAR RGYAL DBANG MCHOG SKU SKYED CHE CHUNG DANG, SKU YON GSAN SBYONG SKOR SOGS THUGS MCHOG TU DGYES PA'I GSUNG GLENG SHIN TU DMAR BA MDZAD DE 'BYOR LAN KYANG PHUL, ZLA BA DRUG PA'I TSES GCIG LA STOD LUNG NAS CHIBS KHA BSGYUR TE MTSAN NYID GLING GAR 'BRAS SPUNGS NAS SNGAR RGYUN BZHIN THAB BSU SOGS ZHUS SHING CHOS SKYONG CHEN PO YANG PHEBS NAS MJAL DAR PHUL, GSOL TSIGS RA BAR DE MO SPRUL SKU DANG, AAM PAN ZUNG SOGS CHIBS BSU BA 'BYOR PAR JA GRAL DANG PHYAG DBANG BKA' 'DRI GNANG, DE NAS BSU BA'I BKOD PA DPAG TU MED PAS BSUS TE PO TA LAR G-YAS SKOR MDZAD DE LHA LDAN SPRUL PA'I GTZUG LAG KHANG DANG ZUNG DU 'BREL BA'I PHO BRANG GI GZIMS CHUNG DGA' LDAN YANG RTZER RGYAL DBANG MCHOG SPRUL RIN PO CHE DAD ZHAL 'DZOMS, BSU PA GUS 'DUD SOGS YANG DAG PA MDZAD, DE NAS YAB SRAS LHAN RGYAS KHYAMS RA CHEN MOR SPYAN DRANGS TE GZHUNG NAS GSOL STON RGYAS PA PHUL THOG RIN CHEN RGYAN SPROS, GRAL 'PHROS, TSOGS LANG, GAR ROL SOGS DGYES STON PHUN SUM TSOGS PA BSTAR, BZHUGS GRAL GROL NAS JO BO RIN PO CHES MTSON RA SA 'PHRUL SNANG GI GTZUG LAG KHANG DU BZHUGS PA'I RTEN RNAMS ZHIB TU
MJAL, SNYAN SHAL SOGS DNGOS BSHAMS YID SPRUL GYIS MCHOD NAS BSTAN 'GROR PHAN BDE RGYAS PA'I THUGS SMON MDZAD RJES LHAS BLA BRANG GI ZUR 'PHYOD GZIMS CHUNG DU ZHABS ZUNG BKOD, GZHUNG NAS LHA LDAN SPRUL PA'I GTZUG LAG KHANG RTEN DANG BRTEN PAR BCAS PAR RAB GNAS BSKYAR MA GNANG DGOS TSUL ZHUS PAR BRTEN TSES GNYIS KYI NYIN RJE NYID KYIS GTZO MDZAD DE MO SPRUL PA'I SKU, YONGS 'DZIN KHRI PA NGAG DBANG CHOS GRAGS, YONGS 'DZIN BLO BZANG CHOS 'PHEL, SKU'I PHU BO DGA' LDAN CHOS 'KHOR GYI MKHAN PO, RNAM RGYAL GRVA TSANG PA DANG MGON KHANG PA BCAS RDO RJE 'JIGS BYED KYI SGO NAS NYIN GNYIS KYI RING RAB TU GNAS PA RGYAS PA MDZAD DE RTEN RNAMS DGE LEGS KYI GZI 'OD DANG LDAN PAR BSGRUBS SHING GZHUNG SA NAS YON KYANG BSTABS, BLA BRANG NAS RGYAL DBANG MCHOG LA RTEN 'BYUNG GI BDOG PA BSTAR, GZHUNG SA NAS PHOGS ZUR GSOS SOGS SNGAR RGYUN BZHIN GZABS, TSES BZHI BDEN PA BZHI'I CHOS 'KHOR BSKOR BA'I DUS CHEN NYIN JO BO SH'AKYA MU NI'I MDUN SAR RJE BLA MA MCHOG NAS SLOB DPON MDZAD, YONGS 'DZIN KHRI PA NGAG DBANG CHOS GRAGS KYIS DUS GO BA, NO MON HAN DE MO SPRUL PA'I SKU, YONGS 'DZIN ZHAL SNGA NAS BLO BZANG CHOS 'PHEL, DGA' LDAN CHOS 'KHOR GLING GI MKHAN PO SKU'I PHU BO BLO BZANG SBYIN PA, GZIMS DPON BYAMS GLING MKHAN PO BLO BZANG TSE RING, MCHOD DPON SDE DRUG MKHAN PO BLO BZANG RNAM RGYAL, 'BRAS SPUNGS SGO MAD BLA MA NGAG DBANG DGE LEGS, BLO GSAL GLING BLA MA BLO BZANG DGE LEGS, SER SMAD BLA MA
, ,BCAS DGE 'DUN BCU TSOGS KYI DBUS SU RGYAL DBANG MCHOG GI SPRUL PA'I SKU RIN PO CHER DGE TSUL GYI SDOM PA STZAL TE BSTAN 'GRO'I DBUNG GNYEN CHEN POR MNGA' GSOL BAR MDZAD DO, ,MGON KHYOD THUGS RJE'I RI BONG 'DZIN PA LAS, ,RNAM DAG CHO GA'I GA BUR ZER 'PHRENG GIS, ,PAD DKAR 'DZIN PA'I THUGS KYI SKYED TSAL DU, ,SPONG BZHI'I KU MUD CI YANG BZHAD PAR GYUR, ,DE TSE RAB BSIL CHU GTER NI, ,'BAB CHU DRAG POS GANG BA BZHIN, ,DE YI THUGS NI SPRO DGA' YI, ,RLABS 'PHRENG MCHOG TU G-YO BAR GYUR, ,GZHUNG SA NAS RTEN 'BYUNG GI BDOG PA YANG BSTAR, THUB PA'I DBANG PO'I BSTOD PA SKABS GSUM PA'I BSHAD LUNG RGYAS PA STZAL, SKABS DER NAM MKHA' NAS ME TOG GI CHAR BABS PA DANG 'JA' TSON 'CHAR PA SOGS LTAS LEGS PA MANG DU BYUNG BAS KUN KYANG DAD PA LHAG PAR 'PHEL, YAB SRAS PHYOGS MTHUN DU RTEN GZIGS LA PHEBS TE MCHOD TSOGS RGYA CHEN PO PHUL NAS BSTAN 'GROR PHAN BDE RGYAS PA'I THUGS SMON RLABS PO CHE MDZAD, GSOL TSIGS GROL RJES GZIMS CHUNG AE WAm DU CHOG GRVA PA RNAMS DANG LHAN DU RAB GNAS KYI KHA SKONG ZHI BA'I SBYIN SREG MDZAD RJES DPAL LHA LCOG TU PHEBS NAS TSOGS 'KHOR DANG 'BREL BA'I GTANG RAG BSKAD GSO RGYAS PA GNANG ZHING MA GCIG DPAL GYI LHA MOR SNYAN SHAL SNA LNGA, BYU RU'I MGUL 'PHRENG, SPYAN GZIGS RAL GRI BCAS 'BUL BA MDZAD, TSES LNGA'I NYIN GZHUNG SA NAS MCHOG SPRUL RIN PO CHER DGE TSUL GYI SDOM
PA GNANG PA'I LEGS 'BUL DU KHYAMS RAR GSOL STON RGYAS PA'I THOG DNGUL BRE CHEN BRGYA DANG BZHI BCU SOGS KYI DNGOS 'BUL BSTAR, YONGS 'DZIN KHRI PA NAS KYANG LEGS 'BUL ZHUS, AAM PAN ZUD SOGS GONG MA'I MI DRAG RNAMS DANG, BOD KYI MI DRAG ,DRUNG 'KHOR SOGS NAS KYANG LEGS SKYES PHUL, RJE NYID NAS KYANG LEGS SO'I SKYES BSTABS, TSES DRUG GI NYIN SER 'BRAS DGE GSUM GYI GRVA PA BDUN CU DON DGU BSNYEN RDZOGS SU BSGRUBS, DE'I PHYI NYIN GZHUNG MKHAN NANG SOGS LA PHYAG DBANG GNANG, GONG MA CHEN POR RGYAL DBANG MCHOG LA DGE TSUL GYI SDOM PA PHUL BA'I RGYU MTSAN ZHU YIG AAM PAN BRGYUD NAS PHUL, LHA LDAN SMON LAM CHEN MO'I TSOGS KHRO GSAR BLUGS KYI ZHAL 'DEBS SU GSER SRAD LNGA, DNGUL RDO TSAD GCIG BCAS STZAL, TSES BRGYAD KYI SNGA DRO YAB SRAS LHAN RGYAS CHIBS KHA BSGYUR TE PHEBS ZHOR RA MO CHER JO BO MI BSKYOD RDO RJE'I SKU MDUN DU PHEBS NAS JO BO RIN PO CHER LING SER GYI SNAM SBYAR, DNGUL SRAD NYER LNGA'I MAndAL, SNYAN SHAL BCAS 'BUL BA GNANG NAS RNAM RGYAL GRVA TSANG PA RNAMS DANG LHAN CIG KHRUS GSOL MCHOD 'BUL DANG, MGON PO BSE GDOD BA SOGS RTEN RNAMS LA SNYAN SHAL BCAS THUGS SMON GNANG NAS PO TA LAR PHYAG PHAB, RGYAL DBANG MCHOG SPRUL RIN PO CHE TSOMS CHEN DU SPYAN DRANG TE BLA BRANG PHYAG MDZOD NAS GSOL STON RGYAS PA'I THOG DGE TSUL GYI DNGOS PO BZHES PA'I LEGS 'BUL DU DNGUL RTA RMIG BRGYA DANG NYI SHU SOGS DNGOS 'BUL GTOS CHE BA BTEG ,ZHABS PHYI DRUNG 'KHOR DRAG 'BRING SPYI, BLA BRAD MDA'
, ,ZHABS KYI MI SER BCAS NAS KYANG LEGS 'BUL ZHUS, DE MO SPRUL PA'I SKU, AAM PAN ZUNG, JAR GO CHI, PI CHA'I CHI, DMAG DPON, MDZOD DPON, BKA' BLON BZHI SOGS LA BABS BSTUN GYI SKYES BZANG STZAL, TSES BCU NAS BZUNG MCHOG SPRUL RIN PO CHE, YONGS 'DZIN KHRI PA, SKU'I KHU BO RJE DRUNG BLO BZANG PHUN TSOGS SOGS ZHABS 'BRING NANG 'KHOR BCO LNGA BCAS LA LAM RIM CHEN MO'I BSHAD LUNG, SEMS BSKYED MCHOD PA DANG BCAS 'BUL BA'I DBU TSUGS, TSES BCU GNYIS KYI NYIN BOD KHAMS LHA SDE MI SDE THUN MONG NAS RGYAL DBANG YAB SRAS LHAN RGYAS TSOMS CHEN DU SPYAN DRANGS TE GSOL STON DANG BCAS RGYAL DBANG MCHOG SPRUL RIN PO CHER LEGS SO'I DNGOS 'BUL DANG BSTUN RJE BLA MA MCHOG LA'ANG DNGOS 'BUL GTOS CHE BA PHUL, TSES BCU GSUM GYI NYIN KHRI CHEN NO MON HAN NGAG DBANG MCHOG LDAN GYI SPRUL PA'I SKU LA DGE BSNYEN DANG DGE TSUL GYI SDOM PA STZAL, TSES BCO LNGA'I NYIN RGYAL BA YAB SRAS LHAN DU PHO BRANG DMAR PO RI'I LHA KHANG RNAMS KYI RTEN GZIGS SU RIM BZHIN PHEBS NAS THOG MAR GSER GDUNGS BKRA SHIS 'OD 'BAR GYI SKU MDUN DU RNAMS RGYAL GRVA TSANG PA RNAMS DANG BCAS SPYAN 'DREN KHRUS GSOL DANG 'BREL BA'I MCHOD 'BUL RGYAS PA GNANG, 'PHAGS PA LO KI SHVA RA'I SKU MDUN DU MAndAL 'DEGS SRANG SUM CU YOD PA, GSER GDUNG BKRA SHIS 'OD 'BAR LA MAndAL 'DEGS SRANG NYER LNGA YOD PA, BLOS BSLANG LHA KHANG, SRID GSUM RNAMS RGYAL, DUS 'KHOR LHA KHANG RNAMS LA'ANG MAndAL RE, DE PHYIN GZHAN
MA LHA KHANG BCU GCIG GI RTEN RNAMS LA SNYAN SHAL BCAS PHUL NAS THUGS SMON MDZAD, TSES BCU DRUG LA BKA' BLON THUN MONG NAS TSOMS CHEN DU SPYAN DRANGS TE GSOL STON RGYAS PA'I THOG RGYAL DBANG MCHOG SPRUL RIN PO CHER LEGS 'BUL DANG BSTUN RJE BLA MA MCHOG LA'ANG DNGOS 'BUL GYI BDOG PA BSTABS, ZHI BA BZANG PO, MCHOD DPON SDE DRUG MKHAN PO, RI PO BDE CHEN SPYI SO, RGYAL YUM PHUN TSOGS DBANG MO SRAS BCAS, RNGO RING ZHABS DRUNG LCAM, JA SAG BLA MA SHE DAR MKHAN PO DANG BDE CHEN SPRUL SKU, PHUR BU LCOG RAB 'BYAMS PA BLO BZANG DAR RGYAS, GUNG 'GYUR MED DBANG RGYAL, LCAGS RA SPRUL SKU, RGYAL SRAS SPRUL SKU, 'BRAS SPUNGS HAR GDONG KHAMS TSAN, RA MO CHE BA, BZHI SDE BA, SER AUR GE GRVA TSANG, DVAGS PO GRVA TSANG, LHA LDAN DU SDOD MI BAL PO SPYI BCAS SO SO NAS RGYAL DBANG RIN PO CHER LEGS 'BUL ZHU BA DANG BSTUN RJE BLA MA MCHOG LA'ANG RANG RANG GI 'BYOR PA DANG BSTUN PA'I DNGOS 'BUL RIM BZHIN BSTAR, TSES NYER GSUM LA RGYAL BA YAB SRAS KYI ZHABS BRTAN DU DMIGS, SER 'BRAS DGE GSUM, RGYUD STOD SMAD, RVA SGRENG, RNAM RGYAL GRVA TSANG BCAS SO SOR MANG JA BDUN RE DANG DGE 'DUN ZHAL GRANGS CHIG KHRI NYIS STONG BRGYAD BRGYA DRUG CU RE GNYIS LA PHYAG 'GYED GRVA RER DNGUL SRANG RE, BSNGO RTEN RNAM GZHAG GZAB PA DANG, DE PHYIN DBUS LHO BYANG KHUL DGON KHAG BRGYA BDUN CU LA MANG JA LNGA RE, DGE 'DUN CHIG KHRI SUM STONG DGU BRGYA BRGYAD CU GYA LNGA LA 'GYED tAm RE, BSNGO RTEN RNAM GZHAG, DE BSTUN DGE LDAN GSER GDUNG RIN PO CHE, RVA SGRENG
, ,JO BO 'JAM DPAL RDO RJE, 'OL KHA RDZING PHYI'I BYAMS MGON, CHOS 'KHOR RGYAL GYI BYAMS MGON BCAS SO SO'I SKU MDUN DU BRGYA MCHOD SNA LNGA TSAR RE DANG SNYAN SHAL, RI BO DGE LDAN GYI DAM CAN CHOS KYI RGYAL PO'I SKU MDUN DANG CHOS 'KHOR RGYAL GYI DPAL LDAN LHA MO'I SKU MDUN SO SOR GRVA BA BRGYAD RES ZLA BA GNYIS RE'I RING CHOS RGYAL DANG LHA MO'I BSKANG 'PHRIN BSTOD PA BCAS GANG RGYAS MDZAD RGYUR SNYAN SHAL, SPYAN GZIGS RAL GRI RE, DPAL LHA LCOG TU ZLA BA GNYIS KYI RING RME RU BA DGE 'DUN BRGYAD GRAS MA GCIG DPAL LDAN LHA MO'I BSKANG PA YONGS RDZOGS, RVA MO CHE'I MGON PO BSE GDONG PA'I SKU MDUN DU ZLA BA GNYIS KYI RING BZHI SDE BA BRGYAD GRAS MGON PO'I BSKANG BA YONGS RDZOGS, LA MO BYANG CHUB LCOG DANG, TSER GSEB DGON SO SOR ZLA BA GNYIS RE'I RING DPAL LDAN TSANGS PA ZHI DRAG GI BSKANG BA MDZAD RGYU DANG, SNYAN SHAL, SPYAN GZIGS RAL GRI RE RNAMS RIM BZHIN BSTAR, TSES NYER DRUG LA 'BRAS SPUNGS SPYI SOS GZIMS CHUD NYI 'OD 'KHYIL PAR YANG SRAS SNYAN RGYAS KYI THOG DKAR SPRO DANG DNGOS 'BUL BSTAR, GZHAN YANG LCAGS RI BEE d'UR, DGE 'PHEL RI KHROD PA, SPOS KHANG MKHAN PO KHRI KHANG CHOS MDZAD, CHIBS DPON SBEL GSAR BA, GRA RI BO RNAM RGYAL BA, LTAG SGO NANG BA BCAS SO SO NAS KYANG DNGOS 'BUL BSTAR, TSES NYER BDUN LA LAM RIM CHEN MO'I BSHAD LUNG GRUB STE LAM KHRID MYUR LAM DANG BDE LAM, 'KHRUNGS RABS SO BZHI PA RNAMS KYI LUNG RIM GYIS PHUL, TSES NYER BRGYAD LA RGYAL SRAS SPRUL PA'I SKUS ZHUS NGOR KHONG
RANG DANG, DGA' LDAN KHRI RIN PO CHE, CHAB MDO ZHIB BZANG PO, MKHAR RDO SPRUL SKU, SE RA AUR GE GRVA TSANG DANG 'BRAS SPUNGS SGO MANG GRVA TSANG GNYIS KYI BLA MA ZUR BA, GZHAN YANG RGYUD STOD SMAD, SER 'BRAS DGE GSUM GYI DGE BA'I BSHES GNYEN BCAS BRGYA LNGA BCU SKOR LA ZAB MO DBU MA'I LTA KHRID LUNG RIGS KYI BSHAD PA MTHA' CHOD BRGYAS PAR STZAL BAS CHOS KYI SPYAN LDAN RNAMS KYANG DGA' DAD SPRO GSUM 'PHEL PAR GYUR, CHOS GNAM GANG GI NYIN RGYUD STOD SMAD GNYIS SPYI NAS RGYAL DBANG YAB SRAS GZIMS CHUNG BKA' GDAMS 'KHYIL PAR SPYAN DRANGS TE RGYAL DBANG MCHOG LA LEGS SO'I BRTAN BZHUGS PHUL BAR RJE BLA MA NYID LA'ANG RGYUD STONG SMAD SO SO NAS DNGOS 'BUL BSTAR, DE NYIN MCHOD DPON MKHAN PO DANG SGRUB PA'I RGYAL MTSAN 'DZIN PA KUN SPANGS NGAG DBANG BLO BZANG BCAS LA RJE NYID KYI GSUNG 'BUM NANG NAS DUS 'KHOR LA BRTEN PA'I BLA MA'I RNAL 'BYOR NYAMS SU LEN TSUL GYI KHRID LUNG DANG DUS 'KHOR SMON LAM SOGS 'DOD CHOS 'GA' ZHIG GI LUNG YANG STZAL, 'DI SKABS SNGA PHYIR GRVA SA CHEN PO GSUM DANG RGYUD STOD SMAD SOGS DBUS LHO BYANG GI DGON KHAG DU MA NAS BSNYEN RDZOGS DON GNYER GYIS BYON PA'I DGE 'DUN SHIN TU MANG PO RNAMS KYIS BSNYEN RDZOGS KYI SDOM PA STZOL DGOS PA'I GSOL BA NAN CHER BTAB PAR, BKA' LAS, DENG DUS SNGA DRO'I CHAR NI RGYAL DBANG MCHOG GI SPRUL PA'I SKU RIN PO CHER THUGS BZHED KYI CHOS RNAMS 'BUL BA'I THUN SKYONG DGOS DANG, GZHAN YANG LEGS 'BUL BAS MTSON SER SKYA RAB TU MANG PO LA NGOS 'PHRAD GTONG DGOS PA SOGS BREL BA CHE DES 'DUG
, ,KYANG SO SOR THAR PA'I SDOM PA BSTAN PA'I RTZA BA YIN PAR MA ZAD THAG RING NAS BYON PA'I DGE BA'I BSHES GNYEN RNAMS YUN RING SGUG BCUG NA MI YONG GSUNGS NAS ZHAL BZHES MDZAD, DE SKABS RGYAL DBANG RIN PO CHER CHOS BKA' 'BUL DGOS PA'I THUGS BREL CHE BA DANG BSGRUB BYA YANG HA CANG MANG BA'I STABS MDO RTZA BA LAS, DU MA MKHAN PO GCIG PA GSUM MAN CHAD TSIGS GCIG GIS BSNYEN PAR RDZOGS PAR BYANG RUNG NGO ZHES GZIMS KHANG GI NANG DU MTSAMS SO SOR BCAD NAS BSGRUB BYA GSUM TSAN SO SOR 'DUG TU BCUG ,MTSAMS KYI 'DZOM DU MKHAN SLOB DGE 'DUN DANG BCAS PA BZHUGS NAS BSNYEN PAR RDZOGS PA SGRUB CHOG PAR GSUNGS PA PHYAG LEN DU BSTAR TE MNGA' RIS SPRUL SKUS GTZOS BSGRUB BYA STONG PHRAG GCIG DANG BCU GCIG LA BSNYEN RDZOGS KYI SDOM PA RIM BZHIN STZAL BAR SKABS 'GA' ZHIG MTSAN THUN DANG PO'I BAR DU 'GRO DGOS PA BYUNG YANG SKYO NGAL DANG DKA' TSOGS LA MA GZIGS PA NI BSTAN PA THUGS LA BCANGS PA'I RNAM THAR DU SNANG NGO, ,ZLA BA BDUN PA'I TSES GCIG LA DBUS MDA' DPON THE'I JI PA SANGS TSE RING DANG G-YU THOG PA DNGOS GRUB RNAM RGYAL, GTZANG MDA' DPON RAM PA BA, PAD TSAL BA, LCANG CAN BCAS THUN MONG, 'BRAS SPUNGS GTZANG PA KHAMS TSAN, 'BRAS SPUNGS BSAM BLO KHAMS TSAN, GRVA BYAMS PA GLING, PHUR BU LCOG ,RA KHA BRAG ,SGRUB KHANG SKU SKYE, RGYA GLING TSOGS PA, RVA SGRENG SPYI SO, LHA RI BLA MA BCAS SO SO NAS KYANG RANG RANG GI 'BYOR PA DANG BSTUN PA'I DNGOS 'BUL BSTABS, TSES GNYIS KYI
NYIN RGYAL DBANG RIN PO CHE DANG CHOS NYAN PA GONG GSAL LA TSE DPAG MED LHA DGU'I DBANG GNANG, 'BRAS SPUNGS ZHO STON GYI RTZED SNA GZIGS 'BUL BA KHAG SUM CU SO GSUM SKOR LA KHA BTAGS SOGS KYI GNANG CHA STZAL, TSES BZHI LA NO MON HAN DE MO SPRUL BA'I SKUS RGYAL BA YAB SRAS GZIMS CHUNG NYI 'OD 'KHYIL BAR SPYAN DRANGS NAS BAN GTZANG PA RNAMS KYIS RNAM RGYAL MA'I CHO GA DANG 'BREL BA'I SGO NAS BRTAN BZHUGS PHUL BAR, RJE NYID LA'ANG BRTAN BZHUGS KYI 'BUL BA SBAM MTHO BA BTEG ,BAN GTZANG GRVA SPYI NAS KYANG DNGOS 'BUL BSTABS, TSES LNGA DANG DRUG LA RGYUD STOD BLA GRVA SPYIS ZHUS NGOR SER 'BRAS KYI DGE 'DUN KHA SHAS BCAS TSIG STONG SKOR LA GZIMS CHUNG BKA' GDAMS 'KHYIL PAR GSANG 'DUS KYI RGYUD NAS GSUNGS PA'I DZAMBHA LA ZHAL GSUM PHYAG DRUG GI RJES GNANG DANG, RGYUD CHEN KUN DGA' DON GRUB KYI GSOL 'DEBS DANG RGYUD PA'I BLA BRGYUD GSOL 'DEBS BKA' RTZOM GSAR ZHUS RNAMS KYI LJAGS LUNG BCAS STZAL PA'I MJUG TU RGYUD PA RNAMS NAS GSANG BA 'DUS PA'I RGYUD LE'U DANG PO NAS LE'U GSUM PA'I BAR DANG SMON LAM SHIS BRJOD BCAS ZHAL 'DON MDZAD PAR GSUNG GRA BZANG ZHING GRA 'GRIG PA BYUNG ZHES DGYES TSUL SHIN TU CHE BA MDZAD, DE MTSUNGS SMAD RGYUD BLA GRVA RNAMS NAS ZHUS NGOR TSOGS YONGS LA MGON PO PHYAG DRUG PA'I RJES GNANG SMIN RGYAS SU STZAL, KHONG RNAMS KYIS DPAL GSANG BA 'DUS PA'I RGYUD LE'U DANG RTING, KshE TRA B'A LA'I 'GYINGS DBYANGS DANG, 'DUS PA'I SMON LAM SHIS BRJOD BCAS ZHAL 'DON MDZAD DGOS BKA' PHEBS PA BZHIN DBYANGS SONG GSAL RNAMS RDAM BRJID DANG
, ,LDAN PAR GSUNGS PAS DGYES TSUL CHE BAR MDZAD, TSES BDUN LA BLA BRANG NAS GSOL STON RGYAS BSHAMS THOG RGYAL DBANG MCHOG SPRUL RIN PO CHE TSOMS CHEN DU SPYAN DRANGS NAS RNAM RGYAL GRVA TSANG BA RNAMS KYIS TSE SBYIN RNAM PAR RGYAL MA'I CHO GA DANG 'BREL BA'I SGO NAS BRTAN BZHUGS ZHU BA'I RTEN DU DNGUL BRE CHEN BRGYA DANG BDUN SOGS DNGOS SKYES KYI BDOG PA PHUL, DE MTSUNGS DE MO RIN PO CHE, AAM PA NA ZUNG, JAR GO CHI, BI CHA'I CHI, DMAG DPON, MDZOD DPON, BKA' BLON BCAS PAR YANG BABS 'BREL DAD BSTUN PA'I SKYES KYI BDOG PA BSTAR, TSES BRGYAD LA GZIMS CHUNG KHAMS GSUM RNAM RGYAL DU BLA BRANG NAS RGYU YON GNANG STE RNAM RGYAL GRVA TSANG NAS DUS 'KHOR CHOG GRVA BA LNGA BCU NGA GSUM GYIS DPAL DUS KYI 'KHOR LO'I CHO GA YONGS RDZOGS MDZAD PA'I TSOGS DBUR RJE BLA MA MCHOG KYANG PHEBS SHING GSUNG CHOG PA RNAMS LA BSOD BTAGS, DNGUL SRANG RE'I YON BCAS STZAL, DE NYIN GRVA TSANG DBU MDZAD SKAL BZANG 'BYOR RGYAS NAS YAB SRAS GNYIS KAR TSOGS MCHOD DANG 'BREL BA'I ZHABS BRTAN PHUL, TSES BCU GNYIS LA BKA' BLON ZHABS DRUNG MDO MKHAR BA, DGA' LDAN CHOS 'KHOR GLING GI MKHAN PO PHU BO RJE DRUNG BLO BZANG SBYIN PAS GTZOS BLA GRVA THUN MONG, BKA' BLON GUNG KUN DGA' BSTAN 'DZIN, BKA' BLON JA SAG NYI MA RGYAL MTSAN BCAS SO SO NAS RGYAL DBANG RIN PO CHER BRTAN BZHUGS 'BUL BA DANG BSTUN RJE BLA MA NYID LA'ANG DNGOS 'BUL GYI BDOG PA BTEG ,GZHAN YANG BKA' SHAG DRUNG YIG BKRA SHIS MTHONG SMON PA DANG
RTZAM BZHES SPOR BA, LHA RTZE SKYID SBUGS PA, KLU LUNG CHOS MDZAD, N'A LENDRA CHOS RJE BCO BRGYAD PA, GTING SKYES ZAM GSAR PA, DPAL RAB MO BRAN, LHA SA BKRA SHIS KHANG GSAR BA BCAS NAS DNGOS 'BUL DANG BCAS SGER MJAL ZHUS, TSES BCU GSUM NAS RIM BZHIN BKA' BLON GUNG PAndI TA SKU NGOS BCAS NAS ZHUS DOR SER SKYA SUM BRGYA SKOR LA GRUB RGYAL LUGS KYI TSE DBANG, RTZE DRUNG RNAMS KYIS ZHUS NGOR SER SKYA BDUN BRGYA BRGAL BAR TSE RTA ZUNG 'BREL GYI DBANG, SER AUR GE GRVA TSANG PA BLA GRVA NAS ZHUS DOR MGON PO PHYAG DRUG PA'I RJES GNANG DANG GSER ZHUN MA'I LJAGS LUNG, RGYAL DBANG MCHOG GI KHU BO DAM PA NAS ZHUS NGOR RNAM RGYAL GRVA TSANG TSOGS YONGS LA NAG PO SKOR GSUM, DPAL LDAN LHA MO'I BSKAD GSO, 'KHRUNGS LHA GSOL MCHOD BCAS KYI LJAGS LUNG, RGYAL YUM PHUN TSOGS DBANG MO NAS ZHUS NGOR TSE DBANG GRUB RGYAL MA DANG RDO RJE SEMS DPA'I SGOM BZLAS KYI KHRID, MDA' DPON G-YU THOG PAS ZHUS NGOR SHOD DRUNG YONGS RDZOGS SOGS LNGA BRGYA SKOR LA TSE RTA ZUNG 'BREL, SKU DRAG NANG MA BZHIS ZHUS NGOR DGA' LDAN LHA BRGYA MA DANG RDOR SEMS SGOM BZLAS KYI KHRID, ZHI BA BZANG PO'I SBRUL SKUS ZHUS DOR KHONG BA RANG DANG RVA SGRENG YANG DGON GYI BLA MA SOGS LA BDE MCHOG DRIL BU LUS DKYIL GYI RIM GNYIS GZAB KHRID, MJUG TU TSOGS 'KHOR DANG BCAS PA, 'BRAS SPUNGS SGO MANG DANG BLO GSAL GLING BLA GRVA BDUN BRGYA SKOR LA 'JIGS BYED PHYAG GNYIS PA'I RJES GNANG, 'BRAS SPUNGS SGO MANG BLA GRVA BRGYA SKOR LA RJE BTZUN SGROL DKAR GYI RJAS GNANG BCAS RIM BZHIN STZAL TE DON GNYER BA RNAMS KYI RE BA'I SHING RTA ZAB
, ,CHOS YID BZHIN NOR BUS GANG BAR MDZAD, TSES BCU BZHI'I NYIN DBUS TSO CHEN GYIS RGYAL DBANG YAB SRAS TSOMS CHEN DU SPYAN DRANGS TE GSOL STON RGYAS PA'I THOG RGYAL DBANG MCHOG LA LEGS 'BUL DANG, RJE BLA MA NYID LA'ANG DNGOS 'BUL GYI MCHOD SPRIN SPROS, TSES BCO LNGA LA ZLA BA GZA' 'DZIN DANG BSTUN LHA LDAN DANG PO TA LA'I RTEN RNAMS LA MCHOD 'BUL MDZAD, DE NYIN SER BYES PA GRVA TSANG NAS RGYAL DBANG YAB SRAS GNYIS LA DKAR SPRO'I THOG RJE BLA MA NYID LA'ANG DNGOS 'BUL DANG, SE RA BSAM BLO KHAMS TSAN NAS KYANG BDOG PA BSTAR, PHYI DRO RGYAL DBANG RIN PO CHE DANG ZHABS PHYI NANG MA BCAS LA TSE RTA ZUNG 'BREL GYI DBANG GNANG, TSES BCU DRUG LA RGYAL DBANG MCHOG SPRUL RIN PO CHE'I ZHABS BRTAN DU DMIGS GZHUNG NAS RGYU YON SBYAR TE GZIMS CHUNG BKA' GDAMS 'KHYIL DU YONGS 'DZIN RJE ZHAL SNGA NAS DANG, SKU'I PHU BO DAM PA DKA' LDAN CHOS 'KHOR GLING GI MKHAN PO, GRVA TSANG PA, MGON KHANG PA BCAS DGE 'DUN LNGA BCU SKOR GYI TSOGS DBUR PHEBS NAS DPAL RDO RJE 'JIGS BYED KYI SGO NAS ZHI RGYAS DBANG GSUM GYI SBYIN SREG DANG, CHOS SKYONG YONGS RDZOGS KYI BSKANG BA DANG 'DOD KHAMS DBANG PHYUG MA'I SGER BSKANG BCAS NYIN DRUG GI RING BSGRUB PA MDZAD CING YON DANG BSNYEN BSKUR GZABS, TSES NYER GNYIS LA 'BRAS SPUNGS BLO GSAL GLING, BDE YANGS, SNGAGS PA BCAS SO SO NAS RGYAL DBANG MCHOG LA LEGS 'BUL DANG BSTUN RJE NYID LA'ANG DNGOS 'BUL BSTAR, BKRA SHIS SGO MANG GRVA TSANG NAS RGYAL DBANG RIN PO CHER
LEGS 'BUL DANG BSTUN RJE NYID LA'ANG DKAR SPRO DANG BCAS DNGOS 'BUL BTEG ,GNAS CHUNG SGRA DBYANGS GLING BA'I SKU RTEN PA GRVA SPYI DANG, SNYE THANG RAB STOD, LHA RTZE 'OG MIN GLING BCAS SO SO NAS GONG MTSUNGS THOG DNGOS 'BYOR GYI MCHOD SPRIN SPROS, BKA' BLON DGA' BZHI GUNG GTZANG DU PHEBS RGYUR PHYAG MDUD GNANG CHA BCAS THON PHYAG STZAL, TSES NYER BZHI'I NYIN RGYAL DBANG MCHOG SPRUL RIN PO CHER RJE TZONG KHA PA CHEN PO'I RNAM THAR DAD PA'I 'JUG NGOGS KYI LJAGS LUNG DANG, DE'I PHYI NYIN BYABS KHRUS, 'JAM DKAR GYI RJES GNANG, NYER BRGYAD DANG GNAM GANG NYIN CHOS RGYAL NANG SGRUB KYI RJES GNANG DANG, RJE TZONG KHA PA CHEN PO'I GSUNG 'BUM GYI LJAGS LUNG 'BUL BA'I DBU TSUGS, RGYAL DBANG SKU 'PHRENG NA RIM GYI THUGS DAM NANG RTEN RNAMS RIM BZHIN MJAL BA GNANG NAS SNYAN SHAL PHUL TE THUGS DMIGS MDZAD, SNGA PHYIR SER SOGS KYI GRVA PA BRGYA DANG BCU GNYIS BSNYEN RDZOGS BSGRUBS, ZLA BA BRGYAD PA'I TSES GCIG NAS BZUNG NYIN GSUM GYI BAR GZHUNG SA NAS CHAB BZHUGS DKAR SPRO BTEG CING PHAR YANG BLA BRANG NAS DKAR SPRO BSTABS, TSES GNYIS KYI NYIN RGYAL DBANG MCHOG NAS RJE BLA MA MCHOG TSOMS CHEN DU SPYAN DRANGS TE GSOL STON RGYAS PA'I THOG DNGUL BRE CHEN BRGYA DANG LNGA SOGS KYI DNGOS 'BUL GTOS CHE BA DANG BCAS RNAM RGYAL GRVA TSANG PAS TSE CHOG MDZAD PA'I SGO NAS ZHABS PAD RDO RJE'I RANG BZHIN DU BRTAN PA'I RTEN 'BREL BSGRIGS, PO TA LA'I RTZE DRUNG DRAG ZHAN 'BRING GSUM SPYI NAS DNGOS 'BUL BTEG ,PHYAG MDZOD CHEN MOR YANG DGU TSAN NYER LNGA BCAS STZAL, TSES GSUM
, ,GYI NYIN RGYAL DBANG RIN PO CHER LHA MO'I RJES GNANG PHUL, RTZE'I DRUNG 'KHOR DRAG 'BRING TSANG MAS SGER MJAL ZHUS, MAL DRO GLING STOD PA DBANG PHYUG RAB BRTAN GYIS GZIMS CHUNG ZHABS BRTAN PHUL, TSES LNGA'I NYIN DE MO SPRUL PA'I SKU RIN PO CHE NAS SPYAN DRANGS PA LTAR BAN GTZANG PA RNAMS DANG, RME RU, BZHI SDE'I SER SBRENG DANG BCAS THOG MAR 'DU KHANG DU PHEBS THOG DKAR SPRO DANG DNGUL RDO TSAD BCO LNGA SOGS KYI DNGOS 'BUL BTEG ,BAN GTZANG SPYI SO DANG BLA MA DGE 'DUN BDE CHEN, ZHAM RING PA SPYI BCAS NAS DNGOS 'BUL BTEG ,DE NAS DPAL RDO RJE 'JIGS BYED KYI SGO NAS GTZUG LAG KHANG RTEN DANG BRTEN PAR BCAS PA LA RAB GNAS MDZAD PAR YON KYANG GZABS, TSOGS PAS ZHUS NGOR 'JIGS BYED LHA BCU GSUM MA'I MNGON RTOGS KYI LJAGS LUNG DANG, RAB STON MANG JA'I THOG GRVA RER 'GYED BSOD BTAGS, DNGUL SRANG RE BCAS STZAL, DE RJES 'DU KHANG GTZANG KHANG SOGS LA RTEN GZIGS SU PHEBS NAS RTEN RNAMS LA SNYAN SHAL, MGON KHANG DU SPYAN GZIGS BCAS PHUL, GSOL TSIGS THOG NO MON HAN DE MO SPRUL PA'I SKU DANG ZHI BA BZANG PO'I SPRUL SKU BCAS RJE BLA MA MCHOG GI SKU MDUN DU BZHUGS TE GSUNG GLENG 'PHEL BAR MDZAD, LHA LDAN DU RTEN GZIGS LA PHEBS NAS PO TA LAR PHYAG PHEBS, DGA' LDAN SPYI SO, SHAR BYANG, HAR GDONG, SE RA SPYI SO, SMAD PA GRVA TSANG, THANG SAG DGA' LDAN CHOS 'KHOR DANG ZHOGS GUR SMON, MNGA' RIS GRVA TSANG, SHEL DKAR CHOS SDE, YER PA GRVA TSANG, RME RU BCAS KYI BLA SPYI SO SO NAS RGYAL DBANG RIN PO CHER LEGS
SKYES 'BUL BA DANG BSTUN RJE NYID LA YANG ZHABS BRTAN GYI DNGOS 'BUL BSTAR, RTA DBANG SPRUL SKUS KYANG SGER MJAL ZHUS, RNAM RGYAL GRVA TSANG SPYI NAS RGYAL DBANG YAB SRAS LHAN RGYAS LA SGROL DKAR GYI CHO GA DANG 'BREL BA'I BRTAN BZHUGS PHUL, LA MO CHOS RJE SKU RTEN PAS DKAR SPRO'I THOG RGYAL DBANG MCHOG LA LEGS 'BUL ZHU BA DANG BSTUN RJE BLA MA NYID LA'ANG DNGOS SKYES KYI BDOG PA BSTAR, BYANG CHUB LCOG DANG BTZUN MO TSAL, TSER GSEB DGON, BKRA SHIS LJONGS RNAMS NAS KYANG DNGOS 'BYOR GYI MCHOD SPRIN SGROS, DE SKABS RJE NGAG DBANG BYAMS PA'I SPRUL PA'I SKU RIN PO CHE'I BRTAN BZHUGS GSOL 'DEBS GSAR RTZOM RNAMS KYI LUNG STZAL, SPRUL PA'I SKU YAB YUM DANG BCAS PAR LEGS SKYES KYANG BSTAR, SER 'BRAS DGE GSUM DANG, RGYUD STOD SMAD KYIS MTSON DGON SDE, SGRUB SDE SO SO'I SPYI 'BUL NAS MAndAL DANG SKU GSUNG THUGS RTEN, SNAM BU 'GA' RE BCAS BZHES SHING, DE PHYIN SLOG PAR MDZAD, GZHAN DRAG GZHAN 'BRING GSUM GYI SGER 'BUL ZHUS PA RNAMS LA DNGOS PO'I STER CHA GZAB STE STZAL PA RNAMS SO SO'I SKABS SU SHES DGOS, TSES BDUN GYI NYIN LA MO CHOS SKYONG CHEN PO SKU PHEBS NAS YAB SRAS GNYIS ZHABS PAD YUN RING DU BRTAN PA'I RTEN 'BREL BSGRIGS, RGYAL DBANG MCHOG DANG YONGS 'DZIN KHRI PA, KHU BO RJE DRUNG SOGS BCO LNGA SKOR LA DPAL RDO RJE 'JIGS BYED KYI DBANG CHEN DANG, GDUGS DKAR LHA SO BDUN MA'I DBANG, LEGS LDAN MCHED GSUM GYI RJES GNANG DANG BCAS PA STZAL, MGON PO RGYAN CAN DANG, SGRUB THABS BRGYA RTZA'I NANG GI LHA MO 'OD ZER CAN MA, 'JAM DBYANGS NAG PO,
, ,'JAM DBYANGS SMRA SENG BCAS KYI RJES GNANG DANG RGYAN 'JUG GNYIS KYI LUNG PHUL, 'DI SKABS SNGA PHYIR GSOL DPON YE SHES RAB BRTAN DANG SKU MDUN PA RJE DRUNG YE SHES DKON MCHOG GNYIS NAS ZHUS NGOR 'JIGS BYED KYI RDZOGS RIM MDOR BSDUS KYI KHRID DANG 'DOD CHOS BKA' RTZOM GYI LUNG, RGYUD SMAD PA DANG, SE RA RTZE, RA KHA BRAG SOGS KYI DGE 'DUN LNGA BRGYA SKOR GYIS ZHUS NGOR 'JIGS BYED LHA BCU GSUM MA'I MNGON RTOGS DANG GDUGS DKAR, LAM GTZO, ZHABS BRTAN GSOL 'DEBS RNAMS KYI LJAGS LUNG, LA MO CHOS RJE SKU RTEN PA NAS ZHUS NGOR SGRA MI SNYAN PA'I TSE SGRUB KYI LUNG DANG TSE DBANG, BKA' BLON THON PAS ZHUS NGOR SER SKYA SUM BRGYA SKOR LA GRUB RGYAL LUGS KYI TSE DBANG, RGYUD STONG BLA MA DBU MDZAD KYIS ZHUS NGOR DGE 'DUN BRGYA SKOR LA BLA MCHOD BDE STONG DBYER MED MA'I KHRID LUNG, 'BRAS SPUNGS SGO MANG BLA MA SOGS SUM CU SKOR LA RVA LUGS 'JIGS BYED ZHAL GCIG PHYAG GNYIS PA'I RJES GNANG, MCHOD DPON MKHAN PO'I RI KHROD PA RNAMS KYIS ZHUS NGOR BYANG CHUB LAM GYI SGRON MA DANG, SHAMBHA LA'I SMON TSIG BKA' RTZOM MA'I LJAGS LUNG, BDE CHEN SPRUL SKUR 'JAM DBYANGS DKAR PO'I RJES GNANG, AOR TU SU BA NGAG DBANG LHUN GRUB KYIS ZHUS NGOR NYI MA SBAS PA'I LUGS KYI SGROL LJANG SGRUB THABS DANG, DE'I SBYIN SREG BYA TSUL, BCA' YI GE GSAR ZHUS KYI LUNG, RNAM RGYAL GRVA TSANG TSOGS YONGS LA TSE RTA ZUNG 'BREL GYI DBANG DANG BDE MCHOG L'U AI PA'I BDAG MDUN BUM GSUM SOGS CHO GA YONGS RDZOGS KYI LUNG
DANG DUS 'KHOR CHOG GRVA PA RNAMS LA BKA' RTZOM GRAS DUS 'KHOR GYI ZHI BA'I SBYIN SREG BYA TSUL GYI LUNG STZAL TE SO SO'I YID KYI 'DOD PA 'JO BAR MDZAD, DGA' LDAN PA BRGYA DRUG CU RE GCIG BSNYEN RDZOGS BSGRUBS, TSES DGU'I NYIN RNAM RGYAL GRVA TSANG PA NGAG DBANG BLO BZANG GIS RGYU YON SBYANG NAS DGE 'DUN BCU SKOR GYIS GSER GDUNG CHEN MO'I SKU MDUN DU DPAL 'KHOR LO BDE MCHOG GI GSUNG CHOG MDZAD PA'I MDUN BSKYED THOG RGYAL BA YAB SRAS GNYIS SPYAN DRANGS TE ZHABS BRTAN PHUL, GZHUNG NAS GONG MA CHEN PO'I 'KHRUNGS SKAR DANG BSTUN, SER 'BRAS DGE GSUM TSO BSDUS DGE 'DUN SUM BRGYAS ZHABS BRTAN BSGRUB PA DANG MU MTHUD DU BLA BRANG NAS KYANG NYIN GSUM GYI RING BSGRUBS PAR MCHOG SPRUL RIN PO CHER 'BUL BA DANG DGE 'DUN RNAMS LA 'GYED GNANG, TSES BCO LNGA'I NYIN PO TA LA DANG LHA LNGAN BCAS KYI RTEN GTZO RNAMS LA STONG MCHOD BRGYA MCHOD SOGS PHUL, TSES BCU BDUN LA GZHUNGS NAS RJE BLA MA MCHOG TSOMS CHEN DU SPYAN DRANGS NAS GSOL STON RGYAS PA'I THOG PHEBS RDZONGS SU DNGUL BRE CHEN LNGA BCU, JA 'KHOR DRUG DRUG BRGYA SOGS KYI DNGOS SKYES GTOS CHE BA BSTABS, PHYAG MDZOD DANG, YONGS 'DZIN, ZHAM RING BA DRAG ZHAN BCAS LA'ANG BABS BSTUN GYIS GSOL RAS STZAL, TSES NYER GCIG GI NYIN RGYAL DBANG MCHOG SPRUL RIN PO CHE'I GZIMS SBUGS SU RJE BLA MA MCHOG GIS DBU MDZAD, SPYAN 'DREN SNGON DU 'GRO BA'I MAndAL SOGS KYI DNGOS 'BUL DANG BCAS BSTAN 'GRO SPYI BYE BRAG GI MGON DU ZHABS PAD BSKAL BRGYAR BRTAN PAR BZHUGS NAS, MDO SNGAGS RIG
, ,GNAS MTHA' DAG LA GSAN SBYONG PHUL DU PHYIN PA MDZAD DE SKU GONG MA LTA BU'I MKHAS TSUL BZHES DGOS PA'I GSOL 'DEBS NAN TAN DU MDZAD PAS ZHAL BZHES BZANG PO GNANG, GSOL TSIGS RGYAB LA RGYAL DBANG MCHOG SPRUL RIN PO CHE LA TSE DBANG BRGYA RTZA 'BUL BA MDZOD, TSES NYER GNYIS LA RGYAL DBANG MCHOG NAS RJE BLA MA NYID GSOL TSIGS STENG GDAN DRANGS NAS MAndAL SOGS DNGOS 'BUL DANG BCAS ZHABS PAD SRID MTHANG BRTAN CING GDUL BYA RNAMS BYANG GROL GYI LAM LA 'GOD PA DANG, SLAR YANG MYUR BA NYID DU ZHAL DKYIL MJAL NAS ZAB CHOS KYI RIM PA ZHUS CHOG PA BCAS KYI GSOL 'DEBS MDZAD, 'DI SKABS GZHUNG NAS ZHABS TOG BSNYEN BKUR BKUR GZOS PHUN SUM TSOGS PA SGRUB PAR MDZAD DO, ,DE LTAR GANGS RI'I MGON PO RGYAL DBANG MCHOG GI SPRUL PA'I SKU RIN PO CHER DGE TSUL GYI SDOM PA PHUL TE THUB BSTAN RIN PO CHE'I RTZA BA NI TSUGS, SNGON GYI SMON LAM RLABS PO CHE'I MTHU GRUB PA LA BRTEN NAS NYIN RE BZHIN PHYOGS MTHA' DAG NAS SKYE BO'I TSOGS DPAG TU MED PA DBYAR GYI SPRIN BZHIN 'DUS PA RNAMS NI SMIN CING GROL BAR MDZAD, NAM MKHA' MDZOD KYI SGO 'PHAR PHYE STE DGE 'DUN GYI SDE RNAMS NI RNYED PA DANG BKUR STIS YANG DAG PAR MCHOD, MDOR NA BSTAN PA DANG 'GRO BA'I PHAN BDE'I SKYED TSAL CHEN PO NYI MA'I ZER DANG 'PHRAD PA BZHIN RGYAS PAR MDZAD DO, ,'DIR SMRAS PA, 'OD ZER DPAG MED SBRANG RTZI'I RGYAL MTSAN RMAD BYUNG YON TAN GE SAR LAS 'ONGS SPRINGS YIG NI, ,GSER LDAN DGA'
MA'I SGRA 'DZIN DAG LA 'KHYUD PAR 'OS PA GANG GI LCE YI 'DAB BRGYA PA, ,SPRANG RTZI GSAR PA'I THIG LES RNAM KHENGS RDUL GYI GZEGS MA BLO GROS SBRANG MA'I RKANG PA LA, ,DOG PA RNAM BKOD SNYAN PA'I GLU SGRAS PHYOGS KYI BU MO'I RNA BA'I DGA' STON SPRO BAR BYED; ;RGYAL BA RNAMS KYIS GTANG SNYOMS MDZAD GYUR SNYIGS DUS THUB BSTAN GZUNG DKA' BA, ,KHYOD KYI SNYING STOBS PHRAG PAR BKOD DE BSHAD SGRUB KHUR CHEN BTEG PA NA, ,LUS CAN 'DI DAG BZHIN RAS PAD TSAL GE SAR SO 'PHRENG RGOD BYED CING, ,DE YI BKA' DRIN PHUNG PO LA CHAGS ZANG ZING MCHOD YON CI YANG BSGRENG, ,RGYA CHEN LEGS BSHAD GSAR PA DANG 'GROGS LHAG BSAM 'PHRIN LAS ZHAGS PA YIS, ,MI ZAD KHYIM GYI G-YANG SA LAS DRANGS YID DBANG 'DAM SKYES RAL PA'I RTZER, ,SO THAR TSUL KHRIMS SBRANG RTZIS YONGS GTAMS BGRANG YAS DUR SMRIG 'DZIN PA'I KHUR, ,RAB TU LCI BA'I NGAL BA NYER BSTEN NOR 'DZIN RDUL CHU'I NYAL 'GRO 'BAB, ,CES BYA BA NI RJE BLA MA SRID ZHI'I GTZUG RGYAN PAn CHEN THAMS CAD MKHYEN PA BLO BZANG DPAL LDAN YE SHES DPAL BZANG PO'I ZHAL SNGA NAS KYI RNAM PAR THAR PA NYI MA'I 'OD ZER LAS, RGYAL DBANG MCHOG GI SPRUL PA'I SKU RIN PO CHE NGOS BZUNG STE GSER KHRIR MNGA' GSOL ZHING DGE TSUL GYI SDOM PA PHUL BA SOGS BSTAN 'GRO'I DON RLABS PO CHE MDZAD PA'I LE'U STE BRGYAD PA'O,, ,,TSES NYER GSUM LA PHO BRANG CHEN PO PO TA LA NAS GTZANG PHYOGS SU CHIBS KHA BSGYUR, THAB SKYEL GYI THOG CHIBS SKYEL BA RNAMS LA PHYAG DBANG DANG GNANG SKYES STZAL, 'KHRUNGS LHA'I SKU MKHAR
, ,DU PHEBS NAS BSKANG GSO MDZAD CING SNYAN SHAL PHUL, SNGON DU SNYAN GSAN PHUL BA LTAR CHIBS BSU SER SBRENG DANG BCAS BSHAD SGRUB BSTAN PA'I 'BYUNG GNAS CHOS GRVA CHEN PO DPAL LDAN 'BRAS SPUNGS SU PHYAG PHAB STE KUN DGA' RA BA'I GZIMS CHUNG DU BZHUGS STAN 'JAGS, PHO BRANG SDE BA DANG 'BRAS SPUNGS SPYI SO NAS DKAR SPRO DANG RTEN 'BYUNG BSTAR, DGA' LDAN PHO BRANG GI MGON KHANG DU SNYAN SHAL DANG SPYAN GZIGS PHUL TE BSKANG GSO MDZAD DU BCUG , TSES NYER BZHI'I SNGA DRO SPYI SO SDE BA GNYIS KYIS DKAR SPRO DANG DNGOS 'BUL BTEG NAS SGER MJAL ZHUS, GSOL TSIGS THOG BLO GSAL GLING, SGO MANG, BDE YANGS PA BCAS GRVA TSANG KHAG RNAMS KYIS ZHABS BRTAN GSOL 'DEBS ZHU RTEN DNGOS 'BUL BTEG ,BLA MA LAS SNE NAS ZHUS DOR 'DU KHANG CHEN MO'I BZHUGS KHRI'I STENG NAS TSOGS CHEN LA LAM GYI GTZO BO RNAM GSUM GYI GZAB KHRID RGYAS PAR STZAL, DE KHA'I STENG SHOD KYI LHA KHANG RNAMS MJAL, DE NAS SNGAGS KHANG GI RTEN GZIGS SU PHEBS TE DPAL RDO RJE 'JIGS BYED KYI SNANG BRNYAN LA SNYAN SHAL SPYAN GZIGS BCAS PHUL NAS, BSTAN 'GROR SMAN PA'I THUGS SMON SHUGS DRAG MDZAD, SNGAGS PA GRVA TSANG SPYI SOS DKAR SPRO'I THOG DNGOS 'BUL BTEG CING DE RJES GLING SKOR LA PHEBS, SGO MANG GRVA TSANG DANG HAR GDONG KHAMS TSAN SO SOS GDAN DRANGS TE DKAR SPRO'I THOG MAndAL, RTEN GSUM SOGS KYI DNGOS 'BUL BTEG ,DGE 'DUN RNAMS LA RIM PA BZHIN DGA' LDAN LHA BRGYA MA DANG DBEN SA SNYAN
BRGYUD LUGS KYI BLA MA'I RNAL 'BYOR GYI KHRID STZAL, GZHAN YANG GTZANG BA KHAMS TSAN, DGE 'PHEL RI KHROD PA, GNAS CHUNG SGRA DBYANGS GLING BA SO SOS DNGOS 'BUL DANG BCAS MJAL KHA ZHUS, GONG GSAL RNAMS LA PHYAG DBANG DANG; SPYI SO DANG GRVA TSANG KHAG SOGS LA GNANG CHA GZABS, TSOGS CHEN DU MANG JA LNGA DANG 'GYED DGE 'DUN DRUG STONG LNGA BRGYA BDUN CU DON LNGA LA GRVA PA RER KHA BTAGS, DNGUL BAL tAM RE, BSNGO RTEN RNAM GZHAG ,GRVA TSANG KHAG BZHI SO SOR MANG JA SBYOR SBREL RE, 'GYED DGE 'DUN RER KHA BTAGS RE, BSNGO RTEN RNAM GZHAG BCAS BSTAR, GNAS CHUNG CHOS SKYONG CHEN POR SNYAN SHAL SPYAN GZIGS PHUL, TSES NYER LNGA LA CHIBS KHA BSGYUR, THAB SKYEL GYI THOG CHIBS SKYEL BA RNAMS LA PHYAG DBANG DANG GNANG CHA BSTAR, MDA' DPON G-YU THOG PA DANG SKYOR MO LUNG MKHAN PO, LAS SNE SOGS KYIS CHIBS BSU BCAS STOD LUNG MDAR MDA' DPON NAS STON 'KHOR TSANG MAR NYIN GANG ZHABS TOG DANG DKAR SPRO'I THOG RTEN 'BYUNG GI DNGOS PO BSTAR ZHING GNANG CHA YANG SBAM MTHO BA STZAL, 'DI NAS BZUNG STE NYIN RE BZHIN SER SPRENG DANG BRO GZHAS PA BYUNG BAR SNGAR RGYUN BZHIN GSOL RAS GNANG BA 'OG TU YANG SHES DGOS, DE'I PHYI NYIN STAG TSANG RVA BA STOD PA RNAMS KYIS SPYAN DRANGS NAS DKAR SPRO DANG DNGOS 'BUL BSTAB PAR LAM SGRON GYI LUNG DANG MANG 'GYED STZAL, RA LUNG CHU 'DUS SU ZHAG BZHUGS THOG GONG MA BDAG PO CHEN PO NAS RJE NYID KYIS RGYAL DBANG RIN PO CHER DGE TSUL GYI SDOM PA PHUL BA'I LEGS SO'I SKYES BZANG
, ,'BYOR PAR GUS PAS BZHES TE BKA' DRIN CHE TSUL GYI LAN YANG PHUL, ZLA BA DGU PA'I TSES BZHI LA LUNG DMAR DU GSOL TSIGS THOG DPAL 'KHOR CHOS SDE'I BLA MA LAS SNE RNAMS CHIBS BSUR 'BYOR, DE NAS DGA' BZHI GUNG SRAS BCAS DANG MDA' DPON PAD TSAL, LCANG LO CAN PA SOGS RGYA RAGS SU ZHAG BZHUGS THOG CHIBS BSUR 'BYOR PA LA PHYAG DBANG DANG JA GRAL BKA' 'DRI GNANG, DE'I PHYI NYIN BRAG KHUGS SU GSOL TSIGS MDZAD DE DPAL 'KHOR CHOS SDER PHEBS, DER ZHAG GNYIS BZHUGS, RTEN GZIGS DANG MCHOD 'BUL SOGS SNGAR RGYUN BZHIN MDZAD, 'DUS TSOGS DANG BCAS SER SKYA STONG PHRAG MANG POR TSE DBANG GNANG, SPYI SGER NAS ZHABS TOG BSNYEN BKUR GZABS, TSOGS SU MANG JA BCO LNGA DANG 'GYED ZHO GSUM RE GNANG, MKHAN TSAB DANG GSER LCOG GNYER PA GNYIS LA GNANG CHA STZAL, TSES BDUN LA DPAL 'KHOR CHOS SDE NAS CHIBS KHA BSGYUR, SER SBRENG GIS MDUN BSUS TE DGA' BZHI'I LHA KHANG 'CHI MED BDE LDAN DU PHEBS TE ZHAG GNYIS BZHUGS, GSOL STON RGYAS PA'I THOG DNGUL RDO TSAD SUM CU SO DRUG DANG, JA 'KHOR DRUG BRGYA SOGS KYI DNGOS 'BUL BSTAR ZHING ZHAM RING BA RNAMS LA YANG DNGOS SKYES GZABS, SKU NGO RNAMS LA MGON PO BAR CHAD KUN SEL GYI RJES GNANG DANG, SER SKYA STONG PHRAG BRGAL BAR TSE DBANG STZAL, LHA KHANG RNAMS LA SHIS BRJOD KYI ME TOG GTOR, TSES DGU LA DE NAS CHIBS KHA BSGYUR TE 'BRONG RTZER GDAN DRANGS NAS BSNYEN BKUR DANG BCAS
ZHABS BRTAN PHUL, DE NAS KHANG DMAR DU GSOL TSIGS THOG BSNYEN BKUR DANG DNGOS 'BUL BTEG ,LCANG CHUNG NA GAR ZHAG BZHUGS THOG RI BO MDANGS CAN PA DANG SPOS KHANG TSOGS BAS DNGOS 'BUL BSTAR ZHING 'DOD CHOS KYANG STZAL, PHYI NYIN LCANG CHUNG NAG NAS CHIBS BSGYUR, NOR BU KHYUNG RTZER MGRON GNYER RAB 'BYAMS PA BLO BZANG DGE LEGS KYIS GUNG STON DANG 'BREL BA'I BSNYEN BKUR BSTABS, 'DI SKABS NAM MKHA' LA 'JA' SPRIN GYIS KHYAB PA LAS ME TOG GI CHAR NGO MTSAR BA BABS, PA NAM KYI THANG SHAR PHYOGS KYI NAM MKHA' LA 'JA' SPRIN RING MO PO TI BRTZIGS PA ZHAL PHYE BA LTA BU'I RNAM PA CAN MANG DU SHAR 'DUG PA RNAMS GZIGS MA THAG ,YA GI NA LUNG BSTAN GYI YI GE MANG PO 'DUG GSUNG PHYAG MDZUB GTAD DE GZIGS RTOG MDZAD PAR; GZIMS DPON 'TSO BYED DGE SLONG DGE 'DUN DON GRUB NAS LUNG BSTAN GYI YI GE JI 'DRA SNANG ZHUS PAR, BKA' LAS, CI YIN MI SHES YI GE MANG PO 'DUG STE BSHAD PAR MI BYA'O GSUNG, SKYES CHEN DAM PA RNAMS YON TAN SBA BA LA MKHAS SHING GOMS PA'I STOBS KYIS BKA' GSAL BAR MA PHEBS KYANG GZIGS SNANG KHYAD PAR CAN ZHIG BYUNG BA NI GOR MA CHAG GO ,RI BO MDANGS CAN DU MKHAS GRUB RJE'I SNANG BRNYAN DANG MGON KHANG GI RTEN RNAMS LA SNYAN SHAL, SPYAN GZIGS, MCHOD RDZAS BCAS 'BUL RGYU GNANG, TSES BCU LA PAD TSAL MDA' DPON GYIS GDAN DRANGS DKAR SPRO DANG DNGOS 'BUL GYA NOM PA DANG BCAS ZHABS BRTAN PHUL, DE NAS CHIBS BSU SER SBRENG DANG BCAS GDAN SA CHEN PO ZHA LUR ZHAG BZHUGS MDZAD, MKHAN
, ,PO BLO BZANG TSE DBANG GIS GTZOS BLA SPYI THUN MONG NAS DKAR SPRO DANG DNGOS 'BUL BTEG ,RTEN GZIGS SU PHEBS NAS CHOS RGYAL GYI ZHAL 'BAG GIS GTZOS RTEN RNAMS LA SNYAN SHAL MCHOD 'BUL MDZAD, BKRA SHIS LHUN PO'I CHIBS BSU BA RNAMS 'BYOR TE MJAL KHA DANG GSUNG GLENG GNANG, TSES BCU GNYIS KYI NYIN RI SBUG TU PHEBS NAS GRUB CHEN GA YA DHA RA'I BUM CHU NAS BDUD RTZI'I CHU RGYUN BZHES, BU STON RIN PO CHE'I SNANG BRNYAN NGA 'DRA MA LA SNYAN SHAL, MAndAL BCAS PHUL TE THUGS SMON MDZAD, DE NAS ZHA LU MTHIL DU PHEBS NAS RDO BCAL DU GRVA MANG SOGS SER SKYA DU MAR PHYAG DBANG GNANG, DGE 'DUN RNAMS LA MANG 'GYED STZAL, PHEBS ZHOR LA RGYAN GONG LHA MO RDO RJE RAB BRTAN MA MJAL, SNYAN SHAL SPYAN GZIGS PHUL TE 'PHRIN BCOL MDZAD, TSONG 'DUS LCANG RA SKYID TSAL DU BZHUGS ZHAG THOG GNYER BAS DKAR SPRO DANG DNGOS 'BUL BTEG ,TSES BZHI'I NYIN CHIBS BSU SER SBRENG DANG BCAS BKRA SHIS LHUN POR PHYAG PHEBS, DE'I PHYI NYIN PE'I CING MI SNA LHA RTZE MKHAN PO 'BYOR TE GONG MA CHEN PO'I SKU'I MTSAMS ZHU MDZAD, GNANG SKYES RNAMS BZHES NAS PHYAG DBANG GNANG, TSES BCU DRUG GI NYIN BLA BRANG NAS GSOL STON RGYAS PA ZHUS, DE'I PHYI NYIN GRVA TSANG BZHI'I BLA SPYI DANG MI TSAN KHAG DRUNG 'KHOR GZHIS SDOD PA DANG PHYOGS KYI RDZONG GZHIS GNYER PA BCAS NAS RGYU YON SBYAR TE GSOL STON RGYAS PA'I THOG LEGS 'BUL BSTAR, TSES BCO BRGYAD NAS BZUNG RIM BZHIN DGE BSKOS RNYING BA TSUL KHRIMS KHANG PA DANG GSAR
BA RGYAL CHEN RTZE PA GNYIS NAS TSOGS DBUR SPYAN DRANGS TE DNGOS 'BUL BSTABS, RDO BCAL CHEN MOR DGE 'DUN RNAMS LA PHYAG DBANG STZAL, TSES BCU DGU'I SNGA DRO GZHUNG GI 'GRON GNYER DGE SLONG SKAL BZANG DON GRUB DANG CHIBS DPON SBEL GSAR BA, DGA' LDAN SPYI SO NGO G-YOG RNAMS LA 'DOD CHOS SU TSE DBANG GRUB RGYAL LUGS DANG, GON PA SOGS GNANG CHA GZAB PA BCAS THON PHYAG STZAL, PHYAG MDZOD CHEN MO LA TSE DBANG DANG, GDAN SA DANG PHYOGS 'DUS KYI GRVA PA BDUN CU DON GSUM BSNYEN RDZOGS BSGRUBS, TSES NYER BDUN NYIN NAG TSANG AA JO DPAL BZANG RAB BRTAN GYIS MI SNA CHED DU MNGAGS PA NAS TSOGS DBUR SPYAN DRANGS TE ZHABS BRTAN PHUL, MI SNA LHA RTZE MKHAN PO DANG HAR CHEN DU BLA MAR 'GRO MI 'BRONG RTZE BA CHOS RJE YE SHES RDO RJE'I GNYER PA GNYIS NAS GZIMS CHUNG ZHABS BRTAN PHUL, ZLA BA BCU PA'I TSES GCIG LA GNYA' NANG 'PHEL RGYAS GLING BLA SPYI NAS SPYAN 'DREN KHRUS GSOL SNGON DU 'GRO BA'I ZANG ZING GI BDOG PA BSTAB STE BRTAN BZHUGS PHUL, TSES LNGA LA SNGAGS CHEN ZHAL SNGA NAS KYIS GSOL BA BTAB PA BZHIN 'DUS TSOGS SU RJE BLA MA MCHOG GI GSUNG 'BUM SNGAR YOD RNAMS KYI LUNG STZAL, TSES BDUN LA CHU BZANG SPRUL PA'I SKU'I MI SNA DBON CHUNG NGO G-YOG 'BYOR TE GZIMS CHUNG ZHABS BRTAN PHUL, DBON CHUNG NGO G-YOG LA 'JIGS BYED KYI RJES GNANG DANG TSE DBANG, 'JAM DKAR SGRUB THABS KYI LUNG GNANG ZHING 'BYOR LAN DANG THON PHYAG STZAL, SOG BOD AA MDO BA SOGS DRUG CU RE LNGA BSNYEN RDZOGS BSGRUBS, TSES DGU
, ,LAS SKYA BDAG CHEN NAS PHYAG MDZOD MNGAGS TE MAndAL, RTEN GSUM, GSER SRANG BRGYAD, DNGUL SRANG NYIS BRGYA LNGA BCU, DGU TSAN BCU GCIG SOGS KYI DNGOS 'BUL BCAS GZIMS CHUNG ZHABS BRTAN PHUL ZHING, PHYAG MDZOD LA JA GRAL THOG BKA' 'DRI DANG STON MO ZUR GSOS SOGS BDAG RKYEN CHE BA DANG, DNGOS SKYES BZANG PO BCAS THON PHYAG GNANG, TSES BCU GSUM GYI NYIN RGYAL DBANG MCHOG NAS MTSAMS ZHU 'BUL BAR SKU BCAR NGAM RING MKHAN PO BLO BZANG YAR 'PHEL 'BYOR TE PHYAG DBANG DANG BKA' MCHID STZAL, GNYA' NANG 'PHEL RGYAS GLING DANG, SNYE MO RGYAL BYED TSAL BLA GRVA BCAS SO SO NAS MCHOD SPRIN BSTAR ZHING 'DOD CHOS GNANG, PHYAG MDZOD CHEN MOR RKYEN SEL DU TSE RTA ZUNG 'BREL, PHYAG RDOR, 'JAM DBYANGS NAG PO, KHYUNG NAG ,GDUGS DKAR SOGS KYI RJES GNANG RIM BZHIN STZAL, TSES BCU BDUN NYIN LHA MGON SPRUL SKUS TSOGS DBUR SPYAN DRANGS TE ZHABS BRTAN PHUL, TSA KHO DPON PO PADMA NOR BU MA 'TSO BA'I BSNGO RTEN 'BYOR TE NGAN SONG GNAS 'DON MDZAD, ZLA BA BCU GCIG PA'I TSES GSUM LA GSUNG 'BUM PO TI GNYIS KYI LJAGS LUNG GRUB, MNGA' RIS GU GE NAS LO CHEN RIN CHEN BZANG PO'I SPRUL SKU BLO BZANG BSTAN 'DZIN RGYAL MTSAN 'BYOR TE JA GRAL BKA' 'DRI GNANG ZHING KHONG PA DANG GONG GSAL DON GNYER PA BCAS LA GZHI GSUM GYI CHO GA DANG BSLAB BYA NYER MKHO, BYAMS PAS DAM BCAS PA'I GZUNGS RNAMS KYI LJAGS LUNG, 'JAM DBYANGS SMRA SENG RIGS GNYIS DANG,
SHES RAB BLO 'PHEL GYI RJES GNANG GZAB PA BCAS RIM BZHIN STZAL, SPRUL PA'I SKU 'DI NYID SKYABS MGON MCHOG NAS GRVA TSANG DU 'JUG PAR MDZAD CING THUGS LONG DANG BSTUN, RNAM 'GREL PHAR PHYIN SOGS KYI DPE KHRID DANG ZAB CHOS BSLAB BYA BCAS STZAL TE THUGS DGYES PA'I CHEN POS RJES SU BZUNG PAR MDZAD 'DUG GO ,MJUG TU SEMS BSKYED MCHOD PA MDZAD PAR SNGAGS CHEN ZHAL SNGA NAS KYIS BKA' CHOS KYI YON GZABS, TSES BDUN NAS BCU'I BAR LA GZIMS CHUNG NYI 'OD 'KHYIL DU LO CHEN SPRUL SKU, ZUR BZHI'I SLOB DPON, DGE BSKOS CHEN MO, LHA MGON SPRUL SKU, SNGAGS PA GRVA TSANG GI DGE 'DUN YONGS RDZOGS, RI KHROD CHE KHA GSUM GYI BLA MA BCAS LA RJE RANG NYID KYI GSUNG 'BUM BKA' RGYA MA'I LJAGS LUNG STZAL, SNGAGS GRVAR CHOS SKYONG GI DBYANGS ROL RNAMS MA NYAMS PAR DGOS PA'I BKA' PHEBS, 'DAM BLA MA RNYING BA NOR BU DGA' LDAN PA'I TSA BO BLO BZANG BSTAN DAR CAN NAS TSOGS DBUR SPYAN DRANGS TE ZHABS BRTAN PHUL, LHA MGON SPRUL SKUS ZHUS NGOR TSES DGU NAS DPAL RDO RJE 'JIGS BYED LHA BCU GSUM MA'I BSKYED RDZOGS KYI KHRID SMIN RGYAS SU STZAL TE MJUG TU TSOGS 'KHOR MDZAD, SKU BCAR DAM RING MKHAN PO BLO BZANG YAR 'PHEL GYIS ZHUS NGOR RDO RJE SEMS DPA'I SGOM BZLAS KYI KHRID GNANG, MNGA' RIS LO CHEN SPRUL SKU SOGS DGU DGE TSUL BSGRUBS, TSES BCO LNGA'I NYIN LHA MGON SPRUL SKU NGO G-YOG LA THON PHYAG STZAL, TSES BCU DRUG NAS BZUNG ZLA BA GCIG GI RING SKU MTSAMS BCAD RGYAR BZHUGS NAS YI DAM GYI LHA 'GA' ZHIG GI LJAGS BSNYEN LA GZHOL BAR
, ,MDZAD, ZLA BA BCU GNYIS PA'I TSES BCO BRGYAD KYI NYIN SKU MTSAMS GROL NAS DRUNG 'KHOR RNAMS LA PHYAG DBANG GNANG, BDE YANGS PA BYAMS PA BSTAN DAR, SRAD PA BLO BZANG RNAM RGYAL, STAG MO BA BLO BZANG RDO RJE DANG BLO BZANG BSAM GRUB, BLO BZANG LHUN GRUB, LA KHA PA BLO BZANG DAR RGYAS RNAMS KYIS RNAM 'GREL GYI THAL PHRENG, BA SHE BA DGE SLONG BLO BZANG BKRA SHIS KYIS PHAR PHYIN GYI THAL PHRENG, SA LUNG PA DKA' CHEN BLO BZANG CHOS 'PHEL GYIS GSANG 'DUS KYI BSKYED RDZOGS, DBEN DGON PA BLO BZANG 'PHRIN LAS DANG, BLO BZANG BSTAN 'DZIN, BLO BZANG DGE 'DUN, BLO BZANG BSTAN 'DZIN RNAMS KYIS BDE MCHOG RTZA RGYUD BCAS KYI RGYUGS PHUL BAR GNANG CHA SNGAR SROL LTAR STZAL, GZHAN YANG SNGA PHYIR SEMS CAN MANG PO'I SROG BLU DANG, MU LTO BA'I TSOGS LA GNANG SBYIN SOGS RNAM PAR DKAR BA'I MDZAD PA RGYUN ME 'CHAD GONG 'PHEL DU MDZAD, ` MI ZAD CES PA ME PHO KHYI'I LO ZLA BA DANG PO'I TSES BRGYAD KYI NYIN SKU BCAR NGAM RING MKHAN PO BLO BZANG YAR 'PHEL GYIS TSOGS DBUR SPYAN DRANGS TE DNGOS 'BUL DANG BCAS BZHABS BRTAN GSOL 'DEBS ZHUS, GNYUG MAR GNAS PA DANG PHYOGS 'DUS BCAS GRVA PA SUM CU SO GNYIS BSNYEN RDZOGS SU BSGRUBS, PHU YAN BLA MA AA KYA HU THOG THU NAS BRGYA MCHOD 'BUL SNOD RGYA TING NYIS BRGYA DANG BCU DRUG ,MCHOD KONG BRGYA DANG BRGYAD RNAMS GRVA MTSUNGS DGONGS BZHED DANG MTHUN PAR PHUL BA DGYES BZHIN DU BDAG GIR BZHES TE TING DANG KONG BU RNAMS DBEN
DGON DU RJE GRUB PA'I DBANG PHYUG GI SNANG BRNYAN RIN PO CHE'I SKU MDUN DU PHUL, LA DVAGS SKYONG GI SRAS GZHON PA DANG RI GDONG ZHABS DRUNG, DPON SLOB RIG GROL GYI SKU SKYE SOGS LNGA BCU NGA BDUN DGE TSUL BSGRUBS, SA SKYONG GI SRAS NYID SKU'I TSA BOR SONG GSHIS GNANG CHA SBAM MTHO BA STZAL, ZLA BA GNYIS PA'I NANG DU RGYA NAG DANG MTSO SNGON NAS 'GRUL BA MANG RAB 'BYOR PAR MJAL KHA JA GRAL DANG DRAG GRAGS RNAMS LA BKA' 'DRIN ZHIB PA GNANG, TRE BO SKU SKYE NGAG DBANG 'JAM DPAL GYIS MAndAL, JA GOS DAR PAGS RIGS SOGS KYI DNGOS 'BUL BSTAR, MTSO BDUN LHA KHANG GI BLA MA SHI RE THU SBYIN PA 'OD ZER SKU GSHEGS PA'I DGONGS RDZOGS SGRUB MI PHYAG MDZOD DGE 'DUN RIN CHEN GYIS TSES BCU GCIG GI NYIN TSOGS DBUR SPYAN DRANGS TE DNGOS 'BUL BTEG ,DE'I PHYI NYIN SOG RIGS RNAMS LA 'JIGS BYED ZHAL GCIG PHYAG GNYIS PA DANG GDUGS DKAR ZHAL GSUM PHYAG DRUG PA'I RJES GNANG, GDUGS DKAR DANG BKA' RTZOM GSAR GNANG 'GA' ZHIG GI LUNG BCAS STZAL, SU NYID THU SA LAG CHI'I MI SNA NANG SO BLO BZANG LHUN GRUB KYIS TSOGS DBUR SPYAN DRANGS TE ZHABS BRTAN DNGOS 'BUL BSTABS, TSES BCU BZHI'I NYIN BSGRUB BYA BCU GNYIS DGE BSNYEN DANG DGE TSUL BSGRUBS SHING, SER 'BRAS KYI GRVA PA NYI SHU RTZA BZHI BSNYEN RDZOGS BSGRUBS, 'BRAS SPUNGS SGO MANG GRVA TSANG GI 'BUL SDUD PA RAB 'BYAMS PA SKAL BZANG DPAL LDAN GYIS DNGOS 'BUL DANG BCAS SGER MJAL ZHUS, DE BSTUN STOD DAR RGYAS GLING GI BLA MA DANG SOGS 'GRUL BA KHA SHAS LA MJAL KHA JA GRAL DANG BKA' 'DRI GNANG, SOG
, ,RIGS 'GRUL BA RNAMS LA GRUB RGYAL LUGS KYI TSE DBANG DANG, 'JAM DPAL MTSAN BRJOD, SGROL MA, MA nI RIL SGRUB BYA TSUL SOGS BKA' RTZOM GSAR GNANG LE TSAN KHA SHAS KYI LUNG DANG DGA' LDAN LHA BRGYA MA'I KHRID, 'OD DPAG MED LA BRTEN PA'I 'PHO KHRID SOGS ZAB CHOS MANG DU STZAL CING THON PHYAG BSTAR, HAL HAR BLA MAR 'BYON MI DKA' CHEN YE SHES 'JAM DPAL LA THON PHYAG GNANG, THU SA LAG CHI'I MI SNA DGE SLONG BLO BZANG LHUN GRUB KYIS SGER MJAL ZHUS, TSES NYER GSUM LA BKRA SHIS RTZE'I RJE BTZUN MA DPON G-YOG LNGA DGE BSNYEN DANG BAR MA RAB BYUNG BSGRUBS, YONGS 'DZIN LAS SGRUB THABS RIN 'BYUNG NANG GI 'JIGS BYED ZHAL GSUM PHYAG DRUG PA'I RJES GNANG GSAN, ZLA BA GSUM PA'I TSES BDUN GYI NYIN SHEL DKAR CHOS SDE'I DBU MDZAD RJE DRUNG BLO BZANG NOR BU BSNYEN RDZOGS BSGRUBS, SNGON DU SNGAGS CHEN ZHAL SNGA NAS KYIS GSOL BA BTAB PA LTAR TSES BRGYAD KYI NYIN SNGAGS CHEN ZHAL SNGA NAS DANG SNGAGS GRVA YONGS RDZOGS, PHYAG MDZOD CHEN MO, YONGS 'DZIN MKHAN RIN PO CHE, GRVA TSANG BZHI'I BLA MA, TSOGS CHEN DGE BSKOS BCAS LA SLOB MA RJES 'DZIN MDZAD, TSES BCU GCIG GI NYIN BCOM LDAN 'DAS DUS KYI 'KHOR LO'I DBANG GI STA GON GNANG, TSES BCU GNYIS NAS BRI THIG GI SKOR MDZAD, TSES BCO LNGA'I NYIN DUS KYI 'KHOR LO'I BYIS PA LTAR 'JUG PA'I DBANG BDUN STZAL, BCU DRUG LA DBANG GONG MA DANG GONG CHEN, BCU BDUN LA RDO RJE SLOB DPON BDAG PO CHEN PO'I DBANG GSUNG BSHAD
DANG BCAS PHYAG LEN RNAM PAR DAG PA'I SGO NAS STZAL, 'GRO KUN K'A LA TZA KRA'I LAM BZANG LA, ,BRTEN NAS DANG PO'I SANGS RGYAS MCHOG GI SAR, ,'GOD SLAD DBANG BZHI'I BYIN RLABS BDUD RTZI'I CHAR, ,'BEBS PA'I THABS MKHAS MDZAD BZANG 'DI NGO MTSAR, ,DE TSE SKAL LDAN SKYE BO'I SNYING GI DBUS, ,LAM MCHOG DRI MED DNGUL CHU'I TSON CHEN GYIS, ,THA MAL LCAGS KHAMS KUN ZOS GZUGS KYI SKU'I, ,NGO MTSAR RTZE DGA' 'DZIN PAS BREL BAR GYUR, ,DE'I PHYI TIN DUS 'KHOR GYI TSOGS MCHOD MDZAD THOG SNGAGS CHEN ZHAL SNGA NAS KYIS BKA' DRIN GTANG RAGS GI YON RGYA CHER PHUL, CHOG GRVA BA RNAMS NAS KYANG YON GYI BDOG PA BSTABS, DGE 'DUN RNAMS LA DUS 'KHOR BSDUS RGYUD LE'U DANG PO'I LUNG GNANG, SNGAGS CHEN ZHAL SNGA NAS KYIS SBYIN BDAG MDZAD DE TSES BCU DGU NAS BZUNG NYI MA BDUN GYI RING RDUL TSON GYI DKYIL 'KHOR LA BRTEN NAS DUS KYI 'KHOR LO'I SGRUB MCHOD MDZAD DE RJE BLA MA NYID KYANG TSOGS DBUR MA CHAG PAR PHEBS, MJUG TU ZHI BA'I SBYIN SREG DANG TSOGS 'KHOR BCAS GNANG, TSOS SA CHEN DGE BSKOS NAS GSOL BA BTAB NGOR DGE 'DUN YONGS RDZOGS LA DKYIL 'KHOR CHEN PO'I ZHAL MJAL DANG RJE BTZUN BLA MA MCHOG GI PHYAG DBANG CHABS CIG TU STZAL, TSOGS 'KHOR GYI THOG DUS 'KHOR CHOG GRVA BA DKA' CHEN YE SHES RNAM RGYAL DANG BLO BZANG DBANG PHYUG NAS BSKYED RDZOGS LAS BRTZAMS TE TSOGS LANG MDZAD, DE SKABS NAM MKHAR 'JA' SPRIN 'KHRIGS PA SOGS NGO MTSAR BA'I LTAS MANG DU BYUNG, ZLA BA BZHI BA'I TSES GCIG LA DAM RDZAS SPYAN GZIGS MCHOD PA'I BYE BRAG RGYA CHEN PO
, ,DANG BCAS CHOS SRUNG DAM CAN RGYA MTSO'I TSOGS LA GTANG RAG GI BSKANG GSO RGYAS PAR GNANG ZHING DGE 'DUN RNAMS LA ZHABS TOG YON SOGS BSNYEN BSKUR GYA NOM PA BSTABS, SGRUB PA'I BUM CHU NAS TSOGS CHEN LA'ANG 'BRIM PA MDZAD, MCHOD KHANG CHEN PO RNAM GNYIS DANG GRVA TSANG KHAG SOGS KYI LHA KHANG YONGS SU RDZOGS PA DANG SGROL MA RI SOGS NYE SKOR GYI RI KHA SHAS BCAS SU KHRUS GSOL MDZAD DGOS KYI BKA' DANG, DGON PA'I GLING KHROD KYI KHRON PA GANG YOD DANG; DUNG MTSO, SKYID SKYID NA GA'I CHU MIG SOGS LA RDUL TSON 'DEBS RGYU DANG BCAS SNGAGS PA BZHI GRVA NAS KHRUS GSOL MDZAD DGOS PA'I BKA' PHEBS, KHRUS GSOL GYI NYIN SKYID SKYID NA GA'I BZHUGS KHRI'I THAD NAS SPANG BCAL GYI BZHUGS KHRI'I THAD KA BAR 'JA' KHA DOG SNA LNGA SHIN TU MDZES PA 'OD KOR GYI DBYIBS CAN ZUG PA DANG, SHAR RI'I RTZE MO NAS DUNG MTSO NA GA PHYOGS SU'ANG MDZES SHING YID DU 'ONG BA'I 'JA' ZUG PA DANG, BKRA SHIS DGA' TSAL THAD LHO PHYOGS NAM MKHA'I DBYINGS NAS 'JA' KER LANG DU ZUG PA DANG, ME TOG GI CHAR BABS PA SOGS KUN GYI MTHUN SNANG DU GRUB, SKU BCAR NGAM RING MKHAN PO BLO BZANG YAR 'PHEL LA GRUB RGYAL LUGS KYI TSE DBANG BRGYA RTZA STZAL CING 'BUL SLOG DANG BCAS PA'I THON PHYAG GNANG, TSES BDUN NAS BZUNG YONGS 'DZIN MKHAN RIN PO CHE LAS SPYAN RAS GZIGS RGYAL BA RGYA MTSO'I DBANG STA GON DANG BCAS PA GSAN, SHEL DKAR CHOS SDE'I MKHAN PO DANG RGYA RAGS SPRUL SKU, GZHUNG SA'I GSER SDUD MGO BA
SOGS PHYOGS 'DUS MANG POR RIM BZHIN MJAL KHA GNANG, SMAD RGYUD, SE RA SOGS KYI GRVA PA DRUG CU RE GCIG BSNYEN RDZOGS BSGRUBS, MGON KHANG CHEN MOR SNYAN SHAL SPYAN GZIGS PHON CHE GSHIS BZO BCOS SHIG DGOS LUGS SNYAN DU GSOL BAR BRTEN, TSES BCU GNYIS KYI NYIN RJE BLA MA NYID DER ZHABS ZUNG BKOD DE MGON KHANG PA RNAMS DANG LHAN CIG THOG MAR YIG BRGYA DANG 'BREL BA'I BSHAGS PA GNANG, DE NAS CHOS SRUNG RNAMS LA GTOR MA PHUL NAS GNANG BA ZHU BA MDZAD DE BCOS BSGYUR BYED TSUL DO DAM PA RNAMS LA BKA' PHEBS, RJES SU GZIGS RTOG LA PHEBS TE CHOS SKYONG GI RTEN SO SO'I ZHAL KHEBS RNAMS BSAL NAS GZAN GTZANG MA'I DRIL PHYIS GNANG STE PHRENG BA RGYAN LDAN RE DANG SNYAN SHAL BCAS PHUL, BZO BCOS GRUB BSTUN RJE BLA MA MCHOG NAS ZHAL 'DON BSKUL BA PO MDZAD DE CHOG ROGS DANG BCAS CHOS SKYONG SO SO'I BSKANG GSO GZAB RGYAS GNANG, ZHAL BYANG CAN GYI SNYAN SHAL GSER THAM GYIS SBA BA DANG, SPYAN GZIGS RNAMS PHUL NAS BSTAN 'GRO'I PHAN BDE RGYAS PA'I 'PHRIN BCOL MDZAD, TSES BCO LNGA'I NYIN GDAN SA DANG PHYOGS 'DUS BCAS GRVA PA LNGA BCU NGA LNGA BSNYEN RDZOGS DANG, BCU GNYIS DGE TSUL BSGRUBS, TSES NYER LNGA LA YONGS 'DZIN MKHAN RIN PO CHE LAS SA SKYA'I GSER CHOS SU GRAGS GRAS RIG BYED MA DMAR MO KU RU KULLE DANG LHA MO DUS MTSAN MA'I RJES GNANG ZHU BA MDZAD, LHA LDAN DU BZHUGS MI A'A T'A ZHIN DANG JA SAG THE'I JI DUS KYI CHOS NYID DU GYUR PA'I GNAS TSUL DANG JA SAG THE'I JI'I CHED DU GSUNG BSNGO ZHU RTEN
, ,SBAM MTHO BCAS 'BYOR PAR GNYIS GAR BSNGO SMON GYI RGYAS 'DEBS YANG DAG GNANG ZHING, A'A T'A ZHIN GYI DGE SGRUB THEBS STOBS PAR BAR DPON YE SHES MTHA' YAS RDZONG STA MDZAD, ZLA BA LNGA PA'I NANG DU RGYAL DBANG MCHO NAS BKA' CHOS KYI THOG MA LHA MGON SPRUL SKU LA STZOL RGYUR LEGS SKYES 'BUL BAR MGRON GNYER RAB 'BYAMS PA BLO BZANG DGE LEGS RDZONG STA MDZAD, GSANG SNGAGS RGYUD PA GRVA TSANG DU TSES GTOR DANG DAR 'PHYAR SKABS NYE BAR MKHO BA BZANG GOS LAS GRUB PA'I 'PHYAR DAR CHOS SRUNG GI SNANG BRNYAN GYIS SPA BA KHA SHAS DANG, GOS SKU SPYAN 'DREN GYI MCHOD RDZAS SU GOS BZANG BSGRIGS KYI RGYAL MTSAN, 'PHAN, PHYE PHUR SOGS RNAM MANG GSAR SBYOR MDZAD PA'I ZHAL BSROR RGYUD JA'I THOG DGE 'DUN NYIS BRGYA DRUG CU RE BDUN LA 'GYED BKRA SHIS PA'I KHA BTAGS RE, BSNGO RTEN RNAM GZHAG ,MDA' DAR BCAS GNANG, TSES BRGYAD LA RONG BYAMS CHEN PA SOGS BSGRUB BYA NYI SHU RTZA BZHI BSNYEN RDZOGS BSGRUBS, DGE BA'I BSHES GNYEN YE SHES RGYAL MTSAN DANG, MTHO LDING MKHAN POR 'BYON MI SE RA SMAD DGE BSHES BCAS LA MJAL KHA GNANG ZHING CHOS KYI GSUNG GLENG MANG DU MDZAD, YUM NYI ZLA DBANG MO SKYID SKYID NA GAR BZHUGS PA'I SKU GAM DU PHEBS NAS THUGS BZHED LTAR GYI TSE DBANG STZAL TE, DNGUL DANG JA GOS DAR RTZI BCUD LTANG BCAS 'BUL BA MDZAD CING DER KHANG PA GSAR BSKRUN RNAMS LA PHYAG NAS GNANG, YUM NAS KYANG GZAB STON BSNYEN BKUR GZABS, LO 'DIR CHAR SHIN TU DKON PAR
BRTEN, LUNG BSTAN SGROL MA GZIMS CHUNG DU SPYAN DRANGS TE MGUL RGYAN DU RIN CHEN DANG PO'I PHRENG BA DO MTSAR CAN ZHIG PHUL NAS KHRUS GSOL DANG BCAS GSOL 'DEBS SHUGS DRAG MDZAD, RGYUD GRVA'I CHOS GRVAR DPAL RDO RJE 'JIGS BYED KYI SNANG BRNYAN SLE'U CHUNG MA SPYAN DRANGS TE SNGAGS GRVA TSOGS YONGS NAS SKU KHRUS GSOL DU 'JUG PA MDZAD THOG NYA KHRAB CAN LA SOGS PA CHUR GNAS KYI SEMS CAN 'GA' ZHIG GI GZUGS BRNYAN SOGS SPYAN GZIGS 'BUL GNAD DANG CHABS CIG THUGS SMON NAN TAN CAN MDZAD PAS DE MA THAG NAM MKHA' LA SPRIN GYI TSOGS MANG PO GLO BUR DU 'DUS PA LAS CHAR RGYUN SNYOMS PAR BABS PAS SKYE 'GRO KUN GYI BDE SKYID KYI GSOS SU GYUR, PHYAG MDZOD CHEN MO SNYUN GZHI RNYING BA MA DVANGS PAR BRTEN GEGS SEL DU SGROL DKAR YID BZHIN 'KHOR LO SOGS YI DAM GYI LHA DU MA'I RJES GNANG, SANGS RGYAS SPYAN MA LA BRTEN PA'I BYA BAS KHRUS, SA BDAG GDON GROL, BDE MCHOG DKAR PO DANG GRUB RGYAL LUGS KYI TSE DBANG SOGS CHOS BKA' MANG DU STZAL, MDZOD PA 'DI CHOS SRID KYI GTZUG LAG LA RNAM DBYOD KYI 'JUG PA YANGS SHING, 'PHRIN LAS KYI ZHABS 'DEGS PHUN SUM TSOGS PA BSGRUB PAR BRTEN, RTZE'I GZIMS SPUGS NAS KYANG DGE 'DUN LA YON GYA NOM PA BSTABS TE RIM GRO RGYA CHER BSGRUB PA GNANG ZHING DE LUGS KYI BKA' YANG PHEBS, MDZOD PA RANG NAS KYANG BDAG LA DUS DANG RNAM PA KUN TU SKYABS MGON MCHOG NAS THUGS RJES GZIGS PA BKA' DRIN LHAG PAR CHE ZHING, BDAG LAS DBANG GIS GZUGS GZHI
, ,GCONG BA 'DI LA THUGS G-YENG MED NGOS BSTAN 'GRO'I DPAL DU ZHABS PAD BSKAL BRGYAR BRTAN PA ZHIG BYUNG NA BDAG GI BSAM PA DE KAS RDZOGS SHING, SNGA SOR ZHABS 'DEGS ZHU RGYU BYUNG BA SKAL BA MCHOG TU GYUR LA, DA DUNG YANG RJE BTZUN BLA MA GCIG PU LA GSOL BA 'DEBS PA LAS GZHAN ZHU RGYU MA MCHIS, SHI GSON GANG BYUNG YANG SKYABS MGON NYID LAS RE SA SKYABS GNAS GZHAN NA MED PAS, TSE RABS KUN TU RJES SU BZUNG DU GSOL ZHES ZHUS TE RJES 'DZIN GYI TSIGS BCAD 'GA' ZHIG KYANG RANG NYID KYI SUG BRIS SU MDZAD DE SPYAN LAM DU BSTAR, DE NAS TSES NYER DRUG GI NYIN DGE BA'I BSHES GNYEN YE SHES RGYAL MTSAN GYIS GSOL BA BTAB PAR BRTEN KHONG RANG DANG ZUR BZHI'I BLA MA, TSOGS CHEN DGE BSKOS, SNGAGS GRVA'I LAS TSAN BAS MTSON DGE BSHES DRAG GRAS, BKRA SHIS BSAM GTAN GLING GI RI KHROD PA SOGS DGE 'DUN RGYA SKOR LA RJE RGYAL BA GNYIS PA'I LEGS BSHAD SNGAGS RIM CHEN MO'I BSHAD LUNG GNANG BA'I DBU TSUGS, RGYUD SDE 'OG MA GSUM RDZOGS NAS BLA MED RGYUD KYI GSUNG BSHAD TSUGS MTSAMS SU BSHES GNYEN CHEN PO YE SHES RGYAL MTSAN NAS RGYU YON SBYAR TE TSOGS MCHOD RGYAS PA MDZAD CING NGO MTSAR CHE BA'I GSUNG BSHAD DANG BCAS RIM GYIS STZAL BAR ZLA BA DRUG PA'I TSES BCO BRGYAD LA LEGS PAR GRUB STE BCU DGU'I NYIN DPAL 'KHOR LO SNGOM PA'I TSOGS 'KHOR GNANG, DGE PA'I BSHES GNYEN YE SHES RGYAL MTSAN NAS KYANG BKA' DRIN GTANG RAB TU BLA MA MCHOD PA DANG
'BREL BA'I TSOGS KYI 'KHOR LO MDZAD DE DNGOS 'BUL DANG BCAS ZHABS BRTAN GSOL 'DEBS ZHUS, SER 'BRAS KYI GRVA BA DRUG BSTEN RDZOGS DANG BCOS BRGYAD DGE TSUL BSGRUBS, ZLA BA DRUG BA'I TSES NYER BZHI LAG ZHIS ZHOL DBANG 'DUS KHANG GSAR BAS TSOGS DBUR SPYAN DRANGS TE ZHABS BRTAN PHUL, GDUGS DKAR GYI BSTOD PA DANG SGROL MA'I LUNG GNANG, TSOGS CHEN DGE BSKOS RGYAL CHEN RTZE PA DKA' BCU BSOD NAMS BZANG POS, DBYAR GNAS KYI SKABS 'DIR RJE BLA MA MCHOG GI BKA' RTZOM GYI LUNG SNGON STZAL GYI 'PHRO GANG YOD DANG, TSAD MA RNAM 'GREL GTZO BOR GYUR PA'I GZHUNG LUGS CHEN PO RNAMS KYI BSHAD PA 'DUS TSOGS SU STZOL DGOS ZHES GSOL BA BTAB PAR BRTEN, NYIN DER DGONGS JA'I THOG TSOGS DBUR PHEBS NAS NYIN GSUM GYI RING GSUNG 'BUM GYI 'PHRO GNANG, DE NAS RNAM 'GREL, THAR LAM GSAL BYED, RIGS PA'I RGYA MTSO, RNAM 'GREL t'IKA CHUNG, RIGS RGYAN, SMON t'IKA ,RTA NAG DGE 'DUN BLO BZANG GI RNAM 'GREL SPYI THAL RNAMS GUNG BSGRIGS TE TSAD MA RNAM 'GREL GYI BSHAD PA DANG, DBU PHAR, 'DUL MDZOD SOGS GZHUNG LUGS CHEN PO RNAMS KYI BSHAD PA STZAL BAR GSUNG GDANGS SHIN TU MTHO BA'I DBANG GIS 'DU KHANG DANG, DE'I STENG DU 'KHOD PA THAMS CAD KYIS TSIG 'BRU GSAL BAR GO ZHING DKA' BA'I GNAS KYI MDUD PA DGROL BA'I GSUNG BSHAD DANG BCAS ZHAG NYER GCIG GI RING NYIN LTAR CHOS THUN RE STZOL PAR MDZAD, CHOS KYI SPYAN DANG LDAN PA'I DGE BA'I BSHES GNYEN RNAMS NI YID KYI CHU GTER DAD PA'I RLUNG GIS BSKYOD PAS DGA' SPRO'I
, ,RLABS 'PHRENG G-YO BAR GYUR CING, BLO GSAL RKANG DRUG LDAN PA'I TSOGS RNAMS GZHUNG LUGS PADMA'I TSAL DU LUNG RIGS SBRANG RTZI'I DGA' STON MYONG BA LA BRTEN NAS RNAM PAR DPYOD PA'I LUS STOBS RGYAS TE DGAG SGRUB SPANG GSUM GYI RTZOD PA'I DBYANGS SNYAN DAR DIR SGROG PAR GYUR TO, ,ZLA BA BDUN PA'I NANG DU GDAN SA DANG PHYOGS 'DUS BCAS GRVA PA NYI SHU RTZA DRUG BSNYEN RDZOGS BSGRUBS, TSES BCO LNGA'I NYIN GONG GSAL GYI GSUNG CHOS GRUB PA'I MJUG TU MCHOD TSOGS RGYA CHEN PO DANG BCAS SEMS BSKYED PA'I CHO GA MDZAD DE THOS BSAM, RIGS LUNG, BLO 'DZIN, SKYOR SBYANG SOGS LA BRTZON DGOS PA'I BKA' NAN TAN DU PHEBS, DGE BSKOS NAS KYANG GTANG RAG GI MCHOD SPRIN SPROS, 'BRUG SDE SRID NAS SKU'I MTSAMS ZHU BA MI SNA CHED DU MNGAGS 'BYOR MDUN ZHU YIG RAS CHA SOGS DNGOS 'BUL SBAM MTHO BA BSTAR, MI SNAR JA GRAL THOG BKA' 'DRI ZHIB TU PHEBS, 'BRUG PA'I BLA MA KARMA DPAL 'BAR GYIS SKYES BU GSUM GYI KHRID MDOR BSDUS GO BDE BA ZHIG DGOS ZHES GSOL BAR, LHO 'BRUG NAS CHOS DGOS ZER BA DA LAM MIN PA MA BYUNG GSUNG ZHING DGYES BZHIN DU ZHAL GYIS BZHES TE, SKYES BU GSUM GYI LAM GYI RIM PA'I GZAB KHRID GO BDE RMAD DU BYUNG BA ZHIG CHOS THUN GCIG LA RDZOGS PAR STZAL BAS KHONG PA MI PHYED PA'I DAD PA BRTAN PO THOB STE PHYIR THEGS, KARMA ZHVA DMAR SPRUL BA'I SKU RIN PO CHE PHEBS PAR MGRON DRUNG 'GA' ZHIG GIS RTA THAB KYI BSU BA DANG BCAS RJE BLA MA NYID DANG ZHAL 'DZOM GNANG STE THUGS SPRO BA'I GSUNG GLENG
MDZAD, TSES BCU DRUG LA GSANG SNGAGS RGYUD PA GRVA TSANG PA RNAMS NAS RJE BLA MA MCHOG GI SPYAN SNGAR CHOS SRUNG RNAMS KYI BSKANG GSO'I DBYANGS RGYUGS PHUL BAR THUGS SHIN TU DGYES PA'I GZENGS BSTOD KYI SGO NAS DGE 'DUN RNAMS LA PHYAG DBANG DANG ZHABS TOG YON SOGS BSNYEN BKUR RMAD DU BYUNG BA BSTAR, GONG MA BDAG PO CHEN PO NAS RJE NYID LA 'JA' SA 'BUL BAR CHED GNANG MI DRAG RNAMS DAR RTZE MDO BRGYUD NAS YONG GI YOD PA'I GNAS TSUL GZHUNG SA NAS SNYAN DU GSOL BAR BSU RING LA PAR DPON YE SHES MTHA' YAS DANG, BSU THUNG LA MGRON GNYER BLO BZANG DGE LEGS, LO TZ'A BA BLO BZANG MKHAS MCHOG BCAS RDZONG STA MDZAD, SNGON DU THOS BSAM 'CHAD NYAN GONG 'PHEL DGOS PA'I BKA' SLOB STZAL PA BCAS GRVA TSANG KHAG TU THUGS GNYER 'PHEL RGYAS JI LTAR YOD GZIGS RTOG GNANG BZHED THOG ZLA BA BDUN PA'I TSES NYI SHU'I NYIN DKYIL KHANG LEGS BSHAD GLING BLA SPYI NAS GRVA TSANG DU SPYAN DRANGS, THOG MAR GZIMS CHUNG DANG DE NAS CHOS GRVA'I KHRI LA ZHABS ZUNG BKOD DE 'DZIN GRVA SO SOR 'DZIN CHOS STZAL NAS CHOS GRVA GONG 'OG TU PHEBS TE BGRO GLENG MDZAD LUGS LA GZIGS RTOG GNANG, DE NAS RJE BLA MA MCHOG GIS GTZO MDZAD YONGS 'DZIN MKHAN RIN PO CHE, GRVA TSANG KHAG BZHI'I BLA MA, TSOGS CHEN DGE BSKOS RNAMS DANG GZHUNG LUGS RAB 'BYAMS SMRA BA'I DGE BA'I BSHES GNYEN, BLO GSAL DON GNYER GYI TSOGS DANG BCAS PA'I MKHAS MANG DGE 'DUN GYI SDE CHEN PO DPANG POR BZHUGS PA'I DBUS SU STAG MO BA DKA' CHEN BLO BZANG BKRA SHIS
, ,KYIS RNAM 'GREL, DBU MA, 'DUL BA, MDZOD, PHAR PHYIN RNAMS LA DAM BCA' BZHAG ,GZHAN MA 'GA' ZHIG BZHENGS NAS BGRO GLENG MDZAD DE GZHUNG LUGS BDUD RTZI'I CHU GTER LAS 'ONGS PA'I DGAG SGRUB DANG MO'I GLU DBYANGS CI YANG SGROGS PAS GZUR GNAS MKHAS PA MTHA' DAG GI RNA BA'I DGA' STON RGYAS PAR SPEL, RIGS LUNG GTONG MI RNAMS LA PHYAG MDUD DANG MDZOD BTAGS KYI DPA' DAR GA-YOGS, BLA SPYI THUN MONG NAS BSNYEN BKUR DANG DNGOS 'BUL BTEG CING TSOGS YONGS LA PHYAG DBANG GNANG, SPYI 'BUL GYI THOG NAS MAndAL, SKU GSUNG THUGS RTEN, NA BZA' SOGS NYER SPYAD RNAMS BZHES SHING, DE PHYIN PHYIR SLOG THOG KO RTZE 'KHOR DRUG NYI SHU RTZA GCIG DANG CHOS GRVA JA SBYOR SBREL GYI DGOS CHA DANG 'GYED KHA BTAGS RE DANG DNGUL SRANG RE BCAS GNANG, BLA MA LAS SNE RNAMS LA JA GRAL THOG PHYAG MDUD GNANG STE 'CHAD NYAN LA BRTZON PA LHUR LEN DGOS PA'I ZHAL TA NAN TAN DU PHEBS, 'DU KHANG GI RTEN RNAMS DANG MGON KHANG GI RTEN BCAS LA SNYAN SHAL MCHOD 'BUL BSKANG GSO DANG BCAS THUGS SMON DANG 'PHRIN BCOL MDZAD, TSES NYER GCIG LA SHAR RTZE BSAM GTAN GLING BLA SPYI NAS GRVA TSANG DU SPYAN DRANGS TE BSNYEN BKUR GZABS, 'DZIN GRVA SO SOR 'DZIN CHOS GNANG ZHING RGYAL CHEN RTZE PA DRUNG RAM PA YE SHES TSE RING GIS PO TI LNGA LA DAM BCA' BZHAG ,GZHAN MA RNAMS NAS BGRO GLENG MDZAD DE LUNG RIGS KYI DGA' STON SPEL BAR GZENGS BSTOD KYANG GONG BZHIN STZAL,
CHOS GRVAR BGRO GLENG LA GZIGS RTOG MDZAD PAR BLA SPYI NAS DNGOS 'BUL BSTAR, 'BUL SLOG KYANG GONG DANG 'DRA, 'CHAD NYAN YAR RGYAS SU 'PHEL DGOS PA'I ZHAL TA PHEBS SHING RTEN RNAMS LA SNYAN SHAL PHUL TE THUGS SMON GNANG, TSES NYER GNYIS LA THOS BSAM NOR BU'I GLING GI BLA SPYI NAS GRVA TSANG DU SPYAN DRANGS TE BSNYEN BKUR GZABS, 'DZIN GRVA SO SOR BRTZI BZHAG GNANG, GCEN LUNG PA DKA' CHEN BLO BZANG DBANG POS PO TI LNGA LA DAM BCA' BZHAG ,GZHAN MA RNAMS KYIS BGRO GLENG MDZAD DE LUNG RIGS SENGGE'I NGA RO'I SGRA DBYANGS BSGRAGS PAR GZENGS BSTOD KYANG STZAL, BLA SPYI NAS DNGOS 'BUL BSTAB PAR SLOG CHA SOGS GONG DANG 'DRA, TSAD MA 'DI YON TAN KUN GYI GZHI RTEN YIN PAS THOS BSAM LA 'BAD DGOS PA'I BKA' YANG STZAL, TSES NYER GSUM LA GSANG SNGAGS RGYUD PA GRVA TSANG DU SPYAN DRANGS, SNGA JA NAS BZUNG TSOGS DBUR PHEBS TE GSANG BDE 'JIGS GSUM GYI CHO GA MDZAD, TSOGS BAR LA CHOS GRVAR ZHABS ZUNG BKOD DE RGYUD GRVA TSOGS YONGS LA BSKYED RDZOGS KYI 'DZIN CHOS STZAL, JO MO RDZONG PA DKA' CHEN TSE RING CHOS 'PHEL GYIS BSKYED RDZOGS LA DAM BCA' BZHAG ,GZHAN MA RNAMS KYIS KYANG BSKYED RDZOGS LAS BRTZAM PA'I BGRO GLENG MDZAD PAR GZENGS BSTOD STZAL, BLA SPYI NAS DNGOS 'BUL BSTAR BAR SLOG CHA SOGS GONG DANG 'DRA, SNGAGS KYI 'CHAD NYAN DANG CHO GA PHYAG LEN SOGS YAR RGYAS SU GTONG DGOS PA'I BKA' YANG PHEBS, CHOS RGYAL GYI BSKANG GSO MDZAD, TSES NYER BDUN LA PHYAG MDZOD
, ,CHEN MO BLO BZANG TSE DBANG GI SNYUN GZHIR SNGON DU SMAN DPYAD RIM GRO RGYUN CHAGS BSGRUBS KYANG DVANGS SKYED MED PA'I KHAR SKU KHAMS RIM ZHAN DU SONG BAR BRTEN RJE NYID KYANG PHYAG MDZOD KYI GZIMS CHUNG DU ZHABS ZUNG BKOD DE; BKA' 'DRI ZHIB TU PHEBS SHING BYABS KHRUS DANG 'BREL PA'I TSE DBANG ZHIG STZAL PAS, DE GONG THUGS RIG BYINGS TZAM YOD PA SING DVANGS SU GYUR TE, LUS GNAD DRANG BOR BSRANGS SHING PHYAG THAL MO SPYAR NAS, SKYABS MGON CHEN PO BSTAN 'GRO'I DPAL DU ZHABS PAD BRTAN PA DANG, BDAG NYID SKYE BA NAS TSE RABS THAMS CAD DU RJES SU 'DZIN DGOS PA'I SKYABS 'JUG ZHUS, RJE NYID NAS KYANG RJES 'DZIN GYI ZHAL BZHES BZANG PO MDZAD, MDZOD PA YANG DUS KYI CHOS NYID MNGON DU GYUR TE YI DAM GYI LHA LA GSOL 'DEBS DANG, GZUNGS SNGAGS KYI BZLAS BRJOD LA BRTZON BZHIN PA'I MUR NYIN DE'I GUNG YOL TZAM LA SKU GSHEGS, TSUL DER RJE NYID KYANG THUGS G-YENG CHER MDZAD CING RJES 'DZIN GYI BSNGO SMON SKYABS 'JUG GNAD SMIN MDZAD, SNGAR NAS PHYAG MDZOD SBUGS SU SKU BUR GYI RIGS 'JOG SROL MED TSUL ZHUS PAR, SKYON MED, NGED RANG GI BKAS KHROL PHYIN GRIB DANG MI GTZANG BA'I RNAM RTOG NGAN PA CI'ANG MI DGOS, ZHAG BDUN PHRAG GCIG GI RING DE KAR BZHAG NAS SNGAGS CHEN DANG THOS BSAM GLING ZHAL SNGA NAS GNYIS, MDOR SNGAGS GRVA DGE BSHES BRGYAD BCAS NAS CHO GA GANG RGYAS MDZAD NGOS, MTHAR SKU BUR ZHUGS LA 'BUL DGOS PA'I ZHAL BKOD MDZAD,
PO TA LAR RJE BTZUN MCHOG GI SPRUL PA'I SKU RIN PO CHER YANG RJES 'DZIN GYI SKYABS 'JUG MGYOGS BSNGO ZHU RTEN GSER DNGUL SOGS BRGYAD TSAN PHUL, MCHOD KHANG SHAR NUB KYIS MTSON LHA KHANG SO SO'I RTEN RNAMS KYI DRUNG DU MCHOD 'BUL RGYA CHEN PO DANG 'DUS TSOGS SU MANG JA 'PHAR MA'I THOG DNGUL SRANG RE'I 'GYED, BSNGO RTEN RNAM GZHAG RGYAS PA BCAS BSTAR, RGYAL DBANG MCHOG SPRUL RIN PO CHE'I SKU ZHABS SU GSUNG BSNGO ZHU RTEN SBAM MTHO BA DANG, NO MON HAN DE MO SPRUL PA'I SKU DANG, YONGS 'DZIN KHRI PA GNYIS LA YANG BSNGO RTEN BCAS 'BUL BAR MGRON GNYER BLO BZANG RAB BRTAN RDZONG STA MDZAD, GZHAN YANG LHA LDAN JO SH'AKA RNAM GNYIS DANG RANG BYON LNGA LDAN, 'PHAGS PA LO KE SHVA RA, GSER GDUNG 'DZAM GLING RGYAN GCIG DANG BKRA SHIS 'OD 'BAR, DGA' LDAN GSER GDUNG RIN PO CHE, RVA SGRENG JO BO 'JAM DPAL RDO RJE, RDZING PHYI'I BYAMS PA RANG BYON GSUM LDAN, BYAMS PA GLING CHOS SDE DANG CHOS 'KHOR RGYAL GYI BYAMS PA BCAS LA SNA LNGA'I MCHOD PA BRGYA STONG PHRAG MANG PO SNYAN SHAL DANG BCAS PA, SER 'BRAS DGE GSUM, RGYUD STOD SMAD, RVA SGRENG, RNAM RGYAL GRVA TSANG, PHUR BU LCOG RNAMS SU MANG JA BZHI RE DANG 'GYED DNGUL BAL tAM RE, DE PHYIN DBUS LHO BYANG GI DGON KHAG RNAMS LA MANG JA GONG MTSUNGS DANG 'GYED DNGUL ZHO RE, SO SOR BSNGO RTEN RNAM GZHAG DANG BCAS DRUNG 'KHOR CHED RDZONG MDZAD CING, GSANG SNGAGS RGYUD PA GRVA TSANG DANG DBEN SA CHOS KYI PHO BRANG, GTZANG RONG GI DGON KHAG RI KHROD KYI SDE DANG BCAS PA
, ,RNAMS SU'ANG MANG 'GYED SOGS DGONGS RDZOGS RNAM DKAR RGYA CHEN PO BSGRUBS PA GNANG, ZLA BA BRGYAD PA'I TSES GCIG LA GRVA PA BCU GNYIS BSNYEN RDZOGS BSGRUBS, KHAMS RMI LI BLA MAS MI SNA CHED MNGAGS MDUN GSER DNGUL SOGS KYI DNGOS 'BUL BSTAR, RMI LI BA DANG SER 'BRAS SOGS GRVA PA SUM CU BSNYEN RDZOGS BSGRUBS, RMI LI BA SOGS LNGA BCU SKOR LA TSE DBANG DANG DGA' LDAN LHA BRGYA MA'I GZAB KHRID STZAL TE RMI LI BA RNAMS LA THON PHYAG GNANG, SKYID SKYID NA GAR RGYAL YUM BLO BZANG CHOS KYI SGROL MA'I SKU GAM DU NYIN GNYIS ZHABS ZUNG BKOD DE TSE DPAG MED LHA DGU'I DBANG BZHED PA LTAR STZAL, DNGUL DANG GOS DAR, JA MAR BCAS SKU RIM SGRUB THEBS PHON CHE BA BSTAR TE GANG CI'I GSUNG BGROS MDZAD, TSES GNYIS KYI NYIN KHU BO RJE DRUNG BLO BZANG PHUN TSOGS DANG SKU BCAR NGAM RING MKHAN PO BLO BZANG YAR 'PHEL, GSOL DPON YE SHES RAB BRTAN, SKU BCAR RJE DRUNG YE SHES DKON MCHOG ,SKU BCAR BLO BZANG DGE 'DUN SOGS NAS 'PHRIN LAS PA CHEN PO DE NYID KYI CHED DU GSUNG BSNGO ZHU RTEN DNGUL GOS DAR SOGS MANG DU PHUL BAR BSNGO SMON GYI RGYAS 'DEBS YANG DAG MDZAD, DE NAS MI RING BAR RGYAL DBANG MCHOG SPRUL RIN PO CHE NAS PHYAG MDZOD DE NYID KYI DGONGS RDZOGS SGRUB SLAD CHED GNANG RTZE DRUNG SKAL BZANG CHOS DBANG 'BYOR TE 'DUS SDER MANG 'GYED DANG, RJE NYID LA YANG GSUNG BSNGO SKYABS 'JUG ZHU RTEN PHUL, DE MTSUNGS DE MO RIN PO CHE NAS KYANG PHUL BA BDAG GIR BZHES TE
BSNGO SMON GYI RGYAS 'DEBS YANG DAG PA MDZAD, DE'I PHYI NYIN GZHUNG SA NAS RGYU YON SBYAR TE RJE BLA MA MCHOG GIS GTZO MDZAD CHOG ROGS PA BCU DANG BCAS RDO RJE 'JIGS BYED KYI BDAG 'JUG TSOGS 'KHOR SOGS SMON LAM DANG BCAS PA MDZAD CING ZHABS TOG DANG YON GZABS, ZHU LAN DANG BCAS RTZE DRUNG NGO G-YOG LA THON PHYAG GNANG, TSES BCU GSUM LA GONG MA CHEN PO'I 'KHRUNGS SKAR ZHABS BRTAN GONG BZHIN BSGRUBS, ZLA BA DGU PA'I TSES GCIG NAS BZUNG PHYOGS 'DUS SER SKYA MANG POR PHYAG DBANG STZAL, GNAM SKOS 'JAM DBYANGS GONG MA CHEN PO NAS 'JA' SA GSER SAM SOGS STZOL BAR AA SA HAN KVAN AAM PAN DANG JA SAG BLA MA NGAG DBANG DPAL 'BYOR HU THOG THU, RIM PA GSUM PA'I KHI YA THA'I BU, JAR BI SOGS MNGAGS GNANG ME KHYI ZLA BA DGU PA'I TSES BCU BDUN GYI NYIN GANG NA SA CHEN POR 'BYOR RGYUR, ZUR BZHI'I BLA MA, TSOGS CHEN DGE BSKOS, MGRON GNYER RAB 'BYAMS PA BLO BZANG DGE LEGS, LO TZ'A BA BLO BZANG MKHAS MCHOG ,RDZONG GZHIS LAS SNE 'DZIN MI BCAS DRUNG 'KHOR MANG PO, GRVA TSANG SO SO'I SPYI MI, MI TSAN KHAG GI RGAN PO, HAR GDONG DGE RGAN DANG GNYER PA, RJE DRUNG, LHA BTZUN, GZHIS RTZE RDZONG YONG LAS BYED, GNAS KHAG TSONG DPON SOGS SER SKYA RTA BA BRGYA PHRAG MANG PO'I CHIBS BSU DANG GZHIS RTZE ZAM CHEN GYI SHAR DU THAB BSU, GZIMS KHANG GI STENG SOGS SU DAR 'PHYAR RGYAS PA, GSANG SNGAGS RGYUD PA GRVA TSANG TSOGS YONGS THOG MTSAN NYID GRVA TSANG KHAG GSUM TSO BSDUS SOGS KYI DGE 'DUN ?
, ,PHRAG MANG PO'I SER SBRENG SOGS BKOD PA PHUN SUM TSOGS PAS MDUN BSUS SHING, RJE BLA MA MCHOG KYANG GZIMS CHUNG NYI 'OD KYI MTHONGS SU PHEBS NAS BSU BA MDZAD DE, THOG MAR GONG MA BDAG PO CHEN PO'I SKU'I MTSAMS ZHU GNANG, DE NAS BZHUGS KHRI'I MDUN DU PHEBS 'PHRAL LUGS GNYIS LA RNAM DPYOD YANGS PA BKA' BLON DGA' BZHI GUNG PAndI TAS, GZENGS BSTOD BSNGAGS BRJOD KYI BKA' LUNG GSER GYI YI GE RNAMS BSGRAGS PAR, TSE RING GNAM GYI SHE MONG BTZAN POS SA STENG YONGS LA MNGA' BSGYUR BA HVA NGA TI'I BKA', BDAG SA STENG GI SKYE 'GRO MA LUS PA LA KHRIMS KYI KHA LO BSGYUR BA, SKYE 'GRO THAMS CAD BDE SKYID LA 'GOD PA, BKA' KHRIMS BZANG POS RGYA MTSO BZHI'I KHONG DU KHYAB PA, BYAMS BRTZE'I DGONGS PA MTHAR THUG PHYOGS DUS KUN TU SKYONG BA'I DRIL BSGRAGS PA YIN PAS, SU ZHIG RANG GI BSLAB KHRIMS LA BRTZON ZHING RMAD BYUNG DAM PA'I SPYOD PA LA TSUL BZHIN SLOB PAS MNGON PAR 'PHAGS PA RNAMS LA, GDON MI ZA BAR BRTZE BA'I BKA' BZANG PO'I SGO NAS ZHVA SER GYI BSTAN PA'I DBU 'PHANG BSTOD PA YIN, KHYOD NI BSTAN PA'I DE NYID RTOGS SHING T'A LA'I BLA MA'I DBU BLAR GYUR PA YIN PAS, SKU TSE SNGON MAR GRUB PA'I GO 'PHANG THOB CING, SKU TSE 'DI YI 'DUL KHRIMS GTZANG MA YANG GSAL BAR BYAS, SPRUL SKU BYON PA NAS BRTZAMS TE SKU YIN TSOD RIM GYIS MTHO BAS, NGED NAS 'JA' SA GSER YIG STZAL NAS KHYOD LA SNGAR BZHIN PAn CHEN AER TE NI ZHES PA'I GZENGS BSTOD BYAS TE BKRA
SHIS LHUN PO'I SDE CHEN GYI GTZO BOR GZENGS BSTOD, KHYOD KYANG DGE 'DUN SPYI MANG LA 'DUL KHRIMS KYI DRIL BSGRAGS TE DAM PA'I SPYOD TSUL LA NAN TAN BYAS NAS DBUS GTZANG DU BSTAN PA RNAM DAG SNGAR BZHIN SPEL BA DANG NGED KYI YUL DBUS 'DIR SEMS RTZE GCIG GIS PHU DUD LEGS PAR GYIS, BRTZON PAR GYIS, GNAM SKYONG DGUNG LO SUM CU BA'I DGUN ZLA DANG PO'I TSES BZHI LA, ZHES PA'I GSER GYI LUNG BOD SOG MAN JU'I YIG RIGS GSUM BSGRIGS YOD PA'I 'JA' SA GSER SRANG NYIS BRGYA SUM CU LAS GRUB PA'I GLEGS BU BLTAB BCU GSUM PA DANG, GSER SRANG NYIS BRGYA DANG BRGYAD LAS GRUB PA'I THAM GZHAL BYANG LA BKA' YIS BKUR PA'I PAn CHEN AER TE NI'I THAM GA ZHES MAN JU, SOG PO, BOD GSUM GYI YI GE YOD PA PAn CHEN SKU GONG MA'I SKABS STZAL BAS THUS PA GNANG ZHING, MDZOD BTAGS DANG GOS CHEN YUG MANG PO, DNGUL DANG SHEL GYI SPYAD PA BCAS SBAM MTHO BA STZAL, AA SA HAN KVAN AAM PAN NYID NAS 'JA' SA GSER SAM RJE NYID KYI PHYAG TU 'BUL BA MDZAD PAR GUS 'DUD CHEN POS BZHES SHING, DE NAS GNANG RTEN RNAMS STZAL GRUB RJES, RJE NYID NAS 'JAM DBYANGS GONG MA CHEN POS BSTAN 'GRO MTHA' DAG LA GZIGS PA RMAD DU BYUNG BAS BSKYANGS SHING, BDAG NYID LA'ANG GZIGS PA MCHOG TU DGE BAS 'JA' SA GSER SAM, GNANG SBYIN RGYA CHEN PO BCAS STZAL PA BKA' DRIN CHE TSUL SOGS RGYAS PAR ZHU BA GNANG, MKHYEN BRTZE'I GTER CHEN GANG GI GSANG GSUM GYI, ,RMAD BYUNG YON TAN PADMA'I 'KHRI SHING NI, ,
, ,TSUL KHRIMS DRI BSUNG GSAR BAS 'KHYUD PA YIS, ,'KHOR BSGYUR THUGS KYI BUNG BA PHROGS GYUR TE, ,GSER GYI GLEGS BU RIM PAR BRTZEGS PA'I NGOS, ,BSTOD BKUR BSNGAGS PA'I BKA' YI RI MO CAN, ,LEGS PAR STZAL TE 'DZAM GLING BSTAN 'GRO YI, ,CHOS KYI RGYAL SRID CHEN POR DBANG BSKUR MDZAD, ,STOBS 'BYOR ZHAGS PAS RGYA MTSO'I GOS CAN KUN, ,'CHING BA'I DPAL LDAN 'DZAM GLING BDAG PO'I BKAS, ,KHYOD LA BSTI STANG BYED PA 'DI LTA NA, ,DREGS LDAN PHAL GYIS MI 'DUD RANG DBANG CI, ,DE NAS BKAS MNGAGS PA'I MI DRAG SER SKYA RNAMS DANG, SI KHRON TZONG DU'I MTSAMS ZHU 'BUL MI, BKA' BLON DGA' BZHI GUNG, SKU BCAR GANGS CAN MKHAN PO, GTZANG MDA' DPON GSUM, GSANG SNGAGS DGA' TSAL GYI LNGE CHUNG PA RDO RJE SOGS LA STON CHEN GYI THOG BKA' MCHID DANG LEGS SKYES BSTAR, GONG MA CHEN POR PA YAR 'BUL MI RJES SU GNANG RGYU LA, SNGON MGYOGS SU BKA' DRIN LA THUGS RJE CHE ZHU BA'I ZHU YIG 'BUL RTEN DANG BCAS PA GRE'U TZE'I THOG 'BUL BA MDZAD, DE'I PHYI NYIN TSOMS CHEN DU RJE BLA MA MCHOG GIS GTZO MDZAD, AA SA HAN AAM PAN SOGS BKAS MNGAGS PA'I MI DRAG SER SKYA 'KHOR BCAS, ZHVA DMAR SPRUL PA'I SKU RIN PO CHE, ZUR BZHI'I BLA MA, TSOGS CHEN DGE BSKOS, RJE NYID KYI ZHAM RING BA BCAS PAR, BKA' BLON GUNG PAndI TA DANG SKU BCAR GANGS CAN MKHAN PO NAS KHUR LEN MDZAD DE GZHUNG SA NAS RGYU YON SBYAR TE STON CHEN RGYAS PA'I THOG RTEN
'BYUNG GI DNGOS PO SBAM MTHO BA PHUL NAS BKA' BLON GUNG NYID NAS BSNGAGS BRJOD KYI GZENGS BSTOD DANG 'BREL BA'I LEGS SO BRJOD PA'I SNYAN 'BUL RGYAS PAR ZHUS SHING, BKAS MNGAGS PA'I MI DRAG RNAMS LA'ANG LEGS SKYES SBAM MTHO STZAL; DE BSTUN NO MON HAN DE MO SPRUL PA'I SKU RIN PO CHE NAS KYANG LDE CHUNG PA RDO RJE CHED MNGAGS KYI GDONG GSER DNGUL GOS DAR SOGS KYI SKYES BZANG BSTAR, BKA' BLON THUN MONG NAS LEGS 'BUL SBAM MTHO DANG BKA' BLON GUNG PAndI TA SGER NAS KYANG DNGUL SRANG CHIG STONG GIS MTSON PA'I LEGS SKYES, GZHAN YANG YONGS 'DZIN RIN PO CHE DANG RGYAL YUM SRAS BCAS, GUNG, JA SAG, RTZE SHOD KYI ZHABS PHYI DRAG 'BRING DKYUS GSUM BCAS NAS RANG 'BYOR DANG BSTUN PA'I LEGS SKYES BSTABS, SA SKYA BDAG CHEN NAS LDE CHUNG BA CHED DU MNGAGS MDUN LEGS SKYES RGYA CHEN PO DANG, SKU BCAR GANGS CAN MKHAN PO, DBUS GTZANG GI TSE CHEN, GTZANG MDA' DPON GSUM SOGS NAS RANG 'BYOR DANG BSTUN PA'I GSER DNGUL JA GOS DAR SOGS KYI LEGS 'BUL ZHUS, TSES NYER GNYIS LA STON 'KHOR TSANG MAR BLA BRANG NAS RGYU YON SBYAR TE STON CHEN THOG GRAL 'PHROS, TSOGS LANG, GAR ROL SOGS GSOL STON SNGA MA RNAMS KYI SKABS LTAR DANG LHA SDE MI SDE SPYI NAS RJE NYID LA LEGS SKYES DNGOS 'BYOR GYI MCHOD SPRON SPROS TE SNGAGS CHEN ZHAL SNGA NAS KYIS BDEN TSIG DANG 'BREL BA'I LEGS SO BRJOD, BKAS MNGAGS PA'I MI DRAG RNAMS LA'ANG MDZOD BTAGS SPOS
, ,SNAM SOGS KYI LEGS SKYES BSTAB CING DRUNG 'KHOR RNAMS NAS KYANG KHA BTAGS PHUL, DUS 'DIR ZHVA DMAR BSTAN PA'I GSAL BYED SPRUL PA'I SKU RIN PO CHE NAS GSER DNGUL, GOS DAR, JA 'KHOR DRUG BRGYA SOGS DNGOS 'BUL DANG BCAS ZHABS BRTAN PHUL, AA SA HAN AAM PAN SOGS MI DRAG RNAMS NAS KYANG SHEL GYI SPYAD PA SOGS SGER 'BUL BSTABS, JA SAG BLA MA NGAG DBANG DPAL 'BYOR HU THOG THU NAS BUDDH'A P'A LI TA'I LUNG DANG GCOD STAN THOG GCIG MA DANG DGA' LDAN LHA BRGYA MA'I KHRID BCAS DGOS TSUL GSOL BA BZHED PA DANG SBYOR BA MDZAD, JA SAG BLA MA'I ZLA BO GSUM BSNYEN RDZOGS BSGRUBS, AA SA HAN AAM PAN LHA SAR LAS DON LA BZHUGS RGYU DANG; DE PHYIN PE'I CING PHO BRANG CHEN POR PHYIR THEGS MDZAD RGYU LA, TSES NYER LNGA'I NYIN STON CHEN THOG SKU BRNYAN, SPOS SNAM SOGS GNANG SKYES SBAM MTHO BA STZAL, TSES NYER BRGYAD KYI NYIN SA DMAR DU RTA THAB KYI SKYEL MA DANG KHA RO LA PHAR NANG BAR LO TZ'A BA BLO BZANG MKHAS MCHOG ,SKYEL RING CHED KHAMS LHA RI BAR MGRON GNYER BLO BZANG RAB BRTAN DANG PAR DPON YE SHES MTHA' YAS BCAS CHED RDZONG MDZAD, DE'I PHYI NYIN MCHOD KHANG CHEN MO GNYIS DANG 'DU KHANG DU STONG MCHOD SNA LNGA TSAR LNGA RE DANG, LHA KHANG BYINGS LA STONG MCHOD SNA LNGA TSAR GCIG, RTEN GYI GTZO BO RNAMS LA LHA RDZAS SNA LNGA LA SOGS PA'I SNYAN SHAL, SHER PHYIN LHA KHANG GI RTEN GTZOR MGUL RGYAN DU AIndUR nA DANG BYU RU, RANG BYUNG SPOS SHEL BCAS KYI PHRENG BA RJE NYID
KYI PHYAG PHRENG YUN RING GNANG BA GSUM DANG GONG MA CHEN POS STZAL PA KLU 'JIM DANG RIN PO CHE SNA TSOGS LAS GRUB PA'I PHRENG BA GCIG ,LDEM GNYIS LA SHEL PHRENG RGYAN LDAN RE, YUM CHEN MOR SNYAN DAR ZHAL BYANG CAN BCAS 'BUL BA GNANG, GZHAN YANG LHA KHANG RNAMS SU MCHOD RDZAS DNGUL GYI MAndAL, GONG MA CHEN PO NAS GNANG BA SOGS KYI G-YANG tI DANG SHEL, GU GU SHA, DKAR YOL SOGS KYI SPYAD PA NGO MTSAR CAN RNAM MANG, LHA RDZAS BZANG PO SNA LNGA LA SOGS PA'I SNYAN SHAL, CHOS SRUNG RNAMS LA SPYAN GZIGS RMAD DU BYUNG BA RNAMS PHUL NAS 'JAM PA'I DBYANGS GONG MA BDAG PO CHEN PO ZHABS PAD BRTAN CING CHAB SRID DAR ZHING RGYAS PA, DE'I MTHU LA BRTEN NAS YANGS PA'I RGYAL KHAMS RNAMS SU NAD MUG G-YUL 'KHRUG SOGS MI MTHUN PA'I RGUD PA MTHA' DAG ZHI BA, RGYAL DBANG MCHOG GI SPRUL PA'I SKU RIN PO CHES GTZO MDZAD BSTAN 'DZIN GYI SKYES BU RNAMS ZHABS BAD BRTAN CING BSTAN PA RGYAS PA, 'GRO KUN GNAS SKABS CHOS 'BYOR BDE SKYID KYI DPAL LA SPYOD CING MTHAR THUG BLA NA MED PA'I BYANG CHUB THOB PA BCAS KYI THUGS SMON RLABS PO CHE CHOS SRUNG LA 'PHRIN BCOL DANG BCAS PA GNANG, ZLA BA BCU PA'I NANG DU LDE CHUNG PA BLO BZANG SMON LAM GYIS KHUR BLANGS TE MNGA' 'OG TU GTOGS PA'I LHA SDE MI SDE TSANG MAS SPYI BSDUS KYI LEGS 'BUL ZHU BA'I CHED TSOGS DBUR SPYAN DRANGS TE DNGUL GYI MAndAL, SKU GSUNG THUGS RTEN, NA BZA' NYER SPYAD, DNGUL RTA RMIG BRGYA DANG GCIG SOGS KYI DNGOS 'BUL SBAM MTHO BA BTEGS NAS ZHABS BRTAN BDEN TSIG
, ,BRJOD, 'DUS TSOGS SU DNGUL SRANG RE'I 'GYED BTANG, DE NYIN BLA BRANG NAS RGYU YON SBYAR TE STON 'KHOR TSAD MAR GSOL STON RGYAS PA BSTAR, KHU BO RJE DRUNG BLO BZANG PHUN TSOGS DANG, BKRA SHIS RTZE'I SDE PA TSE DBANG DAR RGYAS GNYIS SO SO NAS DNGOS 'BUL BTEG ,GZHAN YANG GZHIS RTZE'I RDZONG DPON DANG GZHIS ZHOL GNAS KHAG, TSONG DPON, 'GU BZANG, KHA CHE, BAL BU, SDINGS CHEN NAS DANG BKRA SHIS MTHONG SMON PA, 'DUL BYUNG RDZONG DPON, RLANGS PA GSER GLING GI BLA MA, PO DONG GNYER PA BKRA SHIS KHUD PA, DUS 'KHOR CHOG GRVA BA RNAMS DANG MTSAN NYID ZHABS PHYI, SU GE MDA' PA MKHAR DPON DANG, STONG SGAR DPON RNYING PA DVAGS PO BHRUM PA BA, KARMA BSTAN PA'I GSAL BYED ZHVA NAG SPRUL PA'I SKU RIN PO CHE, 'BRAS SPUNGS SGO MANG BLA SPYI DANG SE RA AUR GE GRVA TSANG BLA SPYI, RI GDONG ZHABS DRUNG BCAS NAS LEGS CHA'I DNGOS 'BUL BSTAR, GDAN SA'I DBU MDZAD GZHON PA SOGS DANG SER 'BRAS PA BCAS GRVA PA SUM CU SO GCIG BSNYEN RDZOGS BSGRUBS, SKU BCAR GANGS CAN MKHAN PO DANG SDE PA TSE DBANG SOGS MI BZHI BCU SKOR LA GRUB RGYAL LUGS KYI TSE DBANG STZAL, RLANGS PA GSER GLING GI BLA MA DKA' CHEN DGE BSNYEN LA MGON PO TSE BDAG GI TSE DBANG BSKUR TSUL GSAR RTZOM GYI LUNG GNANG STE CHOS KYI GSUNG GLENG MDZAD, MNGA' RIS ZANGS DKAR GYI GRVA PA BCU BZHI DGE TSUL DANG, SER 'BRAS PA DANG DGA' BA GDONG PA SOGS GRVA PA BCU BZHI BSNYEN RDZOGS
BSGRUBS, MGRON GNYER RAB 'BYAMS PAR TSE DBANG STZAL, SGO MANG RAB 'BYAMS PA BSOD NAMS DBANG RGYAL GYIS ZHUS NGOR DGE BA'I BSHES GNYEN 'GA' ZHIG LA LAM RIM BSDUS DON GYI KHRID LUNG GNANG, RAB 'BYAMS PA KHONG PA SKU YON CHE GSHIS CHOS KYI GSUNG GLENG MANG DU 'PHEL ZHING THUGS DGYES PA CHEN PO MDZAD, TSES BCU BZHI NAS BZUNG NYIN GSUM GYI RING CHOG ROGS PA SUM CU DANG BCAS BSKANG GSO GNANG, LCAGS RA SPRUL PA'I SKU NAS GNYER PA CHED MNGAGS KYI GDONG LEGS SKYES BSTAR, ZLA BA BCU GCIG PA'I TSES GCIG LA GONG NAS 'JA' SA GSER SAM STZAL BAR LEGS 'BUL GYI ZHU YIG SKYES BZANG GIS SPA BA DANG BCAS MGRON GNYER RAB 'BYAMS PA BLO BZANG DGE LEGS RDZONG STA MDZAD, LA DVAGS KYI GRVA RGYUN SUM CU DGE TSUL DANG, GDAN SA DANG DGA' LDAN PA'I GRVA PA LNGA BSNYEN RDZOGS BSGRUBS, GSER SAM STZAL BA'I LEGS SKYES SU LA MO CHOS SKYONG CHEN POS RTEN 'BYUNG GI BDOG PA BSTAR, TSES BCU BDUN LA BKRA SHIS RTZE'I LCAM SRAS BCAS NAS TSOGS DBUR SPYAN DRANGS TE DNGOS 'BUL DANG BCAS ZHABS BRTAN PHUL, SHAR RTZE ZHAL SNGA NAS YON TAN RGYAL MTSAN GYIS ZHUS DOR PHYAG DRUG PAS GTZOS CHOS SRUNG SPYI DANG TSANGS PA BCAS LA GTOR MA 'BUL TSUL GSAR RTZOM MDZAD DE LUNG YANG GNANG, RONG DGA' LDAN BYAMS PA GLING DU ZLA BA GNYIS KYI RING TSE MDO GSUNG SGROG MDZAD RGYU'I DGOS CHA DANG, RJE BTZUN BYAMS MGON LA STONG MCHOD SNA LNGA'I THOG MDZOD GOS GZHI SER GSER JUS MAS MTSON
, ,LHA RDZAS SNA LNGA'I SNYAN SHAL 'BUL RGYU STZAL TE BSTAN PA RGYAS PA'I THUGS SMON GNANG, TSES NYER GCIG LA NYI LDOG DANG BSTUN SKU MTSAMS MDZAD DE ZAB LAM RIM PA GNYIS KYI RNAL 'BYOR LA GZHOL BAR MDZAD, ZLA BA BCU GNYIS PA'I NANG DU BRGYAD MCHOD KYI GLING ME HA CANG BZHES PA MA BYUNG BA'I GNAS TSUL ZHUS PAR, THAMS CAD MKHYEN PA DGE 'DUN GRUB KYI SKU GDUNG RIN PO CHE'I SKU MDUN DU ZHAG BCO LNGA'I RING NYIN LTAR BRGYA MCHOD SNA LNGA TSAR RE DANG, DGE SLONG BRGYAD GRVA NAS SGROL MA MAndAL BZHI PA'I CHO GA MDZAD DGOS PA'I BKA' PHEBS PA BZHIN 'PHRAL DU BSGRUBS, TSES BCO BRGYAD LA SKU MTSAMS GROL, DE'I PHYI NYIN SKYID SKYID NA GAR ZHABS ZUNG BKOD DE RGYAL YUM BLO BZANG CHOS KYI SGROL MA LA RJE BTZUN RDO RJE RNAL 'BYOR MA'I RJES GNANG STZAL CING THUGS DGYES PA'I GSUNG GLENG MDZAD, TSES NYER BDUN LA BSAM SDINGS SPRUL SKU MJAL BAR BYON TE PHYAG DBANG DANG JA GRAL GNANG, LO 'DI NANG SA RDOR GDAN PA BLO BZANG RGYAL MTSAN GYIS SMON t'IKA GI RGYUGS PHUL BAR GNANG CHAR KHA BTAGS, GOS KHA GSUM, SMAN KHA GSUM, BYANG DAR KHA BZHI, SHAM THABS, BAN GZAN, LHO RAS YUG BCAS GNANG, THON PA DKA' CHEN YE SHES DBANG PHYUG DANG, SPOR TOG PA DKA' CHEN RIN CHEN GYIS GSANG 'DUS BSKYED RDZOGS, MDANGS CHEN PA BLO BZANG RDO RJE DANG GU GE BA YON TAN ZLA BA GNYIS KYIS PHAR PHYIN, SPANG YUL BDE BA CAN PA BLO BZANG BSHES GNYEN, LEGS
BSHAD GLING BA BLO BZANG BKRA SHIS DANG BLO BZANG PHYOGS GLANG, BLO BZANG BSTAN RGYAN, BDE YANGS PA BLO BZANG YAR 'PHEL, STAG MO BA BLO BZANG BSHES GNYEN DANG BLO BZANG DON GRUB, BLO BZANG CHOS 'PHEL, SA RDOR GDAN PA BLO BZANG PHUN TSOGS, LA KHA BA BLO BZANG CHOS 'PHEL DANG BLO BZANG TSE RING, BZHAD PA YE SHES LHUN GRUB, GRANG MO CHE PA RJE DRUNG BLO BZANG BKRA SHIS, 'BRONG RTZE 'OG MA BA BLO BZANG RDO RJE, KHRON KHA SBUG PA BLO BZANG YAR 'PHEL, MDANGS CHEN PA BLO BZANG 'PHRIN LAS, DPE THUB PA BLO BZANG BZOD PA, SER KHANG PA BLO BZANG CHOS GRAGS, RI MKHAR PA BLO BZANG BSHES GNYEN BCAS NAS RNAM 'GREL GYI THAL PHRENG, DBEN DGON PA YE SHES DGE 'DUN DANG BLO BZANG BKRA SHIS, BLO BZANG RGYAL MTSAN, YANG BLO BZANG RGYAL MTSAN BCAS KYIS BDE MCHOG RTZA RGYUD, CHOS 'KHOR LHUN PO BA DNGOS GRUB YAR 'PHEL DANG BSOD NAMS YAR 'PHEL, DAM CHOS YAR 'PHEL, 'PHRIN LAS YAR 'PHEL SOGS KYIS BYAMS CHOS SDE LNGA, 'BRONG RTZE BA BLO BZANG BZOD PA DANG YE SHES TSE RING GNYIS KYIS DUS 'KHOR GYI CHO GA YONGS RDZOGS, THAR PA TSES SDE BA BLO BZANG DGE 'DUN GYIS KYEE RDOR GYI RGYUD BRTAG PA GNYIS PA DANG 'JAM DPAL MTSAN BRJOD, ZHA LU BA BSTAN PA RIN CHEN GYIS BU STON CHOS 'BYUNG, BDE 'BYOR PA ZHABS DRUNG BLO BZANG BSAM GTAN GYIS SPYI DON RIGS RGYAN, SHEL DKAR CHOS SDE BA RAB 'BYAMS PA BLO BZANG BSTAN PA RAB RGYAS KYIS BYANG CHUB LAM GYI RIM PA'I DMAR KHRID 'JAM DPAL ZHAL LUNG DANG DBU MA'I DGONGS 'GREL RGYAL BA LNGA PAS MDZAD PA RNAMS KYI RGYUGS PHUL BAR GLEGS BAM CHE CHUNG LA DPAGS PA'I
, ,GNANG CHA STZAL, ` THAMS CAD 'DUL ZHES PA ME MO PHAG LO'I ZLA BA DANG PO'I TSES DRUG LA ZHABS DRUNG RDO RJE PHAG MOS DNGOS 'BUL GYA NOM PA DANG BCAS ZHABS BRTAN PHUL, TSES BCU LA 'OD YUG BRAG DKAR BLA SPYI NAS GZIMS CHUNG ZHABS BRTAN PHUL PAR GRUB RGYAL LUGS KYI TSE DBANG DANG, TSE SGRUB 'CHI MED BDUD RTZI'I CHU RGYUN GYI LUNG GNANG, BRAG DKAR BA DANG ZAM MTSER BTZUN MA BCAS LA SLOG CHAR MANG 'GYED KYANG STZAL, MDA' DPON PAD TSAL BAS BYAMS PA'I SKU BRNYAN GSAR BZHENGS LA PHYAG NAS GNANG, LO 'DI NAS BZUNG ZHABS BRTAN DU SNGAGS PA GRVA TSANG NAS RAS BRIS KYI DKYIL 'KHOR LA BRTEN PA'I TSE CHOG SGRUB MCHOD NYIN BDUN GYI RING STAR CHAGS 'DZUGS PA GNANG RGYUR 'DI LO RTEN 'BREL KHYAD SNGAGS PA ZHAL SNGA NAS KYIS NYIN BZHI DANG, NOR GNYER PAS NYIN GSUM SBYIN BDAG MDZAD NAS TSES BCO LNGA NAS BZUNG BTZUGS CHOG PA'I SNYAN 'BUL ZHU BA MDZAD PAR LEGS SO'I GSUNG GIS GZENGS BSTOD DE BLA BRANG NAS KYANG DNGUL SRANG LNGA BCU, JA MAR 'BRAS SOGS KYI ZHAL 'DEBS KYANG STZAL, TSE CHOG GI SBYIN BDAG RNAMS NAS SNGAGS PA'I TSOGS DBUR SPYAN DRANGS TE ZHABS BRTAN GSOL 'DEBS ZHUS, TSOGS PA LA TSE CHOG 'CHI MED 'DOD 'JO DANG TSE MDO, 'CHI MED RNGA SGRA, RJE BLO BZANG CHOS RGYAN GYI GSUNG 'BUM NANG GI TSE DBANG BSKUR TSUL DANG TSE KHRID BCAS KYI LUNG GNANG, ZHAL BSROR 'PHAR JA'I THOG 'GYED KHA BTAGS RE DANG DNGUL BAL tAM RE, BSNGO RTEN RNAM GZHAG BCAS STZAL, TSES BRGYAD KYI NYIN GDAN SA'I GRVA PA DANG SOG BTZUN BCAS
ZHE LNGA BSNYEN RDZOGS DANG, BDUN CU DON BZHI DGE TSUL BSGRUBS, ZLA BA GNYIS PA'I TSES GCIG GZA' SKAR 'PHROD SBYOR PHUN SUM TSOGS PA'I NYIN SKU TSE DU MAR RJE BLA MA NYID DANG LHAN CIG BSTAN 'GRO'I DON RLABS PO CHE MDZAD PA'I THUGS SMON GYI MTHU GRUB PA; SKU'I GCEN MKHAN CHEN BLO BZANG SBYIN PA MDZOD 'DZIN GYI KHRI LA MNGA' GSOL TE DZAMBHA LA'I SKU BRNYAN DANG BCAS DBANG BSKUR BA'I SHIS PA BRJOD, DE'I PHYI DRO PHYAG MDZOD CHEN MO NAS DNGUL GYI MAndAL, SKU GSUNG THUGS RTEN, NA BZA' NYER SPYAD, GSER DNGUL, GOS DAR SOGS KYI DNGOS 'BUL SBAM MTHO BA BTEGS NAS ZHABS PAD MI SHIGS RDO RJE'I RANG BZHIN DU BRTAN PA'I GSOL 'DEBS BDEN TSIG BRJOD, RGYAL DBANG MCHOG NAS GZIMS 'GAG DGE SLONG CHED MNGAGS GDONG RJE NYID LA YANG LEGS SKYES DANG MKHAN CHEN BLO BZANG SBYIN PA PHYAG MDZOD KYI KHRIR GSAR PHEBS KYI LEGS SKYES GYA NOM PA BSTAR, DE MTSUNGS NO MON HAN DE MO SPRUL PA'I SKU DANG BKA' BLON BZHI, ZHVA DMAR SPRUL BA'I SKU, ZHABS DRUNG RDO RJE PHAG MO, YAB GZHIS BKRA SHIS RTZE, GDAN SA'I GRVA TSANG BLA SPYI, MI TSAN KHAG ,SA SKYA, RDZONG MGO GSUM GYI KHUL, GTZANG RONG KHUL BCAS KYI LHA SDE MI SDE KHAG SHIN TU MANG BA DANG SER 'BRAS SOGS KYI BLA SPYI BCAS SO SO NAS RTZE SHOD GNYIS KAR LEGS 'BUL GYI BDOG PA RIM PA BZHIN DU BSTABS, TSES LNGA'I NYIN AOR TU SU PE'I LI BKRA SHIS TSE RING DANG, PE'I SI RNAM RGYAL RDO RJE GNYIS KYI MI SNA DANG, AONG NYOD SOGS BYANG RIGS 'GRUL PA KHA SHAS 'BYOR PAR PHYAG DBANG GNANG, MI SNA RNAMS LA 'PHAGS PA BCU GCIG ZHAL, SENG LDING NAGS SGROL, 'JIGS
, ,BYED RNAMS KYI RJES GNANG, TSE DBANG GRUB RGYAL LUGS, BYANG CHUB LAM SGRON, LAM GTZO RNAM GSUM, RDOR SEMS SGOM BZLAS, 'OD DPAG MED KYI SGOM LUNG, YIG DRUG GI LUNG, MI LA ZHABS DRUNG NAS ZHUS NGOR KLU DBANG RGYAL PO'I RJES GNANG BCAS STZAL, PE'I SI RNAM RGYAL RDO RJE'I AEL CHI RNAMS KYIS TSOGS DBUR SPYAN DRANGS NAS DNGOS 'BUL SBAM MTHO BA DANG BCAS ZHABS BRTAN PHUL, PE'I LI BKRA SHIS TSE RING GI MI SNAS ZANG ZING GI BDOG PA DANG BCAS GZIMS CHUNG ZHABS BRTAN PHUL, DPON KHAG SO SOR 'BYOR LAN SKYES BZANG GIS BRGYAN PA DANG, AEL CHI NGO G-YOG LA THON PHYAG GNANG, TSES NYER GCIG GI NYIN SKYID SKYID NA GAR PHEBS NAS YUM LA SGROL DKAR GYI RJES GNANG STZAL, DE'I PHYI NYIN BKRA SHIS RTZE'I SDE PA TSE DBANG DPON G-YOG LA THON PHYAG GNANG BA DANG BSTUN PHYOGS 'DUS MANG POR PHYAG DBANG GNANG, TSES GCIG GI NYIN KHRO PHU BYAMS CHEN LA MDZOD GOS SER PO YUG CHEN NYI SHU RTZA GNYIS LAS GRUB PA'I SNAM SPYAR RUNG BA TSAD DANG LDAN PA ZHAL BYANG SMON TSIG CAN GSER THAM 'BYAR BA, GSER ZANGS KYI SPYI BLUGS CHE BA 'PHANG DU 'DOM GANG LHAG TZAM YOD PA DANG, GOS CHEN GYI RGYAL MTSAN, GOS JUS DKAR YUG DANG, MDZOD BTAGS 'DOM BRGYAD, ZHAL GSER GYI RGYUR GSER BTUL MA MGUR ZHO SUM CU, STONG MCHOD SNA LNGA TSAR GSUM, PAn GRUB GSUM GYI SKU BRNYAN LA SNYAN SHAL RE, DE'I THOG GANGS CAN CHOS 'PHEL BA GRVA BA BRGYAD KYIS NYIN GSUM GYI RING SPYAN 'DREN KHRUS GSOL, MCHOD 'BUL GANG RGYAS DANG, BYAMS SMON BCAS MDZAD RGYU'I ZHABS
TOG; KHRO PHU TSOGS YONGS LA MANG 'GYED BCAS GTONG BAR LO TZ'A BA BLO BZANG MKHAS MCHOG RDZONG STA MDZAD PAR RTZIS PA LUGS KYI ZLA BA DANG PO RTING MA'I TSES GCIG GI NYIN 'BUL BA MDZAD, DE'I TSE NAM MKHA'I DBYINGS SU 'JA' SPRIN 'KHRIGS PA DANG, DBYAR GYI RNGA GSANG DAL BUR SGROG PA, ME TOG GI CHAR BABS PA SOGS DGE BA'I LTAS PHUN SUM TSOGS PA BYUNG NGO, ,RNAM 'DREN MI PHAM MGON PO'I SNANG BRNYAN LA, ,GSER SBYANGS BTZO MA'I MDANGS 'PHROG SNAM SBYAR DANG, ,NGO MTSAR MCHOD TSOGS PHUL BA'I LCAGS KYU YIS, ,'GRO 'DI DGA' LDAN GNAS SU 'DREN NAM SNYAM, ,DE TSE KUN GSAL SGEG MO 'JA' SBRIN GYI, ,STOD G-YOGS DANG BCAS CHU 'DZIN GSAR BA'I MGRIN, ,DBYAR SKYES RNGA GSANG DAL BUR SGROGS BYED CING, ,ME TOG CHAR GYIS NOR 'DZIN DOG POR BYAS, ,DON GNYER BA BRGYA DANG SUM CU SO BRGYAD BSNYEN RDZOGS DANG, BCO LNGA DGE TSUL BSGRUBS, BRUL TSANG GI SRAS GCIG DGE BSNYEN DU BSGRUBS TE BLO BZANG DON GRUB CES PA'I MING GNANG, ZLA BA GSUM PA'I TSES DGU'I NYIN RGYAL DBANG MCHOG GI SKU'I KHU BO NAS SKU TSA RJE DRUNG DPAL LDAN DON GRUB CHED MNGAGS GDONG RTZE SHOD GNYIS KAR LEGS 'BUL BSTAR ZHING PHYAG DBANG DANG JA GRAL GYI THOG GSUNG GLENG GNANG, TSE DBANG ZHIG ZHUS PAR 'DOD SBYAR MDZAD, SKYID GRONG BLA MA YE SHES RGYAL MTSAN DBUS PHYOGS NAS PHEBS PAR MJAL KHA'I THOG CHOS DANG 'BREL BA'I GSUNG GLENG GNANG, TSES BCU NAS BZUNG DUS 'KHOR SGRUB MCHOD MDZAD CING DE'I SKABS SU ZHVA DMAR SPRUL PA'I SKU, RDO RJE PHAG MO, BKRA SHIS RTZE'I YUM SRAS, SKU TSA RJE DRUNG
, ,DPAL LDAN DON GRUB, GSOL GZIMS SOGS NAS BSNYEN BKUR ZHABS TOG RMAD DU BYUNG BA ZHUS, ZLA BA BZHI PA'I TSES LNGA'I NYIN PHYAG MDZOD CHEN MO RGYAL DBANG RIN PO CHER MJAL KHA ZHU BAR PHEBS RGYUR ZHABS PHYI DRUNG 'KHOR RNAMS LA THON PHYAG GNANG ZHING GSUNG GLENG MDZAD, TSES LNGA LA DUS 'KHOR CHOG GRVA PA RNAMS LA RGYAL DBANG SKAL BZANG RGYA MTSOS MDZAD PA'I DUS 'KHOR THUGS DKYIL GYI CHO GA DANG, DUS 'KHOR GYI BSNYEN YIG GSAR RTZOM GNYIS KYI LUNG GNANG, DGE BA'I BSHES GNYEN YE SHES RGYAL MTSAN GYIS ZHUS NGOR RI KHROD PA BCO LNGA SKOR LA DBEN SA SNYAN BRGYUD KYI BLA MA'I RNAL 'BYOR GYI GZAB KHRID, YONGS 'DZIN PAR BRTAN BZHUGS GSOL 'DEBS KYI LUNG, SDE PA TSE DBANG 'KHOR BCAS LA SGROL DKAR GYI RJES GNANG BCAS RIM BZHIN STZAL, TSES BCO LNGA LA 'BRUM RI BO MDANGS CAN PA RNAMS KYIS ZHABS BRTAN PHUL BAR CHOS RGYAL GYI BSKAD GSO'I LUNG DANG GNANG CHA BSTAR, BKA' BLON JA SAG BLA MA NYI MA RGYAL MTSAN SKU GSHEGS PA'I BSNGO RTEN 'BYOR TE THUGS DMIGS GNANG, SER 'BRAS DGE GSUM GYI GRVA BA BRGYA DANG GNYIS BSNYEN RDZOGS BSGRUBS, RJE YAB SRAS DANG RJE GONG MA GNYIS KYI DBU LO NA BZA', SHANGS MTSAL SOGS BYIN RTEN MANG PO DANG, SMAN SNA, RIN PO CHE'I PHYE MA RNAMS BSRES PA'I 'JIM PAR SHES RAB KYI LHA DANG TSE LHA SOGS SANGS RGYAS BYANG SEMS KYI SKU BRNYAN MANG PO PHYAG BDAR GYIS 'DEBS PA GNANG NAS TSES NYER LNGA'I NYIN GRVA TSANG SO SO'I PHOGS YIG LTAR DGE 'DUN RER PHYAG TSA BCO LNGA RE STZAL BAR DAD SPRO CHEN POS ZE'U LHA
KHANG BZHENGS NAS PHYAG MCHOD KYI RTEN MDZAD, ZLA BA LNGA BA'I TSES GSUM LA SER 'BRAS PA DANG LA PHYI CHU DBAR BA SOGS GRVA BA NYI SHU RTZA BDUN BSNYEN RDZOGS BSGRUBS, TSES BCU GSUM GYI NYIN PHYAG MDZOD CHEN MO DBUS NAS PHYIR PHEBS PAR PHYAG DBANG DANG GSUNG GLENG MDZAD, TSES BCU DGU'I NYIN SHANGS DGA' LDAN CHOS 'KHOR GLING GI SPYI GNYER RNYING PA CHOS RGYAL MTSAN GYIS DNGOS 'BUL BSTAR, TSES NYER GCIG LA DKYIL KHANG ZHAL SNGA NAS YE SHES TSE BRTAN GYIS ZHUS NGOR BLA MA DANG CHOS SKYONG LCAM SRING DBYER MED DU GSOL BA 'DEBS PA'I RNAL 'BYOR GYI RIM PA 'JIGS MED GDONG LNGA'I SGRA DBYANGS ZHES PA BKA' RTZOM GNANG NAS ZHAL SNGA NAS DANG DRUNG CHEN, LAS TSAN PA SOGS LA LJAGS LUNG GNANG, CHU RTA NAS BZUNG STE LONG SKABS DANG BSTUN CHOS MNGON PA MDZOD KYI GZHUNG LUGS LA SBYANGS PAR MDZAD PAS BRJOD DON MA LUS PA THUGS SU CHUD DE CHOS MNGON RGYA MTSO'I PHA ROL TU SON PA'I TSUL BSTAN TO, ,MGON KHYOD NYIN BZHIN THOS BSAM GRU SBYAR TE, ,CHOS MNGON CHU GTER CHEN PO'I DOGS BGROD PAS; ;DGONGS DON YID BZHIN NOR BU'I TSOGS BLANGS TE, ,GANGS CAN MKHAS PA KUN GYI DED DPON GYUR, ,SHES BYA GZHI LNGA'I RIN CHEN TSOGS 'DZIN PA'I, ,CHOS MNGON SINDDU'I BDAG PO'I NA CHUNG GIS, ,KHYOD THUGS GSER GYI 'DZIN MAR 'KHYUD PA NA; ;THOGS MED SKU MCHED MTHO RIS GNAS SU GSHEGS, ,ZLA BA DRUG PA'I TSES GSUM NAS BZUNG SKU RIM GYI TSOGS DBUR PHEBS NAS ZHAL SNGA NAS BZHI, MTSAN NYID ZHABS PHYI DANG BCAS LHAN CIG PAR 'DUL BA'I GZHUNG DON NAS
, ,BRTZAMS TE BGRO GLENG MDZAD, THAR PA GNYER BA RONG MTSO BA DKA' CHEN CHOS RJE NAS GSER ZANGS LAS GRUB PA'I RJE TZONG KHA PA CHEN PO'I SNANG BRNYAN PHUL, TSES DGU LA 'BRUG DGE BSHES HAS BZER BA ZHIG GIS RDO RJE 'CHANG LA BRTEN PA'I BLA MA'I RNAL 'BYOR BKA' RTZOM ZHUS PA BZHIN STZAL NAS LJAGS LUNG GNANG BAS YID MGU BAR GYUR, TSES BCU BDUN LA 'BRONG RTZE LCAM SOGS PHYOGS 'DUS MANG POR PHYAG DBANG STZAL, DGE BSKOS RI MKHAR BAS DBYAR GNAS SKABS DGE 'DUN 'DUS PA'I TSOGS LA GSUNG CHOS RGYA CHER GNANG DGOS ZHUS PA BZHIN ZHAG NYI SHU'I RING DGONGS JA'I TSOGS DBUR RTAG PAR PHEBS NAS SKYES RABS SO BZHI PA'I BSHAD LUNG GSUNG BSHAD RGYAS PA DANG, BLO SBYONG DON BDUN MA'I KHRID SHIN TU RGYAS PA GNANG, KHYAD PAR DU SKYES RABS KYI LE'U BCU BDUN PA BUM PA CAN GYI SKYES RABS KYI SKABS SU CHANG GI NYES DMIGS MANG DU GSUNGS PA RNAMS KYI BSHAD PA RGYAS PAR STZAL NAS SNGAR RJE BLO BZANG YE SHES DPAL BZANG POS KYANG 'DI NYID 'CHAD PA GNANG SKABS GSUNG BSHAD RGYAS PA BCAS CHANG LA BAG MED MDZAD NA MI THUS PA'I BKA' GNANG TSUL RNAM THAR DU BZHUGS PA BZHIN DA LAM NGED NAS KYANG BSTAN RGYUN LA PHAN PHYIR ZHUS PA YIN PAS GNAS 'DI LA BAG DANG LDAN PA MDZAD DGOS GSUNG, GZHAN YANG THEG PA CHEN PO'I BLO SBYOD ZER BA 'DI SKYE BO BSOD NAMS DMAN PA RNAMS KYIS NYAMS SU LEN PA LTA CI, KHRID THOB PA'ANG DKA' BAS 'DI LTA BU'I DAM PA'I CHOS KYI KHRID GSAN NAS, PHAN BDE LEGS TSOGS THAMS CAD KYI GZHI MA TSUL KHRIMS DAG
PA GZHIR BZUNG NAS MTSAN NYID PO TI LNGA SOGS LA SLOB GNYER MTHAR PHYIN PA MDZAD PA DANG, BLO SBYONG, LAM RIM, SNGAGS KYI NYAMS LEN SOGS DE DANG 'BREL BAR NYAMS SU LEN SHES PA DANG, MDOR NA CHOS ZAB MO GSAN PA CHUD GZEN DU MA SONG BA NYAMS LEN GYI RGYUN SKYONG ZHING, GRVA SA'I SGRIGS LAM KUN SPYOD SOGS GANG CI'I THAD NAS BSTAN PA'I RGYUN LA PHAN PA MDZAD DGOS TSUL SOGS NAN TAN SHIN TU CHE BA MDZAD, MJUG TU BKA' RTZOM GRAS SHOG BU BRGYA SKOR GYI LUNG YANG GNANG, GZHIN GNAS PA DANG SNYE MO BA SOGS NYER BDUN BSNYEN RDZOGS BSGRUBS, ZLA BA BDUN PA'I TSES GSUM GYI NYIN MCHOD PA'I TSOGS RGYA CHE BA DANG BCAS SEMS BSKYED PA'I CHO GA RGYAS PA MDZAD, TSES BZHI LA BZHAD GNYER DRUNG RAM PA DGE 'DUN DON GRUB KYIS TSOGS DBUR SPYAN DRANGS TE ZHABS BRTAN PHUL, TSES LNGA'I NYIN SKYID SKYID NA GAR PHEBS NAS RGYAL YUM DAM PAR GRUB RGYAL LUGS KYI TSE DBANG STZAL, DNGUL GYI MAndAL GSER GYI TSOM BU CAN SOGS PHUL NAS ZHABS PAD YUN RING DU BRTAN DGOS PA'I GSOL 'DEBS GNANG, ZHABS PHYI ZHU MI RAB BYUNG MA GSUM LA GSOL RAS DANG, SDE PA 'BRONG RTZE BAR BSNYEN GNAS KYI SDOM PA STZAL, 'BRAS SPUNGS NAS RGYAL SRAS SPRUL PA'I SKU MJAL KHAR PHEBS PAR PHYAG DBANG JA GRAL THOG CHOS DANG 'BREL BA'I GSUNG GLENG MANG DU GNANG, TSES BCU BZHI'I NYIN RGYAL SRAS SPRUL BA'I SKUS TSOGS DBUR SPYAN DRANGS TE ZHABS BRTAN GSOL 'DEBS ZHUS, TSES BCO LNGA'I NYIN RGYAL YUM SKU KHAMS JE ZHAN DU GYUR PAR SKYID SKYID NA GAR PHEBS NAS SKU'I SNYUN 'DRI SOGS ZHIB RGYAS
, ,DANG; THUGS DAM BKA' BSGO BCAS GNANG, DE RJES MANG 'GYED SOGS SKU'I RIM GRO YANG RGYA CHE BA BSGRUB PAR MDZAD KYANG, DUS BABS KYI DBANG GIS TSES BCU BDUN GYI SROD 'KHOR LA SKU GSHEGS TE THUGS DAM LA BZHUGS, DE'I GNAS TSUL SNYAN DU PHUL BAR, BSNGO SMON GNANG ZHING BDUN PHRAG GCIG GI RING SKU MTSAMS BCAD RGYA LTA BU'I DANG NAS DPAL 'KHOR LO SDOM PA'I DKYIL 'KHOR SGRUB CING MCHOD PA SOGS DGONGS PA RDZOGS PA'I THABS NAN TAN DU MDZAD, SNGAGS CHEN ZHAL SDA NAS SOGS SNGAGS GRVA'I DGE BA'I BSHES GNYEN BRGYAD GRVA NAS GSUNG CHOG MDZAD PAR YON KYANG GZAB STE STZAL, RGYAL DBANG MCHOG LA YANG LJAGS BSNGO ZHU RTEN RTA ZAM GYI THOG NAS PHUL ZHING, RTEN RNAMS LA YANG MCHOD PA MTHA' MED PA DANG, BDUN TSIGS DANG POR TSOGS CHEN DU MANG JA 'PHAR MA'I THOG DGE 'DUN RER 'GYED DNGUL SRANG GANG RE, BDUN TSIGS GNYIS PAR MANG JA'I THOG 'GYED DNGUL BAL tAM RE, BDUN TSIGS PHYI MA RNAMS LA YANG SO SOR 'GYED SNA RE GNANG, SNGAGS PA GRVA TSANG DU ZHAG BDUN GYI RING DPAL 'KHOR LO BDE MCHOG GI SGRUB MCHOD MDZAD, GTZANG RONG KHUL GYI DGON KHAG SGRUB SDE RNAMS LA MANG 'GYED BCAS STZAL, RGYAL DBANG RIN PO CHER GSUNG BSNGO ZHU RTEN SKU GSUNG THUGS RTEN, DNGUL RTA RMIG MA DRUG SOGS PHUL, NO MON HAN DE MO SPRUL PA'I SKU, DGA' LDAN KHRI BA, BLA MA BYAMS PA'I SPRUL SKU SOGS LA BSNGO RTEN DANG, JO SH'AKA RNAM GNYIS DANG, DGA' LDAN GSER GDUNG, PO TA LA'I GSER GDUNG RNAM GNYIS, RVA SGRENG GI JO BO SOGS
LA BRGYA MCHOD DANG STONG MCHOD, SER 'BRAS DGE GSUM, RGYUD STOD SMAD RNAMS LA MANG JA THUG RE DANG 'GYED BAL tA MA RE, DBUS LHO BYANG GI DGON KHAG RNAMS LA MANG JA BZHI RE DANG 'GYED KHA BTAGS RE BCAS STOB PAR DRUNG 'KHOR CHEN RDZONG MDZAD, SKU GDUNG ZHUGS 'BUL GYI CHO GA YONGS 'DZIN RJE ZHAL SNGA NAS KYIS MDZAD PAR DE NYIN CHAR ZIM BUR 'BAB PA SOGS DANG 'JA' SPRIN NGO MTSAR BA DU MAS NAM MKHA'I PHYOGS MTSAMS KHYAB PA SOGS YA MTSAN PA BYUNG, SKU RUS KYI CHA SHAS RNAMS LA SANGS RGYAS BYANG SEMS KYI SKU BRNYAN MANG PO PHYAG 'DEBS GNANG, RJE'I RNAM THAR THANG GA BCO LNGA DANG BKA' 'GYUR BAR MA GSAR BZHENGS MDZAD, DNGUL SRANG LNGA BRGYA LAS GRUB PA'I RNAM RGYAL MCHOD RTEN 'PHRAL DU BZHED DGOS PA'I BKA' KHYAB STZAL CING RGYAL YUM DE NYID KYI DGONGS PA CHOS DBYINGS SU RDZOGS PA'I RNAM DKAR RGYA CHEN PO BSGRUB PAR MDZAD DO, ,MTSAN DPE'I SNANG BRNYAN ME TOG NYER BSKRUN PA'I, ,SHES RAB YUM MCHOG DUS KYIS ZHI BAR GZIMS, ,BKA' DRIN BSAB SLAD RNAM DKAR DGE BA'I TSOGS, ,RGYA CHER BSGRUBS PAS THAR PA'I ZAM STEGS BTZUGS, ,TSES NYER GSUM GYI NYIN RGYAL SRAS SPRUL PA'I SKU DPON G-YOG BZHI BCU SKOR LA GRUB RGYAL LUGS KYI TSE DBANG STZAL, TSES NYER BDUN LA KHAMS PA SOGS BCO BRGYAD BSNYEN RDZOGS DANG, GNYIS DGE TSUL BSGRUBS, ZLA BA BRGYAD PA'I TSES GNYIS NAS BZUNG RGYAL SRAS SPRUL BA'I SKU CHIG RKYANG LA BYANG CHUB LAM GYI RIM PA BDE LAM GYI DMAR KHRID RGYAS PAR STZAL, RGYAL DBANG MCHOG NAS RGYAL YUM DE NYID KYI DGONGS RDZOGS ZHAL 'DEBS SU DNGUL JA GOS
, ,DAR SOGS PHON CHE BA 'BUL BAR RTZE DRUNG SLE LUNG CHOS MDZAD 'BYOR PAR MJAL KHA GNANG ZHING MI RING BAR ZHU LAN DANG BCAS THEN PHYAG BSTAR, TSES BCU GSUM LA GONG MA CHEN PO'I 'KHRUNGS SKAR ZHABS BRTAN SNGAR BZHIN BSGRUBS, BKRA SHIS RTZE NAS RGYU YON SBYAR TE SNGAGS PA GRVA TSANG GI DGE 'DUN RNAMS KYIS GZIMS CHUNG NYI 'OD DU GSANG BDE GNYIS KYI CHO GA MDZAD PA'I TSOGS DBUR RJE BLA MA MCHOG SPYAN DRANGS NAS TSOGS MCHOD RGYAS PA, RGYAL YUM DE NYID KYI DGONGS RDZOGS SU NA BZA', GSER DNGUL, JA GOS DAR SOGS KYI LJAGS BSNGO RTEN RGYA CHEN PO DANG, ZHVA DMAR SPRUL BA'I SKUS KYANG GSUNG BSNGO RTEN SPAM MTHO BA PHUL BA RNAMS BDAG GIR BZHES TE DGONGS PA YONGS SU RDZOGS SHING, DAG PA'I ZHING KHYAD PAR CAN DU BGROD PA'I LJAGS BSNGO RGYAS PAR MDZAD, TSES NYER BDUN LA SER 'BRAS SOGS KYI GRVA PA SUM CU BSNYEN RDZOGS BSGRUBS, PHYOGS 'DUS MANG POR PHYAG DBANG GNANG, ZLA BA DGU PA'I TSES BCU GNYIS KYI NYIN PE'I CING MI SNA MKHAN PO NGO G-YOG 'BYOR PAR GONG MA CHEN PO'I SKU'I MTSAMS ZHU MDZAD, GSER YIG GNANG RTEN 'CHAR 'PHAR STZAL BA RNAMS DGYES BZHIN BZHES TE PHYAG DBANG STZAL CING BKA' 'DRI GNANG, ZHABS DRUNG RDO RJE PHAG MOS ZHUS NGOR SER SKYA BZHI BCU SKOR LA JO BO LUGS KYI SGROL MA NYER GCIG DANG, SGROL DKAR GYI RJES GNANG, RJE DRUNG RNAM SRAS PA DANG BKRA SHIS DGE 'PHEL SPYI SO NAS ZHUS NGOR RIGS GSUM SPYI SGRUBS KYI BLA MA'I RNAL 'BYOR DANG, CHOS BDAG DRAG BTZAN GYI GTOR 'BUL BKA' RTZOM GSAR GNANG GI
LUNG BCAS STZAL, TSES NYI SHU LA GRVA PA NYI SHU RTZA LNGA BSNYEN RDZOGS BSGRUBS, DE'I PHYI NYIN ZHVA DMAR SPRUL BA'I SKUR GDUGS DKAR GYI RJES GNANG DANG CHE DBANG, NA BZA', DNGUL, GOS DAR SOGS DNGOS SKYES BSTAR, TSES NYER BZHI LA ZHABS DUNG RDO RJE PHAG MO DPON G-YOG LAN BZA', DNGUL, GOS DAR SOGS KYI PHEBS RDZONGS GZABS, PE'I CING MI SNA LHA RTZE MKHAN PO DANG, RGYAL KHANG SPAG RA PA'I TSONG DPON SO SO NAS TSOGS DBUR SPYAN DRANGS TE DNGOS 'BUL DANG BCAS ZHABS BRTAN GSOL 'DEBS ZHUS, MI SNA MKHAN POS ZHUS NGOR 'DUS TSOGS DANG LHAN DU KLU DBANG RGYAL PO'I SGRUB THABS KYI LJAGS LUNG STZAL, ZLA BA DGU PA RTING MA'I TSES LNGA LA SOG RIGS 'GRUL BA KHA SHAS 'BYOR PAR DPON MO TSE RING BSOD NAMS, DHA YAN TU RA'I CHOS RJE DKA' CHEN YE SHES MTHA' YAS, THE BO SKU SKYE YE SHES SKAL BZANG CHOS GRAGS, CHOS 'PHEL PE'I LI'I AEL CHI YE SHES RDO RJE BCAS SO SO NAS DNGOS 'BUL DANG BCAS ZHABS BRTAN PHUL, KHONG BA RNAMS LA DGA' LDAN LHA BRGYA MA'I KHRID MA DOR BSDUS DANG, THUB DBANG ZHAL PAD MA, PHYAG RDOR GTUM PO, AU TZARYA, GOS SNGON CAN RNAMS KYI SGRUB THABS KYI LUNG BCAS STZAL, SDE DGE DPON GYI MTSAMS ZHU BA 'BYOR PA RNAMS LA PHYAG DBANG JA GRAL THOG BKA' 'DRI GNANG, TSES BCU'I NYIN HAR CHEN PA BLO BZANG RIN CHEN DANG THE BO SKU SKYE, DHA YAN TU RA BA BCAS SOG RIGS BRGYA SKOR LA TSE DBANG DANG, SGROL DKAR GYI RJES GNANG, 'JAM DPAL MTSAN BRJOD KYI LUNG BCAS STZAL, TSES BCU GCIG NAS YONGS 'DZIN
, ,RDO RJE 'DZIN PA RJE ZHAL SNGA NAS LAS GSANG 'DUS 'JAM DPAL RDO RJE DANG, GSANG 'DUS 'JIG RTEN DBANG PHYUG GNYIS KYI ZUR BKA'I DBANG CHEN ZHU BA GNANG NAS 'BUL YON GYIS MNYES PAR MDZAD, SOG RIGS KHAMS PA BCAS DRUG CU RE LNGA BSNYEN RDZOGS DANG, NYI SHU RTZA BRGYAD DGE TSUL BSGRUBS, 'BRI G-YAG BCU DANG BA LANG MO GCIG ,LUG NYIS BRGYA BCAS KYI SROG LA MI 'JIGS PA'I SKYABS SBYIN DANG, NAG PO RMU'I GRU GSAR BZO'I MTHUN RKYEN DU LCAGS DANG; SHING CHA PHON CHE BA STZAL, THE PO SKU SKYE DANG, SOG RIGS LA GNANG SKYES DANG BCAS THON PHYAG BSTAR, THE BO SKU SKYE LA DPAL LDAN SA GSUM MA DANG CHOS SKYONG BSE KHRAB PA'I BSKANG GSO'I LJAGS LUNG GNANG, KHAMS NAS SI TU SPRUL SKUS MTSAMS ZHU 'BUL MI 'BYOR PA DANG BSTUN PHYOGS 'DUS SER SKYA MANG POR PHYAG DBANG STZAL, TSES LNGA LA LA DVAGS HI MI DGON GYI KHRI BA MI PHAM DPON G-YOG 'BYOR BAR PHYAG DBANG JA GRAL BKA' 'DRI GNANG, KHONG RNAMS NAS DNGOS 'BUL SBAM BSTOD DE ZHABS BRTAN GSOL 'DEBS ZHUS, TSES BRGYAD LA BRAG G-YAB SPRUL SKU CHE TSANG DPON G-YOG BRGYA SKOR 'BYOR PAR PHYAG DBANG DANG JA GRAL THOG BKA' 'DRI DANG, STON MO ZUR GSOS SOGS BDAG RKYEN MI DMAN PA GNANG, TSES BCU'I NYIN RJE NYID NAS MKHAN PO DANG SLOB DPON MDZAD DE BRAG G-YAB SPRUL PA'I SKU DPAL LDAN BSTAN PA DAR RGYAS DGE BSNYEN DANG, BAR MA RAB BYUNG, DGE TSUL RNAMS DKYUS THOG GCIG LA BSGRUBS, MJUG TU THUB PA'I DBANG PO'I GSER SKU DANG, DKAR
YOL BCUD LDAN BCAS STZAL NAS, GZHUNG LUGS CHEN MO RNAMS LA THUGS GNYER DBYIS PHYIN PA MDZAD DGOS PA'I BKA' PHEBS, DE'I PHYI NYIN SPRUL PA'I SKU NAS TSOGS DBUR SPYAN DRANGS TE DNGOS 'BUL GTOS CHE BA DANG BCAS ZHABS BRTAN PHUL; DGA' LDAN LHA BRGYAM DANG SGROL MA'I LUNG GNANG, AOR TU SU BA SOGS SOG RIGS KHA SHAS 'BYOR BAR PHYAG DBANG GNANG ZHING, ZHU YIG DANG SKYABS 'JUG ZHU RTEN RNAMS PHUL, TSES BCO LNGA NAS BZUNG NYIN LNGA'I RING AOR TU SU T'A BE'I LI TSE DBANG DPAL 'BYOR GYI MI SNA, HOR CHEN T'A BLA MA, NAS CHI THO YON GYI DGONGS RDZOGS SGRUB MI, AU RANG BLO BZANG NYI MA, SER KHANG CHOS RJE YE SHES MKHAS MCHOG BCAS SO SO NAS NYI MA RIM BZHIN TSOGS DBUR SPYAN DRANGS TE ZHABS BRTAN DNGOS 'BUL BTEG PAR BLA MA MCHOD PA, DGA' LDAN LHA BRGYA MA, SGRO MA, SMON LAM THOG MTHA' BA, BRTAN BZHUGS GSOL 'DEBS KHA SHAS BCAS KYI LUNG STZAL, TSES BCO BRGYAD LA SNGAGS PA GRVA TSAD DU SPYAN DRANGS NAS STON 'KHOR TSANG MAR GSOL STON RGYAS PA ZHUS SHING, DGONGS JA'I THOG TSOGS DBUR GDAN DRANGS NAS BKRA SHIS RTAGS BRGYAD, RGYAL SRID SNA BDUN, MAndAL SOGS DNGOS 'BUL RGYA CHE BA BCAS RJE ZHAL SNGA NAS KYIS DBUS BLA SBYIS ZHABS PAD BRTAN PA'I RTEN 'BREL BSGRIGS SHING, 'BUL SLOG GZAB PA'I THOG RGYUD JA NYIN GANG DANG GRVA RER PHYAG 'GYED DNGUL BAL tAM GNYIS DANG KHA BTAGS RE BCAS STZAL, DE NAS NYIN LNGA'I RING PHYOGS 'DUS, SOG RIGS, KHAMS PA SOGS BDUN CU DON BDUN DGE TSUL DANG, BRGYA DANG NYER BZHI BSNYEN RDZOGS, LNGA DGE BSNYEN
, ,BCAS BSGRUBS, TSES NYER LNGA LA SNGON DU GONG MA CHEN POR BA YAR 'BUL BAR MGRON GNYER BLO BZANG DGE LEGS BTANG BAR GONG NAS BDAG RKYEN TSAD MED PA GNANG 'DUG KYANG, KHO RANG LAM BAR DU KHAMS MA 'TSO BAR ZLA PO RNAMS DANG, SNE SHAN P'A TZONG GCIG BCAS 'BYOR PAR GSER YIG GNANG RTEN RNAMS DGYES BZHIN BZHES NAS KHONG RNAMS LA MJAL KHA JA GRAL BKA' 'DRI GNANG, ZHA LU SKU SKYES GZIMS CHUNG ZHABS BRTAN PHUL, ZLA BA BCU GCIG PA'I TSES GSUM LA MI SNA'I ZLA BO BLO BZANG RGYAL MTSAN GYIS TSOGS DBUR SPYAN DRANGS TE ZHABS BRTAN PHUL, TSES BZHI LA TSAL 'DAS DPAL 'BYOR JA SAG GI BLA MA RGYAL CHEN RTZE PA CHOS RJE DAM CHOS YON TAN GYIS TSOGS DBUR SPYAN DRANGS TE DNGOS 'BUL BSTABS, SBYIN BDAG GI BZHED PA LTAR 'DUS TSOGS DANG LHAN CIG TU PHYAG RDOR DRAG PO GSUM SGRIL GYI SGRUB THABS KYI LUNG STZAL, TSES LNGA LA GANGS CAN BYANG RTZE'I BLA MA RNYING PA BZHAD PA DKA' CHEN BLO BZANG BSOD NAMS KYIS TSOGS DBUR SPYAN DRANGS TE DNGOS 'BUL DANG BCAS ZHABS BRTAN GSOL 'DEBS ZHUS, TSES BRGYAD LA MNGA' RIS RDZONG KHA MKHAN PO DANG, GU GE MDA' PA MKHAR DPON KHRO RGYA MTSO BA SOGS PHYOGS 'DUS MANG POR PHYAG DBANG GNANG, SHANGS DKAR BOR SKU'I PHU BO DAM PA PHYAG MDZOD CHEN MO BLO BZANG SBYIN PAS RGYAL BA GNYIS PA'I BSTAN PA'I ZHABS TOG TU DGONGS DGA' LDAN BDE CHEN RAB RGYAS GLING GSAR 'DZUGS MDZAD PAR THOG MA'I ZHAL BSRO SOGS NYIN GSUM GYI RING ZHABS TOG
BSNYEN BKUR BSTABS, 'GYED KHA BTAGS CHE BA RE DANG DNGUL SRANG RE, ZLA BA GNYIS KYI RING MANG JA RGYUN 'DZUGS KYANG MDZAD, GSER ZANGS KYI SNANG BRNYAN BCU BZHI, ZHAL THANG BCU DGU, MCHOD RTEN BCO BRGYAD, RDOR DRIL NYI SHU RTZA LNGA, CHAS 'JUG BCO LNGA, 'PHAN, BLA BRE, RGYAL MTSAN, PHYE PHUR SOGS MCHOD RDZAS MTHA' YAS PA SPYOR 'JAGS GNANG, BRAG G-YAB SPRUL BA'I SKUR 'JAM DBYANGS SMRA SENG GI RJES GNANG STZAL, DGA' LDAN LHA BRGYA MA'I KHRID, BKA' RTZOM 'GA'I LUNG, HOR CHEN T'A BLA MA DANG ZHA LU SKU SKYE, AOR TU SU T'A PE'I LI'I AEL CHI BCAS SOG RIGS 'GA' ZHIG GIS ZHUS NGOR PHYAG RDOR GOS SNGON CAN, RNAM SRAS, SGROL DKAR, PHYAG RDOR 'BYUNG 'DUL, TSOGS BDAG DMAR CHEN, 'JAM DKAR BCAS KYI RJES GNANG 'PHAGS PA BCU GCIG ZHAL GYI DBANG CHEN, SMYUNG GNAS KYI CHO GNOR BU'I PHRENG BA DANG, DGE SLONG GI BSLAB BYA NYER MKHO, 'DOD CHOS BKA' RTZOM MANG PO'I LJAGS LUNG, TSE DBANG BCAS STZAL CING, GNANG CHA GZAB PA DANG SO SO'I BLA DPON RNAMS LA ZHU LAN RTEN SPRAGS BCAS THON PHYAG GNANG, TSES BCO BRGYAD LA YONGS 'DZIN RJE ZHAL SNGA NAS LAS ZHAL BRAM GZUGS KYI RJES GNANG SHIN TU ZAB PA GSAN, PHYOGS 'DUS GRVA PA BCO LNGA BSNYEN RDZOGS BSGRUBS, RGYAL SRAS SPRUL PA'I SKUR SNGON DU 'JIGS BYED KYI BSKYED RDZOGS KYI GZAB KHRID STZAL PA TSES BCO BRGYAD NYIN YONGS RDZOGS GRUB PA MDZAD CING, RDZOGS RIM GYI KHRID GNANG SKABS SGYU LUS MCHOD PA DANG TSOGS 'KHOR BCAS PHYAG LEN LTAR GNANG, TSES NYER GCIG NAS SKU MTSAMS BCAD RGYAR BZHUGS
, ,NAS THUGS DAM ZAB MO'I NYAMS BZHES LA GZHOL BAR MDZAD, ZLA BA BCU GNYIS PA'I TSES DRUG LA RTA TSIG SPRUL SKU BLO BZANG BSTAN PA'I MGON PO'I PHYAG MDZOD DPAL LDAN RGYA MTSO SKU'I MTSAMS ZHUR 'BYOR BAR SKU MTSAMS KHONGS SNYAN ZHU PHUL BA HA CANG SKUG YUN RING NA SPRUL PA'I SKU BSTAN PA'I RTZA LAG CHEN PO YIN GSHIS MI RUNG GSUNG NAS TSES BCU DRUG GI NYIN SKU MTSAMS KHONGS MJAL KHA GNANG NAS BKA' MCHID ZHU LAN SOGS KYIS RE BA BSKANGS, TSES NYI SHU'I SNGA DRI SKU MTSAMS GROL NAS RGYAL YUM DE NYID KYI DGONGS RDZOGS SU BZHENG BAR MDZAD PA'I RNAM RGYAL MCHOD RTEN LA LHAG GNAS KYI ME TOG 'THOR 'BUL GNANG, SNYAN SHAL PHUL TE THUGS SMON MDZAD, DE RJES DUS GTOR SOGS SBAR RGYUN BZHIN GNANG, LO 'DI NANG SA RDOR GDAN PA BLO BZANG RNAM RGYAL, RGYA KHAMS PA YE SHES BLO BZANG, GLO SBUG PA NGAG DBANG 'JAM DBYANGS, BLO BZANG DON GRUB, BLO BZANG TSUL KHRIMS, DPE THUB PA BLO BZANG DAR RGYAS DANG, BLO BZANG SHES RAB; SPOR TOG PA BLO BZANG RGYAL MTSAN, RI MKHAR BA BLO BZANG BKRA SHIS, STAG MO BA BLO BZANG CHOS 'PHEL, KHRON KHA SBUG PA BLO BZANG RGYAL MTSAN, AU RGYAN RDZONG BA BLO BZANG SBYIN PA, JO MO RDZONG BA BLO BZANG SKAL BZANG, GRANG MO CHE BRJE DRUNG BLO BZANG DGE LEGS, GCEN LUNG BA YE SHES DON GRUB, RGYAL CHEN RTZE BA BLO BZANG SKAL BZANG DANG, BLO BZANG BSTAN 'DZIN, LHUN GRUB RTZE BA YE SHES BSTAN 'DZIN, LA KHA BA BLO BZANG BSHES GNYEN, 'BRAS SPUNGS PA BLO BZANG DPAL
'BYOR BCAS NAS RNAM 'GREL GYI THAL PHRENG, BZHAD PA BLO BZANG DAR RGYAS KYIS RNAM BSHAD THAR LAM GSAL BYED, GU GE BA SKU SKYE BLO BZANG BSTAN 'DZIN DANG, DPE THUB PA BLO BZANG BZOD PA GNYIS KYIS SMON t'IKA ,RGYAL CHEN RTZE BA BLO BZANG RGYAL MTSAN DANG YE SHES BSOD NAMS, ZHI GNAS PA BLO BZANG MI 'GYUR, BA SHE BA BLO BZANG DGE LEGS BCAS KYIS RNAM 'GREL GYI RTZA 'GREL SHAN SBYAR, RGYAL CHEN RTZE BA DKA' CHEN DGE 'DUN RGYAL MTSAN DANG BLO BZANG BSTAN DAR, DPE THUB PA BLO BZANG TSUL KHRIMS DANG BLO BZANG BZOD PA, G-YANG BA RJE DRUNG BLO BLO BZANG MTHU STOBS KYIS 'DUS PA'I BSKYED RDZOGS, DBEN DGON RTZE BA DGE SLONG BLO BZANG BRTZON 'GRUS, GLO SBUG PA DAM CHOS BLO GROS, SA PA BKRA SHIS RGYAL MTSAN, CHOS 'KHOR LHUN PO BA BYAMS PA CHOS 'PHEL BCAS KYIS PHAR PHYIN GYI THAL PHRENG, DPE THUB PA BLO BZANG MTHU STOBS KYIS 'DUS PA'I BSKYED RDZOGS, DBEN DGON PA BLO BZANG RGYAL MTSAN, BLO BZANG DBANG PHYUG ,BLO BZANG DGE LEGS, DGE LEGS 'BYUNG GNAS, BZANG PO BKRA SHIS DANG BLO BZANG BKRA SHIS, 'PHRIN LAS LHUN GRUB, BYAMS PA RGYA MTSO BCAS KYIS BDE MCHOG RTZA RGYUD, ZHA LU BA RIN CHEN RAB RGYAS KYIS DUS 'KHOR BSDUS RGYUD DANG DE'I CHO GA YONGS RDZOGS, SANGS RGYAS CHOS 'PHEL GYIS BLO RIG GSAL BYED BCAS KYI RGYUGS PHUL BAR GNANG CHA SNGAR RGYUN LTAR STZAL, ` KUN 'DZIN ZHES PA SA PHO BYI BA'I LO ZLA BA DANG PO'I TSES GNYI LA 'DU KHANG DU ZHABS ZUNG BKOD DE PAn CHEN DGE 'DUN GRUB KYIS BZHENGS PA'I RTEN GYI GTZO BO THUB PA'I SNANG BRNYAN CHEN POR RGYA MTSO'I GLING
, ,PA RTHI K'ALLA'I YUL GYI GOS BZANG PO'I NA BZA' SMON TSIG GI ZHAL BYANG CAN GSER THAM 'BYAR BA, LHA RDZAS BZANG PO'I SNYAN SHAL BCAS PHUL NAS SPYAN 'DREN KHRUS GSOL MCHOD 'BUL SOGS MDZAD DE SHIS PA BRJOD PA'I ME TOG GTOR, NGO MTSAR THUB PA'I SNANG BRNYAN LA, ,KHYAD 'PHAGS BZANG GOS NA BZA' NI, ,'CHI MED GOS LA 'GRAN BZOD PA, ,PHUL TE THUGS SMON YANG DAG MDZAD, ,TSES GSUM GYI NYIN SPYI BSKYUR GYI TSOGS DBUR PHEBS, TSES BRGYAD KYI NYIN BZHAD THUB BSTAN SKYID SPUG PAS TSOGS DBUR SPYAN DRANGS TE ZHABS BRTAN PHUL ZHING, TSOGS YONGS LA BLA MA'I RNAL 'BYOR GYI LUNG GNANG, TSES BCU LA SLE PHU GNYER PA DRUNG RAM PA BLO BZANG RGYAL MTSAN GYIS DNGOS 'BUL DANG BCAS ZHABS BRTAN GSOL 'DEBS ZHUS, TSES BCO LNGA NAS BZUNG ZHAG BDUN GYI RING TSE CHOG SGRUB MCHOD MDZAD SKABS SNGAGS GRVA'I 'DU KHANG DU RGYAL BA TSE DPAG MED DANG SGROL DKAR YID BZHIN 'KHOR LO, MGON DKAR YID BZHIN NOR BU, DMAG ZOR RGYAL MO BCAS KYI SNANG BRNYAN GOS LHAN THABS LAS GRUB PA, RIN PO CHE'I RGYAN GYIS MDZES BA SBYOR 'JAGS MDZAD, SNGAGS 'CHANG 'DUS SNGE'I PAD MTSO NI, ,TSE CHOG 'OD DKAR DANG 'GROGS PAS, ,'CHI MED RLABS 'PHRENG G-YO BA YIS, ,MTHAR BYED YID LA GDUNG BA 'DZIN, ,ZLA BA 'DI'I TSES BCU GSUM GYI NYIN RGYAL DBANG MCHOG LHA LDAN SMON LAM GYI TSOGS DBUR ZHABS ZUNG BKOD PA'I THOG MAR SONG GSHIS, LEGS SKYES DNGOS 'BUL RGYA CHEN PO DANG
CHABS CIG 'DUS PA RGYA MTSOR MANG JA'I THOG 'GYED BKRA SHIS PA'I KHA BTAGS RE DANG RNAM GZHAG BCAS KYI BSNYEN BKUR 'PHAR MA DANG, DE MTSUNGS RGYAL DBANG RIN PO CHER YANG CHAB SHOG TSIGS BCAD MA SNYAN NGAG GI LAM NAS DRANGS PA BCAS 'BUL BAR MGRON GNYER BLO BZANG RAB BRTAN RDZONG STA MDZAD, ZLA BA GNYIS PA'I NANG DU YONGS 'DZIN ZHAL SNGA NAS LAS BDE MCHOG BONG ZHAL CAN GYI DBANG GSAN, GLING GI GRU GSAR BZO LA DNGOS PO'I MTHUN RKYEN GNANG, TSES BCU GNYIS LA GRVA PA BCO LNGA BSNYEN RDZOGS DANG, LA DVAGS HE MI'I GRVA PA SUM CU SO LNGA DGE TSUL BSGRUBS, TSES BCO LNGA LA SER 'BRAS PA DANG, RONG BYAMS CHEN SOGS KYI GRVA PA BZHI BCU ZHE LNGA BSNYEN RDZOGS BSGRUBS, TSES BCU BDUN GYI NYIN DGA' LDAN PHUN TSOGS GLING BA MKHAN SLOB GRVA DMANGS DANG BCAS PA BYON NAS GNAS BRTAN PHYAG MCHOD DANG 'BREL BA'I ZHABS BRTAN PHUL ZHING RDO RJE SLOB DPON GYIS SGER MJAL ZHUS, TSOGS YONGS LA GRUB RGYAL LUGS KYI TSE DBANG DANG SLOG CHA MANG 'GYED BCAS STZAL, PHYOGS 'DUS GRVA PA LNGA BCU RTZA LNGA BSNYEN RDZOGS BSGRUBS, TSES NYER LNGA LA 'PHAGS YUL LI MA LHA KHANG DU ZHABS ZUNG BKOD DE RJE BTZUN MA'I SNANG BRNYAN GSUNG 'BYOR GTING SKYES SGROL MAR GRAGS PA LA GSER SBYANGS SRANG SUM CU SO GCIG LAS GRUB PA'I DBU GDUGS BZO BKOD RMAD DU BYUNG BA RIN PO CHE'I PHRA LDAN, GOS BZANG PO'I NA BZA' NANG NGOS SU BKA' RTZOM SMON TSIG GIS BRGYAN PA, CHU SHEL GYI MAR ME'I RGYAL MTSAN BCAS PHUL TE RE ZHIG BAR DGE SLONG
, ,BZHI GRAS SGROL MA MAndAL BZHI PA'I CHO GA 'DZUGS PA MDZAD, NGUR SMRIG SGROL MA LA BZANG GOS GYI NA BZA' SMON TSIG CAN GONG 'DRA DANG, SHEL GYI ME LONG BCAS 'BUL BA GNANG, RTEN DE DAG SO SOR LHA RDZAS BZANG PO'I SNYAN SHAL, SNA LNGA'I MCHOD PA RGYAS PA BCAS PHUL NAS MCHOD 'PHRENG DANG SGROL MA SOGS ZHAL 'DON GYI RIM PA MANG DU MDZAD DE BSTAN 'GROR PHAN BDE 'BYUNG BA'I THUGS SMON MDZAD, BOD KYI LAS DON MDZAD MI T'A ZHIN GSAR 'BYOR GDONG GONG MA CHEN PO NAS RJE BLA MA MCHOG LA KHA BTAGS, GOS YUG RNAM MANG, SHEL DANG DKAR YOL GYI SPYAD PA SOGS SBAM MTHO STZAL BA RNAMS GZHUNG SA'I MGRON GNYER MANG THOS MDUN 'BYOR PA GUS 'DUD CHEN POS BZHES NAS GONG MA CHEN BOR BKA' DRIN CHE TSUL GYI ZHU YIG RTEN SBRAGS PHUL, MGRON GNYER LA'ANG JA GRAL BKA' 'DRI DANG THON PHYAG MI DMAN PA STZAL, RJE NYID LA BRTAN BZHUGS 'BUL BA'I CHED LA MO SKU RTEN DAR HAN AER TE NI CHOS RJE DPON G-YOG LNGA BCU SKOR 'BYOR PAR JA GRAL BKA' 'DRI BCAS GNANG, ZLA BA GSUM PA'I TSES GCIG GI SNGA DRO CHOS SKYONG CHEN PO SKU GSOL ZHUS TE GTANG RAG DANG SPYAN GZIGS BSTAR, TSES GNYIS LA CHOS SKYONG CHEN PO SKU PHEBS SHING DGE 'DUN BCU TSOGS DANG BCAS PAS TSE SGRUB DANG 'BREL BA'I BRTAN BZHUGS 'BUL BA MDZAD, CHOS RJE SKU RTEN PA'I SRAS GCIG GI GTZUG PHUD BZHES, TSES BRGYAD KYI NYIN CHOS SKYONG CHEN PO'I DGONGS BZHED LTAR TSOGS DBUR SPYAN DRANGS THOG CHOS SKYONG CHEN PO SKU PHEBS TE
MCHOD GAR DANG BRKYANG PHYAG GSUM SOGS KYI GUS 'DUD DANG BCAS LHA RDZAS DRI BRAL SRID DU RING BA PHUL ZHING, RJE NYID NAS KYANG MDZED BTAGS SNA LNGA'I SNYAN SHAL THUL, CHOS SKYONG CHEN PO NAS MAndAL, SKU GSUNG THUGS RTEN, NA BZA' NYER SPYAD, GSER DNGUL SOGS DNGOS 'BUL SBAM MTHO BA DANG BCAS ZHABS PAD YUN RING DU BRTAN DGOS PA'I RGYU MTSAN ZHU BA GNANG, NYI MA KHA SHAS SONG MTSAMS LA MO CHOS SKYONG CHEN PO TSOMS CHEN DU SKU GSOL ZHUS TE, GTANG RAG LEGS 'BUL RGYAS PA DANG 'BREL BA'I 'CHAMS GZIGS MDOR BSDUS SHIG PHUL, DE'I PHYI NYIN CHOS RJE SKU RTEN PA YAB SRAS GSUM LA TSE RTA ZUNG 'BREL GYI DBANG DANG ZHABS PHYI RNAMS LA GRUB RGYAL LUGS KYI TSE DBANG, CHOS RJE SKU RTEN PA'I SRAS GCIG DANG ZHABS PHYI GNYIS BCAS LA DGE BSNYEN GYI SDOM PA STZAL, DE NAS CHOS RJE SKU RTEN PAR BKA' BSGO THON CHAS STZAL CING, DE BSTUN RGYAL SRAS SPRUL SKU DPON G-YOG LA GRUB RGYAL LUGS KYI TSE DBANG DANG THON CHAS GNANG, SRAD RGYUD MKHAN PO DANG SHANGS DGA' LDAN CHOS 'KHOR GYI MKHAN PO, SRAD RIN CHEN RTZE'I RDZONG DPON RNAMS LA MJAL KHA JA GRAL BCAS GNANG ZHING BKA' 'DRI PHEBS, RGYUD SMAD PA SOGS GRVA PA SUM CU SO DRUG BSNYEN RDZOGS DANG, ZLA BA BZHI PA'I TSES GNYIS LA GRVA PA NYI SHU RTZA GCIG DGE TSUL, BRGYAD CU GYA BZHI BSNYEN RDZOGS BCAS BSGRUBS, TSES BDUN LA DPAL RDO RJE 'JIGS BYED KYI SGO NAS TSE 'DAS MANG PO'I MING BYANG LA BRTEN SBYANG CHOG RGYAS PAR MDZAD, DE'I PHYI NYIN SHANGS DGA' LDAN CHOS 'KHOR GYI BLA
, ,MA LAS SNE GRVA MANG DANG BCAS NAS BRTAN BZHUGS DNGOS 'BUL BSTAR ZHING, KHONG RNAMS LA 'JAM DPAL MTSAN BRJOD KYI LUNG DANG GRUB RGYAL LUGS KYI TSE DBANG 'BUL SLOG BCAS GNANG, 'DI SKABS RTA TSAG SPRUL PA'I SKU'I ZHABS PHYI RAB 'BYAMS PA BLO BZANG DBANG PHYUG NAS RANG 'BYOR DANG BSTUN PA'I DNGOS 'BUL BTEG CING KHONG LA BLA MA MCHOD PA'I LUNG STZAL, GAM PA GNYER SDOD BLO BZANG TSE BRTAN SOGS BZHI BCU ZHE GNYIS BSNYEN RDZOGS DANG, DGA' LDAN CHOS 'KHOR BA SOGS BRGYA DANG SUM CU SO GSUM BAR MA RAB BYUNG DANG DGE TSUL DU BSGRUBS, PHUR BU LCOG NAS RJE BTZUN NGAG DBANG BYAMS PA'I SPRUL PA'I SKU RIN PO CHE PHEBS PAR MGRON DRUNG SOGS 'GA' ZHIG NAS CHIBS BSU DANG THAB 'DZIN GYI BSU MA, GDAN THOB SOGS GZOS SGO CHE BA DANG BCAS ZHAL 'DZOM GNANG ZHING THUGS DGYES PA'I GSUNG GLENG 'PHEL, DE SKABS SPRUL PA'I SKU RIN PO CHE ZLA BA GCIG LA NYE BA BZHUGS SHING, THEG MAR RDO RJE RNAM 'JOMS LA BRTEN PA'I BYABS KHRUS STZAL, TSES BCU GNYIS LA SPRUL PA'I SKU NYID LA DGE BSNYEN GYI SDOM PA GNANG STE GTZUG PHUD BZHES SHING, BLO BZANG BYAMS PA ZHES PA'I MTSAN GSOL, TSES BCO LNGA'I NYIN SPRUL PA'I SKU NAS TSOGS DBUR SPYAN DRANGS TE DNGUL BRE CHEN BCU SOGS KYI 'BUL BA DANG BCAS ZHABS BRTAN PHUL, SPRUL PA'I SKU LA RNAM 'JOMS DANG TSE DPAG MED 'JAM LUGS LHA LNGA, 'JAM DBYANGS DMAR SER DANG NAG PO BCAS KYI RJES GNANG, SME BRTZEGS KYI BYABS KHRUS, BYANG
CHUB LAM GYI SGRON MA DANG RJE BTZUN CHOS KYI RGYAL BO TZONG KHA PA CHEN PO'I RTOGS BRJOD MDUN LEGS MA, LAM GYI GTZO BO RNAM GSUM, BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM, PHYAG MDZOD RAB 'BYAMS PAS ZHUS NGOR SPRUL PA'I SKU NYID KYI ZHABS BRTAN GSOL 'DEBS BKA' RTZOM GSAR GNANG RNAMS KYI LUNG DANG 'JIGS BYED DPA' BO GCIG PA DANG GDUGS DKAR LHA SO BDUN MA'I DBANG RNAMS STZAL, PHEBS RDZONGS SU SNANG BRNYAN DU MA, DNGUL, GOS DAR SOGS SBAM MTHO BA GNANG, DE'I RJES SU LHA MO'I RJES GNANG DANG LAM RIM CHEN MO'I DBU NAS TSUGS TZAM MDZAD CING GSAN SBYONG YANG DAG GNANG DGOS PA'I BKA' YANG PHEBS, RTA THAB KYI SKYEL MA SNGAR RGYUN BZHIN MDZAD, PHUR BU LCOG PAR PHEBS SKYAL DU DRUNG 'KHOR YE SHES PHUN TSOGS RDZONG STA GNANG, GDAN SA'I GRVA PA SOGS NYI SHU RTZA LNGA BSNYEN RDZOGS BSGRUBS, NO MON HAN DE MO SPRUL PA'I SKU NAS BANG CHEN CHED MNGAGS GDONG ZHU YIG DANG DNGOS SKYES SBAM MTHO BA PHUL, 'BRUG SDE SRID BSTAN 'DZIN RNAM RGYAL DUS CHOS SU GYUR PA'I CHED GSUNG BSNGO ZHU RTEN DNGUL SRANG SRONG PHRAG BRGAL BA'I LHO ZOG GTOS CHE 'BUL MI SDE SRID GSAR PA NAS MNGAGS PA LTAR 'BYOR TE DMIGS YUL DE NYID KYI RNAM SHES DAG ZHING DU 'DREN PA'I THUGS DMIGS MDZAD, PHYOGS 'DUS GRVA PA BCU DRUG BSNYEN RDZOGS BSGRUBS, ZLA BA LNGA PA'I TSES BCU GNYIS LA LHA RTZE MKHAN PO BLO BZANG SKAL BZANG GONG DU MTSAMS ZHU LA 'GRO RGYUR THON PHYAG STZAL, YONGS 'DZIN GYIS ZHUS NGOR RJE BTZUN TZONG KHA
, ,BA CHEN PO'I GSUNG 'BUM GRAS NAS LAM RIM CHUNG BA, RIM LNGA GSAL SGRON, RIM LNGA GDAN RDZOGS, DRIL BU LUS DKYIL, BDE MCHOG SBAS DON KUN GSAL, 'DOD 'JO SOGS KYI LUNG PHUL, TSES BCO BRGYAD LA 'BRAS SPUNGS KYI GRVA PA LNGA BSNYEN RDZOGS BSGRUBS, DPAL LDAN SA SKYA'I PHYAG MDZOD GSAR PA NAS DNGUL DANG GOS DANG SOGS KYI DNGOS 'BUL SBAM MTHO BA DANG BCAS MJAL KHA ZHUS PAR JA GRAL THOG BKA' 'DRI ZHIB TU PHEBS SHING THON PHYAG GZAB STE GNANG, ZLA BA DRUG PA'I TSES GSUM LA SHAR RTZE BLA SPYI THUN MONG NAS GRVA TSANG DU GDAN DRANGS TE DKAR SPRO GUNG STON SOGS KYI BSNYEN BKUR GZABS, DGE 'DUN RNAMS LA 'DZIN CHOS GNANG ZHING CHOS GRVAR PHYAG NAS STZAL,, RGYAL CHEN RTZE PA DGE BA'I BSHES GNYEN DKON MCHOG SHES RAB NAS PO TI LNGA LA DAM BCA' BZHAG ,GZHAN MA 'GA' ZHIG LANGS TE BGRO GLENG MDZAD PAR GZENGS BSTOD KYANG STZAL, DE NAS 'DU KHANG DU TSOGS DBUR SPYAN DRANGS TE DGE BSHES GNYIS KYIS TSOGS LANG MDZAD, BLA SPYI NAS DNGOS 'BYOR GYI MCHOD SPRIN SPROS SHING DGE 'DUN RNAMS LA PHYAG DBANG GNANG, ZHAL SNGA NAS KYIS ZHUS NGOR KUN MKHYEN LEGS PA DON GRUB KYI 'KHRUNGS RABS GSOL 'DEBS GSAR RTZOM GYI LUNG STZAL, MGON KHANG DU CHOS SRUNG RNAMS LA SNYAN SHAL SPYAN GZIGS SOGS PHUL NAS 'PHRIN BCOL MDZAD CING SLOG CHA DANG MANG 'GYED KYANG GNANG, BSGRUB BYA BCU GCIG LA DGE TSUL GYI SDOM PA DANG, BSGRUB BYA NYI SHU LA BSNYEN RDZOGS KYI SDOM PA STZAL,
DNGUL SRANG BZHI STONG NYIS BRGYA NYI SHU RTZA DRUG ZHO DRUG LAS TSE DPAG MED KYI SKU BRNYAN DANG, DNGUL SRANG TSIG STONG BDUN CU DON DRUG ZHO BDUN RE LAS SPYAN RAS GZIGS DANG MTHU CHEN THOB KYI SNANG BRNYAN GSAR DU BSGRUB PA NANG GZHUG RING BSREL RNAM BZHIS BYUR BUR GTAMS TE, RJE BLA MA MCHOG GIS GTZO MDZAD BLA GRVA LNGA BCU NAS TSE CHOG DANG 'BREL BA'I RAB GNAS MDZAD NAS, RJE BTZUN BLO BZANG YE SHES KYI SKU GDUNG RIN PO CHE'I G-YAS PHYOGS SU BZHUGS SU GSOL BA'I SKU MDUN DU MCHOD RDZAS BZANG ZHING GYA NOM PA DPAG TU MED PA 'BUL BAR MDZAD DO, ,ZLA BA'I MDANGS 'PHROG RIN CHEN GNYIS PA LAS, ,'CHI MED DGA' STON STZOL BA'I TSES MTHA' YAS, ,SRAS KYI THU BO GNYIS BCAS SNANG BRNYAN NI, ,YID 'PHROG MIG GI DGA' STON LEGS PAR BSGRUBS, ,YI DAM LHA YI 'PHRIN LAS GZHUNG BSRUNGS TE, ,SNGAGS DANG TING 'DZIN PHYAG RGYA'I ROL PA YIS, ,CHU LA CHU BZHAG JI BZHIN DAM YE GNYIS, ,DBYER MED BSRES PAS DGE LEGS CHAR DU BSNYIL, ,SKABS 'DIR LUG NYI SHU RTZA GNYIS LA SROG BLU MI 'JIGS PA'I SKYABS SBYIN STZAL, MDZOD GOS TSOS KHA SNA TSOGS YUG LNGA BRGYA DRUG CU BRGAL PA, NANG SHA'I RGYUR SMAN TZE DANG AAL CAG SOGS YUG DRUG BRGYAR NYE BA LAS, SANGS RGYAS BYANG SEMS KYI SNANG BRNYAN STONG PHRAG DU MA MCHIS PA RNAMS LA GOS BZANG BO'I NA BZA' SMON TSIG GSAR RTZOM GYI YI GE CAN PHUL TE DGE TSOGS RNAMS RGYAL BA'I BSTAN PA RIN PO CHE DAR ZHING RGYAS PA'I RGYUR BSNGO BA MDZAD, DBYAR GNAS TSUGS 'PHRAL TSOGS CHEN DGE BSKOS GNAS PA DKA' CHEN RNAM RGYAL BKRA SHIS NAS
, ,GSOL BA BTAB PA BZHIN 'DUS PA RGYA MTSOR RNAM THAR DAD PA'I 'JUG NGOGS KYI BSHAD LUNG, LAM KHRID MYUR LAM, LAM RIM GYI BLA MA BRGYUD BA'I RNAM THAR PADMA DKAR PO'I PHRENG BA, RJE NYID KYI GSUNG 'BUM NAS BKA' RTZOM GSAR GNANG LE TSAN, SNYING PO DON GSUM GYI KHRID YIG RNAMS KYI LUNG, RJE TZONG KHA PA LA BRTEN PA'I BLA MA'I RNAL 'BYOR GYI KHRID BCAS RIM BZHIN STZAL CING LHA MO'I GTOR 'BUL DANG SEMS BSKYED KYI CHO GA YANG MDZAD, ZLA BA BDUN PA'I TSES DRUG GI NYIN BDE MCHOG SGRUB MCHOD SKABS GZIMS CHUNG NYI 'OD 'KHYIL DU SNGAGS PA TSOGS YONGS LA ZHAG LNGA'I RING BDE MCHOG RTZA RGYUD KYI GSUNG BSHAD GNANG, TSES BCU GCIG GI NYIN RGYUD PA'I CHOS GRVAR DGE 'DUN RNAMS KYIS BSKYED RDZOGS KYI BGRO GLENG MDZAD PA LA GZIGS RTOG GNANG, DE NAS CHOS GRVAR DGE 'DUN RNAMS LA BDE MCHOG RTZA RGYUD KYI BSHAD LUNG STZAL, SNGAGS PA BLA SPYI NAS RTEN 'BYUNG GI BDOG PA BSTAR, SNGAGS PA CHOS KHRIMS PAS KYANG SGER MJAL ZHUS SHING TSOGS YONGS LA PHYAG DBANG GNANG, LA DVAGS SA SKYONG GI BLON PO NO NO DBANG RGYAL MING SRING NAS DNGOS 'BUL DANG BCAS ZHABS BRTAN PHUL ZHING 'GRO KHAR THON PHYAG KYANG STZAL, PAD TSAL MDA' DPON PHUN TSOGS RNAM RGYAL LA MJAL KHA GNANG ZHING; MDA' DPON NAS RGYUN GYI KHA 'DON DU ZHABS BRTAN GSOL 'DEBS BKA' RTZOM ZHUS PA BZHIN STZAL BA'I LJAGS LUNG YANG GNANG, SNGON DU RTEN RNAMS LA GOS BZANG PO'I NA BZA' GSAR GSOL GNANG BAR GZIGS RTOG DANG CHABS
CIG RTEN GZIGS LA RIM BZHIN PHEBS TE DNGOS BSHAMS YID SPRUL GYIS MCHOD NAS BSTAN 'GROR PHAN BDE RGYAS PA'I THUGS SMON GNANG ZHING SHIS PA BRJOD PA'I ME TOG GTOR, TSES NYER GNYIS LA GZIMS CHUNG NYI 'OD DU RJE BLA MA MCHOG GIS GTZO MDZAD DKYIL KHANG ZHAL SNGA NAS DANG MCHOD PHYAG ,RGYUD 'DON PA, DKYIL KHANG GRVA TSANG PA SNGAGS PA BCO LNGA BCAS NAS CHOS SKYONG LCAM SRING GI SBYIN SREG DANG DE'I PHYI NYIN GTANG RAG BSKANG GSO GNANG ZHING CHOG ROGS BA RNAMS LA YON GZABS, ZLA BA BRGYAD PA'I NANG DU PHYOGS 'DUS GRVA PA DGU BCU GO DGU BSNYEN RDZOGS BSGRUBS, DRANG SRONG Ri shI SHAR BA DANG BSTUN ZHAG LNGA'I RING CHAB BZHUGS KYI 'PHROD BSTEN GNANG, LI THANG SDE BA AA 'BUM BKRA SHIS DUS KYI CHOS NYID DU GYUR PA'I CHED GSUNG BSNGO ZHU RTEN SBAM MTHO 'BYOR PAR DUS 'DAS DE NYID NGAN SONG LAS GROL BA'I THUGS DMIGS MDZAD, MI SNAR 'JAM DBYANGS DKAR PO'I RJES GNANG DANG LAM GYI GTZO BO RNAM GSUM GYI LUNG GNANG, PHYOGS 'DUS SER SKYA MANG POR PHYAG DBANG STZAL, TSES NYER LNGA LA RJE BTZUN TZONG KHA PA CHEN PO'I SNANG BRNYAN DANG PHYAG MDZOD NAS KHUR BLANGS TE RJE RANG NYID KYI SNANG BRNYAN DNGUL SRANG BRGYA DANG NYI SHU RE LAS GRUB PA GZUNGS GZHUG GIS SPUD DE RJE BLO BZANG YE SHES KYI SKU GDUNG GI G-YAS G-YON DU BZHUGS SU GSOL NAS SHIS PA BRJOD PA'I ME TOG GTOR, TSES NYER BRGYAD LA NYE SKOR GYI SGRUB SDE RNAMS KYIS TSOMS CHEN DU SPYAN DRANGS TE BLA MA MCHOD BA, TSOGS MCHOD DANG ZHABS BRTAN DNGOS 'BUL BSTAR BAR KHONG RNAMS LA LAM KHRID DANG PHYAG CHEN RTZA
, ,BA'I LUNG, 'BYUNG BO 'DUL BYED KYI RJES GNANG SOGS STZAL TE SLOG CHA DANG MANG 'GYED KYANG GNANG, LHA LNGA BRAG PA SOGS NYIS BRGYA SKOR LA SPYAN RAS GZIGS PHYAG BZHI PA'I SGOM KHRID, SHANGS MKHA' SPYOD PA DANG DGE 'PHEL BA SOGS GRVA PA LNGA BCU SKOR LA BDE MCHOG LUS DKYIL GYI CHO GA'I LUNG DANG SO SOR MANG 'GYED KYI BSNYEN BKUR BCAS GNANG, ZLA BA DGU PA'I TSES BDUN LA CHU DBAR RI KHROD PA BSTAN PA SANGS RGYAS KYIS ZHABS BRTAN PHUL, DGE SLONG RANG NYID NAS PAR SHING BSGRUBS TE RJE BTZUN MI LA'I RNAM MGUR YONGS RDZOGS PAR DU BRKOS NAS BKRA SHIS LHUN PO'I PAR KHANG DU BZHUGS DGOS TSUL SNYAN DU GSOL BAR DGYES PA CHEN POS ZHAL BZHES DANG GZENGS BSTOD BDAG RKYEN STZAL; SER 'BRAS PA SOGS GRVA PA SUM CU SO DRUG BSNYEN RDZOGS BSGRUBS, TSES BCU DRUG GI NYIN THOS BSAM GLING BLA SPYI NAS GRVA TSANG DU SBYAN DRANGS TE DKAR SPRO GUNG STON SOGS BSNYEN BKUR GZABS, ZHAL SNGA NAS YE SHES CHOS 'DZIN GYIS BSKUL NGOR DMAG ZOR MA'I 'PHRIN BCOL BKA' RTZOM MDZAD, MGON KHANG DU DPAL LDAN LHA MO GSUNG 'BYON MAR SNYAN SHAL, SPYAN GZIGS, MCHOD GTOR SOGS RGYA CHEN PO DANG BCAS RJE RANG NYID NAS BSKUL BA BO MDZAD DE LHA MO'I BSKAD GSO; GTOR 'BUL, MNGA' GSOL SOGS RGYAS PAR GNANG NAS BSHAD SGRUB 'PHEL ZHING BSTAN PA RGYAS PA'I 'PHRIN BCOL MDZAD, BLA SPYI NAS RGYU YON SBYAR TE GSANG SNGAGS RGYUD PA GRVA TSANG PA RNAMS NAS RGYAL BA TSE MTHA' YAS PA'I
CHO GA MDZAD CING, DE DANG 'BREL BA'I ZHABS BRTAN RGYAS PA 'BUL RGYUR DGE 'DUN RNAMS LA MANG 'GYED KYI BSNYEN BKUR DANG BCAS DGONGS JA'I THOG RJE BLA MA MCHOG TSOGS DBUR SPYAN DRANGS TE DNGOS 'BUL BSTAR, TSOGS SKOR DANG PO LA SNGAGS GRVA PA RNAMS KYIS BKRA SHIS RDZAS BRGYAD 'BUL BA SOGS SNGAR RGYUN BZHIN GNANG, 'BUL SLOG DANG GRVA JA'I THEBS STZAL THOG BZANG GOS KYI 'PHAN CHA GCIG SBYOR 'JAGS MDZAD, 'DI SKABS RDO BCAL CHEN MO'I SANGS RGYAS STONG SKU SOGS LA TSON RTZI GSAR GSOL DANG RTEN 'GA' ZHIG GSAR DU BZHENGS PAR TSES NYER GNYIS LA RDO BCAL DU ZHABS ZUNG BKOD DE RGYUD GRVA TSOGS YONGS DANG LHAN CIG DPAL GSANG BA 'DUS PA'I SGO NAS DGON GNAS RTEN GSUM DANG BCAS PA LA DAM YE DBYER MED KYI RAB TU GNAS PA MDZAD RJES 'DUS PA RGYA MTSO DANG BCAS SHIS PA BRJOD PA'I ME TOG GI CHAR PHAB, RTEN RNAMS STONG MCHOD SNA LNGA LA SOGS PAS MCHOD, RAB STON DU DGE 'DUN TSOGS YONGS LA MANG JA BZANG PO, BZHES TSVA, DNGUL SRANG RE'I 'GYED SOGS BSNYEN BKUR RMAD DU BYUNG PA MDZAD, NYIN RJES MA LA GTANG RAG BSKANG GSO GNANG, DE LTAR RAB GNAS MDZAD PA'I MTHU LA BRTEN NAS YUL KHAMS SNUM BAG DANG LDAN ZHING DGE MTSAN DU MAS GANG BAR GYUR, TSES NYER LNGA'I NYIN KYANG TSA RTING MA GROL NAS DGE 'DUN YONGS RDZOGS RDO BCAL DU 'TSOG RGYU'I ZHAL TA PHEBS PA BZHIN BSGRUBS TE TSOGS YONGS NAS RIGS LUNG MDZAD DU BCUG ,RJE NYID NAS KYANG THOS BSAM GLING ZHAL SNGA NAS MKHAS DBANG YE SHES CHOS 'DZIN LA TSAD MA
, ,RIG PA'I DKA' GNAS LAS BRTZAMS TE BGRO GLENG MDZAD PAS ZHAL SNGA NAS KYI DAM BCA' MDZUB RTZES REG PA'I DNGUL CHU LTAR GYUR TE RTZOD NGAG SENG GE'I NGA ROS SMRA NGAN RI DVAGS KYI TSOGS RNAMS 'DAR BAR MDZAD DO, ,SKYE BAS THOB PA'I BLO GROS STOBS RDZOGS SHING, ,MANG THOS GSAN PA'I RAL KHUR G-YO BA CAN, ,MGON KHYOD DGAG SGRUB KHRI LA BZHUGS TZAM GYIS, ,SMRA NGAN GNYIS 'THUNG KUN GYI SPOBS PA 'PHROG ,DE NAS DGE BA'I BSHES GNYEN STAG MO BA DKA' CHEN BLO BZANG BKRA SHIS NAS PO TI LNGA LA DAM BCA' BZHAG ,MTSAN NYID GRVA TSANG KHAG GSUM NAS DGE BA'I BSHES GNYEN GNYIS RE BZHENGS TE LEGS PAR BSHAD PA'I DGA' STON SBEL BAR DE DAG LA GZENGS BSTOD KYANG STZAL, YONGS 'DZIN MKHAN RIN PO CHE LAS NYI MA SBAS PA'I LUGS KYI SGROL MA NYER GCIG GI RJES GNANG ZHU BA MDZAD, GNAM GANG GI NYIN PHYOGS 'DUS SUM CU SO DGU BSNYEN RDZOGS BSGRUBS, ZLA BA BCU PA'I TSES GCIG NAS BZUNG PHYOGS 'DUS DON GNYER BA BRGYA DGE TSUL DANG, GNYIS DGE TSUL MAR BSGRUBS, GRVA PA BRGYA DANG BZHI BCU ZHE BZHI LA BSNYEN RDZOGS KYI SDOM PA GNANG, TSES LNGA LA AA MDO BA SUM BRGYA SKOR LA PHYAG DBANG DANG TSE DPAG MED KYI SGOM LUNG STZAL, TSES BRGYAD LA 'DUS SDER MANG JA BZANG PO'I THOG 'GYED DNGUL BAL tAM GSUM RE DANG SPYIR BYIN RTEN DU NA BZA' LUS GANG GCIG GNANG, TSES BCU GCIG NAS BZUNG NYIN GSUM GYI RING AA MDO BA DGU BCU GO GSUM BSNYEN RDZOGS BSGRUBS, MTSO SNGON BSTAN PA PA'I LI BKRA
SHIS TSE BRTAN, DPON MO SRAS BCAS DPON G-YOG SUM BRGYA SKOR LA MJAL KHA JA GRAL BKA' 'DRI GNANG, ZHAG KHA SHAS SONG MTSAMS BSTAN PA PE'I LI NAS TSOGS DBUR SPYAN DRANGS TE DNGOS 'BUL RGYA CHEN PO DANG BCAS ZHABS BRTAN PHUL; KHONG BA NAS ZHUS NGOR NGO G-YOG RNAMS DANG AA MDO BA BZHI BRGYA SKOR LA N'A RO MKHA' SPYOD KYI DBANG DANG, GDUGS DKAR LHA BCU BDUN MA'I DBANG GNANG, GZHAN YANG GRUB RGYAL LUGS KYI TSE DBANG, 'PHO KHRID SOGS BZHED PA DANG SBYAR, SLAR YANG PE'I LI NAS DNGOS SKYES GYA NOM PA PHUL, PHEBS KAR GNANG SKYES SOGS SBAM MTHO BA STZAL, TSES BCU DRUG NAS BZUNG ZHAG KHA SHAS KYI RING SOG RIGS LNGA BCU DGE TSUL DANG, BRGYA DANG BCU BDUN BSNYEN RDZOGS BSGRUBS, PHU YAN BLA MA AA KYA HU THOG THU SKU GSHEGS PA'I DGONGS RDZOGS SGRUB MI NAS TSOGS DBUR SPYAN DRANGS TE DNGOS 'BUL BSTAR ZHING SBYIN BDAG GI NGOR TSOGS YONGS DANG LHAN DU RJE BLA MA'I RNAL 'BYOR GYI KHRID STZAL, SKU GSHEGS DE NYID KYI THUGS DGONGS RDZOGS PA'I THUGS DMIGS GNANG, 'GRO KHAR THON PHYAG STZAL TE RE BA BSKANG, HAL HA BDE MCHOG YEL TING WANG GI MI SNAS DNGOS 'BUL DANG BCAS ZHABS BRTAN PHUL, BKRA SHIS 'KHYIL GYI SDE PA BLA MA, DUR BDE THE'I JI BCAS THUN MONG NAS TSOGS DBUR SPYAN DRANGS TE ZHABS BRTAN DNGOS 'BUL BTEG PAR DE DAG LA BABS BSTUN GYI THON PHYAG STZAL, ZLA BA BCU GCIG PA'I TSES GNYIS LA SER SKYA MANG BOR PHYAG DBANG GNANG, TSES LNGA LA MCHOD GTOR RGYAS PAR BSHAMS TE GZIMS CHUN
, ,NYI 'OD DU RJE BLA MA MCHOG GIS GTZO MDZAD BLA GRVA BZHI BCU SKOR NAS ZHING SKYONG CHEN PO TZA TU RMU KHA DANG CHOS SKYONG DREGS PA LCAM SRING GI BSKANG GSO MDZAD PAR YON SOGS BSNYEN BKUR BZANG PO BSTAR, DE NAS RE ZHIG BAR SKU MTSAMS BCAD RGYA'I KHONGS SU THUGS DAM ZAB MO'I NYAMS BZHES LA GZHOL BAR MDZAD, THUB PA DAM TSIG GSUM BKOD KYI CHO GA RGYUN NYAG PHRA GSHIS DE NYID MI NYAMS GONG 'PHEL SOGS KYI CHED THOB RGYAL BDE CHEN DU DGE SLONG BZHI GRVA'I SGRUB SDE GSAR 'DZUGS MDZAD PAR DAM TSIG GRUB PA ZHES PA'I MING STZAL CING DGE SLONG DE DAG NAS ZLA BA NGO RE BZHIN GYI NYA STONG BRGYAD GSUM DANG, LO LTAR DAM TSIG GSUM BKOD KYI SGRUB MCHOD ZHAG NYER GCIG RE'I RING MDZAD RGYU'I MCHOD PA'I RGYU DANG PHOGS YON BZANG PO'I THEBS KYI THOG MCHOD CHAS DU MA SBYOR 'JAGS GNANG, ZLA BA BCU GNYIS PA'I TSES BCU BDUN LA SKU MTSAMS GROL TE PHYOGS 'DUS SER SKYA MANG POR PHYAG DBANG STZAL, LO 'DI NANG AU RGYAN RDZONG PA BLO BZANG RNAM RGYAL DANG DPAL 'BYOR RGYAL MTSAN, BA SO BA BLO BZANG BSTAN 'DZIN, YANG BLO BZANG BSTAN 'DZIN, SA LUNG PA RJE DRUNG YE SHES TSE BRTAN, JO RDZONG PA DGE LEGS RGYAL MTSAN, LHUN GRUB RTZE PA BLO BZANG PADMA BCAS NAS PHAR PHYIN GYI 'GREL PA, 'BRONG RTZE PA BLO BZANG BSTAN 'DZIN, GLO SBUG PA BLO BZANG ZLA GRAGS, LHA KHANG PA BLO BZANG TSE RING, DPE THUB PA BLO BZANG TSE RING DANG BLO BZANG BSTAN PA, RI MKHAR BA CHOS MDZAD BLO BZANG DGE LEGS, LA KHA BA BLO BZANG RGYAL MTSAN, JO RDZONG PA
BLO BZANG MGON PO, SA PA BLO BZANG BSTAN 'DZIN SOGS NAS RNAM 'GREL PHYI THAL PHRENG LE'U BZHI, BZHAD PA YE SHES SKAL LDAN, MDANGS CHEN PA DGE 'DUN DAR RGYAS BCAS NAS SMON t'I KA ,GLO SPUG PA DKA' CHEN YE SHES RNAM RGYAL, SHOD KHUD PA BLO BZANG RGYAL MTSAN, ZHI GNAS PA DKA' CHEN DGA' LDAN CHOS 'PHEL BCAS NAS GSANG BA 'DUS PA'I BSKYED RDZOGS, DBEN DGON PA YE SHES GRAGS PA DANG DPAL 'BYOR PHUN TSOGS, YE SHES GRAGS PA, YE SHES RDO RJE, BLO BZANG BSTAN PA, YE SHES CHOS GRAGS, BLO BZANG BRTZON 'GRUS BCAS NAS BDE MCHOG RTZA RGYUD, CHOS 'KHOR LHUN PO BA 'PHRIN LAS YAR 'PHEL, BSOD NAMS YAR 'PHEL BCAS NAS BYAMS CHOS SDE LNGA, DNGOS GRUB KYIS BYAMS CHOS SDE LNGA DANG TSAD MA RIGS GTER, SANGS RGYAS CHOS DAR GYIS LUNG RIGS RGYA MTSO, PHUN GLING BA DKA' BCU DGE 'DUN PHUN TSOGS KYIS DBU MA'I RTZA BA DANG DE'I 'GREL PA RGYAL DBANG LNGA PAS MDZAD PA, ZHA LU BA BLO BZANG MKHAS MCHOG GIS DUS 'KHOR GYI CHO GA YONGS RDZOGS BSDUS RGYUD DANG BCAS PA, THAR PA BA BLO BZANG DGE LEGS KYIS BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I MYUR LAM DANG KYEE RDOR GYI RGYUD, 'JAM DPAL MTSAN BRJOD, GU GE BA DGE SLONG BLO BZANG YON TAN GYIS MDZOD KYI THAL PHRENG BCAS KYI RGYUGS PHUL BAR GNANG CHA SNGAR SROL LTAR STZAL, ` 'GAL BA ZHES PA SA MO GLANG GI LO ZLA BA DANG PO'I TSES BCU BDUN GYI NYIN SKU TSA SKU SKYE YE SHES TSUL KHRIMS DGE TSUL DU BSGRUBS, SDE DGE
, ,DPON MO DUS CHOS SU GYUR PAS NGAN SONG GNAS 'DON MDZAD, ZLA BA GNYIS PA'I TSES GCIG GI NYIN GU GE ZHANG ZHUNG PA DGE SLONG YE SHES MTHA' YAS SKU GSHEGS KHAR SKYABS 'JUG ZHUS PAS THUGS DGYES PA CHEN POS RJES 'DZIN GYI GSUNG STZAL, GRUB DBANG DGE SLONG 'DI NYID LTA GRUB DANG TSUL KHRIMS GTZANG ZHING DKA' SPYAD KYI SGO NAS BLA MA DAM PA RNAMS LAS ZAB CHOS MTHA' YAS PA GSAN TE YONGS 'DZIN GNYIS LA 'BUL BAR MDZAD PAS BKA' DRIN LHAG PAR CHE GSHIS, SKYABS MGON MCHOG NAS KYANG THUGS SHIN TU BRTZE BA'I SBAS PA'I RNAL 'BYOR PA ZHIG YIN SNANG, TSES BDUN LA PAD TSAL MDA' DPON PHUN TSOGS RNAM RGYAL GYIS DNGOS 'BUL SBAM MTHO BA DANG BCAS MJAL KHA ZHUS, KHONG RANG LA DBYANGS CAN MA'I SKOM LUNG DANG 'BUL SLOG BCAS STZAL, HAL HA DZA YA PAndI TA'I DGONGS RDZOGS SGRUB MI DANG, AA LAG SHA DVAGS PO ZHABS DRUNG, PHUN TSOGS PE'I SI'I BLA MA SOGS 'BYOR PAR PHYAG DBANG JA GRAL BKA' 'DRI GNANG, TSES BCO BRGYAD KYI NYIN DVAGS PO SPRUL PA'I SKU NAS DNGOS SKYES DANG BCAS ZHABS BRTAN GSOL 'DEBS ZHUS, LHA RTZE LHAG SGO NANG BA'I TSONG DPON NAS GZIMS CHUNG ZHABS BRTAN PHUL, AU RAD GUNG KUN DGA' RAB BRTAN GYI MI SNA THU SA LAG CHI LHA SRUNG, LCAGS LA DPON MO, LHA MGON SPRUL SKU'I DGONGS RDZOGS SGRUB MI SOGS KYIS RANG 'BYOR DANG BSTUN PA'I DNGOS 'BUL DANG, DZA YA PAndI TA'I DGONGS RDZOGS SGRUB MI NAS TSOGS DBUR SPYAN DRANGS
TE DNGOS SKYES BSTAR, DAM PA DE NYID KYI THUGS DGONGS RDZOGS PA'I SPYAN DMIGS KYANG GNANG, NYIN KHA SHAS KYI RING HAL HA THU SA LAG CHI LHA SRUNG GIS ZHUS NGOR SOG RIGS BRGYA SKOR LA TSE DPAG MED LHA DGU DANG MI 'KHRUGS PA LHA BCU GSUM GYI DBANG CHEN, DGA' LDAN LHA BRGYA MA DANG PHYAG CHEN GYI KHRID BCAS STZAL, LHA MGON SPRUL SKU'I GNYER PA BLO BZANG BKRA SHIS LA THON PHYAG GNANG BA DANG BSTUN SPRUL SKU MYUR 'BYON GSOL 'DEBS SOGS KYI LJAGS LUNG GNANG, DKYIL KHANG GRVA TSANG DU GSER ZANGS KYI RGYAL MTSAN GSAR BSKRUN MDZAD RGYU'I ZHAL 'DEBS SU GSER BRGYAD JO BCU STZAL, HAL HA SOGS BTZUN GSUM BSNYEN RDZOGS BSGRUBS, ZLA BA GSUM PA'I TSES GCIG LA SHANGS DGA' LDAN BDE CHEN RAB RGYAS GLING BA RNAMS KYIS ZHUS NGOR PHYAG NA RDO RJE 'KHOR LO CHEN PO'I SMIN BYED KYI DBANG GI STA GON DANG, DE'I PHYI NYIN DNGOS GZHI BCAS STZAL, TSES GSUM GYI NYIN DGA' LDAN BDE CHEN RAB RGYAS GLING TSOGS YONGS NAS 'KHOR LO CHEN PO'I BDAG MDUN BUM GSUM, DBANG BCAS CHO GA YONGS RDZOGS MDZAD PA'I TSOGS DBUR RJE BLA MA MCHOG DANG PHYAG MDZOD CHEN MO PHEBS BAR, CHO GA RNAMS BYANG CHUB CING PHUN SUM TSOGS PA BYUNG ZHES LEGS SO BRJOD CING 'GYED KYANG STZAL, DA DUNG SNGAGS PA GRVA TSANG GI BSKANG GSO'I DBYANGS ROL RNAMS SBYONG DGOS PA'I BKA' KHYAB GNANG, GCEN LUNG BA CHOS RJE BLO BZANG DPAL 'BYOR DANG, LEGS BSHAD GLING PA CHOS RJE YE SHES DPAL LDAN GYI GNYER PA BCAS SO SO NAS TSOGS DBUR SPYAN
, ,DRANGS TE DNGOS 'BUL DANG BCAS ZHABS BRTAN PHUL BAR RNAM RGYAL MA'I GZUNGS RING GI LUNG STZAL, RGYUD STOD SMAD KYI GRVA PA BCU BDUN BSNYEN RDZOGS DANG, SOG RIGS NYER BZHI DGE TSUL BSGRUBS, DVAGS PO ZHABS DRUNG GIS ZHUS DOR 'JIGS BYED KYI SNGAGS BTU'I RJES GNANG DANG, BKA' GDAMS THIG LE BCU DRUG GI SGOM KHRID, SGROL DKAR GYI RJES GNANG, 'JAM DPAL MTSAN BRJOD KYI LUNG, THONG GA LAG CHOS RJES ZHUS NGOR NGO G-YOG GNYIS LA 'JIGS BYED KYI BSKYED RDZOGS KYI KHRID, HAL HA AU RAD SOGS SOG RIGS BYINGS LA TSE DBANG DANG RANG RANG GI 'DOD CHOS BKA' RTZOM ZHUS PA RNAMS KYI LJAGS LUNG DANG, SPOS SNAM SOGS KYI GNANG SBYIN BCAS THON PHYAG RIM BZHIN STZAL, ZLA BA BZHI PA'I TSES BDUN LA DGA' LDAN BDE CHEN RAB RGYAS GLING BA RNAMS KYIS RTZE SHOD LHAN RGYAS SU MGON CHOS, LHA MO SOGS CHOS SKYONG RNAMS KYI BSKANG GSO'I DBYANGS CHEN DANG BAR GDANGS BCAS LEGS PAR SBYANGS TE, GDANGS RGYUGS PHUL BAR SHIN TU DGYES PAR MDZAD CING KHA BTAGS, DNGUL BCAS KYI 'GYED GYA NOM PA STZAL, DE RJES KHONG TSOGS PA RNAMS LA 'KHOR LO CHEN PO'I SBYIN SREG GI CHO GA'I LJAGS LUNG DANG, ZLA BA GSUM GYI RING NYIN LTAR JA THUG BDUN RE DANG CHOS SKYONG YONGS RDZOGS KYI BSKANG GSO GTONG RGYU'I DGOS CHA STZAL NAS GSAR BTZUGS CHO GA PHYAG LEN RNAMS MA NYAMS PA DGOS PA'I BKA' PHEBS, 'DI SKABS SNGA PHYIR SKU SKYE BLO BZANG RIG GROL, TSOGS CHEN DGE BSKOS MDANGS CAN PA, SPEL KHANG RJE DRUNG, SER 'BRAS DANG RGYUD PA
SOGS GRVA PA BRGYA DANG BDUN CU DON GCIG BSNYEN RDZOGS BSGRUBS, 'DOD DPAL DO DAM PA BLO BZANG DPAL 'BAR GYIS BYAMS PA'I SKU BRNYAN LI MCHE BA ZHIG PHUL BAR THUGS DGYES, BKRA SHIS RTZE'I NYI 'OD LCAM SRAS BCAS LA SKYABS 'GRO'I KHRID; GZHUNG GI GSER DPON, SHING TOG SGRUB MI, GSER MDOG CAN BLA SPYI SOGS PHYOGS NAS DAD 'DUS MANG BOR PHYAG DBANG GNANG, ZLA BA LNGA PA'I NANG DU SMON LAM CHEN MO DANG GOS SKU'I ZHAL MJAL SOGS SNGAR BZHIN MDZAD, TSES BCU DRUG LA GSANG 'DUS MI BSKYOD RDO RJE'I SNANG BRNYAN GSER ZANGS LAS GRUB PA, DPANGS SOR LNGA BCU YOD PA, GRUB CHEN L'U AI BA'I LUGS KYI 'KHOR LO SDOM PA'I SNANG BRNYAN DPANGS SOR ZHE BZHI LHAG TZAM YOD PA, KUN RIG DANG RNAM 'JOMS KYI SNANG BRNYAN KHRU PHYED DO LHAG TZAM YOD PA RNAMS BZO BKOD PHUN SUM TSOGS SHING RIN PO CHE'I PHRA RGYAN DU MAS MDZES PA LEGS PAR BZHENGS GRUB PA'I GZUNGS 'BUL GYI YO BYAD RING BSREL RNAM BZHI'I PHUNG PO BCAS LA BGEGS SKROD DANG GNOD SBYIN 'KHOR LO BSGRUB PA SOGS RJE RANG NYID KYIS MDZAD CING TING NGE 'DZIN GYIS BYIN GYIS BRLABS, SNGAGS CHEN ZHAL SNGA NAS SOGS BLA GRVA 'GA' ZHIG THEG PA CHEN PO'I GSO SBYONG LA GNAS PA'I SGO NAS GZUNGS 'BUL NOR BU'I ME LONG GI DGONGS DON DANG MTHUN PAR BSGRUBS, RJE BLA MA MCHOG GIS GTZO MDZAD BLA GRVA BRGYAD NAS RAB GNAS YANG DAG PA DANG, RGYAL BSTAN SPYI DANG KHYAD PAR GSANG SNGAGS RDO RJE THEG PA YUN RING DU GNAS PA'I THUGS DMIGS MDZAD, GONG GSAL GYI RTEN DE RNAMS
, ,TSES NYER BDUN GYI NYIN SNGAGS KHANG DU SPYAN DRANGS TE TSA RTING MA'I THOG 'BUL SBYOR MDZAD PAR, SNGAGS GRVA'I DGE 'DUN RNAMS NAS KYANG SHIS PA BRJOD PA'I ME TOG GTOR, DE SNGON THAN PA CHE BA'I MU YIN KYANG DE NYIN NAS BZUNG CHAR GYI RGYUN CHEN PO BABS PAS RTEN 'BREL LEGS PAR GYUR, ZLA BA DRUG PA DKAR 'PHRAL NAS BZUNG CHOS GRVA PA 'DI NYID KYI LHA KHANG RNAMS KYI SKU BRNYAN TSANG MAR GRANG GSER ZHO NYIS BRGYA BRGAL BAS GSER GSOL MDZAD, TSES BDUN LA TSUL KHRIMS KHANG PA MI TSAN GYIS DKAR SPRO DANG BCAS GZIMS CHUNG ZHABS BRTAN PHUL BAR SLOG CHA MANG 'GYED DANG, GRU KHANG GI GRU GSAR BZO'I MTHUN RKYEN STZAL, TSES BCO BRGYAD KYI NYIN DGE BSKOS THON PA DRUNG RAM PA BLO BZANG DPAL 'BYOR NAS 'DUS SDE'I TSOGS DBUR SPYAN DRANGS, ZHABS BRTAN GSOL 'DEBS ZHU RTEN DNGOS 'BUL MOD MI DMA' BA BTEG ,DGE BSKOS NAS GSOL BA BTAB PA BZHIN, DBYAR GNAS SKABS 'DUS BA RGYA MTSOR LAM KHRID BDE LAM GYI THOG NAS GZAB BSHAD DANG BCAS PA, GTOR MA BRGYA RTZA'I DMIGS SKOR ZHAL SHES, RJE RANG NYID KYI GSUNG 'BUM GRAS SHOG BU BRGYA DANG BDUN CU SKOR GYI LUNG, MCHOD TSOGS RGYA CHEN PO DANG BCAS THEG PA CHEN POR SEMS BSKYED PA'I CHOG GNANG, TSES NYER GNYIS KYI NYIN SNGAGS GRVA NAS CHOS SKYONG RNAMS KYI BSKANG GSO'I DBYANGS CHEN DANG, BAR GDANGS KYI RGYUGS PHUL BAR GZIGS RTOG DANG 'GYED KYANG STZAL, 'DI SKABS THAN PA CHE BAS LO TOG LA GNOD TSAB CHEN PO BYUNG BA THUGS KYIS
MA BZOD PAR KLU DBANG GI RGYAL PO'I SKU BRNYAN RJE RANG NYID KYIS PAR 'DEBS GNANG BA LNGA BRGYA SKOR LA ZHAL GSER DANG NA BZA' GSOL TE ZLA BA BDUN PA'I TSES GSUM GYI NYIN KHRON KHA CHEN MO'I 'GRAM RTEN KHRI BKOD LEGS KYI STENG GDAN DRANGS PA LA, LHAG GNAS KYI ME TOG GTOR TE KLU GTOR BSNGOS, SA BDAG KLU GNYAN GYI NYER 'TSO ZHI ZHING CHAR CHU DUS SU PHEBS PA SOGS KYI THUGS SMON MDZAD PAS DE NYIN NAS BZUNG CHAR RGYUN SNYOMS PAR BABS PAS PHAN BDE'I GSOS SU GYUR, DPAL LDAN AA TI SHA DANG THAMS CAD MKHYEN PA DGE 'DUN GRUB, RJE BTZUN BLO BZANG CHOS KYI RGYAL MTSAN GSUM GYI GOS SKU GSAR DU BZHENGS TE, 'DUS PA RGYA MTSO'I THUGS DAM RTEN RNYING PA GSUM GYI BRJE TSAB TU PHUL BA LA 'DUS PA'I SDE DANG LHAN CIG SHIS PA BRJOD PA'I ME TOG GTOR TE RAB YON KYANG STZAL, PHYOGS 'DUS GRVA BA BDUN CU DON LNGA BSNYEN RDZOGS BSGRUBS, ZLA BA BRGYAD PA'I TSES BRGYAD KYI NYIN DKYIL KHANG GRVA TSANG NAS SPYAN DRANGS PA LTAR PHEBS, BLA SBYI NAS DKAR SPRO GUNG STON LA SOGS PA'I BSNYEN BKUR GZABS, TSOGS DBUR SPYAN DRANGS TE DNGOS 'BUL DANG BCAS ZHABS BRTAN PHUL, SKU GSUNG THUGS RTEN DANG SKU'I NYER SPYAD RNAMS BZHES SHING, DE PHYIN SPYI 'BUL DNGUL PHYIR SLOG THOG MANG 'GYED DANG 'PHAN CHA'I SBYOR 'JAGS MDZAD, Ri shI SHAR BA DANG BSTUN ZHAG LNGA'I RING CHAB KYI 'PHROD BZHAS GNANG, TSES BCU DRUG LA ZHVA DMAR SPRUL BA'I SKU'I PHYAG MDZOD GSAR BA MJAL DU 'ONGS PAR PHYAG DBANG BKA' 'DRI DANG 'GRO KHAR THON PHYAG KYANG STZAL,
, ,'BRUG SDE SRID NAS SMAN BA RTA MGRIN TSE RING CHED DU MNGAGS PA'I MDUN, MAndAL DANG, RGYA GAR DANG 'BRUG PHYOGS KYI DNGOS PO'I 'BUL NOD RGYA CHE BA BCAS BRTAN BZHUGS PHUL BAR PHYAG DBANG BKA' 'DRI DANG 'BYOR LAN KYANG SBAM MTHO BA STZAL, RTA TSAG SPRUL SKU'I PHYAG MDZOD DPAL LDAN RGYA MTSO'I MTSAMS ZHU BA 'BYOR BAR PHYAG DBANG GNANG, 'DI SKABS RJE BTZUN BLO BZANG YE SHES DPAL BZANG PO'I DNGUL GDUNG CHEN MO'I NYE 'GRAM SOGS KYI LHA KHANG GSAR BZHENGS RNAMS LA GNYER GTAD KYI BSRUNG MA KHYAD PAR CAN ZHIG DGOS PA 'DUG GSUNG STE, BKRA SHIS PHUN TSOGS 'KHYIL GYI NUB ZUR DU DBANG LDAN MA RU RTZE'I DUR KHROD KYI BKOD PA DANG MTSUNGS PA'I MGON KHANG GSAR BSKRUN NANG CHOS SKYONG DREGS PA LCAM SRING GTZO 'KHOR GSUM GYI SNANG BRNYAN, GNAS CHEN DU MA'I SA SNA RDO SNA DANG BYIN RTEN, RIN PO CHE RNAMS BSRES PA'I DAR 'DAM LAS GRUB PA NANG GZHUG PHUL PHYIN GYIS GTAMS PA GSAR DU BZHENGS PA LA RJE BLA MA MCHOG GIS GTZO MDZAD BLA GRVA BCU GSUM SKOR NAS RAB GNAS DANG BSKANG 'PHRIN RGYAS PAR MDZAD, RTEN GSUM MCHOD RDZAS DANG BCAS PA GNYER DU GTAD CING 'PHRIN LAS BCOL BAS RTAGS MTSAN LEGS BA BYUNG, RIN CHEN RANG BZHIN GZHAL MED KHANG CHEN 'GRAM, , RDAM BRJID DPA' BO ROL PA'I PHO BRANG MCHOG ,BYANG SHAR MA RU RTZE YI DUR KHROD LTAR, ,BSGRUBS PAS SRIN PO'I TSOGS KYANG SKRAG PA 'DZIN, ,GANG DER ZHING BCU'I DGRA BO'I SROG GI GSHED, ,DBANG GI MDOG CAN GNOD SBYIN BSHAN PA'I TSOGS,,
BDUD RTZI'I ROL MTSOR RANG MO'I 'DU 'GOD BZHIN, ,'BRAL MED THUB BSTAN BSRUNG BA'I GAR GYIS ROL, ,TSES NYI SHU LA PHYOGS 'DUS NYI SHU RTZA BDUN BSNYEN RDZOGS BSGRUBS, AA TZA RA MA nI RAM LA BKA' PHEBS TE SLONG MO BA LONG BA BCU DRUG GI MIG 'BYED DU 'JUG PA GNANG NAS DE DAG LA MI RER GON PA RE DANG DNGUL SRANG RE, MA nI RAM LA KHA BTAGS, DNGUL SRANG BCU BDUN BCAS STZAL, ZLA BA DGU PA'I TSES BRGYAD LA PE'I CING MI SNA LHA RTZE MKHAN PO NGO G-YOG 'BYOR PAR GONG MA CHEN PO'I SKU'I MTSAMS ZHU MDZAD, GSER YIG GNANG RTEN 'CHAR 'PHAR RGYA CHE BA BCAS STZAL PA BZHES NAS MKHAN POR JA GRAL DANG BKA' 'DRI GNANG, SKU KHAMS CUNG ZAD BRO 'TSAL BA'I TSUL BSTAN PAR SKU MTSAMS BCAD RGYAR BZHUGS NAS SKU'I 'PHROD BZHES MDZAD CING, PHYAG MDZOD CHEN MO NAS KHUR BZHES NGOS TSOGS CHEN DANG SNGAGS GRVA, GRUB MTHA' RIS MED KYI DGON KHAG RNAMS LA MANG SKOL GNANG NAS ZHABS BRNYAN SKU RAM RGYA CHER BSGRUBS, MA 'GYANG BAR SKU KHAMS DVANGS PAS SKU'I 'PHROD BZHES SU CHAB TSAN GNANG NA LEGS TSUL LA MO CHOS SKYONG NAS LUNG PHEBS PA BZHIN, ZLA BA DGU BA'I TSES BCU GNYIS NYIN SHANGS RGYA MTSO'I CHAB TSAN LA CHIBS KHA BSGYUR, GLING GRU KHA LHOR ZHAG BZHUGS GNANG THOG GZHUNGS MCHOD YON NAS SKU'I MTSAMS ZHU DANG, PHEBS LAM SOGS KYI GRVA SGRIG TU MGRON GNYER CHOS MDZAD NGO G-YOG 'BYOR ZHING, DBEN DGON GNYER BA DANG RDOR SLOB SOGS LAS TSAN PA, BKRA SHIS RDZONG KHA DANG LHAN GNYER PA, GSER MDOG CAN BLA SPYI
, ,SOGS KYIS CHIBS BSU DANG SER SBRENG, BRO GZHAS BCAS BYUNG BAR MANG 'GYED GNANG CHA SOGS SNGAR RGYUN BZHIN STZAL, TSES BCU GSUM GYI NYIN GLING GRU KHA BYANG DU BKRA SHIS RTZE NAS SDE PA TSE DBANG SRAS BCAS DANG G-YANG, LUG GDONG, MKHO LAM, THOB GZHIS BCAS KYI GNYER PA DANG GRONG STOD KHANG GSAR BA DANG GRONG STOD SHAR BA, BYE PHU LHO PA SOGS KYI CHIBS BSU BCAS G-YANG KLU SDINGS SU BZHUGS ZHAG THOG GNYER PAS DKAR SPRO DANG DNGOS 'BUL BSTAR, DE'I PHYI NYIN DGA' LDAN BDE CHEN RAB RGYAS GLING NAS GSOL DPON DPAL LDAN DAR RGYAS DANG, RDOR SLOB DBU CHOS BCAS KYI CHIBS BSU SER SBRENG BCAS BYUNG BAR GNAD CHA MANG 'GYED STZAL, DE NAS RIM BZHIN GRONG RNYING, RGYA MTSO KLU SDINGS RNAMS SU BZHUGS ZHAG MDZAD DE, TSES BCU BDUN GYI SNGA DRO NAS ZHAG BCU GCIG RING RGYA MTSO CHAB TSAN GYI 'PHROD BZHES GNANG, GZHUNGS NAS SKU'I MTSAMS ZHU DANG LJAGS SMIN 'BUL MI MGRON GNYER NGO G-YOG 'BYOR PAR MJAL KHA GNANG, GZHAN YANG BKRA SHIS RTZE, G-YAG PA DPON, RGYA MTSO BDE CHEN RI KHROD BCAS KYIS DKAR SPRO BTEG CING, RA RNYING BKRAS SGANG BA SOGS RGYA MTSO KHUL GYI SGER LDING PHYOGS 'DUS KHA SHAS BCAS KYIS MJAL KHA ZHUS PAR PHYAG DBANG GNANG SBYIN SOGS YID MGU BA DANG BDE CHEN RI KHROD PAR MANG 'GYED GYA NOM PA BCAS BSTAR, TSES NYER BRGYAD LA DE NAS CHIBS KHA BSGYUR TE GSHONG DU THANG DPON GYIS GSOL TSIGS KYI BSNYEN BKUR DANG DNGOS 'BUL PHUL BAR MJAL KHA'I THOG BKA' 'DRI GNANG CHA BCAS
STZAL; RNAM GLING KLU SDINGS SU BZHUGS ZHAG THOG DGA' LDAN CHOS 'KHOR BLA MA 'DUS SPYI NAS MAndAL SOGS DNGOS 'BUL DANG BCAS BRTAN BZHUGS PHUL BAR PHYAG DBANG DANG BLA SPYIR GNANG CHA MANG 'GYED BCAS BSTAR, ZLA BA BCU PA'I TSES GCIG LA DGA' LDAN BDE CHEN RAB RGYAS GLING DU PHEBS, BZHUGS ZHAG LNGA'I RING GSOL STON SOGS BSNYEN BKUR GZHIS LEN GZAB RGYAS ZHUS, DE'I PHYI NYIN RTEN GZIGS SU PHEBS NAS THUB DBANG GI SNANG BRNYAN SOGS RTEN RNAMS DANG CHOS SKYONG GI RTEN RNAMS LA SNYAN SHAL MCHOD 'BUL SPYAN GZIGS BCAS BSTAR, TSES GSUM GYI NYIN BDE CHEN RAB RGYAS GLING GNYER TSANG NAS RGYU YON SBYAR TE 'DUS PA'I TSOGS KYIS BDE MCHOG L'U AI PA'I CHO GA DANG 'BREL BA'I SGO NAS ZHABS BRTAN PHUL, TSOGS PA RNAMS LA PHYAG DBANG DANG PHYAG MDZOD CHEN MO NAS ZHUS NGOR ZHABS BRTAN GSOL 'DEBS MI 'GYUR RDO RJE'I SGRA DBYANGS ZHES PA BKA' RTZOM MDZAD DE LJAGS LUNG GNANG, CHOS GZHIS MI SER RNAMS NAS KYANG DNGOS 'BUL BTEG ,DE'I PHYI NYIN KYANG TSOGS SKOR BZHI TZAM LA TSOGS DBUR PHEBS, GNYER TSANG DANG GSOL DPON DPAL LDAN DAR RGYAS BCAS LA 'BUL BA'I SLOG CHA GZAB STE STZAL, LDE CHUNG BA DGE LEGS 'BYUNG GNAS KYIS DKAR SPRO'I THOG DNGOS 'BUL BSTAR, DGA' CHOS MKHAN PO DANG LUG GDONG, MKHO LAM BCAS KYI GNYER PA, RNAM GLING RDZONG DPON GNYIS, MA nI SGANG BA, SHEL SHIG PA, RGOD TSANG SGRUB SDE, RDOR GLING GNYER PA, CHUM PA MI TSAN RNAMS NAS RANG 'BYOR DANG BSTUN PA'I DNGOS 'BUL PHUL BAR SLOG CHA DANG, SLONG MO BA'I TSOGS MANG BOR
, ,GNANG SBYIN GYA NOM PA BCAS STZAL, SREG SHING GI 'JAM DBYANGS GAR GZIGS MA'I SKU MDUN DU BRGYA MCHOD SNA LNGA DANG, SNYAN SHAL 'BUL MI GTONG BA MDZAD, TSES DRUG LA DE NAS CHIBS KHA BSGYUR TE BKRA SHIS RTZER ZHAG GSUM BZHUGS, STON 'KHOR TSANG MAR GSOL STON GZAB RGYAS THOG DNGOS 'BUL RGYA CHE BA BSTAR, SKU NGO SO SOR NA BZA', GSER DNGUL, JA, 'BRU SOGS KYI GNANG CHA GZAB PA DANG, NANG GZAN RNAMS LA GNANG SBYIN BCAS STZAL, MGON KHANG DU LHA MOR SNYAN SHAL SPYAN GZIGS PHUL TE 'PHRIN BCOL DANG, LCAM 'BRUG CHOS 'DZOM GYIS GSAR BZHENGS RTEN RNAMS LA RAB GNAS MDZAD, TSES DGU LA BKRA SHIS RTZE NAS CHIBS KHA BSGYUR TE G-YANG DU BZHUGS ZHAG THOG GNYER PAS DKAR SPRO DANG DNGOS 'BUL BTEG ,SA SMAD DU GRONG STOD KHANG GSAR BAS GZHIS LEN BSNYEN BKUR ZHUS SHING BKA' 'GYUR YONGS RDZOGS PHUL, MTHONG SMON GSHONGS SU DBEN DGON GNYER SPYI NAS DKAR SPRO DANG DNGOS PO'I BDOG PA BSTABS, GDAN SA CHEN PO'I ZHAL SNGA NAS BZHI SOGS PHEBS BSUR 'ONGS PA 'BYOR TE PHYAG DBANG DANG BKA' 'DRI STZAL, TSES BCU GCIG LA ZAM PA SHAR DU GSOL TSIGS THOG GZHIS RTZE RDZONG DPON SOGS CHIBS BSU BA RNAMS LA MJAL KHA GNANG, SER SBRENG BRO GZHAS KYI BSU BA DANG BCAS GDAN SA CHEN POR PHYAG PHEBS, DE'I PHYI NYIN BLA BRANG NAS GSOL STON ZHUS, CHAB TSAN NAS TSUR PHEBS SKABS LAM BAR GYI LHA SDE MI SDE RNAMS NAS SER SBRENG DANG BRO
GZHAS KYI BSU BA BAR MA CHAD PAR BYUNG BA LA MANG 'GYED GSOL RAS KYANG STZAL, TSES BCU BZHI'I NYIN GZHUNG GI MGRON GNYER DANG DRUNG 'KHOR NGO G-YOG LA THON PHYAG GNANG, TSES BCU DGU'I NYIN LA DVAGS HE MI'I KHRI PA MI PHAM GYIS DNGOS 'BUL RGYA CHE BA DANG BCAS ZHABS BRTAN PHUL, KHAMS RMI LI BLA MA SOGS GRVA BA DGU BCU GO GCIG BSNYEN RDZOGS DANG, DRUG CU RE LNGA DGE TSUL BSGRUBS, TSES NYER GSUM LA RGYAL DBANG MCHOG GI SKU'I KHU BO DANG SKU TSA SDE BA DPAL LDAN DON GRUB NGO G-YOG PHEBS PAR PHYAG DBANG JA GRAL BKA' 'DRI GNANG, TSES NYER LNGA LA GNAS PA LO TZ'A BA BLO BZANG MKHAS MCHOG GSOL DPON DU BSKO BZHAG MDZAD, DE NYIN RGYAL DBANG MCHOG GI SKU'I KHU BO RJE DRUNG BLO BZANG PHUN TSOGS KYIS DNGOS 'BUL GTOS CHE BA DANG BCAS ZHABS BRTAN PHUL, TSES NYER DRUG GI NYIN SNGAGS CHEN ZHAL SNGA NAS DANG, SPYI SA NAS SNGAGS PA GRVA TSANG GI GTZUG LAG KHANG GI STENG DU GSER ZANGS KYI RGYAL MTSAN CHA GSAR 'DZUGS MDZAD PAR PHYAG NAS KYI BYIN RLABS ZHU BA'I CHED SPYAN DRANGS NAS GSOL STON RGYAS PA DANG MANG JA 'PHAR MA'I THOG BLA SPYI SO SO NAS DNGOS PO'I BDOG PA BTEG CING TSOGS PAR PHYAG DBANG STZAL, ZHAL BSROR ZHABS TOG NYIN GANG THOG KHA BTAGS, DNGUL BAL tAM RE'I 'GYED SLOG CHA BCAS GZABS, MGON KHANG SBUGS KYI RTEN DANG GZIMS KHANG SER BO'I LHA MO BCAS LA SNYAN SHAL SPYAN GZIGS PHUL TE 'PHRIN BCOL GNANG, ZLA BA BCU GCIG PA'I TSES DRUG GI NYIN SKU'I KHU BO NYID NAS ZHUS NGOR GRUB RGYAL LUGS KYI TSE DBANG DANG, DE'I PHYI NYIN GNANG CHA GZAB STE
, ,STZAL; BZHUGS RING STON MO ZUR GSOS DANG RTA THAB KYI BSU SKYEL SOGS BKUR GZOS CHE BA MDZAD, GNYER PA GRANG MO CHE BA YE SHES RNAM RGYAL NAS KHUR BLANGS TE TSES BCU GNYIS KYI NYIN GZIMS CHUNG NYI 'OD 'KHYIL BAR DGA' LDAN RAB RGYAS 'DUS TSOGS NAS TSE CHOG MDZAD PA'I TSOGS DBUR SPYAN DRANGS TE SPYI SA NAS DNGOS 'BUL DANG BCAS ZHABS BRTAN PHUL, BA SO MI TSAN NAS KYANG ZHABS BRTAN PHUL BAR DAM TSIG GSUM BKOD KYI BLA BRGYUD GSOL 'DEBS KYI LUNG GNANG, SO SOR SLOG CHA MANG 'GYED BCAS DANG, BYE GLING PA SOGS LA'ANG MANG 'GYED GNANG, AOR TU SU PE'I SI RNAM RGYAL RDO RJE'I THE'I JI DANG, PE'I CING MI SNA LHA RTZE MKHAN PO SO SO NAS ZHABS BRTAN PHUL, BDE CHEN SPRUL SKU SOGS SOG RIGS DU MAS DNGOS 'BUL BSTAR ZHING MKHAN POS ZHUS NGOR BKA' DRIN GSOL 'DEBS KYI LUNG GNANG, G-YAG PA DBON RNAM RGYAL TSE RING BOD 'BROG BCAS SDE SPYI NAS DNGOS 'BUL BTEG PAR SLOG CHA YANG STZAL, TSES BCU DRUG LA TRE BO KHANG GSAR SPRUL SKU SOGS DANG SOG RIGS RNAMS LA DGA' LDAN LHA BRGYA MA'I BLA MA'I RNAL 'BYOR DANG 'BREL BA'I LAM KHRID MDOR BSDUS DANG TSE DBANG DNGOS SKYES BCAS THON PHYAG GNANG, SOG RIGS BCU BDUN BSNYEN RDZOGS BSGRUBS, TSES BCU DGU LA GZIMS KHANG RGYAL MTSAN MTHON PO'I GZIMS CHUNG MDO SPUGS KYI RTEN RNAMS LA ZHAL GSER PHUL TE SPYAN 'DREN KHRUS GSOL DANG 'BREL BA'I LHAG GNAS KYI ME TOG 'THOR 'BUL GNANG, TSES NYI SHU NAS
BZUNG SKU MTSAMS BCAD RGYAR BZHUGS NAS THUGS DAM ZAB MO'I RNAL 'BYOR LA GZHOL BAR MDZAD, ZLA BA BCU GNYIS PA'I TSES BCU DGU LA SKU MTSAMS GROL NAS KHA SKONG GI SBYIN SREG GNANG, LO 'DI NANG HAR GDONG BA BLO BZANG RGYAL MTSAN DANG YE SHES CHOS DAR, LA KHA BA BKRA SHIS RGYAL MTSAN, LHUN PO RTZE BA YE SHES RGYAL MTSAN, LEGS BSHAD GLING BA YE SHES BKRA SHIS DANG BLO BZANG SNYAN GRAGS, 'DAR BA BLO BZANG BSTAN 'DZIN, ZHI GNAS PA BLO BZANG BRTZON 'GRUS, MDANGS CHEN PA YE SHES 'PHRIN LAS, BZHAD PA BLO BZANG BYAMS PA DANG YE SHES BSTAN DAR, SPANG YUL BA BLO BZANG BZOD PA, GTING SKYES PA BLO BZANG DON YOD, BA SO BA BLO BZANG TSE RING, 'BRONG RTZE BA BLO BZANG SKAL BZANG DANG BLO BZANG KLU DBANG, GRANG MO CHE BA YE SHES SKAL LDAN, GLO SBUG PA DPAL LDAN CHOS 'BYOR, NOR BU DGA' LDAN PA YE SHES DAR RGYAS, BA SHE BA BLO BZANG 'BYUNG GNAS BCAS KYIS RNAM 'GREL LE'U BZHI'I THAL PHRENG, MDANGS CHEN BA BLO BZANG MTHA' YAS DANG BLO BZANG RGYAL MTSAN, DPE THUB PA BLO BZANG SBYIN PA, BZHAD PA DGE SLONG BLO BZANG DPAL 'BYOR, PAD GLING KHANG PA BLO BZANG 'OD ZER, THON PA BLO BZANG DON GRUB RNAMS KYIS THAR PHYIN GYI THAL PHRENG, GNAS PA DKA' CHEN BLO BZANG DPAL 'BYOR GYIS GSANG 'DUS BSKYED RDZOGS, DPEN DGON PA TSUL KHRIMS RGYA MTSO, BSTAN PA RGYAL MTSAN, BLO BZANG BSTAN 'DZIN, BLO BZANG DGE LEGS, YE SHES TSUL KHRIMS, YE SHES BSHES GNYEN, BLO BZANG RGYA MTSO, YE SHES TSE RING, BLO BZANG
, ,BRTZON 'GRUS, BSTAN PA DAR RGYAS, YE SHES GRAGS PA, BLO BZANG RDO RJE, YE SHES 'PHRIN LAS RNAMS KYIS BDE MCHOG RTZA RGYUD, DPAL CHOS RIN SDINGS GRVA TSANG PA YE SHES CHOS LDAN GYIS BRGYAD STONG PA, 'BRAS YUL SKYID TSAL BA KUN DGA' MCHOG GRUB GYIS 'DUL MNGON GYI SPYI DON DANG SDOM GSUM RAB DBYE, ZHA LUB DGE 'DUN TSANGS DBYANGS KYIS DUS 'KHOR BSDUS RGYUD, CHOS 'KHOR LHUN PO BA SANGS RGYAS CHOS DAR GYIS SDOM GSUM RAB DBYE, TSAD MA RIGS GTER, MNGON RTOGS RGYAN, SO THAR GYI MDO, BSOD NAMS BSTAN 'DZIN GYIS BYAMS CHOS SDE LNGA BCAS KYI RGYUGS PHUL BAR GNANG CHA SNGAR RGYUN BZHIN STZAL, ` RNAM BYUNG ZHES PA LCAGS PHO STAG GI LO ZLA BA DANG PO'I TSES BRGYAD NAS BZUNG NYIN GNYIS KYI RING BSGRUB BYA DRUG CU RE GSUM BSNYEN RDZOGS BSGRUBS, BYANG CHEN SGRUB SDER DGE SLONG NYI SHU RTZA BZHI DANG, RGOD TSANG SGRUB SDER DGE SLONG NYI SHU RTZA BRGYAD NAS ZLA BA GSUM GYI RING MA nI RIL SGRUB MDZAD PAR MCHOD CHAS DANG PHOGS YON BZANG PO STZAL, TSES BCU BZHI LA LA DVAGS SA SKYONG GI SRAS MI PHAM GYIS GTZOS BSGRUB BYA SUM CU BSNYEN RDZOGS MDZAD, TSES BCU DRUG LA NYUG CHOS 'KHOR GLING 'DUS SPYI NAS MDO LUGS DANG 'BREL BA'I ZHABS BRTAN DNGOS 'BUL BSTAR BAR SLOG CHA DANG MANG 'GYED, DGA' LDAN LHA BRGYA MA'I KHRID BCAS STZAL, PHYAG MDZOD CHEN MO NAS CHOS SDE DGA' LDAN BDE CHEN RAB RGYAS GLING GSAR 'DEBS GNANG BAR GZHUNG SA MCHOG NAS GZIMS 'GAG MDUN LEGS SKYES DNGOS 'BUL
BSTAR BA BDAG GIR BZHES SHING ZHU LAN RTEN BCAS 'BUL BA GNANG, SKABS 'DIR GORshA SA SKYONG GI MI SNA PHYIR LOG GDONG SA SKYONG NYID LA, SPYIR YANG 'JIG RTEN GYI KHAMS KYI SKYE BO PHAL BA RNAMS KYI GNAS SKABS KYI BDE SKYID NI RGYAL BO CHEN PO RNAMS CHOS DANG LDAN PA LA RAG LUS SHING, KHYAD PAR DU NEE PA LA'I YUL GRU CHEN PO NI, DE BZHIN GSHEGS PA 'KHOR BA 'JIG NAS BZUNG STE BCOM LDAN 'DAS DPAL 'KHOR LO SDOM PA'I GNAS KHYAD PAR CAN DU RGYUD LAS GSUNGS PA YIN PAS, 'DI NYID NYAMS CHAGS SU GYUR TSES SKYONG RANG GI TSE BSOD LA GNOD PA DANG, BSTAN 'GRO SPYI LA YANG MI LEGS PAS SA SKYONG NYID NAS THUGS KHUR BZANG PO DON LA KHEL BA ZHIG MDZAD DE, BAL BO'I YUL GYI MCHOD RTEN GNYIS DANG, SHAN T'A BU RI'I GTZUG LAG KHANG DU GNAS PA SOGS BAL YUL GYI NANG BA'I SDE RNAMS LA RGYAB SKYOR DANG MCHOD PA RGYA CHER MDZAD DGOS PAR MA ZAD, SA SKYONG KHAG PHAN TSUN GZHAN RNAMS KYI SAR YANG 'KHRUG RTZOD MED PAR THUGS MTHUN MDZAD NAS BZHUGS NA LEGS TSUL GYI BSLAB BYA ZHIB RGYAS DANG BCAS PA'I BKA' SHOG GNANG RTEN BZANG POS SPA BA STZAL, MI SNA RNAMS LA'ANG DE LUGS KYI BKA' DANG THON PHYAG GNANG, DE DANG PHYOGS MTSUNGS PAR SKYABS 'JUG DGOS TSUL GYI ZHU YIG 'BUL MI BYUNG PA SO SOR DNGOS PO'I GNANG SKYES BZANG PO DANG BCAS RANG RANG GI LTA GRUB DANG MTHUN PA'I BSLAB BYA STZAL NAS PHAN TSUN THUGS MTHUN ZHOD 'JAGS MDZAD NA LEGS TSUL RGYAS PAR BKA' PHEBS TE YUL GRU DE DAG TU 'KHOD PA'I SKYE BO RNAMS BDE SKYID KYI
, ,DPAL LA SBYOR BA'I THABS TSUL MDZAD, GDAN SA 'DI NYID KYI SGRIGS 'GRIMS GRAS GSAR TSUD BRGYA PHRAG TU NYE BA DGE BSNYEN NAS DGE TSUL GYI BAR BSGRUBS, GZIMS DPON 'TSO BYED DGE SLONG DGE 'DUN DON GRUB NA TSOD MTHON POR GYUR PAS DGONGS PA ZHUS KHROL LA BRTEN, BLA SMAN PA NYID KYI TSA BO DKA' CHEN NGAG DBANG NAM MKHA' GZIMS DPON DANG BLA SMAN GNYIS 'THUS KYI GO SAR KHONG RANG GI 'DOD PA BZHIN BSKO BZHAG MDZAD, DE NAS RING BOR MA LON PAR 'TSO BYED KYANG DUS CHOS SU GYUR PAR THUGS BRTZE BA CHEN POS RJES 'DZIN GYI SKYABS 'JUG MDZAD, 'DI DANG DUS 'DAS GSOL DPON YE SHES BSTAN 'DZIN GNYIS KAR SO SO'I MING NAS SMOS TE SNYING RE RJE ZHES YANG YANG GSUNG ZHING, BDUN TSIGS SO SOR 'JIGS BYED LA BRTEN NAS SDIG SGRIB SBYONG BA'I SPYAN DMIGS MDZAD CING NGED KYI ZLA BO SPO PHO DE RNAMS BDE BA CAN DU SKYES SO ZHES GSUNGS NAS MNYES TSUL GNANG, GZHAN YANG RGYA DKAR NAG DANG BOD SOGS YUL GRU DU MA NAS PHUL BA'I BYA BYI'U RI DVAGS LA SOGS PA RNAMS LA BZA' BTUNG DANG SDOD GNAS NYAMS SPRO BA STZAL TE SHI BA NA MI 'KHRUGS PA'I SGO NAS RUS CHOG DANG TSA TSA 'DEBS PA SOGS MDZAD, KHA BA DANG CHAR BA DANG 'JA' SPRIN LA SOGS PA BYUNG BA NA DE DAG LA GZIGS NAS NGED KYI SROG CHAGS SHI BA DE DANG DE LHAR SKYES NAS RGYAL BA MI 'KHRUGS PA DANG KHO BO CAG RNAMS LA MCHOD PA YIN 'DUG GSUNGS NAS DGYES DGYES MDZAD PA SOGS NGO MTSAR BA MANG DU GNANG, HENG T'A ZHIN 'BYOR GDONG GONG NAS GNANG
SKYES GYA NOM BA STZAL DRUNG CHED RDZONG MDUN TSES NYER LNGA LA 'BYOR PA GUS PA CHEN POS BZHES, DE GONG RJE BLA MA MCHOG NAS NO MON HAN DE MO SPRUL PA'I SKU RIN PO CHER BKA' 'PHRIN STZAL TE, RGYA GAR GYI PAndI TA ZLA BA ZHES PA'I THUGS DAM RTEN 'KHOR LO SDOM PA LHA DRUG CU RTZA GNYIS PA'I DKYIL THANG DANG THUB DBANG BYANG CHUB CHEN PO'I BRIS THANG DRANG SRONG SRIN PO RI'I GTZUG LAG KHANG NA BZHUGS PA 'DI KHAR BSRING BA MDZAD DGOS PHEBS PA 'DI SKABS PHYAG TU 'BYOR PAR ZHIB GZIGS GNANG STE DGYES PA CHEN PO MDZAD, LA DVAGS SA SKYONG GI SRAS BLO BZANG 'PHRIN LAS RGYAL MTSAN GYIS SNGON NAS GSOL BA BTAB PA BZHIN, GDUGS DKAR LHA SO BDUN MA'I DBANG GNANG, LO SNGON MA'I NANG DU DE MO SPRUL PA'I SKU NAS RDO RJE DBYINGS KYI SBYIN SREG GI CHO GA BLA BRGYUD GSOL 'DEBS SMON LAM SHIS BRJOD GSAR RTZOM ZHUS PA GSAR SGRIG MDZAD DE STZAL, GONG DU BKA' DRIN CHE TSUL GYI ZHU YIG RTEN LDAN 'BUL BA DANG BCAS RTZE DRUNG LA THON PHYAG GNANG, ZLA BA GNYIS PA'I TSES GNYIS LA MKHAS MCHOG BYE BA'I BSTI GNAS THOS BSAM GLING BLA SPYI NAS RGYU YON SBYAR TE GRVA TSANG GI GTZUG LAG KHANG CHEN PO'I STENG GSER ZANGS LAS GRUB PA'I RGYAL MTSAN CHA GNYIS DANG, LHA MO GSUNG 'BYON MA'I BZHUGS KHANG GI STENG DU GSER ZANGS KYI GANYDZI RA BCAS GSAR 'DZUGS MDZAD PAR RAB GNAS KYI CHED SPYAN DRANGS PA LTAR GRVA TSANG DU PHYAG PHEBS, CHOS GRVA'I TSOGS DBUR ZHABS ZUNG BKOD NAS 'DZIN GRVA SO SOR BRTZI BZHAG STZAL, GCEN LUNG PA DGE BA'I BSHES GNYEN DGA'
, ,CHEN BLO BZANG DPAL 'BYOR NAS PO TI LNGA LA DAM BCA' BZHAG ,GZHAN MA 'GA' ZHIG BZHENGS NAS THAL 'GYUR GYI PHRENG BA SPRO BAR MDZAD PA LA THUGS MCHOG TU DGYES TE GZENGS BSTOD DANG, DGE 'DUN RNAMS LA PHYAG DBANG GNANG, GZIMS CHUNG DU ZHAL SNGA NAS KYIS STON CHEN DANG 'BREL BA'I BSNYEN BKUR GZABS, DGONGS JA'I THOG CHOS GRVA 'DI NYID KYI DGE 'DUN TSOGS YONGS GRVA JA CHEN MOR TSOGS PA'I DBUS SU CHOS KYI GDAN KHRI CHEN POR ZHABS KYI PADMO BKOD THOG ,GRANG MO CHE BA DKA' BCU CHOS 'PHEL DON GRUB DANG, SER KHANG PA DKA' BCU DGE LEGS RGYAL MTSAN GNYIS KYIS RNAM 'GREL LA TSOGS LANG MDZAD PAR LEGS DAR GNANG ZHING BLA SPYIS GSER ZANGS KYI RGYAL MTSAN DANG GANYDZIR GSAR BSKRUN GRUB PA'I LEGS SO'I DNGOS 'BUL BTEG ,ZHAL SNGA NAS YE SHES CHOS 'DZIN GYIS RJE NYID KYI SKU'I CHE BA DANG ZHABS PAD BRTAN DGOS PA'I RGYU MTSAN ZHUS, TSOGS YONGS LA ZHABS BRTAN GSAR RTZOM GYI LUNG YANG GNANG, 'DU KHANG STENG DU PHEBS NAS RGYAL MTSAN DANG GANYDZIR GSAR BSKRUN LA SHIS PA BRJOD PA'I ME TOG GTOR, RONG PA MI TSAN GYI TSOGS KHANG LA DE NYID NAS PHYAG NAS GNANG, THOS BSAM GLING GI MI TSAN KHAG NAS KYANG DNGOS 'BUL BSTAR, LHA MO GSUNG 'BYON MA'I MGON KHANG DU MCHOD RDZAS SPYAN GZIGS BSHAMS TE RJE RANG NYID KYIS SBUB CHAL BSNAMS NAS BSKANG GSO MDZAD, 'BUL BA'I SLOG DANG DGE 'DUN CHIG STONG BZHI BRGYA LA MANG 'GYED STZAL, GOS CHEN GYI 'PHAN CHA
GCIG SBYOR 'JAGS MDZAD, PHYI DRO RGYAL MTSAN MTHON POR ZHABS ZUNG BKOD THOG RJE NYID KYI BKA' LAS DE RING GI DAM BCA' BA DANG BGRO GLENG MDZAD MI DE THAMS CAD SLOB GNYER BZANG PO BYUNG, DA LTA BKRA SHIS LHUN PO 'DI NA DGE BSHES BZANG PO 'DUG CES THUGS DGYES PA CHEN PO GNANG, RJE 'DI GLU GAR SOGS GSAN GZIGS LA DGYES TSOR MI MDZAD CING CHOS KYI GTAM SPYI DANG KHYAD PAR BGRO GLENG GSAN BAN DGYES TSOR CHEN PO DANG, SANGS RGYAS KYI SKU BRNYAN GZIGS PA NA SANGS RGYAS DANG MJAL BA RNYED PAR DKA'O ZHES BYIN RLABS ZHU PAR MDZAD PA NI RJES 'JUG RNAMS LA DE LTAR BYED DGOS ZHES PA'I BRDAR SNANG, RGYAL DBANG GONG MA'I DUS MCHOD KYI NYIN BYANG CHUB CHEN PO'I BRIS THANG DRANG SRONG SRIN PO RI NAS SPYAN DRANGS PA BYIN CHEN GYIS MTSON DKON MCHOG GI RTEN RNAMS KYI DRUNG DU MCHOD TSOGS RGYA CHEN BSHAMS TE SPYAN 'DREN KHRUS GSOL SOGS MDZAD NAS THUGS SMON GNANG, PHYI DRO GLING ME PHUL ZHING 'JIGS BYED KYI BDAG 'JUG THUGS NYAMS SU BZHES, RJE NYID KYI SKU TSA MI PHAM RANG YUL LA THEGS SKABS KHYOD RANG RANG YUL DU 'BYOR NAS SANGS RGYAS KYI BSTAN PA'I ZHABS TOG GANG DRAG BSGRUB DGOS, GAL SRID NANG MA MTHUN PA DANG, DA LTA'I SA SKYONG TSES MA ZIN PA SOGS BYUNG TSE 'GA' ZHIG NAS SA SKYONG GI GO SAR 'JOG 'DOD BYAS YONG SHAS CHE BAS, DE RIGS LA NYAN 'JOG BYAS NA MI LEGS PAS SEMS LA ZHOG CES BKA' SLOB DANG THON PHYAG GNANG, TSES BRGYAD LA STOBS 'PHROG GDONG BZHI PA DANG GNOD SBYIN CHEN PO DREGS
, ,PA LCAM SRING LA MTHUN PA'I DAM RDZAS MCHOD GTOR BZANG ZHING GYA NOM PA DANG, SPYAN GZIGS DU MA TSAR DU DNGAR NAS RJE NYID KYIS GTZO MDZAD CHOG ROGS PA NYER BZHI DANG BCAS CHOS SKYONG GNYIS KYI BSKANG GSO ROL MO DBYANGS DANG BCAS PA MDZAD DE 'PHRIN LAS BCOL, RGYA NAG TU BLA MAR 'BYON MI RGYUD SMAD DGE BSHES SANGS RGYAS 'OD ZER SRAD RGYUD DU KHRI 'DON BYED PAR 'GRO RGYU'I LAM ZHOR MJAL DU 'ONGS PAR PHYAG DBANG JA GRAL BKA' 'DRI GNANG, KHONG RANG NAS ZHUS NGOR MGON PO'I RJES GNANG DANG TSE DBANG STZAL, TSES BCU GNYIS LA HAL HA G-YAS RU JA SAG THU HAN GYI BLA MA NOR BU DGA' LDAN PA DKA' CHEN BLO BZANG SKAL BZANG GI DGE SGRUB PA SLOB DPON DGE SLONG BLO LDAN DANG, DA'I CHING THE'I JI SMAN GUG SOGS LA 'BYOR PHYAG GNANG, SER 'BRAS DGE GSUM SOGS KYI GRVA PA BZHI BCU ZHE LNGA BSNYEN RDZOGS BSGRUBS, GONG MA BDAG PO CHEN PO DGUNG LO DRUG CUR PHEBS PA'I BA YAR 'BUL MI MKHAN PO YE SHES DGE 'DUN GYI GDONG ZHU YIG SNYAN NGAG GI LAM NAS DRANGS PA SKYES BZANG GYA NOM PA DANG BCAS PHUL, DPON TSANG NGAG DBANG NAM MKHA' NAS DPON TSANG GONG MA'I DGONGS RDZOGS KYI CHED GZIMS CHUNG SO SOR BRGYA MCHOD PHUL BA RNAMS RJE NYID NAS BYIN GYIS BRLABS TE DMIGS YUL DE NYID KYI CHED DU BSNGO BA GNANG, BYANG RIGS MI SNA KHAG NAS DNGUL GOS DAR SOGS KYI DNGOS 'BUL BSTAR, TSES BCU BDUN GYI NYIN HAL HA G-YAS RU JA SAG THU HAN TSE RING DPAL DAR GYI SHOG ,HUR TSA BE LIG THU DANG GNYER BA YE SHES
RNAM GROL BCAS NAS TSOGS DBUR SPYAN DRANGS TE DNGOS 'BUL DANG BCAS ZHABS BRTAN GSOL 'DEBS ZHUS, DUS 'DAS GU SHRI NO YON CHOS RJE BLO BZANG NGAG DBANG PHYAG RDOR GYI CHED DU BSNGO BA ZHU RTEN SBAM MTHO BA PHUL BAR RJES 'DZIN GYI SKYABS 'JUG KYANG MDZAD, TSES BCU DGU LA HAL HA SOGS NAS TSOGS DBUR SPYAN DRANGS TE ZHABS BRTAN DNGOS 'BUL BSTAR, DE'I PHYI NYIN DGE BSHES SANGS RGYAS 'OD ZER SRAD RGYUD KYI KHRI 'DON GRUB NAS PHYIR 'BYOR PAR GSANG 'DUS RTZA RGYUD LE'U BCU GSUM PA'I LUNG DANG DNGOS PO'I GNANG CHA GYA NOM PA STZAL NAS GONG MA CHEN PO'I DGONGS BZHED LTAR BSTAN PA'I ZHABS TOG LA 'BAD DGOS PA'I ZHAL TA GNANG, DE'I PHYI NYIN SER 'BRAS DGE GSUM DANG SOG RIGS SOGS GRVA BA SUM CU BSNYEN RDZOGS DANG, BCU BDUN DGE TSUL, GNYIS DGE BSNYEN BCAS BSGRUBS, DRANG SRONG SRIN PO RI NAS SPYAN DRANGS PA'I SKU THANG GNYIS SLAR YANG DBUS SU GDAN 'DREN GNANG RGYUR GZIMS CHUNG NYI 'OD DU ZHAL PHYE STE MCHOD TSOGS RGYA CHEN PO TSAR DU DNGAR NAS RJE BLA MA MCHOG NAS YAN LAG BDUN PA SNGON DU 'GRO BA'I KHRUS GSOL DANG PHYAG 'TSAL BCAS THUGS SMON YANG DAG MDZAD, BRIS THANG 'DI GNYIS KYI GONG GSHAM RNYING BA BRJES NAS GSAR DU BSKRUN, ZLA BA GSUM PA'I TSES GSUM GYI NYIN LHA RTZE BLA GRVA THUN MONG NAS GZIMS CHUNG NYI 'OD DU GNAS BRTAN PHYAG MCHOD DANG BCAS ZHABS BRTAN PHUL, DGE 'DUN BYINGS LA MTSAMS 'DRI DANG 'CHAD NYAN 'PHEL LUGS SOGS KYI BKA' 'DRI PHEBS, DE'I PHYI NYIN
, ,LHA RTZE BA DGE 'DUN RNAMS DANG GTZANG MDA' DPON GSUM SOGS DAD LDAN MANG POR GRUB RGYAL LUGS KYI TSE DBANG GNANG, LHA RTZE BA GRA PA BCU GNYIS BSNYEN RDZOGS BSGRUBS, BYANG RIGS KYI MI SNA RNAMS LA PHYAG DBANG DANG SGROL MA'I RJES GNANG STZAL, SA GA ZLA BA'I TSES GCIG NAS BZUNG NYIN GSUM GYI RING RGYUD SMAD PA SOGS GRVA PA DGU BCU BSNYEN RDZOGS BSGRUBS, TSES DRUG LA DUS 'KHOR CHOG GRVA PA RNAMS LA KHRO BO CHEN PO RDO RJE SHUGS KYI MAN NGAG LA BRTEN NAS CHAR 'BEBS BYA TSUL GYI KHRID, DE'I CHO GA GSAR RTZOM GYI LUNG BCAS GNANG, SNYING RI ZHABS DRUNG YE SHES BKRA SHIS NAS SGRA MDO KA L'A PA'I RGYUGS PHUL BAR GDONG DRUG DGA' BA'I LANG TSO ZHES PA'I MING DANG GNANG CHA BSTAR, TSES DGU NAS BZUNG KHRO BO RDO RJE SHUGS KYI MAN NGAG LA BRTEN NAS CHAR 'BEBS MDZAD PAS RING POR MA LON PAR CHU YI LCID KYIS NGAL BA'I SPRIN CHEN PO 'KHRIGS PA LAS CHAR RGYUN LEGS PAR BABS, TSES BCU GSUM LA GRVA PA NYI SHU RTZA BDUN BSNYEN RDZOGS BSGRUBS, SKABS 'DIR RIMS NAD THOR BU BYUNG BAR BRTEN TSES BCO BRGYAD LA RJE NYID NAS CHOG ROGS PA LNGA BCU DANG BCAS GZIMS CHUNG NYI 'OD 'KHYIL PAR CHOS SKYONG RNAMS KYI BSKANG GSO DANG GDUGS DKAR ZLOG CHEN MDZAD PA'I ZOR KHA DANG ME BKRA LEGS SHING DE LA BRTEN NAS RIMS NAD KYANG SPRIN DVANGS PA BZHIN DU GYUR, TSES NYER LNGA LA PHYOGS 'DUS GRVA PA NYI SHU RTZA BDUN BSNYEN RDZOGS BSGRUBS, DBUS MDA' DPON DNGOS GRUB RNAM RGYAL KHAMS MA 'TSO BAR
BRTEN GNYER PA DAR RGYAS CAN 'BYOR TE LJAGS BSNGO ZHU RTEN SBAM MTHO BA PHUL BA BDAG GIR BZHES TE DMIGS YUL DE NYID 'KHOR BA DANG NGAN SONG GI 'JIGS PA LAS GROL BA'I SKYABS 'JUG MDZAD, GNYER BA BTZAN RGOD DANG SER 'BRAS PA SOGS MANG POR PHYAG DBANG STZAL, DAM CAN CHOS KYI RGYAL POR PHYI NANG GSANG BA'I RTEN RDZAS RNAMS 'DZUGS PAR BZHED DE DE'I GRA BSGRIGS PA NA, BOD KYI KHYI CHEN PO 'GA' ZHIG GZIGS PHUL BAS 'DIS MI YONG GSUNG STE 'BRUG SDE SRID BRGYUD RGYA GAR BHANGGA LA'I SA SKYONG KHAG LNGA LA BKA' PHEBS PAR, DE DAG GIS DANG BA CHEN POS KUN NAS BSLANGS TE PHUL BA NA THUGS SHIN TU DGYES, TSES NYER DGU'I NYIN DAM CAN CHOS KYI RGYAL POR MCHOD GTOR SNGAR BAS KYANG BZANG ZHING GYA NOM PA BSHAMS TE DBYANGS ROL DANG BCAS BSKANG GSO RGYAS PAR MDZAD, DENG PHYIN CHAD NYER DGU NAM BYUNG LA MCHOD GTOR MA CHAG PA BYED DGOS PA'I BKA' PHEBS, ZLA BA LNGA PA'I TSES BCU BZHI NAS BZUNG SMON LAM CHEN MO SNGAR BZHIN MDZAD, TSES NYI SHU LA DON GNYER CAN SUM CU SO DGU BSNYEN RDZOGS BSGRUBS, LO 'DIR MTSO SNGON NAS DPON B'A THUR PE'I SI RNAM RGYAL TSE RING DPON MO DANG BCAS DBUS GTZANG DU MJAL BAR BYON PA 'DAM GYI SA CHAR PE'I SI NYID SKU KHAMS MA 'TSO BAR DPON MO NOR 'DZIN DBANG MO NAS LJAGS BSNGO ZHU RTEN DANG LNGAD BYED KYI DUM BU BCAS RTA ZAM RIM BRGYUD KYI THOG PHUL BA 'BYOR PAR PE'I SI DANG SNGAR NAS THUGS 'DRIS YOD GSHIS THUGS LA BCAGS PA GNANG STE SDIG
, ,PA SBYANG BA'I CHO GA RGYAS PAR MDZAD NAS SO DE LA MI 'KHRUGS PA'I SKU BRGYA PHRAG MANG PO PAR DU 'DEBS PA GNANG STE RI'I RTZE DANG CHU BO'I KLUNG DU SPYAN 'DREN PAR MDZAD DE DMIGS YUL DE NYID 'KHOR BA DANG NGAN SONG GI 'JIGS SKRAG LAS GROL TE BDE LDAN ZHING DU SKYE BA'I THUGS DMIGS YANG DAG MDZAD, TSES NYER DRUG NAS BZUNG NYIN GSUM GYI RING GZIMS CHUNG NYI 'OD 'KHYIL BAR DPAL RDO RJE 'JIGS BYED CHEN PO'I DBANG GI SBYIN SREG TSAR MANG DU MDZAD PA'I MJUG TU CHOS RGYAL GYI BSKANG GSO YANG GNANG, SDINGS CHEN PA DANG MTSO SGO SGANG CHEN PA SOGS PHYOGS 'DUS MANG POR RIM GYIS PHYAG DBANG GI BYIN RLABS DANG BABS BSTUN GYI GNANG SKYES STZAL, ZLA BA DRUG PA'I TSES GSUM NAS BZUNG SNGON DU BKA' PHEBS PA LTAR CHOS RGYAL GYI SPYAN GZIGS SROG CHAGS TSANG MA 'DZOMS NAS GDAN SA CHEN PO 'DI NYID DU MI DANG MI MA YIN PA'I 'TSE BA MTHA' DAG NYE BAR ZHI ZHING BSHAD SGRUB BSTAN PA'I BYA BA GONG 'PHEL DU 'GYUR BA'I CHED TSOMS CHEN DU CHOS KYI RGYAL POR RJEN PHYE KHAL SUM BRGYA BRGAL BA LAS GRUB PA'I GTOR CHEN DANG, GZHAN YANG MCHOD GTOR, PHYAG MTSAN, KHYI LUG SOGS SROG CHAGS SPYAN GZIGS KYI TSOGS TSAR DU DNGAR, CHOG ROGS PA BZHI BCU LHAG DANG BCAS ZHAG BDUN GYI RING DAM CAN CHOS KYI RGYAL POR GZAB GSOL DANG TSES DGU LA GTOR CHEN DRUG CU PA 'PHEN PA GNANG, SA 'DZIN KHENGS 'PHROG DMAR CHEN GTOR MA DANG, ,DAM RDZAS SROG CHAGS SPYAN GZIGS TSAR DU DNGAR, ,GDUNG DBYANGS
ROL MO 'BRUG LTAR SGROGS PA YIS, ,'JAM DPAL BKA' SDOD 'KHOR BCAS BSKUL BA'I MOD, ,DRAG PO'I PHO NYA GLOG LTAR 'KHYUG PA YIS, ,THUB PA'I BSTAN LA SDANG PA'I NAG PHYOGS KUN, ,DUS MTHA'I RLUNG GIS REG PA'I SGRON ME BZHIN,, BCOM PA'I GRAGS SNYAN SRID PA GSUM DU 'BAR, ,MTSO SNGON B'A THUR PE'I SI'I DPON MO NOR 'DZIN DBANG MO DANG HAL HA SOGS BYANG RIGS PA KHA SHAS BCAS 'BYOR BAR MJAL KHA JA GRAL BKA' 'DRI GNANG, DPON MOR KHYED TSANG GI DPON PO KHAMS MA 'TSO BA DE MA LEGS 'DUG RUNG, KHO RANG RJE TZONG KHA PA'I BSTAN PA'I SBYIN BDAG YIN GSHIS DBUS GTZANG GI LJONGS SU BSTAN PA BSTAN 'DZIN DANG BCAS PAR GUS MCHOD KYI SLAD DU 'ONGS PA'I RNAM DKAR GYI 'DUN PA MA NYAMS PA'I NGANG NAS TSE 'PHOS PAR BRTEN PHYI MAR RTEN KHYAD PAR CAN THOB 'OD ZHES SOGS SEMS GSO BA'I BKA' NAN TAN DU GNANG, SLAR YANG PE'I SI DUS 'DAS DE NYID KYI CHED BSNGO RTEN SBAM MTHO BA DANG SHUL MI NYE 'BREL LTOS BCAS KYIS SKYABS 'JUG ZHU RTEN PHUL BAR RE BA 'BRAS LDAN DU MDZAD, PE'I SI'I SRAS CHUNG DU ZHIG YOD PA DE LA MING ZHUS PAR MI 'GYUR RAB BRTAN RDO RJE ZHES STZAL, TSES BCU GCIG LA DPON MO NOR 'DZIN DBANG MO NAS TSOGS DBUR SPYAN DRANGS TE DNGOS 'BUL SBAM MTHO BA DANG BCAS ZHABS BRTAN PHUL, 'DUS TSOGS SBYIN BDAG DANG BCAS PAR DGA' LDAN LHA BRGYA MA'I KHRID DANG TSE MDO'I LUNG GNANG, ME PHAG NAS BZUNG STE 'DUL BA'I GZHUNG LUGS LA SBYANGS BAR MDZAD PAS RNAM PAR DPYOD PA'I NYI ZER GYIS
, ,'DUL BA 'BUM SDE'I TSIG DON PADMA'I GE SAR CI YANG GSAL BAR GYUR TO, ,BU RAM SHING BSTAN NYAL 'GRO BYE BA BRGYA'I, ,RTZA BA CHOS 'DUL GANGS CHEN MTSO NYID DE, ,'DI MED CHOS TSUL RDZING BU 'GA' MCHIS KYANG, ,THUB BSTAN GANGGA 'BEBS PAR NUS MA YIN, ,DE SLAD MGON KHYOD DAM PA'I ZHABS BSTEN NAS, ,'DUL BA 'BUM SDE'I GZHUNG LUGS MA LUS PA, ,YONGS SU GSAN PAS DGAG SGRUB GNANG GSUM GYI, ,BSLAB PA'I BCAS MTSAMS JI BZHIN THUGS SU CHUD, ,DE TSE 'DI YIS LUS CAN MA LUS PA, ,THAR PA'I KHANG BZANG MCHOG TU 'KHRID 'GYUR ZHES, ,CHU SRIN RGYAL MTSAN SDE DANG BCAS PA'I TSOGS, ,'DAR BAS ME TOG COD PAN LHUNG NGAM SNYAM, ,CHOS GRVA CHEN PO 'DI NYID DU BKA' PO TA CHEN PO LNGA'I 'CHANG NYAN YAR RGYAS SU 'GYUR BA'I CHED 'JAM DPAL YE SHES SEMS DPA' SNANG BRNYAN RGYAB YOL GYI NGOS LA 'JAM DPAL NAG PO'I SNANG BRTAN BKRA SHIS DZHEE KshIm LAS GRUB PA DANG GZHAN YANG 'JAM DBYANGS BRTEN PA'I 'KHOR LO, 'JAM DBYANGS SHES RAB 'KHOR LO, 'JAM DPAL RGYAL PO ROL PA, DPAL LDAN NGAG GI RGYAL PO DMAR SER, 'JAM DBYANGS DPA' BO GCIG SGRUB, 'JAM DBYANGS AA RA PA TZA NA, DAG GI DBANG PHYUG RGYAL PO RNAMS KYI SNANG BRNYAN GSER ZANGS LAS GRUB PA BYON LEGS, 'JAM DBYANGS DKAR PO'I SNANG BRNYAN, 'JAM DBYANGS SMRA SENG GI SNANG BRNYAN RIN PO CHE'I PHRA RGYAN DU MAS MDZES PA GZUNGS GZHUG TSAD LDAN DANG RAB GNAS KYANG RJE RANG NYID NAS MDZAD DE MTSAN NYID GRVA
TSANG GSUM DU SKU RE 'BUL SBYOR MDZAD RTZIS GNANG BA NA, THOG MAR THOS BSAM GLING NAS RJE NYID DANG SNANG BRNYAN BCAS SPYAN DRANGS PAR, RTEN 'BREL GYI KHYAD DGE 'DUN RNAMS GZAB MCHOR DANG BCAS PHAN TSUN BGRO GLENG MDZAD BZHIN RGYAL MTSAN MTHON PO'I BDE YANGS NAS THOS BSAM GLING GI CHOS GRVA'I BAR G-YAS G-YON GNYIS SU GRAL BSGRIGS SHING BLA MA LAS SNE RNAMS KYIS SPOS SNA BYAS TE CHOS GRVAR ZHABS ZUNG BKOD, 'JAM DPAL YE SHES SEMS DPA'I SNANG BRNYAN STEGS BU'I KHAR BZHUGS SU BCUG NAS MCHOD PA RGYA CHEN PO BSHAMS, RJE NYID NAS GZHUNG LUGS CHEN PO LNGA'I BSHAD PA MDOR BSDUS SHIG STZAL PAR GRVA TSANG NAS LEGS SO'I DNGOS 'BUL BSTABS, DE NAS GRANG MO CHE PA DKA' CHEN BLO BZANG DPAL 'BYOR GYIS PO TI LNGAR DAM BCA' BZHAG ,DGE BSHES GZHAN MA BDUN RIM BZHIN BZHENGS NAS BGRO GLENG MDZAD DE BLANG DOR GYI GNAS LA RMONGS PA'I MUN PA SEL PAR BYED PA'I LUNG RIGS NYIN MOR BYED PA'I 'OD ZER CI YANG SPROS, DGE 'DUN LNGA BCU SKOR GYI SER SBRENG DANG BCAS SKU BRNYAN DE GRVA TSANG GI 'DU KHANG NANG DU SPYAN DRANGS TE KA BA'I GDONG DU BZHUGS SU GSOL, DE NAS GRVA TSANG DU TSOGS CHEN GYI DGE 'DUN YONGS RDZOGS TSOGS PA'I DBUS SU ZHABS ZUNG BKOD, DGE BSHES GNYIS KYIS TSOGS LANG MDZAD, MJUG TU BSNGO SMON GYI RGYAS 'DEBS STZAL, DE'I PHYI NYIN DKYIL KHANG GRVA TSANG DU PHEBS TE 'JAM DBYANGS DKAR PO'I SNANG BRNYAN DANG, TSES BCO BRGYAD KYI NYIN SHAR RTZE GRVA TSANG DU PHEBS TE 'JAM DBYANGS SMRA SENG GI SNANG BRNYAN
, ,'BUL SBYOR GNANG, BSU BA GSUNG BSHAD, LEGS 'BUL, DAM BCA', BGRO GLENG, TSOGS DBUR PHEBS PA SOGS THAMS CAD THOS BSAM GLING GI SKABS DANG 'DRA, ZLA BA DRUG PA'I TSES NYER GCIG GI NYIN SER SBENG DANG BCAS RGYUD PA'I CHOS GRVAR SPYAN DRANGS, TSOGS YONGS LA RDO RJE THEG PA'I BKA' CHOS CHOS THUN GCIG STZAL, THON PA DKA' CHEN BLO BZANG DBANG PHYUG NAS BSKYED RDZOGS LA DAM BCA' BZHAG ,DGE BA'I BSHES GNYEN KHA SHAS BZHENGS NAS LUNG RIGS KYI DGA' STON SPEL, DE LTAR MANG THOS MKHAS PA'I TSOGS KYIS YONGS SU GTAMS PA'I MTSAN NYID GRVA TSANG GSUM DU GSUNG GI MNGA' BDAG RJE BTZUN 'JAM PA'I DBYANGS KYI SNANG BRNYAN GZI BYIN DANG LDAN PA SBYOR 'JAGS MDZAD DE SDE SNOD GSUM GYI 'CHAD NYAN SRID MTHA'I BAR DU DAR ZHING RGYAS PA'I THUGS SMON MDZAD DO, ,BKRA SHIS RDUL BRTZEGS SPUNGS PA'I DGA' TSAL DU, ,BLO GSAL RKANG DRUG BSTIG NAS RTZE MO'I GRANGS, ,LDAN PA'I ROL MTSO BSHAD PA'I RLABS 'PHYUR ZHING, ,BSLAB GSUM NOR BU'I GAN MDZOD LTOR BZUNG STE, ,RIGS LAM DANG MO 'BUM SDE'I DBYANGS SNYAN GYIS, ,PHYOGS BRAL RNA BA'I DGA' STON SPEL BA'I SLAD, ,'JAM DPAL SNANG BRNYAN YID 'ONG GDENGS CAN GYIS, ,ROL RTZED 'DZIN PAS SA 'DI SKAL BZANG BYAS, ,DGE BSKOS RNAM RGYAL BSAM GRUB NAS GSOL BA BTAB PA BZHIN, DBYAR GNAS KYI SKABS 'DUS PA RGYA MTSOR RJE NYID KYI GSUNG KHA SHAS KYI LUNG, BYAMS PAS DAM BCAS PA'I GZUNGS KYI BSHAD LUNG,
GDUGS DKAR LHA SO BDUN MA'I DBANG, NYUNG 'DUS KHA SHAS LA LEGS LDAN MCHED GSUM GYI RJES GNANG, GRUB RGYAL LUGS KYI TSE DBANG PAn CHEN DBEN SA PA YAB SRAS KYI MAN NGAG GIS BRGYAN PA RNAMS DANG, RGYUD PA GRVA TSANG DU BDE MCHOG SGRUB MCHOD DANG BSTUN GZIMS CHUNG NYI 'OD 'KHYIL PAR NYIN BDUN GYI RING NYIN RE BZHIN RGYUD GRVA TSOGS YONGS NAS BSKYED RDZOGS KYI CHOS GRVA MDZAD RJES 'GREL GTOR DANG MAndAL PHUL TE, RJE NYID NAS BDE MCHOG RGYUD 'GREL GYI BSHAD PA STZAL, SKABS 'DIR GZHUNGS NAS RGYAL DBANG THAMS CAD MKHYEN PA CHEN POR BKA' CHOS KYI RIM PA STZOL SLAD RJE BLA MA MCHOG GRU 'DZIN GYI PHO BRANG CHEN POR PHEBS DGOS TSUL GYI ZHU YIG RTA ZAM THOG 'BYOR PAR DGONGS BZHED DANG SBYOR RGYU'I BKA' LAN KYANG RTA ZAM THOG NAS 'BUL BA GNANG, PHEBS LAM DANG BKA' CHOS 'BUL RGYU'I GEGS SEL DU DUS 'KHOR DANG BDE GSANG 'JIGS GSUM GYI CHO GA ,CHOS SKYONG RNAMS KYI BSKANG GSO BCAS MDZAD, SKABS SNGA PHYI 'DI DAG TU GSUNG 'PHROS KYI ZHOR LA 'DI LO DGE 'DUN RNAMS LA SKU GEGS KYI NGO CHEN PO 'DUG CES YANG YANG PHEBS, GSOL DPON BLO BZANG MKHAS MCHOG NAS SKU GEGS KYI NGO 'DUG TSE RJE BLA MA MCHOG NAS THUGS DAM SKYABS 'JUG GNANG DGOS ZHES ZHUS PAR, NGED NAS 'PHAGS PA'I DGE 'DUN GYI SDE LA SKYABS 'JUG GANG DRAG BYED, GTZO BOR DGE 'DUN RNAMS KYIS RJE RGYAL BA GNYIS PA TZONG KHA PA CHEN PO'I BSTAN PA'I BSHAD SGRUB 'CHAD NYAN GYI BYA BA LA RAG LUS ZHES PHEBS, DE'I GNAS TSUL GSOL
, ,DPON NAS PHYAG MDZOD CHEN MOR ZHUS PAS, KHONG GIS KYANG THUGS KYIS MA BZOD PAR PHYAG MDZOD DANG GSOL DPON GNYIS KA NAS 'DI LO DGE 'DUN RNAMS LA SKU GEGS KYI NGO YOD TSUL BKA' PHEBS 'DUG PA, SKU GEGS KYI NGO CHE BA MED LAS CHE, YOD TSE DE DAG DMIGS MED DU ZHI BA'I THUGS DAM SKYABS 'JUG GNANG BA DANG, DER DMIGS BZLOG THABS SKU RIM GTOR ZLOG GI RIM PA SOGS JI LTAR ZHU DGOS GSOL BAR, BKA' LAS, 'DI LA SKU RIM DMIGS BSAL DANG, GTOR ZLOG GI RIM PA MI DGOS, YIN KYANG DBYAR STA GON GYI SKABS TSUL SHING MTHO BRTZEGS SU BZHAG PA 'GYEL BA DANG, DBYAR BDAG PA THOS BSAM GLING ZHAL SNGA NAS GLO BUR DU SNYUN PA SOGS CUNG ZAD DGE 'DUN GYI SDE LA SKU GEGS KYI NGO YIN, 'DI NYID DMIGS MED DU ZHI BA'I PHYIR KHO BO CAG RANG 'DI KHA'I GLING SKOR LA PHYIN TE, DGON PA'I PHYOGS BZHIR CHA GSUM DANG KHRUS GSOL BYAS NA LEGS ZHES PHEBS PA BZHIN TSES NYER BDUN GYI NYIN GSOL TSIGS SNGA THON LA RJE BLA MA MCHOG DANG 'PHRIN LAS PA CHEN PO, YONGS 'DZIN MKHAN RIN PO CHE, ZUR BZHI'I BLA MA BZHI, TSOGS CHEN DGE BSKOS BCAS GLING SKOR LA PHEBS PAR, NUB TU CHA GSUM GTOR MA, DREGS PA LCAM SRING GI GSER SKYEMS, BYANG DU NE SER JO BO CHEN PO'I MCHOD GTOR, SHAR DANG LHOR CHA GSUM DANG SPYAN 'DREN KHRUS GSOL BCAS GTONG BA MDZAD PAS RTEN 'BREL LEGS ZHES GSUNG, ZLA BA BRGYAD PA'I NANG DU DPON MO NOR 'DZIN DBANG MO NAS DOD PHUL TE DUS 'DAS P'A THUR PE'I SI RNAM RGYAL TSE
RING GI CHED DU BYANG CHUB MCHOD RTEN DNGUL LAS GRUB PA DANG BRGYAD STONG PA'I GLEGS BAM GSER BRIS GSAR BSKRUN LA RAB GNAS MDZAD, DPON MO NOR 'DZIN DBANG MO DANG BYANG RIGS MI SNA KHAG NAS GSOL BA BTAB PA BZHIN, GRUB RGYAL LUGS KYI TSE DBANG DANG 'OD DPAG MED LA BRTEN PA'I 'PHO LUNG, DPON MO NOR 'DZIN DBANG MOR SNA GCIG SPYOD PA'I DGE BSNYEN GYI SDOM PA BCAS STZAL, SKABS 'DIR SOG RIGS SUM CU SO DGU BSNYEN RDZOGS BSGRUBS, DPON MO NOR 'DZIN DBANG MO NGO G-YOG DANG BYANG RIGS MI SNA RNAMS LA THON PHYAG STZAL, DPON MO SGER DU'ANG GNANG SKYES SBAM MTHO BA STZAL TE KHYED RNAMS RJE TZONG KHA BA'I BSTAN PA'I SBYIN BDAG RNYING KHONGS SU SONG STABS THAG RING PO NAS DKA' TSEGS LA MA LTOS PAR 'ONGS TE RGYAL DBANG MCHOG DANG, JO SH'AKA RNAM GNYIS SOGS RTEN RNAMS MJAL ZHING, DGON CHEN BZHI SOGS SU DGE 'DUN GYI SDE LA BSNYEN BKUR RGYA CHEN PO ZHUS TE RNAM DKAR GYI BYA BA 'DOD PA LHAR GRUB PA SHIN TU LEGS, NGED NAS KYANG KHYED RNAMS RANG RANG GI YUL DU BDE BAR 'BYOR TE TSE BSOD STOBS 'BYOR GONG 'PHEL DU 'GYUR BA'I SKYABS 'JUG BGYID, KHYED RNAMS NAS KYANG DKON MCHOG LA GSOL BA DRAG TU THOB CES STZAL BAS TSANG MA DAD PA 'PHEL BZHIN PA'I NGANG NAS THEGS, GZHUNG SA NAS PHEBS BSU'I CHED MGRON GNYER DGE SLONG SKAL BZANG DON GRUB DANG CHIBS DPON RNAM SRAS GLING BA, 'BRAS SPUNGS SPYI SO BCAS 'BYOR MDUN RGYAL DBANG MCHOG NAS RJE NYID LA MTSAMS ZHU'I ZHU YIG RTEN SBRAGS STZAL BA DGYES PA CHEN POS BZHES SHING SKU'I MTSAMS 'DRI GNANG, KHONG
, ,RNAMS LA'ANG JA GRAL DANG GSUNG GLENG MDZAD, MI SNA NGO BO GSUM SO SO NAS DNGOS 'BUL BTEG PAR GLOG CHA DANG GNANG SBYIN GYA NOM PA STZAL, PHEBS LAM DANG BKA' CHOS 'BUL RGYU'I GEGS SEL BCAS KYI CHED LHA MO'I BSKANG GSO DANG SGROL MA G-YUL ZLOG MDZAD, ZUR BZHI'I SLOB DPON, TSOGS CHEN DANG SNGAGS GRVA'I LAS SNE BCAS LA MJAL KHA JA GRAL THOG CHOS GRVA 'DI NYID DU BZHUGS PA'I DGE 'DUN RNAMS THUGS MTHUN KHRIMS GTZANG GI SGO NAS 'CHAD NYAN BSHAD SGRUB KYI BYA BA GTZO BOR BTON NGOS, SGRIGS LAM KUN SPYOD RNAM PAR DAG BA LA LE SHOR DU MA SONG BA MDZAD DGOS, KHYAD PAR 'DI LO NAD YAMS KYI NGO CHE BAS RGYUN GTAN DANG LHAG TU DUS GTOR CHEN MO'I SKABS DANG CHO 'PHRUL SMON LAM DUS NYE SKOR DANG PHYOGS MTHA' NAS 'ONGS MI KUN DGON PA'I GLING KHROD DU MA BTANG BA LEGS TSUL SOGS 'PHRAL YUN DU SMAN PA'I BKA' SLOB ZHIB TU PHEBS, ZLA BA DGU PA'I TSES BCU LA BKRA SHIS LHUN PO NAS DBUS SU CHIBS KHA BSGYUR, CHIBS SKYEL SER SBRENG SOGS DBUS PHEBS SNGON MA DANG 'DRA, DBEN DGON DU ZHAG GSUM BZHUGS STAN 'JIGS, 'DI NAS BZUNG LHA LDAN DU PHEBS KYI BAR NYIN RE BZHIN LAM PAR DU 'KHOD PA'I LHA SDE RNAMS NAS SER SBRENG DANG, MI SDE RNAMS NAS BRO GZHAS PAR MA CHAD PAR BYUNG BA RNAMS DANG CHIBS BSU SKYEL BYED MI BCAS LA GSOL RAS SNGAR RGYUN LTAR STZAL, SGER MJAL ZHU MI RNAMS LA'ANG SLOG CHA GNANG, 'PHAN LA RTZAR ZHAG BZHUGS GNANG SKABS RGYAL DBANG MCHOG GI
MTSAMS ZHU BA DANG DE MO SPRUL PA'I SKU'I MTSAMS ZHU BA 'BYOR PAR PHYAG DBANG DANG GSOL RAS STZAL, DE NAS RIM GYIS PHEBS PAR MTSAN NYID GLING KHAR 'BRAS SPUNGS KYI THAB BSU DANG GSOL TSIGS RA BAR GZHUNG GI THAB BSU DANG CHIBS BSU SNGAR RGYUN LTAR MDZAD CING, PO TA LA'I RTZE NAS DAR 'PHYAR, MDO DAR, SURnA, BKRA SHIS KHRA RING BKRAM PA SOGS KYI BKUR GZOS DANG BCAS PHO BRANG CHEN POR ZHABS ZUNG BKOD DE GZIMS CHUNG NYI 'OD DU RGYAL DBANG YAB SRAS GNYIS ZHAL 'DZOM ZHING PHYAG DANG MJAL DAR RTZE SPROD GNANG, RGYAL DBANG MCHOG LA THOG MA'I MJAL RTEN RTEN 'BYUNG GI DNGOS PO PHUL, GZHUNG NAS DKAR SPRO BTEG CING PHAN TSUN THUGS DGYES PA'I GSUNG GLENG MDZAD, DE NAS TSOMS CHEN DU RGYAL DBANG YAB SRAS ZHAL 'DZOM THOG GZHUNG NAS STON CHEN BTEG ,DE'I PHYI NYIN NAS BZUNG ZHAG KHA SHAS KYI RING RGYAL DBANG RIN PO CHER RNAM 'JOMS KYI BYA BAS KHRUS 'BUL BA MDZAD, DBUS SU BZHUGS STAN 'JAGS RING RTZE SHOD KYI GSOL CHAS, ZUR GSOS PHOGS SOGS SNGAR RGYUN BZHIN GZABS, SER 'BRAS KYI BLA MA SPRUL SKU LAS SNE, BOD BZHUGS AAM PAN SOGS RGYA BOD HOR SOG GI SER SKYA MCHOG DMAN MANG PO MJAL ZHUR BYUNG BA RNAMS LA PHYAG DBANG GI BYIN RLABS STZAL TE SO SO'I GO BABS DANG BSTUN PA'I BDAG RKYEN GNANG, ZLA BA BCU PA'I TSES GNYIS KYI NYIN RGYAL DBANG MCHOG GI SPRUL PA'I SKU RIN PO CHE DANG, YONGS 'DZIN KHRI PA, KHRI CHEN NO MON HAN GYI SPRUL SKU, RJE NGAG DBANG BYAMS PA'I SPRUL SKU, ZHABS PHYI NANG MA KHA SHAS
, ,BCAS LA 'JAM DBYANGS CHOS SKOR GYI RJES GNANG GI MGO BRTZAMS TE STZAL PA TSES LNGA'I NYIN GRUB, AAM PAN SOGS GONG MA'I MI DRAG DANG, BKA' BLON SOGS BOD KYI MI DRAG ,RTZE SHOD KYI DRUNG 'KHOR RAB 'BRING DKYUS GSUM SOGS LA PHEBS SKYES KYI DNGOS PO BSTAR, GSER GDUNG GNYIS DANG LO KE SHVA RA SOGS RTEN RNAMS KYI DRUNG DU SNA LNGA'I MCHOD PA PHUL, DE NYIN GZHUNG SA NAS RJE BLA MA STON 'KHOR RNAMS DANG RGYA BOD KYI MI DRAG MGRON DU 'OS PA RNAMS LA GSOL STON RGYAS PA'I THOG RNAM RGYAL GRVA TSANG PAS TSE CHOG MDZAD DE DNGUL GYI MAndAL, SKU GSUNG THUGS RTEN, NA BZA' NYER SPYAD, DNGUL RTA RMIG MA BRGYA DANG LNGA SOGS KYI DNGOS 'BUL SBAM MTHO BA BTEG NAS RGYAL DBANG MCHOG GSER KHRI'I KHAR BZHENGS NAS ZHABS BRTAN ZHU 'BUL GNANG, TSES BCO LNGA LA BLA BRANG NAS RGYU YON SBYAR TE GSOL STON RGYAS PA'I THOG RGYAL DBANG THAMS CAD MKHYEN PA TSOMS CHEN DU SPYAN DRANGS TE RNAM RGYAL GRVA TSANG TSOGS YONGS NAS TSE CHOG MDZAD CING KHA BTAGS, MAndAL, SKU GSUNG THUGS RTEN, NA BZA' NYER SPYAD, DNGUL RTA RMIG MA BRGYA PHRAG BRGAL BA SOGS DNGOS 'BUL SBAM MTHO BA DANG BCAS RJE BLA MA NYID NAS ZHABS BRTAN GSOL 'DEBS ZHU BA GNANG, DE BSTUN NO MON HAN DE MO SPRUL PA'I SKU DANG, AAM PAN, JAR BI, BKA' BLON LHAN RGYAS SOGS LA DNGOS SKYES BZANG PO BSTAR, TSES BCU DGU LA GZIMS CHUNG DBANG KHANG DU ZHABS ZUNG BKOD DE DPAL GSANG BA 'DUS PA MI BSKYOD RDO RJE'I DBANG GI STA GON GNANG BAR, DE GONG
MGUL CHAM BZHES YOD PA'I THOG GSUNG BSHAD RGYAS PAR GNANG BAS SKU CUNG ZAD 'KHRUGS TE MGUL GLO MANG DU PHEBS PA SOGS BYUNG BAR PHYAG MDZOD CHEN MO NAS KHUR BLANGS TE, ZHABS BRTAN SKU RIM RGYA CHER BSGRUBS TE DBANG GI 'PHRO 'JOG PA MA GNANG BAR DE'I PHYI NYIN DBANG DNGOS GZHI YONGS SU RDZOGS PA LEGS PAR STZAL, DE'I RJES SU DPAL 'KHOR LO BDE MCHOG GI DBANG STA GON DANG BCAS PA 'BUL BA GNANG, DE RJES STA GON GCIG GIS 'THUS PA MDZAD DE 'JIGS BYED DANG GSHED DMAR, DGRA NAG ;BCU GSUM MA GSUM GYI DBANG CHEN GNANG STE BDE MCHOG GI TSOGS 'KHOR KYANG MDZAD, RGYAL DBANG MCHOG NAS GTANG RAG GI YON KYANG GZABS TE PHUL, DE SKABS GONG MA BDAG PO CHEN POR RGYAL DBANG MCHOG LA BKA' CHOS 'BUL BZHES KYI GNAS TSUL GRE'U TZE'I THOG NAS 'BUL BA GNANG, RTZE THANG LNGA MCHOD PA DANG MNGA' RIS GRVA TSANG SO SOR GTONG SGO'I THEBS KYANG STZAL, SER 'BRAS DGE GSUM, RGYUD STOD SMAD, RNAM RGYAL GRVA TSANG, GSANG SNGAGS DGA' TSAL SO SOR MANG JA BDUN RE DANG, 'GYED DNGUL BAL tAM RE, RVA SGRENG DU MANG JA BDUN DANG 'GYED DNGUL SRANG RE, DE PHYIN DBUS LHO BYANG GI DGON KHAG DGON DEB NANG GSAL GYI KHONGS SU DGE 'DUN CHIG KHRI BZHI STONG SUM BRGYA BRGYAD CU GYA BRGYAD LA 'GYED DNGUL BAL tAm RE BCAS GNANG, DGA' LDAN GSER GDUNG RIN PO CHE DANG RDZING PHYI'I BYAMS PA, CHOS 'KHOR RGYAL DANG BYAMS PA GLING CHOS SDE'I BYAMS MGON SO SOR BRGYA MCHOD SNA LNGA TSAR RE, SNYAN SHAL DANG BCAS PA, DPAL GYI LHA MO DANG MGON PO BSE GDONG
, ,PA; CHOS 'KHOR RGYAL GYI DPAL LDAN LHA MO, DGA' LDAN CHOS RGYAL, LA MO BYANG CHUB LCOG DANG TSER GSEB, BTZUN MO TSAL SO SOR CHOS SRUNG GI BSKANG PA MDZAD RGYUR ZLA BA RIL BO 'KHYONGS PA SOGS KYI BSNYEN BKUR, MCHOD CHAS, LHA RDZAS KYI SNYAN SHAL BCAS BSTAR, TSES NYER LNGA'I DUS MCHOD KYI SKABS JO SH'AKA RNAM GNYIS SOGS LHA LDAN GYI RTEN RNAMS DANG, PO TA LA'I RTEN RNAMS KYI DRUNG DU BRGYA MCHOD, STONG MCHOD, SNYAN SHAL BCAS 'BUL BA MDZAD, YAB SRAS GNYIS LHAN CIG TU PO TA LA'I RTEN GZIGS LA PHEBS NAS KHRUS GSOL GNANG, SKABS SNGA PHYI 'DI DAG TU 'OL KHA RDZING PHYI BA, 'BRI GUNG PA, RVA SGRENG BLA SPYI SDE DGON THUN MONG, 'BRAS SPUNGS GTZANG PA KHAMS TSAN, RGYUD STON SMAD THUN MONG DANG RGYUD STONG PA SGER, RI BO RNAM RGYAL BA, SGRUB KHANG SKU SKYE, 'BRUG LA MKHAN CHEN SKU SKYE BLO BZANG BSTAN 'DZIN, PHUR BU LCOG SPRUL PA'I SKU RI KHROD TSOGS YONGS DANG BCAS PA RNAMS NAS DNGOS 'BYOR GYI MCHOD SPRIN SPROS SHING SO SOR BABS BSTUN GYI SLOG CHA YANG STZAL, DE NYIN RGYAL DBANG YAB SRAS GZIMS CHUNG NYI 'OD DU LHAN RGYAS THOG BKA' BLO NA BZHI, MDA' DPON JA SAG BCAS DANG RJE NYID KYI ZHABS PHYI RNAMS LA JA GRAL DKAR SPRO BCAS GNANG, ZLA BA BCU GCIG PA'I TSES GCIG NAS BZUNG GZIMS CHUNG DBANG KHANG TU RGYAL DBANG THAMS CAD MKHYEN PA CHEN PO, YONGS 'DZIN RNAM PA GNYIS, SKU'I MCHED ZLA RNAMS DANG RGYAL YUM PHUN TSOGS DBANG MO, CHAB MDO 'PHAGS PA LHA, RA SGRENG KHRI CHEN SPRUL SKU, RJE NGAG
DBANG BYAMS PA'I SPRUL SKU, BRAG G-YAB SPRUL SKU CHE TSANG, RGYAL SRAS SPRUL SKU, SEMS DPA' SPRUL SKU, 'OD ZER SKU SKYE, YAB SRAS GNYIS KYI ZHABS PHYI NANG MA KHA SHAS, GRVA TSANG SLOB DPON SOGS MANG POR JO LUGS KYI SGROL MA NYER GCIG DANG, SLOB DPON NYI MA SBAS PA'I LUGS KYI SGROL MA NYER GCIG GI RJES GNANG NYIN RE LA LNGA RE GNANG, NYI LDOG DANG BSTUN SKU MTSAMS MDZAD CING MTSAMS KYI KHONGS SU RGYAL DBANG MCHOG LA PHYABS KHRUS 'BUL BA MDZAD, 'DI SKABS KHAMS LHA RI SKOR DU 'BRUM DOGS KYI GLENG GZHI BYUNG BA SA MTSAMS MGO YOD NAS LHA LDAN DU GNAS TSUL GYI YI GE 'BYOR 'PHRAL RGYA BOD NYIS SPREL GYI ZHIB DPYOD PA MNGAGS SHING, PO TA LA'I ZHOL DANG LHA LDAN NYE SKOR BCAS PAR MI RNAMS LA RTZI SHAG ,PHYOGS MTHA: 'I RDZONG GZHIS KHAG TU'ANG NAD DOGS LA ZON SKYOR DAM SBRAGS DGOS PA'I RTZA TSIG BCAS GNANG, DE YANG SNGA LO STON DUS NAM MKHA' LA DU BA MJUG RING SHAR PA, 'DI LO DPYID KA NYI MA KHRAG MDOG CAN SNANG ZHING RI KLUNG THAL RDUL GYIS KHYAB PA, STON SA G-YO BYUNG BA RNAMS NAD YAMS KYI SNGA LTAS SU GLENG BAS TSANG MA THUGS G-YENG DU GYUR, DER BRTEN GZHUNG SA NAS RGYAL BA YAB SRAS DANG CHOS SKYONG KHAG LA LUNG ZHU MDZAD PA'I PHYIR PHEBS DGONGS DON LTAR GRUB MTHA' RIS MED KYI DGON SDE KHAG MANG DU GTOR ZLOG SOGS RIM GRO RGYA CHEN PO BSGRUB GNANG DANG BSTUN BLA BRANG NAS KYANG SER 'BRAS DGE GSUM, RGYUD STOD SMAD, RI KHROD KYI SDE SOGS MANG POR RIM GRO RGYA CHEN BSGRUB PA MDZAD, SKABS 'DIR NAD DOGS KYI RDABS SHOGS HA CANG
, ,CHE STABS RJE BLA MA MCHOG LA, PHYAG MDZOD CHEN MO DANG, GSOL DPON SOGS ZHAM RING RNAMS NAS, DA LTA SHES BZHIN NYIN CHE'I RIGS MA MCHIS KYANG, BKRA SHIS LHUN POR NGANG TSUL 'DI LTA BU GSAN TSE SA KHAD 'GYANGS STABS THUGS G-YENG CHE BA BYUNG 'GRO BAS, SKYABS MGON RGYAL DBANG MCHOG DANG NO MON HAN DE MO SPRUL PA'I SKU RIN PO CHE SOGS LA BABS RGYUN GNANG NAS GTZANG LA CHIBS BSGYUR MGYOGS MYUR YONG BA DGOS TSUL NAN GYIS GSOL BAR, RJE NYID NAS, DA LTA NYEN CHE RANG MED GSHIS SNGA MGYOGS THEN, PHYIS NAS NYEN CHER GYUR TSE 'GRO RTZIS RANG BYED, BKRA SHIS LHUN POR DGE 'DUN RNAMS NAS TSUL 'DI LTA BU GSAN TSE THUGS G-YENG GIS BSHAD SGRUB 'CHAD NYAN GYI BYA BA LA SAD RKYEN BYUNG DOGS TSOGS YONGS LA BABS RGYUN GSED BKROL GYI THUGS DAM BKA' SHOG PHYAG BRIS MA RTA ZAM GYI THOG NAS STZOL BAR MDZAD, ZLA BA DE NYID KYI TSES BCU DRUG NAS BZUNG ZLA BA BCU GNYIS PA'I TSES GSUM BAR RGYAL DBANG THAMS CAD MKHYEN PA CHEN POR GZIMS SBUGS SU RNAM 'GREL, 'DUL BA, PHAR PHYIN, DBU MA, MNGON PA MDZOD BCAS KYI RTZA BA DANG RDO RJE 'JIGS BYED KYI BSKYED RIM GYI BSHAD LUNG, MGON PO DKAR NAG GI RJES GNANG TSOGS 'KHOR DANG BCAS PA, DAM CAN CHOS KYI RGYAL PO PHYI SGRUB KYI RJES GNANG, LHA MO'I RJES GNANG TSOGS 'KHOR DANG BCAS PA DANG, DE DAG GI BAR DU RNAM 'JOMS KYI BYABS KHRUS BCAS 'BUL BA MDZAD CING, DE RJES DPAL MGON ZHAL BZHI PA DANG CHOS SKYONG DREGS PA
LCAM SRING, RNAM THOS SRAS, MA GCIG DPAL LHA, MGON PO PHYAG BZHI PA BCAS KYI RJES GNANG RNAMS RIM BZHIN 'BUL BA GNANG, ZLA BA BCU GNYIS PA'I TSES LNGA LA PHUR BU LCOG TU RJE BTZUN NGAG DBANG BYAMS PA'I SKU BRNYAN RIN PO CHER SNYAN SHAL DANG MCHOD 'BUL ZHU BAR SHOD GSOL DPON ZHABS DRUNG BLO BZANG TSE RING RDZOD STA MDZAD, DE SKABS PHUR BU LCOG TSOGS YONGS LA MANG 'GYED DANG SPRUL PA'I SKU LA YANG DNGOS SKYES 'BUL RGYU GNANG, NO MON HAN DE MO SPRUL PA'I SKU RIN PO CHE NAS SNGON DU GSANG SNGAGS DGA' TSAL DU ZHABS ZUNG 'GOD DGOS TSUL GSOL BAR ZHAL BZHES STZAL BA BZHIN, TSES DGU'I NYIN NO MON HAN DPON G-YOG LNGA BCU SKOR CHIBS BSUR BYON PAR RAGS BSDUS LA JA GRAL BKA' 'DRI GNANG, DE NAS CHIBS KHA BSGYUR TE SER SBRENG DANG BSU BA'I BKOD PA SNA TSOGS DANG BCAS 'DU KHANG DU ZHABS ZUNG BKOD, DKAR SPRO RGYAS PA'I THOG DNGOS 'BUL SBAM MTHO BA DANG BCAS ZHABS BRTAN BDEN TSIG BRJOD, DE NAS GZIMS CHUNG DU ZHABS ZUNG BKOD, GUNG STON SOGS BSNYEN BKUR GZABS, DGONGS JA'I THOG NO MON HAN DE MO SPRUL BA'I SKU DANG, BLA MA ZHI BA BZANG PO, DGE 'DUN BDE CHEN, ZHABS PHYI RAGS RIM, BAN GTZANG 'DUS SPYI BCAS LA DMAG ZOR RGYAL MO'I RJES GNANG STZAL; DE'I PHYI NYIN TSOGS DBUR ZHABS ZUNG BKOD DE RTEN GSAR BZHENGS RNAMS KYIS MTSON DGA' LDAN GSANG SNGAGS DGA' TSAL GYI GTZUG LAG KHANG RTEN DANG BRTEN PAR BCAS PA LA DPAL RDO RJE 'JIGS BYED KYI SGO NAS RAB TU GNAS PA ZAB
, ,MOS BYIN CHEN PHAB CING RAB YON DNGOS 'BUL SBAM MTHO BA BSTABS, RTEN GZIGS LA PHEBS TE RTEN RNAMS LA SNYAN SHAL MCHOD 'BUL GZABS, DE MO SPRUL PA'I SKU RIN PO CHER YANG 'BUL PA'I SLOG CHA SBAM MTHO BA STZAL, BAN GTZANG 'DUS SPYIR YANG MANG 'GYED DANG GOS CHEN GYI 'PHAN CHA GCIG BCAS SBYOR 'JAGS MDZAD, BLA MA ZHI PA BZANG PO DANG, PHYAG MDZOD, GZIMS DPON SOGS DANG, BAN GTZANG 'DUS SPYI BCAS NAS DNGOS 'BYOR GYI MCHOD SPRIN SPROS PAR SLOG CHA YANG GNANG, TSES BCU'I NYIN PO TA LAR ZHABS ZUNG BKOD, PHEBS SKYEL BA RNAMS LA YANG GSOL RAS STZAL, DE SKABS CHING WANG GI MI SNA KHO SHOS TZANG KI MGON PO RDO RJE, NYIG THA BI CHE'I CHI, KHRI DPAL LDAN GRAGS PA'I PHYAG MDZOD, TSAL 'DAM JA SAG BKRA SHIS TSE 'PHEL GYI MI SNA SNGAGS RAM PA, HAL HA KH'A JO RIGS THU BZANG PO, MGRON GNYER DAR RGYAS, KH'A CHOS 'BYOR DANG BKRA SHIS SKYABS, DGE SLONG SMAN RAM PA, T'A PE'I SI'I MI SNA JO RIGS THU BSTAN 'DZIN, YIL GUG SAN HU THOG THU'I MI SNA ZHABS DRUNG DNGOS GRUB, HO THO GOD JA SAG BSAM GRUB KYI MI SNA GO'U SHR'I NGAG DBANG SHES RAB, TSAL 'DAM DPAL 'BYOR JA SAG GI MI SNA DAR HAN NANG SO, ,GZHAN YANG RAB 'BYAMS PA RGYAL MTSAN 'OD ZER, JE'I SANG TSE BRTAN SOGS 'BYOR TE BLA DPON RNAMS KYI 'BUL BSKUR DANG SGER 'BUL BCAS BSTAR BAR PHYAG DBANG DANG JA GRAL GNANG, 'GRO KHAR SO SOR 'BYOR LAN DANG MI SNA NGO G-YOG LA THON PHYAG
STZAL; SKABS DER LHA LDAN RGYUD KHANG GI 'GAG DANG PO TA LA'I RDZONG RGYAB BCAS NAS KHAMS PA 'BRUM NAD KYIS NA BA RE THON CING, RI BO DGE LDAN DU'ANG DGE 'DUN NYI SHU SKOR LA 'BRUM NAD BYUNG BAR, RGYAL DBANG MCHOG SKU MTSAMS LA BZHUGS RGYU'I KHYAD RE ZHIG GTZANG LA CHIBS BSGYUR GNANG RGYU'I DGONGS PA GTAD DE, RGYAL DBANG MCHOG GI ZHABS BRTAN DANG, GANGS LJONGS SU NAD RIMS ZHI CHED DU DMIGS SER 'BRAS DGE GSUM, RGYUD STOD SMAD, RNAM RGYAL GRVA TSANG, DGA' LDAN GSANG SNGAGS DGA' TSAL BCAS SU GDUGS SHER ZLOG BCAS MDZAD RGYUR MANG JA BDUN RE DANG 'GYED DNGUL SRANG RE, BKRA SHIS LJONGS SU MANG JA BRGYA DANG NYI SHU'I THOG 'GYED KHA BTAGS, DNGUL ZHO GSUM RE, DGA' LDAN GSER GDUNG DANG CHOS RGYAL GYI SKU MDUN DU YANG MCHOD 'BUL DANG BSKANG GSO'I DGOS CHA STZAL, TSES BCO LNGA LA LHA LDAN DANG PO TA LA'I RTEN RNAMS LA MCHOD 'BUL DANG SNYAN SHAL BCAS PHUL TE THUGS SMON DANG 'PHRIN BCOL MDZAD, GZIMS CHUNG NYI 'OD DU RGYAL DBANG THAMS CAD MKHYEN GZIGS CHEN POR RTEN 'BYUNG DNGOS 'BUL RGYA CHE BA BSTAR, RJE NYID NAS MKHAN PO DANG SLOB DPON MDZAD DE, PHUR BU LCOG SPRUL PA'I SKU BAR MA RAB BYUNG DANG DGE TSUL DU BSGRUBS TE, THUB PA'I SNANG BRNYAN DANG, DNGUL GOS DAR SOGS KYI GNANG SKYES STZAL, TSES BCU BDUN GYI NYIN DBANG KHANG DU RGYAL DBANG MCHOG GI SPRUL PA'I SKU RIN PO CHE DANG, GZHAN YANG BKA' CHOS ZHU MI GONG BZHIN GYI THOG BKA' BLON GUNG
, ,PAndI TA, MDA' DPON DANG BCAS PA LA SGROL DKAR YID BZHIN 'KHOR LO'I RJES GNANG STZAL, ZAB CHOS DU MA GSAN PA'I BKA' DRIN GTANG RAG GI YON DU RGYAL DBANG MCHOG NAS MAndAL, SKU GSUNG THUGS RTEN, NA BZA' NYER SPYAD, GSER SRANG LNGA, DNGUL RTA RMIG MA LNGA BCU NGA BDUN SOGS DNGOS 'BUL SBAM MTHO BA BTEG ,PO TA LAR BZHUGS RING SER SKYA MCHOG DMAN PAR PA MTHA' YAS NAS RANG 'BYOR DANG BSTUN PA'I DNGOS 'BUL BSTAR ZHING DE DAG KYANG GNAS SKABS DANG MTHAR THUG GI BDE BA LA 'GOD PAR MDZAD, GZHUNG NAS PHEBS RDZONGS SU KHA BTAGS, MAndAL, NA BZA' NYER SPYAD, DNGUL BRE CHEN LNGA BCU NGA GCIG ,JA 'KHOR DRUG BDUN BRGYA SOGS KYI DNGOS 'BUL SBAM MTHO BA DANG, ZHAM RING BA RNAMS LA'ANG GO BABS DANG BSTUN PA'I GNANG SKYES BSTAR, TSES BCU DGU LA PO TA LA NAS CHIBS KHA BSGYUR, GSOL TSIGS RA BAR CHIBS SKYEL BA RNAMS PHYIR LOG GDONG BABS BSTUN GYI GNANG SKYES STZAL, MTSAN NYID GLING GAR 'BRAS SPUNGS SPYI SO NAS KYANG DKAR SPRO DNGOS 'BUL BTEG ,SNYE THANG RGYAL GRONG DU ZHAB BAB THOG BKA' BLON GUNG PAndI TA NAS MDZOD GOS SER PO LAS GRUB PA'I DBU GUR RGYA PHIBS GZUGS GSER ZANGS KYI GANYDZI RA DANG RGYAL MTSAN GYIS MDZES PA YOL SGOR DANG BCAS PA BKOD LEGS 'BUL RGYU PHUBS PA'I NANG RJE BLA MA MCHOG SPYAN DRANGS TE DKAR SPRO DANG BCAS DNGOS 'BUL SBAM MTHO BA PHUL, BZHUGS GUR DANG RNGA MO, RTA DREL RNAMS BZHES SHING DE PHYIN PHYIR SLOG NAS GNANG
SKYES GYA NOM PA STZAL, LAM BAR DU ZHOL SDE PA RNAM RGYAL DON GRUB, GZHIS GNYER, LDING DPON RNAMS DANG, LCAGS ZAM SPRUL SKU, NANG SO BKRA SHIS, GONG DKAR RDZONG DPON, BSHAD SGRUB GLING GI BLA MA, MDA' DPON RAM PA BA, BSAM SDINGS PHYAG MDZOD, SA SKYA'I MGRON GNYER, SNA DKAR RTZE'I GZHIS GNYER RNAMS LA SNGA PHYI CI RIGS PAR PHYAG DBANG STZAL CING SGER MJAL ZHU MI RNAMS LA SLOG CHA GNANG, TSES NYER BZHI LA CHU TSAN KHAR BZHUGS ZHAG SAR RGYAL YUM PHUN TSOGS DBANG MOS 'DZIN SKYONG GNANG BA'I GZHIS KA G-YAG SDE KHANG GSAR NAS GRA SGRIG MDZAD, RGYAL DBANG MCHOG GI SKU'I MCHED ZLA GSUM PHEBS SDONGS SU YOD PA NAS DKAR SPRO DNGOS 'BUL SBAM MTHO BA BTEG ,RIN SPUNGS SU ZHAG BZHUGS SKABS 'DUL TSES KYI NYER DGU DANG 'GRIG PAS BKRA SHIS LHUN PO'I DUS GTOR CHEN MO MDZAD RGYUR SONG GSHIS RJE BLA MA MCHOG GIS GTZO MDZAD MGON KHANG PA RNAMS DANG MTSAN NYID ZHABS PHYI BCAS NAS DAM CAN CHOS KYI RGYAL PO'I BSKANG GSO DBYANGS ROL RGYAS PA DANG BCAS GNANG STE GTOR CHEN DRUG CU PA 'PHEN PA MDZAD, LO 'DI NANG JO RDZONG PA DGE LEGS RGYAL MTSAN, DPE THUB PA BLO BZANG BZOD PA, BZHAD PA YE SHES LHUN GRUB, GRANG MO CHE BA CHOS 'PHEL DAR RGYAS, STAG MO BA BLO BZANG CHOS 'BYOR BCAS NAS PHAR PHYIN GYI 'GREL PA, MDANGS CHEN PA BLO BZANG BYAMS PAS SMON t'I KA ,LCAGS PA YE SHES BRTZON 'GRUS, GU GE BA BLO BZANG SBYIN PA, DPE THUB PA DPAL LDAN TSUL KHRIMS, NOR BU DGA' LDAN PA BLO BZANG
, ,'PHRIN LAS, HAR GDONG PA BLO BZANG DGE LEGS, LEGS BSHAD GLING PA YE SHES DON GRUB, 'BRAS SPUNGS PA YE SHES DON GRUB BCAS NAS RNAM 'GREL GYI THAL PHRENG LE'U BZHI, MDANGS CHEN PA BLO BZANG BSAM GRUB KYIS 'DUL BA GZHI STOD GZHI SMAD, DBEN DGON PA SKAL BZANG BDE LEGS, YE SHES DBANG RGYAL, BLO BZANG 'PHRIN LAS, BLO BZANG RGYAL MTSAN, BLO BZANG DON GRUB RNAMS KYIS BDE MCHOG RTZA RGYUD, 'BRONG RTZE BA BLO BZANG DAR RGYAS KYIS DUS 'KHOR GYI CHO GA ,SNAR THANG PA BLO BZANG BSTAN 'DZIN GYIS GSO RIG RGYUD BZHI, CHOS 'KHOR LHUN PO PA DPAL 'BYOR RGYAL MTSAN DANG NGAG DBANG BZANG PO GNYIS KYIS BYAMS CHOS SDE LNGA, BSOD NAMS BSTAN 'DZIN NAS TSAD MA RIGS GTER DANG MNGON RTOGS RGYAN, SDOM GSUM RAB DBYE, SO THAR GYI MDO RNAMS KYI RGYUGS PHUL BAR GNANG CHA SNGAR SROL LTAR DANG, DKA' CHEN NGAG DBANG NAM MKHAS ZHA LU LO TZ'A BAS MDZAD PA'I 'GREL PA'I STENG NAS SGRA MDO KA L'A PA'I RTZA BA RI MO DANG BCAS PA'I RGYUGS PHUL BAR GON PA TSAN GRANGS BCAS KYI GNANG CHA GZAB PA DANG GDONG DRUG BSNYEMS PA'I RDO RJE ZHES PA'I MING STZAL, GU GE BA DKA' CHEN SKU SKYE BLO BZANG BSTAN 'DZIN GYIS SGRA'I RGYUGS GONG BZHIN PHUL BAR GNANG CHA DANG GDONG DRUG GRUB PA'I RDO RJE ZHES PA'I MING GNANG, ` BONG BU ZHES PA LCAGS MO YOS KYI LO GSAR DU TSES PA'I DGA' STON LHAN GZHIS KAR MDZAD, TSES GSUM LA DBEN DGON DU PHEBS, TSOGS YONGS LA BDE
MCHOG GI BLA MA'I RNAL 'BYOR GYI KHRID RGYAS PA GNANG, MTSAN SGROG BLA SPYI NAS DKAR SPRO DANG ZHABS BRTAN PHUL BAR GRVA MANG LA PHYAG DBANG DANG SLOG CHA STZAL, MDA' DPON PAD TSAL PA PHUN TSOGS RNAM RGYAL NAS KYANG SGER MJAL ZHUS, DBEN DGON TSOGS YONGS NAS 'CHAMS GZIGS PHUL ZHING, MJUG TU GTOR CHEN DRUG CU PA 'PHEN PA MDZAD, DE NAS CHIBS KHA BSGYUR TE CHIBS BSU, SER SBRENG, BRO GZHAS SOGS TSAR DU DNGAR BAS MDUN BSUS TE TSES DGU'I NYIN CHOS GRVA CHEN PO BKRA SHIS LHUN POR PHYAG PHAB, DE NYIN BLA BRANG NAS GSOL STON RGYAS PA DANG, DE'I PHYI NYIN RGYUN SDOD DRUNG SPYI NAS GSOL STON RGYAS PA PHUL, GRVA TSANG DANG MI TSAN KHAG GI RGAN PO RNAMS LA PHYAG DBANG GNANG, TSES BCU GSUM GYI NYIN MTSO SNGON CHOS 'PHEL PE'I LI'I BLA MA THON PA DKA' CHEN CHOS RJE BLO BZANG DBANG PHYUG GIS TSOGS DBUR SPYAN DRANGS TE DNGOS 'BUL BSTAR, SMYUNG GNAS KYI CHO GA DANG BYAMS PAS DAM BCAS PA'I GZUNGS KYI LUNG GNANG, RJE BLA MA'I DGONGS BZHED LTAR PHYAG MDZOD CHEN MO NAS KHUR BLANGS TE 'DU KHANG GI MTHONGS KHOR DANG SENG G-YAB LA MDZOD GOS TSOS KHA SNA TSOGS PA'I NOR BU'I DRA BA DRA PHYED BZO BKOD LEGS PA TSES BCO LNGA'I NYIN SBYOR 'JAGS MDZAD, DE NYIN RJE NYID KYANG TSOGS DBUR PHEBS TE TSOGS YONGS LA SNA TSOGS YUM DKAR MO'I RJES GNANG STZAL, TSES BCU BDUN LA GZHUNG GI CHIBS SKYEL BA MGRON GNYER DGE SLONG LA RDO RJE RNAL 'BYOR MA'I RJES GNANG STZAL TE MGRON GNYER DANG, CHIBS DPON RNAM SRAS GLING PA, SE RA SPYI SO, GZIMS
, ,DREL MGO PA SOGS CHIBS SKYEL BA RNAMS LA 'DOD CHOS DANG GNANG SKYES PHON CHE BA BSTAR, TSES NYER LNGA'I NYIN YONGS 'DZIN RJE ZHAL SNGA NAS LAS RGYAL CHEN BZHI'I RJES GNANG GSAN, PHUN TSOGS GLING GNYER PA DRUNG RAM PA BLO BZANG TSE RING SOGS SUM CU BSNYEN RDZOGS BSGRUBS, MDANGS CHEN PA RJE DRUNG BLO BZANG DON GRUB KYIS SGRA KA L'A PA'I RI MO YONGS RDZOGS ZHA LU LO TZ'A BA'I 'GREL PA'I STENG NAS RGYUGS PHUL BAR GNANG CHA GZAB PA DANG, GDONG DRUG LANG TSO'I BLO GROS ZHES PA'I MING STZAL, TSES NYER BDUN NYIN BKRA SHIS RTZE'I SKU NGO RNAMS LA GNANG CHA DANG BCAS THON PHYAG GNANG, ZLA BA GNYIS PA'I TSES DRUG LA MUS KHANG GSAR GNYER PA DKA' CHEN SDINGS KHA BYA BZANG PAS TSOGS DBUR SPYAN DRANGS TE DNGOS 'BUL DANG BCAS ZHABS BRTAN PHUL, TSES BCO LNGA'I NYIN ZUR BZHI'I SLOB DPON, DGE BSKOS LAS SNE RNAMS LA CHOS STON THOG MJAL KHA DANG GSUNG GLENG ZHIB RGYAS GNANG, ZLA BA GSUM PA'I TSES BCO LNGA'I NYIN GONG DU BA YAR 'BUL MI MKHAN PO 'BYOR PAR GONG MA CHEN PO'I SKU'I MTSAMS ZHU MDZAD, GSER YIG GNANG RTEN RNAMS DGYES GUS CHEN POS BZHES, ZLA BA BZHI PA'I TSES GCIG NAS BZUNG ZHAG BDUN GYI RING CHOS SKYONG DREG PA LCAM SRING GI GTOR SGRUB DANG, MJUG TU GTANG RAG BSKANG GSO TSOGS 'KHOR BCAS GNANG, TSES NYER LNGA'I NYIN RIMS NAD SOGS SEL BA'I CHED DU LHA MO'I BSKANG GSO DANG 'PHRIN BCOL MDZAD, ZLA BA LNGA PA'I TSES BCO
LNGA'I NYIN RGYAL DBANG MCHOG GI SKU'I MCHED ZLA RJE DRUNG BLO GROS RGYAL PO DANG BLO BZANG DGE 'DUN GNYIS DGE TSUL BSGRUBS, TSES NYI SHU LA 'JIGS BYED KYI LAS THAMS CAD PA'I SBYIN SREG MDZAD, SMON LAM CHEN MO'I GOS SKU RNAMS LO MANG SONG BAS CUNG ZAD HRUL SKYON CHE BAR GOS CHEN SNA TSOGS, SMAN RNYING, LING, HOR DAR DU MA STZAL TE NYAMS GSO LEGS PAR MDZAD, ZLA BA DRUG PA'I TSES GCIG LA GZIMS CHUNG NYI 'OD DU DAM CAN GSHIN RJE CHOS KYI RGYAL POR RTZAM KHAL BDUN CU LAS GRUB PA'I MCHOD GTOR SHIN TU BZANG BA BSHAMS NAS RJE BLA MA NYID KYIS GTZO MDZAD CHOG ROGS PA BDUN CU DANG BCAS BSKANG GSO MNGA' GSOL SOGS GNANG, TSES BZHI'I NYIN YONGS 'DZIN ZHAL SNGA NAS LAS GSHAM GSAL GYI DBANG GI STA GON DANG, TSES LNGA LA RO LANGS BRGYAD SKOR, DRUG LA ZHE DGU MA'I DBANG CHEN GSAN, ZLA BA BDUN PA'I TSES BZHI LA TSOGS CHEN DU LAM RIM BSDUS DON GYI KHRID DANG, DE'I PHYI NYIN SEMS BSKYED MCHOD PA GNANG, TSES DRUG NAS BDE MCHOG SGRUB MCHOD KYI SKABS SBAS DON KUN GSAL GYI BSHAD LUNG GI 'PHRO LE'U BCU PA NAS RIM BZHIN GSUNG BSHAD DANG BCAS PA STZAL, TSES BDUN LA LUNG BSTAN SGROL MA'I SKU MDUN DU MCHOD 'BUL DANG BCAS THUGS DMIGS MDZAD, TSES BCU GSUM LA BKA' RTZOM GSAR DU GNANG BA RNAMS KYI LUNG DANG, DE'I PHYI NYIN SEMS BSKYED MCHOD PA GNANG, NO MON HAN DE MO SPRUL PA'I SKU NAS BSAM YAS KYI ZHIG GSO MDZAD PA'I ZHAL 'DEBS SU DNGUL SRANG BDUN BRGYA'I RTZIS KYI GSER DNGUL DANG LHA KHANG
, ,RNAMS SU MCHOD 'BUL GYI THEBS, BYANG CHUB CHEN PO SOGS RTEN RNAMS LA SNYAN SHAL BCAS PHUL, TSES BCU DRUG GI NYIN SNGAGS GRVA'I TSOGS DBUR PHEBS NAS PHYOGS MTHAR 'BRUM NAD KYI DOGS GZHI THOR BU YOD PA ZHI PHYIR DANG 'DI KHA'I MKHAN SLOB DGE 'DUN GYI SDE DANG BCAS PA RNAMS KYI GEGS SEL DU DMIGS LHA MO'I BSKANG BA DANG MJUG TU GTZUG TOR ZLOG CHEN MDZAD, TSES BCU BDUN LA SNGAGS GRVA SOGS GRVA PA BCU BDUN BSNYEN RDZOGS BSGRUBS, DE'I NYIN RTEN GZIGS SU PHEBS NAS LHA KHANG KHAG DU MA'I RTEN GTZO SOGS LA MCHOD 'BUL SNYAN SHAL DANG, MGON KHANG SO SOR SNYAN SHAL, SPYAN GZIGS BCAS PHUL TE THUGS SMON 'PHRIN BCOL MDZAD, TSES NYER LNGA'I NYIN TSOMS CHEN DU DPAL RDO RJE 'JIGS BYED CHEN POR RTZAM KHAL BDUN CU, NGAM CAN CHOS KYI RGYAL POR NAS NAG GI NGAR PHYE KHAL DRUG CU, CHOS SKYONG SPYI LA KHAL BCU GNYIS RNAMS LAS GRUB PA'I MCHOD GTOR SHIN TU CHE ZHING, RGYAN DU MAS MDZES PA DANG SPYAN GZIGS SU DPAL RDO RJE 'JIGS BYED KYI PHYAG MTSAN YONGS SU RDZOGS PA DANG, ZHE DGU MA'I SGRUB THABS NAS GSUNGS PA'I RDO RJE MA HE, RDO RJE BA LANG, RDO RJE PHAG PA, RDO RJE BONG BU, RDO RJE RNGA MO, RDO RJE KHYI, RDO RJE LUG ,RDO RJE WA, RDO RJE BYA RGOD, RDO RJE 'UG PA, RDO RJE BYA ROG ,RDO RJE NE TZO, RDO RJE KHRA, RDO RJE BYA CHEN PO, RDO RJE KHYIM BYA, RDO RJE BZHAD RNAMS KYI GZUGS LA SOGS PA MCHOD PA'I YO BYAD TSAR DU DNGAR NAS, 'JAM MGON RGYAL BA GNYIS PA'I BSTAN PA RIN PO CHE PHYOGS MTHAR RGYAS PA'I THUGS
SMON MDZAD DO, ,BLO BZANG THUB PA'I RING LUGS NYIN MOR BYED, ,'GRO KHAMS GLING BZHI'I DPAL DU RTAG 'CHAR ZHING, ,BSHAD SGRUB 'OD STENG MKHA' KHYAB SPRO PA LAS, ,PHAN BDE'I CHU SKYES 'DZUM DKAR 'GYED PA'I SLAD, ,PHYI NANG GSANG BA'I GSHIN RJE KUN 'JOMS PA, ,DPAL LDAN DUS DGRA'I DBANG PO'I LHA TSOGS LA, ,RIN CHEN LAS GRUB RDO RJE BZHAD LA SOGS, ,SNA TSOGS SROG CHAGS GZUGS KYIS CI YANG MCHOD, ,DE NAS CHOS RGYAL GYI BSKANG GSO DANG DRUG CU PA BSNGO BA MDZAD CING DE'I PHYI NYIN CHOS SKYONG YONGS RDZOGS KYI BSKANG GSO YANG GNANG, ZLA BA BRGYAD PA'I TSES GNYIS LA RGYAL DBANG MCHOG GI SKU'I PHU BO BSOD NAMS BKRA SHIS DANG, SKU ZHING SDE PA TSE DBANG DPON G-YOG RNAMS G-YAG SDER PHEBS RGYUR THON PHYAG STZAL, TSES DRUG GI NYIN BKA' BLON DGA' BZHI GUNG PAndI TA DPON G-YOG MJAL KHAR PHEBS TE, THOG MA'I MJAL RTEN DU RAB DKAR LHA RDZAS, RTA RGYU TSUGS LEGS PA BZHI, DRE'U BRGYA THAM PA SGA GDAN RGYAB KHAL SOGS CHA 'GRIG BCAS PHUL BAR 'BYOR PHYAG DANG JA GRAL BKA' 'DRI GNANG, DE'I PHYI NYIN KHONG RNAMS LA DKAR SPRO BSTAR, TSES BCU GNYIS KYI NYIN BKA' BLON GUNG PAndI TA NAS 'DUS PA RGYA MTSO'I TSOGS DBUR SPYAN DRANGS TE MAndAL, SKU GSUNG THUGS RTEN, NA BZA' NYER SPYAD, SPOS SHEL DANG BYU RU'I SHAL PA, GSER DNGUL, GOS YUG GIS GTZOS PA'I TSAN PA, LJON JA SHING 'BRAS SOGS DNGOS 'BUL GTOS CHE BA PHUL NAS ZHABS BRTAN GSOL 'DEBS ZHUS, BKA' BLON NAS GSOL BA BTAB PA BZHIN NGO G-YOG TSANG MAR GDUGS DKAR GYI DBANG DANG
, ,TSE DBANG, SGRA MI SNYAN GYI TSE SGRUB, GDUGS DKAR GYI LUNG BCAS STZAL, SKABS SHIG RJE NYID KYI ZHAL NAS, KHYOD KYI MING LA PAndI TA ZER BA YIN MOD, KHO BOS SAm SKRi TA'I SKAD DU DON KHA SHAS 'DRI BA 'DI LA LAN THOB CIG GSUNGS NAS DRI LA KHA SHAS MDZAD PAR TSIG ZUR DPYIS PHYIN MIN TZAM MA GTOGS PHAL CHER LA LAN PHUL BAS THUGS MCHOG TU DGYES, BKA' BLON GUNG, THA'I JI BA SANGS TSE RING, SRAS CHUNG, ZHABS DRUNG BDE LDAN SGROL MA BCAS LA TSE DPAG MED KYI SNANG BRNYAN, BYIN RTEN, WA NAG GI ZHVA SGOR, KH'A SLOG SOGS GON PA CHA TSANG, DNGUL SRANG STONG PHRAG BRGAL BA, RTA SGA 'KHOR CHA TSANG SOGS GNANG SKYES GYA NOM PA STZAL, GUNG 'DI NI THUGS RIG GSAL ZHING LUGS GNYIS LA MKHYEN PA RGYAS PA; DKON MCHOG LA DAD CING KHYAD PAR DU RJE 'DI LA MCHOG TU GUS PA ZHIG YIN PAR SNANG ZHING, 'DIS MTSON SNGA PHYIR ZHABS TOG DANG SRI ZHU BLA NA MA MCHIS PA MDZAD 'DUG ,TSES BCU BDUN GYI NYIN SRAD RGYUD PA, GZHIS RTZE RDZONG DPON, NGOR MKHAN PO SOGS PHYOGS 'DUS SER SKYA MANG POR PHYAG DBANG GNANG, TSES BCU DGU'I NYIN 'BRUG SDE SRID KYI MTSAMS ZHU 'BUL BA DANG BKA' 'GYUR PAR 'DEBS PAR MNGAGS PA'I BANG MI RNAMS DANG GZHAN YANG PHYOGS 'DUS SER SKYA MANG POR PHYAG DBANG DANG, 'BRUG GZHUNG GI MI SNA GNYIS LA JA GRAL THOG BKA' DRI ZHIB PAR PHEBS SHING THON PHYAG SKABS GNANG SBYIN BZANG PO DANG SDE SRID LA BKA' LAN RTEN SBRAGS BCAS STZAL, TSES NYER GNYIS NYIN, GZIMS SPUGS KYI CHOS
SKYONG LCAM SRING GI RTEN MKHAR RNYING PA CUNG ZAD GOGS SKYON CHE BAR GSAR BZHENGS BZO BKOD PHUN SUM TSOGS PA NANG DU THOD MKHAR DANG, PHYIR SPYAN GZIGS KYI BYE BRAG SNA TSOGS KYI RI MO TSAR DU DNGAR BA, STENG GI DBUS SU GSER ZANGS KYI GANYDZI RA, G-YAS G-YON DU RGYAL MTSAN THUGS RNAMS GZUNGS GZHUG GIS BYIN CHAGS BAR MDZAD DE, PHYI NYIN BSKANG GSO RGYAS PA DANG 'PHRIN BCOL MDZAD, TSES NYER DRUG NAS NYIN GNYIS KYI RING GDONG KHANG SPRUL SKU, SER 'BRAS DGE GSUM, SNYE THANG RVA BSTOD PA SOGS PHYOGS 'DUS DRUG CU BSNYEN RDZOGS BSGRUBS, BZHAD GRVA TSANG CHEN MO'I MKHAN PO DGE BSKOS PA SO BA DKA' CHEN YE SHES 'BYUNG GNAS KYIS TSOGS DBUR SPYAN DRANGS TE DNGOS 'BUL SBAM MTHO PA BTEG ,GRVA TSANG SPYI NAS KYANG MCHOD SPRIN SPROS PAR MANG 'GYED KYANG STZAL, ZLA BA DGU PA'I TSES GCIG LA GZIMS CHUNG BKA' GDAMS PHO BRANG DANG, STUG PO BKOD PA GNYIS SU RJE BLA MA MCHOG NAS CHA GSUM GTONG PA GNANG ZHING, GZIMS CHUNG YID DGA' CHOS 'DZIN DANG NGO MTSAR BKOD PA, NYI 'OD BCAS SU YONGS 'DZIN RJE ZHAL SNGA NAS DANG, MGON KHANG PA RNAMS CHA GSUM GTONG DU 'JUG PA MDZAD PAR GSOL DPON CHEN MO NAS DGONGS GZHI GANG YIN ZHUS PAR MNAL LAM ZIR BUN BYUNG ZHES PHEBS, TSES LNGA'I NYIN TSOMS CHEN DU RJE BLA MA NYID KYIS GTZO MDZAD CHOG ROGS PA LNGA BCU DANG BCAS LHA MO'I BKANG GSO DANG MJUG TU SGROL MA G-YUL ZLOG MDZAD, 'PHAGS YUL GYI AA TZA RA SU KA DE PO GI RI 'BYOR SKABS DUNG DKAR G-YAS 'KHYIL CHE BA GSER
, ,GYI GSHOG PA CAN GCIG DANG, PHE RENG GI SHEL MIG GNYIS SOGS PHUL BAR GNANG CHA GYA NOM PA DANG AA TZA RA'I SKAD DU RGYA GAR GYI GSUNG GLENG MANG PO GNANG, TSES BDUN LA PE'I CING MI SNA RAB 'BYAMS PA YE SHES MTHA' YAS 'BYOR GDONG GONG MA CHEN PO'I SKU'I MTSAMS ZHU MDZAD, GSER YIG GNANG SKYES GYA NOM PA DANG BCAS STZAL BA GUS PA CHEN POS BZHES, KHYAD PAR DU SNGON CHAD BOD DU MA 'GYUR BA'I SANGS RGYAS GTZUG TOR DPA' BAR 'GRO BA'I MDO RGYA NAG GI BKA' 'GYUR KHROD DU BZHUGS PA GONG MA CHEN PO'I BKAS BOD KYI SKAD DU BSGYUR BA DE GNANG NAS, MDO SDE 'DI NYID SNGON BOD DU MA 'GYUR STABS NGED NAS BSTAN PA'I ZHABS TOG TU BOD SKAD DU BSGYUR NAS GLEGS BAM 'DI NYID PAn CHEN AER TE NI LA BSKUR BA YIN, PAn CHEN AER TE NI ZHVA SER GYI BSTAN PA'I GTZO BO YIN GSHIS 'DI'I DON DGE 'DUN GYI SDE MANG POR SPEL ZHIG ,DE LTAR NA NGED KYI BSAM PA RDZOGS PA YIN, ZHES PHEBS PAR THUG DGYES PA CHEN POS RJE NYID NAS DE MA THAG LJAGS KLOG GNANG RJES, BKRA SHIS LHUN PO'I DGE 'DUN RNAMS LA BSNYEN BKUR TE DON RNAMS BSHAD CING SGROGS SU BCUG PAR KUN KYANG DAD PA 'PHEL, TSES BRGYAD LA DPAL MGON ZHAL DANG LCAM SRING LA BRGYAD GTOR BSKANG GSO SNGAR BZHIN MDZAD, TSES DGU NAS NYI MA LNGA'I RING GDONG KHANG SPRUL SKU DANG, GZHIS RTZE RDZONG DPON, DPAL CHOS MKHAN TSAB SOGS PHYOGS 'DUS SER SKYA MANG POR PHYAG DBANG GNANG ZHING RGYUD STONG SMAD SOGS KYI GRVA PA
SO DRUG BSNYEN RDZOGS BSGRUBS, TSES BCU BZHI LA RTZAM KHAL BDUN CU LAS GRU BA'I MCHOD GTOR DANG BCAS LCAM SRING GI BSKANG GSO GNANG, MI SNA NAS GZIMS CHUNG ZHABS BRTAN PHUL, DE NYIN PHYI DRO SKU MTSAMS BSDAMS NAS DBAL TSOGS KYI BDAG PO'I BSNYEN PA GNANG, SKABS 'DIR GSOL DPON BLO BZANG MKHAS MCHOG LA TSOGS BDAG GI RJES GNANG DANG DE'I SGRUB THABS LAS TSIGS DANG BCAS PA'I LUNG STZAL, GNAM GANG GI NYIN SNGA DRO 'JIGS BYED KYI DBANG GI SBYIN SREG DANG, PHYI DRO NAS BZUNG NYIN BZHI'I RING TSOGS BDAG LA BRTEN PA'I DBANG GI SBYIN SREG MDZAD DE SKU MTSAMS GROL, ZLA BA BCU PA'I TSES GSUM GYI NYIN RGYAL YUM PHUN TSOGS DBANG MO SRAS BCAS DANG SKU ZHANG SDE PA TSE DBANG DPON G-YOG RNAMS RONG G-YAG SDE NAS 'BYOR PAR PHYAG DBANG JA GRAL DANG GSUNG MCHID GNANG, TSES LNGA NAS BZUNG RIM GYIS GZHIN GNAS PA DANG PHYOGS 'DUS BCAS NYIS BRGYA BCU GSUM BSNYEN RDZOGS BSGRUBS, TSES DGU'I NYIN RGYAL YUM GYIS TSOGS DBUR SPYAN DRANGS TE ZANG ZING GI DNGOS PO SBAM MTHO BA DANG BCAS ZHABS BRTAN GSOL 'DEBS ZHUS, TSES BCO LNGA'I NYIN BKRA SHIS RTZE'I SKU NGO RNAMS LA PHYAG DBANG DANG GSOL TSIGS THOG GANG CI'I GSUNG GLENG MDZAD, DE'I PHYI NYIN ZHA LU GSER KHANG GI MA HE SKAD GTONG BA 'BYOR PAR BDE YANGS DANG GZIMS CHUNG 'GAG SKU MDUN RNAMS SU GAR 'CHAMS BYED BZHIN 'ONGS NAS BKA' BSGO ZHUS PAR 'JIGS BYED LA BRTEN PA'I BKA' BSGO STZAL TE RNAL 'BYOR PA PHYAG RGYA CHEN PO'I DON LEGS PAR SGOMS SHIG ,CES
, ,BKA' PHEBS PAR KHONG RANG NAS KYANG SKYABS 'JUG ZHUS SHING GNANG CHA YANG STZAL, TSES BCU BDUN LA GZIMS CHUNG NYI 'OD 'KHYIL BAR YI DAM DANG, MGON PO, LHA MO, GNOD SBYIN BZHI, CHOS RGYAL RNAMS LA RTZAM KHAL DRUG CU LAS GRUB PA'I GTOR MA DANG, RTA NAG ,MA HE, DOM SOGS KYI SPYAN GZIGS RNAM MANG CHER DU DNGAR, RJE NYID DANG CHOG ROGS PA LNGA BCU SKOR NAS BSKANG GSO RTEN 'BUL SOGS RGYAS PAR MDZAD DE DAM PA'I CHOS BSGRUB PA'I 'GAL RKYEN BAR CHAD MTHA' DAG ZHI ZHING, MTHUN RKYEN MTHA' DAG TSUL BZHIN DU BSGRUB PA'I 'PHRIN BCOL GNANG, DAM CAN CHOS RGYAL GYI LHA RTA RGYA GAR GYIS RTZA ZHIG YOD BA DE GLO BUR DU NA NAS SNYAN SGRON ZHUS PAR, CHOS RGYAL GYIS BZHES RGYU YIN 'DRA BAS, AA DRUNG NAS PHYAG GSUM BTZAL NAS GSOL BA BTAB PHYIN DE RING SKYON MI YONG GSUNG BAR, AA DRUNG NAS KYANG DE LTAR BYAS PAS DE NYIN SKYON MA BYUNG BAR SANG NYIN CHOS RGYAL GYI MNGA' GSOL GYI SKABS SHI BAS YA MTSAN PAR GYUR; 'DI SKABS RGYA PHIBS KYI STENG DU BYA GONG MO ZHIG BABS PA NA, RI BYA KLUNG DU BABS PA GEGS 'TSUB KYI LTAS SU DGONGS NAS, BKA' LAS, 'TSUB DO 'DI BZLOG PA'I PHYIR SNGA MGYOGS GDUGS DKAR ZLOG CHEN DANG, DE RJES DGE 'DUN LO DRUG CU LON PA YAN CHAD LA BSNYEN BKUR BZANG PO STOB CES GSUNG, TSES BCU DGU LA SHANGS DGA' LDAN BDE CHEN RAB RGYAS GLING SPYIS NAS NYI 'OD DU TSOGS 'KHRO DANG DKAR SPRO'I THOG BDE MCHOG GI CHO GA DANG 'BREL BA'I SGO NAS DNGOS
'BUL DANG BCAS ZHABS BRTAN PHUL, TSOGS PAR PHYAG DBANG, SLOG CHA MANG 'GYED BCAS STZAL, TSES NYI SHU LA BDE CHEN RAB RGYAS KYI DGE 'DUN RNAMS DANG, LHA KLU'I RGYAL YUM DPON G-YOG, GZHAN YANG PHYOGS 'DUS SER SKYA DU MA BCAS LA 'JAM LUGS LHA LNGA'I TSE DBANG STZAL, DE'I PHYI NYIN LHA KHANG PA GZHIS BYES NAS GZIMS CHUNG ZHABS BRTAN PHUL ZHING 'DOD CHOS DANG SLOG CHA MANG 'GYED BCAS GNANG, TSES NYER GSUM LA THUGS DAM BRTAG PHEBS BZHIN CHOS GRVA 'DI KHA'I DGE 'DUN DGUNG LO DRUG CU YAN GZIMS CHUNG NYI 'OD DU TSOGS PA'I MGON DU RJE BLA MA NYID PHEBS NAS KHYED RNAMS KYIS TSE SGRUB 'CHI MED BDUD RTZI'I CHU RGYUN THOG TSE GZUNGS BRGYA RTZA RE BZLA BA DANG, PHYOGS 'DIR NAD RIMS SOGS ZHI ZHING, LHAG PAR CHOS GRVA CHEN PO 'DIR 'GRO BA'I YAMS MI 'BYUNG BA'I DMIGS PA GANG DRAG MDZAD DGOS ZHES PHEBS SHING BSNYEN BKUR KYANG GZABS, LNGA MCHOD KYI NYIN 'DUS TSOGS SU DGE 'DUN RE RE 'GYED DNGUL SRANG RE, SLOB DPON DBU CHOS LA RNAM GZHAG BCAS 'BUL BA MDZAD, BDE CHEN RAB RGYAS PA SOGS GRVA PA NYI SHU RTZA BDUN BSNYEN RDZOGS BSGRUBS, LHA KHANG PA GZHIS BYES LA GRUB RGYAL LUGS KYI TSE DBANG, RTZE DRUNG BSTAN 'DZIN GRAGS PA, YANGS CAN MTSAMS ZHU BA 'GAG PA DBANG RGYAL, GZHIS RTZE RDZONG RNYING SPYI BDE BA SOGS SER SKYA MANG POR PHYAG DBANG BCAS RIM BZHIN STZAL, TSES NYER DGU'I NYIN RGYAL YUM PHUN TSOGS DBANG MO DPON G-YOG LA DNGUL, GOS DAR, RTA SGRA 'KHOR SOGS GNANG CHA GYA NOM PA BCAS THON
, ,PHYAG STZAL, SKABS 'DIR SNGON DU GSER KHA PHYOGS SU GNYAN NAD YIN TSUL GYI NAD BAB LCI NGES YOD TSUL BYUNG BA RIM GYIS LHA DAM RTA NAG KHUL SOGS SU THOR BUR BYUNG TSUL LA BRTEN, PHYAG MDZOD CHEN MO NAS DAM SBRAGS GANG DRAG MDZAD KYANG, 'DAR PA DRUNG RAM PA BSTAN 'DZIN DBANG PO ZER BA 'KHOR ZHAG LA PHYIN PAR PHYIR LOG THOG ZLA BO ZHIG LAM PAR THOR PAS NA ZHING DGON NANG DU 'BYOR PA ZHAG GSUM NAS 'DAS PA DE 'PHRAL KHO BA DANG GZHAN MA BGAS 'DRES BYUNG RIGS RNAMS LUGS RDZI SBUG TU LOGS BKRA GYIS 'JOG PA MDZAD, PHYAG MDZOD CHEN MO SOGS ZHAM RING BA RNAMS NAS 'DI SKOR GYI RGYU MTSAN ZHUS PAR, LHA BEG MA MNYES PA'I NGO 'DUG PAS, MGON KHANG KHAG TU BSKANG GSO DANG KHRUS GSOL, GTZUG TOR ZLOG CHEN, SGROL MDOS SOGS RIM GRO LA 'BAD PA DANG, DGE 'DUN 'BRUM YOL LA PHEBS NAS DGON GNAS STONG PAR 'JOG PA NI RTEN 'BREL LA MI BTUB PAS 'DIR BZHUGS NAS 'CHAD NYAN DANG RGYUN GTAN GYI SKU RIM LA SENG SHOR MED PA 'DI RANG GAL CHE, GZHAN GYI SNANG NGOR KHO BO RE ZHIG DBEN DGON DU YOL TZAM ZHIG BYAS NA 'PHRAL PHUGS GNYIS SU LEGS PA 'DUG CES PHEBS, ZHAL SNGA NAS BZHI DANG DGE BSKOS CHEN MO BCAS NAS CHOS GRVA 'DIR YAMS NAD GZHI CHER MI 'GYUR BAR MYUR CHOD YOD PA'I SKYABS 'JUG THUGS RJE CHE BA DANG, SKYABS MGON MCHOG KYANG RING MIN GDAN SA CHEN POR CHIBS BSGYUR GNANG DGOS ZHES GSOL BA BTAB PAR, NAD 'DI YONG DO
CHE BA 'DUG CES LO SNGON MAR DBUS SU THON SKABS KHYED RANG RNAMS LA ZHUS PA LTAR DANG, DER DMIGS NAS LO SNGA PHYI GNYIS KAR MCHOD GTOR RGYA CHEN PO 'BUL BA DANG, SPYAN GZIGS SGRUB DKA' BA RNAMS KYANG 'BAD PAS BSGRUBS TE RTEN 'BUL DANG 'PHRIN BCOL SOGS KYI SGO NAS CHOS SKYONG RNAMS DGYES PA BSKYED PA'I MTHU LAS, NAD 'DI PHA CANG TSABS CHE RANG AE 'BYUNG MI SHES, ZHAL SNGA NAS RNAMS DANG DGE 'DUN GYI SDE BCAS NAS NYAMS GRIB BYANG PHYIR CHOS SKYONG SOR BSKANG BSHAGS DANG 'PHRIN BCOL SOGS GANG RGYAS MDZAD DGOS ZHES GSUNG, TSES GNAM GANG NYIN BKRA SHIS RTZE'I SKU NGO RNAMS LA THON PHYAG GNANG, ZLA BA BCU GCIG PA'I TSES GSUM GYI NYIN BKRA SHIS LHUN PO NAS CHI BAS KHA BSGYUR, TSES BZHI'I NYIN CHIBS BSU, SER SBRENG DANG BCAS DBEN SA CHOS KYI PHO BRANG DU PHYAG PHEBS, GZHIS RTZE'I RDZONG DPON SOGS CHIBS SKYEL BA RNAMS DANG, SER SBRENG PA, BRO GZHAS PA RNAMS LA GSOL RAS STZAL, DE'I PHYI NYIN DBEN DGON NAS ZHABS TOG BSNYEN BKUR ZHUS, TSES LNGA'I NYIN RGYAL DBANG THAMS CAD MKHYEN GZIGS CHEN POR 'BRUM DOGS SKOR DMIGS MED DU ZHI BA'I THUGS SMON SKYABS 'JUG DANG, RJE BLA MA MCHOG KYANG DBEN DGON DU PHEBS PA'I GNAS TSUL CHAB SHOG RTA ZAM THOG 'BUL BA GNANG, PHYI DRO BLA BRANG RTZER RTEN GZIGS SU PHEBS NAS RGYAL BA BLO BZANG DON GRUB KYI SKU BRNYAN LA SNYAN SHAL, DNGUL GYI MAndAL, THUB DBANG LUNG BSTAN MA, LHA SRAS RJE'I PHYAG BZO CHOS RGYAL GYI ZHAL 'BAG SOGS RTEN
, ,GTZO RNAMS LA SNYAN SHAL, KHRUS GSOL, MCHOD 'BUL DANG BCAS PHYI NANG GI NYER 'TSE ZHI BA'I THUGS DMIGS MDZAD, TSES DRUG GI NYIN RLUNG 'TSUB CHE TZAM BYUNG BAR, GZHI BDAG GTOR MA DANG DPAL MGON SDE LNGA, LHA MO RNAM GSUM, GSANG BA'I CHOS RGYAL BCAS LA GSER SKYEMS CHAG MED DU 'BUL BA MDZAD, CHOS 'KHOR DBUS SDINGS KYI GTOR GZHI SPO SKABS NYIN GSUM GYI RING SNA LNGA'I MCHOD PA DANG THUB DBANG 'JIGS BYED MGON PO PHYAG DRUG PA 'KHOR BCAS, DAM CAN CHOS RGYAL, LHA MO RDO RJE RAB BRTAN MA, DPAL LHA BCAS LA SNYAN SHAL THUGS SMON GYIS BRGYAN PA DANG SPYAN GZIGS ME MDA' BCAS 'BUL BA GNANG, 'BRUG SDE SRID BZHI DAR NAS GOS SKU CHEN PE GSAR DU BZHENGS GRUB PA DANG BSTUN RJE BLA MA MCHOG LA LEGS 'BUL STOB MI CHED DU MNGAGS PA 'BYOR, PHAR YANG LEGS SO BRJOD PA'I BKA' SHOG DANG GNANG SKYES BZANG PO BCAS DRUNG 'KHOR CHED DU MNGAGS TE, GHA tI KA'I R'A DZA SDE SRID NAS BTZON DU BZUNG YOD 'DUG PA GLOD GROL MDZAD NA LEGS PA'I ZHAL TA PHEBS, SDE SRID NAS KYANG BKA' SPYI BOS NOD DE SANGS RGYAS STONG SKU GSER ZANGS LAS GRUB PA GSAR BZHENGS KYI BZO PHUD YIN TSUL GYI SKU BRNYAN GYIS THOG DRANGS PA'I DNGOS 'BUL RGYA CHEN PO BSTAR TE, BKA' LAS CUNG ZAD MI 'GAL BAR DE 'PHRAL GHA tI KA'I R'A DZA YANG BTZON NAS BTANG BA'I GNAS TSUL GYI ZHU YIG 'BYOR BAS THUGS MCHOG TU DGYES, TSES BCU GSUM GYI NYIN BLA BRANG RTZER PHEBS
NAS GRUB DBANG GI SKU BRNYAN RIN PO CHE'I SKU MDUN DU MCHOD 'BUL, TSOGS YONGS NAS GTZUG TOR ZLOG CHEN DANG DRUG CU PA MDZAD PAR YON STZAL, TSES BCU BZHI LA MKHAS GRUB SANGS RGYAS YE SHES KYI DUS MCHOD DANG BSTUN GLING ME'I MCHOD 'PHUL RGYAS PA DANG, MGON KHANG PA RNAMS DUS BZANG CHOS SPYOD GSUNG DU BCUG ,DE'I PHYI NYIN RJE NYID DANG PHYAG MDZOD CHEN MO, CHO GA ROGS PA DANG BCAS BDE MCHOG GI BLA MA'I RNAL 'BYOR DANG GSER ZHUN MA'I BSKANG GSO YANG GNANG, TSES BCU DRUG NAS BZUNG DBEN DGON TSOGS YONGS NAS NAD RIMS ZHI BA SOGS KYI CHED DU SGROL MA G-YUL MA DOS DANG DRUG CU BA, KHA 'BAR MA, GTZUG TOR ZLOG CHEN BCAS RIM BZHIN MDZAD PAR YON DANG ZHABS TOG GZABS, GRUB DBANG GI SKU BRNYAN LA KHRUS GSOL DANG, LCAM SRING GI BSKANG GSO, CHOS RGYAL PHYI SGRUB KYI ZHI BA'I SBYIN SREG BCAS MDZAD, SKABS 'DIR DBEN DGON GYI NYE 'DABS LHO KHUD DU GRONG GCIG LA 'BRUM NAD BYUNG BAR BRTEN, RJE BLA MA MCHOG BLA BRANG RTZER DPON G-YOG NYUNG BSDUS KYIS SKU MTSAMS BCANG RGYA LTA BUR BZHUGS STAN 'JAGS KHONGS SU THUGS DAM ZAB MO'I NYAMS BZHES LA LHAG PAR GZHOL BAR GYUR TE, GNAS 'DI LTA BUR SDOD RGYU YOD PA NI SKAL BA MCHOG TU BZANG, 'DI DANG BRAG RGYA RDO RJE'I PHO BRANG, PA RNAM JO MO LHA RI, RI BO DGE LDAN, RGYA SOG PHU RNAMS SU MKHAS GRUB MANG PO GRUB PA'I GO 'PHANG BRNYES PA YIN PAS, GNAS GZHAN DU ZLA BA MANG PO DGE SBYOR DANG BZLAS BRJOD BYAS PA BAS, 'DI RNAMS SU ZHAG GCIG
, ,SNGAGS BZLA BA SOGS PHAN YON BRGYA 'GYUR STONG 'GYUR GYIS CHE BA YIN, GSOL DPON RANG YANG GANG SHES KYI KHA 'DON REM ZHES PA'I ZHAL TA PHEBS, DBEN PA'I SMAN LJONGS GRUB PA'I BSTI GNAS SU, , BDE STONG ZAB MO'I RNAL 'BYOR LA GZHOL BAS, ,BGRANG YAS YI DAM BYE BA'I LHA TSOGS DANG, ,NGO MTSAR DAG BA'I SNANG BA 'BYAMS SU KLAS, ,TSES NYER BDUN LA GZIMS CHUNG BKA' RGYA MAR BZHUGS NAS MCHOD 'BUL DANG BSNYEN SGRUB MDZAD, DE NUB MKHAS GRUB SANGS RGYAS YE SHES KYI SKU BRNYAN GYI SKU MDUN DU, NGED SKYE BA RJES MA GANG DU SKYE RMI LAM BRTAG PA BYED RGYU YIN BKA' PHEBS, SANG NYIN SNGA DRO GSOL DPON BLO BZANG MKHAS MCHOG NAS, MNAL LAM JI LTAR BYUNG GSOL BAR, SHIN TU LEGS PA BYUNG, NGED SKYE BA RJES MA LA MI YUL DU YONG BA 'DRA GSUNG, ZLA BA BCU GNYIS PA'I TSES GSUM GYI NYIN LHA BRIS PA DBU MDZAD DE SNGON ZHA LU'I MA HE MCHOD PA'I BKOD PA RNAMS 'BRI BAR CHED RDZONG MDZAD PAR BRTEN, DE NYIN BKOD PA RNAMS 'BRI SKABS YIN GSUNG NAS GZIMS KHANG STENG NAS MCHOD GTOR RGYA CHE BA BSHAMS NAS YONGS 'DZIN RJE ZHAL SNGA NAS DANG BCAS GSHIN RJE'I RGYAL PO 'KHOR BCAS LA BSKANG BA DANG, GSHEGS GTOR, MNGA' GSOL BCAS MDZAD, 'DI DAG GI SNGA PHYIR 'BYUNG BZHI GTOR MA DANG, BRGYA RTZA, CHA GSUM BCAS NYIN RE MOS KYIS PHYAG LEN DU BSTAR, TSES NYER GSUM GYI NYIN GNYER SPYI NAS STON 'KHOR TSANG MAR GSOL STON RGYAS PA ZHUS SHING DE NYIN
DGONGS MO DBEN SA SPRUL SKU'I DUS MCHOD THOG GLING ME'I MCHOD 'BUL DANG, GZIMS CHUNG STENG NAS MGON PO'I THUN GTOR KYANG 'BUL BA MDZAD, TSES NYER DRUG GI NYIN GZIMS KHANG STENG NAS RGYA GAR RDO RJE GDAN GYI BYANG CHUB CHEN PO DANG, RGYA NAG GI TZAN DANG JO BO, RGYA MTSO'I NANG GI THUB PA GANGS CAN MTSO BCAS LA SNA LNGA'I MCHOD SPRIN BSAM GYIS MI KHYAB PA DANG BCAS SPYAN 'DREN KHRUS GSOL, MCHOD 'BUL RGYA CHER MDZAD DE BSTAN 'GROR PHAN BDE 'BYUNG BA'I THUGS SMON YANG DAG PA GNANG, TSES NYER BRGYAD LA MGON KHANG DU SPYAN GZIGS PHUL TE THUGS SMON MDZAD, DE'I PHYI NYIN DBEN DGON NAS 'CHAMS GZIGS PHUL, GTOR CHEN DRUG CU PA 'PHANGS PAR ZOR BKRA LEGS PA BYUNG, LO 'DI NANG LEGS BSHAD GLING BA BLO BZANG MKHAS MCHOG ,GCEN LUNG BA YE SHES TSUL KHRIMS, SRAD PA BLO BZANG BKRA SHIS RNAMS KYIS RNAM BSHAD THAR LAM GSAL BYED, RGYAL CHEN RTZE BA BLO BZANG BSOD NAMS, LEGS BSHAD GLING BA YE SHES BKRA SHIS, GU GE BA BLO BZANG RGYAL MTSAN, NOR BU DGA' LDAN PA YE SHES BLO GROS, DGON KHRA BA BLO BZANG MKHAS MCHOG BCAS KYIS RNAM 'GREL GYI THAL PHRENG, RGYAL CHEN RTZE BA BLO BZANG SKAL BZANG DANG BLO BZANG BSTAN 'DZIN, KHRON KHA SPUG PA BLO BZANG RGYAL MTSAN BCAS NAS RNAM 'GREL GYI RTZA BA DANG 'GREL BA SHAN SBYAR BA, BZHAD PA YE SHES DPAL 'BYOR DANG BLO BZANG SMON LAM GNYIS KYIS PHAR PHYIN GYI THAL PHRENG, LCAGS PA DKA' CHEN BLO BZANG BSTAN 'DZIN DANG, SRAD PA
, ,DKA' CHEN YE SHES SKAL BZANG GNYIS KYIS GSANG PA 'DUS PA'I BSKYED RDZOGS, SNGAGS GRVA 'BRAS SPUNGS PA DKA' CHEN BLO BZANG BRTZON 'GRUS DANG, RGYAL CHEN RTZE PA DKA' CHEN YE SHES DPAL GRUB KYIS BDE MCHOG RTZA RGYUD DANG DE'I 'GREL PA SBAS DON KUN GSAL, DBEN DGON PA BLO BZANG BKRA SHIS, YE SHES LHUN GRUB, BLO BZANG DPAL 'BYOR, YE SHES BSTAN PA, BLO BZANG BKRA SHIS RNAMS KYIS BDE MCHOG RTZA RGYUD, BZANG PO BKRA SHIS KYIS LAM RIM DMAR KHRID DANG BDE MCHOG L'U AI PA'I BSKYED RIM, YE SHES GRAGS PAS LAM RIM 'BRING PO, DGE SLONG DGE 'DUN YAR 'PHEL GYIS LAM RIM DMAR KHRID, ZLA BA RGYAL MTSAN GYIS GONG GSAL LAM RIM DANG 'JIGS BYED KYI BSKYED RIM DNGOS GRUB SNYE MA, ZHA LU BA BLO BZANG DON GRUB KYIS DUS 'KHOR BSDUS RGYUD, CHOS 'KHOR LHUN PO BA SANGS RGYAS BSTAN RGYAN GYIS BYAMS CHOS SDE LNGA BCAS KYI RGYUGS PHUL BAR GNANG CHA SNGAR RGYUN BZHIN STZAL, ` DGA' BA ZHES PA CHU PHO 'BRUG GI LO ZLA BA DANG PO'I TSES GCIG LA 'BRUG SDE SRID KYI MI SNA 'BYOR PAR PHYAG DBANG JA GRAL BKA' 'DRI GNANG, DBEN DGON GNYER PAS GSOL STON BTEG ,CHO 'PHRUL SMON LAM CHEN MO'I SKABS BLA BRANG RTZER PHEBS TE RJE GRUB PA'I DBANG PHYUG GI SKU BRNYAN NGA 'DRA MA LA MCHOD 'BUL MDZAD, MGON KHANG BKA' RGYA MA ZHAL PHYE STE MCHOD GTOR BZANG PO DANG, SHEL GYI YOL GO SHING 'BRAS KYIS GANG BA, KA P'A LA SMAN DANG RIN PO CHE'I PHYE MA SOGS KYIS BKANG BA, MDA'
GZHU; SNYAN SHAL BCAS PHUL TE BLA MA MGON PO DBYER MED KYI RNAL 'BYOR LA BRTZON PAR MDZAD, TSES BRGYAD DANG BCU LA ZHAL BZHI PA'I BSKANG 'PHRIN DANG GSHEGS GTOR GNANG, TSES BCU GNYIS LA MGON KHANG BKA' RGYA MAR CHOS RGYAL GYI BSKANG GSO DANG, DE'I PHYI NYIN MGON KHANG DER GTOR KHANG GSAR BSKRUN GYI NANG MGON CHOS SOGS CHOS SRUNG RNAMS LA RTAG GTOR PHUL ZHING DBEN SA SNYAN BRGYUD KYI RING LUGS PHYOGS MTHAR RGYAS PA'I 'PHRIN BCOL MDZAD, TSES BCO LNGA LA GRUB PA'I DBANG PHYUG GI SKU BRNYAN GYI SKU MDUN DU MCHOD GTOR RGYA CHEN PO BSHAMS TE BDE MCHOG GI CHO GA DANG BLA MA MCHOD PA'I MCHOD 'BUL, GSER ZHUN MA, BDE MCHOG GI SMON LAM SHIS BRJOD SOGS GNANG, DE'I NUB MO RTZA MKHAL BZHI BCU LAS GRUB PA'I LHA BSHOS RGYA MTSO MA RGYAN BZANG POS SBA BAS MTSON MCHOD PA SNGA LNGA SO SO NAS STONG PHRAG RE BRGAL BA, STENG DU'ANG MAR ME'I 'PHRENG BA KHOR YUG TU BKOD PA LA SOGS PA MCHOD TSOGS RGYA CHEN PO BSHAMS, RJE BLA MA MCHOG NAS SNGAGS DANG PHYAG RGYA DANG TING NGE 'DZIN GYIS BYIN GYIS BRLABS NAS, MDO SDE DANG RGYUD SDE NAS 'BYUNG BA'I CHO GA RNAM PAR DAG PAS RJE GRUB PA'I DBANG PHYUG BLO BZANG THUB DBANG RDO RJE 'CHANG CHEN PO GTZO BOR GYUR PA'I PHYOGS BCU'I RGYAL BA SRAS DANG BCAS PA MCHOD CING; BSTAN PA SPYI DANG KHYAD PAR 'JAM MGON RGYAL BA GNYIS PA'I RING LUGS PHYOGS MTHAR RGYAS PA'I THUGS SMON MDZAD, DE SNGON RLUNG GI RGYU BA SHUGS DRAG PA SOGS YUL GSHIS RTZUB MUS YIN KYANG 'DI SKABS BSER BU'I 'GRO 'ONG
, ,BRAL BAS GLING MCHOD KYANG SHIN TU BZHES PA BYUNG, RNAM 'DREN GRUB DBANG MCHOG GI SNANG BRNYAN DRUNG, ,RNAM MANG DNGOS 'BYOR MCHOD TSOGS KUN BZANG GI ,RNAM THAR MCHOG LA 'GRAN PA LEGS PHUL TE, ,RNAM DKAR BSOD NAMS RLABS CHEN BSGRUB PAR MDZAD, ,TSES BCU DRUG GI NYIN DPAL RDO RJE 'JIGS BYED CHEN POR GTOR MA RTZAM KHAL LNGA LAS GRUB PA DANG CHOS SRUNG SO SOR RTZAM KHAL RE LAS GRUB PA'I GTOR MA DANG MCHOD TSOGS RGYA CHEN PO BSHAMS TE RJE NYID KYIS GTZO MDZOD CHOG ROGS PA DANG BCAS BSKANG GSO MDZAD, KHYAD PAR DU CHOS SKYONG DREGS PA LCAM SRING 'KHOR BCAS LA RTA DANG NOR SKYONG DAR TSON SNGA LNGAS BRGYAN PA SOGS SPYAN GZIGS DANG BCAS BSKANG GSO GNANG, RJE SKYABS MCHOG DPAL BZANG, GRUB PA'I DBANG PHYUG ,MKHAS GRUB SANGS RGYAS YE SHES, DBEN SA SPRUL SKU BCAS KYI SNANG BRNYAN DANG THUB DBANG LUNG BSTAN MA, MGON KHANG BKA' RGYA MA, 'JIGS BYED KYI DKYIL 'KHOR BLOS BSLANGS RNAMS DANG, KHYAD PAR DE BZHIN GSHEGS PA'I TSEMS MCHE BA G-YON PA BRE NANG DU BZHUGS PA'I DNGUL GDUNG RIN PO CHER SNYAN SHAL DANG MCHOD 'BUL BSTAR, TSES NYER GSUM GYI NYIN RGYAL BA BLO BZANG DON GRUB KYI DUS CHEN DANG BSTUN RTEN SO SOR MCHOD SPRIN MTHA' YAS PAS MCHOD, MTSO SNGON DANG AOR TU SU SOGS NAS BYANG RIGS MI SNA KHAG MANG RIM 'BYOR LA MJAL KHA GNANG, HAL HA DAR RGYAS T'A PE'I SIS DNGOS 'BUL DANG BCAS ZHABS BRTAN PHUL, DE'I CHING
DPU MDZAD SOGS LNGA DGE TSUL BSGRUBS, MI SNA RNAMS LA TSE DBANG DANG SPYAN RAS GZIGS KYI SGRUB THABS DANG BKA' RTZOM GSAR GNANG RNAMS KYI LUNG, DGA' LDAN LHA BRGYA MA'I KHRID, 'OD DPAG MED KYI 'PHO KHRID RNAMS STZAL TE 'BYOR LAN DANG THON PHYAG GNANG, ZLA BA GNYIS PA'I TSES GCIG LA DA'I CHING DBU MDZAD DANG RAB 'BYAMS PA BZANG PO BCAS NAS ZHUS NGOR DPAL RDO RJE 'JIGS BYED ZHAL GCIG PHYAG GNYIS PA DANG 'JIGS BYED KYI SNGAGS BTU'I RJES GNANG, RJE NYID KYI BKA' DRIN GSOL 'DEBS KYI LUNG BCAS STZAL, JUN GAR TZANG JUN TSE RING AU PA SHI, AO THOG WANG GI BLA MA NAS LUNG ZHABS DRUNG BCAS 'BYOR PAR RIM BZHIN MJAL KHA DANG JA GRAL BKA' 'DRI GNANG, TSES GSUM LA TSE RING AU BA SHI NAS TSOGS DBUR SPYAN DRANGS TE DNGOS 'BUL BTEG ,MI SNA DE MA CHI DGE SLONG BRTZON 'GRUS SHES RAB DANG JE'I SANG DBANG PHYUG BCAS KYIS ZANG ZING GI BDOG PA BSTABS, PE'I CING NANG YUNG HE GUNG GI KHRI BA AER TE NI NO MON HAN DANG, NAS LUNG ZHABS DRUNG, AER TE NI DE'I CHING HO SHUS CHI TSE DPANG DPAL 'BYOR RNAMS SO SOS MNGAGS PA'I MI SNA NAS TSOGS DBUR SPYAN DRANGS TE DNGOS 'BUL BSTAR, JUN GAR RGYUD PA GRVA TSANG GI BLA MA TSUL KHRIMS RIN CHEN DANG MI SNA DGE BSKOS DGE 'DUN SO SO NAS KYANG DNGOS 'BUL DANG BCAS ZHABS BRTAN GSOL 'DEBS ZHUS, BYANG RIGS PA SUM CU DGE TSUL DANG, DGU BCU BSNYEN RDZOGS BSGRUBS, MI SNA RNAMS DANG DBEN DGON 'DUS SPYI NAS ZHUS NGOR BDE MCHOG GI SKU GSUM LAM KHYER DANG, DUS
, ,'KHOR LA BRTEN PA'I BLA MA'I RNAL 'BYOR, RJE RANG NYID KYIS MDZAD PA'I TSE CHOG 'CHI MED RNGA SGRA, AOR TU SU T'A PE'I LI TSE DBANG DPAL 'BYOR GYIS ZHUS PA'I BLA MA'I RNAL 'BYOR, DMIGS BRTZE MA BCAS KYI LUNG, TSE RTA ZUNG 'BREL DANG SGROL MA'I RJES GNANG LAM KHRID KYI BYIN RLABS DPUNG ZHUS BYA TSUL, 'OD DPAG MED KYI 'PHO KHRID, 'JIGS BYED DANG TSE DPAG MED KYI DBANG CHEN BCAS STZAL, MI SNA RNAMS LA 'BYOR LAN DANG GNANG SKYES BSTAR, DPAL LDAN GTUM DRAG DBANG POR BSTOD PA RNGAM PA'I SGRA SGROG CES BYA BA GSAR RTZOM MDZAD PA DBEN SA CHOS KYI PHO BRANG GI TSOGS 'DON DU 'DZUGS PAR BZHED NAS DE NYIN TSOGS YONGS LA LJAGS LUNG DANG DBYANGS SOGS TSUL 'DI LTAR MDZAD DGOS PA'I BKA' PHEBS, LO 'DI NANG DU BKRA SHIS LHUN POR 'BRUM NAD KYIS DGE 'DUN 'GA' ZHIG GOD PAR BRTEN BCOS THABS BYED MIR DPAL LDAN RGYUD SMAD GRVA TSANG GI GRVA RIGS BRAG GLA KLU SPUG BLA MA ROGS BYED RGYUD GRVA BZHI BCAS GZHUNG SA NAS RDZONG STA GNANG BA 'BYOR PAR MJAL KHA JA GRAL BKA' 'DRI GNANG, KLU SPUG BLA MA LA 'BRUM NAD MYUR CHOD YONG BA'I BCOS THABS GANG GZAB BYED DGOS PA'I BKA' DANG THON PHYAG STZAL, RGYAL DBANG MCHOG NAS ZHU YIG GI LAM NAS DNGOS 'BUL DANG BCAS ZHABS BRTAN GSOL 'DEBS MDZAD PAR LAN KYANG PHUL, TSES BCU DGU LA DBEN DGON GNYER PA SPYI SO BCAS NAS TSOGS DBUR SPYAN DRANGS TE ZHABS BRTAN PHUL ZHING GSOL STON KYANG BTEG PAR SLOG CHAR MANG 'GYED DANG SBYOR
'JAGS GYA NOM PA GNANG, DE BSTUN GNYER PA, NANG GZAN, CHOS 'KHOR DBUS SDINGS SPYI SO DANG LAS SNE BCAS NAS DNGOS 'BYOR GYI MCHOD SPRIN SPROS PAR YANG SLOG CHA DANG, TSOGS YONGS LA CHOS RGYAL GYI GTOR CHOG GI LUNG DANG GTOR MA BRGYA RTZA'I LUNG KHRID STZAL, TSES NYER GNYIS LA BLA BRANG NAS RGYU YON SBYAR TE TSOGS YONGS NAS GTOR CHEN DRUG CU PA SGRUB 'PHEN MDZAD RGYUR TSOGS SKOR GNYIS TZAM LA ZHABS ZUNG BKOD DE SPYAN DMIGS MDZAD, LHAN DANG BKRA SHIS RDZONG KHA'I GNYER PA GNYIS NAS KYANG DNGOS 'BUL BSTAR, TSES NYER DRUG LA BLA BRANG RTZER RTEN GZIGS LA PHEBS TE RTEN GYI GTZO BO RNAMS LA SNYAN SHAL MCHOD 'BUL, MGON KHANG DU BZHI GRVA NAS BSKANG GSO BCAS MDZAD, ZHAL BZHI PA'I BSTOD PA GSAR RTZOM NYIN DER TSOGS 'DON DU BTZUGS PA'I ZHAL BSROR MANG 'GYED KYANG STZAL, SKABS 'DIR GZHIS RTZER 'BRUM NAD RIM MCHED THOG DBEN DGON GYI NYE 'DABS SU'ANG 'BRUM DOGS KYI GLENG GZHI CHE BAR BRTEN, RE ZHIG SHANGS DGA' LDAN BDE CHEN RAB RGYAS GLING DU BZHUGS STAN 'JAGS RGYUR TSES NYER BRGYAD LA DBEN DGON NAS CHIBS KHA BSGYUR, THAB SKYEL GYI THOG CHIBS SKYEL BA RNAMS PHYIR LOG PAR PHYAG DBANG DANG GNANG CHA STZAL, NYUG CHOS 'KHOR GLING PA'I SER SBRENG DANG BCAS GSOL TSIGS SAR PHEBS, CHOS 'KHOR GLING SPYI SO DANG GNYER BAS DKAR SPRO'I THOG DNGOS 'BUL BTEG ,BDE CHEN GZHIS GNYER GYIS KYANG SGER MJAL ZHUS PAR SO SOR SLOG CHA GNANG, DE NAS SHANGS DGA' LDAN CHOS 'KHOR
, ,GLING GI BLA MA, LAS BYED, BDE CHEN RAB RGYAS KYI LAS SNE, RNAM GLING RDZONG DPON GNYIS SOGS SHANGS PHUL GYI CHIBS BSU BRTAB MANG POS MDUN BDAR TE DGE 'PHEL RDO THANG DU LUG GDONG GNYER BAS BSNYEN BKUR ZHUS, MKHA' SPYOD SGRUB SDE BA DANG LHA LNGA BRAG PA SOGS NAS SER SBRENG DANG MI SDE'I BRO GZHAS BCAS KYIS MDUN BSUS TE, DON GRUB SMON MKHAR DU ZHAG BZHUGS MDZAD, DE'I PHYI NYIN SGRUB SDE RNAMS KYI SER SBRENG DANG BCAS DBEN PA'I GNAS MCHOG RGOD TSANG SGRUB SDE'I BLA BRANG RTZER ZHABS ZUNG BKOD, DPAL 'KHOR LO BDE MCHOG DANG CHOS SKYONG DREGS PA LCAM DRAL LA MCHOD GTOR DANG TSOGS 'KHOR BZANG PO BSHAMS TE BSKANG GSO MDZAD, CHOS SKYONG GI SKU BRNYAN LA SNYAN SHAL DANG SPYAN GZIGS BSTAR, BKRA SHIS LHUN POR 'BRUM NAD ZHI CHED DU DMIGS RJE NYID KYI GSUNG BKOD LTAR YONGS 'DZIN SOGS NAS 'CHI BLU MDZAD, SGRUB SDE SPYI SO NAS ZHABS TOG BSNYEN BKUR ZHUS, TSOGS DBUR SPYAN DRANGS TE ZHABS BRTAN PHUL, GNAS BLA MA NAS ZHUS NGOR BLA MA DANG CHOS SKYONG DREGS PA LCAM SRING DBYER MED KYI BLA MA'I RNAL 'BYOR GYI LJAGS LUNG STZAL TE 'BUL BA'I GLOG DANG MANG 'GYED GNANG, LHA LNGA BRAG PA SOGS KYIS SGER MJAL ZHUS PAR GNANG CHA STZAL, RJE BTZUN BLO BZANG CHOS KYI RGYAL MTSAN GYI SKU BRNYAN NGA 'DRA MA DANG DRUNG PA RGYAL TSAB BA'I SKU GDUNG RIN PO CHER SNYAN SHAL PHUL TE THUGS DMIGS MDZAD, DE NAS SLAR YANG GZHIS KA DON GRUB SMON MKHAR DU PHEBS,
DE'I PHYI NYIN DGE 'PHEL BLA MA, LAS SNE, MKHA' SPYOD RI KHROD PA, LUG GDONG GNYER PA, NANG GZAN BCAS LA PHYAG DBANG STZAL, DE KA'I GZHIS GNYER DANG BYE PHU LHO BA, GRONG STOD KHANG GSAR BA, GRONG STOD SHAR PA, MKHA' SPYOD PA, DGE 'PHEL BA BCAS NAS DNGOS 'BUL BSTAR ZHING SLOG KYANG STZAL, ZLA BA GSUM PA'I TSES GCIG LA DE NAS CHIBS KHA BSGYUR TE BKRA SHIS RTZE'I MNGA' KHUL SOGS LHA SDE MI SDE MANG PO NAS SER SBRENG DANG MI SDE'I BRO GZHAS SOGS KYIS MDUN BSUS TE GTZANG GTZANG NA GAR GSOL TSIGS SAR ZHABS ZUNG BKOD THOG BKRA SHIS RTZE NAS STON 'KHOR TSANG MAR GUNG STON DKAR SPRO SOGS GANG CI'I BSNYEN BKUR GZABS, SKU NGO RNAMS LA MJAL KHA JA GRAL GNANG STE PHAN TSUN THUGS DGYES PA'I GSUNG GLENG GNANG, SHANGS 'BRAS SPUNGS KYI MGON PO LA SNYAN SHAL 'BUL MI CHED RDZONG MDZAD, DGA' LDAN BDE CHEN RAB RGYAS GLING NAS DAR 'PHYAR RGYAS PA DANG DGE 'DUN RNAMS NAS NA BZA' GZAB MCHOR DANG BCAS MCHOD RDZAS SNA TSOGS THOGS PA'I SER SBRENG, GZHAN YANG DAG BA LDAN CHOS 'KHOR GLING, MTSO NYA RIN CHEN SGANG, DKAR PO BRAG ,STAG SNA DGON, MO DGON DON GRUB CHOS RDZONG, DGA' LDAN MNYAN YOD SOGS KYI SER SBRENG DANG, MI SDE'I GLU GZHAS BCAS DGE LDAN BDE CHEN RAB RGYAS GLING GI GZIMS CHUNG NYI 'OD 'KHYIL PA'I KHRI 'PHANG MTHON POR ZHABS KYI PADMO BKOD, BDE CHEN RAB RGYAS BLA BRANG NAS STON 'KHOR TSANG MAR GSOL STON BTEG ,DPEN DGON NAS BDE CHEN RAB RGYAS PAR CHIBS BSU, SER SBRENG, BRO GZHAS
, ,SOGS BYUNG BAR GNANG CHA SNGAR RGYUN BZHIN STZAL, BDE CHEN RAB RGYAS PA'I TSOGS YONGS DANG, DGA' LDAN MNYAN YOD PA DANG SHEL ZHIG PA SOGS SER SKYA BRGYA PHRAG MANG POR PHYAG DBANG GNANG, DE NAS RIM BZHIN CHOS RGYAL DANG LHA MO LA RTA, DRE'U BCAS SPYAN GZIGS BSTAR NAS BSKANG GSO MDZAD, BDE CHEN RAB RGYAS GLING GI 'DUS TSOGS SU ZHABS TOG NYIN 'KHYONGS KYI THOG 'GYED KHA BTAGS RE DANG DNGUL SRANG RE BCAS STZAL, THOS BSAM GLING ZHAL SNGA NAS BLO BZANG BKRA SHIS KYI SKU SKYE YE SHES TSUL KHRIMS DANG, BKRA SHIS RTZE'I SDE PA TSE DBANG DAR RGYAS, RJE BTZUN MA GNYIS, THANG PA DPON, GZHONG GZHONG GNYER BA BCAS LA RIM BZHIN JA GRAL GNANG, MGON KHANG PA DANG BDE CHEN RAB RGYAS TSOGS YONGS NAS ZHAG BDUN GYI RING BDUD RTZI RIL SGRUB MDZAD, TSES BCU GCIG LA BKRA SHIS RTZE NAS DKAR SPRO GUNG STON DANG 'BREL BA'I GSOL STON BTEG CING DNGOS 'BUL BSTAR, SDE PA TSE DBANG DAR RGYAS LA MJAL KHA DANG BKA' MCHID SLOG CHA YANG GNANG, SA GA ZLA BA'I NANG, SKU TSA RNAM RGYAL TSE RING DANG PHUN TSOGS RNAM RGYAL THUN MONG NAS DKAR SPRO DANG DNGOS 'BUL BSTAR BAR SLOG CHA DANG GNANG SKYES KYANG STZAL, RGYAL DBANG MCHOG LA MTSAMS ZHU 'BUL DU 'GRO MI 'BYOR GDONG LAN DANG, PHUR BU LCOG SPRUL PA'I SKU NAS KYANG ZHABS BRTAN GSOL 'DEBS ZHU RTEN PHUL BA'I LAN KYANG BSTAR, RGYAL YUM PHUN TSOGS DBANG MO NAS LJAGS SMIN DANG SKU'I MTSAMS ZHU 'BUL BAR MNGAGS PA GLING DKAR
RDZONG DPON NGO G-YOG LA MJAL KHA JA GRAL GNANG, ZLA BA NGO RE BZHIN TSES NYER DGU LA DAM CAN CHOS KYI RGYAL POR BSKANG GSO DANG, ZLA BA LNGA PA'I TSES BCU GSUM LA DPAL LDAN DMAG ZOR GYI RGYAL MOR SPYAN GZIGS MCHOD RDZAS SOGS TSAR DU DNGAR TE GZAB GSOL MDZAD, TSES BCO LNGA LA PE'I CING MI SNA RAB 'BYAMS PA YE SHES MTHA' YAS LA THON PHYAG GNANG, DE NAS RIM BZHIN CHOS RGYAL DANG ZHAL BZHI PA, LCAM SRING BCAS LA BSKANG 'PHRIN DANG, TSES BCU DGU LA GZIMS CHUNG NYI 'OD 'KHYIL 'CHI MED GRUB PA'I PHO BRANG DU MCHOD GTOR DANG TSOGS MCHOD RGYAS PA BSHAMS TE RJE NYID DANG CHO GA ROGS PA BCAS NAS CHOS SKYONG DREGS PA LCAM SRING GI GTOR ZOR GYI LAS SBYOR GNANG, DE SKABS THAN PA CHE BAR BRTEN GZIMS CHUNG NYI 'OD 'KHYIL PAR RJE NYID NAS CHAR 'BEB KYI THUGS DMIGS GNANG ZHING RTEN RNAMS LA KHRUS GSOL MDZAD PAS MA 'GYANGS PAR CHAR CHEN PO BABS PAS SKYE BO RNAMS YID TSIM, SKABS DE DAG TU NAD RIMS ZHI CHED DGE 'DUN GYI SDE MANG POR BSNYEN BKUR GYI DGOS CHA STZAL TE RIM GRO RNAM MANG BSGRUBS, RJE NYID NAS KYANG NAD RIMS ZHI CHED ZAB MO'I TING NGE 'DZIN LA GZHOL BA'I NGANG NAS GZUNGS SNGAGS KYI BZLAS BRJOD MANG DU MDZAD, ZLA BA DRUG PA'I TSES GCIG LA ZHAL BZHI PA'I SGO NAS ZOR 'PHEN YANG GNANG, TSES BZHI'I NYIN RGYAL DBANG THAMS CAD MKHYEN PA NAS MTSAN NYID KYI GSAN SBYONG GI DBU TSUGS RGYUR MI SNA CHED MNGAGS MDZAD BZHED YOD RUNG 'BRUM NAD KYI DOGS GZHIR BRTEN, SNGA MA GYOGS
, ,LEGS SKYES MAndAL SOGS RTA ZAM THOG NAS PHUL TE RTEN 'BREL GYI SGO 'PHAR PHYE, TSES DGU'I NYIN RJE BLA MA MCHOG NAS SGROL MA G-YUL ZLOG MDZAD, TSES BCO BRGYAD LA PHYAG MDZOD CHEN MO DANG, BDER BA PHYAG MDZOD DPAL LDAN DAR RGYAS SOGS LA BDE MCHOG L'U AI PA'I SGRUB THABS GSAR RTZOM GYI LUNG GNANG, BDE CHEN RAB RGYAS PAS GSANG BDAG 'KHOR CHEN GYI SGRUB MCHOD SKABS GANG CI'I DOGS GCOD ZHUS PAR LAN GNANG ZHING TSOGS YONGS LA 'KHOR CHEN GYI CHO GA CHA LAG TSANG MA'I LUNG STZAL, GZHAN YANG TSE SGRUB 'CHI MED BDUD RTZI'I CHU RGYUN, BLA MA MCHOD PA'I CHO GA ,'KHOR LO CHEN PO'I RGYUD, SBYIN SREG GI CHO GA'I LUNG RNAMS STZAL NAS 'KHOR CHEN GYI TSOGS 'KHOR KYANG MDZAD, TSES BCO BRGYAD LA DGA' LDAN BDE CHEN RAB RGYAS GLING DU MDO SNGAGS ZUNG 'BREL GYI 'CHAD NYAN GYI DBU TSUGS, SKYID TSAL KLU SDINGS SU CHOS GRVA GSAR BSKRUN MDZAD BAR ZHABS ZUNG BKOD DE PHYAG MDZOD CHEN MO NAS KHA BTAGS 'BUL BA GNANG ZHING LAM KHRID BYANG CHUB BAD LAM DANG 'JIGS BYED BSKYED RDZOGS KYI DBU NAS 'DZIN CHOS RE STZAL, RAB 'BYAMS PA BSTAN PA TSUL KHRIMS KYIS DAM BCA' BZHAG ,GZHAN MA BZHIS BGRO GLENG MDZAD DE LEGS BSHAD KYI DGA' STON SPEL, BLA SPYI THUN MONG NAS DKAR SPRO DANG BSNYEN BKUR GZAB STE GTANG RAG TU DNGOS 'BUL BSTAR, TSES NYER BZHI LA MCHOD TSOGS RGYA CHEN PO DANG BCAS THEG PA CHEN POR SEMS BSKYED PA'I CHO GA GNANG, PHYAG MDZOD
DPAL LDAN DAR RGYAS DANG RDO RJE SLOB DPON, DBU CHOS SOGS NAS GTANG RAG GI YON KYANG PHUL, DE'I PHYI NYIN 'DUS SDES MTSON SER SKYA MANG POR GRUB RGYAL LUGS KYI TSE DBANG STZAL, SNGON DU DBYAR ZHAL BZHES MDZAD STABS GNAM GANG GI NYIN LJONGS RGYUR PHEBS SHING BDE CHEN RAB RGYAS NAS BSNYEN BKUR GZABS, ZLA BA BRGYAD PA'I TSES GSUM GYI NYIN TSOGS YONGS LA CHOS SKYONG DREGS PA LCAM SRING GI GDAB LAS KYI LUNG KHRID STZAL, 'CHAMS BYA TSUL KYANG 'DI LTAR YIN NO ZHAS SLOB PA MDZAD, DE SKABS NAM MKHA' LA SPRIN GLO BUR DU 'KHRIGS SHING 'BRUG SGRA DRAG PO DANG BCAS MI RING BA'I SAR GNAM LCAGS SHIG KYANG BABS PAS 'TSUB LHONG CHE BA BYUNG, TSES BCU'I NYIN DAM CAN CHOS RGYAL, ZHAL BZHI PA, DREGS PA LCAM SRING RNAMS LA SBYAN GZIGS DANG BSKANG 'PHRIN GNANG, TSES BCO BRGYAD KYI NYIN GONG GSAL CHOS SKYONG GSUM GYI SBYIN SREG MDZAD, SRA SHING DU RJE BTZUN SA PAn GYI THUGS DAM RTEN 'JAM DBYANGS GAR GZIGS MA'I BRIS SKU RIN PO CHER BRGYA MCHOD SNA LNGA SNYAN SHAL DANG BCAS PA PHUL, TSES BCU DGU NAS BZUNG RJE NYID DANG CHOG ROGS PA BCAS NAS DPAL RDO RJE 'JIGS BYED CHEN PO'I ZHI RGYAS DBANG GSUM GYI SBYIN SREG NYI MA 'GA'I RING GNANG, ZLA BA DGU PA'I TSES GCIG LA SNGON DU SKABS SHIG RJE NYID NAS BSKANG GSO GNANG BA'I MUR DPAL LDAN GTUM DRAG DBANG BO MNGON SUM DU BRAN DU 'KHOL NAS 'PHRIN LAS TSUL BZHIN BSGRUB PA'I GZIGS SNANG KHYAD PAR CAN BYUNG TSUL DANG BCAS LHA MCHOG DE NYID KYI RTEN
, ,THUGS GSAR BSKRUN DGOS PA'I BKA' PHEBS PA SKABS DER GRUB STE BSKANG GSO DANG THUGS CHOG RAB GNAS RGYAS PA MDZAD, LA MO CHOS SKYONG CHEN POR BSKANG MDOS PHYAG LEN GSAR BTOD KYI BKA' RTZOM GLEGS BU DANG CHABS CIG RTEN 'BYUNG RNAM MANG DANG, BSKANG MDOS GSAR 'DZUGS DANG BSTUN BYANG CHUB LCOG TU TSOGS YONGS NAS ZHAG BDUN RING TSANGS PA ZHI DRAG GI BSKANG GSO MDZAD RGYU'I DGOS CHA SNYAN SHAL BCAS STZAL, BDE CHEN RAB RGYAS SU GSANG SNGAGS RGYUD PA GRVA TSANG GI PHYAG LEN LTAR GYI 'CHAMS GSAR SBYONG MDZAD PA BYANG CHUB STE 'CHAMS RGYUGS PHUL BAR THUGS DGYES PA'I GZENGS BSTOD STZAL, ZLA BA DGU PA RTING MA'I NANG RGYAL DBANG THAMS CAD MKHYEN PA'I THUGS BZHED LTAR RJE BLA MA MCHOG NAS ZHAG BDUN PHRAG GCIG GI RING RJE BTZUN 'JAM PA'I DBYANGS LA BRTEN PA'I RIL SGRUB NAN TAN GNANG RJES 'BUL MI DRUNG 'KHOR BYAMS PA DGE LEGS CHED RDZONG MDZAD, TSES BDUN GYI NYIN RJE NYID KYI ZHAL BKOD LTAR, BLA BRANG NAS RGYU YON SBYAR TE BSTAN 'GROR NYER 'TSE ZHI BA'I CHED DU DMIGS TSOGS YONGS NAS CHOS SKYONG DREGS PA LCAM SRING GI GTOR CHEN BSGRUB PA'I TSOGS DBUR ZHABS ZUNG BKOD DE SPYAN DMIGS ZAB MO MDZAD, ZOR 'PHEN SKABS RLUNG GI RGYU PHYOGS KYANG LEGS PA BYUNG, TSES DGU'I NYIN RGYA MTSO CHAB TSAN LA CHIBS KHA BSGYUR, LAM BAR DU 'KHOD PA THAMS CAD KYIS CHIBS BSU SKYEL, SER SBRENG, BRO GZHAS BCAS BSTAR, SPYI SGER NAS DNGOS 'BYOR GYI MCHOD SPRIN SPROS
SHING TSES BCU GCIG LA BDE CHEN RI KHROD PA, SNGAGS LUNG PA, DBU ZUR BA, CHU MIG RING MO BA SOGS KYI GRVA BTZUN MANG PO NAS SER SBRENG GIS MDUN BSUS TE RGYA MTSO CHAB TSAN KHAR ZHABS ZUNG BKOD, TSES BCU GNYIS KYI NYIN CHAB TSAN 'PHROD BZHES KYI DBU TSUGS, DE NYIN BDE CHEN RI KHROD PA BLA GNYER THUN MONG NAS DKAR SPRO DANG DNGOS 'BUL BSTAR BAR SLOG CHA STZAL, GZHAN YANG DBU ZUR BA, SNGAGS LUNG PA, SKYAR BSAM GRUB BDE CHEN PA, CHU MIG RING MO BA, BDE CHEN GNYER PA DANG MI SER SPYI NYANG RA SMAN GRONG PA, YU GU SPEL BA, YU GU SKYABS PA, RA RNYING BKRA SHIS KHANG GSAR PA, LDING PHU PA, RU 'DUS SDE SPYI, GLING DKAR RDZONG DPON, RGYA MTSO YONG SDUD RLANG MTHONG PA, LHA LUNG RTZE PA BCAS NAS RIM BZHIN DNGOS 'BUL BSTAR BAR BABS BSTUN GYI GNANG CHA STZAL, RGYAL DBANG MCHOG NAS MGRON GNYER SKAL BZANG CHOS DBANG GI GDONG MTSAMS ZHU'I ZHU YIG RTEN LDAN DANG LJAGS SMIN BCAS PHUL BA GUS PAS BZHES TE BKA' 'DRI GNANG, TSES BCU BZHI LA RGYA MTSO RDZONG DPON BKRA SHIS RTZE'I SDE PA TSE DBANG DAR RGYAS NAS STON 'KHOR TSANG MAR GSOL STON RGYAS PA SOGS NYIN GANG ZHABS TOG GZAB CING DNGOS 'BUL BTEG PAR BKA' MCHID GNANG SKYES KYANG STZAL, GZHAN YANG NAG TSANG MGO BA GNYIS, TSAL CHOS LUNG GRVA SPYI, RGYA MTSO CHOS SDE BCAS NAS DNGOS 'BUL BSTAR ZHING BABS BSTUN GYI GNANG CHA STZAL, TSES NYER GCIG LA NAD RIMS ZHI CHED DU ZHAL BKOD MDZAD PA LTAR DGE 'DUN BZHI BCU NAS DRUG CU PA DANG 'BREL BA'I GDUGS
, ,DKAR GTOR ZLOG MDZAD, BDE CHEN RI KHROD PA RNAMS NAS CHOS SKYONG GI BSKANG GSO'I DBYANGS RGYUGS PHUL BAR THUGS SHIN TU DGYES TE GSOL RAS KYANG STZAL, TSES NYER DRUG LA CHAB TSAN KHA NAS CHIBS KHA BSGYUR, CHIBS BSU SKYEL, SER SBRENG, BRO GZHAS SOGS SNGA MA DANG 'DRA ZHING GSOL RAS KYANG STZAL, TSES NYER BDUN LA GSHONG DU THANG PA DPON NAS GSOL TSIGS DKAR SPRO DANG DNGOS 'BUL BSTAR BAR 'BUL BA'I SLOG KYANG GNANG, GLANG CHEN DU ZHAG BABS THOG STAG SNA SPRUL SKUS DNGOS 'BUL BTEG ,KHONG RANG DANG KARMA ZHVA DMAR NAG GNYIS KYI MGRON GNYER, SPRUL SKU'I PHYAG MDZOD RNAMS LA JA GRAL BKA' 'DRI BCAS GNANG, TSES NYER DGU'I NYIN RTA PA BRGYA PHRAG DU MAS CHIBS BSU, DGE 'DUN GYI SER SBRENG, MI SDE'I BRO GZHAS DANG BCAS DGA' LDAN BDE CHEN RAB RGYAS GLING GI GZIMS CHUNG NYI 'OD 'KHYIL 'CHI MED GRUB PA'I PHO BRANG DU ZHABS KYI PADMO BKOD THOG BDE YANGS SU BDE CHEN RAB RGYAS TSOGS YONGS NAS BKRA SHIS LHUN PO'I GSANG SNGAGS RGYUD PA GRVA TSANG GI PHYAG LEN STAR GYI ROL CHEN BKRA SHIS DGU BRTZEGS KYI MCHOD SPRIN SPROS, DBUS SU MTSAMS ZHU SOGS 'BUL BAR 'GRO MI DRUNG 'KHOR BYAMS PA DGE LEGS 'BYOR TE LO SNGON MAR GONG MA CHEN PO'I YUM DGUNG LO BRGYAD CUR PHEBS PA'I BA YAR PHUL BA'I LAN DU GONG NAS BZHUGS STAN, RGYAB YOL, SHEL GYI SPYAD PA, GOS CHEN YUG SOGS STZAL PA DGYES GUS CHEN POS BZHES, BDE CHEN
RAB RGYAS SU BZHUGS RING NAD RIMS ZHI CHED SOGS SU DMIGS CHOS SRUNG RNAMS LA GZAB GSOL BSKANG GSO SNGA PHYIR LAN MANG MDZAD, 'DI SKABS 'BRUM PA'I DOGS GZHIR BRTEN BKRA SHIS LHUN PO NAS LJAGS SMIN GSOL CHAS SKOR 'BUL BA MA BDE STABS RGYAL DBANG MCHOG NAS MGRON GNYER DANG GNYER PA BTZAN RGOD KYI MDUN SNGA PHYIR LJAGS SMIN, NA BZA' SOGS MANG DU 'BUL BA GNANG ZHING 'DI SKABS KYANG LJAGS SMIN GTOS CHE BA DANG CHAB SHOG RTEN LDAN STZAL PAR BKA' LAN ZHIB RGYAS PHUL, TSES NYER BZHI LA GZHUNG GI MGRON GNYER SKAL BZANG CHOS DBANG LA THON PHYAG STZAL, MTSO NYA RIN CHEN SGANG PA DANG MA nI SGANG BA, SHEL SHIG PA BCAS LA PHYAG DBANG GNANG, SNGA LO ZLA BA LNGA PA'I NANG 'BRONG RTZE CHOS MDZAD DRUNG RAM PA DGE SLONG BLO BZANG TSE RING 'PHAGS YUL RDO RJE GDAN GYI BYANG CHUB CHEN PO DANG BAL YUL GYI GNAS CHEN KHAG LA MCHOD 'BUL DU CHED RDZONG GNANG BA ZLA BA BCU PA'I TSES DRUG GI NYIN PHYIR 'KHOR MDUN RGYA GAR W'A RA nA SI'I SA SKYONG DANG GOR shA SA SKYONG SOGS KYIS GUS 'DUD CHEN POS ZHU YIG RTEN SBRAGS DANG, GNAS CHEN RNAMS KYIS RDO'I SNA MANG PO, GANGG'A LA SOGS PA DU MA'I CHU SNA BCAS PHUL BA DGYES BZHIN BZHES TE YUL DBUS MA GA DHA SOGS KYI GNAS TSUL JI LTAR MCHIS PA'I BKA' 'DRI ZHIB TU PHEBS, TSES BDUN GYI NYIN CHOS RGYAL GSANG SGRUB KYI ZHI BA'I SBYIN SREG MDZAD, TSES BCU GNYIS LA GZIMS CHUNG NYI 'OD 'KHYIL 'CHI MED GRUB PA'I PHO BRANG DU, YI DAM GYI GTOR MA RTZAM
, ,KHAL LNGA LAS GRUB PA, CHOS SKYONG RNAMS SO SO'I GTOR MA RTZAM KHAL RE LAS GRUB PA, NYER SPYOD 'DOD YON LA SOGS PA DANG, RTA, KHYI, LUG, RA SKYES LA SOGS PA DAR TSON SNA LNGA'I RGYAN GYIS MDZES PA 'DU BGYIS TE CHOS SKYONG YONGS RDZOGS KYI BSKANG GSO MDZAD, DE'I PHYI NYIN BDE CHEN RAB RGYAS KYI 'DU KHANG DU CHOS RGYAL, ZHAL BZHI BA, BEG TZE BCAS SO SOR RTZAM KHAL NYI SHU RE LAS GRUB PA'I GTOR MA DANG, MCHOD TSOGS RGYA CHEN PO BSHAMS TE CHOS SKYONG DE DAG GI BSKANG 'PHRIN MDZAD, SDE PA TSE DBANG DAR RGYAS NAS DBYAR MJAL GYI LJAGS SMIN PHUL BAR NGO G-YOG LA PHYAG DBANG DANG JA GRAL BKA' 'DRI GNANG, SKABS 'DIR DBEN SA CHOS KYI PHO BRANG GI RTEN RNAMS KYI DRUNG DU SNA LNGA'I MCHOD PA RGYA CHEN PO DANG, SBO LE, GU GU SHA BCAS KYI SPYAD PA, MGON KHANG BKA' RGYA MAR SPYAN GZIGS SNYAN SHAL, DGE 'DUN BSNYEN SONG BCU DRUG NAS ZHAG BCU DRUG GI RING BSKANG GSO MDZAD RGYU'I DGOS CHA DANG, DE BSTUN BKRA SHIS LHUN POR YANG CHOS SRUNG RNAMS LA SPYAN GZIGS SNYAN SHAL BCAS 'BUL RGYU GNANG, 'PHAGS YUL GYI AA TZARYA DHE YA GI RI ZHES PA GCIG NAS RJE NYID LA SPOS SHEL GYI SHAL BA BRGYAD DANG, BYU RU'I SHAL BA BCU BZHI; SHEL SGOR MO GCIG BCAS PHUL BAR SKYE BO RNAMS THE TSOM GYI DRA BAR CHUD DE DKAR PHYOGS KYI LHA ZHIG GI SPRUL PA MIN NAM ZHES GLENG BRJOD KYANG BYUNG, PHAL PA'I TSUL 'DZIN 'PHAGS YUL SKYE BO ZHIG ,RMAD BYUNG RIN CHEN
'PHRENG BDU MA'I TSOGS, ,PHUL TE GLO BUR GSHED THEGS PA NA, ,DNGOS SAM SGYU MA'AM SNYAM DU 'PHYANG MO NYUG ,TSES NYER BZHI LA AATZARYA SUG DHI GI RI ZHES PA ZHIG 'BYOR PA NAS PHYAG RTEN DU DUNG DKAR G-YAS 'KHYIL GCIG, MU TIG DANG BYU RU'I SHAL PA RE, THO SNAM KHA SHAS, SHEL MIG ,RDO RJE PHA LAM SOGS DANG, SINGGA LA'I YUL GYI NE'U TZO DMAR PO GCIG DANG DKAR PO SPYI BOR SGRO PHOD YOD PA GCIG BCAS PHUL BA BDAG GIR BZHES TE PHYAG DBANG JA GRAL BKA' 'DRI GNANG, TSES NYER LNGA LA DBUS PHYOGS NAS 'ONGS PA'I BSNYEN RDZOGS DON GNYER PA RNAMS LA PHYAG DBANG GNANG, DE'I PHYI NYIN NAS NYI MA BZHI'I RING RGYUD PA DANG SER 'BRAS BCAS GRVA PA BRGYA DANG NYI SHU BSNYEN RDZOGS BSGRUBS, AOR TU SU AO THOG WANG DON GRUB RGYA MTSO'I MI SNA T'A BLA MA DANG DAR HAN MKHAN PO THO YON BLO BZANG MKHAS MCHOG ,MTSO SNGON CHING WANG GI DGE SGRUB PA SOGS BYANG RIGS MI SNA BRGYA PHRAG BRGAL BA 'BYOR PA RNAMS LA MJAL KHA JA GRAL BKA' 'DRI GNANG, TSES NYER DGU LA RGYUD PA GONG GSAL RNAMS NAS DPAL LDAN SMAD RGYUD GRVA TSANG GI PHYAG LEN LTAR GTOR CHEN DRUG CU PA 'PHEN PA MDZAD PAR RJE NYID NAS GZIGS RTOG DANG SPYAN DMIGS GNANG, DE'I PHYI NYIN SMAD RGYUD GRVA RIGS NAS ZHUS NGOR DPAL GSANG BA 'DUS PA'I RTZA RGYUD KYI LUNG STZAL, RI BO DGE LDAN GYI DAM CAN CHOS KYI RGYAL PO DANG STOD LUNG 'CHI MED LUNG GI RDO RJE LEGS PA SO SOR SNYAN SHAL THUGS SMON CAN RE 'BUL RGYU KHONG RNAMS LA BSKUR BA MDZAD, WANG DON GRUB RGYA MTSO'I DNGOS 'BUL RNAMS MI SNAS KHUR BLANGS TE TSOGS DBUR
, ,SPYAN DRANGS KYI THOG PHUL, MI SNA GZHAN MA RNAMS NAS KYANG DNGOS 'BYOR GYI MCHOD SPRIN SPROS, KHONG RNAMS DANG TSOGS YONGS LA DGA' LDAN LHA BRGYA MA'I KHRID STZAL, ZLA BA BCU GCIG PA'I TSES GCIG NAS BZUNG RIM BZHIN SOG RIGS BDUN CU DGE TSUL DANG, BYANG RIGS MI SNA DANG DGA' LDAN CHOS 'KHOR BA SOGS BSGRUB BYA DGU BCU GO DGU BSNYEN RDZOGS BSGRUBS, BSAM SDINGS SPRUL PA'I SKU'I MGRON GNYER LA PHYAG DBANG DANG BKA' 'DRI STZAL; TSES BDUN LA BYANG RIGS MI SNA RNAMS DANG BDE CHEN RAB RGYAS GLING TSOGS YONGS, ZHAM RING BA SOGS SER SKYA MANG POR RTZA MGRIN GSANG SGRUB DANG 'JAM DBYANGS DKAR PO'I RJES GNANG, SMYUNG GNAS KYI CHO GA'I BSHAD LUNG, GRUB RGYAL MA'I TSE DBANG, MI SNA RANG RANG GIS ZHUS NGOR BKA' RTZOM GSAR GNANG LE TSAN GYI LUNG BCAS STZAL, DE'I PHYI NYIN MI SNA RNAMS LA SO SO'I 'BYOR LAN DANG THON PHYAG BSTAR, PAD TSAL MDA' DPON PHUN TSOGS RNAM RGYAL NGO G-YOG LA PHYAG DBANG JA GRAL BKA' 'DRI GNANG, DE'I PHYI NYIN MDA' DPON NAS DNGOS 'BUL SBAM MTHO BA BTEG ,TSES BCU GNYIS KYI NYIN MDA' DPON NGO G-YOG LA 'BUL BA'I SLOG DANG GON PA LA SOGS PA'I GNANG CHA BZANG PO STZAL, TSES BCU BZHI'I NYIN DGA' LDAN BDE CHEN RAB RGYAS GLING BLA BRANG 'DUS SDE 'KHOR 'BANGS BCAS NAS STON 'KHOR TSANG MAR GSOL STON SOGS NYIN GANG GI ZHABS TOG PHUL ZHING RJE NYID TSOGS DBUR SPYAN DRANGS TE 'KHOR LO CHEN PO'I
CHO GA DANG 'BREL BA'I SGO NAS DNGOS 'BUL GTOS CHE BA DANG BCAS ZHABS BRTAN PHUL, DE MTSUNGS DGA' LDAN MNYAN YOD PA DANG DKAR PO BRAG PA BCAS NAS KYANG DNGOS 'BYOR GYI MCHOD SPRIN SPROS, GSOL TSIGS THOG PHYAG MDZOD DPAL LDAN DAR RGYAS NAS KHA BTAGS PHUL BAR GNAM GSHIS SOGS RTEN 'BREL LEGS PA BYUNG ZHES DGYES PA'I BKA' PHEBS, 'BUL BA'I SLOG CHA MANG 'GYED DANG SBYOR 'JAGS GYA NOM PA STZAL, PHYAG MDZOD CHEN MO NAS ZHUS NGOR STZAL BA'I BCA' YIG GI DGONGS DON LTAR 'DUL KHRIMS GTZANG ZHING SGRIGS LAM KUN SBYOD YANG DAG DGOS PA'I ZHAL TA GNANG, TSES BCO LNGA LA DGA' LDAN CHOS 'KHOR DGON MA LAG RNAMS NAS DKAR SPRO BTEG ,BDE YANGS SU MJAL GUR CHEN MO PHUBS PA'I NANG DGE 'DUN TSOGS PA'I DBUS SU RJE BLA MA NYID GDAN DRANGS TE ZHABS BRTAN DNGOS 'BUL BSTAR, DE MTSUNGS LJAGS DGON PA DANG DON GRUB CHOS RDZONG BCAS NAS DNGOS 'BUL BTEG PAR TSANG MAR PHYAG DBANG GNANG ZHING 'BUL BA'I SLOG MANG 'GYED BCAS BSTAR, DE'I PHYI NYIN MI LA ZHABS DRUNG DANG BYANG RIGS MI SNA KHA SHAS NAS ZHUS NGOR SGROL DKAR DANG RDO RJE SEMS DPA'I RJES GNANG STZAL, SER 'BRAS PA DGU BSNYEN RDZOGS BSGRUBS, TSES BCO BRGYAD LA LHA MO'I BSKANG 'PHRIN DANG KHA 'BAR MA'I GTOR CHEN MDZAD, NO MON HAN DE MO SPRUL BA'I SKU RIN PO CHE NAS SKU TSAB CHED MNGAGS MDUN RTEN 'BYUNG GI DNGOS PO BSTAR, KARMA ZHVA NAG RGYAL BA'I DBANG POS KYANG MI SNA MNGAGS TE ZANG ZING GI BDOG PA'I RTEN 'BYUNG JA 'KHOR DRUG BCU GNYIS, RTA DGU, DRE'U
, ,BDUN, GOS SMAN YUG ,KHA BTAGS BCAS PHUL BAR SKU TSAB GNYIS LA 'BYOR THON SKABS JA GRAL BKA' 'DRI GNANG ZHING ZHU LAN RTEN BZANG PO DANG BCAS NGO G-YOG LA THON CHAS RGYAS PAR STZAL, BKRA SHIS RTZE SDE PA TSE DBANG DAR RGYAS LA 'KHRUNGS GZHIS KYI DPAL LDAN LHA MO'I SNANG BRNYAN BYIN CAN LA SNYAN SHAL THUGS SMON CAN 'BUL RGYU GNANG, TSES NYER GSUM LA SNGON DU LA MO CHOS SKYONG NAS PHUL BA'I RDO RJE RTZE GSUM PA MGON KHANG DU PHUL TE GNAM LO GSAR TSES KYI SKABS LTAR MCHOD GTOR BZANG PO BSHAMS NAS LA MO CHOS SKYONG GI BSKANG GSO RGYAS PA RJE NYID KYI BKA' RTZOM MA NYIN RER TSOGS SKOR RE'I RING GTONG DGOS PA'I BKA' GNANG, TSES NYER LNGA NAS BZUNG BDUN GSUM GYI RING SKU MTSAMS BCAD RGYA'I KHONGS SU MA GCIG 'DOD PA KHAMS KYI DBANG PHYUG MA'I BSNYEN SGRUB LA BRTZON PAR MDZAD, NYE SKOR GYI SLONG MO BA RNAMS LA'ANG ZANG ZING GI SBYIN PA STZAL, BDE RAB SKU TSAB BLO BZANG DAR RGYAS NAS STON 'KHOR TSANG MAR NYIN GANG ZHABS TOG DANG DNGOS 'BUL BSTAR, ZLA BA BCU GNYIS PA'I NANG DU GONG MA CHEN PO NAS RTA ZAM RIM BRGYUD KYI THOG BKA' PHEBS PAR, NGED NAS LHA KHANG DU MCHOD RGYUR, DE KHA NAS TSE LHA'I SKU BRNYAN SGRUB DGOS 'DUG PAS, YON DU MDZOD BTAGS CHE BA GCIG, MDZOD GOS MANG NUG SNA TSOGS YUG CHEN BCO BRGYAD, GSER SRANG BCO BRGYAD, DNGUL SRANG BZHI BRGYA LNGA BCU THAM PA BCAS MI SNAR RTZIS SPRAD YOD, PAn CHEN AER TE NIS BKOD PA MDZAD DE BKRA
SHIS LI MA, TSE DPAG MED KYI SKU 'DRA ZHE MTSUNGS LNGA BCU NGA DRUG GSAR BZO BYED DGOS, 'PHRAL DU MA GRUB TSE SNGON DU SKU 'DRA BRGYAD BSKUR NAS, DE 'PHROS RNAMS RIM PAR BSGRUBS TE PHUL BAS 'THUS, SKU 'DRA 'DI RNAMS 'BUL RE BYUNG TSE MI SNA MKHAN PO'I GDONG DU 'CHAR CAN RNAMS MA PHUL KYANG CHOG CES SOGS KYI BKA' PHAB PA BOD BZHUGS L'A AAM PAN DANG SO T'A ZHIN GNYIS BRGYUD NAS STZAL, DE BSTUN RJE LCANG SKYA RIN PO CHE NAS KYANG RGYU MTSAN ZHIB 'KHOR KYI ZHU YIG BCAS 'BYOR PAS 'PHRAL DU BZO GRA TSUGS LA GONG NAS STZAL BA'I 'CHAR DPE DANG MTHUN PA'I BZO BKOD DANG PHRA RGYAN SOGS KYIS MDZES PA GSAR BSKRUN DGOS PA'I ZHAL BKOD PHEBS, TSES BRGYAD KYI PHYI DRO SKU MTSAMS GROL, BCAD RGYA'I SKABS RLUNG GI RGYU BA SHUGS DRAG CING KHA BA 'BABS PA DANG BU YUG GI 'TSUB MA CHE PE SOGS BYUNG BA LHA MO DGYES PA'I RTAGS SU MNGON ZHES GSUNG, ZHVA DMAR SPRUL SKU'I MTSAMS ZHU DANG, RGYAL YUM NAS LJAGS SMIN 'BUL MI SO SOR BKA' LAN DANG THON PHYAG STZAL, MCHOD GTOR RGYA CHEN PO BSHAMS TE CHOS RGYAL GYI BSKANG 'PHRIN DANG SBYIN SREG BCAS MDZAD, DBEN DGON PA BLO BZANG CHOS GRAGS KYIS BDE MCHOG GI BSKYED RDZOGS, DGA' LDAN CHOS 'KHOR BA BLO BZANG DPAL 'BYOR GYIS RTAGS RIGS, TSAD MA RIGS RGYAN, PHAR PHYIN SKABS DANG PO'I 'GREL PA, DRANG NGES RNAM 'BYED, DGE 'DUN NYI SHU, BSAM GZUGS, RTEN 'BREL SKOR BCAS SHOG GRANGS LNGA BRGYA DANG BCO BRGYAD, SHAR RGYUD MI TSAN GYI GRVA PA SHES RAB RIG
, ,GROL NAS RGYAN 'JUG GNYIS DANG, PHAR PHYIN BLO BZANG DGONGS RGYAN RNAMS KYI RGYUGS PHUL BAR BSTAN RGYUN LA PHAN CHED GNANG CHA BZANG PO STZAL, GZHAN YANG LO 'DI NANG MCHOG GSUM GYI SPYAN SNGAR MCHOD TSOGS RGYA CHEN PO DANG, DGE 'DUN GYI SDE RNAMS LA BSNYEN BKUR MOD MI DMA' BA, ZAS GOS KYIS PHONGS PA'I SKYE BO RNAMS LA DNGOS PO'I SPYIN PA BCAS STZAL TE, DGE BA'I RTZA BA RNAMS KYANG BSTAN PA RGYAS SHING 'GRO KUN BDE BA'I RGYUR BSNGO BA MDZAD DO, ,BSLAB GSUM RNAM PAR DAG PA'I RTZAB BRTAN, ,'CHAD RTZOD RTZOM PA'I YAL 'DAB G-YUR ZA BA, ,MTSUNGS BRAL RNAM 'DREN YONGS 'DU'I DBANG PO LAS, ,PHAN BDE'I 'DOD DGU 'JO 'DI GDUL BYA'I DPAL, ` RNAM RGYAL ZHES PA CHU MO SPRUL GYI LO ZLA BA DANG PO'I NANG BDE CHEN RAB RGYAS TSOGS YONGS NAS RDUL TSON GYI DKYIL 'KHOR DU BDE MCHOG GI SGRUB MCHOD SNGAR RGYUN BZHIN MDZAD PAR TSOGS DBUR PHEBS NAS GSUNG CHOG MDZAD, GSO SBYONG GI MDO 'CHAD PA YANG GNANG, MJUG TU LJAGS BSNGO DANG BDE MCHOG GI SHIS BRJOD MTHUN 'GYUR DANG BCAS PA MDZAD, RDO BCAL GYI DBUS SU RTZAM KHAL SUM CU LAS GRUB PA'I ZHAL ZAS CHE BA DANG, G-YAS G-YON DU RTZAM KHAL RE LAS GRUB PA'I ZHAL ZAS GNYIS RE, GTZUG LAG KHANG GI NANG DANG SKOR LAM KHOR YUG TU MCHOD PA SNA LNGA'I TSOGS BSAM GYIS MI KHYAB PA TSAR DU DNGAR BA BKOD PAS MDZES PA BSHAMS NAS, DGE 'DUN RNAMS NAS GDUGS, RGYAL MTSAN,
'PHAN, PHYE PHUR, ROL MO'I BYE BRAG DUM DANG BCAS MCHOD SKOR TSAR GSUM MDZAD RJES RDO BCAL NAS ROL CHEN BKRA SHIS DGU BRTZEGS 'BUL BA SOGS RGYAL BA SRAS BCAS LA KUN TU BZANG PO'I MCHOD SPRIN RGYA MTSOS DGYES PA BSKYED NAS BSTAN 'GROR PHAN BDE RGYA CHEN PO 'BYUNG BA'I THUGS SMON MDZAD DO, ,BLO DMAN BLO YI SPYONG YUL LAS 'DAS PA'I, ,RNAM MANG MCHOD PA'I TSOGS RNAMS TSAR DNGAR TE, ,SRAS BCAS RGYAL BA'I TSOGS LA MCHOD PA NA, ,ZHI BA'I DBYINGS LAS RINGS PAR BZHENGS SNYAM BGYID, ,TSES NYER BZHI'I NYIN MGON KHANG PA RNAMS LA RDO RJE MKHA' LDING NAG PO'I LAS TSOGS DANG, BDE CHEN RAB RGYAS TSOGS YONGS LA TSOGS BDAG DMAR CHEN PHYAG BCU GNYIS PA'I CHO GA GSAR DU 'DZUGS BZHED KYIS PHYAG RDOR 'BYUNG 'DUL DANG TSOGS BDAG ,KHYUNG NAG GI RJES GNANG KHRID BCAS GNANG, SKU TSA BLA MA SKU SKYES ZHUS NGOR RDO RJE 'JIGS BYED KYI DBANG CHEN DANG, PHYAG MDZOD CHEN MO SOGS LA GCOD DBANG NAM MKHA' SGO 'BYED DANG GCOD KHRID THAR 'DOD DED DPON MA'I KHRID LUNG BCAS RIM BZHIN STZAL, DON GNYER PA GSUM BSNYEN RDZOGS BSGRUBS, BKRA SHIS RTZE'I DPAL LDAN LHA MOR MCHOD GTOR, SNYAN SHAL, SPYAN GZIGS BCAS GZAB GSOL MDZAD, ZLA BA GNYIS PA'I TSES GCIG LA BLA MA SKU SKYES ZHUS NGOR GTUM MO'I KHRID GNANG ZHING DNGOS SKYES STZAL, TSES GSUM LA CHOG ROGS PA DANG BCAS BSKANG GSO DANG DRUG CU PA DANG 'BREL BA'I GTZUG TOR ZLOG CHEN BCAS GNANG, DE NYIN RGYAL
, ,TSAB DE MO NO MON HAN NAS LHA LDAN SMON LAM CHEN MO GROL MTSAMS LCANG GSEB SHAR DU GRUM PA BRGYUGS PA DANG, GYAG NANG DU DGUN GRANG NGUS CHU CHE TZAM BRDOL BA SOGS RTAGS SNA TSOGS BYUNG BA RGYAL DBANG MCHOG GI SKU TSES MTSON GZHUNG BSTAN SRID SPYIR GEGS 'TSUB YOD TSE ZHABS BRTAN JI LTAR SGRUB DGOS TSUL RTA ZAM THOG ZHU YIG 'BYOR BA'I LAN 'PHRAL 'BUL MDZAD, TSES BCU GSUM NYIN GZIMS CHUNG NYI 'OD 'KHYIL 'CHI MED GRUB PA'I PHO BRANG DU BYANG SHAMBHA LA'I DPAL DUS KYI 'KHOR LO DANG, RIGS LDAN, THUB PA GANGS CAN MTSO, RDO RJE GDAN GYI BYANG CHUB CHEN PO BCAS LA SNA LNGA'I BRGYA MCHOD SOGS DNGOS SU BSHAMS PA DANG TING NGE 'DZIN GYIS SPRUL BA'I MCHOD 'BUL GNANG, TSES BCU BDUN LA YI DAM, CHOS RGYAL, LHA MO, ZHAL, LCAM SRING BCAS LA GSUNG BSKANG DANG, BCU DGU'I NYIN YI DAM DANG, DPAL LDAN DMAG ZOR RGYAL MOR RTZAM KHAL BRGYAD LAS GRUB PA'I MCHOD GTOR BSHAMS NAS BSKANG GSO, RTEN 'BUL, MNGA' GSOL BCAS MDZAD, TSES NYI SHU'I NYIN G-YAG PA DPON NGO G-YOG LA PHYAG DBANG JA GRAL THOG GSUNG MCHID KYANG PHEBS, DE NYIN SNGA PHYIR RE LTOS ZHUS PA'I DUS 'DAS RNAMS LA GSHIN PO RJES 'DZIN SBYANG CHOG DANG, BDE BA CAN DU SKYE BA'I BSNGO SMON GYI RGYAS 'DEBS GNANG, TSES NYER GSUM NYIN BKA' BLON GUNG KUN DGA' BSTAN 'DZIN GSHEGS PA'I LJAGS BSNGO DANG SBYANG CHOG ZHU RTEN 'BYOR TE KUN RIG LA BRTEN PA'I
SBYANG CHOG DANG DAG ZHING DU SKYE BA'I SPYAN DMIGS KYANG MDZAD, DNGUL GOS DAR SOGS KYI DGE THEBS DANG MI SNA LA THON PHYAG KYANG GNANG, ZLA BA GSUM PA'I TSES BRGYAD LA RJE BTZUN BLO BZANG CHOS KYI RGYAL MTSAN GYI SKU GDUNG RIN PO CHE'I SKU MDUN DU STONG MCHOD SNA LNGA DANG SNYAN SHAL THUGS SMON GYIS BRGYAN PA BCAS 'BUL RGYU GNANG BA DANG BSTUN SNGAGS CHEN ZHAL SNGA NAS KYIS ZHUS DOR MKHAN SLOB DGE 'DUN GYI SDE DANG BCAS PAR MI MTHUN PA'I PHYOGS KUN NYE BAR ZHO BA'I 'DOD GSOL SMON TSIG BKA' RTZOM YANG STZAL, TSES BCU GCIG NYIN HAR CHEN HU THA RING PE'I SI'I BLA MA CHOS RJE DPAL LDAN RGYA MTSO SOGS BYANG RIGS MI SNA BRGYA PHRAG LA NYE BA 'BYOR BAR PHYAG DBANG JA GRAL BKA' 'DRI GNANG, TSES BCU GSUM LA CHOS RJE DPAL LDAN RGYA MTSO NAS 'DUS SNGER MANG 'GYED KYI BSNYEN BKUR BCAS TSOGS DBUR SPYAN DRANGS NAS ZHABS BRTAN DNGOS 'BUL BSTAR, KHONG RANG NAS ZHUS NGOR TSOGS PA DANG LHAN DU SNYING PO DON GSUM GYI KHRID YIG GI LUNG GNANG, CHOS RJE NAS BSKUL NGOR RDO RJE SEMS DPA' LA BRTEN PA'I SGOM BZLAS DANG SDIG SGRIB SBYONG BA'I SBYIN SREG BYA TSUL, DGA' LDAN SHIR THU'I SPRUL SKU MYUR 'BYON BCAS KYI BKA' RTZOM MDZAD, CHOS RJE DPAL LDAN RGYA MTSO SOGS SOG RIGS NYUNG BSDUS LA DPAL 'KHOR LO SDOM PA DRIL BU LHA LNGA'I DBANG, BDE MCHOG DKAR PO DANG SGROL MA'I RJES GNANG BCAS STZAL, SOG RIGS KHA SHAS DANG RGYUD SMAD PA SOGS GRVA PA BRGYA DANG LNGA BSNYEN RDZOGS DANG, SUM CU SO BZHI DGE TSUL BSGRUBS, TSES NYI SHU LA CHOS RJE SOGS
, ,BYANG RIGS PA RNAMS LA THON PHYAG STZAL, TSES GNAM GANG NYIN MCHOD GTOR BSHAMS NAS RJE NYID DANG YONGS 'DZIN PA, RGYUD SMAD PA BZHI BCU SKOR BCAS NAS DPAL LDAN SMAD RGYUD GRVA TSANG GI SROL LTAR CHOS SKYONG GI BSKANG GSO DANG DRUG CU PA BSNGO BAR MDZAD, ZLA BA BZHI PA'I TSES GSUM LA BKA' BLON GUNG PAndI TA DPON G-YOG NYUNG BSDUS KYIS MJAL DU PHEBS PAR 'BYOR PHYAG DANG BSTUN RGYAL DBANG MCHOG NAS SKU'I MTSAMS ZHU, NA BZA', LJAGS SMIN SOGS 'BUL RGYU GNANG BA RNAMS BZHES NAS JA GRAL GNANG, TSES LNGA'I NYIN BKA' BLON GUNG PAndI TAS TSOGS DBUR SPYAN DRANGS TE DNGOS 'BUL SBAM MTHO BA DANG BCAS ZHABS BRTAN PHUL ZHING TSOGS PAR MANG 'GYED KYI BSNYEN BKUR GZABS, BKA' BLON SRAS BCAS LA SGROL DKAR GYI RJES GNANG, GRUB RGYAL LUGS KYI TSE DBANG, TSE DPAG MED KYI BSKYED RDZOGS KYI KHRID BCAS STZAL, TSES BCU GCIG LA DGA' LDAN BDE CHEN RAB RGYAS GLING GI CHOS GRVA GSAR BSKRUN GYI SBYIN BDAG BKA' BLON GUNG NAS MDZAD, YONGS RDZOGS GRUB NYIN CHOS GRVA'I TSOGS DBUR SPYAN DRANGS TE 'DUS TSOGS DANG, GZHAN YANG SER SKYA MANG POR LAM RIM BSDUS DON GYI BSHAD LUNG DANG SEMS BSKYED MCHOD PA MDZAD, TSE SGRUB 'CHI MED BDUD RTZI'I CHU RGYUN DANG BKA' DRIN GSOL 'DEBS KYI LUNG STZAL, STON 'KHOR TSANG MAR GSOL STON RGYAS BA ZHUS THOG RAB 'BYAMS SMRA BA DPAL LDAN RGYA MTSO NAS DAM BCA' BZHAG ,GZHAN DRUG NAS BGRO GLENG GI
DGA' STON SPEL BAR GZENGS BSTOD BSTAR, TSOGS PA DANG SER SKYA MANG POR MJAL KHA GNANG, RJE NYID KYI BKA' BZHIN GUNG PAndI TA DBEN GNAS RGOD TSANG SGRUB SDER ZHAG BDUN PHRAG GCIG GI RING TSE SGRUB BSNYEN MTSAMS MDZAD PAR 'BYON RGYUR GSUNG GLENG MDZAD, TSES BCO LNGA LA BDE CHEN RAB RGYAS GLING GI 'DUS TSOGS SU MANG JA 'JAM BCAS BCU GCIG DANG 'JIGS BYED SGRUB MCHOD SKABS NYIN GNYIS KYI RING TSA DRO DANG BCAS PA'I BSNYEN BKUR GONG BZHIN DANG 'GYED PAL tAm RE BCAS STZAL; DE'I PHYI NYIN MTSO SNGON CHOS 'PHEL PE'I LI'I BLA MA THON PA DKA' CHEN YE SHES DBANG PHYUG LA PHYAG RDOR GOS SNGON CAN DANG RNAM SRAS MDUNG DMAR CAN, PHYAG RDOR 'BYUNG 'DUL, TSOGS BDAG DMAR CHEN BCAS KYI RJES GNANG STZAL TE BSTAN 'GROR SMAN PA'I LHAG BSAM DGOS LUGS KYI ZHAL TA PHEBS, TSES NYI SHU'I NYIN BKA' BLON GUNG RGOD TSANG SGRUB SDE NAS PHEBS PAR MJAL KHA'I THOG GSUNG GLENG DANG, DE'I PHYI NYIN BKA' BLON DPON G-YOG DANG SKU'I NYE 'KHOR BA KHA SHAS LA THIG CHEN GSO SBYONG GI SDOM PA STZAL, TSES NYER GCIG GI NYIN BKA' BLON SRAS BCAS LA GNANG SKYES GYA NOM PA DANG MGON PO'I BKA' BSGO MDZAD, ZHAM RING BAR YANG GO BABS DANG BSTUN PA'I GNANG SBYIN BCAS THON PHYAG GNANG BA DANG BSTUN RGYAL DBANG THAMS CAD MKHYEN GZIGS CHEN POR SKU'I MTSAMS ZHU'I CHAB SHOG RTEN SPRAGS 'BUL RGYU GNANG, TSES NYER GNYIS KYI SNGA DRO BKA' BLON NAS SKYABS 'JUG ZHU RTEN SBAM MTHO DANG BCAS MJAL KHAR PHEBS PAR PHYAG
, ,DBANG STZAL TE LUGS GNYIS DANG 'BREL BA'I GSUNG GLENG ZHIB RGYAS SU GNANG NAS GUNG DPON G-YOG LHA LDAN DU PHYIR THEGS, TSES NYER GSUM NYIN DGA' LDAN CHOS 'KHOR BLA SPYI NAS ZHUS NGOR GRVA BYINGS, DGA' LDAN BDE CHEN RAB RGYAS GLING PA TSOGS YONGS, GZHAN YANG PHYOGS 'DUS SER SKYA STONG PHRAG BRGAL BA RNAMS LA TSE DBANG STZAL, TSES NYER LNGA'I NYIN GONG MA BDAG PO CHEN POR 'BUL RGYU'I TSE DPAG MED KYI SNANG BRNYAN BKRA SHIS YI MA LNGA BCU NGA DRUG BKOD LEGS PHRA RGYAN GYIS MDZES PA YONGS RDZOGS GRUB NAS BDE CHEN RAB RGYAS SU 'BYOR PAR GZIMS CHUNG NYI 'OD 'KHYIL 'CHI MED GRUB PA'I PHO BRANG DU BZHUGS SU GSOL, MCHOD TSOGS RGYA CHEN PO BSHAMS NAS RAB GNAS KYI ME TOG GTOR, ZLA BA LNGA PA'I TSES GNYIS LA GONG DU TSE LHA'I SNANG BRNYAN 'BUL BAR 'GRO MI MKHAN PO DKA' BCU BLO BZANG DON GRUB NGO G-YOG LA GRUB RGYAL LUGS KYI TSE DBANG DANG BKA' BSGO THON PHYAG BCAS STZAL, TSES BCU GSUM GYI NYIN BSTAN 'GRO SPYI'I RIM GROR DMIGS BDE CHEN RAB RGYAS GLING GI TSOGS DBUR PHEBS NAS BSKANG GSO DANG DRUG CU PA, GDUGS DKAR ZLOG CHEN BCAS MDZAD, TSES BCO LNGA LA SHOD GSOL DPON ZHABS DRUNG BLO BZANG TSE RING NAS RGYU YON SBYAR TE CHOS GRVAR 'DUS SDE'I TSOGS DBUR SPYAN DRANGS TE THOG MAR GSO SBYONG GNANG, DE RJES LAM RIM DMAR KHRID DANG 'JIGS BYED BSKYED RIM DNGOS GRUB SNYE MA'I 'DZIN CHOS STZAL, CHOS GRVA'I RIGS LUNG YANG TSUGS TZAM
MDZAD, RAB 'BYAMS SMRA BA 'PHRIN LAS BSTAN PA NAS DAM BCA' BZHAG ,GZHAN DRUG LANGS NAS LUNG RIGS KYI DGA' STON SPEL BAR GZENGS BSTOD STZAL, SHOD GSOL DPON NAS DNGOS 'BUL BSTAR ZHING STON 'KHOR TSANG MA DANG 'DUS TSOGS LA GSOL STON MANG 'GYED KYI BSNYEN BKUR ZHUS, TSES NYER GNYIS LA SHANGS NANG GI SGER BA RNAMS KYIS DNGOS 'BUL DANG BCAS MJAL KHA ZHUS PA DANG BSTUN SER SKYA MANG POR PHYAG DBANG GNANG, TSES NYER BRGYAD LA PHYAG MDZOD CHEN MO DANG BDE RAB PHYAG MDZOD DPAL LDAN DAR RGYAS GNYIS LA 'JIGS BYED KYI BYAD DGROL MDZAD, ZLA BA DRUG PA'I TSES GSUM LA ZHVA DMAR SPRUL PA'I SKU DANG, SI TU SPRUL SKU GNYIS KYI MTSAMS ZHUR BANG MI DANG, PA NAM RDZONG DPON GRONG GSAR BA DANG SRAD RIN CHEN RTZE'I RDZONG DPON SOGS PHYOGS 'DUS MANG POR PHYAG DBANG STZAL, CHOS 'KHOR BSKOR BA'I DUS CHEN NYIN BDUD 'DUL THUB CHEN GYI SKU MDUN DU SNA LNGA'I BRGYA MCHOD DANG BCAS BSTAN 'GROR PHAN BDE RGYA CHER 'BYUNG BA'I THUGS SMON MDZAD, TSES BCO LNGA'I NYIN GSO SBYONG GI MDO 'CHAD PA GNANG ZHING DBYAR GNAS PA'I SBYOR BA MDZAD DE BCU DRUG GI NYIN DBYAR ZHAL BZHES GNANG, NE SER JO BO CHEN POR YANG BSANGS MCHOD DANG 'PHRIN BCOL MDZAD, TSES NYER BZHI'I NYIN DGA' LDAN BDE CHEN RAB RGYAS GLING TSOGS YONGS NAS ZHUS NGOR, TSOGS YONGS DANG, RGYA MTSO BDE CHEN RI KHROD PA BCAS LA BDE MCHOG L'U AI PA'I LUGS KYI DBANG GI STA GON DANG, PHYI NYIN DBANG DNGOS GZHI, DRAG
, ,PO SDE GSUM GYI BSKANG GSO GSAR RTZOM GYI LUNG BCAS GNANG, TSES NYER BDUN GYI NYIN BKRA SHIS RTZE'I SDE PA TSE DBANG DPON G-YOG DANG, MDA' DPON LCANG LO CAN PA NGO G-YOG SOGS PHYOGS 'DUS SER SKYA MANG POR PHYAG DBANG DANG MDA' DPON NAS DNGOS 'BUL SBAM MTHO BA BTEG PA RNAMS BZHES NAS JA GRAL BKA' 'DRI GNANG STE 'GRO KHAR THON PHYAG KYANG STZAL, 'PHAN YUL SRAS KHANG DGON PA'I GRVA RIGS SOGS DGU BSNYEN RDZOGS BSGRUBS, ZLA BA BDUN PA'I TSES GCIG LA GOR shA SA SKYONG GI BANG MI BHARMA TZA RI BHA GI RA THI DANG, DZA YA SA RAM THA PA SOGS MI SUM CU SKOR BAL BOD KYI LAS SGO'I SKOR LA ZHU DON BYED PAR CHED DU MNGAGS PA LHA LDAN BRGYUD 'DI NYIN 'BYOR PA NAS TZAN DAN LAS GRUB PA'I 'PHAGS PA LO KE SHVA RA DANG, GSER ZANGS LAS GRUB PA'I RDO RJE SEMS DPA'I SNANG BRNYAN, tAM GSAR GYI PAR PHUD SRANG BCO LNGA, SMAN 'BRAS SOGS LTAD KHA SHAS KYI RTEN DANG BCAS PA'I ZHU YIG ,BHARMA TZA RI NAS SAm SKRi TA'I SKAD DU SHIS BRJOD KYI TSIGS BCAD BRJOD PA DANG BCAS PHUL BAR DE DAG BZHES NAS PHYAG DBANG DANG JA GRAL THOG RGYA BAL GYI GNAS TSUL BKA' 'DRI GNANG, 'DU KHANG GI THUB CHEN LA SNA LNGA'I BRGYA MCHOD PHUL, TSES 'DAS 'GA' ZHIG GI CHED SBYANG CHOG DANG BCAS BSNGO SMON MDZAD, DE SKABS GOR shA SA SKYONG GIS 'BRUG DANG PHE RENG SOGS SA SKYONG KHA SHAS 'KHRUG ZING GI SKABS SU YOD 'DUG PAR RJE NYID NAS BAR CHING ZHIG GNANG NA BKA' DRIN CHE TSUL ZHUS PAR,
LAN DUS SKYONG GIS ZHUS PA TSANG MA NGES BYUNG, LAS SGO'I MTSAMS DANG 'BRUG PHYOGS KYI 'KHRUG ZING LA PHAN THOGS PA BYED, BAL YUL 'DI RGYAL PO 'OD ZER GO CHA'I GDUNG BRGYUD KYI RGYAL PO'I GNAS YIN PAR MA ZAD, NANG PA'I BSTAN PA DANG PHYI NANG THUN MONG BA'I BSTAN PA GNYIS KA YOD PA'I SA CHA YIN 'DUG PAS, DE DAG GI ZHABS 'DEBS DANG LHA KHANG RNAMS LA NYAMS GSO, GNAS SKOR BA'I RIGS LA ROGS LAM GANG DRAGS SKYONG NAS BYED DGOS PA SOGS KYI BKA' PHEBS SHING BKA' LAN RTEN SBRAGS DANG SO SOR DNGOS PO'I GNANG CHA SBAM MTHO BA STZAL, TSES DGU LA MKHO LAM GNYER PA NAS GSOL STON ZHUS PAR GNYER PA DANG PHYOGS 'DUS MANG POR PHYAG DBANG GNANG, TSES NYI SHU LA RJE NYID DANG CHOG ROGS PA BRGYAD CU NAS CHOS SRUNG GI BSKANG GSO, GDUGS DKAR ZLOG CHEN, DRUG CU PA BCAS MDZAD, TSES NYER GCIG LA THOR GONG JO RIGS THU HAN AU PA SHI'I MI SNA DGE SLONG SBYIN PA DANG BLO GROS SHES RAB, GZHAN MA WANG, PE'I LI; PE'I SI SOGS KYI AEL CHI BCAS SUM CU SKOR DANG GONG NAS BKAS MNGAGS PA'I JAR PI GNYIS, SPO SHO KHA GNYIS, CHAN P'A GNYIS, DMAG MI BCU SKOR BCAS 'BYOR PAR PHYAG DBANG JA GRAL BKA' 'DRI GNANG, TSES NYER GSUM NAS BZUNG THOR GOD PA SOGS LNGA BCU NGA DRUG BSNYEN RDZOGS DANG, NYI SHU RTZA LNGA DGE TSUL BSGRUBS, TSES NYER BZHI LA THOR GOD MI SNA RNAMS KYIS TSOGS DBUR SPYAN DRANGS NAS DNGUL DKAR GYI MAndAL, NA BZA' SOGS SKU'I
, ,NYER SPYAD CHA TSANG, RGYA DANG NE ME SHI'I YUL GYI GOS DAR DANG GSER DNGUL, MU TIG, PAGS RIGS SOGS DNGOS 'BUL SBAM MTHO BA DANG 'DUS SDER MANG 'GYED BCAS ZHABS PAD RDO RJE'I RANG BZHIN DU BRTAN PA'I GSOL 'DEBS ZHUS PAR TSOGS PA DANG MNYAM DU DGA' LDAN LHA BRGYA MA'I LUNG STZAL, DGE TSOGS BLA NA MED PA'I BYANG CHUB KYI RGYUR BSNGO BAR MDZAD, THOR GOD MI SNA RNAMS DANG BDE CHEN RAB RGYAS TSOGS YONGS NAS ZHUS NGOR TSES NYER LNGA NAS BZUNG NYIN GNYIS KYI RING 'JIGS BYED LHA BCU GSUM MA'I DBANG CHEN GNANG, JAR GO CHIS ZHUS NGOR GRUB RGYAL LUGS KYI TSE DBANG DANG, THOR GONG AEL CHI RNAMS DANG JAR BI, SPO SHO KHA, SER 'BRAS PA SOGS KHA SHAS LA DAM CAN CHOS KYI RGYAL PO'I RJES GNANG THUN MONG BA DANG, LO MA GYON MA'I RJES GNANG BCAS RIM BZHIN STZAL, TSES NYER DRUG LA THOR GOD MI SNA, JAR GO CHI, BI CHA'I CHI BCAS LA SKU BRNYAN, BYIN RTEN SOGS DNGOS PO'I GNANG SKYES GYA NOM PA DANG, DPON KHAG RNAMS DANG SDE DMANGS KYI SKYABS ZHU SOGS LA 'BYOR LAN RTEN SBRAGS BCAS THON PHYAG GNANG ZHING, JA GRAL THOG ZHVA SER BSTAN PA'I ZHABS 'DEGS LA LHAG BSAM RNAM PAR DAG PA SNGAR BZHIN BYED DGOS PA'I BKA' PHEBS PAR, MI SNA RNAMS NAS NGED TSO PHA MES KYI SDOD GNAS RNYING PA THOR GOD KYI SA'I CHAR SNGAR PHAN RJE BLA MA'I BSTAN PA DAR RGYAS DGA' MO YOD KYANG, MTHA' THAMS CAD PHYI PA SHA STAG GIS BSKOR BAR BRTEN, MA 'ONGS
PA NA BU TSA BRGYUD RNAMS PHYI PA'I CHOS LUGS LA ZHUGS NA CI DRAG SNYAM NYIN MTSAN KHOR YUG TU BLO BDE BA'I GO SKABS DANG BRAL GSHIS, JO RIGS THU AU BA SHIS DBUS DUD KHA KHRI PHRAG LNGA TZAM ZHIG MYA NGAM GYI THANG MANG PO DANG DGRA JAG GI SDE DU MA BRGAL TE 'ONGS PAR LAM BAR DU KHA SAG DANG PO RDO SOGS KYI DMAG JAG MANG POS RJES 'DENG BYUNG NAS 'THAB 'DZING DU DUD KHA KHRI TSO GNYIS TZAM SHOR, NAD YAMS KYIS KYANG MI MANG PO GOD PA SOGS NYES SKYON TSABS CHE BA BYUNG YANG 'PHROS LUS PA RNAMS 'JAM DBYANGS GONG MA CHEN POR MGO BTAGS ZHUS NAS DA LTA GONG MA'I BKA' DRIN LA BRTEN TSANG MA SKYID PO YOD CING, KHYAD PAR DU SANGS RGYAS KYI BSTAN PA SPYI DANG DBUS GTZANG DAG PA'I ZHING GI SKYES CHEN DAM PA RNAMS DANG 'PHAGS PA'I DGE 'DUN GYI SDE, RTEN GSUM KHYAD PAR CAN RNAMS LA BSNYEN BKUR MCHOD SPRIN SPRO RGYU YOD PA DANG NGED RANG RNAMS KYANG DE DAG MJAL RGYU BYUNG BA NI DKON MCHOG GI THUGS RJER NGES PA RNYED, DA DUNG DPON 'BANGS TSANG MA GNAM SKOS GONG MA CHEN PO'I CHAB SRID KYI 'OG TU BKA' DRIN GYIS 'TSO NAS ZHVA SER GYI BSTAN PA'I ZHABS 'DEGS SU CHES CHER 'GYUR BA DANG, DPON 'BRANGS RNAMS KYI TSE BSOD MNGA' THANG RGYAS SHING TSE RABS KUN TU 'BRAL MED RJES 'DZIN GYI SKYABS 'JUG DGOS PA'I GSOL BA BTAB PAR BKA' BZHES BZANG PO DGYES BZHIN STZAL, SNGA PHYIR STON MO ZUR GSOS SOGS CHOS DANG ZANG ZING GNYIS KAS TSIM PAR MDZAD DO, ,GANG GI 'PHRIN LAS DRI BSUNG PHO NYA YIS, ,NYE
, ,BAR BKUG PA'I DAD LDAN RKANG DRUG PA, ,BSOD NAMS ME TOG DNGOS SKYES SBRANG RTZI YIS, ,KHYOD ZHABS MCHOD PAS RTAG TU TSIM PAR GYUR, ,PHYI MA'I DPAL LA SRED LDAN PA, ,DE DAG YID KYI SHING RTA NI, ,DPAG BSAM SHING DANG 'GROGS PA BZHIN, ,YONGS SU GANG BAS RE BA RDZOGS, ,DBYAR GNAS KYI SKABS GSO SBYONG LA MA CHAG PAR PHEBS SHING GNAM GANG GI NYIN TSOGS DBUR PHEBS NAS GSO SBYONG DANG DGAG DBYE MDZAD DE NUB BYANG GI PHYOGS RGYANG GRAGS GCIG BRGAL BA'I SA'I CHAR LJONGS RGYUR PHEBS, DER DGYES STON PHUN SUM TSOGS PA MDZAD NAS, CHOS SRUNG RNAMS LA BSKANG GSO GNANG, SGOR SHIL SHIG PA DANG, SRA SHING PA SOGS SER SKYA MANG POR PHYAG DBANG STZAL, ZLA BA BRGYAD PA'I TSES BZHI'I NYIN 'DUS SDE'I TSOGS DBUR PHEBS NAS DRUG CU PA DANG SGROL MA G-YUL ZLOG MDZAD, TSES LNGA LA GZIMS CHUNG DU YONGS 'DZIN RJE ZHAL SNGA NAS DANG RGYUD STOD PA BSNYEN RDZOGS ZHU MI DGE 'DUN SUM CU DANG LHAN CIG MCHOD GTOR RGYA CHER BSHAMS NAS MGON CHOS, LHA MO, RNAM SRAS BCAS LA BSKANG BA DANG GTOR CHEN DRUG CU PA'I ZOR 'PHEN BCAS GNANG, STONG 'KHOR SPRUL SKU DGE 'DUN 'JAM DBYANGS RGYAL MTSAN GYIS ZHUS NGOR LAM GTZO'I KHRID DANG DPAL LDAN LHA MO'I RJES GNANG BCAS STZAL, PHYAG MDZOD CHEN MO NAS BDE CHEN RAB RGYAS KYI NYI 'DABS SU DGA' LDAN RDO RJE GDAN ZHES PA'I RI KHROD KYI SDE GSAR 'DZUGS MDZAD PAR,
TSES BCO LNGA'I NYIN RI KHROD PA RNAMS NAS SER SBRENG DANG BCAS RJE BLA MA MCHOG SPYAN DRANGS NAS SGRUB SDER PHEBS THOG BSNYEN BKUR ZHUS, DE'I PHYI NYIN PHYAG MDZOD DPAL LDAN DAR RGYAS NAS ZHUS NGOR BDE CHEN RAB RGYAS PA RNAMS DANG, RDO RJE GDAN, CHUM LHA SDINGS PA BCAS KYI RI KHROD 'DZIN PA RNAMS DANG GZHAN YANG SER 'BRAS SOGS PHYOGS 'DUS DGE 'DUN RNAMS LA PHYAG CHEN YANG GSAL SGRON ME'I KHRID BSHAD RGYAS PA DANG SER SKYA MANG POR PHYAG DBANG STZAL, PHYI NYIN SGRUB SDE'I SKYED MOS TSAL GYI NGOGS RDZING BU'I NYE 'DABS SU PHEBS NAS SHIS BRJOD KYI ME TOG 'THOR BA MDZAD CING DKAR SPRO BTEG ,TSES BCO BRGYAD KYI NYIN 'DU KHANG DU BDE CHEN RAB RGYAS TSOGS PA DANG SPONG BA PA RNAMS LHAN CIG BKRA SHIS KYI GSO SBYONG MDZAD RJES RTEN DANG BRTEN PA RNAMS LA SHIS PA BRJOD PA'I ME TOG GTOR, PHYAG MDZOD CHEN MO DANG YONGS 'DZIN ZHAL SNGA NAS, BDE CHEN RAB RGYAS KYI GRVA PA BCU GNYIS BCAS DANG LHAN CIG TU MCHOD GTOR RGYA CHEN PO BSHAMS TE BDE MCHOG GI CHO GA DANG CHOS RGYAL, ZHAL BZHI PA, LCAM SRING RNAMS KYI BSKANG 'PHRIN MDZAD, PHYAG MDZOD DPAL LDAN DAR RGYAS LA 'BUL BA'I SLOG CHA STZAL CING SER SKYA MANG POR PHYAG DBANG GNANG, DE'I PHYI NYIN SER SBRENG DANG BCAS BDE CHEN RAB RGYAS SU ZHABS SOR BKOD, TSES NYER BDUN LA MDZO DGE BLA MA PA SHE BA TSOGS GSOG PA BLO BZANG DPAL LDAN NGO G-YOG, MDZO DGE'I 'GRUL SDE PA GTOS CHE BA BCAS 'BYOR PAR PHYAG DBANG JA GRAL BKA' 'DRI
, ,GNANG, BLA MA DANG MDZO DGE DPON KHAG MANG MA BCAS KYIS RTA NYIS BRGYA LHAG PHUL, 'BRONG RTZE'I YUM LHA BYIN SGROL MA, BSAM SDINGS SPRUL SKU'I MTSAMS ZHU 'BUL MI, PA NAM RDZONG DPON SOGS NAS DNGOS 'BUL DANG BCAS MJAL KHA ZHUS PAR JA GRAL DANG GNANG CHA'I BDOG PA STZAL, THOR GONG AEL CHI RNAMS KYIS ZHUS NGOR RGYAL DBANG MCHOG NAS ZHABS BRTAN BKA' RTZOM GYI THOG MA GNANG BAR DRUNG 'KHOR BLO BZANG NOR BU RDZONG STA MDZAD DE LEGS 'BUL BSTAR, RGYUD STOD PA SOGS GRVA PA BRGYA DANG NYI SHU RTZA DRUG BSNYEN RDZOGS DANG, NYI SHU DGE TSUL BSGRUBS, ZLA BA DGU PA'I TSES GSUM GZA' PHUR BU'I NYIN GNAS RNAMS LA MCHOD 'BUL DANG, ZANGS MDOG DPAL RI, GTER LUNG BDUN PA BCAS SU DAR CHEN 'DZUGS PAR BLA MA SKU SKYE SNGON DU RDZONG STA GNANG BA PHYIR 'KHOR LA BKA' 'DRI GNANG, TSES LNGA'I NYIN PE'I CING MI SNA MKHAN PO YE SHES MTHA' YAS NGO G-YOG GNANG RTEN 'CHAR 'PHAR RGYA CHE BA BCAS 'BYOR PAR GONG MA CHEN PO'I SKU'I MTSAMS ZHU MDZAD, GSER YIG GNANG RTEN RNAMS GUS PAS BZHES TE PHYAG DBANG JA GRAL BKA' 'DRI GNANG, TSES DGU'I NYIN MI SNA MKHAN POS DNGOS 'BUL DANG BCAS GZIMS CHUNG ZHABS BRTAN PHUL, TSES BCU GCIG LA MDZO DGE BLA MA NAS 'DUS TSOGS SU MANG 'GYED KYI BSNYEN BKUR ZHUS PA'I TSOGS DBUR SPYAN DRANGS TE ZHABS BRTAN DNGOS 'BUL BTEG ,DE'I PHYI NYIN HAL HA AER TE NI GUNG
MI 'GYUR RDO RJES TSOGS DBUR SPYAN DRANGS TE DNGOS 'BUL BSTAR, CHING SU CUG THU NO MON HAN GYI MI SNA AER TE NI CHOS RJE BLO BZANG DGE 'DUN DANG, GSOL DPON CHE CHEN THO YON BCAS NAS ZANG ZING GI BDOG PA RGYA CHE BA BSTABS PAR KHONG RNAMS LA DGA' LDAN LHA BRGYA MA'I KHRID YIG DNGOS GRUB KUN 'BYUNG GI LUNG GNANG, DOL PA RGYAN PO BZHI 'DZOM SDE DMANGS BCAS NAS RTA BZHI BCU SKOR GYI DNGOS 'BUL BCAS MJAL KHA ZHUS PAR PHYAG DBANG DANG GRUB RGYAL LUGS KYI TSE DBANG STZAL, DE NAS NYIN KHA SHAS KYI RING HAL HA DANG MDZO DGE SOGS NYIS BRGYA DANG BDUN DGE BSNYEN NAS DGE TSUL GYI BAR DANG, SER 'BRAS DANG KHAMS PA SOGS NYIS BRGYA NGA LNGA BSNYEN RDZOGS BSGRUBS, MDZO DGE BLA MA LA CHOS RGYAL PHYI NANG GSANG GSUM GYI RJES GNANG STZAL, TSES NYER GCIG NAS BZUNG RIM BZHIN HAL HA GUNG SOGS BYANG RIGS RNAMS DANG, MDZO DGE ,BDE CHEN RAB RGYAS TSOGS YONGS BCAS DRUG BRGYA BRGAL BAR DUS 'KHOR THUGS DKYIL SGRUB THABS DANG, GCOD GZHUNG THAR 'DOD DED DPON MA, DGA' LDAN LHA BRGYA MA, DMIGS BRTZE MA, 'JAM DPAL MTSAN BRJOD, MDO SDUD PA, SGROL MA, GDUGS DKAR, SMON LAM RNAM GSUM BCAS KYI LJAGS LUNG DANG JO BO RJE NAS BRGYUD PA'I 'PHAGS PA YI GE DRUG PA'I RJES GNANG, TSE RTA ZUNG 'BREL GYI DBANG, SOG RIGS AEL CHI RNAMS DANG BDE CHEN RAB RGYAS PA TSOGS YONGS LA DPAL RDO RJE 'JIGS BYED KYI DBANG CHEN, HAL HA BE
, ,LIG THU CHOS RJE DGE LEGS LHUN GRUB KYIS ZHUS NGOR CHOS RJE DANG GUNG BCAS LA BDE MCHOG DRIL BU LUS DKYIL GYI DBANG CHEN, GUNG MI 'GYUR RDO RJE NGO BOR 'JAM DPAL NAG PO, DBYANGS CAN MA DMAR MO, SGROL DKAR, SENG GDONG MA, KU RU KULLE, BEG TZE LCAM SRING RNAMS KYI RJES GNANG STZAL TE, LCAM SRING GI BE'U BUM NAS CHOS TSAN 'GA' ZHIG DANG, PHYAG RDOR 'KHOR CHEN GYI RTZA SNGAGS KYI LJAGS LUNG, CHING SU CUG THU'I MI SNA CHOS RJE DANG, GSOL DPON THO YON GNYIS LA 'JIGS BYED KYI BSKYED RDZOGS KYI LJAGS LUNG, MDA' DPON PAD TSAL BAR MJAL KHA'I THOG ZHUS NGOR BRUL GTOR DANG, CHAB GTOR GYI LJAGS LUNG, MGON PO PHYAG DRUG PA'I SGO NAS BKA' BSGO BCAS RIM CAN DU STZAL, TSES NYER LNGA'I NYIN HAL HA GUNG MI 'GYUR RDO RJES GTZOS BYANG RIGS AEL CHI KHAG LA SKU BRNYAN, BYIN RTEN, SPOS SNAM SOGS KYI GNANG CHA DANG SO SO'I 'BYOR LAN, GUNG LA MER GAN PE LIG THU DAR HAN GYI CHO LO DANG BKA' SHOG BCAS STZAL TO, ,MGON KHYOD GSANG GSUM MDZAD PAR RJES CHAGS PAS, ,RING PO'I YUL LA'ANG JI SNYAM MI SEMS PAR, ,DGA' BA'I DPAL GYIS 'KHYUD BZHIN 'ONGS PA NI, ,PADMA'I MTSO LA BUNG BA 'DU BA BZHIN, ,DAD PA'I NOR LDAN MCHOG DMAN LUS CAN RNAMS, ,RANG RANG KHAMS DANG MGO PA DANG 'TSAMS PAR, ,BSDU BA RNAM BZHI'I 'PHRIN LAS SGO PHYE NAS, ,CHOS SRID DGA' STON STZOL BAS TSIM PAR MDZAD, ,
ZLA BA BCU PA'I TSES GCIG LA 'DU KHANG DU DPAL RDO RJE 'JIGS BYED CHEN POR NAS NAG RJEN BTAGS KHAL BDUN DANG DPAL MGON ZHAL BZHI PAR KHAL BRGYA, YUM CHEN BZHIR RTZAM KHAL RE, CHOS SKYONG LCAM SRING LA KHAL BCU GNYIS RNAMS LAS GRUB PA'I GTOR MA CHE ZHING RGYAN BKOD KYIS SPA BA DANG, GO MTSON, RTA, KHYI, DOM SOGS SPYAN GZIGS TSAR DU DNGAR BA BSHAMS NAS TSOGS DBUR PHEBS TE GONG GSAL CHOS SRUNG RNAMS KYI BSKANG GSO MDZAD, SKABS 'DIR ^ 'JAM PA'I DBYANGS GONG MA BDAG PO CHEN PO NAS, GNAM 'OG SA STENG GI BSTAN 'GRO THAMS CAD KYI BDE THABS LA DGONGS, BSTAN PA LA LOG PAR 'KHU BA'I GDUG CAN 'GA' ZHIG LA DPUNG 'JUG GNANG BA'I RGYU MTSAN GYI GSER GYI BKA' AAM PAN BRGYUD PHEBS PA BZHIN, RJE BLA MA MCHOG NAS KYANG CHAB SRID CHEN PO'I LAS DON GYI ZHABS 'DEGS SU DMIGS GSHIN RJE GSHED KYI RTZA PA'I SNGAGS KYIS BCINGS PA'I GRONG KHYER DKRUG PA'I 'KHRUL 'KHOR DANG BCAS PAS RENGS PA SOGS DRAG PO'I LAS SBYOR GYI RIGS RNAM MANG, DE MTSUNGS BKRA SHIS LHUN PO DGON MA LAG DANG BCAS PA'I GRUB MTHA' RIS MED KYI DGE 'DUN MANG PO NAS SO SO'I 'DON RGYUN DANG BSTUN DAM CAN CHOS KYI RGYAL PO'I GTOR CHEN DRUG CU PA DANG, GDUGS DKAR ZLOG CHEN, SGROL MA GA YUL ZLOG ,LHA MO'I GTOR CHEN, PHA ROL GYI DPUNG GNON PA'I SBYIN SREG ,DE DAG GI RGYAB CHOS SU GDUGS
, ,SHER SENG GDONG MA'I ZLOG BA, BKA' BSTAN, GSER 'OD, DKON BRTZEGS, 'OD ZER CAN MA DANG RGYAL MTSAN RTZE MO'I DBUNG RGYAN, 'BUM SOGS ZHI DRAG GI RIM GRO RGYA CHEN SGO DU MA NAS BSGRUBS TE DE LUGS KYI BKA' LAN KYANG RTA ZAM GYI THOG NAS 'BUL BA MDZAD, TSES BDUN GYI NYIN SHANGS KHUL GYI SGRUB SDE RNAMS NAS BLA MA MCHOD PA'I CHO GA TSOGS 'KHOR DANG 'BREL BA'I SGO NAS ZHABS BRTAN PHUL, RI KHROD PA SOGS SER SKYA NYIS STONG BRGAL BAR TSE RTA ZUNG 'BREL GYI DBANG DANG, BLA MA MCHOD PA, GNAS BRTAN PHYAG MCHOD BCAS KYI LJAGS LUNG DANG, RI KHROD KYI SDE SO SOR MANG JA 'GYED BCAS RNAMS STZAL, TSES BCO LNGA'I NYIN BDE CHEN RAB RGYAS TSOGS PA DANG LHAN CIG GDAN SA CHEN PO BKRA SHIS LHUN PO'I MKHAN SLOB DGE 'DUN GYI SDE DANG BCAS PA RNAMS KYI GEGS SEL DU 'JIGS BYED KYI SGO NAS RGYAS PA'I SBYIN SREG DANG MJUG TU GTANG RAG BSKANG GSO BCAS GNANG, TSES BCO BRGYAD NAS BZUNG SGRUB SDE KHAG GI GNAS BLA MA DANG MDO 'DON PA SOGS KYIS ZHUS NGOR NYUNG BSDUS LA 'JIGS BYED KYI BSKYED RDZOGS KYI GZAB BSHAD KYI KHRID DANG, RJE RANG NYID KYI GSUNG THOR BU 'GA'I LJAGS LUNG, RDO RJE GDAN RI KHROD PA DANG, SER 'BRAS PA KHA SHAS LA DGA' LDAN LHA BRGYA MA DANG, BZANG SPYOD, MTHA' YAS MA SOGS KYI LUNG, DGA' CHOS GNYER RNYING ME RU RGYAB PAS ZHUS NGOR PHYAG RDOR GOS SNGON CAN GYI
RJES GNANG BCAS STZAL, SKU MDUN DAR HAN MKHAN PO CHOS MDZAD SKAL BZANG BSTAN 'DZIN RNAM RGYAL BKA' BLON GYI GO SAR PHEBS PA'I LEGS 'BUL MTSAMS ZHU 'BUL MI NANG SO GRO SKYID BCAS NGO G-YOG LA PHYAG DBANG JA GRAL THOG BKA' 'DRI DANG, DE RJES BKA' LAN GNANG CHA BCAS STZAL, RDO RING LCAM BDE LDAN SGROL MA GSHEGS PA'I BSNGO RTEN DANG BYANG ZHU RTEN SBAM MTHO 'BYOR BAR SBYANG CHOG BSDO SMON DANG BCAS DMIGS YUL DE NYID 'KHOR BA DANG NGAN SONG GI 'JIGS PA LAS GROL BA'I SKYABS 'JUG MDZAD, TSES NYER GSUM GYI NYIN LHA PHU SPOR TOG 'DUS SPYI NAS MAndAL, DNGOS 'BUL DANG BCAS ZHABS BRTAN PHUL BAR 'BUL SLOG MANG 'GYED DANG, GDUGS DKAR ZLOG CHEN GYI CHO GA'I LJAGS LUNG BCAS STZAL, TSES NYER LNGA'I NYIN 'KHOR LO BDE MCHOG DANG, 'JIGS BYED SO SOR RTZAM KHAL GSUM RE DANG, CHOS RGYAL DANG DPAL MGON ZHAL LA RTZAM KHAL RE LAS GRUB PA'I MCHOD GTOR RGYA CHE BA BSHAMS TE YONGS 'DZIN RJE ZHAL SNGA NAS DANG BDE CHEN RAB RGYAS PA DGE 'DUN NYI SHU DANG BCAS BDE MCHOG DANG 'JIGS BYED KYI CHO GA BSTAN SRUNG GI BSKANG GSO RGYAS PA BCAS MDZAD, GZHONG GZHONG LHA KHANG DU SNA LNGA'I BRGYA MCHOD THOG MKHAS GRUB KHYUNG PO RNAL 'BYOR GYI SKU BRNYAN RIN PO CHER GOS SER GYI SNAM SBYAR, SNYAN SHAL SOGS DANG, GZHAN YANG DER BZHUGS PA'I SPYAN RAS GZIGS, MKHA' 'GRO MA NE GU MA DANG, SU KHA SIDDHI, BLA MA RMOG LCOG
, ,PA'I SKU BRNYAN BCAS LA SNYAN SHAL DANG PHYAG DRUG YID BZHIN MGON PO'I SNANG BRNYAN LA SNYAN SHAL DANG, SPYAN GZIGS BCAS PHUL ZHING SGRUB SDER MANG 'GYED KYANG STZAL, MDO SMAD TSA KHO BA SOGS DRUG CU RE GSUM BSNYEN RDZOGS DANG, NYI SHU DGE TSUL BSGRUBS, ZLA BA BCU GCIG PA'I TSES GNYIS LA RI GDONG ZHABS DRUNG MJAL KHAR BYUNG STE DGYES PA'I GSUNG GLENG MDZAD, AA MDO BA SOGS SER SKYA BRGYA PHRAG BRGAL BAR PHYAG DBANG DANG ZHUS NGOR YI GE DRUG PA'I LJAGS LUNG GNANG NAS BKA' PHEBS BZHIN, NYIN RER YIG DRUG SUM BRGYA RE MA CHAG PA 'DREN PA'I DAM BCA' PHUL, TSES GSUM LA DPAL RDO RJE 'JIGS BYED KYI BDAG BSKYED SNGON 'GRO'I CHOS SKYONG YONGS RDZOGS LA GTANG RAG BSKANG GSO MDZAD, TSES DRUG LA RTA THOG GZHIS GNYER DGE SLONG BSTAN 'DZIN GYI SHUL MI RNAMS NAS 'DUS SDE'I TSOGS DBUR SPYAN DRANGS TE ZHABS BRTAN PHUL; TSES BCO BRGYAD KYI NYIN YI DAM LA RTZAM KHAL BDUN DANG DPAL LDAN 'DOD BA KHAMS KYI DBANG PHYUG MAR RTZAM KHAL SUM CU LAS GRUB PA'I MCHOD GTOR, GO MTSON, DRE'U DANG, ZHOL PHO MO SOGS SPYAN GZIGS BCAS 'DUS SDE DANG LHAN CIG DMAG ZOR RGYAL MOR GZAB GSOL GNANG, DE'I PHYI NYIN LHA MOR RTEN 'BUL DANG GSHEGS GTOR PHUL TE GLO BUR LAS SBYOR GYI ZOR LAS MDZAD, LCAGS LA'I MI SNA DANG SGRIL MA SPRUL SKU,
DAR SDINGS MA TSANG DANG, SKYID GSHONGS KYI ZHABS DRUNG RNAMS LA MJAL KHA'I THOG BKA' 'DRI PHEBS, GZHAN MA SER 'BRAS PA DANG AA MDO BA SOGS SER SKYA MANG POR PHYAG DBANG GNANG, SGRIL MA SPRUL SKU SOGS LNGA BCU PA DGU BSNYEN RDZOGS DANG, BCU DGE TSUL BSGRUBS, TSES NYER DRUG LA RTZAM KHAL DRUG LAS GRUB PA'I GTOR MA DANG MCHOD TSOGS BCAS ZHAL BZHI BAR BSKANG GSO MDZAD, TSES GNAM GANG NYIN MTSO SNGON JA SAG BKRA SHIS RAB BRTAN GYI BLA MA DGE RTZE SKU SKYE DANG, STONG 'KHOR ZHABS DRUNG GI MI SNA CHE CHEN DPON PO, PHYAG RDOR PE'I SI'I MI SNA DAR HAN DGE SLONG SOGS BYANG RIGS PA PHYED NYIS BRGYA SKOR 'BYOR PAR PHYAG DBANG JA GRAL BKA' 'DRI GNANG, ZLA BA BCU GNYIS PA'I TSES GNYIS LA MTSO SNGON MI SNA KHAG NAS GZIMS CHUNG ZHABS BRTAN PHUL BAR TSE DBANG DANG, SGROL MA, GDUGS SHER, BZANG SPYOD, GSER ZHUN MA, 'DOD MOS KYIS ZHUS PA'I BKA' RTZOM KHA SHAS KYI LUNG BCAS STZAL, DPON KHAG SO SOR 'BYOR LAN DANG MI SNA RNAMS LA THON PHYAG GNANG, TSES BZHI LA ZHVA DMAR SPRUL PA'I SKU MJAL PHYAG TU PHEBS PAR RNAM GLING LCAGS KHAR THAB 'DZIN DANG MGRON DRUNG LNGA TZAM GYIS PHEBS BSU BCAS MJAL 'DZOM THOG DGYES PA'I GSUNG GLENG MANG DU GNANG, STON MO DANG ZUR GSOS SOGS BKUR GZOS CHE BA MDZAD, TSES BDUN NYIN RGYAL DBANG MCHOG GI RMO DRUNG DPON G-YOG MJAL KHAR PHEBS PAR PHYAG DBANG DANG?
, ,JA GRAL THOG BKA' 'DRI PHEBS, DE RJES RMO DRUNG SGROL MA SKYID NAS GZIMS CHUNG ZHABS BRTAN PHUL BAR TSE DBANG DANG THON PHYAG STZAL, TSES NYER GNYIS LA GZIMS CHUNG SHAR DU GTOR MA BYIN RLABS SKABS MGON KHANG BA RNAMS KYI TSOGS DBUR PHEBS, TSES NYER GSUM NAS BZUNG DGA' LDAN BDE CHEN RAB RGYAS GLING TSOGS YONGS NAS CHOS SKYONG DREGS PA LCAM SRING LA BRTEN PA'I LO MJUG DUS GTOR GYI GTOR SGRUB DANG SGROL CHOG TSUGS BAR NYIN LTAR MANG JA 'BRAS 'JAM GDAN GUNG GI STON MO'I BSNYEN BKUR BZANG PO BCAS GNANG, TSES NYER BRGYAD DANG NYER DGU GNYIS LA TSOGS DBUR PHEBS NAS SGROL CHOG SKABS BSTAN 'GROR SMAN PA'I SPYAN DMIGS MDZAD, DUS GTOR NYIN DGA' LDAN BDE CHEN RAB RGYAS GLING BA RNAMS KYIS 'CHAMS GZIGS PHUL BAR GZIGS RTOG GNANG, ZOR BKRA SOGS LEGS PA BYUNG, GRVA TSANG CHOS RJE'I SKU SKYE YE SHES TSUL KHRIMS NAS BSDUS TSAN DANG THAL 'PHRENG LE'U GNYIS PA, DPE THUB PA BLO BZANG DAR RGYAS KYIS RNAM 'GREL GYI THAL PHRENG, STAG MO BA DKA' CHEN BLO BZANG BSTAN 'DZIN GYIS PHAR PHYIN SKABS BZHI PA DANG DBU MA'I THAL 'PHRENG, DBEN DGON PA BLO BZANG DGE 'DUN, DAM CHOS DPAL 'BYOR, DPAL LDAN RGYAL MTSAN, BLO BZANG BKRA SHIS, DPAL LDAN DON GRUB, BSTAN 'DZIN KUN MKHYEN BCAS KYIS BDE MCHOG RTZA RGYUD, SANGS RGYAS YAR
'PHEL GYIS BYANG CHUB LAM GYI SGRON MA DANG LAM KHRID MYUR LAM, SKU SKYE YE SHES CHOS GRAGS KYIS LAM KHRID BDE LAM, GSANG 'DUS DANG 'JIGS BYED KYI BSKYED RDZOGS, DGA' LDAN CHOS 'KHOR BA BLO GROS RGYAL MTSAN GYIS PHAR PHYIN BLO BZANG DGONGS RGYAN, BSTAN PA DAR RGYAS KYIS DBU MA RTZA SHE'I 'GREL PA DANG MNGON RTOGS RGYAN, DBU MA 'JUG PA, MDZOD RTZA, 'DUL BA RGYA MTSE'I SNYING PO, BLO BZANG RAB 'BYOR GYIS DBU MA'I t'IKKA THEG CHEN RGYA MTSOR 'JUG PA'I GRU GZINGS, DBU MA YANG GSAL SGRON ME BCAS KYI RGYUGS PHUL BAR BSTAN RGYUN LA PHAN CHED GNANG CHA BZANG PO YID MGU BA STZAL, ` RGYAL BA ZHES PA SHING PHO RTA'I LO ZLA BA DANG PO'I TSES GSUM GYI NYIN GZIMS CHUNG 'CHI MED GRUB PA'I PHO BRANG DU MCHOD GTOR RGYA CHEN PO BSHAMS TE CHOG ROGS PA DANG BCAS YI DAM GYI CHO GA DANG, CHOS RGYAL, ZHAL BZHI PA, LCAM SRING RNAMS KYI BSKANG GSO MDZAD, LHA PHU DPAL LHO DGON 'DUS SPYI NAS DNGOS 'BUL DANG BCAS ZHABS BRTAN PHUL, GSER ZHUN MA'I LUNG GNANG ZHING SLOG CHA MANG 'GYED BCAS STZAL, DGA' LDAN CHOS 'KHOR BA CHUM PA MI TSAN DANG, DGA' LDAN CHOS 'KHOR BLA SPYI BCAS SO SO NAS DKAR SPRO BTEG ,BSTAN PA'I GSAL BYED ZHVA DMAR SPRUL PA'I SKU RIN PO CHE NAS RGYU YON SBYAR TE GZIMS CHUNG DU MGON KHANG PA RNAMS DANG LHAN CIG MAndAL PHUL TE DNGOS 'BUL DANG BCAS ZHABS BRTAN GSOL 'DEBS
, ,ZHUS; TSOGS DBUR RJE NYID NAS SPYI'I BSNGO BA DANG BDE MCHOG SMON LAM SHIS BRJOD BCAS MDZAD, TSES BCO LNGA'I NYIN BDE CHEN RAB RGYAS SU NYIN GANG GI ZHABS TOG DANG 'GYED BCAS STZAL CING, TSOGS DBUR PHEBS NAS BDE MCHOG GI CHO GA YONGS RDZOGS BDAG 'JUG DANG BCAS PA GNANG, THUB CHEN GYI SKU MDUN DU BRGYA MCHOD SNA LNGA'I THOG BKRA SHIS RDZAS BRGYAD DANG RGYAL SRID SNA BDUN RNAMS RJE NYID KYI PHYAG BDAR TE 'BUL BA MDZAD, RDO BCAL DU RTZAM KHAL SUM CU LAS GRUB PA'I LHA BSHOS CHEN PO GCIG ,RTZAM KHAL RE RE LAS GRUB PA'I LHA BSHOS BZHI BCAS MAR RGYAN GYIS MDZES PA BSHAMS, GLING GI MTHA' SKOR DU'ANG ME TOG SOGS KYI MCHOD PA'I TSOGS TSAR DU DNGAR NAS BYIN GYIS BRLABS TE TSOGS YONGS NAS NA BZA' GZAB MCHOR GYIS MCHOD RDZAS SNA TSOGS THOGS PA'I SER SPRENG GI MCHOD SKOR LAN GSUM MDZAD RJES ROL CHEN BKRA SHIS DGU BRTZEGS DANG BCAS SRAS BCAS RGYAL BA'I TSOGS LA MNGON PAR MCHOD CING BSTAN PA DANG SEMS CAN GYI BDE SKYID DBYAR MTSO LTAR 'PHEL BA'I THUGS SMON MDZAD, AOR TU SU T'A PE'I SI BKRA SHIS TSE RING, SRAS THE'I JI MGON PO RDO RJE DANG, DUR BED WANG GI MI SNA SMAN RAM PA DGE SLONG NGAG DBANG TSUL KHRIMS SOGS BYANG RIGS MI SNA KHAG DANG GNAS MJAL BA BCAS BRGYA PHRAG BRGAL BA 'BYOR BAR MJAL KHA GNAD, TSES BCU LA THE'I JI MGON POS DNGOS 'BUL DANG BCAS
ZHABS BRTAN PHUL ZHING DUR BDE SMAN RAM PAS KYANG ZHABS BRTAN PHUL, SOG RIGS DANG SER 'BRAS DGE GSUM, DGA' LDAN CHOS 'KHOR BCAS KYI GRVA BA BZHI BCU ZHE BZHI DGE TSUL DANG, BRGYA DANG BRGYAD CU BSNYEN RDZOGS, DGE TSUL MA GNYIS DANG DGE BSNYEN LNGA BCAS BSGRUBS, BYANG RIGS MI SNA RNAMS LA SO SO'I 'DOD PA LTAR GYI BKA' CHOS STZAL TE SBYIN BDAG SO SO'I 'BYOR LAN DANG MI SNA RNAMS LA THON PHYAG KYANG GNANG, ZHAM RING BA DRUNG 'KHOR SPYI DANG, MNGA' ZHABS LHA SDE MI SDE SPYI NAS 'DUS SDER MANG 'GYED KYI BSNYEN BKUR BZANG PO DANG BCAS RJE BLA MA MCHOG TSOGS DBUR SPYAN DRANGS TE DNGUL GYI MAndAL SKU GSUNG THUGS RTEN, NA BZA' NYER SPYAD, GSER DNGUL GOS DAR DANG JA SOGS DNGOS 'BUL RGYA CHER BSTAR NAS RJE BLA MA NYID 'DI LO DGUNG LO SO BDUN GYI SKEG THOG TU PHEBS PAR SKU GEGS KYI MTSAN MA'I TSUL BZHES CUNG ZAD KYANG MED PAR ZHABS ZUNG RTAG BRTAN RDO RJE'I RANG BZHIN DU BRTAN PA'I GSOL 'DEBS ZHUS SHING TSANG MAR PHYAG DBANG GNANG, BDE CHEN RAB RGYAS PA DGE SLONG BZHI LA PHYAG RDOR 'BYUNG BO 'DUL BYED DANG, TSOGS BDAG DMAR CHEN GNYIS KYI SGRUB THABS KYI LUNG STZAL, BSAM SDINGS SPRUL BA'I SKU NAS ZHABS BRTAN LEGS 'BUL GYI CHED DU MNGAGS PA'I MGRON GNYER NGO G-YOG LA MJAL KHA JA GRAL BKA' 'DRI BCAS GNANG, MDO KHAMS BSTAN PA'I SGRON ME CHAB MDO 'PHAGS PA LHA 'JIGS MED YE SHES DPAL LDAN BSTAN
, ,PA'I MGON PO NYID BSNYEN RDZOGS KYI SDOM PA DANG ZAB CHOS DU MA ZHU BA'I CHED BYON PAR RTA THAB KYI BSU BA DANG BCAS TSES BCU DRUG GI NYIN 'BYOR PAR PHYAG DBANG JA GRAL GYI THOG DGYES PA'I BKA' MCHID MDZAD, TSES BCU DGU LA RJE BLA MA MCHOG NAS MKHAN SLOB ZUNG 'BREL MDZAD DE, GSANG STON, DUS GO BA DANG BCAS DAD PA'I DGE 'DUN GRANGS TSANG BA'I DBUS SU 'PHAGS PA LHA SPRUL PA'I SKU RIN PO CHER BSNYEN RDZOGS KYI SDOM PA STZAL TE THUGS KYI SHING RTA SPONG BDUN NOR BU'I GAN MDZOD KYIS GTAMS PAR MDZAD NAS NANG MDZOD KHA BTAGS, BSTAN PA'I BDAG PO'I SNANG BRNYAN, SNAM SBYAR GTUR BU DANG BCAS PA RNAMS STZAL TE, BSTAN 'GRO'I DON RGYA TSAN PO MDZAD DGOS PA'I ZHAL TA PHEBS, SPRUL PA'I SKU NAS KYANG BKA' DRIN BSAB CHED DU ZANG ZING GI BDOG PA GTOS CHE BA BTEG ,RGYAL DBANG MCHOG NAS MTSAMS ZHU 'BUL BAR BKAS MNGAGS PA'I GNYER BA BTZAN RGOD NGO G-YOG LA MJAL KHA JA GRAL BCAS GNANG ZHING, ZHU LAN RTEN SPRAGS DANG BCAS THON CHAS BSTAR, 'PHAGS PA LHA SPRUL PA'I SKU'I YONGS 'DZIN BLA CHEN 'PHAGS PA BSAM GTAN NAS SGER MJAL ZHUS PAR JA GRAL THOG GANG CI'I BKA' MCHID STZAL, 'PHAGS PA LHA SPRUL PA'I SKU RIN PO CHE NAS ZHUS NGOR SPRUL PA'I SKU DPON G-YOG SUM CU SKOR DANG, SER 'BRAS PA, DGA' LDAN RDO RJE GDAN PA, BDE CHEN RAB RGYAS GLING GI LAS SNE SOGS DGE
'DUN BRGYA PHRAG BRGAL BAR BYANG CHUB BDE LAM GYI STENG NAS LAM RIM GYI DMAR KHRID STZAL CING MJUG TU SEMS BSKYED CHO GA'ANG MDZAD, TSES NYER BZHI'I NYIN 'PHAGS PA LHA NAS 'DUS SDER MANG 'GYED KYI BSNYEN BKUR DANG BCAS RJE BLA MA MCHOG TSOGS DBUR SPYAN DRANGS TE DNGOS 'BUL SBAM MTHO BA DANG BCAS ZHABS BRTAN PHUL BAR JA GRAL GYI THOG GSUNG GLENG DMAR BA GNANG, DE NAS SPRUL PA'I SKU DPON G-YOG RAGS BSDUS LA DPAL RDO RJE 'JIGS BYED KYI RIM PA GNYIS KYI DMAR KHRID STZAL, SPRUL PA'I SKU SGER DU RIM GNYIS KYI MAN NGAG ZHAL SHES 'GA' ZHIG GZIMS SPUGS SU GNANG, DE NAS 'DU KHANG DU SPRUL BA'I SKU NGO G-YOG DANG BDE CHEN RAB RGYAS TSOGS YONGS, ZHAM RING BA BCAS KHYON SUM BRGYA BRGAL BAR GDUGS DKAR LHA SO BDUN MA'I DBANG MTHA' BRTEN DANG BCAS PA, TSE DPAG MED 'CHI MED RNGA SGRA'I DBANG, THUGS RJE CHEN PO BCU GCIG ZHAL GYI DBANG RNAMS RIM BZHIN STZAL, SPRUL PA'I SKU DPON G-YOG LA BYANG CHUB LAM SGRON DANG, BYANG CHUB BDE LAM, 'DUL BA'I LAS CHOG ,STOBS BZHI'I BSHAGS BSDAM BYA TSUL, KLU DBANG RGYAL PO'I SGRUB THABS DANG, DMIGS BRTZE MA'I LAS TSOGS, BSLAB BYA NYER MKHO SOGS CHOS TSAN DU MA'I LUNG DANG, SPRUL BA'I SKU RIN PO CHER GRUB RGYAL LUGS KYI TSE DBANG BRGYA RTZA STZAL CING HAL HA'I MI SNA SOGS LA'ANG TSE DBANG GNANG, DE'I RJES SU SPRUL PA'I SKU LA DPAL MGON ZHAL BZHI
, ,PA'I RJES GNANG BCAS ZAB CHOS MTHA' YAS PA STZAL TE SKAL LDAN RNAMS KYI RE BSKONG BAR MDZAD DO, ,'DI NA SKOM PAS GDUNG LA CHU DANG BKRES PAS NYEN LA G-YOS LEGS ZAS, ,CHAGS PAS GZIR LA BUD MED LANG TSO TSA BAS GDUNG LA GRIB BSIL BZHIN, ,YID 'ONG THAR BA'I GLING DU 'JUG PA'I SKAL BZANG 'JIG RTEN 'DI DAG LA, ,DAM CHOS RIN CHEN GRU RDZINGS LAS GZHAN NGO MTSAR DGA' STON YOD MA YIN, ,GONG GSAL ZAB CHOS LE TSAN SO SO GRUB MTSAMS SU SPRUL PA'I SKU NAS GTANG RAG GI YON KYANG GZABS, PHEBS RDZONGS SU SKU BRNYAN, SPOS SNAM, DNGUL DANG GOS DAR SOGS SLOG CHA SBAM MTHO BA STZAL, DE MTSUNGS YONGS 'DZIN SOGS ZHAM RING BA RNAMS LA GO BABS DANG BSTUN PA'I GNANG SKYES KYIS TSIM PAR MDZAD, HAL HA MANYDZU SHR'I MJAL DU BYON PAR JA GRAL GYI THOG BKA' 'DRI GNANG, SPRUL BA'I SKU NYID NAS 'DUS SDER MANG 'GYED KYI BSNYEN BKUR BZANG PO DANG BCAS TSOGS DBUR SPYAN DRANGS TE DNGOS 'BUL SBAM MTHO BA BTEG ,SPRUL PA'I SKU DPON G-YOG KHA SHAS DGE TSUL BSGRUBS, 'DI SKABS PHUN TSOGS GLING NAS SHAR RTZE ZHAL SNGA NAS YON TAN RGYAL MTSAN MJAL ZHUS BYON PAR JA GRAL GYI THOG BKA' 'DRI GNANG, DE'I PHYI NYIN SPRUL SKU NGO G-YOG DANG SER 'BRAS PA SOGS SUM CU SO DGU BSNYEN RDZOGS BSGRUBS, SPRUL BA'I SKUS ZHUS NGOR KHONG NGO G-YOG DANG SER 'BRAS PA, RDO RJE GDAN PA SOGS
SUM CU SKOR LA PHYAG RDOR 'KHOR CHEN DANG RDO RJE PHAG MO, PHYAG RDOR GOS SNGON CAN, RNAM SRAS GSER CAN DANG MDUNG DMAR CAN, RTA SNGON CAN, LJANG KHU BE CON CAN BCAS RNAM SRAS RIGS BZHI, 'JAM DBYANGS SMRA SENG BCAS KYI RJES GNANG, 'OD DPAG MED LA BRTEN PA'I 'PHO KHRID, SPRUL BA'I SKU DANG SER 'BRAS PA SOGS DGE 'DUN BRGYA PHRAG BRGAL BAR LAM RIM CHUNG BA'I BSHAD LUNG RNAMS STZAL, SPRUL SKU SKU RKYANG LA LCAGS MKHAR GTOR CHEN GYI CHO GA'I LUNG GNANG, PHUR BU LCOG SPRUL BA'I SKU RIN PO CHE MJAL BAR BYON PAR PHYAG DBANG JA GRAL BKA' 'DRI GNANG, SPRUL BA'I SKU NYID NAS ZHUS NGOR KHONG NGO G-YOG DANG, MANYDZU SHR'I'I SPRUL SKU DPON GA-YOG, SER 'BRAS KYI DGE 'DUN BCAS KHYON BDUN CU SKOR LA RTA MGRIN GSANG SGRUB DANG, KHYUNG NAG ME'I SPU GRI, 'JAM DBYANGS DKAR PO, DBYANGS CAN MA DKAR MO BCAS KYI RJES GNANG DANG, YANG SPRUL BA'I SKU RIN PO CHE DANG SHAR RTZE ZHAL SNGA NAS BCAS LA MYUR MDZAD YE SHES KYI MGON PO PHYAG DRUG PA DANG, GSHIN RJE CHOS KYI RGYAL PO GSANG SGRUB KYI RJES GNANG STZAL, YANG SPRUL BA'I SKU RIN PO CHES 'DUS SDER MANG 'GYED KYI BSNYEN BKUR DANG BCAS RJE BLA MA MCHOG TSOGS DBUR SPYAN DRANGS TE MAndAL, SKU GSUNG THUGS RTEN, SKU'I NYER SPYAD CHA TSANG, DNGUL RTA RMIG MA DANG tAM KHA'I RDO TSAD, SPOS SHEL GYI SHAL PA, GOS YUG TSOS KHA SNA TSOGS KYI DNGOS 'BUL SBAM MTHO BCAS SPRUL PA'I SKU NAS MAndAL PHYAG TU
, ,THOGS TE RJE BLA MA MCHOG GI SKU CHE BA'I YON TAN LAS BRTZAMS PA'I GSUNG BSHAD RMAD DU BYUNG BA SNGON DU BTANG STE ZHABS BRTAN GSOL 'DEBS ZHUS PAR THUGS DGYES PA CHEN POS ZHAL BZHES DANG, SPRUL BA'I SKUR SGER DU SENG GDONG MA DANG; GTUM PO'I RJES GNANG, GRUB RGYAL LUGS KYI TSE DBANG BCAS GNANG, PHEBS KAR DNGOS SKYES SBAM MTHO BA'I GNANG CHA GZABS, PHYAG MDZOD RAB 'BYAMS PA BLO BZANG DAR RGYAS SOGS LA'ANG BABS BSTUN GYI GNANG SKYES DANG, MANYDZU SHR'I SPRUL PA'I SKU SOGS LA THON PHYAG GI DNGOS PO PHON CHE BA STZAL, SNGA PHYIR THE BO SKU SKYE SOGS SER 'BRAS DGE GSUM, KHAMS SOG ,NYE SKOR GYI DGON KHAG RNAMS KYI GRVA PA SUM BRGYA DANG SO DRUG BSNYEN RDZOGS DANG, SO DGU DGE TSUL, GCIG DGE BSNYEN BCAS BSGRUBS, RGYUD STOD SMAD KYI DGE 'DUN SUM CU SKOR LA GSANG BA 'DUS PA'I RTZA RGYUD KYI LUNG, DGA' LDAN PHUN TSOGS GLING BA 'GA' ZHIG LA 'JAM DBYANGS LA BRTEN PA'I BLA MA'I RNAL 'BYOR GYI KHRID, SER 'BRAS PA SOGS GRVA RIGS KHA SHAS LA YAN LAG BDUN PA DANG DGA' LDAN LHA BRGYA MA'I KHRID BCAS RIM BZHIN STZAL, RJE BLA MA MCHOG DGUNG GRANGS SO BDUN GYI SKEG THOG PHEBS PAR SKU GEGS KYI TSUL BZHES MI 'BYUNG CHED RGYAL DBANG THAMS CAD MKHYEN PA CHEN PO NAS ZHABS BRTAN 'BUL BAR BKAS MNGAGS PA SKU'I PHU BO BSOD NAMS BKRA SHIS DANG SKU BCAR BLO BZANG DGE 'DUN GNYIS RIM 'BYOR LA MJAL KHA JA GRAL THOG RGYAL DBANG MCHOG GI SKU'I MTSAMS ZHU SOGS GANG CI'I BKA' 'DRI
GNANG, ZLA BA GSUM PA'I TSES BCU GSUM GYI NYIN GZHUNG SA NAS RGYU YON SBYAR TE SKU'I PHU BO MCHOG DANG SKU BCAR GNYIS NAS BDE CHEN RAB RGYAS KYI TSOGS DBUR SPYAN DRANGS TE LHA MO'I BSKANG GSO MDZAD THOG MAndAL, SKU GSUNG THUGS RTEN, NA BZA' NYER SPYAD, GSER SRANG LNGA, DNGUL BRE CHEN NYI SHU RTZA LNGA, JA 'KHOR DRUG SOGS DNGOS 'BUL SBAM MTHO BA DANG BCAS SKU'I PHU BO BSOD NAMS BKRA SHIS NAS ZHABS BRTAN GSOL 'DEBS ZHUS, NO MON HAN DE MO SPRUL BA'I SKU DANG BKA' BLON LHAN RGYAS, SKU BCAR BLO BZANG DGE 'DUN SO SO NAS DNGOS 'BUL SBAM MTHO BA BTEG ,TSES BCU BDUN LA RGYAL YUM PHUN TSOGS DBANG MO DANG PHU BO BSOD NAMS BKRA SHIS SOGS YUM SRAS THUN MONG NAS RGYU YON SBYAR TE 'DUS SDE'I TSOGS DBUR SPYAN DRANGS NAS ZANG ZING GI BDOG PA PHON CHE BA DANG BCAS ZHABS BRTAN GSOL 'DEBS ZHUS, SKU BCAR BLO BZANG DGE 'DUN SNGON LA 'BYON RGYUR RGYAL DBANG THAMS CAD MKHYEN PA CHEN POR ZHABS BRTAN RTEN 'BYUNG GI 'BYOR LAN 'BUL SLOG BCAS DANG, MTSAMS ZHU'I ZHU YIG RTEN SBRAGS, KHA BTAGS BCAS BSTAR TE ^ RGYAL DBANG MCHOG NAS KHO BO CAG LA RING 'TSO'I RTEN 'BREL SGRIG PAR MDZAD PA NI BKA' DRIN CHE ZHING RGYAL DBANG MCHOG KYANG ZHABS PAD BRTAN CING THUGS GNYER LA BRTZON PA GANG DRAG GNANG DGOS PA'I ZHAL TA BCAS DANG, SKU BCAR NYID LA'ANG GNANG SKYES GYA NOM PA DANG 'BUL BA'I SLOG GNANG, PHU BO BSOD NAMS BKRA SHIS LA TSE DBANG DANG GNANG SKYES GTOS CHE BA, ZHABS BRTAN GYI SLOG BCAS DANG, RAM SDINGS MANG 'DUS SPYI NAS
, ,KYANG DNGOS 'BUL DANG BCAS ZHABS BRTAN GSOL 'DEBS ZHUS PAR 'BUL BA'I SLOG DANG MANG 'GYED KYANG STZAL, HAL HA RJE BTZUN DAM PA GZUGS SKU CHOS DBYINGS SU THIM PA'I DGONGS PA YONGS SU RDZOGS CHED MGYOGS BSNGO ZHU RTEN 'BUL BA DANG YANG SRID SKOR LA THUGS DAM BRTAG PA ZHU CHED GSOL DPON NGO G-YOG BRGYAD DANG SNE SHAN DPON CHUNG GCIG BCAS 'BYOR PAR PHYAG DBANG JA GRAL GNANG, MI SNAS DNGOS 'BUL BSTAR TE SPRUL SKU MYUR 'BYON GYI GSOL 'DEBS DANG YANG SRID DON SKOR GYI ZHU YIG PHUL TE MI SNA SO SOS SGER 'BUL BSTABS, HAL HA MGRON GNYER MGON PO RDO RJE DANG, GSOL DPON SO SO NAS KYANG DNGOS 'BUL DANG BCAS ZHABS BRTAN GSOL 'DEBS ZHUS PAR RNAM 'JOMS DANG SGROL DKAR GYI RJES GNANG STZAL, MI SNA RNAMS LA THUGS DAM GSUNG BRTAG GI LAN DANG, 'BUL SLOG THON PHYAG BCAS GNANG, NYUG CHOS 'KHOR GLING 'DUS SPYI DANG DGA' LDAN CHOS 'KHOR GLING 'DUS SPYI BCAS SO SO NAS DNGOS 'BUL DANG BCAS ZHABS BRTAN GSOL 'DEBS ZHUS PAR SNGA MA LA LAM RIM BSDUS DON DANG, PHYI MA LA TSE SGRUB 'CHI MED BDUD RTZI'I CHU RGYUN GYI LUNG; GNYIS KA LA'ANG SO SOR MANG 'GYED 'BUL SLOG SBYOR 'JAGS BCAS STZAL, PHYAG MDZOD CHEN MO SKU NA PHRA MO'I SKABS KYI ZHAM RING BA PHYAG MDZOD DPAL LDAN DAR RGYAS BRO 'TSAL BAR SMAN DPYAD RIM GRO GANG GIS KYANG BZLOG
TU MED PAR DUS KYI CHOS NYID DU GYUR PAR, PHYAG MDZOD NAS THUGS NGAL MDZAD PAR THUGS GSO BA'I ZHAL TA PHEBS, DE'I PHYI NYIN BDE CHEN RAB RGYAS GLING BLA BRANG NAS RGYU YON SBYAR TE 'DUS SDE'I TSOGS DBUR SPYAN DRANGS NAS, PHYAG MDZOD DPAL LDAN DAR RGYAS DE NYID KYI CHED DU ZANG ZING GI BDOG PA GTOS CHE BA PHUL BA BDAG GIR BZHES TE BDE 'GRO'I RTEN KHYAD PAR CAN THOB PA'I THUGS DMIGS MDZAD, DE NAS NYIN KHA SHAS KYI BAR SNGON BZHIN MCHOD GTOR RGYA CHEN PO BSHAMS TE CHOG ROGS PA DANG BCAS BSTAN SRUNG RNAMS KYI BSKANG GSO GNANG, ZLA BA BZHI PA'I TSES BCU DRUG GI NYIN MCHOD GTOR RGYA CHEN PO DANG, SO SO'I PHYAG MTSAN DNGUL LAS GRUB PA GSAR BSKRUN RNAMS BSTAR NAS CHOS SRUNG RNAMS KYI BSKANG GSO DANG 'PHRIN BCOL GNAD SMIN MDZAD, ZHVA DMAR SPRUL BA'I SKU SKU 'PHRENG BCU PA SKAL BZANG DGE LEGS THEG MCHOG 'JIGS MED CHOS KYI DBANG PHYUG NAS ZHUS NGOR DPON G-YOG BRGYAD CU SKOR LA GRUB RGYAL LUGS KYI TSE DBANG STZAL, DE NAS YANG SNGAR BZHIN BSKANG GSO MDZAD, PE'I CING MI SNA MKHAN PO RAB 'BYAMS PA BLO BZANG KUN DGA' DANG HAL HA BDE MCHOG YEL TING WANG GI BLA MA RGYAL CHEN RTZE BA DKA' CHEN BLO BZANG CHOS 'PHEL, CHOS RJE 'BRUG PA'I MTSAMS ZHU BA 'GAG PA SOGS NAS ZHUS NGOR SER SKYA BRGYA PHRAG BRGAL BAR GRUB RGYAL LUGS KYI TSE DBANG STZAL, MI SNA MKHAN PO SOGS GONG GSAL RNAMS LA THON PHYAG GNANG, RTA
, ,NAG 'GOS LO'I SGRUB GNAS ZHAL GZIGS KYI RI KHROD PA 'GA' ZHIG GIS ZHUS NGOR SGRA MI SNYAN GYI TSE SGRUB KYI LUNG GNANG, ZLA BA LNGA PA'I TSES BCO LNGA'I NYIN CHOS GRVAR ZHABS ZUNG BKOD DE SO THAR GYI MDO GSUNGS, DE NAS LAM RIM CHEN MO DANG BSKYED RDZOGS KYI 'DZIN CHOS STZAL, TSOGS YONGS NAS RIGS LUNG MDZAD RJES DKA' BCU BSTAN 'DZIN CHOS 'PHEL NAS DAM BCA' BZHAG ,DGE BSHES GZHAN MA DRUG NAS BGRO GLENG MDZAD PAR GZENGS BSTOD KYANG GNANG, PHYAG MDZOD CHEN MO NAS THUGS KHUR BZHES TE BDE CHEN RAB RGYAS GLING GI RTEN DANG BRTEN PAR BCAS PA GSAR BZHENGS LEGS PAR GRUB PA'I ZHAL BSROR, TSES NYER GNYIS LA BDE CHEN RAB RGYAS BLA BRANG NAS STON CHEN PA TEG CING KHYAD PAR 'DUS SDE'I TSOGS DBUR ZHABS ZUNG BKOD DE, DPAL RDO RJE 'JIGS BYED KYI SBO NAS GTZUG LAG KHANG GSAR BSKRUN RTEN DANG BRTEN PAR BCAS PA LA RAB TU GNAS PA RGYAS PAR MDZAD, GTANG RAG GI YON BZANG PO BSTAR TE ZHABS BRTAN GSOL 'DEBS ZHUS, RJE BLA MA MCHOG NAS KYANG 'DU KHANG DANG GTZANG KHANG GI THOG YONGS SU KHEBS PA'I GNAM RGYAN, SENG G-YAB TAL BRGYUGS DANG 'DU KHANG GI MTHONGS KHOR YUG KHYAB PA'I THANG SKOR BZANG GOS 'BA' ZHIG LAS GRUB PA'I RGYAL MTSAN, PHYE PHUR, KA 'PHAN, SHEL TSOS KHA SNA TSOGS LAS GRUB PA'I DRA BA DRA PHYED, MGON KHANG GI MDUN TAL BRGYUGS KHYAB
PA'I DAR LHUG ,STENG GI LHA KHANG KA BZHI MAR SANGS RGYAS BYANG SEMS KYI SNANG BRNYAN LI MA MANG PO DANG, GSER ZANGS DANG TZANDAN LAS GRUB PA GRANGS MANG, BRIS THANG DU MA, MCHOD RDZAS DANG BCAS PA, 'DU KHANG RNYING PA'I THUB CHEN BDUD DPUNG ZIL GNON GYI DRUNG DU ROL MO'I SPYAD PA RNAM MANG, 'DUS SPYIR BZANG GOS LAS GRUB PA'I STOD G-YOGS SMAD G-YOGS BZHI BCU SKOR STZOL BA DANG CHABS CIG MANG JA DANG, DGE 'DUN RER KHA BTAGS, DNGUL SRANG GANG RE BCAS KYI BSNYEN BKUR BZANG PO BSTABS, G-YAS RU SHANGS ZHES GRAGS PA'I SA YI CHAR, ,DGA' LDAN RING LUGS LA BRTEN BDE CHEN LAM, ,LHUR LEN NYAMS RTOGS RAB RGYAS 'DUS PA'I SDE, ,GSAR DU BSKRUN 'DI THUB BSTAN NOR 'DZIN RGYAN, ,RGYAB RI DKAR PO BRAG CES RAB MTHO BAR, ,NAM MKHA' MDZOD KYI MNGA' BDAG RNAM THOS SRAS, ,GNOD SBYIN RTA BDAG BRGYAD DANG BCAS PA'I TSOGS, ,DGA' BAS ROL TE 'DOD DGU'I DNGOS GRUB STZOL, , RI ZHOL MAR GAD MDANGS 'PHROG RKANG 'THUNG TSOGS, ,YAL 'DAB RAB RGYAS ME TOG PHANG PHUNG RGOD, ,DE YI MDZES PA LA CHAGS GNYIS SKYES RNAMS, ,SNA TSOGS SKAD SNYAN SGROGS PAS CI YANG TSIM, ,GNYIS 'THUNG DBANG PO'I DRI 'DZIN BRKYANGS PA LTAR, ,MDZES PA'I MDUN RI NOR BU'I RANG BZHIN 'DZIN, ,DE YI MDUN DU RDZA RI MTHON PO LA, ,GAL LCAM BSHAN PA'I TSOGS KUN SGRUB PA POR, ,RTAG TU BYAR MDZAD CING MTHA' SKOR DU, ,RAB BRJID RDZA BRAG RI
, ,PO'I 'PHRENG PA LA, ,DPA' PO MKHA' 'GRO CHU 'DZIN BZHIN DKRIGS NAS, ,LAM BZANG MTHUN RKYEN BSGRUBS PAS CI YANG BREL, ,SHOD GSOL DPON ZHABS DRUNG BLO BZANG TSE RING NAS TSOGS DBUR SPYAN DRANGS TE MCHOD SPRIN SPROS, TSOGS PAR LAM RIM GYI BKA' CHOS CHOS THUN GCIG STZAL, SKU BCAR DAM RING MKHAN PO BLO BZANG YAR 'PHEL, LDE CHUNG PA DGE LEGS 'BYUNG GNAS, RJE NYID KYI ZHAM RING DRAG 'BRING DKYUS GSUM, RGYUD 'DON PA DKA' CHEN DKON MCHOG YAR 'PHEL, BKRA SHIS RTZE PA, BDE CHEN RAB RGYAS GLING GRVA MANG, SNGAGS CHEN ZHAL SNGA NAS, PAD TSAL MDA' DPON PHUN TSOGS RNAM RGYAL BCAS SO SO NAS LEGS 'BUL GYI ZANG ZING GI BDOG PA GTOS CHE BA DANG BCAS ZHABS BRTAN PHUL, DE DAG SO SOR 'BUL BA'I SLOG GNANG SKYES GYA NOM PA STZAL TE YID TSIM PAR MDZAD, SNGON DU 'BRUG SDE SRID BZHI DAR NAS GHAtI KA'I R'A DZA BTZON DU BZUNG BAR R'A DZA'I G-YOG RNAMS NAS RGYA GAR BHADGHA LA'I BDAG PO LA RGYAB GNYER ZHUS PAR BRTEN 'BRUG PA DANG BHADGHA LA'I BDAG PO MA MTHUN PAR G-YUL 'KHRUG GI BYA BA LA ZHUGS TE, 'BRUG PA'I SA CHA 'GA' ZHIG KYANG SHOR ZHING, PHYOGS DE'I SKYE BO MANG PO SDUG BSNGAL GYIS MNAR BA THUGS KYIS MA BZOD PAR SKU TSAB CHED DU MNGAGS TE, 'PHRAL PHUGS KYI KHE NYEN LEGS PAR BSAMS NAS 'JAMS CHAGS DGOS PA'I ZHAL TA BKA' SHOG PHEBS PAR
BHADGHA LA'I BDAG PO NAS KYANG BKA' LA GUS PAS NYAN TE, 'DRUG PA'I SA CHA RNAMS KYANG PHYIR SLOG CING, PHAN TSUN KHON DANG RTZOD PA MED PAR GNAS PA BYUNG BA NI SKYE BO MANG PO'I PHAN BDE'I GSOS SU GYUR, DE LTAR RJE BLA MA MCHOG GI THUGS RJE'I 'JUG PA NI RTA BDUN BDAG PO'I SNANG BA LTAR RIS SU MA CHAD PA'I SEMS CAN THAMS CAD LA NYE BAR KHYAB PA'I DBANG GIS CHOS LUGS DANG YUL GRU MI GCIG PA'I SA'I CHA DER YANG GSUNG DANG BKA' SHOG STZAL PA NA, THAMS CAD KYIS RANG RANG GI RJE BO'I BKA' LTAR GUS PAS NOD DE, G-YUL 'KHRUG GI SBYOR BA RGYANG RING DU BSRINGS NAS PHAN PA DANG BDE BA'I DPAL LA RDZOGS LDAN GYI DUS BZHIN SPYOD PAR GYUR TO, ,GANG ZHIG MI BSRUN SKYE BO'I TSOGS 'DI RNAMS, , SNYIGS MA'I GDON CHEN KHROS PAS RGYUD BRLAMS TE, ,YID KYI BUD SHING ZHE SDANG GIS SBAR BA'I, ,'KHRUG LONG ME LCES PHYOGS KUN ZA BA BZHIN, ,DE TSE ZAB YANGS CHOS SKU'I MKHA' DBYINGS SU, ,MKHYAN BRTZE'I SPRIN CHEN MNGON PAR 'KHRIGS PA LAS, ,THABS MKHAS MDZAD BZANG BDUD RTZI'I CHAR PHAB STE, ,SDIG SPYOD ZHUGS KYI TSA GDUNG ZHI BAR MDZAD, KHYOD KYIS MTHA' YAS 'GRO BA KUN, ,NYE RING MED PAR RJES 'DZIN PA'I, ,BRTZE BA 'DI 'DRA 'JIG RTEN NA, ,MA YIS BU LA'ANG YOD RE GAN, ,SKABS 'DIR 'DZUM LANG SA SKYONG GI MI SNA 'BYOR TE MTSAMS ZHU'I ZHU YIG DANG, RTI PI CAG ZER BA'I RTA MCHOG GCIG KYANG PHUL, RJEN PHYE BZANG BO KHAL BDUN LAS GRUB PA'I GTOR MA DANG, MCHOD
, ,TSOGS RGYA CHEN PO BSHAMS SHING 'DZUM LANG SA SKYONG GIS PHUL BA'I RTE DE YANG SPYAN GZIGS SU BSTAR NAS CHOG ROGS PA DANG BCAS CHOS SKYONG DREGS PA LCAM SRING LA BSKANG 'PHRIN RGYAS PA MDZAD, BKRA SHIS RTZE'I LCAM 'BRUG CHOS 'DZOM NAS LEGS SKYES BSTAR BAR MJAL KHA JA GRAL BKA' DRI GNANG, TSES BCO LNGA LA GSO SBYONG DANG DE'I PHYI NYIN DBYAR ZHAL BZHES MDZAD, ZLA BA BDUN PA'I TSES DRUG GI NYIN MGRON GNYER ZHA LU MKHAN PO DANG RTZE DRUNG DKA' BCU BCAS LA MJAL KHA GNANG, RGYAL DBANG MCHOG LA MTSAMS ZHU 'BUL BA MDZAD CING KHONG GNYIS LA THON PHYAG KYANG STZAL, BDE CHEN RAB RGYAS GLING 'DUS SPYI NAS ZHUS NGOR 'DUS SPYI DANG DGA' LDAN CHOS 'KHOR BA BCAS LNGA BRGYA SKOR LA BYANG CHUB BDE LAM GYI DMAR KHRID GNANG, SNGON DU RJE BLA MA MCHOG NAS RGYA GAR RDO RJE GDAN GYI THUB DBANG BYANG CHUB CHEN PO DANG, G-YA GO'U RI ZHES PA LTENG RGYAS 'OD SRUNG BTUL BA'I GNAS DANG, DA LTA BRE YAG CES PA GRONG KHYER YANGS BCAN DANG, W'A RA nA SI, DA LTA CHU KLUNG PHAL SU ZHES PA NEE RANYDZA NA YIN PA BCAS GNAS CHEN DE DAG RNAMS SU MCHOD 'BUL GYI CHED 'BRONG RTZE DRUNG RAM PA CHOS MDZAD BLO BZANG TSE RING DANG GZHAN MA GSUM BCAS GLO BO BRGYUD RDZONG STA GNANG BAR, GZHAN MA GSUM PO MON GYI TSA BA MA THEG PAR 'DAS, RGYA GAR GYI YUL NI SA THAG RING LA TSA BA CHE BA, LAM DU DUG SPRUL DANG GCAN GZAN DANG CHOM RKUN LA SOGS
BA'I 'JIGS PA MANG ZHING, SA MTSAMS RGYAL PHRAN RNAMS KYI LAM SRUNG DAM SBRAGS CHE BA BCAS BGROD SHIN TU DKA' YANG RJE NYID KYI BYIN MTHU LA BRTEN CHOS MDZAD NYID RGYA GAR GYIS SNE ZIN PA NAS BZUNG, BKRA SHIS BLA MAS MCHOD 'BUL DU BTANG BA'I MI YIN TSUL SMRAS PAR SA SNE'I RGYAL PHRAN GYIS MTSON, YUL GRU SO SO'I MI RNAMS NAS BSU SKYEL SOGS GROGS DAN YANG DAG BYAS TE DA LTA KA SHI ZHES PA, W'A RA nA SI'I GRONG KHYER DU 'BYOR NAS, YUL DE'I SA SKYONG RTZE TE SENG BHA DUR LA MJAL KHA ZHUS TE BKA' SHOG RTEN LDAN PHUL BAR, SA SKYONG KHRI'U SHING GI STENG NAS BZHENGS TE LEN PA SOGS MTHONG GZOS SHIN TU CHE BA MDZAD, SA SKYOD GI SKYEL MA DANG BCAS PHYIN PAS ZLA BA PHYED KYI LAM NA RDO RJE GDAN 'DUG PAS DER 'BYOR TE BSKAL BZANG GI SANGS RGYAS STONG MNGON PAR SANGS RGYA BA'I TSUL STON PA'I GNAS MCHOG RDO RJE GDAN BYANG CHUB CHEN PO'I SKU MDUN DU STONG MCHOD SNA LNGA RGYAS PAR BSHAMS TE PHUL NAS, MNYAM MED THUB PA'I DBANG PO'I BSTAN PA RIN PO CHE 'DI NYID PHYOGS DUS GNAS SKABS THAMS CAD DU DAR ZHING RGYAS LA YUN RING DU GNAS PA DANG, GONG MCHEN PO SKU TSE BRTAN CING CHAB SRID RGYAS PA, BSTAN 'DZIN GYI SKYES CHEN DAM PA GANG NA SU BZHUGS THAMS CAD ZHABS PAD BRTAN CING MDZAD 'PHRIN RGYAS PA, DGE 'DUN GYI SDE RNAMS THUGS MTHUN KHRIMS GTZANG GI SGO NAS BSHAD SGRUB 'PHEL BA, DE DAG GI MTHU LA BRTEN NAS 'GRO KUN GNAS SKABS CHOS 'BYOR BDE SKYID KYI DANG LA
, ,LA SPYOD CING, MTHAR THUG BLA NA MED PA'I BYANG CHUB THOB PA SOGS BSTAN 'GROR SMAN PA'I SMON LAM GYI RIM PA RJE BLA MA MCHOG GIS GSUNG BA LTAR BYAS, GNAS 'DZIN PA SHE BO RE DE RNAMS LA YANG BSNYEN BKUR ZHABS TOG RGYAS PAR BSTAR, SKABS DER BKRA SHIS BLA MA MA H'A GU RU'I MCHOD 'BUL BA RDO RJE GDAN DU 'BYOR ZER BA'I GTAM RGYA GAR GYI YUL SGRU MANG POR GRAGS PAR DAD PA DANG LTAD MO'I CHED DU 'DUS PA'I MI TSOGS SHIN TU CHE BA RJE BLA MA LA GUS PA GSAL BAR BYED PA'I CHED DU THAL MO SBYAR TE, LA LA NI ME TOG DANG MA HE'I MAR GYI SNANG GSAL 'BUL, GZHAN DAG LA DU LA SOGS PA'I RANG RANG GI LUGS SROL LTAR GYI MCHOD PA RNAM PA MANG PO ZHABS MTHUD KYI TSUL DU 'BUL ZHING DGE SLONG CHOS MDZAD LA'ANG ME TOG GI PHRENG BA DANG MA HE'I MAR LA SOGS PA DNGOS PO'I STER CHA RNAM MANG STOB PA SOGS MDZA' BA'I YID KUN NAS GCUGS PA'I GNYEN BSHES KYI KHROD DU SON PA LTAR GYUR; GNAS CHEN GZHAN MA RNAMS SU YANG MCHOD 'BUL DANG SMON LAM SOGS GONG LTAR BYAS NAS RIM GYIS W'A RA nA SI'I SA SKYONG GI MDUN DU 'KHOR, SA SKYONG NYID NAS KYANG MA H'A GU RU'I BKA' BZHIN MCHOD 'BUL SOGS LEGS PAR BGYIS TE PHYIR 'KHOR BA NI SHIN TU LEGS ZHES DGYES PA'I GSUNG PHEBS, W'A RA nA SI'I YUL GYI GNAS KHYAD PAR CAN RNAMS SU'ANG MCHOD 'BUL DANG, SMON LAM SOGS GONG BZHIN BGYIS TE SA SKYONG DANG DMAG
DPON LAL LA KA SHI MI RI MAL BCAS NAS DAD GUS CHEN POS, RJE BLA MA MCHOG LA SKU'I MTSAMS ZHU 'BUL BAR GU SANG GI SHIN BU RI DANG SO BA RAM GNYIS DGE SLONG CHOS MDZAD DANG MNYAM DU RDZONG STA MDZAD PA RIM GYIS RJE BLA MA MCHOG GI SKU GAM DU 'BYOR 'PHRAL MJAL KHA GNANG ZHING SA SKYONG GI ZHU YIG RTEN SBRAGS PHUL BA THUGS DGYES PA CHEN POS BDAG GIR BZHES, ZHU YIG BOD SKAD DU BSGYUR BA NI 'DI LTA STE, SKU ZHABS RIN PO CHE, THAMS CAD MKHYEN PA, SA DANG GNAM GYIS KHYAB PA'I SEMS CAN RNAMS KYI PHAM LTA PHU GNANG MKHAN GYI SA NAS PHYAG BRIS GNANG BA RNAMS 'BYOR BYUNG BAS NGOS MJAL LTA BU'I DGA' TSOR CHEN PO BYUNG, GNANG RTEN GOS CHEN DANG, GSER BCAS SPYI BO'I GTZUG TU BSRUNG BA DANG BYIN RLABS LTA BUR KHUR GYIN YOD, BKA' PHEBS DGONGS DON BZHIN, DE NAS BTANG BA'I DGE SLONG CHOS MDZAD LA 'DI PHYOGS RDO RJE GDAN GYI YUL GYI LHA KHANG GANG YOD TSANG MA'I MJAL KHA DANG MCHOD 'BUL SKOR BA SOGS LA LAM SNA SA RGYUS BA DANG DGE SLONG RANG LA MGYOGS BYAMS DANG, LAM YIG BKA' SHOG SOGS SBRAD DE KHONG RANG GI THUGS 'DOD LTAR YONG BA'I GROGS DAN DANG PHAN PA YANG DAG BSGRUBS NAS KHO BA PHYIR LOG CHOG PA ZHUS YOD, KA SHI MI RI MAL DANG BDAG GNYIS SEMS MTHUN PO YAGS PO YOD, BDAG GNYIS THUGS RJE'I BYAMS PAS SKYONG DGOS, BDAG GNYIS NAS BTANG BA'I MI GU SANG GI SHIN BU RI DANG, SO BA RAM ROGS BCAS LA BDAG RKYEN YAGS PO
, ,GNANG DGOS, NGED RANG GNYIS LA GNANG BA DANG KHYAD MED YIN, DA DUNG BDAG RNAMS LA PHYAG BRIS SOGS THUGS RJE CHEN PO TSAD MED GNANG DGOS, 'DI NAS KYANG ZHU YIG YANG YANG PHUL CHOG BA DGOS, 'DI PHYOGS KYI GNAS TSUL ZHU RGYU RNAMS DGE SLONG DANG KHONG BA GNYIS NAS ZHU PA YOD, DE NANG BZHIN, ZHES PA'I ZHU YIG DANG, RTEN GSER GYI RANG BZHIN LAS GRUB PA'I RGYA GAR GYI GOS YUG ,KA SHI KA'I RAS YUG SOGS DANG, BLON PO DMAG DBON KA SHI MI RI MAL GYI ZHU YIG NA GA RA'I YI GER BKOD PA BRJOD BYA GONG MTSUNGS DANG, RTEN RDO RJE GDAN GYI MA H'A BO DHI'I GANDHO LA'I 'DRA COG RIN PO CHE'I PHRA RGYAN GYIS MDZES PA, RIN PO CHE LAS GRUB BA'I DUS TSOD 'KHOR LO KHYAD 'PHAGS, SHEL DANG BA SO, G-YANG tI SOGS KYI SPYAD BA NGO MTSAR BA DU MA BCAS PHUL ZHING JA GRAL GYI THOG BKA' 'DRI ZHIB TU GNANG, DE NAS RJE DGE 'DUN GRUB KYIS BZHENGS PA'I BKRA SHIS LHUN PO'I THUB CHEN LA GUR KUM GYIS KHA BSGYUR BA'I KA SHI'I RAS KYI SNAM SBYAR DANG, SNYAN SHAL, STONG MCHOD SNA LNGA SOGS KYI MCHOD SPRIN SPROS, GTANG RAG TU MCHOD GTOR RGYA CHEN PO BSHAMS TE BSTAN SRUNG RNAMS KYI BSKANG GSO GNANG, DRUNG RAM PA CHOS MDZAD KYIS RDO RJE GDAN NAS SPYAN DRANGS BA'I MNYAM MED THUB BA'I DBANG BO DANG RJE BTZUN MA PHAM MGON PO'I SNANG BRNYAN RDO NAG LAS GRUB BA ZUNG LA GSER CHAB GSOL ZHING SPYAN 'BYED LEGS BAR MDZAD DE SNANG BRNYAN DE GNYIS DANG W'A RA nA SI'I ZHING BKOD SO SOR
BRGYA MCHOD SNA LNGA LA SOGS PAS MCHOD CING THUGS SMON RLABS PO CHE MDZAD, GNAM GANG LA DGAG DBYE GNANG ZHING LJONGS RGYU BAR PHEBS BA MDZAD DE, SER SKYA SUM STONG BRGAL BAR PHYAG DBANG GNANG, SLONG MO BA RNAMS LA ZANG ZING GI DNGOS PO GTOS CHE BA STZAL, DE NYIN NYI MA HA CANG TSA BA'I RGYEN LTA BUS SKU KHAMS CUNG ZAD MI DVANGS PA'I TSUL BSTAN PAR ZHABS BRTAN SKU RIM RGYA CHER BSGRUBS, ZLA BA BRGYAD PA'I TSES BCU LA BKRA SHIS RTZE'I ZHABS DRUNG LCAM DANG SER 'BRAS PA SOGS DRUG CU SKOR LA GRUB RGYAL LUGS KYI TSE DBANG STZAL, GRVA PA BZHI BCU ZHE GNYIS BSNYEN RDZOGS BSGRUBS, SKABS 'DIR YANG MCHOD GTOR DANG BCAS BSTAN SRUNG RNAMS LA BSKANG GSO MDZAD, LA MO SKU RTEN BA DAR HAN AER TE NI CHOS RJE YAB SRAS DPON G-YOG DRUG CU SKOR 'BYOR PAR MJAL KHA JA GRAL GYI THOG BKA' 'DRI GNANG, TSES BCO BRGYAD LA GZIMS CHUNG DU LA MO CHOS SKYONG CHEN PO SKU GSOL ZHUS TE GTANG RAG GI MCHOD SPRIN BSTAR, CHOS SKYONG CHEN PO'I LUNG PHEBS LTAR GZIMS CHUNG GI STENG DU RGYAGS RNGAN DANG DGRA LHA DBANG BSTOD RGYAS PA MDZAD, TSES BCU DGU LA CHOS RJE SKU RTEN BAS DNGOS 'BUL DANG BCAS ZHABS BRTAN PHUL, CHOS RJES DKAR SPRO RGYAS BA BTEG THOG DGE BA'I BSHES GNYEN BZHIS LUNG RIGS KYI DGA' STON SPEL DE'I PHYI NYIN RJE BLA MA MCHOG GI BKA' BZHIN MCHOD GTOR RGYAS PAR BSHAMS TE CHOS RJE SKU RTEN PA DANG LCOG GRVA BA RNAMS BCAS NAS LHA MCHOG SRID GSUM GYI BDAG PO TSANGS BA
, ,CHEN PO DGYES PA BSKYED CING DBU 'PHANG BSTOD PA'I BSKANG GSO?, 'PHRIN BCOL DANG BCAS SMIN RGYAS MDZAD, SER 'BRAS PA DANG LA MO BA BCAS GRVA PA SUM CU BSNYEN RDZOGS BSGRUBS, TSES NYER DRUG LA TSOGS DBUR ZHABS ZUNG BKOD DE LAM RIM GYI GSUNG CHOS GNANG BAR ZHI LHAG GNYIS LA GSUNG BSHAD RGYAS PA GNANG, SER 'BRAS PA DANG RNAM GLING YONG SDUD PA, GSER SDUD MGO PA SOGS MANG POR PHYAG DBANG STZAL, CHOS RJE SKU RTEN PA DANG LCOG GRVA BA BDUN BCAS NAS LHA CHEN TSANGS PA CHEN PO ZHI DRAG GI DMAR CHEN GTOR ZLAG ZHAG BDUN RING NUS LDAN DRAG POR BSGRUBS NAS TSES NYER DGU'I NYIN 'PHEN PA MDZAD, ZLA BA DGU PA'I TSES GCIG LA BDE YANGS SU ZHABS ZUNG BKOD DE SER SKYA STONG PHRAG MANG POR ZHAL MJAL GNANG ZHING TSANGS PA CHEN PO SKU GSOL ZHUS TE DNGOS BSHAMS YID SPRUL GYI MCHOD PA DANG, BDE CHEN RAB RGYAS KYI DGE 'DUN RNAMS KYIS 'CHAMS GZIGS PHUL, TZI DMAR CHOS SKYONG DANG KAL LCAM GYI ZHAL 'BAG LA RJE BLA MA MCHOG DANG LHA MCHOG TSANGS PA CHEN PO GNYIS KA NAS SHIS BRJOD KYI ME TOG GTOR ZHING CHOS SKYONG LA BKA' BSGO DANG CHOS GRVA CHEN POR 'BRUM NAD DMIGS MED DU ZHI BA'I 'PHRIN LAS GNYER DU GTAD, TSES GSUM GYI NYIN TSOGS DBUR ZHABS ZUNG BKOD DE MCHOD TSOGS RGYA CHEN PO DANG BCAS ZHI BA LHA'I LUGS LTAR SMON 'JUG CIG CAR DU 'DZIN PA'I SEMS BSKYED CHO GA MDZAD DE THEG PA CHEN PO'I 'JUG NGOGS LA BKOD, TSES
BZHI LA CHOS SKYONG CHEN PO SKU PHEBS ZHUS TE BKRA SHIS LHUN POR GNANG RGYU'I BDUG RDZAS, YUNGS KAR, 'THOR NAS BCAS PAR DPAL RDO RJE 'JIGS BYED CHEN PO DANG KHRO PO RTA MCHOG ROL PA'I GZUNGS SNGAGS ZAB MO BZLA BA MDZAD PA'I LJAGS CHAB KYI BYIN RLABS LHA DANG BLA MA GNYIS KAS STZAL, DE NAS RJE BLA MA MCHOG NAS CHOS SKYONG NYID BKRA SHIS LHUN POR CHED KYIS PHEBS NAS MDOS RDZONG GIS MTSON SNGON DU BKAS LUNG BSTAN PA'I RIM GRO TSANG MA GNAD SMIN BSGRUB PA MDZAD DE, NAD BDAG LA SOGS PA BGEGS RIGS 'BYUNG PO'I TSOGS RNAMS RGYA MTSO'I PHA MTHAR BSKRAD NAS DPON SLOB DGE 'DUN GYI SDE DANG BCAS PA MYUR DU GDAN 'DZOM YONG BA'I 'PHRIN LAS GNYER DU GSOL BAR CHOS SKYONG CHEN PO NAS BKA' JI LTAR PHEBS PA BZHIN GZUGS MED NAS BKRA SHIS LHUN POR PHYIN TE GANG CI'I ZHABS 'DEGS SNGON GYI KHAS BLANGS DAM BCAS LAS MI G-YEL BA CIS KYANG ZHU ZHES LAN 'BUL BA MDZAD DE SKU RTEN PA NGO G-YOG BKRA SHIS LHUN POR THON, TSES LNGA LA SER 'BRAS PA DANG AA MDO BA SOGS BSGRUB YA SUM CU SO DGU BSNYEN RDZOGS BSGRUBS, 'BRUG SDE SRID RNYING PA BZHI DAR BSAM YAS SU NO MON HAN DE MO SPRUL PA'I SKU RIN PO CHE'I SKU GAM DU THON RGYUR GANG CI'I ZHAL TA PHEBS SHING GON PA SOGS DNGOS PO'I GNANG CHA STZAL, BKA' BLON DGA' BZHI GUNG PAndI TA'I MTSAMS ZHU BA DANG 'DZUM LANG SA SKYONG GI BANG CHEN PA BCAS LA MJAL KHA GNANG, GZHAN YANG DHA YAN TU RA BA SOGS BYANG 'GRUL BA KHA
, ,SHAS KYIS MTSON SER SKYA MANG POR PHYAG DBANG GI BYIN RLABS RIM BZHIN STZAL, 'DI SKABS BDAG GIS CHIBS CHEN DU DMIGS RTA GRO DKAR RGYU TSUGS LEGS PA ZHIG PHUL BAR SHANGS NAS GDAN SA CHEN POR PHEBS SKABS CHIBS SGA TSUGS SHING DE NAS BZUNG CHIBS CHEN GYI GTZO BO MDZAD DE PHYIS SKU 'BUM DU PHEBS KYI BAR THUGS PHAN THOGS PA BYUNG 'DUG ,DE NAS 'BRONG RTZEB DGE SLONG CHOS MDZAD BLO BZANG TSE RING SHANGS BDE CHEN RAB RGYAS NAS RDZONG STA MDZAD DE BKRA SHIS LHUN PO'I THUB CHEN LA SHEL GYI LHUNG BZED BYU RU'I LJON SHING GZUGS, SNYAN SHAL NANG MDZOD DANG, SNGAGS GRVA'I 'JIGS BYED SLE'U CHUNG MAR RAL GRI, SNYAN SHAL BCAS 'BUL RGYU STZAL NAS, PHAN BDE 'BYUNG BA'I GNAS GCIG PU, ZHES SOGS SHO LO KA DANG, PHAN BDE'I 'BYUNG GNAS BSTAN PA DAR ZHING RGYAS, ,ZHES PA NAS, BKRA SHIS LHUN PO RTAG TU RGYAS GYUR CIG ,CES SHO LO KA GNYIS PO TSAR GSUM RE BRJOD DE PHUL ZHIG CES GSUNG, DKYIL KHANG GI CHOS SKYONG DREGS PA LCAM SRING GI SNANG BRNYAN LA SNYAN SHAL 'BUL BAR TSOGS GSOG PA BLO BZANG DON GRUB RDZONG STA MDZAD, PE'I CING MI SNA TSE LHA MKHAN PO DKA' CHEN BLO BZANG DON GRUB TSES BCU'I NYIN PHYIR 'BYOR PAR GONG MA BDAG PO CHEN PO'I SKU'I MTSAMS ZHU MDZAD, GONG MA CHEN PO'I BKA' LAS, NGED KYIS SNGON DU PAn CHEN AER TE NI LA JI LTAR ZHUS PA BZHIN, TSE DPAG MED KYI SNANG BRNYAN TSANG MA BZO BKOD PHUL DU BYUNG BA 'CHAR DPE PAS KYANG CHES
LHAG PA NGO MTSAR SHIN TU CHE BA 'DI LTA BU BYUNG BA NI, NGED LA PAn CHEN AER TE NIS PA YAR CHEN PO GNANG BA YIN 'DUG ,RTEN 'BREL YANG MCHOG TU LEGS PA BYUNG ZHES THUGS MCHOG TU DGYES PA'I BKA' DANG, GONG MA CHEN PO RANG GI SKU LA BZHES PA'I BU LA GAN GYI T'A HU SOGS GNANG SKYES GYA NOM PA STZAL BA RNAMS DGYES GUS CHEN POS BZHES TE MI SNA NGO G-YOG LA PHYAG DBANG JA GRAL GNANG, SOG RIGS SUM CU SO LNGA DGE TSUL DANG, SUM CU SO DRUG BSNYEN RDZOGS BSGRUBS, RTZAM KHAL BRGYA LAS GTOR MA BZHENGS TE CHOS RGYAL LA GTANG RAG BSKANG GSO MDZAD, TSES BCU GSUM LA LA MO SKU RTEN PA PHYIR 'KHOR TE MDOS RDZONG SOGS RIM GRO DANG BCOS THABS TSANG MA GNAD SMIN LAM 'GRO BYUNG ZHES ZHUS PAR THUGS SHIN TU DGYES, BYANG RIGS MI SNA KHAG NAS ZHUS NGOR, MI SNA RNAMS DANG CHOS RJE SKU RTEN PA DPON G-YOG ,BDE CHEN RAB RGYAS GLING GI TSOGS YONGS BCAS PAR THUGS RJE CHEN PO BCU GCIG ZHAL GYI DBANG STZAL, TSES BCO LNGA LA LA MO'I PHYAG MDZOD DANG AA TZA RA KHA SHAS LA MJAL KHA GNANG, AA TZA RA RNAMS NAS PHE RENG GI YUL GYI DNGOS SPYAD KHA SHAS DANG RAL GRI NGO MTSAR DANG LDAN PA CHA GCIG PHUL, CHOS RJE SKU RTEN PA SRAS BCAS LA DKAR SPRO RGYAS PAR BSTAR, TSES BCU DGU LA 'DU KHANG RNYING PAR CHOS RJE SKU RTEN PA NGO G-YOG SOGS SER SKYA MANG POR TSE RTA ZUNG 'BREL GYI DBANG GNANG, SKU RTEN PAR GNANG SKYES DANG 'BUL SLOG ,PHYAG G-YOG RNAMS LA'ANG BABS BSTUN GYI GNANG CHA BCAS STZAL, DE'I PHYI NYIN CHOS SKYONG
, ,CHEN PO SKU GSOL ZHUS NAS GTANG RAG GI MTHUN RDZAS BSTAR TE 'PHRIN BCOL GNANG BAR CHOS SKYONG NAS KYANG JI LTA BA BZHIN SGRUB RGYU'I ZHAL BZHES GNANG, RTZAM KHAL BRGYA LAS GTOR MA RE BZHENGS TE STOBS 'PHROG GDONG BZHI PA DANG CHOS SKYONG DREGS PA LCAM SRID GNYIS LA GTANG RAG GI BSKANG GSO MDZAD, 'DU KHANG GSAR BSKRUN GYI ZHAL BSRO DANG BSTUN BZHAD GNYER BA RJE DRUNG BLO BZANG DGE 'DUN NAS MAndAL GYIS MTSON PA'I DNGOS 'BUL BSTAR, ZHVA DMAR PHYAG MDZOD DANG GNYER PA BTZAN RGOD, TSE LHA MKHAN PO NGO G-YOG ,GDAN SA CHEN POR 'GRO MI ZHABS 'BRING BA KHA SHAS BCAS DANG GZHAN YANG SER SKYA MANG POR RIM BZHIN PHYAG DBANG JA GRAL DANG, AA MDO BA SOGS DGU DGE TSUL DANG, BZHI BCU ZHE BRGYAD BSNYEN RDZOGS BSGRUBS, KONG PO CHOS MDZAD SOGS KHA SHAS LA DGA' LDAN LHA BRGYA MA'I KHRID GNANG, TSES NYER DRUG LA PHYAG MDZOD CHEN MO, GSOL DPON CHEN MO, ZHAM RING DRUNG 'KHOR KHA SHAS BCAS BKRA SHIS LHUN POR MCHOD 'BUL DANG, GZIMS CHUNG RNAMS LA GAD BDAR SOGS DGOS PA 'GA' ZHIG GI CHED MNGAGS RDZONG MDZAD, ZLA BA BCU PA'I TSES GCIG LA PHYOGS BZHIR NYER SPYOD TSAR LNGA RE BSHAMS TE KHRUS GSOL, MAndAL, MCHOD 'BUL MDZAD, 'BRUG SDE SRID SNE SHAN RTZE DRUNG BCAS BSAM YAS NAS 'BYOR PAR MJAL KHA JA GRAL THOG SDE SRID RANG GI 'DOD PA LTAR RE ZHIG RGYAL RTZER 'GRO RGYUR BLANG DOR
GYI BKA' SLOB DANG GNANG CHA STZAL, BDE CHEN RAB RGYAS TSOGS YONGS LA DPAL RDO RJE 'JIGS BYED KYI BLA MA'I RNAL 'BYOR DANG RAB GNAS KYI CHO GA'I LUNG, AA MDO BA MANG POR SPYAN RAS GZIGS PHYAG BZHI PA'I RJES GNANG DANG RIGS GSUM MGON PO'I GZUNGS KYI BZLAS LUNG, 'OD DPAG MED LA BRTEN PA'I 'PHO BA'I KHRID BCAS STZAL, DE NAS NYIN SNGA PHYIR MCHOD GTOR RGYAS PAR BSHAMS TE RJE BLA MA MCHOG DANG YONGS 'DZIN MKHAN RIN PO CHE SOGS NAS CHOS RGYAL, LHA MO, ZHAL BZHI, LCAM SRID BCAS LA GTAD RAG BSKANG GSO RGYAS PAR MDZAD, PHYAG MDZOD CHEN MO DANG GSOL DPON CHEN MO BCAS PHYIR 'KHOR BA DANG PHYOGS MTSUNGS GDAN SA NAS ZHAL SNGA NAS BZHI'ANG PHEBS BSUR 'BYOR PAR JA GRAL THOG DGYES PA'I GSUNG GLENG MANG DU GNANG, PHYI NYIN ZUR BZHI'I BLA MA RNAMS NAS MAndAL GYIS THOG DRANG PA'I DNGOS 'BUL BTEG STE BSTAN 'GRO'I DPAL DU ZHABS PAD BRTAN PA DANG MYUR DU GDAN SA CHEN POR CHIBS KYI KHA LO BSGYUR TE BDAG CAG RNAMS SKAL BZANG DGA' STON GYI DPAL LA SPYAD CHOG PA'I BKA' DRIN STZOL DGOS TSUL GSOL BAR DGYES BZHIN DU ZHAL BZHES GNANG, RI BO DGE 'PHEL BA RNAMS KYIS DNGOS 'BUL BSTAR, ZUR BZHI'I BLA MA DANG SKU'I TSA BO RNAMS RGYAL TSE RING, TRE BO DGE SLONG BLO BZANG BKRA SHIS DANG SOG RIGS, AA MDO SOGS MANG POR GRUB RGYAL LUGS KYI TSE DBANG STZAL, AA TZA RA BHO GOL 'KHOR BCAS NAS SHEL GYI BUM PA SOGS KYI DNGOS 'BUL BTEG PAR JA GRAL THOG NA GA RA'I SKAD DU BKA' MCHID MDZAD,
, ,SKU'I MTSAMS ZHU 'BUL MI GNYER PA BTZAN RGOD, DGA' LDAN CHOS 'KHOR GYI MKHAN PO DANG SPYI GNYER, THANG BA DPON, GZHAN YANG SHANGS NANG GI SGER PA KHAG BCAS LA MJAL KHA DANG BKA' 'DRI GNANG, AA MDO BA DANG SER 'BRAS PA SOGS MANG POR PHYAG DBANG STZAL, ZUR BZHI'I BLA MA RNAMS DANG DGA' LDAN CHOS 'KHOR GYI MKHAN RNYING LA THON PHYAG GNANG, RJE BLA MA MCHOG SKU RKYANG NAS DAM CAN CHOS KYI RGYAL PO GSANG SGRUB LA BRTEN PA'I SPYIN SREG MDZAD, SDON DU TSE LHA MKHAN PO'I GDONG LCANG SKYA RIN PO CHE NAS TSOGS 'KHOR DOD 'BUL MDZAD PAR BRTEN, TSES NYER LNGA'I NYIN MCHOD TSOGS RGYA CHEN PO DANG BCAS RJE BLA MA MCHOG GIS GTZO MDZAD BLA GRVA NYER GCIG NAS 'KHOR LO SDOM PA'I BDAG MDUN DANG 'BREL BA'I TSOGS 'KHOR RGYAS PA DUS BZANG CHOS SPYOD SMON LAM BKRA SHIS KYI MTHA' RTEN DANG BCAS PA SMIN RGYAS SU MDZAD, PHYOGS 'DUS NYIS BRGYA BCU BZHI BSNYEN RDZOGS DANG, LNGA BCU NGA BRGYAD DGE TSUL BSGRUBS, KARMA SI TU RIN PO CHE SKU GSHEGS PA'I DGONGS RDZOGS SGRUB MI DANG, RNAM GLING RDZONG YONG NGO G-YOG ,SGER BA SOGS LA MJAL KHA GNANG, RA NYAG SKU SKYE NAS SEMS BSKYED MCHOD PA'I CHED MNGAGS RDZOD MDZAD PA'I MI SNA SOGS KHAMS 'GRUL KHA SHAS NGANG BDE CHEN RAB RGYAS GLING GI LAS SNE BCAS MANG POR THEG PA CHEN POR SEMS BSKYED PA'I CHO GA'I BKA' DRIN STZAL, ZLA BA BCU GCIG PA'I TSES BDUN LA BDE CHEN RAB RGYAS GLING BLA BRANG NAS STON 'KHOR TSANG MAR NYIN GANG
GI ZHABS TOG DANG NANG 'GYED GZAB PA BSTAR, TSA RTING MA'I THOG RJE BLA MA MCHOG 'DUS SDE'I TSOGS DBUR SPYAN DRANGS TE BLA SPYI SO SO NAS DNGOS 'BUL SPAM MTHO BA BTEG PAR 'JIGS BYED KYI BLA BRGYUD GSOL 'DEBS, TSOGS KYI BDAG PO'I SBYIN SEG GI CHO GA ,TSE CHOG GI KHRID YIG GI LJAGS LUNG BCAS GNANG, 'BUL BA'I THOG NAS MAndAL BZHES SHING DE PHYIN PHYIR SLOG THOG DNGUL, GOS CHEN, JA 'KHOR DRUG BCAS DANG 'DUS SDER MANG JA 'BRAS TSA BSDOMS BCU GNYIS, 'GYED KHA BTAGS RE DANG DNGUL ZHO GSUM RE BCAS STZAL, SKU TSAB DRUNG YIG PHUN TSOGS BKRA SHIS DANG, RJE DRUNG BLO BZANG RGYAL MTSAN GNYIS SO SOR GNANG SKYES GYA NOM PA, GZHAN YANG BLO BZANG SANGS DGE ,DGE SLONG MA CHEN, SKAL BZANG DGE LEGS, RIGS 'DZIN NOR BU, NANG GZAN BYINGS, SKU GNYER NGAG DBANG DGE 'DUN, RDO RJE SLOB DPON SOGS LAS SNE RNAMS DANG BCAS PAR BABS BSTUN GYI GNANG CHA BZANG PO STZAL, RDO RJE SLOB DPON, DBU CHOS, GDANGS DPON BCAS LA GSAR RTZOM ZHAL BZHI PA'I BSTOD PA'I DBYANGS DANG RNGA CHINGS BYA LUGS KYI BKA' PHEBS PA BZHIN, KHONG RNAMS NAS KYANG LEGS PAR BSLABS TE GDANGS RGYUGS KYANG PHUL, THUB CHEN GYI SKU MDUN DU STONG MCHOD DANG, DGA' LDAN RDO RJE GDAN DU BRGYA MCHOD BCAS BSTAR, BDE CHEN RAB RGYAS TSOGS YONGS NAS BSKANG GSO MDZAD RGYU'I DGOS CHA DANG, DGA' LDAN RDO RJE GDAN DANG DGA' LDAN MNYAN YOD SO SOR MANG JA DGU RE 'GYED BCAS, RNAM GLING RDZONG DPON GNYIS DANG RDZONG MDUN RTZVA
, ,GNYER SOGS NAS BDE CHEN RAB RGYAS SU ZHABS ZUNG BKOD PA NAS BZUNG ZHABS 'GYUR YANG DAG ZHUS PA DANG, SGER SHEL SHIG PA NAS BZHUGS RING DBYAR DUS GSOL MDZO BRGYAD LA GZAN PA PHUL BA SOGS KYI ZHABS 'GYUR ZHUS PA BCAS SO SOR GNANG SKYES BZANG PO DANG, BSDAMS RA'I SKABS LAM SRUNG GI LAS KHUR 'DZIN MI KHAG LA 'BRU'I GNANG CHA PHON CHE BA STZAL, DE LTAR DGA' LDAN BDE CHEN RAB RGYAS GLING DU BZHUGS RING BSTAN 'GRO'I BDE SKYID DANG, KHYAD PAR GDAN SA CHEN PO SOGS YUL PHYOGS 'DIR RDO RJE TSER MA'I 'JIGS PA ZHI BA'I SLAD DU RJE BTZUN THAMS CAD MKHYEN PA NYID NAS ZAB MO'I RNAL 'BYOR GYI SGO NAS THUGS DMIGS DANG, RTEN BYIN CAN RNAMS LA MCHOD 'BUL, BSTAN SRUNG RNAMS KYI BSKANG GSO, SBYIN SREG ,GTOR ZLOG SOGS LAN CIG MA YIN PAR MDZAD PA'I THUGS RJE'I 'OD ZER LA BRTEN NAS SKABS DER YAMS NAD SOGS MI SHIS RGUD PA'I SMAG RUM MTHA' DAG DRUNGS NAS PHYUNG STE, PHAN PA DANG BDE BA'I 'DAB STONG MNGON PAR BZHAD PA'I LDING KHANG DU LUS CAN RKANG DRUG MTHA' DAG KUN DGA'I GLU DBYANGS DAR DIR DU SGROG PA LA BRTZON PAR GYUR TO, ,'DIR SMRAS PA, GANG ZHIG 'JIG RTEN DAG TU RTZOD LDAN MTSAN MO RGUD PA'I MUN PA JI LTA JI LTAR SPRO BYED PA, ,DE LTA DE LTAR DPAL LDAN THUB PA RNAMS KYIS THABS MKHAS MDZAD PA'I 'OD ZER SNANG BA 'GYED PA STE, ,BKRA SHIS RIN CHEN LHUN POR SPUNGS PA'I CHOS KYI SDE
CHEN GANG DE RIMS NANG DRAG POS GTZES PA NA, ,MGON KHYOD THUGS BSKYED LHAG PAR BDO BAS DU: KHA KUN BCOM RDZOGS LDAN DGA' STON SLAR YANG BOS PA BZHIN, ,MA RGAD MDANGS 'PHROG DPAG BSAM LJON PA RAB DKAR ME TOG PHON PO DANG, RLABS 'PHRENG LDAN PA'I ROL MTSO 'DI YANG CHU BYA'I 'PHRENG BAS MNGON PAR SGEG ,DE BZHIN PHYOGS KYI BU MO'I BZHIN RAS 'DAB STONG BZHAD PA'I 'GRAM PA LA, ,KHYOD KYI 'PHRIN LAS RGYA CHEN YID 'ONG SBRANG RTZI GSAR BA'I DOGS PAS MDZES, ,ZHES BYA BA NI RJE BLA MA SRID ZHI'I GTZUG RGYAN PAn CHEN THAMS CAD MKHYEN PA BLO BZANG DPAL LDAN YE SHES DPAL BZANG PO'I ZHAL SNGA NAS KYI RNAM PAR THAR PA NYI MA'I 'OD ZER LAS, GTZANG PO BYANG BRGYUD SHANGS KYI MTSO NYA BDE CHEN RAB RGYAS GLING DU ZHABS SEN GYI PADMO NYE BAR BKOD NAS BSTAN 'GRO'I DON RLABS PO CHE MDZAD PA SOGS KYI LE'U STE DGU PA'O,, ,,DE NAS TSES BCU GNYIS KYI NYIN CHOS GRVA CHEN PO BKRA SHIS LHUN POR CHIBS KHA BSGYUR, LUNG BZANG MDOR BDE CHEN RAB RGYAS GLING BLA BRANG NAS THAB 'DZIN SAR BSNYEN BKUR GZAB, CHIBS SKYEL BA KHA SHAS LA PHYAG DBANG DANG GNANG CHA BSTAN, DE NAS BZUNG GDAN SA CHEN POR PHEBS KYI PAR CHIBS BSU SKYEL, SER SBRENG, BRO GZHAS PA RNAMS LA PHYAG DBANG DANG GNANG CHA, SGER MJAL ZHU MI RNAMS LA SLOG CHA BCAS STZAL, BKRA SHIS CHOS RDZONG DU GUNG STON MDZAD DE BKRA SHIS RTZER ZHAG GSUM BZHUGS STAN 'JAGS RING STON CHEN DANG 'BREL BA'I BSNYEN BKUR GZABS, DNGOS 'BUL KYANG GTOS CHE BA BSTABS,
, ,DGA' LDAN CHOS GLING PA, LHA SDINGS PA, CHOS LUNG PA SOGS NAS SGER MJAL ZHUS, CHOS GSUM LA MGON KHANG DU RTZAM KHAL LNGA BCU LAS GRUB PA'I GTOR MA BZHENGS TE LHA MOR GZAB GSOL MDZAD, ZLA BA GCIG RING BSKANG GSO GTONG RGYU'I DGOS CHA YANG STZAL, 'KHRUNGS LHA GZHI BDAG RNAMS LA YANG GSOL MCHOD MDZAD, TSES BCO LNGA LA BKRA SHIS RTZE NAS CHIBS KHA BSGYUR TE G-YANG GZHIS KA'I KLU SDINGS SU GSOL TSIGS DANG, SA SMAD DU ZHAG BZHUGS GNANG, GRONG STOD KHANG GSAR BAS DKAR SPRO DANG DNGOS 'BUL BTEG ,RGOD TSANG SGRUB SDE, RI BO DGE 'PHEL, DGA' LDAN RAB RGYAS, RTZE GDONG CHOS SDE, DAM TSIG GRUB PA, PADMO CHOS SDINGS, LHA LNGA BRAG ,'BAR RA DGON PA, DPAL CHEN, MKHA' SPYOD, MO DGON KHAM BRAG BCAS KYI GRVA BTZUN TSANG MAS SER SPRENG DANG SPYI 'BUL, LAS SNE'I SGER 'BUL BCAS BSTAR, BRUL TSANG PA, RI GDONG PA, DGA' LDAN RAB RGYAS GNYER PA, THOB RGYAL GZHIS KA PA; 'PHEL RGYAS GNYER PA BCAS NAS DNGOS 'BUL GYI MCHOD SPRIN SPROS, TSES BCU DRUG LA GLING GI GRU KHA BYANG DU GSOL TSIGS KYI SAR NYUG CHOS 'KHOR GLING PA DANG, CHU DBAR G-YU RTZE BAS SGER MJAL ZHUS, ZUR BZHI'I BLA MA SOGS KYI CHIBS BSU DANG BCAS MTHONG SMON GSHONGS SU BZHUGS ZHAG MDZAD, DBEN DGON PA DANG BKRA SHIS RDZONG KHA'I GNYER BA SOGS NAS DNGOS 'BUL BSTABS, GZHUNG GNAS GZIMS DPON BYAMS GLING MKHAN PO RJE
BLA MA MCHOG GDAN SA CHEN POR SPYAN 'DREN DANG, SKU'I MTSAMS ZHU 'BUL BA SOGS KYI CHED DU RDZONG STA GNANG BA 'BYOR BAR MJAL KHA BKA' 'DRI GNANG, ZUR BZHI'I BLA MA RNAMS LA THUGS DGYES PA'I BKA' MCHID STZAL, TSES BCU BDUN LA DE NAS CHIBS KHA BSGYUR TE RTA PA STONG PHRAG LHAG PA'I CHIBS BSU DANG BCAS ZAM CHEN SHAR DU THAB 'DZIN SAR PHEBS, CHIBS BSU BA SOGS SER SKYA BRGYA PHRAG MANG POR PHYAG DBANG GNANG, DE NAS CHIBS BSU BA RNAMS DANG GAR ROL BA SOGS KYIS MDUN BSUS, GDAN SA CHEN PO DANG, SNAR THANG CHOS SDE, GANGS CAN CHOS 'PHEL, ZHA LU, RGYAL CHEN RTZE CHOS 'KHOR BDE CHEN LA SOGS PA'I DGE 'DUN STONG PHRAG MANG POS DUR SMRIG GI RGYAL MTSAN GSOL ZHING MCHOD PA'I BYE BRAG SNA TSOGS THOGS PA'I SER SBRENG DANG, MI SDE RNAMS KYI SKYE BO PHO MO BRGYA PHRAG MANG PO'I BRO GZHAS SOGS TSAR DU DNGAR, BLA BRANG DANG, GRVA TSANG KHAG ,SPYI KHANG SO SO BCAS KYI STENG NAS DAR 'PHYAR DANG BSANGS SNA'I DUD SPRIN, DUNG CHEN GYI SGRA DBYANGS LA SOGS PAS MNGON PAR MCHOD DE, CHOS GRVA CHEN PO BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING GI GZIMS KHANG RGYAL MTSAN MTHON PO'I GZIMS CHUNG BKA' GDAMS PHO BRANG GI 'JIGS BRAL GDONG LNGAS BTEG PA'I RDO RJE'I KHRI 'PHANG MTHON POR ZHABS KYI PADMO BKOD, DE'I TSE PHYOGS PHYOGS SU 'BRUM YOL DU BYON PA RNAMS KYANG 'DUS NAS DPON SLOB TSANG MA ZHAL 'DZOM ZHING SNGON MED PA'I PHAN BDE'I
, ,RDZOGS LDAN GYI DGA' STON LA ROL PAR GYUR TO, ,TSES BCO BRGYAD LA TSOMS CHEN DU RDO RJE'I KHRI 'PHANG CHE MTHOR ZHABS ZUNG BKOD, 'PHRIN LAS PA CHEN PO DANG YONGS 'DZIN MKHAN RIN PO CHE, ZUR BZHI'I BLA MA, THOS GLING ZHAL SNGA NAS KYI SKU SKYE, LA DVAGS SA SKYONG GI SRAS, GZIMS DPON BYAMS GLING MKHAN PO, NO MON HAN DE MO SPRUL PA'I SKU RIN PO CHE'I MTSAMS ZHU 'BUL MI DANG DPAL LDAN SA SKYA'I MGRON GNYER, 'PHAGS YUL BHANGGA LA'I YUL GYI BHO GOL SA HEB 'KHOR BCAS DANG, W'A RA nA SI'I SA SKYONG TZE TE SING BHA DUR DANG KA SHI MI RI MAL GYI MI SNA 'GU BZANG NGO G-YOG ,HAL HA DANG, MTSO SNGON RGYAL KHAG GI MI SNA SOGS SOG RIGS RNAM MANG, GZHIS RTZE RDZONG DPON BCAS MGRON DU 'OS PA'I SER SKYA MANG PO GRAL DU 'KHOD PA'I THOG BLA BRANG NAS STON CHEN DANG 'BREL BA'I BSNYEN BKUR GZAB CING LEGS SKYES BSTAR, PHYAG PHYAG PA BLO BZANG MKHAS MCHOG NAS GRAL 'PHROS MDZAD, JO RDZONG PA DKA' CHEN BLO BZANG BKRA SHIS DANG GCEN LUNG PA DKA' CHEN BLO BZANG DPAL 'BYOR GNYIS KYIS TSAD MA RNAM 'GREL GYI MCHOD BRJOD LAS BRTZAMS TE LUNG RIGS KYI SGO BRGYA PHYE, GAR PA RNAMS KYIS ROL RTZED KYI ZLOS GAR YANG MNGON PAR BSGYUR, DER TSOGS PA THAMS CAD LUS SEMS BDE BAS TSIM ZHING DGA' BA'I CA CO SGROG PAR BYED DO, ,GSAR BSKRUN TSE DPAG MED LHA DGU'I SNANG BRNYAN BZHUGS PA'I GZHAL MED KHANG CHEN PO TSE CHOG LHA KHANG DU GRAGS PAR ZHABS ZUNG BKOD DE, RTEN SO
SOR LHA RDZAS BZANG PO'I SNYAN SHAL DANG GTZO BO'I SKU MDUN DU DNGUL GYI MAndAL LA SOGS PA'I MCHOD RDZAS PHUL NAS BSTAN 'GROR PHAN BDE 'BYUNG BA'I THUGS SMON GNANG ZHING SHIS PA BRJOD PA'I ME TOG GTOR, DE'I PHYI NYIN RJE BLA MA MCHOG TSOMS CHEN DU ZHABS ZUNG BKOD, MGRON DU 'OS PA GONG GSAL THOG ,ZHI BA BZANG PO, MDA' DPON PAD TSAL, GRVA TSANG DANG MI TSAN KHAG GI LAS SNE BCAS GRAL DU 'KHOD PA LA, ZUR BZHI'I BLA MA DANG GRVA TSANG SPYI SO MI TSAN SO SO, ZHAM RING DRAG 'BRING DKYUS GSUM BCAS SPYI NAS STON CHEN DANG 'BREL BA'I ZHABS TOG RGYAS PAR BSTAR, GRAL 'PHROS, GAR ROL SOGS SNGAR BZHIN LA, DPE THUB PA DKA' CHEN BLO BZANG BZOD PA DANG SER KHANG PA DKA' CHEN DGE LEGS RGYAL MTSAN GNYIS KYIS LEGS BSHAD KYI MCHOD SPRIN SPROS, DE YANG SKYABS MGON THAMS CAD MKHYEN PA NYID DBEN DGON DANG, BDE CHEN RAB RGYAS GNYIS SU MTSAN DPE'I DKYIL 'KHOR GSAL DVANGS SU BZHUGS PA NAS GDAN SA CHEN POS MTSON, YUL PHYOGS RNAMS SU NAD RIMS LA SOGS PA NYER 'TSE MTHA' DAG MING GI LHAG MA TZAM DU GYUR TE BSTAN 'GRO'I PHAN BDE'I SNANG BA PHYOGS BRGYAR 'BAR BZHIN PA'I THOG GDAN SA CHEN POR ZHABS ZUNG BKOD PA'I RTEN 'BYUNG LEGS 'BUL ZHUS, SLAR YANG ZHABS PAD RDO RJE'I RANG BZHIN DU BRTAN NAS ZAB RGYAS CHOS KYI 'KHOR LO RGYUN MI 'CHAD DU BSKOR BAR GSOL BA 'DEBS RTEN MDZOD BTAGS, MAndAL, SKU GSUNG THUGS RTEN, NA BZA' NYER SPYAD
, ,SOGS DNGOS 'BUL SBAM MTHO BA BTEG ,ZHAL SNGA NAS RNAM PA BZHIS MTSON GONG GSAL RNAMS KYIS LHA RDZAS DRI BRAL DANG BCAS PHYAG DBANG ZHUS, 'BRONG RTZE CHOS SDE PA SOGS SER SKYA MANG POR PHYAG DBANG STZAL, BAD TSAL MDA' DPON PHUN TSOGS RNAM RGYAL, GZHUNG SA'I LEGS 'BUL BA RTZE DRUNG GNYIS, AOR TU SU WANG DON GRUB RGYA MTSO'I DGE SGRUB PA NANG SO CHOS GRAGS, AU CU MU CHIN DKA' BCU NGAG DBANG RGYA MTSO, JA SAG THU SA LAG CHI SOGS SOG RIGS MI SNA NGO G-YOG NYIS BRGYA DGU BCU SKOR SOGS GSAR 'BYOR LA RIM BZHIN MJAL KHA JA GRAL BKA' 'DRI GNANG, BLA MA ZHI BA BZANG PO DANG, PHUN TSOGS GLING RDO RJE SLOB DPON PA GNYIS SO SOS DNGOS 'BUL BTEG PAR ZHI BA BZANG POR GANG CI'I BKA' 'DRI GNANG, YONGS 'DZIN MKHAN RIN PO CHE NAS TSOGS DBUR SPYAN DRANGS TE ZHABS BRTAN DNGOS 'BUL BSTABS, TSES NYER GNYIS LA GZIMS DPON BYAMS GLING MKHAN PO DANG RTZE DRUNG GNYIS BCAS NAS KHUR BLANG STE, GZHUNG SA NAS 'DUS SDER MANG 'GYED KYI BSNYEN BKUR DANG BCAS TSOGS DBUR SPYAN DRANGS TE RTA RMIG MA LNGA BCU SOGS KYI DNGOS 'BUL GTOS CHE BA BTEG ,TSES NYER BZHI LA ZHA LU CHOS SDE SPYI NAS TSE CHOG DANG 'BREL BA'I SGO NAS ZHABS BRTAN GSOL 'DEBS ZHUS, DE'I PHYI NYIN AOR TU SU PE'I LI'I BLA MA CHOS RJE RAB 'BYAMS PA NGAG DBANG 'PHRIN LAS KYIS TSOGS DBUR SPYAN DRANGS TE ZHABS BRTAN DNGOS 'BUL BSTAR, TSES NYER DGU
LA GSANG SNGAGS RGYUD PA GRVA TSANG DU SPYAN DRANGS, GTZUG LAG KHANG GI STENG DU LHA BEG GI THUGS GSER ZANGS LAS GRUB PA CHE LEGS GSAR BSKRUN BKA' DRIN CHE BAR SNGAGS PA BLO SPYI NAS LEGS SO DANG BRTAN BZHUGS CHABS CIG GI CHED DGONGS JA DANG RTING GNYIS LA TSOGS DBUR SPYAN DRANGS TE RTEN 'BYUNG DNGOS 'BUL RGYA CHER BA STAR, RGYAL SRID RIN PO CHE SNA BDUN DANG BKRA SHIS PA'I RDZAS RTAGS BRGYAD SOGS PHYAG TU PHUL NAS SNGAGS CHEN ZHAL SNGA NAS KYIS GSUNG BSHAD DANG BCAS ZHABS BRTAN GSOL 'DEBS ZHUS, MGON KHANG GI RTEN DANG GZIMS SER LHA MO RNAMS LA MTHUN RDZAS BSTAR, TSES NYER BRGYAD LA BSAM BLO BLA MA'I MI SNA RNAMS KYIS TSOGS DBUR SPYAN DRANGS TE DNGOS 'BUL BTEG ,MTSO SNGON DANG, AOR TU SU PA SOGS MJAL BA GZHAN MA RNAMS KYIS KYANG MCHOD SPRIN SPROS PAR DGA' LDAN LHA BRGYA MA'I KHRID STZAL, GNAM GANG LA BLA MA ZHI BA BZANG POR CHOS RGYAL DUG RI NAG PO'I SGRUB THABS LAS TSOGS DANG BCAS PA'I CHOS SKOR RJE NYID KYI BKA' RTZOM MA'I LUNG GNANG, DE NYIN BHO GOL SA HEB 'KHOR BCAS LA DKAR SPRO DANG GUNG STON SKU GAM DU STZAL TE BKA' ZHI BA TU PHEBS, ZLA BA BCU GNYIS PA'I TSES GCIG LA RGYAL KHANG SPAG RA BAS DNGOS 'BUL DANG BCAS ZHABS BRTAN GSOL 'DEBS ZHUS, SOG RIGS DANG GDAN SA'I GRVA PA BCAS GSAR ZHUGS BCU DGE BSNYEN NAS DGE TSUL BAR BSGRUBS, DE'I PHYI NYIN BLA MA ZHI BA BZANG PO RO G-YOG DANG, LCAGS
, ,LA DPON GYI MTSAMS ZHU BA SOGS KHAMS SOGS SER SKYA MANG POR RJE BTZUN SGROL MA'I RJES GNANG STZAL RJES ZHI BA BZANG PO NGO G-YOG LA THON PHYAG STZAL, SER 'BRAS PA DANG SOG RIGS, KHAMS RMI LI BA SOGS BRGYA DANG GO LNGA BSNYEN RDZOGS BSGRUBS, NO MON HAN DE MO SPRUL PA'I SKU RIN PO CHE NAS LEGS SKYES SBAM MTHO BSTAR BAR 'BYOR LAN DANG 'BUL MI SBREL POR THON CHAS GNANG, TSES DRUG GI NYIN GZHUNG SA'I LEGS 'BUL GYI 'BUL SLOG BZANG PO DANG RTZE DRUNG ZUNG LA GNANG SKYES GZABS, TSES BDUN GYI NYIN GSOL DPON CHEN MO BLO BZANG MKHAS MCHOG NAS TSOGS DBUR SPYAN DRANGS TE LEGS 'BUL SBAM MTHO BTEG STE ZHABS PAD YUN RING DU BRTAN DGOS PA'I GSOL 'DEBS NAN TAN DU ZHUS, TSES DGU LA LHA RTZE MKHAN PO DKA' CHEN BLO BZANG SKAL BZANG GIS TSOGS DBUR SPYAN DRANGS TE RTEN 'BYUNG GI DNGOS PO BSTAR, TSES BCU GCIG LA MTSAN SGROG 'DUS SPYI NAS ZHABS BRTAN PHUL, KHAMS 'GRUL DANG CHOS SKYONG SKYABS PE'I LI'I MI SNA SOG RIGS MANG PO LA 'DOD CHOS SU RDO RJE SEMS DPA', SPYAN RAS GZIGS, RNAM RGYAL MA, MGON DKAR BCAS KYI RJES GNANG, MGON PO 'OD DPAG MED LA BRTEN PA'I 'PHO KHRID, SMYUNG GNAS KYI CHO GA'I LUNG BCAS STZAL, GNYER PA BTZAN RGOD 'BYOR GDONG RGYAL DBANG THAMS CAD MKHYEN PA CHEN PO NAS MTSAMS ZHU'I ZHU YIG DANG, RGYAL YUM PHUN TSOGS DBANG MO SRAS BCAS KYI MTSAMS
ZHU BA 'BYOR PAR LAN DANG BCAS THON CHAS STZAL, RMI LI CHOS MDZAD DANG LCAGS LA'I MGRON GNYER, AOR TU SU DANG MTSO SNGON PA SOGS LA GNANG SKYES DANG BCAS THON PHYAG GNANG, TSES BCU GSUM LA DKYIL KHANG GRVA TSANG DU SPYAN DRANGS TE GSOL STON BTEG ,DREGS PA LCAM SRING LA PHE RING GI RAL GRI SOGS SPYAN GZIGS BSTAR NAS GTANG RAG GI BSKANG GSO MDZAD, DGONGS JA'I THOG TSOGS DBUR SPYAN DRANGS TE DNGOS 'BYOR GYI MCHOD SPRIN SPROS, SOG RIGS MI BZHI DGE BSNYEN BSGRUBS, RTZAM KHAL LNGA RE LAS GRUB PA'I GTOR MA DANG MCHOD TSOGS RGYA CHEN PO BCAS BSHAMS TE CHOS RGYAL, ZHAL BZHI PA, LHA MO RNAMS LA GTANG RAG BSKANG GSO NYIN GSUM GYI RING MDZAD, GZHUNG SA'I MGRON GNYER ZHA LU MKHAN PO 'BRAS LJONGS DANG GOR shA'I G-YUL 'KHRUG GI CHINGS SGRIG TU BSKYOD RGYUR MJAL KHA DANG JA GRAL THOG 'PHRAL YUN DU SMAN PA'I BKA' MCHID STZAL, HAR GDONG MI TSAN GYIS TSOGS DBUR SPYAN DRANGS TE DNGOS 'BUL RGYA CHER BSTAR, DE'I PHYI NYIN G-YAG SDE SOG DGON PAS ZHABS BRTAN PHUL, DE DAG GI SKABS SNGA PHYI RNAMS SUS SKYA BDAG CHEN, MDO KHAMS BSTAN PA'I SGRON ME 'PHAGS PA LHA SPRUL PA'I SKU, BKA' BLON DGA' BZHI GUNG PAndI TA, BSAM GRUB PHO BRANG SOGS DU MA NAS ZHU 'PHRIN DANG BCAS PA'I LEGS SKYES BSTAR, SGRA SLOB DPON, 'BRAS LJONGS MNGA' BDAG PA, RGOD TSANG BLA SPYI, BSAM GTAN SGANG PA, MDA' DPON PAD TSAL BA DANG RAM PA BA, GZHIS RTZE
, ,RDZONG DPON GDONG SNA BA, RNAM GLING RDZONG DPON, BKRA SHIS MTHONG SMON PA, MAG SOG KHANG PA BCAS DANG, GZHAN YANG LHA SDE MANG PO'I BLA SPYI, RDZONG GZHIS KYI SNE MO LAS 'DZIN SGER DRAG LA SOGS PA SPYI SGER DU MA NAS RANG 'BYOR DANG BSTUN PA'I LEGS 'BUL BTEG ,TSES NYI SHU LA YONGS 'DZIN MKHAN RIN PO CHE DANG GSOL DPON BLO BZANG MKHAS MCHOG GNYIS SO SOR 'BUL BA'I SLOG CHA GYA NOM PA DANG, BRTAN BZHUGS DANG LEGS SKYES 'BUL MI MTHA' DAG LA GNANG CHA GZABS, BKRA SHIS RTZE'I SKU NGO, G-YAG DPON RNAM RGYAL TSE RING, BRUL TSANG BA RNAMS LA MJAL KHA JA GRAL BKA' 'DRI GNANG, SKABS 'DI DAG TU NYIN RE BZHIN GNYUG MAR GNAS PA DANG PHYOGS 'DUS BCAS SKYE BO MANG PO SNGA PHYIR BYUNG BA LA PHYAG DBANG STZAL, TSES NYER GCIG LA GZIMS SBUGS KYI GTOR GZHI SPO BA GNANG STE SPYAN 'DREN KHRUS GSOL, GTOR MA BYIN RLABS 'PHRIN BCOL DANG BCAS PA MDZAD, DE'I PHYI NYIN BSAM SDINGS SPRUL SKUR MJAL KHA JA GRAL GUNG STON DANG BCAS STZAL CING BKA' 'DRI GNANG, NGO MTSAR BKOD PAR GTOR MA BYIN RLABS SKABS NAS BZUNG RIM BZHIN TSOGS SKOR DRUG LA TSOGS DBUR ZHABS ZUNG BKOD, GOR shA SA SKYONG GI BANG CHEN LA MJAL KHA JA GRAL THOG NA GA RA'I SKAD DU BKA' 'DRI ZHIB RGYAS GNANG, BDE 'BYOR BA BLO BZANG BKRA SHIS, GRANG MO CHE BA BLO BZANG 'PHRIN LAS, LHUN PO RTZE BA SKAL BZANG MCHOG GRUB, BZHAD PA BLO BZANG TSUL KHRIMS, LCAGS
PA BLO BZANG DON GRUB, GCEN LUNG BA YE SHES BZOD PA BCAS KYIS RNAM 'GREL GYI THAL PHRENG LE'U BZHI, DBEN GDON PA BLO BZANG YAR 'PHEL, DPAL LDAN 'JIGS MED, YE SHES DON GRUB, BLO BZANG RGYAL MTSAN, DPAL LDAN 'PHRIN LAS, BLO BZANG BSTAN 'DZIN RNAMS KYIS BDE MCHOG RTZA RGYUD, NOR BU DGA' LDAN PA YE SHES DAR RGYAS NAS RNAM 'GREL GYI RTZA BA DANG RNAM BSHAD THAR LAM GSAL BYED SHAN SBYAR PA, SRAD PA BLO BZANG BSOD NAMS KYIS SPYI DON RIGS RGYAN, DGA' LDAN CHOS 'KHOR BA BLO BZANG BSTAN DAR NAS PHAR PHYIN SKABS GSUM PA DANG BZHI PA, BLO BZANG BSTAN DAR GYIS 'DUL BA BDE LEGS NYI MA'I GZHI STOD DANG SGRA PA SHES RAB RIN CHEN GYI RTZOD LAN SENGGE'I NGA RO, SA BDE CHEN PA BLO BZANG PHUN TSOGS KYIS PHAR PHYIN GYI 'GREL PA, GU GE BA BLO BZANG BSTAN 'DZIN NAS 'DUL BA GZHI STOD GZHI SMAD, 'BRONG RTZE BA YE SHES BKRA SHIS DANG BLO BZANG DON GRUB KYIS DUS 'KHOR GYI CHO GA YONGS RDZOGS, SNAR THANG PA YE SHES BKRA SHIS NAS LAM RIM 'BRING PO, DBEN DGON PA BLO BZANG DGE LEGS KYIS BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I MYUR LAM BCAS KYI RGYUGS PHUL BAR GNANG CHA SNGAR SROL BZHIN STZAL, ` MYOS BYED CES PA SHING MO LUG GI LO ZLA BA DANG PO'I NANG DU TSONG DPON YUL LHA BAS TSOGS DBUR SPYAN DRANGS TE DNGOS 'BUL DANG BCAS ZHABS BRTAN PHUL, ZHAL NGO DBANG 'DUS DANG 'OD YUG BRAG
, ,DKAR BLA SPYI GNYIS SO SO NAS ZHABS BRTAN GSOL 'DEBS ZHUS, SO SOR 'BUL SLOG DANG BRAG DKAR BAR MANG 'GYED BCAS GNANG, SKYID SBUG SPRUL SKU DANG BKA' BLON JA SAG BLA MA'I MTSAMS ZHU 'BUL MI NANG SO GRO SKYID NGO G-YOG ,DRUNG YIG PHUN TSOGS BKRA SHIS SOGS SER SKYA MANG POR PHYAG DBANG RIM BZHIN STZAL, TSES BCU GCIG LA YAB GZHIS BKRA SHIS RTZE NAS DNGOS 'BUL DANG BCAS ZHABS BRTAN GSOL 'DEBS ZHUS, ZHAG BDUN GYI RING MCHOD GTOR RGYA CHE BA DANG BCAS DPAL MGON ZHAL BZHI PAR GSUNG BSKANG, 'PHRIN BCOL SOGS SMIN RGYAS GNANG, MDA' DPON LCANG LO CAN PA NAS DNGOS 'BUL BSTAR, 'BRAS LJONGS MNGA' BDAG PA SOGS LA MJAL KHA STZAL, TSES BCU DGU LA GZIMS CHUNG NYI 'OD 'KHYIL BAR RGYA GAR RDO RJE GDAN GYI GANDHO LA'I ZHING BKOD DANG GONG MA CHEN MO NAS 'BUL GNANG GI SANGS RGYAS RABS BDUN GYI SKU THANG SOGS KYI SKU MDUN DU SNA LNGA'I BRGYA MCHOD DANG BCAS MGON KHANG PA RNAMS DANG LHAN CIG SPYAN 'DREN KHRUS GSOL, MCHOD 'BUL, CHOS SKYONG DREGS PA LCAM SRING LA GSER SKYEMS BCAS 'BUL BA GNANG, TSES NYI SHU'I NYIN BSAM SDINGS SPRUL BA'I SKU NAS ZHUS NGOR DBEN SA SNYAN BRGYUD LUGS KYI TSE DBANG BRGYA RTZA DANG, DE RJES ZHABS PHYI RNAMS LA TSE DBANG TSAR GCIG BCAS GNANG ZHING, BKRA SHIS RTZE DANG BRU RI KHANG DMAR BCAS KYI NGO G-YOG RNAMS LA DNGOS PO'I GNANG SKYES BCAS THON PHYAG STZAL, DE BSTAN?
'BRONG RTZE'I LCAM DANG GZHIS RTZE RIN SPUNGS PA NAS DNGOS 'BUL BCAS MJAL KHA ZHUS PA DANG BSTUN CHOS GRVA CHEN PO 'DI KHA'I LO SNGON MA RNAMS KYI DKA' CHEN TSANG MAR BKA' BSGO GNANG, TSES NYER BDUN NYIN SHEL DKAR CHOS SDE BLA SPYI NAS ZHABS BRTAN PHUL ZHING SLOG CHA YANG STZAL, GZIMS DPON BYAMS GLING MKHAN PO THON SKABS RGYAL DBANG MCHOG GI BKA' LAN DANG, KHONG RANG LA'ANG GNANG SKYES GZABS, GDAN SA 'DI DANG SER 'BRAS PA SOGS GRVA PA BRGYA DANG LNGA BSNYEN RDZOGS BSGRUBS, ZLA BA GNYIS PA'I TSES GNYIS LA BSAM SDINGS SPRUL SKUR MJAL KHA'I THOG DAM PA'I CHOS KYI GSUNG GLENG MANG DU MDZAD, TSES DGU'I NYIN ZHVA DMAR SPRUL PA'I SKU'I PHYAG MDZOD DANG, SRAD RIN CHEN RTZE'I RDZONG DPON NGO G-YOG LA PHYAG DBANG DANG JA GRAL BKA' 'DRI GNANG, TSES BCU BZHI LA BSAM SDINGS SPRUL SKUR PHEBS RDZONGS SBAM MTHO BA STZAL, AOR TU SU T'A PE'I SI'I BLA MA DPE THUB PA CHOS RJE NGAG DBANG 'PHRIN LAS NGO G-YOG LA'ANG THON PHYAG GNANG, TSES BCU BDUN NAS BZUNG THOR GOD DBANG RGYAL PE'I LI'I MI SNA RAB 'BYAMS PA NGO G-YOG SUM CU SKOR DANG, BRAG G-YAB SPRUL SKU CHUNG TSANG GSHEGS PA'I DGONGS RDZOGS SGRUB MI MDZOD PA NGO GA-YOG, GZHUNG SA'I MANG SKOL DO DAM PA BCAS RIM BZHIN 'BYOR PAR PHYAG DBANG DANG JA GRAL BKA' 'DRI MDZAD, SHANGS MA GTOGS PA'I SGRUB SDE RNAMS DANG PHUN TSOGS GLING 'DUS SPYI, MKHAN PO BZHAD PA DKA' CHEN RJE DRUNG BLO BZANG BKRA SHIS, GRANG
, ,MO CHE BA GZHIS BYES THUN MONG, SRAD NOR BU CHOS 'KHOR BA GZHIS BYES, LHA RTZE DGA' LDAN 'OG MIN GLING BLA GRVA SPYI BCAS SO SO NAS DNGOS 'BUL DANG BCAS ZHABS BRTAN GSOL 'DEBS ZHUS PAR RI KHROD PA RNAMS LA GRUB RGYAL LUGS KYI TSE DBANG DANG MANG JA BRGYA DANG LNGA BCU 'GYED BCAS, LHA RTZE 'OG MIN GLING PAR TSE DBANG, DGA' LDAN PHUN TSOGS GLING BAR SGROL MA DANG GDUGS SHER GYI LJAGS LUNG, SRAD NOR BU CHOS 'KHOR BA RNAMS LA SMAN BLA'I MDO CHOG GI LJAGS LUNG, SO SOR 'BUL SLOG MANG 'GYED BCAS STZAL, DE RJES THOR GOD PE'I LIS CHED DU MNGAGS PA'I AEL CHI RNAMS DANG BRAG G-YAB SPRUL SKU'I MDZOD PA, RVA LO SKU SKYE'I GNYER BA BCAS NAS GZIMS CHUNG ZHABS BRTAN PHUL, THOR GOD MI SNAS ZHUS NGOR KHONG RNAMS DANG, ZHAL SNGA NAS BZHI, KHAMS 'GRUL BA SOGS SER SKYA BRGYA PHRAG GNYIS BRGAL BAR MI G-YO BA DKAR PO DANG, TSE DPAG MED, YUM CHEN MO BCAS KYI RJES GNANG, DGA' LDAN LHA BRGYA MA'I KHRID DANG RJE BLA MA MCHOG GI GSUNG 'BUM GRAS NAS DMIGS BRTZE MA'I LAS TSOGS BCU GCIG GI LJAGS LUNG BCAS DANG, MI SNA RNAMS DANG BRAG G-YAB PHYAG MDZOD SO SOR 'BYOR LAN DANG THON PHYAG GNANG, KHAMS SOG ,SER 'BRAS PA SOGS NYIS BRGYA DANG ZHE DGU BSNYEN RDZOGS BSGRUBS, ZLA BA GSUM PA'I TSES GSUM LA GONG MA BDAG PO CHEN PO NAS LHA SA'I AAM PAN BRGYUD BKA' PHAB PAR,
PAn CHEN AER TE NIS SNGAR PHUL BA'I TSE DPAG MED KYI SNANG BRNYAN RNAMS SHIN TU LEGS PAS MCHOD GNAS SU BZHUGS YOD, DA CHA RGYAL BA RIGS LNGA, SEMS DPA' BRGYAD, SPYAN RAS GZIGS, GSANG BDE 'JIGS GSUM, CHOS RGYAL, LHA MO, DGYES RDOR RNAMS BZHENGS BCUG NAS MCHOD RGYU YIN PAS LHA SO SO'I SKU TSAD MA DPE BRIS NAS BSKUR RGYU YIN, YON DU DNGOS SKYES GNANG BA RNAMS MI SNA MKHAN POR SPRAD YOD, 'PHRAL DU BZO MGO BRTZAMS NAS SPUS GANG LEGS BSGRUBS TE SPREL LO MI SNA YONG SKABS KHYER YONG DGOS, 'DI'I CHED DU BKA' PHAB PA YIN ZHES PA DANG DE MTSUNGS LCANG SKYA RIN PO CHE NAS KYANG RGYU MTSAN ZHIB BKOD KYI PHYAG BRIS GNANG BA SOGS 'BUL BAR GZHUNG SA'I RTZE DRUNG TSA TI CHOS MDZAD NGO G-YOG 'BYOR BAR PHYAG DBANG JA GRAL THOG BKA' 'DRI PHEBS SHING, GONG MA CHEN POR BKA' LAN KYANG DE 'PHRAL 'BUL BA MDZAD, TSES BDUN NYIN BSTAN PA'I GSAL BYED BRAG G-YAB SPRUL SKU CHE TSANG DPAL LDAN BSTAN PA'I RGYAL MTSAN MJAL KHAR PHEBS PAR JA GRAL THOG DGYES PA'I BKA' 'DRI PHEBS, GSOL TSIGS RGYAB LA BHO GOL SA HEB DANG, BHRAG DHAR NGO G-YOG LA MJAL KHA'I THOG YUL DBUS KYI BKA' MCHID ZHIB RGYAS DANG, NGO BO GNYIS LA GYON PA SOGS KYI GNANG CHA YID MGU BA DANG BKA' LAN RTEN SBRAGS BCAS THON PHYAG STZAL, TSES BRGYAD LA SRAD RGYUD BLA SPYI THUN MONG NAS BRTAN BZHUGS PHUL BAR SLOG CHA DANG MANG 'GYED KYANG GNANG, TSES
, ,BCU GNYIS LA BRAG G-YAB SPRUL SKU DANG, MDA' DPON PAD TSAL BA, DGA' LDAN CHOS 'KHOR GYI MKHAN PO RNAMS LA PHYAG DBANG DANG BKA' 'DRI STZAL, GSER SDUD PA SOGS PHYOGS 'DUS MANG POR MJAL KHA GNANG, TSES NYER GNYIS LA ZHVA DMAR SPRUL PA'I SKU NGO G-YOG PHEBS PAR MJAL KHA'I THOG DGYES PA'I GSUNG GLENG MDZAD, 'DI SKABS GDUGS DKAR DBU STONG PHYAG STONG GI SNANG BRNYAN GSER ZANGS LAS GRUB PA KHRU PHYED DO TZAM YOD PA, RIN PO CHE SNA TSOGS PA'I PHRA RGYAN GYIS MDZES PA, RING BSREL RNAM BZHIS GTAMS PA RAB GNAS RGYAS PAR MDZAD DE 'DUS SNGA'I THUGS DAM RTEN DU SBYOR 'JAGS GNANG PA'I ZHAL BSROR 'DUS TSOGS SU MANG 'GYED STZAL, RONG BYAMS CHEN GYI RGYA PHIBS GSAR BCOS KYI ZHAL 'DEBS SU GSER MGUR ZHO BRGYA, JA 'KHOR DRUG GSUM, LA MO BYANG CHUB LCOG GI GTZUG LAG KHANG GI LDEB BRIS NYAMS GSO'I THEBS SU GSER SHOG KHRI BAM BZHI, SHAG MTSAL THUR SRANG LNGA BCU NGA LNGA, GSER SRANG GSUM BCAS GNANG, TSES NYER BDUN LA RGYAL RONG KHRO SKYABS DPON GYIS DNGOS 'BUL BTEG PAR 'BYOR LAN DANG GNANG CHA, GTING SKYES RDZONG DPON LCE BDE BA SOGS PHYOGS 'DUS MANG POR PHYAG DBANG GNANG, DON GNYER BA ZHE LNGA BSNYEN RDZOGS BSGRUBS, ZLA BA BZHI PA'I TSES GNYIS LA BRAG G-YAB SPRUL SKU DPON SLOB DANG, SER 'BRAS PA SOGS BRGYA PHRAG MANG POR BYANG CHUB LAM GYI RIM PA BDE LAM
GYI KHRID GNANG BA'I DBU TSUGS, TSES LNGA'I NYIN BRAG G-YAB SPRUL PA'I SKUS TSOGS DBUR SPYAN DRANGS TE DNGOS 'BUL GTOS CHE BA DANG BCAS ZHABS BRTAN GSOL 'DEBS ZHUS, TSES DGU'I NYIN MCHOD GTOR DANG BCAS DAM CAN RGYA MTSOR BSKANG GSO MDZAD, TSES BCO LNGA LA BRAG G-YAB SPRUL SKU DANG LO CHEN SPRUL SKU BLO BZANG BSTAN 'DZIN RGYAL MTSAN SOGS BZHI BCU ZHE LNGA LA BSNYEN PAR RDZOGS PA'I SNGOM PA STZAL TE BSLAB PA YONGS SU RDZOGS PA'I GZHI LA BKOD, TSES BCU DGU LA BDE LAM GYI KHRID YONGS RDZOGS GRUB NAS SKAL BA DANG LDAN PA RNAMS THEG PA CHEN PO'I LAM DU BKRI BAR BZHED DE SLOB DPON CHEN PO ZHI BA LHA DANG JO BO AA TI SHA'I MAN NGAG GIS BRGYAN CING, RGYAL BA'I SRAS KYI SPYOD PAR SPRO BA BSKYED PA'I GSUNG BSHAD SNGON DU 'GRO BA'I SGO NAS LUS CAN KUN GYI RGUD PA DRUNGS NAS 'BYIN PA'I RTZI SMAN GYI LJON PA CHEN PO, SRAS BCAS RGYAL BA RNAMS KYIS YONGS SU BSNGAGS PA'I LAM BZANG PO, BLA NA MED PA'I BYANG CHUB KYI SEMS RIN PO CHE DE NYID THEG PA CHEN PO'I RIGS KYI NUS PA MNGON PAR BRTAS PA'I GDUL BYA RNAMS KYI RGYUD LA BSKYED DE BYANG CHUB SEMS DPA'I SNGOM PA 'BOGS PAR MDZAD PAS RIGS KYI SGO NAS NYAN RANG DGRA BCOM PA RNAMS ZIL GYIS GNON NUS PA'I DPAL YON DANG LDAN PAR MDZAD DO, ,SNYING RJE'I CHA SHAS GANG BA'I ZLA SHEL LAS, ,SEMS BSKYED 'DUNG RTZI'I THIGS 'PHRENG 'DZAG PA YIS, ,SKAL BZANG 'GRO BA'I BLO MTSOR REG PA NA, ,THEG MCHOG
, ,RIGS KYI KU MUD RGYAS PAR MDZAD, ,SRID PA'I KHUR GYIS DUB PA'I LUS CAN RNAMS, ,RIN CHEN SEMS MCHOG BZUNG BA'I MOD NYID LA, ,RKANG SOR BSKYOD PA'I RDUL GYI DOG PA YANG, ,MIG STONG LDAN PAS MTHON MTHING RAL PAR 'DZIN, ,ZLA BA LNGA PA'I TSES GNYIS LA BRAG G-YAB SPRUL BA'I SKU DANG PHYOGS 'DUS MANG POR PHYAG DBANG GNANG, TSES BCU GNYIS LA TSE 'DAS 'GA' ZHIG GI CHED SBYANG BZHU'I SGO NAS SDIG SBYONG MDZAD, TSES BCO BRGYAD LA 'BRUG SDE SRID NAS GANGS RI'I GNAS 'DZIN BLA MA'I GDONG SKU'I MTSAMS ZHU'I RTEN SBAM MTHO PHUL BAR BANG CHEN PA RNAMS LA PHYAG DBANG DANG BKA' LAN RTEN SBRAGS BCAS DANG, 'PHAGS YUL KA SHI'I SA SKYONG GI MI SNA KI SING PU RI NGO G-YOG LA GNANG SKYES STZAL THOG KA SHI R'A DZA DANG, KA SHI MI RIM LA GNYIS LA'ANG GSUNG 'PHRIN RTEN LDAN STZAL, TSES NYER GNYIS LA BKA' 'GYUR BLA MA MER GAN CHOS RJES GZIMS CHUNG ZHABS BRTAN PHUL, NO MON HAN DE MO SPRUL PA'I SKU NAS KHUR BZHES TE BSAM YAS KYI GTZUG LAG KHANG RNAMS LA GZHUNG NAS NYAMS GSO MDZAD PA'I THEBS SU GSER MGUR ZHO BZHI BCU ZHE LNGA, DNGUL SRANG LNGA BRGYA, LHA KHANG RNAMS LA STONG MCHOD THOG BYANG CHUB CHEN PO SOGS RTEN GTZO RNAMS LA SNYAN SHAL DANG, AAR STON DOD DNGUL SRANG SUM BRGYA LNGA BCU BCAS GNANG, BSGRUB BYA ZHE BDUN BSNYEN RDZOGS BSGRUBS, ZLA BA DRUG PA'I TSES GNYIS LA BRAG G-YAB SPRUL PA'I SKU NAS DUS 'KHOR
SMON LAM GYI t'IKKA GSAR RTZOM GYI GSOL 'DEBS ZHUS PA DANG ZHABS PHYI RNAMS KYIS ZHUS NGOR SPRUL PA'I SKU'I ZHABS BRTAN GSOL 'DEBS BKA' RTZOM BCAS GNANG NAS DPON G-YOG RNAMS LA LJAGS LUNG YANG STZAL, 'DI SKABS BRAG G-YAB SPRUL PA'I SKU LA GONG SMOS BYANG CHUB LAM RIM BDE LAM GYI KHRID DANG, GSANG 'DUS RTZA RGYUD, SHAMBHA LA'I LAM YIG ,CHOS RGYAL DUG RI NAG PO'I CHOS SKOR BCAS KYI LJAGS LUNG, 'JAM DBYANGS CHOS SKOR DANG MGON PO PHYAG DRUG PA, DPAL LDAN LHA MO BCAS KYI RJES GNANG DANG GDUGS DKAR LHA SO BDUN, TSE DPAG MED LHA DGU, 'PHAGS PA BCU GCIG ZHAL, 'JIGS BYED DPA' BO GCIG PA, BDE MCHOG DRIL BU LUS DKYIL RNAMS KYI DBANG CHEN DANG, SPRUL PA'I SKU, YONGS 'DZIN RAB 'BYAMS PA, YONGS 'DZIN RJE ZHAL SNGA NAS GSUM LA CHOS RGYAL DUG RI NAG PO DANG, GONG STENG LO CHEN SPRUL PA'I SKU BCAS LA CHOS RGYAL PHYI NANG GSANG GSUM SOGS KYI RJES GNANG RNAMS RIM BZHIN STZAL, TSES LNGA'I NYIN SPRUL PA'I SKU NAS RGYU YON SBYAR TE GZIMS CHUNG NYI 'OD 'KHYIL PAR SNGAGS PA NYI SHUS 'KHOR LO BDE MCHOG GI CHO GA MDZAD PA'I TSOGS DBUR RJE BLA MA MCHOG SPYAN DRANGS NAS TSOGS MCHOD DANG MAndAL, RTEN GSUM, DNGUL, JA, GOS DAR SOGS PHYI NANG GSANG BA'I MCHOD PA'I YON 'BUL GZAB PA MDZAD, TSES DRUG LA BRAG G-YAB SPRUL BA'I SKU RIN PO CHE NGO G-YOG LA GRUB RGYAL LUGS KYI TSE DBANG GNANG STE PHEBS RDZONGS SU SNANG BRNYAN,
, ,GSER DNGUL, GOS DAR SOGS SBAM MTHO BA DANG ZHABS PHYI RNAMS LA'ANG GO BABS DANG BSTUN PA'I GNANG SKYES STZAL, BZHUGS RING SNGA PHYIR STON MO ZUR GSOS SOGS BDAG RKYEN GZABS, PHYOGS 'DUS BCO LNGA BSNYEN RDZOGS DANG, BCO BRGYAD DGE TSUL BSGRUBS, TSES BCU GNYIS LA SPRUL PA'I SKUS DNGOS SKYES DANG BCAS SKYABS 'JUG ZHUS PAR THUGS GNYER LA 'BAD BRTZON DANG BSTAN 'GROR GANG PHAN MDZAD DGOS SOGS KYI ZHAL TA PHEBS, RTA THAB KYI SKYEL MA RNAMS SNGAR RGYUN BZHIN GNANG, TSES BCO BRGYAD KYI NYIN 'JIGS BYED LA MCHOD GTOR RTZAM KHAL BRGYA DANG BCO LNGA LAS GRUB PA DANG, GSHAM GSAL CHOS SKYONG RNAMS LA RTZAM KHAL BRGYA PHRAG RE LAS GRUB PA'I GTOR MA DANG MCHOD TSOGS SPYAN GZIGS BCAS BSHAMS TE CHOG ROGS PA DANG BCAS YI DAM, CHOS RGYAL, LHA MO, ZHAL BZHI PA, BEG TZE, CHOS SKYONG KUN 'DUS BCAS SO SO'I BSKANG GSO 'PHRIN BCOL GNAD SMIN NYIN LNGA'I RING MDZAD, TSES NYER BDUN LA GRO SHOD DGA' LDAN CHOS 'KHOR GYI BLA MA SOGS PHYOGS 'DUS SER SKYA MANG POR PHYAG DBANG STZAL, ZLA BA BDUN PA'I TSES GCIG LA DGE BSKOS SA LUNG PA DKA' CHEN BLO BZANG CHOS 'DZIN GYIS GSOL BA BTAB NGOR 'DUS TSOGS SU BYANG CHUB LAM RIM BDE LAM GYI DMAR KHRID STZOL BA'I DBU TSUGS, BDE MCHOG SGRUB MCHOD SKABS LHA KHANG RNAMS LA SNA LNGA'I BRGYA MCHOD DANG BCAS RTEN GZIGS LA RIM BZHIN PHEBS NAS
RTEN GTZO RNAMS LA SNYAN SHAL, CHOS SKYONG RNAMS LA SPYAN GZIGS MTSON CHA SOGS BSTAR NAS THUGS SMON 'PHRIN BCOL MDZAD, TSES BDUN LA DGE BA'I BSHES GNYEN SKYID GRONG BLA MA YE SHES RGYAL MTSAN GYIS TSOGS DBUR SPYAN DRANGS TE ZHABS BRTAN DNGOS 'BUL SBAM MTHO BA BTEG ,TSES BCU DGU LA MCHOD TSOGS BRGYA PHRAG DU MA DANG BCAS GDAN SA DANG PHYOGS 'DUS DGE 'DUN LNGA STONG BRGAL BAR THEG PA CHEN POR SEMS BSKYED PA'I CHO GA ZHI BA LHA'I LUGS LTAR MDZAD, SNGAGS GRVA PA RNAMS KYIS DBYANGS RGYUGS PHUL BAR BDAG RKYEN STZAL, TSES NYER GNYIS LA BYANG CHUB LAM GYI RIM PA'I KHRID YONGS RDZOGS GRUB STE 'DUS PA'I SDE DANG LHAN CIG DPAL LDAN 'DOD KHAMS DBANG PHYUG MAR MCHOD GTOR RGYA CHE BA BCAS GTOR 'BUL DANG 'PHRIN LAS TSUL BZHIN BCOL BA MDZAD, TSES NYER GSUM LA SNGAGS GRVA'I TSOGS DBUR PHEBS TE GTZUG TOR DANG DBYU GU DRUG CU RTZA BZHI'I GTOR MA BSNGOS, TSES NYER DRUG LA SNGAGS GRVA'I LHA KHANG RNAMS SU PHEBS NAS RTEN RNAMS LA SNYAN SHAL DANG MGON KHANG SBUGS DANG GZIMS SER LHA MO BCAS PAR SPYAN GZIGS BSTAR NAS 'PHRIN BCOL MDZAD, ZLA BA BRGYAD PA'I TSES GCIG LA ZHAL DANG LCAM SRING GI BSKANG GSO GNANG, TSES GNYIS KYI SROD 'KHOR DGON PA'I THOD DU CHAR DRAG DANG 'BRUG SGRA DRAG PO BCAS THOG NYEN CHE BA BYUNG BAR RJE BLA MA MCHOG NAS 'JIGS BYED CHEN PO'I SKUR BZHENGS TE LJAGS SNGAGS 'DREN
, ,BZHIN PAR BSDIGS PA'I STA STANGS SPYAN DMIGS SOGS GNANG BAS DE 'PHRAL ZHI ZHING BYAD PHUR GYI LTAS SU MNGON ZHES GSUNG, SPRIN NAG SRIN PO KHROS PA'I GDONG, ,GLOG 'PHRENG RO 'DZIN STOD 'KHYUG CING, ,GAD RGYANGS 'BRUG SGRA RGOD BZHIN DU, ,GNAM LCAGS GZER MA SPRO BAR CHAS, ,DE TSE DMIGS MED DBYINGS NYID LAS, ,DRAG SNGAGS 'THOR RLUNG G-YO BA'I MOD, ,SOS THAN DUS KYI SPRIN BZHIN DU, ,ZHI PAR GYUR 'DI AE MA MTSAR, ,GNAM GANG LA NYI 'DZIN DANG BSTUN GZIMS CHUNG NYI 'OD 'KHYIL PA DANG 'PHAGS YUL LI MA LHA KHANG SOGS LA SNA LNGA'I BRGYA MCHOD DANG, G-YU LO BKOD PA DANG, TSE CHOG LHA KHANG SO SOR DGE 'DUN NYER GCIG RES SGROL MA DANG TSE GZUNGS GRANGS GSOG MDZAD PAR YON BZANG PO BSTABS, DGONGS MO LHA CHEN ZHAL BZHI BAR THUN GTOR 'BUL BA MDZAD, TSES BDUN GYI NYIN GOD MA CHEN PO NAS LHA SA'I AAM PAN BRGYUD RGYAL RONG RAB BRTAN PHYOGS KYI MI RIGS BZHAD SOGS NA YOD PA RNAMS KYI LAS DON GCOD BAR GZHUNG GI MI DRAG KHA SHAS 'BYOR PAR MGRON GNYER RAB BRTAN ROGS RAM BYED PAR RDZONG STA MDZAD, TSES BCU GCIG NAS BZUNG NYIN LNGA'I RING MCHOD GTOR SPYAN GZIGS RGYA CHEN PO BSHAMS NAS CHOG ROGS PA DANG BCAS CHOS SKYONG DREGS PA LCAM SRING GI GTOR CHEN BSGRUBS SHING MJUG TU DKYIL KHANG ZHAL SNGA NAS KYIS ZOR 'PHANGS PAS ME BKRA DANG DUD PHYOGS LEGS PA
BYUNG; DE'I PHYI NYIN BDE YANGS SU SPYAN GZIGS SROG CHAGS DAR TSON SNA LNGAS BRGYAN PA BSTAR NAS GTANG RAG BSKANG GSO MDZAD, TSES BCU BDUN LA MGRON GNYER CHOS MDZAD PHYIR 'KHOR LA MJAL KHA DANG BKA' 'DRI GNANG, GZHUNG SA NAS 'BRAS MO LJONGS DANG GOR shA G-YUL 'KHRUG BYAS PAR CHINGS SGRIG BYED PAR MNGAGS PA'I MDA' DPON PAD TSAL BA DANG, MGRON GNYER ZHA LU MKHAN PO BCAS RIM BZHIN 'BYOR PAR PHYAG DBANG JA GRAL THOG BKA' 'DRI DANG GNANG CHA BCAS THON PHYAG STZAL, TSES NYER LNGA'I NYIN SKYID GRONG BLA MA YE SHES RGYAL MTSAN SPONG BA PA RNAMS DANG BCAS DBUS PHYOGS SU 'BYON RGYUR THON PHYAG THOG DAM PA'I CHOS DANG 'BREL BA'I GSUNG GLENG DANG DNGOS PO'I GNANG SKYES, 'BUL SLOG BZANG PO BCAS GNANG BA DANG BSTUN RGYAL DBANG MCHOG DANG, NO MON HAN DE MO SPRUL PA'I SKU, PHUR BU LCOG SPRUL PA'I SKU RNAMS LA MTSAMS ZHU'I BKA' RGYA DANG, JO SHAKA RNAM GNYIS SOGS LA SNYAN SHAL THUGS SMON GYIS BRGYAN PA 'BUL RGYU GNANG, SKABS 'DIR BLO BZANG CHOS SGRON NAS CHED KYIS ZHUS NGOR SKYABS 'GRO'I KHRID DANG RTEN LA BSKOR BA PHYAG 'TSAL BGYIS PA'I PHAN YON, SNAR THANG RDO RJE SLOB DPON DKA' CHEN YE SHES RGYAL MTSAN NAS ZHUS NGOR SNAR THANG MKHAN BRGYUD KYI GSOL 'DEBS, DGE SLONG SPONG BA PA ZHIG GIS ZHUS NGOR SKYID GRONG BLA MA YE SHES RGYAL MTSAN GYI BRTAN BZHUGS GSOL 'DEBS BCAS KYI BKA' RTZOM MDZAD, BSGRUB BYA DRUG CU BSNYEN RDZOGS BSGRUBS, ZLA BA DGU PA'I
, ,TSES BDUN GYI NYIN LA DVAGS NO NO LO 'DIR MTSAN BTAGS MDZAD RGYUR DKAR SPRO'I BSNYEN BKUR ZHUS PAR PHYAG DBANG DANG, GSOL DPON BLO BZANG MKHAS MCHOG CHIG RKYANG LA 'JIGS BYED DMAR PO MDA' GZHU 'GENGS PA LA BRTEN PA'I DUG DBANG STZAL, TSES DGU LA NE SER JO BO CHEN POR MCHOD GTOR PHUL TE 'PHRIN BCOL GNANG, TSES BCU'I NYIN PE'I CING MI SNA DKA' CHEN BSTAN 'DZIN BZANG PO NGO G-YOG 'BYOR PAR GONG MA CHEN PO'I SKU'I MTSAMS ZHU MDZAD, GNANG SBYIN 'PHAR MA G-YU LAS GRUB PA'I LHA MO RI BONG CAN GYI SKU BRNYAN DANG MU TIG GI PHYAG PHRENG SOGS GNANG BA GUS PAS BZHES NAS MI SNA LA JA GRAL DANG BKA' 'DRI GNANG, GONG MA CHEN PO NAS GZIMS CHUNG GI RTEN GSUM RNAMS MJAL DU BCUG NAS PAn CHEN AER TE NI LA 'DI DANG 'DI 'DUG GI RGYU MTSAN ZHUS ZHES PHEBS TE SRID NA GZHAN GYIS RNYED PAR DKA' BA'I BSAM GYIS MI KHYAB PA'I BKA' DRIN STZAL, RGYAL SRAS CHEN PO DRUG PAS KYANG GNANG SKYES GYA NOM PA DANG, NANG GI BLA MA, BLON PO RNAMS DANG, PHYI'I SOG PO'I BLA DPON KHAG NAS RTEN CHAS GTOS CHE BA 'BYOR, SHAR RTZE NO MON HAN GYI MI SNA DANG AOR TU SU PE'I SI BKRA SHIS TSE RING SOGS KYI BLA MA DANG AEL CHI, MTSO SNGON CHOS 'PHEL PE'I LI SOGS BYANG 'GRUL BA KHA SHAS 'BYOR PAR PHYAG DBANG BKA' 'DRI GNANG, TSE 'DAS 'GA' ZHIG GI CHED SBYANG CHOG KYANG MDZAD, TSES BCO BRGYAD LA BKRA SHIS RTZE'I ZHABS DRUNG LCAM NGO G-YOG LA PHYAG DBANG DANG, SRAS
MO RNAM RGYAL SGROL MAR DNGOS PO'I GNANG CHA BZANG BA BCAS THON PHYAG ,GZHAN YANG GZHIS RTZE YONG SDUD PA, SER 'BRAS PA, AA MDO, MDZO DGE BA SOGS PHYOGS 'DUS MANG POR PHYAG DBANG STZAL, TSES NYER GCIG LA TSOMS CHEN DU CHOG ROGS PA DANG BCAS CHOS RGYAL DANG LHA MO'I BSKANG GSO MDZAD DE SGROL MA G-YUL MDOS DANG DRUG CU PA'I ZOR 'PHEN PA GNANG, PE'I CING MI SNA MKHAN PO, BYANG BA BSAM GRUB DGA' LDAN BLA SPYI, DGE BSHES SNYAN GRAGS, CHU DBAR 'GRO PHAN GLING GI DGE SLONG SANGS RGYAS BCAS SO SO NAS GZIMS CHUNG ZHABS BRTAN PHUL, MTSO SNGON CHOS 'PHEL PE'I LI'I MI SNA DANG, SHAR RTZE NO MON HAN BLO BZANG 'JAM DPAL NAS CHED DU MNGAGS PA'I AEL CHI, PE'I LI'I BLA MA DKA' CHEN BLO BZANG DBANG PHYUG GI GNYER BA, DPE THUB PA DKA' CHEN BLO BZANG BSAM GTAN, DHA YAN TU RA'I CHOS RJE RGYAL CHEN RTZE BA DKA' CHEN BSAM GTAN RNAMS NAS MAndAL, RTEN GSUM, DNGUL, GOS DAR SOGS KYI DNGOS 'BUL DANG, PE'I SI BKRA SHIS TSE RING GI AEL CHI DPE THUB SMAN RAMS PA BLO BZANG DGE 'DUN BCAS SO SO NAS TSOGS DBUR SPYAN DRANGS TE ZHABS BRTAN DNGOS 'BUL BSTAR BAR 'DOD CHOS DANG, BYANG BA BSAM GRUB DGA' LDAN BLA SPYIR MANG 'GYED, KHO RANG TSOS ZHUS NGOR BLA GRVA RNAMS DANG BYANG RIGS MI SNA KHAG SOGS SER SKYA BRGYA PHRAG GSUM BRGAL BAR GRUB RGYAL LUGS KYI TSE DBANG BCAS STZAL, BSGRUB BYA SUM CU BSNYEN RDZOGS DANG, SKU SKYE BLO BZANG DGE 'DUN DGE TSUL
, ,BSGRUBS, ZLA BA BCU PA'I TSES GNYIS LA MDZO DGE DPON BSOD NAMS GRAGS PA DANG, DPON MGON PO RAB BRTAN, CO NE SOGS SER SKYA MANG POR PHYAG DBANG DANG DPON DO G-YOG LA JA GRAL BKA' 'DRI GNANG, NO MON HAN DE MO SPRUL PA'I SKU NAS BSAM YAS KYI GTZUG LAG KHANG CHEN POR NYAMS GSO GRUB THOG RAB GNAS GNANG SKABS LEGS SKYES DANG, RAB STON MANG 'GYED BCAS 'BUL MI CHED RDZONG MDZAD, TSES GSUM NAS RIM BZHIN RVA SGRENG YANG DGON SNGAGS RAM PA'I TSA BO SOGS NAS PAn CHEN BLO BZANG CHOS RGYAN GYIS GNAS BCU RAB 'BYAMS PAR NANG RTEN DU GNANG BA'I DBU MDZAD CHOS DBYINGS RGYA MTSO'I PHYAG BRIS 'KHRUNGS RABS BCU GNYIS DANG GNAS BCU, NE SER JO BO CHEN PO BCAS KYI SKU THANG BRIS LEGS PHUL BA THUGS DGYES PA CHEN POS BZHES, DE NUB MNAL LAM DU 'BROG PA MANG PO GNAS TSANG GTONG DGOS ZER SLEB BYUNG GSUNG NAS NE SER JO BO CHEN PO'I SKU THANG DE 'GREM PA GNANG THOG BSKANG 'PHRIN MDZAD CING SKU THANG DE MGON KHANG DU BZHUGS SU BCUG ,MDZO DGE DPON GRAGS PA BSAM GRUB NAS ZHUS NGOR NGO G-YOG LNGA BRGYA SKOR LA 'PHAGS PA BCU GCIG ZHAL GYI DBANG CHEN DANG KHO RANG TSOS ZHUS NGOR STZAL BA'I BKA' RTZOM GYI LUNG GNANG, AA MCHOG BLA MAS ZHUS NGOR SER SKYA BZHI BRGYA BRGAL BAR SPYAN RAS GZIGS KYI RJES GNANG DANG, SMYUNG GNAS KYI CHO GA ,BKA' RTZOM GSAR GNANG GI LUNG DANG THON PHYAG STZAL, TSES DGU'I NYIN BOD BZHUGS HENG AAM
PAN DANG BKA' BLON RAGS KHA SHAG SKOR 'BYOR PAR PHYAG DBANG JA GRAL STON MO GZAB RGYAS THOG BKA' 'DRI GNANG, DE'I PHYI NYIN AAM PAN NAS MAndAL, GOS YUG KHA SHAS, DKAR YOL DANG SHEL SPYAD SOGS DNGOS 'BUL SPAM MTHO BA BTEG STE DAD GUS CHEN POS SKYABS 'JUG KYANG ZHU BA MDZAD PAR BKA' BZHES BZANG PO STZAL, DKYIL KHANG ZHAL SNGA NAS KYIS GDONG DKAR MDANGS CHEN DU SBYOR 'JAGS MDZAD RGYU'I GNAS BCU'I GOS SKUR PHYAG NAS GNANG, ZHAL SNGA NAS AU RGYAN RDZONG CHOS SDE'I KHRI 'DON DU PHEBS RGYUR THON PHYAG DANG, CHOS SKYONG LCAM SRING LA SNYAN SHAL 'BUL RGYU BCAS STZAL, SKABS 'DI DAG SNGA PHYIR LA DVAGS SA SKYONG GI SRAS NO NO BLO BZANG BKRA SHIS DANG, AA MCHOG BLA MA SOGS NAS ZHUS DOR DUR KHROD BDAG PO'I BSKANG BA'I KHA SKONG, TSOGS 'KHOR, GSER SKYEMS, GSANG BDE 'JIGS GSUM LA BRTEN PA'I BLA MA'I RNAL 'BYOR, BLO SBYONG GI KHRID MDOR BSDUS SOGS KYI BKA' RTZOM MDZAD, MDZO DGE BA SOGS PHYOGS 'DUS SUM BRGYA NYER BZHI BSNYEN RDZOGS BSGRUBS, TSES BCU DRUG GI NYIN AAM BAN DANG, BKA' BLON 'KHOR BCAS LA PHYAG DBANG JA GRAL BKA' DRI GNANG, DE'I PHYI NYIN BKA' BLON NAS GZIMS CHUNG ZHABS BRTAN PHUL, TSES BCO BRGYAD KYI NYIN AAN PAN LA SKU BRNYAN, SPOS SNAM SOGS KYI GNANG CHA DANG, BKA' BLON LA YANG GON PA DNGUL SOGS KYI GNANG CHA DANG THON PHYAG STZAL, TSES NYI SHU LA RGYAL DBANG MCHOG NAS PHAR PHYIN GYI GSAN SBYONG GI DBU TSUGS PAR DKAR SPRO DANG LEGS SKYES SBAM
, ,MTHO BA 'BUL BAR PHYAG PHYAG PA BLO BZANG MKHAS MCHOG RDZOD STA MDZAD, BKA' BLON JA SAG BLA MA'I MTSAMS ZHU BA NANG SO GRO SKYID, BSAM SDINGS SPRUL PA'I SKU'I MGRON GNYER, 'BRUG SDE SRID GSAR BA'I MTSAMS ZHU BA NGO G-YOG BCAS LA PHYAG DBANG DANG JA GRAL BKA' 'DRI GNANG, TSES NYER BZHI NAS BZUNG NYIN GSUM GYI RING SANGS RGYAS BYANG SEMS KYI SNANG BRNYAN MANG PO PAR DU 'DEBS PA MDZAD, NYER DGU NAS BZUNG SKU MTSAMS MDZAD DE THUGS DAM ZAB MO'I RNAL 'BYOR LA GZHOL PA GNANG, ZLA BA BCU GNYIS PA'I TSES BCU BZHI NAS BZUNG NYIN LNGA'I RING 'JIGS BYED DANG ZHAL BZHI PA'I ZHI RGYAS DBANG GSUM GYI SBYIN SREG MDZAD, SKU MTSAMS SKABS GSOL DPON LA RMI LAM 'GA' ZHIG BYUNG BA ZHUS PAR CHOS SKYONG RNAMS KYIS 'PHRIN LAS BSGRUB PA'I RTAGS SU SNANG ZHES GSUNG, TSES BRGYAD KYI NYIN SKU MTSAMS GROL, DE'I PHYI NYIN MTSO SNGON JA SAG DGA' LDAN NGA'I CHING SOGS BYANG 'GRUL BA BRGYA SKOR 'BYOR PA DANG, DRUNG 'KHOR RNAMS LA PHYAG DBANG, JA SAG SOGS BYANG RIGS PA RNAMS LA JA GRAL THOG BKA' 'DRI MDZAD, TSES NYI SHU'I NYIN AA RIG RAB 'BYAMS PA RGYAL MTSAN 'OD ZER GYIS GZIMS CHUNG ZHABS BRTAN PHUL, RDO RING GUNG PAndI TA NAS BRTAN BZHUGS 'BUL MI GZIMS DPON SKOR 'BYOR PAR PHYAG DBANG BKA' 'DRI GNANG, LO 'DI NANG DBEN DGON PA SKU SKYE YE SHES CHOS GRAGS KYIS SNGAGS RIM CHEN MO, CHOS 'KHOR LHUN PO BA SANGS RGYAS DPAL 'BYOR GYIS PHAR PHYIN LUNG RIGS
RGYA MTSO, NGAG DBANG YON TAN GYIS BYAMS CHOS SDE LNGA DANG BKA' BZHI, TSANG MA RIGS THIG, ZLA BA SANGS RGYAS KYIS RNAM 'GREL NYI MA'I 'OD ZER, CHOS 'PHEL DAR RGYAS DANG SANGS RGYAS BSTAN RGYAN GNYIS KYIS RTAGS RIGS RNAMS KYI RGYUGS PHUL BAR GNANG CHA YING MGU BA STZAL, ` GDONG NGAN ZHES PA ME PHO SPREL LO ZLA BA DANG PO'I TSES BZHI'I NYIN MDUNG NAG ZHABS DRUNG DANG HAL HA 'JAM DPAL RDO RJE NO MON HAN GYI MI SNA TSOGS BYANG RIGS PA NYIS BRGYA SKOR LA THON PHYAG STZAL; MTSUR PHU NAS KARMA PA ZHVA NAG COD PAN 'DZIN PA DANG, RGYAL TSAB PA BCAS DPON G-YOG PHYED NYIS BRGYA SKOR MJAL KHAR PHEBS PAR 'BYOR PHYAG THOG DGYES PA'I GSUNG GLENG DANG, STON MO ZUR GSOS SOGS BKUR GZES CHE BA MDZAD, TSES DRUG NAS BZUNG RIM BZHIN JA SAG DGA' LDAN AER TE NI NGA'I CHING, LA KHA BLA MA, D'A LAS HU THOG THU'I AEL CHI, THUB BSTAN SKYID SBUG PA BCAS SO SO NAS TSOGS DBUR SPYAN DRANGS TE ZHABS BRTAN DNGOS 'BUL BTEG ,SKYID SBUG PAS ZHUS DOR 'DOD CHOS STZAL, ZLA BA NGO RE BZHIN TSES BRGYAD DANG NYER DGU LA MCHOD GTOR DANG BCAS ZHAL BZHI DANG CHOS RGYAL GYI BSKANG GSO 'CHAR CAN DU MDZAD, TSES DGU'I NYIN JA SAG DGA' LDAN AER TE NI DA'I CHING LA GNAD SKYES SPAM MTHOB DANG, TSA GAN NO MON HAN GYI MI SNA, MTSO SNGON PHYAG RDOR PE'I SI'I AEL CHI, SOG PO ZHABS DRUNG, D'A LAS HU THOG THU'I AEL CHI SOGS LA BYIN RTEN, SPOS SNAM SOGS KYI GNANG CHA BCAS THON PHYAG DANG, SOG RIGS GONG GSAL THOG
, ,BKRA SHIS RTZE'I SKU NGO, DAR SDINGS SKYID GSHONGS PA'I ZHABS DRUNG SOGS LA TSE RTA ZUNG 'BREL GYI DBANG, 'OD DPAG MED LA BRTEN PA'I 'PHO KHRID, BZANG SPYOD, SGROL MA, 'DOD MOS KYIS ZHUS PA'I BKA' RTZOM 'GA'I LUNG BCAS STZAL, JA SAG DGA' LDAN AER TE NI DA'I CHING LA RMA CHEN SBOM RAR SPYAN GZIGS SU PHE RENG GI ME MDA' DANG, RGYA GAR GYI GRI, KA SHI KA'I RAS GSER SKUD KYI RI MO CAN GYI SNYAN SHAL KHA BYANG CAN RNAMS 'BUL RGYU GNANG, TSES BCU LA SOG RIGS LNGA BRGYA SKOR DANG, SMON LAM PA SOGS SKYE BO STONG PHRAG BRGAL BAR TSE DBANG STZAL, RGYAL DBANG MCHOG GI SMO DRUNG SGROL MA SKYID KYI CHED DU BSNGO RTEN 'BYOR PAR THUGS SMON SKYABS 'JUG MDZAD, TSES BCO LNGA'I NYIN GZIMS CHUNG NYI 'OD 'KHYIL PAR KARMA ZHVA NAG COD PAN 'DZIN PA, ZHVA DKAR SPRUL PA'I SKU, MCHOD KHANG GONG RGYAL TSAB SPRUL PA'I SKU BCAS SO SO NAS DNGOS 'BUL SBAM MTHO BA DANG BCAS ZHABS BRTAN PHUL, BZHUGS GRAL GYI THOG THUGS DGYES PA'I BKA' MCHID MANG DU MDZAD, SRAD RIN CHEN RTZE'I RDZONG DPON SOGS SER SKYA MANG POR PHYAG DBANG STZAL, TSES NYI SHU LA KARMA ZHVA DMAR NAG YAB SRAS GNYIS DANG, RGYA TSAB SPRUL SKU DPON G-YOG LA SKU BRNYAN, NA BZA', GSER DNGUL GOS DAR SOGS KYI PHEBS RDZONGS RGYA CHE BA, ZHABS 'BRING BA RNAMS LA'ANG GO BABS DANG BSTUN PA'I GNANG CHA BZANG PO DANG GRUB RGYAL LUGS KYI TSE DBANG BCAS STZAL, DBUS GTZANG KHAMS SOG GI
BSGRUB BYA BZHI BRGYA DANG BRGYAD BSNYEN RDZOGS BSGRUBS, ZLA BA GNYIS PA'I TSES GCIG LA THOS BSAM GLING GRVA TSANG NAS TSOGS 'DON DU 'DZUGS RGYU'I ZHABS BRTAN GSOL 'DEBS BKA' RTZOM ZHUS PA BZHIN STZAL, TSES LNGA DANG DRUG GI NYIN KARMA PA YAB SRAS LA MJAL KHA'I THOG CHOS DANG 'BREL BA'I DGYES PA'I GSUNG GLENG DANG, TSES BRGYAD KYI NYIN KARMA PA ZHVA DMAR NAG GNYIS LA NANG LUGS GSOL TSIGS THOG BSTAN 'GROR SMAN PA'I GSUNG GLENG DMAR BA STZAL, TSES BCU LA LHUN PO RTZE BLA SPYI NAS ZHABS BRTAN PHUL BAR DGA' LDAN LHA BRGYA MA'I LUNG GNANG ZHING 'BUL BA'I SLOG DANG MANG 'GYED, CHOS RGYAL GYI ZHAL 'BAG LA SNYAN SHAL 'BUL RGYU BCAS GNANG, TSES BCU GNYIS KYI NYIN THOS BSAM GLING GRVA TSANG DU SPYAN DRANGS TE BLA SPYI THUN MONG NAS DKAR SPRO DANG GSOL STON ZHUS, RGYUD GRVA RNAMS GRVA TSANG 'DU KHANG DU TSOGS PA'I DBU DANG DGONGS JA'I SOG DBUR RIM BZHIN SPYAN DRANGS NAS DNGOS 'BUL DANG BCAS ZHABS BRTAN BDEN TSIG BRJOD, MI TSAN RNAMS NAS KYANG TSAN GRANGS PHUL, SNGAGS GRVAS BKRA SHIS RDZAS BRGYAD PHUL ZHING LHA MO'I BSKANG 'PHRIN MDZAD, ZHAL SNGA NAS LA 'BUL SLOG NA BZA' CHA TSANG SOGS DANG, SPYI 'BUL BYINGS PHYIR SLOG THOG CHOS GRVA JA'I RGYU JA 'KHOR DRUG SNGOR BCAS, SBYOR 'JAGS SU BCAD LDAN SNGON PO'I 'PHAN CHA, LAS TSAN PA DANG MI TSAN KHAG LA 'BUL SLOG BCAS GNANG, TSES BCU GSUM LA DUS 'KHOR CHOG GRVA BA RNAMS KYIS SA GAR SBYANGS PA MTHAR PHYIN NAS
, ,GZIMS CHUNG NYI 'OD DU GAR RGYUGS PHUL BAR GZIGS RTOG DANG, BKRA SHIS KHA BTAGS RE'I 'GYED BCAS STZAL, TSES BCO BRGYAD LA DHA YAN TU RA LHA DAR JA'I SANG SKOR LA THON PHYAG DANG, CHOS SKYONG SKYABS PE'I LI'I MI SNA DAR HAN JA'I SANG GIS ZHUS NGOR RJE BLA MA MCHOG GI 'KHRUNGS RABS MDOR BSDUS BKA' RTZOM GNANG BA'I LJAGS LUNG BCAS GNANG, MDA' DPON PAD TSAL BA 'BRAS LJONGS DANG GOR shA'I CHINGS SGRIG BGYIS NAS 'BYOR PAR PHYAG DBANG JA GRAL THOG BKA' 'DRI STZAL, GZHAN YANG G-YANG CHOS SPRUL SKU, SHEL DKAR RDZONG DPON SDINGS CHEN PA, 'BRUG PA LNGA BCU SKOR BCAS LA PHYAG DBANG GNANG, GNAM GANG GI NYIN RNAM SRAS MDUNG DMAR CAN LA BSKANG GSO MDZAD, ZLA BA GSUM PA'I TSES GNYIS LA BKA' BSTAN GSER MA GSAR BZHENGS KYI DRUNG YIG AE SNYE GNYIS SOGS NAS BRGYA SKOR 'BYOR PAR PHYAG DBANG STZAL, TSES DGU LA DUS 'KHOR SGRUB MCHOD KYIS CHOG TSUGS PAR LHA'I SKU MDOG DANG MTHUN PA'I GAR GOS, SE RAL KHA LA SOGS PA'I RGYAN DRUG GIS BRGYAN PA'I SA GAR RGYAS PA MDZAD, DE NYIN RGYAL DBANG THAMS CAD MKHYEN PA CHEN PO 'BRAS SPUNGS SU MTSAN NYID KYI GSAN SBYONG MDZAD PAR PHEBS RGYU'I GNAS TSUL THUGS BRTAG ZHU RGYU BCAS 'BYOR BAR BKA' LAN KYANG DE 'PHRAL PHUL, TSES BCO LNGA LA SER 'BRAS PA SOGS PHYOGS 'DUS SKYE BO SUM BRGYA BRGAL BAR PHYAG DBANG STZAL, TSES BCU DRUG GI NYIN GO RshA'I MI SNA RNAMS LA MJAL KHA DANG BKA'
'DRI GNANG, TSES BCO BRGYAD KYI NYIN BOD BZHUGS AAM PAN AU BHO YE'I BRJE TSAB LI'U AAM PAN 'BYOR GDONG GONG MA CHEN PO NAS MDZOD BA TAGS SOGS GNANG RTEN STZAL BA'I GNAS TSUL RTA ZAM GYI THOG 'BYOR PA'I BKA' LAN KYANG 'PHRAL 'BUL MDZAD, SA GA ZLA BA'I TSES GCIG LA RGYAL DBANG MCHOG PHAR PHYIN LA GSAN SBYONG GNANG CHED 'BRAS SPUNGS SU CHIBS BSGYUR GNANG THOG LEGS 'BUL DU MAndAL, SKU GSUNG THUGS RTEN, NA BZA' NYER SPYAD, DNGUL BRE CHEN LNGA BCU BRGAL BA SOGS DANG, THOG MA'I RTEN 'BYUNG TSAN GRANGS BCAS 'BUL BA DANG, 'BRAS SBUNGS SU YANG MANG JA NYI SHU RTZA GCIG DANG 'GYED KHA BTAGS, BAL tAM RE BCAS GTONG BAR MGRON GNYER RJE DRUNG DPAL LDAN BZANG PO RDZONG STA MDZAD, TSES GSUM GYI NYIN HAL HA SAN NO YON GYI SHOG MI SNA NGO G-YOG BZHI BCU SKOR DANG, BOD BZHUGS LI'U AAM BAN NAS MTSAMS ZHU 'BUL BAR GNYER PA DANG, KHRIMS DPON BCAS 'BYOR PAR PHYAG DBANG THOG BKA' 'DRI DANG, AAM PAN LA BKA' LAN RTEN SBRAGS BCAS GNYER PA KHRIMS DPON GNYIS LA RIM BZHIN THON PHYAG GNANG, TSES DRUG GI NYIN BYANG RIGS MI SNA RNAMS LA ZHABS BRTAN GYI 'BUL BA'I SLOG DANG DNGOS PO'I GNANG CHA STZAL, DE NYIN NAS BZUNG SANGS RGYAS BYANG SEMS KYI SNANG BRNYAN MANG BO'I BAR 'DEBS MDZAD, TSES BCU BZHI'I NYIN GONG MA BDAG PO CHEN PO'I BKAS MNGAGS PA'I DPUNG RNAMS NAS RGYAL RONG RAB BRTAN GYIS CHA MTHA' DAG DBANG DU
, ,BSDUS NAS MI NAG CAN RNAMS 'DZIN BZUNG GIS PHO BRANG NANG DU BRDZANGS PAS MDO KHAMS PHYOGS ZHOD 'JAGS LA BKOD GRUB PA'I RGYU MTSAN BOD BZHUGS AAM PAN GNYIS NAS YI GE 'BYOR BA DE 'PHRAL GONG MA CHEN POR LEGS 'BUL GYI ZHU YIG NANG MDZOD, SKU BRNYAN LI MA BZHI BCAS KYI RTEN SBRAGS RTA ZAM THOG 'BUL BA MDZAD, TSES BCU BDUN GYI NYIN DGA' LDAN BDE CHEN RAB RGYAS GLING CHOS GZHIS MA LAG DANG BCAS BLA BRANG KHONGS GTZANG CHOD BYUNG BA'I LEGS 'BUL DU BDE CHEN RAB RGYAS GLING BLA BRANG NAS DNGOS 'BUL BSTAR, DE NYIN SNGON DU PE'I CING NANG NAS AE PHU PHUN TSOGS BKRA SHIS KYIS ZHU YIG GI LAM NAS DPAL RDO RJE 'JIGS BYED KYI BSKYED RDZOGS DANG, MDUNG NAG ZHABS DRUNG GIS ZHUS NGOR RNAM SRAS MDUNG DMAR CAN YANG GSANG GI SGRUB THABS LAS TSOGS DANG BCAS PA BKA' RTZOM BRTZE GZIGS KYIS DE DAG GI LUNG DANG SMYUNG GNAS KYI CHO GA'I LJAGS LUNG BCAS PE'I CING MI SNA MKHAN POR GNANG DGOS TSUL ZHUS PA BZHIN, MI SNA DKA' CHEN BSTAN 'DZIN BZANG POR LJAGS LUNG RNAMS LEGS PAR STZAL, TSES BCO BRGYAD LA 'BRAS LJONGS RDZOGS CHEN SPRUL SKU LA PHYAG DBANG DANG JA GRAL THOG BKA' 'DRI GNANG, KHONG PA NAS ZHUS NGOR TSE DBANG STZAL, SOG YUL DU 'GRO MI CHOS RJE KHAG LA THON PHYAG GNANG, 'DI SKABS SNGA PHYIR HAL HA, SER 'BRAS, PHUN GLING, SNYE MO BA SOGS NYIS STONG DGU BCU GO BDUN BSNYEN RDZOGS DANG, NYI SHU RTZA GCIG
DGE TSUL BSGRUBS, TSES NYER DGU LA CHOS RGYAL GYI BSKANG GSO DANG DRUG CU PA'I ZOR 'PHEN MDZAD, GNAM GANG NYIN HAL HA'I MJAL KHA BA NYIS BRGYA BRGAL BA 'BYOR BAR PHYAG DBANG GNANG, ZLA BA LNGA PA'I TSES GCIG LA HAL HA AER TE NI WANG GI MI SNA THO YON SANGS RGYAS RGYAL MTSAN GYIS GZIMS CHUNG ZHABS BRTAN PHUL, HAL HA DZA YA PAndI TA'I YONGS 'DZIN LHA RAM PA'I DGE SGRUB PA RNAMS KYIS TSOGS DBUR SPYAN DRANGS TE DNGOS 'BUL SPAM MTHO PA BTEG ,TSES GSUM LA HAL HA AER TE NI WANG GI MI SNA DANG, TSES BZHI LA, DBANG CHEN NO MON HAN GYI TSA BO NO YON HU THOG THU GNYIS KYIS TSOGS DBUR SPYAN DRANGS TE DNGOS 'BUL BSTABS, TSES DRUG GI NYIN HAL HA RJE BTZUN DAM PA'I DGONGS RDZOGS SGRUB MI 'JAM DPAL RDO RJE NO MON HAN DANG, DPON KHAG RNAMS NAS SKU'I MTSAMS ZHU ZHU BAR KHU RAL GYI DGE BSKOS HAL HA CHI SOGS KHA SHAS 'BYOR PAR PHYAG DBANG DANG JA GRAL THOG BKA' 'DRI GNANG, TSES BDUN GYI NYIN GONG GSAL MI SNA RNAMS LA THON PHYAG STZAL TE MI SNA RNAMS DANG RGYUD SMAD KYI BSNYEN RDZOGS SGRUB MI BCAS SUM BRGYA SKOR LA TSE DBANG DANG, 'OD DPAG MED KYI 'PHO BA, DGA' LDAN LHA BRGYA MA, BKA' RTZOM GSAR GNANG RNAMS KYI LUNG BCAS DANG, MCHOG DMAN DU MA'I 'BYOR LAN KYANG MA 'DRES PAR STZAL, TSES BRGYAD KYI NYIN LA MO SKU RTEN PAR PHYAG DBANG DANG BKA' 'DRI GNANG, TSES BCU GCIG LA BYANG PHYOGS BSTAN PA'I GSAL BYED RJE BTZUN DAM PA'I
, ,DGONGS RDZOGS SGRUB MI 'JAM DPAL RDO RJE NO MON HAN DANG, PE'I SI DON GRUB RDO RJE, GUNG MI PHAM RDO RJE, JA SAG MCHOG GSUM SKYABS, P'A DUR WANG GI SRAS JA SAG BSAM 'PHEL RDO RJE, KHU RAL GYI DGE BSKOS, HAL HA CHI, SNE SHAN JAR GO CHI, BI CHA'I CHI, SBO SHO KHA SOGS KHYON SUM BRGYA SKOR 'BYOR PAR PHYAG DBANG DANG JA GRAL BKA' 'DRI GNANG, DE NYIN LA MO CHOS SKYONG CHEN PO SKU PHEBS NAS MKHA' 'GRO'I BSU BZLOG DANG 'BREL BA'I SKU GLUD RDZOD BA MDZAD PAR GTANG RAG KYANG GZABS, TSES BCU GNYIS LA HAL HA TSO CHEN NAS RJE BTZUN DAM PA'I DGONGS RDZOGS SU DMIGS TSOGS DBUR SPYAN DRANGS TE DNGUL BRE CHEN BZHI BCU SOGS KYI DNGOS 'BUL BSTAR, DE'I PHYI NYIN 'JAM DPAL RDO RJE NO MON HAN GYIS TSOGS DBUR SPYAN DRANGS TE DNGUL SRANG KHRI TSO GCIG RTZIS KYI DNGOS 'BUL DANG BCAS ZHABS BRTAN BDEN TSIG BRJOD, TSES BCO LNGA LA SKYID SKYID NA GAR GSO SBYONG GI TSOGS DBUR ZHABS ZUNG BKOD DE GOS SKU'I ZHAL MJAL DANG BSTUN BZHUGS GUR DU 'JAM DPAL RDO RJE NO MON HAN SOGS RGYA SOGS GI BLA DPON, LA MO CHOS RJE SKU RTEN PA, AA TZARYA, KHA CHE BAL BO SOGS SKYE BO STONG PHRAG BRGAL BAR PHYAG DBANG STZAL CING DE DAG LAS MGRON DU 'OS PA RNAMS LA GSOL STON GNANG, SGROL MA LHA KHANG DU BKRA SHIS RTZE'I SDE PA TSE DBANG GIS DKAR SPRO BTEG ,TSES BCU DRUG BCU BDUN GNYIS LA GUNG MI PHAM RDO RJE DANG, HAL HA BDE MCHOG YEL
TING WANG DANG, DAR RGYAS T'A PE'I SI GNYIS KYIS MNGAGS PA'I AEL CHI SO SO NAS GZIMS CHUNG ZHABS BRTAN ZHUS, TSES BCO BRGYAD LA JA SAG BSAM 'PHEL RDO RJES TSOGS DBUR SPYAN DRANGS TA ZHABS BRTAN PHUL, DE MTSUNGS MANYDZU SHR'I'I SPRUL SKU, PE'I SI DON GRUB RDO RJE, JA SAG MCHOG GSUM SKYABS, HONG THA'I JI RNAMS NAS DNGOS 'BUL DANG BCAS GZIMS CHUNG ZHABS BRTAN PHUL BAR PHYAG DBANG GNANG, TSES NYI SHU'I NYIN LA MO SKU RTEN AER HE NI CHOS RJES TSOGS DBUR SPYAN DRANGS TE ZHABS BRTAN PHUL ZHING TSES NYER GNYIS NAS BZUNG NYIN GSUM GYI RING JO LUGS KYI SGROL MA NYER GCIG GI RJES GNANG STZAL, TSES NYER GSUM GYI NYIN GZIMS CHUNG NYI 'OD 'KHYIL PAR HAL TA'I MI SNA RNAMS YOD THOG LA MO CHOS SKYONG CHEN PO SKU GSOL ZHUS TE RJE BTZUN DAM PA'I SPRUL SKU'I DON SKOR ZHUS PAR, RGYAL DBANG MCHOG GI SKU'I PHU BO BSOD NAMS BKRA SHIS KYI SRAS LUG LO BA DE YIN PAR THAG BCAD NAS LHA SA'I AAM PAN GNYIS LA GNAS TSUL DANG LUNG BSTAN GYI 'DRA BCAS RTA ZAM THOG NAS 'BUL BA MDZAD, BYANG RIGS SOGS BSGRUB BYA BZHI BRGYA DANG BCU GCIG BSNYEN RDZOGS DANG, BRGYAD CU DGE TSUL BCU BZHI DGE BSNYEN BCAS BSGRUBS, ZLA BA DRUG BA'I TSES GSUM LA NO MON HAN SA SKYA, PHUN GLING SOGS MJAL BAR 'BYON RGYUR PHYAG DBANG GNANG, TSES BZHI LA JA SAG MCHOG GSUM SKYABS, JA SAG BSAM 'PHEL RDO RJE, KHU RAL GYI DGE BSKOS,
, ,BDE MCHOG YEL TING WANG GI THO YON, MANYDZU SHR'I'I MDZOD PA BCAS SOG RIGS PHYED NYIS BRGYA SKOR LA THON PHYAG THOG PHYAG RDOR 'BYUNG 'DUL GYI RJES GNANG, DGA' LDAN LHA BRGYA MA, 'PHO KHRID, 'JAM DPAL MTSAN BRJOD, SGROL MA'I MTSAN BRGYA RTZA BRGYAD PA, GSAR RTZOM GYI LUNG DANG, SKU BRNYAN DAM RDZAS, SPOS SNAM SOGS GNANG SKYES STZAL, PE'I CING MI SNA DKA' CHEN BSTAN 'DZIN BZANG PO NGO G-YOG LA THON PHYAG GNANG, TSES DGU LA DKYIL KHANG CHOS SKYONG CHEN POR MCHOD GTOR DANG RTI PI CAG SGA SRAB RGYAN LDAN RTEN 'DZUGS MDZAD NAS NYIN BDUN GYI RING BSKANG GSO GNANG, RGYUD SMAD PA BSNYEN RDZOGS ZHU MI KHA SHAS LA DPAL GSANG PA 'DUS PA'I RGYUD LE'U BCU GSUM PA DANG, JA SAG MCHOG GSUM SKYABS LA KHONG RANG GIS ZHUS PA'I 'DOD CHOS GSAR RTZOM GYI LUNG STZAL, TSES BCU GCIG LA TSOMS CHEN DU LA MO CHOS RJE SKU RTEN BA DANG BYANG CHUB LCOG GI GRVA PA BCU BCAS NAS BDUN PHRAG GCIG GI RING RJE BLA MA MCHOG GI ZHABS BRTAN DANG, BSTAN 'GRO'I BDE THABS SU DMIGS TSANGS PA ZHI DRAG GI BSKANG BA DANG 'BREL BA'I DMAR CHEN GTOR ZLOG DANG, MDOS CHEN GYI ZOR 'PHEN BCAS MDZAD PAR DE NYIN TSOGS DBUR PHEBS NAS BSTAN 'GROR SMAN PA'I SPYAN DMIGS MDZAD, TSES BCU GNYIS LA NO MON HAN SOGS PHYIR 'BYOR PAR MJAL KHA GNANG, TSES BCU DRUG LA TSOMS CHEN DU
HAL HA 'JAM DPAL RDO RJE NO MON HAN, PE'I SI, GUNG, DU RAL, JA'I SANG, JAR BI, SPO SHO KHA BCAS NGO G-YOG LA STON MO DANG, NO MON HAN LA SNANG BRNYAN, SPOS SNAM SOGS SBAM MTHO BA DANG, BKA' SHOG ,'BOB LCAG ;RTA DAR BCAS STZAL, DPON KHAG GZHAN RNAMS LA YANG, SKU BRNYAN, SPOS SNAM SOGS KYI GNANG CHA GZAB, NO MON HAN GYIS ZHUS NGOR SGROL MA'I SGRUB THABS DANG DE'I MTSAN BRGYA RTZA BRGYAD PA'I 'GREL PA, DPAL RDO RJE 'JIGS BYED KYI BDAG 'JUG LEN TSUL, CHOS SKYOD DREGS PA LCAM SRING GI MDOS CHOG BCAS KYI BKA' RTZOM MDZAD, DE'I PHYI NYIN MANYDZU SHR'I'I SPRUL BA'I SKUR DAM CAN RDO RJE LEGS PA'I RJES GNANG DANG, DE'I BE'U BUM GYI MAN NGAG KHA SHAS KYI KHRID, GUNG MI PHAM RDO RJER 'JAM DBYANGS NAG PO'I RJES GNANG BCAS STZAL, 'JAM DPAL RDO RJE NO MON HAN LA SNGA PHYIR DPAL RDO RJE 'JIGS BYED KYI BSKYED RDZOGS KYI DKA' GNAD ZHAL SHES KYI RIM PA, LAM RIM DANG 'DUL BA'I GNAD 'GAG ,RAB GNAS KYI CHO GA DANG SBYIN SREG GI ME LHA BSKYED TSUL SOGS KYI KHRID DANG, BEG TZE'I BE'U BUM GYI MAN NGAG ZHAL SHES BCAS STZAL, 'DI SKABS SNGON DU LA MO CHOS SKYONG CHEN PO SKU GSOL TSAR GNYIS ZHUS SHING, TSES NYER GCIG LA YANG SKU GSOL ZHUS TE SNGAR BCOL LEGS PA'I GTANG RAG DANG, DA BCOL 'PHRIN LAS BSGRUB PA'I RTEN DU MTHUN RDZAS SPYAN GZIGS ZANG ZING GI MCHOD PA RGYA CHE BA BCAS BSTAR BAS
, ,CHOS SKYONG CHEN PO YANG DGYES PA'I RNAM 'GYUR MDZAD, DE'I PHYI NYIN CHOS RJE SKU RTEN PAR THON PHYAG GNANG CHA GZABS, BKRA SHIS RTZE'I SDE BA TSE DBANG NGO G-YOG LA THON PHYAG DANG LHA MOR SNYAN SHAL DANG TSON SNA LNGA 'BUL RGYU GNANG, HAL HA KHU BE GUNG GI HONG THA'I JI BSNYEN RDZOGS KYI SDOM PA ZHU 'DOD YOD KYANG GONG MA CHEN POS PHA SHUL BUR 'JAGS PA'I LAS DON BYED DGOS YOD PAR BRTEN STABS MI 'GRIG PAR 'DUG PAS DGE TSUL GYI SDOM PA ZHIG GNANG DGOS ZHES ZHUS PAR, THA'I JI RANG KHYIM GYI NYES DMIGS MTHONG PAS RAB TU 'BYUNG 'DOD PA SHIN TU LEGS KYANG RGYAL PO DANG PHA MA GNYIS LAS GNANG BA MA THOB CING, SKRA DANG KHA SBU MA BREGS PA DANG; GOS NGUR SMRIG MA BGOS BAR DGE TSUL GYI SDOM PA LEN PA SANGS RGYAS KYIS MA GNANG BAS, DE BAS YONGS RDZOGS DGE BSNYEN BSGRUBS TE TSUL BZHIN BSRUNG NA KHE CHE LA NYEN CHUNG BA YIN ZHES GSUNGS NAS YONGS RDZOGS DGE BSNYEN GYI SDEM PA STZAL TE MI TSANGS SPYOD MA GTOGS PA'I YAN LAG LNGA LA SOGS PA BSLAB BYA RNAMS SROG DANG BSNGOS TE BSRUNG DGOS PA'I BKA' PHEBS, THA'I JI RANG GIS PHA KHE SBAS GUNG SDIG TSAN CHE BA YOD PAS DE'I SGRIB SBYONG DU SMON TSIG SHO LO KA GCIG BKA' RTZOM ZHUS PA LTAR STZAL, TSES NYER DRUG GI NYIN DGE BSKOS CHEN MO NAS ZHUS NGOR 'DUS PA'I SDE LA RJE RANG NYID KYI GSUNG 'BUM GYI LJAGS LUNG SNGAR GYI MU NAS RIM BZHIN STZOL BA'I
DBU TSUGS, SNGA PHYIR RGYUD SMAD PA SOGS SUM CU BSNYEN RDZOGS DANG, LNGA DGE TSUL BSGRUBS, ZLA BA BDUN PA'I NANG DU DPA' BAR 'GRO BA'I MDO DANG MI LA'I RNAM MGUR GYI PAR BRKOS GRUB PAR PHYAG NAS DANG, SNGAGS GRVA NAS ZHUS NGOR SNGAGS PA TSOGS YONGS DANG SKYID GRONG BLA MA YE SHES RGYAL MTSAN RI KHROD PA BCAS PAR BDE MCHOG GI RGYUD 'GREL SBAS DON KUN GSAL GYI BSHAD LUNG GNANG BAR SNGAGS PA BLA SPYI NAS GTANG RAG GI YON KYANG GZABS, DAM CAN CHOS KYI RGYAL POR GTANG RAG GI BSKANG GSO GNANG, TSES BCO BRGYAD KYI NYIN DGE BSKOS DKA' CHEN BLO BZANG BSTAN 'DZIN GYIS ZHUS NGOR 'DUS TSOGS LA 'DUL BA'I GZHUNG LUGS KYI BSHAD PA LA LAM RIM GYIS BRGYAN PA NYIN BZHI'I RING GNANG STE SEMS BSKYED KYI TSE GA YANG MDZAD, ZLA BA BRGYAD PA'I TSES GNYIS NAS BCU'I BAR DUS 'KHOR CHOG GRVA BA RNAMS NAS ZHUS NGOR GZIMS CHUNG NYI 'OD DU KHONG RNAMS KYI THOG SKYID GRONG BLA MA YE SHES RGYAL MTSAN, DGE SLONG SPONG BA PA RNAMS DANG BCAS PA LA DPAL DUS KYI 'KHOR LO'I PHYI NYI ZLA GZA' SKAR SOGS 'JIG RTEN KHAMS KYI RNAM GZHAG DANG, NANG SKYES BU'I RTZA RLUNG THIG LE'I GNAS LUGS, GZHAN DUS KYI 'KHOR LO'I DKYIL 'KHOR BSGOM PA LA BRTEN NAS PHUNG PO LNGA SGRIB BRAL DU DAG NAS MCHOG GI DANG BO'I SANGS RGYAS KYI GO N'PHANG MNGON DU BYED PA'I RNAM GZHAG GZAB BSHAD KYIS BRGYAN PA STZAL ECING MJUG TU TSOGS 'KHOR YANG
, ,MDZAD, TSES BCU DRUG GI NYIN SNGON DU SKYID GRONG BLA MA DGE BA'I BSHES GNYEN YE SHES RGYAL MTSAN NAS YANG YANG GSOL BA BTAB PA BZHIN KHONG RANG RNAMS DANG, PHYAG MDZOD CHEN MO, ZHAL SNGA NAS BZHI, RGYUD GRVA'I 'GREL DPON PA SOGS LA RGYUD KYI RGYAL PO CHEN PO DPAL GSANG BA 'DUS PA'I 'GREL PA BZHI SBRAGS 'CHAD PA'I DBU TSUGS, NYIN RE BZHIN 'GREL GTOR 'BUL BA SOGS PHYAG LEN BZHIN MDZAD CING LEGS PAR BSHAD PA MTHA' YAS PAS BRGYAN TE STZOL BAR MDZAD, DON GNYER PA BCO LNGA BSNYEN RDZOGS BSGRUBS, ZLA BA DGU PA'I TSES GCIG NAS BZUNG NYIN KHA SHAS KYI RING RGYUD STOD SMAD SOGS PHYOGS 'DUS BSGRUB BYA BRGYA DANG LNGA BSNYEN RDZOGS BSGRUBS, TSES BCO LNGA LA SKU KHAMS CUNG ZAD MI DVANGS PA'I TSUL BSTAN PAR SMAN GYI 'PHROD BZHES DANG, SNGAGS KHANG DU MGON PO ZHAL BZHI PAR MCHOD GTOR RGYA CHEN PO DANG BCAS BSKANG 'PHRIN MDZAD BCUG, DKYIL KHANG GI LCAM SRING LA'ANG SNYAN SHAL PHUL TE 'PHRIN BCOL MDZAD PAS MA 'GYANG BAR DVANGS, TSES BCU DRUG GI NYIN 'GREL PA BZHI SBRAGS KYI BSHAD LUNG RDZOGS PAR GRUB STE RJE BLA MA NYID RIGS THAMS CAD KYI BDAG POR BZHENGS PA LA RDO RJE SLOB MA RNAMS KYIS PHYI NANG GSANG BA'I MCHOD PA RGYA CHEN POS MNYES PAR BYAS PA'I MTHAR SNGON BYUNG LA RDO RJE 'CHANG GIS RDO RJE CHOS LA RGYUD GTAD PA DANG MTSUNGS PAR 'GREL PA'I DBANG BSKUR BA YANG PHYAG LEN BZHIN
MDZAD DE CHOS NYAN PA PO MTHA' DAG ZAB LAM RDO RJE THEG PA'I CHOS KYI DGA' STON LA 'GOD PAR MDZAD DO, ,TSE GCIG SANGS RGYAS BSGRUB PA'I NYE LAM MCHOG ,DPAL LDAN GSANG BA 'DUS PA'I RGYUD KYI DON, ,BLO BZANG RGYAL BA'I BZHED SROL JI BZHIN DU, ,SNGON MED LEGS BSHAD DGA' STON KHYOD KYIS SPEL, ,MI SHIGS SHIN TU PHRA BA'I RLUNG SEMS LAS, ,RMAD BYUNG SGYU LUS BSGRUB PA'I DKA' GNANG KUN, ,DA LTA KHYOD KYI MGRIN PAR NGAL GSO BAS, , SKAL LDAN RIG 'DZIN KUN GYI 'DOD PA 'JO, ,DGE BA'I BSHES GNYEN YE SHES RGYAL MTSAN NAS KYANG DNGOS 'BUL DANG BCAS BKA' DRIN GTANG RAG GI YON RGYA CHE BA BSTAR, GSOL TSIGS KYI THOG DPON SLOB TSANG MAR 'GREL STON GNANG ZHING CHOS RGYAL DANG ZHAL BZHI PAR GTANG RAG GI BSKANG GSO DANG KHA BTAGS DNGUL 'GYED BCAS STZAL, TSES BCO BRGYAD NAS BZUNG NYI MA BDUN GYI RING MGON PO ZHAL DANG LCAM SRING GI BSKANG GSO MDZAD, TSES NYER DRUG LA SKYID GRONG BLA MA NGO G-YOG LA GNANG CHA SBAM MTHO BA DANG BCAS THON PHYAG GNANG ZHING BSTAN PA 'DZIN SKYONG GNANG DGOS PA'I BKA' YANG PHEBS, RDZONG KHA MI TSAN GYI GRVA RIGS YE SHES CHOS 'PHEL SOGS KYIS ZHUS NGOR BLA MA NYID KYI RTOGS BRJOD GSOL 'DEBS BKA' RTZOM GNANG PA'I LJAGS LUNG STZAL, BSGRUB BYA BRGYA DANG LNGA BSNYEN RDZOGS BSGRUBS, ZLA BA DGU PA RTING MA'I TSES DGU LA NE SER JO BO CHEN POR BSANGS MCHOD DANG BCAS 'PHRIN BCOL GNANG, SNGAGS
, ,GRVA BZHI NAS SKYID SKYID NAG ,DUNG MTSO, KHRON KHA CHEN MO BCAS KYI KLU CHEN RNAMS LA KLU GTOR NYIN 'KHYONGS GTONG RGYU STZAL, SNAR THANG PA SOGS BSGRUB BYA NYI SHU RTZA BZHI BSNYEN RDZOGS BSGRUBS, TSES BCU DRUG GI NYIN STAG MO MI TSAN GYI GRVA RIGS DGE SLONG BLO BZANG BSAM GTAN GYIS ZHUS NGOR DPAL MGON PHYAG BZHI PA'I MNGON RTOGS SPYAN 'DREN NAS MNGA' GSOL SHIS BRJOD SOGS GTOR CHOG RGYAS SHING CHA TSANG BA'I BKA' RTZOM GNANG, TSES BCU DGU LA GZHUNG MKHAN NANG GI GDONG GONG MA CHEN PO NAS DUS GSUM SANGS RGYAS LHA MGRON RGYAL CHEN BZHI BCAS YOD PA'I ZHAL THANG THAGS GRUB MA DANG, SKU SNYE, BZHUGS 'BOL, BZANG GOS YUG KHA SHAS DANG; SHEL GYI YOL GO SOGS KYI GNANG RTEN 'BUL RGYU STZAL BA 'BYOR PAR DGYES PA CHEN POS BZHES NAS SKU THANG RNAMS LA MCHOD 'BUL DANG BCAS GONG MA CHEN PO ZHABS BAD YUN RING BRTAN CING CHA BA SRID DAR ZHING RGYAS PA'I THUGS SMON RGYA CHER MDZAD, ZLA BA BCU PA'I TSES GNYIS LA LA DVAGS HE MI'I PHYAG MDZOD DBU RGYAN LA PHYAG DBANG JA GRAL THOG BKA' DRI DANG, 'DAM SOG KHA SHAS BCAS LA PHYAG DBANG STZAL, RGYA GAR NAS AA TZA RA BHA RA MA PU RI ZHES PA PHYI ROL PA'I BRTUL ZHUGS LA SPYOD PA NGO G-YOG BCU SKOR 'BYOR PAS NE'U TZO DMAR PO DRUG ,RGYA GAR GYI RAL GRI SHUBS LDAN GNYIS, SPRE'U, RGYA KHYI BDUN, RGYA GAR GYI LUG BCAS PHUL BAR MJAL KHA'I THOG
BKA' 'DRI ZHIB TU MDZAD, TSES DRUG GI NYIN PE'I LI CHOS SKYONG SKYABS DPON G-YOG BZHI BCU SKOR DANG, GZHAN YANG DPON KHAG KHA SHAS KYI MI SNA GNAS SKOR BA SOGS BRGYAD CU SKOR 'BYOR PAR PHYAG DBANG DANG JA GRAL BKA' 'DRI STZAL, TSES BCU DGU LA MTSO SNGON PE'I LI CHOS SKYONG SKYABS KYIS TSOGS DBUR SPYAN DRANGS TE DNGOS 'BUL SBAM MTHO BA DANG BCAS ZHABS BRTAN PHUL, KHONG PA NAS ZHUS NGOR ZHABS BRTAN GSOL 'DEBS GSAR RTZOM MDZAD DE LUNG GNANG, DE'I PHYI NYIN PE'I LIR STON MO DANG BSTAN PA RIN PO CHER DAD GUS BLA LHAG TU DGOS PA'I BKA' STZAL, ZI LING TSONG DPON NGO G-YOG DANG, AO RA TU SU DA LAS PE'I SI'I BLA MA RONG MTSO CHOS RJE, MTSO SNGON MI 'GYUR PE'I SI'I BLA MA GLO SPUG CHOS RJE NGO G-YOG BCAS 'BYOR PAR PHYAG DBANG DANG CHOS RJE GNYIS LA JA GRAL BKA' 'DRI GNANG, PHYOGS 'DUS BSGRUB BYA GO GSUM BSNYEN RDZOGS DANG, BDUN CU DGE TSUL BSGRUBS, BYANG RIGS MI SNA KHA SHAS LA THON PHYAG ,STAG MO MI TSAN NAS ZHUS PA BZHIN PHYAG BZHI PA'I GTOR CHOG GSAR RTZOM GYI DBYANGS ROL BYED LUGS SOGS KYI BKA' SLOB STZAL, TSES GNAM GANG NAS BZUNG BCAD RGYAR BZHUGS TE THUN MONG DANG THUN MONG MA YIN PA'I NYAMS BZHES KYI RIM PA LA GZHOL BAR MDZAD, ZLA BA BCU GCIG PA'I TSES GSUM GYI NYIN RTA ZAM THOG RGYAL DBANG THAMS CAD MKHYEN GZIGS CHEN PO DANG, RGYAL TSAB NO MON HAN, BKA'
, ,SHAG LHAN RGYAS BCAS NAS PHYI LO RGYAL DBANG THAMS CAD MKHYEN PA CHEN POR SA ZLA'I DUS CHEN DANG BSTUN THUGS RDZOGS 'BUL BA DANG, BKA' DBANG RJES GNANG SOGS STZOL BAR ZLA BA GNYIS PA'I NANG DU DBUS PHYOGS SU CHIBS BSGYUR GNANG DGOS TSUL GYI ZHU YIG 'BYOR PA BZHIN BKA' LAN KYANG 'PHRAL 'BUL GNANG, TSES BCU GSUM LA RGYA GAR BHANGGA LA'I SA SKYONG BHA RA SA HE BA LA MTSAMS 'DRI DANG, YUL DE'I GNAS CHEN KHAG LA MCHOD 'BUL BYED MI GTONG BA MDZAD, GNAM GANG LA BSTAN PA'I GSAL BYED TSA KAN NO MON HAN DPON G-YOG NYIS BRGYA BRGYAL TZAM MJAL KHAR 'BYOR BAR NO MON HAN SKU RKYANG LA MTSAMS KHONGS MJAL KHA GNANG, ZLA BA BCU GNYIS PA'I TSES GCIG NAS BZUNG NYIN GNYIS KYI RING DBANG DANG RGYAS PA'I SBYIN SREG MDZAD DE SKU MTSAM SGROL, SKU MTSAMS SKABS SNGAGS BZLAS 'GRO CHE ZHING NYAMS RTOGS LA BOGS THON PA'I MNAL LAM KHYAD PAR CAN BYUNG, GZHAN YANG BYA BYI'U RI DVAGS SOGS MANG PO SKU MDUN DU 'ONGS NAS MI JI LTA BA BZHIN RANG RANG GI SKYID SDUG GI GNAS TSUL ZHU BA DANG DE RNAMS DANG MTHUN PA'I LAN GYIS YID KYI RE BA SKONG BAR MDZAD PA'I SNANG BA DU MA BYUNG ZHES DGYES PA'I BKA' PHEBS, DE'I NYIN TSA GAN NO MON HAN DANG, MTSO SNGON DKON MCHOG WANG GI MI SNA, 'JIGS MED PE'I LI, TSAL 'DAM DPAL 'BYOR JA SAG ,MI 'GYUR
PE'I SI GSUM GYI MI SNA NGO G-YOG SOGS BYANG RIGS PA DANG, KHAMS PA LNGA BRGYA SKOR LA PHYAG DBANG JA GRAL BKA' 'DRI GNANG, TSES BZHI LA CHOS SKYONG SKYABS PE'I LIR SKU BRNYAN, DAM RDZAS, SNAM PHRUG SOGS PHEBS RDZONGS GTOS CHE BA BSTAR, DE'I PHYI NYIN PE'I LI DANG, 'JIGS MED PE'I LI'I THU SA LAG CHI BCAS NAS ZHUS NGOR KHONG RANG RNAMS DANG TSA GAN NO MON HAN DPON G-YOG BCAS LA TSOMS CHEN DU 'PHAGS PA THUGS RJE CHEN PO BCU GCIG ZHAL GYI PHYAG DBANG GI STA GON DANG PHYI NYIN DBANG DNGOS GZHI BCAS STZAL TE SKU GNYIS 'GRUB PA'I SA BON KHYAD PAR CAN BSKRUN PAR MDZAD, MJUG TU GDUGS DKAR DANG 'JAM DPAL MTSAN BRDOD, 'PHO KHRID BCAS KYI LJAGS LUNG STZAL, TSES DRUG GI NYIN HAR CHEN ZHABS DRUNG BLO BZANG BSTAN 'DZIN NAS ZHUS NGOR TSA GAN NO MON HAN DANG, ZHABS DRUNG NGO G-YOG RNAMS LA KHYUNG NAG GI RJES GNANG DANG SKYABS 'GRO'I KHRID SOGS STZAL, HAR CHEN ZHABS DRUNG LA THON PHYAG KYANG GNANG, TSES DGU LA TSA GAN NO MON HAN NAS TSOGS DBUR SPYAN DRANGS TE DNGOS 'BUL SBAM MTHO BA DANG BCAS ZHABS BRTAN PHUL, TSES BCU NAS BZUNG NYI MA KHA SHAS KYI RING SOG PO, AA MDO BA SOGS BSGRUB BYA NYIS BRGYA DANG GCIG BSNYEN RDZOGS, BRGYA DANG NGA BRGYAD DGE BSNYEN NAS DGE TSUL GYI BAR BSGRUBS, TSES BCU GCIG LA MI 'GYUR PE'I SI'I BLA MA GLO SPUG CHOS
, ,RJE BLO BZANG MKHAS MCHOG ,AOR HU SU DA LAS T'A BE'I SI BSTAN BA DAR RGYAS KYI BLA MA RONG MTSO BA CHOS RJE BCAS SO SOS RIM BZHIN TSOGS DBUR SPYAN DRANGS TE ZHABS BRTAN PHUL, TSES BCU GSUM LA TSA GAN NO MON HAN SKU RKYANG LA TSE DBANG BRGYA TSAR DANG SOG RIGS BYINGS LA'ANG TSE DBANG, RIGS GSUM MGON PO'I GZUNGS, DMIGS BRTZE MA'I LAS TSOGS BCU GCIG BCAS KYI LUNG GNANG ZHING, SKU BRNYAN, DAM RDZAS, SPOS SNAM SOGS PHEBS RDZONGS DNGOS GTZANG BA DANG BKA' SHOG BCAS STZAL, SDE DGE BLA MA NGOR KLU SDINGS MKHAN PO RIN CHEN MI 'GYUR RGYAL MTSAN NAS GZIMS CHUNG ZHABS BRTAN PHUL BAR JA GRAL BKA' 'DRI GNANG, LONG RANG GIS ZHUS NGOR LAM RIM BSDUS DON, RJE TZONG KHA PAR BRTEN PA'I BLA MA'I RNAL 'BYOR DANG RJE BLO BZANG CHOS RGYAN GYI GSUNG GRAS NANG GI KHONG SKRAN 'DON PA'I SKYUG SMAN RNAMS KYI LJAGS LUNG DANG 'BUL SLOG BZANG PO BCAS STZAL, LO 'DI NANG SA BDE CHEN PA YE SHES BSAM GTAN, LA STOD PA BLO BZANG TSE BRTAN, BZHAD PA BKRA SHIS RGYA MTSO, LEGS BSHAD GLING PA BLO BZANG BSAM GTAN, RGYAL CHEN RTZE PA BLO BZANG BRTZON 'GRUS DANG BLO BZANG DBANG PO, RDZONG KHA PA YE SHES TSE RING, AU RGYAN RDZONG BA DPAL LDAN NGAR RGYAS BCAS KYIS RNAM 'GREL GYI THAL PHRENG, GRANG MO CHE BA BLO BZANG
DAR RGYAS, DGON KHRA PA BLO BZANG SBYIN PA RNAMS KYIS PHAR PHYIN GYI THAL PHRENG, DBEN DGON PA 'JAM DBYANGS DPAL LDAN, ZLA BA RGYAL MTSAN, YE SHES BYAMS PA, BLO BZANG BKRA SHIS, YE SHES BRTZON 'GRUS, DPAL LDAN DON YOD, SHES RAB DAR RGYAS, KUN DGA' DPAL LDAN RGYAL MTSAN, DPAL LDAN BRTAN BZANG RNAMS KYIS BDE MCHOG RTZA RGYUD, RJE DRUNG SKAL BZANG DPAL LDAN GYIS LAM RIM DMAR KHRID, GCEN LUNG BA DKA' CHEN BLO BZANG DBANG PO DANG HAR GDONG BA SNGAGS RAM PA BLO BZANG TSE DBANG GNYIS KYIS GSANG 'DUS KYI BSKYED RDZOGS, DGA' LDAN CHOS 'KHOR BA BLO BZANG RAB 'BYOR NAS PHAR PHYIN SKABS GSUM PA DANG, GRUB MTHA' SPYI RNAMS, DBU MA'I SPYI DON, BLO BZANG CHOS 'BYOR GYIS PHAR PHYIN SKABS DRUG PA, LAM RIM BDUD RTZI'I BUM BZANG, DGA' LDAN BDE CHEN RAB RGYAS GLING PA BLO BZANG DON GRUB KYIS LAM SGRON, BDE LAM, 'JIGS BYED KYI BSKYED RIM, PHYAG CHEN RTZA BA, DGE 'DUN DPAL 'BYOR DANG, BSKAL BZANG BSTAN 'DZIN GNYIS NAS PHYAG CHEN RTZA BA MA GTOGS GONG GSAL THOG MTSAN BRJOD, CHOS 'KHOR LHUN PO BA BKRA SHIS CHOS 'PHEL GYIS BYAMS CHOS SDE LNGA, ZLA BA CHOS 'PHEL GYIS BLO RIGS, DNGOS GRUB YAR 'PHEL GYIS PHAR PHYIN SKABS DANG BO MA GTOGS YONGS RDZOGS DANG,
, ,MDO SDE RGYAN, BSTAN 'DZIN CHOS 'PHEL GYIS SDOM GSUM RAB DBYE, SO THAR, MNGON RTOGS RGYAN, TSAD MA RIGS RGYAN, 'BRONG RTZE CHOS SDE BA BLO BZANG RGYAL MTSAN GYIS DUS 'KHOR GYI CHO GA YONGS RDZOGS, BDE CHEN RI KHROD PA BLO BZANG BKRA SHIS KYIS LAM RIM BDE LAM DANG, DMAR KHRID, GSANG 'DUS RTZA RGYUD DANG DBANG CHOG BCAS KYI RGYUGS PHUL BAR GNANG CHA YI DAM GU BA STZAL,, ,,
[BLANK PAGE]