@(i) DEB THER SNGON PO, STOD CHA, Vol.1 [DD: (*, LUNG DANG RTOGS PA'I BSTAN PA RGYAS GYUR CIG,)] MDZAD PA PO, 'GOS LO TZ'A BA GZHON NU DPAL, W'A nA BADZRA BIDY'A DPE MDZOD KHANG, STON PA'I 'DAS LO, 2546 PHYI LO, 2002 @(ii) First Edition: 2003 Published by: Vajra Vidya Library Library VAJRA VIDYA INSTITUTE Khajoohe P.O. Sarnath, Varanasi U.P. INDIA Pin-code: 221007 Telephone : 0091-542-2595744, 2595747 Fax : 0091-542-2595745 Email : vajravidya@yahoo.com @(iii) [DD: (*, DPAL RGYAL BA KARMA PA,,)] THE KARMAPA *, ,DA LAM BDAG CAG RNAMS KYI YONGS 'DZIN DGE BA'I BSHES GNYEN MKHAN CHEN KHRA 'GU RIN PO CHE'I THUGS BSKYED DANG MDZAD BZANG GI LEGS SPYAD LAS NYE BAR 'ONG BA'I /BADZRA BIDY'A GSUNG RAB DPE BSKRUN KHANG\ ZHES GSAR DU DBU BRNYES PA 'DI NYID BRGYUD GANGS CAN GYI LJONGS 'DIR GNA' BO'I DUS NAS MA NYAMS PA'I RMAD BYUNG GTZUG LAG GI SROL BZANG RGUD MED RGYUN 'DZIN DANG, KHYAD PAR DPAL 'GRO MGON BKA' BRGYUD PA'I MKHAS GRUB GONG MA DAG GI GSUNG RAB RGYA CHEN ZAB MO'I DPAL YON GYIS PHYUG PA KUN KYANG SNGAR RJES SHUL 'DZIN DANG, PHYI RJES DAR SPEL GYI SGO NAS PHAN BDE'I 'BYUNG GNAS RGYAL BA'I BSTAN PA RIN PO CHE'I NGES DON LUNG RTOGS KYI CHOS TSUL 'CHAD NYAN SGOM GSUM GYI GNAS GANG CIR ZHABS 'DEGS SU 'GRO BA'I YID SMON RNAM DAG BCAS KARMA'I MTSAN 'DZIN BCU BDUN PAS, NANG LO 2547 RAB BYUNG BCU BDUN PA'I CHU RTA LO'I ZLA 11 TSES 18 DANG, PHYI LO 2002 PHYI ZLA 12 TSES 22 LA, @(iv) [BLANK PAGE] @(v) [DD: (LUNG DANG RTOGS PA'I BSTAN PA RGYAS GYUR CIG)] VENERABLE THRANGU RINPOCHE SNGON BRJOD, *, ,SRID PA'I 'JIGS PA LAS SKYOB CING, , RNAM GROL BGROD PA'I LAM GCIG PU, , LUNG RTOGS GNYIS BSDUS ZHI BSIL CHOS, , GUS PA'I PHYAG GI YUL DU BSTEN, , DE YANG GANGS CAN BOD KYI LJONGS SU SANGS RGYAS KYI BSTAN PA DAR BA NAS BRTZAMS DA LTA'I BAR DU, MKHAS BTZUN BZANG GRUB KYI SKYES BU KHYAD PAR CAN BSAM GYIS MI KHYAB PA ZHIG BYON PA RNAMS KYIS, RANG RANG GI NYAMS MYONG GIS STENG NAS BYUNG BA'I MAN NGAG SNA TSOGS PA ZHIG ,MA 'ONGS PA'I MI RABS RIM 'BYUNG RNAMS LA THUGS BRTZE BA CHEN POS NYE BAR DGONGS TE, BSTAN BCOS DANG, ZHAL GDAMS, ZIN BRIS DANG, CHO GA LO RGYUS DANG, RNAM THAR SOGS, BSAM GYIS MI KHYAB PA ZHIG RTZOM BRIS GNANG STE BZHUGS PA DE DAG BAR LAM DUS KYI 'GYUR BA LA BRTEN NAS MANG PO ZHIG CHUD ZOS SU PHYIN PA NI BOD PHYI NANG TZAM MA YIN PAR, 'DZAM GLING GI SKYE 'GRO YONGS LA GYONG GUN CHEN PO ZHIG BYUNG STE, SHIN TU PHANGS PA'I GNAS SU GYUR PAR MA ZAD, DA LTA 'GRO BA'I BSOD NAMS KYI SKAL PAR BZHUGS PA DAG LAS KYANG, KHA SHAS DPE RGYUN DKON PAS MI MNGON PA'I DBYINGS SU PHEBS LA NYE BA RNAMS MI NYAMS PAR DPE RGYUN SPEL BA'I CHED DANG, YANG PHYAG DPE SHIN TU MKHO GAL CHE BA KHAG THOS BSAM DANG, NYAMS LEN GNANG MKHAN, DPAL 'BYOR GYI RGYAB RTEN DE TZAM MED PAR, SPRO MED DU BZHUGS THRANGU TASHI CHOELING, P.O. BOX 1287, BOUDDHA, KATHMANDU, NEPAL TEL: 470028 FAX: 470763 @(vi) GYUR THUGS MNYES PA RNAMS KYIS STABS BDE'I THOG NAS PHYAG DPE KHAG THOB PA'I CHED, BADZRA BIDY'A'I DPE MDZOD KHANG GIS PAR SKRUN ZHUS DANG ZHU 'CHAR BZHIN, DA LAM SBYIN PA'I BDAG PO BLA MA BSOD NAMS DBANG PHYUG DANG KARMA ZLA BA RNAM GNYIS NAS ZHAL 'DEBS GNANG STE, 'GOS LO TZ'A BA GZHON NU DPAL GYIS MDZAD PA'I DEB THER SNGON PO 'DI NYID DEB GRANGS GCIG STONG THAM PA PAR BSKRUN GNANG BA DANG, DE'I SKABS DPE CHA ZHU BSGRIGS KYI 'GAN 'KHUR BA KARMA BLO GROS 'BYOR LDAN NAM TSE RING BCAS, THAMS CAD KYIS PHYAR BA GRU 'DEGS GNANG BA LA SNYING THAG PA NAS THUGS RJE CHE ZHES ZHU RGYU DANG, MA 'ONGS PAR PHYAG DPE GZIGS MKHAN RNAMS KYIS DPE CHA 'DI'I STENG NAS SLOB SBYANG, ZHIB 'JUG NYAMS LEN GANG GZAB KYIS RANG DON DU THOS BSAM SGOM GSUM, GZHAN DON DU 'CHAD RTZOD RTZOM GSUM, GNYIS DON DU MKHAS BTZUN BZANG GSUM STE DAM PA'I NGANG TSUL DGU YIS DON GNYIS LHUN GYIS GRUB PA ZHIG YONG BA'I SMON 'DUN DANG, DE LTA BU GNANG ROGS ZHES KYANG ZHU BA LAGS, DE BZHIN MA PHYI GSAL PO MA THOB PA DANG, ZHU DAG GNAD SMIN MA SONG BA SOGS KYIS LHAG CHAD DANG, NOR 'KHRUL BYUNG BA THAMS CAD MKHAS PA'I DBANG PO RNAMS KYI DRUNG DU BSHAGS SHING, NOR BCOS BKA' BSLAB KYANG LHUG POR STZOL GNANG BKA' DRIN ZHU, KHRA 'GU SPRUL MING PAS, , @(vii) DKAR CHAG DUM BU DANG PO, CHOS 'BYUNG GI RTZA BA, RGYAL RABS, BSTAN PA SNGA DAR GYI SKABS, ...(1) MCHOD PAR BRJOD PA, ...(3) MANG POS BKUR BA'I GDUNG RABS KYI SKABS, (21) SANGS RGYAS KYI MDZAD PA'I SKABS, ...(37) BSTAN PA'I GTAD RABS KYI SKABS, ...(43) SDE PA BCO BRGYAD DU GYES PA'I SKABS, ...(48) SO SOR THAR PA'I SDOM BRGYUD KYI SKABS, ...(57) BOD KYI RGYAL RABS KYI SKABS, ...(59) CHOS RGYAL MES DBON RNAMS KYIS BSTAN PA... BTZUGS PA'I SKABS, ...(63) BOD KYI RGYAL PO THAMS CAD RTZA RGYUD LAS LUNG... BSTAN PA'I SKABS, ...(70) BOD DANG RGYA HOR LA SOGS PA'I RGYAL RABS KYI... SKABS, ...(73) @(viii) GLANG DAR MAS BSTAN PA BSNUBS RJES BOD MI... KHYIM PA TSOS GTZUG LAG KHANG DANG BKA'... BSTAN SRUNG SKYOBS BYAS PA'I SKOR, ...(84) DUM BU GNYIS PA, BSTAN PA PHYI DAR GYI SKABS, ...(89) BSTAN PA PHYI DAR GYI LO TSIGS DANG BLA CHEN PO... LA SOGS PA'I SKABS, ...(89) LO CHEN GYI SKABS, ...(94) DUS MTSUNGS BSGRIGS PA'I SKABS, ...(96) KLU MES DPON SLOB KYIS GTZUG LAG KHANG... BTAB PA'I SKABS, ...(102) 'DUL BA 'DZIN PA'I LO RGYUS KYI SKABS, ...(105) RGYAL LHA KHANG GI SKABS, ...(117) KHRAB LA KHA BA'I SKABS, ...(122) THANG PO CHE'I SKABS, ...(122) DGE BSHES GRVA PA DPON SLOB DANG SPYAN G-YAS... PA'I SKABS, ...(124) DUM BU GSUM PA, GSANG SNGAGS SNGA 'GYUR GYI SKABS, ...(135) SGYU 'PHRUL GTZO BOR GYUR PA'I SKABS, ...(135) @(ix) 'DUS PA MDO'I BRGYUD LUGS KYI SKABS, ...(200) RONG ZOM CHOS KYI BZANG PO'I LO RGYUS KYI ... SKABS, ...(202) SEMS PHYOGS KYI SKABS, ...(212) RDO RJE ZAM PA'I LO RGYUS KYI SKABS, ...(217) MAN NGAG GI SDE'I LO RGYUS KYI SKABS, ...(238) DUM BU BZHI PA, GSANG SNGAGS GSAR MA, LAM 'BRAS RJES 'BRANG DANG BCAS PA'I SKABS, ...(255) GSAR MA'I 'GYUR MGO'I SKABS, ...(255) RNAL 'BYOR MA'I RGYUD KYI BSHAD PA'I DAR SO... DANG, LAM 'BRAS BU DANG BCAS PA'I GDAMS PA SA SKYA PA YAB SRAS KYI RING LA JI LTAR 'PHEL BA'I GTAM GYI SKABS, ...(256) RMA LO TZ'A BA DANG ZHA MA LCAM SRING GIS BSTAN PA JI LTAR BSKYANGS PA'I SKABS, ...(271) DUM BU LNGA PA, JO BO RJE BRGYUD PA DANG BCAS PA'I SKABS, (297) JO BO DANG 'BROM STON DANG RA SGRENG GI SKABS, (297) PO TO BA DANG ROG GI SKABS, ...(327) @(x) GLANG THANG PA'I SKABS, ...(330) SHAR PA BA NAS 'CHAD KHA BA'I SKABS, ...(331) SNAR THANG BA'I SKABS, ...(344) KHAM LUNG BA DANG SHAR PA BA'I SLOB MA'I... SKABS, ...(346) SPYAN SNGA NAS BYA YUL BA'I SKABS, ...(347) BYA YUL BA'I SLOB MA'I SKABS, ...(370) RGYA MA BA'I SKABS, ...(376) DGON PA BA'I BU KAM BA DANG SHAR PA BA SLOB... BRGYUD DANG BCAS PA'I SKABS, ...(384) JO BO RJE'I SLOB BRGYUD GZHAN GYI LO RGYUS... PHYOGS TZAM BSTAN PA'I SKABS, ...(387) DUM BU DRUG PA, RNGOG LO PA TSAB BRGYUD PA DANG BCAS PA... DANG, DBU TSAD BYAMS CHOS SOGS JI LTAR BYUNG BA'I SKABS, ...(399) RNGOG LO BRGYUD PA DANG BCAS PA'I SKABS, ...(399) PA TSAB BRGYUD PA DANG BCAS PA'I SKABS, ...(415) MNGON PA'I BRGYUD PA'I SKABS, ...(419) @(xi) TSAD MA RNAM 'GREL GYI BRGYUD PA'I SKABS, ...(421) BYAMS CHOS BTZAN LUGS KYI SKABS, ...(422) DUM BU BDUN PA, RGYUD SDE'I BSHAD SROL JI LTAR BYUNG BA'I... SKABS, ...(429) YO GA'I LO RGYUS KYI SKABS, ...(429) 'DUS PA 'PHAGS LUGS KYI SKABS, ...(434) YE SHES ZHABS LUGS KYI SKABS, ...(446) GSHIN RJE GSHED KYI SKOR GYI SKABS, ...(454) BDE MCHOG GI SKABS, ...(460) PHAG MO GZHUNG DRUG GI SKABS, ...(471) DUM BU BRGYAD PA, MNGA' BDAG LO TZ'A BA CHEN PO MAR PA NAS BRGYUD DE DVAGS PO BKA' BRGYUD CES... GRAGS PA'I SKABS, ...(483) RNGOG PA'I BRGYUD PA'I SKABS, ...(483) 'DUS PA MAR LUGS KYI SKABS, ...(500) BDE MCHOG SNYAN BRGYUD DANG RAS CHUNG SNYAN... BRGYUD KYI SKABS, ...(511) SGAM PO BA GDAN SA DANG BCAS PA'I SKABS, (538) @(xii) SGAM PO BA'I DNGOS SLOB KYI SKABS, ...(557) SPRUL PA'I SKU'I RIM PA DANG PO'I SKABS,...(563) 'TSUR PHU'I GDAN RABS KYI SKABS, ...(615) SPRUL PA'I SKU'I RIM PA GNYIS PA'I SKABS, ...(617) DPAL PHAG MO GRU PA SLOB MA DANG BCAS PA'I... SKABS, ...(651) PHAG MO GRU PA'I GDAN RABS KYI SKABS, ...(671) 'BRI KHUNG CHOS RJE DNGOS SLOB DANG BCAS PA'I SKABS, ...(701) 'BRI KHUNG PA'I GDAN RABS KYI SKABS, ...(715) STAG LUNG PA SLOB MA DANG BCAS PA'I SKABS, (717) G-YAM BZANG PA'I SKABS, ...(766) CHOS RJE GTZANG PA BU CHEN GDAN RABS DANG BCAS PA'I SKABS, ...(773) SMAD 'BRUG GI SKABS, ...(788) RGOD TSANG PA BU CHEN DANG BCAS PA'I SKABS, (796) STOD 'BRUG GI SKABS, ...(806) GRUB CHEN PA SLOB BRGYUD DANG BCAS PA'I... SKABS, ...(816) @(xiii) KHRO PHU PA'I SKABS, ...(825) ZHANG RIN PO CHE SLOB MA DANG BCAS PA'I SKABS, ...(832) MTSAL GUNG THANG PA'I BLA RABS KYI SKABS, (838) SEMS KHRID KYI BRGYUD PA'I SKABS, ...(839) MJUG SDUD DU MAR PA'I BKA' BRGYUD DANG... DVAGS PO'I BKA' BRGYUD DU GRAGS PA'I GTAM RAGS TZAM BRJOD PA'I SKABS, ...(846) DUM BU DGU PA, KO BRAG PA DANG, NI GU'I SKABS, ...(851) KO BRAG PA SLOB MA DANG BCAS PA'I SKABS, (851) NI GU'I SKABS, ...(854) DUM BU BCU PA, DUS KYI 'KHOR LO'I SKABS, ...(885) DUM BU BCU GCIG PA, PHYAG RGYA CHEN PO'I SKABS, ...(983) DUM BU BCU GNYIS PA, ZHI BYED BRGYUD PA SNGA PHYI BAR GSUM GYI SKABS, ...(1015) BRGYUD PA DANG PO'I SKABS, ...(1015) RMA LUGS KYI SKABS, ...(1020) SO LUGS KYI SKABS, ...(1025) @(xiv) SKAM LUGS KYI SKABS, ...(1047) BRGYUD PHRAN GYI SKABS, ...(1057) MA JO NYI SHU RTZA BZHI'I LO RGYUS KYI SKABS, ...(1063) CHIG BRGYUD SBAS PA'I BLA MA RNAM GSUM GYI ... SKABS, ...(1073) ZHI BYED BRGYUD PA PHYI MA'I SKABS, ...(1092) DUM BU BCU GSUM PA, GCOD YUL DANG KHA RAG PA'I SKABS, (1139) MO GCOD KYI SKABS, ...(1139) PHO GCOD KYI SKABS, ...(1158) KHA RAG PA'I SKABS, ...(1162) DUM BU BCU BZHI PA, THUGS RJE CHEN PO'I SKOR DANG, RDO RJE PHRENG BA SOGS KYI SKABS, ...(1173) THUGS RJE CHEN PO DPAL MO LUGS KYI BRGYUD PA'I SKABS, ...(1173) DON ZHAGS DANG DMAR KHRID ZLA RGYAL LUGS KYI SKABS, ...(1186) LA STOD DMAR PO'I SKABS, ...(1195) KHRO PHU BA LAS BRGYUD PA'I SKABS, ...(1200) @(xv) 'KHOR BA RGYUN GCOD KYI SKABS, ...(1208) MKHA' SPYOD BSNYEN SGRUB KYI SKABS, ...(1211) GRUB CHEN MI TRA LAS BYUNG BA'I CHOS SKOR GYI SKABS, ...(1212) DMAR KHRID TSEM BU LUGS KYI SKABS, ...(1213) DARBAN GYI SKABS, ...(1215) RDO RJE PHRENG BA SOGS JI LTAR BYUNG BA'I SKABS, (1217) THOR BU BA'I SKABS, ...(1220) RTE'U RA PA'I SKABS, ...(1223) DUM BU BCO LNGA PA, TSOGS SDE BZHI SOGS DGE 'DUN GYI SDE JI LTAR BYUNG BA DANG, ZHU LAN, PAR DU BZHENGS PA'I SKABS, ...(1237) KHA CHE PAn CHEN DANG, DE LAS BRGYUD PA'I SDE BZHI'I MKHAN BRGYUD KYI SKABS, ...(1237) DGE LDAN PA'I SKABS, ...(1249) NA LANDA PA'I SKABS, ...(1258) RTZES THANG PA'I SKABS, ...(1260) ZHU LAN SKABS, ...(1263) @(xvi) PAR DU BSGRUBS PA'I SKABS, ...(1265) MDZAD BYANG, ...(1271) PAR BYANG, ...(1273) @001 (KA) DEB THER SNGON PO LAS, CHOS 'BYUNG GI RTZA BA, RGYAL RABS, BSTAN PA SNGA DAR GYI SKABS, @002 [BLANK PAGE] @003 DUM BU DANG PO, CHOS 'BYUNG GI RTZA BA, RGYAL RABS, BSTAN PA SNGA DAR GYI SKABS, MCHOD PAR BRJOD PA, @004 (* SDEB SBYOR TZA BA RIN 'BYUNG LAS MA THA BA NA NA BA RA RA BA RNAMS BDUN PA GSUM GYIS SDOD PA PHRENG 'DZIN ZHES BYAR 'GYUR, ZHES PA'O,) SHLOO KA BZHI GA SDEB SBYOR 'DI NYID DO, , MA RA BA NA NA BA RA RA BA (SPYIR RNAMS GRANGS 2099152 LAS BYE BRAG 309993 PA'O,) *, ,NA MO BU DDH'A YA, SANGS RGYAS LA PHYAG 'TSAL LO, , @005 *, ,MNYAM PA'I BRiTTA'O, , YO NEE KO N'A PYA NE KA : SVA PA RA GANG ZHIG GCIG MIN DU MA YANG MIN RANG DANG GZHAN HI TA MA H'A SA MPA D'A DH'A RA BH'U TO LA PHAN PA PHUN TSOGS CHEN PO'I GZHIR GYUR PA,, @006 NEE B'A BH'A BO NA BH'A BA KHA MI BA SA DNGOS MED NYID MIN DNGOS PO MA YIN NAM MKHA' MA RA SO DU RBBI BH'A BA SVA BH'A BA:, , BZHIN DU RO MNYAM RTOt PAR DKA' BA'I RANG BZHIN CAN,, @007 NI RLE PAm NI RBI K'A RAm SHI BA MA SA GOS PA MED CING RNAM 'GYUR MED PA ZHI ZHING MI MA SA MAm BY'A PI NAm NI shPRA PA NYTZAm MNYAM MNYAM LA KHYAB PA RAB TU SPROS MED PA, , @008 BANDE PRA TY'A TMA BE DYAm TA MA HA MA SO SO RANG GIS RIG BYA RGYAL BA RNAMS KYI CHOS SKU NU PA MAm DHA RMMA K'A YAm DZI N'A N'Am, , DPE MED DE LA BDAG NI PHYAG 'TSAL LO, , @009 LO K'A T'I T'A MA TZI NTY'Am SU KRi TA SHA GANG ZHIG 'JIG RTEN LAS 'DAS BSAM GYIS MI KHYAB TA PHA L'A M'A TMA NO YO BI BH'U TIm LEt BYAS BRGYA YI BDAG NYID 'BRAS BU 'BYOR BA NI, , @010 PA RshAm MA DHYE BI TZI TR'Am PRA THA YA TI RNAM PA SNA TSOGS CHEN PO 'KHOR GYI NANG DU BLO LDAN MA HA T'Im DH'I MA T'Am PR'I TI HI TO:,, RNAMS KYI DGA' BA'I RGYUR NI RGYAS MDZAD CING, , @011 BU DDH'A N'Am SA RBBA LO KA PRA SRi TA MA 'JIG RTEN KUN DU DAM PA'I CHOS SGRA RGYA CHEN RGYUN BI RA TO D'A RA SA DDHA RMMA GHO shAm MI 'CHAD PAR RAB TU SPRO MDZAD SANGS RGYAS KYI, , @012 BA NDE SAm BHO GA K'A YAm TA MA HA MI LONGS SPYOD RDZOGS SKU 'DIR NI CHOS KYI RGYAL SRID CHEN HI MA H'A DHA RMMA R'A DZYA PA TI shthAm, , POR GNAS PA DE LA BDAG NI PHYAG 'TSAL LO, , @013 SA TV'A N'Am P'A KA HE TO: KRA TZI DA NA GANG ZHIG SEMS CAN THAMS CAD SMIN PA'I SLAD DU 'GA' LA AI B'A BH'A TI YO D'I PYAm? M'A NA: ZHIG TU NI ME BZHIN 'BAR BAR SNANG BYED LA, , @014 SAm BO DHOO DHA RMMA TZA KRE KVA TZI DA PI LA LAR RDZOGS PAR BYANG CHUB CHOS KYI 'KHOR LO TZA PU NA RDRi SHYA TE YA : PRA SH'A NTA :, , SLAR YANG RAB TU ZHI BAR YANG NI GANG STON PAS, , @015 NEE K'A K'A RA PRA BRi TTAm TRI BHA BA BHA SRID PA GSUM GYI 'JIt PA 'PHROG CING SNA TSOt THABs YA HA RAm BI SHVA R'U PEE RU P'A YEE TSUL RNAMS KYIS RNAM PA DU MAR RAB 'JUG PA, , @016 RBA NDE NI RM'A nA K'A YAm DA SHA DI GA THUB PA RNAMS KYI SPRUL SKU DON CHEN PHYOGS BCU NU GA TAm TA NMA H'A RTHAm MU N'I N'Am, , RNAMS SU RJES SU SON PA DE LA PHYAG 'TSAL LO, , @017 TREE LO KY'A TZ'A RA MU KTAm GA GA NA SA 'JIG RTEN GSUM GYI SPYOD PA LAS GROL NAM MKHA' MA GA TAm SA RBBA BH'A BA SVA BH'A BAm MNYAM PAR GNAS PA DNGOS PO KUN GYI RANG BZHIN TE,, @018 SHU DDHAm SH'A NTAm BI BI KTAm PA RA MA SHI DAG PA ZHI ZHING RNAM PAR DBEN LA MCHOG TU ZHI BA'I RANG BA MA YAm YO GI N'A ME BA GA MYAm, , BZHIN RNAL 'BYOR RNAMS KYIS RTOGS BYA NYID, , @019 DU RBO DHAm DU RBI TZ'A RAm SVA PA RA RTOt PAR DKA' ZHING RNAM PAR DPYAD DKA' RANG DANG HI TA MAm BY'A PI NAm NI RNA MI TTAm GZHAN LA PHAN PA KHYAB CING MTSAN MED RNAM RTOG DANG,, @020 BA NDE K'A YA DZI N'A N'Am SU KHA MA SA BRAL BA GCIG BU'I SKU NI RGYAL BA RNAMS KYI MI MNYAM MA SA MAm NI RBI KA LPEE KA M'U RTTIm, , mNYAM PA BDE BA'I SKU LA PHYAG 'TSAL LO, , @021 MANG POS BKUR BA'I GDUNG RABS KYI SKABS, DE LTAR SKU BZHI LA LEGS PAR SBYAR BA DANG BOD KYI SKAD GNYIS KYIS MCHOD PAR BRJOD NAS, THOG MAR 'O SKOL GYI STON PA 'DI'I GDUNG RABS BRI BAR BYA STE, DE YANG LUNG LAS, STON PA SER SKYA NA BZHUGS PA'I TSE SH'AKYA RNAMS GANG LAS SKYES, THOG MA GANG YIN, SNGON GYI RIGS RGYUD GANG YIN ZHES 'DRI NA, JI SKAD LUNG BSTAN, TSUR STON PA LA ZHU'O ZER NAS STON PA LA ZHUS PAS, STON PAS SH'AKYA'I RIGS RGYUD BSHAD NA MU STEGS PA RNAMS BDAG NYID LA BSTOD CING SHES PA'I GNAS YOD KYI, MOONG+GAL GYIS NUS PA DE STON DU GZHUG GO SNYAM STE, MOONG+GAL GYI BU NGA RGYAB BSNYUNG BAS RE ZHIG DE BSAL GYI, KHYOD KYIS SH'AKYA'I SNGON GYI RIGS RGYUD LAS BRTZAMS TE SPOBS PAR GYIS SHIG DES CANG MI SMRA @022 BAS KHAS BLANGS TE, STON PA SNAM SBYAR BLTAB STE 'PHANGS SU SNGAS BCUG STE MNAL LO, MOONG+GAL GYI BUS SH'AKYA'I SNGON GYI RIGS RGYUD MTHONG BA'I TING NGE 'DZIN LA ZHUGS NAS, DE LAS LANGS TE STAN BSHAMS PA LA 'DUG NAS SH'AKYA RNAMS LA SMRAS PA, 'JIG RTEN 'DI ZHIG PA'I TSE SEMS CAN PHAL CHER 'OD GSAL GYI LHAR SKYES NAS SOGS BSKAL PA DANG PO 'CHAGS PA'I TSUL, RGYAL PO DANG PO BYUNG BA'I BAR RGYAS PAR BSHAD NAS, RGYAL PO MANG POS BKUR BA'I TSE MI RNAMS KYI MING SEMS CAN ZHES BYA, DE'I BU 'OD MDZES TE DE'I TSE MI LA TSUR SHOG SHOG CES ZER, DE'I BU DGE BA DE'I TSE MI LA RME BA CAN, DE'I BU DGE MCHOG DE'I TSE MI LA SPRIN MGRIN, DE'I BU GSO SBYONG 'PHAGS DE'I TSE MI LA T'A LA'I RKANG, DE'I SPYI BOR SHA RMEN CIG BYUNG BA LAS NGA LAS NU DE YI TSE MI LA YID LAS SKYES, RGYAL PO DRUG TU MI TSE LO DPAG TU MED PA YIN NO, NGA LAS NU'I BRLA G-YAS PAR SHA RMEN BYUNG BA LAS 'KHOR LOS SGYUR BA'I RGYAL PO MDZES PA, DE'I BRLA G-YON PAR SHA RMEN CIG BYUNG BA LAS 'KHOR LOS SGYUR BA NYE MDZES, NYE MDZES KYI RKANG PA G-YAS PAR SHA RMEN CIG BYUNG BA LAS 'KHOR LOS SGYUR RGYAL MDZES LDAN, DE'I RKANG PA G-YON PAR SHA RMEN CIG BYUNG BA LAS NYE MDZES LDAN TE, DE BZHI NI GLING BZHI NAS GCIG GI BAR LA DBANG BA'I 'KHOR LOS SGYUR RGYAL LO, NYE MDZES LDAN GYI BU BZANG PO NAS KUN NAS 'OD ZER GYI BAR MING SMOS PA SUM CU, KUN NAS 'OD ZER GYI BU BRGYUD LA RGYAL PO BRGYA THAM PA YUL GRU 'DZIN DU BYUNG NGO, @023 THA MA DGRA 'DUL ZHES BYA'O, ,DGRA 'DUL GYI BU BRGYUD LA RGYAL PO LNGA KHRI BZHI STONG YUL DMAG GIS MI TSUGS PAR BYUNG STE, THA MA LA RGYAL BA LAS RGYAL PO ZHES BYA'O, ,DE'I BU BRGYUD LA RGYAL PO DRUG KHRI SUM STONG YUL BA RA n'A SIR BYUNG STE, THA MAR RGYAL PO BZOD DKA' ZHES BYA'O, ,DE'I BU BRGYUD LA RGYAL PO BRGYAD KHRI BZHI STONG KA BI LA'I GRONG DU BYUNG STE, THA MA TSANGS BYIN NO, DE'I BU BRGYUD LA RGYAL PO SUM KHRI NYIS STONG GLANG PO CHE'I GRONG DU BYUNG STE, THA MA BAL BU CAN NO, ,DE'I BU BRGYUD LA RGYAL PO SUM KHRI NYIS STONG GRONG KHYER BRANG GIS NYAL DU BYUNG STE, THA MA TSAN PO CHE 'DUL LO, ,DE'I BU BRGYUD LA RGYAL PO SUM KHRI NYIS STONG GRONG KHYER MA RGYAL BA LAS RGYAL BAR BYUNG STE, THA MA BRGYA BYIN ZHES BYA'O, ,DE'I BU BRGYUD LA RGYAL PO SUM KHRI NYIS STONG GRONG KHYER KA N+YA KUB DZAR BYUNG STE, THA MA RGYAL BDE, DE'I BU BRGYUD LA RGYAL PO KHRI BRGYAD STONG GRONG KHYER TZAMPAR BYUNG STE, THA MA KLU'I LHA ZHES BYA'O, ,DE'I BU BRGYUD LA RGYAL PO NYI KHRI LNGA STONG GRONG KHYER T'A LA'I PHRENG DU BYUNG STE, THA MA MI'I LHA'O, ,DE'I BU BRGYUD LA RGYAL PO KHRI NYIS STONG GRONG KHYER RA MA LIR BYUNG STE, THA MA RGYAL PO RGYA MTSO'I LHA ZHES BYA'O, ,DE'I BU BRGYUD LA RGYAL PO KHRI BRGYAD STONG GRONG KHYER BA SO'I GRONG DU BYUNG STE, THA MA BLO GROS BZANG PO, DE'I BU BRGYUD LA RGYAL PO NYI KHRI LNGA STONG RGYAL PO'I KHAB TU BYUNG STE, THA MA MUN SEL LO, DE'I BU BRGYUD LA RGYAL PO NYI KHRI BA RA n'A SIR BYUNG STE, THA MA RGYAL PO DBANG PHYUG CHEN PO'I SDE'O, ,DE'I BRGYUD LA RGYAL PO BRGYAD KHRI BZHI @024 STONG GRONG KHYER RTZVA CAN DU BYUNG STE, THA MA RGYA MTSO'I SDE'O, ,DE'I BRGYUD LA RGYAL PO STONG GRU 'DZIN DU BYUNG STE, THA MA DKA' THUB SPYOD DO, ,DE'I BRGYUD LA RGYAL PO BRGYAD KHRI BZHI STONG GRONG KHYER RTZVA CAN DU BYUNG STE, THA MA SA'I GDONG NGO, ,DE'I BRGYUD LA RGYAL PO 'BUM BA RA n'A SIR BYUNG STE, THA MA SA'I BDAG PO'O, ,DE'I BRGYUD LA RGYAL PO 'BUM DMAG GIS MI TSUGS PAR BYUNG STE, THA MA RGYAL PO SA 'DZIN NO, ,DE'I BRGYUD LA RGYAL PO BRGYAD KHRI BZHI STONG MI THI LAR BYUNG STE, THA MA LHA CHEN PO'O, ,DE'I BRGYUD LA RGYAL PO BRGYAD KHRI BZHI STONG MI THI LAR BYUNG STE, THA MA MU KHYUD DO, ,MU KHYUD KYI BRGYUD LA MING SMOS PA ZHE DGU, THA MA SHING RTA SRA BA, DE'I BRGYUD LA RGYAL PO BDUN KHRI BDUN STONG GRONG KHYER KUN SNANG DU BYUNG STE, THA MA NAM MKHA'I BDAG PO, DE'I BU KLU MNYAM SKYONG GI BU BRGYUD LA RGYAL PO BRGYA THAM PA BA RA n'A SIR BYUNG STE, THA MA KRi? KRI'O, DES 'OD SRUNG GI DRUNG DU BYANG CHUB TU SEMS BSKYED NAS DGA' LDAN DU SKYES SO, DE'I BU LEGS SKYES, DE'I BRGYUD LA RGYAL PO BRGYA THAM PA GRU 'DZIN DU BYUNG STE, THA MA RNA BA CAN NO, DE LA BU GOO TA MA DANG BHA RA DHVA DZA GNYIS LAS, GOO TA MA RAB TU BYUNG BA LA MOS PAS YAB LA ZHUS PAS GNANG STE, DRANG SRONG MDOG NAG PO LA RAB TU BYUNG NAS BDAG DGON PA'I ZAS KYIS 'TSO BAR MI NUS KYIS GRONG 'DAB TU GNAS SO, ,DES GNANG STE LO MA'I SPYIL PO BRTZIGS TE GNAS SO, ,DE'I TSE SKYES BU G-YON CAN PADMA'I RTZA LAG GIS SMAD 'TSONG MA BZANG MO LA DGA' MGUR SPYAD PA'I PHYIR GOS RGYAN @025 BSKUR RO, ,DER MI GZHAN ZHIG PA NA LNGA BRGYA THOGS NAS BYUNG BA DANG MNGAG GZHUG MA PADMA'I RTZA LAG CAN MNGAGS TE DE DANG DGA' MGUR SPYAD, DE DE NYID LA SONG BA DANG, YANG MNGAG GZHUG MA MNGAGS TE SKABS YOD DO ZHES SMRAS PAS, SKAD CIG LA SKABS YOD DANG SKAD CIG LA SKABS MED DO ZER RAM, BU MO DE DE DANG REG MI 'PHROD PA ZHIG PAS SKABS MA MCHIS PA LAGS MOD KYI, DE KHYOD KYI GOS RGYAN GYON NAS GZHAN DANG SPYOD DO, DE MI BZOD PA SKYES TE, SONG LA SKYED MOS TSAL GA GER SHOG BYOS SHIG DES DE LA SMRAS TE SONG BA DANG, DES KHYOD KHO BO'I GOS RGYAN GYIS SKYES PA GZHAN DANG DGA' MGUR SPYOD PA RIGS SAM, DE BDAG GIS NONGS KYI BZOD PA MDZOD CIG DE BSAD DO, BU MOS JO MO BSAD DO ZHES KU CO BTON TE SKYE BO KUN GYIS RGYUGS PA DANG, PADMA'I RTZA LAG SKRAG STE RAL GRI KHRAG CAN GOO TA MA'I DRUNG DU BZHAG NAS SKYE BO'I NANG DU ZHUGS SO, ,SKYE BO DES MTHONG NAS RAB BYUNG 'DIS BZANG MO BSAD DO ZHES, KHYED RAB BYUNG DRANG SRONG GI RGYAL MTSAN THOGS NAS 'DI 'DRA BA'I LAS BYED DAM, CI BYAS, 'DI'O, KHO BO SDIG PA ZHI BAS 'DI 'DRA'I LAS MI BYED DO ZHES SMRAS KYANG MA NYAN PAR DE'I LAG PA PHYIN KA LOG TU BCINGS NAS RGYAL PO LA PHUL TE, 'DIS BZANG MO DANG DGA' MGUR SPYAD NAS BKUM MO, RGYAL PO NI MI RTOG PAS GSAL SHING LA KHOL CIG ZER NAS DE LTAR BYAS SO, DRANG SRONG MDOG NAG PO DUS DUS SU DER 'GRO BAS SONG NAS DE MA MTHONG BA DANG BTZAL BAS GSAL SHING LA GSHON @026 PAR MTHONG NAS, BU CI YIN, LAS LAGS MOD, RMA MA PHYUNG NGAM, LUS KYI RMA PHYUNG STE SEMS KYIS MA YIN NO, JI LTAR SHES, BDEN PA'I TSIG GIS BDAG GI LUS KYI RMA PHYUNG GI SEMS KYIS MA YIN NA MKHAN PO'I LPAGS PA'I MDOG GSER GYI MDOG TU GYUR CIG CES SMRAS MA THAG TU GSER MDOG TU GYUR TE YID CHES SO, GOO TA MAS MKHAN PO BDAG GI 'GRO BA NI GANG, SKYE BA NI GANG, BU BRAM ZE NA RE BU MED PA LA 'GRO BA MED DO ZER NA, BU BSKYED PA'I NUS PA LTA YOD DAM, BDAG GZHON NU NAS RAB TU BYUNG, BUD MED KYI RGYUS KYANG MA 'TSAL NA, LTA GA LA MCHIS, BU SNGON SPYAD PA'I YUL DRAN PAR GYIS SHIG GNAD 'CHAD PA'I TSOR BAS NYEN NA YUL DRAN PAR GA LA 'GYUR, DES RDZU 'PHRUL GYI RDZI CHAR CHEN PO PHAB STE CHAR PA'I THIGS PA LUS LA PHOG CING RLUNG GRANG MOS LUS LA REG PAS SDUG BSNGAL MNAN NAS, SNGON GYI YUL DRAN PAR BYAS TE 'KHRIG PA'I 'DOD CHAGS DRAN NAS KHU BA KHRAG DANG 'DRES PA GNYIS LHUNG NGO, DE GNYIS SGO NGA GNYIS SU GYUR NAS NYI MA'I 'OD ZER GYIS SMIN NAS BRTOL BA DANG KHYE'U GNYIS BYUNG STE, DE DANG NYE BA'I BU RAM SHING GSEB TU ZHUGS SO, GOO TA MA NYI MA'I 'OD ZER GYIS SHIN TU TSA NAS SHI'O, ,DRANG SRONG 'ONGS NAS NYE 'KHOR LA BLTAS PAS, SGONG SKOGS MTHONG NAS BTZAL BAS BU RAM SHING GI TSAL NA KHYE'U GNYIS 'DUG PA MTHONG STE, DE DE'I BU RU SHES TE GNAS SU KHRID NAS MNUN BSNYOD DE GSOS PAS, NYI MA'I 'OD KYIS SMIN PAR BYAS PAS NYI MA'I RIGS, GOO TA MA'I BU YIN @027 PAS GOO TA MA, RANG GI YAN LAG LAS SKYES PAS YAN LAG SKYES, BU RAM SHING GI TSAL NAS RNYED PAS BU RAM SHING PA ZHES BTAGS SO, DUS GCIG NA RGYAL PO BHA RA DHVA DZA BU MED PAR SHI NAS, BLON PO RNAMS GROS BYAS NAS SU RGYAL POR DBANG BSKUR, 'DI NI GCEN NO, ,DE DRANG SRONG GI DRUNG DU SONG NAS GOO TA MA GANG DU MCHIS, KHYED KYIS BSAD DO, BDAG CIG GIS MTHONG BA YANG MI DRAN NA JI LTAR BSAD, DRAN PAR BYA'O ZHES RGYAS PAR BSHAD PAS, SDIG PA SPYOD PA DE'I MING TZAM YANG BSGRAGS PA MA LAGS KYI, ZHOG CIG SDIG PA CI BYAS, 'DI'O, ,DE SKYON MED PAR KHYOD KYIS BSAD PA'I RGYU MTSAN RGYAS PAR BSHAD PA DANG, KHYE'U DE GNYIS PHYOGS DER 'ONGS SO, 'DI SU'I BU, DE KHO NA'I BU'O, DE MTHONG NAS NGO MTSAR SKYES TE DE GNYIS KHRID NAS PHU BO RGYAL SRID LA DBANG BSKUR RO, DE'ANG BU MED PAR SHI NAS NU BO RGYAL SRID LA DBANG BSKUR RGYAL PO BU RAM SHING PA ZHES PAR GYUR, DE'I BU BRGYUD LA RGYAL PO BU RAM SHING PA BRGYA YUL GRU 'DZIN DU BYUNG, DE'I THA MA BU RAM SHING PA 'PHAGS SKYES PO, DE LA BU BZHI STE, SKAR MDA' GDONG DANG, LAG RNA DANG, GLANG PO CHE 'DUL DANG, RKANG GDUB CAN NO, DUS GCIG NA DE'I BTZUN MO DAM PA SHI NAS YID KHONG DU CHUD NAS 'DUG PA LA, BLON POS DRIS PAS RGYAS PAR SMRAS PA DANG, BTZUN MO GZHAN BTZAL, GZHON NU 'DI DAG RGYAL SRID 'DOD PAS SU'I BU MO STER, BDAG CAG GIS BTZAL LO, JI TZAM NA RGYAL PO GZHAN ZHIG GI BU MO GZUGS @028 BZANG BA ZHIG MTHONG NAS, RGYAL PO DE TZA NA SONG STE BKRA SHIS PAR GYUR CIG CI SLONG, BU RAM SHING PA 'PHAGS SKYES PO BTZUN MO DAM PA GUM PAS SRAS MO SLONG NGO, RUNG MOD KYI DAM ZHIG BCA' STE, NGA'I BU MO LA KHYE'U BYUNG NA RGYAL SRID DU 'DZEG? NA SBYIN NO, BGYI'O ZHES GSOL NAS, BU RAM SHING PA 'PHAGS SKYES PO LA SMRAS PAS, PHU BO BZHAG NAS NU BO RGYAL SRID LA JI LTAR BZHAG DON 'DI LA NGES PA MA MCHIS TE, BU TSA 'BYUNG BA'I NGES PA'ANG MED, BYUNG NA'ANG BU DANG BU MO GANG 'BYUNG GI NGES PA'ANG MA MCHIS SO ZHES SMRAS PAS, DE BLANGS TE DGA' MGUR SPYAD PAS BU GCIG BYUNG BA, MA SKYES PA NAS RGYAL SRID 'DOD PAS RGYAL SRID DGA' ZHES MING BTAGS SO, DE CHER SKYES PA DANG RGYAL SRID LA MA BZHAG PA ZHANG POS THOS NAS TSIG RTZUB PO DANG BCAS PAS SPRINGS PA, KHYOD SNGON KHAS BLANGS BZHIN BYED NA LEGS, MI BYED NA MTHU BSKYED LA SDOD CIG KHO BO 'O NIR 'ONGS LA YUL 'KHOR BUR MAR BRLAG GO ZHES SPRINGS PA DANG, 'DI LA JI LTAR RGYAL SRID DGA' RGYAL POR DBANG BSKUR MOD, PHU BO BZHAG NAS NU BO DBANG BSKUR BA 'OS PA MA YIN NO, RGYAL PO DE NI STOBS DANG LDAN PAS 'DI DBANG BSKUR LA GZHON NU RNAMS SPYUG TU GSOL, NYES PA MED PAR JI LTAR SPYUG BDAG CAG NI BLON PO LAGS PAS LHA'I DON SEMS SHING NYES PA MED PA'ANG SPYUG YOD PA'ANG 'JOG GO CANG MI SMRA BA DANG BLON PO RNAMS GROS BYAS TE, GZHON NU RNAMS RGYAL PO'I THUGS PHYUNG BA'I THABS BYA'O ZHES BGROS NAS, SKYED @029 MOS TSAL BYI DOR BYAS PA RI MO SNA TSOGS BRIS PA ZHIG TU RTZED CHAS SNA TSOGS BSHAMS TE SGOR BYUNG BA DANG, GZHON NU RNAMS KYIS DRIS PA, SU'I TSAL, LHA'I 'O, ,LOG PAR BRTZAMS PAS ZHUGS SHIG DE DAG SKYED MOS TSAL DU RTZE BA DANG, BLON POS RGYAL PO SPYAN DRANGS TE 'ONGS PAS, KU CO'I SGRA THOS NAS CI YIN, GZHON NU RNAMS SO, NGAS GZHON NU SPANGS SO, LHA MI SPONG BAR GSOL, SPYUG PAR BGYI'O, GYIS SHIG DE RNAMS SPYUG PAR BYAS PA DANG, RGYAL PO'I RKANG PA LA GTUGS TE, BDAG CAG 'KHOR GYI SKYE BO DANG LHAN CIG MCHIS NA, MI DGAG PAR GSOL, GYIS SHIG DE NAS DE RNAMS LA DGA' BA'I 'KHOR GYI SKYE BO'I TSOGS DANG LHAN CIG CHAS TE, ZHAG BDUN DU GRU 'DZIN GYI SGO PHYE NAS SKYE BO'I TSOGS SONG BA DANG, BLON POS SGO MA BKUM NA GRU 'DZIN STONGS PAR 'GYUR RO, SGO CHOD CIG BCAD DO, ,DE NAS DE RNAMS RANG RANG GI SRING MO KHRID NAS MTHAR GYIS GANGS RI DANG NYE BA CHU BO SKAL LDAN SHING RTA'I 'GRAM DRANG SRONG SER SKYA'I BSTI GNAS DANG NYE BA ZHIG TU LO MA'I SPYIL PO BTAB STE GNAS BCAS NAS RI DVAGS BSAD CING 'TSO'O, DE DAG DUS GSUM DU SER SKYA'I BSTI GNAS SU 'GRO 'O, DE RNAMS LANG TSO DAR 'DOD CHAGS KYIS NYEN NAS SKYA BO SENG SENG POR GYUR PA DANG, SER SKYAS DRIS PAS JI LTAR YIN PA SMRAS PAS, RANG RANG GI SRING MO SPONGS LA, MAS DBEN GYI SRING MO BSTEN CIG RUNG NGAM, RGYAL RIGS RGYAL SRID STONGS PA LA RUNG NGO, DE RNAMS DRANG SRONG GI TSIG TSAD MA YIN @030 SNYAM NAS, MAS DBEN GYI SRING MO DANG LHAN CIG SPYAD PAS BU DANG BU MO MANG PO BTZAS TE CHEN POR GYUR PA DANG, BSAM GTAN GYI TSER MA SGRA YIN PAS, SER SKYAS SEMS RTZE GCIG PA MA THOB PA DANG, SER SKYAS MTHONG GIS, 'GRO'O, ,CI'I PHYIR, 'DI'I PHYIR RO, KHYED 'DI NYID DU BZHUGS SHIG BDAG CAG GNAS GZHAN DU MCHI'O, SA PHYOGS PHOG CIG DRANG SRONG DES GSER GYI BYA MA BUM BLANGS TE, CHU RGYUN GYIS GRONG KHYER GYI RNAM PA BRIS NAS, DE RNAMS KYIS GRONG KHYER BRTZIGS PAS SER SKYA'I GZHI ZHES GRAGS SO, ,DER DE RNAMS 'PHEL BAR GYUR NAS DOG PAS 'PHEL BAR MA GYUR PA DANG, LHAS DE RNAMS KYI SEMS SHES NAS PHYOGS GZHAN ZHIG BSTAN PAS, DER GRONG KHYER BRTZIGS PAS LHAS BSTAN ZHES BYA'O, DE RNAMS TSOGS NAS BDAG CAG SPYUG PA DE RIGS MNYAM PA LAS CHUN MA BLANGS PAS GYUR GYI, DER SUS KYANG RIGS MNYAM PA LAS CHUN MA BLANG BAR MI BYA'O, ,GCIG KHO NAS CHOG SHES PA BYA'O ZHES BCAS SO, DE'I TSE RGYAL PO 'PHAt SKYES POS BU RNAMS DRAN TE, DE RNAMS GANG NA 'DUG BLON POS RGYAS PAR BSHAD PAS, GZHON NU RNAMS SRING MO DANG LHAN CIG BYED PHOD DAM, RNGO THOGS LAGS SO, KYE MA GZHON NU RNAMS NI PHOD PA'O ZHES DBANG CHEN POS TSIG TU BRJOD PAS PHOD PA ZHES GRAGS TE SH'AKYA ZHES BYA'O, DE NAS RGYAL PO 'PHAGS SKYES PO SHI NAS RGYAL SRID DGA' DBANG BSKUR, DE'ANG BU MED PAR SHI NAS SKAR MDA' GDONG DANG, LAG RNA DANG, GLANG PO CHE 'DUL RNAMS BSKOS PAS KYANG @031 BU MED PAR SHI NAS, RKANG GDUB CAN RGYAL POR GYUR TE, DE'I BU GNAS 'JOG DE'I BU SA KHYIM NAS BRGYUD PA RGYAL PO LNGA KHRI LNGA STONG SER SKYAR BYUNG NGO, DE'I THA MA RGYAL PO SHING RTA BCU PA SOGS MING SMOS PA BCU GNYIS BYUNG BA'I THA MA GZHU BRTAN, DE LA BU SENG GE'I 'GRAM DANG SENG GE SGRA GNYIS TE, SENG GE'I 'GRAM NI 'DZAM BU'I GLING NA GZHU THOGS RNAMS KYI MCHOG GO ,DE LA BU BZHI STE, ZAS GTZANG DANG, ZAS DKAR DANG, BRE'O ZAS DANG, BDUD RTZI ZAS SO, ,BU MO GTZANG MA DANG, DKAR MO DANG, BRE'O MA DANG, BDUD RTZI MA'O, ,ZAS GTZANG LA BU BCOM LDAN 'DAS DANG, GCUNG DGA' BO, ZAS DKAR LA RGYAL BA DANG, RGYAL PO BZANG LDAN NO, ,BRE'O ZAS LA MING CHEN DANG, MA 'GAGS PA'O, ,BDUD RTZI ZAS LA KUN DGA' BO DANG, LHA SBYIN NO, ,GTZANG MA'I BU LEGS PAR RAB SAD DO, ,DKAR MO'I BU PHRENG BA CAN, BRE'O MA'I BU BZANG LEN, BDUD RTZI MA'I BU DGE 'PHEL LO, ,BCOM LDAN 'DAS KYI SRAS SGRA GCAN ZIN TE, DES MANG POS BKUR BA'I BRGYUD RDZOGS, DE LA ZAS GTZANG YAN DU SA YA CHIG 'BUM NYI KHRI CHIG STONG LNGA BRGYA BCU BZHI RNAMS BYUNG NGO, , 'JIG RTEN GDAGS PAR NI, MANG POS BKUR BA, DE'I BU 'OD MDZES, DE'I BU DGE BA, DE'I BU DGE MCHOG DE'I BU GSO SBYONG 'PHAGS, DE'I BU SPYI BO SKYES, 'DIS GLING BZHI LA DBANG BSGYUR, DE'I BU MDZES PAS GLING GSUM, DE'I BU NYE MDZES KYIS GLING GNYIS, @032 DE'I BU MDZES CAN GYIS GLING GCIG ,DE'I BU MDZES LDAN YANG GLING GCIG LA DBANG NGO, DE MAN CHAD 'KHOR LOS SGYUR BA THAMS CAD GLING GCIG DBANG BAR BSHAD LA, MDZES LDAN GYI BU BTANG BA, DE'I BU BTANG ZUNG, DE'I BU SHA KU NI, DE NAS SHA KU NI CHEN PO, KU SHI, NYE BA'I KU SHI KU SHI CHEN PO, LEGS MTHONG, LEGS MTHONG CHEN PO, GNOD SEL, GSER MDOG SKAL LDAN, NGAN SPONG, LHUN PO, NGES 'GRO, RAB TU SGRA GRAGS, RAB TU SGRA GRAGS CHEN PO, BDE BYED, PHYOGS BDAG RDUL BZANG, RGYAS BYED, LHA CHEN PO, DE'I BU BRGYUD BRGYAD KHRI BZHI STONG GIS 'DRES PA'I GRONG KHYER DU RGYAL SRID BSKYANGS, DE'I 'OG TU MU KHYUD, RGYAL BA PA, LHUN PO, 'JIGS BYED SHING RTA, SHING RTA BRGYA PA, SHING RTA BCU PA, DE'I 'OG TU LNGA 'DZIN GYI RGYAL PO LNGA STONG, DE'I 'OG TU KA LING+KA'I RGYAL PO LNGA STONG, DE'I 'OG TU AATMA KA'I RGYAL PO BDUN STONG, DE'I 'OG TU SGRA MI SNYAN GYI RGYAL PO BRGYAD STONG, DE'I 'OG TU THOD PA CAN GYI RGYAL PO DGU STONG, DE'I 'OG TU GLU DBYANGS KYI RGYAL PO KHRI, DE'I 'OG TU MA GA DHA'I RGYAL PO KHRI CHIG STONG, DE'I 'OG TU TA MA LIBHA'I RGYAL PO KHRI LNGA STONG, BU RAM SHING PA, DE'I BU BRGYUD LA RGYAL PO STONG DANG CHIG BRGYA, DE'I 'OG TU 'PHAGS SKYES PO, DE LA BU BZHIN 'BAR DANG, LAG RNA CAN DANG, GLANG CHEN 'DUL DANG, RKANG GDUB CAN DE BZHI'O, , RKANG GDUB CAN GYI BU RKANG GDUB CAN ZHABS, DE'I BU GNAS 'JIG DE'I @033 BU BA LANG GNAS, DE'I BU SENG GE 'GRAM, DE'I BU LA ZAS GTZANG DANG, ZAS DKAR DANG, BRE'O ZAS DANG, BDUD RTZI ZAS DANG BZHI'O, ZAS GTZANG GI SRAS BCOM LDAN 'DAS, BCOM LDAN 'DAS KYI SRAS SGRA GCAN ZIN NO, 'DI NI CHOS MNGON PA LAS BTUS PA'I RGYAL PO'I RABS TE, BDAG NYID CHEN PO RNAMS KYI YI GE RGYAS PA LAS BTUS SO ZHES 'BYUNG NGO, ,'DI LA MANG POS BKUR BA NAS ZAS GTZANG YAN DU RGYAL PO 'BUM PHRAG GCIG LNGA KHRI LNGA STONG GCIG BRGYA ZHE DGU'O, , YANG 'JIG RTEN GDAGS PA DE NYID LAS, 'DUL BA LAS 'BYUNG BA'I RGYAL PO'I RABS BRIS PA NI 'DI YIN TE, MANG POS BKUR BA, 'OD MDZES, DGE BA, DGE MCHOG GSO SBYONG 'PHAGS, NGA LAS NU, MDZES PA, NYE MDZES, MDZES CAN, MDZES LDAN, RGYAS BYED, SRED PA, MI SRID, BTANG BA, BTANG ZUNG, LUS THUL, GSER MDOG NGAN SPONG, SHING RTA SDU GU CAN, DUG CAN, DUG CAN CHEN PO, SHA KU NI, SHA KU NI CHEN PO, KU SHI, NYE BA'I KU SHI, KU SHI CHEN PO, RGYAS BYED, RGYAS BYED CHEN PO, LEGS MTHONG, LEGS MTHONG CHEN PO, GNOD SEL, NYE BA'I GNOD SEL, RMA BYA, NGES 'GRO, BDE BYED, RAB 'DUL, RAB TU SGRA GRAGS, RAB GDUNG LDAN, 'OD BYED, LHUN PO, RI RAB, LHUN PO LDAN, ME LCE, ME LCE'I PHRENG, ME LCE LDAN, DE'I BU BRGYUD RGYAL PO 'BUM GYIS GRU 'DZIN DU RGYAL SRID BSKYANGS, DE'I @034 'OG TU DGRA 'DUL, DE'I BU BRGYUD RGYAL PO LNGA KHRI BZHI STONG GIS 'THAB MED DU RGYAL SRID BSKYANGS, DE'I 'OG TU MA PHEBS 'BEBS, DE'I BU BRGYUD KYI RGYAL PO DRUG KHRI SUM STONG GIS BA RA n'A SIR RGYAL SRID BSKYANGS, DE'I 'OG TU BZOD PAR DKA' BA, DE'I BU BRGYUD KYI RGYAL PO KHRI BZHI STONG GRONG KHYER 'DAR 'DZIN DU BYUNG, DE'I 'OG TU RGYAL PO TSANGS PAS BYIN, DE'I BU BRGYUD KYI RGYAL PO SUM KHRI NYIS STONG GIS GLANG CHEN GNAS SU RGYAL SRID BZUNG, DE'I 'OG TU GLANG POS BYIN, DE'I BU BRGYUD LNGA STONG GIS GRONG KHYER RDO 'JOG TU RGYAL SRID BZUNG, DE'I 'OG TU RGYAL PO BAL PU, DE'I BU BRGYUD SUM KHRI NYIS STONG GIS AUR SHAR RGYAL SRID GZUNG, DE'I 'OG TU TSAN CHEN THUB, DE'I BU BRGYUD SUM KHRI NYIS STONG GIS GRONG KHYER MA PHEBS 'BEBS SU RGYAL SRID BSKYANGS, DE'I 'OG TU RGYAL PO RGYAL BA PO, DE'I BU BRGYUD KHRI NYIS STONG GIS KAN+YA KUB DZAR RGYAL SRID GZUNG, DE'I 'OG TU RGYAL BA'I SDE, DE'I BU BRGYUD KHRI BRGYAD STONG GIS GRONG KHYER TZAMPAR RGYAL SRID BSKYANGS, DE'I 'OG TU RGYAL PO KLU LHA, DE'I BU BRGYUD NYI KHRI LNGA STONG GIS TA MA LIPTA'I GRONG KHYER DU RGYAL SRID GZUNG, DE'I 'OG TU RGYAL PO MI LHA, DE'I BU BRGYUD LA RGYAL PO KHRI NYIS STONG TA MA LIPTAR BYUNG, DE'I 'OG TU RGYAL PO DUG CAN PA'I LHA, DE'I BU BRGYUD LA RGYAL PO KHRI BRGYAD STONG SO LDAN DU BYUNG, DE'I 'OG TU BLO BZANG, DE'I BU BRGYUD NYI KHRI CHIG STONG GIS RGYAL PO'I KHAB TU RGYAL SRID BSKYANGS, DE'I 'OG TU MUN SEL, DE'I BU @035 BRGYUD LA RGYAL PO BRGYA THAM PA BA RA n'A SIR BYUNG, DE'I 'OG TU DBANG CHEN SDE, DE'I BU BRGYUD BRGYAD KHRI BZHI STONG KU SHI LDAN, DE'I 'OG TU RGYA MTSO LHA, DE'I BU BRGYUD STONG GIS GRU 'DZIN DU RGYAL SRID BSKYANGS, DE'I 'OG TU DKA' THUB SPYOD, DE'I BU BRGYUD BRGYAD KHRI BZHI STONG GIS KU SHI LDAN DU RGYAL SRID GZUNG, DE'I RJES SU SA GTZO, DE'I BU BRGYUD STONG GIS BA RA n'A SIR RGYAL SRID GZUNG, DE'I RJES SU SA BDAG DE'I BU BRGYUD STONG GIS 'THAB MED DU RGYAL SA GZUNG, DE'I 'OG TU SA 'DZIN, DE'I BU BRGYUD RGYAL PO BRGYAD KHRI BZHI STONG 'DRES PA'I GRONG KHYER DU BYUNG, DE'I RJES SU RGYAL PO LHA CHEN PO, DE'I BU BRGYUD RGYAL PO BRGYAD KHRI BZHI STONG GRONG KHYER 'DRES PAR BYUNG, DE'I 'OG TU NGES 'PHEL, DE'I BU MU KHYUD, DE'I BU MU KHYUD BRTAN, DE'I BU TSAN PO CHE, DE'I BU ZA BA, DE'I BU NYE ZA, DE'I BU ZA BA CAN, DE'I BU ZA LDAN, DE'I BU GYA NOM SNANG, DE'I BU MNYAM LTA, DE'I BU THOS PA'I SDE, DE'I BU CHOS KYI SDE, DE'I BU RTOGS PA, DE'I BU RTOGS CHEN, DE'I BU RTOGS SDE, DE'I BU MYA NGAN MED, DE'I BU MYA NGAN BRAL, DE'I BU 'TSAMS BRTAN, DE'I BU RGAN 'TSAMS, DE'I BU DUNDUM RA, DE'I BU SKYA RENG, DE'I BU PHYOGS BDAG DE'I BU RDUL BZANG, DE'I BU BDE BYED, DE'I BU KUN DGA' BO, DE'I BU ME LONG ZHAL, DE'I BU SKYENG BA PO, DE'I BU RGYAL BA KHYU MCHOG DE'I BU BZA' BTUNG LDAN, DE'I BU BZA' BTUNG MOD, DE'I @036 BU THUB MED, DE'I BU GZHAN GYIS MI THUB PA, DE'I BU BRTAN PO, DE'I BU RAB BRTAN, DE'I BU STOBS PO CHE, DE'I BU GZHON PA CHE, DE'I BU BLO BZANG, DE'I BU GZHON BRTAN, DE'I BU GZHU BCU PA, DE'I BU GZHU BRGYA PA, DE'I BU GZHU DGU BCU PA, DE'I BU RNAM PAR RGYAL BA'I GZHU, DE'I BU GZHU BKRA, DE'I BU GZHU SRA, DE'I BU GZHU BRTAN, DE'I BU SHING RTA BCU PA, DE'I BU SHING RTA BRGYAD PA, DE'I BU SHING RTA DGU PA, DE'I BU SHING RTA SNA TSOGS PA, DE'I BU SHING RTA RNAM PA SNA TSOGS PA, DE'I BU SHING RTA BRLING PO, DE'I BU SHING RTA BRTAN, DE'I BU BRGYUD BDUN KHRI BDUN STONG GIS GRONG KHYER LEGS PAR SNANG DU RGYAL SRID BSKYANGS, DE'I 'OG TU NAM MKHA' BDAG PO, DE'I BU KLUS BSRUNG, DE'I BU BRGYUD RGYAL PO BRGYAS BA RA n'A SIR RGYAL SRID BZUNG, DE'I 'OG TU KRi KI DES SANGS RGYAS 'OD SRUNGS LA TSANGS PAR SPYAD DE DGA' LDAN DU SKYES SO, DE'I BU LEGS PAR SKYES, DE'I BU RGYUD RGYAL PO BRGYAS GRU 'DZIN DU RGYAL SRID BSKYANGS, DE'I RJES SU RGYAL PO RNA BA, DE'I BU GOO TA MA DANG BHA RA DHVA DZA GNYIS LAS, GOO TA MA'I BU BU RAM SHING SKYES, DE'I BU BRGYUD RGYAL PO BRGYAS YANG GRU 'DZIN DU SRID BZUNG, DE'I 'OG TU 'PHAGS SKYES PO, DE LA BU BZHIN 'BAR, LAG RNA CAN, GLANG CHEN 'DUL, RKANG GDUB CAN TE BZHI'O, RKANG GDUB CAN GYI BU GNAS 'JIG DE'I BU BA LANG GNAS, DE'I BU SENG GE 'GRAM, DE'I BU ZAS GTZANG, DE'I BU BCOM @037 LDAN 'DAS, DE'I BU SGRA GCAN ZIN ZHES 'BYUNG NGO, DE LA MANG POS BKUR BA NAS ZAS GTZANG YAN DU RGYAL PO 'BUM PHRAG BRGYAD, SUM KHRI BZHI STONG LNGA BRGYA SUM CU RTZA BZHI YOD DO, MANG POS BKUR BA'I GDUNG RABS KYI SKABS SO, , SANGS RGYAS KYI MDZAD PA'I SKABS, 'DIR GDAGS PAR 'DUL BA LAS 'BYUNG BA'I RGYAL PO'I RABS KYI, SANGS RGYAS 'OD SRUNGS DANG RGYAL PO KRi KI DUS MNYAM DU BYUNG BA'I SKABS SU SANGS RGYAS 'OD SRUNGS 'JIG RTEN DU BYUNG STE, DER BYANG CHUB SEMS DPAS BCOM LDAN 'DAS YANG DAG PAR RDZOGS PA'I SANGS RGYAS 'OD SRUNGS LA MA 'ONGS PA'I DUS NA BYANG CHUB THOB PAR BYA BA'I PHYIR SMON LAM BTAB CING, TSANGS PAR SPYOD PA SPYAD NAS DGA' LDAN GYI LHA'I RIS SU SKYES TE, DE DE NA TSE'I TSAD JI SRID PA DE SRID DU GNAS SO ZHES DGA' LDAN PA'I TSE'I TSAD DU GNAS PAR BSHAD LA, RGYU GDAGS PA LAS KYANG, DGA' LDAN PA'I TSE'I TSAD LO BYE BA PHRAG LNGA BCU RTZA BDUN DANG SA YA DRUG TU GNAS PAR BSHAD DE, DE DAG RDZOGS NAS BYANG CHUB SEMS DPAS, RIGS DANG YUL DANG DUS DANG RGYUD DANG BUD MED DE GZIGS PA LNGA LA GZIGS TE, 'DOD PA NA SPYOD PA'I LHA'I RIS DRUG LA, KHO BO DZAMBU'I GLING DU SGYU 'PHRUL CHEN MO'I LHUMS SU NYING MTSAMS SBYAR NAS BDUD RTZI RTOGS PAR BYED DE, KHYED CAG LAS SU BDUD @038 RTZI RTOGS PAR 'DOD PA DE YANG DE'I YUL DU SKYE BA LONG ZHIG CES BSGRAGS TE, LHA RNAMS KYIS MU STEGS KYI STON PA BCO BRGYAD KYIS DZAMBU'I GLING LTA BA'I NYES PA DANG LDAN PAS MI GSHEGS PAR GSOL BA BTAB KYANG MA BZLOGS TE, GLANG PO CHE'I PHRU GU THAL DKAR DU BSGYUR NAS TSES BCO LNGA'I GSO SBYONG BLANGS PA'I YUM GYI RUM DU ZHUGS SO, NYA DE YANG SA GA ZLA BA'I NYA YIN PAR RGYA CHER ROL PA LAS BSHAD DE, ZLA BA BCU RDZOGS PAR LHUMS SU BZHUGS NAS, DBO ZLA BA'I TSES BCO LNGA LA LUMBI NI'I NAGS SU SKU BLTAMS TE, DE YANG SKAR MA RGYAL 'CHAR BA DANG DUS MTSUNGS PAR SKU BLTAMS SO, DRANG SRONG RGYAS PAS, THUB PA KHYOD NI RGYAL LA SKYES, ZHES BRJOD PA DANG, KLU SGRUB KYIS, SKAR MA RGYAL LA BAB PA NA, ,DE SRAS RTZIB MA'I LOGS NAS NI, , ZHES BYA BA LA SOGS PA 'BYUNG BA'I PHYIR RO, ,DE YANG 'KHRUNGS PA'I LO NI, RGYA'I YUL DU CI'U'I RIGS KYI RGYAL RABS BZHI PA CI'U WANG ZHES PAS, RGYAL SAR LO NYI SHU LHAG TZAM SONG BA'I TSE, SA PHYOGS THAMS CAD GSER GYI KHA DOG CAN GYI 'OD KYIS KHYAB PAR GYUR, RTZIS MKHAN RNAMS LA DE CI'I DON YIN RTOG TU BCUG PAS, DE RNAMS NA RE, NUB PHYOGS KYI RGYAL PO CHEN PO ZHIG LA GSER GYI BU CHUNG ZHIG BTZAS, DE'I 'OD YIN PAR 'DUG ZER, SANGS RGYAS 'JIG RTEN DU BYON PAR SHES, NGED RANG GI RING LA DE'I 'JVA SA YONG NGAM DRIS PAS, NGED RANG GI RING LA MI 'ONG GI NGED RANG NAS RGYAL PO'I RABS 'DI DANG LO 'DI DANG NYIN ZHAG 'DI LA DE'I 'JVA SA KHYER BA'I MI @039 CHA LUGS 'DI LTA BU BYAS PA BZHI 'ONG ZER, DE NGO MTSAR NAS, DON DE RNAMS GTZUG LAG KHANG ZHIG GI MDUN NA RDO RING ZHIG YOD PA LA BRIS TE, 'KHRUNGS PA'I LO DE SHING PHO STAG GI LO YIN ZER, DE NAS YUN RING PO SONG BA NA GTZUG LAG KHANG DE YANG ZHIG RDO RING DE YANG 'GYEL, NAM ZHIG NA RGYA GAR NAS GSUNG RAB MANG PO KHUR BA'I DGE SLONG BZHI RGYA'I YUL DU LHAGS, DE'I DUS KYI RGYAL POS, CHA LUGS MI 'DRA BA 'DI RNAMS JI LTAR YIN PA LTOS SHIG CES GSUNGS PA NA, GZHAN SUS KYANG MA SHES, RGAN MO ZHIG GIS, PHYOGS 'DI NA GTZUG LAG KHANG YOD PA DANG, DER RDO RING LA 'DI 'DRA BA 'BYUNG BA'I YI GE YOD, RDO RING 'GYEL BA DE SLONG LA LTOS DANG ZER, BLTAS PAS LO DANG ZLA BA THAMS CAD MTHUN PAR BYUNG, ZHAG BDUN MA 'GRIG CES 'BYUNG BA YIN NO, ,DE LTAR THUB PA BLTAMS NAS YI GE SLOB PA DANG ROL RTZED SOGS MDZAD DE, GRAGS 'DZIN MA DANG SA 'TSO MA KHAB TU BZHES TE, LO NYI SHU RTZA DGUR KHAB TU BZHUGS, DE NAS KHYIM NAS BYUNG ZHING RANG BYUNG GIS BSNYEN PAR RDZOGS NAS, LO DRUG TU DKA' BA SPYAD PAS SHIN TU SKU RID PAR GYUR PA LAS, SLAR GRONG KHYER BDE LDAN GYI BU MO DGA' MO DANG DGA' STOBS MAS BA STONG GI 'O MA LAN BCU DRUG GI BAR DU NYING KHUR BYAS PA'I 'O THUG SBRANG RTZI DANG SBYAR BA DRANGS SHING GSOL BAS, SKU GSER GYI GTAN PA PHYIS PA LTAR GYUR TO, ,DE NAS NEE RANYDZA NA DANG NYE BA'I BRAG ZHIG GI STENG DU BZHUGS PAS, BRAG DES MA BZOD PAR ZHIG PAR GYUR @040 PAS, LHAS RDO RJE GDAN DU GSHEGS PAR BSKUL, BRGYA BYIN GYIS RTZVA 'TSONG BKRA SHIS SU SPRUL PA LAS RTZVA BLANGS TE BSNAMS NAS, RDO RJE GDAN DU BYANG CHUB KYI SHING DRUNG DU RTZVA'I STAN LA BZHUGS SO, ,DE'I TSE BDUD SDIG CAN GYIS DOGS PA'I RGYAL MTSAN G-YOS PAS BSAMS PA NA, BYANG CHUB SEMS DPA'I TSUL SHES TE, BANG CHEN DU SPRUL TE BYANG CHUB SEMS DPA'I THAD DU 'ONG NAS, SER SKYA'I GRONG KHYER LHA SBYIN GYIS MNAN, PHO BRANG BCOM, SH'AKYA RNAMS KHA BTAGS SO, KHYOD CI'I PHYIR 'DI NA 'DUG CES SMRAS PAS, BYANG CHUB SEMS DPA' LA 'DOD PA DANG GNOD SEMS DANG RNAM PAR 'TSE BA'I RTOG PA GSUM BYUNG BA DANG, DE MA THAG BDUD KYI MTHUR RIG STE, GNYEN PO'I THUGS GSUM BSKYED DO, DE NAS BDUD KYIS BAR SNANG DANG SA GZHI NON PA'I DPUNG BSHAMS TE, MTSON CHA SNA TSOGS KYI CHAR PHAB, 'JIGS SU RUNG BA'I SGRA MANG PO BSGRAGS, BDUD KYI BU MO LA LAS BUD MED MDZES MAR SPRUL TE BSLUS PAS KYANG MA TSUGS, DPUNG THAMS CAD KHOR YUG GI PHYI ROL TU BYER TE ZHAG BCU GNYIS SU MA 'DUS SO, ,DE NAS THUN DANG PO LA MNGON SHES DANG PO GSUM BSKYED, GUNG THUN LA SNGON GYI GNAS RJES SU DRAN PA BSKYED, THUN THA MA LA LHA'I MIG DANG ZAG PA ZAD PA'I MNGON SHES BSKYED DE, BDEN BZHI THUGS SU CHUD NAS MNGON PAR RDZOGS PAR SANGS RGYAS SO, ,DE YANG ME MO PHAG GI SA GA'I NYA LA SANGS RGYAS PA YIN TE, LUNG LAS, DE'I MTSAN MO ZLA BA SGRA GCAN GYIS BZUNG BA DANG, SGRA GCAN ZIN DANG KUN DGA' BO @041 YANG SKYES PAR BSHAD DO, DE'I GZA' 'DZIN GYI RI MO NI GZHAN DU BSHAD DO, ,SANGS RGYAS NAS ZHAG BDUN PHRAG BDUN DU CHOS MA GSUNGS LA, DE NAS TSANGS PAS BSKUL NAS BA RA n'A SIR LNGA SDE LAS BRTZAMS TE CHOS KYI 'KHOR LO BSKOR BAS, LNGA SDES DGRA BCOM PA THOB BO, LHA BRGYAD KHRIS BDEN PA MTHONG, GRAGS PA LA SOGS PA'I NYE BA'I LNGA SDE DANG, GRONG PA'I KHYE'U LNGA BCUS KYANG DGRA BCOM PA'I 'BRAS BU THOB PAR MDZAD, SLAR GRONG KHYER BDE LDAN DU GSHEGS TE DGA' MO DANG DGA' STOBS MA BDEN PA LA BKOD, DE NAS NEE R'ANYDZA NA'I 'GRAM NA GNAS PA'I LTENG RGYAS 'OD SRUNGS RAL PA CAN 'KHOR LNGA BRGYA DANG, CHU KLUNG 'OD SRUNGS DANG GA YA 'OD SRUNGS GNYIS 'KHOR NYIS BRGYA LNGA BCU NYIS BRGYA LNGA BCU DANG BCAS PA STE, STONG PO THAMS CAD RAB TU BYUNG STE RIM PAR GSHEGS TE, CHO 'PHRUL GSUM GYI GDAMS PAS THAMS CAD KYIS DGRA BCOM PA THOB PAR GYUR TO, DE NAS MA GA DHARA BTANG BRANG GI TSAL DU GSHEGS TE, DER GZUGS CAN SNYING PO MI 'BUM PHRAG DU MA DANG BCAS PA DANG LHA BRGYAD KHRI DANG BCAS PA BDEN PA LA BKOD DO, DE NAS RGYAL PO'I KHAB TU GSHEGS TE, SH'A RI'I BU DANG MOONG+GAL GYI BU 'KHOR NYIS BRGYA LNGA BCU DANG BCAS PA DGRA BCOM PA LA BKOD DE, DE NAS 'OD SRUNGS KYI TSOGS DANG BCAS PAS STONG NYIS BRGYA LNGA BCU'I DGE SLONG GI DGE 'DUN ZHES GRAGS SO, ,DE NAS MGON MED ZAS SBYIN GYIS SPYAN DRANGS PAS, RGYAL PO'I KHAB NAS MNYAN YOD DU GSHEGS SO, ,DE'I TSE ZAS GTZANG @042 GIS SER SKYAR SPYAN DRANGS NAS, SER SKYA'I N+YA GRO DHA'I GTZUG LAG KHANG BYAS TE, LOR BZHUGS, SH'AKYA MANG PO BDEN PA LA BKOD DO, DE BZHIN DU MNYAN YOD PA DANG, YANGS PA CAN DANG, RGYAL PO'I KHAB DANG, KOO SHAMBHI DANG, GNAS BCAS DANG, CHU SRIN BYIS PA GSOD PA LA SOGS PAR BSTAN PA RGYAS PAR MDZAD CING, SUM CU RTZA GSUM GYI GNAS SU YUM GYI DON DU DBYAR GNAS PA DANG, DE NAS YUL KA SHIR LHA LAS BABS PA LA SOGS PA MDZAD CING, CHO 'PHRUL CHEN POS MU STEGS RNAMS GDUL BA LA SOGS PA MDZAD PA RGYA CHEN PO MDZAD LA, DE DAG GI SNGA PHYI'I RIM PA NI, 'PHAGS PA GNAS BRTAN PA RNAMS KYIS STON PA DBYAR GNAS PA'I GO RIM RNAM PAR BZHAG PA LAS RTOGS PAR BYA STE, 'DUS BYAS DANG 'DUS MA BYAS RNAM PAR NGES PA'I LE'U SUM CU RTZA GSUM PA LAS, BDAG CAG GI STON PA SH'AKYA THUB PA NI LO BRGYAD CU GNAS PA'O, ,'DI LTA STE LO NYI SHU NYER DGU KHAB TU BZHUGS PA DANG, LO DRUG TU DKA' SPYAD LA GNAS PA DANG, SANGS RGYAS PAR GYUR NAS DBYAR GNAS PA DANG PO CHOS KYI 'KHOR LO'I GNAS SU MDZAD PA DANG, GNYIS PA BE LU BA NE RU'O, ,YANG BE LU BA NER NGA GSUM PA'O, YANG BZHI PA BE LU BA NE RU'O, ,LNGA PA BEE SH'A LYAm? NGO, ,DRUG PA GO LER RO, , BDUN PA SUM CU RTZA GSUM LHA RU RDO AA RMO NIG TU'O, ,BRGYAD PA SU SHU RA M'A GI RIR 'O, ,DGU PA KOO SHAMBHI RU'O, ,BCU PA SPRE'U BTUL BA ZHES BYA BA GLANG PO CHE BE RI LE YI NAGS SU'O, ,BCU GCIG PA RGYAL PO'I KHAB TU'O, ,BCU @043 GNYIS PA BEE RANYDZA'I GRONG DU'O, ,BCU GSUM PA MCHOD RTEN GYI RI LA'O, , BCU BZHI PA RGYAL PO DZI TA BA NA'I LHA KHANG DU'O, ,BCO LNGA PA KA PI LA BSTU SHING N+YA GRO DHA'I KUN DGA' RA BAR RO, ,BCU DRUG PA AA tA BA GAR RO, ,BCU BDUN PA RGYAL PO'I KHAB TU'O, ,BCO BRGYAD PA DZVA LI NI'I BRAG PHUG TU'O, , YANG BCU DGU PA DZVA LI NI'I BRAG PHUG TU'O, ,NYI SHU PA RGYAL PO'I KHAB TU'O, DBYAR GNAS BZHI NI, MNYAN YOD SHAR PHYOGS MA MO MRi GA RI'I KUN DGA' RA BAR RO, ,GRONG KHYER MNYAN YOD DU LO NYI SHU NYER GCIG DBYAR GNAS MDZAD DO ZHES 'PHAGS PA GNAS BRTAN PA 'DOD DO, ZHES 'BYUNG NGO, MTHAR GYAD KYI YUL RTZVA MCHOG GI GNAS SHING SA LA ZUNG GI GNAS SU MYA NGAN LAS 'DA' BAR MDZAD DE, DE'I LO NI CHU MO BYA'O ZHES KHO BO 'DOD DO, SPYIR NA STON PA'I 'KHRUNGS PA DANG MYA NGAN LAS 'DAS PA'I LO LA, MKHAS PA RNAMS LA BZHED PA MI 'DRA BA MANG BAR GNAS SO, SANGS RGYAS KYI MDZAD PA'I SKABS SO, , BSTAN PA'I GTAD RABS KYI SKABS, MYA NGAN LAS 'DAS TE RGYAL PO'I KHAB TU BKA' BSDU BA MDZAD DE, DE YANG STON PA'I GTAD RABS NI, THUB PA CHEN POS 'OD SRUNGS LA, DES KUN DGA' BO LA, DES SHA NA'I GOS CAN LA, DES NYER SBAS LA, @044 DAS DHI DHI KA LA, DES NAG PO LA, DES LEGS MTHONG LA BSTAN PA GTAD PAR LUNG PHRAN TSEGS LAS 'BYUNG BA YIN NO, , LANGKAR GSHEGS PA'I 'GREL PA LAS, THUB PA NAS DHI DHI KA'I BAR LUNG BZHIN DU 'BYUNG BA LA, DES BI BHA GA LA, DES BTZUN PA BUDDHA NANTI LA, DES BUDDHA MI TRA LA, DES SLOB MA DGE SLONG RTZIBS LA, DES SU NA SHA TA LA, DES RTA SKAD LA, DES MA SHI BA LA, DES KLU SGRUB LA, DES A'A RYA DE BA LA, DES R'A HU LA LA, DES SADDHA NANTI LA, DES DGE SLONG DGRA BCOM PA LA, DES GHA LA SHA LA, DES KU M'A RA TA LA, DES SHA YA TA LA, DES BA SU BANDHU LA, DES MA NO TA LA, DES HA GA NI KA NA YA NA SHA LA, DES DGE SLONG SENG GE LA BSTAN PA GTAD DO ZHES MKHAS PA RNAMS GSUNG BA LA, DING SANG BSTAN 'GYUR NA CHUD PA'I LANG KAR GSHEGS PA'I 'GREL PA GNYIS 'DUG PA NA NI MI SNANG BAS, MA CHUD PA ZHIG NA YOD PA ZHIG GO BSTAN PA'I GTAD RABS KYI RGYA DPE SHOG BYANG 'KHYAR BA ZHIG BYUNG BA BSGYUR BA NA NI, SANGS RGYAS LA PHYAG 'TSAL LO, DE NAS 'PHAGS PA NYI MA GUNG BAS KHA CHER GSHEGS TE, RDZU 'PHRUL GYI CHO 'PHRUL GYIS 'PHAGS NAS KLU'I RGYAL PO AOO DU shtA BTUL LO, ,BA RA n'A SI'I LJONGS KYI SKYE BO'I TSOGS RNAMS LA RTZED MO MDZAD NAS KHA CHER GSHEGS PA YIN NO, RDZU 'PHRUL GYIS SKYE BO'I TSOGS DANG LHAN CIG TU RI BO SPOS KYI NGAD LDANG DU GSHEGS NAS KLU RNAMS BTUL LO, GUR GUM BLANGS NAS KHA CHE BA RNAMS BSTAN PA LA BTZUD NAS, GRONG DANG @045 GRONG KHYER DANG LJONGS RNAMS DANG RGYAL PO'I PHO BRANG GIS BRGYAN NAS, THAMS CAD LA PHAN BTAGS SHING KHA CHE BA DE DAG DGA' BAR MDZAD NAS, BCOM LDAN 'DAS KYI BSTAN PA RGYAS PAR MDZAD DE, BSTAN PA YONGS SU BSKYANGS NAS SEMS CAN RNAMS LA PHAN PA MDZAD DE, 'PHAGS PA SHA NA'I GOS CAN LA BSTAN PA GTAD CING, RDZU 'PHRUL GYI CHO 'PHRUL BSTAN NAS YONGS SU MYA NGAN LAS 'DAS SO, 'PHAGS PA SHA NA'I GOS CAN GYIS KYANG GAR GYI RJE ZHES BYA BA'I TSONG DPON GYI BUR, MGO BO'I RI BO LA GTZUG LAG KHANG MDZAD NAS, 'PHAGS PA NYER SBAS RAB TU PHYUNG ZHING BSNYEN PAR RDZOGS NAS DGRA BCOM PAR GYUR TE GNAS PA LAS, DE LA BSTAN PA GTAD DE YONGS SU MYA NGAN LAS 'DAS SO, 'PHAGS PA NYER SBAS KYIS KYANG BDUD SDIG CAN BTUL TE, PHUG SRID DU KHRU BCVO? BRGYAD PA RGYAR KHRU BCU GNYIS PAR GNAS NAS, DE'I GDAMS NGAG BDUN GYIS DGE SLONG RNAMS KYIS DGRA BCOM PA NYID MNGON SUM DU BYAS PA'I THUR MA RNAMS KYIS BKANG NGO, BAR SKABS DER MYA NGAN MED CES BYA BA STOBS KYI 'KHOR LOS SGYUR BA'I RGYAL PO BYUNG STE, BCOM LDAN 'DAS KYI BSTAN PA LA DAD PA PHYI PHYIR THOB NAS, 'PHAGS PA GRAGS PAS DGE BA'I BSHES GNYEN BYAS PAS, BCOM LDAN 'DAS KYI MCHOD RTEN GANG YIN PA RNAMS DANG NYAN THOS KYI YANG STE, DE RNAMS LA SO SO SO SOR GSER GYI RGYAN PHUL LO, ,BYANG CHUB KYI SHING LA YANG DE BAS CHES LHAG PAR RAB TU DANG BA SKYES NAS BKUR STI CHEN PO BYAS TE, GSER DANG DNGUL DANG BEE D'URYA DANG @046 SHEL GYI RANG BZHIN GYI BUM PA SNA TSOt PA DRI'I CHUS YONGS SU BSGOS PA RNAMS KYIS DE LA KHRUS GSOL TO, DER 'ONGS NAS LO LNGA'I BAR DU DGE SLONG 'BUM PHRAG GSUM LA STON MO BYAS TE, DANG PO LA 'PHAGS PA LA BSOD SNYOMS RGYAS PA DANG RGYAL MTSAN LA SOGS PAS MCHOD DO, GNYIS PA LA SLOB PA RNAMS LA'O, GSUM PA LA SO SO'I SKYE BO DGE BA CAN RNAMS LA CHOS GOS GSUM RNAMS KYIS G-YOGS SO, ,JI TZAM DU RIM GYIS DBYIG PA DANG GSER BYE BA DGU BCU RTZA DRUG PHUL TE, KHA CHER YANG DGE 'DUN RNAMS LA DE DAG NYID PHUL LO, DE LTAR 'PHAGS PA NYER SBAS KYIS SEMS CAN LA PHAN PA MDZAD CING BSTAN PA YONGS SU BSKYANGS NAS, 'PHAGS PA DH'I TI KA RAB TU PHYUNG ZHING BSNYEN PAR RDZOGS NAS DGRA BCOM PA NYID LA BKOD DE, DE LA BSTAN PA GTAD NAS YONGS SU MYA NGAN LAS 'DAS SO, ,'PHAGS PA DH'I TI KAS KYANG BSTAN PA YONGS SU BSKYANGS SHING SEMS CAN LA PHAN PA MDZAD NAS, 'PHAGS PA NAG PO LA BSTAN PA GTAD NAS YONGS SU MYA NGAN LAS 'DAS SO, 'PHAGS PA NAG POS KYANG BSTAN PA YONGS SU BSKYANGS SHING SEMS CAN LA PHAN PA MDZAD NAS, 'PHAGS PA LEGS MTHONG LA BSTAN PA GTAD DE YONGS SU MYA NGAN LAS 'DAS SO, ,'PHAGS PA LEGS MTHONG GIS KYANG BSTAN PA YONGS SU BSKYANGS SHING SEMS CAN LA PHAN PA MDZAD NAS, YONGS SU MYA NGAN LAS 'DAS SO, ,JI TZAM DU YANGS PA CAN DU YANGS PA CAN PA'I DGE SLONG RNAMS KYIS RUNG BA MA YIN PA'I GZHI BCU BYUNG STE, DE DAG THAMS CAD @047 'DOD LA SOGS PA'I DGRA BCOM PA BDUN BRGYA RNAMS KYIS NYE BAR ZHI BA BYA BA'I PHYIR, BDUN BRGYAS BSDU BA MDZAD DO, ,BAR SKABS DER BCOM LDAN 'DAS YONGS SU MYA NGAN LAS 'DAS NAS LO SUM BRGYA LON TE, MYA NGAN MED CES BYA BA'I RGYAL PO NYID SHI NAS, KHA CHER LEGS MTHONG BYUNG STE, PHA MA DAG LAS DE LA SENG GE ZHES BYA BA'I MING DU GRUB PA, BCOM LDAN 'DAS KYI BSTAN PA LA RAB TU BYUNG STE, DGRA BCOM PA NYID MNGON SUM DU BYAS SO, ,JI TZAM NA BYANG GI LAM NAS RGYAL PO KA NIshKI ZHES BYA BA SENG GE BLTA BA'I PHYIR KHA CHER ZHUGS SO, ,DE LA 'PHAGS PA SENG GES CHOS BSTAN TO, DES DE LA CHOS THOS NAS BYANG GI LAM DU SONG STE, KA NIshKA'I MCHOD RTEN LA RAB TU GNAS PA DANG, DE RNAMS KYIS BCOM LDAN 'DAS KYI BSTAN PA LA SBYIN PA DAG BYIN, BSOD NAMS DAG BYAS SO, ,DGE SLONG RNAMS LA YANG BSTAN NAS, KHA CHER RNA RGYAN GYI NAGS KYI GTZUG LAG KHANG DU 'PHAGS PA RTZIBS LOGS LA SOGS PA'I DGRA BCOM PA LNGA BRGYA DANG, BA SU MI TRA LA SOGS PA'I BTZUN PA BZHI BRGYA RNAMS DANG, BYANG CHUB SEMS DPA' LNGA BRGYA RNAMS KYIS KYANG CHOS MNGON PA RNAM PAR BSHAD PA MDZAD CING, KHA CHER YANG DE RNAMS DGE 'DUN LA PHUL LO, 'DI RGYA DPE SHOG GCIG MA ZHIG LAG TU BYUNG BA, BSTAN PA'I GTAD RABS SU 'DUG PAS MGO MJUG MA TSANG NA'ANG TSONG 'DUS KYI PHO BRANG DU 'GOS LO TZ'A BA GZHON NU DPAL GYIS BSGYUR BA YIN NO, BSTAN PA'I GTAD RABS DE TZAM ZHIG LUNG LAS MTHONG @048 BAS BRIS PA YIN TE, JO BO RJE'I LO RGYUS KYI YI GE NA, JO BO N'A RO TA PAS JO BO RJE LA BSTAN PA GTAD NAS LHO PHYOGS LA GSHEGS ZHES BYA BA LA SOGS PA MANG PO 'BYUNG MOD KYI, DE RNAMS NI BRIR MI LANG NGO, ,DE LTAR BSHAD PA DE DAG THAMS CAD SO SO THAR PA'I BSLAB PA LA BSTAN PAR BYAS NAS GTAD PA'I RABS YIN NO, ,BSTAN PA'I GTAD RABS KYI SKABS SO, , SDE PA BCO BRGYAD DU GYES PA'I SKABS, SO SO THAR PA'I BSTAN PA YANG SDE PA RNAM PA BCO BRGYAD DU GYES PA LAS, RNAM PA BCO BRGYAD PO THAMS CAD KYANG SANGS RGYAS KYI BSTAN PA NYID YIN PA NI, MA GA DH'A BZANG MO'I RTOGS PA BRJOD PA LAS, SANGS RGYAS 'OD SRUNGS KYI DUS SU DE'I SBYIN BDAG RGYAL PO KRi KRI ZHES BYA BA BYUNG BA, DE'I RMI LAM DU GLANG PO CHE'I RGYAL PO SKAR KHUNG NAS BYUNG BA LA, DE'I MJUG MA THOGS PA DANG, SKOM PA'I PHYI NAS KHRON PAS SNYEG PA DANG, PHYE BRE GANG DANG MU TIG BRE GANG TSONG BYED PA DANG, TZAN DAN DANG SHING PHAL PA RIN MNYAM PAR BYED PA DANG, KUN DGA' RA BA ME TOG DANG 'BRAS BU PHUN SUM TSOGS PA MA BYIN PAR LEN PAS PHROGS PA DANG, GLANG PO PHRU GUS SPOS KYI GLANG PO 'JIGS PAR BYED PA DANG, SPRE'U MI GTZANG BAS GOS PAS GZHAN LA SKUD PA DANG, SPRE'U RGYAL POR DBANG BSKUR BA MTHONG BA DANG, RAS YUG GCIG MI BCO BRGYAD KYIS BGOS PA LAS RE RE'I LAG TU YANG RAS YUG TSANG MA RE BYUNG BA DANG, SKYE BO'I TSOGS CHEN PO 'DUS NAS 'THAB CING @049 RTZOD PA MTHONG BA STE, RMI LAM BCU RMIS PAS BDAG NYES SU DOGS PAS 'JIGS TE, BCOM LDAN 'DAS 'OD SRUNGS LA ZHUS SO, BCOM LDAN 'DAS KYIS, DE DAG RGYAL PO KHYOD LA NYES DMIGS SU 'GYUR BA MA YIN GYI, MA 'ONGS PA NA TSE LO BRGYA PA'I TSE, YANG DAG PAR RDZOGS PA'I SANGS RGYAS SH'AKYA THUB PA'I BSTAN PA LA MA SBYANGS PA'I DGE SLONG RNAMS KHYIM NAS BYUNG YANG GTZUG LAG KHANG DANG RNYED PA LA CHAGS PA 'BYUNG BAS, GLANG PO LUS THON NAS MJUG MA THOGS PA DE NI, DE'I LTAS SO, KHRON PAS SKOM PA'I PHYIR SNYEG PA NI, GTZUG LAG KHANG NA GNAS PA LA GZHAN GYIS CHOS BSHAD PA NA NYAN PAR MI BYED PA'I LTAS SO, PHYE DANG MU TIG BRJE BA NI, DE'I TSE NYAN THOS RNAMS BZA' BA'I CHED DU CHOS STON PA 'BYUNG BAS DE'I LTAS SO, TZAN DAN DANG SHING GZHAN MNYAM PAR MTHONG BA DE NI, DE'I TSE NYAN THOS RNAMS MU STEGS KYI GZHUNG DANG, SANGS RGYAS KYI BKA' MNYAM PAR 'DZIN PA 'BYUNG BAS DE'I LTAS SO, KUN DGA' RA BA'I ME TOG LA SOGS PA PHUN SUM TSOGS PA CHOM? POS PHROGS PA NI, DE'I TSE NYAN THOS MA BSDAMS PA RNAMS DGE 'DUN GYI LONGS SPYOD KYIS KHYIM PA'I NGO BSRUNG BA 'BYUNG BAS DE'I LTAS SO, ,GLANG PO PHRU GUS SPOS KYI GLANG PO 'JIGS PAR BYED PA NI, DGE SLONG SDIG PA CAN GYIS TSUL KHRIMS DANG LDAN PA'I DGE SLONG ZIL GYIS GNON PA 'BYUNG BAS DE'I LTAS SO, ,MI GTZANG BAS GOS PA'I SPRE'US GZHAN LA SKUD PA NI, TSUL KHRIMS NYAMS PAS TSUL KHRIMS DANG LDAN PA LA SKUR BA 'GYUR @050 BAS DE'I LTAS SO, SPRE'U RGYAL POR DBANG BSKUR BA NI, DE'I DUS SU RMONGS PA RNAMS RGYAL POR DBANG BSKUR BA 'BYUNG BAS DE'I LTAS SO, ,MI BCO BRGYAD KYIS RAS YUG GCIG BGOS PAS SO SO'I LAG TU MA NYAMS PAR BYUNG BA NI, SH'AKYA THUB PA'I BSTAN PA SDE PA BCO BRGYAD DU GYES KYANG THAMS CAD RNAM PAR GROL BA'I SKAL BA CAN YIN PAS DE'I LTAS SO, ,SKYE BO'I TSOGS 'DUS NAS 'THAB RTZOD BYED PA NI, SH'AKYA THUB PA'I BSTAN PA RTZOD PA'I CHOS KYIS NUB PAR 'GYUR BAS DE'I LTAS SO, ,ZHES BYA BA'I DON 'DI 'BYUNG NGO, , NYES PA DGU PO RNAMS NI YUL SNA TSOGS PA RNAMS SU BYUNG NAS YUN RING ZHIG TU LON TE SDE PA BCO BRGYAD DU GYES PA YANG, RGYAL PO MYA NGAN MED KYI RING LA RTZOD PA'I RKYEN 'GA' ZHIG GIS GYES TE, 'DI LTAR, DANG POR GNAS BRTAN PA DANG DGE 'DUN PHAL CHEN PA GNYIS SU GYES, PHAL CHEN PA YANG RIM GYIS DGE 'DUN PHAL CHEN SDE PA DANG, THA SNYAD GCIG PA DANG, 'JIG RTEN LAS 'DAS PAR SMRA BA PA DANG, MANG DU THOS PA BA DANG, BTAGS PAR SMRA BA PA DANG, MCHOD RTEN PA DANG, SHAR GYI RI BO PA DANG, NUB KYI RI BO PA STE BRGYAD DO, GNAS BRTAN PA YANG RIM GYIS BYE BA NA, GNAS BRTAN PA NYID LA GANGS RI PA ZHES KYANG BRJOD PA DANG, THAMS CAD YOD PAR SMRA BA NYID LA RNAM PAR PHYE STE SMRA BA'AM, KHA CIG MU RUN TA KA BA ZHES ZER BA DANG, GNAS MA'I BU BA DANG, CHOS MCHOG PA DANG, BZANG PO'I LAM PA DANG, KUN GYIS BKUR BA LA KHA CIG A'A BANTA KA PA YANG ZER, @051 KHA CIG NI KU RU KU LLA PA ZHES KYANG ZER BA DANG, MANG STON PA DANG, CHOS SBAS PA DANG, CHAR BZANG 'BEBS PA LA KHA CIG 'OD SRUNGS PA ZER BA DANG, BLA MA PA LA KHA CIG 'PHO BAR SMRA BA PA ZER BA STE RNAM PA BCUR GYES SO, ,DE NI LUGS DANG PO'O, , LUGS GNYIS PA NI, GZHI SNGA MA BZHIN LAS GNAS BRTAN PA DANG, DGE 'DUN PHAL CHEN PA DANG, RNAM PAR PHYE STE SMRA BA PA STE RTZA BA'I SDE GSUM MO, ,GNAS BRTAN PA YANG THAMS CAD YOD PAR SMRA BA DANG GNAS MA BU'I SDE PA GNYIS SU GYES SO, ,THAMS CAD YOD PAR SMRA BA YANG RNAM PA GNYIS TE, THAMS CAD YOD PAR SMRA BA DANG, MDO SDE SMRA BA'O, ,GNAS MA BU PA YANG MANG BKUR BA DANG, CHOS MCHOG PA DANG, BZANG PO'I LAM PA DANG, GRONG KHYER DRUG PA STE GNAS BRTAN PA LA YAN LAG LAN GNYIS DANG, NYING LAG DRUG TU GYES SO, DGE 'DUN PHAL CHEN PA LA, DGE 'DUN PHAL CHEN PA DANG, SHAR GYI RI BO PA DANG, NUB KYI RI BO PA DANG, RGYAL PO'I RI PA DANG, GANGS RI PA DANG, MCHOD RTEN PA DANG, DON GRUB PA DANG, BA LANG GNAS PA STE BRGYAD DU GYES SO, ,RNAM PAR PHYE STE SMRA BA LA, SA STON PA, 'OD SRUNGS PA, CHOS SBAS PA, GOS DMAR BA STE BZHI RU GYES SO, DE LTAR NA GNAS BRTAN PA'I NYING LAG DRUG DGE 'DUN PHAL CHEN PA BRGYAD, RNAM PAR PHYE BA SMRA BA BZHI STE, BCO BRGYAD DO, , @052 YANG LUGS GSUM PA NI, SANGS RGYAS MYA NGAN LAS 'DAS NAS LO BRGYA DANG SUM CU RTZA BDUN NA, RGYAL PO DGA' BO DANG PAD MA CHEN PO'I DUS, GRONG KHYER PA TRA BI BU TAR 'OD SRUNGS CHEN PO LA SOGS PA SO SO YANG DAG PAR RIG PA THOB PA RNAMS BZHUGS PA NA, BDUD KYI PHYOGS SU GYUR PA'I DGE SLONG GNAS BRTAN KLU'I SDE ZHES BYA BA DANG, YID BRTAN PA ZHES BYA BA MANG DU THOS PA DAG GIS GZHAN LA LAN GDAB PA MI SHES PA, YID GNYIS, YONGS SU BRTAG PA, BDAG NYID GSO BAR BYED PA STE, GZHI LNGA BSNGAGS PAR BYED PAS RKYEN BYAS NAS SDE PA GNYIS SU GYES TE, GNAS BRTAN PA DANG, DGE 'DUN PHAL CHEN PA'O, ,DE LTAR LO DRUG CU RTZA GSUM GYI BAR DU DGE 'DUN BYE ZHING 'KHRUG LONG GIS GNAS PA LAS, SANGS RGYAS MYA NGAN LAS 'DAS NAS LO BRGYA PHRAG GNYIS SONG BA NA, GNAS BRTAN GNAS MA'I BUS BSTAN PA YANG DAG PAR BSDUS SO, LUGS GSUM PA 'DI LA NI PHAL CHEN PA DRUG STE, PHAL CHEN PA DANG, THA SNYAD GCIG PA DANG, BA LANG GNAS PA DANG, MANG DU THOS PA DANG, BTAGS PAR SMRA BA PA DANG, MCHOD RTEN PA RNAMS SO, ,THAMS CAD YOD PAR SMRA BA BDUN TE, THAMS CAD YOD PAR SMRA BA DANG, RNAM PAR PHYE STE SMRA BA DANG, MANG STON PA DANG, CHOS SBAS PA DANG, GOS DMAR BA DANG, 'OD SRUNGS PA DANG, 'PHO BA PA RNAMS SO, ,GNAS MA'I BU PA BZHI STE, GNAS MA'I BU PA DANG, CHOS MCHOG PA DANG, LAM BZANG PA DANG, MANG @053 POS BKUR BA RNAMS SO, DE LTAR BCU BDUN DANG, GANGS RI PA STE, BCO BRGYAD DO, ,LUGS GSUM PA'I SKABS 'DIR SO SO'I GRUB MTHA' RNAMS BRIS PA LAS NA, SLOB DPON LEGS LDAN 'BYED NI GSUM PA LTAR BZHED PA YIN NAM SNYAM MO, BOD RNAMS LA PHAL CHER SDE PA CHANG LA RTZA BAR BYED CES GRAGS KYANG, PAn CHEN GYI ZHAL SNGA NAS KYI PHYAG DPE THA SNYAD GCIG PA DANG 'JIG RTEN LAS 'DAS PAR SMRA BA GNYIS KYI THUN MONG BA'I SO SO THAR PA'I MDO ZHIG 'DUG PA NA MI TSANGS PAR SPYOD PA NYID RTZA BAR BYAS SNANG NGO, YANG SDE PA BCO BRGYAD PO THAMS CAD KYI RNAM PAR GROL BA'I RAS YUG MA NYAMS PAR GSUNGS PA NI, BDAG TU SMRA BA'I SDE PA RNAMS LA BDAG MED RTOGS PA'I LAM NYID MED PAS, BDAG TU SMRA BA DE RNAMS KYI YANG RNAM PAR GROL BA'I THABS KYI DANG PO SO SO THAR PA'I SDOM PA NI DE RNAMS LA YOD PAS, RAS YUG MA NYAMS PA'I DON YANG LHAG PA TSUL KHRIMS KYI BSLAB PA MA NYAMS PA LA BYA DGOS SO, , GZHUNG THA DAD PA RIM PAR KLOG PA'I 'KHOR LO BTZUN PA DBYIG GNYEN GYIS MDZAD PA LAS SLOB DPON DUL BA'I LHAS BSDUS PAR NI, SHAR DANG NUB DANG GANGS RI'I GNAS, ,'JIG RTEN 'DAS PAR SMRA BA'I SDE, ,BTAGS PAR SMRA BA'I SDE PA DANG, ,LNGA TSAN DGE 'DUN PHAL CHEN PA, ,BZHI PA DANG NI 'OD SRUNGS TE, ,SA STON SDE DANG CHOS SRUNGS SDE, ,MANG THOS GOS DMAR SLOB MA DANG, ,RNAM PAR PHYE STE SMRA BA'I SDE, ,THAMS CAD @054 YOD PAR SMRA BA YIN, ,RGYAL BYED TSUL GNAS 'JIGS MED GNAS, ,GTZUG LAG KHANG CHEN GNAS BRTAN PA, ,SA SGROGS RI DANG SRUNG BA PA, ,GNAS MA BU YI SDE RNAMS NI, ,KUN GYIS BKUR BA RNAM PA GSUM, ,YUL DON SLOB DPON BYE BRAG GIS, ,THA DAD RNAM PA BCO BRGYAD GSUNGS, ,ZHES 'BYUNG NGO, SLOB DPON PADMA 'BYUNG GNAS KYIS MDZAD PA'I DGE SLONG GI LO DRI BA JO BO DANG NAG TSOS BSGYUR BA LAS, 'OD SRUNGS ZHES BYA SA SRUNGS DANG, , CHOS SRUNGS ZHES NI BYA BA DANG, ,GZHI KUN YOD PAR SMRA BA NI, ,LTA BA'I BYE BRAG 'BA' ZHIG GI, ,RGYU YIS 'DI DAG THA DAD BYAS, ,STON PA THA DAD YOD MA YIN, ,DGE 'DUN PHAL CHEN DBYE BA NI, ,DRUG STE SHAR GYI RI BO DANG, ,DE BZHIN NUB RI ZHES BYA DANG, ,GANGS GNAS ZHES BYA DE LAS GZHAN, ,RNAM PAR PHYE STE SMRA BA DANG, ,GZHAN NI DE BZHIN BTAGS PAR SMRA, ,'JIG RTEN 'DAS SMRA ZHES BYA BA, ,DE DAG TU NI YANG DAG SMRA, ,MANG POS BKUR BA'I BYE BRAG NI, ,RNAM PA LNGAR NI MKHAS PAS BSGRAGS, ,GOS DMAR BA DANG BSRUNG BA PA, ,KU RU KULLA? DE LAS GZHAN, ,MANG DU THOS PA ZHES BYA DANG, ,GNAS MA BU BA ZHES BYA'O, , RGYAL BYED TSAL NA GNAS PA DANG, ,'JIGS MED RI LA GNAS PA DANG, , GTZUG LAG KHANG CHEN LA GNAS PA, ,GNAS BRTAN DBYE BA GSUM DU 'DOD, , DE LTAR BYE BRAG BCO BRGYAD DU, ,SH'AKYA SENG GE'I BSTAN PA NI, ,GYUR TE @055 'GRO BA'I BLA MA DE'I, ,SNGON GYI PHRIN LAS NYES PA YIN, ZHES BSHAD LA, DGE TSUL GYI LO DRI BA PAndI TA N'A RA Y'A NA DE BA DANG ZHANG ZHUNG BA RGYAL BA'I SHES RAB KYIS BSGYUR BA LAS NI, SA SRUNGS PA LA SA STON DANG, NUB KYI RI BO PA LA BYANG GI RI PA DANG, GANGS GNAS PA LA DBUS PA DANG, KU RU KU LLA PA LA SA SGROGS RIS ZHES 'DON TE, LO DRI BA GNYIS PO MDZAD PA PO GCIG PAS GCIG TU 'ONG DGOS NA'ANG, DPE MI 'DRA BA LAS YIN NAM SNYAM MO, 'O NA SDE PA BCO BRGYAD PO THAMS CAD RGYAL PO KRi KRI'I RMI LAM LUNG BSTAN PA LAS, SANGS RGYAS KYI BSTAN PA NI BSDUS LA SDE PA RNAMS LA BSNYEN PAR RDZOGS PA'I CHO GA'I TSIG SHIN TU MI 'DRA BA YOD NA, CHO GA DE DAG THAMS CAD LAS SDOM PA SKYE RUNG NA, STON PA NYID KYIS CHO GA MI 'DRA BA DAG GSUNGS PA YIN NAM, PHYIS KYI SLOB DPON SO SOS CHO GA MI 'DRA BA DAG BYAS PA YIN, STON PA NYID KYIS GSUNGS NA NI DANG PO NAS SDE PA GYES PAR 'GYUR LA, PHYIS SLOB DPON SO SOS BYAS NA NI CHO GA DE LAS BSNYEN PAR RDZOGS PA'I SDOM PA JI LTAR SKYE ZHE NA, 'DIR DE LTAR DPYAD PAR BYA BA NI 'OS MOD KYI, STON PA NYID KYIS DNGOS SU GSUNGS PA MA YIN PAS DANG PO NAS GYES PAR MI 'GYUR LA, PHYIS SLOB DPON SO SOS BYAS PA DAG KYANG STON PA'I DGONGS PA DANG MI 'GAL BAS, CHO GA DE RNAMS LAS KYANG BSNYEN PAR RDZOGS PA'I SDOM PA 'THOB BO ZHES BYA BA NI MKHAS PA DAG GI BZHED PA YIN PAR 'DOD DE, 'OD LDAN LAS KYANG, SANGS RGYAS KYI BSTAN PA NI @056 TSIG 'BRU NYID LA MI BYA BAR DON LA BYA BAR GSUNGS NAS, SDE PA BCO BRGYAD PO THAMS CAD NAG PO BSTAN PA MA YIN PAR CHEN PO BSTAN PA'I KHONGS SU BSDUS SNANG BA'I PHYIR RO, SLOB DPON 'JIGS MED 'BYUNG GNAS SBAS PAS KYANG THUB PA DGONGS PA'I RGYAN DU, GAL TE DA NI SDE PA'I GZHUNG 'DI RNAMS BKAR MI 'DOD NA BSNYEN PAR RDZOGS PA LA SOGS PA'I LAS JI LTAR 'GRUB, DGE SLONG NYID MED NA SKYON MANG PO RNAMS SU 'GYUR RO ZHE NA, BSNYEN PAR RDZOGS PA'I DNGOS PO DE YANG YOD PA'AM MED PA JI LTAR SHES PAR BYA STE, MNGON SUM LAS MA YIN ZHING RJES SU DPAG PA LAS KYANG MA YIN TE, RTAGS MED PA'I PHYIR RO, ,'ON KYANG GZHUNG 'DI RNAMS BKA' NYID DAM BKA' MA YIN PA NYID NA YANG BSNYEN PAR RDZOGS PA LA SOGS PA'I LAS RNAMS 'GRUB BO, , BSNYEN PAR RDZOGS PA RNAM PA BCU'O ZHES 'DUL BA 'DZIN PA RNAMS SMRA BA 'DI LTA STE, RANG BYUNG NYID KYIS NI SANGS RGYAS RNAMS DANG RANG SANGS RGYAS RNAMS KYI'O, ,SKYON MED PA LA ZHUGS PAS CANG SHES KOO tI N+YA DANG, RTA THUL DANG, BZANG LDAN DANG, RLANGS PA DANG, MING CHEN STE LNGA RNAMS KYI'O, DGE SLONG TSUR SHOG GIS GRAGS PA LA SOGS PA RNAMS KYI'O, ,STON PAR KHAS BLANGS PA LAS 'OD SRUNGS CHEN PO'I 'O, ,DRIS SHING MNYES PAS LEGS BYIN GYI'O, ,LCI BA'I CHOS KHAS BLANGS PAS SKYE DGU'I BDAG MO CHEN MO'I 'O, ,PHO NYAS CHOS SBYIN MA'I 'O, ,'DUL BA 'DZIN PA DANG LNGA PAS YUL @057 MTHA' 'KHOB RNAMS SU'O, ,BCU'I TSOGS KYIS DBUS RNAMS SU'O, ,SKYABS SU 'GRO BA GSUM BRJOD PAS BZANG SDE'I TSOGS DRUG CU RNAMS KYI'O ZHES SO, , DE LTAR RJES SU GNANG BA'I BKA' RNAMS BKLAGS PAS KYANG GSOL BA BYED DE, DON GYIS DE RNAMS DE BZHIN GSHEGS PAS GSUNGS PA NYID DU KHAS BLANGS PA'I PHYIR RO, ,DE NYID KYI PHYIR GSUNGS PA, SANGS RGYAS KYI GSUNG NI DON LA RTON PA STE, TSIG 'BRU LA RTON PA NI MA YIN NO ZHES SO, ZHES GSUNGS SO, ,SDE PA BCO BRGYAD DU GYES PA'I SKABS SO, , SO SOR THAR PA'I SDOM BRGYUD KYI SKABS, GANGS CAN GYI KHROD 'DIR BSNYEN PAR RDZOGS PA'I SDOM PA'I BRGYUD PA GSUM STE, DANG PO NI SLOB DPON KLU SGRUB, LEGS LDAN 'BYED, DPAL SBAS, YE SHES SNYING PO ZHI BA 'TSO, SBA RATNA LAS BRGYUD DE, BLA CHEN DGONGS PA RAB GSAL GYI RIM PA LAS BRGYUD NAS KHAMS DANG DBUS GTZANG DU KLU MES LA SOGS PA LAS RIM GYIS BYUNG BA'O, GNYIS PA NI, PAndI TA DHARMA P'A LA'I MKHAN BU P'A LA RNAM GSUM GYI SLOB MA ZHANG ZHUNG RGYAL BA'I SHES RAB NAS BRGYUD PA DANG, STOD 'DUL BA ZHES GRAGS PA DAG GO GSUM PA NI, KLU SGRUB KYI MKHAN BU GU nA MA TI, RATNA MI TRA, SHR'I DHARMA P'A LA, GU nA S'A GA RA, DHARMA M'A LA, A'A KA RA GUPTA, PAn CHEN SH'AKYA SHRI BHA DRA, DES BOD YUL DU SA SKYA PAn CHEN LA SOGS PA MANG @058 PO BSNYEN PAR RDZOGS SHING, RDO RJE DPAL DANG BYANG CHUB DPAL ZHES BYA BA LAS RIM GYIS TSOGS PA SDE BZHI PO 'DI BYUNG BA YIN NO, THUB PA'I DBANG PO GNYIS PA RJE BTZUN TZONG KHA PA CHEN PO'I YANG DGE SLONG GI DNGOS PO NI PAn CHEN GYI BRGYUD PA LAS BRNYES SO, ,'JAM DPAL RTZA BA'I RGYUD LAS, DE BZHIN GSHEGS PA NGA 'DAS NAS, ,LO NI BZHI BRGYA LON PA NA, ,DGE SLONG KLU ZHES DE 'BOD 'BYUNG, ,BSTAN PA 'DI LA DAD CING PHAN, ,RAB TU DGA' BA'I SA THOB PA, ,LO NI DRUG BRGYA DAG TU 'TSO, ,RIG PA RMA BYA CHEN MO NI, ,BDAG NYID CHEN PO DES KYANG 'GRUB, ,BSTAN BCOS SNA TSOGS DON DANG NI, ,DNGOS PO MED PA'I DON DE RIG ,GANG TSE LUS DE BOR BA NA, ,BDE BA CAN DU'ANG SKYE BAR 'GYUR, ,DE NI MTHAR GYIS SANGS RGYAS NYID, ,NGES PA KHO NAR YANG DAG 'THOB, CES BYA BA DANG, THOGS MED CES BYA'I DGE SLONG NI, ,BSTAN BCOS DE NI DON LA MKHAS, , MDO SDE NGES DON DRANG BA'I DON, ,RNAM PA MANG PO RAB TU 'BYED, ,'JIG RTEN RIG PA STON BDAG NYID, ,GZHUNG BYED NGANG TSUL CAN DU 'GYUR, ,ZHES LUNG BSTAN PA'I SLOB DPON GNYIS KYIS SO SO THAR PA DANG THEG PA CHEN PO'I TSUL RGYAS PAR MDZAD DE, KLU SGRUB 'JIG RTEN DU BYUNG BA NA DGE SLONG BYI BO MANG PO YOD PA DE RNAMS SLOB DPON GYIS BSKRAD DE, BSTAN PA RGYAS PAR MDZAD DO, ,'DIR BSKA? BZANG GI SANGS RGYAS SKAL LDAN SHING RTAR, RJE BTZUN MAS KHA CHE PAn CHEN LA LUNG BSTAN PA'I RGYA MA DBON STON GYI GSUNG @059 LAS, SHR'I STH'A NA'I NUB, SHR'I SARBA TA'I SHAR PHYOGS GRONG KHYER BSOD NAMS DANG LDAN PAR SLOB DPON KLU SGRUB 'KHRUNGS, DGUNG LO NYER BRGYAD PA LA MKHAN PO DRI MA MED PA'I GZI BRJID CAN ZHES BYA BA SBYOR LAM PA GCIG DANG, SLOB DPON DZNY'A NA ZHES BYA BA RGYUN ZHUGS CIG LAS RAB TU BYUNG ZHES GSUNG LA, GZHAN PHAL CHER NI MKHAN PO SGRA GCAN ZIN BZANG PO LAS RAB TU BYUNG BAR 'CHAD DE, JI LTAR YANG RUNG, SLOB DPON 'DI DANG SLOB DPON THOGS MED GNYIS KA THAMS CAD YOD PAR SMRA BA'I SDE PA YIN ZHING, BSTAN PA RGYAS PAR MDZAD PA MCHOG TU GYUR PA YIN LA, BOD KYI RAB BYUNG RNAMS KYANG SLOB DPON KLU SGRUB LAS BRGYUD PA'O, ,SLOB DPON DE GNYIS KYIS MDZAD PA'I BSTAN BCOS CHEN PO 'GREL PA DANG BCAS PA'ANG BOD DU MANG DU 'GYUR 'DUG GO ,SO SO THAR PA'I SDOM BRGYUD KYI SKABS SO, ,RGYA GAR DU BSTAN PA'I SBYIN BDAG MDZAD PA'I RGYAL PO MYA NGAN MED NI, SNGAR BSHAD PA LTAR SHIN TU GRAGS CHE LA, GZHAN GCIG NAS GCIG TU BRGYUD PA'I RGYA GAR GYI RGYAL RABS NI SU LA'ANG YOD PA MA THOS PAS BRI BAR MA NUS SO, , BOD KYI RGYAL RABS KYI SKABS, BOD 'DI'I RGYAL RABS NI, SNGON CHAD RGYAL PHRAN SIL MA BCU GNYIS LA SOGS PA BYUNG ZER YANG RGYAL PHRAN NYID DU ZAD CING, DE DAG GI BRGYUD @060 PAS BSTAN PA LA BYA BA BYAS PA'I GTAM YANG YOD PA MA YIN NO, ,DES NA BOD KYI MKHAS PA RNAMS RJE GNYA' KHRI BTZAN PO NAS RGYAL PO'I RABS BRJOD PAR SNANG BAS BRI BAR BYA'O, ,DE LA BCOS MA LA DGA' BA KHA CIG GIS DAM PA SANGS RGYAS KYIS BOD DU LAN BDUN BYON PA'I DANG PO BOD CHU YIS GANG, GNYIS PA LA CHU BRI ZHING RTZI SHING NAGS TSAL DANG SHA RKYANG THO RE BA YOD ZER BA LA SOGS PA YOD MOD KYI, BRGYUD PA PHYI MA PA RNAMS KYI YI GE LAS, DAM PAS SKU TSE LNGA BRGYA DANG BCU BDUN BZHES PA NA DING RING ZHI BAR GSHEGS PAR 'CHAD DE, GTAM SNGA MA DE NI BLO BYAS 'BA' ZHIG GO BOD KYI YUL 'DI YANG RGYA GAR DANG 'DRA BAR, YUL DANG MI LA SOGS PA GNAS PA'I BSKAL PA NAS BYUNG BAR BYAS NA YANG LUNG DANG RIGS PA'I GNOD PA MED CING, STON PA THUB PA BYON PA'I DUS LAS SNGA BA RTZOD LDAN GYI THOG MA SKYA SENG BU LNGAS DPUNG TSOGS YAN LAG BCO BRGYAD DAM BCU GNYIS BCOM PA'I TSE, RU PA TI ZHES BYA BA'I RGYAL PO DPUNG GI TSOGS GCIG DANG BCAS PA G-YUL 'GYED PA'I TSE, BUD MED KYI CHA LUGS SU BYAS NAS BROS NAS RI KHA BA CAN GYI RI KHROD DU ZHUGS TE GNAS PA'I RIGS LAS, DING SANG NA YANG BOD CES BYA BA GRAGS PA YIN NO ZHES SLOB DPON SHES RAB GO CHAS BSHAD DE, SNGON GYI YI GE RNYING PA RNAMS LAS YUL 'DI LA SNGON MING PU RGYAL ZHES ZER LA, PHYIS BOD CES BYA BA 'CHAD PA YANG SLOB DPON SHES RAB GO CHA'I GSUNG DANG SBYAR NA 'BYOR RO, KHYAD PAR DU THUB PA BZHUGS PA'I DUS NA BOD CES BYA@061 BA LUNG RNAM 'BYED DU BSHAD LA, DUS KYI 'KHOR LOR YANG, 'PHAGS PA BOD LA SOGS RNAMS LA, ZHES GSUNGS SNANG NGO, ,DE LA GNYA' KHRI BTZAN PO SH'AKYA CHEN PO DANG, SH'AKYA RI BRAG PA DANG, SH'AKYA LI TZA BYI GSUM PO'I RIGS GANG YIN PA LA MA MTHUN PA YOD KYANG, 'JAM DPAL RTZA BA'I RGYUD NA SRONG BTZAN NAS DAR MA YAN CHOD DU LUNG BSTAN PA SHIN TU GSAL PA ZHIG SNANG LA, DE'I SKABS SU RTZA BA'I RGYUD LAS, LI TZA BYI RNAMS RIGS SU BYUNG, ZHES 'BYUNG BAS LI TZA BYI'I RIGS YIN PA DAG GO , DE LTA NA DANG PO KHRI BTZAN PO 'OD LDE, DE NAS MU KHRI BTZAN PO, DING KHRI BTZAN PO, SO KHRI BTZAN PO, MER KHRI BTZAN PO, GDAGS KHRI BTZAN PO, SRIBS KHRI BTZAN PO, DE DAG NI GNAM GYI KHRI BDUN NO, DE'I SRAS GRI GUM BTZAN PO, SPU DE GUNG RGYAL, DE DAG NI BAR GYI LTENGS GNYIS SO, AE SHO LEGS, DE SHO LEGS, THI SHO LEGS, GU RU LEGS, 'BRONG ZHI LEGS, AI SHO LEGS, DE DAG SA YI LEGS DRUG GO ,ZA NAM ZI LDE, LDE 'PHRUL NAM GZHUNG BTZAN, SE NOL NAM LDE, SE RNOL PO LDE, LDE RNOL NAM, LDE RNOL PO, LDE RGYAL PO, LDE SPRIN BTZAN, DE DAG LDE BRGYAD DO, RGYAL TO RI LONG BTZAN, KHRI BTZAN NAM, KHRI SBRA DPUNGS BTZAN, KHRI THOG RJE THOG BTZAN, LHA THO THO RI GNYAN BTZAN, KHRI GNYAN GZUNGS BTZAN, 'BRO GNYAN LDE'U, STAG RI GNYAN GZIGS, GNAM RI SRONG BTZAN, SRONG BTZAN SGAM PO, GUNG @062 SRONG GUNG BTZAN, MANG SRONG MANG BTZAN, 'DUS SRONG MANG PO RJE, KLUNG NAM 'PHRUL GYI RGYAL PO, KHRI LDE GTZUG BRTAN MES AAG TSOMS, KHRI SRONG LDE BTZAN, MU NE BTZAN PO, KHRI LDE SRONG BTZAN, RAL PA CAN, KHRI 'UM BTZAN DAR MA, DE'I SRAS GNAM LDE 'OD SRUNGS, DE'I SRAS DPAL 'KHOR BTZAN, DE 'BANGS KYIS BKRONGS DBUS GTZANG MTHIL GYI RGYAL SRID SHOR NAS, SRAS KHRI BKRA SHIS RTZEGS PA DPAL DANG, SKYID LDE NYI MA MGON GNYIS YOD PA, KHRI BKRA SHIS RTZEGS PA DPAL GTZANG STOD DU BZHUGS, NYI MA MGON MNGA' RIS SU BYON, DE LA SRAS GSUM STE, DPAL GYI MGON, BKRA SHIS LDE MGON, LNGA GTZUG MGON RNAMS SO, CHE BAS MANG YUL, BAR PAS SPU HRANGS, CHUNG BAS ZHANG ZHUNG STE GU GE'I MNGA' ZHABS NA YOD PA YIN NO, ,BKRA SHIS MGON LA SRAS GNYIS TE, 'KHOR RE DANG SRONG NGE'O, ,'KHOR RE LA SRAS N'A GA R'A DZA DANG DE BA R'A DZA GNYIS SO, ,'KHOR RE YAB SRAS GSUM RAB TU BYUNG NAS SRONG NGE LA SRID GTAD, DE'I SRAS LHA SDE, DE'I SRAS 'OD SDES SRID GZUNG, GCUNG PO BYANG CHUB 'OD DANG ZHI BA 'OD GNYIS RAB TU BYUNG, 'OD SDE'I SRAS RTZE LDE, DE'I SRAS 'BAR SDE, DE NAS BKRA SHIS SDE, BHA SDE, N'A GA DE BA, BTZAN PHYUG LDE, BKRA SHIS LDE, GRAGS BTZAN LDE, GRAGS PA LDE, AA SOG LDE, DE'I SRAS 'DZI DAR RMAL DANG AA NAN RMAL GNYIS, PHYI MA'I SRAS RE'U RMAL, DE NAS SANG+GHA RMAL, 'DZI DAR RMAL GYI BU AA 'DZID RMAL, DE'I BU KA LAN @063 RMAL, DE'I BU BAR BTAB RMAL, DES YA TSE'I RGYAL BRGYUD CHAD, KHRI BKRA SHIS BRTZEGS PA DPAL LA SRAS DPAL LDE 'OD LDE SKYID LDE GSUM, BAR PA 'OD LDE LA SRAS BZHI LAS GSUM PA KHRI CHUNG, DE'I SRAS 'OD SKYID 'BAR, DE LA SRAS BDUN LAS G-YU CAN, DE'I SRAS JO DGA', DE LA SRAS GSUM LAS BAR PA DAR MA, DE LA SRAS BZHI LAS JO BO RNAL 'BYOR, DE LA SRAS GSUM LAS CHE BA JO 'BAG DE LA SRAS LNGA LAS CHE BA JO BO SH'AKYA MGON, DE'I SRAS JO BO SH'AKYA BKRA SHIS, DE LA SRAS GNYIS LAS CHUNG BA MNGA' BDAG GRAGS PA RIN CHEN, DE LA SRAS BZHI LAS GNYIS PA SH'AKYA MGON, DE'I SRAS CHOS RJE BTZAN PO SH'AKYA RIN CHEN LDE'O, BRGYUD PA DE RNAMS LAS DAR MA MA GTOGS, SRONG BTZAN MAN CHAD THAMS CAD KYIS DKON MCHOG GSUM LA BLA MAR MDZAD DO, ,BOD KYI RGYAL RABS KYI SKABS SO,, ,, CHOS RGYAL MES DBON RNAMS KYIS BSTAN PA BTZUGS PA'I SKABS, LHA THO THO RI GNYAN BTZAN GYI RING LA TZINTA MA nI'I GZUNGS DANG, SPANG BKONG PHYAG BRGYA PA LA SOGS PA NAM MKHA' NAS BABS SHING, MCHOD PA BYAS PAS, SRID DANG RGYAL PO'I TSE 'PHEL TE, DAM PA CHOS KYI DBU BRNYES YIN ZHES GRAGS PA LA, NEL PA PAntI TA NA RE, BON PO NAM MKHA' @064 LA DGA' BAS NAM MKHA' NAS BABS ZER BA BON GTAM YIN GYI, DON LA PAntI TA BLO SEMS 'TSO DANG, LO TZ'A BA LI THE SES CHOS DE DAG KHYER 'ONGS PA LA, RGYAL POS YI GE MI SHES SHING DON MI GO BAS PAntI TA DANG LO TZ'A BA PHYIR LOG ZER BA 'DI DAG PA 'DRA STE, DUS PHYIS DBA' GSAL SNANG GIS BAL POR PHYIN, MKHAN PO ZHI BA 'TSO DANG MJAL BA'I TSE, MKHAN PO'I GSUNG LA BOD KYI BTZAN PO DANG, KHYOD DANG, NGA DANG GSUM GYIS, 'OD SRUNGS KYI BSTAN PA LA BYA RDZI MA'I BU GSUM DU GYUR NAS, BOD DU BSTAN PA SPEL BA'I SMON LAM BTAB PA YIN TE, BTZAN PO YANG MA SKYES, KHYOD KYANG NAR MA SON PAS, NGAS 'DI NA BOD KYI RGYAL RABS DGU YI BAR DU SGUG CING BSDAD PA YIN GSUNGS PA, SBA BZHED GTZANG MA NA SNANG BA'I PHYIR TE, BO DHI SA TVA BLO SEMS SU LI THE SES BSGYUR, 'TSO ZHES PA ZHI BA 'TSO DANG 'BYOR PAS SO, ,DE LA THO THO RI GNYAN BTZAN GYI RING LA CHOS KYI DBU BRNYES PA NI, CHOS KYI GLEGS BAM TZAM BYUNG BA YIN GYI, BRI BA DANG BKLAG PA DANG 'CHAD BA SOGS NI MED DO, ,SRONG BTZAN SGAM PO'I RING LA THON MI SAMBHO tA RGYA GAR DU BRDZANGS NAS, SLOB DPON LHA RIG PA'I SENG GE ZHES BYA BA LA YI GE DANG SKAD LEGS PAR BSLABS, BOD DU 'ONGS NAS, RGYA GAR GYI PHYI MO LNGA BCU LAS BOD DU PHYI MO SUM CUR BYAS, DBYANGS BCU DRUG LAS AA AI AE AO AU RNAMS NYE BAR MKHO ZHING, GZHAN RNAMS BZHAG AA GSAL BYED KYI GLA LA BKOD, GSAL BYED LAS KYANG tA'I SDE PA DOR, SDE @065 PA GZHAN BZHI'I YANG BZHI PA RNAMS DANG shA SOGS MI DGOS PAR GZIGS NAS BZHAG TZA TSA DZA RNAMS RGYA GAR SHAR PHYOGS PA 'GA' ZHIG GIS CA CHA JA ZHES ZER TE, DE GSUM BKOD, RGYA GAR LA MED KYANG BOD LA ZHA DANG ZA DANG 'A RNAMS DGOS PAR DGONGS TE BTZUD, GSUM PO DE YANG ZHA NI SHA DANG MTHUN PAS BAL PO NAS PAntI TA GCIG GIS CHOS RJE BU STON LA YI GE BSKUR BA NA, SHA LU PAntI TA ZER BA BYAS, ZA NI SA DANG MTHUN PAS RGYA GAR BA RNAMS LA SA HOR ZER BA LA BOD KYIS ZA HOR DU 'BOD, 'A NI AA DANG MTHUN NO, DE LTAR BYAS PA LA RGYAL POS KYANG YUN RING DU YI GE SLOB TSUL BSTAN, THON MIS MDO SDE DKON MCHOG SPRIN BSGYUR, GZHAN YANG RGYAL POS CHOS KYI BDAG PO MDZAD NAS, SPYAN RAS GZIGS YI GE DRUG MA DANG, 'PHAGS PA GSHIN RJE'I GSHED DANG, CHOS SKYONG MGON PO DANG, LHA MO LA SOGS PA RNAMS KYI CHOS SNA MANG DU GSUNGS, DES MANG POR BSAM GTAN BSGOM DU BCUG NAS RDZU 'PHRUL THOB PA MANG DU YOD PA SNANG, SGOM GNAS KYANG MANG DU BTZUGS, DBUS KYI KHRA 'BRUG DANG, MTHA' 'DUL YANG 'DUL GYI GTZUG LAG KHANG YANG MANG DU BZHENGS, BTZUN MO GNYIS POS KYANG 'PHRUL SNANG DANG RA MO CHE'I GTZUG LAG KHANG BZHENGS, GSOD PA DANG BRKU BA DANG BYI BYED PA RNAMS LA CHAD PA DANG BCAS PA'I KHRIMS LEGS PAR BCAS, 'BANGS RNAMS LA'ANG YI GE DANG, MI CHOS BCU DRUG LA SOGS PA'I CHOS LUGS LEGS PAR BSLAB STE, RAB TU BYUNG BA LA GSAR @066 DU 'DZUD PA MA GTOGS CHOS GZHAN SHIN TU DAR BAS BOD KHAMS DKAR POR BYAS PA YIN, PHYIS KHRI LDE GTZUG BRTAN GYI BLON POS MCHIMS PHU'I RDZA GSEB NAS, RGYAL PO SRONG BTZAN GYI GSUNG, NGA'I DBON SRAS DE'I MING LA LDE BTAGS PA ZHIG 'BYUNG, DES SANGS RGYAS KYI BSTAN PA RGYAS PA BYED DO ZHES PA ZANGS KYI BYANG BU LA BRIS PA RNYED PAS, LDE DE NGA YIN SNYAM NAS, BRAG DMAR 'GRAN BZANG LA SOGS PA'I GTZUG LAG KHANG 'GA' ZHIG KYANG BRTZIGS, LI YUL NAS DON PA'I RAB TU BYUNG BA RNAMS DANG, RGYA'I YUL NAS HVA SHANG MANG PO SPYAN DRANGS TE BSTAN PA LA GUS PAR MDZAD KYANG BOD MI RAB TU BYUNG BA BYED PA NI MA BYUNG, DE 'DAS NAS KHRI SRONG LDE BTZAN RGYAL PO BYED PA'I TSE, MA ZHANG ZHES BYA BA'I BLON PO DBANG PO CHE CHOS LA MI DGA' BAS, RAB TU BYUNG BA RNAMS YUL GZHAN DU BSKYAL, LHA SA'I JO BO SKYI RONG DU BSKYAL, GTZUG LAG KHANG RNAMS SU BSHAS RA BYAS, RGYAL PO CHOS LA DAD KYANG DBANG MA BYUNG, RA MO CHE NA GNAS PA'I HVA SHANG RNAMS RGYA YUL DU LOG PA NA, RGAN PA DE'I LHAM YA GCIG LUS PAS, DE NA RE, DA DUNG BOD DU BSTAN PA 'ONG BAR SNANG ZER BA BZHIN DU DE'I BAR BSTAN PA BYUNG BA YIN, DE'I TSIG ZUR THOS NAS DAM PA'I CHOS SPONG BAR SPRO BA 'GA' ZHIG HVA SHANG MA HVA Y'A NA'I LHAM LUS PA YIN ZER, RGYAL PO CHOS LA MOS PA'I GROGS 'GOS RGAN DANG, DPA'? SANG SHI DANG, DBA' GSAL SNANG LA SOGS PAS BYAS TE, SANG SHI DANG GSAL SNANG GIS RGYA'I RGYAL PO'I DRUNG DU PHYIN, DE LA ZHUS NAS @067 SGOM PA'I LUNG 'BOGS PA'I HVA SHANG DANG MJAL NAS SGOM PA'I LUNG LEGS PAR MNOS, HVA SHANG DE LA MNGON PAR SHES PA CHEN PO MNGA' BAS, SANG SHI LA SANGS RGYAS KYI GSUNG RAB NAS, GDONG DMAR CAN GYI YUL DU DAM PA'I CHOS 'BYIN PA'I BYANG CHUB SEMS DPA' 'BYUNG BAR LUNG BSTAN PA DE KHYOD YIN, RGYA GAR GYI MKHAN PO ZHI BA 'TSO ZHES PA DE BOD KYI 'DUL SKAL YIN, DE MA YIN PA GZHAN GANG GIS KYANG PHAN MI THOGS ZER, BUM SANGS DBANG PO ZHES BYA BA'I DRUNG NA YOD PA'I HVA SHANG MNGON SHES CAN ZHIG GIS KYANG, SANG SHI DANG GSAL SNANG GNYIS PO BYANG CHUB SEMS DPA'I SPRUL PA YIN PAR LUNG BSTAN, DE GNYIS KYIS RGYA NAS CHOS BAM PO STONG TZAM BLANGS TE KHYER 'ONGS KYANG, MA ZHANG GIS CHAD PA BCAD DOGS PAS SBAS, PHYIS GSAL SNANG MANG YUL GYI KHANG DPON DU BSKOS PAS, DER GTZUG LAG KHANG GNYIS BRTZIGS, DE'I RKYEN RIS KYANG BCAD, BAL POR PHYIN MKHAN PO ZHI BA 'TSO DANG MJAL, 'O SKOL RNAMS KYIS BOD DU SANGS RGYAS KYI BSTAN PA GZUGS DGOS PA'I BKA' RGYA CHER GNANG, MKHAN PO LA BYANG CHUB MCHOG TU SEMS BSKYED PA ZHUS PAS, NAM MKHA' LAS DGA' 'O ZHES BYA BA'I SGRA LAN GSUM BYUNG, DE NAS RDO RJE'I GDAN DU PHYIN, BYANG CHUB CHEN PO LA MCHOD PA PHUL BAS, DGUN ZLA 'BRING PO LA CHAR CHEN PO BAB, SLAR LOG STE, DBUS SU RGYAL PO'I DRUNG DU 'ONGS TE, MKHAN PO'I GSUNG RNAMS BSNYAD PA NA, BTZAN PO'I ZHAL NAS, MA ZHANG GIS CHAD PA BCAD @068 DOGS YOD PAS KHYOD MYUR DU SONG ZHIG NGAS LKOG TU 'GOS RGAN LA SOGS DANG GROS BYAS NAS MKHAN PO DE SPYAN 'DREN DU BTANG GI ZHES GSUNGS, DE NAS 'GOS RGAN GYIS G-YO CHEN PO BYAS TE, MA ZHANG STOD LUNGS SU GSON DUR DU BCUG DE NAS GSAL SNANG GIS MKHAN PO SPYAN DRANGS NAS 'ONGS PA LHA SAR PHYAG PHEBS, BTZAN POS BLON PO RNAMS LA SLOB DPON DE'I CHOS LUGS DANG TSUL CI YIN PA LEGS PAR RTOGS LA SHOG CIG BZANG PO ZHIG NA 'DIR YANG SPYAN 'DREN NO BYAS, BLON PO RNAMS KYIS PHYIN TE, KHYED KYI CHOS LUGS CI YIN ZHES DRIS PAS, MKHAN PO'I ZHAL NAS, KHO BO'I CHOS LUGS NI RIGS PAS LEGS PAR BRTAGS TE GANG 'THAD PA DE BYED, MI 'THAD PA DE MI BYED PA YIN ZER, DER RGYAL PO BLON PO DANG BCAS PA MTHUN PAR BSAM YAS SU SPYAN DRANGS, 'UM BU TSAL DU MJAL, BTZAN POS PHYAG MDZAD, DE'I TSE MKHAN POS 'O SKOL 'OD SRUNGS KYI BSTAN PA LA BAL PO'I MCHOD RTEN GYI DRUNG DU, BOD DU DAM PA'I CHOS SPEL BA SMON LAM BTAB PA DE RGYAL POS BSNYEL TAM ZHES GSUNGS PAS, KHO BO SGOM YUN THUNG BAS MA 'TSAL ZHES ZHUS PA NA, MKHAN POS BYIN GYIS BRLABS TE SNGON GYI SKYE BA YANG DAG PAR RJES SU DRAN, DE NAS BTZAN PO LA DGE BA BCU DANG KHAMS BCO BRGYAD LA SOGS PA'I CHOS MANG PO BSHAD PAS BOD KYI LHA SRIN CHEN PO RNAMS KHROS TE, DMAR PO RI'I PHO BRANG LA THOG BRGYAB, PHO BRANG 'PHANG THANG CHUS KHYER LO NYES DANG MI NGAS CHEN PO BYUNG BAS BLON PO SDIG PA LA DGA' @069 BA RNAMS SPOBS PA SKYES TE, 'DI CHOS BYAS PAS LAN, AA TZA RA 'DI SLAR GTANG DGOS ZER BAS, BTZAN POS MKHAN PO'I SPYAN SNGAR GSER MANG PO PHUL, LO RGYUS BSNYAD PAS, MKHAN PO'I ZHAL NAS, KHO BO BAL POR 'GRO, BOD KYI MI MA YIN RNAMS MA DGA' BA YIN, PADMA SAM BHA WA ZHES BYA BA DZAMBU'I GLING NA CHE BA'I RIGS SNGAGS MKHAN ZHIG YOD, DE NGAS KYANG SPYAN 'DREN DU GTONG, RGYAL PO RANG GIS KYANG SPYAN 'DREN PA THONG ZHIG GSUNGS NAS, MKHAN PO BAL POR PHEBS PA NA, SLOB DPON PAD MA YANG DE NA PHEBS 'DUG DE RGYAL PO'I SPYAN 'DREN PAS SPYAN DRANGS NAS 'ONGS PA NA, THOG MAR BSTAN MA BCU GNYIS POS SLOB DPON LA MTHO BRTZAMS PAS, DE DAG ZIL GYIS MNAN, DBANG BSKUR NAS DAM PA'I CHOS KYI SRUNG MAR BSKOS, DE NAS RIM GYIS BYANG LAM LA PHEBS, THANG LHA LA SOGS PA DAM LA BTAGS NAS, BSAM YAS SU PHEBS TE RGYAL PO YID CHES PAR BYA BA'I PHYIR, BYIS PA LA RGYAL CHEN RIS BZHI PO'I LHA ZHIG PHAB PAS, DE NA RE, DMAR PO RI LA THANG LHAS THOG BRGYAB, SHAM BUS 'PHANG THANG CHU LA BSKUR, ZHES BYA BA LA SOGS PA 'DIS 'DI BYAS THAMS CAD RGYAS PAR SMRAS, DE THAMS CAD SLOB DPON GYIS DAM LA BTAGS, DE NAS BSAM YAS KYI GTZUG LAG KHANG CHEN PO'I RMANG BTING, MKHAN PO SLAR YANG SPYAN DRANGS, JO BO YANG MANG YUL NAS SPYAN DRANGS NAS 'PHRUL SNANG DU BZHUGS SU BCUG YOS NAS LUG GI BAR GTZUG LAG KHANG GLING PHRAN @070 LCAGS RI DANG BCAS PA LEGS PAR GRUB, BTZAN POS RTA MGRIN BSGRUBS PAS GRUB STE, DZAMBU'I GLING TZAM DU GRAGS PA'I RTA SKAD CHEN PO BYUNG, DANG POR SAD MI MI BDUN RAB TU PHYUNG, DE NAS DAD PA CAN DANG SHES RAB CAN MANG DU RAB TU BYUNG NAS, RGYAL PO NYID KYI RING LA KHAMS YAN CHAD DU CHOS KYI GRVA CHEN PO BCU GNYIS BTZUGS, YER PA DANG MCHIMS PHUR SGOM GRVA BTZUGS TE, YER PA NAS NAM MKHA' LA 'PHUR BA MANG PO BYUNG ZHES GRAGS, RAB TU BYUNG BA THAMS CAD KYI 'TSO BA BLA NAS SBYOR, SNGAGS MTSAN NYID KYI CHOS PHAL MO CHE BSGYUR ZHING NYAN BSHAD KYIS GTAN LA PHAB, DUS PHYIS D'I PAm KA RA'I ZHAL NAS, DE DUS KYI BOD KYI BSTAN PA 'DRA BA RGYA GAR DU YANG MA BYUNG BA 'DUG GSUNGS PA YIN, DE NAS RAL PA CAN YAN CHOD DU YAB MES KYI MDZAD PA YANG DAG PA RJES SU BSKYANGS TE, DE LTA BU'I YON MCHOD RNAMS LA GUS PA CHEN POS PHYAG BYA BAR RIGS SO, ,CHOS RGYAL MES DBON RNAMS KYIS BSTAN PA BTZUGS PA'I SKABS SO,, ,, BOD KYI RGYAL PO RNAMS RTZA RGYUD LAS LUNG BSTAN PA'I SKABS, SRONG BTZAN NAS 'OD SRUNGS KYI BAR NI, 'JAM DPAL RTZA BA'I RGYUD LAS, DE BZHIN GSHEGS PA'I BSTAN 'DI LA, ,RNAM PA SNA TSOGS BYA BA @071 BYED, ,BYANG GI PHYOGS LA BRTEN NAS NI, ,DE YI TSE NA 'BYUNG BAR 'GYUR, , LHA LDAN YUL ZHES BYA BA YI, ,GANGS CAN RI YI NANG GNAS PA'I, ,RGYAL PO MI YI LHA ZHES PA, ,LI TZA BYI RNAMS RIGS SU BYUNG, ,DE YANG SNGAGS KYI DON SGRUB STE, ,LONGS SPYOD TSE DANG LDAN PAR 'GYUR, ,RIG PA LONGS SPYOD LDAN ZHES BYA, ,MI YI BDAG PO DE YANG GRUB, ,LO NI BRGYAD CUR RGYAL SRID BYAS, ,DES NI RKUN MA RNAM PAR SPANGS, ,RGYAL PO DES NI SROG SPANGS NAS, ,DER YANG SNGAGS NI MYUR 'GRUB STE, ,ZHI DANG RGYAS PA BSIL BYED PA'O, ,'JIG RTEN SGROL MA ZHES GRAGS DANG, ,LHA MO GOS DKAR MO DANG NI, ,DKAR MO CHEN MO GZHAN PHAN BRTZON, ,RTAG TU YID NI MI SKYO BA'O, ,DE LA SOGS PA GSUNGS PA YI, ,DE BZHIN RGYAL PO MANG PO NI, ,RNAM PA DU MA MANG PO DAG KHA DOG SNA TSOGS SNA TSOGS GZUGS, KHA BA CAN GNAS KLA KLO'I RGYAL, ,DE YANG STON PA MCHOD BYED PA'O, KHYU MCHOG KHYU MCHOG BZANG PO DANG, ,SA 'OD DE BZHIN SA 'OD BZANG, , DE BZHIN PHA ROL GNON NYID DANG, ,RKANG PA'I 'GROS ZHES BSTAN PA YIN, , SA SRUNGS DANG NI BE'U DANG, ,'OD LDAN NYID NI PHYI MA YIN, ,THA MAR 'CHAR RGYAL NGANG TSUL TE, ,KLA KLO RNAM PA SNA TSOGS YIN, ,DE 'OG LUGS NI RNAM ZHIG CING, ,PHYI ROL SKYE DGUS NYE BAR SPYOD, ,CES LUNG BSTAN PA YIN TE, BYANG GI PHYOGS DANG KHA BA CAN NI GRAGS CHE ZHING, LHA LDAN NI LHA SA'O, ,LO BRGYAD CUR RGYAL SRID BYED PA ? LO BRGYAD CU RTZA GNYIS @072 BZHUGS SHING, BAR DU GUNG SRONG GUNG BTZAN GYIS KYANG RGYAL SRID CUNG ZAD MDZAD PA'O, ,SGROL MA DANG GOS DKAR MO DANG DKAR MO CHEN MO NI BTZUN MO'I MCHOG GSUM STE, KONG JO DANG, BAL MO BZA' DANG, 'BRING BZA' MA THOD DKAR RO, ,LI TZA BYI'I RIGS SU BYUNG BA NI YANGS PA CAN PA'I BRGYUD YIN PA'O, ,KLA KLO'I RGYAL NI NUB PHYOGS T'A ZHIG GI YUL LA'ANG DBANG BYED PA'O, ,DE BZHIN DU RGYAL PO MANG PO NI 'OG NAS 'BYUNG BA RNAMS TE, KHYU MCHOG NI MANG SRONG NGO, KHYU MCHOG BZANG NI KLUNG NAM MO, ,SA 'OD NI MES AAG TSOMS SO, ,SA 'OD BZANG NI KHRI SRONG LDE BTZAN NO, ,PHA ROL GNON NI MU NE BTZAN PO'O, ,RKANG PA'I 'GROS NI KHRI LDE SRONG BTZAN NO, ,SA SRUNGS NI RAL PA CAN NO, ,BE'U NI GLANG DAR MA'O, ,'OD LDAN NI 'OD SRUNGS TE, LDAN PA DANG BSRUNG BA LA AA BA TI ZER BA'I PHYIR RO, ,THA MAR 'CHAR RGYAL NGANG TSUL NI, NYI MA 'CHAR BA'I PHYOGS NAS BOD LA DBANG BYED PA'I HOR RGYAL PO YIN ZHES 'GA' ZHIG 'DOD LA, SHAR KHA ZHES GRAGS PA'I LUNG PA 'DIR, SNYAGS KYIS BKRONGS PA'I DPAL 'KHOR BTZAN YIN YANG RUNG NGO, DE NAS BOD SPYI LA DBANG BYED PA'I RGYAL PO MED PAS LUGS RNAM PAR ZHIG GO ,BOD KYI RGYAL PO RNAMS RTZA RGYUD NAS LUNG BSTAN PA'I SKABS SO, , @073 BOD DANG RGYA HOR LA SOGS PA'I RGYAL RABS KYI SKABS, SRONG BTZAN NAS DAR MA'I BAR DU RGYA'I YIG TSANG LA LEGS PAR BTAB PA BLA MA RIN CHEN GRAGS PAS BOD SKAD DU BSGYUR TE BYUNG BA, MI'I BDAG PO KUN DGA' RDO RJES YI GER BTAB PA BZHIN BRI BAR BYA STE, CI'U'I RIGS LA RGYAL PO SUM CU SO DRUG BYUNG, LO BRGYAR SRID GZUNG, DE LAS CI'U BZHI PA CI'U DBANG GI DUS SU SANGS RGYAS 'JIG RTEN DU BYUNG, CI'U RDZOGS PA'I RJES LA CHIN HRI HVANG GI RGYAL PO GNYIS BYUNG, DE NAS HAN KA'U DZUNG ZHES PA NAS BZUNG STE RGYAL RABS BCU GNYIS PA'I TSE, AANG MANG ZHES PA'I BLON PO GCIG GIS NGO LOG BYAS TE LO BCO BRGYAD GZUNG, DE NAS HAN GYI BRGYUD PA GLE'U GONG BU ZHES PAS AANG MANG BSAD DE RGYAL SRID GZUNG, DE'I BU HAN MIN TI RGYAL PO BYUNG, 'DI'I DUS SU DZU HA LA ZER BA'I PAntI TA BDEN PA MTHONG BA GNYIS KYIS THEG PA CHUNG NGU'I CHOS GDAN DRANGS NAS RGYA'I YUL DU SLEBS, HOR NAM HUR PA'I MI'I SA'I LHA KHANG BZHENGS, CHOS BSGYUR, DE NAS GZUNG STE DA LTA'I BAR DU RGYA NAG TU BSTAN PA DAR, DE NAS HAN GYI RGYAL RABS NYI SHU RTZA BZHI PA HVAN HAN TE'I RGYAL PO'I DUS SU, TSA BO TSA ZER BA'I BLON POS RGYAL SA PHROGS NAS MI RABS LNGAR RGYAL PO BYAS, DE'I BLON PO 'U MA ZHES PA ZHIG GIS RGYAL SA PHROGS, DE'I RJES SU HE'U TZING GI BRGYUD PA @074 LA DUNG TZING BSI TZING GNYIS BYUNG BA'I, BSI TZING GI DUS SU TZAN DAN JO BO LEN DU BTANG, LON DUS BSI TZING 'DAS NAS ZHING GI CHING SANG CIG GIS RGYAL PO BYAS, TZAN DAN JO BO LEN PA'I DMAG DPON DES BSI CHON DANG CI'U MKHAR NYI SHU RTZA BZHI'I BDAG BYAS NAS RGYAL SRID LOGS SU GZUNG, CHING SANG RGYAL PO DE'I BRGYUD PAS, DMAG DPON RGYAL PO'I BRGYUD PA'I LAG NAS TZAN DAN JO BO, RING BSREL, PAntI TA RNAMS SPYAN DRANGS NAS MCHOD, CHING SANG GI BRGYUD DE CHAD NAS SU'I G-YANG DI YI ZER BA'I RGYAL PO PHA BU GNYIS BYUNG, DE NAS THANG KA'U DZUNG ZHES PAS RGYAL SA PHROGS TE, DE NI THANG GI RGYAL PO'I THOG MA YIN, DES SA PHO STAG GI LO LA RGYAL SA BZUNG NAS LO DGUR SRID BSKYANGS, BDUN CU LA 'DAS, 'DI'I SA PHO STAG 'DI SANGS RGYAS MYA NGAN LAS 'DAS NAS LO STONG DANG LNGA BRGYA DRUG CU RTZA DRUG PA YIN ZER BA RGYA'I DEB BAR MA GCIG NA SNANG, DE'I BU THANG THA'E DZUNG ZHES PAS ME PHO KHYI NAS RGYAL SA GZUNG, DE NAS LO DGU LON PA SHING PHO RTA LA BOD KYI RGYAL PO DANG SKYES BSKUR RES DANG GROGS PO BYAS, BOD KYIS RGYA'I BU MO BSLANGS PAS MA BYIN PA LA, BOD KHROS NAS LO NGO BRGYAD TZAM DU 'THAB MO BYAS, DER DMAG PHYIR LOG NAS MGAR STONG BTZAN LA GSER DANG RIN PO CHE'I RIGS MANG PO BSKUR NAS BTANG BAS, THA'E DZUNG GI SRAS MO WUNG SHING KONG JO LCAGS MO GLANG LA BYIN, DE NAS 'TSAL PA KUN DGA' RDO RJE'I DUS ME PHO KHYI YIN LA, LO BDUN BRGY? 'GRO BA RGYA'I YIG TSANG NA YOD ZER TE, ME @075 KHYI'I SNGA ROL LO LNGA 'GRO BA LCAGS MO SBRUL DANG 'GRIG PAR SNANG, THANG THA'E DZUNG GIS LO NGO NYI SHU RTZA BZHI RGYAL PO BYAS, SA MO BYA RANG LO LNGA BCU NGA GNYIS PA LA 'DAS, DE'I BU CHI KA'U DZUNG RGYAL SAR BTON, DES RGYAL PO BYED PA'I LCAGS PHO KHYI LA SRONG BTZAN SGAM PO 'DAS, DE'I SRAS GUNG SRONG GUNG BTZAN SNGAR 'DAS SHING, MANG SRONG MANG BTZAN LO BCU GSUM LON PA RGYAL SAR BTON, BLON PO MGAR GYIS GROGS BYAS NAS RGYAL SRID LO BCO LNGAR BSKYANGS, DE NAS MGAR 'DAS, RGYA DANG BOD KYI RGYAL PO GNYIS RES 'GA' MTHUN ZHING RES 'GA' DMAG DANG SA CHA'I RTZOD PA RGYAL PHAM DU MA BYAS, KHYAD PAR MANG SRONG RGYAL SAR BSKOS NAS LO NYI SHU RTZA GCIG PA LCAGS PHO RTA'I LO LA BOD DMAG GIS THANG GI RGYAL KHAMS LA BRGYAB, YU GUR GYI YUL THAMS CAD BLANGS, RGYAL SRID LO SUM CU PA DANG LO BZHI BCU RTZA GNYIS PA SA MO YOS LA 'DAS, DE'I SRAS 'DUS SRONG MANG PO RJE RGYAL SAR BSKOS, WUN SHING KONG JO BOD DU LO BZHI BCU BSDAD NAS LCAGS PHO 'BRUG GI LO LA 'DAS, CHI KA'U DZUNG RGYAL POS SA MO BYA NAS CHU MO LUG GI BAR LO SUM CU RTZA LNGA RGYAL SRID BSKYANGS, RANG LO LNGA BCU RTZA DRUG PA CHU LUG DE LA 'DAS PA YIN, SNGAR THA'E DZUNG GI BTZUN MO'I 'KHOR NA YOD PA CIG THA'E DZUNG 'DAS NAS BAN MOR YOD PA LAS BABS NAS, CHI KA'U DZUNG GI BTZUN MO BYAS, KA'U DZUNG 'DAS DUS BU LA RGYAL SA BSKOS ZER BA'I KHA CHEMS YOD KYANG, MO RANG GIS RGYAL PO BYAS, RUS PA 'U YIN PAS 'U DZI THEN ZHES BYA'O, @076 DES DMAG BYAS BOD LA SOGS PA'I SA CHA MANG DU PHROGS, RGYAL MO NI SHIN TU THU BA YIN, 'DIS SHING PHO SPRE'U LO NAS LO NYI SHU RTZA GCIG RGYAL SA BYAS, RANG LO BRGYAD CU PA SHING PHO 'BRUG LA 'DAS, LO DE LA 'DUS SRONG MANG RJE YANG 'DAS TE LO NYI SHU RTZA DRUG RGYAL PO BYAS PA YIN, DE RJES SHING MO SBRUL LA CHI KA'U DZUNG DANG, RGYAL MO'I BU DZUNG DZUNG RGYAL SAR BTON, LO DE NYID LA 'DUS SRONG GI SRAS KHRI SDE GTZUG BRTAN YANG RGYAL SAR BTON, DZUNG DZUNG GIS LO DRUG RGYAL SA BYAS NAS, DGUNG LO LNGA BCU RTZA LNGA PA LCAGS PHO KHYI LA 'DAS, LCAGS MO PHAG LA NU BO WI DZUNG RGYAL SAR BSKOS, BOD KYI RGYAL POS BU MO BLANGS PAS CHU PHO BYI BA LA KIM SHING KONG JO BOD DU BRDZANGS, LO DE NYID LA WI DZUNG 'DAS TE DGUNG LO LNGA BCU RTZA LNGA PA YIN, CHU MO GLANG LA HEN DZUNG LO NYI SHU RTZA DGU PA ZHIG BSKOS TE, WI DZUNG GI BU GSUM PA YIN, KIM SHING KONG JOS BOD DU LO SUM CU BZHUGS, LO NGO SO GCIG BZHUGS, LCAGS SBRUL LA 'DAS SO, DE YAN CHOD LA THANG GI RGYAL KHAMS 'JAGS NAS LO BRGYA DANG BCU DRUG SONG, THANG THA'E DZUNG GI LO NAS BRTZIS PA 'DRA, THANG KA'U DZUNG GI LO SA PHO STAG NAS BRTZIS NA LO BRGYA DANG NYI SHU RTZA BZHI SONG BA YIN, DE RJES KIM SHING KONG JO 'DAS NAS LO BCO LNGA PA SHING MO LUG LA KHRI SDE GTZUG BRTAN GSHEGS, LO DE NYID LA SRAS KHRI SRONG LDE BTZAN RGYAL SAR BTON, RGYA NAG TU CHOS BYUNG NAS KHRI SRONG LDE BTZAN GYI DUS SU LO STONG NYIS BRGYA SONG ZHES SBA BZHED NA SNANG NGO, HEN DZUNG RGYAL @077 POS SHING MO LUG YAN DU LO BZHI BCU RTZA GSUM RGYAL PO BYAS, RANG LO BDUN CU RTZA GSUM PA ME MO BYA LA 'DAS, DE'I SNGA LOGS KYI ME PHO SPRE'U LA HEN DZUNG GI BU GSUM PA DZUNG DZUNG RGYAL SAR BTON, LO BDUN RGYAL PO BYAS NAS, DGUNG LO LNGA BCU NGA GNYIS PA CHU PHO STAG LA 'DAS, LO DE LA DZUNG DZUNG GI BU CHE BA THA'E DZUNG RGYAL SAR BTON, DE'I RTING LO BOD KYI DMAG BYUNG BAS SHIN CUR BROS, BOD RNAMS KYIS RGYA'I BLON PO KO'U HI RGYAL SAR BSKOS NA'ANG, RING POR MA LON PAR THA'I DZUNG RGYAL POS DE BSAD, SPYIR THA'I TZUNG GIS RGYAL SA LO BDUN BYAS, DGUNG LO LNGA BCU PA SA MO LUG LA 'DAS, LCAGS PHO SPRE'U'I LO LA THA'I DZUNG GI BU CHE BA DING DZUNG BSKOS, LO DE NYID LA KHRI SRONG LDE BTZAN 'DAS NAS SRAS CHE BA MU NE BTZAN PO BSKOS, LO BCU BDUN LA RGYAL SA BYAS TE ME MO GLANG LA 'DAS, JU TZE BTZAN PO RGYAL SAR BSKOS, LO NGO BRGYAD RGYAL SA BYAS NAS, SHING PHO SPRE'U LA 'DAS, LO DE NYID LA KHRI LDE SRONG BTZAN BSKOS, DING DZUNG RGYAL POS LO NYI SHU RTZA LNGA RGYAL SA BYAS NAS, DRUG CU RTZA BZHI PA SHING MO BYA LA 'DAS, LO DE LA DING DZUNG GI BU CHE BA SHUN DZUNG BSKOS, LO GCIG RGYAL PO BYAS NAS BZHI BCU RTZA DRUG PA LA 'DAS, ME PHO KHYI LA SHUN DZUNG GI BU CHE BA HUN DZUNG BSKOS, DE SA PHO BYI BA'I LO LA 'DAS, SA MO GLANG LA HUN DZUNG GI BU MU DZUNG BSKOS, SKABS DE SHED DU BOD KYI RGYAL PO 'DAS ZER YANG SHING PHO RTA SHAR BA LA 'DAS, LO DE LA KHA LI KHA CHU BSKOS, LHA SA'I THANG DU BOD @078 KYI BLON PO 'TSOGS, BAN CHEN POS MNA' BRTZIGS BTON, BDEN PA BDAR TE THAMS CAD BRTZIGS PA DANG MNA' CHAD BYAS, MU DZUNG ME PHO RTA LA BLON POS BKRONGS, ME MO LUG LA MU DZUNG GI BU GNYIS PA 'U DZUNG BSKOS, ME PHO 'BRUG LA BOD KYI RGYAL PO 'DAS, LO DE NYID LA GCUNG PO THA CHUNG THA MU ZHES PA RGYAL SAR BSKOS, DE CHANG LA DGA' ZHING SPYOD PA NGAN PAS BOD KYI RGYAL KHAMS 'KHRUGS, SI HA CI'U LA BOD DBANG BA'I RI BRTZIGS YOD PA 'GYEL, KLU CHU ZHAG GSUM GYEN LA LOG LTAS NGAN BYUNG ZHING RGYAL KHAMS ZHIG PA YIN NO, ,SA MO LUG YAN CHOD LA LO NYIS BRGYA DANG BRGYAD SONG ZER YANG, LEt PAR BRTZIS NA THANG GI RGYAL KHAMS NYIS BRGYA DANG NYI SHU RTZA GNYIS SONG NGO, ,SA MO LUG 'DI GLANG DAR MAS RGYAL SRID BYAS NAS LO BZHI LON PA'I SA MO LUG DE YIN NO, ,DE'I RJES SU LCAGS PHO SPRE'U DANG LCAGS MO BYA'I BAR DU YANG RGYAL PO BYAS, LCAGS BYA DE LA CHOS BSNUBS SHING, DE MA THAG KHO RANG DPAL GYI RDO RJES BSAD DO, DES NA MKHAS PA RNAMS CHOS BSNUBS NAS LO JI TZAM LON PA NI LCAGS BYA DE NAS 'GO 'DZIN PA YIN NO, THANG KA'U DZUNG GIS SA PHO STAG LA RGYAL KHAMS BLANGS PA DE, SRONG BTZAN SGAM PO'I LO LNGA BCU PA LA YIN PAS, DE'I GONG GI LO BZHI BCU RTZA DGU PO BSNAN TE, SRONG BTZAN 'KHRUNGS NAS LO NYIS BRGYA DANG BDUN CU RTZA GCIG SA MO LUG YAN LA SONG NGO, ,NEL PA'I CHOS 'BYUNG DU SA MO LUG LA DAM PA'I CHOS BSNUBS PAR BSHAD DE, LO GNYIS KYIS MANG BA TZAM MO, @079 WU DZUNG RGYAL POS LO BCU GSUM SRID BZUNG NAS, DGUNG LO SUM CU PA SA MO LUG LA 'DAS, LO DE LA MU DZUNG GI BU LNGA PA WU DZUNG BSKOS, LO DRUG SRID BSKYANGS, DGUNG LO SUM CU RTZA BZHI PA SHING MO GLANG LA 'DAS, ME PHO STAG LA HEN DZUNG GI BU BCU GSUM PA ZVAN DZUNG BSKOS, DANG PO THANG GI RGYAL KHAMS KIN BYANG HU NAS BOD KYI BAR LA SA LE BAR STONG TSE DGU DANG DGU BRGYA YOD, PHYIS DZUNG DZUNG NAS GZUNG STE BOD LA MKHAR MIG SUM BRGYA SHOR, PHYIS THANG GIS THAMS CAD THOB, ZVAN DZUNG GIS LO BCU BZHI SRID GZUNG, LNGA BCU PA SA MO YOS LA 'DAS, LCAGS PHO 'BRUG LA DE'I BU CHE BA GHI DZUNG BSKOS, DE PHYIN CHAD BOD DANG 'BREL CHAD, DE LTAR THANG GI RGYAL PO KA'U DZUNG NAS LO NYIS BRGYA DANG SUM CU SO DGU SONG ZER, LEGS PAR BRTZIS NA LCAGS PHO 'BRUG YAN LA LO NYIS BRGYA DANG BZHI BCU RTZA BZHI SONG NGO, ,GHI DZUNG GIS RGYAL PO LO BCU BZHI BYAS NAS, CHU MO SBRUL LA 'DAS, SHING PHO RTA LA GHI DZUNG GI BU LNGA PA HYI DZUNG BSKOS, LO BCO LNGAR SRID GZUNG, SA PHO SPRE'U LA 'DAS, DE'I BU BDUN PA JE DZUNG SA MO BYA LA BSKOS, LO BCO LNGAR SRID GZUNG, CHU MO PHAG LA 'DAS, SHING PHO BYI BA LA DE'I BU DGU PA NGA'I DING BSKOS, LO BZHI SRID GZUNG, ME MO YOS LA 'DAS, DE NAS RGYAL RABS CHAD DE, SPYIR THANG GI RGYAL PO RGYAL MO DANG BCAS PA LA NYI SHU BYUNG, RGYAL KHAMS LO NYIS BRGYA DANG BRGYAD CU RTZA BRGYAD BDAG BYAS ZER TE, THANG KA'U DZUNG GIS SA PHO STAG LA RGYAL KHAMS @080 BLANGS PA NAS, ME MO YOS DE YAN LA LO DRUG CU SKOR BZHI DANG LO LNGA BCU SONG NGO, ,THANG THA'I DZUNG GI RING LA LO TZ'A BA THANG ZAM TSANG ZHES PA BYUNG NAS CHOS MANG PO BSGYUR, DE YAN CHOD LA RGYA YI LO TZ'A BA NYIS BRGYA BYUNG, THANG RUS PA'I MING, ZAM GSUM, TSANG SDE SNOD DE, SDE SNOD GSUM PA ZHES BYA'O, ,DE RGYA GAR GYI SLOB DPON DBYIG GNYEN GYI SLOB MA YIN ZER, THANG GI RGYAL PO PHYI MA 'DI KHAMS NA GRUM YE SHES RGYAL MTSAN BSTAN PA'I BDAG PO BYED PA'I DUS YIN NO, YANG THANG RABS CHAD PA'I RJES LA, LYANG ZHES PA LA RGYAL SA 'PHOS PA YIN, DE YANG THANG GI RGYAL PO'I DUS SU HVANG MA'O ZER BA BSI'U TSA ZHIG GIS NGO LOG BYAS NAS RGYAL PO BYAS, JU HUN ZER BAS BLON PO BYAS, RTING LA JU HAN GYIS THANG LA NGO BLTAS NAS, CHU MI DBEN GYI DMAG DPON BYAS, YANG RTING LA NGO LOG STE RGYAL SA PHROGS PAS LYANG RGYAL PO ZHES PA'I BRGYUD BYUNG, DE LA SOGS PA RUS MI GCIG PA'I RGYAL RABS TSAN PA LNGA LA RGYAL PO BCO LNGA BYUNG, LO LNGA BCU THAM PA RGYAL SA BYAS, DE'I RJES SU CI'U THA'I DZUNG ZHES PA'I RGYAL PO LA RGYAL RABS BRGYAD SBEN LYANG GI SA CHAR BYUNG, RGYAL RABS BRGYAD PA HVANG SHANG PHA BU GNYIS KYI LAG NAS, CHI HAN TA'I GLE'U ZHES PAS SBEN LYANG LA SOGS PA'I RGYAL KHAMS PHYED PHROGS, RGYAL RABS DE LA TA'I GLE'U ZER, HVANG SHANG GI ZHA GON MA'I BU KHA DBANG ZHES PA SMAN RTZE'I YUL DU 'ONGS NAS, PHA'I YUL GYI RGYAL KHAMS PHYED PO @081 GZUNG, HOR GYIS NAM THA'I ZER, KHYEN KHANG HVANG JE 'UR BSDAD, RGYAL KHAMS DE LA GSUNG ZER, DE NAS SMAN RTZE LHA BTZUN GYI BAR DU RGYAL RABS BRGYAD SMAN RTZER BYUNG, CHI TAN TA'I GLE'U'I RGYAL RABS BDUN BRGYAD KYI RJES SU BLON PO CHE BA NU'I JI ZHES PAS RGYAL SA BLANGS, DE'I RGYAL RABS LA AAM TAN KHAN ZER, BRGYUD PA DGU BYUNG, RGYAL PO DGU PA H'Um DBANG GI DUS SU JING GIN RGYAL PO BYUNG NAS, JING GIN GYIS RGYAL KHAMS DE BLANGS SO, SE CHEN RGYAL PO RGYAL SAR BZHUGS NAS CI DBEN LO BCU GSUM PA'I DUS SU, SMAN RTZE'I RGYAL PO G-YE'U JU RGYAL SAR BSDAD NAS LO GSUM SONG BA LA, BA YAN CHING SANG GI GSUNG GIS RGYAL KHAMS BLANGS, RGYAL PO SA SKYAR GTANG NAS LHA BTZUN BYAS, RTING DU GE GAN RGYAL PO'I DUS SU BSAD PAS KHRAG 'O MAR BYUNG NGO, HOR GYI RGYAL KHAMS LA TA'E DBEN ZER ZHES PA DZAMBHA LA TE SHR'I MGON GYIS SMRAS PA KUN DGA' RDO RJES BRIS PA'O, CI'U'I RGYAL PO SUM CU SO DRUG CHIN HRI HVANG GI RGYAL PO GNYIS, HAN GYI RGYAL PO BCU GNYIS, AANG MANG GNYIS, HAN NYI SHU RTZA DRUG TSA'O TSA LNGA, 'U MA GCIG HE'U TZING GCIG BSI TZING GCIG CHING SANG BRGYUD PA SU'I G-YANG DI YI LA RGYAL PO BCU GNYIS, HAN NYI SHU RTZA DRUG PA'I GNYIS PA HAN MI TI RGYAL PO'I DUS SU CHOS BYUNG, HOR GYI RGYAL RABS LA, DANG POR GNAM GYI BU SBOR TA CHE, DE'I BU BAR CHI GAN, DE'I BU THAM CHAG DE'I BU CHI JI MER GAN, DE DA @082 LTA'ANG SRIN PO'I KHA GNON BYED PAR GRAGS PAS PADMA 'BYUNG GNAS YIN ZER, DE'I BU LA'U JANG BHE RE 'OL, DE'I BU KA SA PA NI DUN, DE'I BU SEMS DZA'O JI, DE'I BU LA JU, DE'I BU DU BUN MER GAN, DE 'DAS RTING NAG MO AA LAN LO LAS NYI MA DANG ZLA BA'I ZER LAS SKYES PA BO DON CHAR MU GAN, DE'I BU GA'I CHI, DE'I BU SBI KHIR, DE'I BU MA NAN THO DON, DE'I BU GA'I THU GAN, DE'I BU BA'I SHING, DE'I BU KHOR THOG SHING, DE'I BU DUM BI HA'I KHAN, DE'I BU GA BU LA GAN, DE'I BU BAR THAN BA DUR, DE'I BU YE PHUR GA BA DUR, DE DANG BTZUN MO HU LUN GNYIS KYI SRAS JING GIN RGYAL PO, CHU PHO STAG LA 'KHRUNGS, SPUN LNGA YOD, DES LO SO BRGYAD PA LA RGYAL KHAMS DBANG DU BSDUS NAS RGYAL SA LO NYI SHU RTZA GSUM MDZAD, 'DI LA THA'I DZUNG YANG ZER, CHU PHO STAG GI LO'I STON ZLA DANG PO'I TSES BCU GNYIS LA DGUNG LO DRUG CU RTZA GCIG PA MI NYAG GHA RU GNAM DU GSHEGS, DE RJES AO GO TAS LO DRUG DE'I SRAS GO LUG RGYAL POS ZLA BA DRUG MONG GOL GAN GYIS LO DGU, SE CHEN GAN GYIS LCAGS SPREL NAS SHING RTA'I BAR LO SO LNGA STE, RANG LO BRGYAD CU PA LA GSHEGS, AOL JA DUS LO BCU GSUM, 'DI'I RING LA SNAR THANG GI BSTAN 'GYUR BYUNG, GO YUG RGYAL POS LO BZHI, AA YU PAR PA TA BU YAN DUS LO DGU, SID DHI PHA LA G-YING DZUNG GIS LO GSUM, YE SUN THE MUR CING DBANG GIS LO LNGA, RA KHYI PHAG GIS ZHAG BZHI BCU, KU SHA LA GO THUG RGYAL POS ZLA BA @083 GCIG THOG THI MUR 'JA' YA DU RGYAL POS LO LNGA, RIN CHEN DPAL RGYAL POS ZLA BA GCIG ZLA BA DRUG RGYAL SA STONGS, RGYAL SRID AEL THA MUR THA SHR'IS BSKYANGS, CHU MO BYA LA RGYAL SAR THO GAN THI MUR BSKOS NAS LO SO DRUG PA SA PHO SPRE'U LA HOR YUL LA BROS, SA PHO SPRE'U DE NAS TA'I MING RGYAL POS RGYAL SA BYAS, SA PHO SPRE'U DE NAS DENG SANG GI ME SPREL SHAR BA NA LO BRGYA DANG BRGYAD SONG BA YIN NO, ,TA'I MING RGYAL POS LO SUM CU RTZA GSUM, KYI HUN GYIS LO GNYIS, YE DBANG GIS LO NYI SHU RTZA GNYIS, BZHIN DZUNG GIS LO BZHI, ZON NGES LO BRGYAD, CIN THUNG GIS LO BCU GSUM, GYIN THA'I LO BDUN, THEN SHUN ME MO GLANG LA RGYAL SAR BYUNG NAS CHU SPRE'I BAR LO BRGYAD, CHU BYA NAS CHING HVA RGYAL POS RGYAL SA GZUNG NAS SHING LUG GIS LO BCU GCIG ME SPRE SHAR BA'I TSE BRGYA DANG BRGYAD 'DAS PA TA'I MING RGYAL PO BRGYUD PA DANG BCAS PA'I LO STE, PHYIN CHAD BRTZI BAR 'DOD NA YANG 'DI NYID GZHIR BYAS TE BRTZI BAR BYA'O, DE LA HOR GYI RGYAL PO BYING GIN NAS GZUNG STE, THO GAN THI MUR YAN DANG, TA'I MING NAS GZUNG STE DING SANG GI BAR RGYA'I RGYAL PO RNAMS KYIS, SPYIR DKON MCHOG GSUM GUS PAS BKUR ZHING, BYE BRAG TU SE CHEN GAN DANG YE DBANG GNYIS KYIS RGYA GAR DANG BOD KYI RAB TU BYUNG BA RNAMS LA GCES SPRAS SU BYAS NAS YO BYAD BTANG BA NI BLOR SHONG BAR DKA' BAS, RGYAL PO DE DAG GI DGE BA'I RTZA BA LA RJES SU YI RANG BAR BYAS NA RANG DANG GZHAN GYI BSOD NAMS BYAS PA DANG @084 MNYAM PA NYID CES BYA BA DE 'BYUNG NGO, BOD DANG RGYA HOR LA SOGS PA'I RGYAL RABS KYI SKABS SO, , , , (GLANG DAR MAS BSTAN PA BSNUBS RJES BOD MI KHYIM PA CHOS GTZUG LAG KHANG DANG BKA' BSTAN SRUNG SKYONG BYAS PA'I SKOR,) GLANG DAR MAS BSTAN PA BSNUBS RJES, 'OD SRUNGS DANG DPAL 'KHOR BTZAN GYIS KYANG DKON MCHOG GSUM LA GUS PAR BYAS TE, GTZUG LAG KHANG RTZIG PA LA SOGS PA BYAS SO, ,BSTAN PA BSNUBS RJES BOD KYI KHYIM PA RNAMS KYIS KYANG DKON MCHOG GSUM LA GUS PAR BYAS NAS, LHA SA DANG BSAM YAS LA SOGS PA'I GTZUG LAG KHANG CHEN PO RNAMS MA ZHIG KHYIM DANG RI SUL NA GNAS PA'I SNGAGS PA RTEN SKYA BOR GYUR PA DE DAG GIS KYANG RANG NYID KYIS SGRUB PA TSUL BZHIN DU NYAMS SU BLANGS SHING, BSTAN PA SPYI LA YANG GUS PAR BYAS PAS, MNGA' BDAG RAL PA YAN CHOD DU 'GYUR BA'I BKA' DANG BSTAN BCOS KYI PUSTI RNAMS LEGS PAR BSRUNGS PAS, SNGON 'GYUR BA PHAL CHE BA DA LTA LONGS SPYAD DU YOD PA 'DI YIN LA, PHYIS KHAMS NAS PHYOGS 'DIR RAB TU BYUNG BA BYON PA MTHONG MA THAG TU DGA' CHES TE, GTZUG LAG KHANG GI PHYOGS SU YO BYAD MANG DU BTANG NAS BRTZIGS, DGE @085 'DUN GYI 'TSO BA LEGS PAR SBYAR BAS DGE 'DUN BGRANG BA LAS 'DAS PA 'PHEL BA YIN LA, KHAMS NAS BOD YUL DBUS SU DGE 'DUN BYON PA'I DUS MTSAMS NI, BU STON RIN PO CHES RGAN MO ZHIG GI NGAG GI RJES SU 'BRANGS NAS LCAGS MO BYA LA BSTAN PA BSNUBS NAS BDUN CU RTZA GSUM PA CHU MO BYA LA BSTAN PA BYUNG BA YIN ZHES GSUNG LA, BSTAN PA'I RABS LA SHIN TU MKHAS PA 'BROM STON PA'I ZHAL NAS, BDUN CU RTZA BRGYAD PA SA PHO STAG LA BYUNG BA YIN GSUNG NGO, ,SA PHO STAG DE NAS LO DRUG CU RTZA LNGA PA CHU PHO RTA LA AA TI SHA BOD DU BYON, DE'I TSE NA DBUS GTZANG MI DRUG TU GRAGS PA LAS SUM PA YE SHES GZHON NU BLO GROS BZHUGS YOD DE, 'BROM STON GYIS DBUS KYI BSHES GNYEN CHEN PO RNAMS LA JO BO BSU BA LA 'BYON PA ZHU ZER BA'I YI GE'I NANG NA, DANG PO'I DGE SLONG LUGS 'BYIN DPON, ,BTZUN CHEN YE SHES BLO GROS DANG, ZHES 'BYUNG BA'I PHYIR RO, DE LA NEL PA PAndI TA GRAGS PA SMON LAM TSUL KHRIMS NA RE, LCAGS MO BYA NAS LO BRGYA DANG BRGYAD KYI BAR DU BSTAN PA MED, BRGYA DANG DGU PA SA MO BYA LA BSTAN PA BYUNG ZER TE, BRTAGS NA KLU MES KYI DNGOS SLOB BA SHA'I GNAS BRTAN GYIS KLU MES KYI CHE BA BRJOD PA'I YI GE NA, BDAG GI DGE BA'I BSHES GNYEN CHEN PO KLU MES SHES RAB TSUL KHRIMS DANG, SUM PA YE SHES BLO GROS GNYIS KYIS DANG PO KHO NAR KLUNG SHOD 'BYIM PA'I LUNG DU GNAS BTZUGS PAS MA TSUGS, DE NAS BYA'I LO LA MO RA SGYEL BTZUGS SHES 'BYUNG BAS, GNAS GZHI BRTZIGS @086 PA LA BSTAN PA BYUNG BA'I THOG MAR 'KHRUL LO SNYAM MO, DE NAS KLU MES DANG SUM PAS GTZUG LAG KHANG BRTZIGS SHING DGE 'DUN GYI SDE 'PHEL BA LA, KA BA BZHI, GDUNG BRGYAD, LCAM SUM CU SO GNYIS, DRAL MA DPAG TU MED PA BYUNG BAR GRAGS, RAG SHI TSUL KHRIMS 'BYUNG GNAS NI KHAMS SU BZHUD DE MCHED, SBA DANG DE GNYIS MKHAN PO MI GCIG SBA BTZUN BLO GROS 'BYUNG GNAS KYIS BU TSAL GSER KHANG BZUNG NAS, DE'I MKHAN BU SPYAN 'OG BLO GROS RGYAL MTSAN LA SOGS PA RNAMS KYIS LCE SA LA SOGS PA'I GTZUG LAG KHANG MANG DU BTZUGS, 'BRING YE SHES YON TAN GYIS LHA LUNG LA BRTEN NAS KHAMS GSUM ZANGS KHANG DANG, 'PHYOS KYI DOG PA DANG, GANG PAR LHA KHANG DANG, DE'I MKHAN BU RNAMS KYIS DBU RU SKAR CHUNG DANG, GNYAL GYI CHOS SGROR, BRE GU RA LA SOGS PA DGE 'DUN GYI SDE MANG DU 'PHEL LO, ,DE YANG DBUS GTZANG MI DRUG PHYAGS PHEBS NAS, GZHAN BSNYEN PAR RDZOGS PA LA DAD PA'I DGE 'DUN YANG NGES PAR DGOS PAS, 'BROM STON PAS GSUNG PA'I SA PHO STAG LA GTZUG LAG KHANG RTZIG PA'I NUS PA MED KYANG, DGE SLONG GI DGE 'DUN RIM PAR BYON, DE NAS NUS PA CAN GYI KLU MES LA SOGS PA BYON PA YIN NAM SNYAM MO, , , , @087 (KHA) *, DEB THER SNGON PO LAS, BSTAN PA PHYI DAR GYI SKABS, @088 [BLANK PAGE] @089 (DUM BU GNYIS PA, BSTAN PA PHYI DAR GYI SKABS, BSTAN PA PHYI DAR GYI LO TSIGS DANG BLA CHEN PO LA SOGS PA'I SKABS, *, ,BSTAN PA PHYI DAR GYI RTZA BA NYID GANG YIN BSHAD PAR BYA STE, DAR MA 'U DUM BTZAN GYIS BSTAN PA BSNUBS PA'I DUS SU DPAL CHU BO RI'I SGOM GRVA NA, G-YOR STOD KYI DMAR BAN SH'AKYA MU NE DANG, DRANG CHUNG MDO'I G-YO DGE 'BYUNG DANG, RGYA RAB PA'I GTZANGS RAB GSAL GSUM GYIS KARMA SHA TAm LA SOGS PA'I 'DUL MNGON GYI DPE CHA DGOS PA RNAMS SPYAN DRANGS NAS, DANG POR STOD PHYOGS LA BROS TE, NYIN PAR YIB CING MTSAN MOR LAM BCAD DE MNGA' RIS SU SLEBS PA NA, DER YANG BZHUGS MA NUS TE BYANG LAM NAS HOR GYI YUL LA BROS TE, HOR GYI DGE BSNYEN SH'AKYA SHES RAB LA BRTEN TE BZHUGS SO, ,DE NAS MDO SMAD SRO GU LUNG DU BYON PA'I SKABS SU, 'BRO STAG SNANG KHRI SUM RJE ZHES PA'I BLON PO DES CHOS DANG LDAN PA'I RGYAL PO'I BKA' BLON MDZAD NAS, DES LO SUM CU RTZA LNGA PA LCAGS PHAG LA SMON LAM BTAB NAS TSE 'PHOS TE, TZONG KHA BDE KHAMS SU CHU PHO BYI BA LA SKU 'KHRUNGS TE, DE LUS NAR SON NAS ZHING DBON DBEN SAR, NON 'JAM DPAL LA BZLAS LUNG BLANGS, KHANG RIN CHEN RDO RJE ZHES BYA BA @090 'PHAGS PA SPYAN RAS GZIGS KYI ZHAL MTHONG BA ZHIG LA BYANG CHUB MCHOG TU SEMS BSKYED, SKYI RGYAL BA'I GTZUG TOR LA DBU TSAD KYI BSTAN BCOS GSAN, NAM DGA' LDAN BYANG CHUB LA YO GA GSAN NAS, YANG THUGS DGONGS LA, 'KHOR BA'I SDUG BSNGAL BSAL NAS THAR PA YI, ,BDUD RTZIS 'GRO BA'I SDUG BSNGAL ZHI BYED PA'I, ,BSTAN PA PHYOGS BCUR RGYAS PAR BYA BA'I PHYIR, , DANG POR BDAG GIS RAB TU BYUNG BAR BYA, DE NAS GTZANGS RAB GSAL GYIS MKHAN PO BYAS, G-YO DANG DMAR GYIS SLOB DPON BYAS NAS, MTSAN YANG DGE BA GSAL DU BTAGS, DE NAS BYANG PHYOGS SU PHYIN TE CANG AIN RTZE MKHAR MI NYAG GHA'I YUL DU BYON TE, GO RONG SENG GE GRAGS LA 'DUL BA GSAN PAS 'DUL BA LUNG SDE BZHI BSTAN BCOS DANG BCAS PA BLA CHEN PO LA BYIN NAS, BU KHYOD KYIS DE BZHIN GSHEGS PA'I BSTAN PA TSUL BZHIN DU GSAL BAR GYIS SHIG KHO BO NI RGAS PAS YUN RING DU MI 'TSO 'O GSUNG SKAD, DE NAS DBUS SU ZHANG CHEN PO DGE BA BZHUGS PA'I SPYAN SNGAR CHOS NYAN DU 'BYON PAR BZHED NAS, MDO KHAMS GLONG THANG 'JIG RTEN SGRON DU BYON TZA NA, MANG RA G-YU MTSO ZHES BYA BA DBUS NAS RGYAL POS PHO NYA MNGAGS NAS BYUNG BA NA RE, DBUS SU MU GE CHEN PO BYUNG BAS BTZUN PA KHYOD KYIS GSHUL YANG MI PHYED, KVA 'OD MCHOG GRAGS PA ZHES BYA BA DE LHO BAL DU CHOS MANG PO GSAN NAS KHAMS SU BYON NO ZHES ZER RO, ,DE GSAN NAS SLAR LOG STE, SHAR PHYOGS SU LHA RTZE BHIG TIG CES BYA BA, SNGON GYI LHA RTEN@091 MANG DU BZHUGS PA'I DGE 'DUN GYI GNAS SHIG TU KVA 'OD MCHOG GRAGS PA DANG MJAL NAS, SHES RAB KYI PHA ROL TU PHYIN PA'I 'BUM tIG LA SOGS PA DANG, BYANG CHUB SEMS DPA'I SA LA SOGS PA MNGON PA'I THEG PA CHEN PO LO BCU GNYIS SU GSAN NAS, MTSAN MO'I RMANG LAM NA GLANG PO CHE GCIG LA BCIBS NAS NOR BU RIN PO CHE PHYAG TU BSNAMS NAS, TSONG 'DUS KUN TU RGYU ZHING BYON PA LA, MI RNAMS KUN NA RE, BTZUN PA KHYOD KYI NOR BU BZANG STE, DE LTAR RE ZHIG NYO BA YANG MED, RIN YANG MI THEG ZER RO, DE NAS MNAL SAD NAS BSAMS PAS, BSTAN PA RIN CHEN SGROM PHYE STE, ,YON TAN MCHOG GI NOR BYIN YANG, ,DMAN RNAMS DON DU MI GNYER BAS, ,RE ZHIG NAGS SU GNAS PAR BYA, SNYAM DU DGONGS PA'I SKABS SU, RI DAN TIG DANG NYE BA NA THI'U RANG SPUN DGU ZHES BYA BA MI MA YIN PA STOBS DANG LDAN PA DE RNAMS BLA CHEN PO MTHONG BA DANG DAD PA SKYES TE, BDAG CAG GI SA PHYOGS GANG DANG GANG NA DGON PA CHEN PO DNGOS GRUB BRNYES PA MANG DU BYUNG, RTZA BA DANG 'BRAS BU LA SOGS PA RNYED SLA BA DER 'BYON PA CI GNANG, BDAG CAG GIS KYANG KHYED KYI GROGS DANG DGE BSNYEN DU YANG BGYI'O ZHES ZHUS PAS, GNANG NAS DAN TIG DU BYON NO, ,DE NAS GNAS DER DKON MCHOG LA MCHOD PA RGYA CHEN PO DANG, CHOS SKYONG LA GTOR MA RGYA CHEN PO LA SOGS PA MANG DU MDZAD NAS, CHOS SKYONG LA GSOL BA BTAB PA, BSTAN PA SRUNG BA SKYOB PA'I SPYAN SNGA RU, ,THUGS DAM BZHES PA RGYAL SRAS DPA' RNAMS DANG, , @092 'JIG RTEN SKYONG BA RDZU 'PHRUL STOBS LDAN PA, ,SKYOB LA GUS RNAMS BDAG LA STONG GROGS MDZOD, ,CES GSOL BA BTAB BO, ,DE NAS BDAG NYID CHEN PO DES CIG CHAR 'JUG PA'I RNAL 'BYOR PA ZHES BYA BA DGE BA'I PHYOGS CI YANG MI BYED PA'I LOG RTOG CAN MANG BAS, DE DAG DGAG PA'I CHED DU LHA KHANG DANG MCHOD RTEN DPAG TU MED PA BZHENGS, TSON RTZI YANG YUL DER BYUNG, BZO YANG RANG NYID KYIS MDZAD NAS 'DUS BYAS KYI DGE BA'I RTZA BA LA BRTZON PAR MDZAD DO, DE LTAR DAM PA'I SPYOD PA DE LTA BUS DAD PA SKYES NAS, SPA GOR YE SHES G-YUNG DRUNG ZHES BYA BA DE 'KHOR MANG PO DANG BCAS DAN TIG TU BYON PA DANG, BLA CHEN POS DAM PA'I CHOS 'DUL BA NAS GSUNGS PA'I BSLAB PA'I GZHI RNAMS BRJOD PAS, RANG NYID KYI SPYOD LAM DE LTA BUS GNONG ZHING 'GYOD NAS TSUL BZHIN DU RAB TU BYUNG STE, DE'I RJES SU BAR GNAS BRTAN GRAGS PA ZHES BYA BA RAB TU BYUNG STE, SPA BAR GNYIS SO, DE BZHIN DU JA BA GRAGS PA DANG BTZUN CHEN SHES RAB 'BYUNG GNAS GNYIS TE, JA COG GNYIS SO, DE BZHIN DU BZHAD DPAL GYI RDO RJE ZHES BYA BA DANG, SRAGS RGYA MTSO ZHES BYA BA GNYIS TE, BZHAD SRAGS GNYIS SO, 'AL PA RDO RJE DBANG PHYUG DANG BSNUBS LAB SHI DPAL GYI DBANG PHYUG GNYIS TE, 'AL BSNUBS GNYIS SO, ZONG MCHOG CHOS SKYONG DANG 'TSUR SHES RAB MCHOG GNYIS TE, ZONG 'TSUR GNYIS SO, 'TSUR GYI MKHAN BU KLU MES SHES RAB TSUL KHRIMS LA SOGS PA DBUS GTZANG PA RNAMS YIN NO, ,DE LTAR SGRA MED @093 ZHI BA'I NAGS TSAL DER, ,SDOM BRTZON LDAN PA BRTZE LDAN SLOB MA'I TSOGS, , DE LA 'GROGS NA BDE BA DE DAG DANG, LHAN CIG DGE BA'I PHYOGS LA BRTZON PAR GNAS, DUS GZHAN ZHIG NA BRGYA BYIN LA SOGS PA 'DOD PA KHAMS KYI LHA'I GTZO BO DANG 'KHOR DU MA BCAS PA MANG PO MTSAN MOR LHAGS TE, MCHOD PA BYAS NAS CHOS NYAN PA'I PHYIR 'KHOD PA DANG, BLA CHEN POS KYANG CHOS DANG LDAN PA'I GTAM GYIS DE DAG YID TSIM PAR MDZAD DO, ,YANG DE DAG NA RE, BTZUN PA KHYOD NI BZANG NA MI MA YIN PA'I 'KHOR 'DI DAG NI NGAN NO ZER NAS SONG NGO, ,'KHOR RNAMS KYIS ZHUS PA, MDANG SNANG BA 'DI LTA BU SNANG BAS, BLA CHEN PO DE NI NGES PAR SPRUL PA LAGS SAM ZHUS PAS, LAN DU, SPRUL PA MA YIN GYI, BDAG NI THEG PA CHEN PO LA ZHUGS PA'I SBYOR BA'I LAM PA SNANG BA THOB PA LA ZHUGS PA'I BAN DE DGE BA GSAL YIN ZHES GSUNGS, YANG SKABS GZHAN DU, DANG PO BUD MED SGOG 'TSONG MA, ,BAR DU STAG SNA KHRI SUM RJE, ,THA MA MU ZU DGE BA GSAL, ,ZHES KYANG GSUNGS SO, DE LTAR BLA CHEN POS LO BZHI BCU RTZA DGU LA DAN TIG TU BYON, LO SUM CU RTZA LNGA DAN TIG TU BZHUGS, BRGYAD CU RTZA BZHI PA SHING MO PHAG GI LO LA DGA' LDAN DU GSHEGS, SHING PHAG 'DI BSTAN PA BSNUBS PA'I LCAGS BYA NAS BDUN CU RTZA LNGA PA YIN, DE LTAR BLA CHEN PO'I ZHAL NAS, 'PHAGS PA THOGS MED DANG BTZUN PA MCHE BA'I SDE GNYIS KYIS RGYAL BA'I YUM GYI DGONGS PA MI 'DRA BA BKRAL BA DE, KHO BOS @094 RGYAL TSAB BYAMS MGON LA 'DRI DGOS TE, SLOB DPON DE GNYIS KYANG DA LTA DGA' LDAN NA BZHUGS ZHES GSUNG, YANG 'JIG RTEN GYI KHAMS 'DIR DA LTA 'PHAGS PA 'JAM DPAL BYON YANG BSKRAD DE GTONG BAS, KHO BO NI MGON PO BYAMS PA 'JIG RTEN GYI KHAMS 'DIR MA BYON BAR DU DZAMBU'I GLING 'DI THAMS CAD DU SKYE BA BRGYAD TZAM DU LEN DGOS GSUNG NGO, ,BSHAD PA 'DI RNAMS DBON BI CIS BRIS PA LTAR BKOD PA YIN TE, GZHAN DU DBUS GTZANG GI MI DRUG GIS BLA CHEN PO NYID LA THUG PA DANG, GRUM YE SHES RGYAL MTSAN LA BSLAB BYA BLANGS PA LA SOGS PA'I GTAM CI RIGS SU YOD DO, GZHAN YANG CHOS RGYAL SRONG BTZAN SGAM PO SA MO GLANG LA 'KHRUNGS NAS YI GE 'DI BGYIS PA'I ME PHO SPRE'U YAN CHAD DU LO BRGYAD BRGYA DANG BZHI BCU RTZA BRGYAD 'DAS SO, ,BSTAN PA PHYI DAR GYI LO TSIGS DANG BLA CHEN PO LA SOGS PA'I SKABS SO,, ,, LO CHEN GYI SKABS, SRONG BTZAN 'KHRUNGS NAS LO SUM BRGYA DANG NYI SHU RTZA DGU 'DAS PA SA PHO RTA'I LO LA LO TZ'A BA RIN CHEN BZANG PO 'KHRUNGS, KHONG GIS BCU GSUM BZHES PA'I TSE MKHAN PO YE SHES BZANG PO LA RAB TU BYUNG ZHES BYA BA, KHRI THANG DZNY'A NAS BKOD PA'I RNAM PAR THAR PA NA 'DUG DE LTA NA NI LO TZ'A? BA @095 RAB TU BYUNG BA'I LO DE, BSTAN PA BSNUBS PA'I LCAGS BYA NAS LO BDUN CU PA YIN TE, BSTAN PA BYUNG BA YANG DBUS GTZANG LAS MNGA' RIS SNGA BAR MNGON NO, LO TZ'A BAS BRGYAD CU RTZA LNGA BZHES PA LA JO BO RJE BOD DU BYON, LO TZ'A BAS MJAL, SPYIR LO CHEN 'DI SKU GZHON PA NAS KHA CHER BYON, SNGAGS MTSAN NYID KYI GZHUNG LUGS MANG PO LA SBYANGS, MKHYEN PA SHIN TU CHE BAS MDO SNGAGS KYI CHOS MANG PO BSGYUR, PHA ROL TU PHYIN PA DANG RGYUD KYI PHYOGS GNYIS KA'I BSHAD PA RGYA CHER MDZAD, DBANG DANG SGRUB PA'I LAG LEN MANG DU BSTAN ZHING, BSTAN PA SNGA DAR LAS PHYI DAR SNGAGS KYI BSTAN PA BOD DU DAR BA YANG PHAL CHER LO TZ'A BA 'DI KHO NA'I BKA' DRIN YIN, PAntI TA BDUN CU RTZA LNGA BSTEN NAS DAM PA'I CHOS MANG DU GSAN, BLA CHEN PO LHA LDE BTZAN GYIS DBU'I MCHOD GNAS DANG RDO RJE SLOB DPON DU BKUR, SPUR HRANGS KYI ZHER GYI GNAS GZHI PHUL, GTZUG LAG KHANG YANG BZHENGS, KHRA TZA'I GTZUG LAG KHANG DANG, RONG GI GTZUG LAG KHANG LA SOGS PA GNAS GZHI DANG GTZUG LAG KHANG DANG MCHOD RTEN MANG DU BZHENGS, GUR SHING BRTZON 'GRUS RGYAL MTSAN LA SOGS PA'I SLOB MA MKHAS GRUB MANG PO DANG, ZHUS CHEN PHER BA'I LO TZ'A BA YANG BCU LHAG TZAM THON, 'PHRAL GYI MDZAD PA YANG SKU GZUGS BZHENGS PA DANG 'GYUR MDZAD PA LA SOGS RE RE'I RJES KYANG GZHAN GYIS MI SNYOGS PA DANG, MTSAN YANG DAG PAR BRJOD PA YANG SAm SKRi TA'I SKAD DU 'BUM PHRAG GCIG BOD KYI SKAD DU 'BUM PHRAG @096 GCIG GZHAN LA YON BYIN TE 'BUM PHRAG GCIG RNAMS BTON, MTHAR JO BO RJES SGRUB PA LA BTZUD DE, SGRUB KHANG GI PHYI ROL NA SGO SUM RIM YOD PA LA, TSE 'DI'I RNAM PAR RTOG PA DANG, RANG DON YID BYED KYI RNAM PAR RTOG PA DANG, THA MAL GYI RNAM PAR RTOG PA RNAMS SKAD CIG MA RE SKYES NA, BSTAN SRUNG RNAMS KYIS KHO BO'I MGO BO KHOS CIG CES BYA BA'I SGO YIG SBYAR NAS, RTZE GCIG TU BSGRUBS PAS MCHOG GI GRUB PA BRNYES TE, DGUNG LO DGU BCU RTZA BRGYAD PA SHING MO LUG LA KHRA TZE WING GIR DU MYA NGAN LAS 'DA' BA'I TSUL BSTAN PA'I TSE, NAM MKHA' GANG BA'I LHA RNAMS KYIS ROL MO RGYA CHEN PO SGROGS PA DANG, ME TOG GI CHAR 'BEBS PA LA SOGS PA GRONG PA'I BYIS PA LA SOGS PA SKYE BO THAMS CAD KYI MNGON SUM DU GYUR, GDUNG GTAN MA BYUNG BAS MKHA' SPYOD DU GSHEGS ZHES GRAGS, RING BSREL 'OL MA SE'I MDOG LTA BU SHIN TU DMAR BA GSUM BYUNG BA YANG, JI ZHIG LTAR 'BRUG LTA BU'I SGRA CHEN PO DANG BCAS NAM MKHAR SONG NGO, ,LO CHEN GYI SKABS SO,, ,, DUS MTSUNGS BSGRIGS PA'I SKABS, GZHAN YANG LHA BLA MA YE SHES 'OD KYIS, RGYA GAR SHAR PHYOGS KYI PAntI TA DHARMA P'A LA SPYAN DRANGS, 'DUL BA'I BSHAD PA DANG LAG LEN MDZAD PA'I @097 SLOB MA'I GTZO BO S'A DHU P'A LA, GU nA P'A LA, PRA DZNY'A P'A LA STE P'A LA GSUM LA SOGS PA'I SLOB MA MANG DU BYUNG STE, DE RNAMS LAS BRGYUD PA STOD 'DUL BA ZHES ZER RO, ,GZHAN YANG LHA LDE'I RING LA SU BH'U TI SHR'I SH'ANTI STE, KHA CHE PAn CHEN DU GRAGS PA DE SPYAN DRANGS NAS, SHES RAB KYI PHA ROL TU PHYIN PA BRGYAD STONG PA DANG, DE'I 'GREL CHEN DANG, MNGON PAR RTOGS PA'I RGYAN 'GREL DANG BCAS PA LA SOGS PA PHA ROL TU PHYIN PA'I MDO DANG BSTAN BCOS MANG DU BSGYUR, LO CHEN GYI SLOB MA LO TZ'A BA MCHOG TU MKHAS PA MANG DU BYUNG BA RNAMS KYIS 'DUL BA'I SDE SNOD MANG PO DANG, PHA ROL TU PHYIN PA DANG, SNGAGS KYI CHOS KYANG MANG DU BSGYUR, KHYAD PAR RMA DGE BA'I BLO GROS KYIS TSAD MA RNAM 'GREL DANG, DE'I RANG 'GREL DANG, LHA DBANG BLO'I 'GREL PA DANG, SH'AKYA BLO'I 'GREL BSHAD LA SOGS PA MANG DU BSGYUR ZHING, 'CHAD NYAN GYIS GTAN LA PHAB, DE LAS MCHED NAS DBUS GTZANG GI PHYOGS 'DIR YANG TSAD MA'I 'CHAD NYAN BYUNG ZHING, DE'I TSE KHYUNG PO GRAGS SE ZHES BYA BA MKHAS PAR GRAGS PA DES TSAD MA'I BSHAD PA MANG DU MDZAD, DE DAG LA TSAD MA RNYING MA ZHES ZER, PHYIS LO TZ'A BA BLO LDAN SHES RAB NAS TSAD MA GSAR MAR GRAGS PA RNAMS BYUNG, MKHAS PA CHEN PO DZNY'A NA SHR'I YANG SPYAN MA DRANGS PAR BOD DU BYON, DE LA SOGS PA'I PAntI TA MANG DU BYON NAS RNAM PAR DAG PA'I 'GYUR MANG PO MDZAD PA DANG, 'OD SDE'I RING LA JO BO RJE SPYAN DRANGS NAS BSTAN PA LA ZHUS DAG MDZAD PA DANG, @098 DE'I SRAS RTZA LDE'I RING LA, ME PHO 'BRUG GI CHOS 'KHOR ZHES BYA BA DBUS GTZANG KHAMS GSUM GYI SDE SNOD 'DZIN PA CHEN PO PHAL CHE BA YANG 'DUS, CHOS KYI 'KHOR LO LEGS PAR SO SOR BSKOR, ZANGS DKAR LO TZ'A BAS TSAD MA RGYAN YANG DE'I DUS SU BSGYUR BA MDZAD DE, SPYIR NA MNGA' RIS STOD KYI RGYAL PO DE RNAMS KYIS BSTAN PA'I ZHABS TOG BGYIS PA DE LTA BU NI YUL GZHAN GANG NA YANG MA MCHIS, CHOS 'KHOR DE LA RVA LO TZ'A BA DANG, GNYAN LO TZ'A DANG, KHYUNG PO CHOS BRTZON DANG, BTZAN KHA BO CHE DANG, RNGOG BLO LDAN SHES RAB DANG, MAR THUNG DAD PA SHES RAB STE LO TZ'A BA RNAMS KYI 'GRUL TSAN LA DVAGS PO DBANG RGYAL YANG YOD DE CHOS 'KHOR DE LA SNYEGS, BTZAN KHA PO CHES SADZNY'A NA LA BYAMS CHOS LEGS PAR BSLABS TE BYON PAS SHIN TU PHAN CHE, RVA DANG GNYAN GYIS CHOS 'KHOR THON NAS BAL PO DANG RGYA GAR DU BYON NAS, SLAR BOD DU BYON TE PHRIN LAS LEGS PAR BSKYANGS, DVAGS PO DBANG RGYAL DANG KHYUNG PO GRAGS SE GNYIS KYIS PO TA RI DANG DMAR PO RI LA 'GRAN BSHAD MDZAD, GRVA PA RNAMS PHAN TSUN GNYIS KA'I CHOS GRVAR 'GRO BA ZHIG BYUNG ZHES GRAGS PA'I KHYUNG PO DES TSAD MA RNYING PA MKHYEN, SLOB MA'ANG MANG DU BYUNG BA'I YI GE 'DUG NA'ANG, TSAD MA RNYING MA DE KHAMS NAS BYUNG BA ZHIG GAM, MNGA' RIS NAS RMA LO TZ'A BAS RANG 'GREL DANG LHA DBANG BLOS BSGYUR BA LA BRTEN PA GANG YIN PA NI MA 'TSAL LO, KHYUNG PO DE PO TO BA DANG YANG DUS MTSUNGS PAR SNANG NGO, ,DE LA SPYIR SRONG BTZAN @099 SGAM PO 'KHRUNGS NAS LO NYIS BRGYA DANG LNGA BCU RTZA GNYIS 'DAS PA LCAGS MO GLANG GI LO LA RGYAL PO RAL PA CAN GYIS RGYA DANG DUMS MDZAD, DE'I PHYI LO CHU PHO STAG LA LHA SA'I RDO RING BTZUGS, CHU STAG DE NAS LO BCO LNGA PA ME PHO 'BRUG LA RAL PA CAN GSHEGS, LO DE NYID NAS LCAGS MO BYA'I BAR DAR MAS RGYAL PO BYAS, RAB TU BYUNG BA'I BSTAN PA BSNUBS, BSTAN PA BSNUBS PA'I LCAGS BYA NAS LO BDUN CU RTZA BDUN PA 'DI ME MO GLANG YIN, DE RJES KYI SA PHO STAG NAS JO BO RJE BOD DU CHU PHO RTA LA BYON PA'I SNGA LO'I LCAGS SBRUL YAN LA LO DRUG CU RTZA BZHI YOD, LO DE DAG GI KHONGS SU DBUS GTZANG MI DRUG GIS RAB TU BYUNG BA'I BSTAN PA SHIN TU DAR BAR MDZAD, JO BO BOD DU PHEBS DUS MI DRUG PO'I SLOB MA KHU RNGOG LA SOGS PA MANG DU BZHUGS SO, DE LTAR NA SRONG BTZAN SGAM PO 'KHRUNGS NAS LO BZHI BRGYA DANG BCU GSUM 'DAS, BSTAN PA BSNUBS PA'I LCAGS BYA NAS LO BRGYA DANG BZHI BCU RTZA GCIG 'DAS RJES KYI CHU PHO RTA LA JO BO RJE BOD DU PHEBS, DE'I TSE RJE MAR PAS LO SO GCIG LON, 'KHON DKON MCHOG RGYAL POS LO DGU LON, DE'I TSE GZUS DANG GRVA PA MNGON SHES GNYIS KYANG MKHAN PO'I BYA BA BYED, RGYA 'DUL BA 'DZIN PA 'DUL BA'I SLOB GNYER LA ZHUGS, GRA BA'I MKHAN BU BTZAN KHA BO CHES LO NYI SHU RTZA GSUM LON, GZUS KYI BU CHEN RNAMS KYANG DE DUS YOD, LO TZ'A BA LENG 'BROG 'GOS GSUM, STAG LO GZHON TSUL, 'BRO SENG DKAR SH'AKYA 'OD, KHU DNGOS GRUB, GYI JO ZLA @100 BA'I 'OD ZER RNAMS KYANG YOD, JO BO BOD DU BYON PA'I NYER GSUM PA LA 'BROM GSHEGS, DE DANG NYE BAR BLA CHEN 'BROG MI YANG GSHEGS, 'BROG MI GSHEGS RJES SU RGYA GAR PHYAG NA BOD DU BYON, GTZANG STOD DU STON CHEN NYI SHU RTZA GCIG LA SOGS PA LA GRUB SNYING GI CHOS RNAMS RGYA CHER GSUNGS, JO BO RJE GSHEGS 'PHRAL TZAM LA DAM PA SANGS RGYAS BOD DU BYON, GRA PA DANG LCE DRAL SGANG BA RNAMS LA ZHI BYED BRGYUD PA SNGA MA'I CHOS RNAMS GSUNGS, KHA CHE ZLA MGON YANG BOD DU PHEBS NAS, DE GNYIS KYI BLA MA MDZAD DE DUS KYI 'KHOR LO GSUNGS, DAM PA RGYA GAR DU BYON NAS, SLAR YANG SHA 'UG STAG SGO LA 'THON TE GNYAL GYI SNANG GROR LO GSUM BZHUGS, DE RJES RMA SO SKAM GSUM LA SOGS PA LA BRGYUD PA BAR MA'I CHOS RNAMS GSUNGS, JO BO RJE GSHEGS NAS LO NYI SHU RTZA DRUG LON PA'I DUS SU SNANG, DE NAS RGYA NAG TU BYON NAS LO BCU GNYIS BZHUGS, DE RJES DING RIR PHEBS NAS LO NYI SHU RTZA GCIG TU 'GRO DON MDZAD, JO BO GSHEGS NAS LO BZHI BCU PA LA LO TZ'A BA BLO LDAN SHES RAB KYIS DPE 'GREMS KHRI TSO GNYIS DANG SUM STONG LHAG PA LA SDE SNOD RGYA CHER GSUNGS, DE'I TSE BKA' GDAMS PA'I SKU MCHED GSUM DANG SNE'U ZUR PA LA SOGS PA DANG, SHAR BA PA DANG, GLANG THANG BA DANG, BYA YUL BA LA SOGS PAS BKA' GDAMS KYI BSTAN PA RGYAS PAR MDZAD, BLO LDAN BSTAN PA SKYONG BA'I RING LA RJE BTZUN MI LA DAM PA SANGS RGYAS KYIS SGRUB BRGYUD KYI BSTAN PA RGYAS PAR MDZAD, PRNGOG YAB SRAS, @101 'TSUR DBANG NGE, MES TSON PO, DPYAL SE TSA, 'KHON DKON MCHOG RGYAL PO YAB SRAS, BA RI LO TZ'A BA, RGYUS SMON LAM GRAGS, BRANGS KAR LO TZ'A BA SKU MCHED, RVA LO, GNYAN LO, 'GOS DPON SLOB, MAR PA DO PA LA SOGS PAS RGYUD KYI BSHAD PA RGYA CHER MDZAD, BA RI 'DI RJE BTZUN MI LA DANG 'KHRUNGS LO GCIG BCO LNGA PA LA JO BO RJE DANG MJAL, ZUR CHUNG PA'I SRAS SGRO PHUG PA SH'AKYA SENG GE DPON SLOB KYIS RNYING MA'I RGYUD KYI BSHAD PA RGYA CHER MDZAD PA LA SOGS TE, DE DUS KHO NAR SANGS RGYAS KYI BSTAN PA RIN PO CHE DAR BA YIN NO, JO BO GSHEGS NAS LO NYI SHU RTZA DRUG PA SA MO LUG LA DPAL SGAM PO BA 'KHRUNGS, DANG POR BKA' GDAMS KYI GDAMS PA RNAMS GSAN, PHYIS RJE BTZUN MI LA'I ZHABS LA GTUGS TE GDAMS PA SKU NYAMS SU BZHES PAS, ZAG PA MED PA'I YE SHES CHEN PO BRNYES NAS 'GRO BA'I DON RLABS PO CHE MDZAD PAS, SGRUB BRGYUD KYI BSTAN PA'I BDAG POR GYUR TE, DE'I SLOB MA YANG SLOB LA SOGS PA'I GRANGS DANG YON TAN GYI CHE BA GNYIS KA BSAM GYIS MI KHYAB PA'O ZHES SHES PAR BYA'O, 'DI TZAM GYIS KYANG DGE BA'I BSHES GNYEN 'DI DANG 'DI DUS 'DI DANG 'DI LA'O ZHES BYA BA'I NGES PA RTOGS PAR 'GYUR RO, DUS MTSUNGS BSGRIGS PA'I SKABS SO, , , , @102 GLU MES DPON SLOB KYIS GTZUG LAG KHANG BTAB PA'I SKABS JO BO RJE LHA GCIG BOD DU BYON PA'I SNGA ROL LO DRUG CU RTZA BZHI PO DE'I KHONGS SU KLU MES DPON SLOB KYIS GTZUG LAG KHANG MANG DU MDZAD DE, SA MO BYA'I LO LA MOR 'GYEL GYI GTZUG LAG KHANG BRTZIGS, DE'I PHYI LO DGE BSHES GLAN YE SHES 'BAR DANG, RNGOG BYANG CHUB 'BYUNG GNAS LA SOGS RAB TU BYUNG, DE'I PHYI LO LA YER PA BA RENG GZUNG, YI GE GZHAN NA YER PA'I LHA KHANG LCAGS SPRE LA RMANG BTING ZER BA 'DUG GRU MER YE SHES 'BYUNG GNAS LA SOGS PA BCO BRGYAD RAB TU BYUNG, GLAN RNGOG SNA NAM DANG GSUM GRU MER DANG BZHI LA KA BA BZHIR GRAGS DGE BSHES KLU SUM GNYIS LA GDUNG GNYIS SU GRAGS SO, KHU DANG RING GNYIS LA LHO'I SGO GLEGS DANG, BYANG GI SGO GLEGS ZER, PHYAM LA KLU SUM GNYIS KYI MKHAN BU DGE BSHES GLAN YE SHES 'BAR GYI TSA BO GLAN YE SHES BYANG CHUB, 'TSAL CHUNG GI GNYOS TSUL KHRIMS RGYAL MTSAN, 'PHANGS DBANG PHYUG RGYAL MTSAN, 'BROM PA'I PHU CHUNG GI GZI RLUNG GNYIS, BA LAM SHA TSA BZHENGS PA'I KLU MES CHEN PO'I GCUNG PO, MON MGAR 'GAN BZHENGS MKHAN GYI DGE DOM DANG, GZHON NU GRAGS LA SOGS KLU SUM GNYIS KYI MKHAN BU CHE CHE RNAMS LA ZER, G-YU @103 RU STOD KYI SGRE MKHAR BZHENGS MKHAN GYI BHE STON RDO RJE SHES RAB MKHAN BU MIN YANG MI CHE BAS GRANGS SU BGRANG, GRAL BU NI MKHAN BU DE BAS CHUNG BA RNAMS LA ZER, SUM PAS G-YU SGRO DANG KHANG DMAR BZHENGS, GLAN GYIS RGYAS RA SGANG BZHENGS, SNA NAM GYIS YAB KYI RA TSAG BZHENGS, DE NAS RGYAL LUG LHAS KYI LHA KHANG BZHENGS, RNGOG GIS YER PA NAS BYON NAS GZAD KYI LHING PA BZHENGS, DE NAS TSA MIG DANG GZHU'I KUN DGA' RA BA LA SOGS PA BZHENGS, LHO NUB KYI LHA MDO LA SOGS PA'I 'BRE TSO YANG RNGOG GI SKOR LAGS, DGE BSHES GRU MER LA SOGS PA'I BAN DE MI PHYED DANG BRGYAD KYIS KLU MES DNGOS LA ZHUS NAS SOL NAG THANG PO CHE BZHENGS, DGE BSHES KLU MES SKU MCHED GNYIS KYIS MI CHOS KYI KHOL DU BA LAM SHA TSA BZHENGS, KLU MES DGE BSHES CHEN POS KVA CHU GZUNG, DE NAS GRVA PHYI'I TSONG 'DUS GNAS BZHENGS, DE NAS THANG DU BYON, DE NAS TSE SPONG SAR SE RA PHUG PAR BZHUGS, DE NAS THANG DU BYON PA'I LAM DU GRONGS NAS, KLU MES DGE BSHES CHEN PO DANG GRU MER GNYIS KA'I SPUR MA BZHU BAR MCHOD RTEN 'OD CAN NA BZHUGS, DE NAS KLU MES KYI MKHAN BU DGE BSHES YAm SHUD RGYAL BA 'OD KYIS THANG NAS BYON NAS YON BDAG TU G-YU RTZE SGO GSUM, MCHOD GNAS SU G-YU RTZE LHA KHANG BZHENGS, DE'I SKABS SU GNYAL PA DGE BSHES 'GAR SRAGS GNYIS KYIS YAm SHUD LA SDOM PA MNOS NAS, YUR 'OG DANG RTZI 'OR GNYIS GZUNG NAS GNYAL GYI THANG PA RNAMS DE NAS GYES, DGE BSHES YAM SHUD KYIS @104 PHUG PO CHE GZUNG, DE NAS GANG PA THOG DANG LCANG TSIGS LA SOGS PA'I GNAS GZHI YANG MANG DU GZUNG BA LAGS SO, DGE BSHES GRVA PA MNGON SHES LA SOGS PA'I MKHAN BU YANG MANG DU BSKYANGS, THANG NAS BYE MA LHA KHANG GZUNG BA'I SKABS SU DGE BSHES GRVA PAS DBUR GONG MA GZUNG, DE'I DUS SU DGE BSHES GRVA BAS ROG PA RTZA'I GCES PHRUG MI BZHI RAB TU PHYUNG NAS, BYE MA LHA KHANG GI THANG KA CHU TSUR NGOS SUM BKOD LHA KHANG BZHENGS NAS, SNGAGS MTSAN NYID GNYIS SU 'CHAD PA'I SKABS SU DGE BSHES GRVA BA'I MKHAN BU GA SRANG NAG POS DGE BSHES KHU CHEN PO ZUR PHUD KYI KLU LA GTAD NAS RTZOD PA'I DUS SU, RTZOD PA BSDUMS NAS ZHAL CHE LA, MA BKOD LHA KHANG MDA' RGYANG GANG DU BSNUR BYA BA BYUNG NAS DA LTA'I BYE LUNG LAGS, YUS SU BU BZHI'I PHA LA RTA RE BSKYON BYA BA BYUNG, GA SRANG NAG PO YUL DU THONG BYA BA BYUNG NAS, SNGAGS MTSAN NYID GNYIS SU CHAD PA'I RTZOD PA DU? MAS PAR BYAS PA LAGS SO, DE NAS PHUG PO CHE DANG GRVA THANG GI SKOR LA SNGAGS SDE ZER BA LAGS, THANG PO MA LAG GI SKOR LA MTSAN NYID KYI SDE PA ZER BA LAGS, THANG PO CHE RTZIG PA LA BAN DE MI PHYED DANG BRGYAD YOD PA LAS, KHU'I BAN DE MI GSUM YOD PA LA, KHU DRON TSA'I SHUD BU GZHON NU GRAGS PA THANG NAS BYON NAS, KHU TSES GNYIS KYI SO MTSAMS SU 'JUM BZHENGS, DE NAS YUGS KYI SHUD PUS SPYAN DRANGS NAS LHO BRAG BA SHI BZHENGS, DE NAS YAR STOD DU BYON NAS KHU TSAN GSUM GYI MCHOD GNAS SU BAR YUL BZHENGS, DE LTAR BYANG CHUB SEMS @105 DPA' SMON LAM GYI STOBS CAN DGE BSHES KLU SUM MKHAN BU DANG BCAS PA RNAMS KYIS DBU RU RU MTSAMS MAN CHAD DU, SANGS RGYAS KYI BSTAN PA'I RTZA BAR GYUR PA GZHAN LAS KHYAD PAR DU 'PHAGS PA'I GNAS CHEN PO BZHI LA, RGYAL BA BYAMS PA'I SPRUL PA ZHANG SNA NAM RDO RJE DBANG PHYUG GIS BZHENGS PA'I RGYAL LUG LHAS KYI LHA KHANG DKOR NOR GYIS KHYAD PAR 'PHAGS, RNGOG GIS BZHENGS PA'I GZHU'I KUN DGA' RA BA BZA' MIS KHYAD PAR DU 'PHAGS, DGE BSHES GRU MER LA SOGS PA BAN DE PHYED DANG BRGYAD KYIS BZHENGS PA'I GTZUG LAG KHANG, DGE BSHES KYIS KHYAD PAR DU 'PHAGS PA THANG PO CHE, YONGS KYI DGE BA'I BSHES GNYEN GRVA PA MNGON SHES KYIS SNA SHUD GNYIS KYI SO MTSAMS SU BZHENGS PA'I GTZUG LAG KHANG, LHA KHANG GIS KHYAD PAR DU 'PHAGS PA GRVA THANG YIN NO, KLU MES DPON SLOB KYIS GTZUG LAG KHANG BTAB PA'I SKABS SO, , , , 'DUL BA 'DZIN PA'I LO RGYUS KYI SKABS, DE LTAR KLU MES DANG SUM PA LAS 'DUL BA'I BSHAD PA JI LTAR BYUNG ZHING GANG LA BRGYUD PA'I TSUL NI, KLU MES LA SOGS PA'I DBUS GTZANG GI MI BCUS KHAMS SU BYON TE BSNYEN PAR RDZOGS, 'DUL BA LEGS PAR BSLABS NAS SLAR DBUS GTZANG DU BYON, LO TSOD GNYIS KYIS GTZANG DU DGE 'DUN @106 GYI SDE MANG DU SPEL BAS LO TSOD STOD SMAD GNYIS SU MCHED, RAG SHIS KHAMS SU GDUL BYA BSKYANGS, SBAS BU TSAL, 'BRING GIS KHAMS GSUM GZUNG, KLU MES KYIS KVA CHU LA SOGS PA GZUNG NAS 'DUL BA BSHAD PA LA, RNGOG BYANG CHUB 'BYUNG GNAS, GRU MER TSUL KHRIMS 'BYUNG GNAS, GLAN YE SHES SHES RAB, SNA NAM RDO RJE DBANG PHYUG STE SLOB MA CHE BA BZHI BYUNG, GRU MER GYI MKHAN BU GRVA PHYI PHU'I RLUNGS LEGS PA'I SHES RAB DANG, GRVA PHYI BA'I SKYOGS SHES RAB 'BYUNG GNAS DANG, GZUS RDO RJE RGYAL MTSAN GSUM LAS, RLUNGS SKYOGS GNYIS KYIS LO TZ'A SLOB TU PHYIN TE, BRAM ZE 'DUL 'DZIN DANG BRAM ZE SH'AKYA SE NA GNYIS LA PHRAN DANG BCAS PA GSAN ZHING LAG LEN KYANG BSLABS, GZUS KYIS KLU MES LA GTUGS NAS RGYA CHER 'GREL DANG BAM PO LNGA BCU PA SOGS 'GREL CHEN RNAMS LA SBYANGS, DUS PHYIS RLUNGS SKYOGS GNYIS LA'ANG LEGS PAR GSAN NAS MKHAS PAR GYUR, SKYOGS KYIS YAR KLUNGS GAD PA STENG BTAB, GZUS LA BU CHEN BZHI STE, 'JIMS PA DANG SNE PHO GNYIS GTZANG GI BU CHEN YIN, GLAN DANG SPO CHUNG GNYIS DBUS KYI BU CHEN YIN, DE LA 'JIMS PA SHES RAB 'OD NI, MNGA' RIS ZA RI RONG PA, MKHAS PA CHEN POR GYUR PA'I PHYI NAS GZUS LA 'DUL BA GSAN, RA SA 'JIMS SU 'DUL BA'I BSHAD GRVA BTZUGS, DE LA STOD DU ZHANG ZHUNG RGYAL BA'I SHES RAB, 'JIMS SU GZHON TSUL, DBUS SU 'BRO SENG DKAR STOD PA BLA MA YE SHES, 'DIS KO KHYIM BTAB PAS KO KHYIM PA YE SHES BLA MAR GRAGS, RONG LHO RTZA'I @107 SNE PHO GRAGS PA RGYAL MTSAN, GDUNG RUS ZHANG, MKHAR PHUG DANG DMUR 'DUL BA'I BSHAD GRVA BTZUGS, DE'I BU CHEN YUL LHA RI RTZA BRGYAD PA, RUS PA SOG MTSAN TSUL KHRIMS BLA MA ZHES BYA BA DES, LDAN GYI BA SO THANG DANG BYE GLING LA SOGS PA GZUNG NAS BSHAD GRVA BSKYANGS SO, ,GLAN TSUL KHRIMS BYANG CHUB NI, YUL RGYA RI MO CAN PA, DES 'PHAN YUL RGYAL GZUNG NAS BSHAD GRVA BSKYANGS PAS, BU CHEN RGYAL BA G-YUNG DRUNG DBANG PHYUG GO ,SBO CHUNG TSUL KHRIMS 'BYUNG GNAS NI, YUL G-YO 'BUM GLING PA, BTZAN THANG, RONG SKAM, KVA CHU RNAMS GZUNG NAS BSHAD GRVA BSKYANGS, DE'I BU CHEN YUL GRVA PHYI SMAD PA'I MYANG MTSAMS RIN CHEN BLA MA, DE'I BU CHEN SKAM GSAL BA'I SNYING PO YIN NO, RGYA 'DUL BA 'DZIN PA NI 'KHRUNGS YUL MYANG STOD MANG RA BA YIN, CHUNG CHUNG NAS YAB YUM 'DAS NAS GNAS GZHI BYA ROG TSANG BA'I BTZUN PA RNAMS KYI GSEB TU PHYIN PAS, KHONG GZUGS BYAD NGAN PAR YOD PAS, NGED KYI MI 'BRU LA GNOD ZER NAS 'DUG DU MA BCUG PAR BSKRAD DE DGA' BA GDONG DU PHYIN NAS, BTZUN PA RNAMS LA SKRU ZHING PHUB MA'I GSEB TU NYAL, MDO RTZA'I GZHUNG LA KLOG DAN BYAS TE KLOG BSLABS PAS, ZHAR LA GZHUNG ZIN TE SOG CAN DU 'DUL BA SLOB TU BYON TE, GZHAN YANG DBUS GTZANG GI 'DUL BA MKHAS ZER TSAD KYI DRUNG DU BYON TE SBYANGS PA MDZAD DE, 'JIMS PA MA GTOGS GZUS KYI BU GSUM GA LA GSAN, GTZO CHER SOG MYANG MTSAMS, KO KHYIM PA STE, BLA MA @108 GSUM LA SBYANGS, SKAM LA'ANG GSAN NO, DE LTAR DGUNG LO SO BZHI PA'I BAR DU 'DUL BA RNAMS LA SBYANGS PA MTHAR THUG PA MDZAD NAS, DE NAS DGE BSHES KYI CHA GZUNG STE DGUNG LO BRGYAD CU'I BAR DU BZHUGS SA'I MTHIL DGA' BA GDONG DU MDZAD, DGON PA CHU MIG LUNG GZUNG NAS CHOS GZHI MANG DU BSKOR ZHING, 'DUL BA'I BSHAD PA RGYA CHER MDZAD, BRGYAD CU NAS SKU NA BGRES PAS SO SO THAR PA'AM, RGYA CHER 'GREL PA'AM, K'A RI K'A THUN RE TZAM GSUNGS, BSHAD PA'I RKANGS ZHAR CHOS PAS GZUNG BA LO LNGA TZAM MDZAD DE, DGUNG LO BRGYAD CU RTZA LNGA PA LCAGS PHAG LA SHANGS SU SKU GSHEGS SO, DE'I SLOB MA KA BA BZHI, GDUNG MA BCUR GRAGS PA LAS, KA BA BZHI LA, 'DAR 'DUL 'DZIN GYIS SHAB LCANG RA, RA SA, BO DONG RNAMS SU BSHAD PA MDZAD, MTHA' BZHI BRTZON 'GRUS 'BAR GYIS MYANG RO 'UM PHUG GZUNG NAS BSHAD PA'I BU CHEN GTZANG DU RIN SKYABS SO, JO STAN NAG PO DAR TSUL GYIS DGUNG LO DRUG CU LA RAB TU BYUNG, KLOG BSLABS NAS 'DUL BA SBYANGS PAS MKHAS PAR GYUR TE, YAR KLUNG TSA RONG DU BSHAD PA'I SLOB MA SHA MI, DE'I SLOB MA KA BA DAR SENG, DE'I SLOB MA THAG MA RDOR GZHON, DE'I SLOB MA RNAL 'BYOR BYANG SENG DANG, SBAL TI JO SRAS DANG, GZHU PA STON YES, RNAL 'BYOR BYANG SENG GES LHA ZHING KHRI DGU DANG 'TSAL CHUNG DU BSHAD, PHYIS 'PHAN YUL GRO SA BTAB, DE'I SLOB MA KA BA STON NAM GYIS PHYVA'I PHU RU GRAGS TSAB BTAB, SBAL TIS BRANG RA MO CHE @109 GZUNG, SKYOR MO LUNG BTAB, RMA TSO BYANG CHUB RDO RJES RGYA'I GRVA PA LNGA BRGYA TZAM KHRID NAS DBUS SU 'CHAD NYAN MDZAD, 'DAR, MTHA' BZHI, JO STAN, RMA TSO STE BZHI PO LA KA BA BZHI ZER, SHA MI SA NI RGYA LA'ANG SNGA SOR GTUGS, RMA TSO'I SLOB MA BYA 'DUL 'DZIN TE, YUL GTZANG RONG G-YUNG DU LCAGS MO LUG LA 'KHRUNGS, 'BRE CHEN PO LA RAB TU BYUNG NAS, MTSAN BRTZON 'GRUS 'BAR DU BTAGS, SOG LA 'DUL BA GSAN, KHONG DGUNG LO SO DRUG PA LA GSHEGS NAS RGYA DANG RMA TSO BLA ZUR DU BYAS PA LA 'DUL BA MKHAS PAR BSLABS, RGYAL TSA ZHANG YE LA DBU TSAD, ZANGS DKAR LO TZ'A BA LA YO GA BSLABS, STOD LUNGS PA CHEN PO LA BKA' GDAMS GSAN, DE RJES ZUL PHUR BSHAD GRVA BTZUGS, PE DKAR GYIS BTZUN CHUNG DU SPRUL NAS ZHABS TOG BYAS PAS, 'DUL BA DANG 'GAL BA NA BZA'I SPU PHYIR BSTAN PA GCIG PU LAS MA MTHONG BAS DAD, LO DGUR TSOGS PA BSKYANGS RJES MAN NGAG ZAB MO'I NYAMS LEN MDZAD CING BZHUGS, SLOB MA 'GRO BA LA PHAN THOGS NUS PA BDUN CU RTZA DRUG BYUNG, DE LTAR BYA 'DUL GYIS BSTAN PA'I BYA BA RGYA CHER MDZAD, DGUNG LO BDUN CU RTZA DRUG PA ZUL PHU'I GZIMS KHANG DU SKU GSHEGS, DE'I SLOB MA RTZIS PA GZHON NU SENG GES GTZANG DU 'DUL BA DUS BZHIR MA CHAG PAR LO BCO BRGYAD DU BSHAD KYANG PHAN THOGS CHER MA BYUNG, DE RTING DBON PO CHOS DBANG LA SOGS PA'I SLOB MA MANG PO 'TSAR, GTZANG RONG PA LCE 'DUL 'DZIN GYIS NGUR SMRIG LA SOGS @110 PAR BSHAD GRVA BTZUGS, BYA'I SNAG DBON ROG CHOS DBANG GIS BYA 'DUL GSHEGS NAS LO GSUM NA ZUL PHU'I GDAN SA MDZAD, DE NAS GZUNG STE ROG GI GDUNG RGYUD KYIS ZUL PHU GZUNG, ROG GI SLOB MA ZUL PHU'I MKHAN PO CHOS BYANG NA BZA' 'PHRED GSOL, DE'I SLOB MA ZUL PHU'I MKHAN PO CHOS KYI BRTZON 'GRUS, DE'I SLOB MA ZUL PHU'I MKHAN PO CHOS GRAGS RIN CHEN DPAL, DE'I SLOB MA TSOGS PA'I MKHAN PO KA BZHI PA, DE'I SLOB MA RIN PO CHE BSOD NAMS GRAGS PA DANG, 'DUL 'DZIN GRUB PA DPAL GNYIS YIN, DE GNYIS KYI SLOB MA BU RIN PO CHE'O, YANG RTZIS PA'I MKHAN BU DPAL LDAN GROS KYIS SNAR THANG GZUNG, BA PHYAR STONG NAG MOS KLAS MO CHE, STUG TSAL SMON GRO, RONG MKHAR PHUG RNAMS SU BSHAD PA MDZAD, DE'I BU CHEN MNGA' RIS DGRA BCOM GYIS DPAL CHEN RDOR GZHON LA THOGS SHAS GSAN, PHYIS STONG NAG MO LA LEGS PAR GTUGS TE MKHAS PAR GYUR NAS, SBA GOR BRAG NAG NANG ZAM 'TSER BTAB, DE'I SLOB MA 'CHIMS NAM MKHA' GRAGS PA DANG GYANG MO CHE LA SOGS PA BRGYAD, PHYI MA'I BU CHEN SENG GE ZIL GNON, RGYA'I GDUNG MA BCU LA, SNAR RGYA TSUL KHRIMS YON TAN, DVAGS PO 'DUL 'DZIN, SNAR RGYA RIN TSUL, SPYI THER BA RIN TSUL, KHA RU MES STON, 'DZIMS PA MES STON, 'DZIMS PA KLOG SNYING, LDOG PA YE GRAGS, MNGA' RIS PA DPAL 'BYOR SHES RAB, GNYAL PA DAR MA 'OD ZER RNAMS TE, KHA CIG DAR MA 'OD ZER BAR TSAR YIN ZER GYI, MYANG 'DUL 'DZIN GDUNG MA@111 BCU LA BGRANG NGO ZER, BAR TSAR SKYE PHO TSUL 'PHAGS, DES NE'U RU BSHAD PA MDZAD PAS BU CHEN STOD 'DAR CHO BA 'DAR TSUL KHRIMS RGYAL PO, DE'I BU CHEN SNAM NA MGO BA STOD 'DUL BA 'DZIN PA TSUL KHRIMS 'BUM, DE'I SLOB MA DAR YUL 'OR PA NYI STENG PA BLO GROS GRAGS, DE'I SLOB MA RGYAL GRO PHU BA TSUL KHRIMS GRAGS, DE'I SLOB MA DAR YUL SNA MO BA GRAGS PA SMON LAM BLO GROS SOGS BYON, RGYA'I PHYI TSAR BRAG DMAR RDO RJE PHUR BU LA STOD PA DHARMA ZHES PAR GRAGS, DES BROM PA BRAG DMAR DU BSHAD PA MDZAD PA'I SLOB MA ZHANG ZHI MDZES SHES RAB, RGYA'I SLOB MA BRDA 'DUL 'DZIN GYIS RGYA LA RAB TU BYUNG NAS RGYA DANG SKYE PHO LA YUN RING DU GSAN, BRAG DMAR BA'I ZHAR CHOS LO GSUM MDZAD, DE'I SLOB MA BSHES GNYEN SH'AG GRUB DANG, BRDA 'DUL 'DZIN GNYIS KYIS SHAB STOD SOGS SU BSHAD PA MDZAD, CHU MIG GI RNGOG BTZUN DKAR MOS ZHU BA PHUL NAS CHU MIG SDE SKOR GYI MKHAN PO MDZAD, DE'I SLOB MA DRANG PO LUNG GI KYE MA GRAGS TSUL, SHANGS SREG ZHING DU CHAG NYI MA, MTHA' STON GYIS MYANG RO BLA RINGS SU BSHAD GRVA BTZUGS, BSHES GNYEN SH'AKA GRUB KYIS BRDA'I GDAN SA MDZAD PA LA, KLOG SKYA DPAL 'BYOR GYIS GSAN, DES DON MO RIR BSHAD PA MDZAD, ZHAR CHOS PA SKYEL, ZHANG SHES RAB 'OD, DBON PO KHRI BRTAN SENG GE, SH'AKA RDOR DANG BZHI BYUNG, PHYIS SHES RAB 'OD KYIS GDAN SA MDZAD DE CHU MIG 'DUL GRVA BA RNAMS BYUNG BA YIN, @112 YANG, KHA CHE PAn CHEN GYIS SNAR GLAS MO CHER DBYAR GNAS MDZAD, ME TOG PHRENG RGYUD GSUNGS PA LA SENG GE ZIL GNON DANG SHANGS PA JO STON GYIS GSAN NAS GNYIS KAS t'I KA RE RE MDZAD, SENG GE ZIL GNON LA TSAD MA'I SKYES BU BSOD NAMS MGON POS GSAN, DE LA BU STON GYIS ZHUS SO, DE RNAMS NI 'DUL 'DZIN CHEN PO BU'I GSUNG RAB LAS 'BYUNG BA BZHIN BRIS PA YIN, GZHAN YANG SHA MI'I SLOB MA KLUBS DKAR TSUL KHRIMS GRAGS, DE'I SLOB MA SNUBS 'DUL BA 'DZIN PA STE G-YAM BZANG CHOS RJE DANG, GRVA MI LA SOGS PA MANG PO BYUNG LA, GRVA MI'I SLOB MA RGYA DUR GYI MKHAN PO DAR MA YE SHES, DE'I SLOB MA ZANGS CHEN PA DAR MA BSOD NAMS, DE'I SLOB MA MTSO SNA BA SHES RAB BZANG PO STE, 'DI GNYIS LA BRTEN NAS GNYAL GYI ZANGS PO CHE DANG BRA GOR LA SOGS PA NA 'DUL BA'I BSHAD RGYUN DA DUNG DU BAR MA CHAD PAR YOD DO, RGYA DUR DAR YES KYI SLOB MA MKHAS BTZUN DAD PA MGON GYIS SPYAN G-YAS SU BYON NAS 'DUL BA'I BSHAD PA MDZAD PAS DER YANG 'DUL BA'I BSHAD RGYUN BRGYUD PA BCU TZAM GYI BAR DU BYUNG LA, DE'I GONG DU YANG GRVA PA'I DNGOS SLOB DON STENGS PA LA SOGS PA DANG, LHO PA THAMS CAD MKHYEN PA LA SOGS PA'I 'DUL BA 'DZIN PA MANG DU BYUNG NGO, YANG YAM SHUD RGYAL BA 'OD KYIS BTAB PA'I KHRAB LA KHAR YANG, KHO BO'I TSE STOD YAN DU 'DUL BA'I BSHAD PA BAR MA CHAD PA BYUNG NGO, , @113 GZHAN YANG DBUS PHYOGS 'DI NA ZUL PHU, SKYOR MO LUNG, DGA' BA GDONG, GRO SA RNAMS NA 'DUL BA'I BSHAD RGYUN RING DU YOD LA, KHYAD PAR GRO SAR DMAR STON CHEN PO KHU DBON GYIS SDE SNOD 'DZIN PA CHEN PO 'DUL BA DON DU GNYER BA RNAMS KYI RTEN SA MDZAD PA YIN TE, DENG SANG NI 'DUL BA'I CHOS SMRA BA RNAMS KYI MCHOG GNAS BRTAN CHEN PO DGE LEGS DPAL ZHES BYA'O, DUS KYI DBANG GIS DGE SLONG LHOD PA YANG MANG, RAB BYUNG BA NI RJE BTZUN DAM PA BLO BZANG GRAGS PA'I DPAL GYIS DANG PO SKYOR MO LUNG DU MKHAN CHEN GLO GSAL BA LA 'DUL BA LEGS PAR BSLABS, PHYIS DBEN PA'I GNAS RNAMS SU SGRUB PA SNYING POR MDZAD PA NA YANG 'DUL BA'I KUN DU SPYOD PA LAS MA 'DAS, PHYIS 'KHOR SKYONG BA'I TSE NA YANG DRUNG NA 'KHOD PA THAMS CAD 'DUL BA NAS JI SKAD BSHAD PA'I CHOS GOS GSUM GDING BA DANG LHUNG BZED LA SOGS PA MKHO BA'I YO BYAD RNAMS 'DZIN DU BCUG JO BO CHEN PO RJE LHA GCIG GI MAN NGAG LA BRTEN NAS SKYES BU GSUM LA BLO SBYANGS NAS 'KHOR BA MTHA' DAG LA YID 'BYUNG BA'I BLOS SDOM PA THAMS CAD SO SOR THAR PA MTSAN NYID PA LA BKOD, DE DAG GI SPYAN LTOS LA BRTEN NAS BOD KYI KHAMS 'DIR 'DUL BA'I BSTAN PA NYI MA SHAR BA LTAR GYUR PA YIN NO, MNGA' RIS STOD DU MNGA' BDAG SRONG NGES YAB MES KYI SROL DANG BSTAN PA LA SHIN TU DAD KYANG, DE'I TSE MKHAN SLOB MED PAS YAB SRAS GSUM GIS? DKON MCHOG GI DRUNG DU RANG RTAGS BLANGS TE, KHONG RANG GI MTSAN @114 YANG YE SHES 'OD DU BSGYUR, PHYIS RGYA GAR SHAR PHYOGS KYI PAndI TA DHARMA P'A LA SPYAN DRANGS NAS MANG PO BSNYEN PAR RDZOGS SHING, 'DUL BA'I LAG LEN RNAMS BSLAB PA LA SOGS PA'I GTAM NI, ZHING MO CHE BA BYANG CHUB SENG GES, PHYI MA MNGA' RIS 'DUL 'DZIN LA, ,RGYA GAR BRGYUD PA YOD PAR BZHED, , DE YANG SGRUB PA'I BRGYUD DANG NI, ,BSHAD PA'I BRGYUD DANG RNAM PA GNYIS, , SGRUB PA'I BRGYUD PA 'DI LTA STE, ,LHA RGYAL BLA MA YE SHES 'OD, ,'JAM DPAL SPRUL PAR GRAGS PA NI, ,DE NI RTZA RGYUD CHEN PO LAS, ,LUNG BSTAN THOB PA THO LING GI ,DPE MED LHUN GRUB GTZUG LAG KHANG, ,BZHENGS NAS RGYA GAR SHAR PHYOGS NAS, ,MKHAS BTZUN SNYAN PA'I 'BRUG SGRA CAN, , GRAGS PA'I RGYAL MTSAN MTHON PO YIS, ,KUN LA GSAL BAR GYUR PA YI, , DHARMA P'A LA ZHES BYA BA, ,YE SHES 'OD KYIS SPYAN DRANGS NAS, ,THUGS RJE'I NYI MAS RGYUD BSKUL TE, ,BSTAN PA RIN CHEN GNAS BYA'I PHYIR, ,MKHAN PO MDZAD NAS SGRUB BRGYUD SPEL, ,DE YI MKHAN BU GTZO BO GSUM, ,DGE SLONG S'A DHU P'A LA DANG, ,JO BO GU nA P'A LA DANG, ,DGE SLONG PRADZNY'A P'A LA'O, ,PRA DZNY'A P'A LA'I MKHAN BU NI, ,ZHANG ZHUNG YUL GYI 'DUL BA 'DZIN, , TSUL KHRIMS G-YAG GI RNGA MA DANG, ,MIG GI 'BRAS BU BZHIN DU BSRUNG, , YON TAN RIN CHEN THAMS CAD KYI, ,RGYUR GYUR 'DUL BA'I SDE SNOD LA, , MANG DU THOS SHING NGES BYAS PAS, ,SNYAN PAS NAM MKHA' SA STENG KHYAB, , THUGS RJE'I SPRIN LAS CHOS CHAR PHAB, ,RAB BYUNG THA BA'I RGYUD SPANGS NAS, , @115 BSTAN PA RIN CHEN RGYAS MDZAD PA, ,MTSAN NAS SHIN TU BRJOD DKA' BA'I, , DGE SLONG RGYAL BA'I SHES RAB STE, ,SGRA SKAD TSIG LA LEGS BSLABS PAS, , PAndI TA NI MANG DU BSTEN, ,DE YI YON TAN DPAG MED PAS, ,RJES SU DRAN NA MCHI MA DKU, ,BA SPU LDANG ZHING DANG BA SKYE, ,SKYES MCHOG DE DANG PHRAD PAR SMON, ,DE YIS DHARMA P'A LA YI, ,NYAMS LEN BSLABS NAS PHYI NAS NI, ,NE PA LA YI YUL GNAS PA, ,TSUL KHRIMS SHIN TU GCES MDZAD PA, ,MKHAS PAR RAB GRAGS BRAM ZE YI, ,'DUL 'DZIN PRE TA KA RA LA, , 'DUL BA'I PHYAG LEN THAMS CAD BSLABS, ,SGRUB BRGYUD BLA MA RNAM PA GNYIS, , BSHAD PA'I BRGYUD PA RNAM PA GNYIS, ,'DZAM GLING GRAGS PAS KHYAB GYUR PA, ,MKHAS PA MANG LAS BRGYUD PA CAN, ,DZNY'A NA SHR'I ZHES GRAGS PA LAS, , SO SO THAR DANG DE YI 'GREL, ,'DUL BA BSDUS PA ZHES BYA BA, ,DGE SLONG RGYAL BA'I SHES RAB GYIS, ,DE LA ZHUS NAS 'GYUR YANG BCOS, ,GZHAN YANG DGE SLONG DE YIS NI, ,SUM BRGYA PA DANG DE YI 'GREL, ,'OD LDAN ZHES BYA'I GZHUNG DE NI, KHA CHE'I MKHAS PA PAndI TA, ,SHR'I SU BH'U TI SH'ANTI LA, ,DGE SLONG DGE BLOS BSGYUR NAS NI, ,MA DAG CHAD PA THAMS CAD BCOS, ,YUL DBUS DPE DANG BSTUN BYAS TE, ,THUGS RJES RGYUD BRLAN LHA YI SRAS, ,BYANG CHUB 'OD KYI NGOR BSHAD MDZAD, ,SLOB MA LA PHAN ZHES BYA BA'I, ,'GREL PA DES BSGYUR DE YIS GSAN, ,DE MING KHA CHE PAn CHEN GRAGS, ,DGE TSUL RNAMS KYI K'A RI K'A, ,SA MANTA SHR'I DZNY'A NA LA, , @116 ZHUS SHING 'GYUR YANG LEGS BCOS NAS, ,RGYA GAR KHA CHE BAL PO YI, , RGYA DPE GSUM DANG BSTUN BYAS NAS, ,DGE SLONG RGYAL ZHES BSHAD PA MDZAD, , DGE TSUL GYI NI LO DRI YANG, ,RGYA DPE BAL PO'I YUL NAS NI, ,SPYAN DRANGS THO LING BYON PA NA, ,DHARMA P'A LA'I RGYA DPE GZIGS, KHA CHE'I MKHAN PO NA RA YA, ,DE BA LA NI DE ZHUS NAS, ,BSGYUR ZHING BSHAD PA DAG KYANG MDZAD, ,DGE SLONG GI NI LO DRI BA, ,DGE SLONG BYANG CHUB 'BYUNG GNAS KYIS, ,ZHUS NAS RGYA GAR SHAR PHYOGS KYI, ,MKHAS BTZUN GRUB THOB GRAGS KHYAB PA, ,MTSAN NAS SHIN TU BRJOD DKA' BA, ,D'I PAm KA RA SHR'I DZNY'A NA, ,DGE SLONG TSUL KHRIMS RGYAL BAS BSGYUR, ,DE DAG RNAMS LA ZHANG ZHUNG GI, ,'DUL 'DZIN CHEN POS ZHUS PA YIN, ,DE LA SLOB DPON BLO GROS DANG, ,SHES RAB MTHA' CAN GNYIS KYIS ZHUS, ,DGE SLONG GI NI K'A RI K'A, ,NE PA LA YI PAntI TA, ,LUNG DANG RTOGS PA'I BDAG NYID CAN, , MKHAS PA DZA YA A'A KAR LAS, ,DGE SLONG PRADZNY'A KIRTTIS BSGYUR, ,DE LA DPAL GYI 'BYOR PAS GSAN, ,DGE 'DUL BSLAB PA'I GZHI MDO NI, KHA CHE'I MKHAS PA PAntI TA, ,PA RA HE TA ZHES BYA DANG, ,GDUNG RABS MANG POR BRGYUD PA YI, ,MA H'A DZA NA ZHES BYA BA'I, ,MKHAS PA GNYIS LA THO LING DU, ,SGRA SKAD BYANG BA'I LO TZ'A BA, ,DGE SLONG GZHON NU MCHOG GIS NI, ,BSGYUR NAS DE YI BSHAD PA MDZAD, ,DE LA SLOB DPON DPAL GYI 'BYOR, ,SHES RAB DAG GIS GSAN PA YIN, ,ZHES GSUNGS TE, 'DI @117 LTAR NA DHARMA P'A LA DANG, PRE TA KA LAG LEN GYI BRGYUD PAR SNANG ZHING, SU BH'U TI SHRI SH'ANTI LA SOGS PA RNAMS BSHAD PA'I BRGYUD PA'O, 'DUL BA 'DZIN PA'I LO RGYUS KYI SKABS SO,, ,, RGYAL LHA KHANG GI SKABS, KLU MES KYI KA BA BZHIR GRAGS PA LAS, RGYAL LHA KHANG MA GTOGS GZHAN GSUM GYI MKHAN RABS KYI YI GE MA RNYED, RGYAL LHA KHANG 'DI BYAMS PA'I SPRUL PAR GRAGS PA'I SNA NAM RDO RJE DBANG PHYUG GIS BTAB PA YIN TE, DE LA SNA NAM RDO RJE DBANG PHYUG NI, YAB SNA NAM JO SRAS, YUM ZHANG LCAM SGROL MA'I SRAS SU ME PHO BYI BA LA NYAMS DGA' BAR 'KHRUNGS, KHONG GIS LO GSUM BZHES PA SA PHO STAG LA 'DUL BA'I BSTAN PA KHAMS NAS DBUS SU BYUNG, RANG LO BCO BRGYAD PA CHU MO SPRUL LA RA BA ZLUM PO ZHES BYA BA'I GNAS SU KLU MES LA RAB TU BYUNG, LO DE GLANG DAR MA'I LCAGS MO BYA NAS DGU BCU RTZA GSUM PA YIN, DE RJES LA DANG POR TSAG GI GTZUG LAG KHANG BZHENGS, PHYIS SO BDUN BZHES PA CHU PHO BYI BA'I LO LA RGYAL LUGS LHAS KYI GTZUG LAG KHANG BZHENGS, LO 'DI LA RJE MAR PA 'KHRUNGS PA YIN, RANG LO BRGYAD CU RTZA LNGA PA LCAGS PHO BYI BA LA GSHEGS, KHONG GIS RGYA GAR DU 'DUL BA'I BSHAD PA TSOL DU BYON, RDO RJE GDAN PA DANG MJAL, RDO RJE GDAN PAS @118 DGE TSUL GNYIS GZHAN ZHIG NAS KHONG LA TSUR 'DUL BA NYAN DU BCUG NAS, DE GNYIS LA 'DUL BA BSHAD ZER, DE LTA NA LO TZ'A BA YANG MKHYEN PAR MNGON NO, RGYAL LHA KHANG BTAB PA'I CHU PHO BYI BA NAS KYI LO DRUG PA ME MO SBRUL LA SOL NAG THANG PO CHE KLU MES LA ZHUS NAS GRU MER GYIS BTAB, DE KHU STON BRTZON 'GRUS G-YUNG DRUNG GI SKYES LO BDUN PA YIN, KHU STON DANG JO BO SPYAN 'DREN PA'I NAG TSO LO TZ'A BA SKYES LO GCIG DE'I RJES SU GLAN TSUL BYANG SHING PHO 'BRUG LA 'KHRUNGS, LNGA BCU RTZA BDUN PA LCAGS BYI LA GDAN SAR BYON, DE RJES LO BZHI BCU RTZA GNYIS GDAN SAR BZHUGS, RANG LO GO DGU PA CHU PHO RTA LA GSHEGS, 'DI PU TO BA'I MKHAN PO YIN, 'BRING STON ME PHO KHYI LA 'KHRUNGS, RANG LO LNGA BCU RTZA BDUN PA CHU RTA LA GDAN SAR PHEBS, DE RJES CHU LUG NAS LO BCU BDUN GDAN SAR BZHUGS TE, DON BZHI PA SA PHAG LA GSHEGS, RMA BYA RNA RA BA LCAGS BYI LA 'KHRUNGS, DRUG RTZA GCIG PA LCAGS BYI LA GDAN SAR PHEBS NAS LO BCU BZHUGS, RANG LO BDUN CU PA SA BYA LA GSHEGS, RGYAL TSA BYANG YE ME LUG LA 'KHRUNGS, RANG LO DRUG CU RTZA BZHI PA LCAGS KHYI LA GDAN SAR PHEBS NAS LO BCU BZHUGS, RANG LO DON GSUM PA SA LUG LA GSHEGS, 'BROM STON SA PHO RTA LA 'KHRUNGS, DRUG CU RTZA GSUM PA LCAGS SPREL LA GDAN SAR BYON NAS LO BZHI BZHUGS, RANG LO DRUG CU RTZA BZHI PA CHU PHAG LA GSHEGS, DE RJES SHING PHO BYI BA NAS CHU SPREL BAR AAR GYIS DBYAR GCIG GDAN SAR BZHUGS PA MA GTOGS, LO @119 DGU GDAN SA STONGS, DGE BSHES TSUL 'PHAGS NGAN LAM PA LCAGS PHO RTA LA 'KHRUNGS, DRUG CU RTZA BZHI PA CHU MO BYA LA GDAN SAR PHEBS NAS LO BDUN BZHUGS, RANG LO BDUN CU PA SA MO YOS LA GSHEGS, BAR 'DIR LCAGS 'BRUG NAS CHU LUG GI BAR LO BZHI GDAN SA STONGS, RGYAL BA KHYUNG TSANG THOD DMAR BA CHU MO LUG LA 'KHRUNGS, DRUG CU RTZA GNYIS PA SHING PHO SPRE'U LA GDAN SAR PHEBS NAS LO BDUN BZHUGS, RANG LO DON GSUM PA SHING LUG LA GSHEGS, ME SPRE NAS SA KHYI'I BAR LO GSUM GDAN SA STONGS, RGYAL BA YE GRAGS SA DMAR BA ME SPRE LA 'KHRUNGS, RANG LO DRUG CU RTZA BZHI PA SA PHAG LA GDAN SAR BYON NAS ME LUG GI BAR LO DGU BZHUGS TE, BDUN CU RTZA GNYIS PA LA GSHEGS, BAR 'DIR SA SPRE LA GDAN SA STONGS, DGE BSHES GLAN SA PHO SPRE'U LA 'KHRUNGS, RANG LO DRUG CU RTZA GNYIS PA SA BYA LA GDAN SAR BYON NAS LO GSUM BZHUGS, RANG LO DRUG CU RTZA BZHI PA LCAGS PHAG LA GSHEGS, LHA KHANG BTAB NAS LO 'DI YAN LA LO BRGYA DANG BRGYAD CU SONG NGO, DGE BSHES DRI 'DUL GYIS CHU PHO BYI BA'I LO GCIG PU GDAN SA MDZAD, SKAM SKAM PA DGE BSHES SKYON SA MO BYA LA 'KHRUNGS, DRUG CU RTZA LNGA PA CHU MO GLANG LA GDAN SAR PHEBS NAS LO BRGYAD BZHUGS, BDUN CU RTZA GNYIS PA LCAGS SPRE LA GSHEGS, DGE BSHES LCANG RI BA LCAGS 'BRUG LA 'KHRUNGS, ZHE GNYIS PA LCAGS MO BYA NAS SA PHO STAG GI BAR LO BCO BRGYAD GDAN SA MDZAD, DE RJES LA GLANG STON SHER SENG GIS SA YOS NAS @120 SHING SPRE'I BAR LO DRUG GDAN SA MDZAD, ZHANG STON 'TSEM PAS SHING BYA NAS ME BYA'I BAR LO BCU GSUM GDAN SA MDZAD, DE RJES SA KHYI NAS CHU BYI'I BAR LO BCO LNGA GDAN SA STONGS PA LA, SA KHYI DE NAS LO GSUM PA LCAGS PHO BYI BA LA HOR DMAG BOD DU LHAGS, LHA KHANG MES BSREGS, BTZUN PA SO STON GYIS THOG DRANGS SER SKYA LNGA BRGYA TZAM BSAD, HOR DOR TOG 'GYOD NAS GSER BRE DNGUL BRE MANG PO BYIN NAS LHA KHANG GSO BA'I BKOD PA BYAS, LHA KHANG BAR PA ZHANG LHAS GSOS, DAR GYI LHA KHANG GSO MA THUB, BYA GRAGS LHA KHANG GSOS PA'I RTEN GYI GTZO BO THUB PA BZHENGS, RAB GNAS LEGS, DGE BSHES GNAS BRTAN GYIS CHU GLANG NAS ME 'BRUG GI BAR LO BZHI, GLANG STON SENG GE 'BUM GYIS ME SBRUL NAS SA YOS KYI BAR LO NYI SHU RTZA GSUM, MKHAN PO BAR PAS LCAGS 'BRUG NAS SA BYI'I BAR LO DGU, BYANG CHUB SEMS DPAS SA GLANG NAS ME RTA'I BAR LO BCO BRGYAD, KUN SPANGS LHA RI BAS ME LUG NAS SHING BYI'I BAR LO BCO BRGYAD, MKHAN CHEN DZNY'A NA PRA DZNY'A SHING PHO RTA LA 'KHRUNGS, SO GNYIS PA SHING GLANG NAS LCAGS YOS KYI BAR LO NYI SHU RTZA BDUN GDAN SA MDZAD, RANG LO NGA DGU PA CHU 'BRUG LA GSHEGS, LHA KHANG BTAB NAS LCAGS YOS 'DI'I BAR LO SUM BRGYA DANG BZHI BCU SONG, MKHAN CHEN 'JAM DPAL YE SHES SNYING PO SHING PHO STAG LA 'KHRUNGS, RANG LO BZHI BCU PA CHU SBRUL LA GDAN SA LO GCIG MDZAD, DON BDUN PA LCAGS PHO RTA LA GSHEGS, MKHAN PO YE SHES BSOD NAMS RGYA MTSO @121 BA LCAGS PHO RTA LA 'KHRUNGS, NYER LNGA PA SHING RTA LA GDAN SA MDZAD, LO NYI SHU RTZA DRUG GDAN SAR BZHUGS, SA LUG LA KUN SPANGS MDZAD, RANG LO NGA GCIG PA LCAGS SPRE LA GSHEGS, KUN SPANGS CHEN PO BSOD NAMS RGYAL MTSAN CHU PHO RTA LA 'KHRUNGS, SO BRGYAD PA SA MO LUG LA GDAN SAR PHEBS, LCAGS PHO RTA'I BAR LO BCU GNYIS GDAN SA MDZAD, ZHE DGU PA LCAGS RTA LA DBON PO BSOD NAMS GRAGS PA LA GDAN SA GTAD NAS, KHONG RANG KUN SPANGS MDZAD, RANG LO DRUG CU RTZA BRGYAD PA SA MO GLANG LA GSHEGS, SPYAN SNGA BSOD NAMS GRAGS PA ME MO BYA LA 'KHRUNGS, SUM CU RTZA BZHI PA LCAGS RTA LA GDAN SAR BYON, DE'I RJES NAS CHU SBRUL GYIS LO NYI SHU RTZA GSUM SONG, CHU SBRUL 'DI SA G-YOS CHEN PO BYUNG BA'I RJES KYI CHU SBRUL DE YIN, DE RJES SHING RTA NAS DING SANG GI ME SPRE'I BAR LA LO DRUG CU RTZA GSUM SONG, RGYAL LHA KHANG BTAB NAS LO BZHI BRGYA DANG DRUG CU RTZA LNGA PA ME PHO SPRE'UR SHES PAR BYA'O, SPYAN SNGA BSOD NAMS GRAGS PA'I RJES SU SPYAN SNGA YE SHES GRAGS PA BZANG POS LO GSUM, DE RJES SPYAN SNGA KUN DGA' RGYAL MTSAN PAS LO BCU GSUM, SPYAN SNGA KUN RDOR BAS LO BCU GSUM, SPYAN SNGA BLO GROS RGYAL MTSAN PAS LO GSUM, SPYAN SNGA YON TAN RGYAL MTSAN PA SHING MO PHAG LA BSKOS NAS, ME PHO SPRE'U 'DIS LO NYI SHU RTZA GNYIS SONG NGO, SNA NAM RDO RJE DBANG PHYUG GIS DRUG CU RTZA BDUN BZHES PA CHU PHO RTA'I LO LA JO BO RJE MNGA' RIS SU PHEBS, DON GNYIS BZHES PA ME MO PHAG LA BSAM YAS SU @122 PHEBS ZHES BYA'O, RGYAL LHA KHANG GI SKABS SO, , , , KHRAB LA KHA BA'I SKABS, KLU MES KYI MKHAN BU DGE BSHES YAM SHUD KYIS GZUNG BA'I PHUG PO CHE NI KHRAB LA KHA'I 'DABS YIN TE, DER BYUNG BA'I MKHAN BRGYUD NI, YAM SHUD RGYAL BA 'OD, GRA BA MNGON SHES, DGYER CHEN DGON RGYAB PA, DGYER MO CHE BA, MKHAN CHEN NGUR PA CHEN PO, NGUR STON BSOD NAMS RGYAL MTSAN, NGUR PA SHES RAB RGYAL MTSAN, GZHON NU SHES RAB, SANGS RGYAS BZANG PO, SHES RAB MGON PO, SANGS RGYAS LEGS PA, MGON PO SANGS RGYAS, DA LTA MKHAN PO CHOS LEGS RNAMS SO, MKHAN CHEN NGUR PA CHEN PO NAS RDO RJE ZAM PA LA THUGS DAM MDZAD DE RIM PAR BRGYUD DO, , KHRAB LA KHA BA'I SKABS SO, , , , THANG PO CHE'I SKABS, KHU STON BRTZON 'GRUS G-YUNG DRUNG LCAGS MO PHAG LA 'KHRUNGS, KHONG DANG RNGOG LEGS PA'I SHES RAB DANG, 'BRE CHEN PO RNAMS KYIS KHAMS SU BYON NAS, JO BO SE BTZUN LA CHOS MANG DU MNYAN, MKHAS PAR GYUR NAS @123 'BROM STON PA MNGA' RIS SU BYON PA'I PHYI LO DBUS SU PHEBS, KHU STON THANG PO CHER BZHUGS NAS PHAR PHYIN GYI BSHAD PA MDZAD, GRVA PA MANG DU 'PHEL, DVAGS PO DBANG RGYAL GYIS KYANG KHONG LA PHAR PHYIN BSLABS, MKHAS PAR MKHYEN PA'I NGA RGYAL GYIS DVAGS POS JO BO RJE LA CHOS MA GSAN, PHYIS KHYUNG PO GRAGS SE ZHES GRAGS PA, TSAD MA RNYING PA LA MKHAS SHING MKHYEN PA'I GRAGS PA CHE BA DE GNYIS KYIS PO TA RI DANG DMAR PO RI GNYIS LA 'GRAN BSHAD MDZAD ZER, KHU DGUNG LO DRUG CU RTZA LNGA BZHES PA SHING MO YOS LA GSHEGS, DE'I LO KHU SHER BRTZON 'KHRUNGS, GDAN SA DBON PO 'BYUNG GNAS RGYAL MTSAN GYIS MDZAD, KHU SHER BRTZON NI 'BRE CHEN PO'I SLOB MA YIN, PHAR PHYIN GYI t'I KA CHE CHUNG GSUM MDZAD, BSHAD NYAN GYIS SLOB MA MANG DU THON, MKHAS PA CHEN PO ZHANG G-YE PA YANG KHONG DANG DKAR CHUNG PA GZHON NU TSUL KHRIMS KYI SLOB MA YIN, KHU SHER BRTZON DRUG CU RTZA DGU LA GSHEGS, THANG PO CHER GRU MER GYI MKHAN BRGYUD RIM PAR BYON PA'I THA MA MKHAN PO RGYAL TSA STE, DES MKHAN RABS CHAD NAS SHUL GYI KHANG NOR RNAMS BLA BRANG PA BZANG PO DPAL GYIS BSDUS, DES NA THANG PO CHE PA'I DA LTA'I BLA BRANG PA DANG, GSER KHANG PA, KHU PA GSUM NI PHYIS BYUNG BA'I 'GRON PO YIN, DE LA KHU PA NI, KHU MDO SDE 'BAR GYI CHOS BRGYUD DE, DBU MA LA 'CHAD NYAN BYED, MDO SDE 'BAR PA TSAB NYI MA GRAGS DANG DUS MTSUNGS, GSER KHANG PA NI, LO'I SANGS RGYAS JO BOS MDO MKHAR DU @124 BYON, DE LAS GSER KHANG PA RIM PAR BYUNG BA YIN, BLA BRANG PA NI, CHAG LO TZ'A BA'I SLOB MA GZHON NU RGYAL MTSAN, DE NAS GCUNG PO BLO GROS DPAL, DE NAS DBON PO BZANG PO DPAL, DE'I DPON PO NYI MA RGYAL MTSAN, DE GNYI GAS GNYAL GYI RTE'U RA'I GDAN SA YANG THOGS RE MDZAD, NYI MA RGYAL MTSAN GYI DBON PO BSOD NAMS DPAL 'BYOR, DE'I DBON PO DA LTA'I CHOS RJE CHOS DPAL BA'O, CHAG CHOS RJE DPAL GYIS THANG PO CHE 'DZIN PA'I RGYU MTSAN YANG, THANG PO CHE LO MANG RABS KYI SNGA GONG DU CHAG DGRA BCOM LA PHUL, KHONG GIS THOGS SHIG BZHUGS PA'I RJES BSNYAGS PA'O, ,THANG PO CHE'I SKABS SO, , , , DGE BSHES GRVA PA DPON SLOB DANG SPYAN G-YAS PA'I SKABS, DGE BSHES GRVA PA MNGON SHES KYI LO RGYUS NI, KHRI SRONG LDE BTZAN GYI BLON PO MCHIMS RDO RJE SPRE CHUNG ZHES BYA BA, NOR HA CANG MI CHE YANG SHES RAB CHE ZHING SMRA MKHAS PAS RGYAL PO DGYES PA ZHIG BYUNG, DES BSAM YAS KYI MCHOD RTEN SNGON PO DANG BYANG CHUB GLING GONG BZHENGS, DE LA BU GSUM LAS 'BRING PO LHAR CHOS GRVA'I SKYID RU GZUNG, DE'I BU GNYA' NE, DE'I BU GNYA' CHUNG, DE'I BU DPAL LEGS, DE'I BU BTZAN 'OD, DE'I @125 BU ZHANG SE TSA LEGS BRTAN, DE YAN DU MCHIMS NAS 'BOD, SE TSA NAS ZHANG DU 'BOD, DE LA BU BZHI YOD PA'I CHE BA JO DGA', DE LA BU ZHANG STON CHOS 'BAR, STAG DKAR, ZHANG DRAN PA GSUM, ZHANG STON CHOS 'BAR RAB TU BYUNG, SNGAGS MTSAN NYID KYI CHOS MANG DU MKHYEN PA NI, BDE MCHOG DGYES RDOR, GSANG 'DUS, DUS KYI 'KHOR LO LA SOGS PA'I SGRUB THABS MANG DU MKHYEN CING PHAR PHYIN YANG MKHYEN, ZHA 'ON RDO RJE BDUD 'DUL GYI SGRUB THABS SLOB DPON PADMAS MDZAD PA'ANG MKHYEN, ZHANG STAG DKAR BA LA BU CHE BA STAG TSAB, DE'I 'OG STAG CHUNG, DE 'OG BZHEN PA, DE 'OG G-YANG BZHI STE BZHI, BU MO GNYIS TE DRUG GO, STAG TSAB CHU PHO BYI BA LA 'KHRUNGS, RJE MAR PA DANG NA MNYAM YIN, GZHON NU'I DUS RNGAN GYI RA LO LNGA 'TSOS, RIGS SAD DE YAM SHUD LA RAB TU BYUNG, MTSAN SHES RAB RGYAL BAR BTAGS, DER 'DUL BA LO GCIG GSAN, DE NAS KHU BO ZHANG STON CHOS 'BAR LA KHONG RANG GIS MKHYEN PA'I CHOS RNAMS MA LUS PAR GSAN, KHU BO LAS ZHA 'ON GYI SGRUB THABS BLANGS PA TZAM GYIS ZHAL MTHONG, GZHAN YANG CHOS THAMS CAD CUNG ZAD MNYAN PAS SHES TE MKHYEN PA'I PHUL DU GYUR, G-YO NAS BRTZAMS TE G-YOR PHYOGS PHAR CHER DU GTZUG LAG KHANG SHIN TU MANG BAR BRTZIGS, KHU BO GSHEGS NAS DGON PA RI PHUG TU GDAN SAR BZHUGS MA 'DOD PAR GLAG GI GNAS MO CHE'I GZA' MI BYAS, GZIMS KHANG GSAR MA BRTZIGS, RGYUD 'GREL MANG PO GSUNGS, BDE MCHOG @126 BZHENGS, DGYES PA RDO RJE'I SKU 'BUM KYANG BZHENGS, DER YAR KLUNGS PA'I SLOB MA MANG DU BYUNG, RGYUD 'GREL LA SLOB GNYER BYED PA'ANG MANG DU 'TSOGS, SLOB MA GCIG GIS YAR KLUNGS SU SPYAN DRANGS, SKU BSOD SKYES, DGE BSHES GRVA PAR GRAGS, BAR SKABS SU DAM PA SANGS RGYAS DANG PAndI TA ZLA BA MGON PO GNYIS DANG MJAL TE, DAM PA LA GSER PHUL BAS MA BZHES KYANG, ZHI BYED SGRON MA SKOR DGU'I GDAMS PA GNANG, ZLA BA MGON POS SBYOR DRUG GI GDAMS PA GNANG NAS BSGOMS PAS YE SHES CHEN PO LA MNGA' MDZAD, LHA BUG PA CAN LA BU MED NAS BDE MCHOG GI DBANG ZHUS PAS LO DUS SU BU BYUNG, BUM PA'I MGUL RGYAN LA G-YU CHANG BU CAN CHE CHUNG DANG, STOD BDUD 'DUL, DBANG YON LA SKU LI MA CAN, GTANG RAG LA GSER KHRI PHYI DAR CAN, DNGUL SKYOGS SHA BA CAN, RAL GRI PHUD KYU CAN, KHRAB SDIG PA CAN PHUL, DE NAS GRVAR BYON SKU BSOD MA SHOR NAS SKYID RU BTAB, DER TSA BO GNYIS RAB TU PHYUNG NAS 'BYUNG SHES DANG 'BYUNG TSUL DU BTAGS, SKYID RU NAS BU BZHIR BYAS PA BYUNG STE, BRA STON 'BUM LHA 'BAR GYIS GNAS SGOR, RNGAN CHUNG STON PAS SGA 'DRA, DGE BSHES LHAB KYIS SO THANG, BANDH'A BYANG CHUB SEMS DPAS RI PHUG BTAB, DGE BSHES KHU STON SNGAR GYI SLOB MA YIN KYANG, SLOB DPON LA PHRAG DOG BYAS DGRAR LANGS MTHU RGYAG BYAS, DE NAS SNA SHUD KYI SO MTSAMS SU GTZUG LAG KHANG BTAB NA PHAN CHE BA DGONGS NAS, ZHA 'ON LA 'GRUB MI 'GRUB @127 DRIS PAS 'GRUB PAR LUNG BSTAN NAS, DGUNG LO BDUN CU BZHES PA LCAGS MO BYA LA GRVA THANG GI RMANG BTING, RANG LO BDUN CU RTZA DGU LA MKHAN BU CIG GIS SNYING THUR RGYAB PA THAL NAS ZHI BAR GSHEGS PA'I TSE PHAL CHER GRUB PA LA, LHAG MA CUNG ZAD DGOS PA RNAMS DBON PO 'BYUNG SHES DANG 'BYUNG TSUL GNYIS KYIS CHU BYA LO TSUN CHAD LO GSUM GYIS LEGS PAR TSAR TE, SPYIR BZHENGS PA LA LO BCU GSUM SONG BA YIN, MA GCIG LAB KYI SGRON MA BTZUN MA KLOG MKHAS PA ZHIG PAS, DGE BSHES GRVA PA'I SHES RAB KYI PHA ROL TU PHYIN PA GSUNG SGROG PA'I MCHOD GNAS MA YIN TE, SKABS SHED DU YAR KLUNGS ROG PA SAR DAM PA DANG MJAL NAS GCOD KYI GDAMS PA GNANG BAS RANG GROL ZHING, GZHAN DON RGYA CHEN PO MDZAD DE, DING SANG GI BAR DU GCOD LEGS PAR DAR BA YIN, GRVA PAS DGUNG LO BZHI BCU RTZA LNGA BZHES PA SHING MO LUG LA RMA SGOM CHOS KYI SHES RAB 'KHRUNGS, LNGA BCU RTZA GCIG BZHES PA CHU PHO STAG GI LO LA DGE 'DUN 'BAR 'KHRUNGS, LO DE NYID LA SKOR NI R'U PA YANG 'KHRUNGS TE, DE LA GRVA PAS DBANG GSAN ZER BA YANG SNANG, SKAM YE SHES RGYAL MTSAN NI GRVA PA'I MKHAN BU YIN TE, DE LTAR NA ZHI BYED BRGYUD PA SNGA MA DANG BAR MA RNAMS KYANG GRVA PA'I RING LA BYUNG, LNGA BSDUS PA PHAL CHER NI ME MKHA' RGYA MTSO LA BSRE BA'I 'DAS LO'I THOG MA ME MO YOS DE, GRVA PA DANG MAR PA'I LO BCU DRUG PA YIN TE, LO DE NYID LA GYI JOS DUS KYI 'KHOR LO BSGYUR ZER BAS, ZHANG STON CHOS 'BAR GYIS DUS 'KHOR MKHYEN @128 PA YANG 'GYUR DE LA BRTEN PA YIN NAM SNYAM, GRVA PA GSHEGS NAS GRVA THANG CHOS SKYABS DON STENGS PAR GRAGS PA DES GRVA THANG GI GDAN SA MDZAD, BKA' GDAMS PA RNAMS SMON PA SEMS BSKYED PA YANGS SHING 'JUG PA SEMS BSKYED LA BKA' DOG PA LA, DON STENGS PA MNAL LAM DU DGA' LDAN DU BYON, BYAMS PA DANG MJAL, LAG NA LCAM PA'I ME TOG SNYIM PA GANG 'DUG PA BYAMS PA'I SKU LA GTOR BAS, BYAMS PA'I DBU'I STENG DU ME TOG GI KHANG PA BRTZEGS PA KHYAD PAR DU 'PHAGS PA ZHIG TU GYUR, BYAMS PA'I ZHAL NAS, KHYOD KYIS MI'I YUL DU 'GRO BA MTHO DMAN THAMS CAD LA 'JUG PA SEMS BSKYED MA BYAS NA DAM TSIG DANG 'GAL BA YIN NO GSUNG BAS, PHYIS 'JUG PA SEMS BSKYED LA SHIN TU YANGS PAR MDZAD, DON STENGS PA NYID ROG DMAR ZHUR BA'I SLOB MA YIN PAS, SEMS BSKYED YANGS PAR BYAS PA LA ROG GIS BKA' BKYON, PHYIS KHO BO LA 'DI MI BYAR MI RUNG BA ZHIG BYUNG BA YIN ZHES LO RGYUS ZHUS PAS, ROG DAD DE, 'O NA KHYOD KYI DE NGA LA YANG GYIS DANG GSUNG NAS ROG LA YANG SEMS BSKYED MDZAD, DON STENGS PAS GRVA PAS BTAB PA'I PHU THANG SPYAN G-YAS KYI MKHAN PO MDZAD, DE RJES GNAS BRTAN DAR MA BKRA SHIS, DGE BSHES KHA CHE CHE BA, CHUNG BA, MES STON CHOS 'BAR, KHU SPYAN G-YAS PA, LHO PA DHARMA SENG GE 'OD 'JO BA, MKHAS BTZUN DAD PA, MYANG PAndI TA NAM MKHA' GZHON NU, NAM MKHA' DPAL, MKHAN CHEN RGYAL TSA GZHON NU GRAGS, MKHAN @129 CHEN SANGS RGYAS RGYAL MTSAN, GZHON NU DPAL, DBANG PHYUG DPAL, BYANG CHUB DPAL, SANGS RGYAS BRTAN PA, GZHON NU SENG GE, SANGS RGYAS 'BUM DPAL, CHOS MCHOG PA, YANG BYANG DPAL BA, GZHON 'OD PA, BRTZON RGYAL BA, SANGS RGYAS MGON PO RNAMS TE, SPYAN G-YAS KYI GTZUG LAG KHANG RNYING MA MDO BYAMS DANG BCAS PA DGE BSHES GRVA PAS BZHENGS, LCAGS RI YANG ZLUM POR YOD, GTZUG LAG KHANG CHE BA'I DBU RTZE KHYAMS KYI PHYI'I LCAGS RI DANG BCAS PA RNAMS DGE BSHES KHA CHE CHE CHUNG GIS MDZAD, SPYAN G-YAS PA RNAMS BKA' GDAMS DANG 'DUL 'DZIN BSRES MA LTA BUR YOD PA LA, DUS PHYIS MKHAN CHEN NAM MKHA' GZHON NUS, 'OD GSAL BA LA SPYAN SNGA DANG BYA YUL BA'I GDAMS PA RNAMS LEGS PAR GSAN, PHYIS 'OD GSAL GYI GDAN SA YANG MDZAD, CHOS SKYONG GRI GUG MA DANG BYA YUL GTOR CHEN RNAMS KYANG BYA YUL PA'I LUGS SU MDZAD PAS, DE PHYIN CHAD LO BYA YUL BA'I BRGYUD 'DZIN DU GYUR PA YIN, NGANG TSUGS SHIN TU BZANG BAS, DON ZHAGS PA SANGS RGYAS RIN CHEN GYI ZHAL SNGA NAS KYANG, MKHAN CHEN RGYAL TSAB LA NGAS KHYED LAS YID DU 'ONG BA'I BTZUN PA MTHONG MA MYONG GSUNG ZHING, SHIN TU BTZUN PA'I GRVAS SPYAN G-YAS ZHES BSNGAGS PA CHES MDZAD, MKHAS BTZUN DAD PA 'DI, DANG PO RGYA NGUR DAR YES KYI SKABS KYI RGYA NGUR BA'I CHOS 'CHAD YIN PA LA, RGYA SAR SGANG DU KHONG GIS CHOS GZHI LA BYON, DUNG BTANG BAS MKHAN PO DAR YE CUNG MA MNYES PA LA @130 BRTEN NAS, SPYAN G-YAS SU DON BYON PAS, SPYAN G-YAS KYI MKHAN POR BSKOS, RGYA SAR SGANG SPYAN G-YAS PA LA 'JAGS PA 'DI YANG DE NAS YIN, MKHAN CHEN RGYAL TSA 'DI, SPYAN G-YAS RANG GI GNAS BRTAN BRGYUD PA LA, MA LHA GCIG YIN PAS RGYAL TSA ZER, GZHON PA'I DUS SU KHYIM BRTEN NAS, SPYAN G-YAS SU DON BYON PAS, SPYAN G-YAS KYI MKHAN BYAS PAS, GLEN PAR BRDZUS TE MA GO BA LTAR BYAS NAS KA BA LA LCAGS THAG BTAGS NAS GZUNG, DE NAS BSHOL MA THUB STE, RAB TU BYUNG 'DUL BA LA LEGS PAR SBYANGS, SKYAM GYI SLOB DPON DBU MA PA LA DBU MA GSAN DU BYON PA LA RTEN 'BREL 'GRIG PA KHO NAR MA BYUNG STE, SLAR LOG MKHAN PO GONG MA KHONG GI SPYOD TSUL LA DGYES PAS, NAN GYIS DAM TSIG LA BSGRES TE MKHAN POR BSKOS, MKHAN PO'I THOG NYID NAS DBU RU BYANG PHYOGS SU BYON TE, BYANG CHUB SEMS DPA'I BSLAB PA'I GNAS RNAMS DANG, ZAB MO GSANG SNGAGS KYI GDAMS PA MANG DU GSAN NAS SKU NYAMS SU BZHES PAS, 'OD GSAL RGYUN GYI TING NGE 'DZIN MNGA' YANG, PHYI ROL DU 'DUL BA'I SPYOD PA DANG BYANG CHUB SEMS DPA'I NGANG TSUL LA GNAS PAR GDA', MKHAN SAR PHEBS NAS NYE 'KHOR DU DAL YAMS KYIS SKYE BO MANG PO SHI BAS DE LA SNYING RJE SKYES TE, DE DAG GI SGRIB PA SBYANGS BA'I PHYIR, SLOB DPON DGRA BCOM PA STON BSOD PA DANG GNYIS POS CHOS SPYOD RGYUN PA'I SROL BZANG PO DE BTZUGS, DON ZHAGS PA SANGS RGYAS RIN CHEN YANG SPYAN G-YAS SU PHEBS NAS, BCU GCIG ZHAL GYI SMYUNG BAR GNAS PA'I RGYUN YANG DING SANG GI BAR @131 DU MA CHAD PA 'DI YANG, MKHAN PO 'DI'I RING LA BTZUGS, MKHAN CHEN RGYAL TSAB MKHAN SAR PHEBS DUS GRVA PA BCU GSUM TZAM LAS MED PA LA, KHONG GI RING LA BRGYA LHAG TZAM DU 'PHEL, PHYIS MKHAN CHEN SANGS RGYAS RGYAL MTSAN PA'I RING LA SUM BRGYA DRUG CU TZAM DU 'PHEL LO, ,SPYAN G-YAS PA'I SPYOD 'JUG GI BSHAD PA'I RGYUN DE NI 'JAM DBYANGS SH'AKYA GZHON NU'I DNGOS SLOB KLAL PA KUN RGYAL ZHES BYA BA LA, SLOB DPON TSUL RGYAL BAS GTUGS NAS BSLABS TE, TSUL RGYAL BA LAS BYUNG BA YIN, MKHAN CHEN SANGS RGYAS MGON PO BAS NI, LNGA BCU RTZA GNYIS PA CHU MO BYA LA MKHAN SAR BYON NAS, ME PHO SPRE'U 'DIS NYI SHU RTZA BZHI'O, , RONG SKAM DANG POR BTZUN MO DPAL GYI NGANG TSUL MAS BZHENGS, PHYIS DER DGE BSHES GRVA PAS LHA KHANG LA SNON PA BTAB, DGE 'DUN GYI SDE BTZUGS PA'I MOD LA GZUS KYIS GTZUG LAG KHANG CHEN MO BZHENGS, 'DUL BA'I BSHAD PA BTZUGS, DE NAS DING SANG GI BAR DU DGE 'DUN MA CHAD PAR YOD DE, GRVA PA'I GNAS GZHI GZHAN RNAMS NA NI DING SANG DGE 'DUN MI SNANG NGO, ,DE LTAR NA ZHANG SNA NAM RDO RJE DBANG PHYUG 'KHRUNGS NAS LO NGO GSUM PA SA PHO STAG GI LO LA 'DUL BA'I BSTAN PA BYUNG, DE NAS DING SANG GI ME PHO SPRE'U YAN CHAD LA LO LNGA BRGYAR GCIG GIS MA TSANG BAR SONG, DGE BSHES GRVA PA 'KHRUNGS NAS ME PHO SPRE'U LO 'DI'I BAR DU LO BZHI BRGYA DANG DRUG @132 CU RTZA LNGA SONG NGO, ,DGE BSHES GRVA PA DPON SLOB DANG SPYAN G-YAS PA'I SKABS SO, , , , @133 (GA) *, ,DEB THER SNGON PO LAS, GSANG SNGAGS SNGA 'GYUR GYI SKABS, @134 [BLANK PAGE] @135 DUM BU GSUM PA, GSANG SNGAGS SNGA 'GYUR GYI SKABS, SGYU 'PHRUL GTZO BOR GYUR PA'I SKABS, DE LTAR BOD YUL 'DIR 'DUL BA'I BSTAN PA LA 'PHEL 'GRIB CHER BYUNG MOD KYI, THEG PA CHEN PO GSANG SNGAGS KYI BSTAN PA NI, DING SANG GI BAR DU NUB MA MYONG ZHING, PAntI TA SMRi TI BYON PA'I GONG YAN CHOD LA GSANG SNGAGS RNYING MA ZHES BRJOD DE, DE LA RNYING MA BA DAG GI LUd LA, TANTRA SDE CHEN PO BCO BRGYAD CES BSHAD PA'I THOG MA GSUM NI, DPAL GSANG BA 'DUS PA, ZLA GSANG THIG LE, SANGS RGYAS MNYAM SBYOR RNAMS LA THUGS GSUNG SKU'I RGYUD CES BYAS NAS, DE DAG GI BSHAD PA YANG RING DU BYUNG SNANG STE, BU STON RIN PO CHES BSTAN 'GYUR GYI DKAR CHAG TU, RDO RJE BZHAD PA'I SKOR GYI LE'U ZHES TSAN PA GCIG TU MDZAD PA'I RDO RJE BZHAD PA'I GSANG BA 'DUS PA'I 'GREL PA NA, GSANG BA SNYING PO'I RGYUD MANG DU DRANGS SHING, BSHAD PA'I TSUL YANG DE DANG MTHUN LA, 'DUS PA PHYI MA'I 'GREL PA BI SHVA MI TRAS MDZAD PA BU'I BSTAN 'GYUR NA BZHUt PA YANG RNYING MA KHO NAR SNANG LA, MNYAM SBYOR GYI 'GREL PA BRGYA BYIN SDONG POS MDZAD PAR YANG GSANG BA SNYING PO'I LUNG MANG DU DRANGS SHING, 'GREL PA DE LA BU STON RIN PO CHE YANG DGYES SHING DE NAS LUNG CI 'DRONGS @136 MDZAD PA YIN NO, BOD 'DIR RDO RJE PHUR BU'I SGRUB PA NI SHIN TU DAR LA, DE LA YANG KHA ZER BA DAG YOD MOD KYI, DUS PHYIS CHOS RJE SA SKYA PAS SHANGS SREG ZHING NAS SLOB DPON PADMA DNGOS KYI PHYAG DPE'I RGYA DPE RNYED NAS 'GYUR MDZAD PAS THAMS CAD KHA ROG STE 'DUG GO KHA CHE PAn CHEN GYIS BSAM YAS SU BYON PA'I TSE GSANG BA SNYING PO'I RGYA DPE RNYED, PHYIS DE RTA STON GZI BRJID KYI LAG TU BYUNG NAS, KHONG GIS SHA GANG LO TZ'A BA LA PHUL, DES BCOM LDAN RAL GRI LA BSKUR NAS, BCOM LDAN RAL GRIS THUGS CHES TE GSANG SNYING SGRUB PA RGYAN GYI ME TOG MDZAD, MA MO GNAS SU SNGAGS PA 'DUS PA LA RGYA DPE BSTAN NAS CHE BA BRJOD, SLAD KYIS THAR PA LO TZ'A BAS SNGON MA BYUNG BA'I GSANG SNYING RGYUD PHYI MA DANG BCAS PA LA 'GYUR MDZAD DE, DPE DE'I STENG NAS MANG RAB CIG ZAGS PA'I LHAG MA'I RGYA DPE NI KHO BO'I LAG NA MCHIS SO, DE LA KHRI SRONG LDE BTZAN YAB SRAS KYI RING LA, RDO RJE'I THEG PA LA BRTEN NAS GRUB PA BRNYES PA MANG DU BYUNG BA 'DI LTA STE, 'BRE DPAL GYI BLO GROS, SNA NAM RDO RJE BDUD 'JOMS, NGAN LAM RGYAL MCHOG DBYANGS, AU NA AA NANG GA SNUBS NAM MKHA' SNYING PO, KLANG DPAL GYI SENG GE, GLANG GTZUG GI RIN CHEN, 'BRE RGYAL BA'I BLO GROS, KHAMS PA GO CHA, BEE RO TZA NA, RMA RIN CHEN MCHOG GNYAGS DZNY'A NA KU M'A RA, GNYAN DPAL DBYANGS LA SOGS PA NAM MKHA' LA 'GRO BA DANG, RI BRAG LA 'DZUL BA, CHU LA MI 'BYING BA DANG, LUS LHA'I DKYIL 'KHOR DU SKYE BO MANG PO LA STON NUS PA DU MA DANG, GZHAN @137 YANG 'BRO GZA' DI PAm? LA SOGS PA BUD MED GRUB PA THOB PA'ANG MANG DU BYUNG, DE RNAMS PHAL CHER? 'DAS SHING RGYAL KHRIMS ZHIG PHYOGS RIS KYI 'KHRUG PA DAR BA'I DUS SU SNUBS SANGS RGYAS YE SHES RIN PO CHE ZHES BYA BAS RGYA GAR DANG BAL PO DANG BRU SHA'I YUL NA GNAS PA LA SOGS PA'I MKHAS PA'I SKYE BO MANG PO BSTEN, KHONG GI BLA MA BRU SHA'I LO TZ'A BA CHE BTZAN SKYES KYIS MDO DGONGS PA 'DUS PA BOD DU BSGYUR BA DE RNAMS LEGS PAR MKHYEN CING, NUS PA PHUN SUM TSOGS PAS BOD YUL GYI LHA SRIN THAMS CAD KYIS STANG PHUL, LO BRGYA DANG BCU GSUM DU BZHUGS NAS GSANG SNGAGS KYI BSTAN PA DAR BAR MDZAD, KHONG 'DAS RJES RING POR MA LON PAR ZUR CHE CHUNG LA BRTEN NAS, RGYUD SGRUB THABS KYI BSHAD PA'ANG SHIN TU DAR, ZUR CHUNG PA'I LO BZHI BCU RTZA GCIG PA LA JO BO RJE BOD DU BYON NO ZHES BYA BA NI SPYIR BSTAN PA'O, KHYAD PAR DU GNAM RI SRONG BTZAN YAN CHOD DU NI, THO THO RI GNYAN BTZAN GYI RING LA DAM PA'I CHOS KYI DBU BRNYES SHING, GDUNG RABS RNAMS KYIS KYANG GNYAN PO GSANG BA LA MCHOD DO ZHES BYA BA TZAM LAS GZHAN CI YANG MA THOS LA, SRONG BTZAN SGAM POS GSANG SNGAGS KYI SGRUB THABS LHA ZHI KHRO SNA TSOGS PA BSTEN PA GNANG NAS, LHA DE DAG GRUB PA'I SKYES BU MANG DU BYUNG SNANG ZHING, DE NAS MES AAG TSOM YAN DU GSANG SNGAGS KYI SGRUB PA GSANGS TE SPYOD PA MANG DU BYUNG LA, SPYAN RAS GZIGS LA GSOL BA 'DEBS PA DANG YI GE DRUG PA 'DON PA NI BU CHUNG YAN CHOD BOD 'BANGS THAMS CAD DU DAR @138 TE, SRONG BTZAN GYIS MDZAD PA'I GSHIN RJE GSHED SKOR GYI SGRUB PA'I DPE NI DING SANG YANG SNANG NGO, ,MKHAN CHEN LAS KYI RDO RJE LA DPAL GSANG BA'I BDAG PO NYID KYI SKYE BA SNGA PHYI'I LUNG BSTAN STZAL TE, DE YANG LAS KYI RDO RJE BA YAR KLUNGS SU KLUR SKYES PA'I TSE, GSHIN RJE GSHED KYI RNAL 'BYOR PA CIG LA GNOD PA BSKYAL BAS, DES SBYIN SREG BYAS TE KLU 'KHOR DANG BCAS PA TSIG PAR BYAS PAS SHI 'PHOS TE LJANG TSA LHA DPON DU SKYES SO ZHES BYA BA'I GTAM GSUNGS SO, ,DE NAS KHRI SRONG LDE BTZAN GYIS MKHAN CHEN ZHI BA 'TSO SPYAN DRANGS, BOD 'BANGS MANG PO RAB TU PHYUNG, 'DUL BA'I BSTAN PA DAR BAR BYAS PAS, BSTAN PA DAR ZHING RGYAS PAR MDZAD DO ZHES GRAGS PA YANG DON DANG LDAN NO, ,GZHAN YANG DE'I RING LA PADMA SAMBHA BA BYON NAS GSANG SNGAGS DAR BAR MDZAD PA LA, PADMA NYID KYIS RDO RJE PHUR PA DANG DPAL RTA MGRIN GNYIS RGYAL PO LA GNANG ZHING, BYE BRAG TU RGYAL POS DPAL RTA MGRIN GRUB TE, RTA SKAD LAN GSUM DU GRAGS PA PHAL CHE BAS THOS, PHUR PA NI PADMAS JO MO DANG 'BRE AA TZAR SA LE LA STZAL BAS, DE NAS BRGYUD DE LUGS SNA TSOGS SU GYUR CING SHIN TU DAR RO, ,'JAM DPAL SKU NI SLOB DPON SH'ANTIm GARBHA BOD DU BYON NAS DAR BA MDZAD CING, 'DIS BSAM YAS KYI RAB TU GNAS PA BYAS SO ZHES KYANG GRAGS SO, ,YANG DAG GI SKOR NI SLOB DPON H'Um KA RA ZHES BYA BA BOD DU BYON NAS SKAL BA DANG LDAN PA RNAMS LA SBYIN PAR GRAGS TE, 'DI NI DON DU NA SANGS RGYAS MNYAR LA MA SBYO BRTEN PA YIN @139 NO, ,BDUD RTZI NI SLOB DPON BI MA LA MI TRAS BOD DU GSUNGS SHING, DE NAS BRGYUD DO, ,DE LTAR NA RNYING MA BA RNAMS KYIS NYAMS SU SPYOD PA'I SGRUB PA BKA' BRGYAD NI, 'JAM DPAL SKU, PADMA GSUNG, YANG DAG THUGS, BDUD RTZI YON TAN, PHUR PA PHRIN LAS ZHES 'JIG RTEN LAS 'DAS PA'I SDE LNGA DANG, MA MO RBOD GTONG DANG, DMOD PA DRAG SNGAGS DANG, 'JIG RTEN MCHOD BSTOD DE, DE LTAR SDE BRGYAD DO, ,DE LA 'JAM DPAL SKU NI RNAM SNANG, PADMA GSUNG NI 'OD DPAG MED, YANG DAG THUGS NI MI BSKYOD PA, BDUD RTZI YON TAN NI RIN 'BYUNG, PHUR PA PHRIN LAS NI DON GRUB STE RIGS LNGAR BSDUS PA YIN LA, MA MO LA SOGS PA 'JIG RTEN PA'I RIGS KYI SDE GSUM NI, SLOB DPON PADMAS BOD KYI LHA SRIN RNAMS BTUL ZHING DAM LA BTAGS NAS SDE GSUM DU PHYE BA YIN PAS, BOD MA'O ZHES RNYING MA BA RNAMS KYI YI GE 'GA' ZHIG LAS 'BYUNG STE, 'THAD PAR YANG BSAMS SO, DE YANG 'JIG RTEN MCHOD BSTOD KYI DKYIL 'KHOR NA SHAMBU LA SOGS PA'I BOD KYI LHA CHEN PO DAG YOD DE, LHA CHEN PO 'DI RNAMS KYANG SANGS RGYAS MTHONG BA, RANG RANG GI GSANG SNGAGS KYI DAM TSIG DANG BCAS SHING, DES 'JIG RTEN LA PHAN THOGS PA SHA STAG YIN PAS, DPAL 'DZIN GYIS, 'JIG RTEN MCHOD BSTOD DKYIL 'KHOR DU, ,BOD KYI LHA 'DRE 'DZUD LUGS KYIS, ,GZHAN NA 'BYUNG PO ZAD DAM CI, ZHES KHA SMRA BA NI LOG PA'I GTAM STE, GZUNGS GRVA LNGAR YUL SO SO'I GNOD SBYIN MANG DU @140 BKOD SNANG BA SOGS LA SHIN TU RMONGS PA'O, ,BOD KYI YUL 'DIR MAN NGAG RDZOGS PA CHEN POR GRAGS PA LA YANG SEMS SDE DANG, KLONG SDE DANG, MAN NGAG GI SDE ZHES RNAM PA GSUM DU 'CHAD PA LA, SEMS SDE NI LNGA BEE RO TZA NA DANG, BCU GSUM BI MA LA LAS BYUNG BA YIN LA, KLONG SDE YANG BEE RO TZA NA LAS BYUNG BA'I MAN NGAG GO MAN NGAG GI SDE LA SNYING THIG CES GRAGS TE, BI MA MI TRA LAS BYUNG ZHING, DE'I SLOB MA MYANG TING NGE 'DZIN BZANG PO LAS BRGYUD DE, GSUM PO 'DI DAG NI BOD KYI KHAMS 'DIR SHIN TU DAR RO, ,SNGON BYON PA'I RNYING MA BA DE DAG LA RGYUD KYI BSHAD PA DING SANG GI BAR DU YANG GNAS PA NI, SGYU 'PHRUL GSANG BA SNYING PO'I SKOR RNAMS YIN TE, 'DI NI BI MA LAS LO TZ'A BA CHEN PO RMA RIN CHEN MCHOG LA GNANG ZHING DES LEGS PAR BSGYUR, LO TZ'A BA GTZUG RU RIN CHEN GZHON NU DANG GYE RE MCHOG SKYONG GNYIS LA BSHAD, DE GNYIS KYIS DAR RJE DPAL GYI GRAGS PA DANG ZHANG RGYAL BA'I YON TAN GNYIS LA BSHAD, ZHANG NAS BRGYUD PA RNAMS LA BKA' MCHIMS PHU BA'AM MAN NGAG BRGYUD CES GRAGS LA, DAR RJES DBUS GTZANG DU YANG MANG PO LA BSGRAGS SHING, KHAMS SU YANG BYON TE BSHAD PAS, DE DAG LAS BRGYUD PA LA YONGS GRAGS DBUS LUGS PA DANG, KHAMS LUGS PA ZHES GNYIS SU GRAGS SO, GSANG BA SNYING PO'I 'GREL PA NYI 'OD SENG GES MDZAD PA 'DI, KHAMS KYI 'OG RDU THUGS RJE BYAMS CHEN GYI GTZUG LAG KHANG DU LO TZ'A BA BEE RO TZA NAS BSGYUR TE, DE LTAR NA SLOB DPON BEE RO TZA@141 NA LA YANG RGYUD 'DI'I BSHAD PA YOD PAR MNGON NO, GZHAN YANG SLOB DPON SANGS RGYAS YE SHES ZHABS ZHES BYA BA 'DI, BI MA LA'I SLOB MA GNYAGS DZNY'A NA KU M'A RA, DE'I SLOB MA SOG PO DPAL GYI YE SHES TE, DE'I YANG SLOB MA YIN PAS DE LAS BRGYUD PA'I SGYU 'PHRUL GYI BSHAD PA YOD DAM SNYAM MO, SANGS RGYAS YE SHES 'DI BYON PA'I DUS KYANG, LA LAS KHRI SRONG LDE BTZAN GYI DUS DANG, LA LAS RAL PA CAN GYI DUS DANG, LA LAS KHRI BKRA SHIS BRTZEGS PA DPAL GYI DUS SU BYUNG BAR SMRA STE, RAL PA CAN GYI RING LA BYUNG NAS, KHRI BKRA SHIS BRTZEGS PA DPAL GYI BAR DU BZHUGS PA NI DON LA GNAS SO, ,'DI LA THUGS ZIN GYI SRAS BZHI, SRAS KYI DAM PA GCIG DANG LNGA BYUNG BA LAS, SRAS BZHI NI SO YE SHES DBANG PHYUG DE LA LTA BA SGANG DRIL TE BSHAD, PA GOR BLON CHEN 'PHAGS PA, DE LA 'GREL t'IKA DANG SBYAR TE BSHAD, DAN YON TAN MCHOG DE LA STAR KA GEGS SEL GYI TSUL DU BSHAD, SRU LEGS PA'I SGRON MA, DE LA TSIG GI SDEB SBYOR LEGS PAS BSHAD, SRAS KYI DAM PA YON TAN RGYA MTSO LA LTA BA SGANG DRIL TE BSHAD, GAB PA MNGON DU PHYUNGS TE, MAN NGAG KHOGS LDEBS SU BSHAD, ZAB MO GSANG BA KHONG LTO LTAR BSHAD, STAR KA GEGS SEL GYI TSUL TE BZHI KA BSHAD PAS, CHOS SKOR THAMS CAD TSANG BA YON TAN RGYA MTSO YIN NO, 'DI LA SRAS YE SHES RGYA MTSO DANG PADMA DBANG RGYAL GNYIS 'KHRUNGS, YE SHES RGYA MTSO'I SRAS LHA RJE H'Um CHUNG, 'DIS RJE BTZUN MI LA LA DRAG SNGAGS @142 GSUNGS, YON TAN RGYA MTSO YAB SRAS KYI SLOB MA MYANG SHES RAB MCHOG YIN TE, DES DOG LA GSHONGS KYI GTZUG LAG KHANG BZHENGS, BSKYED RDZOGS GSUM GA LA MKHAS PAR GRAGS, HA 'O RGOL GYI BRAG LA SGRUB PA MDZAD PA'I TSE, PHUR PA'I DKYIL 'KHOR ZHAL GZIGS, BRAG LA RDO RJE BRGYAB PAS 'JIM PA LA BRGYAB PA BZHIN SONG BA LA SOGS PA GRUB PA BRNYES PA'I LO RGYUS MANG DU YOD DO, ,DE'I SLOB MA BLA MA'I THUGS ZIN CING, BSKYED RDZOGS GSUM GA LA MKHAS PA CHOS LUNG GI MYANG YE SHES 'BYUNG GNAS TE, DE DAG LAS BRGYUD PA PHAL CHER LA RONG LUGS ZHES ZER ZHING, GDUNG RUS LAS BTAGS TE MYANG LUGS ZHES KYANG BYA'O, ,SKABS 'DIR SO'I SLOB MA NGANG THUNG BYANG CHUB RGYAL MTSAN, KONG BTZUN SHES RAB YE SHES, RA THUNG SHES RAB TSUL KHRIMS TE GSUM YIN PA LA, BRENG CHAGS SU BYAS NAS BLA MA'I BRGYUD PA G-YUNG STON PAS 'DREN TE, CUNG ZAD NOR BA 'DRA'O, ,DE LTAR NA YON TAN RGYA MTSO YAB SRAS DANG SO YE SHES DBANG PHYUG GNYI GA'I SLOB MA MYANG SHER MCHOG YIN LA, DES MYANG YE SHES 'BYUNG GNAS, DE'I SLOB MA ZUR PO CHE STE, ZUR PO CHE 'DI STONG TSAB 'PHAGS PA RIN PO CHE'I YANG SLOB MA YIN PAS, SANGS RGYAS YE SHES DANG ZUR PO CHE'I BAR NA BLA MA GCIG GO , DE LA ZUR GYI GDUNG RABS NI, LHA RJE ZUR PO CHE'I MES PO ZUR SHES RAB 'BYUNG GNAS, DE'I SRAS BZANGS MIG PO CHE, DE LA SRAS LHA RJE @143 ZUR PO CHE, LHA RJE SMAN PA, SGOM CHEN SH'AKA SDE, SGOM CHEN RDOR 'BYUNG NGO, ,ZUR PO CHE TSANGS PAR SPYOD PAS SRAS MED, LHA RJE SMAN PA LA YANG SRAS MA BYUNG, SGOM CHEN SH'AKA SDE'I SRAS AA MI SHES RAB BZANG PO, DE'I SRAS AA MI SHER BLO, DE LA SRAS BZHI, LHA RJE ZUR DPAL, KHAMS PA, DBANG NGE, JO MGON NO, ,DBANG NGE LA SRAS GNYIS, AA MI HE RU DANG, DBANG MGON NO, AA MI HE RU'I SRAS ZUR 'OD PO, DE LA SRAS GNYIS, SH'AKA MGON DANG, SH'AKA 'OD DO, ,SGOM CHEN RDOR 'BYUNG GI SRAS JO BTZUN RDO RJE 'BAR, DE'I SRAS ZUR NAG 'KHOR LO, DE LA SRAS GNYIS, LHA RJE KUN DGA' DANG, JO RTZE 'O, KUN DGA'I SRAS RGYAL PO, JO RTZE'I SRAS 'BER RE LAGS SO, ,LHA RJE ZUR PO CHE SH'AKYA 'BYUNG GNAS SPYIR BLA MA MANG PO LA THUG KYANG, KHYAD PAR DU CHOS LUNG GI MYANG YE SHES 'BYUNG GNAS LA SGYU 'PHRUL DANG SEMS PHYOGS ZHUS, DGE GONG GI LCE SH'AKYA MCHOG LA BDUD RTZI ZHUS, YUL GSAR GYI GNYAN NAG DBANG GRAGS LA GSANG DBANG DANG THABS LAM ZHUS, THO DKAR NAM MKHA' LDEB LA MDO DANG BAR KHAB ZHUS, MYANG STOD KYI 'BRE KHRO CHUNG LA KA DAG DANG LHUN GRUB KYI BSHAD PA DANG LAM RIM CHEN MO LA SOGS PA ZHUS, BSAM YAS 'CHIMS PHU'I ROG SH'AKYA 'BYUNG GNAS LA YANG DAG ZHUS SO, DE LA SOGS PA'I MKHAS PA MANG PO LA THUG NAS, RTZA RGYUD DANG BSHAD RGYUD DU PHYE, RTZA BA DANG 'GREL PAR SDEBS, RGYUD DANG SGRUB THABS SU SDEBS, SGRUB THABS @144 DANG CHOG YIG LA SOGS PAR SDEBS NAS, 'BANGS RTZE MO BZHI RTZE LKOG DANG LNGA, SGOM CHEN BRGYA RTZA BRGYAD LA SOGS PA LA BSHAD DO, ,DE LA RTZE MO BZHI NI, LTA DGONGS KYI RTZE MOR GYUR PA ZUR CHUNG SHES RAB GRAGS PA, SGYU 'PHRUL GYI BSHAD PA PHYOGS CIG GI RTZE MOR GYUR PA BAN NAM BRES KYI MI NYAG 'BYUNG GRAGS, MKHYEN RGYA'I RTZE MOR GYUR PA RA ZA'I ZHANG 'GOS CHUNG BA, SGOM SGRUB KYI RTZE MOR GYUR PA 'TSO NYA'I BZANG SGOM SHES RAB RGYAL PO'O, ,RTZE LKOG NI, CHOS KYI STENG DU PHO ZA'I RTZE MOR GYUR PA RTZAGS BLA MA'O, ,YANG NA RTZE LKOG BRGYAD DE, LO ROG DANG, LA THUNG SH'AKA RGYAL DANG, RTA ROG DANG, RTZAGS BLA MA DANG, SUM PA DBANG TSUL DANG, 'OL SGOM DANG, YUM PA BLO RGYA DANG, CHAGS STON NAM MKHA' SOGS SLOB MA'I TSOGS SHIN TU MANG BA LA BSHAD PA RGYA CHER MDZAD, 'UG PA LUNG GI GTZUG LAG KHANG LEGS PAR BZHENGS, SHANGS KYI MDAR SRAM PA SGRUB KHANG DU DPAL CHEN PO LHA DGU LDE GUR BZHENGS, DE'I TSE GNAS DE NAS YA ZAD PHYIN PA NA, 'OG GDONG GI BRAG LA GNAS 'CHA' BA'I KLU ZHIG YOD PA DE GZUNG NAS RDZA MAR BCUG STE KHA SKYI MAS BCAD DE RGYA BTAB NAS BZHAG PAS, KLU DES PHYOGS PHYOGS KYI CHANG RNAMS BSDUS NAS LAS BYED PA DANG, RAB TU GNAS PA'I SKABS, THAMS CAD DU RDZA MA GCIG LAS CHANG ZAD MI SHES PA BYUNG, RAB TU GNAS PA'I TSE GRONG PA'I PHYUGS MANG PO G-YAR NAS BSAD DE, RAB TU GNAS PA'I SHA STON CHEN PO BYAS, NYIN MO'I MJUG TU PHYUGS @145 RNAMS MA TSANG BA MED PAR GRONG PA RNAMS LA SO SOR GTAD, GTZANG PO LHO KHAR YANG DE LTA BU ZHIG MDZAD BZHED NAS, CHANG GI RDZA MA DE KHYER BYON PA LA, NYE GNAS KYIS LAM KHAR 'DI NA CI YOD PA YIN NAM SNYAM NAS, RDZA MA'I KHA PHYE BAS SBRUL DKAR PO ZHIG 'THON SONG BAS, DE NAS LHA BZHENGS RGYU MA BYUNG, THAG GI RGYA BOR YANG DAG GI SGRUB PA MDZAD PA'I TSE, BLA CHEN 'BROG MIS NGA PAndI TA RDZONG PA'I GSER GYIS MA LDANGS PAS, KHYOD KYIS GSER MANG PO KHYER LA SHOG NGAS GDAMS PA ZAB MO SBYIN NO ZER BA'I BKA' 'PHRIN BYUNG BA LA, 'BYON PAR BZHED PA'I TSE 'KHOR RNAMS KYIS GSHOL KYANG, BLA MA'I GSUNG NYID DNGOS GRUB YIN PAS 'GRO GSUNG ZHING, GNAS DE DANG HA CANG MI RING BA'I RI SUL ZHIG TU MI MA YIN LA GSER BLANGS PAS, GZHI BDAG DE NA RE, GSER SROG CHAGS KYI GZUGS CAN MA BYUNG GI BAR DU GSER RNAMS LONG ZHIG CES ZER ZHING PHUL BAS, KHUNG BU GCIG NAS GSER SHIN TU MANG BAR BYUNG BA'I MTHAR GSER SBAL PA 'DRA BA ZHIG BYUNG BA DANG 'PHRO BCAD, MYU GU LUNG DU BYON NAS LO TZ'A BA LA GSER SRANG BRGYA'I 'THUD BYAS, STON GYI DUS BER GYI THOG TU TSAR MA 'KHUR BA MDZAD PA SOGS GUS PA'I SPYOD LAM GYIS KYANG MNYES PAR MDZAD, BSAM MI KHYAB KYI GDAMS NGAG GNANG, LHA RJE 'UG PA LUNG PA SKU BSOD RGYAS PA'I DUS NA, NYA RI NA MA MA G-YUNG DRUNG BKRA SHIS BZA' MI GNYIS CHOS 'KHOR BYA BA 'DOD NAS YUL MI DANG NYE DU KUN BSAGS TE, SLOB DPON GANG BZANG DRIS PAS, LA LA NA RE SNGAGS @146 PA BZANG BAS SNGAGS PA LA BYED DGOS ZER, LA LA BTZUN PA LA BYED DGOS ZER, LA LA BON PO LA BYED DGOS ZER, DE LTAR KHONG RNAMS KHA MA 'CHAM PAS, NGED RNAMS KHA MI 'CHAM PA 'DUG KHYED RANG GANG MOS PA LA GYIS SHIG CES SMRAS PAS, MO NA RE, 'O NA NGA'I YO BYAD KYIS LDENGS PA YOD PAS GSUM KA SPYAN DRANG NGO ZER NAS, MCHOD GNAS SDE GSUM SPYAN DRANGS TE, SNGAGS PA LA 'UG PA LUNG PA, BON PO LA KE RTZE BA, BTZUN PA LA CHU MIG RING MO BA GDAN DRANGS SO, ,MCHOD GNAS GSUM PO NA RE, 'U CAG TSO LHA KHANG CIG BRTZIG DGOS ZER NAS, GSUM PO 'DUS STE LHA KHANG STABS SU BRTZIG PA'I GROS BYAS PAS LHA'I GTZO BO LA MA MTHUN TE, SNGAGS PAS RDO RJE SEMS DPA' LA BYED ZER, BTZUN PAS SH'AKYA THUB PA LA BYED ZER, BON PO NA RE GSHEN RAB MI BO LA BYED DGOS ZER BAS, LHA KHANG SO SOR BRTZIGS SO, LHA RJE 'UG PA LUNG PAS SGRO PHUG PAS DMA' BA CIG TU RMANG BTING STE BON PO DANG SDEBS NAS BRTZIGS PAS, BON PO NA RE, DA GDOD LHA BZHENGS TZA NA YANG, YANG NA KHYED KYI LHAS GTZO BO BYAS NAS NGA'I LHAS 'KHOR BYED DGOS, YANG NA NGA'I LHAS GTZO BO BYAS NAS KHYED KYI LHAS 'KHOR BYED DGOS ZER BAS, DE GNYIS GANG BYAS KYANG LEGS PA CIG MI 'ONG BAR 'DUG NAS, LHA KHANG DE BON PO LA BYIN TE, SGRO STON GYIS SGRO SBUG PHUL TE DER LHA KHANG SGRO SBUG TU BRTZIG PA LAGS SO, DE NAS YON BDAG GNYAN SDE GSUM NA RE, LHA KHANG LA RGYA PHIBS SUS KHEL BA LA ME TOG @147 BSDUD ZER BA LA, SNGAGS PA DANG BON PO GNYIS KYIS KHEL, BTZUN PAS MA KHEL LO, DER SNGAGS BON GNYIS KYIS LO RES MOS SU ME TOG BSDUS PAS, BTZUN PA NA RE, RGYA PHIBS MA KHEL KYANG BDAG CAG SLONGS RE ZHU ZER BAS LO GCIG BYIN PAS, LO RES SDUD DU SONG ZHING, LO RE'I YUL GYI RGYA YANG BSRUNG BA LAGS SKAD DO, ,DE LTAR SGRO SBUG GI GTZANG KHANG 'BYONGS TZAM LA RGYA BO BA LA GTAD NAS, 'UG PA LUNG PA DGUNG LO DRUG CU RTZA GCIG PA CIG SKU GSHEGS SO, 'BANGS RTZE MO BZHI'I NANG NAS MCHOG TU GYUR PA BDE GSHEGS RGYA BO BA NI, MES PO AA TZA RA BYA BA'I BU ZUR SGOM BYA BA LDOM BU BYED PA'I BTZUN RGAN GCIG YOD PA LA, LHA RJE RGYA BO BA KHA BTZUN CHUNG PHA'I PHYIR 'BRENG BA CIG YOD PA, 'UG PA LUNG DU PHYIN NAS, LHA RJE ZUR PO CHE'I ZHAL NAS, KHYOD KYI RUS PA CI YIN GSUNG, ZUR LAGS BYAS PAS, 'O NA BTZUN CHUNG 'DI NGA'I RTZAR ZHOG NGAS GSOS PAS CHOG KHYOD RANG GIS GOS 'DRA BA RNYED NA SKYOL GSUNGS PAS, KHO DGA' STE, 'O NA DE TZUG ZHU ZER NAS BU LHA RJE'I RTZAR BZHAG NAS GSOS, MING SHES RAB GRAGS PA BYA BA YIN, BLA DVAGS SU ZUR CHUNG ZHES BYA BAR THOGS, PHYIS ZUR CHUNG SHES RAB GRAGS SU GRAGS, BRAG RGYA BO DGU 'DUS KYI RTZE MO LA SGRUB PA MDZAD PAS BDE GSHEGS RGYA BO BA ZHES BYA'O, ,DE LTAR 'UG PA LUNG PAS BTZUN CHUNG GSOS PAS SHES RAB SHIN TU CHE BA CIG BYUNG STE, SLOB GNYER BYED DU BCUG PAS CHOS MKHAS PAR SHES KYANG YO BYAD MED PA'I STABS @148 KYIS DBANG RNAMS MA THOB CING DPE CHA'ANG MA BRIS PAR YOD TZA NA, LHA RJE 'UG PA LUNG PA LA BAN GYI KHANG SNGON NA JO MO G-YU MO BYA BA SGOM MA PHYUG MO MA SMAD GNYIS YOD PAS, LHA RJE'I ZHAL NAS, KHYOD RANG MA SMAD 'DI GNYIS KYI THOG TU SDOD GSUNG, NGA KHYIM THAB MI BYED BYAS PAS, 'DU SHES MA CHUNG, KHYOD YO BYAD MED PA LA KHONG GNYIS KYI YO BYAD SPYAD NAS DBANG ZHUS, DPE BRIS, CHOS THAMS CAD LHAG MA MA LUS PAR RDZOGS PAR NYAN PAS CHOG PA YIN, DES KHONG GNYIS KYI CHOS KYANG RDZOGS, KHYOD RANG GI DON YANG GRUB PA DE DGA' MOD GSUNG, DER GSUNG BZHIN NYAN PAS 'DOD PA THAMS CAD RDZOGS PAR GYUR PA DANG, DA KHYOD DER MA BSDAD PAR DPE CHA LA SOGS PA KHYOD RANG GI YO BYAD RNAMS RIM GYIS SKYOS LA NGA'I 'DIR SHOG GSUNG, DE LTAR BYAS PAS CANG MCHI 'AM, KHONG GNYIS KYANG DRIN CHE ZHUS PAS, BLO MA CHUNG, KHYOD KYIS 'GRO BA'I DON NUS PA ZHIG 'ONG BAR 'DUG PAS, SNYIGS MA'I DUS 'DIR BDE BAR GSHEGS PA'I BSTAN PA RGYAS PAR BYAS NAS 'GRO BA MTHA' DAG GI DON BYED DGOS PA YIN, KHONG GNYIS KYI DRIN LAN DU YANG DE CHE, KHONG GNYIS PO LA GAB PAS RANG DON GZHAN DON GANG YANG MI NUS GSUNG, DE NAS JI SKAD GSUNG BA BZHIN NYAN PAS, LUNG STONG BYE MA'I GSEB TU TSAD PAS TSIG CING ZHAL SKEMS PA'I TSE CHANG 'DRIN PA BYUNG BA DANG, RI STONG GI RTZE MO LA BYON PAS SKU BKRES PA LA ZHAL ZAS 'DREN PA BYUNG BA LA SOGS PA GANG 'DOD PA'I THUGS DGONGS 'BAD PA MED PA GRUB PA @149 GRUB PA BYUNG BAS, DA NI NGAS 'GRO BA'I DON BYAS KYANG 'GRUB 'ONG BAR 'DUG SNYAM PA LA, BLA MA'I ZHAL NAS, DA KHYOD KYIS BSHAD PA GYIS GSUNGS NAS, DER MDO DGONGS 'DUS GSUNGS PAS DUS GCIG LA DPE 'GREMS SUM BRGYA BYUNG NGO, ,DE LA DANG PO BTZUN CHUNG GI DUS NA, 'UG PA LUNG GI SGO RTZA NA MCHOD RTEN CIG YOD PA LA SKOR BA BYED CING 'DUG PA LHA RJES GZIGS PAS, ZHABS SA LA MI REG PA KHRU GANG TZAM NA YAR SGO RA RA GDA' BAS, 'O NA 'DI SPRUL PA'I SKU ZHIG YIN NYEN 'DUG PAS NGO MTSAR CAN CIG 'ONG BAR 'DUG SNYAM NAS SHIN TU DGYES SO, ,YANG LHA RJES SHANGS KYI BSAM PA SGRUB KHANG DU YANG DAG GI LO SGRUB MDZAD PA'I TSE, LHA RJE'I ZHAL NAS KHYED 'BANGS RTZE MO BZHI PO DANG DGONGS PA 'GRAN DANG GSUNG BAS, THAMS CAD KYIS MNYAM PAR BZHAG PAS, GSUM PO LA DGONGS PA RI BO LTAR G-YO 'GUL MED PA BYUNG BA LA, ZUR CHUNG PA TAL GANG TZAM 'PHAGS NAS GDA' SKAD, G-YOG MO CIG LA ZUR CHUNG GI RU LU'I SGRA 'DI CHE CHUNG NYON DANG GSUNGS NAS, G-YOG MO DES SGRUB KHANG GI PHYI ROL NAS NYAN PAS SNGAR BAS CHUNG DU MA SONG, RI ZUR GCIG 'DAS NAS NYAN PAS KYANG CHUNG DU MA SONG BAR 'DUG LA, DER LHA RJE'I ZHAL NAS, KHYED TSO MCHED GROGS MNYAM PO YIN KYANG GSUM POS ZUR CHUNG GI GRIB MA LA MA 'GONG ZHIG GSUNG, SPYIR BDE GSHEGS 'DI, LHA RJE 'UG PA LUNG PA'I DGONGS PA JI LTA BA BZHIN DU LONGS PA, MKHYEN PA THAMS CAD BUM PA GANG BYO'I TSUL DU MNGA' BA, @150 CHOS KYI DON LA BLO GROS KYI SPOBS PA MCHOG DANG LDAN PA LAGS SO, DE YANG G-YAS RU KHANG KHRI'I LHA KHANG NA 'CHAD NYAN SKYONG BA'I DUS SU, GRVA PA RNAMS GO MA CHOD MI GSUM LA GTAD NAS, KHYED TSOS 'CHAD NYAN GYI BSTAN PA SKYONGS SHIG NGA SGOM SGRUB LA 'GRO GSUNGS NAS BRAG RGYA BO LA GSHEGS TE, BRAG RGYA BO DE BCOM LDAN 'DAS DPAL CHEN PO LA GOO R'I MA BRGYAD KYIS BSKOR BA 'DRA BA YIN PAS, 'DI LA SGRUB PA BYAS NA BYIN RLABS CHE BA, SGRUB THAG NYE BA 'ONG GSUNG NAS, MING LA BRAG RGYA BO DGU 'DUS ZHES ZER LA, DER BYON NAS SGRUB PA MDZAD PAS DANG PO CHO 'PHRUL SHIN TU CHE BAR BYUNG STE, SA PHYOGS THAMS CAD SDIG PAS KHENGS KYI BYUNG BA DANG SDIG PA RTZID BU TZAM YANG BYUNG, NUB GCIG GI MNAL LAM NA, BRAG RGYA BO'I RTZE MOR MI NAG PO CHEN PO CIG BYUNG NAS, LHA RJE'I ZHABS GNYIS NAS BSDUS TE KLAD LA BSKOR NAS BSKYUR BAS, BRAG GI MDUN DU THANG CHEN PO CIG YOD PA'I DKYIL DU BRDABS PA CIG RMIS, MNAL PHRAS DE SAD TZA NA, THANG DKYIL NA DNGOS SU 'DUG SKAD, YANG YAR LA 'DZEGS TE DE 'DRA BA'I CHO 'PHRUL CHEN PO KUN LA MA 'DZEM PAR BZHUGS NAS SGRUB PA MDZAD DO, ,DE YANG DANG PO RDO RJE SEMS DPA'I KHANG BU BYA BAR, GSANG BA SGYU 'PHRUL LAS BYUNG BA'I PHYAG RGYA BSAM GTAN GYI SGRUB PA BYA BA RDO RJE SEMS DPA'I SGRUB THABS SHIG LA PHYAG LEN MDZAD NAS BSGRUBS PAS, RDO RJE SEMS DPA'I ZHAL GZIGS TE THAG GI LUNG PA RDO RJE SEMS DPAS KHENGS PA BYUNG, SNANG BA ZAD PAR GYI @151 SKYE MCHED BRNYES SHING, CIR SNANG THAMS CAD RDO RJE SEMS DPA'I RANG BZHIN DU BKRA LAM LAM GSAL BA BYUNG BA LA, DE DAG KYANG BZANG RTOG GI MTHU BRTAS PA YIN, YANG DAG PAR GTAD PA CI YANG MED SNYAM DU DGONGS NAS, BSAM GTAN GYI KHANG BUR RDZOGS PA CHEN PO RTZOL BRAL GYI NGANG LA BZHUGS PAS, RDZOGS PA CHEN PO RANG SNANG RIS MED KYI DGONGS PA SHAR TE, SA RDO RI BRAG THAMS CAD LA THOGS PA MED PAR 'GRO BA BYUNG NGO, MTSAN NYID PA'I DGE BSHES SBA DGE MTHONG BYA BA ZHIG DE'I DUS SU THAG TU CHOS 'KHOR LA BYON NAS, KHONG GI GRVA PA MKHAS PA ZHIG LHA RJE LA BGRO GLENG BYED DU BYUNG STE, KHOS MDUN NA KA BA YOD PA DE CHOS CAN DU BZHAG NAS, KA BA CHOS CAN BYAS PAS, KA BA CHOS CAN KA BA CHOS CAN KHYOD 'JIG RTEN RANG RGYUD PA'I 'KHRUL NGO LA KA BA RANG RGYUD DU SNANG YANG, RDZOGS PA CHEN PO RANG SNANG RIS MED KYI DON LA KA BA GRUB PA MI GDA' GSUNG NAS, PHYAG YUG YUG MDZAD PAS KA BA LA THOGS CHAGS MED PAR PHYAM PHYAM GDA' SKAD, DER KHO NGO MTSAR SKYES NAS SMRA MA NUS PAR DAD PA THOB NAS LHA RJE'I SLOB MA BYAS PA NI MA THOG BYANG 'BAR YIN NO YANG ZER, DE LTAR BRAG RGYA BO LA LO RIL PO BCU GSUM YAL YOL GCIG DANG BCU BZHI BZHUGS PA LA, DGON PA NAS 'BYON PA'I RKYEN GNYIS LAGS SKAD, GCIG NI GO MA CHOD MI GSUM GYIS RGYAB TSOL TSOL NAS MDUN SHOR TE, 'GO BYA TSA NA RE, GSANG BA SNYING PO 'DI LA THABS LAM GYI SKABS SU RGYAB TU MA RGYUD DGOS PA 'DUG ZER NAS, 'GOS KHUG @152 PA LHAS BTZAS KYI SAR DGYES RDOR NYAN DU BYON PAS, LAM DU BTZUN PA GNYIS DANG PHRAD NAS JO BO BAN DE LAM DU DGRA 'DUG GO ZER BA LA, LAN DU, GZUNG 'DZIN GYI 'PHRANG LA NYON MONGS KYI JAG PA BKYE NAS, NYAN THOS KYI BYIS PA BTZON DU MCHI 'O GSUNG, BTZUN PA GNYIS NA RE, BAN DE SKU MTHONG CAN SBOS SU RE BA CIG 'DUG GO ZER BAS, YANG LAN DU, THEG RGYAL GYI KHA NAS LTA RGYAL GYI RBAB 'DRIL NAS, NYAN THOS KYI GRONG KHYER BCOM PAR MCHI'O GSUNG, DER 'GOS KYI GRVA SAR BYON TZA NA, GRVA SA DE NA RMA RA JO SRAS RMA BYA ZHES BYA BA, ZHABS TOG CHE BA, DREGS PA CHE BA, STA GUR BYED BYED PA CIG YOD PAS, 'GO BYA TSA KHONG RANG LA STA GUR 'ONG DU RE BA LA MA BYUNG NAS, PHYAG ZUR LA PHUL GYI PHYIN PAS, NAM ZHIG 'GOS KYI ZHAL NAS, DGE BSHES 'GO BYA TSA CHOS KYANG GUS PAR NYON, ZHE SA YANG TSUL BZHIN DU PHUL GSUNGS PAS, LAN DU, NYID KYI 'BANGS RMA RA JO SRAS RMA BYA BA 'DI DOR MA DRUD NAS BYUNG, SKE RAGS GON NAS BYUNG, GONG DU NI KHOS MI GTONG, 'OG TU NI NGOS MI MCHI, CHOS NI GUS PAS NYAN ZHING MCHIS, ZHE SA ZUR LA PHUL BA LA BKA' BKYON MI MDZAD PAR ZHU GSUNG SKAD, MES DBANG SENG NA RE, SGYU 'PHRUL 'DI LA DKYIL 'KHOR PHYIR 'DON PA'I DUS SU, RGYAB TU YO GA CIG DGOS PA 'DUG GSUNGS NAS, SUM PA YE 'BAR GYI SAR YO GA NYAN DU SONG, 'GO CHUNG DBANG DE NA RE, SGYU 'PHRUL 'DI LA GZHI LAM GYI GRUB MTHA'I SKABS SU, RGYAB @153 RTEN DU TSAD MA CIG DGOS PA 'DUG GSUNG, SPANG KA DAR CHUNG BA'I SAR TSAD MA NYAN DU SONG NGO, DE LTAR GSUM GYIS BSTAN PA MA 'KHYONGS PAS GRVA PA BSKYANG DGOS PA BYUNG NAS BYON PA LAGS SKAD, DE GSUM GO MA CHOD DU SONG BA'I RGYU MTSAN YANG DE LAGS, GCIG NI LHA KHANG MA 'BYONGS PA LA LHA RJE 'UG PA LUNG PA SKU GSHEGS TE, NGA'I LAG RJES 'DI KHYOD KYIS SBYONGS SHIG GSUNGS NAS BLA MA'I BKA' BYUNG BAS BYON PA YIN NO, ,DE LA SLOB MA KA BA BZHI, GDUNG BRGYAD, PHYAM BCU DRUG DRAL MA SUM CU GNYIS, SGOM CHEN MI GNYIS, YUS PO CHE MI GCIG DKYUS PA MI GNYIS, STA GUR MI GNYIS, GO MA CHOD MI GSUM PA LA SOGS MANG DU BYON NO, KA BA BZHI PO 'DI, DANG PO DGE BSHES KHYUNG PO GRAGS SE'I GRVA PA MTSAN NYID PA CHEN PO SHIN TU MKHAS PA YIN PA LA, DGE BSHES KHYUNG PO DANG LHA RJE CHEN PO GNYIS YON BDAG GCIG GIS MYANG ROR GDAN DRANGS NAS CHOS STABS GCIG TU BTZUGS TE 'DZOM PA'I DUS SU, DGE BSHES KHYUNG PO'I ZHAL NAS, ZUR CHUNG SHES RAB GRAGS BYA BA CHOS LOG MKHAN 'DI SUN PHYUNG LA SHOG GSUNGS NAS, KHONG BZHI PO BTANG BA NA, KHONG BZHIS KYANG LHA RJE'I SPYAN SNGAR PHYIN TE, THOG MAR SKYO STON SH'AKA YES DRIS PA, LHA RJE CHEN PO LAGS, KHYED RDZOGS PA CHEN PO BA'I LUGS KYI SGOM KHO NA LA GTZO BO MDZAD PA LAGS SAM ZHUS PAS, NGA DMIGS PA GANG LA GTAD 'DUG GSUNG, 'O NA MI SGOM PA LAGS SAM ZHUS PAS, NGA GANG LA G-YENGS 'DUG GSUNGS @154 PAS, SPOBS PA LAN MED PAR GYUR TO, DE'I RJES LA GLAN STON SH'AKA BZANGS KYIS DRIS PA, KHYED GSANG BA SGYU 'PHRUL PA'I LUGS KYIS SNANG BA THAMS CAD LHA DANG LHA MO'I DKYIL 'KHOR DU 'DOD PA MA LAGS SAM ZHUS PAS, YUL BEM PO RANG RGYUD DU SNANG BA MNGON SUM GYI TSAD MA SUS 'GEGS GSUNG, 'O NA MI 'DOD DAM BYAS PAS, SEMS CAN RNAMS KYI MA DAG PA'I 'KHRUL SNANG RANG RGYUD PA SBYONG BAR BYA BA'I CHED DU, BKA' MDO RGYUD DU MA LAS GSUNGS PA DANG SUS 'GAL BAR NUS GSUNGS PAS, YANG LAN MED PAR GYUR TO, ,DE LTAR KHONG BZHIS RIM GYIS DRIS PAS, THAMS CAD SPOBS PA LAN MED DU GYUR TE, DER KHONG RNAMS NA RE, THEG PA CHEN PO'I CHOS PHYIN CI MA LOG PAR RTOGS PA, RIGS PA DANG GROL BA'I SPOBS PA DANG LDAN PA 'DI 'DRA BA'I BSHES GNYEN GANG NAS KYANG MI RNYED PAS, 'ON KYANG BU GCIG DNGOS SU PHYIN NA SLOB DPON MI DGYES PA 'ONG BAS, SANG PHOD THABS KYIS SLOB DPON DANG BRAL LA ZUR CHUNG GI ZHABS DRUNG DU MI 'DUD RE MNA' MTHO GYIS ZER NAS MNA' MTHO BCAD, DAM BCAS NAS SANG PHOD LHA RJE'I SPYAN SNGAR BYUNG BAS, DE RNAMS LA KA BA BZHI BYUNG BA YIN NO, ,DE NAS KHONG RNAMS TSUR LOG NAS SLOB DPON GYI DRUNG DU PHYIN TZA NA, KHYED TSOS ZUR CHUNG BA SUN PHYIN NAM GSUNG, SUN PHYIN PAR MI GDA' BYAS PAS, MA DGYES TE PHRAG DOG GI MUN PAS BKAB NAS ZUR CHUNG SHES RAB GRAGS PA DANG 'DRA BA'I LTA BA NGAN PA CAN, SKYE BO THAMS CAD LOG PA'I LAM LA 'KHRID PA @155 'DI BSAD NA, SANGS RGYAS? NGES TE THE TSOM MED PAR THAG CHOD, DE CI'I PHYIR NA DON DU 'GYUR NA BKAG PA RNAMS GNANG BA'I PHYIR RO GSUNG SKAD, DE LHA RJE'I GRVA PA RNAMS KYIS THOS NAS, DGE BSHES KHYUNG POS NGED RANG LA 'DI SKAD GSUNG GI 'DUG ZER ZHES SNYAN DU GSOL BAS, DE'I TSE CANG MI GSUNG BAR NANG PAR CHOS KHRI'I KHAR BYON NAS CHOS GSUNG KHAR BZHAD KYI 'DUG STE, CI LA DGYES ZHUS PAS, CHOS BYA BA NGA'I THEG PA CHEN PO GSANG SNGAGS 'DI YIN PAR 'DUG SGROL BA LA BRTEN NAS SANGS RGYA BAR 'DOD PA 'DI GSANG SNGAGS KYI LUGS YIN, MTSAN NYID PA LA MED SNYAM TZA NA, ZUR CHUNG BA LTA BU BSAD NA SANGS RGYA GSUNG NAS KHYUNG PO GRAGS SE LTA BU'I MTSAN NYID PA CHEN PO YANG BLO PHUGS NGA'I CHOS LA GTOD PAR 'DUG PAS, DE DGA' BA CIG BYUNG GSUNG SKAD, DE LA SEMS PHYOGS KYI KA BA GUNG BU'I SKYO STON SH'AKA YES, MDO'I KA BA SKYED LUNGS KYI YANG KHENG BLA MA, SGYU 'PHRUL GYI KA BA CHU BAR GYI GLAN SH'AKYA BZANG PO, PHRIN SGRUB KYI KA BA NAG MO RI'I MDA' TI JO SH'AKA GO ,MA THOG BYANG 'BAR DANG BRGYUD PA LNGA ZHES KYANG GRAGS, GDUNG BRGYAD NI, MA THOG PA DANG, SKYA STON CHOS SENG, GLAN SH'AKYA BYANG CHUB, RTZAGS SH'AKA RINGS, SNUBS STON BAG MA, DBUS PA SA 'THOR, SHU STON ZLA GRAGS, RTZE PHROM BYANG DPAL DANG BRGYAD DO, YANG 'A LA GZI CHEN, NAL RBA SNYING PO, RAM STON RGYAL BA GSUM BCUG PA YANG 'DUG GO ,SGOM CHEN MI GNYIS NI, 'BA' SGOM DIG MA DANG, @156 BON SGOM DO BA'O, YUS PO CHE NI, LAS STOD KYI ZI STON BSOD RGYAL LO, STA GUR MI GNYIS NI, ZHANG STON SNGAGS SE DANG KHYUNG PO RTA CHUNG GRAGS SE'O, PHYAM PHRAN DANG DRAL MA DANG DKYUS PA'I MING MA SMOS SO, ,DE LTAR LHA RJE RGYA BO BA SKU BSOD BSNGO BA'I DUS SU, BOD KYI SNGAGS PA 'TSOGS TSAD KYIS PHYAG MI BYED PA DANG GRAL GONG DU 'GRO BA MED, 'GOS LO TZ'A BA NA RE, GSAR MA BA RNAMS LA, NGED RANG TSO KHO LA PHYAG 'TSAL DON YANG MED, GRAL ZHABS SU BSGRIG DON YANG MED PAS, NGED RANG TSO KHRIMS GYIS SHIG ZER NAS KHRIMS BYAS PA LA, NAM ZHIG SHANGS SU STON MO CHEN PO ZHIG BYUNG BA'I TSE SNGAGS PA THAMS CAD 'TSOGS PA NA, ZUR CHUNG BA GRAL 'GO NA BZHUGS PA'I SPYAN SNGAR 'GOS LO TZ'A BA BYON NAS PHYAG 'TSAL GYI 'DUG GO DER KHONG RNAMS KYIS KYANG PHYAG BYAS TE, STON MO GYES PA'I TSE KHONG RNAMS NA RE, ZUR CHUNG BA LA PHYAG MI BYED PA'I KHRIMS BYED ZER NAS KHYED RANG PHYAG MDZAD PA JI TZUG LAGS BYAS PAS, KHO'I DRUNG DU PHYIN TZA NA BCOM LDAN 'DAS DPAL CHEN PO 'AM DE 'DI KA YIN PAR 'DUG SNYAM PA LAS, MI YIN PA'I 'DU SHES MI SKYE BAR 'DUG GSUNG NGO, GZHAN YANG LHA RJE YANG KHYED DE GRVA PA'I DUS SU SHIN TU 'BYOR PA CHUNG BA BKRES PA CIG YOD PA LA, DUS NAM ZHIG NA LHA RJE CHEN POS KHONG GI BRANG KHANG DU GSE'I GA'U PHUL DGU SHONG BA CIG YOD PA DE KHYER NAS BYON TE, NGA KHA SKOM KHYOD LA SKOM MED DAM GSUNG, ZAN CHANG BDOG STE ZHUS PAS, 'O NA KHYER LA SHOG GSUNG, @157 BON PO'I YAS RTAGS BSDUS PA'I ZAN CHANG YOD PA DRANGS PAS GSE'I GA'U DO GSOL NAS DA MED DAM GSUNG, YANG DRANGS PAS GANG GSOL NAS YOD NA DA RUNG KHYOG GSUNG, YANG GANG DRANGS PA NA DA MED DAM GSUNG, DA DUNG BRE GANG TZAM BDOG ZHUS PAS 'O NA MI YOG PA 'DUG YOG NA KHYOD LA BSOD NAMS BOD 'DIR MI SHONG BA ZHIG 'ONG BA YIN TE, 'ON KYANG BSOD NAMS CHE BA ZHIG 'ONG GI GSUNGS NAS, NAS KHAL GSUM GNANG NAS DE'I BAR LA 'DI ZO, DE NAS KHYOD RANG LA STER BA 'ONG GI GSUNG, DE NAS NAS DE ZAD PA DANG SKU BSOD RGYAS NAS BYUNG BA YIN SKAD, DE LTA BU LA SOGS PA'I CHE BA'I YON TAN DU MA DANG LDAN PA'I LHA RJE BDE GSHEGS RGYA BO BA'I SKU'I SRAS LCAM SRING GSUM BYUNG BA YIN TE, SNGA TSAR PHYI TSAR GNYIS LAS, JO MO SNGA MA BTZAD MO DAR MA BO DH'I LA BTZAD TSA LCAM DRAL GNYIS 'KHRUNGS TE, JO BTZUN RDO RJE 'BAR DANG, JO SRAS MA SH'AKYA LCAM MO, PHYI TSAR RJE BTZUN SGRO PHUG PA CHEN PO'I YUM NI, JO SRAS MO MNGA' MO GTZUG TOR LCAM BYA BA MNGA' TIG JO SH'AKA GI LCAM MO YIN, DANG POR NAS JO MO BZHES PA MIN NA'ANG, GRVA SA NA CHOS NYAN ZHING YOD PA JO MO LTAR SONG NAS, GRVA PA RNAMS LA BAG SDANG BAR BYUNG BAS 'DON PAR BYAS PA LA, SKYO STON SH'AKA YES NA RE, 'DI'I SRIN LAG LA BSTAN PA'I GTZO BO GCIG 'DUG PA KHO BO LA RMIS PAS, GAL TE SRAS 'DRA BA MTHONG NA 'U CAG RNAMS LA PHAN THOGS PA 'ONG NYEN CHE BAS ZHOG GSUNG SKAD, DER MA BTON PAR BZHAG PAS, LHA RJE CHEN PO @158 SGRO PHUG PA SHING PHO STAG LA 'KHRUNGS SO, YAB KYI ZHAL NAS, SKYO STON SH'AKA YES KYI RMI LTAS KYANG BZANG, NGA'I BU 'DI BSTAN PA'I GTZO BO DANG TSUL MTHUN PA 'GRO BA LA PHAN THOGS PA CIG 'ONG BAR 'DUG PAS, MING YANG SH'AKYA SENG GER THOGS GSUNG, YUM GYI ZHAL NAS, MIG RTZA GRUNG HOR PA'I MIG 'DRA BAS SHIN TU GRUNG BA CIG 'ONG BAR 'DUG PAS, MING HOR POR THOGS GSUNG, DE LTAR ZUR SH'AKYA SENG GE DANG MDA' TSA HOR POR GRAGS, DE YANG 'KHRUNGS DUS SU YAB KYIS SPONG THAG BYAS NAS CI YANG MED PA'I DUS GCIG DANG THUG PAS, YUM NA RE, KHA NING NAS BU 'DI SKYE BA'I RGYUS NI YOD, RKAN MAR TZAM ZHIG MI 'JOG PAR DA SBYIN RGYU MED ZER BAS, RU'I ZHAL NAS, KHONG RANG LA BSOD NAMS SHIG YOD NA NGAS MA BZHAG KYANG 'ONG, BSOD NAMS MED NA NGAS BZHAG KYANG PHAN MI THOGS GSUNG NAS KHANG THOG NA BZHUGS 'DUG TZA NA, BTZUN MA MO CIG GIS NAS BONG RGYAB BRGYA DANG MAR KHAL BRGYA 'BUL DU BYUNG BAS, RU'I ZHAL NAS, RKAN MAR BYUNG NGO GSUNG SKAD, DE NAS 'DI LA BSOD NAMS CAN 'GRO BA LA PHAN THOGS PA CIG 'ONG BAR 'DUG GSUNG NAS DGYES SO, DE'I SRAS JO BTZUN RDO RJE GRAGS, SRAS MO RDO RJE LCAM MO, JO BTZUN RDO RJE GRAGS PA LA SRAS LNGA, RNAL 'BYOR, RGYAL TSAB, CUNG NGE, 'KHYAM MA, BRAG GE'O, LHA RJE RNAL 'BYOR LA SRAS GNYIS, SREGS TSA DANG SNOD TSA'O, RGYAL TSAB KYI SRAS JO BTZUN KUN DGA' SNYING PO, CUNG NGE'I SRAS RGYAL TSA'O, SRAS SNGA @159 TSAR RJE BTZUN RDO RJE 'BAR GYI SRAS BTZANG TSA SH'AKA RDOR, DE'I SRAS THAG PA LHUN PO, DE'I SRAS LHA RJE BLA MA LAGS SO, DE YANG BSTAN PA PHYI DAR GYI THOG MAR SKYES BU CHEN PO LO TZ'A BA RIN CHEN BZANG PO 'KHRUNGS PA YIN TE, DES LO LNGA BCU RTZA BDUN BZHES PA SHING PHO STAG LA ZUR CHUNG PA 'KHRUNGS SHING, CHU PHO BYI BA LA RJE MAR PA 'KHRUNGS PA'I LO GSUM PA LA ZUR CHUNG PA 'KHRUNGS, MAR PA'I BCU DRUG PA, ZUR CHUNG PA'I BCU BZHI PA BRTZIS PA RNAMS KYI 'DAS LO'I THOG MA ME YOS SHAR, ZUR CHUNG PAS NYI SHU RTZA DGU BZHES PA DANG, MAR PAS SO GCIG BZHES SHING, LO TZ'A BA RIN CHEN BZANG PO'I BRGYAD CU RTZA LNGA PA CHU PHO RTA LA JO BO RJE MNGA' RIS SU PHEBS, ZUR CHUNG PA 'DI 'GOS PA KHUG PA LHAS BTZAS DANG YANG DUS MTSUNGS LA, 'KHON DKON MCHOG RGYAL PO YANG ZUR CHUNG PA'I NYI SHU RTZA GCIG PA SHING PHO KHYI'O, DE LTAR ZUR CHUNG PA DRUG CU RTZA GCIG BZHES PA'I SHING PHO STAG LA 'BRUM PA'I BSNYUN GYIS GSHEGS TE, DE'I TSE LO TZ'A BA BLO LDAN SHES RAB 'KHRUNGS NAS LO BCU DRUG LON, CHU PHO STAG LA MA GCIG ZHA MA, SO CHUNG PA, KOR NI R'U PA RNAMS 'KHRUNGS PA'I BCU GSUM LA ZUR CHUNG PA GSHEGS SHING, SGRO SBUG PA 'KHRUNGS, DE LA LHA RJE SGRO SBUG PA CHEN PO NI, SKU NA GZHON PA'I DUS SU YUM DANG ZHANG POS BSKYANGS NAS MDA' PHUR LO BCO LNGA BZHUGS, DE NAS CHU BAR DU GLAN GYI SAR BYON, DE NAS SKED LUNGS SU YANG KHYENG GI SAR BYON NAS, DE LTAR LO GSUM LA CHOS GSAN, DGUNG LO BCU DGU LA CHE 'DON @160 MDZAD PAS, SKU BSOD CHEN PO RGYAS TE SLOB GNYER GYI 'PHRO BYED PA'I SKABS MA BYUNG BA LA, SKABS BTZAL NAS GONG BUR SKYO'I RTZAR LO GCIG BYON, DE NAS SKU BSOD RGYAS PAS GZHAN DU BZHUD PA'I SKABS MA BYUNG NAS, BLA MA MKHAS PA DAG TSUR LA SPYAN DRANGS SHING, GO 'DEGS MDZAD NAS SLOB GNYER RNAMS RDZOGS PAR MDZAD DE, DE YANG KA BA BZHI LA MDO SGYU 'PHRUL SEMS PHYOt GSUM GYI RGYUD MAN NGAG PHRIN SGRUB PHYAG BZHES DANG BCAS PA GSAN ZHING, DBANG RNAMS RDZOGS PAR ZHUS, GLAN SH'AKYA BYANG CHUB LA RDZOGS CHEN SKOR LUGS GSAN, LHA RJE SHANGS PA NAG PO LA RDZOGS CHEN BRGYUD PA THA MA'I SKOR RGYUD GDAMS NGAG DANG BCAS PA GSAN, DE LTAR MKHAS PA MANG PO LA GSAN NAS THOS BSAM GYIS SGRO 'DOGS CHOD PAR MDZAD PA LAGS, SPYIR LHA RJE SGRO SBUG PA NI GSANG BDAG PHYAG NA RDO RJE'I SPRUL PA YIN NO ZHES GRAGS LA, BYANG PHYOGS KYI RGYUD 'DIR GSANG SNGAGS KYI BSTAN PA RGYAS PAR MDZAD PA LA BYON NAS, GDUL BYA'I TSOGS BSAM GYIS MI KHYAB PA LA CHOS KYI 'KHOR LO BSKOR, SLOB MA DGE BA'I BSHES GNYEN CHEN PO GRVA SA 'DZIN ZHING BSTAN PA SKYONG BA GDUGS THOGS STONG THON NAS, GSANG SNGAGS KYI BSTAN PA DAR ZHING RGYAS PAR MDZAD DE, NYI ZLA LTAR GRAGS PA YIN NO, DE DAG GI NANG NAS KYANG THUGS ZIN PA'I SLOB MA BZHI GSUM BCU GNYIS BYUNG BA LA, ME BZHI NI, DPONG STON LCAGS KYU, SHAB RTZE GSER PA, BYA STON RDO RJE GRAGS, G-YU STON NO, NAG BZHI NI, LCE STON RGYA NAG ZUR NAG 'KHOR LO, MYANG @161 NAG MDO BO, MDA' NAG GTZUG TOR DBANG PHYUG GO STON BZHI NI, RGYA STON, GYABS STON, NYE STON, ZHANG STON NO, DUS LAN GCIG TZA NA, LHA RJE'I ZHAL NAS, STON BZHI LA KHYED TSOS TSOGS 'KHOR CHA RKYEN 'DRA BA KHYER LA SHOG NGAS KYANG KHYER LA 'ONG GI GSUNG NAS, STON BZHIS KYANG GSUNG BA BZHIN DU CHA RKYEN KHYER LA PHYIN PA DANG, SLOB DPON YANG BYON NAS SGRO SBUG GI LTAG NA RI BO SPO TO CIG YOD PA'I KHAR BYON, TSOGS 'KHOR BSKOR, GSUNG GLENG MANG DU MDZAD NAS, KHYED NGA MED PA LA MYA NGAN MA BYED CIG NGAS DA RES LUS MA SPONG BAR KHYER NAS RIG 'DZIN GYI SA LA SONG BA 'DIS, KHYED RNAMS LA SHUL DU YANG BKRA SHIS PA MI RGYUD DANG BSTAN PA 'PHEL BA ZHIG 'ONG NGO GSUNGS NAS MGUR ZHIG BZHENGS, NAM MKHA' LA 'PHAGS NAS GSHEGS SO, YANG MGUR ZHIG BZHENGS TE 'PHAGS NAS GSHEGS, DE LTAR MGUR RE BZHENGS TE RIM GYIS 'PHAGS TE, MJUG TU NAM MKHA'I DBYINGS MIG GIS MI MTHONG BA'I SAR YAR GSHEGS SO, DE NAS KHONG RNAMS KYIS SEMS KYIS MA BZOD DE NGUS, CHO NGES BTAB RGYANG 'DRES BYAS, MTSAN NAS BOS PAS MAR LA BYON TE, KHYED RNAMS ZHAN, DE LTAR MI BYED PA YIN TE, NGAS GONG DU KHA CHOS NI LEGS PAR BCUG PA, DE LA MI NYAN PAR, DA NGA'I MI RGYUD LA BKRA SHIS PA BAG MI 'ONG GSUNG, DE NAS DE'I PHYI LO LA SKU 'DA' TSUL BSTAN PA YIN TE, DGUNG LO DRUG CU RTZA GCIG PA SHING PHO STAG LA GSHEGS, SPUR SBYONG BA'I TSE SNGAGS PA GZHON PA CHA LUGS MDZES PA @162 ZHIG GIS RTA NGANG PA BZANG PO ZHIG LA DUNG GI SGA RANG GUGS LEGS MO CIG BSTAD NAS PHUL, 'BUL MKHAN DE 'DI NAS BYUNG DANG 'DIR SONG 'DI 'DRA ZHIG YIN ZHES SUS KYANG NGO SHES PA MA BYUNG STE, DE LHAS 'DEGS SKYEL BA YIN NO ZHES GRAGS, GZHAN YANG BTZAN DANG MA MO KLU RNAMS KYIS KYANG 'DEGS BSKYAL TE, MI LA MED PA'I NOR SNA BZHI BYUNG BA'I LO RGYUS KYANG YOD DO, ,SGRO PHUG PA'I BCU DGU PA CHU SPREL LA SA CHEN KUN SNYING 'KHRUNGS PA YIN NO, YI GE GZHAN DAG NA BI MA LA'I SLOB MA RONG CHU TSAN GYI DGE SLONG MA SGRE MO, DE'I SLOB MA LHO BRAG BYA SE'I MAR PA SHES RAB 'OD, DE'I SLOB MA SHANGS LHA PHU'I LANG STON DAR MA BSOD NAMS, DE'I SLOB MA NYA RI'I LHA RJE HOR PO ZER BA YANG 'DUG GO ,LHA RJE SGRO PHUG PA CHEN PO'I THUGS KYI SRAS NAG PO BZHI'I NANG NAS MCHOG TU GYUR PA LHA RJE LCE STON RGYA NAG NI, MES PO 'PHANGS BYANG BRTZON BYA BAS KHAMS SU BYON NAS YAR LOG STE, GLONG THANG SGRON MA'I GTZUG LAG KHANG LA DPE BLANGS NAS SKYI MKHAR LHA KHANG BZHENGS, DE LA SKU MCHED GSUM YOD PA'I AA MI SHER BRTZON GYI SRAS RGYAL GSUM, DE LA SRAS PO BZHI SRAS MO LNGA STE DGU BYUNG BA LA, SRAS BZHI NI, RIN CHEN, NYI PO, RGYAL BZANGS, RGYA NAG GO RIN CHEN DANG NYI PO GNYIS MYANGS STOD DU MTSAN NYID KYI GRVA SAR SLOB GNYER LA BTANG NAS, LHA RJE RGYA NAG GIS RGYAGS SKYEL DU PHYIN TE ZHOR LA THUN NYAN BYAS PAS GO BAR BYUNG STE, PHU BO GNYIS LA DRIS PAS KHONG GNYIS KYIS LO GSUM NYAN YANG GO BA CI YANG MI @163 'DUG STE, 'DI 'DRA 'ONG BA JI LTAR YIN, NGAS NYAN NA GO BAR 'DUG STE BYAS PAS, KHONG GNYIS NA RE, NGED LA DE LAS MA BYUNG KHYOD KYIS GO NA KHYOD RANG NYON, NGED KYIS RGYAGS BSKYAL GYI CHOS SHES NA SUS SHES KYANG 'DRA YIS ZER NAS, DER LHA RJE RGYA NAG GIS BZHUGS NAS CHOS GSAN PA LA, DE YANG DGUNG LO NYI SHU RTZA GCIG NAS SLOB GNYER MDZAD DE DANG POR MTSAN NYID GSAN PA LAS, DUS DE'I TSE NA MKHAS PAR GRAGS PA SHE KHYUNG GNYIS, 'BAN 'BRE GNYIS, RGYA STAG GNYIS BYA BA YOD PA'I, KHYUNG PO GRAGS SE LA PHA ROL TU PHYIN PA GSAN, 'BAN THAMS CAD MKHYEN PA LA MNGON PA GSAN, STAG PA KHA CHE LA DBU TSAD GSAN, DE DAG GI STENG DU 'GAR BSOD YES LA'ANG GSAN TE, DE LTAR MTSAN NYID LO DGUR GSAN NO, DE NAS LHA RJE CHEN PO SGRO PHUG PA'I ZHABS DRUNG DU SNGAGS GSAN DU BYON NAS LO BCU GCIG BZHUGS PA LA, LO GSUM BAR DU JO SRAS MYANG STOD PA GSUNG BA TZAM LAS, NAN TAR GYI THUGS PHEBS MO'I SPYAN SNGAR GSUNG GLENG ZHIB MO TZAM YANG MA BYUNG BA LA, RGYA BRTZON SENG DPON G-YOG DANG LHA RJE CHOS 'KHOR STABS SHIG TU BYUNG BA'I TSE, RGYA BRTZON SENG DPON G-YOG GIS RTZOD PA BTZUGS PA'I DUS SU, LHA RJE RGYA NAG GIS KHONG SUN PHYUNG ZHING NGA RGYAL BCAG PA LA DGYES NAS THUGS LA SHIN TU 'DOGS PAR BYUNG BA'I STENG DU, SRAS JO BTZUN RDO RJE GRAGS BLO KHA PHYE BAS RAB TU DGYES TE, DE DAG GI DRIN LAN DU BSKYED RDZOGS GSUM GYI GZHUNG GDAMS NGAG THAMS CAD GNANG ZHING, KHYAD PAR GYI GDAMS PA @164 ZAB MO DANG CHA LAG GI YIG CHUNG PHRA MO RANG LA RGYUS MED PA THAMS CAD KYANG TSUR LA SPUN NAS GNANG BAS NA, LHA RJE LHA KHANG PA ZUR CHO GZHAN RNAMS LAS MAN NGAG ZAB CING CHOS KYI KHA TSANG BA'I LO RGYUS RGYU MTSAN YANG DE YIN GSUNGS, DE LTAR LO NYI SHU THAM PA SLOB GNYER MDZAD NAS, BZHI BCU THAM PA BZHES PA NA GSHEGS BTZUN MDZAD DE, DE'I DUS SU DBUS PA STON SH'AKA DANG DBUS PA ZHIG PO LA SOGS PA SGRO SBUG PA'I GRVA PA SUM CU TZAM PHYIR 'BRENG LA SHOR BA YIN LO, GZHAN YANG MYANG STOD KYI RGYA RTZAD SKOR PA LA BDUD RTZI GSAN, MYANG SMAD KYI SGRO DAR SENG LA RNAM 'JOMS DANG PHUR PA RTZA BA SOR BZHAG GI LUGS GSAN, GZHAN YANG PHUR PA SKYI LUGS LA SOGS PA PHUR PA'I LUGS MANG DU GSAN, DAM PA SPOR MANG LA RDZOGS PA CHEN PO SPOR LUGS GSAN, JO MO MYANG MO LA SLOB DPON AA RO'I THUGS KYI YANG BCUD RDZOGS CHEN KHAMS LUGS KYI KHRID ZHUS SHING, DE'I SKOR GYI GDAMS NGAG DANG BCAS PA GSAN, DE BZHIN DU RDZOGS CHEN BRAM ZE'I SKOR DANG SKE TSANG MA LA SOGS PA YANG GZHAN DAG KUN NAS MANG DU GSAN TE, SNGAGS MTSAN NYID RGYUD SGRUB THABS, GZHUNG GDAMS NGAG DANG BCAS PA KUN GYI BDAG POR GYUR PA LAGS SO, BDUD RTZI'I SGRUB PA MDZAD PA'I TSE NA, SMAN GYI PHO BRANG LAS SMAN GYI LHA MO ZHIG DON NAS BYUNG STE, DKYIL 'KHOR LA BSKOR BA LAN GSUM BYAS NAS DE NAS PHO BRANG LA THIM PA KUN GYIS MTHONG, DE YANG BZHI BCU NAS LNGA BCU RTZA DRUG GI BAR LO BCU DRUG TU GZHAN DON MDZAD @165 NAS GSHEGS TE, DANG POR SHING PHO KHYI LA 'KHRUNGS, LO NYER GCIG LON PA NAS SUM CU'I BAR DU SHE'U BA DANG KHYUNG LA SOGS PA LA GSAN PA MANG DU MDZAD, DE RTING SGRO SBUG PA LA GSAN PA RGYA CHER MDZAD DE, 'DIS ZHE GCIG BZHES PA'I SHING STAG LO DE LA SGRO SBUG PA GSHEGS, LO DE NAS 'GRO DON MDZAD, RANG LO LNGA BCU RTZA DRUG PA SA SBRUL LA GSHEGS, DE'I DBON PO LCE STON JO GZUNGS NI, NYI BO'I SRAS YIN LA, SPYIR NYI BO LA SRAS GSUM, JO SKYES, BLA MA CHEN PO, DPON NAG RDO RJE'O, JO SKYES LA SRAS GNYIS, SLOB DPON NYE NYE DANG, KHANG GSAR RO, DPON NAG RDO RJE LA SRAS LNGA, RDO RJE 'BUM, NYI KHRI 'BUM, BDUD RTZI 'BUM, BKRA SHIS 'BUM, DAR MA 'BUM MO, BLA MA CHEN PO YON TAN GZUNGS NI, ME PHO RTA LA 'KHRUNGS, BCU GCIG PA LA SLOB GNYER MDZAD, LO BCU GSUM KHU BO DANG 'GROGS SU BYUNG STE, BKA' BSKYED RDZOGS GSUM GYI RGYUD LUNG MAN NGAG DANG BCAS PA KUN LA SLOB GNYER RDZOGS PAR MDZAD, LO NYI SHU RTZA BZHI BZHES PA'I TSE KHU BO RGYA NAG PA SKU GSHEGS NAS GDAN SA MDZAD, SLOB GNYER GYI DRAS THAG MA CHOD PA BAG RE YOD PA KUN DBUS PA STON SH'AKA DANG DBUS PA ZHIG PO LA SOGS PA BU SLOB RNAMS LA DRAS THAG BCAD PA YIN NO, DE LA DBUS PA STON SH'AKA NI, MI CHOS GZAD KYI GCER PA WANG THUNG BRGYUD YIN, LHA RJE NYA RI BA'I GRVA SAR YI GE 'BRIR BYON PAS DAD PA THOB NAS SLOB GNYER MDZAD, DE NAS GONG DU SMOS PA BZHIN DU LHA RJE RGYA NAG GI @166 PHYIR BYON, RGYUD GDAMS NGAG THAMS CAD MA LUS PAR GSAN NAS SGOM SGRUB MDZAD PAR DGONGS TE BYANG RI LA DGON PA TSOL DU BYON PAS, YOL BA BRAG LA DAM PA YOL CHUNG BA BRAG RKO ZHING 'DUG SKAD, 'DIR DGON PA MDZAD PA LAGS SAM ZHUS PAS, YIN ZER, 'DI MIN PA BYA SA MI GDA' 'AM BYAS PAS, PHAR NGOS KYI BRAG SE BA KHA SBRAG CAN DE NA BYAS NA 'ONG BA CIG 'DUG STE, DE BAS 'DI BTZAN PAR 'DUG PAS NGA 'DIR BYED PA YIN, DE MIN PA BYA SA MI 'DUG ZER, DE NAS DAM PA STON SH'AKA GIS BRAG SE BA KHA SBRAG SKYES PA DER BYON TZA NA, DE'I CHU MIG 'GRAM NA DBUS KYU CIG 'DUG GAM YANG ZER, ZAN RDOG LNGA 'DUG GAM YANG ZER TE BZANG LTAS SHIG BYUNG, DE NAS DER BZHUGS TE SGOM SGRUB MDZAD PAS DGONGS PA TSAD DU SKYOL, LHA 'DRE DAM LA THOGS, GDUL BYA MANG PO'I DON NUS PA BYUNG STE, DAM PA SE SBRAG PA ZHES GRAGS PA YIN NO, ,DBUS PA ZHIG PO NI, MI CHOS YAR KLUNGS BYA SA BA YIN, RJE SGRO SBUG PA'I GRVA SAR YIG MKHAN CHOS LA TSUD PA ZHIG STE, LHA RJE RGYA NAG GI PHYIR BYON, BSKYED RDZOGS GSUM LA THUGS 'BYONGS PAR MDZAD DE, YUL LA CHE 'DON LA 'GRO SNYAM STE, DE'I CHA RKYEN DU GDUGS DANG DUNG DANG MCHOD CHA LA SOGS PA 'DON PA'I PHYIR BAL YUL DU BYON PA LA, LAM DU NUB CIG? BSAMS PAS CHOS DE TZAM SHES KYANG NYAMS SU BLANG RGYU MI 'DUG STE, DA LTA SHI NA LAM KHYER CIG MED PAR GO NAS, CIS KYANG MI PHAN GDAMS NGAG CIG ZHU DGOS PAR 'DUG SNYAM NAS LAM NAS LOG @167 STE, BLA MA'I SPYAN SNGAR PHYIN NAS ZHUS PAS SNYAN BRGYUD RIN PO CHE'I GDAMS NGAG GNANG NAS DE LA NYAMS LEN MDZAD KYI BYON PAS, MANG YUL GUNG THANG DU BYON TZA NA, RDZOGS PA CHEN PO RIS MED KYI DGONGS PA ZHAG BDUN BYUNG, DER BAL PO NAS MCHOD CHA BLANGS NAS BYON TE MANG YUL GUNG THANG DU SLEBS TZA NA TSAD PA PHYIR 'BRENG BYUNG STE BSNYUNG BA LA, KA CHA RNAMS GRONG DU BCOL TE RI LA BYON NAS NYAMS SU BLANGS PAS, YANG RIS MED KYI DGONGS PA SHAR TE SA RDO RI BRAG THAMS CAD LA THOGS PA MED PA BYUNG NAS CI YANG DGOS MED DU SHES TE CHE 'DON GYI CHA RKYEN THAMS CAD GANG DGAR BSKYUR BA LA, TING MAN JI BDUN TZA CIG YOD PA BLA MA'I DRIN DRAN TE, NGA LA DGONGS PA 'DI 'DRA 'CHAR BA YANG BLA MA'I DRIN YIN PAS 'DI TZAM ZHIG BLA MA LA 'BUL DGOS SNYAM NAS KHYER BYON PA LA, DE YANG LAM DU BSKYUR SNYING 'DOD PA BYUNG BA LA, YANG BLA MA'I DRIN BSAMS TE LHA KHANG DU SLEB TZA NA, BLA MA'I DRUNG DU BSKYUR TE DGOS NA TSAGS GYIS, LAR KHYOD KYIS JI TZAM CIG BCINGS GSUNG SKAD, DE LA RI LA BZHUGS KYIN NYAMS LEN MDZAD PAS, THEG PA THAMS CAD KYI CHOS TSIG GCIG KYANG MA LUS PAR THUGS LA LAM LAM GSAL BAR BYUNG, GZHAN YANG RBAB KYIS MA TSUGS TE GZUGS SNANG STONG DBYER MED YIN GSUNG, G-YAS RU'I SBA GOR PHUR BZHUGS PA'I TSE GZIMS SPYIL LA THOG PHOG STE GZIMS MAL GYI STENG DU BYUNG YANG, RU NYID DANG, MCHAN NA BYIN RLABS ZHU BA'I GCES PHRUG CIG YOD PA'ANG CI YANG MA NYES PAR 'DUG THOG BYUNG @168 NGAM ZHUS PAS, THOG GAM DE BYUNG GSUNG, 'O NA MA GNOD DAM ZHUS PAS, SGRA GRAG STONG DBYER MED LA THOG LA RANG BZHIN GA LA YOD GSUNG, RNAL 'BYOR GYI DBANG PHYUG CHEN PO 'DI LA DE LA SOGS PA'I CHE BA'I YON TAN DU MA YOD DO, DE LTA BUS KHONG GI KHU BO SLOB MA BZANG PO YOD PA RNAMS LA CHOS ZHUS SHING, THAG CHOD PA MDZAD NAS GRVA SA BSKYANGS SO, SGOM SGRUB LA BZHUGS NAS MTSAMS 'OG NAS GRVA SA SKYONG BA LA LO BCO BRGYAD MDZAD DE, DGUNG LO BDUN CU PA SHING MO YOS KYI LO LA GSHEGS SO, BDAG NYID CHEN PO DE'I SLOB MAR BYUNG BA ZHIG PO BDUD RTZI DANG, STON PA BLA SKYABS DANG, DBUS PA JO BSOD DANG, SNYE STON NYI MA RDO RJE LA SOGS PA GZHUNG LUGS SMRA BA LA MKHAS PA MANG DU BYON, GZHAN YANG LA STOD KYI MES STON MGON PO DANG, DPYAL KUN DGA' RDO RJE LA SOGS PAS KYANG CHOS ZHUS ZHABS LA GTUGS SO, KHU DBON 'DI GNYIS MKHYEN PA'I SROL SNGA MAS GTONG PA YIN YANG, GDUL BYA LA PHAN PA'I BSTAN PA'I BYA BA PHYI MAS RGYA CHER MDZAD PA YIN NO, ZUR CHUNG PA 'KHRUNGS NAS YON TAN GZUNGS SHING YOS LA GSHEGS PA YAN CHOD LA LO BRGYA DANG BRGYAD CU RTZA GNYIS SONG NGO, ,LHA RJE LHA KHANG PA'I THUGS KYI SRAS DAM PA SPRUL SKU ZHIG PO BDUD RTZI YIN TE, DE YANG MES RDO RJE RGYAL MTSAN ZHES BYA BA DGE BA'I BSHES GNYEN ZHIG YOD PA LA, SRAS STON PA 'KHAR RE DANG 'KHAR CHUNG ZHES BYA BA YO GA LA MKHAS PA ZHIG YOD PA LA, DE'I 'KHAR CHUNG GI SRAS SHU STON MON SRAS BYA BA DE YANG PHYI RGYUD LA @169 MKHAS, DE'I SRAS STON PA LHA SNANG BYA BA NUS MTHU BYIN RLABS LDAN PA ZHIG BYUNG, DE LA SRAS SANGS RGYAS DVAGS CHUNG DANG SGOM SHU GNYIS SO, SANGS RGYAS DVAGS CHUNG NI, ZHIG PO BDUD RTZI'I YAB YIN, DVAGS PO RGYA RAS KYI PHYIR PHYIN PAS DVAGS CHUNG PAR GRAGS PA YIN, GZHAN YANG SANGS RGYAS STONG DANG, DKAR SGOM JO NYAG DANG MYANG STON RTZEGS SE LA SOGS PA BLA MA MANG PO LA CHOS GSAN ZHING SGRO 'DOGS BCAD NAS, LHO BRAG TU GSHEGS TE, LHO STOD KYI DGON PA PHUR MO SGANG BYA BAR 'GRO DON MDZAD KYI BZHUGS PA LA, GZAD PA'I YON BDAG RNAMS KYIS SGOM SHU BTANG NAS GDAN DRANGS, GZAD KYI LHA GDONG DGON PA DANG 'UG SKAD DGON PA LA SOGS PA GNAS DGON MANG DU PHUL NAS BZHUGS TE, BU SLOB MANG DU 'PHEL, ZHIG PO YANG LHA GDONG DGON PAR SKU 'KHRUNGS PA YIN NO, SPYIR SANGS RGYAS DVAGS CHUNG LA SRAS LCAM DRAL BZHI BYUNG, CHE SHOS LHO BRAG TU 'KHRUNGS PA'I LHO TSA BLA MA SKYABS NI 'JIG RTEN LA ZHEN PA LOG PA, MNGON PAR SHES PA MNGA' BA ZHIG BYUNG BA KHAMS SU BZHUD NAS, SKU YANG KHAMS SU 'DAS, DE 'OG BLA MA RGYAL MTSAN NI ZHIG POR BZHUGS, BYA BRAL KLONG CHEN GYI DGONGS PA 'KHRUNGS NAS, RTOGS LDAN DGE BA'I PHYAG BZHES MANG DU MDZAD PA ZHIG BYUNG STE, YUM NI 'BROG GI STONG RA MA YIN, KHONG LA SRAS SANGS RGYAS DBON STON DANG, SPRUL SKU SHER 'BYUNG NGO, SANGS RGYAS DBON STON LA SRAS SNGA TSAR GCIG DANG PHYI TSAR GSUM, SRAS MO GCIG DANG LNGA, SNGA TSAR BDUD RTZI DANG, @170 PHYI TSAR DBANG PHYUG 'BUM, BDUD RTZI DPAL, RIN CHEN MGON NO, SRAS MO STON MA BDUD RTZI 'BUM, BLA MA RGYAL MTSAN GYI 'OG MA JO SRAS MA RGYA MA HOR YIN, DE'I SRAS MKHAR PA JO NAM, DE'I SRAS SUM STON NYI MA'O, JO SRAS MA RGYA MA'I YANG 'OG MA SPRUL SKU ZHIG PO YIN TE, BLA MA DVAGS CHUNG GIS GZAD KYI GCEN PA WANG THUNG RGYUD KYI BU SRING MO WANG MO RGYA GAR GSAL BYA BA ZHIG BZHES PAS, DE LA JO SRAS MA RGYA MA SKYES NAS ZLA BA BRGYAD LON PA LA AA MA 'DAS, DE'I AA MA'I NU MO WANG MO GCIG YOD PA BOS NAS NU BCOL LA BTANG BAS, DE JO MOR SONG NAS DE LA ZHIG PO 'KHRUNGS PA YIN, DE LA RIN PO CHE LHUMS NA BZHUGS PA'I DUS SU, YUM GYI RMI LAM NA MI DKAR PO ZHIG GIS GDUGS DKAR PO GSER GYI YU BA CAN ZHIG MGO LA YANG YANG PHUB PA RMI BA ZHIG BYUNG, BLA MA ZHANG 'TSAL PAS LO NYER BDUN BZHES SHING, YON TAN GZUNGS KYIS NYI SHU RTZA BZHI BZHES PA SA MO SBRUL LA ZHIG PO BDUD RTZI 'KHRUNGS, SKU BLTAMS NAS ZHIB MA'I NANG DU BSNYAL BA NA 'JA' TSON ZUG PA BYUNG, DGUNG LO GNYIS TZAM LON PA'I TSE NUB GCIG YAB KYI ZHAL NAS, AA MA LA WANG CHUNG MA YAR LA LONGS DANG, NGA LA RMI LAM LTAD MO CHE BA ZHIG BYUNG KHYOD LA BSHAD KYI GSUNG, JI 'DRA CIG BYUNG ZHUS PAS, NGA YUL THAG RINGS SHIG TU 'GRO BAR 'DUG NAS RI LOGS CIG NAS PHAR PHYIN TZA NA, LAM KHA NA PHA BONG SNGON PO ZHIG 'DUG NGA LA ZHVA THEBS GSAR PA 'OG CAG DAR PHUG RON SKE LA BYAS PA'I LEGS MO @171 CIG 'DUG NAS, DER NGA'I ZHVA DE PHUD DE PHA BONG DE LA G-YOGS TE, NGA 'GRO DGOS PAR 'DUG PAS KHYOD KYIS 'GRO BA'I DON GYIS SHIG AANG BYAS PAS, SNYIGS MA'I DUS 'DIR 'GRO DON NGA RANG GIS SHES CIG ZER NAS MGO LCOGS BYUNG, DE RANG RI ZUR DE 'DAS NAS RI LOGS CIG NA MAR PHYIN TZA NA, BAG SHES PA MA DGA' BA SKYO BA SKYE BA ZHIG BYUNG NAS, BEE RO TZA NA TSA BA YUL DU GSHEGS TZA NA SHING LO'I GSEB TU KHAB BYIL BA LTAR BZHUD ZER BA DE'I NYAMS BRO BA ZHIG BYUNG, DE NAS KLUNGS SU PHEBS TZA NA NYI MA DRON PO ZHIG KYANG SHAR NAS BYUNG, LUNG PA YANGS PA, CHU GTZANG BA, ME TOG MANG PO RGYAS PA, NE'U SING DANG SHIN TU NYAMS DGA' BA ZHIG BYUNG BA NA GNYID SAD, DA NGA 'CHI BA 'DUG SHI NAS KYANG RIG 'DZIN GYI SA LA 'GRO BAR 'DUG KHYOD KYI BU 'DI LA 'GRO BA LA PHAN THOGS PA ZHIG 'ONG BA 'DUG CIG GSUNG, DER AA MAS, RU GRONGS NA BUS CI BYED BYAS NGUS PAS, MA NGU, NAM GYI GUNG LA NGUS PAS GRONG PAS THOS NA BZA' 'THAB SHOR BA YIN SNYAM NAS 'ONG GSUNG, DE NAS ZLA BA GNYIS TZAM LON PA DANG BLA MA DVAGS CHUNG SKU GSHEGS TE, BZHI BCU RTZA DGU PA'O, DE NAS ZHIG PO RIN PO CHE CHUNG NGU ZHIG AA MAS BSKYANGS, CHER SKYES PA DANG GOS BCOS PA THAMS CAD LAM ZAN PA SNYING RJE BA ZHIG YOD PA LA BYIN, AA MAS 'BAR BAS KYANG MA PHAN, MO MA RNON PO ZHIG LA THAMS CAD MO 'DEBS KYI 'DUG NAS, AA MAS KYANG DER PHYIN TZA NA, MO NA RE, KHYOD KYI BU 'DI LA JI 'DRA CIG @172 'ONG NGAM, 'JIG RTEN GYI LHA 'DRE THAMS CAD 'TSOGS NAS 'DI LA SKOR BA BYED, MCHOD PA BYED PAR 'DUG ZER, STON KA CIG 'ONGS 'DON PA'I DUS SU, AA MA NA RE, GLEN PA, DE RING THAMS CAD 'ONGS 'DON PAS GTOR MA DANG CHU GTOR GTONG GI 'DUG KHYOD RANG YANG CHU GTOR DANG GTOR MA 'DRA BA THONGS, NGED RANG YANG 'ONGS 'DON DGOS PAR YOD BYAS PAS, CHU GTOR MED PAR 'ONGS MO'I RTZAR SONG NAS, G-YA' BZANG LUNG PA'I LHA 'DRE TSO, ,MYANG NAG 'OL PO'I LHA 'DRE TSO, ,SPRANG PO 'U LU'I RGYAL NAG DA NANG SU'I SAR YANG MA 'GRO BAR, RGAN MO WANG 'ONGS 'DON GYI YOD PAS 'DI'I 'ONGS LAS KHYER CIG GSUNG NAS, 'ONGS MO LAS THOR THOR BYAS PAS, MA RGAN TSIG PA LOG NAS 'BOD KYIN PHYAR BAS, ZHING RE BZHI BYA BA NAN TAR LEGS NA BZHI BCU THON TZAM ZHIG YOD PA LA, DE'I LO LEGS NGES PA MED PA LA LNGA BCU BYUNG NAS, DER AA MA NGO MTSAR SKYES TE SNGAR PHOB 'GYOD NAS PHUB MA TSO PHYAR BAS KYANG KHAL GSUM LHAG PA CIG BYUNG SKAD, DE NAS YID CHES TE 'DI SPRUL PA'I SKU YIN NAM MI SHES PAR 'DUG SNYAM NAS, ZHANG PO DAM PA SE SBRAG PA'I SAR SLOB GNYER LA BTANG BA YIN NO, DE NAS LO GSUM ZHANG PO DANG 'GROGS RGYU BYUNG, DE'I BAR DU RDZOGS CHEN RONG LUGS KYI CHOS SKOR RNAMS GSAN, KHYAD PAR SGANG DRIL MKHAS PAR MKHYEN, GAB PHYUNG YANG LEGS PAR THOS SHING, DGUNG LO BCU DRUG BZHES PA'I TSE NA DAM PA SKU GSHEGS, 'DA' KHAR 'DI RNAMS @173 GAL CHE BA YIN GSUNGS NAS, GDAB PA DANG SPRUNGS PA LA SOGS PA GDAMS NGAG ZAB SHOS SHAS SHIG LA BKA' THOB TZAM BYAS PA YIN TE, BLA MA 'DA' BA 'DUG PAS MIG CHU MAS 'GAGS NAS DRAN PA TZAM MA BYUNG GSUNG SKAD, LO BCU DRUG PAR SKYI MKHAR LHA KHANG PA YON TAN GZUNGS KYI ZHABS LA GTUGS, SE SBRAG PA 'DA' KHAR SE SBRAG PA'I BU BZHI BYA BA YOD, GANGS PA NYI KHRI, STAG PA LHA BO, SER PA RGYAL MTSAN, DA RU 'OD DE DANG BZHI YIN PAS 'DI RNAMS KYI SAR SONG, DE DAG GI NANG NAS GANGS PA NYI KHRI 'DI NGA RANG DANG 'DRA BA YIN PAS, KHYOD RANG GANGS PA NYI KHRI'I RTZAR SONG? SUNG BA YIN TE, NGA RANG BLA MA LHA KHANG LA MOS PA BYUNG BAS KHONG GI RTZAR PHYIN PA YIN GSUNG SKAD, DER BLA MA LHA KHANG PA'I RTZAR BYON NAS CHOS GSAN PA YIN TE, DE YANG DAM PA 'DAS MA THAG BLA MA LHA KHANG PA'I SAR BYON MA THAG GI DUS SU, AA MA WANG MOS BLA MA CHEN PO LA DBANG ZHUS TE MGO'I COD PAN MA NYAMS PAR YOD, DAM PA 'DAS PA'I MYA NGAN YANG MA YAL BAR YOD TZA NA, LHO BAL NGOS NAS RNAL 'BYOR MA ME TOG BYA BA SGOM MA GRUB THOB MA BYED PA BSOD NAMS CAN ZHIG BYUNG NAS, AA MA DANG AA MA'I GROGS MO RANG 'THAG MKHAN PO'I CHUNG MA CIG YOD PA DE SDEBS NAS SGOM MA DE'I ZHAL BLTAR PHYIN PAS, MO'I DRUNG NA KHROM CHEN MO 'TSOGS NAS PHYAG RTEN 'BUL BYIN RLABS ZHU BYED KYI 'DUG PA NA, AA MA'I BSAM PA LA'ANG NGA BLA MA CHEN PO SKYI MKHAR BA 'DRA BA LA DBANG THOB, MGO LA COD PAN CHO RE @174 BYAS NAS, SGOM MA 'DI 'DRA LA BYIN RLABS MI ZHU SNYAM TZA NA, THAMS CAD ZHU 'DUG PA MTHONG NAS, AA MA YANG NAN TAR ZHU SNYING 'DOD PA BYUNG NAS RANG 'THAG MKHAN MO DANG GNYIS RNAL 'BYOR MA'I DRUNG DU PHYIN NAS BYIN RLABS ZHUS PAS, RNAL 'BYOR MA DE NA RE, AA MA LA, KHYOD BLA MA SKYIL MKHAR BA 'DRA BA LA DBANG THOB, MGO LA COD PAN CHO RE BYAS NAS, NGA LA BYIN RLABS ZHU CANG DGOS SAM ZER, DER AA MA SKYENGS SHING MOS PAR BYUNG NAS NAN GYIS ZHUS PAS MDZAD, DE NAS RANG THAG MKHAN PO'I CHUNG MAS ZHUS PAS, MO LA CE RE BLTAS NAS, KHYOD KYI KHYO BO RANG THAG MKHAN POS DBUS GTZANG RU BZHI BSKOR, GDONG SHA MI LA BYIN, BYIN SHA KHYI LA BYIN NAS, SHA THANG CHAD DU BTZAL BA'I NAS LA KHYOD KYIS LKOG BSOG BYAS NAS, SDIG PA DPAG TU MED, KHYOD LA CI YANG MI BTUB GSUNG PAS, MO LCE NAR GYIS BYUNG, AA MAS DE TZUG BYAS SAM BYAS PAS, BYAS ZER, DE'I SDIG JI LTAR BYAS NA 'BYANG ZHUS PAS, RNAL 'BYOR MA'I ZHAL NAS, KHYOD LA DPAG NA NAS KHAL BZHI BCU TZAM 'DUG PA DE, BLA MA BZANG PO CIG LA PHUL LA CHOS 'KHOR TSUGS, DE NAS KHYOD RANG KHOS CI ZER LA NYON LA G-YOG GYIS, DE LTAR BYAS NA DGA' RAB 'ONG GI DE MIN NA KHYOD LA SKYID PO MI YONG GSUNG, YANG AA MA LA, KHYOD MING PO DAM PA SE SBRAG PA 'DAS PA LA MYA NGAN DE TZAM BYA MI DGOS, KHONG RGYA GAR RGYAL PO'I BTZUN MO 'DI SKAD BYA BA'I MNGAL NA ZHUGS YOD, SKYES NAS CHOS RGYAL CHEN PO 'GRO BA'I DON @175 DPAG TU MED PA 'ONG BAR 'DUG GSUNG, DER NGO MTSAR SKYES NAS MNGON SHES CAN DU RIG NAS, NGA LA BU CIG YOD PAS 'DI LA JI 'DRA ZHIG 'ONG, NGED MA SMAD LA SHI GO LOG MI 'ONG NGAM ZHUS PAS, AA MA'I SPYI BOR PHYAG BZHAG NAS MGUR BZHENGS PA, KHYOD KYI BU 'DIS, SNYIGS MA'I DUS 'DIR 'GRO BA'I KHA LO GYEN LA BSGYUR, MIG PHYED GNAM LA BLTA ZHING GOS PHYED SA LA 'DRUD, RGAN MO'I MI TSE SKYID LA SKYEL BAR 'DUG STE, 'DI LA 'KHOR MANG PO 'DUS NAS 'KHOR RNAMS 'THAB MO BYAS TE, DE LA SKYO BA SKYES NAS DGUNG LO MANG PO MA LON PA LA THAG RINGS SHIG TU 'BROS PA'I NYEN YOD DO GSUNGS, DE NAS ZHIG PO SKYIL MKHAR LHA KHANG PA'I DRUNG DU LO MANG DU BZHUGS NAS, GSAN PA BSKYED RDZOGS GSUM GA LA THUGS THAG CHOD PA MDZAD, ZHAL GYIS NI, NGA SEMS PHYOGS KHO NA SGRUB PA YIN GSUNG NAS SEMS PHYOGS GCIG PU LAS MI BZHES TE, NYAN SEMS DANG 'CHAD NYAN THAMS CAD SEMS PHYOGS KHO NA LA MDZAD PA YIN, SEMS PHYOGS JI LTAR GSAN PA'I TSUL NI, RGYUD KYI SKOR LA, KUN BYED MDO BCU LA SOGS PA SEMS PHYOGS KYI RGYUD SDE CHEN PO NYI SHU RTZA BZHI GSAN, RTZA BA SEMS SDE'I SKOR LA, RTZA BA BCO BRGYAD LA SKOR LUGS RONG LUGS KHAMS LUGS LA SOGS PA KUN GYI BSHAD SROL LUGS MI GCIG PA BCU BZHI GSAN, BSHAD DU GTUB PA BCU BZHI YOD GSUNG, RDZOGS CHEN RONG LUGS KYI SGOM YIG CHEN PO RNAMS LA, RNAL 'BYOR RIG PA'I NYI MA DANG, BSAM GTAN MIG GI SGRON MA DANG, @176 BSAM GTAN SNYING GI NYI MA DANG, GDAR SHA DANG GZER BU DANG, ZHUS LAN KHUNGS KYIS GDAB PA DANG, RDO RJE SEMS DPA'I ZHUS LAN LA SOGS PA SGOM YIG CHEN MO PHAL CHER GSAN, GDAMS PA SNYAN BRGYUD KYI SKOR LA, SKOR LUGS RONG LUGS KHAMS LUGS GSUM GYI GDAMS NGAG RNAMS DANG, GZHAN YANG BRAM ZE SKOR GYI SNYAN BRGYUD RNAMS DANG, SKE TSANG DANG RDZONG 'PHRANG SNYAN BRGYUD DANG, KLONG LA SOGS PA BSAM GYIS MI KHYAB PA CIG GSAN TE, THOS BSAM GYI SGRO 'DOGS CHOD PAR MDZAD PA YIN NO, ,SPYIR DGUNG LO BCU GSUM LON NAS SLOB GNYER MDZAD, BCU DRUG MAN CHAD LO GSUM DAM PA'I SAR BZHUGS, DE NAS LHA KHANG DU BYON, BLA MA LA MYANG STOD DU LHA RJE SNUBS SMAN BYA BAS CHOS 'KHOR TSUGS PA'I TSE ZHAR CHOS MDZAD NAS, DGUNG LO BCU DRUG LA BSHAD PA MDZAD DE, SKOR LUGS STONG THUN GSUNGS PAS MKHAS PA'I THOG CHOD, LHA RJE SNUBS SMAN NA RE, DBUS PA'I JO SRAS KHYOD NGA'I RTA KHYUNG PHRUG KHA CHE DANG 'DRA BA 'DUG ZER TE, NAS KHAL BCU GCIG GI PHOGS BYAS SKAD, DE NAS CHOS MGO THON NAS GRAGS PAS KHYAB KYANG DGUNG LO SUM CU MAN CHAD SLOB GNYER MDZAD DE, BLA MA LHA KHANG PA'I ZHABS DRUNG DU LO BCU BZHI BZHUGS, BAR SKABS KUN TU ZHANG PO'I GDAN SA SE SBRAG TU BZHUGS TE, SGOM SGRUB DANG BSHAD PA BAG RE YANG MDZAD, DE LTAR SLOB GNYER TSAR BA DANG, GZAD NAS YAB KYI SLOB MA BAN RGAN BLA 'DOS BYA BA CIG YOD PAS GDAN DRANGS TE BYON NAS, CHE 'DON GYI TSUL TZAM ZHIG @177 MDZAD DE, 'UG SKAD DGON PA LA SOGS PA GZUNG, GTZANG DU SE SBRAG DANG CHOS SDINGS LA SOGS PA MANG DU GZUNG STE, SKU BSOD RGYAS PA LA, DE YANG DAM PA SE SBRAG PA'I SGOM MA RNAL 'BYOR MA SH'AKYA GNYAN SH'AKA 'OD AA STAG 'OD LDAN DANG BZHIS, NGED KYIS SE SBRAG LA MI THAR BAR 'DUG PAS RI SGAB 'DIR NGAL BSOS CIG BYED ZER NAS CHOS SDINGS BRTZIG PA LA, DE'I DUS SU BLA MA ZHANG 'TSAL PA'I SLOB MA GTZANG SGOM SGRUB HRUL PO BYA BA CIG TI SE LA 'GRO BA'I YAR LAM, ZHIG PO'I SPYAN SNGAR BYON BLA MA ZHANG GI LO RGYUS MANG DU BSHAD PAS, MJUG TU DAD PAR BYUNG NAS GDAN DRANGS TE CHOS 'KHOR BTZUGS, CHOS 'BREL MA ZHUS KYANG BLO BYIN GYIS BRLABS PA'I BLA MA YIN GSUNG NAS, MOS GUS DANG ZHABS TOG CHE BAR MDZAD, DE'I TSE BLA MA ZHANG GI ZHAL NAS, KHYOD KYI DGON PA 'DI CHU SHING 'DZOM PAR MI 'DUG STE, MI 'DU BA 'GRO BA LA PHAN THOGS PA CIG 'ONG BAR 'DUG PAS, CHOS SDINGS SU THOGS GSUNG NAS, DGON PA'I MING ZHANG GIS BTAGS, DE'I DUS SU MI RNAMS NA RE, CHOS LHA KHANG LA NYAN NAS ZHABS TOG 'TSAL PA LA BYED PAR 'DUG ZER SMRA BA LA, BLA MA LHA KHANG PAS NAS KHAL NYI SHU TZAM DANG SHA MAR KHA YAR BSKUR TE, KHYOD BLA MA BZANG PO GDAN DRANGS NAS CHOS 'KHOR 'DZUGS PA LA, NGAS KYANG 'THUD BYED DGOS PA YIN TE LAS MA 'BYOR GSUNGS PAS, MI RNAMS KHA SMRAS KYANG 'PHRO CHAD, NGA RANG YANG BLA MA RNYING PA LA MOS GUS GSAR PA SKYES GSUNG, DE LTA SKU BSOD RGYAS SHING THUGS @178 DGONGS NAM MKHA' LTA BU LA THUGS RJE'I NYI ZLA LTA BUR SHAR NAS SNYAN PA'I GRAGS PAS PHYOGS MTSAMS THAMS CAD DU KHYAB CING, GDUL BYA'I TSOGS BSAM GYIS MI KHYAB PA 'DUS NAS BLA MA'I ZHABS TOG DANG 'GRO BA'I DON RGYA CHEN PO DPAG TU MED PA MDZAD DO, DE YANG BLA MA MNYES PA GSUM GYIS MNYES PA MDZAD, GUS PA GZHUNG BZHIN DU SKAD CIG KYANG MI 'GAL BAR MDZAD, NGAS BLA MA'I ZHABS DRUNG NAS 'GRO BA LA ZHABS SPYI BOR MA BLANGS PAR 'GRO MA MYONG GSUNG, GSER GYI RGYAS 'BRING RNAM GSUM LA SOGS PA MDO TSAR BCU BDUN GYIS SNA DRANGS PA'I CHOS DANG ZANG ZING GI ZHABS TOG BSAM GYIS MI KHYAB PA MDZAD, THUGS DGONGS JI LTA BA BZHIN LONGS, RTOGS GROL DUS GCIG LA BYUNG, RDZOGS CHEN RANG SNANG RIS MED KYI DGONGS PA SHAR NAS SA RDO RI BRAG THAMS CAD LA THOGS MED DU 'GRO NUS PA BYUNG, MI MA YIN GYIS SKOR BA BYED PA GZIGS, MNGON PAR SHES PA MNGA' BA'I LO RGYUS MANG DU YOD, GZAD PHU'I DA LUNG DGON PAR BZHUGS PA'I TSE PHA WONG LA THIM PA DANG, SRIN PO RIR GYANG LA THOGS MED DU GSHEGS PA LA SOGS PA MANG NGO, SKYES BU CHEN PO 'DIS BYANG PHYOGS KYI RGYUD GANGS RI'I KHROD 'DIR YUL PHYOGS THAMS CAD DU BYON NAS, SKYE DGU RNAMS CHOS LA BSGYUR NAS THAR PA'I LAM LA BKOD, RJES SU PHRIN LAS SGRUB PA'I DGE BA'I BSHES GNYEN BSAM GYIS MI KHYAB PA BYUNG STE, NYI ZLA LTAR GRAGS PA YIN NO, GZHAN YANG BSTAN PA'I BYA BA BDE BAR GSHEGS PA'I SKU GSUNG THUGS KYI RTEN @179 BZHENGS PA DANG, GSO BA DANG, GZHAN DAG BZHENGS PA LA YO BYAD GTONG BA LA SOGS PA DPAG TU MED PA MDZAD, RGYA GAR NAS BYON PA'I LO PAn MKHAS PA RNAMS KYI ZHABS TOG MDZAD, BSTAN PA'I BDAG PO SNGAGS MTSAN NYID KYI SDE SNOD 'DZIN PA CHEN PO RNAMS KYI ZHABS NAS 'DEGS, 'JIG RTEN GYI BYA BA SPANGS NAS SGOM SGRUB MDZAD PA DANG, SEMS CAN DBUL ZHING PHONGS PA KUN GYI SBYIN BDAG MDZAD, RGYA GAR DANG RGYA NAG DANG BAL PO LA SOGS SKAD RIGS MI GCIG PA'I SKYE BO KUN KYANG 'DUS SHING, THAMS CAD KYI DGOS 'DOD 'BYUNG BA'I GNAS SU GYUR TE, YID BZHIN GYI NOR BU RIN PO CHE DBANG GI RGYAL PO LTA BU YIN NO, GZHAN YANG DUS GSUM GYI BDE BAR GSHEGS PA THAMS CAD KYI RDO RJE LTA BU'I TING NGE 'DZIN SKYE BA'I GNAS, ME BDUN CHU GCIG LA SOGS PAS KYANG GZHIG PAR MI NUS PA'I GNAS, BYANG CHUB KYI SNYING PO RDO RJE'I GDAN LA MCHOD PA LAN GSUM BSKYAL, STON PA'I SKU TSAB LHA SA'I JO BO RNAM GNYIS KYI ZHABS TOG LAN BZHI MDZAD, DE LA SOGS PA'I 'GRO BA RNAMS LA DNGOS DANG BRGYUD PAS PHAN GDAGS PA'I PHRIN LAS DPAG TU MED PA MDZAD DE, BYANG PHYOGS KYI RGYUD 'DIR RTZOD MED DU GRAGS PA YIN NO, LHA SA'I RDO RAGS LAN BZHI MDZAD PA'I PHYI MA LA GSHEGS SKYEMS KYI DUS SU, 'KHOR TSOS CHANG 'THAB BRGYAB PAS THUGS LOG STE, KHYED TSO NGAS SUN 'DUG STE NGA YANG KHYED TSOS SUN 'DUG CIG NGAS GSHED? CIG LA KHYED TSOS MIG GIS MI MTHONG RNA BAS MI THOS PA CIG BYA YIS GSUNG STE, @180 DGUNG LO LNGA BCU RTZA GCIG BZHES PA SA MO LUG GI LO LA GSHEGS TE, DE YANG GSANG PHU'I RGYA RA GAD LOGS KYI DGON PAR SKU GSHEGS NAS, SPUR CHAB LA GDAN DRANGS NAS BZAD DU 'UG SKAD DGON PAR ZLA BA BZHI BZHUGS, DE NAS THANG SKYAR GDAN DRANGS, SA RAB TU G-YOS, MDUN GYI YON CHAB KYI SNOD NANG NAS 'JA' TSON LTA BU'I PADMA'I SDONG PO SKYES TE, ZHAG GSUM GYI BAR DU KUN GYIS MTHONG BA BYUNG, NANG PAR SPUR SBYONG BA'I SROD LA NYI ZLA DUS GCIG LA SHAR BA MTHONG BA DANG, SPUR SBYANGS PA'I TSE NA SGRA DANG 'OD DANG 'JA' TSON DANG SKU DANG YIG 'BRU DANG MCHOD RTEN DANG RING BSREL GYI TSOGS DPAG TU MED PA BYON, BTZAN PO DANG DBON PO DANG SLOB MAR GYUR PA RNAMS KYIS SKYES BU CHEN PO DE'I GDAN SAR DGONGS NAS, GZAD THANG SKYA'I GTZUG LAG KHANG BZHENGS SHING, CHOS GSUNGS PA DANG BZHUGS PA'I GDAN SA CHE CHUNG KUN TU YANG SKU GSUNG THUGS KYI RTEN MANG DU BZHENGS SO, ZHIG PO LA SLOB MA MANG YANG THUGS SRAS SU GYUR PA NI, RTA STON JO YES DANG, MA H'A LHUN PO DANG, MKHAS PA JO MAN DANG, DBUS PA JO BSOD DANG, BZANG STON HOR GRAGS DANG, GNYOS STON BLA MA DANG DRUG TU GRAGS PA LA, DE'I NANG NAS KYANG GDAMS PA'I BKA' BYO ZHING, MKHYEN PA'I BCUD THOB PA, THUGS ZIN GYI SRAS KYI THU BOR GYUR PA RTA STON JO YES YIN, DE YANG MES PO RTA BON DBANG GRAGS BYA BA CHOS DANG YON TAN GNYIS KA BYED PA'I BU NOR DBANG GSUM 'DZOM PA, G-YU RU STOD KYI BDAG PO@181 BYED PA ZHIG LA, BU BRGYAD BU MO GNYIS STE BCU THAM PA YOD, BU BRGYAD KYI CHUNG SHOS RTA STON JO 'BUM, DE'I BU JO YES SO, JO 'BUM GYIS CHUNG DUS SU, GZAD KYI GRUM BU LUNG PA'I BLA MA MDA' BYANG CHUB SEMS DPA'I SPYAN SNGAR, PO TO BA'I BKA' GDAMS KYI CHOS RNAMS GSAN, DE NAS RANG YUL DU BZHUGS TE, 'KHOR 'BANGS DANG YUL GZHIS SHIN TU 'DZOMS PAR YOD PA DE DAG LA SKYO BA SKYES ZHEN PA LOG NAS, G-YOG BZHI KHRID DE LHA RJE GLAN NYA TSAL BA'I THUGS SRAS GNYOS CHU BO RI PA'I SPYAN SNGAR BYON TE, DPON G-YOG LNGAS STABS GCIG TU CHOS SGOR ZHUGS NAS, SNGAGS RNYING MA'I CHOS MANG DU GSAN, KHYAD PAR DU RDZOGS CHEN SKOR LUGS GZHUNG GDAMS NGAG DANG BCAS PA LA SHIN TU MKHAS PAR GYUR, BLA MA PHAG MO GRU PA'I SPYAN SNGAR BYON NAS LAM 'BRAS DANG PHYAG RGYA CHEN PO'I GDAMS PA MA LUS PA GSAN, GZHAN YANG DBU RU STOD KYI BLA MA 'TSAR STON LA PHYAG RGYA CHEN PO SGANG LUGS KYI DO HA SKOR GSUM NYAN, ZANGS RI 'BRO RAS LA LO RO RAS CHUNG PA'I CHOS SKOR RNAMS GSAN, NANG STON MGON PO LA RNAM 'JOMS DANG PHUR PA GSAN, DMAR STON 'JAM LA BDE MCHOG GSAN, BDE MCHOG GI DBANG BRGYA RTZA BRGYAD ZHUS, DE LTAR BLA MA MANG DU BSTEN KYANG GNYOS CHU BO RI BA DANG, PHAG MO GRU PA LA RTZA BA'I BLA MAR 'DZIN, GSAN PA THUGS THAG CHOD PA DANG CHU BO RI LA BZHUGS TE SGRUB PA MDZAD, GDUL BYA'I TSOGS KYANG MANG DU 'DUS TE, GZHAN DON RGYA CHER BSKYANGS, DE LA SRAS RTA STON JO @182 YES DANG, DBUS PA JO BSOD DO, ,JO YES KYIS LO BCU GNYIS, JO BSOD KYIS LO BDUN LON PA LA, YAB JO 'BUM LNGA BCU RTZA GCIG PA RTA LO CHO 'PHRUL GYI TSES BCU GSUM LA 'DAS, JO BSOD KYIS ZHIG PO'I DRUNG DU PHYIN PAS THUGS LA BTAGS NAS SEMS PHYOGS KYI RGYUD GDAMS NGAG RDZOGS PAR GNANG, ZHIG PO'I ZHAL NAS KHYOD CHOS LA NAN TAN BYED PAR SNANG BAS NGA'I BLA MA'I SAR BSKYAL CIG DER SONG LA RGYA CHER NYON GSUNGS NAS, LHA KHANG CHEN PO LA GTAN NAS MDO SGYU 'PHRUL SEMS GSUM MA LUS PAR GSAN, ZHIG PO DANG LHA KHANG PA'I THUGS SRAS DBUS PA JO BSOD CES GRAGS PA MKHAS PA'I PHUL DU PHYIN TE, SUM CU RTZA GCIG LA 'DAS, RTA STON JO YES DGUNG LO BCU GNYIS LA BLA MA DMAR STON 'JAM GYI SAR BYON TE, BDE MCHOG DANG PHYAG NA RDO RJE BDUD RTZI THIGS PA'I CHOS SKOR ZHUS SHING, GZUNGS RING LA BSNYEN PA LO GNYIS MDZAD, BDE MCHOG GI DBANG YAB DANG LHAN DU BRGYA RTZA BRGYAD ZHUS, PHYIS THOB PA DANG SBRAGS PAS BRGYA DANG BCU DRUG ZHUS, KHA RAG STON SNYING GI SAR SGYU 'PHRUL LO GNYIS GSAN, BLA MA RTZAGS DANG SE DUR LUNG PA GNYIS LA RDZOGS CHEN SKOR LUGS GZHUNG GDAMS NGAG DANG BCAS PA ZHUS, DGUNG LO BCU DRUG LA RDO RJE SEMS DPA' NAM MKHA' CHE LA BSHAD PA MDZAD, BCU DRUG GI ZHABS LA NGAMS SHOD SMAD DU BYON TE, YAB KYI SLOB MA RJE BTZUN HAGS LA PHYAG RGYA CHEN PO SGANG LUGS GSAN, BLA MA ZANGS RI RGYA RAS LA LO RO RAS CHUNG PA'I CHOS SKOR RNAMS @183 DANG, DGYES RDOR MES LUGS DANG, 'JAM DPAL GSANG LDAN DANG, BDE MCHOG L'U YI PA DANG, MTSO SKYES RDO RJE'I SGRUB THABS DANG, LAM 'BRAS ZHAM LUGS DANG, ZHI BYED LUGS GSUM GA GSAN, KHYAD PAR SKAM LUGS GTZO CHE, CHOS SKYONG TRAG SANG LA SOGS PA ZHUS, BLA MA ZANGS RI BA'I MKHYEN PA THAMS CAD BUM PA GANG BYO'I TSUL DU GSAN, BLA MA RLUNG PHYAG DUM LA PHYAG RGYA CHEN PO RLUNG GI LUGS GZHUNG RTZA BA'I SKOR, STONG THUN GDAMS NGAG GI SKOR, PHAG MO BYIN RLABS KYI SKOR DANG GSUM STE, DE LTAR DO HA SKOR GSUM DU GRAGS PA'I CHOS SKOR MA LUS PA DANG, GTOR RGYUD CHEN PO GSAN, MGON PO STAG ZHON GYIS SNA DRANGS PA'I BSTAN SRUNG GI SKOR BSAM GYIS MI KHYAB PA GSAN, GRUB THOB MAL BYE TSANG PA LA KA KI NI'I SKOR ZHAS, DE LTAR NGAMS SHOD SMAD DU GSAN PA MDZAD CING LO BDUN LHAG GCIG BZHUGS, NYI SHU RTZA BZHI LA YAR BYON TE, SLOB DPON JO BSOD BCU DGU LA GTZANG NAS MAR BYON PA DANG GUNG BSTUN NAS SKU MCHED GNYIS CHE 'DON MDZAD, GSHEGS SUN TSAR BA DANG KHONG GTZANG DU GSHEGS, JO YES KYIS NANG STON JO 'KHYAMS LA PHUR PA GSAN TE, CHU BO RIR BZHUGS NAS SGRUB PA MDZAD, DE NAS ZHIG PO'I DRUNG DU BYON PA YIN TE, DANG PO CHOS ZHU BA'I RTOG PA MED, CHOS KYANG NGA RANG MKHAS, GDAMS NGAG KYANG NGA RANG CHE, KHONG SNYAN PA DANG GRAGS PA CHE BAR 'DUG PA DANG, NU BO'I SLOB DPON YIN PAS MJAL PHRAD KYI RNAM BZHAG CIG KYANG BYA SNYAM NAS, @184 ZHAL BLTA ZHING RNAM BZHAG LA BYON PAS, ZHIG PO BDUD RTZI 'UG SKAD DGON PA NA BZHUGS PA DANG MJAL, ZHAL MTHONG BA DANG GUS PA RANG DBANG MED PA SKYES NAS, NANG PAR 'GRO TZA NA'ANG ZHABS DRUNG DU 'ONG, GUS PAR BYUNG BAS THUGS KYIS GZUNG BAR ZHU, ZHUS PAS, MOS PAR BYUNG NGAM GSUNG, SHIN TU MOS PA BYUNG ZHUS PAS, 'O NA LAS 'PHRO YOD PA YIN PAS DA LTA RANG NAS SDOD, 'KHOR BA'I MTSAN NYID MI RTAG PA YIN PAS PHYIS KUN JI LTAR 'ONG CHA MED GSUNG, DA RES SDOD RTZIS MED PAS CHA RKYEN CI YANG KHYER MA YONGS ZHUS PAS, 'DIR 'ONG BA LA RGYAGS PHYE KHUR NAS 'ONG BA SU YANG MED, KHYOD GCIG PU LA CHA RKYEN LOGS PA GA NA DGOS GSUNG DE NAS DE'I TSE RANG NAS ZHABS DRUNG DU BZHUGS TE CHOS GSAN PA LAS, DE YANG RGYUD KYI SKOR LA, KUN BYED RGYAL PO MA BU SUM BSKOR, BSHAD RGYUD MDO BCU, 'KHOR BA RTZAD GCOD KYI RGYUD LA BSHAD RGYUD SDE BZHI, RTZA BA 'GREL PA RGYAN CHOS MAN NGAG DANG BCAS PA GSAN, RTZA BA BCO BRGYAD KYI BSHAD SROL LA ZAB PA GZHUNG, GAB PA MNGON DU PHYUNGS TE MAN NGAG SGOM SDEBS SU BSHAD PA, DE'I SGOM 'GREL SNYING GI NYI MA DRUG YANG SNYING RIG PA'I NYI MA DRUG SNYAN RGYUD SBRO BA NAG PO'I CHOS SKOR DANG BCAS PA, SGOM YIG CHEN MO, RIG NYI, MIG SGRON, GDAR SHA, GZER BU RNAMS GSAN, GDAMS PA SNYAN BRGYUD KYI SKOR LA, SKOR LUGS RONG LUGS KHAMS LUGS GSUM GYI GDAMS NGAG PHYAG BZHES KHRID DANG BCAS PA RNAMS LA NAN TAN CHER MDZAD, @185 ZHIG PO'I ZHABS LA GTUGS SHING, GSUNG GI CHU RGYUN DRI MA MED PA LEGS PAR 'THUNGS PAS THUGS DGONGS LONGS, BYIN RLABS ZHUGS, RTOGS GROL DUS GCIG TU GYUR PA LAGS, CHOS SKU RANG LA GNAS KYANG RANG NGO MA SHES PA, ,THOG MA MED NAS 'KHRUL LUGS BSAM MI KHYAB, ,LAS 'PHRO SAD DAM BSAGS PA'I STOBS KYIS SU, ,MTSAN LDAN BLA MA GSANG SNGAGS ZAB MO DANG, ,MANG DU MJAL TE THOS PA BAG RE BYAS, ,SEMS KYI SGRO 'DOGS ZHIG PO'I DRUNG DU CHOD, ,MNYAM MED RIN CHEN DE YI THUGS KYI BCUD, , BRGYUD PA BZHI LDAN GDAMS NGAG ZAB DGU GNANG, ZHES KYANG GSUNG, DE LA SPYIR SKYES BU 'DI NI THOG MA NAS SNGON SBYANGS KYI BSAGS PA DANG LDAN PAS RIGS RGYUD DANG SHES RAB GZHAN LAS KHYAD PAR DU 'PHAGS PA, SKU GZHON NU NAS BLA MA MKHAS GRUB MANG PO'I ZHABS DRUNG DU GTUGS PAS MKHYEN PA'I NOR BU PHUN SUM TSOGS PA DANG LDAN PA, RGYUD GDAMS NGAG MTHA' DAG GI DON THUGS SU BYON ZHING RJE GONG MA RNAMS KYI BYIN RLABS ZHUGS PAS SNANG BA CHOS NYID KYI DKYIL 'KHOR DU RTOGS PA, 'JIG RTEN GYI SGRO BKUR LA NYAM MI NGA BAS TSUL 'CHOS MED PA'I SPYOD PA MDZAD PA, DUS THAMS CAD DU BLA MA'I GUS PA DANG MA BRAL BAS BLA MA'I 'PHRIN LAS SGRUB PA DANG, GDAN SA'I ZHABS TOG MDZAD PA LA SKYO NGAL MED PA, THUGS BRTZE PA CHEN PO'I SEMS BSKYED DANG LDAN PAS RANG GCIG PU'I ZHI BDE'I BLO MA SKYE BAR ZHI DRAG GI PHRIN LAS KYIS GANG LA GANG 'DUL DU SEMS CAN GYI DON MDZAD PA, MDZAD PA @186 GANG LTAR SPYOD KYANG CHOS NYID KYI RTOGS PA LAS G-YO 'GUL MED PA RI BO LTA BU'I RTOGS LDAN GYI RGYAL PO YIN NO, ,DE LA SPYIR RTA STON JO YES 'DI CHU MO LUG LA 'KHRUNGS, LO NYER LNGA LA ZHIG PO DANG MJAL, SO BDUN LA ZHIG PO GSHEGS, DE'I BAR DU LO BCU GCIG DBU SNGAS SBREL, ZHAG GCIG KYANG MA BRAL BAR LO BDUN BSTEN, MNYES PA GSUM GYIS MNYES PAR MDZAD, THUGS DGONGS GNYIS SU MED PAR 'DRES, BLA MA CI MNYES BYED PA CI BSAM GRUB PAR GYUR CIG GSUNG BA LAN GSUM THOB, SPYIR BLA MA THAMS CAD LA ZHABS TOG MA GRUB PA MED, KHYAD PAR ZHIG PO LA YUL GZHES THAMS CAD BTZONGS NAS SPONG THAG BYAS TE CHOS 'KHOR LAN BZHI BTZUGS, SNGA PHYI BSDOMS PAS RTA BZANGS BDUN CU RTZA BZHI PHYAG TU SONG, GDAMS PA GSUNG SGROS THAMS CAD YI GER BKOD PAS PHYI RABS RJES 'BRANG RNAMS LA DRIN CHE BA LAGS, DE LTAR CHOS ZHU BA'I SPROS PA RNAMS CHOD NAS, YUL GSHED CIG TU PHYIN LA NAGS KHROD DAM RI SUL MIS MI MTHONG RNA BAS MI THOS PA ZHIG TU DNGOS GRUB THOB PA MA BYUNG YANG, 'DIR SONG DANG 'DIR SHI MED PA ZHIG BYA DGOS SNYAM NAS DPE RNAMS KYANG YIG CHUNG 'BA' ZHIG BRIS PA YIN TE, ZHIG PO BZHUGS DUS ZHIG POS MA GNANG, DE RJES SU DPON SENG GE RGYAL DANG SLOB DPON SPRUL SKU RGYAL GNYIS KYI GSUNG GCOG MA PHOD PA DANG, GDAN SA'I BYA BA YANG GCIG PHYIR GNYIS BTUD NAS BYUNG BAR BLOS MA THONGS PAS, RGAS KHAR BU SMAD KYI PHA RGAN 'DI 'DRA BA CIG BYUNG GSUNG, 'ON @187 KYANG BLA MA'I ZHABS TOG 'BA' ZHIG BYAS PAS SGRIB PA DAG NAS, TING NGE 'DZIN KYANG GONG 'PHEL DU SONG STE, RI KHROD 'GRIMS PA BAS KYANG 'DI RANG STOBS CHE BA 'DUG SNYAM PA BYUNG GSUNG, PHYIS BO DONG GI BLA MA BRAG DKAR MO BA LA, RIN PO CHE GSAL BA SGRON MA'I RGYUD DANG, 'PHAGS LAM BKOD PA'I RGYUD GNYIS GSAN, GDAMS NGAG PHRA MO DAG KYANG ZHUS, CHOS ZHUS TSAD KYI BLA MA BRTZIS PAS BCU DRUG SLOB GNYER NAN TAN BYAS PA BCU GSUM, DE'I NANG NAS KYANG RTZA BA'I BLA MA DRUG DE LAS KYANG KHYAD PAR DU DRIN CHE BA GSUM, 'GRAN ZLA DANG BRAL BA ZHIG PO RIN PO CHE'O, YAB DANG, DMAR STON 'JAM DANG, KHA RAG PA YAB SRAS GNYIS DANG, SE DUR LUNG PA DANG, BLA MA RTZAGS DANG, RJE BTZUN HAGS DANG, ZANGS RI RGYA RAS DANG, RLUNG YAB SRAS GNYIS DANG, ZHAR CHOS PA DANG LHO PA LTO 'BER DANG, MAL BYE TSANG PA DANG, NANG STON JO 'KHYAMS DANG ZHIG PO BDUD RTZI DANG, RMA BYA BYANG BRTZON DANG, BRAG DKAR MO BA'O, ZHIG PO LA BRTEN NAS YON TAN RGYUD LA SKYES TSUL YANG, THANG SKYA'I THUGS RJE CHEN PO BZHENGS PA'I TSE, ZUNG MKHAR DU ZANGS ZHUS KYI LAS ZLA BA BCO BRGYAD MDZAD PA'I DUS SU RTOGS PA SKYES PA DANG, GLOG BA LAM DU SNYAN BRGYUD SPUNGS PA GSUNG PA'I TSE THOG BABS KYI SKABS SU BYIN RLABS ZHUGS NAS, SNANG BA CHOS NYID KYI DKYIL 'KHOR DU RTOGS PA'I MYONG BA KHYAD PAR CAN 'KHRUNGS, SLOB DPON SPRUL SKU'I CHIBS PA PHO BRAG BTZAD POS KHYER BA'I @188 TSE, RDOR THOS PHU'I SNANG GSAL BRAG LA CHOS SKYONG BSGRUB PA'I TSE MGON PO'I ZHAL GZIGS, STOD LUNGS KYI STONG KHUN BDE LDAN YAR BSOD SNYOMS LA BYON PA'I TSE, NYI SHU DGU'I MCHOD PA'I NUB RMI LAM DU ZHIG PO BYON NAS GDAMS NGAG GSUNGS PAS, SDUG BSNGAL RANG SANGS LA SONG NAS, DE NAS BZUNG SDUG BSNGAL RANG RGYUD LA SKAD CIG KYANG SKYE MA MYONG, DA LTA GDAN SA'I BYA BA DANG ZHIG PO'I PHRIN LAS BSGRUB PA'I PHYIR, RGYAL KHAMS KUN TU BYON ZHING 'GRO DON RGYA CHER MDZAD, LHA SA'I JO SH'AKA RNAM GNYIS KYI ZHABS TOG KYANG SNGA PHYI BSDOMS PAS LO DRUG MDZAD DE, DGUNG LO DRUG CU RTZA BRGYAD PA LCAGS PHO STAG GI STON ZLA RA BA'I TSES BCU DGU LA GSHEGS TE, SKU GDUNG RING BSREL YANG MANG DU BYON NO, ,LCAGS STAG 'DI LA GRUB CHEN AU RGYAN PA 'KHRUNGS TE, DE NI DPAL PHAG MO GRU PA ZHI BAR GSHEGS PA'I LO NAS BRTZAMS TE, DRUG CU RTZA GCIG PA'O, ,SANGS RGYAS DBON STON GYI SLOB MA RTA STON GZI BRJID CES BYA BA SHIN TU MKHAS PA ZHIG BYUNG STE, GSANG BA'I SNYING PO'I tI KA RGYAS PA ZHIG MDZAD, DES BRGYUD PA 'DI'I LO RGYUS KYI YI GE MDZAD TSUL SNANG BZHIN DU BRIS TE, 'DI YAN CHAD DU SGYU 'PHRUL DANG SEMS PHYOGS MTHA' DAG LA MKHAS PAR GRAGS TE, DE GNYIS KA'I BRGYUD PA YIN, G-YUNG STON PA'I KHOG DBUB TU, SGRO SBUG PA'I SLOB MA RNAMS 'DIR SNGAR BGRANGS PA RNAMS DANG CUNG ZAD MI GCIG PAR SNANG NGO, SGRO SBUG PA'I SLOB MA GTZANG PA BYI STON DANG, SGONG DRINGS PA NYE STON CHOS KYI SENG @189 GE GNYIS GYIS GTZANG NAG 'OD 'BAR LA GSUNGS, DE LA MES STON MGON POS GSAN, DE LA BLA MA SROS GSAN, DE LA PA SH'I SH'AKA 'OD DANG, RTA NAG BDUD 'DUL GYIS GSAN, PA SH'I ZER BA'I RGYU MTSAN NI, GONG MA SE CHEN GYI LUNG GIS, BRAG RDO RJE TSE BRTAN NAS SLOB DPON PADMAS SBAS PA'I TSE CHU BTON, GSER YIG PA LA BSKUR BAS, GONG MA'I BLA MA RNAMS DANG BYAS PA MNYAM PA'I PHYIR PA SH'IR BTAGS ZHES ZER, RTA NAG BDUD 'DUL LA MDA' SH'AKYA 'PHEL GYIS GSAN, DE LA ZUR BYAMS PA SENG GES GSAN TE, DE NI SKU NA GZHON NU NYID NAS THUGS RAB DANG MKHYEN PA'I RTZAL SHIN TU CHE ZHING, KHYAD PAR DU SGYU 'PHRUL LA MKHAS PA ZHIG STE DGUNG LO NYI SHU RTZA BDUN LA GSHEGS, DE LA G-YUNG STON PA DANG, 'JAM DBYANGS BSAM 'GRUB RDO RJE GNYIS KYIS GSAN TE, DE LA G-YUNG STON PA'I GDUNG RUS GLAN YIN LA, 'KHRUNGS SA NI TSONG 'DUS PA YIN, GZHON NU NAS MKHYEN PA SHIN TU CHE, SNGAGS GSAR RNYING DANG MTSAN NYID KYI'ANG MNGON PA KUN LAS BTUS LA MKHAS, ZUR BYAMS PA SENG GES SHANGS PA SH'AKA 'BUM LA GSHIN RJE'I SKOR GSAN PA'I PHYAGS PHYIR BYON NAS, BLA MA DANG LHAN CIG TU LEGS PAR BSLABS PAS, 'KHRUL 'KHOR LAS SBYOR SOGS LA SHIN TU MKHAS SHING MTHU CHE, GZHON DUS SU GONG MA'I LUNG GIS RGYA YUL DU BYON, 'CHAMS LA SOGS PA'I RNAM 'GYUR DANG, GONG MA LA 'BRU 'DAB DGOS PA'I MI SDE MANG POS THAN PA BYUNG BA'I TSE, GONG MA LA CHAR 'BEB PA RDZONGS BA ZHU BA BYAS, @190 DER KHONG BRDZANGS PAS, KHONG GIS DKON MCHOG LA GSOL BA BTAB PAS, CHAR YANG DAG PAR PHEBS, GONG MA DGYES TE GNANG SBYIN MANG PO GNANG BAS, NOM PA CHEN PO DANG BCAS TE BOD DU PHEBS PA LA, NGO SHES DANG GROGS MCHED SOGS LA CI YANG MA BYIN PAR YUM GYI DON DU BLA MA DANG DGE 'DUN LA YO BYAD RNAMS PHUL, BLA MA MANG PO LA LUNG DANG MAN NGAG GI GSAN PA SHIN TU RGYA CHE, CHOS RJE RANG BYUNG RDO RJE DANG, BU STON RIN PO CHE'I YANG SLOB MA YIN ZHING DUS KYI 'KHOR LO LA MKHAS, RDZOGS PA CHEN PO LA SOGS PA'I MAN NGAG RNAMS LA NYAMS LEN DRAG PO MDZAD, MON PA GROR BYON NAS THUGS DAM GYI RTZAL CHEN PO BYUNG BA'I DON LA, MNYAM MED RGYAL BA G-YUNG STON NGAS, ZHES BYA BA LA SOGS PA'I MGUR GSUNGS, KHYAD PAR DU PHUNG PO RI BO CHE DANG RA DUM BRAG LA SOGS PAR MANG DU BZHUGS, BSHAD PAS KYANG GZHAN LA PHAN PA CHEN PO MDZAD, RGOD SGROS CHU'I GROD PA DUM BUR BCAD KYANG CHU MI 'BO BA DANG, LCAGS SREG BLANGS KYANG MI 'TSIG PA DANG, RTZIG PA LA RDO DRUG SBYOR GYI ZHAL BA BYAS PAS, RTZIG PA CHEN PO GCIG TU GYUR PA LA SOGS PA'I RTEN 'BREL MANG PO YANG MKHYEN, SNGAGS KYI SANGS RGYAS DANG MTSAN NYID KYI SANGS RGYAS GNYIS KYI KHYAD 'BYED MDZAD PA G-YAG SDE PAn CHEN GYIS GZIGS PAS SHIN TU DAD DE, DPON SLOB BCO LNGAS PHUNG PO RI tBO CHER BYON NAS ZHABS LA GTUGS, SKU TSE'I SMAD LA TSOGS PA CHOS LUNG PA LA BSNYEN PAR RDZOGS PA MDZAD, MTSAN RDO RJE 'BUM ZHES PA RDO RJE DPAL ZHES @191 PAR BSGYUR, SKYES BU DAM PA 'DI SHING PHO SPRE'U LA 'KHRUNGS NAS, BRGYAD CU RTZA GNYIS PA SHING MO SBRUL LA ZHI BAR GSHEGS, 'JAM DBYANG BSAM 'GRUB RDO RJE NI, RNYING MA'I SKU YON TAN CAN RIM PAR BYON PA'I SRAS SU RTA NAG GNAS GSAR DU SHING MO LUG GI LO LA 'KHRUNGS, ZUR BYAMS PA SENG GE LA GSAN PA RGYA CHEN PO MDZAD, KHYAD PAR DU SGYU 'PHRUL SKOR LA MKHAS, SGYU 'PHRUL GYI DBANG RNAMS GLAN NYA TSAL BA BSOD NAMS MGON PO LA GSAN, YANG DBEN PA'I ZUR SH'AKYA 'BYUNG GNAS ZHES PA SHIN TU MKHAS GRUB TU GRAGS PA DE DANG, 'UG PA LUNG PA'I BLA MA SENG GE BA GNYIS CHUNG CHUNG NAS ZHABS DRUNG DU BZHAG NAS LEGS PAR BSKYANGS PAS, PHYIS ZUR PA'I BRGYUD PA LA SHIN TU BKA' DRIN CHE, BYE MA SENG GER RDZOGS PA CHEN PO SNYING THIG LA THUGS DAM RTZE GCIG TU MDZAD PAS, THIG LE CHEN PO'I SKUR GYUR NAS SANGS RGYAS KYI ZHING MANG POR BYON PA LA SOGS PA THUGS DAM SHIN TU MTHO BAR MNGA' STE, DGUNG LO BRGYAD CU RTZA GNYIS PA ME PHO 'BRUG LA GSHEGS TE, GSHEGS KHAR RANG GI SRAS LA, NGA BDE BA CAN DU 'GRO, NYID KYIS KYANG BRGYAD CU RTZA GNYIS THUB PAR 'DUG STE, DE NAS BDE BA CAN DU SHOG GSUNG BA'I BKA' STZAL GNANG, SHANGS PA KUN MKHYEN PA ZHES GRAGS PA DANG SNYAN PAS PHYOGS KUN TU KHYAB PA DE'ANG, BYIS PA'I DUS NA BLA MA 'DIS DBANG MANG DU BSKUR, LEGS PAR BYIN GYIS BRLABS PAS MKHAS PA CHEN POR GYUR PA YIN NO, @192 BDAG CAG GI BLA MA RJE BTZUN SANGS RGYAS RIN CHEN RGYAL MTSAN DPAL BZANG PO ZHES GRAGS PA DE NI, YAB KYI LNGA BCU RTZA DRUG PA LCAGS PHO STAG LA RTA NAG GNAS GSAR DU 'KHRUNGS, LCAGS STAG 'DI PHAG MO GRU PA 'KHRUNGS NAS NYIS BRGYA DANG BZHI BCU RTZA GCIG PA YIN, LO 'DI LA MKHA' SPYOD PA DANG, MKHAN CHEN RIN PO CHE RGYAL BZANGS PA YANG 'KHRUNGS, YAB LA MI RNAMS KYIS, KHYED KYI SRAS 'DIS PHAN NI MI THOGS, DE TZAM GYI TSIS KYIS CI BYA ZHUS PAS, 'DIS 'GRO BA LA PHAN THOGS PA CIG 'ONG GSUNG NAS LUNG BSTAN, DGUNG LO DRUG PA LA GSANG BA SNYING PO'I RGYUD THUGS SU CHUD PA ZHIG RIN PO CHE SH'AKA 'BYUNG BA'I SPYAN SNGAR BYON PAS, NGA'I BLA MA'I SRAS GSUNG NAS GCES GCES MDZAD PAS BRJED DE, YANG LO BRGYAD LON PA NA THUGS LA BTZUD, CHO GA PHRIN LAS RNAMS KYANG YAB KYIS LEGS PAR BSLAB PAS, DGUNG LO BCU BZHI BZHES PA NA GZHAN LA DBANG BSKUR BA'I SLOB DPON PHER BA BYUNG, YAB LAS SGYU 'PHRUL SKOR GYI CHOS RNAMS LEGS PAR THUGS SU CHUD PA NA, DA NGA RAB TU BYUNG BA ZHIG BYAS NAS MTSAN NYID KYI PU TI 'GA' RE DANG GSAR MA'I RGYUD SDE 'GA' RE YANG SLOB PA YIN ZHUS PAS, DE LEGS PO NI YIN, 'ON KYANG NGA LA KHYOD GCIG PU LAS MED PAS, JO MO ZHIG LONGS LA SRAS TSA ZHIG BYUNG BA NA, GZOD RAB TU BYUNG BAS CHOG GSUNG BAS, NYI SHU RTZA BZHI PA LA MA CIG 'DI BLANGS, DE LA SRAS PO DRUG DANG SRAS MO GNYIS, YUM GZHAN PA ZHIG LA YANG SRAS GCIG BYUNG, @193 DE RNAMS SKYOR BA'I LONG LA LO MANG PO THAL GSUNG ZHING, DGUNG LO LNGA BCU RTZA DRUG BZHES PA NA CHOS 'KHOR SGANG DU CHIG RDZOGS MDZAD DE, SKU SHIN TU BTZUN PAR BZHUGS, SGYU 'PHRUL LA SHIN TU MKHAS PAR GYUR PAS DGUNG LO BZHI BCU SKOR LA GSANG BA SNYING PO'I RGYUD LA tI KA CHE BA CIG DANG, LAM RNAM PAR BKOD PA YANG RNAM BSHAD CHEN PO ZHIG MDZAD, PHRIN LAS SHAR BA BRGYAD LAS, KHRO BO LA MNGON PAR RTOGS PA RGYAS PA DANG, GNAS LUNG LA YANG CHO GA SHIN TU RGYAS PA ZHIG MDZAD, YAB DANG THUGS SRAS THUB PA RDO RJE SOGS LA MAN NGAG GI GSAN PA MANG DU MDZAD CING SKU NYAMS SU BZHES, DGUNG LO BDUN CU PA SA MO PHAG GI LO LA SGYU 'PHRUL ZHI KHRO'I DBANG DANG, SGYU 'PHRUL GYI TSE DBANG DANG, NA RAG DONG SPRUGS KYI DBANG DANG, TSE BDAG GI DBANG DANG, YANG DAG ME GCIG GI DBANG DANG, RTA MGRIN RNA BO BA'I LUGS KYI RJES GNANG DANG, ZLA RGYAL MA'I LUGS KYI RJES GNANG DANG, PHUR PA SA LUGS KYI DRAG PO'I RJES GNANG DANG BCAS PA DANG, SEMS SDE BCO BRGYAD KYI RIG PA'I RTZAL DBANG DANG, GSANG BA SNYING PO'I RGYUD 'GREL PA DANG BCAS PA'I RNAM BSHAD DANG, LAM RNAM PAR BKOD PA'I tI KA NYID KYIS MDZAD PA'I THOG NAS RGYAS PAR BSHAD PA DANG, GZHAN SGYU 'PHRUL GYI KHOG GZHUNG GSAL SGRON LA SOGS PA'I GZHUNG CHUNG BZHI BCU TZAM DANG, MDO DGONGS PA 'DUS PA DANG, DE'I RTZA BA'I RGYUD KUN 'DUS DANG, SNUBS SANGS RGYAS YE SHES KYIS MDZAD PA'I MDO'I 'GREL PA MUN PA'I GO CHA DANG, @194 SGYU 'PHRUL BRGYAD CU PA DANG, BLA MA GNYIS DANG, YANG DAG RTZA BA'I LUNG RNAMS KYANG GNANG, SNYING THIG GI SPROS BCAS LA SOGS PA'I DBANG BZHI DANG, ME LONG RDO RJES MDZAD PA'I KHRID YIG GI STENG NAS KHRID, RDZOGS PA CHEN PO AA RO'I MAN NGAG KYANG KHRID DU MDZAD, THUGS RJE CHEN PO'I DMAR KHRID 'JAM DBYANGS BSAM GRUB RDO RJES BYANG SEMS RGYAL BA YE SHES LA GSAN, DE LA CHOS RJE NYID KYIS GSAN TE, CHOS RJE BLA MA'I KHRID YIG GI STENG NAS DE YANG BDAG LA GNANG STE, GSANG SNGAGS RNYING MA ZHES GRAGS PA'I PHYOGS LA LHAG PAR MOS PA THOB CING, CHOS SPONG BA'I SGRIB PAS MA SBAGS TZAM MO, DGUNG LO BDUN CU RTZA GNYIS PA LCAGS MO LUG GI LO LA DBUS SU PHEBS, CHU PHO STAG LA BSAM GLING DU DBANG GRAGS PA RGYAL MTSAN GYIS ZHABS NAS BTEG STE, 'DUS PA MDO'I DBANG LA SOGS PA DBANG MANG PO DANG, GSANG SNYING LA SOGS PA'I BSHAD PA DANG LUNG MANG DU MDZAD DE, 'BRUG GI LO LA GTZANG DU PHEBS, DGUNG LO BRGYAD CU RTZA GNYIS PA LCAGS MO PHAG LA GSHEGS, LCAGS PHAG DE NAS ME PHO SPRE'U 'DI YAN DU LO BZHI BCU RTZA DRUG SONG, SPYIR ZUR CHUNG PA 'KHRUNGS NAS ME PHO SPRE'U YAN LA LO BZHI BRGYA DANG DRUG CU RTZA GSUM SONG NGO, YANG RGYAS SMAN STAG RTZE SAR GDUNG RUS GNYAL, MTSAN SANGS RGYAS GRAGS ZHES BYA BA ZHIG BYUNG STE, DES DANG PO DZAMBHA LA BSGRUBS PA'I MTHAR ZHING CHUNG ZHIG YOD PA CHUS KHYER TE, DE NAS BYA BRAL LA BYON PAS SPU GU @195 DOR PHYUG PO MDZES KHYER BA ZHIG SHI BA'I RO 'KHUR MI MA BYUNG BAR 'DUG PA LA, RTOG MED MDZAD DE, RO DRIL BA'I LAS BYAS PAS, DE'I MAL 'GRAM NAS GSER MANG PO BYUNG, DE NAS SLAR LOG STE GRVA PHYI KHANG DMAR DU KHYUNG PO KHRO BO'I SLOB MA BYAS NAS, KHONG YANG DAG SGRUB PA'I PHYAG PHYIR BZHUGS TE SGRUB PA MDZAD PAS, YANG DAG MAR ME DGU PA'I ZHAL GZIGS, DE NAS GTZANG DU BYON NAS SGRO SBUG PA'I SLOB MA BYA CHEN PO DE'I DPON PO ZHIG LA, MDO DANG SGYU 'PHRUL LA SOGS PA'I GSAN PA MDZAD PA'I TSE, PHYUG PO ZHIG GIS NAS KHAL BRGYA THAM PA PHUL, DER MDO DANG SGYU 'PHRUL LA SOGS MKHAS PAR BSLABS, GZHAN YANG SGRO SBUG PA'I SLOB MA MYANG NAG MDO BO, DE'I SLOB MA LHA RJE MDA' SENG GE LA YANG MDO DANG SGYU 'PHRUL GSAN PA MDZAD, MKHAS PA CHEN POR GYUR TE, GNYAL PA ZHIG PO'I SLOB MA RGYA 'CHING RU BAS KYANG KHONG LA GTUGS TE GSAN PA MANG DU MDZAD, KHONG GIS RANG YUL DU RDO THOG THEL BTAB, DE'I SLOB MA SKYI CHOS KYI SENG GE ZHES BYA BA MKHAS SHING GRUB PA BRNYES PA ZHIG BYUNG, DES HOR RGYAL PO'I SPYAN SNGAR BYON, GONG MA SE CHEN GYIS THUB CHOD MDZAD DE, MCHOD RTEN ZHIG GI NANG DU BCUG NAS SGO LEGS PAR BCAD DE LO DUS SU BLTAS PAS, RDO RJE PHUR BU'I SKUR GYUR NAS 'DUG PAS NGO MTSAR SKYES TE, RDO THOGS PA LA DAR RINGS CHEN MO LA SOGS PA'I DNGOS PO TSAN CHER GNANG, 'JA' SA BCAD PA'I DGON GZHIS KYANG MANG DU YOD, SKYI CHOS KYI SENG GE LA, 'PHYONG PO KHE RU'I MYANG STON CHEN PO'I SRAS @196 MNYAM MED PA LA SRAS LNGA 'KHRUNGS PA'I CHE SHOS SMAN LUNG PA SH'AKYA 'OD DAM, GSANG MTSAN MI BSKYOD RDO RJE ZHES GRAGS PA DES MDO SGYU 'PHRUL SKOR RNAMS MKHAS PAR BSLABS, DUS PHYIS GLAN RDO RJE 'OD PO'I SRAS GLAN MKHAS PA BSOD RGYAL LA YANG GSAN NAS, GSANG BA SNYING PO'I KHOG DBUB DANG, tI KA RGYUD DON RNAM NGES LA SOGS PA'I YIG CHA MANG DU MDZAD, 'DI LA DVAGS PO'I SANGS RGYAS GONG LA BAS GSAN NAS, RJES DVAGS PO NYID DU'ANG SLOB MA BLA MA GNYAN LA SOGS PA MANG DU THON ZHING, GON GYO BDAG PO'I BLA MAR GYUR TE KHAMS SU SHIN TU DAR BAR MDZAD DO, SMAN LUNG PA LA YAR KLUNGS SPRUL SKU'I SRAS RIN PO CHE SH'AKA 'BUM PAS GSANG BA SNYING PO'I BSHAD PA MKHAS PAR BSLABS, DE LA MKHAS GRUB CHOS DPAL YAB SRAS GNYIS KYIS KYANG GSANG SNYING GI BSHAD PA LEGS PAR GSAN, YANG SPYI CHOS KYI SENG GE'I GDAN SA RGYA YE SHES MGON POS KYANG, SKYI DANG GLAN BSOD RGYAL GNYIS KA LA GTUGS NAS MDO DANG SGYU 'PHRUL MKHAS PAR MKHYEN, DE LA DBON PO DPAL LDAN RDO RJE RGYAL MTSAN GYIS DANG PO GSANG PHUR BYON NAS TSAD MA RNAM NGES MKHAS PAR BSLABS, PHYIS RGYA YE SHES MGON PO LA MDO DANG SGYU 'PHRUL SOGS LEGS PAR BSLABS SHING, GSANG BA SNYING PO'I 'GREL PA BAR KHAB NYID GZHUNG DU BYAS PA'I tI KA DBANG GI CHO GA LA SOGS PA MDZAD, DES KHONG RANG GI DBON PO BLA MA TSUL RGYAL BA LA GSUNGS, DE LA RI GDONG BA SHES RAB RGYAL MTSAN GYIS GSAN ZHING, 'DIS DVAGS POR BYON NAS KU RAB PA @197 DPON G-YOG DANG SNGAGS PA RNAMS LA BSHAD PAS, DING SANG GI BAR DU YANG SGYU 'PHRUL ZHI KHRO'I LAG LEN RNAMS MA CHAD PAR YOD, SHES RAB RGYAL MTSAN GYI SLOB MA ZHANG MKHAR BA BSOD NAMS BZANG PO, DE'I SLOB MA SLOB DPON BDAG NYID CHEN PO BKRA SHIS RGYA MTSO BA YIN TE, DE LA BDAG GIS RDO RJE RGYAL MTSAN PAS MDZAD PA'I GSANG BA SNYING PO'I tIKA CHEN GYI LUNG LEGS PAR THOB, GZHAN YANG BDAG NYID CHEN PO 'DI LA PHUR PA LHA NAG MA'I DBANG RDO RJE RGYAL MTSAN PA'I YIG CHA'I STENG NAS ZHUS SHING, BSHAD 'BUM RDO RJE DON GSAL LA SOGS PA'I KHRID 'GA' ZHIG KYANG THOB, DE'I BRGYUD RIM YANG, SLOB DPON PADMA YAB YUM, 'BRE AA TZA RA SA LE, LANG LAB BYANG CHUB RDO RJE, SNA NAM TSUL KHRIMS SHES RAB, KHYUNG PO 'CHAL CHEN, 'CHAL CHUNG, BLO GROS RGYAL MTSAN, YA 'BROG PA GU RUB YANG DAG 'DIS PHUR PA MYA NGAN LAS 'DAS PA'I RGYUD LA BRTEN NAS, LHA THAMS CAD NAG POR MDZAD, DE'I SLOB MA 'GOS STON BYANG 'BAR, KHYUNG PO SENG GE KHYUNG PO KHRO BO, GNYAL STON GRAGS, SKYI CHOS KYI SENG GE RGYA YE SHES MGON PO, DPAL LDAN RDO RJE RGYAL MTSAN, BLA MA TSUL RGYAL BA, RI GDONG BA SHES RAB RGYAL MTSAN, SLOB DPON BSOD NAMS BZANG PO, SLOB DPON BKRA SHIS RGYA MTSO BA'O, RTZE PA SGANG PA DANG SNYE MDO'I PHUR PA YANG, GU RUB LA ROG SHES RAB BLA MAS GSAN, DE'I SRAS ROG BKRA SHIS GRAGS PA YIN, DE NAS SRAS @198 PO RNAMS LA BRGYUD PA'O, GZHAN YANG MDO DANG SGYU 'PHRUL GYI BSHAD PA'I BKA' NI, ROG SHES RAB 'OD KYIS BLA MA MANG PO LAS LUGS THA DAD PA MANG BAR GSAN TE, DANG POR ROG STON BTZAN PO LA SO LUGS KYI MDO DANG SGYU 'PHRUL DANG SEMS PHYOGS RNAMS GSAN, LHAB DRES MA GONG PA LA MDO DANG SGYU 'PHRUL SKYO LUGS GSAN, LHAB KYI ZUR CHOS PA SLOB DPON YAM SHUD DNGOS GRUB LA MDO DANG SGYU 'PHRUL ZUR LUGS GSAN TE, SGRO SBUG PA'I SLOB MA SNUBS STON, DES KHA RAG SNYING PO, DES YAM SHUD, YANG NA KHA RAG SNYING POS SRAS PADMA 'BAR, DES SHES RAB 'OD, SO DAR MA SENG GE LA MDO SGYU 'PHRUL TSAN MANGS GSAN TE, CHU BAR GYIS GLAN SH'AKYA BZANG PO, DES SRAS GLAN JO BTZUN SANG NGE, DES SO DAR MA SNYING PO, DES SO DAR MA SENG GE'O, LHA RJE NYA RI BA'I SLOB MA MYANG NAG MDO BO LA'ANG MDO DANG SGYU 'PHRUL GSAN, SGYU 'PHRUL GYI GZHI LAM 'BRAS BU GSUM GYI STONG THUN DANG, LAM RNAM BKOD KYI tI KA BRTZAMS, DES SNYE MDO THAMS CAD MKHYEN PA LA GSUNGS SHING, DES KYANG GSANG BA SNYING PO LA tI KA DANG, LAM RNAM BKOD LA MCHAN ZHIB PAR MDZAD DE, DE DAG LA SOGS PA ROG LA GDUNG BRGYUD RNAMS LA DBANG DANG RGYUD KYI BSHAD PA NI SHIN TU DAR BA BYUNG NGO, DAN BAG TU YANG SGYU 'PHRUL GYI BSHAD PA RIM PAR BYUNG ZHING, KLONG CHEN RAB 'BYAMS KYIS KYANG DER GSAN PA MDZAD NAS, GSANG BA SNYING PO'I @199 'GREL PA PAR KHAB KYI LUGS LTAR 'CHAD PA LEGS PA MA YIN GYI, RONG ZOM GYI LTAR LEGS PA YIN ZHES GSUNG MOD KYI, SPYI'I KHOG DBUB DANG RGYUD KYI RNAM BSHAD GNYIS MDZAD DE, DE MAN NGAG SNYING THIG DANG BSTUN NAS MDZAD DO, GTZANG STOD MANG DKAR DU YANG MANG STON ZUR PA ZHES GRAGS PA RIM PAR BYUNG BA RNAMS KYIS KYANG BSHAD SGRUB LEGS PAR MDZAD DE, LAS STOD LHO DANG BYANG THAMS CAD DU YANG SHIN TU DAR BAS, BYANG DU SE STON 'BYUNG GNAS 'OD CES PA DANG, SNAR SENG GE 'OD CES PA DANG, BYANG TAR LA MO PA YON TAN DBANG PHYUG CES PA LA SOGS PA'I BSHAD PA 'GA' RE YANG MTHONG NGO, ZUR RNAM PA GSUM GYI SLOB MA'I GRANGS SNGA MA RNAMS KYIS BSHAR DU BTAB PA LTAR, DE DAG LAS MCHED PAS GRANGS MED PA ZHIG BYUNG BAR MTSON NUS MOD KYI, SO SO'I MING DANG RUS DANG BCAS PA NI BSNYAD PAR MI NUS SO, KHAMS KYI SA'I CHA RNAMS SU YANG YONGS SU GRAGS PA KHAMS LUGS PA ZHES PA BYUNG BAR RONG ZOM GYI 'GREL PA LAS BSHAD CING, 'BRI CHU'I 'GRAM SBOM POR DANG NYE BAR KA THOG CES PA'I GNAS DGON, DPAL PHAG MO GRU PA'I YUM SPUN DU GYUR PA SGA DAM PA BDE GSHEGS ZHES PAS BTAB PAR GTZANG STON ZHES PA LAS BRGYUD NAS MDO DANG SGYU 'PHRUL GYI BSHAD PA DBANG SGRUB KYI LAG LEN DANG BCAS PA DING SANG YANG YOD PAR SNANG LA, GSANG BA SNYING PO'I RGYA CHER 'GREL PA SLOB DPON NYI MA'I 'OD KYI SENG GES MDZAD PA YANG KHAMS NAS BYUNG @200 BAR SNGAR BSHAD PA LTAR NA, BEE RO TZA NA LAS BRGYUD PA'I BSHAD PA YANG KHAMS KYI YUL DU BYUNG BAR SHES PAR BYA'O, DE DAG NI SGYU 'PHRUL GTZO BOR GYUR PA'I SKABS SO, 'DUS PA MDO'I BRGYUD LUGS KYI SKABS, DE LA 'DUS PA MDO ZHES GRAGS PA LA, RTZA BA'I RGYUD KUN 'DUS RIG PA'I MDO DANG, BSHAD PA'I RGYUD MDO DGONGS PA 'DUS PA GNYIS YOD DE, BU RIN PO CHE'I RGYUD SDE SPYI'I RNAM BZHAG TU, MDO SDE GDAMS NGAG 'BOGS PA'I RGYAL PO LAS, 'DREN PA'I THEG PA GSUM PO DAG ,BCOM LDAN NGES PAR GSUNG LAGS NA, ,RGYU 'BRAS LHUN GRUB TU SPYOD CING, ,SANGS RGYAS GZHAN NAS MI TSOL BA'I, ,NGES PA'I THEG PA CIS MA GSUNGS, ,ZHES ZHUS PA DANG, RGYU LA MOS PA RGYU CHOS KYI, ,'KHOR LO RAB TU BSKOR BYAS NA, ,RDO RJE THEG PA'I NYE LAM ZHIG ,MA 'ONGS DUS NA 'BYUNG BAR 'GYUR, ZHES DRANGS PA DE YANG, MDO DGONGS PA 'DUS PA'I MDO NYID NA, 'DREN PA'I THEG PA RNAM GSUM LA, ,GANG DAG RIM PAR BKOD LAGS NA, ,MNYAM PAS BLANG DOR MED SPYOD CING, ,BYANG CHUB GZHAN NAS MI TSOL BA'I, ,THABS MCHOG DPAG GIS MI LANG BA'I, ,NGES PA'I THEG PA YOD MA GSUNGS, ,ZHES 'BYUNG BA DE YIN PAR SNANG STE, MDO 'DI'I BRGYUD PA'I RIM PA NI, RJE SGRO SBUG PAS @201 MI DANG MI MA YIN PA GNYI GA LA BRGYUD PA NI, GSANG BDAG GIS RI MA LA YA'I RTZE MOR DAM PA'I RIGS CAN LNGA LA SOGS PA'I RIG PA 'DZIN PA 'DUS PA PHAL MO CHE LA BRGYUD PA'O, ,GANG ZAG RNA BA NAS RNA BAR BRGYUD PA NI, GSANG BDAG GIS CHOS KYI 'KHOR LO BSKOR BA'I BYIN RLABS KYIS DANG PO SKAL LDAN RGYAL PO DZA LA RMI LTAS BDUN PO 'DI SNANG BAR MDZAD DE, GSANG BDAG GIS DBANG BSKUR TE BYIN RLABS KYIS PU STI DANG GLEGS BAM GYI DON SNANG BAR MDZAD, DES SRAS AINDRA BO DHI DANG, N'A GA BO DHI, GU YA BO DHI LA, N'A GA BO DHI NI KLU BA SU RIGS DRUG GIS LO DGUR SHOD DU MA STER, AIN'A DRAS KHYI'I RGYAL PO KU KU R'A DZA LA, DES RO LANGS BDE PA LA, DES RDO RJE BZHAD PA LA, DES ZA HOR GYI RGYAL PO PRA HA STI LA, DES SH'AKYA SENG GE SH'AKYA PRA BHA, SH'AKYA MU DRA GSUM LA BSHAD, SH'AKYA SENG GES DHA NA RAKshI TA, DES STHI RA MA TI LA, DES BDE BAR GSAL MDZAD LA, DES DHARMA BO DHI DANG BA SU DHA RA LA BRGYUD PA'AM, YANG RNAM PA GCIG TU DHA NA RAKshI TA BRU ZHA'I RU CHE BTZAN SKYES KYIS SPYAN DRANGS NAS, BRU ZHA'I YUL KHROM DU BSGYUR BAR BYAS PAS, MOS PA CHUNG NAS MA 'GYUR BAR BAL YUL DU BYON NAS, DHARMA BO DHA DANG BA SU DHA RA LA BSHAD, DE NAS PHYIS BRU ZHA'I KHROM DU BSGYUR, RU DHARMA BO DANG BA SU DHA RA DANG BRU ZHA'I MKHAN POS ZO BO SNUBS SANGS RGYAS LA BSHAD, DES JO BO YON TAN RGYA MTSO LA, DES SRAS YE SHES RGYA MTSO, DES RGYA BLO GROS BYANG CHUB DANG SNA NAM TSUL KHRIMS BYANG CHUB LA BSHAD, RGYAS THO GAR NAM @202 MKHA' LA, DES SKU TSE STOD LA LHO BRAG GI SNA NAM NYAL YON PO LA SOGS PA BZHI LA, BAR DU ZHU BSOD SH'AKA LA, THA MA LHA RJE 'UG PA LUNG PA LA GSUNGS SO, YANG SNA NAM TSUL KHRIMS BYANG CHUB KYIS DGE BSHES MAR CHUNG LHO BRAG PA LA GSUNGS, MAR PAS LHA RJE BDE GSHEGS KYI SPYAN SNGAR SKU DRIN ZHUS PAS, LHA RJE SHANGS CHUNG PA DANG DAR MA BSOD NAMS GRVA SA RNYING PAR BZHUGS PA DANG MJAL NAS, MAR PA SKU SNYOM PA DRAG PO GCIG GI ZHABS TOG LHA RJE SHANGS PAS MDZAD PAS DGYES TE, MAR PAS SHANGS PA LA GNANG, LHA RJE SHANGS PA BDAG GIS SPYAN DRANGS NAS TSUL BZHIN DU ZHUS PAS BDAG LA GNANG BA'O, ZHES GSUNG TE, DE MAN CHAD SGYU 'PHRUL GYI BRGYUD PA DANG MTHUN PA'I SGO NAS RJE BTZUN SGROL MA BAS MDO DANG, DE'I 'GREL PA SANGS RGYAS YE SHES KYIS MDZAD PA MUN PA'I GO CHA ZHES BYA BA'I LUNG YANG BDAG LA GNANG NGO, MDO'I BRGYUD LUGS KYI SKABS SO, RONG ZOM CHOS KYI BZANG PO'I LO RGYUS KYI SKABS, PHUL DU BYUNG BA'I SKYES BU CHEN PO RONG PA CHOS KYI BZANG PO ZHES BYA BA'I GTAM BRJOD PAR BYA STE, DE YANG RONG BA NA YON TAN RIN CHEN GYI SRAS RONG BAN RIN CHEN TSUL KHRIMS ZHES BYA BA ZHIG BYUNG STE DE'I SRAS YIN NO, 'DI'I CHE BA'I YON TAN NI, DE NYID KYI SLOB MA YOL DGE BSNYEN RDO RJE DBANG @203 PHYUG GIS MDZAD PA BZHIN BRI BAR BYA'O, DGE BA'I BSHES GNYEN RONG ZOM CHOS KYI BZANG PO ZHES BYA BA BOD KYI PAndI TA CHEN POR GRAGS PA DE NI, BOD RU BZHI'I NANG NAS RU LAG GTZANG SMAD KYI SNAR LUNGS RONG DU SKU 'KHRUNGS TE, DE BAS CUNG SNGA BAR YUL KHAMS SU SLOB DPON SMRA TI DZNY'A NA K'IRTI ZHES BYA BA'I PAndI TA YON TAN DANG LDAN PA ZHIG BYON NAS RGYUD 'GA' ZHIG GI 'GYUR YANG BCOS, THA GA NA'I MTSAN BRJOD KYI 'GREL BA LA SOGS PA GSANG SNGAGS KYI 'GREL BA DANG, 'JAM DPAL GSANG LDAN DANG 'JIG RTEN SNANG BYED ZLA BA'I NO BI KA LA SOGS PA SGRUB THABS MANG PO BSGYUR, SGRA'I BSTAN BCOS 'GA' ZHIG KYANG MDZAD NAS SKU 'DAS TE, DE NYID RONG DU SKU 'PHOS PA DGE BSHES 'DI NYID YIN PAR YANG GRAGS, KHA CIG NA RE, AA TZA RA PHRA LA RING MO ZHES BYA BA'I PAndI? TA ZHIG KHAMS SU BYON NAS, GSANG BA 'DUS PA'I RGYA CHER 'GREL BA CHEN PO LA SOGS PA BSGYUR TE BSHAD PA MDZAD NAS, 'DAS TE SKYE BA 'PHOS PA DGE BSHES RONG ZOM LO TZ'A BA YIN ZHES KYANG ZER, GZHAN YANG JO BO RJE ZHES BYA BA MNGON PAR SHES PA DANG LDAN PA YON TAN MANG PO MNGA' BA'I PAndI TA DE NYID DANG BLA MA CHEN PO MJAL BAS JO BO'I ZHAL NAS, RGYA GAR GYI A'A TZARYA NAG PO ZHABS CHEN PO SPYOD PA NGA DE NYID TSE 'PHOS PA JO BO 'DI KHO NA YIN TE, KHO BOS 'DI DANG CHOS KYI GTAM BYA BA GA LA THUB CES NGES PAR GSUNG SKAD, SKYES BU DE NI LA LAR BDE BAR GSHEGS PA'I SPRUL PA YIN ZHES KYANG GRAGS LA, PHAL CHER 'PHAGS PA 'JAM DPAL GYI SPRUL @204 PAR GRAGS, 'DI LTAR DGUNG LO BCU GCIG PA LA MTSAN NYID GSAN, BCU GSUM MAN CHAD LA GSAN PA RDZOGS PA DANG 'DRA BAR MKHYEN PA CHE BAR GYUR, SHES BYA THAMS CAD LA MA RMONGS ZHES GRAGS SO, KHONG NYID KYI ZHAL NAS BDAG THOS PA CHUNG BA YANG MIN TE, CHOS THAMS CAD LA MA THOS PA MED DO, THOS PA CHE BA YANG MIN TE, CHOS PHAL CHE BA LA TSAR RE LAS MA DGOS SO ZHES GSUNG SKAD DO, SKYES BU DE NI SHES RAB ZAB LA RGYA CHE BA DRI MA MED PA DANG LDAN PAS, RGYA GAR GYI CHOS BZANG PO MDO RGYUD DAM BSTAN BCOS SU GTOGS PA SNGAR MA GZIGS PA MTHA' DAG LA TSAR RE RE GNYIS GZIGS PAS MKHYEN CING, TSIG DANG DON MA LUS PA THUGS LA ZIN CING THAMS CAD MI BRJED PA'I GZUNGS THOB CES GRAGS SO, GZHAN YANG TZA NA KA LA SOGS PA 'JIG RTEN LUGS KYI BSTAN BCOS DANG, TSAD MA'I BSTAN BCOS DANG, RIG BYED KYI BSTAN BCOS DANG, DON DU 'GYUR BA'I TSIGS BCAD DANG, SNYAN DNGAGS MANG PO MKHYEN PA YIN, THUGS KYANG SHIN TU CHE BAS CHOS LA MOS PA'I MI RNAMS DANG, CHOS KYI GANG ZAG DANG, KHYAD PAR DU RDO RJE'I THEG PA LA ZHUGS PA DANG, GSANG SNGAGS KYI LAS DANG DNGOS GRUB SGRUB PAR 'DOD PA'I GANG ZAG DGE BA CAN RNAMS LA PHAN GDAGS PA'I DGONGS PA BZANG PO MNGA' BAS, PHYIN CI MA LOG PA'I GDAMS PAS NAN TAN DU PHAN THOGS PAR MDZAD PA, MNGON PAR SHES PA'I CHA DANG LDAN ZHING SEMS CAN 'DUL BA'I DUS DANG TSAD LA MKHAS PAS, 'GRO BA PHAL PA DANG CHOS @205 KYIS BSGYUR BA RNAMS TSE 'DI DANG PHYI MA GNYIS KA BDE BA LA 'GOD PA'I PHYIR, 'BYOR ZHING 'GRIG PA'I BSTAN BCOS NYID KYI ZHAL SNGA NAS PHYUNG STE, DE DAG LA PHAN 'DOGS PA LA DUS RTAG TU SKYO BA MI MNGA', CHOS KYIS BLO MA BSGYUR BA'I SKYE BO PHAL BA LA YANG SER SNA DANG GNOD SEMS SPANGS NAS THUGS RJE'I YUL DU MDZAD DE ZHI BDE LA 'GOD PA, SDOM PA DANG THUt DAM LA NOR BU RIN PO CHE DANG SROG GI DBANG PO LTAR GCES PAR MDZAD CING, GZHAN YANG DE LA 'GOD PA, DAM PA'I CHOS RTZOM PA NA GLEGS BAM BSDU ZHING GZIGS PA LA SOGS PA'I RTZOL BA MA MDZAD KYANG, CHOS PHYOGS MED LA THOGS RDUG MED PAR SPRO BAR NUS PA, DES MDZAD PA'I CHOS THAMS CAD KYANG LUNG DANG RIGS PA DANG BLA MA'I NYE BAR BSTAN PA DANG MI 'GAL ZHING, SGRA SKYON DANG DON SKYON DANG RNAM PAR BRAL BAS GZHAN MKHAS PAR GRAGS PA GANG GIS KYANG RTZOD MI NUS PAR GRAGS PA'O, DE NYID NI THOG MA NYID NAS HA CANG MA 'BAD PAR SAmSKRi TA'I SKAD LA SOGS PA RGYA GAR GYI SGRA'I BYE BRAG MANG PO DANG, SGRA'I BSTAN BCOS KYI DON LA MA RMONGS PAR GRAGS, SKU BYIS CHUNG GI DUS SU AA TZA RA 'DUG TSAD LA DGYES SHING DE DAG GI SKAD LA DGYES, DE NAS BI BRTA'I PU TI LA BRTAGS PAS MKHYEN PA LA TSEGS MA BYUNG, THA NA DUD 'GRO'I BRDA DANG SKAD KYANG MKHYEN PAR GRAGS, DE'I PHYIR DES MDZAD PA'I GSAR SNGAGS KYI YI GE RNAMS LA SLOB PA'I BRGYUD DU BYUNG BA'I GANG ZAG RNAMS KYI, LUNG MA THOB PAR YI GE LAS BYUNG BA BZHIN DU SBYAR BA LAS BYIN RLABS MA BYUNG GA MED CES @206 GRAGS SO, LO TZ'A BA CHEN PO DE LA DUS DE'I TSE BOD RU BZHI'I MKHAS PA MANG POS BTUD PAR GYUR TE, GO RUB LO TZ'A BA DGE SLONG CHOS KYI SHES RAB CES BYA BA, CHOS PHYOGS MED LA MKHAS PAR GRAGS PA ZHIG GIS, THOG MAR BOD DU SKYES PA'I GANG ZAG GIS CHOS MANG PO RTZOM PA ZHES DPYAS SO, PHYIS BLA MA RONG ZOM GYIS MDZAD PA'I THEG PA CHEN PO'I TSUL LA 'JUG PA'I PU STI DE MTHONG NAS, GUS PA CHEN PO SKYES TE, ZANG ZING MANG POS BSNYEN BKUR BYAS TE NYES PA BSHAGS NAS, BDAG RJES SU GZUNG DU GSOL ZHES BKA' ZHUS PAS GNANG STE, 'JAM DPAL GSANG BA'I RGYUD LA SOGS PA'I CHOS MANG DU GSAN, GZHAN YANG MAR PA CHOS KYI DBANG PHYUG LA SOGS PA'I LO TZ'A BA DANG, MKHAS PAR GRAGS PA'I BLO RTZAL CAN MANG POS BTUD CING GSAN PAR GYUR TE, GSAN PA DE DAG GI SLOB BRGYUD THAMS CAD KYANG SHIN TU DAD PAR GYUR NAS BLA MA DAM PAR 'DZIN NO, GSANG RGYUD KYI SKABS NA MAR DGE BSHES CHEN PO'I ZHAL NAS, 'O SKOL LA DA LTA RGYA DPE YOD PAR GYUR NA 'DI LTAR 'GRO BA YIN TE, RGYA DPE MED PAS DA LTA BCOS SU MED GSUNG BA LA, GO RUB KYIS DE GZUNG NAS PHYIS JO BO KRishnA BA ZHES BYA BA'I PAndI TA LA RGYA DPE BYUNG NAS DE LA GSAN PAS, RONG PA CHEN PO GSUNG BA BZHIN BYUNG NAS SHIN TU MOS TE, KRishnA PA LAS BYUNG BA'I DPE ZHIG RONG PA NYID LA PHUL NAS YANG GSAN SKAD, GZHAN YANG RGYA GAR GYI MKHAN PO MANYDZU SHR'I WARMA DANG, MANYDZU SHR'I DZNYA NA DANG, AU P'A YA SHR'I MI TRA DANG, BUDDHA A'A KA RA BHA DRA DANG, DE B'A KA RA TZANDRA DANG, PA RA ME SHVA RA DANG, AA MO GHA @207 BADZRA LA SOGS PA PAnti TA MANG PO BSTEN NAS, DE DAG GI LO TZ'A BA MDZAD, RDO RJE 'JIGS BYED DANG, GSHIN RJE DGRA RGYUD DANG, 'JAM DPAL SNGAGS DON DANG, BDE MCHOG RTZA RGYUD LA SOGS PA MANG DU BSGYUR, 'GYUR YANG SHIN TU BZANG BAS GSAR 'GYUR MDZAD DE PHAN CHE BAR BTAGS SO, RGYA GAR GYI PAndI TA KUN NA RE, DHA RMA BHA DRA KHYOD KYIS CHOS MANG PO RTZOM LA 'GRO BA RNAMS SKYOBS SHIG KHYOD KYI YON TAN GZHAN LTA ZHOG GI, SGRA TSAD KYI LUGS 'DI'I SUM CHA TZAM LAS MI SHES PAS KYANG RGYA GAR NA CHOS RTZOM PA YIN NA, KHYOD CI'I PHYIR MI RTZOM ZHES GSUNG SKAD, DE LTAR YON TAN PHUN SUM TSOGS PA DANG LDAN YANG, BDAG BSTOD LA SOGS PA'I DRI MA DANG BRAL ZHING, GZHAN GYI CHOS LUGS DANG SPYOD PA DMAN YANG DON DU 'GYUR BA MA GTOGS PA, PHA ROL KHYAD DU GSOD PA'I NGAG RTZUB LA SOGS PA THAMS CAD MI GSUNG NGO, GZHAN YANG BRAG GZAR PO'I NGOS LA GSHEGS SHING RTZIBS BSKOR BA MDZAD PA MTHONG BA LA SOGS PA MANG DU YOD PA THOS MOD KYI, YI GE MANGS KYIS DOGS NAS MA BRIS SO, YOL DGE BSNYEN RDO RJE DBANG PHYUG GIS BLA MA DAM PA'I YON TAN GZHAN LAS KYANG YANG DANG YANG DU THOS PA RNAMS YI GER BKOD PA'O, YANG YI GE GZHAN DAG NA, SPRUL PA'I SKUR GRAGS PA'I PAndI TA CHEN PO DE, SKU BYIS PA GZHON NU LA MYANG SMAD DU RJE 'GAR STON TSUL KHRIMS BZANG PO LA GSAN PA MDZAD, DE TZA NA YAB RONG BAN RIN CHEN TSUL KHRIMS KYIS RGYAGS SKYEL DU BYON PAS, MCHED PO RNAMS NA RE, KHYED KYI BU 'DI KHONG @208 RANG BLO DRED NGED LA YANG THO CO CHE BA GNOD PAR 'DUG PAS, KHYED RANG DA RES KHRID PA LEGS ZER SKAD, DE YAB KYIS DGE BSHES 'GAR LA BSNYAD NAS, KHONG DE SKAD ZER KHRID LA 'GRO'AM ZHUS PAS, SLOB DPON GYI ZHAL NAS, DE SKAD MA ZER CIG, KHOS CHOS THAMS CAD GO NAS YOD DO GSUNG SKAD, DE TZA NA DGUNG LO BCU GNYIS TZAM BZHES TE, GZHON NU DES BYIS PA RTZED SAR YANG SLOB DPON GYIS GSUNGS TSAD SHAR RE 'ONG LA, CHOS THAMS CAD TSAR RE GSAN PA LAS TSIG GCIG KYANG MA NOR BAR THUGS SU CHUD SKAD DO, LO BCU GSUM PA LA MKHAS PA MDO STON SENG GE RGYAL MTSAN BYA BA LA YANG GSAN, NAM ZHIG NA KHONG GI RMI LAM DU GSANG BA SNYING POS ZAN BYAS, SANGS RGYAS MNYAM SBYOR GYIS TSOD MA BYAS NAS GSOL GYI 'DUG PA RMI BA BYUNG NAS, SLOB DPON LA BSHAD PAS, RU'I ZHAL NAS, DE SHIN TU BZANG, CHOS DE KHONG DU CHUD PA'I RTAGS YIN PAS, KHYOD KYIS 'GREL PA RE GYIS GSUNG SKAD DO, DER DGUNG LO BCU GSUM MAN CHAD LA GSAN PA RDZOGS PA DANG 'DRA BAR SONG, SPYIR GTAM DU YANG, 'DUL BA 'TSUR STON DBYIG GE MKHAS, CHO GA KHRIGS BZANGS KYI YE GRAGS MKHAS, SGRA DANG TSAD MA RONG BA MKHAS, THAMS CAD 'JOMS PA AA PHO RANG CHOS GRAGS RANG ZER SKAD, DE NAS DUS PHYIS BLA MAS GSUNGS PA'I DGONGS PA RDZOGS PA'I PHYIR, BSLAB PA RIN PO CHE GSUM LA BRTEN PA'I CHED DU MAN NGAG GSUM MDZAD DE, LHAG PA TSUL KHRIMS KYI BSLAB PA RGYUD LA BSKYED PA'I PHYIR DAM TSIG MDO RGYAS @209 MDZAD, LHAG PA TING NGE 'DZIN GYI BSLAB PA RGYUD LA BSKYED PA'I PHYIR 'GREL PA TSUL BZHI YAN LAG BCO LNGA PA MDZAD, MNYAM SBYOR LA'ANG 'GREL PA MDZAD, LHAG PA SHES RAB KYI BSLAB PA RGYUD LA BSKYED PA'I PHYIR RDZOGS PA CHEN PO'I LTA SGOM MAN NGAG MDZAD, NGAN SONG SBYONG RGYUD DANG, 'JIGS BYED DANG, SMRA SGO LA SOGS PA'I 'GREL PA DANG BSTAN BCOS MANG DU MDZAD, DE'I DUS SU SHAB KYI YANG KHYED BLA MA, MAR PA DO BA, 'U YUG PA MDA' BSAM GTAN, MDO'I KHYUNG PO H'Um SNYING, SE KHROM RGYA MTSO 'BAR, MTSAMS STON GO CHA, BANG KA DAR CHUNG, 'GOS LHAS BTZAS, RGYA RGYAL TSUL LA SOGS PA BOD RU BZHI'I MKHAS PA THAMS CAD RTZOD DE, BOD DU SKYES PA'I GANG ZAG GIS BSTAN BCOS 'DI TZAM RTZOM PA MI RIGS SO ZHES ZER ZHING SUN 'BYIN DU 'ONGS BA LA, BSTAN BCOS RE MTHONG ZHING GSUNG GLENGS RE MDZAD PAS THAMS CAD NGO MTSAR SKYES NAS ZHABS TOG RE MDZAD, CHOS RE YANG GSAN, KUN GYIS BLA MAR 'KHUR ZHING SPYI BOS 'DUD PAR GYUR TO, ZHES PA YANG RONG ZOM GYI THUGS SRAS G-YAG RDO RJE 'DZIN PA LAS BYUNG BA'O, SKYES BU DAM PA 'DI'I GDUNG RABS NI, RONG BAN DPAL GYI RIN PO CHE, DE'I SRAS RONG BAN RIN CHEN TSUL KHRIMS, DE'I SRAS RONG ZOM CHOS KYI BZANG PO DANG SGOM CHEN CHOS 'PHAGS GNYIS SO, CHOS BZANG GI SRAS GZI BRJID 'BAR DANG, 'BUM PA GNYIS, GZI BRJID 'BAR GYI SRAS STON DAR DANG STON SKYABS GNYIS SO, STON DAR GYI SRAS STON SENG, DE'I SRAS JO SRAS RA PE, DE'I SRAS @210 'BUM DPAL, STON SKYABS KYI SRAS JO SRAS 'OD ZER, DE'I SRAS SLOB DPON 'BUM BSTAN, RONG PA 'BUM 'BAR GYI SRAS CHOS KYI RGYAL MTSAN DANG, JO RTZEGS DANG, JO BZANG LA SOGS PA'O, CHOS KYI RGYAL MTSAN GYI SRAS RU A'A NANDA BADZRA STE RONG PA KUN DGA', DE'I SRAS DAR BZANG DANG RDO RJE BRTAN, DAR BZANG GI SRAS SLOB DPON ME DPUNG NGO, DE'I SRAS CHOS KYI BSHES GNYEN DANG, CHOS BZHAD DO, RONG PA JO BZAD KYI SRAS SLOB DPON JO BKRA, DE'I SRAS SLOB DPON GSER 'OD, JO BRTAN GYI SRAS NYI SENG, DE'I SRAS 'OD ZER 'BUM DANG 'BUM RGOD, RONG SGOM CHOS 'PHAGS KYI SRAS SLOB DPON STON G-YUNG, DE'I SRAS JO SRAS LHAS SPUNGS, DE'I SRAS SLOB DPON BYAMS CHOS PA CHEN PO DAR MA BRTAN, DE'I SRAS SLOB DPON SRA BRTAN RDO RJE YIN NO, DE LTAR RONG ZOM 'DI NI 'KHRUNGS PA TZAM NYID NAS LHUN GYIS GRUB PA'I SHES RAB CHEN PO DANG, NGANG GIS DGE BA'I SPYOD PA CAN 'DI NI, RANG DANG DUS MTSUNGS PA'I MKHAS PA THAMS CAD KYIS MNGON PAR BSTOD PA, PHYI DANG NANG GI RIG PA'I GNAS DANG, SAm SKRI TA DANG SKAD RIGS KYI BYE BRAG GZHAN MANG PO LA MA RMONGS PA, BOD KYI SKAD NYID LA YANG 'DI NI DON 'DI TZAM ZHIG LA 'JUG GO, ZHES BYA BA'I KHYAD PAR PHRA MO DAG KYANG GZHAN LAS CHES LHAG PA, MDO SDE DANG RGYUD SDE DANG BSTAN BCOS KYI BYE BRAG MA LUS PA THUGS SU CHUD PA, THA NA 'JIG RTEN PA'I 'TSO TSIS ZHING LAS DANG, PHYUGS SKYONG BA DANG, DKAR SHE JI LTAR SGRUB PA'I TSUL GYI BSTAN BCOS KYANG MDZAD LA, BOD KYI LHA 'DRE PHAL CHE BA'I GNAS DANG SPYOD @211 PA YANG THUGS SU CHUD CING, LTA BA MCHOG TU GYUR PA KUN LAS KHYAD PAR DU GYUR PAS, BOD GANGS CAN GYI RGYUD 'DIR 'DI DANG MNYAM PA'I MKHAS PA NI SU YANG MA BYUNG NGO, 'DI LA SNGON GYI MAN NGAG BRGYUD PA MANG DU MNGA' BA DAG KYANG BLA MA'I BRGYUD PA'I RIM PAR 'DUS PAR SNANG STE, 'DI LTAR SLOB DPON PADMA'I GDAMS PA RNAMS KYANG SNA NAM RDO RJE BDUD 'JOMS, MKHAR CHEN DPAL GYI DBANG PHYUG DOM AA TZA RA DPAL ME TOG SGRO RDO RJE GZHON NU, ZHANG ZHUNG YON TAN GRAGS, RONG BAN YON TAN RIN CHEN, RONG BAN RIN CHEN TSUL KHRIMS KYI BAR DU BRGYUD DE GSAN NO, YANG BEE RO TZA NAS G-YU SGRA SNYING PO, DES BLA CHEN PO DGONGS PA GSAL, DES GRUM SHING GLAG CAN, DES SNUBS DPA' BRTAN, DES YA ZI BON STON, DES RONG ZOM LA BSHAD DE SEMS SDE'I BRGYUD PA GCIG GO ,YANG LDAN GLONG THANG SGRON MAR AA RO YE SHES 'BYUNG GNAS ZHES BYA BA GRUB PA'I SKYES BU ZHIG BYUNG STE, DE LA RGYA GAR BDUN BRGYUD DANG, RGYA'I HVA SHANG BDUN BRGYUD KYI GDAMS PA MNGA' ZHING, DES COG RO ZANGS DKAR MDZOD KHUR DANG, YA ZI BON STON LA GSUNGS TE, DE GNYIS KYIS RONG ZOM LA BSHAD, 'DI LA RDZOGS CHEN KHAMS LUGS ZHES ZER, YANG BI MA LAS MYANG TING 'DZIN BZANG PO LA GSUNGS PA DANG, BI MA LAS RMA RIN CHEN MCHOG DANG, GNYAGS DZNY'A NA KU M'A RA LA GSUNGS PA'I MAN NGAG KYANG, DE GNYIS KHU BYANG CHUB 'OD DANG, KHYUNG PO DBYIG 'OD LA BRGYUD NAS RIM GYIS RONG ZOM CHOS BZANG LA MAN NGAG RNAMS @212 MNGA' BA YIN NO, SKYES BU CHEN PO 'DI 'KHRUNGS PA DANG ZHI BAR GSHEGS PA'I LO TSIGS MA RNYED NA'ANG, SNGAR BRJOD PA LTAR JO BO RJE BOD DU BYON DUS MJAL ZER BA DANG, 'GOS LO DANG, DE'I BLA MA NAG PO DAM TSIG RDO RJE BOD DU BYON PA'I DUS DANG, GO RUB LO TZ'A BA DANG, MAR PA DO PA DANG, YANG KHYED BLA MA RNAMS DANG PHAL CHER DUS MTSUNGS PA NYID DU SHES PAR BYA'O, MA CIG ZHA MA'I MING PO RJE 'KHON PHUBS KYANG LO BCU GSUM LON PA'I TSE 'DI'I THAD DU SLOB GNYER LA BYON ZHES ZER RO, RONG ZOM CHOS KYI BZANG PO'I LO RGYUS KYI SKABS SO, SEMS PHYOGS KYI SKABS, YANG RDZOGS PA CHEN PO SEMS PHYOGS SU GRAGS PA 'DI RNAMS, SLOB DPON SANGS RGYAS YE SHES ZHABS KYI BLA MA RJE BTZUN 'JAM DPAL DBYANGS KYIS BAN DE CHUNG MA CAN DU BSTAN NAS, ZHAL LUNG LA SOGS PA'I YE SHES ZHABS KYI CHOS SKOR RNAMS BYUNG BA'I KHUNGS, 'JAM DPAL BSHES GNYEN DE NYID LA PAntI TA SHR'I SIDHAS GSAN, DE LA BEE RO TZA NAS GSAN PA YIN LA, BEE ROS KHAMS SU BYON NAS RGYA CHER GSUNGS PA YIN NO, SPYIR NA SANGS RGYAS YE SHES ZHABS KYI ZHAL LUNG SKOR DANG, SEMS PHYOGS DANG, MAN NGAG GI SDE RNAMS CHOS SKAD SHIN TU MTHUN PAR YOD DE, SEMS PHYOGS LA DPAL 'DZIN 'GREL PA SGRUB THABS MAN NGAG 'DI TZAM ZHIG 'GYUR PA LA, THA NA RDZOGS PA CHEN PO ZHES PA'I MING TZAM YANG MED CES SMRA BA NI, RANG NYID MTHONG BA CHUNG BAR STON PA STE, 'JAM DPAL ZHAL LUNG LAS, RDZOGS PA CHEN PO YE SHES SPYI GZUGS CAN, ZHES GSUNGS SHING, SMAN ZHABS KYIS JI LTA BA'I DON SGOM PA YIN PAR YANG BSHAD DO, YE SHES ZHABS KYIS MDZAD PA'I SGRUB THABS KUN TU BZANG MOR YANG RDZOGS PA CHEN PO ZHES BSHAD CING, SMAN ZHABS KYIS MDZAD PA'I DNGOS GRUB 'BYUNG GTER DU YANG RDZOGS PA CHEN PO'I MTSAN GSAL BAR BSHAD PA'I PHYIR RO, GZHAN YANG ZHAL LUNG GI 'GREL PAR, GSANG PA'I SNYING PO LAS GSUNGS PA'I NUS PA'I DBANG LNGA PO DE SMOS NAS, DE CHA MTHUN PA'I RNAL 'BYOR CHEN PO'I RGYUD LAS GSUNGS PAR YANG BSHAD DO, GZHAN YANG ZHAL GYI LUNG DU, 'JIG RTEN GSUM GYI SGRON MA KUN GYIS RAB BSNGAGS PA, , CHOS RNAMS KUN GYI SNYING PO DNGOS GRUB DE BZHIN NYID, ,SRID PA'I DUG CHU BZLOG BYED GSUM KHONG BAM STENG 'BAR, ,'JAM DBYANGS BLA MA'I LUNG GIS RTOGS PHYIR BSHAD PAR BYA, ZHES GSUNGS PA DANG, SEMS SDE BCO BRGYAD KYI DANG PO RDOL GSER ZHUN DU, STON PA 'JIG RTEN SGRON MAR GYUR PA KUN GYIS MTSUNGS PAR RAB BSNGAGS PA, ,CHOS LA CHOS KYI SNYING POR GYUR PA 'JAM DPAL GZHON NU'I SNYING PO NYID, ,BDE GSHEGS MA LUS YUM DU GYUR PAS RGYAL PA KUN GYI LAM GCIG BU, ,TSUL KHRIMS LA SOGS PHA ROL PHYIN LAM SPYOD PA @214 RGYA MTSO'I GZHIR GYUR PA, ZHES GSUNGS PA DAG TSIG GI 'JUG PA SHIN TU MTHUN PAR YANG SNANG BA'I PHYIR RO, 'DIR, TSUL KHRIMS LA SOGS PHA ROL PHYIN LAM SPYOD PA RGYA MTSO'I GZHIR GYUR PA, ZHES GSUNGS PA 'DI NI RDZOGS PA CHEN PO THABS KYI SPYOD PA RNAMS 'GEGS SHING MI 'DOD PAR SMRA BA YANG BSAL BA YIN NO, DE YANG ZHAL GYI LUNG LAS, CHOS RNAMS GZUGS LA SOGS PA RNAMS, ,KUN MKHYEN BAR GYI RANG BZHIN NI, ,NAM MKHA'I DKYIL LTAR RNAM DAG PA'I, ,ZAB GSAL GNYIS MED YE SHES TE, ZHES GSUNGS SHING, DE'I DON 'CHAD PA NA, RNAM PAR RTOG PA KUN BRAL BAS, , BSAM BRJOD YUL LAS SHIN TU 'DAS, ,MKHA' BZHIN DRI MED KUN 'BYUNG BA, BRTAGS BRAL ZAB MO NYID CES BYA, ,PHYAG RGYA CHEN PO'I GZUGS 'CHANG BA, SGYU MA GZHA' TSON LTA BU RU, ,RANG DANG GZHAN GYI RGYUD SBYONG BAS, ,YANG DAG GSAL BA ZHES BYA'O, ZHES GROL BA'I THIG LE LAS GSUNGS TE, DE LTA BAS NA SEMS PHYOGS PA RNAMS LA GSAL BA GTAN MED PA MA YIN MOD KYI, ZAB MO'I PHYOGS SHAS CHE BAR SNANG LA, MAN NGAG PA RNAMS LA ZAB MO'I PHYOGS YOD KYANG GSAL BA SHAS CHE BAR SNANG NGO, KLONG GI SKOR RNAMS LAS NI ZAB PA DANG GSAL BA GNYIS CHA MNYAM PAR 'CHAD DO, DE LA SLOB DPON RNYING MA BA RNAMS, SLOB DPON SANGS RGYAS GSANG BA DANG DE'I SLOB MA BI MA LA YIN PAR BSHAD NAS, CHOS PHAL CHER DE GNYIS LAS BRGYUD PAR 'CHAD DE, SLOB DPON SANGS RGYAS GSANG BA NI, SLOB DPON YE SHES ZHABS KYI DNGOS KYI @215 SLOB MA MKHAS PA CHEN PO'O, BEE ROS KHAMS SU SNGA PHYI RIM PA GSUM DU BSHAD PAR GRAGS TE DANG PO RGYAL MO RONG GI BRAG LA MGON PO'I DGON PAR RGYAL MO G-YU SGRA SNYING PO LA GSUNGS PA DANG, TSA BA RONG GI STAG RTZE MKHAR GYI DGON PAR GSANG STON YE SHES BLA MA LA GSUNGS PA DANG, STONG KHUNG RONG GI BRAG DMAR RDZONG GI DGON PAR SPANGS SANGS RGYAS MGON PO LA GSUNGS PA DANG, SNGAR RGYAL PO LA GSUNGS PA DANG, PHYIS DBUS SU BYON NAS DGE SLONG MA LA ZI SHES RAB SGRON MA LA GSUNGS PA DANG RIM PA LNGAR GRAGS TE, DE RNAMS GNYAGS DZNY'A NAS BEE RO NYID DANG G-YU SGRA LA GSAN ZHING, PHYI 'GYUR RNAMS BI MA LA LA GSAN NO, DE LA GNYAGS NI, YAR KLUNGS GNYAGS KYI STAG SGRA LHA SNANG DANG, SRU GZA' SGRON MA SKYID GNYIS KYI SRAS SU 'KHRUNGS, BI MA LA DANG G-YU SGRA SNYING PO LA SOGS PA LAS MKHYEN PA CHE ZHING, BKA'I CHU BO CHEN PO BZHI 'DUS PA YIN TE, DKYUS BSHAD GZHUNG GI CHU BO 'GREL tI KA STONG THUN DANG BCAS PA, SNYAN BRGYUD GDAMS NGAG GI CHU BO GNAD YIG DMAR KHRID DANG BCAS PA, BYIN RLABS DBANG GI CHU BO BSKUR THABS NGO SPROD DANG BCAS PA, PHYAG BZHES PHRIN SGRUB KYI CHU BO BSTAN BSRUNGS DRAG SNGAGS DANG BCAS PA'O, DES SOG PO DPAL GYI YE SHES, GRA DPAL GYI SNYING PO, LHA LUNG DPAL GYI RDO RJE, 'O PHRAN DPAL GYI GZHON NU, SNYAN DPAL DBYANGS, 'TSUR NAG YE SHES DPAL, AU PA DE GSAL, THANG PA ZANGS DPAL GYI RDO RJE, DGYE 'PHAt PA SHES RAB, BHU SU KU MCHOG GI BYANG CHUB RNAMS LA @216 GNANG NAS, SOG POS SANGS RGYAS YE SHES LA RIM PAR BRGYUD PA STE, LUGS GCIG GO, 'DI'I SPANGS SANGS RGYAS MGON PO NI, RDO RJE ZAM PA BA DAG GI SPANGS MI PHAM MGON PO DANG GCIG PA 'DRA'O, YANG BRGYUD PA GZHAN RTZAD TSA SH'AKA RDOR GYIS BSHAD PA NI, SPANGS KYIS SBA RAKshI TA LA BSHAD, DES YA ZI DAR MA SHES RAB, ZER MO DGE SLONG MA BDE GNAS MA LA BSHAD, RJES MAR PA SHES RAB 'OD PAS, DES LHA RJE CAN BKA' DRIN NOD DU 'ONG PAS, DER BSNYUN DRAG PO CIG BYUNG PA SHANGS KYI LANG ZA STON PA DAR MA BSOD NAMS KYIS BCOS PAS, DE'I LAN DU RDO RJE ME LONG DANG, LAM RNAM BKOD DANG, ZAB MO DBANG GI MAN NGAG RNAMS DANG, MDO'I 'GREL PA LUNG BSTAN RDO RJE DANG, SEMS PHYOGS KYI CHOS SKOR MA LUS PA RNAMS GNANG, DES SGRO SBUG PA LA GNANG, DES SH'AKYA RDO RJE LA GNANG NGO, YANG YI GE GZHAN NA, BI MA LA NYID KYIS THAL BA LA SOGS PA'I SGYU 'PHRUL GYI BSHAD RGYUD RNAMS JO MO SGRE MO LA GNANG, DES MAR PA SHES RAB 'OD LA GNANG, DES LANGS STON LA GNANG ZER BA 'DUG STE, DE LTA NA JO MO ZER MO DANG SGRE MO GNYIS DON GCIG PA 'DRA'O, 'DI DAG RMONGS PA CHOS LA LOG PAR RTOG PA DAG GI SDIG PA CHEN PO BSAL BA'I SLAD DU, BLA MA BRGYUD PA'I YON TAN DANG LDAN PA'I PHYOGS TZAM BRJOD PA STE, BDAG NYID KYIS NI, GSANG BDAG MDA' TSA HOR PO NAS 'GRO MGON DAM PA SH'AKYA RGYAL, MKHAS PA LCE STON YAB SRAS, BLA MA THANG STON 'BUM ME, CHOS RJE BLA SKYABS RDO RJE, @217 DRIN CAN MKHAS PA CHEN PO, MKHA' 'GRO DPAL GYI YE SHES, MA GCIG DRIN CAN ZUR MO, CHOS RJE SANGS RGYAS RIN CHEN PA'I BAR DU BRGYUD DE, RIG PA'I RTZAL DBANG BCO BRGYAD DANG, KUN BYED RGYAL PO'I RGYUD KYI LUNG TZAM ZHIG LAS SEMS PHYOGS DAG MA THOS TE, 'ON KYANG GUS PA CHEN PO DANG NI LDAN NO, SEMS PHYOGS KYI SKABS SO, , RDO RJE ZAM PA'I LO RGYUS KYI SKABS RDZOGS PA CHEN PO KLONG GI SDE'I SKOR LA, NAM MKHA' DANG MNYAM PA'I RGYUD CHEN PO'I DON KLONG DGU DANG TSIG BAM PO NYI KHRI ZHES 'BYUNG BA LA, BAM PO NYI KHRI NI GRUB PA'I SKYES BU RNAMS KYI PHYAG NA BZHUGS PA'I DBANG DU BYAS PA YIN GYI, 'DIR GZHUNG TSANG BAR 'GYUR BA NI MED DO, NAM MKHA' DANG MNYAM PA'I RGYUD CHUNG BA'I DON YANG KLONG DGU STE, DANG PO LTA BA'I KLONG, GNYIS PA SPYOD PA'I KLONG, GSUM PA DKYIL 'KHOR GYI KLONG, BZHI PA DBANG GI KLONG, LNGA PA DAM TSIG GI KLONG, DRUG PA SGRUB PA'I KLONG, BDUN PA PHRIN LAS KYI KLONG, BRGYAD PA SA LAM GYI KLONG, DGU PA 'BRAS BU'I KLONG STE, DE DAG KYANG LE'U BCU GCIG PA NAS BCU DGU PA'I BAR LE'U RE RES STON PA YIN NO, GZHAN YANG YE SHES GSANG BA LA SOGS PA'I RGYUD LA BRTEN PA'I RDO RJE ZAM PA'I MAN NGAG RNAMS BEE RO TZA NAS SPANGS MI PHAM @218 MGON PO ZHES BYA BA LO BRGYAD BCU RTZA LNGA LON PA ZHIG LA GNANG STE, RGAS CHES TE LUS KYIS THUNGS MA THUB PAS SGOM THAG SGOM RTEN DANG BCAS TE LUS GNAD 'CHAR BCUG GDAMS PA YID LA ZIN PA'I PHYIR TSUL SHING GTAD, SNGAR GZHON PA'I DUS CHOS MA GRUB CING, RGAS TE 'KHOR DANG GNYEN 'DUN YANG SDANG BAR GYUR PA ZHIG LA, SLOB DPON GYI GSUNG BZHIN NYAMS SU BLANGS PAS SKYE BA MED PA'I DON RTOGS, DGA' CHES TE SLOB DPON GYI MGUL NAS 'KHYUD NAS ZHAG GCIG GI BAR DU MA BTANG, NYAMS SU BLANGS PAS LO YANG BRGYA LHAG PA THUB ZER, DE'I SLOB MA NGAN LAM BYANG CHUB RGYAL MTSAN YIN, YUL DBU RU NGAN LAM RAL GSUM PA YIN, DGE SLONG LO DRUG CU RTZA BDUN LON PA ZHIG GIS, RGYAL MO STAG RTZE MKHAR DU BYON NAS SPANGS MI PHAM MGON PO LA GDAMS PA ZHUS, SPANGS GYI ZHAL NAS YUL DU MA 'GRO BAR WA SENG GE BRAG LA SONG LA SGOMS GSUNGS NAS, DER BYON NO, DE'I SLOB MA ZA NGAM RIN CHEN DBYIG CES PA MDO KHAMS STOD PA ZHIG GIS NGAN LAM LA GDAMS PA ZHUS, WA SENG GE BRAG TU BLA MA'I RTZA NYID DU BZHUGS SO, DE'I SLOB MA YAR KLUNGS 'CHOS KYI KHU 'GYUR GSAL BA'I MCHOG YIN TE, DGE SLONG LO LNGA BCU RTZA BDUN LON PA ZHIG GIS ZA NGAM LA GDAMS PA RNAMS ZHUS NAS, WA SENG GE BRAG TU BZHUGS NAS YAR MA BYON NO, NGAN LAM BYANG CHUB RGYAL MTSAN BRGYA DANG BDUN CU RTZA GNYIS LON NAS LHAG MED DU GSHEGS, ZA NGAM RIN CHEN DBYIG BRGYA BZHI BCU ZHE BZHI LON NAS LHAG MED DU GSHEGS, @219 KHU 'GYUR GSAL BA MCHOG LO BRGYA DANG BCU BDUN LON NAS LHAG MED DU GSHEGS TE, DE GSUM KA WA SENG GE BRAG LA SBRUL LO LA GCIG RTING LA GCIG GSHEGS TE, SKU NA BUN YAL BA'AM 'JA' YAL BA BZHIN DU GSHEGS SO, DE'I SLOB MA MYANG BYANG CHUB GRAGS NI, YUL MYANG G-YU 'BRUG STOD PA DGE SLONG LO BZHI BCU RTZA GNYIS LON PA ZHIG GIS, KHU 'GYUR GSAL BA'I MCHOG LA GDAMS PA RNAMS ZHUS NAS YAR BYON TE, BSAM YAS 'CHIMS PHU NA BZHUGS TZA NA, DBU RU ZHVA'I MYANG SHES RAB 'BYUNG GNAS DGE SLONG BGRES PO ZHIG BZHUGS 'DUG NAS, KHONG NA RE, BSNYEN PAR RDZOGS NAS LO NGA RGAN KYANG GDAMS PA KHYED CHE BAR 'DUG PAS, SLOB DPON ZHU GSUNG NAS, GDAMS PA RNAMS MYANG SHES RAB 'BYUNG GNAS LA GNANG NGO, MYANG BYANG CHUB GRAGS NI, GTZANG RGYA MA NYE'U KHA'I PHUNG PO RI BO CHE LA DA LTA 'DUG PA'I 'PHRO LA, RI ZUR NA YAR LA SKU SPRIN CHAD PA BZHIN DU LHAG MED DU GSHEGS, MYANG SHES RAB 'BYUNG GNAS KYIS 'CHIMS PHU, SGRAGS KYI YANG RDZONG, PHUG PO CHE RNAMS SU BZHUGS, MJUG TU PHUG PO CHE NA PHUG CHUNG ZUR RA RI BYA BA YOD PAS DER BZHUGS YOD TZA NA, PHUG PO CHE LHA RI'I RTZE MO LA SHUG PA RKANG GCIG LA NA BZA' DANG PHRENG BA DANG K'A PA LI RNAMS GZAR NAS, PHUNG PO LHAG MED DU GSHEGS, DE'I SLOB MA SLOB DPON SBA SGOM YIN TE, YUL LO MO BA, RUS PA SBA, YUL NA 'KHRUG PA YOD PAS YUM NA RE, BU 'DI SRING MO DRUG GI MING GCIG PO YIN, SLOB DPON MYANG @220 SHAS RAB 'BYUNG GNAS LA 'CHOL, MA SHI BAS CHOG ZER NAS, SBA SGOM LO BCU DRUG LON PA ZHIG MYANG LA BCOL NAS YOD TZA NA, MYANG BYANG CHUB GRAGS PA PHUG PO CHE DANG, YANG RDZONG DANG, 'CHIMS PHU RNAMS SU SHA BA ZHIG KHRID NAS BYON PAS, MYANG SHA BA CAN ZHES KYANG BYA, PHUG PO CHER PHYI MA DAG BYON TZA NA, NGAS KHYED GNYIS LA LTAD MO CIG BSTAN CIG LTOS SHIG GSUNG, SLOB DPON SHES RAB 'BYUNG GNAS DANG SBA SGOM GNYIS KYIS G-YAS G-YON NAS BLTAS PAS, KHONG DBUS NA YOD PA DE MI SNANG BAR SONG, DE RLUNG TSUB KHRU GANG BA GA TU SONG STE PHAR SKYIL TSUR SKYIL BYAS TE MER SONG, DE CHU GTOR GTONG BA'I 'KHAR GZHONG ZHIG TU TSUR LTEMS KYIS SONG, DE YANG SA TSUB RID STE SLOB DPON DU DKRONGS KYIS SONG, 'BYUNG BA'I SNYIGS MA DVANGS NAS DVANGS MA MA YAL BA'I BAR DU DE LTAR 'ONG BA YIN, SHES RAB KYIS SGOM RGYU MED PA'I DON MTHONG YANG, BRDA LA YENGS PA MED PAR BSKYANGS NA DE LTAR RANG DBANG THOB PA LA TSEGS MED, MA YENGS PAR SKYONG BA GAL CHE BA YIN GSUNG, DE NAS DUS NAM ZHIG SBA SGOM GYIS BAL OBU'I NAGS LA SHING 'THUR PHYIN PAS, KHONG RANG GI LJAGS SPYIL MER DMAR RING DE MTHONG, SLOB DPON NI ME MI 'BUD CI TZUG YIN SNYAM NAS LTAR PHYIN PAS, CI YANG MA BYAS PAR 'DUG NAS, SLOB DPON LA DE CI TZUG YIN DRIS PAS, NGAS MER BSGOMS PA YIN, MYANG BYANG CHUB GRAGS PA'I DE kMA DRAN NAM GSUNGS, YANG NAM ZHIG SLOB DPON GYI BZHUGS SA NA CHUR LTEM ME@221 'DUG PA YANG MTHONG, SLOB DPON GYI ZHAL NAS, DA MI 'DUG NA LHA RI'I RTZE MO LA LTOS SHIG GSUNG NAS, RI LA SKYO BSANG LA BZHUD NAS SANG DGUNG 'BYON DU RE YANG MA BYON NAS, LTAR PHYIN TZA NA, SLOB DPON PHUNG PO LHAG MED DU GSHEGS, NA BZA' DANG DBU ZHVA DANG BO DHI TZI'I PHRENG BA LA SOGS PA SHUG PA LA GZAR 'DUG SKAD, SBA SGOM YE SHES BYANG CHUB KYIS DGUNG LO NYI SHU RTZA BZHI LON TZA NA MYANG GIS GDAMS NGAG RNAMS GNANG, SBA SGOM PHUG CHUNG ZUR RA NA NYE GNAS BTZUN CHUNG ZHIG GIS BYED KYI YOD TZA NA 'DZENG GIS MJAL PA YIN, SPYIR SBA SGOM YE SHES BYANG CHUB RTEN DGE BSNYEN DU BZHUGS PA DE, DGUNG LO DGU BCU RTZA BRGYAD LON PA'I TSE BSNYUNG BA MED PAR GSHEGS PA'I TSE JO MO GAD MOS PHYI ROL GYI MI RNAMS MJAL DU MA BCUG PAR MCHOD KHANG DU SPUR ME LA BSREGS PAS, 'OD RDZA MA TZAM ZHIG NAM MKHA' LA SONG BA PHYI ROL GYI MI RNAMS KYIS KYANG MTHONG BA BYUNG, SHUL DU GDUNG RUS KYANG MA BYUNG NGO, 'DZENG DE NI, YAB BKRA SHIS G-YUNG DRUNG ZHES BYA BA TSE SMAD LA RAB TU BYUNG NAS TSUL KHRIMS RGYAL MTSAN DU BTAGS, LO DRUG CU RTZA BDUN LA PHUR BU AUR NAN GYI LUGS LA GRUB PA THOB NAS RDO RJE GZHON NU'I ZHAL GZIGS LO BRGYAD CU RTZA LNGA LA GSHEGS, GDUNG SBYANGS PAS RDO RJE GZHON NU'I SKU DANG RING BSREL MANG DU BYON, YUM NI 'TSAR DGU GZA' SKYID DE ZHES BYA BA YAR KLUNGS CHUNG PA'I BTZUN MA YIN PA, THANG CHUNG BTZAD PO'I BU CHE BAS PHAB NAS 'DZENG 'KHRUNGS, 'DZENG BYON DUS @222 THANG CHUNG BTZAD PO BYUNG ZER BA YANG YOD, LO BRGYAD KYI BAR DU 'TSAR DGU KLUNGS SU ZHANG PO'I SAR BZHUGS, DE NAS GONG PO DBEN TSAR BZHUGS, DE NAS SKYI KHUNG DU LO LNGA BZHUGS, LO BCU DRUG LON TZA NA, ZHANG PO GSHEN TSA DAR MA 'OD KYI SLOB DPON GTZANG PA RAL GCIG MA'I G-YOG PO RDO RJE SNYING PO DANG, JO SHO RE DANG, GNYAGS DGE BA 'BAR RNAMS KYIS DOL GYI GDONG SNA RU TSONG LA PHYIN TZA NA, DOL GYI 'TSAR 'CHUR NA MI MANG PO 'PHUNGS 'DUG DER BLTA PHYIN PAS DAM PA RGYA GAR DANG MJAL, ZLA BA RIL PO BCU BZHI DAM PA'I PHYAG PHYIR 'BRENGS, GTZANG GI GNAS GZHI ZANGS CAN DU SLEB TZA NA, DAM PAS SNAM BU ZHIG GNANG NAS KHONG NGANG THUNG 'DUG PAS KHYOD RANG YUL DU LOG DVAGS PO NAS KHAM BU KHYER LA SHOG, DOL DU 'GRO BA'I ZLA BO 'DUG GO GSUNG, DE NAS 'DZENG GIS BYON TZA NA, DAM PA RGYA GAR PHYIN TSUR BRENGS KYIS BYON NAS, 'DZENG GI MDAN PA GNYIS NAS PHYAG GIS 'JUS TE, CI YANG MA YIN GNAS GYUR PA, GNAS GYUR PA LA GNYIS 'DZIN MED, CES GSUNGS NAS MGO THUG LAN GNYIS BRGYAB PAS, SEMS CI YANG MA DRAN PAR SHES PA SA LE BA ZHIG BYUNG NAS, KHA NA TSUR CHU 'DUR LA BYUNG, DER DAM PAS BYIN GYIS BRLABS, RDO RJE ZAM PA DANG MJAL BAR LUNG BSTAN PAR 'DUG STE, DA GDOD LAS MA GO GSUNG, DAM PAS RTEN 'BREL 'GA' ZUNG DANG SNGAGS KYI GNAD MANG DU GNANG, RGYANG RO 'TSAL MAR YI GE DRUG PA'I GDAMS NGAG GNANG NAS BSGRUBS PAS BYIN RLABS @223 THUN MONG MA YIN PA BYUNG, CHU BO CHEN PO 'DI'I SHAR PHYOGS NA TZAN DAN GYI NAGS YOD, DE NA KHYOD KYI BLA MA YOD GSUNG NAS LUNG BSTAN, DE NAS DBUS SU BYON NAS AA KHU DPAL 'BAL LA ZHING PHUL NAS KHRAG 'THUNG DANG DPE BKAR GSANG SGRUB ZHUS, SNUBS SHANGS PO CHE LA KRi YA'I SGRUB THABS DANG KHA 'BAR MA'I GTOR CHEN ZHUS, KHONG GIS GTZANG DU BA RI LA 'BUL BA SKYEL DU BTANG NAS, BA RI LA'ANG 'JAM DPAL DANG KHYUNG GI SGRUB THABS ZHUS, DGE BSHES SBO LA SNGA 'GYUR LNGA ZHUS, DE NAS NGAMS SHOD NA MAR BYON NAS LCANG RTZIGS SU BYON, DE'I TSE LO SUM CU RTZA LNGA TZAM LON, DE'I TSE PHUG PO CHE'I LA KHA NA, DGE BSHES BTZAN KHA BO CHE RGYA GAR NAS BYON MA THOG CIG JO MO BAS SPYAN DRANGS NAS, CHOS DANG BZA' DANG LTAD MO RNAMS YOD ZER NANG PAR SNGA BA NAS LA KHAR BYON TZA NA, BUD MED CIG NA RE, KHRAB NAS LAM ZUR 'DI NA YAR PHYIN NA, SLOB DPON SBA SGOM BYA BA BYUNG TSE MA LA LTO STER BA ZHIG YOD ZER NAS PHYIN PAS, RNAL 'BYOR PA TSO GCIG GIS SLEB NAS TSA BA DRANGS, PHYE ZANGS KYI THUM BU RE RE GTONG GI 'DUG DE TSO KHYEB PA DANG 'O DE NA GCIG KYANG 'DUG GSUNG NAS CHU BUM PA GANG LEN BCUG CHU GTOR BTANG NAS KHYIM DU KHRID NAS SRAN MA KE RU'I TSOD MA PHOR PA GANG DRANGS, DE NUB KYANG LTO BYIN NAS BRAG RTZA CIG TU NYAL, NANG PAR 'GRO DGOS SEMS TZA NA, YANG LTO BYIN NAS NGA LA NYE GNAS BTZUN CHUNG ZHIG YOD PA ZO THUNG DU GSER LEN DU SONG BA CHAR CHES PAS MA BYUNG, SHING ZHIG @224 SGRUGS DANG GSUNG NAS, NAGS KHROD NAS SHING SKAM KHUR CHE BA ZHIG KHUR NAS PHYIN PAS MNYES NAS PHYAG RGYA CHEN PO BRDA'I MAN NGAG GNANG, RDZOGS PA CHEN PO SKOR BDUN RANG CHAS BYA BA'ANG BSHAD, DE NAS NYE GNAS DE BYUNG NAS MDANG SANG SLOB DPON 'O BRGYAL SEMS TZA NA, BLA MAS GO BCAD 'DUG PAS DA DUNG ZHAG 'GA' ZHIG BZHUGS PAR ZHU ZER NAS, YANG YAR KLUNGS LAN GCIG SKOR NAS BYUNG, DE NAS SBA SGOM NGO MTSAR CAN DU SHES NAS YUL DU MA PHYIN PAR 'ON DANG ZANGS RI YAN CHAD DU STON SNGA BA KUN LA BLANGS NAS, SKYE ZHIG NYOS, NAS SGYE GNAG DANG BCAS PA SLOB DPON SBA SGOM LA 'BUL DU PHYIN PAS, NGA'I G-YOG KHYED KYIS BYAS PA YIN PAS NGA LA 'DI 'BUL MI DGOS, 'DI LA KHYOD RANG GI RGYAGS GYIS, NGA LA GDAMS NGAG RDO RJE ZAM PA ZHES BYA BA SKAD CIG MA'I DON RTOGS NAS TSE GCIG GIS SANGS RGYA BA, PHUNG PO LHAG MED KYI BRGYUD PA BRENG MA CHAD PA ZHIG YOD, DE GONG PHAN CHAD SU'ANG MA SMRAS PAR GSANGS PA YIN, DA KHYOD LA SBYIN NO GSUNG BAS, 'DI SLOB DPON RANG LA BSNGOS PA YIN GDAMS NGAG THUGS LA GDAGS PAR ZHU, RGYAGS RNYED 'ONG ZHIG ZHUS PAS, PHYAG G-YON PAS SPYI BO LA GZUNG G-YAS PAS LTAG KHUNG NAS TAB TAB BYAS NAS, 'OR CHE DAM TSIG CAN DU 'DUG PAS, GDAMS NGAG GIS PHAN THOGS 'ONG BAR 'DUG CIG GSUNG, DER LO CHUNG GI SNGAGS PA CIG LA GSHIN RJE DMAR PO'I SGRUB THABS SHIG BYIN PAS, SRAN SRES NAS KHAL BRGYAD BYUNG, LO MO DANG @225 'PHRUN DU BSRUNG SKYOB ZHAR RE BYAS PAS CHOS RGYAGS LDANG BAR BYUNG, RDO RJE ZAM PA'I BYIN RLABS MA GTOGS PA TSO GNANG, DE BYED PA LA 'JEN CI YANG MED PAS ZHU BA MA BYUNG BA LA, SLOB DPON GYI ZHAL NAS BYIN RLABS DA LTA BYA, PHYI NAS BAR CHAD 'ONG GSUNG, GANGS PAR DU GROGS PO ZHIG LA PIR MO ZHIG BCOL YOD PA'I RIN SLONG DU PHYIN PAS, JO MO BA BCOM PA'I SHAM THABS SHIG BYIN, DE'I SNAM BU TSO PHRAL NAS BTZONGS, CHANG PHUD DANG GTOR MA DANG NAS BRE LNGA SHA GZUGS GCIG RNAMS LA BRTEN NAS, MAR ME'I DOD NYIN PAR BYA'O GSUNG NAS, GROL LAM DBANG BZHI RDZOGS PAR BSKUR, GDAMS NGAG MA LUS PAR GNANG, BYIN RLABS PHYI NAS KYANG LAN BZHI TZAM GNANG, ZHABS TOG KYANG NAS DANG GSER LA SOGS PA LAN LNGA TZAM BSKYAL, DE'I RTING LA SLOB DPON SBA SGOM LA ZHABS TOG PA JO MO GANG MO BYA BA ZHIG YOD, SLOB DPON GYI ZHAL NAS, SNANG BA 'DI KUN BDEN SNYAM PA MI 'DUG GSUNG NAS, CHU RDO CIG LA PHYAG CHAR GYIS RGYAB PAS GRU MO MAN CHAD THIMS KYIS SONG, SKU LUS PHYIR SHIGS KYIS MDZAD PAS BRAG LA SKU LUS THIM GYIS SONG NAS RJES LBAL LE BYUNG, PHUG CHUNG RONG NAS TING NGE 'DZIN GYIS SHUG PA'I GDUNG MANG PO DRANGS NAS, JO MO'I MCHOD KHANG PHUB PA'I SHING RNAMS YIN GSUNG, SBA SGOM LA JO BO RJE'I PHA ROL DU PHYIN PA'I LAM RKYANG KHUG RA MA P'A LA'I GDAMS PA ZHUS, 'U LUG TU DGE BSHES HAB KYIS ZHU BA BYAS NAS, YU MO LA DUS 'KHOR GYI SBYOR DRUG ZHUS, @226 DE NAS DBU RUR BYON NAS, KHAM PA LUNG PA LA THUN BRGYAD MA, SNE'U ZUR PA'I SLOB MA ZHIG LA DMIGS PA SKOR GSUM DANG, TSOGS BDAG GI SGRUB THABS DANG, NAD SEL GYI GDAMS PA RNAMS ZHUS, YANG PHUG PO CHER BYON PAS SBA SGOM GYIS BDUD RTZI'I BCUD LEN DANG, RDO RJE ZAM PA'I SGRUB SDE RNAMS GNANG, SPYAN SNGA RNAL 'BYOR PA'I GRVA SA RU SPYOD PA BYAS PAS SHIN TU MNYES, SHONG BU LO TZ'A BA LA 'GREL CHUNG NYAN, DGE BSHES DGROL SGOM LA N'A RO PA'I THABS LAM ZHUS, RDO RJE ZAM PA PHAR LA BSHAD, LHA RJE SNYI SGOM LA CHOS DRUG DANG SKYES SBYOR ZHUS, RTOGS PA BSDUR BAS SHIN TU MNYES, SO BSNYUN GDANGS PA SGRON SPRUL DANG RGYAB SHA ZHUS, RDZA BOR BA LA BDUD RTZI THIGS GSUM, RI KHROD RLUNG CHUNG LA RNA BRGYUD TSIG GSUM, BLA MA RLUNG DAM PA CHEN PO LA DO HA'I GDAMS NGAG LABS SGRON LA GCOD YUL, RGYAL BA SBO STON LA LHUN GRUB SDE SKOR BDUN PA, SNUBS SHANGS PO CHE LA BA RI LO TZ'A BA'I KRi YA'I CHOS LNGA GSUM BCO LNGA PA ZHUS, LA STOD DU BYANG CHUB SEMS DPA' KUN DGA' LA GDAMS PA KHA YAR DANG, AA BA R'A DZI TA'I SGRUB THABS ZHUS, GROGS MCHED AA TZAR STAG SHAM CAN DANG, BLA MA DBU LTEBS DANG, BLA MA THUD KHA 'BAR, BLA MA DROD 'BYOR, ZHANG 'BRO SNYON LA SOGS PA DE TZA NA'I RNAL 'BYOR PA BZANG PO SHA STAG DANG 'GROGS, GTZANG DU GCER BU LO LNGA BYAS, 'KHYAG PA'I NANG DU MCHONG BA DANG, CHUR MCHONG BA DANG, G-YANG LA MCHONG BA DANG, MGO BRDEG @227 PA DANG, MTSON RDEG PA LA SOGS PA CI YANG BYAS TE SPYOD PA'I TSAN CHE SHOS YIN, DPA' BO 'DZENG CHUNG BA ZER BA YIN, SO MANG BTZAN LA PHYAG RGYA CHEN PO BTAB PAS, 'KHRUL SNANG DAG NAS YE SHES KYI SNANG BA 'BA' ZHIG TU SHAR, DNGUL MO RGYA LE LCAM LA YI GE BZHI PA DANG RDZOGS CHEN GYI GDAMS PA BTAB PAS ZHIG MO MI LAS 'DAS PA ZHIG BYUNG, RI KHROD KLUNG CHUNG BA, DNGUL MO RGYA LE LCAM, MON KHRA ZER MO'I MTSO LA SONG BA'I MA JO, KONG PO MTSO RDZONG LA SONG BA'I KHAMS PA RNAMS LA GDAMS PA BTAB PAS PHUNG PO LHAG MED DU SONG, RAS PA SGOM STAG SHO RAS, RGYA RAS, RLUNG RAS LA SOGS LA GDAMS PA BTAB PAS DROD 'BAR BA YANG BYUNG, BSTAN PA TZAM GYIS RDOGS GROL LA SONG BA YANG BYUNG, NGA'I GAM DU LO TZ'A BA YANG BZHI TZAM BYUNG, RAB BYUNG DANG STON CHEN DANG SGOM PA SGOM MA YUS PO CHE RANG MTHONG CAN MANG ZHIG BYUNG, TSUL BZHIN NYAMS SU LEN PA AA CANG CHE STE, DVAGS POR NYAMS LEN AEN RE BYED PA'I NYI MA BCU GCIG TZAM LA DANG POR 'CHI DUS THEBS PA, 'CHI KHAR GNAD GCOD MED PA, RO LA 'JA' ZUG PA BYUNG BA YIN, NGA'I GDAMS PA 'DI LA BAL LAS BYED PA'AM, PHA MA SRI'U GSO BA 'DRA BA'I NYAMS LEN LO LNGA DRUG CIG BYAS NA, PHUNG PO LHAG MED DU SONG NAS SHUL DU MI'I LUS PO MI 'ONG NGES GSUNG, RES SKU LUS 'JA' RU 'KHYIL BA, RES ZHABS SBAL MI REG PAR GSHEGS PA, RES THAG RING PO YUD TZAM RES 'KHOR BA DANG, DBU RUR DAR RE DANG SBUR SGOM @228 DANG DPAL LCAM CHOS 'BAR DANG RIL PA LA SOGS PA 'CHI PA SHES PA DANG, GZHAN GYI SEMS SHES PA LA SOGS PA MNGON PAR SHES PA YANG MNGA' JO SRAS MA RDO RJE SKYID KYI BU NAM PHYED NA GNYID YUR NAS RGYA MTHONGS NA MAR SBAB TU 'TSOR LA KHAD PA GZIGS PA DANG, COD PAN RGYU BA'I KHAB NUB MO SBUR MA'I KHROD DU BRUL BA GZIGS PA DANG, NYIN MTSAN MED PAR GSAL BA YANG YOD, PHYI RES GTZANG DU LO BDUN BZHUGS NAS MAR LA BYON NAS PHUG PO CHER BYON PAS, SLOB DPON SBA SGOM GYIS RNA BRGYUD TSIG GSUM GNANG NAS, NAM MKHA' 'DI KHONG DU CHUD PAR GYIS, DE RTEN MED DU RTOGS NA SGOM MED DON GYI GZER CHEN THEBS PA YIN GSUNG PAS, NGES SHES THUN MONG MIN PA SKYES, DE NAS DVAGS PO ZHU RU RU BZHUGS, BLA MA ZHAL GDAMS LA BSNYEN BKUR BYAS NAS GU RU BZHI BA SDE BSKOR BDUN PA THUN SGRUB KYI GDAMS PA RNAMS ZHUS, ZHU RU'I LHA ZUR DGON PAR BRDA BZHI LO GSUM BSKYANGS PAS CHOS THAMS CAD LA BYAN TSUD, DGONGS PA NAM MKHA' BZHIN DU 'DRES, DON THAMS CAD SPROS BRAL RNAM DAG LA SONG, GYUR CIG DANG SHOG CIG LA LTOS MA DGOS, RIG PA DVANGS PAS HE RU KA'I ZHAL MTHONG, CHED DU MA BSGRUBS PAR MNGON SHES SHAR, BLA MA RNAMS BSTEN NAS DKA' THUB MDZAD PA'I LO RGYUS NI, RDO RJE ZAM PA ZHUS NAS PHUG PO CHER BDUD RTZI'I DKA' THUB MDZAD PAS RIMS KYIS MI 'JIGS PA BYUNG, SNUBS SHANGS PO CHE'I DRUNG DU BLA MA'I G-YOG GI DKA' THUB MDZAD PAS GANG PHYIN DU BLA MA THUGS LA 'DOGS, DAM PA RGYA @229 GAR GYI DRUNG DU BSAM BLO'I DGA' THUB MDZAD PAS CHOS GANG LA YANG BYAN TSUD, SKYI KHUNG DU PHUR PA LA BZLAS PA'I DKA' THUB BYAS PAS 'JIG RTEN GYI LHA 'DRES CI SMAS NYAN, BKA' GDAMS KYIS RU ZHI DUL GYI DKA' THUB BYAS PAS GAR PHYIN DU MI BYAMS, YI GE BZHI LA MI SDOD PA GSUM GYI DKA' THUB BYAS PAS LUS LA DROD SKYES NAS GCER BU LO LNGA BYAS, DE LA NGES SHES SKYES NAS PHAG MO MNGON 'BYUNG LA SGRUB PA MDZAD PAS 'GYUR MO NUB PHYOGS SU RJE BTZUN MA'I ZHAL GZIGS NAS BRDA MANG PO GNANG, SNUBS YUL RONG DU RMI LAM SBYANGS PAS SNANG BA THAMS CAD RMI LAM DU SHES, LAN CIG JO MO DANG GNYIS SHING 'THUR PHYIN PAS SHING KHUR CHE BA ZHIG RNYED NAS KHUR PHYIN PAS MTHA' CHEN PO ZHIG GI KHAR SLEB PA DANG, RMI LAM DU 'DUG SNYAM STE MCHONGS PAS BYA BABS PA BZHIN DU BYUNG BAS, JO MO NA RE, BLA MA KHYED MI'I MI ZHIG MI 'DUG DAM PA RGYA GAR DRAN DRAN 'DUG ZER, AO DKAR BRAG LA SGRUB PA MDZAD PAS BDE MCHOG YAB YUM ZHAL GZIGS, LAN CIG 'GRO SNYING 'DOD NAS PHYIN TE, MON 'GAR GRONG MO CHE'I MDUN DU CHU'I BANG MO ZHIG LA, NGA YOD CHU RANG LA YANG CANG 'BYING NGAM SNYAM NAS MCHONGS PAS, 'KHYAG PA CHAG NAS CHUR BYING BAS SKYENGS TZA NA, KHONG RNAMS NGO MTSAR SKYES NAS DGUN AAR PA SGANG LA CHUR DE TZAM TSUGS PA, LCAGS TSA MO CHUR BCUG PA BZHIN TSA RINGS KYIS BYUNG ZER, RANG GIS MTHONG BAR YANG CHU LA RLANGS PA NAM MKHA' MI MTHONG BA TZAM BYUNG, GRANG NI GRANG BAR BYUNG GSUNG, GZHO'I @230 TI SGROR BYON PAS SHEL PHUG TU KHRO BO BDUD RTZI 'KHYIL BA ZHAL MTHONG, MI MA YIN ZHIG GIS BSNYEN BKUR CHER BYAS, BTZUN GZUGS ZHIG NAM MKHA' LA 'PHUR NAS PHAR 'GRO TSUR 'GRO BYED PA BTZAL BAS MA RNYED, MI YIN MIN MA SHES GSUNG, DVAGS PO ZHU RUR AA DZI BSGRUBS PAS NYI MA DRO BAR KHAR ZHAL GZIGS, DAM BSRES SNYAM TZA NA JO MO PHYAL LE BYON PAS, BUD MED CAN ZER NAS NAM MKHA' LA 'OD CHEN PO ZHIG TU BYAS NAS SONG, LHA ZUR DU BCUD LEN GYI SGRUB PA BYAS PAS TSE DPAG MED ZHAL MTHONG, CHOS SANG PO'I RNAM DAG RGYUD LA SHAR, DE NAS JO MO PHYAL LE DANG BRAL NAS CHOS SKYID DANG 'GROGS TE 'DZIN DU BYON NO, ,DE YAN DU GDAMS PA MANG DU MA 'PHEL, BYIN PA YANG 'GA' ZUNG LAS MED, MTHU 'GA' RE BSLABS, GRONG CHOG MDZAD CING GSANG SPYOD MDZAD, DE NAS THAG RING NAS ZHU BA YANG MANG DU BYUNG ZHING MANG DU 'PHEL, NGO BO MKHAR NGOS SU SBAL BU DOR LAS SPYAN DRANGS NAS GDAMS NGAG GSUNGS PAS, NYI MA SNGA DRO DANG PO LA 'JA'I GDUGS DANG RE'U MIG DANG KA BA LTA BU MANG PO BYUNG BA THAMS CAD KYIS MTHONG BAS PHYOGS SU PHYAG BTZAL, CHOS THON NAS RI LOGS LA SKYO SANGS LA BYON, 'JA' DE BLA MA 'DRONGS PA MIN NAM, MI DGA' LA CHE BYAS PAS, SLOB DPON SBA SGOM LA 'BAR STON SHES RAB GRAGS SPUN GNYIS KYIS GDAMS PA 'DI ZHUS PA'I DUS SU, NGAMS SHOD LUNG DANG PHUG PO CHE'I RI LOGS KHENGS PA TZAM BYUNG, GDAMS PA 'DI LA 'ONG BA YIN GSUNG, @231 'DZIN NA BZHUGS PA'I DUS SU JO SRAS 'DZENG GIS BLA MA'I SAR BYON PAS, NUB PHYOGS KYI MCHOD RTEN RTZA'I GAD KHA CIG NA BZHUGS 'DUG DE NAS DBEN KHANG DU PHYIN TZA NA BLA MA NI MA MTHONG, 'OD GTZANG PHUB TZAM ZHIG 'DUG DE NAS RTZAR PHYIN TZA NA 'OD DE MI 'DUG PAS, DE TZUG LAGS ZHUS PAS, MNYAM PAR BZHAG TZA NA 'ONG GI 'DUG MI LA MA SMRA GSUNG, AA JO DNGOS GRUB LA MDZE BYUNG BAS, NGAS BZLAS GROGS BYAS PAS MDZE NI MA SOS, NGAS PHYAG NA RDO RJE ZHAL MTHONG RGOD BRO GSUNG, DGUNG LO BRGYA DANG GNYIS LON PA'I DUS SU BLA MA BSNYUNG BAS, 'KHOR KUN GYIS BLA MA GRONGS KYIS DOGS TZA NA, BLA MA'I ZHAL NAS, MDANG RMI LAM BZANG NGA MI 'CHI, RGYA'I PO RA'I STENG NA NGA 'DUG PA LA NYI ZLA GNYIS SHAR BYUNG, RUS PA'I SPYIL PO MANG PO'I STENG NA BUD MED MANG PO 'DUG KHONG NA RE, BLA MA 'DZENG KHYOD LO BZHI NA SHOG ZER BA ZHIG RMIS GSUNG, 'DZENG GI ZHAL NAS, NGAS LO MANG PO LON ZER TE NGA RANG LA YANG TIG PA KHA NA BSHAD RGYU MED, SKYI KHUNG GI DGE BSHES HAB JO SRAS 'JAM DPAL NA RE, 'DZENG SGOM DE DA DUNG DVAGS PO NA 'DUG ZER, NGA DANG GNYIS GZHON TZA NA GROGS PO YIN, LO BCO LNGA KHO NAS KHONG RGAN PA YIN, DA NGAS KYANG DGU BCU GO BDUN SONG 'DUG ZER, KHONG DE NAS LO GCIG NA GRONGS, 'DZENG GIS DER RJES SU YANG LO GSUM TZAM BZHUGS TE DGUNG LO BRGYA DANG BCU BDUN LON NO, , 'KHOR RNAMS KYIS DGE RTZA ZHIG MDZAD PAR ZHUS PAS, 'DUS BYAS KYI DGE @232 RTZA MDZAD MA NYAN, BCUD LEN ZHIG MDZAD PAR ZHUS PAS KYANG BCUD LEN BYAS NA LO BCU BCU TZAM BSRING BAR 'DUG STE, DUS NGAN LA TSE RING BA LA DGOS PA MI 'DUG GSUNG NAS SKU GSHEGS, SPUR SBYANGS PAS NAM MKHA' 'JAS GANG, MCHOD RTEN DANG RING BSREL MANG DU BYON NO, ,'DZENG DHARMA BO DHI 'BRUG LA 'KHRUNGS ZER BA GO RI BAS MDZAD PA'I RNAM THAR DU BSHAD, RNAM THAR GZHAN NA 'DZENG GIS SO LNGA LON PA'I TSE, BTZAN KHA BO CHE RGYA GAR NAS BYON MA THOG CIG DANG MJAL ZER BA'I TSIG 'DI GNYIS GUNG BSTUN PA NA, 'BRUG DE CHU PHO 'BRUG JO BO RJE SHING PHO RTA LA GSHEGS PA'I NYE LOGS DE'O, ,'DZENG GIS LO BZHI LON PA SHING LUG LA RMA SGOM CHOS KYI SHES RAB 'KHRUNGS, LO LNGA LON PA ME SPRE LA RVA SGRENG BTAB, DE NAS LO DGU PA SHING 'BRUG LA 'BROM GSHEGS, KHONG BRGYA DANG BCU BDUN LA GSHEGS PA'I LO DE SA PHO BYI BA YIN, DE'I PHYI LO SA MO GLANG LA PHYVA PA GSHEGS, DE LO G-YA' BZANG CHOS RJE 'KHRUNGS, DE'I PHYI LO LCAGS STAG LA 'GRO MGON GSHEGS, 'DZENG GIS BCU GCIG LON PA'I CHU STAG LA SO CHUNG PA 'KHRUNGS, KHONG GIS BA RI LA 'BUL BA BSKYAL ZER BAS, BA RI DANG RJE BTZUN MI LA'I BCU GSUM PA LA KHONG 'KHRUNGS PAR SNANG NGO, ,YU MO'I SLOB MA GNYOS SKYI KHUNG PA HAB JO SRAS 'JAM DPAL NA RE, KHONG RANG LAS 'DZENG LO BCO LNGAS RGAN PA YIN ZER, DE LTAR NA ME MKHA' RGYA MTSO'I 'DAS LO BZHI BCU BSRE BA'I ZHE GCIG PA ME MO LUG LA GNYOS 'KHRUNGS PAR 'ONG, DES LO GO @233 BRGYAD THUB ZER, DE'I SLOB MA NGOR RJE, DE'I SLOB MA DOL PA RAB TU DGA' BA'I RDO RJE'O, ,SNYAN BRGYUD RDO RJE ZAM PA'I GDAMS PA 'DI 'DZENG DHARMA BO DHI'I RING NAS DAR RGYAS CHEN PO BYUNG BA YIN NO, KHONG NAS MCHED PA'I DNGOS KYI SLOB MA BRGYUD 'DZIN YANG, SLOB DPON KUN BZANGS DANG, 'DZENG JO SRAS DANG, BTZAN THANG PA MYANG DHARMA SIDHA DANG, SLOB DPON GSER LUNG PA DANG, BLA MA DU RDO RJE RGYAN DANG, GZIG YE SHES DBANG PO DANG, G-YAG STON ZLA BA 'OD ZER LA SOGS PA MANG DU BYON NO, , DE'I SLOB MA 'DZENG JO SRAS NI, SNGAGS PA'I RIGS BRGYUD DU SONG BAS CHUNG NGU NAS YIG RTZIS BSLABS, 'OL KHA'I SLOB DPON LHA RIS PA LA SGYU 'PHRUL LA SOGS RNYING MA'I SKOR RNAMS DANG, DGYES RDOR DANG MTSAN BRJOD ZHUS, SLOB DPON LHA RIS PA 'DA' KHAR NGAS GZHUNG CHEN PO 'DI TZAM ZHIG SHES KYANG 'CHI KHAR PHAN PA AA RO THUN BDUN LAS MA BYUNG, KHYOD RANG KYANG GZHUNG MA BSLAB PAR GDAMS NGAG LA NAN TAN GYIS, DVAGS PO NA KHYED RANG GI BLA MA 'DZENG BYA BA ZHIG YOD PAR 'DUG PAS DER SONG GSUNG, GANG PAR DU RDZOGS CHEN LHUN GRUB MKHAN SLOB DPON ZEM GYI SAR DBYAR DGUN THOG DRUG BSDAD PAS THUGS LA 'DOGS PO MA BYUNG, GDAMS NGAG GI SPROS PA MA CHOD PAS 'DZENG LA DPAL LUNG DU RDO RJE ZAM PA TSAR GSUM ZHUS, SGOM TSUL BLA MA'I BYIN RLABS KYANG MDZAD NAS, KHYOD RANG GTZANG NA YAR SONG LA GZHUNG SLOBS, GTZANG NAS LOG TZA NA AA MIS DGON PA CIG BSNGOGS CIG GSUNG, @234 GDAMS PA MI GNANG BAR DGONGS NAS, SUS SHES DRIS PAS, GRVA PHYI'I SPYIL JO SRAS ZHANG LA SKYABS BYA BAS SHES GSUNG, KHONG DANG MJAL NAS ZHU BAR BYAS PAS KHONG DRONGS, YANG DVAGS POR PHYIN NAS 'DZENG LA ZHUS PAS MA GNANG BAS, BTZAN THANG GI MYANG, 'OL KHA'I DVAGS CHUNG BA, NGU GCER BU RNAMS ZHU SEMS NAS, SHO SKYAM DU SLOB DPON NGU LA ZHUS PAS GNANG, NGU'I ZHAL NAS, 'DIS MI 'ONG DA DUNG DVAGS POR SONG LA ZHUS GSUNG NAS, DVAGS POR BYON NAS ZHUS PAS, KHYOD CIS KYANG 'DOD NA NGA'I GDAMS PA LA NAN TAN BYED DGOS PA YIN GSUNG NAS, GDAMS PA RNAMS MA LUS PAR GNANG, DBYAR DGUN THOG 'GA' SLOB DPON GYI DRUNG DU BSDAD, LO DRUG TZAM SONG NAS PHRAN RNAMS KYANG MA LUS PAR GNANG, GZHAN LA BYIN RLABS MDZAD PA'I LAS KYI SLOB DPON YANG MDZAD, THOD PA'I SLOB MA ROG PO DGA' DANG MA JO ZLO BA LA SOGS MI LNGA BCU TZAM GYIS RDO RJE ZAM PA ZHUS PAS, 'DZENG GI ZHAL NAS, JO SRAS KYIS SHOD CIG KHYED TSOS NYON CIG GSUNG NAS, SLOB DPON GYI KHRI KHA NAS GSUNGS, 'DZENG DANG 'DZENG JO SRAS GNYIS LO NGO BCO BRGYAD TZAM DU 'GROGS NAS GDAMS PA RNAMS ZHUS TE, GDAMS NGAG GI BKA' PHOG NAS BRGYUD 'DZIN DU BSKOS PA YIN NO, , 'DZENG DHARMA BO DHI DANG 'DZENG CHUNG SMYON PA GNYI GA'I SLOB MA SLOB DPON KUN BZANGS YIN TE, DE'I LO RGYUS NI, KHU BO PHA JO DBUS PA RJE KHAMS PA RDOR RGYAL GYI SLOB MA SGOM CHEN PA BZANG POR BZHUGS, MA ZI GZA' DES @235 CHOG BYA BA MA JO SMYON MA BSAM GRUB BYA BA LA CHOS ZHUS PA ZHIG YIN, PHA JO DBUS PA DANG YUM GNYIS KA LA RMI LAM GYI MTSAN LTAS BZANG PO DANG BCAS TE LUG GI LO LA 'KHRUNGS, LO BRGYAD DGU LON PA LA SLOB DPON KOR STON R'A DZA DANG MJAL NAS SLOB GNYER ZHAD RE BYAS, LO BCO LNGA LON TZA NA KHONG DRONGS NAS SLOB DPON NGU'I GAN DU LO LNGA TZAM ZHI BYED ZHU ZHING BSDAD NAS ZHABS TOG GRUB TSAD BYAS, GSER LUNG DGON PAR SLOB DPON NGU'I THAD DU 'DZENG JO SRAS DANG MJAL NAS, 'DZENG GI GSANG SGRUB DANG PHAG MO MNGON 'BYUNG ZHUS, RDO RJE ZAM PA LHAG MA LUS PAR DBU BSNYUNG BZHES PA'I NUB MO, DPON SLOB GNYI GA LA RMI LAM BZANG PO RMIS, 'DZENG CHUNG BAS KHRID NAS 'DZENG DHA RMA BO DHI DANG MJAL BA'I TSE, TSES BCO LNGA'I ZLA BA SHAR BA'I DKYIL DU SKAR MA GNYIS THIM PA ZHIG RMIS, DE JO SRAS DANG KHONG RANG GNYIS LA LTA BAR 'DUG GSUNG, 'DZENG CHEN PO LA DER RDO RJE ZAM PA TSAR GCIG ZHUS PA DE RDO RJE ZAM PA THOS PA'I SNGA SHOS YIN, DE NAS 'DZENG JO SRAS SPUNG RINGS SU SPYAN DRANGS NAS RDO RJE ZAM PA TSAR BDUN ZHUS, DE NAS DVAGS POR DGUN THOG BZHI PHYIN, RDO RJE ZAM PA TSAR PHYED PA CIG DANG BCU BZHI THOS, 'DZENG JO SRAS DANG LO BRGYAD TZAM MA BRAL BAR 'GROGS NAS RDO RJE ZAM PA TSAR BDUN ZHUS, PHYI NAS SHO RU TSAR GNYIS, GSER LUNG DU TSAR GCIG DANG, GZHAN GSUNG 'PHRO LA MJAL BA DANG DRIL BAS, 'DZENG MES DPON GNYIS LA RDO RJE ZAM PA TSAR SUM CU RTZA LNGA GSAN, 'DZENG MES @236 DPON GNYIS KYI GDAMS PA'I BKA' BABS NAS GZHUNG BSHAD CHE CHUNG GNYIS MDZAD, DE'I SRAS SPRUL SKU 'OD 'BAR SENG GE NI, BLO RNO BA, THUGS RAB CHE BA, DGUNG LO BCU BZHI LA RDO RJE ZAM PA GSUNGS, DES BRGYUD 'DZIN MGON LA GNANG, DES BYA MED TSUL RIN LA GNANG NGO, YANG YAR KLUNGS BTZAN THANG PA MYANG DHARMA SIDHAS 'DZENG DHA RMA BO DHI LA RDO RJE ZAM PA TSANG BAR ZHUS, RTOGS PA SKYES, BYIN RLABS ZHUGS, DUR KHROD DGON PAR BZHUGS TE 'GRO DON MDZAD, 'DI NAS BRGYUD PA'I GZHUNG BSHAD KYANG YOD, DGUNG LO DON BDUN LA GSHEGS, DE'I SLOB MA BADZRA P'A nI, DE'I SLOB MA BLA MA LHA'O, ,YANG 'DZENG GIS GSER LUNG PA LA BSHAD, DES SLOB DPON RANG GROL LA BSHAD, DES SRAS PO CHOS RIN LA BSHAD DO, ,YANG 'DZENG GIS NGU RDO RJE RGYAN LA BSHAD, DES NGU STON DAD PA BRTZON 'GRUS LA BSHAD, DE'I SLOB MA ZHIG GIS BYAS PA'I GZHUNG BSHAD KYANG YOD DO, YANG 'DZENG GIS GZIG YE SHES DBANG PO LA BSHAD, DES MKHAN PO LA KHA BA LA BSHAD, DES SLOB DPON MGO SKYA BA LA BSHAD, DES SLOB DPON GO RI BA LA BSHAD, DES SO STON LA BSHAD DE, SO STON 'DIS BYAS PA'I GZHUNG BSHAD KYANG 'DUG GO ,YANG 'DZENG LA SPUNG RINGS PA G-YAG STON ZLA BA 'OD ZER LO BCU DRUG LON PA ZHIG GIS ZHUS, DES KLOG STON DGE 'DUN SKYABS LA BSHAD, 'DI NAS BRGYUD PA'I GZHUNG BSHAD KYANG 'DUG YANG G-YAG STON GYIS LO DGU BCU RTZA BDUN THUB, DE LA 'ON NAG PO STOD PA KLAD RU @237 BAN DE DGOS PA BTZAN LO NYI SHU RTZA BRGYAD LON PA ZHIG GIS ZHUS SO, , 'DZENG DHA RMA BO DHIS SKYE TSE YE SHES DBANG PHYUG LA BSHAD, DES GZIG YE SHES DBANG PO LA, DES MKHAN CHEN DUR BA CHEN PO BSOD NAMS 'OD LA, DES DU STON BADZRE SHVA RA LA, DES MKHAN CHEN BSOD NAMS RGYAL MTSAN LA, DES MKHAN CHEN SHES RAB RGYAL MTSAN LA, DES MKHAN GZHON NU SHES RAB LA, DES MTSUNGS MED GZHON NU GRAGS PA LA, DES MKHAN CHEN SANGS RGYAS BZANG PO LA, DES BLA MA BRTZON 'GRUS DBANG PHYUG LA, DES MTHA' BZHI GRAGS PA RIN CHEN LA, DES SLOB DPON SH'AKYA RGYAL PO BA LA GSUNGS SO, ,BDAG NYID CHEN PO 'DI NI SKU NA GZHON NU'I DUS NAS KHRAB LA KHAR RAB TU BYUNG ZHING, LO LON PA'I TSE BSNYEN PAR RDZOGS PA MDZAD, MNGON PA MDZOD DANG 'DUL BA LEGS PAR BSLABS NAS SKYOR MO LUNG LA SOGS SU GRVA SKOR YANG MDZAD, THUGS DAM 'PHEL BAR BZHUGS PA LA, DGUNG LO BRGYAD BCU RTZA GNYIS PA SHING MO BYA'I STON LJANG GI BKRA SHIS DGON PAR SPYAN DRANGS NAS, DBANG DANG BYIN RLABS RGYAS PA DANG, 'OL JO SRAS KYIS MDZAD PA'I KHRID YIG GI STENG NAS RDO RJE ZAM PA'I KHRID, SLOB DPON KUN BZANG GIS MDZAD PA'I RNAM BSHAD CHE BA LA SOGS PA'I CHOS PHRAN DRUG CU RTZA BRGYAD ZHUS, THUGS DAM RGYUN CHAGS YIN PAS SMAN BLA'I RJES GNANG YANG ZHUS SHING GNANG, RDZOGS CHEN GSANG SKOR GYI KHRID LUNG LHA LUNG PA BLA MA LHA LA GSAN PA YANG DPE DANG BCAS PA GNANG, LO RE BZHIN 'BUL BA MI @238 MTSER TZAM RE PHUL BAS SHIN TU DGYES, BDAG GIS ZHUS PA'I RJES SU YANG ZHU MI MANG PO BYUNG BA LA, SPYAN MI GSAL YANG GZHAN GYIS BKLAGS PA'I RJES SU BRJOD DE TSAR MANG DU GNANG BA MDZAD, DGUNG LO DGU BCU RTZA GCIG PA SHING PHO RTA'I LO'I DPYID KAR ZHI BAR GSHEGS, GDUNG SBYANGS PAS NANG RING BSREL GYIS GANG BA'I THUGS KYANG BYON NAS RING BSREL ZAD MED DU 'BYON PA 'DI YIN NO, ,RDO RJE ZAM PA'I LO RGYUS KYI SKABS SO, , MAN NGAG GI SDE'I LO RGYUS KYI SKABS, SHIN TU ZAB PA RDZOGS PA CHEN PO SNYING THIG GI LO RGYUS NI, SHR'I SIDHA YAN CHAD SEMS PHYOGS DANG MTHUN ZHING, SHR'I SIDHAS MKHAS PA YE SHES MDO LA BSHAD, DES SLOB DPON BI MA LA MI TRA LA BSHAD, BI MA LA MI TRA NI SANGS RGYAS GSANG BA'I YANG DNGOS KYI SLOB MA STE, SGYU 'PHRUL GYI SKOR RNAMS NI SANGS RGYAS GSANG BA LAS BI MA LA DANG, DES RMA RIN CHEN MCHOG LA'O, ,DE LA SLOB DPON BI MA LA MI TRA YANG, CHOS RGYAL KHRI SRONG LDE BTZAN NAS MNGA' BDAG RAL PA CAN GYI BAR DU, BI MA LA MI TRA SNGA PHYI GNYIS BYUNG BA SNGON GYI YE GE DAG LA SNANG STE, SNGA MA NI CHOS RGYAL KHRI SRONG LDE BTZAN GYI DUS SU BYUNG BA, RAB TU BYUNG BA'I CHA BYAD DU MED PAR RNAL 'BYOR PA'I CHA BYAD DU YOD PAS, RGYAL BLON RNAMS PHYI PA DANG NANG PA GANG YIN THE @239 TSOM ZA ZHING RNAM SNANG GI LDER TSO LA PHYAG BYAS GUS PAS KYANG THE TSOM ZOS PA'I GTAM SNANG ZHING, THE TSOM BZLOG PA'I PHYIR SKYABS 'GRO YAN LAG DRUG PA MDZAD PA LAS, RGYAL BLON YID CHES MA GYUR PAS, SKYABS 'GRO YAN LAG DRUG PA BYAS, ,ZHES KYANG 'BYUNG NGO, ,'DIS SHES RAB SNYING PO'I RGYA CHER 'GREL PA DANG, RIM GYIS 'JUG PA'I SGOM DON DANG, CIG CHAR 'JUG PA'I SGOM DON GNYIS KYANG MDZAD DE, DE DAG GI TSUL LA BLTAS NA SLOB DPON KA MA LA SH'I LA'I RJES TZAM LA BYON PA 'DRA'O, ,BI MA LA MI TRA PHYI MA NI SO SOR THAR PA'I RGYA CHER 'GREL PA BAM PO LNGA BCU PA MDZAD PA PO STE, RTEN YANG DGE SLONG DU 'THAD DO, ,BI MA LA SNGA MAS SNYING THIG GI GDAMS PA 'DI RGYAL PO DANG MYANG TING 'DZIN BZANG PO GNYIS LA GSUNGS NAS, DE NAS BI MA LA RGYA'I YUL DU BYON, MYANG TING 'DZIN BZANG PO 'DI, RGYAL PO SKU PHRA BA'I DUS SU BTZA' BA'I BU RDZI YIN, PHYIS RAB TU BYUNG BA LA RGYAL BLON RNAMS BGROS NAS, RKYEN RIS BZANG PO BYIN PA'I YI GE CHU DAR LA BRIS PA ZHIG KYANG MTHONG NGO, KHONG GIS SNYING THIG LA NYAMS LEN MDZAD PAS, LO LNGA BCU RTZA LNGA NA RANG RGYUD DAG STE PHUNG PO ZAG MED DU GYUR, RDO RJE LEGS PAS KHAMS SU SER BA PHAB NAS RNGA MO'I KHAL BRGYA BKAL NAS BYUNG BA LA KHRAL BLANGS NAS, NAS MANG DU BYUNG BA'I RGYUS DBU RU ZHVA'I LHA KHANG BZHENGS, DER SNYING THIG GI GDAMS PA GTER DU SBAS, TSIG BRGYUD RNAMS 'BROM RIN CHEN 'BAR LA BSHAD, DES SBAS BLO GROS DBANG PHYUG LA BSHAD PAS NA, @240 TSIG BRGYUD NI GANG ZAG BRGYUD PA LA YANG YOD DO, ,PHYI MA'I DUS SHIG NA MYANG MI DAR MA DANG DUS MTSUNGS PA'I GNAS BRTAN LDANG MA LHUN RGYAL ZHES BYA PAS GTER RNAMS PHYUNG, RANG GIS NYAMS SU BLANGS, GZHAN SNOD LDAN BTZAL BAS, MYANG STOD NAS LCE BTZUN SENG GE DBANG PHYUG BYA BA RNYED DE, DE LA GDAMS PA RIM PA BDUN BTAB, DE DANG DUS NYE BAR KHA RAG SGOM CHUNG LA YANG BTAB PAS KHONG YANG DES GROL ZER, PHYI ZHIG NA LCE BTZUN GYIS LDANG MA LA NOR SHIN TU MANG PO 'BUL DU 'ONGS PA, MAL GRO'I MYANG BKA' GDAMS PA DANG SNYE THANG DU PHRAD NAS, DES LDANG MA GSHEGS PA'I GTAM RNAMS BSHAD PAS, DE NA GNAS GZHI ZHIG 'DUG PA'I DGE 'DUN RNAMS LA PHUL, MYANG BKA' GDAMS PAS LCE BTZUN BLA MA LA 'BUL BA BZANG PO BYED PA LAS DPAGS NAS, KHYED LA GDAMS PA ZAB MO YOD PAR 'DUG BYAS TE ZHUS PAS, LCE BTZUN GYIS MYANG BKA' GDAMS PA LA GDAMS PA RNAMS GNANG, DES GZHO'I TI SGRO BRAG LA BSGOMS PAS PHUNG PO LHAG MED DU GYUR, YANG LCE BTZUN GYIS 'U YUG YAN CHAD SHANGS MAN CHOD KYI RI RGYUD RNAMS LA GNAS 'PHO ZHING BSGOMS PAS GRUB PA BRNYES TE, DE NAS YANG LO LNGA BCU BZHUGS, DE NAS ZAG BCAS MI SNANG BAR 'OD DU GYUR, KHONG GIS GDAMS PA RNAMS 'U YUG DANG YANG GRO'I 'CHAD PA LTAG DANG, JAL GYI PHU STE GTER KHA GSUM DU SBAS, GTER SPAS NAS LO SUM CU NA RONG SNAR MDA'I LCE SGOM NAG POS GTER 'GA' ZHIG BTON, RANG GIS NYAMS SU BLANGS SHING @241 GZHAN MANG PO LA BSHAD DO, YANG LANG GRONG 'CHAD PA LTAG NAS SHANGS PA RAS PA ZHES BYA BAS GTER PHYUNG ZHING DES KYANG GZHAN DAG LA BSHAD DO, , YANG YAR 'BROG GI SNUBS MTSO GLING DGU'I BLA DO ZHES BYA BAR ME MO GLANG LA 'KHRUNGS PA'I ZHANG BKRA SHIS RDO RJE ZHES BYA MYANG STOD NA YOD PA'I TSE, RDO RJE LEGS PA MI DKAR PO ZHVA DKAR PO GYON PA ZHIG TU BYAS TE, DES MYANG STOD NAS KHRID LAM RNAMS SU GNAS MAL DANG BZA' BTUNG GI GROGS KYANG BYAS, 'U YUG MDA' NA 'KHRUG PA YOD PA YANG RDO RJE LEGS PAS BSGRIBS PAS, DMAG GIS MA MTHONG BAR 'U YUG NUB MA'I RI'I BRAG MTHON PO ZHIG GI STENG DU BSKYAL, DER KHA BYANG DU LTA BA'I PHUG PA SGO RTZVAS 'GAGS PA ZHIG NAS GTER RNAMS BTON PA NA, AE KA DZ'A t'I 'JIGS PA'I GZUGS STON ZHING SKAD CHEN PO 'BYIN ZHING BYUNG BA LA, RDO RJE LEGS PAS 'DI LUNG BSTAN PA DE YIN BYAS PAS, AE KA DZ'A t'I NA RE, TSOGS 'KHOR BRGYA RTZA BRGYAD THONG, LO GSUM DU MI LA MA BSHAD ZER NAS SONG, DE RJES TSOGS 'KHOR BRGYA RTZA BRGYAD KYANG BTANG, GTER 'DON PA'I TSE ZHANG STON GYI LO NYI SHU RTZA GCIG PA ME MO BYA YIN ZER, GZHAN YANG JAL GYI PHUR LCE BTZUN GYIS SBAS PA'I CHOS GTER DANG, 'CHIMS PHU'I BRAG LA BI MA LA NYID KYIS SBAS PA'I CHOS GTER YANG THON TE, MI RNAMS LA RGYA CHER BSHAD, ZHANG STON GYIS GTER BTON PA NA, LCE SGOM NAG POS GTER BTON NAS LO LNGA BCU SONG ZER, SPYIR SKU LUS ZAG MED DU 'GRO RGYU, SRAS SKRUN PAS ZAG MED DU MA GYUR TE, @242 BDUN CU RTZA GCIG PA ME MO PHAG LA GSHEGS, SRAS NYI 'BUM NI, YAB KYI DRUG CU RTZA GNYIS PA SA PHO STAG GI LO PA YIN, NYI 'BUM 'DIS SPYIR BLA MA MANG PO BSTEN ZHING, KHYAD PAR SA SKYA'I RJE BTZUN GRAGS PA RGYAL MTSAN DANG, GZHUNG GI RNGOG RDO RJE SENG GE SOGS MANG PO BSTEN, YAB DANG LO BCU GCIG 'GROGS PA'I RING LA SNYING THIG GI GDAMS PA THAMS CAD TSAR, TSIG DON CHEN MO ZHES BYA BA'I BSTAN BCOS KYANG MDZAD, BLA MA ZHANG LA YANG ZHABS TOG MANG DU BGYIS, KHONG GI LO SO DGU PA ME PHO 'BRUG GI LO LA SRAS JO 'BER 'KHRUNGS, NYI 'BUM NYID RANG LO LNGA BCU RTZA DRUG PA CHU MO BYA LA GSHEGS, NYI 'BUM GYI YAB KYIS LCE SGOM NYID LA MJAL ZHING GDAMS PA GNANG BAS, DNGOS KYI SLOB MA YANG YIN LA, YAB SRAS 'DI GNYIS GRONGS PA'I TSE SPUR SBYANGS PAS LTAS KHYAD PAR CAN MANG PO DANG, RING BSREL YANG MANG DU BYON NO, ,JO 'BER GYIS RANG LO BCO BRGYAD KYI BAR DU KHU BO DANG 'GROGS SHING, GSANG BA BLA NA MED PA'I GDAMS PA MA LUS PA GSAN, BCU DGU PA SHING KHYI NAS NYI SHU'I BAR LA SA SKYA PAn CHEN LA RGYUD GSUM GDAMS PA DANG BCAS PA DANG, BDE MCHOG MAL GYO'I LUGS GSAN, CHU MIG PA LA TSAD MA BSDUS PA, NYI SHU RTZA GNYIS PA LA KHRO PHU LO TZ'A BA LA GRUB THOB MI TRA'I GDAMS PA RNAMS DANG, BAL PO GRAGS PA 'BUM ME LA PHYAG RGYA CHEN PO KHA 'THOR GYI GDAMS PA RNAMS GSAN TE, DGUNG LO SUM CU RTZA DRUG GI BAR LA THOS BSAM GYI SPROS PA BCAD, GZIGS SNANG RNAMS PHAL @243 CHER MI GSUNG, LHA SAR JO BO LA MCHOD PA PHUL DUS, 'OD KYI THIG LE'I NANG DU PHYAG RDOR DANG SPYAN RAS GZIGS GZIGS, THO RANGS KHA CIG 'OD KYI THIG LE'I NANG DU TSE DPAG MED GZIGS, NGED RANG LA TSE RING BRGYUD MED KYANG KHO BO LEGS PAR BYUNG BA DES YIN PA 'DRA GSUNG ZHING, YOS KYI LO LA NGO MTSAR BA'I LTAS DANG BCAS TE GSHEGS, DE LA 'KHRUL ZHIG SENG GE RGYAB PAS THUG PA YIN TE, G-YU RU GRA'I PHU SO GAD 'PHRENG GI GRONG DU, YAB BKRA SHIS DNGOS GRUB DANG YUM DPAL LE GNYIS KYI SRAS SU 'KHRUNGS, BLTAMS PA'I TSE KHANG PA'I RTZE LA NYI MA RTZE SHAR LA 'JA'I GUR PHUB, LO DGU NAS DAG SNANG DANG MOS GUS DPAG TU MED PA SKYES, BCU LA SNANG BA SGYU MAR SHAR, BCU GNYIS PA LA SKYO SHAS DRAG PO SKYES, BCU GSUM PA LA NYI ZLA DUS GCIG TU SHAR BA RMIS PA SAD 'PHRAL DU, THUGS RJE CHEN POS SNYING THIG GI DON SGOMS SHIG GSUNG NAS MI SNANG BAR GYUR, DE NAS SNYING RJE PHYOGS MED DU RGYAS BCO BRGYAD PA LA SNANG SEMS SGYU MAR RTOGS, NYI SHU PA LA MKHAN PO LDE'U SGANG PA DANG SLOB DPON BKRA SHIS SNANG BA GNYIS LA RAB TU BYUNG, NYI SHU RTZA LNGA PA LA SRI ZHAL DU SENG GE RGYAB TU BYON NAS, SENG GE RGYAB PA BAR PA LA 'TSAL PA'I CHOS SKOR RNAMS GSAN, BLA MA TZA RI BA LA RLUNG SENG GE 'JING BSNOL GYI SKOR RNAMS ZHUS, RAS PA DRI MED 'OD, LHA RI DPAL, GZHON NU 'BUM, STON CHAR, BYANG CHUB YON TAN, SLOB DPON JO SRAS LA SOGS PA RNAMS LA ZHI BYED DANG, PHYAG CHEN DANG, @244 GSANG SNGAGS GSAR RNYING GI GDAMS PA MANG DU ZHUS, KHYAD PAR JO 'BER LA SNYING THIG GI GDAMS PA MA LUS PAR ZHUS NAS, RI KHROD LUNG STONG RNAMS SU LO DU MAR SGRUB PA LA NAN TAN MDZAD, SKAL LDAN MANG PO SMIN GROL GYI LAM LA BKOD DE, DRUG CU RTZA BZHI LA GSHEGS SO, ,DE'I SLOB MA ME LONG RDO RJE NI, SGRAGS PHUR RNAL 'BYOR PA BSAM YAS DANG YUM 'BAR MA GNYIS KYI SRAS SU CHU MO YOS LA 'KHRUNGS, LO DGU LA GRUB THOB ZA LUNG PA DANG MKHAN CHEN SE LUNG BA GNYIS LA RAB TU BYUNG, RANGS MTSOR BSGOMS PAS NYAMS 'BAR ZHING MNGON SHES CHA PHRA MO SHAR, BCU DRUG LA SGRAGS PHU'I ZHOGS STENGS SU TSOGS BRGYA TSAR BYAS PAS GNAS LUGS KYI DON RTOGS, DE NAS YUL PHYOGS MANG POR BYON NAS BLA MA MANG DU BSTEN, SHA BUG STAG SGO DANG MKHAR CHU LA SOGS SU DKA' THUB DANG DKA' SPYAD MANG PO MDZAD, BCO BRGYAD PA LCAGS SPRE LA SENG GE RGYAB TU SANGS RGYAS DBON PO LA SNYING THIG RNAMS ZHUS, BSGOMS PAS NYIN ZHAG DRUG CU RDO RJE SEMS DPA' NYIN MTSAN MED PAR MTHONG, DNGOS GZHI'I DUS BLA MA BRGYUD PA RNAMS DANG RMI LAM DU MJAL NAS BYIN GYIS BRLABS, NYI SHU RTZA GSUM PA LA SANGS RGYAS RAS PA LA RDO RJE PHAG MO LA SOGS GTER CHOS MANG DU ZHUS PAS RDO RJE PHAG MO DANG MJAL, 'OD PHUNG GI DKYIL NA BDE MCHOG LHAN SKYES, RTA MGRIN, SGROL MA, THUGS RJE CHEN PO, KUN BZANG, RDOR SEMS, BI MA LA, AU RGYAN, ZA LUNG PA, SANGS RGYAS RAS PA, 'GRO MGON RIN PO CHE @245 RNAMS MTHONG, DUNG LUNG DU MKHA' 'GRO'I SGRA THOS, KA BA CAN DU NAM MKHA' LA PHAG MO DANG ZA LUNG PA BZHUGS PA MTHONG, LO NYI SHU RTZA DRUG LA 'KHRUL ZHIG DAR MA DANG, SPRUL SKU RGYA MTSO LA SOGS BSTEN NAS CHOS MANG DU ZHUS, MTSUR PHU'I MDO BO RAS PA DANG, DGON RTZE BA 'KHRUL ZHIG DBON PO LA'ANG CHOS MANG DU ZHUS, MKHAN PA LJONGS DANG, MKHAN PA GLING, SENG GE RDZONG, KUN BZANGS GLING, MKHAR CHU RNAMS SU SGRUB PA MDZAD CING 'GRO DON BSKYANGS, LO SUM CU RTZA BDUN LA 'DAS DUS YIN PA LA, SLOB DPON KUN DGA' ZER BA'I SKAL BZANGS SHIG GIS GSOL BA BTAB NAS, DRUG CU RTZA GCIG GI BAR DU BZHUGS TE CHU MO YOS LA GSHEGS, CHU MO YOS NI GRUB CHEN AU RGYAN PA'I BDUN CU RTZA BZHI PA, BU STON KHA CHE'I LO BCU BZHI PA, TA'I SI TU BYANG CHUB RGYAL MTSAN GYI LO GNYIS PA, RIG 'DZIN KU M'A RA'I SUM CU RTZA BRGYAD PA, 'KHRUL ZHIG DHARMA SENG GE'I GYA GCIG PA, SNYE MDO KUN DGA' DON GRUB KYI LO DRUG PA YIN LA, ME LONG RDO RJE'I SUM CU RTZA BRGYAD PA LA SANGS RGYAS RAS PA GSHEGS, ME LONG PA'I SLOB MA RIG 'DZIN KU M'A RA R'A DZA NI, ME LONG PAS NYI SHU RTZA BZHI BZHES PA ME PHO STAG LA BAR GSAR RDZING KHAR JO SRAS BSOD NAMS DPAL DANG, KHYE GZA' 'BUM ME GNYIS KYI SRAS SU 'KHRUNGS, MTSAN THAR PA RGYAN DU BTAGS, CHUNG NGU NAS SNYING RJE DANG LDAN ZHING THUGS RAB CHE BAS KLOG YIG MA BSLABS PAR MKHYEN, LO BDUN PA LA KONG PO 'O SHOD MTHO STENGS DGON PA'I BLA MA DGYES RDOR BA LA @246 KYE RDOR DANG BDE MCHOG GI DBANG ZHUS, LO DGU LA MKHAN PO GTZANG PA LA DGE BSNYEN BYAS, 'KHOR BA DONG SPRUGS KYI CHOS SKOR RNAMS ZHUS, BCU GNYIS PA LA PHAG MO GRU'I MKHAN PO YER PA BA DANG SLOB DPON MNGA' RIS PA LA RAB TU BYUNG NAS GZHON NU RGYAL POR BTAGS, 'DUL BA BSLABS, RIN PO CHE GRAGS YE BA LA N'A RO CHOS DRUG LA SOGS PA LO LNGA'I BAR DU ZHUS, 'TSAR STENGS PA LA BRTAG GNYIS ZHUS, DPON SANG SHE LA LHA BSLABS, YI GE DRUG PA BZLAS PAS RMI LAM DU THUGS RJE CHEN PO MTHONG, KHYUNG NAG SH'AKA DAR LA RNYING MA'I RGYUD LUNG MAN NGAG MANG DU ZHUS, DE NAS SGRAGS KYI DAR PHUG TU ME LONG PA DANG MJAL NAS, PHYAG RGYA CHEN PO'I KHRID ZHUS PAS NGO 'PHROD, RTOGS PA RGYUD LA SKYES, GRUB CHEN PA MON GYI MKHA' 'GRO GLING DU 'BYON PA'I PHYIR BYON NAS, RDO RJE PHAG MO'I CHOS SKOR LA SOGS MANG DU ZHUS NAS BSNYEN PA MDZAD PAS, RMI LAM DU AU RGYAN PADMA DANG MJAL, AE MA RIGS KYI BU, RTAG TU CHOS GYIS SHIG GSUNG, DE NAS MTSUR PHUR BYON NAS BLA MA GNYAN RAS DANG, DAR MA MGON PO LA KAR MA BA'I CHOS SKOR RNAMS ZHUS, DE NAS LAS STOD KYI SBUD TRAR BYON, GRUB CHEN AU RGYAN PA DANG RANG BYUNG RDO RJE RAB TU BYUNG MA THAG LO BDUN LON PA ZHIG DANG MJAL, GRUB CHEN PA LA GDAMS PA MANG DU ZHUS, GRUB CHEN PAS GNYAN RAS LA SNYING THIG ZHU BA'I ZHAR LA TSANG BAR ZHUS, RGYA SMAN PA BLA MA NAM MKHA' RDO RJE LA GSANG SKOR GNAD KYI NGO SPROD DANG, SKAL LDAN CHOS KYI SENG GE LA GSANG BA @247 GNAD KYI ME LONG LA SOGS RDZOGS CHEN GSANG BA'I SKOR MANG DU ZHUS, DE NAS MKHAR CHUR ME LONG RDO RJE BA LA SNYING THIG GI DBANG KHRID GDAMS PA DANG BCAS PA MA LUS PAR ZHUS, 'BUL RGYU GZHAN MED PAS ZHABS TOG TU DBYAR RIL PO GNYIS SU LHA BRIS MDZAD CING DKA' THUB LA BRTEN PAS SHIG NAD BYUNG ZHING, THUGS DAM KHYAD PAR CAN YANG 'KHRUNGS, BLA MA MNYES NAS 'GRO DON GYIS SHIG PA'I RJES GNANG YANG MDZAD, DBANG GRAL DU BLA MA'I DBU'I STENG NA MGON PO PHYAG BZHI PA, GZIMS KHANG GI SGO'I THAD NA AE KA DZ'A t'I BONGS NYIS THOG TZAM PA, DE'I PHYI NGOS NA LAS KYI MA MO KHRAG RAL CAN, LAG PAS KHRAG BCUS NAS 'THUNG BA RNAMS MTHONG, DER BLA MA LO BRGYAD DU 'DU 'BRAL MED PAR BSTEN, SMYUG TSAL SBUG TU DGUN CIG BZHUGS PAS RDO RJE PHAG MO'I ZHAL GZIGS, SHES RAB PHYOGS MED DU RGYAS, DE NAS YAR KLUNGS SU 'TSAR STENGS KYI RI KHROD BTAB NAS DAR CIG BZHUGS, DE NAS BLA MA 'DA' BAR MKHYEN NAS MKHAR CHUR BYON PAS SKYAGS SU MJAL, DE NAS TZA RI LA BYON PAS KRIG MO LHA'I NE'U BSING GI RDO SKU LA 'JA' TSON SNA LNGA ZUG PA DANG, SHEL RI'I LA CHUNG BRGAL BA'I G-YU MTSO ZLUM PO LA, NAM MKHA' SHIN TU DVANGS PA LA 'JA' TSON SNA LNGA GYEN DRANG POR ZUG PA RNAMS MTHONG, DE NAS MTSUR PHUR CHOS RJE RANG BYUNG BA LA SNYING THIG GI GDAMS PA RNAMS PHUL NAS, SHANGS SU BYON TE LCE SGROM NAG PO'I BRGYUD PA SLOB DPON SGOM PA LA GSANG SKOR DANG, BSAM GTAN MIG GI SGRON ME ZHUS, DING RI'I SNA @248 DMAR DU DPON PO BYANG GRUB LA YANG DGON PA'I RI CHOS RNAMS ZHUS NAS, GRUB CHEN PA DANG MJAL, MAR LAM BLA MA BKRA SHIS LUNG PA LA GSHIN RJE DGRA NAG LA SOGS PA ZHUS, SLOB DPON YE MGON LA SOGS PA LA GSANG SKOR DANG, RGOD TSANG PA'I KHRID RNAMS DANG, AA RO'I KHRID MO CHE DANG DON SKOR LA SOGS PA'I ZHUN DAR CHOD PAR MDZAD NAS, THOS BSAM GYIS SGRO 'DOGS CHOD PAR MDZAD, TZA RI GSAR MA BSKOS NAS, RNYING MA'I 'GRAM DU GCIG POR ZLA BA BRGYAD BZHUGS PAS CHO 'PHRUL CHEN PO DANG, DZAM LHAS NOR BU BYIN PA DANG, GZHI BDAG GIS KHANG PAR SPYAN DRANGS NAS BSNYEN BKUR BYAS PA DANG, MTSO'I DKYIL DU 'OD LNGA'I LBU BA SEL BO TZAM CIG LA CIG THIM DU 'GRO BA LA SOGS NGO MTSAR CAN MANG DU MTHONG, DUS RTAG TU RI KHROD DANG GANGS KHROD 'BA' ZHIG TU BZHUGS TE SGRUB PA SNYING POR MDZAD, KAR MA PA RANG BYUNG RDO RJE LA SOGS PA MANG PO LA GSANG BA BLA NA MED BA'I CHOS KYI 'KHOR LO MANG DU BSKOR, LAM RGYA DANG NYA RGYA DANG RI RGYA LA SOGS KONG PO NAS G-YE LA THUG GI BAR DU BSDAMS, SNYING THIG GI GDAMS PA RDZOGS RIM GZHAN DANG MA 'DRES PAR, CHOS KYI RANG SKAD GRUB MTHA' RTZAL DU BTON NAS GSUNGS TE, BDUN CU RTZA BRGYAD PA CHU MO LUG GI LO LA GSHEGS, DE LA KLONG CHEN PAS ZHUS PA YIN TE, DE NI G-YU RU GRA'I PHU STOD GRONG ZHES BYA BAR, SLOB DPON BSTAN BSRUNGS DANG 'BROM GZA' MO BSOD NAMS RGYAN GNYIS KYI SRAS SU SA PHO SPRE'U LA 'KHRUNGS, LO @249 BCU GNYIS PA LA MKHAN PO BSAM GRUB RIN CHEN DANG SLOB DPON KUN DGA' 'OD ZER LAS RAB TU BYUNG, BLA MA MANG PO LA GSANG SNGAGS GSAR RNYING GI RGYUD SGRUB THABS DBANG KHRID LA SOGS PA MANG DU GSAN, GSANG PHUR BTZAN DGON PA DANG BLA BRANG BA CHOS DPAL RGYAL MTSAN LA SOGS PA'I MKHAS PA MANG DU BSTEN?, BYAMS CHOS DANG TSAD MA SDE BDUN LA SOGS PA'I CHOS MANG DU GSAN NAS MKHAS PA'I DBANG POR GYUR TE, LCOG LA BRAG KHUNG DU ZLA BA LNGA MUN KHANG LA BZHUGS, DE NAS BSAM YAS SU BYON NAS RIG 'DZIN PA SKYAM PHU NA BZHUGS PA'I SAR BYON PAS, MDANG LHA'I BYA YIN ZER BA'I YA MTSAN CAN ZHIG BYUNG BA DE KHYOD LA LTA BAR 'DUG NGA'I CHOS 'DI'I BRGYUD PA 'DZIN PA ZHIG 'ONG BA 'DRA BAS GDAMS PA TSANG BAR SBYIN DGOS GSUNG NAS, DGYES TSOR CHEN PO MDZAD, DE'I DPYID DE LUNG STONG CIG NAS CIG TU 'PHO SKYAS LAN DGU BYAS PAS, GZHI RE ZIN DUS 'PHOS PAS LUS NGAG LA DKA' BA MANG DU BYUNG, DE DUS PHYE BRE GSUM DANG DNGUL CHU RIL BU RIL MA TZAM NYI SHU RTZA GCIG GIS ZLA BA GNYIS KYI 'TSO BA BYAS, KHA BA BAB DUS SGYE ZHIG YOD PA'I NANG DU ZHUGS NAS GOS STAN GNYIS KA'I GO BCAD, CHOS PHYOGS SU DKA' BA MANG DU SPYAD NAS, LO GSUM GYI DAM BCA' BYAS TE 'CHIMS PHU LA SOGS PA'I RI KHROD LA BSGOMS SHING, SKABS SKABS SU BLA MA'I DRUNG DU GDAMS NGAG GI ZHUN THAR LEGS PAR BCAD DO, PHAG MO DANG DBYANGS CAN MA LA SOGS PA'I SGRUB PA MDZAD PAS, 'CHAD RTZOD RTZOM GSUM GANG @250 LA'ANG THOGS PA MED PA'I THUGS RAB SKYES, DAN BAG TU SLOB DPON GZHON NU DON GRUB LA MDO SGYU 'PHRUL SEMS PHYOGS LA SOGS PA MANG DU ZHUS, PHYIS GSANG BA SNYING PO LA SNYING THIG DANG MTHUN PA'I tI KA DANG YIG SNA 'GA' ZHIG DANG, SNYING THIG GI SKOR LA CHOS TSAN SUM CU RTZA LNGA, SPYI'I MING DU BLA MA YANG TIG TU BTAGS PA MDZAD, DE LA SOGS PA'I RTZOM PA MANG DU MDZAD CING, DBUR STOD DU SKYI CHU'I CHU PHAN TSUN GNYIS KAR CHOS NYAN MANG DU 'TSOGS PA LA, GSANG BA BLA NA MED PA'I KHRID BTAB, SKU TSE'I SMAD LA MKHA' 'GRO SNYING THIG KYANG MANG DU GSUNGS, TA'I SI TU BYANG CHUB RGYAL MTSAN DPON G-YOG GIS 'BRI KHUNG BA'I BLA MA YIN ZER NAS MI MTHUN PAR LTA BA LA, PHYIS SANGS RGYAS DPAL RIN GYIS MTSAMS SBYAR LBA MAR KHUR, 'GRO DON RGYA CHEN PO MDZAD PA'I NGANG NAS DGUNG LO LNGA BCU RTZA DRUG PA CHU MO YOS LA GSHEGS, 'DI LA YUM MI GCIG PA'I SRAS KYANG 'GA' ZHIG BYUNG, SNYING THIG STON PA PO'I SRAS BRGYUD DA LTA'I BAR DU MA CHAD DE, PHAL CHER KHYAD PAR DU 'PHAGS PAS MANG PO'I BLA MAR GYUR PA STE NGO MTSAR TO, , YANG ME LONG PA LA BYANG SEMS BSOD NAMS BLO GROS ZHES PA, RTEN RAB BYUNG DU BZHUGS PA ZHIG GIS SNYING THIG GSAN, DES MYANG STOD KYI LDAN YUL RI KHROD DU BZHUGS NAS, LO RE ZHING GDUL BYA MANG PO LA SNYING THIG GI KHRID BTAB, DE LA 'JAM PA'I DBYANGS BSAM GRUB RDO RJES GSAN NAS, DE LA BDAG GI BLA MAS GSAN TE 'GRO BA MANG PO LA SNYING THIG GI SGO NAS DON @251 MDZAD, DE LA BDAG GIS SNYING THIG GI DBANG DANG, ME LONG PA'I PHYAG BZHES BZHIN GYI KHRID RIM NGO BO TZAM ZHIG THOB BO, , DE LTAR NA 'DIR GSANG SNGAGS RNYING MAR GRAGS PA'I RDZOGS PA'I RIM PA'I BRGYUD PA PHYOGS TZAM ZHIG BRIS PA YIN LA, BKA' BRGYAD SO SO DANG SPYI LA SNGON GYI BLA MA RNAMS KYIS SGRUB PA JI LTAR MDZAD DANG, GRUB PA JI LTAR BRNYES PA YANG MANG DU BYUNG STE BRI BAR MA NUS SO, ,SPYIR NA GLANG DAR MAS BSTAN PA BSNUBS NAS LO BDUN CU LHAG CIG GI BAR DU DBUS GTZANG NA RAB TU BYUNG BA NI GCIG KYANG MED, RNYING MA BA'I SNGAGS 'CHANG MANG DU YOD PA RNAMS KYIS YUL SO SOR SGRUB PA KHYAD PAR CAN GYIS BKRA SHIS PAR MDZAD CING, KHYIM PA RNAMS KYIS KYANG DE DAG LA DAD CING ZAS GOS SOGS KYIS MNYES PAR BYAS, BUM DBANG TZAM RE BLANGS SHING, RGYUD RIM GYIS SMIN PA LA BRTEN NAS, KLU MES LA SOGS PA'I DBUS GTZANG MI DRUG GAM BRGYAD DU GRAGS PA RNAMS BYON PA'I TSE, YUL DANG YUL RNAMS SU GTZUG LAG KHANG DANG DGE 'DUN GYI SDE GRANGS MED PA 'PHEL, SNGON RGYAL BLON GYI DUS SU 'GYUR BA'I BKA' BSTAN BCOS RNAMS LA MA NYAMS PAR LONGS SPYAD PAS CHOG PA BYUNG, MKHAS PA DANG GRUB PA'I SKYES BU MANG DU BYUNG BA PHAL CHER YANG, RNYING MA BA'I GRUB THOB BRGYUD PA LAS BYUNG BA YIN TE, DPAL SA SKYA PA'I GDUNG RABS RNAMS DANG, KHRO PHU BA'I GDUNG RABS RNAMS DANG, RNGOG GI GDUNG RABS RNAMS DANG, SLOB DPON PADMA'I DNGOS KYI SLOB MA BYANG @252 CHUB 'DRE BKOL LAS RIM PAR BRGYUD DE, THAMS CAD MKHYEN PA RJE SPYAN SNGA'I DBON BRGYUD RNAMS KYIS 'GRO BA BSKYANGS PA LA SOGS PA'O, ,MAN NGAG GI SDE'I LO RGYUS KYI SKABS TE, DE DAG NI GSANG SNGAGS SNGA 'GYUR GYI SKABS SO, , , , @253 (NGA) DEB THER SNGON PO LAS, GSANG SNGAGS GSAR MA, LAM 'BRAS RJES 'BRANG DANG BCAS PA'I SKABS, @254 [BLANK PAGE] @255 DUM BU BZHI PA, GSANG SNGAGS GSAR MA, LAM 'BRAS RJES 'BRANG DANG BCAS PA'I SKABS, GSAR MA'I 'GYUR MGO'I SKABS, DE LTA MOD KYI DBUS GTZANG DANG MNGA' RIS KYI PHYOGS SU SNGAGS KYI GDAMS PA 'GA' RE THOB KYANG SPYOD PA 'CHOL TE, DE KHO NA NYID KYI TING NGE 'DZIN DANG BRAL BAS SBYOR SGROL DANG GTAD SER LA SOGS PA'I RTZUB CHOS MANG DU BYUNG ZHING, DE DAG MNGA' RIS KYI RGYAL PO RNAMS KYIS GZIGS PAS DNGOS SU SUN PHYUNG BA MA MDZAD KYANG, PAndI TA MKHAS PA MANG PO SPYAN DRANGS NAS YANG DAG PA'I LAM LA SKYE BO RNAMS BTZUD PA NYID KYIS NYES PA DE DAG THABS KYIS ZHI BAR MDZAD LA, JO BO RJES KYANG, DANG PO'I SANGS RGYAS RGYUD CHEN LAS, ,RAB TU 'BAD PAS BKAG PA'I PHYIR, ,GSANG DBANG SHES RAB DBANG BSKUR NI, ,TSANGS PAR SPYOD PAS BLANG MI BYA, ,ZHES GSUNGS PAS, SNGAGS PA KHYIM PA'I RTZING CHOS RNAMS KYANG SHUGS KYIS BKAG PA YIN NO, ,GSANG SNGAGS GSAR MA'I 'GYUR GYI MGO JO BO SMRi TIS BTZUt SO ZHES BYA BA YOD MOD KYI, DES DBUS GTZANG DU NI 'GYUR MA MDZAD LA, KHAMS SU DUS PHYIS MTSAN YANG DAG PAR BRJOD PA SGEG PA RDO RJE'I SKOR DANG, @256 DPAL GDAN BZHI PA DANG, GSANG BA 'DUS PA'I SKOR LA SOGS PA MANG DU BSGYUR MOD KYI, DE BAS LO CHEN RIN CHEN BZANG POS GSANG SNGAGS KYI 'GYUR MDZAD PA SNGA BAR SNANG STE, 'BROM STON PA JO BO SE BTZUN GYI G-YOG BYED PA'I DUS SMRi TI LA LO TZ'A BSLABS SO ZHES 'BYUNG LA, DE DANG NYE BAR 'BROM GYIS MNGA' RIS SU BYON PA'I TSE, LO CHEN GYIS LO BRGYAD CU RTZA LNGA BZHES PA'I PHYIR RO, ,LO CHEN GYIS DE NYID BSDUS PA DANG GSANG BA 'DUS PA SOGS RNAL 'BYOR PHA'I RGYUD SHAS CHER BSGYUR LA, RNAL 'BYOR MA'I RGYUD RNAMS NI LO CHEN GYI LO LNGA BCU NYE BA NA BLA CHEN 'BROG MI BYUNG STE, DE NAS NI RNAL 'BYOR MA'I RGYUD RNAMS KYANG SHIN TU DAR BAR GYUR TO, ,GSAR MA'I 'GYUR MGO'I SKABS SO, , , , RNAL 'BYOR MA'I RGYUD KYI BSHAD PA'I DAR SO DANG, LAM 'BRAS BU DANG BCAS PA'I GDAMS PA SA SKYA PA YAB SRAS KYI RING LA JI LTAR 'PHEL BA'I GTAM GYI SKABS, 'DI LTAR BSTAN PA PHYI DAR GYI THOG MAR BYON PA'I LO STON RDO RJE DBANG PHYUG LAS BSTAN PA 'PHEL BZHIN PA NA, MNGA' BDAG DPAL 'KHOR BTZAN GYI SRAS KHRI BKRA SHIS BRTZEGS PA DPAL GYIS RU LAG GI SA CHAR RGYAL SRID BSKYANGS PA'I SRAS, DPAL LDE, 'OD LDE, SKYID LDE ZHES BYA BA'I SRAS @257 MCHED GSUM BYUNG BA DES, LO STON LA BDAG CAG GI THAD DU MKHAN SLOB ZUNG CIG GNANG NAS, BSTAN PA SPEL BAR ZHUS PA LA, MKHAN PO SH'AKYA GZHON NU DANG SLOB DPON SE YE SHES BRTZON 'GRUS GNYIS BTANG NAS, DGE 'DUN GYI SDE LEGS PAR BTZUGS PA'I SKABS, LO TZ'A BA RIN CHEN BZANG POS LO LNGA BCU LA NYE BA TZAM GYI SKABS SU, MKHAN SLOB DE GNYIS KYIS GROS BYAS NAS 'BROG MI DANG STAG LO GZHON NU BRTZON 'GRUS GNYIS LA GSER MANG PO BSKUR NAS RGYA GAR DU BRDZANGS, DE GNYIS GYIS BOD DU BI WARTA CUNG ZAD KYANG BSLABS, BAL POR LO GCIG TU BZHUGS NAS, SH'ANTI PA'I SLOB MA BAL PO'I PAndI TA SH'ANTIm? BHA DRA LA SKAD LEGS PAR BSLABS, GSANG SNGAGS KYI CHOS KYANG 'GA' RE GSAN, KHONG GIS ZHAL BRDA MDZAD PA BZHIN BI KRA MA N'A LA'I MKHAS PA DRUG PO, SHAR NA SH'ANTI BA, LHO NA NGAG GI DBANG PHYUG GRAGS PA, NUB NA SHES RAB 'BYUNG GNAS BLO GROS, BYANG NA N'A RO PAn CHEN, DBUS NA RIN CHEN RDO RJE DANG, DZNY'A NA SHR'I RNAMS BZHUGS PA LA, SH'ANTI BA LA GTUGS SHING GZHAN RNAMS LA YANG CHOS 'BREL TZAM RE BYAS, RGYA GAR DU BYON DUS MKHAN SLOB GNYIS KYI ZHAL BKOD LA, BSTAN PA'I GZHI MA YIN PAS 'DUL BA NYON, BSTAN PA'I SNYING PO YIN PAS SHER PHYIN NYON, BSTAN PA'I NYING KHU YIN PAS GSANG SNGAGS NYON, ZHES GSUNG PA DANG MTHUN PAR, 'GROG MIS SH'ANTI PA LA DANG POR 'DUL BA GSAN, DE NAS SHES RAB KYI PHA ROL TU PHYIN PA GSAN, DE NAS GSANG SNGAGS MANG DU @258 GSAN NAS MKHAS PA CHEN POR GYUR, SNYAG LOS NI, RDO RJE GDAN DU BSKOR BA BYED CING BZHUGS TE, SLOB GNYER MA BYAS, 'BROG MIS SH'AntI PA'I SAR LO BRGYAD BZHUGS NAS, DE RJES RGYA GAR SHAR PHYOGS SU BYON PAS DGE SLONG ZHIG LA SHING GI LHA MOS GZUGS MED PA'I LAG PA ZHIG GIS BSOD SNYOMS 'DREN PA MTHONG BAS DE LA NGO MTSAR SKYES TE DGE SLONG DE LA PHYAG DANG SKOR BA MANG DU BYAS NAS, RJES SU 'DZIN PAR ZHUS, DE'I MTSAN NI PRADZNY'A AINDRA RU TZE STE, BOD SKAD DU SHES RAB KYI DBANG PO GSAL ZHES BYA, DE YANG BI R'U PA'I SLOB MA tOMBHI HE RU KA, DE'I SLOB MA MI THUB ZLA BA STE, DE'I SLOB MA YIN, GSANG SNGAGS KYI DBANG BSKUR, RGYUD BSHAD, MAN NGAG RNAMS RGYA CHER GNANG, RTZA BA MED PA'I LAM 'BRAS SHIG KYANG GNANG, SH'ANTI PA'I GSANG SNGAGS KYI CHOS RNAMS LAS KYANG DE'I CHOS LA NGES PA CHER SKYES DER LO BZHI BZHUGS, SPYIR NA LHO BAL DU LO BCU GSUM BZHUGS TE BOD DU BYON, MKHAN SLOB DGE 'DUN DANG BCAS PAS THAG RING PO NAS BSU BA BYAS, 'BROG MIS SNGAR BSNYAD PA BZHIN GYI CHOS MANG DU MKHYEN CING MKHAS PAR BYUNG STE, MKHAN SLOB RNAMS KYANG DGYES PAR GYUR, DE NAS BRTAG PA GNYIS PA LA SOGS PA'I RGYUD GSUM DANG, GZHAN YANG GSANG SNGAGS KYI CHOS MANG DU BSGYUR, SH'ANTI PA'I NGAG LDAN LA YANG 'GYUR LEGS PAR MDZAD, SNGAGS KYI BSTAN PA NYID GTZO BOR SPEL ZHING CHOS MANG DU GSUNG ZHING MYU GU LUNG DANG LHA RTZE'I BRAG LA BZHUGS, RE ZHIG GNAM THANG DKAR PO'I 'BROG @259 PAS SPYAN DRANGS TE DE NA BZHUGS PA'I TSE, GA YA DHA RAS PAndI TA 'BYON GYI YOD PAS BSU BA LA SHOG BYA BA'I PHRIN BYUNG BAS, GUNG THANG DU BYON TE BSUS NAS PAndI TA DANG 'GROGS TE, LAM DU'ANG CHOS MANG DU BSHAD, MYU GU LUNG DU SPYAN DRANGS, DER LO LNGA BZHUGS PA, GSUNG NGAG RIN PO CHE TSANG BAR GNANG BA, GSER SRANG LNGA BRGYA 'BUL BA RNAMS KYI CHAD BYAS, LO GSUM NA GDAMS NGAG RDZOGS, NGA 'GRO GSUNG BA LA CHAD BZHIN BZHUGS PAR ZHUS PAS, LO'ANG LNGA BZHUGS, GSER SRANG LNGA BRGYA'ANG TSANG BAR PHUL SHIN DU DGYES NAS GSUNG NGAG BOD GZHAN LA MI GSUNG BAR ZHAL GYIS BZHES NAS, SLAR RGYA GAR DU GSHEGS, PHYIS YANG PAndI TA GRO MO NAS 'GOS KYIS SPYAN DRANGS NAS BYON PA DANG MJAL, YANG PHYIR THEGS, THA MA MNGA' RIS SU GYI JOS SPYAN DRANGS, DE NAS GTZANG DU PHEBS PA'I TSE 'BROG MI GSHEGS NAS MA MJAL, PAndI TA KHA RAG TU SGOM CHEN SE ROGS GNYIS KYI THAD DU BYON TE, DER GSHEGS 'BROG MIS RGYUD RNAMS DANG BSAM MI KHYAB LA SOGS PA'I GDAMS PA RNAMS MANG DU GNANG, GSUNG NGAG TSANG BA NI, LHA BTZUN KA LI, 'BROM DO BA STON CHUNG, SE STON KUN RIG STE GSUM LA GNANG GI, GZHAN LA MED, LHA BTZUN GYIS SLOB MA MA BSKYANGS, DO BA STON CHUNG MYU GU LUNG NAS LA STOD LHOR BYON, DER MYUR DU GSHEGS PAS GDAMS PA MA 'PHEL, GSUNG NGAG TSAR BAR MA GNANG KYANG, DE'I CHA SHAS RES, DGYER SGOM SE BO, GSHEN SGOM ROG PO, @260 DBUS PA GRONG PO CHE STE PHA GSUM DANG, STOD MO RDO RJE MTSO, BZANG MO DKON NE, SHAB MO LCAM CIG 'CHAD MO NAM MKHA' DANG MO BZHI STE, BDUN GYIS GRUB PA THOB, GZHUNG GI BSHAD PA TSAR PHYIN PA LHA RTZE'I GYI LJANG DBU DKAR BA, SHAB KYI BRAG RTZE SO NAG PA, 'PHRANG 'OG GI DBRANG STON DKON MCHOG RGYAL PO, SA SKYA'I 'KHON DKON MCHOG RGYAL PO, MNGA' RIS PA GSAL BA'I SNYING PO STE LNGA'O, ,DE LTAR SLOB MA MCHOG RNAMS GRANGS SU BYAS KYI, RAB TU BYUNG BA DANG KHYIM PA SHIN DU MANG PO LA CHOS GSUNGS, 'GOS LO TZ'A BA DANG MAR PA LO TZ'A BA GNYIS KYANG KHONG GI SLOB MA YIN, MAR PAS, DPAL MYU GU LUNG GI DGON PA RU, ,SGRA BSGYUR 'BROG MI LO TZ'A LA, ,SGRA THAD KLOG SKAD KYI YIG TSAD BSLABS, KHONG BKA' DRIN MI CHUNG CHE BAR 'KHUMS, ZHES GSUNGS, 'ON KYANG GDAMS PA CHUNG NGU RE LA'ANG YON CHEN PO DGOS PAR MTHONG, DES RANG NYID RGYA GAR DU 'GRO BA'I THUGS SKYES SHING BYON NO, ,'GOS KYIS KYANG BLA MA CHOS LA DAM PAS, RANG NYID PAndI TA MANG PO LA GTUG SNYAM NAS, GRVA SA DE NAS BYON NO, DE LTAR NA BLA CHEN 'DI NI GDAMS NGAG DANG BCAS PA MANG DU GSAN PA'I YON TAN DANG, BSKYED RDZOGS GNYI? GA LA BRTAN PA THOB CING, RLUNG GI STOBS KYIS NAM MKHA' LA SKYIL DKRUNG 'CHA' BA, 'CHI BA LAM DU BYAS NAS SKU LUS DE NYID MA SPANGS PAR SANGS RGYA BAR BZHED NA'ANG, SRAS RNAMS KYIS SPUR SGYONG? BA SOGS BYAS PAS RTEN 'BREL CUNG ZHIG MA 'GRIG STE, BAR DOR PHYAG RGYA CHEN @261 PO'I DNGOS GRUB BRNYES PA ZHIG GO, ,MDOR NA GONG DU BSHAD PA'I TSUL GYIS, LO CHEN RIN CHEN BZANG PO LA BRTEN NAS BRGYAD STONG PA DANG, NYI KHRI SNANG BA DANG, BRGYAD STONG 'GREL CHEN LA SOGS PA'I 'GYUR MANG PO MDZAD CING GSUNGS PAS, ZAB MO SHES RAB KYI PHA ROL TU PHYIN PA DAR BAR GYUR PA YANG KHONG GI DRIN LAS YIN LA, GSANG SNGAGS KYI RGYUD SDE'I PHYOGS RNAMS LA NI, MKHAS PA DANG, SO SOR SKU NYAMS SU BZHES PAS GRUB PA'I TSUL CHEN PO YANG MNGA', PHA RGYUD MA RGYUD GNYI GA'I BSHAD PA'I BKA' MANG DU BTZUGS, BYE BRAG TU RNAL 'BYOR GYI RGYUD RNAMS KYI RGYA CHER 'GREL PA DANG CHO GA RNAMS PHYAG LEN DANG BCAS PAR RGYA CHER SPEL BAS BSTAN PA SHIN DU DAR BAR MDZAD LA, GONG DU SMOS PA BZHIN BLA CHEN 'BROG MIS MA RGYUD GTZO BOR MDZAD PA'I BSHAD SGRUB KYI BSTAN PA DAR BAR MDZAD CING, RJE 'GOS KYIS GSANG BA 'DUS PA 'PHAGS LUGS GTZO BOR MDZAD PA'I BSHAD PA LA BRTEN PA'I SLOB MA MKHAS PA RIM PA RIM PA MA CHAD PAR 'PHEL BA DANG, RJE MAR PAS KYANG N'A RO ME TRI'I MAN NGAG GTZO BOR MDZAD CING, BSHAD PA YANG 'DUS PA DANG, SANGS RGYAS THOD PA DANG, BRTAG PA GNYIS PA DANG, RDO RJE GUR DANG, MA H'A M'A Y'A DANG, DPAL GDAN BZHI PA RNAMS KYI BSHAD PA MDZAD PAS KYANG, SLOB MA MKHAS SHING DNGOS GRUB BRNYES PAS BOD KYI RI SUL THAMS CAD GANG BAR MDZAD DE, SNGAGS KYI BSTAN PA'I BDAG POR GYUR PA YIN NO, ,BLA CHEN 'BROG MIS SE LA GSUNG NGAG MA LUS PA @262 GNANG ZHING, ZHA MA LCAM SRING LA BRTEN NAS GDAMS PA 'PHEL BAR LUNG BSTAN PA BZHIN, LCAM SRING GNYIS POS KYANG SE LA GSUNG NGAG LEGS PAR ZHUS, SKU NYAMS SU YANG BZHES, GZHAN LA PHAN PA YANG RGYA CHER MDZAD DE, 'DI DAG GI LO RGYUS NI 'OG TU BRI BAR BYA'O, BLA CHEN LA SLOB MA MANG DU YOD KYANG, GZHUNG DANG GDAMS PA GNYI GA'I BDAG PO CHEN POR GYUR PA NI, DPAL LDAN SA SKYA PA'I BLA MA RNAMS TE, DE DAG GANG LAS SU'I MI BRGYUD DU BYUNG BA'I RIM PA YANG, BOD YUL DU LHA SRIN DAR BA'I TSE YAR KLUNGS SHAR GYI G-YA' SPANG SKYES GCIG DANG SI LI MA GNYIS MJAL BAR GYUR PA NA, SRIN KHRAG MED KYANG DE LA CHAGS PAS DE GNYIS 'KHON PA'I BAR DU LHA SRAS SKYES PA LA JO BO 'KHON BAR SKYES SHES GRAGS PA LA, MA SANGS LAS 'KHON NAS KYI BRGYUD RIM PAR BYON ZHING, RGYAL PO KHRI SRONG SDE BTZAN GYI NANG BLON DU GTOGS PA 'KHON DPAL BO CHE'I SRAS BZHI SDE, KHRI MDZES LHA LEGS, TSE LA DBANG PHYUG 'KHON KLU'I DBANG PO BSRUNG BA, TSE 'DZIN NO, ,GSUM PA DE SAD MI MI BDUN GYI DRUG PA YIN, BZHI PA'I SRAS RDO RJE RIN PO CHE NAS BU BRGYUD RIM PA BZHIN, SHES RAB YON TAN, YON TAN 'BYUNG GNAS, TSUL KHRIMS RGYAL PO, RDO RJE GTZUG TOR, DGE SKYABS, DGE MTHONG, BAL PO, SHAKYA? BLO GROS, DE DAG THAMS CAD KYANG GSANG SNGAGS RNYING MA'I YON TAN DANG LDAN NO, ,DE LA SRAS GNYIS GCEN SHES RAB TSUL KHRIMS TSANGS SPYOD BSRUNG, @263 GCUNG DKON MCHOG RGYAL PO SHING PHO KHYI LA 'KHRUNGS, BZHI BCU BZHES PA CHU MO GLANG LA SA SKYA BTAB, DGUNG LO DRUG CU RTZA DGU PA CHU PHO RTA LA 'DAS, DE'I SRAS SA CHEN KUN DGA' SNYING PO YAB KYI NGA DGU PA CHU PHO SPRE'U LA 'KHRUNGS, BCU GCIG LON PA LA YAB GSHEGS, DE LO RAD BA RI LO TZ'A BA LO DRUG CU RTZA GSUM PA ZHIG GDAN SAR BSKOS, RANG LO NYI SHU PA NAS DRUG CU RTZA BDUN GYI BAR GDAN SA LO ZHE BRGYAD GZUNG NAS, SA PHO STAG LA GSHEGS, SA CHEN LA SRAS BZHI LAS, KUN DGA' 'BAR NI, RGYA GAR DU BYON, MKHAS PAR GYUR NAS NYI SHU RTZA GNYIS PA LA RGYA GAR NYID DU GSHEGS, GNYIS PA SLOB DPON BSOD NAMS RTZE MO YAB KYI NGA GCIG PA CHU PHO KHYI LA 'KHRUNGS, BZHI BCU RTZA GCIG PA CHU PHO STAG LA GSHEGS, GSUM PA RJE BTZUN GRAGS PA RGYAL MTSAN YAB KYI NGA DRUG PA ME MO YOS LA 'KHRUNGS, RANG LO NYER DRUG PA CHU 'BRUG NAS GDAN SA BSKYANGS, BDUN CU PA ME PHO BYI BA LA GSHEd, BZHI PA DPAL CHEN 'OD PO YAB KYI NGA DGU PA LCAGS PHO RTA LA 'KHRUNGS, NGA BZHI PA CHU MO PHAG LA GSHEGS, DE LA SRAS GNYIS LAS, CHE BA SA SKYA PAn CHEN YAB KYI SO GSUM PA CHU PHO STAG LA 'KHRUNGS, DRUG CU RTZA GSUM PA SHING PHO 'BRUG LA GONG DU BYON, BDUN CU PA LCAGS MO PHAG LA GSHEGS, GCUNG PO ZANGS TSA BSOD NAMS RGYAL MTSAN YAB KYI SO LNGA PA SHING PHO 'BRUG LA 'KHRUNGS, NGA DRUG BZHES PA SA MO PHAG LA GSHEGS, DE'I SRAS BLA MA 'PHAGS PA YAB KYI NGA GNYIS PA SHING MO LUG LA 'KHRUNGS, LO BCU PA'I TSE @264 CHOS RJE PA'I PHYAGS PHYIR BYANG NGOS SU BYON, LAM DU ZUL PHUR NA BZA' 'PHRED GSOL BA DGE TSUL MDZAD, BCU DGU PA CHU MO GLANG LA SE CHEN RGYAL BUR BZHUGS PA'I BLA MCHOD MDZAD, NYI SHU RTZA GCIG PA SHING MO YOS LA BSNYEN PAR RDZOGS, NYI SHU RTZA DRUG PA LCAGS PHO SPRE'U LA SE CHEN RGYAL SAR THON PAS GONG MA'I BLA MAR GYUR, SO GCIG PA SHING MO GLANG LA BOD LA BTEG SLAR SA MO SBRUL LA GONG DU BYON, LO BDUN BZHUGS NAS SLAR ZHE GNYIS PA ME PHO BYI BA LA GDAN SAR PHEBS, ME MO GLANG LA CHU MIG CHOS 'KHOR MDZAD, BZHI BCU RTZA DRUG PA LCAGS PHO 'BRUG LA GSHEGS, DE'I GCUNG PO PHYAG NA YAB KYI NGA DRUG PA SA MO PHAG LA 'KHRUNGS, LO DRUG LON PA'I TSE CHOS RJE PA'I PHYAGS PHYIR BYANG NGOS SU BYON, NYI SHU RTZA DGU PA ME MO YOS LA GSHEGS, YANG SLOB DPON RIN CHEN RGYAL MTSAN YAB ZANGS TSAS NGA LNGA BZHES PA SA PHO KHYI LA 'KHRUNGS, ZHE GNYIS BZHES PA SA MO YOS LA GSHEd, YANG SLOB DPON YE SHES 'BYUNG GNAS KYANG SLOB DPON RIN CHEN RGYAL MTSAN DANG DGUNG LO GCIG SO BDUN BZHES PA SHING PHO KHYI LO LA LJANG YUL DU GSHEGS, PHYAG NA'I SRAS PO DHARMA P'A LA RAKshI TA PHYAG NA GSHEGS NAS ZLA BA DRUG SONG BA SA PHO 'BRUG SHAR BA LA SKU 'KHRUNGS, NYI SHU PA ME MO PHAG LA GSHEGS, LCAGS SBRUL NAS ME MO PHAG GI BAR LO BDUN GDAN SA MDZAD, BLA MA YE SHES 'BYUNG GNAS KYI SRAS BDAG NYID CHEN PO BZANG PO DPAL YAB KYI NYER LNGA PA CHU PHO KHYI LA 'KHRUNGS, BZHI BCU ZHE LNGA PA ME PHO @265 RTA NAS LO BCU DGU GDAN SA MDZAD, RE GCIG PA CHU PHO KHYI LA GSHEGS, BLA MA 'DI LA SRAS BCU GNYIS YOD PA LAS, DANG PO SLOB DPON BSOD NAMS BZANG PO GONG DU 'KHRUNGS, BOD DU BYON PA'I LAM MDO KHAMS SU 'DAS, GNYIS PA BLA MA KUN DGA' BLO GROS YAB KYI SO BRGYAD PA SA MO PHAG LA 'KHRUNGS, NYI SHU RTZA DGU PA ME MO YOS LA GSHEGS, GSUM PA MKHAS BTZUN CHEN PO NAM MKHA' LEGS PA'I BLO GROS RGYAL MTSAN DPAL BZANG PO YAB KYI ZHE BZHI PA SHING MO SBRUL LA 'KHRUNGS, NYI SHU RTZA GCIG PA SHING MO GLANG NAS SO DGU PA CHU MO LUG GI BAR GDAN SA LO BCU DGU MDZAD, CHU MO LUG NYID LA GSHEGS, 'DI LA GCUNG GNYIS BYUNG STE, DANG PO GZHON NU LA GSHEGS, GNYIS PA SLOB DPON NAM MKHA' RGYAL MTSAN DPAL BZANG PO YAB GSHEGS PA'I SHING PHO BYI BA LA 'KHRUNGS, NYI SHU PA LA GONG DU GSHEGS, BLA MA KUN DGA' LEGS PA'I 'BYUNG GNAS KYANG GONG DU BYON, KHONG GI GCUNG TI SHR'I KUN DGA' RGYAL MTSAN DPAL BZANG PO LCAGS PHO KHYI LA 'KHRUNGS, ZHE DGU PA SA PHO KHYI LA GSHEGS, BTZUN MO RE MDA' MA LA LCAM SRING GSUM 'KHRUNGS, CHE BA GCIG GZHON NU LA GSHEGS, CHUNG BA DBANG KUN DGA' LEGS PA'I RGYAL MTSAN DPAL BZANG PO YAB KYI ZHE BDUN PA SA PHO SPRE'U LA 'KHRUNGS, NYI SHU RTZA DGU BZHES PA ME PHO BYI BA LA SRAD KYI SA CHAR SKU GSHEGS, BTZUN MO ZHA LU MA MA GCIG GZHON NU 'BUM LA SRAS GSUM 'KHRUNGS PA'I CHE BA KUN DGA' NYI MA'I RGYAL MTSAN DPAL BZANG PO TA'I DBEN GU SHR'I'I MTSAN @266 GSOL, CHU PHO KHYI LA PHO BRANG CHEN POR SKU GSHEGS, GNYIS PA BLA MA DON YOD RGYAL MTSAN PA YAB KYI ZHE DGU PA LCAGS PHO KHYI LA 'KHRUNGS, SO LNGA PA SHING PHO SPRE'U LA GSHEGS, GCUNG BLA MA DAM PA BSOD NAMS RGYAL MTSAN DPAL BZANG PO CHU PHO BYI BA LA ZHA LU KHANG GSAR DU SKU 'KHRUNGS, DGUNG LO DRUG CU RTZA BZHI PA SHING MO YOS LA GSHEGS, BDAG NYID CHEN PO'I SRAS DBANG BSOD NAMS BZANG PO LA SRAS DBANG RATNA' DGUNG LO NYER LNGA LA PHO BRANG CHEN POR 'DAS, TI SHR'I KUN DGA' RGYAL MTSAN RAB TU MA BYUNG GONG GI SRAS GNYIS BYUNG BA LA, MA GCIG BYANG PA MO'I SRAS TA'I DBEN CHOS KYI RGYAL MTSAN CHU PHO SPRE'U LA 'KHRUNGS, BLA MA KUN SPANGS PA'I LCAM MO'I SRAS TA'I DBEN BLO GROS RGYAL MTSAN YANG CHU PHO SPRE'U LA 'KHRUNGS, DBANG KUN DGA' LEGS PA'I SRAS LCAM SRING BZHI'I SRAS CHE BA TI SHR'I BSOD NAMS BLO GROS CHU PHO SPRE'U LA 'KHRUNGS, GONG DU BYON, SO GCIG PA CHU STAG LA ME TOG RA BAR 'DAS, DE'I GCUNG BAR BA CHUNG NGU LA 'DAS, CHUNG BA DBANG GRAGS PA RGYAL MTSAN ME PHO BYI BA LA 'KHRUNGS, ZHE BZHI PA ME 'BRUG LA STAG TSANG DU 'DAS, BLA MA MKHAS BTZUN PA'I SRAS BLA MA KUN RIN, BLA MA CHOS KYI RGYAL MTSAN PA'I SRAS CHOS RJE KUN BKRAS PA SA MO GLANG LA 'KHRUNGS, RE BZHI PA CHU PHO 'BRUG LA GONG DU BYON NAS LO GNYIS BZHUGS, TA'I MING RGYAL POS THEG CHEN CHOS KYI RGYAL POR MTSAN GSOL LO, ,BRGYUD PA DE RNAMS LAS 'KHON DKON MCHOG RGYAL PO GSANG SNGAGS GSAR MA LA MOS PAR GYUR TE, BLA @267 CHEN LAS GUR BRTAG GI BSHAD PA GTZO BOR GYUR PA'I BSHAD BKA' RNAMS YANG DAG PAR BLANGS, MAN NGAG NI, BLA CHEN GYIS SE STON KUN RIG LA MAN NGAG RDZOGS PAR BYIN, SE STON GYIS RGYUD KYI BSHAD BKA' RNAMS BLA CHEN GYI DNGOS SLOB MNGA' RIS PA GSAL BA'I SNYING PO LAS BLANGS, 'KHON DKON MCHOG RGYAL PO LA YANG GSAN, THUGS DAM MTHO ZHING LO BRGYAD CU RTZA BRGYAD KYI BAR DU BZHUGS, BLA MAS LUNG BSTAN PA BZHIN GDAMS NGAG RNAMS PHAL CHER ZHA MA LCAM SRING LA GNANG, DGUNG LO BRGYAD CU RTZA BDUN PA LA SA CHEN DGUNG LO NYI SHU TZAM LON PA ZHIG MJAL DU BYUNG BAS DGYES CHE STE, GDAMS NGAG BYIN GYIS SHOG CIG GSUNGS PA LA, GEGS CUNG ZAD CIG GI DBANG DU GYUR TE, MAN NGAG MA GSAN, SE MYUR PO YANG GSHEGS, DE NAS PHYI ZHIG NA SA CHEN GDAMS NGAG GIS YID GDUNGS TE GDAMS NGAG SU LA YOD DRIS PAS, SE STON GYI GDAMS NGAG RNAMS DGON PA BA SKU MCHED LA YOD ZER, GCUNG GSHEGS, GCEN PO'I THAD DU BYON PAS RTEN 'BREL 'GRIG DKA' SE BA ZHIG LA ZHANG DGON PA BAS DGYES PA DANG BCAS TE LAM 'BRAS BU DANG BCAS PA'I GDAMS NGAG RDZOGS PAR GNANG, DE PHYIN CHAD DPAL SA SKYA PA'I GDUNG BRGYUD RNAMS GZHUNG GDAMS NGAG GNYI GA'I BDAG POR GYUR PA YIN, DE LA 'KHON DKON MCHOG RGYAL PO SHING PHO KHYI LA 'KHRUNGS PA NAS SA SKYA PAn CHEN LCAGS MO PHAG LA ZHI BAR GSHEGS PA'I BAR LO NYIS BRGYA DANG BCO BRGYAD SONG STE, DE'I BAR DU SNGAGS MTSAN NYID GNYI GA'I CHAR PHAB @268 PAS BOD KYI YUL 'DI LEGS PAR GSOS SHING, DBON PO 'PHAGS PA RIN PO CHE LA GONG MA SE CHEN GYIS, BOD CHOL KHA GSUM PO THAMS CAD DBANG YON DU PHUL BA LA BRTEN NAS BLA MAS BLA MA'I BYA BA MDZAD CING, DPON CHEN NA RIMS SU BSKOS PA RNAMS KYIS 'JIG RTEN GYI BYA BA MDZAD DE, DPON CHEN LA SNGA BA SH'AKYA BZANG PO SE CHEN GYI LUNG GIS DBUS GTZANG GI ZAM KLU GUN MIN DBANG CU'I DAM KHA BYIN NAS DPON CHEN LA BSKOS, KHANG GSAR CHEN MO BTAB, LHA KHANG CHEN MO'I LCAGS RI PHYI NANG BRTZIGS, SHING CHA DRANGS NAS THOG MA PHUB PA LA 'DAS, NANG GNYER BYAS PA KUN DGA' BZANG POS DPON CHEN BYAS NAS, RIN CHEN SGANG BLA BRANG BTAB, LHA KHANG LCAGS RI DANG BCAS PA BYAS, KUN DGA' BZANG POS LAS KA GTAD NAS DPON CHEN ZHANG BTZUN, PHYUG PO SGANG DKAR BA, BYANG RIN RNAMS BLA MA'I ZHAL BRDAS RIM PAR BSKOS, KUN DGA' BZANG PO LA BLA MA MA MNYES NAS, BLA MA GSHEGS PA'I PHYI LO SE CHEN GYI LUNG GIS HOR DMAG GIS BSAD, BYANG RIN GYI DUS NA SE CHEN GYIS THUGS LA BTAGS NAS, ZO 'OR SI'I MI DPON DANG SHEL DAM GNANG, DE NAS DPON CHEN KUN GZHON, DPON CHEN GZHON DBANG, DE'I RING LA PHYE GSAL CHEN MO DANG, DBUS GTZANG GI KHRIMS KYI ZHIB CHA PHAL CHE BA BYAS, DE NAS DPON CHEN BYANG RDOR, DPON CHEN AAG LEN, 'DIS SA SKYA'I LCAGS RI PHYI MA DANG, DBON PO RI'I LCAGS RI BTAB, KHANG GSAR GLING BYAS, 'DI GSUM GYI BAR LA 'BRI KHUNG PA @269 DANG 'THABS, AAG LEN GYI RING LA 'BRI KHUNG GLING LOG TU GRAGS PA'I BCOM KHYER CHEN PO DE BYUNG, GLING LOG DE BU STON RIN PO CHE 'KHRUNGS PA'I LCAGS PHO STAG GI LO DE YIN, YANG GZHON DBANG SKYAR NAS BSKOS, DE NAS LEGS PA DPAL, SENG GE DPAL, 'OD ZER SENG GES ZVAN CHING DBEN GYI DAM KHA BZUNG, DPON CHEN KUN DGA' RIN CHEN, DON YOD DPAL, YON BTZUN, YANG 'OD ZER SENG GE, DPON CHEN RGYAL BA BZANG PO, DBANG PHYUG DPAL, BSOD NAMS DPAL, YANG RGYAL BA BZANG PO, DBANG BRTZON, NAM MKHA' BRTAN PA, GRAGS PA RGYAL MTSAN, DPAL 'BUM, BLO CHEN, GRAGS DBANG NGO, DPON CHEN DBANG BRTZON GYIS YAR KLUNGS SU KHRI SKOR BCU GSUM GYI DMAG LAN MANG DU DRANGS KYANG, TA'I SI TU BYANG CHUB RGYAL MTSAN MA THUB STE, DBUS KYI SA CHA PHAL CHE BA KHONG GIS BLANGS, PHYIS RTA LO LA DPON CHEN RGYAL BA BZANG PO LHA KHANG BLA BRANG PAS BTZON DU GZUNG BA, SI TU BYANG CHUB RGYAL MTSAN GYIS DMAG GI DPUNG CHEN POS BSDIGS TE, DPON CHEN PA BTZON NAS BTON, DE NAS GTZANG GI SA CHA PHAL CHE BA'I MNGA' BDAG TA SIS BYAS, DE RTING DBUS GTZANG GI SDE DPON THAMS CAD KYIS, DBUS GTZANG DU RDZONG BSKOR 'BEBS LA SOGS PA'I BYA BA THAMS CAD SI TU BYANG CHUB RGYAL MTSAN SHES SU BCUG PA'I SO SO NAS THEL TSE PHUL, KHONG GSHEGS NAS KYANG GU SHR'I CHEN PO LA CI YIN SHES PA'I THEL RTZE PHUL, DE LA SPYIR SA SKYA PAS 'JIG RTEN GYI BDAG PO LO BDUN CU RTZA LNGA @270 MDZAD PA LA, NANG TSAN DU BZHI THOG NAS NYI SHU RTZA LNGA, SHAR BAS NYI SHU RTZA LNGA, KHANG GSAR CHEN MO BAS NYI SHU RTZA LNGA STE, LO BDUN CU RTZA LNGA'I RJES LA SI TU BYANG CHUB RGYAL MTSAN GYIS SA MO GLANG NAS SA'I BDAG PO MDZAD NAS, LO NYI SHU RTZA LNGA PA CHU MO GLANG LA GU SHR'I BAS YAR KLUNGS CHOS 'KHOR MDZAD, DE LO RANG ZHI BAR GSHEGS PAS PHAG MO GRU PA LA YANG NYI SHU RTZA LNGA'I SKEG BYUNG ZHES ZER RO, ,SA SKYA PA'I BLA MA GONG MA RNAMS KYI RING LA AU RGYAN GYI PAndI TA SHES RAB GSANG BA DANG, PHYIS PAndI TA DZA YA SE NA LA SOGS PA PAndI TA MANG PO'ANG BYON ZHING, PHYIS 'PHAGS PA RIN PO CHE'I RING LA SHONG STON SKU MCHED LA SOGS PA'I LO TZ'A BA SHIN TU MKHAS PA YANG MANG DU BYUNG, TSAD MA RNAM 'GREL GYI BSHAD PA YANG DBUS GTZANG GI CHOS SDE THAMS CAD DU DAR BA NI, BLA MA CHOS RJE BA'I DRIN YIN, 'PHAGS PA RIN PO CHE THUGS DGONGS BZANG BAS, BOD KYI CHOS PA RNAMS RANG RANG GI CHOS LUGS GANG YOD LA 'BAD PA GYIS ZHES ZER BA'I HOR GYI 'DZVA? SA BSGRAGS, SDE SNOD 'DZIN PA PHAL MO CHE ZANG ZING GI LONGS SPYOD KYIS KYANG TSIM PAR MDZAD SNANG NGO, ,RNAL 'BYOR MA'I RGYUD KYI BSHAD PA'I DAR SO DANG, LAM 'BRAS BU DANG BCAS PA'I GDAMS PA SA SKYA PA YAB SRAS KYI RING LA JI LTAR 'PHEL BA'I GTAM GYI SKABS SO,@271 RMA LO TZ'A BA DANG ZHA MA LCAM SRING GIS BSTAN PA JI LTAR BSKYANGS PA'I SKABS, YANG ZHA MA LCAM SRING GI DRIN LAS LAM 'BRAS BU DANG BCAS PA'I GDAMS PA JI LTAR 'PHEL BA'I TSUL BRJOD PAR BYA STE, DE LA PHYIR 'PHAGS PA SPYAN RAS GZIGS DBANG PHYUG GIS CHOS KYI RGYAL PO SRONG BTZAN SGAM POR SKU SPRUL TE, BOD 'BANGS RNAMS DGE BA BCU'I LAS KYI LAM LA BKOD, RJE BTZUN 'JAM PA'I DBYANGS KYIS THON MI SAMBHO tAR SKU SPRUL TE, RGYA GAR GYI PAndI TA LHA'I RIG PA SENG GE ZHES BYA BA LA BSLABS NAS RGYA GAR YI GE LA MKHAS PAR MDZAD DE, RGYA GAR GYI PHYI MO LNGA BCU, BOD DU PHYI MO SUM CUR BSDUS NAS SGRA'I BSTAN BCOS 'GA' ZHIG KYANG MDZAD, DANG POR RGYAL PO LA YI GE LEGS PAR BSLABS, PHYI NAS 'BANGS BLO GSAL BA RNAMS LA YANG LEGS PAR BSLABS PAS BOD PHAL MO CHE LA KHYAB CING, THAMS CAD KYANG BCOM LDAN 'DAS KYI GSUNG RAB LA BLTA BA'I SKAL BA CAN DU GYUR, BCOM LDAN 'DAS 'PHAGS MA SGROL MAS NI, GNAS BRTAN BCU DRUG SPYAN 'DREN PA PO THANG THA'I DZU'I DZUNG GI SRAS MO SRUL GLEN KONG JO ZHES BYA BA, BOD KYI SKAD DU CHU'I NANG GI PADMA ZHES BYA BA DER SKU SPRUL NAS, 'PHRUL SNANG GI JO BO 'DI SPYAN DRANGS SHING SRONG BTZAN GYI BTZUN MOR GYUR NAS, NYID KYIS RA @272 MO CHE'I GTZUG LAG KHANG BZHENGS, 'PHRUL SNANG LA SOGS PA'I GTZUG LAG KHANG BZHENGS PA'I SA DMIGS RNAMS KYANG BSTAN, DKON MCHOG LA MCHOD PA'I SROL LEGS PAR BTZUGS, DE RNAMS DUS RE SHIG 'DAS PA NA, SRONG BTZAN NI, DUS ZHABS PA CHUNG BA'I SLOB MA KHA CHE DGON PA BA ZHES BYA BA DANG, KHA CHE PAn CHEN ZHES ZER BA, MTSAN DNGOS DZA YA A'A NANDAR SKU 'KHRUNGS, THON MI NI, LA STOD LHOR RMA LO TZ'A BA CHOS 'BAR ZHES BYA BAR SKU 'KHRUNGS, KONG JO NI, LHO'I PHA DRUG TU MA GCIG ZHA MA ZHES BYA BA DER SKU 'KHRUNGS PA YIN NO, ,DE YANG RMA LO TZ'A BAS LHO BAL DU MKHAS PA MANG PO LA GTUGS TE, 'DI RGYA GAR PHYAG NA'I YANG SLOB MA YIN, RGYA GAR DU KHA CHE DGON PA BA DANG, AA BHA Y'A K'A RA GUBTA? LA SOGS PA LA GSAN PA MANG DU MDZAD CING BZHUGS PA NA, LO TZ'A BA LA KHYOD BOD DU SONG LA, 'PHAGS MA SGROL MA'I SPRUL PA 'DI LTA BU ZHIG YOD PA PHYAG RGYAR BSTEN LA, GSANG BA DANG SHES RAB YE SHES KYI DBANG GI NYAMS LEN GYIS SHIG CES GSUNGS PA DANG, AA BHA YAS KYANG DE DANG MTHUN PA KHO NAR GSUNGS PAS, BOD DU BYON NAS MA GCIG PHYAG RGYAR MDZAD PA YIN NO, ,DE YANG YUL PHA DRUG NA, YAB BYI BA HAB SHA ZHES BYA BA MTSAN DNGOS ZHA MA RDO RJE RGYAL MTSAN TE, TSOGS KYI BDAG PO HA LU MANTA YIN ZER, DE'I CHUNG MA RGYA GAR LHA MO NI, BAL MO GZA' KHRI BTZUN GYI SKYE BA YIN ZER, DE GNYIS LA SRAS LCAM SRING DRUG 'KHRUNGS PA'I CHE BA ZHA MA RGYA LE BYA BA DGE BSHES SNYE MA BA'I THAD @273 DU RAB TU BYUNG, MTSAN RIN CHEN 'OD ZER DU BTAd, 'PHAGS YOG DUS GSUM LA MKHAS, DE 'OG RGYAL CHUNG STE, YANG KHYED BLA MA LA BRTEN NAS MDO SGYU 'PHRUL SEMS PHYOGS GSUM GA LA MKHAS PA ZHIG BYUNG, DE 'OG SENG GE RGYAL PO STE, RMA LO DANG PU HRANGS PA DANG GA RONG LO TZ'A BA DANG RNGOG RNAMS LA LO TZ'A BSLABS SHING MKHAS PAR MKHYEN PAS, TSAD MA KUN LAS BTUS PA RANG 'GREL DANG BCAS PA BSGYUR ZHING, DING SANG GI BAR DU TSAD MA BA RNAMS DE LA BRTEN PA YIN, CHOS CHOS NYID RNAM 'BYED KYANG TSIt SU BCAD PAR BSGYUR SNANG, DKA' BZHI SHES SHING, DBUS SU YUNGS DKAR BRE PHYED DANG GSUM GYI GRANGS DANG MNYAM PA'I GRVA PA BSKYANGS, PHYIS RI BO RTZE LNGA LA GSHEGS TE, DE NAS PHYIR MA BYON, 'BYON KHAR DAM PA SANGS RGYAS LA ZHUS PAS, ZHA MA, PHA DRUG GTAN YUL NI MIN, RTZE LNGAR SONG LA 'GRO BA'I DON GYIS SHIG DE NAS 'O SKOL PHA SPAD DGA' LDAN DU DUS BYA'O GSUNG NGO, ,DE 'OG MA GCIG YIN, DE YANG RMA LO TZ'A BA DE, JO BO RJE LHA GCIG BOD DU BYON NAS MNGA' RIS SU LO GSUM BZHUGS RJES SHING PHO SPRE'U'I LO LA 'KHRUNGS SHING, BCU DGU BZHES PA CHU PHO STAG GI LO LA MA GCIG 'DI 'KHRUNGS, SKU LUS LA SPYIR PADMA CAN GYI MTSAN RNAMS DANG, BYE BRAG TU LTE BA NA PAD MA DMAR PO RTZA BA GSUM PA, NU MA GNYIS KYI BAR NA RIN PO CHE'I PHRENG BA GSUM SKOR DU YOD PAS LTE BAR SLEB PA, PHRAG SO GNYIS LA G-YUNG DRUNG RIS RE, RNA BA GNYIS KYI RGYAB NA DUNG PADMA LTAR 'KHYIL BA RE, @274 LCE'I 'OG NA RAL GRI AUTPAL LA'I MDOG CAN T'Am YIG GIS MTSAN PA, SMIN MTSAMS NA NYI ZLA'I RGYAL MTSAN 'KHOR LO TOG DANG BCAS PA YOD PA ZHIG BYUNG, DE 'OG CHOS RGYAL 'KHON PHU BA SA MO BYA LA 'KHRUNGS, DE LOG MKHAR RGYAL DGE BSHES RIN PO CHE'I THAD DU RAB TU BYUNG, MTSAN BSOD NAMS RGYAL POR BTAGS, PU HRANGS LO TZ'A BA'I SLOB MA CHE SHES DGE BSHES BTZUN CHUNG BYA BA DE YIN, MA GCIG GIS LO BCU BZHI BZHES PA'I TSE, YUL DE'I SKYES PA AA BA LHA RGYAL BYA BA ZHIG LA THAG? MAR BTANG BAS, KHYIM MA BZHED DE, KHYO LA, KHYOD RANG YANG CHOS GYIS NGA YANG CHOS BYED BYAS PAS NYAN DU MA BTUB PAS SMYO BRDZU MDZAD DE, DE NAS BRAL, LO BCU BDUN NAS NYI SHU RTZA GNYIS KYI BAR DU BLA MA RMA'I PHYAG RGYA MA MDZAD, RMAS RGYUD DANG SGRUB THABS MANG PO'ANG KHONG LA BSLABS, NAM ZHIG GI TSE NA BLA MA RMA YI DAM LA DBANG LEN PA'I RIG MA MDZAD PA'I TSE, BDE CHEN GYI DPA' BO BCU DRUG DANG ZHING SKYONG GI MKHA' 'GRO MA BCU DRUG GI ZHAL MTHONG, RIG MA BRGYAD KA'I NYAMS SHAR, BLA MA DANG RANG NYID HE RU KA YAB YUM DU MTHONG, ZLA BA BCU DRUG TU THIG LE'I NYAMS 'BAR, DE PHYIN CHAD BLA MA DANG RANG NYID THA MAL DU NAM YANG MA MTHONG GSUNG, BLA MA'I ZHAL NAS LO BZHIR MTSAMS CHOD CIG GSUNG BA BZHIN BYAS PAS, RMI? LAM DU SANGS RGYAS DANG BYANG CHUB SEMS DPA' MANG PO'I ZHAL MTHONG, DE NAS MTSAMS PHYE LA RI KHROD DU SONG ZHIG GSUNG BA BZHIN BYAS PAS, BDUD KYI BAR CHAD THAMS @275 CAD ZIL GYIS NON?, KHYAD PAR DU RDZONG GONG 'OG LA ZLA BA BZHI BZHI BZHUGS PA'I TSE NYI ZLA 'OG NA NON PA, LUS GANG 'DOD DU SPRUL BSGYUR SHES PA, SEMS CAN THAMS CAD KYI SKAD GO BA, RLUNG GAR 'DOD DU 'DRONGS PA STE, DNGOS GRUB BZHI THOB, DE NAS RMA LO TZ'A BAS KHYUNG PO'I THAD DU RAB TU BYUNG NAS, 'KHON PHU PA NYE GNAS SU KHRID DE SHAB TU BYON NAS LO BZHI BCU RTZA DRUG BZHES PA'I TSE GZHAN GYIS DRUG DRANGS PAS GRONGS, DE'I TSE MA GCIG GIS LO NYI SHU RTZA BRGYAD BZHES, SHAB TU BYON NAS RMA'I SPUR SBYONG BA SOGS DGONGS PA RDZOGS PA'I BYA BA RGYA CHER MDZAD, LO SO GCIG NAS BRTZAMS NAS LO GSUM GYI BAR DU BAR CHAD DU GSAL BA BDUN BYUNG STE NYIN RE BZHIN BYANG CHUB KYI SEMS SRAN MA TZAM RE NYAMS PA DANG, SKU LUS SHU BA DANG 'BRUM BUS KHENGS PA DANG, SNGAR GYI BDE BA SHOR BA DANG, GTOR MA BYA GCAN GYIS MI ZA BA DANG, SBYIN SREG GI ME MI 'BAR BA DANG, THA MAL GYI CHAGS PAS BRGYAL BA DANG, MKHA' 'GRO MA RNAMS KYI GSEB TU 'GRO MA NUS PA RNAMS BYUNG, THABS LA 'DI MA BYAS BYA BA MED KYANG MA PHAN, RJE 'KHON PHU BAS ZHABS TOG BYAS TE, DING RIR DAM PA'I DRUNG DU PHYIN DAM PA'I ZHAL NAS, AE RNAL 'BYOR MA LO GSUM GYI GONG NAS BAR CHAD BDUN BYUNG NAS 'DUG PA GSUNG, DE KHO NA ZHUR MCHIS PA LAGS, ZHES LAN ZHUS PAS, RTZA BA'I BLA MA DANG DAM TSIG NYAMS 'DUG GSUNG, BLA MA RMA LAGS TE, DAM TSIG NYAMS PAR MA TSOR ZHUS PAS, BLA MA'I BKA' MA @276 BYUNG BAR GZHAN GYI LAS RGYA BYAS 'DUG PA, DAM TSIG NYAMS PA'I ZAS ZOS NAS 'DUG PA, KHAS BLANGS KYI DAM BCA' NYAMS NAS 'DUG PA, BLA MA'I BZHUGS STAN BTING 'DUG PA, BLA MA LA DBANG YON MA PHUL BAR 'DUG PA, DAM RDZAS MA BSTEN PAR 'DUG PA GSUNG, DA CI PHAN ZHUS PAS, THABS YOD, BYA MO NAG MO'I SGONG GCIG DANG, LUG SHA LAG PA G-YAS PA GCIG DANG, CHANG THOD PHOR GANG DANG, BU MO GZHON NU MA BDUN DANG, DE BZHIN GSHEGS PA'I SKU GDUNG ZHIG DANG, RGYAL PO'I BZHUGS STAN ZHIG DANG, RTZA BA'I BLA MA'I ZHABS RJES RNAMS KHYER LA SHOG CIG GSUNG PAS, RJE 'KHON PHU BAS YUD TZAM ZHIG LA RNYED NAS DAM PA'I SPYAN SNGAR MCHIS PAS, RGYAL PO'I BZHUGS STAN NGA LA PHUL GSUNG, BLA MA DANG MNYAM PA GSUM GYI LAS RGYA GYIS, RTEN LA SKOR BA GYIS LA KHYED RANG KHRUS, BU MO BDUN ZHABS RJES LA PHUL, BYA MO NAG MO'I SGO NGA MTSAN MAR CHUG LUG SHA DANG CHANG LA MCHOD PA GYIS, DUS KYI P'A DZA MA BCAG DAM RDZAS KYI RU MA MA BCAD GSUNG NAS, SHA DE LA DPON G-YOG BCU LA ZA TSAD RE, CHANG THOD PHOR GANG PO LA HUB SKOR BYAS PAS 'THUNG TSAD RE BYUNG SKAD, DAM PA'I ZHAL NAS, KHYOD KYIS LHA SA'I GTZUG LAG KHANG BRTZIGS PA DRAN NAM GSUNG PA LA, NGAS MA 'TSAL MI SHES MA DRAN ZHUS PAS, AE RNAL 'BYOR MA 'DI NGA LA RDZUN ZER BAR 'DUG DE TZUG BYA DGOS PA DE NGA MIN GSUNG NAS PHYAG RGYAB PAS BRGYAL SKAD, DE SANGS BA DANG WAL LE BA RE SHES PAR BYUNG BAS, DAM PA'I ZHAL @277 NAS, AE BDEN GSUNG, DE RNAMS SHIN TU MED? PAR 'DUG DE LTAR YIN PA LA BDAG RANG GIS MI DRAN PA CI LAGS ZHUS PAS, KHYOD KYIS BLA MA LA DBANG ZHUS NAS DBANG YON MA PHUL BAR 'DUG PA GSUNG, BDAG GIS LUS LONGS SPYOD PHUL BA LAGS ZHUS PAS, KHYOD KYI RIN DU PHA DANG MING PO GNYIS KYIS KHRAB DAR LJAG CAN DANG RTA NAG GCIG BSKYUD NAS GDA' BA GSUNG, BKA' BABS LAGS GSUNG BA YIN ZHUS PA LA, KHYOD LA BKA' BABS YIN YANG KHOS RIN DU BCUG NAS 'DUG PA GSUNG, DA 'O NA JI LTAR BGYI ZHUS PA LA, RIGS BRGYUD TSOGS SOGS, GDUNG LA 'BUL BA GYIS, SA 'BUM LA ZHAL BA GYIS, MAR ME THONG GSUNG, DE NAS KHYOD KYI ZHABS KYI SGO NGA DE PHYUNG LA NGA LA THOD CIG GSUNG PAS, DER SGO NGA BYUNG TZA NA NAG LHANG GIS SONG 'DUG PAS, DE YANG PHAR GSANG NAS BSHOGS DANG GSUNG, BSHAGS PAS NANG NAS KHRAG NAG LCIG LCIG PA ZHIG BYUNG BAS, DAM PA'I ZHAL NAS, KHYOD KYI THIG LE DE LO GSUM GYI GONG ZLA BA GSUM GYI MTSAMS, NYA'I RGONGS KAS MA CHAL CHIL LA, SNGAGS PA NAG PO GNOD SBYIN BE BA SVA TA LA CHOS SKYONG BYED PA ZHIG GIS KHYER NAS 'DUG PAS, DA NGA'I RTEN 'BREL 'DIS PHAN NAS 'ONG CIG GSUNG, DA DUNG NGA DANG PHRAD DU SHOG GSUNG, DER BLA MA'I RIGS BRGYUD LA TSOGS SOGS GSUNG BAS, PHA SPUN PO JO SRAS DKAR YU BYA BA'I BU RMA CHUNG DGE BSHES LA G-YAG ZHIG GIS SNA DRANGS PA'I 'BUL BA SNA BDUN TZAM BYAS, GDUNG LA MAR ME BTZUGS, SHAB KYI 'BUM @278 PA LA ZHAL BA BYAS, DKON GNYER BTZUGS PAS, DE NAS SKU KHAMS SHIN TU BZANG BAS DAM PA DE DRIN CHE BAR DGONGS, GSER ZHO GSUM, TSOGS 'KHOR BZANG BA ZHIG KHRA RNYAN GYI BZHUGS STAN RNAMS NYE GNAS MA DBON MO BTZUN CHUNG MAS BYAS NAS SKYEL DU BYON PAS, DAM PA DING RI'I ZUR KHANG NA BZHUGS NAS GDA' BAS, DAM PA'I ZHAL NAS, NGA'I GSER TSUR THONG, TSOGS 'DIR GYIS, DE NAS 'U CAG GNYIS LA RINGS PO YOD GSUNG, DER? TSOGS LA 'UR GSOL NAS, BTZUN CHUNG MA'I LAG PA NAS GZUNG NAS BON PO RGAN RGON LA BCOL, RNAL 'BYOR MA, 'U CAG GNYIS 'DENG NGO GSUNG NAS, BAL YUL DU RA MA DO LI'I DUR? KHROD DU SLEB PA SOGS GNAS MANG POR RNAL 'BYOR PA GRUB THOB MANG PO DANG MJAL ZHING SKAD CIG MA PHYIN, LHA MANG PO'I ZHAL YANG GZIGS, PHYIR DING RIR 'KHOR DUS ZHAG BCU DGU LON, DUS PHYIS SHIG SE MKHAR CHUNG PA DING RIR TSOGS 'KHOR ZHIG LA BYON PA'I DUS KHONG DANG MJAL, THIG LE'I GEGS BYUNG BA ZHUS PAS, DE'I SNGA ROL DU 'DI DANG 'DI RNAMS BYUNG LA CHE GSUNG NAS, THINGS BYUNG BAS DAD PA SKYES TE, SANGS RGYAS SAM DE KHYED LAGS SAM ZHES ZHUS, SE NA RE, ZHA CHUNG MA LA BSGOM 'DUG STE GDAMS PA MI 'DUG SE RGOD PO LA GDAMS PA 'DUG STE SGOM MI 'DUG SPRANG PO DPE DKAR 'DIS KYANG BAR CHAD BYED MA NYAN ZER, DE RTING RJE 'KHON PHU BA DANG LCAM SRING GNYIS KYIS SNGA PHYI LAN GNYIS SU SE CAN BYON, CI YOD PHUL BAS MNYES NAS DBANG CHUNG CIG MA @279 GTOGS GDAMS PA RDZOGS PAR GNANG, PHYIS YUL DU'ANG SPYAN DRANGS, DBANG RGYAS PAR MDZAD PA ZHUS, LONGS SPYOD DPAG TU MED PAS MNYES PAR BYAS, DE NAS MA GCIG NYID GRUB PA BRNYES TE, YUL NYI SHU RTZA BZHI DANG MON BOD KYI GNAS GNYAN ZER BA MANG POR BZHUGS TE THUGS DAM MDZAD PA DANG, GZHAN LA DAG PA'I SNANG BA MANG PO BSTAN PA SOGS SHIN TU MANG BAR MDZAD DE RGYAS PAR MA SPROS, BLA MA YANG SNGAR SMOS PA RNAMS DANG, PAndI TA BEE RO TZA NA DANG, DPAL CHEN RGVA LO DANG, PU HRANGS LO TZ'A BA DANG, YE RAB BA RNAMS LA YANG GTUGS, MA GCIG 'DI LA DPAL PHAG MO GRU PAS KYANG THUG 'DZENG DHARMA BO DHI ZHES BYA BA'I GRUB THOB DES KYANG MA GCIG PHUG RON DU SPRUL PA DANG MJAL, 'GOS KHUG PA LHAS BTZAS CHOS 'KHOR ZHIG GI GRAL DBU MDZAD PA'I SAR SDE SNOD 'DZIN PA RGYA MTSO LTA BU 'DUS PA LA, KHONG GI NYE GNAS MAS BRTZAD CING RGAL LAN BGYIS PAS, MKHAS PA RNAMS KYIS MA THUB PA NA, MA GCIG NYID LTA CI SMOS PAS BKA' BSTAN BCOS GANG LA YANG MKHAS PA'I PHUL DU PHYIN PAR KUN LA MNGON DU GYUR, 'GRO DON RGYA CHEN PO MDZAD, DGUNG LO BRGYAD CU RTZA BRGYAD PA'I TSE GSHEGS PA'I TSUL BSTAN TE, SPUR SBYANGS KYANG GDUNG CUNG ZAD KYANG MA BYUNG STE, MDOR NA MA GCIG 'DI NI SPRUL PA MO, GSANG SNGAGS CHAGS LAM LA BRTEN PA RNAMS KYI MIG GCIG TU GYUR PA YIN NO, ,DE LTA BU'I MA GCIG 'DI 'KHRUNGS PA'I LO DE RJE BTZUN MI LA'I NYI SHU RTZA GSUM PA, 'KHON DKON MCHOG RGYAL PO'I NYI SHU @280 RTZA DGU PA, RJE MAR PA'I LNGA BCU RTZA GCIG PA YIN TE, DE DUS NAM BYON PA'I BYE BRAG SHES PAR 'GYUR RO, ,MA GCIG GI MING PO RJE 'KHON PHU BAR GRAGS PA DE YANG, LO BDUN BRGYAD NAS YAB MCHED LA YIG KLOG DANG BI BRTA YANG BSLABS, GNYAM PA'I DRUNG DU DGE BSNYEN GYI SDOM PA DANG SMON 'JUG GI SEMS BSKYED PA MNOS, SPYOD PHYOGS KYI GZHUNG CHE PHRA MANG PO GSAN, KHONG GI GSUNG NAS KHYOD LO TZ'A LEGS PO ZHIG BSLABS, GZOD RGYA GAR DU PHYIN NAS PAndI TA MKHAS PA ZHIG SPYAN DRANGS, CHOS BSGYUR ZHING 'GRAN ZLA MED PA ZHIG BYED DGOS GSUNG BAS LO BCU BZHI LON PA LA RONG ZOM CHOS BZANG GI DRUNG DU BYON, SMRA SGO SOGS MKHAS PAR BSLABS, RMA LO TZ'A BAS SKAD RIGS MANG PO MKHYEN PAS KHONG LA YANG SBYANGS PA MDZAD, DE DUS RGYA GAR NA AA BHA YA DANG, DPAL SBAS DANG, TI PU DANG, SUN YA SHR'I DANG, RGYAL BA CAN RNAMS DANG, BAL PO NA PHAM MTHING PA DANG, YE RANG BA DANG, AA NU LYA BADZRA DANG, BAL PO LO HAN RDO RJE RNAMS GRAGS PA CHE BAS, DE RNAMS KYI SPYAN SNGAR 'BYON PAR BZHED PA LA, RMA'I ZHAL NAS, NGA LAS GDAMS NGAG CHE BA MED, KHYED LCAM SRING NGANG? LAS KYANG MTHUN PAS GDAMS PA TSANG BA ZHIG STER GSUNG BAS, SHAB TU RMA'I PHYAGS PHYIR BYON, RMA LA GSOL BA BYUNG NAS LO GSUM DU MNYEL BA'I BAR DANG, DE GONG DU GZHAN MANG PO LA CHOS RGYA CHEN PO MANG PO GNANG BA THAMS CAD MNYAN, RMA GSHEGS RJES DGONGS PA RDZOGS THABS RNAMS KYANG MDZAD, @281 RMA 'GRONGS KHAR PHYAG DPE LA SOGS PA THAMS CAD KYANG GNANG NAS, KHYOD LA SRID PA THA MA'I BYANG CHUB SEMS DPA' GCIG 'ONG, DE'I SNGON DU BOD KYI MKHAS PA RNAMS LA YANG CHOS NYON, DE RTING RGYA GAR DU SONG LA MEE TRI BA'I BRGYUD PA 'DZIN PA GCIG LA GTUGS GSUNG BAS, 'U YUG TU DGE BSHES ZHANG LA 'PHAGS YOG DUS GSUM THAMS CAD BSLABS, RGYANG RONG GANGS PA SHA'U LA DE NYID 'DUS PA, RDO RJE RTZE MO, DPAL MCHOG GI RGYUD GSUM PO NYAN, LA STOD GCUNG PA MCHOG DKAR DU MAR PA SENG RDZI LA GRUB SNYING DANG, BDE MCHOG BSHAD RGYUD DANG BCAS PA GSAN, LO NYI SHU RTZA DRUG LA BAL POR BYON NAS, YE RANG BA'I SPYAN SNGAR MEE TRI BA'I CHOS RNAMS GSAN, PHAM MTHING BA LA DUS 'KHOR GYI GDAMS NGAG DANG, GDAN BZHI'I RGYUD RNAMS GSAN, AA TU LYA BADZRA LA DGYES PA RDO RJE 'GREL PA RIN CHEN PHRENG BA DANG BCAS PA GSAN, 'KHON SGYE CHU BA LA SAMBHU tA DANG, SGRON MA GSAL BA GSAN, DAM PA SANGS RGYAS LA ZHI BYED KYI GDAMS PA LCAM SRING GNYI GAS MANG DU GSAN ZHING LUNG BSTAN YANG MDZAD, RTA NAG TU RTA NAG DAR MA K'IRTI LA 'JIGS BYED KYI RGYUD SGRUB THABS DKYIL 'KHOR CHO GA DANG BCAS PA GSAN, RVA LO LA 'JIGS BYED KYI DBANG RGYAS PA ZHUS, YANG MI NYAG LO TZ'A BAS JO BO SU NA YA SHR'I BOD DU SPYAN DRANGS PA LA, RDO RJE PHRENG BA'I DBANG DANG, DBU TSAD KYI GZHUNG CHE BA RNAMS GSAN ZHING DGONGS PA LON PAR MDZAD, SNGAR YANG BAL POR BYON NAS RGYA GAR GYI BLA MA MI MNYAM @282 RDO RJE DANG MJAL NAS, DE LA L'U NAG DRIL GSUM N'A RO PA'I LUGS DANG BCAS PA'I BDE MCHOG DBANG DANG BCAS PA GSAN, D'A CHEN PO 'DI BYANG CHUB SEMS DPA' D'A NA SHR'I YIN, 'DIS MNGA' RIS SU YANG BYON 'DUG N'A LENDRAR BRAM ZE RIN CHEN RDO RJE'I DPON POS NA RTZE ZLA BA LA RDO RJE RNAL 'BYOR MA'I RGYUD SGRUB THABS ZHUS, DE NAS LO SUM CU BZHES PA LA BOD DU BYON, YAB GSHEGS PA'I 'DAD DANG BSREGS LEGS PAR MDZAD, DE NAS RANG YANG SGRUB PA MDZAD BZHED PA DANG, LHA RJE MA'I GSUNG GIS KYANG BSKUL NAS, LO SO GCIG NAS 'KHON PHU RDZINGS KYI BRAG DMAR DU SGRUB PA MDZAD, LO GNYIS SONG BA DANG LCAM DRAL GNYI GAS LAM 'BRAS GSAN DU BYANG DU BYON, DE NAS JO MO GNYIS KYANG KHAB TU BZHES, 'KHON PHUR SLAR SGRUB PA MDZAD NAS DAM BCA' RDZOGS PAR MDZAD, YANG LO BZHI BCU RTZA BZHI BZHES PA'I TSE 'KHON PHU'I GNAS MI 'DRA BA MANG POR BZHUGS, DE NAS BRIN SNYE NAM DANG, PHA DRUG DANG, LA STOD LHO BYANG GI GNAS MANG POR BZHUGS NAS GDUL BYA MANG PO LA GRUB SNYING LA SOGS BA'I KHRID BSKYANGS, SE BYANG PA SKU GSHEGS PA'I SLOB MA DGE BSHES SRAD CHEN PO BYA BA LA SOGS PA RNAMS KYI CHOS 'PHRO CAN DU YOD PA RNAMS KYANG LEGS PAR BSKYANGS, GZHAN YANG BRIN SNYE NAM 'KHON PHU'I DBEN PA RNAMS DANG, LA STOD LHO BYANG GI YUL MANG POR CHOS KYI 'KHOR LO LEGS PAR BSKOR BAS, SGRUB PA DANG BSHAD PA'I GRA GNYIS KA STOBS CHE BAR MDZAD DE, DE'I TSE ZHA MA LCAM SRING ZHES @283 YUL THAMS CAD DU SNYAN PAS KHYAB, DUS PHYIS BLA MA SO SO'I RNAM THAR DU YANG LCAM SRING GNYIS KYI ZHAL MTHONG BA LA YA MTSAN DU BYAS NAS YI GER 'BRI'O, DE LTAR RJE 'KHON PHU BA ZHES GRAGS SHING, MTSAN DNGOS CHOS KYI RGYAL PO ZHES BYA BA DE GZHAN DON RGYA CHEN PO MDZAD BA'I NGANG NAS BDUN CU RTZA DRUG PA SHING PHO BYI BA'I LO LA GSHEGS SO, RJE DE'I SRAS LHA RJE ZLA BA 'OD ZER NI, YAB KYI LNGA BCU RTZA LNGAR CHU MO YOS LA 'KHRUNGS SHING, DHARMA PA'I SKYE BA YIN PAR GRAGS, LO GNYIS LON PA'I TSE YUM GSHEGS NAS, LHA RJE MAS PHYAG GI SRIN LAG LAS 'O MA'I RGYUN PHAB STE LO BCU'I BAR DU GSOS, BCU DRUG LON PA'I TSE 'U YUG GI ZHANG RGYA MA BA, GANGS PA SHE'U, RONG ZOM CHOS KYI BZANG PO LA SOGS PA YAB KYI BZHIN DU GSAN PA RGYA CHER MDZAD, SNGAR BCU BZHI LON PA'I TSE PA TSAB RGYA GAR LA 'BYON PA'I PHYAGS PHYIR 'BYON SNYAM YOD PA LA, YAB KYI ZHAL NAS, GDAMS PA NGED RANG LAS CHE BA MED PAS 'DI NYID DU SDOD LA NYON GSUNG BA BZHIN, PHYIS LCAM SRING GNYIS LA DBANG GDAMS PA MA LUS PAR ZHUS, GZHAN BAL POR YANG DZA YA SE NA LA SOGS PA'I BLA MA MANG DU BSTEN, YAB KYI LUGS BZHIN DU GDAMS NGAG DBANG BSKUR SDE STONG KYI BSHAD PA GSUM GYIS YUL DANG YUL RNAMS SU GDUL BYA MTHA' YAS PA BSKYANGS, MKHAS PA'I SNYAN PAS STOD LUNGS RGYA DMAR BA LA SOGS PAS KYANG ZHABS LA GTUGS, ZANG ZING GI LONGS LA MNGA' BRNYES PAS LCAM SRING GI DGONGS PA RDZOGS THABS SKYE BO MANG @284 PO'I SBYIN GTONG DANG, DNGUL GYI GDUNG KHANG CHEN PO GNYIS BZHENGS, BAL YUL DU KHYER NAS KHANG GSAR BA DZA YA SE NA LA RAB GNAS ZHUS, KHONG GIS DBANG BZHI RDZOGS DANG BCAS PA'I RAB GNAS MDZAD, SLAR BOD DU 'KHOR RNAMS KYIS BSU BA RGYA CHEN MDZAD DE SPYAN DRANGS, BAL YUL DU 'PHAGS PA SHING KUN GYI GDUGS LAN MANG DU BKAL, DE NA GNAS PA'I RNAL 'BYOR MA DANG GRUB PA'I RNAL 'BYOR PA MANG PO BSDUS NAS TSOGS KYI MCHOD PA YANG MANG DU MDZAD, NGO MTSAR BA'I LTAD MO YANG BZHI MTHONG STE, DANG PO BLA MA RATNA SHR'I AU RGYAN DU SPYOD PA LA GSHEGS PA'I SNGA ROL DU BU MO GZHON NU MA NYI SHU RTZA GNYIS MAN BCU DRUG YAN GYI LO LON PA SUM CUS GROGS BYED ZER BA LA, DE MI RNYED BYAS PAS, HE MA KHANG GI DUR KHROD DU GLANG PO CHE BZHIS THEG TSAD KYI YO BYAD BSAGS, RNAL 'BYOR PHO MO BZHI BRGYA 'TSOGS PA'I TSE NA, TSOGS LA ROL LA KHAD PA'I DUS SU BU MO GZHON NU MA BRAM ZE MA'I CHA BYAD CAN, RAS SIN DH'U RA DMAR PO'I STOD G-YOGS DANG SHAM THABS CAN, RUS PA'I RGYAN DRUG GSOL BA, THOD PA DANG KHA tAm GA CANG TE'U RNAMS BSNAMS PA BYON PAS, THAMS CAD LA YE SHES RANG BABS LA SONG, CANG TE'U NAM MKHAR 'PHANGS PAS RANG 'KHROL, RDO RJE'I GLU LEN PA'I TSE SKYIL DKRUNG PHYED PAS LEN, CHANG RGOD GSHOR BDUN BDUN BSTUD DE GSOL YANG BZI BA MED PA, THAMS CAD RGAN GZHON MED LO SUM CU TZAM PA BDUN BYON PA MTHONG, GNYIS PA NI, YI RANG DU DGYES PA'I RNAL @285 'BYOR PA SPYOD PA BYED PA LA, GLANG PO CHE GCIG LA BU MO RUS PA'I RGYAN CAN BCU DRUG ZHON, RNAL 'BYOR PA DE RANG RUS PA'I RGYAN CAN, KRi shnA SA RA'I LPAGS PA GDAN DU BTING BA ZHIG GZIGS, GSUM PA NI, YA 'GAL DU RGYAL PO ZHIG GIS DMAG DRANGS BYUNG BA LA, RNAL 'BYOR PA ZHIG GIS SA LA RI MO BYAS PAS, DE LAS 'DA' MA NUS PAR DMAG THAMS CAD PHYIR LOG RNAL 'BYOR PA DE RGYAL POS SPYAN DRANGS NAS KHRI LA BZHUGS PA'I STENG DU GDUt RANG 'KHOR GCIG GZIGS, BZHI PA NI, N'A RO PA'I SLOB MA MENYDZA GLING PAS LTA BA'I PHYIR RGYA GAR DU 'GRO 'DOD PA LA DZA YA SE NA'I GSUNG GIS, MENYDZA GLING PA GNAS DE NA MI BZHUGS, KHYOD LA SNGAR G-YON 'GAL MI RNAMS KYIS KYANG 'BOD DU 'ONG, LO GSAR BA 'DI LA RGYAL PO SDE BZHI'I MCHOD GNAS, PHYI NANG GI RTZOD PA DANG NUS PA DANG GRUB RTAGS 'GRAN PA'I LTAD MO CHEN PO 'ONG BAS, DE LTOS GSUNG BA BZHIN LO GSAR GYI NYA LA PHYI ROL PA'I RAL PA CAN NYIS STONG, NANG PA'I PAntI TA DANG RNAL 'BYOR PA NYIS STONG, RGYAL PO SDE BZHI'I DPUNG YANG BRGYAD KHRI 'TSOGS, DANG PO PHYI ROL PA'I PAndI TA K'A LA R'A TRI TA BYA BA DANG, NANG PA'I PAndI TA DZA YA SE NA KHANG GSAR BAS BRTZAD PAS NANG PA RGYAL TE MTSAN YANG RGYAL BA'I SDER GRAGS, MU STEGS KYI RNAL 'BYOR PA GU LANG DBANG PHYUG GI GRUB PA THOB PA ZHIG GIS, MI THAMS CAD LA SNGAGS BTAB PAS SMYOR 'JUG PA ZHIG DANG, BLA MA AA TU LA BADZRA GYIS GRUB RTAGS 'GRAN PAS, DUG SNGAGS BTAB TSAD KHONG RANG GI @286 'KHOR LA LOG NAS, 'KHOR RNAMS GCIG GIS GCIG BSAD, BLA MA AA TU LAS KHRO CHU'I PHA BONG BDUN RTA RNGA NYAG GCIG LA BTAGS TE NAM MKHA' LA BZHAG PA, MU STEGS PA STONG GIS PHAB KYANG MA PHEBS PAR NAM MKHA' LA ZHAG BDUN LUS PA RNAMS MTHONG, ZHAG 'GA' NA BOD KYI SPYAN 'DREN GYIS SLEB, GNYAN LO DANG DNGUL CHU BAS G-YON LAS 'GAL BA'I MI MGO THAMS CAD BLA MA LA PHUL, PHYIS RTZOD PA MED PA'I DUMS LEGS PAR GNANG, DE LA SOGS PA'I BSTAN PA'I BYA BA RGYA CHEN PO MDZAD BZHIN PAS, DGUNG LO DRUG CU PA CHU PHO STAG LA GSHEGS, CHU STAG 'DI LA CHOS RJE SA SKYA PAndI TA 'KHRUNGS PA YIN, LHA RJE ZLA BA 'OD ZER GYI RNAM THAR, KA BA DAR SENG GI SLOB MA BOD PHRUG GCIG LA SHES RAB CHE BAR GRAGS PA JO STAN DBANG PHYUG GRAGS KYIS MDZAD PA LAS, 'DIR RAGS BSDUS SHIG BKOD PA YIN NO, RMA LO TZ'A BA'I CHOS BRGYUD NI, RMA'I LCAM MO RMA BZA' RIN CHEN 'BUM ZHES BYA BA'I SRAS MTHA' BZHI LO TZ'A BA ZHES BYA BA RTEN DGE BSNYEN DU BZHUGS PA ZHIG GIS, RMA'I PHYAGS PHYIR RGYA GAR DU LAN GSUM BYON, RMA DANG, MTHA' BZHI DANG, ZANGS DKAR LO TZ'A BA RNAMS KYIS KHA CHE DGON PA BA LA BDE MCHOG GI DBANG STABS CIG TU GSAN, MTHA' BZHIS DUS PHYIS MTSO LUNG, ME DGE 'PHAN YUL STAG MGO DAR YUL GYI GNAS KHANG RNAMS SU SGRUB PA YUN RING DU MDZAD, LO DRUG CU RTZA LNGA LA DAR YUL GNAS KHANG DU GSHEGS SO, ,MTHA' BZHI LO TZ'U BA'I LCAM MO MTHA' BZHI BZA' CHOS SGRON GYI @287 SRAS MON STON 'BYUNG GNAS SHES RAB CES BYA BA MKHAS SHING GZHAN DON GYI RLABS CHE BA ZHIG BYUNG STE, DE NI LO BCU GNYIS LON PA LA ZHANG PO'I PHYAGS PHYIR LA STONG SNYE NAM 'DAM PHUG TU BYON NAS, RMA LA CHOS MANG DU GSAN ZHING LO DRUG BZHUGS, DE NAS SLAR 'PHAN YUL DU LOG STE, RANG LO BCO BRGYAD LA GNYEN SA PHUG PA, DAR YON TAN GRAGS, SKYI RINGS YON TAN SENG GE GSUM LAS DGE SLONG CHIG RDZOGS MDZAD CING, JO BO'I CHOS RNAMS GSAN, RA SGRENG DU RNAL 'BYOR PA CHEN PO DANG, DGON PA BA DANG, CHAG KHRI MCHOG, RNAL 'BYOR PA SHES RAB RDO RJE STE BZHI LA BKA' GDAMS KYI GDAMS PA MANG DU GSAN, LA STOD DU ME LHA KHANG PA LA TSAD MA DANG, GRUB SNYING DANG, BDE MCHOG DANG, PHAG MO DANG, DO HA SOGS GSAN, DGE BSHES 'JANG PA GZHON BYANG LA, MNGON PA GONG 'OG DANG SA SDE LNGA LA SOGS PA GSAN, RNGOG LEGS SHE LA NYI KHRI MDO 'GREL ZHUS, ZHANG SNA CHUNG STON PA LA MDO SDE RGYAN, RGYUD BLA, 'BYED RNAM GNYIS, SA SDE LNGA, SDOM RNAM GNYIS RNAMS GSAN, ZHANG PO MTHA' BZHI LA 'DUS PA YE SHES ZHABS LUGS SKOR DANG, 'JIGS BYED AA RA TA'I LUGS DANG, BDE MCHOG L'U YI PA DANG, PHYAG RDOR BHA BA MA DANG, YO GA RDO RJE 'BYUNG BA RNAMS GSAN, LHO LA YAG TU MAR PA BYA ZE BA LA, BDE MCHOG NAG PO'I CHOS DRUG DANG, RIM BZHI LAM LONGS DANG BCAS PA GSAN, STOD LUNGS 'PHAR TSANG DU SO CHUNG BA LA, ZHI BYED MA BU SKOR DRUG ZHUS, SKAM @288 SGOM YE SHES RGYAL MTSAN LA BDEN BZHI DANG, SHING RTA'I SROL DANG, NAD 'DON GYI SKOR RNAMS GSAN, RANG LO LNGA BCU RTZA BDUN LA ZHANG PO'I GDAN SA MDZAD NAS, MAL GRO GSER THOG TU LO GSUM BZHUGS, RNAM SRAS ZHAL GZIGS PAS ZAS NOR CHE, 'PHAN YUL SOGS SU LAM RGYA YUN RING DU MDZAD, LAM RGYA LAS 'GAL BA RNAMS LA SER BA SOGS KYI CHAD PA PHAB PAS THAMS CAD NYAN, DGE BSHES MYANG MI CHEN PO DANG, RGYA RA BAN SMYON DANG, GLAN MI MKHO BA DANG, SBAS WOL BA STON CHUNG DANG, STONG SNA MO BA STE MTHU BO CHE THAMS CAD KYANG SLOB MAR GYUR, PHYAG RGYA CHEN PO'I RTOGS PA MTHO ZHING SHES RAB CHE, LO DRUG CU RTZA DRUG BZHES PA NA, BYA DKAR DANG GSER THOG GNYIS DBON PO 'PHAGS PA LA GTAD NAS, LO BCU GSUM DU SGRUB PA MDZAD PAS DPAL BDE MCHOG ZHAL GZIGS, RANG LO BRGYAD CU RTZA LNGA PA 'BRUG GI LO LA ZHI BAR GSHEGS, SPUR SBYANGS PAS RING BSREL MANG PO DANG THUGS LJAGS SPYAN GSUM DANG DUNG G-YAS 'KHYIL RNAMS BYON NO, SLOB DPON 'PHAGS PA NI, DGE BSHES MON GYI LCAM MO BSOD NAMS 'BAR LA SRAS DRUG 'KHRUNGS PA'I CHE SHOS YIN, LO BCU BDUN PAR PU TO BA'I THAD DU RAB TU BYUNG, BKA' GDAMS KYI CHOS RNAMS DANG, BYAMS CHOS RNAMS GSAN, DGE BZHES ZHANG 'DUL LA, 'DUL BA MDO RTZA BA BKA' LUNG DANG BCAS PA GSAN ZHING BSLABS, KHONG GI SHUL DU 'DUL BA 'DZIN PA MDZAD PAS MKHAN BU SUM BRGYA TZAM BYUNG, PHU CHUNG BA, SPYAN @289 SNGA, GLANG RI THANG PA RNAMS LA YANG GSAN PA MDZAD, GRA THANG DU DGE BSHES RGYA LA DBU MA GSAN, BLO SBYONG LA 'BAD PA BYAS PAS SGOM SKYON ZHIG BYUNG BA, PU TO BA LA SOGS LA ZHUS KYANG MA PHAN, ZHANG PO MON GYIS RMA'I BDE MCHOG DANG, JO MO'I BYIN RLABS MDZAD PAS LEGS PAR PHAN, YANG PU TO BA'I SPYAN SNGAR BYON NAS LO BCU BZHUGS, PU TO BA GSHEGS NAS GLANG RI THANG PA LA LO DRUG BSTEN, DE NAS MON GYI THANG DU LO GSUM BZHUGS, DGE BSHES MON 'DAS NAS 'PHAGS PA SKU KHAMS MA BDE BAS, RANG GI SLOB MA RNGOG BRTZON SENG BYA BA RMA'I CHOS SKOR RTZAD GCOD PA LA LA STOD DU BTANG BAS, RMA'I JO MO YIN ZER BA ZHIG DANG, NYE GNAS YIN ZER BA GNYIS GDAMS PA CHE ZHING, KHYAD PAR LAM 'BRAS LA MKHAS PAR 'DUG CES THOS NAS, SNGON LA RNGOG LA ZHU RTEN BSKUR TE SNYAN GSAN PHAB, PHYIS 'PHAGS PA RANG GIS BYON NAS LHA RJE MA LCAM SRING LA GDAMS PA RNAMS LEGS PAR THOB, DE NAS DBUS SU BYON TE SLAR 'BUL BA SKYEL DU YANG BYON, SLAR LOG NAS RONG GI MTSO LUNG DU LO GSUM MTSAMS BCAD DE BDE MCHOG GI BSNYEN PA BYE BA BCU GSUM BSKYAL, YANG DBEN DANG 'GAR BRAG GNYIS LA LO GNYIS BZHUGS, BSNYEN PA MANG DU BSKYAL, YANG BLA MA LO RO RAS CHUNG BA DANG MJAL BAS, KHYOD LA PHA KHU SANGS RGYAS GNYIS 'DUG KHYOD RANG BYANG CHUB SEMS DPAR 'DUG GSUNG, LO DRUG CU RTZA DRUG BZHES PA LCAGS MO LUG GI LO LA NGAS LO BCU BDUN LA RAB TU BYUNG, SKU MCHED @290 RNAM PA GSUM LA SOGS PA'I BLA MA BCO LNGA BSNYEN, DE RNAMS KYI GSUNG TSIG GCIG DANG YANG MA 'GAL GSUNG NAS GSHEGS TE, SPUR SBYANGS PAS 'JA' 'OD DANG RING BSREL MANG PO BYON NO, DE NAS KHO RANG GI DBON PO SLOB DPON STON PAS GDAN SA MDZAD DE, DE'I YAB NI STON PA DBANG PHYUG RGYAL PO BYA BA, RTEN SNGAGS PAR BZHUGS PA, GSHIN RJE GSHED GSAR RNYING DANG SMAN DPYAD LA MKHAS PA ZHIG YIN, KHONG RANG LO BCO BRGYAD LON PA'I TSE DAR YUL DU GSHEN SA PHUG PA LA RAB TU BYUNG, GLANG THANG PA DANG SHAR BA LA BYAMS CHOS DANG DBU MA'I GZHUNG MANG DU GSAN, PA TSAB LA RIGS TSOGS MTHA' DAG GSAN, GTZANG PA SAR SPOS, GTZANG NAG PA, RMA BYA BYANG YE GSUM LA RTZOD ZLOG DANG RIGS PA DRUG CU PA GSAN, DAR YON TAN GRAGS DANG ZHANG GNYIS LA TSIG 'JUG TSAR GSUM GSUM GSAN, STOD LUNGS RGYA DMAR LA NYI KHRI MDO 'GREL DANG, BRGYAD STONG 'GREL PA GSAN, MYANG STOD RMA BYA'I GNAS SU ZHANG STON 'OD 'BAR LA MNGON PA GONG 'OG GSAN, DGE BSHES GANGS SNYAN LA RNAM NGES TSAR NYI SHU GSAN, DE LTAR LO BZHI BCU'I BAR DU GSAN PA MDZAD NAS, BZHI BCU RTZA GCIG PA LA SLOB DPON 'PHAGS PA LA BDE MCHOG RMA LUGS KYI DBANG GSAN, KHONG LHA RJE MA LCAM DRAL LA 'BUL BA SKYEL BA'I PHYAGS PHYIR LA STOD DU BYON NAS, 'KHON PHU BA LA LAM 'BRAS TSAR PHYED DANG DRUG GSAN ZHING LO GNYIS BZHUGS, LHA RJE MA LA TSAR GNYIS GSAN LCAM DRAL GNYIS LA DBANG BYIN RLABS LA @291 GSUM GSUM THOB, SLAR DBUS SU BYON NAS LO GSUM TZAM LON PA DANG, 'PHAGS PA DANG KHU DBON GNYIS KYIS 'BUL BA MANG DU BSNAMS TE BYON PAS, LCAM DRAL GNYIS KA MANG DKAR SPANG SGANG DU BZHUGS PA DANG MJAL, ZAB CHOS KYANG MANG DU GNANG NAS LO GCIG BZHUGS, 'KHON PHU BA'I GSUNG NAS CHOS TSAR BAS DA 'DIR 'BYON MI DGOS GSUNG, 'KHON PHU BAS 'JIGS BYED KYI THANG KA ZHIG DANG, LHA RJE MAS TSEMS GCIG GNANG STE, DBUS SU BYON NAS 'PHAGS PA'I SPYAN SNGAR YANG DBEN SA PHUG TU LO DRUG 'DAG 'BYAR MDZAD, DE'I DUS SU LHA RJE MA LCAM SRING SKU 'DA' BA YANG MKHYEN, DE NAS LO BRGYAD NA 'PHAGS PA SKU GSHEGS, DE NAS GZHAN LA BSHAD PA DANG SGOM KHRID MANG DU BSTAN, BDUN TSIGS MDZAD PA'I GSHIN PO RNAMS KYANG GAR SKYES LEGS PAR MKHYEN, RANG LO DRUG CU BZHES PA'I TSE 'KHOR JO BTZUN SGOM NAG LA SOGS PA RNAMS LA, NGA SANG PHOD LO GSAR ZLA BA LA 'GRO BAR 'DUG PAS, JO SRAS 'DI MA LONGS KYI BAR DU KHYED RNAMS LHAN GYIS BZHUGS LA, 'DI LA SLOB GNYER ZHIG 'TSOL BA'I GROGS DAN ZHIG MDZAD GSUNG NAS, STAG LO'I LO GSAR ZLA BA LA SKU GSHEGS SO, SPRUL SKU YANG DBEN PAR GRAGS PA DE NI, SEMS DPA' CHEN PO GZHAN GYI DON LA MKHYEN BZHIN DU SKYE BA BZHES PA ZHIG STE, YAB SLOB DPON STON PA DANG, YUM DU STON PA R'A DZA ZHES BYA BA ZANGS DKAR LO TZ'A BA'I BU CHEN BZHI'I CHE SHOS SU GYUR PA'I SRAS MO SMON LAM RGYAN ZHES BYA BA DES, SLOB @292 DPON STON PA'I SLOB MA BYAS NAS CHOS MANG DU NYAN PA ZHIG GI LO SUM CU RTZA DGU PA'I SRAS SU 'KHRUNGS, KLOG LA SOGS PA LA'ANG MGO BSTAN PA TZAM GYIS SHES PA, YAB KYIS DBANG BSKUR BA'I TSUL RNAMS KYANG CHUNG NGU NAS KHONG DU CHUD CING, CHOS DANG MTHUN PA'I SPYOD PA 'BA' ZHIG GIS 'DA' BA ZHIG BYUNG, LO BCU BZHI LA MKHAN PO SE DANG, SLOB DPON DU BA BA LA RAB TU BYUNG, LO BCO LNGA PA LA RGYA CHER 'GREL LA BSHAD PA MDZAD PAS SHIN TU MKHAS PAR BYUNG STE, DGE BSHES GLANG GIS DBU MDZAD BU CHEN THAMS CAD DGA', BCU BDUN LON PA'I TSE YUM GYIS CHA RKYEN MANG PO BKUR NAS DA NGA'I BYA BA TSAR, LHA RJE MAS LUNG BSTAN PA DE YANG KHYOD YIN PA 'DRA BAS, LHA RJE ZLA BA 'OD ZER GYI DRUNG DU SONG LA GZHUNG GDAMS NGAG DBANG DANG BCAS PA THAMS CAD RDZOGS PAR ZHUS SHIG CES BSLABS NAS, DPON G-YOG KHA CIG GIS GTZANG LA PHYIN, LHA RJE ZLA BA 'OD ZER GYIS KYANG MNGON PAR SHES PAS MKHYEN NAS, BSU MI BTANG BA DANG TSONG 'DUS MGUR MOR PHRAD, YAR PHYIN NAS MANG 'GAR RGYAL BZANGS NA BZHUGS PA DANG MJAL, 'BUL BA RNAMS PHUL, GZHAN RNAMS LA YANG RNAM BZHAG BZANG PO BYAS, PHA SHI BA'I DVA PHRUG MES POS SKYONG BAR ZHU BA'I ZHU BA BYAS PAS GRAL PA RNAMS SPYAN CHAB SHOR, LHA RJE CHEN POS SRAS LAS KYANG GCES PAR BSKYANGS TE, GZHUNG GDAMS NGAG DBANG DANG BCAS PA LEGS PAR TSAR, MAR LAM 'DZAD DU STON SKYABS PA LA SPYOD PHYOGS DANG, MNGON PA RGYAS PAR NYAN, KHONG LA @293 MKHAN PO ZHUS NAS BSNYEN PAR YANG RDZOGS, NGA'I THAD DU BYUNG BA LA KHYOD NAN TAN CHE GSUNG NAS MNYES PA THOB, DER LHA RJE ZLA BA'I 'OD ZER DGUNG LO DRUG CU LA GSHEGS PA'I 'DAD DANG, GDUNG KHANG SA 'BUM DANG BCAS PA RNAMS BZHENGS PA DANG, SLOB MA RNAMS KYI CHOS 'PHRO SDUD PA LA ZLA BA DRUG BZHUGS, RANG LO NYI SHU RTZA GSUM BZHES PA LA DBUS SU PHEBS NAS GDAN SAR BTON, DE NAS SOG DU BYON NAS LO GNYIS GSUM TZAM 'DAG 'BYAR SGRUB PA MDZAD, TSUR BYON LU RU'I BRAG DANG, 'GAR BRAG DANG, YANG DBEN RNAMS SU LO GSUM GSUM BZHI BZHI TZAM GYI 'DAG 'BYAR DANG SGRUB PA MDZAD, DE YANG LU RU'I PHU BYAN KLAG BRAG LA BZHUGS TZA NA, MA GCIG ZHA MA NYID GDAN RIN PO CHE'I KHRI SENG GE DANG GLANG CHEN GYIS BTEG PA LA BZHUGS, G-YAS NA DPAL MO, G-YON NA SGROL MA GNYIS KYANG PAD NYI'I STAN LA LDEM SKUR BZHUGS PA 'OD 'PHRO BA DANG BCAS PA GZIGS, DBANG BZHI RDZOGS PAR BSKUR, MNYAM NYID KYI LAM LA GNYIS 'DZIN GYI 'KHRUL PA MI BYA, SO SOR RTOG PA'I SHES RAB KYIS DPYAD LA BSGOM ZHES BYA BA LA SOGS PA GSUNG, DE NAS BZUNG STE NAM SKYO TZA NA 'BYON, CHOS GSUNG, RMANG LAM DU YANG 'BYON, SGROL MA RGYA MTSO'I RGYUD LA SOGS PA NGAS MANG BAR MKHYEN PAS GSON CIG GSUNG, DUS RTAG TU BYA BA CHE CHUNG THAMS CAD LA MKHA' 'GRO MAS GROGS BYED, GZHAN GYIS MTHONG BAR 'OD BKYE BA DANG, ZHABS KYI RJES LA SOGS PA MANG PO BYUNG, SPYIR BSTAN PA'I BYA BA 'BA' @294 ZHIG MDZAD CING, BYE BRAG TU YAB DANG LHA RJE ZLA BA'I 'OD ZER GYI DGONGS PA RDZOGS PAR BYA BA'I PHYIR, MAL GRO RGYAL BZANGS SGANG GI GTZUG LAG KHANG BRTZIGS, LHA ZHAL 'PHRANG GI 'JIGS PA ZHI BAR MDZAD, RGYAL BZANGS SU DGE 'DUN BZA' MI DRUG CU TZAM BSDU THUB, SKYE BO RNAMS 'DI'I MKHAR LAS KYI CHED DU JI TZAM PA'I 'BU SBRANG ZHIG SHI NA ZER BA LA, DE RNAMS 'GRONGS PA'I GDENG MED NA NGA MKHAR LAS GA LA BYED GSUNG, DE LA SOGS PA PHYAG BZHES DANG GZHUNG GDAMS NGAG GI SGO NAS PHAN PA RGYA CHEN PO MDZAD DE, DGUNG LO LNGA BCU RTZA BRGYAD PA GLANG GI LO'I MJUG TU GSHEGS, GLANG 'DI ME MO GLANG STE 'BRI KHUNG CHOS RJE GSHEGS LO, RMA LO 'KHRUNGS NAS 'DI'I BAR DU LO BRGYA BDUN CU RTZA BZHI SONG NGO, ,DGE 'DUN STONG PHRAG BRGYAD TZAM LA 'DAD CHEN PO MDZAD, SKU GDUNG BZHU BAS THUGS DAM RNAM GSUM LA SOGS PA'I LHA SKU BDUN DANG, RING BSREL GRANGS MED PA YANG BYON, DE NAS GDUNG KHANG CHEN MO MTHO SUM CU RTZA LNGA PA BZHENGS TE, DES KYANG BLA MA'I BYA BA BYED PAR 'GYUR RO, ,ZHES PA SPRUL SKU YANG DBEN PA'I LO RGYUS DBANG PHYUG GZHON NU ZHES BYAS MDZAD PA LAS, 'DIR PHYOGS TZAM ZHIG BKOD PA YIN NO, ,DE DAG GIS RMA LO TZ'A BA DANG ZHA MA LCAM SRING GIS BSTAN PA JI LTAR BSKYANGS PA'I SKABS SO, @295 (CA) *, DEB THER SNGON PO LAS, JO BO RJE BRGYUD PA DANG BCAS PA'I SKABS BZHUGS SO, , @296 [BLANK PAGE] @297 DUM BU LNGA PA, JO BO RJE BRGYUD PA DANG BCAS PA'I SKABS, JO BO DANG 'BROM STON DANG RA SGRENG GI SKABS, DA NI DPAL MAR ME MDZAD YE SHES KYIS BOD DU THEG PA CHEN PO'I LAM SROL JI LTAR RGYAS PAR MDZAD PA'I TSUL BRI BAR BYA STE, DE LA BLA MA CHEN PO DE NI, RGYA GAR BA RNAMS SA HO RA ZHES ZER ZHING, BOD RNAMS ZA HOR ZHES 'DON PA'I YUL 'KHOR CHEN PO DE'I RGYAL PO DGE BA'I DPAL ZHES BYA BA, MNGA' THANG RGYA NAG STONG KHUN RGYAL PO DANG MNYAM PA, PHO BRANG GSER GYI RGYAL MTSAN CAN ZHES BYA BAR BZHUGS PA DE DANG, BTZUN MO DPAL GYI 'OD ZER CAN ZHES BYA BA GNYIS LA, SRAS CHE BA PADMA'I SNYING PO, 'BRING PO ZLA BA'I SNYING PO, CHUNG BA DPAL GYI SNYING PO STE GSUM MNGA' BA LAS, RJE BTZUN 'DI NI 'BRING PO ZLA BA'I SNYING PO YIN NO, CHUNG NGU'I DUS NAS TSE RABS KYI YI DAM BCOM LDAN 'DAS 'PHAGS MA SGROL MA MNGON SUM DU GZIGS, DE'I MTHUS RGYAL SRID LA MA CHAGS PAR YUL GZHAN @298 DU BLA MA TSOL DU MCHIS PA LAS, RI NAG PO'I RNAL 'BYOR PA SGRA GCAN GSANG BA'I RDO RJE LA KYE'I RDO RJE'I DKYIL 'KHOR DU DBANG BSKUR BA ZHUS, RGYUD MAN NGAG DANG BCAS PA GSAN, RIM PA GNYIS LA BRTAN PA THOB PA YUL GZHAN DANG GZHAN DU BYON ZHING,AA BA DH'U T'I PA ZHES BYA BA'I MCHOG GI GRUB PA BRNYES PA DE'I PHYAGS PHYIR LO BDUN 'BRENGS, RIG PA BRTUL ZHUGS KYI SPYOD PA YANG LO GSUM DU MDZAD, AU RGYAN GYI YUL DU MKHA' 'GRO MA RNAMS DANG LHAN CIG TSOGS LA SPYOD PA NA, RDO RJE'I GLU MANG PO GSAN TE, DUS PHYIS YI GER BTAB PA'I RDO RJE'I GLU DE LA SOGS PA LAGS, DE LTAR GSANG SNGAGS KYI GRUB PA MCHOG LA GNAS PA'I TSE, BCOM LDAN 'DAS SH'AKYA THUB PA 'KHOR NYAN THOS MANG PO DANG THABS GCIG TU BZHUGS PA'I GSUNG GIS, KHYOD CI LA CHAGS NAS RAB TU MI 'BYUNG ZHES BYA BA MNAL LAM DU GSAN NAS, RAB TU BYUNG NA BSTAN PA LA PHAN PA CHEN POR 'GYUR BAR DGONGS TE, RDO RJE'I GDAN GYI MA TI BI HA RAR SANGS RGYAS YE SHES ZHABS KYI BKA' BRGYUD, PHAL CHEN SDE PA'I GNAS BRTAN CHEN PO SBYOR BA'I LAM GYI PHYOGS GCIG LA GNAS PA SH'I LA RAKshI TA ZHES BYA BA LAS DGUNG LO NYER DGU PA LA RAB TU BYUNG ZHING BSNYEN PAR RDZOGS, DE NAS RANG LO SUM CU RTZA GCIG BZHES PA'I BAR DU, SDE PA BZHI KA'I SDE SNOD GSUM PHAL CHER GSAN ZHING, LAG LEN LA MKHAS PA SDE PA THAMS CAD KYI DRI BA'I GNAS SU GYUR, BLA MA DHA RMARshI? RAT? LA AO TANTA PU RIR LO BCU GNYIS SU BYE BRAG TU BSHAD PA CHEN @299 MO GSAN, KHONG NYAN THOS PA YIN PAS ZHAG BDUN BDUN NA GNAS KHANG 'PHO BA MDZAD, GZHAN PHA ROL TU PHYIN PA DANG, GSANG SNGAGS KYI CHOS GSAN PA'I BLA MA DZNY'A NA SHR'I MI TRA, KU SA LI CHUNG BA, DZE T'A RI, NAG PO ZHABS CHEN PO STE BA LIm A'A TZ'ARYA YANG ZER BA, AA BA DHUT'I PA CHUNG BA, tOMBHI BA, RIGS PA'I KHU BYUG MA TI DZNY'A NA BO DHI, N'A RO PA, PAndI TA MI CHEN PO, BH'U TA KO tI PA, MKHAS PA CHEN PO D'A CHEN PO, SHES RAB BZANG PO, BYANG CHUB BZANG PO RNAMS DANG, KHYAD PAR DU RANTA A'A KA RA SH'ANTI BA LA BRGYUD PA THA DAD PA MANG PO LAS BRGYUD PA'I CHOS MNGA' BAS, PHAL CHER DE LA GNAS, PHYIS BLA MA GSER GLING PA'I THAD DU BYON NAS, BYANG CHUB MCHOG TU SEMS BSKYED PA GTZO BOR BYAS PA'I GDAMS PA MTHA' YAS PA GSAN ZHING, PHAL CHER BI KRA MA SHI LA'I GNAS BRTAN CHEN PO MDZAD DE, CHE BA'I SNYAN PAS PHYOGS THAMS CAD DU KHYAB PA LAS, LHA BTZUN PA BYANG CHUB 'OD KYIS LAN MANG PO'I BAR DU GSER MANG PO BSKUR BA'I SPYAN 'DREN PA MANG DU BRDZANGS TE, DE YANG MNGA' RIS KYI LHA BLA MA YE SHES 'OD CES GRAGS PA DE'I RGYAL TSAB SRONG NGE, DE'I RGYAL TSAB RGYAL PO LHA LDE, DE'I RGYAL TSAB 'OD LDE, DE LA GCUNG PO GNYIS YOD PA'I LHA BTZUN BYANG CHUB 'OD CHE BA, CHUNG BA DGE SLONG ZHI BA'I 'OD CES BYA BA BSTAN PA PHYI NANG GI CHOS MTHA' DAG LA MKHAS SHING LO TZ'A YANG SHIN TU MKHAS PAR MKHYEN PA ZHIG BZHUGS, LHA BLA MA YE SHES 'OD KYIS RANG GI RGYAL SRID GTAD ZIN KYANG @300 DMAG GI DPON MDZAD DE, GAR LOG DANG 'THABS PAS PHAM STE GAR LOG GIS BTZON DU BZUNG, GAR LOG GIS YE SHES 'OD LA KHYOD DKON MCHOG GSUM LA SKYABS SU 'DZIN PA GTONG NA NGED KYIS BTZON LAS GTONG, DE LTA MA YIN NA LUS RIL BO DANG LJID MNYAM PA'I GSER BYUNG NA GTONG ZER NAS, BTZON DU YUN RING RAB LUS PA LA, DBON PO RNAMS KYIS MNGA' RIS NYID DU YANG GSER MANG DU BSGRUBS, DBUS GTZANG GI RAB TU BYUNG BA RNAMS LA YANG SHAM THABS KHRAL BLANGS TE GSER PHAL CHER 'DZOM, DBU'I CHA TZAM ZHIG MA 'DZOM PA'I TSE, DPON PO BYANG CHUB 'OD KYIS GAR LOG TU KHONG GI SAR BYON, DA NGED RNAMS KYIS RANG RE'I SKU LUS DANG MNYAM PA'I GSER RNYED ZIN, DA DBU TZAM ZHIG DGOS PA RNYED NAS SPYAN 'DREN DU 'ONG ZHUS PAS, YE SHES 'OD KYI ZHAL NAS, DA NGA RGAS PAS SU LA YANG PHAN MI THOGS PAS, GSER RNYED PA DE RNAMS KYIS PAntI TA MANG PO SPYAN DRONGS LA CHOS TSUGS SHIG CES GSUNGS PA LA NYAN NAS, PAntI TA MANG PO SPYAN DRANGS, CHOS KYI BSHAD PA MANG DU BTZUGS KYANG, BYANG CHUB 'OD KYI DGONGS PA LA, BOD KYI YUL 'DI NA RAB TU BYUNG BA MANG YANG, SNGAGS LA SBYOR SGROL LA SOGS PA LOG PAR SPYOD PA MANG PO SNANG BA DANG, DE MI SPYOD KYANG STONG PA NYID GCIG PU KHO NAS 'TSANG RGYA ZHES ZER ZHING MANG DU STON PA DANG, SO SO THAR PA'I BSTAN PA DAR YANG BYANG CHUB SEMS DPA'I SPYOD PA LA SLOB PA NYUNG BAR GZIGS NAS, NYES PA DE RNAMS ZHI BAR BYED PA'I PAntI TA CHEN PO ZHIG @301 BTZAL BAR BZHED PA LA, SNGAR SPYAN DRANGS PA'I PAntI TA RNAMS KYANG SGO SGOR KHYAD PAR DU 'PHAGS MOD KYI, BOD KHAMS SPYI LA PHAN PA MA BYUNG BAS, JO BO RJE DE SPYAN 'DRONGS NA, LOG PA DE RNAMS SUN DBYUNG BAR NUS SHING, BSTAN PA LA PHAN PA ZHIG 'ONG BAR DGONGS NAS YOD PA LA, NAG TSO TSUL KHRIMS RGYAL BA ZHES BYA BA, YUL GUNG THANG PA, RTEN DGE SLONG DU BZHUGS PA ZHIG YOD PA DE, KHONG RANG GIS RGYA GAR DU SLOB GNYER LA PHYIN, RGYA BRTZON 'GRUS SENG GES MGO GNYER MDZAD DE, JO BO LA SOGS PA'I PAntI TA 'GA' YAR LA CHOS MANG DU GSAN, SLAR GUNG THANG DU SLEB PA NA, LHA BTZUN PAS KHONG RANG GI SAR BOS NAS, KHYED KYIS JO BO RJE SPYAN 'DREN DU 'GRO DGOS, DE SPYAN 'DRONGS TE KHO BO DGA' BAR BGYIS NA, PHYIS KHYED DGA' BAR KHO BOS BYED PA YIN, NGED RGYAL PO BYA BA'I BKA' YANG BCAG TU MI BTUB GSUNGS PAS, KHONG GIS BKA' STZAL DANG DU BLANGS, KHONG GIS KYANG GSER LING BA GCIG LA SHING SRANG BCU DRUG YOD PAS MGO DRANGS GSER TSAN CHE BA BSKUR, DPON G-YOG MANG RAB RGYA GAR DU CHAS PA NA, LAM DU CHOM RKUN GYI 'JIGS PA BYUNG BA RNAMS KYANG THABS MKHAS PAS ZHI BAR BYAS TE, BI KRA MA SH'I LAR MTSAN MO ZHIG BRTOL, DER BOD KYI SKAD DU KHA THON BYAS PA NA, RGYA BRTZON 'GRUS SENG GE SGO KHANG STENG NA BZHUGS PAS GSAN, KHYED RNAMS BOD YIN NAM, SANG NGES PAR 'PHRAD DO GSUNG BA'I SKAD CHEN PO BTANG, SANG DE RGYA BRTZON SENG GES NAG TSO JO BO'I SPYAN SNGAR @302 KHRID, GSER LING BA DES GTZO BYAS PA'I GSER MANG PO MAntAL STENG DU SPUNGS NAS, RGYA BRTZON SENG GES SNGAR BOD DU BSTAN PA KHYAD PAR DU 'PHAGS PA YOD PA GLANG DAR MAS BSNUBS, DE NAS LO SHIN TU MANG PO SONG BA NA BLA CHEN PO'I DRIN LA BRTEN NAS DGE 'DUN GYI SDE MANG BAR BZHUGS, DGE 'DUN DE RNAMS LA SDE SNOD KYI MKHYEN PA CHEN PO YOD KYANG, SDE SNOD LAG LEN DU GDAB TU MA BTUB, DA BOD KYI RGYAL PO'I DGONGS PA BSKANG BA DANG, RAB TU BYUNG BA RNAMS LA CHOS LAG LEN LA GDAB TU BTUB PA ZHIG JO BO NYID KYIS BYON NA PHAN THOGS, PAntI TA GZHAN GYIS PHAN THOGS PA DKA' BAR 'DUG BYA BA LA SOGS PA'I ZHU BA GNAD DU PHOG PA MANG PO ZHUS PAS, JO BO'I ZHAL NAS, KHYED BDEN NGA'I CHED DU BOD KYI RGYAL PO'I GSER MANG PO YANG SONG, GDAN 'DREN PA'I MI MANG PO BYUNG BA'ANG TSAD PAS GUM, BOD KYI RGYAL PO LA NGO YANG GNONG BA YOD, DA KHO BOS BRTAGS TE BOD LA PHAN NA CIS KYANG 'GRO, 'ON KYANG BI KRA MA SHI LA'I GNAS BRTAN GYIS 'O SKOL GTONG BA DKA' BAS, THABS MKHAS PA ZHIG BYA DGOS, DE LA NAG TSO RANG YANG KHO BO SPYAN 'DREN PA SKAD MA ZER BAR SLOB GNYER LA 'ONGS PA SKAD GYIS LA SLOB GNYER MDZOD GSUNG BA BZHIN DU LO TZ'A BAS SLOB GNYER BYED CING 'DUG DE NAS JO BOS YI DAM GYI LHA DANG, RDO RJE GDAN NA GRUB PA'I RNAL 'BYOR MA YOD PA DE LA DRI BA MDZAD PAS, LHA DANG MKHA' 'GRO ZHAL MTHUN PAR BOD DU CIS KYANG SONG, SPYIR BSTAN PA LA PHAN THOGS NAS 'ONG, @303 KHYAD PAR DU AU PA SI KA ZHIG BRTEN NAS PHAN THOGS TE 'ONG, TSE NI LO NYI SHUS THUNG BAR 'GYUR GSUNG BA BYUNG BA NA, BSTAN PA DANG SEMS CAN LA PHAN THOGS NA TSE THUNG YANG SLA DGONGS NAS 'BYON PAR NI CHAS, 'PHRAL DU RDO RJE GDAN LA BSKOR BA MDZAD PA DANG, BAL POR RANG BYUNG GI MCHOD RTEN GZIGS PA LA 'BYON PA SKAD DU MDZAD NAS, LO RTZVA BA GNYIS POS KYANG PHYAGS PHYI MDZAD DE 'BYON PAR CHAS PA'I TSE, GNAS BRTAN SH'I LA A'A KAR NA RE, NAG TSO LA, A'A YUSHM'ANTA KHYOD SLOB GNYER LA 'ONGS BSAM TZA NA NGA'I PAntI TA BRKU BAR 'DUG DA PAntI TA NYID KYANG BZHUD PA LA DGYES PA 'DRA BAS, KHO BOS GEGS MI BYED PAR BTANG GIS BOD DU LO GSUM LAS MA BZHUGS, DE RTING TSUR BSKYAL DGOS GSUNG BAS, NAG TSOS KHAS BLANGS, RDO RJE'I GDAN DU MCHOD PA RGYA CHEN PO MDZAD, DE NAS BAL YUL DU PHEBS PA NA MTSAN LTAS BZANG PO BYUNG BAS, DER LO GCIG BZHUGS NAS, STHAm BI HA RA'I GTZUG LAG KHANG CHEN PO BRTZIGS, DER DGE 'DUN MANG PO 'TSO BA'I CHA RKYEN YANG BZHAG MANG PO BSLAB PA LA'ANG BKOD, DE LA JO BO RJE NI DGUNG SNYING CHU PHO RTA YIN PAS LNGA BCU RTZA DGU PA LCAGS PHO 'BRUG GI LO LA RGYA GAR NAS BTEG LCAGS MO SBRUL GYI LO BAL YUL DU BZHUGS, MNGA' RIS SU CHU PHO RTA LA PHEBS PA YIN, NAG TSO LO TZ'A BA NI, LCAGS MO PHAG GI LO PA YIN, JO BO MNGA' RIS SU PHEBS PA'I TSE LO SUM CU RTZA GCIG YIN, STHAm BI HA RA'I GTZUG LAG KHANG DE YANG BAL YUL KYI ZA TSUGS DANG @304 CHOS TSUGS GNYIS KA BZANG BA YIN ZER, MNGA' RIS SU BYON PA'I TSE LHA BLA MAS BSU BA'I BKOD PA RGYA CHEN PO BYAS, MTHO LDING GI GTZUG LAG KHANG DU PHYAGS PHEB, LHA BLA MAS BZHED PA GRUB PA'I GTAM MANG PO YANG GSUNGS, DUS PHYIS JO BO DBUS NA BZHUGS PA'I TSE LHA BLA MAS MJAL DU BYON, DE'I TSE BOD STON RNAMS KYIS MNGA' RIS SU BYON PA'I PAntI TA SO SO'I YON TAN DRIS PA NA, DE LA YON TAN 'DI YOD, DE LA YON TAN 'DI YOD CES GSUNG ZHING, JO BO'I YON TAN DRIS PA NA, SPYAN NAM MKHA' LA GZIGS, SKAN SGRA TOG TOG MDZAD NAS, DE'I YON TAN AANG DE'I YON TAN AANG ZHES GSUNG ZHING BRJOD PA LAS 'DAS PAR BRTZI BA YIN NO, ,DER LHA BLA MA DANG GZHAN MANG PO LA SHIN TU GSANG BA'I SGO NAS DBANG BSKUR BA MANG PO GNANG, GDAMS NGAG KYANG MANG DU MDZAD, LHA BLA MAS BOD NA CHOS DANG MI MTHUN PA 'DI DANG 'DI LTA BU MCHIS PAS, DE DAG GI GNYEN POR 'GYUR BA'I BSTAN BCOS SHIG MDZAD PAR ZHUS PAS, BYANG CHUB LAM GYI SGRON MA ZHES BYA BA SKYES BU GSUM GYI LAM GYI RIM PA STON PA DE MDZAD, DANG POR SKYES BU CHUNG NGU'I LAG LEN 'CHI BA RJES SU DRAN TE, TSE 'DI LAS BLO LOG PA ZHIG MED NA CHOS PA'I KHONGS SU MI TSUD, PHUNG PO LA BDAG TU 'DZIN NA THAR PA MI THOB, BYANG CHUB TU SEMS MA BSKYED NA THEG PA CHEN PO'I LAM DU MI TSUD, THEG PA CHEN PO'I LAM DE YANG THABS DANG SHES RAB MA 'BREL NA STONG PA NYID GCIG PU BSGOMS PAS 'TSANG MI RGYA BAR BKA' STZAL BAS, SGOM NYAMS CAN DU 'DOD @305 PA RNAMS KYI DREGS PA BSAL, DE KHO NA NYID RIG PA ZHIG YIN NA MA GTOGS, DBANG GNYIS PA DANG GSUM PA LA DNGOS KYI LAG LEN BYAR MI RUNG BAR BKA' STZAL BAS, SGRA JI BZHIN PA'I SBYOR BA DANG SGROL BA RNAMS MI RUNG BAR SENG GE'I SGRA BSGRAGS, LAS 'BRAS LA RTZIS SU MDZAD PAS PAntI TA LAS 'BRAS PA BYA BAR YANG GRAGS TE, DE LTAR GRAGS PA GSAN PA NA MING TZAM GYIS KYANG GZHAN LA PHAN THOGS BYA BA DE YIN GSUNG NAS DGYES, DE'I TSE LO TZ'A BA RIN CHEN BZANG PO'I DGONGS PA LA, PAntI TA YON TAN KHO BO BAS CHE BA DKA' MOD KYI, LHA BLA MAS SPYAN DRANGS PAS ZHABS TOG CIG BYA DGOS DGONGS NAS, RANG GI GNAS MTHO LDING GI GTZUG LAG KHANG DU SPYAN DRANGS, DE NA RGYUD SDE GONG 'OG GI LHA RNAMS THOG GI RIM PA BYAS NAS BRIS YOD PA DE RNAMS LA, JO BOS SO SOR BSTOD PA TSIGS SU BCAD PA RE MDZAD DE, STAN LA BZHUGS PA NA, DA CI NAS MDZAD PA'I BSTOD PA DE RNAMS SUS MDZAD CES LO TZ'A BAS DRIS PAS, DE KHO BO RANG GIS 'PHRAL DU BGYIS PA LAGS GSUNGS PAS, LO TZ'A BA 'JIGS SHUM STE SONG, JO BOS LO TZ'A BA LA, KHYED KYIS CHOS CI DANG CI MKHYEN GSUNGS PA NA, RANG GIS MKHYEN PA RAGS RIM CI GA ZHUS PAS, JO BO'I ZHAL NAS, AE KHYED LTA BU BOD NA BZHUGS NAS SNANG BAS, KHO BO BOD DU 'ONG MI DGOS PAR 'DUG PA LA ZHES GSUNG ZHING, THUGS KAR THAL MO SBYAR, YANG, LO TZ'A BA CHEN PO RGYUD SDE DE RNAMS KYI DON STAN THOG GCIG TU DRIL TE, GANG ZAG GCIG GIS NYAMS SU LEN NA JI @306 LTAR BGYI GSUNG BA LA, LO TZ'A BAS, SO SO NAS BSHAD PA BZHIN BYED LAGS MOD ZHUS PAS, DER, LO TZ'A BA RUL, KHO BO BOD DU 'ONG DGOS PAR BYUNG, DE RNAMS GCIG TU BSDOMS NAS NYAMS SU LEN DGOS PA YIN GSUNG NAS, GSANG SNGAGS 'PHRUL GYI ME LONG BYA BA'I BSHAD PA MDZAD DE, LO TZ'A BA YANG SHIN DU THUGS CHES PAR GYUR, DE NAS 'DI NI MKHAS PA CHEN PO LAS KYANG CHEN PO'O SNYAM DU DGONGS NAS, BRGYAD STONG PA DANG, NYI KHRI SNANG BA DANG, BRGYAD STONG 'GREL CHEN LA SOGS PA SNGAR BSGYUR BA MANG PO LA ZHUS DAG ZHUS, JO BOS KHO BO DBUS SU 'GRO, DER NGED KYI PHYI LA LO TZ'A BYED PA LA 'BYON DGOS GSUNGS PAS, LO TZ'A BA CHEN PO DE'I TSE DGUNG LO BRGYAD CU RTZA LNGA PA YIN PAS, DBU ZHVA PHUD NAS KHO BO'I MGO BO 'DI BZHIN DU SONG BAS PHYAGS PHYI MA NUS ZHES ZHUS, LO TZ'A BA CHEN PO DE LA JO BO NYID MA GTOGS PA'I PAntI TA'I BLA MA DRUG CU THAM PA YOD ZER, GZHAN RNAMS KYIS LO TZ'A BA SGRUB PA LAM CHUNG BA, KYE LO TZ'A BA CHEN PO, 'KHOR BA'I SDUG BSNGAL BZOD DKA' ZHING SEMS CAN MTHA' DAG GI DON BYED DGOS PAS, DA NI SGRUB PA CIG MDZAD PA ZHU GSUNGS PAS, LO TZ'A BAS KYANG GSUNG DE LEGS PAR MNYAN TE, SGO SUM RIM DU MDZAD PA'I PHYI MA LA, SGO 'DI'I NANG DU 'KHOR BA LA ZHEN PA'I BLO SKAD CIG MA GCIG SKYES NA, BSTAN BSRUNGS RNAMS KYIS MGO BO KHOS BYA BA DANG, BAR PA LA, RANG DON YID BYED KYI BLO SKAD CIG MA GCIG SGO 'DI'I NANG DU SKYES NA BSTAN BSRUNGS @307 RNAMS KYIS MGO BO KHOS BYA BA DANG, NANG MA LA, SGO 'DI'I NANG DU THA MAL GYI RNAM RTOG SKAD CIG MA GCIG SKYES NA, BSTAN BSRUNGS RNAMS KYIS MGO BO KHOS BYA BA RNAMS BRIS NAS, JO BO THEGS RJES LO BCU'I BAR SGRUB PA RTZE GCIG TU MDZAD, DPAL BDE MCHOG GI DKYIL 'KHOR YANG MNGON SUM DU GYUR, DGUNG LO DGU BCU RTZA BDUN PA LA GSHEGS NAS, SPUR SBYANGS PA'I TSE, GRONG BAR GYI BYIS PA YAN CHAD KYIS MTHONG BAR, NAM MKHA' LA LHA MANG POS MCHOD PA DANG RIM GRO BYED PA BYUNG, ZHUGS PHUL BA'I MTHAR GDUNG LA SOGS PA NI CI YANG MA BYUNG, RING BSREL DMAR PO 'OL MA SE LTA BU GSUM PA ZHIG BYUNG BA YANG, YUN MI RING BA ZHIG NA 'BRUG GI SGRA DANG BCAS TE NAM MKHAR SONG ZHES GRAGS, LHA BTZUN PAS, KHO BO RGYUD GSANG BA 'DUS PA LA MOS, LHA SPYAN RAS GZIGS LA MOS LAGS NA, ZHES ZHUS PAS, YE SHES ZHABS LUGS KYI GSANG BA 'DUS PA'I DKYIL 'KHOR GYI GTZO BO 'JIG RTEN DBANG PHYUG GIS MDZAD PA'I MNGON PAR RTOGS PA, SNGAGS SU YI GE GSUM DANG SPEL BA'I MA nI PADME 'DREN PA DE DANG, DKYIL 'KHOR GYI BSTOD PA ZHIG MDZAD, DKYIL 'KHOR DE LA BRTEN BA'I 'DUS PA'I DBANG BSKUR BZHI BRGYA LNGA BCU PA DANG MTHUN PAR SNANG STE, LUGS DE NI MKHAS PA THAMS CAD LA GRAGS PAR GYUR TO, ,DE LTAR MNGA' RIS KYI DGE BA'I BSHES GNYEN DANG, SKYE BO PHRA MO RNAMS KYANG LEGS PA'I LAM DU BCUG STE, LO GSUM GYI BAR DU BZHUGS, JO BO'I LUGS LA BRTEN PA'I @308 NYAMS LEN KYANG SHIN TU DAR BAR GYUR, DE NAS RGYA GAR DU 'BYON PAR CHAS TE, PU HRANGS KYI RGYAL ZHING ZHES PAR BZHUGS PA'I TSE 'BROM GYIS MJAL BA YIN TE, 'BROM DE NI, GDUNG RUS YANG BZHER, YAB RTA GSUM SHU BZHER, YUM KHU LTO BZA' LAN CIG MA GNYIS KYI SRAS SU SHING MO SBRUL GYI LO LA STOD LUNGS PHUR 'KHRUNGS, YUM SNGA MO NAS GSHEGS, BYIS PA'I DUS NAS THUGS STOBS CHE BAS, MA YAR DANG 'THAB PA BAS GZHAN DU BYON PA DGA' BAR DGONGS NAS, GZHUR BYON NAS YIG KLOG LA SOGS PA SLOB CING BZHUGS PA'I TSE, JO BO SE BTZUN KHAMS NAS LHO BAL DU BYON PA DANG MJAL BAS DAD PA SKYES, SE BTZUN GYIS BAL YUL DU PHYI ROL BA'I AA TZA RA ZHIG DANG RTZAD PAS KHO PHAM?, NGED RANG GNYIS NUS PA 'GRAN ZER DU BYUNG BA LA, SE BTZUN GYIS JU ZHAG LEGS PAR MKHYEN PAS, KHYOD GZHAN GYIS PHA MGO MCHOD RTEN 'OG TU BCUG RIGS BRGYUD LA YANG GNOD PAR BYUNG 'DUG PA, NUS PA YOD NA DE LA 'DON MOD GSUNGS PAS, KHO SPOBS PA MED PAR SONG, SE BTZUN GYI DGONGS PA LA, DA RGYA GAR DU PHYIN YANG CHOS RANG BAS MKHAS PA YOD DAM MED CHA MED PA'I STENG DU, 'DI 'DRA BA'I MI RIGS DANG THUG PAR 'DUG DGONGS NAS PHYIR LOG BYON PA DANG, YANG 'BROM DANG MJAL NAS PHYAGS PHYIR 'KHRID PA ZHUS PAS, NGA LA MIS KHA ZER DU 'ONG, KHYOD RANG TSONG PA'I PHYIR SHOG GSUNG BA BZHIN TSONG PA DANG 'GROGS TE PHYIN PAS, KHONG GI THAD DU BRTOL, NANG GI ZHABS TOG PHYE @309 'THAG PA YAN CHOD DANG, PHYI ROL DU RTA PHYUGS MANG PO YOD PA YANG SKYONG ZHING 'KHOR GSUM BTAGS, RTA BZANGS LA ZHON NAS RKUN ZON LEGS PAR MDZAD, PHYE 'THAG PA'I 'GRAM DU YANG DPE CHA BZHAG STE GZIGS PA LA SOGS PA'I SLOB GNYER LA BRTZON PA CHEN PO YANG MDZAD, NYE LOGS NA PAntI TA SGRA'I TSER MA ZHES BYA BA ZHIG LA BI BRTA MANG PO BSLABS, DA LTA RGYA GAR NA SU CHE DRIS PAS, NGED RGYA GAR NA YOD DUS N'A RO PA CHE BA YIN, RGYAL RIGS LAS RAB TU BYUNG BA'I DGE SLONG D'I BAm RA SHR'I DZNY'A NA BYA BA YOD PAS, DE DA LTA BZHUGS NA KHONG CHE BAR 'ONG GSUNG BAS, MTSAN THOS PA TZAM MOS PA CHEN PO SKYES, TSE 'DI LA DE DANG MJAL BA SRID DAM BSAM PA'I 'DOD PA CHEN PO YANG BYUNG, JO BO MNGA' RIS SU PHEBS PA 'GRUL PA LA THOS PAS, SE BTZUN LA MNGA' RIS SU 'GRO BAR ZHUS, KHONG GIS KYANG MI DGYES PA MED PAR BONG KHAL GCIG DPE CHA DANG BCAS PA GNANG NAS BYON NO, ,RNGOG CHU KHAR PHEBS PA DANG KHANG PA CIG NA KU DI RI 'DUG PAS, 'DI NA CI YOD CES DRIS PA DANG, 'PHRANG KHA BER CHUNG YAB 'PHRANG KHA BER CHEN GYI 'DAD GTONG BA'I GRABS DANG, SRING PO RNAMS BSDU BA'I CHANG YOD PA YIN ZER BAS, SKYEMS SKRUR BYON PAS, 'PHRANG KHA BER CHUNG GIS NGA MI CHE BA YIN, KHYOD KYIS PHYAG WA 'KHYUG PA 'DRA BA GYIS ZER BA BZHIN DU PHYAG KYANG MDZAD, BER CHUNG CHOS GTAM LA DGA' BAS CHOS GTAM MANG PO BYAS PA'I TSE, 'BROM GYIS KHO'I TSIG SNA RE RE NAS BTUNGS PAS, KHO NA @310 RE, KHAMS NA 'BROM DGE BSNYEN CHOS MKHAN CIG YOD ZER BA THOS, KHYOD DE MIN NAM ZER BA LA, DE YIN PA SRID GSUNGS PAS, KHO HA LAS TE KHO RANG GI 'OG GI STAN PHYUNG NAS, DE LA BZHUGS SU GSOL, RTA BZANG PO CIG GI THUR DAR YUG LA BYAS NAS PHUL, DA CI NAS PHYAG BLANGS PA LA BZOD GSOL BYAS, NGAS YON BDAG BYED PAS RA SGRENG GI SA 'DIR DGON PA MDZAD NAS MCHOD GNAS MDZAD PAR ZHUS PA LA, DA LTA DE'I LONG MED, NGA MNGA' RIS SU PAntI TA ZHIG MJAL DU 'GRO BA YIN PAS, PHYIS RTEN 'BREL 'GRIG NA MCHOD GNAS BYA ZHING, RA SGRENG DU DGON PA MDZAD PAR YANG ZHAL GYIS BZHES, DE NAS 'PHAN YUL DU BYON, RGYAL GYI ZHANG CHEN PO DE DGE BSNYEN GYI BSLAB PA 'BOGS MKHAN YIN PAS PHYAG SKYEL DU BYON, KA BA SH'AKYA DBANG PHYUG DANG YANG MJAL NAS KHO BO DA LAN PAntI TA MJAL DU 'GRO, DE DBUS SU SPYAN 'DRONGS PA SRID NA DE'I DUS SU YI GE GTONG BAS, KHYED KYIS MI CHEN RNAMS KYI 'DUN MA MDZAD DE BSU BA LA 'ONG DGOS ZHUS PAS, KHONG GIS KYANG KHAS BLANGS, DE NAS MI GRONG MA BRGYUD PAR BYANG LAM LA THEGS PAS, DANG POR MI NGO MI SHES PA ZHIG GIS LAM SNA BYAS, LAM KHA ZHIG TU KHO NA RE, DA SNA SHUD KYI 'KHRUG PA LANGS PAS NGA 'GRO ZER NAS TSUB MAR RINGS KYIS SONG, DUS PHYIS KYANG 'BROM GYI ZHAL NAS, DE DPE DKAR DU 'DUG CHOS GSHA' MAR BYED NA KHONG YANG CHOS SKYONG BZANG POR 'DUG GSUNG, YANG LAM MA RNYED PA LA SHA BA GCIG SONG BA'I RJES LA BYON PAS @311 LAM TIG GIS BYUNG, MNGA' RIS SU PHEBS KAR RJE BTZUN MAS KHYOD KYI AU PA SI KA DE ZHAG GSUM DRO DANG BZHI NA 'ONG BAS DE'I GRABS GYIS GSUNG BAS, JO BOS DBANG BSKUR BA'I BUM PA ZHIG DBU SNGAS MGOR BSGRUBS, ZHAG GSUM DRO DANG BZHI NA, JO BO DPON G-YOG SBYIN BDAG ZHIG GIS DRO LA GDAN DRANGS PA NA, LAM LA SPYAN GZIGS JO MOS SLU BA SRID DAM GSUNG BA NA, LAM SRANG ZHIG TU 'BROM DANG GTUG GIS MJAL, DER SNGAR 'DRIS KYI MI DANG PHRAD PA BZHIN 'KHOR RNAMS LA ZHAL BRDA YANG MA MDZAD PAR JO BO'I PHYAGS PHYI KHO NAR BYON, DE NYIN GYI STON SKAL GYI MAR BZHU NAS SROD LA MAR ME PHUL, JO BOS DBANG BSKUR YANG LEGS PAR GNANG, DBU SNGAS SBREL TE GLENG MO YANG ZHUS CHOG PAR BYUNG, DE NAS ZHAG GSUM NA, JO BO DPON G-YOG LAM DU ZHUGS TE SKYI RONG DU BYON NAS, BYA'I LO LA DER BZHUGS, BAL PO RDZONG LA 'BYON BZHED NA YANG 'KHRUG PAS LAM 'GAGS PAS 'BYON PA MA BYUNG, 'BROM GYIS DBUS KYI PHYOGS NA LHA SA DANG BSAM YAS LA SOGS PA'I GTZUG LAG KHANG DANG, DGE 'DUN STONG PHRAG MANG PO BZHUGS PA'I BSNGAGS PA BRJOD PAS, JO BO'I ZHAL NAS, TSANGS PAR SPYOD PA GRANGS MANG PO DE TZAM RGYA GAR NA YANG MED, DGRA BCOM PA YANG MANG PO YOD MCHI GSUNG NAS, DBUS PHYOGS SU PHYAG MANG PO MDZAD, DER SPOBS PA SKYES DBUS SU 'BYON PAR ZHUS PAS, KHO BO DGE 'DUN GYI BKA' MI GCOG PAS DGE 'DUN GYI BKA' BYUNG NA 'GRO GSUNG, DE NAS ZHANG DBANG @312 PHYUG MGON BYA BA LA SHING RTA'I DBYIBS 'DRA 'DZAM GLING GI, ZHES BYA BA LA SOGS PA DANG, STON DUS TSUN CHAD 'DIR 'BYON ZHUS, ,ZHES BYA BA LA SOGS PA'I SHOG PHRIN BRDZANGS, DER NAG TSO JO BO DBUS PHYOGS SU 'BYON PAR BZHED PA RIG NAS, JO BO'I NA BZA' LA 'JUS NAS, NGA GNAS BRTAN DANG DAM TSIG GI CHAD YOD PAS, NGAS DMYAL BAR 'GRO MI PHOD PAS CIS KYANG RGYA GAR DU GSHEGS DGOS ZHUS PAS, JO BO'I ZHAL NAS, LO TZ'A BA, SGRUB PAR MA NUS PA LA LTUNG BA MED PA YIN GSUNG NAS DBUGS PHYUNG, 'BROM GYI PHRIN SHOG DE ZHANG DBANG PHYUG MGON GYIS KA BA LA SPRAD, KA BAS KYANG DO DAM CHER BGYIS TE, RGYAL GYI ZHANG CHEN PO LA SOGS PA RNAMS LA GROS ZHUS NAS GDAN 'DREN DU 'BYON PAR BRTZAMS PA'I TSE, KHU STON KHONG RANG GI MING YI GE NA MI 'DUG PAS MA DGYES NAS, SNGON LA NGAS MJAL BA ZHIG BYA SNYAM NAS BYON PAS, GZHAN RNAMS LA LCAG BRDABS PA BZHIN DU SONG, DER DBUS KYI MI CHEN RNAMS DPAL THANG LA PHEBS PA'I TSE, SKYI RONG DU SNGAR ZHU BA THENGS PAS, JO BO DPON G-YOG KYANG DPAL THANG STOD DU PHEBS, DER BOD STON RNAMS DBU ZHVA SNE RINGS DANG, NA BZA' BER DANG BCAS PA'I RTA PA MANG PO RGYANG MA NAS GZIGS TE, JO BO'I ZHAL NAS, AU PA SI KA MI MA YIN MANG PO BYUNG GSUNG NAS DBU BTUMS, DE NAS BOD STON RNAMS KYIS ZHABS DRUNG DU NYE BA NAS CHIBS LAS BABS, BER DANG DBU ZHVA BZHAG, SNAM SBYAR GYON PA SHA STAG TU BYAS NAS BYUNG BA LA, @313 JO BO YANG DGYES NAS, DGE 'DUN LA SPYI PHYAG MDZAD, DE NAS BOD STON RNAMS PHYIR THEGS NAS JO BO DPON G-YOG RIM GYIS 'BYON PAR BYAS NAS, RGYANG DU PHEBS PA'I TSE'ANG DGE 'DUN RNAMS KYIS LEGS PAR BSUS PAS MNYES, DE NAS BYANG GI SA CHA TSA SNA ZHES BYA BAR BYON NAS SKYE BO MANG PO LA CHOS BSTAN, JO BO'I PHRIN LAS LA BRTEN PA'I DER GNAS CHUNG ZHIG KYANG BYUNG, DE NAS GTZANG GI LAM RNAMS SU BKUR STI CHE BA KHA NA YANG MA BYUNG, SLAR NYAN TSO GNAS SU PHEBS NAS, DER SKYE BO RNAMS KYIS BSNYEN BKUR YANG DAG PA BYAS, YOL CHOS DBANG LA SOGS PA'I SLOB MA KHYAD PAR CAN 'GA' ZHIG KYANG BYUNG, DE NAS RONG LA BYON TE DPON G-YOG RNAMS BKREN NE BA LA, YUL LHAR BTZUN MA ZHIG GIS ZHAG GCIG GI ZHABS TOG CHE BAR BYAS, GSER GYI RTA LA G-YU'I MI'U CHUNG BSKYON PA ZHIG PHUL BAS MNYES TE, BSHUL RINGS KYI 'GRON PO, PHA MA RGAS PA, NAD PA RNAMS KYI ZHABS TOG BGYIS PA DANG, STONG PA NYID BSGOMS PA BSOD NAMS MNYAM GSUNG, BTZUN MA DE NI DUS PHYIS JO MO SGRE MOR GRAGS PA'I GRUB THOB MA DE YIN ZER, YOL STON RDO RJE DBANG PHYUG GIS RONG ZOM GYI RNAM THAR MDZAD PA NA, BYIS PA 'DI LA JO BOS GLENG MO GNANG BA ZHU DANG ZHUS PAS, NGAS 'DI LA SMRA MI NUS, 'DI NAG PO SPYOD PA BA YIN GSUNG ZER BA 'DUG, DE NAS GAN BYANG THANG DU PHEBS DUS LHA SA'I THAD KYI RI LA PHYAG MDZUB GTAD NAS, PHA GI NA CI YOD PA YIN GSUNG BA LA, PHA NA LHA SA'I GTZUG LAG KHANG YOD @314 PA LAGS ZHES ZHUS PAS, DE THANG, NAM MKHA' LA LHA'I BU DANG BU MO MANG POS MCHOD PA BYED KYI 'DUG GSUNG, DE NAS 'CHING RUR BAG LA 'GRO BA'I BU MO ZHIG GIS MGO RGYAN THAMS CAD JO BO LA PHUL BAS, PHA MAS 'THABS PAS DER BU MO GTZANG PO LA LCEBS, GZHUNG SGRE MKHAR DU BU MO'I CHED DU KUN RIG GI DKYIL 'KHOR CHO GA MDZAD PAS, JO BO'I ZHAL NAS, NGA'I BU MO 'TSENGS, SUM CU RTZA GSUM DU SKYES GSUNG, SNA BO LAR PHEBS DUS DAR PHYAR LHA BTZUN PAS MDZAD PA'I RAG DUNG BUS PAS, DMAG BYUNG ZER NAS MI THAMS CAD BROS, DOL DU PHEBS DUS DPON G-YOG SPYI LA ZHABS TOG BYED PA MA BYUNG BAR SGO SGOR RE RE SPYAN DRANGS, JO BO RTING LA LUS PA SPYAN 'DREN MI DE LA MI BRGYUD DU MAR SHIS SHING PHYUG PA BYUNG BA YIN ZER, DER SEMS CAN LA PHAN PA'I CHED DU GTZANG PO LA RAGS SHIG KYANG MDZAD DE, DA LTA LHA RJE RAGS SU GRAGS, GRVA PHYI TSONG 'DUS SU GNAS CHUNG ZHIG GIS ZHABS TOG LEGS PAR BYAS, CHOS 'KHOR GANG NA YOD GSUNG BA LA, RI MA GI'I SNA NAS MTHONG ZHUS PAS DGYES NAS, SPEL DMAR GYI GRU LA BYON TE CHOS 'KHOR BSAM YAS SU PHEBS, LHA BTZUN BO DH'I R'A DZAS ZHABS TOG LEGS PAR MDZAD, BOD STON MI CHE BA MANG PO'ANG 'DUS, KHU STON GYIS JO BO LA YUL BZANG BA'I BSNGAGS PA BRJOD PAS KHONG CAN DU 'BYON PAR ZHAL GYIS BZHES NAS THANG PO CHER PHEBS, RAGS RTZIGS KHANG PAR ZLA BA GCIG BZHUGS, DER 'BROM GYIS KYANG SPYAN SNGAR SLEB, KHUS @315 ZHABS TOG BZANG BA KHA NA YANG MA BYUNG BAS, DPON SLOB RNAMS BROS TE MYANG PO'I GRU LA ZHUGS TE GTZANG PO'I SUM CHA TZAM DU PHEB PA NA, KHU STON GYIS KYANG RJES SNYEG DU SLEB NAS, SKAD CHEN PO BTANG NAS ZHU BA BYAS KYANG MA BZLOGS PAR DBU ZHVA PHYIR 'PHANGS NAS BYIN RLABS RTEN DU GNANG, DE NAS DPON G-YOG RNAMS KYIS 'ON LHA KHANG GE RUR ZLA BA GCIG TU BZHUGS, DER GTZUG LAG KHANG GI NGOS LA SKU 'DRA ZHIG BRIS PA DING SANG GI BAR DU YANG MI RNAMS GUS PAS MCHOD PAR BYED, DE NAS BSAM YAS SU PHEBS NAS DPE DKAR GLING DU BZHUGS, DER LO TZ'A BA GNYIS KYIS NYI KHRI SNANG BA DANG SLOB DPON DBYIG GNYEN GYIS MDZAD PA'I THEG BSDUS KYI 'GREL PA SOGS 'GYUR MANG PO'ANG MDZAD, DER RGYA GAR GYI DPE MANG PO 'DUG PA'ANG GZIGS PAS, RGYA GAR NA MED PA'I DPE MANG PO GZIGS PA NA, SNGON BOD DU BSTAN PA BYUNG BA 'DRA BA RGYA GAR DU YANG BYUNG BA DKA', DPE 'DI 'DRA BA RNAMS KYANG SLOB DPON PADMAS MI MA YIN GYI GNAS NAS BLANGS SAM GSUNG, SPYIR CHOS 'KHOR LA SHIN TU DGYES NAS YUN YANG RING BAR BZHUGS BZHED PA LA, JO MO 'TSIMS MO ZER BA ZHIG GIS BYIS PA LA NGAN SMRAS MANG PO BSLABS PAS, DE JO BOS GSAN TE GZHAN DU 'BYON PAR BZHED PA NA, 'BROM GYIS BANG STON LA YI GE BTANG BAS, BANG STON GYIS RTA PA NYIS BRGYA TZAM GYI BSU BAS BSAM YAS SU SLEB STE, DPON G-YOG RNAMS RGOD DKAR LA LA THEGS, SRI'I RGYA PHIBS SU ZLA BA PHYED BZHUGS, DE NAS SNYE THANG DU PHEBS, @316 CHOS NYAN PA MANG PO'ANG 'DUS, BUR DU DGON PA BA LA SOGS PA'I RNAL 'BYOR PA RNAMS LA 'PHRAL GYI ZHABS TOG DANG GDAMS NGAG GNANG NAS SGOM GRVA BTZUGS, SNYE THANG DU CHOS NYAN MANG PO 'DUS PA LA MNGON PAR RTOGS PA'I RGYAN TSAR GCIG GSUNGS PA BSDUS SE BA ZHIG LAS MA GNANG BAS MI RNAMS SEMS MA TSIM PA LA, YANG RGYAS PA ZHIG GNANG NAS, DE LA PHYAG DAR STON PAS ZIN BRIS BYAS PAS PHAR PHYIN KHAMS LUGS MAR GRAGS, NYI KHRI SNANG BA GSUNGS PA LA NYAN MI DGE BSHES BCU BZHI TZAM LAS MA BYUNG ZER, 'BROM LA SKYES BU GSUM GYI KHRID KYI GDAMS PA RNAMS KYANG SNYE THANG NYID DU GNANG, DE NAS RNGOG LEGS PA'I SHES RAB KYIS LHA SAR SPYAN DRANGS, SPYAN RAS GZIGS KYIS MI RING DKAR PO ZHIG TU BYAS NAS BSU BA MDZAD, LHA DANG GTZUG LAG KHANG KHYAD PAR CAN GZIGS PA NA, 'DI LA JI LTAR BZHENGS PA'I LO RGYUS 'ONG THANG DGONGS PA'I TSE, LHA SA'I SMYON MA ZER BA'I MKHA' 'GRO MA ZHIG GIS LUNG BSTAN NAS GDUNG GI GSEB NAS PHYUNG, NYIN GCIG GI GNANG BA LAS MA BYUNG BAS, SLOB MA CHOS BGO BSHA' MDZAD DE BRIS, DPE PHYI MO DE NUB RANG GDUNG NANG DU SBAS, DER RNGOG GIS LO PAn LA ZHU BA PHUL NAS, RTOG GE 'BAR BA BSGYUR, DE'I MAN NGAG TU DBU MA'I MAN NGAG CHE CHUNG GNYIS MDZAD, SLAR YANG SNYE THANG DU BZHUGS, LAN CIG GI TSE JO BOS BYIS PA LTAR MDZAD NAS, NANG GI GNAS RNAMS PHYI SA CHUNG NGU RES BKANG BAS, DE 'BROM STON PAS LEGS PAR PHYAGS, SKU'I @317 SPYOD PA LA MA DAD PA MA SKYES PAS, BYA RGOD KYI NYIN LAM BCO BRGYAD KYI BAR GYI GZHAN GYI SEMS SHES PA'I MNGON PAR SHES PA SKYES, DE LTAR GZHAN DON MDZAD PA'I SKABS RNAMS SU PHYAG TU BYUNG BA'I PHYAG RDZAS RNAMS, CHAG KHRI MCHOG LA SOGS PA'I SLOB MA RNAMS KYIS RGYA GAR DU BLA MA DANG DGE 'DUN LA 'BUL BA LAN GSUM BSKYAL, DE LA GZHUNG GI BSHAD PA NI GONG DU SMOS PA DE TZAM LAS MA MDZAD, SGO SGOR GDAMS PA BTAB PA NI MANG BAS MI MNGON PA'I GRUB PA MANG DU BYUNG, DE NAS YER PAR THEGS NAS RNGOG BYANG CHUB 'BYUNG GNAS KYIS ZHABS TOG MDZAD, KHONG GIS ZHUS NAS THEG PA CHEN PO RGYUD BLA MA'I 'GREL PA SLOB DPON THOGS MED KYIS MDZAD PA DE LO PAn GNYIS KYIS BSGYUR, DER BZHUGS PA'I BAR DU 'BROM GYIS PHA TSAN RNAMS LA GSER SLONG BA LA BYON PAS, YO BYAD MANG DU RNYED DE PHYIR BYON NAS, YER PAR 'BROM GYI 'BUL MO CHER GRAGS PA DE YANG MDZAD, DE NAS KA BA SH'AKYA DBANG PHYUG GIS SPYAN DRANGS TE, 'PHAN YUL LAN PA SPYIL BUR CHOS MANG PO GSUNGS, NYIN ZHIG JO BO CHOS KHRI KHA NAS LHUNG BAS, JO BO'I ZHAL NAS, 'DI NA MI MA YIN CHEN PO ZHIG 'DUG KHYED KYIS DE NGA LA MI SBRON PA GSUNG BA DANG, MI MA YIN LA, DA KHYOD YIN CIG GSUNG NAS RTA MGRIN SHV'A NA BZHI SKOR GYI SGRUB PA MDZAD DE BTUL, DE LTAR NA SNYE THANG, LHA SA, YER BA, LAN PA RNAMS NI JO BOS CHOS MANG DU GSUNGS BA'I GNAS YIN, SLAR SNYE THANG DU PHEBS, SKU'I STOBS ZHAN PAR BYUNG BAS, NAG TSOS, GZHUNG @318 CHE BA NI JO BOS KYANG BSGYUR MI SPYOD, CHUNG NGU NI 'BROM GYIS KYANG BSGYUR BA 'ONG ZHUS NAS, 'CHIMS PHUR ZLA DRUG SO GSOD MDZAD, DE NAS SLAR SNYE THANG DU BYON, SNGON JO BO KHA BA GUNG THANG NA BZHUGS PA'I TSE, JO BO'I ZHAL NAS, N'A RO PA'I SLOB MA KHA CHE DZNY'A NA A'A KA RA BYA BA DE LA GSANG 'DUS 'PHAGS SKOR ZHIG NYAN SEMS PA YIN TE GSUNG BA BYUNG BAS, LO TZ'A BA YA MTSAN SKYES TE, BAL PO'I GNAS PO LA PAndI TA 'DI SKAD BYA BA BYUNG SRID NA KHYED KYIS NGA LA PHRIN THONG ZER BA BYAS, DZNY'A NA A'A KA RAS BAL POR BYON PA'I PHRIN LO TZ'A BA LA SNYE THANG DU BYUNG BAS, NAG TSO JO BO'I SKU NYAMS LA BLTAS PAS NI 'BRAL MA PHOD, PAndI TA DANG MA MJAL DOGS PAS NI SEMS GDUNGS PAS, DE'I MYA NGAN GYIS LUS KYANG RID PAR GYUR PA LA, JO BO NYID KYIS BKA' GNANG NAS, THEG PA CHEN PO DGE BA'I BSHES GNYEN DANG MJAL DKA' BAS LO TZ'A BA RANG BZHUD CIG ,KHO BO YANG RING PO MI SDOD PAS DGA' LDAN DU DUS BYA'O GSUNG, DE'I TSE NAG TSOS KHO BO SHI BA'I TSE DGA' LDAN DU ZHABS DRUNG DU SKYE BA'I DGONGS PA GNANG BA DANG, KHO BO YUL DU JO BO'I SKU CIG 'BRI BAS DE'I RAB TU GNAS PA'I TSE JO BO 'BYON PAR ZHU BYA BA GNYIS ZHUS PAS, ZHAL GYIS KYANG BZHES, LO RGYUS 'DI LA DUS PHYIS BKA' GDAMS PA RNAMS KYIS, JO BO MYA NGAN LAS 'DA' KHAR 'BRAL PHOD PA LO TZ'A BA LA DAM TSIG MED ZER NAS DPYAS, DE LA SHAR BA BA'I GSUNG GIS, DING SANG GI BDE SKYID DAM DUM 'DI LO TZ'A BA'I DRIN YIN, NGED @319 RANG GI BKA' GDAMS PA 'DI RNAMS KYANG SHAB SHUB KHO NA BYED GSUNG NAS BKYON, DE LA SPYIR JO BO BOD DU PHEBS NAS BDAG GNYER 'BROM STON PAS MDZAD, THUGS KYANG DE KHO NA LA GTOD, BSAM YAS SU BZHUGS PA'I ZHAR LA GSANG SNGAGS KYI SPYOD PA'I THABS MANG PO DANG, DO HA LA SOGS PA'I GDAMS PA ZAB MO RNAMS 'CHIMS PHUR 'BROM LA GNANG, 'BROM NI SNGAGS SGRA JI BZHIN PAR SPYOD PA'I SPYOD RTZING RNAMS JO BO'I DRIN LAS MED PA ZHIG BYUNG NA DGONGS PA GTZO CHE BAS, ZAB MO RNAMS YE MA GSAN PA SKAD DU MDZAD, 'DI LA RJE BTZUN MI LAS KYANG DVAGS PO LHA RJE DANG MJAL BA'I TSE CUNG ZAD BKYON, JO BO 'BROM LA, KHYOD KYIS GNAS GZHI CHUNG NGU ZHIG BRTZIGS, NGA'I BSTAN PA RNAMS KHYOD LA GTOD PAS GZUNG GSUNGS PA LA, SPYIR BDAG 'KHOS CHUNG, BYE BRAG TU RTEN DGE BSNYEN DU SONG BAS BYA BA CHEN PO SGRUB MI NUS ZHUS PAS, JO BO'I ZHAL NAS, BSLABS PA BZHIN GYI BYA BA RNAMS JI LTA BA BZHIN DU GYIS, NGA RANG GIS BYIN GYIS RLOB PAS SEMS KHRAL MI DGOS GSUNG NAS, SHING PHO RTA'I LO STON ZLA 'BRING PO'I TSES NYI SHU LA JO BO NYID DGA' LDAN DU GSHEGS, DE LTA BU'I RTA LO 'DI YANG BKA' GDAMS PA GONG MA'I YI GE NA DBANG THANG MI GCIG PA SHA STAG SNANG NA'ANG, BLA MA RNAMS KYI LO GRANGS SO SO'I RNAM THAR SOGS LA BRTAGS TE LEGS PAR BRIS PAS, SHING PHO RTA NI 'CHUG MED DO, ,LO TZ'A BA'ANG JO BO ZHI BAR GSHEt PA'I TSE KHONG RANG BZHI BCU RTZA BZHI PA YIN, SPYIR JO BO LA SNGA PHYIR LO BCU @320 DGU BSTEN, GDAMS PA'ANG PHAL CHER THOB, GRUB THOB 'KHON PHU BA'I GSUNG LA NI, KHONG RANG DANG NAG TSO SKYE BA SNGA PHYI YIN ZER, NAG TSOS NI PHYIS KYANG DZNY'A NA A'A KA RA, BAL PO SH'ANTI BHA DRA, NAG PO DAM TSIG RDO RJE LA SOGS PA LA BSTEN NAS 'GYUR YANG MANG DU MDZAD DO, ,JO BO'I THUN MONG MA YIN PA'I SLOB MA LNGA NI, PAndI TA CHEN PO PI TO BA, DHARM'A KA RA MA TI DBU MA'I SENG GE, BSHES GNYEN GSANG BA, DZNY'A NA MA TI, PAndI TA SA'I SNYING PO'O, ,BOD KYI SLOB MA LA, LHA BTZUN PA BYANG CHUB 'OD KHU DBON, LO CHEN RIN CHEN BZANG PO, GU MI SGOM CHEN, NAG TSO TSUL KHRIMS RGYAL BA, GLO BO NAS STON PA YANG RAB, GUNG THANG SGOM PA TSUL KHRIMS, SHES RAB 'BYUNG GNAS, LHO BRAG PA CHAG KHRI MCHOG BTZUN PA DGE SKYONG, RGYA BRTZON SENG, DGE BA'I BLO GROS, TSUL KHRIMS 'BYUNG GNAS, LHA CHEN PO, GZUS RDO RJE RGYAL MTSAN, GTZANG STOD NAS BRAG STON CHE CHUNG GNYIS, LENG 'BROG GNYIS, GTZANG SMAD NAS RONG PA 'GAR DGE BA, 'GOS LO TZ'A BA, YOL CHOS DBANG MCHED GSUM, GNAM GYI RDZING KHA BA, BANG STON, RNGOG, SUM PA, SNA NAM, MYANG MI, MAL SHES RAB SEMS DPA', DPON CHOS RGYAL, 'GOS STONG BTZAN, LHAB MI CHEN PO, SGRO A'ARYA BYANG TSUL, KHU MDO SENG GE RGYAL MTSAN, LHA RJE BSAM GTAN, ZHANG BTZUN YAR PA BA, SGOM PA DAD PA BLA MA, ZHANG BTZUN DRI MA MED PA, SUM PA MTHU CHEN, KHU STON, @321 RNGOG LEGS PA'I SHES RAB, 'BROM STON PA RGYAL BA'I 'BYUNG GNAS, RNAL 'BYOR PA CHEN PO AA MES BYANG CHUB 'BYUNG GNAS MTSAN DNGOS BYANG CHUB RIN CHEN, DGON PA BA 'JENG DBANG PHYUG RGYAL MTSAN, RNAL 'BYOR PA SHES RAB RDO RJE, PHYVA DAR STON PA, BYAMS PA'I BLO GROS TE, KHAMS PA SKU MCHED BZHI'AM LNGA LA SOGS PA RNAMS SO, ,JO BO'I GDUNG BZHU BAS RTEN DANG RING BSREL NI MA BYON, 'ON KYANG SNYE THANG DU GSER GYI CHAR PA BAB PA DUS PHYIS KYANG MIS RNYED PA 'ONG, 'BROM STON PAS DA JI LTAR BYA SNYAM DU THUGS KHRAL DU GNAS PA LA, KA BA SH'AKYA DBANG PHYUG DE MA THAG TU BYON NAS, , GDUNG RNAMS KHU RNGOG LA SOGS PA RNAMS LA 'TSAM PA BKYE, RTEN DANG THUGS DAM GYI LHA RNAMS 'BROM LA GTAD, KHU DANG, RNGOG DANG, 'GAR DGE BA RNAMS KYIS GDUNG LA DNGUL GYI GDUNG KHANG LEGS PA RE YANG GRUB, DE NAS KA BAS DANG DOS MDZAD 'BUL BA RNAMS BSDUS NAS LUG GI LO LA 'DAD CHEN PO MDZAD, BHA RAG LA GTOGS PA YOD NA NGA'I GROGS KYIS GSUNG NAS SNYE THANG DU GTZUG LAG KHANG ZHIG KYANG BRTZIGS, JO BO BZHUGS DUS 'TSO BA JO BOS SKYONG BA RNAMS LA JO BO'I SA DRA ZER, SA DRA DE BOD SKAD DU SDE'AM TSOGS PA ZER BA YIN, 'BROM GYIS JO BOS SKYONG BA'I TSOGS PA RNAMS PHYAGS PHYIR KHRID DE STOD LUNGS LA BYON NAS GNAM GYI BYE MA LUNG DU THOGS SHIG BZHUGS, DE'I TSE 'DAM PA'I GTZO BO RNAMS KYIS KYANG GROS BYAS TE, 'BROM RVA SGRENG DU SPYAN 'DREN PAR THAG BCAD, 'PHRANG KHA BER @322 CHUNG GI YANG ZHU BAS SLEB NAS, ME PHO SPRE'U'I LO GSAR BA LA RVA SGRENG DU PHEBS, DBUS RTZE KA GNYIS MA DANG KHYAMS KYI STOD RNAMS GRUB, DE RTING NGA 'JIG RTEN BLOS GTONG GSUNG NAS CHOS GSUNG BA MA GTOGS 'DZIN RTEN PA'I 'DUN MA MI MDZAD, PHU CHUNG BA JO BO'I YANG SLOB MA YIN PAS 'BROM GYI PHYAGS PHYI MDZAD, SPYAN SNGA NI, SA PHO STAG GI LO BA, CHUNG NGU NAS STOD LUNGS SU MAL SHES RAB SEMS DPA' LA RAB TU BYUNG, DAD PA YANG CHE BAR YOD PAS, MA NA RE, KHYOD CI NAS KYANG CHOS BYED NA RVA SGRENG DU 'BROM GYI SAR SONG ZER BAS, DGUNG LO NYI SHU PA ME MO BYA'I LO LA RVA SGRENG DU BYON, DGE BA'I BSHES GNYEN PO TO BA NI, LCAGS MO LUG GI LO LA, RGYAL LHA KHANG GI GLAN TSUL BYANG LAS RAB TU BYUNG, BRAG RGYAB KYI DGE 'DUN GYI GNYER YANG LO GCIG MDZAD, DGE 'DUN LAS LHAG PA ZHO BSHAL ZHIG KYANG GSOL MA MYONG, MDO MANGS SHIG GI PHYAG LEN KYANG MDZAD, KHAMS SU BYON NAS MING RUS TSUN CHAD GSANGS TE SGOM PA ZHIG BYA DGONGS TE, RANG LO NYI SHU RTZA BRGYAD PA SA PHO KHYI'I LO LA RVA SGRENG DU BYON, DER 'BROM LA DAD PA THOB NAS DE KHO NAR BZHUGS, DE LTAR PHU CHUNG BA DANG, PO TO BA DANG, SPYAN SNGA BA RNAMS LA SKU MCHED RNAM PA GSUM DU GRAGS TE, 'BROM GYIS SLOB MA RNAMS 'JIG RTEN LA ZHEN PA BZLOG TU BCUG NAS CHOS KHO NA SEMS SU BCUG PA LA 'BROM GYI DUS NA SGOM CHEN PA GZHIR BZHUGS DRUG CU TZAM LAS MED DE, BKA' GDAMS PA RNAMS DE LA MANG MI GTZO GRUNG GTZO ZER, @323 PO TO BA LA GDAMS PA BSTAN PA TZAM GYIS THUGS LA JI LTA BA BZHIN DU 'KHRUNGS, SPYAN SNGA LA NI CHOS KYI PHUNG PO STONG PHRAG BRGYAD CU RTZA BZHI YO MA BTUB PA KUN GYI SKAD YIN, KHYOD RANG STONG PA NYID KHO NA LEGS PAR BSGOMS GSUNG, NGA'I GRO'I DU BA RENG BYUNG BA'I DUS SU GCIG PUR SHOG GSUNG NAS, JO BO'I SNGAGS KYI GDAMS PA MANG PO YANG KHONG LA GNANG BAS SPYAN SNGA BAR MTSAN THOGS, PHU CHUNG BA LA NI 'PHAGS PA'I BDEN PA BZHI LAS BRTZAMS PA'I CHOS MANG DU BSHAD, SLOB DPON DE RNAMS PHYIN CHAD NAS BKA' GDAMS PA BYA BA'I MING THOGS TE, RGYAL BA'I BKA' MA LUS PA GANG ZAG GCIG GI LAM DU 'KHYER DGOS PAR BZHED CING GSUNGS PAS, DE SKAD DU THOGS PA YIN, DON 'DI NI CHOS RJE 'BRI KHUNG BAS KYANG, RGYAL BA'I BKA' LAS ZAB PA'I GDAMS NGAG MI SRID CES YANG DANG YANG DU GSUNGS, DE LTA BU'I SKU MCHED GSUM LA SOGS PA MANG PO YONGS SU SMIN PAR MDZAD NAS RVA SGRENG DU LO DGU BZHUGS TE, NYID KYI RANG LO DRUG CU PA SHING PHO 'BRUG LA MYA NGAN LAS 'DAS, MYA NGAN LAS 'DA' KHAR PO TO BA LA, NGAS KHYED RNAMS KYI BRTEN SA GZHAN MA MTHONG BAS, SLOB DPON MDO SDE LA CHOL, KHA YAR DPUNG GDANG 'CHOS LA 'DUG CIG GSUNG, DE LA DGE BSHES STON PA'I BU SLOB CHE BA NI, KYU RA GZHON NU 'OD ZER, LHAB MI SHES RAB G-YUNG DRUNG KA BA RGYA GAR, RUG PA'I ZHANG CHEN PO, BRAN KA JO BTZUN, KAM YUNG PA, YUNG PA KA SKYOG PA, YOL RDZONG RNAL 'BYOR BA, STON PA YON TAN 'BAR, @324 SGOM PA RIN CHEN BLA MA, AA MES SMAN RGAN, SGA SGOM AAG TSOGS, STON PA DBANG PHYUG 'BAR, PHA RGAN LDONG STON, JO BO LEGS, KHAM PA LUNG PA CHEN PO, SKU MCHED SUM LA SOGS PA RNAMS SO, ,'BROM DE NI SNGAGS MTSAN NYID GNYIS KA'I YON TAN SHIN TU CHE STE, GSANG SNGAGS NI SBAS TE CHER MA GSUNGS LA, MTSAN NYID LA NI BRGYAD STONG PA DANG, BRGYAD STONG 'GREL CHEN DANG, 'GREL CHUNG DANG, NYI KHRI SNANG BA LA SOGS PA DANG, SNGAGS KYI YANG YE SHES GRUB PA LA 'GYUR BCOS MDZAD SNANG, KHO BO'I DBU MA'I LTA BA CI YANG MA YIN PA BYA BA YIN GSUNG STE, DON MED PAR DGAG PA STE, CHOS KYI GRAGS PAS, MED PAR DGAG PA NI CI YANG MA YIN PA'I PHYIR RO, ,ZHES GSUNG PA BZHIN NO, KHONG GSHEGS PA'I RJES LA RNAL 'BYOR PA CHEN POS GDAN SA MDZAD DE, DE YANG JO BO'I CHIBS PA SKYONG BA DANG NANG LAS RNAMS KYANG MDZAD CING, DANG POR NYAN TSOR MJAL NAS JO BO'I CHOS RNAMS LEGS PAR GSAN, ZHABS TOG GI TSE'ANG SGOM PA KHO NA LA GTZO BOR MDZAD PAS RNAL 'BYOR PAR BTAGS, JO BO'I BZHED PA'I BDEN PA GNYIS LA 'BROM STON PA LAS KYANG KHONG MKHAS ZER, SHING MO SBRUL NAS SA PHO RTA'I BAR LO BCU BZHI GDAN SA MDZAD, RVA SGRENG GI KHYAMS SMAD LA SOGS 'BROM STON GYIS MDZAD PA'I LHAG MA RNAMS BSGRUB PA'I PHYIR 'BAD PA MDZAD PA LA, DANG POR DKA' SE BYUNG YANG PHYIS SKU BSOD RGYAS TE BZHED PA RNAMS GRUB, DE YANG SHING MO YOS LA 'KHRUNGS NAS SA PHO RTA'I BAR DU DRUG CU RTZA GSUM BZHUGS, 'DI'I SLOB @325 MA CHE BA STOD LUNGS PA RIN CHEN SNYING PO, LHAB MI CHEN PO, DGE BSHES MANG RA LA SOGS PA'O, ,DE'I RJES LA DGON PA BA 'DZENG DBANG PHYUG RGYAL MTSAN GYIS GDAN SA MDZAD DE, SA PHO RTA DE NYID GTOGS PA'I LO LNGA GDAN SA MDZAD, DGON PA BA DE YANG GDUNG RUS 'DZENG, MTSAN DBANG PHYUG RGYAL MTSAN ZHES BYA, KHAMS NAS BYON TE NYAN TSOR JO BO'I SPYAN SNGAR SLEB, JO BO LA DAR YUG BRGYA PHUL NAS SGOM GYI GDAMS PA GNANG BAR ZHUS PAS, JO BO'I ZHAL NAS NGA'I ZAN ZO GSUNG PA LA, BDAG RANG LA RGYAGS YONG ZHUS PAS, KHYED NGA'I ZAN ZA NA SGOM STER, DE LTAR MIN NA MI STER GSUNGS PAS, DE NAS BZUNG STE JO BO'I MCHOD GNAS MDZAD, LEGS PAR BSGOMS PAS GEGS MANG PO BYUNG BA'ANG JO BO NYID KYIS BSAL, BSGOMS PA'I STOBS KYIS MNGON PAR SHES PA RGYA CHEN PO MNGA', RLUNG GZUNG STE BA SPU YANG MI 'GUL BAR ZHAG GSUM TZAM BZHUGS PAS, SLOB MA RNAMS DA NI GRONGS ZIN SNYAM PA LA KOG GIS BZHENGS TE, KHO BO KHAMS CUNG ZHIG MA BDE BAS RLUNG GZUNG BA YIN GSUNG, MNGON PAR SHES PA YANG BRDZU BAR MI MDZAD PAR GZHAN LA GSAL POR GSUNG, KHONG NI ME PHO 'BRUG LA 'KHRUNGS NAS CHU PHO KHYI DRUG CU RTZA BDUN PA LA GSHEGS, DE LA SLOB MA MANG DU YOD KYANG, SNE'U ZUR PA, ZHANG KA MA BA, GNYAN SNA MO BA, 'BRE KO DE LUNG BA STE BZHI LA DGON GYI BU BZHIR GRAGS, KHA RAG SGOM CHUNG GIS KYANG KHONG LA JO BO'I GDAMS PA RNAMS ZHUS, PHYIS GDAMS PA RNAMS LA MYONG BA RNYED PA'I @326 STON PA YON TAN 'BAR, SGOM PA RIN CHEN BLA MA, AA MES SMAN RGAN, TSUL PO TO BA'I DRUNG DU RTOGS PA 'BUL BA YANG BYAS, DGON PA BA GSHEGS RJES GDAN SA MED PAS RVA SGRENG BA LA CHOS KYI MU GE YOD ZER, PHYI NAS PO TO BA GZHAN DON MDZAD PA LA ZHUGS PA ZHIG SPYAN DRANGS TE LO GSUM GDAN SA MDZAD, KHAMS PA SGOM CHUNG BA ZER BA ZHIG GIS KHO DE NA BYED SHA DANG PHER SHA CHE ZER BA'I TSIG NGAN BTANG BA GSAN PAS, NAM LA BROS PAS SNE'U ZUR PAS PHA WONG THANG DU ZIN, DA SLOB DPON GYI SPYOD PA 'DI CI YIN ZHUS PAS, SLOB DPON GYI SPYOD PA 'DI CI YIN BYA BA DE KA CI YIN, NGA RUG PA'I LHA KHANG GOG POR LI MO'I BU'I THAD DU 'GRO GSUNG NAS BZHUGS MA BZHED PAR THEGS, DE'I RJES LA GDAN SA BA 'DRA BA 'GA' RE BYUNG BA THAMS CAD SKU TSES MA ZIN PAR GRONGS PAS, RVA SGRENG GI GDAN SAR 'GRO MI PHOD PA BYUNG, 'OD 'JO BAS RVA SGRENG GI GDAN SA GZUNG, RING PO MA LON PAR MKHAN PO GUR STON BSKOS, RING PO MA BZHUGS PAS RVA SGRENG GNAS BRTAN GYIS RMA STON SPYAN DRANGS PAS 'BYON MA BZHED PA LA, LHA 'GRO BA'I MGON POS RTEN BYIN RLABS CAN PAD SPUNGS CHUNG NGE BA GCIG DANG THUB PA'I SHING SKU GCIG, TRAK SHAD KYI THANG SKU CHUNG NGE BA GCIG STE GSUM GNANG NAS, 'DI RNAMS DANG MA BRAL NA LEGS PO 'ONG GSUNG NAS RMA STON BRDZANGS, SKU TSE RING ZHING PHRIN LAS CHE, PHYIS ZUR BZHUGS MDZAD NAS MKHAN PO ZHES SKOR BA BSKOS, DE YANG RINGS ZHIG BZHUGS NAS ZUR DU BZHUGS TE, @327 'DUL BA 'DZIN PA BSKOS, MKHAS PA'I BYA BA YUN RING DU MDZAD DE, MKHAN SA DE NYID DU GSHEGS, DE RJES MKHAN PO 'JAM DBYANGS PAS GDAN SA LO MANG DU MDZAD DO, ,DE LA ME MKHA' RGYA MTSO BA RNAMS 'DAS LO BZHI BRGYA DANG LNGA BCU SONG BAR BRTZI BA ME MO BYA SHAR BA'I TSE JO BO RJE 'KHRUNGS NAS, ME PHO SPRE'U YAN CHAD DU LO BZHI BRGYA DANG DGU BCU RTZA LNGA 'DAS, MNGA' RIS SU PHEBS NAS NI LO BZHI BRGYA DANG SUM CU RTZA LNGA SONG NGO, ,JO BO DANG 'BROM STON DANG RVA SGRENG GI SKABS SO, , PO TO BA DANG ROG GI SKABS, PHU CHUNG BA GZHON NU RGYAL MTSAN SHA GZUG RANG ZA GSUNG NAS, TSOGS PA MA BSKYANGS PAR DKON MCHOG PA'I LAS LA SHIN TU BRTZON ZHING, NANG DU THUGS DAM LA GNAS, CHOS 'BREL ZHU BA RNAMS LA BDEN PA BZHI RGYAS PAR GSUNG, KHONG NI LCAGS MO LUG LA 'KHRUNGS NAS, BDUN CU RTZA DRUG PA ME PHO KHYI LA GSHEGS, DE'I SLOB MA KARMA GRAGS LA SOGS PA RTOGS LDAN 'GA' ZHIG BYON, PO TO BA RIN CHEN GSAL GYIS 'BROM GSHEGS NAS RANG LO LNGA BCU BZHES KYI BAR DU THUGS DAM 'BA' ZHIG MDZAD, LNGA BCU RTZA GCIG NAS GZHAN DON MDZAD DE, BZHUGS SA MKHAN GRAGS DANG, SGRO LAG DGON PA DANG, MTHAR THOG DANG, STAG LUNG LA SOGS PA GNAS MA NGES PAR BZHUGS, TSOGS PA RGYUN DU RJES SU 'BRANG BA STONG PHRAG LHAG @328 PA RE 'DUS, GZHAN GYI GNOD PA BYED PA BYUNG NA YANG SPYIR DGE SLONG KHAS NYEN, BYE BRAG TU BYANG CHUB SEMS DPA' KHAS NYEN GSUNG NAS GNOD LAN YE MI MDZAD, CHOS NI LAM GYI SGRON MA GTZO BOR BYAS NAS, GZHAN MDO SDE'I RGYAN DANG BYANG CHUB SEMS DPA'I SA, BSLAB PA KUN LAS BTUS PA DANG SPYOD 'JUG, SKYES RABS DANG CHED DU BRJOD PA'I TSOMS LA NAN TAN DU GSUNG PAS, BKA' GDAMS GZHUNG DRUG TU GRAGS, GZHAN YANG BSTAN BCOS SHIN TU MANG BAR GSUNG, BSHAD PA MDZAD PA NA TSIG GCIG KYANG PHYIR MA LUS PAR, NYAMS LEN KHO NA DANG SBYAR NAS 'CHAD, SKU TSE'I SMAD LA PO TO DGON PA BTAB STE BZHUGS, PHYAG RGYA CHEN PO SKAD PA 'DI MDO TING NGE 'DZIN GYI RGYAL PO'I DON YIN, 'O SKOL NI DE LA SMOD PAR YANG MI BYA LA 'JUG PAR YANG MI BYA GSUNG NAS, JO BO RJE'I CHOS 'BA' ZHIG GTZO BOR 'DZIN, NGA'I DON GYI MKHAN PO NI RVA SGRENG GI DGE BSNYEN RGAN PO DER SNANG GSUNG NAS, RVA SGRENG DU MA BYON GONG GI RANG GI SDOM PA YANG SO SO THAR PA DNGOS SU MI BRTZI, 'KHOR BA LA NGES 'BYUNG MA SKYES KYANG RAB BYUNG GI BSLAB PA BLANGS PA RNAMS PHYIS NGES 'BYUNG SKYES PA NA SO THAR MTSAN NYID PAR 'GYUR BAR BZHED PAS, DE LA SDOM PA GNAS GYUR ZHES GRAGS, BKA' GDAMS ZER BA'I SGRA BO CHE DE YANG KHONG GI RING NAS GRAGS PA YIN ZER, RNAM THAR GTZANG BA DANG KHYAB PA YANG PO TO BA YIN, KHONG RANG GIS 'PHAGS PA'I GNAS BRTAN YAN LAG 'BYUNG DU YANG ZHAL GYIS BZHES, KHONG NI LCAGS @329 MO LUG GI LO PA BDUN CU RTZA LNGA PA SHING MO BYA LA GSHEGS, SLOB MA CHE BA YANG, GNYAL NAS GLANG BYA RAB PA DANG GNYOS BRA GOR BA GNYIS, RDOL NAS 'BE MON BU CHUNG PA DANG ROG DMAR ZHUR BA GNYIS, GTZANG STOD NAS BYA PHAG GNYIS, SMAD NAS RAM SDING MA BA DANG SNANG DRE'U LHAS PA GNYIS, MYANG STOD NAS LHAG SHES GNYIS, G-YAG SDE NAS SOG PO BA, BZANG NAS PHRU GU LUNG PA, KHA RAG SGOM CHUNG GNAS KHANG GI 'GOS, NAGS STON MTHA' DAG LHO STOD PA, MYANG PO RI KHA BA, KHRO STEN KU SHU RA BA, GROG PA BRTZON SENG, THUR RI BA MTHA' BZHI, GTZANG BA MKHAR BO BA, RGYAL GYI KO DE LUNG PA, DAR KHUL GYI G-YA' NGOS BA, YE SHES SENG GE, WA BRAG DKAR BA, SGRO'I LTAG MGO BA, GRAB KYI PHO BRANG SDINGS PA, RGYAL GYI SGRO LAG PA, RMA'I 'BRONGS STONGS PA, BAN DE BA RIN BYANG, YAG PA GNYAN CHUNG, MAM GRO BSLAB SGOM, THANG PO CHE BA, DGON MER BA, G-YU SGRA'I ZHANG CHEN PO, LA MO'I DGE SBYONG CHEN PO, MDO LUNG PA, ZHA RA DGON PA GONG 'OG GNYIS, SGYU SBYANGS DBANG SENG, BYAR BA RIN GZHON, STOD LUNGS BA DBANG PHYUG GRAGS, GLANG RI THANG PA, SHAR BA PA LA SOGS PA 'GRO BA'I DON NUS PA SHIN TU MANG MOD KYI, DE DAG GI NANG NAS GTZANG NA RAM SNANG GNYIS, GTZANG STOD NA BYA PHAG GNYIS, GNYAL GYI GLANG GNYOS GNYIS, DOL NA 'BE ROG GNYIS TE CHEN PO BRGYAD DANG, GLANG THANG PA DANG SHAR BA PA LA DBUS KYI KA CHEN ZER, DE LA ROG SHES RAB @330 RGYA MTSO NI, DOL PA DMAR ZHUR BAR GRAGS PA DE YIN TE, SNGAGS PA YON TAN SHIN TU CHE BA GCIG GI SRAS SU 'KHRUNGS, DGUNG LO NI SA MO PHAG LO BA YIN, RAB TU BYUNG NAS ROG MNGON PA BA DANG, RGYA 'DUL 'DZIN MGO NYUG BYUNG BA ZHIG LA MNGON PA DANG 'DUL BA GSAN, PO TO BAS TSOGS PA BSKYANGS NAS LO GSUM SONG BA SHING PHO BYI BA LA, DGE BSHES DOL PA LO NYI SHU RTZA DRUG PA ZHIG GIS ZIN, LO NYI SHU RTZA GNYIS BSTEN, DE RTING 'GRO DON RGYA CHEN MDZAD, TSOGS PA YANG, YANG GANG DU STONG LHAG PA BYUNG ZER, 'DI LA 'GRO MGON PHAG MO GRU PAS CHOS 'BREL GSAN, RANG LO DON GSUM PA LCAGS MO PHAG LA GSHEGS, RGYA 'DUL 'DZIN GYIS LO BRGYAD CU RTZA LNGA THUB PA'I LO SO GSUM GYI BAR DU 'DUL BA LA SBYANGS, DOL PAS PO TO BA LA MJAL PA'I SNGA GONG DU, RGYA 'DUL NYUG BYUNG BA ZHIG LA 'DUL BA NYAN ZER BAS, PO TO BA DANG RGYA 'DUL GNYIS GZHAN DON GYI MGO MJUG MNYAM PA 'DU'O, PO TO BA DANG ROG GI SKABS SO, , GLANG THANG PA'I SKABS, GLANG RI THANG PA RDO RJE SENG GE NI, SHING PHO RTA LA 'KHRUNGS NAS CHU MO YOS KYI BAR LO BDUN CU BZHUGS, TSOGS PA YUN RING DU BSKYANGS, PO TO BA'I MDZAD PA BZHIN DU BYAMS CHOS LA SOGS PA'I GZHUNG CHE BA RNAMS KYIS SLOB MA SKYONG, LAN CIG GI TSE TSE RABS THAMS CAD DU DGE SLONG GI DNGOS@331 PO DANG MI 'BRAL BA'I DAM BCA' BRTAN PO MDZAD PAS, DPAL LHA MO DRE'U'I SKAD LHANG NGE BYON NAS DE'I BAR DU NGAS KHYOD KYI GROGS BYA'O GSUNG, KHYUNG PO RNAL 'BYOR GYIS KYANG, KHONG SANGS RGYAS 'OD DPAG MED KYI SPRUL PA YIN ZER NAS DBU SKRA GCOD SA MDZAD, GLANG THANG PA PHYIS SNE'U ZUR PA'I YANG SLOB MAR GYUR, TSOGS PA NYIS STONG TZAM 'DUS PA'I NANG NAS, YAR KLUNGS LCAGS ZHING PA, BA YAGS KYI 'DUL 'DZIN, LUNG MO BA MDO SDE, ZHANG BTZUN GNYAN, 'GAR ZHANG ZHUNG PA, MA THANG PA, NYE MAL BA LA SOGS PA MANG DU BYON, SHA BO SBANG PA PADMA BYANG CHUB KYANG GLANG THANG PA'I SLOB MA STE, GLANG THANG PAS BCU BZHI BZHES PA ME MO LUG LA 'KHRUNGS, RE LNGA PA LCAGS PHAG LA GSHEGS, TSOGS PA STONG PHRAG RE TZAM 'DUS, GLANG THANG GI GDAN SA GLANG THANG ZHANG GIS MDZAD, DE'I RJES SU DGE BSHES GNYAN, SLOB DPON SGOM PA, DGE BSHES 'GAR PA, SLOB DPON GTZANG PA RNAMS KYIS RIM PAR MDZAD, DE NAS GLANG THANG RGYA MA'I SANGS RGYAS DBON LA PHUL, GLANG THANG ZHANG 'DI LA PHAG MO GRU PAS KYANG GTUGS, GLANG THANG PA'I SKABS SO, , SHAR PA BA NAS 'CHAD KHA BA'I SKABS, SHAR PA BA CHEN PO NI, BYANG GI ROM POR 'BROG PA ZHIG GI SRAS SU LCAGS PHO KHYI LA 'KHRUNGS, GZHON PA'I DUS SU PHA MAS BAG MA BLANGS PA LA @332 MA CHAGS PAR, PO TO BA'I SPYAN SNGAR BYON NAS RAB TU BYUNG ZHING GDAMS PA GSAN, THUGS RAB SHIN TU CHE BAS BKA' 'GYUR RO COG THUGS LA BZHUGS PAR YANG GRAGS, PO TO BA GSHEGS PA'I RJES SU PO TO BA'I SLOB MA PHAL CHE KHONG LA 'DUS NAS, PHYIS TSOGS PA SUM STONG DRUG BRGYA YOD PAR GRAGS, BSHAD PA PHAL CHER GZHUNG CHE BA KHO NA LA MDZAD, KHYAD PAR RGYUD BLA MA JO BO DANG NAG TSOS BSGYUR BA DE'I STENG NAS BSHAD PA'I TSE CHOS GRAR RDOG 'GYUR THO RE BA ZHIG BYUNG, TSAR GNYIS PA'I TSE RDOG 'GYUR SHAS CHE BAR BYUNG BAS, SKAL MED RNAMS JO BOS MDZAD PA'I 'GYUR LA MI MOS PA GSUNG NAS CUNG ZAD BKYON, DE NAS TSAR PHYI MA GNYIS KA RDOG 'GYUR GYI STENG NAS BSHAD PA MDZAD, PA TSAB LO TZ'A BAS RGYA GAR NAS PHEBS, DBU MA'I BSHAD PA MDZAD PA NA GRVA PA HA CANG MI MANG BAS, SHAR PA BAS KHONG RANG GI SLOB MA BTZUN CHUNG MANG PO SLOB MAR PHUL, PA TSAB KYIS BSGYUR BA'I DBU MA'I DPE GZIGS TZA NA, 'DI LA 'DI 'DRA BA ZHIG 'ONG THANG BYAS NAS LAN BSKUR BAS, PA TSAB KYIS SLAR DPE GZIGS PAS KHONG GI GSUNG BZHIN DU SONG, SPYIR NA PA TSAB LO TZ'A BA'I DBU MA'I BSHAD PA SPEL BA'I BSNGAGS PA YANG MANG DU BRJOD NAS, GROGS YANG DAG PA MANG DU MDZAD, RVA SGRENG NA MDO KUN LAS BTUS PA JO BO'I PHYAG DPE LA YOD PA DE BLANGS, 'GYUR GYI SBYIN BDAG MDZAD NAS, KHA CHE DZA MA YA A'A NANDA DANG, LO TZ'A BA PA TSAB NYI MA GRAGS DANG, KHU MDO SDE 'BAR RNAMS KYIS BSGYUR, BSTAN @333 PA'I BDAG POR GYUR TE, BKA' GDAMS PA GZHAN RNAMS DBU MA LUGS DANG SEMS TZAM LUGS KYI SEMS BSKYED PA'I CHO GA DAG GTAN MI MTHUN PAR GSUNG BA YOD PA LA, KHONG GIS LAM SGRON GYI RANG 'GREL TSAD MAR MDZAD CING KHUNGS SU DRANGS NAS, SEMS BSKYED GNYIS PO RTEN LA SOGS PA MTHUN PAR SGRUB PA'I YI GE YANG MDZAD, DUS PHYIS THAMS CAD MKHYEN PA BLO BZANG GRAGS PA'I DPAL YANG DE KHO NA BZHIN DU BZHED, SHAR PA BA 'GRO DON RGYA CHEN PO MDZAD PA'I NGANG NAS LCAGS MO BYA'I LO BDUN CU RTZA GNYIS BZHES PA LA GSHEGS, TSOGS PA SUM STONG DRUG BRGYA RE TZAM TSOGS PA'I NANG NAS, PRADZNY'A DZVA LA, NAGS SHOD DPE STON, LDAN GYI BAN CHEN SKYES BU, GZHO'I SHES RAB RDO RJE, SNAR THANG PA GTUM STON, BYA GRAGS PA SENG GE, 'JING PA DGYE LUNG PA, LA STOD PA BYANG CHUB GRAGS, MYANG SMAD KYI RTZED PA, SHANGS KYI RGYU BUG PA, GTZANG GAD GNYOS PA, KHU LE'I KHA MO ZER STON, MYANG STOD PA 'BE DKAR, MYANG RO BA, BYA RGYUS PA, MYANG STOD KYI JO SRAS, SHAR PA BA BLO GROS GRAGS, GTZANG PA RGYA STON, BO DONG BA ZHAR CHOS, GNYAL BA DGE 'DUN SKYABS, MYANG PO G-YOR STON, TSES PA SNGA PHYI GNYIS, GNYAL GYI GNYOS STON, GNYAL PA DAR RIN, JO SRAS KONG BO, LHO PA DAR MA GRAGS, SOL THANG PA MYANG, NAG MO'I SBA 'DUL, ZHOGS PA TSUL SHE, ZHAR DGON PA PHYI MA, YUNG BA SKYO STON, STOD LUNGS MON GRA PA, LHO PA DAR STON, RGYAL BA BYANG GRAGS, BYA STON @334 'CHAD KHA BA, STABS KHA BA CHEN PO LA SOGS PA SKYES BU DAM PA MANG DU BYON NO, ,DE DAG LAS BYA 'CHAD KHA BA NI, 'KHRUNGS YUL LU RA, GDUNG RUS BYA, SKU NA GZHON PA NAS LO RO RAS CHUNG BA'I SLOB MA YIN PA LA, LO RO ZHING GSAR DU RTZE BOR BA ZHES BYA BA LA MKHAN PO ZHUS, DVAGS PO GTZANG 'DUL LA SLOB DPON ZHUS TE RAB TU BYUNG, MTSAN YE SHES RDO RJE BTAGS, GNYAL DU NGAR RJE BTZAN BHOR 'I CHOS 'KHOR GCIG LA RAS CHUNG BA'I PHYIR BYON PAS, CHOS 'KHOR GYI GRAL DBU RNGOG LOS MDZAD PA'I DGE BSHES MANG PO GRUB MTHA'I BSHAD PA MDZAD PA LA MOS NAS CHOS TSOL DU BYON, G-YER DGE BSHES SGRE BA LA BSNYEN RDZOGS KYI MKHAN PO ZHUS PAS MA GNANG BAR, TSA RONG JO STAN DANG DVAGS PO GTZANG 'DUL GNYIS SGRE BA CHEN PO'I SAR BYON PA LA MKHAN SLOB ZHUS NAS BSNYEN PAR RDZOGS, DE NAS SHA MI LA 'DUL BA NYAN CING YOD PA'I TSE YAR KLUNGS SU CHOS 'KHOR ZHIG GI SAR BYON PAS, DGE BA'I BSHES GNYEN MYANG LAt ZHING PA DANG MJAL, KHONG LA GLANG RI THANG PA'I TSIG BRGYAD MA GSAN PAS DAD DE, DGE BSHES DOL BA DANG LUGS SMAD PA GNYIS LO BZHI BSTEN, DE NAS DGUNG LO SUM CU LON PA'I TSE DBU RUR BYON, LHA SA'I 'GRON KHANG DU GLANG RI THANG PA'I SLOB MA ZHIG DANG STABS SU BYUNG BAS, KHONG GIS GLANG RI THANG PA'I TSIG BRGYAD MA BTON PA LA, DE SU'I YIN BYAS PAS GLANG RI THANG PA'I YIN TE KHONG GSHEt ZER, SHUL NA GNYAN DANG 'DUL BA 'DZIN PA GNYIS GDAN SA LA MA 'CHAM PAR 'DUG ZER BAS SHAR PA BA CHEN PO GZHO'I KHANG @335 PA GNAS NA BZHUt PA'I SPYAN SNGAR BYON, TSOGS CHOS GSAN PAS BLO SBYONG GI TSIG GSAL BAR MA BYUNG BA LA, NYIN ZHIG GRVA PA RNAMS STON MO LA SONG NAS DGE BA'I BSHES GNYEN PA 'BUM PA LA SKOR BA MDZAD PA'I DRUNG DU PHYIN NAS, RANG GI CHAM TSE BTING NAS 'DIR BZHUGS PA ZHU DANG ZHUS PAS, DER BSDAD NAS CI BYED GSUNG, GROS SHIG ZHU BA LAGS BYAS PAS, GROS THAG THAMS CAD CHOS KHRI KHA NAS BCAD PA YIN TE, DER MA CHOD PA CI YOD GSUNG, BLO SBYONG GI TSIG RNAMS SNYAN DU PHUL, 'DI 'DRA BA ZHIG 'DUG PA LA KHO BO MOS PAR BYUNG BAS LAM DU 'GYUR RAM MI 'GYUR ZHUS PAS, DGE BA'I BSHES GNYEN PA'I ZHAL NAS, JO BO STON PA KHYOD MOS MI MOS KYI KHA NA CI YOD, SANGS RGYAS MI SGRUB NA PHAR ZHOG SGRUB NA SEMS DE 'DRA BA LA MA BRTEN PAR 'GRUB MI SRID GSUNG, 'O NA LUNG ZHIG DANG BAR ZHU DANG BYAS PAS, MGON PO KLU SGRUB LA TSAD MAR MI 'DZIN PA SU YOD GSUNG NAS, BDAG LA DE DAG SDIG SMIN CING, ,BDAG DGE MA LUS DER SMIN SHOG ,CES BYA BA MI GDA' 'AM GSUNG, 'O NA DA DE'I GDAMS PA ZHIG GNANG BAR ZHU 'TSAL BYAS PAS, ,JO BO RANG GIS RKYEN THUB PAR GYIS SHIG ,NGAS GDAMS NGAG RIM GYIS RIM GYIS BYA'I GSUNG, DER BLO SBYONG GI KHRID TSAR GCIG LA LO BCU GSUM BYAS PAS, JI LTA BA BZHIN DU THUGS RGYUD LA SKYES NAS, BDAG NYID MOS PA MANG BA'I RGYUS, ,BDE SDUG GTAM NGAN KHYAD BSAD NAS, ,BDAG 'DZIN 'DUL BA'I GDAMS NGAG ZHUS, ,DA NI SHI YANG MI 'GYOD DO, GSUNG BA'I TSIG YI GER BRIS @336 GDAMS PA DE DGE BA'I BSHES GNYEN PAS GZHAN LA GNANG YOD PA MI 'DRA NAS, GZHAN YID CHES PAR BYA BA'I PHYIR PHYIS LHO PA ZHIG DANG YANG STABS SU TSAR GCIG ZHUS, DE NAS TSOGS CHOS GSAN PA'I TSE RGYUD BLA MA GSUNG BA NA, BDAG GI BDE BA DANG DGE BA JO BO SEMS CAN PA LA GTONG, SEMS CAN GYI SDIG DANG SDUG BSNGAL THAMS CAD RANG GIS BLANG DGOS PA YIN TE, THUGS KYIS LCOGS NA YANG DE BZHIN DU MDZOD CIG GSUNG BAS, NGA LA 'PHRIG YOD PAS GO GZHAN GO BA TZAM YANG MI 'DUG GSUNG, DE'I TSE GZHOR LO GNYIS, DGE GONG DU LO DRUG SHAR BAR YANG BYON NAS BSHES GNYEN CHEN PO BSTEN, DE NAS YANG BYEN LA SOGS PA'I GNAS NGES MED DU BZHUGS, 'GRES PHUR BZHUGS PA'I DUS SU, NYE GNAS LA, KHYOD LA MAR YOD NA SGOM CHEN PA RNAMS LA MAR KHU'I GSHOR 'DREN CIG GYIS, NGA'I CHOS 'DI LA MING CIG 'DOGS PA'I MING STON BYED PA YIN GSUNG NAS, DON BDUN MA GSUNGS, 'GRES PHU SGOM CHEN SDINGS SU TSOGS CHOS SU GSUNGS PAS, BLO SBYONG LA TSOGS CHOS BYED PA'I SROL DE DE NAS BYUNG BA YIN, DE NAS MAL GROR BYON NAS 'CHAD KHA RNYID MA BTAB, SE SPYIL BU BA LA 'CHAD KHA GSAR MA 'DI 'DEBS PA'I LUNG BSTAN MDZAD, DE NAS BYA DUR MOR BYON, MTHAR THUG GSUM GYI GDAMS PA LA SOGS MDZAD, RANG GI RNAM THAR RNAMS TSIGS SU BCAD DE, YUL DANG BSHES GNYEN RAB SPANGS TE, ,'DZIN CHAGS MED PA'I DGE RTZA BYAS, ,BSHES GNYEN BZHUGS PA'I SA PHYOGS SU, ,THOS BSAM SGOM GSUM @337 DGE RTZA BYAS, ,DA NI SHI YANG MI 'GYOD DO, ,LHA RU NYE DU MA MCHOD CING, , HRUL BO'I GOS GYON DMAN SA GZUNG, ,SU DANG 'GROGS KYANG YID MA PHYUNG, , GRAGS PA MA BSGRUBS NOR MA BSAGS, ,DA NI SHI YANG MI 'GYOD DO, , MI CHOS LHA CHOS RIS SRID DANG, ,YON BDAG LHA BZHIN MCHOD PA DANG, , BAN MO'I BSNYEN BKUR RNAMS SPANGS TE, ,DRANG SRONG CHEN PO'I RNAM THAR SPYAD, ,DA NI SHI YANG MI 'GYOD DO, ,BYAD BZHIN CAN DANG NOR CAN LA, TSOGS SOGS BSNYEN BKUR MA BYAS SHING, ,BUN SKYED MA BYAS TSONG MA BYAS, , MKHAR LAS MA BYAS GZHI MA GZUNG, ,DA NI SHI YANG MI 'GYOD DO, ,ZHES PA LA SOGS PA GSUNGS NAS GSHEGS SO, ,DE LA BYA 'CHAD KHA BA 'DI SHAR PA BA'I SO GNYIS PA LCAGS MO SBRUL LA 'KHRUNGS NAS, RANG LO SUM CU PA, SHAR PA BA'I DRUG CU RTZA GCIG PA LCAGS PHO KHYI LA MJAL NAS, LCAGS MO BYA'I BAR LO BCU GNYIS SU 'GROGS, DE RTING LO SUM CU RTZA BZHI BZHUGS TE, RANG LO DON LNGA PA SHING MO LUG LA MYA NGAN LAS 'DAS, DE'I RJES SU SE SPYIL BU BA NI, GDUNG RUS SE, GNYAL STOD DAR MA SGANG DU LCAGS GLANG LA 'KHRUNGS, MTSAN CHOS KYI RGYAL MTSAN, 'CHAD KHA BA LA LO MANG DU BSTEN NAS, SHING SPRE LA 'CHAD KHA GSAR MA BTAB, SPYIL BUR YANG DGON PA MDZAD, 'CHAD KHA BA GSHEGS RJES ME SPRE NAS LCAGS BYA'I BAR DGON PA PHAN TSUN DU LO BCU BZHI BZHUGS, 'DI'I SLOB MA RNAL 'BYOR BYANG SENG, RGYA SPANG SA THANG PA, LHA DGE 'DUN SGANG PA, NYAN LHA SDINGS PA RNAMS KYIS @338 GRO SA DANG, SPANG SA DANG, DGE 'DUN SGANG DANG, NYAN LHA SDINGS RNAMS BTAB, RANG LO DRUG CU RTZA DGU LA SPYIL BUR ZHI BAR GSHEGS, DUNG G-YAS 'KHYIL SOGS RTEN NGO MTSAR CAN YANG MANG DU BYON NO, ,DE RJES JO BO RNAL 'BYOR DANG, SNA NAM GZA' DPAL 'DREN GYI SRAS LHA LUNG GI DBANG PHYUG NI, SA PHO STAG LA 'KHRUNGS, DGUNG LO BRGYAD BZHES PA'I TSE GU RI BA CHEN PO LA BSNYEN GNAS DANG GTOR CHOG LA SOGS PA'I LUNG ZHUS, BCU BZHI PA LA GU RI BA LA DGE BSNYEN GYI SDOM PA ZHUS, BCO LNGA PA LA RGYA NGUR GYI MKHAN PO KLUBS DKAR DANG, 'CHIMS PHU NAS DGE BSHES GTZANG PA KHYUNG PO SPYAN DRANGS TE, KLUBS DKAR LA SLOB DPON DANG KHYUNG PO LA MKHAN PO ZHUS NAS BYA SAR RAB TU BYUNG, MTSAN BYANG CHUB RIN CHEN DU BTAGS, K'A RI K'A YANG GSAN, SUM BRGYA PA TSAR GNYIS GSAN PAS MKHYEN NAS LO DE NYID LA SBU GU DOR GSUNGS, DGE BSHES BYA 'CHAD KHA BA'I SKU 'BAG GZIGS PAS SHIN TU DAD PAS, 'DI JI SKAD BYA BA YIN BYAS PAS, 'CHAD KHA BA BYA BA YIN 'DAS ZER, DA LTA SE BZHUGS BYAS PAS, DE LA YANG DAD PAR BYUNG STE SPYAN SNGAR BYON, GRVA PA THAMS CAD LOG NAS SPYIL PO CIG BRTZIGS, DGUNG LO NYI SHU RTZA BZHI LA SE'I ZHAL NAS, ,DGE SLONG GYIS GSUNG BAS, RGYA SAR SGANG NAS MKHAN PO GLAN GDAN DRANGS NAS MKHAN PO ZHUS, SLOB DPON ZHANG GIS LAS CHOG PA MDZAD, GNYAGS KYIS GSANG STE BA MDZAD DE BSNYEN PAR RDZOGS, KHA CHE PAn CHEN LA SOGS PA'I BLA MA MANG DU BSTEN, @339 LHA LUNG GI DBANG PHYUG GIS SE SPYIL BA GSHEGS RJES, LCAGS KHYI NAS CHU 'BRUG GI BAR LO BZHI BCU RTZA GSUM GDAN SA MDZAD, RANG LO BDUN CU RTZA LNGA PA CHU 'BRUG LA GSHEGS, BYANG CHUB KYI SEMS RLABS PO CHE MNGA' ZHING, DON YOD ZHAGS PA LA SOGS PA'I YI DAM MANG PO'I ZHAL GZIGS, BKA' 'GYUR RO COG GI LUNG MNGA' BAS NI LUNG GI DBANG PHYUG CES GRAGS, LHA 'GRO BA'I MGON PO NI, YAB JO 'BAG YUM LHA 'BRI SGANG PA'I LCAM MO LHA GCIG 'DZAM GLING GNYIS KYI SRAS SU ME PHO RTA LA 'KHRUNGS, LO DRUG LON PA'I TSE DKOR 'DUL BA 'DZIN PA CHEN PO LA BSNYEN GNAS KYI SDOM PA MNOS, BCU DRUG PA LA 'CHAD KHAR KHU BO'I THAD DU BYON NAS DGE BSNYEN GYI SDOM PA MNOS, DE'I MOD LA SKYOR MO LUNG DU SBAL TIL MKHAN PO DANG GRO SA PA'I DGE BSHES GNAS BRTAN LA SLOB DPON ZHUS TE, RAB TU BYUNG NAS MTSAN BYANG CHUB 'OD DU BTAGS, PHYIS PO TOR DGE BSHES GNAS BRTAN LA MKHAN PO DANG, SBU GU DO NAS DGE BSHES RGYAL TSA GDAN DRANGS NAS LAS KYI SLOB DPON ZHUS, JO BTZUN PAS GSANG STE MDZAD DE BSNYEN PAR RDZOGS, KHU BO LA CHOS MANG DU GSAN, KHU BO GSHEGS NAS CHU SBRUL LA GDAN SA MDZAD DE, SA LUG GI BAR LO NYI SHU RTZA BDUN BZHUGS NAS BSTAN PO'I BDAG PO MDZAD DE, PO TO GNAS BRTAN DANG BKA' GDAMS GZHUNG PA'I BSHES GNYEN RNAMS GROS MDZAD DE, PO TO SDE MA LAG DANG BCAS PA PHUL, KONG PO NAS RTA BAR, SBU CHU, BYANG LUNG GSUM GYIS THOG DRANGS PA'I SDE PA SUM BRGYA @340 TZAM GYI GTZUG LAG GANG GI LDE MIG GTAD NAS PHUL, DVAGS PO NAS BLA MDA' DANG, KAN MO NA SHOD KYIS THOG DRANGS PA'I SDE PA MI SDE DANG BCAS PA PHUL, PHYIS KYANG YUN RING POR DE RNAMS SU DKON GNYER DANG MI DPON BSKOS, GNYAL NAS ZANGS PO CHE BA CHEN POS SPYAN DRANGS TE, SKU 'BUM CHEN MO'I RAB GNAS MDZAD, ZANGS PO CHE SDE MA LAG DANG BCAS PA PHUL NAS, GTZUG LAG KHANG GI LDE MIG PHUL, RONG RTZE DKAR DU GDUNG KHANG CHEN MO'I RAB GNAS LA SPYAN DRANGS NAS SDE MA LAG DANG BCAS PA PHUL, DUS PHYIS KYANG ZANGS PO CHE DANG BRA GOR NA SPYIL BU BA'I CHOS BRGYUD 'DZIN PA MANG DU BYUNG NGO, ,G-YE RU YANG BU DAL LA SOGS PA NAS YON BDAG BU SLOB MANG DU BYUNG, SPYIR YI DAM GYI LHA MANG PO ZHAL GZIGS KYANG, GTZO BOR MI G-YO BA DANG DBYER MED PAS LHA STAG SHAM CAN DU GRAGS, YAR KLUNGS SU GONG PO RI LA SENG GE SGRA'I ZHAL GZIGS, PO TO NA KHONG LA CHOS GSUNGS PA'I THUB PA'I SKU ZHIG KYANG BZHUGS, SPYIL BUR TSUL ZHUGS CIG GI DUS SU GNAS BRTAN BCU DRUG DNGOS SU BYON PAS, 'GRO BA'I MGON PO LA GNAS BRTAN BCU DRUG GIS BSKOR BA'I THANG SKU YANG MANG DU 'PHEL, DBYAR GNAS KYI TSE GNAS BRTAN BCU DRUG GI TSUL SHING RE YANG LEN, MANG JA'I DUS SU GNAS BRTAN GSOL 'DEBS KYANG BYED, LHA SAR JO BOS CHOS GSUNGS SHING, RVA SGRENG DU BYON PA'I TSE AA TI SHA YANG DNGOS SU BYON, 'DAM DU LHA MO CHE ZHIG LA GDON ZHUGS NAS SUS KYANG MA THON PA LA, DER BYON NAS BGEGS SKROD MDZAD @341 PAS, LHA'I MCHAN KHUNG GNYIS NAS PHUG RON RE 'PHUR ZHING, DE GNYIS SPYANG KIR SONG BA KUN GYIS MTHONG BA BYUNG STE, DE NAS RAB GNAS LEGS, 'GRO BA'I MGON PO 'PHAGS PA PHYIR THEGS DUS DGE BA'I BSHES GNYEN GZHAN RNAMS PHYIR LOG DGE BA'I BSHES GNYEN 'GRO MGON LA, KHYED DANG 'BRAL MI PHOD PAR 'DUG LHAN CIG TU GSHEGS GSUNG NAS SHA PHO SRANG BAR BYON, MKHAS BTZUN DANG MI CHEN MANG PO'I DON MDZAD NAS DON BZHI PA SA MO LUG GI LO LA SPYIL BUR GSHEGS, GDUNG BZHU BAS LHA SKU LA SOGS PA'I RTEN MANG DU BYON PA LAS, SPYIL BU'I NANG RTEN GSER SKU'I NANG DU SPYAN BZHUGS, THUGS 'CHAD KHA BAS GDAN DRANGS NAS NGO SGRA'I GDUNG KHANG NA BZHUGS, LJAGS SBU GU DOR GDAN DRANGS NAS BYANG CHUB CHEN PO'I NANG NA BZHUGS, DUNG G-YAS 'KHYIL BZHI BYON PA LA, GCIG RUG PA'I GSER SKUR BZHUGS, GCIG SPANGS PA'I RTEN SKAL LA GDUNG KHANG DU BZHUGS NAS DO SGRA NA YOD, GCIG DA LTA SPYIL BU'I RTEN LTANG STON PA LA BZHAG GO LHA BRAG KHA BA BLO GROS YE SHES NI, JO BO SH'AKYA BKRA SHIS DANG SKYO MO DAR RGYAN GYI SRAS SU LCAGS PHO KHYI LA BYE CHUNG DU 'KHRUNGS, LHA 'GRO BA'I MGON PO'I ZHABS LA GTUGS, SBAS PA STON GZHON GYI YON TAN BUM PA GANG BYO'I TSUL DU MKHYEN, LCAGS PHO SPRE'U NAS ME BYA'I BAR LO NYI SHU RTZA BDUN GDAN SA MDZAD, 'GRO BA'I DON RGYA CHEN PO BYUNG NGO, ,RANG LO SUM CU RTZA BDUN GYI BAR DU BZHUGS, SBAS PA STON GZHON 'DI SHING PHO SPRE'U LA 'KHRUNGS, @342 DE'I RJES SU LHA ZUR KHANG PA NI, JO BOR GYI SRAS SU ME MO GLANG LA 'KHRUNGS, LHA BRAG KHA BA'I ZHABS LA GTUGS NAS, DGE BSNYEN GYI SDOM PA MNOS, MKHAN PO LHAG RU BA CHEN PO DANG SBAS PA STON GZHON GYIS SLOB DPON MDZAD NAS RAB TU BYUNG, MTSAN DBANG PHYUG YE SHES SU BTAGS, DE NYID LAS BYAMS CHOS DANG TSIG 'JUG LA SOGS PA GSAN NAS THOGS PA MED PAR MKHYEN, MKHAN PO LHAG RU BA LA MDZOD GSAN NAS TSOGS SU GSUNGS, ME MO PHAG LA GDAN SA MDZAD NAS BZHI PA LA GDAN SA GTAD, MTHAR RANG LO DRUG CU RTZA GCIG PA ME GLANG LA GSHEGS, THUGS LJAGS SPYAN G-YAS 'KHYIL GYI DUNG LA SOGS PA'I RTEN NGO MTSAR CAN MANG DU BYON NO, , DE'I RJES SU LHA BLO GROS 'OD NI, MANG MNGA' BDAG GRAGS PA RIN CHEN DANG, YUM LHA GCIG RDO RJE'I SRAS CHE SHOS SU SHING MO BYA'I LO LA 'KHRUNGS, LO TZ'A BA GRAGS PA RGYAL MTSAN DANG, SLOB DPON KUN DGA' LA SOGS PA LA DBANG GDAMS NGAG MANG DU GSAN, DE NAS LHA ZUR KHANG PA'I ZHAL BRDAS SPYIL BUR BYON NAS, ZUR KHANG BA LA DGE BSNYEN GYI SDOM PA MNOS, MKHAN PO LHAG RU BA DANG SBAS PA STON GZHON GNYIS KYIS MKHAN SLOB MDZAD NAS RAB TU BYUNG, DGUNG LO NYI SHU PA LA MKHAN SLOB DE GNYIS LAS BSNYEN PAR RDZOGS, ZUR KHANG BA LA GZHUNG GDAMS NGAG MA LUS PAR GSAN, BYE BRAG TU BLO SBYONG DON BDUN MA SOGS GRAGS PA DANG MA GRAGS PA'I SNYAN BRGYUD DANG, KHA CHE PAN CHEN NAS BRGYUD PA'I GDAMS PA ZAB MO RNAMS GSAN, SBAS PA STON @343 GZHON LA SHER PHYIN GYI SKOR DANG, MKHAN PO GZHON TSUL LA 'DUL BA'I SKOR GSAN, DGUNG LO NYI SHU RTZA BDUN PA LCAGS PHAG GI LO LA SPYIL BU'I GDAN SAR BSKOS, ZUR KHANG PAS DUNG RIN PO CHE DANG, 'PHEL GDUNG DANG, SH'A RI'I BU'I LHUNG BZED DANG, N'A RO'I RUS RGYAN DANG, JO BO RJE'I PHYAG DRIL DANG, PHYAG RDOR DANG, PO TO LA SOGS GTZUG LAG KHANG RNAMS KYI LDE MIG GTAD, SPYIR GDAN SA LO BZHI BCU'I BAR DU BSKYANGS, 'DI BZHUGS RING LA SA 'BRI'I 'KHRUG PA ZHI, SPYIL BU PA YANG BDE SKYID PHUN SUM TSOGS PAR BYUNG, RANG LO DRUG CU RTZA DRUG PA LCAGS STAG LA GSHEGS, GDUNG BZHU BAS RTEN KHYAD PAR CAN MANG DU BYON NO, ,DE'I RJES SU SKU SKYE BA DRAN PA LA SOGS PA'I YON TAN DPAG TU MED PA DANG LDAN PA'I LHA RIN CHEN SENG GES ME MO GLANG GI BAR DU GDAN SA BSKYANGS, SPYIR BYA 'CHAD KHA BA GSHEGS RJES KYI ME PHO SPRE'U NAS BZUNG STE, LHA ZUR KHANG PA GSHEGS PA'I ME MO GLANG GI BAR LO BRGYA DANG DRUG CU RTZA GNYIS SONG BAR NGES MOD NA'ANG, DE RJES SA STAG NAS ME GLANG GI BAR GYI LO DRUG CU PO BLO GROS 'OD DANG RIN CHEN SENG GE BA'I LOR BYA DGOS TE, SO SO'I NGES PA NI MA RNYED DO, ,DE'I RJES LA LHA SH'AKYA BSOD NAMS RGYAL MTSAN DPAL BZANG PO, BSOD NAMS LHUN GRUB, BSOD NAMS RGYAL MTSAN RNAMS SO, ,DE LA JO BOS BOD DU BCU GSUM, 'BROM GYIS BCU, PO TO BAS ZHE GCIG SHAR PA BAS SUM CU RTZA DRUG 'CHAD KHA BAS SUM CU RTZA BZHI STE, JO BO BOD DU BYON NAS @344 'CHAD KHA BA GSHEGS PA'I BAR LO BRGYA DANG SUM CU RTZA BZHI, ZUR KHANG PA GSHEGS RJES KYI SA PHO STAG NAS DING SANG GI ME PHO SPRE'U YAN DU LO BRGYA DANG SUM CU RTZA DGU SONG STE, DE'I RING LA BLO GROS 'OD LA SOGS PA'I LO'I NGES PA BTZAL BAR BYA'O, ,SHAR PA BA NAS 'CHAD KHA BA'I SKABS SO, , SNAR THANG BA'I SKABS, SHAR BA'I PA SLOB MA GTUM STON BLO GROS GRAGS LA, KHYOD KYIS DGE SLONG BZHI SDE RE DANG 'GROGS SHIG CES SHAR PA BAS ZHAL CHEMS GSUNGS PA LAS, GTUM STON GYIS LCAGS MO BYA NAS CHU PHO SPRE'U'I BAR SNAR THANG DANG NYE BA'I GNAS CI RIGS SU BZHUGS TE THUGS DAM MDZAD PA'I TSE 'KHOR KHA CIG KYANG 'DUS PAS CHU MO BYA LA SNAR THANG BTAB, LO BCU BZHI BZHUGS NAS DE RTING LA STOD DU THEGS, NYID KYI GDAN SAR RDO STON SHES RAB GRAGS BSKOS NAS DES GDAN SA LO NYI SHU MDZAD, DE RJES ZHANG BTZUN RDO RJE 'OD KYIS LO BRGYAD, GRO STON BDUD RTZI GRAGS KYIS LO SUM CU RTZA DGU, ZHANG STON CHOS KYI BLA MAS LO BCU, SANGS RGYAS SGOM PA SENG GE SKYABS KYIS LO BCU, MCHIMS NAM MKHA' GRAGS KYIS LO SUM CU RTZA DRUG SKYO STON SMON LAM TSUL KHRIMS KYIS LO BCO LNGA, NYI MA RGYAL MTSAN GYIS LO BDUN, ZE'U BA BRTZON 'GRUS GRAGS PAS LO BCU GNYIS, KHONG GI GCUNG PO GRAGS PA SHES RAB PAS LO BCU GNYIS, MKHAN CHEN BLO BZANG GRAGS PAS LO BZHI BCU, 'DI YAN @345 DU LO NYIS BRGYA DANG NYI SHU RTZA GSUM SONG, DE RTING SHING MO YOS LA MKHAN CHEN KUN RGYAL BA? BSKOS, SHING YOS DE NAS ME MO BYA'I BAR LO BZHI BCU ZHE GSUM PO MKHAN CHEN KUN DGA' RGYAL MTSAN PA DANG, DE'I DBON PO MKHAN CHEN RIN PO CHE GRUB PA SHES RAB PAS GDAN SA BSKYANGS PA YIN, SA PHO KHYI LA MKHAN CHEN BSOD NAMS MCHOG GRUB PA BSKOS, CHU MO GLANG GI BAR LO BCU DRUG GDAN SA MDZAD, GLANG GI LO LA NYE GNAS PA DANG, DPON SLOB CUNG ZAD MA MTHUN PAS MKHAN CHEN PA DBUS SU BZHUGS, SLAR BYON NA YANG NYE GNAS PAS 'BYON DU MI GZHUG PA'I THABS BYAS PAS MKHAN CHEN PA'I GCUNG PO DANG 'THAB MO DANG SHI RMAS DUM RE BYUNG, DE RJES NAS SPYAN SNGA GRAGS PA BA, BKA' BCU BA BZOD PA BA, 'DUL 'DZIN DPAL LDAN BZANG PO BA RNAMS BSKOS SHING, DA LTA SHES RAB RGYAL MTSAN PA'O, JO BO RJE BOD DU BYON NAS SHAR PA BA GSHEGS PA'I BAR LO BRGYA, GTUM STON GYIS SNAR THANG MA BTAB BAR DU LO BCU GNYIS, SNAR THANG BTAB NAS MKHAN CHEN GRUB SHE BA YAN CHOD DU LO NYIS BRGYA DANG DRUG CU RTZA LNGA, SPYIR NA JO BO BOD DU BYON NAS ME PHO SPRE'U'I LO 'DI YAN CHAD LA BZHI BRGYA DANG SUM CU RTZA LNGA SONG NGO, ,SNAR THANG BA'I SKABS SO, , @346 KHAM LUNG BA DANG SHAR PA BA'I SLOB MA'I SKABS, KHAM PA LUNG PA SGANG SH'AKYA YON TAN SHING MO GLANG LA 'KHRUNGS NAS SHING MO LUG GI BAR DGU BCU RTZA GCIG BZHUGS, CHOS LA THUN BRGYAD MAR MING THOGS, KHONG GSHEGS NAS GRVA PA RNAMS SNE'U ZUR BA'I SAR 'KHOS, KHONG RANG LA TSOGS PA STONG PHRAG RE TZAM 'TSOGS, SHAR PA BA'I SLOB MA RNAM THAR GYI BKA' BABS NYI MA 'DUL 'DZIN, LONGS SPYOD KYI BKA' BABS RNAL 'BYOR SHES RDOR TE, 'DIS GDAN SA LO GSUM MDZAD, GZHUNG BSHAD KYI BKA' BABS DAM PA STABS KA BA, 'DIS STABS KA 'OD 'JO, KHU PHU DANG GSUM BTAB, 'OD 'JO RONG STON KHA BO CHES BSKYANGS, KHRA PHU MNYAM MED 'DUL BA 'DZIN PAS BSKYANGS TE, KHRA PHUR 'DUL MDZOD KYI BSHAD PA RING DU BYUNG BA LA, KHRA PHU BA 'OD 'BYUNG GIS MDZAD PA'I 'DUL MDZOD KYI d'I KA KHRAB LA KHAR DUS PHYIS DAR SHING GNYAL DU BRA GOR DU YANG DAR RO, 'OD 'JO BA GZHON NU YON TAN ME MO LUG LA 'KHRUNGS, GYA BDUN PA CHU MO BYA'I BAR DU BZHUGS, TSOGS PA STONG PHRAG RE TZAM 'DUS, STABS KA BA DAR MA GRAGS CHU MO LUG LA 'KHRUNGS, DON GNYIS PA SHING PHO RTA'I BAR DU BZHUGS, STABS KAR TSOGS PA DRUG BRGYA RE TZAM 'DUS ZER, KHAM LUNG BA DANG SHAR PA BA'I SLOB MA'I SKABS SO, , @347 SPYAN SNGA NAS BYA YUL BA'I SKABS, SPYAN SNGA TSUL KHRIMS 'BAR NI, YAB DBAS SH'AKYA RDO RJE, YUM LI MO YE SHES SGRON GYI SRAS SU SA PHO STAG GI LO NYAN GYI SNANG RA SGANG DU 'KHRUNGS, BYIS PA'I MTSAN STAG TSAB 'BAR, NYI SHU PA LA RVA SGRENG DU BYON, 'BROM LA BSTEN, DE RJES RNAL 'BYOR PA, DGON PA BA, RNAL 'BYOR PA SHES RAB RDO RJE RNAMS LA BSTEN, LO BCU GNYIS LON PA'I TSE GTZANG NAS RNAL 'BYOR MA GONG MO SGANG PA BYA BA ZHIG GIS GDAMS PA BTAB BYUNG BA DE'I TSAD DU SKYOL BA TZAM MA BYUNG BA LA, DGON PA BAS SLOB DPON KLU SGRUB KYI RIM PA LNGA ZHIG GNANG BAS DES DE'I TSAD DU SKYOL GSUNG, LOR LO DRUG BZHUGS, DE RTING SNYUG RUM DU LO GSUM BZHUGS, DGUNG LO DRUG CU RTZA DRUG PA CHU MO LUG GI SMAL PO ZLA BA'I NYER GCIG LA GSHEGS, 'DI NI BYIS PA'I DUS NAS STONG PA NYID LA NGES PA SKYES SHING, THUGS RAB SHIN TU CHE BAS SAM SKRI TA CHOS BSGYUR BAR NUS PA TZAM ZHIG KYANG MKHYEN, BOD DU BYUNG BA'I GSANG SNGAGS 'DI MA BZLAS PA MED BYA BA TZAM GYI BZLAS PA SONG, JO BO'I PAD SPUNGS LA DPE MDZAD NAS RIN PO CHE LAS PAD SPUNGS KYANG SHIN TU MANG BA BZHENGS, S'A TZA MDZAD PA YANG PHYOGS GCIG TU SPUNGS NA RI'I DI'U TZAM 'ONG ZER, NUS PA YANG DPAG TU MED CING CHOS SKYONG RNAMS KYIS KYANG TSUR 'CHANGS BYAS PA YIN, @348 YANG NA THAMS CAD KUN RDZOB YANG NA THAMS CAD DON DAM ZHES BYA BA'I BDEN PA GNYIS KYI GRUB MTHA' DANG, YANG DAG PA'I KUN RDZOB MTSAN NYID BZHI LDAN BYA BA GZHAN GYI MTSAN NYID BZHI LDAN DANG GTAN NAS MI 'DRA BA BZHED PA LA, DUS PHYIS SLOB DPON GTZANG NAG PAS 'DI 'DRA BA GZHUNG NAS MA BSHAD GSUNG YANG, SPYAN SNGA'I GSUNG DE NANG GI KUN RDZOB LA BRTEN NAS GSUNGS PA YIN PA 'DRA BAS, BZHED PA DE LA GNOD PA MED PAR 'KHUMS, GRUB RTAGS KYANG MANG DU BYUNG BAS, RJE BTZUN MI LA DANG RDZU 'PHRUL SU CHE ZER BA BYUNG, SNYUG RUM DGON PAR GSHEGS PA NI LO GNAS BRTAN GYIS GUS PAR MA BYAS PA'I RGYU MTSAN GYIS YIN PAR SNANG NGO, ,SLOB MA YANG 'U YUG PA AA MI, RGYA RTZE SGRO BA, SKU BSRUNGS STON PA, KLUNGS SHOD RAL BA, 'DUL 'DZIN SA LA GUR STON PA, 'TSER STON, THANG 'DUL, 'BROM 'DUL BZHI, ZAR BA'I PHAG SGOM, CHED CHER BA G-YE SGOM PA, RUG PA'I RGYAS SGOM, MANG RA SGOM PA DANG BZHI, ZAR PA JO BTZUN, G-YE PA'I SGRE PA, 'PHAN YUL BA RGYA, YUL CHOS, PA LHA BZO, STOD LUNGS PA CHEN PO, KHYUNG KHAM PO CHE, LHO BRAG PA WA STON, GTZANG PA JO PHAD, BYA YUL BA CHEN PO LA SOGS PA MANG DU BYON, STOD LUNGS PA CHEN PO RIN CHEN SNYING PO CHU PHO SPRE'U LA 'KHRUNGS, GYA LNGA PA ME PHO SPRE'U'I BAR DU BZHUGS, STOD LUNGS BTZAN 'GRO DGON PA BTAB, TSOGS PA SUM BRGYA RE TZAM 'TSOGS, CHU SPRE 'DI PO TO BA LCAGS LUG LA 'KHRUNGS PA'I PHYI LO DE YIN, 'DIS BDUN @349 BZHES PA LA SPYAN SNGA 'KHRUNGS, BCU GCIG BZHES PA LA JO BO BOD DU PHEBS, 'DIS JO BO LA SHAM THABS KHRAL 'JAL MYONG ZER, ZAR PA PHAG SGOM GYIS MAL GROR ZAR BTAB, SLOB MA DE DAG LAS BLA MA BSNYEN BKUR BA DANG GZHAN DON RLABS CHER SPYOD PA'I YON TAN DANG LDAN PA'I DGE BA'I BSHES GNYEN BYA YUL BA CHEN PO YIN TE, DE NI STOD LUNGS GOL GO LUNG DU YAB G-YUNG DRUNG BRTAN 'BAR, YUM GYI LJANG GZA' LCAM BU GNYIS KYI SRAS SU SHING MO YOS LA 'KHRUNGS, RING POR MA LON PAR YAB GSHEGS NAS, YUM DES KHYIM DE NA DKON BRTZEGS TSAR GCIG YOD PA KHYER NAS GZHAN LA BAG LA SONG BAS, NE NE MO ZHIG GIS BSKYANGS, DGUNG LO BCU GCIG LA SE RU GSOL, BCU GNYIS LA SPYAN SNGA'I SLOB MA YE SHES RGYAL GYIS SLOB DPON DANG, RNAL 'BYOR PA'I SLOB MA BYANG GRAGS BYA BAS MKHAN PO MDZAD NAS DGE TSUL MNOS, MTSAN GZHON NU 'OD DU BTAGS, LO BCU GNYIS PA DE RANG LA GOL GO LUNG GI GNYER YANG BZANG BA ZHIG MDZAD, BCU BZHI LON DUS YUM SHI LA KHAD PA'I SAR BYON NAS SKYABS 'GRO DBOD PA MDZAD, SLOB DPON DES STOD LUNGS PA CHEN PO LA GTAD NAS KHONG GI NYE GNAS MDZAD, DE'I TSE STON PA GZHAN ZHIG CHOS 'CHAD PA LA MNYAN PAS ZIN PAR BYUNG STE, BSLAB BTUS LA SOGS PA'I GZHUNG PHAL CHER MKHYEN PAR BYUNG, LAN CIG GI TSE SPYAN SNGA TSOR BA NA BZHUGS PA LA, STOD LUNGS PA MJAL DU 'BYON PA'I PHYAGS PHYI MDZAD NAS MJAL, SPYAN SNGA DE NANG RE BZHIN RE KHA'I MAndAL DGU DGU MDZAD @350 PA LA, BYA YUL BAS MAndAL THENGS RE LA 'KHOR BA SPYAN SNGAS GZIGS PAS MNYES, SPYAN SNGAS STOD LUNGS PA STON PA RE SKYID NA, 'DI LTA BU'I NYE GNAS YOD PA GSUNG BAS, 'O NA DBUL LAM ZHUS PAS, SPYAN SNGAS DBUL CANG PHOD DAM GSUNG ZHING BZHES, SPYAN SNGA DANG BYA YUL BAS LKOG CHAD KYANG MDZAD PA 'DRA ZER, DER STOD LUNGS PAS DAR YUG CIG BTAGS NAS PHUL, LO GCIG SONG BA NA SPYAN SNGAS NA BZA' PHRUGS CIG BSKON NAS STOD LUNGS PA'I SAR BTANG, STOD LUNGS PA'I ZHAL NAS, NGA'I BU MA SHI BAR TSE RJES GSUNG, SPYAN SNGA NAS GANG LA YANG MI BKYON, STOD LUNGS PA NYES NA NYES PAS BKYON, LEGS NA LEGS PAS BKYON PAS, SANGS RGYAS KYI 'DU SHES SGOM DGOS MI DGOS KYI KHYAD BYUNG GSUNG, NANG GI ZHABS TOG THAMS CAD KHONG GCIG PUS MDZAD PAS LAG PA GAS GAS PAR ZHAL ZAS BRDZI BA SOGS MDZAD, MTSAN MO MAndAL BYAS NAS GSOL BA BTAB PAS SPYAN SNGA'I PHYAG NA RING BSREL YOD PA MANG DU 'PHEL, DPON SLOB SLAR LOR BYON NAS DBU RTZE DANG 'BUM PA'I MKHAR LAS MDZAD PA'I TSE SA RDO LA MA 'JUS PA MED, ZHAL NAS KYANG SHES RAB DANG RDZAS YO BYAD KYIS MNYES PA MA LAGS KYANG, LUS LA ZHO SHA YOD PAS SHA KHRAG SBU BAR SONG SONG DU 'BUNGS PA YIN GSUNG, SPYAN SNGA SHIN TU MNYES PA LA BGRES PO GZHAN KUN GYI PHRAG DOG KYANG BYUNG, SPYAN SNGA'I ZHABS TOG DANG SLOB MA GZHAN GYI NGO LEN GNYIS KA LA PO TO BAS THAG RING PO NAS BSNGAGS PA MDZAD, SPYAN SNGA'I GSUNG NAS@351 KHYOD KYI SHES RAB 'DI LHA SA SNYE THANG BA'I GRVA PA BYED THANG BA LA GSUNG, YANG, KHYOD NI THAR ZIN GYI DAM BZHAG CIG GSUNG SKAD, YANG STOD LUNGS PAS LAN CIG SPYAN SNGA MJAL DU BYON NAS, BTZUN CHUNG 'DI CI 'DRA ZHUS PAS, SGOR SONG NAS BYA GSUNG ZHING, KHONG SGOR SONG BA DANG, 'DI DAD PA DANG SHES RAB NGANG GIS CHE, NAM MKHA' LA MDUNG BSKOR GSUNG LO, CHOS GSUNG BA THAMS CAD KYI RTZAR 'JOG ,NYAN PA'I DGON PAR MANG RA DANG BYA YUL BA GNYIS LA DBANG STABS GCIG TU MDZAD, MANG RA DE PHU CHUNG BA'I SAR YONG DUS, DA LTA NYAN THOS KYI RDZU 'PHRUL GYIS 'GRO BA'I BYANG CHUB SEMS DPA' GCIG SMIN BDO GSUNG SKAD, SPYAN SNGA MYA NGAN LAS 'DA' KHAR, BYA YUL BAS, DGE BA'I BSHES GNYEN LAGS, MA 'ONGS PA NA THUGS LA GDAGS PAR ZHU BYAS PAS, JI SRID CHOS KYI SKU GCIG TU MA GYUR GYI BAR DU MI 'BRAL LO GSUNG, GZHAN GYI BSAM PA LA, SPYAN SNGA'I ZHABS TOG KHO NA LA 'KHOL BA LA CHOS MI 'ONG BSAM PA YOD MOD KYI, NANG ZHIG THAL BA 'BOD DU BYON PAS, SKAS GDANG GSUM PA'I KHAR PHEBS PA'I TSE, BKA' SDE SNOD KYI DON MA LUS PA THUGS LA LAM GYIS BYUNG BAS, BLA MA'I ZHABS TOG LA YID CHES TE, SKYI SMAD PA'I DGE BA'I BSHES GNYEN 'DI RNAMS BLA MA'I ZHABS TOG LA MI 'BAD PAR THOS PA KHO NA 'BAD PA 'DI NOR BA YIN BYA BA YANG GSUNG SKAD, SPYAN SNGA GSHEGS RTING PHU CHUNG BA DANG PO TO BA'I SAR 'BUL BA BZANG PO RE YANG BSKYAL, PO TO BAS NGA'I 'DIR SDOD KHANG PA @352 YANG RTZIG, RGYAGS KYANG NGAS BYIN LA SGOM DU GZHUG GI GSUNGS PA LA, STOD LUNGS PA MA MNYES DOGS NAS MA BZHUGS, DE NAS PHU CHUNG DANG, 'TSAL CHUNG DANG, BRUL GYI RA BA DKAR PO DANG, BYAN DAR MA RATNAS GNYER DU SPYAN DRANGS NAS BZHUGS, DE RNAMS KYI DUS NA BYA YUL GYI SHUL DE NA SNGAGS BTZUN BZA' MI GNYIS YOD PAS DE GNYIS KYIS GNAS DE ZHA BA LA PHUL, ZHA BAS GLANG RI THANG PA LA PHUL, KHONG GIS BRTAG PA MDZAD PAS DE GNYAN PAR 'DUG GSUNG NAS MA BZHES, BYA YUL BA GTZUG LAG KHANG ZHIG RTZIG PA'I SA TSOL ZHING YOD PA LA, SLAR ZHA PAS BYA YUL BA LA PHUL BAS DGYES TE, SA BDAG PHAL CHER GNAS GZHAN DU SPO BA'I CHO GA MDZAD, KLU GNYAN CHE BA ZHIG 'DUG PA'I STENG DU GZIMS MAL BCAS NAS BTUL, DE NAS SA DE PHA BONG THAG THUG DU YOD PA LA LA BCAG, LA LA SBED PA LA SOGS PA'I RTZOL BA CHEN PO MDZAD, DBU RTZE KA BA BCU GNYIS, KHYAMS KA BA BZHI BCU RTZA GNYIS YOD PA BRTZIGS, SHAR PA BA DANG YANG THUGS SHIN TU GCUt PAS, DE'I TSE KHONG GI GRVA PA RNAMS KYANG GTZUG LAG KHANG RTZIG PA'I LAS MI LA BTANG, NYE GNAS SHER SANG BYA BAS SHING RNAMS MYANG PO DANG NAGS SHOD NAS DRANGS, DBU RTZE TSAR NAS SHER SANG NA RE, CHEN PO ZHIG NI TSAR, DA KHENGS PAR MDZOD CIG ZER BA LA, BYA YUL BA'I ZHAL NAS SHONG BAR GYIS SHIG GSUNG, KHYAMS STOD TSAR KHYAMS SMAD MA TSAR BA LA, GNAS BRTAN SE CHUNG BA BYA BAS SHER SANG LA DUG BTANG NAS 'CHI KHAR BYA YUL BAS KHYOD 'JIGS MI DGOS NGA DANG LHAN DU 'ONG GI GSUNG NAS, BUM CHOG MDZAD PAS @353 NGAN SONG NAS THON GSUNG, GTZUG LAG KHANG LEGS PAR TSAR NAS DBU RTZER 'BUM TSAR BDUN CU TZAM GYIS THOGS DRANGS PA'I RTEN DANG, SA RGYAN GNAM RGYAN MI SHONG BA TZAM BYUNG, DE NAS DBYAR CHOS BYA YUL DU MDZAD, DUS GZHAN DU SKYI SMAD LA SOGS PAR YANG CHOS GZHI MANG DU BSKOR ZHING 'GRO BA'I DON RGYA CHER MDZAD, BYA YUL LA BZHUGS PA'I TSE DVAGS PO SNYI SGOM GYIS, DGE BA'I BSHES GNYEN LAGS, KHYED KYI THUGS LA BDEN GNYIS JI LTAR SKYES GSUNG BAR ZHU DANG BYAS PAS, BYA YUL BA'I ZHAL NAS, KUN RDZOB BYANG CHUB KYI SEMS DANG DON DAM BYANG CHUB KYI SEMS GNYIS RGYUD LA SKYES GSUNG, YANG, 'O NA RANG GI SEMS NYID GZHIt NAS STONG PAR GTONG BA LAGS SAM, PHYI ROL GYI YUL GZHIGS NAS STONG PAR GTONG BA LAGS ZHUS PAS, BYA YUL BA'I ZHAL NAS, MDA' DUM KHONG DU BZHAG NAS RMA KHA LA TSIL BUS BSKUS PA'I CHOS KYIS GAR YANG MI PHYIN, RKUN MA NAGS RI LA SONG BA LA RJES GRVA SAR SPYOD PA'I CHOS KYIS GAR YANG MI PHYIN PAS RANG GI SEMS 'DI STONG PAR GTONG BA YIN, DES PHYI ROL SGROG RANG GROL LA 'GRO, THAMS CAD STONG PA NYID YIN GSUNG, 'DI JI TZAM NA THUGS LA 'KHRUNGS ZHUS PAS, NGA DANG PO SPYAN SNGA'I ZHABS TOG BYED PA'I DUS NA SKYES PA YIN GSUNG, MNYAM BZHAG DANG RJES THOB YOD DAM MED ZHUS PAS, MNYAM BZHAG DANG RJES THOB GNYIS MED, YOD NA NGA'I SPYOD LAM DANG 'KHOR 'DI RNAMS CI TZUG BYED GSUNG, 'DI RNAMS KYIS THUGS DAM LA MI GNOD DAM ZHUS PAS, MI GNOD GSUNG, DANG PO SGOM PA'I TSE SGO 'BYED GCOD KYI SGRAS TING NGE 'DZIN LA GNOD PA BYUNG BAS, SGO DANG @354 NYE BAR GZIMS MAL BCAS NAS BSGOMS, PHYIS NI SLOB MA RNAMS LA SGOM DU GZHUG PA'I TSE ROL MO DKROL ZHING SGOM DU GZHUG, GZHAN GYIS BLTAS NA ROL MO DKROL BA KHO NA LA DGYES PA YIN NAM SNYAM PA BYUNG, SPYAN SNGA GSHEGS KHAR KHYOD BSNYEN RDZOGS MA BYED CIG GSUNG BAS BSNYEN RDZOGS YUN RING DU MA GRUB, PHYIS GSOL BA BTAB PAS GDUNG RTEN GCIG LA LUGS LAN GNYIS MI DGOS GSUNG BA RMIS, YANG GSOL BA BTAB PAS SNAM SBYAR RGYA GAR MA ZHIG GNANG BA RMIS PAS, DGE SLONG BYED PAR GNANG BA YIN SNYAM NAS DGE BSHES RNGOG CHOS DBANG GIS MKHAN PO MDZAD MANG RAS SLOB DPON MDZAD, RGYA SHES RAB 'BAR GYIS GSANG STE MDZAD NAS BSNYEN PAR RDZOGS, GLANG THANG PA LA MDO RTZA TSAR GCIG, SHES RAB 'BAR LA TSAR GSUM STE TSAR BZHI GSAN, GZHAN GYIS CHOS GSAN DUS NA ZIN BRIS MDZAD DAM MA MDZAD ZHUS PAS, ZIN BRIS 'DRA BAS GAR YANG MI PHYIN, CHOS THAMS CAD DUS GCIG LA LAM SHES DGOS PA YIN GSUNG, DE NAS BYA YUL BA RNAMS KHYED RANG GIS MDUN MA BYUNG NA CHA RKYEN 'THOG PA MED CIG GSUNG BA DANG, SANG PHOD MYA NGAN LAS 'DA' BA'I DA LO SPYAN SNGA'I 'DAS MCHOD DU BU RAM LAG PAS THEG TSAD RE BKYE, PHYIS 'GRUB PA'I NGES PA MED GSUNG BA LA, MYUR DU MYA NGAN LAS 'DA' BA'I GSUNG YIN PAR MA GO, DE LTAR BSTAN PA'I BYA BA RGYA CHEN PO MDZAD NAS, DGUNG LO DRUG CU RTZA BZHI PA SA PHO RTA'I SMIN DRUG ZLA BA'I TSES BCO BRGYAD LA DANG POR SKYIL DKRUNG MDZAD NAS THUGS DAM MDZAD, DE RTING SGOM PA BYANG BLA LA GNYES SE MDZAD NAS SENG @355 GE'I NYAL STANGS LTAR BYA GSUNG NAS, SPYI BO NA YANG RLANGS PA CHEN PO ZHIG PHYUR GYIS BYUNG NAS, DBU ZIL BA PHROM ME BA LA MYA NGAN LAS 'DAS, DE NAS SPUR GNAS BRTAN RNAMS KYIS BDAG BYAS NAS GRVA PA NYIS STONG LA DBANG MA BYUNG BA LA, ROM PO BA'I GSUNG GIS, BYANG CHUB SEMS DPA' CHEN PO DE'I SPUR RUL DU BCUG NA DRI NGAN PAR TSOR BA THAMS CAD DMYAL BAR 'GRO BAS SPUR SBYONGS GSUNG BA LA BRTEN NAS, DBU RTZE'I YANG THOG TU SPUR SBYANGS PAS LHA SKU DANG SO SO'I PHYAG TU RING BSREL MANG PO BYON ZHING, DU BAS GAR KHYAB TU YANG RING BSREL BYON, GRVA PA NYIS STONG RE BYUNG BA'I NANG NAS TING NGE 'DZIN SKYES PA LNGA BRGYA, DGE BSHES JAG RTZE 'CHA' BA BRGYA DANG BCU, DE DAG GI NANG NAS PHYI'I CHEN PO DGU, BAR GYI CHEN PO BRGYAD, NANG THUGS KYI SRAS GSUM LAS, PHYI'I CHEN PO DGU NI, KHAMS NAS RAB KHA BA CHEN PO, DVAGS PO NAS SHA BA GLING PA CHEN PO, 'O THANG PA CHEN PO, RGYA RI BA CHEN PO, GTZANG NAS 'OM THANG PA CHEN PO, MU SMAN PHYAR CHEN PO, NYAG MO BA CHEN PO, TA CHEN PO, RNAM 'PHAR BA CHEN PO, NGANG TSANG BA CHEN PO YANG ZER, BAR GYI CHEN PO BRGYAD NI, DGON CHEN PO, CHAG MAL BA CHEN PO, BKRA SHIS SGANG BA CHEN PO, DGYER SGOM CHEN PO, KHROM BZHER CHEN PO, BUL BA BA CHEN PO, BANG RA BA CHEN PO, KU JOL BA CHEN PO'O, DUM BU RI BA CHEN PO YANG ZER, NANG THUGS KYI SRAS GSUM NI, GTZANG BA RIN @356 PO CHE RDO RJE MI BSKYOD, RI MO CAN PA RGYA, PHYAG RJE BA SNUBS MCHOD GNAS GSUM MO, ,GZHAN YANG GNYAL BAR STON, GTZANG PA 'BA' RIL, GTZANG PA KE RU, LHO PA BKRA SHIS SGANG PA, DUR PA G-YUNG SHE, GRAB KYI PHAG TSANG BA, ZHOGS KYI NA MO BA, BA LAM PA BLA MA, LA MO BA, MYANG STOD 'BA' LE, G-YOR BO KE TU, DOL BA SH'AKA GZHON, G-YU LUNG PA LA SOGS PA MANG DU BYON TE, 'DI RNAMS KYIS KYANG GNAS DGON SO SOR GZUNG NAS 'GRO BA'I DON RGYA CHEN MDZAD, DE'I RJES SU GTZANG PA RIN PO CHES GDAN SA MDZAD PA YIN TE, DE NI GTZANG GI SNUBS YUL RONG DU, YAB SNUBS AA LA LA BYA BA'I SNGAGS PA CHEN PO ZHIG DANG, YUM RAL RGYAGS GZA' LCAM MI BYA BA GNYIS KYI SRAS SU BYA YUL BAS LO GNYIS BZHES PA'I ME MO SBRUL LA 'KHRUNGS, SNGON GYI BAG CHAGS KYIS PHOR PAR ZAN BCUG NAS CHU BLUGS TE MIG ZIM ME BYAS PAS, YAB KYIS DE BSDUS PA LA BSHUMS PA ZHIG KYANG DRAN, MKHA' 'GRO MA NAM MKHA' GANG BA ZHAL GZIGS, KHYAD PAR DU MKHA' 'GRO MA 'BAR MA BYA BA NA BZA' SNGON PO CAN SHIN TU MI SRUN PA ZHIG GIS RAL GRI 'OD LHAG LHAG PA ZHIG LAG TU GTAD BYUNG BAS, DE GZUNG STE NAM MKHAR PHYIN PAS, RDUGS PA RE BYUNG BAS, BLA MAS 'DREN DGOS PA'I ZHING DU GDA' GSUNG, LO BCU GNYIS LON PA'I TSE SNANG DMIGS KYI DNGOS PO 'DI THAMS CAD LA GYA GYU'I SNANG BA BYUNG BAS, SNGON GYI SGOM 'PHRO YIN PAR 'DUG STE NGO MA SHES, DE DUS SPYAN SNGA YAB SRAS LTA BU DANG MJAL NA @357 TSE 'DI NYID RANG LA BYA BA BYAS TE 'ONG GSUNG BA LA, GLANG LUNG PAS SLOB DPON PA'I MKHYEN PA DANG THUGS DAM 'DI LAS 'PHUL SA BYED NA, SLOB DPON BHA BYA LTAR TSE 'DI NYID LA RIG 'DZIN GYI GNAS SU GSHEGS PA ZHIG BZHED PA LAGS SAM ZHUS PAS, DE YIN GSUNG, DE DUS SNGAGS PA 'DRA BA LA DBANG ZHUS PAS SMIG RGYU LTA BU'I SNANG BA DE YAL NAS SONG, DE BAR CHAD DU 'DUG PA LA BYIN RLABS KYIS BAR CHAD BSAL BA YIN SNYAM PA BYUNG, DE NAS SNGAGS MTSAN NYID KYI THOS PA LA 'DI MA MDZAD BYA BA MED, BLA MA LA, LO TZ'A BA RANG YANG RNGOG LO, GNYAN LO, BA RI LO, TZ'A, RVA LO, BTZAN KHA BO CHE STE LNGA TZAM LA GTUGS, BTZAN KHA BO CHE LA MDO SDE RGYAN GSAN PAS TSAR GCIG LA MKHYEN, MA H'A M'A Y'A'I DPE GZIGS PAS TSIG DON GZHAN THAMS CAD THUGS SU BYUNG BA LA, SHO LO KA GCIG LA 'DI CI ZER SNYAM PA BYUNG BAS, PHYIS GNYAL CHUNG BA BYA BA LA GSAN PAS, GZHAN RNAMS 'DRA BA LA, TSIGS BCAD GCIG PO DE RGYA DPE LA MED GSUNG NAS BSHAD PA MA BYUNG, DE NYID BSDUS PA'I STOD 'GREL LA GZIGS RTOG MDZAD PAS, DE'I BRJOD BYA ZAB MO LA DAD PAS ZHAG 'GA' YAR DU NAM MKHA' RNAM PAR DAG PA LTA BU'I SNANG BA MA BSGOMS PAR BYUNG, NAM MKHA' LAS, CHOS NYID 'OD GSAL RTOGS PA LAS, CHOS RNAMS MA LUS SHES PAR 'GYUR, ZER BA'I SGRA ZHIG BYUNG, DE TZA NA RO STOD RGYANGS KYI BSNYUNG BA LA, MI DKAR PO RAL PA'I THOR COG CAN ZHIG GIS RIL BA SPYI BLUGS NAS BDUD RTZI BLUGS NAS THAMS CAD GANG BA'I @358 SNANG BA BYUNG BAS BSNYUN DE DVANGS, DE NAS THUGS DGONGS LA RGYA GAR DU BYON LA PAntI TA GCIG GNYIS LA GTUGS, BOD KYI CHOS DANG AE MTHUN DANG SKYED AE THON GZIGS DGOS SNYAM NAS BYON PAS, DING RIR DAM PA DANG MJAL, DAM PA BZHENGS PA DANG THUG PAS, MI KUN MI 'DI BSOD NAMS CHE ZER, DE NAS DGE BSHES NYID KYI RAL GU NAG PO ZHIG YOD PA DRIL NAS MGO THOG TU BZHAG BYANG CHUB CHEN PO'I TZAKKA LI ZHIG PHYAG TU GTAD, KHUR MANGS KYI ME TOG ZHIG BTOGS NAS CHU LA BSKUR DU BCUG RDO BA CIG SHAR PHYOGS SU 'PHEN DU BCUG BYUNG BA LA, MI TSAN ZHIG GIS MI 'DI LA DE BZANG ZER, NA BZA' MGO THOG TU BZHAG PA DE LHA MI RNAM PA GNYIS KYIS BKUR BA ZHIG 'ONG, BYANG CHUB CHEN PO'I TZAKKA LI PHYAG TU GTAD PA DE KHYOD BSTAN PA'I BDAG POR 'GYUR BA 'DUG ,ME TOG CHU LA BSKUR BA DE KHYOD 'DOD YON LA MA CHAGS PA ZHIG 'ONG, RDO BA SHAR DU 'PHEN PA DE 'DI NAS SHAR DU SONG DANG BLA MA BZANG PO ZHIG DANG MJAL NAS 'ONG BA'I BRDA YIN ZER SKAD, PHYIS LO NA BZHUGS TZA NA DE RNAMS 'DRA 'DRA 'DUG GSUNG, DE NAS BAL YUL LA MU GE CHE ZER BAS LOG ,SKYI SHOD DU BYON PAS DGE BSHES RNAMS BKA' GDAMS PA LA KHA ZER BA LA, KHONG RANG RNAMS LA'ANG CHOS CHA TSANG BA ZHIG YOD DE 'ONG SNYAM PA BYUNG, GANG BA STON SH'AKA LA SOGS PA'I DGE BSHES RNAMS KYIS BSKOR ZHING BRTZAD KYANG THUB PA GCIG KYANG MA BYUNG BAS CHOS TSAN DU GRAGS, YAB MCHED ZHIG GIS CHA RKYEN THAMS CAD NGAS STER @359 ZER BAS CHA RKYEN NI KHOS STER BAR 'DUG YER PA DANG CHU BO RI GNYIS SU SGRUB PA BYA SNYAM PA LA, DE'I TSE BYA YUL BA 'BROM NA BZHUGS PA LA, MI RNAMS NA RE, DE BLA MAS BYIN GYIS BRLABS PA ZHIG NI YIN, CHOS NI CI YANG MI SHES ZER BA LA, BLA MAS BYIN GYIS BRLABS PA DANG CHOS MI SHES PA 'GAL, THEG PA CHEN PO GSANG SNGAGS NI BLA MA'I BYIN RLABS LAM DU BYED PA YIN, NGO MTSAR CHE SNYAM DU DGONGS, DA ZHAL MJAL LA DE'I CHOS RNAMS ZLA BA GCIG GNYIS KYIS SHES 'ONG SNYAM NAS MJAL DU BYON, CHIBS BYE NAG BZANG PO GCIG DANG GSER SRANG GANG PHYAG RTEN MDZAD, ZHAL MTHONG BA TZAM GYIS MCHI MA 'KHRUG PA'I DAD PA SKYES, TSOGS CHOS ZHIG GSAN PAS KHONG RANG GI RGYUD LA YOD PA DANG RGYAB 'GAL DU SONG 'DUG TSIG RNAMS ZIN PAR 'DUG NA'ANG DON RGYUD LA SKYE DGOS PAR 'DUG PAS, THUt DGONGS RTZAD GCOD DGOS PAR 'DUG PA LA, DGE BSHES 'DI SKU BSOD MTHA' RGYAS NAS 'DUG PAS RTZAD CHOD PA RANG AE 'ONG NGAM SNYAM DU THUGS NGAN DU SONG, NYIN ZHIG DGE BSHES PA'I SPYAN SNGAR BYON NAS DRI BA 'DRA MDZAD PAS, STON PAS DE SNGA BSGOMS SAM GSUNG, LHAG PAR BSGOMS PA MI BDOG ZHUS PAS, DRI BA DE LA BLTAS NA BSGOMS PA 'DRA BAR 'DUG GSUNG, DE NAS ZLA PHYED TZAM SONG BA NA SNGAR GYI SMIG RGYU 'DRA BA DE BYUNG, 'DI CHOS BSHA' MAR 'DUG PA LA SNGAR GYI BLA MA RNAMS KYIS MA 'DRONGS KYI STENG DU BSNUBS PA DANG 'DRA BAR SONG 'DUG SNYAM DU DGONGS PA BYUNG, DE NAS BYA YUL DU PHYAGS PHYIR @360 BYON, KHONG BZHUGS PA'I KHANG PAR BYA YUL BAS GDAMS PA SKYEL DU BYON PAS, 'O BRGYAL BAS BDAG RANG GZIMS CHUNG DU ZHUR 'ONG ZHUS PA LA, RVA SGRENG DU RNAL 'BYOR PA GONG 'OG RNAMS KYIS SPYAN SNGA LA CHOS TSUR BSKYAL 'DUG DE BZHIN DU NGA YANG CHOS SKYEL DU 'ONG GSUNG BAS, 'O NA THUGS LA BTAGS ZHUS NAS JA BUR ZHUS KYI JI LTAR 'DOD 'DOD ZHUR BYUNG, DBANG ZHIG ZHUS PAS, RGYA STON DANG KHYED GNYIS LA BYA'O GSUNG NAS DBANG BSKUR GNANG BAS, RGYA STON GYIS MI G-YO BA'I ZHAL GZIGS, GTZANG PA RIN PO CHES NI RGYUD SDE BZHI'I DON PHAR ZHOG ,TSIG RANG YANG ZAD PA MED PA THUGS LA BYON, GZHAN YANG YI DAM MANG PO'I ZHAL GZIGS PA DANG, GTZO BOR CHOS NYID KYI BDEN PA MNGON SUM DU MDZAD, BLA MA'I ZHABS TOG KYANG DVAGS PO DANG G-YE LA SOGS PAR SKU BSOD SKYES PAS CHOS PU STI BRGYA LHAG CIG DANG GSER PHYE MA BRE GANG PHUL, BU MO GZHON PA LO BRGYAD LON PA ZHIG GIS MA THEG ZER, SHA MAR SNAM GOS LA SOGS PA DPAG TU MED PA PHUL, RANG LA DGOS SEMS MED PAS DGUN STOD 'BUL BA BYAS PA'I DGUN SMAD RGYAGS CHAD PA YANG BYUNG, CHOS ZHU RES KYIS MTHA' NGA GSER ZHO PHYED RE PHUL, LO BA RNAMS KYIS SPYAN DRANGS NAS LO'I GDAN SA MDZAD, PHYIS BYA YUL BAS MYA NGAN LAS 'DA' KHAR PHRIN BTANG BA MIS GO MA CHOD PAS 'DA' KHAR MA MJAL KYANG, ,SKU 'DAS NAS LO BYA YUL GNYIS KA'I BDAG MDZAD, SKU TSE LA BAR CHAD 'ONG BA MKHYEN NAS YID BZHIN NOR BU'I SGOR ZHUGS PAS SKU @361 TSE BSRINGS TE, BRGYAD CU RTZA LNGA PA LCAGS MO SBRUL GYI LO LA GSHEGS, MTSAN NAM MKHA' RDO RJE YIN PAS, MNYAM BZHAG NAM MKHA' LTA BU YI, , NGANG LAS MA G-YOS RDO RJE'I THUGS, ,MNYAM BZHAG RJES THOB MI MNGA' BA'I, RIN PO CHE YI ZHABS LA 'DUD, ,CES PAS BSTOD DO, ,SLOB MA NI, GTZANG PA'I BU BZHI LA SOGS PA BCU BZHI THON SKAD, DE'I GDAN SA BA RIN PO CHE GLANG LUNG PA NI, STOD LUNGS 'TSUR GYI SGANG RAR, YAB SNUBS RDO RJE BTZAN GRAGS DANG, YUM HOR GZA' MO GNYIS KYI SRAS GSUM YOD PA'I CHE SHOS CHU MO YOS KYI LO LA 'KHRUNGS, LO 'DI LA BLA MA ZHANG YANG 'KHRUNGS PA YIN, BYIS PA'I DUS NA TSE 'DI LA ZHEN PA LOG PA, LAS 'BRAS LA YID CHES PA, 'KHOR BA LAS YID 'BYUNG BA, SEMS CAN LA SNYING RJE CHEN PO RNAMS RANG 'KHRUNGS SU BYUNG, LO BCO BRGYAD LA BYA YUL BA'I SLOB MA NYAG MO BA'I DRUNG DU BYON NAS GO MI'I SDOM PA BLANGS SHING GUS PA CHEN PO YANG SKYES, DE NAS YUL DU RAB TU BYUNG BA'I CHA RKYEN LEN DU BYON, THUGS LA SPA TSAB LO TZ'A BAS MKHAN PO DANG, SNE'U ZUR PA'I SLOB MA CHOS KYI PADMAS SLOB DPON MDZAD NAS DGE TSUL BYED PA BYUNG NA DGONGS YOD PA LA, CHU PHAR KHA NAS GCIG GIS SKAD BTANG BYUNG NAS, KHYED RAB TU BYUNG BA BYED NA YEL BA'I PHA BONG KHAR SPA TSAB LO TZ'A BA 'BYON PA YOD PAS DER RGYUG ZER BAS, DER PHYIN, CHOS KYI PADMA YANG SPYAN DRANGS NAS DGE TSUL GYI SDOM PA BLANGS, MTSAN BRTZON 'GRUS GZHON NUR BTAGS, NYAG MO PA'I ZHAR CHOS PA CIG LA @362 'DUL BA MNYAN PAS GO BA YE MA BYUNG BAS, PHYIS GZHAN LA MNYAN PAS TSEGS MED PAR MKHYEN, NYAG MO BA'I THAD DU LO BDUN BZHUGS NAS LAM RIM ZHUS PA LA, CHOS MA RDZOGS PA LA DGE BA'I BSHES GNYEN PA GSHEGS, PHYIS RMI LAM DU MJAL BAS, NYAG MO BA'I ZHAL NAS, NGAS KHYOD BDE BA CAN DU BSKYAL CIG GSUNG NAS NAM MKHA' LA 'PHAGS PA'I TSE MNAL SAD, DGUNG LO NYI SHU RTZA LNGA PA LA MAR SNON GYI GYANG BAR BYA 'DUL GYIS MKHAN PO DANG, PHYVA PAS SLOB DPON DANG, STON PA CHOS MCHOG GIS GSANG STE MDZAD NAS BSNYEN PAR RDZOGS, NYAG MO PA DANG BYA YUL BA'I SLOB MA DGE BSHES BKRA SHIS SGANG PA LO BRGYAD BSTEN, MNAL LAM DU KHONG LA BYIN RLABS ZHUS PAS, SHA DMAR MOR CIG GNANG BA GSOL BAS RANG BZHIN MED PA'I TING NGE 'DZIN GYI NGANG DU CHAM GYIS SONG, YANG MNAL LAM DU YOL BA CIG 'DUG PA BSAL NAS SPYAN SNGAR BYON PAS, SKU MDUN DU BUM PA GCIG KYANG 'DUG PA DBANG BSKUR CIG ZHU BYAS PAS, DBANG BSKUR GNANG BAS KYANG RANG BZHIN MED PA'I TING NGE 'DZIN GYI NGANG DU SONG, LAN CIG RTZA LTUNG RGYA CHER 'GREL GZIt PAS, DE LA DAD PA'I STOBS KYIS ZHAG DRUG DRUG TZAM RANG LUS DKYIL 'KHOR GYI 'KHOR LOR GZIGS PA BYUNG, SLOB DPON ZLA BA GRAGS PAS MDZAD PA'I DBU MA LA 'JUG PA GZIGS PAS KYANG, SNANG BA 'DI THAMS CAD 'JA' TSON LTA BUR GZIGS, YANG ZHAG LNGA DRUG RE TZAM GYI BAR DU SPYOD LAM THAMS CAD DU PHYI NANG GI SNANG BA THAMS CAD 'GAGS TE NAM MKHA' LTA BUR SONG NAS, @363 SLAR YANG SLOB DPON RANG GI SKU LUS YI GE KA ZHIG TU GYUR PAR GZIGS, LAN CIG JO BO'I THABS LAM BSGOMS NAS, SNE'U ZUR PA'I SLOB MA STON PA BRTZON 'GRUS SENG GE BYA BA ZHIG LA, NGA'I 'DI LAM DU 'GYUR RAM MI 'GYUR RMI LAM CIG RTOGS DANG BYAS PAS, NAM PHYED TZA NA KHONG NA RE, RGYU GLANG GLING LA 'BRAS BU GLANG GLING 'BYUNG, ME DANG RLUNG DU MTHUN ZER BA'I SGRA ZHIG BYUNG, JO BO'I THABS LAM BSGOMS PAS NI CANG YIN NAM ZER, YIN NI MA BYAS, RMI LAM NI THIG RGYAB SNYAM PA ZHIG BYUNG GSUNG, GTAM 'DI LTAR NA SPYAN SNGA'I BRGYUD PA LA JO BO'I THABS LAM YANG YOD PAR NGES SHING, BKA' GDAMS PA YONGS SU GRAG PA LA NI JO BOS GSUNGS PA'I THABS LAM GYI GDAMS PA YOD PA'I GTAM MI SNANG NGO, ,DE LTA BU DE RNAMS GTZANG PA LA BRTEN PA'I DUS NA BYUNG BA YIN GSUNG, 'OD 'JO BAS TSOGS SU SEMS BSKYED DE GONG NAS MDZAD PA THOS PAS, DER SEMS BSKYED GSAN PA LA BYON, MAR LAM LOR GTZANG PA RIN PO CHE'I ZHAL BLTAR PHYIN PAS MTHONG BA TZAM GYIS MOS GUS THUN MONG MA YIN PA SKYES, YANG BKRA SHIS SGANG NAS MJAL DU BYON PAS, GTZANG PA'I ZHAL NAS, KHYOD LA BAR CHAD CIG 'DUG PAS MTSAMS CHOD GSUNG NAS, MTSAMS ZLA BA GNYIS BCAD, YANG SPYAN SNGAR BYON NAS DBU MA'I THE TSOM SHIN TU MANG BAR BYUNG BA RNAMS ZHUS NAS, DE RNAMS KYI SGRO 'DOGS KYANG BCAD, GZHAN ZHIG GIS GTZANG PA LA STOD LUNGS PA DE CI 'DRA ZHUS PAS, BDEN GNYIS GO RUNG ZHIG 'DUG GSUNG STE, @364 BDEN PA GNYIS LA SHIN TU NGES PA BYUNG STE, GTZANG PA LA LO LNGA BRTEN, GTZANG PA GSHEGS RJES GDAN SA LO SUM CU RTZA GNYIS MDZAD DE, RANG LO BDUN CU RTZA GCIG PA CHU MO GLANG LA GSHEGS, LO 'DI LA DBU SE DANG BLA MA ZHANG YANG GSHEGS, DE'I RJES KYI GDAN SA SANGS RGYAS SGOM PA NI, YUL GZHUNG GI SNE'U GDONG PA, RUS PA 'BE'I NANG TSAN ZI TSA, YAB 'BE SPYAN RAS GZIGS, YUM BYI GZA' RGYAS CHUNG GNYIS LA SRAS GSUM MNGA' BA'I 'BRING BO, LCAGS PHO 'BRUG LA 'KHRUNGS, DE RJES KYI LCAGS SBRUL LA GTZANG PA RGYA RAS 'KHRUNGS PA YIN, BYIS PA'I DUS NAS LKOG GYUR MANG PO SHES PA'I GSAL SNANG YOD PA ZHIG BYUNG, LO BCU BZHI LA MKHAN PO SBAL TI DANG, GTZANG PA'I BU BZHI'I GYA BA DGE BSHES 'GAR GYIS SLOB DPON BYAS NAS RAB TU BYUNG, MTSAN RDO RJE GZHON NUR BTAGS, RIN PO CHE GLANG LUNG PA DANG MO LUNG NA BZHUGS PA'I ZHAL BLTAR PHYIN PAS DAD PA TSAD MED PA 'KHRUNGS, RIN PO CHE BAS MAR TSUD CIG KYANG GNANG, SBAL TI LA 'DUL BA NYIS KHRID TSAR GCIG GSAN, YUL DU RGYAGS LEN DU BYON NAS DGUNG LO BCO BRGYAD LA RIN PO CHE GLANG LUNG BA'I SAR BYON DER LO GCIG LON NAS TING NGE 'DZIN NI KHYAD PAR CAN SKYES, GLANG LUNG PA LO BCU BZHI'I BAR DU BSTEN, GDAMS PA RNAMS TSANG BAR THOB, RIN PO CHE GLANG LUNG PA GSHEGS NAS DAD MO LHA KHANG DU ZO GSOD LO DRUG MDZAD, DE'I SKABS SU GLANG LUNG PA ZHAL GZIGS NAS CHOS MANG PO GSUNGS, NUB GCIG @365 GI RMANG LAM LA SGO CHUNG SER KHRIG PA ZHIG 'DUG PA PHYE TZA NA, DE NA SANGS RGYAS KYI ZHING KHAMS MANG PO 'DUG PA GZIGS, DE NAS CHOS KYI SGO PHYE BA BZHIN DU SONG, LO SUM CU RTZA BRGYAD PA LA BRANG RA MO CHER MKHAN PO SBAL TI DANG, SLOB DPON MYANG DANG, GSANG STE BA DGE BSHES SBAS KYIS MDZAD NAS BSNYEN PAR RDZOGS, BZHI BCU RTZA GCIG LA TSOGS BSHAD MDZAD, ZHE GNYIS PA LA GDAN SAR BYON, GLANG LUNG BA CHU MO GLANG LA GSHEGS NAS SANGS RGYAS SGOM PAS ZHE GNYIS PA LA GDAN SAR BYON PA'I BAR DER, SES LO DRUG TZAM GYI BAR DU GDAN SA BSKYANGS ZER TE, LO BYA YUL BA RNAMS BLA MA BRGYUD PA LA NI SE MI BGRANG BAR 'DUG ,GDAN SA YUN RING DU BSKYANGS NAS RANG LO BDUN CU PA SA GLANG LA GSHEGS, DE'I RJES KYI GDAN SA PA ZEM RIN PO CHE NI, HAM MDO'I DER GOM DU, YAB SPA YAGS RTZE BO, YUM JO BTZUN MA BKRA SHIS SKYID GNYIS KYI SRAS SU LCAGS MO PHAG LA BLTAMS, BYIS PA'I DUS NA RANG GI YUM DE SGROL MAR YANG YANG GZIGS, BYIS PA'I DUS NYID NAS RANG BZHIN MED PA'I TING NGE 'DZIN LA NGANG GIS 'JUG PA DANG, MI MA YIN PA MANG POS BSKOR BA BYED PA YANG BYUNG, LCAM MO ZHIG YOD PA DES BYA YUL BA LA SKYABS SU MCHI, SANGS RGYAS SGOM PA LA SKYABS SU MCHI ZER BA GSAN PAS DAD GUS TSAD MED PA 'KHRUNGS, RAL GUS DBU GTUMS NAS BZHUGS PA'I TSE, MDUN GYI NAM MKHAR SANGS RGYAS SGOM PA LA 'KHOR SANGS RGYAS DANG BYANG CHUB SEMS DPA' MANG POS BSKOR BA YANG GZIS, LO @366 BCU DRUG PA LA SANGS RGYAS SGOM PA BA TSUR BYON PA DANG MJAL, RAB TU DBYUNG BAR ZHUS PAS, GRO SAR GYIS GSUNG NAS, MKHAN PO RNAL 'BYOR BYANG SENG LAS RAB TU BYUNG, MTSAN GRAGS PA SENG GER BTAGS, 'DUL BA BSLABS, LO BCU DGU PA LA MKHAN PO RNAL 'BYOR, LAS SLOB ZHOGS PA GNAS BRTAN, GSANG STE PA ZEM CHEN MOS MDZAD NAS BSNYEN PAR RDZOGS, BYA YUL DU SANGS RGYAS SGOM PA'I SPYAN SNGAR BYON PAS THUGS KYIS GZUNG NAS GDAMS PA TSANG BAR GNANG, SUM CU RTZA DGU BZHES PA'I TSE SANGS RGYAS SGOM PA GSHEGS, DE RTING GDAN SA BA GZHAN ZHIG BYUNG PA'I MTSAN NI MA SHES, LO BYA YUL BA RNAMS BRGYUD RIM LA YANG SANGS RGYAS SGOM PA NAS ZEM GYI BAR DU GZHAN MI 'JUG PAR 'DUG PHYIS DPAL LHA MO'I BKA' BYUNG NAS ZEM GYIS GDAN SA MDZAD, RANG LO DRUG CU RTZA DRUG PA ME PHO 'BRUG LA GSHEGS, DE'I TSE SPYAN SNGA 'KHRUNGS NAS LO NYIS BRGYA DANG BCU DGU SONG, 'DI'I SLOB MA MANG DU BYON PA'I NANG NAS 'OD GSAL BA CHEN POS ZHOGS KYI PHUR 'OD GSAL DGON PA BTAB, RI MER BA CHEN POS HO BRAG SHAR DU RI MER BTAB, DE'I RJES SU DGE BA'I BSHES GNYEN KHAM PA LUNG BA NI, 'KHRUNGS YUL NYAN GYI KA KA BA, YAB SBAS RNAL 'BYOR MGON PO, YUM ZHANG LCAM DKAR YAL GNYIS KYI SRAS SU CHU 'BRUG LA 'KHRUNGS, LO BCU GNYIS PA LA MKHAN PO GZHUNG BA DANG SLOB DPON RAG MA BA GNYIS LAS RAB TU BYUNG, BCU DGU PA LA MKHAN PO SKYOR MO LUNG BA ZHIG PO DANG, SLOB DPON DPAL @367 DANG, GSANG STE BA SLOB DPON DBANG LAS BSNYEN PAR RDZOGS NAS 'DUL BA GSAN, DE NAS RIN PO CHE LA GDAMS PA ZHUS NAS BSGOMS PAS 'DOD PA BZHIN THUGS LA 'KHRUNGS RTOGS PA YANG YANG PHUL, CHOS ZHU BA LA NAM GUNG NYI PHYED GANG LA'ANG SGO MED DU GRAGS, RANG LO NYER LNGA PA ME PHO 'BRUG LA ZEM GSHEGS NAS LO DE NYID LA GDAN SAR BYON, ME 'BRUG DE NAS CHU PHO RTA'I BAR LO NYI SHU RTZA BDUN GDAN SA MDZAD DE, CHU RTA DE LA GSHEGS, BAR MA DOR PHYAG RGYA CHEN PO'I DNGOS GRUB THOB PAR GRAGS, SANGS RGYAS JO BO NI, MTSAN DBANG PHYUG GZHON NU, SANGS RGYAS SGOM PA'I SKYE BAR MDZAD, CHU 'BRUG LA 'KHRUNGS TE KHAM PA LUNG PA DANG 'KHRUNGS LO GCIG NYI SHU RTZA GNYIS PA CHU MO GLANG LA GLANG LUNG DU MKHAN PO SKYOR MO LUNG PA CIG DANG, SLOB DPON THANGS BAR GRAGS PA ZHIG LA DGE TSUL MDZAD, LO NYI SHU RTZA LNGA LA BSNYEN PAR RDZOGS, LNGA BCU RTZA GCIG LA BTZAN GRONG GDAN SAR BYON, DRUG CU PA LCAGS YOS LA GDAN SAR BYON, GYA GCIG PA CHU PHO BYI BA LA GSHEGS, 'DI CHOS SKYONG LA MNGA' BRNYES PAS BYA YUL GYI GTZUG LAG KHANG GI GSO NAM MDZAD PA'I TSE, RTZIG GSEB TU CHOS SKYONG GI SKU GTOR MA DANG BCAS PA BZHI SBAS, 'BRI KHUNG PA SKU ZHANG TSUL RGYAL GYIS LOR SDE DMAG DRANGS, BAN DE DGU BSAD, DER LO PAS GTOR MA YOD PA'I GTAM LA BRTEN NAS BTZAL BAS RNYED DE GCIG PHYUNG NAS 'PHANGS PAS SKU ZHANG PA YAB SRAS THAMS CAD MI LAG TU SONG, GTOR MA BTON DUS MA BSKAMS @368 PAR RLON PAR 'DUG CES GRAGS, KHAM LUNG PA'I RJES NAS CHU LUG SHING SPRE SHING BYA GSUM GTZANG STON GYIS GDAN SA MDZAD, GTZANG STON 'BRI KHUNG BAS BKRONGS, BYA YUL MES BSREGS, ME KHYI NAS LCAGS STAG GI BAR GDAN SA MED PA 'DRA STE, LCAGS STAG 'DI LA 'BRI KHUNG GLING LOG BYUNG, DE RJES KYI LCAGS YOS DE SANGS RGYAS JO BO GDAN SAR BYON PA'I LO YIN, SANGS RGYAS JO BO LA, GONG MA SE CHEN GYIS BYA YUL GSO BA'I CHA RKYEN DU GSER BRE MANG PO YANG GNANG, BYA YUL GYI GTZUG LAG KHANG LO GCIG LA SOS, BYA YUL GYI ZHIG GSOS LA 'BYON PA'I TSE SKYI CHU BRGAL BA NA MNYAN PA'I RNAM PAR RTOG PA LA, 'DI NI RGAN PO DMU YU BAR SONG 'DUG ,ZHIG GSOS RANG CANG 'ONG NGAM SNYAM PA SKYES PA DE MKHYEN NAS, AA BO MNYAN PA, SANG PHOD DA TZAM NA DAR COG SKYA HROG GE BA ZHIG BYED PA YIN NO GSUNG NGO, ,RIN PO CHE SANGS RGYAS STON PA NI, 'KHRUNGS YUL GRU SHUL SGO, YAB BKRA SHIS 'BUM DANG, YUM SRI THAR SKYID KYI SRAS BZHI YOD PA'I CHE LKOG MA YIN, LO BCU BZHI'I SKOR LA KHAM LUNG PA LA GTUGS, SHING MO GLANG LA GSHEGS, SHING GLANG 'DI KHAM LUNG PA GSHEGS PA'I CHU PHO RTA'I RJES KYI CHU LUG NAS BRTZAMS PA'I LO BZHI BCU RTZA GSUM PA YIN, SHING GLANG 'DI BU STON RIN PO CHE'I SO DRUG PA YIN NO, ,SANGS RGYAS SGOM PA PHYI MA NI, YUL LO RO BA, SHING PHO SPRE'U LA 'KHRUNGS, ZANGS PO CHE BA DANG MTSO SNA BA LA DGE TSUL MDZAD, MTSAN TSUL KHRIMS SHES RAB TU BTAGS, 'DUL @369 BA SOGS GSAN PA RGYA CHER MDZAD, BYA YUL DU SANGS RGYAS JO BO LA SLEB, DER BSNYEN RDZOGS MDZAD, SANGS RGYAS STON PA LA BYA YUL BA'I CHOS SKOR TSANG BAR ZHUS, DE'I DUS SU GSANG SNGAGS BKA' BABS KYI SKOR KHAM PA LUNG PA NAS BKA' CHAD NAS MED PAS, MON LUG MGO STENGS NA ZEM TSE RING MO BA'I SLOB MA SGOM PA BYANG SKYABS BZHUGS PA LA BKA' BLANGS NAS, ZHE GSUM PA ME PHO STAG LA BYA YUL GYI GDAN SAR PHEBS, PHRIN LAS DAR RGYAS SHIN TU CHE, RANG LO LNGA BCU RTZA LNGA PA SA STAG LA GSHEGS, DE'I RJES SU RGYAL STENGS PA SANGS RGYAS DBON POR GRAGS PAS ZLA BA BCO BRGYAD GDAN SA MDZAD, DE'I RJES SU BTZAN GRO BA TSUL KHRIMS MGON PO NI, 'KHRUNGS YUL KA BAS, SANGS RGYAS JO BO LA SLEB NAS RAB TU BYUNG, GDAMS PA RNAMS SANGS RGYAS STON PA LA ZHUS, 'DIS LCAGS SBRUL NAS CHU MO YOS KYI BAR GDAN SA MDZAD, CHU YOS KYI DE MA THAG PA'I SHING 'BRUG LA BU STON RIN PO CHE GSHEGS, DE'I RJES SU SPYAN SNGA BLO GROS RNAM DAG PA, DE'I RJES SU RGYAL STENGS PA SPYAN SNGA CHOS KYI RDO RJE, JO BO RJE BOD DU CHU RTA LA PHEBS NAS SPYAN SNGA CHU LUG LA GSHEGS PA'I BAR LO DRUG CU RTZA GNYIS, DE RJES TSUL KHRIMS MGON PO CHU YOS LA GSHEGS PA'I BAR LO NYIS BRGYA DANG LNGA BCU RTZA DGU, DE RJES SHING 'BRUG NAS DA LTA'I ME PHO SPRE'U YAN LA LO BRGYA DANG BCU BZHI 'DAS PAR SHES PAR BYA'O, SPYAN SNGA NAS BYA YUL BA'I SKABS SO, , @370 BYA YUL BA'I SLOB MA'I SKABS, MAL GROR BUL BA PA CHEN POS RGYAL PO STENGS BTAB, SMAD KYI DUM BU RI BA CHEN POS DUM BU RI BTAB, 'DI LA SMAD KYI BYANG SEMS ZLA RGYAL DU GRAGS, SHAB PA GLING PA CHEN POS DVAGS POR SHAB PA GLING BTAB, KHROM BZHER CHEN POS KAM KAM GYI GTZUG LAG KHANG BTAB STE, DE YANG KHROM BZHER RIN CHEN SENG GE ZHES BYA BA 'CHUMS SU SNGAGS BRGYUD LAS LCAGS PHO 'BRUG LA 'KHRUNGS, RTEN SNGAGS PA SKYA BOR BZHUGS, LCAGS 'BRUG 'DI BYA YUL BA'I NYER DRUG PA YIN, SNA NAM JO DPAL DANG LHA BTZUN BYANG CHUB 'OD KYI SLOB MA DBYIG THANG STON PA ZHES PA MDO LUNG NA BZHUGS PA DANG, KAM PA, SHAR PA BA, BYA YUL BA RNAMS BSTEN, RANG LO SO BRGYAD PA ME MO SBRUL LA KAM KAM BTAB, GRVA PA DGE 'DUN NYIS BRGYA TZAM 'DUS, SO DGU BZHES PA SA PHO RTA LA BYA YUL BA GSHEGS, RGYA MA DBON STON 'KHRUNGS, RANG LO BDUN CU RTZA GCIG PA LCAGS STAG LA GSHEGS, LO DE LA DPAL PHAG MO GRU PA YANG GSHEGS, DGYER SGOM CHEN PO, SNAR THANG PA GTUM STON, SPA TSAB LO TZ'A BA, STABS KA BA CHEN PO RNAMS DANG DUS MTSUNGS, DE'I GDAN SA PA SKYO STON RIN PO CHE BYANG CHUB RIN CHEN NI, KHROM BZHER GYI NYER BDUN PA ME PHO RTA'I LO LA GROG GI MDA'I SKYO GRONG DU 'KHRUNGS, BCU GSUM PA LA @371 KHROM BZHER DANG MJAL, NYER GCIG PA LA BYA 'DUL LA RAB TU BYUNG ZHING BSNYEN PAR RDZOGS, SNYUG RUM PA, 'OD 'JO BA, BYA YUL GYI SNUBS MCHOD GNAS RNAMS BSTEN, RANG LO ZHE DRUG BZHES PA LCAGS MO YOS LA KAM KAM GYI GDAN SAR BYON, TSOGS PA BTZUN PA SHAS CHE BA'I GRVA PA LNGA BRGYA TZAM DU 'PHEL, RGYAL LHA KHANG GI GDAN SA DANG SBRAGS NAS MDZAD, BCO BRGYAD BZHES PA CHU PHAG 'JIG RTEN MGON PO 'KHRUNGS, NYER GNYIS PA ME MO YOS LA SA SKYA BA RJE BTZUN GRAGS PA RGYAL MTSAN 'KHRUNGS, NGA BDUN PA CHU STAG LA SA PAn 'KHRUNGS, RANG LO DON LNGA PA LCAGS SPRE LA GSHEGS, 'DI MAL KA BA CAN PA DANG 'KHRUNGS LO GCIG ,DE'I GDAN SA BA KHROM BZHER JO SRAS RIN CHEN SENG GE NI, SKYO STON GYIS SO BRGYAD BZHES PA CHU MO LUG LA 'CHUMS SU 'KHRUNGS, BCU BZHI PA LA SKYO LA RAB TU BYUNG, BCU DGU PA LA KA BA DAR SENG, DPAL CHEN RDOR GZHON, GLAN TSUL BYANG BYA BA RNAMS LAS BSNYEN PAR RDZOGS, RANG LO SO BRGYAD PA LA GDAN SAR BYON, SPANGS THANG STOD DANG GDAN SA SBRAGS NAS MDZAD, 'DIS BCU BZHES PA CHU 'BRUG LA KHRO PHU LO TZ'A BA 'KHRUNGS, ZHE DRUG PA LA PAN CHEN SH'AKYA? SHR'I RVA SGRENG SOGS DBUS STOD DU PHEBS, RANG LO NGA BRGYAD PA LCAGS 'BRUG LA GSHEGS, DE'I GDAN SA BA ZHIG PO 'DUL GRVA BA RIN CHEN 'BYUNG GNAS NI, JO SRAS KYIS NYER LNGA BZHES PA PA ME LUG LA 'KHRUNGS, BCU GSUM PA LA JO SRAS KYI DRUNG DU RAB TU BYUNG, NYER GNYIS PA LA GRO SAR RNAL 'BYOR BYANG SENG LAS BSNYEN PAR RDZOGS, 'BE @372 SANGS RGYAS SGOM PA, RDO RJE GZHON NU, TRE BO MGON PO RNAMS BSTEN, SO BZHI PA LCAGS 'BRUG LA GDAN SAR BYON, NYER DGU PA SHING MO PHAG LA SE CHEN RGYAL PO 'KHRUNGS, ZHE DGU PA SHING LUG LA CHOS RGYAL 'PHAGS PA 'KHRUNGS, STAG LUNG BA SANGS RGYAS YAR BYON, SPYIL BU'I LHA CHEN PO, ZEM TSE RING MO BA, SE SPYIL BA'I SLOB MA RGYA SPANGS PA, LHA DGE 'DUN SGANG PA, GAN PA DA RE, RGYA MA BA SANG YON RNAMS DANG DUS MTSUNGS, RANG LO RE BRGYAD PA SHING PHO STAG LA 'DAS, DE'I GDAN SA BA BSOD NAMS RIN CHEN NI, 'DUL GRVA BAS NYER BRGYAD BZHES PA'I SHING PHO KHYI LA 'KHRUNGS, BCU DGU PA LA RNAL 'BYOR BYANG SENG LAS RAB TU BYUNG ZHING BSNYEN PAR RDZOGS, 'DUL GRVA BA DANG ZEM TSE RING MO BA GNYIS LA BRTEN, RANG LO BZHI BCU RTZA GCIG PA SHING PHO STAG LA GDAN SAR BYON, BCU GCIG LON PA'I SHING SPRE LA SPYIL BU PA'I SBAS PA STON GZHON 'KHRUNGS, BCU DGU PA CHU PHO 'BRUG LA SPYIL BU'I LHA CHEN PO GSHEGS, SO BRGYAD PA LCAGS PHAG LA SA PAN GSHEGS, RE BDUN PA LCAGS 'BRUG LA CHOS RGYAL 'PHAGS PA GSHEGS, MAN LUNGS GU RU, YANG DGON PA, RONG PA RG'ALO, SPYIL BU'I LHA 'GRO MGON, BYA YUL GYI SANGS RGYAS GTZANG STON, GSANG PHU BA 'OD ZER MGON PO RNAMS DUS MTSUNGS, RANG LO DON GSUM PA ME PHO KHYI LA GSHEGS, DE'I GDAN SA PA KHROM BZHER DBON PO RIN GZHON NI, SHING MO YOS LA 'KHRUNGS, BCU BZHI LA KAM KAM DU RAB TU BYUNG, NYER GNYIS PA LA GRO SAR BSNYEN PAR @373 RDZOGS, SLOB DPON BSOD NAMS RIN CHEN DANG, BYA YUL BA'I SANGS RGYAS JO BO RNAMS LA BSTEN, SO GNYIS BZHES PA'I ME PHO KHYI LA GDAN SAR BYON, 'DIS GDAN SAR LO BZHI SONG BA'I LNGA PA LCAGS PHO STAG LA 'BRI KHUNG GLING LOG BYUNG, BU STON KHA CHE 'KHRUNGS, BYA YUL LA ZHUGS KYI GNOD PA BYUNG, LO SUM CU PA SHING SPREL LA CHOS RJE RANG BYUNG RDO RJE 'KHRUNGS, 'BRI KHUNG PA'I SPYAN SNGA NYER BRGYAD PA YANG 'KHRUNGS, ZHE LNGA PA SA MO PHAG LA TI SHR'I KUN DGA' BLO GROS PA 'KHRUNGS, RANG LO DON GSUM PA ME MO YOS LA GSHEGS, DE'I DBON BO GDAN SA BA KHROM BZHER RIN CHEN SENG GE NI SHING MO SBRUL LA 'KHRUNGS, BCU GNYIS PA LA MKHAN CHEN SENG GE DPAL BA DANG, SLOB DPON RIN GZHON PA LAS RAB TU BYUNG, NYI SHU LA GRO SAR BSNYEN PAR RDZOGS, SLOB DPON RIN GZHON DANG, BYA YUL BA'I SANGS RGYAS STON PA LA BRTEN NAS THUGS SBYONG MDZAD, NYER BZHI PA SA PHO 'BRUG LA GDAN SAR BYON, LO DRUG LON PA LCAGS KHYI LA TI SH'I KUN DGA' RGYAL MTSAN PA 'KHRUNGS, RGYA MA BA BKRAS RGYAL, BYA YUL BA SANGS RGYAS SGOM PA PHYI MA, 'CHAD KHA BA LHA BLO GROS 'OD, GSANG PHU BA SLOB DPON BLO GROS SENG GE BDE BA CAN PA BKRA SHIS SENG GE CHOS 'KHON GLING PA'I SLOB DPON BLO BZANG RNAMS DUS MTSUNGS, DGUNG LO NGA DGU PA CHU MO YOS LA GDAN SAR DBON PO BSKOS NAS KHONG RANG ZUR DU BZHUGS, RE GCIG PA SHING MO SBRUL LA GSHEGS, DE'I DBON PO GDAN SA BA SANGS RGYAS 'OD ZER NI, ME PHO KHYI LA 'KHRUNGS, @374 BCU GCIG LA MKHAN CHEN SNGA MA LAS RAB TU BYUNG, GRO SAR MKHAN CHEN 'OD ZER RGYAL PO LAS BSNYEN PAR RDZOGS, CHOS 'KHOR GLING PA'I SLOB DPON BYAMS PA, SPYAN SNGA RIN SANG BA SOGS BSTEN, BCO BRGYAD PA CHU MO YOS LA GDAN SAR BYON, RANG LO NYER BZHI BA SA MO BYA LA GSHEGS, 'DI GSHEGS NAS PHYI MA MA BSKOS PA'I BAR DU LO SUM CU RTZA DGU 'DUG GO MKHAN CHEN BRTZON 'GRUS BZANG PO? NI, CHU MO GLANG LA KLUNGS SHOD ZUR RER 'KHRUNGS, LO BCU LA 'JAM DBYANGS RIN CHEN SENG GE'I ZHABS LA GTUGS NAS MKHAN PO ZHUS, SLOB DPON MKHAN CHEN BRTZON RIN PA LA ZHUS NAS RAB TU BYUNG, LO NYER BDUN PA LA SNGAR GYI MKHAN SLOB LAS BSNYEN PAR RDZOGS, CHOS 'KHOR GLING DU SLOB DPON SHES RAB RGYAL MTSAN DANG, SLOB DPON BLO BZANG PA BSTEN, MKHAN CHEN BKRAS RIN PA, CHOS RJE BLA MA DAM PA BSOD NAMS RGYAL MTSAN, MKHAN CHEN CHOS DBANG PA, SPYAN SNGA RIN SENG BA, BYA YUL BA'I MKHAN PO RIN TSUL, SLOB DPON GZHON BRTZON, SLOB DPON RIN GRUB, MKHAN PO BRTZON RGYAL RNAMS BSTEN, LO SO BDUN PA SA MO GLANG LA GDAN SAR BYON, LO NYER BDUN BZHES PA LA KAR MA PA RANG BYUNG RDO RJE GSHEGS, SO DGU PA LCAGS YOS LA 'BRI KHUNG PA'I SPYAN SNGA NYER BRGYAD PA GSHEGS, ZHE DGU PA LCAGS GLANG LA KUN MKHYEN JO NANG BA GSHEGS, DE RJES KYI CHU YOS LA RDZOGS CHEN PA TSUL BLO GSHEGS, DE'I PHYI LO SHING 'BRUG LA BU STON PA GSHEGS, DE RJES KYI ME RTA LA RTOGS @375 LDAN BSAM GTAN DPAL GSHEGS, DE RJES KYI SA SPRE LA HOR GYI RGYAL SA SHOR, DE'I PHYI LO SA MO BYA LA RGYAL SRAS THOGS MED PA GSHEGS, 'DIS RE GSUM BZHES PA SHING MO YOS LA CHOS RJE BLA MA GSHEGS, DE RJES KYI SA PHO RTA LA G-YAG SDE PAN CHEN BRGYAD CU BZHES PA ZHIG GSHEGS, DON GNYIS PA SHING PHO BYI BA LA CHOS RJE DE BZHIN GSHEGS PA 'KHRUNGS, RANG LO DON GSUM PA SHING MO GLANG LA GSHEGS, BAR 'DIR ME STAG LA GDAN SA BA MED, DE'I GDAN SA BA DON GRUB DPAL BA NI, SHING MO SBRUL LA 'PHAN YUL KLUNG DU 'KHRUNGS, LO DGU LA KLOG YIG BSLABS PAS SHES PA LA BYIS PA SHES RAB RAB CAN DU GRAGS, BCU GSUM PA LA MKHAN CHEN BLO BZANG PA DANG SLOB DPON GU RU BA GNYIS LAS RAB DU BYUNG, BCU BZHI LA MKHAN CHEN PA'I SPYAN SNGAR BYON NAS LO BRGYAD BAR MA CHAD DU BSTEN, LO NYER GNYIS LA MKHAN CHEN SH'AKYA MI TRA LA SOGS LAS BSNYEN PAR RDZOGS, GZHAN YANG GSANG PHU BA BLO GROS BRTAN PA, MKHAS GRUB RDO RJE RGYAL MTSAN, RDO RJE 'DZIN PA GZHON NU RGYAL MTSAN, RNAL 'BYOR DBANG PHYUG GZHON NU 'PHEL, BYA YUL RIN PO CHE BLO GROS RNAM DAG MKHAN CHEN SENG RGYAL BA, RI KHROD PA MGON PO YE SHES, STAG LUNG LO TZ'A BA SH'AKYA BZANG PO, THANG SAG PA KUN SPANGS GZHON NU RGYAL MTSAN, KUN SPANGS YE SHES RGYAL MTSAN, MKHAS BTZUN GZHON NU 'OD, STAN GCIG PA LUNG GI RGYA MTSO RNAMS BSTEN, RANG LO NYER GSUM PA ME MO YOS KYI LO LA GDAN SAR BYON, DE NAS SUM CU RTZA GCIG @376 PA ME MO BYA'I LO LA CHOS 'BYUNG BSTAN PA RIN PO CHE'I GSAL BYED BRTZAMS, ME MO BYA DE NAS DA LTA'I ME PHO SPRE'U 'DI YAN LA LO DRUG CU SONG, KHROM BZHER CHEN PO GSHEGS NAS LO SUM BRGYA DANG BDUN ME SPRE YAN LA SONG NGO, BYA YUL BA'I SLOB MA'I SKABS SO, , RGYA MA PA'I SKABS, DGON PA BA'I BU BZHI'I YA GYAL KA MA PA SHES RAB 'OD NI, JO BO LAN PA SPYIL BUR PHEBS DUS, YUM DES JO BO LA BYIN RLABS ZHUS PAS, 'DI LA BU BZANG PO ZHIG 'ONG GSUNG NAS LUNG BSTAN PA BZHIN LAN PA MDAR ME MO BYA LA 'KHRUNGS, RAB TU BYUNG BA'I MTSAN SHES RAB 'OD, PHYIS DGON PA BA DANG MJAL DU BYON PAS DGON PA BAS CHOS DANG ZANG ZING GNYIS KAS BSKYANGS, MNGON PAR RTOGS PA'I YON TAN YANG TSAD MED PA DANG LDAN PA YIN, THUGS RAB KYANG SHIN TU CHE, RTOG GE 'BAR BA NAG TSOS BSGYUR BA LAS RNAL 'BYOR SPYOD PA BA'I DE KHO NA NYID GTAN LA DBAB PA'I LE'U LA 'GYUR BCOS MDZAD PA PO'I MKHAS BTZUN SHES RAB 'OD GSAL GNYIS KYIS BSGYUR ZER BA'I YA GCIG KYANG KHONG YIN PA 'DRA'O, DES KAM DGON PA BTAB, GRVA PA YANG BDUN BRGYA TZAM 'TSOGS, PHYI ROL GYI DNGOS PO NGAN PA RNAMS BZANG POR BSGYUR NUS PA'I TING NGE 'DZIN BRTAN PO YANG MNGA', DGUNG LO BDUN @377 CU RTZA LNGA PA LCAGS MO PHAG LA GSHEGS, 'DI 'KHRUNGS PA'I ME BYA 'DI JO BO SHING RTA LA GSHEGS PA'I RJES KYI ME BYA DE YIN, DGON PA BA'I BU CHEN DGE BA'I BSHES GNYEN SNE'U ZUR PA NI, SNE'U ZUR NYID KYIS SKOR THOD PA ZHES BYA BA DER CHU PHO RTA LA 'KHRUNGS, CHU RTA 'DI JO BO BOD DU PHEBS PA'I LO DE YIN, GZHON NU NAS BRAG RGYAB PA'I BTZUN PA BYAS, MTSAN YE SHES 'BAR, DE DUS RANG NAS SKYE BAS THOB PA'I TING NGE 'DZIN LEGS PAR 'KHRUNGS, DE'I GTAM SGOM PA SHES RAB DBANG PHYUG GIS DPAL LDAN DGON PA BA LA ZHUS PAS, KHO'I DE DGE BA'I BSHES GNYEN GYIS ZIN NA LEGS PAR 'ONG STE, DE LTA MA YIN NA SMYON PAR 'GRO GSUNG BAS, SHES RAB DBANG PHYUG GIS KHYOD LA DGE BA'I BSHES GNYEN PAS THUGS LA 'DOGS PAR 'DUG ZER BA BYAS, 'ON KYANG RE ZHIG NI MA THON, PHYIS LO NYI SHU RTZA DRUG PA ME MO LUG GI LO LA RVA SGRENG DU BYON NAS, DGON PA BA LA MJAL BAR ZHUS PAS, SKU MTSAMS DAM PAS MJAL SA MED ZER, DER DGON PA GONG GI 'OG GI CHU MIG KHA DER DRO BTAB, SPOS KYI RE BU ZHIG KYANG BSREGS TE PHUL, PHYAG KYANG MANG DU PHUL, SKYES BU DAM PA KHYOD DANG TSE RABS THAMS CAD DU MJAL BAR GYUR CI CES BYA BA'I SMON LAM YANG MANG DU BTAB, MNGON PAR SHES PAS MKHYEN PAS RING PO MA LON PAR BKA' STZAL BYUNG STE, ZHABS DRUNG DU LEGS PAR MJAL, DANG POR KHA 'BAR MA'I GTOR MA ZHIG BSLABS NAS, NGAS KYANG JO BO DANG MJAL BA'I DUS SU DANG POR 'DI GNANG BA YIN GSUNG BAS, JO BO'I GDAMS PA @378 JI LTA BA BZHIN DU GNANG BAR 'DUG SNYAM PA BYUNG BA BZHIN, GDAMS PA SNA TSANG BAR THUGS LA BTAGS, RES 'GA' PHYAG BTZAL NAS, NGA LA ZHABS KYIS BYIN RLABS GNANG BYUNG BSAM PA NA, BLA MAS ZHABS NAR GYIS BRKYANG NAS 'ONG, LAN CIG PHYAG SOR GSUM GYIS MGO LA BYIN RLABS MDZAD PAS, DBU LA PHYAG SOR GSUM PO THIM PA'I SHUL SKYONG LOG GE BA JI SRID 'TSO'I BAR DU YOD, YI DAM DU RJE BTZUN MI G-YO BA GNANG NAS DE'I BSNYEN PA MANG DU MDZAD PAS ZHAL YANG LEGS PAR GZIGS, DER MA ZAD DGON PA BA'I GDAMS PA LA BRTEN NAS DAM TSIG GSUM GYI RGYAL PO'I GDAMS PA MDZAD PAS KYANG SANGS RGYAS DANG BYANG CHUB SEMS DPA' MANG PO'I ZHAL GZIGS, DGON PA BA GSHEGS NAS PO TO BA LA BSTEN, GZHAN GYIS PHRAG DOG BYAS NAS 'DI LA NAG SKYON YOD CES BYAS TE, PO TO BA THUGS LOG PA LA, NGA LA 'DI'I SKYON YE MED PA ZHIG YIN ZHUS KYANG, DE KHYOD RANG KHO NA LA DGA' CIG GSUNG NAS BKYON DU BYUNG BA LA, NGA'I BLA MA DE BZHUGS NA MNGON PAR MKHYEN PA CHEN PO MNGA' BAS 'DI 'DRA BA MI 'ONG STE SNYAM PA'I YI MUG PA YANG BYUNG GSUNG, PHYIS NI SKYON MED PAR DGONGS TE, PO TO BA LEGS PAR DGYES NAS PO TO BA GRVA PA MANG PO SKYONG ZHING STAG LUNG DU BZHUGS PA'I TSE, DGE SLONG BCU LHAG TZAM LA KLU'I NAD BYUNG BA YANG KHYOD KYIS GSOS GSUNG NAS, SNE'U ZUR PAS LEGS PAR BCOS, PO TO BA DUS PHYIS SKU KHAMS BSNYEL BA'I TSE'ANG, 'KHOR GYIS DGE BA'I BSHES GNYEN 'DI DANG 'DI SNGAS BSRUNGS SU GDAN DRANGS @379 NA ZHUS DUS, GSAN DU MA BZHED, SNE'U ZUR PA SPYAN DRANG NGAM BYAS PAS, ZHAL NAS, DE BYUNG NA DAD DE KHO RANG GIS CHOG STE GSUNG BAS, SNGAS BSRUNGS KYANG MDZAD, DER THUGS DAM MDZAD PAS NAM MKHA' LA MTHO BAR 'PHAGS PA'I SNANG BA YANG BYUNG ZHUS PAS, PO TO BA'I ZHAL NAS, AE 'DI NGA'I DON BYED SNYAM TZA NA KHO RANG GI DON BYAS NAS 'DUG GSUNG, LAN CIG RVA SGRENG LA 'BYON PA'I TSE PHA BONG ZHIG LA ZHABS GTAD DE PHYAG SGROG BCINGS PAS SBRUL DKAR PO ZHIG PHA BONG 'OG DE NAS 'THON TE SONG, DE NA MDZE BO ZHIG YOD PA GZHAN CI YANG MA DGOS PAR DE GCIG PUS NAD SOS, DE LA SOGS PA MDZE BO MANG PO'I DON MDZAD PAS, BRTAG PA MKHAN YIN SNYAM PA MA GTOGS, MKHYEN PA DANG TING NGE 'DZIN GYI MTHU BSAM GYIS MI KHYAB PA MNGA' BAR PHAL GYIS MA RTOGS, PHYIS SNE'U ZUR DU DGON PA MDZAD DE BZHUGS PA NA, DAD PA CAN MANG DU LHAGS, TSA RONG GI JO STAN NAG PO DANG, KVA BA DAR SENG LA SOGS PA'I 'DUL BA 'DZIN PA CHEN PO MANG POS KYANG ZHABS LA GTUGS, TING NGE 'DZIN SHIN TU BRTAN PAS RJE BTZUN MI LA DANG YANG MTSAN THOS PA'I GROGS PO YIN ZER, MI MANG PO LAM GYI RIM PAS KHRID PAS KYANG BSKYAR DU BTUB PAR BYUNG, LAM RIM GYI DBU NI 'KHOR BA 'JUG LDOG NAS MDZAD, BSTAN PA'I RIM PA RGYAS PAR GSUNGS PA LA SLOB MAS ZIN BRIS BYAS PA YANG MANG DU YOD, DGE BA'I BSHES GNYEN RIN CHEN SGANG PA CHEN PO GTZANG STON SNGA PHYI GNYIS, GNYAL PA MI, BUR PA YUL SMAN, DPAS STON @380 CHUNG, MNGA' GSAL LDAN, DUM BU RI PA ZLA BA RGYAL MTSAN, RI MO CAN PA, RTZIBS DGON PA, MNGA' RIS PA BYANG CHUB DGE MDZES, GTZANG RONG PA SNUBS SGOM, MYANG STOD PA, BRANG SHONG BA, WAR PADMA, NYI PHUG PA, ZHING CHUNG BA, RGYAN DKAR BA, RGYANG RONG BA DAR BRTZON RDZI LA 'OD GRAGS, STOD LUNGS PA DAR BLO, MAL GRO BKRA SHIS SGANG BA, GLAN CHU MIG LUNG DU BA, PHYI LUNG BA RGYA BA, TSUL KHRIMS 'OD ZER LA SOGS PA'I TSOGS PA STONG PHRAG RE TZAM 'DUS, GTZANG NA DRANG PO? LUNG PA DANG SPYI BO LHAS PA LA SOGS PA YANG SLOB MA YIN, LAN CIG GLANG THANG DU NAD YAMS CHEN PO BYUNG BAS MI MANG PO'ANG SHI, DE NAS MI MA YIN RNAMS SNE'U ZUR DU 'GRO BAR BRTZAMS PA NA, NAM MKHA' LAS DE NI BYANG CHUB SEMS DPA' KUN TU BZANG PO'I SPRUL PA YIN NO BYA BA'I SGRA BYUNG BAS, MI MA YIN RNAMS PHYIR LOG STE, BYANG CHUB SEMS DPA' KUN TU BZANG PO'I SPRUL PAR YANG GRAGS, RANG LO BDUN CU RTZA BDUN PA SA PHO KHYI'I LO GSHEGS, DGE BA'I BSHES GNYEN CHEN PO 'DI DANG SPYAN SNGA NAS BRGYUD PA RNAMS LA GDAMS NGAG PA ZHES GRAGS SO, ,SNE'U ZUR PA'I SLOB MA DGYER SGOM CHEN PO KHU DBON GNYIS NI, SA LA GNAS PA'I BYANG CHUB SEMS DPA' CHEN PO ZUNG ZHIG GZHAN GYI DON DU SKYE BA BZHES PA YIN TE, DGYER LHA SNANG GI RIGS SU DGYER SGOM CHEN PO LCAGS PHO RTA LA 'KHRUNGS, BKA' GDAMS GDAMS NGAG PA'I BLA MA SNE'U ZUR PA DANG BYA YUL BA GNYIS KYI SLOB MA YIN ZHING, BSGOM PA LA GTZO BOR MDZAD @381 PAS DGYER SGOM ZHES GRAGS, MTSAN NI GZHON NU GRAGS PA ZHES BGYI, DES RIN CHEN SGANG GI GTZUG LAG KHANG SDE DGON DANG BCAS PA BTAB CING, 'GRO BA'I DON RGYA CHEN PO MDZAD, TSOGS PA'ANG BRGYAD BRGYA TZAM 'TSOGS, RANG LO BRGYAD CU RTZA GNYIS PA LCAGS MO YOS LA GSHEGS, DGYER SGOM CHEN PO'I GCUNG PO BU MO STAG GI SRAS DBON STON RIN PO CHE DE NI, BSKAL PA BZANG PO'I SANGS RGYAS SU 'GYUR BA BYANG CHUB SEMS DPA' SKAL LDAN SHING RTA NYID SKYE BA BZHES PAR GRAGS, DE YANG SING+GA'I GLING NA DGRA BCOM PA ZHIG BZHUGS PA DES, KHA CHE'I PAndI TA CHEN PO SH'AKYA SHR'I'I GCUNG PO ZHIG LA ME TOG BZHI ZA MA TOG TU BCUG STE, DGRA BCOM PA DE'I ZHAL NAS ME TOG 'DI RNAMS KHYED KYI PHU BO DE BOD DU 'GRO BAR 'DUG PAS DE LA BSKUR LA, GCIG 'BRI ZHES BYA BA'I SA PHYOGS NA SLOB DPON KLU SGRUB BYANG CHUB SEMS DPA' RIN CHEN DPA' ZHES BYA BAR SKYE BA BLANGS NAS YOD PAS, ME TOG GCIG DE LA SPROD, GCIG NI RATNA K'U tI ZHES BYA BA'I GTZUG LAG KHANG NA BYANG CHUB SEMS DPA' SKAL LDAN SHING RTA'I SKYE BA YOD PAS DE LA SPROD, GCIG DVI BH'A shI ZHIG YOD PA DE LA SPROD, GCIG DVI BH'A shI DES LHA CHEN PO ZHIG BZHENGS PA DE'I THUGS KAR ZHOG CES GSUNGS PA BZHIN DU, KHA CHE'I PAndI TA CHEN POS KYANG DE RNAMS LEGS PAR SPRAD, KHA CHE'I PAndI TA BSAM YAS SU BZHUGS PA'I TSE, RJE BTZUN MA SGROL MA LA, DBON STON BYANG CHUB SEMS DPA' SKAL LDAN SHING RTA LAGS SAM ZHUS PAS, 'PHAGS MA'I ZHAL NAS, SKAL LDAN NI YIN, @382 DMU RGOD KYI SEMS CAN RNAMS KYI SGANG BSHONGS SNYOMS PAS SHING RTA DE MYUR... BOR 'CHAG PA 'DUG CES GSUNG BA BYUNG ZER, BYANG CHUB SEMS DPA' SKAL LDAN SHING RTA DE NI SA PHO RTA LA 'KHRUNGS, GTZUG LAG KHANG CHEN PO BZHENGS PA LA SOGS PA'I GZHAN DON GYI BYA BA RLABS CHEN PO MANG DU MDZAD, NAM ZHIG GI TSE DGE 'DUN DBU CHEN KHA CIG BSAGS, 'DUN MA'I ZHAL BKOD MDZAD PA LA, DE RNAMS KYIS MA NYAN BAS, DBON STON RIN PO CHE'I GSUNG GIS, DBU RU BYANG PHYOGS KYI BKA' GDAMS KYI BSTAN PA 'DI NGAS GZUNG NGAM SNYAM PA YIN TE, NGA KHYED RNAMS KYI BLO LA MI 'BAB NA NGA'I SKYA MA 'DI DE RING NAS RTZEN GYIS BSDUS PAS CHOG GSUNG NAS GZIMS MAL DU THEGS, JA SUN GNYIS BZHES PA'I MOD LA 'PHO BA MDZAD DE, RANG LO BDUN CU RTZA GSUM PA LCAGS PHO RTA'I LO LA GSHEGS, LO 'DI LA KHA CHE PAn CHEN GYIS SA SKYAR DBYAR GNAS MDZAD, SNE'U ZUR PA GSHEGS PA'I TSE DGYER SGOM CHEN POS LO NYI SHU RTZA DGU LON, DGYER SGOM GSHEGS PA'I TSE DBON GYIS LO SUM CU RTZA BZHI BZHES, DBON STON GYIS GDAN SAR LO BZHI BCU RTZA GNYIS BZHUGS, SANG YON PAS GDAN SA LO SUM CU RTZA GNYIS BSKYANGS, DRUG CU RTZA GCIG LA GSHEGS, BDE GSHEGS CHEN POS GDAN SA LO NYI SHU RTZA LNGA BSKYANGS TE DRUG CU RTZA LNGA LA GSHEGS, SKAM DGON PA GZHON NU 'BUM GYIS GDAN SA ZLA BA BCO BRGYAD BSKYANGS TE DRUG CU RTZA BRGYAD LA GSHEGS, SANGS RGYAS 'OD 'BYUNG GIS GDAN SA LO NYI SHU RTZA LNGA BSKYANGS NAS DRUG CU RTZA GCIG LA GSHEGS, @383 SANGS RGYAS GZHON 'OD KYIS GDAN SA LO BZHI BCU RTZA GNYIS BSKYANGS TE DRUG CU LA GSHEGS, CHOS RJE BKRAS RGYAL BAS GDAN SA LO BRGYAD BSKYANGS TE DRUG CU RTZA GCIG LA GSHEGS, SPYAN SNGA KUN BZANG BAS GDAN SA LO GCIG BSKYANGS TE BDUN CU RTZA GSUM PA LA GSHEGS, GZHON NU SENG GE BAS GDAN SA LO GCIG BSKYANGS TE SUM CU RTZA GCIG LA GSHEGS, CHOS RJE BSOD RGYAL BAS GDAN SA LO NYI SHU RTZA GCIG BSKYANGS TE LNGA BCU RTZA LNGA LA GSHEGS, SANG YON PAS GDAN SA LO LNGA BSKYANGS TE LNGA BCU RTZA LNGA LA GSHEGS, DE RJES GDAN SA LO GSUM STONGS, DE NAS SPYAN SNGA SANGS RGYAS BYANG CHUB PAS GDAN SA LO NYI SHU RTZA GCIG BSKYANGS TE LNGA BCU RTZA DRUG LA GSHEGS, SPYAN SNGA KUN BLO BAS GDAN SA LO BCU GCIG BSKYANGS TE LNGA BCU RTZA DGU LA GSHEGS, SPYAN SNGA GZHON 'OD PAS GDAN SA LO SUM CU SO DRUG BZHUGS TE, SO DRUG PA 'DI LCAGS PHO RTA YIN, SANG YON SNGA MA'I LCAGS LUG NAS LCAGS RTA 'DI'I BAR LO NYIS BRGYA BZHI BCU YOD, SPYAN SNGA BLO GROS RGYAL MTSAN PA RTA'I LO LA 'KHRUNGS, ZHE DGU PA RTA'I LO LA GDAN SAR BYON NAS GDAN SA LO GNYIS MDZAD, NGA DGU PA SA PHO 'BRUG LA GSHEGS, BLO GROS RGYAL MTSAN GNYIS PA SPRUL LA 'KHRUNGS, NYER BDUN PA LUG LA GDAN SAR PHEBS NAS LO GNYIS BZHUGS, DA LTA NI BLO GROS 'JIGS MED PA BZHUGS SO, ,DGYER SGOM CHEN PO LCAGS PHO RTA LA 'KHRUNGS NAS GZHON 'OD PHYI MAS GDAN SA BZHAG PA'I LCAGS RTA'I BAR LA LO SUM BRGYA DANG DRUG CU 'DAS NAS DRUG CU RTZA GCIG PA'O, @384 DGYER SGOM LCAGS RTA LA 'KHRUNGS NAS DBON STON LCAGS RTA LA GSHEGS PA'I BAR LA LO BRGYA DANG NYI SHU RTZA GCIG SONG, GZHON 'OD PHYI MAS GDAN SA BZHAG PA'I LCAGS RTA DE NAS DING SANG GI ME PHO SPRE'U 'DI'I BAR DU LO NYI SHU RTZA BDUN SONG, DE'I RING LA BLO GROS RGYAL MTSAN PA LA SOGS PA RNAMS BYON NO, ,JO BO BOD DU PHEBS PA'I CHU PHO RTA LA SNE'U ZUR PA 'KHRUNGS, KHONG GIS ZHE DGU BZHES PA'I LCAGS RTA LA DGYER SGOM CHEN PO 'KHRUNGS ZHES BYA'O, RGYA MA BA'I SKABS SO, , DGON PA BA'I BU KAM PA DANG SHAR PA BA SLOB BRGYUD DANG BCAS PA'I SKABS, SNE'U ZUR PA'I SLOB MA BYANG CHUB DGE MDZES YUL MNGA' RIS PA, SHING PHO BYI BA LA 'KHRUNGS, SHING BYI 'DI SNE'U ZUR PA'I ZHE GSUM PA YIN, GDUNG DGE SHING, GZHON NU LA RAB TU BYUNG ZHING BSNYEN PAR RDZOGS, 'DUL BA BSLABS, GNYAGS LO TZ'A BAS PAndI TA SU GA TA SHR'I GDAN DRANGS PA'I PHYAGS PHYIR YAR KLUNGS SU BYON, LO PAn LA SHER PHYIN BAG TZAM MNYAN, BTZAN LA BYAMS CHOS SHES PAR BSLABS, TSA RONG BA LA 'DUL BA BSLABS, PHU CHUNG BA, GLANG RI THANG PA, KA MA BA, KHAM PA LUNG PA RNAMS LA ZHAL MJAL, CHOS SKYONG MGON PO ZHAL GZIGS, NGA'I SO SO THAR PA NAS RIG 'DZIN GYI BAR LA 'GAL 'KHRUL YOD NA KHYED KYIS SNYING KHRAG PHYUNG ZHIG BYAS PAS, @385 MGON PO'I ZHAL NAS, DGE SLONG GI DAM BCA' 'JIGS GSUNG, SNE'U ZUR PA LA SHIN TU DAD NAS LAM RIM GSAN, ,DGE BSHES SGRE PA SNE'U ZUR PA LA RTOGS PA 'BUL DU BYON PA'I PHYIR G-YER BYON NAS KHONG GI BLA MCHOD MDZAD, SNE'U ZUR PA GSHEGS NAS BYA YUL BA LA CHOS TSAN ZHIG ZHUS, BYES TSAN DGON PAR THUGS DAM MDZAD, BRGYAD CU RTZA BZHI PA PHAG LO 'PHO BA MDZAD NAS GSHEGS, DE'I SLOB MA SKOR CHEN PO YIN TE, GNYAGS CHUNG LO TZ'A BA LA RAB TU BYUNG ZHING BSNYEN PAR RDZOGS, GTZANG DU BYON NAS GSAN PA MANG DU MDZAD, SNE'U ZUR PA ZHAL MJAL BA TZAM ZHIG BYAS, DE NAS STAG CAN DU BYON, STAG CAN GYI BDAG GNYAGS LOS MDZAD PA YIN, SKOR GYIS PHYI'I LCAGS RI DE BRTZIGS, DE'I RAB GNAS DON STENGS PA LA ZHUS, DON STENGS PA LA SEMS BSKYED ZHUS DUS SA G-YO BA'I LTAS CHEN PO BYUNG, SPYIR BLA MA DRUG CU TZAM BSTEN, GUN PA BAS LUNG BSTAN, MNGA' RIS PA DGE MDZES LA SNE'U ZUR PA'I CHOS RNAMS TSAR PHYIN PAR ZHUS, STAG CAN GYI 'BUM MO CHE BZHENGS, DE'I LAS MI SNGAR RDZING YAN BAR THANG MAN GYI MIS KHYAB, GSHEGS KHAR SKOR JO SRAS LA GDAN SA BSKOS, JO SRAS KYIS DGE GONG DU 'DUL BA SBAS TI LA BSLABS, DGE BSHES STON DAR DANG, GNAS BRTAN BRTZON SHE ZHES BYA BAS 'JOG MA NYAN PAR SHA 'UG STAG SGOR BYON, DER THUGS RJE CHEN PO'I ZHAL GZIGS, SLAR YANG STAG CAN DU GDAN DRANGS, KHRA 'BRUG GI MNGA' THANG BSKYED, RGYA SA SGANG DU MYA NGAN LAS 'DAS SO, ,DE'I @386 GDAN SA BA MAR PA PHUG PA BAR GRAGS PA DE NI, GSER SDINGS PA LA RAB TU BYUNG, KLUBS DKAR LA BSNYEN PAR RDZOGS, 'DUL BA MKHAS PAR BSLABS, SGRUB PA LO NYI SHU MDZAD, BKA' GDAMS KYI GDAMS PA RNAMS SKOR JO SRAS LA GSAN, DRUG CU RTZA GSUM NAS 'GRO DON MDZAD, STAG CAN, SER BA DGON PA, RGYAS SA SGANG, BTZAN THANG, RONG SKAM RNAMS GZUNG NAS BDUN CU RTZA GSUM PA BYI BA'I LO LA GSHEGS, DE'I GDAN SA ZHIG PO KUN GROL YIN TE, 'KHRUNGS YUL YAR KLUNGS SHAR PA, GRVA 'DUL DANG YOL LCAGS LA DGE TSUL GYI SDOM PA BLANGS SHING BSNYEN PAR RDZOGS, MAR PHUG PA LO BZHI BSTEN, DON ZHAGS LA THUGS DAM GTZO BOR MDZAD, 'DI SNAR THANG SANGS RGYAS SGOM PA'I YANG SLOB MA YIN, SA SKYA BA DBUS SU BYON DUS DPUNGS RINGS SU GDAN DRANGS, BRGYA 'BUL BYAS, KHU SPYAN G-YAS PA LA RAB GNAS SEMS BSKYED SOGS ZHUS, ,BYA YUL DU ZEM LA BSTAN RIM SOGS ZHUS, LHA SBU GU DO BA LA LAM RIM GSAN, LHA 'BRI SGANG PA LA'ANG ZLA BA CIG GSAN PA MDZAD, RJE SPYAN SNGA, 'BRI KHUNG GCUNG RIN PO CHE, G-YAM BZANGS SNUBS SGOM RNAMS LA'ANG GSAN PA MDZAD, PAndI TA D'A NA SH'I LA LA DBANG BZHI RDZOGS ZHUS, BAL BO 'BUM ME DANG BAL PO GRAGS 'BUM LA DO HA GSAN, 'CHUS PA JO BSOD LA ZHI BYED GSAN, THUGS DAM GYI LHA MANG DU ZHAL GZIGS, LAM RIM TSAR BRGYA DANG BCU DRUG BSHAD, CHOS PHUG GI DON ZHAGS KYANG BLA MA 'DI LAS BYUNG BA YIN NO, ,DE'I GDAN SA @387 BA SANGS RGYAS STON PA LO MO BA, RUS MTHA' BZHI, LO BCO BRGYAD LA ZHIG PO'I SAR RAB TU BYUNG, SPYIL BUR LHA 'GRO BA'I MGON PO LA BSNYEN PAR RDZOGS, BSTAN PA'I BYA BA DANG SEMS CAN GYI DON RGYA CHEN PO MDZAD NAS CHU MO GLANG LA GSHEGS, DE'I THUGS SRAS SANGS RGYAS DBON CHEN PO LHA ZUR KHANG BA'I ZHABS LA GTUGS, LA KHAR MKHAN PO SHES RAB RGYAL MTSAN LAS RAB TU BYUNG, CHOS PHUG TU SANGS RGYAS STON PA LA BKA' GDAMS GSAN, LO TZ'A BA GRAGS PA RGYAL MTSAN LA RDO RJE PHRENG BA'I DBANG GSAN PA LA SOGS PA BLA MA MANG DU BSTEN, SA PHO KHYI'I LO LA GSHEGS, CHOS PHUG TU SANGS RGYAS DBON PO'I RJES SU, CHOS PHUG PA GZHON NU BLO GROS, GRAGS PA RGYAL MTSAN, GRAGS PA BZANG PO, RDO RJE RGYAL MTSAN, SANGS RGYAS RDO RJE RNAMS GDAN SA'I RIM PA STE, 'DI'I BAR DU SKOR GYI LAM RIM CHEN MO TSOGS SU GSUNG BA'I SROL MA CHAD PA'O, ,SNGA MA STAG CAN PA'I GDAN RABS SO, DGON PA BA'I BU KA MA PA DANG SHAR PA BA SLOB BRGYUD DANG BCAS PA'I SKABS SO, , JO BO RJE'I SLOB BRGYUD GZHAN GYI LO RGYUS PHYOGS TZAM BSTAN PA'I SKABS, GNYAL GYI GNYOS BRA GOR BAS BRA GOR BTAB PAS BKA' GDAMS GZHUNG PA'I BRGYUD PA YIN LA, GNYOS BRA GOR BA'I RJES SU GDAN SA'I RIM @388 PA 'DI BYON GYI YI GE MA MTHONG, DUS PHYIS LHA 'GRO BA'I MGON PO'I SLOB MA ZANGS CHEN PA DAR MA BSOD NAMS LA SLOB MA'I THU BO BZHI BYUNG BA NI, MTSO SNA BA, RTZE DKAR BA, DAR MA SGANG BA, BYANG KHANG BA STE BZHI LA ZANGS CHEN PA'I BU BZHI ZHES ZER, DE'I NANG NAS MTSO SNA BA SHES RAB BZANG PO DES BRA GOR DU BZHUGS, ,DE'I RJES SU MON GRVA BYA BA TSUL KHRIMS BKRA SHIS, G-YE BA SANGS RGYAS SHES RAB, CHOS SKYABS BZANG PO, CHOS DPAL RGYAL BA, BSOD NAMS DPAL LDAN, 'DI LA MKHAN CHEN BRAG PA YANG ZER, YON TAN RIN CHEN, BSAM SHE BA, RDOR SHE BA, YON DBANG BA, CHOS RJE BA, CHOS RGYAL BZANG PO, CHOS RGYAL BZANG PO DBU NAG PA, BRTZON 'GRUS RGYAL PO, GTZAB YON TAN 'OD ZER, 'DI YAN LA MKHAN PO BCO LNGA YOD, RI STENGS SU MTSO SNA BA CHEN PO'I SLOB MA RI STENGS PA RGYAL MTSAN BZANG PO, DE RJES CHOS RJE RIN CHEN, KONG STON SHES RAB RDO RJE, SKU 'BUM PA, CHOS RGYAL BA, CHOS RJE DPAL BZANGS PO, SGO GCIG PA'I SKYE BA SGO GCIG PAR GRAGS PA, 'DI YAN LA MKHAN PO BDUN SONG, RONG PA PHYAG SOR BAR GRAGS PA DES NI 'BROM STON PA, DGON PA BA, RNAL 'BYOR BA, KHA RU BA SNGA MA, ZHANG BTZUN YER PA BA, YER RTZI SGANG GI SGOM PA DAD PA RNAMS LA BSTEN, KHONG GIS RANG GI SKYE BA BCU GSUM DRAN, MNGON PAR SHES PA RGYA CHEN PO MNGA', BSGOMS PA'I STOBS KYIS RIG PA'I GNAS LNGA LA MKHAS, JO BO'I GDAMS NGAG KHYAD PAR DU 'PHAGS PA 'DI LA, @389 JO BO BOD DU SPYAN JI LTAR DRANGS PA'I LO RGYUS SHIG 'ONG THANG BA LA SNYAM NAS, GZHAN NAS NI MA RNYED PAS KHAB GUNG THANG DU NAG TSO LO TZ'A BA'I DRUNG DU BYON, NAG TSOS SNGAGS KYI GDAMS PA SHIN TU MANG BAR GNANG ZHING LO GSUM DU BZHUGS, LO PHYI MA TZAM NA JO BO BOD DU JI LTAR SBYAN DRANGS PA'I LO RGYUS GSUNG BAR ZHUS PAS, LO TZ'A BA'I ZHAL NAS, NGAS JO BO LA LO BCU DGU BSTEN, BOD DU SPYAN YANG NGAS DRANGS PA YIN GSUNG NAS DGYES BZHIN DU LO RGYUS GSUNGS, MAR 'BYON KHAR KHYOD KYIS GNAS 'DI LTA BU ZHIG TU SGRUBS SHIG GSUNGS NAS LAG SOR DGON PA'I LUNG BSTAN KYANG MDZAD, DE NAS MAR BYON PA LA PHOD MDO BAS SNA LEN BYAS NAS, MDO RTZA DANG BSLAB PA KUN LAS BTUS PA GNYIS GSUNGS, DE NAS SPROS PA THAMS CAD DOR NAS NYE GNAS DANG YANG MI MJAL BA'I SGRUB PA YUN RING DU LAG SOR DGON PAR MDZAD, SGRUB PA'I RJES LA SPA TSAB DANG 'PHRANG KHA RJE'I 'KHRUG PA'I DUMS LA BYON PA'I TSE PHOD MDOR RMA TSO BYANG RDOR DANG MJAL BAS, KHONG DANG DE'U SHANG RDOR SPYAN DRANGS NAS CHOS BTZUGS PAS RONG PA'I BU BZHIR GRAGS PA BYUNG STE, BYA 'DUL BA 'DZIN PA, ROG 'CHIMS PHU BA, RNAM PAR BA, DGE BSHES ZHUS LAN PA DANG BZHI'O, ,RGYA RA STON BRJID DGE BSNYEN PAS BUR MA BGRANGS SO, ,RNAM PAR BAS NI RNAM PAR DANG RAM PA LHA SDINGS BTAB, GSANG PHU'I GDAN SA YANG LO BRGYAD MDZAD, DE LA RNAM PAR BA DANG ROG GIS GDAMS PA LA GTZO BOR BYAS, LO RGYUS LA CHED KHA MA MDZAD PAR SNANG, ZHUS LAN @390 PAS CHED CHER BYAS PA YANG BLANGS NAS, ZUL PHU BAS JO BO'I LO RGYUS CHEN PO YI GER BTAB PA YIN, ZUL PHU BAS STOD LUNGS PA CHEN PO LA YANG BKA' GDAMS KYI GDAMS PA MANG DU GSAN, 'OD KYANG KHONG GI BRGYUD PA RNAMS NI 'DUL 'DZIN DU BGRANG BA LAS, BKA' GDAMS SU MI BGRANG BAR SNANG NGO, ,RNAL 'BYOR BA CHEN PO'I SLOB MA MANG RA 'BYUNG GNAS RGYAL MTSAN, DE'I MKHAN BU SNYUG RUM PA BRTZON 'GRUS RGYAL MTSAN, CHU PHO RTA LA 'KHRUNGS, RE BRGYAD PA SA MO GLANG LA GSHEGS, TSOGS PA BRGYAD BRGYA TZAM 'TSOGS, YUL LHO BRAG CHAG PA, MTSAN KHRI MCHOG DE LTAR 'CHAG KHRI MCHOG CES BYA BA DE NI, JO BO RJE LAS CHOS MANG DU THOB, JO BO LA 'BUL BA BYUNG BA'I RDZAS RNAMS RGYA GAR DU SKYEL BA'I BANG CHEN YANG LAN GSUM MDZAD, BSTAN BCOS 'CHAD PA DANG GRUB MTHA' SMRA BA LA KHONG TZAM PA MED SKAD, KHONG GIS JO BO GSHEGS KHAR JO BO NI RING DU BZHUGS MI 'DRA, JO BO GSHEGS RJES SU BDAG GIS SGOM MAM ZHUS PAS, PHAN MED GSUNG, 'O NA BSHAD DAM ZHUS PAS KYANG PHAN MED GSUNG, 'O NA RES BSHAD RES SGOM MAM ZHUS PAS, DE LA YANG PHAN MED GSUNG, JO BO 'O NA JI LTAR BGYI ZHUS PAS, TSE 'DI BLOS THONG GSUNG, DE NAS JO BO GSHEGS RJES SU LHA SAR MI MANG PO ZHIG LA SDE SNOD KYI BSHAD PA LO GCIG MDZAD, DE NAS RE SHIG NA RVA SGRENG DU BYON NAS JA LUNG RDO GANG GI MANG SKOL MDZAD, DE RING NI GTAM RI GZAR GYI RBAB 'DRA BA ZHIG 'ONG BAS SO SO NAS BZOD PA MDZAD PAR ZHU GSUNG NAS, @391 DGE BSHES STON PA LA, DGE BA'I BSHES GNYEN PA LAGS, KHYED LA JO BO'I GDAMS NGAG THAMS CAD BUM PA GANG BYO'I TSUL DU MNGA' BA LAGS PAS, DES KYANG MI PHAN DES KYANG MI PHAN MI GSUNG BAR JO BO'I GDAMS NGAG RNAMS MI 'CHAB PAR GSUNG BA ZHU, RNAL 'BYOR PA LA, KHYOD RNAL 'BYOR PA MI CHOS SU NGAN TE JO BO'I G-YOG BZHAG NAS SBA RGYA MTSO'I RJES LA PHYIN, LHA CHOS SU NGAN TE JO BO'I GDAMS NGAG BSGOM PA BZHAG NAS, DABS CHUNG STON PA'I BDAG MED MA'I SGRUB THABS BSLABS PA YIN BYA BA LA SOGS PA RIM GYIS MANG PO GSUNGS PA'I RJES LA, KHO BO NI DE RING NAS TSE 'DI'I RNAM PAR RTOG PA LA MTSAMS GCOD GSUNG BAS, GNAS KHANG ZHIG TU MTSAMS SDOM PA YIN SNYAM TZA NA, MTSAMS KYANG MI MDZAD, MI DANG GLENG MO TZAM YANG MI MDZAD PAR BZHUGS, LAN GCIG GI TSE DGE BA'I BSHES GNYEN GSANG PHU BA DE RVA SGRENG DU BYON NAS KHONG DANG THUGS GCUGS PAS GSUNG GLENGS THUGS BCAGS PA ZHIG BYA BSAM NAS KHONG DANG MJAL BA'I TSE, KHONG GI ZHAL NAS, DGE BA'I BSHES GNYEN PA, KHO BO LA MI'I 'DI YIN MI BDOG PAS BZOD PA MDZAD PAR ZHU GSUNG NAS, NAGS KHROD NA PHAR LDO LDO GSHEGS, GSANG PHU BA'I ZHAL NAS, DE LAS YI MUG PA ZHIG NI MA BYUNG GSUNG SKAD, DER KHONG GIS PHAL CHER MNYAM PAR 'JOG PA KHO NA MDZAD, NAM ZHIG DGON PA BA'I SPYIL PO'I G-YON GYI PHA BONG ZHIG GI STENG NAS MKHA' SPYOD DU GSHEGS PA YIN LO, ,CHOS RGYAL KHRI SRONG LDE BTZAN GYI BLON PO RNGOG CHEN PO BYA BA, BTZAN @392 POS RGYA YUL DU DMAG DRANGS PA'I TSE RGYAL POS RI DI'U ZHIG GI KHAR BZHUGS, DMAG RNAMS YUL GZHAN 'JOMS SU BTANG BA NA, RGYAL PO'I SKU LA BDO BA'I RGYA'I GYEN PO 'GA' ZHIG BYUNG BAS BLON PO RNGOG GIS 'GA' ZHIG BSAD, 'GA' ZHIG NI PHYIR BROS, DE NAS RGYA ZHO HAB KYIS BTAB, RGYA PHRUG BRAG LA BRDABS ZER BA DE'I BRGYUD PA, YA 'BROG DO'I PHYI ROL GYI MTSO CHEN PO'I 'GRAM DU GRONG CHAGS PA'I SNGAGS RNYING MA BA'I DGE BSHES RDO RJE GZHON NU ZHES BYA BA LA SRAS LNGA BYUNG BA'I CHE BA RNGOG LEGS PA'I SHES RAB, GNYIS PA KLU KHRI, GSUM PA KLU BYANG, BZHI PA CHOS SKYABS, LNGA PA THUB PA RNAMS LAS CHE BA RNGOG LEGS PA'I SHES RAB KYIS 'BRING YE SHES YON TAN LAS RAB TU BYUNG, SDE SNOD SLOB PA'I PHYIR DU KHAMS SU BYON NAS JO BO SE BTZUN GYI SLOB MA MDZAD, CHOS MANG DU MKHYEN NAS KHU STON LA SOGS PA DANG 'GROGS TE, 'BROM STON BZHUD PA'I PHYI DE LO BYA'I LO LA DBUS SU PHEBS, BSHAD PA'I GRVA BTZUGS NAS SLOB MA YANG MANG DU YOD, JO BO SNYE THANG NA BZHUGS PA'I TSE JO BO LA CHOS MANG DU GSAN, THUGS RGYUD SHIN DU BZANG BAS JO BO'I SLOB MA SU DANG YANG MI MTHUN PA MED, DER LO PAn GNYIS LA RTOG GE 'BAR BA BSGYUR BA'I ZHU BA PHUL, JO BOS GNANG NAS NAG TSOS TSAR PHYIN PA LHA SAR BSGYUR, YANG RNGOG GIS JO BO LA ZHUS NAS DBU MA'I MAN NGAG DE YANG MDZAD, DANG POR BRAG NAG GI RTZAR DGON PA ZHIG MDZAD PA LAS PHYIS JO BOS LUNG BSTAN PA BZHIN CHU MO GLANG GI LO LA NE'U THOG GI GTZUG LAG KHANG CHEN MO BTAB, DE @393 YANG 'KHON DKON MCHOG RGYAL POS SA SKYA BTAB PA DANG LO GCIG GSANG PHU NAS RVA SGRENG DU STON PA SKU MCHED RNAMS MJAL BA LA YANG LAN MANG DU PHEBS TE, JO BO'I CHOS LA GTZO BOR MDZAD PA YIN, DE'I DBON PO RNGOG LO CHEN PO DE NI, CHOS SKYABS KYI SRAS SU SA MO PHAG GI LO LA 'KHRUNGS, GZHON NU'I DUS NAS KHU BO'I DRUNG DU BYON, KHU BO DANG GZUS KYI SLOB MA SBO CHUNG BA TSUL KHRIMS SHES RAB LA SOGS PA'I SAR YANG GSAN PA MANG DU MDZAD, KHONG GI SHES RAB MCHOG TU GYUR PA DE LA KHU BO MNYES NAS LO BCU BDUN BZHES PA'I TSE KHA CHER SLOB GNYER LA BRDZANGS, DE'I TSE RVA LO, GNYAN LO, KHYUNG PO CHOS BRTZON, RDO STON, GTZAN KHA BO CHE RNAMS DANG LHAN CIG 'GROGS NAS BYON PAS, MNGA' BDAG RTZE LDES DBUS GTZANG KHAMS GSUM GYI SDE SNOD 'DZIN PA RAGS PA RNAMS SPYAN DRANGS NAS, ME PHO 'BRUG GI LO'I CHOS 'KHOR MDZAD PA DANG THUG RTZE LDE'I SRAS PO DBANG PHYUG LDES RNGOG GI YON BDAG BYA BAR CHAD NAS, KHA CHER BYON TE, PAntI TA SADZDZA NA DANG, PAR HE TA BHA TRA LA SOGS PA DRUG TZAM BSTEN, BAR DU RGYAGS CHAD NAS KHA CHE GSER SLONGS BYA BA'I YI GE MNGA' RIS SU BTANG BA LAS, DBANG LDES GSER MANG PO YANG BSKUR, TSAD MA RGYAN BSGYUR CIG BYA BA'I ZHU BA BYUNG BAS, PAntI TA SKAL LDAN RGYAL PO DANG RNGOG GNYIS KYIS LEGS PAR BSGYUR, DER KHA CHER LO BCU BDUN DU YANG DAG PAR SBYANGS NAS, SLAR BOD DU BYON, BOD DU YANG PAntI TA 'BUM PHRAG GSUM PA DANG, SU MA TI K'IRTI GNYIS LA CHOS @394 GSAN ZHING BAL POR YUG CIG BYON NAS AA TU LYA BADZRE DANG, BA RENDRA RU TZI LA SOGS PA LA SNGAGS KYI GSAN PA YANG MDZAD, SLAR BOD DU PHEBS, 'GYUR MANG PO MDZAD PA YANG DAG CING SHIN TU 'GYUR BZANG, 'GYUR MDZAD PA'I TSAD NI GRO LUNG BAS, DAM CHOS BSGYUR LA MNGA' BRNYES PAS, RGYAL YUM GNYIS DANG BSTAN BCOS GZUNG, ,'BUM PHRAG GCIG DANG KHRI PHRAG GSUM, ,STONG PHRAG BDUN NI LHAG BCAS BSGYUR, ,ZHES 'BYUNG BA DE'O, , LHA SA DANG, BSAM YAS DANG, MYU GU SNA DANG, GNYAL SGANG THOG DANG, GTZANG RGYANG MKHAR LA SOGS PAR BSHAD PA MDZAD PA'I TSE, MKHAS BTZUN GRVA PA RIM PA BZHIN, ,KHRI TSO GNYIS DANG SUM STONG DANG, ,ZHES BYA BA DANG, ZUR CHOS PA'I GRANGS KYANG, RGYAN DANG CHOS MCHOG 'CHAD MKHAN LNGA BCU RTZA LNGA, RNAM NGES 'CHAD PA NYIS BRGYA DANG BRGYAD CU, LUNG CHOS SMRA BA STONG DANG BRGYAD BRGYA STE, CHOS SMRA BA NYIS STONG DANG BRGYA SUM CU TZAM ZHIG 'DUS, TSAD MA DANG, BYAMS CHOS DANG, DBU MA LA SOGS PA'I RNAM PAR BSHAD PA YANG MANG DU MDZAD, PHA ROL TU PHYIN PA DRUG GI SPYOD PA THAMS CAD YONGS SU RDZOGS PAR SPYOD PA'I SEMS DPA' CHEN PO DE NI, DGUNG LO LNGA BCU RTZA GCIG BZHES PA'I TSE BSAM YAS DANG NYE BA'I SAR LAM DU SKU GSHEGS, DE LTAR CHOS GRVA SNGA PHYIR MDZAD PA RNAMS LA SLOB MA'I TSOGS MTHA' YAS MOD, ZHANG TSES SPONG CHOS KYI BLA MA, GRO LUNG PA BLO GROS 'BYUNG GNAS, KHYUNG @395 RIN CHEN GRAGS, 'BRE SHES RAB 'BAR BZHI LA SRAS KYI THU BO BZHI ZER, GANGS PA SHE'U, GONG BU RA CAN, SHAM PO ME DIG ME LHANG TSER, DMAR SGAS LANG, RNGOG SKYA BO, TRE BO MCHOG GI BLA MA LA SOGS PA MANG DU BYON, LO TZ'A BA NYID KYIS JO BO'I CHOS RNAMS KHU BO LA GSAN NAS LAM GYI RIM PA'I BSTAN BCOS KYANG MDZAD, GRO LUNG PAS LAM RIM CHEN MO DANG BSTAN PA'I RIM PA CHEN PO YANG MDZAD SNANG STE, KHU DBON GNYIS DNGOS KYI SLOB MA DANG BCAS PA'I BAR DU JO BO'I GZHUNG LUGS 'DZIN PA YIN, RNGOG LEGS SHE 'BROM GYI SLOB MA YANG YIN PAS BKA' GDAMS PAR YANG GTOGS SO, ,SPYIR NA JO BOS BOD DU LO BCU GSUM BZHUGS PA'I RING LA GDAMS NGAG BTAB CING YON TAN PHUN SUM TSOGS PA SKYES PA NI SHIN TU MANG BAR BYUNG 'DUG NA'ANG GRANGS SU MA BCAD, GTZANG NA 'GAR 'GOS YOL GSUM, DBUS NA KHU RNGOG 'BROM GSUM ZHES PA DE RNAMS GRAGS PA DANG LDAN PA YIN, 'BROM NAS BRGYUD PA'I BKA' GDAMS PA'I DGE BA'I BSHES GNYEN YI GE MTHONG BA RNAMS CHE LONG TZAM 'DIR BSDUS NAS BKOD KYI, GZHAN DU NA DUS PHYIS BOD DU BYON PA'I DGE BA'I BSHES GNYEN RNAMS DANG, RNAL 'BYOR PA GRUB PA'I SPYOD PA CAN RNAMS KYI RNAM PAR THAR BA PHAL CHE BA NA BKA' GDAMS PA'I DGE BA'I BSHES GNYEN RE LA GTUGS PA KHO NA SNANG BAS, 'BROM YANG RGYA CHE ZHING RGYAN CHAGS PA'I PHRIN LAS CAN ZHIG STE, DE DAG GIS NI DPAL @396 MAR ME MDZAD YE SHES KYIS CHOS KYI 'KHOR LO BSKOR BA'I 'BRAS BU PHYOGS TZAM ZHIG BSTAN PA YIN NO, JO BO RJE BRGYUD PA DANG BCAS PA'I SKABS SO, , @397 (CHA) DEB THER SNGON PO LAS, RNGOG LO PA TSAB BRGYUD PA DANG BCAS PA DANG, DBU TSAD, BYAMS CHOS SOGS JI LTAR BYUNG BA'I SKABS BZHUGS SO, @398 [BLANK PAGE] @399 DUM BU DRUG PA, RNGOG LO PA TSAB BRGYUD PA DANG BCAS PA DANG, DBU TSAD BYAMS CHOS SOGS JI LTAR BYUNG BA'I SKABS, RNGOG LO BRGYUD PA DANG BCAS PA'I SKABS, DA NI LO TZ'A BA'I DNGOS KYI SLOB MA RNAMS KYI YANG SLOB MAR GYUR PA, SDE SNOD 'DZIN PA CHEN PO GZHUNG CHEN PO'I BSHAD PA MDZAD PA RNAMS BKA' GDAMS KYI LUGS SKYONG BA'I NGES PA NI MED MOD, 'ON KYANG DPAL GSANG PHU'I GDAN RABS DANG, DE DAG GIS BSTAN PA LA BYA BA JI LTAR BYAS PA'I TSUL BRJOD PAR BYA STE, LO TZ'A BA CHEN PO RIN CHEN BZANG PO SA PHO RTA LA 'KHRUNGS NAS DGU BCU RTZA BRGYAD PA SHING MO LUG LA GSHEGS, LO CHEN GYIS LNGA BCU RTZA BZHI BZHES PA LCAGS MO PHAG LA NAG TSO LO TZ'A BA 'KHRUNGS, NAG TSO'I BZHI BCU RTZA DGU PA SA MO PHAG LA RNGOG LO TZ'A BA BLO LDAN SHES RAB 'KHRUNGS, DES LO BCO BRGYAD SONG BA MNGA' BDAG RTZE LDE'I ME PHO 'BRUG GI CHOS 'KHOR LA, DVAGS PO DBANG RGYAL, RVA LO, GNYAN LO, KHYUNG PO CHOS BRTZON, MAR THUNG DAD PA SHES RAB, MANG POR? BYANG CHUB SHES RAB, BTZAN KHA BO CHE RNAMS KYIS LHAN CIG TU SLEB, KHA @400 CHER LO BCU BDUN SBYANGS PA MDZAD NAS CHU PHO SPRE'U SUM CU RTZA LNGA PA LA BOD DU PHEBS, 'GRO DON RGYA CHEN PO MDZAD DE LNGA BCU RTZA GCIG PA SA MO GLANG LA GSHEGS, DE'I PHYI LO LCAGS PHO STAG LA 'GRO MGON PHAG MO GRU PA 'KHRUNGS, LO TZ'A BA GSHEGS RJES ZHANG TSES SPONG BA CHOS KYI BLA MAS GDAN SA LO SUM CU RTZA GNYIS, DE'I RJES SU GNYAL BA RI LUS LO GNYIS, RNAM PAR BAS LO BRGYAD, PHYVA PA CHOS KYI SENG GES LO BCO BRGYAD, PHYVA PA SA MO GLANG LA GSHEGS NAS LO BCU BDUN LA RMA BYA BYANG BRTZON GSHEGS, PHYVA PA'I RJES SU RTZAGS DBANG PHYUG SENG GES LO LNGA, GTZANG PA 'JAM SENG GIS LO BCU GSUM, GNYAL BA DAD PA BZANG POS LO BDUN, DZAM TZAN NES LO BDUN, BZANG PO DAR MA 'OD DANG, BZANG PO DON GRUB GNYIS KYIS LO SUM CU, SLOB DPON JO NAM GYIS LO BCO LNGA, ROG GIS ZLA BA DRUG 'OD ZER MGON POS LO SO LNGA, 'DI DAG SPYIR DRIL BAS LO BRGYA DANG LNGA BCU RTZA DGU TZAM ZHIG BYUNG NA'ANG GDAN SA PA SNGA PHYI LO GNYIS 'DZIN 'GA' RE BYUNG BA'I GRANGS TE, DON LA LO GSUM GYIS GRANGS LHAG CING LO BRGYA DANG LNGA BCU RTZA DRUG SONG NGO, ,DE LA GTZANG PA 'JAM SENG 'DREN MI 'DREN GNYIS 'DUG PAS KHONG GI LO GSUM MI GTOGS SO, DE RJES 'JAM DBYANGS SH'AKYA GZHON NUS ME PHO STAG NAS LO NYI SHU RTZA BDUN GDAN SA MDZAD, DE RJES RGYA MA PA BKRA SHIS RGYAL MTSAN GYIS LO BRGYAD, PHYOGS LAS RNAM RGYAL GYIS LO BRGYAD, YAR 'BROG PA GZHON RGYAL GYIS ZLA BA GCIG RGYAL SDE BA GZHON SENG GI @401 LO BRGYAD, GTZANG DKAR GYIS LO GSUM, BLO GROS SENG GES LO BCU BDUN, DAR DBANG LO BDUN, BLA MA YE SHES LO BCU, SHES RAB RGYAL MTSAN LO GSUM, GZHON NU BLO LDAN LO DRUG, BLO GROS BRTAN PA LO GSUM, TSAD MA SNGON PO LO LNGA, BSOD NAMS 'PHEL LO BCU DGU, SENG GE RGYAL MTSAN LO BRGYAD, BSAM GTAN BZANG PO LO BDUN, SANGS RGYAS RGYAL MTSAN LO BCU, BRTZON 'GRUS SENG GE LO DRUG YON TAN RGYA MTSO LO NGO LNGA, SANG CHOS PA LO BCU BZHI, DE NAS DA LTA'I SHES RAB DPAL LDAN PA 'DI'O, ,GLING STOD PA'I GDAN RABS NI, 'JAM DPAL SENG GE YAN THUN MONG PA YIN, DE NAS ZHU STON HRAL MO LO LNGA, BLO GROS 'BAR LO LNGA, GNYAL ZHIG LO BRGYAD, RGYA 'CHING RU BAS LO BCO BRGYAD, CHU MIG PAS LO BCO BRGYAD, LDAN MA GRAGS RIN LO BCO BRGYAD, LHO BRAG PA LO NYI SHU RTZA GNYIS, SOG DBON LO BDUN, BTZAN DGON PA LO NYI SHU, BLA BRANG PA CHOS DPAL RGYAL MTSAN LO DRUG GZHON RIN LO BCU GNYIS, LHA STON ZHIG PO LO BCU BDUN, YANG RTZE BA LO LNGA, LHA YUL BA LO BCU GSUM, BON STON SHER BZANG LO BDUN, RIN CHEN GRAGS PA LO BDUN, YON TAN RGYA MTSO LO BCU BZHI, DKON MCHOG TSUL KHRIMS LO BDUN, RIN CHEN RNAM RGYAL LO NYI SHU RTZA GNYIS, 'OD CHEN PA LO DRUG GRAGS PA DPAL LO LNGA, DKON MCHOG RGYA MTSO LO BCU BDUN, MI NYAG RIN CHEN BZANG PO ZLA BA BDUN, DPAL LDAN SENG GE LO BCU GCIG @402 KUN DGA' DBANG PHYUG LO BCU GSUM, DE NAS DA LTA'I RIN CHEN BYANG CHUB PA 'DI'O, ,LO TZ'A BA 'KHRUNGS NAS ME PHO SPRE'U 'DI YAN LA LO BZHI BRGYA DANG BCO BRGYAD SONG NGO, ,LO TZ'A BA'I SLOB MA'I MCHOG CHE BA 'BRE SHES RAB 'BAR GYIS SKYEGS GNAS RNYING DANG, GZHAN RNAMS SU'ANG CHOS GZHI BSKOR ZHING, SHES RAB KYI PHA ROL TU PHYIN PA'I MDO DANG BSTAN BCOS GNYIS KA LA BSHAD PA RGYA CHER MDZAD, CHOS BSHAD PA'I DUS SU LHA RNAMS CHOS NYAN DU 'ONG BAR YANG GRAGS, KHONG GI BSHAD PA DE NI BSTAN PA SNGA DAR GYI PHA ROL DU PHYIN PA'I BSHAD RGYUN KHAMS SU 'PHOS PA LAS BYUNG BA YIN, SLOB MA SHIN TU MANG NA'ANG, BSHAD PA'I RGYUN GYI GTZO BO AAR BYANG CHUB YE SHES KYI GZUNG, 'DIS GNAM RTZE LDANG LA SOGS PAR SKU SHIN DU BGRES PAR GYUR TSUN CHAD DU BSHAD PA MDZAD CING, SKABS SHED DU NI RGYAL LHA KHANG GI GDAN SA YANG MDZAD, PHA ROL TU PHYIN PA'I MDO BSTAN BCOS KYI RNAM PAR BSHAD PA YANG MANG DU MDZAD, BOD KYI PHA ROL DU PHYIN PA'I GZHUNG 'CHAD PA PHAL CHE BA NI 'BRE AAR GYI BSHAD PA LA BRTEN PAR SNANG, KHU SHER BRTZON GYIS 'BRE LA'ANG SLEB MOD, MNGON RTOGS RGYAN 'GREL PA DANG BCAS PA'I t'I KA CHE 'BRING CHUNG GSUM BRTZAMS PA RNAMS KYANG AAR GYI LUGS GTZO CHE BAR SNANG ZHING, SKAR CHUNG RING MOR GRAGS PA MTSAN GZHON NU TSUL KHRIMS BYA BA DES KYANG AAR LA BSLABS NAS, MNGON RTOGS RGYAN 'GREL CHUNG DANG BCAS PA DANG, SDUD PA LA SOGS PA'I t'I KA MANG DU MDZAD, KHU DANG SKAR CHUNG @403 BA GNYIS KYI SLOB MA ZHANG G-YE BA SMON LAM TSUL KHRIMS KYIS KYANG SNYE THANG LA SOGS PA'I CHOS GZHI MANG DU GZUNG, LONGS SPYOD KYANG SHIN DU CHE, 'GREL BA DON GSAL DANG RNAM NGES LA SOGS PA'I BSTAN BCOS LA t'I KA CHEN PO'ANG BRTZAMS SHING, GZHAN PHAN SHIN TU CHE, KHONG GI SLOB MA DBANG PHYUG RGYAL PO ZHES BYA BAS KYANG GRIB KYI PHUR GNAS BCAS NAS GRVA TSOGS MANG DU BSKYANGS, PHAR PHYIN LA t'I KA YANG SHIN TU RGYAS PA ZHIG MDZAD SNANG, ZHANG G-YE BA'I SLOB MA GNYAL PA ZHIG PO, DE'I SLOB MA RGYA 'CHING RU BA, DE NAS CHU MIG PA SENG GE DPAL, LHO BRAG PA, TSANG MA'I SKYES BU, BU STON RIN PO CHE, MKHAN CHEN DHARMA SHR'I?, RU MTSAMS PA BSOD NAMS SENG GE, SPO BO YON TAN SENG GE'I BAR DU RIM PAR BRGYUD NAS, YON TAN SENG GES BDAG GI BLA MA DAM PA SH'AKYA DBANG PHYUG LA 'GREL BA DON GSAL GYI BSHAD PA PA TSAR NYI SHU RTZA DRUG GNANG ZHING SHIN TU SMIN PAR MDZAD DO, ,DE LA BDAG GIS LEGS PAR THOS PA LAGS SO, , YANG, LO TZ'A BA CHEN PO'I SLOB MA MCHOG GRO LUNG PA BLO GROS 'BYUNG GNAS KYIS LO TZ'A BA CHEN PO'I GSUNG MTHA' DAG LA GCES SPRAS SU GZUNG, SPYIR SNGAGS MTSAN NYID KYI BSHAD PA'I t'I KA SHIN TU MANG BAR MDZAD, BKA' GDAMS KYI PHYOGS LA YANG LAM RIM DANG BSTAN RIM SHIN TU? CHE BA RE MDZAD, BYE BRAG TU LO TZ'A BA CHEN PO'I 'GREL CHUNG GI t'I KA BRTEN NAS RNAM PAR BSHAD PA YANG BRTZAMS, DE YANG SKU TSE'I STOD LA LONGS SPYOD KYIS PHONGS SE BA @404 ZHIG BYUNG BAS, SNE'U ZUR PA'I SLOB MA GUNG PA LHA RJES GNOD SBYIN RMUGS 'DZIN GYI MAN NGAG GNANG BAS LONGS SPYOD KYANG SHIN TU CHE, BRIN? LAS KYI GTZUG LAG KHANG CHEN MO'ANG BTAB, BDAG NYID CHEN PO DE'I SKU TSE'I MTHAR GTUGS PA NA, SLOB DPON PHYVA PAS 'BAD PAS GSAN NAS 'GREL CHUNG GI t'I KA CHE BA ZHIG MDZAD DE, DE'I RJES SU 'BRANG BA DANG BCAS PA RNAMS NI 'BRE AAR GYI LUGS LAS THA DAD PA YIN NO, , YANG, GANGS PA SHE'U BLO GROS BYANG CHUB CES BYA BA DE NI, MTSAN NYID DANG SNGAGS KYI RGYUD SDE'I PHYOGS LA YANG SHIN TU MKHAS, KHONG DANG KHYUNG RIN CHEN GRAGS GNYIS KYI SLOB MA STOD LUNGS RGYA DMAR BA BYANG CHUB GRAGS KYIS MYANG RO LA SOGS PAR BSHAD PA MDZAD PAS, SLOB MA YON TAN DANG LDAN PA SHIN TU MANG BAR BYUNG STE, SLOB DPON PHYVA PAS DBU TSAD GNYIS KA'I RIGS PA KHONG LA BSLABS PA YIN, RGYA DMAR BA NI BSHAD PAR MA ZAD MAN NGAG DANG YANG LDAN TE, KHONG DANG AAR GNYIS KYIS KHA RAG SGOM CHUNG GI DNGOS KYI SLOB MA LHO PA DKON MCHOG DPAL LA SEMS SBYONG GI MAN NGAG DPYIS PHYIN PAR ZHUS, RGYA DMAR BAS NI 'KHON PHU BA'I SRAS ZLA BA'I 'OD ZER LA YANG MAN NGAG MANG PO ZHUS SNANG, MKHAS PA CHEN PO COG RO CHOS KYI RGYAL MTSAN, DPAL PHAG MO GRU PA, 'BAL TSAD MA BA, SKYIL MKHAR LHA KHANG BA, DUS GSUM MKHYEN PA LA SOGS PA SLOB MA YANG MKHAS PA MANG DU BYUNG, TSAD MA RNAM PAR NGES PA DANG DBU MA BDEN GNYIS LA SOGS PA'I t'I @405 KA DANG, BSDUS PA'ANG MANG DU MDZAD DO, ZHANG TSE SPONG BA CHOS KYI BLA MAS KYANG t'I KA 'GA' RE BRTZAMS SHING DE'I SLOB MA NYANG BRAN PA CHOS KYI YE SHES KYIS NI BSLAB PA KUN LAS BTUS PA DANG, BYANG CHUB SEMS DPA'I SPYOD PA LA 'JUG PA LA SOGS PA SPYOD PHYOGS KYI YIG CHA DANG, SLOB MA MANG PO LA'ANG BSHAD PAS, SLOB DPON 'DI SPYOD PHYOGS LA BKA' DRIN CHE BAR GRAGS, SLOB DPON PHYVA BAS NI NE'U THOG GI GDAN SA MA MDZAD GONG NAS CHOS GRVA MANG DU BSKYANGS SHING, BSTAN BCOS BRTZAMS PA YANG BYAMS PA'I CHOS LNGA DANG, TSAD MA RNAM PAR NGES PA DANG, DBU MA BDEN GNYIS, RGYAN, SNANG GA SPYOD 'JUG LA SOGS PA'I t'I KA MANG PO YANG MDZAD, SO SO'I BSDUS PA YANG MANG DU BRTZAMS, TSAD MA'I BSDUS PA YID KYI MUN SEL ZHES BYA BA TSIGS SU BCAD PA RANG 'GREL DANG BCAS PA DANG, YID KYI MUN SEL RKYANG PA STE GNYIS MDZAD, DBU MA LA YANG BSDUS PA CHE CHUNG GNYIS SNANG, GZHAN YANG RTZOM PA MANG PO MDZAD PA 'DRA STE KHO BOS MTHONG BA NI DE DAG DANG, PHYI NANG GI GRUB MTHA' BSDUS PA DANG SHES BYA GZHI LNGA'I BSHAD PA TZAM ZHIG GO KHONG LA DE DUS KYI SDE SNOD 'DZIN PA PHAL MO CHE SLOB MAR 'DUS PA LAS, GTZANG NAG PA BRTZON 'GRUS SENG GE DAN BAG PA SMRA BA'I SENG GE BRU SHA BSOD NAMS SENG GE RMA BYA RTZOD PA'I SENG GE RTZAGS DBANG PHYUG SENG GE MYANG BRAN CHOS KYI SENG GE LDAN MA DKON MCHOG SENG GE, GNYAL PA YON TAN SENG GE STE SENG CHEN BRGYAD, KHA CIG @406 GTZANG BA 'JAM DPAL SENG GE ZER, 'KHON JO SRAS RTZE MO, RNGOG JO SRAS RA MO, KHU JO SRAS NE TZO, GNYOS JO SRAS DPAL LE DANG BZHI LA JO SRAS BZHI ZER, 'GAR DBANG GRUB, KONG PO 'JAG CHUNG, LHO BA SGOG ZAN, BAR PHU BA DANG BZHI LA SHES RAB CAN BZHI ZER, GZHAN YANG 'JAD PA STON SKYABS DANG, RDO RJE 'OD ZER LA SOGS DANG, DUS GSUM MKHYEN PA DANG, ZHANG 'TSAL BA LA SOGS PA MANG DU BYON NO, DE DAG LAS GTZANG NAG PA NI, RJE BTZUN 'JAM DPAL GYI BSNYEN PAS BLO RNO ZHING SHIN TU MKHAS PA, DBU TSAD LA SOGS LA YIG CHA MANG DU MDZAD DE, TSAD MA RNAM NGES LA t'IK CHEN ZHIG DANG, SHES RAB KYI PHA ROL TU PHYIN PA'I MDO SBYOR DANG, BSLAB BTUS DANG SPYOD 'JUG DANG, DBU MA'I BSTAN BCOS RNAMS LA'ANG RNAM BSHAD MANG DU BRTZAMS, SLOB DPON PHYVA BAS SLOB DPON ZLA BA GRAGS PA LA DGAG PA MANG DU MDZAD PA LA, GTZANG NAG PAS NI, DPAL LDAN ZLA BA GRAGS PA'I GZHUNG LUGS LA, ,SBYANGS PA'I STOBS KYIS GZHUNG DON NGES GYUR PA, ,NGA 'DRA'I SKYE BO SLAN CHAD 'BYUNG MI 'GYUR, , GSUNG NAS, DBU MA'I BSDUS PA'ANG CHE PHRA MANG DU MDZAD PA RNAMS ZLA BA GRAGS PA'I LUGS YIN, RMA BYA BYANG CHUB BRTZON 'GRUS NI, LUNG DANG TSAD MA LA YANG SHIN TU MKHAS MOD KYI, DBU MA LA BRTEN NAS GZHAN PHAN MANG DU MDZAD CING, RTZA BA SHES RAB DANG TSIG GSAL STONG THUN GYI t'I KA, DBU MA'I BSDUS PA DANG, RTOG GE THO BA'I t'I KA 'ANG MDZAD DE, 'DI YANG @407 SLOB DPON PHYVA BA'I LUGS LAS, DZA YA A'A NANDA LA SOGS PA'I LUGS LA LHAG PAR DAD PAR MDZAD, DAN BAG PAS MDZAD PA'I TSAD MA'I BSDUS PA DANG, RGYUD BLA'I PHYVA KA TZAM ZHIG LAS GZHAN PA MA MTHONG ZHING, SLOB DPON PHYVA PA'I DUS RDUL PHRAN THUG MED BZHED PA LA DGAG PA MANG PO MDZAD 'DUG NA'ANG, AE SNYAM PA ZHIG LAS MA BYUNG, BAR PHU BAS NI DBU MA RTZA BA'I t'I KA MDZAD PA ZHIG KYANG MTHONG, DUS PHYIS DGE BA'I BSHES GNYEN GRU SHUL BA ZER BA ZHIG DANG, DPAL PHAG MO GRU PA'I SLOB MA BYAS NAS PHYAG RGYA CHEN PO BA'I SGOM CHEN DU GYUR TO, ,'JAD PA STON SKYABS KYIS NI SPYOD PHYOGS DANG CHOS MNGON PA'I BSHAD PA MANG DU MDZAD, SLOB MA YANG SKYES BU DAM PA MANG DU BYON NO, ,GNYAL ZHIG GIS 'U SHANG RDOR LO DGU'I BAR DU MTSAMS BSDAMS TE BSHAD PA MDZAD PA LAS, GNYAL ZHIG GI BU DGU ZHES PA BYUNG STE, BZANG RINGS, PHU THANG DAR DKON, GTZANG PA GRU GU GSUM SNGA TSAR, 'U YUG PA BSOD NAMS SENG GE, BO DONG RIN RTZE, GTZANG PA JO NAM GSUM BAR TSAR, RGYA 'CHING RU BA, 'JAM GSAR, SKYIL NAG GRAGS SENG GSUM PHYI TSAR RO, , DE LA BZANG RINGS KYIS KHRO PHUR BSHAD PA MDZAD PAS LHO PA GRUB SENG LA SOGS PA'I MKHAS PA MANG DU TSAR TE, BU STON KHA CHE YANG DE'I BRGYUD LA BYON PA YIN NO, ,PHU THANG DAR DKON GYIS NI, STOD LUNGS MTSO SMAD DANG YAR KLUNGS LA SOGS SU BSHAD PA MDZAD, GNYAN DAR MA SENG GE DANG, @408 BYA YUL DKAR MO LA SOGS PA'I SLOB MA MANG DU THON NO, GTZANG PA GRU GUS ZHA LUR BSHAD PA BTZUGS TE, DE NAS ZHA LU BA RNAMS GNYAL PA'I t'I KA 'CHANG BA'I STENG DU BU RIN PO CHE PHEBS, KHONG RNAMS DANG BSTUN PA'I PHYIR SLOB DPON BKRA SHIS BZANG PO LA GNYAL t'IK GI LUNG GSAN NAS BSHAD PA'ANG MDZAD DO, 'U YUG PAS SA SKYAR SA PAn LA RNAM 'GREL GSAN NAS, DER BSHAD PA MDZAD PAS MKHAS PA CHEN PO ZHANG MDO SDE DPAL LA SOGS PA'I SLOB MA MANG DU BYUNG ZHING, DING SANG GI BAR DU RNAM 'GREL DAR BA'ANG PAn CHEN DANG KHONG RNAM GNYIS KYI DRIN YIN, GSANG PHU BA RNAMS KYANG KHO BO GZHON PA'I DUS NA RNAM NGES KYI BDAG PO MDZAD PA LAS, DING SANG NI RNAM 'GREL BAR GYUR TO, BO DONG RIN RTZES BRAG RAM DU BSHAD GRVA BTZUGS, SLOB DPON DER 'ONG, DBU MA PA SHER 'BUM, BU STON GRAGS SENG LA SOGS PA'I MKHAS PA MANG DU THON NO, , 'JAM DBYANGS GSAR MAS NI SKYANG 'DUR DU BSHAD PA'I GRVA BTZUGS PAS GRVA PA MANG DU THON, KUN MKHYEN CHOS SKU 'OD ZER ZHES GRAGS PA'ANG KHONG GI SLOB MA YIN, SKU TSE'I SMAD LA BSHAD GRVA DANG SGOM GRVA GNYIS SU MDZAD, SKABS SHED DU RI BO RTZE LNGAR YANG BYON NAS SLAR BOD DU BYON, PHAR PHYIN DANG RNAM NGES LA t'I KA YANG MDZAD SNANG, SNGA SGROS PHYI SGROS CUNG ZAD MI MTHUN PAR BYUNG BA LA, SLOB MAS DE SKAD ZHUS PAS, TING NGE 'DZIN LA SNYOMS PAR 'JUG LUGS MI MTHUN PA RE LA BRTEN NAS BYUNG BA YIN @409 GSUNG ZHING, PHYIS NI DUS KYI 'KHOR LO BA'I DED DPON CHEN PO MDZAD PAS, RONG PA RGVA LO YANG KHONG GI SLOB MAR GYUR, SKYEL NAG GRAGS SENG LA 'CHIMS CHEN MOS LKOG TU ZHAL BRDA MDZAD NAS SNAR THANG DU BSHAD NYAN BTZUGS PAS, BKA' GDAMS PA RNAMS DE LA MA DGA' BAS CHAD PA GCOD ZER BA LA, SKYEL NAG GIS 'CHIMS CHEN MO LA 'DIR BSHAD PA RANG MI TSUGS PA 'DRA ZHUS PAS, 'CHIMS KYI ZHAL NAS, NGAS JA MANG DU BYIN GYIS, CHAD PA'I JA LAN GSUM TZAM DU BSKOL LA, MANG JA GSUM PA'I STENG DU CHAD PA NI PHUL YOD, DA BGRO GLENG BYED ZER BA GYIS LA BGRO GLENG GYIS ZHES LKOG TU ZHAL BRDA MDZAD, DE LTAR BYAS PAS BSHAD PA YANG LEGS PAR TSUGS TE, SKYI STON GRAGS 'BUM DANG, CHU MIG PA SENG GE DPAL LA SOGS PA MKHAS PA MANG DU THON, BCOM LDAN RIGS PA'I RAL GRI DE, YUL PHU THANG BA YIN PA ZHIG BSAM YAS MCHOD RTEN DKAR PO BA'I BTZUN PA BYAS, DGA' BA GDONG DU DBYAR NYI MA BRTZON 'GRUS LA PHAR PHYIN SLOB KYI YOD PA'I TSES NAD KYI RNAM PAR RTOG PA ZHIG BYUNG NAS, SNAR THANG SKYO STON PA LA KHAMS 'CHOS SU 'ONGS, SKYO STON PA DE NI PHYAG NA RDO RJE LA NYI MA MIG GIS MI MTHONG BA'I BSNYEN PA LO BCU GCIG TU MDZAD PA ZHIG YIN, BCOM RAL GYIS SNAR THANG GI THEM PA LA ZHABS BZHAG PA DBU LA NYI MA SHAR BA, SNAR THANG GI TSOGS DUNG 'BUD PA RNAMS DUS MTSUNGS SU BYUNG BAS RTEN 'BREL BZANG BAR YANG GO DER @410 SKYO STON PAS KHYED KYI NAD 'DI LA STUGS PO MI DGOS, KHYED RANG RNAM NGES KYI GZHUNG DE GROG SUL PHA GIR SKYONGS DANG GSUNG BAS, SNAR THANG PHYI'I GROG PHUG SHIG TU RNAM NGES TSAR STONG BSHAD, DES MDZE YUL BUD, DE NAS SNAR THANG GI CHOS GRVAR BZHUGS, SBYANGS PA MDZAD CING MI G-YO BA'I BSNYEN PA YANG DUNG PHYUR BCU GSUM DU BSKYAL BAS SHES RAB KYI NAM LANGS, CHOS SKYONG ZHAL BZHI PAS KYANG ZHABS TOG BSGRUBS TE BSHAD NYAN MDZAD PAS, SLOB MA SHIN TU MKHAS PA MANG BAR BYUNG ZHING, SDE SNOD 'DZIN PA'I SUM GNYIS SNAR THANG DU 'DUS PAR GRAGS, MKHAS PA CHEN PO 'JAM PA'I DBYANGS KYANG KHONG GI SLOB MA YIN PA LAS RE SHIG CHOS BAR SAR 'DRE RDZU BYAS NAS SLOB DPON LA BSDIGS BSKUR BAS, SHIN TU BKA' BKYON NAS DRUNG DU 'DUG DBANG MA BYUNG BAS SA SKYAR BZHUGS PAS, HOR GYIS GDAN DRANGS NAS BH'U YAN DU RGYAL PO'I MCHOD GNAS MDZAD, DER TSAD MA RNAM 'GREL GYI t'I KA BSDUS PA DANG BCAS PA BRTZAMS, GSER YIG PA RNAMS LA BCOM LDAN PA'I DRUNG DU 'BUL BAR CI THENGS BYAS KYANG MNYES PA TZAM MA BYUNG, MTHAR SNAG TSA SGAM CHUNG GANG BSKUR BAS SHIN TU MNYES, BCOM LDAN PAS BSTAN BCOS KYANG PU STI BCU DRUG TZAM BRTZAMS, MKHAS PA CHEN PO DBUS PA BLO GSAL ZHES GRAGS DE YANG, BCOM RAL DANG BTZUN PA 'JAM DBYANGS GNYIS KA'I SLOB MA YIN, BCOM RAL GYIS BDE BAR GSHEGS PA'I BKA' RNAMS KYI BAM TSAD DANG 'GYUR BYANG SOGS LA'ANG NGES NGES MDZAD, BSTAN BCOS @411 RNAMS KYANG SO SOR PHYE NAS TSAN TSAN DU BSDU BA'I BSTAN BCOS BSTAN PA RGYAS PA BYA BA'ANG MDZAD, DE RTING BTZUN PA 'JAM DBYANGS KYIS YO BYAD TSAN CHEN PO BSKUR, DBUS PA BLO GSAL LA SOGS PA LA BKA' DANG BSTAN BCOS 'GYUR RO COG BZHENGS LA DPAL SNAR THANG GI GTZUG LAG KHANG DU BZHUGS PAR GYIS SHIG CES LAN BSKUR BA BZHIN, DBUS PA BLO GSAL BYANG CHUB YE SHES DANG, LO TZ'A BA BSOD NAMS 'OD ZER DANG, RGYANG RO BYANG CHUB 'BUM GSUM GYIS 'BAD PA CHEN POS BKA' 'GYUR BSTAN 'GYUR GYI PHYI MO BTZAL ZHING LEGS PAR BZHENGS NAS, 'JAM LHA KHANG ZHES PA'I GTZUG LAG KHANG DU BZHUGS PA LAS, GZHAN DU YANG MANG DU MCHED DE, STOD KYI GROM PA SA SKYA DANG, KHAB GUNG THANG LA SOGS PAR MCHED, SMAD DU YANG 'TSAL GUNG THANG DU YANG TSAR GSUM, STAG LUNG NYE 'KHOR DANG BCAS PAR YANG TSAR GSUM, BU STON RIN PO CHES SNAR THANG NAS BSTAN 'GYUR SPYAN DRANGS TE ZLOS PA RNAMS DOR, SNAR THANG GI DE DANG PO KHO NA YIN PAS PHYI MO CI RNYED BSDUS PA'I PHYIR, GO RIM MED PA LA GO RIM RNAMS LEGS PAR BSGRIGS, CHOS KYI RNAM GRANGS GSAR PA STONG LHAG TZAM BSNAN NAS, ZHA LU'I GTZUG LAG KHANG NA BZHUGS, DE LA PHYI MO BGYIS TE GZHIS KHA RIN SPUNGS SU SLOB DPON NAM MKHA' RGYAL MTSAN PAS BZHENGS, RTZES THANG GI CHOS GRVAR BZHUGS, DE LA PHYI MO BGYIS TE GONG DKAR DANG, GDAN SA THEL NA YANG BZHUGS, PHYIS NI KHAMS PA RNAMS KYIS SO SOR BZHENGS TE KHAMS SU KHYER BA DANG, DE @412 RNAMS NYID LA PHYI MO BYAS NAS KHAMS NYID DU BZHENGS PA DANG, CHOS RJE MTHONG BA DON LDAN PAS BZHENGS PA DANG, DBUS SU DU DBEN SHA BAS BZHENGS PA DANG, 'TSUR PHUR NA YANG CHOS RJE RANG BYUNG BAS RIN PO CHE LAS BZHENGS PA DANG, BYAMS PA GLING DU YAR RGYAB DPON CHEN DGE BSNYEN PAS BZHENGS PA DANG, GZI KUN SPANGS PAS PU STI BRGYA BRGYAD CU TZAM ZHIG BZHENGS PA DANG, STAG RTZE BAS KYANG GTZUG LAG KHANG BZANG BO DANG, BKA' 'GYUR BSTAN 'GYUR SNGAR GYI STENG DU, DUS PHYIS PHYI MO RNYED PA MANG PO DANG BCAS TE BZHENGS PA'I BAR BGRANG BA LAS 'DAS PA ZHIG BYUNG BA RNAMS KYANG, BCOM LDAN RIGS PA'I RAL GRI'I SLOB MA BTZUN PA 'JAM PA'I DBYANGS KYI MTHU LAS BYUNG BA YIN TE, 'DI RNAMS KYANG MTHAR GTUGS NA RNGOG LO TZ'A BA'I BKA' DRIN DANG, DE YANG KHA CHE'I MKHAS PA RNAMS KYI BKA' DRIN DANG, MTHAR SANGS RGYAS RNAMS KYI BKA' DRIN DU GYUR PA'O, DING SANG MKHAS PA SHES RAB SENG GE DANG DE'I SLOB MA MKHAS PA CHEN PO DGE 'DUN GRUB KYIS BKRA SHIS LHUN PO'I GTZUG LAG KHANG DANG LHA CHEN PO BZHENGS, DGE 'DUN MANG DU BSDUS NAS BSHAD PA DANG NYAN PA 'PHEL BAR BYUNG BA'ANG, THA SNYAD DU RI BO DGE LDAN GYI YAN LAG TU GRAGS PA YANG, DON DU NA DPON SLOB GNYIS PO DE SNAR THANG PA'I DGE BSHES YIN NO, ,YANG RTZES THANG GI CHEN PO BYANG CHUB RIN CHEN GYI SRAS, NGO LEN RANG GI NYE GNAS G-YAG YU ZHES PA LA BCOL BAS, G-YAG PHRUG SANGS RGYAS DPAL ZHES GRAGS PA DE'I RTZA BA'I @413 GRVA SA NI GSANG PHU BA YIN, DER BU t'I KA LA MANG DU SBYANGS, THUGS LA BKA' BSTAN BCOS KYIS GTZO BYAS PA'I GSUNG RAB BZHUGS PA KHONG LAS MANG BA MED CES GRAGS PA DES, SA SKYA DGA' LDAN GYI BDAG PO MDZAD, DBUS GTZANG YAR MAR DU BSHAD NYAN MDZAD PAS PHA ROL TU PHYIN PA'I BSTAN PA SHIN TU DAR BA MDZAD DE, PHA ROL DU PHYIN PA LA t'I KA YANG RAB 'BRING MANG PO BRTZAMS, RNAM 'GREL DANG DBU MA LA SOGS PA'I BSHAD PA YANG MDZAD DE, MTHAR GDUNG SBYANGS PA NA LHA SKU DANG RING BSREL 'BA' ZHIG TU GYUR, DE'I THUGS KYI SRAS RONG STON SMRA BA'I SENG GE CHEN PO NI, RGYAL MO RONG NAS GZHON NU LA GSANG PHU NE'U THOG TU PHEBS, BRTZON PA DANG SKAL BA GNYIS KA PHUN SUM TSOGS PAS DGUNG LO NYI SHU TZAM BZHES PA NA, BSTAN BCOS CHEN PO LA t'I KA BYA BAR NUS PA'I DGE BSHES CHEN POR GYUR, DBUS DANG LAS STOD PHYIN GYI SA STOD SMAD RNAMS SU CHOS PAR MDZAD CING, BSHAD PA RGYA CHEN PO MDZAD PA LA BRTEN NAS MKHAS PA'I SLOB MA MANG DU BYUNG LA, 'GREL PA DON GSAL LA t'I KA MDZAD PA DANG, 'BUM LA YANG 'BUM t'IKA CHEN MO MDZAD PA LA SOGS PAS BSTAN PA'I BYA BA RGYA CHER MDZAD DE, PHYI MA'I DUS SU 'CHAD NYAN GYIS PHAN BTAGS PA RNAMS KYI MCHOG YIN NO, ,DE'I SLOB MA CHOS SMRA BA CHEN PO SANGS RGYAS 'PHEL GYIS RIN SPUNGS PAS SBYIN BDAG MDZAD NAS, 'BRAS YUL DU CHOS GRVA BSKYANGS PAS KYANG BLO GSAL MANG PO'I MIG PHYE STE, BSTAN PA GSAL BAR BYAS SO, , @414 YANG GZHIS KHA RIN SPUNGS PAS BYAMS CHEN DU CHOS SDE CHEN PO BTAB, BYANG CHUB SEMS DPA' RGYAL BA MCHOG GIS LO SHAS BSHAD PA MDZAD, MKHAN CHEN SANGS RGYAS DPAL BA'I BGROS RNAMS BTZUGS, DE RJES SKU SKYE BAS GDAN SA MDZAD CING, RJE BTZUN BYAMS PA'I SKU CHEN PO RGYAN PHUN SUM TSOGS PA DANG BCAS PA YANG BZHENGS, KHONG GSHEGS RJES SU CHOS SMRA BA CHEN PO SANGS RGYAS 'PHEL GYIS GDAN SA MDZAD DE, DA LTA CHOS KYI 'KHOR LO SKOR BZHIN PA'O, , YANG RJE BTZUN RED MDA' BAS MKHAS PA CHEN PO NYA DBON KUN DGA' LA BRTEN NAS PHA ROL TU PHYIN PA LEGS PAR BSLABS, PHYIS SLOB MA RNAMS KYIS BSKUL NAS 'GREL BA DON GSAL GYI t'I KA YANG MDZAD, RJE TZONG KHA PA CHEN POS KYANG RJE BTZUN RED MDA' BA LAS GSAN TE, DUS PHYIS BYA BRAL LA MA BYON PA'I GONG DU LEGS BSHAD GSER PHRENG ZHES BYA BA'I t'I KA CHEN MO DE MDZAD, DE 'PHRAL DU BYA BRAL LA BYON PAS DE'I BSHAD RGYUD 'DZIN PA NI CHER MA BYUNG, DUS PHYIS RGYAL TSAB RIN PO CHE DAR MA RIN CHEN PAS 'GREL BA DON GSAL LA t'I KA MDZAD PA NI DING SANG DAR ZHING GZHAN LA PHAN PA CHEN POR GYUR TO, GNYAL ZHIG GI SLOB MA RGYA 'CHING RU BAS BDE BA CAN BTAB, DE RJES KHONG GI DBON PO SANGS RGYAS DPAL LA SOGS PAS CHOS BSHAD, DE RJES GNYAGS GRAGS TSUL, RGYA STON BSOD RIN, DGE BRAG PA, SNYE THANG PA BKRA SHIS SENG GE SLOB DPON BLO RIN, YANG SLOB DPON BKRA @415 SHIS SENG GE 'JAM RIN, SENG GRAGS, DGE GONG BA DAR MA SENG GE TSUL RGYAM PA, DBU RGYAN PA LA SOGS PA RNAMS BYON NO, 'DI DAG NI GLING STOD PA'I LAG YIN NO, , SLOB DPON SH'AKA GZHON GYI BDAG RKYEN 'TSAL BA SMON LAM PA LA SOGS PAS MDZAD NAS 'TSAL GUNG THANG DU BSHAD GRVA BTZUGS, SLOB DPON SH'KA GZHON PA NE'U THOG GI GDAN SAR BYON RTING CHOS 'KHOR GLING GI GDAN SA LA SLOB DPON DON GRUB DPAL BSKOS, DE RJES BLO BZANGS, BSOD NAMS DPAL, BYAMS PA, KUN BZANGS PA RNAMS BYON TE, GLING SMAD PA'I LAG YIN NO, ,DE RNAMS NI RAGS PA TZAM ZHIG SMOS PA YIN GYI, SDE CHUNG DANG DGON GNAS SO SOR GZHUNG BSHAD BYED PA RNAMS KYANG RNGOG LO TZ'A BA'I BKA' DRIN LAS YIN TE, RNGOG BYANG CHUB SEMS DPA' CHEN PO'I PHRIN LAS KYI RIM PA RAGS PA TZAM ZHIG BSTAN PA YIN NO, RNGOG LO BA BRGYUD PA DANG BCAS PA'I SKABS SO, PA TSAB BRGYUD PA DANG BCAS PA'I SKABS, DA NI THEG PA CHEN PO DBU MA'I BSHAD PA JI LTAR BYUNG BA BRJOD PAR BYA STE, DE YANG LO TZ'A BA CHEN PO BLO LDAN SHES RAB SLOB BRGYUD DANG BCAS PAS SHES RAB SGRON MA GTZO BOR GYUR PA'I GZHUNG RNAMS LA BSHAD PA BYAS PA'I TSUL NI BSHAD ZIN LA, LO TZ'A BA SPA TSAB NYI MA GRAGS LA BRTEN @416 NAS, SLOB DPON ZLA BA GRAGS PA'I GZHUNG GI BSHAD PA JI LTAR BYUNG BA LA, SPA TSAB NYI MA GRAGS PA NI, 'PHAN YUL NA SPA TSAB STOD SMAD GNYIS YOD PA'I STOD PA, GZHON PA'I DUS SU KHA CHER BYON TE, SADZDZ'A NA'I SRAS GNYIS LA SOGS PA'I PAntITA MANG PO LA CHOS GSAN ZHING, LO NYI SHU RTZA GSUM DU SBYANGS PA MDZAD NAS BOD DU PHEBS PA'I TSE, SPU HRANGS PA'I DGE 'DUN SPYIS G-YU BO CHE PHAG SKUR ZER BA ZHIG PHUL NAS, MDZOD KYI 'GREL BSHAD GANG BA SPEL GYIS MDZAD PA DE BSGYUR BAR ZHUS PAS LEGS PAR BSGYUR, 'PHAN YUL DU PHEBS DUS GDUL BYA HA CANG MI CHE BA LA, DGE BA'I BSHES GNYEN SHAR PA BAS RANG GI GRVA PA MANG PO KHONG LA DBU MA SLOB TU BTANG BAS, DE NAS DBU MA'I 'CHAD NYAN LEGS PAR TSUGS TE GRVA PA MANG DU BSKYANGS, RTZA 'JUG BZHI GSUM, RIGS PA DRUG CU PA RNAMS KYI SLOB DPON ZLA BAS MDZAD PA'I 'GREL PA RNAMS LEGS PAR BSGYUR ZHING, PHYIS RA MO CHER PAntI TA KA NA KA WARMA DANG LHAN CIG TU YUL DBUS KYI DPE DANG MTHUN PAR YANG BCOS, STONG NYID BDUN CU PA LA SLOB DPON ZLA BAS MDZAD PA'I 'GREL PA CHEN PO DE, AA BHA YA DANG SNUR DHARMA GRAGS KYIS BSGYUR PA LAS, SPA TSAB KYIS PAntITA MU DI TA DANG LHAN CIG TU 'GREL PA DE'I STOD NAS BAM PO GNYIS LHAG TZAM GYI 'GYUR BCOS, GSANG BA 'DUS PA'I RGYA CHER 'GREL PA SGRON MA GSAL BA LA, SGYUR BYED BZANG BAR GRAGS PA RIN CHEN BZANG PO LTAS, BSGYUR ZHUS GTAN LA PHAB PAR RLOM YANG JI LTA BZHIN MIN PAR MTHONG NAS NYI MA GRAGS KYIS @417 LEGS PAR BSGYUR BA'I, ,ZHES BYA BA LA SOGS PA GSUNGS SHING 'GYUR BCOS YANG DAG PA ZHIG MDZAD, 'DUS PA'I SKOR GYI PHRAN MANG PO YANG BSGYUR ZHING, 'DUS PA'I 'CHAD NYAN KYANG MDZAD, SLOB MA RNAMS KYI NANG NAS GTZANG PA SAR SBOS, RMA BYA BYANG CHUB YE SHES, DAR YON TAN GRAGS, ZHANG THANG SAG PA YE SHES 'BYUNG GNAS RNAMS LA SPA TSAB KYI BU BZHI ZHES GRAGS, DE RNAMS LA BRTEN NAS DBUS GTZANG DU DBU MA'I BSHAD PA DANG, BYE BRAG TU SLOB DPON PHYVA PA'I SENG CHEN RMA BYA BYANG BRTZON GYIS SPA TSAB LA DBU MA DANG 'DUS PA GNYIS KA GSAN TE, YAR KLUNGS KYI STOD SMAD DU CHOS GZHI SPOS SHING DBU MA'I BSHAD PA YUN RING DU MDZAD, BTZAN THANG BA RGYAL BA DPAL LA SOGS PA'I SLOB MA MANG PO BYUNG ZHING DBU MA SHIN TU DAR BAR MDZAD, RMA BYA BYANG BRTZON NI KHU LO TZ'A BA MDO SDE 'BAR DANG, KHA CHE DZA YA A'A NANDA GNYIS KA'I SLOB MA STE, DZA YA A'A NANDAS MDZAD PA'I RTOG GE THO BA LA YANG t'I KA MDZAD, RTZA BA SHES RAB KYI t'I KA TSIG GSAL GYI STONG THUN LA t'I KA 'JUG 'GREL GYI BSDUS DON DANG MCHAN, DBU MA'I BSDUS PA MDZAD PA RNAMS NI MTHONG, GZHAN YANG DBU MA'I SKOR LA YIG CHA MANG DU MDZAD PA 'DRA'O, , ZHANG THANG SAG PAS NI, THANG SAG BTAB NAS DBU MA'I 'CHAD NYAN LEGS PAR MDZAD DE, KHONG GIS MDZAD PA'I 'JUG PA'I t'I KA, RIGS PA DRUG CU PA'I t'I KA, BZHI BRGYA PA'I t'I KA, RIN CHEN PHRENG BA'I t'I KA @418 RNAMS MTHONG STE, DE DAG LAS GZHAN PA YANG MDZAD PA 'DRA 'O, ,THANG SAG TU NI DING SANG GI BAR DU KHONG LA BRTEN NAS DBU MA'I BSHAD PA RGYUN MA CHAD PAR BYUNG, DBUS GTZANG GI DGE BSHES BZANG PO MANG POS KYANG DER GTUGS TE, DBU MA LA PHAN PA CHE'O, ,ZHANG THANG SAG PA'I RJES SU 'BROM STON, DBANG PHYUG GRAGS PA, SLOB DPON SHES RAB RDO RJE, SLOB DPON STON TSUL DANG GRAGS LDAN TE SKU MCHED GNYIS, LU DBON SU KHA DE BA, SLOB DPON JO BTZUN, BLA MA DBU RA BA, SLOB DPON STON PA SHES RAB DPAL, SLOB DPON DAR MA SHES RAB, BANG STON SHES RAB RIN CHEN, RJE BTZUN STON PA BSOD NAMS SENG GE, PHAG STON BSAM GTAN BZANG PO, BANG STON GZHON NU BSAM GTAN, SLOB DPON THANG NAG PA, SLOB DPON BKRA SHIS SENG GE, RTA PA GZHON NU BZANG PO, GSAS KHANG BA SLOB DPON CHOS GRAGS, THANG SAG PA BSOD NAMS RGYAL MTSAN, RTZE BA KUN DGA' GZHON NU, SLOB DPON SH'AKYA GZHON NU, KUN SPANGS GZHON NU RGYAL MTSAN, DMAR STON GZHON NU RGYAL MTSAN, SLOB DPON TSUL KHRIMS DPAL BA, GRAGS PA RGYAL MTSAN, SLOB DPON RIN CHEN RGYA MTSO, GDAN SA BA BLO GROS DPAL RIN PA'I BAR DU TSIG GSAL 'JUG GI 'GREL CHEN GNYIS PO LA GZHUNG DU BYAS NAS BSHAD PA MDZAD PA YIN NO, ,THANG SAG PA RNAMS RANG GI RGYA GAR BA'I BRGYUD PA BRJOD PA NA, THUB PA'I DBANG PO, MKHAN PO SGRA GCAN ZIN, KLU SGRUB, ZLA BA GRAGS PA, MANYDZU K'IRT'I, DE BA TZANDRA, @419 BRAM ZE RIN CHEN RDO RJE, BA RA HI TA, HA SU MA TI, SPA TSAB LO TZ'A BA ZHES 'CHAD DO, ,SPA TSAB BRGYUD PA DANG BCAS PA'I SKABS SO, , MNGON PA'I BRGYUD PA'I SKABS, GANGS CAN GYI KHROD DU MNGON PA KUN LAS BTUS KYI BSHAD PA RGYUN CHAGS SU BYUNG BA'I BRGYUD PA NI, SANGS RGYAS BYAMS PA, THOGS MED, DBYIG GNYEN, BLO BRTAN, GANG SPEL, KHA CHE DZI NA MI TRA, KA COG ZHANG GSUM, DES LHA LUNG DPAL GYI RDO RJE, NAM NANG ZLA BA'I RDO RJE, DBAS RGYAL BA YE SHES GSUM LA BSHAD, DANG PO GNYIS KYIS BSGOMS PAS GRUB PA THOB, DBAS DBUS SU 'KHRUG PA BYUNG NAS KHAMS SU GSHEGS, DE LA GRUM RGYAL BA'I YE SHES, DE NAS GRU MCHOG GI YE SHES, SE BTZUN, GAR MI YON TAN G-YUNG DRUNG, KHU STON BRTZON 'GRUS G-YUNG DRUNG, RVA KHRI BZANG 'BAR, RGYA TSUL LE, LI BDUD RTZI GRAGS RNAMS BYUNG BA LAS, RVA KHRI BZANGS LA BRANG TI DAR MA SNYING POS GSAN, BRANG TI NI SLOB MA SHIN TU MANG STE, RNGOG LO TZ'A BA CHEN PO PAntI TA 'BUM PHRAG GSUM PA MJAL BA'I PHYIR 'KHOR DGE SLONG SUM BRGYA DANG BCAS TE BYON PA'I TSE, LO TZ'A BA'I DGE SLONG RE RE LA BRANG TIS KHONG RANG GI SLOB MA DGE SLONG BCU GSUM BCU GSUM BSNYEN BKUR BYED DU BCUG CES GRAGS, BRANG TI LA KO BO YE SHES 'BYUNG GNAS, DE LA ROG CHOS KYI BRTZON 'GRUS, ,'DI LA BRTEN NAS @420 YAR KLUNGS STOD SMAD DU YANG MNGON PA KUN LAS BTUS KYI 'CHAD NYAN MANG DU BYUNG STE, 'DI'I SLOB MA YAR RGYAL BA'I SHES RAB KYIS KYANG KUN LAS BTUS KYI t'I KA CHE MO MDZAD, ROG LA TE LUNG SE 'BAR, BYA SDER BA, BYE KYI t'I KA CHE MO MDZAD, ROG LA TE LUNG SE 'BAR, BYA SDER BA, BYE SKYID PA SPYIN PA SENG GE, SKYI STON GRAGS 'BUM, BCOM LDAN RAL GRI STE, BYE SKYID PA LA KUN MKHYEN CHOS SKU 'OD ZER GYIS KYANG GSAN, YANG BRANG TI NAS 'CHIMS BRTZON SENG, RGYANG RO DAR MA MGON, MCHIMS BRTZON RGYAL, SHONG BLO BRTAN, LO TZ'A BA MCHOG LDAN, DPANG LO TZ'A BA, BYANG RTZE, NYA DBON PO KUN DGA' DPAL, CHOS DPAL MGON PO, BDAG NYID CHEN PO BLO GROS RGYA MTSO'I BAR RO, YANG, KO BO YE SHES 'BYUNG GNAS, 'BAN, THO GAR BA GCAM LDE, 'JAD PA BYANG SKYABS, 'JAD PA GZHON BYANG, 'BRING MTSAMS ZHANG, BO DONG RIN RTZE, KHRO PHU RIN PO CHE BSOD NAMS SENG GE, TSAD MA'I SKYES BU, BU STON RIN PO CHE, MKHAN CHEN DHARMA SH'I, DES DBUS SU SDE SNOD 'DZIN PA MANG PO LA GSUNGS SO, BU STON RIN PO CHE YAN DU BRGYUD PA'I BLA MA DE RNAMS KYIS t'I KA SHIN TU RGYAS PA MDZAD PA MANG PO SNANG LA, 'BUM PHRAG GSUM PA'I GDAN SA BO DONG NA BZHUGS PA'I SDE SNOD 'DZIN PA PHAL CHER CHOS 'DI LA MKHAS PAR MDZAD LA, BO DONG AE'I BLA MA BRGYUD RIM GYI YI GE MA RNYED NA'ANG, GRVA SA 'DIR LUNG RIGS MNGON PA DANG 'DUL BA SGRA SNYAN DANG GSAL SOGS PA'I YON TAN RGYA CHEN PO DANG LDAN PA MANG DU BYUNG STE, CHOS GRVA 'DI NI NGO MTSAR BA'I GNAS SO, ,MNGON @421 PA MDZOD 'DI BSTAN PA SNGA DAR GYI DUS SU 'GREL BSHAD MANG PO DANG BCAS PA 'GYUR LA, BSHAD PA NI PAntI TA SMRI TI LAS BYUNG BAR GRAGS SHING, DBUS GTZANG DU DAR RGYAS CHE BAR GYUR KYANG BRGYUD RIM GYI YI GE MA RNYED DO, MNGON PA'I BRGYUD PA'I SKABS SO, , TSAD MA RNAM 'GREL GYI BRGYUD PA'I SKABS, THUB PA, DGRA BCOM CHOS SKYOB, PAn CHEN ME LBAm GA DBYIG GNYEN, PHYOGS GLANG, DBANG PHYUG SDE, CHOS GRAGS, LHA DBANG BLO, SHAKYA BLO, DUL BA LHA, CHOS GRAGS, SHER 'BYUNG, NYI MA SBAS PA, JA MA RI, DZNYA NA SHR'I MI TRA, CHOS KYI MCHOG A'A NANDA, WAm KU PAntI TA, KHA CHE PAn CHEN SH'AKYA SHR'I, SA PAn, 'U YUG PA, ZHANG BTZUN MDO SDE DPAL, 'JAM DBYANGS SKYA BO, DPAL LDAN PA, 'JAM DBYANGS STON GZHON, NOR BZANGS DPAL, GRAGS RIN PA, 'JAM STON PA, CHOS SENG PA, RDO THOG PA CHOS KYI BZANG PO, MKHAN CHEN RIN PO CHE RGYAL MTSAN BZANG PO, YANG, CHOS SENG BA LA RGYAL LHA KHANG BA BSAM GRUB YE SHES, DE LA SLOB DPON BSAM GRUB BZANG PO BA RNAMS TE, 'DI RNAM 'GREL BA GZHAN RNAMS LA MI SNANG BAS, MKHAN CHEN RIN PO CHE RGYAL MTSAN BZANG POS 'BAD PA CHEN POS BTZAL BAS RNYED PA YIN GSUNG STE, TSAD MA RNAM 'GREL GYI BRGYUD PA'O, , @422 BYAMS CHOS BTZAN LUGS KYI SKABS, BCOM LDAN 'DAS BYAMS PA'I CHOS LNGA PO 'DI LA, LO TZ'A BA CHEN PO BLO LDAN SHES RAB DANG BTZAN KHA BO CHE GNYIS GSAN SA'I BLA MA SADZJA NAR GCIG KYANG, GZHUNG GI BSHAD PA'I TSUL NI MI 'DRA BAR SNANG STE, DE YANG BTZAN LUGS KYI LO RGYUS LA, THEG PA CHEN PO RGYUD BLA MA DANG CHOS CHOS NYID RNAM PAR 'BYED PA GNYIS PAndI TA GZHAN LA YANG MA GRAGS, RJE MEE TRI BAS MCHOD RTEN ZHIG GI SER KHA NAS 'OD 'BYUNG GI 'DUG PA GZIGS PAS CHOS GNYIS PO'I DPE BYUNG, DE NAS RJE BTZUN MA PHAM PA LA GSOL BA BTAB PAS SPRIN GYI MTHONGS SU BYON TE, DE GNYIS LEGS PAR GNANG, MEE TRI BAS PAntI TA DGA' BA'I GRAGS PA ZHES BYA BA LA BSHAD, DGA' BA'I GRAGS PAS SPRANG PO'I CHA BYAD KYIS KHA CHER BYON, SA DZJA NAS DGA' BA'I GRAGS PA NGO MTSAR CAN DU GZIGS TE BSNYEN BKUR NAS GZHUNG GNYIS PO'I BSHAD PA ZHUS SHING, DPE YANG KHA YAR BRIS NAS MKHAS PA DZNY'A NA SHR'I LA SOGS PA LA PHUL, DE YANG BTZAN KHA BO CHE DE GRVA PA MNGON SHES KYI MKHAN BU YIN PAS, KHA CHER 'BYON KHAR MKHAN PO LA GTOR MA ZHUS PAS, MKHAN PO'I ZHAL NAS, KHYOD KHA CHE NAS MA 'KHOR BAR LA SO NA BA TZAM YANG MI YONG BAR NGAS KHAG KHUR CIG GSUNG NAS, LCAGS MO BYA LO PA LO LNGA BCU RTZA DRUG BZHES PA ZHIG KHA CHER PHYIN PA YIN PAS, SADZJA NA LA, DA NGA RGAS PAS CHOS MANG PO MI @423 LOBS, BCOM LDAN 'DAS BYAMS PA'I CHOS LA 'CHI CHOS BYED PAS DE'I BSHAD PA YANG DAG PA ZHIG GNANG BAR ZHU ZHES ZHUS, SADZJA NAS LO TZ'A BA GZU DGA' BA'I RDO RJE LA BCOL NAS, BTZAN KHA BO CHE LA GDAMS PA DANG BCAS PA GNANG ZER, DE DUS SU GZUS ZIN BRIS BYAS PA'I RGYUD BLA MA LA YIG CHA YANG YOD PAR 'DUG PADMA SENG GE ZHES BYA BA'I LO TZ'A BA ZHIG LA YANG BTZAN DANG BSHAD PA MTHUN PAR BYUNG 'DUG STE, DES KYANG SADZJA NA LA GTUGS PA'I SKABS KYI ZIN BRIS BYAS PA'I MDO SDE RGYAN GYI t'I KA CHEN PO ZHIG KYANG SNANG NGO, , BTZAN GYIS RNGOG LO TZ'A BA'I SNGA ROL DU BOD DU PHEBS, GNAS THA DAD PA RNAMS SU JI LTAR RIGS PAR DGE BA'I BSHES GNYEN DON DU GNYER BA RNAMS LA BYAMS CHOS KYI BSHAD PA MDZAD, PHAN YANG CHE BAR BYUNG, DE'I GNAS GZHI NI YAR STOD KYI BRAG RGYA YIN, DES DGE BA'I BSHES GNYEN LCANG RA BA ZHES BYA BA LA GSUNGS, DES 'PHYOS KYI MDO SDE SBUG PA DAR MA BRTZON 'GRUS LA BSHAD, DAR MA BRTZON 'GRUS KYIS MDO SDE'I RGYAN LA t'I KA CHE BA ZHIG MDZAD DE, DE'I GLEGS BAM NI MANG DU SNANG, RGYUD BLA MA LA BTZAN LUGS KYI t'I KA YIN ZER BA'I MDZAD PA PO MA SMOS PA, BSHAD PA RNAMS MAN NGAG NYAMS LEN KHO NA DANG SBYAR BA ZHIG KYANG SNANG, BTZAN LUGS KYI MAN NGAG YE SHES KYI BZHAGS LA SOGS YIG CHUNG YANG 'GA' YAR 'DUG DING SANG LUGS DE DGE BA'I BSHES GNYEN 'DI LA BZHUGS SO BYA BA NI MA THOS, DE YANG RNGOG LO TZ'A BA BLO LDAN SHES RAB NAS RIM PAR BRGYUD PA'I MKHAS PA MANG @424 POS t'I KA YANG MDZAD, DE LA LO TZ'A BA CHEN PO DANG SLOB DPON GTZANG NAG PA NI DE BZHIN GSHEGS PA'I SNYING PO ZHES BYA BA DON DAM PA'I BDEN PA LA ZER MOD KYI, DON DAM PA'I BDEN PA NI SGRA DANG RTOGS PA'I DNGOS KYI YUL MA YIN PA LTA ZHOG, ZHEN PA'I YUL TZAM YANG MA YIN ZHES GSUNG, SLOB DPON PHYVA PA NI DNGOS PO RNAMS BDEN PAS STONG BA'I MED PAR DGAG PA NI DON DAM PA'I BDEN PA YIN ZHING, DE SGRA RTOG GI ZHEN PA'I YUL DU YANG BZHED, BTZAN LUGS PA RNAMS NI SEMS KYI RANG BZHIN 'OD GSAL BA BDE BAR GSHEGS PA'I SNYING PO YIN PAS, DE SANGS RGYAS KYI RGYU YANG GRUNG POR BZHED, RJE BTZUN RED MDA' BAS DANG POR RGYUD BLA MA SEMS TZAM GYI BSTAN BCOS SU MDZAD NAS SEMS TZAM DANG MTHUN PA'I t'I KA YANG MDZAD, PHYIS DBEN PA BRTEN NAS NI, DE PHYIR RANG SEMS RIG STONG DBYER MED 'DI, , SEMS CAN KUN LA KHYAB PAR YOD GZIGS NAS, ,SA 'OG GTER DANG SBRUM MA'I MNGAL SOGS DPES, ,'GRO KUN BDE GSHEGS SNYING PO CAN DU GSUNGS, ZHES BYA BA'I MGUR BLANGS, SPYIR BYAMS PA'I CHOS KYI MA GNYIS PO 'DI RJE BTZUN MEE TRI BAS GSAR DU RNYED PA NI BDEN PA 'DRA STE, BRGYAD STONG 'GREL CHEN SOGS SU DBUS DANG MTHA' RNAM PAR 'BYED PA DANG, MDO SDE'I RGYAN NAS LUNG DRANGS SHING, BSTAN BCOS PHYI MA GNYIS PO'I LUNG CUNG ZAD KYANG MA DRANGS PAR SNANG BA'I PHYIR RO, KHA CHE PAn CHEN GYIS KYANG SRIN PO RIR BYAMS CHOS LNGA'I MAN NGAG GNANG ZER BA NI 'DUG DING SANG NI DE'I SGRA MI @425 GRAG GO ,KUN MKHYEN JO MO NANG PAS DE BZHIN GSHEGS PA'I SNYING PO BDIN RTAG TU KHAS BLANGS PA NOR RO ZHES KHA ZER BA DAG YOD KYANG, RGYUD BLA MA YI DAM DU BYED PA DBUS GTZANG NA MANG DU 'DUG PA RNAMS NI KHONG GI DRIN LAS YIN PAR SNANG NGO, RGYUD BLA MA 'GREL PA DANG BCAS PA JO BO DANG NAG TSOS THOG MAR BSGYUR, DE NAS RNGOG LO, SPA TSAB LO TZ'A BA, YAR KLUNGS LO TZ'A BA RNAMS KYIS BSGYUR, JO NANG LO TZ'A BAS GZHUNG RKYANG LA 'GYUR MDZAD, MAR PA DO PAS BYAMS CHOS LNGA KA LA 'GYUR MDZAD YOD CES KYANG ZER RO, BYAMS CHOS BTZAN LUGS KYI SKABS SO, @426 BLANK PAGE @427 (JA) DEB THER SNGON PO LAS, RGYUD SDE'I BSHAD SROL JI LTAR BYUNG BA'I SKOR BZHUGS SO, , @428 BLANK PAGE @429 DUM BU BDUN PA, RGYUD SDE'I BSHAD SROL JI LTAR BYUNG BA'I SKABS, YO GA'I LO RGYUS KYI SKABS, DA NI RGYUD SDE'I BSHAD PA JI LTAR BYUNG BA'I TSUL BRJOD PAR BYA STE, DE LA BYA BA DANG SPYOD PA'I RGYUD RNAMS LA BSTAN PA SNGA DAR GYI DUS SU SLOB DPON SANGS RGYAS GSANG BA'I BSHAD PA GTZO CHE ZHING, PAntI TA GZHAN GYI YANG BSHAD PA LA BRTEN NAS DPUNG BZANGS DANG GSANG BA SPYI'I RGYUD DANG, BSAM GTAN PHYI MA LA SOGS PA DANG, SPYOD PA'I RGYUD KYI YANG RNAM PAR SNANG MDZAD MNGON PAR BYANG CHUB PA'I RGYUD LA SLOB DPON SANGS RGYAS GSANG BA'I BSDUS DON GYI 'GREL PA DANG, SLOB DPON SANGS RGYAS GSANG BA'I GSUNG LO TZ'A BAS LEGS PAR BZUNG STE YI GER BYAS PA DANG, PHYAG NA RDO RJE DBANG BSKUR BA'I RGYUD LA 'GREL PA ZHIG KYANG 'GYUR ZHING, DE LA SOGS PA LA BSHAD PA DANG NYAN PA'I RGYUN YANG YOD PAR SNANG MOD, BSTAN PA PHYI DAR NAS NI BSHAD PA'I RGYUN CHER BYUNG BA MI 'DRA'O, BSTAN PA PHYI DAR LA RNAL 'BYOR PHYI NANG GNYIS KA'I BSHAD PA RGYUN DANG BCAS TE MANG DU BYUNG NGO, DE YANG SKYES BU'I MCHOG LO TZ'A BA CHEN PO @430 RIN CHEN BZANG PO ZHES GRAGS PA DES, SPYIR PHA ROL TU PHYIN PA DANG SNGAGS KYI GZHUNG THAMS CAD MKHYEN CING BSHAD PA YANG MDZAD MOD, BYE BRAG TU RNAL 'BYOR GYI RGYUD KYI BSHAD PA JI LTAR MDZAD PA NI, LO TZ'A BA CHEN PO DES KHA CHER LAN GSUM BYON, DER BLA MA MANG PO BSTEN, BOD DU YANG PAntI TA MANG PO SPYAN DRANGS, BSHAD PA'I SROL LEGS PAR BTZUGS TE, DE NYID BSDUS PA'I RGYUD LA 'GREL PA SLOB DPON KUN SNYING GIS MDZAD PA'I DE NYID SNANG BA DANG, DPAL MCHOG GI RGYUD KYI 'GREL PA SLOB DPON KUN DGA' SNYING POS MDZAD PA YANG HOL KHONGS 'GA' RE LUS PA ZHIG DANG, KUN DGA' SNYING POS MDZAD PA'I RDO RJE 'BYUNG BA'I CHO GA LAG LEN DANG BCAS PA RNAMS DANG, SGYU 'PHRUL DRA BA'I RGYUD SLOB DPON KUN DGA' SNYING PO'I BSHAD PA DANG BCAS PA DANG, THAMS CAD GSANG BA'I RGYUD SLOB DPON SH'ANTI BA'I 'GREL PA DANG BCAS PA DANG, DE DAG GI PHRAN MANG PO YANG BSGYUR ZHING PHYAG LEN DU MDZAD DE LEGS PAR BSKYANGS PA LAS, MNGA' RIS DANG DBUS GTZANG BA'I SLOB MA YANG MANG DU BYUNG BA LAS, LO CHUNG LEGS PA'I SHES RAB, MANG NANG GI GUR SHING BRTZON 'GRUS RGYAL MTSAN, GRVA PA GZHON NU SHES RAB, SKYI NOR DZNY'A NA DANG BZHI LA THUGS KYI SRAS BZHIR GRAGS, GZHAN YANG SPU HRANGS PA AAN STON GRAGS RIN, RGYA YE TSUL, GUNG BA DGE BSHES, MANG YUL BA DKON MCHOG BRTZEGS RNAMS TE, BZHI PO NI LO CHEN LO CHUNG GNYI GA'I SLOB MA YIN, GZHAN YANG MYANG STOD RGYANG RO SPRE'U DMAR GYI RKYANG PA CHOS@431 BLOS LO CHEN GYI ZHABS LA GTUGS, LO CHEN KHA CHE NAS BYON MA THOG CIG LA RDO RJE 'BYUNG BA'I DBANG SHRIDDH'A NAS BRGYUD PA DANG, KO SA LA'I RGYAN GSAN, DPAL MCHOG KYANG HOL KHONGS CUNG ZAD YOD PA'I 'GREL PA DBANG DANG BCAS PA, SHAB RTZE RGYA GAR DANG STABS SHED DU GSAN, GSANG 'DUS YE SHES ZHABS LUGS KYANG LEGS PAR GSAN, LAG LEN NI DOL PO SGOM CHEN LA BSLABS, BSHAD PA RNAMS GTZO BOR LO CHUNG LA ZHUS, LO CHEN GYIS KHA CHE LAN GNYIS PA 'KHOR RJES HOL KHONGS BSABS PA DANG BCAS PA DANG, SNGAR GYI CHOS 'PHRO LUS PA YANG GSAN, DE RJES SHANGS KYI SUM STON YE 'BAR GYIS LO BDUN DU LO CHEN BSTEN, DE NYID SNANG BA'I STOD 'GREL DANG, DPAL MCHOG STOD 'GREL DANG, DPAL MCHOG HOL KHONGS CAN DANG, RDO RJE 'BYUNG BA DANG, 'GREL PA GNYIS KYI LUGS KYI DBANG BKA' DANG, DPAL MCHOG RDOR SEMS DANG, RIGS BSDUS KYI DBANG BKA' RNAMS ZHUS, LO CHEN LA BKA' THOB TZAM MDZAD NAS SBYANGS PA PHAL CHE BA LO CHUNG LA MDZAD, DE NAS MYANG STOD KYI LCE ZHAR GYIS LO CHEN LA THUG CING, GTZO BOR LO CHUNG LO BDUN DU BSTEN NAS SPYIR YO GA THAMS CAD DANG, KHYAD PAR DPAL MCHOG LA MKHAS PAR BYAS NAS BYON, , DE NAS SBANG KHA DAR CHUNG GI PHA GZHON NU RGYA MTSO, LAS STOD KYI BRAG STENGS PA, KUL 'CHING RU'I DMAR STON CHOS KYI RGYAL MTSAN, LDOG PA KLE STON, BAL SH'AKYA RDO RJE, THANG STON KONG KHA BA, LDOG GONG KHA BA RNAMS KYIS LO @432 CHEN LA THUG PA TZAM BYAS NAS, SLOB GNYER GTZO CHER LO CHUNG GI DRUNG DU SBYANGS, RNGOG GE SER DANG, SHANGS KYI SRAD YE GZHON GYIS LO CHEN LA BSNYEGS PAS MA ZIN PAR LO CHUNG LA BRTEN TE RNGOG GE SER BAS MTSAN BRJOD 'GREL CHEN LA MKHAS PAR BYAS SO, ,LO CHEN GSHEGS RJES PHO BRANG ZHI BA 'OD LO TZ'A LA MKHAS PAS 'GYUR MANG PO MDZAD CING, LO PAn MANG PO SPYAN DRANGS NAS DPAL MCHOG GI HOL KHONGS RNAMS KYANG LEGS PAR BSABS, ZANGS DKAR 'PHAGS PA SHES RAB KYIS LO CHEN LA MA ZIN PAR LO CHUNG DANG, DE'I ZUR CHOS PA AAN STON GRAGS RIN LA BRTEN NAS, DE NYID BSDUS PA DANG DPAL MCHOG GI BSHAD BKA' DBANG BKA' DANG, SPYOD RGYUD MA BU'I BSHAD BKA' DBANG BKA' RNAMS LEGS PAR GSAN, DE NAS PAndI TA GZHON NU BUM PA SPYAN DRANGS NAS DBUS SU BYON PA'I TSE, DE GONG DU PAntI TA KARMA BADZRA DANG ZANGS DKAR GZHON NU TSUL KHRIMS KYIS 'DAM DU RTZE MO'I 'GYUR MDZAD PA'I DPE DANG, GZHON NU BUM PAS RGYA DPE'I STENG NAS BSHAD, ZANGS DKAR GYIS LO TZ'A BYAS NAS SMON GRO'I MAR PA RDOR YES, KHAMS PA RGVA STON, YAM SHUD KLU CHUNG GSUM LA BSHAD, DE NAS LHA SAR BYON PA'I TSE GNYAL PA NYI MA SHES RAB CES BYA BA RTEN DGE BSNYEN ZHIG GIS LO PAn GNYIS LA RTZE MO TSAR GSUM GSAN, MCHAN DANG YIG SNA MANG DU BRIS, ZANGS DKAR DANG NYI MA SHES RAB KYIS PHYIS BAL POR SKOR CIG BYON, ,DE NAS LO TZ'A BA DANG DPON SLOB GNYIS POS MNGA' RIS SU BYON, LO TZ'A BA KHA CHER @433 BZHUD, GNYAL GYIS RTZE MO TSAR GCIG BSHAD, PHYIS KHA CHE DZNY'A NA SHR'I BOD DU BYON NAS CHOS 'KHOR TA BOR BZHUGS PA LA, LO GSUM NA PAntI TA BOD SKAD BYANG BAR GYUR PAS, DE LA LO BDUN GYI BAR DU LEGS PAR MNYAN, MANG NANG PA LA KUN SNYING GI LUGS RNAMS KYANG ZHUS, SKYI NOR DZNY'A NA LA JO BO'I LUGS KYI SBYONG RGYUD LEGS PAR ZHUS, PHYIS ZANGS DKAR GYIS RTZE MO LA LA t'I KA YANG MDZAD, PAntI TA THUGS RJE CHEN PO DANG ZANGS DKAR GYIS SMAD 'GREL DUM BU GSUM YANG MYANG ROR RDZOGS PAR BSGYUR, GNYAL PA NYI MA SHES RAB, MAR PA RDOR YES, GNYAN STON TSUL 'BAR, SPYANG TSANG PA SENG GE RGYAL MTSAN BZHI LA ZANGS DKAR GYI BU BZHI ZER TE, SPYIR ZANGS DKAR GYIS RNAL 'BYOR PHYI NANG GI BSHAD PA MANG PO DANG, BYE BRAG TU RNAL 'BYOR GYI RGYUD LA SHIN TU BKA' DRIN CHE'O, ,SUM STON YE 'BAR LA GNYAN STON TSUL 'BAR DANG, MYANG STOD GTZANG PO'I RGYA MONG CHOS GRAGS DANG, STAG TSAL GDONG STON PA SBU STON 'BAR THOG DANG, KHAMS PA SHES RAB RDO RJE LA SOGS PA BYUNG NGO, ,DGE SHES GNYAL PA'I SLOB MA SNUR NYI MA 'OD ZER, DE LA GLAN CHOS 'BYUNG, RTZA SKYA DKON MCHOG GRAGS, DMAR CHOS RGYAL, SGANGS STON SHER 'BUM STE BZHI BYUNG, KHONG GI SRAS RDO RJE SENG GES YO GA'I YIG SNA MANG DU MDZAD, CHOS RJE RGYAL SRAS RIN PO CHES KHAMS GSUM RNAM RGYAL GYI DBANG GSAN PA'I SNUR CHOS 'PHAGS ZHES BYA BA DE YANG 'DI PA'I BRGYUD PA'O, ,SNUR YE SHES RGYAL MTSAN GYI SRAS CHOS RGYAL LA KUN MKHYEN @434 'PHAGS 'OD KYIS MANG DU GSAN, 'PHAGS 'OD KYIS BU RIN PO CHE LA DBANG DANG BSHAD PA THAMS CAD KYI BUM PA BYO'O, ,BU RIN PO CHES NI RNAL 'BYOR RGYUD KYI BSDUS PA'I DON DANG, 'BYUNG BA'I BSHAD PA CHEN MO DANG, GZHAN RNAMS KYI DKYIL 'KHOR GYI CHO GA MANG DU MDZAD, RNAL 'BYOR RGYUD LA BAG CHAGS SAD CES KYANG GSUNG NGO, ,DING SANG NI RNAL 'BYOR RGYUD KYI DBANG BKA' RNAMS PHAL CHER YOD CING, RGYUD 'GREL PA DANG BCAS PA'I BSHAD PA MDZAD PA NI MA MTHONG NGO, YANG RNGOG CHOS KYI RDO RJES, DANG POR SKYI BYE MA LUNG PA DANG, DE NAS KHAMS PA SHES RAB RDO RJE LA GSAN NAS RIM PAR BRGYUD DE, DKYIL CHOG GSANG LDAN LAG LEN DANG BCAS PA, MTSAN YANG DAG PAR BRJOD PA'I BSHAD PA NI RNGOG PA RNAMS LA DING SANG GI BAR DU YOD DO, ,YO GA'I LO RGYUS KYI SKABS SO, , 'DUS PA 'PHAGS LUGS KYI SKABS, RNAL 'BYOR NANG GI RGYUD RNAMS LAS DPAL GSANG BA 'DUS PA'I RGYUD KYI BSHAD PA JI LTAR BYUNG BA 'CHAD DE, DE LA DPAL GSANG BA 'DUS PA'I RGYUD CES BYA BA YANG BRJOD PAR BYA BA DON GYI RGYUD DANG, RJOD PAR BYED PA SGRA'I RGYUD GNYIS SU GNAS PA LAS, DON NI GSANG BA 'DUS PA ZHES BYA BA NI, SKU GSUNG THUGS NI RNAM PA GSUM, ,GSANG BA ZHES NI BSHAD PA YIN, ,TSOGS PA 'DUS PAR RAB BRJOD DE, ,SANGS RGYAS THAMS CAD @435 MNGON BRJOD BYED, ,CES GSUNGS PA'I PHYIR NYAN RANG DANG THEG PA CHEN PO BA YANG SHIN TU SKAL PA CAN MA YIN PA DAG LA GSANG BAR BYA BA NYID KYI PHYIR, SANGS RGYAS RNAMS KYI DON DAM PA'I SKU DANG GSUNG DANG THUGS LA GSANG BA ZHES BYA LA, DE YANG ZHING PHYOGS GCIG PA DANG GDUL BAR BYA BA PHYOGS GCIG PA'I DBANG DU BYAS PA'I SANGS RGYAS KYI MA YIN PAR, SANGS RGYAS THAMS CAD TSOGS PA'AM 'DUS PA'I BDAG NYID CAN ZUNG DU 'JUG PA'I SKU LA RDO RJE 'CHANG CHEN PO'I SANGS RGYAS THAMS CAD CES BYA'O, DE NI MTHAR THUG PA'I GNAS YIN PA'I PHYIR, DE RJOD PAR BYED PA'I RGYUD LA YANG RGYUD RNAMS KUN GYI SPYI BO YIN NO ZHES BSHAD DO, ,RDO RJE 'CHANG ZHES BYA BA YANG SGRON MA GSAL BA LAS, RIGS THAMS CAD KYI BDAG NYID CAN, THOG MA DANG THA MA MED PA, DANG PO'I SANGS RGYAS, RIG PA CHEN PO'I SKYES BU'I GZUGS, YE SHES KYI SKU, RANG BZHIN GYIS 'OD GSAL BA'I BDAG NYID CAN, 'JIG RTEN GSUM GYI BDAG NYID CAN, SKU GSUM GYI BDAG NYID CAN, THEG PA GSUM GYI BDAG NYID CAN, DUS GSUM GYI BDAG NYID CAN, RDO RJE GSUM GYI BDAG NYID CAN, BDEN PA GNYIS KYI BDAG NYID CAN, ZHES GSUNGS PAS NA, 'DUS PA BA KHA CIG RDO RJE 'CHANG CHEN PO'I SKU MDOG DANG PHYAG MTSAN CI YIN PA TSOL ZHING, SKU MDOG DKAR PO ZHAL GCIG PHYAG GNYIS PA YIN NO ZHES BYA BA LA SOGS PA SMRA BA NI, DA LTAR BSHAD PA'I SGRON MA GSAL BA'I DON THUGS SU MA CHUD PA LAS YIN PAR SNANG LA, 'ON KYANG @436 GZUGS RNAM PAR SNANG MDZAD CES BYA BA LA SOGS PA DANG 'DRA BAR, BTAGS PA'I DBANG GIS DE'I SKU MDOG DANG PHYAG MTSAN CI YIN 'TSOL NA NI, RIGS DRUG PAR RNAM PAR BZHAG PA'I RDO RJE SEMS DPA'I SKU MDOG LA SOGS PA GANG YIN PA DE YIN PAR SHES PAR BYA'O, ,DE LTAR SLOB DPON KLU SGRUB SLOB MAR BCAS PA RNAMS KYIS KYANG, 'DUS PA CHOS KYI PHUNG PO STONG PHRAG BRGYAD CU RTZA BZHI PO THAMS CAD KYI DON GYI GTZO BO YIN PAR BZHED LA, DING SANG LA LA DAG RGYUD GZHAN DANG MA 'DRES PA'I RANG DBANG CAN NYI TSE BA ZHIG TU KHAS LEN PA NI THEG PA DMAN PA LA MNGON PAR DGA' BA'I BAG CHAGS LAS BYUNG BA YIN NO, DE BZHIN DU DRI MA MED PA'I 'OD DU YANG, DE BZHIN DU GSOL BA 'DEBS PA PO NI DPAL 'DUS PAR, DE NAS PHYAG NA RDO RJE DE BCOM LDAN 'DAS RDO RJE 'DZIN PAS BYIN GYIS BRLABS PAR GYUR PAS 'DI SKAD CES GSOL TO, ,RGYUD KYI RGYAL PO CHEN PO RGYUD THAMS CAD KYI BLA NA MED PA SANGS RGYAS THAMS CAD KYI DPAL 'DUS PA SANGS RGYAS THAMS CAD MNGON PAR BRJOD PA BCOM LDAN 'DAS KYIS BSTAN DU GSOL, ZHES PA DE LTA BU LA SOGS PAS PHYAG NA RDO RJES GSOL BA BTAB BO, ,ZHES GSUNGS PA'I PHYIR, DUS KYI 'KHOR LO 'GREL PA DANG BCAS PA YANG GSANG BA 'DUS PA 'CHAD BYED DU GYUR PA YIN PAR BZHED PA YIN NO, ,DPAL KYE'I RDO RJER YANG, SEMS NI 'DUS PA'I GZUGS CAN NO, ,ZHES KYE'I RDO RJE'I RGYUD 'DUS PA LA MNGON DU PHYOGS PAR GSUNGS SO, ,SLOB DPON NAG PO BAS GSANG BA'I DE KHO NA @437 NYID GSAL BA ZHES BYA BA'I GZHUNG BRTZAMS PA YANG, GSANG BA 'DUS PA'I DE KHO NA NYID DE NYID BDE MCHOG 'KHOR LOS GSAL BAR 'CHAD DO ZHES BZHED PA YIN NO, ,'DI NI BSTAN PA SNGA DAR GYI DUS SU LO TZ'A BA LCE BKRA SHIS ZHES BYA BAS BSGYUR NAS, BLA MA RNYING MA DAG GIS TANDRA SDE BCO BRGYAD PO'I GTZO BOR YANG 'CHAD CING, BOD KYI SLOB DPON SNGA MAS 'GREL PA MDZAD PA YANG 'GA' ZHIG SNANG NGO, PHYIS NI LO TZ'A BA CHEN PO RIN CHEN BZANG POS 'DI'I RGYUD DANG, 'GREL PA SGRON MA GSAL BA LA SOGS PA'I 'GREL PA DANG, BSKYED PA DANG RDZOGS PA'I RIM PA STON PA'I PHRA MO YANG MANG DU BSGYUR ZHING BSHAD PA YANG MDZAD PAR SNANG NGO, DE BZHIN DU PHYIS NAS KYI LO TZ'A BA MANG POS KYANG 'PHAGS PA'I YUL DU BYON NAS 'DUS PA BSLABS SHING BOD DU YANG BSHAD MOD KYI, DE RNAMS KYI NANG NAS RJE 'GOS NYID KYI RJES SU 'BRANG BA DANG BCAS PA RNAMS 'DUS PA'I BDAG POR GYUR TO, ,DE LA 'DUS PA BA RNAMS ZHAL MTHUN PAR 'DUS PA'I RGYUD 'DI AO dI YA nA'I RGYAL PO CHEN PO AINDRA BH'U TI ZHES BYA BAS GSOL BA BTAB PA'I MTHUS, THUB PA'I DBANG POS DER BYON NAS DBANG BSKUR ZHING RGYUD BSTAN TE, RGYAL PO 'KHOR BCAS KYIS KYANG SPROS BCAS KYI SPYOD PAS LEGS PAR BSGRUBS PAS RIGS PA 'DZIN PAR GYUR NAS, AO dI YA nA'I GNAS STONGS PA LTA BUR GYUR, DE YANG KLU LAS GYUR PA'I RNAL 'BYOR MA ZHIG GIS RGYAL PO LAS MNYAN NAS, DES LHO PHYOGS KYI SA BDAG BI SU KALBA LA BSHAD, DE LA BRAM ZE CHEN PO SA RA @438 HAS GSAN ZHING, DES SLOB DPON KLU SGRUB LA GSUNGS LA, DE LA SLOB MA MANG DU YOD KYANG SLOB MA'I GTZO BO SH'AKYA BSHES GNYEN, AARYA DE BA, KLU'I BYANG CHUB, ZLA BA GRAGS PAS SLOB PA'I RDO RJE LA BSHAD, DES NAG PO BA, DES SA 'DRES PA, DES MNGON SHES CAN LA BSTAN TO, 'GOS KYIS DE LA SOGS PA LA GSAN PA YIN TE, DE LA 'GOS NI, RTA NAG PHU'I KHUG PA ZHES BYA BA'I SA'I CHAR, YUM SGROL MA'I SPRUL PA YIN ZER BA ZHIG LAS 'KHRUNGS, MTSAN NI LHAS BTZAS TE LHAS SKYABS SHES BYA BA YIN PA LA, GDUNG 'GOS YIN ZHING, DE YANG YAB YUM GNYIS KA 'GOS YIN PAS 'GOS KHUG PA, LHAS RA ZHIG TU BTZAS PAS LHAS BTZAS ZER BA NI BLUN PO KHO NA'I GTAM MO, ,DE YANG DANG POR ZUR PA'I SAR SLOB GNYER LA PHYIN PAS, LAS KHO NA BCOL ZHING CHOS MA BSLABS PAS, BLA CHEN 'BROG MI'I THAD DU BYON, CHOS KYI 'BREL BA TZAM GNANG YANG, RGYUD NYAN PAR 'DOD PA LA GSER KHYER SHOG GSUNG NAS MA GNANG BAS RANG GI SPOBS PA SKYES TE, BDAG NYID RGYA GAR DU PHYIN LA KHONG 'DRA BA ZHIG BYA SNYAM NAS RGYA GAR DU BYON, PAntI TA RNAMS KYI THAD DU CHOS GSAN PA NA YANG, BRTZON 'GRUS MA BSKYED NA 'BROG LDOM DE LA NGO TSA BAR YOD GSUNG NAS SNYING RUS BSKYED DE SLOB GNYER LA 'BAD PA CHEN PO MDZAD, KHONG LA BAL PO PHAN CHAD NA SPYIR PAntI TA'I BLA MA BDUN CU DANG, MKHA' 'GRO MA'I BLA MA GNYIS TE BDUN CU RTZA GNYIS YOD PAR GRAGS, DE DAG LAS 'DUS PA GSAN PA'I GTZO BO NI BHANG+GA LA'I @439 MNGON SHES CAN, ZA HOR GYI MKHAS PA BTZUN MO CAN, KONG KA nA'I RGYAL BU SPRIN GYI SHUGS CAN, RDO RJE GDAN GYI NAG PO DAM TSIG RDO RJE, JO BO RJE, KHA CHE GRI BSTAN GYI MKHAS PA TZANDRA R'A HU LA, RGYAL PO'I KHAB KYI ZHI BA BZANG BO, YE RANG GI DGE BSNYEN CHEN PO'AM BAL PO THUGS RJE CHEN PO, BAL PO RDZONG GI NA BA KU' tI PA, N'A RO PA'I SLOB MA KHA CHE DZNY'A N'A K'A RA RNAMS LA 'DUS PA GSAN, NGOR RJE KUN DGA' 'OD NI KLU'I BYANG CHUB KYIS TI LLI BA LA BSHAD DES N'A RO PA LA, DES KU SA LI CHE BA, DES KU SA LI CHUNG BA, DES GSER GLING PA, DES PINtO PA BSOD SNYOMS PA DANG, MNGON SHES CAN DANG, BTZUN MO CAN DANG, DZNY'A N'A KU RA BZHI LA BSHAD ZER, KHA CIG NI, RDO RJE 'CHANG, DES RDO RJE CHOS, DES AI NDRA BHU TI LA, DES KLU LAS GYUR PA'I MKHA' 'GRO MA ZHES BYA BA LA SOGS PAR 'CHAD DE, RDO RJE CHOS KYIS AINDRA BHU TI LA BSHAD ZER BA 'DI NI, DE KHO NA NYID KYI SGRON MA'I RGYUD LAS, LHA MOS GSOL BA, GSANG BA CHEN PO'I RGYUD 'DI NI, SHES PA DANG NI BSHAD PA SU, ,BCOM LDAN 'DAS KYIS BKA' STZAL BA, BYANG PHYOGS SU DPAL RDO RJE'I GNAS AO dI YA nA RU RGYAL PO AI NDRA BHUTI ZHES BYA BAS SHES PA DANG BSHAD PA DANG SEMS CAN LA GSAL BAR BYED DO, ,LHA MOS GSOL BA, KYE BCOM LDAN 'DAS RGYAL PO CHEN PO AINDRA BH'UTI ZHES BYA BA DE SA DU'I DBANG PHYUG LAGS, ,BKA' STZOL CIG, BCOM LDAN 'DAS KYIS BKA' STZAL PA, DPAL YE SHES THIG LE'I RGYUD KYI RGYAL PO LAS, GANG @440 ZHIG NGAS BSTAN PA'I PHYAG NA RDO RJE'I RGYAL PO DE NYID AINDRA BHU TI SPRUL PA'I SKUS SA BCU'I DBANG PHYUG YE SHES KYI SKU, SA BCU BZHI'I DBANG PHYUG GO , ZHES MA 'ONGS PA NA 'BYUNG BA'I TSUL DU LUNG BSTAN PA'I 'DI DANG 'BYOR BAR SNANG LA, GZHAN YANG LHAN CIG SKYES GRUB LAS, DPAL LDAN ROL PA LHA MO CHE, ,DE BZHIN DPA' BO RDO RJE DPAL, ,DAM TSIG CES BYA RDO RJE DPAL, , DE BZHIN PADMA RDO RJE DPAL, ,DPAL LDAN LHAN CIG SKYES RDO RJE, ,RDO RJE DANG LDAN BRAM ZE MO, ,DE BZHIN GRUB PA'I RDO RJE DPAL, ,DPAL LDAN GSHIN RJE'I RGYAL PO 'DIS, ,DPAL LDAN 'KHOR LO MNGON BRJOD PA, ,BLA MA DGE SLONG GNYID LOG PA, ,DE BZHIN GZHAN YANG GANG ZHIG LHA, ,ZHES PA'I 'GREL PAR, DE YANG DPAL AO dI YA nA'I YUL NA RIN PO CHES BRGYAN PA ZHES BYA BA'I NAGS TSAL DGON PA ZHIG NA, GSANG BA PA'I BDAG PO'I SPRUL PAR GYUR PA DRANG SRONG 'GRO BA DBUGS 'BYIN PA ZHES BYA BA SKAL PA DANG LDAN PA RNAMS LA LHAN CIG SKYES PA'I RIN PO CHE'I MAN NGAG GI RGYUD BSTAN PAR BYA BA'I CHED DU BZHUGS PAR GYUR TO, ,ZHES BYA BA LA SOGS PA GSUNGS TE, DRANG SRONG 'GRO BA DBUGS 'BYIN PAS RGYAL PO'I BU MO LHA MO ROL BA CHEN MO, DES RGYAL PO CHEN PO DPA' BO RDO RJE, DES 'DUN NA 'DON DAM TSIG RDO RJE, DES ZHING PA PADMA'I RDO RJE, DES CHANG 'TSONG MA LHAN CIG SKYES PA'I RDO RJE, DES THAG PA DGA' BA'I RDO RJE, DES BRAM ZE MA RDO RJE, DES 'DREG MKHAN GRUB PA'I RDO RJE, DES DPAL LDAN KUN 'GRO'I MGON PO, DES RNAL 'BYOR @441 PA THUGS KYI RDO RJE, DES LCAM LAKshI M'A CHEN MO, DES RGYAL PO AINDRA BUDDHI'AM LVA BA PA LA BSHAD DO ZHES BYA BA'I DON 'DI DAG GSUNGS TE, LVA BA PAS AO dI Y'A nA'I YUL NAS 'PHAGS PA'I YUL DU RGYUD RNAMS DAR BAR BYAS SO ZHES BYA BA'I GTAM DANG SBYAR NA, 'DUS PA'I BLA MA BRGYUD PA'I RIM PA KHUNGS CAN DU 'GYUR RAM SNYAM STE, SLOB DPON A'A RYA DE BAS SPYOD PA BSDUS PA'I SGRON MAR LVA BA PA'I LUNG DRANGS NAS BSHAD PA'ANG YANG 'BYOR RAM SNYAM MO, KHA CIG RGYAL PO AINDRA BUDDHI DANG LVA BA PA GANG ZAG SO SO BAR 'CHAD PA RNAMS KYIS NI, LHAN CIG SKYES GRUB KYI 'GREL PA 'DI BSHAD PAR MI NUS SO, ,LHAN CIG SKYES GRUB KYI GZHUNG 'DI YANG 'DUS PA'I RGYUD LA BRTEN PA STE, DE'I 'GREL PAR THEG CHEN SHIN TU YANGS PA LAS, ,ZHES BYA BA NI SANGS RGYAS THAMS CAD KYI SKU DANG GSUNG DANG THUGS KYI GSANG BA STON PAR BYED PA RNAL 'BYOR CHEN PO'I RGYUD DE ZHES GSUNGS PA'I PHYIR RO, ,RGYAL PO AINDRA BH'U TIS MDZAD PA'I YE SHES GRUB PA YANG 'DUS PA LA BRTEN PAR SHIN TU GSAL LA, GSANG BA GRUB PA ZHES GRAGS PA YANG 'DUS PA LA BRTEN PAR GZHUNG DE NYID LAS SHIN TU GSAL TE, 'DI LAS SLOB DPON A'ARYA DE BAS SPYOD PA BSDUS PA'I SGRON MAR LUNG DU DRANGS SO, ,GSANG BA GRUB PA'I MDZAD PA PO PADMA RDO RJE ZHES BYA BA YANG ZHING PA PADMA'I RDO RJE BYA BA NYID YIN PA 'DRA'O, ,DE LTAR BRGYUD PA DU MA LAS BYUNG ZHING, RGYUD THAMS CAD KYI SPYI BOR GYUR PA 'DUS PA'I RGYUD 'GREL PA SGRON MA GSAL BA DANG BCAS PA LA NI, RJE 'GOS KYIS @442 'GYUR BCOS KYANG LAN GNYIS SU BYAS, PHAN PA YANG SHIN TU CHE BAR BYUNG ZHING, GZHAN YANG GUNG BRTAG SAM GSUM, BRTAG GNYIS KYI 'GREL PA RIN CHEN PHRENG BA, BDE MCHOG BSHAD RGYUD DANG BCAS PA DANG, RDO RJE GDAN BZHI BSHAD PA DANG BCAS PA DANG, MA H'A M'A Y'A LA SOGS PA'I RGYUD MANG PO 'GREL PA DANG BCAS PA BSGYUR ZHING, BSHAD PA YANG MDZAD LA, 'DUS PA'I PHRAN RNAMS LA YANG 'GYUR BCOS MDZAD DE, MKHYEN PA RGYA CHEN PO DANG LDAN PA DE'I SLOB MA MCHOG NI, MANG RA SENG GE RGYAL MTSAN, RNGOG DBUS PA GE SER, DAB MI BYANG CHUB RGYAL MTSAN, LHO PA RDO RJE SNYING PO, GNYAL PA 'GAR CHOS KYI RDO RJE, DBUS PA HVA GSUM DRUG TU GRAGS, DE DRUG KA LA RONG PA RGYAL LE DANG, SHO STON RDO RJE RGYAL MTSAN GNYIS KYIS ZHUS, ,TRO BO MGON POS DAB ME'I SLOB MA RGYA NAM MKHA' DANG RONG BA RGYA LE'I SLOB MA ZHANG RGYAB MA SPANG SGANG PA GNYIS LA GSAN NAS RGYA CHER BSHAD PAS SLOB MA SHIN TU MANG BAR BYUNG ZHING, 'DUS PA'I YIG SNA YANG MANG PO MDZAD LA, DE'I SLOB MA SGOM CHEN CHOS LA DGA' LA SOGS PAS KYANG 'DUS PA'I BSHAD PA MANG DU MDZAD DO, ,TRE BO 'DI 'DUS PA'I BSHAD PA LA PHAN CHE BAS, KHONG GI DGON PA NA SGRON MA GSAL BA YANG LNGA BRGYA TZAM 'DUG CES THOS SO, ,YANG 'TSUR STON DBANG NGES 'GOS KYI SLOB MA MANG RA SENG GE RGYAL MTSAN, 'GAR CHOS KYI SHES RAB, RNGOG GE SER, DBUS PA RGVA SUM STE BZHI LA 'GOS LUGS GSAN, DE LA 'KHON GAD PA K'I RTIS 'GOS @443 LUGS RNAMS GSAN, DE LA DGE BSHES 'GAR GYIS GSER GYI BRGYAD STONG PA DANG NOR SRANG BCU PHUL NAS ZHUS, DE LA GNYAN STON RI RTZE BAS ZHUS, , YANG JO BO RJES 'DUS PA 'PHAGS LUGS KYI GDAMS PA RNAMS NAG TSO LA GSUNGS, DES RONG PA PHYAG SOR PA LA BSHAD, DES ZHUS LAN PA LA, DES LHA RJE RI STON LA GNANG, DE LA NGOR RJE KUN DGA' 'OD KYIS ZHUS, NGOR RJE 'DIS NI 'DUS PA'I RGYUD PHRAN DANG BCAS PA RNAMS LA RNAM PAR BSHAD PA YANG MANG DU BRTZAMS, DE LAS MCHED PA GNYAL DANG DVAGS PO RNAMS SU MANG BAR BYUNG NGO, ,YANG SHO STON RDO RJE RGYAL MTSAN DANG RONG PA RGYAL LES SHUNG KE LO TZ'A BA DAR MA RDO RJE LA BSHAD, SHUNG KES DAB MI LA YANG DBANG BSKUR ZHUS, SHUNG KE 'DI LA SPA TSAB LO TZ'A BAS KYANG 'GOS LUGS GSAN ZER ZHING, SHUNG KE LA DOL PA 'GAR STON DBANG PHYUG GRUB KYIS GSAN, DES BLA MA GZE BA'I SRAS JO BDE LA, DES JO BO 'TSAR PA SNA PA LA, DES LHAB MI LA'O, , YANG, MANG RA SENG GE RGYAL MTSAN GYIS RNGOG YE SHES LA BSHAD, DES RNGOG NYI MA SENG GE LA BSHAD DE, NYI MA SENG GE 'DI NI MKHAS PA'I GRAGS PA CHE BAS, DGE BA'I BSHES GNYEN MKHAS PA SHIN TU MANG BAR 'DUS STE, RTZA RGYUD KYI t'I KA LA SOGS PA'I BSTAN BCOS KYANG MANG DU BRTZAMS NAS 'DUS PA'I BSTAN PA SPEL LO, ,DES GLAN RTZANG TSA NYI MA LCAM LA BSHAD DE, NYI MA LCAM GYIS RGYUD KYI t'I KA MO CHE ZHIG KYANG MDZAD SNANG NGO, ,NYI @444 MA LCAM GYIS RNGOG A'ARYA DE BA LA BSHAD, ,'DIS RJE BTZUN GRAGS PA RGYAL MTSAN LA YANG GTUGS, A'ARYA DE BAS RTAG PA RIN CHEN GRAGS LA BSHAD, DE LA KUN MKHYEN CHOS SKU 'OD ZER GYIS GSAN TE, 'DI NI KHA CHE PAn CHEN GYI SKYE BAR GRAGS SHING, BSTAN BCOS THAMS CAD GZIGS PA TZAM GYIS THUGS SU CHUD PAR GYUR PAS KUN MKHYEN ZHES KYANG GRAGS TE, 'DUS PA'I BSHAD PA YUN RING DU MDZAD PAS SLOB MA'ANG MANG DU BYUNG, KHONG GI SLOB MA BLA MA 'PHAGS 'OD CES PA 'PHAGS YOG DUS GSUM LA MKHAS PA, GDAMS PA'I MDZOD DU GYUR PA DES KHONG LA GSAN, 'PHAGS 'OD KYIS THAMS CAD MKHYEN PA BU RIN PO CHE LA ZHA LU NYID DU BYON TE, GSANG BA 'DUS PA DANG YO GA'I PHYAG LEN DANG BSHAD PA MANG DU MDZAD, BU RIN PO CHE'ANG 'DUS PA LA SHIN TU MKHAS PAR GYUR TE, 'PHAGS PA'I GSUNG GIS BSKUL BAR GYUR PAS SGRON MA GSAL BA'I t'I KA CHEN MO MDZAD, GZHAN YANG 'DUS PA'I CHOS SKOR MANG DU BRTZAMS, 'GOS NAS SLOB BRGYUD RIM PAR BYUNG BA LA BU STON NYID MKHAS PAR RTOGS, DES 'DUS PA'I SKOR RNAMS KHYUNG PO LHAS PA GZHON NU BSOD NAMS LA BSHAD, DE LA RJE TZONG KHA PA CHEN POS GSAN PA YIN TE, DE YANG SPYIR BSTAN PA LA PHAN PA RGYA CHEN PO DANG, BYE BRAG TU 'DUS PAS SA STENGS KHYAB PAR GYUR PA'I BYED PA PO NI RJE TZONG KHA PA CHEN PO'O, 'DI DAG NI 'GOS LAS BRGYUD PA'I GTAM RAGS PA TZAM ZHIG BSHAD PA STE, ZHIB PAR BDAG GIS BSHAD GA LA NUS, @445 BSAM YAS KYI LHA BTZUN SNGON MOS CHOS 'KHOR BTZUGS PA'I DUS SU, GSANG 'DUS 'PHAGS SKOR LA MKHAS PA SHUNG KE DAR MA RDO RJE DANG, DBUS PA 'PHAGS SKOR LA MKHAS PA SPA TSAB LO TZ'A BA GNYIS SPYAN DRANGS PAS, SPA TSAB GSANG 'DUS LA MON NAS SHUNG KE LA GSAN PAS 'GYUR LA MA MNYES NAS, PAndI TA TI LA KA KA LA SHAS MDZAD NAS SPA TSAB LO TZ'A BAS 'GYUR YANG RGYUD 'GREL PHRAN DANG BCAS PA LA MDZAD CING LEGS PAR BSGYUR, BSHAD PA YANG MDZAD DO, DING SANG GI BAR DU BRGYUD PA BZHUGS PA NI MA MTHONG NGO, CHAG CHOS RJE DPAL GYIS KYANG DANG POR RNGOG MUN NE'I SLOB MA JO BTZUN RTAG PA, DE'I SLOB MA GUNG THANG GI JO BO LHA MGON PO DPAL ZHES PA LA GSANG 'DUS 'GOS LUGS BSLABS, DE NAS BAL LO'I PAndI TA NYI MA'I DBANG PO'I 'OD ZER LA LEGS PAR MNYAN NAS, RGYUD 'GREL DANG MDOR BYAS RIM LNGA SOGS KYI 'GYUR YANG BCOS, SGRON GSAL GYI BSDUS PA'I DON DANG t'I KA YANG MDZAD DE SKYE BO MANG PO LA PHAN PAR MDZAD DO, , YANG KHA CHE ZLA BA MGON POS SGOM PA DKON MCHOG BSRUNGS LA SGRON GSAL MAN NGAG GI BSHAD PA DANG BCAS TE GNANG ZHES 'BYUNG BA LA, DING SANG DE'I DPE LA SOGS PA NI MTHONG BAR MA GYUR TO, ,'DUS PA 'PHAGS LUGS KYI SKABS SO, , @446 YE SHES ZHABS LUGS KYI SKABS, GSANG BA 'DUS PA YE SHES ZHABS LUGS ZHES GRAGS PA DE YANG BOD KYI YUL 'DIR SGO DU MA NAS BYUNG NGO, ,DE LA SLOB DPON SANGS RGYAS YE SHES NI, RIG PA'I GNAS MTHA' DAG LA MKHAS PA'I PAndI TA STE, DES YUL MA GA DHA'I BYE BRAG KHA BI ZHES BYA BAR GRONG KHYER RDO 'JOG TU, SLOB DPON SENG GE BZANG PO ZHES BYA BA SHES RAB KYI PHA ROL TU PHYIN PA'I TSUL LA SHIN TU MKHAS PA, RJE BTZUN GYI SNANG BA THOB PAR YANG GRAGS PA DE MNYES PAR BYAS NAS, SHES RAB KYI PHA ROL TU PHYIN PA DANG, DE LAS GZHAN PA'I GZHUNG YANG MANG DU THOS SHING, RIGS PAS KYANG RNAM PAR DPYAD PA MDZAD NAS, SLAR N'A LENDRAR SHES RAB KYI PHA ROL TU PHYIN PA SDUD PA'I 'GREL PA LA SOGS PA BRTZAMS NAS GZHAN DAG LA BSHAD PA MDZAD, DE NAS SNGAGS KYI THEG PA BTZAL BA'I PHYIR YUL DBUS NAS BYANG DU DPAG TSAD NYIS BRGYA SUM CU NA AO dI Y'A nA'I YUL YOD DE, YUL DE MKHA' 'GRO MA MANG POS BYIN GYIS BRLABS PAS GSANG SNGAGS KYI 'BYUNG GNAS YIN PA'I PHYIR DER BGROD DE, DE NA NOR BU'I GLING DU SKU 'KHRUNGS PA'I SLOB DPON SGEG PA RDO RJE ZHES BYA BA LA, BYA BA DANG RNAL 'BYOR GYI RGYUD MANG PO THOS SHING 'BAD PAS LEGS PAR BSLABS SO, YANG GNAS DE'I PHYOGS GCIG NA, BSAM MI KHYAB KYI RIM @447 PA'I MAN NGAG THOB PA, DE KHO NA NYID RTOGS PA'I RNAL 'BYOR MA GU NE RU ZHES GRAGS PA'I DRUNG DU BGROD CING MNYES PAR BYAS TE, BLA NA MED PA'I RGYUD MANG DU THOS PAR BYAS, DBANG DANG DAM TSIG LA SOGS PA YANG DAG PAR BLANGS TE, DE NAS SGOM PA LA YANG ZHUGS SO, ,YANG LHAS RMI LAM DU BSTAN PAS, AO dI Y'A nA'I BYANG GI SGO SRUNG PA GDOL PA DZA THIG DZA LA ZHES BYA BA'I BU MO LO BCU DRUG LON PA ZHIG YOD PA DE LAKshI M'A CHEN MO YIN PAS DER SONG ZHES BYUNG BA BZHIN 'PHRAL DU SONG STE, DE DANG BSHES SU 'THAMS TE ZLA BA BRGYAD KYI BAR DU MNYES PAR BYAS SO, ,DES KYANG SLOB DPON PHYAG RGYA CHEN PO LA BROD PAR RTOGS NA DE'I CHA RKYEN SGRUB PA'I PHYIR PHRA MO'I LUNG BTZAL BA TZAM GYIS GNOD GNAS KYI GRUB PA THOB BO, DE NAS DZA LAN DHA RAR BYON TE GRONG KHYER KO NE DZER GYI PHYOGS GCIG NA, BYIS PA CHUNG BA'I ZHABS ZHES BYA SHES RAB KYI RGYUD LA LHAG PAR MKHAS PA ZHIG YOD PA DE LA LUNG MANG PO THOS SHING SGOM PA LA NAN TAN DU MDZAD DO, ,DE NAS YUL DBUS NAS LHO PHYOGS SU DPAG TSAD SUM BRGYA PHYIN PA NA, YUL KAm KO ZHES BYA BA NAM MKHA' LA NAGS TSAL 'KHRIGS PA ZHIG YOD PA DE'I PHYOGS ZHIG NA, SLOB DPON KLU SGRUB KYI SLOB MA SLOB DPON BSRUNG BA'I ZHABS ZHES BYA BA THABS KYI RGYUD LA RAB TU MKHAS PA, DE DAG KYANG RDZU 'PHRUL SLOB MAS BSKOR BA ZHIG YOD PA DE'I DRUNG DU BYON NAS, BLA MA DE LA BRAM ZE TZA TRA RA ZHES BYA BA DANG, BRAM ZE GU HYA BRTA ZHES BYA BA DANG, RGYAL RIGS MANYDZU SHR'I ZHES BYA BA DANG, @448 RJE'U RIGS BURnA BHA DRA ZHES BYA BA DANG, DMANGS RIGS D'I BAm KA RA ZHES BYA BA DANG, DMANGS RIGS KHARnA BU TRA ZHES BYA BA DANG, SMAD 'TSONG MA A'A LO K'I ZHES BYA BA DANG, SMAD 'TSONG MA DU:SHI LA ZHES BYA BA RDZU 'PHRUL THOB PA DAG YOD DE, DE THAMS CAD KYI 'PHRAL GYI YO BYAD LHA MO NOR RGYUN MAS NYIN RE ZHING GSER GYI M'AshA BCU DANG, MU TIG GI DO SHAL PHYED DANG, K'ARshA PA nA SUM BRGYA RE SBYOR BA ZHIG YOD PA DE'I DRUNG DU LO DGU'I BAR DU BSTEN NAS, SKYE BA GCIG GIS THOGS PA STE, BSKYED PA'I RIM PA'I RNAL 'BYOR LA SKYE BA GCIG GIS THOGS PA RNAL 'BYOR GSUM PA'I MTHAR PHYIN PAR MDZAD DO, ,GNAS DER RNAL 'BYOR MA RNAMS DANG LHAN CIG PA'I SPYOD PA YANG ZLA BA BCO BRGYAD KYI BAR DU MDZAD DO, ,DE LTAR 'BAD KYANG DE KHO NA NYID MNGON SUM DU MA RTOGS PAS, BLA MA BSRUNG BA'I ZHABS LA DE SKAD DU ZHUS PA NA, BSRUNG BA'I ZHABS KYIS, DE NI KHO BOS KYANG MA RTOGS ZHES GSUNG BAS THUGS CUNG ZAD CHAD DE, RANG GI PHYAG RGYA MA GLEGS BAM GYI GZUGS SU BSGYUR TE, MGUL DU BTAGS NAS, BYANG PHYOGS SU RDO RJE GDAN GYI RGYAB KU BA DZA ZHES BYA BA'I NAGS SU PHYIN TO, ,NAGS DE YANG STAG DRED LA SOGS PA SHIN TU 'JIGS PA'I GNAS TE, SPYIR BYANG CHUB KYI SNYING PO LA RGYAB KYIS PHYOGS PA'I SEMS CAN RNAMS 'KHOR BA'I NAGS NYON MONGS PA'I GCAN GZAN GYIS GANG BAR GNAS PA YIN LA, BDAG KYANG DE KHO NA NA GNAS PAS DE LAS THAR BAR BYA BA'I PHYIR, GNAS DER LHA DRAG TU SKUL BA'I CHO GA LA BRTZON @449 PAS ZLA BA DRUG TU GNAS PAS, GZOD CHOS RNAMS KYI DE KHO NA NYID RTOGS SO, ,JI LTAR RTOGS NA, SLOB DPON 'JAM DPAL BSHES GNYEN GYIS DGE SLONG 'BAN PO SHAM THABS BYE ZHING CHOS GOS LA THOD BYAS NAS ZHING RMO ZHING, CHUNG MA NGAN MA ZHIG DANG KHYI MO DKAR MO MTSAN MA CAN ZHIG TU SPRUL, DER SLOB DPON SANGS RGYAS YE SHES KYIS GZIGS PAS 'DI DAG CI 'DRA BA ZHIG SNYAM DU THE TSOM ZOS SO, SLOB DPON 'JAM DPAL BSHES? GNYEN GYIS SANGS RGYAS YE SHES SNGAGS KYI SPYOD PA MCHOG LA GNAS PAR GZIGS NAS, DE LA PHAN PA'I PHYIR 'JAM DPAL DBYANGS KYI DKYIL 'KHOR GYI 'KHOR LOR SPRUL TO, , DE YANG STON ZLA RA BA'I MAR NGO'I TSES BRGYAD KYI SKAR MA MGO DANG LAG GNYIS YOL BA THO RANGS KYI DUS SO, ,DER BLA MA DANG DKYIL 'KHOR GANG LA MOS ZHES DRIS PAS, DKYIL 'KHOR LA MOS ZHES ZHUS PAS, DGE SLONG BLA MA GNYIS DANG BCAS PA KHANG PA CHUNG NGU ZHIG GI NANG DU ZHUGS PAR GYUR TO, , DE NAS SANGS RGYAS YE SHES KYIS DE KHO NA NYID BLANG BA'I PHYIR, KHYOD NI SEMS CAN KUN GYI YAB STE YUM YANG YIN, ,KHYOD KYIS BDAG LA SOGS PA 'JIGS PA CHE LAS SKYOBS, 'GRO BA'I DBANG PO RJE BTZUN KHYOD KYIS SDUG BSNGAL SEL, KHAMS GSUM GTONG BYED CHE BAS CHE KHYOD SKYE BO SKYONGS, ,ZHES BYA BA LA SOGS PA'I GSOL BA BTAB PAS, DER DKYIL 'KHOR GYI GTZO BOS ZHAL GYI LUNG LEGS PAR BKA' STZAL BAS, SLOB DPON GYIS DE KHO NA NYID THUGS SU CHUD DE YANG DAG PA'I YE SHES LA DBANG BA'I RNAL 'BYOR PAR GYUR TO, ,DE @450 NAS 'JAM DPAL DBYANGS KYIS SLOB DPON LA MA 'ONGS PA'I SEMS CAN LA PHAN PA'I PHYIR BSKYED PA'I RIM PA'I SGRUB THABS KUN DU BZANG PO DANG, KUN DU BZANG MO DANG, KUN DU BZANG PO'I DON BSDUS PA STE RNAM PA GSUM DANG, SBYIN BSREG GNYIS KYI CHO GA DANG, GTOR MA MI NUB PA'I SGRON MA DANG, TSOGS KYI 'KHOR LO'I CHO GA DANG, RIN PO CHE 'BAR BA DANG, ,RGYUD KYI RNAM BSHAD DANG, DKYIL 'KHOR GYI CHO GA SHLOO KA BZHI BRGYA LNGA BCU PA DANG, RTZA BA'I YE SHES CHEN PO DANG, TSIGS SU BCAD PA'I MDZOD DANG, GROL BA'I THIG LE DANG, BDAG SGRUB PA DANG, BYANG CHUB SEMS KYI THIG LE DANG, DPAL BKRA SHIS KYI RNAM PAR BSHAD PA CHEN PO DANG, BZHI PA LA 'JUG PA THABS DANG BCAS PA DANG, CHU SBYIN DBANG PO'I SGRUB PA'I THABS GSUM STE, LUNG DANG MTHUN PA'I CHOS BCU BZHI RTZOMS SHIG PAR BKAS GNANG NGO, ,DE LA KUN DU BZANG PO GSUM PO GCIG TU BYAS, CHU DBANG GI SGRUB THABS GSUM PO'ANG GCIG TU BYAS, RGYUD KYI RNAM BSHAD NI SLOB DPON GYIS MA MDZAD PAS NA, LHAG MA RNAMS LA LUNG GI CHOS BCU BZHI ZHES GRAGS PA YIN NAM SNYAM MO, ,DKYIL 'KHOR GYI CHO GA YANG DPE KHA CHER KHYER NAS YUL DBUS NA MED DO, SLOB DPON SANGS RGYAS YE SHES DE LAM MTHON PO DE KHO NA NYID MNGON SUM DU MDZAD PA LA MNGA' BRNYES KYANG, GZUGS KYI PHUNG PO NI GNAS MA GYUR ZHES GSUNGS SO, SLOB DPON DES RDO RJE'I GDAN NAS RGYANG GRAGS LNGA BCU YOD PA'I SA, DBANG CHEN RI'I PHUG TU@451 GNAS BCAS TE BKA' STZAL BA'I CHOS, RGYUD KYI RNAM BSHAD MA GTOGS PA RNAMS BRTZAMS SHING SLOB MA RNAMS LA LEGS PAR GSUNGS PAS, SLOB MA'I MCHOG BCO BRGYAD BYUNG ZHING, DE RNAMS KYI NANG NAS MAR ME MDZAD BZANG PO, RAB TU ZHI BA'I BSHES GNYEN, SGRA GCAN ZIN BZANG PO, RDO RJE BDE BA CHEN PO STE BZHIS NI TSE DE NYID LA RDO RJE 'CHANG CHEN PO'I GO 'PHANG MNGON DU MDZAD DO, ,SLOB MA LHAG MA BCU BZHI PO'I MTSAN NI GSAL BAR MA NGES LA, ,SLOB DPON SMAN ZHABS KYANG SLOB DPON GYI DNGOS KYI SLOB MA NI YIN NO, SMAN PA ZHABS KYIS ZHAL LUNG GI 'GREL PA LA SOGS PA BSTAN BCOS MANG DU MDZAD LA, GZHAN YANG 'DI'I SLOB MA RIM PAR BRGYUD PA RNAMS KYIS RGYUD KYI 'GREL PA DANG, RIM PA GNYIS KYI GZHUNG MANG DU BRTZAMS PA LAS BOD DU YANG SHIN TU MANG BAR 'GYUR RO, ,DUS PHYIS SLOB DPON AA BHA YAS DKYIL 'KHOR GYI CHO GA RDO RJE PHRENG BA BRTZAMS PA YANG, DKYIL 'KHOR GYI CHO GA BZHI BRGYA LNGA BCU PA LA GTZO BOR BRTEN PAS NA, YE SHES ZHABS LUGS KYI KHONGS SU GTOGS SO, ,SLOB DPON SANGS RGYAS YE SHES ZHABS KYIS DUS PHYIS RDO RJE GDAN DANG DE DANG NYE BA DAG TU BZHUGS TE, LHA KHANG GSAR DU BZHENGS PA DANG, MCHOD PA YANG RGYA CHEN PO MDZAD DO ZHES GRAGS SO, ,BOD DU NI YE SHES ZHABS LUGS RNAMS DANG POR LO CHEN RIN CHEN BZANG PO LA MANG DU BYUNG NAS SLOB MA RNAMS LA YANG GSUNGS SHING RIM PAR BRGYUD DO, ,PAndI TA SMRi TIS KYANG KHAMS SU YE SHES ZHABS LUGS @452 RNAMS MANG DU BSHAD, SNGON GYI SLOB DPON SANGS RGYAS GSANG BA DANG SANGS RGYAS ZHI BA GNYIS KYANG YE SHES ZHABS KYI DNGOS KYI SLOB MA YIN LA, DE GNYIS KYIS MDZAD CING 'GYUR BA'I CHOS RNAMS KYANG YE SHES ZHABS KYI LUGS SO, , BAR DU PAndI TA SU NA YA SHR'I DANG GNYAN LO TZ'A BAS KYANG BOD DU YE SHES ZHABS LUGS MANG DU BSHAD CING, GNYAN GYI SLOB MA SNANG KHA'U BA NAS KYANG MANG DU 'PHEL LO, YANG LO TZ'A BA GNYOS 'BYUNG BOS RGYA GAR DU BYON NAS, DPAL N'A RO PA DANG DUS MTSUNGS PA'I BA LI A'A TZARYA ZHES KYANG BYA, NAG PO ZHABS CHUNG BA ZHES KYANG BYA BA DE LA YE SHES ZHABS LUGS RNAMS LEGS PAR BSLABS, DE'I SNGAR GYI BRGYUD PA'I RIM PA NI, 'JAM PA'I RDO RJE, SLOB DPON SANGS RGYAS YE SHES ZHABS, MAR ME MDZAD BZANG PO, 'JAM DPAL GRAGS PA'I BSHES GNYEN, RTA RDZI PA DPAL BDE BA CHEN PO'AM MTSAN GYI RNAM GRANGS KA MA LA KU LI SHA DANG YAN LAG MED PA'I RDO RJE, SLOB DPON YI GE PA, 'DI NI RGYAL PO SHR'I DHARMA P'A LA'I YIG MKHAN, SHA BA RA PAS BYIN GYIS BRLABS PA LAS MCHOG GI DNGOS GRUB BRNYES NAS, SNGAR GYI RGYAL PO'I BLA MAR GYUR PA'O, ,SLOB DPON KARnA PA STE RAB TU BYUNG BA'I MTSAN TZANDA NI PRA BHA WA, DBANG BSKUR BA'I MING RATNA BADZRE, 'DI YANG DNGOS GRUB BRNYES PA YIN, DZNYA NA SHR'I MI TR'A NI BI KRA MA SHR'I LA'I DBUS KYI KA CHEN NO, ,DES BA LIN A'A TZARYA LA BSHAD CES 'BYUNG NGO, ,GNYOS 'BYUNG POS RANG GI SRAS @453 RDO RJE BLA MA, DES RANG GI SRAS GNYOS DPAL LE, DES RANG GI SRAS GNYOS GRAGS PA DPAL, DES RANG GI SRAS RDO RJE GZI BRJID DAM SANGS RGYAS RAS CHEN RGYAL BA LHA NANG PAR GRAGS PA DE LA BSHAD, DES RTZA RGYUD KYI t'I KA YANG BRTZAMS, LHO BRAG DANG, SKYI SHOD, LHA NANG LA SOGS PA RNAMS SU MANG DU BSHAD CING, BYE BRAG TU LHA RIN CHEN RGYAL PO DANG GTZANG DGE BRAG PA TSUL KHRIMS GZHON NU GNYIS LA GSUNGS, DE GNYIS KA LA MKHAS PA BYANG CHUB DAR GYIS GSAN, ,DES GZI BRJID RGYAL PO LA GSUNGS, DES BLA MA MGON PO RIN CHEN, DES SNYAN STON KUN DGA' DAR, DES BLA MA RI PA SH'AKYA BZANG PO, DES GNYOS RDO RJE BLA MA ZHES BYA BA GNYOS LO TZ'A BA'I GDUNG BRGYUD DU 'KHRUNGS NAS, CHUNG NGU LA RAB TU BYUNG ZHING TSUL KHRIMS PHUN SUM TSOGS PA DANG LDAN PA, DBUS GTZANG GNYI GAR SBYANGS PA PHUN SUM TSOGS PA MDZAD PAS YE SHES ZHABS LUGS LA MKHAS PAR GYUR PA DE LA, BDAG GI YE SHES ZHABS LUGS KYI DBANG 'JAM RDOR DANG 'JIG RTEN DBANG PHYUG GNYIS DANG, RGYUD KYI BSHAD PA, ZHAL LUNG LA SOGS PA'I MAN NGAG RAGS PA PHAL CHE BA THOB PA YIN NO, ,'DI'I DBANG GI BRGYUD PA GZHAN NI, 'JAM DBYANGS, YE SHES ZHABS, MAR ME MDZAD BZANG PO, KUN DGA' SNYING PO, THA GA PA, SH'AntI PA, SHRIDDH'A KA RA, PADM'A KA RA, DE GNYIS LA LO CHEN RIN CHEN BZANG PO, RKYANG PO CHOS BLO, DGE BSHES SKYABS SE, RDO RJE SRA BRTAN, DKON MCHOG 'BAR, DGE BSHES DBANG @454 RIN, KHAMS PA SA PHUG PA SH'AKYA RDO RJE, RONG PA CHOS MGON, LO TZ'A BA MCHOG LDAN, DPAL LDAN SENG GE, BU STON RIN PO CHE, YANG SANGS RGYAS RAS CHEN, STON MO LUNG PA YE SHES MKHAR, BLA MA CHOS SKU 'OD ZER, KUN MKHYEN 'PHAGS 'OD, CHOS RJE BU STON, RIN RNAM PA, KUN MKHYEN SHES RAB DPAL BZANGS, DE LA BDAG GIS YE SHES ZHABS LUGS KYI DBANG LEGS PAR THOB BO, ,YANG GSANG 'DUS 'JIG RTEN DBANG PHYUG GI DBANG GI BRGYUD PA NI, JO BO RJE, LHA BTZUN PA BYANG CHUB 'OD, 'OL BA BYANG CHUB RDO RJE, RGYA LCAGS RI GONG KHA BA, RDZING BU KHA PA, THANG STOD PA CHOS KYI 'OD, ZHANG YES, GZE BA DON GRUB MGON, BAR THANG PA YAB SRAS, DAR MA SH'AKYA, BSOD NAMS DBANG PHYUG LO TZ'A BA MCHOG LDAN, BLA MA DPAL LDAN SENG GE, BU STON KHA CHE, BYANG CHEN 'JAM RINGS PA, KUN MKHYEN SHES RAB DPAL BZANGS, DES BDAG LA GNANG BA LAGS SO, ,YE SHES ZHABS LUGS KYI SKABS SO, , GSHIN RJE GSHED KYI SKOR GYI SKABS, GSHIN RJE GSHED KYI SKOR RNAMS JO BO RJES NAG TSO LO TZ'A BA LA GSUNGS SHING, 'GYUR YANG RGYUD DANG 'GREL BA LHAN SKYES SNANG BA SOGS BSGYUR, YANG NAG TSOS NAG PO DAM TSIG RDO RJE LA YANG GSAN, DAM TSIG RDO RJES PHYIS DBUS GTZANG DU BYON NAS GSHED SKOR GYI BSHAD PA MDZAD PA @455 LAS KYANG MANG DU MCHED CING, NAG TSOS RONG PA PHYAG SOR BA LA GSHED SKOR BSHAD PA LAS KYANG MCHED, 'GOS KYIS KYANG GSHIN RJE GSHED KYI RGYUD LA BSHAD PA 'GA' RE MDZAD, SNYING MA'I 'CHAR KAR GRAGS PA LA YANG PHYAG LEN MDZAD DO, ,LO TZ'A BA GZHAN DAG LA YANG LUNG TZAM BYUNG MOD KYI, RVA LO TZ'A BA RDO RJE GRAGS KYIS GSHED SKOR MANG DU BSHAD CING, RGYUN YANG RING DU GNAS PA YIN NO, DE LA RVA LO TZ'A BA RDO RJE GRAGS NI, SNYE NAM SNANG YUL DU 'KHRUNGS, BYIS PA'I DUS NA LHA MO RE MA TIS PHU RUNG NANG DU BCUG NAS ZLA BA GNYIS SU KHAMS BSKOR ZHING, DE NAS MA LA GTAD, DUS PHYIS RAB TU BYUNG ZHING BSNYEN PAR YANG RDZOGS, DE NAS BAL YUL DU BAL PO THUGS RJE CHEN PO LA GTZO BOR BRTEN CING, DE LA N'A RO PA NAS PRADZNY'A RAKshI TA, DES BAL PO THUGS RJE CHEN PO LA GSUNGS NAS, DE LA RVA LOS LEGS PAR GSAN ZHING MANG DU MKHYEN PA NI, 'DI LTA STE, BDE MCHOG RTZA RGYUD DANG, SAMBU tA DANG, RDO RJE MKHA' 'GRO DANG, RGYUD BLA MA MNGON BRJOD BLA MA DANG, HE RU KA MNGON 'BYUNG DANG, KUN SPYOD DANG, PHAG MO MNGON 'BYUNG DANG, NAG PO'I CHOS DRUG DANG, L'U YI PA, RDO RJE 'JIGS BYED KYI SKOR DANG, GSHIN RJE GSHED NAG PO'I SKOR DANG, GDONG DRUG GI SKOR DANG, MTSAN BRJOD DANG, ZHAL GNYIS MA'I SKOR DANG, SGOM GYI GDAMS NGAG DANG, BAR PHU DANG MGON CHUNG LA SOGS PA SROG SER GYI GDAMS PA DANG BCAS PA MKHYEN, DE RNAMS PAndI TA 'BA' @456 ZHIG GI CHOS LAS BOD CHOS DANG BSRES PA MA YIN PAS, 'BRE SHES RAB 'BAR GYI ZHAL NAS, BOD DU 'GYUR BA'I CHOS LA DGE BSHES RVA LO TZ'A BA'I CHOS LAS ZHE ZHIM PA MED DE, PAndI TA MKHAS PA RNAMS KYI DGONGS PA LON ZHING, BOD CHOS KYI SRES SLAD MED PAS SO ZHES GSUNG, PHRIN LAS PHUN SUM TSOGS PAS 'KHOR YANG LHA BTZUN SNGON MO LA SOGS PA CHE DGU DANG, DGE BA'I BSHES GNYEN YANG 'GAR STONG BTZAN NAM MKHA' DANG, ZHANG TSES CHUNG BA DANG, SO TSAB 'DUL 'DZIN DANG, GNYAGS RI PA DANG, 'BRE SHES RAB 'BAR DANG, 'BAN DKON MCHOG RDO RJE DANG, ROG MNGON PA BA DANG, ZHU BKA' GDAMS PA DANG, MTHA' BZHI PA SO THANG PA DANG, STAG PA KHA CHE DANG, DPYAL LO TZ'A BA KUN DGA' RDO RJE DANG, ZHANG SA GA PA DANG, ZHANG GTZANG 'OD DANG, SGANG AINDRA DANG, SNUR NYI MA DANG, BA REG THOS PA DGA' DANG, LHA RJE DAB DANG, GRAN BU BA RIN CHEN GRAGS DANG, GLUN RGYAM LEGS DANG, GLUN SE BO SH'AKYA RGYAL DANG, GLUN TZANDRA DANG, GLUN RDOR PO DANG, RGYA LOD CHOS GRAGS DANG, MAR PA BSOD RIN DANG, AA ME MI NYAG DANG, RGYA DAR SED DANG, BYANG RAN STON PA DANG, MYANG DANG, ROG KYUGS SE DANG, KHYUNG PO DAR MA 'BAR DANG, KHYUNG PO PHU RE DANG, SNA LO TZ'A BA DANG, 'TSE MI BSOD NAMS 'BAR DANG, 'TSE MI TSUL PO DANG, PHUR TZANDRA DANG, ZHANG DANG, RVA SGOM RDO RJE RGYAL PO DANG, RONG PA RGYA LE DANG, MA @457 BLA MA BRANG PA DANG, RTZANGS YANG DAG 'BAR DANG, BLA MA MTHA' DANG, DPON RKUN PO DANG, BTZAD TSA LCAM ME DANG, RNGOG MDO SDE DANG, KHU LO TZ'A BA MDO SDE 'BAR DANG, GRAGS DANG, NE TZO DANG, MDO SDE GRAGS DANG, SHO RDO RJE RGYAL MTSAN DANG, SHO DGE 'DUN DANG, 'DZAR DGE PO DANG, 'GAR AA TZA DANG, SNYI BA DANG, LANG TSA STON NAG DANG, GROL GRUB PA DANG, 'BRE KHA SGYOG PA DANG, KYU RA AA SKYABS DANG, RAB DPYA JO SRAS DANG, TRE BO MCHOG BLA DANG, NGO KHRO YON TSUL DANG, DBANG DANG, SE RIGS DANG, ZUR HOR PO DANG, SPANG GYANG BLA MA DANG, MA THOG BYANG 'BAR LA SOGS PA DANG, KHYAD PAR BOD LA MKHAS PAR GRAGS PA'I TRE BO MGON PO RNAMS SO, ,GRANGS NI, GNYAL DU SAMBHO RA'I CHOS 'KHOR LA GRVA PA BTZUN PA NAG PO'I RGYUD LA DPE THOGS STONG NYIS BRGYA, SNGAGS PA DPE THOGS BRGYAD BRGYA STE NYIS STONG BYUNG, RDO RJE 'JIGS BYED KYI RGYUD LA GSER SRANG RE, NAG PO'I RGYUD DANG GDONG DRUG GI RGYUD DANG, BDE MCHOG GI RGYUD BRGYAD DANG, NAG PO'I CHOS DRUG DANG, L'U YI PA DANG, 'JAM DPAL DANG, ZHAL GNYIS MA RNAMS LA GSER ZHO RE'I GSER CHOS BYAS, KHRIGS SU MA BCAD PA'I 'BUL BA LA NI GRANGS MED PA BYUNG, PHYAG BZHES LA, RGYA GAR DU BI KRA MA SH'I LAR GSER GYI NYI KHRI TSAR GCIG BSTAN PA MA ZHIG BAR DU KLOG PA'I CHA RKYEN LA GSER SRANG BRGYA, GSER GYI BRGYAD STONG PA CHA GCIG DANG, SDE PA BZHI'I PAndI TA @458 BRGYAD CU RTZA BZHI LA GSER GYI SDUD PA BRGYAD CU RTZA BZHI BSTAN PA MA ZHIG PAR DU KLOG PA'I CHA RKYEN GSER SRANG BRGYA, BLA MA BHA RO PHYAG RDUM LA GSER SRANG BRGYA PHUL, GSER SRANG GSUM BZHI TZAM RE LA RKYEN BYAS NAS HA MU NYIS BRGYA TZAM BSAGS PA'I TSOGS 'KHOR BRGYA RTZA BRGYAD BTANG, BAL BO THUGS RJE CHEN PO BOD DU SPYAN DRANGS NAS PHYIR THEGS DUS GSER SRANG STONG BRDZANGS, MA GSHEGS BAR DU 'BUL BA THENGS SUM CU SO BDUN THENGS, BSAM YAS KYI 'KHOR SA KLU MES DANG SBA REG GI CHAGS SDANG GIS ME PHO KHYI'I LO LA BSREGS, GYANG TSUN CHAD 'GYEL BA LA 'OL KHA NAS SHUG PA RNAMS GTZANG PO LA GYEN LA DRANGS, GYANG BTANG, SHING BZO, GSER BZO, LCAGS MGAR, LHA BZO LA SOGS PA'I BZO BO LNGA BRGYA TZAM GYIS LO GSUM GYI BAR DU ZHIG GSOS BYAS, DE'I ZHABS TOG GI LAG LEN NI STON PA RIN CHEN RDO RJES BYAS, SPYIR NA DE LA KHAL 'BUM TSO CIG SONG, DE'I TSON RTZI LHAG GIS GTZANG 'PHRANG GI KHYAMS DBU RTZE DANG BCAS PA GSOS, YUN LO GNYIS SONG, GNYER LO TZ'A BA RVA CHOS RAB KYIS BYAS, YO BYAD KHAL KHRI TSO GCIG SONG, GNAS GZHI RNAMS SU ZHABS TOG MDZAD PA LA, DUR SMRIG PA LA 'BUM CHA GSUM GYIS SNA DRANGS 'BUL BA MANG DU PHUL, DER BSTAN PA MA ZHIG BAR DU 'GRON ZAN GTANG BA'I CHA RKYEN LA LJID SNYOMS KYI KHAL KHRI TSO GSUM PHUL, BYE MDA' BA LA MDO SDES SNA DRANGS PA'I PU STI BRGYA, 'GRON ZAN RGYUN GYI CHA RKYEN KHAL KHRI TSO GSUM PHUL, DKYUS THANG PA LA 'BUM CHAS SNA DRANGS PA'I @459 PU STI LNGA BCU, LO RE BZHIN 'GRON ZAN ZLA BA RE'I CHA RKYEN LA KHAL KHRI TSO GCIG NYAN TSO BA DANG, LCANG RA BA LA YANG DE DANG MNYAM PA PHUL, SHO SKYAM PA LA MDO SDES SNA DRANGS PA'I PU STI BRGYA THAM PA, 'GRON ZAN THES KHAL KHRI TSO GCIG RE DUL BA LA DE DANG MNYAM PA PHUL, S'A TZA 'BUM TSO 'BUM BTAB, 'BUM TSE RE LA KHAL BZHI BCU'I CHA RKYEN DU BCAD, KLOG 'DON RGYA DPE'I NYI KHRI DANG BRGYAD STONG PA 'DON PA'I AA TZA RA'I MCHOD GNAS DRUG L'U YI BA SGOM PA RE DANG BDUN RGYUN DU 'DEGS, GZHAN YANG GSUNG RAB BRGYA TSAR STONG TSAR MDZAD, RNGOG LO LA 'BUM GYIS SNA DRANGS PA'I 'BUL BA DANG, KHRI TSO PHOGS BYAS PA'I CHOS 'KHOR BTZUGS, DE DANG MNYAM PA GLANG RI THANG PA LA YANG PHUL, DE BZHIN DU BTZAN KHA BO CHE LA YANG DE DANG MNYAM PA PHUL, RGYA 'DUL LA 'BUM GYIS SNA DRANGS PA'I 'BUL BA DANG, BRGYA PHOGS KYI CHOS 'KHOR BTZUGS, DE DANG MNYAM PA JO BTZUN KHYUNG LA, DE DANG MNYAM PA 'BRE LA, DE DANG MNYAM PA 'BAN LA, DE DANG MNYAM PA ROGS NGON PA BA LA, DE DANG MNYAM PA STAG PA KHA CHE LA PHUL TE, GTAM 'DI RNAMS BLA MA YE SHES SENG GES MDZAD PA'I RNAM THAR LAS BTUS PA'O, KHONG GIS SPYIR CHOS MANG DU GSUNGS PA DANG, KHYAD PAR GSHIN RJE GSHED KYI SKOR RNAMS 'KHOR NYIS STONG LHAG PA LA GSUNGS SNANG BAS, DE RNAMS LAS 'PHEL BA BGRANG BAR MI NUS LA, GZHAN DE DAG GI BSHAD PA'I RGYUN RVA LO TZ'A BA CHOS RAB, RVA YE SHES SENG GE, RVA 'BUM @460 SENG, RJE BTZUN RGVA LO, BLA MA SHES RAB SENG GE BA KHU DBON SKU MCHED RNAMS LA NAR MAR BYUNG ZHING, DE DAG LAS MCHED PA YANG BGRANG PAR MI NUS SO, GSHIN RJE GSHED DMAR PO'I RGYUD LE'U BCU DGU PA LA, LO TZ'A BA GRAt PA RGYAL MTSAN DANG SHONG BLO BRTAN GNYIS KYI 'GYUR SNANG NA'ANG, RGYUD LA BSHAD PA'I SROL BYUNG BAR NI MI THOS LA, GSHIN RJE GSHED DMAR PO LA YI DAM DU MDZAD PA NI DPYAL CHOS BZANGS DANG, CHAG LO TZ'A BA DANG, BU RIN PO CHE LA SOGS MANG NGO, ,GZHAN YANG GRUB THOB DAR PAn DANG RE BENDA'I SLOB MA GLO BO LO TZ'A BA SHES RAB RIN CHEN GYIS BI R'U BA LAS BRGYUD PA'I GSHED DMAR GYI MAN NGAG GZHUNG CHUNG DANG BCAS PA YANG DBUS GTZANG DU MANG DU MCHED NA'ANG, DAR PAn LAS BRGYUD PA'I RGYUD KYI BSHAD PA NI BYUNG BAR MA THOS SO, ,GSHED SKOR GYI SKABS SO, , BDE MCHOG GI SKABS, DPAL BDE MCHOG GI DBANG DANG RGYUD KYI BSHAD PA SGRUB YIG DANG BCAS PA MANG DU BYUNG BA RNAMS DANG POR LO CHEN SLOB BRGYUD DANG BCAS PA LA YANG BYUNG ZHING, PHYIS NI MAR PA DO BA DANG, SPU HRANGS LO CHUNG DANG, MAL GYO LA SOGS PA LAS RGYUD KYI BSHAD PA MANG DU BYUNG STE, DE YANG RJE 'CHANG, PHYAG NA RDO RJE, SA RA HA, SHA BA RI DBANG PHYUG DE'I SLOB MA L'U YI PA YIN TE, 'DI LA KHA CIG NI LU AI PA ZHES ZER, KHA CIG NI LU @461 HI PA ZHES ZER RO, ,BDAG GI BLA MA PAn CHEN GYI ZHAL SNGA NAS, DES MDZAD PA'I RDZOGS PA'I RIM PA'I YI GE TSIGS SU BCAD PA BCO BRGYAD PA'I RGYA DPER L'U YI ZHES PA SNANG BAS 'DI KHO NA DAG PA YIN GSUNG NGO, ,L'U YI PAS RGYAL PO D'A RI K'A PA DANG, BLON PO dANG+GI PA LA BSHAD, DES RDO RJE DRIL BU BA LA BSHAD, DES RU SBAL ZHABS CAN LA, DES DZA LANDHA RA PA LA, DES NAG PO SPYOD PA BA LA, DES RNAM RGYAL ZHABS LA, DES TILLI PA LA, DES N'A RO PA LA BSHAD DO, ,DE YAN CHAD KYI RNAM PAR THAR PA RNAMS NI SHIN TU MANG BA SNANG BAS MTHONG BAR SLA BA'I PHYIR MA BRIS LA, N'A RO PA NI BI KRA MA SH'I LA'I BYANG PHYOGS KYI SGO BSRUNGS PA YIN, DE LA SLOB DPON SH'ANTI BA DANG, RJE BTZUN ME TRI BAS KYANG GSAN, SH'ANTI BA LA NI JO BO RJE LHA GCIG GIS GSAN PA YIN TE, JO BOS NI MNGA' RIS SU LO CHEN DPON SLOB LA GSUNGS SHING, GTZANG RONG GI 'GAR DGE BA LA YANG GSUNGS TE, DE YANG LHA SBAS KYI 'GREL BA'I STENG NAS GSUNGS PA YIN ZHES GRAGS SO, YANG DBUS SU NAG TSO LO TZ'A BA DANG, KHAMS PA BGRES PO ZHIG LA YANG GDAMS PA RNAMS GSUNGS SO, YANG BAL PO PHAM MTHING BA ZHES KYANG GRAGS AA DES PA CHEN PO ZHES KYANG ZER BA DE LA, GCEN PO DHARMA MA TI, GCUNG PO DUS 'KHOR BA DANG, THANG CHUNG BA GNYIS TE SKU MCHED BZHI YOD PA LA, DHARMA MA TIS N'A RO PA'I @462 SPYAN SNGAR LO BCU GNYIS BZHUGS, DE PHAM MTHING BAS SPYAN 'DREN DU PHYIN PAS, GCEN GYI ZHAL NAS, KHYOD RANG 'DIR SDOD CIG NGA BLA MA'I LUNG BSTAN YOD BAS RI BO RTZE LNGA LA 'GRO ZER NAS GAR BZHUD CHA MED PAR BZHUD DO, PHAM MTHING PAS NI N'A RO PA LO DGU BSTEN, BDE MCHOG DANG KYE RDOR LA SOGS PA'I CHOS MANG PO GSAN, KHYAD PAR DU BDE MCHOG GI SGO NAS DMAN PA DANG 'BRING GI DNGOS GRUB KYANG THOB PAR MDZAD, GCUNG PO DUS 'KHOR BAS N'A RO PA'I SPYAN SNGAR LO LNGA BZHUGS TE, BDE MCHOG LA SOGS PA'I CHOS MANG DU GSAN, THA CHUNG THANG CHUNG BAS KYANG DUS 'KHOR BA SPYAN 'DREN DU PHYIN PAS, N'A RO PA LA DBANG DANG RGYUD MAN NGAG DANG BCAS PA CUNG ZAD TZAM THOB, THANG CHUNG BA LA GCEN PO'I ZHAL NAS, KHYOD NGAG GI DBANG PHYUG BSGRUBS SHIG GSUNG NAS BSGRUBS PAS, CHU LA ME TOG BSKUR BA LA LAN GSUM DU YAR LOG BYUNG BA'I DANG PO GNYIS SUS KYANG MA MTHONG, THA MA DE YAR LOG BYUNG BA BLANGS PAS NGAG GI DBANG PHYUG CHE 'BRING GNYIS MA THOB KYANG, THA MA TSIGS SU BCAD PA RTZOM PA DANG MANG PO ZIN PA TZAM ZHIG BYUNG, ME TOG MAR LA LOG DUS G-YOG PO BHA DANTAS DE'I CHU LA 'THUNGS PAS KYANG SHES RAB SHIN TU CHE BA GYUR, PHAM MTHING BA'I GSUNG GIS THANG CHUNG BA LA, KHYOD BOD DU SONG LA GSER TSOL 'DIR RGYUN BZHAG GI ME SBOR BA GYIS GSUNG BA LA, THANG CHUNG BAS BHA DANTA G-YOG TU KHRID NAS GNYAL TSUN CHAD DU BYON, G-YOG PO BHA DANTAS DUR SMRIG @463 TU RTA GSO ZHING BSDAD PA'I TSE, BOD SKAD SHES SHING BRANG TI LA MNGON PA KUN LAS BTUS MNYAN PAS SHES, SLOB DPON DANG RTZOD PA BYAS PAS KYANG BHA DANTA RGYAL, BHA DANTAS NGA PAndI? TA BYAS TE 'ONG BAS DE'I TSE SLOB DPON GYIS SNE LEN DGOS ZER BA BYAS, KHONG DPON G-YOG GI GSER SRANG LNGA BRGYA RNYED, RGYUN BZHAG DANG TSOGS RGYUN RING? DU MA CHAD PAR YOD PA YIN NO, LO TZ'A BA KLOG SKYA SHES RAB RTZEGS KYIS PHAM MTHING BA LA BDE MCHOG SKOR GSAN NAS BOD DU BYON PA'I TSE, MAL GYO LO TZ'A BA BLO GROS GRAGS KYIS BDE MCHOG GI DBANG DANG SGRUB SKOR RNAMS ZHUS, PHYIS MAL GYO NYID BAL POR BYON NAS PHAM MTHING BA SKU MCHED DANG, N'A RO PA'I SLOB MA BYANG CHUB BZANG PO DANG, BAL PO KA NA KA SHR'I'I SLOB MA BAL PO THUGS RJE CHEN PO RNAMS LA BDE MCHOG SKOR LEGS PAR GSAN, DE LA BLA MA SA CHEN GYIS GSAN, DES PHYIS RGYUD LA BSHAD PA MDZAD PA'I TSE SKU LUNG PA BSOD NAMS RDO RJES ZIN BRIS SU BTAB, DE LA SA CHEN GYIS MDZAD PA'I t'I KAR YANG GRAGS, SA CHEN GYIS RANG GI SRAS RTZE MO SKU MCHED LA GSUNGS, RJE BTZUN GYIS SA SKYA PAn CHEN LA BSHAD, DMAR CHOS KYI RGYAL POS RJE BTZUN LA BDE MCHOG GSAN ZHING, PAn CHEN LA RGYUD GSUM MAN NGAG DANG BCAS PA YANG LEGS PAR BSLABS, DMAR CHOS KYI RGYAL PO DE NI, SPU HRANGS LO CHUNG GI SLOB MA DMAR CHOS KYI RGYAL MTSAN GYI DBON BRGYUD YIN TE, DPON PO DMAR SHES RAB RDO RJE, THUB PA SHES RAB, BRTZON 'GRUS RDO RJE RNAMS BYUNG BA LAS, @464 RANG GI KHU BO BRTZON 'GRUS RDO RJE LA RANG GI BLA MA NAS BRGYUD PA'I BDE MCHOG DANG, YO GA DANG, LO TZ'A CHOS DRUG LA SOGS PA YANG THUGS SU CHUD PAR MDZAD DO, ,SA SKYA PA YAB SRAS LAS MCHED PA'I BDE MCHOG GI BSHAD PA 'DZIN PA'I SLOB MA BRGYUD PA DANG BCAS PA 'BYUNG BAR NI RIGS NA'ANG, DMAR CHOS RGYAL TZAM GTOGS GZHAN MA THOS PAS YI GER BRI BAR NI MI NUS SO, MAR PA DO BA NI, DGE BA'I BSHES GNYEN SHA STAG GI BRGYUD PA LAS MAR 'BROG BLA DO'I RGYAGS SU SKU 'KHRUNGS, YAB DGE BSHES CHOS RGYAL BYA BA YIN, KHONG RANG GI MTSAN CHOS KYI DBANG PHYUG, DANG POR PAndI TA ZHIG LA SKAD BSLABS SHING, RONG ZOM CHOS KYI BZANG PO LA YANG GTUGS, PHYIS GO RUB LO TZ'A BA TSUL KHRIMS RGYAL BA LA YANG BSLABS, DE NAS BAL YUL DU BYON, DER MAR PA LHO BRAG PA RGYA GAR NAS TSUR LOG PA DANG MJAL ZER, 'DI DANG COG RO CHOS RGYAL GYIS MJAL BA'I GTAM BRGYUD LTAR NA, LO TZ'A BA 'DI RJE MAR PA'I SUM CU RTZA GCIG PA TZAM LA 'KHRUNGS PA 'DRA, SKU TSE'I TSAD NI DGU BCU RTZA LNGA BZHUGS, DES MAR PA LHO BRAG PA LA GSER ZHO GANG GI PHYAG RTEN BYAS PAS, GSER SE BA RE LA YANG 'THOGS 'ONG BAS KHYED RANG KHYER, NGA BOD DU GSER 'CHAG TU 'GRO BA YIN GSUNG ZHING, N'A RO PA SPYOD PA LA GSHEGS NAS MED PAS N'A RO PA'I SLOB MA BZHI LA CHOS NYON ZHES GSUNG, DE NAS TI RA HU TIR PHEBS DUS MI MANG PO 'DU ZHING @465 'DUG PA CI YIN DRIS PAS, N'A RO PA PHEBS PA LA BLTA BA YIN ZER, DER KHROM GSEB TU PHYIN NAS N'A RO PA'I DRUNG DU SLEB TZA NA, GSER ZHO GANG PHUL BAS, LAN GCIG PHYAG TU BZHES NAS SA LA BSKYUR, SPYAN CHER BA CIG GZIGS BYUNG, GSUNG NI CI YANG MA BYUNG STE BYIN GYIS BRLABS PAR NGES SHES SKYES, DE NAS RGYA GAR DBUS SU PHEBS, LHO BRAG PA'I GSUNG BZHIN DU N'A RO PA'I SLOB MA MA NA KA SHR'I, PRADZNY'A RAKshI TA, KHA CHE BYANG CHUB BZANG PO, PRA MU DA BADZRA RNAMS LA N'A RO PA'I LUGS KYI BDE MCHOG GI DBANG DANG RGYUD DANG MAN NGAG RNAMS LEGS PAR GSAN, PAndI TA GZHAN LA YANG CHOS MANG DU GSAN, PHYIR BAL POR PHEBS DUS PHAM MTHING BA DANG, DE'I GCUNG PO NGAG GI DBANG PHYUG DANG, BAL PO KA NA KA SHR'I RNAMS LA N'A RO PA'I LUGS LEGS PAR GSAN, MEE TRI BA'I DNGOS KYI SLOB MA RGYA GAR PHYAG NA BAL PO NA BZHUGS PA LA YANG CHOS MANG DU GSAN, BAL PO DZA H'Um GI SLOB MA BRAM ZE NAG PO ZHABS LA YANG GSAN ZHING, MKHAS PA SU MA TI K'IRT'I LA BRTEN NAS BDE MCHOG SKOR GYI 'GYUR YANG MANG DU MDZAD, BOD DU PHEBS NAS LO TZ'A BA DE LA SLOB MA BDE MCHOG NYAN PA MANG DU YOD KYANG, GTZANG GI MKHAS PA RGYA NAM, NGO'I GZE BA BLO LDAN, KHAMS KYI COG RO CHOS RGYAL RNAMS KYIS CHOS BRGYUD LEGS PAR GZUNG, RJE SGAM PO BA'I SLOB MA RTOGS PA PHUN SUM TSOGS PA DANG LDAN PA LA YAG PA BYANG CHUB DNGOS GRUB CES BYA BA DES KYANG, BLA DOR MAR DO'I LUGS KYI BDE MCHOG RNAMS GZE BA LA LEGS @466 PAR ZHUS, RTZA BA'I RGYUD DANG KUN SPYOD GNYIS KA LA DPAL SGAM PO BA'I BKAS t'I KA RGYAS PAR MDZAD, BSKYED RIM GYI BSHAD PA DANG, DRIL BU BA'I RIM PA LNGA PA'I 'GREL PA YANG MDZAD DO, ,MAR PA DO BA NYID KYIS KYANG RTZA BA'I RGYUD DANG KUN SPYOD GNYIS KA LA BSDUS DON DANG t'I KA RGYAS PAR MDZAD, MAR DO'I SRAS PO NAM MKHA' 'OD CES BYA BA 'KHRUNGS PA LA, YAB KYI BSHAD PA DANG GDAMS PA MA LUS PA MNGA' ZHING, SKYID SHOD LA SOGS PAR BYON NAS, GDAMS PA PHRAN RE RE TZAM GZHAN LA BSHAD NA YANG, YAB DANG DUS GCIG TU GRONGS PAS 'PHEL BA CHAD DO, ,GZE BAS RANG GI SRAS BDE MCHOG RDO RJE LA LEGS PAR GSUNGS, DE NAS BRGYUD NAS MANG DU 'PHEL, ,DE LA MKHYEN RAB DBANG PHYUG GIS NI YANG RTZE BA RIN CHEN SENG GE LA BDE MCHOG GI BSHAD PA GSAN, KHONG GIS KHANG GSAR BA BSOD NAMS MGON LA GSAN 'DUG NA'ANG, DE YAN GI BRGYUD PA NGES PA CAN MA RNYED GSUNG STE, MAR DO LUGS NI YIN NO, ,DBANG NI, SANGS RGYAS, YE SHES MKHA' 'GRO MA, L'U YI BA, tENG+GI BA, LVA BA PA, AINTRA BO DHI, KA TZA BA, DRIL BU BA, DZA LANDHA RA PA, NAG PO PA, KU SHA LA NA, TI LLI PA, N'A RO PA, MAN KA SHR'I DZNY'A NA, BAL PO BHA DANTA, MAR PA DO BA, GZE BA BLO LDAN, GZE BA JO BDE, SLOB DPON KHU LHAS PA, SLOB DPON LHO TSANG BA, LO TZ'A BA MCHOG LDAN, BLA MA DPAL LDAN SENG GE, BU STON TE, SPYIR BU STON RIN PO CHE LA BDE MCHOG GI DBANG @467 BRGYUD MI 'DRA BA BDUN BZHUGS SO, ,BU RIN PO CHES KYANG L'U YI PA'I LUGS KYI MNGON PAR RTOGS PA DKYIL CHOG DANG BCAS PA YANG MDZAD, NAG PO PAS MDZAD PA'I MNGON PAR RTOGS PA LA 'KHRUL SPONG ZHES BYA BA'I t'I KA BRTZAMS SHING, RTZA BA'I RGYUD DANG KUN SPYOD GNYIS KA LA YANG t'I KA MDZAD DO, BDE MCHOG SDOM PA 'BYUNG BA'I DKYIL 'KHOR GYI CHO GA YANG MDZAD DE, DKYIL 'KHOR GYI CHO GA MANG DU MDZAD PA LAS, CHO GA 'DIR DBANG BZHI PA RGYAS PAR BSHAD DE, COG RO CHOS KYI RGYAL MTSAN MDO SMAD DU SA PHO BYI BA LA 'KHRUNGS NAS, LO BCU DGU LA RGYA DMAR GYI GRVA SAR PHEBS, 'DI'I SA BYI DPAL PHAG MO GRU PA LCAGS SGRAG LA 'KHRUNGS PA'I GONG GI SA BYI DE YIN, TSAD MA RNAM NGES DANG, DBU MA RANG RGYUD DU GRAGS PA'I SKOR RNAMS GSAN ZHING MKHAS PAR MDZAD, NYI SHU RTZA BZHIR DO LA RNAM NGES KYI BSHAD PA MDZAD, GRVA SA DER RJE PHAG MO GRU PA, MKHAN PO KA BA, 'BAL TSAD MA BA RNAMS DANG DUS MTSUNGS, DER DO PA'I SRAS JO SRAS NAM MKHA' YANG BYON PAS, GDAMS NGAG PHRAN 'GA' YANG ZHUS, AAR DANG KHAMS PA AE SENG LA GSAN PA MANG PO MDZAD, GZHUNG DU RNGOG MDO SDE LA DGYES RDOR DANG M'A Y'A SOGS GSAN, RIN CHEN LJON SHING ZHES BYA BA'I YIG CHA YANG MDZAD, DE RTING BLA MA DO PA'I DRUNG DU SNGA PHYI LAN GSUM DU BYON NAS 'BUL BAS KYANG MNYES PAR MDZAD, LO BZHIR BDE MCHOG GI PHRAN DANG BCAS PA'I GSAN PA MDZAD PAS MKHAS PAR MKHYEN, JO SRAS KYIS KHUNGS BYUNG NAS ZAB PA'I GDAMS PA YANG @468 GNANG, DER BLA MA LO TZ'A BA DGU BCU RTZA LNGA LA GSHEGS, DE DANG NYE BAR JO SRAS KYANG GSHEGS, DE RTING DPYAL LO KUN DGA' RDO RJE ZHES BYA BA, HA MU DKAR PO'I DNGOS KYI SLOB MA DE LA PHAG MO BSLABS, DE NAS RNAM NGES KYI BSHAD PA THOGS SHIG MDZAD DE, GNAM MTSO LA LO DRUG TU BSGOMS, DE NAS ME DGE LHA 'TSO BTAB STE BSHAD GRVA DANG SGOM GRVA GNYIS SU MDZAD, SLOB MA KHYI RA BA LUS MA SPANGS PAR MKHA' SPYOD DU BZHUD PA YANG BYUNG, RTZA BA'I RGYUD LA t"I KA MDZAD NAS MANG DU GSUNGS SHING, RANG LO DRUG CU RTZA DGU'I BAR DU BZHUGS TE, ME SPRE SMIN DRUG GI TSES GNYIS LA GSHEGS, GZHUNG BSHAD PA'I SROL DGE BSHES GU SHR'I 'BROM PA DANG, RONG PO DGE RINGS LA SOGS PAS GZUNG, BYIN RLABS DBANG GI BKA' 'BRI KHUNG SLOB DPON CHEN POS MDZAD, GDAN SA ZHANG GIS BSKYANGS, ZHANG GI MTSAN TSUL KHRIMS SHES RAB, DES 'BRI KHUNG PA LA GTUGS NAS PHYAG RGYA CHEN PO'I RTOGS PA BRNYES, DE'I SLOB MA KUN DU 'OD, DE GNYIS KYI SLOB MA ROM PO BA'O, ,GTAM 'DI DAG A'A TZARYA DHARMA KE TU'I BZHED PA MKHAS PA G-YOR STON LAS RNYED PA YIN ZHES GRAGS SO, ,DE LA KUN TU 'OD NI CHE MING YIN LA, MTSAN DNGOS DBANG PHYUG SENG GE, RNO RA BA YANG ZER, DE'I SLOB MA ZHANG BTZUN SMON LAM DBANG PHYUG NI, ME SPRE NAS LCAGS SPRE'I BAR GYA LNGA, KHRO LO'I YANG SLOB MA YIN, SHIN TU MTHU CHE 'O, DE'I SLOB MA RDZOD PA NI, CHU STAG LA 'KHRUNGS, NYI SHU PA LCAGS BYA LA GDAN SAR BSKOS, DRUG CU @469 RTZA DGU PA LCAGS KHYI LA GSHEGS, DE'I SLOB MA BLA MA DAM PA RIN PO CHE, ZHES 'BOD PA DE SHING MO LUG LA 'KHRUNGS, BCU DRUG PA LCAGS KHYI LA GDAN SAR BSKOS, SO DGU PA CHU BYA LA GSHEGS, 'DI LA GNYAN THOG JO 'BUM ZER BA 'DRA'O, ,DE LTAR BDE MCHOG GI BSHAD RGYUD RING DU BYUNG NGO, , MKHAS PA CHEN PO RGYA NAM MKHA' LA TRE BO MGON POS BDE MCHOG MAR DO'I LUGS BSHAD PA'I RGYUD BZHI DANG BCAS PA LEGS PAR GSAN, DE LA LDUM RA SGANG PA GNYAN RDO RJE SENG GES GSAN, DES SNYE MDO THAMS CAD MKHYEN PA LA DGYES PA PHUL DU BYUNG BAS GNANG NGO, ,MAR PA DO PA'I LO CHUNG GRAGS PA SHES RAB KYIS NI, MAR DOS GSAN PA'I BLA MA RNAMS LA YANG RGYA GAR DANG BAL POR GSAN PA MDZAD LA, PHYIS NI RGYAL PO'I SRAS BH'I MA DE BA LA YANG MANG DU GSAN PA MDZAD DE, CHOS LO CHEN PAS LO CHUNG CHE'O ZHES GRAGS PA DES KYANG, SLOB MA MANG DU BSDUS NAS BDE MCHOG GI BSHAD PA RING ZHIG TU MDZAD PA'I 'PHRO DE NYID LA, LAS STOD LHO'I SHR'I'I PHUG PAR MTSAMS MDZAD DE, DE'I MOD LA MKHA' SPYOD DU GSHEGS SO, ,DE'I RJES SU DMAR CHOS KYI RGYAL MTSAN NAS BRGYUD PA TZAM MA GTOGS SLOB MA GZHAN RNAMS LAS BSHAD PA'I RGYUN BYUNG BA YANG MA THOS PA NYID KYI PHYIR BRI BAR MA NUS SO, ,GZHAN YANG RONG GI SUM PA LO TZ'A BA DHARMA YON TAN GYIS BAL POR BYON, PAndI TA DZA YA SE NA ZHES KYANG GRAGS, DAM PA KHANG GSAR BA ZHES KYANG BYA BA, DUS PHYIS BOD DU BYON NAS RJE BTZUN GRAGS PA RGYAL MTSAN GYIS KYANG BSTEN PA DE LA @470 ZHUS NAS BDE MCHOG MKHA' 'GRO RGYA MTSO'I RGYUD DANG, DE'I 'GREL PA GRUB THOB MTSO SKYES KYIS MDZAD PA DANG, DZA YA SE NAS MDZAD PA'I DBANG DANG MNGON PAR RTOGS PA LA SOGS PA'I RIN PO CHE SNA BDUN DU GRAGS PA'I GZHUNG RNAMS LA 'GYUR MDZAD, RGYUD DANG 'GREL PA GNYIS LA RANG GI KHU BO DPAL MCHOG DANG PO'I RDO RJE'I BKAS KYANG 'GYUR BCOS MDZAD DE SGO DU MA NAS BOD DU DAR BAR GYUR PA LAS, CHOS RJE RANG BYUNG RDO RJES KYANG DE'I YIG CHA MANG DU MDZAD, 'GREL PA MDZAD PA PO MTSO SKYES DE NI 'DI NYID KYI BRGYUD PA LA YOD PA'I PADMA RDO RJE DE NYID YIN PA 'DRA'O, SDOM PA 'BYUNG BA LA RATNA RAKshI TAS 'GREL BA MDZAD CING, CHAG LO TZ'A BA YANG DE'I DNGOS SLOB YIN PAS BSHAD PA'I BKA' YOD DAM SEMS SO, PHYIS NI RJE BTZUN TZONG KHA PA CHEN POS KYANG BU STON RIN PO CHE LAS BRGYUD NAS RTZA BA'I RGYUD LA BSHAD RGYUD DANG 'GREL PA CHEN PO RNAMS GUNG LEGS PAR BSGRIGS PA'I t'I KA DANG, MNGON RTOGS DANG DKYIL CHOG , DRIL BU PA'I LUGS KYI MNGON DKYIL, DRIL BU RIM LNGA'I RNAM PAR BSHAD PA, L'U YI PA'I LUGS KYI RDZOGS PA'I RIM PA RNAL 'BYOR CHEN PO NYAMS SU LEN LUGS, L'U YI PA'I MNGON RTOGS KYI BSHAD PA 'DOD 'JO RNAMS MDZAD DE, 'KHOR LO SDOM PA'I LUGS NYAMS PAR GYUR PA GSO BAR MDZAD DO, ,BDE MCHOG GI SKABS SO, @471 PHAG MO GZHUNG DRUG GI SKABS, BDE MCHOG GI BSHAD PA'I RGYUD RNAMS LA BRTEN NAS PHAG MO LHA SO BDUN MA ZHES BYA BA YUM 'BA' ZHIG GI DKYIL 'KHOR DU SLOB MA DBANG BSKUR ZHING, DKYIL 'KHOR DE NYID LA BSNYEN CING SGRUB PA'I RIM PA YANG MANG DU BYUNG NGO, BYE BRAG TU SDOM PA RGYA MTSO'I RGYUD LA BRTEN NAS PHAG MO'I GZHUNG DRUG TU GRAGS PA'I BYIN RLABS, GZHUNG GI BSHAD PA, NYAMS LEN GYI RIM PA RNAMS GANGS CAN GYI KHROD 'DIR SNGAGS KYI RNAL 'BYOR PA PHAL MO CHE LA BYUNG NGO, ,LUGS 'DI YANG AINTRA BUDDHI'I LCAM LHA MO DPAL MOS RJE BTZUN BI R'U PA LA GNANG, DES AA BA DHU T'I PA CHEN PO'AM BSOD SNYOMS PA CHEN PO ZHES GRAGS PA DE LA GNANG BA YIN TE, YUL SHAR PHYOGS BHANG+GA LA BA, RIGS RGYAL RIGS, PHAL CHEN PA'I SDE BA LAS RAB TU BYUNG, GSANG BA 'DUS PA 'JAM PA'I RDO RJE LA RNAL 'BYOR DU BYED PA ZHIG YIN TE, DE NAM ZHIG NA NYI ZLA KHONG DU CHUD PA LA SOGS PA'I RMI LTAS LA BRTEN ZHING, BIR WA PA'I DRUNG DU PHYIN TE RNAL 'BYOR MA'I DBANG BSKUR ZHUS PAS DE NYID DU ZHAL GZIGS, RGYUD DANG GDAMS NGAG THAMS CAD GSAN ZHING NYAMS SU BLANGS, DE NAS BI R'U PAS SPYOD PA LA BSKUL, SPYOD PA LA ZHUGS NAS GANG+G'A'I 'GRAM NA MU STEGS PA RTZE GSUM GYI STENG DU MCHONGS TE SHI BA LA THAR BAR 'DZIN PA DE'I RTZE GSUM GZHAN GYIS BSKYOD MI NUS PA ZHIG YOD PA PHYUNG NAS GANG+G'A LA @472 BOR, MU STEGS PA RNAMS KYIS GSOL BA BTAB PAS SLAR YANG RTZE GSUM PHYUNG STE KHONG RANG RNAMS LA GTAD CING, LAM DE LA THAR PA MED PAR BKA' STZAL, DE LTA BU'I GRUB PA BRNYES PA'I SKYES BU DES LDONG DAR BA RJES SU GZUNG STE, DE NI YUL MA GA DHA PA'I RIGS NGAN YIN, DE YANG CHOS BYA BAR 'DOD PA DRAG PO SKYES, AA BA DHU T'I PA CHEN PO ZHES BYA BA MCHOG GI DNGOS GRUB BRNYES PA DE BHANG+GA LA NA BZHUGS PAR THOS NAS RAB BYUNG GI CHOS SU ZHUGS, KARshA PA NA MANG PO KHYER TE MJAL DU PHYIN PA NA, BTZUN RGAN ZHIG GLANG DOR GYIS ZHING RMO, CHUNG MAS 'BU 'THU BA ZHIG MTHONG, DANG POR CUNG ZAD MA DAD KYANG, DA 'DI NYID LA GSOL BA GDAB DGOS SNYAM NAS, KARshA PA NA PHUL NAS BDAG RJES SU 'DZIN PAR ZHUS PAS, KHYOD NGA LA MA MOS PA GSUNG, DE BDEN LAGS ZHUS SHING MANG DU GSOL BA BTAB NAS LO GSUM PHYAG PHYIR 'BRANGS PAS, GZOD BYIN GYIS BRLABS PAS PHAG MO'I ZHAL MNGON SUM DU MTHONG, DNGOS GRUB KHYAD PA CAN YANG BRNYES, DE NAS SLAR BYON TE DZA LAN DHA RAR BZHUGS PA NA, MU STEGS PA ZHIG BI KRA MA SH'I LA BA RNAMS LA RTZOD PA DANG NUS PA 'GRAN NO ZHES ZER BA LA, KHO'I GDONG BZLOGS PA RNYED DKA' BAR GYUR PA'I TSE LDONG DAR BAS MKHYEN TE BYON NAS, DER RGYAL POR DPANG DU BZHAG NAS RTZOD PAR CHAS PA'I TSE, KHO NA RE, NUS PA 'GRAN NAM RTZOD ZER, KHYED NYID GANG DGA' BA BYA'O ZHES GSUNGS PAS, 'O NA NGAS KHYOD LA SBRUL BTANG GI ZER NAS, KHOS DUG SBRUL CHEN PO 'OD @473 LHAG LHAG PA ZHIG ZAR BTANG BA LA, SLOB DPON GYIS PHAG ZHAL PHYUNG STE TUG SGRA DANG BCAS PAS GSOL ZHING PHAM PAR BYAS NAS SANGS RGYAS KYI BSTAN PA LA BTZUD DO, ,KHO NA RE, LHA PHAG ZHAL CAN NGED MU STEGS PA'I YIN GYI SANGS RGYAS PA LA MED ZER BAS, LDONG DAR BAS SGRUB THABS MDZAD, LDONG DAR BAS BSOD SNYOMS PA CHUNG NGU RGYAL BAS BYIN RJES SU GZUNG BA YIN TE, DE NI LHO PHYOGS BE TA LA'I RGYAL PO BU MED PA ZHIG GIS STON MO CHEN PO BYAS PAS BU ZHIG BYUNG BA DE LA BHO DZA DE BA ZHES BYA BAR BTAGS, PHYIS DE RGYAL POR GYUR PA'I TSE NAGS SHOD DU 'KHOR DANG BCAS TE BYON PAS, DER LDONG DAR BAS CI YANG MED PA'I RNAL 'BYOR PA ZHIG TU BYAS TE RGYAL PO LA LTA STANGS YUN RING DU BYAS PAS, RGYAL PO KHROS TE, 'KHOR RNAMS LA 'DI SOD CIG PAR BSGO BAS, DE NAS LDONG DAR BAS BDEN PA'I GTAM MANG DU BYAS PAS, RGYAL PO DE NYID DU RGYAL SRID SPANGS NAS SGOM PA LA ZHUGS TE, LHO PHYOGS KYI YUL DU BSOD SNYOMS PA RGYAL BAS BYIN ZHES BYA BAR GRAGS SHING GRUB PA BRNYES SO, ,BSOD SNYOMS PA DES TSA'O SANGS RGYAS BYIN PHYAGS PHYIR KHRID NAS BAL YUL DU BYON TE, MA HE BHA RO'I SGO DRUNG DU BSOD SNYOMS MDZAD PAS, BHA ROS G-YOG MO ZAN DANG CHANG SKYEL DU BTANG BAS, KHONG GI THOD PAR CHANG BLUGS PA'I TSE CHANG KHOL BAS, G-YOG MO NGO MTSAR SKYES TE BHA RO LA BZLAS PAS, BHA RO DAD DE BHA RO NYID KYIS BSOD SNYOMS SKYEL DU BYON, DE NAS BHA RO LA SOGS PA'I BSOD SNYOMS LA SPYOD CING BZHUGS PA'I TSE, DE BA A'A @474 KA RA TZANDRA GSANG MTSAN STONGS NYID TING 'DZIN RDO RJE DANG MJAL TE, SLOB DPON DE NI GRONG KHYER CHEN PO LA 'GAL GYI RJE'U RIGS, BU GCIG PO YIN, LO BRGYAD LON PA'I TSE PHAS CHUNG MA BLANGS SHING KHYIM GZUNG ZHIG PAR BSGO BA LAS, NGA NI CHOS BYED ZER NAS MA NYAN PA LA, GANG DU BYED DRIS PAS, NGA LA 'GRO SA YOD ZER NAS 'PHAGS PA DZA MA LI LA ZHAG BDUN DU BSKOR BA BYAS PAS, DE'I ZHAG THA MA LA DA RGYA GAR GYI YUL DU THONG ZHIG CES SMRAS TE RGYA GAR DU BYON, BI KRA MA SH'I LAR RAB TU BYUNG BAR ZHUS PAS, DGE 'DUN GYI GRANGS MA TSANG ZER NAS RAB TU 'BYUNG DU MA GNANG, DER SGRA TSAD LA BSLABS PAS SHIN TU MKHAS PAR GYUR TE, BAL PO RATNA SHR'I DANG MJAL NAS SAMBU tI DANG KYE'I RDO RJE GSAN PAS MKHAS PA CHEN POR GYUR TE, LO YANG NYI SHUR BYON, RANG GI KHYIM DU BYON PA NA SKU BSOD KYANG SHIN TU CHE BAR GYUR TO, ,DE'I TSE BHA RO'I MCHOD GNAS BSOD SNYOMS PA ZHES BYA BA ZHIG BZHUGS ZER BA LA SHIN TU DAD NAS, RAS PA CO RA GSUM KHYER NAS MJAL DU BYON, KHYOD PAntI TA ZHIG NGA CI YANG MI SHES PA ZHIG LA ZHU'AM GSUNG PA LA, YANG YANG GDAMS PA GNANG BAR ZHU BA PHUL BAS, DA 'O NA BYIN RLABS BYA DGOS PAS CHA RKYEN TSOL CIG GSUNGS NAS, MA HE BH'A RO DANG GNYIS KYIS LHAN CIG TU BYIN RLABS ZHUS, DE'I TSE CHANG KA P'A LA GANG LA BLA MAS BYIN RLABS MDZAD PAS, JI TZAM 'THUNGS KYANG ZAD PA MED PA ZHIG BYUNG, TSA BO SANGS RGYAS BYIN GYIS BYIN RLABS BYAS PAS KYANG DE BZHIN DU BYUNG, DER @475 CHOS BSHAD CING GDAMS NGAG GNANG, DE BA A'A KA RA TZA NDRAS ZHAL GNYIS MA CHE BA, DON GRUB MA CHE BA, SBYIN BSREG RNAMS LA YI GE MDZAD PAR ZHUS PAS MA GNANG, SBYIN BSREG NI SANGS RGYAS BYIN LA BLA MA'I BKAS GNANG NAS KHONG GIS MDZAD, YANG HA MU DKAR POS SPYAN DRANGS NAS KYANG BYIN RLABS DANG GDAMS PA TSANG BAR ZHUS, BYIN RLABS MDZAD PA'I TSE BU MO LNGA DGUG PA'I SBYOR BA MDZAD DE, HA MU'I CHUNG MAS MI MTHONG BAR MDZAD PAS, BU MO MA MTHONG BAR CHANG SKYOGS NAM MKHA' LA 'DUG PA CHUNG MAS MTHONG BAS, 'DI JI LTAR LAGS ZHUS PAS, NGA'I BYIN RLABS YIN GSUNG, DE'I TSE BAL YUL DU STONG NYID TING 'DZIN, MA HE BH'A RO, HA MU DKAR PO, SANGS RGYAS BYIN TE SLOB MA BZHI BLA MA DANG LNGA TSOGS PAR GYUR TO, HA MUS GSER SRANG GSUM PHUL, DE NAS BLA MA RGYA GAR DU 'GRO GSUNGS NAS SLOB MA GSUM POS RDO RJE GDAN GYI BAR DU BSKYAL, LAM DU JAG PA BYUNG BA'I TSE DA JI LTAR BYA ZHES ZHUS PAS, THABS YOD GSUNG NAS JAG PA LA BYIN RLABS PHAB PAS JAG PA RNAMS GAR BYED CING 'DUG PAS DE'I BAR LA BYON, SLOB MA GSUM PO RDO RJE GDAN NAS PHYIR LOG, BLA MA NI LHO PHYOGS BE TA LAR BZHUD DO, STONG NYID TING 'DZIN GYIS LO DRUG TU BSGOMS PAS YON TAN KHYAD PAR CAN BRNYES KYANG, ZHAL GNYIS MA CHE BA DANG DON GRUB MA CHE BA'I YI GE MDZAD PA DE BLA MA'I BKA' LAS CUNG ZAD 'GAL BAS ZANG ZING GI SKU BSOD BRI STE, 'JIG RTEN PA'I MKHA' 'GRO MAS @476 BAR CHAD BYAS PA YIN GSUNG NGO, ,'DIS MDZAD PA'I GZHUNG GZHAN YANG SHES RAB YE SHES GSAL BA DANG, BDAG MED MA'I MNGON PAR RTOGS PA DANG, SPYAN MA'I NGAN SONG YONGS SU SBYONG BA DANG, KYE'I RDO RJE'I DKYIL 'KHOR GYI CHO GA MDZAD PA RNAMS NI BOD DU 'GYUR RO, ,DE LA HA MU DKAR PO NI MTSAN DNGOS BSOD NAMS 'BYUNG GNAS BZANG PO, YON TAN GYI MING BA RENTRA RU TZI STE MCHOG TU DBANG PO GSAL BA'O, ,'DIS STONG NYING TING 'DZIN LA YANG LEGS PAR ZHUS SO, ,DE LA DPYAL KUN DGA' RDO RJES GSAN TE, DE YANG DPYAL 'DI RNAMS CHOS RGYAL KHRI SRONG SDE BTZAN GYI BLON POR GYUR PA ZHIG LA BU GSUM BYUNG BA, RGYAL POS DKAR NAG KHRA GSUM DU BTAGS PA LAS DPYAL DKAR NAG KHRA GSUM ZHES BRGYUD PA DANG BCAS PA LA GRAGS, SNGA MA PHAL CHER RNYING MA'I DGE BA'I BSHES GNYEN YANG DAG PA SHA STAG TU BYON, DE RNAMS LAS DPYAL 'BYUNG GNAS RGYAL MTSAN ZHES BYA BA DES GSER MANG DU BSNAMS NAS PAndI TA SMRI TI RA RDZIR GYUR BA LAS JO BO RNAMS LA GSER BYIN NAS BLUS, DE RJES SMRi TI LA SKU BSOD CHEN PO SKYES, BRES SU PAndI TAS CHOS GSUNGS PAS GSER G-YU'I CHAR BAB BAR GYUR, BZHUGS PAR ZHUS KYANG MA GSAN PAR KHAMS SU BZHUD DO, ,DPYAL 'BYUNG GNAS RGYAL MTSAN GYI DBON PO SE TSA BSOD NAMS RGYAL MTSAN GYIS BAL POR BYON NAS PHAM MTHING BA LA GTUGS NAS, KYE'I RDO RJE LA SOGS PA N'A RO PA'I LUGS RNAMS GSAN ZHING, KYE RDOR GYI t'I KA MDZAD PA LA YANG DPYAL BA RNAMS LA 'CHAD @477 NYAN GYI RGYUN YUN RING DU BYUNG NGO, ,DES BHA BA BHA DRA'I 'GREL PA LA SOGS PA 'GYUR MANG PO YANG MDZAD, DE'I DBON PO KUN DGA' RDO RJES BOD DU ZUR LUGS KYI RNYING MA RNAMS LA SHIN TU MKHAS PAR SBYANGS SHING, YAB MES KYI GSAR MA'I SKOR DANG, BAL PO K'A YA SHR'I LAS NAM MKHA' SKOR GSUM GYI GDAMS PA LA SOGS PA YANG THOB, ,K'A YA SHR'I GSER SRANG LNGA BCU TZAM GYI 'BUL BAS MNYES PAR MDZAD, PHYIS BAL POR BYON NAS HA MU DKAR PO LA GZHUNG DRUG PO RNAMS BYIN RLABS DANG BCAS PA ZHUS, HA MUS KHYAD PAR GYI GDAMS PA RNAMS MA GNANG BA LA, YAB HA MU DANG DE'I BTZUN MO LA YANG 'BUL BAS MNYES PAR BYAS PAS KHYAD PAR GYI GDAMS PA BCU GSUM PO YANG GNANG, DE'I TSE RGYA GAR PHYAG NA YANG BAL PO NA BZHUGS PAS, KHONG DANG STONG NYID TING 'DZIN GNYIS LA YANG BLA MAR GZUNG, PHYAG NA SKU BSOD CHE BAS SPYAN MI 'DRONGS SNYAM NAS, DE BA A'A KA RA SPYAN DRANGS PAS SKU BSOD TZAM MA BYUNG, , YANG PHAG MO'I CHOS SKOR 'DI RNAMS SNUBS STON GYIS BAL PO HA MU LA ZHUS NAS DE LAS KYANG MCHED, KHU NE TZOS BAL POR HA MU DKAR PO NYID LA ZHUS SHING, SNUBS STON LA YANG MNYAN NAS 'GYUR 'GA' ZHIG KYANG MDZAD DE DE LAS KYANG MCHED, , RVA LO TZ'A BAS RGYA GAR GYI PAndI TA AA BHI YUKTA LA PHAG MO'I SKOR RNAMS GSAN ZHING, DE LA RNGOG MDO SDES GSAN NAS YIG CHA'ANG 'GA' RE MDZAD @478 SNANG NGO, ,LO TZ'A BA BLO LDAN SHES RAB KYIS KYANG BAL POR BYON NAS HA MU DKAR PO LA GSAN TE, STONG NYID TING NGE 'DZIN GYIS MDZAD PA'I GZHUNG GNYIS PO'I 'GYUR YANG YANG DAG PA MDZAD, ,MDOR NA BOD KYI DGE BA'I BSHES GNYEN PHAL MO CHE LA PHAG MO'I GDAMS NGAG GIS KHYAB PAR SNANG STE, DE LAS JI LTAR BRGYUD PA'I PHYOGS TZAM ZHIG BRI BA NI, DE LA DPYAL KUN DGA' RDO RJE LEGS STON STAG RIS PA SLOB DPON STON YES KYIS ZHUS, DE LA BLA MA LHA BZOS ZHUS, YANG DPYAL LA ZAR STON GYIS ZHUS, DE LA JO SRAS YANG DAG DANG ZHING 'OD KYIS ZHUS, YANG DPYAL LA NYID KYI SRAS DANG BLA MA SKYI STON GNYIS KYIS ZHUS, DE LA RIN PO CHE RGYAL TSA, KHRO PHU LO TZ'A BA, BLA CHEN BSOD DBANG, RIN PO CHE BSOD NAMS SENG GE, YANG RTZE BA RIN CHEN SENG GE, BU STON RIN PO CHE, BRAG NAG PA GZHON NU BSOD NAMS, CHOS LUNG TSOGS PA'I MKHAN CHEN RIN RGYAL BA, , YANG DPYAL GYIS ZAR STON LO TZ'A BA, SNAR STON ZHIG PO, GRAGS PA TSUL KHRIMS, GRUB THOB DKON MCHOG GRAGS, 'PHAGS PA YON TAN RGYA MTSO, BLA MA 'JAM RGYAL, MKHAN PO KLU SGRUB, DKA' BZHI BA DKON MCHOG GZHON NU, DE NAS YANG RTZE BA RIN CHEN SENG GE'O, , DPYAL LA YANG DBEN PA BSOD SENG, SRAS DPYAL KUN DGA' GRAGS DANG, LHA LUNG PA DANG GSUM GYIS ZHUS, DE LA DPYAL CHOS BZANGS, RONG PA RGVA LO, RONG PA SHER SENG, BAG STON GZHON TSUL, STAG STON @479 GZHON NU DPAL, BLA MA AA MO GHA BADZRA, MKHAN CHEN RIN RGYAL BA, , YANG DPYAL KUN RDOR, GTZANG PA YANG DAG RDO RJE, DBUS PA SHES RAB RDO RJE, LCE MDO SDE SENG GE, GRU SH'AKYA 'BUM, LCE BLO LDAN SENG GE LCE RJE BTZUN BSOD NAMS DPAL, LCE DBANG PHYUG RDO RJE, MKHAN CHEN RIN RGYAL BA, , YANG MNGA' RIS SKYI STON, THUR LA PA TSUL KHRIMS SKYABS, THANG BE PA 'PHAGS PA SKYABS, GSER SDENGS PA GZHON NU 'OD, KUN MKHYEN CHOS SKU 'OD ZER, LCE BLO LDAN SENG GE STE, DE LTAR LUGS LNGA'O, ,PHAG MO GZHUNG DRUG GI SKABS SO, , YI GE BA NI DOL BA NYI SHAR YIN, , @480 [BLANK PAGE] @481 \(NYA)\ *, ,DEB THER SNGON PO LAS, MNGA' BDAG LO TZ'A BA CHEN PO MAR PA NAS BRGYUD DE DVAGS PO BKA' BRGYUD CES GRAGS PA'I SKABS BZHUGS SO, , @482 [BLANK PAGE] @483 DUM BU BRGYAD PA, MNGA' BDAG LO TZ'A BA CHEN PO MAR PA NAS BRGYUD DE DVAGS PO BKA' BRGYUD CES GRAGS PA'I SKABS, \RNGOG PA'I BRGYUD PA'I SKABS,\ * GANGS CAN GYI RGYUD 'DIR BSHAD SGRUB GNYIS KA'I SGO NAS BSTAN PA'I BDAG POR GYUR PA NI RJE MAR PA LHO BRAG PA YIN TE, RJE BTZUN DE NI LHO PHU CHU KHYER DU, YAB MAR PA DBANG PHYUG 'OD ZER DANG, YUM RGYAL MO 'OD ZER GNYIS KYI SRAS MING SRING BZHI LAS TSIGS GNYIS PAR, CHU PHO BYI BA LA 'KHRUNGS, CHUNG NGU'I DUS NAS SLOB DPON KLU BRGYAD PA ZHIG LAS BRI KLOG LEGS PAR MKHYEN, SPYOD PA SHIN TU MI SRUN PAS SLOB DPON DANG GROGS PO GCIG MIN PA SU'I KHYIM DU YANG MI TSUD, DER YAB KYI DGONGS PA LA GZHAN ZHIG TU SLOB GNYER LA BTANG NA SHED BYE BA SRID DAM SNYAM NAS, RJE 'BROG MI'I DRUNG DU RTA BZANG PO SENG LDENG GI SGA CAN GCIG GIS SNA DRANGS PA'I 'BUL BA MANG PO BSKUR NAS BRDZANGS, DE'I TSE LO BCO LNGA LON, LO TZ'A SHES PAR 'DOD PA'I 'DUN PA YOD PAS, 'BROG MI LA LO @484 TZ'A'I SKAD RNAMS BSLABS SHING LEGS PAR MKHYEN, DUS PHYIS, DPAL MYU GU LUNG GI DGON PA RU, ,SGRA SGYUR 'BROG MI'I LO TZ'A LA, ,SGRA THAD KLOG SKAD KYI YIG TSANG BSLABS, KHONG BKA' DRIN MI CHUNG CHE BAR 'KHUMS, ,ZHES KYANG GSUNGS, RJE 'BROG MI'I CHOS RNAMS LA YO BYAD SHIN TU CHE BAR DGOS PA 'DUG PAS, KHONG GI CHOS 'DI RNAMS KYANG RGYA GAR NAS BYUNG BA YIN, DA NGA RANG YANG RGYA GAR DU 'GRO SNYAM PA'I 'DUN PA SKYES, DER YUL DU BYON NAS GSER SRANG BCO LNGA TZEM ZHIG RNYED, LAS STOD DU KLOG SKYA JO SRAS KYIS ZHVA LHAM TSUN CHAD NAS GSER DANG BCAS PA'I RDZONG BA MDZAD, NGA RGYA GAR NAS LOG DUS SNA LEN MDZAD DGOS GSUNGS PAS, NGA RGAS PAS KHYED DANG AE MJAL MI SHES, BU KUN SNA LEN BYED DU GZHUG GO ZER, DE NAS BAL POR BYON PA'I TSE, GNYOS KHA RAG PA DANG STABS SU BYUNG BAS, KHONG GI ZHAL NAS, KHYOD LA GSER CI YANG MI 'DUG PAS NGA'I G-YOG GYIS, NGA DANG CHOS STABS SU ZHUS PAS CHOG GSUNG BA LA, KHONG GSUNG BA BZHIN CUNG ZAD MA BGYIS TE, BAL POR LO GSUM CHU SNYOM ZHING BZHUGS, BAL PO SPYI THER BA LA DPAL GDAN BZHI PA LA SOGS PA'I RGYUD 'GA' YANG NYAN, LO GSUM SONG BA DANG BAL PO BENDA PAS 'DREN PA MDZAD NAS PU shPA HA RIR RJE N'A RO PA'I DRUNG DU BSKYAL, DGE TSUL SHES RAB SENG GE ZHES BYA BAS KYANG ZHU SNA MDZAD, THUGS LA 'DOGS PAS KYE'I RDO RJE'I DBAR RANG YANG LAN BDUN ZHUS, GZHAN RGYUD, SGRUB THABS, @485 RDZOGS PA'I RIM PA'I MAN NGAG RNAMS KYANG LEGS PAR GNANG, GZHAN RGYA GAR NUB PHYOGS TU LA KshE TRA'I GRONG DU, BLA MA THAR PA LAM STON NAM YE SHES SNYING PO LA GSANG BA 'DUS PA RGYUD RKYANG GI LUGS RNAMS LEGS PAR GSAN, SLAR N'A RO PA'I DRUNG DU BYON NAS SGRON MA GSAL BA'I BSHAD PA LEGS PAR GSAN, MA H'A M'A Y'A YANG DBANG BYIN RLABS MAN NGAG DANG BCAS PA RDZOGS PAR GNANG, DE NAS SLAR BOD DU BYON TE, BYANG PHYOGS SU PHYUG PO 'GA'I SRI'U GSO BA, LHA MO DUD SOL MA LA BRTEN NAS MDZAD DE, SRI'U RE RE LA GSOS PA'I YON SRANG BCU BCU PHAB, NAM RA'I GSER KHA RDOL BA DANG 'DZOM PA DANG, TZAM LUNG GI MAR PA MGO YAGS BYA BA DES RUS GCIG PA'I ZHEN BYAS NAS DBANG ZHUS SHING, NYE 'BANGS DANG BCAS PA LA GSER 'BUL DU BCUG PAS PHYAG TU GSER MANG PO YANG DAG PA BYUNG, DE NAS MAR PA MGO YAGS KYIS SKYI RONG GI LA RTZA TSUN BSKYAL, DE NAS BAL PO NAS RGYA GAR DU BYON, YUL DBUS SU PHEBS PA'I TSE N'A RO PA SPYOD PA LA GSHEGS ZIN NAS MJAL RGYU MA BYUNG, SPYOD PA LA GSHEGS KHAR N'A RO PAS SLOB MA RNAMS LA RTEN RNAMS SO SOR GNANG NAS, MAR PA'I SKAL BA YIN ZER BA ZHIG BZHAG NAS SNANG, DER BLA MA GZHAN LA CHOS 'DRA BA GSAN ZHING, DGYES RDOR GYI RGYUD LA GZIGS RTOGS MDZAD PA NA, N'A RO PA TSOL BA'I 'DOD PA CHEN PO SKYES TE, RGYA GAR SHAR PHYOGS DANG LHO PHYOGS RNAMS KYI YUL DU MAR BGROD, DE'I TSE GSO RI BA LA SOGS PA'I GRUB THOB MANG PO @486 DANG YANG MJAL, RNAL 'BYOR DANG RNAL 'BYOR MA GZHAN 'GA' RE LA YANG GDAMS PA SNA TSOGS GSAN ZHING, DAD PA CHEN POS BTZAL BAS NAM ZHIG NAGS GSEB CIG TU MJAL TE, GSER RNAMS PHUL BAS THAMS CAD GTOR, CUNG ZHIG YID MA CHES PA NA ZHABS KYI MTHE BONG SA LA REG PAS SA DE GSER DU SONG, ZHAL NAS KYANG, THAMS CAD GSER GLING YIN NO ZHES GSUNGS, DE NAS MI SNANG BAR GSHEGS, DE LA RJE MAR PA NI SNGA GONG NYID NAS, RJE TI LLI PAS, BHO tA'I MA RIG MUN SOL LA, YE SHES SNANG BAS KHYAB PAR GYIS, ,ZHES LUNG YANG BSTAN, BLA MA SPYOD PA LA GSHEGS NAS MJAL PA'I SKABS TSUN CHAD DU THUGS DAM JI LTAR 'KHRUNGS PA LA SOGS PA'I TSUL NI BRJOD PA LAS 'DAS SO, DE NAS SLAR YANG BOD DU BYON TE BAL POR PHEBS NAS PHAM MTHING BA LA SOGS PA'I BLA MA RNAMS KYI DRUNG DU N'A RO PA'I YON TAN DANG RANG NYID KYI NGANG TSUL RNAMS GLUR BLANGS, BLA MA MCHED GROGS DANG BCAS PA RNAMS KYANG DGYES PAR MDZAD, DE'I TSE LO BZHI BCU RTZA GNYIS PA YIN, DE NAS BOD DU PHEBS TE YUL SA GZUNG, BDAG MED MA YANG BTZUN MOR BLANGS, GZHAN YANG BTZUN MO MA PHYAG RGYAR SNGO BA BRGYAD TZAM ZHIG YOD PAR GRAGS TE, KYE RDOR LHA MO DGU PO DANG SBYOR BA YIN, YANG MEE TRI BA'I BSNGAGS PA GSAN PAS THUGS DRANGS TE RGYA GAR DU BYON NAS, RGYA GAR SHAR PHYOGS SU MNGA' BDAG MEE TRI BA DANG MJAL, RGYUD KYI GSAN PA MANG PO YANG MDZAD, PHYAG RGYA CHEN PO'I MAN NGAG GIS MNGON SUM GYI RTOGS @487 PA 'KHRUNGS TE, RJE MNGA' BDAG CHEN PO'I BKA' DRIN GYIS, ,GZHI CHOS NYID SKYE BA MED PAR RTOGS, ,SEMS STONG PA NYID LA SBAR ZIN BYAS, ,MI KHO BO'I SPROS PA DE NAS CHOD, CES GSUNGS NAS SLAR YANG BOD DU PHEBS, DE RJES LA YANG BAL POR LAN GNYIS SU BYON NAS BLA MA RNAMS LA CHOS MANG DU GSAN, DE NAS PHYIR BYON PA'I LAM DU BAL PO RDZONG PAS SHO GAM 'DOD PA'I PHYIR BOD RNAMS BSKYEL BAS, DER ZHAG 'GA' ZHIG BZHUGS PA'I RMI LAM DU BUD MED CIG GIS PHRAG PA LA KHUR NAS DPAL GYI RI LA SA RA HA'I DRUNG DU BSKYAL, SA RA HAS GDAMS NGAG GNANG ZHING BYIN GYIS BRLABS PAS SNANG SRID THAMS CAD RO GCIG PA'I MYONG BA YANG DAG PA 'KHRUNGS, DE NAS LAS STOD DU KLOG SKYA STON PAS BSNYEN BKUR BYAS NAS ZHU BA PHUL BAS, DON DE MGUR DU YANG DAG PAR BZHENGS, DE NAS GTZANG RONG DU PHEBS PA'I TSE, MES TSON POS ZHING ZHO GCIG GI SA TSOS DANG BUR LTANG GIS BKANG STE PHUL NAS CHOS ZHUS PAS, KYE'I RDO RJE'I RGYUD BSHAD PA DANG BCAS TE LEGS PAR GSUNGS, KHYAD PAR DU GDAMS NGAG GNANG BAS, MES TSON PO LA 'OD GSAL GYI YE SHES YANG DAG PAR 'KHRUNGS, DE NAS GRO BO KLUNGS SU PHEBS NAS SLOB MA MANG DU BSKYANGS PA LA, DOL PA GAG STON, GRE'I MI'U CHUNG, CHU GONG DPAL LE, DGE BSHES KHE GAD DE THUGS KYI SRAS BZHIR GRAGS PA DANG, GZHAN YANG SLOB MA DBU CHE BCU ZHES BYA BA BYUNG STE, MJAL BA LA SNGA BA'I KLOG SKYA 'BYUNG GNAS RGYAL MTSAN, BYANG TZAM LUNG GI @488 MAR PA MGO YAGS, RNGOG GZHUNG BA, 'TSUR DBANG NGE, MES TSON PO, LHA RJE SE RINGS, RGYA STON ZHIG PO, MAR PA BYA ZE BA, MYANG SGOM SBRANG LTAG RJE BTZUN MI LA RNAMS SO, GZHAN YANG GNYAL GYI SHUNG KE WA BA CAN LA SGRON MA GSAL BA'I BSHAD PA YANG DAG PAR GNANG STE, DES KYANG RANG GI SLOB MA LA BSHAD PA LAN 'GA' NGAR BGYIS NA'ANG RGYUN RING BA NI MA BYUNG NGO, ,DE RNAMS LAS RNGOG CHOS RDOR, 'TSUR DBANG NGE, MES TSON PO, MI LA RAS PA RNAMS LA KA CHEN BZHI YANG ZER, RNGOG GIS DANG POR RTA BZANG PO ZHIG PHYAG RTEN DU BSNAMS LHO BRAG TU MJAL BA LA, KHYOD KYI 'DI CHOS ZHU BA'I ZHU RTEN YIN NA NI CHUNG, ZHAL MJAL BA'I RTEN YIN NA NI CHE ZHES KYANG GSUNGS, DER DBANG DANG GDAMS PA 'GA' RE GNANG ZHING, PHYIS RI BOR SPYAN DRANGS NAS 'BRI GNAG BDUN CU SBRA DANG, KHYI DANG, SHE MA, ZO BA GCIG RNAMS KYANG PHUL TE, DE LA KYE'I RDO RJE, BSHAD PA'I RGYUD GUR, DPAL GDAN BZHI PA, MA H'A M'A Y'A RNAMS GNANG, ZAB KHRID KYIS KYANG BSKYANGS, RNGOG GI ZHAL NAS, NGA RANG GI YO BYAD KYIS DE LAS MA LDANGS, BLA MA'I CHOS LA NI ZAD PA MED PA YIN GSUNG, YANG RJE MAR PAS SKU 'DA' KHAR YANG GZHUNG RI BOR PHEBS PA ZHIG YIN PA 'DRA STE, RNGOG GI SRAS MO MDO SDES RJE MAR PA LAS LUNG TZAM THOB, LO BRGYAD LON PA'I TSE RJE MAR PA GSHEGS, BCU GSUM LON PA'I TSE YAB @489 GSHEGS ZHES 'BYUNG NGO, N'A RO PA'I GZHUNG GDAMS NGAG TU MA ZAD, MEE TRI PA'I GZHUNG BSHAD DANG GDAMS PA RNAMS KYANG GNANG PAS, RNGOG PA RNAMS GUR GYI GZHUNG RE RE'I STENG DU N'A RO MEE TRI GNYIS KA'I BSHAD PA MI 'DRA BA RE MDZAD DO, RNGOG CHOS KYI RDO RJE NI, RJE MAR PA'I NYI SHU RTZA LNGA PA ME PHO BYI BA LA 'KHRUNGS, RANG GI DRUG CU RTZA BDUN PA CHU PHO RTA'I LO LA MKHA' SPYOD DU GSHEGS, SPYIR RJE MAR PA CHU PHO BYI BA LA 'KHRUNGS NAS BRGYAD CU RTZA DRUG PA ME MO GLANG GI BAR DU BZHUGS, DE KHO NA NYID KYI RTOGS PA CHU BO RGYUN GYI RNAL 'BYOR DANG LDAN YANG, THA MAL PA RNAMS KYIS MTHONG BAR BU SMAD BSREL BA, YUL MI RNAMS DANG 'THAB PA, MKHAR LAS DANG ZHING LAS 'BA' ZHIG MDZAD PAR SNANG, SKAL BA DANG LDAN PA DAG GI MIG LAM DU GRONG 'JUG KYANG LAN BZHIR MDZAD DE, tOMBHI? HE RU KA'I SPRUL PA YIN NO ZHES GRAGS SO, KHONG GIS LO SUM CU RTZA GCIG BZHES PA'I TSE, JO BO RJE BOD DU BYON, NAG TSO LO TZ'A BA DANG KHU STON BRTZON 'GRUS G-YUNG DRUNG GNYIS KHONG LAS LO GCIG GIS BGRES, MAR PA'I LO DRUG PA ME MO SPRUL LA RGYA GAR PHYAG NA 'KHRUNGS, LO DE LA GRU MER GYIS THANG PO CHE BTAB, RJE MAR PA'I CHU PHO BYI BA 'DI, RGYAL BA RDO RJE DBANG PHYUG GI SUM BCU RTZA BDUN PA YIN, GRVA PA MNGON SHES ZHES PA'I SKAD PO CHE DE YANG RJE MAR PA DANG SKYES LO GCIG, 'DI GNYIS KYIS BCU DRUG BZHES PA'I TSE, RTZIS PA RNAMS KYI ME MKHA' RGYA MTSO LA 'DAS LO BSRE BA'I THOG MA ME MO YOS DE BYUNG BA @490 YIN, MAR PA'I NYI SHU RTZA DGU PA LA RJE BTZUN MI LA DANG BA RI LO TZ'A BA GNYIS 'KHRUNGS, MAR PA'I SUM CU RTZA GSUM PA SHING PHO SPRE'U LA RMA BAN CHOS 'BAR 'KHRUNGS, MAR PA'I BZHI BCU RTZA BRGYAD PA SA MO PHAG LA RNGOG LO TZ'A BA BLO LDAN SHES RAB 'KHRUNGS, MAR PAS LO NYI SHU BZHIS PA LCAGS MO LUG LA PO TO BA 'KHRUNGS, MAR PA'I NYI SHU RTZA GSUM PA SHING PHO KHYI LA 'KHON DKON MCHOG RGYAL PO 'KHRUNGS, MAR PA'I DRUG CU RTZA GNYIS PA CHU MO GLANG LA SA SKYA DANG NE'U THOG BTAB, DRUG CU RTZA LNGA PA ME PHO 'BRUG LA MNGA' BDAG RTZE LDE'I CHOS 'KHOR BYUNG NGO, RJE MAR PA LA SLOB MA KA BA BZHIR GRAGS PA LAS, MES RNGOG 'TSUR GSUM POS BSHAD PA'I BKA' GZUNG LA, MI LAS SGRUB PA'I BKA' GZUNG BA YIN NO, DE LA MES TSON PO BSOD NAMS RGYAL MTSAN GYIS MYANG RO DANG GTZANG RONG GNYIS KAR BRTAG GNYIS KYI BSHAD PA MANG DU BSHAD, GNAS GZHI PA DO GZUNG, t'I KA YANG BRTZAMS, KHONG RANG GI GDUNG BRGYUD MES KUN PO, JO MTHONG BLO GROS KYI BAR DU GRUB PA THOB PA 'GA' YANG BYON, CHOS BRGYUD NI, ZHANG BSOD NAMS MKHAR GYIS MAR MES GNYIS KA LA THUG DE NAS BDE GSHEGS YE SHES SNYING PO, ZHANG STON KUN DGA' GRAGS, BLA MA RIN CHEN, SH'AKYA RGYAL PO, ZHANG STON PA GRAGS 'BYOR GYI BAR DU MES LUGS KYI BSHAD RGYUN DAR ZHING, RGYA MTSO GRAGS LA SOGS PA BRGYUD PA'I SLOB MA t'I KA BYED PA YANG MANG DU BYUNG, GDAN SA SANGS RGYAS 'BUM@491 MES SGOM SDER YANG MES LUGS KYI BSHAD PA'I RGYUN GZUNG NGO, ,RNGOG GIS GZHUNG DU BSHAD PA'I RGYUN SPRENGS PA LAS, SLOB MA RAM TZAN CAN, SPA WA BA CAN, RNGOG DAD PA CAN, RGYA 'A MA CAN, SUM PA PHOD KA CAN, LHO PA CHUNG MA CAN, GNYAL BA RNGOG CHUNG MA CAN LA SOGS PA MANG DU BYON NO, DE'I SRAS PO RNGOG MDO SDE NI, LAS STOD KYI MKHAN PO SPUG YE RGYAL GYI SKYE BA YIN, RNGOG CHEN PO DANG, SPA WA BA CAN GYI MING SRING SPA MO CHOS BRTZON GNYIS KYI SRAS BU LCAGS PHO RTA LA 'KHRUNGS NAS, DGUNG LO BDUN CU RTZA BDUN LA GSHEGS PA'I BAR DU DBANG DANG RGYUD DANG GDAMS PA RNAMS KYIS 'GRO BA'I DON SHIN TU RGYA CHE BAR MDZAD DE, BOD KYI SNGAGS PA GCIG LA BSOD NAMS CHE BAR GRAGS PA YIN, BDAG MED MA LHA MO BCO LNGA'I ZHAL GZIGS SHING, THABS LAM LA MNGA' BRNYES PAS, SLOB MA RNAMS LA THABS LAM GYIS SKYE BA MED PA'I DON MNGON SUM DU RTOGS SU GZHUG NUS PA, BSHAD PA YANG RIN CHEN RGYAN 'DRA LA SOGS PA'I BSTAN BCOS KYANG MANG DU MDZAD, NYA MO GYUR DU 'CHIMS CHEN PO DANG, BLA MA ZHANG LA SOGS PA'I DGE BA'I BSHES GNYEN CHE DGU BSDUS NAS CHOS 'KHOR CHEN PO MDZAD, DE'I DUS SU RJE MAR PA'I DPON MO ZHIG LHA SA SKOR DU BYUNG BAS, DGE BA'I BSHES GNYEN CHEN PO DE RNAMS LA BZOD PA GSO? NAS, DPON MO DE NYIN GCIG GI GRAL DPON BYED DU BCUG, DES RJE MAR PA'I GDUNG RUS NYUNG NGU ZHIG KHYER 'DUG PA NGA LA BLANG BYAS PAS, 'DI YANG BYIN PAS CHOG DER MA @492 ZAD GDUNG RUS RNAMS SENG LDENG GI BKRA SHIS SGO MANG ZHIG NA BZHUGS YOD PA, SRAS JA RING 'KHOR LOS SENG LDENG GI SGO MANG RTZED MO LA BTZONGS, GDUNG RNAMS BANG BA ZHIG NA BYO YOD MAS KHYED RANG GIS BLANGS NA 'ONG ZER, MO LHA SA NAS 'KHOR BA'I PHYIR BANDE? GNYIS GDUNG LEN DU BTANG BAS GDUNG TSANG BAR PHEBS NAS GDUNG KHANG CHEN MO DE BZHENGS, DE'I NANG DU DNGUL GYI GDUNG KHANG ZHIG BGYIS NAS BZHUGS SU BCUG STE, DA LTA'I BAR DU YUL SHIN TU BKRA SHIS PAR MDZAD PA YIN, 'DIS RVA LO, SPA TSAB, GNYAL GYI BYA LO ZLA BA 'OD ZER, SHUD PHU LO TZ'A BA 'BYUNG GNAS RGYAL MTSAN, GNYAN LO, ZANGS DKAR 'PHAGS PA SHES RAB, BA RI LO TZ'A BA, RMA LO TZ'A BA LA SOGS PA RNAMS LA'ANG GTUGS, YAB KYI ZHAL CHEMS LA DGYES RDOR RAM LA NYON GSUNG BA YOD PAS, GTZANG DU RAM GYI SAR BYON PAS, DANG NGOS LA MA MGU BAR LOG NAS RNGOG LA GSAN PA MDZAD, DUS PHYIS RAM LUGS DANG RNGOG LUGS ZER BA'I LUGS GNYIS SU SONG, KUN MKHYEN CHOS SKU 'OD ZER GYIS RAM RNGOG GNYIS PO DGONGS PA GCIG TU SBYAR BA'I BSTAN BCOS MDZAD DO, RAM LUGS PA RNAMS NA RE, RAM MKHAS PA CHEN PO YIN, PAndI TA 'BUM PHRAG GSUM PA YANG RTZOD PAS PHAM PAR BYAS, RNGOG CHOS RDOR LA PHYAG RGYA MA MDZES MA ZHIG YOD PA YANG PHUL, CHOS GSUNG DUS GSANG LDAN SOGS KYI 'DRES BYUNG BA NA, NGA LA RJE MAR PA'I GSUNG GTZANG MA DE THUGS LA GDAGS PAR ZHU BYAS NAS, BLA MA GCUN GYI ZHUS PAS BSHAD @493 PA SHIN TU GTZANG, MDO SDES RNGOG LA NYAN PAS BSHAD PA NYOG PO DE BYUNG BA YIN ZER, RAM DES KYANG RGYUD KYI BSHAD PA MANG DU MDZAD PAS, DBON PO RAM RDO RJE BTZAN LA SOGS PA DANG, MKHAS PA RGYA NAM YANG SLOB MAR GYUR, RGYA NAM LA TRE BO MGON POS DANG POR RTZOD PA BYED DU 'ONGS, RTZOD PA MA THUB PAS SLOB MAR GYUR TE, KYE RDOR GYI DBANG RGYA NAM LA ZHUS PA'I TSE, SO SHING NAM MKHA' LA CHAGS PAS, RGYUD GSANG 'DUS LA MOS KYANG LAS 'BREL KYE RDOR DANG 'DUG SNYAM PA BYUNG, RGYA NAM GYIS KYE RDOR GYI t'I KA YANG LEGS PAR MDZAD, TRE BOS DE GZUNG NAS BSHAD PA YANG MANG DU MDZAD, TRE BO'I SLOB MA CHOS LA DGOS KYANG RAM LUGS DANG MTHUN PA'I t'I KA BRTZAMS, SNYE MDO THAMS CAD MKHYEN PAS KYANG TRE BO'I SLOB MA GNYAN RDO RJE SENG GE LA GTUGS NAS RAM LUGS RNAMS LEGS PAR MNYAN TE, RANG GI SRAS BRGYUD KUN DGA' DON GRUB LA SOGS PA RNAMS LA YANG BSHAD PA DE'I RGYUN YOD DO, ,RNGOG MDO SDE LA SLOB MA RTZAGS DHARMA R'A DZA, 'GAR BKRA SHIS RIN CHEN, 'TSE'U DAR RE, MAL YER PA BA, TRE BO MGON PO, NGOR RJE KUN DGA' 'OD, GSHEN PA RDO RJE SENG GE MNYAM MED SH'AKYA YE SHES, COG RO CHOS RGYAL, LHA PHYUG MKHAR BA, SDO TSA CHOS SKU, DRAN STON MTHA' BRAL, LHO NAG, RGYAL TSA RIN CHEN MGON LA SOGS PA MTHA' YAS PA BYON NO, RNGOG MDO SDES GTZANG CHU MIG TU BZHUGS DUS, MTSAN MO ZHIG PHYAG RGYA MA ZHIG GI SAR 'BYON BAR BRTZAMS PAS, JO MO SGRE MO ZHES @494 BYA BA'I GRUB THOB MA DE BYON NAS, DO NUB BYON NA BAR CHAD 'ONG, SANG NUB BYON NA SRAS KHYAD PAR CAN ZHIG KYANG 'ONG BAS BYON ZER, DE YANG RNGOG GI SKYE BA SNGA MA SPUG YE RGYAL DE JO MO SGRE MO LA BSLAB PA STER MKHAN YIN ZHING, DE'I STOBS KYIS MDO SDE LA GUS PA CHEN PO MDZAD DO, SGRE MO 'DI NI GRUB THOB MA TSE YANG SHIN TU RING BA ZHIG YIN ZHING, BI MA LA MI TRAS GSANG SNGAGS KYI RGYUD MANG PO YANG KHONG LA GTAD CES ZER RO, ,SGRE MO'I LUNG BSTAN BZHIN SRAS GTZANG TSA JO TSUL BYUNG BA YIN TE, YAB KYI NYER DRUG PA SHING MO LUG LA 'KHRUNGS, MTSAN TSUL KHRIMS SHES RAB TU BTAGS, ZHE BZHI PA SA PHO STAG LA GSHEGS, JO TSUL GYI SRAS NI RNGOG KUN DGA' RDO RJE YIN TE, ME MO GLANG LO LA 'KHRUNGS, 'DIS MES MDO SDE, LHO NAG LA MO'I MTSE'U DAR RE, DPAL CHEN GO BO, GUB THOB SHOL PO BA, MAL NAG MO RNAMS BSTEN, SPRE'U ZHING GI GNAS BZHI BTAB, LO BCU LON PA'I TSE MES PO GSHEGS, RANG LO BDUN CU RTZA BRGYAD PA SHING PHO RTA LA GSHEGS, KUN DGA'I SRAS GZI BRJID GRAGS PA YAB KYI ZHE DRUG PA CHU PHO KHYI LA 'KHRUNGS, CHOS RNAMS YAB LA LEGS PAR GSAN, BYA 'DUL GYI SLOB MA BA CHAR BA LA BSNYEN RDZOGS MDZAD, LO RAS, LO DRUG, SGROL SGOM MDO CHEN PA LA SOGS PA BSTEN, GZIMS KHANG BYANG MA DANG GTZUG LAG KHANG BZHENGS, RJE MAR PA'I GDUNG KHANG YANG DER GDAN DRANGS TE, GDAN SA MDZAD NAS, BRGYAD CU PA LCAGS MO SBRUL LA GSHEGS, KHONG GI GCUNG @495 PO SLOB DPON RGYAL PO DGA' SHING MO GLANG LA 'KHRUNGS NAS, BRGYAD CU PA SHING PHO SPRE'U LA GSHEGS, DE'I SRAS PO SLOB DPON SENG GE SGRA YAB KYI SO GCIG PA SHING MO LUG LA 'KHRUNGS, BDUN CU RTZA BZHI PA SA PHO SPRE'U LA GSHEGS, DE'I GCUNG PO BLA MA RIN CHEN BZANG PO YAB KYI SO DGU PA CHU MO YOS LA 'KHRUNGS, KHU BO GZI BRJID LA CHOS RNAMS GSAN NAS DGUNG LO BCU PA LA BSHAD PA MDZAD, BCO BRGYAD PA LA ZUL PHUR DGE TSUL DANG, SO GSUM PA LA BSNYEN RDZOGS MDZAD, MKHAN PO ZUL PHU BA CHOS GRAGS DPAL, LAS SLOB 'OD ZER DPAL, GSANG STON YE SHES DPAL, YAB DANG, SLOB DPON RDO RJE RIN CHEN DANG, SLOB DPON BZANG MO BA 'PHYONG PO BA DANG, SLOB DPON RIN GZHON RNAMS LA CHOS GSAN, NYI SHU RTZA BDUN PA LA BLA MA GZI BRJID 'DAS, RJES KYI ZHABS TOG BSGRUBS NAS GDAN SA MDZAD, DE NAS LO LNGA PA LA KHAMS SU BYON NAS LO GNYIS LA 'KHOR, 'TSAL PA'I YANG DGON SGOM SDE DANG DPON BRGYUD GYI BLA MAR GYUR, GSER GYI BKA' 'GYUR BZHENGS, LHA KHANG DANG GDAN SA RGYA CHER BSKYED, SPEL BZHI DANG ZUL SKYOR GYIS THOG DRANGS DGE 'DUN DPAG TU MED PA LA TSOGS GSOG DANG, DE'I SKU SKAL DBUS GTZANG GI DGON SDE 'BREL YOD KUN LA MDZAD, MAR PA'I SPRUL PAR GRAGS SHING SKU CHE BA'I YON TAN DPAG TU MED, KHONG GI ZHE GNYIS PA SHING PHO SPRE'U LA RANG BYUNG RDO RJE 'KHRUNGS, ZHE BRGYAD PA LCAGS PHO STAG LA BU RIN PO CHE 'KHRUNGS, 'GRO DON RGYA CHER MDZAD NAS KHONG RANG GI RANG LO @496 BDUN CU RTZA BDUN PA SA MO LUG LA GSHEGS, RIN CHEN BZANG PO'I GCUNG PO SLOB DPON CHOS RDOR ME PHO RTA LA 'KHRUNGS NAS RE DRUG PA LCAGS MO PHAG LA GSHEGS, KHONG GI SRAS LNGA'I CHE BA SLOB DPON CHOS KYI RGYAL MTSAN CHU MO LUG LA 'KHRUNGS, SO BDUN PA LA BLA MA RIN CHEN BZANG PO GSHEGS, RANG LO BDUN CU RTZA BDUN PA SA MO PHAG LA GSHEGS, 'DIS KHAMS SU BYON, RI BO CHE'I RIN PO CHE BA LA SOGS PA'I SLOB MA DPAG TU MED PA BYUNG, DAR RTZE MDO TSUN DU THEGS PAS 'BUL BA MANG PO BYUNG BA'ANG SPRE'U ZHING DU SLEB, DE RTING GDAN SA MDZAD PA YIN, YAR KLUNGS LO TZ'A BA GRAGS PA RGYAL MTSAN LA GTUGS NAS RDO RJE PHRENG BA GSAN PAS, DING SANG GI BAR DU SPRE'U ZHING PA LA PHRENG BA'I BKA' MA CHAD PAR YOD PA YIN, SLOB DPON CHOS RDOR GYI SRAS BZHI PA SLOB DPON SENG GE 'BUM GYI SRAS RIN PO CHE DON GRUB DPAL BA LCAGS MO LUG LA 'KHRUNGS, NYER DGU BZHES PA'I TSE RIN PO CHE CHOS RGYAL BA GSHEGS, RANG LO DRUG CU RTZA BRGYAD PA SA PHO STAG LA GSHEGS, DE'I SRAS RIN PO CHE BYANG CHUB DPAL BA NI, RIN PO CHE CHOS RGYAL BA GSHEGS PA'I PHYI LO LCAGS PHO BYI BA LA 'KHRUNGS, SUM CU RTZA DGU BZHES PA LA RIN PO CHE DON GRUB DPAL BA GSHEGS, YAB KYI NYE GNAS DANG SLOB GNYER SBRAGS NAS MDZAD PAS RNGOG PA'I CHOS RNAMS LA SHIN TU MKHAS SHING BYANG BAR GYUR, DON GRUB DPAL BA GSHEGS RJES GDAN SA GZUNG ZHING DUS CHOS MA CHAG PAR GSUNGS PA LA, LOG SGRUB CAN GYI GANG @497 THAG 'GA' RES, BDAG PO DRUNG CHEN PA LA LOG PAR ZHUS PAS, BKA' BKYON BYUNG STE BYA BA RNAMS 'BRING TZAM DU BZHUGS PA LA, RJE TZONG KHA PA CHEN PO GRUM BU LUNG DU CHOS GSUNG BA'I TSE MJAL DU BYON PAS, RJES BKUR STI CHEN PO MDZAD, MKHYEN PA'I YON TAN RNAMS LA RTZAD GCOD GNANG, DER NGO MTSAR CHE BA'I GSUNG YANG YANG BZLAS PA MDZAD CING, PHYIS KYANG BSNGAGS PA MANG DU MDZAD PAS SDE SNOD 'DZIN PA CHEN PO RNAMS KYANG YID LHONGS TE, 'BRAS SPUNGS CHOS RJE BKRA SHIS DPAL LDAN PA DANG, MKHAN CHEN PADMA BZANG PO LA SOGS PA'I MKHYEN RAB CAN GYI SLOB MA YANG MANG DU 'DUS, STAG LUNG RIN PO CHE DPAL NGAG GI DBANG POS KYANG CHOS MANG DU GSAN, CHOS SANGS RGYAS RGYAL MTSAN GYIS KYANG RNGOG LUGS KYI DBANG ZHUS, DE RJES MI'I BDAG PO GRAGS PA 'BYUNG GNAS KYIS SPYAN DRANGS NAS RNGOG LUGS KYI DBANG DANG RGYUD BSHAD GDAMS PA DANG BCAS PA LEGS PAR GSAN ZHING, SHIN TU GUS PA'I SGO NAS BKUR STI CHEN PO MDZAD, LDUM CHUNG BA DON GRUB DPAL BA DANG, BYAMS GLING CHOS KYI RJE BSOD NAMS RNAM PAR RGYAL BA DANG, SMRA BA'I KHYU MCHOG CHEN PO DPAL CHOS KYI GRAGS PA DANG, DRUNG BSOD NAMS RGYAL MTSAN PA RNAMS KYANG MKHYEN RAB LA SHIN TU GUS SHING GSAN PA MANG DU MDZAD, PHYAG DPE BRTAG GNYIS KYI GZHUNG RDO RJE MAR GRAGS PA ZHIG LA CHOS TSAR RE LA MTSAN MA RE BTAB PA'I GRANGS BRGYA DANG BRGYAD CU RTZA GNYIS SNANG, BAR SKABS SU GDAN SA BA RNAMS LA GDAN BZHI'I BSHAD RGYUN CHAD @498 PA LA, RJE TZONG KHA PA CHEN PO'I BKA' LUNG LA KHYED KYIS CIS KYANG GDAN BZHI'I BSHAD PA DE YOD PA MDZOD GSUNGS PAS, SPRE'U ZHING GLING GSEB NAS GRVA PA SLOB DPON TSUL MGON PA ZHES BYA BA'I BGRES PO ZHIG LA LUNG LEGS PAR BZHUGS PA MNOS NAS BSHAD PA YANG MANG DU MDZAD, DE LTAR 'GRO BA'I DON RGYA CHEN PO MDZAD PA'I DANG NAS RANG LO BRGYAD CU RTZA BDUN PA ME PHO STAG LA GSHEGS, ME PHO STAG DE NAS DING SANG ME PHO SPRE'U YAN LA LO SUM CU RTZA GCIG SONG BA YIN, SPRE'U ZHING DU RNGOG GI GDUNG BRGYUD BYON PA THAMS CAD GTZANG TSA BRGYUD YIN LA, RGYAL TSA BRGYUD MDO SDE'I SRAS THOGS MED GRAGS NI, YAB KYI SO GCIG PA LCAGS PHO BYI BA LA 'KHRUNGS NAS ME BYI'I BAR SUM CU RTZA BDUN BZHUGS, YAB KYI CHOS RNAMS LA SHIN TU MKHAS SHING YIG CHA'ANG MANG DU MDZAD, THOGS MED GRAGS KYI GCUNG PO JO 'OD CHU STAG LA 'KHRUNGS, NYER LNGA BZHUGS, DE'I GCUNG PO JO BSOD SA BYA LA 'KHRUNGS, BCU BDUN BZHUGS, DE'I GCUNG STON CHUNG DBANG MO CHU GLANG LA 'KHRUNGS, BCU GSUM BZHUGS, GCUNG JO BDE SHING YOS LA 'KHRUNGS BCU GCIG BZHUGS, THOGS MED GRAGS KYI SRAS RGYAL TSAR MO YAB KYI NYER BDUN PA ME PHO STAG LA 'KHRUNGS NAS CHU PHO STAG GI BAR SO BDUN BZHUGS, DE'I GCUNG PO RDO RJE SENG GE YAB KYI SO GSUM PA CHU PHO SPRE'U LA 'KHRUNGS, RANG LO DRUG CU RTZA BRGYAD PA LA GSHEGS, RA MOS NYER GCIG DANG RDOR SENG GIS BCO LNGA LON @499 PA'I TSE MES PO GSHEGS, RA MO LA SRAS GSUM STE, LCAM ME, JO SH'AKYA, JO BSOD, LCAM ME'I SRAS NAM MKHA' DBANG PHYUG DE'I SRAS KUN DGA' DANG DBANG PHYUG 'BUM GNYIS, KUN DGA'I SRAS RIN CHEN RGYAL PO, DE LA SRAS RIN CHEN DPAL, GRAGS PA RGYAL MTSAN, KUN DGA' BLO GROS DANG GSUM, PHYI MA'I SRAS KUN DGA' BZANG PO'O, SPRE'U ZHING DU RIN PO CHE BKRA SHIS DPAL BA NI, RIN PO CHE BYANG CHUB DPAL BA NYID KYI GDUNG DU 'KHRUNGS, CHUNG NGU'I DUS NAS RAB TU BYUNG ZHING RTZES THANG DU CHEN PO BLO GROS 'PHEL BA'I SAR GTUGS, TSAD MA'I SLOB GNYER MDZAD, DE RTING YAB MES KYI CHOS RNAMS RIN PO CHE BA LA TSANG BAR GSAN ZHING MKHAS PAR YANG GYUR PA LA, RIN PO CHE BA NYID SKU TSE SHIN TU RING BAS DUS CHOS TZAM MA GTOGS GZHAN NAS KYI NYAN PA PO NI MA BYUNG, RIN PO CHE PA BZHUGS RING LA GDAN SAR BTON, DE'I SRAS DA LTA'I GDAN SA BA 'DI'O, ,RJE MAR PA CHU BYI LA 'KHRUNGS NAS DING SANG GI ME PHO SPRE'U 'DI YAN LA LO BZHI BRGYA DANG DRUG CU RTZA LNGA SONG NGO, SPYIR RNGOG MDO SDE'I SLOB MA RTZAGS LA SOGS PA'I SKYES BU CHEN PO RNAMS KYIS BSHAD PA MDZAD PA LAS RGYA SHIN TU CHE BAR 'PHEL ZHING, BRGYUD PA PHYI MA RNAMS KYIS BRTZAMS PA'I t'I KAS KYANG LUNG SUL THAMS CAD KHENGS TE, MAR RGYUD KYI BSHAD PA LA RNGOG BRGYUD 'DI SHIN TU DRIN CHE'O, ,RNGOG PA'I BRGYUD PA'I SKABS SO, , @500 'DUS PA MAR LUGS KYI SKABS, 'TSUR DBANG DE NI, DOL GYI MDA' NA 'CHES DANG 'TSUR ZHES BYA BA'I RIGS GNYIS YOD PA LAS 'TSUR GYI RIGS, SNGAGS 'CHANG BRGYUD PAR BYUNG BA, YAB SHIN TU MTHU CHE BA ZHIG GI SRAS SU 'KHRUNGS, CHUNG NGU'I DUS NAS DGE BA'I BSHES GNYEN LCE PA'I SAR SLOB GNYER LA BYON, YO BYAD CHUNG NGU LAS MED PAS MAS MA BZOD DE KHYOD KYI LUS RGYAS PA NA NOR 'BYUNG BAS, DE'I TSE RIG PA BSLABS PAS CHOG MOD, DA LTA RANG GI KHYIM DU LDANG ZHES BSKUL BA NA, MKHAS PA THAMS CAD DKA' BA SPYAD CING BRTZON PA BSKYED PA LAS BYUNG BA YIN, NGA'I CHOS KYI BAR CHAD MA BYED CIG NGA SANGS RGYAS PA'I TSE KHYOD BRTZE BAS MA 'DOR BA YIN NO ZHES GSUNGS TE, SLOB GNYER LA 'BAD PA CHEN PO MDZAD, DUS PHYIS SKU BSOD RGYAS TE 'BUM BZHENGS PA'I YIG MKHAN LA, DA LTA GSANG BA 'DUS PA'I GDAMS PA SU CHE DRIS PAS, KHONG RNAMS NA RE, MAR PA LHO BRAG PA CHE ZER, DE NAS DAD PAS LHO BRAG TU BSNYEN BKUR CUNG ZAD CIG BSNAMS NAS BYON, GSANG BA 'DUS PA'I RGYUD DANG GDAMS PA GNANG BAR ZHUS PAS, MAR PA'I ZHAL NAS, KHYOD MTHU SHIN TU CHE BA YIN PAR 'DUG PAS, NGA'I PHA SPUN MAR PA MON NAG BYA BA 'DI NGA LA SHIN TU GNOD PAR YOD PAS, KHYOD KYIS MTHU @501 GYIS, MTHU BYUNG NA GZOD CHOS STER ZER BAS, 'TSUR GYIS ZLA BA GCIG TU MTSAMS BCAD, MTHU'I RTAGS KHYAD PAR CAN BYUNG NAS, ZLA BA CHE GE MO'I GNAM STONG LA KHO 'CHI BAR YOD PAS DUS 'DEBS ZHUS, RJE MAR PAS KYANG MAR PA MON NAG LA KHYOD ZLA BA CHE GE MO'I GNAM STONG LA SGUR CIG GSUNG BA'I DUS BTAB, DE'I GNAM STONG GI NYIN PAR KHO RTZIG PA'I 'KHRIS SHIG NA YOD PAS, DE RING BLA MA MAR PA'I MTHU YOD PA'I DUS YIN ZER, RE SHIG NA KHANG PA'I PU SHU LA SHING GI BAD YOD PA RLUNG GIS SKYUR BA'I GSOB NA RDO YOD PA KHO'I MGO LA PHOG STE SHI, DER BLA MA MAR PA MNYES NAS CHOS PHRA MO 'DRA BA GNANG ZHING, RDZOGS PAR GNANG BAR ZHAL GYIS BZHES, PHYIS 'TSUR GYIS DOL MDAR RANG GI GNAS SU MAR PA SPYAN DRANGS, CHOS RIM LNGA'I MAN NGAG DANG RGYUD RKYANG GI BSHAD PA RDZOGS PAR GNANG, DE YANG RJE MAR PA LA YE SHES ZHABS LUGS KYI DZA YANDA DANG, THA GA NA DANG, SNYIM PA'I ME TOG DANG BCAS PA'I BSHAD SROL GSUM YOD, DE RNAMS LA RGYUD DON MAN NGAG TU DRIL NAS 'CHAD PA MED PAS, N'A RO PA'I RGYUD RKYANG MAN NGAG GI LUGS LA RTZIS SU MDZAD PA YIN TE, CHOS TSAR BA DANG TSOGS 'KHOR CIG ZHUS PA'I TSE, RJE MAR PAS RANG GIS RGYA GAR DU CHOS BTZAL LUGS DANG DKA' BA SPYAD LUGS RNAMS MGUR DU BZHENGS SHING, CHOS DE LTAR DKA' BAR THUGS DGONGS LA, KHYED LE LO MI MDZAD SGRUB PAR ZHU, GSUNG NAS LHO BRAG TU THEGS, DE LA 'TSUR GYI MTSAN NI DBANG GI RDO RJE @502 ZHES ZER, DE LA SLOB MA MANG DU YOD KYANG KHAMS PA RO MNYAM RDO RJE, MKHON GAD PA K'IRTI, 'CHES STON BSOD NAMS RGYAL MTSAN GSUM GTZO BO YIN, DE LA KHAMS PA RO MNYAM RDO RJE NI, RGYA GAR DU GSANG BA 'DUS PA TSOL BA LA BYON, DE YANG RJE MEE? TRI BA LA NYAN 'DOD PA LA, DE YANG GSHEGS NAS MA MJAL, GZHAN GSANG 'DUS NYAN PA'I SA MA RNYED PAR, RJE MAR PA LA MNYAN SNYAM NAS BOD DU BYON PA LA, AA TZAR GNYIS DANG LAM DU MNYAM DU BYUNG BAS, KHYED GNYIS GANG DU 'GRO BYAS PAS, 'TSUR LA 'DUS PA NYAN DU 'GRO ZER BA DANG, RJE MAR PA YANG GSHEGS NAS MI SNANG BAS, 'TSUR LA 'KHON GAD PA K'IRTI DANG MNYAM DU GSAN, KHONG GNYIS LA RGYUD MAN NGAG DANG BCAS PA GNANG, KHAMS PAS 'TSUR GYI GSUNG BZHIN DU RGYUD RKYANG GI t'I KA YANG MDZAD, DE DANG MTHUN PAR DBANG GI CHO GA YANG MDZAD SNANG STE, GZHI NI SLOB DPON KLU SGRUB KYIS MDZAD PA'I DKYIL 'KHOR GYI CHO GAR SNANG NGO, 'DI DANG RJES SU 'BREL BAR RJE MAR PAS MDZAD PA'I RGYUD KYI SPYI DON ZHIG KYANG SNANG LA, GNYIS MED RNAM RGYAL CHEN PO 'DI DUS PHYIS BOD PAS BRTZAMS PA'I RDZUN MA YIN ZER BA MANG PO BYUNG ZHING, LA LA NA RE RGYA PHO BA LUNG PAS BYAS KYANG ZER TE, KHAMS PA RO MNYAM GYI t'I KA NA 'DI TSAD MAR BYAS SNANG BAS RGYA PHO BA LUNG PA'I DON MI SNANG NGO, ,'KHON GAD PA K'IRTI DE YANG, MANG RA SENG GE RGYAL MTSAN LA YUN RING DU BRTEN PA'I SLOB MA 'PHAGS SKOR LA SHIN TU MKHAS PA YIN ZHING, KHONG GI BSAM @503 PA LA, 'DI LA MAN NGAG ZHIG BYUNG NA SGRUB PA NYAMS LEN DU BYED PA'I DGONGS PA BYUNG NAS, 'TSUR LA MAN NGAG YOD PAR THOS SHING GTUGS PA YIN TE, 'BUL BA RTA DANG RGYAGS ZONG TSOS LTANG YOD PA NYIN PAR MJAL KHA MA BYUNG SROD LA MJAL KHA BYUNG, BLA MA SKU TSON PO ZHIG SNANG BAS MTHONG MA THAG TU GNAM SA NGO MI SHES PA'I MOS GUS SKYES, RTA DANG TSOS LTANG THAMS CAD PHUL, RIM PA LNGA LA NYAMS LEN DU MDZAD PAS SGYU MA LTA BU'I TING NGE 'DZIN THOB, SANGS RGYAS KYI ZHING MANG PO YANG GZIGS SO, ,DES BYA KHANG BA BSOD NAMS RIN CHEN LA GNANG STE, BYA KHANG BA DANG 'KHON GNYIS KYANG MA GCIG PA'I SPUN YIN, SNGAR BYA KHANG BA SLOB DPON DU YANG BYED PA LA, SLAR 'KHON LA DAD PA SKYES NAS RIM LNGA'I MAN NGAG ZHUS PAS 'KHON DGYES TE, NGA'I GDAMS NGAG 'DI RTA ZAN BCANGS PA 'DRA BA, PHAG PA NAN GYIS DBYAR LAM LA TSUD PA LTA BU ZHIG YIN, DING SLOB DPON CHOS KYI BDAG POR 'DUG PAS 'BUL DGOS GSUNG NAS DGYES BZHIN DU GNANG STE, DBU BSNYUNG YANG BZHES, BYA KHANG BAS THUGS NYAMS SU BZHES PAS SGYU MA LTA BU'I TING NGE 'DZIN BRNYES, LING+GA SBUBS SU NUB, 'GRONGS KHAR DBU'I GTZUG TOR YANG 'THON, GSHEGS PA'I TSE NGA'I SPUR MA SBYONG BAR ZHOGS GSUNG BAS, THUR LA'I MCHOD KHANG DU ZHAL NUB TU BSTAN NAS BZHUGS SU GSOL, DE'I RTEN 'BREL GYIS RGYA MKHAR STOD DU SRAD PA'I RTA BAS MI 'CHAGS ZER BA TZAM YOD PA LAS, PHYIS GNOD PA MED CING BDE BAR GYUR PA YIN NO, ,DES @504 THUR LA BA TSUL KHRIMS SKYABS LA GNANG BA YIN TE, DE NI MDO SDE DANG RGYUD SDE THAMS CAD MKHYEN, LO BCU GNYIS SHAM THABS MA GYON PAR STAN THOG GCIG TU BSGOMS PAS GRUB PA BRNYES TE, BSKYED RIM LA BRTAN PA THOB PAS LHA DNGOS SU GZIGS, RDZOGS PA'I RIM PA LA RTAGS THON ZHING NGAG RDO RJE'I BZLAS PA 'BYONGS, SNANG BA SGYU MAR SHAR, THUGS 'OD GSAL GYI NGANG LA BZHUGS, ZUNG 'JUG GI TING NGE 'DZIN LA GNAS NAS THA DAD KYI RTOG PA THAMS CAD BCOM, SANGS RGYAS DANG 'DRA BAR BZHUGS PA YIN NO, ,DES THANG BE BA 'PHAGS PA SKYABS LA GNANG BA YIN TE, DE YANG DANG POR RAB TU BYUNG NAS SA GZHI DMAR POR SONG SONG DU SLOB GNYER MDZAD, DE NAS BSKYED RDZOGS KYI DON NYAMS SU BLANGS PAS NYAMS DANG RTOGS PA KHYAD PAR CAN SKYES, GSHEGS PA'I TSE GZIMS KHANG LA 'JA'I SKOR SUM RIM DU BYUNG BA LA SOGS PA NGO MTSAR BA'I LTAS MANG PO BYUNG NGO, ,DES GSER SDINGS BA GZHON NU 'OD LA GNANG BA YIN TE, DE NI SUM PA SKYIL MKHAR GYI BAN RIGS, GZHON NU NAS 'DUL DKAR GZHON NU TSUL KHRIMS LA RAB TU BYUNG, JO BO NAS BRGYUD PA'I LAM RIM MAN NGAG DANG BCAS PA MANG DU GSAN ZHING THUGS NYAMS SU YANG BAB, PHYIS MKHAN PO GTZANG NAG PA LA SOGS PA LA BSNYEN PAR RDZOGS PA ZHUS, 'DUL 'DZIN CHEN POR GYUR TE 'DUL BA'I SKOR LA SBYANGS PA CHEN PO MDZAD, LAN CIG GRAL THEBS DPON LA BYON PAS ZHABS BSNYUNG NAS SHAB KYI SNA RINGS SU BZHUGS PA'I TSE, GLAN @505 MO CHE BAS ZHABS TOG MDZAD, KHONG NA RE, STON PAS 'PHAGS SKOR MI MKHYEN NAM GSUNG, 'PHAGS SKOR MKHAN PO GANG NA BDOG BYAS PAS, KHONG NA RE, LHA SA'I RGAN MOS LHA SA MA MTHONG, THUR LA NA GSANG SNGAGS KYI SDONG PO 'PHAGS SKOR MKHAS PA YOD PA MA GSAN NAM ZER BAS CUNG ZAD SKYENGS PA ZHIG BYUNG, TSUR 'ONGS NAS SLOB DPON GTZANG PA LA NGO CHEN BCOL NAS 'PHAGS PA LA CHOS ZHU BA'I GSOL BA BTAB PAS, 'PHAGS PA'I GSUNG GIS KHO BO LA MA 'THOGS PA CIG BGYID GSUNG NAS GZHUNG BSHAD MAN NGAG THAMS CAD TSANG BAR GNANG, GZHAN YANG KHONG LA CHOS SKOR SHIN TU MANG BA ZHIG BZHUGS PA RNAMS KYANG ZHU MA DGOS PAR GNANG, RIM LNGA'I KHRID LA 'DAG 'BYAR YANG BYAS, GZHAN YANG RJE SGAM PO BA'I DNGOS SLOB LOG PHUG PA ZHES BYA BA LA CHOS DRUG DANG PHYAG RGYA CHEN PO'I KHRID ZHUS, GTZANG PA SA RBOS DBU MA 'CHAD PA'I ZUR CHOS KYIS? GSUNG NAS MDZAD PA'I TSE, GZHAN DANG CHAGS SDANG GI RNAM PA BYUNG BAS MON GYI SPA GRO LA SOGS PAR BYON TE, DE NAS BUM THANG NAS 'THON NAS GRO BO LUNG DU BYON, GZHAN YANG SGRAGS YANG RDZONG DANG, RGYAL GYI RTZIBS RI LA SOGS PA'I GNAS CHEN MANG POR BZHUGS, DE RNAMS SU CHU SKYES BYIN SKYES RTOGS PA SKYES GSUNG, DE NAS KHA CHE PAn CHEN BYON PA LA KLAS MO CHER MJAL NAS 'KHOR PAndI TA DANG BCAS PA RNAMS LA CHOS KYI DRI BA DRUG BDUN TZAM ZHUS, DE NAS SER BU DBEN TSAR BZHUGS TE GSER SDINGS KYI DGON PA BTAB, MKHAS PA THAMS @506 CAD KYIS DRIS, MI CHEN THAMS CAD KYIS GTUGS SAR GYUR, RGYAS 'BRING RNAM GSUM LAS MI NYUNG BA'I BSTAN BCOS KYANG MANG DU MDZAD, GSER SDINGS BTAB NAS LO DGU TZAM LON PA NA, NYID KYI SLOB MA 'GAR GRAGS PA DBANG PHYUG BYA BA'I SRING MO 'GAR BTZUN MA SHES RAB RGYAN ZHES BYA BA LA SRAS SKRUN PA'I CHO GA MDZAD, 'GAR BTZUN MA SBRUM PA DANG TSOGS SU SBRUM PAR BYED PA PO DANG SBRUM MA GNYIS KA GNAS NAS PHYUNG ZHIG CES BKA' STZAL, SBRUM MAS SA GZHAN DU 'DUG CING, SBRUM PA SOS PA NA SKYES MA THAG NAS CHOS SPYOD BYED PA'I LAD MO CI NUS SU BYED PA LA SOGS PA DANG, MNGAL NAS BTZA' BA'I TSE YANG MA'I LUS LAS 'DUS PA'I LHA SO GNYIS SPRO BA LA SOGS PA'I SNANG BA YANG BYUNG, BYIS PA RTZE BA'I SKABS SU MI RNAMS NA RE, JO MO'I SRAS PO SNYING SDUG GO MING CI ZER DRIS PA NA, YUM GYIS BDAG MED RDO RJE'O ZHES SMRAS TE, BDAG MED RDO RJER CHAGS, LO LNGA LON PA'I TSE SPYOD TSUL SHIN TU KHYAD PAR DU 'PHAGS PAS GSANG BRTOL BA'I DUS LA BAB PAR DGONGS TE, DGE 'DUN LA BZOD GSOL DU JA SKOR BYAS NAS, BLA MAS BDAG MED RDO RJE SKU MDUN DU BZHAG STE CHOS NYAN DU BCUG NAS ZHAG SHAS SONG BA DANG, BDAG MED RDO RJE KHYOD NGA LA BRNYAS SAM NGA'I CHOS LA BRNYAS ZHES BKA' BKYON PAS, TZOG TZOG POR THAL MO SBYAR TE, DE'I RGYU MTSAN CI LAGS ZHES ZHUS PA NA, NGA'I CHOS MGO 'DZUGS PA DANG KHYOD KYI RTZED MGO MNYAM, CHOS THON PA DANG RTZED MO THON PA DUS MNYAM ZHES @507 GSUNGS PA NA, CHOS RNA BAS NYAN PA LA RKANG LAG GI RTZE THABS LA 'GAL BA CI ZHIG MCHIS ZHES ZHUS PAS, 'O NA MNGON PAR 'GYUR GYI NGA'I CHOS RNAMS SKYOR CIG GSUNGS PAS, NYIN GSUM DU NYAN PA'I CHOS THAMS CAD KYI TSIG MA NOR BAR SKYOR BYUNG BAS, KUN HA LAS TE 'DI NI SPRUL PA'I SKU CHEN PO ZHIG GO ZHES GLENG BAR BYED DO, ,DE NAS BLA MAS KYANG NYID KYI SRAS SU ZHAL GYIS 'CHES, SNGON RTZOM PA MDZAD PA RNAMS LA DGE SLONG GZHON NU 'OD KYIS SBYAR ZHES GSUNG PA? LA, DE NAS RNAL 'BYOR GYI DBANG PHYUG GZHON NU 'OD KYIS SBYAR ZHES BYA BAR MDZAD DO, ,BDAG MED RDO RJE DE NI PHYIS RAB TU BYUNG BA'I MTSAN CHOS KYI 'OD ZER DU BTAGS PA LA, 'GRO BA'I MGON PO 'PHAGS PAS CHOS SKU 'OD ZER DU MTSAN GSOL, 'DIS CHOS KYI GRVA GANG DANG GANG DU BYON PA'I TSE, CHOS THAMS CAD LAN RES 'DZIN PAR NUS PA DE GZHAN GYIS RDZUN NAM SNYAM PA'I BRTAG PA BYAS KYANG, DE KHO NA BZHIN DU GYUR PA LA SOGS PA'I CHE BA'I YON TAN DU MA YOD PA RNAMS 'DIR BRIS NA SHIN TU MANG BAS, 'DI'I RNAM THAR KUN SPANGS ZHANG GIS MDZAD PA LAS BLTA BAR BYA ZHING, DUS KYI 'KHOR LO'I BRGYUD TSUL GYI SKABS SU YANG SHES PAR BYA'O, 'DI NI YAB DANG YUN RING DU 'GROGS SU BYUNG BAS YAB LA BZHUGS PA'I YON TAN THAMS CAD MNGA', DE LA YON TAN DU MA MNGA' BA'I KUN MKHYEN 'PHAGS 'OD KYIS GSAN, DE LA BU RIN PO CHES GSAN PA YIN TE, DE YANG BU RIN PO CHE BLA MA RDO RJE RGYAL MTSAN PA'I DRUNG NA DUS 'KHOR @508 GSAN PA'I TSE, BUS KHO BO YO GA'I CHOS 'DI RNAMS MNYAN PAR 'DOD PA LA MNYAN SA MA RNYED ZHUS PAS, RDO RJE RGYAL MTSAN PA'I GSUNG GIS, 'O NA NGED KYI MCHED GROGS BLA MA 'PHAGS 'OD CES BYA BA ZHIG YOD PAS DE LA NYON GSUNG, PHYIS ZHVA LUR PHEBS NAS 'PHAGS 'OD RTZAD BCAD PAS, 'PHAGS 'OD GZHAN ZHIG YID LA BYAS NAS DE LA YON TAN CHEN PO YOD DE, BSLAB PA MI GTZANG ZER BAS SKYUG LOG PHYIS 'PHAGS 'OD YANG DAG PA DE THU GUD KYI SPRE'U ZHIG LA THUGS DAM MDZAD PAR GSAN NAS, CHOS GSAN PA LA DRUNG DU 'ONG BA'I ZHU BA 'BUL MI BTANG BAS, 'PHAGS PA'I GSUNG GIS, 'O NA KHONG CHOS SDE CHEN PO'I BDAG PO YIN PAS NGA'I SPRE'U 'DIR PHAN SHOD, NGA RANG KHONG GI THAD DU 'GRO GSUNG NAS ZHA LUR PHEBS, SPYIR CHOS MANG DU GSAN, BYE BRAG TU 'DUS PA 'GREL PA DANG BCAS PA GSAN PA'I TSE, 'PHAGS PA'I ZHAL NAS, KHYED RANG MKHAS PA YIN PAS RGYA BA'I RGYA LUGS DANG GAR BA'I GAR LUGS LA SOGS MI DGOS, BSHAD PA YAM ME BA ZHIG BYAS NAS CHOS THOB CHE BAR BYA GSUNG BA LA, BU RIN PO CHES BDAG 'DI LA SHIN TU MOS PA ZHIG BDOG PAS ZHIB CING RGYAS PA ZHIG GSUNG BAR ZHUS PAS, 'PHAGS PA'I GSUNG GIS, AA BA 'O NA DE TZUG GIS MI 'ONG, SNGON LA RIM LNGA'I KHRID BYAS LA, DE RTING BSHAD PA MA BYAS NA RGYUD LA GO BA LEGS PO MI 'CHAR GSUNG BAS, ZLA BA DRUG GI BAR DU MTSAMS BSDAMS NAS RIM LNGA'I KHRID BSKYANGS PAS, SANGS RGYAS DANG BYANG CHUB SEMS DPA' MANG PO @509 TING NGE 'DZIN GYI RTZED MO MDZAD PA LA SOGS PA'I YANG DAG PA'I RTAGS MANG PO SHAR, DE NAS MTSAMS BKROL TE, BU RIN PO CHES KHRID LUGS 'DI LA YI GER MI 'DEBS PA'I BKA' RGYA GNANG GI YOD PAR GRAGS 'DUG PAS BDAG LA BKA' RGYA DE MI 'DEBS PAR ZHUS PAS, 'PHAGS PA'I GSUNG GIS LAR KHRID YIG BYAS PA NA NYAMS LEN MED PAR KHRID DE KLAG LUNG DU SHAR DE 'GRO BAR 'DUG KHRID RANG GIS NYAMS SU MI LEN PA 'PHAN CHA TSOL BA'I THABS BYED PA BAS, DBYUG PA LA PHYUGS KYI 'GRANGS SAM LTOGS BTAGS TE KHYI'I 'GRAM PA LCOG PA MI DGA' RI SHI GSUNG NAS PHYAG RGYA DANG BCAS PA MDZAD, GSUNG DE'I DBANG GIS KHRID YIG MA MDZAD PAR DMIGS PA RNAMS MA BSNYEL BAR YOD PA LA, DUS PHYIS DPAL LDAN BLA MA DAM PA BSOD NAMS RGYAL MTSAN PAS BSKUL NAS KHRID YIG TU MDZAD, KUN MKHYEN 'PHAGS PA 'DI LA BU RIN PO CHES YO GA'I SKOR GYI DBANG, RGYUD 'GREL GYI BSHAD PA, MAN NGAG DANG BCAS PA DANG, GSANG BA 'DUS PA MAR LUGS DANG 'GOS LUGS GNYIS KA RGYAS PAR GSAN, CHOS RNAMS RDZOGS NAS, BU RIN PO CHES PHYAG NA GANG YOD KYI BSNYEN BKUR CHEN PO ZHIG BSHAMS PA LA, 'PHAGS PA'I GSUNG GIS, DNGOS PO 'DI RNAMS NGA LA MI DGOS, KHYED RANG SDE GOG 'DZIN PA LA DGOS, NGA'I CHOS RNAMS MA SHI'I BAR DU 'CHAD DGOS PA'I DAM TSIG LA DGAR, YO GA DANG 'PHAGS LUGS LA YIG CHA RTZOM DGOS PA'I BKA' GNANG YANG MDZAD, PHYIS BU RIN PO CHE'I GSUNG GIS 'O SKOL @510 GYIS KYANG BSGOMS NA MAN LUNGS GU RU TZAM ZHIG 'ONG STE, 'PHAGS PA'I GSUNG MA CHOGS PAS MI TSE BSHAD PA LA BSKYAL BA YIN GSUNG, DE NAS GZUNG NAS NI RIM LNGA'I KHRID LUGS 'DI CHOS RJE BLA MA DAM PA LA SOGS PA DGE BA'I BSHES GNYEN MANG POS GZHAN DANG GZHAN DU DING SANG GI BAR DU BSKYANGS SO, DE LA RJE TZONG KHA PA CHEN POS NI, BU RIN PO CHES MDZAD PA'I RIM PA LNGA'I MAN NGAG DANG, DE GANG LA BRTEN PA'I GSER SDINGS PA'I MAN NGAG RNAMS DPYAD PA'I GZHIR MDZAD, SNGAGS MTSAN NYID KYI GSUNG RAB SPYI DANG, BYE BRAG TU 'DUS PA'I RTZA BSHAD KYI RGYUD DANG, RGYA GAR NAS BYUNG BA'I 'GREL PA CHEN PO RNAMS DANG, BOD KYI LUGS RNAMS LA'ANG LEGS PAR BRTAGS SHING DPYAD NAS RIM LNGA'I KHRID YIG DANG, DE'I DON RGYAS PAR 'CHAD PA RIM LNGA GSAL BA'I SGRON ME MDZAD DE, 'DUS PA'I LUGS NYAMS PA RNAMS GSO BAR MDZAD DO, YANG RGYUD RKYANG GI BSHAD LUGS 'KHON GAD PA K'IRTI LA MI NYAG ZHANG ZHUNG, LVA BA PA GSUM GYIS ZHUS, DE GSUM GA LA CHOS RGYAL RIN CHEN GLING PAS ZHUS, YANG KHAMS PA RO MNYAM RDO RJE, DES RGYAL LUNG PHU BA CHEN PO, DES ME LHA KHANG SNA BA, DES RGYAL LUNG PHU BA PHYI MA, DE LA CHOS RGYAL RIN CHEN GLING PAS ZHUS, DE YANG RJE MAR PA GSHEGS RJES KYI SA PHO STAG NAS BRTZAMS TE, CHOS RGYAL RIN CHEN GLING PA SA PHO SPRE'U LA GSHEGS PA YAN CHAD DU LO @511 DGU BCU RTZA GCIG SONG, LO 'DI LA GLING RAS KYANG GSHEGS, RIN CHEN GLING PA LA RGYA PHO BA LUNG PAS ZHUS, DE LA SNYE MDO THAMS CAD MKHYEN PA LO BZHI BCU RTZA GCIG LON PA ZHIG GIS RU MTSAMS PHO BA LUNG DU BYON NAS ZHABS LA GTUGS TE, GSANG 'DUS RGYUD RKYANG GI BSHAD PA DANG, BSHAD RGYUD GNYIS MED RNAM RGYAL CHEN MO GSAN, DE'I LO PHYI MA LA BSNYEN BKUR GYI CHAS BSNAMS TE, GNYIS MED RNAM RGYAL RIGS BSDUS CHEN PO'I DBANG, DGYES RDOR MES LUGS KYI BSHAD PA GDAMS PA DANG BCAS PA GSAN ZHING, GZHAN YANG SNGAGS PHYOGS KYI RGYUD DANG DBANG DANG GDAMS PA MANG DU GSAN NO, 'DUS PA MAR LUGS KYI SKABS SO, BDE MCHOG SNYAN BRGYUD DANG RAS CHUNG SNYAN BRGYUD KYI SKABS, RNAL 'BYOR GYI DBANG PHYUG MI LA RAS PA NI, LDOG STAG RIS NA RIGS SPYI KHYUNG PO, BYE BRAG MI LA YIN PA ZHIG GZHIS RGYAL DU BTZUGS TE SHO BYAS PAS PHAM NAS YUL 'THON TE KO RON@ SAR SLEB PA'I BRGYUD PA LA, MI LA SHER RGYAL DANG G-YUNG@ RGYAL ZHES BYA BA GNYIS BYUNG, SHER RGYAL DANG MYANG BZA' DKAR RGYAN GNYIS KYI SRAS SU, RJE BTZUN LCAGS PHO 'BRUG GI LO LA BLTAMS, MTSAN THOS PA DGAR BTAGS, RING POR MA LON PAR YAB GSHEGS, DE'I TSE RJE BTZUN GYI YUM LO NYI SHU RTZA BZHI PA YIN PAS, AA @512 KHU'I BU'I CHUNG MA BYED DGOS ZER, DE LA MA NYAN PAS KHROS TE NOR RDZAS THAMS CAD PHROGS, SHIN TU KHAS NYEN PAR BYUNG BA LA, NAM ZHIG RJE BTZUN GYIS KLOG SLOB PA'I SLOB DPON KLU BRGYAD PA ZHIG GI SAR CHANG GSOL NAS GLU LEN ZHING LOG 'ONGS PAS, MA KHROS TE, PHA MI LA SHES RGYAL LA BU KHYOD 'DRA BA SKYES, NGED RANG MA SMAD KYI 'KHOS@ 'DI LA KHYOD KYIS GLU DRAN NAM, DA YIN NA DBUS GTZANG DU SONG LA MTHU MKHAS PA CIG LA MTHU SLOB LA DGRA THAMS CAD KHA PHUNG LA THONG ZER, DER RJE BTZUN GYIS 'O NA AA MAS GSUNG BA BZHIN BYA YIS BYAS PAS, 'KHOS@ DANG BSTUN PA'I CHA RKYEN 'GA' RE YANG BRDZANGS,@ DPAL MO THANG GI MGOR@ LAM GROGS SGUGS@ PAS, LAM GROGS BZANG PO DUS MA 'GOR BAR BYUNG NAS BYON, MTHU SU CHE BYAS KYI RTZAD BCAD PA LA, YAR KLUNGS@ NA GNYAGS@ G-YUNG@ STON KHRO RGYAL BYA BA YOD ZER BAS, DE LA DNGOS PO GANG YOD PHUL NAS, BDAG LA STOD NAS 'ONGS, KHAS NYEN BAB PAS MTHU ZHU BA YIN BYAS PAS, KHONG GIS MTHU'I KHA PHO MANG PO MDZAD, GZHAN MTHU SLOB MKHAN LNGA TZAM DANG LHAN CIG TU MTHU SLOB CING LO GCIG BZHUGS, DER MTHU'I MAN NGAG YIN YIN 'DRA BA BSLABS NAS GROGS PO GZHAN RNAMS DES TSIM NAS SONG, RJE BTZUN GYIS DE RNAMS LA SKYEL THUNG MDZAD DE PHYIR LOG PA NA, SLOB DPON NA RE, KHYOD MI 'GRO'AM@ ZER, KHONG RNAMS RGYAGS CHOS KYIS MTHU SLOB PAR 'DUG NGA KHAS NYEN PO YIN PAS MTHU LAG YOD DU MA BYUNG NA MI 'GRO BYAS, SLOB @513 DPON NA RE, 'O NA DA GTZANG RONG GI LHA RJE SNUBS CHUNG DANG KHO BO GNYIS KYIS MTHU DANG SER BA BRJES,@ NGA'I THAD DU MTHU SLOB PAR BYUNG NA KHO'I@ RTZAR BRDZANG,@ KHO'I@ RTZAR SER BA SLOB PA BYUNG NA NGA'I RTZAR BRDZANG@ BAR BYAS PA YIN PAS, SNUBS CHUNG GI RTZAR SONG ZER NAS 'PHAN CHAS 'GA' ZHIG DANG, NGA'I BU 'DI SNYING RJE BAR YOD PAS MTHU GSHA'@ MA CIG SLOBS@ SHIG ZER BA'I YI GE BRDZANGS,@ SNUBS CHUNG GI RTZAR SLEBS NAS, DA 'O NA KHYOD RANG GIS MTSAMS GCOD NUS DGOS ZER, NUS ZHUS PAS, SA 'OG GI KHANG PA BZANG PO ZHIG BZOS NAS DER MTHU BSGRUBS PAS, ZHAG BCU BZHI NA MTHU'I RTAGS YANG DAG PA BYUNG STE, DE BLA MAS SHES NAS RJE BTZUN GYI RTZAR BYON TE, THOS PA DGA', KHYED RANG SGOR SHOG DANG MA DANG MKHA' 'GRO CHOS SKYONG RNAMS NGO SO ZLA BA BZHIN PHYAR NAS, DGRA MI SUM CU SO LNGA SOD@ PA'I RTAGS KHYER BYUNG, DA CHOS SKYONG LA GTOR MA DANG GTANG RAG BYED DGOS ZER, DE'I TSE AA KHU G-YUNG@ RGYAL GYI BU LA CHUNG MA BLANGS NAS BAG STON BYED CING YOD PA NA KHYIM RDIB@ NAS MI SUM CU SO LNGA SHI, AA KHU DANG AA NE GNYIS LUS, DER SNUBS CHUNG LA SGYU 'PHRUL LA SOGS PA'I CHOS MANG PO GSAN, DER RJE BTZUN GYI DGONGS PA LA NGAS MA'I NGAG LA NYAN NAS SDIG PA CHEN PO DE LTA BU ZHIG BSAGS SNYAM DU SKYO ZHING YOD PA LA, YANG MAS PHA MI LA SHES RGYAL LA BU SKYES, DGRA MI SUM CU SO LNGA DUS GCIG LA SHI, DES NGA SNYING TSIM STE, 'ON KYANG YUL MI 'DI RNAMS KYIS NGA LA SDANG BAR BYAS @514 PAS, KHYOD KYIS YUL 'DIR SER BA GYANG@ RIM GSUM YOD PA ZER BA CIG PHOB,@ DE BYUNG NA NGA SHI YANG 'GYOD PA MED DO ZER BA BSKUR BYUNG BA, SLOB DPON GYIS MTHONG BAS, 'O NA G-YUNG@ STON CAN DU RGYUG ZER NAS PHYIN TE, KHONG LA DE SKAD ZHUS PAS, SLOB DPON GYIS LAN MKHAR NANG GI PHUG PA NA ZHIG TU MI LA MTSAMS LA BCUG NAS SER BA SGRUB TU BCUG PAS, ZLA BA MA LON BAR SER BA'I RTAGS YANG DAG PA BYUNG, DE NAS NAM ZLA'I DUS TSOD DANG SBYAR NAS SLOB DPON GYI G-YOG@ DPA' BA ZHIG DANG 'GROGS NAS PHYIN TE, YUL DU SLEB NAS MTSAN MO ZHING MANG PO LA SER BA'I GTA'@ BTZUD DE, RI RTZER PHYIN NAS BDEN PA BDAR ZHING 'O DOD BOS PAS, RI LUNG THAMS CAD GROG POR SONG BA'I SER BA CHEN PO ZHIG KYANG PHAB, DER YUL MIS KHONG GNYIS RI LA YOD PA RIG NAS THOG MAR RJE BTZUN GYIS BROS TE DING RIR DUS BYAS, G-YOG@ GIS DMAG GIS SLEB BYUNG BA DANG, DMAG RNAMS LA NGA THOS PA DGA' YIN, NGED MA SMAD LA SDANG BAR BYAS PAS DA KHYED RNAMS LA SKYID PO BYUNG NGO?, DA DUNG DU YANG YUL 'DIR MI GCIG KYANG MA BZHAG CIG BYAS NAS, DMAG GI STENG DU PHOL@ PHYIN PAS SUS KYANG 'JU MA NUS PAR THAR, DER GNYIS POS DBUS GTZANG DU 'ONGS, MI LAS LHA RJE SNUBS CHUNG GI SAR BZHUGS, G-YOG@ YAR KLUNGS@ SU SONG, SNYING LA CHOS KHO NA DRAN YANG ZHU MA NUS PA LA, NYIN ZHIG SLOB DPON GYI YON BDAG BZANG PO ZHIG SHI NAS, DES SLOB DPON SKYO STE THOS PA DGA', NGED RANG GNYIS POS SDIG CHEN PO @515 BSAGS YOD PAS, YANG NA KHYOD KYIS CHOS GSHA'@ MA ZHIG GYIS LA NGA DRONGS, YANG NA CHOS GSHA'@ MA CIG NGAS BYA, KHYOD KYIS NGA'I RGYAGS SKYOL@ ZER BAS, 'O NA NGAS CHOS GSHA'@ MA ZHIG BYED PAR ZHU BYAS NAS, RONG DU 'BRE STON LHA DGA' LA RDZOGS PA CHEN PO ZHUS, DER SGOM TZAM YANG MA SKYES PAS 'BRE STON GYIS NGA'I CHOS KYANG KHA BO CHES, KHYOD KYIS KYANG LE LO BYAS PAS CI YANG MA BYUNG, DA YIN NA, RJE N'A RO MEE@ TRI'I@ SLOB MA MAR PA LO TZ'A BA BYA BA LHO PHU CHU KHYER DU BZHUGS, RTEN 'BREL LUS LA SGRIGS NAS SEMS CHOS NYID MA DANG SPYOD PA ZHIG YOD ZER BAS, KHYED RANG DER RGYUG GSUNG BAS, MTSAN THOS PA TZAM GYIS DAD NAS YID DGA' CHES TE CHU KHYER DU BYON, ZHAL MTHONG BA TZAM GYIS SNANG BA 'GYUR BA BYUNG, BLA MA MAR PAS 'KHAR LAS MANG PO DANG PHRU RLOG LA SOGS PA BYED DU BCUG RDO SKYES? PA'I SGAL@ BA RNAG KHRAG TU SONG 'BUNGS, DE LTAR LAS BYED CING YOD PA'I TSE, 'TSUR@ RNGOG LA SOGS PA'I SLOB MA MI CHEN MANG PO LA BLA MAS DBANG MDZAD PAS, DER TSUD DAM SNYAM NAS ZHUS PAS, GCIG KYANG MA GNANG, DER YUM GYIS MA BZOD DE, N'A RO PA'I THUGS DAM PADMA R'A GA ZHIG YOD PA LAG RTAGS SU BSKUR TE RNGOG CAN DU BTANG, BLA MA THUGS BREL BAS KHYED KYIS 'DI LA GDAMS PA RNAMS GNANG BA ZHU ZER BA'I YI GE BSKUR, RJE BTZUN GYIS GZHUNG RI BOR BTOL,@ RNGOG GI GSUNG GIS, NGA'I PHYUGS RNAMS YAL MO BAS KHYER BAS, KHYOD KYIS SER BA PHOB@ GSUNG NAS SER BA PHAB STE, RNGOG GI DRUNG DU PHYIN @516 NAS, KHO BOS CHOS LA 'ONGS PA LAGS TE, LAS SU SDIG KHO NA BYED DGOS PA ZHIG BYUNG ZHUS PAS, DES MI STO AA'U@ RTZI GSUNG NAS, THABS LAM GYI GDAMS NGAG RNAMS GNANG, MI LA PHUG TU MTSAMS GCOD DU BCUG DER RNGOG LA LO TZ'A BA CHEN PO'I BKA' BYUNG STE, NGA'I MKHAR DGU THOG TSAR, DE LA KHYOD KYIS SPEN BAD RGYU'I SPEN MA ZHIG SKYOL@ GSUNG BAS, RNGOG GIS MI LA PHYAGS@ PHYIR KHRID DE, DKON BRTZEGS SHIG GIS SNA DRANGS PA'I 'BUL BA MANG PO DANG, LAM DU SPEN KHUR BRGYAD CU TZAM BSGRUBS, 'BUL BA DANG SPEN MA RNAMS PHUL, LAS RNAMS TSAR BA DANG, BLA MAS BDAG MED MA LA TSOGS SHIG SHOMS@ GSUNG NAS, DPON SLOB RNAMS TSOGS BZHES PA'I TSE, RNGOG LA SPYAN 'BUR TSUGS SU GZIGS NAS, RNGOG ZER BA'I NGAN PA KHYOD NGA'I THOS PA DGA' LA GDAMS NGAG STER BA CI YIN GSUNG, BLA MA'I PHYAG RTAGS DANG BCAS TE BKA' BYUNG BA LAGS MOD ZHUS PAS, MI LA LA GZIGS NAS, KHYOD LA PHYAG RTAGS SUS BSKUR GSUNG, YUM GYIS GNANG BA LAGS BYAS PAS, DER BLA MA KOG GIS BZHENGS NAS SENG LDENG GI DBYUG PA ZHIG LA 'JUS BYUNG BA DANG, BDAG MED MA BROS, DER BLA MA STAN LA BZHUGS NAS ZHAL 'DZUM PA DANG BCAS TE, BDAG MED MA BOS GSUNG NAS, BDAG MED MAS BYON PA DANG, DA CHANG LEGS PAR DRONGS SHIG DPON SLOB RNAMS GTAM BYA'O GSUNG NAS, MI LA LA, KHYOD LAS CAN DU DANG PO SLOB? MA KHAD NAS NGAS SHES, 'ON KYANG SDIG CHEN @517 PO 'DUG PAS SBYONG DU BCUG PA YIN, RNGOG GIS BYIN PA'I GDAMS NGAG DE RNAMS NGA'I MDUN DU SHOD DANG GSUNG, RNGOG THEGS NAS MI LAS SKYEL THUNG RING DU MDZAD, DE RTING BLA MAS GDAMS NGAG RNAMS YANG DAG PAR TSANG BAR GNANG, 'DI LAS LHAG PA YOD RE ZHES MKHA' 'GRO DBANG? DU BZHAG PA'I DBU BSNYUNG MDZAD, GRO BO LUNG NAS YA ZAD NA RTA NAG PHUG BYA BA YOD PAS, DER MTSAMS GCOD DU BCUG 'BAD PA CHEN POS BSGOMS KYANG YON TAN CHEN PO MA SKYES, DON DE RNAMS PHYIS ZHI BA 'OD LA MGUR DU BZHENGS PA, 'O NA KHYE'U CHUNG BZHIN LEGS PO, KHYOD RTOGS 'DOD CAN DE TSUR NYON DANG, ,MI NGA NGO KHYOD KYIS SHES MA SHES, ,MI NGA NGO KHYOD KYIS MA SHES NA, ,NGA GUNG THANG GI MI LA RAS PA YIN, ,LTE BA GUNG THANG GI SMAD DU BCAD, ,SLOB GNYER DBUS GTZANG GI PHYOGS SU BGYIS, ,PHA DAR STON DANG NGAB@ MIS DBU MDZAD NAS, ,RONG STON LHA DGA' YAN CHAD DU, ,SPYIR DRIN CAN GYI BLA MA BCU TZAM BZHUGS, KHYAD PAR LHA RJE SNUBS CHUNG LA, , DRAG SNGAGS GZA' GDONG DMAR NAG ZHUS, KHONG LTA DGONGS KYI MKHYEN PA MTHO LAGS SHING, ,DMAR KHRID KYI PHYAG BZHES MKHAS NA YANG, ,MI KHO BO'I SPROS PA CUNG MA CHOD, ,RJE NA RO DANG MEE@ TRIS@ BYIN BRLABS SHING, , LUS RTEN 'BREL GNAD DU BSNUN NAS KYANG, ,SEMS CHOS NYID MA DANG SPROD PA CIG ,LHO PHU CHU KHYER NA BZHUGS SO SKAD, ,PHA LO TZ'A'I@ SNYAN PA RGYANG NAS 'KHUMS,@ ,MTSAN THOS PA TZAM GYIS BA SPU G-YOS,@ ,LAM DKA' BA @518 SPYAD DE SPYAN SNGAR PHYIN, ,ZHAL MTHONG BA RANG GIS SNANG BA 'GYUR, KHONG TSE RABS KYI BLA MA YIN PA 'DRA, ,PHA SKU DRIN CAN GYI ZHABS DRUNG DU, ,LO DRUG ZLA MTHONG BRGYAD DU BSDAD, ,LUS SKU DANG GRIB MA BZHIN DU 'GROGS, , ZANG ZING GI 'BUL RGYU MA MCHIS TE, ,LUS NGAG GI ZHABS TOG RDUL DU BRLAGS, ,THUGS GTING NAS MNYES PA'I NAD KA DES, ,SNYAN BRGYUD KYI GDAMS NGAG RDZOGS PAR GNANG, ,ZHES BYA BA LA SOGS PA GSUNGS PA DE YIN NO, ,DE YAN CHAD CUNG ZAD ZHIB PAR BRIS TE, BCOS MA MANG PO MTHONG BAS 'DI TZAM ZHIG 'THAD PA YIN NO SNYAM NAS BGYIS SO, ,DE LA RJE BTZUN GYIS RANG LO SUM CU RTZA BRGYAD PA LA MAR PA'I ZHABS DRUNG DU BYON, DER LO BZHI BCU RTZA BZHI'I BAR DU BZHUGS NAS, ZHE LNGA PA NAS SGRUB PA LA ZHUGS ZHES YI GE GZHAN LAS BYUNG BA DANG, 'BRI KHUNG CHOS RJE'I ZHAL NAS, RJE BTZUN GYIS ZHI BAR GSHEGS GSHEGS KYI BAR LO BZHI BCUR SKU LUS SGOM THAG DANG MA BRAL BA YIN ZHES GSUNGS PA DANG YANG 'BYOR RO, ,DE NAS RJE MAR PA'I ZHABS DRUNG NAS BYON TE LAM DU RNGOG LA'ANG PHYAG MDZAD, YUL DU PHEBS PA'I TSE, MA 'DAS NAS KHANG STONG DE'I GO PHUGS SHIG NA RUL BU BEMS@ POS G-YOGS@ PA ZHIG 'DUG PA LA SNGAS MDZAD DE ZHAL GCIG RIG PA GTAD NAS SDIG PA SBYANGS, SPUR@ DE MES BSREGS, SRING MO ZHING YOD PA'ANG YUL 'KHYAR,@ YUM SRAS GNYIS KYI ZHING SKAL ZHIG YOD PA SUS KYANG 'DEBS MA NUS PAR 'DUG, AA NE DE SNGON DGRA YIN KYANG, RJE BTZUN LA TSIG 'JAM @519 POS BTUD NAS DGA' BA LTAR BYED CING, ZHING DE AA NES@ BTAB NAS RGYAGS SKYEL BA'I CHAD BYAS, GRONG LAS YA ZAD 'PHAGS PA'I RI RTZA ZHIG TU ZLA BA DRUG BSGOMS PAS DROD KYANG CHER MA SKYES PA LA, ,MKHA' 'GRO MA ZHIG GIS LUS GNAD BSLABS PA BZHIN BYAS PAS DROD CHER 'BAR, DA NI DKA' BA SPYAD NUS PAR 'DUG SNYAM PA'I DGONGS PA SKYES NAS YUL NAS 'THON TE, SKYI@ RONG GI RI RTZE RNAMS LA BYON, MI LA'I RDZONG DRUG TU GRAGS PA YANG SKYID RONG GI RI RNAMS LA YOD PA YIN, DER LO DGU'I BAR DU ZVA LA GSOL BA'I THA SNYAD MDZAD NAS BRTZON 'GRUS DRAG POS BSGOMS PAS RLUNG LA RANG DBANG THOB, DE KHO NA NYID KYI YE SHES SHAR, MI GZHAN GYIS PHYI NAS BLTAS PA LA 'O BRGYAL BRGYAL 'DRA YANG, RJE BTZUN NYID BDE BA CHEN PO'I TING NGE 'DZIN LA BRTAN PAR BZHUGS SHING, BDE BA DRUG GI MGUR YANG GSUNGS, LO DGU LON RJES RANG DBANG GI TING NGE 'DZIN BRNYES PAS 'BROG PA MANG PO LA PHAN 'DOGS PA'I PHYIR TI SE'I@ BAR DU BYON, DER BON PO ZHIG RNGA LA ZHON NAS GANGS KYI RTZE MOR 'GRO ZHING 'DUG PA LA, RJE BTZUN GYIS SKAD CIG GIS GANGS KYI RTZE MOR GSHEGS NAS NA BZA' RAS GOS BRKYANG BAS BON PO RNGA DANG BCAS PA THUR DU LHUNG BA LA SOGS PA'I CHO 'PHRUL YANG BSTAN, DE NAS MAR BYON NAS RDOR MO LA SOGS PA'I YON BDAG MANG POS ZHABS TOG KYANG BYAS LA PHYIR BYON PAS, GANGS MO CHE BAB STE LO GCIG TU ZHUR MA NYAN, DE NAS CUNG ZAD ZHU BA DANG YON BDAG MO RDOR MO LA SOGS PA'I @520 YON BDAG 'GA' ZHIG GIS RJE BTZUN 'TSO BA MED PAS GSHEGS NGES MOD, DA GDUNG BTZAL SNYAM NAS PHYIN PAS, RI ZUR CIG NA GSA'@ ZHIG KHONG RNAMS LA BYA RA BYED CING 'DUG DE LOG SONG BA DANG KHONG RNAMS KYIS KYANG PHYIN TE, GSA'@ SONG BA'I LAM RNAMS MI'I RKANG RJES SU 'DUG DE NAS RE SHIG NA PHUG PA ZHIG NA DU BA CUNG ZAD PHYUR ZHING, MGUR GYI GSUNG ZHIG KYANG GRAGS NAS ZHABS DRUNG DU SLEB PA NA, GLEN PA KHYED RNAMS DE TZAM CI LA 'GOR, NGAS RI ZUR DE NAS BLTAS PAS KHYED RNAMS SA DE 'DRA NA SLEB 'DUG PA LA, 'DIR DA LAS MA PHYIN GSUNG, RJE BTZUN MA MTHONG GSA'@ ZHIG 'DUG PA LAGS ZHUS PAS, GSA'@ DE KHA NGA YIN GSUNG, SNGAR GSHEGS DUS RTZAM PA BRE GSUM DANG, RNA PA'I SHA RKANG PA ZHIG LAS MA BSNAMS PA LA, RTZAM PA PHUL BZHI TZAM LAS MA GOD@ PAR 'DUG RTZAM LHAG DANG SHA GZUG@ KHONG RNAMS LA BYIN, DA YUL BA RNAMS MYA NGAN GYIS NON YOD PAS GSHEGS PAR ZHUS TE BYON NAS, YUL PA RNAMS KYIS KYANG BSNYUN@ SMED,@ RJE BTZUN GYIS KYANG, RNAL 'BYOR DBYAR KHAMS BDE BAR BYUNG, ,YON BDAG SKU KHAMS BDE LAGS SAM, ,BYA BA LA SOGS PA'I MGUR MANG DU GSUNGS, DE NAS CHU BAR DU BYON, LHA 'DRE'I@ DMAG BYUNG BA ZIL GYIS MNAN, DE RJES YUL GRONG DANG DBEN PA'I GNAS SNA TSOGS PA RNAMS SU BYON ZHING BZHUGS NAS SLOB MA YANG SKYONG BA MDZAD, RGYA GAR DHARMA BO DHI DANG MJAL DU BYON PA LA KHONG GIS RJE BTZUN LA GUS PA'I PHYAG BTZAL, DAM @521 PA SANGS RGYAS KYANG DING RI NA BZHUGS PA'I SKABS SHED DU RJE BTZUN DANG MJAL ZHING GSUNG GLENGS BGYIS, CHU BAR DU 'DRE DMAG BYUNG BA DE, NGAM RDZONG STON PAS CHU PHO 'BRUG GI LO YIN PAR BYAS 'DUG PAS, RJE BTZUN GYI DGUNG LO BDUN CU RTZA GSUM PAR 'GYUR, RJE BTZUN GYI SLOB MA YANG RAS PA MCHED BRGYAD DU GRAGS TE, GUNG THANG GI GNYAN CHUNG RAS PA, LCEM LUNG GI NGAM RDZONG RAS PA, RTA MO'I 'BRI SGOM RAS PA, 'OD KHRA'I SE BAN RAS PA, SNI SHANG GI KHYI RA RAS PA, RAS PA ZHI BA 'OD, BDE BA SKYONG, RA RDZI RAS PA RNAMS DANG, , YANG KHYUNG TSANG BA YE SHES BLA MAS NI, SRAS KYI THU BO LTA BUR GYUR PA RAS CHUNG PA DANG, SANGS RGYAS SKYE BA GCIG GIS THOGS PA BYANG CHUB SEMS DPA'I SPRUL PA RJE SGAM PO BA CHEN PO DANG, SGOM LA SRAN TSUGS PA RONG CHUNG RAS PA DANG, DROD LA DBANG THOB PA RNAL 'BYOR PA ZHI BA SKYONG DANG, DAD PA DANG MOS GUS SU LDAN PA 'BRI SGOM YANG LEGS DANG, JO RDOR DANG, ZHANG NAG DANG, SE BAN STON CHUNG DANG, LU SKAM RAS PA DANG, YON BDAG MO LEGS SE DANG, RNAL 'BYOR MA LCAM ME DANG, SGRON NE LA SOGS PA CHOS NYID KYI DON RTOGS PA MANG DU BYUNG NGO ZHES 'DREN, RAS PA ZHI BA 'OD, SANGS RGYAS SKYABS, RONG CHUNG RAS PA GSUM MKHA' SPYOD DU BZHUD CING, LCAM MO BE TA, MDZES SE, CHOS KYI BYANG CHUB, 'BRING MTSAMS MA SPA TSAB GZA' RNAMS KYANG MKHA' SPYOD DU BZHUD DO, , @522 DE YANG MI'I 'GRO BA 'DUL BA'I MCHOG RJE SGAM PO BA, MI MA YIN RNAMS 'DUL BA'I MCHOG BKRA SHIS TSE RING, t'A KI MA RNAMS 'DUL BA'I MCHOG SNGAGS SKYES LHAN CIG SKYES PA'I SGRON ME'O ZHES KYANG GSUNG NGO, DE TZAM ZHIG NI RAGS PA BSDUS PA STE, YUL GCIG TU'ANG SKU SNA TSOGS SU STON ZHING, YUL DU MAR SKAD CIG GIS GSHEGS TE SEMS CAN GYI DON MDZAD PA'I RJE BTZUN CHEN PO 'DI'I SLOB MA TSANG BAR NI SU ZHIG GIS BGRANG BAR NUS, RJE BTZUN CHEN PO 'DI NI SLOB DPON 'JAM DPAL BSHES GNYEN YIN NO ZHES GRUB PA'I SKYES BU CHEN PO DAG GSUNG NGO, ,RJE BTZUN 'DI NI DGUNG LO BRGYAD CU RTZA BZHI'I BAR DU BZHUGS NAS, CHU MO YOS BU'I LO LA BRIN DU SKU GSHEGS PA'I TSUL BSTAN, GDUNG BZHU BAS GDUNG DANG RING BSREL LA SOGS PA NI CUNG ZAD KYANG MA BYUNG NGO, ,RJE BTZUN MA NYID KYI SPRUL PA MA GCIG ZHA MA LA 'KHOR 'GA' ZHIG GIS MI LA DE SANGS RGYAS SAM MA RGYAS ZHUS PAS, KHONG GI BRTZON 'GRUS DE GZHAN DANG MI MNYAM PAS SANGS RGYAS PAR NGES SO ZHIG GSUNG NGO, , DE LA RJE RAS CHUNG PA NI, RJE BTZUN SGRUB PA LA THOG MA BZHUGS PA'I SHING PHO BYI BA LA KHAB GUNG THANG GI SA CHAR 'KHRUNGS, MTSAN RDO RJE GRAGS ZHES ZER, PHA SNGA MO NAS SHI, KHU BO DANG, MA 'DUS NAS, KHU BO'I G-YOG BYED CING, GZHON PA'I TSE NYID NAS KLOG LEGS PAR MKHYEN, GRONG KLOG BYAS PA'I SKYOS MAS KHU BO DANG MA MGU BAR BYED CING YOD, RAS @523 CHUNG PAS LO BCU GCIG LON ZHING, RJE BTZUN MI LA'I MTSAMS LO DGU PO TSAR RJES KYI SHING PHO KHYI'I LO LA, RJE BTZUN GUNG THANG GI GROG PO ZHIG NA BZHUGS PA DANG MJAL, DE NAS SKYOS MA RNAMS RJE BTZUN LA BSKYAL BAS, MA DANG KHU BOS RJE BTZUN DANG GNYIS LA 'BAR BAS, DER RJE BTZUN GYIS GTUM MO BSGOM DU BCUG PAS LEGS RAB BYUNG ZHING, RJE BTZUN GYI DRUNG DU BSDAD PA'I TSE, SNGAR KHU BOS PHRU RLOG BYED DU BCUG PA KLU DANG THUG NAS LO BCO LNGA LON PA'I TSE MDZE NAD KYIS ZIN NAS, DE NAS RJE BTZUN GYI DRUNG DU MA BSDAD PAR KHANG STONG RNAMS SU NYAL ZHING BSDAD, DE'I TSE AA TZA RA GSUM BYUNG NAS DE RNAMS KYIS SNYING RJE BYAS, RGYA GAR DU KHRID NAS BLA MA BA LA TZANDRA LA GTUGS, BA LA TZANDRAS GTUM PO KHYUNG SHAM CAN GNANG NAS BZLAS PA BYAS PAS, RING PO MA LON PAR MDZE LHAG MA MED PAR SOS, SLAR BAL POR 'ONGS NAS AA TU LA DA SHA LA SOGS PA LA BDE MCHOG LA SOGS PA'I RGYUD 'GA' RE YANG MNYAN, SLAR YANG RJE BTZUN GYI DRUNG DU 'KHOR BA NA, RJE BTZUN GYI ZHAL NAS, RGYA GAR NA LUS MED MKHA' 'GRO'I CHOS DE LA CHOS SKOR DGU YOD PA LA, RJE MAR PA'I GSUNG GIS NGAS CHOS SKOR DGU PO LAS LNGA LAS MA THOB, DA KHYOD KYIS TSANG BAR RGYA GAR NAS LONG ZHIG GSUNG BA'I ZHAL BRDA YOD PAS, DA RAS CHUNG PA KHYOD KYIS RGYA GAR DU SONG LA CHOS DE RNAMS TSANG BAR LONG ZHIG CES GSUNG BAS, RAS CHUNG PAS BLA MA'I GSUNG LA MNYAN TE RGYA GAR DU PHYIN NAS N'A RO DANG MEE TRI @524 GNYIS KA'I DNGOS SLOB TI PHU BA LA TSANG BAR ZHUS, GZHAN YANG GDAMS PA MANG DU BTZAL NAS BLA MA'I DRUNG DU BYON, CHOS SKOR DGU PO RNAMS BLA MA LA PHUL, BLA MAS NGAM RDZONG STON PA LA GNANG, NGAM RDZONG BAS DE LA YIG SNA YANG BRTZAMS SHING, DE NAS MCHED PA LA BDE MCHOG SNYAN BRGYUD ZER, RAS CHUNG PA NYID NAS GZHAN LA MCHED PA LA RAS CHUNG SNYAN BRGYUD DU GRAGS, DE LTAR RAS CHUNG PAS RJE BTZUN MI LA LA BRTEN NAS RTOGS PA KHYAD PAR CAN BRNYES, RANG NYID KYIS RGYA GAR NAS BLANGS PA'I GDAMS NGAG KYANG MANG DU YOD, RJE BTZUN GYI DRUNG DU DBUS SU 'GRO BAR ZHUS PAS, RJE BTZUN GYIS KYANG GZHAN LA PHAN PA CHEN PO 'BYUNG BAR DGONGS NAS GNANG, DRUNG NAS 'BYON PA'I TSE RJE BTZUN GYIS SA THAG RING RAB ZHIG TU BSKYAL NAS, DA PHYIN CHAD 'DI LTAR GYIS KYI ZHAL BKOD RNAMS KYANG LEGS PAR GSUNGS, DE NAS RAS CHUNG PAS CUNG MCHOG DKAR DU SLOB MA 'GA' ZHIG GI DON MDZAD CING LO LNGA BZHUGS, DE NAS DBUS SU PHYIN NAS DBU RU BYANG PHYOGS SU PHEBS, BAL PO AA SU DANG MJAL NAS GDAMS PA ZHUS PAS, AA SU'I ZHAL NAS, GDAMS PA BYIN GYI BU SMAD GSO DGOS PAS KHYOD KYIS BSOD SNYOMS GYIS LA NAS GANG BYUNG NGA LA PHUL GSUNG BAS, RAS CHUNG PAS SKYI SMAD YAN CHAD DU BSOD SNYOMS MDZAD PAS NAS KYANG SHIN TU MANG BAR RNYED NAS, AA SU LA PHUL, DE'I SKABS SHED DU BYA YUL DU BYA YUL BA'I MANG JA LA SKRUR BYON PAS SGO BTZIR BYUNG, DER DBYANGS BLANGS TE, BLA MA'I GDAMS NGAG @525 MED PAR KHA CHUS BSHAL BA LA BYANG CHUB RE BAR 'DUG CES BYA BA'I GLU BLANGS PAS, BYA YUL BA SPYAN CHAB SHOR BA LA, JA MA LA DU BA TSA'O GSUNG SKAD DO, , DE NAS LHOR BYON TE MKHAR CHUR THOGS SHIG BZHUGS NAS, N'A RO PA'I RO SNYOMS SKOR DRUG GI CHOS RNAMS GTER DU SBAS, SLAR NGAMS SHOD DU PHEBS PA NA, GZHAN GYI SROG 'PHROG PA'I MTHU'I MAN NGAG ZAB MO ZHIG YOD PA GZHAN LA MCHED NA MI RUNG DGONGS NAS RDZONG RI'I BRAG GSEB TU SBAS, 'PHYOS KYI SKYI TSANG DU YANG THOGS SHIG BZHUGS, DE NAS YAR KLUNGS SU BZHUGS PA LA PHYAG RGYA MO LHA GCIG CIG YOD PA, DES SKYES PA GZHAN DANG LHAN CIG NYAL BAS THUGS SKYO STE BROS NAS SHAMBU'I GANGS LA THOGS SHIG BZHUGS, DE NAS GNYAL DU BYON TE, GNYAL BYAR LO RO GSUM DU BYON ZHING LO ROR SHAS CHE BAR BZHUGS, PHYIS BYAR DU BZHUGS PA'I TSE KHYUNG TSANG PAS MJAL ZHING, LO ROR BZHUGS PA'I TSE CHOS RGYAL RIN CHEN GLING PAS MJAL NAS SNYAN BRGYUD KYI GDAMS PA RNAMS THOB, DE LA SPYIR SLOB MA MANG YANG THUGS KYI SRAS BCU GSUM BYON NAS, LO BYI MGO BA, GTZANG PA SUM PA, BYAR BO PAR SHER SNANG, LO RO GLAN BYI MGO BA BLA MA SGOM CHOS, LO RO MI SNA BA SUM STON CHOS DAR, BUR SGOM NAG PO, LA STOD PA ZANGS RI RAS PA, G-YE CHEN MO BA 'BRI SGOM DON GRUB, GRA PHYI BA GNYAL RDO RJE 'OD, GNYAL SMAD PA CUNG STON RGYAN NI, GNYAL SMAD PA CUNG STON RGYAS PA, G-YE CHUNG BA DGE BSHES KHYUNG PO DANG BCU GNYIS KYIS DBANG YANG RDZOGS LA, YE SHES @526 KYANG NGOS ZIN, YAR KLUNGS PA LHA RJE LHA 'BAR GYIS NI DBANG RDZOGS KYANG YE SHES NGOS MA ZIN ZER, GZHAN YANG NYE GNAS RIN CHEN GRAGS, GNYAGS GCER BU LA RTA SHOD RAS PA YANG ZER, SGOM CHEN SMON LAM, MAL YER PA BA, MNGA' RIS PA GSAL MCHOG JO MO SGRE MO, LHO PA BYANG STON, 'TSUR STON DBANG DE, DUS GSUM MKHYEN PA, TZA RI SGOM CHUNG LA SOGS PA RNAMS SO, ,SNGON MTSO SNA DRIL CHUNG DU BU MO LNGA DANG MJAL ZHING GLU BLANGS PA'I DBUS NA MO DES PHYIS RAS CHUNG BA LA BRTEN NAS BSGOMS PAS, SE MO DO NAS MKHA' SPYOD DU GSHEGS PAR GRAGS SO, ,DE LTAR GZHAN GYI DON MANG DU MDZAD DE, DGUNG LO BDUN CU RTZA BRGYAD PA LCAGS MO SBRUL LA GSHEGS SO, ,RAS CHUNG PA NAS BYUNG BA'I GRUB RGYAL MA'I TSE SGRUB KYI LO RGYUS LA, RAS CHUNG BAS BRGYAD CU RTZA GNYIS BZHUGS ZER BA YOD NA'ANG, DNGOS KYI SLOB MA MCHOG RNAMS KYIS BSTAN RTZIS ZHIB YANG DAG PA MDZAD PA LAS BDUN CU RTZA BRGYAD DU GSAL BA YIN NO, LO BYI MGO BA NI, YUL GNYAL STOD PA, RAS CHUNG PA LA GSER GYI MAntAL PHUL NAS DBANG GDAMS NGAG THAMS CAD RDZOGS PAR ZHUS, RLUNG AA BA DH'U T'IR TSUD NAS SANGS RGYAS DANG BYANG CHUB SEMS DPA' DPAG TU MED PA'I ZHAL GZIGS, BDE MCHOG DPA' BO GCIG PA'I ZHAL YANG GZIGS, RNAL 'BYOR GYI DBANG PHYUG CHEN POR BZHUGS, MA GCIG G-YANG DGOS KYI SRAS MO ZHIG GIS ZHABS TOG MDZAD NAS RJE RAS CHUNG PA'I SPYAN SNGAR LO NYI SHU @527 RTZA LNGAR GRAL DPON MDZAD DE 'KHOR THAMS CAD SKYONG ZHING BZHUGS PA YIN NO, ,RJE BTZUN GTZANG PA NI, LAS STOD CUNG PA'I SMAD KYI SUM PA NYE'U MKHAR ZHES BYA BA NA, YAB SUM PA DBANG PHYUG CES BYA BA DANG, YUM RMA MO KHYE MKHAR ZHES BYA BA'I SRAS LNGA'I CHE DAG TU 'KHRUNGS, KHYIM THAB BYED KHAR G-YU RDOG KHYER NAS MYANG STOD STAG TSAL DU STOD LUNG PA RGYA DMAR BA DANG, ROG MNGON PA GNYIS KYI GRVA SAR BYON NAS RAB TU BYUNG STE LO GCIG BZHUGS, DE NAS RJE RAS CHUNG PA'I SPYAN SNGAR BYON PAS SHIN TU MOS PAR GYUR NAS, PHYAG G-YAS PA'I SRIN LAG BCAD DE MAR ME BYAS NAS PHUL, DGUNG LO NYI SHU RTZA GCIG GNYIS LA MJAL NAS GZIMS G-YOG MDZAD DE, ZHAL MJAL TSAD LA MTHONG PHYAG GSUM GSUM MDZAD PA DANG, ZHAG RE LA PHYAG BRGYA BRGYA MDZAD PAR DAM BCAS TE BZHUGS, DANG PO NAS YAB YUM GNYIS RJE BTZUN GYI YON BDAG TU GYUR PA DANG, THAG RINGS SU CHOS LA BYON PAS, KHONG GIS NYE GNAS MDZAD PHAN CHAD KHONG MED PA'I CHOS DANG GDAMS NGAG THUN CIG KYANG GSUNGS PA MED SKAD, RAS CHUNG PA GSHEGS RJES GDAN SA GZUNG, DE'I DUS NA CHU BO GANG+G'A TSUN LA BZANG BAR GRAGS, GDAMS NGAG NI RGYA BOD GNYIS KA NA CHE, THUGS RJES NI SEMS CAN THAMS CAD RJES SU 'DZIN PA ZHIG BZHUGS, YANG SDE SNOD 'DZIN PA NAS MA DE BUD MED DANG BYIS PA YAN CHOD MI DAD PA DANG SKUR BA 'DEBS PA NI GCIG KYANG MED, KHONG GI MDZAD SPYOD SNA RE MTHONG BAS SEMS LA PHAN ZHING, SLOB DPON GZHAN LA CHOS DANG @528 GDAMS NGAG TSAR MANG PO NYAN PA BAS, NAD KA 'DI YIN GYI TSIG RE GSUNGS PAS DON MANG PO KHROL NAS 'GRO BA, THUGS LA YON TAN RGYA CHEN MNGA' YANG ZHAL NAS KHENGS SKYUNG 'BA' ZHIG MDZAD PA ZHIG BZHUGS, RJE PHAG MO GRU PA'I ZHAL NAS KYANG RGYA GAR GYI GRUB THOB CHEN PO ZHIG YIN TE, RTEN 'BREL AEN TZAM ZHIG GIS PHAN THOGS CHE BA MA BYUNG BA YIN GSUNG, 'DI LA RAS CHUNG PA DANG SLOB MA THUN MONG BA 'GA' RE YANG YOD DO, BUR SGOM NI, RJE PHAG MO GRU PA DANG RMOG COG PA GNYIS KA'I BLA MA YIN, KHYAD PAR PHAG MO GRU PA LA MKHA' 'GRO MA BZHI RJES SU 'BRANG GI 'DUG PA DANG, GDAN SA YANG 'DI 'DRA BAR 'BYUNG ZHES BYA BA'I LUNG BSTAN PA RNAMS JI LTA BA BZHIN DU BYUNG ZER, KHYUNG TSANG BA YUL STOD LUNGS SU, SHING MO LUG GI LO LA 'KHRUNGS, BYA 'DUL LA RAB TU BYUNG, RGYA DMAR LA BSNYEN PAR RDZOGS, SPA TSAB LO TZ'A LA DBU MA GSAN PAS BSTEN LONG MA BYUNG BAR DAR YON TAN GRAGS LA RIGS TSOGS GSAN, BZAD PA DBANG RDOR LA SPYOD PHYOGS RNAMS ZHUS, RGYA DMAR PA LA DBU TSAD NYAN, SE LA PHAR PHYIN DANG 'JAM DPAL, PHUG PA BA LA RA LI DANG 'PHAGS SKOR, JO BSOD LA BDE MCHOG DANG KRi YA, LHO BA LA KHA RAG SKOR, NAD PA DANG RVA LO LA DUS 'KHOR DANG NAG 'JIGS, GNAM 'PHAR BA LA BKA' GDAMS, 'KHON PHU BA LCAM SRING LA LAM 'BRAS, GLING KHA BA? LA GZER LNGA, DGE BSHES RGYA LA RIM LNGA, RNGOG LA DGYES RDOR RNAMS GSAN TE, DE'I TSE GDAMS NGAG MA BYUNG NAS 'BRI @529 SGOM GLING KHA BA'I SAR PHYIN PAS 'DAG 'BYAR THON NAS ZHAG BDUN SONG BA ZHIG DANG MJAL, GDAMS NGAG ZHUS PAS GTUM MO SGYU LUS RMI LAM RNAMS KHRID BYAR BTUB PA ZHIG BYUNG, GZHAN RNAMS LUNG DU GSAN, KHONG GI ZHAL NAS, DBUS PA GLEN RAS CHUNG PA DBUS NA BZHUGS YOD PA LA ZER BAS, RAS CHUNG PA'I SAR BYON MJAL BA ZHUS PAS, MI RNAMS NA RE, BTZUN PAS SUN NAS YOD PAS MI MJAL LA CHE ZER BA ZHIG LA MJAL, NGA'I RMI LAM DU ZLA BA RANG GSAL TZAM ZHIG NA RE, NYI MA 'OD DANG LDAN PA 'ONG BAR YOD ZER BA RMIS, ZLA BA DE KHYONG KYI SLOB MAR 'DUG NYI MA DE KHYOD DU 'DUG PAS GDAMS NGAG SBYIN NO GSUNG NAS, ZHAG DGU BCU THAM PA LA SNYAN BRGYUD TSANG BAR GNANG, TSOGS 'KHOR KYANG DGU BTANG, DA 'DIR MA SDOD PAR SONG, NGA MA SHI BA'I BAR DU BLA MA DANG GDAMS NGAG GSANG, DE NAS RGYAL PO NAS MDZE BO'I BAR SNOD DU GYUR TSAD LA SHOD LA, GDAMS PA ZONG DU MA BSGYUR GSUNG NGO, DE NAS LAN GROR KHYUNG TSANG BRAG LA LO BDUN BZHUGS, GZHAN GYIS BSNYEN BKUR BYED PA GCIG KYANG MA BYUNG, HA BO'I GANGS LA'ANG BZHUGS, KHYUNG TSANG DU PHUG RON LA GRONG 'JUG KYANG MDZAD, SNANG BA 'DI LA THOGS PA MED GSUNG, GZHAN YANG YI DAM DU MA'I ZHAL GZIGS PA DANG, SKU 'TSAL 'O MAR 'BAB PA DANG, ZAG PA RGYUN CHAD PA DANG, THUGS DAM MNYAM RJES MED PA LA SOGS PA'I YON TAN DPAG TU MED PA MNGA', DGUNG LO DRUG CU RTZA GNYIS PA ME PHO SPRE'U LA SGA @530 GONG DU GSHEGS NAS SPUR SBYANGS PAS RING BSREL DPAG TU MED PA BYON NO, , KHYUNG TSANG BA'I SLOB MA MA CIG AONG JO NI, 'O YUG TU 'KHRUNGS, GDUNG RUS RGYA YIN, SPYIR GDAMS NGAG LA GZHON DUS NAS THOS BSAM MANG PO MDZAD, BYE BRAG TU KHYUNG TSANG BA DANG MJAL NAS, SNYAN BRGYUD KYI GDAMS NGAG RDZOGS PAR THOB, GNAS LUGS RTOGS PA'I RTOGS PA KHYAD PAR CAN BRNYES, DNGOS PO THAMS CAD BLA MA LA 'BUL BA'I SBYIN PA DANG, SGA GONG DU DBANG GI SHES RAB MA BYAS PAS NYAMS SKYES TE SDOM PA GSUM LDAN DU GYUR BA'I TSUL KHRIMS CAN DANG, GSHIS KYI GNAS LUGS MNGON SUM DU RTOGS PA'I BZOD PA DANG, RIM PA GNYIS CHU BO'I RGYUN BZHIN DU GYUR BA'I BRTZON 'GRUS DANG, RANG SEMS KYI ME LONG DAG PA LA LHA DANG BLA MA DBYER MED DU SHES PA'I BSAM GTAN DANG, CHOS THAMS CAD SKYE BA MED CING MTSAN MA MED PAR BLA MA'I DRIN GYIS RTOGS PA'I SHES RAB STE, PHA ROL TU PHYIN PA DRUG GI YON TAN DANG LDAN PA'O, , YANG KHYUNG TSANG BA'I SLOB MA DGE SDINGS PA NI, SHANGS KYI LHA PHUR ZI STON MA RI TZE'I SRAS SU 'KHRUNGS, JO SRAS AA SENG ZHES BYA, GZHON NU NAS RAB TU BYUNG, GANGS PA SHE'U LA SOGS PA'I MKHAS PA MANG PO LA DBU MA DANG SPYOD PHYOGS GSAN, SLOB DPON RGYA MA BA LA SOGS PA LA YO GA LA SOGS PA'I GSANG SNGAGS MANG DU GSAN, DE NAS KHYUNG TSANG PA'I SPYAN SNGAR SNYAN BRGYUD ZHUS, CHOS NYID KYI RTOGS PA DANG LDAN PA, RTAG TU MNYAM PAR @531 GZHAG PA'I NGANG TSUL CAN ZHIG GO, , YANG MAR STON TSUL KHRIMS 'BYUNG GNAS NI, SHANGS KYI BRUD KYI DAD MO STENGS SU YAB MAR PA 'BAR BA RGYAL MTSAN BYA BA'I SRAS SU SBRUL GYI LO LA 'KHRUNGS, GZHON NU NAS RAB TU BYUNG, LO LON PA DANG BSNYEN PAR RDZOGS, BKA' GDAMS DANG 'DUL BA GSAN ZHING, 'JANG PA BYANG SKYABS LA BSLAB BTUS LA SOGS PA'I SPYOD PHYOGS NYAN, SUM STON DGE 'DUN LA GSANG SNGAGS MANG DU GSAN, KHYUNG TSANG PA LA SNYAN BRGYUD RNAMS TSANG BAR GSAN ZHING, CHOS NYID KYI RTOGS PA DANG BAR DO LA RTZAL 'BYONGS SHING, 'OD GSAL GYI NGANG NAS BLA MA RNAMS GSHEGS PA'I DUS MKHYEN PA LA SOGS PA YON TAN MANG PO MNGA', BYANG CHUB KYI SEMS KYIS GZHAN DON LHUR MDZAD CING, BYE BRAG TU SNYAN BRGYUD SHIN TU MANG BAR GSUNGS PAS DAR ZHING RGYAS PAR MDZAD DO, ,SHANGS PA MANG STON DANG DGE SDINGS PA'I SLOB MA ZHANG LO TZ'A BA NI, DBUS SDER, ZHANG MDO SDE GRAGS BYA BA'I SRAS SU 'KHRUNGS, MTSAN PHUR BA SKYABS SU BTAGS, LO BCU BZHI PA LA SLOB DPON RGYA SGOM BYA BA LA KLOG BSLABS SHING CHOS SGOR ZHUGS, N'A RO CHOS DRUG LA SOGS KYANG GSAN, SLOB DPON MYANG LA THUGS RJE CHEN PO MAR LUGS ZHUS, MNGA' BDAG MYANG RAL LA GTER MA'I ZAB CHOS ZHUS, RVA SANGS RGYAS KUN DGA' LA KYE RDOR RNGOG LUGS DANG, SNUBS KYI BSTAN BSRUNGS GSAN, ZHANG 'TSAL PA LA SEMS BSKYED DANG TING NGE 'DZIN GYI DBANG, RAS PA @532 DBANG NGE LA YAN LAG BDUN LDAN LA SOGS PA'I RAS CHUNG PA'I GDAMS PA MANG PO ZHUS, BANG SO BA LA SPUNGS PA SKOR GSUM, LHO BA RTA SGOM DANG DBON PO JO BSOD LA MAR DO'I BDE MCHOG RVA JO DAR LA DUS 'KHOR DANG 'JIGS BYED, DBU MA'I SLOB DPON BSOD RGYAL LA DGYES RDOR RAM LUGS DANG GSANG LDAN, BLA MA RDO RJE SKYABS LA RMOG COG PA'I CHOS SKOR, SHANGS PA MAR STON DANG DGE SDINGS PA LA SNYAN BRGYUD, RTA SGOM LA SNYAN BRGYUD YAB SKOR GYI GROL LAM DBANG DANG BCAS PA, LUS MED LA SOGS GNYAL PA GSUNG GCAD KYI SLOB MA ZHIG LA'ANG NGAM RDZONG LUGS KYI SNYAN BRGYUD, MA CIG AONG JO LA SNYAN BRGYUD KYI GDAMS PA DBANG DANG BCAS PA YOD PAR RIG NAS ZHUS PAS MA GNANG, PAn CHEN SH'AKYA SHR'I DANG DPYAL LO LA BSNYEN PAR RDZOGS NAS, MTSAN GRUB PA DPAL BZANG POR BTAGS, PAn CHEN GYI PHYAGS PHYIR LO GCIG BZHUGS TE CHOS ZHUS, SLOB DPON RGYANG RO GZHON? RING LA 'DUL BA DANG SPYOD PHYOGS GSAN, MA GCIG AONG JO'I DRUNG DU LAN GSUM BYON PA'I THA MA LA SNYAN BRGYUD TSANG BAR GNANG, KHYUNG TSANG PA'I PHYAG DPE DANG, DAM RDZAS KYI RIL BU, RGYAN DRUG LA SOGS GNANG ZHING LUNG BSTAN YANG MDZAD DO, ,SHANGS PA MAR STON GYI SLOB MA GNYOS SGOM LA THABS LAM GYI KHRID ZHUS, BA RI BA LA BLO 'PHEL LA SOGS, DGYER PHU'I KLOG SGYA? BA LA JO BO RJE'I LUGS KYI BDE MCHOG DANG, 'PHAGS SKOR, BLA MA KO BRAG PA LA LAM 'BRAS ZHAM LUGS, KHRO PHU LO TZ'A BA LA RNAM SRAS @533 LA SOGS TE, CHOS ZHUS PA'I BLA MA BDUN CU YOD DO, DE NAS LHO BAL DU BYON NAS BAL YUL YE RANG DU PAn CHEN RATNA RAKshI TA LA SGRA TSAD BSLABS, RGYUD 'GREL PA DANG BCAS PA NYIS BRGYA LHAG PA ZHIG DANG, DBANG YONGS SU RDZOGS PA BRGYAD CU RTZA BZHI THOB GSUNG, PAndI TA SHR'I BI MA LA K'IRTI LA RJE BTZUN MA SGROL MA'I DBANG DANG DKYIL CHOG LA SOGS MANG DU ZHUS, THANG STON LA RGYUD 'GREL GSUNG DUS 'GREL t'IK GZHAN DU LUS NAS MA LON PA LA, BLA MA LA GSOL BA BTAB PAS GSAN PA'I RGYUD 'GREL THAMS CAD KYI RDO RJE'I TSIG GI MDUD PA DUS GCIG LA GROL BA DANG, KHYUNG TSANG PA LA GSOL BA BTAB PAS MNAL LAM DU DBANG BSKUR BAS RTZOM PA LA MCHOG TU GYUR, PAn CHEN LA BDE MCHOG GI DBANG ZHUS DUS SA G-YOS, GSANG 'DUS GSAN DUS BDE MCHOG GIS RGYUD GSUNGS, GSHIN RJE GSAN DUS THUGS RJE CHEN PO SER BO G-YO BA DANG BCAS PAS CHOS GSUNGS, BDE MCHOG GSAN DUS t'I KI MAS GNANG BA BYIN, KHRID MDZAD DUS SHIG TU ROL MO RANG 'KHROL, BHA RO LA DBANG MDZAD DUS GTOR MAS MKHA' 'GRO MA BTUL, STOD 'GREL GYI DBANG GI DUS SU LCE SPYANG DNGOS SU BYUNG, PHRENG BA'I 'GYUR MDZAD DUS LTAS NGO MTSAR CAN BYUNG, MNAL LAM DU BRAM ZE CHEN PO DANG MJAL NAS CHOS GSUNGS, SA GDON GYI CHO 'PHRUL BDUD SKOR BZLOG GIS BZLOGS, DPE DKAR GYIS GNOD PA RTZOM PA DRAG PO'I BRTUL ZHUGS KYIS BCOS, BAL YUL DU MU STEGS KYI NGAN SNGAGS MA ZHUM PA'I SPYOD PAS BZLOGS @534 PA LA SOGS PA MANG NGO, ,RDO RJE PHRENG BA LA SOGS PA'I 'GYUR YANG MANG DU MDZAD, MAN NGAG SNYE MA'I t'I KA RIN PO CHE'I GTER MDZOD, BRTAG GNYIS KYI MTHA' GNYIS RNAM SEL, RAB GNAS, BDUN TSIGS GZER LNGA'I MAN NGAG LA SOGS MANG DU MDZAD, TSONG 'DUS 'GUR MO'I DBEN GNAS BON GRONG GI DGON PAR DAM BCA' MDZAD DE, 'DAG 'BYAR GYI TSE MKHA' 'GRO MAS DNGOS SU BSTOD PA BYUNG, BON GRONG DU 'KHOR LO SDOM PA'I ZHAL GZIGS, CHOS THAMS CAD DBYINGS RIG DBYER MED PA'I RTOGS PA 'DU 'BRAL MED PA LA MNGA' BRNYES, ME MO BYA'I LO LA HE RU KA BKOD PA'I ZHING KHAMS SU GSHEGS SO, , ZHANG STOD DANG GNYOS SGOM GNYIS KYI SLOB MA SE STON JO KHRO NI, GTZANG GI RGYANG RONG 'KHRUNGS, MING RDO GCIG POR SDOD PA YANG BYAS, BCU GNYIS PA LA KLOG SHES, BCO BRGYAD PA LA BLA MA GSHEN STON GYI DRUNG DU SGYU 'PHRUL DANG YANG DAG BSLABS SHING, RDZOGS CHEN SEMS PHYOGS SKOR GYI LUGS KYI NAM MKHA' CHE GSAN PAS, SEMS KYI GNAS LUGS SHES, BRDA RTZA'I KHRID MDZAD PAS PHYAG RGYA CHEN PO LA 'PHRIG TSUD, LAM 'BRAS LA SOGS PA'I GDAMS PA YANG GSAN, PHA JO SNUBS STON LA PHUR PA'I PHRIN LAS DBANG SGRUB THABS DANG, SGYU 'PHRUL GYI PHRAN 'GA' YANG ZHUS, LO SUM CU PA LA GSHEN SGOM ZHIG PO LA LHAN CIG SKYES PA'I DBANG BZHI ZHUS, SUM CU RTZA GNYIS PA LA GNYOS SGOM LA SNYAN BRGYUD ZHUS, BDE MCHOG DANG @535 JO MO'I BYIN RLABS KYANG ZHUS, N'A RO CHOS DRUG SPYOD YUL, BLO SBYONG RNAMS ZHUS, SUM CU RTZA BDUN PA LA COG RO LHA SDINGS SU ZHANG LO TZ'A BA'I DRUNG DU SNYAN BRGYUD ZHUS, KHYUNG TSANG BA NAS BYUNG BA'I GDAMS PA RNAMS KYI SGRO 'DOGS BCAD, RDO RJE PHRENG BA'ANG GSAN, CHOS THAMS CAD RMI LAM SGYU MA LTA BUR RTOGS SHING, GZHAN LUS LA MNGA' BRNYES PAS GNYEN PO CHED DU 'DZIN PA'I RTOG PA BCOM, MDZAD PA THAMS CAD BYANG CHUB KYI SEMS RIN PO CHE LAS MA G-YOS PA ZHIG GO , YANG NGAM RDZONG STON PA BO DHI R'A DZA NI, YUL MDO KHRA LCIM LUNG, GDUNG RUS NGAM RDZONG YIN, BYAMS CHOS LA MKHAS PAR SBYANGS PAS STON PA ZHES ZER, RJE BTZUN LA GDAMS PA RNAMS RDZOGS PAR THOB, RJE BTZUN GYI BKA' LA BSDU BA YANG MDZAD, DES GUNG THANG RAS PA LA BDE MCHOG SNYAN BRGYUD RDZOGS PAR GNANG, DES RGYA PHO BA LUNG BA LA GNANG, DES CHOS SKOR DE'I RTZOM PA YANG MANG DU MDZAD, GSANG MTSAN ROL PA'I RDO RJE ZHES ZER, , YANG NGAM RDZONG PA'I SLOB MA GNYAL PA GSUNG BCAD PA NI, YUL GNYAL RONG BA, DGUNG LO BCU DGU LA GOG DOR CHOS LA BROS, BLA MA MGON LA KHAMS GSUM YONGS GROL RTEN 'BREL DANG BCAS PA ZHUS, DE NAS LA STOD DU LDOM BU LA BYON PAS BRIN GYI LA SO NA NGAM RDZONG PA BZHUGS PA DANG MJAL, GSER SRANG PHYED PHUL NAS, 'KHOR BA LA BLO LOG SKYE 'CHIS @536 'JIGS NAS CHOS BYED PA YIN PAS, DBANG GDAMS NGAG DANG BCAS PA ZHU 'TSAL ZHUS PAS, NGAM RDZONG PA'I ZHAL NAS, RJE MI LA'I GDAMS NGAG THAMS CAD RGYUD DANG 'BREL BA THABS LAM GYI GDAMS NGAG DANG, BYIN RLABS DANG 'BUL BA SNYAN BRGYUD KYI GDAMS NGAG GNYIS SU 'DUS, DE LA SNYAN BRGYUD KYI GDAMS NGAG 'DI GZHAN LA BYIN PA MED, RJE BTZUN RAS CHUNG PA LA BYIN PA SKAD ZER GYI 'DUG KHO BO LA RJE N'A RO PA'I CHOS BRGYAD TSANG BAR GNANG BA YIN GSUNG NAS, KHYAD PAR GYI CHOS BRGYAD GDAMS NGAG DANG BCAS PA TSANG BAR GNANG, LHAN CIG SKYES PA'I RTOGS PA LA NGO SPRAD NAS, KHYOD KYIS GSANG SPYOD KYI TSUL DU NYAMS SU LONG ZHIG GSANG SNGAGS KYI SNOD DU RUNG BA SHIN TU DKON PAR 'DUG PAS, BRGYUD PA ZIN PA'I SNOD LDAN GCIG GI RGYUD SMIN PAR GYIS LA GDAMS NGAG TSANG BAR BYIN GSUNG, SPYIR SPYAN SNGAR SNGA PHYI DRIL BAS ZLA BA BCO LNGA BZHUGS, DE NAS DBUS SU LHA SA DANG SRIN PO RI LA SOGS PAR YUG RE BYON, DE NAS 'CHID RU'I 'CHAD PO CHE'I DGON PAR ZHABS KYIS 'BYON PA 'ONG YANG GONG BAR BRDZUS, GSUNG SMRA BA BCAD NAS LKUGS BRDZU MDZAD DE LO BCO BRGYAD DU PHYIR MA BYON PAR SGRUB PA RTZE GCIG TU MDZAD, DE'I PHA ZAD CIG TU LO GCIG DANG, LCANG SAR SER MA BRAG GDONG DU LO 'GA' BZHUGS, DER MCHOG THUN MONG GI DNGOS GRUB LA MNGA' BRNYES, MNGON PAR MKHYEN PA MNGA', DGUNG LO BDUN CU LON PA LA GSHEGS, GNYAL BA GSUNG BCAD PA NYI MA SENG GES @537 DMAR BU BRAG PA GZHON NU SHES RAB LA GSUNGS, DES 'BROM STON RIN CHEN SHES RAB, DGYER SGOM RI BA RIN CHEN TSUL KHRIMS, G-YANG SKYONG BA RGYAL BA DON GRUB, GSER GLING PA BKRA SHIS DPAL, CHOS RJE DKON MCHOG RDO RJE, MKHAS GRUB AA H'Um BADZRA, SPRE'U ZHING RIN PO CHE BYANG CHUB DPAL, DES BDAG LA BDE MCHOG SNYAN BRGYUD KYI DBANG DANG GDAMS PA MANG PO MKHAN CHEN SENG GE DPAL BA DANG LHAN CIG TU GNANG BA LAGS, RGYA PHO LUNG BAS GTZANG 'PHRANG BA CHEN PO, DGE BA SPANG KHA BA, MTHA' BZHI BYA BRAL BA, BLA MA GZI BRJID PA, BLA MA DKON MCHOG BZANG PO, MKHAN CHEN SHES RDOR BA, CHOS SGO BA CHOS DPAL SHES RAB, RGOD PHRUG GRAGS PA 'BYUNG GNAS KYI BAR DU BRGYUD DE GDAMS PA RNAMS DA LTA'I BAR DU MA CHAD PAR YOD PA'O, GZHAN YANG SNGON BYON PA'I BLA MA RNAMS KYI RNAM THAR DU SNYAN BRGYUD GSAN PA'I YI GE 'DUG NA 'ANG, DE DAG GANG LAS BRGYUD MA 'TSAL BAS, BDAG NYID LA BRGYUD PA'I RGYUS 'TSAL BA TZAM ZHIG BRIS PA'O, ,SANGS RGYAS MYA NGAN LAS 'DAS NAS LO SUM BRGYA NA BRAM ZE CHEN PO BYON, DES LO SUM BRGYA LON PA LA RJE RI KHROD PAS MJAL, DE NAS LO NYIS STONG BZHI BRGYA RDZOGS PA NA MEE TRI BAS MJAL, DE NAS GLING RAS GSHEGS PA YAN CHOD DU LO BRGYA DANG BDUN CU SONG, DE RJES NAS ME PHO SPRE'U YAN LA LO NYIS BRGYA DANG BRGYAD CU RTZA BRGYAD SONG, SPYIR STON PA 'DAS NAS LO SUM STONG BZHI BRGYA DANG LNGA BCU RTZA BRGYAD ME PHO SPRE'U YAN LA SONG BA RAS CHUNG LUGS KYI BSTAN @538 RTZIS YIN NO, BDE MCHOG SNYAN BRGYUD DANG RAS CHUNG SNYAN BRGYUD KYI SKABS SO,, ,, SGAM PO BA GDAN SA DANG BCAS PA'I SKABS, RJE BTZUN MI LA'I BU SLOB RNAMS KYI MCHOG TU GRAGS PA'I RJE SGAM PO BA NI, RGYAL BA YANG DGON PAS, SPRUL PAS SPRUL PA'I BRGYUD 'DZIN SGAM PO BA, ,ZHES GSUNGS PA LTAR, RGYAL PO'I KHAB KYI GRONG KHYER DU KHYIM BDAG CHEN PO PHYUG CING RIGS MTHO BA'I SRAS ZLA 'OD GZHON NUR GYUR PA'I TSE, BYA RGOD PHUNG PO'I RI LA THUB PA'I DBANG PO LA MDO TING NGE 'DZIN GYI RGYAL PO ZHUS SHING, DE NYID KYI TSE RANG GI KHYIM DU STON PA 'KHOR DANG BCAS PA SPYAN DRANGS NAS LEGS PAR BSNYEN BKUR, STON PAS KYANG KHYOD KYIS SNYIGS MA'I DUS SU MDO SDE 'DI ZUNG CIG CES BKA' STZAL, ZLA 'OD GZHON NUR GYUR PAS KYANG SROG DANG BSDOS TE MDO SDE 'DZIN PAR ZHAL GYIS BZHES, STON PAS KYANG KHYOD MDO SDE 'DZIN PA'I TSE NGA NYID KYIS GROGS BYED DO ZHES BKA' STZAL BA'I BYANG CHUB SEMS DPA' ZLA 'OD GZHON NU DE NI RJE SGAM PO BA DANG, GROGS MDZAD PAR ZHAL GYIS BZHES PA'I THUB PA NI SLOB DPON PHAG MO GRUB LEGS PAR GDA', ZLA 'OD GZHON NUR GYUR PA DE YANG BSKAL PA GRANGS MED PA'I SNGON ROL TU, DE BZHIN GSHEGS PA RIN PO CHE PADMA'I ZLA BA RNAM PAR DAG PA MNGON PAR 'PHAGS PA'I RGYAL PO'I BSTAN PA 'GRIBS PA NA, BYANG @539 CHUB SEMS DPA' ME TOG ZLA MDZES ZHES BYA BAR GYUR NAS, KUN TU BZANG PO ZHES BYA BA'I NAGS SU BYANG CHUB SEMS DPA' MANG PO LA CHOS BSTAN ZHING, PHYIS RGYAL PO'I PHO BRANG 'KHOR DU SKYE BO MANG PO LA CHOS BSTAN PAS, RGYAL PO DPA' BAS BYIN GYIS GSHED MA LA BSGOS NAS ME TOG ZLA MDZES BSAD CING DUM BUR GTUBS PA LAS, DUM BU RNAMS KYANG KHA DOG MA NYAMS PAR YUN RING DU 'DUG PA MTHONG NAS, RGYAL PO CHER 'GYOD DE BSHAGS PA BYAS PA LA SOGS PA'I GTAM RGYA CHER MDO NYID NAS GSAL BA LA, RGYAL PO DPA' BAS BYIN NI STON PA THUB PA'I DBANG PO NYID YIN PA DANG, ME TOG ZLA MDZES ZLA 'OD GZHON NUR GYUR PA NYID YIN PA DANG, ZLA 'OD GZHON NU CHOS RJE SGAM PO BAR GYUR PA LA SOGS PA LA SKAL BA DANG LDAN PA'I SKYE BO RAB TU MANG PO YID CHES PAR GYUR TE, DE'I BKA' BRGYUD 'DZIN PA RNAMS KYIS KYANG MDO SDE TING NGE 'DZIN GYI RGYAL PO LA GCES PAR 'DZIN ZHING MCHOD PAR MDZAD PA YIN NO, ,DON 'DI NI DGE BA'I BSHES GNYEN PO TO BA'I ZHAL NAS, DA LTAR GYI PHYAG RGYA CHEN PO SKAD PA CIG YOD DE, DE MDO SDE TING NGE 'DZIN GYI RGYAL PO'I DON YIN, 'O SKOL NI DE LA DMAD PAR YANG MI BYA LA, 'JUG PAR YANG MI BYA GSUNG BA'I DON DE YANG, SGAM PO BA ZLA 'OD GZHON NU YIN PA LA DGONGS PA YIN, DE LTA BAS NA SGAM PO BA'I CHE BA'I YON TAN NI GSUNG RAB THAMS CAD LAS BSHAD PA'I SANGS RGYAS KYI YON TAN RNAMS NYID YIN PAS NA, YON TAN GYI TSAD SMOS SU LTA CI YOD MOD, DE LTA NA YANG SKYE BO PHAL @540 PA DANG MTHUN PAR SKYE BA GZUNG BA LA SOGS PA'I TSUL SHAS SHIG BSNYAD PAR BYA STE, DE NI YUL GNYAL SNYI, GDUNG SNYI BA, YAB SNYI BA RGYAL PO, YUM SHO MO GZA' CHE LCAM GNYIS LA SRAS PO GSUM 'KHRUNGS PA'I BAR PA, SA MO LUG GI LO LA 'KHRUNGS, GZHON NU'I DUS SU SMAN BSLABS PAS MKHAS PAR MKHYEN, JO MO ZHIG KYANG BZHES PA LA, LHA RJE NYID NYI SHU RTZA LHAG BZHES PA'I DUS JO MO DE 'DAS PAS THUGS SKYO STE, NYI SHU RTZA DRUG PA LA DGE BA'I BSHES GNYEN SHAB PA GLING PA LA TSIG RDZOGS MDZAD, DVAGS PO SMAD DU MAR YUL BLO LDAN LA BDE MCHOG DANG RIN CHEN RGYAN DRUG MA LA SOGS PA'I DBANG MANG PO YANG GSAN, DE NAS DBU RU BYANG PHYOGS SU BYON NAS, BYA YUL BA DANG, SNYUG RUM PA, LCAGS RI GONG KHA BA RNAMS LA BKA' GDAMS KYI CHOS MANG DU GSAN, DE NAS SLOB DPON BYANG CHUB SEMS DPA' LA SGOM PA'I MAN NGAG ZHUS NAS BSGOMS PAS ZHAG BCU GSUM TZAM DU MI 'CHOR BA'I TING NGE 'DZIN YANG 'KHRUNGS, DE NAS RANG GI YUL DU BYON NAS BSGOM ZHING BZHUGS PA'I TSE, NYE LOGS NA SPRANG PO GSUM 'DUG PA'I GCIG NA RE, ZAN RDOG CHES PA RE DANG TSOD MA PHOR PA RE BZAR YOD NA DGA' BA LA ZER, GCIG NA RE, SMON NE BYED NA MNGA' BDAG RTZE LDE LTA BU LA SMON MOD ZER, RGAN PA GCIG NA RE, SMON NE RANG YIN NA MI LA RAS PA BYA BA ZAS GOS KYI ZHEN PA MED PA, NAM MKHA' LA 'PHUR NAS PHAR 'BYON TSUR 'BYON BYED PA CIG YOD PAR 'DUG DE 'DRA BA LA SMON MOD ZER, DER MTSAN THOS @541 PAS SHIN TU DAD PAR GYUR TE, SPRANG PO DE RNAMS 'DOD PA'I BZA' BTUNG BYIN NAS, DE 'DRA BA'I RNAL 'BYOR PA DE GANG NA YOD PA YIN DRIS PAS, SPRANG PO DE NA RE, BRIN SNYE NAM GYI RI LA BZHUGS PA YIN, LA LAS KHONG MJAL DU PHYIN YANG MI MTHONG, LA LAS MCHOD RTEN DU MTHONG BA YIN ZER, DE NAS DE RGONGS BSGOM ZHING BZHUGS PA'I RMI LAM DU RNGA CHEN PO CIG BRDUNGS PAS YUL RGYA CHEN POR THOS PA DANG, RAG DUNG CIG BUS PAS KYANG SKAD SHIN TU CHE BAR BYUNG, BOD NA 'DI LAS CHE BA'I RAG DUNG MED ZER BA RMIS PAS, BLA MA RJE BTZUN DE DANG MJAL BA'I LTAS YIN NAM SNYAM PA BYUNG, DER LAM DU CHAS TE DBU RU'I BLA MA RNAMS LA PHYAG SKYEL DU BYON NAS, DA BLA MA 'DI 'DRA BA ZHIG GI BSNGAGS PA THOS PAS, DE MJAL DU 'GRO ZHUS PAS, LA LA NA RE, NGED RANG GI GDAMS NGAG GIS CHOG MOD GSUNG, DE YANG BTUD DE ZHUS PAS SONG ZHIG PA'I GNANG BA DANG, NGED KYI RTAGS MA BOR BYA BA GSUNG, DER 'GONGS STON BYA BA ZHIG DANG 'GROGS BYON PAS, GTZANG TSONG 'DUS SU SLEB PA NA 'GONGS STON NA PAS DER LUS, KHONG RANG GIS BYON PAS, RJE BTZUN DANG NYI MA PHYED DANG GNYIS TZAM NA MJAL BA'I SAR BSNYUN DRAG PO 'GRONGS SU CHA BA CIG BYUNG BA LA, RJE BTZUN NYID LA GSOL BA BTAB BAS MYUR DU SOS, DE NAS BRIN DU PHEBS PA'I TSE, BTZUN PA CIG BSUR BYUNG NAS KHYED RE BSOD NAMS CHE NA ZER, DE CI YIN BYAS PAS, BLA MAS KHYED 'BYON BAR NA NING NAS LUNG BSTAN, DA LTA @542 BSUS SHOG GSUNG BA'I BKA' BYUNG BAS 'ONGS PA YIN ZER, 'O NA NGA RANG YANG SKAL LDAN DU 'DUG SNYAM PA'I KHENGS PA CUNG ZHIG BYUNG BAS, DE BLA MAS MKHYEN NAS ZLA BA PHYED DU MA MJAL, DE NAS NYIN CIG SHOG GSUNG NAS BYON PA NA, RJE BTZUN PHA BONG CIG GI STENG NA BZHUGS 'DUG PAS, GSER DUM CIG JA THUM BU CIG YOD PA PHUL BAS, GSER LA 'DI DANG NGA LO MI MTHUN GSUNG NAS MA BZHES, JA LA YANG NGA LA SKOL PA'I THAB CHA MED GSUNG NAS PHYIR GNANG, CHANG KA P'A LA GANG 'DUG PA GNANG BA, DGE SLONG YIN PAS BTUNG DU MI RUNG SNYAM BYUNG BA NA, BLA MAS MKHYEN NAS NAN GYIS BKA' STZAL BYUNG BAS, LHAG MA LUS PAR GSOL, KHYOD KYI MING CI YIN GSUNG, BSOD NAMS RIN CHEN BYA BA LAGS ZHUS PAS, BSOD NAMS BSOD NAMS BYA BA LAN GSUM GSUNGS NAS, BSOD NAMS TSOGS GNYIS BSAGS LAS BYUNG, ,SEMS CAN KUN GYI RIN PO CHE, ,BYA BA DE MGUR DU BZHENGS NAS, DE LA DBUS PA STON PA'I SNA LEN GYIS GSUNG, DE NAS GDAMS PA ZAB MO RNAMS BDAG LA GNANG BAR ZHUS PAS, KHYOD KYIS DBANG THOB BAM GSUNG, MAR YUL BLO LDAN LA RIN CHEN RGYAN DRUG DANG BDE MCHOG LA SOGS PA'I DBANG MANG PO THOB, DBU RU BYANG PHYOGS SU BKA' GDAMS KYI GDAMS NGAG KYANG MANG DU MNYAN, ZHAG BCU GSUM DU MI 'CHOR BA'I TING NGE 'DZIN ZHIG KYANG YOD ZHUS PAS, HA HA ZHES BZHAD MO CHEN PO ZHIG MDZAD, DE 'DRA BA'I TING NGE 'DZIN PAS GZUGS DANG GZUGS MED PA'I @543 LHA LA BSKAL BA'I BAR DU MI 'CHOR BA'I TING NGE 'DZIN YOD DE, 'TSANG RGYA BA LA MI PHAN, BYE MA BTZIR BAS MAR KHU MI 'ONG BA DANG 'DRA, BKA' GDAMS PA LA YANG GDAMS NGAG YOD DE, MAN NGAG MED, BOD KYI SNYING LA 'DRE ZHUGS PAS, JO BO RJE GSANG SNGAGS 'CHAD DU MA BCUG DE BCUG NA DA LTA BOD GRUB THOB KYIS GANG 'ONG BA YIN, BKA' GDAMS PA LA BSKYED RIM LNGA PHO RED PO RE DANG, RDZOGS RIM SNOD BCUD 'OD GSAL DU BSDUD PA RE LAS MED, DA KHYOD RANG BA'I GTUM MO AA THUNG BSGOMS DANG GSUNG, DER GSER ZHO GNYIS BRIN DU GNAS PO CIG LA GTAD NAS RGYAGS SKYAL BAR KHAS BLANGS, PHA BONG CIG GI RTZAR SHING DANG BAL BO LA BSDUS PA'I KHANG CHUNG CIG BYAS NAS, GZOD GDAMS NGAG ZHUS PA NA, KHYOD KYIS SNGAR DBANG THOB PA DES GO MI CHOD PA MA YIN KYANG, NGA RANG GI LUGS ZHIG KYANG BYED DGOS GSUNG NAS, PHAG MO'I BYIN RLABS KYI BKA' CIG GNANG, DER BLA MAS GNANG BA'I GDAMS NGAG BSGOMS PAS RTAGS MTHA' YAS PA RIM PAR BYUNG BA BLA MA LA ZHUS PAS, THAMS CAD LA LUS KYI GNAS 'DIR RLUNG DANG KHAMS ZIN PA'I RTAGS YIN, SKYON YANG MIN YON TAN YANG MIN DA DUNG BSGOMS SHIG GSUNG NAS, BSKYANGS PAS, ZHAG RE LA RLUNG THENGS RES CHOG PA DANG, RLUNG LAG SOR GYI RTZE MOR 'DRONGS PA BYUNG BA ZHUS PAS, DE YANG RLUNG LA DBANG THOB PA NI MIN LAS SU RUNG BA NI YIN GSUNG, NYI ZLA GZAS GZUNG BA'I SNANG BA BYUNG NAS, NGA NI NGA NI BYA BA LAN GSUM GSUNG @544 ZHING MCHOG GI GTUM MO GNANG, DE'I RTAGS KHYAD PAR CAN BYUNG BA NA KHYOD PHO RGOD RAB TU 'DUG GSUNG, DE LTAR ZHABS DRUNG DER ZLA BA BCU GSUM SONG, DA DBUS PA STON PA RANG DBUS SU BZHUD GSUNG NAS ZAM SNA CIG GI BAR DU SKYAL NAS, DER DA 'JIG RTEN BLOS THONG LA SGRUB PA 'BA' ZHIG GYIS, DUG GSUM RGYAS PA'I MI DANG MA 'GROGS, DE RNAMS KYI KHA RLANGS KYIS RANG GI DGE SBYOR 'GRIB PA YIN PAS, GNAS RI KHROD DANG DGON PA 'BA' ZHIG BSTEN, DA STE LO GSUM NA KHYOD LA DGE SBYOR GSHA' MA CIG SKYE, DE'I DUS SU NGA LA'ANG MTHONG 'DI MIN PA CIG 'ONG GSUNG BA LA SOGS PA'I ZHAL BKOD MANG PO GNANG STE, GNYAL DU PHEBS, SE BA LUNG BYA BA'I DGON PAR BZHUGS, DER BKA' GDAMS PA'I DGE 'DUN MANG PO YOD PAS, 'DI RNAMS KYI CHOS SPYOD KYI RAM MA BTEG NA SDIG SOG DGONGS NAS RAM BTEG CING, DE RNAMS DANG SPYOD LAM BSTUN PAS TING NGE 'DZIN CUNG ZHIG 'GRIBS, DA 'DIS MI 'ONG BAR 'DUG DGONGS NAS LO GSUM STAN DANG MA BRAL BAR BSGOM PA'I BRTZON 'GRUS BSKYED PAS GZOD SEMS KYI NGO BO MTHONG, CHOS THAMS CAD KYI DE KHO NA NYID MKHYEN, BLA MAS GSUNGS PA'I DGE SBYOR GSHA' MA DE 'DI YIN PAR 'DUG SNYAM PA DANG, BLA MA RJE BTZUN DE'ANG CHOS KYI SKU NYID DU 'DUG PA LA, RANG RES GRUB THOB CHEN PO CIG TU GZUNG 'DUG SNYAM PA'ANG BYUNG, DE NAS BLA MA RJE BTZUN GYI GSUNG BZHIN DU MI DANG 'GROGS LUGS SPANGS TE, DBEN PA'I GNAS MANG POR THOGS RE @545 THOt RE BZHUGS, MTHAR 'O DE GUNG RGYAL GYI GANGS LA BZHUGS NAS LO MANG RAB SONG BA NA, NYIN GCIG MI RGAN LA THOD CAN GOS BZANG PO GYON PA ZHIG BYUNG NAS, NGAS 'DIR KHYED KYI ZHABS TOG BYA SNYAM PA YIN TE, DA NGA'I BU DVAGS LHA SGAM POS GDAN 'DREN PAR 'DUG PAS DER GSHEGS SHIG ZER NAS MI SNANG BAR GYUR, DE LA RJE BTZUN GYI DRUNG DU MJAL BA'I LO DE RJE BTZUN GYI BDUN CU RTZA GCIG PA, RANG LO SUM CU RTZA GNYIS PA LCAGS PHO STAG GI LO YIN, PHYIR 'BYON PA'I DUS SU LCAGS MO YOS BU'I LO, 'BYON KHAR RJE BTZUN GYI GSUNG GIS LO BCU GNYIS NA BRIN GYI RI LA SHOG CIG GSUNG BA YOD PA, DE DBEN PA BSTEN PA'I SKABS SU DRAN NAS 'BYON PAR DGONGS TE LAM DU ZHUGS NAS YAR KLUNGS SU PHEBS PA NA, RJE BTZUN GSHEGS PA'I SKAD THOS SHING, KHYOD KYI SKAL PA YIN ZER BA'I RTEN SNA 'DRA BA YANG SPRAD BYUNG BAS, DE NAS PHYIR LOG PAS MKHA' 'GRO MAS KHYIM DANG KHA ZAS KHYAD PAR CAN SPRUL NAS GSHOS DRANGS, GSOL TSAR BA DANG GNAS LA SOGS PA GANG YANG MI SNANG, DE NAS YANG DBEN PA BSTEN NAS BSGOMS, 'O DE GUNG RGYAL NAS SGAM POR THEGS SO, ,'O DE GUNG RGYAL DU MA BZHUGS PA'I SNGA ROL GYI SKABS SHED DU NI, DBU RU'I BLA MA RNAMS DANG MJAL NAS 'GRO DON GYIS SHIG PA'I ZHAL BKOD GNANG BYUNG BA NA, 'GRO DON GYI RNAM PAR RTOG PA MED, TSE LO GSUM LAS MED ZHUS PAS, SNYUG RUM PAS 'DI LA SGRUB PA GYIS DANG RO KHUNG BRUS KYANG A'U TZI BA YIN GSUNG NAS, SGROL MA @546 DKAR MO GNANG BAS SKU TSE RING DU 'PHEL, G-YER DGE BSHES SGRE BA CAN DU BYON PA'I TSE, SGRE BA'I ZHAL NAS, KHYED RANG DA LAN NGA'I CHOS SKYONG 'DI KHYER NA KHYED RANG LA SHIN TU DGA' BA CIG 'DUG GSUNG PA LA, DE RES CHOS SKYONG YANG MA BSNAMS, PHYIS SGAM POR BYON NAS DGON PA DAR RGYAS BYUNG BA NA, SLOB MA GNYIS ZHUR BTANG BAS, SGRE BA'I ZHAL NAS, SNGAR BSNOMS ZHUS PA'I TSE BSNAMS NA THAL BA YANG 'CHAG PA CIG 'ONG BAR 'DUG STE MA BSNAMS, DA MAR TSUD 'DI DGE BSHES PA RANG GIS PHYAG TSUD LA GSOL CIG GSUNG NAS MAR CIG GNANG BYUNG BA LA, GSUNG BA BZHIN BYAS PAS MAR TSUD NAS MGON PO'I SGRUB SKOR RGYAS PAR BYUNG, NYID KYIS YIG CHA 'GA' RE YANG MDZAD, PHYIS MGON PO 'DI HA CANG BRTZUB DRAt 'DUG DGONGS NAS, NGA'I YI GE DE RNAMS CUNG ZAD NOR 'DUG PAS SO SO NAS KHYER SHOG GSUNG NAS BSDUS TE, YI GE RNAMS GZHAN LA MA GNANG ZHING MGON PO 'JAM PAR 'GYUR BA'I THABS MDZAD, DGE BSHES NYAN PA BYA BA CIG LA YOD PA DE MA 'DUS SHING, DE LAS MCHED PA YANG 'GA' RE BYUNG GSUNG NGO, ,SGAM POR PHEBS BA'I TSE GZUNGS KYI DBANG PHYUG RGYAL POS ZHUS PA'I MDO'I GLENG GZHIR, BCOM LDAN 'DAS THOG MAR CHOS THAMS CAD MNYAM PA NYID DU MNGON PAR RDZOGS PAR SANGS RGYAS PA ZHES 'BYUNG BA BZHIN, RANG NYID KYI PHYAG RGYA CHEN PO'I RTOGS PA NI MCHOG TU GYUR, CHOS KYI 'KHOR LO LEGS PAR BSKOR BA ZHES GSUNGS PA BZHIN, GDAMS NGAG RGYA CHEN PO'I @547 'KHOR LO NI NYIN DANG MTSAN DU CHAD PA MED PAR BSKOR, DE LA RJE BTZUN MI LA NI THABS LAM DANG PHYAG RGYA CHEN PO LOGS LOGS SU MI MDZAD PA LA, SNGAGS KYI SNOD DU RUNG BA RNAMS LA THABS LAM GYI GDAMS NGAG BSTAN, DBANG BSKUR MED KYANG PHA ROL TU PHYIN PA'I SNOD DU RUNG BA RNAMS LA PHYAG RGYA CHEN PO'I GDAMS PA BTAB STE, LHAN CIG SKYES SBYOR ZHES BYA BA'I KHRID RIM YANG MDZAD, DE LA DVAGS PO'I RTOGS CHOS KYANG ZER, GSUNG RAB RNAMS NAS BLA MA DANG SLOB MA'I MTSAN NYID MANG BAR GSUNGS NA'ANG, SLOB MA LA MTSAN NYID MANG PO MI DGOS, MOS GUS YONG BA GCIG PUS CHOG GSUNG ZHING, BLUN PO DANG DBUL PHONGS DANG SDIG CAN DU GYUR BA 'GA' LA YANG PHYAG RGYA CHEN PO'I RTOGS PA YUN MI RING BAR BSKYED, BKA' GDAMS KYI BSTAN PA'I RIM PA'I BSTAN BCOS KYANG MDZAD, GDAMS NGAG KYANG MANG DU GSUNGS BAS, 'DI NAS BKA' PHYAG CHU BO GNYIS 'DRES SU GRAGS TE, DGE BA'I BSHES GNYEN GZHAN DANG MI MNYAM PA'I SNYAN PAS PHYOGS THAMS CAD DU KHYAB, SLOB MA'I TSOGS SHIN TU DUL BA MTHA' YAS PA MNGA' ZHES GSUNGS PA BZHIN, SBYANGS PA'I YON TAN DANG LDAN ZHING BLA MA LA MOS PA THOB, 'JIG RTEN 'DI'I 'KHRI BA BCAD NAS GANGS KHROD DANG, RDZA RI DANG, G-YA' RI DANG, NAGS KHROD DANG, DBEN PA'I SA GANG YANG RUNG BAR SGRUB PA SNYING POR BYED PA'I SLOB MA YANG BSAM GYIS MI KHYAB, RAB TU BYUNG BA'ANG THOS BSAM SNGON DU MA SONG BA'I BTZUN CHUNG MANG PO YANG RTOGS PA LA @548 BKOD PAS, MTSAN NYID PA'I DGE BA'I BSHES GNYEN CHEN PO 'GA' ZHIG GIS, BLO GSAL MANG PO SGAM PO BAS CHUD ZOS SU BCUG GCES 'BAR BA LA, GSUNG GIS, MTSAN NYID PA RNAMS NGA LA BKA' BKYON TE, NGA'I BTZUN CHUNG 'DI RNAMS KYIS KYANG 'GRO DON PHER BA RE 'ONG BA YIN GSUNG, SGAM POR BZHUGS PA'I TSE SKU MTSAMS NYID DU BZHUGS KYANG, 'GA' ZHIG GI RAB GNAS, 'GA' ZHIG GI STON MO'I GRAL DBU, GNAS GZHAN DANG GZHAN 'GA' ZHIG TU CHOS GSUNG BA LA SOGS PA DUS GCIG NYID LA MDZAD PA MANG DU STON PA DANG, BZHUGS PA'I SAR YANG LA LAS THUB PA DANG SPYAN RAS GZIGS LA SOGS SU MTHONG BA DANG, LA LAS GZIMS MAL NA CI YANG MA MTHONG BA LA, DE MA THAG BLA MA'I SKUR MTHONG BA LA SOGS PA'I CHO 'PHRUL BSAM GYIS MI KHYAB PA DAG KYANG BSTAN, GROL SGOM SE MO DO'I MTSO 'GRAM DU RLUNG LOG BYUNG STE 'GYEL, DE'I TSE GROL SGOM LA RLUNG LOG BYUNG, NGA'I JA LA DZA TI THOB GSUNG NAS DZA TI BTAB PA BZHES PAS, GROL SGOM RLUNG BRGYAL SANGS TE DZA TI'I SGREGS PA BYUNG, PHYIS GROL SGOM PHYAG 'BUL DU BYUNG BA'I TSE, RGYUS YOD 'GA' ZHIG GIS, SLOB DPON KHYED LA NA NING ZLA BA 'DI'I NYI MA 'DI LA CI BYUNG BA YIN DRIS PAS, DE'I NYIN KHO BO LA RLUNG LOG BYUNG BA YIN ZER BAS, MI DE NA RE, DPON SLOB RGYUD GCIG PAR 'DUG PA NGO MTSAR CHE ZER, DE LA SOGS PA'I SLOB MA YANG CHO 'PHRUL CAN MANG STE, SE MO DOR DPAL CHEN RGVA LOS MTHE BONG GIS LUS BYIN THEG PAR MDZAD PA LA, @549 GROL SGOM GYIS, 'DI CHOS RJE SGAM PO BA GNYEN LCUG 'BRING PO ZHES BZHED PA YIN ZER BA BYAS, KHONG NGA ZIL GYIS GNON 'DOD 'DUG STE, NGAS PHAR ZIL GYIS MNAN DGOS DGONGS NAS NGANG BA SHI BA'I RO LA GRONG 'JUG BYAS TE, SE MO DO'I MTHA' LAN GSUM BSKOR, DPAL RGVA LO'I GDONG DU SGRA MANG DU BSGRAGS, SNGAR GYI GNAS DE NYID DU NGANG BA'I RO BZHAG NAS GROL SGOM NYID DU BYAS TE, DPAL CHEN PO DANG GSUNG GLENG MANG DU MDZAD DO, ,GZHAN YANG RNAL 'BYOR CHOS G-YUNG GIS RANG GI TSOGS KYI RES LA SUM CU RTZA GSUM NAS LHA'I BDUD RTZI BLANGS TE DRANGS PA LA SOGS PA'I CHO 'PHRUL MANG PO YOD DE, DE TZAM GYIS MTSON NO, ,TSOGS PA YANG YUN RING DU BSKYANGS NAS, MTHAR CHU MO BYA'I LO LA MYA NGAN LAS 'DA' KHAR, BTZUN PA GNYIS KYIS LAG TU GTOR MA RE THOGS TE, NGED GNYIS THABS LAM ZHU BA YIN PAS THUGS RJES 'DZIN PAR ZHU ZER BA'I SKAD BTANG BAS, THO PHYIR MA GTONG GSUNG, DER NYE GNAS SHIG GIS PHYAG RGYA CHEN PO ZHU BA YIN GYIS LA SKAD THONG BYAS PAS, DE GNYIS KYIS KYANG PHYAG RGYA CHEN PO ZHU BA LAGS NA BYAS TE SKAD RING PO BTANG BAS, DA LTA THONG GSUNG NAS NANG DU BTANG, PHYAG RGYA CHEN PO'I GDAMS PA YANG GNANG NGO, ,DE LTAR NYID KYI CHOS RNAMS LAS PHYAG RGYA CHEN PO 'BA' ZHIG MGO 'DON PA MDZAD DE, DGUNG LO BDUN CU RTZA LNGA PA CHU MO BYA'I LO'I STON ZLA 'BRING PO'I TSES BCO LNGA'I SNGA DRO'I CHA LA GSHEGS, GDUNG SBYANGS BAS THUGS MA NYAMS PAR BYON, MKHA' 'GRO @550 'DU BA DANG, MI MA YIN RNAMS 'DU BA DANG, LUNG PA 'JA' 'OD KYIS GANG BA LA SOGS PA'I LTAS SNANG YANG BSAM GYIS MI KHYAB PA BYUNG, SDE BA RNAMS SO SO NAS GDUNG SKAL SNYEG TU BYUNG BA LA, SLOB DPON SGOM TSUL GYIS GDUNG ZHOL GZHAL NAS BYIN PAS THAMS CAD BSAM PA TSIM PAR GYUR TO, , GSUNG LAS SKYES PA'I BU CHEN YANG SHO ROM 'PHAGS PA, ZIM SHING YE SHES SNYING PO, GSER SGOM YE SHES SNYING PO, RAM NYI BA CHOS KYI G-YUNG DRUNG STE GRUB PA THOB PA BZHI, DVAGS PO SGOM TSUL, PHAG MO GRU PA, 'BA' ROM PA, DUS GSUM MKHYEN PA STE BRGYUD PA 'DZIN PA BZHI, DVAGS PO 'DUL 'DZIN, 'GAR SGOM DKAR PO, LA YAG JO SRAS, SKYE BO YE RDOR TE DE DANG NYE BA BZHI, JO STON, LEGS MDZES, GSAL BYANG, GSAL YES TE NYE GNAS BZHI STE, DE DAG LA SGAM PO BA'I BU CHEN BCU DRUG CES GRAGS, GZHAN YANG RMOG COG PA, KHYUNG TSANG BA, GNYAGS NAG GNYAGS DMAR PO, GSAL LDONG SHOR RE, ZHANG SUM THOG PA, BLA MA 'OL KHA BA GROL SGOM, LHO PA DAR SGOM, RDZI SGOM SKYES SE, BYA SGOM RDO RJE SENG+GE, 'BRO DMAR YU, NAM PA 'PHAN NE, BTZAD PO LHA SGOM, SLOB DPON SGOM CHUNG LA SOGS PA MANG DU BYON NO, ,DE LA KHAMS PA DBUS SE NAS GRUB PA'I SKYES BU SKYE BA RGYUN MI 'CHAD PAR BYUNG BA BZHIN DU, RJE SGAM PO BA'I SLOB MA DGE SLONG TSUL KHRIMS DPAL ZHES BYA BA DBU SA'I YANG SLOB MAR GYUR PA ZHIG RANG LO SUM CU RTZA BDUN PA LA GSHEGS NAS,@551 PHYIS DGE SLONG NAM MKHA' 'OD DU GYUR NAS SKYE BA RGYUN MI 'CHAD DU BYUNG BA YIN TE, DE NI PHYIS SLAR YANG RJE SGAM PO BA'I SLOB MAR GYUR TE, DE'I TSUL NI PHYI NAS BRJOD PAR BYA'O, ,RJE DVAGS PO RIN PO CHE DE'I DBON PO SLOB DPON SGOM PAR MTSAN GSOL BA DE NI, RJE SGAM PO BA'I GCEN PO RGYA BA SE RE DANG, YUM TSE LCAM GNYIS LA SLOB DPON SGOM PA, SGOM PA GRAGS MDZES, SGOM CHUNG STE SRAS GSUM BYUNG BA LAS, BAR BA GRAGS MDZES NI TING NGE 'DZIN GYI YON TAN DU MA DANG LDAN PA ZHIG BYUNG STE, SNGA MO NAS GSHEGS, CHE BA SLOB DPON SGOM PA YUM LA RMI LTAS KHYAD PAR CAN DANG BCAS TE ME PHO SPRE'U'I LO LA GNYAL BONG SNYIR 'KHRUNGS, LO BCU GCIG LON PA'I TSE RJE SGAM PO BA DANG MJAL, RJE SGAM PO BA'I ZHAL NAS, 'DI RGYA GAR GYI PAntI TA CHEN PO ZHIG YIN GSUNG, ZHAL MJAL BA TZAM GYIS SGYU MA LTA BU'I TING NGE 'DZIN 'KHRUNGS, BCU BDUN PA LA DGE BSHES MNGA' RIS PA LA RAB DU BYUNG, LO DE NYID LA RJE SGAM PO BAS SIN DH'U RA'I DKYIL 'KHOR DU DBANG BSKUR NAS, BSKYED RDZOGS KYI GDAMS PA LEGS PAR GNANG BA BSGOMS PAS, LO BCO BRGYAD PA LA PHYAG RGYA CHEN PO SGOM DU MED PA'I RTOGS PA 'KHRUNGS, THABS LAM LA YANG MNGA' BRNYES TE, LO NYI SHU BZHES PA'I TSE GNYAGS LHA BYAR MA'I GANGS LA BZHUGS PA'I TSE, GANGS RTZER BZHUGS KYANG THER CHAM RES DROS PA DANG, 'BYUNG BZHI'I RLUNG GI KHA DOG GSAL POR GZIGS SHING, STENG 'OG SPOB DANG G-YAS G-YON SPOB LA TSEGS MED PA @552 BYUNG, RLUNG PHYAG SOR DANG BA SPU'I BU GA GANG 'DOD DU 'DRONGS, DE RNAMS 'PHAR TSAD DU RJE'I DRUNG DU ZHUS PAS, RJE SGAM PO BAS CHOS GOS NYI ZER LA BKAL, LO DE NYID LA SHAB PA GLING DU BSNYEN PAR RDZOGS, MTSAN TSUL KHRIMS SNYING POR GSOL, RJE SGAM PO BAS GDAMS NGAG THAMS CAD RDZOGS PAR GNANG NAS LAM PHUG DANG SHA 'UG STAG SGO LA SOGS PAR BYON, DER LO GNYIS BZHUGS NAS SGAM POR BYON, ZANGS LUNG DU BLA MAS SNA LEN GYI TSOGS 'KHOR MDZAD PA'I TSE, SHO SGOM 'PHAGS PA LA NYAMS KYI 'CHAR LUGS GO LAGS SAM GSUNGS PAS, LAN DU, NYAMS RTOGS NGO BO GCIG TU 'DRES, ,CHOS KYI SKU LA 'DU 'BRAS MED, ,NYAMS RTOGS CAN LA NGA MI SMON, ,ZHES PA LA SOGS PA'I MGUR GSUNGS PAS, 'PHAGS PAS BSHUMS, SGAM PO BA'I ZHAL NAS, 'O SKOL GYIS DA KHO MI THUB NYAL DU 'GRO GSUNG SKAD, GCAN CHEN SRANGS DANG GSER LEN DU LO GSUM BZHUGS, DGUNG LO SUM CU RTZA LNGA PA LCAGS PHO RTA'I LO LA GDAN SAR DBANG BSKUR, NGA RGAS PAS DA KHYED RANG RNAMS TSUL KHRIMS SNYING PO LA BTUD CIG GSUNG, DE NAS LCAGS MO LUG GI LO LA GDAMS PA DU MA RE GSUNGS, DE NAS LO GNYIS LON PA CHU MO BYA LA SGAM PO BA SKU GSHEGS, GDUNG BZHU BAS THUGS PHYAG TU BYON NAS, DE BZHUGS PA'I RTEN GSER GYI BKRA SHIS SGO MANGS BZHENGS SHING, MCHOD KHANG RNYING MA DANG SGOM SDE'I MKHAR LAS KYANG MDZAD, DE NAS GSANG PHUR BYON NAS DER GRVA PA BRGYA TZAM 'DUS, DER DGYES RDOR @553 LHA DGU'I ZHAL GZIGS, DE GNYAL STON LA BSNYAD PAS, GNYAL STON GYIS NGA LA YANG BSTAN PAR ZHU BYAS PAS, KHONG GIS KYANG MTHONG, DE NAS STOD LUNGS SU GNAS BRTAN SHES RAB GRAGS KYIS SPYAN DRANGS NAS, 'TSUR LHA LUNG GI DGON PA BTAB PAS, DBUS GTZANG KHAMS GSUM GYI GRVA PA TSAN CHE BAR 'DUS, LHA SAR PHEBS PA'I TSE, LHA SA SDE 'KHRUG GI RKYEN GYIS RE HRUL DU SONG BA 'DI GSO BAR MI NUS SAM SNYAM PA BYUNG BA'I TSE, MNAL LAM DU RJE SGAM PO BAS KHYOD KYIS NGA 'JOG PHOD DAM GSUNG BA DANG, JO BO SH'AKYA'I? SKU LA DNGOS SU SPYAN CHAB BYUNG BAS DE NYID DU BZHUGS NAS GSO NAM RGYAN PHUN SUM TSOGS PA DANG BCAS PA LEGS PAR GRUB, DE NAS YAR 'BROG LA SOGS PA GNAS GANG NA 'KHRUG PA DAR BA RNAMS SU BYON NAS GNYA' DANG GDUMS LEGS PAR GNANG, 'DI'I NANG GI LHA GZIGS TSUL DANG, DE SLOB MA LA YANG BSTAN PA LA SOGS PA NI GRANGS MED, PHYAG RGYA CHEN PO RTOGS PAS THUGS KYI SGRIB PA BRAL TE, GSUNG RAB THAMS CAD LA THOGS PA MED PA'I SMRA BA PO CHEN POR GYUR PAS, PHYAG SOR BA LA SOGS PA'I MANG DU THOS PA RNAMS KYIS NI GUS PAS BTUD, MKHAS PA CHEN PO GTZANG NAG PAS, SKAL MED SKYE BO RING NAS NGAN BRJOD KYANG, , MTHONG DANG 'DRIS PA'I SKYE BO DAD GYUR LA, ,MNGON RLOM DREGS PA BRGYA DAG ZIL GNON PA'I, ,BSOD NAMS GZI LDAN SKU LA SKYABS SU MCHI, ,ZHES BYA BAS BSTOD PAR YANG MDZAD DO, ,'OL KHA'I MGAR PHUG TU LO GCIG @554 CHOS SHIN TU DMAR BAR GSUNGS, STON SGAM POR THEGS NAS GRVA PA RNAMS LA NGA SU DANG YANG MI MJAL BA'I MTSAMS BYED PAS, KHYED RANG DGE BSHES KHAMS PA DANG MNGA' RIS PA LA SOGS GANG MOS LA BRTEN GSUNGS NAS, SA MO GLANG GI LO LNGA BCU RTZA BZHI PA DBYUG GU ZLA BA'I TSES NYI SHU LA GSHEGS, LO 'DI LA SLOB DPON PHYVA PA YANG GSHEGS, G-YAM BZANG CHOS RJE 'KHRUNGS PA YIN, DE NAS ZHAG BDUN NA GDUNG BZHU BAS THUGS LJAGS MA TSIG PAR BYON PA LA SOGS PA'I MDZAD PAS KYANG SEMS CAN SMIN PAR MDZAD DO, , DE'I RJES SU SLOB DPON SGOM CHUNG GIS GDAN SA BSKYANGS PA YIN TE, DE NI RJE SGAM PO BA NYID LA GDAMS NGAG TSANG BAR MNOS NAS, MTHA' YAS PA'I YON TAN MNGA' BA ZHIG STE, GDAN SA LO GNYIS BSKYANGS, MTSAN NI SHES RAB BYANG TSUB CES BYA, DGUNG LO BZHI BCU RTZA BZHI LA GSHEGS, GDUNG SBYANGS PAS THUGS LJAGS BYON NO, ,DE'I RJES RJE KHU DBON GSUM GA'I SRAS SU GYUR PA DVAGS PO 'DUL 'DZIN GYIS GDAN SA BSKYANGS PA YIN TE, DE NI YUL DVAGS PO ZES DKAR DU BON PO'I RIGS SU 'KHRUNGS, SKU MCHED GSUM GYI CHE BA GNYAL SDE, DE 'OG SHER 'BYUNG, CHUNG BA MKHAN PO'O, , GCEN PO GNYIS CHOS RJE SGAM PO BA'I SLOB MA YIN PAS, KHONG GI RGYAGS SKYEL DU MKHAN POS BYON PAS SGAM PO BA DANG MJAL, DER SGAM PO PAS SGROL MA DKAR MO, MGON PO'I RJES GNANG, PHYAG RGYA CHEN PO'I NGO SPROD RNAMS GNANG, DE NAS GNAS MKHAR DU SNUBS SGOM CHUNG LA RAB TU BYUNG @555 ZHING BSNYEN PAR RDZOGS, DE'I NUB MO RMI LAM DU GTZANG PO LA MI MANG PO BSGRAL BA RMIS PAS, PHYIS DE KHO NA BZHIN DU DVAGS PO 'DUL 'DZIN LA SDOM PA THOB BAM MA THOB CES ZER BA BYUNG ZHING, MKHAN BU SHIN TU MANG BAR BYUNG, MDOS KHAR BA LA PHAR PHYIN NYAN, DER RNAM G-YENG CHE BAS SHA MI 'DUL 'DZIN CAN DU BYON PAS, CHOS GSUNG BA DANG MJAL NAS 'DUL BA MTHA' DAG MKHAS PAR BSLABS TE, ZUR CHOS KYANG THOGS RE BSHAD, DE NAS BSNYUN DRAG PO CIG GIS RKYEN BYAS NAS BSHAD PA 'PHRO SHOL NAS, SLOB DPON SGOM PA'I DRUNG DU BYON PAS, SGAM PO BA'I CHOS MA LUS PA GNANG, YUN RING DU PHYAGS PHYI BYAS, DE NAS NYA MO KHAR SLOB DPON SGOM PAS TSOGS SHIG MDZAD PA'I TSE, MDO SDE DKAR PO DANG SRAD MA DKAR PO BYA BA'I YON BDAG GNYIS 'THABS NAS KU CO CHEN PO BYAS PAS, SLOB DPON SGOM PA THUGS SKYO STE, 'DUL BA 'DZIN PA LA SHOG GSUNG NAS, DA PHYIN CHAD TSOGS MI BYED, SNGAR BYAS PA RNAMS KYANG KHYOD KYI MDUN DU BSHAGS, BA'I GDAN SA YANG KHYOD KYIS GYIS GSUNG BA LAS, TSOGS MI SHOL DER GDAN SAR BZHUGS PAS BYA DKA' SE BYUNG, GRVA PA RNAMS SNYAM YOD PA'I LO MANG PO MA LON PAR SLOB DPON SGOM PA GSHEGS, DE'I GDAN SAR SGOM CHUNG BZHUGS PAS KYANG LO GNYIS LAS MA THUB, GZHAN SHO SGOM LA SOGS PA'I CHEN PO MANG DU YOD KYANG GDAN SA 'DUL BA 'DZIN PA LA GTAD, DER GDAN SAR BZHUGS PAS BYA DKA' SE BYUNG, GRVA PA RNAMS KYANG PHYOGS GZHAN @556 DU 'GRO BA LA, 'DI NGA RANG GIS DGE SBYOR MA BYAS PAS LAN SNYAM NAS, LO BRGYAD KYI BAR MTSAMS BSDAMS NAS THUGS DAM RTZE GCIG TU MDZAD PAS, GRVA PA RNAMS YANG 'DUS BYUNG, DE NAS GNYAL BA BYANG CHUB 'BUM BYA BAS DUG DRANGS PAS BSNYUNG BAS, 'TSUR PHUR BYON NAS SMAN PA MKHAS PA CIG GIS BCOS PAS LEGS PAR DVANGS, DE NAS BYANG THANG SOGS SU BZHUGS PA NA YANG TSOGS PA CHER 'DUS, DE 'GROL DU BZHUGS PA'I TSE, RJE 'BRI KHUNG PAS 'BUL BA TSAN PO CHE DANG, GDAN SA DE KHYED MIN PAS MI 'KHYONGS PAS, KHYED KYIS CIS KYANG SKYONG BAR ZHU BYA BA'I GSUNG BYUNG BAS, SLAR YANG SGAM POR BZHUGS, PHYIS RJE 'BRI KHUNG PA SGAM POR BYON PA'I DUS SU, KHU DBON GSUM GYI THUGS KYI SRAS, ,BSLAB PA GSUM LDAN RDO RJE 'DZIN, ,SKYE MED DON RTOGS RNAL 'BYOR PA, ,MKHAN PO DGE BA'I BSHES LA 'DUD, ,CES BSTOD PA YANG MDZAD, DE NAS KHRID RNAMS KYANG BSKYANGS SHING 'DUL BA YANG GSUNGS, DE NAS GRVA PA RGAN PA RNAMS DANG GROS BYAS NAS, GTZUG LAG KHANG KA BA BCU DRUG PA CIG BYED PAR GROS BCAD PA LA, MKHAN PO BAS KA BA BZHI BCU THAM PA'I RMANG BTING, LO GSUM NA TSAR BAR BYAS, RJE 'BRI KHUNG PAS KYANG RTA PHO BYA DMAR RLUNG ZHAGS LA SOGS PA GTZUG LAG KHANG RTZIG PA'I CHA RKYEN MANG DU GNANG, LAN CIG MNAL LAM DU BTUB PAR BYUNG NAS, GTZUG LAG KHANG RNYING MA'I RTEN RNAMS KYANG MCHOD KHANG GSAR MAR GDAN DRANGS, RJE 'BRI KHUNG PAS PHAG MO GRU'I CHOS RNAMS @557 SPYAN DRANGS BYUNG BAS LOGS CIG KHENGS, RIN PO CHE 'GROL BA LA SOGS PA'I SLOB MA YANG MANG DU BYUNG, 'JIG RTEN GYI GNYA' DANG 'DUN MA LA SOGS PA'I GZHAN DON YANG MANG DU MDZAD, MTHAR DGUNG LO BDUN BCU RTZA LNGA BZHES PA'I TSE SKU GSHEGS, GDUNG SBYANGS PAS THUGS LJAGS DANG PHYAG G-YON PA MA TSIG PAR BYON, DE RNAMS NA KRA'I GDUNG KHANG NA BZHUGS SO, ,DE'I GDAN SA 'BRI KHUNG GLING BAR GRAGS PA DBON SHES RAB 'BYUNG GNAS KYIS MDZAD, DE NAS DAM CHOS GLING BA, SPYAN SNGA CHOS TSUL BA, RIN PO CHE LHA LUNG BA, RIN PO CHE BON GNAS PA, RIN PO CHE CHOS DBANG BA LA SOGS PA RNAMS BYON NO, ,SGAM PO BA GDAN SA DANG BCAS PA'I SKABS SO, , SGAM PO BA'I DNGOS SLOB KYI SKABS, RJE SGAM PO BA'I BU CHEN RNAL 'BYOR CHOS G-YUNG NI, KLUNGS SHOD RONG GI NGAL MDAR YO MI KLU PHYUG BYA BA'I SRAS SU, LCAGS PHO 'BRUG LA 'KHRUNGS, BCU DGU LA BYA YUL BA LA RAB TU BYUNG, NYI SHU RTZA GNYIS PA LA SGAM PO BA DANG MJAL, YON TAN KHYAD PAR CAN BRNYES, SGAM PO SKU MCHED BZHUGS RING LA TSOGS PA MA BSKYANGS, DE RJES LO BDUN DU TSOGS PA BSKYANGS NAS, DON BRGYAD PA ME MO BYA LA GSHEGS, , YANG DVAGS PO'I SLOB MA GRUB RTAGS MCHOG TU GYUR PA GROL SGOM CHOS G-YUNG NI, YUL 'OL KHA BA, YAB LHA RJE SMON LAM 'BAR DANG, YUM @558 RNAM SHES SKYID GNYIS KYI SRAS SU CHU MO LUG GI LO LA 'KHRUNGS, RJE SGAM PO BAS NYI SHU RTZA LNGA BZHES PA'I LO DE YIN, BCU BZHES PA'I TSE YAB KYIS CHOS SNGAGS DANG SMAN BSLABS, BCO LNGA LA JO MO ZHIG BLANGS PA DE LO RANG 'DAS TE SKYO BA SKYES NAS DGE BSHES BRAG RTZA BA LA SDOM PA BLANGS, DE MA KHAD 'DUL GROR BYON NAS ZHANG STON SHES RAB 'BAR LA 'DUL BA MKHYEN PAR BSLABS, DE NAS SGAM PO BA LA DAD PA DPAG TU MED PA SKYES NAS SPONG THAG MDZAD DE GDAMS PA RNAMS ZHUS, ZHAG GCIG GI BAR DU 'OD GSAL THUN GCIG LA BZHUGS PA LA SOGS PA'I THUGS DAM MCHOG TU GYUR, 'JIG RTEN GYI MKHA' 'GRO MA DBANG DU 'DUS, YO BYAD RNAMS GROGS LA BYIN NAS LO RO RAS CHUNG PA LA SNYAN BRGYUD ZHUS, 'JAM DPAL ZHAL GZIGS NAS DBU RU PHYOGS SU LUNG BSTAN, PHYVA YUL DU LO GNYIS BZHUGS, DE'I TSE RTA MGRIN ZHAL GZIGS NAS LAS CAN GYI SLOB MA 'BYUNG BAR LUNG BSTAN PA BZHIN 'GRO MGON ZHANG BYON, RGVA LOS SLOB MAR BSDU DGOS DGONGS NAS 'DUG PA LA, NGANG PA'I RO LA GRONG 'JUG MDZAD NAS LTAD MO BSTAN PAS, RGVA LO DAD DE BAR DO'I GDAMS PA ZHUS, DE'I TSE GSANG GSO DANG LTA STANGS KYIS DGUG PA LA SOGS PA'I NUS PA CHEN PO BRNYES, BA RI LO TZ'A BA LA SGRUB THABS BRGYA RTZA LA SOGS PA GSAN, DGU BCU RTZA BDUN PA SA MO LUG GI LO LA NGO MTSAR BA'I LTAS DANG BCAS TE GSHEGS, , , , CHOS RJE 'BAB ROM PA DAR MA DBANG PHYUG NI, 'PHAN YUL MDAR KA @559 BA'I RIGS SU 'KHRUNGS, GZHON PA'I DUS SU SNGAGS CHUNG GZHON PA CIG RTZAR BYUNG NAS, CHOS RJE SGAM PO BA'I BSNGAGS PA MANG DU BRJOD CING, KHYOD RANG YANG KHONG GI THAD DU PHYIN PA 'THAD ZER BAS, DA 'O NA KHYOD KYIS 'GRO BA'I GROGS BYED DAM BYAS PAS BYED PAR KHAS BLANGS TE, KHO DANG BSDONGS NAS SGAM POR BYON, SGAM POR SLEB MA THAG NAS SNGAGS CHUNG DE GAR SONG CHA MED DE, DE RJE SGAM PO BA'I SPRUL PAR GRAGS, DE NAS SGAM PO BA DANG MJAL NAS THUGS KYIS GZUNG ZHING DMAR KHRID KYIS BSKYANGS PAS RTOGS PA MCHOG TU GYUR TE, BYANG DU 'BAB ROM GYI DGON PA DE BTAB, SKU TSE YANG RING BAR BZHUGS NAS SLOB MA MANG DU 'DUS, GNAS DER MKHA' 'GRO 'DU BAR GRAGS SHING BYA MANG PO 'DU SHIG YOD, DE'I BRGYUD PA KHONG RANG GI GDUNG BRGYUD KYIS 'DZIN ZHING, DUS PHYIS GDUNG BRGYUD NANG MA 'CHAM PAR GDAN SA RE MOS BYED PA LA SOGS PA YANG BYUNG, TI SHRA'I RAS PA YANG 'BAB ROM PA'I SLOB MA YIN PAS, DES BDAG RKYEN MDZAD DE NANG RTEN GYI DNGUL GDUNG CHEN PO ZHIG YOD PA YANG MA NYAMS PAR BZHUGS SO, , YANG RJE SGAM PO BA'I SLOB MA LTO LA YAG PA BYANG CHUB DNGOS GRUB NI, MES PO STAR KA BO DHI R'A DZA ZHES BYA BA SNGAGS RNYING MA'I YON TAN DANG LDAN ZHING GRUB PA BRNYES PA, LO BRGYA DANG BCU GNYIS BZHUGS PA CIG GI SRAS, STAR KA DPAL SKYID CES PA MNGON PA DANG GSAR RNYING MANG PO LA SBYANGS PA CIG DANG, YUM STAG LO ZLA SGRON ZHES BYA BA YE SHES KYI MKHA' 'GRO MAR GRAGS @560 PA GNYIS KYI SRAS SU 'KHRUNGS, MTSAN CHOS KYI DNGOS GRUB TU BTAGS, BU CHUNG GI DUS SU MI GZHAN MED PA'I TSE, LAG PA DKAR PO RGYAN CAN CIG GIS BU RDZI BYED PA CIG BYUNG, LO GSUM LON PA'I TSE YAB KYIS RA KLOG SLOB PA BYUNG BA NA, PHA JO 'DI TSO NGAS KYANG SHES ZER NAS CUNG ZAD KYANG SLOB MA DGOS PAR SHES, LO LNGA LON PA'I TSE BYIS PA ZLA BOS SHIG ME LA BSREGS PAS RANG DBANG MED PAR BRGYAL BA LTAR GYUR, SKYE BAS THOB PA'I SNYING RJE CHEN PO MNGA' ZHING MI DGE BA PHRA ZHING PHRA BA LA YANG 'DZEM, LO BCU TZAM LON NAS, DGE BSHES SMON MDA' BA'I SAR SGYU 'PHRUL ZHI KHRO DANG YANG DAG GSAN NAS SGRUB PA YANG BAG RE MDZAD, KHU BO CIG CHU KHYER MDA' NA BZHUGS PA LA BYAMS CHOS DANG MNGON PA DANG SPYOD PHYOGS PHRAN DANG BCAS PA YANG GSAN, MDO SDE RGYAN TSAR GNYIS KYIS THUGS SU CHUD NAS BYAMS CHOS SNGON LA TSAR BAR BYAS, BCU BDUN LON PA'I TSE GTZANG DU BYON NAS DGE BSHES LCANG RA BA LNGUM STON DANG, MDAR SKYOGS ME LA SOGS PA'I SAR BYAMS CHOS DANG SPYOD PHYOGS TSAR RE TZAM GSAN, DER BTZUN CHUNG PA RA GA TE BYA BA'I GRUB THOB CIG DANG MJAL, HOR DAR BZANG PO SHAM BU CIG GNANG NAS, KHYED NYI MA SHAR PHYOGS SU SONG DANG SKYID KYI NYI MA SHAR 'ONG GI NGO MA NAG CES PA'I LUNG BSTAN YANG BYUNG, DE NAS YUL DU BYON PAS, DGE BSHES CHAB BYA BA CIG GRONGS PA'I 'DAD KYI CHOS 'KHOR LA LA STOD DKON MCHOG MKHAR DANG BSAM YAS PA SPYAN DRANGS PA'I SAR BYON NAS PHA @561 ROL DU PHYIN PA'I DKA' 'GREL GSAN, DER BGRO GLENG BYAS PAS SNGAGS PA RGAN THUNG CHOS MANG DU THOS PA CIG 'DUG ZER, DGE BSHES LA STOD PAS NGA'I PHYIR 'DENG, LO GCIG NA PHAR PHYIN MKHAS PA CIG BYA ZER NAS 'GO? BAR CHAS PA LA, YUL NA SGAM PO BA'I SLOB MA SGOM CHEN ZHIG YOD PAS NGAS SGAM POR BSKYAL ZER, DE NAS YUL DU YUN MI RING BA CIG BZHUGS, SGOM CHEN DES KHRID NAS SGAM POR BYON, KHONG KHRID MKHAN DE LA SGOM PA ZHI MDZES ZER, RJE SGAM PO BA'I GSUNG NAS, NYI MA NUB KHA'I SBANG THAN DANG 'DRA STE, 'ON KYANG LHO BA 'DI DNGANG LA, NGA DANG RJE BTZUN 'DRA BA'I LAS 'BREL ZHIG YOD PAS, SGOM TSUL LA 'DI'I CHOS SGO MYUR DU PHYE GSUNG, DE NAS CHOS RJE'I MTSAMS KHONGS SU BCUG NAS DBANG DANG GDAMS PA GNANG, JO SRAS KHYOD NGA'I TSE STOD KYI SLOB MA CIG RKYEN GYIS SHI BAS KHYOD DU SKYES, DA RES TSE MTHAR PHYIN PAR 'DUG CIG GSUNG, DER BLA MA'I BYIN RLABS KYIS SNGAR 'DRIS KYI MI DANG PHRAD PA LTA BU'I PHYAG RGYA CHEN PO'I RTOGS PA 'KHRUNGS, BLA MAS GTUM MO RIGS MI 'DRA BA MANG PO GNANG NAS, 'DI TSO LA ZIN BRIS GYIS GSUNG BAS, NGA NYAMS LEN 'BA' ZHIG BYED PAS SNA KHA MANG PO 'DI MI DGOS ZHUS PA LA, BLA MA'I GSUNG NAS, DES MI 'ONG, KHYOD TSE MTHAR 'KHYOL ZHING SGOM CHEN MGO SE YANG DE BA BRGYA TZAM GYI SLOB DPON BYA DGOS PAR 'ONG GSUNG NAS LUNG BSTAN, YANG ZHAL NAS, NGAS DANG PO BA RI LUGS KYI BDE MCHOG BSLABS PA YIN TE, DPE YANG MED @562 BSHAD PA YANG MA BYUNG BAS, JO SRAS KYIS DPAL N'A RO PA'I BRGYUD PA CIG LA BDE MCHOG ZHUS SHIG GSUNG NAS, L'U YI PA JO BO LUGS KYI 'GREL PA LO TZ'A BA RIN CHEN BZANG POS MDZAD PA DE'I DPE DANG LUNG YANG GNANG, SGAM PO BA SKU MTSAMS MDZAD PAS SPYAN SNGAR 'GRO MA NUS PA LA, NYE GNAS 'BOD DU BYUNG NAS SPYAN SNGAR PHYIN DUS, NGA'I MTSAMS 'DI KHYOD KYI CHED DU BYAS PA YIN PAS NAM YIN DU SHOG GSUNG, SGYU LUS LA SOGS PA'I NYAMS BYUNG BA RNAMS ZHUS PAS, DE KUN ZHOR 'BYUNG YIN, DA KHYOD KYI DON GRUB ZIN GSUNG, SLAD KYIS YUL DU BYON NAS 'BUL BA MANG PO BLANGS, KHYAD PAR DU KHRAB MANG PO PHUL BAS MNYES MNYES LTAR MDZAD, DE RES LO GCIG STE SPYIR LO BZHI BZHUGS NAS, GDAMS NGAG DANG TING NGE 'DZIN DANG RTOGS PAS THUGS KHENGS PAR MDZAD, DGUNG LO NYI SHU RTZA GNYIS PA LA BYANG CHUB SEMS DPA' ZLA BA RGYAL MTSAN PA'I THAD DU BSNYEN RDZOGS MDZAD, BYANG CHUB MCHOG TU SEMS BSKYED, MKHAN PO'I GSUNG GIS, DA LTA NAS SEMS CAN LA CI PHAN BYED DGOS GSUNG, SNGAR NAS KYANG SEMS CAN BLO PHUGS SU BCUG STE RANG 'DOD KYI RTOG PA SKYE MA MYONG, DE NAS GRO BO LUNG DANG GRUB PA'I GNAS BDUN DANG PHO MA LHA KHAB LA SOGS PAR SGRUB PA RGYUN RING DU MDZAD, PHO MA DANG NYE BA'I BRAG CIG LA BZHUGS DUS, LHA 'DRE MANG PO 'TSOGS NAS SKYOGS GNYIS KYIS 'TSAG TU BYUNG BA DANG, BLA MA BZHUGS PA'I BRAG LOGS LA ME 'BAR BAR MTHONG NAS LHA 'DRES NYE SAR 'ONG MA NUS, YUL DE NA LHA 'DRE @563 GDUG PA CAN 'DUG PA'ANG BTUL, DE NAS N'A RO CHOS DRUG GI RGYAB TU DGYES PA RDO RJE'I RGYUD GSAN PAR RI BOR RNGOG GI SAR BYON NAS, RGYUD GDAMS NGAG MANG DU GSAN, DE NAS BLA MA DO BA'I SAR BYON NAS BDE MCHOG GI DBANG DANG RGYUD RNAMS LEGS PAR GSAN, DE NAS RTA GNYIS KYIS SNA DRANGS PA'I 'BUL BA MANG PO KHYER NAS LHA SAR BYON PAS, SLOB DPON SGOM PA MA PHEBS PA LA RMI LAM BRTAGS PAS MYUR DU 'BYON PAR SHES SHING, MJAL MA THAG 'BUL BA RNAMS PHUL, SLOB DPON SGOM PA'I ZHAL NAS, KHYOD NGA'I RTZAR SDOD CIG MI 'DI RNAMS KYI NANG NA KHYOD BSOD NAMS CHE BA CIG 'ONG GSUNG, SPYIR NA BLA MA 'DIS YI DAM GYI LHA GZIGS PA DANG, MTSAN THOS PA TZAM GYIS RTOGS PA SKYES PA DANG, SMYO BA BTUL BA LA SOGS PA'I PHRIN LAS DPAG TU MED PA BYUNG STE, 'DIR PHYOGS TZAM ZHIG BRJOD PA YIN NO, ,SGAM PO BA'I DNGOS SLOB KYI SKABS SO,, ,, SPRUL PA'I SKU'I RIM PA DANG PO'I SKABS, RJE SGAM PO BA'I BU CHEN DUS GSUM MKHYEN PA DE NI, BSKAL PA BZANG PO'I BYANG CHUB SEMS DPA' BCOM LDAN 'DAS BYAMS PA'I RJES LA, DE BZHIN GSHEGS PA SENG GE ZHES BYA BAR 'GYUR BA YIN LA, BSKAL BZANGS KYI SANGS RGYAS THAMS CAD KYANG MNGON PAR RDZOGS PAR SANGS RGYAS NAS, GZOD BYANG CHUB SEMS DPA'I TSUL BSTAN PAR DAM PA'I CHOS PADMA DKAR PO @564 LAS 'BYUNG BA'I PHYIR, DE DAG GI SKYES PA'I RABS KYI GRANGS NI SA BCU PA BA RNAMS KYIS KYANG RTOGS PAR DKA'O, ,DE LA GRAGS PA'I CHA 'GA' ZHIG BRJOD DE, SNGON SLOB DPON KLU SGRUB KYI SLOB MA PRA DZNY'A AA LANG+K'A ZHES BYA BA DANG, MTSO SKYES KYI SLOB MA K'A MA DHA NU DANG, DZAMBU'I GLING GI LHO NUB KYI PHYOGS SU DHARMA BO DHI ZHES BYA BA SPYAN RAS GZIGS KYI GRUB PA BRNYES PA ZHIG DANG, CHOS RGYAL KHRI SRONG LDE BTZAN GYI BKA' BLON SLOB DPON PADMAS DBANG BSKUR BAS DPAL RTA MGRIN GYI GRUB PA BRNYES PA'I RGYAL BA MCHOG DBYANGS DANG, PHYIS DGE BA'I BSHES GNYEN PO TO PA RIN CHEN GSAL DANG, DE GSHEGS NAS DUS GSUM MKHYEN PAR GYUR PA YIN TE, DE YANG MDO KHAMS YUL GYI TRE SHOD GANGS KYI RA BAR, YAB GSHIN RJE GSHED KYI RNAL 'BYOR PA SGOM PA RDO RJE MGON DANG, YUM RANG BZHIN GYI RNAL 'BYOR MA LHA THOG GZA' SGANG LCAM MING 'DREN ZHES BYA BA GNYIS KYI SRAS SU LCAGS PHO STAG LA BLTAMS, DPAL PHAG MO GRU PA DANG 'KHRUNGS LO GCIG DGE 'PHEL ZHES BYA BAR MTSAN GSOL, YAB LA RANG 'BYUNG RGYAL MO'I THUGS KYI SROG SNYING ZHUS NAS BSGRUBS PAS RING POR MI THOGS PAR GRUB PA BRNYES, BLA MA RGYA GAR BEE RO DANG, DPAL 'DZIN DANG ZHAL MJAL NAS GDAMS NGAG MANG DU GSAN, BRAM ZE MCHOG SRED KYI MGON PO ZHUS NAS BSGRUBS, BRAG LA PHYAG ZHABS KYI RJES GSAL BAR MDZAD, BCU DRUG BZHES PA'I TSE RNGOG LEGS SHE'I MKHAN DU, RNGOG LO'I SLOB MA TRE BO MCHOG GI BLA MA DGUNG LO @565 BDUN CU BZHES PA ZHIG LA MKHAN PO ZHUS, CHAG SENG GE GRAGS KYIS SLOB DPON MDZAD NAS RAB TU BYUNG, MTSAN CHOS KYI GRAGS PAR GSOL, LO GNYIS SU DGE 'DUN GYI GNAS GZHI 'DZUGS PA'I PHYAG LEN MDZAD, JO BO'I SLOB MA YOL CHOS DBANG, DE'I SLOB MA KRA RA BA MCHED GNYIS LA JO BO'I LUGS KYI BDE MCHOG GI DBANG DANG, GSANG SNGAGS KYI SGRUB THABS MANG PO DANG, MI G-YO BA LA SOGS PA JO BO LUGS MANG DU GSAN, SGRUB PA MDZAD PAS RANG RANG SO SO'I GZHUNG LTAR GRUB RTAGS MANG DU BYUNG, DE NAS BCU DGU PA LA DBUS SU BYON, NYI SHU PA LA STOD LUNGS SE THANG DU PHEBS, STOD LUNGS RGYAD MAR PA DANG, DE'I SLOB MA BOD SKAD RIGS GCIG PA LA MKHAS PA SLOB DPON PHYVA BA GNYIS LA BYAMS CHOS DANG DBU MA SHER GSUM GSAN ZHING MKHAS PAR BSLABS, DE RJES SHAR PA BA DANG, DE'I SLOB MA RNAL 'BYOR PA SHES RAB RDO RJE GNYIS LA LO DRUG BRTEN NAS BKA' GDAMS KYI CHOS MANG DU GSAN ZHING, SPA TSAB LO TZ'A BA LA RIGS TSOGS GSAN, MKHAN PO MAL 'DUL 'DZIN PA DANG, LAS SLOB YE SHES BLO GROS DANG, GSANG STON MAL GYI GCUNG POS MDZAD DE BSNYEN PAR RDZOGS NAS 'DUL BA MKHAS PAR BSLABS TE, GZHAN LA BSHAD PA MDZAD, BLA MA RGVA LO DANG KHAMS PA AA SENG GNYIS RGYAL LHA KHANG DU BZHUGS PA LA SBYOR DRUG DANG MGON PO BYA GDONG ZHUS, DGUNG LO SUM CU PA LA SGAM PO BA MJAL BZHED NAS BYON PAS, DVAGS PO BRAG KHA NA SLOB DPON SGOM TSUL DANG SHA BA GLING @566 BA BZHUGS PA DANG MJAL, SLOB DPON SGOM PA LA GDAN BZHI GSAN ZHING SGROL MA DKAR MO ZHAL GZIGS, DE NAS SGAM POR BYON NAS CHOS RJE KHU DBON DANG MJAL, DAR LA SOGS PA'I ME TOG PHUL NAS GDAMS PA ZHUS PAS, BKA' GDAMS KYI LAM RIM CIG GSUNGS NAS, NGAS KYANG 'DI BSGOMS PAS KHYOD RANG YANG 'DI BSGOMS GSUNG, ZHU SNA DANG BDAG GNYER THAMS CAD SLOB DPON SGOM PAS MDZAD, DE NAS RE ZHIG NA CHOS RJE LA DBANG BSKUR ZHUS, THABS LAM GYI GDAMS NGAG GNANG NAS BSGOMS PAS ZHAG DGU NAS BTZAN THABS SU BDE DROD 'BAR TE, RAS GOS RKYANG CIG GSOL ZHING BSGOMS, ZLA BA DGUR LAG PA RDUL DANG MA BRAL BAR BSGOMS PAS, SGOM CHEN BRGYAD BRGYA'I NANG NA SGOM SRAN CHE BAR GRAGS, TING NGE 'DZIN GYI YON TAN DPAG TU MED PA 'KHRUNGS, CHOS RJES LUNG BSTAN NAS ZANGS RI LA SGOM DU BYON TE, TIL PHUG TU ZLA BA BZHI, PHAG MO GRUR ZLA BA GCIG DANG ZHAG LNGA BSGOMS PAS SEMS KYI GNAS PA LA RANG DBANG THOB PA DANG RLUNG NYAMS DPAG TU MED PA BYUNG, LHAG MTHONG SPRIN BAR GYI NYI MA LTA BU YANG BYUNG, SLAR BLA MA'I SPYAN SNGAR BYON NAS DKA' THUB MDZAD CING LO GSUM BZHUGS, LO RER RAS CHUNG PA DANG MJAL NAS, CHOS DRUG DANG THUN 'JOG LA SOGS N'A RO ME TRI'I GDAMS PA JI SNYED PA GSAN, THABS LAM DMAR KHRID DU MDZAD PAS BDE STONG LHAN CIG SKYES PA'I YE SHES NGO 'PHROD PA ME LONG LA BZHIN MTHONG BA BZHIN BYUNG, RTZI MO NAM MKHA' LA ZAB @567 MO'I GDAMS PA ZHUS PAS YON TAN 'KHRUNGS, RONG BA 'GAR DGE BA'I SLOB MA SPEN PHUG PA STON RGYAL LA RDO RJE PHAG MO, CHOS SPYOD, 'GREL BA RIN CHEN RGYAN DRUG DANG, DBANG BZHI'I NYAMS SGOM LA SOGS ZHUS, MES TSON PO'I SLOB MA RKYANG MO SBANG KHAB LA DGYES RDOR GDAMS BSHAD ZHUS, YAR KLUNGS PHUG MO CHER GSHEN PA RDO RJE SENG GE LA LAM 'BRAS ZHUS, BRAG DKAR MO BA LA AA RO SNYAN BRGYUD ZHUS, DAR YUL BA RAL LCAGS STON TSUL LA BDE MCHOG DGYES RDOR, MA H'A M'A Y'A LA SOGS RGYUD KYI BSHAD PA DANG GDAMS PA MANG DU GSAN NO, ,SGAM PO BAS LUNG BSTAN NAS 'OL KHA'I BRAG GU RI BO CHE'I BRAG PHUG CIG TU BZHUGS PAS, BUD MED GCIG NA RE, NGA'I MA JO 'ONG NGO KHYOD MA BZHUGS ZER BAS, BYAMS SNYING RJE BYANG CHUB KYI SEMS LA GNAD DU BSNUN ZLA BA BCU BZHIR BZHUGS PAS DROD KLUNGS SU TSUD, RTAGS NGO MTSAR CAN MANG DU BYUNG, NGES SHES KHYAD PAR CAN SKYES, DE NAS CHOS RJE BYA LKOG DGON PA NA BZHUGS SAR BYON NAS RTOGS PA PHUL BAS, KHYOD KYI DE NOR 'DUG NGA KHYOD LA RE CHE BA YIN PA LA DA DUNG BSGOMS GSUNG NAS ZLA BA DRUG BSGOMS PAS SNGAR GYI DE LAS MA 'GYUR NAS, YANG ZHUS PAS, PHYAG SPYI BOR BZHAG NAS, BU 'KHOR BA DANG 'BREL CHOD PA YIN NO GSUNG NAS, GNAS LUGS DON GYI NGO SPROD SEMS NYID YID BZHIN NOR BU NGOS GZUNG BA'I GDAMS NGAG GNANG, DER MU DPON LA MTHONG SNANG BZANG PO MANG DU BYUNG, SGAM PO BAS LUNG BSTAN NAS @568 TSA BRE LNGA BSNAMS NAS MON GYI RGYAL PO GA THUNG GI SAR BYON, DES YON BDAG BYAS NAS SHA 'UG STAG SGOR BYON NAS BZHUGS, 'KHOR 'DAS DBYER MED KYI RTOGS PA BRNYES, DE NAS SGAM POR BYON NAS LO GCIG BZHUGS, DE NAS GNANG BA ZHUS NAS RGYAL KHAMS SKOR DU BYON TE SBA GROR BYON, DE NAS LAS STOD NA SA PHUG CIG NA MI LA'I DNGOS SLOB DGE TSUL SKU MCHED GNYIS 'DUG PA LA'ANG GDAMS PA ZHUS, DE NAS 'PHAN YUL BYA BZANG GI BRAG LA DBYAR DGUN GSUM BZHUGS, BRAG LA THOGS PA MED PA'I MNGON SHES RDZU 'PHRUL BSTAN PAS BLA MA BRAG PAR GRAGS, YANG GANGS DKAR LA SONG GSUNG NAS GANGS DKAR DU BYON, PADMA'I BZHUGS GNAS PHA BONG DKAR LEB TU ZLA BA BZHI BZHUGS TE MKHA' 'GRO MAS 'TSO BA DRANGS, DE NAS SNYE MO'I 'PHRANG NA MAR BYON PAS MKHA' 'GRO MAS NANG DU KHRID 'TSO BA DRANGS, DE LA BRTEN NAS TING NGE 'DZIN DPAG TU MED PA SKYES, DE NAS GZHU SNYE'I BAR RDZONG BYA BA'I DGON PA NA, N'A RO BA'I DNGOS SLOB CIG BZHUGS PA DANG MJAL, MNGON PAR SHES PA MANG DU GSUNGS, PHYAG CHEN THOG BABS DANG THABS LAM GYI MAN NGAG MANG DU ZHUS, BLA MA LHA RJE CI GSUNG GYIS GSUNG PA'I ZHAL BRDA'ANG MANG DU GNANG, DE NAS LHA RI RGYAN PO DANG JUG POR YANG BYON, G-YAG SDE DANG 'PHAN YUL RNAMS SU BYON, DE NAS GRU BZHI DGON DU BZHUGS, DE NAS SGAM POR BYON PAS RDZONG BA'I SPYAN SNGAR BYON PA SOGS THAMS CAD TSUR LA GSUNG, DER DBYAR THOG GCIG BZHUGS, @569 DE NAS KAM PO GNAS NANG DU SGRUB PA GYIS, 'GRO DON CHEN PO 'ONG GSUNG BA GNANG, DE NAS CHU BO RI DANG GRU BZHI MAR BZHUGS, DER SGAM PO BA GSHEGS PA'I GTAM GSAN NAS BYON PAS, SLOB DPON SGOM PA DANG 'PHAGS PA DANG MJAL, CHOS RJE'I NA BZA' LA 'JUS NAS GSOL BA BTAB CING NGUS PAS, CHOS RJE NAM MKHA' LA MNGON SUM DU BYON PA DPON SLOB GSUM GAS MTHONG, DE NAS GRU BZHI DGON DU BYON PA'I TSE, KAM PO GNAS NANG DU 'BYON DGONGS TZA NA, KAM PO RDO RJE DPAL RTZEGS KYIS KYANG BSU BA LA SLEB, DE NAS RTA KHRAB 'GA' BSNAMS NAS SLOB DPON SGOM PA LHA LUNG NA BZHUGS PA LA PHYI PHYAG LA BYON, 'TSUR NGOS BZANGS SU CUNG ZAD BZHUGS, SPYIR DBUS GTZANG DU LO SUM CU BZHUGS NAS THOS BSAM DANG SGRUB PA MDZAD, LNGA BCU PA LA KHAMS SU BYON NAS KAM PO GNAS NANG DU BZHUGS, DE NAS TRIR BYON DGE 'DUN STONG TZAM 'DUS, YUL DER 'KHRUG PA RANG ZHIR MDZAD, SGAM POR G-YU CHEN BDUN DANG JA MDZO BDUN CU LA SOGS PA'I 'BUL BA BSKUR, DE NAS LHO RGYUD LA BYON TE, DBUS SU BYON NAS SGAM POR GSER 'BUM TSAR BZHI, MDO MNGAS TSAR GCIG GLEGS BAM BRGYA DANG BCU, G-YU CHEN BCU, MDZO RTA LNGA BCU LA SOGS PA PHUL, DBUS GTZANG GI SDE DGON RNAMS SU'ANG TSOGS GSOG RGYA CHEN PO MDZAD, KHO BO DBUS SU 'ONGS PA'I DGOS PA, SGOM TSUL GYI ZHAL NAS KHYOD KHAMS SU SKYID SDUG CI BYUNG YANG YAR SHOG GSUNG BA'I BKA' SGRUB PA @570 DANG, GZHU 'TSUR GYI BAR 'DI DGON PA 'DEBS PA DANG, DVAGS LHA SGAM POR GSER GYI GLEGS BAM BRGYA 'BUL BA DANG, BLA MA ZHANG GI 'KHRUG PA LA MI RNAMS MI DGA' BAR 'DUG PAS, KHONG LA 'KHRUG PA MI MDZAD PA'I ZHU BA 'BUL BA RNAMS LA 'ONGS PA YIN GSUNG, ZHANG LA 'KHRUG PA MI MDZAD PAR ZHUS PAS, ZHANG GIS PHYAG MDZUB LA 'JUS NAS BRO MANG DU BRDUNGS NAS DE PHYIN CHAD 'KHRUG PA MA MDZAD, 'TSUR PHUR DGON BA YANG BTAB, DE NAS SKU 'DA' KHAR 'KHOR BGRES PA RNAMS LA DNGOS PO MANG DU YOD PA RNAMS KYIS DKON MCHOG GI RTEN DANG DGE 'DUN LA BSNYEN BKUR GYIS GSUNG BA'I ZHAL BKOD GNANG NAS, CHU MO GLANG GI LO BRGYAD BCU RTZA BZHI BZHES PA LA MKHA' 'GRO MA MANG POS BSU BA MDZAD DE GSHEGS, NGO MTSAR BA'I LTAS KYANG DU MA ZHIG BYUNG STE RGYAS PAR MA SPROS SO, , DE'I SLOB MA SANGS RGYAS RAS CHEN NI, GDUNG RUS GRU GU, YUL YAR KLUNGS SU YAB GTZANG BA DPAL GRAGS DANG, YUM BTZUN CHUNG MA BYA BA'I SRAS SU 'KHRUNGS NAS, BYIS PA'I DUS NAS GAR 'BYON DU 'JA'I GUR 'ONG BA DANG, MKHA' 'GRO MA GSER GYI RGYAN CAN BZHI RJES SU 'BRANG BA YOD, LO DGU BZHES PA'I TSE ZANGS RI RAS PA'I SAR BYON NAS RAS CHUNG PA LAS BYUNG BA'I GDAMS PA RNAMS GSAN PAS, BDE GSAL MI RTOG PA'I NYAMS KHOR YUG TU SHAR, NA BZA' RAS RKYANG DU MDZAD PA'I RAS CHEN DU GRAGS, BCO LNGA BZHES PA GDAMS PA CUNG MA TSAR BA LA ZANGS RI PA SKU GSHEGS,@571 DER NGA'I GDAMS NGAG MA RDZOGS PAR CHOS RJE SKU 'DA' BAR 'DUG BYAS NAS BSHUMS PAS, DA RGYA SGOM LA GTUGS, JI LTAR BYAS KYANG BDE BAR 'ONG GIS GSUNG, DE NAS PHAG MO GRU PA DANG MJAL ZHING CHOS ZHUS, DE NAS DOL DU 'TSUR DBANG NGE LA GSAR RNYING GI GDAMS PA MANG DU ZHUS, RDO RGYUS BRAG LA BSGOMS PAS RJE BTZUN MA ZHAL GNYIS MA'I ZHAL GZIGS, THUGS GTAD PA TZAM GYIS NAD GDON ZHI BA YANG BYUNG, DE NAS GNYAL DU GTZANG STON DKON NE YAB SRAS LA CHOS MANG DU GSAN, DE'I TSE SU KHA SIDDHI ZHAL GZIGS, ZA CHU 'DUS SU SGAM PO BA'I SLOB MA DAR MA SHES RAB BYA BA 'OD GSAL RGYUN CHAD MED PA CIG BZHUGS PA LA DBANG DANG GDAMS PA MANG DU ZHUS, GNYAL GYI GROG PHUGS SHED DU BSGOMS PAS SPYAN DANG MNGON PAR SHES PA SHAR, DE NAS YAR KLUNGS SU BYON NAS RJE SGOM ZHIG PO LA BI MA LA'I GDAMS PA MA LUS PA ZHUS, DER YUL GYIS THUGS DAM LA GNOD PAR DGONGS NAS, G-YER THOD PA BSAM GRUB LA JO MO'I GDAMS PA GCOD RNAMS ZHUS, DE NAS KONG POR BYON BLA MA MNGA' RIS PA DANG MJAL, GDAMS PA MANG DU GSAN, SPO BOR GNYAL PA JO SRAS LA PHAG MO, CHOS DRUG LA SOGS PA DANG, KHYAD PAR MGON PO BER NAG CAN ZHUS SHING ZHAL YANG GZIGS, YAR KLUNGS NAS YUM GYIS RO ZAN NAG PO BYA BA ZHIG 'BOD DU BTANG BYUNG BA LA MA BYON PAR, TSA BA SGANG DANG DMAR KHAMS SU BYON PAS DE RNAMS SU SKU BSOD SKYES, SNGAGS GRVA BTZUGS NAS 'KHRUG GDUMS MANG DU MDZAD, DE @572 NAS KAM PO GNAS NANG NA DUS GSUM MKHYEN PA BZHUGS PA THOS NAS, ZHAL BLTA BA DANG BYIN RLABS ZHU BA TZAM BYA, CHOS ZHU RGYU NI MED BSAM NAS BYON PA'I TSE, DGE BSNYEN RDO RJE DPAL RTZEGS KYIS BSU BA BYAS, DUS GSUM MKHYEN PA DANG MJAL, DE'I TSE DUS GSUM MKHYEN PA'I ZHAL NAS, KHYOD SNGAGS CHUNG SHES RAB CAN CIG 'DUG PAS NGA'I SLOB MA BYAS NA 'ONG GSUNG, KHYED LA SLOB MA CI 'DRA YOD ZHUS PAS, 'BAL TSA STAG NGEL BA DANG, 'DE CHUNG SANGS RGYAS LA SOGS PA YOD, KHYOD RANG DE'I RTZAR SONG GSUNG BAS, 'DE CHUNG SANGS RGYAS KYI SAR PHYIN PAS, KHYOD SNGAGS CHUNG SHES RAB CAN CIG 'DUG PAS NGA'I BLA MA'I SLOB MA BYAS NA 'ONG GSUNG ZHING, DA 'BAL TSA STAG NGEL BA'I SAR SONG GSUNG, BYON PAS PHUG PA CIG NA STAG CHEN PO CIG 'DUG PAS SKRAG STE BROS BYON PAS, YANG SONG DANG ZER NAS PHYIN PAS, MTSO CIG 'DUG PA LA BSKOR ZHING RDE'U 'GA' YAR SKYUR NAS BYON, YANG DA DUNG SONG DANG ZER NAS PHYIN PAS, SGOM CHEN CIG 'DUG PA DE'I PANG NA SNGAR SKYUR BA'I RDE'U RNAMS 'DUG DE NA RE, YANG KHYOD SNGAGS CHUNG SHES RAB CAN CIG 'DUG PAS NGA'I BLA MA'I SLOB MA BYAS NA 'ONG BA LA GSUNG PAS, SLOB MA'I YON TAN YANG 'DI 'DRA NA BSAM NAS, SLAR DUS GSUM MKHYEN PA'I DRUNG DU BYON NAS GDAMS PA RNAMS GSAN TE, LO BDUN DU DBU SNGAS LA MI 'JOG PA'I DAM BCA' MDZAD, GDAMS PA'I PHU THAG CHOD, CHOS RJE RIN PO CHE'I ZHAL NAS, DBUS BRNYED PA TSOL BA CIG @573 LA KHYOD DANG SLOB DPON BKA' GDAMS PA GNYIS RNYED PA CHE GSUNG BA BZHIN DU, GCIG PUR BZHUGS DBANG MED PAR PHRIN LAS KYI MTHA' RGYAS PAR GYUR, SLOB DPON BKA' GDAMS PA'I DRUNG DU YANG LO GSUM BSGOMS, SNGAR DUS GSUM MKHYEN PA'I YANG RAB TU 'BYUNG BAR 'OS PA'I BKA' YOD PA DANG, SLOB DPON BKA' GDAMS PAS BSKUL BA LA BRTEN NAS, LO SO BDUN PA LA MKHAN PO MA DREL BA DANG SLOB DPON BKA' GDAMS PA LA CHIG RDZOGS MDZAD, MTSAN BSOD NAMS GRAGS PAR BTAGS, DE NAS KAR MA RIN PO CHE DANG MJAL NAS LO GSUM BZHUGS, DUS GSUM MKHYEN PA DBUS SU BZHUD PA LA TRE SHOD RNA RGYANG BAR DU SKYEL THUNG MDZAD, DE NAS DMAR KHAMS SU BYON NAS 'GRO DON RGYA CHEN PO MDZAD PA'I SKABS ZHIG TU CHOS RJE DUS GSUM MKHYEN PA SKU GSHEGS PA YANG MKHYEN, PHYIS GDAN SA'I ZHABS TOG KYANG CHER MDZAD, BLA MA DANG GRUB THOB DANG YI DAM GYI ZHAL GZIGS PA RNAMS NI BRJOD KYIS MI LANG, 'GRO DON PHUN SUM TSOGS PA'I MTHAR DGUNG LO BDUN BCU BZHES PA DBYAR ZLA RA BA'I NYI SHU LNGA LA ZHING DAG PAR GSHEGS, DE'I RJES SU YANG SLOB MA RNAMS LA SKU'I BKOD PA SNA TSOGS SU BSTAN TO, ,GDUNG SBYANGS PAS LHA SKU DANG RING BSREL YANG MANG DU BYON NO, , DE'I SLOB MA NI CHOS RJE SPOM BRAG PA YIN TE, DE NI SKYE BA SNGA MA LA BYA RGOD PHUNG PO'I RI DANG RDO RJE GDAN GYI BAR DU SA THOB PA'I BYANG CHUB SEMS DPA' YE SHES BLO GROS BYA BAR SKYE BA BZHES, DE NAS 'DIR 'BRI RGYAL DAM @574 PA CHOS PHYUG CES BYA BAR 'KHRUNGS, LO LNGA NAS BRI KLOG MKHAS PAR MKHYEN, DGUNG LO DGU'I SKOR DU BLA MA GNYAN LHA KHANG SGANG BA YAB SRAS LA BDE DGYES LA SOGS PA GSANG SNGAGS KYI CHOS MANG DU GSAN, BCU BZHI BZHES PA LA RAS CHEN PA'I YON TAN MANG DU THOS NAS DAD PA SKYES PA TZAM GYIS TING NGE 'DZIN GYI SGO DU MA 'KHRUNGS, LAN CIG MNAL LAM DU BUD MED DMAR MO GZUGS RING BA BU MO MANG POS BSKOR BA ZHIG NA RE, KHYOD KYI BLA MA SANGS RGYAS RAS CHEN NI DVAGS PO SGOM CHUNG GI SKYE BA YIN ZHES LUNG STON PA BYUNG, DE NAS ZHAG BCU TZAM NA 'BOBS DKAR SGANG DU SANGS RGYAS RAS CHEN DANG MJAL BAS, PHYAG NA RDO RJE DNGOS YIN PA'I SNANG BA SHAR, SNUBS STON TSUL GYI ZHOR LA RJE BTZUN MA'I DBANG ZHUS PAS, BYIN RLABS PHAB PA'I DUS SU STENG 'OG PHYOGS MTSAMS THAMS CAD RJE BTZUN MA'I DKYIL 'KHOR DU GSAL BA CIG BYUNG, BLA MA'I ZHAL NAS, MCHOD CHUNG 'DIS NGA'I DBANG BSKUR THOB PA YIN GSUNG NAS DE PHYIN CHAD PHA DANG BU BZHIN DU THUGS LA GTAGS, DE NAS KUNGS DGON PAR BZHUGS PA'I TSE 'KHOR LO SDOM PA'I DKYIL 'KHOR GZIGS PA DE LA YENGS THABS SU GYUR PA LA, SEMS KYI GNAS LUGS RTOGS PA'I RTOGS PA 'KHRUNGS, DE NAS MYUR POR SGOM MED KYI RTOGS PA 'KHRUNGS, SA GZHAN DU 'GRO BAR ZHUS PAS MA GNANG, GNAS SKABS DAG TU LHA DANG CHOS SKYONG GI GZIGS SNANG LA SOGS PA GRANGS MED PA BYUNG, RAS CHEN MYA NGAN LAS 'DA' KHAR KHYED KYI BSTAN PA SUS 'DZIN ZHUS PAS, @575 NGA'I SLOB MA RNAMS RANG MGO THON TZAM RE NI YOD, DE'I NANG NAS KYANG KHYOD DANG BLO GROS RIN CHEN GNYIS LA RE CHE BA YIN, DE'I NANG NAS KYANG KHYOD LA PHRIN LAS RGYA CHEN PO 'ONG BA YIN, KHYOD KYI BU SLOB DANG YANG SLOB KYI BAR DU YANG PHRIN LAS RGYA CHEN PO 'ONG BA YIN GSUNG BA BZHIN DU PHRIN LAS DPAG TU MED PA BYUNG BA YIN NO, ,SA GZHAN DU 'GRO 'DOD BYUNG BA'I TSE DUS GSUM MKHYEN PA BYON NAS, GAR YANG MA 'GRO SA 'DI NYID DU BSGOMS DANG, RANG DON GZHAN DON GNYIS KA 'BYUNG ZHES LUNG BSTAN PA BZHIN DU, SPEL SGO DGON PAR PHYAGS PHAB NAS LO BCU DRUG TU SGRUB PA MDZAD PAS DAG PA'I SNANG BA BSAM GYIS MI KHYAB PA SHAR, SNYAN PAS PHYOGS THAMS CAD DU KHYAB BO, ,KA THOG GI GTZANG STON DE SNYAN PA CHE BAS 'DI JI 'DRA BA ZHIG YIN NAM DGONGS PA LA, THUGS 'DUN BTANG BAS KHONG NAM MKHA' DAG PA'I DBYINGS NA LONGS SPYOD RDZOGS PA'I SKUR 'DUG PA GZIGS NAS, GTZANG STON LA CHOS GSAN PAS MKHYEN PA RGYAS PAR GYUR, DE NAS KHRA SHOD SPOM BRAG TU DGON PA GZUNG, DER SANGS RGYAS MI 'KHRUNGS PA DPAG TU MED PA GZIGS SHING LTAS NGO MTSAR CAN MANG PO BYUNG, DE NAS SANGS RGYAS RAS CHEN GYI ZHAL NAS, DMAR KHAMS SGANG DU MA 'GRO GSUNG BA LA, DER BYON PAS SKU KHAMS CUNG ZHIG MA BDE BA'I TSE BLA MA KAR MA PA ZHABS TOG TU YOD PA LA, DA LAN GYI NAD 'DIS KHO BO 'GRO DGOS PAR 'DUG SANGS RGYAS RAS CHEN GYI ZHAL NAS DMAR KHAMS SGANG DU MA 'GRO GSUNG BA'I GSUNG BCAG PAS LAN, @576 'ON KYANG NGA LA SHI BA DANG MA SHI BA KHYAD MED GSUNG, MYA NGAN LAS 'DA' KHAR RJE KAR MA PA LA, RJE DUS GSUM MKHYEN PA'I BSTAN PA DAR RGYAS SU BYA'O SNYAM NAS CI NUS BYAS, DA DUS GSUM MKHYEN PA'I BSTAN PA 'DI 'TSUR PHU MAN CHAD DU KHYOD KYIS SKYONGS SHIG CES ZHAL BRDA MDZAD, GANG DU GSHEGS ZHUS PAS, DGA' LDAN DU 'GRO BAS DER KHYED RANG RNAMS GSOL BA THOB, 'ON KYANG KARTI KA'I YUL NA DUS GSUM MKHYEN PA'I RNAM 'PHRUL ZHIG BZHUGS PAS, DE'I GDAN SA YANG YUN RING DU BYED GSUNG, KAR MA PAS KHO BO LA KHYED KYI PHRIN LAS TZAM 'ONG NGAM ZHUS PAS, BKA' BRGYUD 'DI BLA MA BAS SLOB MA PHRIN LAS CHE BAS, KHO BO YAN CHAD KYI BKA' BRGYUD KYI PHRIN LAS THAMS CAD BAS KHYOD PHRIN LAS CHE BA 'ONG GSUNG, DER SA GA ZLA BA LA GSHEGS, SA G-YO BA DANG 'UR 'UR GYI SGRA CHEN PO 'BYUNG BA LA SOGS PA'I LTAS DANG, THUGS LJAGS LA SOGS PA'I RTEN YANG MANG DU BYON NO, , DE'I SLOB MA RIN PO CHE KA RMA PA DE NI 'BRI LUNG DAM CHOS PHYUG TU BTZAD PO AU'I RIGS, YAB RGYA DBANG TSUR TSA SPRAD DAR DANG, YUM SENG GZA' MANG SKYID GNYIS KYI SRAS SU, DUS GSUM MKHYEN PA GSHEGS NAS LO BCU SONG BA SHING PHO BYI BA'I LO LA SKU BLTAMS, LO 'DI LA KHA CHE PAn CHEN BOD DU BYON, MTSAN CHOS 'DZIN DU BTAGS, LO LNGA DRUG NAS YIG KLOG MKHAS PAR MKHYEN, LO DGU DANG BCU PA LA SANGS RGYAS KYI GSUNG RAB MTHA' DAG LA KLOG PA TZAM GYIS THUGS SU CHUD, SEMS NYID GSHIS @577 'GYUR BA MED PA LA RANG BZHIN DU GNAS PA RGYA MTSO LTA BU BYUNG YANG, NGO CUNG ZAD MA MKHYEN PA NA RIN PO CHE SPOM BRAG PAS NGO SPRAD DE, SPOM BRAG PA DANG MJAL BA'I DUS SU, BLA MA'I ZHAL NAS, DE RING NAM MKHA' LA DPA' BO MKHA' 'GRO SPRIN GTIBS PA BZHIN SNANG, KHYOD MKHA' 'GROS BYIN GYIS BRLABS PA CIG 'DUG GSUNG, DE NUB DBANG MDZAD PAS KHYOD LAS CAN CIG 'DUG DUS GSUM MKHYEN PA LA SOGS PA'I BKA' BRGYUD KYI BLA MA RNAMS GSAL BAR BYON, DA NGA'I CHOS 'DI TSO NYAMS SU LONG GSUNG, DE NAS KA THOG PA BYAMS PA 'BUM DANG, LCANG MANG PHU BA LA SO SOR THAR PA'I BSLAB PA MNOS, MTSAN CHOS KYI BLA MAR GSOL, RIN PO CHE LA KHRID ZHUS PA'I TSE 'BUM TSAR GCIG GI KLOG YON PHUL BAS, KHRA SHOD SPOM RAG SNA 'DI NOR GYIS BKOD NAS PHUL BA BAS, SGOM CHEN SEMS NGO SHES PA CIG DGA' GSUNG, SGRUB PA TSUL BZHIN DU BYAS PAS BLA MA MNYES PAR BYUNG, LO BCU BAR MED PAR NYAMS LEN BSKYANGS, LHA DANG 'JIG RTEN GYI LHA 'DRE DU MAS ZHABS TOG BYED PA GZIGS, KHAMS SU GRVA PA LNGA BRGYA TZAM BSDUS NAS CHOS GSUNGS, LJANG YUL GYI BAR DU DRAG PO'I LAS KYI NUS PA BSTAN NAS LAM RGYA BTZUGS, 'TSUR PHUR BYON NAS LO DRUG TU BZHUGS, GANGS DKAR MA DANG THANG LHA LA SOGS PA'I LHA CHEN PO RNAMS KYIS KYANG BRAN GYI LAS BYAS, SNYAN PA'I GRAGS PA SHIN TU CHE BA'I TSE HOR RGYAL POS GSER YIG PA BTANG NAS GDAN 'DREN BYUNG BAS, RGYA YUL DU BYON, LAM DU'ANG @578 DGE 'DUN GYI ZHABS TOG DANG, GTZUG LAG KHANG ZHIG PA 'CHOS PA LA SOGS PA'I BYA BA MANG PO MDZAD, RGYAL PO 'KHOR DANG BCAS PA LA SEMS BSKYED GNANG NAS BLA NA MED PA'I BYANG CHUB LA BTZUD, RGYA DANG HOR GYI SA CHA RNAMS SU BYON, KHYAD PAR MI NYAG 'GA'I YUL DU GTZUG LAG KHANG CHEN PO ZHIG RTZIGS, DE'I DUS SU YUL KHAMS RNAMS SU GRANGS MED PA'I GRUB RTAGS DANG, CHO 'PHRUL BSTAN PA YANG MANG DU MDZAD, MU STEGS DANG MUN PAR GNAS PA'I LTA BA NGAN PA 'DZIN PA MANG PO'ANG YANG DAG PA'I LAM LA BKOD, DE NAS YANG PHYIS RGYA'I YUL DU RGYAL KHAMS 'KHRUGS PA'I TSE BYON PAS, RGYA MTSO'I MTHAR SKROD PA LA SOGS PA'I TSUL MA YIN PA MANG PO BYUNG BA RNAMS BZLOG STE ZIL GYIS MNAN PAS, KAR MA PA'I SNYAN PA JE CHER SONG, KHYAD PAR MKHAR CIG GI NANG DU BCUG KHRO CHUS SGO BSDAMS NAS GSOL ZAS MED PAR BZHAG KYANG NYAM NGA BA MED PA'I CHO 'PHRUL BSTAN PAS, GO BO LAS KYANG ZHABS LA GTUGS, BOD YUL LA SOGS GAR BDE BAR CHOS SPYOD CING, NGED LA SMON LAM BZANG PO THOB ZER NAS 'JVA? SA BZANG PO BSGRAGS, COD TO MKHAR NAS 'TSUR PHUR PHEBS KYI BAR LAM DU LO BRGYAD SONG, 'TSUR PHUR PHEBS NAS LHA CHEN GYIS THOGS DRANGS LHA MANG DU BZHENGS PA RNAMS KYANG CHOS RGYAL SRONG BTZAN SGAM PO LTAR TING NGE 'DZIN GYI MTHUS BSGRUBS, PHRIN LAS RGYA CHEN PO MDZAD DE, RGYAL BA GANGS PA ZHES BYA BA'I SPYOD PA LA CUNG ZAD MA DGYES PAS RKYEN BYAS TE, BRGYAD CU BZHES PA CHU MO @579 LUG GI LO ZLA BA GSUM PA LA SKU MYA NGAN LAS 'DA' BA'I TSUL BSTAN TO, ,DE NAS TSES DGU NYIN PAR GDUNG SBYANGS PAS, THUGS LJAGS SPYAN GSUM MA TSIG PAR BYON ZHING, RING BSREL DKAR PO SHAS CHE BA'I KHA DOG SNA TSOGS PA DANG, DUNG G-YAS 'KHYIL SUM 'BREL DANG, SKU GZUGS DANG YIG 'BRU DANG PHYAG MTSAN SOGS GRANGS MED PA BYON, DE RNAMS PHAL CHER GDAN SA GONG 'OG GI GDUNG RTEN RNAMS SU BZHUGS SU GSOL, NA BZA' DANG PHYAGS LA SOGS PA'I DUM BUS MOS PA DANG LDAN PA THAMS CAD KYI LAG BKANG STE, 'JIG RTEN THAMS CAD BKRA SHIS PAR MDZAD DO, , DE'I SLOB MA NI GRUB THOB CHEN PO AU RGYAN PA YIN TE, 'TSUR PHUR BYON NAS CHOS RJE KARMA PA'I ZHABS LA GTUGS, GDAMS PA'ANG MANG DU GSAN, PHYI NAS SKU'I SKYE BA PHYI MA'I 'DREN PA YANG MDZAD DE, DE'I CHE BA NI 'BRUG PA'I SKABS SU BRJOD PAR BYA'O, , DE'I SLOB MA CHOS RJE RANG BYUNG BA NI, DE YANG CHOS RJE KAR MA PA SHI CHU MO LUG GI ZLA BA GSUM PA'I TSES GSUM LA GSHEGS, STOD LUNGS 'PHAR TSANG DU GRONG 'JUG MDZAD PAS SHI NAS LOG PA 'DI MI RUNG SNYAM NAS, SNGAR GYI PHA MAS SPYAN LA KHAB KYIS BTZAGS PAS DER RTEN 'BREL MA 'GRIG RJE BTZUN MI LA'I 'KHRUNGS YUL TZA'I PHU GANGS ZHUR MO'I 'GRAM DU, CHOS RJES SRID PA BAR MA'I GZUGS KYIS BYON PA NA, DPAL BDE MCHOG GI LHA DRUG CU RTZA GNYIS KYI DKYIL 'KHOR DU DBANG BSKUR, DE NAS YUM GYI MNGAL SHEL GYI PHO @580 BRANG DU GZIGS NAS, DRAN SHES BZHIN DANG LDAN PAS DER BZHUGS ZHING SDUG BSNGAL BA'I SNANG BA MED, DE NAS SHING PHO SPRE'U'I LO'I YAR NGO'I TSES BRGYAD LA SKU BLTAMS, SMRA MKHYEN YANG MI MKHYEN PA LTAR MDZAD, DE NAS YAB YUM SRAS GSUM RIM GYIS DING RIR BYON PAS, DAM PA'I SKU DE 'JA' TSON LTA BUR 'DUG PA LAS RANG LA THIM PA'I SNANG BA BYUNG, DE NAS YAB KYIS ZHI BYED KYI CHOS RNAMS KYANG GNANG, SNGAGS 'CHANG NGO NAG DANG DBU RTZE BA GNYIS LA YANG PHUR GYI BKA' GSAN, YI GE 'BRI KLOG RNAMS SUS KYANG SLOB MA DGOS PAR MKHYEN, MNAL LAM DU DAG SNANG MANG PO SHAR, SKYID GRONG 'PHAGS PA'I DRUNG DU BYON PAS SPYAN RAS GZIGS KYIS BYIN GYIS BRLABS, 'GRO DON 'BYUNG BAR DGONGS, MKHAS BTZUN GSER KHANG BAS, BDAG LA GUS PA DANG BCAS PAS DRIS PA NA BAR DO'I RNAM THAR LA SOGS MANG PO BSHAD, DE NAS LO LNGA LON PA NA GRUB CHEN AU RGYAN PA'I GSUNG GIS, SANG NGA'I BLA MA KAR MA PA 'BYON PAR YOD GSUNG NAS STAN MTHON PO BSHAMS, DER GRUB CHEN PA'I DRUNG DU PHYIN PA NA STAN DE LA THOGS PA MED PAR 'DZEGS TE BZHUGS, GRUB CHEN PA'I GSUNG GIS, BYIS PA KHYOD NGA'I BLA MA'I GDAN LA GDOD PA CI YIN GSUNG BAS, BLA MA DANG NGA YIN TE, DA KHYED LA RE DGOS PAR 'DUG BYAS NAS THOL GYIS BABS, DE NAS AU RGYAN PAS BYANG CHUB DU MCHOG TU SEMS BSKYED PA DANG, 'KHOR LO SDOM PA DIL BU LUGS KYI DBANG DANG, MA PHUR GYI DBANG RNAMS GNANG, DGYES @581 MDZAD DANG, SGYU 'PHRUL DRA BA DANG, DUS KYI 'KHOR LO DANG, 'BYUNG PO 'DUL BYED KYI RGYUD RNAMS GSUNGS, GZHAN YANG RO SNYOMS SKOR DRUG DANG, BSRE 'PHO DANG, SKU GSUM NGO SPROD, KHRID CHEN BRGYAD DANG, RGYAL BA RGYA MTSO, DO HA DANG, LHAN CIG SKYES SBYOR DANG, GZHAN YANG CHOS PHRAN MANG DU GNANG, LO BDUN PA LA MKHAN PO KUN LDAN SHES RAB LA RAB TU BYUNG NAS BSLAB TSIGS RNAMS LEGS PAR BSLABS, DE'I TSE BSHES GNYEN 'GA' ZHIG GI DAG SNANG LA SPYAN RAS GZIGS KYIS BDAG GI YON TAN BSNGAGS PA 'DI LTAR BYUNG GI PHO NYA BAS BSLABS, LA STOD GRO LUNG DU AU RGYAN GU RUS DBANG BSKUR BAS BLA MA BDE MCHOG TU GZIGS, LA STOD SBU HRAR BZHUGS PA'I TSE, MGON PO DANG SNGAGS BDAG GNYIS BYUNG NAS 'TSUR PHUR MYUR DU 'BYON DGOS ZER, DE NAS GDAN SA 'TSUR PHUR PHEBS, GNYAN RAS LA CHOS GSAN PAS BRGYUD PA'I BLA MA MANG POS BSKOR 'DUG PA'I SNANG BA SHAR, DER SNGAGS BDAG GIS CHU MIG GSAR DU PHUL, SHING SKAM CIG BTZUt PAS SKYES TE SDONG PO CHEN POR GYUR, BKRA SHIS GSAR MAR DAR MA SGANG BAS BYIN RLABS ZHUS PA'I TSE, BKA' BRGYUD KYI BLA MA RNAMS BYON, GZHAN YANG CHOS GSAN PA'I RIM PA NI, BLA MA SHES RAB DPAL LA SDUD PA'I DKA' 'GREL DANG PANYTZI KA PADMA CAN ZHUS, DGE BA'I BSHES GNYEN RGYAL BA LA DGYES RDOR LA SOGS ZHUS, YANG GNYAN RAS DGE 'DUN 'BUM LA GSAR RNYING GI RGYUD SGRUB THABS MAN NGAG SHIN TU MANG BAR GSAN, GNAM MTSO @582 BA MI BSKYOD RDO RJE LA MA GCIG GI SPYOD YUL LA SOGS MANG DU ZHUS, DGUNG LO BCO BRGYAD PA LA MKHAN PO GZHON NU BYANG CHUB DANG, SLOB DPON DGE 'DUN RIN CHEN PA LAS BSNYEN PAR RDZOGS ZHING, LUNG SDE BZHI LA SOGS PA 'DUL BA'I SKOR MANG DU GSAN, SGROL MA'I SGRUB THABS LA SOGS PHRAN 'GA' YANG ZHUS, DE NAS GSANG PHU GLING SMAD KYI GDAN SA BA SH'KYA GZHON NU LA DBU MA'I SKOR MANG PO DANG, BYAMS CHOS LNGA, MNGON PA GONG 'OG DANG SA SDE, TSAD MA LA SOGS MANG DU GSAN, DE NAS KHAMS SU KAR MAR THEGS LHA STENGS KYI DBEN GNAS BTAB, TSA BA SGANG DU YANG BYON PAS YUL LHA RNAMS KYIS BSU BA RGYA CHEN PO BYAS, MI MA YIN BKA' LA BTAGS PAS KOL TI'I 'KHRUG PA CHEN PO YANG ZHI BAR MDZAD, DE NAS DBUS PHYOGS SU BYON PA NA THANG LHAS BSU BA BYAS, DE NAS 'TSUR PHUR PHEBS PAS CHOS SKYONG RNAMS DGYES PA'I SNANG BA BYUNG, LHA SAR JO BO LA GDUGS PHUL TSE, PHYOGS BCU'I 'JIG RTEN KHAMS KYI DE BZHIN GSHEGS PA RNAMS KYI DRUNG DU YANG MCHOD PA 'BUL BZHIN PA'I SNANG BA SHAR, DPAL AU RGYAN PA'I DGONGS PA RDZOGS PA'I PHYIR, SNYE MDO BA KUN DGA' DON GRUB PA LA DUS 'KHOR GYI BSHAD PA ZHIB TU GSAN ZHING, GZHAN YANG RGYUD DANG 'GREL PA GSAR RNYING DBANG DANG GDAMS PA MANG DU GSAN, DKON MCHOG RTZEGS PA DANG DAM CHOS PAD DKAR SOGS MDO'I LUNG MANG PO DANG, MNGON PA GONG 'OG SOGS RGYA CHER GSAN, SBA RAS LA GSO BA RIG PA'I GZHUNG GSAN, TSUL KHRIMS @583 RIN CHEN LA GSANG 'DUS 'PHAGS SKOR LA SOGS GSAR RNYING MANG DU GSAN, GZHON NU 'BUM LA BSTAN BSRUNGS KYI BKA' MANG PO DANG, RO SNYOMS DANG THUB LNGA LA SOGS GSAN, DZNY'A NA SHR'I LA 'GREL PA MTHA' DRUG LA SOGS GSAN, RIG 'DZIN KU M'A RA R'A DZA LA RDZOGS CHEN SNYING THIG PHRAN DANG BCAS PA DANG NE GU LA SOGS PA GSAN ZHING, RI KHONG RAS PA LAS KYANG GSAN, DE NAS SGAM PO DANG KONG POR BYON NAS GZHAN DON DU MA MDZAD, TZVA RI G-YU MTSO RA YANG THEGS, SPYIR KONG POR LO GSUM BZHUGS, SHAMBU'I GANGS KYI MDUN DU PHYI NANG GI RTEN 'BREL DU MA SHAR, DE NAS JO MO GANGS SU BZHUGS PA NA SLOB DPON PADMA'I SNANG BA SHAR ZHING BYIN GYIS BRLABS, 'TSUR PHU'I KUNGS NA BZHUGS PA'I TSE PHYI NANG GI GZA' SKAR MTHUN PAR GZIGS PAS RTZIS KYI BSTAN BCOS MDZAD, DE NAS YANG BDE CHEN STENGS KYI DGON PA BTAB, DER DAG SNANG MANG DU SHAR, KHA RAG SHAR GYI RI KHROD SNYING KHUNG LA SOGS SU BYON SAR YANG DAG SNANG MANG DU SHAR, SLAR YANG BDE CHEN STENG SU PHYI NANG GI RTEN 'BREL DAG PAR GZIGS PAS ZAB MO NANG DON GYI BSTAN BCOS MDZAD, SA SKYA DANG, BTZAN BRAG DANG, MYANG STOD LA SOGS PA GTZANG GI SA PHYOGS MANG DU THEGS NAS GZHAN DON RGYA CHER MDZAD, SLAR YANG KONG POR BYON NAS DGON GNAS MANG PO MDZAD CING, GDUL BYA MANG PO THAR PA LA BKOD CING NAGS PHU LA SOGS PAR BZHUGS, LKOG PHRENG DU BZHUGS PA'I TSE ZAB MO NANG DON GYI 'GREL PA BRTZAMS, STAG @584 GI LO LA LHA SAR PHEBS, DE NAS KAR MAR BYON NAS GTZUG LAG KHANG GSO BA DANG CHOS MANG DU GSUNGS, CHOS DBYINGS BSTOD PA'I t'I KA BRTZAMS 'BRUG LO LA SOG ZAM BTZUGS, DE NAS NAGS PHUR BYON PAS HOR YUL DU THEGS DGOS PAR DGONGS PAR GYUR, DE NAS LHUN GRUB STENGS KYI RI KHROD BTAB, LUG LO LA DBUS SU BYON, SPRE'U LO LA HOR YUL NAS HOR RGYAL PO'I SPYAN 'DREN BYUNG NAS THEGS, ZLA BA BCU PA LA RGYAL PO'I PHO BRANG DU PHEBS, RGYAL PO BTZUN MO DANG BCAS PA LA DBANG BSKUR, RIN CHEN DPAL RGYAL PO LA BAR CHAD 'BYUNG BAR LUNG BSTAN, GZHAN DON DPAG TU MED PA MDZAD NAS BOD LA PHEBS KHAR, KHYI LO LA RI BO RTZE LNGAR THEGS, DE NAS MI NYAG 'GAR PHEBS PA NA CHOS MANG DU BSHAD, DE NAS KHAMS SU PHEBS NAS KHAMS KYI 'KHRUG RTZOD MANG PO ZHI BAR MDZAD, DE NAS YANG DBUS SU PHEBS PAS THANG LHA DANG GANGS DKAR LA SOGS PAS BSUS, DE NAS BSAM YAS 'CHIMS PHUR TING NGE 'DZIN LA BZHUGS, DE RJES BKA' 'GYUR DANG BSTAN 'GYUR BZHENGS PA'I TSE RAB TU GNAS PA MDZAD PAS BYANG CHUB SEMS DPA' MANG PO DAM CHOS SGROG PA'I SNANG BA SHAR, SLAR YANG RGYA'I YUL DU THEGS NAS DER SKU TSE'I 'DU BYED BTANG STE, CHOS KYI RJE NYID ZLA BA'I DKYIL 'KHOR GYI NANG DU BZHUGS PAR BSTAN PAS, RGYAL PO 'KHOR DANG BCAS PA SHIN TU DAD PA MDZAD DE, DE NI DGUNG LO LNGA BCU RTZA DRUG BZHES PA SA MO YOS KYI LO YIN NO, ,DE LA 'KHRUNGS PA NAS GZUNG STE CHOS MANG @585 DU GSAN PA'I TSE DANG, TING NGE 'DZIN LA BZHUGS PA'I TSE DAG PA'I SNANG BA MANG DU SHAR BA RNAMS NI RNAM PAR THAR PA NYID LAS BLTA BAR BYA BA YIN GYI, 'DIR PHYOGS TZAM LAS MA BRIS SO, ,CHOS RJE RANG BYUNG BAS MDZAD PA'I BSTAN RTZIS NI DUS 'KHOR BA GZHAN RNAMS KYI LO GRANGS KYI 'DOD PA LAS, LAG PA GDENGS CAN ZLA BAS DMAN PA YIN TE, GRUB CHEN AU RGYAN PA'I BSTAN RTZIS DANG MTHUN NO,, ,, CHOS RJE RANG BYUNG BA'I SLOB MA NI G-YUNG STON RDO RJE DPAL BA YIN TE, DES RANG GIS CHOS RJE RANG 'BYUNG BA LA GSAN PA RNAMS, CHOS RJE ROL PA'I RDO RJE GZHON NUR BZHUGS PA LA SKU SKYE BA SNGA MA'I CHOS RNAMS SKYEL DU BYON TE, G-YUNG STON PA'I RNAM PAR THAR PA RAGS PA ZHIG NI, SGYU 'PHRUL GYI SKABS SU BSHAD ZIN TO, , CHOS RJE ROL PA'I RDO RJE NI, CHOS RJE RANG BYUNG RDO RJE NYID KYIS SKYE BA GSAR DU BZHES PA LTAR MDZAD PA STE, TA DBEN GU SHR'IS DRUNG NAS DA GZOD GANG DU SKYE BA BZHES PAR KHO BO YANG DER 'ONG 'DOD PAS NGES PA CIG GSUNG BAR ZHUS PA LA, KHYOD DE TZAM DU MOS NA NGA KONG POR 'ONG GSUNG BA LTAR SKU PHRA BA'I DUS NAS KONG POR PHEBS PA YIN TE, DE YANG YUL RDOD KYI AA LA RONG GO CHEN SPANG DKAR GYI GNAM RDZONG DU, YAB LHA MDONG BSOD NAMS DON GRUB DANG, YUM YE SHES KYI MKHA' 'GRO 'DZO BA GZA' BRTZON 'GRUS RGYAN GNYIS LHAN CIG TU GNAS PA NA, RJE BTZUN 'DI DGA' LDAN DU @586 BZHUGS PA, BCOM LDAN 'DAS BYAMS PAS YANG DAG PAR BSKUL NAS YUM GYI LHUMS SU GSHEGS, DE'I TSE MNGAL DAG PA'I PHO BRANG DU GYUR PA SOGS NI DA GDOD SMOS CI DGOS, MNGAL NYID NA BZHUGS PA'I TSE MA nI'I SGRA GRAGS PA DANG, 'KHRUL 'KHOR MDZAD PAS YUM YANG LUS 'PHAR ZHING G-YO BA LA SOGS PAR GYUR, LCAGS PHO 'BRUG GI LO ZLA BA GSUM PA'I TSES BRGYAD LA SKU BLTAMS, DE MA THAG MA nI DANG DBYANGS GSAL GYI GSUNG BYUNG BAS YAB DOGS PA SKYES PA LA, YUM GYIS NGA LA RMI LAM BZANG PO MANG PO YOD PAS THE TSOM MI DGOS ZHES DOGS PA BSAL BAR GYUR TO, ,DGUNG LO GSUM PA LA MYANG POR BYON, DE'I TSE YUM LA NGA KAR MA PA SHI'I SKYE BA YIN, DZAM BU'I GLING 'DIR NGA'I GDUL BYA MANG DU YOD PAS 'ONGS, KHYOD LTOS SHIG GSUNG NAS 'CHI MED 'KHRUL 'KHOR MDZAD, 'DI RNAMS DA DUNG MA SMRA CIG GSUNG, DA LHA SAR 'BYON DGOS ZHUS PAS, DA LAN RANG AE THON NAM, SNGON LA KONG PO'I ZHO KHA DANG BRAG PHYI DANG NAGS PHU RNAMS SU PHYIN NAS BLTA DGOS PAR YOD, KONG YUL GSHIN RJE DONG KHA'I 'OG NA DMYAL BA'I ZANGS KHA YOD PAS, DE NAS SEMS CAN RNAMS 'DREN DGOS, NGA'I ZHAL MTHONG BAS NGAN SONG DU MI 'GRO BA YIN, 'TSUR PHU DANG KAR MA DANG RGYAL PO'I PHO BRANG RNAMS SU YANG RIM GYIS 'GRO, ,RGYAL PO'I PHO BRANG NA NGA'I GDUL BYA DPAG TU MED PA YOD PA YIN GSUNG, DRUNG NYID KAR MA PA SHI'I SKYE BA LAGS NA CHOS RJE RANG BYUNG RDO RJE MA LAGS SAM ZHUS PAS, DE GNYIS KHYAD MED DA @587 DUNG PHAL PA RNAMS LA MA SMRA ZHES GDAMS, YUM GYI MIG LA LING THOG BYUNG BAS SMRE SNGAGS BTON PAS, KHYED SEMS PHAM MI DGOS YE SHES MKHA' 'GRO BRGYA RTZA BRGYAD KYI GCIG KHYOD YIN, SANG PHOD DA TZAM KHYOD LA PHYAG 'TSAL BA MANG PO 'ONG, KONG BU CHU GSER GYI LHA KHANG GI RGYAB TU GNAS GSAR PA CIG BTAB NAS DER 'DUG PA YIN, BYI BA LO NAS KHO BO LA GDUL BYA CHEN PO 'ONG BA YIN GSUNG, DE NAS MYANG BO DANG KONG YUL GYI SA THA DAD PA RNAMS SU BYON NAS SKYE BO MANG PO LA KHYOD 'DI DANG 'DI YIN, KHYOD KYI KHANG PA 'DI LTA BU ZHIG YOD, KHYOD KYIS NGA LA 'DI LTA BU 'BUL MYONG ZHES BYA BA LA SOGS PA'I SNGA PHYI DRAN PA MANG DU GSUNGS PAS MI RNAMS SHIN TU DAD PAR MDZAD CING CHOS KYANG MANG DU GSUNGS, KHYED GRUB THOB YIN NA GRUB RTAGS STON ZER DU BYUNG NAS MCHOD KHANG GI BYA RGYA'I STENG DU BZHUGS PA SOGS KYANG BSTAN, DOM GYI KHAR 'PHANGS PAS DOM GYIS GUS PA'I RNAM 'GYUR KYANG BYAS, RTA BAR RGYAL 'DZIN DU PHEBS PA'I TSE LA STOD PA RTOGS LDAN MGON RGYAL BAS DRUNG DU SLEB, TSOGS GRAL CIG TU ME BUS GSUNG BUS PAS, TSAD PA TSA BSIL G-YAB DA KHYER LA SHOG GSUNG, BSIL G-YAB PHUL BAS DE G-YOB CING RGYA YUL DANG 'DRA BAR 'DUG RGYA YUL DU BSIL G-YAB G-YABS KYANG TSA 'UB 'UB BYED, DE BZHIN DU 'DIR YANG TSA 'UB 'UB BYED GSUNG, YANG DRUNG NAS LO BRGYAD BCU RTZA BZHIR BZHUGS PAR ZHAL GYIS BZHES PA LA, LNGA BCU RTZA DRUG LAS MI BZHUGS PA CI YIN ZHUS PAS, @588 BLA MA BA DE SDIG SPYOD MANG BAS LAN PA YIN GSUNG, DRUNG NAS BDE BAR GSHEGS PA'I DUS SU ZLA BA'I NANG NA BZHUGS PA MI MANG POS MTHONG ZER BA, ZLA BA LA BZHUGS PA LAGS SAM ZHUS PAS, DE KHONG RANG RNAMS KYI DAD PA DANG NGA'I SNYING RJE LA BRTEN NAS MTHONG BA YIN, NGA LA KHONG RNAMS BLTAS NAS 'DI TZUG BYED CING 'DUG GSUNG NAS HOR RNAMS KYI LUS KYI RNAM 'GYUR GYI LAD MO YANG MDZAD, DE NAS BZHUGS STAN LA BZHUGS NAS, ZLA BA DANG GLANG PO CHE DANG SENG GE LA SOGS PA LA 'DUG PA YANG NGA YIN GSUNG, DRUNG NAS ZHI BAR GSHEGS PA'I BCU BZHI'I THO RANGS RTOGS LDAN GRAGS SENG BA'I GZIGS SNANG LA, DRUNG NAS RAS DKAR PO'I AANG RAG BSNAMS NAS 'JA' 'OD KYI NANG NA NAM MKHA' LA BZHUGS PA MTHONG BA LA, KHONG GIS DRUNG NAS NGED BU SLOB LA MI GZIGS PAR BDE BAR GSHEGS PA JI LTAR LA BZHUGS PAS, NGA LA BSAM PA BZANG PO YOD KYANG SNYIGS DUS SEMS CAN GYI BSOD NAMS LA MI 'GRUB PAR 'DUG SDIG SPYOD GRANGS MANG BAS SKYO BA SKYES PA YIN, NGA DGA' LDAN DU 'GRO GSUNG BA CIG KHONG GI DAG SNANG LA BYUNG 'DUG PA, DRUNG NAS DE SKAD GSUNGS PA LAGS SAM ZHUS PAS, DE LTAR YIN MOD DE SKYO BA SKYES NAS PHYIN PA YIN, GZHAN YANG CANG SHES KYI RTA DANG BYA RGOD LA SOGS PA'I SPRUL SGYUR MANG PO BYED CING PHYIN, LAR DGA' LDAN DE THAG RING PA NA MED GSUNG, DE NAS GZHAN DAG YID CHES PAR BYA BA'I PHYIR CO 'DRI BA 'GA' ZHIG ZHUS TE, CHAD ZHUS NAS BZHES PAR ZHU, @589 DGA' LDAN NA 'DI 'DRA YOD DAM ZHUS PAS, MYOS BYED 'DI 'DRA BA MED, BDUD RTZI YOD PA YIN GSUNG, BDUD RTZI KHA DOG NAG PO DE BZANG ZER BA BDEN NAM ZHUS PAS, BDUD RTZI KHA DOG NAG PO NGAS MA MTHONG, KHA DOG DKAR BA LA RO SNA TSOGS PA YOD PA YOD GSUNG, DGA' LDAN DE NA GUNG THANG GI DAR GDUGS DANG 'DRA BA'I MCHOD RDZAS MANG BA YANG MED PA 'DRA ZHUS PAS, BLA MA BA MI YUL GYI YO BYAD 'DRA BA G-YAS CHUNG, ME TOG RE RE LA YANG KOG PHRED TZAM YOD GSUNG, YANG DGA' LDAN DE NA YAR CHAB GTZANG PO 'DRA BA'I CHU YANG MED, KONG PO SRANG DAR RTA MYOG GI MKHAR KHANG 'DRA BA YANG MED ZER, RANG RE MI YUL GYI SGYED RDO RI MO CAN 'DI 'DRA YANG MED PA 'DRA ZHUS PAS, DRUNG GI ZHAL NAS BLA MA PA DGA' LDAN GYI CHU THAMS CAD BDUD RTZI YIN, MI YUL GYI YAR CHAB GTZANG PO 'DRA BA MIN, DGA' LDAN NA MI YUL GYI SA RDO 'DRA BA'ANG MED, SA RDO THAMS CAD RIN PO CHE LAS GRUB PA YIN, BCOM LDAN 'DAS BYAMS PA'I GZHAL YAS KHANG NGAM BYANG CHUB SEMS DPA' BLO GROS RIN CHEN GYI GZHAL MED KHANG NGAM, SUM CU RTZA GSUM RNAM PAR RGYAL BA'I KHANG BZANG LA SOGS PA RIN PO CHE SNA TSOGS LAS GRUB PA YIN, MI YUL GYI MKHAR KHANG 'DRA BA G-YAS CHUNG GSUNG, YANG RTA MYOG GI RTA BZANG PO 'DRA BA DGA' LDAN NA YOD DAM ZHUS PAS, CHOS LA DUS TSOD MED NA BAN RGAN 'CHOL BA YIN GSUNG, CHOS THAMS CAD THUGS SU CHUD DU ZIN KYANG DPON SLOB KYI 'BREL BA BSTAN PA'I PHYIR, RTOGS LDAN @590 MGON RGYAL BA LA N'A RO'I CHOS DRUG DANG, SBYOR DRUG LA SOGS PA BSKYED RDZOGS KYI GDAMS PA PHRAN DANG BCAS PA MANG BAR GSAN ZHING DBANG YANG MANG DU GSAN, DE LTA BU'I SKABS DANG PHYIS KYI SKABS GZHAN DAG TU YANG LHA DANG CHOS SKYONG LA SOGS PA MANG DU GZIGS PA, RNAM THAR MDZAD PA PO DAG GIS BKOD SNANG YANG SANGS RGYAS KYIS SHES BYA THAMS CAD GZIGS PA'I PHYIR GZIGS SNANG RNAMS 'OS MED DU BYAS NAS, SEMS CAN GYI DON MDZAD TSUL 'GA' ZHIG BRJOD PAR 'OS SO SNYAM MO, ,SNGON CHOS RJE RANG BYUNG RDO RJE CHOS KHRI'I RGYAB TU SHUG PA'I YAL GA SKAM PO ZHIG BTZUGS NAS, 'DI CHOS KHRI'I RGYAB YOL DANG MNYAM PA'I TSE KHO BO 'DIR 'ONG BA YIN GSUNG BA BZHIN, RNAM THOS TSAL GYI GNAS SU BYON, CHOS KHRI LA BZHUGS NAS CHOS MANG PO GSUNGS SHING SKYE 'GRO MANG PO'I DON MDZAD, NAGS PHU GZIMS KHANG DU RTOGS LDAN YE RGYAL BA LA MKHA' 'GRO RGYA MTSO'I RGYUD 'GREL LA SOGS SNGAGS GSAR MA'I SKOR DANG, MKHA' 'GRO SNYING THIG DANG BI MA LA LA SOGS PA'I RNYING MA'I GDAMS PA MANG DU GSAN, BLA MA RDZA GSHONGS PA SHES RAB DPAL LA BKA' 'GYUR RO COG DANG BSTAN BCOS MANG PO'I LUNG GSAN, SLOB DPON BLO GROS SENG GE LA BYAMS CHOS MA LUS PA GSAN, DE NAS SNYE BOR PHEBS NAS ZHAL BRDA LA CHU PHAR KHAR MI 'GRO BAR CHAD 'ONG GSUNG BZHIN DU NAN MA THEG PAR BYON PAS, BAR CHAD CUNG ZANG BYUNG YANG SKYON PAR MA GYUR, DE NAS KHE NANG DU BYON PA NA YANG BAR CHAD KYIS MA BSDIGS, DE NAS TZA @591 RIR BYON, BKA' BRGYUD KYI BLA MA DANG LHA'I GZIGS SNANG MANG ZHING RTOt LDAN MGON RGYAL BA LA SOGS PA'I DON DU MGUR MANG DU GSUNGS, TZA RI STON SNGON BYA BA LA KU RU KULLE'I SGRUB THABS GSAN, DE NAS 'TSUR PHU BA'I GDAN 'DREN BYUNG BAS, LAM DVAGS PO LA BTOD NAS SGAM POR PHEBS DUS KYANG DAG SNANG MANG DU SHAR, DE NAS PHAG MO GRUR BYON GNYIS MED KYI YE SHES MNGON DU GYUR TSUL BSTAN, DE NAS 'ON TSONG 'DUS SU PHEBS, BSAM YAS PA MKHAS GRUB PAS DRI BA ZHUS PA LA, 'DI RNAMS LHAS RKYANG THANG DU LAN BTAB ZIN GSUNGS PAS KHONG LHAG PAR DAD PAR GYUR, TA'I SI TU BYANG RGYAL BAS BKUR STI RGYA CHEN PO BGYIS SHING, LHAG PAR DAD PA MDZAD, DE NAS LHA SAR PHEBS GZIGS SNANG GRANGS MED PA BYUNG, GUNG THANG DU SI TU DGE BLO BAS SPYAN DRANGS BSNYEN BKUR, SNGON GYI SKYES RABS RNAMS GSUNGS PAS DAD PAR GYUR, DE NAS GNAS NANG DU PHEBS, DANG POR GNAS NANG DU BYON DUS BLA MA DAR RGYAL BA LA, DA NANG SPYAN RAS GZIGS SPRIN GYI DBUS NA BZHUGS 'DUG BSAM TZA NA, SANGS RGYAS DANG BYANG SEMS MANG POS BSKOR BAR 'DUG GSUNG BA LA SOGS PA DANG, SPYIL BO SO SO'I BKOD PA SNGAR 'DI BZHIN YOD CES BYA BA LA SOGS PA GSUNGS PAS NGES PA SKYES PAR GYUR, DE NAS 'TSUR PHUR PHEBS, DER MKHAN CHEN DON GRUB DPAL DANG SLOB DPON BSOD NAMS 'BUM LA SPRUL LO LA RAB TU 'BYUNG BA'I TSUL MDZAD, MTSAN DPAL DHARMA K'IRTIR GSOL, MKHAN PO LA 'DUL BA'I SKOR MANG DU @592 GSAN, CHOS RJE BSOD NAMS RGYAL MTSAN DPAL BZANG PO LA YANG 'JAM DBYANGS DMAR PO'I CHOS 'BREL ZHUS, DE NAS BDE CHEN DU YANG BYON, RGYAL BA G-YUNG STON PA DANG MJAL BAR NYE BA'I TSE ZHI KHRO'I DKYIL 'KHOR MANG PO GZIGS, G-YUNG STON PA DANG MJAL NAS, NGA BLA MA GONG MA LA MOS GUS YOD PAS 'ONGS PA YIN, DRUNG PA GONG MA RNAMS YIN LUGS SHIG GSUNG BAR ZHU GSUNGS PAS, KAR MA PA SHIR 'KHRUNGS PA'I TSE RGYA MTSO'I MTHAR THUG PAR BYON NAS HOR SOGS BTUL BA'I LO RGYUS GSUNGS PAS KHONG RAB TU DAD NAS MANG DU BSHUMS, DER G-YUNG STON PA LA RDO RJE PHRENG BA, MKHA' 'GRO RGYA MTSO, MDO SEMS, SGYU 'PHRUL GYI DBANG LA SOGS PA GSANG SNGAGS GSAR RNYING GI DBANG DANG RGYUD DANG MAN NGAG RNAMS MANG DU GSAN, DE NAS ME MO BYA'I LO DGUNG LO BCO BRGYAD PA LA SNGAR GYI MKHAN SLOB DANG, DUS BSGO BA SLOB DPON GZHON NU DPAL GYIS GSANG STON MDZAD NAS BSNYEN PAR RDZOGS, 'DUL BA'I BCAS PA PHRA MO RNAMS KYANG BSRUNG ZHING, SHA DANG CHANG SPU RTZE TZAM YANG SPYAN LAM DU MI 'GRIM, NYE 'KHOR DU GLEGS BAM RNAMS MANG DU BKOD NAS MNAL LAM DU GZIGS PAS DE THAMS CAD KYI TSIG DON THUGS SU CHUD CING, YI GE'I RIGS MI 'DRA BA YANG DRUG CU TZAM MKHYEN, DE NAS SE MO DOR BYON ZHING MTSO MO RU KHYUNG LA SOGS PA BYANG RNAMS SU BYON, DE NAS BDE CHEN DU SLOB DPON CHEN PO LA PHO BRANG TA'I TU'I BKOD PA DANG, MI'I GRANGS LA SOGS PA 'DI YOD GSUNG NAS, YID LA ZUNG DANG PHYIS PHYIN @593 DUS NGES PAR 'GYUR GSUNG, DE NAS RGYAL PO CHEN PO THOG NA THE MUR SRAS DANG BCAS PAS CHOS RJE'I SNYAN PA GSAN PA'I STOBS KYIS, DING HU DBEN DPON DANG SDE DPON DKON MCHOG RGYAL MTSAN LA SOGS PA HOR BOD KYI GSER YIG PA MANG PO LA RGYAL PO'I LUNG DANG, RGYAL BU'I LI JI LAG RTAGS GNANG SBYIN RGYA CHEN PO DANG BCAS PA BSKUR NAS SPYAN 'DREN DU BYUNG BAS, SEMS CAN GYI DON RGYA CHEN PO LA DGONGS NAS DGUNG LO BCU DGU PA SA PHO KHYI'I ZLA BA LNGA PA'I TSES NYI SHU LA 'TSUR PHU NAS BTEG GNAM DANG SNYING DRUNG SOGS SU THOG BABS KYANG MI PHYUGS LA GNOD PA MED PAS RTEN 'BREL BZANG POR DGONGS, DE NAS GONG DANG BYANG RNAMS SU GZHAN DON RGYA CHEN PO MDZAD CING BSTAN BCOS DPAG TU MED PA MDZAD DE KAR MAR PHEBS, DER YANG THUGS DAM KHRIGS SU GNAS PA LA SOGS PA'I MDZAD PA BSTAN ZHING, KHAMS KYI SDE DPON RNAMS KYIS KYANG BSU SKYEL ZHABS TOG LEGS PAR BYAS, CHAG PA'I GNOD PA BYUNG BA BZLOG PAR ZHUS PAS KYANG DE MA THAG BZLOGS, DE NAS TRER PHEBS NAS CHOS KYI GTAM DAM PA DGYES PA'I SGRON MA'I BSTAN BCOS MDZAD, DE NAS KAm CHU GLING PHUGS SU PHEBS PA'I TSE CHOS KHRI'I SAR SNGON CHAD SA PHYOGS DER SKYE MA MYONG BA'I ME TOG RTZA BA GCIG LA SDONG BU BRGYA, SDONG BU RE RE LA YANG ME TOG BRGYA BRGYA, ME TOG RE RE LA YANG 'DAB MA SER PO STONG STONG YOD PA, LTE BAR DMAR PO, GE SAR SER PO CIG SKYES PA DE MTHONG ZHING THOS PA THAMS CAD NGO MTSAR DU GYUR, SA PHYOGS DE LHOG @594 NAD DAR BA LA DE NAS LO MANG POR LHOG NAD ZHI BAR MDZAD, DE NAS GA CHUR PHEBS PA'I TSE YANG GONG MA'I GDAN 'DREN BYUNG NA'ANG DUS KHAMS KYI 'GYUR BZLOG 'ONG BAR DGONGS NAS, TSA 'PHRANG NAG PO'I YUL BRGYUD DE MI NYAG RAB SGANG DU BYON, SGO LDONG GI 'KHRUG GDUMS LO NYI SHU RTZA LNGA'I BAR DU MDZAD, 'ANG 'GA' BO'I RI LA BZHUGS PA'I DUS SU GONG NAS LONG DANG GNANG SBYIN RGYA CHEN PO SHES RAB HU SHRI LA SOGS PA'I MI DPON MANG POS GDAN DRANGS TE MDO SMAD DU PHEBS PA LA, 'JAM DBYANGS GU SHRIS 'JA SA PHUL BA'I 'JVA SA'I NANG DU, NGED DANG SEMS CAN MANG PO LA PHAN PA'I PHYIR CI NAS KYANG 'BYON PA SLOB DPON CHEN PO ROL PA'I RDO RJE MKHYEN, ZHES PA LA SOGS BYUNG MA THAG TU RAB SGANG NAS BTEG DE NAS SHING KUN MKHAR DU PHEBS, DE'I MKHAN PO DPAL LDAN MCHOG GIS THOG DRANGS SKYE BO GRANGS MED PA THAR PA LA BTZUD, DE NAS SA PAn GYI BZHUGS GNAS SPRUL PA'I SDER PHEBS, SKAD RIGS MI GCIG PA'I MI MANG DU 'DUS PA LA, BZHUGS KHRI'I G-YAS SU HOR DANG YU GUR GYI LO TZ'A BA DANG, G-YON DU MI NYAG DANG RGYA'I LO TZ'A BA BKOD NAS, LO TZ'A RNAMS SO SOR BSGYUR TE, GDUL BYA RNAMS KYIS GSUNG GCIG THAMS CAD DU GO BAR MDZAD, DE NAS LCAt PHO BYI BA LO LA TA'I TUR PHEBS, RGYAL PO 'KHOR DANG BCAS PA ZHAL MTHONG GSUNG THOS PA TZAM GYIS RAB TU DAD PAR MDZAD, KHYAD PAR RGYAL PO YAB SRAS LA RNAL 'BYOR MA'I DBANG DANG, THABS LAM N'A RO'I CHOS DRUG LA SOGS PA @595 GNANG, RGYAL BU CHEN PO LA SKYES RABS BRGYA RTZA, RGYUD BLA RTZA 'GREL, MDO SDE RGYAN RTZA 'GREL, DUS 'KHOR RTZA 'GREL, DE'I CHA LAG RGYA GZHUNG DANG BCAS PA THAMS CAD KYI BSHAD PA GNANG, RGYAL BA RGYA MTSO'I DBANG YANG GNANG, GZHAN YANG RGYAL BRGYUD DANG ZHING THOS KYI MI DPON GYIS THOG GRANGS RGYA HOR DANG, YU GUR DANG, MI NYAG DANG, K'U LI LA SOGS KYI MI CHEN DANG SDE DPON DPAG TU MED PA BLA NA MED PA'I BYANG CHUB TU NGES PA MDZAD, CHOS RJE MA PHEBS GONG DU SMAN TZE'I 'DAB SGO LO DGU'I BAR DU CHAD PAS DNGUL BRE CHEN RE LA 'BRAS LJAG LNGA RE LAS MED PA'I MU GE DANG, NAD YAMS DANG NGO LOG MANG PO PHYI NANG LANGS NAS RGYAL KHAMS MA BDE BA LAS, DRUNG GIS MI MA YIN RNAMS DUL BAR MDZAD PAS NGO LOG RNAMS KYANG SO SO NAS 'DUD, SMAN GYI BLA'I THUGS RJE BSKUL BAS NAD YAMS RNAMS KYANG CHAD, RNAM THOS KYI BUS PHRIN LAS BSGRUBS PAS PHYOGS KYI 'DAB SGO RNAMS KYANG BYUNG BAS, DNGUL BRE CHEN RE LA 'BRU LJAG LNGA BCUR 'PHEL BAS MU GE RGYUN CHAD, RGYAL BU MEE TRI P'A LA 'KHRUNGS PAS RGYAL KHAMS THAMS CAD BDE BAR GYUR, THAN PA BYUNG BAS CHAR 'BAB PA'I PHYIR NYI MA SHAR MTSAMS LA BYON PAS NYIN GUNG LA CHAR CHEN PO BAB, DER SKYE BO THAMS CAD YID TSIM YANG SLOB DPON CHEN PO GU'I GUNG PA LA RGYAL PO'I SKU TSE YANG MI BRTAN, RGYAL SRID LA'ANG GNOD PA 'ONG BAR 'DUG PAS, DA NUB PHYOGS SU 'DEGS GSUNG BA GNANG NAS, RGYAL PO SRAS BCAS LA YANG DON DE'I @596 ZHU BA YANG YANG BYAS, RGYAL BU CHEN POS SPYAN CHAB PHYUNG ZHING NAN GYIS BZHUGS PAR ZHUS KYANG MA GNANG, YANG LA'O BYANG CHING SANG DANG ZHI RA MU CHING SANG GNYIS KYIS SNGAR BLA MA MA BYON GONG DU PHYOGS RNAMS NGO LOG PAS 'DAB SGO MED, NAD YAMS KYANG MANG DU YOD PA LA, BLA MA PHEBS PAS THAMS CAD KYIS NGO BTUD, 'DAB SGOS SLEB PAS 'BRU LJAG BRGYAD BCUR 'PHEL, THAMS CAD KYIS 'BRU 'PHEL ZHING BKRA SHIS PA'I BLA MA ZHES ZER BA'I SKABS 'DIR BZHUGS PAR ZHUS PA LA, CHOS RJE'I ZHAL NAS, KHROM CHE BA'I DUS SU RTZED MO 'PHROR BZHAG NA NGO MTSAR BA YIN, NGED LA RGYAL SRID KYI BYA BA LA GTOGS PA'I SHES SGO GANG YANG MED, BAN DE BYA BA GAR BDE SAR 'GRO ZHING BSTAN PA DANG SEMS CAN LA GANG PHAN BYED DGOS PA YIN, ZHES GSUNGS PAS MI DPON DE GNYIS GSUNG DE RNAMS YI GER BTAB NAS MOS GUS KYI RTEN DU GZUNG, DE NAS NAN GYIS ZHUS PAS THEGS CHOG PA'I LUNG DANG 'U LAG SOGS GNANG NAS, MI NYAG GI YUL THA THAL BYA BA LA LAM BRGYUD NAS BYANG NGOS SU PHEBS, DER RGYAL BU RATNA DANG BTZUN MO BU n+YA DHA RI DANG MJAL NAS THEG PA CHEN PO'I LAM LA BTZUD, DE NAS ZHOR DGON MO CHER GTZUG LAG KHANG CHEN PO BRTZIGS, DE'I DBEN SA ZHIG TU'ANG BZHUGS, KAM CHU'I NYE LOGS SU SA THAG RINGS KYI SKYE BO DPAG TU MED PA 'DUS, DE RING BYIN RLABS GNANG BA RNAMS SANG MI 'ONG BA'I KHRIMS BCAS NAS, NYI SHAR NAS DGUNG MO'I BAR DU BYIN RLABS RGYUN MA CHAD PA GNANG BA @597 ZHAG BCU DGU'I BAR DU RGYUN MA CHAD PAR MDZAD, DE'I TSE STOD HOR GYI RGYAL PO THO LUG THE MUR GYI GDAN 'DREN BYUNG BA LA 'BYON PAR MA GNANG, KAM CHU'I ZHING DU NAD YAMS CHEN PO BYUNG BAS GZHAN RNAMS SU BYUNG GIS DOGS NAS BRED PA LA, GU'I GUNG BAS NAD YAMS BZLOGS PAR ZHUS PAS, 'O NA NGA'I GNYID MA SKROG CIG GSUNG NAS RE SHIG MNAL BA LTAR MDZAD, DE NAS KHANG PA'I STENG DU RDIGS CHOM CHEN PO BYUNG BA DANG SAD DE, DA LTA NGAS KHYUNG CHEN PO ZHIG TU SPRUL NAS NAD YAMS GTONG BA'I GDON RNAMS ZOS NAS, KHANG PA'I STENG DU BABS PAS SDIGS CHOM DE BYUNG BA YIN, DA NAD RNYING PA ZHI ZHING SAR PA MI 'ONG GSUNG, DE NAS BTZONG KHA DANG BE RI'I SA CHAR PHEBS, DE RNAMS SU 'BUL BA BYUNG BA THAMS CAD DBUS GTZANG GI CHOS SDE DGE 'DUN BCUR LONGS YOD PA YAN CHAD DU MANG JA BDUN BDUN, 'BUL BA RNAM BZHAG DANG BCAS PA SGRUB PA LA BLA MA RI BO SGANG BA BTANG NAS, BSTAN PA LA ZHABS TOG MDZAD, JO BO'I DRUNG DU DNGUL BRE CHEN BCU GCIG LAS RDUNGS PA'I SKONG BU, 'TSUR PHU'I LHA CHEN LA GSER BRE CHEN LNGA LA BRDUNGS PA'I GSER SHOG DANG, DNGUL BRE SUM CU RTZA GCIG LA BRDUNGS PA'I SKONG BU LNGA, DGE 'DUN SGANG PA LA DNGUL BRE GSUM GYI SKONG BU, BDE CHEN DU DNGUL BRE GSUM GYI SKONG BU LA SOGS PA DANG, GZHAN YANG KAR MA'I GDAN SA LA SOGS PA'I MDO KHAMS KYI GTZUG LAG KHANG RNAMS SU DNGUL SKONG DANG, RGYUN 'BAR GYI SKONG RGYAGS LA SOGS PA DPAG TU MED PA BTZUGS, BTZUN @598 MO PU n+YADHA RIS RGYAL BU RATNA'I CHED DU BA DAN YANG DBEN GYI RI 'DI DANG MNYAM PA'I SANGS RGYAS KYI SKU ZHIG BZHENGS NA 'GRUB PAR 'GYUR BA'I RMI LAM BYUNG ZHUS PAS, DE BSGRUBS SHIG KHO BOS KYANG GROGS BYA'O GSUNG NAS SRANG STONG DANG DGU BCU'I NOR RDZAS 'THUD, BZO BO RNAMS KYIS JI LTAR BYED MI SHES PA LA, DRUNG PA NYID KYIS RI DE'I NGOS LA RDO DKAR PO'I BCAD MDZAD NAS, THUB PA'I SKU CHEN PO ZHIG BZHENGS, DE LA DPE BLANGS TE BZO BO BDUN BRGYAS ZLA BA BCU GSUM DU BSGRUBS PAS GRUB, DE'I SNYAN G-YAS NAS G-YON GYI BAR DU 'DOM BCU GCIG, TSAD DES DPAt PA'I THUB PA'I SKU YONGS RDZOGS, G-YAS G-YON NA 'JAM DPAL DANG BYAMS PA, STENG NA LHA'I BU DANG BU MOS MCHOD PA 'BUL BA, PAD GDAN GYI 'OG NAS BYE'U PHRUG KHA MDZES PA DANG BCAS PA BSGRUBS NAS, RAB GNAS GNANG ZHING MTSAN MA BZANG PO YANG BYUNG, 'PHAN DE CHOS RJE NYID LA PHUL TE DA LTA MYANG PO NA BZHUGS SO, ,DE NAS PU n+YADHA RIS LU BE SHAN DU GDAN DRANGS PA NA, LI TZI TZI'I DMAG 'ONG BA'I SKAD CHEN PO BYUNG BAS, ZHAL BRDAS NGAS SEMS CAN LA GNOD PA MA BYAS PA'I BDEN PAS DMAG MI 'ONG GSUNG NAS DBUGS PHYUNG, DE NAS BOD YUL DU CHAS PA LA 'KHOR RNAMS KYIS LAM RGYUS MA SHES PA LA, CHOS RJE NYID KYI GSUNG GIS LAM MA NOR BAR LDAN DU PHYAGS PHAB, DE NAS KAR MAR PHEBS TE CHOS MANG DU GSUNGS, DE NAS KHAMS KYI SA CHA STOD SMAD MANG POR BYON ZHING BZHUGS NAS, SLAR KONG POR PHEBS NAS GZHAN @599 DON RGYA CHEN PO MDZAD DE SPO BOR PHEBS, SLAR YANG KONG POR PHEBS LAM DU 'BRI KHUNG GI SPYAN SNGA CHOS KYI RGYAL PO DANG MJAL NAS, N'A RO CHOS DRUG DANG, SKYES RABS DPAG BSAM 'KHRIL SHING LA SOGS PA GSUNGS PAS TSIM PAR MDZAD, RDZA AA BAN GANGS KYI ME LONG GI ZHOL DU SKU KHAMS CUNG ZHIG MNYAL BA LA, NGA DA LAN MI 'CHI BAS KHYED RNAMS SKRAG MI DGOS, DA GZOD SHA RKYANG MANG PO 'PHYO BA'I SA GTZANG SA CIG TU SKU KHAMS NGAN BYUNG SRID NA, DPE CHA RNAMS MA 'THOR BA BYED DGOS GSUNG NAS, 'PHAN CHEN MO DANG DPE CHA RNAMS LA DO DAM CHER MDZAD, CHOS RJE GONG MA'I GDUNG RGYA YUL DU TZAN DAN AA KA RUS SBYANGS PA YIN, NGED RANG BYANG DU ME SHING DKON PO BYUNG DOGS YOD PAS SHUG PA MANG PO CHOD LA KHYER GSUNG NAS BSNAMS, BYANG PHYOGS NAS BYANG PHYOGS KYI SA SHIN TU DBEN PA'I RI ZHIG GI DRUNG DU PHEBS, DE'I TSE RI 'DI'I RTZER DGE SLONG GTZANG MA ZHIG GI SPUR SBYANGS NA, BOD DU RGYA'I DMAG MI 'ONG BA 'DUG CES PA'I GSUNG YANG BYON PAR GRAGS, DER DGUNG LO BZHI BCU RTZA BZHI BZHES PA CHU MO PHAG GI ZLA BA BDUN PA'I TSES GSUM NAS SKU CUNG ZAD MNYEL BA'I TSUL BSTAN, ZLA BA DE'I TSES BCO LNGA'I MTSAN MO SKU GSUNG THUGS KYI RTEN RNAMS LA SKOR BA LNGA BCU RTZA LNGA MDZAD DE, SKYA RENGS THA MA LA SKU'I BKOD PA BSDUS NAS GSHEGS SO, ,DER GDUNG SBYANGS PAS 'JA' DANG 'OD DANG SA G-YO BA DANG ME TOG GI CHAR LA SOGS PA LTAS DPAG TU MED PA BYUNG, DAD PA DANG LDAN PA RNAMS KYIS CHOS RJE NAM @600 MKHA' LA 'JA' 'OD KYI DKYIL NA BZHUGS PA DANG, SENG GE LA BCIBS PA DANG, NYI ZLA SKAR MA'I STENG NA BZHUGS PA LA SOGS PA MTHONG SNANG MANG PO YANG SHAR BAR GYUR TO, ,DE NAS SLOB DPON GU'I GUNG BAS DNGUL BRE CHEN BRGYAD CU LA BRDUNGS PA'I MCHOD RTEN SKU GZUGS DU MAS BRGYAN PA LA SOGS PA'I RTEN MANG PO BSGRUB PA LA SOGS PA 'TSUR PHU DANG KAR MA'I GDAN SA GNYI GAR MDZAD DE, BSTAN PA RGYAS PAR MDZAD DO, ,DE'I SKU'I SKYE BA CHOS RJE DE BZHIN GSHEGS PA NI, SHING PHO BYI BA'I LO LA, YUL MYANG PO BYE BRAG AE LA MYANG 'DI RU, YAB SNGAGS PA GU RU RIN CHEN DANG, YUM LHA MO SKYID KYI SRAS SU 'KHRUNGS, LHUMS SU ZHUGS PA'I DUS YIG DRUG DANG A'A LI K'A LI GSUNGS PA MIS THOS PA BYUNG, YUM GYI RMI LAM DU SGAR PA YUL PHYOGS DER PHEBS PA'I SNANG BA DANG, ME TOG GI CHAR 'BAB PA, 'JA' TSON GYI DRA BAS 'BREL BA, DRI BZANG GI NGAD LDANG BA LA SOGS LTAS KHYAD PAR CAN YANG MANG DU BYUNG, LHAS YID BSKUL NAS CHOS RJE RIN PO CHE YUL PHYOGS 'DIR 'BYON PAR NGES SO ZHES SKYE BO PHAL PA RNAMS KYANG NGES PA'I SHES PA YOD YOD SKAD DU SGROG PAR BYED, BLTAMS NAS ZLA BA GNYIS TZAM SONG BA DANG MKHAN CHEN MGO BLON PAS MJAL BAS DGYES PA'I RNAM 'GYUR DU MA BSTAN, LO GCIG TZAM BZHES PA NA GSAG MO'I STENG DU PHEBS PA DANG, KA SGROG GI STENGS SU 'BYON PA RNAMS MDZAD, LO GNYIS PA LA SGAR BA RNAMS PHABS NAS SGAR MDZAD NAS SNE BOR THEGS, MNGON PAR MKHYEN PA RGYA CHEN @601 PO GSUNG PA DANG CHO 'PHRUL DU MA BSTAN PA'I RIM PA RNAMS NI GRANGS LAS 'DAS SO, ,SNE BO'I GZHUNGS CHU'I 'GRAM DU RDO'I STENG DU THEGS PA'I TSE ZHABS RJES GSAL BAR BYON, DGUNG LO BZHI BZHES PA'I TSE CHOS RJE MKHA' SPYOD PA DANG MJAL, STAG RTZER BZHUGS NAS RDO RJE PHRENG BA'I DBANG DANG, CHOS DRUG PHYAG CHEN, SBYOR DRUG LA SOGS PA MANG DU GSAN, DE NAS DGUNG LO BDUN PA RTA'I LO LA RTZE LHA SGANG DU MKHAN CHEN BSOD NAMS BZANG PO DANG, SLOB DPON MKHAN CHEN YON BLO BA LAS RAB TU BYUNG, MTSAN CHOS DPAL BZANG POR BTAGS, BCO BRGYAD BZHES PA SBRUL LA MDO KHAMS SU THEGS, GON GYO'I DPON CHEN 'OD ZER NAM MKHAS 'BUL BA RGYA CHEN PO MDZAD, GON GYO'I YUL DU CHAG PA'I DMAG GIS, GNOD PA CHEN PO BYUNG BA LA BKA' SHOG ZHUS NAS BSGRAGS PAS DE RNAMS MED PAR SONG STE GNOD PA BZLOG PAR MDZAD PA DANG, DE NAS GLING GI YUL DU BYON, KAR MA DANG RI BO CHE LA SOGS PA RNAMS SU'ANG BYON NAS CHOS KYI 'KHOR LO RGYA CHEN PO BSKOR, SLAR KONG POR PHEBS, NYI SHU PA RTA'I LO LA RTZE LHA SGANG DU MKHAN CHEN BSOD BZANGS PO DANG, MKHAN CHEN YON BLO BA LA SOGS PA DGE 'DUN BRGYAD CU TZAM GYI DBUS SU BSNYEN PAR RDZOGS, GCIG LA KHRID GNANG BAS KHOS DGE SBYOR LA 'BAD PA MA BTON PAR NYAL BAS KHO'I KHANG THOG TU BYON NAS SKU STOD RIB TZAM DBU RIB TZAM MDZAD DE GZIGS PA'I RDZU 'PHRUL BSTAN, DE NAS KHO SPYAN SNGAR BYUNG DUS ZHAL 'DZUM 'DZUM MANG DU MDZAD PAS, KHO @602 SHIN TU 'JIGS NAS DGE SBYOR LA 'BAD PAS DGE SBYOR KHYAD PAR DU GYUR PA SKYES PA SOGS NGO MTSAR BA'I MDZAD PA GRANGS MED PA BSTAN, GZHAN LA CHOS GSUNG BA DANG, 'BUL BA BZHES PA DANG, ZHAL STON PA DANG, KHRIMS LA SOGS PAS YANG DAG PA'I LAM LA BKOD DO, ,DE'I DUS SU GONG MA RGYAL PO'I GDAN 'DREN GYIS DBUS SU SLEB PAS NYI MA DBUS KYI RGYAL KHAMS SU RIM GYIS PHEBS TE, LHA SA DANG 'TSUR PHUR PHEBS NAS GSER YIG PA'I ZHU BA GONG MA'I LUNG LA SOGS PA BZHES, DE NAS RIM GYIS KHAMS KYI SA'I CHA RNAMS SU GZHAN GYI DON SKYONG ZHING GONG DU THEGS, DE'I DUS SU RGYA'I YUL 'OD KYIS KHENGS PA DANG, GZIMS KHANG LA 'JA'I KA BA ZUG PA, SPRIN GYI GSEB TU SANGS RGYAS DANG BYANG CHUB SEMS DPA' RNAMS MNGON SUM DU BYON PA DANG, LHA'I BU DANG BU MO RNAMS KYIS NAM MKHA' NAS MNGON SUM DU MCHOD PA 'BUL BA LA SOGS PA'I RDZU 'PHRUL DANG NGO MTSAR BA'I LTAS DPAG TU MED PA BSTAN PAS, RGYAL PO CHEN PO 'KHOR DANG BCAS PA DAD PA LHAG PAR SPEL NAS YANG DAG PA'I LAM LA BKOD, GONG NAS MTSAN DE BZHIN GSHEGS PAR GSOL, SANGS RGYAS DANG BYANG CHUB SEMS DPA' DANG, YI DAM, CHOS SKYONG GI SNANG BA GRANGS MED PA GZIGS SHING, DE DAG GI SGRUB THABS LA SOGS KYANG MANG DU GNANG, SPYIR MCHOG TU GYUR PA'I MDZAD PA NGO MTSAR CAN PHUL DU BYUNG BA BRGYA RTZA BRGYAD MDZAD NAS, GDUL BYA RNAMS YANG DAG PA'I LAM LA BKOD CES ZER, GONG MA RGYAL POS KYANG DNGUL RKYANG @603 PA'I 'BUL BA LA'ANG DNGUL BRE BDUN BRGYA TZAM PHUL NAS BOD DU PHEBS SO, , DE NAS KHAMS KYI SA CHA RNAMS SU'ANG SEMS CAN RNAMS YANG DAG PA'I LAM LA BKOD, DBUS SU SNGA PHYIR PHEBS NAS DGE BA'I BSHES GNYEN CHEN PO RNAMS DANG, SGOM CHEN PA DANG, THOS BSAM PA DANG, SNGAGS PA LA SOGS PA'I TSOGS MTHA' YAS PA RNAMS DANG, DBANG GRAGS PA RGYAL MTSAN LA SOGS PA'I MI DPON CHE PHRA DU MA DANG, SKYE BO THA MAL BA RNAMS KYANG GNANG SBYIN DANG, GDAMS PA BSTAN PA DANG, ZHAL MTHONG BA DANG, PHYAG GIS DBANG BSKUR BA LA SOGS PAS THAMS CAD BYANG CHUB KYI LAM LA BKOD, SPYIR MKHAN CHEN BSOD NAMS BZANG PO, SLOB DPON GU'I GUNG BA, CHOS RJE MKHA' SPYOD DBANG PO, MKHAN CHEN RGYAL MTSAN DPAL, MKHAN CHEN YON BLO BA, BKA' BZHI PA RIN CHEN DPAL, RGYA SANGS RGYAS DBANG PHYUG LA SOGS PA RNAMS LAS MDO DANG SNGAGS DANG ZAB MO'I GDAMS PA DPAG TU MED PA DANG DBANG LA SOGS PA GSAN PA'I RDZU YANG RGYA CHER MDZAD, 'DAS MA 'ONGS KYI 'DI DANG 'DI'O ZHES PA'I GSUNG YANG MANG DU GSUNGS, GZHAN LA CHOS BSTAN PAS SMIN CING GROL BAR MDZAD PA'I GANG ZAG KYANG GRANGS KYIS MI CHOD, DE RNAMS KYI NANG NAS MCHOG TU GYUR PA NI GU SHR'I SANGS RGYAS RIN CHEN, GU SHR'I BLO GROS RGYAL MTSAN, GU SHR'I RIN CHEN DPAL, GU SHR'I DON GRUB 'OD ZER, GU SHR'I CHOS KYI RGYAL MTSAN, GU SHR'I SH'AKYA BZANG PO, BKA' BZHI PA RIN CHEN BZANG PO, SPRUL SKU CHOS DPAL YE SHES, NGOM @604 PA BYA BRAL BA, RMA SE RTOGS LDAN LA SOGS PA MANG DU BYON, DE NAS RIM GYIS LHA SA PO TA LAR PHEBS PA NA, GNAS 'DI TING NGE 'DZIN SHIN TU 'PHEL, RING POR MI THOGS PAR GNAS 'DIR 'GRO BA LA PHAN PA RGYA CHEN PO 'BYUNG BAR 'DUG CES PA LA SOGS PA'I ZHAL BRDA MANG DU GNANG, DE NAS MNYEL DRAG PO CIG BYUNG NAS BRTAN BZHUGS PHUL BAS, RTEN 'BREL ZHIG GIS MDO KHAMS KAR MA'I NYE LOGS SHIN TU 'DUN PA BTANG TSAR, DER GSOL BA THOB DANG, THUGS RJES 'DZIN PA YIN GSUNG BA DANG, GZIMS DPON LA DPE CHA LHA RTEN RNAMS MA 'THOR BA GYIS DANG, BDAG PO CIG 'ONG BA YIN GSUNGS NAS, DGUNG LO SUM CU RTZA GNYIS BZHES PA SHING MO LUG GI LO LA GSHEGS, 'JA' DANG 'OD DANG ME TOG GI CHAR LA SOGS PA DPAG TU MED PA BAB, SKU GDUNG SBYANGS BAS THUGS RJE CHEN PO DANG BDE MCHOG DGYES RDOR YAB YUM GYI SKU RING BSREL LAS GRUB PA DANG, RING BSREL KHA DOG SNA TSOGS PA'ANG DPAG TU MED PA BYON, SPYIR SKU'I SKYE BA NA RIMS SU BYON PA THAMS CAD BSAM GYIS MI KHYAB PA'I GDUL BYA PHRIN LAS LA MNGA' MDZAD KYANG, SLOB MA RTOGS LDAN GZHAN LA PHAN PA BYON PA NI CHOS RJE DE BZHIN GSHEGS PA 'DI KHO NA MANG BA YIN NO, ,KHYAD PAR RMA SE RTOGS LDAN ZHES PA 'DI MI NYAG GI TSANG DU 'KHRUNGS NAS, YAB YUM MA GSHEGS BAR DU YUL DU BZHUGS SHING, BLA MA BSTEN PA DANG, GDAMS PA ZHU BA DANG, THUGS DAM LA BRTZON PAR MDZAD, SKABS SHED DU CHOS @605 RJE DE BZHIN GSHEGS PA 'KHOR DANG BCAS PA YUL PHYOGS DER PHEBS PAS SHIN TU DAD PAS ZHABS DRUNG DU MJAL, DE DUS 'BYOR PA SHIN TU CHE BAR YOD PAS 'BUL BA CHEN PO'ANG MDZAD, SGAR PA'I DPON CHE CHUNG RNAMS DANG YANG LONGS SPYOD KYIS SHIN TU 'DRIS PAR BYAS, DE NAS SGAR PA BOD DU BZHUGS DUS LHA SAR MJAL DU BYON PAS, DANG POR 'DRIS PAR YOD PA'I NANG BSNYEMS BYAS NAS SKU MDUN DU MJAL DU BYON PAS, DPON BKRA SHIS 'BYUNG GNAS PAS MDOR BTON, GUR SGO NAS PHYAG 'TSAL BA'I RAL PA'I STENG DU RDOG PAS BRDZI BA SOGS BYAS, DE NAS CHOS RJE RIN PO CHE 'TSUR PHUR PHEBS PA'I SAR SKU MDUN TSUD, DE DUS BAN GZUGS RAL PA CAN DU YOD PAS DGE 'DUN SGANG BA LA RAB TU BYUNG, CHOS RJE DE BZHIN GSHEGS PAS THUGS LA BTAGS NAS SKU MDUN DU NAM YIN GYIS BYON CHOG PA BYUNG, GDAMS PA'ANG GZHAN LA MA GNANG BA RNAMS GNANG SNYAN BRGYUD DU MDZAD PAS, DING SANG YANG ZUR MANGS PA'I SNYAN BRGYUD CES GZHAN LA PHAN PA RGYA CHE BAR YOD, DE NAS KHAMS SU BYON NAS PHA CHEN MI NYAG GIS GZUNG BA'I CHAM LA KHAR BYON NAS GZHAN DON BSKYANGS SHING, DER DGON PA MDZAD PAR BZHED NAS YAB TSAN RNAMS LAS BLANGS PAS STER MA NYAN PAR, NYIN GCIG SMON DOR CIG BSHAMS, DE'I THONG MKHAN KHONG RANG GIS MDZAD NAS DGON PA 'DEBS PA'I SA SKOR DER ROL GCIG GIS BSKOR NAS, 'DI'I NANG 'DI NGA DBANG BAS DGON PA 'DEBS PA YIN GSUNGS PAS, GZHAN @606 RNAMS KYIS RGOL MA NUS, DE'I THONG MKHAN DE GRVA PAS BYAS NA SUS BYAS PHA CHEN RNAMS KYIS GSONG BAR BYAS, DE NAS DER ZUR MANG BTAB, GDUL BYA BSKYANGS PAS GRVA PA MANG DU 'DUS, GLING DU BSDOD PA DANG RI KHROD 'DZIN PA'I GRVA GNYIS BYUNG, DE RNAMS KYI NANG NAS MCHOG TU GYUR PA RTOGS LDAN YA BRGYAD, 'JA' MO MI GSUM BYA BA PHYUNG STE, DE THAMS CAD THUGS DAM BZANG ZHING GZHAN DON NUS PA 'BA' ZHIG YIN, DE'I NANG NAS KUN RGYAL CHE CHUNG GIS LDAN STOD DU DGON PA BTAB, BSOD YES PAS ZUM MANG GI ZUR CHOS MDZAD PAS SLOB MA MANG DU THON, CHU GSOL 'OD ZER BZANG POS LDAN SMAD SRIBS SU CHU GSOL DGON BTAB, KHU DRO RTOGS LDAN GYIS KYANG DGON PA GZUNG, GZHAN GNYIS TZAM ZHIG GIS GZHAN DON CHER MA BSKYANGS PAR SGRUB PA KHO NAS DUS 'DA' BAR MDZAD, SNAG DPON CIG GIS GDAN SA BSKYANGS TE, DE YANG THUGS DAM SHIN TU MTHO ZHING THABS LAM LA GTZO BOR MDZAD, MTSAN RIN PO CHE BAR GSOL TE, DE BZHIN GSHEGS PA'I SLOB MA RNAMS KYI NANG NAS PHRIN LAS RMA SE KHO NA CHE BA YIN NO, ,YANG NGOM PA BYA BRAL BA NAM MKHA' RGYAL MTSAN ZHES BYA BA YANG THUGS DAM BZANG, PHRIN LAS RGYA CHEN PO SKYONG BA CIG BYUNG STE, DE NI CHOS RJE MTHONG BA DON LDAN PA'I YANG SLOB MA YIN, DANG PO'I DUS SU SHA BA PHA RI NA 'DUG PA LA TSURI NAS PHA BONG CIG LA PUS MO GTAD NAS MDA' 'PHANGS PAS SHVA BA SHI, PHA BONG LA KHONG RANG GI ZHABS RJES BYUNG BA YIN ZER, DUS PHYIS DGON PA @607 CIG TU 'DAG 'BYAR MDZAD NAS THUGS DAM LA BZHUGS, DE NAS RJE ZHIG NA NANG NA MI BZHUGS PAR RIG NAS GRVA PA RNAMS KYIS SGO BSANGS NAS BLTAS PAS NA GZA' SHUL HA RE MKHA' SPYOD DU GSHEGS 'DUG DE NAS MKHA' SPYOD PAR GRAGS SO, ,GONG MA YE DBANG GIS THA'I SKYAM CHEN PO GSER YIG TU MNGAGS NAS, RGYA GAR LHO PHYOGS NAS BI R'U BA SPYAN DRANGS PA'I SKABS SU, RGYA NAG GI RGYAL PO'I PHO BRANG GI THOG TU BI R'U BA'I PHYAGS PHYIR THUL BA CIG GSOL NAS BYON PA YIN ZHES PA'I GTAM YANG YOD DE, CHOS RJE MTHONG BA DON LDAN NI KAR MA DANG NYE BA'I SA CHA NGOM DU, YAB SNGAGS PA, YUM RNAL 'BYOR MA'I RIGS GNYIS KYI SRAS SU, ME PHO SPRE'U LO ZLA BA GNYIS PA'I TSES BRGYAD LA 'KHRUNGS, LHUMS SU ZHUGS PA'I TSE YAB YUM LA RMI LTAS KYANG BZANG BAR RMIS, SKU BLTAMS MA THAG TZOG PUR BZHUGS NAS YUM LA GZIGS NAS BZHAD PA DANG, LTE BA BCAD PAS DRI BZANG GIS YUL KHAMS KHYAB PA'ANG BYUNG, SPRE LO ZLA BA GSUM PA'I TSES BCU GNYIS KYI NYIN NGOM PA BYA BRAL BA'I SAR BSOD SNYOMS SLONG DU BYON PA NA, NGOM PA BYA BRAL BA GZIGS MA THAG DGYES PA'I RNAM 'GYUR DU MA MDZAD, AA AA ZHES RGYUN DU GSUNG, DE NAS LKOG TU KHYOD SU YIN BYAS PAS MDZUB MO LA PHYAG GIS 'JUS NAS, DA NI SKYE MED BRJOD PA KUN DANG BRAL, ,GNAS MED GNAS BRAL 'KHOR BA'I 'GRO BA RNAMS, ,MA LUS THAR PA'I GNAS SU 'DREN PA'I PHYIR, , SKYE 'GRO KUN GYI DPAL TU BDAG GYUR TE, ,NA MA TSAR BAR YUL GZHAN MI @608 SPO 'DUG ,ZHES GSUNGS NAS, DA DUNG ZHAG 'GA' GSONGS, AA A'A AI A'I AU A'U ZHES GSUNGS PAS, NGOM PA BYA BRAL BA DAD NAS ZHABS TOG BYAS, ZLA BA BZHI LON DUS SU BYA BRAL BA DMAR KHAMS SU BYON PA DAR MAS GSANG ZER BA'I SKAD CHEN PO BYUNG BAS THAMS CAD SDUG BSNGAL BA LA KHONG MNYES PA'I RNAM 'GYUR DANG BRO YANG MDZAD, YUM GYI BYA BRAL BA LA CI BYUNG DGONGS SAM ZHUS PAS, CI YANG MA NYES PHRAD 'ONG GSUNG, DE LA SOGS PA 'DAS MA 'ONGS MANG DU GSUNGS, ZLA BA BDUN BZHES PA NAS SANGS RGYAS KYI MTSAN SGROG PA DANG YI GE DRUG PA GSUNGS, KHRI THOG TU BZHUGS NAS BYIN RLABS MDZAD PA'ANG BYUNG, NYA KHANG DU SPYAN DRANGS PA'I TSE RTEN RNAMS LA GZIGS, KHYAD PAR ZHVA NAG CAN LA GZIGS SHING BZHED, 'DI SU YIN ZHUS PAS BDAG YIN GSUNG NAS THUGS KAR PHYAG 'DZUGS, YAB KYI BANG NA YOD PA LA NGOM PA BYA BRAL BAS PHYAG LA 'JUS NAS, KHYOD SU YIN GSUNGS PAS, NGA DE BZHIN GSHEGS PA'I SKYE BA YIN SHES SAM GSUNG, NGOM PA DANG RI BO CHE PA MA 'CHAM PA LA 'DI BZHIN BYAS NA 'DI LTAR RGYAL BAR 'GYUR GSUNG BA BZHIN DU BYAS PAS YUL KHAMS BDE BAR GYUR, BYA LO ZLA BA GNYIS PA LA LHA KHYIM DU PHEBS PA'I TSE, BLA MA GCOD PA'I DPON POS RE NE GANG YIN ZHUS PAS, DGON PA LA PHYAG MDZUB GTAD NAS 'DI YIN GSUNG, DGON DU PHEBS NAS DUS GSUM MKHYEN PA'I SKU 'BUM NGOS GZUNG, ZHVA NAG BLANGS NAS NGA RANG GI YIN GSUNG NAS BSNAMS, GZHAN YANG MNGON @609 MKHYEN MANG DU GSUNGS, DER GCOD PA LA DAG SNANG MANG DU SHAR, ME TOG GI CHAR NYI MA GSUM DU BABS, DER GCOD DIG PAS PHYOGS THAMS CAD DU CHOS RJER BSGRAGS, KAR MAR YANG YI GE BSKUR BAS GNYER BAS JA 'DREN LA SLEB PA'I MING NAS BOS, DE NAS KAR MAR PHEBS BYIN RLABS GNANG BAS THOR NAD YOD PA'ANG CHAD, RTEN RNAMS LA NGOS 'DZIN MDZAD NAS DE BZHIN GSHEGS PAR YID CHES PAR MDZAD, THANGS SKU LA RAB GNAS MDZAD PAS NAS 'BRU BDUN NAM MKHAR BSDAD PA DANG, THAN PA BYUNG BA'I DUS SU CHU RTZED MDZAD PAS CHAR BAB, SKABS SHIG TU MKHAN CHEN PA'I LAD MO MDZAD NAS, CHE GZHIS KYANG SLEB GYIN YANG GSUNG, MKHAN CHEN MGO BLON PA LA YANG THUGS RJE CHEN POS LUNG BSTAN BYUNG NAS, DE'I BLA MA KHAMS NA BYON YOD GSUNG NAS PHYAGS PHYI BA RNAMS BSDUS TE, DAR CHEN KHA RE BA KYE, YAB YUM GYI SHA RTAGS TSUN KYANG 'DI YOD GSUNG NAS, NGA'I BLA MA THUGS CHAD YOD NGA 'GRO GSUNG NAS KHAMS SU BYON NAS KAR MA'I YANG DGON DU MJAL, MKHAN CHEN PAS PHYAG RTEN BTANG BA'I DUS SU PHYAG PHRENG NGOS GZUNG, CHANG JA'I DUS SU KAR MA KUN SPANGS PAS, KHYED RANG GI THUGS LA BTAGS PA CIG LA GSOL RAS CIG GNANG BAR ZHU ZHUS PAS, STON PA GSUNG NAS GNANG BAS GDONG MCHI MAS GANG, THAMS CAD YID CHES PAR MDZAD, YUM 'DA' KHA'I SNGAS SU SPYAN DRANGS NAS, YUM GYIS DRUNG BA AA MA LA THUGS RJES GZUNG ZHUS PAS, AA MA DANG DGA' LDAN NA @610 'PHRAD GSUNG NAS BSNGO BA MDZAD, DE NAS LHA STENGS SU SPYAN DRANGS PA'I TSE ZLA BA GZAS GZUNG BA'I DUS SU RGYA NAG GI RGYAL PO'I 'DRA TSUL DANG, ZHAL TSOMS KYI RING THUNG LA SOGS BKOD PA RGYAS PAR GSUNGS, TSUR SGANG DGON DU SKU MTSAMS LA BZHUGS DUS RGYAL BA RGYA MTSO, SGROL MA, CHOS SKYONG PHYAG BZHI PA, BER NAG CAN LA SOGS GZIGS, BKA' BZHI BAS MI G-YO BA'I RJES GNANG PHUL BA'I DUS SU LHA MO LCAGS PHUR MA GZIGS, GZHAN YANG GZIGS PA GRANGS MED, MNGON PAR MKHYEN PA'ANG MANG DU GSUNGS, SKABS SU TING NGE 'DZIN LA BZHUGS PAS DER YOD PA'I SGOM CHEN PA RNAMS KYANG SGOM BZANG DU SONG, DE NAS MTSAMS KHONG NAS RNAM RGYAL SGANG DU BYON, DE NAS TSUR PHEBS PA'I TSE, TSES BCU'I TSOGS GRAL DU RJE BTZUN MA GZIGS, GON GYO BDAG POS ZHVA NAG LA BLTAS PAS, 'DI HOR DUS KYI YIN, RGYA'I MIN ZHES ZHIB TU GSUNGS, DER SANGS RGYAS BYANG SEMS MANG PO DANG GNAS BRTAN BCU DRUG LA SOGS MANG DU GZIGS, SKYA SER KHRI TSO GNYIS TZAM LA THUGS RJE CHEN PO'I SGOM BZLAS, BLA MA'I RNAL 'BYOR LA SOGS GSUNGS, DE DUS DGUNG LO GSUM DU MA RDZOGS TZAM YIN NA'ANG, GZHAN LA CO 'DRI BA'I BZHAD GAD DANG CHOS RNAMS KYANG THOGS MED DU GSUNG BAR MDZAD, THAN PA BYUNG BA'I TSE NGOM PA BYA BRAL BAS SKU MDUN DU PHYIN NAS CHAR 'BEBS PAR ZHU ZHUS PAS, GNAS PO 'GA' YA DGE BSNYEN CHEN PO DA LTA CHAR PHOB, GAL TE MI 'BEBS NA TZA RA DAM PO BYED GSUNGS PAS, @611 DE MA THAG CHAR CHEN PO BAB PA DANG, DGA' LDAN GYI BKOD PA GSUNG BAR MDZAD PA LA SOGS PA NGO MTSAR BA'I MDZAD PA'ANG MANG NGO, ,DE NAS RIM GYIS KONG POR PHEBS NAS GZHAN PHAN RGYA CHEN PO BSKYANGS, DVAGS PO NAS BRGYUD DE 'OL KHA BKRA SHIS THANG DU PHEBS NAS, MKHAN CHEN BSOD BZANGS PO DO LI LA SPYAN DRANGS NAS RAB TU GSHEGS PA'I TSUL YANG BSTAN, DBANG GRAGS PA RGYAL MTSAN PAS JA ZHUS KYANG BTANG, GZHAN YANG SPRUL SKU CHOS DPAL YE SHES PA DANG, CHOS RJE RONG PO LA SOGS PA MANG DU BRTEN NAS GSAN PA MDZAD PA'I TSUL YANG RGYA CHE BAS MDZAD, MDOR NA KHAMS KYI SA'I CHA RNAMS DANG, KONG PO DANG, DVAGS PO DANG, BOD KYI SA CHA CI RIGS PA RNAMS DANG, KHAMS DBUS KYI SA CHA RNAMS SU ZHABS KYIS BCAGS NAS 'GRO BA RNAMS SMIN CING GROL BAR MDZAD PA'I TSUL RNAMS NI GRANGS KYIS MI LANG NGO, ,CHU PHO SPRE'U'I LO LA RTZE LTA SGANG DU BZHUGS PA'I DUS SU, MO MA RMI LTAS PA RNAMS KYIS SHIN TU RTZUB ZER BAS, SLOB DPON SANGS RGYAS SENG GE BAS BRTAN BZHUGS KYI GSOL BA BTAB PAS, DA LO NGED LA SKYON MI 'ONG BA ZLA BA DGU'I BAR NGED RANG GIS KHAG 'KHUR BA YIN GSUNG, DE NAS DBEN GNAS GSANG PHUR PHEBS NAS SKU MTSAMS LA BZHUGS DUS SU RTEN THAMS CAD LA MCHOD PA DANG NA BZA' PHUL, CHOS SKYONG LA MCHOD GTOR MDZAD NAS BKA' BSGO MDZAD, THA DAD KYI RTEN SGAM DU BZHUGS SU GSOL NAS PHYAG DAM MDZAD, CHOS RJE SNYE BO BA LA NGED MA SLEB BAR DU RGYA MA NYAMS @612 PAR GYIS GSUNG, RGYU MTSAN CI LAGS ZHUS PAS, SHAm BHA LA BA DANG MA KHA GNYIS RTZOD PA YOD PAS RIGS LDAN GYI GROGS LA 'GRO DGOS YOD GSUNG, DER YUN DU BZHUGS PAR GSOL BA BTAB KYANG, SA G-YO BA DANG, NYI MA LA 'OD MED PA DANG, ME TOG GI CHAR 'BAB PA SOGS GSHEGS PA'I MTSAN MANG DU BYUNG, NYIN CIG KHO BO YANG BKA' BRGYUD KYI GRAL LA 'DUG PA YIN GSUNG NAS GSOL 'DEBS MDZAD, KHYED RANG TSO YANG GSOL PA THOB GSUNG, DE'I SKABS SU SKU CHOS DANG DBU ZHVA ZHVA NAG DANG BSRE 'PHO'I ZHAL GDAMS LA SOGS PA'I PHYAG DPE RNAMS GU SHR'I BA LA GNANG NAS LUNG BSTAN BKA' RGYA DANG BCAS PA MDZAD, DE NAS DGUNG LO SUM CU RTZA BRGYAD BZHES PA CHU MO BYA'I LO LA GSHEGS, DE'I SLOB MA'I MCHOG NI SPYIR BSAM GYIS MI KHYAB KYANG, BAN KAR BA 'JAM DPAL BZANG PO BA DANG, GU SHR'I DPAL 'BYOR DON GRUB PA RNAM PA GNYIS GTZO BOR GYUR PA'O, ,DA LTAR GYI SPRUL PA'I SKU RANG BYUNG KUN MKHYEN CHOS KYI RGYAL PO NI, RNGOD KYI SA'I CHA AU RGYAN RI KHROD DU, YAB GRAGS PA DPAL GRUB DANG YUM LHA MO SKYID GNYIS KYI SRAS SU, SHING PHO KHYI'I LO LA 'KHRUNGS NAS SA'I CHA RNAMS SU SKYE BO DPAG TU MED PA SMIN CING GROL BAR MDZAD PA'I TSUL BSAM GYIS MI KHYAB PA MDZAD CING BZHUGS PA 'DI LAGS SO, ,DPAL DUS GSUM MKHYEN PA NAS SKU'I SKYE BA NA RIMS SU BYON PA RNAMS KYI SLOB MA MCHOG GI RIM PA NI, DUS GSUM MKHYEN PA'I SLOB MA 'OD BZHI NI, MTHA' MA TSUL KHRIMS 'OD, NAM @613 MKHA' 'OD, SME'U BYANG CHUB 'OD, RGYA SGOM YE SHES 'OD DO, ,GZHAN YANG GANG RIN PO CHE, MKHAS PA DBANG RDOR, STAG DEL BA, GTZANG SO BA, RGYA PHO BA LUNG BA, CHOS RJE GANGS PA, RJE RDZONG BA RIN CHEN SENG GE, SANGS RGYAS RAS PA CHEN PO LA SOGS PA'O, ,KAR MA PA SHI'I SLOB MA NI, YE SHES DBANG PHYUG RIN CHEN DPAL, HOR YUL DU RGYAL POS NAG LA GTUGS TE MER BSREG PA SOGS BRGYAD BYAS PA'I DUS SU 'DI GNYIS KYANG MER BSREGS ZER, G-YA?G RU RAS PA, RTOGS LDAN ZHVA SER BA, ZHVA DMAR BA, ZHVA KHRA BA, STAG MGO BA, GZIG MGO BA, DOM MGO BA, SPYAN SNGA STAG SHOD PA, 'JAM DBYANGS BLO GROS SENG GE 'DI LA GRUB MTHA'I CHA NAS CUNG MI DGYES ZER, DBON RIN PO CHE, GNAM MTSO BA CHEN PO, BYANG SEMS RGYAL YES, GRUB CHEN AU RGYAN PA, GNYAN RAS LA SOGS PA'O, ,CHOS RJE RANG BYUNG RDO RJE'I SLOB MA NI, RTOGS LDAN BSAM GTAN RIN CHEN, SHE GRAGS PA SENG GE, RTOGS LDAN TR'E BO, RTOGS LDAN KHU YO BA, KHRAG SKYUGS PA, YE RGYAL BA, LDOD STON GZHON NU 'BUM, SPYAN SNGA RDOR RIN PA, 'DI BER NAG CAN LA MNGA' BRNYES, STAG LUNG KUN SPANGS RIN PO CHE, RGYAL BA G-YUNG STON PA, MKHAS GRUB DHARMA R'A DZA, G-YAG SDE PAn CHEN, MKHAS GRUB DAR RGYAL BA, BLA MA DAR 'BYUNG, MKHAN CHEN RTZI BAR BA, SLOB DPON 'JAM NYAG KLOG SKYA BKA' BZHI PA SENG GE RGYAL MTSAN, MNGON PA BA, SMAN KLUNGS PA, LA @614 STOD PA MGON RGYAL BA, DGE 'DUN SGANG BA'I MKHAN PO MKHAS BTZUN PA LAt SO, ,CHOS RJE ROL PA'I RDO RJE'I SLOB MA, SLOB DPON GU'I GUNG BA RIN CHEN DPAL, CHOS RJE RI'U SGANG BA, KUN SPANGS KUN DGA' DON GRUB, LHO RIN PO CHE, RJE BTZUN NAGS MGO BA, RI MGO BA, SHA RA PA, MTSO DKAR MO BA, BYAMS CHOS BA BYANG CHUB RGYAL MTSAN, KAR MA PA DKON GZHON, CHOS RJE MKHA' SPYOD PA LA SOGS PA'O, ,DUS GSUM MKHYEN PA'I SLOB MA CHOS RJE GANGS PAR GRAGS PA DE NI, YUL GYA BAR, YAB GSANG SNGAGS RNYING MA PA ZHIG GI SRAS SU SHING MO LUG LA 'KHRUNGS, DUS GSUM MKHYEN PA'I DRUG CU RTZA DRUG PA YIN, RAB TU BYUNG BA'I MTSAN RIN CHEN 'OD ZER, 'BRI KHUNG CHOS RJE, STAG LUNG THANG PA, RMOG LCOGS PA, LA YAG PA, DVAGS PO 'DUL 'DZIN, NYE GNAS GSAL BYANG, KHA CHE PAn CHEN LA SOGS PA'I BLA MA MANG DU BRTEN, GTZO BO MDO BO RAS STE, DE LAS PHYAG RGYA CHEN PO'I RTOGS PA BRNYES, JO MO GANGS KYI PHA BONG DKAR LEB LA SOGS PA'I GNAS RNAMS SU SGRUB PA MDZAD, PHYIS 'GRO DON RGYA CHEN PO MDZAD, KHONG GI TSE'I MTHA' LA HOR DMAG BOD DU LHAGS, RANG LO BDUN CU RTZA LNGA PA SA MO BYA LA GSHEGS, DE'I SLOB MA BSAM GLING RIN PO CHE NI, MYANG SMAD KYI SGRO LUNG SER CHUNG BA'I KHU LUNG DU, AA MES RNGOG RDO RJE DBANG PHYUG CES BYA BA LA, SRAS PHUG PA MGON, PHUG PA RGYAL, PHUG PA DAR TE GSUM GYI CHE BA PHUG PA MGON DANG POR RTA NAG TU MI G-YOG BYAS, DE NAS DING @615 RIR PHYIN NAS RNAL 'BYOR PAR GYUR, DE NAS SHAB ZHA NGA BA'I RNAL 'BYOR MA DAR MA LCAM YANG DING RI NA YOD PA DE GNYIS KYI SRAS SU SA MO BYA LA 'KHRUNGS, LO NYER GCIG LA DPYAL CHOS BZANG DANG GTZANG PA SAR SBOS GNYIS KYIS MKHAN SLOB MDZAD DE RAB TU BYUNG, BLA MA MANG DU BSTEN NAS THOS PA RGYA CHEN PO MDZAD, DPYAL GYI ZUR CHOS PA'ANG LO MANG DU BYAS, MYANG STOD KYI SER PHRENG DGON PA NA DVAGS PO BKA' BRGYUD PA'I SGOM CHEN CIG YOD PA DE LA LNGA LDAN LA SOGS ZHUS PAS PHYAG RGYA CHEN PO'I RTOGS PA BRNYES, GANGS PA RIN CHEN 'OD ZER GYI ZHABS LA GTUGS NAS CHOS MANG DU GSAN ZHING, KO BRAG PA'I YANG SLOB MA YIN, SKU TSE'I SMAD LA MYANG SMAD BSAM GLING BTAB, RTOGS PA MTHO ZHING 'GRO DON RGYA CHE, RANG LO DON GNYIS PA LCAGS SPREL LA GSHEGS, 'DI CHOS RJE RGOD TSANG BA DANG 'KHRUNGS LO GCIG CING RGOD TSANG BA LAS LO GNYIS KYIS SKU TSE RING, SPRUL PA'I SKU'I RIM PA DANG PO'I SKABS SO,, ,, 'TSUR PHU'I GDAN RABS KYI SKABS, 'TSUR PHU'I GDAN SA'I RIM PA NI, RJE DUS GSUM MKHYEN PAS DGON PA BTAB, 'GRO DON BSKYANGS NAS GSHEGS PA'I 'OG TU LHO LA YAG PAS GDAN SA LO GNYIS GSUM GYI BAR DU MDZAD, DE RJES DUS GSUM MKHYEN PA'I SLOB MA STOD LUNGS GRIM PA DANG RANG BYUNG SANGS RGYAS KYIS GDAN SA MDZAD, @616 DE RJES DUS GSUM MKHYEN PA'I SLOB MA GYA BA GANGS PAS, DE RJES RGYA MTSO BLA MAS LO GNYIS GSUM GYI BAR DU BZHUGS, DE RJES RIN CHEN GRAGS TE 'DI GSUM YUL GYA BA PA YIN, PHYI MA 'DI GDAN SAR BZHUGS THOG KAR MA PA SHI KHAMS NAS BYON NAS GDAN SA MDZAD, DE RTING KAR MA PA'I SNAG DBON YIN PA ZHIG GIS GDAN SA BSKYANGS TE DBON RIN PO CHE ZER, DE RJES KAR MA PA'I RU SE DBON BLA MA GNAS NANG BA, DE RJES KAR MA PA'I MCHED YA GTZUG TOR SKYABS KYI SRAS AA DBANG YE SHES DBANG PHYUG DE'I SRAS BLA MA BKRA SHIS 'BUM PAS GDAN SA GZUNG, DE RJES BKRA SHIS 'BUM PA'I MCHED YA DBON PO AA DPAL GYI SRAS CHE BA BLA MA DBANG RIN, 'DI'I LAG NAS TSAD MA PAntI TAS BLANGS NAS ZLA BA DRUG GDAN SA GZUNG STE GSHEGS, YANG BLA MA DBANG RIN GYIS LO 'GA' GDAN SA GZUNG BA LA, BLA MA GNAS NANG BA'I DBON PO BLA MA RIN CHEN DPAL ZHES BYA BA CHOS RJE RANG BYUNG RDO RJES BSKOS NAS GDAN SA BLANGS, 'DI LA BLA MA NAG PO ZHES KYANG BYA, DE RJES KHONG GI PHA SPUN BLA MA CHOS BYANG, DE RJES AA DPAL GYI SRAS GNYIS PA BLA MA CHOS RGYAL GYIS YUN RING BAR BZHUGS, 'DI LA DANG POR CHANG GU'I GUM GYIS LAS KA GSER GYI THAM KHA SHEL GYI THO SHU DANG BCAS PA BYUNG, DE RJES KON TING GU SHR'I'I SHEL GYI THAM KHA, 'JVA SA 'KHOR MA DANG BCAS PA BYUNG, 'DI GSHEGS RJES KHONG RANG GI MCHED YA CHOS BLOS GDAN SA DANG LAS KA GZUNG, DE GSHEGS RJES KHONG RANG GI GCUNG PO DKA' THUB KYI BU @617 CHE BA RIN PO CHE KUN DGA' BLO GROS PAS GDAN SA DANG LAS KA LO BCO LNGA TZAM GZUNG NAS, MCHED YA CHOS KYI 'OD ZER LA GTAD, 'DIS LO NYI SHU RTZA BZHI GDAN SA DANG LAS KA GZUNG, DE GSHEGS RJES DE'I MCHED YA BLA MA BSOD NAMS RGYA MTSO'I SRAS CHE BA 'JAM DBYANGS DON GRUB 'OD ZER GYIS GDAN SA DANG LAS KA GZUNG STE, 'DIS GDAN SA MDZAD THOG TU CHOS RJE DE BZHIN GSHEGS PA GONG DU THEGS NAS GSER GYI THAM KHA, KON TING TA'I GU SHR'I'I LAS KA KA'O MING DANG BCAS PA PHYAG TU LON GDAN SA LO BZHI BCU ZHE GSUM MDZAD, DE RJES DA LTAR GYI GU SHR'I BA 'DI'O, ,'TSUR PHU'I GDAN RABS KYI SKABS SO,, ,, SPRUL PA'I SKU'I RIM PA GNYIS PA'I SKABS, SPRUL PA'I SKU BRGYUD PA'I RIM PA GNYIS PA BRJOD PAR BYA STE, RJE BTZUN TILLI PA'I SLOB MA KHOL BO DGA' ZHES BYA BA LAS SKU TSE 'PHOS NAS, N'A RO PA'I SLOB MA DZA LAN DHA RAR SKYES PA'I BRAM ZE KUN RIG CES BYA BA ZHIG TU GYUR, DE BAL POR GZHON NU GSANG TSOL DU GYUR TE, DES SNGAGS KYI MAN NGAG MANG DU THOS TE, DE NAS BSAMS PA, SNGAGS KYI TSUL LAS SNGAGS LAM BRTEN PAR SANGS RGYAS NYID DU MI 'GRUB LA, SNGAGS KYANG BLA MA KHO NA LA RAG LAS PAR GSUNGS NA, BLA MA DAM PA DANG MJAL BAR SMON LAM GDAB CING GNAS PA'I TSE, NAGS SU ME TOG 'THU RU PHYIN PA NA SPRIN GYI GSEB NA @618 GNAS PA'I GZHON NU MA RGYAN DU MAS BRGYAN PA ZHIG GIS, BU BU BYANG PHYOGS KHA BA CAN GYI LJONGS, ,RGYAL BAS LUNG BSTAN BOD CES GRAGS PA'I YUL, , DER SONG KHYOD KYI 'DOD PA GRUB BYED DE, ,BDE GSHEGS NYID SPRUL KHYOD KYIS MTHONG BAR 'GYUR, ,ZHES LUNG BSTAN DU BYUNG PAS, RANG GI BLA MA RGYA GAR PHYAG LA GSOL PAS, DES GNANG NAS BYANG PHYOGS SU PHYIN PAS, DGE PA'I BSHES GNYEN MANG PO DANG MJAL BAS DAD PA RAB TU 'PHEL BAS SMON LAM YANG MANG DU BTAB, DE NAS RJE BTZUN MI LA DANG MJAL TE PHYAG MANG DU BTZAL, MCHI MA BLAGS ZHABS LA GTUGS TE SMON LAM BTAB PAS, RJE BTZUN MI LAS, KHYOD NI KHA BA CAN LJONGS 'DIR, ,YANG YANG SKYE ZHING CHOS SPYOD DE, ,MI LAS 'DAS KYANG MI GZUGS KYIS, ,'GRO BA 'DREN PA RNAMS DANG 'PHRAD, ,GANG LA YID NI RTZE GCIG PA, ,SNGON GYI BSOD NAMS MTHUS BSKYED DE, ,NGES PAR DE 'BRAS MYUR SMIN ZHING, ,'DOD GRUB SLAR GRUB BYED PA NYID, ,CES BYA BA LA SOGS PA LUNG BSTAN MANG DU MDZAD, DE NAS BAL BOD KYI SA MTSAMS SU DKA' THUB LA GNAS PA LAS SKU TSE 'PHOS TE, DBU RU STOD DU PHA DGE BSNYEN 'BYUNG SONG DANG, YUM SGROL MA 'BUM GYI SRAS SU ME PHO BYI BA LA 'KHRUNGS, RJE SGAM PO BA KHU DBON GYI SPYAN SNGAR BYON TO, LO BCU DGU LA KHU DBON GYI DRUNG DU CHIG RDZOGS MDZAD, MTSAN TSUL KHRIMS DPAL DU GSOL, BKA' GDAMS KYI DGE BA'I BSHES GNYEN MANG PO DANG, RJE RAS CHUNG PA SOGS BLA MA MANG DU BSTEN, GTZO BOR @619 RJE KHU DBON GNYIS LA SANGS RGYAS DNGOS KYI 'DU SHES SKYES PAS RTZA BA'I BLA MAR GZUNG, CHOS RJE DUS GSUM MKHYEN PA RJE DVAGS PO KHU DBON DANG MJAL DU BYON PA'I TSE KHONG LA DAD PA DPAG TU MED PA SKYES, CHOS KYANG MANG DU ZHUS, DE YANG SO BDUN PA CHU PHO BYI BA'I TSE GSHEGS, DE'I SKU SKYE DGE SLONG NAM MKHA' 'OD NI, RU MTSAMS KYI SA'I CHAR YAB DGON PA DON GRUB BLA MA DANG, YUM LHA MO LCAM GYI SRAS SU CHU MO GLANG GI LO LA 'KHRUNGS, CHUNG NGU NAS SNGON GYI BLA MA DRAN ZHING DAD PA SKYES TE, LO BRGYAD DGU LA CHOS RJE DUS GSUM MKHYEN PA LA PHUL, LO BRGYAD DGU PHYAGS PHYIR 'BRAL MED DU BSDAD, GDAMS PA DANG RJES SU GDAMS PA DPAG MED MDZAD, BYIS PA'I SPYOD PA MED PAR MOS GUS KYIS BLA MA BRTEN ZHING GDAMS PA RTZAD BCAD PAS RJE SHIN TU MNYES PAR GYUR, CHOS RJE KHAMS SU GSHEGS RJES GANGS DKAR DANG, SE MO DO DANG, KHA RAG DANG, THANG LHA LA SOGS PA'I DBEN PA RNAMS SU BSGOMS, MTSAMS BAR DU 'GRO MGON ZHANG DANG, LHO PA DANG, SKYER SGANG BA DANG, GLING LA SOGS PA DAM PA MANG DU MJAL ZHING GDAMS PA GSAN, KHYAD PAR BDE GSHEGS STAG LUNG THANG BA LA DAD PA RAB TU THOB NAS CHOS ZHUS, GTZO BOR SGRUB PA KHO NA BYAS, DE NAS CHOS RJE DBUS SU PHEBS NAS GDAMS PA LHAG MA DANG RJES SU GDAMS PA DPAG TU MED PA GNANG, DE NAS LO BCU BDUN DU MTSAMS 'BA' ZHIG BYAS, GRUB PA'I RTAGS MTSAN KYANG 'GA' RE RNYED PAR GYUR, DRUG CU @620 RTZA BDUN PA SA MO LUG LA GSHEGS, DE'I SKU'I SKYE BA BKRA SHIS GRAGS PA NI, YUL MDO KHAMS SU, YAB 'PHAGS PA RTA MCHOG GI RNAL 'BYOR PA DBANG PHYUG LEGS PA DANG, YUM SGROL MA 'TSO'I SRAS SU LCAGS PHO SPR'U LA 'KHRUNGS, SKU SKYE SNGA MA'I DAD PAS MTSAMS SBYAR NAS, DBUS SU PHEBS NAS STAG LUNG PA SKU YAL BA LA GDAMS PA ZHUS, SHIN TU DGYES PAR MDZAD DE CHOS MTHA' CHOD PAR GNANG, SANGS RGYAS YAR BYON GYIS KYANG THUGS RJES GZUNG NAS LO MANG POR SGRUB PA MDZAD, CHOS RJE KAR MA PA DANG MTSAMS KHONGS SU MJAL, DAD PA DPAG TU MED PA SKYES TE, KHYOD SNGON DUS GSUM MKHYEN PA'I SLOB MA YIN, SKYE BA PHYI MA KHO BO'I SLOB MAR 'GYUR, DA LTA NYAMS LEN DNGOS GZHI 'DI LTAR GYIS ZHES GDAMS NGAG GNAD BKROL TE GNANG, DGUNG LO BRGYAD CU RTZA GSUM PA CHU PHO RTA LA GSHEGS, DE NAS DE MA THAG TU SPOM POR GYI SA'I CHAR, PHA TSAN SHA 'BU GNYIS LAS SHA, GDUNG RUS DBRANG GU, YAB STAG CHUNG DANG, YUM AA RGOD GZA'I SRAS SU CHU MO LUG GI LO LA RTOGS LDAN GRAGS PA SENG GE BLTAMS YAB YUM SRAS GSUM GYIS BLA MA STON BYANG BA LA DBANG ZHUS PAS, YE SHES PHAB PA'I DUS SU YUM GYIS LUS KYIS GAR DANG NGAG GIS SAm SKRI TA MANG PO MDZAD, YE SHES MKHA' 'GRO MA YIN GSUNG, DGUNG LO LNGA NAS SGROL MA'I ZHAL GZIGS PA DANG, BYIS PA'I DUS NYID NAS MNGON PAR SHES PA THOGS MED DU BYUNG, DGUNG LO BCU GSUM LA RJE KHOL BA'I SLOB MA BLO GROS GRAGS PA'I DRUNG DU DGE @621 BSNYEN GYI SDOM PA MNOS, DER KHONG GI DRUNG DU LO GNYIS BZHUGS, DE NAS KHA THUN SHES PA CIG GI SAR SKYAL NAS BSNYEN PA LA BRTZON PAR MDZAD PAS DGRA LA YANG RTAGS MANG PO BYUNG, DGUNG LO BCU BDUN PA LA BLA MA YE SHES SENG GE'I DRUNG DU DGON PA SPOM DU RAB TU BYUNG, LHAN SKYES, JO MO HR'I:BSKYED DANG BA BSKYED GSAN, YE SHES SENG GE BA DE RGYA PHO BA LUNG BA'I SLOB MA YIN, RGYA PHO BA LUNG BAS DUS GSUM MKHYEN PA LA ZHUS, BLA MA DE RNAMS KYI DRUNG DU GDAMS PA MANG DU ZHUS, KHYAD PAR YE SHES SENG GE BA LA THABS LAM GYI KHRID ZHUS PAS DROD KHYAD PAR CAN SKYES, NA BZA' RAS RKYANG RES CHOG PAS DBRANG GU RAS PAR GRAGS, DE'I TSE BER NAG CAN YANG ZHAL GZIGS, CHOS SKYONG GIS DBUS SU 'BYON PAR LUNG BSTAN, DE NAS DBUS SU BYON NAS PO TI CIG KYANG SLOB SNYAM NAS YAB LA 'GRO BAR ZHUS PAS MA GNANG BAS, GSANGS NAS RTA BZANGS ZHIG DANG GSER DNGUL DU MA CIG BSNAMS TE, 'BA' RI CHOS SANG DANG BSDONGS NAS BROS BYON PAS LAM DU BAR CHAD MED PAR THON, SOG CHU KHAR BER NAG CAN GYIS NGAS KHYOD KYI GROGS BYED BYA BA RMIS PAS GNYID SAD DUS SHES PA BDE BA CIG BYUNG, DE NAS 'TSUR PHUR SA PHO SPRE'U LA PHEBS, DE'I TSE CHOS RJE RANG BYUNG RDO RJE KONG POS SPYAN DRANGS NAS KONG PO NA BZHUGS, DER SLOB DPON TSUL RIN LA GSANG 'DUS KYI DBANG DANG RGYUD TSAR GCIG LA SOGS PA MANG DU GSAN, SLOB DPON BSOD NAMS SENG GE LA LNGA TSAN LNGA'I DBANG RNAMS DANG SGRUB @622 THABS RNAMS ZHUS, DUS GSUM MKHYEN PA'I PHYAG DRIL YIN ZER BA CIG KYANG GNANG, GNAM BAR GYI SLOB DPON DBU MA BA LA BDE DGYES KYI DBANG DANG, YO GA'I DBANG PHYAG LEN DBYANGS BRI THIG DANG BCAS PA BSLABS, DE NAS GSANG PHUR BYON NAS BLA CHOS BA 'JAM DBYANGS SH'AKA GZHON DANG, ZUR CHOS PA SLOB DPON BLO GROS MTSUNGS MED LA GTUGS NAS MTSAN NYID KYI SDE SNOD SA SDE LNGA DANG, BYAMS CHOS LNGA DANG, TSAD MA RNAM NGES DANG, SDUD PA DANG SPYOD 'JUG LA SOGS PA MANG DU ZHUS, KHYAD PAR PHAR PHYIN GYI t'I KA CIG BRTZAMS PA SLOB DPON BLO GROS MTSUNGS MED KYIS GZIGS PAS LEGS PO BYUNG 'DUG NA'ANG SGROS 'DZIN MI NI MI 'ONG ZHOG GSUNG NAS RTZOM 'PHRO BZHAG DE NAS CHOS RJE RANG BYUNG RDO RJE KONG PO NAS PHEBS TE, 'TSAL PA DGA' BDE GSHEGS PA'I STON MO'I GRAL DBU MDZAD PA'I SAR CHOS RJE MJAL DU BYON, LO BZHI NA PHAR PHYIN MKHAS PAR MKHYEN NAS GTZANG PHYOGS SU GRVA SKOR LA BYON PAS PHAR PHYIN GYI CHOS SKAD BYANG BA'I SNYAN PA THOB, GSANG PHUR BZHUGS DUS RGYA BRAG CHOS RJE SNYAN PA CHE BAS MJAL DU BYON PAS, ZHAL MTHONG BA TZAM GYIS SNANG BA 'GYUR NUS PA, STONG NYID SNYING RJE 'BYONGS PA, SPYAN SNGAR BSDOD PA LA TING NGE 'DZIN SKYE BA CIG 'DUG PAS SHIN TU MOS TE, ZHI BYED MTHA' BRAL GSUM GYI GDAMS PA NGO SPROD DANG, DBU MA LUGS KYI SEMS BSKYED ZHUS, GSANG PHUR KUN DRIL BAS LO BDUN BZHUGS, SGROS GSAR RNYING GI CHAGS SDANG LA SKYO BA SKYES NAS, CHOS RJE'I DRUNG NAS SKUNGS @623 NA DPON SLOB BCU TZAM BZHUGS SAR BYON PAS, CHOS RJE'I ZHAL NAS, MDANG BER NAG CAN GYIS SLEB BYUNG, KHYED LA CHOS SKYONG 'KHOR BA 'DUG GSUNG, DE LO CHOS RJES BDE CHEN STENGS BTAB, DER SPYIL BO MA GRUB PAS CHOS DRUG GI KHRID ZHUS NAS DBYAR DE SENG GE LUNG DU BSGOMS PAS NYAMS BZANG PO 'KHRUNGS, LUNG PA CHUS GANG BA'I SNANG BA BYUNG BA CHOS RJE LA ZHUS PAS, CHU'I RLUNG ZIN PA YIN MOD GSUNG, DGUN BDE CHEN DU BSGOMS PAS SGYU LUS DANG RMI LAM LA RTZAL THON PAR BYUNG BAS, STOD HOR GYI DMAG SKAD CHEN PO BYUNG YANG DMAG MTSO MA DROS PA NAS LOG PA GZIGS PA BZHIN, ZLA BA PHYED NA DMAG MI DGOS PA'I SKAD CHA BYUNG, RMI LAM DU AU RGYAN DU BYON PAS JI LTA BA BZHIN DU GZIGS PA YANG DANG YANG DU BYUNG BAS, AU RGYAN DU PHYIN LA GRUB TSEN AU RGYAN PA LTA BU ZHIG BYA DGONGS NAS, CHOS RJE LA ZHUS PAS, NYAMS MYONG GI RTA RGOD BYA BA MTSAR GSUNG PA TZAM MA GTOGS RTOL MI RTOL GANG YANG MI GSUNG, DE NAS CHOS RJE STON KHA CIG SNYE MOR SPYAN DRANGS PA'I PHYAGS PHYIR BYON, ,DER PHYI PHYAG BYAS NAS GTZANG PHYOGS LA BYON, , JO MO NANG DU BYANG SEMS RGYAL YES DANG MJAL, NGA CHOS RJE'I GRVA PA YIN, MING GRAGS PA SENG GE ZER, DA AU RGYAN DU 'GRO BA LAGS ZHUS PAS, RGYA GAR GYI BSTAN PA NUB, TU RU shKA'I BAR CHAD 'ONG BAS MA 'BYON GSUNG, KHONG LA DAD PA THOB NAS MI 'GA'I ZHOR LA DUS 'KHOR DBANG GONG MA ZHUS NAS, SBYOR DRUG GI SOR SDUD ZHUS TE BSGOMS PAS RTAGS RNAMS RDZOGS PAR @624 BYUNG BA SOGS ZHUS PAS, RJES DRAN LA SLEB NAS GDA', SNGAR BSGOMS SAM GSUNG BA LA, CHOS RJE RANG BYUNG BA'I DRUNG DU KHRID MANG DU ZHUS PA DANG, KHYAD PAR SNYING THIG ZHUS PAS KYANG RTAGS RNAMS MTHONG ZHUS PAS, CIG CHAR BA'I RIGS SU 'DUG GSUNG, DE NAS BYANG SEMS PA PHUG MO'I BRAG TU BZHUD SAR PHYAGS PHYIR BYON, LO GCIG BZHUGS PAS SBYOR DRUG GI KHRID RDZOGS PAR GNANG ZHING, RGYA GZHUNG MANG PO'I LUNG DANG GZHAN LA STON CIG PA'I BKA' GNANG KYANG BYUNG, DE NAS SA SKYAR BYON PA'I NUB CIG RMI LAM DU SGROL MA'I GSUNG GIS AU RGYAN DU MI THON BYA BA BYUNG BAS, AU RGYAN DU 'BYON PA'I SPROS PA BCAD, DE NAS SHR'I RI DANG MI LA'I RDZONG DRUG LA THEGS PA'I LAM DU LO TZ'A BA BLO GROS BRTAN PA DANG MJAL NAS, ZHAG SHAS BZHUGS TE DON DAM BSNYEN PA DANG, SGRUB THABS RGYA MTSO'I LUNG ZHUS, SA SKYA'I GONG GI 'BRI LCAM BYA BA'I RI KHROD CIG NA KHAMS PA SBYOR DRUG PA LAS RGYA MDZAD PAS SKU MDANGS SHIN TU LEGS PA CIG LA RTZA RLUNG GI GDAMS PA KHA YAR GSAN, DE NAS SHR'I RIR PHEBS NAS RGOD TSANG DU BZHUGS PA'I TSE, CHOS RJES JO MO GANGS LA BZHUGS NAS MGUR MDZAD PA GSAL POR GSAN PA'ANG BYUNG, DER MNAL LAM DU CHOS RJE RGOD TSANG BA DANG MJAL NAS CHOS KYI GSUNG GLENG MANG DU MDZAD, DE NA RJE BTZUN MI LA'I ZHABS RJES KYI STENG NA RGOD TSANG BA'I ZHABS RJES YOD PA ZHIG KYANG GZIGS, SHR'I RI'I BYANG NA GRUB THOB 'DAM PA ZHIG PO BZHUGS PA LA CHOS 'BREL ZHUS, DE NAS RDZONG DRUG LA BYON NAS @625 BRAG DKAR DANG KHU BYUG DBEN PA RDZONG DANG BRAG DMAR GSUM DU SHAS TSER BZHUGS SHING, GZHAN RNAMS SU YANG GNAS 'BREL RE MDZAD, RJE BTZUN DANG YANG MNAL LAM DU MJAL ZHING MGUR GSUNGS, THUGS DAM KYANG SHIN TU 'PHEL, DE PHYOGS SU LO GSUM BZHUGS, 'PHAGS PA LBA TI YANG MJAL, DE NAS PHYIR LOG STE CHOS RJE'I 'KHRUNGS SAR YANG BZHUGS SHING, DING RIR YANG BYON, DE NAS SBU TRAR BYON PAS GRUB CHEN PA'I SKU SKYE BTZUN CHUNG LO BCU GSUM LON PA DBANG PO DVANGS PA CIG 'DUG PA LA YANG CHOS 'BREL GSAN ZHING, MKHAN CHEN BSOD NAMS 'OD ZER LA YANG CHOS ZHUS, DER DPON CHEN DBON PO TING 'DZIN BZANG PO DANG MJAL, GSER SRANG GANG KHONG GIS PHUL, DE NAS BDE CHEN DU CHOS RJE'I DRUNG DU PHEBS, LO RIL PO LNGA'I BAR DU BDE CHEN DU THUGS DAM LA BZHUGS SHING CHOS MANG DU GSAN, MKHAN CHEN GZHON NU BYANG CHUB DANG SLOB DPON BKRA SHIS RIN CHEN LA SOGS PA LAS BSNYEN PAR RDZOGS, MKHAN PO LA CHOS 'GA' YANG GSAN, DER TSOGS GRAL CIG TU 'OD GSAL GYI NGANG DU DVAGS LHA SGAM PO'I RI DANG DVAGS PO LHA RJE 'JA' 'OD KYI DKYIL NA BZHUGS PA GZIGS PA'I MOD LA SNGON GYI GNAS RJES SU DRAN PAR GYUR TE, SKU SKYE SNGA MA RNAMS GSAL BAR GZIGS SHING DE'I MGUR YANG GSUNGS, 'OD STON DANG G-YAM BZANGS PA GNYIS KYANG DE DUS NAS SLOB MA YIN TSUL YANG GSUNGS, SKABS SHIG TU CHOS RJE RANG BYUNG BA BSNYUNGS NAS 'O SKOL LA GTZANG PHYOGS NA GTAD BYED MI @626 'DUG PAS, KHYED RTOGS LDAN RNAMS KYIS RIM GRO MDZOD GSUNG NAS, RIM GRO'I RGYU SO SOR GNANG NAS, LA LAS TSE SGRUB, LA LAS RNAM 'JOMS SOGS MDZAD KYI 'DUG NGED TSUL BLO GNYIS KYIS GSHIN RJE'I BZLOG PA LA ZHUGS PAS, ZLA GCIG SONG BA DANG SA SKYA MAN CHAD 'OD GSAL GYI SNANG BA LA SHAR BA LA, SNGAGS DGON CIG NA MON BU MANG PO KU LHANG LHANG NGU BA'I SGRA THOS PAS, SANG DRUNG DU PHYIN NAS MTHU MKHAN KUN LA CIG BYUNG YOD, 'OD GSAL GYI SNANG BA LA 'DI 'DRA BYUNG ZHUS PAS, SLOB DPON RDO RJE SENG GE'I NYE GNAS SHIG BLTAR BTANG BAS MTHU BYED KYI DGON PA NA DMAR NAD RGYAB NAS SNGAGS PA 'GA' SHI 'DUG ZER BA BYUNG, RJE RIN PO CHE YANG SKU KHAMS DVANGS GSUNG, DE NAS RTOGS LDAN YE RGYAL DANG, MKHAN PO TSUL BLO DANG, STON PA DANG, LHA RJE G-YAM BZANG BA LA SOGS PA NYI SHU TZAM LA LNGA TSAN LNGA'I DBANG BSKUR, DBANG BSKUR BA LA DE SNGA BA YIN, DE MAN CHAD NAS DBANG DANG KHRID KYI SGO NAS GZHAN DON RGYA CHEN PO MDZAD, CHOS RJE KONG PO NAGS PHU'I DGON PA 'DEBS PAR 'BYON KHAR, BDE CHEN GYI GDAN SAR NAN GYIS BSKOS PA LA, BKA' BCAG NAS MA MDZAD PAS, DUS PHYIS RANG GI YANG 'KHOR RNAMS MI NYAN PA CIG BYUNG GSUNG, RIG 'DZIN KU M'A RA R'A DZA LA RDZOGS CHEN GSANG SKOR LA SOGS GSAN, DE NAS PHUG MO'I RI KHROD DU BZHUGS, DE NAS GSANG PHUR BLA MA STON DAR LA N'A RO MKHA' SBYOD SKOR ZHUS, BYIN GYIS BRLAB PA'I LUNG BSTAN BYUNG BAS DE LA @627 THUGS DAM GYI MTHIL MDZAD, RA TSAG TU BYON NAS JO MO LA MCHOD PA PHUL BAS BYIN RLABS KYI SNANG BA MANG PO BYUNG, RDO RJE GDAN GYI NGOR LHA SA DANG, AU RGYAN GYI NGOR RA TSAG 'DI YIN PAR 'DUG GSUNG, PHUG MO CHER LO LNGA BZHUGS, DE NAS 'TSUR CA RA'I PHUR DUS GSUM MKHYEN PA'I SLOB MA GRUB THOB CHU SGOM MA BSAM GTAN RGYAN GYIS BTAB PA'I RI KHROD RTA PHUG MKHA' 'GRO'I GLING DU BYON PAS, GNAS NANG GIS DPYAD LEGS PAR GZIGS, NUB CIG MNAL LAM DU CHU SGOM MA NAM MKHA' LA BYON NAS, SA CHA PHAG RU DGON PA BTAB NA 'GRO DON CHEN PO 'ONG, NGA SKYE BA DMAN PAS MA THEBS PA YIN PAS, MING POS THEBS PAS THOB GSUNG NAS MI SNANG BAR GSHEGS, DER SPRE'U LO LA DGON PA BTAB DGONGS PA LA NUB CIG SGROL MA RGYAN NGAN ZHING ZHAL LA THAL BA CHAGS PA CIG GZIGS PAS, DE LO RTZIS LA MA BTUB PA SKAD BYAS BSHOL, BYA LO NAS GNAS NANG BTAB, 'DEBS DUS BER NAG CAN GZIMS KHANG 'OG MA'I SA DER KHAL THAMS CAD PHOG SONG BAS DER GZIMS KHANG BTAB, ZLA BA PHYED DANG GNYIS NA DGON PA THEBS TE DGE 'DUN YANG BRGYA LHAG TZAM TSOGS, THAMS CAD THUGS DAM LA BRTZON PAS, N'A RO CHOS DRUG DANG SBYOR DRUG LA RTAGS THON PA MANG DU BYUNG, RI KHROD 'DIR MI RABS GSUM DU THUGS DAM 'PHEL BAR 'ONG, DE NAS THONG GSHOL 'DZIN PA 'ONG GSUNG BA'I LUNG BSTAN MDZAD, DER 'GRO DON YUN RING DU MDZAD NAS GZIMS KHANG STON PA LA GTAD, KHRID KHONG 'DEBS SU BCUG NAS @628 GZIMS KHANG YANG DGON BTAB STE, DER LO GCIG TU SU DANG YANG MI MJAL BA'I SGRUB PA MDZAD, DE RTING PHO BRANG NAS CHOS RJE RIN PO CHES BDE CHEN DU BSDOD GSUNG BA'I GSER YIG PA BYUNG BAS BDE CHEN DU BZHUGS, DER GZIMS KHANG LEGS PAR BRTZIGS NAS DBYAR BZHUGS MDZAD PAS CUNG ZHIG BSNYUNG BA LA, GNAS NANG 'PHROD PAR DGONGS NAS BYON PAS DE MA KHAD DVANGS, YOS LO LA BDE CHEN DU SKU MTSAMS DAM PA MDZAD PA'I TSE, CHOS RJE RIN PO CHE PHO BRANG DU ZHI BAR GSHEGS PA JI LTA BA BZHIN DU MKHYEN, DGUNG LO DRUG CU RTZA GCIG PA'I SKU SKEG LA CUNG ZHIG GNAS NANG DU MNYEL BA LA, MDUN GYI NAM MKHA' SGROL MA RGYAN BZANG ZHING DRI BZANG GI NGAD DANG LDAN PA CIG GZIGS PAS DVANGS PAR GYUR, YANG BYI BA LO ZLA BA BCU GCIG PA LA BSNYUNGS PAS, RJE BTZUN MA LHAN SKYES GRAL RIMS SU BSGRIGS PA'I BAR BAR NA BU MO GZHON NU MA MANG PO SHON RTZE BA GZIGS PAS DVANGS, DE YAN CHAD DU ZHING KHAMS MANG DU GZIGS PA DANG, BAR DO MNGON SUM DU GZIGS PAS DE DAG GI DON MDZAD PA DANG, SGOM CHEN PA'I GEGS MANG DU BSAL BA LA SOGS PA RNAMS NI GRANGS MED DO, ,MTHAR DGUNG LO DRUG CU RTZA BDUN BZHES PA SA MO GLANG GI LO'I DPYID ZLA THA CHUNG SA LA BSNYUNGS PA'I TSUL BSTAN, TSES BCU BZHI NAS SKU KHAMS ZHAN DU SONG, DER MKHAN SLOB LA SOGS RNAMS LA ZHAL BRDA ZHIB TU MDZAD, PHYAG RDZAS 'DI LTAR THONG DANG, NGA TSE 'DI LA 'JA' LUS SU 'GRO BA CIG BYA BSAM NA'ANG BAR CHOD @629 'GAS DE MA BYUNG BAS, DA NGA'I SPUR MA SBYANG BAR RGYAN DRUG GIS BRGYAN NAS DNGUL 'BUM DKAR SANG NGE BA CIG GI NANG DU ZHAL SHAR DU STON LA ZHOG GSUNG BA LA SOGS PA'I ZHAL BKOD MDZAD NAS, TSES BCU DGU'I NYI MA DRO BAR KHA LA ZHI BA'I DBYINGS SU GSHEGS SO, ,NYI SHU GSUM LA GSHEGS RDZONG BSGRUBS PA'I TSE ME TOG GI CHAR CHEN PO BAB PA KUN GYIS MTHONG, DE'I TSE SKU SKYE SNGA MA'I 'BREL GYIS STAG LUNG DU YANG ME TOG GI CHAR BAB CES GRAG GO, ,SKU 'BUM DU GDUNG GDAN DRANGS DUS SU YANG PHYOGS THAMS CAD NAS 'JA' ZUG CING, BCOM LDAN 'DAS MA'I TSOGS MCHOD BSHAMS PA'I STENG DU'ANG 'JA' RNAMS 'KHYIL ZHING BSDOD PA BYUNG NGO, ,'DI LA SPYID SLOB MA MANG YANG BU CHEN BZHIR GRAGS PA NI, RTOGS LDAN MGON RGYAL BA, 'JAM DBYANGS CHOS RDOR BA, G-YAG SDE PAn CHEN, MKHAS GRUB DAR MA RGYAL MTSAN PA DANG BZHI'O, ,DE DAG LAS G-YAG SDE PAn CHEN NI, G-YAG SDE BYE MAR, YAB AA MI DKON MCHOG DPAL DANG YUM SKYA RGYAL CHOS SKYID GNYIS KYI SRAS SU SA MO PHAG LA 'KHRUNGS, BU STON RIN PO CHES LO DGU BZHES PA'I PHAG DE YIN, LO LNGA LON PA LA 'BAN PO CHOS DBANG LA NGAN SONG SPYOD RGYUD THUN CIG GSAN, RTOGS LDAN RIN SMON DANG, JO STAN DAR BRTZON LA KLOG YIG BSLABS SHING, PHYIS 'DUL MNGON YANG GSAN, MKHAN CHEN CHOS DPAL BA LA DGE BSNYEN DANG BAR MA RAB BYUNG MDZAD, 'DUL BA TSAR 'GA' GSAN, RAS STON BSOD RIN LA DGE TSUL MDZAD, @630 'DUL BA'ANG GSAN, MKHAN CHEN 'OD 'BYUNG DANG, ZHVA CHEN RIN 'BYUNG LAS BSNYEN PAR RDZOGS, GSANG PHU BA BLO GROS MTSUNGS MED LA RNAM NGES DANG, BYAMS CHOS LNGA, SPYOD 'JUG TSAD MA BSDUS PA, SNYAN NGAG DPAG BSAM 'KHRI SHING RNAMS ZHUS, CHOS RJE RANG BYUNG RDO RJE LA, RGYAL BA RGYA MTSO, PHAG MO, BDE MCHOG 'JIGS BYED DE, GDAN BZHI RNAMS KYI DBANG, SBYOR DRUG N'A RO CHOS DRUG LHAN CIG SKYES SBYOR, SKU GSUM NGO SPROD RNAMS KYI KHRID, BDE MCHOG RTZA RGYUD, BRTAG GNYIS, DO HA, ZAB MO NANG DON, SKYES RABS SNGA PHYI GNYIS RNAMS KYI BSHAD PA, BSNYEN SGRUB, RAS CHUNG SNYAN BRGYUD, BCUD LEN PHRENG BA LA SOGS PA ZHUS, 'PHAN PO BTZUN SH'AKA LA GNYAN LO'I ZHAL BZHI PA'I SKOR RNAMS GSAN, RTOGS LDAN GRAGS SENG BA LA N'A RO'I CHOS DRUG DANG, SBYOR DRUG DANG, LHAN SKYES JO MO'I BYIN RLABS DANG, PHYAG RDOR GTUM PO RAS CHUNG LUGS DANG, GEGS SEL LA SOGS MANG DU ZHUS, LAS STOD DBANG RGYAL LA SBYOR DRUG DANG, DBANG MDOR BSTAN DANG, NYI ZLA SGRUB PA DANG, SBAS PA MIG 'BYED LA SOGS PA ZHUS, RIG 'DZIN KU M'A RA R'A DZA'I DRUNG DU RDZOGS CHEN SNYING THIG GI SKOR RNAMS ZHUS, KUN SPANGS CHOS GRAGS DPAL LA DUS 'KHOR RGYUD 'GREL GYI BSHAD PA DANG, GSHED DMAR GYI DBANG DANG, RDO RJE SNYING 'GREL DANG, BDE MCHOG STOD 'GREL DANG, DUS 'KHOR RGYUD PHYI MA RNAMS GSAN, DPANG LO TZ'A BA BLO GROS BRTAN PA LA RDO RJE RTZE MO@631 DANG, SA SDE LNGA DANG, MNGON PA KUN LAS BTUS DANG, THUB PA DGONGS RGYAN DANG, SNYAN DNGAGS ME LONG DANG, MTSAN BRJOD LA SOGS PA MANG DU ZHUS, G-YUNG STON PA LA YE SHES GSANG RDZOGS KYI RGYUD GDAMS PA DANG BCAS PA, GSANG SNYING DBANG DANG BCAS PA, AA RO'I GDAMS PA SPUNGS SKOR DANG BCAS PA, MKHA' 'GRO SNYING THIG GI DBANG KHRID LUNG DANG BCAS PA, AA RO'I RGYUD CHUNG GI LUNG, TZA MI 'GYUR GYI DUS 'KHOR RGYUD 'GREL GYI LUNG DBANG DANG BCAS PA, GSHIN RJE GSHED KYI LUNG, MDO DGONGS 'DUS, SEMS SDE MA BU BCO BRGYAD LA SOGS PA ZHUS, BU STON PA LA DUS 'KHOR YONGS RDZOGS KYI DBANG BSKUR, RGYUD 'GREL KYI BSHAD PA, GSANG 'DUS KYI DBANG DANG MAN NGAG GI KHRID, RGYUD KYI BSHAD PA, SPYOD BSDUS, GRUB PA SDE BDUN, PHAR PHYIN RNAM NGES RNAMS DANG, GSHED DMAR RDZOGS RIM SOGS MANG DU GSAN, 'CHIMS BLO BZANG GRAGS PA LA BSLAB BTUS DANG, DBU MA 'JUG PA SOGS ZHUS, KUN MKHYEN DOL BO BA LA DUS 'KHOR RGYUD 'GREL GYI BSHAD PA, MCHOG DBANG, SBYOR DRUG GI KHRID, NGES DON RGYA MTSO SOGS MANG DU GSAN, DPAL LDAN BLA MA DAM PA LA GUR RIGS BSDUS KYI DBANG, DBU MA LUGS KYI SEMS BSKYED, LAM 'BRAS LA SOGS GSAN, SPYIR BLA MA BRGYA RTZA BRGYAD BSTEN ZHING, LA LAR CHOS THUN RE TZAM DANG, LA LAR SGRUB THABS CHA RE TZAM RE, LA LAR MDO RGYUD DGONGS 'GREL RGYA CHEN PO GSAN, SKU TSE'I STOD LA YO BYAD SRAB @632 PA BYUNG BA LA, SKYES MCHOG BSAM GTAN DPAL LA GDAMS PA ZHUR BYON PAS, KHONG GIS LONGS SPYOD KYI RTEN 'BREL BSGRIGS PAS LEGS PAR 'GRIG STE, NA NING BAR NGA'I KHAS SKYO BO MA RNYED, DA NI SKYO BOS NGA'I KHA MI RNYED PAR 'DUG GSUNG, DE LTAR RTEN 'BREL PHUN SUM TSOGS PA DANG LDAN PAS AE BAm? GI DGON PA BTAB, MNGON PAR SHES PA DANG LDAN PAS GZHAN DON RGYA CHER MDZAD, SLOB MA'ANG MKHAS SHING ZAB MO'I THUGS DAM LA MNGA' BRNYES PA, RI KHROD PA MGON PO YE SHES DANG, GDAN SA PA 'JAM PA'I DBYANGS CHOS MGON PA DANG, MKHAS GRUB BYANG CHUB RGYAL MTSAN DANG, MKHAN CHEN SANGS RGYAS BLO GROS PA LA SOGS PA MANG DU BYON ZHING, NYIN CIG CHOS THUN RE TZAM GSAN PA RNAMS LA KHA ZAS DANG GNANG SBYIN LA SOGS PA'I SGO NAS RTEN 'BREL SGRIGS PAS 'GRO BA MANG PO LA PHAN 'DOGS NUS PA'I BSHES GNYEN CHEN PO'ANG MANG DU BYON, DGUNG LO BRGYAD CU BZHES PA SA PHO RTA'I LO LA ZHI BAR GSHEGS, DE'I RJES AE BAm? NA YANG DING SANG GI BAR DU DE'I CHOS KYI TSUL RGYUN MA CHAD PAR YOD DO, ,RI KHROD PA MGON PO YE SHES KYIS PAn CHEN GSHEGS RJES AE BAm? GI GDAN SAR YUN MI RING BA ZHIG BZHUGS NAS WA LA SNA'I DGON PA BTAB, CHOS KHRIMS SHIN TU DAM ZHING DGE 'DUN KYANG MANG DU 'DUS, GZHAN DON RGYA CHER BSKYANGS, MKHAN CHEN SANG BLO BAS TSOGS KYI MKHAN PO MDZAD, DE RJES SA STOD SMAD MANG POR BZHUGS NAS KHRID KYIS GZHAN DON MANG DU BSKYANGS PAS, SLOB MA MKHAN CHEN RIN PO CHE RGYAL BZANG @633 BA LA SOGS BYON, PHYIS YOL RIN CHEN GLING BTAB NAS 'GRO DON MDZAD, CHOS RJE BYANG RGYAL BAS CHOS 'KHOR GLING DU YUN RING DU BZHUGS NAS, PHYI ZHIG NA CHU MIG DGON GSAR DU BZHUGS TE, GZHAN DON BSKYANGS PA'I SLOB MA SLOB DPON NAM MKHA' GRAGS PA LA SOGS PA YIN, 'JAM DBYANGS CHOS MGON PAS AE BAm? DU GDAN SA GZUNG NAS GZHAN DON MDZAD PAS 'JAM DBYANGS RIN RGYAL BA DANG, RKYANG CHEN PA SH'AKYA SHR'I LA SOGS SLOB MA'ANG MANG DU THON NO, ,MKHAS GRUB DAR RGYAL BA NI, THANG LHA'I NYE LOGS SU YAB BSOD NAMS MGON DANG YUM BKRA SHIS KYI MING CAN GNYIS KYI SRAS SU 'KHRUNGS TE, YUM GYI RMI LAM DU RGYA GAR GYI RNAL 'BYOR PA GCER BU DAR DKAR GYI AANG+GA RAG DANG COD PAN CAN, GSER GYI RNA RGYAN DANG LDAN PA, THOD PA BDUD RTZIS BKANG BAS PHYAG MTSAN PA ZHIG BUD MED RGYAN GYIS BRGYAN PA LNGA BRGYA TZAM GYIS BSKOR NAS GAN DU BYON NAS DBANG BSKUR, CHOS BSTAN, RDZU 'PHRUL KYANG BSTAN NAS, 'KHOR RNAMS GCIG LA GCIG THIM STE MTHAR RNAL 'BYOR PA GCIG PUR GYUR NAS RANG GI SMIN MTSAMS SU THIM PA RMIS PAS, NYAMS BZANG PO RKYEN GYIS MI GNOD PA ZHAG BDUN DU BYUNG ZHING, GZHAN YANG NGO MTSAR BA'I LTAS DU MA BYUNG, SKU GZHON NU NYID NAS DAD PA DANG SNYING RJE CHE BA, SKU GSUNG THUGS KYI RTEN LA DGA' BA, DGE 'DUN LA GUS PA, RANG SDIG PA MI SPYOD PAR MA ZAD GZHAN BYED PA MTHONG NA YANG BZOD GLAGS MED PAS BZLOG PAR MDZAD PA LA SOGS PA'I @634 YON TAN DU MA DANG LDAN PA ZHIG GO ,DGUNG LO DRUG BDUN LA YIG KLOG LA MKHAS PAR GYUR, YUM RGYAS 'BRING LA SOGS GZIGS PAS TSIG DANG DON RAGS RIM THUGS LA BYON, BLA MA RMUGS SANGS PA RIN CHEN BLA MA LA SOGS BSTEN, NYIN CIG BYIS PA ZLA BO DU MA DANG BCAS NAS ME TOG 'THU ZHING RTZED MO LA BYON PAS, LUS BRDABS TE SNANG BA'I SDUG BSNGAL GYIS RKYEN BYAS NAS SKYABS SANGS RGYAS KHO NAR NGES PA'I SHES PAS SANGS RGYAS LA SKYABS SU SONG ZHING, TSE RABS DRAN PA'I SKYO BA SKYES, GLU BLANGS PAS LA LA DAG NGO MTSAR DU 'DZIN CING, LA LA DAG GDON GYIS BYIN GYIS BRLABS PAR 'DZIN, DE DANG NYE BAR CHOS RJE RANG BYUNG RDO RJE DANG MJAL BAS 'PHAGS PA SPYAN RAS GZIGS SU MTHONG, DAD PA DRAG PO SKYES NAS PHYAGS PHYIR BDE CHEN STENGS SU BYON, CHOS RJE MKHAN PO DANG, MKHAN CHEN GZHON NU BYANG CHUB PAS SLOB DPON MDZAD DE, DGUNG LO BCU DGU LA RAB TU BYUNG ZHING BSNYEN PAR RDZOGS, SNYE MDO BA KUN DGA' DON GRUB, BLA MA TSUL RIN, CHOS RJE GRAGS PA SENG GE, RGYA BRAG CHOS RJE, MKHAN CHEN NAM MKHA' RGYAL MTSAN, BLA MA BSOD RIN, BYANG CHUB MGON PO, BSOD NAMS SENG GE LA SOGS PA'I MKHAS PA DANG GRUB PA DANG BTZUN PA'I BLA MA MANG DU BSTEN NAS MDO RGYUD BSTAN BCOS DU MA'I GSAN PA RGYA CHER MDZAD, KHYAD PAR MAN NGAG LA GTZO BOR MDZAD DE SGRUB PA LA THUGS GZHOL BAR MDZAD NAS RI KHROD DBEN PA RNAMS SU G-YENG BA RNAM PAR BCAD NAS BSGOMS PAS THAMS CAD KYANG GUS @635 PAR GYUR, DBU SNGAS LA MI 'JOG PA, RGYAB RTEN LA MI BRTEN PA, CHU DANG RDO'I DKA' THUB, RLUNG SBYOR ZAB MOS DUS 'DA' BA RNAMS KYIS BSGRUBS PAS NYAMS MYONG MANG DU SKYES, KHYAD PAR RTZUB NYAMS KYI SHIG NAD DRAG PO LO GSUM, THUGS RLUNG LO GNYIS, 'DZAG PA'I GEGS LO GCIG RNAMS BYUNG BA LA, THUGS DAM KHO NAS NYAMS DE DAG LAS GROL NAS NYAMS RTOGS MCHOG TU GYUR PA 'KHRUNGS, RANG NYID MI G-YO BA DANG, GSHIN RJE GSHED DANG, RNAM 'JOMS LA SOGS PAR GSAL BAS BGEGS BTUL BA DANG, MGON POS PUS MO BTZUGS TE PHRIN LAS SGRUB PAR KHAS LEN PA DANG, TSE DPAG MED DANG SH'AKYA THUB PA LA SOGS PA'I DAG PA'I SNANG BA MANG PO DANG, GZHAN DAG GI YUL DANG RIGS DANG SPYOD PA DANG SEMS KYI RNAM 'GYUR RNAMS ME LONG LA SHAR BA BZHIN GSAL BAR GZIGS PA DANG, RDZOGS PA'I RIM PA'I TING NGE 'DZIN GYI RTZAL PHUN SUM TSOGS PA LA 'BAD PA MED PAR RANG NYAMS SU SPYOD PA DANG, CHOS RJE RANG BYUNG RDO RJE DANG RIN PO CHE ZANG ZANG NE RINGS PA DRI MOL MDZAD PA NA SAR HAR GZIGS PA DANG, BDE MCHOG GI DBANG ZHUS PA'I TSE HE RU KA RDO RJE RNAL 'BYOR MA DANG BCAS PAR GZIGS PA DANG, SNYE MDO BA LA ZHI BYED BRGYUD PA PHYI MA GSAN DUS DAM PA SANGS RGYAS MKHA' 'GRO MA BRGYA RTZA BRGYAD KYIS BSKOR BA GZIGS PA DANG, RTOGS LDAN YE GZHON PA LA SEMS BSKYED ZHUS PA'I SMRA SENG DU GZIGS PA LA SOGS PA BSAM GYIS MI KHYAB PA YOD, THANG LHA'I RI KHROD LA SOGS SU'ANG @636 YUN RING DU BZHUGS, DE NAS PHUG MO'I RI KHROD DU CHOS RJE GRAGS PA SENG GE'I ZHABS LA GTUGS NAS PHYAGS PHYIR 'BRANGS, GRUB THOB CHU SGOM GYI BZHUGS GNAS BDE CHEN STENGS, GNAS NANG LA SOGS SU PHYAGS PHYIR 'BRANGS TE BSNYEN SGRUB DANG, SNYING THIG DANG, MKHA' SPYOD BSNYEN SGRUB LA SOGS PA'I GDAMS PA BSAM GYIS MI KHYAB PA GSAN, MNAL LAM GYI RTZAL BYANG NAS AU RGYAN ZHAG RE LA THENGS BCU GSUM TZAM GZIGS NUS PA LA SOGS PA BRJOD LAS 'DAS PAR GYUR, ZAB MO'I DBANG ZHUS PA'I TSE BLA MA LHAG PA'I LHAR GZIGS, GNYAN KHROD KYANG MANG DU 'GRIMS NAS CHO 'PHRUL DU MA SNANG BA RNAMS KYANG RTOGS PAS ZIL GYIS MNAN TO, ,CHOS RJE GRAGS SENG BA LA SLOB MA MANG YANG RI KHROD PA 'DI NYID RGYUD 'DZIN GYI SRAS DAM PAR GZIGS NAS MAN NGAG THAMS CAD RDZOGS PAR GNANG, GNAS NANG GI GDAN SAR BSKOS, 'GRO DON SKYONGS SHIG PAR GDAMS PA LA BRTEN NAS N'A RO'I CHOS DRUG DANG SBYOR DRUG LA SOGS PAS GDUL BYA YANG DAG PAR BSKYANGS TE SMIN GROL LA BKOD, BYAMS SNYING RJE STOBS RGYAS PAS SDUG PHONGS DANG, NAD PA DANG, SNYIGS DUS KYI SKYE BO LOG PAR SPYOD PA RNAMS LA LHAG PAR PHAN 'DOGS PAR MDZAD, PHYIS MYA NGAN LAS 'DA' BAR NYE BA NA, NGA DANG PO NA SO GZHON DUS BRTZON 'GRUS DRAG POS LUS SROG CHOS PHYOGS SU BTANG BAS TSE STOD LA DKA' THUB DANG SGRUB PA DANG DU BLANGS PAS GEGS SKYON MANG DU BYUNG NA'ANG, THABS GZHAN MA BTZAL BAR DGE SBYOR GCIG PUS BSAL, @637 NYAMS RTOGS YON TAN GYI CHA YANG CI RIGS SKYES, MI TSE BYA BRAL LA BSKYAL, SGRUB PA KHO NA MTHAR BTON NAS TSE 'DI PHYI'I BAR LAG 'GYEL BA CIG BYA SNYAM NA'ANG, BLA MAS 'GRO DON GYIS SHIG PAR GDAMS, GSUNG BCAG PAR MA SPOBS, 'ON KYANG BLA MA'I BKA' BSGRUBS PAS 'GYOD PA MED, BLO BDE, TSE YANG 'DI TZAM THUB BSAM MED DE BLA MA'I PHYAG PHRENG GI RTEN 'BREL CIG MTHONG BA DE'I STENGS SU SONG, MI YUL DU YANG YUN RING PO SONG, SEMS CAN LA PHAN PA'ANG AAN TZAM BYAS, DA NI BDE BA CAN DU TSE DPAG MED KYI DRUNG DU THE TSOM DANG SOM NYI MED GSUNG BA LA SOGS PA'I ZHAL BRDA MANG DU GNANG, GLANG LO ZLA BA GSUM PA'I NYER GSUM GYI THO RANGS GSHEGS, GDUNG SBYANGS PAS SKU DANG YIG 'BRU DANG PHYAG MTSAN DANG RING BSREL SOGS DPAG TU MED PA BYON, ME TOG GI CHAR BAB PO, SKU SKYE SNGA MA CIG LHO PHYOGS RGYA MTSO'I 'GRAM DU TSONG PA'I RIGS KYI RNAL 'BYOR PAR 'KHRUNGS, BRAG GSER GYI BYA SKYIBS CAN DU AINDRA BUD DHI THA MA'I SLOB MA KAMPA LAS RJES SU GZUNG BAR BZHED DO, ,RTOGS LDAN GRAGS PA SENG GE'I SKU'I SKYE BA CHOS RJE MKHA' SPYOD DBANG PO NI, YUL BYANG PHYOGS KYI LJONGS DRI ZA'I RGYAL PO ZUR PHUD LNGA PAS NYE BAR BSTEN PA'I RI BO DANG NYE BAR, GNAM GYI BYE MA LUNG NA KHA NA BAR BA ZHES BYA BAR, YAB LHA RGYAL DANG, YUM 'BROG MO'I SRAS SU LCAGS PHO STAG GI LO LA 'KHRUNGS, SKU BLTAMS NAS ZHAG BDUN NAS DPAL DUS GSUM MKHYEN PA LA SOGS PAS LUNG BSTAN PA DANG CHOS @638 GSUNG PA GSAL BAR GZIGS SHING, DGUNG LO GSUM PA NAS SKYE BO'I TSOGS DU MA LA SPYAN RAS GZIGS KYI BSGOM BZLAS GNANG BA DANG, GZHAN RGYUD MKHYEN NAS JI LTA BA BZHIN GSUNG BA MANG PO SNANG NGO, ,DGUNG LO DRUG BZHES PA NA SNGON GYI GDUL BYAR GYUR PA 'GA' ZHIG LA RTOGS LDAN GRAGS PA SENG GE'I SKYE BA YIN PAR ZHAL GYIS BZHES SHING, SNGON GYI SPYOD PA RNAMS ZHIB TU GSUNG PA MKHAS GRUB DAR RGYAL BAS GSAN NAS GDAN 'DREN PA LA DPON SLOB MANG PO BYON, MJAL TZAM NAS YID CHES PA'I ZHAL BRDA DANG GUS PA'I TSUL MDZAD PAS THUGS RANGS NAS 'TSUR GNAS NANG DU 'BYON PAR CHAS PA'I LAM BYE LUNG GI CHU MDOR DPON SLOB RNAMS CHU'I DBUS SU LHUNG NAS 'JIGS PA DANG BCAS PAR GYUR PA NA, MNGON SUM DU RJE BTZUN MA SGROL MAS BSKYABS TE BDE BAR THON PA DANG, 'TSUR PHUR DGE SLONG DAR TSUL KHRIMS LA NAM MKHA' 'OD DU SKYES PA'I RABS GSUNGS, DGUNG LO BDUN PA LA CHOS KYI RJE ROL PA'I RDO RJE DANG MTSO SMAD DU MJAL, DGE BSNYEN GYI SDOM PA DANG BYANG CHUB MCHOG TU SEMS BSKYED PA MNOS, CHOS DRUG DANG PHYAG RGYA CHEN PO SOGS KYI KHRID GSAN, BDE CHEN MKHAN CHEN RIN PO CHE DON GRUB DPAL BA DANG, SLOB DPON CHOS RJE ROL PA'I RDO RJES MDZAD NAS RAB TU BYUNG ZHING, MTSAN YE SHES DPAL ZHES GSOL, MKHAN CHEN RIN PO CHE LA KVA RI K'A SOGS CHOS PHRAN 'GA' ZHIG GSAN, CHOS RJE G-YUNG STON PA LA'ANG SGROL DKAR GYI TSE SGRUB ZHUS, RJE RI KHROD PA LA RGYUD 'BUM @639 DANG, MDO MANG PHAL CHE BA'I LUNG DANG, DBANG RJES GNANG MANG DU GSAN, KHYAD PAR DU YANG BKA' BRGYUD KYI MAN NGAG ZAB CING RGYA CHE BA PHAL CHE BA LA NAN TAN DU MDZAD, LHA SAR NUB CIG BZHUGS PA NA MNAL LAM DU CHOS RJE RANG BYUNG RDO RJES SKYE BO 'DUS PA DU MA'I DBUS SU SEMS BSKYED PA STZAL ZHING, MI PHAM DPAL LDAN ZHES MING GNANG BA DANG, YANG RA TSAG JO MO'I DRUNG DU BZHUGS PA NA'ANG SKU DE NYID LHAN CIG SKYES MAR GYUR PA'I SMIN MTSAMS NAS 'OD KYI RANG BZHIN G-YUNG DRUNG DMAR PO 'PHROS, SKU LUS LA PHOG PAS BDE BA CHEN PO SKYES PA BYUNG, G-YAM BZANGS PA BSOD NAMS 'OD LA'ANG KHRID KHA MANG ZHIG GSAN CING SKU MTSAMS DAM PAR MDZAD NAS BSGOMS PAS, GNAS NANG GI SGOM CHEN THAMS CAD KYI SPYOD LAM MA LUS PA MNGON SUM DU GZIGS TE, SO SOR TSAR GCOD PA DANG RJES SU 'DZIN PA'I ZHAL BRDA GNANG BAS THAMS CAD YA MTSAN DU GYUR, DE NAS DGUNG LO BCO BRGYAD LA BAB PA LUG GI LO LA MKHAN CHEN RIN PO CHE DON GRUB DPAL BA DANG, SLOB DPON 'JAM DBYANGS CHOS KYI RDO RJE, GSANG STON GZHON NU DPAL BA DGE 'DUN DANG BCAS PA'I DBUS SU BSNYEN PAR RDZOGS PA'I NUB MO MNAL LAM DU NAM MKHA' LA NYI MA'I DKYIL 'KHOR BZHI SHAR BA DANG, RANG NYID CHOS GOS GSUM GYIS G-YOGS TE LHA MI DU MA CHOS KYIS TSIM PAR BYAS PA'I LTAS KHYAD PAR BA BYUNG, BDE BA CAN PA SLOB DPON 'JAM RIN LA BYAMS CHOS LNGA DANG, TSAD MA RNAM NGES, 'DUL BA MDO @640 RTZA RNAMS GSAN, CHOS RJE RANG BYUNG RDO RJE'I ZHAL SLOB MKHAN CHEN KUN DGA' 'OD ZER LA RDO RJE PHRENG BA'I DBANG SOGS DBANG BSKUR DU MA GSAN ZHING, BYANG GI 'DAM DANG SOG LAS BRGYUD DE RE SHOD KYI BAR DU PHEBS, RE RGYAB DANG YO RGYANG GANGS SU CHOS RJE BLA MAS COD PAn BCING BA DANG, LUNG BSTAN PA GNANG BA GZIGS SHING, YUL DE DAG TU 'KHOD PA'I SKYA SER KUN GYIS 'BUL BA MANG DU BYUNG BA BSNAMS TE, GNAS NANG DU CHOS DANG MTHUN PA'I KHRIMS DANG DGE 'DUN GYI CHA RKYEN DU GNANG, RJE RI KHROD PA BDE BAR GSHEGS RJES GRVA PA DMU RGOD RNAMS LA THUGS SKYO NAS GDAN SA BLA MA BSOD NAMS 'BUM LA GTAD NAS, GNAS NANG GI RGYAB RI SOGS, RI KHROD KHO NAR BZHUGS, MKHAN CHEN 'OD ZER RGYA MTSO LA SNYING THIG GI SKOR CHA LAG DANG BCAS PA GSAN, SLOB DPON 'OD ZER DPAL LA SNGA 'GYUR GYI RGYUD 'GREL DANG, GTER KHA GONG 'OG GI BKA' LUNG PHAL CHE BA ZHUS SHING, NYIN MTSAN DU G-YEL BA MED PAR RGYUD GZHUNG LA GZIGS RTOG DANG, GTZO BOR THUGS DAM TING NGE 'DZIN KHO NA LA MI G-YEL BAR MDZAD, DE NAS DPON SLOB BCU TZAM ZHIG MDZAD NAS DBUR STOD NAS MYANG PO LA LAM PHYUNG NAS RGYA MA DAR PHEBS PA NA, RJE DUS GSUM MKHYEN PAS LUNG STON PA GZIGS SHING RIM GYIS KONG PO'I YUL KHAMS THAMS CAD DU BYON, KHYAD PAR TZA RI GSAR MA BYIN LEGS SU YUN RING DU BZHUGS SHING, CHOS RJE ROL PA'I RDO RJE'I BKA' BZHIN DU BA YO RI DBON DANG BCAS PA'I BDAG RKYEN KYANG @641 MDZAD, YANG CHOS RJE'I DRUNG DU DPAL N'A RO CHOS DRUG GI MAN NGAG SOGS RGYA CHER ZHUS SHING, DBU MA RTOG GE 'BAR BA SOGS DBU MA'I GZHUNG RNAMS KYANG GSAN, TZA RI MTSAN GYI BRAG DKAR MOR YANG LO GSUM BZHUGS, DPA' BO MKHA' 'GRO'I NGO MTSAR BA'I CHO 'PHRUL YANG GZIGS, DVAGS LHA SGAM POR BYON CING BZHUGS PA NA, DGE SLONG TSUL KHRIMS DPAL DU GYUR PA'I TSUL GSAL BAR DGONGS PA DANG, THUGS DAM YANG SNGAR LAS BOGS CHE BAR BYUNG, KONG PO'I STAG MA PHU DANG LKOG 'PHRENG LA SOGS PAR YUN RING DU BZHUGS, GRVA PA'ANG SUM BRGYA ZIN TZAM TSOGS PA LA RANG RANG GI 'DOD PA BZHIN DU CHOS GSUNGS SHING, DBYAR DGUN DU ZLA BA GSUM GSUM GYI MTSAMS BSDAMS NAS KHRID NAR MAR GNANG, BYAR YUL DU PHEBS PA NA BDE BAR GSHEGS PAS LUNG BSTAN PA GZIGS, RTA LO LA STAG RTZE RNAM RGYAL GYI DGON PA YON BDAG RNAMS KYIS PHUL NAS DGON PA BTAB, DGE 'DUN YANG BRGYA PHRAG GNYIS TZAM BYUNG, YANG TZA RI GSAR MAR BZHUGS PA NA CHOS RJE ROL PA'I RDO RJE BDE BAR GSHEGS PA MKHYEN NAS GDUNG DBYANGS KYANG MDZAD, STAG LO LA DGA' MA MO'I DGON PA BTAB CING CHOS RJE DE BZHIN GSHEGS PA DANG MJAL, STAG RTZER BKA' LUNG MANG DU PHUL ZHING BZHED PA RDZOGS PAR MDZAD, DGON GSAR LHUN GRUB STENGS DANG 'JA' TSON GLING DU'ANG BZHUGS PA'I TSE MKHA' 'GRO MA RNAMS KYIS RDO RJE'I GLU BLANGS PA GSAN, RGYAL GYI RI BOR RI BO MA nI BHA GA LA JI LTA BAR GZIGS PA SOGS DAG PA'I @642 SNANG BA'I GZIGS TSUL DPAG TU MED PA BYUNG, CHOS RJE DE BZHIN GSHEGS PA DBUS SU BZHUD PA NA DPON SLOB STABS SU MYANG PO NAS RIM GYIS STOD LUNGS 'TSUR PHUR BYON, SENG GE SGO MDUN DU CHOS DRUG GSUNGS SHING SOG DPON RIGS RAL LA SOGS PA SMIN PAR MDZAD, SLAR KONG YUL DU BYON NAS GTZO CHER RI KHROD KHO NAR BZHUGS, KONG LUNG LUNG BA RAL GSUM GYI 'KHRUGS PA ZHI BA'I RGYA LO GSUM MDZAD, MAR STENGS SU BZHUGS SHING CHOS GSUNG BA NA RGYANG GRAGS GNYIS TZAM NA YOD PA'I SKYE BOS KYANG GSUNG MA NYAMS PAR THOS PA DANG, MI MA YIN GTUM PO BTZAN RGOD SOGS MANG DU BTUL NAS DGE BSNYEN GYI BRTUL ZHUGS 'DZIN DU BCUG PA DANG, SHIN TU RMONGS PA'I GDUL BYA DAG LA'ANG THABS SNA TSOGS KYIS 'DUL BAR MDZAD PA'I THABS DU MA SNANG NGO, ,GDAMS PA ZAB MO RNAMS MI GSAL BA CHES GSAL BAR MDZAD PA'I KHRI PHRENG DANG, NYAMS MGUR DANG, BSTAN BCOS THOR BU BA'ANG MANG DU MDZAD CING, SLOB MA'ANG CHOS KYI RJE DE BZHIN GSHEGS PA DANG, BKA' BZHI PA RIGS PA'I RAL GRI MTSAN RIN CHEN BZANG PO DANG, RDZA DGON KUN SPANGS CHOS KYI YE SHES, 'GER NYAG RTOGS LDAN CHOS DPAL YE SHES, ZUR DGON BKA' BZHI BA RIN CHEN DPAL, RI MI 'BABS PA BSOD NAMS RIN CHEN, LHA GZIGS RIN CHEN RGYAL MTSAN, 'KHRUL ZHIG BSOD NAMS 'BUM, CHU TSAN KHA BA SHES RAB DPAL LA SOGS PA BYUNG ZHING, DE LTAR MDZAD PA RNAMS RE SHIG RDZOGS PAR NYE BA NA, CHOS RJE DE BZHIN @643 GSHEGS PA GONG NAS BYON PA DANG MJAL, RTZE LHA SGANG SOGS SU CHOS MANG DU PHUL, GONG GI GNAD? SBYIN YAR RGYA CHEN PO PHEBS, SLAR TZA RIR BZHUGS PA NA 'CHI MED RTAG PA SOGS KYI GLU YANG MDZAD DE DGA' LDAN MA MOR PHEBS NAS PHYAG DPE RNAMS LA PHYAG RTAGS KYIS MNAN CING, PHYOGS 'DIR MYUR DU SLEB PAR 'DUG CES NYE GNAS RNAMS LA GSUNGS, KHAMS PA'I GRVA SLOB RNAMS KYI ZHU NAN LA BRTEN NAS BYON PA'I LAM DU YANG YANG YANG DA LAN RTEN 'BREL MA BYUNG ZHES GSUNG KYANG NAN DU ZHUS PAS CHU NYI MA BAR BYON, DER SGAR THEBS PA'I MOD LA CHOS 'PHRO RNAMS TSAR BAR GNANG, CUNG ZAD MNYEL BA'I TSUL MDZAD DE LNGA BCU RTZA DRUG BZHES PA SHING MO BYA LO'I ZLA BA BDUN PA'I NYER DGU LA BDE BAR GSHEGS PA'I PHYOGS DER ME TOG GI CHAR CHEN PO MANG DU BAB, NAM MKHA' THAMS CAD 'JA' TSON GYI DRA BAS KHYAB PAR GYUR, SKU GDUNG DO LI LA BTEG STE DGA' LDAN MA MOR GSER 'BUM PA RTZIGS TE, DE'I BUM PAR BZHUGS SU GSOL BA SOGS BLA MA CHOS BZANG DANG, DGE SLONG GRAGS PA RGYAL MTSAN GYIS LEGS PAR BSGRUBS SO, , RDZA DGON KUN SPANGS PA NI, RDZA DGON DU BZHUGS NAS PHRIN LAS BSKYANGS, DGON 'DI DANG POR PHAG MO GRU PA'I DGON LAG YIN NA'ANG, RIN PO CHE 'DI'I RING NAS DPAL MKHA' SPYOD DBANG PO'I CHOS LUGS LA SPYOD CING GUS PA BSGOM PAR BYED DO, ,'GER NYAG RTOGS LDAN GYI YUL SPOM POR SGANG CHUNG BA YIN, DPAL MKHA' SPYOD PA'I ZHABS LA GTUGS SHING GDAMS PAS RJES @644 SU GZUNG, RI KHROD KHO NA 'GRIM PA LA GRVA PA MANG DUS LNGA BRGYA DRUG BRGYA TZAM 'ONG BA BYUNG, DE'I SLOB MA GZHAN DON SKYONG BA MANG DU BYUNG BA LA, CHOS RJE DRI MED PA NI, LJANG NAG RGYAL PO'I BLA MA MDZAD, PHAR 'UR GYIS GZHAN DON SKYONG, SRI DKAR SANG SHE NI, YUL SPOM POR SGANG BA, MKHA' SPYOD PA LA RTZA BA'I BLA MAR GZUNG NAS SPOM POR SGANG DU SA SER DGON PA BTAB NAS PHRIN LAS SGRUB PAR MDZAD DE, DGE 'DUN SUM BRGYA TZAM 'DUS, DE RNAMS NI 'GER NYAG GI SLOB MA'O, ,BKA' BZHI PA RIN CHEN DPAL GYIS LDAN SGA STOD DU ZUR DGON BTAB, RI GLING GNYIS SU YOD PA LA DGE 'DUN BZHI BRGYA TZAM 'DU, LHA GZIGS PA NI, DANG PO 'BRI KHUNG PA'I GZIMS G-YOG PA YIN, DUS PHYIS MKHA' SPYOD PA'I ZHABS LA GTUGS, GDAMS PAS RJES SU GZUNG BAS THUGS DAM PHUN SUM TSOGS PAR GYUR, GSUNG RNAMS LA ZIN BRIS MDZAD PAS PHAN PA YANG CHE BAR BYUNG, STOD SMAD THAMS CAD DU BYON ZHING GZHAN DON RGYA CHER BSKYANGS, DE'I SLOB MA MKHAN CHEN SH'AKYA GRAGS PA YIN TE, DANG POR MKHA' SPYOD PA NYID LA'ANG THUG MOD KYANG, GDAMS PA'I ZHIB TSEGS THAMS CAD LHA GZIGS PA LA BRTEN NAS GSAN, GZHAN YANG BLA MA DPAG TU MED PA BSTEN NAS 'GRO DON YUN RING DU BSKYANGS NAS, BRGYAD CU RTZA GNYIS PA SHING PHO KHYI'I LO LA GSHEGS, 'KHRUL ZHIG BSOD NAMS 'BUM NI, GNAS NANG DANG NYE BA'I G-YU MA ZHES PAR 'KHRUNGS NAS, MKHA' SPYOD PA LA SOGS PA LA CHOS MANG DU GSAN NAS, GNAS NANG GI BRIS SU MDZAD NAS BSNYEN SGRUB KYI KHRID YIG CHEN MO LA SOGS PA MDZAD, 'DI'I SLOB MA SLOB DPON BLA MA RGYAL MTSAN PA LA SOGS PA YIN NO, ,YANG BLA MA CHOS BZANGS PA NI, 'KHRUNGS YUL NAGS SHOD PA, MKHA' SPYOD PA'I ZHABS LA GTUGS NAS GDAMS PA THAMS CAD ZHUS, STAG RTZE DANG BA YO'I GDAN SA MDZAD NAS PHRIN LAS RGYA CHER BSKYANGS, BLA MA RIN BZANGS DKAR PO NI, 'KHRUNGS YUL NAGS SHOD PA, DGON PA GRIB GDONG BTAB NAS TSOGS PA'ANG BRGYA TZAM 'DUS TE, MKHA' SPYOD PA'I PHRIN LAS SGRUB PAR MDZAD CING, PHYI MA GNYIS PO 'DIS SPRUL SKU CHOS DPAL YE SHES KYI YANG BLA MA MDZAD, CHOS RJE RI MI 'BAB PA NI, CHU PHO STAG LA 'KHRUNGS TE, MKHA' SPYOD PAS BCU GSUM BZHES PA'I LO'O, ,DGE LDAN PA LA GTUGS NAS RAB TU BYUNG BA'I KUN TU SPYOD PA RNAMS RNAM PAR DAG PAR MDZAD, MKHA' SPYOD PA LA GTUGS NAS DUS RTAG TU PHYAG RGYA CHEN PO LA MNYAM PAR 'JOG STE, GO GNYIS BZHES PA CHU MO BYA LA DVAGS PO LA BAR DU GSHEGS, MKHA' SPYOD PA'I SKU SKYE CHOS RJE CHOS DPAL YE SHES NI, MKHA' SPYOD PA'I GSUNG LAS, PHYI DUS SNGAGS SPYOD RNAL 'BYOR KUN TU RGYU, ,ZHES LUNG BSTAN PA DANG, GSHEGS KHAR SKU SKYE 'BYUNG BAR ZHAL GYIS BZHES PA DANG MTHUN PAR, YUL MYANG BO, BYE BRAG KHE BRAG MDOR, YAB BSAM GRUB DANG YUM BAR GZA' GNYIS KYI SRAS SU ME PHO KHYI'I LO LA 'KHRUNGS TE, LTA @646 NA SDUG PA, MTSAN PHUN SUM TSOGS PA DANG LDAN PA, ZHABS MTHIL DU HOR YIG GSER GYI RGYAL ZHES PAS MTSAN PA YOD, ,ZLA BA LNGA LON PA NA SUM MKHAR BA 'GAS BYIN RLABS ZHUS PAS RIM GYIS MDZAD, YAB KYIS 'BRAS BU GDAN DRANGS NAS BZHUGS PA'I TSE, MKHA' SPYOD PA'I GRVA PA KHA CIG GIS MJAL BAS THAMS CAD YID CHES PAR GYUR, LO GCIG SONG BA'I TSE DGE SLONG DPON GRAGS PA DANG, BLA MA CHOS BZANG PA LA SOGS PAS THABS MKHAS KYIS MYANG CHU'I GZHUNG LA KO BA LA SPYAN DRANGS NAS STAG RTZER BZHUGS, 'O PHUG PHUR KUN GYIS BGROD PAR DKAR BA'I BRAG GI BYA SKYIBS SU GSHEGS, TSUR 'BYON PAR GSOL BAS JI LTAR BYON MA MTHONG BAR GSHEGS, RA BA DANG RTZIG PA LA THOGS MED DU THEGS PA'ANG MDZAD, MNGON MKHYEN KYANG MANG DU GSUNGS, DE NAS MANG RA STENGS DANG DGA' MA MOR PHEBS NAS SNGAR GYI GDUL BYA DAG LA LO RGYUS RGYAS PA'ANG GSUNGS, YON BDAG CIG LA GDAMS PA'ANG GNANG, MKHA' SPYOD PA'I ZHAL CHEMS SHOG RIL SBAS PA'ANG BTON, DE NAS BLA MA CHOS BZANG BA LA PHAG MO, RGYAL BA RGYA MTSO, BER NAG CAN RNAMS KYI DBANG SGRUB THABS RNAMS DANG, KAR MA PA, ROL PA'I RDO RJE, MKHA' SPYOD PA RNAMS KYI BKA' 'BUM TSANG MA, CHOS DRUG PHYAG CHEN, RLUNG SEMS GNYIS MED, RDZOGS CHEN, RIM LNGA RNAMS KYI KHRID, RGYUD 'BUM LA SOGS GSAN, BLA MA 'DI RGOD TSANG BA'I SPRUL PAR GZIGS NAS BSTOD PA'ANG MDZAD, DGE SLONG @647 DBON GRAGS PA LA RGYUD BCU BDUN SNYING THIG DANG BCAS PA DANG, GZHAN YANG GSUNG CHOS MANG DU GSAN, DE NAS SPO BOR SPYAN DRANGS NAS YE GONG LA SOGS PAR BYON, DGUNG LO BRGYAD BZHES PA LA KONG DBUS KYI SA MTSAMS BANG MDOR CHOS RJE DE BZHIN GSHEGS PA DANG MJAL NAS DGE BSNYEN GYI SDOM PA BZHES, BSNGAGS PA'ANG MANG DU GNANG, DE NAS STAG RTZER CHOS RJES MKHAN PO GNANG, BLO GROS RGYAL MTSAN DPAL BZANG POS SLOB DPON MDZAD NAS RAB TU BYUNG, CHOS RJE'I DRUNG DU KHRID DANG DBANG DANG LUNG LA SOGS PA DPAG TU MED PA GSAN, TA'I MING RGYAL POS RDO RJE 'CHANG GI SKU, RDO RJE DRIL BU, GAN DKAR SOGS KYI GNANG SBYIN KYANG BYUNG, BCU GSUM PA LA SNYE BOR BYON, DE NAS KONG PO'I DGON GNAS RNAMS KYI DAR RGYAS SPEL ZHING BA YO LA SOGS PAR BZHUGS, TZA RI BKRA SHIS LJONGS SU TSE DPAG MED KYI SGRUB PA MDZAD PAS ZHAL MNGON SUM DU GZIGS, DE NAS YOS LO LA DVAGS PO NAS 'OL KHA BKRA SHIS THANG DU CHOS RJE MTHONG BA DON LDAN DANG LHAN DU PHEBS, MTSAL MIN RIN PO CHE BSOD NAMS BZANG PO DO LI LA BYON PA DANG MJAL, DER BSNYEN PAR RDZOGS, SNE'U GDONG PA DANG THEL BAS JA 'DREN BZANG PO MDZAD DE PHYIR PHEBS NAS DGON SAR RGYA MTSO SGANG DU BKA' BZHI BA RIGS PA'I RAL GRI LA RANG BYUNG BA'I BKA' 'BUM, BYAMS CHOS LNGA, RTZA SHE, RTZOD BZLOG RIGS PA DRUG CU PA, STONG NYID BDUN CU PA LA SOGS MANG DU GSAN, GNAS GANG DANG GANG DU @648 GDAMS PA DANG MGUR LA SOGS PA MANG DU GSUNGS, DE NAS CHOS RJE MTHONG BA DON LDAN PA'I PHYAGS PHYIR GLANG GI LO LA MYANG PO NAS BRTZAMS TE, BRAG GSUM, 'JAM NE, DMAR TSA THUNG, RNGOD AA RIG THANG RNAMS SU PHEBS, DE NAS SGOM SDE DANG SOG GI BAR DU BYON, NAGS SHOD DU MKHA' SPYOD PA'I SLOB MA DKAR PO RIN BZANGS KYIS GDAN DRANGS NAS GRIB GDONG DANG SBUD MDAR CHOS MANG DU GSUNGS, BLA MA RIN BZANGS PA LA RI CHOS SKOR LA SOGS MANG DU GSAN, DE NAS BYANG LAM LA BRGYUD DE 'TSUR PHUR PHEBS, MANG SKOL DANG 'BUL 'GYED RGYA CHEN PO MDZAD, GNAS NANG DU CHOS KYANG GSUNGS, BLA MA GANGS PA DBANG PHYUG RGYAL MTSAN LA NI GU'I CHOS SKOR, 'TSAL BA'I CHOS SKOR, DO HA LA SOGS PA GSAN, DE NAS LHA SAR PHEBS NAS MCHOD PA DANG SMON LAM RGYA CHEN PO MDZAD, DE NAS DBUR STOD NAS LAM BTOD DE MYANG POR BRGYUD NAS KONG POR PHEBS, DGA' MA MOR 'TSUR STON CHOS KYI RIN CHEN LA MKHA' 'GRO RGYA MTSO'I DBANG LA SOGS DBANG MANG PO DANG, ZAB MO NANG DON, BRTAG GNYIS, KUN SPYOD RNAMS KYI RNAM BSHAD LA SOGS CHOS MANG DU GSAN, DE NAS YAB YUM LA SOGS PA'I DON DU SBYIN GTONG RGYA CHEN PO MDZAD PA'I PHYIR, STAG RTZER CHOS RJE MTHONG BA DON LDAN SPYAN DRANGS NAS 'BUL BA RGYA CHEN PO MDZAD CING, TSOGS PA THAMS CAD KYANG 'GYED LA SOGS PAS DGA' BAR MDZAD, DE'I TSE BLA MA YE SHES DBANG PO MA PA'I SAR MDZO YU CHEN PO CIG CHIBS NAS KHONG GI BUG SGO CHUNG @649 NGU CIG LA LAN GNYIS SU BYON, CHOS RJE'I DRUNG DU NYID KYI GSUNG SGROS SKOR DANG BSLAB BTUS GSAN ZHING, CHOS RJE'I DRUNG DU'ANG CHOS MANG DU PHUL, DE NAS MKHAN CHEN SH'AKYA GRAGS PA LA RI CHOS SKOR, 'BRUG SKOR ZHI BYED SO LUGS LA SOGS PA'I CHOS MANG DU GSAN, DE NAS DGA' MA MO'I LHA KHANG BZHENGS PA'I GRABS MDZAD PAS RDO MA RNYED PA LA NYID KYIS RDO'I GTER CHEN PO BTON, DE NAS SPO BO STOD SMAD THAMS CAD DU SPYAN DRANGS NAS BYON, LHA BZO'I RJES SU 'BRANG BA'I GDON LA BSKRAD PA'I SBYOR BA MDZAD PAS DNGOS SU SKAD 'DON PA'ANG BYUNG, DUS DER STAG LUNG CHOS RJE BYANG CHUB RGYA MTSO PA BYON PA DANG MJAL, CHOS KYANG PHAR GSAN TSUR GSAN MDZAD, DGA' MA MOR RGYUD 'BUM GSUNGS, DE NAS MAR RA STENGS SU DNGOS PO MANG DU GNANG NAS NYIN LAM BCU GNYIS KYI BAR GYI 'KHRUGS PA THAMS CAD ZHI BAR MDZAD, RGYA LAS 'GONGS PA DAG LA PHRIN LAS BSKUL BAS GTZANG PO 'GYUR NAS GRONG 'GRAM DU 'BAB PA DANG, GTOR MA MDZAD PAS CHOS SKYONG ZHAL GZIGS PA DANG, 'DZIN MKHAN MED PAR DAR NAG 'GRENG BA LA SOGS PA'I CHO 'PHRUL DU MA BYUNG NGO, ,DE NAS SUM MKHAR GYI SA CHAR SKU MTSAMS SHIN TU DAM PAR MDZAD DE BZHUGS PA NA, CHOS RJE MTHONG BA DON LDAN MNYEL BA GSAN NAS, GLO BUR DU KONG BO NAS MYANG BO, LHO RONG, RI BO CHE RNAMS SU BYON, NGOM CHU'I 'GRAM DU SGAR PA'I DPON RNAM PAS BSU BA LA BYON NAS KAR MAR PHEBS, DRUNG DU MJAL, SKU RIM MDZAD NAS GDUG @650 PA CAN BTUL, DE NAS YOR MDA' DANG LHA STENGS RNAMS SU BYON, DER RAB BYUNG BSNYEN RDZOGS KYI MKHAN PO ZHU BA MANG DU BYUNG BA'I SAR MI THEGS PAR DGONGS KYANG NAN DU GSOL BA BTAB PAS BYON PA NA, SKU KHAMS MA BDE NAS SLAR YOR MDAR BZHUGS, CHOS RJE MTHONG BA DON LDAN KYANG SPYAN DRANGS TE, SGOM SDE NAS KHYUNG PO LA LAM BRGYUD DE SNGA SOR KONG BOR PHEB, SGAR CHEN KYANG PHYI BZHIN PHEBS, DGA' MA MOR BZHUGS PA'I TSE BZHI BCU RTZA BDUN BZHES PA CHU PHO SPRE'U'I LO STON ZLA RA BA LA NAM MKHA' DAG PA DANG ME TOG GI CHAR RGYUN MA CHAD PAR BAB, CHOS RJE DE BZHIN GSHEGS PA DANG, RJE BTZUN MA SGROL MA LA SOGS PA'ANG BYON, MCHOD PA SHOMS SHIG PA'I ZHAL TA'ANG MANG DU MDZAD DE GSHEGS, 'JA' TSON DKAR PO DAR THAG BRKYANG BA LTA BU LA SOGS PA LTAS NGO MTSAR BA'ANG MANG DU BYUNG, SKU GDUNG NI BYANG CHUB CHEN PO'I MCHOD RTEN NANG DU BZHUGS SU GSOL, DE'I SKU'I SKYE BA CHOS KYI RJE RIN PO CHE ZHVA DMAR COD PAN 'DZIN PA BZHI PA NI, CHU MO BYA'I LO LA TRE SHOD MTHIL DU 'KHRUNGS, 'KHRUNGS MA THAG NAS GZHAN GYI DON RGYA CHEN PO MDZAD, CHOS RJE KAR MA PA, BLA MA BAN DKAR PA 'JAM DPAL BZANG PO, GU SHR'I DPAL 'BYOR DON GRUB PA RNAMS LA CHOS MANG DU GSAN NAS KONG POR PHEBS, SLOB DPON BLA MA RGYAL MTSAN PA'I ZHAL SNGA NAS KONG POR SPYAN DRANGS NAS, RDO RJE PHRENG BA LA SOGS PA'I DBANG BKA' MANG PO DANG, KHRID KHA MANG PO, BKA' 'BUM MANG PO'I LUNG LA SOGS PA GSAN PA RGYA @651 CHER MDZAD CING STOD SMAD RNAMS SU THEGS, DE NAS SLAR YANG MDO KHAMS NAS ZI LING MKHAR GYI BAR DU THEGS NAS SEMS CAN THAMS CAD 'KHOR BA MTHA' CAN DU MDZAD, DE NAS HOR GYI YUL DU THEGS NAS HOR KLUNGS PA RNAMS GDUL BYAR GYUR, AA RAM GYI SDIG LAS CHEN PO RGYUN BCAD, BAN DE LA GUS PAR BYED DU BCUG DAM PA'I CHOS BSTAN, 'BUL BA MANG PO BZHES TE BYANG CHUB TU NGES PAR MDZAD NAS, SLAR KHAMS KYI SA RNAMS RIM PAS BRGYUD DE, KONG PO NAS NYI MA DBUS KYI RGYAL KHAMS SU PHEBS NAS GZHAN DON RGYA CHEN PO MDZAD CING, ZHABS BRTAN PAR BZHUGS SO, , SPRUL PA'I SKU'I RIM PA GNYIS PA'I SKABS SO,, ,, DPAL PHAG MO GRU PA SLOB MA DANG BCAS PA'I SKABS, RJE DVAGS PO'I SLOB MA DVAGS PO'I SKU TSE'I MTHAR ZHABS LA GTUGS NAS RTOGS PA NAM MKHA' DANG MNYAM PAR GYUR CING, DER BZHUGS PA'I DGE 'DUN THAMS CAD KYI GRAL GYI THOG MAR BZHUGS SU GSOL TE, GTAM GSUNG BA NA YANG, DGE BSHES KHAMS PA CHEN PO GRAL GYI GUNG LA BZHUGS SHES BYA BA LA SOGS PA'I BSTOD PA MDZAD DE, DON GYIS NA BKA' BRGYUD KYI BDAG POR DBANG BSKUR BA, DPAL PHAG MO GRU PA ZHES SNYAN PAS 'JIG RTEN GSUM DU KHYAB PA DE'I CHE BA'I BDAG NYID NI RNAM PA GSUM DU GRAGS TE, DBANG PO RAB TU GYUR PA LA SANGS RGYAS NYID DANG, 'BRING DU GYUR PA LA GRUB @652 PA'I SKYES BU NYID DU BRGYUD PAR GYUR PA DANG, DBANG PO THA MA LA NI SKAL BA DANG LDAN PA'I SO SO'I SKYE BO RIM GYIS SBYANGS PA LAS SA LA GNAS PA'I SEMS DPA' CHEN PO GYUR PA'I TSUL LO, ,DE LA DBANG POR BA KYI DBANG DU MDZAD NAS DE NYID 'DAS PA DANG MA 'ONGS PA'I SANGS RGYAS KYANG YIN LA, DA LTAR GYI SH'AKYA'I DBANG PO NYID KYANG KHO BO YIN NO ZHES GSANG MTHON POS GSUNGS SHING, RJE 'BRI KHUNG PA DE NYID SLOB DPON KLU SGRUB KYI NGO BO NYID DGE BSNYEN GYI CHA BYAD DU BYAS NAS DRUNG DU LHAGS PA NA, DGE BSNYEN KHYOD NGED RANG LA RE CHE BAR 'DUG STE, NGAS KHYED RNAMS KYI DON DU BSKAL PA MANG POR DKA' BA SPYAD PA YIN, GSUNG BA DE YANG DON GYIS SANGS RGYAS NYID DU ZHAL GYIS BZHES PA YIN NO, ,GRUB PA'I SKYES BU BRGYUD PA'I TSUL NI, LHAN CIG SKYES GRUB RTZA 'GREL DU, AU RGYAN GYI YUL DU DRANG SRONG 'GRO BA DBUGS 'BYIN ZHES BYA BA DES RJES SU GZUNG BA'I DPA' BO RDO RJE, DE NAS RIM GYIS DAM TSIG RDO RJE, PAD MA'I RDO RJE, LHAN CIG SKYES PA'I RDO RJE, THAG PA DGA' BA'I RDO RJE, BRAM ZE MO RDO RJE, 'BROG MKHAN GRUB PA'I RDO RJE, DPAL LDAN KUN 'GRO MGON PO, RNAL 'BYOR PA THUGS KYI RDO RJE RNAMS SNGA MA SNGA MAS PHYI MA PHYI MA GRUB PA'I TING NGE 'DZIN LA BKOD, DE DAG GI THA MA THUGS KYI RDO RJES LHA LCAM LAKshME KAR GRUB PA'I SA LA BKOD, SA RANG GI MING PO RGYAL PO AINDRA BUDDHI GRUB PA'I SA LA BZHAG CING, DES MKHA' 'GRO MA RNAMS GDUL BA'I PHYIR WA BA'I NA BZA' TZAM ZHIG LUS SHING BDAG NYID KYI SKU MI SNANG BAR BYAS PAS @653 MKHA' 'GRO MA RNAMS KYIS WA BA DUM BUR BGOS TE ZOS PAS, MKHA' 'GRO MA RNAMS LUG TU BSGYUR BA LA, RGYAL POS DE SHES NAS SLOB DPON LA GSOL BA BTAB PAS, MKHA' 'GRO MA DE RNAMS CHAD PA KHAS LEN DU BCUG STE, SLAR BUD MED KYI LUS SU MDZAD PAS WA BA PAR GRAGS PA'I AINDRA BUDDHI NI DPAL PHAG MO GRU PA NYID YIN PAR YANG ZHAL GYIS 'CHES SO, ,THA MA SO SO SKYE BO SKAL LDAN RIM GYIS SMIN CING GROL BAR GYUR PA'I TSUL NI, YUL MDO KHAMS KYI LHO RGYUD 'BRI LUNG RNE SHOD KYI STAG NGOS SAB KHANG BYA BAR, GDUNG RUS DBAS WE NA 'PHAN THOG GI RIGS, YAB DBAS WA NA AA DAR BYA BA DANG, YUM RE 'BYE GZA' BTZUN NE BYA BA'I SRAS SU LCAGS PHO STAG GI LO LA BLTAMS, YUM GYI RMI LAM DU GSER GYI RDO RJE RTZE DGU PA CIG SKYES PA THU BAR BZHAG PA LAS PHYOGS BCUR 'OD ZER 'PHROS PAS PHYOGS THAMS CAD SNANG BAS KHYAB PA ZHIG RMIS, ZHAL SNGA NAS NI SKYES PA'I SDUG BSNGAL 'JUR MIG NAS PHYUNG BA LTA BUR GSUNGS KYANG, KHO BO ZO BA STONG PA ZHABS RTOL ZHIG NAS PHYUNG BA'I SNANG BA TZAM LAS MA BYUNG GSUNG, DE'I DUS SU YAB DES PHAG KHOG CIG KHYER NAS BYUNG BA DRAN, LO GNYIS LON PA NA GNAS PA RANG BYUNG, BYIS PA GROt CIG GIS G-YENG BA LA 'DI KHO BO YIN NA RUNG BA LA SNYAM PA'I THUGS RJE CHEN PO YANG 'KHRUNGS, LO GSUM LON PA'I TSE MAS PANG NAS CHU BTZAGS PAS NGO TSA MI BSRUNG BAR 'DUG SNYAM PA BYUNG STE, DES SKYE BA DRAN PA BRJED, DUS DER SPRUL? CIG BSAD PAS DUS PHYIS RO STOD TSA KHAM KHAM BYED PA 'DI DES LAN PA @654 'DRA GSUNG, LO BDUN LON PA'I TSE GNAS PA RANG 'KHRUNGS DANG, SANGS RGYAS 'OD SRUNGS KYI BSTAN PA LA SPRE'UR 'KHRUNGS PA LA SOGS PA DRAN PA RNAMS PHA MAS RME SHA BYIN PAS BRJED, PHA MA CHUNG NGU NAS SHI BAS NU BO ZHIG YOD PA KHYIM DU BZHAG NAS KHU BOS GROGS BYAS TE, BYA KHYI LHA KHANG BYA BAR MKHAN PO LHING DE YAN THUB BU TSUL KHRIMS BYA BA DANG, SLOB DPON LHING DE 'OD ZER RGYAL MTSAN LAS DGUNG LO DGU BZHES PA'I TSE RAB TU BYUNG, MTSAN RDO RJE RGYAL POR GSOL, YI GE MA BSLABS PAR MKHYEN NAS MKHAN POS DNGUL 'BUM CIG BZHENGS PA'I PO TI GCIG GI ZHABS TOG MDZAD, LHA BRIS KYANG MA BSLABS PAR MKHYEN, BLA MA RGYA CHEN PO LA DBANG BSKUR ZHUS PA'I TSOGS GRAL DU CHANG GTAN DU MI GSOL PA'I DAM BCA' MDZAD PAS SLOB DPON YANG MNYES, DE NAS SPYOD 'JUG LA SOGS PA'I GSAN PA YANG MANG DU MDZAD, AU RING RGYAN 'BAR BYA BA'I GTZO BO CIG LA KHAMS GSUM SA DGU LA SOGS PA'I CHOS KYANG MANG DU GSAN, DE GZHAN SNANG GTZO BO THA MAL BA CIG TU MTHONG YANG SA BCU PA'I BYANG CHUB SEMS DPA' YIN GSUNG, SPYIR KHAMS SU SLOB DPON BCU DRUG TZAM YOD, SPYOD 'JUG LA BSHAD PA 'GA' RE YANG MDZAD, MKHAN SLOB LA SOGS PA THUGS MNYES PAS DBUS SU RDZONG BAR ZHAL 'CHAM YANG DNGOS PO NI G-YU CHUNG 'GA' RE LAS MED, DBAS CHEN PO DANG STABS SU BYON PAS KHONG LA RDZAS CHEN PO MNGA' BAS NGED RANG GNYIS GCIG TU BYAS PAS CHOG GSUNG NAS PHAN PA MDZAD, SOG GI MER @655 NAG KHAR PHEBS PA'I TSE DBUS GTZANG GI SA PHYOGS RNAMS NAG PO RA RI CIG GIS KHENGS 'DUG PA LA, JO BO MI G-YO BA'I SKU CHUNG NGU ZHIG GI RAL GRIS BCAD PAS, PHYOGS THAMS CAD SKYA SENG SONG BA'I SNANG BA BYUNG GSUNG, DGUNG LO BCU DGU BZHES PA LA DBUS SU PHEBS, STOD LUNGS RGYA DMAR GYI SAR RTA SGA PHOG DBU TSAD NYAN PA'I ZHAR CHOS PA DGE BSHES G-YOR NYAN LA ZHUS, DE DAG GI SKABS SU BKA' GDAMS PA'I DGE BA'I BSHES GNYEN YANG GANG BA DANG, DON STENGS PA DANG, BYA YUL BA LA SOGS PA LA SMON 'JUG GI SEMS BSKYED ZHUS SHING BSTAN PA'I RIM PA RNAMS MNYAN, RGYA DMAR LA GSAN PA MDZAD CING BZHUGS PA'I TSE DGE BSHES PHYVA BA LA SDIG BSAGS PA LO BRGYAD DU 'BYANG MA NYAN GSUNG, DGUNG LO NYI SHU RTZA LNGA LA ZUL PHUR BYA 'DUL GYIS MKHAN PO, RGYA DMAR GYIS SLOB DPON, AAR GYIS GSANG STON MDZAD NAS BSNYEN PAR RDZOGS, MKHAN PO LA 'DUL BA MDO RTZA LA SOGS MANG DU GSAN, MYANG BRAN LA SPYOD PHYOGS MANG DU GSAN, MTSAN NYID KYI GRVA SAR BZHUGS PA'I TSE YANG THUN BZHI'I RNAL 'BYOR MA CHAG PAR MDZAD, MKHYEN PA CHE BAS CHOS TSA BAR YANG GRAGS, RMEN DOR BA'I 'DUN MA YANG BSDUS, DE NAS BU HRANGS LO CHUNG GI DNGOS SLOB DMAR CHOS KYI RGYAL MTSAN LA BDE MCHOG GI RGYUD LA SOGS PA'I GSANG SNGAGS MANG DU GSAN, DPAL CHEN RGVA LO DANG MJAL NAS CHOS DANG GDAMS PA MANG DU GSAN, DE'I CHOS LHAG RNAMS BLA MA AA SENG LA GSAN PA'I TSE BLA MA LA JA SKYIS PAS MA BYUNG BA LA CUNG @656 THAD? MA DAD PAS, BLA MA RGYAB KYIS PHYOGS SHING NA BZA' NGAN PA'I MNAL LAM YANG BYUNG BAS, TING NGE 'DZIN GYI DBANG BRGYA RTZA BRGYAD BLANGS PAS SOR CHUD, SBYOR DRUG LA SOGS PA RGVA LO'I CHOS SKOR RNAMS MANG DU GSAN, DE NAS GTZANG DU BYON NAS BRAG DKAR PO BA LA AA RO'I GDAMS PA ZHUS PAS, ZHI GNAS RKYANG BAR 'DUG DGONGS NAS THUGS CUNG ZAD MA KHENGS, 'GOS DANG BA RI'I SLOB MA 'JANG BRAG STAG PA, DE'I DBON PO RNGOG MU NE LA 'PHAGS SKOR DANG MNGON PA GSAN, DE NAS BUR DU BUR SGOM NAG PO'I SAR BYON, LO RO BA'I GDAMS PA RNAMS ZHUS PAS LEGS PAR GNANG, BUR GYI DRUNG DU ZLA BA BRGYAD BSGOMS PAS SKU THAMS CAD BDE BAS GANG BA DANG ZHABS LA TSER MA ZUG PA YANG BDE BAR 'CHAR BA BYUNG, DE NAS SA SKYAR BYON NAS SA SKYA PA CHEN PO LA LAM 'BRAS LA SOGS PA'I GDAMS PA MANG DU GSAN, KHONG CHOS KYI DRI BA LA DGYES PAS CHOS MANG PO TSUR DRIS PA LA LAN LEGS PAR GSOL BAS KHAMS PA SHES RAB CAN ZHES MNYES, DE NAS BLA MA 'BYIM LO TZ'A BA KU M'A RA BUDDHO'I DRUNG DU THIM PA RNAM GSUM LA SOGS PA'I GSANG SNGAGS KYI GDAMS PA MANG DU GSAN, BYANG SEMS ZLA BA RGYAL MTSAN LA THUGS RJE CHEN PO DANG SMON 'JUG GI SEMS BSKYED KYI LAG LEN ZHUS, KHONG GI ZHAL NAS, ZLA BA MAR NGO LA MTSAMS BCAD, YAR NGO LA CHOS BSHAD, DBANG BSKUR DANG BYIN RLABS MA BYAS NA GZHAN LA PHAN CHE BAR 'ONG GSUNG, YANG KHA RAG SGOM CHUNG GI SLOB MA LHO BA, DE'I SLOB MA MYANG SGOM RGOD PO LA @657 KHA RAG SKOR GSUM GSAN, BLA MANG MKHAR BA LA MANG MKHAR BA'I CHOS BRGYAD GSAN, STOD LUNGS SU STON 'JAM DANG BSDONGS NAS SANGS RGYAS GNYAL CHUNG BA LA CHOS ZHUR BYON NAS SGOM MA CIG LA PHRIN BTANG BAS MJAL DU MA GNANG, NAN BSKYED NAS ZHUS PAS 'O NA GTOR MA CIG BTANG GSUNG NAS, DE NAS MJAL NAS CHOS ZHUS PAS, DO NUB RMI LAM BRTAG GSUNG NAS KHONG STENG DU GZIMS PA LA BLTAS PAS SKYEMS MANG PO GSOL, KHYI THUL GYIS DBU GTUMS NAS SNGUR PA HROG HROG GZIMS PA LA, 'DI LA RMI LAM CANG 'ONG NGAM SNYAM NAS BAG TZAM MA DAD PA NANG BAR MKHYEN BYUNG, KHAMS PA STON PA KHYOD KYI RJES SU MKHA' 'GRO MA GSER GYI RGYAN CAN BZHI 'BRANG BAR 'DUG NGAM SHOD RI NAG GI DRUNG DU 'GRO BA MANG PO LA PHAN THOGS PA CIG 'ONG BAR 'DUG PAS CHOS BSHAD GSUNG NAS, THABS LAM GYI GDAMS PA ZAB MO LAG LEN 'KHRUL 'KHOR DANG BCAS PA GNANG, DE NAS GZHAN LA CHOS 'DRA BA BSHAD PAS 'BUL BA 'GA' RE RNYED PAS, SLAR YANG SA SKYA PA CHEN PO'I DRUNG DU BYON, GZHAN YANG MA GCIG ZHAM MA LA SOGS PA'I RNAL 'BYOR MA'I BLA MA BCU GSUM TZAM LA YANG GTUGS, LAR GDAMS PA 'DI CHE ZER BA LA MA GTUGS PA TZAM MED, SA SKYA PA'I DRUNG NA KHAMS PA SHES RAB CAN ZER NAS SNYAN PA CHE BAS DGE BSHES ZHANG YANG GUS PAR BYUNG STE, SPYAN DRANGS PAS 'GROGS NAS BYON, KHONG GIS BYA SA GTZANG PO LA SOGS PA'I SAR YANG YON MCHOD DU 'GYUR SNYAM NAS BZHUGS SU BCUG PAS, MTHUN 'JUG MA MDZAD PA LA BLA MA ZHANG CUNG MA @658 MNYES, ZHANG LA NYES PA MED PA'I SKUR PA CHEN PO CIG BYUNG BAS, ZHANG GIS 'GRO MGON LA, NGA LA NYES PA NI YE MED, 'DI 'DRA BA'I GTAM JI LTAR BYAS NA ZHI BAR 'GYUR DRIS PAS, 'GRO MGON GYIS, DGE BA'I BSHES GNYEN CHEN PO CIG LA BRTEN NA ZHI BAR 'GYUR RAM GSUNGS PAS, 'O NA DGE BA'I BSHES GNYEN SU CHE ZER, DA LTA DVAGS PO SNYI SGOM KHO NA SNYAN PA CHE BAR 'DUG PA GSUNGS PAS, DGE BSHES KHAMS PAS GROGS BYED NA NI NGA KHONG GI DRUNG DU 'GRO ZER BAS, DER GNYIS POS BSDONGS TE SGAM POR BYON PAS PHEBS PA LA, RJE SGAM PO BA SKU CUNG ZHIG MNYEL BAS ZHAG 'GA' MA MJAL, DE NAS MJAL DUS CHOS KYI LO RGYUS MANG PO GSUNGS, CHOS KYANG NYIN RE GNANG GI YOD PA LA, NYIN CIG GI TSE DGE BSHES KHAMS PA DANG KHYED RNAMS KHRID SO SOR BYA DGOS PA 'DUG GSUNG NAS, GZHAN RNAMS CHOS THUN THON NAS PHYIR SONG BA NA, 'GRO MGON LA SPYAN SNGAR BYON GSUNG NAS BYON, KHYED KYIS SNGAR CHOS CI 'DRA BA THOS, NYAMS LEN CI LA BYAS PA GSUNG BA LA, GDAMS PA MANG DU GSAN TSUL DANG SNGAR GYI SKOR NYAMS SNYAN DU GSOL TE, 'DI BLA MA SA CHEN GYIS MTHONG LAM RNAM PAR MI RTOG PA'I YE SHES SU NGO SPRAD ZHUS PAS, AA BA KHYED DE LA DE TZAM GYI RTZIS YOD DAM GSUNG, RTZIS BDOG LAGS ZHUS PAS, DA CI NAS GSOL BA MDZAD PA'I ZAN CHANGS SHIG 'DUG PA PHYAG TU BSNAMS NAS, KHYED KYI DE BAS 'DI MI DGA' RI SHI GSUNG, DER THUG SKYOG GIS SONG BA NA, SGAM PO BA'I ZHAL NAS, KHYED RANG SHAR GYI RI DE'U PHA GI'I KHAR SKU KHAMS GSENG @659 BA LA BYON, KHONG 'GA' ZHIG GI CHOS ZIN PA DANG 'O SKOL GSUNG GLENG BYA'O GSUNG BAS, DE'U SHAR MA'I KHAR BYON NAS MNO BSAM MDZAD PAS, JI ZHIG LTAR LA SNGAR GYI CHOS THAMS CAD PHYI SHUN DANG SBUN PAR SONG NAS NAM MKHA' RNAM PAR DAG PA LTA BU'I RTOGS PA BZANG PO 'KHRUNGS, THUGS RAB KYANG NAM MKHA' LA MDUNG SKOR BLTAR SONG BYUNG, DE NAS YANG SPYAN SNGAR BYON PA DANG SGAM PO BAS MKHYEN TE, DA NGA LA YANG DE BAS LHAG PA BSTAN RGYU MED, 'O NA YANG NGA RANG GI LUGS KHRIGS SKAD DE BA CIG YOD PA DE BYA DGOS GSUNG NAS, LHAN CIG SKYES SBYOR GYI KHRID GNANG, DER BLA MA LA NGO BO'I PHYOGS KYI DRI BA 'GA' ZHIG ZHUS PA LA, DGE BSHES PA KHYOD KYIS CHOS LEGS PAR GO BA 'DUG PAS, NGAS 'CHAD DGOS GSUNG ZHING, KHO BO SA BCU PA'I BYANG CHUB SEMS DPA' YIN PAR GSOL BYA BA YANG GSUNG, DE NAS RING PO MA LON PAR RJE SGAM PO BA SKU GSHEGS NAS, SGAM PO NYID DU SKU 'BUM LA SOGS PA'I BYA BA DANG, SLOB DPON SGOM PA'I SDUG GROGS MDZAD DE BZHUGS, DE NAS YAR BYON TE BLA MA SA SKYA BA CHEN PO DE SNGAR NGA LA KHAMS PA SHES RAB CAN GSUNG ZHING MNYES, NGA SHES RAB 'DI 'DRA BA SKYES PAS KHONG GI DRUNG DU PHYIN LA ZHU DGOS DGONGS NAS, SLAR YANG SA SKYAR BYON PAS, DE RES NI DRI BA TZAM YANG MI MDZAD PAR SPYAN RTZA 'GYUR 'DUG PAS, PHYIR 'ON DU PHEBS NAS MTSAL SGANG DU BZHUGS, DER SLOB MA YANG MANG DU 'DUS, LO NGO LNGA TZAM GYI BAR DU SLOB MA 'DUS PA RNAMS DVAGS PO'I GDAMS PA GTZO BOR GYUR BA'I @660 CHOS KYI RNAM GRANGS MANG POS CHA CHA NAS TSIM PAR MDZAD, DGE 'DUN GANG BZHUGS PA RNAMS BKA' LUNG GIS BCAD DE DAM PA'I CHOS 'DUL BA'I KUN DU SPYOD PA LAS MI 'DA', GDAMS NGAG BTAB PA RNAMS LA THEBS SLA ZHING BSAM GTAN GYI SGO MANG DU SKYES PAS, DE NYID DU MA ZAD PHYOGS THAMS CAD DU SNYAN PA'I 'UR CHEN PO BYUNG, DE YANG RJE SGAM PO BA DE BKA' GDAMS DANG, RJE BTZUN MI LA GNYIS KA'I LUGS 'DZIN PAS BKA' PHYAG CHU BO GNYIS 'DRES SU GRAGS PA BZHIN, MTSAL SGANG DU MDZAD PA'I GAR GYI NYAMS DGU YANG DE DANG MTHUN, DE NAS DER GRONG YUL DANG NYE BA NI MI LEGS PAS DBEN PA ZHIG THUt LA DGONGS NAS, NAGS KHROD DBEN PA STES DBANG GIS, ,SPYOD CING RANG DBANG BSTEN MDZAD GSOL, ,ZHES PA'I GSOL BA YANG BTAB, DE NAS NANG CIG DGE 'DUN LA GROS MED PAR GDAN SA RIN PO CHER 'BYON PA'I LAM DU TSA RONG BTZAD PO'I SGO DRUNG DU BYON NAS DAR SHAM CIG BSKUR, KHO BO MTSAL SGANG NA SDOD PA DE LAGS, DA PHAG MO GRU'I PHU'I NAGS PHA GIR SDOD SNYAM PAS SPYAN RAS KYIS BTZA' BAR ZHU BYA BA'I LAN BSKUR BAS, BTZAD PO'I GSUNG GIS NANG DU TSA BA LA BYON ZER, KHO BO THEM PA MI 'GONG BA'I DAM BCA' YOD PAS TSA BA 'DI NYID DU GNANG BAR ZHU BYAS PAS, KHONG RANG SGO DRUNG DU BYON NAS TSA BA ZHUS, 'PHROD PA'I GTAM YANG MDZAD, DE NAS DRE'U CIG CHIBS YOD PA PHAG MO GRU'I GRONG DANG NYE BA'I LUNG NANG NAS ZHUGS NAS BYON PAS, SKU SHIN TU LCI BAS DRE'U DE YAN LAG KA BA BZHIN DU RENGS NAS 'GRO MA NUS, DE NAS @661 RIN CHEN SPUNGS BA'I MTHA' RTZA DER GDAN PHAB PAS RIN PO CHE MTHA' RTZA BAR GRAGS, GRVA PA RNAMS KYANG PHYIR SNYEGS NAS BYON, MANG GAR SGANG DANG BDE GSHEGS PHUG PAR YANG THOGS RE BZHUGS, DER RGYA SGOM RMI RAS BYA BA CIG SNGAR NAS BSDAD YOD PAS, KHO'I SPYIL BUR TSA BA LA SPYAN DRANGS PAS, KHYOD KYI SPYIL BO 'DI SKYID BYA BA LAN GSUM GSUNGS PAS, BZHED NA PHUL BAS CHOG ZER, SA DE GNAS KYI SNYING POR DGONGS NAS, 'O NA KHO BO'I KOM STAN LONG LA SHOG GSUNG STE DE NYID DU GNAS BCAS, SPYIR GDAN SA DER SA PHO STAG GI LO LA PHEBS, DER DPAL STAG LUNG THANG BA CHU PHO KHYI'I LO PA NYI SHU RTZA BZHI LA BAB PA'I SHING MO BYA LA ZHABS DRUNG DU SLEB, DER KHONG GIS RMIS RAS KYIS PHUL BA'I SPYIL BO DE 'JAG SPYIL LAS MED PAS, BLANG MA'I SPYIL PO CIG BYED PAR ZHUS PAS, NYIN CIG LA GRUB NA GYIS, DE LAS RING BA MI RUNG GSUNG NAS NYIN GCIG KHO NA LA BLANG SPYIL DE BSGRUBS, DER PHYOGS NAS GRVA PA MANG DU 'DUS PAS GZIMS SPYIL NANG NA BANG BA CHUNG NGU NAS KHAL RE LHAG TZAM SHONG BA CIG LAS MED KYANG GRVA MNGAS LA RGYAGS 'GYED RGYU YANG BYUNG, STAG LUNG THANG PAS ZHABS DRUNG DU SLEB MA THAG NAS NYE GNAS MDZAD, NA BZA' YANG 'DI BAS BZANG PA RE BZHES PAR ZHU BYAS PAS, KHYOD KYIS KHO BO LA CI 'DUG PAR MTHONG, KHO BO DGE 'DUN SKYONG DGOS PA LAGS MOD GSUNG NAS DGE 'DUN SKYONG 'BA' ZHIG MDZAD, DE YANG BYANG CHUB SEMS DPA' ZLA BA RGYAL MTSAN GYI GSUNG DANG MTHUN PAR MAR NGO LA MTSAMS MDZAD, YAR NGO LA YANG @662 SNGA DRO MTSAMS MDZAD CING PHYI DRO KHRID DANG TSOGS CHOS GSUNGS, DGE 'DUN RNAMS KYANG SHIN TU DAD PAS GZIMS SPYIL NAS CHOS KHRI'I BAR GYI LAM THAMS CAD DU ZHVA GOS DANG DAR KHA LA SOGS PA 'DINGS, DER RE RE GNYIS GNYIS TZAM MA GTOGS SGOM BTAB PA THAMS CAD LA MYONG BA PHUN SUM TSOGS PA SKYES PAS PHYOGS THAMS CAD DU ZHABS DRUNG DU SLEB PAS CHOG PA'I SNYAN PAS KHYAB, YON BDAG GI BSNYEN BKUR DANG 'BUL BA YANG SO SO NAS MANG DU BYUNG BA RNAMS KYIS DGE 'DUN KHO NA SKYONG ZHING GZIMS SPYIL DU SKYID CHOS MI MDZAD, 'ON KYANG SKU MDUN DU BYUNG BA'I YON BDAG THAMS CAD LA BTZAD PO LA DKAR YOL DANG, SPRANG PO LA PHAM PHABS KYI TSUL DU RIM PA SKAD DE BA GNANG, GDAN SA DER SA PHO STAG NAS LCAGS PHO STAG GI BAR LO NGO BCU GSUM BZHUGS PA LA SLOB MA GRUB PA'I SKYES BU MANG DU THON, GRVA PA BRGYAD BRGYA LA GDUGS THOGS LNGA BRGYA ZHES GRAGS, SNGAR CHOS GSUNG BA'I TSE KHO BO'I GRVA PA MA 'DUS GSUNG BA DANG, PHYIS 'BRI KHUNG CHOS RJE RTEN DGE BSNYEN ZHIG SPYAN SNGAR SLEB PA NA, DA NI KHO'I GRVA PA 'DUS SHES KYANG GSUNG, CHOS RJE MA BYON GONG DU PHYAG RGYA CHEN PO'I RTOGS PA SHAR BA THAMS CAD MGO LA THOD PA MI 'GEBS BYA BA'I BKA' STZAL YOD PA LA, CHOS RJES PHEBS NAS RTOGS LDAN SKYE BA'I 'KHOR LO BSKOR BA LA SOGS PA SNGAR DANG MI 'DRA BA'I CHOS MANG DU BYUNG BAR GRAGS, DE LTAR DGE 'DUN SKYONG BA'I DUS NYID NAS GZHAN DANG GZHAN DU SKU LUS KYI BKOD PA BCU GNYIS SU BSTAN PA DANG AU RGYAN GYI GNAS SU BYON NAS MKHA' @663 'GRO MA RNAMS LA RGYUD SDE CHEN PO GSAN PA'I RGYUD DE'I LE'U'I GRANGS DANG DON BSDU BA'I YI GE YANG MDZAD, DE LA SOGS PA PHYOGS THAMS CAD NA KHO BO 'DRA BA MANG POR BYAS NAS SEMS CAN GYI DON BYED CES BYA BA LA SOGS PA'I MDZAD PA RGYA CHEN PO RNAMS NI GONG MA RNAMS KYI RNAM THAR NA GSAL BAS 'DIR MDO TZAM LAS MA BRIS SO, ,DE LTA BU'I STON PA GNYIS PA DE NI LCAGS PHO STAG GI ZLA BA BDUN PA'I NYER LNGA LA SPRUL PA'I SKU BSDU BA MDZAD, DE'I TSE NGO MTSAR BA'I LTAS DU MA DANG, GDUNG KHRI KHAR GDAN DRANGS PA'I TSE'ANG SA CHEN PO G-YOS SHING, YON CHAB RNAMS PHYED PHYED TZAM PO BA DANG, ME TOG GI CHAR DANG, GLU SNYAN DANG, NGO MTSAR BA'I CHO 'PHRUL BSAM GYIS MI KHYAB PA BYUNG, SANGS RGYAS DANG BYANG CHUB SEMS DPA' MANG PO LHAGS PA DANG, DPA' BO DANG MKHA' 'GRO 'DUS PA'I DAG PA'I SNANG BA'ANG GRVA PA MANG PO LA SHAR, RING BSREL SHIN DU MANG PO DANG, THUGS LJAGS MA TSIG PAR BYON PA LA LJAGS DUM BU GNYIS SU BYAS NAS GDUNG KHANG RE NA BZHUGS PA DA LTA KHAMS NA YOD GSUNG, THUGS NI GDUNG RTEN BKRA SHIS 'OD 'BAR NA BZHUGS PA, DA LTA GTZUG LAG KHANG GI RTEN GTZO YIN, DE LA BU CHEN BYON PA NI, MOS GUS MTHAR THUG STAG LUNG THANG BA, RTOGS PA'I MTHAR THUG SNA PHU BA, SHES RAB MTHAR THUG SBAR PHU BA, NUS PA'I MTHAR THUG 'CHAN PHU RGYA RAS RNAMS LA MTHAR THUG GI BU BZHI ZER, SKAL LDAN YE SHES SENG+GE, RTOGS LDAN MI NYAG SGOM RINGS, GRUB THOB NYAG RE SE BO, KUN LDAN GTZANG PA RAS CHUNG @664 RNAMS LA GDAMS PA'I BU BZHI ZER, CHOS RJE 'JIG RTEN MGON PO, 'BAN BHA PHUG PA, CHOS RJE LDUM, CHOS RJE GTUM RNAMS LA RO GCIG RTOGS PA PHYED DANG BZHI ZER, GSHEN SGOM DKAR BA, MYANG GSHEN GRONG PA, RNGOG SENG+GE KHA BA, RTZI LUNG BA RNAMS LA THUGS KYI SRAS BZHI ZER, RIN PO CHE SHUG RTZAR BA, LHA SA BA DGE 'DUN SKYABS, PHRU KU STON PA BLO GROS SENG+GE, RGYAN THANG PA RNAMS LA YI GE MA'I BU BZHI ZER, BLA MA DMAR BA, YE PHUG PA, DGYER SGOM DGE BA'I BSHES GNYEN SENG GE DPAL RNAMS LA NYE BA'I SRAS BZHI ZER, DE DAG GRANGS SU BCAD DE SNGON RABS RNAMS LA GRAGS PAS BRJOD PA YIN MOD KYI, GZHAN YANG KUN LDAN RAS PA'I KHU BO RIN PO CHE RGYAL TSA LA SOt PA DANG, GZHAN YANG GRUB RTAGS DU MA STON PA'I DGE SLONG NAM MKHA' 'OD LA SOGS PA GRUB PA'I SKYES BU MANG DU BYUNG BA RNAMS PHYOGS SO SO NA GRAGS PA CHE ZHING, PHRIN LAS CHE BAR YOD KYANG, BLA MA GONG MAS BSDUS PA TZAM ZHIG BRIS PA'O, ,'BRI KHUNG SGOM PA SH'AKA RIN GYIS, ,GDAN SA DPAL GYI PHAG GRU DE, , CHU MIG BRGYA RTZA'I MGO BO YIN, ,ZHES SMRA BA LTAR BOD KYI YUL 'DI'I GTZUG LAG KHANG DANG SDE DGON LA SOGS PA GRANGS MED PA GDAN SA 'DI LAS MCHED DE, 'BRI KHUNG CHOS RJE LAS MCHED PAR GYUR PA'ANG BOD KHAMS GSUM DU BGRANG GIS GA LA LANG, GLING RAS PA LAS MCHED PA 'BRUG SKOR RNAMS KYIS KYANG BYA RGOD KYI NYIN LAM BCU GSUM DU KHYAB PAR GRAGS, DPAL STAG LUNG THANG BA LAS GYES PA'ANG DBUS DANG KHAMS KYI SA CHAR SHIN DU MANG POR MCHED, @665 SKAL LDAN YE SHES SENG GES BSNUBS 'DUL BA 'DZIN PA RJES SU GZUNG BAS G-YAM BZANGS PA MTHA' RGYAS DANG BCAS PA SHIN TU RGYA CHE, KHAMS SU'ANG CHOS RJE DMAR BAS SHO DGON BTAB PA LAS TSOGS PA NYIS STONG TZAM 'DUS SHING, CHOS RJE DMAR BA'I RJES SU SHA YANG DGON PA, RMOG SPYAN SNGA RIN PO CHE, SHA DBU RTZE BA, RNAL RIN CHEN GLING PA LA SOGS KHYAD 'PHAGS MANG DU BYON, DE LAS BRGYUD PA'I BU CHEN YANG SGI LI CHOS 'OD KYIS RI RGYA DGON BTAB, DE'I DGON LAG RGYAL DGON LA SOGS MANG DU YOD, KHYAD PAR RNAL RIN CHEN GLING BA LA SBONG 'OD ZER BLA MAS THUG STE THUGS THUGS RJE CHEN PO'I GRUB THOB TU GRAGS, BUM CHU'I RIL BUS BOD DANG RGYA THAMS CAD DU KHYAB, BU CHEN RTOGS LDAN DGE BA RGYAL MTSAN, DKON MCHOG RGYAL MTSAN, SHING MGO BA SOGS GZHAN DON MDZAD PA MANG DU BYON NO, ,NYAG RE SE BOS 'GRO MGON DANG MJAL NAS GRUB PA BRNYES TE KHAMS SU BYON NAS GLES DGON BTAB, GRUB RTAGS MANG DU BSTAN, 'DI KAR MA PA SHI YIN ZHES KAR MA PA SHI RANG GIS ZHAL GYIS BZHES SO, ,GSHEN DGON DKAR BA GDUNG RUS GSHEN, MTSAN RDO RJE DBANG PHYUG TZA'I NANG NA DGON PA BTAB PAS DAM SHOD SMAD PA ZHES GRAGS, ZHANG MTSAL BA LA SOGS SLOB MA MANG DU BYON, MYANG GSHEN GRONG BA NI, YAR KLUNGS GSHEN GRONG BA, SKU NA GZHON NU NAS RAB TU BYUNG, 'GRO MGON DANG MJAL NAS GDAMS PA RDZOGS PAR ZHUS, KHONG RANG GI 'KHRUNGS SAR SGRUB PA MDZAD PAS MKHA' SPYOD DU GSHEGS, RNGOG SENG GE KHA BA NI, LJANG @666 SENG GE KHAR DGON PA BTAB PAS SENG GE KHA PAR GRAGS, BLA MA'I GDAN SA LA GNOD DOGS NAS GRVA PA RNAMS BKYE NAS RANG YUL DU BYON, SKU CHOS NYI ZER LA 'GEL BA SOt MDZAD PAS 'GRO DON 'PHEL BAR BYUNG, DE'I SLOB MA DPAL CHEN CHOS YES YIN, TZI LUNG BAS TZI LUNG BTAB STE GZHAN DON BSKYANGS, 'JIG RTEN MGON POS RAB BYUNG GI SLOB DPON MDZAD, BLA MA RGYAN THANG PA NI, 'GRO MGON DANG MJAL, GDAMS PA MANG DU GSAN, CHOS SKYONG GI SPRUL PA'I BYA ROG GIS GTOR MA KHYER SAR DGON PA BTAB NAS DA LTA'I BAR DU PHRIN LAS KYI RGYUN MA CHAD DO, ,BLA MA YE PHUG PA YE SHES RTZEGS NI, BYANG RTA SNA DANG LHO YE PHUG SHAR LHO'I RDZONG RNAMS BTAB, DGYER SGOM GNYIS BYUNG BA LAS GCIG GIS MAL GRO PHYOGS SU THUGS DAM MDZAD, 'BRI KHUNG CHOS RJES KYANG BSNGAGS PA MANG DU MDZAD PA CIG BYUNG NGO, ,BLA MA 'BROM GYIS SKAM DGOS LUNG BTAB, 'GRO DON RGYAS PAR BYUNG NGO, ,'CHAN BU RGYA RAS NI, SPYIR GRUB PA BRNYES, KHYAD PAR CHOS SKYONG GIS RJES SU GZUNG NGO, ,MI NYAG SGOM RINGS NI, 'GRO MGON DANG MJAL NAS KHRID GSAN GYI YOD PA LA 'GRO MGON GYIS KHO'I MDUN DU THAG PA'I RGYA CIG BRES, RAL GRI CIG KYANG ZHOG GSUNG BA LAS DE DANG NYE BAR SPYIL BO'I GDONG DU KHONG GI PHA GSOD MI CIG YOD PA DE KHONG GI RTZAR KHRID NAS 'GRO MGON GYIS BYON PAS, SGOM RINGS ZHE SDANG SKYES TE RAL GRI DE KHYER NAS RGYUGS PAS, 'GRO MGON GYIS KHYOD RANG GI ZHE SDANG GI SEMS DE LA LTOS GSUNG BA'I BKA' GNANG BAS DE NYID DU GNAS @667 LUGS KYI RTOGS PA KHYAD PAR CAN 'KHRUNGS, PHAN SEMS CHE BAS 'GRO MGON GYI SLOB MA SAR BA RNAMS LA'ANG SGOM LUGS LEGS PAR SLOB, PHYIS 'BRI KHUNG DU DGON PA BTAB NAS BZHUGS PAS GRVA PA BRGYA TZAM 'DUS, KLOG MI MKHYEN PAS GZHAN DON LA CUNG ZAD GNOD PAR BYUNG, MYA NGAN LAS 'DA' KHAR GRVA PA RNAMS KYIS NGUS PAS KHYED RNAMS BLA MA NGAN DU MI 'GRO, G-YE PHA GI NA PHA BONG CIG GI 'OG NA DGE BSNYEN SGOM SHES PA CIG YOD, DE BOS DANG GSUNG NAS GSHEGS SO, ,SPAR PHU BA NI, G-YO RU GRAR 'KHRUNGS, GDUNG RUS RNGAN, GZHON NU NAS THOS BSAM MANG DU MDZAD, KHYAD PAR SLOB DPON PHYAB LA RING DU BRTEN PAS KHONG GI SLOB MA RNAMS KYI NANG NAS SHES RAB CHE BAR GRAGS, RIGS TSOGS LA BSTAN BCOS MANG DU BRTZAMS SHING BSHAD PA'ANG MDZAD, DUS PHYIS GRO SHUL BA DANG MJAL, AA SU LAS BYUNG BA'I DO HAS THUGS KHENGS NAS YOD PA LA, BLA MA YEL BA YE SHES BRTZEGS KYIS DO HA'I SKOR RNAMS GSAN PAS, DER YEL BA'I THUGS LA 'DI BSHAD PA RKYANG NGU 'DUG NGA'I BLA MA DE DANG MJAL NA NYAMS MYONG KHYAD PAR CAN YANG YONG NGES BSAM NAS SBAR PHU BA LA, 'GRO MGON GYI SPYAN SNGAR THENGS GCIG 'BYON PA 'THAD ZHUS PAS, RANG RE BAS LHAG PA CANG YOD DAM GSUNG PAS, CIS KYANG 'BYON PAR ZHU DANG LHAG PA'ANG 'ONG SRID ZHUS PAS, SBAR PHU BA THUGS MNYES PAS PHAG MO GRUR 'GRO MGON GYI DRUNG DU MJAL, 'GRO MGON DANG GSUNG GLENG KYANG MANG DU MDZAD, DER SBAR PHU BA'I THUGS LA, BLA MA 'DI SEMS @668 TZAM GYI LTA BA 'DZIN PAR 'DUG SNYAM PA CIG BYUNG BAS, 'GRO MGON GYIS MKHYEN TE, NGA'I CHOS 'DIS NAM ZHIG KHYED LA PHAN PA CIG 'ONG GSUNG BA'I BKA' GNANG, KHRID BTAB PAS 'DI LA NGA RANG ZHIB PAR 'DUG SNYAM NAS YON TAN MA SKYES, TSOGS CHOS GSAN PAS DE LA MGU BAR GYUR NAS LOG BYON PA LA, YANG BLA MA YEL PAS, BLA MA RIN PO CHE'I DRUNG DU MOS GUS CAN LA YON TAN 'CHAR RGYU CIG 'ONG GI 'DUG PA LA, SLOB DPON PA LA MA SKYES PAR SNANG BAS, DA DUNG LAN CIG GSHEGS PAR ZHU BYAS PAS, DE RUNG GSUNG NAS DPON SLOB 'GROGS NAS PHAG MO GRUR BYON PAS, 'GRO MGON GYIS KHONG GI THOS PAS NGA RGYAL BA DE'I 'DZIN PA BSHIG PA'I PHYIR, RTEN 'BREL MDZAD DE, BU RAM LA PADMA'I PAR LEGS PAR BTAB NAS MDZES LAM ME PA CIG MDZAD NAS DRANGS, KHONG DE LA CHAGS TE MA GSOL BAR BZHAG PAS, DER BLA MA YEL BA BZHENGS NAS BU RAM BCAG NAS DRANGS NAS, DE GSOL BAR ZHU BYAS PAS DE GSOL, DE NAS 'GRO MGON GYI ZHAL NAS, PHA ROL TU PHYIN PA DANG DBU MA LA SOGS PA RNAMS RGYU MTSAN NYID KYI CHOS, 'BRAS BU GSANG SNGAGS RDO RJE THEG PA DANG THABS LAM GYI BYE BRAG DANG PHYAG RGYA CHEN PO'I GDAMS NGAG LA SOGS PA THAMS CAD KYANG SEMS RTOGS PA'I THABS SU GSUNGS PA KHO NA YIN, DE RNAMS KYI DON YANG SGOM DGOS PA KHO NA YIN PAS BSGOMS SHIG GSUNG PA LA, GA RE GDAMS NGAG CI YANG MA BSTAN PA LA BSGOMS SHIG GSUNG BA JI LTAR YIN SNYAM STE, CUNG ZHIG BSAMS TZA NA GNAS LUGS KYI DON MNGON DU GYUR, @669 'GRO MGON LA GSOL 'DEBS 'DOD 'JO'I BA MO YANG MDZAD, PHYIS SBAR PHUR DGON PA BTAB, YI DAM GYI LHA MANG PO'ANG ZHAL GZIGS, GRUB THOB TU YANG GRAGS, TSUGS PA'ANG LNGA BRGYA TZAM 'DUS, RANG GI RTOGS PA DANG SANGS RGYAS KYI RTOGS PA GNYIS NGO BO LA KHYAD MED DGONGS NAS, RTOGS PA SKYED MED BYA BA'I GRUB MTHA' YANG YOD, DES NA RNAL 'BYOR BZHI PO NYAMS RIM YIN GYI RTOGS PA'I RIM PA MIN ZHES GSUNG, 'DI LA GRUB THOB GLING RAS PA LA SOGS PA'I MCHED GROGS MANG POS KYANG DO HA GSAN, GNYAN RAS DGE 'DUN 'BUM DANG YEL BA LA SOGS MANG POS GTUGS SO, ,YANG 'GRO MGON GYI SLOB MA SANGS RGYAS GNYAN RAS NI, 'KHRUNGS YUL BSAM YAS KHAMS GSUM PA, GDUNG RUS GNYAN YIN, PHAG MO GRU PA DANG LO RO RAS PA'I SLOB MA LI RAS LA GDAMS PA RNAMS GSAN, MA YUL RONG GI RDO RANG THAG GI PHUG PAR LO DGU SGRUB PA MDZAD, MA YUL DU MKHA' 'GRO'I LUNG BSTAN BZHIN DGON PA BTAB, DUS PHYIS LO RO 'PHAR LA DU DGON PA BTAB NAS BZHUGS, DE'I DPON PO RGYAL BAS KYANG MA YUL DGON PAR STAN THOG GCIG DU LO DGUR SGRUB PA MDZAD PAS DBU SKRA DANG BZHUGS GDAN GYI BAR DU SROG CHAGS KYI TSANG CHAS BA'ANG BYUNG, YE SHES MGON PO'I GRUB PA PHUL DU PHYIN, GNYAN RAS LA BLA MA RDZONG PA SOGS SGRUB BRGYUD 'DZIN PA MANG DU BYUNG NGO, ,BLA MA ZHANG NI, DANG POR 'GRO MGON DANG MCHED GROGS YIN PA LAS, PHYIS MOS PA RNYED NAS SLOB MA MDZAD, SE GSE BA DANG NGANG RKYAL GYI GTZUG LAG KHANG CHEN PO BTAB, @670 DGE 'DUN GYI SDE YANG BSKYANGS, 'GRO MGON ZHI BAR GSHEGS NAS GDAN SA'I ZHABS TOG KYANG MANG DU BSGRUBS, 'BRI KHUNG CHOS RJE'I MKHAN PO YANG MDZAD DO, ,LAM 'BRAS BU DANG BCAS PA'I GDAMS PA DANG POR SA CHEN LAS THOB NAS RANG GIS YIG CHA'ANG MDZAD, GDAMS PA DE 'DZIN PA'I SLOB RGYUD YANG RGYUN CHAGS SU BYUNG 'DUG GO DPAL PHAG MO GRU PA SLOB MA DANG BCAS PA'I SKABS SO, , ,