—

/RGYA/ *, ,RDZOGS RIM DPYID KYI THIG LE BZHUGS SO, ,

, ,BLA MA DANG MKHA' 'GRO'I TSOGS LA PHYAG 'TSAL LO, ,DE LA 'DIR, BSKYED PA'I RIM LA LEGS GNAS TE, ,RDZOGS PA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS, ,SKABS KYI RIM PA LTA BUR GSUNGS, ,ZHES BSHAD PA LTAR, BSKYED PA'I RIM PA LA THUN BZHIR BSLABS SHING RDZOGS PA'I RIM PA SGOM PAR 'DOD PA RNAMS KYIS 'DI LTAR SHES PAR BYA STE, DE LA RGYUD DANG DGONGS 'GREL GYI BSTAN BCOS RNAMS LAS, KHA CIG TU RTZA BA'I DBYE BA DANG, GRANGS TZAM BSHAD CING, LA LAR RLUNG DANG THIG LE'I CHAGS TSUL TZAM DANG, KHA CIG TU DE DAG LA DMIGS PA'I RNAL 'BYOR TZAM DANG, DE LTAR BSGOMS PAS DGA' BZHI'I RTOGS PA SKYE BA'I RIM PA TZAM DANG, MTHAR THUG GI 'BRAS BU 'GRUB PA'I TSUL TZAM LAS YONGS SU RDZOGS PAR MA GSUNGS PA MANG LA, DE DAG GI DON DU BSAMS PA'I BOD KYI YI GE'I RIGS LAS KYANG GTUM MO'I DMIGS SKOR PHYOGS RE TZAM BSHAD NAS RGYU 'BRAS KYI RIM PA RDZOGS PAR MA BSTAN PAS, DE DAG MTHA' DAG PAR MA SHES NA LAM SGOM PA'I RIM PA LA MKHAS PA MGU BA BSKYED PA MI SHES SO, ,DE LA PHA RGYUD

, ,MA RGYUD GNYIS KAS KYANG LAM GYI GTZO BO LHAN CIG SKYES PA'I BDE BA STON PA LA KHYAD PAR CUNG ZAD KYANG MED LA DE SGRUB PA'I THABS KYANG GTUM MO SPOR BA NYID YIN PAS, DE SPOR BA'I TSUL RDO RJE BZLAS PA LA SOGS PA'I RLUNG GI RNAL 'BYOR DANG, YI GE LA DMIGS PA DANG THIG LE'I RNAL 'BYOR SOGS DU MA ZHIG YOD LA, DE'ANG LUS KYI GNAD CHES RU RLUNG LA SOGS PA'I DMIGS PA BZUNG NAS TSUL JI LTAR BSGOMS PAS GTUM MO 'BAR BA LA, THOG MAR GNAD DU BSNUN PA'I RDO RJE'I LUS KYI 'CHAGS TSUL SHES DGOS PAS DE BSHAD PA LA GNYIS, 'CHAGS TSUL RGYAS PAR BSHAD PA DANG, DE LA GNAD DU BSNUN PA'I RNAL 'BYOR RO, ,DANG PO LA GNYIS, RTEN RTZA BSHAD PA DANG, BRTEN PA THIG LE DANG RLUNG BSHAD PA'O, ,YANG NA GNAS PA RTZA, GA-YO BA RLUNG, BKOD PA BYANG CHUB KYI SEMS GSUM DU BSDUS KYANG RUNG NGO, ,DANG PO LA GRANGS NGES PA DANG, SKYE BA'I GO RIM NGES PA DANG, NGO BO NGES PA'O, ,DANG PO LA DBYE BA DANG, GRANGS NGES PA'I RGYU MTSAN NO, ,DANG PO NI, SDOM 'BYUNG LAS GSUNGS PA LTAR, RGYAS PAR DBYE NA, BDUN KHRI NYIS STONG DANG, DE DAG GYES PA'I BZHI BRGYA NYI SHU DANG, GNAS

DANG YUL GYIS PHYE BA NYER BZHI DANG, DE RNAMS KYI RTEN RO RKYANG DBU MA GSUM MO, ,GSUM DU BSDUS PA NI, BRTEN PA RLUNG DANG THIG LE DKAR DMAR GSUM DU NGES PA'I DBANG GIS DANG, RTZA GZHAN RNAMS KYIS RTEN GYI GTZO BO YIN PA'I PHYIR RO, ,NYER BZHIR DBYE BA NI, SNYING KHA'I 'DAB MA BRGYAD KYI RGYU SPYI BO LA SOGS PA'I GNAS NYER BZHIR GNAS PA'I DBANG GIS YIN LA, BRGYA NYI SHUR PHYE BA NI, 'KHOR LO'I GTZO BO BZHI'I SGO NAS YIN TE, SNYING KHA CHOS KYI 'KHOR LO RTZA 'DAB BRGYAD YOD LA, MGRIN PA LONGS SPYOD DANG, SPYI BO BDE CHEN DANG, LTE BA SPRUL PA'I 'KHOR LO RNAMS LA RTZA 'DAB GRANGS SNGA MA SNGA MA LAS NYIS 'GYUR DU YOD PAS SO, ,GNYIS PA SKYE BA'I GO RIM NI, RTZA'I GTZO BO GSUM, SUM SKOR MA DANG, 'DOD MA DANG LNGA 'CHAGS SHING, DE'I RJES SU KHYIM MA DANG GTUM MO DANG, BDUD BRAL MA RNAMS SKYES, DE NAS SUM SKOR MA SOGS BZHI PHYOGS MTSAMS SU GNYIS GNYIS GYES PAS SNYING GA'I RTZA 'DAB BRGYAD DO, ,DE LA PHYOGS BZHI'I RTZA LA 'BYUNG BZHI SHAS CHER 'BAB PAS 'BYUNG BA'I RTZA DANG, MTSAMS RNAMS KYI RTZA LAS GZUGS DRI LA SOGS 'BAB PAS MCHED PA'I RTZA ZHES BYA'O, ,BDUD BRAL MA NI DBU MA LA 'KHRIL NAS LTE BA NAS LCE'I BAR GNAS SHING, RTZA GZHAN DU RLUNG DANG KHAMS RGYU BA LA 'DAS GEGS BYED CING RANG GI NANG DU 'CHI BA'I TSE MA GTOGS MI RGYU BAS DUS KYI RTZA DANG, RNAL 'BYOR MA RNAMS KYI 'GOG PA'I RTZA ZHES BYA'O, ,MCHED PA DANG 'BYUNG BA RTZA BRGYAD KA NAS 'BAB KYANG SHAS CHE CHUNG GI DBANG GIS MING BTAGS PA YIN NO, ,KYE'I RDO RJER 'BAD PAS KUN

, ,GYI LHAG MA YANG ZHES BSHAD PA'I DON TO, ,AA BHYAS 'CHI BA'I DUS DANG, RNAL 'BYOR PAS LAM SGOM PA'I SKABS MA GTOGS BDUD BRAL MAR KHAMS MI 'BAB PA LA SBYAR ZHING, SLOB DPON SH'ANTA PAS DER YANG KHAMS DBAB CING RTZA SO GNYIS BDAG MED MA BCO LNGA DANG SBYAR NAS LHAG MA SPANG ZHES PA NI, DBYANGS BCU DRUG GI THA MA LHA MO DANG MI SBYOR BA LA 'CHAD DE, ,GSUM PA NGO BO NGES PA NI, RO RKYANG DBU MA GSUM GONG DU GNAS PA DANG, JI TZAM DU GNAS PA DANG, JI LTAR GNAS PA'I TSUL GSUM GYIS SHES PAR BYA'O, ,DE YANG KHA CIG ,TSIGS PA'I NANG BRGYUNGS PA DANG LHAN CIG GNAS PAR 'CHAD PA MI 'THAD PAS TSIGS PA'I MDUN GYI PHYOGS NA GNAS SO, ,SKUD PA LTA BUR BSHAD PA NI, SKUD PA BRKYANG BA LTAR GNAS PA'I DON YIN GYI SBOM PHRA'I TSAD MA YIN TE, DE LAS CHES SBOM PAR GNAS PAS SO, ,DE'ANG SPYI GTZUG NAS RKANG MTHIL GYI BAR GNAS SHING, GSANG GNAS NOR BU'I RTZE TSUN CHAD DU GNAS PA'O, ,DE 'ANG RO RKYANG GNYIS KYIS DBU MA LA LU GU RGYUD KYI TSUL DU 'KHYUD NAS GNAS SHING 'KHOR LO RNAMS KYI LTE BAR MDUD PA RE YOD LA, DE'ANG PHYAG CHEN THIG LE LAS 'KHOR LO SO GNYIS BSHAD PA NI RO RKYANG GI MDUD PA SO SOR BGRANGS PA'I DBANG GIS YIN GYI 'KHOR LO BCU DRUG LAS MANG BA MED DO, ,DE'ANG MAN NGAG SNYE MA NAS 'KHOR LO BDUN DU BSHAD PA DANG, BSHAD RGYUD RDO RJE PHRENG BA NAS DRUG TU BSHAD PA YOD LA, GTZO BO NI YONGS SU GRAGS PA BZHI'O, ,'DI DAG GI DON GZHAN RNAMS NI LAM GYI RIM PAR GSUNGS PAS

DER BLTA BAR BYA'O, ,'KHOR LO'I LTE BA'I THAD DU 'DAB MA RNAMS KYI RTZA BA ZUG MTSAMS RTZA GSUM LA GRO SOG BTZUGS PA LTAR GNAS SO, ,GNYIS PA THIG LE DANG RLUNG BSHAD PA LA, THIG LE BSHAD PA DANG, RLUNG BSHAD PA'O, ,DANG PO NI, RGYUD LAS LUS ZUNGS BCU DRUG BSHAD PA LA, THOG MAR RA DANG MTHA' MAR HA GSUNGS PA NI, KHRAG DANG KHAMS DANG RO YIN LA DE GNYIS THOG MAR GSUNGS PAS LUS KYI RANG BZHIN DANG GZHAN RNAMS DE'I RNAM 'GYUR DU SHES PA'I PHYIR YIN NO, ,BAR SRID KYI RNAM SHES THOG MAR GANG DU 'JUG PA DANG, MTHAR GANG NAS DOR BA NI SNYING GA YIN LA THOG MA'I RTZA CHAGS PA'ANG DE YIN ZHING KHAMS DKAR DMAR GYI THOG MA'I RANG GNAS KYANG DE NYID YIN NO, ,YONGS SU GRAGS PA'I SNYING GA DANG, RTZA 'KHOR GYI LTE BA'I SNYING GA DON MI GCIG STE, PHYI MA NI NU MA GNYIS KYI DBUS KYI THAD DRANG NA YOD PAS SO, ,DE PHYIN CHAD KYI KHAMS DKAR PO'I GNAS SPYI BO YIN LA DMAR PO'I GNAS NI LTE BA YIN NO, ,BAR SKABS SU 'KHOR LO GZHAN RNAMS SU'ANG RGYU BAS DE'I DBANG GIS SKU GSUNG THUGS KYI RTZA NYER BZHIR PHYE BA YIN TE, BSHAD RGYUD RDO RJE 'PHRENG BAR, THIM DANG LONGS SPYOD BDAG PO'O, ,ZHES GSUNGS PAS 'BYED, GNAS NYER BZHI'I RTZA LA THIG LE DKAR DMAR DANG RLUNG SHAD CHER RGYU BA LA SKU GSUNG THUGS KYI RTZA ZHES BRJOD CING, NYER BZHI PO RE RE LA 'KHOR THIG LE DKAR DMAR DANG RLUNG RGYU BA'I RTZA STONG PHRAG GSUM GSUM YOD PAS BDUN KHRI NYIS STONG NGO, ,GTUM MO 'BAR NAS KHAMS DKAR PO BZHU STE RTZA'I 'DAB MA RNAMS NAS LTE BA BZHIR 'ONGS PA'I TSE BDE BA SKYE BA

, ,NI LUS KYIS TSIGS LA DGA' BZHI'I SKYE TSUL SBYAR BA'I LUGS YIN ZHING, DE LA'ANG YAS BABS DANG MAS BRTAN GYI DGA' BA BZHI BZHI YOD DO, ,RLUNG DANG THIG LE'I RNAL 'BYOR RNAMS KYIS RTZA MDUD GROL BA YIN LA, DE'I NANG NAS KYANG GTZO BO SNYING GA'I RTZA MDUD YIN TE, BSHAD RGYUD RDO RJE 'PHRENG BA LAS, DE YANG DBYE BAR DKA' BA YI, ,DBUS SU MDUD PA GSUM GYIS DKRIS, ,ZHES BSHAD PA LTAR RO, ,MDUD PAS DKRIS PA'I NANG NA'ANG DBU MA LA BUG PA CUNG ZHIG YOD DO, ,SNGAR BSHAD PA'I LUS KYI ZUNGS KYI NGO BO PHA LAS THOB PA'I RUS PA DANG RKANG DANG KHU BA GSUM DANG, MA LAS THOB PA'I SHA DANG PAGS PA DANG KHRAG GSUM STE, DRUG 'DUS PA'I LUS KYI GNAS RNAMS SHES PAR BYA BA YIN NO, ,GNYIS PA RLUNG BSHAD PA LA, THUN MONG GI BSHAD RGYUD NAS BSTAN TSUL DANG, THUN MONG MA YIN PA'I RGYUD NAS BSTAN TSUL LO, ,DANG PO NI, RDO RJE PHRENG BA LAS, BTANG BZUNG LA SOGS PA'I RLUNG BRGYA DANG BRGYAD BSHAD DO, ,DE NI RNAM RTOG MI 'DRA BA BRGYA DANG BRGYAD BSKYED PA'I SGO NAS KYANG PHYE LA, 'KHOR LO DRUG TU RGYU BA'I TSUL GYIS KYANG DBYE'O, ,PHYI MA NI, 'KHOR LO YONGS SU GRAGS PA BZHI DANG, SMIN MTSAMS NA RLUNG GI 'KHOR LO 'DAB MA DRUG PA DANG, SNYING GA'I GONG MGRIN PA'I 'OG NA ME'I 'KHOR LO 'DAB MA GSUM PA YOD PA RNAMS SO, ,DE LA THOG MAR SNYING GA NAS BZUNG STE MTSAN PHYED KYI DUS NAS NYIN PHYED KYI BAR DU 'KHOR LO RER RLUNG DGU DGU BRGYU BAS LNGA BCU RTZA BZHI DANG, DE NAS BZUNG STE MTSAN PHYED KYI BAR DU'ANG DE LAR BRGYU

BAS BRGYA DANG BRGYAD DO, ,GNYIS PA LA GNYIS, PHA RGYUD NAS BSHAD PA DANG, MA RGYUD NAS BSHAD PA'O, ,DANG PO NI, DGONGS PA LUNG STON LAS RLUNG BCUR GSUNGS TE, DE LA DBYE BA DANG, GNAS DANG, 'CHAGS PA'I RIM PA DANG, BYED LAS DANG, RGYU BA'I TSUL DANG, DE LTAR GTAN LA PHAB PA'I DGOS PA'O, ,DANG PO NI, SROG RLUNG SOGS RTZA BA'I RLUNG LNGA DANG, KLU SOGS YAN LAG GI RLUNG LNGA'O, ,RDO RJE SGO'I RGYUD NAS NI, YAN LAG GI RLUNG LNGA LA RGYU BA LA SOGS PA'I MING GIS BSTAN NO, ,YAN LAG GI RLUNG LA THA SNYAD SNGA MA LTAR 'DOGS PA'I RGYU MTSAN NI, RJE 'GOS KYIS, DE LNGA PO RIM PA BZHIN DU SNYE MA DANG, SBRUL 'DRA BA DANG, MCHIN PA DANG, RUS SBAL DANG, GLO BA DANG, RTZANGS PA DANG, SNYING LHAN CIG GI BU MO'I GO SA DANG, MKHAL MA GZHU'I DBYIBS DANG 'DRA BA LAS BYUNG BAS DE LTAR BTAGS GSUNGS SO, ,GNYIS PA NI, SROG RLUNG SNYING GA DANG, THUR SEL 'DOMS DANG, GYEN RGYU MGRIN PA DANG, ME MNYAM LTE BA DANG, KHYAB BYED TSIGS KUN LA GNAS SHING, YAN LAG GI RLUNG LNGA RIM PA BZHIN DU MIG LA SOGS PA'I DBANG PO'I SGO LNGA LA GNAS SO, ,GSUM PA NI, ZLA BA NGO BCU LA DANG PO'I DUS SU RNAM SHES KHU KHRAG GI DBUS SU ZHUGS MA THAG SROG RLUNG SKYE LA, SROG RLUNG LAS ZLA BA GNYIS PA'I DUS SU THUR SEL DANG, DE LAS GSUM PA'I DUS SU ME MNYAM DANG, DE LAS BZHI PAR KHYAB BYED DANG, DE LAS LNGA PAR GYEN RGYU'I RLUNG SKYE'O, ,ZLA BA PHYI MA LNGA'I DUS SU RIM PA BZHIN MIG GI SGO NAS RGYU BA'I RLUNG DANG, SA'I KHAMS PHAL CHER DANG, RNA BA'I SGO NAS RGYU BA, CHU'I KHAMS DANG BCAS PA DANG, SNA NAS RGYU BA ME DANG,

, ,LCE NAS RGYU BA RLUNG DANG, LUS KYI DBANG PO RDZOGS NAS RGYU BA SKYE ZHING, DE DAG GI DUS SU YUL RNAMS CI RIGS PAR 'DZIN NO, ,BZHI PA NI, SROG RLUNG GIS SROG RING DU BYED PA DANG, GYEN RGYUS BZA' BTUNG GYEN DU 'DREN PA SOGS DANG, THUR SAL GYIS THUR DU 'DRAN PA DANG, MNYAM GNAS KYIS MNYAM DU 'JU BA SOGS DANG, KHYAB BYED KYIS 'GRO BA SOGS BYED CING, YAN LAG GI RLUNG LNGA MIG GI SGO NAS RLUNG GI RNAM SHES KYI BZHON PA BYAS NAS GZUGS 'DZIN PA'I 'BRAS BU BYED DO, ,DE BZHIN DU RNAM PAR RGYU BA DANG, YANG DAG PAR RGYU BA DANG, RAB TU RGYU BA DANG, NGES PAR RGYU BA RNAMS KYIS RANG RANG GI RNAM SHES KYI BZHON PA BYAS NAS YUL SO SOR 'DZIN PA'I 'BRAS BU BYED DO, ,YAN LAG GI RLUNG LNGA NI RTZA BA'I RLUNG GI GNAS SKABS YIN NO, ,SROG RLUNG SGO DE DAG NAS RGYU BA LA MING DE LTAR BTAGS PA'O, ,LNGA PA NI, KHYAB BYED 'CHI BA'I TSE MA GTOGS SNA'I SGO NAS MI RGYU LA, GZHAN BZHI LA GA-YAS PA NAS RGYU BA DANG, GA-YON PA NAS RGYU BA DANG, GNYIS KA NAS DRAG POR RGYU BA DANG, DAL BAR RGYU BA STE, GYEN RGYU DANG, THUR SEL DANG, ME MNYAM DANG SROG RLUNG RNAMS SO, ,DE DAG GSANG BA'I SNA RTZE NAS BYUNG NAS KUN RDZOB PA'I SNAR RGYU BA YIN NO, ,RIGS LNGA DANG SBYAR NAS RGYU BA'I TSUL NI, NYIN ZHAG GCIG LA RLUNG NYI KHRI CHIG STONG DRUG BRGYA BRGYU LA DE LA THABS MGON PO RE'I RLUNG DGU BRGYA PA PHRAG RE RGYU BA'I TSE SHES RAB LHA MO BZHI'I RLUNG NYIS BRGYA NYER LNGA RE RGYU BA YIN LA, DE LA GA-YAS NAS GYEN RGYU KHA DOG DMAR PO DGU BRGYA PA PHRAG GCIG RGYU BA NI PADMA MGON

PO'I RGYU BA YIN LA, DE LA ME'I ME GOS DKAR MO DANG, ME'I RLUNG SGROL MA DANG, ME'I SA SPYAN MA DANG, ME'I CHU M'A MA KIsh'I RLUNG RNAMS RGYU'O, ,GA-YON PA NAS RGYU BA THUR SEL TE KHA DOG LJANG SER LAS KYI MGON PO'I DANG, GNYIS KA NAS DRAG TU RGYU BA ME MNYAM STE KHA DOG SER PO RIN CHAN MGON PO'I DANG, ZHAN PAR RGYU BA SROG RLUNG KHA DOG SHEL LTAR SNANG BA RDO RJE MGON PO'I RGYU BA DGU BRGYA BA PHRAG RE'I TSE'ANG DE LTAR SBYOR RO, ,DE DAG NI DGU BRGYA RE LA 'PHO BA RER BYAS PA STE, DUS 'KHOR NAS DE NYIS 'GYUR REL 'PHO BA RER BYAS NAS 'PHO BA BCU GNYIS SU GSUNGS SO, ,PADMA MGON PO'I RGYU BA DANG POR SMOS PA'I DGOS PA NI, RDO RJE BZLAS PA GSUNG RDO RJE'I BZLAS PA YIN PAS, DANG POR MGON PO'I RLUNG DE NAS BCUGS NAS SGOM DGOS PAR SHES PA'I CHED YIN NO, , DRUG PA NI, 'CHI BA'I TSE SA CHU LA THIM PA NAS MTHAR RNAM SHES SHI BA'I 'OD GSAL DU THIM PA'I RIM PA DE DAG DANG MTHUN PAR RDZOGS RIM SGOM DGOS PAR SHES PA'I CHED DU, RTZA RLUNG THIG LE RNAMS DANG POR GANG DU CHAGS PA DANG, BAR DU RGYU BA'I TSUL DANG, MTHAR GANG DU THIM PA DANG, JI LTAR THIM PA'I RIM PA RNAMS SHES PAR BYA BA YIN NO, ,GNYIS PA MA RGYUD NAS BSHAD PA NI, DBYU GU DRUG CU RTZA BZHI DANG, CHU TSOD NYI SHU RTZA GNYIS DANG, 'PHO BA BCU DRUG DANG, THUN TSOD BRGYAD KYI THA SNYAD MTHUN PAR RTZA 'KHOR BZHI'I 'DAB MA NAS RGYU TSUL BSTAN TE, SNYING GA'I RTZA 'DAB GCIG DANG, MGRIN PA'I GNYES DANG, SPYI BO'I BZHI DANG, LTE BA'I BRGYAD RNAMS RGYU BA'I DUS DANG YUN RING THUNG MNYAM PA STE GA BAR ZAD DO, ,GNYIS PA DE LA GNAD DU BSNUN PA'I RNAL

, ,'BYOR LA, LUS GTAN LA PHAB PA'I DGOS PA DANG, RNAL 'BYOR DNGOS SO, ,DANG PO NI, RDZOGS PA'I RIM PA'I MING THA MAL BA'I 'BYUNG BA THIM RIM DANG, THOG MA'I RLUNG GI RNAL 'BYOR SOGS LA BSHAD PA YOD KYANG BTAGS NAS BSTAN PA YIN GYI, RDZOGS RIM MTSAN NYID PA NI, BSKYED RIM MAN CHAD DANG THUN MONG MA YIN PA'I DGA' BZHI'I RTOGS PA BSKYED NAS BSGRUB DGOS PA'I PHYIR RO, ,DE LA'ANG SNANG PHYOGS KYI RDZOGS RIM DANG, STONG PHYOGS KYI RDZOGS RIM MO, ,DANG PO NI, RLUNG SEMS TZAM GYIS BSGRUBS PA'I SGYU MA LTA BU'I LHA'I SKU DE 'JA' LUS KYI SKU ZHES KYANG BYA'O, ,LHA'I RNAL 'BYOR GANG YIN BSKYED RIM DU BZUNG BAR MI BYA STE, SNGAGS KYI SKU DANG YE SHES KYI SKU GNYIS GSUNGS PA'I SNGA MA BSKYED RIM DANG, PHYI MA RDZOGS RIM YIN PA'I PHYIR RO, ,GNYIS PA STONG PHYOGS LA BDE BA NGOS BZUNG BA DANG, STONG PA NGOS BZUNG BA DANG, BDE STONG DBYER MED DU BYED PA'I TSUL DANG, DE GNYIS SGRUB PA'I RIM PA'O, ,DANG PO NI, BDE BA TZAM GYIS MI CHOG STE, ,SEMS GNAS KYIS BSGRUBS PA'I SHIN SBYANGS KYI BDE BA PHYI ROL PA LA'ANG YOD PA'I PHYIR DANG, PHAR PHYIN THEG PA NAS BSHAD PA'I RLUNG 'BYUNG 'JUG BGRANGS PA LAS BYUNG BA'I BDE BA DANG, BYA SPYOD NAS BSHAD PA'I STONG PA DANG LHA'I RNAL 'BYOR SGOM PA GZHIR BYAS NAS SROG RTZOL BSGOMS PA LAS BYUNG BA'I BDE BA SOGS LAS KYANG CHES MI 'DRA BA ZHIG DGOS LA, ZAG PA MED PA'I BDE BAS KYANG MI CHOG STE, DE NI NYAN RANG RNAMS LA'ANG YOD PA'I

PHYIR RO, ,'O NA GANG YIN ZHE NA, ZHU BA'I BDE BA'O, ,GNYIS PA NI, PHAR PHYIN THEG PAR BSTAN PA LAS LOGS SU GTAN LA 'BEBS RGYU CUNG ZAD KYANG MED PAS DE NYID GZHIR 'JOG PA YIN NO, ,GSUM PA NI, RGYUD SDE 'OG MA GSUM DANG PHAR PHYIN THEG PAR GTAN LA PHAB NAS DE GO BA'I BLO DE NYID THABS DANG BCAS NAS BSGOM PA YIN GYI STONG PA'I YUL CAN GYI BLO LOGS SU SGRUB MI DGOS LA, 'DIR NI STONG PA SGOM PA'I YUL CAN GYI BDE BA THABS MTHA' YAS PAS LOGS SU SGRUB DGOS LA, BDE BA DES STONG PA YUL DU BYAS NAS SGOM PA BDE STONG DBYER MED PA'I DON YIN GYI, BDE BA LA STONG PAS RGYAS 'DEBS PA SOGS MIN NO, ,BDE BA DE'ANG YID KYI SHES PA'I 'KHOR DU BYUNG GI ,DBANG SHES KYI 'KHOR GYI MIN TE, SO SO SKYE BOS KYANG STONG PA MNGON SUM DU RTOGS PAR 'GYUR BAS SO, ,BZHI PA NI, STONG PA THOG MAR SGOM DGOS TE BSKYED RIM GYI'ANG THOG MA NAS SVA BH'A WA'I SNGAGS DON SEMS PAR GSUNGS PA'I PHYIR RO, ,ZHU BA'I BDE BA LA GANG ZHU BA'I BDE BA, DE GANG GIS BZHU BA DANG, 'JU BA'I PHYIR BYED PA'I RKYEN NO, ,DANG PO NI, SPYI BO BDE CHEN GYI 'KHOR LO'I LTE BA'I DBU MA'I NANG NA GNAS PA'I KHAMS DKAR PO HAm YIG GIS MTSON PA'I DON NO, ,GNYIS PA NI, LTE BA'I 'KHOR LO'I DBU MA'I NANG NA GNAS PA'I THIG LE DMAR PO 'BAR BA LAS 'JU BAR GSUNGS SO, ,GSUM PA NI, ME SBAR BA'I RKYEN KHA SBYOR LAS, LAS KYI RLUNG GIS BSKUL BA YIS, ,LTE BA'I DKYIL 'KHOR DU NI 'BAR, ,ZHES GSUNGS PA'I RLUNG GI RNAL 'BYOR SGOM PA DANG, DBANG PO GNYIS SBYOR

, ,GYI LAS KYIS BSKUL BA'I RLUNG NGO, ,DE GANG NA GNAS PA NI, RDO RJE PHRENG BA LAS, SHES BYA DBUS SU RGYU BA'I RLUNG, ,ME SAD BYED PAR SHES PAR BYA, ,ZHES GSUNGS PAS, DBU MA'I NANG LTE BA'I 'OG GI SUM MED GRU GSUM NA GNAS PA YIN NO, ,RLUNG DE GA-YOS PAS LTE BA'I ME SBAR NAS SPYI BO'I HAm YIG BZHU STE, LHAN SKYES KYI BDE BA SGRUB PAR BYED PA YIN NO, ,DE LA GA-YAS GA-YON GYI RGYU BA BCAD DGOS TE, DE'I RGYU MTSAN GA-YAS GA-YON NAS RGYU BA'I TSE RTOG PA RAGS PA BCAD MI THUB LA, DE NAM GA-YOS PA NA ZHU BDE SKYES NAS RTOG PA RAGS PA GCOD PA'I PHYIR DANG, GA-YAS GA-YON GYI RLUNG GI RGYU BA 'GAGS PA DE NYID RGYU BA'I RKYEN YIN PA'I PHYIR RO, ,GA-YAS GA-YON GYI RGYU BA 'GOG PA'I RNAL 'BYOR LA, RLUNG GI RNAL 'BYOR DANG, THIG LE'I RNAL 'BYOR DANG, GTUM MO'I RNAL 'BYOR RO, ,DE'ANG GTUM MO BYE BRAG PA LA BZUNG BA YIN GYI, SLOB DPON AA BHYAS GSUM DU PHYE BA LTAR NA RDZOGS RIM MTHA' DAG GTUM MOR 'DUS PA'I PHYIR RO, ,RLUNG GI RNAL 'BYOR LA'ANG DUS 'KHOR NAS BUM PA CAN LA RTZAL DU 'DON PAR BSHAD PA DANG, 'PHAGS SKOR NAS RDO RJE BZLAS PA SOGS LA RTZAL DU 'DON PAR BSHAD PA SOGS DU MA YOD DO, ,SLOB DPON SANGS RGYAS YE SHES ZHABS KYIS KUN RDZOB PA'I SNA RTZE DANG, SNYING GA DANG, GSANG BA'I SNA RTZER SPRUL PA'I THIG LE DANG, GSANG BA'I THIG LE BSGOMS NAS ME SBAR BA'I THIG LE'I RNAL 'BYOR DANG, dOM BHI HE RU KA DPON SLOB SOGS DANG, NAG PO SPYOD PA SOGS KYIS GTUM MO LA RTZAL DU

'DON PA SOGS DU MA YOD KYANG, GRUB CHEN RNAMS KYIS MDZAD PA'I LAM GYI GNAD MA 'PHYUGS PAR SHES NA, GANG NYAMS SU BLANGS KYANG LHAN SKYES KYI BDE BA SGRUB NUS PA LA KHYAD PAR CUNG ZAD KYANG MED DO, ,DE'I NANG NAS KHA SBYOR LAS, ,DE YI NANG DU SON PA'I RTZA, ,TIL MAR MA YI NGO BO CAN, ,ZHES SOGS DPYID KYI THIG LE MDOR BSTAN PA DANG, RGYAS PAR BSHAD PA'I DON RNAMS SLOB DPON NAG PO PAS DPYID KYI THIG LE MDZAD PA'I RJES SU 'BRANGS NAS, YI GE RING THUNG GI TSAD LA SOGS PA DANG, SLOB DPON AA BHYAS YI GE 'GOD PA'I TSUL GSUNGS PA RNAMS KYI DON BRJOD NA, SNYING GA'I RTZA MDUD KYIS BCINGS PA'I DBU MA'I NANG GI BU GA CUNG ZAD TZAM DE'I NANG NA GNAS PA'I HAm YIG SNGON PO YUNGS KAR GYI TSAD TZAM 'OD DKAR PO KHA BA LTA BU 'JIG PA GNAS PA NI GTUM MO 'BAR BA NA BDE BA BSKYED PA'I PHYIR DPYID CES BYA LA, DE'I TSE BDE BA SKYES PA LA SUS KYANG BGEGS BYAR MED PA'I PHYIR MI SHIGS PA ZHES BYA'O, ,LTE BA'I MDUD PAS BCINGS PA'I DBU MA'I NANG GI AA THUNG NI THIG LE ZHES BYA'O, ,DE NYID GA-YAS GA-YON GYI RGYU BA 'GAGS NAS SUM MDO GRU GSUM GYI DBU MA'I NANG NA GNAS PA'I ME SAD BYED KYI RLUNG GA-YOS TE ME SBAR BAS NA, SPYI BO'I HAm YIG ZHU NAS LTA BAR 'DU 'PHROD BYAS PA'I TSE DPYID KYI THIG LE GNYIS KAR DU 'GYUR LA, DE BZHIN DU SNYING GAR 'DU 'PHROD BYAS PA'I TSE'ANG 'GYUR RO, ,LTE BA DANG, SNYING GA DANG, MGRIN PAR GNAS PA'I YI GE GSUM PO 'OG MA THUNG DU DANG BAR MA THUNG DU GNYIS DANG, GONG MA THUNG DU GSUM GYI TSAD DU BSHAD

, ,PA LAS, SPYI BO'I HAm MGRIN PAR SLEBS PA'I TSE ME DANG THAG RING BAS THIG LE CHA GSUM GYI TSAD TZAM DANG, SNYING GAR SLEBS PA NA ME DANG NYE BAS CHA GCIG ZAD NAS CHA GNYIS DANG, LTE BAR SLEBS PA'I TSE CHA GCIG LAS MED PA LA 'CHAD KYANG SGRA RING THUNG GI TSAD YIN GYI, THIG LE'I PONG TSOD CHE CHUNG GI DON MA YIN NO, ,DES NA SGRA 'BYUNG BA'I GNAS, KHOG PA MGRIN PA RKAN DANG LCE, ,SNA DANG SPYI BO SO DANG MCHU, ,ZHES PA LTAR LUS KYI NANG GI SGRA 'BYUNG BA'I GNAS RNAMS 'PHRAD PA NA LTE BA'I AA YIG THUNG DU DANG, SNYING GA'I H'Um YIG THUNG DU GNYIS TSAD DANG, MGRIN PAR THUNG DU GSUM GYI TSAD TZAM DU GNAS PA'I NANG GI BRJOD PA YIN GYI, PHYI'I NGAG GI BRJOD PA MIN NO, ,YI GE BZHI POS MTSON PA'I DON NI, LTE BA DANG, SPYI BO GNYIS KYIS LUS MTSON LA, SNYING GA'I H'Um GIS SEMS DANG, MGRIN PA'I AOm GYIS DAG MTSON PAS RNAL 'BYOR PA'I SGO GSUM MTSON PA YIN NO, ,DE NAS DMIGS PA JI LTAR 'DZIN PA'I RIM PA NI, LAM THUN MONG BAS RGYUD SBYANGS BSKYED PA'I RIM PA LEGS PAR BSGOMS PA'I MTHAR, THOG MAR RTZA GSUM GSAL GDAB PA NI, LUS KYI NANG GI DBUS DRANG PO LAS TSIGS PA PHYOGS LA CUNG NYE BAR RTZA DBU MA KHA DOG SNGON PO, ,GA-YAS RO MA DMAR BA, GA-YON RKYANG MA DKAR BA, MTHE'U CHUNG GI SBOM PHRA'I TSAD TZAM SPYI BO NAS RKANG MTHIL GYI BAR DU GNAS SHING, LTE BA'I THAD DANG, NU MA GNYIS KYI DBUS DANG, MGRIN PA DANG, SKRA MTSAMS KYI BAR RNAMS SU RO RKYANG GIS DBU MA LA BCINGS PA'I MDUD PA YOD PAR BSAM PAR BYA'O, ,DE

NAS LTE BA'I RTZA 'DAB KYI PHYI NANG GI RIM PA DU MA YOD KYANG, PHYOGS BZHI DANG MTSAMS BZHIR 'DAB MA BRGYAD DBU MA LA ZUG CING BU GA THAL MAR YOD PAR BSAM, LTE BA'I DBUS SU ZLA BA LA GNAS PA'I AA DMAR PO THIG LE N'A DA DANG BCAS PA BSAM ZHING, DE NAS MDUN NGOS SHAR DU BYAS PA'I RTZA SBUBS KYI NANG DU YI GE THAMS CAD LANGS PA'I PHYI NGOS NAS AA NAS BRTZAMS TE DBYANGS THA MA'I TSIG DRAG LA THUG GI BAR DU DBYANGS YIG BCU DRUG DGOD, GA-YAS SKOR DU LHO PHYOGS KYI RTZA'I NANG DU KA'I SDE TSAN DANG, NUB PHYOGS SU TZA'I SDE TSAN DANG, BYANG PHYOGS SU tA SDE DANG, MTSAMS KYANG GA-YAS SKOR BYAS NAS SHAR LHO NAS BRTZAMS TE TA SDE DANG, PA SDE DANG, MTHAR GNAS KYI YI GE BZHI DANG, DRO BA'I YI GE LNGA TSAN RNAMS DGOD DO, ,YI GE THAMS CAD KYANG KHA DOG DMAR PO 'OD CUNG ZAD 'PHRO BA THIG LE N'A DAS BRGYAN PA LA BYANG CHUB KYI SEMS PA MO LTA BU 'DZAG PAR BSAM PAR BYA'O, ,SNGAR LTAR SNYING GAR YANG RTZA 'DAB BRGYAD GSAL BTAB NAS LTE BA'I NANG DU ZLA BA LA GNAS PA'I H'Um SNGON PO THUR DU LTA BA DANG, PHYOGS KYI 'DAB MA BZHI LA AA AI AU AE DANG, MTSAMS BZHI LA YAR LA WA BZHI SNGAR BSHAD PA LTAR THIG LE N'A DA DANG BCAS PAS BRGYAN PA DANG, YI GE DANG RTZA 'DAB KHA DOG SNGON PO'O, ,LTE BA'I RTZA 'DAB KHA GYEN LTA DANG SNYING GA'I THUR LTA'I, ,MGRIN PA'I LTE BAR ZLA BA LA GNAS PA'I AOm DMAR PO MGO GYEN LTA DANG, 'DAB MA KHA DOG DMAR PO KHRA GYEN LTA BCU DRUG GSAL BTAB NAS, BAR DU RE RE BOR BA'I PHYOGS BZHI DANG, MTSAMS BZHI YI GE SNGA MA

, ,BRGYAD RING PO KHA DOG DMAR PO LANGS PA DGOD DO, ,SPYI BO'I LTE BAR ZLA BA LA GNAS PA'I HAm DKAR PO MGO THUR DU BSTAN PA'I MTHAR 'DAB MA KHA DOG SNA TSOGS PA SUM CU RTZA GNYIS GSAL BTAB NAS SHAR GYI 'DAB MA NAS GA-YAS SKOR DU AA NAS BRTZAMS TE 'DAB MA RE RE DOR BAR DBYANGS YIG BCU DRUG KHA DOG DKAR PO DGOD DO, ,THIG LE N'A DA DANG BCAS PA 'OD BA ME LTA BU 'DZAG PA NI YI GE THAMS CAD 'DRA ZHING, SPYI BO'I RTZA 'DAB KHA THUR LTA'O, ,DE LTAR BSGOMS PAS GTUM MO 'BAR BA'I RGYU MTSAN, YE SHES MTSON PA'I DON BYANG CHUB KYI SEMS DANG RLUNG YIN LA, RTZA'I YAL GA'I ZAD MTSAMS MTHAR THUG PA BDUN KHRI NYIS STONG PO RNAMS RLUNG DANG BYANG CHUB KYI SEMS 'DAB MA SNGAR BSHAD PA RNAMS KYI NANG DU 'DU ZHING, RTOG PA GAR BZHAG GI RJES SU RLUNG 'GRO BAS RLUNG 'DU BA'I PHUL GZHAN DANG MI 'DRA BA'I DGOS PA YOD LA, THOG MA NAS GTUM MO'I ME 'BAR BA LA DMIGS PA NI GTUM MO'I PHYOGS TZAM YIN NO, ,DE LTAR BSKYED RIM THUN BZHIR BSGOMS PA'I MTHAR BSGOM ZHING, 'DAB MA YI GE DANG BCAS PA DE TZAM GSAL MI NUS NA LTE BAR YI GE BZHI PO TZAM GSAL BTAB LA DMIGS PA BZUNG NGO, ,DE LTAR BSGOMS PA'I MTHAR YI GE RNAMS LA DMIGS PA'I GSAL SNANG SKYES PA NA SPRUL PA'I 'KHOR LO'I LTE BA'I AA THUNG LA ME RGYA KHAB KYI SBOM PHRA TZAM DRANG PO GA-YO BA MED PA 'BAR NAS DBU MA'I NANG NAS GYEN DU SONG STE, SPYI BO'I HAm YIG ZHU BAR DMIGS SHING DE LAS ME 'BAR BA 'DAB MA'I NANG DU SONG STE SNGAR BKOD PA'I BYANG

SEMS KYI YI GE BCU DRUG ZHU NAS HAm ZHU BA DANG GONG BU GCIG TU 'DRES TE 'OG TU SONG NAS MGRIN PA'I AOm YIG DANG GCIG TU 'DRES, DE LAS ME 'BAR BA 'DAB MA'I NANG DU SONG STE YI GE BRGYAD ZHU NAS AOm ZHU BA DANG GCIG TU 'DRES, GONG BU DE NYID 'OG TU SONG STE SNYING GA'I H'Um YIG DANG 'DRES, DE LAS ME 'BAR BAS 'DAB MA'I NANG GI YI GE RNAMS ZHU NAS H'Um YIG DANG 'DRES, DE ZHU NAS LTE BA'I AAm LA THIM, DE LAS KYANG ME 'BAR BAS 'DAB MA'I NANG GI SDE TSAN BRGYAD KYI YI GE ZHU NAS AAm LA THIM, DE ZHU BAS BYANG CHUB KYI SEMS KYI THIG LE SHEL LTAR DKAR LA 'TSAR ZHING DMAR BA'I MDANGS CHAGS PA YUNGS 'BRU TZAM DU GSAL BTAB LA DE LA RTZE GCIG TU BSGOM MO, ,DE'ANG SHES PA DE'I NANG DU ZHUGS PAR BSAMS PA LA RTZE GCIG TU BZHAG GI SHES PAS ZUR NAS DMIGS RTEN LA GTOD PA LTAR MI BYA'O, ,SKABS 'DIR GNAS CHA RNYED PA TZAM DGOS PAR MI BZUNG STE, GTUM MO 'BAR NAS LHAN SKYES KYI BDE BA BSGRUB 'DOD PA'I PHYIR RO, ,DE LTAR DMIGS RTEN DANG SHES PA GNYIS GCIG TU 'DRES PA LTA BU'I NYAMS SKYES KYI BAR DU BSGOMS NAS, DE NAS THIG LE DE'I DBUS SU MAR ME BTZUGS PA LTA BU'I ME KHA DOG DMAR BA REG BYA TSA BA RGYA KHAB KYI SBOM PHRA TZAM RING THUNG SOR BZHI TZAM LA MNYAM PAR BZHAG GO ,DE LTAR YUN RING DU BSGOMS PA NA SPYI BO'I HAm YIG ZHU NAS BDE BA SKYE BAR 'GYUR RO, ,'OD ZER GYI RE KH'A SHIN TU PHRA BA DE'ANG BSIL BAR 'GYUR TE ZHES GSUNGS PA'I DON NI, SLOB DPON AA BHYA DANG, SH'AKYA SRUNG BA DANG, DBU MA PA TI SOGS KYIS BSIL BA'I DON BDE BA BSKYED PA LA BSHAD PAS, SNGAR

, ,REG BYA TSA BA PHYIS GRANG BAR SONG BA NI MA YIN TE, DPYID THOB PA YIS CHOG SHES DANG, ,SGOM PAR 'JUG PA RNAM PAR GNAS, ,ZHES GSUNGS PA LTAR RO, ,DE LTA BU'I SKABS SU BDE BA SKYES PA TZAM LHAN SKYES KYI BDE BAR MI 'JOG STE, DE LA DBANG DUS KYI LHAN SKYES DANG, LAM DUS KYI LHAN SKYES DANG, 'BRAS DUS KYI LHAN SKYES RNAMS SU YOD PA'I DANG PO DANG THA MA GNYIS RE ZHIG MI STON LA, BAR PA LA BSKYED RDZOGS GNYIS BSDUS PA YOD PA'I RDZOGS RIM GYI LHAN SKYES DANG PO SKYE BA'I TSAD NI, SNGAR BSHAD PA'I GTUM MO BSGOMS PA'I STOBS KYIS GA-YAS GA-YON GYI RGYU BA 'GAGS SHING, DE 'GAGS PA'I STOBS KYIS LTE 'OG NA YOD PA'I ME SAD BYED KYI RLUNG GA-YOS PAS SBAR BA'I 'BAR 'DZAG GI BDE BA SKYES PA NAS 'DZIN PA YIN NO, ,SPYIR RLUNG GI STOBS KYIS KHAMS PHYIR 'PHO BAR BYED KYANG, RLUNG DES SBAR BA'I MES BZHUS PA'I KHAMS NI PHYIR MI 'PHO BA YIN NO, ,DE NAS SPRO BSDU LA BSLAB PA NI, SKRA YI RTZE MO BRGYA STONG LA, ,GLOG 'GYU BA DANG MTSUNGS PA'I 'OD, ,CES GSUNGS PA LTAR, SNGAR GYI GTUM MO'I ME SOR BZHI PA DE LAS 'OD 'PHROS NAS 'KHOR LO BZHI'I 'DAB MA THAMS CAD KYI NANG DU SONG STE, RTZA'I NANG SBYANGS NAS SOR MO'I RTZE MO DANG, BA SPU'I BU GA THAMS CAD KHYAB PAR BSGOM ZHING, DE LAS BYUNG BA'I ME SNA BUG GA-YAS PA NAS 'THON TE SEMS CAN THAMS CAD SANGS RGYAS LA BKOD, DANG PO NAS SANGS RGYAS ZIN PA DANG BCAS PA RNAMS KYI SNA BUG GA-YON PA NAS ZHUGS TE BDE CHEN GYI

'KHOR LO'I BAR GYI RTZA NANG THAMS CAD SPANGS NAS SANGS RGYAS KYI YE SHES KYI BDUD RTZI'I GTUM MO'I ME DANG RO GCIG TU 'DRES PA SNA BUG GA-YAS PA RNAMS NAS BYUNG, RANG GI SNA BUG GA-YON PA NAS ZHUGS TE, BDE CHEN GYI 'KHOR LO NAS RIM GYIS RTZA'I 'DAB MA RNAMS DANG BA SPU'I BU GA'I BAR RNAMS SU KHYUB PAS RGYUD BYIN GYIS BRLAB PAR BSAM MO, ,DE NAS DGA' BZHI'I RTOGS PA SKYE TSUL NI, KHA SBYOR LAS, 'KHOR LO BZHIR NI RAB DBYE BAS, ,SA SOGS 'BYUNG BA CHEN PO DANG, ,THUN BZHIR BYIN GYIS BRLAB PA DANG, PADMA BZHIR NI YANG DAG 'BYUNG, ,DGA' BA BZHI YI NGO BO YIS, ,SBYOR BA YI NI SNGON DU'O, ,MCHOG TU DGA' BA'I NGO BO YIS, ,BYA BA BYED PA'I DNGOS PO LAS, ,DPAL LDAN RDO RJE SEMS GZUGS KYIS, ,'DIR NI 'JIG RTEN BDE BAR ROL, , ZHES GSUNGS PA'I DON, MAN NGAG SNYE MAR PHYAG CHEN THIG LE DRANGS NAS RGYAS PAR BSHAD DE, DE'ANG ZLA BA'I CHA BCU DRUG DANG, NYI MA'I KHYIM BCU GNYIS SU GSUNGS PA'I, ZLA BA BYANG CHUB KYI SEMS DKAR PO DANG, NYI MA BYANG CHUB KYI SEMS DMAR PO YIN TE, DE LA SNGAR BSHAD PA'I GTUM MO'I RNAL 'BYOR BSGOMS NAS SPYI BO'I HAm YIG ZHU BA LA BRTEN NAS BDE CHEN GYI 'KHOR LO'I LTE BA NAS LONGS SPYOD KYI LTE BA'I BAR LA DGA' BA SKYE ZHING, DE'I NANG NAS KYANG LUS KYIS TSIGS BZHIR DGA' BA CHUNG NGU DANG, 'BRING DANG, CHEN PO DANG, SHIN TU CHEN PO BZHI RIM PA BZHIN SKYE'O, ,LONGS SPYOD NAS CHOS 'KHOR GYI LTE BA'I BAR LA, MCHOG DGA' DANG, DE NAS SPRUL BA'I LTE BA'I BAR LA KHYAD PAR GYI DGA' BA DANG, DE NAS NOR BU'I DBUS SU CHUD PA'I BAR LA LHAN

, ,CIG SKYES PA'I DGA' BA SKYE ZHING, DE GSUM LA'ANG CHUNG DU, ,'BRING, CHEN PO, ,SHIN TU CHEN PO BZHI BZHIR PHYE BAS ZLA BA'I CHA BCU DRUG GO, NYI MA'I CHA BCU GNYIS NI KHAMS DMAR PO LA BRTEN NAS SKYES PA'I DGA' BA BZHI 'KHOR LO BZHI'I BAR LA CHUNG DU 'BRING CHEN PO GSUM GSUM DU PHYE BAS BCU GNYIS, DE'ANG YAS BABS KYI DGA' BA SNGAR BSHAD PA LTAR GYI MTSAN NYID YONGS SU RDZOGS PA GCIG SKYES NA KHAMS PHYIR MI 'PHO BAR GYEN DU LDOG BRTEN 'BREL GYI CHOS NYID YIN NO, ,BLA MA SNGA MA RNAMS KYIS MAS BRTAN LA DGA' BA BZHIR PHYE'ANG RGYUD DANG 'GREL PA KHUNGS THUB RNAMS NAS LHAN SKYES KYI BDE BA CHUNG 'BRING GI DBYE BA KHO NAR GSUNGS SO, ,DE'I RJES LA YAS BABS KYI DGA' BA LA JI LTAR DBYE SNYAM NA, GSAL BAR MA GSUNGS KYANG LHAN SKYES KYI BDE BAR DON GYIS 'THOB BO, ,'DI NI BYI BA LO'I DGUN GNAS GONG DKAR BAS BTEG DUS BLA MA RIN PO CHE BLO BZANG GRAGS PA'I ZHAL SNGA NAS MA RGYUD KYI RDZOGS RIM DPYID KYI THIG LE DGE 'DUN BRGYA TZAM LA GNANG DUS SLOB DPON DKA' BCU PA DAR MA RIN CHEN GYIS ZIN BRIS MDZAD PA YIN NO, ,SARBA MANGGA LAm,