` ,,BDE MCHOG GI MCHOD PHRENG GI SKABS SU, ,RJE RIN PO CHE RANG NYID KYIS MDZAD PA'I MCHOD PA'I TSIG NI 'DI LTAR, TING 'DZIN PIR GYIS BRIS PA'I SMIN LEGS GZUGS, ,'KHRI SHING GZHON NU BZHIN DU LUS PHRA ZHING, ,BZHIN RAS RGYAS PAS ZLA BA'I MDZES PA 'PHROG ,AUTPAL SNGON PO'I MIG CAN MCHU SGROS DMAR, ,SPEL LEGS ME TOG PHRENG BA 'DZIN MDZAD MA, ,'DOD PA'I BDE LA CHAGS PA MANG SPRUL TE, ,DKYIL 'KHOR PA RNAMS DGYES PA BSKYED PA'I PHYIR, ,NYER SPYOD LHA MO'I BDE BAS MCHOD PAR BYA, ,DES ME TOG DANG, DE BZHIN DU BDUG SPOS NAS ZHAL ZAS KYI TSIGS BCAD DANG SNGAGS SNGA MA BZHIN DU BRJOD LA, SPEL
, ,LEGS ME TOG PHRENG BA 'DZIN MDZAD MA, ,ZHES PA DANG, PUshPE ZHES PA'I GNAS SU RIM PA BZHIN, DRI ZHIM BDUG PA'I SPOS SNOD 'DZIN MDZAD MA, ,ZHES DANG, RDO RJE KHU TSUR GNYIS KHA THUR DU BSTAN NAS SPOS BTUL BA'I PHYAG RGYA DANG, DH'U PE ZHES BDUG SPOS DANG, RIN CHEN 'OD 'BAR SNANG GSAL 'DZIN MDZAD MA, ,ZHES RDO RJE KHU TSUR GNYIS KYI MTHE BONG GSHIBS TE BSGRENG BA'I PHYAG RGYA DANG, D'I PAm ZHES MAR ME DANG, STONG GSUM NGAD LDANG DRI MCHOG 'DZIN MDZAD MA, ,RDO RJE KHU TSUR BRKYANG BA'I THAL MOS DRIS BYUG PA'I PHYAG RGYA DANG, GANDHE ZHES DRI DANG, RO BRGYA LDAN PA'I ZHAL ZAS 'DZIN MDZAD MA, ,RDO RJE KHU TSUR GNYIS KHA GYEN DU BSTAN NAS THAL MO BRKYANG BA'I PHYAG RGYA DANG, NEE WE DYE ZHES PA RNAMS BCUG LA, ZHAL ZAS KYI BAR DBUL, YID 'ONG ROL MO'I CHA BYAD MTHA' YAS LAS, ,BYUNG BA'I GDANGS SNYAN MI 'DRA DU MA CAN, ,THOS PAS LUS SEMS GDUNG BA ZHI BYED PA, ,SNA TSOGS ROL MO'I SGRA YAS MCHOD PAR BYA, ,AOm BADZRA SHAPTA PRA T'I TZTSA A'A: H'Um, ZHES ROL MO RNAMS DBUL LO, ,PHUL BYUNG GZUGS MDZES YID 'PHROG RGYAN GYIS SPUD, ,LANG TSO RAB RGYAS GLU DANG GAR LA MKHAS, ,DBANG PO DRUG LA RMAD BYUNG BDE BA STER, ,KUN GYI DGA' BSKYED MCHOD PA'I LHA MO NI, ,PI WANG GLING BU RNGA ZLUM RDZA RNGA MAS, ,GDANGS SNYAN SGRA YIS RNA BA'I DGA' STON 'GYED, ,RAB 'BYAMS MCHOD PA'I SPRIN GYIS BDAG MCHOD NA, ,DGYES BZHIN BZHES TE MCHOG RNAMS STZAL DU GSOL,, RDO RJE KHU TSUR GNYIS KYIS PI WAm BRDUNG BA'I TSUL DANG, AOm BADZRA W'I nE H'Um H'Um PHAt, GLING BU BSGYUR BA'I TSUL DANG, AOm BADZRA BAm SHE H'Um H'Um PHAt, SOR MOS MCHAN KHUNG GI THAD DU RNGA MRI TAm GA BRDUNG BA'I TSUL DANG, AOm BADZRA MRI TAm GI H'Um H'Um PHAt, SOR MOS 'OG TU RDZA RNGA CHEN PO BRDUNG
BA'I TSUL DANG, AOm BADZRA MU RA JE H'Um H'Um PHAt, PI WAm ZHES PA NAS DGA' STON 'GYED CES PA'I TSIG RKANG GNYIS KYI GNAS SU, BZHIN MDZES 'DZUM DANG LDAN PA'I 'GYING BAG CAN, ,SNYAN PA'I GLU LEN MDZES PA'I GAR BSGYUR MA, ,ZHES PA BCUG LA GONG 'OG GI TSIG RKANG BZHI DANG, MTHA'I TSIG RKANG GNYIS SNGA MA BZHIN DU SBYAR BA'I RJES SU, ,RDO RJE KHU TSUR GNYIS KHA PHYIR BSTAN TE KHA 'GRAM GNYIS SU BZHAG LA BZHAD PA'I TSUL DANG, AOm BADZRA HA SYA H'Um H'Um PHAt, RDO RJE KHU TSUR GNYIS DKUR BZHAG STE BSNYEMS PA'I TSUL DANG, AOm BADZRA LA SYA H'Um H'Um PHAt, TING SHAG DKROL BA'I TSUL DANG, AOm BADZRA G'I RTI H'Um H'Um PHAt, GANG BSKOR BA'I TSUL DANG, AOm BADZRA NRI TYE H'Um H'Um PHAt, CES DE BZHIN DU 'OG MA GNYIS LA'ANG SBYAR LA, KHYAD PAR NI, ME TOG KON BU DRI ZHIM BDUG SPOS DANG, ,MAR ME'I SDONG BU DRI YI DUNG CHOS 'DZIN, ,SNGAR GYI ME TOG NAS DRI'I BAR GYI PHYAG RGYA BZHI RIM PA BZHIN DU BYAS LA, AOm BADZRA PUshPE H'Um H'Um PHAt, AOm BADZRA DH'U PE H'Um H'Um PHAt, AOm BADZRA D'I PE H'Um H'Um PHAt, AOm BADZRA GANDHE H'Um H'Um PHAt, DRI MED ME LONG SBRANG CHANG SNOD DANG NI, ,SNA TSOGS GOS DANG CHOS KYI 'BYUNG GNAS 'DZIN, GA-YON RDO RJE KHU TSUR KHA NANG DU BSTAN PA'I STENG DU GA-YAS PA'I LAG MTHIL PHYIR BSTAN TE BZHAG PA ME LONG GI PHYAG RGYA DANG, AOm R'U PA BADZRI H'Um H'Um PHAt, SNGAR GYI ZHAL ZAS GYI PHYAG RGYA 'AM, YANG NA RDO RJE THAL MO KHA GYEN DU PHYE BA RA'I PHYAG RGYA DANG, AOm RA SA BADZRI H'Um H'Um PHAt, RDO RJE KHU TSUR GNYIS KYIS GOS 'BUL BA'I TSUL DANG, AOm SPARSHA BADZRI H'Um H'Um PHAt, RDO RJE BSDAMS PA LAS MTHE'U CHUNG GNYIS RTZE SPRAD LA BRKYANG, MDZUB MO GNYIS DANG MTHE BONG GNYIS KYANG BSKYED PA CHOS 'BYUNG GI PHYAG RGYA DANG, AOm DHARMA DH'A TU BADZRI H'Um H'Um PHAt, CES RIG MA BCU DRUG GIS MCHOD, RAB 'BYAMS ZHING NA JI SNYED GZUGS MCHIS PA, YONGS SU
, ,GYUR PA LAS BYUNG LHA MO NI, ,BZHIN RAS RGYAS SHING SKU YI MDZES PA STON, ,GZUGS KYI RDO RJE MA YIS MCHOD PA YIS, ,GANG SHAR GZUGS KYI SNANG BA THAMS CAD NI, ,GZUGS KYI RDO RJE MAR NI SHAR BA'I MTHUS, ,MI 'GYUR BDE BA CHEN PO RAB BSTZAL TE, ,BDE STONG MCHOG GI TING 'DZIN RDZOGS PAR SHOG ,SNGAR GYI ME LONG GI PHYAG RGYA DANG, AOm R'U PA BADZRI H'Um H'Um PHAt, CES GZUGS DANG, DE BZHIN DU TSIGS BCAD RNAMS SNGA MA BZHIN DU BRJOD LA, KHYAD PAR NI, GZUGS ZHES PA 'OG MA BZHI LA RIM PA BZHIN, SGRA DANG DRI DANG RO DANG REG BYA ZHES PA BRJOD NAS, BZHIN RAS RGYAS PAS SKU YI MDZES PA STON, ,ZHES PA'I GNAS SU SNYAN PA'I PI WANG BRDUNG ZHING GLU LEN MA, SNGAR GYI PI WAm BRDUNG PA'I TSUL DANG, AOm SHAPTA BADZRI H'Um H'Um PHAt, CES BRJOD, DE BZHIN DU 'OG MA GSUM LA YANG SHES PAR BYA'O, ,BZANG PO'I DRI YIS PHYOGS KUN RAB 'GENGS MA, ,AOm GANDHE BADZRI H'Um H'Um PHAt, ZHES DANG, BDUD RTZIS GANG BA'I RIN CHEN SNOD 'DZIN MA, ,AOm RA SA BADZRI H'Um H'Um PHAt, CES DANG, 'JAM MNYEN REG BYA MCHOG GIS YID 'PHROG MA, ,AOm SPARSHA BADZRI H'Um H'Um PHAt, CES 'DOD YON LNGAS MCHOD, DRI MED GSER GYI RTZIBS STONG 'OD 'BAR BA, ,RIN CHEN AINDRA N'I LA'I TOG GIS MDZES, ,SNA TSOGS PHRA BKOD MU TIG CHUN 'PHYANG GES, ,KHOR YUG BRGYAN PA'I GDUGS KYIS MCHOD PAR BYA, ,GA-YON DE BZHIN GSHEGS PA'I KHU TSUR BYAS PA'I MTHE BO'I STENG DU, GA-YAS PA KHA THUR DU BSTAN PA BRKYANG LA, AOm BADZRA TZTSA TRAm GA PRA T'I TZTSA H'Um SV'A H'A, ZHES GDUGS DANG, DRANG ZHING LDEM PA'I RIN CHEN YU BA NI, ,ZLA PHYED RDO RJE RIN CHEN RTZE MO CAN, ,DAR LCE GSUM PA RLUNG GIS BSKYOD PA NA, ,SIL
SIL 'KHROL BA'I DRIL CHUNG SGRA SGROGS SHING, ,SUM KHUGS 'KHYOG GI 'GYING DANG RAB TU LDAN, ,MDZES PA'I SROG CHAGS MTSAN MA YOD MED KYI, ,MI MTHUN PHYOGS LAS RGYAL BA'I RGYAL MTSAN DANG, ,RAB MDZES BA DAN RNAMS KYIS MCHOD PAR BYA, ,GA-YON PA'I RDO RJE KHU TSUR GYI STENG DU GA-YAS PA'I GRU MO BTZUGS PA'I RDO RJE KHU TSUR PHRAG PA GA-YON PHYOGS SU KHYER BA DANG, LAG PA GNYIS BRKYANG LA SRIN LAG GI TSIGS DBUS MA BKUG NAS BA DAN RTZE GSUM PA'I TSUL DU BSGRENGS TE, LAG PA GNYIS BRKYANG NAS STENG DU BTEG PA LTAR BZHAG LA, AOm BADZRA KE TU PA TAm GA PRA T'I TZTSA H'Um SV'A H'A, ZHES RGYAL MTSAN DANG BA DAN, NAM MKHA'I RGYAN GYUR RIN THANG MED PA'I GOS, ,SNA TSOGS DAR GYI SHAM BU GA-YO BA CAN, ,TZAN DAN SPRUL GYI SNYING PO'I DRIS BSGOS PA, ,RAB 'BYAMS BLA RE'I SPRIN GYIS MCHOD PAR BYA, ,RDO RJE KHU CHUR GNYIS KYIS NAM MKHA' LA BLA RE 'DOGS PA'I TSUL LAM YANG NA GA-YON PANG PAR MNYAM GZHAG BYAS GA-YAS KHA THUR DU BSTAN TE, BLA RE BSKYED PA'I BSAM PAS NAM MKHA' LA YONGS SU BSKOR LA, AOm BADZRA BI TO NA PRA T'I TZTSA H'Um SV'A H'A, ZHES BLA RE DBUL LO, 'JAM BU CHU BO'I GSER LAS LEGS BYAS SHING, ,RTZIBS STONG LDAN PA'I DPAG TSAD LNGA BRGYA PA, ,NYI MA GNYIS PA LTA BUR MKHAR 'PHAGS TE, ,DPAG TSAD 'BUM LAM NYI MA GCIG GIS GCOD, ,DE'I MTHUS NAM MKHA'I LAM LAS DPUNG TSOGS BZHI, ,GLING BZHI LHA GNAS DANG POR BGROD BYED PA'I, ,'KHOR LO RIN CHEN PHUL BAS 'GRO BA KUN, ,CHOS KYI SRID LA DBANG BSGYUR THOB PAR SHOG ,LAG PA'I MKHRIG MA GNYIS BSNOL TE, ,RGYAB SBYAR LA SOR MO RNAMS GCIG LA GCIG 'KHYUD DE, MTHE BONG GNYIS LAG
, ,MTHIL DU BKUG LA, AOm BADZRA TZAKRA RATNA PRA T'I TZTSA H'Um SV'A H'A, ZHES 'KHOR LO DANG, RIN CHEN BEE d'U RYA'I ZUR BRGYAD LAS, ,SPROS PA'I 'OD KYIS DPAG TSAD BRGYA YI BAR, ,MTSAN MO'ANG NYIN MO BZHIN DU SNANG BYED CING, ,TSA BAS GDUNGS TSE 'OD KYIS BSIL BA STER, DER NI DUS MIN 'CHI DANG NAD RNAMS SEL, ,YID LA GANG BSAMS PHAL CHER 'BYUNG 'GYUR BA'I, ,NOR BU RIN CHEN PHUL BAS 'GRO KUN GYI, ,CHOS LDAN RE BA YID BZHIN 'GRUB PAR SHOG , ,KHU TSUR GNYIS KYI MDZUB MO GNYIS TSIGS BCAG STE MTHE BONG GNYIS DANG RTZE SPRAD LA TZAKRA RATNA'I GNAS SU, MA nI RATNA ZHES NOR BU, YID 'ONG LTA NA SDUG PA'I BUD MED NI, ,LUS DANG KHA NAS DRI ZHIM RAB TU 'BYUNG, ,GANG GIS REG LA BDE BA MCHOG STER ZHING, ,GLING DER BKRES SKOM MYA NGAN SEL BAR BYED, ,BUD MED SKYON LNGA SPANGS SHING YON TAN NI, ,RNAM PA BRGYAD DANG RAB TU LDAN GYUR PA'I, ,BTZUN MO RIN CHEN PHUL BAS 'GRO BA KUN, ,ZAG MED BDE BA CHE LA SPYOD PAR SHOG ,RDO RJE 'BYUNG BA LAS, RDO RJE THAL MO LAS, MDZUB MO'I RTZE MO BKUG NAS NI; ;GUNG MO MNYAM PA'I TSIGS SU SBYAR, ,RDO RJE DBYINGS KYI DBANG MOR BSHAD, ,CES PA'I PHYAG RGYA DANG, STRI RATNA ZHES BTZUN MO, ,GZHAN LA MI 'TSE CHOS MA YIN PA SPANGS, ,YANG DAG THA SNYAD LAS LA SKYO BA MED, ,SA YI BDAG PO'I YID LA BSAMS PA RNAMS, ,MA SMRAS PAR YANG SHES NAS SGRUB PAR BYED, ,DPUNG RNAMS 'GRO DANG GNAS DANG LDOG PA YI, ,BYA BA KUN LA RAB TU MKHAS GYUR PA'I, ,BLON PO RIN CHEN PHUL BAS 'GRO BA KUN, ,RGYAL BA'I DGONGS PA JI BZHIN SKONG BAR SHOG ,RDO RJE BSDAMS
PA LAS GUNG MO GNYIS DANG THA MA BZHI GSHIBS TE BSGRENG BA'I PHYAG RGYA DANG, PA RI nA YA KA RATNA ZHES BLON PO, ,YAN LAG BDUN LDAN GANGS KYI RI BO 'DRA, ,RANG BZHIN GLANG PO STONG GI STOBS DANG LDAN, ,NYI MA GCIG GIS 'DZAM GLING LAN GSUM 'KHOR,, CANG SHES SKUD PA YIS KYANG DKRI BAR NUS, ,GZHAN LA MI GNOD MI 'KHRUG DAL GYIS 'GRO, PHA ROL SDE LAS RGYAL BAR BYED PA YI, ,GLANG PO RIN CHEN PHUL BAS 'GRO BA KUN, ,THEG PA MCHOG GI BZHON PAS BGROD PAR SHOG ,LAG PA GA-YON PA'I MTHIL DU GA-YAS PA'I GRU MO BZHAG STE BSGRENGS LA, GA-YAS PA'I KHU TSUR 'OG TU GLANG PO CHE'I RNAM PAR BYAS PA'I GUNG MO GLANG PO'I SNA LTAR BYAS LA, GA DZA RATNA ZHES GLANG PO, ,ME TOG KU MU DA BZHIN RAB TU DKAR, ,LHA YI GTZUG RGYAN NOR BU SOGS KYIS BRGYAN, ,MDOG DANG DBYIBS DANG BONGS TSOD PHUN SUM TSOGS, ,BSGO NA NYIN GCIG 'DZAM GLING LAN GSUM 'KHOR, ,LUS LA NAD MED GZI BRJID CHEN PO CAN, ,YONGS SU NGAL BA MED PA'I BZHON PA NI, ,RTA MCHOG RIN CHEN PHUL BAS 'GRO BA KUN, ,RDZU 'PHRUL MCHOG GI SHUGS DANG LDAN PAR SHOG ,KHU TSUR BCER BA'I GUNG MO GNYIS DANG SRIN LAG GNYIS BRKYANG, MTHE BONG GNYIS RNA BA LTAR BYAS LA, AA SHVA RATNA ZHES RTA MCHOG ,RDO RJE RIN CHEN MTHON KHA MA RGAD DANG, ,GSER DANG DNGUL DANG SPUG LA SOGS PA NI, ,ZAD PA MED PAS SA PHYOGS RAB 'GENGS PA, ,DE YI 'BYOR PA SHIN TU BRTAN PA STE, ,GA-YO DANG SGYU MED GZHAN LA GNOD PA MED, ,SKYE BO THAMS CAD RAB TU DGA' 'GYUR PA'I, ,KHYIM BDAG RIN CHEN PHUL BAS 'GRO BA
, ,KUN; ;GSUNG RAB RIN CHEN MDZOD KUN 'DZIN PAR SHOG ,THAL MO GNYIS BKAN LA SNYIM PA'I TSUL DU BYAS PA NAM MKHA' MDZOD KYI PHYAG RGYA DBRAL BAR BZHAG LA GRI HA PA TI RATNA KHYIM BDAG STE, RIN CHEN SNA BDUN GYIS MCHOD DO, ,'KHOR LO'I SNGAGS KYI THOG MTHA' PHYI MA BDUN LA'ANG SBYAR RO, ,RIN CHEN SNA BDUN 'BUL BA'I TSIGS BCAD RNAMS NI, MDO DRAN PA NYER GZHAG LAS GSUNGS PA'I DON BSDUS PA'O,,` ,,DE NAS DPYID KYI RGYAL PO'I GLU RJE THAMS CAD MKHYEN PAS MDZAD PA 'DI LTAR, MNGON BRJOD BLA MA'I LE'U NYER LNGA PAR GSUNGS PA'I DPYID KYI RGYAL PO'I GLU LA DRUG ,GLU BLANGS PA'I PHAN YON, GLU LEN PA'I DUS, JI LTAR BYAS NAS GLU BLANGS PA, GLUS BSKUL BA'I YUL, GLU'I TSIGS SU BCAD PA, GLU'I SGRA'I DON BSHAD PA'O, ,DANG PO NI, MNGON BRJOD LAS, 'DI YIS MGON PO BSKUL NA NI, ,DKYIL 'KHOR DNGOS GRUB NGES PA STE, ,ZHES GLU 'DIS BSKUL NA DKYIL 'KHOR BA RNAMS KYI DNGOS GRUB NGES PAR STER, ZHES PA DANG, SNYAN CING 'JAM PA'I MGRIN PA'I DBYANGS, ,DPYID KYI RGYAL MO'I GLU BLANGS PAS, ,MKHA' 'GRO'I DRA BA DRI MED RNAMS, ,GZIGS SHING LAS KUN MDZOD PA YIN, ,ZHES DRI MA MED PA'I MKHA' 'GRO'I DRA BA STE TSOGS RNAMS KYIS THUGS BRTZE BAS GZIGS SHING YID LA 'DOD PA'I LAM THAMS CAD SGRUB PAR MDZAD PA YIN, ZHES GSUNGS PAS DON CHE'O,, DE'I PHYIR MNGON MRJOD KYI DGU PA LAS, ,MKHA' 'GRO MA NI DGYES BYED PA'I, ,GLU NI RNAL 'BYOR PAS MI SMAD, ,CES GSUNGS PA LTAR SNYAN PA'I SGRA DBYANGS KYIS 'DI 'DRA BA'I GLU LEN PA LA SMAD DU MI RUNG NGO, ,GNYIS PA NI, MNGON BRJOD LAS, BSGOMS PAS
'KHOR LO'I BZLAS PA BYA, ,RANG GI LHA YI SBYOR BA YIS, ,RGYU DANG MI RGYU BLTA BAR BYA, ,DAM TSIG CAN NYID LANGS DUS SU, ,ZHES GSUNGS PA LTAR LANGS PA'I DUS SU'O, ,'DI LA 'GREL PA LAS, RGYU'I HE RU KA ZHU BA LANGS PAR 'GYUR BA'I DUS SU BYA BAR BSHAD KYANG, 'DI GTZO 'KHOR GYI DKYIL 'KHOR BA'I LHA RDZOGS PAR BSKYED, YE SHES PA BCUG ,DBANG BSKUR NAS BZLAS PA ZIN PA'I 'OG TU BYED PAR GSUNGS PAS MI 'THAD DO, ,BOD KYI BLA MA KHA CIG THO RANGS LANGS PA'I DUS LA 'DOD PA YANG MI 'THAD DE, GLU 'DIS BSKUL PA'I RJES SU YIG BRGYA BZLAS NAS CI BDER GNAS PAR BYA BAR GSUNGS PAS THUN GSHAM DU SNANG BA'I PHYIR RO, ,DES NA LHA BSGOMS PA DANG SNGAGS BZLAS PA'I TING NGE 'DZIN LAS LANGS PA'I DUS SU YIN LA, DE YANG BDAG BSKYED KYI SKABS SU GSUNGS KYANG, MDUN BSKYED KYI DKYIL 'KHOR SKABS SU YANG BYAS PAS CHOG LA, TSOGS 'KHOR LA SOGS PA'I SKABS SU YANG BYAR RUNG NGO, ,GSUM PA NI, RANG GI LHA YIS ZHES PA GNYIS KYI DON RANG BDE MCHOG YAB YUM DU GSAL BA'I SBYOR BA STE, RNAL 'BYOR GYIS MI RGYU BA SNOD GZHAL YAS KHANG DANG, RGYU BA BCUD KYI SEMS CAN RNAMS DKYIL 'KHOR PA'I LHAR BLTAS NAS BYA BA DANG, YANG DE NYID LAS, RDO RJE PADMA YID 'ONG BA, ,SBYOR BAS DNGOS GRUB THAMS CAD 'GRUB, ,DGYES PA 'DI YIS BSKUL NA NI, ,BDE BA CHEN PO STZOL BA YIN, ,ZHES DBANG PO GNYIS MNYAM PAR SBYOR BA'I DGES PA STE, MNYES BYED 'DI YIS BSKUL NA ZHES GSUNGS PAS SNYOMS PAR 'JUG PA'I DUS KYI SNGAGS 'GOD PA DANG GSANG GNAS BSKYOD PA SOGS BYAS LA DGA' BA RNAMS BSKYED NAS 'DI BYA'O, ,BZHI PA NI, MNGON BRJOD LAS, DE BZHIN GSHEG
, ,PA THAMS CAD DANG, ,DPA' BO DANG NI RNAL 'BYOR MA, ,MKHA' 'GRO DANG NI MKHA' 'GRO MA, ,KUN LA GSOL BA GDAB PAR BYA, ,ZHES GSUNGS PA LTAR YUL DE RNAMS LA GLU 'DIS GSOL BA GDAB PAR BYA'O, ,MNGON BRJOD KYI 'GYUR GZHAN LAS KUN GYIS ZHES 'BYUNG BA MA DAG GO ,LNGA PA NI, GLU'I TSIGS SU BCAD PA NI, KHRO BO BDE BA DGYES PA YIS, ,BDE BA'I LONGS SPYOD LAS BYUNG BA'I, ,BDE BA DBAB PA'I SBYOR BA YIS, ,RAB TU RMONGS PAS STEN PAR BYED, ,BDE CHEN BDE BA'I GAR GYIS ROL, ,RNAL 'BYOR MA MCHOG PADMA'I BDE, ,AA LA LA HO DGYES PA RNAMS KYI BDE BA MCHOG ,RNAL 'BYOR MA MCHOG MCHOD PAR MDZOD, ,AA A'I A'A A'A RA LI HO, ,RAB DGYES MGON PO KHYOD BZHUGS MDZOD, ,MKHA' 'GRO DRA BA'I BDE BA STZOL, ,DGYES PA'I BDE BA STZOL BAR MDZOD, ,ZHI BA'I GAR GYIS GAR MDZAD PA, ,BDAG LA BDE CHEN BDE BA STZOL, ,THAR PA'I MTSAN NYID LDAN PA KHYOD, ,AA LA LA LA LA HO, ,BDE BA SPANGS PAS GROL MI 'GYUR, ,BDE MED SDUG BSNGAL GYIS MI GROL, ,BDE DE CHU SKYES DBUS NA GNAS, ,CHAGS PA'I DNGOS PO KHYOD MA GYUR, ,BDE BA CHE YIS GROL BAR MDZOD, ,PADMA RGYAS PA'I RO NYID KYIS, ,BUNG BA LTA BUR CHIMS PAR MDZOD, ,CES PA'O, ,DANG PO BZHI LA, LO CHUNG GI 'GYUR LAS, ,KHRO BO BDE BA'I DGYES PA YI, ,LONGS SPYOD LAS NI BYUNG BA YI, ,RAB RMONGS MA YIS BSNYEN BYAS NAS, ,BDE BA'I SBYOR BA LA ZHUGS TE, ,ZHES 'BYUNG NGO, ,DRUG PA NI, CI'I PHYIR DPYID KYI RGYAL PO'I GLU ZHES BYA SNYAM NA, BDE BA'I DGA' STEN 'BAR BAS, ME TOG SOGS RGYAS PA'I DPYID KYI DUS DANG 'DRA BAS NA DPYID DO, ,RGYAL PO NI MCHOG GI DON NO, ,BYED LAS DE LTA BU SGRUB PA'I GLU LA
DPYID KYI RGYAL MO'I GLU ZHES BYA'O, ,THEG PA BLA NA MED PA'I LAM NI BDE BAS KHYAD PAR DU BYAS LA, GLU 'DIS BSKUL NA BDE BA 'PHEL BA'I GNAD YOD PAS, 'DI NI MKHA' 'GRO MA'I BYIN RLABS CHAGS PA'I GLU KHYAD PAR CAN NO, ,'DI LA DON NI RGYUD LAS GSUNGS PA LAS LHAG PA MED MOD KYANG, TSIG GI SBYOR BA PHYOGS 'DI'I GDUL BYA'I BLO DANG 'TSAM ZHING GO SLA BAS, YID 'KHUL BA YOD NA DAD PA DANG BDE STONG GI LAM NGO MTSAR BAR 'GYUR BAS DE BRJOD PAR BYA'O, ,H'Um, BDE BA CHE LA DGYES PA'I HE RU KAS, ,BDE BAS RAB MYOS MA LA BSNYEN BYAS NAS, ,CHO GA BZHIN DU LONGS SPYAD PA YIS NI, ,LHAN SKYES BDE BA'I SBYOR BA LA ZHUGS SO, ,BDE BA CHEN POS YID NI RAB BSKYOD PAS, ,LUS NI KUN TU GA-YO BA'I GAR GYIS NI, ,PHYAG RGYA'I PADMAR ROL PA'I BDE BA CHE, ,RNAL 'BYOR MA MCHOG RNAMS LA MCHOD PAR MDZOD, ,YID 'ONG ZHI BA'I NYAMS KYIS GAR MDZAD PA, ,RAB DGYES MGON PO KHYED DANG MKHA' 'GRO'I TSOGS, ,BDAG GI MDUN DU BZHUGS TE BYIN RLOBS LA, ,LHAN SKYES BDE CHEN BDAG LA STZAL DU GSOL, ,BDE CHEN THAR PA'I MTSAN NYID LDAN PA KHYOD,, BDE CHEN SPANGS PA'I DKA' THUB DU MA YIS, ,TSE GCIG GROL BA MI BZHED BDE CHEN KYANG, ,CHU SKYES MCHOG GI DBUS NA GNAS PA YIN, ,'DAM GYI DBUS SU SKYES PA'I PADMA BZHIN, ,CHAGS LAS SKYES KYANG CHAGS PA'I SKYON MA GOS, ,RNAL 'BYOR MA MCHOG PADMA'I BDE BA YIS, ,SRID PA'I 'CHING BA MYUR DU GROL BAR MDZOD, ,SBRANG RTZI'I 'BYUNG GNAS RNAMS KYI SBRANG RTZI'I BCUD, ,BUNG BA'I TSOGS KYIS KUN NAS 'THUNG BA LTAR, ,MTSAN NYID DRUG LDAN MTSO SKYES RGYAS PA YI, ,BCUD BCINGS PA YI RO YIS TSIM PAR MDZOD, ,CES
, ,PA'I TSUL GYIS DON GSAL BAR BKROL NA GO BDE BAR 'GYUR RO, ,'DI'I SHOLO KA RE RE'I MGOR, ,DE BZHIN GSHEGS PA THAMS CAD DANG, ,ZHES PA'I RKANG PA GSUM GYI MTHAR, ,KUN LA BDAG NI GSOL BA 'DEBS, ,ZHES SBYAR LA, SHOLO KA RE RE'I MTHAR AA LA LA LA LA HO, AA A'I A'A A'A RA LI HO: ZHES PA BTZUD PA'I MTHAR, DRI MED MKHA' 'GRO'I TSOGS RNAMS KYIS, ,BRTZE BAS GZIGS LA LAS KUN MDZOD, ,CES SBYAR RO, ,THOG MAR H'Um GLUR LEN PA NI, ,RGYUD 'DI'I GLU'I SKABS GZHAN DU GSUNGS TE 'DI LA'ANG 'GRO'O, ,MJUG TU BYA BA'I SMON LAM DANG SHIS BRJOD, RJE THAMS CAD MKHYEN PAS MDZAD PA NI 'DI LTAR, DGE BA CUNG ZAD TZAM YANG RGYAL SRAS KYI, ,THABS MKHAS SMON LAM MCHOG GIS ZIN GYUR NA, ,'BRAS BU DMAN PA'ANG PHUL DU 'BYUNG 'GYUR ZHING; ;MYUR DU 'DZAD PA'ANG NAM YANG MI ZAD PAR, ,GSUNGS PHYIR DUS GSUM DGE BA CI MCHIS PA, ,RLABS CHEN SMON LAM RNAMS KYIS BSGYUR BA LA, ,MKHAS PA SU ZHIG RAB TU BRTZON MI BYED, ,DE PHYIR THABS MKHAS DENG NI 'DAR BYA'O, ,'DAS DANG MA BYON DA LTAR BYUNG BA DANG, ,'BREL BA'I LEGS TSOGS BDAG LA CI MCHIS PA, ,DE YIS DNGOS GRUB KUN GYI 'BYUNG GNAS MCHOG ,BSHES GNYEN DAM PA TSUL BZHIN BSTEN PAR SHOG ,DE YIS NYE BAR BSTAN PA'I GDAMS PA LAS, ,'ONGS PA'I DAL 'BYOR DON CHE RNYED DKA' DANG, ,'JIG PAR SLA DANG NGAN 'GRO'I SDUG BSNGAL DANG, ,DE LAS SKYOB PA'I SKYABS 'GRO LAS 'BRAS RNAMS, ,LEGS PAR BSAMS LAS NGES PA BRTAN PO NI, ,RNYED NAS YANG DAG LAM GYI GZHI ZIN SHOG ,'KHOR BA CHU SHING
SNYING PO MED PA LA, ,RTAG TU BDAG PO YID NI 'BYUNG GYUR CIG ,BRTZE BAS 'GRO BA'I SDUG BSNGAL MA BZOD NAS, ,SEMS NI BYANG CHUB MCHOG LA MNGON PHYOGS PA'I, ,SMON SEMS 'JUG PA'I SDOM PA LEGS BZUNG NAS, ,PHYIN DRUG BSDU PA BZHI LA SPYOD PAR SHOG ,THUN MONG LAM SBYANGS SNOD DU GYUR PA NA, ,DBANG BZHI BSKUR BAS SKU BZHI 'GRUB NGES KYI, ,NUS PA 'JOG BYED DRI MA RNAM PA BZHI, ,'KHRUD CING RIM GNYIS BSGOM LA DBANG BAR SHOG ,DE DUS BLA MA SANGS RGYAS BYANG SEMS DANG, ,DPA' BO MKHA' 'GRO DBANG DU LEGS BZHAG NAS,, JI SKAD GSUNGS BZHIN SRUNG BAR KHAS BLANGS PA'I, ,DAM TSIG SDOM PA TSUL BZHIN SRUNG BAR SHOG ,DE NAS TSE RABS KUN TU LHAG PA'I LHAS, ,RJES SU BZUNG NAS BYIN GYIS RLOB PA DANG, ,RDZOGS RIM YONGS RDZOGS SKYE BA'I RGYUD SMIN CING, ,THA MAL SNANG ZHEN DRI MA 'KHRUD BYED PA, ,BSKYED PA'I RIM LA NGES PA BRTAN RNYED NAS, ,THUN BZHI'I RNAL 'BYOR LA NI RAB 'BAD DE, ,GANG SNANG LHA YI 'KHOR LOR 'CHAR BA YI, ,RIM PA DANG PO'I RTOGS PA SKYE BAR SHOG ,SGO GSUM SPYOD PA DPAL LDAN HE RU KA'I, ,SKU GSUNG THUGS KYI DAG BYED LHA RNAMS KYIS, ,BYIN GYIS BRLABS PAS BGEGS RNAMS ZLOG PA DANG, ,RLABS CHEN BSOD NAMS TSOGS NI RDZOGS PAR SHOG ,SPROS KUN 'OD GSAL GNAS SU SDUD PA DANG, ,DE LAS N'A DA'I GZUGS SU LDANG BA DANG, ,DE NYID DBYANGS GSAL GZUGS BRNYAN BZHIN SHAR BA'I, ,DKA' DMAR ZLA BA'I DBUS SU ZHUGS PA LAS, ,HE RU KA YI DKYIL 'KHOR RDZOGS PA'I DON, ,'CHI BA CHOS SKU BAR DO LONGS SKU DANG, SKYE BA SPRUL SKUR 'KHYER BA'I LAM 'KHYER DU, ,SHES NAS BSGOMS PAS DE BZHIN 'GRUB PAR
, ,SHOG ,GNAS MCHOG GANG DU HE RU KA RDZOGS PA'I, ,'BYUNG BZHI RI RAB PADMAS MTSON PA'I DON, ,GANG LA GNAD DU BSNUN PA'I RTZA 'KHOR SOGS, ,RDO RJE LUS KYI GNAS LUGS RTOGS PAR SHOG ,PADMA'I LTE BAR ZLA BA DKAR DMAR NI, ,'DUS PA SOGS KYIS MTSON PAR GYUR PA'I DON, ,LTE BA'I DMAR CHA SPYI BO'I DKAR CHA YI, ,'BAR DANG 'DZAG PA DHU T'IR 'DUS PA LAS, ,NGES DON LHAN CIG SKYES PA'I HE RU KA'I, ,DKYIL 'KHOR RDZOGS PAR SKYED PA'I THABS SU NI, ,LEGS PAR SHES NAS THUN BZHIR BSGOMS PA YIS, ,DE 'DRA'I RDZOGS RIM SKYE BA'I SNOD GYUR CIG ,SKYE BA SPRUL SKUR 'KHYER BA'I HE RU KA'I, ,PHYI DANG LUS KYI DKYIL 'KHOR THUN MTSAMS BZHIR, ,BSGOMS PAS RAGS PA DANG NI PHRA BA YI, ,PHYI NANG DKYIL 'KHOR GSAL SNANG MTHAR PHYIN SHOG ,SGO MTSAMS MA RNAMS DBANG PO'I SGOR BSGOMS PAS, ,LAS RLUNG DBANG PO'I SGO NAS LDOG PAR SHOG ,NYER BZHI'I YUL DU DPA' BO DPA' MO RNAMS, ,BSGOMS PAS RLUNG RNAMS NYER BZHI'I RTZAR 'DUS SHOG ,CHOS KYI 'KHOR LO'I 'DAB MAR BDE CHEN GYI, ,LHA RNAMS BSGOMS PAS SLAR YANG RLUNG RNAMS NI, ,SNYING KHA'I PHYOGS DANG MTSAMS KYI RTZA BRGYAD DU, ,'DUS NAS DBUS KYI DH'U T'IR 'JUG PAR SHOG ,NANG GI RJE BTZUN YAB YUM BSGOMS PA LAS, ,DPYID DANG THIG LE PHAN TSUN SNYOMS ZHUGS NAS, ,RDZOGS PA'I RIM PA MCHOG RNAMS SKYE BA YI, ,DGE BA'I RTZA BA YONGS SU SMIN PAR SHOG ,DPAL LDAN 'KHOR LO SDOM PA'I RTZA RGYUD DON, ,GRUB MCHOG L'U AI PA YI MAN NGAG GIS, ,BSHAD PA'I RGYUD LA BRTEN NAS RAB BSHAD PAS, ,LEGS PAR BSHAD PA'I SNYING PO RAB BSDUS
PA; ;RDZOGS RIM RNAL 'BYOR CHEN PO SPROS BCAS DANG, ,SPROS MED SHIN TU SPROS MED SPYOD PA GSUM, ,RDZOGS PAR BSKYED NAS DNGOS GRUB MCHOG BRNYES TE, ,MTHA' YAS 'GRO BA MYUR DU SGROL BAR SHOG ,SPRUL PA'I 'KHOR LO'I DBUS SU SPRIN SGRA LA, ,SEMS NI BRTAN PAS NYI ZLA'I 'GROS BCOM STE, ,DH'U T'IR TZAndA LI NI 'BAR BA YIS, ,STONG PHRAG DON GNYIS RTZA NAS RAB GA-YOS PA'I, ,BYANG CHUB SEMS RGYUN 'BAR DANG 'DZAGS PA LAS, ,YAS BABS MAS BRTAN DGA' BZHI SKYE BAR SHOG ,'JUG DANG GNAS DANG LDANG BA'I RLUNG GIS NI, ,SNGAGS KYI RGYAL PO RDO RJE GSUM GYI GDANGS, ,DH'U T'I'I LAM NAS YANG YANG BSNGAGS PA YIS, ,LTE BA'I DBUS KYI MCHOG GI DBANG PHYUG MA, ,Hm YIG BDUD RTZI'I RGYUN GYIS MNYES BYAS PAS, ,'OD GSAL THAMS CAD STONG PAR 'CHAR BAR SHOG ,MKHA' DBYINGS SHAR BA'I DBANG PO'I GZHU BZHIN DU, ,GSAL DVANGS 'OD ZER LNGA YI DRA BA CAN, ,KUN DA LTAR DKAR YE SHES SEMS DPA' NI, ,SHES RAB PHAG MOR ROL PA'I DGA' BA'I SGRAS, ,SNOD BCUD SPROS PA KUN SDUD BSAM GTAN MCHOG ,RJES GZHIG RIM PAS 'OD GSAL 'JUG PAR SHOG ,BSAM GYIS MI KHYAB 'OD GSAL PHYAG RGYA CHE, ,LHAN SKYES BDE CHEN STONG NYID MTHAR THUG DANG, ,LEGS SBYAR MNYAM PAR BZHAG DUS BSKYANGS PA DANG, ,LANGS PAR GYUR TSE GANG SHAR SNOD BCUD KUN, ,CHU DANG CHU RLABS GNYIS PO JI BZHIN DU, ,BDE BA CHEN PO'I ROL PAR SHAR GYUR TE, ,GZUNG 'DZIN RNAM PAR RTOG PA'I BAG CHAGS KUN, ,YONGS SU SBYONG LA THOGS PA MED PAR SHOG ,RIM PA DE YIS DPE YI LHAN SKYES LAS, ,CHU KLUNG SHIN TU DVANGS LA NYA BZHIN DU, ,SGYU 'PHRUL DRA BA'I SKUR NI LANGS GYUR TE, ,SGYU MA LTA BU'I TING 'DZIN
, ,RDZOGS PAR SHOG ,SGYU MA'I LUS MDZES YANG YANG 'OD GSAL DU, ,KUN TU ZHUGS LAS DON GYI LHAN CIG SKYES, ,MNGON DU BYAS MTHAR DPAL LDAN RDO RJE 'CHANG, ,SLOB PA'I ZUNG 'JUG MNGON DU 'GYUR BAR SHOG ,DPA' BAR 'GRO BA'I TING 'DZIN DE NYID NI, ,YANG YANG GOMS PAS TING NGE 'DZIN RGYAL PO, ,RDO RJE LTA BU'I TING NGE 'DZIN GYIS NI, ,'KHRUL PA'I BAG CHAGS MA LUS 'JOMS PAR SHOG ,GO 'PHANG MCHOG DE TSE 'DIR MA THOB NA, ,'CHI TSE RJE BTZUN YAB YUM 'KHOR BCAS KYIS, ,YID 'ONG MCHOD SPRIN SNYAN PA'I ROL MO'I SGRA, ,NGO MTSAR LTAS BZANG MANG POS BSU BAR SHOG ,DE NAS 'CHI BA'I 'OD GSAL ZIN MDZAD CING, ,LAM MCHOG SGRUB PA'I RIG PA 'DZIN PA'I GNAS, ,RNAM DAG MKHA' SPYOD GNAS SU KHRID NAS NI, ,ZAB MO'I LAM 'DI MYUR DU MTHAR PHYIN SHOG , RNAL 'BYOR DBANG PHYUG BYE BAS BGROD GYUR PA, ,BDE MCHOG BSHAD SGRUB SHIN TU NYAMS PA 'DI, ,CHES CHER RGYAS SHING THAR 'DOD 'JUG NGOGS SU, ,NAM YANG MI NUB RING DU GNAS GYUR CIG ,TSUL DE SGRUB LA THOGS MED MTHU LDAN PA, ,'DZAM GLING GNAS MCHOG NYI SHU RTZA BZHI YI, ,DPA' BO RNAL 'BYOR MA NI 'KHOR BCAS KYIS, ,GA-YEL BA MED PAS RTAG TU GROGS MDZAD SHOG ,CES SMON LAM GDAB PAR BYA'O,, ` ,,DE NAS SHIS BRJOD BYA TSUL NI, ,RAB YANGS NAM MKHA' TIL GYI GANG BU BZHIN, ,YONGS SU GANG BA'I BDE MCHOG LHA TSOGS NI, ,KHA CIG ME TOG SNA TSOGS CHAR 'BEBS SHING, ,LA LA BKRA SHIS GDANGS SNYAN GLU RU LEN, ,GZHAN DAG BGEGS DPUNG 'JOMS PA'I 'PHRIN LAS KYIS, ,KHYED LA RTAG TU DPAL GNAS MDZAD PA 'DI, ,SHES PAR GYIS LA YID BDE
SKYED CIG DANG, ,SHIS BRJOD PHRENG BA BDAG GIS BSGRAG PAR BYA, ,RMAD BYUNG MTSAN DPE'I DPAL 'BAR LONGS SPYOD RDZOGS, ,KHA SBYOR BDE STONG ROL RTAG ROL CING, ,DMIGS MED THUGS RJES ZHI BA'I MTHA' SPANGS PA, ,RGYAL BA YAN LAG BDUN LDAN LA PHYAG 'TSAL, ,GSANG BA KUN GYI MDZOD 'DZIN GSANG BA'I BDAG ,SA RA HA DANG KLU SGRUB SHA BA RI, ,L'U AI PA DANG D'A RI KA PA DANG, ,RDO RJE DRIL BU PA DANG RUS SBAL ZHABS, ,DZA LAN DHA RA BA DANG NAG PO BA, ,GU HYA PA DANG RNAL RGYAL ZHABS DANG NI, ,TE LO N'A RO LA SOGS BLA MA LA, ,DGE MTSAN JI SNYED MCHIS PA'I BKRA SHIS DES, ,DNGOS DANG BRGYUD PA'I BLA MA MCHOG RNAMS KYI, ,DRI MED RNAM THAR JI BZHIN ZIN PA DANG, ,BYIN RLABS ZHUGS PAS 'KHOR LO BDE MCHOG GI ,BSTAN PA RGYAS PAR BYED PA'I BKRA SHIS SHOG ,THAR PA CHEN PO'I PHO BRANG GZHAL YAS KHANG CHEN PO'I DBUS NA SNA TSOGS CHU SKYES DANG NYIN BYED RGYAS PA'I DKYIL 'KHOR LA GNAS PA'I 'JIGS BYED DANG DUS MTSAN GYI GDAN GYI STENG NA, ,SHIN TU MDZES SHING BLTA BAS MI NGOMS PA'I AINDRA N'I LA'I RI BO LA THUN MTSAMS KYI CHU 'DZIN GZHON NU YID 'PHROG PA'I KHA DOG DMAR SER CAN GYIS 'KHYUD PA BZHIN DU BZHUGS PA'I STON PA PHUN SUM TSOGS PA RIGS THAMS CAD KYI KHYAB BDAG DRUG PA RDO RJE 'CHANG CHEN PO'I NGO BO BCOM LDAN 'DAS 'KHOR LO BDE MCHOG SKU MDOG SNGON PO LA MDZES PA'I MIG GI BDUD RTZI THAMS CAD PHYOGS GCIG TU BSAGS PA LTA BU'I GZUGS DANG LANG TSO'I DPAL PHUN SUM TSOGS PA MTHONG BA TZAM GYI MOD LA BDE BA CHEN PO KUN TU 'BAR BAR MDZAD PA'I BCOM LDAN 'DAS MA RDO RJE PHAG MO SKU MDOG DMAR MOS YONGS SU
, ,'KHYUD PA'I DPAL HE RU KA YAB YUM LA SHIN TU NGO MTSAR BA'I DGE LEGS KYI MTSAN MA JI SNYED CIG MCHIS PA'I BKRA SHIS PA'I DAM PA DES SKAL BA DANG LDAN PA'I GANG ZAG KHYED CAG 'DIR 'KHOD PA RNAMS LA PHUN SUM TSOGS PA'I DPAL LA RTAG TU GNAS PA'I SHIS PA LHAG PAR SKYONG BAR GYUR CIG ,BDE CHEN RGYAL PO HE RU KA DPAL DANG, ,BDE BA'I MCHOG SBYIN RDO RJE PHAG MO GNYIS, ,DPYID DANG THIG LE'I SBYOR BA LA ZHUGS NAS, ,THABS SHES MNYAM PAR SBYOR BA'I BKRA SHIS DES, ,KHYED KYI BDE STONG DBYER MED RGYAS MDZAD NAS, ,SHES BYA'I 'KHOR LO THAMS CAD LHAN SKYES BDER, ,YONGS SU SDOM BYED 'KHOR LO SDOM PA YI, ,LHAN SKYES BDE BA'I BKRA SHIS RGYAS BYAD SHOG ,DE LTA BU'I STON PA PHUN SUM TSOGS PAS GSUNGS PA'I CHOS PHUN SUM TSOGS PA DPAL HE RU KA DPA' BO CHEN PO GRAGS PAS GRUB PA THAMS CAD DU GZHAN GYIS MI THUB PA, GDOD NAS GRUB PA RGYUD THAMS CAD KYI BLA MA, DPAL HE RU KA RNAL 'BYOR MA'I RGYUD KYI RGYAL PO DPAL 'KHOR LO BDE MCHOG GI RTZA BA'I RGYUD GSUM DANG, BSHAD PA'I RGYUD DRUG DANG, CHA MTHUN PA'I YAN LAG GI RGYUD RNAMS LA SHIN TU NGO MTSAR BA'I ZHES SOGS DANG, RNAL 'BYOR MA RGYUD DUNG PHYUR PHRAG GCIG DANG, ,BYE BA PHRAG DRUG GSUNGS PA'I NANG NAS NI, ,RGYAL MTSAN TOG LTAR MTHO BA'I RGYUD KYI MCHOG ,DPAL LDAN 'KHOR LO SDOM PA'I RGYUD RNAMS LA, ,DGE MTSAN JI SNYED MCHIS PA'I BKRA SHIS DES, ,KHYED LA CHOS KYI 'BYOR PA RGYAS PA DANG, ,CHOS KYI MI MTHUN PHYOGS KUN ZAD GYUR TE, ,PHUN TSOGS DPAL 'BYOR RGYAS PA'I BKRA SHIS SHOG ,
DE LTA BU'I CHOS PHUN SUM TSOGS PA NYAN PA'I 'KHOR PHUN SUM TSOGS PA SANGS RGYAS KYI ZHING GRANGS MED PA'I RDUL DANG MNYAM PA'I BYANG CHUB SEMS DPA' CHEN PO'I 'KHOR GYI NANG NAS CHE LONG TZAM ZHIG BRJOD PA 'DI LTA STE, ,DPA' BO CHEN PO GZUGS RDO RJE ZHES BYA BA NAS, DPA' BO CHEN PO TSOR BA RDO RJE ZHES BYA BA DANG, CHOS KYI DBYINGS DE BZHIN GSHEGS PA THAMS CAD KYI RDO RJE DBANG PHYUG CHEN PO ZHES BYA BA'I BAR DRUG DANG, DPA' BO CHEN PO RNA BA RDO RJE ZHES BYA BA NAS DE BZHIN GSHEGS PA THAMS CAD KYI DBANG PHYUG CES BYA BA'I DPA' BO CHEN PO'I BAR DRUG DANG, RNAL 'BYOR MA CHEN MO LTUNG BYED MA ZHES BYA BA NAS RNAL 'BYOR MA CHEN MO PADMA'I DRA BA MO ZHES BYA BA'I BAR LNGA STE, THAMS CAD KYANG NAM MKHA'I KHAMS KYI MTHAR THUG PAR H'Um DANG PHAt KYI SGRA SGROGS PA, MDZES PA'I GAR SNA TSOGS BYED CING RANG GI DAM TSIG DANG 'KHYUD PA DANG, TZUMBHA NAS SNYING RJE CHEN PO'I NYAMS YONGS SU RDZOGS PAR MDZAD CING, KHYAD PAR DU YANG PHUNG PO DANG SKYE MCHED DANG KHAMS RNAMS BYIN GYIS RLOB PAR BSNGAGS PA'I LHA BCU BDUN LA, SHIN TU NGO MTSAR BA'I ZHES SOGS DANG, RNAM SNANG RDO RJE NYI MA GAR DBANG DANG, ,RDO RJE RGYAL PO RDOR SEMS HE RU KA, GTI MUG ZHE SDANG SER SNA RDO RJE DANG, ,'DOD CHAGS PHRAG DOG DBANG PHYUG RDO RJE DANG, ,LTUNG BYED GSOD BYED 'GUGS BYED MA DANG NI, ,GAR DBANG MA DANG PADMA'I DRA BA LA, ,DGE MTSAN JI SNYED MCHIS PA'I BKRA SHIS DES, ,KHYED KYI PHUNG KHAMS SKYE MCHED BYIN RLOB PA'I, ,BKRA SHIS NYIN MTSAN KUN TU SKYONG GYUR CIG ,SNA TSOGS PADMA 'DAB MA BRGYAD PA'I PHYOGS KYI 'DAB MA BZHI LA RIN PO CHE'I
, ,RIGS KYI NGO BO NYID DU BZHUGS PA MKHA' 'GRO MA CHEN MO RDO RJE MKHA' 'GRO MA ZHES BYA BA DANG, MKHA' 'GRO MA CHEN MO RDO RJE L'A MA ZHES BYA BA LA SOGS PA'I SNYING PO'I RNAL 'BYOR MA BZHI NAM MKHA'I KHAMS KYI MTHA' THUG PAR H'Um DANG PHAt KYI SGRA SGROG PA ZHES PA NAS, KHYAD PAR DU'ANG RIN PO CHE'I RIGS LA BRTEN PA'I RGYAS PA'I LAS LA SOGS PA'I DNGOS GRUB THAMS CAD SGRUB PA PO LA BDE BLAG TU STZOL BAR MDZAD PA RNAMS LA SHIN TU NGO MTSAR BA'I ZHES SOGS DANG, PHYOGS KYI 'DAB MAR SKRE GROL GZUGS MDZES PA'I; ;MKHA' 'GRO L'A MA DUM SKYES GZUGS CAN MA, ,PADMA'I MTSO LA NGANG PA'I TSEGS 'DU BZHIN, ,DAM TSIG CAN GYI GNAS SU LEGS 'DUS NAS, ,BRTZE BA'I MA DANG SRING MO JI BZHIN DU, ,RTAG TU SGRUB PA PO YI GROGS MDZAD NAS, ,KHYED KYI TING 'DZIN SHES RAB LONGS SPYOD TSE, ,YON TAN MA LUS RGYAS BYED BKRA SHIS SHOG ,GANG ZHIG BSTEN LA YON TAN MANG GSUNGS PA, ,BDUD RTZI LNGA YI BCUD KYIS RAB GANG BA'I, ,MTSAMS KYI 'DAB MAR GNAS PA'I THOD PA LA, ,DGE MTSAN JI SNYED MCHIS PA'I BKRA SHIS DES, ,KHYED LA BGEGS KYI BAR CHAD ZHI BA DANG, ,MKHA' 'GRO MA RNAMS DGYES PAR 'GYUR BA DANG, ,BYANG SEMS 'PHEL BAS DNGOS GRUB MYUR BA YI, ,BKRA SHIS DAM PA RAB TU RGYAS PAR SHOG ,RDO RJE'I PHRENG BA SNGON PO'I MU KHYUD KYIS YONGS SU BSKOR BA'I THUGS KYI 'KHOR LO SNGON PO RTZIBS BRGYAD PA'I PHYOGS DANG MTSAMS KYI RTZIBS LA RDO RJE'I RIGS KYI NGO BO NYID DU BZHUGS PA GRUB PA'I GNAS MCHOG TU GYUR PA P'U LI RA MA LA YA LA SOGS PA BRGYAD KYID PA'I BO DANG RNAL 'BYOR MA'I BDAG NYID DPA' BO CHEN PO RDO RJE THOD PA'I DUM BU ZHES
BYA BA LA SOGS PA'I DPA' BO CHEN PO BRGYAD DANG, ,RNAL 'BYOR MA CHEN PO RAB GTUM MA ZHES BYA BA LA SOGS PA'I RNAL 'BYOR MA CHEN MO BRGYAD NAM MKHA'I KHAMS KYI MTHAR THUG PAR ZHES PA NAS, KHYAD PAR DU'ANG RDO RJE'I RIGS LA BRTEN PA'I DRAG PO'I LAS LA SOGS PA'I DNGOS GRUB THAMS CAD SGRUB PA PO LA BDE BLAG TU STZOL BAR MDZAD PA RNAMS LA ZHES SOGS DANG, GNAS DANG NYE BA'I GNAS NA BZHUGS PA YI, ,DPA' BO'I DBANG PHYUG DPA' MO'I DBANG PHYUG MA, ,MKHA' LA SPYOD PA'I DPA' BO YAB YUM LA; ;DGE MTSAN JI SNYED MCHIS PA'I BKRA SHIS DES, ,KHYED KYI DRAG PO'I LAS KUN 'GRUB PA DANG, ,THUd KYI RId KYI SNGAd SKYES ZHING SKYES SOGS, ,PHO NYA'I GROGS DANG MYUR DU 'DUS PA LAS, ,BDE BA'I DGA' STON 'BAR BA'I BKRA SHIS SHOG ,PADMA'I 'PHRENG BA DMAR PO'I MU KHYUD KYIS YONGS SU BSKOR BA'I GSUNG GI 'KHOR LO DMAR PO RTZIBS BRGYAD PA'I PHYOGS DANG MCHAMS ? KYI RTZIBS LA PADMA'I RIGS KYI NGO BO NYID DU BZHUGS PA GRUB PA'I GNAS MCHOG TU GYUR PA K'A MA RU'U PA LA SOGS PA'I DPA' BO DANG RNAL 'BYOR MA'I BDAG NYID DPA' BO CHEN PO RDO RJE MYU GU CAN ZHES BYA BA LA SOGS PA'I DPA' BO CHEN PO BRGYAD DANG, RNAL 'BYOR MA CHEN MO SA SRUNGS MA ZHES BYA BA LA SOGS PA'I RNAL 'BYOR MA CHEN MO BRGYAD NAM MKHA'I KHAMS KYI MTHAR THUG PAR ZHES PA NAS, KHYAD PAR DU'ANG PADMA'I RIGS LA BRTEN PA'I DBANG GI LAS LA SOGS PA'I DNGOS GRUB THAMS CAD SGRUB PA PO LA BDE BLAG TU STZOL BAR MDZAD PA RNAMS LA SHIN TU NGO MTSAR BA'I ZHES SOGS DANG, ZHING DANG NYE BA'I ZHING DANG 'DUN RTOG DANG, ,NYE BA'I 'DUN RTOG RNAMS NA BZHUGS PA
, ,YI, ,SA LA SPYOD PA'I DPA' BO YAB YUM LA, ,DGE MTSAN JI SNYED MCHIS PA'I BKRA SHIS DES, ,KHYED KYI DBANG GI LAS KUN 'GRUB PA DANG, ,GSUNG GI RIGS KYI SNGAGS SKYES ZHING SKYES SOGS, ,PHO NYA'I GROGS DANG MYUR DU 'DUS PA LAS, ,BDE BA'I DGA' STON 'BAR BA'I BKRA SHIS SHOG ,'KHOR LO'I PHRENG BA DKAR PO'I MU KHYUD KYIS YONGS SU BSKOR BA'I SKU'I 'KHOR LO DKAR PO RTZIBS BRGYAD PA'I PHYOGS DANG MTSAMS KYI RTZIBS LA 'KHOR LO'I RIGS KYI NGO BO NYID DU BZHUGS PA GRUB PA'I GNAS MCHOG DU GYUR PA PRE TA PU RI LA SOGS PA BRGYAD KYI DPA' BO DANG RNAL 'BYOR MA'I BDAG NYID DPA' BO CHEN PO RDO RJE STOBS PO CHE ZHES BYA BA LA SOGS PA'I DPA' BO CHEN PO BRGYAD DANG, RNAL 'BYOR MA CHEN MO 'KHOR LO'I SHUGS CAN MA ZHES BYA BA LA SOGS PA'I RNAL 'BYOR MA CHEN MO BRGYAD, NAM MKHA'I KHAMS KYI MTHAR THUG PAR ZHES PA NAS, KHYAD PAR DU'ANG 'KHOR LO'I RIGS LA BRTEN PA'I ZHI BA'I LAS LA SOGS PA'I DNGOS GRUB THAMS CAD SGRUB PA PO LA BDE BLAG TU STZOL BAR MDZAD PA RNAMS LA SHIN TU NGO MTSAR BA'I ZHES SOGS DANG, 'DU DANG NYE BA'I 'DU BA DUR KHROD DANG, ,NYE BA'I DUR KHROD RNAMS NA BZHUGS BA YI, ,SA 'OG SPYOD PA'I DPA' BO YAB YUM LA, ,DAG MTSAN JI SNYED MCHIS PA'I BKRA SHIS DES, ,KHYED KYI ZHI BA'I LAS KUN 'GRUB PA DANG, ,SKU YI RIGS KYI SNGAGS SKYES ZHING SKYES SOGS, ,PHO NYA'I GROGS DANG MYUR DU 'DUS PA LAS, ,BDE BA'I DGA' STON PA'ANG BA'I BKRA SHIS SHOG ,GZHI'I DAM TSIG GI 'KHOR LO'I SGO BZHI DANG, SGO'I MTSAMS BZHI NA RAL GRI'I RIGS KYI NGO BO NYID DU BZHUGS PA, RDO RJE MA MO KHVA
GDONG MA ZHES BYA BA LA SOGS PA'I SGO MA BZHI DANG RDO RJE MA MO GSHIN RJE BRTAN MA ZHES BYA BA LA SOGS PA'I MTSAMS MA BZHI PHYOGS DANG MTSAMS KYI BGEGS BZLOG PA LA BSNGAGS SHING, LAS KYI RIGS LA BRTEN PA'I SNA TSOGS PA'I DNGOS GRUB THAMS CAD SGRUB PA PO LA BDE BLAG TU STZOL BAR MDZAD PA RNAMS LA SHIN TU NGO MTSAR BA'I ZHES SOGS DANG, DKYIL 'KHOR CHEN PO'I SGO DANG MTSAMS RNAMS NA, ,RO YI GDAN LA BRJID PA'I GA-YAS BRKYANG GIS, ,RAB TU BZHUGS PA'I MA MO BRGYAD PO LA, ,DGE MTSAN JI SNYED MCHIS PA'I BKRA SHIS DES, ,KHYED KYI SNA TSOGS LAS KUN 'GRUB PA DANG, ,PHYOGS DANG MTSAMS SU RGYU BA'I GDUG PA CAN, ,LAM GYI BAR CHAD BYED LAS BSRUNG BA YI, ,BKRA SHIS DAM PA RAB TU RGYAS PAR SHOG ,GZHAN YANG RNAL 'BYOR GYI DBANG PHYUG CHEN PO RDO RJE SEMS DPA' LA SOGS PA'I DPA' BO'I GO CHA DRUG DANG, RDO RJE RNAL 'BYOR GYI DBANG PHYUG MA CHEN MO RDO RJE PHAG MO LA SOGS PA DPA' MO'I GO CHA DRUG LUS KYI GNAS RNAMS SU BGEGS KYI MTSON GYIS MI PHIGS PA'I GO CHA CHEN PO MDZAD PA RNAMS LA SHIN TU NGO MTSAR BA'I ZHES SOGS DANG, RDO RJE SEMS DPA' LA SOGS DRUG DANG NI, ,RDO RJE PHAG MO LA SOGS RNAM PA DRUG ,GO CHA BCU GNYIS YAB YUM LHA RNAMS LA, ,DGE MTSAN JI SNYED MCHIS PA'I BKRA SHIS DES, ,KHYED KYI LHA YI RNAL 'BYOR TING 'DZIN LAS, ,BSKYOD PAR BYED PA'I BGEGS KYI MTSON CHA YIS, ,NAM YANG GA-YO BAR MI NUS RDO RJE YI, ,GO CHA RAB TU BRTAN PA'I BKRA SHIS SHOG ,STON PA DANG 'KHOR PHUN SUM TSOGS PA BZHUGS PA'I GNAS PHUN SUM TSOGS PA RI'I RGYAL PO RIN PO CHE SNA TSOGS PA'I GZI BRJID KYIS MDZES PA'I STENG NA RDO RJE CHEN PO'I
, ,GZHAL YAS KHANG DKYIL 'KHOR GYI RGYAL PO CHEN PO PHUN SUM TSOGS PA SNA TSOGS PAS BRGYAN PA RDO RJE RIN PO CHE'I RGYAN GYI SPUD PA, NYI MA DANG ZLA BA'I MDOG LTAR 'DUG PA, DRIL BU DANG RNGA YAB DANG RGYAL MTSAN DANG GA-YER KHA'I DRA BAS MIG MANGS RIS SU BRIS PA, RDO RJE THEG PA'I CHOS KYI 'KHOR LO LA 'JUG PA'I SGRA SGROG PA'I PHYI ROL NA, SNA TSOGS PA'I LHA DANG KLU DANG GNOD SBYIN DANG SRIN PO LA SOGS PA DANG, DPA' BO DANG MKHA' 'GRO DANG MKHA' 'GRO MA'I SGRA PHAm ZHAS BYA BA'I SGRA DANG, AA LA LA ZHES BYA BA'I SGRA SGROG PA DANG, DRIL BU DANG CANG TE'U'I SGRA SGROG PA RNAMS KYIS YONGS SU BSKOR BA'I GZHAL YAS KHANG LA, SHIN TU NGO MTSAR BA'I ZHES SOGS DANG, NAM MKHA'I KHYON LTAR YANGS PA'I PHO BRANG MCHOG ,NYI ZLA'I 'OD DANG MNYAM PA'I 'OD 'PHRO ZHING,, GRANGS MED RIN CHEN RGYAN GYIS MDZES PA LA, ,DGE MTSAN JI SNYED MCHIS PA'I BKRA SHIS DES, ,KHYED CAG GANG DANG GANG DU GNAS PA DER, ,MI SHES MTSAN MA 'GA' YANG MI 'BYUNG ZHING, ,ZHING GI 'BYOR PA PHUL DU BYUNG BA YI, ,DGE LEGS RGYUN MI 'CHAD PA'I BKRA SHIS SHOG, CHES SHIS BA BRJOD CING ME TOG GI CHAR DBAB PAR BYA'O, ,ZHES 'KHOR LO BDE MCHOG GI MCHOD 'BUL SMON LAM BKRA SHIS DANG BCAS PA 'DI NI, RJE RIN PO CHE'I ZHAL SNGA NAS MDZAD PA'O,,